 གླེགས་བམ་བཅུ་གཉིས་པ།པོད། ག༽འཇམ་མགོན་མི་ཕམ་རིན་པོ་ཆེ།Nitartha Internationalམཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། ། སྐར་རྩིས་སྣ་ཚོགས།― MR12_Page_0001 ―
[མ་དཔེ་གཟིགས་ན་འདིར་གནོན།]
སྐར་རྩིས་སྣ་ཚོགས་བཞུགས། ། ― MR12_Page_0002 ―
[མ་དཔེ་གཟིགས་ན་འདིར་གནོན།]
དོན་གཡའ་སེལ་བཞིན་ཚིག་རང་གི་སྦྱར་བའོ། །གཡའ་སེལ་ལས། བརྟགས་བྱའི་དནྜིའི་ཚད་ཤེས་ཕྱིར། །དེ་ཡི་གྲིབ་མ་མཐོང་ས་སོང་། །གང་ཡོད་ཨང་ཀུ་བྲིས་པའི་མགོ། གང་འདོད་ཤིང་གི་རང་ཚད་དང་། །དེ་འོག་དེ་ཡི་གྲིབ་མ་བྲི། །གསུམ་པོ་ཤེད་མཚུངས་རིག་མདའ་སྦྱར། །དེ་གསུམ་པོ་ལས་མཐོ་གང་ཡིན་གྱི་ཚོད་གཅིག་ཏུ་བྱ། །སོར་ཟེར་བ་མཐོ་སོགས་བརྩི་ལུགས་བྱ། །དབུས་མས་སྟེང་བསྒྱུར་འོག་མས་བགོ །ཐོབ་ནོར་རིང་པོའི་ཚད་དུ་ཤེས། །ཞེས་སོ་དགེ ༈ གང་འདོད་ཨང་གུ་ངོ་ཐོག་བསྡོམ། །གཅིག་ལྔ་དགུ་ལ་ཚེས་ལྟ་བུ། །དེས་ཕྲི་བུ་གས་༢ དོར་བ་ན། །ལྷག་མེད་ཉིད་དུ་འགྲོ་རྩིས་ཀྱི། །རིག་པ་དེ་ལས་བསུབ་བསྣན་རྟོགས། །དབྲི་སྣོན་ཕྲི་ལྷག་དེ་ལ་བྱ། །གོང་འོག་སྤར་ཀྱང་ལྷག་མི་འགལ། །མཚར་མཚར་རི་མོའི་དབྲི་བསྣན་ནོ། ༈ །ཕྲེང་རྩིས་ནི། ཡོན་ཏན་གང་འདོད་ཕྲེང་གྲངས་བཟུང་། དང་པོ་གསུམ་པ་གོས་ཅི་ལྷག་སྨོས་ཚུར་ ― MR12_Page_0003 ―
[མ་དཔེ་གཟིགས་ན་འདིར་གནོན།]
བསྲེ་དེ་ནས་ལྔ་སོགས། མདའ་༥ དང་ཐུབ་༧ པས་བགྲང་། །ལྷག་མ་གསུམ་པོ་སྨོས་བཅུག་ལ། །ལྷག་གསུམ་རིམ་བཞིན། མཁའ་༧༠རི་ཟླ་མིག་༢༡ཚེས་ཀྱིས་༡༥བསྒྱུར། །དབང་མཁའ་གཟུགས་དོར་ལྷག་གྲངས་ཤེས། །ཡང་ན་དྲུག་ཅུ་བཅུ་བཞིས་བགྲང་། །༡ ༡ ༦ ༠ ༠ ཐིག་ཆུ་གཟུགས་དང་ཞེ་གཉིས་དང་། སུམ་ཅུས་རིམ་པར་བསྒྱུར་བ་དེ། ༡༤༣༠ ༤༢༥ མཁའ་གཟུགས་མིག་༢༡༠བགོས་ཐོབ་པ་ནི། །སླར་ཡང་ཟུང་གིས་ཕྱེ་བ་དེ། །ལྐོག་གྱུར་གྱི་ནི་གྲངས་ཡིན་ནོ། །རང་རང་འཁོར་ལོ་ཚུན་ཆད་རྟོགས། །༧ ནོར་བུའི་གྲངས་ལ་མི་མི་གཉིས་ནས། དྲུག་གིས། །བར་གྱིས། བགོས་ཀྱང་རེ་རེ་ལྷག་གྱུར་ལ། །བདུན་བགོས་ལྷག་མེད་གང་ཡིན་ཞེས། །ཀོང་པོ་རྨ་བྱས་བྲིས་ཞེས་ཐོས། ༧༢༡ །ཡིན་འདུག་སྙམ། ༢གསུམ་གྱིས་བསྒྱུར། དེ་བཞི། དེ་ལྔ། དེ་དྲུག་བསྒྱུར། ༧༢༠ །དེ་ལ་གཅིག་བསྣན་པས་འདི་འབྱུང་སྙམ་ལགས། ལྕགས་གླང་ཟླ་བ་བཅུ་པའི་ཚེས་བཅུ་དགུ་ལ་ཕྲལ་བྲིས་ཐོ་རེད་ཧ་ཧ།། ༈ །།འདི་མན་ནག་རྩིས་རེད། གཡའ་སེལ་ ― MR12_Page_0004 ―
[མ་དཔེ་གཟིགས་ན་འདིར་གནོན།]
ལས། སྐྱེས་པའི་ལོ་གྲངས་ལ་བཅུ་གཉིས་ཀྱིས་བགོ ལྷག་མར། ༡ ༢ འབྱོར་པ། ༡༥༡ རུས་གཅོད། ༧༨བྱེ་བྲལ། ༩གནམ་སྒོ། ༡༠ ས་སྒོ། དེ་གཉིས་གནད། ༣ གནམ་སྒོ། ༤ ས་སྒོ། དེ་གཉིས་འཇམ། ༦༠ ཕུང་གྱོད། ཡང་བུད་མེད་ལོ་གྲངས་ལ་བཅུ་གཉིས་ཀྱིས་བགོ། ༡༦ བྱེ་བྲལ། ༢༨ཕུང་གྱོད། ༢༩ རུས་གཅོད། ༥ གནམ། ༤ ས་གནད། ༡༠ ས་༡༡ གནམ་འཇམ། ༦༧ འབྱོར་པའོ། །གནམ་རྒྱངས་ས་རྒྱངས་འཇུ་རྟེན་སོགས་གོ་སླ་རི་མོར་མ་བྲིས། ༧ བརྩི་བྱའི་ལོ་གྲངས་བཅུ་གཉིས་པ་བགོས་ལྷག ༡རང་ཀེག ༧ །བདུན་ཟུར། ༥༧ །མཐུན་གསུམ། ༢ ཕོ་ལོ། ༦༢༢ མོ་ལོ། ༦༠ ཁྱིམ་མཚེས། ༤༨བཞི་གཤེད་འདྲ་ལགས། ༢༣ ༦༦ དྲུག་འགྲམ་ལ་སླར་བརྟག ༢ །སྐྱེས་བུའི་ལོ་གྲངས་ནི། བརྒྱད་དང་དགུས་བགོ ལྷག་མར།༡ ནམ་ཤར་སྤར་སྨེའི་དགུ་མིག །དགུས་བགོས་ལྷག །ཤར་གྲངས་ཀྱི་དགུ་མིག་གནད་མིག །༩ དུར་འདོམ། ༧ གང་བརྩིའི་ལོ་གྲངས་དྲུག་ཅུས་བགོས་ལྷག །༡༥ གཤེར་དུར་ཆུང་། ༢༡ རང་དུར་ཆེ་བ། ༤༥ གཤེད་དུར་ཆེ་བ། ༥༡རང་དུར་ཆུང་བ་སྟེ་འདི་བཞི་དུར་མིག་སྦྲག་མའོ། །བརྩི་བྱའི་ལོ་གྲངས་བཅུ་གཉིས་ཀྱིས་བགོས་ལྷག །༩ སྲོག་ལུས་དབང་ཀླུང་སྐྱེས་སྨེ་ཐམས་ཅད་དུར་དུ་ཚུད་པ་དེ་ཕྱི་དུར་ཡིན། ༧ སྐྱེས་ལོ་བརྒྱད་བགོས། ༢ སྟག་ཡོས་དུར། ༤ རྟ་སྦྲུལ། ༦ བྱ་སྤྲེལ་ ༠ལོ་ལྷག་དྲུག་འདི་དང་རུས་ཁམས་དུར་མིག་མཚུངས། ༧ སྲོག་ཁོན་སོགས་དུར་མིག་གོ ༧ །བུད་མེད་བརྒྱད་པ་གོས། ༢ རྟ་སྦྲུལ། ༤ སྟག་ཡོས། ༦ ལྷག་དྲུག །༦༠ བྱ་སྤྲེལ་དུར་དུ་ཚུད་དེ་འདི་སྤར་ཁའི་རང་དུར་རོ། ༈ །དུས་བཞིར་དཔྱིད་ ― MR12_Page_0005 ―
[མ་དཔེ་གཟིགས་ན་འདིར་གནོན།]
དབྱར་སྟོན་དགུན་བཞིའི་དཔྱིད་གསུམ་ཚེས། ༢༡༡ ༠༣༤ ༣༥ སོགས་ལ་ས་དབང་བསྲེས་པ་བགོ་བྱའོ། །དེ་ལ་དྲུག་གིས་བགོས་པས་ལྷག་མེད་འཆར། དེ་བཞིན་དུ། དབྱར་གསུམ་ཚེས། ༣༢༣ ༨༥༠ རྣམས་ལ་ཐིག་༠ བསྲེ་ཚུལ་བྱ། སྟོན་གསུམ་ཚེས། ༡༢༣ ༥༠༧ མེད་༣བསྲེ། དགུན་གསུམ་ཚེས་ཟུང་༢བསྲེ། དྲུག་གིས་བགོས་ལྷག་མེད་འཆར་བ་ཟིན་ཕུང་རྒྱུ་ཚེས་སོ། །རིམ་པར་དབང་༥ཐིག་༠ མེ་༣ཟུང་༢བསྲེ། དྲུག་བགོས་ལྷག་མ་ནམ་སྟོང་ཟིན་ཕུང་ཡོད་འདི་ཡན་ནོ། །ཅེས་སོ། ༧ །བསྟན་བཅོས་ཉིན་བྱེད་སྣང་བ་ཡིས། །གང་བློའི་པདྨོ་ཁ་ཕྱེ་བའི། །ལེགས་བཤད་སྦྲང་རྩིའི་ཟིལ་མངར་འདི། །སྐལ་བཟང་བུང་བའི་དགའ་སྟོན་མཛད། །རྣམ་དག་བྱེད་པའི་ལོ་འཕོ་བཤད། །ལོ་རེ་ཆུ་སྲང་ཞེ་གསུམ་དང་། །དྲུག་ཅུའི་མེ་མཚོའི་དབྱུག་ཉུང་བའི། །སྐྱོན་དོར་རྣམ་དག་སྒྲུབ་ལུགས་ནི། །༡༡༢༢༤༠༦༢༨སྟེང་དུ་རབ་བྱུང་གང་ཡིན་པའི། །གྲངས་དང་དེ་འོག་མེ་ཡོས་ནས། །ད་ལྟའི་བར་གྱི་འདས་ལོ་བཀོད། །གཉིས་ཀ་ཡོན་ཏན་༤༣རྒྱ་མཚོས་བསྒྱུར། །འོག་མར་མཁའ་རོས་ཐོབ་པའི་ནོར། །སྟེང་བསྲེས་དེ་ལ་འདོད་པས་༡༣ཕྲི། །དེ་ཉིད་མཁའ་རོས་ཕུད་པའི་ནོར། །མིག་༢བསྲེས་རི་ཡིས་༧དོར་བའི་ལྷག །གནས་གསུམ་རིམ་པར་གཟའ་དབྱུག་བསྲང་། །ལོ་དེའི་སྦྱིན་བྱ་རྣམ་དག་ཡིན། །དཔེར་ན་རབ་ཡིད་མེ་སྟག་ལོར། །གྲུབ་གཟུགས་འདི་འདྲ་དག་ཏུ་ཤར། །བརྩི་བཞིན་རབ་བྱུང་གང་ཡིན་པ། །ནམ་མཁའ་རོ་ཡིས་བསྒྱུར་བྱས་ལ། །དེ་ཡི་མེ་ཡོས་ནས་བརྩམས་པའི། །གང་བརྩི་ཡན་གྱི་འདས་ལོ་བསྲེ། །བཀྲ་ཤིས་མཚོ་དང་ཟླ་བས་ཕྲི། །རི་ཟླ་མེ་ཡིས་དོར་བའི་ལྷག །ལོ་དེའི་ལོ་ཡིས་རྩིས་འཕྲོར་ངེས། །དཔེར་ན་མེ་སྟག་རྩིས་འཕྲོ་ནི། །སྐྱོན་བྲལ་ངེས་པ་སྤོས་པའི་ལོ། །གང་ནས་བགྲངས་བརྩིས་འདས་ལོ་དེ། །མེ་མཚམས་བསྒྱུར་བ་སྲང་ ― MR12_Page_0006 ―
[མ་དཔེ་གཟིགས་ན་འདིར་གནོན།]
དུ་ཕྱིན། །རང་རང་འཁོར་ལོས་སྟེང་བསྒྲིལ་བ། །ལོ་དེའི་སྐྱོན་བྲལ་ལོ་འཕོ་ཡི། །སྦྱིན་བྱ་རྣམ་པར་དག་པར་འགྱུར། །བྱ་སླ་གསལ་འདི་མི་ཕམ་པས། །རང་བློས་གསར་བསྐྲུན་དགེ་ལེགས་འཕེལ། ༈ །།།ད་ལྟའི་བརྩི་བྱའི་ལོ་དེ་ཡན། །རབ་བྱུང་སྔོན་མའི་ཤིང་བྱི་ནས། །འདས་ལོ་དུ་སོང་བརྩི་བའི་ཐབས། །བྱི་བ་ནས་བཟུང་གང་བརྩིའི་ལོ། །དེ་བར་འདས་ལོ་གང་ཡིན་པ། །ཕག་ལ་༡༡ལྟ་བུ། མིག་གིས་བགོས་པས་ལྷག་མ་རུ། །ཐིག་ཤར་ཕོ་ལོ་གཟུགས་མོ་ལོ། །ནོར་གྱིས་གང་བརྩིའི་དབང་ཐང་ཕྲི། །མ་ལྡང་ད་ལོའི་ལོ་ཡི་དབང་ཐང་ཤིང་གཅིག་ནས་ཆུ་ལྔའི་བར་ལ། དབང་པོ་བསྣན་ལ་སྦྱང་། །ཡང་ན་ཕྱོགས་ལོ་དོར་ལྷག་གིས། །གང་བརྩིས་དབང་ཐང་ཕྲི་བྱས་ཏེ། །མ་ལྡང་བཅུ་བསྣན་སྦྱངས་ལྷག་ལ། །ཕོ་མོའི་དབྱེ་བས་འབྱུང་ཁམས་ནི། །གཅིག་གཉིས་ཤིང་སོགས་རིམ་པར་སྦྱར། །དེ་ལྷག་གང་བྱུང་གཅིག་གི་ཕྲི། །དེ་ཡིས་ཉི་མ་བསྒྱུར་པའི་གྲངས། །བསྒྱུར་བྱེད་སྟོང་ན་བསྒྱུར་བྱ་ཕྲི་ཞེས་སོ། །བྱི་བ་ནས་བཟུང་དེ་ཡན་གྱི། །འདས་ལོར་བྱིན་པས་བདེ་བླག་འཆར། །དེ་ལ་༣རྩེ་མོ་ཅན་གྱིས་ཕྲི། །དེ་ལྷག་རབ་བྱུང་གང་ཡིན་གྱི། །མེ་ཡོས་དག་ནས་འདས་ལོའོ། །རབ་བྱུང་རེ་རྫོགས་མཁའ་རོ་འདས། །འཕྲལ་དུ་ཤོག་ཁྲ་མ་འཛོམ་ཞིང་། །ལག་རྩིས་དཀའ་བར་གྱུར་པ་ལ། །ངལ་སེལ་རི་མོ་དྷཱིས་བཀོད་དོ། ༧ །གནམ་སྨེ་རི་མོས་ངོས་འཛིན་ན། །རབ་བྱུང་གང་ཡིན་མེ་༣ཡིས་བགོས། །ལྷག་མར་གཟུགས་༡མིག་༢ཐིག་༠ཤར་པ། །རིམ་བཞིན་གཟུགས་༡མཚོ་༤ཐུབ་༧པས་བརྒྱན། །དེ་ལྟ་རབ་བྱུང་དུ་ཡིན་པའི། །མེ་ཡོས་དེ་ཡི་སྐྱེས་སྨེ་ཡིན། །མེ་ཡོས་དེ་ནས་བརྩིས་པ་ཡི། །གང་བརྩི་ཡིན་ལ་དུ་སོང་གི། འདས་ལོ་རང་རང་རབ་བྱུང་གི། གནམ་སྨེས་ ― MR12_Page_0007 ―
[མ་དཔེ་གཟིགས་ན་འདིར་གནོན།]
ཕྲི་བྱས་སྲིན་པོས་དོར། །ལྷག་མས་དགུ་ལ་ཕྲི་བའི་གྲངས། །གང་བརྩིའི་དབུས་སྨེ་འཁྱུག་པ་མེད། །མེ་ཡོས་སྨེ་བར་གསུམ་བསྣན་པ། །ཤིང་བྱིའི་དབུས་སྨེ་གང་ཡིན་འཆར། ༧ །མེ་ཡོས་ཕྱིན་ལ་བརྩི་བྱ་ཡན། །དུ་འདས་མེ་༣ཡིས་བརྒྱན་བྱས་ལ། །ཕྱོགས་ཀྱིས་དོར་བའི་ལྷག་མ་རུ། །ཕོ་མོའི་དབྱེ་བའི་འབྱུང་ཁམས་ནི། །གཅིག་ཤིང་ཕོ་གཉིས་ཤིང་མོ་ཤིང་སོགས་རིམ་པར་འཆར། །དེ་ཡིས་གནམ་ལོའི་དབང་ཐང་ཤེས། ༧ །བརྩི་བྱའི་འདས་ལོ་ཕྱོགས་ཀྱིས་བགོ། ལྷག་མས་གནམ་ལོའི་དབང་ཐང་ཤིང་ཕོ་གཅིག་ནས་ཆུ་མོ་བཅུ་ཡི་བར་གང་ཡིན་ལ་ཕྲི། མ་འདང་ཕྱོགས་བསྣན་སྦྱངས་པའི་ལྷག །བརྩི་བྱའི་ལོ་ཡི་དབང་ཐང་ཡིན། ༧ །བརྩི་བྱའི་འདས་ལོར་གནམ་སྨེ་བསྣན། །བུ་གས་དོར་ལྷག་སྐྱེས་སྨེ་སྟེ། །ལྷག་མ་མེད་ན་བུ་ག་བསྣན། །དེ་ཉིད་ལུས་སྨེ་སྐྱེ་སྨེ་སྟེ། དེ་ལ་གསུམ་ཕྲི་མ་འདང་དགུ་བསྣན། ལྷག་མེད་དགུ་བསྣན། བཅུ་ཡིན་སྙམ་འདུག་དཔྱད། སྲོག་སྨེ་དང་། །གསུམ་བསྣན་དབང་ཐང་སྨེ་བར་ངེས། །ཀླུང་སྨེ་རི་མོས་འདྲེན་པ་ན། །ཤིང་ཆུའི་ཀླུང་རྟ་ཅན་ལ་མིག༢། མེ་ལྔ་༥ལྕགས་བརྒྱད་༨བྲིས་པ་ལ། །སོ་སོ་གང་སྐྱེས་རབ་བྱུང་དེའི། །མེ་༣ཡོས་སྨེ་བས་ཕྲི་བྱས་པ། །ཀླུང་སྨེར་ངེས་སོ་འདི་སྐབས་སུ། །མ་འདང་པ་དང་ལྷག་མེད་ན་སླར་ཡང་དགུ་སྦྱིན་བྱ། །ཡང་ན་གོང་གི་མིག་སོགས་དེར། །མེ་༣བྱིན་ཤིང་ཕྱིའི་སྨེ་བས་ཕྲི། །དེ་ཡང་གོང་དང་དོན་གཅིག་གོ། འདི་དག་ཤོག་ཁྲ་འདེད་སོགས་ཀྱི། །ངལ་སེལ་རི་མོ་དྷཱི་མིང་པས། །རང་ལོ་ཉེར་གཅིག་མེ་༢ ཡོས་ཀྱི། །དབོ་ཟླའི་ཉེར་བརྒྱད་ཚེས་ལ་བྲིས། །དགེའོ། །ཟླ་རྐང་ཞིབ་འཚོལ་བྱེད་པ་ན། །རབ་ཡིད་དགེ་བྱེད་ཟླ་དག་ནི། །སུམ་ཅུས་བསྒྱུར་ལ་གང་བརྩིའི་ཚེས། །བསྲེས་ལ་མཁའ་སྟོང་སྐྱོན་གྱིས་བརྒྱན། །སུམ་སྟོང་བདུན་བརྒྱ་བརྒྱད་ཅུས་བགོ། ལྷག་ ― MR12_Page_0008 ―
[མ་དཔེ་གཟིགས་ན་འདིར་གནོན།]
མ་མཁའ་རོ་ལ་སོགས་པ། །དབྱུག་སྲང་དགུ་དང་ཆའི་འཁོར་ལོས། །རིམ་བསྒྱུར་༡༨༠༠༣༧༨༠འཁོར་ལོས་བགོས་ཐོབ་ནོར། །རྒྱུ་བའི་དབུགས་སྲང་དབུགས་སོགས་ཡིན། ༧ །ཟླ་དག་མཁའ་མེས་སྤེལ་བ་ལ། །མཁའ་ཀླུ་རི་མོས་དོར་བའི་ལྷག །སུམ་ཅུས་ཐོབ་པ་དེ་དང་ནི། །ཟླ་དག་དུས་ཉིས་བགོས་ལྷག་གཅིག །དེ་ལ་གང་བརྩིའི་འཕྲོ་བྱིན་པ། །ཟླ་རེའི་ཆ་ཤས་ངེས་པའོ། །ཆ་ཤས་སུམ་ཅུས་བསྒྱུར་བ་ལ། །གང་བརྩིའི་ཚེས་བསྲེས་དེ་དང་ནི། །སྔར་གྱི་འཁོར་སྟོང་དང་བརྒྱད་བརྒྱས་ལོས་དོར་ལྷག་གཅིག །རི་མོ་འདི་ལ་རྣམ་འགྱུར་གང་། །གང་ཡང་རྒྱུ་མཚན་འབྲེལ་ལས་སོ། །འདི་ཡང་དྷཱི་མིང་གཞོན་ནུས་སོ། ༈ །གཟའ་ལྔའི་རྒྱུ་བ་གནས་ལྔ་ལ། །གནས་དྲུག་འདོད་ན་ཆ་ཤས་དེ། །རི་རོས་བསྒྱུར་ལ་རི་མཁའ་རི། །ཡང་ན་གཟུགས་༢༡མིག་གིས་ཐོབ་པ། །སྟེང་བཀོད་རི་རོའི་ཆར་བཞག་ཤིང་། །ལྷག་མ་རི་མཁའ་རིའི་ཆའོ། ༧ །གནས་དྲུག་གནས་ལྔ་མར་བསྡུ་ན། །ཆ་ཤས་གོང་མ་རི་མཁའ་རིས། །བསྒྱུར་ལ་འོག་མ་བསྲེས་ནས་རི་རོས་བགོ། དེ་ལ་ལྷག་མེད་འོང་ཐོབ་ནོར་ཆ་རི་མཁའ་རིའི་རྒྱུ་ཤེས། །དེ་དང་ཤེད་མཚུངས་བྱ་བའི་ཕྱིར། །གཟའ་ཡི་རྟག་ལོངས་གནས་ལྔ་དྲུག །སྤྲོ་བསྡུ་བྱེད་ན་དྷྲུ་བ་དང་། །རི་མོ་གཅིག་པར་ཤེས་པར་གྱིས། །དེ་མཚུངས་ཆ་ཤས་རེའུ་མིག་གིས། །ལྔ་དྲུག་སྤྲོ་བསྡུ་དེ་ལྟར་ཡིན། །མ་དཔེར་གནས་བཞིའམ་ལྔར་བྱེད་ན་ནི། ཆ་ཤས་གཅིག་ཅན་༡༠༡ ༢༠༢ ༣༠༣ ༤༠༤ ༥༠༥ ༦༠༦ཆ་ཤས་གནས་གཉིས་མ་༤༩༠༤ ༡༡༠༩༡ ༥༢༠༨༥ ༢༣༠༨༢ ༦༤༠༧༦ ༣༥༠༧༣རེའུ་མིག་ལ་བཀོད་སྤྲོ་དང་བསྡུ། །སོ་སོའི་བྱ་རས་འདི་ལྟར་འཛིན། །དེ་ལ་གནས་ལྔར་ལྔ་མ་བཞིར་སྡུད་པ་ཞེས་བྲིས་འདུག དེ་དཔྱད། དབུགས་མེད་པའི་གནས་བཞི་མའང་འདུག་སྟེ་དེ་ཡིན་ནམ། ལྔ་དྲུག་སྤྲོ་བསྡུ་གང་ཡིན་ཀྱང་བྲིའམ་བསྣན། བསྡུ་འདོད་ན། །འོག་མ་སྣག་གི་ཨང་གུ་ནི། །རི་རོ་དང་ ― MR12_Page_0009 ―
[མ་དཔེ་གཟིགས་ན་འདིར་གནོན།]
ནི་རི་མཁའ་རིའི། །ཆ་སྟེ་དེ་དག་བྱ་ར་བ། །སྟེང་མ་མཚལ་ཨང་རི་མཁའ་རིའི། །ཆ་སྟེ་དེ་ཉིད་གཟུང་བྱའོ། །གནས་ལྔ་གནས་དྲུག་སྤེལ་འདོད་ན། །སྟེང་མ་རི་མཁའ་རིའི་ཆ་ཤས། །དེ་ཉིད་བྱ་ར་བར་བྱས་ནས། །འོག་མའི་ཆ་ལྟར་བཀོད་པས་འགྲུབ། །ཆ་ཤས་སྤྲོ་བསྡུ་ནམ་དགོས་ན། །བལྟས་པས་ཆོག་པ་དྷཱིས་བྲིས་དགེ། དུ་བའི་ངེས་པ་སྤོ་བ་ནི། ༧ །གང་ཞིག་རང་དང་ལོ་མགོ་ནས། །རྩིས་འཕྲོ་ཕྲིའམ་སྣོན་བྱས་པའི། ༧ །བྱེད་རྩིས་འཕྲོ་གང་ཟིན་རུང་འདྲ། པའི་ཟླ་དག་གསུམ་བརྒྱས་བགོ། ལྷག་མ་དེ་ཡི་སྦྱིན་བྱའོ། །ཡང་ན་ལྷག་དེས་མཁའ་སྟོང་མེར། །ཕྲི་བའི་ལྷག་མས་དམན་ཀྱང་འདྲ། ༧ །ནག་ཟླའི་བྱེད་པའི་དུ་བ་ཡི། །རྩིས་དང་དེའི། འཕྲོ་ཐོབ་ལོ་མགོ་གང་ཡིན་གྱི། པ་གཞུང་ལྟར་བསྐྲུན། །དེ་ཡི་མདའ་རིའི་གནས་དག་ཏུ། །དེ་ནས་བགྲད་པའི་འདས་ད་ལྟ་ཡན་དཔྱད་ཟླ་བསྲེ། །མདའ་རི་ལོང་དེར་ཐོབ་པར་བསྲེ། །ལྷག་མ་མིག་གིས་བསྒྱུར་བ་སོགས། །དུ་བའི་ཆོ་ག་བཞིན་དུ་བྱ། །ཐོབ་པ་ནི་སྔར་འགྲོས་བཞི་པོའི་ཐོག་མ་སྟེ། ཐོབ་ས་ཐིག་འདྲའམ་ཐིག་གནས་ཐོབ་པ་བཞིའི་བར་སྟེ། འགྲོས་བཞི་ཚར་གཉིས་རྫོགས་པའི་བར། དུ་བ་མཐོང་བ་གཉིས་ཀྱི་དང་པོ་འདི་ལ་དཔྱད་དཔྱོད། །རིམ་པའི་དོན་གསུམ་དོན་བཞི་ཐིག །རིམ་མིན་གཉིས་གཅིག་ཐིག་སྟེ། །གཉིས་ཀའི་༢༧༣༧༠༢༤ གཉིས་དང་བར་གྱི་ཐིག་དེ། ལྔ་པོ་མཚལ་གྱིས་བྲི། ཕྱོགས་ལོངས། ༥༠༡༣ ༢ སོགས་དམར། ལྟག་གཟུངས་ཚེས་ལྷག་གཉིས་ཀ་ནག་པོ། བྱ་རའི་ཐིག་གཅིག་པོ་དོར་ནས་འོང་བ་རིམ་པའི་དགུ་སྟེང་རིམ་མིན་རྫོགས་པའི་དེ་མ་ཐག་ཏུའོ། །དམར་པོ་མ་དོར་བ་རིམ་བཞིན་མགོ་སྟེ། །རིམ་པ་རྫོགས་པའི་དེ་མ་ཐག་ཏུ་འོང་ངོ་། །དུ་བའི་རྩིས་འཕྲོ་དྷཱིས་བྲིས་དགེ ༧ །ལམ་ལྔ་རི་མོས་བྲི་བ་ལ། །གང་ཤར་ཁྱིམ་གྱི་རང་སྲང་གི། ལྔ་ཆས་ ― MR12_Page_0010 ―
[མ་དཔེ་གཟིགས་ན་འདིར་གནོན།]
ལ་གང་ཤར་ཁྱིམ་དེའི་སྲང་ལྔས་བགོས་ཐོབ་བོ། །ཏརྐཱ་ལ་དེ་གང་ཤར་ཉིད་བགོ། ཐོབ་པའི་ནོར་ནི་དེ་ཉིད་ལ། །ལྷག་ཅན་མཉམ་ཕྱིར་གཅིག་བསྣན་ཞིང་། །ལྷག་མེད་མི་མཉམ་གཅིག་གིས་ཕྲི། །དེ་ཡི་དབང་པོའི་གྲངས་ལ་ནི། །ལུག་སོགས་ཀྱིས་ཕྲི་གླང་སོགས་ལ། །དེ་ལ་དབང་པོའི་གྲངས་ཀྱིས་ཕྲི། །དེ་ལྷག་གཅིག་ས་གཉིས་པ་ཆུ། །གསུམ་མེ་བཞི་རླུང་ལྔ་སྟོང་མཁའ། །དེ་ཡི་བདག་པོའི་གཟའ་བརྟག་པ། །གང་ཤར་འབྱུང་བ་དེས་ལྔར་ཕྲི། །དེ་ལྷག་གཉིས་བསྒྱུར་གླང་སོགས་དུས། །དེ་ལ་གཅིག་གིས་ཕྲི་བ་ནི། །སྟོང་པ་སྒྲ་གཅན་ཉིད་ཡིན་ཏེ། །ལྷག་མ་རིམ་པར་གཟའ་བདུན་དང་། །བརྒྱད་པ་ཀེ་ཏུ་དགུ་དུས་མེ། །དེ་ཡི་འབྲས་བུ་གཞུང་ལྟར་བརྟག །ཤིན་ཏུ་ངེས་ཏེ་བླང་དོར་གྱི། །ལུང་སྟོན་པ་དང་ལས་རྩོམ་པ། །འདི་དང་བསྟུན་པ་མཆོག་ཏུ་གཅེས། །རླུང་ལ་གོམས་པ་རྣམས་ཀྱིས་ནི། །ནང་གི་རླུང་རྩིས་བྱེད་པ་ནི། །གཡས་དང་གཡོན་པའི་སྣ་བུག་གི། དབུས་སྟེང་ཀ་འགྲམ་ཐུར་རྒྱུ་བའི། །འབྱུང་ལྔའི་རླུང་ལ་བརྟགས་ནས་ནི། །གཞན་ལ་ལེགས་ཉེས་ལུང་སྟོན་ནུས། །དེ་ལྟར་མི་ཤེས་ཕལ་པ་རྣམས། །འབྱུང་ལྔའི་དུས་སྦྱོར་བརྩི་བ་ལ། །འདི་ཡང་དྷཱི་མིང་གཞོན་ནུས་བཀོད། །དགེ་བས་བླང་དོར་གསལ་གྱུར་ཅིག ༧ །དབྱངས་འཆར་གཞུང་ལས། སྐྱེས་སྐར་ངོས་འཛིན་ཆེད། དེ་ཡང་རང་སྐྱེས་དུས་ཀྱི་ཟླ་བ་དང་ཚེས་གྲངས་ཤེས་ན། དེས་སྐར་མ་ཤེས་ལ། དེས་ཁྱིམ་ཡང་རིམ་པར་ཤེས་ཤིང་དེ་ལས་འབྲས་བུ་སྟོན་ནོ། །རང་ཚེས་གང་ལ་སྐྱེས་པའི་ཚེས་གྲངས་བརྟག་པ་ནི། ཟླ་བ་དེའི་ཚེས་གཅིག་གི་སྐར་མ་ཤེས་པར་བྱས་ནས། ལྔ་ལ་ཉེར་ལྔ། ཚེས་གཅིག་ལ་སྐྱེས་ན་ཉེར་དགུ་ལྟ་བུ་དེ་ཡིས་ཉེར་དགུ་ལ་ཕྲི་བ་དེ། ལྔ་ལྟ་བུ་ ― MR12_Page_0011 ―
[མ་དཔེ་གཟིགས་ན་འདིར་གནོན།]
ཡིན་ན་ཉེར་ལྔས་ཉེར་དགུར་ཕྲིས་བས་བཞི། དོན་མོན་དྲེ་ནས། ཚེས་དེར་སྤྱོད་བཞིན་པ། ༣༢༠ ལྟ་བུའོ། །དེ་དཀར་ཕྱོགས་ཀྱི་དབང་བྱས་ཡིན། ནག་ཕྱོགས་ཡིན་ན་སྐྱེས་པའི་ཚེས་ལ་གསུམ་བསྣན་ཏེ། དཔེར་ན་ལྔ་ལ་གསུམ་བསྣན་བརྒྱད། དེ་ལ་སླར་བཅུ་གཅིག་བསྲེས་པས་བཅུ་དགུ། མོན་དྲེ་ནས་བརྟག་པས་བཅུ་གསུམ་བསྣན་པས་ས་རིའོ། ༧ །ཚེས་༥ལ་ཉེར་ལྔ་བསྲེ་གསུང་ཡང་། ཉེར་དྲུག་བསྲེས། སོ་གཅིག་དེ་ཉེར་བདུན་གྱིས་བགོས་པས་བཞི། ནག་ཕྱོགས་ཡིན་ན་༢༧ ལ་གསུམ་བསྣན་དེས་ཉེར་དགུའམ་སུམ་ཅུར་ཕྲི། ཚེས་གཅིག་བརྩིས་པས་རྟོགས། ༧ །ཡང་རང་གི་སྐྱེས་ཟླ་སོགས་ནི། །དཔེར་ན་དཔྱིད་འབྲིང་ལ་སྐྱེས་ན། སྐྱེས་ཟླ་གཉིས་ལ། བཅུ་གཅིག་བསྲེས་པས་བཅུ་གསུམ་དེའང་ཟླ་བ་དེས་དེའི་ཚེས་བཅོ་ལྔ་ལ། སྐར་མ་བཅུ་གསུམ་པའི་རྗེས་ལ། ༧ །ནག་པ་འོང་བ་ལྟ་བུ། ཇི་ལྟར་ན་སྐྱེ་བའི ཉི་མ་ལ་སོགས་པའི་དོན་ནི། ཇི་ལྟར་སྐྱེ་བའི་ཉི་ཚེས་སྐར་མ་འགྲིགས་ན་བསྣན་པའམ། །འབྲིད་པའམ། རང་སོར་གཞུག་པ་གསུམ་གྱིས་ཆོས་བཞི་ལྷག་པའི་ལྔ་ལྟ་བུ་ལ་བཞི་སྣོན་པ་དང་། བཞི་ཆད་ལྔ་ལ་གཅིག་འཕྲི་ཆད་ལྷག་མེད་ན་རང་སོར་འཇུག་པ་སོགས་ལ་ད་ལྟའི་གྲངས་དང་ལྷན་ཅིག་གནས་པ་ལས། སྐྱེ་སྐར་ཤེས། སྐྱེས་པའི་ཚེས་ལ་༢༥བསྲེ། ཉེར་བདུན་བགོ། ལྷག་མས་སོགས་འདི་ལ་རང་གི་ཟླ་བ་སྔོན་སོང་གི་སྐར་མ་སོགས་རགས་པའོ། །ཞིབ་པར་དེ་དུས་ཀྱི་ལྔ་བསྡུས་དག་པར་བྱའོ། ༧ །ཕུར་བུའི་ཕུར་སོགས་ཕྲ་བ་རྣམས་རགས་པ་ནས་མགོ་འཛིན། གཟའ་འཕོ་བ་དང་། བྱི་བཞིན་རེས་ཟླ་སྐར་རམ། སྟོབས་བཞི་ནི། ཕྱོགས་སྟོབས་ཉི་མས་ཟིལ་གྱིས་ ― MR12_Page_0012 ―
[མ་དཔེ་གཟིགས་ན་འདིར་གནོན།]
མ་མནན་ཕྱོགས་ཡོད། །དུས་ཉིན་མཚན་དཀར་ནག་རང་ཁྱིམ་ན་གནས་སོགས། འགྲན་པ་གཅིག་ནས་བདུན་པར་འཕེལ་བ། མཐོ་དམན། ཞི་བ་དམའ་ན་སྟོབས་ཆེ། དྲག་མཐོ་ཆེ། དུས་སྦྱོར་སུམ་ཆའི་སྐབས་ཀྱི་མཐོ་དམན་སོགས་སོ། ༧ །དུས་སྦྱོར་གྱི་སྟོབས་ཆེ་ཆུང་ནི། དེ་ཤར་དུས་དེ་ཕྱོགས་དང་དེ་དུས་ལས་བསྒྲུབ་པའམ། ལུག་ཏུ་ཉི་མ་ཆ་ཤས་བཅུ་སོགས་ནི། གཟའ་རང་རང་གི་དལ་བ་བསྒྱུར་བའི་འདས་ལ་བརྩི་སྟེ། ཉི་མ་ལུག་ཏུ་སླེབ་པའི་ཞག་བཅུ་སོགས་ཀུན་ལ་འགྲེ། ཟླ་བ་ཆུ་ཚོད་ཕྱེད་ལྔ། གཟའ་དེར་ཁྱིམ་དེར་སྤྱོད་པའི་ཡུན་སུམ་ཅུའི་ཆ་ལས་སོ། །དེ་ལྟ་བུ་གནས་ཚེ་འདི་མཐོ་བ་བྱང་བགྲོད་ལའོ། །དམའ་བ་ནི་རང་མདུན་བདུན་པ་ན་སྟེ། ཉ་ལ་གཟའ་ལྷག་བཅོ་ལྔའོ། །ཏརྐཱ་ལ་ནས་གཡོན་སྐོར་བགྲང་མཐོང་བས། རྐང་པ་གཅིག་ཏུ་ཆུ་ཚོད་བཅོ་ལྔ། ལྔ་དགུ་ལ་ཆུ་ཚོད་སུམ་ཅུ་ལྟ་བུའོ། །འཁྲུགས་པའི་གྲོས་བྱེད་དང་པོ་གཡུལ་བཤམས་སྔ་བ་ལ་འཕམ་པ་ཞེས་མིང་འདོགས། མགྲོན་པོ་འཐོན་ལ་མི་འོང་ཞེས་པ་འདི་དཔྱད་དགོས་གསུང་འདུག །དགུ་ཆའི་སྟོར་རྙེད་ཏརྐཱལ་སུམ་ཅུའི་ཆ་ཤས། དུས་ལྔའི་སུམ་ཅུ་ཆ་དང་འགྲིགས་ན་བཟང་གསུངས། རྨི་ལམ་དགུ་ཆ་དང་ཏརྐཱལ་གཉིས་ལས་ཏརྐཱལ་གཙོ་གསུངས། ཟླ་གནས་བདུན་ཁྱིམ་མམ་ཡང་ན་སྐར་མ་བདུན་པར་རོ། །སྔ་མ་ལྟར་ན་ཉུང་ཕྱི་མ་ལྟར་ན་ལེགས་པས་དཔྱད། ༈ །ཐུན་ཕྱེད་སྒྲ་གཅན་སྤེན་ལོངས་ཕྱེད་དོ། །དོན་ལ་ཆུ་ཚོད་བཞི་དང་པོ། བརྒྱད་གཉིས་པ་སོགས་སོ། །འདི་བིཥྚི་དང་རྒྱུ་ཕྱོགས་འགྲིག་ན་སྒྲ་གཅན་རྟ་འགྲོས་ཟེར་བ་ཟབ་པའི་མན་ངག་ཏུ་བྱེད་གསུངས། འདི་རྣམས་སྔར་བྲིས་འདུག་དོན་ཆེ་མིན་མ་ངེས་རུང་དཔེ་བཅད། སྐྱེས་བུའི་ཀླུང་སྨེ་ཤེས་འདོད་ན། །དྲུག་ཅུའི་ཐ་མར་བཞུགས་པར་ཡི། །ཆུ་དབུས་ཕག་མོ་སྔོན་མོར་དྲིས། །དེ་ཡིས་གསལ་བའི་མེ་ལོང་སྟེར། །རང་ལོ་དྲུག་ཅུའི་ལོ་ནང་ནས། ། ― MR12_Page_0013 ―
[མ་དཔེ་གཟིགས་ན་འདིར་གནོན།]
གང་ཡིན་དེ་ནས་ཕག་གི་བར། །དེད་པའི་ཁམས་ལྔ་གང་ཡིན་པའི། །ཕག་བཟུང་རང་གི་སྐྱེས་སྨེ་ནས། །ཕག་དེའི་བར་དུ་ལུགས་ལྷོག་༧༠༨༧ སོགས་ལྟ་བུ་བགྲང་། །ཆུ་ཕག་དངོས་ཤར་དེ་གས་འཐུས། །དེ་མིན་ཤིང་མེ་ས་ལྕགས་བཞི། །གང་ཡིན་དེ་ནས་བུ་དེད་ཀྱིས། །ཆུ་ལ་མ་ཐུག་བར་དུ་ནི། །དང་པོའི་ཕག་གི་སྨེ་བ་ནས། །བརྒྱད་ལྔ་གཉིས་ཞེས་རེས་བསྐོར་བས། །ཆུ་ཡི་སྟེང་དུ་གང་བབ་པ། །དེ་ཉིད་ཕག་མོའི་ལྡེའུ་མིག་ཡིན། །བྱ་གླང་སྦྲུལ་གསུམ་དེ་དག་རང་། །གཞན་མ་ཕག་ནས་གྱེན་དུ་ནི། །ཕག་ལུག་ཡོས་གསུམ་སྦྲུལ་དང་ནི། །སྟག་རྟ་ཁྱི་གསུམ་སྤྲེལ་དང་ནི། །བྱི་འབྲུག་སྤྲེལ་གསུམ་སྟག་གི་བར། །ཕག་མོའི་སྐར་རྩིས་སྣ་ཚོགས། བསྨེ་ནས་ལུགས་འབྱུང་བརྩི། །༢༣༤སོགས། ལོ་སྟེང་རང་རང་སྨེ་བ་དེ། །མཐུན་གསུམ་སོ་སོའི་ཀླུང་རྟར་ངེས། །ཡང་ན་ཕག་གི་སྨེ་བ་ལ། །ལྕགས་ཀྱི་ཀླུང་རྟ་ཅན་ལ་གསུམ། །མེ་ཅན་དྲུག་བསྣན་ཆུ་ཤིང་ལ། །བསྣན་མི་དགོས་ཏེ་དེ་གས་ཆོག །དེ་ཉིད་སྐྱེས་བུའི་ཀླུང་སྨེ་སྟེ། །དཀར་སེར་ནག་ལས་གཞན་མི་འབྱུང་། །ཤིང་བྱིའི་སྨེ་ལས་ལྔས་བཟུང་བ། །རྒྱལ་མོ་ཕག་གི་ལྡེའུ་མིག་གོ། རབ་ཚེས་མེ་ཡོས་ཟླ་༢ཚེས་༢༨ལ། །འཇམ་དཔལ་བྱང་སྒོའི་ཕག་གདོང་མ། །ཀླུང་གི་ལྡེའུ་མིག་འཛིན་པ་ལ། །དྷཱི་མིང་ཅན་གྱིས་བརྒྱུད་དེ་བྲིས། །འདི་ནག་རྩིས་རེད་ཀྱང་འདིར་ཞོར་དུ་བྲིས། ཡང་ན། བྱི་བ། ཤིང་ལྕགས། ༤ ས། ༧ མེ་ཆུ། ༡ འདི་བཞི་མཐུར་ཕབ། རང་ཁམས་ལོ་ནས་བྱི་བའི་བར། །དེའི་མ་ནས་རང་ལོར་དེད། །ཅི་ཙམ་འཕྲུལ་ཀྱང་མི་འདྲ་བའི། །རྩིས་ཀྱི་རྣམ་འགྱུར་སྣ་ཚོགས་རེད། ༈ །ཨཿ སྟོང་པ་དབྱིངས་ཀྱི་གཞལ་ཡས་སུ། །རང་རིག་བྱང་ཆུབ་སེམས་ཀྱི་ལྷ། །འཇམ་དཔལ་དཔལ་བོ་སྣང་སྟོང་སྐུ། །ཡེ་ཤེས་ལྔ་ཡི་རང་བཞིན་ལས། །ཕུང་ཁམས་སྐྱེ་མཆེད་ ― MR12_Page_0014 ―
[མ་དཔེ་གཟིགས་ན་འདིར་གནོན།]
ཆོས་ཐམས་ཅད། །གདོད་ནས་རྣམ་དག་ཀུན་བཟང་ཀློང་། །ལོ་སྤར་སྨེ་བ་གཟའ་སྐར་རྣམས། །ཕྱོགས་དུས་གནས་རྒྱུའི་དཀྱིལ་འཁོར་ཆེ། །རྟེན་འབྱུང་བསམ་གྱིས་མི་ཁྱབ་པ། །ཀུན་ཀྱང་ཡེ་ཤེས་རོལ་པར་ཤར། །ཡང་དག་དོན་དུ་མཉམ་པ་ཉིད། །ལྷུན་གྲུབ་དེ་བཞིན་ཉིད་དུ་རྫོགས། །ཨཱརྱ་མཉྫུ་ཤྲཱི་དྷརྨ་དྷཱ་ཏུ་ཛྙཱན་གརྦྷ་ཨཱཿ འདི་ལྟར་ཤེས་ཤིང་འདི་བཟླས་ན། །སྣང་སྲིད་ཐམས་ཅད་མཐུན་པར་འཆར། །གདུག་པས་གནོད་པ་མིང་ཡང་མེད། །ཡེ་མཁྱེན་རྣམས་ཀྱི་སྙིང་ཐིག་སྟེ། །འདི་ལ་གང་གིས་འབད་པ་དེས། །གནས་སྐབས་རྒུད་པ་ཀུན་ཞི་ཞིང་། །མཐར་ཐུག་འབྲས་བུ་ལྷུན་གྲུབ་སྐུ། །འཇམ་དཔལ་ཡེ་ཤེས་སེམས་དཔའ་འགྲུབ། །འདི་ཡང་གཞོན་ནུ་དྷཱི་མིང་པའི་རིག་རྩལ་ལས་ཤར་བ་མངྒ་ལཾ།། ༈ །རྔ་བན་ཀུན་དགའི་མཚན་ཅན་གྱི་རྩིས་གསར་ཡོད་པ་ཐམས་ཅད་ཀྱིས་ཉི་ཟླ་གཟའ་འཛིན་ཐིག་ཆེ་བས་རྩིས་ཅན་དུ་བྱེད་ཀྱང་རྩིས་ཁོག་འཆར་འདུག་ཀྱང་ཟླ་འཛིན་བསྡུར་ཕྱིར་བྲིས་པ། ༧ རབ་བྱུང་བཅུ་བཞི་པའི་མེ་ཡོས་སོགས་འདས་ལོ་ཉེས་བསྒྱུར་ནག་པ་སོགས་འདས་ཟླ་བསྲེས། གནས་གཉིས་འོག་མ་ཞུས་བསྒྱུར། ༦༦ བསྣན་༡༣༠བགོས་ཟླ་བགོ། ཟླ་དག་ག ནས་བཞི། ༣༥༨༡༡༠༠བསྒྱུར་༣༥༣ ༠༠ ༨༧༢ སྦྱིན་༦༦༧༧༠༠༠༧ བགོ་གཟའ་དྷྲུའོ། ༧ །ཟླ་དག་གནས་གཉིས་༢༡ བསྒྱུར། ༩༢༠ ཟླ་བསྣན་༡༢༢༨༦བསྒྲིལ་པ་རིལ་ཆའོ། ༧ །ཟླ་དག་གནས་བཞི་༡༥༡༢༠༨༤ བསྒྱུར་༡༡ ༢ ༠༡ བསྲེ་བསྒྲིལ་བ་ཉི་དྷྲུའོ། ༢༦ །ཅི་བསྣན་དོར་ཉི་ལྡོག །༧ གཟའ་ལྔ་ཟླ་དག་བསྒྱུར་གང་བརྩིའི་ཚེས་བསྲེས་གནས་གསུམ་བཞག་དེ་ལ།ལུག་༥ ཉ་གླང་༤ བུམ་འཁྲིག་༣ ཆུ་སྲིན་ཀ་ཊ་༥ གཞུ་སེང་༦ སྡིག་བུ་མོ ༧ སྲང་ཁ་ཆེའི་མན་ངག་ལས་དུས་སྦྱོར་འཆར་ཚད་དེ་ཁ་ཅིག་འདི་ཀཻ་ལ་ཤའི་དབང་དུ་བྱས་པར་འདོད་དོ། ། ― MR12_Page_0015 ―
[མ་དཔེ་གཟིགས་ན་འདིར་གནོན།]
༢༥༠༥༡ ༥ བསྣན་༧༦ ༠ ༠ ༠ དྲིལ་བས་སྟེང་ཕྲི་སོགས་གཞན་འདྲ། གསལ་ཞག་གཟའ་༢༦༦༦༧༠༠༠ལྔ་ལ། དམར་ལ་༣༤༡བསྣན་ལྷག་པར་བརྒྱས་བསྒྱུར་ལ། ༤༤༥༢ཕུར་བུ་༤༠༧༥སངས་བཅུས་བསྒྱུར་༧༥༢སྤེན་པར་༨༠༣༠བསྣན་ཏེ་རང་འཁོར་དྲིལ་སོགས་འདྲ། ཉི་བར་གསལ་ཞག་མིག་ཀླུ་མེ་སྐྱོན་གྱིས་བསྒྱུར་༢༤༨༨༦༤བསྣན། རང་འཁོར་སོགས་འདྲ། ༧ མཇུག་རིང་ཟླ་དག་ལ་རི་ཡིད་༡༤༧དམ། གོ་བདུན་༩༧ བསྣན་ལ་དབང་རིས་བགོ། ལྷག་མེད་དུས་མཐོང་༠༥༣ ༩། གཟའ་ཡི་རྟག་ལངས་༠༤༠༦ ༡༣ སྐར་རྟག །གཟའ་བར་བྱས། རིལ་ཕོ་ཚེ་བསྲེས་༡༤བགོས། མཉམ་མི་མཉམ་རིམ་རིམ་མིན་རྐང་འཛིན་འདྲ། ཕྱེད་དག་གི་གཟའི་ཆ་ཤས་༦༧བསྒྱུར་༧༠༧བགོས་པས་ཕྱེད་སྙོམས་གནས་ལྔར་བྱ། ཉི་བར་ལ་གནས་གསུམ་༢༣ ༢༠ བྱང་བགྲོད་ལ་བྱིན། ༩༠ལྷོ་བགྲོད་ལ་ཕྲི། ལྷག་༡༣༥བགོས་ཐོབ་ཉི་རྐང་འཛིན། ༦༤༡རྐང་པ། རིམ་མིན་བྱང་བགྲོད་གྱེན་དུ་བརྩི། གཅིག་ཤོས་ལྡོག རྐང་བཟུང་སྡོམ་སོགས་འདྲ། སྔ་རྐང་བསྣན་སོགས། དེ་གཟའ་ཕྱེད་དག་ལ་བྱང་ཕྱིན་ལྷོར་དོར་དེས་གཟའ་དག་གོ། ཉི་བར་གཅིག་ལ། ༤༦༥ལྷོ་༢༡༠༥བྱང་སྦྱང་། མ་འདང་འཁོར་ལོ་བསྣན། ༦༤༢༠ ༠༧ རྐང་བ་གཟུགས་སོགས་འདྲ། དེ་ཉི་བབ་ལ་ཕྱིན་པའི་ཉི་མ་དག་གོ། ཉི་ཟླ་བསྲེས་པས་སྦྱོར་བ་སོགས་འདྲའོ། ༧ །སྒྲ་གཅན་ཟླ་དག་ལ་བུག་བཟང་བསྣན། ༦༩ །མིག་བསྒྱུར་ཉར་གཟུགས་སྟོང་མིག་བསྣན། མཁའ་དུས་ཆུས་ཐོབ། དོར་ལྷག་རིམ་བཞིན་བསྒྱུར་༤༦༠ ཐོབ་སོགས་འདྲ། ༧ །བགོས་ཞག་རིམ་བཞིན། ༢༦༦༧༠༠བསྒྱུར། རང་དཀྱིལ་གྱིས་ཐོབ་པའམ་དཀྱིལ་འཁོར་དང་རྐང་འཛིན་སོགས་འདྲའོ། །ཐམས་ཅད་གནས་བཞི་མའོ། །ཤེད་༢༦༦༦ ༤༧ ༠༠༧༦༠༤༧༤སྙོམས་ཕྱིར་རང་རང་གི་དཀྱིལ་འཁོར་གྱིས་ཆ་ཤས། ― MR12_Page_0016 ―
[མ་དཔེ་གཟིགས་ན་འདིར་གནོན།]
ཉི་བར་གྱི་ཆ་ཤས་འདྲ། མ་བསྒྱུར། མདའ་མཁའ་མཚོ་ཡིད་རི་མཚམས་ཀྱིས་བགོས་པས་གནས་ཐང་མ་ལ་བབ་ཚེ་ལྔར་བྱས། དེ་མིན་ཐམས་ཅད་འདྲའོ། །དེ་ནས་ཤེད་སྙོམས་ལྟར་བསྒྱུར། ལྷག་མ་མི་ལུས། ལུས་ན་བསྐྱར་བས་དག་ཟེར། རྐང་པ་རིམ་མིན་ལ། ༣༠ བསྣོན་པ་མི་འདུག་གོ། དེས་གཞུང་སོགས། ༧ གཟའ་འཛིན་ལ་ཚེས་འཁྱུད་དང་སྒྲ་གཅན་གདོང་མཇུག་གང་ཉེས་མངལ་ཉུང་བས་སྦྱང་། ལྷག་མར་གདོང་འཛིན་ལ། རི་མོ་༠༥༧ འདི་མན་ཆད་དང་། མཇུག་ལ་མི་འདུག་འདི་མན་ཤར་ན་འཛིན། མདོར་ན་སྦྱང་ལྷག་ཆུ་ཚོད་དེ་དྲུག་ཅུས་བསྒྱུར། ཆུ་སྲང་བཅུག་པས་༡༤༨༠རིལ་ཡན་འདྲའམ་བརྟག་བསྒྲིབ། མང་ན་དེས་༣༣༨༠ འདི་ལ་སྦྱང་ལྷག ༡༡༨ འདིས་བགོས་པས་ཐོབ་ནོར་ལ། ༥༩ ཆ་ཕྱེད་སྒྲིབ། ༢༩ བཞི་ཆའོ། །མཇུག་ལ་དེ་འདྲ་དབྱུག ༦༠ བསྒྱུར་སྲང་བཅུག་པས། ༡༢ ༦༧ རིལ་འདི་ཤར་ན་འདྲ་བསྒྲིབ། དེ་ལས་མང་ན་དེས་༣༦ ༠༠ འདི་ལ་སྦྱངས་ནས་༡༤༥འདིས་བགོས་པའི་ཐོབ་པར་༧༢ཕྱེད། ༣༦ ཐོབ་ན་བཞི་ཆའོ། །ཕྱོགས་སོང་འདྲ། ༧ ཉི་དག་ལ་སྐྱིས་ཁྱིམ་སྦྱང་། མ་ལྡངས་ན་འཁོར་ཕྱེད་དོར་བའམ། ཡང་ན་བྱང་བགྲོད་༢༡༠༥ལྷོ་བགྲོད་༦ ༤༥ སྦྱང་མ་ལྡངས་ཉེར་བདུན་བསྣན། ལྷག་མ་༦༠ བསྒྱུར་སྲང་བཅུག་༡༣༥བགོས་པའི་ཉི་རྐང་འཛིན། ཆུ་སྲིན་༠ ༠ ༠ ཀརྚ་བུམ་པ་༡ ༥ ༡ སེང་གེ་ཉ་༢ ༡༠ ༢ བུ་མོ་སྐར་རྩིས་སྣ་ཚོགས། བ་ལུག་༣ ༡༥ ༣ སྲང་གླང་༤ ༡༠ ༤ སྡིག་འཁྲིག་༥ ༠ ༥ གཞུ་ལྷོ་བྱང་གི་བགྲོད་པ་གཉིས་ཀ་ཡང་ཐུར་དུ་དེད། ལྷག་དྲུག་ཅུས་བསྒྱུར་སྲང་གཞུ་ཉེར་བདུན་བགོས་ཐོབ། མཁའ་རོས་བསྒྲིལ་བའི་ནོར་ཆུ་སྲང་དེ། ཉར་ཆུ་སོགས་ལ་བྱིན། ལུག་སྲང་ ― MR12_Page_0017 ―
[མ་དཔེ་གཟིགས་ན་འདིར་གནོན།]
སོགས་ལ་སྦྱང་ལྷག་སྲང་དེ་མཁའ་མེའི་ཆུ་སྲང་ལ་བསྣན་པ། ཟླ་བ་ཆ་རེའི་འགྲོགས་སྲང་ཡིན། །དེ་མིག་གིས་བགོས་ཆ་ཡི་ཆ་ཕྱེད་སྲང་། དེ་མིག་ཐོབ་བཞི་ཆའི་སྲང་། ཆུ་ཚོད་བརྒྱད་ནས་བཅུ་གཉིས་བར་ཟླ་བ་རིལ་འགྲོགས་ངེས་མེད་དེ། འགྲོགས་དབྱུག་མིག་བསྒྱུར་སྲབ་མཁའ་མེས། །ཐོབ་ན་ནོར་གཞུག་ཆུ་སྲང་ངེས། །ཟླ་བ་གཡོན་རུས་འགྲོགས་སྲང་དམན། །ཟླ་བའི་འཛིན་ཆ་ཆའི་སྲང་གིས། །བསྒྱུར་ལ་ཕྱེད་དང་བཞི་ཆའི་སྲང་། །གཞུག་ལ་མཁའ་རོས་བགོས་ཐོབ་དབྱུག །ལྷག་མ་སྲང་དུ་ཤེས་པར་བྱ། །ཆུ་ཚོད་མེས་ཐོབ་དབྱུག་ཡིན་ལྷག །མཁའ་རོས་བསྒྱུར་ལ་སྲང་གཞུག་པ། །དེས་ཐོབ་སྲང་དེ་ཟླ་བ་གཟས། །སྒྲིབ་མནན་གྲོལ་གསུམ་ཚད་ཡིན་ནོ། །དེ་ཡི་རིག་པས་གླིང་མཚམས་སུ། །ཇི་ལྟར་མཐོང་ཚད་ངེས་བྱའོ། །གང་ཚེ་ཚེས་ལོངས་མང་ན་དེར། །ཉིན་ཚོད་སྦྱོང་བའི་ལྷག་ཆུ་ཚོད། །མིག་བསྒྱུར་སྲང་མཁའ་མེས་ཐོབ་གཞུག །སྲང་དེས་ཟླ་བ་འཆར་སྔའོ། །གང་ཚེ་ཉིན་ཚད་མང་ན་དེར། །ཚེས་ལོངས་སྤྱོད་ལྷག་དབྱུག་མིག་གིས། །བསྒྱུར་དེས་སྲང་མཁའ་༣༠མེས་ཐོབ་གཞུག །སྲང་དེས་ཟླ་བས་འཆར་ཕྱིའོ། །གང་ཚེ་ལོངས་སྤྱོད་མཁའ་རོ་ལ། །སྦྱོང་ལྷག་དབྱུག་མིག་གིས་བསྒྱུར་ངེས། །སྲང་ལ་མཁའ་མེས་བགོས་ཐོབ་གཞུག །སྲང་དེས་ཟླ་བ་ནུབ་ཕྱིའོ། །ཉ་ཡི་ཚེས་ལོངས་དག་ལ་ནི། །འགྲོགས་ཡུན་བསྲེས་ཀྱང་ཉིན་གྱི་ཚད། །མ་ལོངས་ན་ནི་མི་མཐོང་ངོ་། །ཤར་ནས་བཟུང་ལ་འདིར་མཐོང་ཚེ། །འགྲོགས་བསྲེས་ཚེས་ལོངས་ཉིན་ཚད་ཀྱིས། །སྦྱང་ལྷག་ཆུ་ཚོད་དྲུག་ཅུས་བསྒྱུར། །སྲང་བཅུག་སྐབས་བབ་ཀྱིས་ཐོབ་ཆ། །དེ་ཕྱེད་དེས་ཐོབ་ཆའི་ཕྱེད་དེ། །དེ་ཕྱེད་དེས་ཐོབ་བཞི་ཆའོ། །འཛིན་མནན་གཏོང་བའི་ཡུན་ཚོད་དང་། །མཚན་འགོར་འདི་ནས་ ― MR12_Page_0018 ―
[མ་དཔེ་གཟིགས་ན་འདིར་གནོན།]
མཐོང་ཚད་བརྟག །མཁའ་རོ་ལོངས་ལ་ཁད་ན་དེས། །མཁའ་རོར་སྦྱང་ལྷག་དབྱུག་མཁར་རོས། །བསྒྱུར་ལ་ཆུ་སྲང་བཅུག་པ་དེ། །སྐབས་བབ་འཛིན་ཆས་ཐོབ་པའི་ཆ། །དེ་ཕྱེད་དེས་ཐོབ་ཕྱེད་ཀྱི་ཆ། །དེ་ཕྱེད་དེས་ཐོབ་བཞི་ཆའོ། །མཚན་མཐར་འདི་ནས་མཐོང་ཚད་ཡིན། །འོན་ཀྱང་ས་ཁད་ལ་སོགས་དཔྱོད། ༈ །ཉི་འཛིན་ནི་སྟོང་གི་ཚེས་མཁྱུད་དང་། །སྒྲ་གཅན་གདོང་མཇུག་ཕན་ཚུན་གང་མང་ལ་ཉུང་གིས་སྦྱང་། །གདོང་གིས་སྦྱངས་ནས་བདུན་ཡན་མི་འཛིན། ང་དྲུག་མན་ཤར་ན་ལྷག་དེ་དྲུག་ཅུས་བསྒྱུར་ལ་སྲང་བཅུག་༡༨༥༠ འདི་ཤར་ན་རིལ་སྒྲིབ། ཡང་ན་དེས། ༣༣༨༠འདི་ལ་ཕྲི་ལྷག་༡༡༨སོགས་ཟླ་བའི་དེ་འདྲ། གདོང་ལ་སྦྱངས་ན་ཉེར་དྲུག་ཡན་མི་འཛིན། ཉེར་ལྔ་མན་དབྱུག་དྲུག་ཅུས་བསྒྱུར་སྲང་བཅུག་དེས། ༡༤༨༠ འདི་ལ་སྦྱང་ལྷག་༡༥༨འདིས་ས་མ་འདི་དཔྱད་ཐོབ་པ་ཆ་ཡིན། ལྷག་དོན་དགུས་བགོས་ཐོབ་ཆ་ཕྱེད། ཉེར་དགུས་ཐོབ་པ་བཞི་ཆའོ།། །། ༈ མཇུག་མར་སྦྱང་ན། ལྷག་མའི་དབྱུག་དྲུག་ཅུས་བསྒྱུར་སྲང་བཅུག་ལ། ༡༢༦༧ འདི་རིལ་སྒྲིབ། མང་ན་དེས་༣༦༠༠ འདི་ལ་སྦྱངས་ནས་༡༤༥ འདི་པས་བགོས་ཐོབ་ཆ་གང་རང་ཡིན་ནོ། །མ་ཐོབ་རང་པར་༧༢འདིས་ཐོབ་ན། ཆ་ཕྱེད། ༣༦ འདིས་ཐོབ་ན་བཞི་ཆའོ། ༈ །མཇུག་མས་སྦྱངས་ན་ཉེར་གསུམ་ཡན་མི་འཛིན། ཉེར་གཉིས་མན། ༦༠བསྒྱུར་སྲང་བཅུག །༡༢༦༧ འདི་ལ་སྦྱང་ལྷག་༩༢འདིས་ཐོབ་ན། ཆ་༤༦བྱེད་༢༣ཐོབ་ན་བཞི་ཆའོ། །གནད་ནི། ཉིད་དག་སྐར་མ་དྲུག་ཅུས་བསྒྱུར། །འོག་གི་ཆུ་ཚོད་སྟེང་དུ་བཅུག །མདའ་ཡོན་ཟླས་ཐོབ་འདས་པའི་ཁྱིམ། །ལྷག་མའི་གནས་ཀུན་སུམ་ཅུས་བསྒྱུར། །བསྒྲིལ་བགོས་ཐོབ་ ― MR12_Page_0019 ―
[མ་དཔེ་གཟིགས་ན་འདིར་གནོན།]
པ་འདས་པའི་ཞག །འདས་ཞག་རྐང་བཟུང་གདོང་མེས་བསྒྱུར། ༼༠ ལུག་༠ ༡ ༣༠ ཉ་༡༡༡ གླང་༣༠ ༤ ༡༥༢༠ བུམ་པ་༡༠༢ འཁྲིག་པ་༡༦༢༠ ༦ ༣༣༠ ཆུ་སྲིན་༩༣ ཀརྐཊ་༣༣༠ ༦ ༡༥༢༠ གཞུ་༨༤ སེང་གེ་༡༥༢༠ ༤ ༣༠ སྡིག་༧༥ བུ་མོ་༣༠ ༡ ༠ སྲང་༦༽ འདས་པའི་ཆུ་སྲང་གྲངས་ངེས་ཀྱང་། །ལུག་སྲང་སོགས་ཀྱི་ཆུ་སྲང་བརྒྱན། །ཀར་ཆུ་སོགས་ཀྱི་ཆུ་སྲང་དམན། །ལྷག་དེས་ཟླ་ཉི་སྒྲ་གཅན་དང་། །འགྲོགས་ཡུན་ཆུ་ཚོད་མཁའ་རོས་བསྒྱུར། །སྲང་གཞུག་ཆུ་སྲང་གྲངས་གང་དེར། །སྦྱང་༤མ་ལྡངས་ན་ཉིན་ཕྱེད་ཀྱི། །དུས་དེར་གང་གི་ཐད་གནས་པའི། །ཤར་མིའི་སྐྱེ་བོས་མཐོང་དཀའ་སྟེ། །ལྡང་ན་ལྷག་སྲང་གང་ཤར་བ། །ཆ་ཡི་སྲང་གིས་བགོས་ཐོབ་ནོར། །ཆ་ཡིན་དེའི་ཕྱེད་དེས་ཐོབ་པ། །ཆའི་ཕྱེད་དེའི་ཕྱེད་དེས་ཐོབ་པ། །བཞི་ཆ་ལ་སོགས་ཞིབ་དཔྱད་དེ། །ཟླ་བ་འཛིན་ལུགས་ལ་དཔགས་པའི། །ཉི་འཛིན་ཤར་མིའི་སྐྱེ་བོས་ཀྱང་། །མཐོང་བར་འགྱུར་ཏེ་འཛིན་པར་ངེས། །བརྒྱ་ལྔ་བཅུ་འདི་ལ་རྩ་བ་ན་མཁའ་ཉིད་བྱས་འདུག་དཔེ་རིས་ན་འདི་སྣང་དཔྱད། ཐད་ཡན་ནུབ་མིའི་སྐྱེ་བོ་སར། །གནས་པའི་སྐྱེ་བོ་དག་གིས་རི་མོ་ལྟར། །ཚེ་ལོངས་རྫོགས་མ་ཐག་པ་ནས། །ཟླ་ཆོག་བཞིན་དུ་འཛིན་ཆ་གང་། །མཐོང་བར་འགྱུར་རོ་དེ་ལྟར་དཔྱོད། །ཚེས་ལོངས་མཁའ་རོ་ལ་སྦྱང་ལྷག །དབྱུག་གུ་མིག་བསྒྱུར་སྲང་མཁའ་མེས། །ཐོབ་པ་གཞུག་པའི་སྲང་དེ་ཡིས། །ཉི་མ་ཟླ་བ་འཆར་སྔའོ། །གང་ཚེ་ཚེས་ལོངས་ཉིན་ཚད་ལ། །སྦྱང་ལྷག་དབྱུག་མིག་བསྒྱུར་བ་ལ། །སྲང་ལ་མཁའ་མེས་ཐོབ་པ་གཞུག །སྲང་དེས་ཉི་ཟླ་ནུབ་སྔའོ། །སྟོང་གི་ཚེས་ལོངས་འགྲོགས་བསྲེས་ཀྱང་། ། ― MR12_Page_0020 ―
[མ་དཔེ་གཟིགས་ན་འདིར་གནོན།]
མཁའ་རོ་མ་ལོངས་ན་མི་མཐོང་། །མཁའ་རོ་ལངས་ན་དོར་ལྷག་གང་། །དྲུག་ཅུས་བསྒྱུར་ལ་སྲང་བཅུག་པ། །སྐབས་བབ་ཀྱིས་ཐོབ་ཆ་ཡིན་ལ། དེའི་ཕྱེད་སོགས་གོང་འདྲ། དགོངས་མོ་འདི་ནས་མཐོང་ཚད་བརྟག ཞེས་སོ། ༈ །༤༦༧ དབྱར་ཉི་ལྡོག་དུས་ཉིན་ཆུ་ཚོད་བཞི་བཅུ། མཚན་ཉི་ཤུ། དགུན། ཉིན་ཉི་ཤུ། མཚན་བཞི་བཅུ། ༢༡ ༠༥༠ གུ་ཉི་ལྡོག་ཚད། ༡༠༣ ཉི་སྐར་ལོས་ཡིན་སྙམ། འདོད་པ་ཤར་དུས་རྀ་ཥི་ནི། །སྐར་མ་མེ་བཞིའི་ཐོག་མ་རུ། །ཐོ་རངས་ངེས་པར་འཆར་བ་སྟེ། །ལྷོ་མཐར་འོད་ཆེན་ཅན་དུའོ། ༧ །ཉི་མ་ལས་ཚེས་ལོངས་༢༡༥ སྟེ་མདའ་ཡོན་ཟླ་བའི་ཕྱིར་སྣང་སྟེ། དོན་དུ་ཉི་མའི་རྐང་འཛིན་ལ་གཅིག་ཕྲི་བཏང་ན་རེད་འདུག ༧ རྩིས་གཞུང་འདིས་དུས་སྦྱོར་ཐམས་ཅད་ཆུ་ཚོད་ལྔ་རེར་འཆར་ཡུན་མཉམ་པར་བྱས་འདུག་རེའུ་མིག་ཞག་གསུམ་བཅས་ཡོད་ཀྱང་གཞུང་ཉུང་འདུག ༧ བདག་གིས་དགག་པ་ཡོད་པ་གཞན་དུ་ཤེས་མངྒ་ལཾ།། །།འདི་རྣམས་ཞིབ་ཁྲིད་རྩིས་གཞན་དང་ཅི་ཁྱད་སོགས་ཉམས་སུ་ལོན་པར་དཔྱད་དགོས་དགེ། ༠ ཤིང་༡༢ མེ་༧༡ ས་༤༠ ལྕགས་༡༡ ཆུ་༧བྱ་ར་འབྱུང་བ་སྐྱེས་སྨེ་༈ རེའུ་མིག་འཕྲེད་དུ་དེད་པའི་དང་པོ་རབ་བྱུང་དང་། གཉིས་པ་འབྱུང་བ། གསུམ་པ་ལོ་སོ་སོའི་སྐྱེས་སྨེའམ་ལུས་སྨེ་ཡིན་ནོ། །དཔེར་མཚོན་ན་རབ་བྱུང་བཅོ་ལྔ་པ་ལ་སྨེ་ཕྲེང་དང་པོ་བཟུང་ནས་རིམ་པར་དེད་པས་ཤིང་བྱི་༡མེ་བྱི་༧ས་བྱི་༤ལྕགས་བྱི་༡ཆུ་བྱི་༧དེ་བཞིན་མེ་ཡོས་༧ས་ཡོས་༤ལྕག་ཡོས་༡ཆུ་ཡོས་༧ཤིང་ཡོས་༡དཀར་སོགས་རིགས་བ སྒྲེ་ཞིང་། ལོ་རྒན་དྲུག་ཅུའི་རེའུ་མིག་དང་སྦྲགས་པས་ཇི་བཞིན་རྟོགས་པར་འགྱུར་རོ། །དེ་ཡང་ཐོག་མར་འདི་ལྟར་ངེས་ ― MR12_Page_0021 ―
[མ་དཔེ་གཟིགས་ན་འདིར་གནོན།]
པར་བྱས་ནས་རེའུ་མིག་ཉུང་ངུ་འདི་ཙམ་ལ་བརྟགས་པས་སོ་སོའི་སྐྱེས་སྨེ་ངོས་ཟིན་ནོ། ༧ །སྔ་མ་འདས་མ་ལོ་ཟེར། ཕྱིས་རྒྱབ་ཀྱི་དེ་བྲིས་འདུག །གང་ལོ་དཔྱད་དགོས། །བྱ་ར བྱི་ཡོས་གླང་ཁྱི་སྟག་སྦྲུལ་འབྲུག་ལུག་རྟ་བྱ་སྤྲེལ་ཕག་༠ ༡ ༩ ༢ ༦ ༧ ༨༢ ༧ ༦ ༨ ༣ ༤ ༥༡ ༤ ༣ ༥ ༩ ༡ ༢བརྩི་བྱ་རབ་བྱུང་གང་ཡིན་པའི། །གྲངས་ལ་མེ་བགོས་ལྷག་མ་ཡི། །བྱ་ར་བཟུང་ལ་བརྩི་ལོའི་འོག །བརྩི་ལོའི་འབྱུང་བ་གང་ཡིན་པར། །ཤིང་མེ་ས་ལྕགས་ཆུ་ཞེས་སུ། །སྟེང་ནས་མར་དེད་རིམ་པར་བསྐོར། །གང་བབ་ས་ལ་སྐྱེས་སྨེར་འཛིན། །སྐྱེ་སྨེ་གནམ་སྨེ་གང་ཡང་རྟོགས། །ཀླུང་སྨེ་ཡང་ནི་བརྩི་བྱ་དང་། །མཐུན་པའི་སྨེ་ཕྲེང་ནས་བརྩམ་སྟེ། །ལོ་ཁམས་བཞི་པོའི་སྨེ་བ་བརྟག །འདི་ནི་གཅིག་ཤེས་ཀུན་གྲོལ་ཏེ། །སྨེ་བའི་ངོས་འཛིན་ཁྱད་པར་ཅན། །རཏྣའི་ངོར་བྱས་དྷཱིས་བྲིས་དགེ ། ༈ འཛིན་ལུགས་གོང་འདྲ་དགོས་སྙམ། འདི་བྱི་ཡོས་གླང་འབྲུག་སྟག་སྦྲུལ་བསྡམ་ཆོག་འདུག་དེ་ནས་ཕག་སང་མི་ཆོག་ཀྱང་། འདི་བདེ་འདྲའམ་དཔྱད། འདི་སླར་ཤོག་ཁྲའི་སྨེ་ཕྲེང་བསྟུན་ནས་དག་ངེས་བྱ་དགོས། གཞན་གོང་གི་རི་མོ་ཐམས་ཅད་དག་ཐེར་ཕུད་དགོས། །བྱར་བ་ཡོས་འབྲུག་སྦྲུལ་རྟ་ལུག་སྤྲེལ་བྱ་ཁྱི་ཕག་བྱི་བ་གླང་སྟག༡ ༧ ༦ ༥ ༤ ༣ ༢ ༡ ༩ ༨ ༧ ༦ ༥༢ ༤ ༣ ༢ ༡ ༩ ༨ ༧ ༦ ༥ ༤ ༣ ༢༡ ༡ ༩ ༨ ༧ ༦ ༥ ༤ ༣ ༢ ༡ ༩ ༨རེའུ་མིག་སྔར་མ་རབ་བྱུང་སྔ་མའི་འགྲོ་ཆུ་དག་ལ་སྨེ་ཕྲེང་ཐ་མ་རྫོགས་ནས། རབ་བྱུང་བཅོ་ལྔ་པ་དངོས་མེ་ཡོས་ནས་ཡིན་ཀྱང་ཤིང་བྱི་ནས་སྨེ་ཕྲེང་དང་པོར་འཇུག་པ་དཀྱུས་ལྟར་བཀོད་འདུག རེའུ་མིག་ཕྱི་མ་འདི་ད་ལྟའི་བཅོ་ལྔ་རབ་བྱུང་གི་ཆུ་ཕག་ལ་སྨེ་ཕྲེང་དང་པོ་རྫོགས་ནས། ཤིང་བྱི་ནས་སྨེ་ ― MR12_Page_0022 ―
[མ་དཔེ་གཟིགས་ན་འདིར་གནོན།]
ཕྲེང་བར་མར་སོང་འདུག་པ་ལས་དོན་ལ་ཁྱད་པར་མི་སྣང་ལགས། ༈ །སྐར་རྩིས་ཀྱི་རི་མོའི་ལག་ལེན་གཏན་འབེབས་རབ་གསལ་མེ་ལོང་ཞེས་རབ་ཚེས་མེ་ཡོས་ནས་མགོ་བཟུང་འདུག །ཕུག་ལུགས་སྡེ་སྲིད་ལོ་ཆེན་སོགས་ལ་ཕྱག་བྱས་འདུག །༢ མདའ་རོའི་ལྷག །༤༨ ཞེ་དགུར་ཟླ་བཤོལ་འབྱུང་། རེ་གསུམ་མཐར་ཐིག་གཉིས་རེ་བཞིའི་མཐར་ཐིག་གཅིག་བྱུང་བླ་མའི་ཞལ་རྒྱུན་ཡིན་ཟེར་འདུག་བསྡུས་རྒྱུད་བྱེད་པའི་ཉི་དག་ལ། ༡༣ ༣༠བྱིན་པ་ཚེས་མ་ཁྱུད་དེ་དང་། སྒྲ་གཅན་གདོང་མཇུག་གང་ཉེ་སྦྱང་ཆ་ནི། གདོང་གི་ཟླར་སྦྱང་། ༥༠༧ཆུ་འཛིན། ཟླ་བས་གདོད་སྦྱང་ངམ། མཇུག་མས་ཟླ་བ་སྦྱང་ཚེ། ༥༠༠མན་ཆད་འཛིན། ཟླ་བས་དུས་མེར། ༤༠༠མན་འཛིན། ཆུ་ཚོད་སྟོང་ན་མི་འཛིན། ༧ གོང་གི་སྦྱང་ལྷག་འབྱུང་བས་བགོ། ཐོབ་པར་༡༣༤ ཚུན་རིལ་སྒྲིབ། ༥ཆ་བཅུ་གཅིག་༦ དགུ་ཆ། ༧ ཕྱེད་༨བཞི་ཆ་༩ཆ་གཉིས་༡༠ཆ་གཅིག་ཆུ་ལ་བརྟག །༡༡འཛིན་ཀྱང་མི་གསལ། མྱོང་གྲུབ་ཡིན་གསུངས། གྲུབ་པའི་དུས་ནི་རེས་གཟའི་དབྱུག་གུར། བྱང་བགྲོད་མཐར་ཐུག ༧ ལྷོ་བགྲོད་མཐར་ཐུག །༡ བྱིན་སྨིན་རྒྱལ་ཟླར། ༢ མཆུ་དབྱུག །༣ ཉིན་མཚན་མཉམ་དུས། ༤ ནག་གྲོ་བཞིན། ༥ ས་ག་ཆུ་སྟོད་༦ བྱིན་པ་ནམ་ལངས་ནས་བཟུང་། །དེ་ཟད་མཚམས་སུ་འཛིན་ཞེས། །མན་ངག་ཞལ་ཤེས་ཡོད་གསུངས། ༧ །ལྷོ་བྱང་བགྲོད་གཉིས་ལ། དགོང་དང་ཞོག་ཉེ་རི་མོ་བཞིན་མི་བསླུ་ཡང་། ཉིན་གུང་བསླུ་སྲིད། གོ་ལའི་ལམ་མོ་འཇམ་དཔལ་གསུང་། སྟོན་དཔྱིད་མཉམ་གཉིས་དུས། སྔ་དགོང་རི་མོ་བཞིན་མ་ངེས་ཀྱང་། །ཉིན་གུང་མི་བསླུ་ཟེར་གསུངས། །ཁྱད་པར་དཔྱིད་མཉམ་ཉིན་ཕྱེད་གོང་ ― MR12_Page_0023 ―
[མ་དཔེ་གཟིགས་ན་འདིར་གནོན།]
དང་། སྟོན་མཉམ་ཕྱེད་འོག་བསླུ་བ་མེད་གསུངས། །དེ་ལྡོག་བསླུ་གསུངས་འདུག །སྔ་མའི་མྱོངས་བརྩིས་སོ། །བྱེད་གྲུབ་མཐུན་དགོས་ཤིང་ཁྱད་པ་ཉི་འཛིན་བྱེད་པ་བཙན་གསུངས། ༧ །རྣམ་བཞག་གྲུབ་རྩིས་ཀྱི་ཉི་དག་དང་། སྒྲ་གཅན་གདོང་མཇུག་གང་ཉེ་སྦྱང་། གདོང་གི་ཉི་དང་ཉི་མས་མཇུག་སྦྱང་། ༠༤༠མན་ཆད་འཛིན། ཉིས་གདོང་སྦྱང་། ༠༥མན་འཛིན། མཇུག་གིས་སྦྱང་། ༠༨མན་འཛིན། བྱེད་པར་བཅུ་མན་འཛིན་གསུངས། ཆ་ནི་སྦྱང་ལྷག་ལ་བདུན་མན་ཕྱོགས་༩༠དང་།བདུན་ལས་མང་ན་མདའ་བྱིན་པས་དྲུག་ཅུར་ཕྲི། ལྷག་མ་ཉིས་བསྒྱུར་མཁའ་རོས་བགོ། ཐོབ་པར་༣བཞི་ཆ་༦ཕྱེད་འཛིན་༩བཞི་གསུམ་༡༢རིལ་སྒྲིབ་སྟེ་དེ་དག་གི་བར་རྣམས་རིག་པས་བརྟག །ཉི་ཆ་བཅུ་གཉིས་བྱས། ཆ་རེ་ཆུ་ཚོད་རེ་རེའི་ཡུན་ནོ། ༧ །སྔ་མའི་ཉི་མའི་རྩིས་འཕྲོ་སྦྱར་བས་ན། །ཉི་ལོངས་མཁའ་མེ་ལྷག་པས་ཉེས་མཐོང་གསུངས། །ཞེས་འདུག་པ་ལྟར་རྩིས་འཕྲོའི་ཁྱད་ཡོད་འདྲ། སྨད་ཀྱིས་མི་འཛིན། ངག་གི་དབང་པོས་བསྡེབས་ཞེས་མཛད་བྱང་འདུག །དགེ་ལྡན་རྩིས་གསར་ལུགས་ཀྱི་རབ་བྱུང་བཅོ་ལྔ་པའི་རྩིས་འཕྲོ་གསར་བསྒྲིགས་ལྔ་བསྡུས་བློ་གསལ་འདོད་འཇོ་ཞེས་པ། ཙོང་ཁ་པར་མ་ཆོད་ལོ་ཆེན་མ་སྨོས་འདུག །ཡེ་ཤེས་དཔལ་འབྱོར་གྱིས་མཛད་པའི་རྩིས་འཕྲོ་ཅན་དེའི་ངེས་པ་སྤོས་པ། སྔར་གྱི་རབ་གསལ་མེ་ལོང་དང་རྩིས་འཕྲོ་གཅིག །ཁོག་འདི་རྒྱས་འདུག །ཆུ་བཟང་དགོན་དུ་ཅང་སྐྱས་བསྐུལ་ནས། དེའི་ཞབས་འདེགས་ཛ་སག་མཁན་སྤྲུལ་བློ་བཟང་བསྟན་འཛིན་ཉི་མས་བྲིས་པ། དེའི་རེའུ་མིག་སྐོར་མང་། ཕུག་ལུག་རྩིས་ཀྱི་སྙིང་པོ་མཁས་ ― MR12_Page_0024 ―
[མ་དཔེ་གཟིགས་ན་འདིར་གནོན།]
པའི་མགུལ་བརྒྱན་ཞེས་རབ་ཡིད་རྒྱལ་བ་ཤིང་རྟ་ལ་ལོ་མགོ་སྤོས་པ་ཕུག་ལུག་བཻ་དཀར། སྒྲ་གཅན་ལ་ནུར་ཕྲི་ཟེར། མཁས་དབང་འགའ་ཡི་མན་ངག་ཡིན་པ་གནད་དུ་ཟུངས་ཞེས་འདུག །ཉི་འཛིན་སོགས་ཉི་སྣང་འདྲ། ཁྲི་ཆེན་དྷྭ་ཛ་སིང་ཧའི་སྤྲུལ་སྐུ་ཟེར།བློ་བཟང་རྒྱལ་མཚན་སེང་གེས་མཛད། རྩིས་ཀྱི་མན་ངག་དཔག་བསམ་ཡོངས་འདུའི་སྙེ་མ་ཞེས་པ། བློ་བཟང་རྒྱལ་མཚན་སེང་གེར་མཆོད་བརྗོད། སྡེ་སྲིད་ལོ་ཆེན་མཆོད་བརྗོད། བསྟན་རྩིས་ཉིན་སྣང་ལྟར་མདོར་བསྡུས་བཀོད་པའོ། །རབ་ཡིད་མཛེས་བྱེད་ཆུ་ཡོས་ལ་ལོ་འགོ་བཟུང་བ་འདུག ༧ །སྒྲ་གཅན་ལ་རྐང་པའི་སྤྱོད་ཚུལ་མེད་གསུངས་ཀྱང་། རྒྱ་ནག་རྩིས་ན་སྒྲ་གཅན་རྐང་པ་ཉི་ཟླ་བཞིན་ཡོད་སོགས་ལོ་ཆེན་དང་མཐུན། ལྟས་ངན་གཟའ་བཞི་དང་། ལྟས་ངན་ལྷ་མོ་འཆར་བས་སོགས་འཆར་གསུངས། སྒྲ་གཅན་གྱི་འཁོར་ལོའི་མདའ་སྟོང་ཟླ་བ་མདེའུ་རྩེར་ཉི་མ་ཡོད་དུས། གླིང་འདིར་ནམ་ཕྱེད་ནས་བཟུང་ཉིན་ཕྱེད་བར། སྲིད་གསུམ་རྣམ་པར་རྒྱལ་བའི་དུས་ཆེན་ཡིན་ཞེས་འདུག །སྔོན་སྟོན་པས་དུས་འཁོར་གསུང་དུས། །ནག་ཉར་ཤར་ཉི་ལྷོར་དུས་མེ། ནུབ་ཟླ་བ། བྱང་སྒྲ་གཅན་བབ། དུས་དེར་རྒྱལ་བས་བྱིན་གྱིས་བརླབས་པས་དུས་ཆེན་གཞན་ལས་མྱུར་ཆེ་ཞེས་དཔྱད་དགོས། གཙང་ཆུད་ཆོས་གྲགས་རྒྱ་མཚོའི་སློབ་མ་ནོར་བཟང་རྒྱ་མཚོ། ཕུག་པ་ལྷུན་གྲུབ་རྒྱ་མཚོ་སྟེ་རྒྱ་མཚོ་རྣམ་གསུམ་མོ། །དེ་གསུམ་གྱིས་སྟོང་ཆེན་གསུམ་བཙལ་བས་ཕྱི་མ་ལེགས་ཤིང་བད་དཀར་ཞལ་ལུང་བརྩམས་པའོ། །དེ་རྗེས་པཎ་ཆེན་ཡེ་ཤེས་དཔལ་འབྱོར་ཀྱིས་སྟོང་ཆེན་གསུམ་བཙལ་སྟེ་རྩིས་འཕྲོ་བཞག་པ་འདི། གཟའ་འཛིན་དུས་ཆ་ཅུང་རགས་པ་ ― MR12_Page_0025 ―
[མ་དཔེ་གཟིགས་ན་འདིར་གནོན།]
མ་གཏོགས། རྣམ་དག་འཁྲུལ་བྲལ་ཡིན་གསུངས། ལུགས་འདིར་བསླུ་མེད་བརྟག་ཟེར་མི་དགོས། ༈ ཚེས་ལོངས་ལ་ནུར་སྟེར་རྒྱུ་དེ། མཇུག་འཛིན་མ་གཏོགས་གདོང་འཛིན་སྐབས་སྒྲིབ་མྱུར་བས་ནུར་འདི་མི་སྟེར་བ་འདྲན་དབང་ཞལ་རྒྱུན་ཡིན་གསུངས། ཉི་མས་གདོང་སྦྱང་། ༠༥མན་འཛིན་ཟེར་ཀྱང་། གདོང་ལ་གོ་ལོག་འབྱུང་མི་སྲིད་གསུང་ཀྱང་། འཛིན་པ་མངོན་སུམ་མཐོང་གསུངས། ཉི་མས་སྦྱངས་དུས་ཆ་ཤས་ལམ་ལྡངས་ན། རི་རོ་འབེབས་དགོས་གསུངས། མཇུག་འཛིན་༡༢ ༩༠ ཙམ་བྱུང་ན་རིལ་སྒྲིབ། དེ་ལས་ལྷག་དུས་སྦྱང་ལྷག་ནི། མང་བ་བཞིན་དུ་འཛིན་ཆ་ཆུང་གསུང་། འདི་ངེས་འདྲ་དཔྱད། ༧ ཞིབ་ན་གདོང་འཛིན་གོ་མ་ལོག །དབྱུག་ཟུང་གིས་སྒྲིབ་མྱུར་ཞིང་གཏོར་འགོར་གོ་ལོག་ལ་གཅིག་གི་ཁྱད་ཡོད། མཇུག་འཛིན་མ་ལོག་དབྱུག་གཉིས་ཀྱིས་འཛིན་འགོར་གཏོང་མྱུར་གོ་ལོག་ལ། འཛིན་དུས་བུལ་གཏོང་མྱུར་གཅིག་ཁྱད་འབྱུང་གསུངས། ༧གཞུང་དེ་ལས། ཞལ་ལུང་རྗེས་འབྲང་ཉི་སྣང་སོགས་ཀྱི་དྷྲུ་བ་ལས་དགའ་ལྡན་རྩིས་གསར་གྱི་དྷྲུ་བ་འཚོལ་ན།འདི་བྱིན་པས་འཆར། རྩིས་གསར་གྱི་དྷྲུ་བ་ལ་དེའི་ཕྲི་བས་ཞལ་ལུང་རྗེས་འབྲང་དྷྲུ་བ་འཆར་ཞལ་ལུང་དེ་གསུམ་ལ་གཟའ་དྷྲུ། ༢༠༢ རི་འཆར ། ༢༧ ཉི་དྷྲུ། ༠༠༥༤ ༦༠༩ ༢༤༠ ༩༦འདི་རྣམས་༣༠༢ ༣ ༠༣ ། ༣༢༤༠༠༣༠༥༠༡༦རི་འཆར་ཕྲི་བས་ཐཱོ་ཀན་སྙིང་ནོར་གྱི་དྷྲུ་བ་འཆར་མཁས་པའི་སྙིང་ནོར་ལ་དེ་དག་བྱིན་པས་ཞལ་ལུང་གི་དྷྲུ་བ་གཟའ་དྷྲུ་ལ། ཉི་དྷྲུ་ལ། འཆར་བ་ཡིན་ནོ། །དེ་བཞིན་དགེ་ལྡན་རྩིས་གསར་གྱི་གཟའ་དྷྲུར། རིལ་འཆར་༧༥༢འདི་དག་ཕྲི་བས་སྙིང་ནོར་འཆར། སྙིང་ནོར་གྱི་དེ་གཉིས་སྔ་མ་དེ་དག་ལ་བྱིན་ན་སྙིང་ནོར་གྱི་དེ་གཉིས་ ― MR12_Page_0026 ―
[མ་དཔེ་གཟིགས་ན་འདིར་གནོན།]
འཆར། ཉི་དྷྲུ་ནི་སྙིང་ནོར་དང་རྩིས་གསར་གཅིག་པས་བྲི་སྣོན་མེད་གསུངས། ༣༤༡༥༠ ༧༢༢ འདི་ཞལ་ལུང་སྒྲ་གཅན་གྱི་རྩར་བརྒྱན་གདོང་མཇུག་གཉིས་ལ་ཕྲི་བ། རྩིས་གསར་དང་སྙིང་ནོར་གྱི་རྩ་གདོང་མཇུག་གསུམ་འགྲུབ། རྩིས་གསར་དང་སྙིང་ནོར་གྱི་སྒྲ་གཅན་ལ་གོང་གི་དེས་རྩ་བར་ཕྲི། གདོང་མཇུག་ལ་བརྒྱན་ན། ཞལ་ལུང་ལུགས་ཀྱི་སྒྲ་གཅན་འཆར། ཚུལ་འདི་རྟོགས་ན་གཟའ་འཛིན་སོགས་བརྩི་སྐབས། དཔེ་མང་ཚོལ་བའི་ངལ་བ་མེད། གནད་བརྒྱ་ལྡེའུ་མིག་གཅིག་གིས་འབྱེད་གསུང་ལེགས། ༧ རྒྱ་བོད་ཚེས་གྲངས་བསྡུར་ཚུལ་ལ་གསུམ་ཡོད་དེ་དང་པོ་རྩིས་གསར་གྱི་རེས་གཟའི་ཆུ་ཚོད་བརྒྱད་ཚུན་བྱུང་ཚེ། སྟོང་དེ་རྒྱ་ནག་གི་ཚེས་གཅིག་ཡིན། ཞེ་ལྔ་ཕན་བྱུང་རྒྱ་བོད་གཉིས་ཚེས་གཅིག་མཐུན། དེ་ཡི་བར་གྱི་ཆུ་ཚོད་དྲུག །ཐེ་ཚོམ་ཡིན་ཏེ་འཕྲོ་དབང་ཡིན།ཡང་ལུགས་གཅིག་བཅོ་ལྔ་ལྟ་བུ་ལ། རྒྱ་བོད་ཀྱི་གཟའ་བསྟུན་གཅིག་བསྣན་ཚེ་རྒྱ་ཡི་བཅུ་དྲུག་དང་། ཕྲིང་གོས་ཚེ་རྒྱ་ཡི་ཚེས་གཅིག་གོ། ཡང་ན། ཆེ་ཟླ་སུམ་ཅུ། ཆུང་ཟླ་ཉེར་དགུ་ལ་བསྲེ་ལྟ་བུ། རེས་གཟའ་བསྣན་ཏེ་ཐུབ་པས་དོར་བའི། ལྷག་མའི་གཟའ་དང་བོད་གཟའ་བསྟུན། མ་མཐུན་གོང་ལྟར་གཅིག་ཕྲི་ཚེས་ལྔ་ཉིན། བསྣན་ཚེ་ཕྱི་ཉིན་ཡིན། རྒྱ་བོད་ཚེས་གྲངས་བསྡུར་ཚུལ་འདི་གཟའ་འཛིན་དུས་མན་ངག་ཡིན་ཏེ་དེ་མ་ཤེས་ན་ཤེས་ན་ཁ་དམར་ལོག་གསུངས། ༧ ཚེས་ལྷག་སྔོན་མ་བསྒྲུབ་ཚུལ་ནི། ཚེས་སྔོན་གཟའ་ལ་གཟུགས་བརྒྱན། ཉི་དག་ལ་མཚོ་དབང་ཚེས་བསྒྱུར་བྱིན། དེ་ནི་རེས་གྲོགས་གཞན་ཀུན་རང་སར་འཇོག་གསུངས་སོ། ༧ །གཟའ་ལྔའི་འཕོ་མཚམས་ནི། དཔེར་ན་ཚེས་༡གཅིག་༢བཅོ་ལྔའི་བར། བལྟ་ཚེ་ཚེས་ཞག་གཅིག་བཅོ་ལྔར། ཕྲི་ལྷག་ ― MR12_Page_0027 ―
[མ་དཔེ་གཟིགས་ན་འདིར་གནོན།]
སྐར་བསྒྱུར་དབྱུག་བཅུག་བགོ དེ་བཞིན་བཅོ་ལྔ་བསགས་བྱས་ཏེ། །དེ་ཡི་གནས་ཀུན་གྲངས་གང་གིས། །བསྒྱུར་ཏེ་གཅིག་ཤོས་ཆུ་ཚོད་ནས། །སྐར་གནས་ལ་ནི་གཅིག་འཕར་ཚེ། །སྒྱུར་བྱེད་གྲངས་དེ་འཕོ་ཉིན་ཡིན། །འདི་གཞན་ལ་དྲིས་ཚེ་ཚུལ་བཞིན་སྨྲ་བ་ཉིན་སྐར་འདྲ་གསུངས། །གྲིབ་མའི་ངེས་པ་ནི། ཉ་བུ་མོ་ཐུར་གྲིབ་བཅུ། ལུག་སེང་དགུ། གླང་བརྒྱད། འཁྲིག་བདུན། སྲང་བུམ་བཅུ་གཅིག །སྡིག་ཆུ་སྲིན་བཅུ་གཉིས། གཞུ་གྲིབ་བཅུ་གསུམ་ཡིན། ཉི་ཤར་གྲིབ་མ་མང་ཐོབ་པ་ཉུང་། གུང་ཉིར་གྲིབ་ཉུང་ཐོབ་མང་། འོན་ཀྱང་ཀུན་ལ་ཕྱེད་འཆར་དགོས། དེ་ཡི་སྒྲུབ་ཚུལ་འདི་བཞིན་ཏེ། འཁྲིག་པའི་ཉིན་ཕྱེད། ༡༡ ༨༥ ཆུ་ཚོད་དེ། མཁའ་རོས་བསྒྱུར་ལ་ཆུ་སྲང་བཅུག །ཉིན་ཕྱེད་ཐུར་གྲིབ་བདུན་གྱིས་སྤེལ། །བགོད་གཞིར་རགས་ཏེ་གཞན་རྣམས་འགྲེས། ༧ །ཁྱིམ་ཞག་སུམ་ཅུའི་རིགས་ལ་བགོད་གཞི་གཅིག་བྱེད་པ་རགས་པ། །ཞིབ་ན་ཉིན་དེའི་ཉིན་ཚོད་སོ་སོ་ཕྱེད་བྱས་ནས། །བགོད་གཞི་རེ་རེ་བཟོ་དགོས་སྙམ་གསུངས་དགོས་ངེས་སོ། ༧ །འགོས་ལོ་གཞོན་དཔལ་གྱི་རྩིས་ཀྱི་འཁྲུལ་སེལ་དུ། ཉི་མ་ཆུ་སྲིན་ཁྱིམ་དུ་སླེབ་ཉིན་ལྡོག་པས་ཟླ་གཅིག་སྔ་བསྒྱུར་སོགས་ལེགས་ཆ་མང་གསུངས། དེ་བཞིན་རིག་པའི་དབང་ཕྱུག་ཀུན་དགའ་ཆོས་དབྱིངས་རྒྱ་མཚོ་ཡི། རྒྱུད་དང་འགྲེལ་ལས་དངོས་ཤུགས་ཀྱིས། །ལེགས་བསྟན་རྩིས་ཀྱི་བསྟན་བཅོས་དེར། །དབྱར་དགུན་ཉི་ལྡོག་ཁྱིམ་ཚད་སོགས། །རྒྱུད་དང་ཤིན་ཏུ་མཐུན་ཚབ་ཆེ། །ཁྱད་པར་གོང་མའི་ཐེམ་མི་མདའ་བའི་རྒྱ་རྩིས་དེ། དྲང་སྲོང་མངོན་ཤེས་ཅན་ཞིག་གིས་འཕྲོ་བཞག་ཟེར་བ། རྩིས་འཕྲོ་དངོས་རྙེད་པ་ཡིན་ནམ། དུས་འཁོར་རྒྱུད་ལྟར་ཉི་ལོངས་ཤིན་ཏུ་དག་སྙམ་པ་དང་། ཉི་ ― MR12_Page_0028 ―
[མ་དཔེ་གཟིགས་ན་འདིར་གནོན།]
ལྡོག་གཟའ་འཛིན་སོགས་གང་ཡང་། འཁྲུལ་བྲལ་ཡིན་ཞེས་ཁོ་བོའི་ཟླ་བ་དཀར་ནག་རྩིས་རིག་ལ་འཁྲུལ་པའི་དྲི་མེད་བཟོད་པ་རྒྱལ་མཚན་པ་ལས་ཞལ་གདམས་ཡང་ཡང་ཐོས་ཞེས་འདུག །དེ་ཡང་རྒྱུད་འགྲེལ་དང་མི་མཐུན་པ་ཀུན་རྩིས་འཕྲོ་རྣམ་དག་མེད་པས་ལེན། དེ་ཕྱིར་གཞན་དཔྱད་གཞིར་རྒྱུད་མཐུན་འདོད་ཚེ་འདི་ལྟར་གསུང་། གླིང་བཞི་སྔ་དྲོ་ཕྱི་དྲོ་ཙམ། །མ་གཏོགས་ཉི་ལྡོག་ཉིན་གཅིག་འདོད། །ཆུ་སྲིན་དུ་སླེབ་མ་ཐག་གླིང་བཞིར་དགུ་ཉི་ལྡོག་དང་། །ཀརྐ་ཊར་སླེབ་མ་ཐག་དབྱར་ཉི་ལྡོག་དེ་ཕྱེད་མཉམ་གཉིས། ཉི་མ་འཆར་ནུབ་པ་གཞན་ལུགས་ལྟར་གསེག་མི་དགོས། ཤར་ནུབ་རང་རང་ཐད་དྲང་དུ། །འོང་བ་འདིས་ཀྱང་འགྲིགས་པ་ཡིན། །ལྷོ་བགྲོད་ལྷོ་གླིང་དུ་མྱུར། །བྱང་བགྲོད་བུལ་བ་མངོན་སུམ་དུ་སྤོ་བའི་ཚད་ཀྱིས་འཁོར་ལུགས་ལ་དཔྱད་པས་ཤེས། །ལྷོ་བགྲོད་མཐར་ཐུན་ཕྱི་ཉིན་ནས་ཡར་ནམ་མཁར་ཇེ་མཐོ། བགྲོད་ཅིང་འགྲོ་བ་བུལ། མར་འགྲོ་མྱུར་བ་མངོན་སུམ། ཚད་ཀྱང་ལྷོ་ཡི་ཆུ་དཀྱིལ་གྱི་བཞི་གསུམ་ཚུན་དང་། །ས་དཀྱིལ་ཕྱེད་ཕན་ཆད་ཡིན་ཏེ། །གོ་ལས་ཆུ་དཀྱིལ་བཞི་གཅིག་ཕན་དང་། །མེ་རླུང་མཚམས་ཚུན་བྱ་སོ་འདུག་པ། །ཐུར་གྲིབ་ལྷོར་འོང་སྙམ་དོགས་ཀྱང་དེ་སྐབས་ཉི་མ་ཆེས་མཐོ་བས། གྲིབ་མ་དེ་ལྟར་མི་འཆར་གསུངས། གོ་ལའི་གཟའི་ཁྱིམ་བཅུ་གཉིས། །ཡངས་དོག་མེད་ཅིང་མཉམ་ལམ་ནས། །ཕྱེད་དགོས་པའི་ཁྱིམ་དྲུག །ལྷོ་བྱང་དུ་བཀོད་པ། གཞུ་པད་ཀྱི་དབྱིབས་འདྲ་འོང་ཞིང་། བཅུ་གཉིས་པོ་ཟླུམ་ཐིག་གཅིག་མཐར་བཀོད་པ་ལ། གླིང་བཅུ་གཉིས་རང་རང་གླིང་གི་ཐད་ལ་ཟླུམ་སྐོར་རེ་མི་འདོད། ཉི་མ་དེ་ལྟར་གསེག་སྟེ་འཆར་ནུབ་མི་བྱེད་པ་མངོན་སུམ་བལྟས་པས་ཤེས། དེ་བཞིན་ ― MR12_Page_0029 ―
[མ་དཔེ་གཟིགས་ན་འདིར་གནོན།]
མཉམ་ལམ་གཉིས་ནས་ནི། །ཡིད་ཀྱི་རི་མོ་འབྲི་བ་ནི། །གོ་ལ་ཆེན་པོའི་ཕྱེད་གནས་ཏེ། །རང་རང་ས་ཐད་གོ་ལ་དང་། །དེའི་ཕྱེད་འབྲི་བ་ལྷག་མི་འདོད། །ཉི་ལྡོག་སུམ་བརྒྱ་དྲུག་ཅུ་ཡང་། །རྒྱུད་རྩ་འགྲེལ་ནས་གཅིག་མ་གཏོགས་བཤད་པ་མེད།ཡུལ་དྲུག་ཏུའང་སོ་སོར་མ་གསུངས། ཡུལ་དྲུག་ཉིན་མཚན་ཆུ་ཚོད་འཕེལ་འགྲིབ་གསུངས་པས། ཉི་ལྡོག་སོ་སོར་ཅི་སྟེ་མི་གསུངས། ཆུ་སྲིན་ཀ་རྐར་ལྡོག་པ་ཙམ་ལས། འཁྲིག་གཞུ་སོགས་སུ་ཉི་ལྡོག་གསུངས་ཡོད་ཟེར་ཀྱང་། རྒྱུད་འགྲེལ་ན་ཟུར་ཙམ་མེད།རྒྱུད་དུ་བྱང་བགྲོད་ཀྱི་ཟླ་བ་དང་པོར། ཉི་མ་བཅུར་ཐུར་གྲིབ་བརྟགས་གསུངས་ཀྱང་། གྲིབ་མ་མ་དག་ན་ཉི་ལོག་མི་དག །དེ་མ་དག་ན་ཟླ་བ་དང་གཟའ་ལྔ་མི་དག་གསུངས། དེ་ཡང་མཁས་གྲུབ་ནོར་བཟང་བས་རྩེས་ཐང་བསམ་གཏན་གླིང་དུ་ཐུར་གྲིབ་བརྟག་ཚེ་ཉི་མ་ཡང་ཁྲིག་གཞུར་སླེབ་ནས་ཞག་གྲངས་བདུན་འདས་རྗེས་དབྱར་དགུན་ཉི་ལྡོག་གི་གྲིབ་གཟུགས་འགྱུར་གསུངས་པས། དུས་སྦྱོར་འདས་ཞག་སོགས་ལ་རི་ཡིས་ཕྲི་བའི་ལག་ལེན་མཛད། འཁྲིག་གཞུའི་ཐོག་མར་ཉི་མ་ལྡོག་པ་ལྷོ་གླིང་ཤར་མའི་ཚངས་ཐིག་ཏུ་དགོངས་པར་བཤད། རང་ཅག་གནས་པའི་ས་འདི་ལྷོ་གླིང་ཤར་མའི་ཚངས་ཐིག་ནས་ཁྱིམ་བཞག་བདུན་འདས་པའི་ས་ཚིགས་དང་། ལྷོ་གླིང་དབུས་མའི་ཚངས་ཐིག་ནས། ཤར་དུ་ཁྱིམ་ཞག་ཉེར་གསུམ་གྲངས་བའི་ས་ཚིགས་སུ་ཕུག་པའི་རྗེས་འབྲངས་རྣམས་བཞེད། བདག་གི་སློབ་དཔོན་མཁས་པ་ཆེན་པོས། གཞན་ཀུན་ལྟ་ཅི་པོད་ཆེ་ཆུང་། རྒྱ་ནག་ཆེ་ཆུང་ཤར་གླིང་སྟེ། རྔ་ཡབ་གླིང་ཡོད་ཁས་ལེན་དཀའ། དུས་འཁོར་ལས་ཡུལ་དྲུག་གི་ལྷོ་གླིང་དབུས་མའི་ཆར་མཛད་ཉིན་མཚན་གྱི་ཆུ་ཚོད་འཕེལ་འགྲིབ་ཚད་རེ་བཤད། དེ་ཕྱིར་ ― MR12_Page_0030 ―
[མ་དཔེ་གཟིགས་ན་འདིར་གནོན།]
ཡུལ་དྲུག་དབུས་ཡོད་ངེས། ལྷོ་བྱང་གནས་ཏེ་ཉི་ལྡོག་སོགས་བཤད་པ། བསིལ་རིའི་འདབ་ནས། རྒྱ་གར་ལྷོ་མཐའ་བར་གྱི་ཐོབ་སྐལ་དྲུག་བགོས་པ་ཙམ་ལས། དྲུག་པོ་གནས་ཚུལ་ལྟར་ཡོད་ན་དཔྱད་ཚེ་མངོན་གསུམ་དང་འགལ་གསུངས། ༧ ཡེ་ཤེས་དཔལ་འབྱོར་པས་ཀྱང་། ཉི་མས་གོ་ལ་འཁོར་ལུགས་ཡུལ་དྲུག་སོ་སོར་འཆར་ནུབ་ནི་སྔ་ཕྱིའི་གྲིབ་མ་བསྟུན་ནས། ས་ཡི་ཐོབ་ཐང་དབང་བྱས་ཏེ། ཡུལ་དྲུག་ལྷོ་བྱང་ཚང་ཐིག་སྟེང་། །བསྒྲིག་ནས་ཡོད་ཀྱང་འཛམ་གླིང་གི། ཤར་ནུབ་སྒོར་མོར་དྲུག་བགོས་ཚེ། །རྒྱ་གར་ནས་བཟུང་རང་རང་གི་ཡུལ་གྱི་སྨེ་ཙམ་ཡན་ཆད་ཐད། སྒོར་མོར་གནས་བསྟུན་ཉིན་ཚད་སོགས། འཇོག་བདེ་ཕྱིར་གསུང་སྙམ་གསུང་། ཉི་མས་འཁོར་ལུགས་ནམ་མཁའི་དབང་དུ་བཏང་སྟེས་དུམ་བུ་སུམ་བཅུར་ཕྱེས་ཀྱང་། ནམ་མཁའ་དེ་ཡི་ཐད་དུ་གནས་མི་དགོས་པར་འདོད། ལུགས་འདི་ལྷོ་གླིང་དབུས་མའི་སུམ་ཅུའི་ཆ། ནུབ་མཐའ་ནས་ཤར་མཐར་བརྩི། དེ་བྱས་ཉེར་གསུམ་མདོ་སྟོད་སོགས་རིམ་བཞིན་རྒྱ་མཚོའི་མཐའི་བར་བགོས། འོན་ཀྱང་བགྲོད་གཉིས་ཉར་ཆུ་ལ། །སླེབ་ཉིན་ཉི་མ་ལྡོག་དགོས་ཀྱང་། །ཁྱིམ་ཚད་རི་མོ་དང་ཉི་ལྡོག་དང་འགྲིགས་པ་ཤིན་ཏུ་དཀོན། ད་ལྟའི་རྒྱ་རྩིས་ལ།རྒྱུད་ལྟར་ཉིན་མཚན་ཐོག་མའི་མགོ། ལུག་སྲང་ཉིན་མཚན་མཉམ་ནས་འཛིན། །ཉར་ཆུར་ཉི་མ་སླེབ་མ་ཐག །ལྡོག་གཉིས་འགྱུར་དུས་བརྟག་འཁོར་ལོ། །ཕྱོགས་བརྟག་འཁོར་ལོ་ལ་བརྟེན་ནས། །རྒྱ་ནག་གི་ཞིང་ས་བཅུ་གསུམ་པོར་དབྱུག་སྲང་ཙམ་མ་གཏོགས་ཉི་ལྡོག་ཉིན་གཅིག་འདོད། ༧ གཞན་ཡང་རྒྱུད་ལས་ཆུ་སྲིན་ཁྱིམ་དུ་ཉི་མ་ལྡོག་ཉིན་སྒང་ཡིན་པར་ཤུགས་བསྟན་སྒང་ཁྱིམ་འང་གཅིག་འདོད་དེ། རིགས་ལྡན་པད་དཀར་གྱིས་ཉིན་དེ་དགུན་གྱི་སྒང་ངམ་དཀྱིལ་ཡིན་གསུངས། སྒང་ཁྱིམ་སོ་སོར་མ་མཛད་རྒྱ་ནག་ལས་ ― MR12_Page_0031 ―
[མ་དཔེ་གཟིགས་ན་འདིར་གནོན།]
ཀྱང་གཅིག་ཏུ་འདོད། །ལྡོག་མཉམ་བཞི་འདི་དུས་བཞིའི་སྒང་ངམ་དཀྱིལ་ཡིན་ལ། དུས་བཞིའི་དབུགས་བཞི་ཟུར་རམ་འགོ་ཡིན་པ་རྒྱ་ནག་པས་བྱང་འདོད་པས་ལེགས། དྲི་མེད་འོད་ལས་ཉིན་ཞག་ཐོག་མ་ནམ་ཕྱེད་ནས་མགོ་བརྩམས་གཟའ་ཡི་འཕོ་མཚམས་གསུངས། ད་ལྟའི་རྒྱ་རྩིས་སུ་ཡང་ནམ་གུང་ཤིང་བྱི་ནས་མགོ་འཛིན་གཟའི་འཕོ་མཚམས་ཀྱང་འདིར་བྱེད། །དེ་བཞིན་རྒྱ་ཡི་ནག་རྩིས་ལ། ལོ་ཟླ་ཞག་དུས་མགོ་འཛིན་ཚུལ། ལོ་སྔ་ཕྱིའི་མགོ་འཇུག་གི་སྤར་སྨེ་ཉི་སོགས་ཀུན་ཁ་འཕྲོ་འགྲིགས་པ་སོགས། བློ་ལྡན་ངོ་མཚར་སྐད་བྱེད་ཀྱང་གསུངས་འདུག་གོ ༧ །ལོ་འགོ་འཛིན་ལུགས་ལ་རྒྱ་ཡི་ལོ་འགོ་ཉི་ལྡོག་ནས་འཛིན་ཀྱང་། ཟླ་བ་དེ་སྟག་ཟླར་མི་འདོད་བྱི་ཟླར་འདོད། །སྟག་ཟླ་ནི་ཧོར་ཟླ་དང་པོ་འདོད། རྒྱ་ནག་ཏང་ལེན་ལས་ཧོར་ཟླ་དང་པོར་ས་གླང་བརྟག །དཔྱིད་དབུགས་ཐོབ་ཉིན་དེར་ཐེ་སེའི་བཞོན་པ་སྤོ་བར་འདོད་པས་ཟླ་བ་འདི་འཁྲུལ་པ་མེད། དེ་ས་སྐྱའི་སྐར་མཛོད་དང་། སི་ཏུ་ཆོས་འབྱུང་ལུགས་དང་ཧང་ལེན་མཐུན་གསུངས། གསེར་རྩིས་གཟའ་ཉི་ཀླུང་སྤར་སྨེའི་རྩིས་འདུག ༧ །གོང་མ་མཛོད་ཀྱི་མི་ཕྱུགས་གསོ་བ་སོགས། དགོས་དབང་གིས་༡༧༠ ༡༨༡ ༡༩༢ ༡༣ ༢༤ ཟླ་བ་བཅུ་པ་བཅུ་གཅིག་པ་བཅུ་གཉིས་པ་དང་པོ་གཉིས་པ་ལྔ་པོ་འདི་ལྟར་སྔ་ཕྱིར་སྤོ་བ་ཡོད་གསུངས། ༧ ད་ལྟའི་རྒྱ་རྩིས་ལུགས་ཀྱི་དཔྱིད་རའི་ཟླ་སྨེ་ནི། བྱི་རྟ་བྱ་ཡོས་ལོ་བརྒྱད་དཀར། ཁྱི་འབྲུག་གླང་ལུག་ལྔ་སེར། སྟག་སྤྲེལ་ཕག་སྦྲུལ་གཉིས་ནག་གོ། དེ་ལས་གཅིག་ཕྲི་དཔྱིད་འབྲིང་སོགས། ཕྱི་མ་རྟོགས་སོ། ༧ །ལོ་ཁམས་གང་ཚེས་ནི། ཆེ་ཟླ་གང་ཚེས་ཁམས་བསྟུན་གྱི། །བདུན་ཟུར་ཕྱི་ཟླའི་ཚེས་གཅིག་ཡིན། །ཆུང་ཟླ་ཕོས་ཚེས་མ་ཁམས་དང་། །མོས་ཚེས་རང་ཁམས་དྲུག་པ་དེ། །ཕྱི་མའི་ཚེས་གཅིག་ཡིན། ། ― MR12_Page_0032 ―
[མ་དཔེ་གཟིགས་ན་འདིར་གནོན།]
རྒྱུ་སྐར་ཉེར་བརྒྱད་ནི་ཆེ་ཟླ་གང་ཚེས། དེ་ནི་བར་ནས་གཅིག་མཆོད་གསུམ་པ་དང་། ཆུང་ཟླ་གང་ཚེས་དེའི་གཉིས་པ། ཕྱི་མའི་ཚེས་གཅིག་ཡིན་འདི་བཞིན་མ་ནོར་བརྩིས་ན་བསྐལ་པའི་བར་དུ་ཤེས་གསུངས། ༧ དར་གུད་ནི། ཤིང་ཕོའི་བཙས་པ་ཕག་སྟེང་གཡས་སྐོར་འདྲེན། མེ་ཕོ་ས་ཕོའི་བཙས་པ་སྟག །ལྕགས་ཕོའི་བཙས་པ་སྦྲུལ། ཆུ་ཕོས་བཙས་པ་སྤྲེལ། ཕོ་ལོ་བཙས་པའི་གནས་ནས་གཡས་སྐོར་དར་གུད་བཅུ་གཉིས་པོའི་ལོ་ཟླ་ཞག་དུས་སྦྱོར། ཤིང་ཕོ་བྱི་བའི་གནས་དེར། ཤིང་མོའི་བཙས་པ་བཞག་གཡོན་དུ་སྐོར་བ་གནད། དེ་ཡི་རིགས་འགྲེས་ཀུན་ལ་སྦྱར་དགོས། རང་ཁམས་ཕོ་ལོ་ཤི་བའི་གནས་དེ་ནས་ཁམས་མཐུན་ཕོ་མོ་ཡིས། བཙས་པ་ཞག་གཡོན་བསྐོར་བྱའོ། ༧ །གཟའ་བདུན་སྟེང་འོག་མཐོ་དམན་གྱི་རྒྱུ་ཚུལ་ནི། འོག་ནས་ཡར་རིམ་པར་ཇེ་མཐོར། །ཟླ་ལྷག་སངས་ཉི་མིག་ཕུར་སྤེན་དང་དེ་སྟེང་སྨེ་བདུན་རྒྱུ་ཞེས་བཤད། ༧ ནག་རྩིས་རི་མོ་འདྲེན་ན། གཅིག་ཤིང་དང་། གཉིས་ས། གསུམ་ཆུ། བཞི་མེ། ལྔ་ལྕགས་ཁམས་སུ་ངོས་བཟུང་ནས། གནམ་ལོ་སོགས་གང་ཡིན་འབྱུང་གྲངས་ལ། འཐབ་ཚུལ་ལྔས་སྦྱང་། མ་ལྡང་ལྔ་བསྣན་སྦྱང་ལྷག །གཅིག་ལུས་གྲོགས་འཕྲད་རྡེའུ་དཀར་ནག་གཉིས། གཉིས་ལུས་མ་འཕྲད་དཀར་གསུམ། ༠༠༠ གསུམ་ལུས་བུ་སྟེ་དཀར་ནག་ཟུང་། ༠༠ བཞི་ལུས་དགྲ་ཕྲད་ནག་གཉིས། ༠༠ ཐིག་ཤར་འབྱུང་བ་ནང་འཕྲད་པས། ས་ཆུ་ནང་ཕྲད་དཀར་གཅིག་མེ་ལྕགས་ཤིང་གསུམ་ནག་པོ་བོར་དགོས་སོ། །དེ་བཞིན་གནམ་ལོ་དང་བརྩི་བྱའི་སྲོག་སོགས་བཞི་བླང་། སྐྱེས་སྨེ་སོགས་བཞི། བབ་སྨེ་སོགས་རི་མོ་འདྲེན་པ་ཡོད། སྐྱེས་སྨེར་ཆུས་བརྒྱན་བུ་གས་བགོ། ལྷག་ཀླུང་སྨེ་སྐྱེས་སྨེ་ལུས་སྨེ་དོན་གཅིག ༧། ― MR12_Page_0033 ―
[མ་དཔེ་གཟིགས་ན་འདིར་གནོན།]
མ་ལོ་གཟུགས་བརྒྱན་བུ་ལོས་སྤྱང་། བརྒྱད་པ་བགོས་ལྷག་སྐྱེས་སྤར་རོ། །དེ་ཡང་གཅིག་ཁམ་ཁན་༢དྭ་༣ཁོན་༤ལི་༥ཟོན་༦ཟིན་༧གིན་༠བར་རོ། །ཁོན་གིན་སོགས་རི་མོས་འདྲེན་པ་ཡོད། ཕོ་རང་མཐུན་སྟག་ལྔ་ནས་ཐུར་དུ་བརྩི། མོ་རང་མཐུན་སྤྲེལ་ལྔ་ནས་གྱེན་བགྲང་ལོག་མིན་ནོ། །ལོ་དེའི་དབང་གི་བུ་ནས་ཟླ་བ་ཧོར་ཟླ་དང་པོ་ནས་རིམ་དེད། ཟླ་དབང་གིས་ཚེས་དེད། ཚེ་དབང་འདི་ནམ་ལངས་ཡོས་ཁམས་བརྩིའོ། །ལོ་སོགས་དབང་ཐང་གིས་ལྔར་བྲི་ལྷག་གཉིས་ཤིང་། བཞི་མེ། གཅིག་ས། གསུམ་ལྕགས།ཐིག་ཆུའོ། །དེ་བཞིན་ཟླ་དབང་གིས་ཕྲི་ལྷག ཟླ་དེའི་ཚེས་གཅིག །ཚེས་དབང་གིས་འདིར་ཕྲི་ལྷག་ནམ་ལངས་ཡོས་བུའི་ཁམ་མོ། །དེ་ནས་རིམ་བཞིན་དེད་པར་བྱ། ༧ སྤར་བརྒྱད། དྭ་ཟིན་ཟོན་གསུམ་མི་འདྲ། དེ་མིན་འདྲ། ད་ལྟའི་རྒྱ་རྩིས་ལ། གཡོན་རྩིས་རྩ་རྡེལ་དྲུག །གཅོད་འདྲལ་ཉེར་བཞི་ཞེ་བདུན་བཅུ་བཞི་བརྒྱད་མ། ནད་རྩིས་ཐང་ཤིང་། ཚེ་རྩིས། རྒྱ་མ་ཀླུང་། གཟའ་བཞིའི་ཀླུང་། ལྷ་དཔལ་ཚེ་གསུམ་གྱི་གོང་གཉེན་སྦྱོར་རྩིས། གཤིན་ལ་ཟངས་ཀྱ་མ་སོགས། མཁྱེན་གཏེར་ཕྲིན་ལས་ལས་བྱུང་བའི། རྒྱ་ནག་རྩིས་རིགས་ཀུན་ལ་སློབ་གསུངས།༧ རྒྱ་ནག་པོའི་རྒྱལ་པོ་རྡེ་ཡུའུའི་དུས། ལྷོ་ཕྱོགས་རྒྱ་མཚོའི་རུས་སྦལ་ངོ་མཚར་ཅན་བྱུང་བའི་རི་མོར་བརྟེན། འཇིག་རྟེན་ལ་ཁམས་དཔེར་བླང་བའི་མཁའ་ཤིང་ཆུ་ལྕགས། ས་མེ་རིམ་ཆགས་རླུང་བསྲུ་པ་རི་གླིང་བྱུང་། གཟུགས་མཚུངས་དེ་བཞིན་ཉི་ཟླ་མིག །ཕུང་ལྔ་འབྱུང་ལྔ་མ་རིག་ལས། ཁེན་ཁོན་ཕ་མར་བུ་ཚ་མིང་སྲིང་དྲུག་བྱུང་། སྤར་བརྒྱད། བུ་ག་དགུ་ལས་སྨེ་དགུ། སྐྱེ་མཆེད་ལོ་བརྒན་བཅུ་གཉིས། རྣམ་ཤེས་གཟའ་བརྒྱད། སྒལ་ཚིག་རྒྱུ་སྐར་ཉེར་བརྒྱད་སྦྱར་ཏེ། ནང་ལ་སྦྱར་ཏེ་ས་འབྲུག་ལོ་འབྱུང་བའི་གསེར་རྩིས་ཞེས་གྲགས་པ་ ― MR12_Page_0034 ―
[མ་དཔེ་གཟིགས་ན་འདིར་གནོན།]
ལྟར་བླང་དོར་བྱས་པས། ཆོས་སྲིད་དགེ་ལེགས་ཕུན་ཚོགས་གྱུར་ཏོ་ཞེས་གྲགས། ༧ ལོ་འཁོར་དང་རྒྱུ་བ་སྤྱི་ཙམ་བཤད་འདུག །བཻ་དཀར་ལྟར་འདྲའོ། །དབྱངས་འཆར་ཁ་འཕང་འདུག །དེ་ལྟར་རྩིས་དཔག་བསམ་ཡོངས་འདུའི་སྙེ་མ་ཞེས་པ་དེ། ཡང་རྗེ་བློ་བཟང་རྒྱལ་མཚན་སེངྒེ་དཔལ་བཟང་པོའི་གདན་ས་བླ་བྲང་དབང་ལྡན་ཕྱུག་མོའི་རང་གནས་སུ་མཛོད་བན་བསྟན་པ་རྒྱལ་མཚན་ནམ། ཀུན་བཤད་མིང་དབྱངས་ཅན་དགའ་བའི་ལང་ཚོས་བྲིས་པ་ཡིན་འདུག །གཞུང་གསལ་ལེགས་ཞིག་འདུག རྩིས་ཀྱི་བསྟན་བཅོས་མཁས་པའི་སྙིང་ནོར་ཞེས། གཞི་ཕུག་ལུགས་རབ་འདོད་མེ་འཕྲུག་འདས་ལོ་ཅན། ལོ་ཆེན་སོགས་མཆོད་བརྗོད་དུ་མི་འདུག་བཻ་ཌཱུར་མཚོ་ཟུང་། ཉི་འཛིན་ཉི་སྣང་གི་ནུར་སྟེར་བ་གནད་ཆེན་བཟུང་འདུག །སྟོང་མཇུག་ཞིག་འདུག །བཙུན་གཟུགས་པ་འཇམ་དབྱངས་དགྱེས་པའི་གཞོན་ནུས་མཛད་གསུངས། སྙིང་ནོར་གྱི་ཆ་ལག་ཉེར་མཁོའི་རེའུ་མིག་སོགས་མང་ངོ་། །དེའི་དཀར་ཆག་རྒྱས་པ་ཙོང་ཁའི་ལྷོ་རྒྱུད་སྐྱེས་པ་སྙན་ངག་མཁན། མི་ཕམ་ཟླ་བའམ། མི་ཕམ་དབྱངས་ཅན་དགའ་བའི་བློ་གྲོས་ཀྱིས་རོང་པོ་ཐོས་བསམ་རྣམ་པར་རྒྱལ་བའི་གླིང་དུ་བྲིས་པ། ཐུའུ་ཀན་རྡོ་རྗེ་འཆང་གིས་བསྡུས་ཞིང་བརྩམ་ཞེས་སོ། །ཐུའུ་ཀན་དེ་ལ་བློ་བཟང་ཆོས་ཀྱི་ཉི་མ་ཆོས་ཀྱི་རྡོ་རྗེ་འཆང་ཞེས་མཚན་འདུག །ངག་དབང་ཆོས་ཀྱི་རྒྱ་མཚོ་འང་མཚན་གདའ་སྙམ། ཕུག་པ་ལྷུན་གྲུབ་རྒྱ་མཚོས་གཙང་ཆུང་ཆོས་གྲགས་པ་བསྟེན། དེ་ནོར་བཟང་རྒྱ་མཚོའི་གཞུང་སོགས་བརྟེན་ཞལ་ལུང་མཛད་ཅེས་འདུག་གོ་དགེའོ། །༈ ཡང་གོང་གི་དཔག་བསམ་ཡོངས་འདུའི་སྙེ་མན། ཟླ་བ་ནི། གནམ་ལོ་ཤིང་ཕོས་མོར་སྟག་ཟླ་དེ་མེ་ཁམས། ཤིང་མོ་ལྕགས་ཕོར་སྟག་དེས། མེ་ཕོ་ལྕགས་མོར་སྟག་དེ་ལྕགས། མེ་མོ་ཆུ་ཕོར་སྟག་དེ་ཆུ། ས་ཕོ་ཆུ་མོར་སྟག་དེ་ཤིང་ཁམས་སུ་བརྩི། དེ་ནས་རིམ་ ― MR12_Page_0035 ―
[མ་དཔེ་གཟིགས་ན་འདིར་གནོན།]
བཞིན་གཉིས་རེ་སྤག་ཏེ་བུ་འདེད། ཞག་ནི་གསེར་རྩིའི་རི་མོ་ལྟར་རོ། །དུས་ཞི་ཤིང་ཕོས་མོའི་ནམ་གུང་བྱི་བ་སྟེ་ཤིང་བྱི། དེ་བཞིན་ཤིང་མོ་ལྕགས་ཕོའི་མེ། མེ་ཕོ་ལྕགས་མོའི་ས། མེ་མོ་ཆུ་ཕོའི་ལྕགས་བྱི། ས་ཕོ་ལྕགས་མོའི་ཆུ་བྱི་སྟེ། དེ་ནས་རིམ་བཞིན་གཉིས་རེ་སྦྲག་བུ་དེད་བྱ། ལོ་ཡི་ཐོག་མ་ཤིང་བྱི་ཟླ་བའི་ཐོག་མ་མེ་སྟག་ཞག་གི་དང་པོའི་ཚེས་གཅིག་གི་ས་ཡོས་དང་བཅས་བུ་དེད་བྱེད། ལུགས་འདིར་ཞག་དུས་ཀྱང་གཉིས་གཉིས་སྦྲགས་ཏེ་བུ་དེད་ཡིན། ལུགས་འདི་བཞག་གསུམ་མི་བྱེད་དེ། རྩིས་གཞུང་ཧ་ལེ་ལ་སོགས་ཀུན། ཁྱིམ་ཞག་ཁོ་ནར་བྱེད་པ་ཡིན། །གསུང་འདུག །ཟླ་དུས་འདི་རང་གི་ནག་རྩིས་སྔོན་འགྲོར་བསྡུར། ལོ་ཟླ་ཞག་དུས་ཁ་འགྲིགས་ཚུལ་དཔྱད་དགེ ༧ རྒྱ་རྩིས་མཆོད་པའི་མེ་ཏོག་པུནྜ་རི་ཀའི་ཕྲེང་མཛེས་ཟེར་བ། རབ་བྱུང་བཅུ་བཞི་པའི་ཤིང་བྱི་ནས་ལོ་མགོ་བཟུང་བ། ཉེར་མཁོའི་ཟུར་འདེབས་བུང་བ་བཟི་བའི་ཅ་ཅོ་རྩིས་བཀྲ་ཤིས་འཁྱིལ་བ་ཞིག་གིས་བརྩམས་པ་ཡོད། རྒྱ་སོག་སྐད་སྦྱར་ལོ་འཁོར་སོགས་མི་འདྲ་བ་ཡོད། པཱ་བ་ཀྭ་ཞེས་མཚན་ནམ་མམ་ཕྱག་རྒྱ་བརྒྱད་ཟེར། བོད་སྐད་སྒྲ་གང་ཡིན་གསུངས་འདུག །རྒྱ་ནག་ཏུ་ཧུང་གསུམ་རྗེས་དྷི་ལྔ་ཞེས་པའི་རྒྱལ་པོ་བྱོན་དུས། དང་པོས་རྒྱའི་སྤར་ཕྱག་གསར་བཟོས། བློན་ཆེན་ཚང་གི་བདེ་ལ་ཡིག་རིགས་ཕྱེད་པར་བརྐོས། རྒྱལ་པོ་གཉིས་པས་གསོ་དཔྱད་ཡོན་ཏན་མཛད། གསུམ་པས་གཟའ་སྐར་བགྲོད་པ་བརྟགས་ནས་ལོ་ཟླ་ཞག་དུས་རྣམ་བཞག་མཛད།ཧུང་གསུམ་རྗེས་དྷི་ལྔ་རིམ་བྱོན་དག་གིས་དང་པོ་ལ་འབངས་ཀྱིས་རུས་སྦལ་རོ་ཕུལ། དེ་བརྟེན་རྩིས་སྐོར་ཆེར་མཛད་མཛད་སོགས་ལོ་རྒྱུས་ཡོད་ལུགས་འདིར། རབ་ཡིད་ཤིང་བྱི་སོགས་འདས་ལོའི་ཉི་མས་བསྒྱུར། རྒྱལ་ཟླ་སོགས་འདས་ཟླ་བསྲེས། གནས་གཉིས་འོག་མ་མིག་གིས་ ― MR12_Page_0036 ―
[མ་དཔེ་གཟིགས་ན་འདིར་གནོན།]
བསྒྱུར་མཁའ་མེ་བྱིན། མདའ་རོས་ཐོབ་པ་སྙེང་འཕར་ཚེས་ཟླ་དག་པ་སྟེ། ཟླ་འཕྲོ་འཕར་བའི་སྔོན་ནམ་ཕྱིར་ཟླ་བཤོལ་ཏེ་ཞིབ་པར་སྒང་ངམ་ཁྱིམ་འཕྲོས་ཤེས། ཉི་མའི་ལོ་འཕོ་ཞེས་དགུན་ཉི་ལྡོག་ནས་ཕྱི་ལོའི་དེ་བར་ཁྱིམ་ཞག་གྲངས་དང་། ཞག་དེའི་ཉི་མ་དྲུག་ཅུར་སྤར་ཁ་གཟའ་སྐར་བཞི། རི་མོས་ངོས་བཟུང་བ་སྣང་། ཟླ་རེའི་སྤྱི་དྷྲུ་ལྔ་ནི། ཟླ་ངག་གནས་དྲུག་བཞག་ནས་བསྒྱུར་བསྲེ། བགོས་པས་འགྲུབ། དང་པོ་ཚེས་དྷྲུ་ནི། ལོ་འཕོའི་ཞག་སྦྱངས་ཚེས་དྷྲུ་སོགས་སྒྲུབ་ལུགས་ཡོད།རྟག་ལོང་ནི། ༠༢༣༣༢༧༨༦༣༩༢༡ཚེས་དྷྲུ། ༠༠༥༨༡༢༤༨༡༨༣༡༣ཉི་སྤྱི། ༠༠༥༨༡༥༣༨༡༣༦༢ཉི་མ་རགས་འགྲོས། ཟླ་རགས། ༠༡༢༣༥༡༨༠༦༦༡༧འཁོར་ལོ་སོགས་འདྲ། ༠༡༣༡༢༠༢༧༠ར་གདོང་པར་ཁྱད་ཀྱི་རྟག་ལོང་ངོ་། །དམར་པོ་རྟག་ལོང་ནག་པོ་རང་འཁོར་རོ། །ཚེས་དྷྲུའི་༢༩༡༢༤༤༣༡༡༡༣སྒྱུར་བྱེད། ༠༣༩༦༢༤༡༥༡༠༣ཉི་སྤྱི་༠༢༩༦༡༩༩༢༤༢ཉི་རགས། ༠༢༥༤༩༠༣༣༡༧ཟླ་རགས། ༡༠༤༠༡༣༥༣༡༦༧ར་གདོང་། དམར་པོ་སྒྱུར་བྱེད་ནག་པོ་རྩིས་འཕྲོ་སྦྱིན་བྱའོ། །༢༦༤༠ ༦༦༠༠༣༦༠༣༡༢༠ ༦༦༠༠༦༠༣༡༢༠ ༦༦༠༠༦༠འཁོར་ལོ་སོགས་འདྲ། འོག་གསུམ་འཁོར་ལོ་འདྲ། ༡༡༧༡ ༣༢༦༧༡༥༦༦༦༡༠༧ ༢༥༥༦༢༦༢༠༠༠༧༤༡༩༨༣༣༠༢༨༥༧༨༥༧༤༡༧༡༢༡༡༣ ༣༦༢༥༨༨༠ ― MR12_Page_0037 ―
[མ་དཔེ་གཟིགས་ན་འདིར་གནོན།]
རྒྱ་རྩིས་ཟླ་འཛིན། ངེས་པའི་ར་གདོང་བར་ཁྱད་དེ། ཁྱིམ་གཞུ་འཁྲིག་ལ་ཞག །༡༤ ༧༣ ཆུ་ཚོད་ཡན་བྱུང་ན་འཛིན། ཆུ་ཀར་༡༡ ༢༠འཛིན་གསུངས། དེ་ནས་ངེས་པའི་ར་གདོང་བར་ཁྱད་ཀྱིས་བྱ་ར་བཟུང་ནས། ར་ཟླའི་བར་ཁྱད་ཞག་གི་རེའུ་མིག་ལས་གང་ཐོབ་ཞག་ཆུ་ཚོད་སྲང་། ར་ཟླའི་བར་ཁྱད་དག་པ་སྟེ། ཞག་གི་དམན་ཆ་རེའུ་མིག་འཛིན་པ་ཡོད། འདི་ཐམས་ཅད་ཁྱིམ་ལ་བརྟེན་འདུག ཆུ་བུམ་ཉ་ཀར་སེང་བུ་མོ་ཕྲི། ལུག་གླང་འཁྲིག་སྲང་སྡིག་པ་གཞུ་ལ་ནོར་མཚན་གདབ་གསུང་། ༧ འཛིན་ཆ་ནི། འཛིན་མཚམས་བར་ཁྱད་ཉིད་ལ། ར་ཟླའི་བར་ཁྱད་དམན་པས་སྦྱངས་ལྷག་འཛིན་ཆའི་བར་ཁྱད་དེ། ༦༠ སྒྱུར་ཆུ་སྲང་བཅུག །འབྱུང་བས་བསྒྱུར་ལ་ཟླ་བའི་ཕྱེད། སྲང་དུ་བཤིག་པས་བགོས་ཐོབ་ཆ། ལྷག་༦༠ བསྒྱུར་ཐོབ་པ་སྲང་སྟེ། ཆ་རེས་ཆ་རེ་འཛིན། ༡ ཐོབ་ན་བཅུའི་ཆའི་གཅིག །འབྱུང་ཐོབ་ལྔ་ཆ་སྟེ་ཕྱེད། ཕྱོགས་ཐོབ་ཡན་ཆད་རིལ་སྒྲིབ་བོ།། །། ༈ ཉི་འཛིན་ཀྱང་དག་པའི་ཚེས་ཀྱི་ངེས་པ་ཡི། ར་གདོང་བར་ཁྱད་ཁྱིམ། ཆུ་སྲིན་ལ་ཞག །༡༣ ༨༦ ཚུན་ཆོད་དང་། འཁྲིག་པར་༡༣ ༡༤ ཀརྚ་༢༦༢གཞུ་ལ་༢༣ ༣༨ འཛིན་སྲིད།ཟླ་བའི་ངེས་པའི་རང་འགྲོས་ཀྱི་བྱ་ར་བཟུང་ནས། ཉི་ཟླའི་བར་ཁྱད་ངེས་བགྲོད་རེའུ་མིག་ལ་ཐོབ་པ་ཟླ་བའི་ངེས་བགྲོད་དོ། །ངེས་པའི་ར་གདོང་བར་ཁྱད་ཀྱིས་བྱ་ར་བཟུང་ནས། ར་ཟླའི་མཉམ་བགྲོད་ཞག་གི་རེའུ་མིག་ལས། ཐོབ་པར་ཟླའི་མཉམ་བགྲོད་ཞག་གི་དམན་ཆ་སྟེ། འཛིན་རྫོགས་དུས་ཀྱི་བར་ཁྱད། འཛིན་རྫོགས་མཁོ་བའི་དུས་ཚོད་འགྲུབ། ཟླ་ཕྱེད་དང་ཟླ་བའི་བར་ཁྱད་ཕྱེད་སྲིད་བཟུང་། བགྲོད་མཉམ་པར་ཁྱད་སོགས་ཡོད་འདུག །དཀྱིལ་བའི་བར་ཁྱད་མཐོང་ཞག་དང་དུས་ཆ་ཆེན་པོ། ཤར་ནུབ་དམན་ཆ་ཉེ་བའི་དུས་ ― MR12_Page_0038 ―
[མ་དཔེ་གཟིགས་ན་འདིར་གནོན།]
ཚོད། བདེན་པའི་དུས་ཚོད། བདེན་དུས་བར་ཁྱད། ལྷོ་བྱང་དམན་ཆ་ཟེར་སོགས། ཐམས་ཅད་རིའུ་མིག་འཛིན་པ་སོགས། །ཉི་འཛིན་བརྟག་དུས་གལ་ཆེ་གནད། ལྷོ་བྱང་དམན་ཆ་ལ་ཡོད་པར་བཤད། དེ་བོད་རྒྱ་ནག་ཕོ་བྲང་གི་དབང་དུ་བྱས་ཀྱི། བོད་ཡུལ་ལྟར་ན།འཛིན་གཏོང་གི་དུས་དང་། བཟུང་བཞི་འཆར་ནུབ་བརྟག་སྐབས་སུ། ཟླ་བ་ལ་འཛིན་རྫོགས་ཀྱི་མཁོ་དུས་དང་། ཉི་མ་ལ་འཛིན་རྫོགས་བདེན་པའི་དུས་ཚོད་དང་། ཆུ་ཚོད་གཟུགས་དང་ཆ་ཤས་ཉི་མས་༡༡༢ དམན་ལ་བརྟག །ཞེས་སེ་བང་དུ། རྟ་དུས་ཉི་འཛིན་ལ། བོད་དུ་སྤྲུལ་དུས་འཛིན། འདིར་བྱི་དུས་ལ། བོད་དུ་སྲོད་འཁོར་བབ་དུས་འཛིན། དེའི་ཕྱིར་གོང་ལྟར་ཕྲི་བས་འགྲིག་གོ་སྙམ་ཞེས་འདུག དཔལ་རི་བའི་མ་ཡང་དགོན་གྱི་རྩིས་རིག་པ་བཟོད་པ་རྒྱལ་མཚན་གྱིས་གསུངས་སོ། ༈ །རྩིས་པད་དཀར་དགོངས་རྒྱན་ཞེས་པ་ངག་དབང་ལེགས་བཤད་ཀྱིས་མཛད་པ་ལས། ཞལ་ལུང་རྩིས་འཕྲོའི་སྒྲ་གཅན་ལ། ཟླ་བ་ཕྱེད་པའི་ལོངས་སྤྱོད། ༣༤༤༠༡༡ རྩ་བར་བསྣན་པའི་གདོང་མཇུག་འགྲུབ་པས་བརྟགས་ན་འཛིན་ཆ་ཅུང་ཞིབ་སྣང་། དགེ་ལྡན་རྩིས་གསར་ཟླ་ཉི་གཉིས་ཀའི་ཆ་དུས་གང་ཡང་མི་འཁྲུལ་གསུངས་ཀྱང་། སྐབས་འགར་རི་མོ་ཡང་ཅུང་མི་མཐུན་པར་འཛིན་མཐོང་བརྟགས་ཟེར། ཕུག་དགེ་བྱེད་རྩིས་༡༠གསར་གསུམ་མཐུན་པར་བཤད་ན་ངེས་ཟེར། སྐར་དབྱུག་གཉིས་སྟོང་ན་མི་འཛིན་ཟེར་ཀྱང་རིལ་འཛིན་ལ་ལར་སྟོང་པ་མཐོང་ཟེར། ཉ་སྟོང་ཆད་དང་དེ་ཀོས་སྐྱོན་བྱེད་ཅེས་གྲགས་ཀྱང་ངེས་པ་མ་ཐོབ་ཟེར། ལྷག་ཡང་ཁྱིམ་གཉིས་སོགས། ཉི་རྐང་མཚོ་དུས་སྤྱོད་སོགས་རྒྱུ་མཚན་མ་མཐོང་ཟེར། དུས་ཚོད་ཕུག་ལུགས་གཟའ་དབྱུག་ལ། བུ་མོ་གླང་སྡིག་ཉེར་བདུན༧། ལུག་སྲང་མདའ༥། འཁྲིག་སེང་གཞུ་ ― MR12_Page_0039 ―
[མ་དཔེ་གཟིགས་ན་འདིར་གནོན།]
བུམ་དགུ༩། ཀར་ཆུན་ཕྱོགས་༡༠བྱིན་པས་ཐོག་༧ཞེས་སྔ་མའི་ཕྱོགས་རྩིས་ཟེར། པད་དཀར་དགོངས་རྒྱན་ཟེར་བ་ན། ཉི་ཟླ་གང་ཡང་ཤར་གླིང་ནུབ་མ་ནས། ནུབ་གླིང་ཤར་མའི་བར་གྱི་མདུན་གླིང་ལྔར་འཛིན་ན། གླིང་འདིས་མཐོང་བས་ན་ཡང་ཤར་ནུབ་ནུབ་རིའི་མཐོ་དམན་བརྟག་དགོས། གཟའ་དབྱུག་འཕེན་སྐབས་མཇུག་གིས་ཆ་ཆུང་འཛིན་ན། དུས་ཅུང་འཕྱི་དུས་འགྲིབ། གདོང་གིས་ཕྱེད་ལྷག་ཆེ་འཛིན་སྐབས་ཅུང་སྔ་ཟེར། བགྲོད་མཐའ་གཉིས་ལ་ཆུ་སྲང་སུམ་ཅུ་བསྣན་དུས་དང་། མཉམ་ལ་ཚེས་ལོངས་ཟད་ཕྲལ་འཛིན། ཟླ་བ་ལྔ་པའི་བྱང་བགྲོད་མཐར་ཐུག་དུས། རྒྱ་ནག་ཕོ་བྲང་དུ་ཉིན་ཚོད། ༣༧མཚན་༢༣ སྟག་གི་༢༠༠༠དུས་ནས་ཉི་མ་འཆར། བྱ་༢༣༠དུས་ནུབ། བཞི་པ་དྲུག་པ་གཉིས་ཉིན། ༣༤ ༤༠ ༢༢ ༠༠ སྟག་དུས། ༤༢༠ཤར་བྱ་དུས། ༢༠༢ནུབ། ༧ །གསུམ་པ་བདུན་པར་ཉིན་༣༢ ༢༠མཚན་༣༢ ༧ ༠ སྟག་༣༥༢བྱ་༦༡༠༧ གཉིས་པ་བརྒྱད་པ། ༣༠ ༣༠སྟག་ཡོས་༠༠༠༠ བྱ་༠༠༠ ༥དང་པོ་དགུ་པ་གཉིས། ༢༤ ༧༠༣༢ ༢༠ཡོས་༡༡ ༠༠ སྤྲེལ་༣༥ ༠༠ ༧ བཅུ་པ་བཅུ་གཉིས་པ་གཉིས། ༢༣ ༥༠ ༣༤ ༤༠ཡོས་༢༢༠ སྤྲེལ་༢༤༠༧ བཅུ་གཅིག་པ།༢༢༣༣ ༧ ༠ཡོས་༣༣༠ སྤྲེལ་༡༣༠ ༧འདི་ལ་ཚད་གཞལ་སྟེ་འཆར་ནུབ་དང་ཉི་ཟླ་མཐོང་ཚུལ་ལ་བརྟག་ནས་འཛིན་དུས་སོགས་ལ་གོ་རྒྱུ་ཡོད་སྲིད་བསམ། ༧ ས་དུམ་བུ་བཅུ་གཉིས་ཤར་གླིང་ཤར་དབུས་ནུབ་གསུམ་སོགས་ཕྱོགས་བཞིར་གསུམ་རེ་ཕྱེ་བས་གླིང་བཅུ་གཉིས་དང་། ས་ཐམས་ཅད་ཀྱི་གུང་གཉིས་བྱི་རྟའི་དུས་སུ་བྱས། གཞན་འཆར་ནུབ་སྔ་ཕྱི་ཡོད་པ་དང་། གླིང་བཅུ་གཉིས་པོ་རེ་རེའི་རང་ཅག་ལྷོ་གླིང་དབུས་མ་འདི་ལའང་། ཤར་ནུབ་ཀྱི་ཁྱིམ་ཞག་གི་གྲངས་བཞིན་སུམ་ཅུར་བཅད་པས། ཞག་སོ་སོར་ཉི་ལྡོག་སོགས་ ― MR12_Page_0040 ―
[མ་དཔེ་གཟིགས་ན་འདིར་གནོན།]
ཡོད་པ་དགོས་པས། ས་དུམ་བུ་རེ་ལ་ཉི་ལྡོགས་ཟླ་བ་དེའི་ནང་དུ་ཉི་མ་ལྡོག་པ་འདྲ་ཡང་ཞག་མི་འདྲ་སྟེ། ཞག་སོ་སོ་དང་། ཞག་འདྲ་ཡང་དུས་སོ་སོ་མི་འདྲ་བ་ཡོད་ཚུལ་ཀྱང་། ཐུར་གྲིབ་བརྟག་པས་ཉི་སྣང་ལས་ཞག་དེ་ཉིན་བཅས་ཡར་བརྩིས་དགུ་ལ་ལྡོག་འདྲ། དེ་འདྲ་ཟླ་བའི་ཐུར་གྲིབ་ལའང་བརྟགས་ན་ཤེས། ཆུ་ཚོད་སོ་དྲུག་གམ། ༣༢ ཙམ་གྱི་ཉི་མའི་ལོངས་སྤྱོད་ཉུང་ཡོད་འདྲ་དེའི་དབང་གིས་རེད་བསམ། མཉྫུ་ཤྲཱིས་མཁྱེན། མདོར་ན་ཉིན་གུང་རྟ་བྱས་ནས། དེ་ནས་ཉིན་མཚན་ཚད་ཅི་འོང་དེས་འཆར་ནུབ་དུས་གང་ནས་བྱེད་ཤེས་ཏེ། དུས་རེ་རེ་ཆུ་ཚོད་ལྔ་རེ་བརྩིས་པའི་དབང་གིས་སོ། །དེའི་དབང་གིས་ཉིན་ཚད་ཞིབ་པའི་འཆར་ནུབ་དུས་སྦྱོར་སོགས་ཤེས་སོ། །འཇམ་དཔལ་མཁྱེན་ནོ། །རྣམ་དག་གྲུབ་རྩིས་འཕྲོ་འཆུག་མེད་ཡོད་ན། ༥༣༤༥ དབྱར་ལྡོག་གི་ཚད་ཡིན། དབྱར་ལྡོག་ལ་འཁོར་ཕྱེད་བསྣན་པས་དགུན་ལྡོག་༡༣༤ ༨༣༥ འཁོར་ཕྱེད་ཕྱེད་དུ་བྱས་པ་ནི་འདི་ཡིན། ༦༤༥ འདི་དབྱར་ལྡོག་ལ་བསྣན་པས། ༡༤༤༡༨༥ སྟོན་མཉམ། དགུན་ལྡོག་ལ་བསྣན་པས་དཔྱིད་མཉམ། ༢༡༤ ༥༨༥ཡིན། 卍སྟོན་མཉམ་གྱི་ཚད་ལ་དེ་བསྣན་ན་དགུན་ལྡོག་རང་། དགུན་ལྡོག་ལ་འཁོར་ཕྱེད་༡༣ ༣༠ཕྲིན་དབྱར་ལྡོག་སྟེ། དུས་བཞིའི་དབུས་ཀྱི་གཟེར་བཞི་འཆར། ཁྱིམ་གཅིག་གི་ཆུ་ཚོད་མདའ་ཡོན་ཟླ་བ་སུམ་བཅུས་བགོས་པས། ཆུ་ཚོད་བཞི་དང་། ༣༤༠སྲང་སུམ་བཅུ་ཐོབ་པ་འདི། ཁྱིམ་ཞག་རེ་ལ་ཉི་མས་རྒྱུ་སྐར་ཕུལ་གྱི་ཆུ་ཚོད་ལོངས་སྤྱོད་པའི་རྟག་ལོངས་ཡིན། དེའི་ཕྱིར་ས་གང་དང་གང་གི་ཉི་ལྡོག་དེ་ལ། ༣༤༠བསྣན་ནས་ཚིགས་རྗེས་མ་དེའི་ཉི་ལྡོག་འཆར་ཏེ་ས་ཚིགས་སུམ་བརྒྱ་དྲུག་ཅུའི་ཉི་ལྡོག་ཤེས་སོ། །༣༤༠འདི་ཁྱིམ་ཞག་བཅོ་ལྔས་བསྒྱུར་ཏེ་དྲིལ་བས། ༡༣ ༠༠ འདི་འཆར་བ་སོགས་ཉི་ལྡོག་དཔྱད་སྐབས་ལྟར་འགྱུར་རོ། །ཁྱིམ་ཞག་གཅིག་གི་ ― MR12_Page_0041 ―
[མ་དཔེ་གཟིགས་ན་འདིར་གནོན།]
རྟག་ལོངས། ༤༣ འདི་སྟེང་འོག་གཉིས་གསུམ་བརྒྱ་དྲུག་ཅུས་བསྒྱུར་ནས་དྲིལ་བས་རྒྱུ་སྐར་ཆུ་ཚོད་མཁའ་མིག་རྒྱལ་པོ་འཆར་ཏེ། ཁྱིམ་ཞག་སུམ་བརྒྱ་དྲུག་ཅུ་ལ་ལོ་གཅིག་རྫོགས་པ་ཡིན་ནོ་དགེ ། ༈ རྒྱུད་ལས་ལྷོ་གླིང་དབུས་མའི་ཚངས་ཐིག་ཏུ་དབྱར་ཉི་ལྡོག་ལྷོ་བགྲོད་ཚད། ༦༤༥ དགུན་ལྡོག་བྱང་བགྲོད་ཚད། ༢༡ ༠༥གསུངས་འདྲ། ༈ དངོས་གནས་ལྡོག་ཚད་ལ་ནུར་ཕྲི་བས། ཕུག་གྲུབ་ཉི་སྣང་འདི་ཉི་དགས་ལ་འདི་ཤར་ན། ༤༤༣༢ དབྱར་ཉི་ལྡོག ༡༢༠༤༨ དགུན་ལྡོག་ཚད་ཡིན་འདྲ་ཡང་དཔྱད། ༈ རང་ཅག་གིས་འདིར། ༤༣༠ ལ་དབྱར་ཉི་ལྡོག་༡༨དགུན་ལྡོག་ཡིན་པ་འདྲ། དེ་བར་ཞག་མང་པོ་འདུག་པ་ཅི་ཡིན་དཔྱད། 卍 རྟགས་གཉིས་པ་ལ་འདི་མི་ཕམ་ཕྱག་དཔེ་བསྡུར་ས་མི་འདུག ༈ ལི་ཐོ་དང་བསྟུན་ངེས་ཆ་སྨིན་ལུགས་ལྟར། ༤༥༧ དབྱར་ལྡོག་༡༡ ༨༠ དགུན་ལྡོག་༡༤ ༡༢ སྟོན་མཉམ། ༡༥༤༥དཔྱིད་མཉམ། ཡིན་འདི་སྨིན་གླིང་རང་ལུགས་ཡིན། འདི་ལི་ཐོ་ལ་འགྲིག་འདྲ་དཔྱད། ༈ ཕུག་ལུགས། ཆབ་མདོ་པའི་ས་འདིའི་དབྱར་ཉི་ལྡོག །༤༦༢༠དགུན་ལྡོག་༣༤༣ ༩༨༢ ༈ དེ་ལས་ཞག་དགུ་སྔ་བ་མི་ཕམ་རང་ལུགས་རྒྱ་རྩིས་དབྱར་ལྡོག །༤༢༣ དགུན་ལྡོག་༡༤ ༧༧སྟོན་མཉམ། ༡༨༠ དབྱིད་མཉམ། ༢༣ ༤༣ འདྲ། ཞིབ་དཔྱད་ཀྱིས། ༈ ཉི་སྣང་ཉི་ལྡོག་ཉིན་ནས་མར་རྩིས་ཞག་གསུམ་བཻ་ཌཱུར་ཉི་ལྡོག་ཏེ་ཕྱི། ཉི་སྣང་ཉི་ལྡོག་ནས་ཡར་རྩིས་ཞག་ལྔར་རང་ལུགས་ཉི་ལྡོག་ཟེར་བ་དེ་སྔ། བརྒྱད་དམ་ཕྱེད་བརྒྱད་ངེས་འདྲ་སླར་དཔྱད་དོ། །ཞག་དགུ་ཅན་རྒྱ་རྩིས་ཉི་ལྡོག་དང་གཅིག་གོ །༈ སྔར་ལོའི་ལྡོག་དུས་སོགས་ལ་བཅུ་གཅིག་རེ་བསྣན་ཕྱི་ལོ་འཆར་རོ། ༈ །དབྱར་ཉི་ལྡོག་ནས་ཁྱིམ་ཞག་བརྒྱ་བརྒྱད་ཅུ་པ་ལ་དགུན་ཉི་ལྡོག དགུན་ལྡོག་ནས་བརྒྱ་བརྒྱད་ཅུ་པར་དབྱར་ཉི་ལྡོག་དབྱར་ལྡོག་ནས་ཞག་ ― MR12_Page_0042 ―
[མ་དཔེ་གཟིགས་ན་འདིར་གནོན།]
དགུ་བཅུ་པ་ལ་སྟོན་མཉམ། དགུན་ལྡོག་ནས་ཞག་དགུ་བཅུ་པ་ལ་དཔྱིད་མཉམ་འཕོའོ། །རགས་པར་ཉིན་ཞག་དེ་དང་དེ་ལའོ། །ཞིབ་པར་ཉིན་ཁྱིམ་བར་ཁྱད་ཅུང་རེ་ཡོད་མོད་ཉིན་ཞག་དེའི་ཆར་འཕོས་པ་འདྲ་སྙམ། ༈ ཕུག་གྲུབ་གཟའ་དབྱུག་ལ་བཅོ་ལྔ་ཕྲི་ཕུག་བྱེད་ཡིན་ན་ཕྲི། ཕུག་གྲུབ་ཡིན་ན་བསྣན་པས་གཅིག་ཤེས་ཤེས་འདྲ། བསྣན་གྱིས་ཕུག་བྱེད་གཟའ་ཤེས། ཕུག་གྲུབ་ཟླ་སྐར་ལ་༣ཕྲི་བསྣན་གྱིས་ཕུག་བྱེད་ཟླ་སྐར་ཤེས། ཕུག་གྲུབ་ཉི་སྐར་ལ། ༠༥༧ བསྣན་པས་ཕུག་བྱེད་ཉིད་གཤེས། ཕུག་གྲུབ་ཉི་དག་ལ། ༠༥༧བསྣན་པས་མཚུར་བྱེད་ཉི་དག་ཤེས་པ་རགས་པ་འདྲ་དཔྱད། ཕུག་གྲུབ་གཟའ་དག་ལ། ༠ ༢ དབྱུག་གཉིས་བསྣན་པས་མཚུར་གྲུབ་གཟའ་དང་། ཕུག་གྲུབ་ཟླ་སྐར་ལ་བསྣན་༠༢༠ དབྱུག་ཉི་ཤུ། བས་མཚུར་གྲུབ་ཟླ་སྐར་དང་། ཕུག་གྲུབ་ཉི་དག་ལ། ༠༢༠ དབྱུག་བསྣན་པས་མཚུར་གྲུབ་ཉི་མ་ཤེས་འདྲ་རགས་པའོ། །༈ ཕུག་གྲུབ་ཉི་སྐར་ལག་གི་སྟེང་དུ་སླེབ་ནས་མ་རྫོགས་བར་དུ་དཀར་མོ་སོགས་རྟག་དུ་རྒྱས་དུས་རེད་འདུག ༈ ཕུག་ལུགས་ཆད་ལྷག་དེ་རིང་ཡིན་ན་མཚུར་ལུགས་སང་ཉིན་ལྟ་བུ་ཞག་རེའི་སྔ་ཕྱི་ཙམ་རྒྱུག །བར་ལ་རེས་ཆད་ལྷག་གཅིག་པའང་འོང་འདུག དེ་མིན་ཁྱད་མེད་དོ། །དགེའོ། ༈ །ཕུག་ལུགས་ཟླ་སྐར་ལ་དབྱུག་གུར་༤༡བསྣན་ན་སྐར་མ་འཆར་ཟེར་བྲིས་འདུག་ཀྱང་དཔྱད། ལར་ཟླ་སྐར་དབྱུག་གུར་༣༡ཉིན་སྣང་དང་མཚུར་ལུགས་ལྡོག་གཉིས་ཚན་གཅིག་འདྲ། རྒྱ་ལུགས་ཉིན་སྣང་ལས་ཞག་དགུས་སྔ་བ་རང་ཉིད་ཚད་བརྟག་པ་དང་གཅིག་འདུག་བསྣན་དུས་ཅུང་མ་མང་ན་ཉུང་མི་འདུག་སྙམ།མིག་སྐར་བལྟས་པས་སོ། །དུས་ཚོད་ཉི་སྐར་དབྱུག་བཅས་བྲི། ཕུག་ལུགས་ཟླ་བ་བཞི་པ་ལྷག་ན་མཚུར་ལུགས་ཟླ་བ་བཅུ་པ་ལྷག་པས། ཕུག་ལུགས་གང་ལྷག་སྔ་མ་དེའི་ཟླ་གྲངས་ལ་བཟང་པོའི་༦གྲངས་བསྣན་པ་དེ་ཉིད་མཚུར་ ― MR12_Page_0043 ―
[མ་དཔེ་གཟིགས་ན་འདིར་གནོན།]
ལུགས་ཟླ་བཤོལ་ཡིན་ནོ། །ལྡོག་གཉིས་ལ་ག ཞག་ཉིན་སྣང་དང་འདྲ་འདུག །དབུགས་ཐོབ་སོགས་ནི་ཉིན་སྣང་ནས་མར་དེད་ཞག་བརྒྱད་པར་ཕོག་པས་མཚུར་ལུགས་ཕྱི་འདུག །༈ ཟླ་སྐར་ལ་༣༡བསྣན་པ་དེ་ནམ་ལངས་དུས་ཀྱི་ཟླ་བ་ཡོད་པའི་ཡུལ་ཚད་ཡིན་ལ། དེ་སྟེང་ཉིན་ཚད་དེ་འདས་དགོས་པས་དེ་ཉིན་ཉིན་ཚད་བསྣན་པ་དང་མཚན་གྱི་ཐོག་མ་སྐར་མ་གསལ་མངོན་དང་མིག་སྐར་འགྲིགས་ན་འགྲིགས་པ་རེད་པས། དེ་ལུགས་བྱེད་གྲུབ་ཟླ་སྐར་ལ་དཔྱད་དགོས་པ་ངེས་པར་བྱའོ། །དེ་ལྟར་དཔྱད་པས་ཕུག་གྲུབ་རེས་འགྲོགས་ཟླ་སྐར་ལ་༣༡བསྣན་པ་དང་ཁྲིགས་ཆ་རེ་འདུག་པ་སླར་ལྟོས་དང་གསལ་ཞེས་མེ་རྟ་ཟླ་བ་གཅིག་པའི་ཚེས་གསུམ་ནས་ཞག་ལྔར་ཁྲ་འགུ་རི་ཁྲོད་ནས་བརྟག་པ་ངེས་གསལ་རྙེད་དོ། །འདི་ནི་སྐར་མ་རང་རང་གི་ཐད་ཀར་སླེབ་དུས་དེ་ཡི་ལོངས་སྤྱོད་ཐོག་མ་ཡིན་པར་བྱས་པ་ཡིན་ནོ་དགེ ། ༈ སྐར་རྩིས་རྒྱ་རྩིས་གོ་བསྟུན་རི་མོའི་རྒྱུ་མཚན་ལས། དྷྲུ་བའི་སྐབས་ཟླ་དག་མཚོ་ཚེས་ཀྱིས་བསྒྱུར་བ་འབྱུང་ཐུབ་དྲག་བགོས་ཆུ་སྲང་གཟའ་དྷྲུར་བསྲེ་བ་ནི། བྱེད་རྩིས་ཀྱི་ཡང་ཆུ་སྲང་འབྱུང་ཐུབ་དྲག་ཆ། མཚོ་ཆོས་ཀྱིས་གང་ཡིན་སོགས་ཀྱི་རྒྱུ་མཚན་གོ་བསྟུན་ལེགས་པོ་འདུག །བྱེད་མིས་གཟའ་དྷྲུ་ལ་བསྣོན་ཆས་རྒྱ་རྩིས་དང་མཐུན་པར་འཆད་ལུགས་བཤད། ཟླ་བའི་རང་འགྲོས་སྐར་རྩིས་ཀྱི་རིལ་ཆ་ཡིན་པས་སོ། །ཉི་མ་རང་འགྲོས་སྐྱེས་ཁྱིམ་སྦྱང་བའི་ཉི་མར་ཡིན་གསུངས་སྐྱེས་ཁྱིམ་དེས་ཉི་དྷྲུར་སྦྱང་ལྟག་རྒྱ་རྩིས་དང་མཐུན། བགོས་པའི་ལོ་སྐོར་ཞག་ཅེས་པ་སྒྲ་གཅན་བར་ཚད་ཡིན་ཏེ་ཁྱིམ་སོགས་སུ་བཤིག་པས། དེ་ཡང་སྒྲ་བུ་ལ་ལ་ཕྲི་ཞིང་གདོང་མཇུག་ལ་བསྣན་པས། སྒྲ་བུལ་དེ་ཉིད་དྷྲུར་བསྲེས་པས་འོང་བརྒྱ་རྩིས་མཐུན་ ― MR12_Page_0044 ―
[མ་དཔེ་གཟིགས་ན་འདིར་གནོན།]
གསུང་། རྒྱ་རྩིས་འདི་ཁྱིམ་ཞག་གི་ཉི་ཟླ་སྒྲ་ཅན་གསུམ་གྱི་དལ་མྱུར་ཡིན་པ་ལ། རི་མོའི་རྣམ་འགྱུར་ཞིག་ཡིན་འདྲ་བས་བསྒྱུར་ནས་བྲི་ཐུབ་ན་ལེགས་པོ་གོ་རྒྱུ་ཡོད་དམ་སྙམ་སླར་དཔྱོད་ཅིག ༧ །ཉི་ཟླ་འཛིན་པ་ངེས་པའི་ཁྱད་ཀྱི་གཞུ་འཁྲིག་ལ་ཞག ༡༧ ཆུ་ཚོད་མེ་ཆུ་ཡན་ཆད་བྱུང་ན་འཛིན་སོགས་བཤད། ར་ཉི་སོགས་ཕན་ཚུན་ཕྲི་རྒྱུ་མེད། ངེས་པའི་ར་གདོང་བར་ཁྱད་ཀྱི། ཞག་ཐུན་ཚོད་ལ་བརྟགས་ནས་ཁྱིམ་གང་ཡིན་བརྟག་ལ། ཞག་གི་དམན་ཆ་ཟེར་བའི་རེའུ་མིག་བཟུང་ནས་ཆ་སོགས་བརྟག་རྒྱུ་འདུག མཐོ་དམན་གྱི་ཆ་བརྟག་རྒྱུ་འདུག འདི་གལ་ཆེན་ཞིག་ཡིན་ཚོད། ༧ སེ་ཅང་གི་ཐད་དུ་འཛིན་གཏོང་གི་དུས་ལས། ༡༡༠དམན་ལ་བརྟག་སོགས་བཤད། སེ་ཅང་དུ་ཉི་ཕྱེད་དུས། བོད་དུ་ཉིན་ཕྱེད་ཅུང་མ་སླེབ་ཙམ་ཡིན། སེ་ཅང་དུ་རྟ་དུས་འཛིན་ན། བོད་དུ་སྦྲུལ་དུས་འཛིན་པར་མཐོང་། སེ་ཅང་དུ་ནམ་ཕྱེད་དུས་འཛིན་ན། བོད་དུ་སྲོད་འཁོར་ཕག་དུས་འཛིན་པ་འདྲ་བས་དེ་ལྟ་ན། ཟླ་སྐབས་འཛིན་རྫོགས་མཁོ་དུས་དང་། ཉི་སྐབས་འཛིན་རྫོགས་བདེན་དུས་སུ། དུས་ལ་གཟུགས་དང་ཆ་ཤས་ཉི་མས་ཕྲིན་འགྲིགས་སམ་སྙམ་ཞེས་འདུག དཔལ་རི་བ་ཡང་དགོན་གྱི་རྩིས་པ་བཟོད་པ་རྒྱལ་མཚན་གསུང་ལ་འདུག་གོ། ཞིབ་བསྡུར་ཐུབ་ན་ཉམས་རྙེད་རྒྱུ་ཡོད་དོ་སྙམ་མོ། ༧ །གླིང་གཟའ་འཛིན་སྐབས་ཚེས་འཁྱུད་ཟླ་སྐར་ལ་བྱས་ཏེ། དེ་ཡང་ཟླ་བ་འགྲོས་མྱུར་ནས་ཡུལ་དུས་བསྒྲིགས་ནས་སླར་ཡང་ཕྲི་བསྣོན་བྱས་པ་ཞིག་སྙམ། རེད་ཡོད་མེད་སླར་དཔྱོད་ཅིག མཉམ་དུས་ཚད་ལྟར་སོགས་དཔྱོད་ཅིག ཚེས་ཞག་མའི་ཉི་སྒྲ་ཟླ་བ་ལ་བྱས་ན། བཅུ་དྲུག་གམ་ཚེས་གཅིག་གི་ཚེས་འཁྱུད་ལ་བྲི་བསྣན་བྱས་ན་འགྲིག་གམ་དཔྱད་ཏེ། ༧ ཡན་ཀྭོང་ཞེས་པ་ཟླ་བ་དང་པོའི༡༣། གཉིས་པ༡༡། གསུམ་པ༩། བཞི་པ༧། ལྔ་པ༥། དྲུག་པ༣། བདུན་པ༢༩། བརྒྱད་པ༢༧། དགུ་པ༣༥། བཅུ་པ༢༣། བཅུ་གཅིག་པ༢༡། བཅུ་གཉིས་པ༡༩། ༧ དུས་ཕྱིས་རྒྱ་ནག་རྒྱལ་པོ་ཡན་ཀྭོང་ལ་འཁྲུངས་པ་ཞིག་ལ། ཕུན་སུམ་ ― MR12_Page_0045 ―
[མ་དཔེ་གཟིགས་ན་འདིར་གནོན།]
ཚོགས་པ་བྱུང་ནས་ཡན་ཀོང་མེད་ཅེས་རྒྱ་ནས་ཟེར་ཞེས་འགའ་ཡིས་གླིང་། འབྲི་གུང་ཆོས་གྲགས་ཀྱིས་དཔྱིད༢། དབྱར། ༥ སྟོན། ༨དགུན་༡༡ཐ་ཆུང་བཞིའི་ཚེས་ཡར་༠༡༡༠༤༥མར་ངོའི་༡༢༢༥༨༩ ལ་གཤིན་རྗེ་རྒྱུ་བས་གཤེད་པོ་དང་ལས་གཤིན་ལ་གཏོར་མ་ཕུལ། ཡ་མ་ལ་བརྟེན་པའི་ལས་ཞི་དྲག་དེར་བསྟུན་ན་ལེགས་ཞེས་གསུངས་འདུག ༧ །དུས་འཁོར་གཟའ་བདུན་མོ་ནི། ཕོ་ཉས་སྨྲས་པའི་དབྱངས་གྲངས་རྣམས། །ཕྱོགས་ཀྱིས་བསྒྱུར་ལ་ཉི་མ་བསྲེ། །སླར་ཡང་འབྱུང་བས་བསྒྱུར་བ་ལ། །དེ་དུས་དྲུང་ན་གང་ཡོད་པའི། །སྐྱེས་བུའི་གྲངས་བསྣན་བདུན་གྱིས་བགོས། །ལྷག་མའི་གཟའ་ནི་གང་ཡིན་པའོ། །རྒྱ་ཕྲུག་པའི་གཟའ་ཁྱིམ་སྦྲགས་པའི་མོ་ལ། ཕོ་ཉས་སྨྲས་པའི་དབྱངས་ཀྱིས་གྲངས། །ཕྱོགས་ཀྱིས་བསྒྱུར་ལ་གནས་གཉིས་བཞག །ཁྱིམ་ལ་གཟའ་༧དང་གཟའ་༡༢ ལ་ཁྱིམ། །བསྲེས་ནས་སླད་ཡང་ལྔས་བསྒྱུར་ལ། །ཁྱིམ་དང་གཟའ་ཡིས་འཁོར་ལོས་བཅད། །ལྷག་མ་ཁྱིམ་དང་གཟའ་ཡིན་ཏེ། །ལུགས་དང་ཉི་མ་ནས་རིམ་མོ། །གཟའ་ཡི་ཐོབ་པར་གཅིག་བྱིན་པ། །སྐྱོར་གཟའ་ཡིན་པར་ལེགས་པར་གསུངས། །འདི་ལ་དྲུང་གི་སྐྱེ་བོ་བསྲེ་བམ་གསུངས་ཀྱང་བསྲེས་ན་ལེགས་སམ་སྙམ། ཡང་གཟའ་བདུན་མོ་དེ་ལ་དབྱངས་འཆར་ལས། དྲིས་དབྱངས་མེས་གྲི་བདུན་བགོས་གསུངས་པ། གོང་དང་རི་མོ་གནད་གཅིག་འོང་པར་འདུག །ཡང་ན་དྲིས་དབྱངས་ལ་བཞི་བསྣན་ཀྱང་དོན་ལ་འདྲ་འདུག ༧ །རྒྱ་ཕྲུག་གཟའ་ཁྱིམ་སྦྲགས་མའི་མོ་ཡི་རི་མོའི་རྣམ་འགྱུར་གཞན། ཕོ་ཉས་དྲིས་པའི་དབྱངས་ཀྱིས་གྲངས། །བགྲོད་པས་སྤེལ་ནས་བསེ་རུས་བྲི། །ཉི་མས་བགོས་ལྷག་ལུག་ནས་བརྩམས། །ཁྱིམ་ཡིན། དྲིས་དབྱངས་ལ་ནི་བཞི་བསྣན་ཏེ། བདུན་བགོས་ལྷག་མ་གཟའ་ཡིན་ཏེ། །ནོར་ ― MR12_Page_0046 ―
[མ་དཔེ་གཟིགས་ན་འདིར་གནོན།]
ལ་ཟླས་རྒྱན་སྐྱོར་གཟའ་འོ། །འདི་རང་གིས་འཕྲུལ་པ་འདྲའམ། སྦྱོར་གཟའ་དང་འགྲིགས་ན་གཞན་འགྲིགས་འདུག་སླར་བསྡུར་ཅིག གཟའ་ཁྱིམ་སྦྲགས་ཚེ་ཁྱིམ་གྱི་གནས་སུ་ཕྱོགས་ཤར་ཚེ་གང་ལྟར་ཡང་མི་དགེ དེ་མིན་དགེ་བར་འདུག་སྟེ་སོ་སོ་ནས་དགེ་ཤར་ན་ལེགས། མིན་ན་འབྲིང་བ་མ་རང་། གཟའ་ཁྱིམ་གཉིས་ཀར་ཡང་དྲུང་གི་སྐྱེ་བོའི་གྲངས་བསྣན་པ་མན་ལ་འདྲ། ལན་མང་བརྟག་ལན་ཤེས་སོ་དགེ བསྟན་འགྱུར་ནང་གི་ལྷག་མཐོང་བསྐྱེད་ཐབས་ལས། ཉི་ཟེར་གྱི་ནི་རྡུལ་གཅིག་ལ། །ཕྲ་རབ་རྡུལ་ནི་འབུམ་ཕྲག་བརྒྱད། །ཁྲི་ཕྲག་གཉིས་དང་སྟོང་ཕྲག་གསུམ། །བརྒྱ་ཕྲག་ལྔ་དང་བཞི་བཅུ་གསུམ། །ཞེས་གསུངས་པ་ལྟར་ཉི་ཟེར་གྱི་རྡུལ་གཅིག་བདུན་གྱིས་བསྒྱུར་བ་གླང་རྡུལ། དེ་བདུན་གྱིས་བསྒྱུར་བའི་ཞེ་དགུ་ལུག་རྡུལ་སོགས་སོ་སོའི་ཁ་བྱང་ལྟར་ཕྲ་རབ་བར་དུའོ། །རྡུལ་ཕྲ་རབས་རྡུལ་ཕྲན་ལྕགས་རྡུལ་ཆུ་རྡུལ་རི་བོང་རྡུལ་ལུག་རྡུལ་གླང་རྡུལ་ཉི་ཟེར་༨༢༣༥༤༣ ༡༡༧༦༤༩ ༡༦༨༠༧ ༢༤༠༡ ༣ ༤ ༣ ༤ ༩ ༧ ༡མར་བརྩིས་ན་ཕྲ་རབ་གཅིག་བདུན་བསྒྱུར་བདུན་ནི་རྡུལ་ཕྲན་སོགས། སྔ་མའི་རིམ་པར་འཕེལ་ཏེ་ཉི་རྡུལ་སྐབས་འབུམ་བརྒྱད་སོགས་གོང་བཞིན་ནོ། །དེ་ནས་རྩོམ་སོགས་གཞུང་ལྟར་གྲངས་འཕེལ་བས་དཔག་ཚད་གཅིག་ལ་རྡུལ་ཕྲ་རབ་དུ་ཡོད་སོགས་ཤོག་ཁྲ་བྱ། དེ་ནས་དཔག་ཚད་གཞུ་འདོམས་སོགས་ཀྱི་གྲངས་ཀྱིས་བསྒྱུར་བས་ཐམས་ཅད་ཤེས་སོ། ༈ །ཞག་གཅིག་གིས་དུས་མཐའི་སྐད་ཅིག་སོགས་ཀྱང་ཤོག་ཁྲ་དེ་བཞིན་བྱའོ། །འདི་མངོན་པའི་ལུགས་ལྟར་ཡིན། དུས་འཁོར་ལྟར་ན་དེའི་ལུགས་སུ་བརྩིའོ།། །།བྱ་ར་བ་༡ཕོ་༢མོ་༣ཕོ་༤མོ་༥ཕོ་༦མོ་༧ཕོ་༨མོ་༩ཕོ་༠མོ་ལོ་ཟླའི་ཁམས་མེ་མེ་ས་ས་ལྕགས་ལྕགས་ཆུ་ཆུ་ཤིང་ཤིང་ཤིང་བྱི་འདས་ལོ་གཏེར་༡༠གྱིས་བརྒྱན། །ཕྱོགས་དོར་ལྷག་པས་ལོ་ཁམས་རྟོགས། །འདས་ལོ་ཉིས་བསྒྱུར་ཟླ་གྲངས་བསྲེ། །ཕྱོགས་ ― MR12_Page_0047 ―
[མ་དཔེ་གཟིགས་ན་འདིར་གནོན།]
ཕྱོགས་དོར་ལྷག་གིས་ཟླ་ཁམས་རྟོགས། །འདས་ལོ་བཅས་དོར་ལྷག་མ་ཡི། །ཕྱོགས་སྦྱོང་ལྷག་མ་མེད་ནས་དགུ། སོར་མོ་དམན་ལྷག་གནམ་སྨེ་ཡིན། །གནམ་སྨེར་ཡོན་བསྲེས་དགུ་ཡིས་ཕྱེ། །ལྷག་གིས་དགུར་སྦྱངས་ལོའི་སྨེ་རྟོགས། །འདས་ལོ་མེས་བསྒྱུར་ཟླ་གྲངས་དང་། །གཟུགས་བསྲེས་རྩས་དོར་ལྷགས་ཕྱོགས་སྦྱངས། །ལྷག་མས་ཟླ་བའི་སྨེ་བ་ཤེས། །གནམ་སྨེར་རྩི་བྱའི་ལོ་གྲངས་བསྲེས། །གཟུགས་ཕྲི་བུ་ག་བགོས་ལྷག་གི། རྩི་བྱའི་སྐྱེས་སྨེ་གང་ཡིན་རྟོགས། ༈ །ཟླ་འཛིན་རྩོམ་དཔེ་བཞུགས་སོ། །མཚན་བཟང་གུར་གུམ་གསར་པའི་ལང་ཚོ་ཡིས། །སྲིད་པའི་སྙིང་གི་མུན་པ་རབ་འཇོམས་པ། །ཁྱབ་བདག་འཇམ་དཔལ་དཔའ་བོས་འགྲོ་བ་ཀུན། །བྱང་ཆུབ་བར་དུ་དགེ་ཞིང་ཤིས་པས་སྐྱོངས། །ཕྱི་ནང་རྟེན་འབྲེལ་ཟབ་མོའི་གནད་མཐུན་པར། །བདེན་གསུང་རྡོ་རྗེའི་ཚིག་གིས་ལེགས་བསྟན་པའི། །དོན་བཞིན་ག་བུར་འཛིན་པའི་དཀྱིལ་འཁོར་ལ། །སྒྲ་གཅན་གྲིབ་མ་སྣང་བའི་ཚུལ་འདི་བརྗོད། །ལྔ་ཕྲག་གསུམ་གྱི་གྲངས་ལྡན་རབ་བྱུང་ཁོངས། །བདུད་རྩིའི་ཆུ་སྤྲིན་རོལ་པ་ལ་བརྩེ་བས། །རྨ་བྱ་རབ་ཏུ་དགའ་བའི་ཟློས་གར་གྱིས། །དུས་ཀྱི་བརྗོད་པ་ཉེ་བར་མཚོན་པའི་ཚེ། །དྭངས་པའི་མེ་ལོང་དཀྱིལ་ན་གཟུགས་བརྙན་བཞིན། །རྡུལ་དང་བྲལ་བ་འཆི་མེད་ལམ་ཡངས་བོར། །རྒྱུ་སྐར་བདག་པོ་རྒྱུ་སྐར་དང་པོ་དང་། །འགྲོགས་པའི་རྩེ་དགའ་གསར་པ་ལ་ཆགས་པ། །སྙིང་ལ་མི་བཟོད་བཞིན་དུ་གྱུར་པ་ཡི། །མིག་སྨན་རི་མཚུངས་གདོང་ལྔའི་གདོང་བ་ཅན། །མཐོང་བས་ལྷ་ཡང་བརྒྱལ་བར་བྱེད་པའི་གཟུགས། །འདི་ན་རྣམ་པར་འཚེ་བའི་ཚུལ་དུ་གནས། །དེ་ནི་ཆུ་ཤེལ་དབང་པོའི་དཀྱིལ་འཁོར་ཆ། །དྭངས་གསལ་མཛེས་པའི་དཔལ་ལ་འཁུ་བའི་ ― MR12_Page_0048 ―
[མ་དཔེ་གཟིགས་ན་འདིར་གནོན།]
བློས། །མིག་སྨན་དང་འདྲེས་ཨུཏྤལ་དམར་པོ་ཡི། །མེ་ཏོག་ཁུ་བས་བྱུགས་པ་བཞིན་དུ་སྦག །དེ་ཚེ་འཛམ་གླིང་གནས་པའི་སྐྱེ་བོ་ཡིས། །ཤར་གྱི་རི་ལས་འཕགས་པའི་རི་བོང་འཛིན། །དུད་པའི་མདོག་ལྡན་གོས་ཀྱིས་བཀབ་བཞིན་དུ། །མཚན་མོའི་ཐུན་ལ་གཟིམས་པ་ལྟ་བུར་མཐོང་། །དེ་མཐར་ཟླ་བས་ཆུ་ལྷའི་བུ་མོའི་བཞིན། །བལྟ་འདོད་གདོང་གི་སྒྲིབ་གཡོགས་རབ་བསལ་ནས། །དྭངས་བའི་མེ་ལོང་གསར་དུ་ཕྱིས་འདྲ་བ། །མཚུངས་པ་མེད་པའི་མཛེས་སྡུག་ལང་ཚོ་ངོམས། །དེར་ནི་ལྟས་ཤེས་རྣམས་ཀྱིས་གཙུག་ལག་ལས། །འབར་དང་གཡོ་བ་བཞིན་དུ་སྟོབས་འཕེལ་ཞིང་། །འདོད་པའི་མེ་འབར་གཡོན་ཅན་ཚོགས་ཀྱི་བྱ། །སྲིད་ན་གྱ་གྱུ ར་རྩེན་པའི་དུས་སུ་བརྟགས། །གཟའ་མཐོང་འདི་ནས་གཟའ་ཡི་གྲངས་ཀྱི་ཞག །ཆུ་དང་མདའ་མིན་ཆུ་འཛིན་ཕྲེང་བ་ཡིས། །མཁའ་ལས་སྤྲིན་གྱི་མྱུ་གུ་ལེགས་འཐོར་ན། །ས་ལ་སྐྱེ་རྒུ་བདེ་བའི་རྒྱལ་ཐབས་འགོད། ༈ །འདི་ནི་བློ་དང་ལྡན་པས་ཡེ་ཤེས་རླུང་། །མཆོག་ཏུ་ནུས་པ་འཕེལ་བའི་དུས་རིག་ནས། །རྟེན་ཅིང་འབྲེལ་བར་འབྱུང་བའི་ཆོས་ཉིད་ལ། །སྟོན་པའི་ཡིད་ཀྱིས་དགེ་ཚོགས་སྤེལ་བར་རིགས། །ཁྱད་པར་སྙིང་གི་ཨུཏྤལ་གཞོན་ནུའི་དབུས། །འཇམ་མགོན་བདུད་རྩི་གསར་པའི་བཅུད་ལེན་པའི། །ཐབས་མཁས་ཆོ་ག་བརྟེན་པའི་སྐལ་བཟང་ལ། །དུས་འདི་རིན་པོ་ཆེ་ཡི་གཏེར་དང་མཚུངས། །དེ་ཕྱིར་ཐམས་ཅད་གཟིགས་པའི་བཀའ་བཞིན་དུ། །འཁྲུལ་མེད་བསྒྱུར་འགོད་རི་མོའི་འདུ་བྱེད་ལས། །མཁའ་ལས་ལྷ་གནས་ཉི་ཟླའི་འགྲོས་གཞལ་ནས། །ས་སྟེང་སྐྱེ་བོ་ཀུན་ལ་འདི་ལྟར་སྦྲན། །ལྷག་བསམ་དག་པའི་འོད་བཟང་དང་འགྲོགས་པ། །འདི་ཡི་ལེགས་བྱས་རི་དྭགས་འཛིན་པ་ཡང་། །མཁའ་ལ་གཟའ་བྲལ་ཟླ་བ་ལྟར་ ― MR12_Page_0049 ―
[མ་དཔེ་གཟིགས་ན་འདིར་གནོན།]
མཛེས་པས། །སྐྱེ་རྒུའི་ཡིད་ལ་ཀུན་དགའི་དཔྱིད་གྱུར་ཅིག །ཀུན་རྟོག་ལས་རླུང་ཉི་མ་ཟླ་བའི་འགྲོས། །གཞོམ་མེད་བདེ་སྟོང་དྷུ་ཏིའི་དབྱིངས་ཞུགས་ནས། །འོད་གསལ་མཆོག་ཏུ་ཞི་བའི་ཡེ་ཤེས་ལུས། །རྟག་བརྟན་བགྲེས་རྒུད་བྲལ་བར་བདག་གྱུར་ཅིག །རབ་འབྱམས་ཕྱོགས་དུས་རྒྱལ་བའི་མཁྱེན་བརྩེའི་གར། །རྒྱལ་སྲས་དབང་པོ་གཞོན་ནུའི་རྣམ་རོལ་བ། །འཇམ་མགོན་མཁྱེན་པའི་རང་གཟུགས་ཆོས་ཀྱི་རྗེའི། །ཞབས་པད་སྐལ་པ་རྒྱ་མཚོར་བརྟན་གྱུར་ཅིག །ཞེས་རབ་ཚེས་ཆུ་བྱི་དབྱུག་ཟླའི་ཉ་ཡི་གཟའ་འཛིན་མདོར་བསྡུས་པ་རྩིས་རིགས་སྨྲ་བ་འཇམ་དཔལ་དགྱེས་པས་བྲིས་པ་དགེ། མངྒ་ལཾ།། །། ཁྱིམ་བཅུ་གཉིས་ཀྱི་ཐིག་གི་དཔེའུ་རིས་ཞིབ་པར་བཀོད་པའི་དོན་གསལ་བར་བརྗོད་པ་བློ་གསལ་དགའ་བསྐྱེད།― MR12_Page_0051 ―
[མ་དཔེ་གཟིགས་ན་འདིར་གནོན།]
ཁྱིམ་བཅུ་གཉིས་ཀྱི་ཐིག་གི་དཔེའུ་རིས་ཞིབ་པར་བཀོད་པའི་དོན་གསལ་བར་བརྗོད་པ་བློ་གསལ་དགའ་བསྐྱེད་བཞུགས་སོ། ། ― MR12_Page_0052 ―
[མ་དཔེ་གཟིགས་ན་འདིར་གནོན།]
ན་མོ་མཉྫུ་ཤྲཱི་ཝཱ་གཱི་ཤྭ་རཱ་ཡ། འདིར་གོ་ལ་དྲུ་འཛིངས་མའི་ཁྱིམ་བཅུ་གཉིས་ཀྱི་ཐིག་ནི་རྩིས་ཀྱི་མན་ངག་ཉིན་བྱེད་སྣང་བ་ལས། གླིང་རྣམས་ཀུན་གྱི་ནང་མཐའ་ཡི། །ཟླུམ་ཐིག་སོ་སོའི་དབུས་དྲང་སྟེང་། །བཟུང་སྟེ་སོ་སོའི་མདུན་ཐད་དུམ་བུ་བདུན་པ་ཡི། །ཕྱེད་མཚམས་ནས་བསྐོར་རང་རང་གི། ལྷོ་བགྲོད་གཞན་ཕྱོགས་ཐད་ཀའི་གླིང་གི་བྱང་བགྲོད་དང་། །གཡས་གཡོན་ཕན་ཚུན་དཔྱིད་སྟོན་མཉམ་པ་སྟེ། །དེ་བཞིན་བསྐོར་ཐེང་བཅུ་གཉིས་ཀྱིས། །ཁྱིམ་ཟླ་བཅུ་གཉིས་འཁོར་ཚུལ་སྟོན། །ཞེས་གསུངས་པ་འདི་ཁྱིམ་བཅུ་གཉིས་པོའི་ནང་ཐིག་ཡིན། འདི་ཁོ་ནས་ཀྱང་ཁྱིམ་བཅུ་གཉིས་པོས་དུམ་བུ་བཅུ་གཉིས་ཀྱི་སྟེང་དུ་འཁོར་ཚུལ་ཙམ་རྟོགས་མོད། གཟའ་རྣམས་ཁྱིམ་ནས་ཁྱིམ་དུ་འཕོ་ཚུལ་དང་། གླིང་འདིའི་དབུས་ཀྱི་ཚངས་ཐིག་སྟེང་སོགས་སུ་རྒྱུ་སྐར་གང་དུ་གང་ཡོད་ཚེ། རྒྱུ་སྐར་གཞན་རྣམས་གླིང་གཞན་གྱི་སྟེང་ན་ཇི་ལྟར་ཡོད་ཚུལ་སོགས་ཞིབ་ཆ་མི་རྟོགས་པས། ཐིག་ཕྱི་ནང་གཉིས་ཀ་བཏབ་ན་རྒྱུ་སྐར་རྐང་པ་དགུ་རེ་གནས་པའི་ཁྱིམ་གྱི་ཆ་བཅད་དགོས་སོ། །ཁྱིམ་བཅུ་གཉིས་པོའི་ནང་ཐིག་ཙམ་བཏབ་ན་ལན་ཚྭའི་རྒྱ་མཚོའི་བཞི་ཆ་གཅིག་ཕྱིར་ལུས་པའི་མཚམས་སུ་སླེབས་འོང་། །ནང་ཐིག་བསྐོར་ཚད་དེའི་སྟེང་དུ་རྒྱ་མཚོའི་བཞི་ཆའི་ཚད་དེ་བསྣན་ན་བསིལ་རི་ནས་མེ་རིའི་བར་གྱི་ཚད་ཟླུམ་པོར་བསྐོར་བར་འགྱུར་ལ། དེས་ནང་ཐིག་གི་ཕྱི་རོལ་ཟླུམ་སྐོར་བྱས་པ་ཁྱིམ་གྱི་ཕྱི་ཐིག་ཡིན་ཏེ། དེའི་ཤེས་བྱེད་བསྡུས་རྒྱུད་ལས། ལན་ཚྭའི་རྒྱ་མཚོ་འགོངས་ནས་ཉིན་མོར་བྱེད་པ་དག་ནི་ལྷོ་རུ་མེ་ཡི་ ― MR12_Page_0053 ―
[མ་དཔེ་གཟིགས་ན་འདིར་གནོན།]
བར་དུ་འགྲོ་བར་བྱེད། ཅེས་གསུངས་པས་སོ། །དེའི་ཕྱིར་ན་ཁྱིམ་རེ་རེའི་ཟླུམ་ལེབ་ཀྱི་ཁ་ཞེང་ནི་རྒྱ་མཚོའི་བཞི་ཆའི་ཚད་དོ། །དེ་འདྲའི་ཟླུམ་ལེབ་ཀྱི་ཐིག་བཅུ་གཉིས་གདུ་བུ་བཞིན་དུ་རི་རབ་ཀྱི་མགུལ་བར་བསྐོན་ནས་ལྷོ་རུ་མེ་རིའི་ཕྱོགས་སུ་དཔྱངས་པ་བཅུ་གཉིས་པོ་རྟག་པར་རྒྱུན་དུ་འགྲོས་མཉམ་པར་གཡས་སུ་འཁོར་བ་ཡིན་ལ། ཟླུམ་ལེབ་བཅུ་གཉིས་པོའི་རེ་རེ་ཡང་ཁྱུད་སྐོར་དུ་དུམ་བུ་བཅུ་གཉིས་སུ་དགོས་པའི་ཆ་གཅིག་ལ་གཟའ་དགུ་པོའི་རྒྱུ་ལམ་རྒྱུ་སྐར་ཉེར་བདུན་གྱིས་ཚད་ཀྱི་རྐང་པ་ཡོད་ཅིང་། ཆ་གཞན་བཅུ་གཅིག་པོ་སྐར་མ་ཕལ་པ་མང་པོས་གང་བའི་གནས་ཡིན་ནོ། །དེ་ལྟར་ཁྱིམ་ཟླུམ་སྐོར་བཅུ་གཉིས་པོ་སོ་སོ་ནས་དྲུ་གུ་འཛིངས་པ་ལྟར་གནས་ཤིང་རྟག་པ་གཡས་སུ་འཁོར་བ་ཡིན་ཡང་། དེ་ཐམས་ཅད་ཀྱི་རླུང་འགྲོས་ལ་མགྱོགས་བུལ་གྱི་ཁྱད་ཅུང་ཟད་མེད་པར་རྟག་ཏུ་མཉམ་པས་རྒྱུ་སྐར་རྐང་པ་ཡོད་པ་གཟའ་ཡི་རྒྱུ་ལམ་གྱི་ཆ་དེ་རྣམས་རྟག་ཏུ་གཅིག་རྗེས་གཅིག་འཐུད་ལུ་གུ་རྒྱུད་དུ་མི་འབྲལ་བར་འཁོར་བ་དེ་ཁོ་ནར་གཟའ་བཅུ་པོ་དལ་མྱུར་གྱི་རྐང་པའི་རང་འགྲོས་ཀྱིས་རྒྱུ་སྐར་ནས་རྒྱུ་སྐར་དང་ཁྱིམ་ནས་ཁྱིམ་དུ་འཕོ་ཞིང་རྒྱུ་བར་དེས་གནས་གཞན་དུ་མི་འགྲོ་བ་ཆོས་ཉིད་དོ། །དེ་ཡང་ཟླུམ་སྐོར་རེ་རེ་ཁྱིམ་རེ་རེ་ཡིན་ཡང་ཉི་མ་སོགས་གཟའ་རྣམས་ཁྱིམ་ནས་ཁྱིམ་གཞན་དུ་འཕོ་ཞིང་བགྲོད་པ་འདི་ནི་ཁྱིམ་དེའི་རྒྱུ་སྐར་རྐང་པ་གནས་པའི་ཆ་གཅིག་པོ་དེ་ལ་སྤྱི་མིང་བྱེ་བྲག་ལ་ཐོགས་པའི་ཁྱིམ་དེ་ལ་འཛིན་དགོས་སོ། །དེ་འདྲའི་རྒྱུ་སྐར་རྐང་པ་གནས་པའི་ ― MR12_Page_0054 ―
[མ་དཔེ་གཟིགས་ན་འདིར་གནོན།]
ཁྱིམ་གྱི་ཆ་དེ་དམིགས་བསལ་ཏེ་རྟོགས་ཕྱིར་ཤར་ལྷོ་ནུབ་བྱང་གི་གླིང་དབུས་མ་བཞིའི་ལྷོ་བགྲོད་མཐར་ཐུག་གི་ཁྱིམ་བཞིའི་ཐིག་ཕྱི་ནང་གཉིས་ལྡན་བཏབ་ནས་ཁྱིམ་རེའི་ཆ་བཅུ་གཉིས་སུ་བགོས་པའི་ཆ་གཅིག་གི་ཤོག་ཚད་དེའི་དབུས་དྲང་པོ་གླིང་རང་རང་གི་ལྷོ་དབུས་ཚངས་ཐིག་སྟེང་དུ་བཀོད་པས་སོ་སོའི་ལྷོ་བགྲོད་མཐར་ཐུག་གི་དུས་ཉི་མ་དེར་ཡོད་པ་ཤེས་ལ། ཤོག་ཚད་དེ་སོ་སོའི་ཐིག་རྒྱུད་བཞིན་དུ་གཡས་སྐོར་དུ་དེད་པས་གླིང་གཞན་སོ་སོའི་སྟེང་དུ་འགྲོ་ཚུལ་ཤེས་པས་ཁྱིམ་གཞན་ཀྱང་དེས་མཚོན་ནུས་སོ། །རྒྱས་པར་ཁྱིམ་བཅུ་གཉིས་པོའི་ཐིག་ཕྱི་ནང་གཉིས་ཀ་བཏབ་ནས། ལྷོ་གླིང་དབུས་མའི་དུམ་བུ་འཛམ་གླིང་ཆུང་ངུར་གྲགས་པ་འདིའི་ལྷོ་བགྲོད་མཐར་ཐུག་པའི་དུས་སུ་མི་རེའི་ཕྱོགས་ཀྱི་དབུས་ཀྱི་ཚངས་ཐིག་གི་སྟེང་དུ་ཆུ་སྲིན་ཁྱིམ་གྱི་དབུས་སུ་ཡོད་པའི་སྐར་མ་གྲོ་བཞིན་འཆར་བཞིན་པའི་གནས་སྐབས་དེར་གཟའི་རྒྱུ་ལམ་ཁྱིམ་གྱི་ཆ་བཅུ་གཉིས་པོ་རྣམས་གཞུ་ཁ་སྦྱོར་གྱི་རྣམ་པས་གླིང་དུམ་བུ་བཅུ་གཉིས་པོའི་སྟེང་ན་འདི་ལྟར་གནས་པའི་འདི་ཁྱིམ་བཅུ་གཉིས་གླིང་སོ་སོར་འཆར་ཚུལ་རགས་པ་ཙམ་ཡིན། ཞིབ་ཏུ་སྨད་ཀྱི་རྐང་བ་དང་པོ་བཀོད་དོ། །དཔེའུ་རིས་འདི་སྔར་སུས་ཀྱང་བཀོད་པ་མེད་ན་ཡང་། གསར་དུ་བདག་མི་ཕམ་པས་བསམ་པ་བཟང་པོས་བཀོད་པ་ཡིན་ལ། འདི་ལའང་ཞིབ་ཏུ་ན་གླིང་བཅུ་གཉིས་པོའི་དབུས་ཀྱི་ཚངས་ཐིག་གི་སྟེང་དུ་ཁྱིམ་དེའི་ཐོག་མ་ཡི་སྐར་མ་དང་ཆུ་ཚོད་ཀྱིས་ཚད་འཕོར་པར་བྱ་བ་ཡིན་ནོ། །མཆན། འདི་བཀོད་པའི་དགོས་པ་ནི་འདི་ལྟར་མ་ཤེས་ན་ཁྱིམ་གྱི་འཁོར་ལོ་ལ་གཟའ་བགྲོད་ཚུལ་སོགས་ཇི་བཞིན་རྟོགས་མི་ནུས་ཤིང་། ― MR12_Page_0055 ―
[མ་དཔེ་གཟིགས་ན་འདིར་གནོན།]
གནད་འདི་ཤེས་ན་རྒྱུད་ཀྱི་དགོངས་དོན་ཁྱིམ་གྱི་གོ་ལ་གཟའི་རྒྱུ་ལམ་དང་། གཟའ་རྣམས་ཁྱིམ་ནས་ཁྱིམ་དུ་འཕོ་ཚུལ་དང་། ཉི་མའི་དབང་གིས་ས་ལ་དུས་བཞི་འཁོར་ཚུལ་སོགས་གོ་ལ་དྲུ་འཛིང་མའི་བཀའ་གནད་དུ་མ་ཞིག་དཔྱིས་ཕྱིན་པར་བདེ་བླག་ཏུ་རྟོགས་ནས་གོ་ལའི་གནས་ཚུལ་དང་དུས་བཞི་འཁོར་ཚུལ་སོགས་ལ་ལོག་པར་རྟོག་པ་དུ་མ་ལྡོག་ནུས་པའི་ཕྱིར་དུས་འཁོར་རྒྱུད་ཀྱི་འཇིག་རྟེན་ཁམས་ལེའི་དཀའ་གནད་གལ་པོ་ཆེ་གཅིག་ཡིན་པའི་ཕྱིར་རོ། །འདི་ལྟར་ཁྱིམ་བཅུ་གཉིས་ཀྱི་ཐིག་ཕྱི་ནང་རིམ་པ་གཉིས་ལྡན་དུ་བཏབ་ནས་ཟླུམ་ལེབ་གཅིག་གི་བཅུ་གཉིས་ཆའི་ཤོག་ཚད་གཅིག་བྱས་ལ། ལྷོ་གླིང་དབུས་མར་ལྷོ་བགྲོད་མཐར་ཐུག་གི་ཁྱིམ་ཆུ་སྲིན་དང་དེར་གནས་རྒྱུ་སྐར་གྱི་རྐང་པ་དགུ་བཅས་ཀྱི་རི་མོ་བཀོད་ནས། དེ་ནས་ཤོག་ཚད་གཅིག་པོ་དེས་གཡོན་སྐོར་གྱི་བུམ་པ་ཉ་ལུག་གླང་འཁྲིག་པ་ཀརྚ་སེང་གེ་བུ་མོ་སྲང་སྡིག་གཞུའི་བར་དུ་ཁྱིམ་སོ་སོའི་ཕྱི་ནང་གི་ཐིག་རྒྱུད་མ་ནོར་བར་ཁྱིམ་སོ་སོའི་ཁ་དོག་དང་མིང་གཞུང་ལས་ཇི་སྐད་བཤད་པ་དང་རྒྱུ་སྐར་གྱི་རྐང་པ་འགོད་ལུགས། ཐ་སྐར་གྱི་རྐང་པ་བཞི། བྲ་ཉེའི་རྐང་པ་བཞི། སྨིན་དྲུག་གི་རྐང་པ་གཅིག་སྟེ་དགུ་པོ་དེ་ལུག་གི་ཁྱིམ་དང་། སྨིན་དྲུག་གི་རྐང་པ་གསུམ། སྣར་མའི་བཞི། མགོ་ཡི་གཉིས་ཏེ་དགུ་པོ་གླང་ཁྱིམ་ཡིན་པ་སོགས་གཞུང་ལས་གསུངས་པ་ལྟར་བར་མ་ཆད་དུ་འགོད་པ་དཔེའུ་རིས་ལ་བལྟས་པས་གསལ་ལོ། །དཔེའུ་རིས་འདིས་མཚོན་ནས་ཆུ་སྲིན་ཁྱིམ་ལས་ཁྱིམ་གཞན་བཅུ་གཅིག་པོ་ ― MR12_Page_0056 ―
[མ་དཔེ་གཟིགས་ན་འདིར་གནོན།]
གླིང་གང་ཡིན་དེ་དང་དེའི་དབུས་ཀྱི་ཚངས་ཐིག་གི་སྟེང་དུ་ཡོད་ཚེ་ཁྱིམ་གཞན་རྣམས་གཞུ་ཁ་སྦྱོར་གྱིས་རྣམ་པས་གླིང་སོ་སོར་བགྲོད་གཉིས་དང་མཉམ་གཉིས་སོགས་ཀྱི་རྒྱུ་ལམ་ཀྱང་གསལ་བོར་ཤེས་པར་བྱའོ། །ཞེས་པ་འདི་ཚུལ་བཞིན་ཤེས་པ་དཀོན་པར་མཐོང་ནས་རང་གཞོན་པའི་དུས་སྔ་མོ་ཞིག་ཏུ་དྲུ་འཛིང་མའི་ཐིག་རིས་ཕྱི་ནང་བཏབ་སྟེ་ཆ་བཅད་ཚུལ་དང་རྒྱུ་སྐར་ཡུལ་གྱི་ཆུ་ཚོད་ཀྱི་རྐང་པ་བཀོད་ཚུལ་གྱི་དཔེའུ་རིས་བཀོད་ཟིན་ན་ཡང་། སླར་རང་ལོ་རེ་ལྔ་པ་རབ་ཚེས་ལྕགས་ཁྱི་ལོའི་ནག་པ་དང་ས་གའི་ཟླ་བར་རྒྱུད་འགྲེལ་བཤད་པའི་རྗེས་སུ། ལོ་དེའི་དབྱུག་ཟླ་བཤོལ་བའི་རྗེས་མའི་ཚེས་བརྒྱད་ལ་དཔེའུ་རིས་ཀྱི་དོན་ག སལ་བར་བརྗོད་པ་འདི་ཡང་ཚུལ་འདི་དོན་གཉེར་རྣམས་ལ་ཕན་དུ་རེ་བའི་བསམ་པས་མི་ཕམ་པ་འགྱུར་མེད་མི་བསྐྱོད་རྡོ་རྗེས་བྲིས་པ་དགེ་ལེགས་སུ་གྱུར་ཅིག །མངྒ་ལཾ། ༈ །རྒྱུ་སྐར་ཁྱིམ་གྱི་གོ་ལའི་ཐིག་རིས་འདི་བཞིན་གླིང་འདི་དང་གཞན་གྱི་སྟེང་དུ་འཁོར་ཚུལ་ལ་རྗེས་དཔག་གིས་ངེས་པ་འདྲོང་དུ་ཡོད་དེ།གླིང་འདིར་ཉི་མ་ཇི་ཙམ་རིང་བ་དེ་ཙམ་མདུན་ཐད་ཀྱི་གླིང་སྒྲ་མི་སྙན་ལ་མཚན་མོར་གྱུར་ནས་མཚན་མོ་རིང་། འདིར་ཉིན་མོ་ཐུང་བའི་ཚད་དེས་མདུན་གླིང་ལ་མཚན་མོ་ཐུང་། དེ་བཞིན་འདིར་མཚན་རིང་བ་དེ་ཙམ་འདི་ནས་བརྩིས་པའི་མདུན་ཐད་ཀའི་གླིང་ལ་ཉིན་མོ་རིང་། འདིར་མཚན་ཚད་ཐུང་བ་དེ་ཙམ་མདུན་གླིང་ལ་ཉིན་མོ་ཐུང་དགོས་པས། དཔེར་མཚོན་ན། ལྷོ་གླིང་དབུས་མའི་དབུས་སུ་དབྱར་འབྲིང་སྣྲོན་ཟླའི་ཚེས་བཅོ་ལྔ་སྐར་མ་ཆུ་སྨད་ཀྱིས་ཉ་བའི་དུས་ ― MR12_Page_0057 ―
[མ་དཔེ་གཟིགས་ན་འདིར་གནོན།]
དེར་ཉིན་མོ་རིང་བ་མཐར་ཐུག་བབ་ན། ཚེས་བཅོ་ལྔ་དེའི་ཉིན་གུང་གི་དུས་སུ་ཟླ་བ་ཡོད་པ་ཆུ་སྨད་ནས་སྐར་མ་བཅུ་བཞི་པ་ནབས་སོའི་སྟེང་དུ་ཉི་མ་ཡོད་པ་དེ་གླིང་དེའི་ཚངས་ཐིག་གི་སྟེང་དུ་བསིལ་རི་དང་ཉེ་བའི་མཐར་ཐུག་ཏུ་ཡོད་པའི་དུས་དེར། སྒྲ་མི་སྙན་ན་ཟླ་བ་ཆུ་སྨད་དང་ཉེ་བར་ཡོད་པ་དེ་གླིང་དེའི་དབུས་ཐིག་ཏུ་བསིལ་རི་ལ་ཉེ་བར་ཡོད་པ་མཚན་མོའི་རིང་བ་མཐར་ཐུག་གི་ཉིན་དེའི་མཚན་གུང་གི་ཆ་ལ་བབ་པ་དུས་མཉམ་པ་དང་། ཚེས་བཅོ་ལྔ་དེའི་ནུབ་མོ་མཚན་ཕྱེད་ཀྱི་དུས་སུ་སྐར་མ་ཆུ་སྨད་ཟླ་བ་འགྲོས་མྱུར་བས་རྒྱུ་སྐར་རྐང་པའི་ས་ཚད་གཅིག་ཏུ་ཉིན་ཞག་གཅིག་ལ་གནས་པར་མ་ངེས་ཀྱང་སྤྱི་ཙམ་དུ་དཔྱད་པ་འདིས་འགྲིག་གོ། མཆན། ཀྱི་སྟེང་ན་ཟླ་བ་ཡོད་པ་དེ། ལྷོ་གླིང་དབུས་མ་དེ་མེ་ཡི་ཕྱོགས་ཀྱི་དབུས་ཐིག་སྟེང་དུ་བབ་པ་མཚན་མོ་ཐུབ་བའི་མཐར་ཐུག་གི་མཚན་ཕྱེད་ཀྱི་དུས་དེར་ཉི་མ་ནབས་སོའི་སྟེང་ན་ཡོད་པ་དེ་སྒྲ་མི་སྙན་གྱི་མེ་རིའི་ཕྱོགས་སུ་དབུས་ཐིག་གི་སྟེང་དུ་སླེབས་པ་ཉིན་མོ་ཐུང་བའི་མཐར་ཐུག་གི་ཉིན་ཕྱེད་ཡིན་པ་དུས་མཉམ་ཡིན་དགོས་པས་ཐིག་རིས་གཞུ་ཁ་སྦྱོར་གྱི་རྣམ་པ་ཅན་འདི་དང་འགྲིག །མདོར་ན་ཐིག་གསར་པ་འདི་ལྟར་ན། ཆུ་སྲིན་གྱི་ཁྱིམ་ལྷོ་གླིང་འདིའི་དབུས་མའི་ལྷོ་བགྲོད་མཐར་ཐུག་མེ་རེའི་ཕྱོགས་སུ་ཡོད་པ་ན། དེ་ནས་བརྩིས་པའི་ཁྱིམ་བདུན་པ་ཀརྐ་ཊ་སྒྲ་མི་སྙན་གྱི་ལྷོ་བགྲོད་མཐར་ཐུག་མེ་རིའི་ཕྱོགས་སུ་ཡོད་པ་དང་། ལྷོ་གླིང་དབུས་མ་དེའི་བྱང་བགྲོད་མཐར་ཐུག་ཀརྐ་ཊ་བསིལ་རིལ་ཉེ་བར་ཡོད་ཚེ། དེ་ནས་བརྩིས་པའི་ཁྱིམ་བདུན་པ་ཆུ་སྲིན་གྱི་ཁྱིམ་དེ་སྒྲ་མི་སྙན་གྱི་བྱང་བགྲོད་མཐར་ ― MR12_Page_0058 ―
[མ་དཔེ་གཟིགས་ན་འདིར་གནོན།]
ཐུག་བསིལ་རི་ལ་ཉེ་བར་ཡོད་པའི་ཐིག་འདིས་མཚོན་ནས། གླིང་ཐད་ཀ་བ་ཕན་ཚུན་གྱི་མཉམ་གཉིས་དང་། ཁྱིམ་ཟླ་བཅུ་གཉིས་སོ་སོའི་འཁོར་ཚུལ་ཐམས་ཅད་གོ་ལའི་ཐིག་རིས་འདིས་གསལ་བར་ཤེས་པ་ཡིན་པས། རྒྱུ་སྐར་རྐང་བའི་གོ་ལའི་ཆ་བཅད་པའི་ཐིག་རིས་འདི་ཤིན་ཏུ་གལ་ཆེ་སྟེ་འདིའི་གནད་མ་ངེས་ན། བསམ་ལོག་གཞན་གྱིས་གླིང་འདིའི་མཐའ་ན་གནས་པའི་སྐར་མ་དེ་གླིང་ཀུན་གྱི་མཐའ་ན་ཡོད་དགོས་སྙམ་པ་སོགས་གླིང་འདིར་རྒྱུ་སྐར་ཉེར་བདུན་པོའི་ཕྱེད་ཙམ་མཐོང་བ་ལ་དཔགས་ནས་གླིང་ཀུན་གྱི་སྟེང་ན་རྒྱུ་སྐར་རྐང་པའི་རྒྱུ་ལམ་གྱི་ཁྱིམ་ཇི་ལྟར་གནས་ཚུལ་ཁོང་དུ་ཆུད་མ་ནུས་ནས་མུན་སྤྲུལ་དུ་མའི་སྨྲ་བ་བྱུང་བ་ཐམས་ཅད་འདི་ཤེས་པའི་ལོག་རྟོག་དེ་ཐམས་ཅད་ཅིག་ཆར་ལྡོག་པར་འགྱུར་རོ། །རང་ཅག་གི་ས་འདི་འཛམ་གླིང་ལ་གཏོགས་དགོས་ཀྱང་། འདིའི་མཐའ་ན་སྣྲོན་དང་སྣུབ་ཡོད་ཀྱི་ཆུ་སྨད་མེད་པ་དང་ས་མཐོ་བའི་ཕྱོགས་སུ་མགོ་དང་ལག་ཡོད་ཀྱི་ནབས་སོ་མེད་པ་ཅི་ཡིན་སྙམ་ན་དེ་ནི་ལོགས་སུ་ཉི་ལྡོག་ལ་དཔྱད་པའི་སྐབས་སུ་བཤད་པ་བཞིན་རང་ཅག་གིས་འདི་དང་ལྷོ་གླིང་དབུས་མའི་ཚངས་ཀྱི་བར་ན་ཁྱིམ་ཞིག་གི་ས་ཚིགས་ཕྱེད་ཉེར་གསུམ་ཡོད་པས་ཡིན་ནོ། །འདི་ཡང་གོ་ལའི་ཐིག་སྤྱི་ལས་བྱེ་བྲག་རྒྱུ་སྐར་རྐང་པ་གནས་པའི་ཁྱིམ་བཅུ་གཉིས་ཀྱི་ཐིག་རིས་བཀོད་པ་ལ་ངེས་པ་འདྲེན་བྱེད་དུ་མི་ཕམ་པས་བྲིས་པ་དགེའོ། ༈ །གླིང་བཅུ་གཉིས་ཀྱི་དུས་བཅུ་གཉིས་འཁོར་ཚུལ་ལ་དཔྱད་པ། ན་མོ་མཉྫུ་ཤྲཱི་ཡེ། འདིར་ཤར་གླིང་ཤར་མ་དབུས་མ་ནུབ་མ་སོགས་གླིང་བཅུ་གཉིས་ ― MR12_Page_0059 ―
[མ་དཔེ་གཟིགས་ན་འདིར་གནོན།]
ཀྱི་འདབ་མ་བཅད་པ་དེ་ལ། དུས་གང་ཡིན་པ་དེའི་ཚེ་ཅིག་ཆར་དུ། ནམ་མཁའ་ལ་ལུག་སོགས་ཁྱིམ་བཅུ་གཉིས་དང་། ས་ལ་དཔྱིད་སོགས་དུས་བཞི་དང་། དཔྱིད་ར་བ་སོགས་ཟླ་བ་བཅུ་གཉིས་ཀྱི་དུས་དང་།ཉིན་ཞག་རེ་རེའི་ཡང་། ནམ་ལངས། ཉིན་ཕྱེད། ཉི་ནུབ། ནམ་ཕྱེད་ཀྱི་དུས་མཚམས་བཞིའམ། ནམ་ལངས་ཡོས། ཉི་ཤར་འབྲུག་སོགས་ཞག་གཅིག་གི་ཆ་ཤས་དུས་ཚོད་བཅུ་གཉིས་རྣམས། གླིང་གང་ལ་གང་ཡོད་པ་དེ་ནས་བརྩམས་ཏེ་གཡོན་བསྐོར་དུ་བཀོད་པ་འདི་ལྟར་གླིང་གང་དང་གང་གི་སྟེང་དུ་ཁྱིམ་དེ་དང་། གླིང་རང་རང་ལ་གླིང་གསུམ་རེར་དཔྱིད་སོགས་དུས་བཞི་དང་། དུས་རེ་རེ་ལ་རབ་འབྲིང་ཐ་གསུམ་ཕྱེ་བའི་ཟླ་བ་བཅུ་གཉིས་ཀྱི་དུས་དང་དེའི་ཞག་སོ་སོའི་ཐ་སྙད་དང་། ཞག་གཅིག་གི་དུས་ཚོད་ཀྱི་ཆ་རྣམས་སྐབས་དེར་གླིང་སོ་སོ་ན་དེ་ལྟར་འཆར་བ་ཤེས་པར་བྱ་སྟེ། བསྡུས་རྒྱུད་ལས། ཁྱིམ་གཅིག་ལ་ནི་ཉི་མ་གནས་པས་མཐའ་དག་དུས་ཀྱི་ཚོགས་དང་ཟླ་བ་དང་ནི་ཕྱོགས་རྣམས་བྱེད་ཅེས་དང་། ཚད་གང་དུམ་བུ་གང་དུ་ཉིན་མོའི་དབང་གིས་ཡིན་པ་དེ་ནི་བདུན་པ་དག་རྒྱུ་མཚན་མོ་ལའོ། །ཞེས་གསུངས་པ་ལྟར་ཤེས་པར་བྱ་ལ། དེ་ལྟར་ཁྱིམ་དང་དུས་དེ་དག་ཐམས་ཅད་ལས་ས་དུམ་བུ་བཅུ་གཉིས་པོ་དེར་འཁོར་ལོ་བཞིན་དུ་གཡས་སུ་བསྐོར་ཏེ་རིམ་པར་འཁོར་བ་ཁོ་ན་ཡིན་པ་ནི། གོ་ལ་རྟག་པར་གཡས་སུ་འཁོར་བའི་རླུང་འགྲོས་ཀྱི་དབང་གིས་ཡིན་ནོ། །དེ་དཔེར་ན་ལྷོ་གླིང་དབུས་མའི་སྟེང་དུ་ལུག་ཁྱིམ་ཡོད་ཚེ། ཤར་མར་གླང་། ― MR12_Page_0060 ―
[མ་དཔེ་གཟིགས་ན་འདིར་གནོན།]
ཤར་གླིང་ནུབ་མ་འཁྲིག་པ་སོགས་ནས། ལྷོ་གླིང་ནུབ་མར་ཉ་ཡི་བར་དུ་རིམ་པར་གཡོན་དུ་བཀོད་པ་ལྟར་གནས་ཤིང་། ས་ལ་དུས་བཞིའི་དབང་དུ་བྱས་ན། གླིང་གསུམ་དུ་དཔྱིད་དུས་ཡོད་ན། དེའི་སྔ་མའི་གླིང་གསུམ་དུ་དབྱར་སོགས་གཡོན་སྐོར་དང་། ལྷོ་གླིང་དབུས་མར་དཔྱིད་ར་བ་ཡོད་ན། ཤར་མར་དཔྱིད་འབྲིང་སོགས་གཡོན་བསྐོར་དང་། ལྷོ་གླིང་དབུས་མར་ནམ་ལང་ཚེ། ཤར་གླིང་དབུས་མར་ཉིན་ཕྱེད། བྱང་དབུས་ཉི་ནུབ། ནུབ་དབུས་ནམ་ཕྱེད་དུ་འགྱུར་ལ།ལྷོ་གླིང་དབུས་མར་ནམ་ལངས་ཡོས་འཆར་ཚེ། ལྷོ་གླིང་ཤར་མར་ཉི་ཤར་འབྲུག་སོགས་གཡོན་བསྐོར་གྱིས། ལྷོ་གླིང་ནུབ་མར་ཐོ་རིངས་སྟག་གི་བར་དུའོ། །དེ་ལྟར་ན་གླིང་རང་རང་གི་ནམ་ལངས་པའི་དུས་གང་ཡིན་པ་དེའི་དུས་དེ་ཉིད་ལ། གླིང་གཞན་ན་ཉི་ཤར་ལ་སོགས་པའི་དུས་གཞན་དང་གཞན་དུ་འགྱུར་ལ། གླིང་གི་དུམ་བུ་དེའི་ནང་གསེས་ཀྱིས་ཚིགས་སུམ་ཅུར་སོ་སོའི་ས་ཡི་ཆ་སྔ་ཕྱིའི་དབང་གིས་ནམ་ལངས་པ་སོགས་ཀྱི་དུས་ལ་སྔ་ཕྱིའི་ཁྱད་པར་དབུགས་དང་ཆ་ཡི་བར་དུ་དབྱེ་བ་ཡོད་དོ། །དེ་ལྟར་བཀོད་པ་དེ་དག་དུས་སྐད་ཅིག་ལ་སོགས་པར་རིམ་པར་འཁོར་བའི་དབང་གིས་དུམ་བུ་སོ་སོར་གཡས་བསྐོར་དུ་འཁོར་ལོ་བཞིན་དུ་འཁོར་བ་ཁོ་ནར་ངེས་ཏེ། ལྷོ་གླིང་དབུས་མའི་སྟེང་དུ་ཡོད་པའི་ལུག་ཁྱིམ་རྫོགས་ནས་ལུག་ཁྱིམ་དེ་ནུབ་མར་འཕོ་ཞིང་། ཤར་མའི་གླང་ཁྱིམ་དེ་དབུས་མ་དེར་འཕོ་བ་དེ་བཞིན། དཔྱིད་སོགས་དུས་བཞི་དང་། དཔྱིད་ར་སོགས་ཟླ་བ་བཅུ་གཉིས། ནམ་ལངས་སོགས་ཐུན་ ― MR12_Page_0061 ―
[མ་དཔེ་གཟིགས་ན་འདིར་གནོན།]
མཚམས་བཞི། ཡོས་སོགས་དུས་ཚོད་བཅུ་གཉིས་ཀུན་ཀྱང་དེ་ལྟར་གཡས་སུ་བསྐོར་བས་རིམ་པར་འཕོ་ཞིང་འཁོར་བ་ཡིན་ཏེ། ཉི་མ་ཁྱིམ་སོ་སོར་འཕོ་བ་ནི་ཁྱིམ་ཞག་སུམ་ཅུ་རེས་འཕོ་བ་ཡིན་མོད་ཀྱི། ཞག་གཅིག་ལ་དུམ་བུ་བཅུ་གཉིས་སུ་འཁོར་བ་ནི་གོ་ལའི་རླུང་འགྲོས་ཀྱི་དབང་གིས་ཡིན་པས་གཟའ་རྒྱུ་སྐར་ཐམས་ཅད་ཀྱང་དེ་ལྟར་འཁོར་རོ། །དེ་ཡང་ཁྱིམ་བཅུ་གཉིས་པོ་དུམ་བུ་སོ་སོར་དང་པོ་ནམ་མཁའ་ལས་མཐོང་ནས་ཁྱིམ་གཞན་མ་ཤར་བར་དུ་དེ་དང་དེའི་ཏརྐཱ་ལ་སྟེ། དུས་སྦྱོར་འཆར་བའི་དུས་ཞེས་བྱ་ལ། ཁྱིམ་རྣམས་ཚད་མཉམ་ཡང་ས་སོ་སོར་མཐོ་དམན་གྱི་འཆར་ཚུལ་གྱི་དབང་ལས་འཆར་ཚད་ལ་རིང་ཐུང་ཡོད་པ་དུས་སྦྱོར་གྱི་སྐབས་སུ་བཤད་པ་ལྟར་རོ། །དུས་བཞི་ནི་གླིང་གསུམ་རེར་རབ་འབྲིང་ཐ་མའི་ཟླ་བའི་ཐ་སྙད་ཀྱིས་གནས་པས། གླིང་གང་ལའང་དཔྱིད་ཀྱི་ཟླ་བ་གསུམ་རྫོགས་པའི་རྗེས་སུ་དབྱར་ཟླ་གསུམ་འཆར་བ་དང་། དཔྱིད་ར་བ་རྫོགས་རྗེས་དཔྱིད་འབྲིང་འཆར་བ་སོགས་ཟླ་བའི་གྲངས་ཀྱིས་གཡོན་བསྐོར་དུ་འཆར་བ་དང་། ཉིན་ཞག་གཅིག་གི་དུས་ཚོད་ནི་ནམ་ལངས་ཀྱི་དུས་ཚོད་རྫོགས་རྗེས་ཉིན་ཕྱེད་སོགས་དུས་བཅུ་གཉིས་ཀྱི་གསུམ་རེར་དུས་གཅིག་ཏུ་བྱས་པའི། ཐུན་མཚམས་བཞིའི་ཐ་སྙད་ཀྱིས་གཡོན་བསྐོར་དུ་འཕོ་བ་དང་། དུས་ཚོད་བཅུ་གཉིས་ཀྱི་རེ་རེ་ནི་ཆུ་ཚོད་ལྔ་རེའི་ཡུན་དུ་ངེས་པ་ཡིན་པས། ལྔ་རེ་རྫོགས་ནས་སྔ་མ་སྔ་མ་རྫོགས་དེ་ཕྱི་མ་ཕྱི་མ་རིམ་བཞིན་འཆར་བ། ནམ་ལངས་ཡོས་རྫོགས་ནས། ― MR12_Page_0062 ―
[མ་དཔེ་གཟིགས་ན་འདིར་གནོན།]
ཉི་ཤར་འབྲུག་འཆར་བ་སོགས་རགས་པར་དུམ་བུ་བཅུ་གཉིས་སུ་ནམ་ལངས་སོགས་བཅུ་གཉིས་རིམ་པར་གཡོན་དུ་འཁོར་བ་དང་། དུམ་བུ་རེ་རེ་ས་ཚིགས་སུམ་ཅུར་ཕྱེ་བ་ལ་ནི་ཆུ་སྲང་བཅུ་རེ་བཅུ་རེས་ནམ་ལངས་སྔ་ཕྱི་ཡོད་པར་ཤེས་པར་བྱ་སྟེ། ཉིན་ཞག་གཅིག་གི་ཆུ་ཚོད་དྲུག་ཅུ་སྲང་དུ་ཕབ་པ་སུམ་སྟོང་དྲུག་བརྒྱ་ལ་ས་ཚིགས་ཀྱི་གྲངས་སུམ་བརྒྱ་དྲུག་ཅུས་བགོས་ཀྱང་བཅུ་ཐོབ་པ་དེ་ཙམ་གྱིས་ནམ་ལངས་སྔ་ཕྱི་ཡོད་དོ། །དེ་ལྟར་ནམ་ལངས་ཡོས་སོགས་ཀྱི་ཐ་སྙད་བྱེད་ཚུལ་འདི་ཉིན་ཞག་མཉམ་པའི་དུས་ཀྱི་དབང་བྱས་པ་གཙོ་ཆེར་ཡིན་ལ། ཉིན་གུང་དབུས་ཀྱི་ཆ་རྟ་ཡི་དུས་ཀྱི་དབུས་དང་། མཚན་ཕྱེད་བྱི་བའི་དུས་ཀྱི་དབུས་སུ་བྱེད་པ་རྣམ་ཀུན་ངེས་བར་བྱ་ཞིང་། ཉིན་མཚན་རིང་ཐུང་གིས་དབང་གིས་ཉིན་མོ་རིང་དུས་དུས་ཚོད་བདུན། མཉམ་དུས་དྲུག །ཐུང་དུས་ལྔ་ཙམ་བྱེད་པ་རྒྱ་ནག་པའི་རྩིས་ལས་འབྱུང་བ་ལྟར་ཞིབ་ཆ་བྱ་ཞིང་དུས་ཚོད་བཅུ་གཉིས་པོ་ཀུན་ཀྱང་ཆུ་ཚོད་ལྔ་རེར་ངེས་པ་ཅན་དུ་བྱ་བ་འདི་དུས་ཚོད་ཀྱི་གནད་མི་འཆུག་པའི་གཟེར་ཀ་ལྟ་བུ་ཡིན་པས་གལ་ཆེ་བར་མཐོང་། ཐུན་ཕྱེད་སྒྲ་གཅན་སོགས་ལ་ནི། ཉིན་མཚན་རིང་ཐུང་གང་ཡིན་ཡང་ཉིན་ཚད་མཚན་ཚད་དེ་ཉིད་ཆ་བརྒྱད་དུ་བྱས་པའི་རེ་རེ་ལ་བཤད་པའང་ཡོད། དེ་ལྟར་ས་དུམ་བུ་སོ་སོར་ནམ་ལངས་སྔ་ཕྱི་ཡོད་པ་དེའི་དབང་གིས་ཚེས་གཅིག་ལ་སོགས་པའི་ཐ་སྙད་འདོགས་ཚུལ་ཀྱང་རང་གླིང་དེར་ནམ་ལངས་པ་ནམ་མགོ་འཛིན་དགོས་པས། སྔོན་དང་པོར་ཤར་གླིང་དབུས་མའི་ཚངས་ཐིག་ཏུ་ ― MR12_Page_0063 ―
[མ་དཔེ་གཟིགས་ན་འདིར་གནོན།]
སྐར་དྲུག་དབྱུག་གུ་ཞེ་ལྔའི་ས་ཚད་དེར་ཉི་མ་དང་པོར་སྐྱེས་པ་དེ་ནས་ཉིན་གྱི་ཐ་སྙད་ཐོག་མར་ཆགས་ནས་ཉིན་མཚན་དུ་དབྱེ་བ་བྱུང་ཞིང་། དེའི་རྗེས་སུ་ཟླ་བ་ཐ་སྐར་གྱི་ཐོག་མར་སྐྱེས་པ་ནས་བརྩམས་ཚེས་ཞག་གི་ཚེས་དཀར་ཕྱོགས་དང་ནག་ཕྱོགས་སུ་གྱུར་པ་ལ་བརྟེན་ནས་ཚེས་གཅིག་ལ་སོགས་ཐ་སྙད་གདགས་པ་མངོན་དུ་བྱུང་ཞིང་། གླིང་དེའི་ཉིན་ཕྱེད་ཀྱི་ཚད་ཡིན་དགོས་འདྲ། དེའི་ཚེ་འཛམ་གླིང་དབུས་མར་ནམ་ལངས་པའི་དང་པོར་བརྩིས་ནས་དེ་ནས་རིམ་པར་འཁོར་དགོས་འདྲ་དཔྱོད། ཉི་མས་ཁྱིམ་ཞག་བགྲོད་པའི་དབང་གིས་དཔྱིད་སོགས་དུས་བཞི་དང་། དེ་ཡང་ཚེས་ཟླ་དང་བསྟུན་ཏེ་དཔྱིད་ར་འབྲིང་ལ་སོགས་པའི་ཟླ་བ་བཅུ་གཉིས་དང་། ཉི་མ་གོ་ལའི་རླུང་འགྲོས་ཀྱིས་སྤྱོད་པའི་དབང་གིས་ནམ་ལངས་ལ་སོགས་པའི་དུས་ཀྱི་ཐ་སྙད་མངོན་དུ་བྱུང་བ་ཡིན་ཅིང་། དེ་ལྟར་ན་གླིང་གང་དུ་ཚེས་བཅོ་ལྔའི་ཉིན་མོ་ནམ་ལངས་པ་དེ་དུས། ཐད་ཀའི་གླིང་བདུན་པར་མཚན་གྱི་དང་པོ་ཡིན་པ་སོགས་དུས་ཚོད་བཅུ་གཉིས་ཀྱི་འཆར་ཆ་མི་འདྲ་ཞིང་། གླིང་གང་དུ་ཉིན་མོར་གྱུར་པ་དེའི་ཚེ། ཐད་ཀའི་གླིང་བདུན་པར་མཚན་མོར་གྱུར་པར་ངེས་ཀྱང་། ཐད་ཀ་པའི་མཚན་མོ་དེ། གླིང་དེ་གས་ཁོ་རང་གི་བཅུ་བཞིའི་མཚན་མོའམ་བཅོ་ལྔའི་མཚན་མོ་གང་དུ་བརྩི་དགོས་པ་ལ་དཔྱད་ན། འདི་ནས་བཅོ་ལྔའི་ཉིན་མོ་ཤར་བ་ནས་རིམ་པར་བསྐོར་ན་དེ་བཅུ་བཞི་པའི་མཚན་མོར་འགྱུར་དགོས་ཀྱང་། འདི་ན་བཅོ་ལྔའི་ཉིན་ལ་ཟླ་འཛིན་བྱུང་ཚེ་སྒྲ་མི་སྙན་གྱིས་བཅུ་བཞིའི་མཚན་ཟླ་འཛིན་བྱུང་བར་འདོད་དམ་ཞེ་ན་དེ་འདོད་ཐབས་མེད་དོ། །དེ་བཞིན་ལྷོ་གླིང་དབུས་མར་བཅོ་ལྔའི་ནམ་ལངས་དུས་ལྷོ་གླིང་ཤར་མར་ཉི་ཤར་དེ་ཚེས་གང་གི་ཉི་ཤར་ཡིན་ཀྱང་ ― MR12_Page_0064 ―
[མ་དཔེ་གཟིགས་ན་འདིར་གནོན།]
དཔྱད་བྱའོ། །གླིང་གང་དུའང་ཟླ་བ་ཉ་གང་བའི་ཉིན་ཞག་ཕྲུག་གཅིག་པོ་དེའི་ནམ་ལངས་པའི་དུས་ནས་དེ་རིང་ཚེས་བཅོ་ལྔ་ཡིན་ནོ་ཞེས་ཐ་སྙད་བྱེད་དགོས་ལ། ལྷོ་གླིང་དབུས་མའི་ཉི་ཤར་གྱི་དུས་ལ་ལྷོ་གླིང་ནུབ་མར་ཚེས་བཅོ་ལྔའི་ནམ་ལངས་ཀྱི་དུས་སུ་འཛིན་པ་སོགས་རིམ་པར་བསྐོར་ནས། གླིང་འདིའི་ཉི་མ་ནུབ་པའི་དུས་སུ་ཐད་ཀའི་སྒྲ་མི་སྙན་གྱི་ནམ་ལངས་སུ་བརྩི་བ་ཡིན་དགོས་ཤིང་། ཉི་མ་ཤར་བ་དང་ནུབ་ཅེས་པ་ལའང་ཉི་མའི་དཀྱིལ་འཁོར་དངོས་ཤར་བ་དང་ནུབ་པ་དང་། ཉི་མའི་འོད་ཤར་ནུབ་ལའང་སྒྲ་དེ་འཇུག་མོད། སྐབས་འདིར་ཉི་འོད་ཤར་ནུབ་ལ་བསམ་པ་ཡིན་ནོ། །གླིང་འདིའི་ཚེས་བཅོ་ལྔའི་མཚན་མོའི་ཐུན་ཐ་མ་ཐོ་རེངས་ཀྱི་དུས་སུ་ལྷོ་གླིང་ཤར་མའི་ནམ་ལངས་སུ་བརྩི་བའི་བར་དུའོ། །དེ་བས་གླིང་འདིར་ནམ་ལངས་པ་དེ་གླིང་འདིའི་དབང་དུ་བྱས་པའི་ཚེས་བཅུ་དྲུག་གི་ནམ་ལངས་ཡིན་པར་གླིང་འདི་པས་ངེས་པར་འཛིན་ཀྱང་། ལྷོ་གླིང་ཤར་མའི་ཉི་ཤར་དུ་འཛིན་པ་སོགས་དེ་ཚེས་གང་གི་ཉི་ཤར་ཡིན་པ་སོགས་ཀྱང་དེ་ལྟར་དཔྱད་བྱའོ། །དེ་ལྟར་ཚེས་རེ་རེའི་དུས་ཀྱི་ཆ་དེ་ལྟར་ཆ་བཅུ་གཉིས་སུ་བགོས་ནས་སོ་སོའི་ཚེས་ཀྱི་མགོ་འཛིན་ཚུལ་མི་འདྲ་བ་འོང་བས། གླིང་གཅིག་གི་ཚེས་བཅོ་ལྔའི་ཉིན་ཞག་ཕྲུག་གཅིག་གི་ནམ་ལངས་དེ་གླིང་ཀུན་གྱི་ཚེས་བཅོ་ལྔའི་ནམ་ལངས་མ་ཡིན་ཡང་། ཟླ་བ་དང་ཉི་མ་རྒྱུ་སྐར་འཁོར་ཕྱེད་ཀྱི་ཚད་དུ་ཐད་ཀར་གནས་དུས་ཀྱི་སྐད་ཅིག་མ་དེ་ལ་ཉི་ཟླ་གཉིས་གླིང་གང་རུང་གཉིས་ཀྱི་སྟེང་དུ་ཡོད་ཀྱི། ཐམས་ཅད་ལ་འདྲ་བ་མ་ཡིན་ཀྱང་དེ་འདྲའི་ཉི་ཟླ་ཐད་ཀར་འཁོར་ཕྱེད་ ― MR12_Page_0065 ―
[མ་དཔེ་གཟིགས་ན་འདིར་གནོན།]
ལ་གནས་པ་དེ་ཟླ་བ་གཅིག་གི་ནང་ནས་ཉིན་ཞག་ཕྲུག་གཅིག་གི་ཆ་ལ་འོང་གི་ཞག་གཞན་ལ་མི་འབྱུང་བས། ཞག་དེ་ལ་བཅོ་ལྔའི་ཐ་སྙད་གླིང་ཀུན་གྱིས་བྱེད་པ་ཡིན་དགོས་ཀྱང་། བཅོ་ལྔའི་མགོ་འཛིན་ལུགས་མི་འདྲ་བ་གོང་བཤད་བཞིན་ནོ། །དེ་བཞིན་གནམ་སྟོང་དང་ཚེས་གཞན་ཡང་དེ་དང་འདྲ་བར། ཚེས་ཞག་རེའི་ཁོངས་སུ་གླིང་སོ་སོར་ཞག་དེའི་ཐ་སྙད་ཐོབ་ཚུལ་དང་། ཚེས་ཞག་གི་མགོ་ནམ་ལངས་ནས་བརྩམས་ནས་ཐ་སྙད་བྱེད་པས་ཉིན་མཚན་སྔ་ཕྱིར་གྱུར་ཀྱང་ཆད་ལྷག་གིས་བསབ་ནས་ཚེས་ཟླ་རྫོགས་པའི་དུས་མཉམ་ཇི་ལྟར་ཡིན་པ་དང་། ཉི་འཛིན་དང་ཟླ་འཛིན་ཀྱང་གླིང་བཅུ་གཉིས་པོ་ཐམས་ཅད་དུ་རང་རང་གི་བཅོ་ལྔ་དང་གནམ་སྟོང་གི་ཚེས་ལོངས་རྫོགས་ཚེ་འཛིན་པར་འདོད་དགོས་མོད། གཟའ་འཛིན་དེ་གླིང་ལ་ལས་མཐོང་ལ་ལས་མི་མཐོང་། ཁ་ཅིག་གིས་ཉིན་དང་ཁ་ཅིག་གིས་མཚན་མོའི་ཆ་སོ་སོར་འཛིན་པར་སྣང་སྟེ། གཟའ་འཛིན་དངོས་ཀྱི་དུས་དེ་ཉིད་གླིང་ཐམས་ཅད་ན་དུས་དེ་གཅིག་པུ་ལས་མེད་ཀྱང་། རང་རང་སོ་སོའི་ཉིན་ཞག་དེའི་དུས་སུ་སྣང་ཚུལ་མི་འདྲ་བས་སོ་སོར་འདོགས་སོ། །དེའི་ཕྱིར་གླིང་སོ་སོའི་ཚེས་ཀྱི་ཐ་སྙད་འདོགས་པའི་ཉིན་ཞག་ཕྲུག་གཅིག་དེ་ཉིན། ཚེས་ཞག་གི་ལོངས་སྤྱོད་དཀར་ནག་གི་ཕྱོགས་བཅོ་ལྔ་པོའི་ཆ་ཤས་དང་འགྲིག་ན་ཆད་ལྷག་མེད། མ་འགྲིག་ན་ཉིན་ཞག་རིམ་བཅས་ཀྱི་བཅོ་ལྔ་ཡིན་ཀྱང་། ཚེས་ཞག་ཉུང་བས་དེ་ཉིན་ཚེས་དེའི་ཐ་སྙད་མི་ཐོབ་ན་ཚེས་དེ་གླིང་དེར་ཆད་ནས་བཅུ་དྲུག་པའི་ཐ་སྙད་འདོགས། ཚེས་ཞག་ ― MR12_Page_0066 ―
[མ་དཔེ་གཟིགས་ན་འདིར་གནོན།]
འཕེལ་ཏེ་མང་བས་བཅོ་ལྔའི་ཉིན་ཞག་དེར་མ་ཟད། ཕྱི་ཉིན་ཡང་ཆ་ཤས་ཡོད་ན་བཅོ་ལྔ་ལྷག་པའི་ཐ་སྙད་བྱེད་པས་ན། གླིང་རྣམས་ཀྱི་ཚེས་ཞག་གི་ཐ་སྙད་རྣམས་ཟླ་བ་གཅིག་ན་ཁད་འགྲིག་སྟེ་ཟླ་བ་རྫོགས་པར་འདྲ་བར་འགྱུར་གྱི། ཉིན་མཚན་འདོད་ཚུལ་མི་འདྲ་བས་ཟླ་བ་མི་རྫོགས་པར་མི་འོང་ཚུལ་ཀྱང་དཔྱད་པར་བྱའོ། །དེའི་ཕྱིར་མཐའ་གཅིག་ཏུ་གླིང་འདིའི་ཚེས་ཀྱི་ཐ་སྙད་བཞིན་གླིང་ཐམས་ཅད་ན་བྱེད་པར་ངེས་པ་མེད་པས་རེས་སྔ་རེས་ཕྱི་འོང་ཚུལ་ཡོད་པ་འདྲ་ཞིང་།གླིང་སོ་སོར་ཆད་ལྷག་ཀྱང་གཅིག་ཡིན་མི་དགོས་འདྲ་སྟེ་ཡིན་ན་མི་འགྲིགས་པ་འགའ་སྣང་ངོ་། །འདི་འདྲ་བའི་གནས་འདི་རྣམས་ཀུན་གྱིས་རྟོགས་སླ་སླར་བཞག་ནས། རགས་པ་ཙམ་སྨྲ་བས་ཚིམ་འདུག་ཀྱང་ཞིབ་ཏུ་དཔྱད་རྒྱུ་དུ་མ་སྣང་མོད།འདི་ཡི་གེ་མང་བར་འགྱུར་བས་མ་སྤྲོས་ལ། བློ་ལྡན་རྩིས་རིགས་སྨྲ་བ་རྣམས་ལ་དཔྱད་པའི་སྒོ་ཙམ་དུ་སྨྲས་པའོ། །འདི་ཙམ་རགས་པ་ཡིན་ནོ་སྙམ་དུ་དཔྱད་པ་མ་ཞུགས་པར། གླིང་འདིའི་ཚེས་གང་ཡིན་པའི་ནམ་ལངས་སོགས་གླིང་ཐམས་ཅད་ན་འདྲ་བས་ཐམས་ཅད་ལ་ཚེས་ཞག་ལ་ཁྱད་ཅི་ཡོད་སྙམ་པ་དང་། ལྡོག་གཉིས་སོགས་དུས་གཟེར་ལའང་ཁྱད་མེད་པར་གླིང་ཐམས་ཅད་ན་དེ་རིང་གི་དུས་འདི་གླིང་ཀུན་ན་དེ་ལྟར་ཡིན་སྙམ་པ་སོགས་ལ་བརྟག་ཚེ་གླིང་སོ་སོ་རང་རང་གི་ཚེས་ཀྱི་ཐ་སྙད་ནམ་ལངས་པའི་དུས་དེ་ནས་མགོ་འཛིན་དགོས་ན་སོ་སོའི་ནམ་ལངས་དུས་གཅིག་མ་ཡིན་པས་དེ་ལྟར་འདོད་པ་དེ་དག་བློ་རགས་པ་ཤིན་ཏུ་རགས་པ་ཡིན་པར་མཐོང་བས་འདི་ལྟར་རྩ་བའི་གནད་ཙམ་ཞིབ་ཏུ་ཚིག་ ― MR12_Page_0067 ―
[མ་དཔེ་གཟིགས་ན་འདིར་གནོན།]
གིས་རྒྱས་པར་སྤྲོས་པ་ཡིན་ལ། འདི་འཆར་བདེ་ཕྱིར་སྒྲ་གཅན་འཁོར་ལོ་ལྟ་བུའི་ཕྱི་ནང་རིམ་པ་གཉིས་ལྡན་ལ། ནང་དུ་ཁྱིམ་མམ། དུས་བཅུ་གཉིས་སུ་ཆ་མཉམ་པར་བགོས་པའི་འཁོར་ལོ་དང་། ཕྱི་རོལ་དུ་གླིང་དུམ་བུ་བཅུ་གཉིས་ཀྱི་ཆ་ལ་མིང་བྲིས་ཏེ། ཁྱིམ་མམ་དུས་གང་ཡིན་གླིང་འདི་པའི་སྟེང་དུ་བཞག་པས་གཞན་ཀུན་ཇི་ལྟར་གནས་པ་ཤེས་ཤིང་། དུས་ཀྱི་འཁོར་ལོ་གཡས་སུ་རིམ་པར་བསྐོར་བས་འཁོར་ཚུལ་ཤེས་པར་འགྱུར་རོ། །དེ་རིང་གི་བཅོ་ལྔའི་ཉིན་མོ་འདིས་དུམ་བུ་ཐམས་ཅད་ཀྱི་བཅོ་ལྔའི་ཉིན་མོ་ཡིན་ན། མདུན་ཐད་སྒྲ་མི་སྙན་པའི་ཡང་བཅོ་ལྔའི་ཉིན་མོ་ཡིན་དགོས་ཀྱང་། དེ་མི་སྲིད་དེ་ཉི་མ་འདི་ན་སྣང་བའི་ཉིན་མོར་གྱུར་ཚེ། སྒྲ་མི་སྙན་ལ་ཉི་མ་མེད་པས་མཚན་མོ་ཡིན་པ་སོགས་རྟོགས་སླའོ། །དེས་ན་ཉི་ཟླ་གཉིས་ཀ་ཡང་གླིང་ཐམས་ཅད་ཀྱི་སྟེང་ན་དུས་གཅིག་ཏུ་ཡོད་པ་མི་སྲིད་ལ། རིམ་པར་སོ་སོའི་སྟེང་དུ་འཁོར་བ་ཡིན་པས། འདི་ལྟར་ཞིབ་ཏུ་དཔྱད་ནས་དུམ་བུ་སོ་སོར་ཚེས་ཀྱི་ཆད་ལྷག་འབྱུང་ཚུལ།གང་གི་ཉིན་མོ་གང་གི་མཚན་མོར་འགྱུར་ཚུལ་སོགས་དཔྱད་ནས། ཐམས་ཅད་དུ་མི་འགྲིག་པ་མེད་པ་ཞིག་དགོས་ཤིང་། ད་དུང་དཔྱད་བྱ་མང་པོ་ཞིག་སྣང་ཡང་རྩ་བའི་གནད་ཙམ་ལྕགས་ཕག་ཟླ་བ་གསུམ་པའི་ཚེས་བཅུ་ལ་མི་ཕམ་པས་འཕྲལ་བཀོད་དགེ །༈ གཞན་ཡང་། ཐུན་ཕྱེད་སྒྲ་ཅན་སོགས་ཀྱི་གནད་ཀྱང་། གླིང་དུམ་བུ་སོ་སོར་རང་རང་གི་ཕྱོགས་ཀྱི་འཇོག་ཚུལ་མི་འདྲ་བས་དེ་དེར་ཇི་ལྟར་བརྩི་བ་སོགས་དུ་མ་དཔྱད་བྱར་སྣང་ཡང་དོན་ཆུང་ལ་བཤད་ ― MR12_Page_0068 ―
[མ་དཔེ་གཟིགས་ན་འདིར་གནོན།]
རྒྱུ་མང་བར་འགྱུར་བས་མ་བྲིས་ཀྱང་བློ་ལྡན་རྣམས་ཀྱིས་རང་གི་བློས་བརྟགས་པར་གྱིས་ཤིག །འདི་ལྟར་དུས་གཡོན་བསྐོར་དུ་འཁོར་ནས་ས་དུམ་བཅུ་གཉིས་ལ་མི་འབྲལ་བར་འབྱུང་བ་ནི་གོ་ལའི་ཁྱིམ་གྱི་ཐིག་དྲུ་འཛིང་མའི་གནས་ཚུལ་ལས་འབྱུང་ཞིང་། ཁྱིམ་སོ་སོར་ཉི་མ་བགྲོད་པས་དུམ་བུ་སོ་སོར་ལྡོག་གཉིས་མཉམ་གཉིས་སོགས་ཀྱིས་མཚན་པའི་ཁྱིམ་ཞག་སུམ་བརྒྱ་དྲུག་ཅུ་རིམ་པར་འཁོར་བ་དང་། གཟའ་རྣམས་དལ་མྱུར་གྱི་རྐང་པའི་འགྲོས་ཀྱི་དབང་ལས་རྒྱུ་བ་འཕེལ་འགྲིབ་བྱེད་ཚུལ་དང་། གོ་ལའི་རླུང་འགྲོས་ཀྱི་དབང་གིས་གླིང་དུམ་བུ་བཅུ་གཉིས་སོ་སོར་ནམ་ལངས་སོགས་ཀྱི་དུས་མི་འདྲ་བ་འབྱུང་བ་དང་། ཉི་མ་གང་ནས་འཆར་ནུབ་དང་ལྷོ་བྱང་དུ་བགྲོད་ཚུལ་གྱི་ཕྱོགས་ཀྱང་ས་དུམ་བུ་རྣམས་ལ་ཐ་དད་དུ་གྱུར་པ་དང་། ཚེས་ཞག་གི་དུས་མགོ་འཛིན་ཚུལ་སོགས་འདི་དང་འདི་འདྲའི་ཕྱི་འཇིག་རྟེན་གྱི་ལེའུ་ལས་གསུངས་པ་རྟོགས་པར་སླ་བ་རགས་པའི་རྣམ་བཞག་ཏུ་གཏོགས་པ་འདྲ་བ་དུ་མ་ལའང་མཁས་པ་དག་ཀྱང་ཞེ་འདོད་མི་འདྲ་བ་དང་། ཤམྦྷ་ལའི་རྒྱལ་རབས་དང་། རིགས་ལྡན་གྱི་སྐུ་ཚེའི་ཚད། ཡུལ་དེའི་རྒྱ་ཚད་སོགས་ལའང་འདོད་པ་མི་མཐུན་པ་འགྲིག་མི་འགྲིག་ཅི་རིགས་བྱུང་ཤིང་། ལོ་དག་དང་རྩིས་འཕྲོ་ལའང་སོ་སོའི་ལུགས་ཐ་དད་དུ་མ་བོད་ན་བྱུང་བ་དེ་རྣམས་ཤེས་པར་བྱས་ནས་ཤིན་ཏུ་རིགས་ཤིང་འབྲེལ་བའི་སྒོ་ནས་འཆད་པ་བྱུང་ན། དེ་ཉིད་དུས་ཀྱི་འཁོར་ལོའི་ཕྱི་འཇིག་རྟེན་གྱི་ལེའུའི་དགོངས་དོན་ལ་མཁས་སོ་ཞེས་གདགས་རིགས་ཀྱིས་ཕྱོགས་ཞེན་གྱིས་རང་ལུགས་བསྔགས་ ― MR12_Page_0069 ―
[མ་དཔེ་གཟིགས་ན་འདིར་གནོན།]
པ་ཙམ་གྱིས་ཞེན་ལྟ་མི་བྱ་བར་དཔྱད་པ་བྱ་དགོས་སོ་ཞེས་མི་ཕམ་མིང་ཅན་བདག་དེ་སྐད་སྨྲའོ།། །། ༈ །།གླིང་དུམ་བུ་བཅུ་གཉིས་ཕྱི་ཉི་ལྡོག་ལ་དཔྱད་པ་ཐེ་ཚོམ་སྦུབ་འབྱེད་བཞུགས་སོ། །༄༅། །ན་མོ་མཉྫུ་ཤྲཱི་ཡེ། གངས་ཅན་རྩིས་རིག་སྨྲ་བ་རྣམས་ལ་གསོལ་བ། ཉི་མ་སྐར་ཐིག་དབྱུག་ཐིག་ལ་སླེབས་ཚེ་ལུག་ཁྱིམ་ལ་སླེབས་པ་སོགས་སོ་སོའི་ཚད་འདི་ཁྱིམ་གྱི་གནས་ཚུལ་ལྟར་ཡིན་ལ། ཁྱིམ་སླེབས་བཅུ་གཉིས་ཀྱི་ཚད་འདིས་གླིང་དུམ་བུ་བཅུ་གཉིས་སུ་ཁྱིམ་བཅུ་གཉིས་པོ་ལ་ཉི་མ་གནས་པས་ལྡོག་ཚིགས་བཅུ་གཉིས་ཡོད་པ་སྤྱིར་བསྟན། བྱེ་བྲག་ཏུ་བསིལ་རིའི་ཕྱི་མཐའ་ནས་རྒྱ་མཚོའི་ནང་མཐའི་བར་གྱི་ལས་ཀྱིས་དེ་ཆ་མཉམ་དུམ་བུ་བཅུ་གཉིས་སུ་བགོས་པ་ལ་ཕྱོགས་བཞིར་ཤར་ལ་སོགས་པའི་གླིང་ཤར་མ་དབུས་མ་ནུབ་མ་ཞེས་ཐ་སྙད་བཏགས་ཤིང་དེ་རེ་རེའང་ནང་གསེས་སུ་ས་ཚིགས་སུམ་ཅུར་ཕྱེ་བས། གླིང་བཅུ་གཉིས་པོ་ཀུན་གྱི་ས་ཚིགས་བསྡོམས་པས་སུམ་བརྒྱ་དྲུག་ཅུ་ལ་ཉི་ལྡོག་ཀྱང་སུམ་བརྒྱ་དྲུག་ཅུ་ཡོད་པར་དོན་གྱིས་གྲུབ་ཅིང་། དེ་མེད་ན་ལྡོག་ཚིགས་བཅུ་གཉིས་ཀྱང་མི་འགྲུབ་ལ། མཐར་གླིང་ཀུན་ལ་དུས་བཞི་ཅིག་ཆར་འདོད་དགོས་ཤིང་། དེ་ལྟར་ན་རྒྱུད་རྩ་འགྲེལ་དང་འགལ་ཞིང་རིགས་པས་གནོད་པ་ཡང་ཆེས་མང་འབབ་ཀྱང་དེ་ཡི་སྤྲོས་པ་སྐབས་འདིར་མི་བྱ་སྟེ། གླིང་འདིའི་ཉི་ལྡོག་གི་ཚད་དང་ལྷོ་གླིང་དབུས་མའི་ལྡོག་ཚད་འགྲིག་ལུགས་ཇི་ལྟར་ཡིན་སྐབས་འདིར་དཔྱད་པར་བྱས་ན། སྐར་མཚོ་དབྱུག་གུ་མཁའ་མེར་ལྷོ་གླིང་ཤར་མར་དཔྱིད་ཀྱི་ཉི་ལྡོག་དོན་གྱིས་ ― MR12_Page_0070 ―
[མ་དཔེ་གཟིགས་ན་འདིར་གནོན།]
ཐོབ་པ་དང་སྐར་དྲུག་ཆུ་ཚོད་ཞེ་ལྔ་ལྷོ་གླིང་དབུས་མའི་ཚངས་ཐིག་ཏུ་དབྱར་ཉི་ལྡོག་པར་དངོས་སུ་གསུངས་པའི་ལུང་འདིས། མཁས་དབང་ཕུག་པ་བརྗེས་འབྲང་དང་བཅས་པས། ཚད་འདི་ཉིད་ལྷོ་གླིང་ཤར་མ་དང་དབུས་མའི་ས་ཚིགས་སུམ་ཅུའི་ཤར་མཐའི་ཚད་དུ་དགོངས་ནས། སྐར་མཚོ་དབྱུག་གུ་མཁའ་མེར་ཉི་མ་སླེབས་རྗེས་ཀྱི་ཞག་བདུན་པ་ལས་འདིའི་ཐུར་གྲིབ་ལྡོག་པས་ན། རང་ཅག་གི་ས་འདི་ལྷོ་གླིང་ཤར་མའི་ས་ཚིགས་བདུན་འདས་པ་ན་ཡོད་ཅེས་བཞེད། ས་འདིའི་དབྱར་ལྡོག་གི་རྗེས་སུ་ཁྱིམ་ཞག་ཉེར་གསུམ་རྫོགས་ནས་ལྷོ་གླིང་དབུས་མའི་ས་ཚིགས་དང་པོའི་ལྡོག་ཚད་སྐར་དྲུག་ཞེ་ལྔ་འཆར་གསུངས། ཕུག་ལུགས་ལས་གཞན་རྣམས་ཀྱང་དེ་དང་ཆ་འདྲ་བ་འདོད་པ་ལས་གསལ་ཁ་མི་སྣང་ངོ་། །ལུགས་འདི་ལྟར་ན་རང་རེ་བོད་རྣམས་སངས་རྒྱས་བྱོན་པའི་ལྷོ་གླིང་དབུས་མ་འཛམ་གླིང་ཆུང་ངུར་མི་གཏོགས་པར་གླིང་ཕྲན་དུ་གཏོགས་པ་དང་། རྔ་ཡབ་དང་རྔ་ཡབ་གཞན་གང་ན་ཡོད་ཀྱང་བཤད་དུ་མེད་པ་དང་། ལྷོ་གླིང་དབུས་མའི་ཚངས་ཐིག་ཏུ་ལྡོག་ཚད་སྐར་དྲུག་ཞེ་ལྔར་གསུངས་ཀྱི། དེ་ལྷོ་གླིང་དབུས་མའི་ས་ཚིགས་དང་པོའི་ལྡོག་ཚད་དུ་མ་གསུངས་ཏེ། ས་ཚིགས་དང་པོ་དེ་ལྷོ་གླིང་དབུས་ཀྱི་ཚངས་ཐིག་ཏུ་གནས་པ་མིན་པས། འདི་ལ་དོགས་པ་ཞིག་སྐྱེས་སོ། །དེས་ན་རྒྱུད་ཀྱི་དགོངས་དོན་རང་གི་ཡིད་ལ་ཤར་ཚད་བརྗོད་ན། ལྷོ་གླིང་ཤར་མའི་ཚངས་ཐིག་དང་། ལྷོ་གླིང་དབུས་མའི་ཚངས་ཐིག་གི་བར་ནས་ཚིགས་སུམ་ཅུ་ཡོད་པས། དེ་ལ་ཁྱིམ་ཞག་སུམ་ཅུས་ཉི་མ་འཕོ་བས། སྔ་མའི་༡༤ ༣༠ ལྡོག་ཚད་འདི་ ― MR12_Page_0071 ―
[མ་དཔེ་གཟིགས་ན་འདིར་གནོན།]
རྗེས་ཁྱིམ་གཅིག་རྫོགས་ནས་༦༤༥འདི་ལ་ལྷོ་གླིང་དབུས་མའི་ཚངས་ཐིག་ཏུ་དབྱར་ཉི་ལྡོག་ཅེས་གསུངས་པས། འཁྲིག་པར་སླེབས་ཚེ་ལྷོ་གླིང་ཤར་མའི་དབུས་དང་། ཀརྐར་སླེབས་ཚེ་ལྷོ་གླིང་དབུས་མའི་དབུས་སུ་དབྱར་ལྡོག་གསུངས་པ་འདི་བཞིན་ཁྱིམ་སོ་སོར་སླེབས་ཚད་དེ་གླིང་དུམ་བུ་བཅུ་གཉིས་ཀྱི་དབུས་ཀྱི་ཚངས་ཐིག་གི་སྟེང་དུ་ལྡོག་ཚད་ཡིན་གྱི། ས་ཚིགས་སུམ་ཅུའི་ཐོག་མ་དང་མཐའ་དང་། བར་གྱི་ཆ་གང་རུང་གི་དབང་དུ་བྱས་པ་མིན་ཞིང་།སུམ་ཅུ་པོ་ཐུན་མོང་གི་ལྡོག་ཚད་ཀྱང་མིན་པར་ཤེས་པར་བྱའོ། །སྤྱིར་ཁྱིམ་གཅིག་ན་རྒྱུ་སྐར་གྱི་ཆུ་ཚོད་མདའ་ཡོན་༡༣༥ཟླ་བ་ཡོད། དེ་སྐར་གནས་སུ་དྲིལ་ན་སྐར་མིག་དབྱུག་ཚེས། ༡༢༥ ཡིན་པས། ཁྱིམ་སྔ་མ་སྔ་མའི་སླེབས་ཚད་ལ་འདི་བྱིན་ན་ཁྱིམ་ཕྱི་མའི་ཚད་འཆར། སྐར་མིག་དབྱུག་ཚེས་དེ་ཕྱེད་དུ་བྱས་ན་སྐར་གཟུགས་དབྱུག་རི་སྲང་མཁའ་མེ་༢༢༠ ཡིན་ཏེ། མདའ་ཡོན་ཟླ་བ་ཕྱེད་དུ་བྱས་ནས་སྐར་གནས་སུ་དྲིལ་ཀྱང་གོང་ལྟར་འཆར་བ་ཁྱིམ་ཞག་བཅོ་ལྔའི་ལོངས་སྤྱོད་དོ། །དེ་ཉིད་སླར་ཡང་ཕྱེད་དུ་བྱས་ན་སྐར་ཐིག་དབྱུག་སོ་གསུམ་སྲང་ཞེ་ལྔ་ཡིན་ཏེ། ༠༣༤ ༢༥འདི་ཁྱིམ་ཞག་བཅོ་ལྔའི་ཕྱེད་དེ། ཞག་བདུན་དང་ཞག་གི་ཕྱེད་བཅས་བརྒྱད་ཀྱི་ལོངས་སྤྱོད་དོ། །དེ་ཡང་འདི་སྐབས་གནད་འདི་གོ་དགོས་པར་མཐོང་སྟེ། རང་ཅག་གནས་པའི་ས་འདིར་ཉི་མ་གཞུ་ཁྱིམ་ལ་ཡོད་སྐབས་སུ་དབྱར་ཉི་ལྡོག་པར་ཐུར་གྲིབ་སོགས་ཀྱིས་མངོན་སུམ་གྲུབ་པ་འདིས་གཞལ་ན། གླིང་དང་གླིང་ཕྲན་ལ་མཐའ་རྒྱ་ཆེ་ཆུང་ཡོད་རུང་། སྤྱིར་ལས་ས་དུམ་བུ་ ― MR12_Page_0072 ―
[མ་དཔེ་གཟིགས་ན་འདིར་གནོན།]
བཅུ་གཉིས་སུ་བགོས་ཤིང་། དེ་རེ་རེར་ཆ་སུམ་ཅུར་ཕྱེ་བའི་ས་ཚིགས་ཀྱི་དབང་དུ་བྱས་ན། རང་ཅག་གི་ས་འདི་ལྷོ་གླིང་ཤར་མའི་ཆར་གཏོགས་པ་ལྟར་འགྱུར་ཏེ། འདི་ལྟར་གླིང་གཙོ་བོ་རྣམས་ས་ཚིགས་བཞི་བཅུ་ཞེ་བཞི་དང་། ཤར་གྱི་མཐར་ཆ་ཕྱེད་དང་། ནུབ་ཀྱི་ཆ་ཕྱེད་རེ་ཡོད་པ་བསྡོམ་ན་ཆ་གཅིག་སྟེ་ཁྱོན་ས་ཚིགས་བཞི་བཅུ་རྩ་ལྔའོ། །ཤར་གྱི་གླིང་ཕྲན་ས་ཚིགས་ཉེར་གཉིས་དང་། མཐའ་ན་ཆ་ཕྱེད་བཅས་ཕྱེད་ཉེར་གསུམ། ནུབ་ཀྱི་གླིང་ཕྲན་གྱི་ཐོག་མར་ཆ་ཕྱེད་དང་དེ་རྗེས་ས་ཚིགས་ཉེར་གཉིས་བཅས་ཕྱེད་ཉེར་གསུམ་རེ་ཡོད་པས། གླིང་ཕྲན་གཉིས་ཀྱི་ས་ཚིགས་བསྡོམ་ན་བཞི་བཅུ་རྩ་ལྔ་ཡིན། དེ་ལྟ་ན་གླིང་གཙོ་བོའི་ཕྱེད་ལ་ཕྱེད་ཉེར་གསུམ་ཡོད་པ་བཞིན། གླིང་ཕྲན་རེའི་ཚད་ཀྱང་དེ་ཡིན་པས། མངོན་པ་ལས་གླིང་ཕྲན་རྣམས་གླིང་གི་ཕྱེད་དུ་གསུངས་པ་དང་མཐུན། ཤར་ནུབ་ཀྱི་གླིང་ཕྲན་རྣམས་ཀྱི་མཐའ་དང་ཐོག་མའི་ཆ་ཕྱེད་བརྒྱད་ནི་གླིང་གཙོ་བོར་གཏོགས་སོ། །གླིང་དང་གླིང་གཡོག་གཉིས་བཅས་གསུམ་པོའི་ས་ཚིགས་བསྡོམས་ན་དགུ་བཅུ་ཐམ་པར་མཉམ་ཕྱི་དུམ་བུ་བཅུ་གཉིས་ཆ་མཉམ་དུ་དགོས་པའི་སྐབས་སུ་ས་ཚིགས་སུམ་ཅུ་རེ་ས་འདབ་མ་རེ་བྱེད་པ་ཡིན་པ་དེའི་ཕྱིར་ན། རང་ཅག་བོད་གངས་ཅན་ཤར་མ་པའི་ས་ཚིགས་འདི། གླིང་དང་གླིང་ཕྲན་དུ་ཕྱེ་བའི་བཅུ་གཉིས་ཀྱི་ནང་ཚན་ལྷོ་གླིང་དབུས་མ་འཛམ་བུ་གླིང་པ་ཁོ་ན་ཡིན་པར་འགྱུར་ལ་གླིང་དང་གླིང་ཕྲན་ལ་མཐའ་རྒྱ་ཆེ་ཆུང་ཡོད་པ་ཆ་མཉམ་ཕྱིར་ལས་ས་དུམ་བུ་བཅུ་གཉིས་སུ་ཕྱེ་བའི་ནང་ཚན། ལྷོ་གླིང་ཤར་མ་རྔ་ཡབ་གཞན་གྱི་རྗེས་སུ་ཡོད་པས་ལྷོ་གླིང་ཤར་མའི་ ― MR12_Page_0073 ―
[མ་དཔེ་གཟིགས་ན་འདིར་གནོན།]
ཐ་སྙད་ཐོབ་ཀྱང་། གླིང་ཕྲན་མ་ཡིན་པར་འཛམ་གླིང་དབུས་ལ་གཏོགས་པ་ཡིན་ནོ། ༣༤༠ །སྐར་མཚོ་དབྱུག་གུ་མཁའ་མེའི་སྟེང་དུ་ཉི་མ་སླེབས་ཚེ། ལྷོ་གླིང་ཤར་མའི་རྔ་ཡབ་གཞན་གྱི་ས་ཚིགས་བཅོ་ལྔ་འདས་པ་དང་བཅུ་དྲུག་པ་ཡི་བར་ལྷོ་གླིང་ཤར་མའི་ཚངས་ཐིག་གི་གནས་སུ་ཡོད་པའི་ས་དེར་དབྱར་ཉི་ལྡོག་གོ། དེའི་རྗེས་སུ་ད་དུང་རྔ་ཡབ་གཞན་གྱི་ས་ཚིགས་ཕྱེད་བརྒྱད་ཡོད་ཅིང་། དེ་ལྟར་རྔ་ཡབ་གཞན་གྱི་ས་ཚིགས་ཕྱེད་ཉེར་གསུམ་པོ་རྫོགས་པའི་མཐར། རང་ཅག་གི་ས་ཚིགས་འཛམ་བུ་གླིང་བའི་ཤར་མཐའ་དང་པོ་འདི་གནས་སོ། །དེའི་ཕྱིར་ལྷོ་གླིང་ཤར་མའི་དབུས་ཐིག་གི་ལྡོག་ཚད། ༣༤༠འདི་ལ་ཞག་བཅོ་ལྔའི་ཕྱེད་དམ་ཞག་ཕྱེད་བརྒྱད་ཀྱི་ཚད་༣༤ ༣༥འདི་བསྣན་པས་སྐར་དབང་དབྱུག་མེ་སྲང་ཞེ་ལྔ་ཤར་བ་འདི་རང་ཅག་གི་ས་འདིའི་དབྱར་གྱི་ཉི་ལྡོག་གི་ཚད་དེ་༣༤༢ཉི་སྐར་རྣམ་དག་གི་ལོངས་སྤྱོད་ལ་འདི་ལྟར་ཤར་ཚེ་དབྱར་ཉི་ལྡོག་པར་ངེས་ཤིང་། ཐུར་གྲིབ་ལྡོག་པ་སོགས་ཀྱང་དེ་དང་མཐུན་ནོ། །ཚད་དེ་ཉིད་ཀྱི་སྟེང་དུ་ཞག་བཅོ་ལྔའི་ཕྱེད་ཀྱི་ཚད་གོང་དུ་བཤད་པ་དེ་བསྣན་ན་སྐར་དབང་དབྱུག་གུ་སོ་བདུན་ཆུ་སྲང་སུམ་ཅུ་ནི། ༣༤༢ ལས་ཀྱི་ས་ཆ་མཉམ་དུམ་བུ་བཅུ་གཉིས་སུ་ཕྱེ་བའི་ལྷོ་གླིང་དབུས་མའི་ཤར་མཐའི་ས་ཚིགས་དང་པོའི་དབྱར་ཉི་ལྡོག་ཚད་དོ། །༣༣ ༥ ༠ དེའི་སྟེང་དུ་ད་དུང་ལྷོ་གླིང་དབུས་མའི་ཚངས་ཐིག་ཡོད་པའི་བར་དུ། ས་ཚིགས་བཅོ་ལྔ་ཡོད་པས་ཉི་མའི་ཁྱིམ་ཞག་བཅོ་ལྔའི་ལོངས་སྤྱོད་༣༠འདི་བསྣན་པས། ལྷོ་གླིང་དབུས་མའི་ཚངས་ཐིག་གི་སྟེང་དུ་དབྱར་ཉི་ལྡོག་ཚད་ ― MR12_Page_0074 ―
[མ་དཔེ་གཟིགས་ན་འདིར་གནོན།]
སྐར་དྲུག་ཆུ་ཚོད་ཞེ་ལྔ་འདི་འཆར་བ་ཡིན་ནོ། །༤༦༥ འདི་ལྟར་བཤད་པའི་འགྲོས་ཀྱིས་དགུན་ལྡོག་དང་། མཉམ་གཉིས་སོགས་ཀྱི་དུས་ཀྱི་གནད་རྣམས་རྟོགས་ཤིང་། གླིང་དུམ་བུ་བཅུ་གཉིས་ཀུན་གྱི་དུས་འཁོར་ཚུལ་ཉི་མ་ཁྱིམ་དང་དེའི་ཆ་ཤས་རྒྱུ་སྐར་གྱི་རྐང་པ་ལ་གནས་པས་བྱེད་པ་ཡིན་པར་བདེ་བླག་ཏུ་ཤེས་ནུས་སོ། །དེ་ལྟར་མ་གོ་ན་རང་ཅག་གི་ས་འདི་འཛམ་བུ་གླིང་ལ་ཡུལ་དྲུག་ཏུ་ཕྱེ་བའི་ནང་ཚན་གྱི་བོད་ཡིན་པར་མི་འགྱུར་ཞིང་གླིང་ཕྲན་ཡིན་པར་འདོད་དགོས་པ་དང་། སྟོན་པ་ཤཱཀྱའི་རྒྱལ་པོ་སངས་རྒྱས་པའི་རྡོ་རྗེ་གདན་དང་བྱང་ཆུབ་ཀྱི་ཤིང་སོགས་ཡོད་པའི་གླིང་དེ་ལས། རང་ཅག་གི་ས་འདི་བར་དུ་མཚོས་ཆོད་པའི་གླིང་གཞན་དུ་ཁས་ལེན་དགོས་པ་དང་། རྔ་ཡབ་དང་རྔ་ཡབ་གཞན་སོགས་གླིང་ཕྲན་རྣམས་གང་ན་ཡོད་བཤད་དུ་མེད་པར་འགྱུར་བ་དང་། ལྷོ་གླིང་ཤར་མའི་ལྡོག་ཚད་དམ་ས་འདིའི་ཉི་ལྡོག་གི་ཚད་ལས་ལྷོ་གླིང་དབུས་མའི་ཚངས་ཐིག་ཏུ་ལྡོག་ཚད་འཆར་ཚུལ་ཇི་ལྟར་ཡིན་པའང་འགལ་མེད་དུ་འཆད་དཀའ་བ་སོགས་མངོན་སུམ་གྱིས་གནོད་པ་དུ་མ་བསལ་མི་ནུས་པའི་བློ་ཐེ་ཚོམ་གྱི་སྦུབས་སུ་འཐུམ་པར་འགྱུར་ལ། ལྷོ་གླིང་དབུས་མའི་ལྡོག་ཚད་དེ་རང་ཅག་གི་ས་འདིར་ཡང་མཚུངས་པར་ནི་ཁས་ལེན་མི་ནུས་ཏེ། ཉི་མའི་འགྲོས་དང་ཐུར་གྲིབ་ལྡོག་པ་སོགས་མངོན་སུམ་གྱི་ཚད་མས་འཁྲེག་གཞུའི་ཁྱིམ་ལ་ཉི་མ་ལྡོག་པར་གྲུབ་པའི་ཕྱིར་རོ། །དེས་ན་ཤན་འབྱེད་ཚུལ་འདི་ལྟར་གོ་ན་དུས་འཁོར་གྱི་རྒྱུད་དང་འགྲེལ་བའི་དགོངས་དོན་རྙེད་ཅིང་བློ་ཐེ་ཚོམ་གྱི་སྦུབས་ལས་གྲོལ་བར་འགྱུར་འདྲ་སྙམ་དུ་བདག་སེམས་སོ། ། ― MR12_Page_0075 ―
[མ་དཔེ་གཟིགས་ན་འདིར་གནོན།]
དེ་ལྟར་ཉི་ལྡོག་འཆར་ཚད་འདི་དེང་སང་ཡོངས་གྲགས་ཕུག་མཚུར་གྲུབ་པའི་ཉི་དག་སོགས་ལ་ཐུར་གྲིབ་ལྡོག་པ་དང་མཐུན་པར་ཚད་འདིར་བཤད་པ་ལྟར་མི་འཆར་བ་ཅི་ཡིན་སྙམ་ན། ཕུག་གྲུབ་ཉི་དག་གི་ལོངས་སྤྱོད་འདི་ཆུ་ཚོད་སོ་གཅིག་རྗེས་འབྲངས་བཅས་པའམ། སོ་གཉིས་ཙམ་ཉུང་བའི་སྐྱོན་གྱིས་ཡིན་པས་བསྣན་ཆ་དེ་ལྟར་བྱས་ན། ཟླ་སྐར་ཀྱང་མིག་སྐར་དང་མཐུན་ལ། དུས་གཟེར་རྣམས་རི་མོ་གཞན་གྱིས་མ་བརྟག་ཀྱང་ཉི་དག་ལ་བརྟེན་ནས་ཉིན་ཞག་གང་ལ་འབྱུང་བ་ཤེས་པ་འདི་རྩིས་ཀྱི་གནད་ཆེ་བ་ཞིག་ཏུ་སྣང་ངོ་། །རྒྱུ་སྐར་བྱིན་པས་ཅུང་མི་འཆར་ཆུ་ཚོད་བརྒྱད་དམ་དགུ་ཙམ་སྣོན་དགོས་འདྲ་སྟེ་སླར་ཞིབ་ཏུ་དཔྱོད། ཉི་སྣང་ཉི་ལྡོག་ལ་ཞག་བདུན་གྱིས་སྔ་ན་ཁྲིག་ཆ་རེད་འདུག །ཕྱེད་བརྒྱད་སྔ་ནའང་ཉི་ལྡོག་དུ་ཆ་སྔ་ཕྱི་འགྲིག་འདུག །གཞན་ཡང་བོད་ན་རྩི་འཕྲོ་མང་ཉུང་སྣ་ཚོགས་སྣང་མོད། རྩ་རྒྱུད་དངོས་བསྟན་གྱི་གྲུབ་པའི་རྩིས་འབྲོ་རྣལ་མ་རྙེད་པའི་ལུགས་ཞིག་བོད་ན་དཀའ་བར་སྣང་ཡང་། ཕུག་གྲུབ་ཉི་སྐར་ལ་ཆུ་ཚོད་དུ་སོ་གཉིས་ཙམ་བསྣན་ན་སྤྱིར་དེས་འགྲིགས་པར་མཐོང་ངོ་། །གླིང་དང་གླིང་ཕྲན་གྱི་ཆ་བགོ་ཚུལ་དེ་ལྟར་གོ་ན་ལུང་དང་རིགས་འགལ་གྱི་སྐྱོན་མི་སྣང་ལ། འཛམ་གླིང་ཆུང་ངུའི་མཐའ་ཡི་ཤར་ནུབ་ཀྱི་རྒྱ་ཚད་བཤད་པའི་སྐབས་སུ། གླིང་གཙོ་བོ་རྒྱ་ཆེ་བའི་ས་ཚིགས་བཞི་བཅུ་རྩ་ལྔའི་དབང་དུ་བྱས་པ་ན་ཡང་དེ་ལྟར་ཚད་གཞལ་སླ་ལ། ལས་ས་ཆ་མཉམ་དུམ་བུ་བཅུ་གཉིས་སུ་བགོས་པ་ལྟར་ན་ནི་གླིང་བཅུ་གཉིས་པོ་ཀུན་ཀྱང་རྒྱ་ཚད་འདྲ་བར་འགྱུར་ལ། དེར་ཡང་གླིང་གི་བར་གྱི་མཚོ་སོགས་ས་ཁྱོན་ཐམས་ཅད་ ― MR12_Page_0076 ―
[མ་དཔེ་གཟིགས་ན་འདིར་གནོན།]
དེ་ལྟར་ཆ་བཅུ་གཉིས་སུ་བགོས་པ་ཡིན་གྱི། ཐམས་ཅད་དུ་གླིང་གི་ཁྱབ་པ་མིན་ཀྱང་ཆ་དེ་ལྟར་མཉམ་པར་བགོས་ནས་གཞལ་ཚུལ་ཤེས་ན། སྐར་རྩིས་ཀྱི་སྐབས་སུ་དུས་བཞིའམ་བཅུ་གཉིས་ས་དུམ་བུ་རྣམས་སུ་འཁོར་ཚུལ། ཉི་མ་སོགས་གཟའ་རྣམས་ཁྱིམ་དུ་བགྲོད་ཚུལ་དང་གྲུབ་པའི་ཉི་དག་གི་རྩིས་འཕྲོ་འཆར་ཚུལ་སོགས་དུས་ཀྱི་འཁོར་ལོའི་རྒྱུད་དང་འགྲེལ་བའི་དགོངས་དོན་གསལ་བའི་གནད་དུ་མ་ཞིག་འདི་ལས་ཁྲོལ་བ་འདྲ་སྙམ་ཡང་། སྔར་གྱི་མཁས་གྲུབ་མང་པོས་དཔྱད་པས་མ་ཁྱབ་པ་གསར་དུ་དཔྱད་འོས་ཞིག་དུས་མཐའི་གང་ཟག་དམན་པ་བདག་གིས་དཔྱད་པས་དྲངས་ག་ལ་ནུས་ཏེ། དེའི་ཕྱིར་འདི་བཞིན་སླར་ཡང་གངས་ཅན་པའི་རྩིས་རིགས་མཁས་པ་རྣམས་ཀྱིས་དཔྱད་པར་རིག་ཏེ། ཇི་སྐད་དུ།དོན་དཀའ་བ་ལ་བདག་འདྲའི་བློ། །འཁྲུལ་མི་སྲིད་པ་མ་ཡིན་པས། ཅི་སྟེ་མིན་ན་གཞན་དུ་བྱོས། །ཞེས་གསུངས་པ་ལྟར། རྒྱུད་དང་འགྲེལ་བའི་དགོངས་དོན་དང་མི་འགལ་བར་རིགས་པས་གྲུབ་པ་གང་ཡིན་པ་དེ་ནི་དེ་ལྟར་གཟུང་བར་རིགས་སོ་ཞེས་འདི་ལྟར་གཞན་རྣམས་ལ་དཔྱད་པའི་སྒོ་ཙམ་དུ་བརྗོད་པ་ཡིན་གྱི། རི་མོའི་ལམ་ནས་དྲངས་ཏེ་འདི་སྐོར་ལ་ཞིབ་དཔྱད་མ་གྲུབ་ཀྱང་། དོགས་གནད་ཆེན་པོ་འདི་དག་ལ་དཔྱད་པའི་སྒོ་འདི་ཙམ་རབ་ཚེས་ལྕགས་ཕག་ཟླ་༢ཚེས་༡༤ལ་ཐུན་གསེང་ཞིག་ཏུ་མི་ཕམ་པས་འཕྲལ་དྲན་མགྱོགས་པར་ཡི་གེར་བྲིས་པ་དགེའོ། ༈ །གཞན་ཡང་ཁྱིམ་གཅིག་གི་ཡུལ་གྱི་ཆུ་ཚོད་མདའ་ཡོན་ཟླ་བ་སུམ་ཅུས་བགོས་ཐོབ་བམ། རྒྱུ་སྐར་ཡུལ་གྱི་ཆུ་ཚོད་སུམ་ ― MR12_Page_0077 ―
[མ་དཔེ་གཟིགས་ན་འདིར་གནོན།]
བརྒྱ་དྲུག་ཅུས་བགོས་ཐོབ་དབྱུག་བཞི་སྲང་སུམ་ཅུ་འདི་༣༠༤༠ཉི་མས་ཁྱིམ་ཞག་གཅིག་རྒྱུ་སྐར་ཆུ་ཚོད་ཅི་ཙམ་ཆོད་པའི་ཚད་དེ། ཁྱིམ་ཞག་གི་རྟག་ལོངས་སོ། །དེ་ནས་ས་ཚིགས་སྔ་མ་སྔ་མའི་ལྡོག་གཉིས་མཉམ་གཉིས་ལ། འདི་བྱིན་པས་ཕྱི་མ་ཕྱི་མའི་དེ་དང་འཆར་ཞིང་། དེ་ལྟར་ཁྱིམ་ཞག་སུམ་བརྒྱ་དྲུག་ཅུས་ལོ་གཅིག་གི་དུས་འཁོར་བ་ཡིན་ཏེ། རྟག་ལོངས་དེའི་གནས་སྟེང་འོག་གཉིས་ཀ་སུམ་བརྒྱ་དྲུག་ཅུས་བསྒྱུར་ནས་དྲིལ་བས་རྒྱུ་སྐར་ཡུལ་གྱི་ཆུ་ཚོད་སྟོང་དྲུག་བརྒྱ་ཉི་ཤུ་འཆར་ཏེ་ལོ་གཅིག་རྫོགས་པ་ཡིན། རྟག་ལོངས་དེ་བཅོ་ལྔས་བསྒྱུར་བས་ཁྱིམ་ཞག་བཅོ་ལྔའི་ལོངས་སྤྱོད་༡༣ ༠༢ ༡༣༠ འདི་འཆར། རྟག་ལོངས་དེའི་ཕྱེད་ནི་༡༠༢༥ འདི་ཡིན་ཏེ། དབྱུག་ཟུང་སྲང་བཅོ་ལྔ་འདི་ཁྱིམ་ཞག་གཅིག་གི་ཕྱེད་ཀྱི་ལོངས་སྤྱོད་དོ། །འདི་དང་གོང་བཤད་རི་མོ་གནད་གཅིག་ཏུ་འཆར་རོ། །འདི་ཡང་ཞར་བྱུང་དུ་མི་ཕམ་པས་སྨྲས་པ་དགེའོ། ༈ །རྒྱུད་འགྲེལ་ལས། ལྷོ་གླིང་དབུས་མའི་ཚངས་ཐིག་ཏུ་དབྱར་དགུན་གྱི་ཉི་ལྡོག་གི་ཚད་དངོས་སུ་གསུངས་ཀྱི། དུམ་བུ་གཞན་གྱི་ལྡོག་ཚད་གསུངས་པ་མེད་ཀྱང་། ལྷོ་གླིང་དབུས་མར་ལྡོག་ཚད་དེ་ལ་ཉི་མ་སླེབས་ཚེ། ས་དུམ་བུ་བཅུ་གཉིས་སུ་སོ་སོར་དཔྱིད་ར་བ་སོགས་དུས་བཅུ་གཉིས་ཐ་དད་དུ་བྱེད་པར་གསུངས་པས། ཚད་འདིས་དུམ་བུ་གཞན་གྱི་ཉི་ལྡོག་ཀྱང་ཤེས་སླ་བས་སོ་སོའི་ལྡོག་ཚད་མ་གསུངས་པ་ཡིན་གྱི་དུམ་བུ་སོ་སོར་ཉི་ལྡོག་གི་ཚད་སོ་སོར་མེད་པ་མ་ཡིན་ན་ཡང་། སོ་སོའི་ལྡོག་ཚད་མ་གསུངས་པས་གླིང་ཐམས་ཅད་ཉི་ ― MR12_Page_0078 ―
[མ་དཔེ་གཟིགས་ན་འདིར་གནོན།]
མ་ལྡོག་ཉིན་གཅིག་ཡིན་ཅེས་འདོད་པ་ནི་ཤིན་ཏུ་བརྩིངས་ཏེ། ཉི་མ་སྐར་དྲུག་དབྱུ ག་ཞེ་ལྔ་སླེབས་པའི་དུས་དེ་ཙམ་ལ་གླིང་ཐམས་ཅད་ལ་ཁྱད་མེད་མོད། དེའི་ཚེ་ཉི་མ་ཁྱིམ་དེའི་རྒྱུ་སྐར་གྱི་རྐང་པ་དེ་ལ་གནས་པས་གླིང་སོ་སོ་ལ་ཟླ་བ་བཅུ་གཉིས་ཀྱི་ཐ་སྙད་སོ་སོར་བྱེད་ཅིང་། ཁྱིམ་ཞག་གི་དབང་དུ་བྱས་པའི་ལྡོག་གཉིས་མཉམ་གཉིས་སོགས་ཀྱི་དུས་མི་འདྲ་བ་བྱེད་དེ། ཉི་མ་སྐར་དྲུག་ཆུ་ཚོད་ཞེ་ལྔ་སླེབས་པའི་དུས་ཀྱི་ཉིན་ཞག་དེ་ལ་ལྷོ་གླིང་དབུས་མའི་ཚངས་ཐིག་གི་དབྱར་ཉི་ལྡོག་ཚད་དང་། ཤར་གླིང་དབུས་མའི་ཚངས་ཐིག་ཏུ་སྟོན་མཉམ་གྱི་ཚད་དང་། ནུབ་གླིང་དབུས་མའི་ཚངས་ཐིག་ཏུ་དཔྱིད་མཉམ་གྱི་ཚད་དང་། བྱང་གླིང་དབུས་མའི་ཚངས་ཐིག་ཏུ་དགུན་ཉི་ལྡོག་ཚད་འཁྲུལ་མེད་ཡིན་པ། དེས་མཚོན་ནས་རགས་པར་དུམ་བུ་བཅུ་གཉིས་སུ་ཟླ་བ་བཅུ་གཉིས་དང་། ཞིབ་པར་ཁྱིམ་ཞག་གི་དབང་དུ་བྱས་ཏེ་ས་ཚིགས་སུམ་བརྒྱ་དྲུག་ཅུར་ལོ་གཅིག་གི་ཞག་སུམ་བརྒྱ་དྲུག་ཅུ་འཁོར་ཚུལ་ཤེས་ཏེ། ཞག་གཅིག་པོ་དེ་ལ་ཡང་ས་ཚིགས་རེ་རེའི་ཆ་སྔ་ཕྱིའི་དབང་གིས་དབྱུག་སྲང་དབུགས་དང་ཆ་ཤས་ཀྱི་བར་གྱི་ཁྱད་ཡོད་པའི་ལོ་གཅིག་གི་དུས་འཁོར་ལོ་བཞིན་དུ་འཁོར་བ་རྟོགས་ནུས་སོ། །དེ་ལྟར་མིན་ན་ཉི་མ་ཀརྚའི་ཁྱིམ་ལ་སླེབས་ཚེ་གླིང་དུམ་བུ་བཅུ་གཉིས་པོ་ཐམས་ཅད་ན་དབྱར་འབྲིང་པོ་འབའ་ཞིག་གནས་པར་ཁས་ལེན་དགོས་པར་འགྱུར་རོ། །གཞན་ཡང་ཉི་ལྡོག་སུམ་བརྒྱ་དྲུག་ཅུ་ཡོད་པ་དང་། ཉིན་ཞག་གཅིག་གི་ཆ་སྔ་ཕྱིར་ལྡོག་པར་འདོད་པ་ཉི་ལྡོག་ལ་གོ་བ་མ་ཆགས་པ་ཡིན་ཞེས་མཁས་པ་དག་གིས་གསུངས་ ― MR12_Page_0079 ―
[མ་དཔེ་གཟིགས་ན་འདིར་གནོན།]
ན་ཡང་གླིང་བཅུ་གཉིས་སུ་དཔྱིད་ར་བ་སོགས་དུས་བཅུ་གཉིས་སོ་སོར་གནས་པ་རྒྱུད་དང་འགྲེལ་བའི་ལུགས་དེ་ཁས་བླངས་ཀྱིས་ལྡོག་ཚིགས་མི་འདྲ་བ་ཡོད་པར་ཁས་མ་བླང་ན་དེ་ལྟར་མི་འགྲུབ་པའི་ཕྱིར་ས་ཐམས་ཅད་ལ་ཉི་ལྡོག་གཅིག་ཡིན་ཟེར་བ་དག་གི་གོ་བ་ཆགས་ཚུལ་དཔྱད་བྱར་སྣང་ངོ་། །གཞན་དག་རྒྱུད་རྩ་འགྲེལ་གྱི་དགོངས་པ་དྲང་དོན་དུ་བཟུང་ནས། གླིང་ཐམས་ཅད་དུ་དུས་བཅུ་གཉིས་འདྲ་ཞིང་ཁྱད་མེད་པར་འདོད་པའི་ལུགས་ལ། ཉི་མ་རིང་ངམ་ཐུང་ངུས་གང་ཡིན་ཀྱང་ཉི་ཟླ་ཐད་ཀར་རྒྱུ་སྐར་འཁོར་བྱེད་ལ་བབ་པའི་ཚེ་ཟླ་བ་ཉ་གང་བ་ཡིན་ལ། དེ་དུས་ཀྱི་ཉིན་མོ་རྫོགས་པ་དང་མཚན་མོའི་ཟླ་བ་ཤར་ནས་ནུབ་པའི་དུས་སུ་མཚན་རྫོགས་པ་ནི་སྤྱི་ཙམ་དུ་གླིང་གང་ལའང་ངེས་པ་ཡིན་ན། གླིང་གང་དང་གང་གི་ཡང་ཉིན་མོ་རིང་བ་མཐར་ཐུག་དུས་ཆུ་ཚོད་སོ་དྲུག་ཡིན་པ་ལྟ་བུ་མཚོན་ན། གླིང་དེའི་ཉིན་མོའི་ཆ་ཇི་ཙམ་པ་དེ་ཡི་ཡུན་མདུན་གྱི་གླིང་བདུན་པར་མཚན་མོ་རིང་བ་ཡིན་དགོས་ཏེ། གླིང་གང་ལ་ཉི་འོད་སྣང་ནས་ཉིན་མོར་གྱུར་པ་དེ་སྲིད་མདུན་གླིང་ལ་ཉི་འོད་མི་ཕོག །གླིང་གང་ལ་ཉི་མ་ཐུང་བ་མཐར་ཐུག་དུས། མདུན་གླིང་ལ་མཚན་མོ་དེ་ཙམ་ཐུང་ཤིང་ཉིན་མཚན་གྱི་ཆ་དེ་བསྡོམས་ན་ཉིན་ཞག་གཅིག་གི་ཚུ་ཚོད་དྲུག་ཅུ་ལྷག་ཆད་མེད་པར་འབྱུང་དགོས་མོད། གླིང་འདིར་ཉི་མ་རིང་ཚེ་མདུན་གླིང་ལ་ཡང་ཉི་མ་དེ་ཙམ་རིང་བ་ཡིན་ན་གཉིས་ཀའི་ཚད་བསྡོམ་པས་ཆུ་ཚོད་བདུན་ཅུ་དོན་གཉིས་འོང་བས་ཉིན་ཞག་གཅིག་གི་ཚད་ལས་ཆུ་ཚོད་ ― MR12_Page_0080 ―
[མ་དཔེ་གཟིགས་ན་འདིར་གནོན།]
བཅུ་གཉིས་ལྷག་པར་འགྱུར་བའི་རྒྱུ་མཚན་ཅི་ཡིན་སྨྲོས་ཤིག །དེ་བཞིན་གླིང་འདིར་ཉི་མ་ཐུང་དུས་ཆུ་ཚོད་ཉེར་བཞི་ཡིན་པ་ལྟར་ན། མདུན་གླིང་ལ་ཡང་དེ་དང་འདྲ་བའི་ཉིན་ཞག་ཕྲུག་གཅིག་ལ་ཆུ་ཚོད་ཞེ་བརྒྱད་ལས་མེད་པས་ཆུ་ཚོད་བཅུ་གཉིས་ཅི་ལ་འཆད། གོ་ལའི་རླུང་འགྲོས་ལ་བརྟེན་ནས་ཉི་མས་གླིང་བཞི་འཁོར་བའི་ཡུན་ནི་ཉིན་ཞག་གཅིག་སྟེ་ཆུ་ཚོད་དྲུག་ཅུར་ངེས་ལ་དེ་ནི་ཁྱེད་ཅག་གིས་ཀྱང་ཁས་མ་བླངས་སམ། གཞན་ཡང་རྔ་བན་ཀུན་དགའི་རྩིས་གསར་གྱི་ལུགས་ལ་གླིང་ཐམས་ཅད་དུས་བཞི་གཅིག་པར་ཁས་བླངས། དེའི་རང་ལུགས་ལ་ཉིན་རིང་དུས་ཆུ་ཚོད་བཞི་བཅུ། མཚན་ཉི་ཤུར་འདོད་པ་དེ་ལྟར་ན། གླིང་འདི་དང་མདུན་གླིང་གཉིས་ཀར་ཉི་མ་རིང་དུས་ཉིན་མཚན་ཕྲུགས་གཅིག་ལ་ཆུ་ཚོད་བརྒྱད་ཅུ་དང་། ཐུང་དུས་ཆུ་ཚོད་བཞི་བཅུར་འགྱུར་བ་ཡིན་ལ། ལུགས་དེས་ཀྱང་ཉིན་ཞག་གཅིག་ལ་ཆུ་ཚོད་དྲུག་ཅུར་ངེས་པ་དང་། དུས་སྦྱོར་བཅུ་གཉིས་ཀྱི་རེ་རེ་ཡང་ཆུ་ཚོད་ལྔ་རེ་ལྔ་རེའི་འཆར་ཚད་ཅན་དུ་ཁས་བླངས་ནས་རྒྱུད་འགྲེལ་གྱི་ལུགས་དེ་མུ་སྟེགས་ཀྱི་ལུགས་དྲང་དོན་ཡིན་ཅེས་ཤིན་ཏུ་མི་རིགས་པར་སྨྲ་བ་ཡང་བྱུང་ངོ་། །ལུགས་དེའི་ལྟར་ན་ལོ་གཅིག་ལ་སྟོན་དཔྱིད་མཉམ་གཉིས་ཀྱི་དུས་སུ་གྱུར་པའི་ཟླ་བ་གཉིས་ཙམ་མ་གཏོགས་ཟླ་བ་ཉ་གང་བའི་དུས་གཞན་རྣམ་པ་ཀུན་ཏུ་མེད་པར་འགྱུར་ཏེ། གང་དུ་ཉི་མ་གནས་པའི་རྒྱུ་སྐར་ཆུ་ཚོད་དེ་ནས་རྩིས་པའི་འཁོར་ཕྱེད་ཀྱི་སར་ཟླ་ ― MR12_Page_0081 ―
[མ་དཔེ་གཟིགས་ན་འདིར་གནོན།]
བ་ཡོད་ཚེ་ཉ་གང་བ་ཡིན་པ་ལ། ལུགས་འདིས་ཁྱིམ་ཐམས་ཅད་ཆུ་ཚོད་ལྔ་རེར་མཉམ་པར་ཁས་བླངས་པས། ཉི་མ་གནས་པའི་ཁྱིམ་ནས་བརྩིས་པའི་ཁྱིམ་དྲུག་གི་ཆུ་ཚོད་སུམ་ཅུ་རྫོགས་པའི་ཁྱིམ་བདུན་པ་ལ་ཟླ་བ་གནས་ཚེ་ཉ་གང་རྩི་བར་རུང་ཡང་། དེ་ལས་ཉི་མ་དང་བར་ཐག་ཐུང་ངམ་རིང་ཡང་ཟླ་བ་ཉ་གང་བའི་ཐབས་མེད་པའི་ཕྱིར། རྟག་ཏུ་ཉི་མ་གནས་པའི་ཁྱིམ་གྱི་ཆུ་ཚོད་དེ་ནས་ཆུ་ཚོད་སུམ་ཅུ་རྫོགས་པའི་ཁྱིམ་དྲུག་སོང་མཚམས་བཅོ་ལྔའི་ཟླ་བ་ཡོད་དགོས་ཀྱང་། མཉམ་གཉིས་ཀྱི་དུས་མིན་པའི་ཟླ་བ་བཅུ་ལ་ཉི་མ་རིང་བའམ་ཐུང་བའི་དུས་སུ་དེ་ལྟར་མི་འོང་བར་མངོན་སུམ་གྱི་གྲུབ་ཅིང་། དེ་ཡི་རྒྱུ་མཚན་ཁྱིམ་འཆར་ཚད་ལ་རིང་ཐུང་ཡོད་པས་རིང་བ་རྣམས་ཉིན་མོར་གྱུར་ཚེ་ཉིན་རིང་། མཚན་མོར་གྱུར་ཚེ་མཚན་རིང་བར་གྱུར་ཀྱང་ཟླ་བ་ཉ་བའི་ཚེ་ཉི་ཟླ་གཉིས་འཁོར་ཕྱེད་ཀྱི་ཚད་དུ་ཐད་ཀར་གནས་པ་ནི་ནམ་ཡང་ངེས་པ་དེའི་རྒྱུ་མཚན་ལས་ཡིན་ནོ། །དེར་མ་ཟད་ལུགས་དེའི་རྩིས་འཕྲོ་རྣམས་ཀྱང་། སྐར་དྲུག་ཞེ་ལྔར་དབྱར་ཉི་ལྡོག་པར་གསུངས་པ་དེ་ས་ཐམས་ཅད་ཀྱི་ཉི་ལྡོག་གི་ཚད་ཡིན་པར་བཟུང་ནས། རང་ཅག་གི་ས་འདིའི་ཉི་མ་ལྡོག་ཉིན་ཀྱང་ཉི་དག་ལ་སྐར་དྲུག་ཞེ་ལྔ་འཆར་བའི་ཕྱིར་རྩིས་འཕྲོ་མང་དུ་བཏང་། དེ་མིག་སྐར་དང་མི་འགྲིགས་པས་གཅིག་ཐ་སྐར་ནས་བརྩི་བ་སོགས་ཀྱིས་མངོན་སུམ་གྱིས་བརྟག་བྱ་གཟའ་སྐར་ལྷོ་བྱང་དུ་བགྲོད་པའི་འགྲོས་དང་རྗེས་དཔག་དང་རྒྱུད་རྩ་འགྲེལ་གྱི་ལུང་དང་འགལ་ཚབས་ཆེར་སྣང་མོད་ ― MR12_Page_0082 ―
[མ་དཔེ་གཟིགས་ན་འདིར་གནོན།]
དེའི་ལུགས་ལ་སྔར་དཔྱད་པ་ཞིག་པ་གྱིས་ཟིན་ལས་འདིར་མ་སྤྲོས་སོ། །འདི་དག་གཞན་དགག་འདོད་ཀྱིས་སུན་འབྱིན་སྨྲ་བ་གཙོ་ཆེར་བྱས་པ་མིན་ཏེ། གཞན་པ་དེ་དག་གིས་ཀྱང་རྒྱུད་རྩ་འགྲེལ་གྱི་དགོངས་དོན་ལ་རང་བློ་གང་ལྕོགས་རེའི་འདོད་པ་རྣམ་པར་བཞག་པ་ཡིན་ལ། ཁོ་བོས་ཀྱང་རང་བློས་གང་དཔོག་རེའི་རྒྱུད་དོན་ལ་བྱི་དོར་བྱར་བའི་བསམ་པས་ཡིན་ཀྱང་། སུ་ལའང་རང་འདོད་དེར་རང་ངོར་གྲུབ་པ་ལྟར་རེ་ཞིག་སྣང་མོད། དཔྱད་པའི་སྒོ་འདི་དག་ལ་བརྟེན་ནས་གངས་ཅན་རྩིས་རིག་སྨྲ་བ་རྣམས་ཀྱིས་རྒྱུད་དོན་དྲི་མེད་ལ་ངེས་པ་རེ་རྙེད་ན་ཐེ་ཚོམ་མེད་པའི་ཡིད་བདེ་བར་འགྱུར་ཕྱིར། ངའི་འདི་ནི་ཡིན་ལ་གཞན་གྱིས་མ་ཤེས་སོ་ཞེས་རློམས་པ་མེད་པར་དཔྱད་པའི་སྒོ་ཙམ་དུ་མི་ཕམ་པས་སྨྲས་པ་འདི་ལ་མཁས་པ་དག་གིས་ཐུགས་གཞིག་མཛད་ན་ལེགས་སོ་ཞེས་ལྕགས་ཕག་ཟླ་བ་གསུམ་པའི་ཚེས་བཅུ་ཐུན་གསེང་ལའོ། །མངྒ་ལཾ། ། ཟླ་རྐང་གི་དོགས་གནས་ལ་དཔྱད་པ།― MR12_Page_0083 ―
[མ་དཔེ་གཟིགས་ན་འདིར་གནོན།]
ཟླ་རྐང་གི་དོགས་གནས་ལ་དཔྱད་པ། འདིར་ཟླ་རྐང་གནས་བཅུ་བཞི་ལ་རྐང་གྲངས་ཀྱི་སྡེ་ཚན་བདུན་ཏེ། མདའ་དབང་འབྱུང་མཚོ་མེ་མིག་གཟུགས་ཞེས་པ་འདི་ཟླ་རྐང་གི་ཆ་ཤས་འཕེལ་འགྲིབ་བྱེད་པའི་གཞི་ཟླ་རྐང་དངོས་སོ། །དེ་དག་ཞག་བདུན་རེས་ཚར་གཅིག་རྫོགས་ཏེ། ལུགས་འབྱུང་ལྡོག་ཏུ་བྲིས་པའི་དབང་གིས་ཞག་བཅུ་བཞི་ན་ཚར་གཉིས་རྫོགས་པ་ལས་ལྷག་པོ་མི་དགོས་པས། རིལ་པོ་ཚེས་བསྲེས་ཆུ་ཟླས་བགོ་བ་ཡིན་ནོ། །དེའི་ཕྱིར་བཅུ་བཞིས་བགོས་ལྷག་གཅིག་བྱུང་ན་ཟླ་བའི་སྔ་རྐང་དང་པོ་ནས་བདུན་སྔ་རྐང་ཕྱི་རྐང་གི་བར་དང་བཅུ་གསུམ་པ་ཕྱི་རྐང་ཐ་མ་དང་། ཐིག་ཤར་ན་རྐང་མཚམས་སུ་ཟིན་པའོ། །དེ་ལ་ཟླ་རྐང་བདུན་པོའི་ངོ་ཐོག་གི་གྲངས་བསྡོམས་ན་ཉེར་ལྔ་འབྱུང་བ་འདི་ཟླ་རྐང་ཉེར་ལྔ་ཞེས་བྱ་སྟེ་འབྱུང་བ་ལྔའི་ཡོན་ཏན་ལྔ་ནས་གཅིག་གི་བར་དང་། དང་པོ་ལ་སྙིང་སྟོབས་རྡུལ་མུན་གྱིས་ཕྱེ་བས་ལན་གསུམ་འཁྱུད་པ་བཅས་བདུན་ཡོད། དེ་དག་ནང་དུ་རྩའི་གྲངས་ཉེར་ལྔ་ལའང་སྦྱར་བར་མཛད་དོ། །ཟླ་རྐང་བཟུང་ནས་སྔ་རྐང་ལ་ཟོས་ཟིན་དང་། ཕྱི་རྐང་ལ་ཟ་རྒྱུའི་ཨང་གྲངས་རྣམས་བསྡོམ་པས། ཟླ་རྐང་དང་པོ་ལ་ལྔ། གཉིས་པར་བཅུ། གསུམ་པར་བཅོ་ལྔ། བཞི་པར་བཅུ་དགུ་ནས། བདུན་པར་ཉེར་ལྔ་བར་བྲི་བ་འདི་རྐང་བསྡོམ་ཞེས་བྱ་བ་ཡིན་ལ། ཞག་བདུན་གྱི་རྐང་སྡོམ་གྲངས་གཅིག་ཏུ་བསྡོམ་ནས་བརྒྱ་དང་ཉི་ཤུ་འབྱུང་བ་ནི་ཕྱི་རོལ་དུ་ཟླ་རྐང་གི་ཆ་ཤས་བརྒྱ་ཉི་ཤུ་ཞེས་བྱ་སྟེ། ལུས་ཀྱི་ནང་དུ་ཡང་ ― MR12_Page_0084 ―
[མ་དཔེ་གཟིགས་ན་འདིར་གནོན།]
ཚེས་ཀྱི་ཆ་ཤས་ཀྱི་ཐུན་རྣམས་ཀྱི་ཆ་ལ་སྤྱོད་ཚུལ་བརྒྱ་ཉི་ཤུ་ཡོད་དོ། །ཁ་ཅིག་གིས་ཆ་ཤས་ཅན་ཟླ་རྐང་བདུན་པོའི་གྲངས་ལ་བསམ་ནས། ཞག་རེ་རེ་ལ་ཟླ་རྐང་གི་གྲངས་དེ་ཙམ་སྤྱོད་པ་དངོས་གནས་ལ། སྔ་མ་སྔ་མའི་གྲངས་འོག་མ་འོག་མར་ཡང་ཡང་བསྲེས་ནས་བརྩིས་པས་བརྒྱ་ཉི་ཤུ་ནི་དངོས་པོ་ལ་མི་གནས་པར་ལྡོག་པའི་སྒོ་ནས་རྣམ་གྲངས་ཙམ་དུ་ཕྱེ་བའོ། །ཞེས་ཟེར། ཟླ་རྐང་བདུན་པོ་ཞག་བདུན་པར་དུ་རིམ་པས་འཕེལ་བའམ། དེ་ནས་ཞང་བདུན་བར་དུ་རིམ་པས་འགྲིབ་ཚུལ་ལ་དཔྱད་ན། ཞག་དེའི་ངོས་སྐལ་གྱི་ཟླ་རྐང་དེ་ཉིད་དེ་ཉིད་ཀྱི་སྐལ་པའི་འཕེལ་འགྲིབ་བྱེད་པའི་གྲངས་དངོས་ཡིན་ལ། དེ་སྔ་མ་སྔ་མ་དང་བསྡོམས་ནས་འཕེལ་ཏེ། དཔེར་ན་ཞག་དང་པོའི་ཟླ་རྐང་ལྔ། གཉིས་པའི་དངོས་གནས་པ་ལྔ། ཞག་དང་པོའི་ལྔ་དང་བསྡོམས་ན་བཏགས་པའི་སྒོ་ནས་བཅུ། གསུམ་པར་དངོས་གནས་པ་ལྔ། ཞག་སྔ་མ་གཉིས་ཀྱི་ཟླ་རྐང་སྤྱད་ཟིན་དང་བསྡོམ་ན་བཅོ་ལྔ་སོགས། བདུན་པར་ཉེར་ལྔའི་བར་དུ་འཕེལ་ཞིང་། དེ་ནས་རིམ་བཞིན་འགྲིབ་བོ། །དེའི་ཕྱིར་དངོས་གནས་པ་ཉེར་ལྔ་ལས་མེད་པར་འདོད་པ་དག་གི་བསམས་པ་ནི་འདི་ཡིན་ཏེ། དཔེར་ན་ཞག་དང་པོ་མཚན་བརྗོད་ཚར་ལྔ། གཉིས་པར་ལྔ། གསུམ་པར་ལྔ། བཞི་པར་བཞི་སོགས། བདུན་པར་གཅིག་བཀླག་ན། ཞག་བདུན་པོའི་མཚན་བརྗོད་བཏོན་གྲངས་བསྡོམས་པས་ཉེར་ལྔ་འབྱུང་བ་འདི་དངོས་པོ་ལ་གནས་པ་ཡིན། ཞག་གཉིས་པར་ཚར་ལྔ་བཀླག་པར་དེར་ཞག་དེར་དངོས་གནས་ལྔ་ལས་མ་ ― MR12_Page_0085 ―
[མ་དཔེ་གཟིགས་ན་འདིར་གནོན།]
བཏོན་ཀྱང་། ཞག་སྔ་མར་བཏོན་ཟིན་ལྔ་དང་བསྡོམ་ནས་བཅུ། དེ་བཞིན་གསུམ་པར་བཅོ་ལྔ་སོགས་ནས། བདུན་པར་ཉེར་ལྔའི་བར་དུ་བཀླག་པ་དེ་ཞག་སོ་སོའི་འཕེལ་གྲངས་ཀྱིས་རི་མོ་བསྡོམས་ན་བརྒྱ་ཉི་ཤུར་འགྱུར་ཀྱང་། དངོས་གནས་མཚན་བརྗོད་ཉེར་ལྔ་བཏོན་པ་ལས་བརྒྱ་ཉི་ཤུ་བཏོན་པ་མ་ཡིན་པ་བཞིན་ནོ། །དེ་བཞིན་དཔག་ཚད་ཉེར་ལྔའི་ཁྱོན་ཞག་བདུན་ལ་ཟླ་རྐང་གི་གྲངས་ལྟར་བགྲོད་པ་དང་། ནས་བྲེ་ཉེར་ལྔ་ཞག་བདུན་ལ་ལྔ་ལྔ་ལྔ་བཞི་སོགས་འཇལ་བ་སོགས་ཀྱང་དངོས་གནས་ཉེར་ལྔ་ལས་མེད་པ་འདི་ལྟ་བུ་ལ་བསམས་ནས་ཟླ་རྐང་གི་ཆ་ཤས་བརྒྱ་ཉི་ཤུ་དངོས་པོ་ལ་མེད་པའོ་སྙམ་པའོ། །ཟླ་རྐང་བདུན་པོའི་གྲངས་ཙམ་ལ་བསམས་ན་ཞག་རེའི་ངོ་སྐལ་ཐུན་མིན་འཕེལ་འགྲིབ་བྱེད་པའི་གཞི་ཉེར་ལྔ་པོ་དེ་ཡིན་ཀྱང་། སྔ་མ་སྔ་མའི་སྟོབས་ཀྱིས་འཕེལ་ཏེ་བརྒྱ་ཉི་ཤུར་སོང་པའི་ཟླ་རྐང་གི་ཆ་ཤས་དེ་ཡང་དངོས་པོ་ལ་མི་གནས་པ་ཡང་མ་ཡིན་ཏེ། རྐང་བསྡོམ་ཇི་ལྟར་བྲིས་པ་དེ་བཞིན་འཕེལ་བའམ་འགྲིབ་པ་དེ་ཞག་དེའི་དུས་སུ་དངོས་གནས་པར་ཁས་ལེན་དགོས་ཏེ། གོང་གི་མཚན་བརྗོད་བཀླག་པ་དང་དཔག་ཚད་རྩི་ཚུལ་ལྟར་ན་དེ་ལྟར་ཡིན་ཀྱང་། དེ་དང་ཟླ་རྐང་ལས་རྐང་སྡོམ་བྲི་ཚུལ་འདི་གཉིས་མི་འདྲ་སྟེ། མཚན་བརྗོད་ཉེར་ལྔ་ཞག་བདུན་ལ་བཏོན་པ། དཔག་ཚད་ཉེར་ལྔ་བགྲོད་པ། ནས་བྲེ་ཉེར་ལྔ་ཞག་བདུན་དུ་འཇལ་བ་འདི། གྲངས་སྔ་མ་སྔ་མའི་ ― MR12_Page_0086 ―
[མ་དཔེ་གཟིགས་ན་འདིར་གནོན།]
སྟེང་དུ་ཕྱི་མ་ཕྱི་མ་བསྣན་ནས། ཞག་བདུན་ན་ཉེ་ལྔར་ལོངས་པ་དེ་ཙམ་ལས། ཞག་བདུན་བར་དུ་གྲངས་དེས་འཕེལ་སྟེ་གྲངས་གཞན་ལ་བསྣན་པར་བྱས་པའམ། འགྲིབ་སྟེ་ཕྲི་བར་བྱ་བའི་གཞི་མེད་པས། ཞག་དང་པོར་ལྔ། གཉིས་པར་བཅུ་སོགས་བརྩིས་མཐར་ཉེར་ལྔ་ཉིད་དུ་གྲུབ་པ་དེ་ཁོ་ནར་འགྱུར་གྱི་ཞག་བདུན་སོ་སོའི་ངོས་སྐལ་གྱི་གྲངས་ལྔ་དང་བཅུ་ལ་སོགས་པས་འཕེལ་འགྲིབ་ཀྱི་བྱ་བ་དངོས་གནས་ལ་མེད་མོད། ཟླ་རྐང་གི་ཞག་དང་པོར་གྲངས་ལྔ་བྲིས་པ་འདི་ཞག་དང་པོའི་ལོངས་སྤྱོད། དེ་ཙམ་འཕེལ་བའམ་འགྲིབ་པ་དངོས་གནས་པ་ཡིན་ན། ཞག་གཉིས་པར་རྐང་སྡོམ་གྱི་གྲངས་བཅུ་བྲིས་པ་འདི་ཞག་གཉིས་པར་ཆུ་ཚོད་བཅུས་སྣོན་འདྲིད་བྱེད་པ་དངོས་གནས་པ་ཡིན་གྱི། ལྔས་སྣོན་འཕྲི་བྱས་པ་ཡིན་ན་ཞག་དང་པོ་དང་ཁྱད་མེད་པས་དངོས་པོ་ལ་གནས་པ་མ་ཡིན་ནོ། །དེའི་དུས་ཀྱི་ཞག་དེའི་ངོ་སྐལ་གྱི་ཆུ་ཚོད་དངོས་གནས་པ་དང་། ལྔ་ནི་ཞག་དང་པོའི་སྐལ་པ་ཡིན་གྱི་འདིའི་དངོས་གནས་པ་མིན་སྙམ་ན། ལྔ་དེ་རིང་ཞག་གཉིས་པའི་སྐལ་བ་དང་། ལྔ་ཞག་དང་པོའི་སྐལ་པ་སྤྱད་ཟིན་ཡིན་པ་བདེན་ཀྱང་། རྟག་ལོངས་སོགས་གཟའ་རྣམས་ཀྱི་དལ་མྱུར་གྱི་ལོངས་སྤྱོད་ཐམས་ཅད་སྔ་མ་སྔ་མའི་སྟེང་ནས་ཕྱི་མ་ཕྱི་མ་མ་བརྩིས་པར་ད་ལྟར་ལོངས་སྤྱོད་ཇི་ཙམ་ཡིན་པ་ཤེས་ཐབས་མེད་པས། སྔ་མ་དང་བསྡོམས་ནས་དེ་ལྟར་འོང་བ་ཡིན་རུང་། དེ་ལྟར་བསྡོམ་པ་དེ་ཉིད་གང་བརྩེ་ཉིན་དེའི་ལོངས་ ― MR12_Page_0087 ―
[མ་དཔེ་གཟིགས་ན་འདིར་གནོན།]
སྤྱོད་དངོས་གནས་པ་ཡིན་པར་ཁས་ལེན་དགོས་ཀྱི། སྔ་མ་དང་མ་བསྡོམས་པའི་རང་དུས་ཀྱི་རྟག་ལོངས་སམ་རྐང་པའི་གྲངས་ཙམ་ཞག་དེའི་ལོངས་སྤྱོད་དངོས་གནས་པར་ཁས་བླངས་ནས། ཡུལ་དང་དུས་ཀྱི་ཆུ་ཚོད་སྔ་མ་སྔ་མ་དང་བསྡོམས་པའི་གྲངས་དེ་དངོས་པོ་ལ་མི་འདས་པར་འདོད་ན་མཚན་བརྗོད་བཏོན་ཚུལ་ལ་མཚོན་ན། ཞག་གཉིས་པར་བཅུ་གྲུབ་པ་ཞག་དེའི་ངོས་སྐལ་གྱི་དངོས་གནས་པ་མིན་ཞིང་། དེའི་ཚུལ་གྱིས་ཞག་བདུན་པར་ཉེར་ལྔ་གྲུབ་པ་དངོས་པོ་ལ་མི་གནས་པར་འགྱུར་ཞིང་། དེ་བཞིན་སྐྱེས་བུས་དཔག་ཚད་བརྒྱ་བགྲོད་པ་དང་། ནས་བྲེ་བརྒྱ་འཇལ་བ་རྣམས་ཀྱང་། མཚན་བརྗོད་ཚིག་རེ་རེ་དང་། ས་གོམ་པ་རེ་རེ་ནས་འབྲུ་རེ་རེ་ནས་རིམ་པར་སྔ་མའི་སྟེང་དུ་ཕྱི་མའི་གྲངས་བསྣན་ནས་མཐར་ཉེར་ལྔའམ་བརྒྱ་ལ་སོགས་པ་ཇི་ཙམ་ཡིན་པ་དེ། དུས་དེའི་ཚེ་ན་དངོས་པོ་ལ་གནས་པ་ཡིན་གྱི་མི་གནས་པར་ཁས་ལེན་དགོས་པས་དེ་མི་རུང་སྟེ། དཔེར་ན་དེ་རིང་ཉི་མ་འདི་ལ་སྐྱེས་བུ་འདིས་ཚེ་ལོ་བརྒྱ་ལོན་ནོ་ཞེས་པའང་ཐ་སྙད་དབང་བཙན་དུ་བྱས་ཏེ་དེ་ལྟར་བརྗོད་པ་སྐྱོན་མེད་ཡིན་པ་བཞིན་ནོ། །ཟླ་རྐང་དང་པོའི་ཆུ་ཚོད་ལྔ་ཡང་དུས་མཐའི་སྐད་ཅིག་ནས་ཆུ་ཚོད་ལྔའི་རིམ་པས་སྔ་མ་སྔ་མའི་སྟེང་དུ་ཕྱི་མ་ཕྱི་མ་བསྣན་ཏེ་མ་རྩིས་པར་ཆུ་ཚོད་ལྔ་འོང་བ་མི་སྲིད་དོ། །དཔག་ཚད་ཀྱང་རྡུལ་ཕྲ་རབ་རིམ་པས་འཕེལ་བ་ཡིན་གྱི་དཔག་ཚད་རིལ་པོར་མེད་དོ། །དེས་ན་རྩིས་ཀྱི་ཚུལ་ལུགས་ལས། ― MR12_Page_0088 ―
[མ་དཔེ་གཟིགས་ན་འདིར་གནོན།]
གྲངས་སྔ་མ་སྔ་མའི་སྟེང་དུ་ཕྱི་མ་ཕྱི་མ་བསྣན་ཏེ། གཅིག་ནས་བརྒྱ་སྟོང་ལ་སོགས་པར་འཕེལ་བ་དེ་དངོས་གནས་པའི་གྲངས་ཡིན་གྱི། སྔ་མ་དང་སྡོམ་པ་མི་རྩི་ན། གྲངས་ཐམས་ཅད་རེ་རེ་བར་འགྱུར་གྱི་ཇེ་མང་དུ་འཕེལ་བ་མི་སྲིད་དོ། །དལ་བའི་རྟག་ལོངས་ལ་ཡང་ཞག་རེར་རྟག་ལོངས་རེ་རེ་སྤྱོད་པ་ལས་ལྷག་པ་སྤྱོད་མི་སྲིད་ཀྱང་། ཞག་དང་པོའི་རྟག་ལོངས་ལས། གཉིས་པ་སོགས་སུ་འཕེལ་བ་དེ་ཉིད་ཞག་དེའི་དུས་ཀྱི་ལོངས་སྤྱོད་དངོས་གནས་པར་ཁས་ལེན་དགོས་ཀྱི་སྔ་མ་དང་བསྡོམ་ནས་མ་བརྩིས་ན་དེ་ལྟར་ཇེ་མང་དུ་འཕེལ་རྒྱུ་མེད་ཅིང་། རིམ་པས་མ་འཕེལ་ན་གང་བརྩི་བའི་དུས་དེའི་ལོངས་སྤྱོད་ཅི་ཙམ་ཡིན་པ་ཤེས་པའི་ཐབས་མེད་དོ། །དེས་ན་ཞག་རེ་རེའི་ཡུན་གྱི་དབང་དུ་བྱས་ན། རྟག་ལོངས་འདི་ཙམ་རེ་རེ་སྤྱོད་པ་དང་། ཟླ་རྐང་འདི་ཙམ་འཕེལ་འགྲིབ་བྱེད་ཅེས་བསམ་ན་ཟླ་རྐང་ཉེར་ལྔ་དོན་ལ་གནས་ཤིང་། ཞག་སྔ་ཕྱི་སྦྲེལ་ཏེ་བརྩིས་པའི་དབང་དུ་བྱས་ན། དང་པོའི་ལྔ་དེ་ཞག་གཉིས་པར་བཅུ་ཡི་གྲངས་སུ་འཕེལ་བ་སོགས་རྐང་བསྡོམ་བྲི་རྒྱུ་འདི་ཞག་དེའི་ལོངས་སྤྱོད་དངོས་པོ་ལ་གནས་པ་ཡིན་པའི་ཕྱིར་ན་ཟླ་རྐང་གི་ཆ་ཤས་འཕེལ་བ་དང་འགྲིབ་པའི་ཆ་བརྒྱ་ཉི་ཤུ་ཡང་དངོས་པོ་ལ་གནས་པར་འདོད་རུང་སྟེ། ཞག་གཉིས་པར་རྐང་སྡོམ་བཅུས་འཕེལ་འགྲིབ་བྱེད་པ་དེ། ཞག་དང་པོའི་ལྔ་སྤྱད་ཟིན་གྱི་གྲངས་དང་རང་དུས་ཀྱི་ལྔ་བསྡོམ་ནས་བཅུར་ལོངས་པ་ཡིན་གྱི། ཞག་སྔ་མའི་རྐང་གྲངས་དང་མ་བསྡོམ་པར་ཞག་གཉིས་ ― MR12_Page_0089 ―
[མ་དཔེ་གཟིགས་ན་འདིར་གནོན།]
གྲངས་བཅུ་གསར་དུ་སྤྱད་པ་མིན་ན་ཡང་། སྔ་ཕྱི་བསྡོམས་པའི་བཅུ་པོ་དེས་ཞག་གཉིས་པར་ཟླ་རྐང་རྐང་བསྡོམ་གྱི་བཅུ་དངོས་གནས་ཀྱིས་འཕེལ་བའམ་ཕྲི་བ་བྱེད་པ་ཡིན་པས། བཅུ་ཡིས་བཅུ་གོ་ཆོད་ཅེས་ཁས་ལེན་དགོས་སོ། །སྔ་མའི་ལྔ་དང་བསྡོམ་པའི་བཅུ་ཡིན་པས། རང་དུས་ཀྱི་བཅུའི་གོ་མ་ཆོད་ན། རྐང་བསྡོམ་འབྲི་མི་དགོས་པར་ཟླ་རྐང་གང་བབ་དེའི་གྲངས་ཙམ་གྱིས་ཕྲི་སྣོན་བྱེད་པར་རིགས་ན་ཡང་དེ་ཤིན་ཏུ་མི་འཐད་དོ། །དེས་ན་ཞག་དང་པོར་ཟླ་རྐང་ཐོག་མའི་གྲངས་ལྔ་ཕྲི་བ་འདི་དངོས་གནས་ཡིན་པ་བཞིན། གཉིས་པར་བཅུ་བྲིས་པ་ཡང་དང་པོའི་ལྔ་དང་ཁྱད་མེད་པར་ཞག་དེའི་ངོས་སྐལ་གྱི་ལོངས་སྤྱོད་ཡིན་པ་ནས། ཞག་བདུན་པར་ཉེར་ལྔ་བྲི་བའི་ཐར་དུ་འདྲ་ཞིང་ཁྱད་མེད་པར། རྐང་བསྡོམ་གྱི་གྲངས་དངོས་སུ་ཡོད་པ་དེས་ཕྲི་བསྣན་འཕེལ་འགྲིབ་དངོས་གནས་པར་བྱེད་པས་དེ་དངོས་པོ་ལ་གནས་པར་ཁས་ལེན་དགོས་ཀྱི། ཞག་བདུན་པོ་དེ་རེ་རེའི་རྐང་བསྡོམ་གྱི་གྲངས་ཅི་ཙམ་བྲིས་པ་དེ་ཙམ་ཞིག་དངོས་སུ་ཞག་དེར་འཕེལ་འགྲིབ་བྱེད་པས་དེའི་ནང་ན་དངོས་པོ་ལ་མི་གནས་པའི་གྲངས་ཅུང་ཟད་བསལ་རྒྱུ་མེད་ལ། དེ་ལྟར་ཞག་བདུན་པོའི་རྐང་བསྡོམ་གྱི་གྲངས་དེ་དག་རེ་རེ་ནས་དངོས་པོ་ལ་གནས་པའི་ཕྲི་སྣོན་དུ་གྱུར་ཚེ། ཞག་བདུན་པོའི་རྐང་བསྡོམ་གྱི་གྲངས་གཅིག་ཏུ་བསྡོམས་པའི་བརྒྱ་དང་ཉི་ཤུར་ལོངས་པ་དེ་ཡང་དངོས་པོ་ལ་གནས་པའི་ཟླ་རྐང་གི་ཆ་ཤས་དེ་ཙམ་ཡོད་པར་ཁས་ལེན་ཅིའི་ཕྱིར་མི་རུང་ ― MR12_Page_0090 ―
[མ་དཔེ་གཟིགས་ན་འདིར་གནོན།]
སྟེ། རྐང་བསྡོམ་ཀྱི་གྲངས་བྲིས་པ་དངོས་པོ་ལ་མི་གནས་ཤིང་ཟླ་རྐང་ངོ་ཐོག་པའི་གྲངས་བསྡོམ་པ་ཙམ་དངོས་པོ་ལ་གནས་ན། རྐང་བསྡོམ་བྲིས་ནས་ཕྲི་བསྣན་བྱས་པའི་ཟླ་རྐང་འཕེལ་འགྲིབ་ཀྱི་རི་མོ་ཞག་རེ་རེ་བཞིན་དུ་བཀོད་པ་འདི་ཞག་དེའི་ལོངས་སྤྱོད་དངོས་གནས་པ་མིན་པར་ཁས་ལེན་དགོས་ཤིང་། ཉི་མའི་ཁྱིམ་ཞག་གི་རྟག་ལོངས་རེ་རེ་ཁྱིམ་ཞག་རེ་རེ་ལ་སྤྱོད་ནས། མཐར་རྒྱུ་སྐར་ཡུལ་གྱི་ཆུ་ཚོད་སྟོང་དྲུག་བརྒྱ་ཉི་ཤུ་ཡོད་པའི་ལོངས་སྤྱོད་དེ་ཡང་རྒྱུ་སྐར་འཁོར་ལོ་རྫོགས་པའི་ཉིན་དེའི་ལོངས་སྤྱོད་དངོས་གནས་པའི་མིན་པར་ཁས་ལེན་དགོས་ལ། དེ་ལྟར་ཁས་བླངས་ན་གཟའ་དགུའི་དལ་དག་དང་མྱུར་དག་གི་རྩིས་ཀྱི་རི་མོ་རྣམ་དག་བཀོད་པ་ཐམས་ཅད་དུས་དེ་དང་དེའི་ལོངས་སྤྱོད་དངོས་གནས་པ་མིན་པར་ཁས་ལེན་དགོས་ན། དེ་ལྟར་ཁས་ལེན་པ་དེ་དག་ལ་གཟའ་དགུའི་དལ་མྱུར་གྱི་རྩིས་འདིས་ཅི་ཞིག་བྱ། དེས་ན་འདི་ལྟར་ཞིབ་ཏུ་ཤན་ཕྱེས་ནས་དཔྱད་པར་རིགས་ཏེ་ཕྱི་རོལ་ན་ཟླ་རྐང་གི་ཆ་ཤས་བརྒྱ་ཉི་ཤུ་མེད་ན་ནང་གི་བརྒྱ་ཉི་ཤུ་ལ་སྦྱར་བའི་གཞི་མེད་པས་རྒྱུད་ཀྱི་དགོངས་དོན་ལ་མཁོ་བས་དཔྱད་པ་འདི་བྱས་པ་ཡིན་ནོ། །ཟླ་རྐང་རི་མོར་བྲིས་པ་ཙམ་རྩིས་པ་གསར་བུ་པ་རྣམས་ཀྱིས་ཀྱང་རྟོགས་སླ་ལ། དེ་བསྡོམས་ན་གྲངས་ཉེར་ལྔ་ལས་མི་འོང་བ་ཙམ་གྱིས་དཔྱད་པ་སུས་ཀྱང་རྟོགས་སླ་མོད། ཞིབ་ཏུ་ན་ཟླ་རྐང་དང་ཟླ་རྐང་གི་ཆ་ཤས་ཀྱི་ཁྱད་འབྱེད་པ་དང་། དེ་གཉིས་དངོས་པོ་ལ་གནས་པ་ཡིན་མིན་གྱི་ཁྱད་ཡོད་ཚུལ་འདི་དག་མཁས་པར་གྲགས་པའི་རྩིས་པ་རྒན་ ― MR12_Page_0091 ―
[མ་དཔེ་གཟིགས་ན་འདིར་གནོན།]
པོས་ཀྱང་རྟོགས་དཀའ་བར་མཐོང་ནས་འདི་ལྟར་ཞིབ་དུ་ཕྱེས་པ་ཡིན་ནོ། །སྤྱི་སྔ་མའི་ཆ་ལ་བརྟེན་ནས་ད་ལྟར་དེ་དང་དེ་ལྟར་བཏགས་པ་ཡིན་ཡང་། བཏགས་པ་དོན་མཐུན་རྣམས་ཀྱིས་འཇིག་རྟེན་ཐ་སྙད་ཀྱིས་དངོས་པོ་ལ་གནས་པའི་གོ་ཆོད་པ་ནི་འདི་ཙམ་དུ་མ་ཟད། སེམས་ཅན་གྱི་སྐྱེ་བ་དང་གནས་པ་རྒས་པ་ཤི་བ་ཞེས་བྱ་བའང་སྐད་ཅིག་ལ་མིན་ཏེ། རྒྱུན་ལ་ལྟོས་ནས་འཇོག་པ་སོགས་དང་། ཡུལ་གཞན་དུ་འགྲོ་བ་དང་འོངས་པ། བསྐལ་པ་དུ་མར་འཚོ་བ་སོགས། ཕྱོགས་དང་དུས་ལས་བཏགས་པ་ཐམས་ཅད་ཀྱང་འདི་དང་ཚུལ་མཐུན་པའི་འཇིག་རྟེན་ཐ་སྙད་ཀྱི་རྣམ་བཞག་ཕལ་མོ་ཆེ་ཡང་བདེ་བླག་ཏུ་ཤེས་པར་འགྱུར་རོ། །ཞིབ་ཏུ་ཤིན་འབྱེད་འདི་ལྟར་མ་བཤད་ན། ཟླ་རྐང་ཆ་ཤས་བརྒྱ་དང་ཉི་ཤུ་བོ། །རེས་འགའ་དངོས་གནས་རེས་འགའ་བཏགས་པ་འདྲའི། །ཐེ་ཚོམ་སྦུབས་ནས་བློ་ལྡན་སུ་ཞིག་གྲོལ། །རགས་པའི་བློ་ཡིས་ཐུག་རེག་མ་ཕོག་པར། །སླ་སླ་འདྲ་ཡང་གཞིག་ན་འཆར་དཀའ་བའི། །རྩིས་ཀྱི་དཀའ་གནད་ཅུང་ཟད་བཤད་པ་འདི། །ཀུ་ཤའི་རྩེ་ལྟར་ཕྲ་བའི་བློ་ལྡན་གྱིས། །བརྟག་ནས་དོན་ལ་ངེས་པ་རྙེད་གྱུར་ན། །དོན་ཆུང་འདྲ་ཡང་ཡ་མཚན་དོན་ཀྱང་མཐོང་། །བཏགས་པ་འདྲ་ཡང་དོན་ལ་གནས་པར་ཤེས། །དེ་ཕྱིར་རབ་ཚེས་ལྕགས་ཁྱིའི་རྒྱལ་ཟླ་བའི། །བཅུ་གཅིག་ཚེས་ལ་མི་ཕམ་པ་ཡིས་བཀོད། །འདི་ཡིས་རྩིས་རིག་སྨྲ་རྣམས་དགྱེས་གྱུར་ཅིག །དགེའོ། །མངྒ་ལཾ། རྩིས་གསར་ཐུབ་བསྟན་མཛེས་རྒྱན་ལ་དཔྱད་པ།― MR12_Page_0093 ―
[མ་དཔེ་གཟིགས་ན་འདིར་གནོན།]
རྩིས་གསར་ཐུབ་བསྟན་མཛེས་རྒྱན་ལ་དཔྱད་པ་བཞུགས། ― MR12_Page_0094 ―
[མ་དཔེ་གཟིགས་ན་འདིར་གནོན།]
ཨོཾ་སྭ་སྟི། མཁའ་ལྟར་སྔོ་བ་ཡེ་ཤེས་རལ་གྲི་དང་། །ཟླ་འདྲ་རྒྱལ་བའི་གསུང་རབ་གླེགས་བམ་གྱིས། །ཉེར་མཚན་པདྨ་དཀར་པོའི་སྡོང་བུ་ཡིས། །ཕྱག་གི་འཁྲི་ཤིང་མཛེས་པ་དེ་ལ་འདུད། །མགོན་ཁྱོད་སྙིགས་མ་ལྔ་ཡི་སྐྱེ་བོའི་ངོར། །མཐོན་མཐིང་རལ་པའི་ཟུར་ཕུད་དབྱིངས་སྦས་ནས། །ངུར་སྨྲིག་འཛིན་པའི་གཟུགས་སུ་རྣམ་རོལ་བ། །མཚུངས་མེད་བླ་མ་དེ་ལ་བདག་ཅག་དད། །འདི་ན་རང་གི་ཕྱོགས་དང་གཞན་གྱི་ཕྱོགས། །འདི་ཞེས་རིས་སུ་བཅད་པ་མ་མཆིས་ཀྱང་། །གང་ལ་རྒྱུད་དོན་རྡོ་རྗེའི་ཚིག་ཉེ་བ། །དེ་ལ་རྟོག་གེ་བདག་ཀྱང་མངོན་པར་དགའ། །མ་བརྟགས་གསར་པ་དང་ལེན་ཅིང་། །གཞན་ཟེར་ཁོ་ནའི་རྗེས་སུ་ཟློས། །རིགས་པ་དང་འགལ་ལམ་སྨྲ་བ། །བླུན་པོ་ཤེས་རབ་འཆལ་བའི་རྟགས། །བརྟགས་ནས་དོན་དང་མཐུན་པ་འཛིན། །ཟབ་མོ་རྟོགས་པར་ ― MR12_Page_0095 ―
[མ་དཔེ་གཟིགས་ན་འདིར་གནོན།]
དཀའ་ལ་མོས། །རིགས་པས་གནོད་མེད་ཚུལ་སྟོན་པས། །བློ་དང་ལྡན་པ་ལེགས་པར་མཚོན། །དེ་ཕྱིར་ཀུན་རྨོངས་བདག་འདྲས་ཀྱང་། །ཀུན་དགའི་གསུང་རབ་ཀུནྡའི་ཚལ། །ཀུན་ནས་དག་པར་བགྱི་སླད་དུ། །ཀུན་རྟོག་སེམས་ཀྱིས་ཅུང་ཟད་དཔྱད། །དེ་ལ་འདིར་དཔྱད་གསུམ་གྱིས་དག་པའི་ལུང་ནི་ཡིད་ཆེས་སུ་རུང་བ་ཡིན་ལ། བཅོམ་ལྡན་འདས་ནི་ཤེས་བྱ་ཐམས་ཅད་ལ་སྒྲིབ་པ་ཕྲ་མོ་ཡང་མི་མངའ་བས། དེའི་གསུང་ནི་ཇི་ཙམ་བརྟགས་པ་དེ་ཙམ་དུ་ཡིད་ཆེས་ཤིང་དཔྱད་བཟོད་པ་ཡིན་ནོ། །དེའང་རྒྱལ་བས་དཔལ་ལྡན་རྩ་བའི་རྒྱུད་དུ་ཇི་སྐད་བསྟན་པའི་དོན་མཐའ་དག་ཡོངས་སུ་རྫོགས་པར་དངོས་ཤུགས་ཅི་རིགས་ལ་བསྟན་པའི་བསྡུས་པའི་རྒྱུད་འདི་ནི་སྡུད་པ་པོ་གཞུང་འགྲེལ་པ་དང་བཅས་པ་བཅོམ་ལྡན་འདས་ཉིད་ཀྱིས་ལུང་བསྟན་པ་ཡིན་པས་ལུང་འདི་ལ་བརྟེན་ནས་ཅུང་ཟད་དཔྱད་པར་བྱ་ན། དེ་ལ་རྒྱུད་དཔལ་དུས་ཀྱི་ ― MR12_Page_0096 ―
[མ་དཔེ་གཟིགས་ན་འདིར་གནོན།]
འཁོར་ལོ་འདིར་ནི། ཕྱི་རི་གླིང་གཟའ་སྐར་གྱི་རྣམ་བཞག ནང་རྩ་རླུང་ཐིག་ལེའི་འདུ་འཕྲོད། གཞན་དཀྱིལ་འཁོར་གྱི་འཁོར་ལོའི་དག་པ་བཅས་གཅིག་ཏུ་བསྒྲིགས་པའི་གནད་ཐུན་མོང་མིན་པ་ཡོད་པས་འདི་ནི་རྒྱུད་ཐམས་ཅད་ཀྱི་རྒྱལ་པོ་ཡིན་ནོ་ཞེས་འཕགས་བོད་ཀུན་ཏུ་རླུང་ལྟར་གྲགས་པ་ཡིན་ལ། ཁ་ཅིག་གིས་ཕྱིའི་གཟའ་སྐར་ལ་སོགས་པའི་རྣམ་བཞག་གསུངས་པ་ནི་མུ་སྟེགས་ཅན་གཞུག་པ་ཙམ་ཡིན་གྱི་དོན་ཆེན་མེད་ཟེར་བ་ནི། རྒྱུད་དོན་མ་རྟོགས་པའི་གྱི་ན་ཏེ། ཕྱི་དུས་ཀྱི་འཁོར་ལོ་མ་ཤེས་པས་ནང་དུས་ཀྱི་འཁོར་ལོ་མི་ཤེས་པ་སོགས་དང་། ཇི་ལྟར་ཕྱི་རོལ་དེ་བཞིན་ནང་། ཞེས་སོགས་གསུངས་པ་ལྟར་ཕྱིར་སྣང་གི་རྣམ་པ་མ་ལུས་པ། ནང་གི་ཁམས་ཀྱི་འཕོ་བ་ལས་བྱུང་བའི་གནད་ཐུན་མིན་ལ་ངེས་པ་རྙེད་པས་ཕྱི་རོལ་གྱི་སྣང་བ་མ་ལུས་པ་ནང་གི་བདག་ཉིད་ཅན་དུ་རྟོགས། ནང་གི་ཆོས་ཀུན་ཀྱང་རང་བཞིན་གྱིས་རྣམ་པར་དག་པའི་དཀྱིལ་འཁོར་གྱི་འཁོར་ལོའི་བདག་ཉིད་ཅན་དང་། དེའང་འགྱུར་བ་མེད་པའི་བདེ་བ་ཆེན་པོ་དང་ཟུང་དུ་ཞུགས་པའི་སྟོང་ཉིད་ཕྱག་རྒྱ་ཆེན་མོ་འཁོར་འདས་ཀུན་ལ་ཁྱབ་པའི་ཧེ་རུ་ཀར་གཏན་ལ་འབེབ་པ་ནི། རྒྱུད་འདིའི་དབུ་ཞབས་ཀྱི་དོན་ཐམས་ཅད་བསྡུས་པའི་སྙིང་པོའི་གནད་ཐུན་མིན་ཡིན་པས་ན། འདིར་བསྟན་གྱི་གཟའ་སྐར་ཁྱིམ་གྱི་བགྲོད་པ་མཐའ་དག་ལ་ནང་གི་འཕོ་བ་དང་སྦྱར་བའི་དག་པ་ཁྱད་པར་ཅན་ཡོད་པ་ཡིན་པས། དེ་དག་གི་གནད་མ་རྟོགས་བཞིན་དུ་ཚུལ་མཐོང་རི་མོ་འདྲི་ཚུལ་ཙམ་ལ་ཞེན་པ་དག་ནི་ཕྱི་དུས་ཀྱི་འཁོར་ལོའི་གནད་སྟོར་བ་ཡིན་ནོ། །དེའི་ཕྱིར་ན་རྩིས་ཚུལ་གསར་པ་འདི་འདྲ་བ་ཡོད་སྐད་རིང་མོ་ནས་ཐོས་པ་དགའ་བ་འཕེལ་ ― MR12_Page_0097 ―
[མ་དཔེ་གཟིགས་ན་འདིར་གནོན།]
ཏེ། རྒྱུ་མཚན་ཅིས་ན། ཕུག་མཚུར་དགོན་ལུང་པ་སོགས་ཀྱི་རང་འདོད་ཀྱི་རྩིས་གཞི་འདི་རྣམས་ཕལ་ཆེར་མིག་སྐར་དང་གཟའ་འཛིན་སོགས་འགྲིག་དཀའ་བ་དང་། སྟོང་འཇུག་གི་རི་མོ་སོགས་རྒྱུད་ཀྱི་དག་པ་དང་མི་འགྲིག་པ་ལ་སོགས་པས་ན། དཔལ་ལྡན་རྩ་བའི་རྒྱུད་ཀྱི་དངོས་བསྟན་བསྡུས་རྒྱུད་དབུ་ཞབས་ཀྱི་དོན་ཐམས་ཅད་དང་མི་འགལ་བ། དུས་ཚིགས་དང་གཟའ་སྐར་དང་ལྔ་སྒྲ་བཅས་པའི་འགྲོས་མངོན་སུམ་བསྙོན་དུ་མེད་པ་ཞིག་ཡོད་ན་དེ་ལ་ཡི་རང་ལན་བརྒྱར་འབུལ་ཞིང་དེའི་རྗེས་སུ་འབྲང་བར་རིགས་པས་སོ། །དེ་ལ་རྩིས་ཚུལ་འདི་སྐྱབས་མགོན་འཇམ་པའི་དབྱངས་ཀྱི་ཕྱག་ཏུ་འབྱོར་འཕྲལ་དཔྱད་པ་གྱིས་ཤིག་པའི་བཀའ་ལུང་དང་བཅས་ཏེ་ཕེབས་པའི་དོན་ལྟར། ཚུལ་འདི་ལ་བློ་ཁ་ཅུང་ཟད་ཕྱོགས་པའི་སྐབས་སུ་འདི་ལྟར་སེམས་ཏེ། རྩིས་གསར་འདི་ཕུག་མཚུར་སོགས་གང་གི་ཡང་རེས་གཟའ་གསུམ་གྱིས་ཉུང་ཞིང་། ཉི་ཟླའི་སྐར་མ་གཉིས་ཀྱིས་མང་བ་དང་། གཟའ་ལྔ་སོགས་ཁམ་རང་གི་གཞུང་དུ་བཤད་པ་ལྟར་གྱི་དགོས་ཞག་མང་བ་ལ་སོགས་པས་ཤིན་ཏུ་ཁྱད་ཆེན་པོ་འདུག་པས། རྩིས་ཀྱི་བླང་དོར་རྩ་བ་ནས་མི་འདྲ་བས་འདི་ལ་དཔྱད་པ་བྱར་འོས་སུ་འདུག་ལ། དེའང་རྩིས་འདི་འདྲ་བ། ལྷ་དང་ཌཱ་ཀིས་ལུང་བསྟན་པའམ། རྒྱུད་དང་འགྲེལ་པའི་མན་ངག་ལས་རྙེད་པའམ། དངོས་སྟོབས་ཀྱི་རིགས་པ་སྟེ། དེ་གསུམ་པོ་གང་གིས་རྟོགས་པའི་ཚུལ་དཔྱད་ན། འདི་རྩོམ་པ་པོ་གང་གིས། དང་པོར་རིགས་ལྡན་གྱིས་བྱིན་གྱིས་རླབས་པའི་རྟགས་མཚན་ཕྲ་མོ་ཐོབ་པ་ནས་བརྩམས་ཏེ། ལོ་དུ་མར་རྒྱུད་དང་འགྲེལ་བའི་དོན་ལ་ཡང་ཡང་དཔྱད་པས་རྒྱུད་ཀྱི་ ― MR12_Page_0098 ―
[མ་དཔེ་གཟིགས་ན་འདིར་གནོན།]
དངོས་ཤུགས་ཟུར་གྱི་དོན་རྣམས་གབ་སྦས་མེད་པར་ཁོང་དུ་ཆུད་པར་གྲགས་པས་ན། འདིར་རྒྱུད་ཀྱི་ལུང་དོན་བླངས་པ་དེ་དག་ལ་རིགས་པས་གྲུབ་པའི་ཚུལ་ངེས་པ་འདྲོང་བའི་གནད་ཇི་ཡོད་བསམ་པར་བྱའོ། ༈ །དེ་ལ་དང་པོ་གོ་ལའི་སྐབས་སུ་ཁྱིམ་སོ་སོ་པ་བཅུ་གཉིས་ཡོད་པར་འདོད་པ་དྲུ་འཛིང་མའི་ལུགས་འདི་མི་འཐད་དེ། འདི་ལྟར་ན་དཔྱིད་མཉམ་སྐབས་དབྱར་ཉི་ལྡོག་དུས་ཀྱི་འཆར་ས་དེ་ནས་ཤར་ནས། དགུ་ཉི་ལྡོག་དུས་ཀྱི་ནུབ་ས་དེར་ནུབ་དགོས་ལ། སྟོན་མཉམ་པ་ན། དགུན་ཉི་ལྡོག་དུས་ཀྱི་འཆར་ས་དེ་ནས་དབྱར་ཉི་ལྡོག་དུས་ཀྱི་ནུབ་ས་དེར་ནུབ་དགོས་ལ་དེ་ལྟར་མི་འགྱུར་བ་དང་། མཐོ་ཚད་ཀྱང་བསིལ་རིའི་ཐད་དུ་འཁོར་བར་འདོད་པའང་མི་འཐད་དེ། དེ་ལྟར་ན་དབྱར་ཉི་ལྡོག་དུས་ཀྱི་གྲིབ་མ་ལྷོར་འགྲོ་དགོས་པ་ལ་དེ་ལྟར་མི་འགྱུར་བས་སོ་ཞེས་ཟེར། རང་ལུགས་ཟླུམ་སྐོར་གྱི་གཞི་གཅིག་ལ་ཆ་བཅུ་གཉིས་སུ་ཕྱེ་བའི་ཆ་རེར་ཁྱིམ་རེར་འཇོག ཁྱིམ་བཅུ་གཉིས་པོ་མགུལ་བར་དོ་ཤལ་བསྐོར་བ་བཞིན་དུ་ཡོད་དོ་ཞེས་ཟེར་རོ། །དེ་ལ་གོ་ལ་འདི་ཐད་སྔོན་ཡང་སྟེང་བསྐྱེད་ཕྱིར་བསྐྱེད་རྨོག་བརྩིགས་ལྕགས་སྒྲོག་གོ་རློན་མ་སོགས་འདུ་ཤེས་སྣ་ཚོགས་སུ་གྱུར་པས་དེང་སང་བར་རྩོད་པ་ཆེའང་། ཕྱིས་ཡོངས་གྲགས་དྲུ་འཛིང་མ་ཡིན་ལ། དྲུ་འཛིང་མ་ཡིན་པའི་ལུགས་གཞན་སུ་ཡིན་ཀྱང་གླིང་བཞི་དུས་བཞི་མི་མཉམ་པར་འབྱུང་མི་ཤེས་པའི་ཕྱིར།དེ་འདྲ་བ་མི་འཐད་ཅིང་། གླིང་བཞིར་དུས་བཞི་མི་མཉམ་པར་འཁོར་བ་ངེས་པར་ཁས་བླངས་དགོས་ཏེ། དེ་ལ་ལུང་རིགས་གཉིས་ལས། དང་པོ་ལུང་ནི། རྒྱུད་ལས། གང་ཕྱིར་རི་ལ་སྐྱེ་བོ་རྣམས་ཀྱིས་ཉིན་མཚན་མཉམ་པར་འགྱུར་ཏེ། ཅེས་པ་ ― MR12_Page_0099 ―
[མ་དཔེ་གཟིགས་ན་འདིར་གནོན།]
ནས། དུམ་བུ་དུམ་བུ་ངག་ཏུ་ཟླ་བར་འགྱུར་ཏེ་ས་གཞི་བཅུ་གཉིས་རྩི་བ་རྣམ་ལ་ནི་རིམ་པའོ། །ཚད་གང་དུམ་བུ་གང་དུ་ཉིན་མོའི་དབང་གིས་ཡིན་པ་དེ་ནི་བདུན་པ་དག་ཏུ་མཚན་མོ་ལའོ། །ཞེས་པའི་བར་གྱིས་གསལ་བར་བསྟན་ཅིང་། འགྲེལ་པར། ད་ནི་སྟེང་དུ་ཉི་མ་འཁོར་བའི་དབང་གིས་དུམ་བུ་བཅུ་གཉིས་ལ་སའི་གོ་ལ་གསུངས་པ། ཅེས་པ་ནས། ད་ནི་ཉི་མས་ཁྱིམ་འཁོར་བའི་དབང་གིས་ས་དུམ་བུ་བཅུ་གཉིས་སུ་བྱང་དུ་བགྲོད་པ་བཅུ་གཉིས་དང་།ལྷོར་བགྲོད་པ་བཅུ་གཉིས་གསུངས་པ་ཞེས་པའི་བར་དང་། ཡང་དེ་ནས། ཁྱིམ་གྱི་འཁོར་ལོ་འཁོར་བའི་དབང་གིས་མེ་ལ་རེག་པ་གང་ཡིན་པ་དེ་ནི་བདུན་པའི་ཕྱོགས་ཐོབ་པ་ན་ལྷུན་པོའི་རྭ་ལ་རེག་ཅིང་གངས་ཀྱི་རིའི་སྟེང་དུ་འགྲོའི་ཞེས་པའི་རིགས་པས་ཞེས་པའི་བར་དང་། ཡང་། དེ་ནས་འདིར་ས་གཞི་རྩིབ་བཅུ་གཉིས་པོ་ལ་དུམ་བུ་སོ་སོ་དག་ཏུ་ཟླ་བ་སོ་སོར་འགྱུར་རོ་ཞེས་པའི་བར་དང་། ཡང་། དེ་ནས་ཁྱིམ་གཅིག་ལ་དཔེར་བརྗོད་དེ་ཉི་མ་ལུག་ལྟ་བུ་ལ་གནས་ཚེ། ཁྱིམ་དེ་དུམ་བུ་སོ་སོའི་ལྷོ་བྱང་དབུས་སོགས་སུ་འགྲོ་བ་ལ་བརྟེན་ནས་ཟླ་བ་བཅུ་གཉིས་སོ་སོར་འཆར་ཚུལ་གསུངས་པ་འདི་ལ་བརྟེན་ནས་གྲུ་འཛིང་མ་རྣམ་པར་གཞག་པ་ཡིན་ཏེ། གཞན་དུ་སྐར་མ་སྣུབས་ལྟ་བུ་བྱང་གླིང་དབུས་མའི་སྟེང་དུ་རི་རབ་ལ་ཨི་ཉེ་སུས་བལྟས་ནས་ལུགས་འདི་བཞག་པ་མ་ཡིན་མོད་ཀྱི། འོན་ཀྱང་འདི་རྒྱུད་དོན་ལྟར་རིགས་པས་ཡང་དག་པར་གྲུབ་པས་འདི་ཁས་བླང་པར་བྱ་སྟེ། དེ་ལ་མི་འདོད་མཁན་རྣམས་ཀྱིས་རྒྱུད་ཀྱི་ལུང་ནི་དགོངས་པ་ཅན་ཡིན་ནོ་ཟེར་ཡང་། དགོངས་པ་ཅན་ཡིན་ན། དགོང་གཞི། དགོས་པ་དངོས་ལ་ ― MR12_Page_0100 ―
[མ་དཔེ་གཟིགས་ན་འདིར་གནོན།]
གནོད་བྱེད་གསུམ་ཡོད་དགོས་ལ། དེ་གསུམ་མེད་ཅིང་སྒྲ་ཇི་བཞིན་དུ་ཁས་ལེན་དུ་བཏུབ་པས་སོ། །དེ་ལ་རྒྱུད་དངོས་བསྟན་གྱི་ཕྱེད་པ་ལྟ་བུ་ནི་གྲུབ་མཐའ་གསལ་བར་མ་བསྣན་པའི་སྦས་རྩིས་ཡིན་པར་འགྲེལ་པ་པོ་པད་དཀར་གྱིས་བཤད་ཅིང་རྩ་རྒྱུད་དངོས་བསྟན་གྱི་དཀྱིལ་འཁོར་དང་ལོངས་སྤྱོད་ཀྱི་ཆ་ལས་བྱུང་བས་ན། མ་དག་པར་ལུང་རིགས་གཉིས་ཀས་གྲུབ་ལ། འདི་ནི་སྒྲ་ཇི་བཞིན་མ་ཡིན་པར་སྟོན་པའི་ལུང་མེད་ལ། གནོད་བྱེད་ཀྱི་རིགས་པ་ཡང་གོང་གི་ཉི་མ་འཆར་ནུབ་ཀྱི་སྐབས་སུ་བརྗོད་པའི་སྐྱོན་དེ་ནི་རང་གིས་དཔྱད་ཉེས་པ་ཁོ་ན་སྟེ། དེ་དག་གི་བསམ་ངོར། དཔེར་ན་མཉམ་གཉིས་ལྟ་བུའི་སྐབས་ཤར་ནུབ་ཀྱི་གླིང་དབུས་མ་གཉིས་པོར་ཉི་མ་སླེབས་པ་མཐོང་དགོས་ཤིང་། ཉི་མ་རིང་དུས་དེ་བས་ཀྱང་རིང་དུ་མཐོང་། ཐུང་དུས་ཀྱང་དེ་ལས་ཐུང་བ་མཐོང་དགོས་ཀྱང་། དྲུ་འཛིང་མའི་ཐིག་ལྟར་ན། ཤར་ནུབ་ཀྱི་ཚངས་ཐིག་གི་ཐད་དུ་ལྷོ་བགྲོད་མཐར་ཐུག་པའི་ཁྱིམ་གྱི་ཐིག་གི་རྒྱབ་ཏུ་ཁྱིམ་གཞན་གྱི་ཐིག་ཡོད་པ་དང་། བྱང་བགྲོད་མཐར་ཐུག་གིས་ཐིག་གི་ནང་དུ་ཐིག་གཞན་ཡོད་པས་སོ། །སྙམ་པའོ། །འདི་ལ་རྟོགས་ལྡན་དོགས་པ་སྐྱེ་བ་བདེན་ཀྱང་། དེ་ནི་དེ་ལྟར་མ་ཡིན་ཏེ། ཡུལ་གྱིས་བཀང་པའི་དོན་བློ་ལ་མ་ཤོང་པའི་རྟགས་སུ་མཐོང་སྟེ། གནས་ཚུལ་དེ་ལྟར་ཡིན་ཀྱང་། འདི་ནས་མཐོང་ཚུལ་ལ་དེ་ལྟར་མ་ཡིན་ཏེ། ཅིའི་ཕྱིར་མ་ཡིན་ན།གནམ་ས་བར་འགྱང་ཆེ་བས། རིང་པོ་ཐུང་ངུར་སྣང་། ཆེན་པོ་ཆུང་ངུར་སྣང་ནས། རང་གླིང་གི་བསིལ་རི་དང་མེའི་བར་ཟླུམ་པོར་བསྐོར་བའི་མཐོ་གང་ནམ་མཁའི་ཐིག་འདི་བཞིན་ཏུ་རྒྱུ་བ་ཡིན་ལ། འདིའི་ཐིག་གི་ལམ་དང་མངོན་སུམ་ཤིན་ཏུ་མཐུན་པ་ ― MR12_Page_0101 ―
[མ་དཔེ་གཟིགས་ན་འདིར་གནོན།]
འདིའོ། །རིང་པོ་དེ་དག་ཐུང་ངུར་སྣང་ནས་མེ་དང་བསིལ་རིའི་སྟེང་ཚད་ཀྱི་ནམ་མཁའ་ཙམ་དུ་སྣང་བ་ཡིན་ཏེ། དཔེར་ན་བྱ་ཆེན་པོ་མི་ཙམ་ནམ་མཁའ་ལ་འཕུར་སོང་ན། ཇེ་མཐོར་ཕྱིན་པ་དང་ཇེ་ཆུང་དུ་སོང་ནས་མཐར་ཧ་ཅང་རིང་ན་མི་མཐོང་བ་དང་།ཉི་ཟླ་དཔག་ཚད་ལྔ་བཅུའི་ཁྱོན་ཙམ་ཡང་འདི་ནས་དེ་ཙམ་ཨེ་སྣང་མངོན་སུམ་གྱིས་ཤེས་པ་དང་། ལྷོ་བགྲོད་མཐར་ཐུག་གི་ཉི་མ་ལན་ཚྭའི་རྒྱ་མཚོའི་སྟེང་དུ་ཡོད་ཀྱང་། འདི་ནས་བལྟས་ཚེ་ལྷོའི་རི་རྩེ་ཕར་ཁ་ལྟ་བུ་དང་། ཉི་མ་དེ་ཚུན་ན་ཡོད་པ་འདྲ་ཞིག་ལས། ཉི་མ་རིའི་རྒྱབ་ཏུ་ཡོད་པ་དང་། རི་ཉི་མའི་མདུན་དུ་ཡོད་པ་འདྲ་ཞིག་མི་སྣང་སྟེ། སྣང་ན་ཉི་མ་བྱང་དང་རི་ལྷོ་ངོས་སུ་མཐོང་བའི་བར་ན་ནམ་མཁའ་སྔོ་ཏིང་ངེ་བ་མཐོང་མི་སྲིད་པ་ཡིན་མིན་ད་ལྟ་མངོན་སུམ་གྱིས་ཤེས་རྒྱུ་འདི་ལ་དཔག་ནས་གོ་ལའི་གནམ་ཐིག་དང་། ས་ཐིག་གི་བར་འགྱང་ལ་ཡིད་ཆེས་འཚལ་ལོ། །ཡུལ་དུས་ཀྱི་བསྐལ་པ་འདི་ལ་དཔྱད་མ་ཤེས་ན་བསླུ་བར་འདུག་སྟེ་འཁར་རྔའི་སྒྲ་ལྟ་བུ་ལའང་། ཉེ་བ་ན་དབྱུག་གུ་བརྡེག་པ་དང་སྒྲ་དུས་མཉམ། རིངས་ནས་བལྟས་ན་དབྱུག་གུ་བརྡེག་ཚར་བའི་རྗེས་ནས་སྒྲ་གཟོད་འབྱུང་བ་ལྟ་བུའོ། །དེ་ལྟར་ན་དེ་ལས་ཀྱང་ཇེ་ཆུང་དུ་མི་འགྲོ་བ་ཇི་ཡིན་སྙམ་ན། གནམ་སའི་བར་འགྱང་དེ་ཙམ་ཞིག་ཡོད་པས་དེ་ལས་ཆུང་དུ་མ་སོང་བ་ཡིན་གྱི། ད་ལྟའི་གནམ་སའི་བར་ཁྱད་འདི་ལས་ཆེས་ན་དེ་ལས་ཀྱང་ཐུང་དུ་འགྲོ་བ་ཡིན་ནོ། །སྤྱིར་ཉི་མ་མཉམ་དུས་ཡིན་ན། ཤར་ནུབ་གྱི་གླིང་དབུས་མའི་ཚངས་ཐིག་ཏུ་ཉི་མ་སླེབས་ཙམ་གྱི་བར་དོན་ལ་མཐོང་དགོས་ཀྱང་། འདི་ནས་ཤར་ནུབ་ཀྱི་རིའི་ཕྲག་ཏུ་འཆར་ནུབ་བྱེད་པ་ཙམ་ལས། དེ་ནས་རིང་དུ་འཆར་ནུབ་བྱེད་པ་ ― MR12_Page_0102 ―
[མ་དཔེ་གཟིགས་ན་འདིར་གནོན།]
སུས་མཐོང་མྱོང་ངམ། ཤར་ནུབ་ཀྱི་རིའི་བར། བོད་འདིར་མཚོན་ན་ཇི་ལྟར་ཡངས་ཀྱང་རྟ་པས་དགུང་བསྐོར་ཞིག་གི་ལམ་རེད་པས་ནམ་མཁའ་དེ་ཙམ་ཆེ་བ་ཤར་ནུབ་ཀྱི་རིའི་ཕྲག་པར་ཆུད་པར་མཐོང་བས་ན། ནམ་མཁའི་ཐིག་ཚད་ཐུང་དུ་སོང་བ་ཡིན་མིན་དེ་ལ་སོམས་དང་ཤེས་སོ། །ཞར་བྱུང་བསིལ་རིའི་ཐད་དུ་འཁོར་བ་མི་འཐད་ཟེར་ཡང་། མེ་ནས་བསིལ་རིའི་བར་དུ་གསུངས་པ་ནི། གོ་ལ་སྤྱིའི་རྒྱ་ཚད་ཡིན་གྱི། ཉི་ལམ་ཁྱིམ་བཅུ་གཉིས་པོ་བྱེ་བྲག་པའི་མཐའ་ཚད་ནི་མ་ཡིན་ནོ། །འོ་ན་ཁྱིམ་བཅུ་གཉིས་ལས་གཞན་པའི་རླུང་ཁྱིམ་འདོད་དམ་ཟེར་ན་འདོད་དེ། འཇམ་དཔལ་རྩ་རྒྱུད་ལ་སོགས་པའི་ལུང་དང་། བགྲོད་མཐའ་གཉིས་ཀྱི་མཐའ་ན་སྐར་མ་གཞན་སྣང་བ་དང་། བརྟན་པ་ཞེས་པའི་སྐར་མ་མི་འཕོ་བ་སོགས་ཀྱི་རིགས་པས་གྲུབ་པ་མིན་པས་ཐག་གཅོད་སྔ་མ་མཛད་ཅིག །དེ་ལྟར་ན་ལུང་འདི་ལ་རིགས་པས་གནོད་པ་མེད་སྟེང་སྒྲུབ་བྱེད་ཀྱི་རིགས་པ་ཡོད་དེ། དེང་སང་ཉི་མ་ཐུང་དུས་དགུང་ཐག་རིང་བ་དང་། རིང་དུས་དགུང་ཐག་ཐུང་བ་འདི་ལ་རྗེས་སུ་དཔགས་ན།དྲུ་འཛིང་མ་ལྟར་ངེས་ཏེ། ཉི་མ་ཐུང་དུས་གླིང་གཞན་སྟེང་ཇེ་མཐོར་འགྲོ་བའི་འོད་ཕོག་པ་དང་། རིང་དུས་གླིང་གཞན་སྟེང་ཇེ་དམར་སོང་བས་འོད་མི་འཕོག་པ་ཡིན་ནོ། །གཞན་གྱི་ལུགས་ལྟར་ན། ཉི་མ་རིང་ན་དགུང་ཐག་རིང་། ཐུང་ན་ཐུང་དགོས་ཏེ། ལྷོ་བགྲོད་དུས་ཉི་མ་ཐག་རིང་བ་མཐར་ཐུག་དང་། བྱང་བགྲོད་དུས་ཉེ་བ་མཐར་ཐུག་པས་ན། ཉི་མ་ཉེ་ན་འོད་ཅིས་མི་ཉེ། རིང་ན་འོད་ཅིས་མི་རིང་སོམས་ཤིག །གཞན་ཡང་ལུགས་གསར་པ་འདི་ལྟར་ན་སྐར་དྲུག་ཞེ་ལྔ་ལ་རྣམ་པ་ ― MR12_Page_0103 ―
[མ་དཔེ་གཟིགས་ན་འདིར་གནོན།]
ཀུན་ཏུ་དབྱར་ཉི་ལྡོག་པར་ཁས་ལེན་པས། བླ་བའང་དེ་དང་འདྲ་བའི་སྐར་མ་མགོ་ལ་ཟླ་བ་ཡོད་པ་གླིང་གི་དབུས་སུ་སོན་པའི་ཐུར་གྲིབ་དང་། ནབས་སོ་ལ་ཡོད་པ་གླིང་དབུས་སོན་པའི་ཐུར་གྲིབ་ལ། ནབས་སོའི་ཐུར་གྲིབ་ཀྱིས་ཐུང་དགོས་པར་མངོན་སུམ་གྱིས་གྲུབ་དགོས་པ་དང་། སྣུབས་དང་ཆུ་སྨད་ལ་ངེས་འགྲེ་ཡིན་པས། བློ་ལྡན་རྣམས་ཀྱིས་ལེགས་པར་དཔྱོད་ཅིག །བདག་གིས་དཔྱད་པའི་སྒོ་ཙམ་སྨྲས་པ་ཡིན་པས་གནད་ཆེན་པོ་འདི་ལ་རྩིས་རིག་སྨྲ་བ་ཀུན་གྱིས་སོམས་ཤིག །བདག་ནི་བརྩོན་པ་ཞན་པས་ལོ་སྐོར་གྱི་ཐུར་གྲིབ་སོགས་བརྟག་མི་ཐུབ་པར་འདུག་གོ། ལུགས་གཞན་དྲུ་འཛིང་མ་མ་ཡིན་པའི་ཕྱོགས་ཀུན་ལ་ཚད་མས་གནོད་པ་ཤིན་ཏུ་འབབ་སྟེ། ད་ལྟའི་དྲུ་འཛིང་མའི་གོ་ལའི་ཕྱི་ཐིག་ནང་ཐིག་གཉིས་བཏབ་ནས་ཆ་བཅུ་གཉིས་ལ་ཁྱིམ་རེར་བྱས་པ་འདི་སྤྱི་མིང་བྱེ་བྲག་ལ་བཏགས་པའི་ཁྱིམ་བཅུ་གཉིས་པོ་རྒྱུ་སྐར་གྱི་རྐང་པ་དང་བཅས་པ་གཞུ་ཁ་སྦྱར་གྱི་རྣམ་པ་ལྟ་བུ་སོ་སོ་ནས་འཁོར་བ། འགྲོས་མཉམ་པའི་སྐར་མ་ལུ་གུ་རྒྱུད་དུ་འགྲེལ་བའི་མི་འཐོར་བུ་ཁྱིམ་རེ་རེར་ཡང་གླིང་སོ་སོར་འཁོར་ཚུལ་མི་འདྲ་བ་ཅན། རྒྱུད་དོན་དྲི་མ་མེད་པ་སོ་སྐྱེའི་རྟོག་གེས་དེ་འདྲ་ཞིག་དང་པོར་དྲན་ཐབས་མེད་པ། ཤེས་ན་དོན་དང་ངོ་མཚར་ཆེ་བ། མི་འཕྱུག་པའི་ཐིག་གིས་བཙལ་བའི་ཚུལ། རྒྱ་བོད་མཁས་གྲུབ་རྣམས་ཀྱི་མན་ངག་བཞིན། ད་ལྟ་བདག་གིས་ཤིན་ཏུ་གསལ་བར་བྱས་པའི་དཔེའུ་རིས་སོགས་ཡོད་པ་འདི་ལྟ་བུའི་གནད་ཟབ་མོ་དང་མ་ཕྲད་པ་ཁ་ཅིག །དྲུ་འཛིང་མའི་ལུགས་རྒྱུད་དོན་དགོས་པ་ཅན་སྒྲ་ཇི་བཞིན་མ་ཡིན་པའོ། །ཟེར་བའི་ཕྱོགས་ལྟར་ན། དང་པོ་ཁྱོད་ལ་འདི་འདྲི་སྟེ། ཁྱོད་ལ་གོ་ལའི་ཆ་ཞེས་པ་འདི་ཅི་ཞིག་ཡིན། གོ་ལ་གདུགས་ལྟ་བུ་ལེབ་ཆགས་གཅིག་ལ་པད་འདབས་ལྟ་བུའི་འདབ་མ་བཅུ་གཉིས་ལ་ཁྱིམ་རེ་ཟེར་རམ། ཁྱིམ་གྱི་གཞི་དེ་ལ་ཟླུམ་སྐོར་གཅིག་འཕྲོ་གཅིག་ ― MR12_Page_0104 ―
[མ་དཔེ་གཟིགས་ན་འདིར་གནོན།]
མཐུད་བཅུ་གཉིས་ལུ་གུ་རྒྱུད་དུ་འབྲེལ་ནས་རི་རབ་ལ་འཁོར་ཡོད་པ་གང་ཡིན། དེ་མིན་པའི་ཕྱོགས་གཞན་ཞིག་ཡིན་ནམ། ཅི་ཡིན། དང་པོ་གཉིས་གང་ཅི་ཡིན་ཀྱང་འདྲ་སྟེ། མདོར་ན་གླིང་བཞི་དུས་བཞི་མཉམ་པའི་ལུགས་དེ་ལ། ཀརྚའི་ཁྱིམ་དེ་གླིང་ཀུན་གྱི་རི་རབ་ལ་ཉེ་བ་དང་། ཆུ་སྲིན་གླིང་ཀུན་གྱི་མཐའ་ན་འཁོར་བར་འདོད་དགོས་ལ། དེ་ལྟར་ན་སྐར་མ་ནབས་སོ་ལྟ་བུ་རི་རབ་ལ་ཉེ་ཤོས་དེ། གླིང་འདིའི་ཚངས་ཐིག་ཏུ་ཡོད་ཚེ། སྐར་མ་གཞན་ཕར་ཕར་ལྷོ་ནས་བྱང་དུ་སྣང་དགོས་རྒྱུ་ལ། འདི་ན་མངོན་སུམ་གྱི་བལྟས་ན་སྐར་མ་མགོ་རི་རབ་ལ་ཉེ་བ་བྱང་གི་དབུས་དྲང་པོར་ཡོད་ཚེ། གཡས་གཡོན་གྱི་སྐར་མ་རྣམས་ཚུར་ཚུར་བྱང་ནས་ལྷོར་ཇེ་འགྱང་དུ་སོང་ནས། ཁྲུམས་སྨད་དང་རྟ་ཆུང་ལྟ་བུ་ཤར་ནུབ་དང་དབུས་དྲང་པོར་སྣང་བའི་གཞུ་ཡི་དབྱིབས་ཅན་དུ་འདུག་པ་འདི་ལ་ལྟོས་ཤིག །དེ་འདྲ་བའི་མངོན་སུམ་དང་ཐུར་གྲིབ་སོགས་ལ་བརྟེན་པའི་རྗེས་དཔག་གི་ངེས་པ་དུ་མ་སྣང་ཡང་། རེ་ཞིག་ཡི་གེས་འཇིགས་པས་སྤྲོས་པ་བསྐྱུངས་ནས་བློ་ལྡན་རྣམས་ལ་སྒོ་ཙམ་བསྟན་པ་ཡིན་ནོ། །དེ་ལྟར་གོལ་ལ་དཔྱད་པ་འདི་གལ་ཆེ་སྟེ། གླིང་བཞིར་དུས་བཞི་མཉམ་ན་ཉི་ལྡོག་སོགས་སྐར་མ་གཅིག་ལ་ངེས་པའི་ལུགས་དང་། མིན་ན་དེ་གའི་ཚུལ་གཅིག་ཡོད་པས། ལུགས་གསར་པ་འདིས་ཀྱང་དཔྱད་པ་ཐམས་ཅད་གླིང་ཀུན་ཏུ་དུས་བཞི་མཉམ་པ་བཞིར་བཞག་བྱས་ཏེ་ཐུར་གྲིབ་སོགས་ལ་བརྟེན་ནས་ལོངས་སྤྱོད་རྣམས་ཆེས་སྔ་བསྣུར་བྱས་འདུག་པས་སོ། །ཐུབ་བསྟན་འཛེས་རྒྱན་གྱི་གོལ་ལ་དཔྱད་པའི་སྐབས་སོ། ༈ །གཉིས་པ་ཞག་གསུམ་རྣམ་དབྱེ་ལ་ནི། རྩ་རྒྱུད་རྡོ་རྗེའི་ཚིག་གིས་བསྟན་པའི་དོན་བཞིན། རྣམ་ཀུན་རྩིས་རོ་འདོར་རྒྱུ་མེད་པའི་གྲུབ་རྩིས་ཀྱི་ཆུ་མགོ་གངས་ལ་ཐུག་པ་ལྟ་བུ་ཡིན་པས། འདི་ལ་སུས་ཀྱང་མི་མཐུན་པ་ཅུང་ཟད་ཀྱང་མེད་པ་ལུགས་གསར་འདི་ནའང་འདི་དངོས་གཙང་མཛད་འདུག་པས་དཔྱད་པར་བྱ་བ་ཅི་ཡང་མི་སྣང་ངོ་། ༈ །གསུམ་པ་ལྔ་བསྡུས་ལ་ནི་དཔྱད་བྱ་ ― MR12_Page_0105 ―
[མ་དཔེ་གཟིགས་ན་འདིར་གནོན།]
ཤིན་ཏུ་ཆེ་སྟེ། དེ་ལ་སྤྱིར་ཉི་མའི་ལོངས་སྤྱོད་དག་པ་ཤིན་ཏུ་གལ་ཆེ། དེ་མ་དག་ན་དེ་དང་ལོངས་སྤྱོད་ཐུན་མོང་དུ་གྱུར་པའི་གཟའ་གཞན་ཡང་མི་དག་གོ། དེའང་དཔལ་ལྡན་རྩ་བའི་རྒྱུད་ལས་ཀྱང་། གཞན་དུ་བྱེད་པའི་ལམ་གྱིས་ནི། ཉི་མ་རྟག་ཏུ་དག་པ་མེད། །ཉི་མའི་ལོངས་སྤྱོད་མ་དག་ན། །འདི་ལས་དག་པའི་མིག་དམར་སོགས། །རྩ་བ་ཉམས་པའི་ལྗོན་པ་བཞིན། །འདིར་ནི་གསལ་བ་ཉིད་མི་འགྱུར། །ཞེས་གསུངས་སོ། །དེས་ན་འདིར་ཅུང་ཟད་དཔྱད་ན། སྤྱིར་ཆ་སོགས་མེད་པའི་ཉུང་ངུའི་བྱེད་པ་ནི་ལོ་ཇི་ཙམ་མང་བ་ཙམ་དུ་སྐྱོན་ཆེར་འོང་བ་རིགས་པས་གྲུབ་ཅིང་། རྩ་རྒྱུད་ལས་བསྟན་པའི་རྣམ་པ་ཀུན་ཏུ་མ་དག་པ་ཕྲ་མོ་ཡང་མེད་པའི་གྲུབ་པའི་གཟའི་དཀྱིལ་འཁོར་དང་ལོངས་སྤྱོད་ནི་ཞག་གསུམ་རྣམ་དབྱེ་ལྟར་ཡིན་པས་སུས་ཀྱང་བསྙོན་དུ་མེད་པས་ན། བསྒྱུར་བགོད་ཀྱི་འཁོར་ལོ་ལ་སོགས་པ་ནི་རི་མོའི་རྣམ་འགྱུར་ཙམ་ལས་དོན་དུ་མི་འདྲ་བ་སུ་ལའང་མེད། ལུགས་འདི་ལའང་མི་སྣང་། སྦྱིན་རྒྱུའི་རྩིས་འཕྲོ་དེ་ནི་བོད་རྩིས་ཐམས་ཅད་མི་འདྲ་བ་ཤ་སྟག་འདུག །རེས་གཟའ་ལ་རྒྱ་ནག་ཚུན་ཆད་མི་འདྲ་བ་ཅུང་ཟད་མེད། ལར་གྱི་ཅོ་ལོ་ཙཱ་སོགས་དང་པོ་བརྒྱུད་པའི་མན་ངག་ཡོད་པ་དེ་ལ་འཁྲུལ་པ་མེད་དགོས་རྒྱུ་འདྲ་ཡང་རྩིས་ཚུལ་ཟབ་གནད་སྦས་པའམ། ལག་ལེན་འཕྱུག་པའམ། ལོ་མཚམས་ནོར་པ་སོགས་གང་ཡིན་ཀྱང་། བོད་ན་རང་རང་གི་ཕུག་གཏུགས་རེ་ཡོད་ཀྱང་དོན་དུ་མི་འདྲ་བ་དུ་མ་བྱུང་བ་མངོན་སུམ་པ་འདི་ལྟར་ལ། དེ་ལ་རྣམ་པར་དག་པ་གང་ཡིན་པ་གཅིག་ལས་མང་པོ་ཡོད་མི་ཤེས་རྒྱུ་འདྲ། ཐ་ན་ལོ་མགོ་ཙམ་ལ་ནོར་བ་ཡང་མི་སྲིད་རྒྱུ་འདྲ་ཡང་། བོད་ན་ནག་རྩིས་ལོ་མགོ་གསུམ་བྱུང་བ་དང་། རྒྱ་གར་ནའང་པཎྜི་ཏ་སོ་སོའི་བཞེད་པས་སྟོན་པ་འཁྲུངས་ལོ་སོགས་མི་འདྲ་བ་དུ་མ་ཡོད་པ་དེ་དེའི་རྗེས་འབྲང་གིས་ཤེས་ནུས་རྒྱུ་འདི་ལྟར་ཡིན་པས་ཡེ་ཤེས་ཀྱི་གཟིགས་པ་མ་གཏོགས་མཐའ་གཅིག་ཏུ་ངེས་དཀའ་ནའང་། རེ་ཤིག་རྗེས་དཔག་ཚད་མས་ངེས་ནུས་ ― MR12_Page_0106 ―
[མ་དཔེ་གཟིགས་ན་འདིར་གནོན།]
པ་རྣམས་དང་། དོན་གཟིགས་ཀྱི་སྐྱེས་བུ་དམ་པ་བུ་དོལ་རང་བྱུང་ལ་སོགས་པའི་རྗེས་སུ་འབྲང་ན། བོད་འདིར་རྩིས་མགོ་ཡོད་ཚད་ལ་རེས་གཟའ་རྣམ་པ་ཀུན་ཏུ་གཅིག །ཚེས་ལོངས་ལ་ཅུང་ཟད་ཁྱད་ཡོད། ལྔ་སྒྲ་འདྲ། ཉི་མ་བྱེད་གྲུབ་ཆུ་ཚོད་དང་བདུན་ཙམ་རེའི་མང་ཉུང་དང་། ཟླ་སྐར་ཆུ་ཚོད་རེ་གསུམ་ཙམ་རེ་དང་། བྱེད་གྲུབ་རང་ནང་ལའང་དབྱུག་གུ་ཅུང་ཟད་རེའི་འཕེལ་འགྲིབ་ཡོད་ཀྱང་། དོན་དུ་སྐར་མ་གཉིས་རེའི་བར་འགྱང་གཅིག་ལའང་མེད། ལུགས་གསར་པ་འདི་ལ་བོད་རྩིས་སྔ་མ་ཐམས་ཅད་དང་ཁྱད་ཧ་ཅང་ཆེ་བ་ཡོད། ཡོད་ཀྱང་རྒྱུད་རྡོ་རྗེའི་ཚིག་གི་དོན་ངེས་པར་རྙེད་པ་ཞིག་ཡིན་ན་ཀུན་དོར་ནས་འདི་ཁོ་ན་བླང་དགོས་རྒྱུར་འདུག་ལ། རྒྱུད་དོན་ཡིན་མིན་རྡོ་རྗེའི་ཚིག་ཟབ་མོ་མཐའ་དྲུག་ཚུལ་བཞིས་བཤད་དུ་ཡོད་ཅིང་བརླིང་བས་བདག་ལྟ་བུས་རྟོགས་དཀའ་ནའང་རྩོམ་པོ་ཁོ་རང་གི་རྩིས་འཕྲོ་ཅི་ལ་བརྟེན་ནས་རྙེད་དཔྱད་པ་དང་། སྐར་བཟུང་སོགས་སུ་ཡོངས་སུ་མ་གྲགས་པ་འདི་དག་བརྒྱུད་དོན་དང་ཨེ་འགྲིག་ཅུང་ཟད་བརྟག་གོ། དེ་ལ་རྩིས་འཕྲོ་འདིར་སྔ་ཡང་དཔྱད་པ་མང་པོ་བྱས་ཕུག་པ་ཞལ་ལུང་མཁན་པོས་ཀྱང་སྟོན་པ་སངས་རྒྱས་དུས་ཀྱི་གཟའ་འཛིན་ལ་སོགས་སྔར་སོང་མང་ཞིག་དང་ཨེ་འགྲིག་གཟིགས་ནས་རྣམ་པར་དག་ཁུལ་གྱིས། ཐུན་མོང་མིན་པའི་རྩིས་འཕྲོ་རྙེད་ཚུལ་བཅས་ཕུག་ལུགས་ཞེས་གྲགས་པ་འདི་མཛད། དེ་སྐབས་ཕུག་ལུགས་དེས་ས་འདི་ཁྱབ། འདིའང་ཅུང་ཟད་དཔྱད་བྱར་སྣང་སྟེ། སྟོད་རྩིས་རྒྱུད་དང་མི་འགྲིག །མ་འགྲིགས་ཚད་དགོངས་པ་ཡིན་ཟེར། འགྲིག་ཆོད་ངེས་པ་ཡིན་ཟེར། ནང་གི་རྩ་རླུང་གི་འཕོ་བའི་ཚུལ་དང་སྦྱར་བའི་དག་པ་ཁྱད་པར་ཅན་དགོངས་པས་གསུངས་པ་ཡིན་ན་བསྡུས་རྒྱུད་སྤྱིར་རྩ་རྒྱུད་ཀྱི་དོན་ལ་མི་རེག་པས་འཐད་དཀའ་བ་དང་། སྒྲ་གཅན་གྱི་ལོངས་སྤྱོད་རྣ་ལམ་ལ་ཟླ་འཛིན་ཉི་འཛིན་སྐབས་ཕྱིར་དགྱེད་ཅིག་དགོས་པ་སོགས་ཅི་ཡིན་སྙམ་པ་འགའ་ཞིག་འདུག །ཀརྨ་རང་བྱུང་ ― MR12_Page_0107 ―
[མ་དཔེ་གཟིགས་ན་འདིར་གནོན།]
ཞབས་དང་ཁྱད་པར་ཚུར་ཕུ་འཇམ་དབྱངས་པའི་རྗེས་འབྲང་དཔལ་སྤུངས་དབོན་པོ་ཀརྨའི་རྩིས་སོགས་དེ་ལས་ཅུང་སྔ། གཞུང་དང་གཞན་ལ་མངོན་སུམ་གྱིས་གནོད་པ་དང་། འདི་ནི་དབང་མངོན་ཚད་མས་བལྟས་ཆོག་གསུངས་ཀྱང་། དེ་དུས་ཟླ་འཛིན་སོགས་རེ་གཉིས་ཐིག་པ་དེ་འདྲ་ཡིན་ཐད། ད་ལྟ་ནི་སྐབས་དེར་དབང་མངོན་ཚད་མས་གནོད་པའང་འདུག་གོ། མདོར་ན་དེ་དང་དེ་ལ་སོགས་པ་ཅུང་མི་མཐུན་པ་ཐམས་ཅད་ཀྱང་། དང་པོའི་རྩིས་འཕྲོའི་མཚམས་ལེགས་པར་མ་ཟིན་པ་ཁོ་ན་ལ་ཐུག །དང་པོའི་རྩིས་འཕྲོ་ལ་མ་དག་པ་ཇི་ཡོད་རྒྱུན་དུ་གནས་རྒྱུ་ལས། ལོ་མང་པོ་སོང་བའི་སྐྱོན་ཇེ་ཆེར་འགྲོ་རྒྱུ་ནི་མེད་དེ། ཆ་དང་བཅས་པའི་ལོངས་སྤྱོད་ཀྱིས་བསྒྱུར་བགོད་རི་མོ་མ་འཕྱུག་པའི་ཕྱིར་རོ། །ཕར་བལྟས་ན་ཕུག་མཚུར་གྲུབ་བྱེད་དག་རིམ་པས་མིག་སྐར་དང་མཐུན་ཤས་ཆེ་བ་དེ་གཟའ་འཛིན་སོགས་ལའང་རྣོ་བར་གྲུབ། ལྡོག་གཉིས་དུས་གཟེར་དུས་སྦྱོར་ཐམས་ཅད་ཀྱང་ཉི་མའི་དབང་གིས་ཕྱེད་པས་ན། ཉི་མའི་ལོངས་སྤྱོད་མ་དག་པ་ལ་བྱེད་དོན་མི་འདུག་ཅིང་། ཉི་དག་ལས་བརྩམ་དགོས་རྒྱུ་དང་། རི་མོའི་ཚད་དང་མངོན་སུམ་གྱི་རྟོགས་བྱ་ཐུར་གྲིབ་གཟའ་འགྲོས་ཟླ་འཛིན་རྣམས་མཚུངས་དགོས་པར་གོར་མ་ཆག་པས་རྩིས་སྔ་མ་འདི་རྣམས་ལས་ཀྱང་དག་པ་ཞིག་ཡོད་འོས་ཀྱང་། ལུགས་གསར་པ་འདི་ནི་ཧ་ཅང་ཐལ་ཆེས་པས་དེའང་ལུང་དང་རིགས་པ་དང་ཇི་མཐུན་མ་ཤེས་པས། འདིའི་ལུགས་ཐུན་མིན་གང་ཡོད་ལ་བརྟག་ན། དང་པོར་འདི་ལ་མི་འདྲ་བ་ཟླ་རྐང་ཉི་རྐང་རིམ་རིམ་མིན་དུ་འཛིན་པ་དང་། བྱང་བགྲོད་སྐར་མ་ཉི་ཤུ་དབྱུག་བཅོ་ལྔ། ལྷོ་བགྲོད་སྐར་དྲུག་ཞེ་ལྔའི་སྦྱང་བར་སྣང་ལ། དེ་ནི་རི་མོའི་རྣམ་འགྱུར་ཙམ་མ་གཏོགས་དོན་དུ་ཁྱད་པར་ཅིའང་མེད་དེ། སྐར་དྲུག་ཞེ་ལྔ་ལ་འཁོར་ཕྱེད་བསྣན་པས་སྐར་མ་ཉི་ཤུ་དང་དབྱུག་བཅོ་ལྔ་འོང་བ་དང་། རྐང་ ― MR12_Page_0108 ―
[མ་དཔེ་གཟིགས་ན་འདིར་གནོན།]
སྔ་ཕྱི་གྲངས་གཅིག་པ་ལྡོག་སྟེ་བྲིས་པ་གྱེན་ཐུར་གང་ནས་བརྩིས་ཀྱང་གྲངས་དང་འཕེལ་འགྲིབ་སོགས་རྣམ་པ་ཀུན་ཏུ་གཅིག་པས་ཇི་ལྟར་བྱས་རུང་ལ། རྒྱུད་ལས་འདི་ཐད་རིམ་རིམ་མིན་དུ་རྐང་པ་བཟུང་ཞེས་པ་མེད། གཟའ་ལྔ་སོགས་མྱུར་རྐང་སྔ་ཕྱི་མི་འདྲ་བས་རིམ་རིམ་མིན་ལ་ཁྱད་ཆེན་པོ་འོང་བ་དེ་ལྟར་དགོས་ཀྱང་དེ་ནི་རྩིས་སྔ་མ་རྣམས་དང་མཐུན། སྐྱེས་ཁྱིམ་གཅིག་ལས་མེད་པའི་གོ་བབས་དང་བསྟུན་ན་འཁོར་ཕྱེད་དོར་བ་བདེ། རྒྱུད་ལས་ཀྱང་བསྟན་མོད་འདི་གང་བདེས་ཆོག །དེ་ནས་ཉི་བར་ལ་ཟླ་བའི་སྐྱེས་ཁྱིམ་སྐར་བུག་དབྱུག་ཐིག་སྦྱང་རྒྱུ་འདི་སྔར་སུ་ལ་ཟུར་ཙམ་མ་གྲགས། འདི་ཡིས་ཀྱང་ཁྱད་ཅུང་ཟད་ཡོད་འདུག །རྒྱུད་ལས་ནི། དེ་ལ་ཉི་མའི་རབ་ཏུ་དབྱེ་བས་གསལ་བྱས་ཉི་མའི་རྐང་པ་དག་ནི་སྦྱིན་དང་དོར་བར་འགྱུར། ཞེས་རྐང་སྡོམ་བྲི་ཚུལ་གྱི་རྗེས་སུ་གཅིག་དང་། ཡང་ཡང་རྒྱུའི་ཆུ་ཚོད་སོགས་བྲི་ཚུལ་རྗེས་སུ་ཡང་། དེ་ཉིད་ལ་ནི་ཉི་མའི་རབ་ཏུ་དབྱེ་བས་ཉི་མའི་རྐང་པའི་ཆུ་ཚོད་སྦྱིན་དང་དོར་བར་འགྱུར། ཞེས་པ་ཙམ་གསུངས་ལ། འགྲེལ་པར་ཉི་མའི་བུ་ལོན་ནི་དེ་ལ་བུ་ལོན་ནོ། །ཉི་མའི་ནོར་ནི་དེ་ལ་ནོར་ཉིད་དོ། །ཞེས་སོགས་གསུངས་པ་འདི་ལ་བརྟེན་ནས་ཉི་ཟླའི་སྐྱེས་ཁྱིམ་ཐ་དད་དུ་བསྟན་ནོ་ཞེས་ཟེར་ཡང་། འདིར་རྐང་སྡོམ་དང་ཡང་རྒྱུའི་ཆུ་ཚོད་སོ་སོའི་སྐབས། ཉི་མའི་དེའང་སོ་སོར་བརྗོད་པ་ལས། ཟླ་བའི་སྐྱེས་ཁྱིམ་ཟུར་དུ་སྦྱང་དགོས་པའི་དོན་ཡེ་མ་ཡིན་ཏེ། ཉི་མའི་རྐང་པའི་ཞེས་དང་། ཉི་མའི་ནོར་ནི་དེ་ལ་ནོར་ཉིད་དོ། །ཞེས་པས་ཉི་མའི་རྐང་པའི་ལོངས་སྤྱོད་དང་ཐུན་མོང་དུ་བསྟན་པ་ལས་གཞན་ག་ལ་ཡིན། གཟའི་ལོངས་སྤྱོད་ཡིན་ན་རང་གི་སྐྱེས་ཁྱིམ་སྦྱང་དགོས་པས་མ་ཁྱབ་སྟེ། གདོང་འཇུག་དང་དུ་བ་བཞིན་ནོ། །གལ་ཏེ་སྦྱངས་ཀྱང་འདི་ཟླ་བའི་སྐྱེས་ཁྱིམ་ཡིན་མིན་ཁོ་རང་གིས་སྒྲོ་འདོགས་པའི་རྒྱུ་རྣམས་བརྟགས་པས་གསལ་ལོ། །དེ་ལ་གཟའི་རྐང་པ་འདི་དག་སྐྱེས་བུ་ལོ་བརྒྱ་ ― MR12_Page_0109 ―
[མ་དཔེ་གཟིགས་ན་འདིར་གནོན།]
པའི་ཡེ་ཤེས་ཀྱི་རླུང་བསྡོམས་པ་ལས་ལོ་གསུམ་ཕྱོགས་གསུམ་འབྱུང་བ་ཞག་ཏུ་གསིལ། དེའི་སྟེང་དུ་མངལ་གྱི་ཟླ་དགུའི་རིང་གི་ཞག་དགུ་བསྣན་པའི་ཞག་ཆིག་སྟོང་ཆིག་བརྒྱ་སོ་བཞི་དང་། གཟའ་ལྔའི་མྱུར་རྐང་བསྡོམས་པ་གྲངས་མཉམ་པའི་དག་པ་འགྲིག །གཟའ་ལྔའི་ངལ་རྐང་ལོ་གསུམ་དང་ཕྱོགས་གཅིག་གི་བརྒྱད་ཆའི་གྲངས་ལས་འཆར་བ་དང་། མ་སྦྱར་བ་ཕྱོགས་གཉིས་གཉིས་ལས་སྒྲ་གཅན་དང་། དེ་ལས་མཇུག་རིང་གི་ལོངས་སྤྱོད་བཙལ་བ་དང་། དུ་བའི་རྐང་ལྷག་ཉི་རྐང་དུས་སོགས་དང་། ཟླ་རྐང་མདའ་སོགས་ལ་སྦྱར་བའི་དག་པ་ཡོད་ལ། གསར་དུ་ལྷགས་པའི་ཟླ་བའི་རྐང་ལོངས་དྲུག་པོ་འདི་གང་ལ་སྦྱར་སོམས་ལ་སྨོས་ཤིག །འདི་ནི་ཧ་ཅང་ཁྱད་ཆོས་ཆེ་བར་འདོད་པས་རྒྱུད་ལ་སྤར་ཚོད་དུ་འདུག་སྙམ་ཀྱང་བདག་གིས་མ་རྟོགས་ན་གཞུང་རྩོམ་པ་པོ་ལ་མཐོལ་ལོ། །ད་རུང་ཕྱི་ནང་གི་དག་པ་དང་ཡིད་ཆེས་སུ་རུང་བ་འགའ་སྟོན་རྒྱུ་ཡོད་ན་འདི་འཐད། མིན་ན་འདི་འགྲུབ་དཀའ་འོ། །ལུང་མེད་ན་མངོན་སུམ་དང་རྗེས་སུ་དཔགས་པས་འགྲུབ་རིགས་སུ་མི་སྣང་ངོ་། །དེ་ནས་གཙོ་བོར་དཔྱད་བྱར་འོས་པ་རྩིས་འཕྲོའི་དབང་གིས། རྩིས་གཞུང་སྔ་མ་གཅིག་དང་ཕྱོགས་བསྒྲིག་ཏུ་ཡང་མེད་པ་འདི། རྒྱུ་མཚན་གང་གིས་བྱས་བརྟགས་པ་ན། མིག་སྐར་དང་ཉི་ལྡོག་གི་གྲིབ་མ་ལ་བརྟེན་ནས། ཉི་མ་སྔ་བསྣུར་བྱས་འདུག་ལས་དེ་ཚད་མར་འགྲོ་མི་འགྲོ་དཔྱད་པ་ལ། ༧ སྤྱིར་ཟླ་ཉི་ལྔ་སྒྲ་འདི་རྣམས་ཡུལ་གྱི་ལོངས་སྤྱོད་ལ་ངེས་པ་མཛད་པ་དང་། ཡུལ་དེའང་རྒྱུ་སྐར་རྐང་པ་སོགས་ཚད་མཉམ་པ་དང་། ཁྱིམ་ཅན་གཟའ་ཡང་དལ་མྱུར་གྱི་ཆུ་ཚོད་ངེས་པ་ཅན་དུ་གསུངས་པས་ན། ས་ནས་རྩིས་བརྩིས་པས་ ― MR12_Page_0110 ―
[མ་དཔེ་གཟིགས་ན་འདིར་གནོན།]
གནམ་ནས་གཟའ་འགྲོ་བའི་ས་ཚད་ནས་གང་ཚུན་ཆད་ངེས་པ་བྱར་ཡོད་པའི་རྒྱུ་མཚན་དེ་ཡིན་པས། དབང་མངོན་གྱིས་བལྟར་ཡོད་པ་ནི་གཞིར་བཅས་ཀྱང་། མངོན་སུམ་དེས་ཀྱང་རགས་པ་ལས་ཞིབ་པ་ནི་ག་ལ་རྟོགས། ཁྱིམ་རྣམས་ཚད་མཉམ་པའི་ཁྱིམ་གྱི་ཆ་དགུ་རེར་རྒྱུ་སྐར་རྐང་པ་རེ་ཡོད་པའི་གནས་སོ་སོའི་སྟེང་དུ་གཟའ་སླེབས་པར་བཞག་པ་ལས། རྒྱུ་སྐར་རྣམས་པར་སོགས་ཡངས་དོགས་མེད་པ་ཁོ་ནར་མི་སྣང་ཞིང་། ལ་ལ་ཆེར་སྐར་མ་དུ་ཡོད་སོགས་ཞིབ་ཆ་དཀའ་བ་དང་། གཟའ་འགྲོས་བཞིའི་དབང་གིས་རྒྱུ་སྐར་དང་ཉེ་མི་ཉེ་ཅི་རིགས་ཡོད་པར་མངོན་སུམ་གྱིས་གྲུབ་པ་འདི་ལྟར་ལ། དེའང་རེ་ཞིག་ཁྱིམ་ཚེས་ཀྱི་གཟའ་ལ་མིག་སྐར་དང་དུས་བསྒྲིག་དཀའ་བས། ཉིན་ཞག་མ་དང་སྦྱར་ན། ཉིན་ཞག་གི་ལོངས་སྤྱོད་དེ་ནམ་ལངས་ལག་རིས་རིག་དུས་ཀྱི་སྐབས་གཟའ་དེ་དེ་ན་ཡོད་པ་ཡིན། དེ་ཕྱིན་ཞིབ་རྩིས་སུ་དེ་ལ་འཕར་འཕྲི་ཡོད་པས་ཟླ་བ་ལ་ཉིན་གང་གིས་ཀྱང་ཁྱད་ཆེན་པོ་འོང་། གཟའ་གཞན་ལ་མཐོང་རྒྱུ་ཆེན་པོ་ཅི་ཡོད། དེས་ན་ཟླ་བ་ལྟ་བུ་ལ་བརྟགས་ན། ཡུལ་དུས་སྒྲིགས་པའི་གནད་ཀྱིས། ད་ལྟ་བལྟ་དུས་ཀྱི་སྐབས་ཀྱི་གཟེར་བཏབ་ནས། རི་མོ་དང་མཐོང་བ་ཨེ་མཐུན་བལྟ་རྒྱུ་འདུག་མོད། ལར་སྨིན་དྲུག་ལྟ་བུ་ལའང་སྐར་མདེའི་ཐད་དྲང་པོར་གཟའ་དེ་སླེབས་པ་དང་སྨིན་དྲུག་གི་ཆུ་ཚོད་དང་པོར་སླེབས་པ་དུས་མཉམ་པ་འདྲ་ཞིག་དགོས་ཏེ། དེ་ཤེས་བྱེད་ནི་དཔེར་ན་གཞི་ཁྱིམ་ཆགས་རྗེས་རྒྱུ་སྐར་རྣམས་རིམ་པར་སྐྱེས། དེ་ནས་གཟའ་རྣམས་སྐྱེས་པ་ཡིན་པས་ཐ་སྐར་ཆགས་པ་དང་། ཐ་སྐར་གྱི་རྐང་པའི་ཆུ་ཚོད་དང་པོར་འཇོག་དགོས་རྒྱུ་འདྲ་ཡང་། རྒྱུད་ཀྱི་ལུང་ལྟ་བུ་ནི་མེད་པས་ཚུར་མཐོང་ཁོ་ནས་དཔྱད་དཀའ། དེང་སང་མིག་སྐར་ ― MR12_Page_0111 ―
[མ་དཔེ་གཟིགས་ན་འདིར་གནོན།]
བལྟ་མཁན་ཁ་ཅིག་གིས་བསམ་ངོར་སྨིན་དྲུག་ལྟ་བུའི་སྐར་མ་རང་གི་ཐད་དང་པོར་གཟའ་དེ་སླེབས་པ་ན། སྨིན་དྲུག་གི་ཆུ་ཚོད་སུམ་ཅུ་སོང་བ་ལྟ་བུ། མདོར་ན་སྐར་མ་རྣམས་རང་རང་གི་རྐང་པའི་དབུས་སུ་ཡོད་རྩིས་བྱེད་ཀྱང་། འཇིག་རྟེན་མ་དག་པས་དབྱར་སྨིན་དྲུག་མི་མཐོང་བ་མོན་གྱི་ཡུལ་དུ་སོང་བ་རེད་ཟེར་བ་དང་འདྲ་བར་མ་དཔྱད་པའི་གྱ་ཚོམ་མོ། །དེས་ན་ཚུལ་དེ་ལྟ་བུས་དཔྱད་ན་རྐང་པ་ཞིབ་པར་མི་རྟོགས་ཀྱང་སྐར་མ་གང་ཐད་ཡོད་པ་ངེས་པར་རྟོགས་དགོས་པས་དཔྱོད་ལྡན་གཟུ་བོར་གནས་པ་རྣམས་ཀྱིས་བརྟག་ཅིང་དཔྱད་ནས་རི་མོ་སུ་དང་འགྲིགས་འཛིན་པར་བྱའོ། །ཟླ་འཛིན་དང་ཉི་འཛིན་འདི་ནི་སྤྱིར་རི་མོ་ཐད་ཐད་བྲིས་ཆོག་པ་དང་། ཚེས་ལོངས་ལའང་དབྲི་བསྣན་མི་དགོས་པ་རྒྱུད་དོན་དང་འབྱོར་ཡང་། འདི་ཡང་རྟེན་འབྲེལ་ཁྱད་པར་བའི་མཐུ་ལས་བསམ་གྱིས་མི་ཁྱབ་པ་ཞིག་སྟེ། ཉི་ཟླ་ཡོད་ས་དེར་སྒྲ་གཅན་ཡོད་ཀྱང་སྐར་མ་སོགས་ནི་མི་སྒྲིབ། ཉི་ཟླ་སྒྲིབ། དེའང་ཉི་ཟླ་དང་ནམ་འཕྲད་འཕྲད་དུ་མི་སྒྲིབ། དཀར་ནག་གི་མཚམས་སུ་སྒྲིབ་པ་འདི་ཚོ་སྤྱིར་ཕྱིའི་ཁྱིམ་ལ་གནས་པའི་གཟའི་འགྲོས་དང་། ནང་གི་ཁམས་ཀྱི་བྱེད་ལས་ཡིན་པར་དཔལ་ལྡན་རྒྱུད་ལས་ཇི་སྐད་བསྟན་པ་བཞིན་དགོངས་པ་ཀློང་དུ་གྱུར་པའི་རྣལ་འབྱོར་པ་དག་གིས། ནམ་ཉི་ཟླ་གཟུང་བ་ནང་གི་རླུང་ལ་བརྟེན་དེ་ཤེས་པ་དང་། རླུང་གི་སྦྱོར་བའི་ཉི་ཟླ་མི་འཛིན་པ་སོགས་སྲིད་པས་ན། ཕྱི་ནང་གཉིས་ཀའི་རྟེན་འབྲེལ་ཟུང་ཚོགས་ཀྱི་མཐུ་ལས་ནི་ཡིན་མོད་ཀྱང་རེ་ཞིག་རི་མོས་ཐིག་རྒྱུ་འདི་ནི། ཚད་ལ་སོགས་པའི་ངེས་པ་ཞིག་ཡོད་པར་འདུག་ཀྱང་ལར་འདི་གོང་བཤད་ལྟར་སྒྲ་གཅན་དང་ཟླ་བ་སྟེང་འོག་ཏུ་གནས་ནས་ཇི་ལྟར་སྒྲིབ། ཡུན་བཅུ་དྲུག་དང་བཅུ་གཉིས་ལས་སྒྲ་གཅན་མི་འགྲོགས་པ་སོགས། ཉི་ཟླ་རང་ ― MR12_Page_0112 ―
[མ་དཔེ་གཟིགས་ན་འདིར་གནོན།]
འགྲོས་ཀྱི་དབང་གིས་སམ། སྒྲ་གཅན་ལས་སམ། གང་གིས་ཡིན་པ་དང་། ཟླ་བ་ཉ་མ་གང་བར་དུ་གཟའི་གྲིབ་མ་མི་སྣང་བའི་རྒྱུ་མཚན་དང་། ཉི་ཟླ་འགྲོས་བཞི་གང་ཡིན་ཀྱང་སྒྲིབ་དུས་ཆ་ལ་སོགས་པ་ཐིག་པའི་གནད་འདི་ཅི་ཡིན་ཡིད་ཀར་འཇུ་དཀའ་སྟེ་རྒྱུས་མེད་ཡུལ་གྱིས་བསྐལ་པའི་ན། ཇི་ལྟར་རྒྱ་བལ་གྱི་འཕྲུལ་བཟོ་སོགས་འཕྲུལ་མཐོང་ཡང་དེ་ལྟར་འབྱུང་བའི་རྒྱུ་མཚན་ཤེས་དཀའ་ན། མཐོང་མ་མྱོང་བ་གནམ་གྱི་སྟེང་ན་ཅི་འདྲ་ཡིན་ལུང་མེད་ན་རིགས་པ་ཁོ་ནས་གཏན་ལ་ཕེབས་དཀའ་སྟེ། རང་གི་མཐོང་བ་ཁབ་མིག་ཙམ་ཚད་མར་བཞག་རྒྱུ་མི་འདུག །མངོན་ཤེས་དང་རྫུ་འཕྲུལ་མེད་པས་ཤིན་ཏུ་བསྐལ་དོན་ལ་རང་གར་དཔྱད་པ་ནི་གྱི་ནའོ། །རྫུ་འཕྲུལ་ལྟ་བུ་ཞིག་ཡོད་ན་བྱང་གླིང་དུ་སོང་ནས་བལྟས་ན་སྐར་མ་སྣུབས་རི་རབ་ལ་ཉེ་བར་ཡོད་པ་མཐོང་ན་དྲུ་འཛིང་མ་ཡིན་པར་མངོན་སུམ་དང་། མཐའ་ན་འཁོར་ན་གླིང་བཞིར་དུས་བཞི་མཉམ་པར་དེ་མ་ཐག་ངེས་ནུས་ནའང་། རང་རེ་རྣམས་རྒྱ་བལ་གྱི་ས་ཙམ་ལ་འགྲོ་མ་མྱོང་བས་ཉི་ལྡོག་སོགས་གཅིག་ཡིན་ཟེར་དཀའ་འམ་སྙམ། ལར་རི་མོ་མ་ཤར་བཞིན་དུ་ཉི་ཟླ་འཛིན་པར་མཐོང་ན་མི་དགེའི་ལྟས་སུ་བཤད་པ་སོགས་ཕྱོགས་གཅིག་གིས་མཐོང་བ་དབང་བཙན་དུ་མི་རུང་འདྲ་ལ་དེའང་ཉིན་མཚན་མཉམ་པའི་དུས་ཟླ་སྒྲ་མཉམ་པས་རི་མོ་བཞིན་དང་། བྱང་བགྲོད་དུས་མཐོ་བས་མཐོང་སྔ་ཞིང་སྒྲིབ་ཆ་ཆེ། ལྷོ་བགྲོད་དུས་ཕྱི་ཞིང་ཆ་ཆུང་བ་གོ་དོན་ལས་སློང་བ་མངོན་སུམ་དང་འགྲིགས་པས། ཕལ་ཆེར་སྒྲིབ་ཆ་སོགས་ཅུང་འཛོལ་བ་ལོངས་སྤྱོད་མ་དག་པ་ཁོ་ནས་མིན་འདྲ་ཞིང་། ཉི་མ་དང་པ་སངས་ཁྱིམ་གཅིག་ན་འཛིན་ཆ་ཆུང་བ་སོགས་རྐྱེན་གཞན་ཡང་ཡོད་པས་སོ། །འདི་སྐོར་ལར་ཟླ་ཉི་སྒྲ་གཅན་གྱི་གོ་བབ་མ་ངེས་ན་མངོན་སུམ་འགལ་མི་འགལ་ཟེར་བ་མོ་གཤམ་བུ་ ― MR12_Page_0113 ―
[མ་དཔེ་གཟིགས་ན་འདིར་གནོན།]
ཡིས་ཁ་དོག་བརྗོད་པ་དང་འདྲ་བས། འདི་ལ་སྔ་མེད་ཀྱི་གོ་བ་ཅུང་ཟད་སློང་སྤྲོ་ཡང་འདིར་ཡི་གེ་ཉུང་བར་བྱ་བའི་ཕྱིར་མ་བྲི་ལ། དེ་བཞིན་དུ་ལྔ་བསྡུས་དང་། རཱ་ཧུ་ཉི་ཟླའི་འགྲོས་ལམ་གྱི་མན་ངག་ཀྱང་། གནམ་ལ་བལྟས་མས་སྟེས་དབང་གང་འགྲིག་གི་རི་མོའི་ཆོ་ག་མ་ཡིན་པར། གོ་བ་ནང་ནས་སློང་སྟེ་བྲིས་པ་ལ་སླར་ཚད་མས་ངེས་པ་སྐྱེ་བ་ཅུང་ཟད་རྒྱུད་རྣལ་མའི་དོན་དཀྲུགས་མི་དགོས་པ་ཡོད་ཀྱང་ཕྱིས་སུ་བྲི་བར་བྱ་བ་ཁོ་ནའོ། །དེ་དག་གིས་བློ་གསལ་རྣམས་ལ་མངོན་སུམ་སྒྲིག་ཚུལ་ཅུང་ཟད་བཤད་ནས། ད་ནི་དཀྱུས་ཀྱི་ཉི་ཟླའི་ལོངས་སྤྱོད་སྔ་བསྣུར་བྱས་པ་འདི་དཔྱད་དེ། དེ་ལ་འདིས་མིག་སྐར་དང་ལྡོག་གཉིས་ཀྱི་ཐུར་གྲིབ་ལ་བརྟེན་ནས་ཇི་འགྲིག་བྱས་པ་ལས། རྒྱུད་ན་གྲུབ་པའི་རྩིས་འཕྲོའི་མཚམས་ཟིན་ངེས་པའི་ཚིག་དངོས་སམ་ཤུགས་ཟུར་གྱིས་མཚན་པ་ཇི་ཡོད་ད་རུང་ཡང་རྒྱུད་རིན་པོ་ཆེ་བཞུགས་བཞིན་པ་འདི་ལ་བལྟས་ནས་ཡང་ཡང་དཔྱད་པས་རྟོགས་རྒྱུ་འདི་བཞིན་ལ། མིག་སྐར་གྱི་སྐར་མ་ཙམ་ལས་ཆུ་ཚོད་སྲང་སོགས་ནི་ངེས་པར་མི་རྟོགས་པའི་སྤམ་ཚོད་དཀའ་ཞིང་ཉི་ལྡོག་ཀྱང་གྲིབ་མས་ཞག་ནམ་བྱུང་ཙམ་རྟོགས་སུ་ཆུག་ཀྱང་། ཞག་དེའི་དུས་ནམ་ཙ་ན་ལྡོག་པའི་ཕྲ་བ་མི་ཤེས་པའི་དབྱུག་སྲང་སོགས་དཀའ་བས་ན་རྩིས་འཕྲོ་འདི་ནི་ཡང་དག་པའི་ལུང་ཡོད་ན་མ་གཏོགས་ཇི་བཞིན་པ་ཐོན་དཀའ། ༢ཁྱད་པར་འདིའི་རྒྱུ་སྐར་བགྲང་ལུགས་གཅིག་ཨང་བྲ་ཉེ་མ་ཡིན་ཐ་སྐར་ཡིན། རྒྱུ་མཚན་རྒྱུད་འགྲེལ་ལས། རྒྱུ་སྐར་ནི་ཐ་སྐར་དང་བྲ་ཉེ་དང་ལ་སོགས་པ་གསུངས་པ་དང་། དེ་བཞིན་གཟའ་སྦྱོར་བ་བྱེད་པ་སོགས་གསུངས་པ་ཀུན་གྱི་གཅིག་ཨང་ནས་མགོ་འཛིན་པས་སོ། །ཟེར། དེ་ལ་ངེས་པ་མ་མཐོང་སྟེ། ལར་རྒྱུ་སྐར་ ― MR12_Page_0114 ―
[མ་དཔེ་གཟིགས་ན་འདིར་གནོན།]
ལ་ཐ་སྐར་བྲ་ཉེ་སྨིན་དྲུག་ནས་བརྩི་ཚུལ་གསུམ་ཡོད་ཀྱང་། རྒྱུད་འདིར་ནི། ཁྱིམ་གྱི་དང་པོ་ལུག །རྒྱུ་སྐར་དང་པོ་ཐ་སྐར། གཟའ་དང་པོ་ཉི་མར་གསུངས་པ་དེ་གཞུང་གི་རྩིས་དང་འགྲིགས་ཚུལ་གྱིས་འདིར་སྐར་གནས་སྟོང་པ་ཐ་སྐར་ལ་ངོས་འཛིན་པ་འཐད་དེ་རྒྱུ་མཚན་ཅིས་ཤེས་ན། གཟའ་སོ་སོ་སྐྱེས་པའི་ཁྱིམ་དང་། སྐྱེས་སྐར་རྐང་པ་དང་བཅས་པ་རྒྱུད་ལས་གསུངས་པ་ལྟར། རང་རང་གི་ལོངས་སྤྱོད་ཀྱང་ཐོག་མར་དེ་ནས་བརྩམས་པའི་དོན་གྱིས་སྐྱེས་ཁྱིམ་སྦྱངས་པ་ཡིན་ཏེ། རྒྱུད་ལས། དུས་ཀྱི་རྒྱུ་སྐར་རྐང་པ་གསུམ་བཅས་བུ་ལོན་དག་སྟེ་ཉི་མའི་ལོངས་སྤྱོད་དབུས་ནས་སྦྱང་བར་བྱ། ཞེས་ཉི་མའི་སྐྱེས་ཁྱིམ་དང་། དེ་བཞིན་གཟའ་ལྔ་སོ་སོ་ལ། མིག་དམར་ལ་ནི་ཕྱེད་བཅས་དགུ་སྦྱང་། ཞེས་སོགས་ཀྱིས་གསལ་བ་ལྟར་ཐམས་ཅད་ཀྱིས་ལག་ལེན་བསྟར་རྒྱུ་འདི་བཞིན་ལ། གལ་ཏེ་ཉི་མའི་སྐར་མ་དྲུག་པ་དེ་ཁྱོད་ལྟར་ན་ལག་དང་། དགུ་པ་དེ་སྐག་ཡིན་པ་སོགས་དགོས་པ་ལ། དེ་ལྟར་ན་འགྲེལ་ཆེན་ལས། པ་སངས་སྐར་མ་ནབས་སོ་ལའོ། །བཀྲ་ཤིས་སྐར་མ་མཆུ་ལའོ། །ཕུར་བུ་སྐར་མ་མེ་བཞི་ལའོ། །གཟའ་ལྷག་སྐར་མ་ལྷ་མཚམས་ལའོ། །ལ་སོགས་པས་སྐྱེས་ཁྱིམ་སྦྱངས་པའི་ཨངྐའི་གྲངས་དེ། འདིར་སྐར་མའི་མིང་དང་སྦྱར་ནས་གསལ་བར་ཡོད་པ་འདི་དགུང་ལོ་རེ་གསུམ་པར་མ་གཟིགས་སམ། རིགས་ལྡན་གྱིས་བྱིན་གྱིས་རླབས་ནས་ལོ་ཉེར་བདུན་རྒྱུད་ལ་སྦྱང་རྒྱུའི་རྒྱུད་དེ་དུས་འཁོར་དང་རིགས་ལྡན་དེ་ཤམ་བྷ་ལའི་རིགས་ལྡན་མིན་ནམ་ཅི། རྒྱ་བོད་ཧོར་གསུམ་ན་ཡོངས་གྲགས་འདི་ཅིའི་སླད་དུ་བསྒྱུར་སྙམ་པ་དེ་ཞེ་ནས་ཤར། གཞན་ཡང་རྒྱུད་ལས། ལོ་ནི་འདི་དག་རྣམས་ཀྱི་དུས་ཀྱི་མཐའ་རུ་གཟའ་ཚོགས་རྒྱུ་བ་ཁྱིམ་ནི་ ― MR12_Page_0115 ―
[མ་དཔེ་གཟིགས་ན་འདིར་གནོན།]
སྟོང་པ་དག་ལ་གནས། སླར་ཡང་ཐ་སྐར་ལ་སོགས་དག་དང་རབ་བྱུང་ཞེས་དང་དེ་བཞིན་ནག་པའི་ཟླ་བ་ལ་སོགས་དང་། གཟའ་དང་སྦྱོར་བ་ཚེས་དང་བྱེད་པ་རྣམས་ཀྱང་དེ་བཞིན་དང་པོ་དག་སྟེ་དེ་ཡི་དུས་སུ་ནི། ལྷ་རྣམས་དག་དང་ལྷ་མིན་རྣམས་ཀྱིས་འཁྲུག་པ་དྲག་པོ་ས་བཞིའི་གནས་རྣམས་སུ་ནི་འབྱུང་བར་འགྱུར། ཞེས་ཟད་བྱེད་མེ་སྟག་གི་དབོ་ཟླའི་སྟོང་ལ་དུས་མེ་མ་གཏོགས་པའི་གཟའ་ཀུན་གྱི་ལོངས་སྤྱོད་སྟོང་པར་ཞུགས་ནས། སླར་ཡང་རབ་བྱུང་ནག་ཟླའི་ཚེས་གཅིག་ལ། ཚེས་གཅིག་གི་རྟག་ལོངས་ཁོ་ནས་གཟའ་སྐར་བསྒྲུབས་པས་རྒྱུད་ལས་གསུངས་པ་ལྟར་འཆར་བ་འདི་ལ་ཁྱོད་ལྟར་ན་ཟླ་སྐར་ལ་གཅིག་ཨང་འཆར་དགོས་པ་ལ་དེ་མི་འཆར་བ་མངོན་སུམ་འདི་དང་། རྒྱུད་ལས། ཐ་སྐར་དང་བྲ་ཉེ་སྨིན་དྲུག་གི་རྐང་པ་གཅིག་ནི་ལུག་ལའོ་ཞེས་ཐ་སྐར་ལུག་གི་ཐོག་མར་རྩི་ཞིང་། དེའི་དབང་གིས་འཁོར་ལོ་རྫོགས་པ་ལུག་ཁྱིམ་དུ་སླེབས་པར་བཞག །ཁྱོད་ཀྱི་ནམ་གྲུ་ནས་བརྩིས། དེ་ལྟར་ན་གཟའི་སྐྱེས་ཁྱིམ་རྒྱུད་དང་འགལ་བ་དང་། ཁྱིམ་གྱི་དང་པོ་དང་། རྒྱུ་སྐར་དང་པོ་མི་འགྲིགས་པ་ལ་སོགས་པ་དང་། རྒྱུད་དབུ་ཞབས་མཐའ་དག་དང་འགལ་བར་རྟོགས་སླ་བ་འདི་སུ་ཞིག་གིས་བཅོལ། རེས་གཟའ་དང་ཁྱིམ་རྒྱུ་སྐར། གཟའ་དགུའི་ལོངས་སྤྱོད་བཅས། རྒྱ་བོད་སུ་དང་ཡེ་མི་འདྲ་བ་འདི་དང་། རྩིས་ཀྱི་བླང་དོར་མཐའ་དག་པ་རྐང་སྤྲུགས་ནས་མི་འདྲ་བ་འདིས། ཡང་ན་ཤིན་ཏུ་འཚེར་བ་དང་། ཡང་ན་དེ་ལས་ལྡོག་སྟེ་འབྱུང་རྒྱུ་ལས་ཕུང་གསུམ་པ་མི་གདའ་བས་འདི་ལ་ཀུན་གྱིས་རྒྱུད་དཔང་པོར་བཞག་སྟེ་རིགས་པས་དཔྱད་ནས་འཁྲུལ་མེད་ཀྱི་ལུགས་བཟང་ཡིན་ངེས་ན་རྒྱ་བོད་ཀྱི་མཁས་པ་སུས་ ― MR12_Page_0116 ―
[མ་དཔེ་གཟིགས་ན་འདིར་གནོན།]
ཀྱང་མཐོན་པ་འདི་རྒྱལ་མཚན་གྱི་རྩེ་མོ་ལ་མཆོད་ཅིག དེ་ལྟར་མིན་ན་དེའི་ལྡོག་ཕྱོགས་སུ་ཟུངས་ཤིག །ཁྱི་དང་གློ་བ་འཕྲད་པ་ལྟར་གང་བྱུང་དུ་ལེན་རྒྱུ་ཞིག་མིན་པ་འདྲ། དཔྱད་དགོས་པར་སྣང་ངོ་། ༢ །དེ་ནས་ཉི་ལྡོག་ལ་དཔྱད་དེ། རྒྱུད་འགྲེལ་ལས།འདིར་ཆད་པ་དང་ལྷག་པ་ཇི་ལྟར་ཤེས་ན་བྱང་དུ་བགྲོད་པའི་ཟླ་བ་དང་པོ་ལ་ཉི་མ་བཅུ་བཞི་བར་དུ་ཐུར་མའི་གྲིབ་མས་ཡོངས་སུ་བརྟག་པར་བྱ་སྟེ། ཉིན་ཞིག་གང་ནས་བརྩམས་ཏེ་ཐུར་མའི་གྲིབ་མ་བྱང་ནས་ལོག་པར་གྱུར་པ་གཟའ་དེ་དང་ཆེས་དེ་དང་། སྦྱོར་བ་དེ་དང་བྱེད་པ་དེས་ཉི་མ་འཕོ་བའི་ཉིན་ཞག་གོ། ཉིན་ཞག་དེ་ལ་ནི་ཉི་མའི་ལོངས་སྤྱོད་སྐར་མའི་གནས་སུ་ཉི་ཤུ་དང་། ཆུ་ཚོད་ཀྱི་གནས་སུ་བཅོ་ལྔ་ཞེས་པ་རྩ་བའི་ངེས་པའོ། །ཞེས་སོགས་དང་དེ་ནས་རྒྱུ་སྐར་ཕྱེད་བཅུ་སུམ་འདས་པ་སྐར་དྲུག་ཞེ་ལྔ་ལ་དབྱར་ཉི་ལྡོག་པ་གསུངས་པ་དང་། ཡང་རྒྱུད་ལས། བྱང་དུ་བགྲོད་པའི་ཉི་ཞག་ལ་གྲིབ་མས་ཡོངས་སུ་བརྟག་པར་བྱེད་པ་གཞན་ལའང་ཉི་མ་དག་པ་མ་མཐོང་ངོ་། །བྱང་དུ་བགྲོད་པ་ལ་གྲིབ་མ་དག་པ་མེད་ན་ཉི་མའི་ལོངས་སྤྱོད་མ་དག་པའོ། །ཞེས་གསུངས་པས་ན།ནམ་ས་འདིར་ཐུར་གྲིབ་ལྷོ་བྱང་དུ་འགྱུར་བའི་ཉིན་དེ་ལ་གླིང་ཀུན་ན་ཉི་མ་སྐར་དྲུག་ཞེ་ལྔ་དང་། སྐར་མ་ཉི་ཤུ་དབྱུག་བཅོ་ལྔ་དེ་ཡིན་དགོས་པར་བསམས་ནས། ས་འདིའི་ཉི་ལྡོག་དང་གོང་གི་ཚད་བསྒྲིགས། དེས་གཟའ་འཛིན་སོགས་མི་རྟོགས་པས་ལྔ་སྒྲ་བཅས་དེ་ཡིས་རིགས་བསྒྲེས་ནས་མང་དུ་བཏང་འདུག་པ་འདི་ལ་དཔྱད་ན། དེ་ལ་རྒྱུད་ཀྱི་ཉི་ལྡོག་གི་ཚད་དེ་ནི། ཀཻ་ལ་ཤའི་དབང་དུ་བྱས་པར་ཐེ་ཚོམ་མེད་དེ། ཅིས་ཤེས་ན་ལུང་དང་རིགས་པ་གཉིས་ཀས་ངེས་ཏེ། དང་པོ་ལུང་ནི། རྒྱུད་ལས། ཉི་མ་རི་བོང་ཅན་གྱི་ཉི་ཆུ་ཚོད་དྲུག་ ― MR12_Page_0117 ―
[མ་དཔེ་གཟིགས་ན་འདིར་གནོན།]
ཅུ་དག་ལས་འགྲིབ་དང་འཕེལ་བ་དྲུག་ཆས་སོ། །ཞེས་པའི་ཐད་ཀྱི་འགྲེལ་ཆེན་ལས། འདིར་དྲུག་ཆས་འགྲིབ་པར་འགྱུར་ཞིང་འཕེལ་བར་སོགས་ཀྱི་མཐར། འདིར་ཀཻ་ལཱ་ཤའི་དུམ་བུ་ལ་གྲིབ་མས་ངེས་པ་ནི་འཕགས་པའི་ཡུལ་དུ་མ་ཡིན་ཏེ་ཞེས་པ་ནས། དེ་བཞིན་དུ་བོད་དང་ལི་དང་རྒྱ་ནག་ལ་སོགས་པའི་ཡུལ་རྣམས་སུ་དགུ་ཆ་དང་བརྒྱད་ཆ་དང་བདུན་ཆ་དག་གིས་ཤམྦྷ་ལའི་ཡུལ་ལ་ཐུག་གི་བར་དུ་གྲིབ་མའི་དབང་གིས་འགྲིབ་ཅིང་འཕེལ་བར་རིགས་པར་བྱའོ། །ཞེས་དང་། ཡང་། ཉིན་ཞག་སོ་སོར་དེ་ནི་དབུགས་ཟུང་ཆུ་སྲང་གསུམ་ཞེས་པ་ནི་འདིར་གཡས་དང་གཡས་མིན་དག་ཏུ་ཟླ་བ་གསུམ་པོ་རྣམས་ཀྱི་ཉིན་ཞག་སོ་སོ་ལ་ཉིན་མོ་དང་མཚན་མོ་འཕེལ་བའམ་འགྲིབ་པ་ནི་དབུགས་གཉིས་དང་ཆུ་སྲང་གསུམ་མོ། །ཚད་འདི་ནི་ཀཻ་ལཱ་ཤའི་དུམ་བུ་ལ་ཡིན་གྱི་འཕགས་པའི་ཡུལ་ལ་སོགས་པ་ལ་མ་ཡིན་ནོ། །འཕགས་པའི་ཡུལ་དུའང་ཉིན་མཚན་སོ་སོ་ལ་ཆུ་སྲང་གཉིས་འཕེལ་བ་འགྲིབ་པར་ཤེས་པར་བྱ་སྟེ། ཞེས་སོགས་དང་། དུས་སྦྱོར་ལའང་། ད་ནི་ཀཻ་ལཱ་ཤའི་དུམ་བུའི་དབྱེ་བས་དུས་སྦྱོར་བཅུ་གཉིས་འཆར་བའི་དུས་གསུངས་པ།ཞེས་སོགས་དང་། སྔར་གོ་ལའི་སྐབས་སུ་བཤད་པའི་ལུང་དེ་དག་གིས་གླིང་དང་ས་ཚིགས་སོ་སོར་ཉི་མ་ལྡོག་ཚིགས་མི་འདྲ་བ་ཡོད་པར་བསྟན་ནོ། །རིགས་པ་དང་ཇི་ལྟར་འགལ་ན། སྐར་དྲུག་ཞེ་ལྔར་ཉི་མ་སླེབས་ཚེ་གླིང་ཐམས་ཅད་དུ་དབྱར་ཉི་མཉམ་དུ་ལྡོག་ཅིང་།དེ་དུས་ཀྱི་ཉི་མ་ཡོད་པའི་གོ་ལ་དེ་གླིང་ཀུན་གྱི་དབུས་ན་ཡོད། སྐར་མ་ཉི་ཤུ་པ་རྣམ་པ་ཀུན་ཏུ་གླིང་ཀུན་གྱི་མཐའ་ན་ཡོད་ན། གོ་ལའི་སྐབས་སུ་དཔྱད་པ་ལྟར། སྐར་མ་དྲུག་པ་གླིང་འདིའི་རི་རབ་ལ་ཉེ་ན། བྱང་དྲང་པོར་ཡོད་དུས་ནུབ་ཏུ་ཁྲུམས་སྨད། ― MR12_Page_0118 ―
[མ་དཔེ་གཟིགས་ན་འདིར་གནོན།]
ཤར་དུ་རྟ་ཆེན་ལྟ་བུ་ལ་ཐུག་གི་བར་རི་རབ་ལ་ཇེ་རིང་ཇེ་རིང་ལ་སོང་བ་མངོན་སུམ་དང་། དེ་ལྟར་ཡིན་ཡང་དགོས་ཏེ། རྒྱལ་ལས་སྐག །སྐག་ལས་མཆུ་རིམ་པས་ཉི་མ་འཆར་ས་དམའ་བ་དང་། མགོ་ལས་སྣར་མ། སྣར་མ་ལས་སྨིན་དྲུག་སོགས་ཀྱང་རིམ་པས་འཆར་ས་ནུབ་ས་དམའ་བར་གྲུབ་པས་མཐོང་བའི་ཁྱིམ་དྲུག་པོ་འདི་ནི་མངོན་སུམ་ཚད་མས་གཞུའི་རྣམ་པ་ཅན་རྒྱབ་ངོས་རི་རབ་ལ་བསྟན་པ་ཞིག་ཡིན་པར་ཀུན་གྱིས་མཐོང་སྣང་དུ་གྲུབ་པ་འདི་ལ་བསྙོན་དུ་མེད་ཅིང་། ལྷོ་དབུས་དྲང་པོར་སྣུབས་ཡོད་ཚེ་སྣྲོན་སོགས་ཀྱང་ཚུར་ཚུར་དང་ཆུ་སྟོད་སོགས་ཀྱང་ཚུར་ཚུར་བྱུང་བ་ལས་སྣུབས་ཕན་ནི་ཕར་ཕར་སོང་བ་མེད་པའི་པད་འདབ་ཀྱི་རྣམ་པ་ཅན་ཡིན་པར་མངོན་སུམ་དང་། དེ་ལྟར་ཡིན་ཀྱང་དགོས་ཏེ་སྣུབས་ལ་དགུན་ཉིའི་བགྲོད་པ་མཐར་ཐུག་ཅིང་། དེ་ལས་ཉི་མ་ཐུང་བ་གཞན་མེད་པའི་ཕྱིར་རོ། །དེ་ལྟར་ན་གླིང་འདི་ན་ཁྱིམ་གྱི་རྣམ་པ་ཇི་ལྟར་ཡོད་པ་དེ་གླིང་གཞན་ལའང་དེ་ལྟར་ཡོད་དགོས་པས་ན་འདི་ན་མགོ་སོགས་གཞུ་ཡི་རྣམ་པ་ཅན་དུ་ཡོད་སྐབས་དེ་ན། བྱང་དབུས་མའི་ཚངས་ཐིག་ཏུ་སྣུབས་ཡོད་དགོས་ལ། ཁྱད་ལྟར་ན་ཁྱིམ་ནི་རྣམ་པ་ཀུན་ཏུ་ཚེས་གསུམ་གྱི་ཟླ་བ་ལྟ་བུའམ་དོ་ཤལ་ཕྱེད་པོ་ལྟ་བུ་ཞིག་གླིང་ཐམས་ཅད་ཀྱི་ཀླད་དུ་འཁོར་བར་མཐོང་དགོས་པས། དེ་ལྟར་ན་འདི་ཡི་ཁྱིམ་གྱི་ལྟོང་ལྟོང་པོ་ཕར་བསྟན་ཡོད་ན་ཁྱེད་ཀྱི་ལུགས་ལ་འགྲིགས་ཀྱང་། འདིར་ཚུར་བསྟན་ཡོད་པས་དེ་གཉིས་ཇི་ལྟར་འགྲིགས། ཟླ་ཚེས་ཀྱི་རྩེ་མོ་གཉིས་ལྟ་བུ་ནི་མཉམ་གཉིས་ཡིན་དགོས་ལ། ཁྱོད་ལྟར་ན་སྐར་མ་ཁུག་བ་བྱས་པ་ལྟ་བུར་མཐོང་དགོས་པས་མངོན་སུམ་འདི་ལ་རྟོགས་འཚལ། དེའི་ཕྱིར་ན་གདོན་མི་ཟ་བར་སྣུབས་ལྟ་བུ་གླིང་འདིའི་ལྷོ་མཐར་འཆར་བ་དམའ་ཤོས་དེ། མདུན་གྱི་གླིང་བདུན་ ― MR12_Page_0119 ―
[མ་དཔེ་གཟིགས་ན་འདིར་གནོན།]
པའི་མཁའ་ལ་བྱང་དུ་རི་རབ་ལ་ཉེ་བའི་མཐོ་བ་མཐར་ཐུག་པ་རྗེས་སུ་དཔགས་ནུས་པ་འདི་འཇམ་པའི་དབྱངས་དངོས་བླ་མའི་བྱིན་རླབས་ལས་ཁོ་བོ་ཁོ་ནས་རྟོགས་པ་དེ། གཞན་དུ་དྲུ་འཛིང་མ་སྒྲུབ་མཁན་སུས་ཀྱང་དཔྱད་པ་ཙམ་ཡང་མི་སྣང་ཞིང་། ས་དགེའི་མཛོད་འགྲེལ་གྱི་ཡིག་ཆ་ཕལ་ཆེར་ན་གླིང་བཞིར་དུས་བཞི་མཉམ་པར་ཁས་ལེན་པ་གཞན་ལ། ཉི་མ་རིང་ན་མཚན་ཡང་རིང་དགོས་པ་སོགས་ཉི་མཚན་གྱི་ཚད་མང་ཉུང་གི་སྐྱོན་འཕེན་པ་ཙམ་ཁོ་ན་རྗེས་སུ་ཟློས་ཀྱང་། ཉི་མ་རིང་དུས་མཐོ་བས་གླིང་བདུན་གསལ་ནུས། ཐུང་དུས་དམའ་བས་གླིང་ལྔ་ལས་མི་གསལ་ཞེས་སྨྲས་ན་སྐྱོན་དེ་ནི་གཞན་ལུགས་ལའང་སྤོང་ནུས་པས་རིགས་པ་བཟང་པོར་མི་སྣང་བར་བདག་གིས་སེམས། དེས་ན་ཚུལ་འདི་ལ་སོགས་པ་དངོས་སྟོབས་ཀྱི་རིགས་པ་དང་། རྒྱུད་ཀྱི་ལུང་གིས་ཉི་མ་ལྡོག་ཚིགས་མི་འདྲ་བ་ཡོད་པར་གྲུབ་པས་ན་ལུགས་འདི་མ་དག་པར་ངེས་སམ་སྙམ་སྟེ། གཟུར་གནས་ཀྱི་བློ་གྲོས་རྣམ་པར་དག་པས་དཔྱོད་དང་རྟོགས་པར་འགྱུར་རོ། ༢ །ཡང་། འདིས་ཉི་མ་སྐར་དྲུག་ཞེ་ལྔས་དབྱར་ཉི་ལྡོག་ཚད་དེ་ནས་ཉི་མ་ལྷོ་རུ་འགྲོ་བས་ཉི་རྐང་ཡང་འབྲི་དགོས་ཟེར་ཡང་། འདི་ནི་སྐྱེས་ཁྱིམ་གང་ཡིན་པ་དེ་ནས་དལ་རྐང་ནོར་བུ་ལོན་དུ་རྩམ་པའི་དོན་ཡིན་གྱི། ལྷོ་བགྲོད་ལ་རྣམ་པ་ཀུན་ཏུ་དོར་བ་སོགས་སུ་མ་ངེས་ཏེ། གཟའ་ལྔའི་སྐབས་སྐར་དྲུག་ཞེ་ལྔ་སྦྱང་རྒྱུ་མིན་པའི་གཟའ་གཞན་ལའང་། སྐྱེས་ཁྱིམ་ནས་འཁོར་ཕྱེད་བར་ངལ་རྐང་ཚར་གཅིག་དང་། དེ་ནས་ཡང་ཚར་གཅིག་སྤྱོད་པས་སོ། །དེ་ལ་དལ་རྐང་སྐྱེས་ཁྱིམ་ནས་ཁྱིམ་རེར་མི་འདྲ་བ་རེ་དང་། མྱུར་རྐང་སྐྱེས་སྐར་ནས་བརྩམས་ཏེ་རྒྱུ་སྐར་རེ་ལ་རྐང་པའི་འཕེལ་འགྲིབ་མི་འདྲ་བར་རེ་ཡོད་པའི་གོ་བ་སྟེ། ― MR12_Page_0120 ―
[མ་དཔེ་གཟིགས་ན་འདིར་གནོན།]
ནང་གི་ཡེ་རླུང་དང་སྦྱར་བ་དང་། ཕྱི་རོལ་གྱི་གཟའ་ལ་འགྲོས་དལ་མྱུར་སྣ་ཚོགས་འབྱུང་ཚུལ་འདི་ཆོས་ཉིད་ཀྱི་རིགས་པ་སྟེ། ལུང་མེད་པར་འདི་ཅི་ཞེས་དཔྱད་པས་རྟོགས་པ་མ་ཡིན་ནོ། །དེས་ན་ཞལ་ལུང་མཁན་པོ་སོགས་སྔ་རབས་བདག་གིས་ཀྱང་ཐུར་བྲིས་ལ་ལན་དུ་མར་བརྟགས་ནས་བསྒྲིགས་པར་སྣང་ལ། སྤྱི་ཙམ་དུ་ཕུག་རྩིས་དོན་ཁྱིམ་ལ་རི་ཡིས་ཕྲི་རྒྱུ་སོགས་མི་དགོས་པར་ཞག་བརྒྱད་རེའི་ཉི་མའི་ལོངས་སྤྱོད་ཇེ་སྔར་སོང་བ་ཅུང་ཟད་དག་པར་འདུག་གོ། དེས་ན་ལུགས་གསར་པ་འདིའི་ཉི་ལྡོག་ཉིན་སྐར་དྲུག་ཞེ་ལྔ་འཆར་བའི་རྩིས་འཕྲོ་ཞིག་བྱས་པ་འདི་ལྟར་ན། ཨང་གྲངས་དྲུག་པ་འདི་ཡོངས་གྲགས་ལྟར་གཏན་ལ་ཕབ་པ་ཡིན་ན་ནབས་སོ་དང་། ལུགས་འདི་པ་ལྟར་ན་ལག་རེད་པས་ལག་དང་མགོ་གང་གིས་སྟེང་ནས་ལྷོར་བགྲོད་བྱེད། ཟླ་བ་ལ་རྟོགས་ཤེས་ན་ཐག་ཆོད་པར་སྣང་བས་དཔྱོད་ལྡན་ངག་གིས་རྟོགས་ཤིག ༢ །དེ་ནས་རེས་གཟའ་འདི་ལ་ནི་མིག་སྐར་ལྟ་བུ་དང་བསྒྲིགས་རྒྱུ་ཡང་མེད་པས། མན་ངག་ཁ་ཅིག་ལས། གཟའ་གང་ཡིན་བརྟགས་པའི་རྟེན་འབྲེལ་ཞིག་གསུངས་པ་དེ་འདྲ་མ་གཏོགས། གཞན་ཅི་ཤེས་ཀྱང་།ལུགས་སྔ་མ་རྣམས་དང་རྒྱ་ནག་ཚུན་ཆད་མཐུན་ཞིང་། གཟའ་རྐྱང་ཙམ་ཉིན་ཞག་གི་རྩིས་ཡིན་པས་མཚམས་ཙམ་མ་ནོར་བས་ཆོག་པས་སྔ་མ་རྣམས་ཡིན་ལས་ཆེ་སྙམ། ལུགས་འདིའི་ཉི་མའི་རྩིས་འཕྲོ་ལ་ཇི་ཙམ་སྣོན་པ་དེའི་འགྲེས་སྦྱར་བ་སོགས་ཡིན་ན་ནི་གོང་བཤད་ལྟར་ཡིད་བརྟེན་དཀའ་ལ། གཞན་གྱི་ཤེས་བྱེད་ཡིད་ཆེས་སུ་རུང་བ་ཇི་ཡོད་ད་རུང་བརྟག་པར་གྱིས་ཤིག །དེ་ནས་སྐབས་འདིའི་རེའུ་མིག་སྤེལ་འཛིན་རང་གི་ཐད་ན་མི་འདྲ་བ་ག་ལ་ཡོད་ཀྱང་། རྩིས་འཕྲོའི་དབང་གིས་ལྔ་བསྡུས་མི་འདྲའོ། ། ― MR12_Page_0121 ―
[མ་དཔེ་གཟིགས་ན་འདིར་གནོན།]
མྱུར་རྩིས་ཀྱང་འདི་ཁོ་ནའི་ལུགས་མ་ཡིན་པས་དཔྱད་བྱ་གཞན་མི་འདུག་གོ། ཐུབ་བསྟན་མཛེས་རྒྱན་གྱི་གྲུབ་པའི་ཡན་ལག་ལྔ་བཤད་པའི་སྐབས་ལ་དཔྱད་པའོ། ༈ །དེ་ནས་བཞི་པ་དུས་བཞིའི་ཚད། ཉི་མ་ཁྱིམ་དུ་སླེབས་ཚད་ནི།རྒྱུ་སྐར་གྱི་རྐང་པ་བཀོད་ལུགས་ལྟར་གོ་ལར་ཉི་མ་སླེབས་ཚོད་ཡིན་པས་ཁྱད་མེད་ཀྱང་། ཉི་ལྡོག་སོགས་ས་ལ་དུས་བཞི་འཁོར་ཚུལ་ནི་ཕལ་ཆེར་རྒྱུད་ཀྱི་ནང་ན་ཡོད། ཀཻ་ལཱ་ཤའི་ཚད་དེས་འདི་ལའང་འཆར་རྒྱུ་བྱས། འཁོར་ལོ་རྫོགས་པ་ཐ་སྐར་ལུག་གི་ཐོག་ནས་གསུངས་པ་ལྟར་འདིར་ཚད་མ་འགྲིག་ཀྱང་། ཐིག་ནམ་གྲུར་བཟུང་བ་ནོངས་པའི་མཚངས་སྒྲིབ་ཏུ་རྒྱུད་དང་འགྲེལ་བ་མན་ངག་གཅིག་ལ་མ་གྲགས་པའི་ནམ་གྲུའི་རྐང་པ་དང་པོ་ནས་ལུག་ཁྱིམ་བྱས། རྒྱུད་ཀྱི་ལྡོག་གཉིས་ཀྱི་ཚད་དེས་འདིར་ཡང་དེ་ཁོ་ན་ལྟར་ཡིན་ན།ཉིན་མཚན་གྱི་ཚད་སོགས་ཀྱང་དེ་ལྟར་ཡིན་དགོས་མོད། རྒྱུད་ལས་ཉིན་མཚན་འཕེལ་འགྲིབ་དྲུག་ཆས་བྱེད་པར་གསུངས་པའི་དོན། རྒྱུད་འགྲེལ་ལས་ཆུ་སྲིན་ནས་འཁྲིག་པའི་མཐར་ཐུག་པའི་བར་དུ་མཚན་མོ་འགྲིབ། ཉིན་འཕེལ་ཀརྚ་ནས་གཞུའི་བར་ཉིན་འགྲིབ་མཚན་མོ་འཕེལ་བར་གསུངས་པ་ལ། ཁྱོད་ཀྱི་མཉམ་གཉིས་ནས་དྲུག་ཆས་འཕེལ་འགྲིབ་བྱེད་པར་བསྒྱུར་བས། དེ་ལྟར་ན་སུམ་ཆས་འཕེལ་འགྲིབ་བྱེད་པར་ཅིས་མ་བསྟན། ཉིན་རེ་དབུགས་ཟུང་ཆུ་སྲང་གསུམ་གྱིས་འཕེལ་འབྲི་བྱེད་པར་གསུངས་ན། དེ་ཟླ་བ་དྲུག་ཏུ་བསགས་པ་ལ་ཆུ་ཚོད་ཉི་ཤུར་ཇི་ལྟར་ལངས་རྒྱུད་འགྲེལ་ལས་ཀྱང་། ཚད་འདི་ལ་ལྷོར་བགྲོད་པའི་འཕོ་བའི་ཉིན་ཞག་ལ་ཆུ་ཚོད་སུམ་ཅུ་རྩ་དྲུག་གིས་ཉིན་མོར་འགྱུར་ཞིང་། ཉི་ཤུ་རྩ་བཞིས་མཚན་མོར་འགྱུར་རོ། །དེ་བཞིན་དུ་བྱང་དུ་བགྲོད་པ་ལ་མཚན་མོ་དང་ཉིན་མོའི་ཚད་བཟློག་པས་ ― MR12_Page_0122 ―
[མ་དཔེ་གཟིགས་ན་འདིར་གནོན།]
ཤེས་པར་བྱའོ། །ཞེས་གསུངས་པས་ཉིན་མཚན་རིང་མཐའ་སོ་དྲུག་དང་། ཐུང་མཐའ་ཉེར་བཞི་ལས་མ་གསུངས་ཡང་། ཁྱོད་ཀྱི་ཉིན་མཚན་རིང་ཐུང་མཐར་ཐུག་པའི་སྐབས་ལོག་པོ་བྱས་འདུག་པ། ཟླ་འཛིན་གྱི་སྐབས་འགར་ཐུར་གྲིབ་ལ་བརྟེན་ནས་རྙེད་ཚོད་དུ་འདུག་ཀྱང་། ལར་རྒྱ་བལ་གྱི་ཆུ་ཚོད་རྟོགས་པའི་འཁྲུལ་ཐབས་འཁོར་ལོ་དང་། ཆུ་བུམ་སོགས་དང་། མ་ནོར་བར་བགྲངས་པའི་དབུགས་ཐུར་གྲིབ་ཉིན་གུང་དང་ཤར་མ་ཐག་པའི་བར་དུ་ཇི་ཡོད་ལ་སོགས་པའི་རྗེས་དཔག་གིས་རྩད་བཅད་ན་མ་གཏོགས་ཞིབ་ཆ་དཀའ་ཡང་། རྒྱུད་དང་དབྱངས་འཆར་མདོ་ཡི་ལུང་སོགས་ཞལ་འཆམ་པར་རིང་མཐའ་ཆུ་ཚོད་སོ་དྲུག་གམ། ཡུད་ཙམ་བཅོ་བརྒྱད་དུ་གསུངས་པ་ལས་བརྒལ་ནས་རིག་པས་མི་འགྲུབ། འདི་ལ་འཐམ་པས་ཇི་བྱེད་སྙམ་ཡང་ད་དུང་བློ་ལྡན་རྣམས་ཀྱིས་རྟོགས་ལ་ཐག་ཆོད་ཅིག ༢ །དེ་ནས་དུས་སྦྱོར་ལ་ཉིན་མཚན་འཕེལ་འགྲིབ་སྔར་བསྟུན་གསར་བ་དང་། ཐུར་མའི་བགོ་གཞི་ཡང་མི་འདྲ་ཞིང་། འདས་ལུས་ཀྱི་སྲང་ནི་དུས་སྦྱོར་གྱི་འཆར་ཚད་ཐམས་ཅད་རྣམ་པ་ཀུན་ཏུ་ཆུ་སྲང་སུམ་བརྒྱར་མཉམ་པར་བྱས་པའི་དབང་གིས་མི་འདྲ་བ་དང་། ཏརྐཱ་ལ་ངོས་འཛིན་ཚེའང་ཆུ་སྲང་སོ་སོ་མེད་པར་ཐམས་ཅད་སུམ་བརྒྱ་རེས་ཕྲིས་ནས། གང་གི་སྐལ་བ་མ་ལྡང་བ་དེ། དེའི་ཏརྐཱ་ལ་ཉིད་དུ་ངོས་འཛིན་པའི་མཉམ་པ་རགས་པའི་དུས་སྦྱོར་དེ་ལས། ཕྲ་བ་མི་མཉམ་པའི་དུས་སྦྱོར་རྒྱུད་ནས་བསྟན་པ་མུ་སྟེགས་པའི་ལུགས་ཡིན་ཟེར་རོ། ༢ །དེ་ལ་ཐུར་གྲིབ་ཀྱི་ཆུ་ཚོད་རྟོགས་པ་འདིའི་གནད་ཟླ་རེར་གྲིབ་དེའི་འཕེལ་འགྲིབ་ཡོད་པས་ཆ་བདུན་དང་། བགོ་གཞིའང་རགས་པ་ཟླ་བ་དེའི་ཉིན་ཚད་དང་། ཞིབ་པ་ཉིན་དེའི་ཉིན་ཚད་ལ་དེ་འདྲ་ནི་བྱས་མི་འདུག བསམ་བློ་ ― MR12_Page_0123 ―
[མ་དཔེ་གཟིགས་ན་འདིར་གནོན།]
གཏོང་ལུགས་ཇི་འདྲ་ཞིག་གིས་འདི་བགྱིས་པ་ཡིན། དེས་ན་ཆུ་ཚོད་རྟོགས་པའི་རྒྱུ་མཚན་ཅི་ཡིན། གཞུང་འདི་འཛིན་པ་ཀུན་གྱིས་བརྟགས་ནས་སྨོས་ཤིག ༢ །དེ་ལ་ཁྱིམ་ཐམས་ཅད་འཆར་ཡུན་རིང་ཐུང་མེད་པར་རྟག་ཏུ་ཆུ་ཚོད་ལྔ་ཁོ་ནར་བྱེད་པ་མི་འཐད་དེ། རྒྱུད་ལས། ལུག་གི་དུས་སྦྱོར་ལ་ནི་ཆུ་སྲང་དུ་འགྱུར་མཁའ་དགུ་ལག་སྟེ་ཅེས་པ་ལ་སོགས་པས་གསལ་བར་བསྟན་ཅིང་། འགྲེལ་པས་དེ་རྣམས་ཀཻ་ལཱ་ཤའི་དབང་དུ་བཤད་ཅིང་། དུས་སྦྱོར་འཆར་བའི་དུས་ཀྱི་དབང་གིས་ཉིན་མོ་དང་མཚན་མོ་རིང་ཐུང་བྱེད་པར་གསུངས་པ་དང་། དེ་འདྲ་བ་དབྱངས་འཆར་ལས་ཀྱང་བཤད་པའི་རྩིས་ཀྱི་སྐོར་མགོ་འདི་ཅི་ལ་དཀྲུགས་ན་སྙམ། དེ་ལ་སྐབས་འདིར་འདི་སྐད་དུ། ཡུལ་དྲུག་དུས་སྦྱོར་ཐ་དད་དུ་འདོད་པའི། མུ་སྟེགས་ལུགས་དེ་སྒྲ་ཇི་བཞིན་ཡིན་ན། ཉིན་མཚམས་འཕེལ་འགྲིབ་ཚེས་ལོངས་སྤྱོད་རྫོགས་མཚམས་ཀྱི། །རི་མོར་གཟའ་འཛིན་མངོན་སུམ་འགལ་ཅི་དགོས། །ཞེས་ཟེར་ཡང་། བདག་ནི་འདི་སྙམ་དུ། ཡུལ་དྲུག་དུས་སྦྱོར་ཐ་དད་དུ་མེད་པའི། །ཁྱོད་ཀྱི་ལུགས་འདི་སྒྲ་ཇི་བཞིན་ཡིན་ན། །ཉིན་མཚན་ཆུ་ཚོད་ཉི་ཤུའི་མང་ཉུང་གི། འཕེལ་འགྲིབ་ཡོད་པའི་གཞུང་འདི་རྩོམ་ཅི་དགོས། །ཞེས་ཟློག་ནས་སྨ་བར་འདོད་དེ། རྒྱུ་མཚན་ཅིས་ན་ཁྱིམ་ཐམས་ཅད་ཆུ་ཚོད་ལྔ་རེར་མཉམ་ན། ཁྱིམ་གང་དང་དེའི་བདུན་པའི་ཁྱིམ་ཕན་ཚུན་འཆར་ནུབ་བྱེད་པར་ལུང་དང་མངོན་སུམ་གྱིས་གྲུབ་པས་ན། ཁྱོད་ལྟར་ན་ཁྱིམ་དྲུག་གི་ཆུ་ཚོད་སུམ་ཅུ་རྫོགས་ཚེ་ཉི་མ་རྟག་པར་འཆར་ནུབ་བྱེད་དགོས་པས། དུས་ཀུན་ཏུ་ཉིན་མཚན་མཉམ་པ་ཁོ་ནར་སྣང་དགོས་ཏེ་དཔེར་ན་ཉི་མ་ལུག་ཁྱིམ་གྱི་ཐོག་མར་ཡོད་པ་ནུས་པ་དང་གླིང་འདིར་སྲང་འཆར་བ་དུས་ ― MR12_Page_0124 ―
[མ་དཔེ་གཟིགས་ན་འདིར་གནོན།]
མཉམ་ངེས་པར་དགོས་ལ། དེ་ལྟར་སྲང་ནས་ཉའི་བར་ཁྱིམ་དྲུག་པོ་ཆུ་ཚོད་ལྔ་རེར་བསྡད་པའི་ཆུ་ཚོད་སུམ་ཅུ་རྫོགས་ན་ལུག་གི་ཁྱིམ་འཆར་བ་དང་ཉི་མ་འཆར་བ་དུས་མཉམ་པ་དེ་བཞིན་ཏུ། ཉི་མ་ཆུ་སྲིན་དུ་ཡོད་ཚེ་ཆུ་སྲིན་ནུབ་ནས་ཀརྚ་ཤར་བ་དང་མཚན་ཐོག་མ་མགོ་མཉམ། དེ་ནས་ཆུ་ཚོད་སུམ་ཅུ་རྫོགས་ཚེ་ཡང་ཉི་མ་འཆར་དགོས་པས། ཁྱོད་ཀྱིས་ཆུ་སྲིན་ལ་ཉི་མ་ཡོད་ཚེ་མཚན་ཆུ་ཚོད་བཞི་བཅུར་ཁས་བླངས་པ་ནང་འགལ་བ་དང་། ཉི་མ་ཀརྚ་ན་ཡོད་དུས་ཀྱང་དེས་རིགས་བསྒྲེས་པས་ཉིན་མཚན་ལ་འཕེལ་འབྲི་ཨེ་ཡོང་སོམས་དང་ཤེས། མཐོང་བའི་མངོན་སུམ་ལའང་རྣམ་པ་ཀུན་ཏུ་རྒྱུ་སྐར་ཕྱེད་བཅུ་གསུམ་ཙམ་ལས་ལྷག་པ་མི་མཐོང་བས། ཉི་མ་སྐར་དྲུག་ཞེ་ལྔ་དང་། སྐར་མ་ཉི་ཤུ་དབྱུག་བཅོ་ལྔ་ལ་གནས་དུས་ཀྱི་ཉིན་མཚན་ལ་ཁྱད་པར་མེད་པར་ཐལ་བས་གནོད་དེ། ཁྱོད་ཀྱི་ལུགས་ལ་གང་ནས་བརྩིས་ཀྱང་བདུན་པའི་ཁྱིམ་ཆུ་ཚོད་སུམ་ཅུའི་རྗེས་སུ་ངེས་པར་འོང་དགོས་པས་སོ། །དེས་ན་ཁྱིམ་རང་ལ་ཆེ་ཆུང་མེད་ཀྱང་། མཐོ་དམན་དང་འཁོར་ཚུལ་གྱི་དབང་གིས་ས་ལ་འཆར་ཚད་རིང་ཐུང་སྣ་ཚོགས་སུ་འགྱུར་མོད། བསྡོམས་ན་ནམ་ཡང་ཆུ་ཚོད་དྲུག་ཅུར་མཉམ་པ་འདིའི་གོ་བ་གལ་ཆེའོ། །དེ་ལ་ཁྱོད་ལྟར་ན། ཉི་མ་མཐོ་དུས་ཁྱིམ་བརྒྱད་ཉིན་མོ་འཆར། བཞི་མཚན་མོ་འཆར། ཉིན་ཐུང་བ་དམའ་དུས་དེས་དེ་ལས་ལྡོག་དགོས་པ་དེ་ལྟ་ན། ཚེས་བཅོ་ལྔའི་ཟླ་བ་འཆར་ནུབ་དང་མཚན་གྱི་ཐོག་མཐའ་སྤྱི་ཙམ་དུ་འགྲིག་དགོས་པས། མཉམ་གནས་ཁོ་ན་ཙམ་མ་གཏོགས་རྣམ་པ་ཀུན་ཏུ་ཉའི་ཉིན་ཞག་གི་ཉི་ཟླ་འཁོར་ཕྱེད་ཀྱི་བར་ཁྱད་ཡོད་པའི་ཐད་ཀར་འགྲིག་མི་སྲིད་ལ། དེ་མི་འགྲིག་ན་དུས་གཞན་དུ་ག་ལ་འགྲིག་པས་ཁྱོད་ལ་ལོ་གཅིག་ལ་ཟླ་བ་ཉ་གང་བའི་དུས་ཞག་ ― MR12_Page_0125 ―
[མ་དཔེ་གཟིགས་ན་འདིར་གནོན།]
གཉིས་ལས་མེད་པར་ཐལ་བ་དང་། ཟླ་ལོངས་སོགས་ཐམས་ཅད་ཀུན་རྩ་བ་ནས་མི་འཐད་ཅིང་། དེ་ལྟར་ན་ཕྱི་དུས་ཀྱི་འཁོར་ལོའི་རྣམ་པར་གཞག་པ་ཀུན་བཤིག་ནས། མཐར་ཁྱོད་རང་གིས་གཞུང་ཡང་བྱེ་མའི་ཁང་བུ་ལྟར་ངང་གིས་འཇིག་པར་མི་འགྱུར་རམ། འདིའི་རྗེས་འབྲང་ཀུན་ལ་རྣ་བ་ཡོད་ན་ཚིག་འདི་ཉོན་ལ། སེམས་ཡོད་ན་དཔྱོད་དང་ཤེས་པར་འགྱུར་རོ། །ཐུབ་བསྟན་མཛེས་རྒྱན་གྱི་དུས་བཞི་དང་དུས་སྦྱོར་འཆར་ཚུར་ལ་དཔྱད་པའི་སྐབས་སོ། ༈ །ལྔ་པ་ཉི་ཟླ་འཛིན་ཚུལ་ལ། དེ་ལ་དང་པོ་སྒྲ་གཅན་ལ་བསྒྱུར་བགོད་སོགས་འདྲ་ཡང་། རྩིས་འཕྲོའི་དབང་གིས་ཧ་ཅང་མི་འདྲ་བ་ཆེན་པོ་སྐར་མ་གཉིས་རེའི་བར་ཁྱད་འདུག་པ་འདི་བྱས་པར་གདའ་སྟེ། སྤྱིར་བོད་སྔ་རབས་པའི་རྩིས་ཐམས་ཅད་ཉུང་ངུའི་བྱེད་པ་ལ་བརྟེན་པའི་རྩིས་ཀྱི་དབང་གིས་ལོངས་སྤྱོད་ཉུང་བ་ཡིན་ཟེར་ནས་ལོངས་སྤྱོད་མང་དུ་བཏང་བ། དེ་དང་ཤེད་སྙམས་པའི་ཕྱིར་སྒྲ་གཅན་གྱི་ལོངས་སྤྱོད་མར་ཕྲི་ནས་ཟླ་ཕྱེད་ཉེར་དགུ་ཞག་བཞི་བརྒྱ་སོ་ལྔ་ཙམ་གྱིས་སྔ་མ་རྣམས་ལས་ཉུང་བ་འདི། ཉི་མ་ཕྱིར་བསྣུར་བ་དང་བསྒྲིག་པའི་ཆེད་དུ་སྒྲ་གཅན་དེ་ཙམ་ཡར་དེད་པ་ལས། རྒྱུད་ལས་འདི་ལྟར་བསྟན་རིགས་པས་འདི་ལྟར་འཐད་ཟེར་བའི་གཏན་ཚིག་མི་སྣང་སྟེ། སྒྲ་གཅན་དུས་རྒྱུན་མིག་སྐར་དང་བསྒྲིག་རྒྱུ་ནི་མེད། གལ་ཏེ་རྩིས་སྔ་མ་རྣམས་ཀྱིས་ཉི་ཟླའི་ལོངས་སྤྱོད་ཉུང་བའི་སྐྱོན་ཡིན་ན་ཉི་ཟླར་བསྣན་པའམ། ཡང་ན་སྒྲ་གཅན་གདོང་མཇུག་ལ་དེ་ཙམ་བྲི་བས་འགྲིག་པའམ། ཡང་ན་ད་ལྟའི་ཁོ་རང་གི་ཉི་ཟླའི་ལོངས་སྤྱོད་ལ་སྒྲ་གཅན་རང་སོར་བཞག་པས་ཉི་འཛིན་སོགས་འགྲིག་ན་རྩིས་སྔ་མའི་ཉི་ལོངས་སོགས་ཉུང་བར་དེས་རྗེས་སུ་དཔོགས་ཀྱང་དེ་ལྟར་མིན་པར་ཁྱོད་ཀྱི་འདི་བཞིན་དུ་སྒྲ་གཅན་ཀྱང་ཡར་ཕྲི་ནས་ཇི་འགྲིག་བྱས་ན། དེའི་འགྲོས་ཀྱིས་ཉི་ཟླའི་ལོངས་སྤྱོད་ཧ་ཅང་ཀྱང་ ― MR12_Page_0126 ―
[མ་དཔེ་གཟིགས་ན་འདིར་གནོན།]
འགལ་བའི་སྐར་མ་བཅུ་བཞི་ཙམ་གྱིས་ཁྱོད་ཀྱི་འདི་ལས་ད་རུང་མང་དུ་བཏང་ནས། ཨང་གྲངས་ལ་བགྲང་ལུགས་གསར་པ་རེ་བྱས། སྒྲ་གཅན་ཡང་དེ་དང་ཤེད་སྙོམས་པའི་རིགས་མདའ་ཞིག་སྦྱར་ན། ཟླ་འཛིན་སོགས་ནམ་ཡོད་ལ་ཁྱོད་ཀྱི་རི་མོ་དེས་ཇི་ཐིག་པ་དེ་ལས་ཀྱང་ཐིག་པ་ཞིག་ངས་ཀྱང་འཕྲུལ་ཤེས་ཤིང་། སྐར་མ་ཨང་གྲངས་ལ་མིང་བཏགས་ལུགས་མི་འདྲ་བ་ཙམ་དུ་བྱས་ནས་བྱེད་པ་དང་སྒོ་བསྟུན་ན་མིག་སྐར་དང་འགྲིབ་པ་ཞིག་བྱས་ཆོག་ཀྱང་། གཟའ་སྐར་གྱི་བླང་དོར་འདི་དག་ཀུན་རྟོག་ཅན་ལ་བསླུ་བ་མེད་པར་གསུངས་པའི་སངས་རྒྱས་ཀྱི་བཀའ་ལ་སོགས་པ་འདི་བདེན་ན་འགྲོ་བ་འདི་རྣམས་སྙིང་རྗེ་བས་བྱ་དོན་མི་འདུག ༢ །རྒྱུད་དོན་གྱི་གོ་བ་མེད་པ་བླུན་པོ་ཁ་ཅིག །འདི་མི་དག་ན་གཟའ་འཛིན་སོགས་ཅི་ལ་ཐིག་སྙམ་དུ། དེ་ཙམ་གྱིས་འཇུག་པར་སྣང་ཡང་། ཤེས་རབ་ཅན་གྱིས་བལྟས་ན། རྣོ་ཐིག་ཅུང་ཟད་འདུག་པ་རྣམས་ནི་གཞུང་རི་མོ་དག་མི་དག་གི་ཁྱད་པར་ལས་མ་བྱུང་ལ། མཐོང་མཚམས་དང་མན་ངག་གི་གནད་ཕྲ་མོ་དེའི་མཐུར་འདུག །ཉི་ཟླ་མང་དུ་བཏང་བ་བཞིན། སྒྲ་གཅན་ཉུང་ངུར་བཏང་བའི་ཆུ་མཐོ་ན་གྲུའང་མཐོ་ཟེར་བའི་དཔེ་བཞིན་འདི་བྱུང་བས། རྩིས་གཞུང་རྩ་བ་ནས་འཆོལ་བས་གཡག་རྔ་བོང་ཤའི་དཔེས་ཇི་ལྟར་འགྱུར་ཆ་མེད་པས་ཀུན་གྱིས་གཟོབས་ཤིག ༢ །དེ་ནས་གཞུང་གི་འཛིན་ཆ་སོགས་ནི། རི་མོའི་རྣམས་འགྱུར་མ་གཏོགས་དོན་དུ་འདྲ་ལ། འགྲོག་ཡུལ་གྱི་རྐང་པ་འཛིན་རྒྱུ་འདི་ནི་ཁོང་རང་གི་བློ་ལས་ཐོན་པ་མི་འདྲ་སྟེ། སྤྱིར་གཟའ་འཛིན་གྱི་མན་ངག་ཟུར་བ་ཞིག་འདི་སྦྱར་བ་འདྲ་བས་རྩད་ཆོད་དང་ཤེས་སོ། །མཐོང་མཚམས་ལ་སོགས་པ་འདི་ནི་རྩོམ་པོ་ཉིད་ཀྱི་བློ་ལས་ཐོན་པའམ། སྔར་ཡོད་པ་འདིར་བྲིས་པ་ཡིན་ནམ་ཅི་ཡིན་ཡང་འདྲ། ཞིབ་ཆ་ཞིག་བྱས་པར་འདུག་པས་ཐིག་རྒྱུ་ཡང་འདྲ། དེ་ནས་ཉི་འཛིན་སྐབས་ཚོས་ ― MR12_Page_0127 ―
[མ་དཔེ་གཟིགས་ན་འདིར་གནོན།]
འཁྱུད་ལ་སྦྱང་པར་བཤད་པ་ནི། འདི་ཉིན་གྱི་ཚེས་འཁྱུད་དང་ཉི་དག་ལ་ཁྱད་མེད་པའི་དོན་གྱིས་ཡིན་ལ། རྒྱུད་སྡེ་དག་ལས་ཉི་ཟླ་ཕྲད་པ་ན། ཟླ་བ་ལ་སྒྲ་གཅན་དང་པོར་འཇུག་པར་གསུངས་པ་དང་། ཉི་ཟླའི་སྒྲིབ་ཆ་ཡུན་སོགས་ཟླ་བ་དང་མི་འདྲ་བ་ཐིག་དཀའ་བ་འདི་ཕར་ཆེར་ཟླ་བའི་དབང་ལས་བྱུང་བའི་གནད་སོགས་མངོན་སུམ་ཚད་མས་ཡིད་ཆེས་སུ་རུང་བའི་གནད་ཁ་ཤས་བདག་གི་ཡིད་ལ་ཅུང་ཟད་གསལ་འདྲ་ཡང་། གཟོད་ཀྱིས་དཔྱད་ནས་ཡི་གེར་བྲི་བ་སྔ་མོ་ནས་འདུན་པ་ཡོད་བཞིན་པའང་ཡིན་ནོ། །སྐབས་འདིའི་ཚིགས་མཚམས་ཀྱི་ཟླ་ཉིའི་ལོངས་སྤྱོད་འདྲ་བས། འདིར་ཡང་རི་མོའི་རྣམ་འགྱུར་ཙམ་མ་གཏོགས་འདྲ་ལ། འདི་ཐད་རྐང་འཛིན་འདིའང་གོང་ལྟར་སྔར་ཡོད་ཞིག་འདྲ་སྟེ། རྩོམ་པོས་གསར་དྲན་ཡིན་ནའང་གཟའ་འཛིན་ལ་ཆེས་ཐིག་རྒྱུའི་ལེགས་བཤད་ཞིག་ཡིན་ཚོད་གདའ་སྙམ་སྟེ། འདི་ཕུག་མཚུར་གྱི་རྩིས་ལ་སྦྱར་ན་ཧ་ལམ་དོན་གཅིག་ཨེ་འོང་ལྟོས་ཤིག །གཞན་མཐོང་སྔ་ཕྱི་སོགས་ནི་སུ་ལ་སྦྱར་ཀྱང་རུང་བས་དཔྱད་བྱ་གཞན་མི་དགོས་སོ། །ཐུབ་བསྟན་མཛེས་རྒྱན་གྱི་གཟའ་འཛིན་ལ་དཔྱད་པའི་སྐབས་སོ། ༈ །དེ་ནས་དྲུག་པ་གཟའ་ལྔ་ལ། བསྒྱུར་བགོད་རྐང་པ་རྣམས་འདྲ་ཡང་། སྒོས་ཞག་ལ་སྟེར་རྒྱུའི་རྩིས་འཕྲོ་མང་དུ་བཏང་བས་གྲུབ་དོན་ལ་མི་འདྲ་བ་ཆེན་པོ་འདུག །དེ་ལ་གཟའ་ལྔ་ནི་མིག་སྐར་དང་མཐུན་པ་སྔར་གྱི་རྩིས་འདི་རྣམས་བཅོས་དགོས་སུ་མི་འདུག་ཀྱང་། རང་གི་གཅིག་ཨང་བྲ་ཉེར་བཟུང་བའི་སྐྱོན་གྱིས་མིག་སྐར་དང་མ་མཐུན་པས་འདི་ལའང་ལོངས་སྤྱོད་ཇེ་མང་དུ་བཏང་འདུག་ལ། དེར་ཡང་རྒྱུ་མཚན་དུ། རྒྱུད་ལས། ཟླ་བ་ལ་ནི་ས་སྐྱེས་ལོངས་སྤྱོད་དགུ་བཅུ་དག་སྟེ་ལྔ་དང་འཇིག་རྟེན་ཟླ་བའི་གྲངས། ཞེས་སོགས་དབུ་མའི་དབུགས་ལས་གཟའ་རྒྱུ་སྐར་ལ་འཆར་བའི་རྐང་པ་ ― MR12_Page_0128 ―
[མ་དཔེ་གཟིགས་ན་འདིར་གནོན།]
བརྗོད་པའི་རྗེས་སུ་བསྟན་པ་འདི་སྨོན་དགོས་པ་ཡིན་ཞིང་། དེང་སང་གྲུབ་མཐའི་རྩིས་ནི་བྱེད་པ་ལས་ཀྱང་ཉུང་བས་ན། དེ་ལས་ཀྱང་མང་པོ་བསྣན་དགོས་ཟེར་ནས། གཟའ་སོ་སོ་ནས་སྒོས་ཞག་ཧ་ཅང་མང་པོ་བསྣན་འདུག་པ་རི་མོར་བྲིས་པས་ཤེས་པར་སྣང་རྒྱུ་འདི་ལྟར་ལ།དེ་ལ་རྒྱུད་ཀྱི་སྒོས་ཞག་དེ་བྱེད་པ་ལ་ལྟོས་པ་ཡིན་པར་འགྲེལ་བ་ནས་གསུངས་པས་ཡིན་མོད་ཀྱི། དེང་སང་བོད་ཀྱི་རྩིས་འཕྲོ་འདི་དེ་ཡིན་ནམ་ཅི། རྒྱུད་ཀྱི་ལུང་དོན་དེ་ཡང་ཟླ་གཅིག་གི་ལོངས་སྤྱོད་ལ་སྦྱར་ནས། ཁྱིམ་གསུམ་ལོངས་སྤྱོད་པ་ལས། ལོ་གསུམ་གྱི་ཉིན་ཞག་དང་མཚུངས་པའི་ཆུ་ཚོད་གསུངས་པ་དེས་ཁྱོད་ཀྱི་ལུགས་འདིའི་སྒོས་ཞག་གབ་པའི་ཤེས་བྱེད་དུ་འགྲོ་བ་དཔྱད་བྱ་ཞིག་གོ། ཡང་གཟའ་ལྔའི་མྱུར་རྐང་གི་ལྷག་ལུས་པ་སོགས་ལོངས་སྤྱོད་མ་དག་པ་ཡིན་པས་འདིར་ནི་ལྷག་མ་མི་ལུས། གལ་ཏེ་ལུས་ན་བསྐྱར་བས་དག་ཟེར་ཡང་། ལར་གཟའ་ལྔའི་སྒོས་ཞག་མང་ཉུང་དུ་བྱས་ཀྱང་རི་མོ་དག་ན་ལྷག་མི་ལུས། རྐང་འཛིན་དང་ཤེད་སྙོམས་སོགས་མ་ཤེས་ན་ལུས། ཁྱོད་ཀྱི་དག་ཐབས་ཀྱི་རི་མོ་དེ་ཕུག་མཚུར་གྱི་ལུགས་ལའང་སྦྱར་ན་དག །ཁྱོད་དང་ཕུག་མཚུར་མི་འདྲ་བ་སྒོས་ཞག་མང་ཉུང་ཙམ་ལས། གནས་སོགས་ནི་སྤྲོ་བསྡུ་ཇི་བྱས་རུང་འདྲ་བས་ན། འུད་ཀྱིས་བློ་ཆུང་རྣམས་འདྲིད་བར་མ་མཛད་ཅིག །ད་མདོར་ན་ཉི་ལོངས་ལ་རིགས་བསྒྲེས་ནས་སྒོས་ཞག་ཀྱང་དེར་འཚམས་པར་མང་དུ་བཏང་བ་ལས་ཤེས་བྱེད་གཞན་མི་སྣང་སྙམ་སྟེ་ཀུན་གྱིས་དཔྱོད་ཅིག །མང་དུ་བཏང་དགོས་པ་ཅི་ལ་ཐུག །གཅིག་ཨང་ཐ་སྐར་ནས་བརྩིས་པའི་གཟའ་ལྔ་མིག་སྐར་དང་མི་མཐུན་པའི་མཚང་འགེབ་ཙམ་ལས་དོན་ཆེན་པོ་ཨེ་ཡོད་ཀུན་གྱིས་རྟོགས་ཤིག །དུ་བ་ལ་སྒེར་དུ་དཔྱད་བྱ་མི་དགོས་པ་འདྲ། དེ་ལ་སྐབས་འདིར། ཐ་སྐར་ནས་བགྲང་དགོས་ཞག་གབ་པ་གང་། །དངོས་སུ་བསྟན་ལ་སྣོན་པའི་གནད་གོ་ན། །ཉུང་ལས་ཉུང་ངུར་བཏང་ལུགས་རི་མོ་ ― MR12_Page_0129 ―
[མ་དཔེ་གཟིགས་ན་འདིར་གནོན།]
དང་། །མིག་སྐར་འགལ་བའི་དལ་བར་འཐམ་ཅི་དགོས། །ཟེར་ཡང་། བདག་གིས་འདི་སྙམ་དུ། །རྒྱུད་བཞིན་ཐ་སྐར་ཐིག་ནས་བགྲང་བ་ན། །གཟའ་ལྔའི་རྒྱུད་ལམ་མངོན་སུམ་མི་འགལ་བར། །མང་ལས་མང་དུ་བཏང་བའི་བློ་བཟོ་ཡིས། །དོན་མེད་ངལ་བར་དང་དུ་ལེན་ཅི་དགོས། །སྙམ་མོ། །ཐུབ་བསྟན་མཛེས་རྒྱན་གྱི་གཟའ་ལྔ་ལ་དཔྱད་པའི་སྐབས་སོ། ༈ །དེ་ནས་བསྟན་རྩིས་ལ་ཕུག་མཚུར་ཡོངས་གྲགས་ལས་ལོ་བརྒྱ་ལྷག་ཙམ་གྱིས་འཕྱི་བར་འདུག དེ་ལྟ་ན་བསྟན་པའི་གནས་ཚད་ཀྱང་རིང་བས་དགའ་འོ། །སྤྱིར་བསྟན་རྩིས་འདི་སྐོར་འདྲ་མི་འདྲ་སྣ་ཚོགས་ཁ་ཚོན་གཅོད་དཀའ་རྒྱུད་ཀྱི་བབ་ལྟར་ཅུང་ཟད་དཔྱད་བྱར་སྣང་ཡང་། བསྟན་རྩིས་དག་ཀྱང་བཟང་མོད། མ་དག་ཀྱང་གཟའ་སྐར་སོགས་གནད་བཅོས་བ་དང་མི་འདྲ་བས། ཕན་གནོད་ཆུང་བས་དཔྱད་པ་མ་བྱས་སོ། །དགུ་པ་ལོ་མགོ་བཅུ་པ་དོགས་སེལ་ལ་དཔྱད་པའི་ལན་ནི་གོང་དུ་ཇི་སྐད་བསྟན་པ་དེར་འདུས་སོ། ༈ །དེ་ལྟར་མདོར་ན་ཐུབ་བསྟན་མཛེས་རྒྱན་ཞེས་བྱ་བ་རྩིས་སྔ་མ་གཅིག་དང་ཡང་ཕྱོགས་ཙམ་བསྒྲིགས་རྒྱུ་མེད་པ་འདི། ཀུན་རྨོངས་བདག་གིས་བསམ་པ་ལ་འདི་ལེགས་ཆེ་ཉེས་ཆེ་ལྟ་བུར་འདུག་པས་མ་དཔྱད་པར་ལེན་རྒྱུ་ཞིག་མིན་གཤིས། ལུགས་སྔ་མ་དང་སུ་འཐད་རྒྱུད་རྡོ་རྗེའི་ཚིག་དཔང་པོ་བྱས་ནས་དཔྱད་པས་འདི་མཐུན་ན་འདི་གཟུང་འོས་ལ་མི་མཐུན་ན་སྔ་མར་འདོར་མི་རུང་སྙམ་པ་བཅོས་མིན་སྐྱེས་ནས་བརྟགས་ཚེ། འདིས་རྩིས་འཕྲོ་ཇི་ལྟར་རྙེད། གང་ལས་རྙེད། དེ་ཚད་མ་ཡིན་མིན་བསམ་པར་བྱས་ན། ས་འདིར་ཉི་ལྡོག་ཐུར་གྲིབ་ལོག་ཉིན་སྐར་དྲུག་ཞེ་ལྔ་དང་། མཁའ་མིག་དབྱུག་ཚེས་གང་རུང་ཡིན་ངེས་པར་དགོས་བསམ་ནས། དྷཱུ་བའི་རྩིས་འཕྲོ་དེ་ཙམ་མང་དུ་བཏང་། དེས་ཟླ་སྐར་ ― MR12_Page_0130 ―
[མ་དཔེ་གཟིགས་ན་འདིར་གནོན།]
ཀྱང་མང་དུ་སོང་བའི་མིག་སྐར་དང་མ་འགྲིགས་ནས། གཅིག་ཨང་ཐ་སྐར་དུ་བསྒྱུར་དེ་ལྟར་ན་ཁྱིམ་སླེབས་ཀྱི་རི་མོ་དང་མི་འགྲིག་པས་ནམ་གྲུ་ལུག་ཁྱིམ་དུ་ཡོད་པར་བྱས། སྐར་མ་བགྲང་ལུགས་དེ་དང་། གཟའ་ལྔ་མིག་སྐར་དང་མ་མཐུན་པས་སྒོས་ཞག་རྩིས་འཕྲོ་མང་དུ་བཏང་། ཉ་སྟོང་གི་གཟའ་འཛིན་དང་མ་འགྲིགས་པས་སྒྲ་གཅན་ཡར་ལོག་བྱེས། ལུགས་དེ་ལྟར་ན་གླིང་བཞིར་དུས་བཞི་མཉམ་པ་སོགས་འདོད་དགོས་པས། དུས་སྦྱོར་རྒྱུད་དང་འགྲེལ་པ་མན་ངག །གཞུང་གཞན་དབྱངས་འཆར་ལ་སོགས་པ་གང་དང་མི་འདྲ་བ་ཞིག་རང་བློ་ཁོ་ནས་བཅོས་པ་སོགས་རྩིས་ཤེས་པའི་བླང་དོར་ཕྲ་མོ་ཚུར་ཆད་ཀྱང་། སྔ་མ་རྣམས་དང་རྒྱབ་འགལ་དུ་འདུག་པ་འདི། རྒྱུད་འགྲེལ་པ་དང་བཅས་པའི་དངོས་ཤུགས་གང་རུང་གི་དོན་ཡིན་མིན། དངོས་སྟོབས་ཀྱི་རིགས་པ་ཚད་མས་གནོད་མི་གནོད་སོགས་གང་གི་དཔྱད་པ་རང་རང་གི་སྐབས་སུ་སྒོ་ཙམ་བསྟན་པ་དེ་ལྟར་དཔྱོད་ཅིག །ཉི་མ་གླིང་བཞིར་འཁོར་ཚུལ་མི་འདྲ་བ་དང་། གཟའ་འགྲོས་མངོན་སུམ་ཚང་མས་བརྟག་ཚུལ། དུས་སྦྱོར་འཆར་ཚད་མི་མཉམ་པ་ལ་སོགས་པ་རིགས་པས་གཏན་ལ་ཕབ་པ་དེ་ལྟར་དང་། ཐིག་ཤར་ན་ཐ་སྐར་དུ་ངོས་འཛིན་པའང་། གོང་བཤད་རྒྱུད་འགྲེལ་གྱི་ལུང་མཐོང་བ་ཙམ་གྱིས་ཤེས་ནུས་རྒྱུ་དེ་ལྟར་ལགས་པས། བོད་རྣམས་ཀྱི་ཐིག་ཐ་སྐར་དུ་འཁྲུལ་ཡང་རུང་སྟེ། རིགས་ལྡན་ལ་འཁྲུལ་པ་མི་མངའ་འམ་སྙམ། རིགས་པའང་གཟའ་སྦྱོར་པ་བྱེད་པ་རྣམས་རང་རང་ལོངས་སྤྱོད་པ་པོ་ཡིན་པས་གཅིག་ཨང་དང་ཐོག་མ་བསྒྲིགས་ཀྱང་སྐར་མ་ནི་དེ་དང་མི་འདྲ་སྟེ། རྒྱུ་སྐར་ཉེར་བདུན་པོ་ལོངས་སྤྱད་བྱ་སྟེ་དཔེར་ན་གཟའ་ཉི་མ་ལྟ་བུའི་ཚེས་ཞག་གི་ལོངས་སྤྱོད་དབྱུག་བཞི་ལ་སོགས་པ་ཐ་སྐར་ནས་རིམ་པས་སྤྱད་ན། རྒྱུ་སྐར་ཉེར་ ― MR12_Page_0131 ―
[མ་དཔེ་གཟིགས་ན་འདིར་གནོན།]
བདུན་གྱི་དང་པོ་དེའི་ས་ཁྱོན་ལས་མ་བརྒལ་བར་དུ་སྐར་མའི་གནས་སུ་ཐིག་ལེ་ལས་མེད། ཆུ་ཚོད་སོགས་སྐར་མ་དེ་ལྟ་བ་དེའི་ས་ཚད་ཡིན། དེ་ནས་ཐ་སྐར་ལས་བརྒལ་བ་ན་ཐ་སྐར་གྱིས་ཁྱོན་ཡུལ་གྱི་ཆུ་ཚོད་དྲུག་ཅུ་པོ་འདས་ཚར་བའི་སྐར་མའི་གནས་སུ་གཅིག་འོང་བ་དེ་བྲ་ཉེའི་སར་སླེབས་པའི་རྟགས་ཡིན། དེའི་ཆུ་ཚོད་སོགས་ཀྱི་གནས་ན་གང་འདུག་པ་ནི་བྲ་ཉེ་རང་གིས་ཚད་དེ་ཙམ་འདས་པ་ཡིན། མདོར་ན་ལོངས་སྤྱོད་ལ་སྐར་དབྱུག་སྲང་སོགས་ཇི་ཙམ་ཤར་བ་དེ་ཙམ་གྱི་ཡུལ་ཚད་གཟའ་དེས་བརྒལ་བའི་མཚམས་དེ་ན་དེ་དུས་ཡོད་དགོས་པས་ན། སྐར་མ་ལ་གཅིག་ཤར་དུས་རྒྱུ་སྐར་གྱི་དང་པོ་ཐ་སྐར་གྱི་ས་ཁྱོན་ཆུ་ཚོད་དྲུག་ཅུ་པོ་བརྒལ་ཟིན་པའི་སྟེང་དུ་དབྱུག་སོགས་ཡོད་ན། ད་ལྟ་བ་བྲ་ཉེ་རང་གི་ས་ཚད་ལས་ཀྱང་དེ་ཙམ་བརྒལ་བའི་དོན་ཡིན། དཔེར་ན་ཁྱིམ་གྱི་དང་པོ་ལུག་ཡིན་པས་འདས་ཁྱིམ་ལ་ཐིག་ཤར་ན་ངོ་ཐོག་པ་ལུག །གཅིག་ཤར་ན་གླང་ཡིན་པ་དང་རིགས་པ་འདྲ་དེས་ན་སྐྱེས་ཁྱིམ་སྦྱངས་སྐབས་ཀྱང་། དོན་དུ་ཐ་སྐར་གྱི་ཆུ་ཚོད་དང་པོ་ནས་བརྩམ་སྟེ། ཡུལ་གྱི་ཆུ་ཚོད་མཁའ་མིག་རྒྱལ་པོ་ལས་ཇི་ཙམ་འདས་པ་དེ་ཕྲི་བ་ཡིན་ཏེ། སྐར་དྲུག་ཞེ་ལྔས་སྦྱང་བ་ལྟ་བུ་ལ་མཚོན་ན། ཐ་སྐར་ནས་ལག་གི་བར་གྱི་སྐར་མ་དྲུག་འདས་པ་སྟེ། སྐར་མ་དྲུག་དང་ཆུ་ཚོད་སུམ་བརྒྱ་དྲུག་ཅུ་དོན་གཅིག །དེའི་སྟེང་དུ་ནབས་སོ་རང་གི་ཆུ་ཚོད་ཞེ་ལྔ་བསྣན་པས། དོན་དུ་སྔར་སོང་གི་ཡུལ་གྱི་ཆུ་ཚོད་བཞི་བརྒྱ་དང་ལྔ་པོ་དེས་སྦྱངས་པ་ཡིན་ནོ། །དེ་ལྟར་ན་སྐར་མའི་གནས་སུ་དྲུག་ཤར་བ་དེ་ཐ་སྐར་ནས་སྐར་མ་དྲུག་འདས་པའི་དོན་ཡིན་པས། ནབས་སོ་ལ་ངོས་འཛིན་དགོས་པ་དང་། གཅིག་ཀྱང་མ་འདས་པར་ཐིག་རང་ཤར་ན། ད་ལྟ་ཐ་སྐར་གྱི་སྟེང་ན་ལོངས་སྤྱོད་བཞིན་བར་འཛིན་པ་ནི་ ― MR12_Page_0132 ―
[མ་དཔེ་གཟིགས་ན་འདིར་གནོན།]
འཁྲུལ་མེད་དོ། །གཅིག་ཨང་ཐ་སྐར་ནས་བརྩི་ན་རྒྱུ་སྐར་གྱི་དང་པོ་ནམ་གྲུ་ཡིན་པར་དོན་གྱིས་གྲུབ་པས་ཁོ་རང་གི་སྒྲུབ་བྱེད་དུ་རློམ་པའི་རྒྱུད་འགྲེལ་གྱི་ལུང་ངེས་ཅི་བྱ། གོ་བ་མེད་པ་རྣམས་ཀྱི་ཞེ་འདོད་ལ། གཅིག་ནས་ཉེར་བདུན་མཐར་ཡོད་པས་འཁོར་ལོ་དྲིལ་ཕྱིར་ཐིག་ཐ་མའོ། །སྙམ་པ་ནི་མཁས་པས་བརྟགས་ན་བཞད་གད་ཀྱི་གནས་སོ། །རྒྱུ་སྐར་ལ་ཉེར་བདུན་ལས་མེད་ན་འཁོར་ལོ་ཅིས་མི་དྲིལ། གོ་བ་ལ་བཞིགས་ཤིག །དེ་ལྟར་འདིའི་ལུགས་ཀྱི་གཟའ་རྣམས་ཀྱི་ལོངས་སྤྱོད་ཀྱི་རི་མོ་འདི། རྒྱུད་དང་རིགས་པས་གྲུབ་པ་ལྟར་གྱི་ཨང་གྲངས་ཀྱི་སྐར་མ་བརྩིས་ན་མིག་སྐར་དང་ཨེ་མཐུན་ལྟོས་དང་གསལ། ལར་མིག་སྐར་དང་བྱེད་པའི་རི་མོ་ཤས་ཆེར་འགྲིག་པས། དོན་དུ་སྐར་མ་གཉིས་སྔ་བ་ལ་མིང་བཏགས་ལུགས་ཀྱིས་གཅིག་ཡར་དེད་པས་མིག་སྐར་དང་མཐུན་པ་དེའི་དོན་དང་། ཟླ་འཛིན་སོགས་ལ་ཉི་སྒྲ་ཤེད་སྙོམས་ནས་རྣོ་ཐིག་ཕྲན་བུས་ཟུར་བརྒྱན་པས། རྒྱུད་དོན་དང་བློ་གྲོས་ཆེར་མ་འདྲིས་པས་རྩིས་ཚུལ་ཟབ་མོའི་གོ་བ་མེད་ཅིང་། རི་མོ་ཙམ་ལ་ཞེན་པའི་རྩིས་མཁན་གྱི་གཟུགས་བརྙན་འཛིན་པའི་བསོད་ནམས་དམན་པ་དག །ཇི་ལྟར་བསླུས་ཀྱང་རུང་བས་བདག་གིས་ནི་ལྷག་བསམ་རྣམ་པར་དག་པའི་དཔྱད་པ་ཅུང་ཟད་བགྱིས་ཏེ་ཚུལ་འདི་ལྟར། རྒྱུད་དང་མི་འགྲིག་པ་དང་རིགས་པས་གནོད་པ་འབབ་ཚུལ་རྣམས་སྡེབ་སྦྱོར་སྤངས་ཏེ་ཤིན་ཏུ་གོ་བདེ་བར་བྲིས་པ་ཡིན་ལ། འདི་མཐའ་གཅིག་ཏུ་སྤོང་བའམ་ལོངས་ཤིག་ཅེས་ཐག་བཅད་པ་མ་ཡིན་པས་ནོར་འཛིན་གྱི་ཐ་གྲུ་ཀུན་ན་བཞུགས་པའི་གང་ཟག་དམ་པ་དང་ཡེ་ཤེས་དང་ཆོས་ཀྱི་སྤྱན་དང་ལྡན་པ་རྣམས་ཀྱིས་སུ་བདེན་གཟིགས་ལ། རྩིས་གསར་འདི་དང་དཔྱད་པ་འདི་གཉིས་ལས་གང་ལུང་རིགས་དྲི་མ་མེད་པ་དང་འགལ་བསྣུབས་ཤིག་སོ་སོའི་ ― MR12_Page_0133 ―
[མ་དཔེ་གཟིགས་ན་འདིར་གནོན།]
སྐྱེ་བོ་ཡིན་པས་བདག་གིས་ནི་མ་ཤེས་ཀྱང་རུང་། འགལ་འཁྲུལ་དུ་གྱུར་ཀྱང་རུང་། དེ་ལ་སྤྱིར་ཉེན་ཆུང་བར་གདའ། འདི་མ་ཡིན་ན་ནི་གངས་ཅན་པའི་རྩིས་ཀྱི་བླང་དོར་ཀུན་འཕྱུག །ཁྱད་པར་ཀླ་ཀློའི་གཉེན་གཅིག་རྒྱུད་དུས་ཀྱི་འཁོར་ལོའི་ཕྱི་འཇིག་རྟེན་ལེའུའི་གནད་བཅོས་པ་ཡིན་པས་དོ་གལ་ཆེ་བ་འདྲ་ཡང་། འདི་ལ་དགའ་མཁན་མང་པོ་ཡོད་པ་གྲགས་པས། བློ་གྲོས་ཆུང་བ་ནི་མིན་ལས་ཆེ། ལུང་རིགས་དང་མི་འགལ་བར་མཐོང་བ་ཡིན་ལས་ཆེ་བས་ཀུན་གྱིས་རྟོག་ཤིག །ཁ་ཅིག་རྙིང་མ་བ་གཏེར་སྟོན་ཚད་ལྡན་ཡིན་མིན་མི་བརྟགས་པར་འདོན་ཆ་གསར་པ་ཞིག་ལ་དགའ་བ་དང་ལ་ལ་དག་གྲུབ་མཐའ་གསར་པ་ཁོ་ན་ལ་དགའ་བ་སོགས། གསར་པ་མང་པོ་འདི་ཚོ་དུས་ཀྱི་ལོ་མ་ཞིག་ཡིན་ནམ་སྙམ། ཁྱད་པར་འདི་ནི་རིགས་ལྡན་ནམ། མིན་ཀྱང་འདོད་པའི་ཁམས་ན་ལྷ་དེ་བས་སྟོབས་ཆེ་མེད་པ་ཞིག་གི་འཕྲུལ་ལས་བྱུང་བ་འདྲ་སྟེ་ཡ་མཚན་དུ་འདུག་པས་དཔྱོད་ཅིག །བདག་གིས་ནི་ཕྱོགས་ལྷུང་གི་བརྒལ་བ་དང་། གྲགས་འདོད་ཀྱིས་གཞན་ཟིལ་གྱིས་གནོན་པའི་ཀུན་སློང་གིས་བརྩམ་པ་དང་། གཟུ་བོར་མི་གནས་པའི་ཀྱོག་པོར་བྱེད་འདོད་ཀྱི་བསམ་པ་སྣ་གཅིག་མེད་པ་རྒྱལ་བ་སྲས་དང་བཅས་པ་དཔང་། ༢ སྐྱབས་རྗེ་བླ་མ་དམ་པའི་བཀའ་དང་། ཀུན་ལ་ལྷག་བསམ་དག་པའི་ཁུལ་གྱིས་ཅུང་ཟད་དཔྱད་པ་འདི་ཀུན་ནས་ལྟོས་ཤིག །སོམས་ཤིག །གོམས་པར་གྱིས་ལ་བླང་དོར་མ་བསྣོལ་ཅིག །ལུང་འདི་རིགས་པ་དང་མཐུན་པ་ཞིག་ཡིན་ན་དཔྱད་པ་འདིས་ཀྱང་དག་པར་འགྱུར་གྱི་འཇིག་པར་མི་འགྱུར་བས་ཕྱོགས་ལྷུང་སྤོངས་ལ་རིགས་པ་དྲི་མེད་ངར་ཐོན་ཅིག །སྨྲས་པ། མངོན་གྱུར་གནས་ལ་མངོན་སུམ་ཚད་མ་ཉིད། །ལྐོག་གྱུར་གནས་ ― MR12_Page_0134 ―
[མ་དཔེ་གཟིགས་ན་འདིར་གནོན།]
ལ་རྗེས་སུ་དཔག་པས་ཏེ། །ཤིན་ཏུ་ལྐོག་གྱུར་ཚད་མའི་ལུང་གིས་འབྱེད། །རིགས་པར་སྨྲ་བའི་ལམ་ཚུལ་འདི་དག་ཡིན། །ལྟར་སྣང་སྣ་ཚོགས་སྒྱུར་མའི་རོལ་མོ་ཡིས། །མགོ་བོ་གདུགས་ལྟར་བསྐོར་བའི་དུས་འདི་ན། །སྐལ་བཟང་རྣམས་ཀྱིས་ཡིད་རྟོན་འོས་གྱུར་པ། །དྲི་མེད་རྒྱལ་བའི་གསུངས་མིན་གཞན་སུ་ཞིག །ཀྱེ་མ་སྟོན་པ་མཆོག་གི་བསྟན་པ་དང་། །རིག་པའི་ལམ་བཟང་དྲི་མ་མེད་པ་རྣམས། །ཚོང་དུས་འོ་མ་བཞིན་དུ་བསླད་གྱུར་པ། །སྐལ་པ་ངན་པ་རྣམས་ཀྱིས་དེ་དག་འཛིན། །རྒྱ་དང་རིགས་ལྡན་ཞལ་བཟང་མ་མཇལ་ཞིང་། །བགྲང་བྱ་དུ་མའི་ངལ་བ་མ་བརྟེན་པར། །ཞག་གསུམ་ཐུན་ལ་དཔྱད་པ་འདི་རྫོགས་པས། །རྩོམ་པོའི་དགོངས་དོན་གཏིང་མ་དཔོག་ན་འཆག །སྣ་ཚོགས་འདྲི་བསུབ་རི་མོའི་ངལ་བ་ཡིས། །ད་གཟོད་ལྟར་སྣང་འགྲིག་འགྲིག་མ་བཟུང་བར། །དང་པོར་རྒྱུད་དོན་གོ་བར་ལེགས་གཞིག་པའི། །ཕྱི་ནས་བསྒྱུར་བགོད་ཆོ་གའི་ངེས་པ་རྟོགས། །རྒྱ་བོད་མཁས་གྲུབ་བྱེ་བའི་བློ་གྲོས་ཀྱིས། །མ་རྙེད་གྲུབ་མཐའ་དུས་ཀྱི་མཐར་རྙེད་པས། །དྲག་པོའི་རིགས་ལྡན་རི་དྭགས་འཛིན་པའི་གཟུགས། །ཉེ་བའི་ལྟས་བཟང་མཚོན་པར་ནུས་པ་འདི། །འཕྲད་པ་ཙམ་ན་རྩྭ་ལ་མེ་བཞིན་དུ། །སྐལ་བཟང་རྣམས་ཀྱིས་དང་དུ་ལེན་ན་ཡང་། །ཇི་ལྟར་དཔྱད་ཀྱང་སྐལ་ངན་བདག་གིས་ནི། །སྙིང་ལ་བདེ་བླག་ཞུགས་པར་མ་གྱུར་ཏོ། །ཕྱི་ནང་གཞན་གསུམ་དུས་ཀྱི་འཁོར་ལོའི་གནད། །རྟོག་གེ་ཟོལ་མས་རྙོགས་མར་བྱས་པ་མང་། །དེ་ཕྱིར་ལམ་མཆོག་དེ་ལ་མོས་རྣམས་ལ། །རྒྱལ་དང་རྒྱལ་སྲས་རྣམས་ཀྱིས་དགོངས་པར་མཛོད། །གསར་བྱུང་ལོག་པར་རྟོག་པ་ཟློག་བྱེད་ཅིང་། །སྔར་བྱུང་རྒྱུད་དོན་ཕྱི་རོལ་དུས་ཀྱི་གནད། །དངོས་སྟོབས་རིགས་པའི་ལམ་ནས་གསལ་བྱེད་པ། །འདི་ནི་ཞིབ་མོའི་བློ་ཅན་བློ་ཡི་གཉེན། ། ― MR12_Page_0135 ―
[མ་དཔེ་གཟིགས་ན་འདིར་གནོན།]
ལེགས་བྱས་ཀུན་གྱི་ནང་ན་སྟོབས་ཆེ་བ། །རྒྱལ་བའི་དམ་ཆོས་སྲུང་བར་གསུངས་པ་ཡི། །དགེ་བ་དེ་དག་གལ་ཏེ་འདིར་ཡོད་ན། །དེས་ནི་རྒྱལ་བསྟན་རིན་ཆེན་འཕེལ་གྱུར་ཅིག །འཇམ་པའི་དབྱངས་ཀྱིས་སྤོབས་པ་བྱིན། །ལེགས་པའི་བློ་ཡིས་མཚམས་སྦྱར་ནས། །མི་ཕམ་རྣམ་པར་རྒྱ་བའི་ངག །འདི་ན་ཡི་གེའི་གཟུགས་སུ་འཕོས། །ཅེས་པའང་། ༢ ཁྱབ་བདག་བརྟན་པའི་འཁོར་ལོ་འཇམ་དབྱངས་མཁྱེན་བརྩིའི་དབང་པོ་དང་། གནས་ལྔ་རིགས་པའི་པཎྜི་ཏ་ཆེན་པོ་ཀརྨ་ངག་དབང་ཡོན་ཏན་རྒྱ་མཚོ་དང་། རང་གཞན་གྱི་གྲུབ་མཐའ་རྒྱ་མཚོའི་ཕ་རོལ་དུ་སོན་པ་ཕྱོགས་ལས་རྣམ་པར་རྒྱལ་བ། རྒྱལ་བའི་སྲས་པོ་འཇིགས་མེད་ཆོས་ཀྱི་དབང་པོ་ལ་སོགས་པ་དམ་པ་དུ་མའི་ཞབས་རྡུལ་གྱིས་རལ་པའི་ཅོད་པན་དགེ་བར་བྱས་པའི་མཐུས། ལེགས་བཤད་ཀྱི་འོད་ཟེར་འབར་ཡང་བྱིས་པའི་ལག་ཏུ་ནོར་བུ་བཞག་པ་ལྟར་ངོ་མཚར་མི་ཤེས་པ་དང་། ཉེས་བཤད་ཀྱི་དྲི་ངན་བརྐུལ་ཡང་ཁྱི་ཕག་གི་མདུན་ཏུ་མི་གཙང་བ་ལྟར་འཛེམ་མི་ཤེས་པའི་ངང་ཚུལ་འཛིན་མི་དགོས་ཙམ་གྱི་བློ་གྲོས་ཀྱི་སྣང་བ་དཀར་བའི་བཙུན་ཆུང་ཨ་ཛི་ཏས་བྲིས་པ་དགེའོ། །དགེའོ། །དགེའོ། །མངྒ་ལཾ། ༈ །བསྟན་རྩིས་ཉེར་མཁོ་བཞུགས། ན་མོ་གུ་ར་བེ། འདིར་རང་ལོ་རེ་ལྔ་པ་རབ་བྱུང་བཅོ་ལྔ་པའི་ནང་ཚན་སྭཱ་དྷ་ར་ཎ་སྟེ་ཐུན་མོང་ཞེས་པ་ལྕགས་ཕོ་ཁྱི་ཡི་གནམ་ལོ་གསར་ཚེས་དབོ་ཟླའི་དགའ་བ་དང་པོར་གོ་ཐི་བཀྲ་ཤིས་དཔལ་འབར་གླིང་དུ་བསྟན་རྩིས་བཀོད་པ་ཕུག་ལུགས་བཞེད་པའོ། །བདག་ཅག་གི་སྟོན་པ་སངས་རྒྱས་ཤཱཀྱ་ཐུབ་པ་ལྕགས་སྤྲེལ་ལ་བལྟམས་པ་ནས། ༢༨༧༠ ཉིས་སྟོང་བརྒྱད་བརྒྱ་བདུན་ཅུ་འདས། དེ་ལ་བརྒྱད་ཅུས་ཕྲི་བའི་ལྕགས་འབྲུག་ནག་ཉར་དུས་འཁོར་རྩ་རྒྱུད་གསུངས་ཤིང་ལོ་དེའི་ས་གའི་ཉ་ལ་མྱ་ངན་འདས་ ― MR12_Page_0136 ―
[མ་དཔེ་གཟིགས་ན་འདིར་གནོན།]
ནས། ༢༧༩༠ ཉིས་སྟོང་བདུན་བརྒྱ་དགུ་བཅུ་འདས། འདི་ལ་གསུམ་གྱིས་ཕྲི་བ་དུས་འཁོར་རྒྱུད་ཆུ་ལུག་ལ་བསྟན་པ་འཐད། བཞིས་ཕྲི་བའི་ཤིང་སྤྲེལ་འདི་ལྷ་དབང་ཁྲིར་ཕེབ་པ་དང་པད་འབྱུང་བལྟམས་ལོ་ཡིན། འདི་ཆོས་རྒྱལ་རིགས་ལྡན་གྱི་ཁྲི་ལོ་དང་པོ་བརྩི་བའི་གཞིའོ། ༢༧༨༦ །འདི་ལ་ལྕགས་ཁྱི་ལོར་འདས་ལོ་ཉིས་སྟོང་བདུན་བརྒྱ་གྱ་དྲུག་ཡོད་དོ། །དེ་བཞིན་ལྕགས་ཁྱི་ཁོ་ནའི་དབང་དུ་བྱས་པའི་འདས་ལོ། །གོང་ལ་ཉེར་བཞིས་ཕྲི་བའི་ས་སྤྲེལ་ལོར་རིགས་ཅན་དྲྭ་མ་ལྔར་གསང་བདག་གིས་ཆོས་འཁོར་བསྐོར་ཞིང་རྒྱལ་པོ་ཛར་གསང་སྔགས་གླེགས་བམ་བབས་ནས་ལོ། ༢༧༦༢ འདས་སོ། །དེ་ལ་དོན་གཉིས་ཀྱིས་ཕྲི་བའི་ལྕགས་སྤྲེལ་ལ་ཁ་བ་ཅན་དུ་མཚོ་བྲི་ནས་སཱ་ལའི་ནགས་ཚལ་ཆགས་ནས་ལོ་༢༦༩༠འདས། དེ་ལ་ཉིས་བརྒྱ་ཞེ་ལྔས་ཕྲི་བའི་ཤིང་གླང་དགའ་རབ་རྡོ་རྗེ་འཁྲུངས་ནས་༢༤༤༥འདས། དེ་ལ་ང་ལྔས་ཕྲི་བའི་ལྕགས་སྤྲེལ་ཀླུ་སྒྲུབ་འཁྲུངས་ནས་༢༣༩༠འདས་སོ། །དེ་ལ་བཞིས་ཁྲི་བའི་ཤིང་ཕྱིར་སྣ་ཚོགས་གཟུང་ཁྲིར་ཕེབས་ནས་༢༣༨༦འདས། ལོ་དེ་ལ་བརྒྱས་ཕྲི་བའི་ཤིང་འབྲུག་ལ་ལྷའི་དབང་ལྡན་ཁྲིར་ཕེབས་ནས་༢༢༨༦འདས། ལོ་དེ་ལ་བརྒྱས་ཕྲི་བའི་ཤིང་སྤྲེལ་འཇམ་དཔལ་གྲགས་པ་ཁྲིར་ཕེབ་ནས་༢༡༨༦འདས། སྟོན་པ་འདས་ལོ་༣༤༠༧ཡིན་འདུག ལོ་དེ་ལ་བརྒྱས་ཕྲི་བ་ཤིང་བྱི་ལ་གྲགས་པས་རྒྱུད་བསྡུས་པད་དཀར་ཁྲི་འཁོད་འགྲེལ་ཆེན་བརྩམ་ནས་༢༠༨༦ལོ་དེའོ། །དེ་ལ་ལྔ་བཅུས་ཕྲི་བའི་ཤིང་སྟག་ལ་གཉའ་ཁྲི་བཙད་པོ་བོད་རྗེར་ཕེབས་ནས་༢༠༣༦ལོ་འདི་འདས་སོ། །དེ་ལ་བརྒྱ་ཞེ་དྲུག་གིས་ཕྲི་བའི་ལྕགས་འབྲུག་ལ་འཕགས་པ་ཐོགས་མེད་འཁྲུངས་ནས་༡༨༩༠ལོ་འདི་སོང་། དེ་ལ་སུམ་བརྒྱ་དང་བཞིས་ཕྲི་བའི་ཤིང་སྤྲེལ་རྒྱལ་པོ་ ― MR12_Page_0137 ―
[མ་དཔེ་གཟིགས་ན་འདིར་གནོན།]
ཁྱབ་འཇུག་སྦས་པ་ཁྲིར་འཁོད་ནས་༡༥༨༦ལོ་འདི་ཙམ་འདས་སོ། །དེ་ལ་ལྔ་བཅུས་ཕྲི་བའི་ཤིང་ཁྱི་ལ་ལྷ་ཐོ་རི་གཉན་བཙན་འཁྲུངས་ནས་༡༥༣༦ལོ་འདི་འདས། དེ་ལ་ལྔ་བཅུས་སྦྱངས་པས་ཤིང་བྱི་ལ་རིགས་ལྡན་ཉི་མ་གྲགས་པ་ཁྲིར་ཕེབ་ནས་༡༤༨༦འདས་ལོ་དེ་ལ་དགུས་དམན་ཆུ་བྱར་ཡུམ་བུའི་མཁར་སྟེང་ཙིནྟ་མ་ཎི་སོགས་བབས་ཏེ་ཆོས་ཀྱི་དབུ་བརྙེས་ནས་༡༤༧༧འདི་འདས་སོ། །དེ་ལ་བརྒྱ་དང་བདུན་ཅུ་དོན་གཅིག་གིས་ཕྲི་བ་ཤིང་བྱི་ལ་གནམ་རི་སྟོང་བཙན་འཁྲུངས་ནས་༡༣༠༦ལོ་འདི་འདས་སོ། །དེ་ལ་ཉི་ཤུས་སྦྱངས་པའི་ཤིང་སྤྲེལ་ལ་རྒྱ་མཚོ་རྣམ་རྒྱལ་ཁྲིར་ཕེབ། མཁར་ཀླ་ཀློ་ཞུགས་ཅིང་ཕྱི་རོལ་བྱེད་པའི་རྩིས་འགོ་ཟུག་ནས་༡༢༨༦ལོ་འདི་འདས་སོ། །དེ་ལ་ལྔས་དམན་པའི་ས་གླང་ལ་ཆོས་རྒྱལ་སྲོང་བཙན་སྒོམ་པོ་འཁྲུངས་ནས་༡༢༨༡ལོ་འདི་འདས་སོ། །དེ་ལ་ཉེར་གཉིས་ཀྱིས་ཕྲི་བའི་ལྕགས་ཕག་ལ་ར་ས་འཁྲུལ་སྣང་བཏབ། ༡༢༥༩ དེ་ལ་བརྒྱད་གཅིག་གིས་ཕྲི་བའི་ཆུ་རྟ་ལ་མངའ་བདག་ཁྲི་སྲོང་ལྡེའུ་བཙན་འཁྲུངས་༡༡༠༨དེ་ལ་བཞིས་སྦྱང་མེ་ཁྱི་ལ་རྒྱལ་དཀའ་ཁྲིར་ཕེབས་རང་ལུགས་བྱེད་པའི་རྩིས་འགོ་ཟུག་ནས་༡༡༠༤ལོ་འདི་འདས། དེ་ལ་བཅུ་དྲུག་གིས་ཕྲི་བའི་ཆུ་སྟག་ལ་ཨོ་རྒྱན་པདྨ་འབྱུང་གནས་བོད་དུ་ཕེབས་ཤིང་བསམ་ཡས་བཏབ་ནས་༡༠༨༨དེ་ལ་བཞིས་སྦྱངས། མེ་རྟ་ལོར་བསམ་ཡས་རབ་གནས་མངའ་གསོལ་མཛད་ནས་༡༠༨༤ལོ་འདི་ཙམ་མོ། །དེ་ལ་གཅིག་གིས་ཕྲི་བ་མེ་ལུག་སད་མི་བདུན་རབ་བྱུང་ནས་༡༠༨༣འདི་འདས་སོ། །དེ་ལ་བཅུ་བདུན་གྱིས་ཕྲི་བའི་ཤིང་བྱི་ལ་གནུབས་ཆེན་སངས་རྒྱས་ཡེ་ཤེས་འཁྲུངས་ནས་༡༠༦༦དེ་ལ་ཉེར་གཉིས་ཀྱིས་ཕྲི་བའི་མེ་ཁྱི་ལ་མངའ་བདག་ཁྲི་རལ་འཁྲུངས་ནས། ༡༠༤༤དེ་ལ་བཅུས་ ― MR12_Page_0138 ―
[མ་དཔེ་གཟིགས་ན་འདིར་གནོན།]
སྦྱངས་མེ་སྤྲེལ་ཨོ་རྒྱན་རྗེ་རྔ་ཡབ་གླིང་དུ་གཤེགས་༡༠༣༤ ནས་ལོ་འདི་སོང་། དེར་བཅུ་དྲུག་གིས་ཕྲི་བའི་ཆུ་བྱིར་བླ་ཆེན་དགོངས་པ་རབ་གསལ་འཁྲུངས་ནས། ༡༠༡༨ དེ་ལ་དགུས་སྦྱང་ལྕགས་བྱར་གླང་དར་མས་བསྟན་པ་བསྣུབས་ནས་༡༠༠༩ དེ་ལ་ང་གཉིས་ཀྱིས་ཕྲི་བའི་ཆུ་གླང་དེ་བསྟན་པ་ཕྱི་དར་གྱི་ཐོག་མ་ནས་༩༥༧ སོ། །དེ་ལ་ལྔས་སྦྱངས་ས་རྟ་ལ་ལོ་ཆེན་རིན་བཟང་འཁྲུངས། ༩༥༢ དེ་ལ་ཚེས་སྦྱངས་ཆུ་བྱ་དེ་༩༣༧ ཕྱི་དར་ཐོག་མར་བུ་སྟོན་བཞེད། དེ་ལ་ལྔས་སྦྱངས་ས་སྟག་དེ་ཕྱིར་དར་ཐོག་མར་༩༣༢ འབྲོམ་སྟོན་བཞེད་ཁྱུང་པོ་རྣལ་འབྱོར་འཁྲུངས་ལོ་ཡིན་ནོ། །དེ་ལ་བཞིས་སྦྱངས་ཆུ་རྟ་ལ་ཇོ་བོ་དཱི་པཾ་ཀ་ར་འཁྲུངས། ༩༢༨ དེ་ལ་ཉེར་གཉིས་ཀྱིས་ཕྲི་བའི་ཤིང་འབྲུག་ལ་འབྲོམ་སྟོན་རྒྱལ་བའི་འབྱུང་གནས་འཁྲུངས་༩༠༦ དེ་ལ་བརྒྱད་ཀྱིས་སྦྱངས་ཆུ་བྱི་ལོ། །མངའ་བདག་མར་པ་ལོ་ཙཱ་དང་གྲྭ་པ་མངོན་ཤེས་འཁྲུངས། ༨༩༨ དེ་ལ་གཉིས་ཀྱིས་སྦྱངས་ཤིང་སྟག་ལ་ཟུར་ཆུང་བལྟམས། ༨༩༦ དེ་ལ་བཅུ་གསུམ་གྱིས་ཕྲི་བའི་མེ་ཡོས་འདི་༨༨༣ རབ་བྱུང་དང་པོའི་ཐོག་མ་རིགས་ལྡན་ཉི་མ་ཁྲིར་ཕེབས་ཤིང་རྒྱུད་འགྲེལ་འཕགས་བོད་ཕེབས་པའི་ལོའོ། །དེ་ལ་བཅུ་གསུམ་གྱིས་སྦྱངས་པའི་ལྕགས་འབྲུག་ལ་མི་ལ་བཞད་པ་རྡོ་རྗེ་འཁྲུངས། ༨༧༠ དེ་ལ་བཅུ་བདུན་གྱིས་སྦྱངས་པའི་མེ་བྱ་ལ་རྭ་བསྒྲེང་བཏབ། ༨༧༣ དེ་ལ་གཉིས་ཀྱིས་ཕྲི་རྔོག་ལོ་ས་ཕག་ལ་འཁྲུངས། ༨༥༡ དེ་ལ་བཅུ་བཞིས་ཕྲི་བ་ཆུ་གླང་ལོ་གསང་ཕུ་དང་ས་སྐྱའི་ཆོས་སྒྲ་བཏབ། ༨༣༧ གཅིག་གིས་ཕྲི་གསང་བདག་ཤཱཀ་༨༣༦ སེང་འཁྲུངས། དྲུག་གིས་སྦྱངས་ས་མོ་ལུག་ལོར་དྭགས་པོ་ཟླ་འོད་གཞོན་ནུ་འཁྲུངས། ༨༣༡དེ་ལ་བརྒྱད་ཀྱིས་ ― MR12_Page_0139 ―
[མ་དཔེ་གཟིགས་ན་འདིར་གནོན།]
ཕྲི་མེ་ཡོས་དེ་རབ་བྱུང་གཉིས་པའི་ཐོག་མའོ། ༨༢༣ །དེ་ལ་བཞིས་ཕྲི་ལྕགས་ལུག་ལ་བྱ་འདུལ་བལྟམས་དམ་པ་དིང་རིར་ཕེབས། ༨༡༩ གཅིག་གིས་ཕྲི་ཆུ་སྤྲེལ་ལ་ས་ཆེན་འཁྲུངས། ༨༡༨ དེ་ལ་བཅུ་བདུན་གྱིས་སྦྱངས་པའི་ས་གླང་ལ་ཕྱ་པ་ཆོས་སེང་འཁྲུངས་རྔོག་ལོ་གཤེགས། ༨༠༡ གཅིག་གིས་ཕྲི་ལྕགས་སྟག་ལ་ཕག་གྲུ་དུས་མཁྱེན་རྣམ་གཉིས་འཁྲུངས། ༨༠༠ དེར་བཅུ་གཉིས་ཀྱིས་སྦྱངས་པའི་ཆུ་སྟག་ལ་ཀཿདམ་པ་བདེ་གཤེགས་འཁྲུངས་ནས། ༧༨༨ དེ་ལ་གཉིས་ཀྱིས་སྦྱངས་པའི་ཤིང་འབྲུག་ལ་ཉང་རལ་ཉི་མ་འོད་ཟེར་འཁྲུངས་ནས། ༧༨༦ དེར་གསུམ་གྱིས་ཕྲི་མེ་ལུག་ལ་པཎ་ཆེན་ཤཱཀ་ཤྲཱི་བལྟམས། རིགས་ལྡན་སྣ་ཚོགས་གཟུགས་ཁྲིར་ཕྲེ་བ། ༧༨༣ དེ་ལ་བཅོ་ལྔས་ཕྲི་བའི་ཆུ་ཁྱི་ལ་ས་སྐྱ་བསོད་ནམས་རྩེ་མོ་དང་སྟག་ལུང་ཐང་པ་འཁྲུངས། ༧༢༨ དེ་ལ་གཅིག་གིས་ཆུ་ཕག་ལ་འབྲི་གུང་འཇིག་རྟེན་གསུམ་མགོན་འཁྲུངས། ༧༦༧ དེ་ལ་བཞིས་སྦྱངས་རབ་བྱུང་གསུམ་པའི་མེ་ཡོས་རྗེ་བཙུན་གྲགས་པ་རྒྱལ་མཚན་འཁྲུངས། ༧༦༣ དེ་ལ་སོ་ལྔས་ཕྲི་བའི་ཆུ་སྟག་ལ་ས་སྐྱ་པཎ་ཆེན་འཁྲུངས། ༧༢༨དེ་ལ་ཉེར་བཞིས་སྦྱངས་པའི་མེ་སྟག་ལ་ཀརྨ་པཀྴི་འཁྲུངས། ༧༠༤ དེ་ལ་གཅིག་གིས་ཕྲི་རབ་བྱུང་བཞི་པའི་ཐོག་མ་ཡིན། ༧༠༣ དེ་ལ་ལྔས་སྦྱངས་ཆུ་སྤྲེལ་གུ་རུ་ཆོས་དབང་འཁྲུངས། ༦༩༨དེ་ལ་བཅུ་གསུམ་གྱིས་ཕྲི་བའི་ཤིང་བྱ་ལ་བྱང་རྡོར་གཉིས་ཀྱི་ཆོས་སྡེ་བཙུགས། ༦༨༥ དེ་ལ་བཅུས་སྦྱངས་ཤིང་ལུག་ལ་ཆོས་རྒྱལ་འཕགས་པ་འཁྲུངས། ༦༧༥དེ་ལ་བཞིས་ཕྲི་ས་ཕག་ལ་གྲུབ་ཐོབ་མན་ལུང་གུ་རུ་འཁྲུངས། ༦༧༡ དེ་ལ་བཞིས་སྦྱངས་ཆུ་ཡོས་ལ་གྲུབ་ཐོབ་མེ་ལོང་རྡོ་རྗེ་དང་། ཀུན་སྤངས་ཐུགས་རྗེ་བརྩོན་ ― MR12_Page_0140 ―
[མ་དཔེ་གཟིགས་ན་འདིར་གནོན།]
འགྲུས་བལྟམས། ༦༦༧ དེ་ལ་བཅུས་སྦྱངས་པའི་ཆུ་གླང་ལ་ས་སྐྱ་པས་བོད་ཁམས་ཁ་ལོ་སྒྱུར། ༦༥༧ དེ་ལ་བཅུ་གསུམ་གྱིས་སྦྱངས་པའི་མེ་སྟག་ལ་རིག་འཛིན་ཀུ་མཱ་རཱ་ཛ་འཁྲུངས། ༦༤༤ དེ་ལ་གཅིག་གིས་ཕྲི་མེ་ཡོས་རབ་བྱུང་ལྔ་པར་སླེབས། ༦༤༣ དེ་ལ་དགུས་ཕྲི་མེ་བྱིར་དཔང་ལོ་འཁྲུངས། ༦༣༤ དེ་ལ་བདུན་གྱིས་སྦྱངས་ཆུ་ལུག་ཟུར་བྱམས་སེང་འཁྲུངས། ༦༢༧ དེ་ལ་གཅིག་གིས་ཕྲི་ཤིང་སྤྲེལ་ལ་ཀུན་མཁྱེན་རང་བྱུང་རྡོ་རྗེ་དང་། གཡུང་སྟོན་རྡོ་རྗེ་དཔལ་གཉིས་འཁྲུངས། ༦༢༦ དེ་ལ་དྲུག་གིས་སྦྱངས་ལྕགས་སྟག་ལ་བུ་སྟོན་ཆོས་རྗེ་འཁྲུངས། ༦༢༠ དེ་ལ་གཉིས་ཀྱིས་སྦྱངས་ཆུ་འབྲུག་ལ་དོལ་པོ་པ་ཤེས་རབ་རྒྱལ་མཚན་འཁྲུངས། ༦༡༨ དེ་ལ་གཉིས་ཀྱིས་སྦྱངས་ཤིང་རྟ་ལ་སྒྲོལ་ཆེན་བསམ་འགྲུབ་རྡོ་རྗེ་འཁྲུངས། ༦༡༦ དེ་ལ་བཅུ་བཞིས་སྦྱངས་པའི་ས་སྤྲེལ་ཀུན་མཁྱེན་དྲི་མེད་འོད་ཟེར་འཁྲུངས། ༦༠༢ དེ་ལ་བཞིས་སྦྱངས་ཆུ་བྱི་ལ་དཔལ་ལྡན་བླ་མ་དམ་པ་འཁྲུངས། ༥༩༨ བཅོ་ལྔས་སྦྱངས་པའི་རབ་བྱུང་དྲུག་པའི་མེ་ཡོས་ལ་རིགས་ལྡན་མཐའ་ཡས་སེང་ཁྲིར་ཕེབས། ༥༨༣ དེ་ལ་བཅུ་དགུས་སྦྱངས་པའི་མེ་ཁྱི་ལ་རྡོ་རྗེ་གླིང་པ་འཁྲུངས་ནས། ༥༦༤ དེ་ལ་གཉིས་ཀྱིས་སྦྱངས་ས་བྱི་ལ་ཀུན་མཁྱེན་གཡག་པོ་འཁྲུངས། ༥༦༢ དེ་ལ་གཅིག་གིས་སྦྱངས་ས་གླང་ལ་ཕག་གྲུ་ཏཱ་སིས་བོད་དབང་བསྒྱུར། ༥༦༡ དེ་ལ་བརྒྱད་ཀྱིས་སྦྱངས་མེ་བྱ་ལ་རྗེ་བློ་བཟང་གྲགས་པ་འཁྲུངས། ༥༥༣ དེ་ལ་བཅུས་སྦྱངས་མེ་ལུག་ལ་རོང་སྟོན་ཤཱཀྱ་རྒྱལ་མཚན་འཁྲུངས། ༥༤༣ དེ་ལ་བཅོ་ལྔས་ཕྲི་བའི་ཆུ་ཁྱི་ལ་ངོར་ཆེན་ཀུན་དགའ་བཟང་པོ་དང་། རྫོང་པ་ཀུན་དགའ་རྒྱལ་མཚན་འཁྲུངས། ༥༢༨ དེ་ལ་གཉིས་ ― MR12_Page_0141 ―
[མ་དཔེ་གཟིགས་ན་འདིར་གནོན།]
ཀྱིས་ཕྲི་ཤིང་བྱི་ལ་པཎ་ཆེན་ནགས་ཀྱི་རིན་ཆེན་འཁྲུངས། ༥༢༦ དེ་ལ་གཅིག་གིས་ཕྲི་ཤིང་གླང་ལ་གྲུབ་ཆེན་ཐང་སྟོང་རྒྱལ་པོ་འཁྲུངས། ༥༢༥ དེ་ལ་གཉིས་ཀྱིས་ཕྲི་མེ་ཡོས་དེ་རབ་བྱུང་བདུན་པའི་ཐོག་མ་ཡིན། ༥༢༣ དེ་ལ་བཞིས་ཕྲི་ལྕགས་ལུག་ལ་པཎ་ཆེན་དགེ་འདུན་གྲུབ་པ་འཁྲུངས། ༥༡༩ དེ་ལ་གཅིག་གིས་དམན་ཆུ་སྤྲེལ་ལ་འགོས་ལོ་གཞོན་ནུ་དཔལ་འཁྲུངས། ༥༡༨ དེ་ལ་བརྒྱད་ཀྱིས་སྦྱངས་ལྕགས་འབྲུག་ལ་པཎ་ཆེན་བསོད་ནམས་རྣམ་རྒྱལ་འཁྲུངས། ༥༡༠ དེ་ལ་གསུམ་གྱིས་ཕྲི་ཆུ་ལུག་ལ་རཏྣ་གླིང་པ་འཁྲུངས། ༤༠༧ དེ་ལ་དྲུག་གིས་སྦྱངས་པའི་ས་གླང་ལ་ལྷ་ལྡན་སྨོན་ལམ་ཆེན་མོ་བཙུགས། རི་བོ་དགེ་ལྡན་ཆོས་གྲྭ་བཏབ། ༥༡༡ དེ་ལ་གསུམ་གྱིས་སྦྱངས་པའི་ཆུ་འབྲུག་ལ་བྱམས་ཆེན་རབ་འབྱམས་འཁྲུངས། ༤༩༨ དེ་ལ་བཞིས་སྦྱངས་མེ་སྤྲེལ་འབྲས་སྤུངས་བཏབ། ༥༩༤ དེ་ལ་གསུམ་གྱིས་སྦྱངས་ས་ཕག་ལ་སེ་ར་ཐེག་ཆེན་གླིང་བཏབ། ༤༩༡ དེ་ལ་དགུས་ཕྲི་བའི་ས་སྤྲེལ་ལ་པཎ་ཆེན་ཤཱཀྱ་མཆོག་ལྡན་འཁྲུངས། ༤༨༢དེ་ལ་གཅིག་གིས་ཕྲི་ས་བྱ་ལ་གོ་རམ་པ་བལྟམས་ངོར་གྱི་ཆོས་སྡེ་བཏབ། ༤༨༡ དེ་ལ་ལྔས་སྦྱངས་ཤིང་སྟག་ལ་མཁས་གྲུབ་རྗེས་དུས་འཁོར་འགྲེལ་ཆེན་བརྩམ། ༤༧༦ འདི་རང་གིས་བསྣན་དཔྱོད། དེ་ལ་བདུན་གྱིས་སྦྱངས་ལྕགས་བྱ་ལ་ལོ་ཆེན་ཆོས་སྐྱོང་བཟང་པོ་འཁྲུངས། ༤༦༩ དེ་ལ་དྲུག་གིས་སྦྱངས་རབ་བྱུང་བརྒྱད་མེ་ཡོས་ལ་བཀྲ་ཤིས་ལྷུན་པོ་བཏབ་ཅིང་པད་དཀར་ཞལ་ལུང་བརྩམས་པའི་ལོ། ༤༦༣ དེ་ལ་གཉིས་ཀྱིས་ཕྲི་ས་སྦྲུལ་ལ་སྐྱེད་ཚལ་ཆོས་སྡེ་བཏབ། ༤༦༡ གཟུགས་ ― MR12_Page_0142 ―
[མ་དཔེ་གཟིགས་ན་འདིར་གནོན།]
ཀྱིས་ཕྲི་ལྕགས་རྟར་པད་གླིང་འཁྲུངས། ༤༦༠ གསུམ་གྱིས་ཕྲི་ཆུ་བྱ་ལ་སྤྱན་སྔ་ཆོས་གྲགས་འཁྲུངས། ༤༥༧ དེ་ལ་དྲག་པོས་སྦྱངས་ཤིང་སྤྲེལ་རྡོར་གདན་ཆོས་གྲྭ་བཏབ། ༤༤༦ དེ་ལ་བཅུ་གཉིས་ཀྱིས་སྦྱངས་པའི་མེ་སྤྲེལ་ལ། ༤༣༤ པཎ་ཆེན་དགེ་འདུན་རྒྱ་མཚོ་བལྟམས། དེ་ལ་བཅོ་བརྒྱད་ཀྱིས་ཕྲི་ཤིང་སྟག་ལ་ཚར་ཆེན་དང་། སྣ་ཚོགས་རང་གྲོལ་འཁྲུངས། ༤༡༦ དེ་ལ་བཅུ་གསུམ་གྱིས་སྦྱངས་པའི་རབ་བྱུང་དགུ་པའི་མེ་ཡོས་ལ་ཀུན་དགའ་གྲོལ་མཆོག་དང་མི་བསྐྱོད་རྡོ་རྗེ་འཁྲུངས། ༤༠༣ ཉི་ཤུས་ཕྲི་བའི་མེ་ཕག་ལ་རིགས་ལྡན་དཔལ་སྐྱོང་ཁྲིར་ཕེབས་འབྲུག་པ་པད་དཀར་འཁྲུངས། ༣༨༣ དེ་ལ་བཅུ་དྲུག་གིས་སྦྱངས་པའི་ཆུ་ཡོས་ལ་རྒྱལ་དབང་གསུམ་པ་བསོད་ནམས་རྒྱ་མཚོ་འཁྲུངས། ༣༦༧ དེ་ལ་ཉེར་བཞིས་ཕྲེ་བའི་རབ་བྱུང་བཅུ་པའི་མེ་ཡོས། ༣༤༣ ཀ་རབ་བྱུང་བཅུ་པའི་མེ་ཡོས་འདས་ལོ་དེ་ལ་བཅུ་དྲུག་ཕྲི་བའི་ཆུ་ལུག་ལོར་རྒྱལ་བ་གསུམ་པ་བསོད་ནམས་རྒྱ་མཚོས་བྱང་ཕྱོགས་སྐུ་འབུམ་བྱམས་པ་གླིང་བཏབ་ནས། ༣༢༧ བློ་བཟང་རབ་གསལ་སྐུ་འབུམ་དཀར་ཆག་ཏུ་འདུག་མཆན། ཁ་རབ་བཅུའི་མེ་ཡོས་དེ་ལ་ཉེར་གཉིས་ཀྱིས་སྦྱངས་པའི་ས་གླང་ལ་རྒྱལ་བ་བཞི་པ་ཡོན་ཏན་རྒྱ་མཚོ་འཁྲུངས། ༣༢༡ དེ་ལ་ཉེར་གཉིས་སྦྱངས་པའི་ལྕགས་ཕག་ལ་གསང་བདག་ཕྲིན་ལས་ལྷུན་གྲུབ་འཁྲུངས། ༢༩༩ དེ་ལ་དྲུག་གིས་ཕྲི་མེ་སྦྲུལ་ལ་རྒྱལ་མཆོག་ལྔ་པ་ངག་དབང་བློ་བཟང་རྒྱ་མཚོ་འཁྲུངས། ༢༩༣ དེ་ལ་བཅུས་སྦྱངས་རབ་བྱུང་བཅུ་གཅིག་པའི་མེ་ཡོས་ལ་རིགས་ལྡན་སེང་གེ་ཁྲིར་ཕེབས། ༢༨༣ དེ་ལ་བཅུ་བཞིས་སྦྱངས་པ་ལྕགས་སྦྲུལ་ལ་རྡོར་བྲག་པདྨ་ཕྲིན་ལས་འཁྲུངས། ― MR12_Page_0143 ―
[མ་དཔེ་གཟིགས་ན་འདིར་གནོན།]
༢༦༩ འདི་ལོ་གོ་ཤྲཱིའི་དཔུང་གིས་བོད་ཀུན་དབང་བསྡུས། དེ་ལ་གཅིག་གིས་ཕྲི་ཆུ་རྟ་ལ་ལྔ་པ་ཆེན་པོར་ཕུལ། ༢༦༨ དེ་ལ་བཞིས་སྦྱངས་མེ་ཁྱི་ལོར་གཏེར་ཆེན་འགྱུར་མེད་རྡོ་རྗེ་འཁྲུངས་ནས། ༢༦༤ དེ་ལ་ཉེར་བཞིས་སྦྱངས་པའི་ལྕགས་ཁྱིར་ཨོ་རྒྱན་སྨིན་གྲོལ་གླིང་བཙུགས། ༢༤༠ དེ་ལ་དྲུག་གིས་སྦྱངས་མེ་འབྲུག་ལ་བཞུགས་གནས་གཙུག་ལག་ཁང་ཆེན་བཏབ། ༢༣༤ དེ་ལ་གསུམ་གྱིས་ཕྲི་ས་ལུག་ལ་སྡེ་སྲིད་སངས་རྒྱས་རྒྱ་མཚོ་བོད་རྗེར་བྱོན། ༢༣༡དེ་ལ་མིག་གིས་སྦྱངས་ལྕགས་བྱར་ཉིན་སྣང་དང་པོར་བརྩམས། ༢༢༩ གཅིག་གིས་ཕྲི་ཆུ་ཁྱིར་ལྔ་པ་གཤེགས། ༢༢༨དེ་ལ་ལྔ་ཕྲི་རབ་ཉིའི་མེ་ཡོས་ནས་བཻ་དཀར་རྩིས་འགོ་བཟུང་། ༢༢༣ དེ་ལ་བདུན་གྱིས་སྦྱངས་ཤིང་ཁྱི་ལ་ལྷ་ལྡན་ཚོགས་མཆོད་ཆེན་མོ་བཙུགས། ༢༡༦ དེ་ལ་གཉིས་སྦྱངས་མེ་ཁྱི་ལ་ཇིང་གིར་རྒྱལ་པོས་བོད་ཁམས་དབང་བསྒྱུར། ༢༠༤དེ་ལ་བརྒྱད་ཀྱིས་སྦྱངས་པའི་ཉིན་སྣང་འདས་ལོ་སྤྲོས་པ་རབ་ཉིའི་རྒྱལ་བ་ཤིང་རྟ་ཕྱིན་གྱི་ལོ། ༡༩༦ ཤིང་རྟ་འདིའི་སྔ་ལོ་རྣམ་རྒྱལ་ཆུ་སྦྲུལ་ལོ་སྡེ་དགེ་བསྟན་པ་ཚེ་རིང་ཁྲིར་བཞུགས་ནས་ལོ་ཉེར་ལྔ་ཡིན། དེ་རྗེས་ཀྱི་ལོ་ཉི་ཤུ་འདས་པ་ཆུ་གླང་ལོ་དེར་བཀའ་འགྱུར་སྤར་གྲུབ་ནས་ལོ་བཞི་སོང་། དེ་ནས་ལོ་བཞི་སོང་བའི་མེ་སྦྲུལ་སྣོན་ཟླའི་བཅོ་ལྔར་བསྟན་འགྱུར་ལས་མགོ་བཙུགས་ལས་མཇུག་སྡེ་དགེ་བླ་མ་ཀུན་དགའ་ཕྲིན་ལས་རྒྱ་མཚོས་མཛད། ལོ་བདུན་འདས་པའི་མིག་དམར་ཤིང་བྱིའི་ནག་ཟླའི་ཚེས་བཅོ་ལྔར་གྲུབ། བསྟན་འགྱུར་སྤར་རྩོམ་པའི་མེ་སྦྲུལ་ཡན་ལ་སྡེ་དགེ་ལྷུན་གྲུབ་སྟེང་བཞེངས་ནས་ལོ་བརྒྱ་ཉེར་གཅིག་སོང་ ― MR12_Page_0144 ―
[མ་དཔེ་གཟིགས་ན་འདིར་གནོན།]
ཞེས་ཞུས་ཆེན་བསྟན་འགྱུར་དཀར་ཆག་ཏུ་འདུག་མཆན། རབ་ཉིའི་ཤིང་རྟའི་འདས་ལོ་དེ་ལ་བཅོ་བརྒྱད་ཀྱིས་ཕྲི་བའི་རབ་བྱུང་བཅུ་གཉིས་པའི་ཡོངས་འཛིན་ཆུ་བྱི་ལ་ལོ་མགོ་བཟུང་བ་མཚུར་རྩིས་ཉེར་མཁོ་བུམ་བཟང་གི་༡༧༨འདས་ལོའོ། །དེ་ལ་བཅོ་ལྔས་ཕྲི་བ་ཉིན་སྣང་ལོ་འགོ་རབ་བྱུང་བཅུ་གསུམ་པའི་མེ་ཡོས་ལ་སྤོས་པ་ཉིན་བྱེད་སྣང་བ་གསར་པའི་༡༦༣ འདས་སོ། །དེ་ལ་དྲུག་ཅུ་ཕྲི་བ་རབ་ཡིད་མེ་ཡོས་ལ་ལོ་འགོ་སྤོས་པའི་༡༠༣ འདས་ལོ། །དེ་ལ་དྲུག་ཅུས་ཕྲི་བ་རབ་བྱུང་བཅོ་ལྔ་པའི་ལོ་འགོ་སྤོས་པའི་འདས་ལོ།༤༣ འདི་སྟེང་བཅུ་བདུན་པ་བསྣན་པས་ལོ་དྲུག་ཏུ་རྫོགས་ནས་རབ་བྱུང་བཅུ་དྲུག་པའི་མེ་ཡོས་གསར་དུ་ཤར་བ་ཡིན་ནོ། །གཞན་ཡང་རབ་ཚེས་ལྕགས་ཁྱི་ལོ་འདིར་བུམ་བཟང་གི་ལུགས་ཀྱི་སྟོན་པ་འདས་ནས། ༢༧༨༧ འདས་ཏེ་ཕུག་པའི་དེ་ལ་གསུམ་ཕྲི་བ་དང་འདྲའོ། །རིགས་ལྡན་མི་ཡི་སེང་གེ་ཁྲིར་བཞུགས་ལོ་༨༦ འདས་པའོ། །འདི་རི་མོས་བདེ་བླག་དུ་བརྩི་ན། སྟོན་པ་འདས་ནས་ལོ་དུ་སོང་ལྔ་བརྒྱས་བགོས་ཐོབ་གང་ཡིན་པ། སྡེ་ཚན་བཅུ་ལས་དེ་ཙམ་འདས། ལྷག་མ་ད་ལྟར་བའི་འདས་ལོ། །དེ་ཡིས་ལྔ་བརྒྱར་ཕྲི་ལྷག་ནི། །དེ་ཡི་མ་འོང་ཚད་ཡིན་ནོ། །འདི་ལ་ཕུག་མཚུར་ཁྱད་མེད་ཀྱང་། །འདས་ལོ་ལོ་གསུམ་ཕུག་ལུགས་མང་། །རིགས་ལྡན་ཁྲི་རབས་བརྩི་འདོད་ན། །མཚུར་ལུགས་ཀྱི། སྟོན་པ་འདས་ལོར་གཅིག་ཕྲི་བ། །ཤིང་སྤྲེལ་ལྷ་དབང་ཁྲིར་ཕེབས་ལོ། །དེ་ནས་ད་ལྟའི་བར་དག་ཏུ། །ལོ་གྲངས་དུ་འདས་དེ་ཉིད་ལ། །དྲུག་བརྒྱས་ཕྲི་བས་ཆོས་རྒྱལ་དྲུག །ཁྲི་ལ་བཞུགས་པའི་ལོ་གྲངས་རྫོགས། དེ་ནས་བརྒྱས་བགོས་ཐོབ་པའི་ནོར། །གྲགས་པ་ནས་བརྩམ་རིམ་བགྲང་གྲངས། །ཡིན་ཡང་ ― MR12_Page_0145 ―
[མ་དཔེ་གཟིགས་ན་འདིར་གནོན།]
ལུགས་འདིས་རྒྱལ་དཀའ་དང་རྒྱ་མཚོ་རྣམ་རྒྱལ་གཉིས་ཀྱི་ཁྲི་ལོ་ལྷག་པོ་མ་བརྩིས་པར་མི་འགྲིགས་པ་ཡོད། མཆན། དེ་འདས་ལྷག་མ་གང་ཡོད་པ། །ད་ལྟ་བ་ཡི་ཁྲི་ལོ་འདས། །དེ་ཡིས་བརྒྱར་ཕྲི་མ་འོངས་ལྷག །ཞེས་སོ། །ཕུག་ལུགས་པ་ཡི་བསྟན་རྩིས་ནི། སྟོན་པ་འདས་པའི་ལོ་གྲངས་ལ། །ལྔ་བརྒྱས་བགོ་སོགས་དེ་བཞིན་ནོ། །གདན་རབས་ཁྲི་ལོ་སྟོན་པ་ཉིད། །འདས་ནས་ལོ་གྲངས་དུ་སོང་ལ། །བཞི་ཡིས་ཕྲི་བ་ཤིང་སྤྲེལ་ལོར། །ལྷ་དབང་ཁྲི་ལ་ཕེབས་ནས་ལོ། ༢༧༨༦ །དེ་ལ་མེ་༡༩༠༣མཁའ་བུག་གཟུགས་སྦྱངས། །རྒྱལ་དཀའི་༨༨༣ ཁྲི་ལོ་ཡན་ཆད་རྫོགས། །དེ་ལྷག་བརྒྱ་ཡིས་བགོས་པའི་ནོར། །རིགས་ལྡན་བཅུ་གཉིས་པར་གྱུར་པ། །ཉི་མ་ནས་ནི་རིམ་བཞིན་ཏེ། །ཉི་མ་༡དང་ནི་སྣ་ཚོགས་༢ གཟུགས། །ཟླ་འོད་༣དང་ནི་མཐའ་ཡས་༤དང་། །ས་སྐྱོང་༥དང་ནི་དཔལ་སྐྱོང་༦དང་། །སེང་གེ་༧དང་ནི་རྣམ་པར་༨གནོན། །སྟོབས་༩པོ་ཆེ་དང་མ་འགགས་༡༠པ། །མི་༡༡ཡི་སེང་གེ་དབང་ཕྱུག་༡༢ཆེ། །མཐའ་༡༣ཡས་རྣམ་རྒྱལ་འཁོར་ལོ་ཅན་༡༤། །རིགས་ལྡན་བཅུ་བཞིའི་དུས་འདས་རྟོགས། །ལྷག་མ་རིགས་ལྡན་ད་ལྟ་བ། །གང་ཡིན་དེ་ཡི་ཁྲི་ལོ་འདས། །དེ་ཡིས་བརྒྱར་ཕྲི་མ་འོངས་ལོའོ། །སོ་སོའི་གྲངས་ཀྱི་ཨངྐི་ལ། །བཅུ་གཅིག་བསྣན་པ་ལྟར་བྱས་ན། །རིགས་ལྡན་དུ་ཡིན་དེས་ཤེས་སོ། །འཁོར་ལོ་ཅན་ནི་ཁྲིར་བཞུགས་ལོ། །གོ་བརྒྱད་ཀླ་ཀློ་འདུལ་དུ་འབྱོན། །རིགས་ལྡན་རྒྱ་མཚོ་རྒྱལ་དཀའ་གཉིས་མ་གཏོགས། །གཞན་རྣམས་ཁྲིར་བཞུགས་ལོ་གྲངས་བརྒྱར་ངེས་སོ། །འདི་ལྟར་རི་མོས་པ་རྟགས་ན་བདེ་བླག་ཤེས། ༈ །གཞན་ཡང་ཉེར་མཁོའི་རི་མོ་འགའ། །འདིར་ནི་ ― MR12_Page_0146 ―
[མ་དཔེ་གཟིགས་ན་འདིར་གནོན།]
བརྗོད་པར་བྱ་བ་ལ། །རི་མཚོ་ཀླུ་གཟུགས་ལོ་ཚོགས་ལ། །རབ་བྱུང་དུ་ཡིན་རབ་བྱུང་དང་པོ་ལ་༦༠་བསྟན། མཆན། གྲངས་དེ་ནི། །དྲུག་བཅུས་བསྒྱུར་བ་བསྲེས་བྱས་ན། །རབ་བྱུང་དེ་ཡི་མེ་ཡོས་ལ། །སྟོན་པ་མྱ་ངན་འདས་ནས་ལོ། །དུ་འདས་ཕུག་ལུགས་བཞེད་པ་འཆར། །དེ་ལ་གསུམ་ཕྲི་མཚུར་ལུགས་སོགས། །དུ་མས་རྩ་རྒྱུད་བསྟན་ལོར་བཞེད། །བཞིས་ཕྲི་ཁྲི་ལོ་བརྩི་བའི་གཞི། །ཕུག་ལུགས་སྟོན་པ་འདས་ལོ་ལ། །བཞི་བཅུ་ཞེ་དགུས་ཕྲི་བ་ན། །རྩ་རྒྱུད་བསྟན་ལོ་ནས་བསྟན་བརྩམས་པའི། །ད་དུང་ཞེ་དྲུག་བཞུགས་བཞེད་པའི། །མཁས་གྲུབ་རྗེ་སོགས་སྟོན་པ་ནི། །འདས་ནས་ལོ་གྲངས་དུ་འདས་གྲངས། །ཁྲི་ལོ་ཤིང་སྤྲེལ་ནས་བརྩི་འདྲ། །རབ་བྱུང་གང་ཡིན་དེའི་མེ་ཡོས། །སྟོན་པའི་འདས་ལོ་ཤེས་པ་ན། །རབ་བྱུང་དེ་ཡི་ནང་ནས་ནི། །དུ་འདས་དྲུག་ཅུའི་ཤོག་ཁྲས་རྟོགས། །གང་ཟག་དགོན་གནས་རྩིས་འགོ་སོགས། །རབ་བྱུང་གྲངས་ནི་དུ་ཡིན་པའི། །དྲུག་ཅུའི་ནང་གི་ལོ་ཚིགས་དེར། །དེ་རྗེས་རབ་བྱུང་དུ་སོང་བའི། །གྲངས་ཀྱིས་དྲུག་ཅུ་བསྒྱུར་བའི་གྲངས། །དེ་ལ་ལོ་ཚིགས་དེ་སྟེང་འབབ། ༈ །ད་ལྟའི་བརྩི་ལོ་ལོ་ཚིགས་དེའི་གོང་དུ་ཤིང་རྟ་ཆུ་བྱི་ལྟ་བུའི་རྗེས་སུ་ཡོད་ན་དྲུག་ཅུའི་ཤོག་ཁྲ་དེད་ལ་བརྩི་ལོ་དེ་དང་པོར་བྱས་ནས་ལོ་ཚིགས་དེའི་སྔ་ལོ་བར་བགྲང་བའི་གྲངས་དེ་ལ་ཕྲི་བ་དེ་འདས་ལོ་ཡིན་ནོ། །ལོ་ཚིགས་རྩིས་འགོ་བཟུང་བ་ཉིན་སྣང་གི་ཤིང་རྟ་དང་། ཉེར་བུམ་གྱི་ཆུ་བྱི་ལྟ་བུ་འདི་ལོ་ལྕགས་ཁྱིའི་གོང་དུ་ཡོད་ན་དཔེར་ན་ཤིང་རྟ་ནས་ས་བྱ་བར་ལོ་བཅུ་དྲུག་བསྣན་པས་འདས་ལོ་ངོས་ཟིན་ནོ། ༈ །མ་འོངས་བསྟན་རྩིས་རབ་ཚེས་ལྕགས་ཁྱི་ལོ། །ལྷ་དབང་ཁྲིར་ཕེབ་ཁྲི་ལོ་༢༧༨༦ འདི་ལ་གོང་ལྟར་མེ་མཁའ་བུག་གཟུགས་ཀྱིས་སྦྱངས་ལྷག་ ― MR12_Page_0147 ―
[མ་དཔེ་གཟིགས་ན་འདིར་གནོན།]
༨༨༣ འདིས་བརྒྱས་བགོས་བརྒྱད་ཐོབ་པ་ཉི་མ་ནས་བརྒྱད་འདས་པས། ད་ལྟ་རིགས་ལྡན་ཉི་ཤུ་པ་སྟོབས་པོ་ཆེ་ཁྲི་ལ་བཞུགས་ནས་ལོ་༨༣ འདས། ལྕགས་ཁྱི་ངོ་ཐོག་པ་བཅས་ལྷག་བཅུ་༡༧ བདུན་ཡོད། བཅུ་བདུན་རྫོགས་ནས་རབ་བྱུང་བཅུ་དྲུག་པའི་མེ་ཡོས་ལ་མ་འགག་པ་ཁྲི་ཕེབ། ད་ལྟ་ལྕགས་ཁྱིའི་ལོ་ནས་ལོ་བཞི་བརྒྱ་དང་བཅུ་བདུན་རྫོགས་པ་འདས་ནས་འཁོར་ལོ་ཅན་ཁྲིར་ཕེབས། གོ་བརྒྱད་ཀླ་ཀློ་འདུལ་བར་བྱོན་པས་ད་ལྷའི་ལྕགས་ཁྱི་ནས་ལོ་༥༡༤ལྔ་བརྒྱ་དང་བཅུ་བཞི་འདས་པ་ན་རིགས་ལྡན་གྱི་ལོ་ངོ་ཐོག་བཅས་ཁྱོན་ལྔ་བརྒྱ་བཅོ་ལྔ་དམག་སླེབས་ངེས་སོ། ༈ །སྟོན་པས་རྩ་རྒྱུད་བསྟན་ནས་འདས་ལོ་ཕུག་ལུགས་ལས་གསུམ་ཉུང་བ་ཆུ་ལུག་ལོ་ཡིན། དེའི་དབང་དུ་བྱས་ན་སྟོན་པ་འདས་ནས་ལྕགས་ཁྱི་འདི་ཡན་༢༧༨༧ཉིས་སྟོང་བདུན་བརྒྱ་གྱ་བདུན་ཡིན། འདི་ལྔ་བརྒྱས་བགོས་ཐོབ་ལྔ་ཐོབ་པས། འབྲས་དུས་གསུམ་དང་། ཤེར་ཏིང་གི་དུས་འདས་ནས་དྲུག་པ་བསྒྲུབ་པའི་ཚུལ་ཁྲིམས་ཀྱི་དུས་ཡིན། ལྷག་༢༨༧ཤར་བ་འདི་ཚུལ་ཁྲིམས་ཀྱི་དུས་ལས་ཉིས་བརྒྱ་གྱ་བདུན་འདས། ལྷག་གཉིས་བརྒྱ་བཅུ་གསུམ་ཡོད་རིགས་ལྡན་དཔུང་དམག་ཆས་ལོ་ངོ་ཐོག་པ་དེར་སྟོན་པ་ཆུ་ལུག་ས་གནས་ལོ་སུམ་སྟོང་སུམ་བརྒྱ་གཅིག་ཡིན་བསྟན་པ་ལྔ་བརྒྱ་ཕྲག་བཅུ་ལས་ཚུལ་ཁྲིམས་རྫོགས་ནས་མངོན་པའི་ལུང་གི་དུས་སྟེང་ནས་སུམ་བརྒྱ་དང་གཅིག་༣༠༡ འདས་མཚམས་ཡིན་དགེ །༈ །ངོ་ཐོག་བརྩིས་ན་ལོ་ངོ་སུམ་བརྒྱ་དང་གཉིས་ཡིན། །ལྕགས་ཁྱིའི་ལོ་ལ་ལྕགས་ཕག་ནས་འདས་ལོ་སྣོན་རྒྱུ་འདི་ལྟར་རང་སྟེང་ཨངྐི་བསྣན་པས་འདས་ལོ་ཤེས། རབ་བྱུང་བཅུ་དྲུག་པའི་མེ་ཡོས་ནས་གོང་ལྟར་བརྩི་ཆོག །དེ་ནས་དྲུག་ཅུའི་ཤོག་ཁྲ་དེད་པས་གསལ་ལོ། །རབ་ཚེས་ཐུན་མོང་ལྕགས་༠ ― MR12_Page_0148 ―
[མ་དཔེ་གཟིགས་ན་འདིར་གནོན།]
ཁྱི། འགལ་བྱེད་ལྕགས་༡ཕག །ཡོངས་འཛིན་ཆུ་བྱི༢། བག་ཡོད་ཆུ་གླང ༣། ཀུན་དགའ་ཤིང་སྟག༤ སྲིན་པོ་ཤིང་ཡོས ༥། མེ་ཞེས་ས་མེ་འབྲུག༦ དམར་སེར་ཅན་མེ་སྦྲུལ༧། དུས་ཀྱི་ཕོ་ཉ་ས་རྟ༨། དོན་གྲུབ་ས་ལུག༩ དྲག་པོ་ལྕགས་སྤྲེལ༡༠། བློ་ངན་ལྕགས་བྱ ༡༡། རྔ་ཆེན་ཆུ་བྱི ༡༢། ཁྲག་སྐྱུག་ཆུ་ཕག༡༣ །མིག་དམར་ཤིང་བྱི ༡༤། ཁྲོ་བོ་ཤིང་གླང་༡༥། ཟད་པ་མེ་སྟག ༡༦ དེ་ནས་སླར་རབ་བྱུང་བཅུ་དྲུག་པའི་རབ་བྱུང་མེ་ཡོས་འཆར་རོ། །རབ་ཚེས་ལྕགས་ཕག་ཟླ་༨པ་ཚེས་༢༩ཉིན་གུང་ལ་མི་ཕམ་པས་བྲིས་པ་དགེ ། ༈ །ཆུ་ལུག་ལོར་དུས་འཁོར་རྩ་རྒྱུད་གསུངས་པའི་ལོ་དེ་བཅོམ་ལྡན་འདས་དགུང་ལོ་བདུན་ཅུ་དོན་གསུམ་བཞེས་པ་ཡིན་རྒྱུར་བྱས་ན། དེའི་ཕྱི་ལོ་ཤིང་སྤྲེལ་ལྷ་དབང་ཁྲིར་འཁོད་སོགས་འདྲ། དུས་འཁོར་གསུངས་ནས་ད་དུང་ལོ་དགུ་བཞུགས་ཏེ་གྱ་གཅིག་པ་ལྕགས་ཡོས་ལ་ཞི་བར་གཤེགས། ལྕགས་ཡོས་ནས་ལོ་ལྔ་འདས་པའི་མེ་སྤྲེལ་པད་འབྱུང་འཁྲུངས་ལོ་བཅུ་རུ་གཉིས་ཆད་ཅེས་ཕྱེད་ལོ་ལ། སངས་རྒྱས་འདས་ལོ་ལྕགས་ཡོས་མ་བརྩིས་པ་འདྲ། དེ་ལྟ་ན་བཅོམ་ལྡན་འདས་ལྕགས་ལུག་ལ་བལྟམས་པ་བྱས་ན་འགྲིགས་འདྲ། ཟླ་འཛིན་སོགས་ཨེ་འགྲིགས་དཔྱད། ༈ །རིགས་ལྡན་དཔུང་བྱོན་ལོ་དེ། རབ་བྱུང་ཉི་ཤུ་རྩ་བཞི་པའི་མེ་ཡོས་ནས་ལོ་བཅུ་བདུན་འདས་པ་ངོ་ཐོག་པ་ཤིང་སྤྲེལ་ཡིན་འདྲ། དེ་ལོ་སྟོན་པ་ཆུ་ལུག་འདས་ནས་ལོ་སུམ་སྟོང་སུམ་བརྒྱ་གཅིག་འདས། ཕུག་པ་ལྟར་ན་བཞི་བསྣན་པས་སུམ་སྟོང་སུམ་བརྒྱ་བཞི་འདས་འདྲའོ། །མངྒ་ལཾ་མཆན། ། རྩིས་སྐོར་ནོར་བུའི་ཕྲེང་བ།― MR12_Page_0149 ―
[མ་དཔེ་གཟིགས་ན་འདིར་གནོན།]
རྩིས་སྐོར་ནོར་བུའི་ཕྲེང་བ་བཞུགས་སོ། ། ― MR12_Page_0150 ―
[མ་དཔེ་གཟིགས་ན་འདིར་གནོན།]
བླ་མ་འཇམ་པའི་དབྱངས་ལ་ཕྱག་འཚལ་ལོ། །ཚེས་ཀྱི་བླང་དོར་ལ། དགོངས་འདུས་སྐར་མཛོད་ལས། དོན་༡གྲུབ་༧ལོངས་སྤྱོད་༡༣ཟས་༡༩གོས་༢༥འཕྲད་པའི་ཚེས་འདི་རྣམས་བཟང་། འདི་༢རྣམས་༨ངན་བྱ་བ་༡༤མི་བརྩོམ་༢༠ གསུངས། ༢༦ འདི་རྣམས་༣༩ལྷག་པར་༡༥བཟང་༢༡བསམ་པ་༢༧འགྲུབ། གཡང་༤གི་ཉི་མར་༡༠གཡང་༡༦བླན་༢༢སོགས་༢༨ཤིས། བཟང་༥པོའི་ཉི་མར་༡༡གཏན་༢༧སྲིད་༢༣བྱ། ༢༩ ལག་༦སྟོང་༡༢ཉི་མར་༡༨དགྲ་༢༤དང་ཁ་མཆུ་༣༠འོང་། ༈ །རྣམ་སྣང་མངོན་བྱང་ལས།ཞི་བར་ཡར་ངོའི་ཚེ་བཞི་བཅུ་བཅོ་ལྔ་བཟང་། རྒྱས་པར་ཡར་ངོའི་གསུམ་བདུན་བཅོ་ལྔ། དབང་མར་ངོའི་ཚེས་དགུ། དྲག་པོ་མར་ངོའི་བརྒྱད་དང་བཅུ་བཞིར་བརྩམས་ན་ལེགས་གསུངས། སྤྱིར་ཞི་རྒྱས་དཀར་ཆོས་ལ། བརྒྱད་བཅུ་བཞི་བཅོ་ལྔ། དབང་ཡར་མར་གྱི་བརྒྱད་དང་བཅོ་ལྔ། དྲག་པོ་མར་ངོའི་ཉེར་དགུ་མཆོག་གོ ། ༈ ༡གཟའ་ཉི་མ་ཚ་ཟེར་ཅན། བདུན་གྱི་བདུན་པ། ནམ་མཁའི་ཐིག་ལེ། ནམ་མཁའི་མིག སྲིད་པའི་སྒྲོན་མེ། མཆོག་འདོད་ཆར་འབེབ། ནད་མེད་ ― MR12_Page_0151 ―
[མ་དཔེ་གཟིགས་ན་འདིར་གནོན།]
རྣམས་དེ་ཡི་མིང་གི་རྣམ་གྲངས་སོ། །མདོག་དམར་སྐྱའོ། །མི་ལྷའི་རིགས། ཞི་འཇམ་བུད་མེད་ཀླུའི་རིགས། ཆེན་ཡ་རབས་རྒྱལ་པོ་དང་སྐྱེས་པའི་བླ་གཟའ། རྒྱལ་པོར་བསྐོ་བ། གསེར་སྒྲུབ་པ། ལྷ་མཆོད་པ་སོགས་བཟང་དབང་དང་དགུག་ནབས་སོ་སྐྱེས། ལས་འགྲུབ། ཤིང་དང་བག་མ་གཤིན་ལས་ངན། ༈ །༢ ཟླ་བ་ཆགས་བྱེད། སྣར་མའི་བདག་པོ། རྟ་དཀར་སྟེང་ཕུར། རི་བོང་ཅན་བདུད་རྩིའི་ཐིག་ལེ་འོད་དཀར་ཅན་སོགས་ཟེར་ཐ་སྐར་སྐྱེས་རེད། བ་དཀར་སེར་མདོག །བཀྲ་ཤིས། དར་མ་དང་ཀླུ་གཉན་གྱི་གཟའ། ལྷ་མཆོད་སྨན་སྦྱོར་ཞི་བའི་ལས་སྒྲུབ་པ་སོགས་འཇམ་ལས་ཀུན་ལ་དགེ། ཧོམ་སྤར་བ་དང་། དྲག་ལས་དམག་ཇག་རྩུབ་པོ་མི་འགྲུབ་སྤང་། ལུས་དམར། སྟོབས་ལྡན་དམག་དཔོན་དང་སྐྱེས་པ་དང་སྔགས་པ་དྲག་ཤུལ་ཅན་གྱི་བླ་བཟའ་ཡིན། ངོ་བོ་དྲག་རྩུབ་མི་བཟད་མ་རུངས་པ་ཡིན་པས་དྲག་ལས་དང་དམག་སོགས་རྩུབ་མོའི་ལས་ལ་མཆོག་ཏུ་བསྔགས། གྲི་གཟའ་ཡིན་པས་གྲི་ས་སྐྱེས་ ― MR12_Page_0152 ―
[མ་དཔེ་གཟིགས་ན་འདིར་གནོན།]
དམག་དཔོན། གཞོན་ནུ། འོད་ཟེར་དགུ་པ་གཟའ་པ་སངས་བུ་བཀྲ་ཤིས་ཆུ་སྟོད་སྐྱེས་སོགས་ཟེར། ལྷ་མིན་གྱི་རིགས། མདོག་དམར་ནག་གོ ། ཞི་འཇམ་གྱི་ལས་སྤང་། ཁྱི་གསང་གསོས་ན་དང་ཆེ། ༈ ལྷག་པ་ཕོ་མོ་དར་མ་དང་རྒྱལ་བུ་གཞོན་ནུ་དང་མ་ནིང་དང་ལོངས་སྤྱོད་ཅན་གྱི་བླ་གཟའ་རིག་གནས་བསླབ་པ་དང་། ནོར་ཚུར་ལེན་ཁྱིམ་བཟུང་སོགས་དགེ་ཞིང་ཞི་ལས་ཕལ་ཆེར་ཀུན་ལ་བཟང་ཡང་བག་མ་ལ་གཟའི་གནམ་ཁྱི་ཡིན་པས་ངན་རབས་ཆད་ཀྱིས་གཟའི་ཡིན་སྔོ་བསང་ལུས། མཛའ་ལྷའི་གྲོགས། རྒྱལ་བ་མཁས་པ་གསལ་ལྡན་སོགས་ཟེར། མདོག་སྔོ་ལྗང་ངོ་། །གནོད་སྦྱིན་གྱི་རིགས་སོ། །སྣར་མ་སྐྱེས་ཟེར་ཀྱང་། ཚིམ་བྱེད་སྐྱེས། ལྷ་མཚམས་སྐྱེས། ཐོས་སྣང་སྐྱེས། པས་དུར་མི་གདབ། རྒྱས་པའི་ལས་ཐམས་ཅད་ལ་མཆོག་གོ ། ༈ ༥ཕུར་བུ་མཁས་པ་དང་། ལྷའི་སྒྲ་མཁན། རབ་བྱུང་བན་བཙུན་འཚོ་བྱེད་སྨྲ་མཁས་དཔྱོད་ལྡན། སྔགས་པ་བྱང་སེམས་ཀྱི་བླ་གཟའ། ཕ་བདུན་པ། སྐྱེས་པ་དང་སློབ་དཔོན་གྱི་གཟའ། རབ་བྱུང་དཀྱིལ་འཁོར་བྲི། བདེ་ལས། སྔགས་སྒྲུབ་པ་སོགས་ལས་བློ་ལྡན། ཚིག་བདག །མེ་བཞི་སྐྱེས། རིགས་བྱེད་བདག་པོ་སོགས་ཟེར། བྲམ་ཟེའི་རིགས་ཡིན། མདོག་གསེར་ལྟར་སེར་པོའོ། །བཅུ་གཅིག་འོད་འཕྲོ། ཕལ་ཆེར་ལ་བཟང་། གཙུག་ཕུད་གསུམ་སྣ་ཚོགས་གཟུགས་ཅན། རིག་པ་བསླབ་པར་ལེགས་ཀྱང་སྔོན་བརྒྱ་བྱིན་གྱི་ཚིག་གིས་ཡི་ཆད་པས་སྒྲ་བསླབ་པ་སྤང་གསུངས་ཤིང་གཟའ་ཡིན་སྔགས་ལ་བཟང་ཡང་ཟོར་འཕང་པ་སྤང་གསུངས་དེ་མིན་ཕལ་ལ་ལེགས། ཞི་དྲག་ཕྱེད་མའི་གཟའ་འོ། །རྒྱལ་ལས་ཀྱང་བཟང་བར་རྣམ་སྣང་མངོན་བྱང་ལས་གསུངས་སོ། །བསྐྲད་ལས་ལ་བཟང་།༈ ༦པ་སངས་རྗེ་ལྷ་མིན་བླ་མ། སྙན་ངག་མཁན། ངན་སྤོང་བུ། བཅུ་དྲུག་འོད་ལྡན། བུ་བ་དཀར་པོ་སོགས་ཟེར། སྦྱིན་བྱེད་བླ་མ། ལྷ་མིན་བདག་པོ། ནབས་ ― MR12_Page_0153 ―
[མ་དཔེ་གཟིགས་ན་འདིར་གནོན།]
སོགས་སྐྱེས། མཆུ་སྐྱེས། ངན་ལས་རྒྱལ་ཚིག་བརྒྱའི་དབང་པོ། རིགས་དང་། སྟག་གཟིག་པ། རྒྱལ་བློན་བཙུན་མོ་བུད་མེད་ཀྱི་བླ་གཟའ། སྣ་ཚོགས་མདོག་གོ། བུད་མེད་བགྲོད་པ། བག་མ་ལེན་པ་སོགས་དགེ་ཞིང་ཞི་ལས་ཕལ་ཆེར་བཟང་། ཁྱད་པར་དབང་སྡུད་ཀྱི་ལས་བསྒྲུབ་པ་ལ་མཆོག །ཞི་ལས་ལའང་བཟང་། སྙན་དངགས་སྦྱང་བརྩམས་ལ་ཤིན་ཏུ་བཟང་། ཕྱུགས་ཀྱི་གཟའ་ཡིན་ཕྱུགས་མི་གཏོང་། ༠སྤེན་པ་བྱས་པ་དང་བྲན་དང་དབུལ་པོ་དམངས། འཁྱོང་འགྲོ། གཤིན་རྗེའི་བདག་པོ་མིག་བཟང་མིག །རིགས་ཀྱི་བླ་གཟའ། ཤིན་ཏུ་དལ་ལ་བརྟན་པས་ཁང་རྨིང་འདིང་བ་སོགས་བརྟན་ལས་བྱས་ན་ཡུན་དུ་བརྟན། གཡང་གཟའ་ཡིན་པས་གཡང་སྒྲུབ་འགུག་བཟང་། ངོ་བོ་ཚངས་སྐྱེས། གོས་སྔོན། འོད་ཟེར་བདུན་པ། ཉི་མའི་བུ། གཤིན་རྗེའི་བ་དན། དལ་འགྲོ། མདོག་ནག་སོགས་ཟེར། གཞུ་ཁྱིམ་སྣུབས་ལས་སྐྱེས་པའོ། །དྲག་གཟའ་དང་གཤིན་རྗེའི་རིགས་ཡིན་པས་དྲག་ལས་སྤྱི་དང་ཁྱད་པར་མནན་རྨོང་གི་ལས་བསྒྲུབ་པར་བཟང་། བྲན་བརྟེན་སོགས་ལས་དགེ་ལས་མྱུར་ལས་བསླབ་སྦྱང་སོགས་ལས་དགེ་བ་ཕལ་སྤང་ངོ་། ༧ །རྒྱུ་སྐར་སྨིན་དྲུག་ནི། ཡ་རབས་དང་བུད་མེད་དང་ལུག་གི་བླ་སྐར་སྟེ་ཞི་དྲག་ཕྱེད་མ། སྤྱིར་བཏང་སྙོམས་པའི་སྐར་མ་ཡིན་ཀྱང་བཟོ་གནས་བྱེད་པ་བཟང་། སྦྱིན་སྲེག་མེ་ཡི་ལས། ཁང་པའི་ཐིག་ཚགས་དབང་གི་ལས། བ་ལང་ལྷས་བྱེད། ར་ལུག་ཉོ་བ་སོགས་བཟང་། ཞོ་དཀྲོག་ན་མར་ཆེ། ཀིརྟཀ །སྤུན་དྲུག་སོགས་ཟེར། རྩོད་པ་མི་བྱ། གོས་གསར་པ་བགོ་བ་དང་གཡུལ་འགྱེད་ན་བཟང་། ཚུར་མི་ཉོ། འདི་ཟློས་སྐར་ཡིན་པས་མི་ཤི་ན་མི་ལེགས། ཤིད་སོགས་མི་བྱའོ། ༈ །༣ སྣར་མ་མོ་བེའུ་རྫི། བཙུན་དོན་གྲུབ་སྐྱེ་དགུའི་བདག་པོ། དལ་བའི་ལྷ་ལྡན་མ་ཕྱུགས་ཀྱི་བླ་ ― MR12_Page_0154 ―
[མ་དཔེ་གཟིགས་ན་འདིར་གནོན།]
སྐར། གླུ་བྲོ་སྐྱིད་ཀྱི་སྐར། གཡང་སྐར་ཡིན། ཤིན་ཏུ་བརྟན་པས་གཡང་བླན་སོགས་ལ་མཆོག་ཏུ་དགེ། ཞིང་ལས་ཁང་ཁྱིམ། ཕྱུགས་ལྷས། ས་བོན་གདབ་པ། ཕྱུགས་བླང་བ་སོགས་ལ་མཆོག་ཏུ་དགེ། ལས་ཕལ་ལའང་བཟང་། འཇམ་དཀར་གླང་མེད་ཡིན་པས་དམག་ཇག་བརྩམ་ན་དམག་ཇག་མི་ཐེབ་སྟོན་མོ་མི་རུང་ཞེས་ཁྲོམ་རྩིས་བརྒྱད་ཅུ་པ་ལས་གསུངས། གླུ་བྲོ་སྐྱིད་སྐར་ཡིན་ཀྱང་ནོར་བཏང་བས་གཡང་ཉམས་ལ་དགོངས་འདྲའོ། །བུ་ལོན་འདེད་པ་ཆང་འགྱེད་སྤང་། ༤མགོ་ནི། དམེ་སྐར་ཟླ་སྐྱེས། སྨལ་པོ། རི་དྭགས་མགོ སྟག་ཤར་དྲྭ་མ་དང་བཙད་པོའི་བླ་སྐར། མྱུར་ལ་བཟང་བས་རིག་པ་ཚེགས་ཆུང་ངུས་ཁྱད་འཕགས་ཐོབ། དལ་ལས་སོགས་སྣར་མར་བསྟན་ཚད་བྱས་ན་འགྱང་བས་མི་བྱའོ། །རྒྱལ་སར་བསྐོ་བ། རྟ་གླང་འདུལ་པ། བག་མ་ལེན་སོགས་བཟང་། གོས་གསར་མི་བགོ་རྒྱན་མི་གདགས། འདི་སོགས་ཕལ་ཆེར་སྟག་རྣའི་མདོ་ལྟར་ཡིན། ༥ལག་དྲག་པོ་ནག་མོ་དྲག་མོ། དྲག་ཤུལ་མ། དམག་དཔོན་དགྲ་ཟེར། དགྲ་དཔུང་འཇོམས་བྱེད་ཀྱི་སྐར་མ། དམག་དཔོན་དགྲ་འདུལ་ཤན་པ། བྱེས་བགྲོད་དྲག་པོའི་རིགས་ཀྱི་བླ་སྐར། དྲག་པོའི་དོན་གཉེར། ཁྲོན་པ་འདྲུ་བ་བ་བཏུལ་པ། དམག་འགྱེད་སོགས་བཟང་། ༦ནབས་སོ་སྦྱིན་མོའི་ལྷ་མོ། རྒྱལ་སྟོད་ཤུ་ཀྲ་མ། དངོས་གྲུབ་འབྱུང་བྱེད། ཕྱུག་པོ་ནོར་ཡོད། གཡང་སྐར། ལུག་གི་བླ་སྐར། གཙུག་ཕུད་བཞག་པ། བུ་འདོད་ཆུང་མ་ལེན་པ་སོགས་གང་ཡང་མྱུར་དུ་འགྲུབ་ཅིང་ཕ ན་པ་བཀྲ་ཤིས་ཀྱི་སྐར་མ་ཡིན། ཤིད་དང་དྲག་ལས་བསྒྲུབ་ནའང་བཟང་། ནོར་འཇལ་ན་གཡང་འཆོར། འཇམ་ཆེས་པས་དམག་མི་ཐེབས་འཆི་དོགས་ཡོད་པས་གསོ་བའི་ལས་མི་བརྩམ། དེ་མིན་སྤྱིར་བཟང་ངོ་། ༈ །༧རྒྱལ་ཡོན་ ― MR12_Page_0155 ―
[མ་དཔེ་གཟིགས་ན་འདིར་གནོན།]
ཏན་ཀུན་འབྱུང་། གང་བྱས་གྲུབ་པ་བླ་མའི་ལྷ་ལྡན། སྤྱོད་ལྡན་མ། གྲུབ་པ། ཚིམ་བྱེད་ཟེར། ཕན་པ་བཀྲ་ཤིས་པའི་སྐར་མ། ལུག་དང་གཡང་གི་བླ་སྐར། བསོད་ནམས་གྲགས་པ་ཚེ་བསྲིང་། མཆོད་པ་དཀྱིལ་འཁོར་བྲི་བ། བསྙེན་སྒྲུབ་རྩོམ་པ་དབང་བསྐུར་སོགས་སྔགས་ཀྱི་ལས་སྒྲུབ་པ། ཆོས་འཆད་རྩོམ། རྒྱལ་སར་འདོན་པ། རབ་གནས། རྒྱན་གདགས་པ། ཁ་སྤུ་འབྲེག་པ། རྒྱལ་མཚན་འཛུགས་པ་སོགས་དགེ་ལེགས་ཞི་རྒྱས་ཀྱི་ལས་ཀུན་ལ་བཟང་། དབང་གི་ལས་བསྒྲུབ་ནའང་ཆེས་བཟང་། ༨སྐག་ཝ་གདེངས་ཅན་ལྷ་མོ། འཇམ་ཞུད་རོ་འདོན་གཤིན་སྐར་ཁྱི་གཅན་མགྲོན་པོ་ལམ་ཞུགས་ཀྱི་བླ་སྐར་ཡིན། འདིའི་ལྷ་གཤིན་རྗེ་ཡིན་ཅིང་སྤྱིར་འབྲས་བུ་ངན་པ་དྲག་པོའི་རྒྱུ་སྐར་ཡིན་པས་དྲག་ལས་ངན་བྱེད་བྱས་ན་ཐེབས་ཏེ་མི་ལྡོག རྒྱན་བརྡུང་། ར་བ་བརྩིགས་པ། རྫིང་དང་ལམ་བཅད་པ་བཟང་། མགྲོན་སྐར་ཡིན་པས་ལམ་ཞུགས་ལ་སྐྱོན་མེད་པར་ཡང་གསུངས། རོ་འདོན་ལ་འཇམ་སྟེ་བཟང་པར་ཡང་བཤད། ཤི་རྒབ་ཆོད། འདི་ཆོད་སྐར་ཡིན་ཡང་ཤིད་སོགས་གཞན་ཕལ་ཆེར་མི་ལེགས་པས་སྤངས། ཞི་བའི་ལས་སྒྲུབ་པར་བྱས་ན་བཟང་བར་རྣམ་སྣང་མངོན་བྱང་ལས་གསུངས། ༈ ༩རྟ་ཆེན་ཕ་སྤུན་ནང་དམེ་མཆུ་སྙན་དངགས་མཁན། ཕ་མྱེས་ལྷ་སྐྱེས། འགྱེད་པའི་སྐར་མ་སྟོབས་ལྡན་འཇིགས་བྱེད་དགྲ་འདུལ་བའི་སྐར་མ། ཇག་ཕྱུགས་ཀྱི་བླ་སྐར། པའི་བླ་སྐར་ཡིན་པས་དགྲ་ལ་རྒོལ་ན་བཟང་། འབྲུ་ཐམས་ཅད་ཀྱི་ས་བོན་གྱི་དོན་དང་། ཕག་གི་བྱ་བ་དད་པའི་བྱ་བ་བཟང་བརྟན་པའི་དོན་གྲུབ་ཡིན། དྲག་ལས་མི་བྱ་སྤང་། ཞི་ལས་དབང་གི་ལས་ལ་བཟང་བར་རྒྱུད་ལས་གསུངས། ༈ ༡༠རྟ་ཆུང་གྲེ་གྲེ་ཡང་ཟེར། ཕུང་མི་ཟན་འཚོ་བ་སྐྱེས། དམེ་ཕོའི་སྐར་མ། ཇག་ ― MR12_Page_0156 ―
[མ་དཔེ་གཟིགས་ན་འདིར་གནོན།]
པ་དང་དཔའ་བོ་ཁྱུང་གཤོག་སྐར་མ་འདི་ལ། དགྲ་བླ་གསོལ་བ། གོ་མཚོན་བརྡར་བ་བཟང་། དགེ་བ་ཞིང་ལས་སྐྱུ་རུ་ར་སོགས་འབྲས་བུའི་ཁྱད་པར་གྱི་ལས། གཞོན་པ་རྣམས་བཀྲ་ཤིས་ཀྱི་ཁྲུས་བྱ་བ། གནས་བྱ་བ། བག་ཕེབ་པ། བྱིས་པའི་སྐྲ་འཁྲུ་བ། སྐྲ་མཛེས་པར་བྱ་བ། སྐལ་ལྡན་ཉེར་འཚོའི་ལས་ལ་བརྟན་ཞིང་དོན་འགྲུབ་བོ། །ནད་སོགས་ཞི་བའི་ལས་སྒྲུབ་པ་བཟང་པར་རྣམ་སྣང་མངོན་བྱང་ལས་གསུངས། ༈ ༡༡དབོ་གཡུང་པོ་ནོར་འཚོལ་ཇག་པ་དང་ལུག །དགྲ་སྐར་ཀྱང་། བྱེས་བགྲོད་བླ་སྐར། ཁང་རྙིང་གསོ་བ་དང་རབ་གནས་སོགས་ལས་ཐམས་ཅད་བཟང་། རབ་ཏུ་བརྟན་པ་ཡིན། དྲག་ལས་བསྒྲུབ་པ་ལའང་བཟང་རྣམ་སྣང་མངོན་བྱང་ལས། ཞེས་གསུངས། ༈ ༡༢ མེ་བཞི་མྱུར་རིགས་བྱེད་འདོན་པ། མེ་ལྷ་བྱ་མའང་ཟེར། མགྱོགས་གློག་འདྲ་ཚེ་སྤོ་དང་འདྲ་ཟེར། ཉི་མའི་ལྷ་ལྡན། ཕྱི་མོ་བྱང་ཕྲུག་ཟེར་རམ། འདས་གཤིན་པོའི་ལུག་གིའང་། བླ་སྐར་ལ། ལས་ཕྲན་ཐམས་ཅད་དང་གཤིན་ལས་བཟང་། དམག་ཡུན་ཐུང་ལ་བཟང་བར་ཡང་བཤད་བྲམ་ཟེའི་ལས་ཀུན་དང་། གླང་དང་རྫིང་བུའི་ལས་སོགས་ཕལ་ཆེར་ཀུན་ལ་བཟང་ཕན་པ་བཀྲ་ཤིས་འབྱུང་།བརྐུས་ན་འགྲུབ། བག་མ་སོགས་གཞན་འགའ་སྤང་། ༈ ༡༣ ནག་པ་འཇམ་ལ་ཟུག་བརྒྱད་ལྡན་མ། ཟླ་བའི་ཐོག་མ། བྱ་རོག་བྱ་འུ་འང་ཟེར། གཟེར་ཆུང་བའི་སྐར་མ། གནག་དང་ར་སོགས་རྐང་བཞི་དུད་འགྲོའི་བླ་སྐར། མྱུར་ལ་བཟང་བ་ཡིན་པས་བུ་ལོན་འདེད་པ་སོགས་བཟང་། རྒྱལ་སར་འདོན་པ་གོས་བགོ་རྒྱན་རྒྱལ་བུ་དོན་གྲུབ་ལ་ནག་པར་རྒྱན་བཏགས་པར་འདུལ་པར་གསུངས། བཏགས། དམག་ཆས་པ། དྲི་སྤོས་སྦྱར་བ། གླུ་གར་རོལ་མོ། ལག་བཟོ། ཞལ་བ་བྱེད་པ། སྣག་ཚ་འདུལ་བ་སོགས་བཟང་། མདོག་ནག་ལ་ལེགས་ཟེར། ཟློས་སྐར་ཡིན་པས་སླར་བྱེད་པར་མི་ ― MR12_Page_0157 ―
[མ་དཔེ་གཟིགས་ན་འདིར་གནོན།]
འདོད་པ་རོ་ལས་ཤིད་སོགས་སྤང་། ༈ ༡༤ས་རི་བནྡེ་རླུང་གི་ལྷ་མོ། སྭཱ་ཏཱི། རླུང་གི་དབང་ཕྱུག སྒོང་ནམ་མཐོང་གོང་མའང་ཟེར། དགོངས་འདུས་སྐར་མཛོད་ལས་གནམ་མཐོང་གོང་མ་ཟེར། སྐར་ཆུང་གནམ་མཐོང་བྱེད་ཡོད་གསུངས། འདྲི་གཡག་ཕྱུགས་ཀྱི་བླ་སྐར། འབྱུང་བ་རླུང་ཁམས་ཀྱི་བླ་སྐར། གཡང་སྐར་ཀྱང་ཡིན། གཞི་བྱེས་ལས་ཀུན་ལ་བཟང་ཞིང་མྱུར་བ་ཡིན། དྲག་ལས་ལའང་ལེགས། རྟ་བོང་དགྱེ་བ། སྟོན་མོ་ཟས་འགྱེད་རྔ་སོགས་རོལ་མོ་བརྡུང་བ། གླུ་ལེན་པ་སོགས་མྱུར་དུ་འགྲུབ། བག་མ་གཏོང་ལེན་ཤིད་ཀྱི་ལས་གྲོགས། གནས། མལ་ཆ། ཁྱིམ་འཇུག་བཟང་། མྱུར་ལ་འགྱུར་སྐར་ཡང་ཡིན་ནོ། ༈ །༡༥ས་ག་སྐར་མའི་ཁྲོ་བོ། བདུད་འདུལ་སྔགས་པའི་དབང་པོའི་ལྷ་ལྡན། བི་ཤྭ་ཁཱ། རྒྱུད་ལྡན་མ། སྒྲུབ་བྱེད་མ། གནམ་མཐོང་འོག་མ་ཟེར། མེ་ཡི་སྐར་མ་ཡིན་ནོ། །བླ་སྐར་ཡིན་པས་མནན་སྲེག་སོགས་དྲག་ལས། དབང་གི་ལས་ལ་གྲུབ་སྐར་ཡིན་བཟང་། ཞིང་གི་བླ་སྐར་ཀྱང་ཡིན། གཞན་དུ་བཏང་སྙོམས་བྱེད་པའང་ཡིན་བཟོ་སོགས་བཟང་། ཁང་ལས། བག་མ་ལེན་པ། སྐྲ་འཁྲུད་པ། གཙང་སྦྲ་བྱེད་པ། གཞན་ནས་དང་གྲོའི་ལས་མཐའ་དང་ཤིད་ཀྱི་ལས་སྤང་དགོས་ཏེ་གདུངས་ཤིང་ཉམས། ཏིལ་སྲན་སོགས་གདབ་པར་བཟང་། ཞིང་ཚུར་ཉོ་བཟང་། ཕར་བཙོང་ངན་སྟེ་དེའི་བླ་སྐར་ཡིན་པས་དེ་བཞིན་བླ་སྐར་གཞན་ལའང་ཤེས་པར་བྱའོ། ༈ །༡༦ལྷ་མཚམས་ཨ་རུ་རཱ་དྷཱ། མཛའ་བོའི་ལྷ། ལག་སོ་ཟེར། འཇམ་པོ་མྱུར་ལ་བཟང་བ། བནྡེ་དང་དམངས་ཕལ་པའི་བླ་སྐར་ཡིན། ཀུན་ལ་སྙོམས་པའི་སྐར་མ་ཡིན་པས་བག་མ་སོགས་ཀུན་ལ་བཟང་། ཟློས་སྐར་ཡིན་པས་བཟང་པོ་འཕེལ། ཤིད་སོགས་སྤང་། འདུམ་བྱ་བ། སྐྲ་བྲེག མཚོན་ལས། བསྐུ་བྱུག་གི་ ― MR12_Page_0158 ―
[མ་དཔེ་གཟིགས་ན་འདིར་གནོན།]
ལས་འགྲུབ་སྟེ་བརྟན། བརྩོན་འགྲུས་བརྩམ་པར་མཆོག་སྟེ་མི་ལྡོག་བརྟན། ལས་སྤྱི་ལ་དགེ ༈ ༡༧སྣྲོན་དྲག་པོ་བསོ་སྒྲ་འདེབས་པའི་སྐར་ལྡེ་གུ། ཛྱེ་ཥྛ། ལྷ་དབང་ལྡན་ཟེར། གདུ་བུའང་། མ། ར་དང་མགྲོན་པོ་ལམ་ཞུགས་བླ་སྐར། འབྲས་བུ་ངན་པར་གཏོགས་པའང་ཡིན། གོ་བདར། དགྲ་འཇོམས།རྒྱལ་པོ་ཐོག་མར་དབང་བསྐུར་བཟང་། གྲོགས་སོགས་བགོ་བཤའ་བྱེད་པ། རྒྱལ་པོའི་ལས། རྒྱས་པའི་ལས་བསྒྲུབ་པ། ར་བླང་པ། ཁང་པ་བཟུང་བ་བཟང་། དྲག་ལས་མ་གཏོགས་གཞན་པ་ལ་ཅུང་ཞེན་ནོ། ༈ །༡༨ སྣྲུབ་སྔགས་མུ་ལ། པ་ནང་རྩ་བ་ཟེར། དམེ་འགྱེད་པའི་སྐར་མ། དཔུང་པ། དམངས་སོགས་པ། ཀྱི་གྲུ་མོའང་ཟེར། བླ་སྐར། དྲག་པོའི་ལས་སྦྱོར་གྱི་སྐར་མ་ཡིན། མཐུ་བྱེད་པར་བཟང་། དམག་དྲངས་པ་སོགས་དྲག་རྩུབ་ལས་ལ་བཀྲ་ཤིས་སྟེ། བཟང་། ལ་ཕུག་སོགས་རྩ་བ་དོན་དུ་གཉེར་བ། བུད་མེད་ཀྱི་དོན། ཁྲུས་བྱེད། ཕྱེ་བཏག ཆང་སྦྱོར་བཟང་། ནད་བཏབ་འཚོ་དཀའ། གཞན་ངན་སྟེ་འབྲས་བུ་ངན་པའི་རིགས་སོ། ༈ །༡༩ཆུ་སྟོད་འདོད་ཆུ་ལྷ་ལྡན་ཡོན་པུརྦ་ཥ་དྷ། རྫི་བོའང་དཔྱད། ལོངས་སྤྱོད་སྦྱིན་པའི་སྐར་མ། བྲེ་འང་ཟེར། འབྲུ་སྣོད་བང་མཛོད་གཡང་ཤ་མར་ནས་ཀྱི་བླ་སྐར། ལྷ་གསོལ་གཡང་ལེན་ཚེ་ཆོག་གཉེན་བྱ་རྒྱལ་སར་འདོན་པ། ཡུར་བ་དྲང་། ཞིང་ལ་ཆུ་བླུགས། ཆར་འབེབས་སོགས་ཆུའི་ལས་དང་། སློང་བའི་དགོས་པ་སྦྱར་བར་བཟང་། བརྟན་པའི་དོན་འགྲུབ་ཀྱང་ཡིན། དྲག་ལས་ཀྱང་འགྲུབ། དེ་ལ་མེས་ཚིག་ན་འཚོ་དཀའ་འོ། ༈ །༢༠ཆུ་སྨད་ཁ་སྣ་ཚོགས་ལྷ་ལྡན། དྲག་དཔུང་ལྡན་བྱ་མཆུ་འང་། འབྲུ་ཡི་བླ་ཕུལ་ཨུཏྟ་རཱ་ཥ་དྷཱ། སྐར། ཁེ་བསོག་ནོར་ཕྱུགས་སྐྱོང་བའི་སྐར་མ་ལ་ཤིང་བསྐྱེད་རྫིང་འབྲུ་གཡང་ལེན། བག་མའི་ལས་དང་སྲིད་ཀྱི་བྱ་བ་བཟང་། ― MR12_Page_0159 ―
[མ་དཔེ་གཟིགས་ན་འདིར་གནོན།]
གྲུབ་སྐར་ཀྱང་ཡིན། ཕྱུགས་གནས་གྲོང་དཔོན་ཚོང་དཔོན་བསྐོ་རྒྱལ་པོའི་དགོས་པ་རྣམས་བཟང་སྟེ་བརྟན་པའི་དོན་གྲུབ་ཡིན། གོས་དྲུབ་པར་བྱ། གྱོན་པར་མི་བྱ། བསྡུ་བསོག་མི་བྱ། ཁྱིམ་མི་ཕུབ། ཚབས་བཏབ་ན་འཚོ་དཀའ་འོ། །༈ ༢༡ གྲོ་བཞིན་སྲོག་མཁར་སྐུ་རྟེན་སྐར་མ་དབྱེ་སྐར། མཚོ་རྫིང་ཡུལ་བའི་བླ་སྐར། བོན་པོའི་བླ་སྐར་འདི་ལ་མཁར་ལས་ཆུ་ལས་གཡུལ་བསྐྲད་རོལ་མོ་བསླབ་པ་བཀླག་པ་རྣམས་མྱུར་དུ་འགྲུབ། ཞི་བའི་ལས་དང་རྣ་ཆ་གདགས་པ་རྒྱལ་པོར་དབང་བསྐུར་བ། བྲམ་ཟེའི་ལས། གཏོར་འཕྲོག་བྱེད། བོན་པོ། བྱ་སྦོ་ཟེར་བ་སྐང་ཆུང་ཡིན་པར་བཤད་བྱ་ཕོ་འང་། ཤྲ་བ་ཎ། མ་གཏོང་བ། དཔུང་ལ་ལྟ་བར་བཟང་། དེ་ལ་སྟོང་པ་མྱུར་དུ་རྙེད། ཟློས་སྐར་ཡིན་པའི་ཤིད་སོགས་སྤང་། ༈ ༢༡བྱི་བཞིན་ཤི་བསྡུར་བང་སོ་རྩིག་སྐར། ཚེ་འདས་གཤིན་གྱི་བླ་སྐར་ཡིན། འདི་ལ་ཚངས་པ་ལྷའི་མཆོད་པ་མི་བྱ། འདི་ཡང་བོན་པོའི་བླ་སྐར། གཤིན་ལས་ལ་བཟང་། ལ་ལར་ཤིད་མི་རུང་ཡང་ཟེར་དཔྱད། མྱུར་ལ་འགྱུར་བ་ཡིན་པས། གཞན་འགྲོ་ཚོང་སོགས་མི་བརྟན་བྱ་བ་བེའུ་འམ། བྱ་གཞུག །སྤུར། བཟང་། ༈ ༢༢མོན་གྲེ་གཡོ་ཞིང་མི་བརྟན་འགྱུར་བའི་སྐར་མ། རྟ་ཕྱུགས་བོང་བུ་ལུག་ནོར་བླ་སྐར། འགྲོན་སྐར་ཡིན། རྟ་ཕྱུགས་ཚུར་ལེན། མཆོད་པ། རིག་བྱེད་བཀླག་པ། ཁྲུས་བྱེད། རྒྱལ་པོར་དབང་བསྐུར། བྲམ་ཟེའི་ལས། ཚོང་དཔོན་བསྐོ་སོགས་བཟང་སྟོར་བརླག །སྒྲོག་སྟོད། ནམ་མཐོང་གོང་། ཐོབ་ལྡར་མ་ཟེར། ཐོས་མཆོག །ནོར་ལྡན། དྷ་ནིཥྛ། བཅིངས་སོགས་སླར་ཐོབ། ༈ ༢༣མོན་གྲུ་གཞི་བྱེས་ཡོངས་ལ་ཤིས་པའི་སྐར་མ། ཆུ་ལྷ་མོ། སྒྲོག་སྨད། ནམ་མཐོང་འོག་ཀྱང་ཟེར། གཡང་སྐར། རྟ་བོང་གི་བླ་སྐར། འགྲོན་སྐར། ཤིན་ཏུ་བརྟན་པའི་སྐར་མ་ཡིན། ― MR12_Page_0160 ―
[མ་དཔེ་གཟིགས་ན་འདིར་གནོན།]
འདི་ལ་གཞི་སྡོད་ཡུལ་འཛིན་སྡེ་འཛུགས་ཁེ་སྐྱེད་བྱེད་སོགས་བརྟན་ལས་བཟང་། རྒྱས་པའི་ལས་སྒྲུབ་པར་མཆོག སྨན་སྦྱོར། གྲགས་པའི་ལས་སྲིད་སྲུང་། ཟོང་དང་ཆང་འཚོང་ཆུ་འབྱིན། ཏིལ་སྲིན་འདེབས་པ། རྒྱལ་མཚོར་ཚོང་པ་ཆས་པ་བཟང་།རྒྱལ་པོའི་བཀའ་བསྩལ་པ་སྡིག་ལས། ཕོ་ཉ་བཏང་བ། སྒོ་སྲུང་དང་ཡི་གེ་པ་བསྐོ་བ། སྨན་བཏུབ། གཏོང་བ། གཏེར་བརྐོ་བརྫང་མི་བྱའོ། །གཏེར་བཞག་སྨན་བཟའ་བ་བཟང་། འགྲོན་སྐར་ཡིན། འགྲོན་སོགས་སྐྱིད་ཀྱང་འགོར་གཞི་བག་ཙམ་ཡོང་། སྟོར་བ་ཡུན་རིང་བཙལ་ན་རྙེད། ༈ ༢༤ཁྲུམས་སྟོད་ར་ཡི་ལྷ་མོ་གནས་མ། ཕྱེད་ཙེའང་། བྱམ་ཆུའང་དཔྱད། དངོས་གྲུབ་གཡང་གི་སྐར་མ། བནྡེ་དང་གཤིན་གྱི་བླ་སྐར་བརྟན་ཞིང་དོན་གྲུབ་ཡིན། གཉེན་སྦྱོར་ནོར་ཉོ་བྲན་བསྟེན་གཤིན་ལས་བཟང་། དྲག་པོའི་སྦྱོར་བའང་འགྲུབ། སྟོན་མོ་བྱེད་པར་ཅུང་མི་ལེགས། འདི་ལ་སྨས་པ་དང་རིམས་བཏབ་ན་ངན། ༈ ༢༥ཁྲུམས་སྦྲུལ་འཆིང་། ཨུཏཱ་ར། བྷ་དྲ་ས། ཟེའུ་བ་ལང་རྐང་ཁྲུམས་སྟོད་སྨད་སྤྱི་མིང་ཟེར། སྨད་གཤིན་སྐར་སྟེ། དྲག་ཤུལ་ཆེ། ནོར་རྒྱས་ཀྱི་རིགས་ཡིན་མྱུར་ལ་བཟང་། འདི་ལ་གཤིན་ཕྱོགས་ཀྱི་ལས་དང་དམག་ཇག་བརྩམ་པ་བཟང་། ཞི་ལས་ཚེ་རིང་རྒྱས་ལས་ཀྱང་བཟང་། ལྷོ་ཕྱོགས་སུ་འགྲོ་བ་སྤང་། གྲོགས་མི་བཙལ། དེ་ལ་སྐྱེས་ཚད་ལྟོ་སུམ་འགྱུར་ཆེ། འཇིགས་མེད་གྲགས་ལྡན་འོང་། ༈ ༢༦ནམ་གྲུ་བླ་མེད་བྱང་ཆུབ་བསྒྲུབ་ཤེས། རེ་བ་ཏི། བསོ་བའི་ལྷ་མོ། རྒྱས་བྱེད་སོགས་ཟེར། པའི་སྐར་མ། སྟག་ཤར་དྲྭ་མ་དང་། རྩིས་པའི་བླ་སྐར་ཕན་པ་བཀྲ་ཤིས་གྲུབ་པའི་སྐར་མ་ཡིན། འདི་ལ་རྣམ་དཀར་གྱི་ལས་དང་། ཆོས་འཆད་པ། གསེར་སོགས་རིན་པོ་ཆེ་དང་འབྲུ་བསྒྲུབ་པ། མཛོད་བཅའ་བ། རིགས་བརྒྱུད་སྤེལ་བ། ཆང་གི་ལས་ ― MR12_Page_0161 ―
[མ་དཔེ་གཟིགས་ན་འདིར་གནོན།]
ལྷ་མོ། རྒྱས་བྱེད་སོགས་ཟེར། བཟང་། དེ་དག་གཏོང་བའི་ལས་མི་བྱ། གཞན་ཡང་ལམ་གསར་གཏོད། ཆུ་བསྒྱུར། ཁང་པར་འཇུག་པ། མིག་སྨན་སྦྱར་བ། གོས་གསར་བགོ་བ། དབྱིག་བླང་བ་བཟང་། འཇམ་སྐར་ཡིན་པས་དམག་ཇག་མི་ཐེབས། བག་མ་བླངས་ན་སྲིད་མི་འཕེལ་སོགས་ཀྱི་ཕྱིར་སྤང་། ༈ ༠ཐ་སྐར་དགྲ་བོའི་ཡུལ་འཁོར་གཞོམ་པའི་སྐར་མ། དམག་དཔོན་སོགས་མཚོན་འཛིན་གོ་ཁྲབ་ཅན་གྱི་བླ་སྐར། རྐུན་པོ་དང་རྟ་ཡི་བླ་སྐར་ཡིན། དྲག་པོའི་ལས་བསྒྲུབ་པར་མཆོག །འདི་ལ་རྟ་ཡི་ལས་ཐམས་ཅད་དང་། ཤིང་རྟ་བྱ་བ། སྐྱེས་པ་བུད་མེད་དང་རྟ་སྦྱར་བ། བུ་ལོན་བྱ་བ། ས་གསལ་བའི་བུ་མོ། རྟ་ལྡན་མ། དབྱུག་གུ་གཅིག་མ། རྒོད་མ་ཅན། བོན་གདབ་པ། རྟ་གླང་འདུལ་བ། དགྲར་རྒོལ་བ། སྨན་སྦྱར་བ། སྨན་གཏོང་བ་བཟང་། ཤིད་ཀྱི་ལས་ལ་བཟང་སྟེ་ཆོད་ཀྱང་ཡིན། ༈ ༡བྲ་ཉེ་བདུད་ཀྱི་སྒྱེད་པོ་སུམ་ཚོམ། དྲག་སྐར། དམེ་སྐར། ཤན་པ་ལག་དམར་དང་ར་ཡི་བླ་སྐར་སྟེ། སྤྱིར་འབྲས་བུ་ངན་པ་ཡིན་པས་སྒྱེད་པོ་དང་རང་འཐག་འཛུགས་པ་དྲག་ལས་དང་བྲན་བསྐོར་བ། བྲན་དང་གླ་པ་ཚོལ་བ་མ་གཏོགས་གསོན་གཤིན་གྱི་བྱ་བ་གང་ཡང་ངན། འདི་ལ་གཤིན་རྗེ་མོ། སྒེག་མོ། སྐྱེས་པ་སྡིག་པར་སྤྱོད། སྨས་དང་ནད་བཏབ་འཚོ་དཀའ་སྡུག་བསྔལ་འགྱུར། གཞན་དུ་འགྲོ་སོགས་སྤང་། ཆུང་མ་ལེན་རུང་ཡང་གསུངས། རྒྱུ་སྐར་འདི་ཡི་ལྷ་གཤིན་རྗེ་ཡིན་པས་ཤི་བའི་ཕྱིར་ཟས་སྦྱིན་པ་སོགས་ལ་བཟང་། མནན་པ་བྱས་ན་ཐེབ་ཅིང་མི་ལྡོག་གོ ། ༈ ཕྱོགས་བསྡེབས་སྐར་འབྲས་ནི། མི་བརྟན་༧འགྱུར་༡༢བ་༢༦བཞིར་༠ ཆོས་འཆད་རང་དོན་སོགས་མྱུར་བསྒྲུབ་བཟང་། རབ་༣ཏུ་༡༡ བརྟེན་༢༣པ་བཞིར་༢༠ཡུལ་འཛིན་ ― MR12_Page_0162 ―
[མ་དཔེ་གཟིགས་ན་འདིར་གནོན།]
དཔོན་བསྐོ་སོགས་བརྟན་བྱ་བཟང་། མྱུར་༤ ལ་༢༣བཟང་༡༦ བ་༢༥བཞིར་རྒྱན་རྩེད་སོགས་མྱུར་ལས་བྱ། འབྲས་༥བུ་༨ངན་༡༧པ་༡༨བཞིར་གསོད་འཇོམས་ངན་སྤྱོད་བྱ། མྱུར་༦ལ་༡༤འགྱུར་༢༡བ་ལྔར་༢༡གཞན་༢༢བགྲོད་ཚོང་སོགས་བརྟན་མིན་བྱ་བ་བཟང་། བརྟན་༡ པ་༡༠ དོན་༡༩གྲུབ་བཞིར་༢༤བྲ་ཉེ་དང་ལྔ་བྱེད་ཀྱང་མི་འཐད་གསུངས། གཉེན་སྦྱོར་ཕྱུག་ཉོ་འཁོར་བསྟེན་བཟང་། བཏང་སྙོམས་བྱེད་༢པ་གཉིས་༡༥ལ་ཅི་བྱས་བཏང་སྙོམས། རིན་ཆེན་བཟོ་དང་སྦྱིན་སྲེག་བྱ་བ་བཟང་། དྲག་པོའི་རྒྱུ་སྐར་འབྲས་ངན་བཞི་སྟེ། བྲ་ཉེ་བསྣན་པའོ། །འོག་༡༡ཏུ་ཁྲོམ་བརྩིས་ཀྱི་ཕྱོགས་ལྡེབ་ཀྱང་ཡོད། ལྔར་མནན་སྲེག་བྱས་ན་སླར་མི་ལྡོག་གསུངས།༈ གཟའ་ནི། གང་ཚེས་དེ་དར་བུ་ཡང་དར། །མ་ཞུད་དགྲ་གྱོད་གྲོགས་ནི་གུད། །དར་བ་རབ་ལ་ཞུད་པ་འབྲིང་། །གྱོད་ངན་གུད་པ་ཤིན་ཏུ་ངན། །སྐར་མ་ལ། ཉ་སྐར་དར་ཞིང་སྟོང་སྐར་གྱོད། །གཞན་མ་རྣམས་ནི་གུད་པའོ། །སྨིན་དྲུག་ལ་སོགས་ཤར་སྐར་ཉ། །ཤར་སྐར་དར་ལ་ལྷོ་བྱང་གུད། །ནུབ་སྐར་གྱོད་སོགས་དེ་ལྟར་བརྩི། །རྒྱུད་བསྟན་འཆི་མེད་འགྲུབ་སྦྱོར་བདུན། །ཉི་མ་༡མེ་༡༢བཞི་ཟླ་༢གྲོ་༢༡བཞིན། །མིག་དམར་༣དབྱུག་པ་༠ ལྷག་༧ལྷ་༡༦མཚམས། །ཕུར་བུ་༥ རྒྱལ་༧དང་སངས་༦ནམ་༢༦གྲུ། །སྤེན་པ་༠སྣར་མ་༣འགྲུབ་སྦྱོར་ཏེ། །འདི་དག་ཕུན་ཚོགས་དུས་སྦྱོར་ཡིན། །དེ་བཞིན་བདུད་ཉི་འཆི་སྦྱོར་སོགས། །རྒྱུད་ལས་བསྟན་པ་གཞན་དུ་ཤེས། །༈ དུས་འཁོར་རྡོར་གཙུག་ཟླ་གསང་གི། རྒྱུད་མཐུན་འཕྲོད་སྦྱོར་ངན་པ་ནི། །ཉི་༡མ་ལག་༡༦སོར་རྩེ་ནས་ཟད། །ཟླ་༢བ་རྒྱལ་༧གྱི་ས་ནས་ལྷུང་། །མིག་༣དམར་སྒྲོག་གི་སྨད་༢༣ ཀྱིས་བཅིངས། །ལྷག་༤ པ་དབྱུག་༠པས་དྲག་ཏུ་བརྡུང་། །ཕུར་༥བུ་མགོ་༤ཡི་དཀྱིལ་དུ་བཏབ། །པ་༦སངས་ཝ་༨ཡིས་སྨ་ཕབ་བྱས། །སྤེན་༠པའི་ཕུང་པོ་མེ་༡༢བཞིས་བསྲེགས། །འདི་དུས་གང་བྱས་འཇིགས་པ་དང་། །མི་མཐུན་བདུད་ཀྱི་ཉི་མར་འགྱུར། ། ― MR12_Page_0163 ―
[མ་དཔེ་གཟིགས་ན་འདིར་གནོན།]
ངན་ཐབས་བྱ་བའི་ལས་ལ་བཟང་། །དགེ་ལས་བྱ་བ་ཐམས་ཅད་སྤང་། །ཉི་མ་༡སྣུབ་༡༨དང་ལྷན་ཅིག་རྩེ། །ཟླ་བ་༢ཝ་༨དང་ལྷན་ཅིག་དགའ། །མིག་དམར་༣ཁྲུམས་སྨད་༢༥དག་དང་འཛོམས། །གཟའ་ལྷག་༤སྨིན་དྲུག་༢མཆོག་ཏུ་འདུམ། །ཕུར་བུ་༥དབོ་དང་༡༡ལྡན་པ་དང་། །པ་སངས་༦རྟ་ཆུང་༡༠ ལྷན་ཅིག་འཛོམས། །སྤེན་པ་༠གྲོ་བཞིན་༢༡འཛོམས་པའི་ཚེ། །འཕྲོད་སོགས་བཞིན་ན་ངན་ཡང་རུང་། །གཟའ་སྐར་ངོ་བོའི་འཕྲོད་སྦྱོར་ནི། །མཐུན་ཞིང་བཀྲ་ཤིས་སྦྱོར་བར་འགྱུར། །དེ་ཕྱིར་བྱ་བ་འགྲུབ་པར་བལྟ། །འཕྲོད་སྦྱོར་མི་འདྲ་མང་ཡོད་ཀྱི། །འདི་གཉིས་ཀུན་མཐུན་སྤང་བླང་བྱ། །དེ་སྟེང་རྒྱུད་ཀྱི་འགྲུབ་སྦྱོར་བདུན། །ཙམ་ཞིག་བརྩིས་ན་ལེགས་པར་མངོན། །འདི་ཡང་མི་ཕམ་རང་ལུགས་ཉིད། ༈ །ཉི་མ་༡སྨིན་དྲུག་༢གནམ་སྒོ་འཛོམས། །དེ་ཡང་བདུད་ཀྱི་ཉི་མ་ཡིན། །བུ་ཁྱིམ་ཕོག་པའི་བདུད་ཉི་སྟེ། །གཞན་མ་ཀུན་ལ་དེ་མི་གནོད། །ཞེས་འདུག དེ་བཞིན་ཟླ་༢བ་༡བྲ་ཉེ་ཇག་པའི་དང་། གཉེན་ཚོལ་བདུད་ཉི་དང་། ཟླ་བས་༢ལྕགས་ཀྱི་བྱ་ཁྲ་༡༡ཞོན། །མོ་བཙུན་བདུད་ཀྱི་ཉི་མར་བཤད། །མིག་དམར་༣ལག་༩ན་སཏྭ་རེ་ཐོགས། །དམག་དཔོན་བདུད་ཉི།ལས་ཀ་བསྐོ་བའི་བདུད་ཉིའང་ཟེར། ལྷག་༤པའི་ལག་༡༩ན་བྲེ་སྟོང་ཐོགས། །ནས་འཇལ་བདུད་ཀྱི་ཉི་མ་ཡིན། །ཡང་ལྷག་༤པས་ལག་༥པ་ཁ་རུ་བཙུད། །གཡུལ་འཁྲུགས་བདུད་ཀྱི་ཉི་མ་ཡིན། །ཞེས་ཀྱང་བཤད། ཕུར་བུ་༥མགོ་༤ཡི་དཀྱིལ་དུ་བཏབ། །བན་བོན་བདུད་ཀྱི་ཉི་མ་ཡིན། །ཡང་། མདོས་བཟློག་བདུད་ཉིར་བཤད། པ་སངས་༦ རྒྱལ་༧གྱི་རུམ་དུ་གཉིད། །ཆེ་བཙན་བདུད་ཀྱི་ཉི་མ་ཡིན། །ཡང་དེ་བག་མའི་བདུད་ཉིར་བཤད། །སྤེན་༠པ་སྒྲོག་༢༣གི་སྨད་ཀྱིས་བཅིངས། །གཡོག་འཁོར་བཀོལ་བའམ་རྟ་ཚོང་བདུད་ཉིར་བཤད། ༈ ཡང་དམིགས་ ― MR12_Page_0164 ―
[མ་དཔེ་གཟིགས་ན་འདིར་གནོན།]
བསལ། ཉི་མ་མེ་བཞིའི་འགྲུབ་སྦྱོར་ལ། །བྱ་བ་ཐམས་ཅད་བཟང་ན་ཡང་། །ཁང་པ་ཕུབ་ན་ཁྱིམ་དེ་ཕུང་། །དེ་བཞིན་ཟླ་གྲོ་དམག་ཇག་ཁ་ཉེས་འོང་། །དམར་དབྱུང་ཕྱུག་པོའི་ནོར་བཏང་གཡང་ར་བསྟོད། །ལྷག་ལྷ་ལྷག་པ་གཟའ་ཡི་གནམ་ཁྱི་འང་ཡིན་ནོ། །བག་བླང་ཁྱོ་སྔོན་འཆི། །རྒྱལ་ཕུར་ཤིད་བྱས་གཡང་ཁ་འགྲམ། །སངས་ནམ་ལ་བག་མ་བླང་ན། །ནམ་གྲུ་བུ་མོ་ཁྲག་སྐམ་མ། །བག་མ་བླང་ན་བུ་མི་འབྱུང་། །ཞེས་དང་། སྤེན་སྣར་བུ་ཚ་མི་ཡུལ་བཏང་ན་རང་ཡུལ་མི་ལྡོག་ཞེས་བཤད། ༧ ཡང་། ཉི་མ་གནམ་སྒོ་དར་ཡང་ཤིད་མི་བྱ། །ཟླ་བ་ཀླུ་སྒོ་དར་ཡང་ཧོམ་མི་སྤར། །དམག་དཔོན་གྲི་གཟའ་དར་ཡང་གྲི་མི་འདུལ། །ལྷག་པར་བས་ཆད་དར་ཡང་དུར་མི་གདབ། །ཕུར་བུ་ཤིད་གཟའ་དར་ཡང་ཟོར་མི་འཕེན། །པ་སངས་ཕྱུག་གཟའ་དར་ཡང་ཕྱུག་མི་སྐྱེལ། །སྤེན་པ་གཡང་གཟའ་དར་ཡང་ནོར་མི་གཏོད། །ཞེས་བཤད། ༧ དགོངས་འདུས་སྐར་མཛོད་ལས། བརྡ་རིས་སུམ་ཅུའི་ལྡན་འབྲས་བཟང་ངན་ནི། །ཟླ་དུས་གཟའ་ཚེས་རྟེན་འབྲེལ་སྐར་མ་དང་། །ཚེས་ཀྱི་ལྷ་མོ་ཉི་མའི་བྱེད་པ་དང་། །དྲང་སྲོང་འབྱུང་པོའི་སྐྱེ་འབྲི་ས་བདག་དང་། །སྟེང་འོག་བར་གསུམ་སྡེ་བརྒྱད་འབྱུང་འཇུག་སྟེ། །ཕྱི་ནང་བྱེད་པ་ཐམས་ཅད་གོ་བསྟུན་ཞིང་། །བསྡོམས་ཏེ་ལྡན་འབྲས་གཏན་ལ་ཕབ་པའོ། །ནོར་བུ་དངོས་གྲུབ་ཀུན་འབྱུང་ཡིད་སྨོན་འགྲུབ། །གཡུང་དྲུང་ཚེ་སོགས་བརྟན་པའི་བྱ་བར་ཤིས། །རྡོ་རྗེ་ལས་ནི་ཡོན་ཏན་བདེ་ལེགས་འབྱུང་། །དཔག་བསམ་ལྗོན་པས་འདོད་ཡོན་རྒྱས་པར་བྱེད། །དུང་གི་ཆོས་ཀྱིས་སྒྲ་གྲགས་འཐོབ་པར་འགྱུར། །པདྨ་དཀར་པོས་རིག་བྱེད་བརྩོན་པར་འོས། །རི་རབ་ལྷུན་པོས་བརྟན་པའི་བྱ་བ་མཆོག །རྒྱ་མཚོ་འཁྱིལ་བས་དངོས་ ― MR12_Page_0165 ―
[མ་དཔེ་གཟིགས་ན་འདིར་གནོན།]
གྲུབ་འབྱུང་བར་བྱེད། ༠ །ཐིག་ལེ་དཀར་པོས་བསོད་ནམས་བསག་ལས་རུང་། །གློག་གི་ཞགས་པས་མྱུར་མགྱོགས་ལས་གང་མཆོག །ཅང་ཏེ་འུས་ནི་མཆོད་སོགས་བཀུར་བར་འོས། །སྟོང་རས་དབེན་པའི་གནས་འཛིན་བསམ་གཏན་འཕེལ། །ཕུར་པ་ནག་པོས་མནན་གཏད་བསྒྲལ་ལས་འགྲུབ། །ཁྲམ་ལ་འབྱུང་པོ་བསྐྲད་སོགས་བསྒྲལ་ལས་བརྩམ། །མིག་གིས་ལྟད་མོ་ཁྲོམ་བསྐོར་ཉོ་ཚོང་བྱ། །རལ་གྲིས་ཕ་རོལ་འཇོམས་སོགས་རྒོལ་བར་འོས། །ཐོག་གིས་རྩུབ་ཟོར་ལ་སོགས་མྱུར་ལས་འབད། །ཐོ་བས་མཁར་བཤིག་བརྡུང་སོགས་ཕ་རོལ་འཇོམས། །གྲུ་གསུམ་མེ་འབར་བསྲེག་ཆོག་མནན་ཟོར་བརྡེག །ནག་པོ་གྲུ་གསུམ་བསད་པའི་ལས་རྣམས་བསྔགས། །ཧོམ་ཁུང་སུམ་བརྩེགས་དྲག་ལས་མཐའ་དག་བྱ། །ཞགས་པ་ནག་པོས་མནན་པའི་ལས་གང་འགྲུབ། །ཕྲེང་བ་ནག་པོས་དྲག་སྔགས་ལས་ལ་འཇུག །དབྱུག་ནག་ལ་ནི་བྱེས་ཀྱི་བྱ་བ་སྤང་། །གླིང་ཁྲས་གཞི་ཡི་བྱ་བ་གང་ཡང་བཤོལ། །མེ་ཏོག་ནག་པོས་སོ་ནམས་བྱ་བ་བཤོལ། །མེར་པོ་གྲོགས་རྙེད་བཟའ་བཏུང་ཚོལ་སོགས་བཞག །བུམ་པ་ནག་པོ་སེ་ཞིག་བྱུར་གྱི་རྫོགས། །ཐིག་ལེ་ནག་པོས་མི་དགེའི་བྱ་བྱེད་བརྩོན། །གང་ཡང་མི་རུང་ཐིག་ལེ་ནག་པོ་དགུ། །དེ་ལྟར་ལྡན་འབྲས་བཟང་ངན་བྱེད་བྲག་རྣམས། །སྤང་བླང་ཤེས་པས་གང་ལ་གང་འོས་སྦྱར། །ཅི་སྟེ་ངན་ལས་བསྒྱུར་བ་མ་འཛོམ་མམ། །སྟབས་གའི་དབང་གིས་ངན་ལ་ཕོག་གྱུར་ན། །ཤེས་རབ་སྙིང་པོ་གཙུག་ཏོར་སྣང་བརྒྱད་དང་། །རྣམ་འཇོམས་སྡོང་པོ་བརྒྱན་དང་ ― MR12_Page_0166 ―
[མ་དཔེ་གཟིགས་ན་འདིར་གནོན།]
འོད་ཟེར་གཟུངས། །གང་འཛོམ་བཟླས་ཤིང་གཏོར་མ་ཡང་ཡང་བཏང་། །དཀོན་མཆོག་མཆོད་སོགས་རྣམས་ཀྱིས་འཆོས་པར་འགྱུར། །ས་མ་ཡ༔ སྐྲ་བཞར་བ་ལ། ཚེ་ཐུང་། ༡ ཁ་མཆུ་འོང་། ༢ ཕྱུག༣ ༥མལ་འཆོར། ༤ མདངས་ཡལ། ༦ ཁ་མཆུ་ཕམ། ༧ ཚེ་རིང་། ༨ན་ཆུང་མོད།༩ དབང་ཐང་ཆེ། ༡༠ བློ་རྣོ། ༡༡ ངན། ༡༢ བཟང་ཐོབ། ༡༣ ཕྱུག་༡༤པོ་འོང་། ༡༥ ནད་འོང་། ༡༦ ཤ་རྩི་སྔོ་དང་གདོན་གནོད། ༡༧ ནོར་སྟོར་ངན། ༡༨ བཟང་གྲོགས་འཕྲད། ༡༩ ལྟོག་པ་འོང་། ༢༠ ནད་འོང་། ༢༡ ཟས་སྐོམ་༢༢རྙེད། ༢༣ དལ་ཡམས་འོང་། ༢༤ མིག་ཆོག༢༥ །རྟག་ཏུ་༢༦སྐྱིད། ༢༧ འཐབ་མོ་འོང་། ༢༨ བླ་འཁྱམས། ༢༩ གཤིན་དང་འཕྲད། ༣༠ ལི་ཁེན་ཚེས་འཆར་ངན། བརྒྱད་དཀར་ཁྲུས་བྱེད་བཟང་། གཟའ་ཟླ་ལྷག་སངས་གསུམ་བཟང་། གཞན་ངན། སྐར་མ་༡༣༤༣ ༩༡༣༥ ༢༡༧༢ ༧༥༢༡ ༢༢ འདི་རྣམས་བཟང་། ༣༡༢ ༧༠ ༢༡༣༢༥ ༢༤ འདི་རྣམས་ངན། ཉི་མ་སྤྲེལ་ངན་ཁྱི་གླང་བཟང་ཞེས་སོ། ༧ །བྱང་ཆུབ་སེམས་དཔའ་བཟོ་སྐར་ལ། མེས་ཚིག༢ཕྱིན་ཆད་མང་རྙེད། ༣མི་ཁ་གཟན། ༤ཕྱིན་ཆད་མི་རྙེད། ༥འབྲིང་། ༦བཟང་། ༧སྟོར་བར་འགྱུར་༨ཟས་བཙལ་རྙེད་ཀྱང་། འཆི། ༩གོས་མ་ཟད་གོང་དུ། དགྲས་འཁྱེར། ༡༠ཁ་སྨྲ་འོང་། ༡༡དྲི་ཞིམ་ཁ་དོག་སྡུག༡༢བཀྲ་ཤིས་བསམ་ཚད་འགྲུབ། ༡༣ སྐྱིད་ཀྱི་གླུ་གར་ལེན། ༡༤ སྒོ་བཟང་འགྱུར་ལྡོག་མེད། ༡༥ ཕྱིན་ཆད་མང་དུ་རྙེད། ༡༦ གོས་དེ་གྲུབ་སྟོང་པའང་པར་འགྱུར། ༡༧རོ་གོས་འཆིའམ་ནད་འོང་། བྱེད། ༡༨ ནད་དགེ་ཡང་ཟེར། འོང་། ༡༩ ལེགས་དགུ་འབྱུང་། ༢༠ ཆུ་ནད་ལེགས་ཀྱང་། འཆི། ༢༡འབྲིང་ཙམ། ༢༡ཤིན་ཏུ་ངན་༢༢བཟང་ཡང་། ཆུའི་ནང་འཆི། ༢༣བཟང་། ༢༤དགེ་རིན་ཐང་ཆེར། ཡིད་དུ་འོང་། འབྲིང་། ༢༥༢༦འདི་གཉིས་༠གོས་དེ་མ་ཟད་པར་དུ་མི་དེ་དགྲ་དང་འཕྲད། ༢༦ཚེ་ཐུང་། ༠ ཕྱི་ལ་རྙེད། ― MR12_Page_0167 ―
[མ་དཔེ་གཟིགས་ན་འདིར་གནོན།]
ངན་པའི་མཐར་ཐུག་ཞེས་སོ། །ཅེས། ཉི་མར་གོས་དྲས་དགེ ཟླ་བར་ཆུས་བང་མེས་འཚིག མིག་དམར་མི་དགེ ལྷག་པར་ཟས་རྙེད། ཕུར་བུ་དགེ པ་སངས་ཚེ་འཕེལ། སྤེན་པར་ནད་ཀྱིས་འཛིན། དྲ་གྱོན་རྒྱན་འདོགས་གང་ལ་ཡང་ལྷག་ཕུར་སངས་གསུམ་བཟང་། གཞན་བཞི་ངན། སྐར་མ་༣༦༧༩ ༡༡ ༣༤ ༡༡ ༥༦ ༢༢ ༢༥༢༡༠༢༡འདི་རྣམས་བཟང་། ནམ་གྲུ་གྱོན་བཟང་དེ་ལྷག་ངན། ཚེས་བརྒྱད་དང་སྤྲེལ་ཉིར། དྲ་གྱོན་གཉིས་ངན། རྒྱན་འདོགས་དམར་སྤེན་ངན། གཞན་བཟང་།བྲ་ཉེ་དབྱུག་པ་སྐག་མོན་གྲུ་ངན། སྣང་རྟ་ཆེན་ས་རི་ས་ག་ཁྲུམས་སྟོད་རྣམས་བཏང་སྙོམས་སྟེ་བཟང་ངན་བཤད་མི་འདུག དེ་མིན་ཐམས་ཅད་བཟང་བཤད་འདུག མདོ་ལས་རྒྱལ་བུ་དོན་གྲུབ་ལ་སྐར་མ་ནག་པར་བབ་དུས་རྒྱན་བཏགས་ཞེས་འདུག་གོ །༈ ཆགས་མེད་གནའ་གཏམ་ལས། བྱི་ཉིར་མོ་བཏབ་མི་ཐིག བང་མཛོད་བཅའ་ན་བཟང་། གླང་ཉིར་ཚོང་བྱས་སྟོར་བརླག་རྐུན་མ་འོང་། ཆུང་མ་ལེན་བཟང་། སྟག་ལ་ལྷ་གསོལ་གྲིར་འཆི་སེར་བ་འབབ། དམག་འདྲེན་ན་བཟང་། ཡོས་ཉིར་ཞིང་བཏབ་སད་སོགས་མི་དགེ་འོང་། རྒྱལ་ས་བཟུང་ན་ལེགས། འབྲུག་ཉིར་ཟམ་པ་བཙུགས་ན་འདྲེ་རྒྱུ་ཞིང་མི་ཤིས། ལྷ་གསོལ་བཟང་། སྦྲུལ་ཉིར་ཤིང་བཅད་ན་ཀླུའི་ལུས་སྣས་བས་རང་ལ་ན་ཚ་འོང་། ཀླུ་མཆོད་པར་བཟང་། རྟ་ཉིར་ཐོག་ཕུབ་རང་དེར་སྡོད་མི་གྲུ། གྲོགས་བཙལ་བཟང་། ལུག་ཉིར་སྨོན་སྦྱར་ཕན་མེད་ནད་བསྐྱེད། ལུག་རྫི་བཞག་ན་བཟང་། སྤྲེལ་ཉིར་གོས་བཙེམ་གོས་མ་ཟད་གོང་དུ་འཆི། ཤིང་འཛུགས་པ་བཟང་། བྱ་ཉིར་མགྲོན་མི་འབོད་ལ་བ་གླེང་མང་པོ་འབྱུང་། སྨན་དཔྱད་བྱ་བར་བཟང་། ཁྱི་ཉིར་དོན་བསྒྲུབ་མི་འདོད་སྣ་དགུ་ ― MR12_Page_0168 ―
[མ་དཔེ་གཟིགས་ན་འདིར་གནོན།]
འོང་། རི་དྭགས་བཤོར་ན་བཟང་། ཕག་ཉིར་ས་རྡོ་ལྷོག་ན་རླུང་རྟ་ཉམས་ས་བདག་གནོད། ཆར་འབེབས་སྟོན་མོ་བཟང་། ཞེས་སོ། །དུས་ཆེན་ཡོང ས་གྲགས། མཆུ་ཟླའི་༡གཅིག་ནས་བཅོ་ལྔ་བར་ཆོ་འཕྲུལ། ནག་༣ཟླའི་བཅོ་ལྔ་དུས་འཁོར་གསུང་། ས་ག་༤ཟླ་བའི་བཅོ་ལྔར་སྐུ་བལྟམས། སངས་རྒྱས། མྱང་འདས་གསུམ་འཛོམ། ཆུ་སྟོད་༦ཟླ་བའི་ཚེས་བཞིར་ཆོས་འཁོར་བསྐོར་བ། དགུ་པ་དབྱུག་ཟླའི་བཅོ་ལྔ་ཟེར་ཡང་ཉེར་གཉིས་ལྷ་བབ་ཀྱི་དུས་ཆེན་ནོ། ༧ །རད་གླིང་གིས་ཉི་ལོག་རྒྱལ་ཟླའི་ཚེས་གཅིག་ནས་ཉ་བར་ཆོ་འཕྲུལ་དེའི་ཉ་ནས་ཞག་དྲུག་ཅུ་འདས་པ། ཡང་ཕྱིའི་ཉ་༢གཅིག་པོ་བྱང་ཆུབ་པ། དེ་ནས་ཞག་ཞེ་དགུ་འདས་༤པ་ཚེས་ལྔ་སྐར་མ་རྒྱལ་འཛོམས་ཆོས་འཁོར། དེ་ནས་ཞག་བརྒྱ་ཐམ་པ་འདས་པ། བདུན་པའི་བཅོ་ལྔ་ཉིན་༡༥གཅིག་ལྷ་བབ་དུས་ཞེས་གསུངས། སངས་རྒྱས་མཛད་པ་འཁྲུལ་མེད་གཏེར་ཞེས་པར་ཆོ་འཕྲུལ་རྒྱལ་ཟླའི་དཀར་ཕྱོགས་ལ་ངོས་བཟུང་སྣང་། དུས་ཆེན་རྣམས་ལ་དགེ་བར་འགྱུར་ཁྱད་ཆེ་བས་སངས་རྒྱས་མཆོད་སོགས་བྱའོ། ༧ །ཉི་སྣང་ལས། མིག་དམར་ཞིང་ལུག་སྡིག་སྟེ། དེར་དེ་ཞུགས་དུས་དགུག་པ་དང་དྲག་ལས་འགྲུབ།ལྷག་པ་འཁྲིག་དད་བུ་མོར་ཞུགས་དུས་རྒྱས་ལས་འགྲུབ། ཕུར་བུ་གཞུ་ཀར་བསྐྲད་པ། པ་སངས་གླང་སྲང་དབང་ལ་བསྔགས། སྤེན་པ་ཆུ་སྲིན་བུམ་ཞུགས། བསད་པ། མཇུག་རིང་ཀརྚར། རིངས་རྨང་། ཉི་མ་སེང་ཁྱིམ། ཟླ་བའི་ཞིང་། ཀརྚའོ། ༧ །རང་སྐྱེས་ཁྱིམ་ནི། དཔེར་ན། ༡ཀར་༦༤༥ ༢ལུག་༠༠༣ སེང་༣༩༠༤ སྡིག་༡༣༦༠༥ བུ་མོ་༡༠༢༦འཁྲིག་༦༠༠གཞུ་༡༠༨ ༠གཞུ་༣༤ ༠༥མཇུག་རིང་། སྒྲ་༡༣ ༣༡བུ་མོ། ༣དུས་༦༦༠ །༧ གཟའ་བརྒྱད་རང་ཁྱིམ་རང་ཞིང་ན་ཞུགས་དུས་ལས་མཐུན་འབྲས་བུ་འབྱུང་། གཟའ་གཞན་ཞུགས་ན་འབྲས་བུ་ཕྱོགས་མཐུན་ལས་མི་སྟོན། མིག་དམར་ལྷག་ ― MR12_Page_0169 ―
[མ་དཔེ་གཟིགས་ན་འདིར་གནོན།]
ཕན་ཚུན་དགྲ། ཕུར་སངས་དགྲ། སྤེན་མཇུག་རིང་ཉི་ཟླ་གཉིས་པོ་དང་དངོས་ཀྱི་འཐབས་དགྲ་མེད་ཀྱང་། ཟླ་ཞིང་སྤེན་པ་ཞུགས་ན་ཟླ་བའི་རིགས་མཇུག་རིང་འདིས་རྩོད། ཉི་ཞིང་མཇུག་རིང་ཞུགས་ན་དེའི་རིགས་སྤེན་པས་རྩོད།གཟའ་རང་རང་གི་ཞིང་དང་ཁྱིམ་ལ་དགྲ་ཟླ་ཞུགས་དུས་སོ་སོ་རང་གིས་རྩོད་པར་བྱེད་ཀྱི་གཞན་དུ་མི་རྩོད་ཞེས་གསུངས། ༧ དུས་སྦྱོར་ལུག་ཀར་སྲང་ཆུ་བཞི་གཡོ་བ་སྟེ་དེ་དུས་མྱུར་ལས་བྱ། གླང་སེང་སྡིག་བུམ་བརྟན་པ་སྟེ། མཆོད་རྟེན་བརྩིགས་སོགས་བརྟན་ལས་བྱ། འཁྲིག་བུ་མོ་གཞུ་ཉ་བཞི་བར་གཡོ་བརྟན་གཉིས་ཀ་ཅན་ཏེ། མ་སྟེ། ལམ་འཇུག་སོགས་བཟང་། ལམ་འཇུག་དུས་གར་འགྲོའི་ཕྱོགས་དེར་ཐལ་སྦྱར། དཀོན་མཆོག་གསུམ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཚེས་གྲངས་དང་རྒྱུ་སྐར་ཡུད་ཙམ་གྱི་བདག་པོ་ལ་ཕྱག་འཚལ་ལོ། །ཏདྱ་ཐཱ་ནཀྵ་ཏྲེ་ནཀྵ་སརྦ་ཏི་ཐི་མཱུ་རྟི་ནཀྵ་ཏྲ་ན་མ་ས་དུནྟེ་ཧི་བྷ་ཝནྟུ་སྭཱ་ཧཱ། ཞེས་ལན་གསུམ་བརྗོད་པས་དོན་འགྲུབ་བོ། །གཞན་ཡང་རྟག་ཏུ་བཟང་བའི་སྙིང་པོ་འདི་བཟླ། ན་མོ་རཏྣ་ཏྲ་ཡཱ་ཡ།ན་མས་ས་ཧ་རཱ་ཛེ་བྷྱོ་དེ་ཝ་སུ་ཏ་ས་ཧུ་ཏ་ན་ཏ་རེ་སུ་ཏི་ནི་སྭཱ་ཧཱ། བཟླས་པས་གར་འགྲོ་ན་ཡང་དགེ་ཞེས་ཉི་སྣང་ལས་སོ། །ལམ་མཇུག་དུས་ཡི་གེའི་རྟེན་འབྲེལ་ཡོད་དོ། ༧ །བིཥྚེ་ས་གནོད་ན། ཕོ་ཤིང་དབྱུག་ཐོའི་རྣམ་པ་ལ། མོ་ཤིང་རྩ་རྩེ་མ་ལོག་པའི་ཡུ་བ་བྱས། དབྱུག་ཐོའི་ཕྱོགས་བཞིར་ཤར་ནས་བརྩམས་སྟེ་རིམ་བཞིན། བོང་བུའི་རྒྱབ་ཏུ་རྩེ་གསུམ། སེང་གེའི་རྒྱབ་ཏུ་རལ་གྲི། སྟག་གི་རྒྱབ་ཏུ་འཕང་མདུང་། ཁྭ་ཏའི་རྒྱབ་ཏུ་གཡུང་དྲུང་བྲིས། མགོ་བོའི་ཕྱོགས་མཚམས་བརྒྱད་དུ་ཤར་ནས་བརྩམ། ཨ་ཀ་ཙ་ཊ་ཏ་པ་ཡ་ཤ་བརྒྱད་བྲི། ཟུར་བཞིར་སྦྲུལ་ནག་ ― MR12_Page_0170 ―
[མ་དཔེ་གཟིགས་ན་འདིར་གནོན།]
ཐུར་རྒྱུག་བྲི། དབྱུག་ཐོའི་མགོར་རིང་བསྲེལ་གཞུགས་པས་ཚེས་སོགས་བིཥྚིའི་གནོད་པ་སྲུང་གསུངས། བུམ་སྟོང་ཉེས་སྲུང་རིན་ཆེན་བུམ་པ་གཉིས་བྱས་ལ་འབྲུ་སྣ་རིན་ཆེན་སྣ་ཚོགས་བླུག །སྲོག་གའམ་ཤོག་གུར། ཨོཾ་བཛྲ་སཱུརྱ་ཙནྡྲ་མངྒ་ལཾ་བུདྡྷ་པྲྀ་ཧ་སྤ་ཏི་ཤུ་དྲ་ན་མ་ཤྩ་རཱ་ཡ་མ་མ་རཀྵ་ཀུ་རུ་ཀུ་རུ་སྭཱ་ཧཱ། ཞེས་བྲིས་སྒྲིལ་བུམ་ནང་གཞུག །གཅིག་བུམ་སྟོང་ཕྱོགས་སུ་བཞག །གཅིག་བསྲུང་བྱའི་མགུལ་དུ་བཏགས། ཡང་ན་ཕྱོགས་དེར་བཞག་ཀྱང་རུང་། དེ་ཡིས་བསམ་དོན་འགྲུབ། འདིར་ཟླ་ལྷག་ཕུར་སངས་གི་མནྟྲ་གཞུག་གསུང་ཡང་། འདིར་གཟའ་བདུན་སྔགས་ཡོད་འདུག །ཡང་ན་རིན་ཆེན་བུམ་པའི་ནང་འབྲུ་སྨན་རིན་ཆེན་སྣ་ལྔ་དང་ཆང་གིས་བཀང་། རྨ་བྱའི་སྒྲོས་ཁ་བརྒྱན་ཏེ་བུམ་སྟོང་ཕྱོགས་བཞག་པས་ཐུབ། ཉི་སྣང་ལས་སོ། ༧ །ཉི་སྤར་ཚེས་ཀྱི་ས་བདག་ངན་པ་བཟློག་ཐབས་ཀྱི་སྔགས་བཟླ་བ་རང་འཇམ་དཔལ་དུ་བསྒོམ། ཡང་ན་ཡི་དམ་གང་རུང་དུའོ། །ཀོན་ཁམ་ཡང་ཡང་ཤིང་ཀོམ། ཨོཾ་ས་ཏོ་བྱེད་སྭཱ་ཧཱ། བཟློག་བཟློག་ཞེས་པ་བརྒྱ་སྟོང་བཟླས་རྗེས་སྣང་བརྒྱད་སྙིང་པོ་བརྒྱ་སྟོང་བཟླ། དེ་ཡིས་མི་བཟློག་གང་ཡང་མེད།སྲུང་བ་ཉེས་སེལ་འཁོར་ལོ་རྒྱས་བསྡུས་འཆང་བ། སྒྲིབ་ཤིང་སོ་སོའི་འོ། །ཉི་སྣང་ལས་སོ། །སྤྱིར་ལྷ་སྐུ་སྒོམ་སྟོང་ཉིད་དང་གནས་པས་སོ། ༧ །ཞག་དུས་ས་བདག་སྒྲིབ་ཐབས་སྔར་གྱི་འཁོར་ལོ་རུས་སྦལ་ཁོག་པར་བཅུག་པ་དང་ལྷན་ཅིག སྦ་ལྕག་ཚིགས་གསུམ་པ། སེང་ལྡེང་ཕུར་བུ། རྨ་བྱའི་མདངས་བཅས་བཅང་བར་བྱས་ན། ནམ་མཁའ་སྟོང་པ་འདྲ་བར་མཐོང་གསུངས་ཉི་སྣང་ལས་སོ། །དགེའོ། ༧ །ཉི་སྣང་ལས། ཁྲོམ་རྩིས་ལེའུ་ལས། སྐར་༡༣མ་༢༡གྲོ་འདི་རྣམས་༡ ལ་༩རྒྱལ་ས་ཆེ་འདོན་རབ་ ― MR12_Page_0171 ―
[མ་དཔེ་གཟིགས་ན་འདིར་གནོན།]
གནས་སྤང་། ༥ ༡༢ ༢༢ ༡༦ ༢༦ ༢ ༡༩ ༢༠འདི་རྣམས་ལ་བག་བླང་ཁྱོ་འཆི། སྟོན་མོ་༡༩བྱས་༡༦ན་ཤུལ་༢༤ཕུང་། ༣ བྱི་༡ཤིད་༨ བྱས་ན་༡༥ལོ་མི་འགོར་འཆི། འཇམ་༦སྐར་༡༡ཀླད་༢༦མེད་འདི་༣རྣམས་ལ་དམག་ཇག་བྱས་ན་མི་ཐོབ་ཕམ། ༦ ༧ ༡༩ ༡༡ ༡༢ ༢༦ ༢༠ ༤ ཕན་པ་བཀྲ་ཤིས་ཀྱི་སྐར་མ་བརྒྱད་ལ། རྒྱལ་སར་འདོན་དང་རབ་གནས་བྱ། འདི་༤རྣམས་༡༥བག་༢༠མའི་ལས་ལ་ཤིས། འདི་༦རྣམས་༠ཤིད་ཀྱི་༡༤ལས་ལ་ཤིས། འདི་རྣམས་༥དམག་༡༢ཇག་༢༥ལ་ཤིས། བྱ་ལམ་ཞུགས་ངན་པ།སྲོ་ཤར་༢༡དུ་༡༨ངན། ལྷོར ༠ ༢༠། ནུབ༣ ༧། བྱང་༡༡ དུ་༡༢ངན། གྲུབ་༡༤སྐར་༢༠ བཞི་༢༦གང་༧ཡང་བཟང་། དམེ་༡སྐར་༤བཞི་གང་༡༠ཡང་༡༨ངན། གཡང་༦སྐར་༡༤བཞིར་༡༩ནོར་༣མི་འཇལ། དགྲ་༠ ༥སྐར་༩བཞིར་༡༡དགྲ་རྒོལ་བཟང་། འགྲོན་༨ ༡༧ སྐར་༢༢བཞིར་ལམ་༢༣ཞུགས་བཟང་། གཤིན་༡༢སྐར་༢༡བཞི་ལ་༢༤གཤིན་༢༥ལས་བྱ། ༢ ༡༦ ༢༡ ༡༣ ཟློས་སྐར་བཞིར་ཤིད་སོགས་སྤང་། སྤྱིར་མེ་རླུང་ངན་ས་ཆུ་བཟང་། རང་སྐྱེས་སྐར་མ་དེ་ལ་སྐྲ་བཞར་དོན་གཉེར་སོགས་ངན། སེམས་དགེ་བསོད་ནམས་བསགས་པ་ལས། ལས་གཞན་གང་ཡང་མི་རུང་གསུངས། སྐར་འབྲས་ངན་ན་གཟའ་འབྲས་ཀྱིས་བསྒྱུར་གསུངས། སྐར་རྩིས་ལུགས་རྒྱུད་ཀྱི་འགྲུབ་སྦྱོར་སོགས། འབྱུང་རྩིས་ལུགས་བདུད་ཉི་འཇིག་ཉི་སོགས་གསུངས། ཉི་སྣང་ལས་སོ། །དེ་བཞིན་དེ་ལས། རྣམ་སྣང་མངོན་བྱང་ལས་གསུང་ལས་བཞི་སོ་སོའི་རྩིས་སྐོར་ནོར་བུའི་ཕྲེང་བ། བ་འབྲས་རྩིས། ཡར་ངོའི་ཚེས། ༤ ༥ ༡༠ ༡༥ སྐར་མ། ༢༥ ༡༠ ༨ ༩ གཟའ་༢ ༦འདི་རྣམས་ཞི་བ་ལའོ། །ཡར་ངོའི་ཚེས། ༣ ༧ ༡༥ སྐར་མ། གྲོ་༢༡ ༢༣ ༡༧གཟའ་༤ ༥ འདི་རྣམས་རྒྱས་པར། མར་ངོའི་ཚེས། ༩ སྐར་མ། ༧ ༢ ༩ ༡༥གཟའ་༡༣འདི་རྣམས་དབང་གི་དུས། མར་ངོའི་ཚེས། ༨ ༡༤སྐར་མ། ༡༢ ― MR12_Page_0172 ―
[མ་དཔེ་གཟིགས་ན་འདིར་གནོན།]
༡༣༠༡༡༦༡༤གཟའ་༣ ༠འདི་རྣམས་དྲག་པོའི་ལས་སོ་ཞེས་གསུངས། ༧ སྤྱིར་༡ཞི་རྒྱས་༤དབང་༦དྲག་༣གཟའ་བཟང་ངོ་མངྒ་ལཾ། ༈ །དུས་གཉན་བཞི་ཚེས་བརྒྱད་བརྒྱ་བྱིན་ཉེ་དབང་བཅས་ཆོས་ཀྱི་སྟོན་མོ་མཛད་པས་གཉན། བཅོ་ལྔ་རི་རབ་ཁོང་སེང་ནས་བདུད་དགའ་རབ་དབང་ཕྱུག་འཁོར་བཅས་ལྷ་ལ་དམག་འདྲེན། ཉེར་གཉིས་ཁྱབ་འཇུག་སྡེ་བརྒྱད་བཅས་སྐྱེ་འགྲོ་ཁྲམ་འདེབས། གནམ་གང་རྒྱ་མཚོ་ནས་ཀླུ་མ་དྲོས་དཔོན་བྱས་ཀླུ་རྣམས་འཁྲུགས་པར་འཚོགས་པས་གཉན་ཟླ་བ་ཐམས་ཅད་ཀྱི་དུས་བཞི་འདི་དུས་ནད་ཐེབས་འདུ་ལོང་བྱ་བ་རྔམས་ཆེན་འཛེམ་ཞེས་བཤད། བླ་གནས་ཡིག་གཟུགས་དུས་འཁོར་དེ་ཚིག་ལ་གནས་པ་རང་དེའང་མི་འདྲ་འདུག །༈ སྒྲ་ཡི་རིག་པ་བསླབ་པའི་དུས་གཉན་བཞི། ཚེས་༡ལ་ནི་དཔོན་སློབ་རིགས་གནས་བཅས། ཐམས་ཅད་འཇོམས། བརྒྱད་༨ལ་སློབ་དཔོན་འཇོམས། བཅུ་བཞི་༡༤སློབ་མ་གནམ་༣༠སྟོང་རིག་པ་འཇོམས་ཞེས་བཤད། ཕུར་བུས་འདི་བཞིར་མི་འཆད་དམ་བཅས་ཟེར། ཡང་དེ་སྟེང་བཅོ་ལྔ་བཅུ་དྲུག །ཉེར་གསུམ་ཉེར་དགུ་རྣམས་སྒྲ་སྤྱིའི་སྤང་དུས་དང་། པ་ཎི་པར་དེ་སྟེང་བཅུ་གསུམ་ཉེར་བརྒྱད།དབྱངས་ཅན་བཅུ་གཉིས་དང་ཉེར་བདུན་འཛེམ་ཞེས་བཻ་དཀར་བཤད། ཚེས་གཅིག་ནི་སྒྲར་མ་ཟད་རིག་གནས་སྤྱིའི་དུས་གཉན་དུ་འཕགས་ཡུལ་པས་བཤད་གསུངས་སོ། ༈ །ཚེས་གཉན་རོ་དགུ་དང་གཟའ་བདུད་ཟས་འཚོལ་ཕོ་ཉ་འགྱེད་པ། བར་ཁྱི་གསུམ་པོ་བྱམ་གུང་རྒྱལ་དང་རྒྱུ་བ་གཅིག་པས། འདི་དུས་དྲག་ལས་མ་གཏོགས་གཞན་ཀུན་འཇོམ། ཉེན་ཆེ་གཉན་པའི་དུས་ཡིན། བར་ཁྱི་ལ་བག་མ་རོ་བསྲེག་ཐོག་ཕུབ། རབ་གནས་མཁར་ལས་སྒྱེད་འཛུགས་ལྟད་སྟོན་དོན་གཉེར་སྡང་བཅོས་ཧལ་ཁྱི་བཞིན་དུ་བཅོས་པས་ཐུབ། ― MR12_Page_0173 ―
[མ་དཔེ་གཟིགས་ན་འདིར་གནོན།]
གཟའ་བདུན་ཟས་འཚོལ་སོགས་ལ་ཁྱེའུའི་དགའ་སྟོན་བག་མ་རོ་ཤིད་མཁར་སོགས་ངན། ཕུང་བྱེད་ངན་སྔགས་བཟང་རྡེའུ་ཤིང་བུ་ཕོག་ཀྱང་ཉེན་ཆེ། ༈ ཕུང་པོ་ཟོར་ཐོགས་ནི། སྟག་ཡོས་ཟླ་བའི་ཚེས། ༨ འབྲུག ༩ །སྦྲུལ། ༣ རྟ། ༢༣ ལུག ༩ །སྤྲེལ། ༧ བྱ། ༡༧ཁྱི། ༨ ཕག ༡ བྱི། ༡༦ གླང་༩ལ་རྒྱུ་ཡང་ལུགས་གཅིག་དཔྱིད་༡༨ ༨ ༩གསུམ་རིམ་པར། དབྱར་༣ ༡༣ ༩གསུམ་གྱི། སྟོན་༧ ༡༧ ༢༨གསུམ་གྱི། དགུན་༡ ༡༦ ༩གསུམ་གྱི། ཚེས་འདི་དག་ལ་རྒྱུ་བར་བཞེད། འདི་དུས་དོན་གཉེར་ཡུལ་སྤོ་སྟོན་མོ་དབང་བསྐུར་སྡོམ་འབོག །གཏམ་བཤད་གཏོ་ཕྱོགས་རོ་བག་དུར་ཤིད། བུ་ལོན་འཇལ་བ། མཁར་ལས། འདུ་ལོང་སོགས་དགེ་ལས་འཛེམ། གཤིན་ལས་སྤང་ངོ་། ༈ །ཧལ་ཁྱི་ནག་པོ་ཟས་འཚོལ། སྟག་གི་བྱ་དུས། ༨ ཡོས་རྟ་༡༦ འབྲུག་སྟག་༢༤ སྦྲུལ་གླང་༩ རྟ་ཕག་༡༨ ལུག་བྱ་༢༧ སྤྲེལ་སྦྲུལ་༡༠ བྱ་འབྲུག་༢༠ ཁྱི་སྟག་༣༠ ཕག་བྱ་༡༡ བྱི་བ་སྤྲེལ་༢༢ གླང་ཡོས་༣འདི་རྩིས་སྐོར་ནོར་བུའི་ཕྲེང་བ། དུས་བག་མ་མཁར་ལས་ལྟད་སྟོན་ཤིད་དམག་རོ་ལས་དང་། ཁྱི་ཡི་གཏོང་ལེན་འཕོ་སྐྱས་གཏམ་བཤད་དགེ་ལས་འཛེམ། མཐུ་བྱད་ངན་བྱེད་རྣམས་ལ་བཟང་ངོ་། ༈ །གནམ་ཁྱི་ནག་པོ་རྒྱུ་བ་ནི། དཔྱིད་རའི། འབྲུག་ལུག་ཉིའི་ཉི་དྲོས།ཐོ་རངས་ཀྱང་། དཔྱིད་འབྲིང་། སྦྲུལ་སྤྲོད། ཉི་ཕྱེད་ནམ་ཕྱེད་ཀྱང་། དཔྱིད་ཐ། རྟ་བྱ་སྟག །ཐོ་རངས། དབྱར་ར། ཁྱི་ཡོས་ལུག་སྤྲེལ། མྱུར་ཁ། དབྱར་འབྲིང་། ཕག་འབྲུག་སྦྲུལ་ལུག །རྩེ་ཤར། དབྱར་ཐ། བྱི་རྟ་སྤྲེལ་བྱ། སྲོད། སྟོན་ར། འབྲུག་རྟ་ལུག་སྦྲུལ། སྲོད། སྟོན་འབྲིང་།སྟག་འབྲུག་རྟ་ལུག །ཉི་དྲོས། སྟོན་ཐ། བྱི་ཡོས་སྤྲེལ། ནམ་ཕྱེད། དགུན་ར། གླང་སྟག་བྱི་འབྲུག་སྦྲུལ། ཉི་མྱུར། བཻཌཱུ་སྦ་དུམ། ༢༤༧ དགུན་འབྲིང་། སྟག་འབྲུག་ཁྱི་གླང་། ཉི་ནུབ་སྲོད། དགུན་ཐ་མ། སྟག་ཕག་ཡོས་བྱི། ཕྱི་དྲོ་སྲོད། རྒྱུ་བ་སྟེ། འདི་ལུགས་གསུམ་འདྲ་མིན་བསྡོམས་པ་སྟེ། ― MR12_Page_0174 ―
[མ་དཔེ་གཟིགས་ན་འདིར་གནོན།]
གོ་བདེར་བརྗོད་ན། དཔྱིད་ར་སྟག་གི་༡༣ ༣༦༤༢༥ ༩༡༡༨༣༡༡༧༥ ༡༣༦༠༢༦ ༢༥ ༢༧ ༢༨རྣམས་ལ་རྒྱུ། དཔྱིད་འབྲིང་གི་༡ ༡༠ ༡༣ ༢༢ འདི་ཀུན་ཏུ་འདྲ། ༢༥ ལ་རྒྱུ། དཔྱིད་ཐ་མའི་༡ ༥ ༨ ༡༧༣ ༡༨༧ ༢༠ ༢༧༥ ༢༢ ༩༤ལ་རྒྱུ། དཔྱིད་ར་བའི་༡༣༦༨ ༢༩༠ ༡༡ ༣༨༡༢༥༠༢༣༠༠༢༤༢༥༢༢ལ་རྒྱུ། དབྱར་འབྲིང་པོའི་༣ ༤ ༦༤ ༡༠༡༠༡༡༥༦༡༢༦༢༡༢༨༨ ༢༢༢༧༢༨༣༠ལ་རྒྱུ། དབྱར་ཐ་མའི་༡༡༢༠༥༥༥༡༡༡༡༡༣༡༡༣༧༡༢༤༣༡༡༧༥༢༢༣༩ ༢༥༢༦༢༩ལ་རྒྱུ། སྟོན་ར་བའི་༣༢༤༦༥༡༦༥༡༥༡༡༦༨༡༢༧༧ ༡༨༢༧༢༨༢༩༣༠ལ་རྒྱུ། སྟོན་འབྲིང་པོའི་༤ ༧༤ ༩༧ ༡༡༡༢ ༢༦༡༡༦༩ ༡༢ ༩༤༢༢༡༨ ༢༣ ༢༤ ༢༨ ལ་རྒྱུ། སྟོན་ཐ་མའི་༢༢ ༧༧ ༡༡ ༡༡ ༡༡ ༤༤ ༡༡ ༩༩༢༢༣༣ ༢༢ ༦༦ ལ་ཀུན་འདྲ། རྒྱུ། དགུན་ར་བའི་༣༣ ༦༦༧༧༩༩༡༡༥༥༡༡༥༨༡༡༨༩༡༢༩༡༢༢༡༧༢༣༢༠༢༧ ༣༠ལ་རྒྱུ། དགུན་འབྲིང་པོའི་༡༡ ༣༣ ༤༩༩༡༡༣ ༢༡༡༥༢ ༣༥༡༢༥༦༡༡༢༤ ༢༥ ༢༧ ༢༨ལ་རྒྱུ། དགུན་ཐ་མའི་༤༤༥༥༧༧༨༨༡༡༦༦༡༡༧༧༡༡༩༩༢༢༠༠༢༢༨༨༢༢༩༩ ལ་རྒྱུ། འདི་རྒྱུ་དུས་གསོན་གཤིན་ལས་དང་བག་མ་མཁར་ལས་རོ་འདོན་སོགས་ཧལ་ཁྱི་བཞིན་དུ་འཛེམ། ཁྱད་པར་བག་དམག་ལྟད་སོགས་ངན་ཀྱང་ཟེར། མཆན་འདི་ལྟར་བརྩི་བ་ཡིན། རྩིས་ཚེས་ཀྱི་གནམ་ཁྱི་ལྟ། ༧ གནམ་སྦྱོར་༨དཔྱིད་༧ གསུམ་༤ལ་རིམ་བཞིན། ༧ ༧ ༢༦དབྱར་གསུམ། སྟོན་གསུམ། ༡༩ ༡༩ ༧ དགུན་གསུམ། ༡༦ ༡༩ ༢༤ འདི་དུས་བཟའ་གསར་མཉམ་སྦྱོར། བག་རོ་ངན། བག་མ་སྐམ། བཅོས་གནམ་ཁྱི་བཞིན་ནོ། ༧ །གཟའ་རྒོད་འབྱུང་བ་ཟས་འཚོལ་བུ་བག་ལས་སོགས་ངན། རྩུབ་དྲག་ལས་ལ་བཟང་། ༧ དབུལ་པོ་ལག་སྟོང་། སྟག་༡༦༡༡༡༩ཡོས་༢༡༤༢༢༡༤འབྲུག་༣༨སྦྲུལ་༤༡༨ ༥རྟ་༥༡ ༡༥༡ ལུག་༦༢༢༡༢སྤྲེལ་༧༡༥༩༡༦ བྱ་༨༢༡༦༩ ཁྱི་༢༡༢༢༢༢༩༡ ― MR12_Page_0175 ―
[མ་དཔེ་གཟིགས་ན་འདིར་གནོན།]
ཕག་༡༦༡༡༩༧ བྱི་བ་༡༢༡༧༦༢༠༡༠གླང་༩༢༩ལ་རྒྱུ། འདི་དུས་སྟོན་མོ་དང་ནོར་བཏང་ན་དབུལ། མཁར་ལས་བག་མ་བུ་འབོགས་སྒྱེད་འཛུག་བཤད་གསར་རྟེན་བཞེངས་རབ་གནས། ལྟད་མོ་ཐོག་འབུབ་དར་ཕྱར་རོ་འདོན་ཞིང་འདེབས་མཛོད་ཕྱེ་སོགས་གསོན་གཤིན་ལས་ཕལ་ཆེར་འཛེམ། གཟའ་བདུན་ཟས་འཚོལ་ངན། གཟའ་རྒོད་འབྱུང་བ། འབྲུག་ལུག་༡༨ཟླ་བའི། ཕག་༡༦སྦྲུལ། ༢༢ རྟ་༡༣སྤྲེལ་༩ཟླའི་༢༢རྒྱུ། འདི་དུས་བག་མ་ལེན་ན་བུ་བཙས་ནད་ཐེབས་ངན། རོ་བཏང་ལྔར་ཟློས་རྡོ་ཤིང་ཕོག་ཀྱང་གཉན་དྲག་ལས་བཟང་། ༈ ངམ་ཤིང་ནི། དཔྱིད་ར་སྟོན་རའི་ཚེས་བཅུར་ཤར་ནས་ནུབ། །དཔྱིད་འབྲིང་སྟོན་འབྲིང་ཉི་ཤུར་ཤར་ནས་ནུབ། །དབྱར་འབྲིང་དགུན་འབྲིང་གནམ་གང་ལྷོ་ནས་བྱང་། །དབྱར་ཐ་དགུན་ཐའི་རྩིས་སྐོར་ནོར་བུའི་ཕྲེང་བ། བཅུ་གཉིས་ཤར་ནས་ནུབ། །འདི་དུས་དགེ་བཤེས་དང་ཆེ་འདོན། །ཁྲི་བརྩིགས། བཤད་གསར། མཁན་སློབ་བསུ་སྐྱེལ་བསྟོད་བཀུར། བག་མ་བུ་སྲིང་ལས་མི་རུང་། སྒེར་བཅོས་མེད། འདི་བཀུར་བསྟི་ལ་འཛེམ། ༈ ཀ་ཁྱུང་ཀི་ཀང་ནི། སྟག་རྟ་༡༡ཁྱི་གསུམ་གྱི་ཟླ་༢༧བར། ཕག་ལུག་ཡོས་༢༤གསུམ། བྱི་འབྲུག་༢༨སྤྲེལ། བྱ་གླང་སྦྲུལ་གསུམ་༢༦། འདི་དུས་གསོན་གཤིན་བྱ་བ་དང་མཁར་ལས་ལྟད་སྟོན་དམག་ཤིད་བབ། ཆུང་དུར་འབུལ། འཇལ་ངན་ཟེར། སྒྲིབ་བཅོས་མ་བཤད། དྲག་ལས་མ་གཏོགས་སྤང་། བྲ་ཆེན་ནི། སྦྲུལ་༢༥ཟླའི། ལུག་༡༥བྱ་༡༢༡ཁྱི་༢༡ཕག་༩ལ་རྒྱུ། སྟོན་མོ་བག་མ། རོ་བསྒུལ་བསྐྱོད་དམག་སོགས་གསོན་གཤིན་བྱ་རིགས་འཛེམ། སྒྲིབ་བཅོས་མ་བཤད། ༈ རཱ་ཧུ། དཔྱིད་ར་༡༡༢༨། འབྲིང་༢། ཐ་༡༨དབྱར་ར་༡༢༦༢འབྲིང་༡ ༡༣ཐ་༢སྟོན་ར་༢༨འབྲིང་༡༦ཐ་༡དགུན་ར་༢འབྲིང་༡༨ཐ་ཆུང་ལ་ཟས་ཚོལ་མེད་དེ་རྒྱུ་དུས་ཟས་འཚོལ་ཡིན། འདི་དུས་གསོན་ ― MR12_Page_0176 ―
[མ་དཔེ་གཟིགས་ན་འདིར་གནོན།]
གཤིན་བྱ་བ་ཆེ་ཆུང་འཛེམ་ཟོར་འཕེན་དྲག་ལས་ཤིས། སྒྲིབ་ན་གཟའ་ཡུམ་ཀློག །ཕྱག་རྡོར་སྐུ་བསྟན་ཐུབ་གསུངས། ༈ དགོངས་འདུས་སྐར་མཛོད་ལས། ལོ་ནག་གཉིས་ནག་དབུས་ཞུགས་ལ་གཏན་སྲིད་མི་རུང་། ཟླ་ནག་ཞག་ནག་འདྲ། ཟླ་ནག་ལ་ཡུལ་གསར་འཛིན་སོགས་དཀར་ལས་སྤང་། ཞག་ནག །བཟང་པོའི་བྱ་བ་སྤང་། གཟའ་ཡི་ཉི་ནག་ཉི་མ་ནག་ཆེན་འདྲ། གཉན་གྱི་ཉི་ནག་དཔྱིད་རའི་དྲུག །འབྲིང་བཅོ་བརྒྱད། ཐ་མའི་ཉེར་བརྒྱད་སོགས་འདུག དམིགས་གསར་མ་ཤིས། ཕུང་ཟོར་ཧལ་ཁྱི་འདིར་མཐུན་དབུལ་ལག་མང་། འུ་ཕུང་གཤང་ཕུང་ཟེར་སོགས་འདུག །སྤྱིར་འདྲ་ལ་ཅུང་འདྲ་མིན་ཡོད་འདྲ། མངྒ་ལཾ། ༈ །ཟླ་འཁོར་ས་བདག་ནི། དུས་བཞིའི་རྒྱལ་མོ་བཞི་ནི། རེ་མ་ཏིའི་སྤྲུལ་པ་སྟེ། དཔྱིད་གསུམ་ཤར་དུ་འཚོགས་པས་དེ་ཕྱོགས་བག་མ་དམག་སྟོན་ཤིད་སྤང་། དབྱར་གསུམ་ལྷོར་ཚོགས་སེར་བ་གཏད་ཁྲོམ་དེ་ཕྱོགས་ངན། སྟོན་གསུམ་ནུབ་ཚོགས་བོན་མདོས་སྤང་། དགུན་གསུམ་བྱང་ཚོགས་དེ་ཕྱོགས་སྐྱས་དང་མཁར་ལས་སྤང་། ལྷ་ལྔ་ནི་ཕྱོགས་བཞིར་སྟག་དཀར་སོགས་བཞི་དབུས་ས་ཡི་ལྷ་མོའམ། དབུས་མཚམས་སྦལ་མགོ་སྟེ། ལྔ་འདི་ལ་གྲོལ་པུ་ལྷ་ལྔའམ། ཟླ་འཁོར་ས་བདག་ཆེན་མོ་ཟེར། གཡོན་སྐོར་སྟག་རྟ་ཁྱི་ཟླར་ཤར་དུ་འཚོགས། ཕག་ལུག་ཡོས་ལྷོ། བྱི་འབྲུག་སྤྲེལ་ནུབ། བྱ་གླང་སྦྲུལ་བྱང་དུ་ཚོགས། དེ་ཕྱོགས་རོ་དུར་མཁར་ཁྲོམ་ཤིད་ལྟང་སྟོན་འཇལ་དམག་ཇག་མཚོན་ཁ་སྟོན་པ། སྐྱས་ཕྱོགས་འཛེམ། ལྷ་དགུ་ཞེས་བྱ་བ། ཞག་དུས་ཁྱིམ་ལྷ་ཐབས་ཤིད་སེ་རོ་ལམ་ལྷ་སྤྱི་ལྷ་གཏད་ལྷའང་ཟེར། སྟག་རྟ་ཁྱི་ཟླར་ནུབ། ཕག་ལུག་ཡོས་ལྷོ། བྱི་འབྲུག་སྤྲེལ་ཤར། བྱ་གླང་སྦྲུལ་ཟླར་ ― MR12_Page_0177 ―
[མ་དཔེ་གཟིགས་ན་འདིར་གནོན།]
བྱང་དུ་འཚོགས། བུམ་སྟོང་ཞེས་པ་དབྱངས་འཆར་ལུགས། ལུག་སེང་གཞུ་ཤར། གླང་བུ་མོ་ཆུ་སྲིན་ལྷོ། འཁྲིག་བུམ་སྲང་གསུམ་ནུབ། ཀར་སྡིག་ཉ་བྱང་དུ་བཀོད་ལ། ནས་ཁྱིམ་གང་དུ་ཉི་མ་གནས་དེར་རོ་གཏོང་དུར་འདེབས་མཁར་ལས་ཁྲོམ་པའི་ཕྱོགས་དེ་བུམ་སྟོང་། གཞན་གསུམ་གང་བའི་བུམ་པ་ཟེར། སྟོང་བུམ་ཕྱོགས་སུ་དོན་གཉེར། གྲལ་དཔོན་གྱི་ཁ་ལྟ་ཕྱོགས་སོགས་ངན། སྤོར་ཐང་ལུགས་ལ། སྟག་རྟ་ཁྱི་ཤིད་དམག་སོགས་འཛེམ། ཐབས་ལྷ་སེ་གསུམ་ལ་བུམ་སྟོང་ཤར། ཕག་ལུག་ཡོས་ལྷོ། བྱི་འབྲུག་སྤྲེལ་ལ་ནུབ། བྱ་གླང་སྦྲུལ་གསུམ་བྱང་དུ་གནས་ཏེ། བུམ་པ་དེ་ཡི་ཁ་ལ་ཐེ་སེ། མགུལ་འབྲུག་ལྷ། བུམ་ནང་ནང་ལྷ་ཤར་ཞེས་པ་དཔྱིད་ཤར། དབྱར་ལྷོ། སྟོན་གྲོལ་བུ། ལྟོ་བར་ས་ཡི་ལྷ་མོ། མཆུ་ལ་ཁྱིམ་ལྷ་གེ་ཐུང་གནས་པས་དེ་ཕྱོགས་ལས་དང་བྱ་བ་ཕལ་ཆེར་འཛེམ་སྟེ་ངན་གསུངས། འབྱུང་བའི་ལྷ་ལྔ་ནི་འགོག་ཀུ་ལྷ་ལྔ་ཟེར་ཏེ། འབྱུང་ནུབ། དགུན་བྱང་གནས་དེ་ཕྱོགས་ཐབ་ཁ་ལྔ་རང་མདོག་མཁའ་འགྲོ་རང་མཚན་ཐོགས་པ་ལྔ། སྟག་ཡོས་ལོ་ཟླ་ཞག་དུས་བཞིར་ཤར་དུ་གནས་པ་དང་། མཚམས་བཞིར་རང་རང་ཐོག་སོགས་ལོ་རང་ཐོག་དེར་གནས། ལས་ཀུན་དང་རང་འཐག་འཛུགས་པ་ངན། ལ་ཀོ་ལོང་བསྡོམས་པས་འཛེམ། འབྱུང་བའི་ལྷ་དེ་དག་ཡོད་ཕྱོགས་སུ་དེ་ལ་མཆོད་པ་ཕུལ་བ་བཟང་། གཞན་ཡང་གབ་པའི་ལྷ་བཅུ་གཉིས་ནི་བྱི་བའི་ལོ་ཟླ་ཞག་དུས་ཀྱི་སྟེང་ན་གཉན་ཁྲ་ ― MR12_Page_0178 ―
[མ་དཔེ་གཟིགས་ན་འདིར་གནོན།]
གནས་པ་སོགས་ལོ་རང་རང་སྟེང་ན་ཡོད་པ་འདི་དག་ཤིན་ཏུ་གཉེན་པས་དེ་ཐོག་རོ་འདྲེན་མི་རུང་ངོ་། །དེར་མ་ཟད་ས་བདག་ཕལ་མོ་ཆེ་དག་ལོ་ཟླ་ཞག་དུས་རང་ཐོག་ན་གནས་པ་མང་བས་དེ་ཕྱོགས་ལ་འཛེམ་བརྟེན་བྱ་ཚུལ་གཅེས་སོ། །གདགས་ཀྱི་ལྷ་དྲུག །གསལ་ཁང་གསེར་དབང་རྣམ་མཛོད་ཤེལ་ཁང་རྣམ་ཐོས་ཚེ་དབང་། བྱི་རྟ་གཉིས་ཀྱི་ཟླ་བར་བྱ་བྱི་བ་འབྲུག་ཡོས་གླང་རྟ། གླང་ལུག་གཉིས་ཀྱི་ཕག་སྟག་རྟ་སྦྲུལ་ཡོས་སྤྲེལ། སྟག་སྤྲེལ་གཉིས་ཀྱི་གླང་འབྲུག་སྤྲེལ་ལུག་སྦྲུལ་ཁྱི། བྱ་ཡོས་གཉིས་ཀྱི་ཡོས་རྟ་ཁྱི་བྱ་ལུག་བྱི་བ། ཁྱི་འབྲུག་གཉིས་ཀྱི་སྦྲུལ་སྤྲེལ་བྱི་བ་ཕག་བྱ་སྟག །ཕག་སྦྲུལ་གཉིས་ཀྱི་ལུག་ཁྱི་གླང་སྟག་ཕག་འབྲུག །སྲིབས་ཀྱི་ལྷ་དྲུག་འབྲུག །སྔོན་གནམ་གཤེད་ཆུ་ཚགས་སྟག་དཀར་ཧང་བུ་ཀེ་ཚིགས། བྱི་རྟ་གཉིས་ཀྱི་ཟླ་བར་སྤྲེལ་ཁྱི་ཕག་སྟག་སྦྲུལ་ལུག །གླང་ལུག་གཉིས་ཀྱི་ཁྱི་བྱི་བ་གླང་འབྲུག་ལུག་བྱ། སྟག་སྤྲེལ་གཉིས་ཀྱི་བྱི་བ་སྟག་ཡོས་རྟ་བྱ་ཕག །བྱ་ཡོས་གཉིས་ཀྱི་སྟག་འབྲུག་སྦྲུལ་སྤྲེལ་ཕག་གླང་། ཁྱི་འབྲུག་གཉིས་ཀྱི་འབྲུག་རྟ་ལུག་ཁྱི་གླང་ཡོས། ཕག་སྦྲུལ་གཉིས་ཀྱི་རྟ་སྤྲེལ་བྱ་བྱི་བ་ཡོས་སྦྲུལ། གནམ་ཐིག་སེར་ནག་ཞེས་པ་གདགས་ཀྱི་ལྷ་དྲུག་དཀར་དྲུག་ཀྱང་ཟེར། དང་སྲིབས་ཀྱི་ལྷ་ནག་དྲུག་དྲུག་ནི་རེའུ་མིག་ལྟར་ཟླ་བ་སོ་སོའི་དུས། སུ་ལོ་དེ་དག་གི་ཕྱོགས་སུ་ལྷ་དེ་དག་གནས་པ་སྟེ། གདགས་ཀྱི་ལྷ་དྲུག་གང་ཡོད་དེ་ཕྱོགས་སུ། རོ་ལམ་བག་མ་མཁར་ལས་སོགས་གསོན་གཤིན་གྱི་ལས་ཐམས་ཅད་བཟང་སྟེ། འདི་ལ་ཁ་ལྟ་ཕྱོགས་དང་ལས་སྒྲུབ་ཕྱོགས་བྱས་ན། བཀྲ་ཤིས་སྲིད་སྨེ་ཁྱེའུ་འཛིན་པས་ལས་་སྨེ་ཁྱེའུ་འཛིན་པས་ལས་ ― MR12_Page_0179 ―
[མ་དཔེ་གཟིགས་ན་འདིར་གནོན།]
གང་བྱེད་ཀྱང་འདི་ལ་ཕྱོགས་ཏེ་བྱ། ཟོར་སོགས་རང་དཔྱད་ཡོད་ཏེ། དྲག་ལས་མ་གཏོགས་ཅི་ལའང་དགེ་ཞིང་བཟང་ངོ་། །སྲིབས་ཀྱི་ལྷ་དྲུག་ཡོད་ཕྱོགས་སུ་རོ་ལམ་བག་མ་མཁར་ལས་སོགས་གསོན་གཤིན་གྱི་ལས་ཀུན་ལ་ངན་ཁྱད་པར་དུ་རོ་ལམ་འདི་དག་ལས་བཟུར་དགོས། བྱེ་བྲག་ཏུ་འབྲུག་སྔོན་ལ་བརྡོས་ན་གཟའ་དཔོན་འཆི། གནམ་གཤེད་ལ་མི་ཕྱུགས་གློ་བུར་ནད་ཀྱིས་འདེབས་ཅིང་རྐྱེན་ཁ་ཡོག་གོད་ཁ་འབྱུང་། ཆུ་ཚགས་ལ་ཁ་ཡོག་ཞལ་ལྕེ་རྒྱུན་མི་འཆད། སྟག་དཀར་ལ་མའམ་བྲན་མོ་སྐྱེས་པ་གློ་བུར་འཆི།འདི་རོ་འདོད་ཡིན་ཏེ། རུས་བུ་ཡོད་ན་བཏོན་ལ་བསྐྱལ། ཧང་བུ་རོ་འདོད་བུ་ལ་སྡང་། ཤི་ཁ་བྱེ་གོད་ཁ་འོང་། ཀེ་ཚེགས་ཕྱུགས་དང་རྐང་བྲན་འཆི། ནོར་གོད་ཆེའོ། །དེ་ནི་ཕྱི་ཡི་ནག་དྲུག་སྟེ། ནང་ལྟར་འདི་ཟླ་བའམ་དཔྱད། ན། བྱི་བར་བང་བ། གླང་ཁང་རྨད། སྟག་ཕྱི་སྒོ། ཡོས་གཡག་ཤིང་། འབྲུག་རང་འཐག སྦྲུལ་ཐག་པ། རྟ་སྒ། ལུག་གཞོང་པ། སྤྲེལ་གྲི། བྱ་སྡེར་མ། ཁྱི་ཡ་ཐེམ་ཕག་འཇོར་ལ་གནས་པས་དེ་ལ་རོ་ཐུག་པ་སྤང་བར་བྱའོ། །ལོ་ཟླ་ཞག་དུས་ས་བདག རྣམས་མིང་དང་རྒྱུ་ཕྱོགས་ཕྱོགས་འདྲ་ལ་མི་འདྲ་དེང་སང་གི་རྒྱ་ནག་རྩིས་ངན་སྣང་། ཧ་ཧ། ༧ ལྟོ་འཕྱེ་ཆེན་པོ་ནི་གང་ཤར་ཟླ་བ་དེ་སྟེང་མགོ་བོ། དེ་ཡི་བདུན་ཟུར་ལ་མཇུག་མ་གནས། གཞོག་གཡོན་འོག་བཅུག་གཡས་སྐོར་རོ། །ཟླ་བའི་ཧལ་ཁྱི་ནི་ཟླ་བ་སྔ་མའི་ཀླུང་རྟའི་ལོ་སྟེང་ཡོད། རོ་སོགས་འཛེམ། ཡང་མདོ་བྱང་མ་བུ་ལས། ཧལ་ཁྱི་དཔྱིད་གསུམ་ཤར་ན་མགོ་ཡོད་ཅིང་ཁ་ལྷོར་བལྟ། དེ་ཡང་ཟིན་ཐོག་ན་ཁ་ཡོད། གིན་མཆེ་གཡས། ཟོན་མཆེ་གཡོན། དེ་བཞིན་དབྱར་གསུམ་མགོ་ལྷོ་ན་ཡོད་དེ། ལི་ལ་ཁ། ཟོན། ཁོན་མཆེ་བ་གཡས་གཡོན། ཁ་ནུབ་ཏུ་བལྟ། སྟོན་གསུམ་ ― MR12_Page_0180 ―
[མ་དཔེ་གཟིགས་ན་འདིར་གནོན།]
མགོ་ནུབ། ཁོན། དྭ་ཁེན་ལ་ཁ་མཆེ། ཁ་བྱང་དུ་བལྟ། དགུན་གསུམ་མགོ་བྱང་། ཁེན་ཁམ་གིང་ལ་གོང་བཞིན་ཁ་ཤར་དུ་བལྟ་བས། འདིའི་མཆེ་བ་གཡས་ཀྱི་སྟེང་དུ་རོ་མི་དྲང་། གཡོན་ལ་གཏད་མི་བྱ། ཁ་ལ་བག་མ་སྤང་གསུངས་འདི་གལ་ཆེ། ལོ་ཟླའི་ཧལ་ཁྱི་དང་འགྲིགས་དུས་ཧལ་ཁྱིར་གཏད་ན་ཟབ་པ་རང་གིས་རྟོགས་སོ། །ཡང་ས་བདག་ཝང་ཁྱི་ཞེས་བྱ་བ་འབྲུག་སོགས་ཐ་ཆུང་བཞི་ཡི་བཞོན་པ་ཞོན་ནས། ལག་ན་ཁྱི་ཡི་རྒྱལ་མཚན་སོགས་བཞོན་པའི་བདུན་ཟུར་གྱི་རྒྱལ་མཚན་ཐོགས་པ་ཁ་མིག་སྤར་ཁ་དང་གཟས་འཇིགས་པར་བྱས་པ་སྟེ། ཐ་ཆུང་བཞི་ཡི་ལོ་ལ་གནས་ཏེ། དཔྱིད་ཐ་ཆུང་ཁྱི་ཡི་ཟླ་བའི་ཁྱི་ཡི་ཉི་མ་དང་དུས་ལ་ཤར་དུ་ཁོ་ཡི་ཁ་བལྟ། དེའི་ཚེ་ཁ་ཤར་དུ་བལྟས་ནས་མནའ་བསྐྱལ་ན་མི་རུང་། དེ་བཞིན་དབྱར་ཐ་ཆུང་གླང་གི་ཟླ་བའི་གླང་གི་ཉི་དུས་ལ་ཁ་ལྷོ་བལྟ།སྟོན་ཐ་འབྲུག་ཟླའི་འབྲུག་གི་ཉི་དུས་ལ་ཁ་ནུབ་ཏུ་བལྟ། དགུན་ཐ་ལུག་ཟླའི་ལུག་གི་ཉི་དུས་ལ་ཁ་བྱང་དུ་བལྟ། དེའི་ཁ་བལྟ་ཕྱོགས་སུ་བཤད་པ་གང་ཡིན་པ་དེར། ལས་སྤྱི་དང་ཁྱད་པར་མནལ་སྐྱེལ་པར་མི་བྱ་སྟེ། འདི་མནའ་ཡི་གཤད་པོ་ཡིན་པར་བཤད། མནའ་ཟན་གཏད་ན་སྙམ་རང་ཧ། ༈ །ཞག་གི་ས་བདག་གསེར་མཛོད་ཞག་ལྷ་སུམ་བརྒྱ་དྲུག་ཅུ་བཅས། སྟག་གི་ཞག་ལ་ཤར་སྟོད་སོགས་ཞག་གང་ཡིན་དེའི་རང་ཐོག་ཏུ་གནས། དེའི་ཕྱོགས་རོ་བག་དང་རང་འཐག་འཛུགས་པ་མཁར་ལས་སྐས་འཛུག་བང་པ་བཅའ་བ། སྐྱས་བྱེད་པ། ནས་འབྲས་སྐམ་ནོར་འཇལ་བ། དམག་དང་ཁྱིམ་གྱི་བྱ་བ་འཛེམ། ནང་ལྟར་བྱི་བའི་ཉི་མར་ཆང་རྫར་གནས་པས་གཤིན་གྱི་ལས་སུ་ཆད་མི་བཙག །དེ་བཞིན་གླང་ཉིར་མཛོད། སྟག་ལ་སྒོ། ཡོས་ལ་གཡག་ཤིང་། འབྲུག་ལ་རང་འཐག །སྦྲུལ་ལ་ཐག་པ། རྟ་ལ་ ― MR12_Page_0181 ―
[མ་དཔེ་གཟིགས་ན་འདིར་གནོན།]
སྒ། ལུག་ལ་གཞོང་པ། སྤྲེལ་ལ་གྲི་དང་སྟ་རེ། བྱ་ལ་སྡེར་མ། ཁྱི་ལ་ཡ་ཐེམ་མ་ཐེམ། ཕག་ཉིད་འཇོར་ལ་གནས་པས། ནང་གི་གནས་པའི་སྤྱད་ཆ་འདི་དག་གཤིན་ལས་ཀྱི་དོན་དུ་དེ་དག་གི་ལས་བྱེད་པ་དང་རོ་དེ་རྣམས་དང་ཐུག་པ་སོགས་ངན་པས་སྤང་། ཉམས་བཅོས་ཀོ་ལོང་སོགས་ནང་གསེས་མང་པོ་འདུག །མཁར་ལས་ལའང་དེ་དང་འདྲ་ཞེས་བཤད། དུས་ལའང་དེ་ལྟར་ཞེས་བཤད། ཞག་གི་བླ་མཁྱེན་ཐབ་ལྷ་སེ་ཤེར། ཞག་ལྷ་གསེར་མཛོད་རྣམ་འགྱུར་མི་འདྲ་གཉིས། ཞག་ལྷ་ངོ་བོ་བཞི། གབ་པ་བཅུ་གཉིས་བཅས་སོ། ༈ །དུས་ཀྱི་ལྷ་གཡུ་མཛོད་སྔོན་མོ་རྣམ་འགྱུར་མི་འདྲ་གཉིས་སྟོན། དུས་གང་ཡིན་རང་ཐོག་ན་གནས་དེ་ཕྱོགས། བག་མ་གཏོང་ལེན། རོ་ཤིད་ཀྱི་ཟན་གཏོང་། དམར་ལས་ཐབ། དུ་འདེབས། མཁར་ལས་སྐྱས་སོགས་ངན།༈ དུས་ཀྱི་བླ་མཁྱེན་དུས་དེའི་མཐུན་གསུམ་ཀླུང་རྟའི་སྟེང་ན་གནས་འཛེམ་བཅོས་ལོ་ཡི་སྐབས་དང་འདྲ། ༈ ཁང་བརྩེགས་མཚོ་སྔོན་གཉིས་དུས་རང་སྟེང་གནས། ཁང་བརྩེགས་ལ་གྲལ་གདན་འདིང་བ་མཚོ་སྔོན་ལ་བག་མ་རོ་ལས་ངན། ༈ དུས་ནག་ཉི་མའི་བཞི་གཤེད་དུས་སོ། །སྤྱིར་ལོ་ཟླ་ཞག་དུས་རང་ཐོག་གཉན་ཞེས་རང་དགེ ༈ ས་བདག་ལྟོ་འཕྱེ་ནི་ནག་རྩིས་ལྟར་ན། སྟོད་མི་སྨད་སྦྲུལ་སྦྲུལ་གདེངས་སྦྲུལ་སློག་གསོལ་བ་མཐིང་ནག །གཡས་གཏེར་བུམ། གཡོན་སྣར་བཀབ། གཡོན་སར་ཕབ་འཕྱེས་ནས་འགྲོ་བའང་། ཡང་ན་མི་ལུས་གླང་མགོ རྭ་གཡས་གསེར། གཡོན་གཡུ། གཡུ་ཡི་སྐྲ་ཅན། མདོག་སེར་པོ། མེ་ཡི་ལྕེ་ཅན། མཇུག་སྦྲུལ་ཅན། གཡོན་ཉལ་གཟུགས་སུ་བཤད། གང་ཤར་ཟླ་སྟེང་མཇུག །དེའི་བདུན་ཟུར་མགོ་བོ་གནས། དེས་ན་ ― MR12_Page_0182 ―
[མ་དཔེ་གཟིགས་ན་འདིར་གནོན།]
ལྟོ་བ་ཕྱེའི་རྒྱབ་ལ། རྒྱབ་བསྟན་ནས་ལག་གཡོན་འཇོར་ཐོགས་ཏེ། གསུས་པར་མདུན་བསྟན། ལྟོ་ཚིལ་བྲུ་ཚུལ་ཁམ་གསུམ་བརྐོ། དེ་ནས་ཅི་བདེར་སྤྱད་ཆོག་གསུངས། འདི་ལ་གང་ཤར་མགོ་བོ། དེའི་བདུན་ཟུར་མཇུག་མ་གནས་པར་ཡང་བཤད། རིན་ཆེན་ཀུན་འདུས་ནས། དཔྱིད་གསུམ་མགོ་བྱང་མཇུག་མ་ལྷོ། ལྟོ་བ་ཤར་ནུབ་ཕྱོགས་རྒྱབ། དབྱར་གསུམ་མགོ་ནུབ་མཇུག་ཤར། ལྟོ་བ་བྱང་རྒྱབ་ལྷོར་བསྟན། སྟོན་གསུམ་མགོ་ལྷོ་མཇུག་བྱང་། ལྟོ་བ་ནུབ་རྒྱབ་ཤར། དགུན་གསུམ་མགོ་ཤར་མཇུག་ནུབ།རྒྱབ་བྱང་ལྟོ་བ་ལྷོར་བསྟན་གསུངས། མགོ་མཇུག་སྙིང་ག་རྒྱབ་ལྟོ་བརྟག །འདིའི་མགོ་ལ་ཕོག་ན་ཕོ་དང་ཕ་མ་ཆུང་མ་བུ་ཚ་འཆི། ཁྱད་པར་སྔགས་པ་རང་ལ་ངན། ཟེ་བར་བདག་དང་། ཁ་ལ་ཕ་ཚན་ལ་ངན། རྭ་ལ་འཐབ་མོ་འོང་། མཇུག་མར་ཡུལ་འཆོར་ནོར་ལ་ངན། ལྟོ་བ་བྲུས་ན་དངོས་གྲུབ་འབྱུང་། རྒྱ་ལ་རང་ཉིད་ནུ་མས་བུ་མོ་སྙིང་གས་བུ་འཆི་ཟེར་ཡང་ཁུངས་དང་ཅུང་མི་འགྲིགས་གསུངས། དཀྱིལ་འཁོར་མཁར་ལས་མནན་གཏད། ཤིང་འཛུགས་སོགས་ཀུན་ལ་གལ་ཆེ་གསུངས། ༈ རྩིས་ཕལ་ཆེར་ལས་མི་རྟའི་བླ་གནས། ༡ མི་ཡི་རྐང་པའི་མཐེ་བོང་རྟ་སོགས་རྐང་མཐིལ། ༢ མི་ཡི་རྐང་བོལ་ཚིགས་རྟ་སོགས་ཚིལ། ༣ མི་ཡི་བྱིན་ཉྭ་རྟ་སོགས་ངར་གདོང་། ༤ མིའི་སྐེད་པ་རྟ་ཡི་སྲེ་ལོང་། ༥ མི་ཡི་སྒྱིད་ཁུག་རྟ་སོགས་སེར་རུས། ༦ མི་ཡི་བརླ་སུལ་རྟ་སོགས་དཔྱི་མིག ༧ མི་ཡི་དཔྱི་མིག་ཚིགས་རྟ་སོགས་ཀྱི་གྲུ་མགོར་གནས། ༨ མི་ཡི་མཁལ་མ་རྟ་ལ་སོགས་པའི་མཁལ་ཁུང་། ༩ མི་ཡི་རྩིབ་ལོག་རྟ་སོགས་ལག་མཐིལ། ༡༠ མི་ཡི་དཔུང་སོག་རྟ་སོགས་ལག་མཐིལ། ༡༡ མི་ཡི་ལག་ངར་ ― MR12_Page_0183 ―
[མ་དཔེ་གཟིགས་ན་འདིར་གནོན།]
སྟེང་རྟ་སོགས་ཚིལ། ༡༢ མི་ཡི་ལག་མཐིལ་རྟ་སོགས་ལག་ངར། ༡༣ མི་ཡི་རྐེ་མགུལ་རྟ་སོགས་རྩ་དཀར། ༡༤ མི་ཡི་རྣ་ལྟག་དང་ཟ་འགྲམ་རྟ་སོགས་དཔུང་པ། ༡༥ མི་ཡི་སོག་པ་རྟ་སོགས་ལུས་སྤྱི། ༡༦ མི་ཡི་ལྟག་པ་དང་ཟ་འགྲམ་རྟ་སོགས་རྐེ་མཇིང་། ༡༧ མི་རྟའི་རྐེ་མཇིང་། ༡༨ མི་ཡི་ལག་མཐིལ་རྟ་སོགས་ཟེ་བ། ༡༩ མི་ཡི་ལག་ངར་རྟ་སོགས་ལྟག་སྒོ། ༢༠ མི་ཡི་དཔུང་སོགས་རྟ་སོགས་དཔུང་པ། ༢༡ མི་ཡི་རྩིབས་མ་རྟ་སོགས་ཀྱི་སོ་ལའོ། ༢༢ །མི་ཡི་མཁལ་མ་རྟ་སོགས་རྐན། ༢༣ མི་ཡི་དཔྱི་མིག་ཚིགས་རྟ་སོགས་ལྕེ། ༢༤ མི་ཡི་བརླ་སུལ་རྟ་སོགས་མིག་དང་དཔྲལ་བ། ༢༥ མི་ཡི་སྒྱིད་ཁུག་རྟ་སོགས་བྲང་ཟེ། ༢༦ མི་ཡི་པུས་མོ་རྟ་སོགས་ཨོལ་སྟོང་། ༢༧ མི་ཡི་བྱིན་ཉ་རྟ་སོགས་མཚན་མ། ༢༨མི་ཡི་ལོང་ཚིགས་རྟ་སོགས་སྒྲོ་བ། ༢༩ མི་ཡི་ངར་གདོང་རྟ་སོགས་སྦང་ཁུང་། ༣༠ གནམ་གང་མི་རྟའི་ལུས་སྤྱིར་ཁྱབ་ཅེས་སོ། །མངྒ་ལཾ། ༈ །དཀར་པོའི་འཁོར་ལོ་དབང་ལ་བརྩི། མཛེས་གཟུགས་ཐལ་སྦྱར་ལ། དཀར་པོའི་འཁྱོད་པ་ནས་བརྩམ་གསུམ་རེ། སྤྱི་བོ། མིག ཁ། མགྲིན་པ། ལག་གཉིས། ཐལ་མོ། རྐང་པ། གསང་བ། སྙིང་གར་བཀོད། རང་གི་སྐྱེས་མིང་དང་། ཟླ་སྐར་ནི། སྤྱི་བོའི་དུས་སུ་གང་དབང་འདོད། བྲམ་ཟེ་དབང་དུ་བྱ་ན་རིག་བྱེད་ཆོས་ཀྱིས་བཀུར། བུད་མེད་བསྟེན་ན་ཆུང་མར་བྱེད། །བློན་པོས་ནོར་སྟེར་ཕུན་སུམ་ཚོགས། །མིག་གིས་བྲན་དང་བུད་མེད་འདུ། །རང་ལ་འདུད་ཅིང་དགའ་བ་དང་། །ཆུང་མ་ནོར་དང་བཀྲ་ཤིས་བྱེད། །ཁ་ལ་རྒྱལ་རིགས་མ་ནིང་གིས། །མགོ་སྐོར་སྨྲ་དགོས་ལུས་ ― MR12_Page_0184 ―
[མ་དཔེ་གཟིགས་ན་འདིར་གནོན།]
ཚང་འབབ། །མགྲིན་པར་རྗེའུ་རིགས་རྒྱལ་རྣམས་དང་། །བུད་མེད་ལ་ནི་སྨྲས་པ་ན། །ནོར་དང་བུད་མེད་ཐམས་ཅད་འདུ། །ལག་གཉིས་སྐར་མ་གང་སོང་བ། །རྒྱལ་དང་དམག་དཔོན་སྐྱེས་པ་ལ། །རང་ལ་ལྟས་ངན་འབབ་པ་དང་། །ཡུལ་འཁོར་དང་ནི་སྐྱེ་བོས་སྡང་། །ཐལ་མོ་ལ་ནི་གང་དབང་པ། །ཕལ་པ་དང་ནི་མ་ནིང་གིས། །བླ་མ་ལྷ་རྣམས་མཆོད་པ་དང་། །ཆོས་སྦྱིན་དང་ནི་རྒྱལ་རྣམས་འགྲུབ། །རྐང་པས་བྲམ་ཟེ་བློན་པོ་དང་། །སྐྱེས་པ་དག་ལ་རིམ་བཞིན་དུ། །ནོར་ཟད་ཆུང་མས་སྤང་བ་དང་། །དགྲ་ཡི་དབང་དུ་འགྲོ་བར་འགྱུར། །གསད་པའི་དུས་ལ་གད་དག་འདོད། །བྲན་རྣམས་དང་ནི་བུད་མེད་དང་། །ཡོན་ཏན་ཅན་འཁོར་ཆུང་མས་འབོར། །སྙིང་གའི་དུས་ལ་དབང་བྱས་པ། །བྲམ་ཟེ་མ་ནིང་དབང་བྱས་ན། །གཉན་གྲོགས་སྤང་ནས་རང་ལ་འདུད། །ནོར་དང་བྲམ་ཟེ་བུད་མེད་རྙེད། །ཅི་ཙམ་ཐོབ་ཡུན། ཁ་ཆུ་ཚོད། ལག་པ་ཞག །མིག་ལོ་གཞན་རྣམས་ཟླ་བའོ། །དེ་ཡི་ངེས་པ་སྔར་འདས་ཀྱི། །དྲུག་ཅུའི་ལྷག་མ་གར་ཡིན་པ། །མགྲིན་ལག་དྲང་པོ་མིག་ལ་གཅིག །སྙིང་ཕྱེད་ཐལ་མོ་གཉིས་ཁ་དྲུག །རྐང་དགུ་གསང་གནས་དྲུག་ཏུ་བརྩི། །ཉིན་ཞག་དཀྱིལ་འཁོར་མཉམ་དུས་ན། །ཇི་སྲིད་གཞན་ལ་མ་འཕོས་པ། །དེ་ཡི་འབྲས་བུ་མཉམ་པར་མཐོང་། །ཞེས། མདོར་ན་རིགས་དང་ཡུལ་ཁྱད་སྦྱར། །རང་མིང་སྙིང་སོགས་སྤྱི་བོར་ཟླ་སྐར་བབ་སོགས་དུས་སྨྲ་ཕྲད་དབང་སྔགས་བྱའོ། །ཧེ། ༈ གོང་མ་བསྟན་ན་སེ་བའི་ཙཀྲ། གཡོག་པོས་དཔོན་ནམ་སློབ་མས་བླ་མ་བསྟན་ན། མི་གཟུགས་ཀྱི་སྤྱི་བོ་ནས་བརྩམ། བསྟན་བྱ་དེའི་མིང་སྐར་ནས་བརྩམ། སྤྱི་བོ། རྒྱབ། སྙིང་ག །རྐང་པར་བདུན་རེ་བཀོད། སྟེན་བྱེད་ ― MR12_Page_0185 ―
[མ་དཔེ་གཟིགས་ན་འདིར་གནོན།]
རང་གི་མིང་སྐར་མགོར་སོང་ན་ལེགས་པ་སྟེར་ཞིང་ཕན། ཁྱད་པར་མིང་སྐར་གཅིག་ན་དགེ། རྒྱབ་སོང་རེ་བའི་བཅུ་ཆ་ཙམ་ཐོབ། སྙིང་སོང་རང་ཉིད་དཔོན་དེའི་དབང་དུ་འགྱུར། །ཅི་གསུང་སྒྲུབ་དགོས་ངལ་བརྒྱ་མཐོང་། །རྐང་པར་ཕན་མེད་རེ་ཐག་ཆད། །འདི་ཡིས་དཔོན་སོགས་གང་ཕན་ཤེས། ༈ །ལས་གང་ལ་ཡང་རཱ་ཧུ་གདོང་གི་ཙཀྲ་ནི། སྒྲ་གཅན་གྱི་མགོ་བྲིས་ལ་གདོང་འཁྱུད་ཁ་ལ་བྲི། མཆེ་བར་གཉིས། སྣ་བུག་ལ་གཉིས། སྣ་སྒང་གཉིས། མིག་ལ་གཉིས། རྣ་གཡོན་བཞི། གཡས་ལ་བཞི།དཔྲལ་བར་ལྔ། སྤྱི་བོར་གཅིག །ཀོས་ཀོ་གཅིག མགྲིན་པར་བཞི་བཀོད། འདྲི་བྱེད་སྐར་མ། ཉི་མ་ཟླ་སྐར་ལའང་། ཁ་ལ་སྡུག་བསྔལ་སྣ་ཚོགས་འབྱུང་། མཆེ་བར་ནད། སྣ་བུག་བཙོན་འཛིན། སྣ་སྒང་མི་མཐུན་པ་ཡང་མཇལ། མིག་འདོད་འབྲས་འབྱུང་། རྣ་གཡོན་ནོར་འཛད། གཡས་པས་འདོད་དོན་ཐོབ། དཔྲལ་བར་བུ་ཐོབ་ཡང་དག་བདེ། སྤྱི་བོར་རང་འདོད་གནས་ཐོབ། ཀོས་ཀོ་འབྲུ་བཟའ་བཏུང་རྙེད། མགྲིན་པར་རྩོད་བརྡེག་འབྱུང་ངོ་། །ཚེས་རས་གཟའ་རྒྱུ་སྐར་གྲངས། བསྡོམས་ལ་གནས་གསུམ་མིག་མེ་མཚོས། བསྒྱུར་ལ་དྲུག་བདུན་བརྒྱད་ཀྱིས་བགོས། དང་པོ་སྟོང་ན་དོན་ཉམས། གཉིས་སྟོང་དགྲ་འོང་། གསུམ་སྟོང་འཆི། ལྷག་ཡོད་ན་བཟང་། ལོ་ཆེན་རིན་བཟང་ལ། སྤྲུལ་པའི་ཛོ་ཀི་ཞིག་གིས་ཕུལ། ༈ དགོས་དོན་ཅི་ལའང་།ཚེས་གཟའ་རྒྱུ་སྐར་དྲུང་གནས་ལ། །དྲིས་དབྱངས་བསྟན་ལ་བདུན་ལྷག་བརྟག །ཞི་བཟང་དྲག་པོས་མི་དགེར་བྱེད། །ཨ་ཛི་ཏ་ཡིས་བློ་ལས་ཤར། ཧ། ༈ ནད་པར་འདྲི་དུས་ཟླ་སྐར་ནས་བརྩམ། སྤྲུལ་གྱི་ཁ་མདུན་གསུས་དབྱི་མཇུག་མགུལ་དཔུང་སྟེ་གསང་ ― MR12_Page_0186 ―
[མ་དཔེ་གཟིགས་ན་འདིར་གནོན།]
གསུམ་རེ་བཀོད་ནད་པའི་མིང་སྐར། ཁ་སྟེར་སོང་ན་ནོར་རྙེད་ནད་ཞི། དཔུང་པར་རྒྱལ། མགུལ་པས་འཆི། གསུས་པར་ཡུན་རིང་གནར་བར་འགྱུར། མཇུག་མདུན་མནར་ནས་འཆི། གསང་བར་དོན་ཉམས། དཔྱི་ལ་ཡུན་རིང་མི་བདེའོ། །༈ གཡས་རྒྱུར་དབང་དྲག །གཡོན་རྒྱུར་ཞི་རྒྱས་བཟང་། དྲིན་གཡས་ངན་གཡོན་པ་བཟང་། འཐོན་ངན་འཇུག་བཟང་ཤེས་པར་བྱ། ༈ བི་ཚིན་རཱ་ཧུ་ནི། ཁ་ལ་གཅིག གདོང་སྐར་ནས། སྤྱི་བོར་གསུམ། མགྲིན་པར་བཞི། རྒྱབ་གསུམ། མཇུག་གསུམ་བཀོད། རང་ལྷག་མ་བཏང་སྙོམས་མཆན། གི་སྐར་མཁར་སོང་གནས་ལས།ཉམས། བུད་མེད་འཆི་བཅིང་བཅོམ་ཕྱུགས་ཟད། མགོར་ཁྱིམ་ཚིག་ནོར་ཉམས། འཐབ་རྩོད་འབྱུང་། ལྐོག་མར་ཆོས་རྙེད། ནོར་རྙེད། དོན་འགྲུབ། གཉེན་འགྲོགས། རཱ་ཧུའི་དངོས་གྲུབ་འབྱུང་། རྒྱབ་སོང་འཆི། རང་གཉེན་བཅས་གསུས་ནད། དོན་ཉམས་སོགས་འབྱུང་། མཇུག་མར་ལྕགས་སྒྲོག་བཅིང་འགྱེལ། ལྟུང་དུས་སྣང་། གནས་ནས་གཡོ། ཀླུ་གནོད། འཇིགས་ཆེན་འབྱུང་། སྙིང་ནད་འབྱུང་། ༈ །བྱ་ཁྱུང་འཁོར་ལོ་ནི་ཉི་སྐར་ནས་བརྩམས་གཅིག་མཆུ་ལ།བརྒྱད་རྐང་པ། མིག་ལ་གཉིས། སྤྱི་བོར་གསུམ། སྙིང་གར་ལྔ། གཤོག་གཉིས་བརྒྱད་བརྩི་བྱའི་སྐར། མཆུར་ལུས་ནད། རྐང་པས་དོན་མེད། མི་དགེ་འབྱུང་། མིག་གཉིས་ལ་ནོར་རྙེད། སྤྱི་བོས་དགྲ་འཇོམས། སྙིང་གས་བུད་མེད་སྦྱོར།གཤོགས་པས་འཇིགས་པ་ཆེན་པོ་འབྱུང་། འཁོར་ལོ་འདིས་དོན་རྣམས་བརྟག ༈ ཉི་མ་ཁྱིམ་གང་དུ་གནས་ཕྱོགས་བུམ་སྟོང་ངོ་། །དེ་སྟེང་མན་ངག་སྒྲ་གཅན་བསྐོར་བས་སྲིད་གསུམ་རྣམ་རྒྱལ་དང་འགྲིགས་ན་ར བ། མིན་ཀྱང་དྲག་གཟའ་རྣམས་དང་ ― MR12_Page_0187 ―
[མ་དཔེ་གཟིགས་ན་འདིར་གནོན།]
སྟོང་བུམ་རྒྱབ་དུ་རབ། མིན་ཀྱང་གཡས་གཡོན་གང་བུམ་ཞི་གཟའ་གནས་པ། མདུན་དུ་འཁོར་དུས་གང་བརྩམས་འགྲུབ། ཨི་ཐིཿ སྨིན་སྣར་འཆར་དཀྱིལ་ཤར། ནུབ་དཀྱིལ་དབུས་དྲང་ནུབ། སྨེ་བདུན་འཆར་ནུབ་དཀྱིལ་དབུས་དྲང་བྱང་། རི་ཥི་འཆར་ནུབ་དཀྱིལ་དྲང་ལྷོ་ཞེས་བཻཌཱུར་ས་དཔྱད་ལས་སོ། །དྲང་པོ་བཞིན་རྡོ་གཡག་ཙམ་རེ་བཞག ཤར་དུ་དྲི་བཟང་གི་གཏོར་མ་ཡུལ་འཁོར་སྲུང་ལ་ཕུལ། ཤར་གྱི་སྲུང་མཚམས་བཅོལ། རྡོ་དཀར་ཕྱག་གང་བ་ལ་སྟག་སྐྱ་བསྟིམ། བུ་ཚ་འཕན་མཛད་རྟ་གནག་རྐང་བྲན་འཕེལ་བའི་ལྷར་གསོལ་མཚམས་བཞིའི་ས་དགྲ་ཐུབ་པར་བཅོལ། ལྷོར་ཤ་ཁྲག་གཏོར་མ་འཕགས་སྐྱེས་པོར་ཕུལ། རྡོ་སྔོན་འབྲུག་སྔོན་བསྟིམ། བུ་ཚ་ཉེ་དྲུང་ཡིག་ཚང་དབང་ཐང་སྤེལ་ལྷར་གསོལ། ནུབ་ཀྱི་ས་དགྲ་ཐུབ་པར་བཅོལ། ནུབ་ཏུ་དཀར་གཏོར་ཀླུ་དང་མིག་མི་བཟང་ལ་ཕུལ། རྡོ་དམར་བྱ་དམར་བསྟིམ། འབྲས་འབྲུ་འཕེལ་ལྷར་གསོལ། ཤར་གྱི་ས་དགྲ་ཐུབ་པར་བཅོལ། བྱང་དུ་མངར་གཏོར་གནོད་སྦྱིན་བཅས་རྣམས་སྲས་ལ་ཕུལ། རྡོ་ནག་རུས་སྦལ་ནག་པོ་ཁྱིམ་བདག་ལ་བུ་ཚ་འཕེལ་ཚེ་རིང་སྲིད་འཕེལ་དར་རྒྱས་ལྷར་གསོལ། ལྷོའི་ས་དགྲ་ཐུབ་པར་གསོལ། ཡོན་བདག་གི་ཆད་ཆེན་ཕྱོགས་ན་ས་རྡོ་སེར་པོ་བླངས་དབུས་སུ་བཞག །དབུས་ཀྱི་གསེར་སྤྲེལ་སྤྱན་དྲངས་བསྟིམ། དྭ་ཕྲུག་མི་འབྱུང་ལྷར་གསོལ། བྱང་གི་ས་དགྲ་ཐུབ་པར་གསོལ། དེ་བཞིན་ཆད་ཆུང་ཕྱོགས་ནས་ཁམས་མཐུན་རྡོ་ས་ཡི་ལྷ་མོར་མངའ་གསོལ་སོགས་ཡོད་དོ། །བཻཌཱུར་ས་དཔྱད་ཁང་པ་བརྩིགས་པའི་ཆོ་ག་ལེགས་འདི་ནག་རྩིས་ཡིན་ཀྱང་འདིར་བྲི་རྒྱུ་རེད་སོང་། ༈ འདིར་རྩིས་ཀྱི་གནད་ཕན་བྱ་དང་། གནོད་བྱ་གཉིས་སུ་དོན་དྲིལ་ལ། ཕྱོགས་ ― MR12_Page_0188 ―
[མ་དཔེ་གཟིགས་ན་འདིར་གནོན།]
དུས་ཀྱི་རྟེན་འབྲེལ་བསྒྲིགས་ཤེས་ན་དོན་གང་ཡང་འགྲུབ་པས། དང་པོ་ལ་རང་ལ་ལྟོས་པ་དང་། མི་ལྟོས་པའོ། །དང་པོ་ནི། རང་ངམ་ཡོན་བདག་གི་དབང་དུ་བྱས་ཏེ། ལོ་སྤར་སྨེ་བ་གཟའ་སྐར་རྣམས་ནི་རང་གི་ཕན་པའི་ལྷ་ཡིན་པས། དེ་ཕྱོགས་བཟང་པོའི་བྱ་བ་དང་མཆོད་སོགས་བྱ་ཟོར་སོགས་དྲག་ལས་མི་བྱ། བརྩི་བྱའི་སྲོག་ལུས་དབང་ཀླུང་སྐྱོབ་ཅིང་དར་བ། སྤྱི་དང་ཚེ་ལ་སྲོག །སྨན་གཏོང་ནད་ཞི་སོགས་དང་སྲིའུ་ལ་ལུས། ལོངས་སྤྱོད་སྲིད་སྤེལ་ལ་དབང་། བྱ་བ་ལས་ཤུགས་ལ་ཀླུང་རྟ་གཙོ་བོར་བཟུང་།དེ་དག་གཙོར་བྱས་གཞན་གསུམ་གྲོགས་བྱས་ལ། དེ་དུས་ཀྱི་ལོ་ཟླ་ཞག་དུས་གཟའ་སྐར་སྤར་སྨེར་འཐབ་པས་ཚུར་སྐྱོབས་མ་གྲོགས་ཤར་བ། སྲོག་སོགས་བཞི་དེ་ལོ་ཟླ་ཞག་དུས་སྟེང་ཁྱེར་དར་དྲུག་བབ་པ། ལོ་ཟླ་ཞག་དུས་ལ་རང་གི་བཞི་བཤེད་བདུན་ཟུར་མེད་པ། དགུ་མིག་དུར་མིག་མ་ཐུག་པ། གཟའ་སྐར་སོགས་དུས་སྦྱོར་དགེ་བ། ཞག་གི་རྒྱུ་བ་ངན་པ་མེད་པ། དེ་ལྟ་བུ་ལ་འཇུག་པ་ནི་དུས་ཀྱི་ཕན་བྱའོ། །བྱེ་བྲག་ལས་གང་བྱེད་དང་མཐུན་པའི་གཟའ་སྐར་སོགས་ལ་བརྩམ་མོ། །ཕྱོགས་ཀྱི་ཕན་བྱ་ནི། བུམ་པ་གང་བ། ས་བདག་གདུག་པ་མེད་པ་རང་ལོའི་གཤེད་བདུད་ཀྱི་ཕྱོགས་དང་། ཁྱད་པར་སྤར་ཁའི་བཟང་བཞི་གང་རུང་ལ་ཐོག་མར་ཁ་བལྟ་ཞིང་འགྲོ་བ་སོགས་དོན་གཉེར་བྱའོ། །རང་ལ་མི་ལྟོས་པ་ནི་གང་ཟག་སུ་ལའང་རུང་སྟེ་འཛེམ་དགོས་པ།ཉི་ནག་པི་ལིང་སོགས་རྒྱུ་དུས་ངན་པ། གཟའ་སྐར་བྱེད་སྦྱོར་སོགས་ངན་པ་ལ་བྱོལ་ནས་བཟང་པོ་ལ་འཇུག་པ་ནི་ཕན་བྱའི་རྟེན་འབྲེལ་ལོ། །གནོད་བྱ་ནི་དེ་ལས་བཟློག་སྟེ། དྲག་ལས་ལྟ་བུ་ལ་ས་བདག་གདུག་ཅན་རྒྱུ་བ་སོགས་ཐེབས་བསྟུན་ཁ་ལྟ་ཕྱོགས་བྱ། ― MR12_Page_0189 ―
[མ་དཔེ་གཟིགས་ན་འདིར་གནོན།]
ཟོར་འཕེན་ཕྱོགས་དྲག་པོ་རྒྱུ་བའི་གདོང་དང་ཐུག་པ་དང་། རང་གི་ལོ་ལྷ་སོགས་ཀྱི་ཕྱོགས་སུ་འཛེམ། རང་གི་འདྲེ་ལྔ་བདུད་གཅོད་དང་དགྲ་ཡོད་ཕྱོགས་ལ་རྒྱུ་ཐེབས་འགྲིགས་དུ་བསྟུན་ལ་ཟོར་སོགས་འཕེན། དེ་དུས་རང་གི་སྲོག་སོགས་དར་གེགས་མེད་པ་དང་། དགྲ་ཡི་གཤེད་བདུད་དང་། ཁྱད་པར་དུར་ཉི་དུར་ཁང་གནད་དུ་བརྩི། བསྡུས་ཙམ་བྱེད་ན་རེས་གཟའི་ཤན་པ་རྔ་ཟོར་ཙམ་བརྩི། མདོར་ན་རང་དར་དགྲ་གུད་དྲེགས་པ་རྣམས་རང་གི་རྒྱབ་བརྟེན་བྱས་ན་ཐེབ་ངེས་སོ། །ཡང་གླུད་ནི་འདྲེ་ལྔ་ཕྱོགས་སུ་བརྫང་།གླུད་ལ་ཕྱོགས་ཀྱི་རྒྱུ་བས་ཉེས་པ་ཆུང་། ཟོར་སོགས་ལ་ལེགས་ཉེས་ཆེ། མཆོད་དུས་དྲེགས་བྱེད་ཀྱི་མདུན་དུ་ཁ་བལྟས་ཏེ་མཆོད། རྦད་དུས་རྒྱབ་བརྟེན་བྱས་ཏེ་རྦད། སྲིད་གསུམ་རྣམ་རྒྱལ་ཁྱད་པར་ཅན་དང་རྒྱུ་ཐེབས་གཞན་བསྟུན་སྔར་ནས་ལོ་གཅིག་གི་གོང་ནས་གང་ལེགས་གདམས་ཏེ་རྩིས་ནས་ཟོར་སོགས་བརྩམས་ན་ཡ་མཚན་བྱ་བ་འགྲུབ། གང་བུམ་ཟླ་ལྷག་ཕུར་སངས་ལྡན་པ་ས་བདག་ངན་མེད་གདགས་ལྷ་དང་རང་ལྷ་ཡོད་ཕྱོགས་དུས་བཟང་ནམ་འགྲིགས་ལོ་གཅིག་གི་ཞག་གང་ཡོད་སྔར་ནས་བརྩིས་ལ། གཡང་བླན་སོགས་བྱས་ན་དོན་ཆེ། རང་ལ་ཀེག་ཉེན་ཆེ་དུས་གླུད་དང་བསྒྱུར་གཏོ་རེ་བོར། དགྲ་ལ་ཀེག་ཉེན་པའི་དུས་དེ་ཡི་ལིང་ག་བྲི་ཐུན་འཕེན་པ་སོགས་བྱ། རང་དར་དུས་ཆོ་ག་ཡང་སྒྲུབ་རླུང་རྟ་བསྐྱེད། དགྲ་དར་དུས་དེ་ལ་ངན་ལས་མི་བརྩམ་ལྷ་དབྱེ་བྱ། རང་དགྲ་ལོ་སོགས་གཅིག་ན་ཕ་རོལ་ལྷ་རང་ལ་བསྡུ། རང་ཀེག་གཞན་བསྒྱུར་གཏོ་བྱ། ཕྱོགས་ངན་དུ་མགྲོན་ཐོག་མར་བཟང་སར་གོམ་པ་བརྒྱད་ཅུར་འགྲོ། སངས་རྒྱས་ཡིད་ལ་བྱ། ཞི་སྔགས་སརྦ་ཏི་ཐི་སོགས་བརྗོད། མཛུབ་མོ་ལ་ཡི་གེའི་རྟེན་འབྲེལ་བྲི། རྟེན་སྙིང་བཟླ་བཀྲ་ཤིས་བརྗོད། གོང་བཤད་འདི་དག་ཤིན་ཏུ་གནད་ཆེ་དོན་འདུས་ཞིག་ཡིན་ཏེ་མི་ཕམ་པས་ས་ཁྱི་ཟླ་བ་གསུམ་ཚེས་བཅུ་ ― MR12_Page_0190 ―
[མ་དཔེ་གཟིགས་ན་འདིར་གནོན།]
གསུམ་ལ་མོ་ཧོར་དགོན་དུ་འཕྲལ་བྲིས། མངྒ་ལཾ། །ཤར་ལྷོ་དཔལ་སྐྱེད་ལྷོ་ཕྱ་ལོན་ལུས་ཆད་འདྲེ་ལྔ་ལྷོ་ལུས་ཆད་ཕྱ་མཉམ་ཤར་སྲོག་འཚོ་ལི་འདྲེ་ལྔ་གནོད་པ་ཁོན་དཔལ་སྐྱེད་གནོད་པ་གནམ་སྨན་བདུད་གཅོད་སྲོག་འཚོ་བདུད་གཅོད་གནམ་སྨན་སྲོག་འཚོ་གནམ་སྨན་བདུད་གཅོད་བདུད་གཅོད་གནོད་པ་སྲོག་འཚོ་ཤར་དཔལ་སྐྱེད་ཁམ་གནོད་པ་ལུས་ཆད་གིང་གནམ་སྨན་བྱང་ཤར་འདྲེ་ལྔ་ཕྱ་མཉམ་བྱང་ལུས་ཆད་ཕྱ་ལོན་འདྲེ་ལྔ་བྱང་དཔལ་སྐྱེད་ལུས་ཆད་ལྷོ་འདྲེ་ལྔ་དཔལ་སྐྱེད་གནོད་པ་ལྷོ་བདུད་གཅོད་གནམ་སྨན་ལྷོ་ནུབ་བདུད་གཅོད་དྭ་ཕྱ་ལོན་འདྲེ་ལྔ་ཁེན་སྲོག་འཚོ་ནུབ་གནམ་སྨན་གནོད་པ་སྲོག་འཚོ་དཔལ་སྐྱེད་ལུས་ཆད་ཕྱ་ལོན་གནམ་སྨན་སྲོག་འཚོ་གནོད་པ་ཕྱ་མཉམ་དཔལ་སྐྱེད འདྲེ་ལྔ་ཕྱ་མཉམ་ཟིན་བདུད་གཅོད་གནམ་སྨན་ཟོན་ལུས་ཆད་ནུབ་ལུས་ཆད་དཔལ་སྐྱེད་བྱང་འདྲེ་ལྔ་བདུད་གཅོད་སྲོག་འཚོ་བྱང་གནོད་པ་ནུབ་བྱང་སྦར་ཁའི་ཉེན་བཅོས་སོགས་ལོ་རེ་བཞིན་གཙོ་བོར་བཟུང་ན་ལེགས། ཁྱད་པར་ནད་པ་སོགས་ལ་གལ་ཆེ་བརྩི་དགོས་དགེ གནམ་སྨན་ཕྱོགས་ནས་གཉེན་བཙལ་ནོར་ཉོ། བུད་མེད་ཆས་བཟང་ལ་ཟས་བསླང་། སྨན་སྦྱོར་རྟེན་འཛུགས། སྨན་དང་ནོར་བཙལ་དོན་གཉེར་རང་མཐུན་ལས་བཟང་། སྲོག་འཚོར་སྔས་བསྟན་ཟས་བླང་། ཞལ་བསྲོ་གྲོས་བྱ་གཉེན་བསགས་བག་མ་གཏོང་ལེན་བྱིས་པ་སྒོར་ཁྲིད་ལམ་རིང་པོ་འགྲོ་ཕྱོགས་རྣམས་བཟང་། དཔལ་སྐྱེད་ཕྱོགས་སུ་ལྷ་གསོལ་གཡང་ལེན་བག་མ་གཏོང་ལེན་ཁྱེའུའི་དགའ་སྟོན་སྒོར་ཁྲིད། ལམ་ཞུགས་དོན་གཉེར་སོགས་མཐུན་ལས་བཟང་། ཕྱ་ལོན་ཕྱ་མཉམ་ཕྱོགས་སུ་ཞིང་བཙལ། སྔས་སྟོན་ནོར་གཡང་ལེན། འབྲུ་སྤེལ་ལམ་ཞུགས་དོན་གཉེར། བག་མའི་ལས། ནད་པའི་རིམ་གྲོ་པ་ ― MR12_Page_0191 ―
[མ་དཔེ་གཟིགས་ན་འདིར་གནོན།]
སོགས་དེ་ཕྱོགས་ནས་བཀུག་ན་བཟང་། གནོད་པའི་ཕྱོགས་སུ་དོན་གཉེར་ན་དགྲ་འོང་ངམ་སྨ་འབེབ། སྦྲུམ་མས་ཕྱིན་ན་བུ་འཆོར། ནད་འབྱུང་སྟོར་བརླག་དེ་ཕྱོགས་ནས་གཡུ་མི་ཉོ། བག་ལས་ནད་པའི་སྔས་སྟོན་འགྲོ་ཕྱོགས་སྦད་དགོས་སོ། །འདྲེ་ལྔ་སར། དོན་མི་གཉེར་སྔས་བསྟན་ན་འདྲེ་དང་འཕྲད། ལས་སྤྱི་དང་ནད་པའི་རིམ་གྲོ་པ་འབད་པ་ཕྱོགས་དེ་ནས་མི་བཀུག །བཀུག་ན་ཕྱོགས་བསྐོར་བྱས་ནས་འཁྲིད། བདུད་གཅོད་ཕྱོགས་སུ་དོན་གཉེར་མི་རུང་། སྦྲུམ་མས་ཕྱིན་ན་ཁྲག་གིས་འབོབ། ཡང་ན་ཁྱེའུ་བུ་མོར་འགྲོ། ཡང་ན་འཆི་ཞིང་ནད་ཀྱི་ཐེབས། སྐྱེས་པས་ཕྱིན་ན་རྐྱེན་ངན་འོང་། མྱ་ངན་གློ་བུར་ཡེ་འདྲོག་འོང་བས་དེ་ཕྱོགས་འགྲོ་མི་རུང་། དེ་ཕྱོགས་ཕྱིན་ན་ལོ་དེར་ཉེས་པ་མེད་ཀྱང་ལོ་ཕྱི་མ་ལ་ཉེས་བ་འབྱུང་ངོ་། །ལུས་ཆད་ཡོད་སར་ཕྱིན་ན་དགྲ་དང་ཆོམ་པོ་འབྱུང་། བུད་མེད་ཀྱིས་ཕྱིན་ན་ཁྲག་ཚབ་ནད་དམ། ནད་གཞན་འབྱུང་། བྱིས་པ་ཆགས་པ་ལྟེ་བ་འགྱུར། ན་ཚ་སྟོར་བརླག་འོང་བས་འཛེམ། དེ་བཞིན་བབ་སྨེ་ལོག་མིན་གྱི་སྤང་བླང་སྟེ། ལོ་སྤར་སྨེ་གསུམ་སྤང་ལོ་རེ་བཞིན་བྱ་དགོས། བཟང་ངན་དགུ་པོ་འདི་རིམ་བཞིན། རབ་ཀྱི་བཟང་འབྲིང་ཐ་གསུམ་སོགས། འབྲིང་གི་གསུམ། ཐ་མའི་གསུམ་དུ་བཤད་དོ། །དགེའོ། །སྤྱིར་ཕྱ་ལོན་ཕྱ་མཉམ་གཅིག་བརྩིས་དེ་ཡན་བཟང་བཞི། དེ་མན་ངན་བཞིའོ། །མངྒ་ལཾ། །༈ སྤར་ཁའི་སྤང་བླང་མདོར་བསྡུས་སྙིང་པོ་ནི། སྤར་ཁ་ལི་ལ་བབ་དུས། སྤང་ཁ་སེར་ཟླ་བ་བརྒྱད་པ་འདྲ། དུས་སུ་སྐག །ནུབ་ཏུ་མགོ་ཆག་གཉན། བཙན་དང་རྒྱལ་པོས་གནོད། འཕྲད་མི་རུང་བ་ལོང་བ་རྫ་མཁན། ཉོ་མི་རུང་བ་ཕྱུགས་རྒོད་མ་དམར་ཞུར་ཞྭ་ཕྱིང་ ― MR12_Page_0192 ―
[མ་དཔེ་གཟིགས་ན་འདིར་གནོན།]
སྟོད་གཡོག རྫས་གཡུ་དང་ཟངས། ཟས་རྟ་རྐྱང་གི་ཤ །བྱ་བ་མི་རུང་བ་རོ་བསྲེག་མེ་ལས། སྐྱོབ་བྱེད་རྡོ་རྗེ་རྣམ་མཚན་བརྗོད། འཇོམས། ཆོ་ག་ཡུམ་ཆོག མདོས་དབང་ཕྱུག་ཟོར་མདོས། གཏོ་འདྲེ་དགུ་སྐྱས་འདེབ། ཕན་ཐོགས་ཀྱི་མི་སྔགས་དང་། སྒོ་ནི་བྱེ་བྲག་གི་སྒོ།མགོ་ལ་གཏར་སྲེག་མི་བྱ་བ་སོགས་གཞན་ལ་འགྲེ། ཁོན་ལ་རོལ་པོ་ཁ་ནག་གསུམ་པའི་བཅུ་དྲུག དུས་སྐག ལུག་གིས་བརྡུང་ན་གཉན། མ་མོ་དམ་སྲིད་གནོད། ལྐུག་གྱང་མཁན་དང་། པ་དང་མི་འཕྲད། བ་ལུག་སེར་པོ་མི་ཉོ། ཡུག་གོས་དང་རྒན་མོའི་ནོར་མི་ལེན། མོ་དུར་གྱི་ཟས་མི་ཟ། ས་བརྐོས་ལས་མཁོན་འཐབ་ཀྱང་། སྤང་། ཆོས་གཙུག་ཏོར་རྣམ་རྒྱལ་གསེར་འོད་སྒྲོལ་མ་བགྲེས་ཞུས། ས་སྙིང་འདོན། ཆོ་ག་བརྒྱ་བཞི། མ་མདོས་ཕུར་མདོས་གཤིན་རྗེ་ཚོང་བཟློག་བྱ། ཁོན་ས་སྒོ་ཡིན་པས་ས་སྒོ་བཅད། ཕན་རྣལ་འབྱོར་པས་ཐོགས། དྭ་འཁྱགས་པ་ཧྲབ་ཧྲིབ་དུས་ཟླ་བ་བཅུ་པ། སྐག ནམ་ཕྱེད་སོལ་མལ་ཉལ། མགལ་བའི་ལག་ཆ་ཕོག་ན་ངན། གྲེ་བོ། བདུད་བཙན་གནོད། མགར་བ་དང་ད མེ་ཕོ་འཕྲད་མི་རུང་། ར་མི་ཉོ། མཚོན་ཆ་ཁྲབ་རྨོག་ལྕགས་དཔྱད་མི་ལེན། རོ་ལས་མི་བྱ། ཆོས་ཁྱེའུས་ཞུས་མདོ། རྡོ་གཅོད་རྡོ་རྗེ་མཆུ། སྣང་བརྒྱད་མཚན་བརྗོད། བརྒྱད་སྟོང་པ་བཀླག་ཚེ་ཆོག་བྱ། སྡེ་བརྒྱད་ཁེང་ལོག་མདོས་དང་། དགྲ་ཡི་དྲག་མདོས་དགྲ་ལྷའི་གྲལ་མདོས་ཏེ་བེ་ཧར་མདོས། བཏང་། གྲི་ཁ་མཚོན་བསྒྱུར་བྱ། གྲེ་བོ་བྲུབ། དགེ་སློང་གིས་ཕན་ཐོགས། གྲི་སྒོ་ཡོད། ཁེན་གནམ་སྔོ་ས་སྔོ་དུས་ལྔ་པའི་དགུ། སྐག་ཉིན་ཕྱེད་ཁྱིས་བཟུང་ན་གཉན། གནམ་ཐེའུ་དང་ཕ་མས་དུར་སྲི་གནོད། མི་ཞ་འཐེང་བོན་རྒན། ཁྱི་ཁྲིད་འཕྲད་མི་རུང་། བོན་གོས་རྐང་ལྷྭམ་བོན་ཆས་སལ་སིལ། ― MR12_Page_0193 ―
[མ་དཔེ་གཟིགས་ན་འདིར་གནོན།]
སྤང་ཁྱི་མི་ལེན། རྩིག་མཁན་མི་བཙལ། བོན་པོ་མི་རྒན་ཟས་སྤང་། ཁྱི་ཕག་གི་ཤ་མི་ཟ། མེ་ཆ་མི་ཉོ། ལས་བྱ་རང་འཐག་པ་དང་། ལམ་འཕྲང་ཟམ་པ་བརྩིགས་པ་མི་བྱ། ཆོས་ཉི་ཁྲི་ཤེར་སྙིང་ནམ་སྙིང་མདོ་འདོན།ཀུན་རིག་གཤེད་དམར་ཁྱུང་ནག་གཟའ་ཡུམ་དབང་ཞུ། གནམ་ཐིལ་དང་གནམ་ཁྱིའི་མདོས་བྱ། གསས་མཁར་བསྟོད། རླུང་རྟ་བཀྱག །དུར་སྲི་བྲུབ་བསྒྱུར་བྱ། མི་རྒན་སྔགས་འདོན་པས་ཕན། འདི་གནམ་སྒོ་སྟེ་ཐོག་དང་གཟའ་སོགས་གནོད་པས་གནམ་སྒོ་བཅད་དོ། །ཁམ་ཆུ་བོ་གཞུང་རྒྱས་དུས་དྲུག་པའི་ཉེར་བདུན། སྐག་ཕྱེད་ཡོལ་བས་བརྡུང་། ཆུ་འདྲེ་འདྲེ་མོ་ཀླུ་ས་བདག་བསེན་མོ་གནོད། གྲུ་བ་བུད་མེད་ཆད་ཚོང་ནལ་མ་མི་ཞ་བོ་རྒུར་བ་དང་མི་འཕྲད། ཕག་མི་ཉོ། སྦྲ་ནག་སྤྱད་ནག་གོས་ནག་ཐག་ནག་ཆུ་སྣོད་ཐོང་གཤོལ་སྤང་། ཆུ་ཤ་མི་ཟ། ལས་མཁར་ལས་ཆུ་ལས་ཆུ་བརྒལ་གྲུ་འཛུགས་སོགས། སྤང་། ཆོས་སྤྲིན་ཆེན་མདོ། འབུམ་ཀླུ་འབུམ་འདོན། ཕྱག་རྡོར་དབང་ཞུ། ཆོ་ག་ཆབ་གཏོར་བརྒྱ་རྩ་བརྒྱད་བྱ། མཚོ་སྨན་མདོས་འཕང་། མོ་འདྲེ་བཀར་ཡས་ཆུ་ལ་བོར། བོན་པོ་དང་འཕྲད་ན་ཕན་ཐོགས། ཁམ་ལ་མྱ་ངན་གྱི་སྒོ་ཡོད། གིང་མེ་ཏོག་བཀྲ་དུས་སྐག །ཉི་ཤར་གླང་གིས་བརྡུང་ན་གཉེན། ཆུ་བོ་དར་ཆགས་བཅུ་པའི་གནམ་སྟོང་བཻ་དཀར་དུས་སོ། །བན་བྱད་རབས་ཆད་དུར་སྲི་གནོད། ཆོས་ལོག་བན་འཆལ་དང་འཕྲད་སྒོམ་ཆེན་རབ་ཏུ་བྱུང་བ། མི་རུང་། གླང་མཛོ། དམར་མི་ཉོ། དར་སེར་བན་གོས་མཆོད་ཆ་དཔེ་ཆ་སྤང་། གླང་ཤ་མི་ཟ། རི་བཤིག་མཁར་ལས་དཀོར་ཁང་བྱ་བ་འཛེམ། ཆོས་གླང་རུ་ལུང་བསྟན། རི་རབ་ཟོམ། གྲ་ཏོག་ ― MR12_Page_0194 ―
[མ་དཔེ་གཟིགས་ན་འདིར་གནོན།]
གསེར་གསུམ། ཀླུ་མཆོད་ས་བདག་བཅོས། རྒྱལ་མདོས་བྱ། སྒོམ་ཆེན་པས་ཕན་ཐོགས། དུར་སྒོ་ཡོད་པས་བཅད། ཟིན་ཤིང་ལོ་ཁ་འབུས་གཉིས་པའི་ཉེར་བཞི། སྐག་ཉི་མྱུར་མདའ་ཕོག གཉན་དང་འགག་གྲི་དྲང་སྲོང་གནོད། མཛེ་ཕོ་དང་ཤིང་མཁན་མི་འཕྲད། ནོར་བོང་དྲིལ། རྫས་སྟ་རེ་སོག་ལེ་ཤིད་དཔྱད། གོས་གཅན་གཟན་གོས་དང་སྐད་ཆ། ཟས་རི་བོང་ཤ་དང་། སྡེར་ཆགས་ཀྱི་ཤ་བུ་སྲིད་ཟས་སྤང་། ལས་ཤིང་ཤིང་གཉན་བཅད་པ་སོགས། གི་བྱ་བ་སྤང་། ལང་གཤེགས་སྡོང་བརྒྱན་སྟག་མོས་ཞུས་བ། དཀོན་བརྩེགས་བཀླག །ཀླུ་ཆོག་གཉན་བཅོས་བྱ།ས་བདག་དབང་ཆེན་བྱ། ཀླུ་བཙན་མདོས་བཏང་། བདུད་བསྒྱུར་འགག་སྲིབ་ཀར། རི་ཁྲོད་པ་དང་འགྲོགས་ན་ཕན། ཟིན་ལ་གློ་བུར་སྒོ་ཡོད། ཟོན་སྙིམ་ཚབ་ཚུབ་དང་། སྦུར་མ་རླུང་ཁྱེར་ཀྱང་། ལོ་གསར་རྙིང་རི་འཁྱག་རླུང་འཁྱག་བདུན་པའི་བཅོ་བརྒྱད་བཻ་དཀར་ནས་སོ། །མཚམས་སུ་སྐག །ཐོ་རེངས་མཛོ་དྲིལ་གྱིས་རྒྱག་ན་གཉན། མ་མོ་དང་སྨྱོ་འདྲེ་གནོད། སྨྱོན་པ་དང་མི་འཕྲད། རྟོལ་མི་ཉོ། ཐབ་ཆ་ཐོ་བ་ཟ་འོག གཤོར་དང་སྦུད་པ། སྨྱོན་མའི་ནོར་སྤང་། སྨྱོན་མའི་ཟས་རྔ་བྲན་རྟོལ་ཤ་སྨྱོ་ཤ་མི་ཟ། ལས་སྨྱོ་འདུལ་ཐུན་ཟོར་དྲག་ལས་མི་བྱ། གདུགས་དཀར་འུར་འདོན་བྱ། སྟོབས་པོ་ཆེ། གཙུག་ཏོར་ཆོ་ག་བྱ། མགོ་གསུམ་མདོས་བྱ། ཐུན་མདོས་རྒྱལ་མདོས་རྫ་མདོས་བྱ། གཏོ་བདུད་བཟློག་བྱ། འདི་ལ་སྙིང་སྟོང་གི་སྒོ་ཡོད། དཀའ་ཐུབ་པ་འགྲོགས་ན་ཕན་ཐོགས་སོ། །མངྒ་ལཾ། ༈ །དབྱངས་འཆར་ལས་བཞིའི་མན་ངག །ལོ་གཅིག་གི་ནི་ཉ་གཅིག་ལ། །སྲིད་གསུམ་རྣམ་པར་རྒྱལ་བའི་དུས། །འདི་ནི་ཀུན་གྱི་གཞི་མ་སྟེ། ། ― MR12_Page_0195 ―
[མ་དཔེ་གཟིགས་ན་འདིར་གནོན།]
རང་ཉིད་ལྟ་བ་དེ་དང་བསྟུན། །མདུན་དཀྱིལ་བདུད་རྩིའི་ཐིག་ལེའོ། །ལྷག་ཕུར་སངས་གསུམ་ཟླ་ཁྱིམ་དང་། །མིག་སྤེན་ཉི་མའི་ཁྱིམ་དུའོ། །སྒྲ་གཅན་ལུས་ཆར་གནས་པ་རབ། །ལུག་སྡིག་དམར་གནས་དེའི་ཏརྐལ། །འཆར་བ་འཛོམས་ན་དགུག་སོགས་ཤིས། །བསྒྲུབ་བྱའི་སྐར་མའམ་ཉི་ཞག་གི། སྐར་མ་དེ་ཕྱོགས་ཁ་བལྟས་ལ། །གང་གི་མིང་སྐར་དེར་གྱུར་པ། །ཟླ་སོགས་སྔགས་ཀྱིས་ཁྲུས་བྱ་སོགས། །ཞི་བ་ལ་ནི་དེ་ལྟར་བསྔགས། །ཟླ་སྙིང་ལེགས་ཤིང་སྐྱེས་མིང་ཟླ་གནས་དུས། །གོས་རྒྱན་དཀར་བཅས་རིན་ཆེན་བུམ་པར་ནི། །ཞི་རྫས་དང་བཅས་ཞི་སྔགས་སྦྱོར་བར་བྱ། །ཞི་བའི་ལས་དེ་དེ་ཡི་མོད་ལ་འགྲུབ། །ཟླ་བར་ཁ་བལྟས་གང་བུམ་དང་། །འགྲིགས་པ་དེ་སྟེང་ཞི་གཟའ་རྣམས། །དེར་ཡོད་དྲག་པོ་མི་གནས་ན། །དབྱུག་གུ་ལྔ་ཡི་དུས་དེ་ལ། །རིན་ཆེན་བུམ་པར་ལྔ་ལྔའི་རྫས། །ཟླ་ལྷག་ཕུར་སངས་མནྟྲ་དང་། །རྒྱལ་སྔགས་རྟེན་སྙིང་སོགས་ཀྱི་མཐར། །མ་མ་ཨཱ་ཡུཪྫྙཱ་ན་པུཎྱེ་བ་སུ་སིདྡྷི་པུཥྚིཾ་ཀུ་རུ་ཨོཾ། ནཱ་ནཱ་ཁ་དྷེ་སིདྡྷི་ཕ་ལ་ཧཱུྃ་སྭཱ་ཧཱ། ཞེས་བྲིས་དར་སྣས་དྲིལ་བ་དང་། །རྟེན་འབྲེལ་ཕྱ་གཡང་རྫས་ཀྱང་བཞག །གོས་རྒྱན་སེར་པོ་དང་བཅས་ཏེ། །རྒྱས་པའི་དུས་སྦྱོར་འཆར་དང་བསྟུན། །ཕྱ་གཡང་བུམ་པར་བཀུག་ནས་བསྟིམ། །རྟེན་བཞུགས་བཀྲ་ཤིས་ཆོ་ག་བྱ། །བུམ་པ་དེ་འཆང་དཔལ་འབྱོར་འཕེལ། །ཁྱིམ་དེར་སྐྱེས་མིང་ཡོད་པ་ན། །ལྷག་པར་ཕན་པ་རྒྱས་པར་བྱེད། །གཞན་ཡང་རྒྱས་པའི་ལས་ཀུན་འགྲུབ། །ཚེ་ལ་སོགས་པར་ཁ་སྒྱུར་འགྲུབ། །དཀར་པོ་གླང་དང་སྲང་ཁྱིམ་ཞུགས། །དཀར་པོའི་ཙཀྲ་དག་ལས་ནི། །སྙིང་གསང་སྤྱི་བོར་རང་མིང་དང་། །ཟླ་སྐར་གང་རུང་སོང་བ་དང་། །ཟླ་༢གནས་སྔར་༡བཞིན་ཁ་༣བལྟས་ཏེ། །རུ་པ་དམར་ ― MR12_Page_0196 ―
[མ་དཔེ་གཟིགས་ན་འདིར་གནོན།]
པོ་ཟག་རྫས་ཅན། །མིང་སྤེལ་དཀར་ཟླའི་སྔགས་བཅས་གཞུག །གོས་རྒྱན་དམར་ཞིང་དབང་ལྷ་ཡི། །སྔགས་དང་དམིགས་པས་ཀུན་དབང་བྱེད། །ལྷག་པར་ཟླ་ཁྱིམ་མིང་ཡོད་པ། །དེ་ནི་ལག་པའི་མཐིལ་ན་གནས། །ཚུལ་འདིས་དབང་གི་རྫས་སོགས་བསྒྲུབ། །དྲག་པོར་ཟླ་བར་ཁ་བལྟས་ལ། །དགྲ་བོ་གར་གནས་དེ་ཕྱོགས་བསྟན། །ཐུན་ཕྱེད་ལ་སོགས་ཅི་འགྲིགས་སྟོབས། །དགྲ་མིང་གདོང་མཆེ་སོགས་སྐྱོན་ལོག །རང་དབྱངས་དར་ཞིང་མཆེ་སོགས་མེད། །ལུག་སྡིག་དམར་ཞུགས་དེ་འཆར་བའི། །ཏརྐཱལ་ལ་དང་འགྲིགས་པ་ན། །དྲག་ལས་བརྩམས་པ་ཙམ་གྱིས་ཀྱང་། །དེ་ཕྱོགས་དེ་མིང་ཡོད་པ་བརླག །དུས་ཀྱི་ལྷ་དང་ཕྱོགས་ཀྱི་སྟོབས། །ཅི་ཙམ་གྲོགས་འགྱུར་དེ་ཙམ་སྟོབས། །གཙོ་བོ་སྲིད་གསུམ་རྣམ་རྒྱལ་ཡིན། །ཉ་དུས་མིན་ཡང་ཆ་མཚུངས་བརྩི། །མིང་དང་པོའམ་ཆ་ཤས་ཀྱང་། །ཉིན་མོ་ཉི་གྲིབ་བཞིན་དུ་འཁོར། །མཚན་མོ་ཟླ་བ་མདུན་བཞག་སྟེ། །ཉིན་ཞག་གཅིག་གི་ལས་མཐར་འབྱིན། །ལས་ཀུན་ཚེགས་མེད་མན་ངག་འདིར། །འཛམ་གླིང་འབྱོར་བ་ཡོན་དུ་ཆུང་། །མེ་སྤྲེལ་ཟླ་བ་དྲུག་པའི་ཚེས་ཉེར་དྲུག་ལ་དྷཱིས་སོ། །གཞན་ཡང་ཕྲན་རྩིས་ནི། །ཆོས་གཅིག་བརྒྱད་དང་བཅོ་ལྔ་ཉེར་དགུ་རྣམས། །རིམ་བཞིན་ཞི་སོགས་དུས་ཏེ་ཟླ་ལྷག་སངས། །དམར་པོ་དེ་བཞིན་གཟའ་དེའི་འགྲུབ་སྦྱོར་བཟང་། །ཟླ་སྙིང་གང་བུམ་དཀར་འཁོར་རྭ་ཧུའི་ཐེབས། །གཙོར་བཟུང་ཞི་སོགས་ལས་བྱས་དགའ་སྟོན་མྱོང་། །འདི་ཡང་དྷཱིས་སོ། ༈ །བུམ་ཤད་དགྲ་གཤེད་ཟབ་མོ་ནི། །རྟ་སྦྲུལ་ལོ་ཟླ་ཞག་དུས་ལ། །འབྱུང་བའི་ལྷ་ལྔ་མིའི་རྣམ་པས། །རང་ལོ་དེ་སྟེང་འཚོགས་པས་ན། །དེ་དུས་བྱ་སྤྲེལ་ལོ་པ་ལ། །སྲོག་མཐུ་ལྕགས་ཕྱེ་མེ་ལ་བསྲེག །རཾ་རཾ་ཆེ་ ― MR12_Page_0197 ―
[མ་དཔེ་གཟིགས་ན་འདིར་གནོན།]
གེ་མོའི་སྲོག་ལ་རྦད། །ཞེས་པ་བདུན་བཟླས་མེ་ཟོར་འཕང་། །སྲོག་ལ་འབར། དེ་ཡང་སྦྲུལ་ལ་སྤྲེལ་སྲོག་གཅད། །རྟ་ལ་བྱ་ཡི་གཤེད་དབབ་ཤིས། །ལྷོ་ནས་ནུབ་ལྟས་རྒྱུ་ཐེབས་བསྟུན། །ཐེ་ཚོམ་མེད་དོ་ཨི་ཐི་རྒྱཿ མཚམས་བཞི་བྱི་ཕག་དག་ལ་སྟེ། །ས་གཏོར་ཁྱད་སུཾ་སུཾ། པར་དུད་འབྲུག་ཤིས། །བྱ་སྤྲེལ་ལྕགས་ཟོར་ཤིང་ལ་འཕང་། །སྤྲེལ་གྱིས་ཀ་ར་ཀ་ར། ཀེམ་ཀེཾ། སྟག་དང་བྱས་ཡོས་བསད། །བྱི་ཕག་དུས་སུ་མེ་སྲོག་ཆད། །ཆུ་ཟོར་འཕང་ཞིང་། ཁཾ་ཁཾ་སམ་བཾ་བཾ། དེ་ཡང་བདུན་ཟུར་སྤྲད་པ་གཅེས། །སྟག་ཡོས་དུས་སུ་ས་སྲོག་བཅད། །སྟག་གིས་ཁྱི་དང་འབྲུག་ལ་གཅོད། །ཡོས་བུས་གླང་དང་ལུག་ལ་བརྩམ། །ཤིང་གི་ཕུར་བུས་འབིགས་ཟོར་བྱ། །ལོ་གཅིག་ཞག་གཉིས་ཁོ་ན་འདི། །རྒྱལ་ཟླ་སྟག་གི་ཟླ་བར་བརྩི། །རྟེན་འབྲེལ་ཟབ་མོས་ཚར་བཅད་དོ། ༧ །མཚམས་བཞི་ལོ་པས་རྟ་སྦྲུལ་དུས་བཞི་ལ། །མེ་དང་དམར་པོའི་ཟས་རྒྱན་བསྲེལ། དབང་ཞུ་ཅོད་པཎ་དམར་པོ་གདགས། །དེ་ཡིས་སྲོག་སྐྱེད་རྟེན་འབྲེལ་ཡིན། །བྱི་ཕག་ལོ་པས་མེ་ཡི་དུས། །དམར་པོའི་རིགས་ལེན་གྲོགས་འབུལ་ཆོག །དེས་མཚོན་མ་ལས་སྲོག་སྐྱེད་ཅིང་། །རང་དུས་འབྱུང་བོའི་ལྷ་མོ་མཆོད། །གྲོགས་དུས་གྲོགས་བཙལ་རྟེན་འབྲེལ་བརྩམ། །གཞན་ཡང་དགྲ་སྡེ་གཞོམ་པར་བྱ། །བུ་ལ་གཞན་གྱི་དབང་ཐང་བརླན། །དགྲ་ལ་ཕ་རོལ་དགྲ་སྲོག་བཅད། །རང་དུར་གླུད་འཇལ་གོད་འདྲེ་བགར། །དགྲ་ལ་ཟོར་འཕེན་བཟློག་པ་བྱ། །ས་བྱི་ཟླ་བ་བཞི་པའི་ཚེས་བཅུ་བདུན་ཉི་ཐ་མ་དྷཱིས་སོ། །ཤུ་བྷཾ་མངྒ་ལཾ། ༈ །གནམ་ཁྱི་ནི་བག་རྩིས་སྐབས་སུ། །བག་མ་ལོ་གྲངས་བཅོ་བརྒྱད། །གནམ་ལོ་སྟག་རྟ་ཁྱི་གསུམ། །ཟླ་བ་སྟོན་ཐ་ཆུང་། ཞག་སྟག་རྟ་ཁྱི་གསུམ་ཉི་ནག་བཅས་དང་། དུས་ཚོད་སྨེ་བདུན་ ― MR12_Page_0198 ―
[མ་དཔེ་གཟིགས་ན་འདིར་གནོན།]
ཤར་དུས་བག་མ་དེ་ཕྱོགས་བྱང་བལྟས་སོང་ན་འཆི། སྟག་རྟ་ཁྱི་ཡི་ལོ་ཟླ་ཞག་དུས་ལ་ཟས་ཚོལ་བས་ངན། ཞེས་སྔ་འགྱུར་ལུགས། སྤར་ཁའི་གནམ་ཁྱི་ཁེན་ཟོན་ལི་ཐོག་བག་འགྲོ། རེས་གཟའ་ལྷག་པ་དང་ར་ཧུ་ཡོད་དུས། ས་བདག་གནམ་ཁྱི་ཧལ་ཁྱི་སྟེ་ཁྱི་བདུན་ཟུག་པའི་ཁ་ལ་བྱོལ་ཞེས་སོ། །རྩིས་རྙིང་ལུགས་ཟླ་བའི་ཁ་འཁོར་ལུགས། ལོ་ཟླ་ཞག་དུས་ཀྱི་གང་ཤར་དེ་ལ་མགོ་བོ་དེའི་བདུན་ཟུར་ལ་མཇུག་སོགས་ལུས་བཤད་ཡོད། སྤར་ཁ་མཆེ་སོགས་བཤད་འདུག ༈ །མི་ལ་ཡན་ལག་ལྷག་ཆད་དང་། རླིང་བུའི་གཟུགས་སམ་ལྟས་ངན་རིགས་སྐྱེས་ན་འབུམ་གྱིས་བཟློག་པར་བྱ། རྟ་ལ་སྐྱེས་ན་དཀོན་བརྩེགས་འདོན། བའམ་འབྲི་ལ་བྱུང་ན་ཉི་ཁྲིས་བཟློག །དེ་བཞིན་བོང་བུ་ལ་སྐྱེས་ན་ཏོག་གཟུངས། ར་ལུག་ལ་སྐྱེས་ན་གཙུག་ཏོར་དཀར་ནག་གིས་བཟློག །བོན་པོའི་ཤ་བ་རུ་རྒྱས་ཀྱི་གཏོ་དང་། མི་ཁ་དང་ཁྲམ་ཁ་ཞལ་བསྒྱུར། མདེའུ་ཐུང་གི་བཟློག་པ། ཤ་བརྒྱ་ཟན་བརྒྱ་བྱས་པས་བཟློག །ཤ་ཕོ་རུ་འཛིང་འབུམ་གྱིས་བཟློག །བྱ་རྒོད་སྡེར་འཛིང་ཤ་བས། ཝ་རོ་ཁ་ཆག་ལ་བྱོལ་མདོས། ཤིང་ཆག་ལ་ཞལ་བསྒྱུར། ཉ་རོ་ཆུས་ཁྱེར་དང་མགོ་བཅད་རོ་ལ་གཏོར་མས་བཟློག །ཞིང་ལ་ཤྭ་སྣ་བྱུང་ཉི་ཁྲིས་བཟློག །སྲིན་བྱ་འུག་པར་ཏོག་གཟུངས། སྒོང་ཁ་ཡོད་མདེའུ་ཐུང་སྒོང་ཟོར་འཕང་བས་བཟློག །ཁྱི་ལ་རྩོད་པ་བྱུང་ན་ཁྱི་ཡི་ཐོད་པར་སྲི་རྩིས་སྐོར་ནོར་བུའི་ཕྲེང་བ། མནན་ཆུ་ལ་སྦྱར། རས་སྐར་མ་ཅན་ལ་གཏོར་དོར་ཟེར་བཟློག་བྱ། ལུག་ལ་རོ་ཁལ་བྱུང་ན་འཐོམ་དུ་གཞུག །སྲེ་མོང་སྲིན་བྱ་སོགས་ཀྱིས་འབུ་རོ་ཁྱེར་བྱུང་ན་མདོ་སྒྲུབ་བརྒྱབ། ཁྱི་ངུ་བ་ཆུ་ལ་རྐྱལ་བཅུག །སྤྱིར་ལྟས་ངན་གང་བྱུང་ཡང་ཏོག་གཟུངས་ཀྱིས་བཟློག་པར་འགྱུར་རོ། །ཞེས་དཔེ་ཞིག་ན་སྣང་། ༈ །ཉི་མ་ཀརྐ་ཊ་ཡི་ཁྱིམ། །ནབས་སོའི་ཞེ་ ― MR12_Page_0199 ―
[མ་དཔེ་གཟིགས་ན་འདིར་གནོན།]
ལྔ་༦༤༥འདས་མཚམས་སྐྱེས། །ཞིང་ནི་སེང་གེའི་ཁྱིམ་ཡིན་ནོ། །ཟླ་བ་ལུག་ཁྱིམ་ཐ་༠༠སྐར་གྱི། །ཐོག་མར་སྐྱེས་ཏེ་ཞིང་ཀརྚ། །མིག་དམར་སེང་ཁྱིམ་༩༠༠མཆུའི་ཕྱེད་སྐྱེས། །ཞིང་ནི་ལུག་དང་སྡིག་པ་ཡིན། །གཟའ་ལྷག་སྡིག་ཁྱིམ་༢༦༣༠ལྷ་མཚམས་ཁྱེད། །ཞིང་ནི་འཁྲིག་པ་བུ་མོའོ། །ཕུར་བུ་བུ་མོའི་ཁྱིམ་གྱི་ནི། །མེ་བཞིའི་ཐོག་མ་དག་༡༢༠ལ་སྐྱེས། །ཞིང་ནི་གཞུ་དང་ཉ་ཡི་ཁྱིམ། །པ་སངས་འཁྲིག་པའི་ཁྱིམ་དག་གི། ནབས་སོ་ཐོག་༦༠མ་ཉིད་དུ་སྐྱེས། །ཧ་ཞིང་ནི་གླང་དང་སྲང་ཡིན་ནོ། །སྤེན་པ་གཞུ་ཁྱིམ་སྣུབ་༡༨༠ཐོག་སྐྱེས། ཞིང་ནི་ཆུ་སྲིན་བུམ་པར་བརྗོད། །མཇུག་རིང་གཞུའི་མཐའི་ཆུ་སྨད་ཀྱི། །རྐང་པ་བཞི་ཆ་གཅིག་༢༠༡༥མཚམས་སྐྱེས། །ཞིང་ནི་ཀརྐ་ཊ་རུ་དྲན། །སྒྲ་གཅན་གདོང་ནི་བུ་མོའི་མཐར། །ནག་པའི་རྐང་པ་ཕྱེད་༡༣༣༠མཚམས་སྐྱེས། །དུས་མེ་ཉ་ཡི་མཐའ་མར་ནི། །ནམ་གྲུའི་རྐང་བཞིའི་༡༦༦༠ ཐ་མར་སྐྱེས། །ཉི་ཟླ་གཉིས་པོ་རང་ཞིང་ཞུགས། །དེ་ཚེ་ཞི་བའི་ལས་བརྩམས་འགྲུབ། །དེ་བཞིན་སོ་སོའི་ཞིང་ཞུགས་འབྲས། །མིག་དམར་དགུག་དང་དྲག་པོའི་ལས། །ལྷག་རྒྱས་ཕུར་བསྐྲད་པ་སངས་དབང་། །སྤེན་གསོད་མཇུག་རིང་རེངས་རྨོངས་བསྔགས། །མིག་དམར་ལྷག་པ་ཕན་ཚུན་དགྲ། །ཕུར་སངས་དེ་བཞིན་མཇུག་རིངས་སྤེན། །འདི་དག་རང་རང་ཞིང་དང་ནི། །རང་རང་སྐྱེས་ཁྱིམ་དག་ལ་རྩོད། །ཁྱིམ་གཞན་ལ་ནི་རྩོད་པ་མིན། །ཉི་ཟླ་གཉིས་ལ་འཐབ་ཟླ་མེད། །འོན་ཀྱང་ཟླ་ཞིང་སྤེན་ཞུགས་ཚེ། །མཇུག་རིང་གིས་རྩོད་ཉི་ཞིང་ལ། །མཇུག་རིང་ཞུགས་ན་སྤེན་པས་རྩོད། །དེ་གཉིས་ཉི་ཟླའི་རིགས་ཡིན་ནོ། །རང་ཞིང་ཁྱིམ་དུ་བདག་པོ་ཞུགས། །དུས་དེར་ལས་མཐུན་འབྲས་བུ་འགྲུབ། །ཞེས་སོ། ༈ །ཉི་ནག་ནི། དཔྱིད་རའི་ཚེས་བདུན་ ― MR12_Page_0200 ―
[མ་དཔེ་གཟིགས་ན་འདིར་གནོན།]
དུག་ཆེན་བྱུར་གྱི་ཉི་མ་འཆར་བས། ཤར་དུ་དོན་མི་གཉེར། ཤིང་ལས་མི་བྱ། ཡུགས་ས་མའི་དོན་མི་བྱ། ཁ་སྨྲས་གླིང་གཞིའི་ཟས་མི་ཟ་བ་དང་། གཞི་འོང་། ཆོས་དུང་མི་རྒྱལ་བའི་བཀའ་མི་སྒྲོག་བསྒྲག་འབྲེང་པོའི་བཅུ་བཞིར་དྲག་པོ་དགྲ་ཡི་དམག་མི་དྲང་། ཉི་མ། འབྱུང་བ་ས་ཡི་ལས་མི་བྱ། མཁར་ཡུལ་དང་ཞིང་ས་མི་བཙོང་། ལས་མཁར་ཉོ། ཞིང་རྨོ་འཕྲུ་རློག་མི་བྱ། སྲོག་མི་བཅད། ཤ་ཡི་ལས་མི་བྱ། ཡུགས་མོས་སྤྱད་པའི་ཤ་དམར་མི་ཟ། ནད་པའི་སྔས་སུ་མདོས་མི་བྱ། དེ་རྣམས་གང་བྱས་ཀྱང་གཏིང་དུ་འཁྲུགས་པ་ཆེན་པོ་ལྡང་། ཐ་ཆུང་ཉེར་གཅིག་ཆུ་བདུད་རྒྱལ་པོ་དགྲར་ལང་བས་ཆུ་ལས་མི་བྱ། ཟངས་གསར་མི་བཅད། ཆུ་གཏིང་མི་འདོན། ཀླུ་སྤྱན་དྲང་བ། ཆུ་གཏོར་ཀླུ་མཆོད་མི་བྱ། དེ་རྣམས་བྱས་ན་མེ་ཆུ་བཤེས་ཆེ། དབྱར་རའི་ཚེས་བརྒྱད་མེ་ལྷ་ཨགྣི་རཱ་ཛས་གདན་བཏིང་བའི་ཉི་མར། འབྱུང་བ་མེ་ལས་མི་བྱ། རོ་བསྲེག་ཐབ་ནད་པའི་ཡོལ་སྒོ་འབྱེད་སར་མི་འགྲོ། ཀ་སྦྱིན་སྲེག་མི་བྱ། འབྲིང་པོའི་བཅུ་དྲུག་ལ་བཙོན་བུ་ལྕགས་སྒྲོག་ཏུ་བཅུག་པའི་ཉི་མ། བྱང་དུ་རྟ་མི་རྒྱུག གཡུལ་ཆེན་མི་བྱ། ཤར་དུ་དོན་ནུབ་ཏུ་གཡུ་མི་ཉོ། མི་གཉེར། ལྷོ་རུ་བཀའ་མི་སྒྲོགས། གླུ་མི་བླང་། དེ་བྱས་བྱང་ནས་ལྕགས་ཁྱི་གསུམ་འོང་དོགས་ཡོད། ནོར་རྣམས་དགྲ་ཡིས་ཁྱེར་ནས་འགྲོ། །ཐ་ཆུང་གི་ཉེར་བཞི་ལ། རིན་པོ་ཆེའི་ལས་མི་བྱ། གསེར་ཡིག་དངུལ་ཡིག་མི་བྲི། བྱང་དུ་རྟ་མི་རྒྱུག །སྟོན་ར་པའི་ཚེས་དགུ་ལ། དམག་མི་དྲངས། དྲངས་ན་ལན་དགུར་འཐབ་དགོས། ཁ་སྨྲས་འོང་། ཡུལ་མཁར་དང་ཞིང་མི་བཙོང་། བཙོང་ན་ལན་དགུར་མེད་པ་བྱེད། འབྲིང་པོའི་བཅོ་བརྒྱད་ལ། རྟ་ཤ་སློའི་སྟེང་དུ་རྟ་མི་བཤའ། མི་འགྲོ། དེར་སོང་ན་རང་ཁྱིམ་ ― MR12_Page_0201 ―
[མ་དཔེ་གཟིགས་ན་འདིར་གནོན།]
གཤིན་ལས་ཀྱི་ཡོས་མི་རྔོ་། ལ་ནད་པ་མི་གཤིན་བོན་ཁྱིམ་དུ་མི་འགྲོ། འཆད། ཐ་ཆུང་གི་ཉེར་བདུན་ལ་སྦྲ་གུར་དང་ཁང་པ་མི་གསོ། གསོས་ན་ཁྱིམ་དེ་རྒྱལ་འགོང་གིས་གང་། ནད་ཞ་གྲུམ་འོང་ཁྱི་གསར་མི་ཉོ། ཡོ་ལང་མི་བྱེད་བ་དང་། གནམ་ལྷ་དཀར་པོ་རྩིས་བབ་ལུག་དོགས་ཡོད། དགུན་རའི་ཚེས་བཅུར་རྒྱལ་ས་བདག་རྒྱལ་པོ་དགྲར་ལྡང་། པོར་གདན་མི་བསྙེན་བཀུར་མི་བྱ། འདིང་། བཏིང་ན་སྐྱིད་བསགས་མི་ཁོམ། སྐྱིད་པོ་ལོག་ཡོང་། ཟླ་བ་བློན་པོའི་བཀའ་འབེབ་པའི་ཉེན་ཡོད། འབྲིང་པོའི་ཉི་ཤུ་ལ་ནོར་གཡང་ཅན་མི་བཙོང་། བཙོང་ན་ཆུ་བདུད་རྒྱལ་པོ་དགྲར་ལྡང་། ཆུ་ལས་མི་བྱ། ཆུ་ཆེན་མི་བརྒལ་ཀྱང་། ར་བསྟོད་དོགས་ཡོད་ཆུ་ཆེན་མི་བརྒལ་ཆུ་བདུད་ནག་པོ་དགྲ་རུ་ལྡང་། ཁྱིམ་ཡུགས་སས་གང་དོགས་ཡོད། ཐ་ཆུང་གི་གནམ་གང་ལ་དགའ་བའི་རྩེད་མོ་མི་བྱ། ནོར་དང་བློ་དང་གཉེན་མང་ངོ་། །ཉེ་གཞི་གཉེན་མི་བྱ། དང་དྲུང་པ་དགྲར་ལྡང་དོགས་ཡོད། འདི་ཉིན་དམག་གི་སྟོན་མོ་དང་འཕྲུ་འདོགས་སོགས་ཅི་བྱེད་ཀྱང་སྐྱེས་པ་གཅིག་མི་འཆི་ཀ་མེད་ཡིན། འདི་རྣམས་ལ་འཛེམ་པ་གལ་ཆེའོ། ༧ །སྲིད་པའི་ཉུལ་ལེ་ཆེན་པོ་པི་ལིང་འཕར་མ་མི་ནག་མཐེ་བོང་ཙམ་པ་རྟ་ནག་བྱི་བ་ཙམ་ཞོན། རུ་དར་ནག་པོ་འཕྱར་བ་འདི། དཔྱིད་གསུམ་བརྒྱད་གསུམ་ཤར་ནས་ནུབ། །དབྱར་གསུམ་ལྔ་གསུམ་ལྷོ་ནས་བྱང་། །སྟོན་གསུམ་གཅིག་གསུམ་ནུབ་ནས་ཤར། །དགུན་གསུམ་དགུ་གསུམ་བྱང་ནས་ལྷོར་རྒྱུ། ཉི་མ་རྩེ་ཤར་ཤར་ནས་རྒྱུ། ཉིན་ཕྱེད་ལྷོ་ནས་རྒྱུ། དགོངས་ཀ་ནུབ་ནས། ནམ་ཕྱེད་བྱང་ནས་རྒྱུ། རྒྱུ་ཕྱོགས་ཁ་བསྟན་ནས་འགྲོ་སོགས་མི་རུང་། །དེ་དུས་ལེགས་པའི་བྱ་བ་དང་། སྦྲ་བཟོ་བ། བག་མ་གཏོང་ལེན། མཁར་ལས་སྟོན་མོ། །ཤིད་བྱེད་མི་རུང་། དྲག་ལས་ཐུན་ཟོར་དམག་ལས་སོགས་དགྲར་རྒོལ་ན་རྒྱབ་བརྟེན་བྱས་ན་བཟང་ངོ་། ། ― MR12_Page_0202 ―
[མ་དཔེ་གཟིགས་ན་འདིར་གནོན།]
༈ འདི་ལྟར་ཟླ་བ་གང་ཡིན་སྟེང་ནས་ཕོ་དྲུག་གི་ཚེས་གྲངས་ནག་པོ་དང་མོ་དྲུག་གི་ཚེས་གྲངས་ཐམས་ཅད་དམར་པོ་ལྟར་དེད་པས་ཉི་མ་བཅུ་གཉིས་ཤེས་དེའི་སྟེང་ནས་ཞག་བཅུ་གཉིས་ལ་རྒྱུ་བར་བསྟན་པའི་ས་བདག་གང་ཡིན་དད་པས་ཤེས་སླའོ། །འདི་འབྱུང་རྩིས་པའི་ལུགས་སོ། །དྷཱིས་མེ་རྟ་ཟླ་བ་གསུམ་པའི་ཚེས་བཅུ་དགུ་ལ་བཀོད་པ་དགེ། །།ཟླ་བ། དཔྱིད་གསུམ་དབྱར་གསུམ་སྟོན་གསུམ་དགུན་གསུམ་ཚེས སྟག་༡༠༡༡༡༢༡ཡོས་༡༢༡༢འབྲུག་༡༢༣སྦྲུལ་༢༣༤རྟ་༣༤༥ལུག་༤༥༦སྤྲེལ་༥༦༧བྱ་༦༧༨ཁྱི་༧༨༩ཕག་༨༩༡༠བྱི་བ༩༡༠༡༡གླང་༡༠༡༡༡༢གྲངས་༡༡༣༢༥༧༡༩༢༡༤༢༦༨༢༠༣༡༥༢༧༩༢༡༤༡༦༢༨༡༠༢༢༥༡༧༢༩༡༡༢༣༦༡༨༣༠༡༢༢༤༧༡༩༡༡༣༢༥༨༢༠༢༡༤༢༦༩༢༡༣༡༥༢༧༡༠༢༢༤༡༦༢༨༡༡༢༣༥༡༧༢༩༡༢༢༤༦༡༨༣༠སྨད་དཔྱིད་ཀ་སོས་ཀ་དབྱར་ཀ་དཔྱིད་ར་བ་འབྲིང་པོ་ཐ་ཆུང་དབྱར་ར་བ འབྲིང་པོ་ཐ་ཆུང་པ་ལྦུ་ན་ཙི་ཏྲ་བི་ཤཱཁ ཛྱེ་ཥཱ་ཨ་ཥཱ་རྡ་ཤྲཱ་བ་ཎ་དབོ་ཟླ་ནག་ཟླ་ས་ག་ཟླ་བ སྣྲོན་ཟླ་ཆུ་སྟོད་ཟླ་བ་གྲོ་བཞིན་སྟོན་ཀ་དགུན་སྟོད་དགུན་སྟོན་ར་བ་འབྲིང་པོ་ཐ་ཆུང་དགུན་ར་བ་འབྲིང་པོ་ཐུ་ཆུང་བྷཱ་དྲ་པ་ད་ཨ་ཤི་ན་ཀཱརྟི་ཀ་མཱ་རྒ་ཤཱི་པཽ་ཥཿ མཱ་གྷཿཁྲུམ་སྟོད་ཟླ་ཐ་ཀར་ཟླ་བ་སྨིན་དྲུག་ཟླ་བ མགོ་ཟླ་བ་རྒྱལ་ཟླ་བ་ཆུ་ཡི་ཟླ་བ་འདི་རྒྱ་གར་བའི་ཡུལ་ལུགས་ཡོངས་གྲགས་འཆི་མེད་མཛོད་ནས་གསུངས་པ་སྟེ། མདོ་འདུལ་ནས་དཔྱིད་ར་འབྲིང་སོགས་ཀྱི་ཐ་སྙད་གསུངས་པ་འདི་དང་མཐུན་པར་བྱ་དགོས་ལ། ཉ་སྐར་དེ་ལའང་མར་ངོ་སྔོན་འགྲོའི་དབང་བྱས་ཚེས་བཅོ་ལྔའི་ཉ་སྐར་དེ་ཟླ་བ་དེ་རྫོགས་པའི་དབང་དུ་བྱས་པ་བསྟན་བཅོས་པའི་ལུགས་ཡིན་ལ། ཡར་ངོ་སྔོན་འགྲོའི་ཉ་སྐར་དེ་ཟླ་བ་དེའི་དཀྱིལ་སྒང་ཡིན་པ་འཇིག་རྟེན་པའི་ལུགས་སོ། །དུས་འཁོར་ནས་ཡར་ངོ་སྔོན་འགྲོའི་ནག་ཟླ་དཔྱིད་འབྲིང་དང་དབྱངས་འཆར་ལས་དབོ་ཟླའི་བཅུ་དྲུག་ནས་ནག་ཟླའི་ཉ་བར་དཔྱིད་འབྲིང་བརྩིས་ཏེ་མར་ངོ་སྔོན་འགྲོའི་ལུགས་ཡིན། དྷཱིས་ ― MR12_Page_0203 ―
[མ་དཔེ་གཟིགས་ན་འདིར་གནོན།]
ས་བྱ་ཟླ་བ་བཞི་པའི་ཚེས་ཉེར་ལྔ་ལ་བཀོད་པ་དགེ ༈ སྐར་མ་མགོ་ལ་ལོ་ཡི་དང་པོ་ཞེས་བྱ་སྟེ། མགོ་ལ་ཟླ་བ་ཉ་བ་དེ་ལོའི་དང་པོར་བརྗོད་པས་ཉེ་བར་སྤྱོད་པ་ལས་སོ་ཞེས་འདོད་འཇོར་གསུངས།། །།རྡོར་གཙུག་༡༡༡༢༡ ༡༢༡༢སྐར་མཛོད་ལུགས་ཀྱི་ཀླུའི་ཐེབས་ལྡོག་ལགས། ཟླ་བ་ཚེས་གྲངས་སོ། །དཔྱིད་སྟག་ར་༡༥སོགས་ལྡོག་པའི་ཚེས་མིན་པ་ཐམས་ཅད་ལ་ཐེབ་༡༤ཐེབས་ཆེན་ཡོད་འབྲིང་ཡོས་པོ་རབ་དྲག་འབད་འཇམ་ཚུལ་སྲུང་ཚེས་བྱེད༢༨༢༢ལྡོག་ཟེར་བ་ཡོད་ཚེས་བྱེད། དཔྱིད་གསུམ་ཡང་ཉལ། ༡༢༣ ༢༣༤ ༣༤༥ཐ་འབྲུག་ཆུང་༢༥ཐེབས་དེ་མིན་ཀུན་ལ། དྲན་པ་སྙིགས་ནས། དབྱར་སྦྲུལ་ར་བ་ཟེས་འཚོལ་ལགས། རྗེའུ་༡༥ ༡༨རིགས་ལ། གཉེན་ལ་འགྲོ། རྒྱལ་རིགས་ལ་འབྲིང་རྟ་པོ་འཇམ་ཐེབས་མི་ལ་ཟས་ཚོལ། ལྡོག་རལ་པོ་༢༠ ༢༥སོགས་ཤེས་ཁོང་འདི་ཀུན་ལ་ལྡོག༨༡༥དབྱར་གསུམ་ལྡང་༣༡ ༡༡༢༦ ༥༤ ༡༡༨༧ ༡ ༠ ༢༢༢༥ ༤༥ ༢༡༤༩ ༡༣༥༠ ༡༡༢༡ ༢༢༥༦ ༠ ༡༡༧༤ ༢༢༩༧༨༠༨༢༠༠༥༢༠ ༠༢༢༥༢༤ ༥༦ ༥ ༦༧ ༦༧༨ ༧༨༩ཐ་ལུག་ཆུང་༧དྲག་ཐེབས་༨ཞི་ཐེབས། ༡༥སྲིད་པའི་རྒྱལ་པོའི་ལས་བྱེད་སྟོན་སྤྲེལ་ར་བ་༩ ༡༠ ༡༩ ༠ ཟས་ཚོལ་ཐེབས་སོ། །འབྲིང་བྱ་པོ་༥ ༠ འབྲུ་བཅུད་སྡུད་༡༠༥ ཐ་ཁྱི་ཆུང་གོས་གྱོན་༢༡གནས་ཚོལ། གདོལ་བ། ༡༡ ༡༣ ལུས་ལ་ཁྲུས་བྱེད། ༡༥ སོགས་ཀུན་ལ་ལྡོག་༥༦༡༠༡༦དྲན་པ་མེད། ༣ སོགས་ཀུན་ལ་ལྡོག ༦ སྟོན་གསུམ་དར་༡༩༣༡༦༣འང་༩༡༠འང་༡༩༢༩༨ ༩༡༠ ༩༡༠༡༡ ༡༠༡༡༡༢དགུན་ཕག་ར་བ་འང་རྩི་ཤིང་བཅུད་སྡུད། ༧༨༠༡༡ ༥༧ འབྲིང་བྱི་བ་པོ་༢༢༠༡འང་། ཐ་གླང་ཆུང་ཟླ་བ་འདི་ལ་ཀླུ་ཉལ་བས་ཕན་གནོད་གང་ནཱ་གའི་༩ ༡༠ ༠ ༡༩ ༢༦ ༢ ༣ ༦༠ ༡༦༠ ༢༠༠༢༦དགུན་གསུམ་ཤི། ཡང་མེད་མི་ཐེབས། ཐེབས་ལྡོག ། ― MR12_Page_0204 ―
[མ་དཔེ་གཟིགས་ན་འདིར་གནོན།]
སྡེ་བརྒྱད་ཐེབས་ལྡོག་དཔྱིད་ར་སྟག ཡོས། འབྲུག༤ མ་མོ་བཅས། ༡༢ ཡོས་དུས་ནུབ་ནས་༡༤ ཤར་དུ་ཐེབས༡༥འང་། ༡༦ ཕག་དུས་བདུད་ཤར་ནས་ནུབ་ཏུའོ། ༢༢ ཕག་དུས་ལྷོ་ནས་བྱང་། བདུད་བཙན། ༡༧ ༡༧སྤྲེལ་གླང་དུས་ཉིན་ཕྱེད་ལྡོག ༧འང་དཔྱད། ༨༡༠ ༡༡ ༢༨ ༡༨༠ ༢༡༩འང་༣༠ ༠༡༢༨༡༡༥༡༥༨༡༥ ༡༡༨༧སྦྲུལ། རྟ། ཟླ་བ་འདིར་མ་མོ་ལུག་བཅས་སྟན་མོར་གཡེངས༨ཡོས་དུས་གཟའ་དང་བཅས། ༡༥འབྲུག་དུས་ལྷོ་ནུབ་ནས་བྱང་ཤར། ཀླུ་བརྒྱད། ཟླ་བ་འདི་རིལ་པོར་མི་ཐེབས་སྔགས་པ་ཁ་རུལ་ཟེར། ༨༩ཐེབས་ཙམ་བརྩི་བ་ཡོད། ༢ བྱི་བའི་༥དུས། སྦྲུལ་༧༠དུས་༡༡རྟ་དུས། ༡༧འང་། བརྒྱད་ཚོགས། དགུ་ཐེབས་ཚོད། སྤྲེལ། བྱ། ཁྱིམ་མོ་བཅས། ༢༣འབྲུག་དུས་ཤར་ལྷོ་ནས་ནུབ་བྱང་། ༡༣ ༡༤ ༡༥རྒྱུ་སྐར་བཅས། ༡༧ནས་སྟོང་བར་༢༣མ་གཏོགས་ཐེབས་ཆེན་བྱི་ཡོས་དུས་ནུབ་ནས་ཤར། ༡༠འང་ལྷ་ཆེན་བརྒྱད་༨ནས་སྟོང་གི་བར་རྟ་བྱའི་དུས་ཤར་ལྷོ་ནས་ནུབ་བྱང་། ༨༢༨ ༣༠ཁྱད་པར་ཐེབས་ཆེན། ༢༥ གླང་དུས། ༣༠ གླང་དུས། ༡༠འང་། ༡༣འང་། ༢༣འང་། ༢༠ཡོས་དུས། ༡འང་། ༢༨འང་། ཕག བྱི་བ གླང་གནོད་སྦྱིན་༡༣ནས་༡༦བར་སྤྲེལ་གླང་དུས་ལྷོ་ནས་བྱང་དུའོ། གཤིན་རྗེ་༢༢ནས་སྟོང་བར་བྱི་རྟའི་དུས་ནུབ་བྱང་ནས་ཤར་ལྷོར་ཁ་ཅིག་གིས་༡༨ནས་༢༢བར་ཟེར། ༡༧འང་༢༧མ་གཏོགས་ཟླ་བ་རིལ་པོར་ཐེབས་སྔགས་པ་ཟོར་འཕེན་ཟླ་བ་ཟེར། མགོ་ཟླ་ཕུར་བུ༨ ༠བྱི་བའི་དུས། ༩འང་། ༡༨འང་། ༢༦འང་། ༢༠༠བྱ་དུས༢༩ཟེར། ༡༥འབྲུག་དུས་བྱང་ཤར་ཐེབས་ཟེར་དཔྱད། ༢༧ཁྱི་དུས་ལྡོག ༢༢ ༢༩སྐྱེ་འགྲོ་སྲང་འདེབས་༣༠ལོ་གཅིག་ནང་འཆི་ཚང་ཁྲམ་འདེབས། རྩིས་ཕྲན་སྐོར། ཀརྨ་བདུད་འདུལ་རྡོ་རྗེ་བཀའ་འབུམ་ན། སྟོར་བ་འཚོལ་ན། སྣར་མ་སོགས་ ― MR12_Page_0205 ―
[མ་དཔེ་གཟིགས་ན་འདིར་གནོན།]
བདུན་ལོང་བ། གྲེ་སོགས་བདུན་མིག་ཚག །སྣྲོན་སོགས་བདུན་ཞར་བ། ༦༡༦ ༡༢༨༨འང་། མོན་གྲུ་སོགས་བདུན་ལྷ་མིག་སྟེ་ལོང་བར་རྫས་རྙེད། མིག་ཚག་ལ་འབད་པས་རྙེད། ཞར་བར་གཏམ་ཐོས། ལྷ་མིག་ལ་ནམ་ཡང་མི་རྙེད། འདི་ཟླ་སྐར་ལ་བརྟག །ཉི་ཟླ་མཐུན་ན་བསླུ་མེད་ཡིན་གསུང་། སྟོར་དུས་ན་དྲ་སྙམ་རང་། ༧ རྐང་བཞི་འཚོལ་བའི་གདམས་ཟབ་དམ་པའི་མན་ངག་བཀའ་རྒྱ་མ་ནི། ཕོ་དྲུག་ཟླ་བར་གཡས་ནས་མར་བགྲང་། ཚེས་གྲངས་གང་བབ་ལྟ་བ་སྟེ། དཀར་པོར་བབ་ན་བཙལ་མི་དགོས། ཁྲ་བོ་བཙལ་བས་རྙེད། ནག་པོར་བཙལ་ཀྱང་མི་རྙེད། མོ་དྲུག་གཡོན་ནས་ཡར་བགྲང་ཞེས་པར་བཀོད། ༡༠༡༦ ༢༠༡༧ ༣༠༡༨སོགས ༡༥༠༣༠༡༥༠༣༠ ༡༤༠༢༩ ༡༣ ༠ ༢༨ ༡ ༠ ༡༦ཚེས་གྲངས་ཀྱི་རེའུ་མིག་གཉིས་གཉིས་བཀོད་པ་འབྱུང་ལྡོག་གཉིས་འདུག་ཀྱང་། དོན་ལ་ཕོ་དྲུག་ལ་ཚེས་གཅིག་ནས་རིམ་པར་ངན་འབྲིང་། བཟང་ཞེས་བགྲང་བ་དང་། མོ་དྲུག་ལ་ཚེས་གཅིག་ནས་བཟང་འབྲིང་ཞེས། ཞེས་རེས་མོས་བགྲང་བས་གར་བབ་རེ་འདུག །འདི་ལ་སྟག་ཟླ་ངོས་འཛིན་གལ་ཆེ་གསུང་འདུག ༈ །སློབ་དཔོན་དུ་ཧར་ནག་པོ་འཇམ་དཔལ་གྱི་ཞལ་གཟིགས་པ། ཁྲི་སྲོང་ལྡེའུ་བཙན་དུས་བྱོན། གནོད་སྦྱིན་དྲང་རྐུན་དང་། ཀླུ་མོ་ཁ་སྦྱིན་མི་སྡུག་གཉིས་བསྡེབས་པ་ལ་བུ་ཚ་མིང་སྲིད་བདུད་བཞི་བཙས། ཆེ་བ་ལྷ་བདུད་གནམ་ཁྱི་ནག །སྲིད་ལ་འཁྲེན་པའི་ས་བདག་དང་། །འབྲིང་པོ་འཆི་བདག་ཧལ་ཁྱི་ནག །རོལ་ཐ་ཆུང་ཉོན་བདུད་སེ་ཤར་དམར། །རོ་དམག་འཁྲེན་པའི་ས༴ །སྲིང་མོ་ལུང་པོ་འདོད་ཆགས་བདུད། །ཐེ་ཁྱིམ་བག་འཁྲེན་ས་བདག་བཞི། །བརྟུལ་ནས་འབྱུང་བའི་ཕན་ལྷ་ཤར་སྟག་སྐྱ་བོ་སོགས་བཞིར་བྱས་པ་དེས་རིན་ཆེན་གསལ་བའི་སྒྲོན་མེ་བརྩམས་པའོ། །ཞེས་ ― MR12_Page_0206 ―
[མ་དཔེ་གཟིགས་ན་འདིར་གནོན།]
གསུངས། ༧ ལྕགས་བཞི་ནི། ལྕགས་ཁྱི་ལྕགས་ཕག་རྔ་ཟོར་ལོ། །ལྕགས་བྱི་ལྕགས་གླང་རོ་ཁལ་སྟེ། །དམེ་སྲིའི་ཀླུང་བཞི་མེ་བརྒྱད་ནི། མེ་ཏ་མེ་ལུག་གྲུ་ཁྱེར་ལོ་དོན་ཀུན་འགྱུར་ལྡོག་ཆེ། མེ་སྟག་མེ་ཡོས་རུས་གཅོད་དེ་བུ་ཚའི་དབང་ཐང་འབྲི། མེ་འབྲུག་མེ་སྦྲུལ་མདུན་བབ་སྟེ་རྟག་ཏུ་མྱ་ངན་འཁོར་ལ་ངན། མེ་སྤྲེལ་མེ་བྱ་བྱེ་བྲལ་ལོ་བྱེ་ཞིག་མང་། མེ་བརྒྱད་ལྕགས་བཞི་ལོ་ངན་བཅུ་གཉིས་སོ། །གཟའ་བཞི་དུར་ཞུགས་ངན་ཀླུང་བཅུ་གཉིས་ཟེར། ལྟས་ངན་ལོ་བདུན་མེ་བུས་ཤུལ་མེད་སྦྲུལ། ཆུ་བཅུས་རྗེས་མེད་ཆུ་ཕག །བྱ་ལམ་རྗེས་མེད་ཆུ་བྱ། རྨང་པོ་རྒབ་ཆད་ཤིད་བྱ། ཁ་ཉེས་གཟོང་བརྡལ་ལྕགས་ལུག །གནམ་སའི་རུ་འཛིན་ས་བྱ། སྲིད་པའི་རྔ་ཟོར་ལྕགས་ཕག་གོ། དཀར་ཆུང་ལོ་དྲུག་བདུད་ཁྱི་གནམ་ཟུག་ལྕགས་ཁྱི། ཤེལ་བྱ་གཤོག་རྡེབ་ལྕགས་བྱ། ཟངས་རྔ་གཡོབ་པ་མེ་གླང་། མི་དམར་གར་བྱེད་མེ་སྤྲེལ། མི་སེར་གླུ་ལེན་ས་འབྲུག །མཐིང་སྦྲུལ་ལྕེ་རྡེབ་ཆུ་སྦྲུལ་ལོ། །འདི་དག་ལྕགས་བཞི་མེ་བརྒྱད་དང་འདྲ། ཐན་པ་མི་བདུན་ནི། ས་འབྲུག་ནོར་རྫས་ཀྱི་དུར་འབོད་དེ་བཞིན། ལྕགས་ལུག་མ་ཕྱིའི་དུར། ས་སྤྲེལ་བུ་ཚའི༴ །ལྕགས་བྱ་ཞང་ཉེའི༴ ལུགས་ཁྱི་བུའི༴ །མེ་ཕག་སྲིད་མོའི༴ མེ་གླང་གཟའ་ཚང་གི་དུར་འབོད་དོ། །གནམ་སའི་བྱ་ར་བ་གཉིས་ནི། མེ་རྟ་གནམ་ཆུ་བྱི་སའི་སྟེང་དུ་རང་མགོ་དྲགས་སྡེ་འཁོར་ལ་གཟན་ཞེས་གསུངས། ཡང་ཐན་སྐྱེལ་བཅུ་གཉིས། ལྕགས་བྱི་ནས་ལྕགས་ཕག་བར། ལྕགས་གླང་ཤིང་ལུག་མེ་ཁྱི་ཆུ་འབྲུག་དུར་མི་ནག་པོ་བཞི། ཆུ་ཡི་སྟག་སྦྲུལ་ལྕགས་སྤྲེལ་ལྡིང་ནག་བུ་གསུམ། གཉིས་ནག་སྐྱེས་པ་ལོ་ནག་མཆེ་ཅན། ཆུ་ཡི་བྱི་རྟ་བྱ་ཡོས་གླང་ལྔ། ས་ཡི་ཕག་འབྲུག་བྱ་ཡོས། མེ་ཡི་ ― MR12_Page_0207 ―
[མ་དཔེ་གཟིགས་ན་འདིར་གནོན།]
འབྲུག་བྱ་རྣམས་སྲིན་ཁྱེར་ལོ་རྟ་བཅུ་གཅིག །མེ་རྟ་ཆུ་བྱ་ཤིང་ཡོས་ལྕགས་བྱ་ཐེར་འདྲེ་མི་བཞི། སྲིན་ཁྱེར་བྱུང་བབ་ཐེར་འདྲེ་རྣམས་རང་ལ་ངན་པའི་ལོ་རྟའོ། །ཀླུ་ས་སྲིན་གནོན་ཀླུ་ནད་འབྱུང་། ཁྱད་པར་སྲིན་ཁྱེར་ལོ་ལ་ངེས། འབྱུང་བ་ལྔ་ལྡན་དར་གུད་ཤིན་ཏུ་ཆེ། ལྕགས་ཀྱི་སྤྲེལ་ཕག་མེའི་འབྲུག་སྦྲུལ། ས་ལུག་ལྕགས་ཁྱི་ཤིང་སྦྲུལ་མེ་བྱ་ཡུག་སའི་ལོ་བརྒྱད། ཤིང་སྟག་ལྕགས་སྤྲེལ། ཆུ་ཡི་སྟག་སྤྲེལ་སྦྲུལ་མེ་སྟག ས་ཁྱི་དྭ་ཕྲུག་ལོ། ཕ་མ་ཡུག་ལོ་ལ་བུ་དྭ་ཕྲུག་བྱུང་བ་དང་ཕ་མ་འཆིའམ་བྱིས་པ་འཆི་ཡུག་སར་འབབ། ཕོ་ཡི་རབ་ཆད་སྒོ་ལྔ། མོ་ཡི་གཡང་ཤམ་སྒོ་ལྔ། ལོ་སྤར་སྦྱར་བ་སྟེ། དེ་འཕྲད་རབ་ཆད་དོ། །སྤར་ཁ་ལ་ཁེན་སྐྱེས་མ་ལ་ངན་སོགས། སྤར་རང་གནོད་འདྲེ། སྨེ་བ་དགུ་དམར་གཡང་། བདུན་དམར་བཙན། བརྒྱད་དཀར་བཀྲ་ཤིས། བཞི་ལྗང་ཀླུ། གཉིས་ནག་བདུད་སྨེ། དཀར་གཞན་བརྒྱད་དཀར་ཆ་འདྲ། གསུམ་ནག་ཆ་འདྲ། ལྔ་ས་བདག་སྨེ་བ་ཀུན་སྙོམས། ༧ མ་མོ་སྲིད་པའི་བེམ་ལས། ལུག་སྤྲེལ་གཉེན་བྱས་རབས་ཆད་ལོ། དེ་བཞིན་ཕག་བྱི་གཉེན་བྱས་ན། ཕོ་སར་རབས་ཆད་རོ་དུར་འདེབས།གླང་འབྲུག་རི་ཉིལ་སར་ལྷུང་ཞེས་ཁ་སྨྲས་འབྱུང་སྒོ་ཁྱི་ཡང་མི་ཆགས། བར་དུ་ལྷ་མ་ཆགས་པས་མི་རུང་ངོ་། །སྟག་སྦྲུལ་ཁང་རྡིབ་སྟེ། དགྲ་ཁང་ཁྱིམ་ལ་ཞུགས་པའི་ལོ་ཡིན་ངན། སྟག་ཕག་སྲོག་ལུས་སྟོར་བའི་ལོ་སྟེ་ངན། བྱ་སྦྲུལ་ཁ་ཡན་ལོ་སྟེ་བྱེ་བྲལ་དང་ཡུག་ས་བྱེད་སླ། བྱ་སྤྲེལ་ཕོ་གཡས་སྟོང་མོ་གཡོན་སྟོང་བྱ་བ་ཡིན། ཁྱི་ཡོས་ས་རལ་ཤིང་ཆད་ལོ། །སྟག་ལུག་ཤི་ཤིང་ཟད་པ་ཞེས་རང་ལ་ཁ་ཟུག་པའོ། །ཞེས་གསུངས་བག་རྩིས་ལ་མཁོ་སྙམ་བྲིས། ༧ བག་རྩིས་ལོ་འདི་ཙམ་ལ་སྤང་བྱ་བྱ། ཕན་ཚུན་སྲོག་ཀླུང་མོས་ ― MR12_Page_0208 ―
[མ་དཔེ་གཟིགས་ན་འདིར་གནོན།]
ཕོ་སྐྱོབ། ལུས་དབང་ཕོས་མོ་སྐྱོབ་བམ། བཞི་བདུན་མིན་པའི་མཐུན་གསུམ་ལྟ་བུ་བླང་བྱ་བྱ། སྤར་ཁ་མ་ཀླུང་བཟང་བཞི་དང་། སྡེབ་དུས་བཟང་འཕྲད་ཁོ་ནར་གཙོར་བཟུང་། སྨེ་བ་སྐྱེས་སྨེ་བཟང་བཞིར་འཕྲད་ན་དེས་ཆོག་གོ། ༠ སྐར་གསུམ་རྟ་མགོའི་མགུལ་ཟས་ཤ་དང་སྦྲང་རྩི། ༡ སྐར་གསུམ་མོ་མཚན་དབྱིབས་ཏིལ་འབྲས། ༢ སྐར་དྲུག་སྤུ་གྲི། ཟས་ཞོ། ༩སྐར་དྲུག་ཆུ་བོ། ཟས་ཏིལ་ཐུག ༡༠སྐར་གཉིས་མི་རྐང་ལྟ་བུ། འབྲས་དང་ཏིལ་གྱི་ཚིགས་མ་བིལ་པ། ༡༡སྐར་གཉིས་ཁྲི། ཁྲེ་དང་༡༨སྐར་དགུ་སྡིག་པའི་དབྱིབས་ཟས་འོ་མ་དང་འབྲས་བུ། ༡༩སྐར་བཞི་མཆོད་རྟེན་དབྱིབས་ཤིང་ནྱ་གྲོ་དྷའི་ཐང་ཆུ། ༢༠ཆུ་སྨད་སྐར་བཞི་བྲེ་དབྱིབས་སྦྲང་ཡོས། ༣སྐར་ལྔ་ཤིང་རྟ། ཟས་ཞོ་སྦྲང་། ༤སྐར་གསུམ་རི་དྭགས་མགོ་རི་དྭགས་ཤད། ༥སྐར་གཅིག་ཐིག་ལེ། ཁྲག་ཆུ། ༡༢སྐར་ལྔ་ལག་པའི་དབྱིབས་ཟས་བྱ་ཤ སྲེད། ༡༣སྐར་གཅིག་བད་སྣོད་ཤིང་ཏོག༡༤སྐར་གཅིག་ནོརབུའི་དབྱིབས་ཕྱེ་དང་ཏིལ་ཐུག་བལ་སྲན། ༢༡སྐར་གསུམ་བྲེ་ལྟ་བུ་ཟས་མར་བྱ་ཤ༢༡སྐར་གསུམ་གླང་མགོའི་དབྱིབས་ཟས་རླུང་། ༢༢སྐར་བཞི་བྱ་དབྱིབས་རྒྱ་སྲན་བྱི་ལའི་ཤ༦སྐར་གཉིས་ཁྲི་རྐང་། འཁུར་བ། ༧སྐར་གསུམ་རིལ་བ། སྦྲང་ཡོས། ༨ སྐར་དྲུག་གདེངས་ཀ་སྦྲུལ་ཤ༢༦ སྐར་མ་སོ་གཉིས་གྲུ་དབྱིབས་ཟས་ཕྱེ་དང་ཤའོ། །༡༥ སྐར་བཞི་མགོའི་དབྱིབས་ཟས་ཏིལ་རྒྱ་སྲན་དང་མེ་ཏོག། ༡༦ སྐར་བཞི་གླང་པོའི་དབྱིབས་སྲན་ཆུང་སྦྲང་རྩི་ཆང་། ༡༧ གསུམ་ཐེམ་སྐས་དབྱིབས་འབྲས་དམར་འབྲས་ཐུག༢༣ མི་རིང་ངམ་མེ་ཏོག་ལྟ་བུ་ཟས་ར་ཤ༢༤ སྐར་གཉིས་ཤིང་རྟའི་དབྱིབས་ལུག་གི་ཤ་ཁྲག༢༥ སྐར་གཉིས་རྣ་བའི་དབྱིབས་ཟས་བབ་སྲན། ― MR12_Page_0209 ―
[མ་དཔེ་གཟིགས་ན་འདིར་གནོན།]
རྩིས་བསྡུས་བཞུགས། ན་མོ་མཉྫུ་ཤྲཱི་ཡེ། སྤྲོས་ན་ཤིན་ཏུ་མང་མོད་དེ། །བསྡུ་ན་གལ་ཆེན་འགག་འདི་ཙམ། །མི་རྩི་ཐབས་མེད་ཡིན་པས་ན། །རྩིས་པ་ཀུན་གྱི་ཐུགས་ལ་ཞོག །ཚེ་རབས་ལས་རྩིས་བསྡུས་པ་ནི། །ཕ་མའི་སྲོག་ལུས་དབང་ཀླུང་ལ། །བུ་ཡི་དེ་བཞིས་འཐབ་པ་དང་། །དེ་ལོའི་ཕ་མའི་བབ་སྤར་དང་། །འཕུར་སྨེས་བུ་རང་སྲོག་སོགས་འཐབ། །རང་དང་ཕ་མེས་སྲོག་ལ་སོགས། །དར་གུད་སྐྱེས་དུ ས་ལོ་སོགས་གཏུག །གནམ་ལོ་མ་ཀླུང་སྤར་ཁའི་འབྲས། །དེ་བཞིན་སྨེ་བའི་འབྲས་བཤད་བལྟ། །སྐྱེས་དུས་གཟའ་སྐར་བཅས་པ་བརྟག །ཚེ་གང་བདེ་སྡུག་སྤྱི་ཁྱབ་རྟོགས། ༈ །ལོ་གཅིག་སྐེག་རྩིས་བྱ་བ་ལ། །ལོ་དང་ལོག་མིན་སྤར་སྨེ་དང་། །དར་གུད་དུས་ཚོད་དྲུག་དང་སྦྱར། །བརྩི་བྱའི་སྲོག་སོགས་འཇམ་རྩུབ་བཤད། །དེ་སྟེང་དགུ་དུར་སྤར་སྨེ་ནི། །གང་བབ་བལྟས་ལ་བཅོས་རིམ་འབོག ༈ །གཟའ་མི་མཐུན་སྦྱོར་བག་མའི་རྩིས། །སྐྱེས་པའི་ལོ་དང་བག་མའི་ལོའི། །སྲོག་ཀླུང་སྐྱེས་པ་ལུས་དབང་མོ། །བརྩི་བྱར་བྱས་ལ་འཐབ་རྡེལ་བཞག །སྐྱེས་དུས་མ་ཡི་ལོག་མིན་གཉིས། །དེ་ཡང་གོང་དང་འདྲ་བར་བརྟག །བུ་བག་སྲོག་སོགས་སྨེ་བ་བཞི། །རབ་འབྲིང་ཐ་མའི་ཕྲད་ཚུལ་བརྟག །དེ་བཞིན་མ་ཀླུང་སྤར་ཁ་སྤྲད། །སྲོག་ཀླུང་ཕོ་དང་ལུས་དབང་མོའི། །དར་རྒུད་ཕན་ཚུན་སྦྱར་བ་དང་། །རུས་དང་ལོ་ཡི་སྐྱོན་ངན་མེད། །དེ་འདྲའི་བག་ལམ་དང་པོར་བརྟག །དེ་ནས་ལམ་དུ་འཇུག་པ་ལ། །ལོ་ནི་ནག་དང་གཤེད་ཟུར་སྤང་། །ཟླ་བ་རང་གཤད་བདུན་ཟུར་ནག །ཞག་ནག་རྒྱུ་ངན་སོགས་སྤངས་ཏེ། །གཟའ་སྐར་དགེ་ཞིང་ཁྱད་པར་དུ། །གནམ་ཁྱིའི་གནོད་པ་ངེས་པར་སྤངས། །བུ་བག་བབ་སྤར་ ― MR12_Page_0210 ―
[མ་དཔེ་གཟིགས་ན་འདིར་གནོན།]
མཐུན་པའི་ལོར། །འབར་མའི་ལྷ་དགུ་བཟང་བ་ལ། །ཟླ་ཞག་དུས་ཀྱི་ཆ་ཡིས་ནི། །བག་མའི་སྲོག་སོགས་གསོ་བའི་དུས། །བག་མའི་སྲོག་སྐྱེད་དར་ཐོད་བཅིངས། །ཀླུང་བསྐྱེད་མདའ་དར་སྐ་རགས་བཅིངས། །དབང་ཐང་བསྐྱེད་པའི་གོས་བཀོན་ལ། །ལུས་ཁམས་མདོག་མཚུངས་འོག་རྟ་ཞོན། །ལུས་བསྐྱེད་པ་ཡི་ཁ་ཁྲིད་ནས། །ཟླ་མོ་མཐུན་གསུམ་སྲོག་སོགས་གསོ། །གནམ་ཁྱིའི་གདོང་ཐུག་ངེས་པར་སྤངས། །ཐེ་ཁྱིམ་སོགས་མེད་བཟང་བའི་སར། །སྲིད་ཕྱག་ཀུན་ཐུབ་བཅས་ཏེ་རྫོངས། །སྣ་བོན་བག་མའི་བདུན་ཟུར་དང་། །ཀླུང་དགྲར་གྱུར་པ་ནུས་ལྡན་བྱ། །སླེབ་སར་བླ་གབ་ཅན་ཁྱིམ་དུ། །གདགས་ལྷ་གང་བུམ་ཡོད་པ་དང་། །སྤར་ཁའི་བཟང་སར་ཁ་ཕྱོགས་ལ། །སྲོག་སྐྱེད་མ་ཡི་གདན་ལ་ནི། །འབྲུ་དཀར་རྡོ་རྗེ་གཡུང་དྲུང་སོགས། །བྲིས་པའི་སྟེང་འདུག་དབང་གསོ་བའི། །བཀྲ་ཤིས་ཟས་ཀྱིས་ཞལ་བསྲོ་བྱ། །སྤར་ཁ་གང་ལ་སོང་བ་དེ། །བུག་པའི་ཕ་མིང་དེ་རིམ་འབོགས། །སྣ་སར་སྤར་ཁ་མི་མཐུན་པའི། །བཅོས་བྱ་གཡང་འགུགས་སྣང་བརྒྱད་དང་། །བཀྲ་བརྩེགས་འདོན་པ་ཐུན་མོང་དུའོ། །རྒྱས་པར་གཞུང་ཆེན་རྣམས་དང་བསྟུན། །འདི་ཙམ་བྱས་ཀྱང་དགེ་ལ་ཤིས། ༈ །གཤིན་རྩིས་གསོན་ལ་སྤར་ཁ་ནི། །གདན་ཐུག་ཡོད་པ་ལ་སོགས་བཅོས། །ཤི་སྤར་དེ་ཡི་གཏོ་རིམ་འབད། །ལོ་སྤར་ལོག་མིན་སྨེ་བ་དང་། །གཟའ་སྐར་གང་ལ་ཤི་འབྲས་བརྟག །ཤི་བའི་ལོ་ཟླ་ཞག་དུས་དང་། །སྤར་སྨེ་གཟའ་སྐར་ལོག་མེན་ལ། །གཤིན་སྲོག་སོགས་བཞིས་འཐབ་རྡེལ་བཀོད། །དེ་ཡིས་ཀེག་ཆག་ཆེ་ཆུང་བལྟ། །དུར་ལྔ་ཤི་བའི་སྤར་ཁས་དཔྱད། །རོ་ལམ་ཧལ་ཁྱི་གཙོར་བཟུང་ཞིང་། །དྲངས་དུས་གསོན་ལོ་ཁྱད་པར་དུ། ། ― MR12_Page_0211 ―
[མ་དཔེ་གཟིགས་ན་འདིར་གནོན།]
དབང་ཐང་གཅིག་པའི་དུས་ཕྱོགས་སྤངས། །སྤོམ་གཏའ་སྒམ་ཆིངས་ནན་ཏན་བྱ། །དེ་ཡིས་འགྲམས་འཁྲུགས་ཉེས་སྐྱོན་ཞི། །གཤིན་གསོན་བྱ་བ་གང་རྩོམ་ཀྱང་། །ཉེས་སེལ་བཀྲ་བརྩེགས་སྣང་བརྒྱད་དང་། །མདོ་ཐིག་རྣམ་འཇོམས་མཚན་བརྗོད་དང་། །བཀྲ་ཤིས་ཚིགས་སུ་བཅད་པ་བཀླག །འབྱུང་བཞི་ཨུར་མནན་སྤོམ་གཏའ་སོགས། །གྲུབ་ན་དགེ་ཞིང་ཤིས་པར་འགྱུར། ༈ །ས་ནི་ཤར་ཕྱེས་ལྷོ་སྤུངས་ལ། །ནུབ་འདན་བྱང་ནི་གཡོར་བ་ཡི། །རྒྱབ་རི་རྒྱུད་བཟང་མཐོ་བ་དང་། །མདུན་རི་ཚུར་འདུད་ཕྱོགས་ཀུན་སྣུམ། །གནམ་ཟླུམ་ཡོ་མེད་ཉི་ལམ་རིང་། །ས་གཞི་ཀུན་ནས་བརྡལ་ལེགས་ཤིང་། །ཕུ་བཟང་ཡངས་ལ་མདའ་བསྣོལ་བ། །ཤར་དང་ལྷོར་ལམ་ཆུ་ཤིང་བཟང་། །རི་བྲག་ཤིང་དང་གནམ་སྐྲོན་དང་། །ལན་ཞབས་བཅུད་ཤོར་མདོག་དབྱིབས་ངན། །རྩུབ་གཟེངས་མི་སྡུག་མཚན་མ་སྤངས། །གང་དུ་ཕྱིན་ན་ཡིད་དགའ་ལ། །ཕྱོགས་ཀུན་ཚུར་ལ་རང་ཕྱོགས་འདུད། །འཇམ་ཞིང་ཁོད་སྙོམས་དེ་འདྲའི་སར། །གང་དེར་ཤ་འུད་བྲག་རལ་དང་། །ལམ་སོགས་གདོང་སྣ་མ་ཟུག་པའི། །ཁྲི་འཕང་ཉལ་དམིགས་ལྟ་བུའི་གནས། །བརྟན་བརླིང་དབུས་དམིགས་བཟུང་བྱས་ན། །ས་དེར་གང་གནས་བསམ་པ་འགྲུབ། །འདི་ནི་ས་དཔྱད་སྙིང་པོ་ཡིན། ༈ །གཞི་རྩིས་རྒྱས་པར་ཁྱིམ་དེའི་གཙོ། །དེ་ལ་ལོ་སོགས་བཅུ་བརྟག་པའམ། །རྒྱ་ནག་རྡེལ་སྐོར་བྱ་བའམ། །བསྡུ་ན་གཟའ་ཚང་ཐམས་ཅད་ཀྱི། །སྤར་སྨེ་ལོ་འགྲམས་དུར་ངོ་ནི། །ཡོད་མེད་སྤྱིར་བརྟག་དེ་སྟེང་དུ། །བརྩི་བྱ་གཙོ་བོའི་སྲོག་སོགས་ལ། །ལོ་ཟླ་ཞག་དུས་བཞིས་འཐབས་ཤིང་། །དར་གུད་བཞི་པོ་ལོ་སོགས་གཏུག །རྟ་ནོར་དགྲ་ཕྱ་ལ་སོགས་པ། །སྤར་ཁ་གང་ནས་ ― MR12_Page_0212 ―
[མ་དཔེ་གཟིགས་ན་འདིར་གནོན།]
པ་ཡི། །གཟའ་དང་ལོ་གྲངས་ཙམ་བསྐོར་བའི། །ཉེས་ཆག་ཡོད་མེད་ཤེས་བྱས་ནས། །དེ་དང་བསྟུན་པའི་རིམ་གྲོ་འབོག །ཕྲལ་ཕྲལ་དགོས་དོན་དྲི་བ་ལ། །རྒྱས་ན་ཞག་དུས་བསྡུ་ན་ནི། །དུས་ཚོད་བརྩི་བྱ་འཐབ་པ་དང་། །དར་གུད་དང་བཅས་རྩིས་མོ་རྩི། །དུས་རིང་ཁོག་ཆེན་ལོ་སོགས་དང་། །དུས་ཐུང་དོན་ཆུང་དུས་ཀྱིས་ཤེས། །གང་ལྟར་བརྩིས་ཀྱང་ཅི་ལའང་ཐིག །ནད་རྩིས་ཐང་ཤིང་ཙམ་ཞིག་གམ། །བསྡུས་ན་ལོ་ཟླ་ཞག་དུས་དང་། །སྤར་སྨེ་གཟའ་སྐར་དར་གུད་དགུས། །སྲོག་ལུས་གཉིས་པོ་ཁོ་ནར་བརྟག །ན་ཉིན་ཚེས་དང་གཟའ་སྐར་དང་། །སྤར་སྨེ་དང་བཅས་འབྲས་བུ་སྦྱར། །ན་བའི་ཉེན་ནི་སྤར་ཁས་བརྟག །གདོན་ཕྱ་བགེགས་ཀྱི་སྤུ་གྲི་འང་བལྟ། །མགྲོན་པོ་ཚངས་པའི་རྩིས་ཀྱིས་ཤེས། །བོར་སྟོར་ལུས་དང་དུས་ལུས་འཐབ། །རྩོད་པ་ཀླུང་དང་དུས་ཀླུང་འགྱེད། །དེ་སོགས་མན་ངག་སྣ་རེས་དཔྱད། །རྩིས་ནི་རྟེན་འབྲེལ་མེ་ལོང་སྟེ། །གང་ཤར་བརྡ་ལས་ངེས་རྙེད་ན། །བླང་དོར་འབྲས་བུ་དུ་མ་མཐོང་། །དེ་ལས་གཞན་ཕན་ཁ་དམར་སྒྲོགས། །སྤོང་ཐང་ལུགས་ལ་འཇུག་རྣམས་ཀྱི། །ཤིན་ཏུ་མདོར་བསྡུས་ལག་ལེན་གནད། །ཚིག་ཉུང་བ་ཡིས་བཀྲོལ་བ་འདི། །མི་ཕམ་ཞེས་བྱས་བྲིས་པ་དགེ། །། དུས་རྩིས་ངོ་མཚར་ཉི་མ།― MR12_Page_0213 ―
[མ་དཔེ་གཟིགས་ན་འདིར་གནོན།]
དུས་རྩིས་ངོ་མཚར་ཉི་མ་ཞེས་བྱ་བ་བཞུགས་སོ། ། ― MR12_Page_0214 ―
[མ་དཔེ་གཟིགས་ན་འདིར་གནོན།]
མཁྱེན་པའི་དཀྱིལ་འཁོར་བྲི་གང་མི་མངའ་ཞིང་། །བརྩེ་བའི་འོད་ཟེར་ཀུན་ལ་སྙོམས་པར་བརྡལ། །ནུས་པའི་དྲོད་ཀྱིས་འཁོར་བའི་འདམ་སྐེམ་པ། །འཇམ་དབྱངས་སྨྲ་བའི་ཉི་མས་ཤིས་པ་སྩོལ། །རྟེན་འབྲེལ་རླུང་གི་བགྲོད་པ་ལ་བརྟེན་པ། །བཅུ་གཉིས་དུས་ཀྱི་ཆ་ལྡན་རྩིས་ཀྱི་ཚུལ། །གང་གིས་བླང་དོར་བལྟ་ལ་སྒྲིབ་པ་ཡི། །མུན་པ་ཀུན་འཇོམས་ངོ་མཚར་ཉི་མ་ཤར། །གནས་སྐབས་བླང་དོར་མཐའ་དག་ལ། །བསླུ་བ་མེད་པར་འཇུག་པའི་ཐབས། །དུས་ཀྱི་རྩིས་འདི་རྣོ་ཞིང་ཟབ། །དེ་ཕྱིར་སྙིང་གི་ནོར་བུར་མཛོད། །༧ འདི་ལ་སྦྱོར་བ་དངོས་གཞི་གཉིས། །དང་པོ་རང་ཉིད་འཇམ་དཔལ་གསལ། །ཐུགས་ཀར་ཡེ་ཤེས་འོད་ལྔ་ལས། །མ་ཧཱ་གསེར་གྱི་རུས་སྦལ་སྦྲུལ། །དེ་ཡི་ལུས་ལ་སྣང་སྲིད་ཀུན། །མེ་ལོང་གཟུགས་བཞིན་གསལ་བསམ་ལ། །ཨོཾ་ནི་ཐོག་མར་བཞག་པ་ཡི། །ཨ་ར་པ་ཙ་ན་དྷཱི་ཞེས། །གསང་སྔགས་རྒྱལ་པོ་རྟག་ཏུ་བཟླ། །མཚན་ནས་བརྗོད་ཅིང་མཆོད་པ་འབུལ། །ཆོས་དབྱིངས་འགྱུར་མེད་ཐིག་ལེ་ལས། །སྒྱུ་མ་ལྟར་སྣང་ཆོས་ཀུན་གྱི། །རང་བཞིན་ཤེས་ཤིང་མ་རྟོགས་འགྲོར། །སྙིང་རྗེ་ཆེན་པོ་མཁའ་མཉམ་བསྒོམ། །དུས་སུ་བླང་དོར་སྟོན་པའི་ཕྱིར། །མཆོད་པ་དང་བཅས་བདར་ཡང་བྱ། །ཧོ། དཀོན་མཆོག་གསུམ་དང་རྩ་བ་གསུམ། །འཇམ་དཔལ་ཡེ་ཤེས་སེམས་དཔའ་ཆེ། །ཚངས་པ་ལ་སོགས་གཙུག་ལག་གི། བརྒྱུད་འཛིན་དམ་པ་ཇི་སྙེད་དང་། །དམ་ཅན་ཆོས་སྐྱོང་སྲུང་མར་བཅས། །ཕྱོགས་སྐྱོང་འབྱུང་བ་བཞི་ཡི་ལྷ། །དྲང་མཁན་མངོན་ཤེས་ ― MR12_Page_0215 ―
[མ་དཔེ་གཟིགས་ན་འདིར་གནོན།]
སྟོན་པའི་བདག །སྤར་སྨེ་གཟའ་སྐར་ལོ་སོགས་ལ། །དབང་ཀུན་སྤྱན་འདྲེན་ཕྱག་འཚལ་ཞིང་། །མི་ཟད་ཀུན་བཟང་མཆོད་པས་མཆོད། །མི་དགེ་ཀུན་བཤགས་དགེ་བ་ལ། །ཡི་རངས་ཆོས་འཁོར་བསྐོར་དུ་གསོལ། །བདག་གི་ཤེས་རྒྱུད་བྱིན་རླབས་ནས། །སྐོར་མགོ་རྩིས་རྒྱུད་དགོངས་ལམ་ལས། །མི་འཛོལ་བཟང་ངན་ཇི་བཞིན་པར། །མ་སྒྲིབ་གསལ་པོར་བསྟན་དུ་གསོལ། །ཞེས་དང་སླར་ཡང་བདར་བ་དངོས། །བླ་མེད་དཀོན་མཆོག་གསུམ་པོ་དང་། །ཐུབ་དབང་བྱང་སེམས་དགྲ་བཅོམ་འཁོར། །རིགས་གསུམ་མགོན་དང་ཚངས་པ་ཆེ། །ཀོང་ཚེ་ལ་སོགས་ཞུ་འཕྲུལ་ལེན། །འཆང་དང་གཙུག་ལག་བརྒྱུད་འཛིན་བདར། །མ་ཧཱ་གསེར་གྱི་རུས་སྦལ་དང་། །དེ་ཡི་ལུས་ལ་གནས་པའི་ལྷ། །འབྱུང་ལྔའི་ལྷ་དང་སྤར་སྨེ་དང་། །གཟའ་སྐར་ལོ་ཟླ་ཞག་དུས་ལ། །གནས་རྒྱུའི་སྣང་སྲིད་མཐུ་ལྡན་རྣམས། །མ་ལུས་ལུས་པ་མེད་པ་བདར། །དེ་རིང་རྣོ་གསལ་རྩིས་བྱེད་པའི། །འཛིན་པའི་ཆ་འདེབས་ལྷ་ཀླུ་མིའི། །གཙུག་ལག་ཀུན་གྱི་སྟོན་པ་མཛོད། །མ་ཤེས་སློབ་ལ་མ་དྲན་སྐུལ། །མ་མཐོང་སྟོན་ལ་ཐེ་ཚོམ་སོལ། །མངོན་ཤེས་རྫུ་འཕྲུལ་བསྟན་དུ་གསོལ། །གཞན་ཡང་གང་མོས་ལྷ་སྲུང་ལ། །གསོལ་བཏབ་བདར་ཡང་བྱས་ཀྱང་རུང་། །དེ་ལྟར་མཆོད་དང་མ་བདར་ན། །དུས་ཚོད་ལྷ་ཡིས་བློ་ཕྲོག་ནས། །རྩིས་ཀྱི་ཁ་དམར་མི་ཐིག་ལ། །བདར་ན་རྣོ་ཐིག་བཀྲ་ཤིས་གསུངས། ༈ །དེ་ནས་གཉིས་པ་དངོས་གཞི་ལ། །སྤྱི་དང་བྱེ་བྲག་དམིགས་བསལ་གསུམ། །དང་པོ་ ― MR12_Page_0216 ―
[མ་དཔེ་གཟིགས་ན་འདིར་གནོན།]
ཕྱི་ནང་སྣོད་བཅུད་ཀུན། །འབྱུང་བ་ལྔ་ཡི་རང་བཞིན་ལས། །སྣ་ཚོགས་རྟེན་འབྲེལ་འཆར་ཤེས་ནས། །གང་སྣང་རྟེན་འབྲེལ་ལམ་དུ་ཁྱེར། །ངོ་བོ་བརྟག་ན་དབེན་གྱུར་ཀྱང་། །རྣམ་པ་ཤིང་མེ་ས་ལྕག་ཆུ། །གཡོ་དང་དྲོ་སྲ་གཙང་རླན་གྱི། །མཚན་ཉིད་ལྡན་པ་འདི་དག་གིས། །ཐམས་ཅད་སྐྱེད་སྡུག་གནས་པར་བྱེད། །ཀུན་ཀྱང་འབྱུང་ལྔའི་ཆོ་འཕྲུལ་ཏེ། །ཁ་དོག་ལྟར་ན་ཤིང་ལྗང་གུ། །མེ་ནི་དམར་ལ་ས་སེར་པོ། །ལྕགས་དཀར་ཆུ་ནི་ནག་པོར་བཞེད། །གྲངས་ནི་རིམ་བཞིན་གཅིག་ལ་སོགས། །དབྱིབས་ནི་འཇོང་མོ་གྲུ་གསུམ་དང་། །གྲུ་བཞི་ཟླ་གམ་ཟླུམ་རིམ་བཞིན། །རིགས་ནི་བྲམ་ཟེ་དང་རྗེ་རིགས། །རྒྱལ་རིགས་གདོལ་པ་དམངས་ལྔ་དང་། །རྒྱལ་པོ་བུད་མེད་བཙུན་པ་དང་། །བྱིས་པ་བོན་པོ་ལྔ་པོ་དང་། །ཤིང་ལ་སོགས་པ་རིམ་བཞིན་སྦྱར། །གནས་ལུགས་འབྱུང་བ་ཀེར་ལོང་ཤིང་། །འུབ་འུབ་འབར་བ་མེ་ཡིན་ལ། །ཅེ་རེ་སྡོད་པ་ས་ཡིན་ཏེ། །རྣོ་ཟུར་རོག་པ་ལྕགས་ཀྱི་ཁམས། །ཞོང་ངེ་འགྲོ་བ་ཆུ་རུ་ཤེས། །ལས་ནི་ཤིང་ང་ཡང་ཞིང་གཡོ། །མེ་ནི་ཚ་བསྲེགས་ས་ལྕི་འཐིབ། །ལྕགས་ནི་རྣོ་ཟུར་ཆུ་རླན་གཤེར། །ཡུལ་གཞི་ལྟར་ན་ཤིང་ཕ་ཁུ། །བུ་ཚ་མ་སྨད་མེ་ཡིན་ལ། །ས་ནི་མ་ཕྱི་ཡུལ་མཁར་ཏེ། །ལྕགས་ནི་ནོར་གྲོགས་ལྷ་སྲུང་ངོ་། །ཆུ་ནི་བུ་སྲིད་གཉེན་ལམ་ཉིད། །མགོ་དབྱིབ་མགོ་སྤྲུལ་ཤིང་ཡིན་ལ། །རལ་པ་མེ་ལ་རྦད་མགོ་ས། །ཅོ་བྲེག་ལྕགས་ལ་ལྟག་སྐྲ་ཆུ། །བརྗོད་པ་སྐད་འགག་གྲེ་འདར་ཤིང་། །སོ་བར་སྒྲ་འདོན་མེ་ཡིན་ལ། །སྣ་སྐད་འདོན་པ་ས་ཡིན་སྟེ། །ཁ་གདངས་སྨྲ་བ་ལྕགས་ ― MR12_Page_0217 ―
[མ་དཔེ་གཟིགས་ན་འདིར་གནོན།]
ཡིན་ནོ། །མཆུ་སྡུད་ཆུ་ཡི་ཁམས་སུ་འདོད། །འབྱུང་བ་མཚན་མར་ཤེས་པ་ནི། །ཤིང་ལ་ཝ་བ་མེ་རྨེན་པ། །ས་ལ་སྒུར་པོ་ལྕགས་སྨེ་བ། །ཆུ་ལ་ཤོ་རེ་བ་ཡིན་ནོ། །འབྱུང་བ་འདྲེ་རུ་ཤེས་པ་ནི། །ཤིང་ལ་གཉན་དང་ཐེའུ་རང་སྟེ། །མེ་ནི་བཙན་དང་གྲི་བོའོ། །ས་ནི་ས་བདག་ཡུལ་གྱི་འདྲེ། །ལྕགས་ནི་རྒྱལ་པོ་དང་དཀོར་བདག །ཆུ་ནི་ཀླུ་དང་མ་མོའོ། །ནད་ནི་རྩ་རྒྱུས་རླུང་ནད་ཤིང་། །ཚ་བ་ཁྲག་དང་མགོ་ནད་མེ། །རོ་རྒྱབ་བད་ཀན་ཤ་ནད་ས། །གཟེར་ཟུག་རུས་པ་ན་བ་ལྕགས། །གྲང་བ་རོ་སྨད་ཆུ་ནད་ཆུ། །འབྱུང་ལྔ་ཟས་སུ་ཤེས་པ་ནི། །ཤིང་ནི་ཤིང་ཐོག་སྔོ་ཚོད་དེ། །བསྲེག་ཤམ་མགོ་ཤ་བསྲེག་ཚོད་མེ། །རྐང་ལག་ཤ་དང་ཟན་སྦྲུས་ས། །དཀར་གསུམ་རྩིབ་ཤ་ལྕགས་ཀྱི་ཟས། །སྨད་ཤ་ཆང་ཆུ་དར་སོགས་ཆུ། །ཕུང་པོའི་དོན་སྣོད་ཁམས་དག་ཀྱང་། །ཤིང་ཁམས་མཆིན་པ་དེར་འབྲེལ་མཁྲིས། །མེ་ཁམས་སྙིང་དང་རྒྱུ་མ་འབྲེལ། །ས་ཁམས་མཚེར་པ་ཕོ་བ་འབྲེལ། །ལྕགས་ཁམས་གློ་བ་ལོང་ཁ་འབྲེལ། །མཁལ་སྒོང་འབྲེལ་བ་ཆུ་ཡིན་ནོ། །འབྱུང་བ་ནམ་མཁའི་དངས་མ་སེམས། །རྣམ་ཤེས་རླུང་གི་རྟར་ཞོན་ནས། །མ་ཡི་མངལ་དུ་འཇུག་པར་བྱེད། །རྩ་དང་རྒྱུས་པ་ཤིང་གི་ཁམས། །ཤ་ནི་ས་ལ་དྲོད་ཁམས་མེ། །རུས་པ་ལྕགས་ལ་ཁྲག་ཁམས་ཆུ། །ཕྱོགས་ནི་ཤར་ཤིང་ལྷོ་མེ་ཁམས། །ནུབ་ལྕགས་བྱང་ཆུ་མཚམས་དབུས་སོ། །ལོངས་སྤྱོད་ཤིང་ལ་སྐམ་ནོར་དང་། །བང་བཟེད་ཤིང་སྤྱད་རིགས་དང་ནི། །བོང་བུ་ར་ལུག་ཁྱི་སོགས་སྔོ། ། ― MR12_Page_0218 ―
[མ་དཔེ་གཟིགས་ན་འདིར་གནོན།]
མེ་ལ་སྐམ་ནོར་ཟངས་སྤྱད་དང་། །དམར་ཆག་དུད་འགྲོ་རྨིག་ཁ་བྲག །ཡོད་ལ་རྟ་ཡོད་དམར་ཞུར་ཡིན། །ས་ལ་སྐམ་ནོར་སེར་པོ་དང་། །ཞིང་བཟང་ཁྱི་དྲེལ་སེར་རྐྱ་ཡོད། །ལྕགས་ལ་ལྕགས་སྤྱད་དངུལ་སྤྱད་དང་། །སྐོམ་ནོར་དཀར་ཆགས་ཕྱུགས་ལུག་ཁྱི། །གོས་སོགས་དཀར་པོའི་ཁ་དོག་ཅན། །ཆུ་ལ་སླེའུ་ཕྱར་བའམ། །རྟ་སོགས་ཆུ་རིགས་ནག་པོའི་རིགས། །དེ་སོགས་འཁོར་འདས་ཐམས་ཅད་ཀྱང་། །འབྱུང་བའི་ཁམས་ཀྱི་ཡོན་ཏན་དུ། །ཤེས་བྱས་གནས་སྐབས་ཐམས་ཅད་དུ། །འདི་ལས་འཕྲུལ་ཏེ་རྒྱ་ཆེར་དཔྱད། ༈ །བྱེ་བྲག་ཡན་ལག་རྩ་བ་གཉིས། །དང་པོ་རྩི་དུས་ལ་ཉེ་བརྟག །མཐོང་དང་ཐོས་པར་གཟུགས་བཟང་དང་། །སྒྲ་སྙན་ལ་སོགས་ཡིད་དགའ་བ། །སྲོག་ཐར་ནད་སོས་དགའ་སྟོན་བྱེད། །རྩེ་དགོད་གླུ་དང་ཤིས་པའི་ཚིག །དགེ་སྦྱོང་བླ་མ་ལྷ་བྲམ་ཟེ། །ལྷ་མཆོད་ནོར་རྙེད་གོས་རྒྱན་མཛེས། །བཙོན་ཐར་སྐྱེ་འཕེལ་འདུ་བའི་རིགས། །ཉི་གསལ་མེ་ཏོག་འབྲས་བུ་རྒྱས། །བཀྲ་ཤིས་ཟབ་རྒྱན་རོལ་མོ་དང་། །རང་ལ་བྱིས་པའི་ཚོགས་དགའ་ཞིང་། །སེམས་དགེ་ཚིག་འབྲུ་དགེ་བ་སྒྲོགས། །སྣོད་གང་ནད་འཇུག་དགེ་ལས་བྱེད། །རང་ཉིད་སེམས་གསལ་ཡིད་དགེ་བ། །ཉེ་འཁོར་ཤིས་པའི་བྱ་བ་བྱེད། །འདྲི་བྱེད་སྔོན་བལྟས་གཡས་ཆ་གཡོ། །མ་རྟབས་བཞིན་གསལ་ཡིད་ཕེབ་པ། །དེ་སོགས་དགེ་ལྟས་གང་ཡོད་བཟང་། །དེ་ལས་ལྡོག་ན་ངན་པ་སྟེ། །དངོས་ལྟས་རང་བཞིན་ལྷུན་འགྲིགས་པའི། །རྟེན་འབྲེལ་འདི་ལ་སླུ་བ་མེད། །ཁྱད་པར་འདྲི་ ― MR12_Page_0219 ―
[མ་དཔེ་གཟིགས་ན་འདིར་གནོན།]
བྱེད་སྐྱེ་བོ་ནི། །སྤྱོད་ལམ་སྐྱིལ་ཀྲུང་བཅས་འདུག་ན། །ཆེ་གཉན་བཙུན་གསུམ་རིགས་ཡིན་ཞིང་། །མི་ལ་རྒྱབ་བརྟེན་བྱས་འདུག་གོ། སྙེས་འདུག་དཔོན་པོ་ལ་སོགས་ཡོད། །འགྱེལ་འདུག་ནང་དམེ་ཡོད་རྒྱུ་ཡིན། །ས་ལ་ཤིང་རྩིས་འདྲད་ཀྱིན་འདུག །རང་ཕུང་ཁྱིམ་དུ་ཆུང་རོ་ཡོད། །ཤིང་རྩེ་གཞོག་ན་ཁོང་འབྲས་མེད། །ནལ་སེད་མནའ་མ་གྱོལ་པོ་ཡོད། །བརྩིག་ཆུང་བརྩིག་ན་མཁར་ལས་དང་། །ཞིང་ལས་འཕྲོ་ཡོད་ཁ་བུབས་འདུག །ཁྱོད་ལ་བློ་མི་བདེ་བ་ཡོད། །ས་རིས་འདྲི་ན་ཁ་སྨྲས་ངོ་། །ལངས་ཤིང་ཕར་ཚུར་འགྲོ་སྟེ་ལངས། །ཡོན་ཏན་མཁན་ཞེས་དེ་ལ་སོགས། །རིགས་པས་དཔྱད་ལ་འབྲས་བུ་སྨྲ། །མཆོད་རྫས་དག་ལ་དངོས་བཟང་ལ། །དེ་རིམ་བཞིན་བཟང་ལྡོག་ན་ངན། །རྒྱ་ཆེར་དཔྱད་པ་གཞན་ན་གསལ། ༈ །གཉིས་པ་ཞག་གཅིག་དུས་ཀྱི་ཆ། །ཉིན་དྲུག་མཚན་དྲུག་དུས་གཉིས་ཏེ། །ནམ་ལངས་ཡོས་ལ་སོགས་པ་དང་། །དེ་ཡི་དབང་ཐང་གང་ཡིན་པ། །ངོས་བཟུང་དེ་དུས་འདྲི་བྱེད་ལ། །དུས་ཀྱི་མེ་ལོང་ལས་བྱུང་བའི། །འབྲས་བུ་མ་ནོར་བརྗོད་པར་བྱ། །ནམ་ལངས་དུས་འདྲི་ཁྱོད་ཉིད་ལ། །ཡུལ་ལྷ་འགོ་ཞིང་ཐེའུ་རང་གནོད། །ཡུལ་ཁ་གཉིས་ཡོད་གཅིག་ནི་སྟོང་། །བཟའ་མི་བྱེ་ཞིག་ཁ་སྨྲས་འོང་། །མོ་ནི་ཁ་མང་ཕོ་འཁྱམས་འདོད། །མགྲོན་ལ་སྟེར་ཕུལ་ཆུང་བ་དང་། །མཁོན་དང་མི་ཁ་ཕྱུགས་གོད་འོང་། །༧ ཉི་ཤར་བཙན་འགོ་ཟ་འདྲེ་གནོད། །མི་བརྒྱུད་དག་ལ་གྲིར་ཤི་ཡོད། །ཡུལ་ཁ་མང་ལ་ཟིན་པ་ཉུང་། །བཟའ་མི་འཐབ་མོད་ ― MR12_Page_0220 ―
[མ་དཔེ་གཟིགས་ན་འདིར་གནོན།]
ཕ་མེས་ལ། །མི་སྟོང་རྟ་སྟོང་འབབ་དོགས་ཡོད། །བུད་མེད་སྤ་ལོ་མཁས་པ་དང་། །གྲོ་ཕོར་ཁ་ཆག་བུད་མེད་ནི། །བྱི་དོར་དག་ལ་རེམ་པ་ཡོད། །སྐྱེས་པ་གཤིས་ངན་ཁོང་ཆུང་ཞིང་། །ཚན་ཁུང་དེ་ལ་རབས་ཆད་ཡོད། །ཕྱུགས་གོད་བྱ་སྣ་གཞོག་རལ་ཡོད། །གྲོགས་པོའི་འདྲེ་ངན་གནོད་པ་ཡིན། ༠ །ཉི་དྲོས་ལྷ་རུ་ནོར་བདག་འགོ། འདྲེ་རུ་རྒྱལ་པོ་མི་བརྒྱུད་ལ། །གཅོང་ཅན་ཡུལ་ཁང་གཉིས་གསུམ་མམ། །བཟའ་མི་རྒན་གཞོན་ཐུག་པའང་ཡོད། །ཡང་ན་བྱེ་ཞིག་བྱས་པ་ཡོད། །ཕ་མེས་ལ་ནི་ས་བདག་གནོད། །བུ་སྲིང་དག་ལ་ཁ་སྨྲས་འབྱུང་། །མགྲོན་དུ་ནན་འདུ་ཁ་སྨྲས་འབྱུང་། །ཟས་ནི་གསང་པོར་ཟ་བ་དང་། །དམར་དད་བྱ་སྣ་ཉུང་ལ་ཆུང་། །ཉིན་ཕྱེད་ལྷ་རུ་ཀླུ་བཙན་འགོ། འདྲེ་རུ་མཛེ་འགོང་ས་བདག་གནོད། །ཡུལ་ཁ་ཕུ་མདའ་གཉིས་སུ་འཛིན། །བཟའ་མི་ནད་མེད་ཕན་ཚུན་ཁེངས། །ཕྱི་མི་བྱམས་ལ་ནང་མི་སྡང་། །ཟས་ནོར་གཡང་ཉམས་ནོར་ཕྱིར་འགྲོ། །བུད་མེད་ཁ་མང་བུ་གསོ་དགའ། །བརྒྱགས་དང་སྒོ་ཁྱིར་གཟེན་པ་འབྱུང་། །མི་བརྒྱུད་དེ་ལ་གསོན་འཁྱམས་ཡོད། །སྤྱི་ཚན་གཅིག་ལ་སྒོས་ཚན་གཉིས། །མི་ནི་འཁྱམས་འདོད་གོད་ཟག་མང་། །མི་ཁ་ཉེ་སར་ཤི་ཆད་མོད། །ཕྱུགས་ནི་ཁ་རྗེ་ཆུང་བ་དང་། །བྱ་སྣ་ས་སྟག་ཆེ་བའོ། ༠ །ཕྱེད་ཡོལ་ལྷ་བཙན་འདྲེ་རྒྱལ་འགོང་། །མི་བརྒྱུད་ཆུ་གྲི་དུག་གྲི་ཡོད། །ཡུལ་ཁ་གཉིས་ཡོད་མཐོ་ཚེ་ཁེངས། །དམའ་སར་འབབ་ཅིང་བན་མང་ཡོད། །སྡོམ་པ་སྲུང་བ་ཉུང་བ་ཡིན། །ཁྱོ་ག་རྒན་ལ་བུད་མེད་གཞོན། །ཚེ་སྟོད་ནོར་འཕེལ་ ― MR12_Page_0221 ―
[མ་དཔེ་གཟིགས་ན་འདིར་གནོན།]
སྨད་གོད་ཟགས། །གལ་ཆེན་བཞག་ལ་གལ་ཆུང་བྱེད། །ནོར་ཕྱེད་མཚན་ཟོང་དག་ལ་ཟད། །གཞན་གྱི་བུད་མེད་དག་ལ་བརྩེ། །ནང་མི་མགུ་དཀའ་བྱ་སྣ་ཟད། །རྒས་ཁར་ཆོས་མེད་དོན་མང་ལ། །བུ་ཚ་གླེན་ལྐུགས་ཁ་འཛིན་བྱེད། ༠ །ཉི་མྱུར་ལྷ་ནི་རི་ཟུར་ཀླུ། །འདྲེ་རུ་དགོན་པའི་རྒྱལ་ལྟོགས་གནོད། །མི་འགྱུར་བན་བོན་ཕུར་ཁ་འཆེ། །བན་བོན་ཡོད་དེ་གཏོར་ཁུང་སྟོངས། །དར་འཆི་ཁྱིམ་མཚེས་དུར་ཁ་རལ། །དམེ་ལྐུགས་རྩོག་མནོལ་བྱས་ཚེ་ཐུང་། །ཟས་ཟ་མང་ཡང་ལས་བྱེད་དཀོན། །ཀུན་གྱིས་འཕྱས་ཀྱང་འཚེར་བ་མེད། །སྐྱེས་པ་དོན་མེད་བྱ་བ་གཉེར། །བུད་མེད་རང་མདོ་ཤོར་ནས་རྒྱུ། །བུ་ཚ་ཤི་དང་རྐུན་མས་འཚེ། །རང་ལ་རང་རྐུ་ཕྱུང་ཉུང་ལ། །བུ་ཚ་བྱར་མི་གཏུབ་པ་བཤད། ༠ །ཉི་ནུབ་ལྷ་རུ་བྲག་བཙན་འདྲེར། །གྲེ་མོ་མོ་རྒྱུད་གྲིར་ཤི་ཡོད། །བུད་མེད་ལ་ནི་ལྕེབ་འདྲེ་གནོད། །ཕ་ཚན་དམེ་འཁྲུགས་རབས་ཆད་དང་། །ཡུལ་ཞིང་འཕོ་སྐྱས་གོས་མེ་ཤོག །ཕ་ཞིང་མི་ལག་འགྲིམ་པ་ཡོད། །རང་དཔོན་བཞག་ནས་གཞན་དཔོན་བསྙེགས། །བུ་ཚ་མང་ལ་ཟ་རྒྱུ་ཉུང་། །ཁ་ཟས་དམར་དམར་དག་ལ་དགའ། །ཐབ་ཤུ་སྐྲངས་ལོ་རྒྱུན་དུ་ཡོང་། །ཕྱི་ནང་མཁོན་ཡང་འབྱུང་བ་ཡིན། །དུས་ཚོད་དེ་ཡི་དབང་ཁམས་འབྲས། ༧ །ཤིང་གི་དུས་སུ་འདྲི་བ་ནི། །ཕ་ཁུ་བཟང་པོའི་རིགས་ཡིན་ཞིང་། །མི་བརྒྱུད་རབས་ཆད་འགའ་རེ་ཡོད། །གཉེན་ཤར་དགྲ་ནུབ་ཡོད་པ་ཡིན། །འོག་མར་ཡང་འདི་ཡི་འགྲེས་ཀྱང་། །གང་སྟོང་ཆ་ལ་ཁྱིམ་མཚེས་ནི། །སྙོམ་ཆུང་སྐད་འགག་དགྲ་ཁམས་ ― MR12_Page_0222 ―
[མ་དཔེ་གཟིགས་ན་འདིར་གནོན།]
མདོག་སོགས་ཡིན། །མདོག་དཀར་བས། ནམ་ཕུག་ཁྱོད་ལ་ངན་སེམས་བྱེད། །བཟའ་མི་རྩོད་ཅིང་དོན་ལས་ཉམས། །བནྡེས་མཆོད་པའི་སྲུང་མ་རྣམས། །འགྲོ་འདུག་གསོལ་མཆོད་མ་ཆག་དགོས། །སྒོ་ནི་ཤར་རམ་ནུབ་ཏུ་བསྟན། །སྒོ་རྩིག་ནེའུ་གསེང་སྔོ་ལམ་མཐོང་། །དེ་བཞིན་ཞིང་དུར་ནད་ཉེས་ཟས། །གོང་འོག་བཤད་པ་བཞིན་ལུང་སྟོན། །མདངས་ཞག་བློ་མི་བདེ་བའམ། །ལྟས་ངན་བྱུང་ན་བཟློག་པ་གྱིས། །ནོར་ཕྱུགས་གོད་ཡོད་གླུད་བསྔོ་བྱ། །གཡང་འགུག་ལྷ་གསོལ་རྣམ་འཇོམས་འདོན། །མེ་ཡི་དུས་འདྲེ་མི་རིགས་བཙུན། །དར་གུད་ཆེ་ལ་སྤུན་ཁ་མཉམ། །མི་ཁྱོད་འཁྱམས་དགའ་རླུང་གིས་བཏེགས། །དོན་གྲུབ་ཚོང་ལ་ཁ་མཆུ་ཡོད། །ཁྱིམ་ན་ཤ་དམར་གཅོད་འཕྲོ་འདུག །བྱན་མོའི་ཕ་མིང་ནང་མི་འཆམ། །ཁྱིམ་མཚེས་མདོག་ནག་ཤོ་རེ་བས། །ངན་སེམས་ཞིང་དུར་ཟས་ལ་སོགས། །མེ་ཡི་ཁམས་དང་སྦྱར་ལ་བཤད། །ལྷ་མཆོད་བཙན་བསྐང་སྨན་བླ་འདོན། །ས་དུས་སྔགས་བཙུན་བུད་མེད་ནམ། །རྨེའམ་དབང་པོ་སྐྱོན་ཅན་ཡིན། །བུད་མེད་བྱེས་ཤི་གང་སྟོངས་འབྱུང་། །བུ་ཚ་དྲིན་ཆུང་ཡུལ་མཁར་བརྟེན། །དོན་གྲུབ་ཚོང་འབྲེད་སྲོག་ཆ་བཟང་། །དགྲ་མེད་ས་བདག་རྒྱལ་པོས་འཚེ། །ས་བདག་བཅོས་ཤིང་སྒྲོལ་མ་འདོན། །ལྕགས་དུས་གྲོང་ནག་དམེ་ཅན་རྒྱུད། །བུ་གསོ་དཀའ་ལ་བུ་མོ་སླ། །དོན་འགྱང་བྲེད་སྡངས་རྨི་ལམ་འཚུབ། །ཀླུ་གཉེན་ས་བདག་དག་དང་འགྲས། །ཕ་དམེ་ཕོ་ཡི་སྲུ་མོ་ཡོད། །སྣང་བརྒྱད་ཧ་ཡ་གྲཱི་བ་འདོན། །ཇོ་དར་མང་དུ་བཙུགས་ན་བཟང་། ། ― MR12_Page_0223 ―
[མ་དཔེ་གཟིགས་ན་འདིར་གནོན།]
ཆུ་དུས་བོན་གྲུབ་གྲོང་ནག་རིགས། །ཐག་རིང་འགྲོ་འདུག་བློ་སྣ་མང་། །བུ་ཚ་རབ་འབར་ཐུམ་ཤི་འདྲ། །གཉེན་ཉེ་བ་ལས་རིང་བ་བྱམས། །བྱེ་བྲལ་ལ་སོགས་བྱས་པ་ཡོད། །བྱེས་དོན་མི་འགྲུབ་དགྲ་དང་ནི། །ཁ་མཆུ་རྐུན་མ་འོང་བའི་དུས། །ཀླུ་བཅོས་མཚན་བརྗོད་ལ་སོགས་འདོན། ༈ །དུས་ལོ་བརྩི་བྱའི་ལོ་སྦྱར་འབྲས། །རང་ལོ་ཁྱིམ་སར་ཨན་ཙམ་རྩུབ། །ནད་ཕྱར་དྲི་ཟ་གསུར་འཛབ་ངོ་། །ཅུང་ཟད་འགྱང་ན་སྐྱོན་མེད་དོ། །མགྲོན་ཇག་ཕར་ལ་ཤོར་ངོ་དང་། །ཚུར་ལ་རང་སར་སླེབས་པའམ། །དེ་མིན་གཞི་ནས་མ་བཀྱག་ངོ་། །དོན་འབྲིང་མར་མེ་ལོ་གྲངས་ཀྱིས། །མྱ་ངན་ནད་པའི་སྔས་མི་འགྲོ། །མཁར་ལས་སྤང་ཞིང་བརྒྱ་བཞི་དང་། །ཚེ་འགུག་གཡང་ལོན་བྱས་ན་བཟང་། །དེ་མིན་འུར་གཟེང་བློ་སེམས་འཁྲུགས། །བཞི་གཤེད་བདུན་ཟུར་དུས་སྟེང་སླེབས། །ནད་ཕྱ་ཁྱིམ་ཕྱ་ལ་སོགས་རྩུབ། །རྟ་ནོར་མགྲོན་ཕྱ་རྐུན་མའི་ངོ་། །དར་ཚན་སྟོང་འདྲེ་ཕུར་ཁ་གནོད། །ཚ་གྲང་ཟུག་ཟེར་དགྲ་སྣ་འོང་། །གཟུངས་ཆོག་དགྲ་བྲུབས་གཏོར་བཟློག་བྱ། །དྲུག་འགྲམ་མི་ཁ་བྲ་མཆུ་ཕོག །ཕུ་ནུ་ནང་མི་གཅིག་གི་སར། །དགྲ་སྣ་གྱོད་སྣའི་གཏམ་བརྗོད་འོང་། །ནད་ཕྱར་གོས་གྲིབ་ཟས་གྲིབ་གནོད། །རྣམ་འཇོམས་གྲིབ་སེལ་སྨེ་བརྩེགས་བྱ། །ནོར་རྟ་བཟང་ཞིང་ལུག་ཕྱར་ངན། །ལུག་གཟུངས་བརྒྱ་བཞི་ཆུ་གཏོར་བསྔོ། །མགྲིན་པོ་དགྲ་མེད་དོན་ཆུང་ལ། །དུས་ནི་མྱུར་དུ་སླེབ་པ་ཡིན། །མཐུན་གསུམ་སྟེང་སླེབ་ནད་པར་རྩུབ། ། ― MR12_Page_0224 ―
[མ་དཔེ་གཟིགས་ན་འདིར་གནོན།]
ཚ་བའི་ནད་དང་རྒྱལ་བསེན་གནོད། །ཁྲོ་ཟངས་གའུ་གཡུ་ཕྲེང་གདོན། །སྲིད་ཆགས་མི་རྨེ་ཟས་བཅུད་འཆོར། །མ་རབས་ཁ་མཆུ་ནད་གྱོད་དང་། །ཁང་ནག་མི་བཤུ་ལམ་རིང་སྤང་། །རྒན་རྒོན་ན་ན་དུར་ངོར་རིགས། །མགྲོན་ཕྱ་དགྲ་མེད་ད་ལྟ་སླེབས། །དོན་ཆུང་གཞི་ཕྱ་ཆུང་སྲི་གནོད། །རྟ་ནོར་སྤུ་རྟགས་ཅན་ལ་ངན། །དམར་དང་རོ་བག་སྲུང་བ་དང། །དགྲ་བླ་མཆོད་ཅིང་བརྒྱ་བཞི་བྱ། །ལྷག་མ་བཞི་ཡི་དུས་ཡིན་ན། །ནད་པར་མི་རྩུབ་ནད་མེད་རྩུབ། །གཞི་ཕྱ་བསང་སོགས་བྱས་ན་བཟང་། །རྟ་ནོར་ལུག་རྩིས་དག་ལ་བཟང་། །གདོན་བྱ་མོ་རྫས་མོ་མགྲོན་གནོད། །མགྲོན་པོ་དགྲ་མེད་ཕྱི་ཐལ་ཆེ། །དེ་ནས་དུས་ཀྱི་ལོ་དེ་ཡི། །སྲོག་སོགས་བཞི་ལ་བརྩི་བྱའི་བཞིས། །འཐབ་དང་བརྩི་བྱའི་སྲོག་སོགས་བཞི། །དར་གུད་དུས་སྟེང་ཁྱེར་བ་ཡིན། །རྡེའུ་བརྒྱད་ཀྱིས་གཏན་ལ་ཕབ། །མ་ཕྲད་དཀར་གཉིས་གྲོགས་ལ་གཅིག །དགྲ་ཕྲད་ནག་གཉིས་བུ་ལ་གཅིག །ནང་ཕྲད་ཁྲ་བོ་རེ་རེ་བོར། །དར་གུད་དར་བ་གོས་གྱོན་དང་། ལུས་བྱེད་གསུམ་ལ་དཀར་པོ་གཉིས། །བཙས་ཁྲུས་ལུས་གསུམ་དཀར་པོ་གཅིག །དབུགས་རྒྱུ་མངལ་གནས་དུར་ཞུགས་ལ། །ནག་གཅིག་ན་ཤི་གུད་ནག་གཉིས། །དེ་ལྟར་བོར་ལ་བརྟག་པའི་ཚེ། །སྐྱེས་དར་འཚོ་འཆི་རྟ་རྣམས་དང་། །གཞི་ཆ་བྱི་འབྲུག་སྤྲེལ་ལོ་བ། །སྤུན་རབས་རྒན་པ་ཕ་ཚན་ལ། །སྲོག་གཙོ་སྤྱིར་ནི་ཀུན་གཙོ་སྲོག །ཚེ་སྲོག་གཞི་ཡི་བརྟེན་བརླིང་ཚུལ། །རྡོ་རྗེ་རྒྱ་གྲམ་སྲོག་ལ་བལྟ། །རྒན་བྱིས་ནད་པ་ལུག་དང་ནི། ། ― MR12_Page_0225 ―
[མ་དཔེ་གཟིགས་ན་འདིར་གནོན།]
སྒོ་ཐེམ་བྱ་གླང་སྦྲུལ་ལོ་པ། །ཆུང་གསུམ་བུ་མོ་བྲན་རྣམས་ལ། །ལུས་གཙོ་སྤྱིར་ནི་གཅེས་པ་ལུས། །ནད་མེད་བདེ་ཞིང་མཛེས་ཚུལ་སོགས། །འཁོར་ལོ་རྩིབ་བརྒྱད་ལུས་ལ་བལྟ། །ལོངས་སྤྱོད་ནོར་ཞིང་ཁྱིམ་ས་དང་། །དོན་གྲོགས་ཁྱི་རྟ་སྟག་ལོ་པ། །བུད་མེད་མནའ་མ་སྲིང་མོ་སོགས། །དབང་གཙོ་དབང་ཐང་བང་མཛོད་དེ། །འབྱོར་དང་ཟ་ཐང་ཆེ་ཆུང་ཚུལ། །དབང་ཐང་གཡུང་དྲུང་ར་བར་བརྟག །བླ་མ་བན་བོན་མི་ཆེན་དང་། །དགྲ་རྐུན་རྙེད་ཚོལ་གྲགས་པ་ཅན། །ཞང་པོ་ལེའུ་ལྷ་ཡི་ས། །ཕག་ལུག་ཡོས་ཀྱི་ལོ་པ་དང་། །རྒྱལ་ཁ་ཐོབ་དང་མི་ཐོབ་ལ། །ཀླུང་གཙོ་བྱ་བ་ཕྲིན་ལས་ཤུགས། །གང་བརྩམ་གནས་སུ་འདི་ཡིས་ཕྱིན། །བསྟོད་དང་རྒྱལ་དང་གྲུབ་པའི་ཚུལ། །ངོ་མཚར་པདྨ་འདབ་བརྒྱད་ཀླུང་། །ཀླུང་རྟ་སྙན་པའི་བ་དན་དཔྱད། །དེ་ལྟར་ཤེས་ནས་དཔྱད་དོན་ལ། ༈ །སྲོག་ལ་རྡེས་དཀར་གཉིས་བབ་ན། །གསེར་གྱི་རྡོ་རྗེ་འོད་འབར་གྱིས། །སྲིད་གསུམ་ཟིལ་གྱིས་མནན་པ་ཡིན། །འབྱུང་བ་སྲོག་གི་འཛིན་ཤིང་སྐྱེས། །རིན་ཆེན་གསེར་གྱི་འགྱིང་ཤིང་ཚུགས། །ཕོ་ལྷ་དགྲ་བླས་རྒྱབ་ནས་སྐྱོབ། །དཔལ་གྱི་ཉི་མ་མདུན་ནས་འཆར། །སྲོག་གི་རྒྱ་གྲམ་འོག་ཏུ་བྲིས། །ལྕགས་ཀྱི་འཁོར་ལོས་སྟེང་ནས་བཀབ། །དགྲ་རྒྱལ་མང་སར་གཏམ་སྙན་སྒྲོགས། །ཟངས་སྐམ་ནང་དུ་འོ་མ་འཁྱིལ། །གཞི་ཕྱ་ཡིན་ན་ཕུགས་སུ་བཟང་། །དོན་ཕྱ་ཡིན་ན་ཇི་བསམ་འགྲུབ། །གྲོགས་ཕྱ་གྲོགས་བཅས་སླེབས་ངོ་སྟེ། །བྲོས་པ་ཟིན་ལ་སྟོར་བ་རྙེད། །དེ་སོགས་གང་ལ་ ― MR12_Page_0226 ―
[མ་དཔེ་གཟིགས་ན་འདིར་གནོན།]
བཏབ་ཀྱང་ལེགས། །ཚེ་ལ་བར་ཆད་མི་འབྱུང་བཟང་། །ནད་པ་འཚོ་ཞིང་སྲོག་ཆ་བརྟན། །མར་མེ་ལན་ཆགས་ལྷ་གསོལ་བྱ། །ཁྱད་པར་ཤིང་མ་ཆུ་འཕྲད་ན། །རྒན་དང་ཕ་ཁུའི་ལྗོན་ཤིང་དེ། །རླན་དང་ཕྲད་པས་ཡལ་འདབ་རྒྱས། །མེ་ལ་ཤིང་དུ་ཕྲད་གྱུར་ན། །མ་བུའི་སྲོག་ལ་བར་ཆད་མེད། །ས་མ་མེ་རུ་འཕྲད་པ་ན། །མ་ཕྱི་ཡུལ་མཁར་གཏན་སྲིད་ཟིན། །ལྕགས་ནི་མ་དང་ཕྲད་པ་ན། །ནོར་གྲོགས་ལྷ་སྲུང་ངོ་སོ་མཐོ། །ཆུ་ནི་མ་དང་ཕྲད་པ་ན། །བུ་སྲིང་གཉེན་འདུན་དག་ལ་བཟང་། །དེ་བཞིན་བུ་གྲོགས་དགྲ་སོགས་ལ། །སྲོག་ལུས་དབང་ཀླུང་སྐབས་སོ་སོར། །གང་ཕྲད་འདི་དང་མཚུངས་པར་ནི། །དཔྱད་ཅིང་འབྱུང་ལྔའི་རྣམ་དབྱེ་རུ། །བཤད་པའི་དོན་རྣམས་དྲན་པར་བྱ། །ཞི་བསང་བྱ་ཞིང་ལེགས་ཚོགས་བསགས། །སྲོག་ལ་རྡེལ་དཀར་གཅིག་བྱུང་ན། །ཐལ་ཕུང་ནང་ནས་གཡུ་རྙེད་ཡིན། །སྨན་རུལ་པང་ན་བུ་གསུམ་ཡོད། །མོ་བཙུན་དར་མའི་དཔྱད་ལ་བཟང་། །སྲོག་གི་འབྱུང་བ་གྲོགས་དང་ཕྲད། །ཚེ་ཡི་འཁོར་ལོ་མ་ཞིག་པས། །ཤི་ཤིང་ཆད་པའི་སེམས་ཁྲལ་མེད། །འགོ་བའི་ལྷ་དང་སྲུང་མས་སྐྱོང་། །མྱ་ངན་བྱུར་གྱི་ཐག་པ་མེད། །སྲོག་འདོན་ཆོ་ག་བླ་བླུ་གྱིས། །དུར་མཚུན་གསོལ་ལ་དུར་སྲི་མནན། །གཞི་མོ་ལ་ནི་བཟང་བ་སྟེ། །དོན་བྱ་རབ་བཟང་གྲོགས་ཀྱི་ངོ་། །མགྲོན་པོ་དོན་གྲུབ་མྱུར་བར་སླེབ། །ནད་པ་འཚོ་ཞིང་སྲོག་མི་ཉེས། །བྱ་དང་ཉ་ལ་སྟོན་མོ་བྱ། །གཞི་སོགས་གང་ལ་བབ་ཀྱང་བཟང་། །གཞི་སྲུང་ཐོས་གྲོལ་ཀུན་རིག་འདོན། །སྲོག་ལ་རྡེལ་ནག་གཅིག་ ― MR12_Page_0227 ―
[མ་དཔེ་གཟིགས་ན་འདིར་གནོན།]
བྱུང་ན། །མི་བདེ་བ་དང་སྔངས་སྐྲག་འབྱུང་། །སྲོག་གི་སྐྱེས་པའི་འཛིན་ཤིང་ཆག །མོ་དཔྱད་རྩིས་ཀྱི་འཕྲང་ཡང་དོག །ཁྱོད་ལ་གློ་བུར་ཡེ་འདྲོག་འོང་། །བླ་ལ་བདུད་ཀྱི་ཞགས་པས་འདེབས། །ལྷ་འདྲེ་ཐབས་རྩོད་བྱས་པ་ཡིན། །གློ་གྲི་ལྷུང་བ་རང་ལ་ཟུག །དྲག་སྔགས་གནོད་དང་གློ་བུར་ནད། །གཞི་ཕྱ་ངན་ཞིང་དུར་སྲི་ལངས། །དོན་ཕྱ་བློ་སྟོང་དོན་མི་འགྲུབ། །མགྲོན་ཕྱ་ཁ་འགྱོད་ད་ལྟ་སླེབས། །མ་སླེབ་གཞིར་བསྡད་དགྲ་ཡང་མེད། །ནད་པ་ཡུན་རིང་ཕུགས་སུ་འཇམ། །འཕྲལ་ནད་རིམ་གྲོ་བརྟེན་ན་འཚོ། །རྨི་ལམ་ཟང་ཟིང་རྨི་བ་ཡིན། །ཕུང་སྲི་མནན་ཅིང་མལ་ས་སྤོ། །ཚེ་གཟུངས་འདོན་ཅིང་བསྐོར་བ་བྱ། །ཅི་ལའང་ངན་པས་གཏོར་རྒྱག་བྱ། །སྲོག་ལ་རྡེལ་ནག་གཉིས་བྱུང་ན། །འབྱུང་བ་སྲོག་གི་འཛིན་ཤིང་ཆག །གནམ་ལོ་རྒྱལ་པོའི་བཀའ་ཆད་བྱུང་། །ལོག་མིན་བདུད་ཀྱི་ཁ་རུ་ཚུད། །སྤར་ཁ་རུས་པ་གཏིང་ནས་ཆག །སྨེ་བ་ཤ་ཡི་རྒྱ་ཡང་རལ། །ཟླ་བ་བློན་པོས་ངན་གྲོས་ཤོམས། །ཞག་གི་དམག་མིས་དམག་ལ་གཏུག །དུས་ཚོད་མཚོན་ཆ་རྣོན་པོས་གཅོད། །སྟེང་ནས་བདུད་ཀྱི་བྱ་ནག་ལྡིང་། །འོག་ནས་འཕུང་སྲི་རྔ་མོ་མཁུན། །བླ་ལ་བཙན་གྱི་ཇག་པ་འཇབ། །ཐང་སྙེལ་རྨིས་ཤིང་སྙིང་མི་དགའ། །གློ་བུར་ཤི་ཆད་བཙན་ངོ་ཡིན། །ཚེ་ཆོག་སཱཙྪ་སྲོག་གླུད་བཏང་། །གཞི་ཕྱ་དེ་ཉིད་ལད་པ་སྟེ། །མགོན་པོའི་སྐོང་གསོལ་དྲག་ཏུ་བྱེད། །དོན་ནི་མི་འགྲུབ་དགྲ་གྱོད་ཆེ། །མགྲོན་ཕྱ་ལ་ནི་ངན་ཞིང་འཚུབ། །ནད་པ་ལ་ནི་རབ་ཏུ་ངན། །ཁྱད་པར་སྐྱེས་ ― MR12_Page_0228 ―
[མ་དཔེ་གཟིགས་ན་འདིར་གནོན།]
པ་དར་མར་རྩུབ། །ཏིང་ལོ་ཚེ་བདུད་བཟློག་མདོས་བྱ། །ཇི་ལ་ཡང་ནི་ངན་པས་ན། །སྨན་བླ་གུར་དྲག་སེང་གདོང་དང་། །སྲོག་བླུ་གྲི་འདུལ་བྱད་བཟློག་འབད། །སྲོག་སར་ནང་ཕྲད་རྡེལ་ཁྲ་བབ། །མཁོན་འཛིན་ཁྲག་ངོ་དཀའ་ཚེགས་མོ། །སྲོག་གི་འབྱུང་བ་མ་མཉམ་ནས། །ལྷ་དང་དམུ་ཡི་བུ་འཐབ་པས། །འགོ་བའི་ལྷ་དང་གནོད་པའི་བདུད། །ཚེ་དང་སྲོག་ལ་ཆོ་ལོ་འགྱེད། །བྱེ་བྲག་ཤིང་ནང་ཕྲད་པ་ན། །རྒན་ལ་ངན་ཞིང་དེ་བཞིན་ཏུ། །མེ་ཕྲད་ཕྱུགས་དང་བུད་མེད་འཛེར། །ས་ཕྲད་རང་བཟང་སྡེ་ཡུལ་ངན། །ལྕགས་ཕྲད་མཁོན་འཛིང་ཆུ་འཕྲད་ན། །ནོར་གོད་དང་ནི་བུ་སྲིང་རྩུབ། །གནོད་བཅོས་རང་ཁམས་མཐུན་པར་བྱ། །གཞི་ཕྱ་འབྲིང་ཡིན་དོན་ཕྱེད་མ། །མགྲོན་ཀྱང་བྱེ་བྲག་འབྱུང་བས་ཤེས། །ནད་པ་ན་སྟེ་འཆི་ཉེན་མེད། །མཁའ་འགྲོའི་ཆོ་ག་བྱས་ན་བཟང་། །མ་གཤིན་ཕུར་གསུམ་གདུགས་རྣམ་འདོན། །ཇི་ལ་བཏབ་ཀྱང་འུར་ཟིང་འབྲིང་། །ཡུམ་དང་ཉི་ཤུ་ལྔ་པ་འདོན། ༈ །ལུས་རྡེལ་མ་ཕྲད་དཀར་གཉིས་བབ། །འབྱུང་བ་ལུས་ཀྱི་རྟེན་ཕུར་ཚུགས། །ལུས་ལ་འབྱུང་བའི་ནང་མི་འཁྲུགས། །སེམས་ལ་དྲན་པའི་སྡུག་བསྔལ་མེད། །ཁ་རྗེ་འགོ་བའི་ལྷས་མི་གཏོང་། །ལུས་ཀྱི་སྟོབས་བསྐྱེད་རྗེ་མང་བྱམས། །གཅོང་དང་ནད་གཉིས་མི་ལྡང་སྟེ། །བཀྲ་ཤིས་བརྩེགས་མདོ་བྲིས་ན་བཟང་། །སྐྱིད་ཀྱི་དཔག་བསམ་ལྗོན་ཤིང་དེ། །ཡལ་ག་བརྒྱ་ལ་ལོ་མ་སྟོང་། །དོན་ཞིག་ཡོད་པའི་ངོ་ཡང་ཡིན། །ཁྱད་པར་ཆུང་གསུམ་དག་ལ་བཟང་། །མེ་རི་ ― MR12_Page_0229 ―
[མ་དཔེ་གཟིགས་ན་འདིར་གནོན།]
བརྒྱ་འགྲོལ་སཱཙྪ་གདབ། །གཡང་གི་ར་བ་གང་བ་ཡིན། །གཞི་ཕྱ་སྲོག་ཕྱ་མགྲོན་ཕྱ་སོགས། །ཅི་ལ་བརྩིས་ཀྱང་བཟང་བ་སྟེ། །ནད་པ་ཟུག་རྡུ་བྲལ་བ་ཉིད། །ན་ཚ་མི་འབྱུང་ཉེ་འབྲེལ་བདེ། །ལྷ་མཆོད་ཆོས་སྐྱོང་མོ་རྒྱུད་གསོལ། །མི་གཙང་བ་དང་མཁོན་ལ་གཟབ། །ཡིག་བརྒྱ་ཕྱག་འཚལ་བྱས་ན་བཟང་། །ལུས་རྡེལ་གྲོགས་ཕྲད་དཀར་གཅིག་བབ། །ལྷ་སྲུང་དགའ་བའི་ཇི་བསམ་འགྲུབ། །ལུས་ནད་སེམས་ལ་སྡུག་བསྔལ་མེད། །མྱ་ངན་ལྟས་ངན་ཕྱིར་ལ་བོར། །གང་ལ་བབ་པ་ལས་སུ་རུང་། །དགྲ་མཁོན་ལག་པར་ནོར་མི་ཤོར། །སྨན་དང་གཏར་དཔྱད་ལག་མི་འགྲིམ། །ལུས་ཀྱི་རྟེན་བཟང་རང་ཟས་ཟ། །ཁྱད་པར་བུད་མེད་དག་ལ་བཟང་། །མ་སྒྱེད་རྩ་ནས་གསེར་རྙེད་ཡིན། །གཞི་མགྲོན་སྲོག་ཕྱ་དོན་ཕྱ་བཟང་། །ནད་པར་ནད་ཡུན་ཐུང་དུས་གྲོལ། །ཡིག་དྲུག་དང་ནི་སཱཙྪ་དགོས། །ཇི་ལ་ཡང་ནི་བཟང་བ་སྟེ། །གནམ་སྨན་ལྷ་མཆོད་ཡུག་ས་འཛེམ། །ལུས་རྡེལ་བུ་ཕྲད་ནག་གཅིག་བབ། །སྲོག་གི་འབྱུང་བ་ཉེས་པ་སྟེ། །གྲྭ་ཉམས་ན་ཚ་སྡུག་བསྔལ་འབྱུང་། །སྲིས་ཕྱེད་མགྲོན་ལ་ཟད་པ་དང་། །སྲིད་ཕྱེད་འདྲེ་ལ་ཟད་པ་ཡིན། །འགྲོ་ན་བསྡད་འདོད་འདུག་ན་འགྲོ། །སྙིང་མི་དགའ་ཞིང་སྡུག་བསྔལ་འབྱུང་། །གཞི་མགྲོན་དོན་ཕྱ་ངན་ཙམ་སྟེ། །མདུན་ངོ་དང་ནི་མྱ་ངན་ངོ་། །ནད་པར་འུར་ཟིང་མདུན་ངོ་སྟེ། །བསྐོར་བ་དང་ནི་ཀུན་རིག་བྱ། །ཀུན་ངན་བསྐང་བཤགས་ལན་བདུན་བྱ། །ལུས་ལ་དགྲ་ཕྲད་ནག་གཉིས་བབ། ། ― MR12_Page_0230 ―
[མ་དཔེ་གཟིགས་ན་འདིར་གནོན།]
འབྱུང་བ་ལུས་ཀྱི་རྟེན་ཕུར་བུད། །ནད་འཁོར་སེམས་ལ་སྡུག་བསྔལ་འཆར། །ལག་ངར་སྔས་འཇོག་བྱིན་པ་གདན། །ཡུན་རིང་དཔྱི་རྡོལ་ནད་དྲག་འོང་། །ཁྱད་པར་བྱིས་པ་ཆུང་ངུར་ངན། །མགྲོན་དུ་སྨན་བོན་མཁན་གསུམ་བོས། །ལས་སུ་བདུད་དང་འདྲེ་སྲིན་བཅོས། །རོ་འཛིན་མྱ་ངན་བབ་པའི་དུས། །ལུས་བསྒྱུར་སྐྱབས་འགྲོ་དབང་བསྐུར་ཞུ། །ལམ་བཅོས་མཆོད་རྟེན་ན་བཟའ་གསོ། །ཚ་ཚ་བཏབ་ཅིང་བཞི་སྡེ་མཆོད། །གཞི་མགྲོན་དོན་ཕྱ་ངན་པའི་མོ། །ནད་པ་སྦྲུམ་མ་མ་གཏོགས་ངན། །བཀའ་བརྒྱད་གྲི་འདུལ་སྨན་བླ་ཡི། །དབང་ཞུ་ཅི་ལའང་ངན་པས་ན། །རྡོར་གཅོད་ས་བཅུ་བཀླག་དྲག་པོའི། །སྦྱིན་སྲེག་བྱས་ན་བཟང་པའོ། །ལུས་རྡེལ་ནང་ཕྲད་ཁྲ་བོ་བྱུང་། །སྙིང་སྲོག་གཟེར་ཞིང་ནད་ངོ་ཙམ། །ལུས་ཀྱི་འབྱུང་བ་མ་མཉམ་ནས། །ལྷ་དང་དམུ་ཡི་བུ་འཐབ་པའི། །དཀར་ནག་རྒྱན་འགྲེམས་ཆོ་ལོ་འགྱེད། །བྲེད་སྡངས་གཏམ་བསྣོལ་འོང་བའི་རྒྱུ། །བཟང་ངན་ལེགས་ཉེས་ཤན་མི་ཕྱེད། །ལུས་བསྒྱུར་སྲུང་འཁོར་བཏགས་ན་བཟང་། །གཞི་སོགས་མོ་ལ་འབྲིང་ཙམ་སྟེ། །ནད་པ་རིམ་གྲོ་བརྟེན་ན་གྲོལ། །འདི་སོགས་ཀུན་ལ་འབྱུང་བ་གང་། །ནང་ཕྲད་འབྱུང་བའི་འདྲེ་དེ་ཡིས། །འཚེ་བས་དེ་ག་བཅོས་པར་བྱ། །སྤྱི་ལ་ཡུམ་དང་རྣམ་འཇོམས་འདོན། ༈ །།དབང་ཐང་མར་ཕྲད་དཀར་གཉིས་བབ། །གཡུང་དྲུང་སྐྱིད་ཀྱི་ར་བ་གང་། །འདོད་ཡོན་ལོངས་སྤྱོད་རྩི་ཐོག་རྒྱས། །ལོ་ལེགས་ཕྱུགས་འཕེལ་བསམ་པ་འགྲུབ། །ལུས་གང་གོས་ ― MR12_Page_0231 ―
[མ་དཔེ་གཟིགས་ན་འདིར་གནོན།]
གྱོན་ཚོང་བྱས་རྒྱལ། །ཁ་གང་ཟས་ཟ་མིག་གང་བལྟ། །གསེར་གྱི་ས་གཞི་མཛེས་པ་ལ། །སྔོན་པོ་གཡུ་ཡི་མྱུར་གུ་འཁྲུངས། །གཏེར་རྡོལ་ལྷ་འདྲེ་དམུ་གཡང་འབེབ། །ཕུགས་ལྷ་སྒོ་ན་ནོར་གཡང་ཆགས། །ལྷག་པར་བུད་མེད་དར་མར་བཟང་། །གཞི་མགྲོན་དོན་རྣམས་ཕུན་སུམ་ཚོགས། །ནད་པ་འཚོ་དཔྱད་སྦྱིན་གཏོང་བྱ། །བསང་བརྔན་ལ་བཙས་ཁ་བརྒྱན་ནི། །བཅུ་གསུམ་བྱས་ན་ཤིན་ཏུ་བཟང་། །དབང་རྡེག་གྲོགས་ཕྲད་དཀར་གཅིག་བབ། །བསམ་པ་འགྲུབ་ཅིང་གྲོགས་དང་འཕྲད། །མཐའ་ཡི་རྒྱ་མཚོ་ཆེན་པོའི་ནང་། །ཉ་མོ་གསེར་མིག་ཆུ་དང་འཕྲད། །བྱ་རྒྱལ་ཁྱུང་གི་ཚང་ནང་དུ། །ཀླུ་ཡི་རྒྱལ་པོས་ནོར་བུ་རྙེད། །མ་རྨོས་ལོ་ཐོག་འཕེལ་བའི་ངོ་། །ལོ་ལེགས་ཕྱུགས་འཕེལ་ཤིན་ཏུ་བཟང་། །རྟ་ལུག་འཕེལ་ཞིང་ཟས་ནོར་སྡུད། །གནམ་གྲོགས་ལྷས་འབེབ་བཙལ་ན་རྙེད། །འབྱོར་པ་ཕུན་སུམ་ཚོགས་པས་བཟང་། །ཕུ་ཡི་གླག་མོ་གཟན་འཚོལ་དེ། །རི་ཞོལ་བསྐོར་བས་ཤ་དང་འཕྲད། །ཚོང་བྱེད་མགྲོན་པོ་ཁེ་དང་འཕྲད། །གཞི་ཕྱ་ལ་སོགས་ཀུན་ལ་བཟང་། །ནད་པར་དགེ་སློང་བཞི་སྡེ་མཆོད། །སྤྱིར་ནི་གསུང་རབས་བྲིས་ན་བཟང་། །དབང་རྡེལ་བུ་ཕྲད་ནག་གཅིག་བྱུང་། །དབང་ཐང་ནུ་མ་ལྟོགས་འདྲེས་འཇིབ། །ཕྱུགས་འཆི་ཕྱུགས་ལ་རྒྱལ་བསེན་རྐུ། །ཞིང་ལ་བཙའ་སད་སེར་བ་འོང་། །བཙལ་བས་མི་རྙེད་ཟས་ནོར་ཤོར། །རྟ་འཆི་གླང་ཤོར་བ་བཞོན་སྐམ། །ཚོང་ཉེས་དགྲས་བཅོམ་རྐུན་མ་འོང་། ། ― MR12_Page_0232 ―
[མ་དཔེ་གཟིགས་ན་འདིར་གནོན།]
དགེ་འདུན་སྡེ་མཆོད་མདོ་སྣ་སྒྲོགས། །སྔགས་སྡེར་སྟོན་མོ་ཚེ་དབང་ཞུ། །ལམ་འཕྲང་བཅོས་ལ་ཟམ་པ་བཙུགས། །གཞི་མགྲོན་ལ་སོགས་ངན་པའི་མོ། །ནད་པ་ནད་ཆེ་ནད་ཡུན་རིང་། །ཐོས་གྲོལ་ཀུན་རིག་སྦྱིན་སྲེག་བྱ། །སྤྱིར་ནི་ལྷ་ལ་མར་མེ་ཕུལ། །དབང་རྡེལ་དགྲ་འཕྲད་ནག་གཉིས་བབ། །མི་དེའི་དཔལ་གྱི་ཟོ་བ་སྟོངས། །དངོས་གྲུབ་གཡང་གི་ར་བ་རལ། །འདོད་ཡོན་ལོངས་སྤྱོད་སྲིད་སྒོ་འགག །ཟས་ནོར་སྲིད་སྟོར་འགོང་པོ་མང་། །ནོར་ཕྱུགས་གོད་འོང་ཚོང་ཉེས་ཤིང་། །སྟོར་བརླག་རྐུན་ཇག་འོང་བའི་མོ། །བསམ་པ་མི་འགྲུབ་ལོག་པར་འགྲོ། །ཉོ་ཚོང་ཁམས་ཆེན་བྱས་པ་ཡོད། །གཡང་ནི་ཉམས་པའི་མོ་བབ་ཡིན། །གཡང་བླན་བརྒྱ་བཞི་བྱིས་པ་ལ། །སྟོན་མོ་བྱ་བ་འདི་ལ་བསྔགས། །གཞི་མགྲོན་ནོར་གོད་འབྱུང་སོགས་ངན། །གསེར་འོད་ནོར་གཟུངས་ས་སྙིང་འདོན། །མཆོད་དང་སྦྱིན་པ་རྒྱ་ཆེར་བྱ། །ནད་པ་ཡུན་རིང་རབ་ཏུ་ན། །སྤྱིར་ནི་གང་ལའང་ངན་པས་ན། །ཚ་ཚ་མར་མེ་རིགས་གསུམ་བསྙེན། །མདོས་འཕེན་དབང་ཐང་རྒྱ་མ་བྲི། །དབང་རྡེལ་ཁྲ་བོ་བྱུང་བ་ན། །ཟས་ནོར་བོ་རལ་འོང་བའི་དུས། །ལོངས་སྤྱོད་རེས་ཡོད་རེས་མེད་ལ། །མི་རྟག་སྨིག་རྒྱུ་མཐོང་བ་འདྲ། །གང་སྟོང་རྨི་ལམ་ནོར་དང་འདྲ། །བུད་མེད་དང་ནི་ནོར་ལ་རྩུབ། །དཀར་ནག་རྒྱན་འགྲེམས་ཆོ་ལོ་འགྱེད། །སྲིན་དང་དཔལ་གཉིས་འཐབ་པར་བྱེད། །གཞི་སོགས་མོ་དཔྱད་ཐེ་ཚོམ་ཅན། །ནད་པ་བཅོས་ན་སོས་པའི་མོ། །ཚེ་དབང་དང་ནི་བརྒྱ་ ― MR12_Page_0233 ―
[མ་དཔེ་གཟིགས་ན་འདིར་གནོན།]
བཞི་བྱ། །སྤྱི་ལ་ཆུ་སྦྱིན་བརྒྱ་རྩ་བསྔོ། །ཀླུང་རྟ་མ་ཕྲད་དཀར་གཉིས་བབ། །ཀླུང་རྟ་སྙན་པའི་བ་དན་དེ། །ཕྱོགས་བཅུར་གྲགས་པའི་ཀླུང་གིས་བསྐྱོད། །ཡ་རབས་གྲགས་སྙན་ཡིག་ཚད་ཐོབ། །གཙོ་བོའི་འདུན་ལེགས་བསམ་པ་འགྲུབ། །དཔའ་བོ་དགེ་དང་གཏམ་སྙན་ཐོས། །བན་བོན་མཐུ་དང་གྲགས་པ་རྒྱས། །ཁ་སྨྲ་མི་ཁ་གླེང་བརྗོད་མེད། །ཚུར་ལ་བཙན་བཙུགས་ཕར་ལ་བཟློག །སེང་གེས་གངས་རི་སྲུང་བ་དང་། །གསེར་ཉས་རྒྱ་མཚོ་སྲུང་བ་ཡིན། །གཞི་ཕྱ་དག་ལ་བཟང་བར་བཤད། །དགྲ་བྲུབ་བསང་ཁྲུས་བྱས་པ་ན། །དགྲ་མེད་ལྷ་སྲུང་བཟང་པོས་སྐྱོབས། །མགྲོན་དང་དོན་ཕྱ་ལ་སོགས་བཟང་། །ནད་པ་འཚོ་ཞིང་བདེ་བ་སྟེ། །མར་མེ་ལན་ཆགས་འདོད་ཡོན་བསྔོ། །ལོ་དུས་གཞི་སྲུང་ཆོས་སྐྱོང་རྣམས། །སྐོང་གསོལ་བྱས་ན་རབ་ཏུ་ཤིས། །ཀླུང་རྟ་གྲོགས་ཕྲད་དཀར་གཅིག་ཤར། །ཡིད་ལ་ཇི་བསམ་འགྲུབ་པ་ཡིན། །འགྲོ་བ་མི་ཡིས་མ་བཙལ་བར། །དར་བའི་དུས་སུ་དགུང་དང་མཉམ། །སྐྱེས་པ་མང་སྔོན་གཏམ་སྙན་ཐོབ། །བུད་མེད་སྔོན་དུ་གཟུགས་མཛེས་སྙན། །བཙལ་ན་རྙེད་ལ་བསགས་ན་སོག །རྦད་ན་དགྲ་བོ་འཆི་བ་ཡིན། །བཅུད་དང་སེམས་སྐྱིད་དཔལ་དང་ལྡན། །ར་གཅིག་བཏང་བས་འབྲི་བརྒྱ་ལོན། །དགྲ་བོ་ཕོ་བརྒྱ་དོང་དུ་བཙུད། །མོ་བརྒྱ་དམ་སྲི་ཐབས་ཀྱིས་མནན། །མཉམ་གཉིས་འགྲན་ལས་རང་ཉིད་རྒྱལ། །བཞི་མགྲོན་ལ་སོགས་ཀུན་ལ་བཟང་། །དོན་འགྲུབ་ཀླུང་རྟའི་རྒྱལ་མཚན་ཚུགས། །ནད་པ་ ― MR12_Page_0234 ―
[མ་དཔེ་གཟིགས་ན་འདིར་གནོན།]
འཚོ་ཞིང་བསང་ཀླུང་རྟ། །ཡུལ་ལྷ་མཆོད་པས་ཕན་པ་འབྱུང་། །སྤྱི་ལ་ལྷ་གསོལ་ཚོགས་བསགས་བཟང་། །ཀླུང་རྟར་བུ་འཕྲད་ནག་གཅིག་ཤར། །སྙིང་སྟོང་དགྲ་ལྡང་བསམ་འགྲུབ་དཀའ། །ཁ་སྨྲ་གླེང་གཞི་འོང་བའི་དུས། །རྟག་ཏུ་ཉེས་པས་གཉེན་སྐྱོང་མེད། །གཉེན་ཕྱེད་སྡང་བའི་དགྲ་རུ་སོང་། །ལས་སུ་གོང་མའི་རྗེ་འཁུར་ཡང་། །དྲིན་དུ་མ་སོང་ཀུན་དང་འགལ། །ཁྱིམ་དུ་ཟས་ཟོས་སྐོམ་འཐུང་ནས། །ཕྱི་རུ་དྲིན་བསད་འཕྱར་ཁ་གཏོང་། །མར་གྱི་ནང་ནས་རུས་འཛེར་བྱུང་། །དེ་ལ་མགོན་པོའི་གཏོར་བཟློག་བྱ། །ཀིང་ཀང་འདོན་ཅིང་མི་ཁ་བྲུབ། །རི་གསུམ་རྩེ་ལ་སྙིང་གཏེར་སྦ། །གཞི་མགྲོན་ཚོང་དོན་ལ་སོགས་ངན། །ནད་པ་ནད་ཆེ་མ་ཉེས་པའི། །ཁ་ཡོག་ཕོབ་པས་ཆོས་སྲུང་བསྐང་། །ལེའུ་བདུན་འདོན་ཅིང་སྔོན་བརྟེན་མཆོད། །སྤྱི་ལ་བསམ་ལྷུན་དགྲ་བྲུབས་དང་། །ཀླུང་རྟ་གསོ་བའི་ཆོ་ག་བྱ། །ཀླུང་རྟ་དགྲ་ཕྲད་ནག་གཉིས་ཤར། །ཀླུང་རྟ་སྙན་པའི་བ་དན་ཆད། །གྲགས་པ་འབྲུག་གི་འུར་རྒྱུན་ཡལ། །མངའ་ཐང་དཔལ་གྱི་ཉི་མ་ནུབ། །མི་ཁ་བྲ་མཆུ་གླེང་བརྗོད་བྱེད། །དགྲ་དང་བྱུར་གྱི་མགྲོན་སྣ་ཟུག །སྙིང་དུ་བསམ་པ་གློ་བར་སོང་། །གྲོགས་སུ་བསམ་པ་ཁ་ནས་ཤོར། །མི་བྱུར་རང་གི་བྱུར་དུ་བབ། །ལེགས་པར་བྱས་ཀྱང་ཉེས་པར་འགྱུར། །གཞི་མགྲོན་སོགས་ལ་དགྲ་རྐུན་དག །འབྱུང་ཞིང་མི་བདེ་བར་ཆད་ཆེ། །ནད་པ་བུད་མེད་ཡིན་ན་འཇམ། །སྐྱེས་པ་དང་ནི་བནྡེར་ངན། །ནད་ཡུན་དྲག་འཐུང་སྲུང་རིམ་འབད། །བྱད་དང་དགྲ་ངོ་ཡོད་པས་ན། །བྱད་བཟློག་དགྲ་མནན་བྱ་བ་དང་། ། ― MR12_Page_0235 ―
[མ་དཔེ་གཟིགས་ན་འདིར་གནོན།]
སེང་གདོང་མེ་དབལ་གདུགས་དཀར་རེམ། །སྤྱི་ལ་གཙུག་གཏོར་བཀའ་ཐང་དང་། །ལམ་བཅོས་དགྲ་བྲུབ་ཚོགས་བསྐང་བྱ། །ཀླུང་རྡེལ་ཁྲ་བོར་བྱུང་བ་ན། །བསོད་ནམས་རྙེད་དང་གྲགས་པ་ལ། །དཔལ་མྱུར་གཉིས་པོ་མ་འཆམ་པས། །དཀར་ནག་རྒྱན་འགྲེམས་ཆོ་ལོ་འགྱེད། །གོང་མ་བྱམས་ཤིང་འོག་མ་སྡང་། །ཕོ་སྐྱེས་གླེང་ནས་ཁ་འཛིན་སྡིག །ལྡང་བའི་ནང་ནས་ཉེས་ཤིག་འོང་། །ཕ་བློ་བུས་ཕྲོག་ལྟ་བུར་བསླུ། །ཐག་རིང་འགྲོ་ན་དོན་ཡང་སྟོར། །ཕ་མེས་དུར་ས་ལད་པ་ཡིས། །གང་སྟོང་སོགས་འབྱུང་བློ་མི་བདེ། །སྤྱིར་ནི་གང་ལའང་ཞན་ཙམ་སྟེ། །སྙིང་གཏེར་སྙིང་བཅོས་ཚེ་གཟུངས་དང་། །སིདྡྷིའི་དར་ལྕོགས་བཙུགས་ན་བཟང་། ༈ །།དེ་ནས་དར་གུད་འབྲས་བུ་ལ། །སྲོག་དར་རྡེའུ་དཀར་བ་ན། །ཚེ་ལ་བར་ཆད་མེད་པ་ཡིན། །ལྗོན་ཤིང་ལོ་མ་རྒྱས་པ་འདྲ། །མི་ཚེ་ཆུ་བོའི་གཞུང་ལས་རིང་། །སྲོག་གུད་རྡེའུ་ནག་བྱུང་བ་ན། །ལྗོན་པ་སྐེད་ནས་ཆག་དང་འདྲ། །སྲོག་ལ་བར་ཆད་འོང་བ་དེ། །ལུག་ཁྱུ་སྤྱང་ཀིས་གཏོར་བ་འདྲ། །ཚེ་སྒྲུབ་ཚེ་མདོ་ཚེ་དབང་ཞུ། །ལུས་ལ་དར་དྲུག་རྡེའུ་དཀར་ཤར། །ལུས་ལ་ན་ཚ་མེད་པ་སྟེ། །ཤ་ཁྱུ་ལ་ཁར་ཕྱིན་པ་འདྲ། །འབྲིང་རྒྱུད་དང་ནི་འོག་རྟར་བཟང་། །ལུས་ལ་གུད་དྲུག་རྡེལ་ནག་ཤར། །ན་ཚ་མོད་ཅིང་སྲིན་བུས་ཟོས། །མཛེས་པའི་མེ་ཏོག་མདངས་ཡལ་ཡིན། །གཏད་ཁྲོལ་མཆོད་རྟེན་སྐུ་དཀར་གསོལ། །དབང་ཐང་དར་དྲུག་རྡེའུ་དཀར་བབ། །ཟས་ནོར་གཏེར་གྱི་བདག་པོར་དབང་། །བཙན་ཕྱུག་འབྱོར་བ་དབྱར་མཚོ་འདྲ། ། ― MR12_Page_0236 ―
[མ་དཔེ་གཟིགས་ན་འདིར་གནོན།]
ཆུང་རྒྱུད་དང་ནི་ཚ་བོར་བཟང་། །དབང་ཐང་གུད་དྲུག་རྡེལ་ནག་ཤར། །ཕ་མེས་ཕོག་ནོར་ཕན་མི་ཐོགས། །ནོར་གོད་སྙིང་སྟོང་གཡང་ཁར་རལ། །ཚོགས་བསགས་ཆུ་སྦྱིན་གཡང་སྐྱབས་དང་། །དགྲ་བྲུབ་གོད་བྲུབ་ལ་སོགས་བྱ། །ཀླུང་རྟ་དར་བས་རྡེའུ་དཀར་བབ། །གསེར་མིག་གཡུ་ཡིས་སྤྲས་པ་འདྲ། །ཡིག་ཚང་སྔགས་ནུས་མཐུ་རྩལ་ཆེ། །ནོར་དང་ལུག་ལ་འཕེལ་ཁ་འོང་། །ཡིད་འོང་དོན་གྲུབ་ཕུན་སུམ་ཚོགས། །ཀླུང་རྟ་གུད་དྲུག་རྡེལ་ནག་ཤར། །དགྲ་ལྡང་བྱས་པ་ཆུད་གསོན་མང་། །ནང་མི་དགྲར་སྡང་དོན་མི་འགྲུབ། །མི་ཁ་དགྲ་བྲུབ་མཆོད་རྟེན་བརྩེགས། །དར་གཞི་གཏེར་ཆེན་རྙེད་པ་སྟེ། །ལས་བྱེད་རྒྱུན་རིང་ཡིན་པར་བཤད། །གོས་གྱོན་གསོ་བ་ཐུབ་པ་སྟེ། །འདི་གསུམ་བཟང་རབ་དཀར་གཉིས་ཐོབ། །སྲོག་སོགས་དེར་གྱུར་དཔལ་ཆེན་རྒྱས། །ཁྲུས་བྱེད་བསམ་པ་འགྲུབ་པ་སྟེ། །ལུས་རྫོགས་བདེ་བ་ལྡན་པ་ཡིན། །བཙས་པ་ལོངས་སྤྱོད་ཆེ་བ་ཞེས། །འདི་གསུམ་ཀྱང་བཟང་དཀར་གཅིག་ཐོབ། །དེ་ལ་བབ་ན་བསམ་པ་འགྲུབ། །འདི་དྲུག་བཟང་པོ་རྣམ་དྲུག་སྟེ། །གདགས་ཀྱི་ཉི་མ་སྤུན་དྲུག་ཡིན། །དབུགས་ལེན་སྐལ་པ་ཟད་པ་ཡིན། །མངལ་གནས་བྱུར་ངན་ལྷུང་བའོ། །དུར་ཞུགས་རྒྱུན་ཆད་ཅེས་བྱ་སྟེ། །འདི་གསུམ་ངན་པས་ནག་གཅིག་ཐོབ། །སྲོག་སོགས་དེར་གྱུར་མི་དགེའོ། །གུད་པ་བྱེ་བྲལ་ན་འཕུང་གྱོད། །ཤི་བ་གཡང་ཉམས་ཞེས་བྱ་གསུམ། །ཤིན་ཏུ་ངན་པས་ནག་གཉིས་ཐོབ། །འདི་ལ་གང་བབ་རབ་ཏུ་རྒུད། །འདི་དྲུག་ངན་པ་ཡིན་པས་ན། །སྲིབས་ཀྱི་དྭའུ་སྦུན་ ― MR12_Page_0237 ―
[མ་དཔེ་གཟིགས་ན་འདིར་གནོན།]
དྲུག་ཟེར། །དར་གུད་ཡུན་གྱི་བསོད་ནམས་ཏེ། །འཐབ་དགྲ་ཕྲལ་གྱི་རྐྱེན་བཟང་ངན། །འདི་གཉིས་ཕན་ཚུན་བསྟུན་ནས་སུ། །སྲོག་སོགས་བཞི་ལ་ཁ་དམར་གདགས། །བཟང་ངན་དམིགས་བསལ་ཆ་ཕྱེ་ན། །བུ་ཕྲད་མདངས་ཤོག་མི་བཟང་ཡང་། །བུ་དང་སྦྲུམ་མའི་ཕྱ་ལ་བཟང་། །དེ་མིན་ཅི་ལ་ངན་པ་ཡིན། །ས་ཆུ་ནང་ཕྲད་ཅུང་ཟད་བཟང་། །གཞན་གསུམ་ནང་ཕྲད་བྲེད་སྡངས་ངན། །སྲོག་ལ་དུར་ཞུགས་མི་རུང་ཞིང་། །དབང་ཐང་དུར་ཞུགས་བཏུབ་ཙམ་ཡིན། །རང་མ་བུ་གྲོགས་དར་ན་བཟང་། །དེ་ཡི་དགྲ་ཀུན་རྒུད་ན་ལེགས། །འོན་ཀྱང་ལུས་དགྲ་དར་བ་ནི། །ངན་པར་མི་འགྱུར་བ་ཡང་ཡོད། །ན་བ་རང་ལ་ངན་པ་དང་། །དར་བ་གྲོགས་ལ་ངན་པ་དང་། །ཧ་ཅང་བཟང་ན་ཆེས་ཐལ་སོགས། །གནས་སྐབས་དམིགས་གསལ་ཀུན་ཤེས་བྱ། ༈ །།ན་ནི་དམིགས་བསལ་བརྟག་བྱ་བ། །ནད་སེལ་སོ་སོར་བསྟན་པ་ནི། ༈ །དང་པོ་གཞི་ཕྱར་སྲོག་གི་ཚེ། །ལུས་ནད་དབང་ཐང་ནོར་རྫས་དང་། །ཀླུང་རྟ་ལྷ་ས་ལས་ཤུགས་གནས། །བརྟག་ལ་ཁ་དམར་གོང་ལྟར་སྨྲ། ༈ །།གཉིས་པ་མགྲོན་ཕྱ་བརྩི་བ་ན། །ཤིང་དུས་དགྲ་མེད་དོན་མི་འགྲུབ། །མྱུར་པོར་འདྲི་ཚད་དུས་མི་སླེབ། །མེ་དུས་དོན་ཆུང་ཁ་མཆུ་མང་། །དོན་གྲུབ་མགྱོགས་པར་འཁོར་བ་ཡིན། །ས་དུས་དོན་གྲུབ་དགྲ་ཡང་མེད། །མགྲོན་པོ་མི་འོང་ལྕགས་ཀྱི་དུས། །དོན་འགྱངས་བྲེད་སྔངས་མགྲོན་མི་འོང་། །ཆུ་དུས་མྱུར་འོང་དོན་ཕྱ་འབྲིང་། །སྲོག་ནི་དགྲ་དར་བྱེས་ ― MR12_Page_0238 ―
[མ་དཔེ་གཟིགས་ན་འདིར་གནོན།]
འཆི་དོགས། །ད་ལྟ་མི་སླེབ་འགྱོད་པ་ཆེ། །དགྲ་དང་བསད་བཅད་ངོ་ཡང་ཡོད། །ཤིང་མེ་དགྲ་ཕྲད་དོན་མི་འགྲུབ། །ཕར་འགྲོ་དགྲ་ཕྲད་ཚུར་འོང་ལ། །སྐྱོན་མེད་མགྲོན་པོ་མི་སླེབས་སོ། །ཆུ་ས་དགྲ་ཕྲད་འབྲིང་ཙམ་ལ། །ཕར་འགྲོ་སྐྱོན་མེད་ཚུར་འོང་ངན། །མགྲོན་པོ་མི་ཐོན་ཕྱི་ཐལ་ཆེ། །ལྕགས་དགྲ་དོན་མེད་མགྲོན་མི་འོང་། །ཁ་གང་གཏམ་ངན་ཁྱེར་ནས་ཡོང་། །འདི་བཞིན་ལུས་དབང་ཀླུང་ལའང་སྦྱར། །ལུས་བཅད་བཙོན་ནམ་ནད་ཀྱི་ངོ་། །དབང་བཅད་ཟས་ནོར་དགྲ་ཇག་ཡོད། །ཀླུང་བཅད་སྙིང་གཏད་བསླུ་ཉེན་ཡོད། །སྲོག་གིས་ཕར་གཅོད་ཤི་ཆད་མེད། །ཕྱིར་ལ་མགྱོགས་པར་འཁོར་བ་འོང་། །ལུས་གྲོགས་ཚོད་ལེགས་ལུས་སྟོབས་བཟང་། །དབང་གྲོགས་བཟའ་བཏུང་མོད་པ་ཡིན། །ཀླུང་གྲོགས་མེས་བྱམས་ཟླ་བོས་རྩི། །མ་ཕྲད་མྱུར་འོང་དོན་བཟང་ལ། །སྲོག་ལ་བསམ་རྒུ་འགྲུབ་པ་ཡིན། །ལུས་ལ་ནད་དཀོན་དབང་ཚོང་བཟང་། །ཀླུང་མ་ཕྲད་ན་ནོར་སྟོར་མེད། །བུ་འཕྲད་དོན་ནི་བསེ་རུ་འདྲ། །ད་ལྟ་མ་སླེབ་གཞི་མ་ཁྱོགས། །སྲོག་སྟོང་བླ་འཁྱམ་ཤི་ཆད་འོང་། །ལུས་སྟོང་ཚོང་ཉེས་བླ་བོས་བྱས། །དབང་ཐང་སྟོང་ན་ཟ་ཐང་ཆུང་། །ཀླུང་སྟོང་བོར་སྟོར་མི་ཁ་སྡང་། །གཞན་ཡང་སྲོག་སར་མེ་ནང་འཕྲད། །ཕར་འགྲོ་བག་དྲོ་བསྡད་པ་ལ། །ཤི་ཆད་མེད་པར་ཚུར་ལ་ནི། །ད་ཙམ་འོང་སེམས་ཡོད་པ་ཡིན། །ལུས་མེ་ཕར་འགྲོ་ནད་དགྲ་མེད། །བསྡད་སར་གྲོགས་ཆེ་ཚུར་གདའ་སྐད། །དབང་ཐང་མེ་ནང་ཕར་ཟོང་ཆེ། །བསྡད་སར་སྐྱིད་ལ་ ― MR12_Page_0239 ―
[མ་དཔེ་གཟིགས་ན་འདིར་གནོན།]
ཚུལ་ལམ་ཞུགས། །ཀླུང་རྟ་མེ་ནང་ཕྲད་པ་ན། །ཕར་ལ་ཟླ་བོ་བཟང་པོ་འགྲོགས། །སྡོད་སར་སྟོར་བརླག་མ་བྱུང་བར། །ཚུལ་ལ་དེ་རིང་སོང་འོང་ཡིན། །སྲོག་སར་ས་ནང་ཕྲད་པ་ན། །ཕར་ལ་སླེབ་པའི་དུས་མེད་ཅིང་། །བསྡད་སར་དོན་ཆུང་བག་གཞི་བརྐྱོང་། །ལུས་ལ་ས་ནང་འགོ་བའི་ནད། །འབྱུང་ཉེན་ཚོང་གྲོགས་རྒྱལ་པོས་བྱེད། །ཕྱི་ཐལ་ཡོད་པའི་ངོ་ཞིང་ཡིན། །དབང་ས་གྲོགས་ཆུང་མགྲོན་མི་འོང་། །ཀླུང་ས་འགྲོ་ན་མི་ཚུགས་ཤིང་། །སྡོད་སར་དོན་མེད་ཕྱི་ཐལ་ཆེ། །ཚོང་གྲོགས་ཐེའུ་རང་བྱེད་པ་ཡིན། །སྲོག་ལུས་དབང་ཀླུང་བཞི་ཀ་ཡང་། །ཆུ་ནང་ཕྲད་ན་གྲོགས་ཆུང་སྟེ། །དོན་ནི་མི་འགྲུབ་འཁོར་བ་མགྱོགས། །ཤིང་ནང་ཕྲད་ལ་འཁོར་མགྱོགས་ཤིང་། །ལྕགས་ནང་ཕྲད་ཀྱང་འཁོར་བ་འགྱང་། །གྲོགས་ཀྱང་ཆེ་ལ་དགྲ་ཉེན་ཡོད། །བརྩི་བྱའི་སྲོག་སོགས་གཅོད་འདྲལ་དང་། །ཁྱད་པར་དབང་ཀླུང་དར་གུད་གཉིས། །རྡེའུ་དཀར་བྱུང་ན་ཚོང་དང་ནི། །ཁ་སྨྲས་དག་ལས་རྒྱལ་བར་འགྱུར། །ནག་ན་ཚོང་དང་ཁ་སྨྲས་ཕམ། ༧ །གསུམ་པ་སྲོག་ཕྱྭ་བརྟག་པ་ལ། །སྲོག་ལུས་གཉིས་ལ་གཙོ་ཆེར་བརྟག །ཕོ་ལ་སྲོག་དང་ཀླུང་རྟ་དང་། །མོ་ལ་ལུས་དབང་གཙོ་བ་དང་། །ལོ་མལ་ས་མལ་བཅས་བསྟུན་ཏེ། །ཁ་དམར་ཚུལ་བཞིན་སྨྲ་བར་བྱ། ༧ །བཞི་པ་ནད་པའི་རྩིས་བྱེད་ན། །ཐོག་མར་གང་ན་བརྟག་པ་ལ། །གོང་འོག་འབྱུང་ལྔའི་མཐའ་དཔྱོད་ལྟར། །ནད་དང་ཉེན་དང་འདྲེ་བཅས་བལྟ། །དུས་ཚོད་སྟེང་དུ་བརྩི་བྱ་ཡི། །དོན་སྣོད་ལ་སོགས་ ― MR12_Page_0240 ―
[མ་དཔེ་གཟིགས་ན་འདིར་གནོན།]
དར་གུད་སྒྱུར། །གང་གུད་པ་དེ་ན་བར་བཤད། །འཚོ་འཆི་སྲོག་ལ་བརྟག་བྱ་སྟེ། །དར་ན་མི་འཆི་གུད་ན་རྩུབ། །དབུགས་ལེན་ལ་སོགས་འབྲིང་པོ་ལ། །འཚོ་དཀའ་ནད་ཡུན་རིང་བ་འོང་། །ལུས་རྫོགས་སོགས་ཀྱང་བཟང་བ་ཡིན། །ན་ཚ་ཆེ་ཆུང་ལུས་ལ་བལྟ། །རྟེན་འབྲེལ་བཅོས་གཏོ་བྱ་བ་ན། །མ་གོས་བུ་སྡས་དགྲ་སྟན་དང་། །གྲོགས་ནི་ཟས་སུ་ཟོས་ན་ཤིས། །དཔེར་ན་ཤིང་དུས་ནད་པ་དེས། །སྔས་དམར་སྟན་དཀར་ཟས་འཁུར་རམ། །གཞོག་ཤ་གཟུགས་ཟོས་གོས་སྔོ་ནག །ཤར་རམ་བྱང་དུ་སྔས་གཏད་དོ། །འབྱུང་བའི་ནད་དང་འདྲེ་བཅས་ལ། །གཉེན་པོ་རྟེན་འབྲེལ་མཁྱུད་སྤྱད་བྱ། །མྱུར་དུ་ནད་ལས་གྲོལ་བར་འགྱུར། ༧ །ལྔ་པ་དཀོར་ནོར་ལོངས་སྤྱོད་བྱ། །སྔར་བཤད་འབྱུང་ཁམས་ལོངས་སྤྱོད་རྫས། །ཕྱོགས་དང་གྲངས་སོགས་སྔར་བཤད་གྱུར། །ལུས་དབང་དར་ཡོད་གུད་ན་མེད། །དུས་ཚོད་ཁམས་ཀྱིས་ལུས་དབང་ལ། །གཅོད་ཀྱང་མེད་པར་ལུང་དུ་སྟོན། །བྱེ་བྲག་རང་རང་ས་མལ་དང་། །ཁྱད་པར་དབང་ཐང་ནོར་མཛོད་དུ། །འཐབ་དགྲ་དར་གུད་གཉིས་པོས་བརྟག །ལུས་དང་བསྟུན་ལ་ཁ་དམར་གདགས། །སྲོག་གིས་གཞི་དང་ཀླུང་གིས་དགྲ། །ཡོད་མེད་དེ་ཡང་གོ་བསྟུན་དཔྱད། ༈ །དྲུག་པ་དོན་གང་གྲུ་མི་གྲུ། །འབྱུང་ཁམས་མེ་ཤིང་ཆུ་གསུམ་བྲེལ། །ས་ལྕགས་དལ་བའི་རིགས་པ་དང་། །ས་མལ་ལོ་མལ་འགྲོས་སྦྱར་ཏེ། །བཟང་ངན་སྟོབས་དང་འཕྲད་ཚུལ་དཔྱད། ༧ །བདུན་པ་ལམ་དུ་འགྲོ་བ་ལ། །སྲོག་ལས་སྡོད་ ― MR12_Page_0241 ―
[མ་དཔེ་གཟིགས་ན་འདིར་གནོན།]
གནས་ལུས་དཀའ་ཚེགས། །དབང་ཐང་བདོག་པ་ཀླུང་ནོར་གྱི། །གནས་སུ་བཟུང་ལ་བདེ་དོགས་དཔྱད། ༧ །བརྒྱད་པ་དོན་དང་གྲོགས་འཚོལ་ལ། །བྱ་བ་ལམ་འགྲོས་ཀླུང་རྟས་བརྟག །ཟས་ནོར་ལག་བབ་དབང་ལ་བལྟ། །ནམ་ཕུག་ཕན་མིན་ལུས་སྲོག་གི། འཐབ་དགྲ་དར་གུད་བཅས་པས་བརྟག །བློ་ཕྱའང་འདི་དང་ཉེ་བར་མཚུངས། ༧ ། དགུ་པ་གཞན་དང་རྩོད་འགྲན་ལ། །སྲོག་གིས་གཞི་བརླིང་མི་བརླིང་དང་། །དབང་ཐང་འཇལ་ལོན་ཇི་ལྟར་འབྱུང་། །ཀླུང་རྟ་རྒྱལ་ཕམ་ངོ་བོ་སྟེ། །མས་སྐྱོབ་གྲོགས་ཟིན་ཕས་རྒོལ་ཐུལ། །བུ་ཡིས་དོན་འཆོར་དགྲས་རང་འཕམ། །ནང་ཕྲད་བཤད་གཏམ་འགྱེད་ངོ་ཆེ། །ཐ་མ་གད་རྒྱལ་སྟོབས་ལ་དྲིས། །དར་གུད་དང་བཅས་གཏན་ལ་ཕབ། །དགྲ་ཕྱའང་འདི་དང་མཚུངས་པར་བརྟག ༧ །བཅུ་པ་སྲིད་ཀྱི་ཕྱ་ལ་ནི། །ལུས་དབང་གསོ་བསྐྱེད་དར་གུད་བརྟག །དཀར་ན་བཟང་ཞིང་ནག་ན་ངན། །དུས་དབང་ཤིང་མེ་ཆུར་བུ་མོ། །ལྕགས་ས་ལ་ནི་བུ་ཕོ་སྐྱེ། །བརྩི་བྱའི་ལུས་དབང་དར་ན་ཡོད། །མེད་ན་མེད་པར་ལུང་བསྟན་བྱ། ༧ །བཅུ་གཅིག་ཆོས་ཕྱ་བརྟག་པ་ལ། །སྲོག་དང་ཀླུང་རྟ་གཙོར་བཟུང་བས། །དཀར་ན་ལེགས་ལ་ནག་ན་ཉེས། །ཁྱད་པར་ལྷ་ངོ་མཐོ་དམན་ནི། །སྤྱི་ཁྱབ་ཀླུང་རྟ་ལྷ་ས་དང་། །ལུས་ནི་སྤྱི་སར་བཤད་པའམ། །ཡུལ་ལྷ་ཕུག་ལྷ་ཕོ་ལྷ་དང་། །ཚེ་ལྷ་ཚེ་འཛིན་སྲོ༷ག་ལྷ་དང་། །ཕ་མེས་ཕ་རྒྱུད་སྲུང་སྲོག་གིས། །གནམ་སྨན་མ་ལྷ་མོ་རྒྱུད་དང་། །འཕྲག་ལྷ་ལུས་ལྷ་ལུས་སུ་བརྩི། །ཕྱུགས་གཡང་ཟས་ནོར་གྲོགས་ཀྱི་ལྷ། ། ― MR12_Page_0242 ―
[མ་དཔེ་གཟིགས་ན་འདིར་གནོན།]
ཚོང་ལྷ་ལ་སོགས་དབང་ཐང་ཡིན། །དགྲ་བླ་ཆོས་སྐྱོང་ཝེར་མ་དང་། །ཞང་ལྷ་ཁ་འཛིན་འགོ་བའི་ལྷ། །ཀླུང་རྟར་བརྩིས་ལ་དེ་དག་ཏུ། །མ་ཕྲད་དེ་ཡིས་བསྲུང་བ་དང་། །དགྲ་ཕྲད་ལྷ་ཤུལ་འདྲེ་ཡིས་བཟུང་། །བུ་ཕྲད་མི་བྱེས་སྲུང་མ་གཡེལ། །གྲོགས་ཕྲད་ལྷ་སྲུང་དྲག་རྩལ་ཆེ། །ནང་ཕྲད་འཁྲུགས་པས་བསྐང་བཤགས་དགོས། །དེ་ཡང་དར་གུད་དག་དང་བསྟུན། །ཀླུད་ནས་ཡས་རིམ་ཆོས་ནོར་འདོད། །ཐར་བའི་དངོས་གྲུབ་དུ་བརྩིས་ལ། །ཡང་དག་དཀར་ན་དངོས་གྲུབ་ཐོབ། །འདི་ནི་བློ་གྲོས་ལས་བྱུང་གཏམ། ༧ །བཅུ་གཉིས་བོར་སྟོར་བརྟག་པ་ལ། །སྤྱི་དང་བྱེ་བྲག་ས་མལ་ནི། །སྟོངས་སམ་མ་སྟོངས་ལྟ་བ་དང་། །མ་ཕྲད་མང་ན་བཙལ་མི་དགོས། །གྲོགས་ཕྲད་མྱུར་དུ་རྙེད་པ་དང་། །བུ་ཕྲད་རྙེད་དཀའ་འབད་ན་རྙེད། །དགྲ་ཕྲད་མི་རྙེད་གཞན་གྱིས་ཁྱེར། །ནང་ཕྲད་དཀའ་ཚེགས་རྙེད་སྲིད་ཙམ། །ཤིང་ལ་ཤར་ལྷོ༷་ནུབ་དུ་ཚོལ། །མེ་ལ་ལྷོ༷འམ་ནུབ་ནས་རྙེད། །ས་ལ་བྱང་ངམ་ལྷོར་བཙལ་རྙེད། །ལྕགས་ལ་ནུབ་བམ་ཤར་ན་ཡོད། །ཆུ་ལ་བྱང་ངམ་ལྷོ༷་ནས་རྙེད། །ལྕགས་དུས་ཡིན་ན་རྙེད་དཀའ་ཙམ། །ནང་ཕྲད་རྐུན་མ་ནང་རྐུན་ཡིན། །དགྲ་འཕྲད་དགྲས་ཁྱེར་ཕྱི་རོལ་ཡིན། །བུ་འཕྲད་བུ་ཚ་ཞང་པོས་རྙེད། །མ་ཕྲད་ཕ་ཁུ་མ་ཕྱིས་རྙེད། །གྲོགས་ཕྲད་གཉེན་འདུན་མཛའ་བས་རྙེད། །ས་མལ་དར་ཞིང་འཐབ་དགྲ་བཟང་། །གནས་མལ་མ་སྟོང་ནམ་ཕུག་བཟང་། ༧ །བཅུ་གསུམ་གདོན་ཕྱ་བརྟག་པ་ལ། །ཤིང་དུས་ཐེའུ་རང་དམ་སྲི་རྣམས། །ཤར་ནས་ཤིང་སྤྱད་ཕྱི་ལ་འབྲངས། ། ― MR12_Page_0243 ―
[མ་དཔེ་གཟིགས་ན་འདིར་གནོན།]
མེ་ལ་བཙན་དམུ་བྲག་བསེན་མོ། །ཟངས་རྟ་དམར་ཆགས་ཕྱི་ལ་འབྲངས། །དེ་ལ་བཙན་མདོས་བྱས་ན་ཕན། །ས་ལ་ས་བདག་དགེ་བསྙེན་ནམ། །དམ་འགོང་ལྷོ་ནུབ་ཤར་ཕྱོགས་ནས། །དུད་འགྲོ་སེར་དང་སེར་ཆགས་ཕྱིར། །འབྲངས་གནོད་ས་བདག་བཅོས་པར་བྱ། །ལྕགས་དུས་བདུད་དམ་རྒྱལ་པོ་གནོད། །དངུལ་གོས་ལ་སོགས་དཀར་ཆགས་ཕྱིར། །བདུད་དང་རྒྱལ་མདོས་བཏང་བར་བྱ། །ཆུ་ལ་མ་བདུད་དམ་སྲིའམ། །བྱུར་འདྲེ་བྱེད་ཕྱོགས་ཕྱར་སླེ་སྦྲ། །ཡུག་མོའི་ཟས་ནོར་ཕྱི་ལ་འབྲངས། །མཚོ་སྨན་མདོས་ཀྱིས་བཅོས་པར་བྱ། །བརྩི་བྱའི་ལུས་ལ་དུས་དབང་གིས། །གཅོད་ན་གནོད་འདྲེ་ཕར་གཅོད་ན། །མི་གནོད་ཚུར་བསྐྱེད་འགོ་བའི་ལྷ། །ཕར་བསྐྱེད་གནོད་ལ་ནང་ཕྲད་ན། །གང་ཡིན་འབྱུང་བའི་འདྲེ་དེས་འཚེ། །ཞིབ་པར་འབྱུང་ལྔའི་མཐའ་དཔྱད་ལྟར། །བརྟག་ལ་གནོད་འདྲེ་རྫས་བཅས་སྨྲ། །འཐབ་དགྲ་རྣམས་ཀྱི་གདོན་འཛིན་ནི། །སྲོག་ལུས་དབང་ཀླུང་གང་སྐབས་ལ། །ཤིང་དགྲ་ཤར་ཕྱོགས་གྲེ་བོའི་སར། །ལྗང་སེར་རམ་མཆན་ཤིང་ལྕགས་སྤྲང་མས་གདོན། །མེ་ལ་དགྲ་བོ་ཆུ་ཤར་ན། །ལྷོ་ཡི་ཕྱོགས་སུ་མོ་འདྲེའི་སར། །སྔོ་དམར་མདངས་ཆགས་རྫས་ཤིག་གདོན། །ས་དགྲ་ཤིང་ཆའམ་ལྗང་སེར་དང་། །བ་ལུག་ཁྱི་ཟོག་གྲི་རྫས་བླངས། །ལྕགས་དགྲ་ནུབ་ཕྱོགས་རྫས་དམར་དང་། །འོད་ཅན་ལྕགས་སྤྱད་གྲི་བཙན་འཁྲི། །ཆུ་དགྲ་བྱང་ཕྱོགས་རྒྱལ་བསེན་དག །གནས་མར་རྫས་ནི་སེར་ཆགས་བླང་། །ཤིང་ཕྲད་ཤིང་དུས་ལྷད་ཟས་ཤིང་། །མེ་ཕྲད་མེ་དུས་དམར་ ― MR12_Page_0244 ―
[མ་དཔེ་གཟིགས་ན་འདིར་གནོན།]
ཆགས་ཤ །ས་ཕྲད་ས་དུས་བན་ཆས་སེར། །ལྕགས་ཕྲད་ལྕགས་དུས་དཀར་ཆགས་ལྕགས། །ཆུ་ཕྲད་ཆུ་དུས་རྫས་སྔོ་ནག །གདོན་ཅིང་ཞིབ་མོར་འཕྲུལ་ཏེ་དཔྱད། །གཞན་ཡང་དུས་བརྟེན་གདོན་འཛིན་ནི། །བགེགས་ཀྱི་སྤུ་གྲི་སོགས་སུ་ལྟོས། ༧ །བཅུ་བཞི་མཚེར་ཕྱའི་ལེགས་ཉེས་ལ། །སྲོག་གིས་ཡུན་དུ་ཚུགས་མི་ཚུགས། །ལུས་ཀྱི་ཐབ་ཁ་འགྲུལ་ལམ་དང་། །དབང་ཐང་ཕྱུགས་ལྷས་ཀླུང་རྟ་ནི། །གཟས་རི་ལྷ་ས་རྩེ་འཛིན་དེ། །དེ་དག་རྣམས་ཀྱི་བཟང་ངན་བརྟག །ཁང་པ་ལ་སོགས་ས་རྩིས་ཀྱང་། །འདི་དང་ཕྱོགས་མཚུངས་འབྲས་བུར་འགྱུར། ༧ །བཅོ་ལྔ་དངོས་པོ་གང་དང་གང་། །བསྲེལ་བས་རང་ཕན་འབྱུང་མིན་ལ། །ཁང་ཞིང་ཡུལ་ལ་སྲོག་ཁམས་དང་། །བྲན་དང་ཁྱི་སོགས་ལུས་དང་ནི། །སྐམ་ནོར་ཕྱུགས་སོགས་ལོངས་སྤྱོད་དབང་། །ལྷ་དང་བླ་མ་ཡར་གནས་ཀླུང་། །གནས་ངེར་མ་ཕྲད་དཔལ་བབ་བཟང་། །གྲོགས་སོང་རང་ཕན་གཞན་ལ་གཟེན། །བུ་ཕྲད་རང་ཉམས་ཕར་ལ་ཕན། །ནང་ཕྲད་མི་བདེ་འཁྲུགས་གམ་གཡེལ། །ནམ་ཕུག་དར་གུད་བཅས་པས་བརྟག ༈ །གཞན་ཡང་བཤད་པར་བྱ་བ་ནི། །རྩིས་ལ་དད་གུས་སྐྱེ་བའི་ཕྱིར། །སྔ་རྟགས་ཕྱི་རྟགས་བཤད་པར་བྱ། །བརྩི་བྱའི་སྲོག་ལ་ཁང་པ་བརྩི། །དུས་ཀྱིས་སྲོག་བཅད་ཁང་པ་གས། །ཡང་ན་ས་བདག་མི་ནོར་གནོད། །གནས་ཁང་དེ་བཟུང་ཕན་ཆད་ནས། །མི་བདེ་མང་མྱོང་སྤོས་ན་བཟང་། །སྲོག་ནི་གྲོགས་དང་ཕྲད་པ་ན། །ཁང་པ་ཆེས་ནས་ཕྲི་བའམ། །ཆུང་ནས་བསྣན་ནམ་ ― MR12_Page_0245 ―
[མ་དཔེ་གཟིགས་ན་འདིར་གནོན།]
སྒོ་གསར་སྤོས། །ཕར་ཤོར་ཚུར་ཤོར་ས་སྤོས་མང་། །ད་རུང་ཁང་པ་སྤོས་ས་ཆེ། །བུ་ཕྲད་ཁད་པ་ཞིག་གམ་གསོས། །གསར་ལ་ཡོད་ཅིང་དེ་བཟུང་ནས། །གཏམ་སྣོལ་སྟོང་འཇལ་བྱུང་བ་དང་། །ཁང་པ་དེ་ཡང་འཇིག་ཉེན་ཆེ། །མ་ཕྲད་ཁང་བཟང་མི་ནོར་བཏུབ། །བཟུང་ནས་ལེགས་འཕེལ་ཉེས་པ་འགྲིབ། །ཤིང་ནང་ཕྲད་ན་ཁང་པ་དེར། །རོ་ཡོད་མ་བཏོན་རྐུན་གོད་འོང་། །མེ་གྲི་ཆུང་སྲིས་བུ་རོ་མང་། །བསྲིས་ཕྱེད་མགྲོན་དང་བོན་གྱིས་ཟོས། །དགྲ་དང་རྐུན་མ་འབྱུང་ཞེས་བྱ། །མེ་ཕྲད་ཆ་མཉམ་འབྱུང་བར་བཤད། །ས་ཕྲད་ས་བདག་དམ་སྲི་གནས། །སྨེ་ཤ་ཕོལ་མིག་རྨ་ཤུས་མནར། །དེ་དོན་ཇི་ཡོད་བཏང་བས་ཟད། །ཆབ་གཏོར་ཐོངས་ལ་ཁང་པ་སྤོས། །ལྕགས་ཕྲད་ཁང་པ་རང་ཤུལ་འདྲ། །སྤོས་ན་བཟང་ཞིང་བུ་ནོར་ལ། །དགྲ་ལྡང་ས་བདག་རྒྱུ་སྲང་ཡོད། །གང་སྟོངས་ཕུ་ཆུ་འགྲུབ་སྐམ་འདྲ། །ནད་མང་ཤིང་ཁར་སྤྲེའུ་ཆགས་འདྲ། །ལུས་ཟུང་ངན་པ་རྒན་མོ་འདྲ། །ཆུ་ནང་བྱེས་ཕྱིན་ཟས་ནོར་རྙེད། །སྟོབས་ཆེ་ཁང་པ་འདི་བཟུང་ཕྱིན། །ཕུ་རུ་ཕྱུགས་དར་མདར་ལོ་ལེགས། །བར་དུ་སྡོད་པའི་བུ་ཚ་ལེགས། །གཞན་ཡང་ཁང་པ་གཡས་ཕྱོགས་དགྲ། །གཡོན་གྲོགས་རྒྱབ་མ་མདུན་ན་བུ། །དབུས་ན་རང་གི་མཚན་མ་ཡོད། །དཔེར་ན་ཤིང་ལ་དབུས་ནར་མོ། །སྒོ་ཕྱོགས་ཤར་རམ་ནུབ་ཏུ་བསྟན། །གཡས་ན་ཁང་པ་དཀར་པོ་ཅན། །སྒོ་ནི་ནུབ་བམ་ལྷོར་བསྟན་པ། །ཟླ་གམ་འདྲ་ཡོད་རྒྱབ་ན་སྔོ། །སྒོ་ནི་བྱང་ངམ་ལྷོ་ནུབ་བསྟན། །དབྱིབས་ཟླུམ་མདུན་ན་ ― MR12_Page_0246 ―
[མ་དཔེ་གཟིགས་ན་འདིར་གནོན།]
ཁང་པ་དམར། །སྒོ་ནི་ལྷོ་འམ་བྱང་བསྟན་བརྗོད། ༧ །དེ་ནས་ཞིང་ས་བརྩི་བ་ལ། །དུས་ཀྱིས་བརྩི་བྱའི་དབང་ཐང་བཅད། །ཞིང་དེ་སྐེད་པ་ཆད་འདྲ་ཡོད། །བྲག་སྣ་རི་སྣ་ཟུག་པའམ། །ཕ་བོང་ལ་སོགས་ཟུག་པ་སྟེ། །དེ་ནས་ཀླུས་གནོད་ས་བདག་གི། སྙིང་བཟླུམ་མ་བྱས་འཐེང་པོར་འགྲོ། །ཕར་བཅད་ཞིང་དེ་གཡང་ཅན་ཡིན། །ཁྱོད་ཀྱི་ཟས་སྐལ་དེ་ལ་ཡོད། །དུས་ཚོད་དབང་ཐང་ཕར་བསྐྱེད་ན། །རི་ཧྲུལ་མཆོད་རྟེན་ཅན་དུ་ཡོད། །ཡང་ན་ས་ཕུག་ཀོ་མོ་ཡོད། །ས་བདག་ཀླུ་བཅོས་མ་བྱས་ན། །ནད་ནི་འབྲས་དང་ཕོལ་མིག་འོང་། །དབང་ཐང་ཚུར་བསྐྱེད་ཞིང་སའི་མཆོག །ཁྱོད་ཀྱི་ཕ་མ་ལྟ་བུ་ཡིན། །བཙོང་ན་ཡོ་བྱད་བརླག་པར་འགྱུར། །བཞག་ན་ནོར་དང་སྤྲད་པའི་ཞིང་། །ཤིང་ནང་ཞིང་ས་ནར་མོ་སྟེ། །རྩི་ཤིང་བན་བུན་དེ་ལ་ཡོད། །ས་བདག་ཀླུ་གཉན་གནས་པའི་ས། །རློག་ན་རྩ་རྒྱུས་ཞ་རེངས་འོང་། །ཀླུ་གཏོར་བཏང་ན་ཕན་པ་ཡིན། །མེ་ཕྲད་དགོས་འདོད་འགྲུབ་པའི་ཞིང་། །བཙོང་ཞིང་མ་བྱེད་ཅོག་གེ་ཞོག །ས་འཕྲད་གྲོད་པ་འདྲ་བ་སྟེ། །དེ་ནི་ས་བདག་གཞན་གྱི་གནས། །ཡུན་རིང་ནད་དང་མཛེ་ཡང་གཏོང་། །ཕྱག་རྡོར་སྙིང་པོ་ལ་སོགས་བཟླ། །ལྕགས་ཕྲད་ཟླ་གམ་དབྱིབས་འདྲ་ཡོད། །ཀླུ་བདུད་དང་ནི་ཀླུ་གཉེན་གནས། །བར་དུ་དྲེག་ནད་རུས་ནད་གཏོང་། །རུ་སྡུམ་སྙིང་བསྡུམ་བྱས་ན་ཕན། །ཆུ་ནང་བྲུབ་ཁུང་གྲུ་བཞིར་ཡོད། །ཆུ་མིག་འཇག་འཇོག་ཀོ་མོག་ཡོད། །ཀླུ་སྲིན་མཚོ་སྨན་ ― MR12_Page_0247 ―
[མ་དཔེ་གཟིགས་ན་འདིར་གནོན།]
བསྡོད་པས་གནོད། །ནད་ནི་དམུ་ཆུ་མཁལ་སྐེད་ན། །གཟུངས་འདུས་ཀླུ་འབུམ་མང་དུ་བྱ། །མཚོ་སྨན་གུར་མདོས་བཏང་ན་བཟང་། །ཞིང་ས་ཡོད་མེད་བརྟག་པ་ནི། །བརྩི་བྱའི་དབང་ཐང་དུས་སྟེང་ཁྱེར། །དར་ཡོད་གུད་ན་མེད་པའོ། ༧ །དེ་ནས་ཀླུང་རྟས་དུར་ས་བརྟག །དུས་ཚོད་དང་ནི་ཀླུང་རྟ་འཐབ། །ཤིང་ཕྲད་དུར་ས་རི་ཐང་མཚམས། །མགོ་རུས་མ་ཚང་དེ་རུ་ཤོར། །ཉེ་བ་དགྲར་ལྡང་ཕ་མས་ནས། །སེང་གེ་གངས་བྲལ་ཁྱི་རུ་སོང་། །རོ་སྟོད་མགོ་བྲལ་སོ་མ་ཟིན། །ཁྱོད་སྐྱིད་ང་སྡུག་མགོ་འཆལ་སྐད། །དེ་ལྟར་མ་བྱས་མི་ཤིས་སོ། །མེ་ནང་ལུང་པ་དམར་པོ་ཡོད། །དེ་ཡི་ནང་ན་ས་ནག་པོ། །གྲོག་པོ་ན་ཤིང་བན་བུན་ཡོད། །དེ་ན་ནལ་མི་དུར་དུ་སོང་། །དེའི་རྐྱེན་ཕ་ཚན་མི་མཐུན་ཞིང་། །ཕ་མེས་ན་རེ་གནམ་ས་འཁྲུགས། །འབྱུང་བའི་བཅུད་ཤོར་རི་ཁོང་སྟོང་། །གསོན་པོ་ཡུལ་བཟང་ཨ་རེ་སྐྱིད། །ངེད་ཅག་ཡུལ་ངན་ཨེ་སྡུག་ཟེར། །ལྕགས་ཕྲད་ས་མདོག་དཀར་པོ་དང་། །སྲིན་རྡོ་དཀར་གོང་ཐོ་རེ་བ། །གྲི་བོ་དམེ་ཅན་དུར་དུ་སོང་། །ཕ་མས་ན་རེ་རྟ་བོང་གཉིས། །བྲེས་དང་ཉ་སྤལ་སྒ་མི་གཅིག །དམེ་ཅན་འདི་དང་དུར་མི་གཅིག །ཟེར་བའི་དུར་ས་ཁྱོད་ལ་ཡོད། །ཆུ་ནང་རྫིང་དང་ཆུ་ཉེན་ཡོད། །དམུ་ཆུས་ཟིན་པ་དུར་དུ་སོང་། །ཕ་མེས་ན་རེ་ལྕགས་བྱས་པའི། །སྟ་རེ་འདི་ནི་ལྕགས་ཀྱི་བདུད། །ར་ལས་རྒྱུ་བྱས་འུར་རྡོ་འདི། །ཐ་མ་ར་ཡི་བདུད་དུ་བབ། །གྲུངས་པོར་བྱས་པའི་གཅོང་ཅན་འདི། །ཐ་མ་དུར་གྱི་བདུད་བྱུང་ཟེར། ། ― MR12_Page_0248 ―
[མ་དཔེ་གཟིགས་ན་འདིར་གནོན།]
མེ་ཆུ་ཕྲད་ན་རི་ཐང་མཚམས། །ཐང་ལ་ཉེ་ཡོད་དུར་ཉེས་སེལ། །ཡོད་པས་ནང་མི་འཚམ་པ་དང་། །ཕུ་གངས་བཟང་སྟེ་མདའ་ཆབ་ཆུང་། །བྲག་རི་བཟང་སྟེ་འུག་སྐད་ངན། །ཕན་རེའི་སྨན་དུག་ལེགས་རེའི་དུར། །ཉེས་པས་གསོན་པོ་འཐབ་སྟེ་སྡུག །ལྕགས་ཤིང་གསར་རྙིང་ཆུང་དུར་ཡོད། །སྟེང་དུ་བང་རིམ་ཅན་དུ་ཡོད། །རོ་དུར་མ་སླེབ་ས་བདག་གི། སྙེད་ཅན་དུར་དུ་སོང་བ་ཡོད། །ཤི་མིག་གསོན་བལྟ་ཉལ་ལངས་སྡུག །མི་ཐུབ་དུར་བཅུག་དུར་སྐད་བཅད། །དེ་ཡི་རྐྱེན་སོང་གྱུར་པ་ཡོད། །ལྕགས་མེ་དུར་ས་ཁང་པར་ཡོད། །གྲིབ་བམ་འགོང་པོའི་ས་ན་སྟེ། །ཕ་མེས་ན་རེ་སླང་ཁྲོག་དང་། །རང་ཐང་འུར་ཟས་ཟན་དྲི་མནམ། །གཡོས་པ་མང་དུ་མི་སྟེར་ན། །དུར་དུ་ཟླ་བོ་སྐྱོར་ཟེར་རོ། །མ་བུ་ཀེག་དང་རོ་འདོད་མེད། །གནམ་སྐྱོར་ལེགས་པས་ས་ལམ་ལེགས། །ཤར་རི་ལེགས་པས་གཞས་གླུ་སྟེར། །གཤིན་དུར་ལེགས་པས་གསོན་པོ་བདེ། །ཕ་མེས་ལོ་ཡིས་དུར་བཅད་ན། །དུར་ལ་སྐྱོན་མེད་ཚུར་བཅད་སྐྱོན། །ཀླུང་རྟའི་དར་གུད་དུས་སྟེང་ཁྱེར། །གུད་ན་ལམ་གྲོག་ས་དགྲ་ཡོད། །དུས་ཚོད་དབང་ཁམས་ཤིང་ཡིན་ན། །དུར་དེའི་རྒྱབ་ནི་ཤར་དུ་བསྟན། །དེས་འགྲེ་གཡས་གཡོན་ཤེས་པར་འགྱུར། །རང་ས་དུས་ཚོད་དབང་འབྱུང་དངོས། །ཕ་ཆེན་སྲོག་ལ་ཞང་པོ་ལུས། །བྱན་མོ་གྲོགས་ལ་རྗེ་དཔོན་ཀླུང་། །གང་ཤར་གང་ལ་དགྲ་དེ་དགྲ། །འཁྲུགས་པ་སྡེབས་ལ་ཤིང་མེ་ས། །ལྕགས་ཆུའི་འབྲས་བུ་གོང་ལྟར་བཤད། ། ― MR12_Page_0249 ―
[མ་དཔེ་གཟིགས་ན་འདིར་གནོན།]
འདི་ལ་དུས་ཤིང་དཔེར་བཟུང་ན། །བརྩི་བྱ་ཤ་སྔོ་མགོ་སྤྲུག་པ། །སྐད་འགག་གྲེ་བ་འདར་བ་སོགས། །ཤིང་གི་མཚན་མ་ཅི་རིགས་ཡོད། །རང་ཕྱོགས་གཉེན་དང་དགྲ་ཕྱོགས་དགྲ། །ཤིང་ལ་གཉེན་ཤར་དགྲ་ནུབ་བཞིན། །དགྲ་ནི་མདོག་དཀར་ཁ་གདང་སྨྲ། །དམེ་ཅན་སོགས་ཡིན་དེ་འདྲ་བའི། །ཁྱིམ་མཚེས་ཡོད་ཀྱང་དགྲ་བྱེད་དོ། །དེ་བཞིན་སྲོག་གི་ཕ་སོགས་བརྩི། །དེ་དག་སོ་སོའི་འབྱུང་ཁམས་ཀྱི། །དགྲ་ནི་སོ་སོ་དག་ལ་བརྩི། །གཉེན་དང་དགྲ་དེ་ཡོད་མེད་ནི། །དུས་ཚོད་སྟེང་དུ་རང་རང་གི། སོ་སོའི་འབྱུང་ཁམས་དར་གུད་བཏུག །བཟང་དྲུག་ལ་ཡོད་ངན་དྲུག་མེད། ༧ །ཡང་ནི་སྐྲ་ཚད་བཤད་པ་ནི། །སྔར་ལྟར་ཤིང་ལ་སྐྲ་ཕྲུག་ཅན། །མེ་ལ་རལ་ཅན་སར་བནྡེ། །ལྕགས་ལ་མགོ་རེག་ཆུ་སྐྲ་བསིག །ཤ་མཚན་ཤིང་ལ་ལྦ་བ་དང་། །ལྕགས་ལ་མཆན་ཁུང་སྨེ་བ་སོགས། །སྔར་བཤད་ཇི་བཞིན་ངེས་པར་བྱ། ༧ །གང་ཟོས་བརྟག་པར་བྱ་བ་ན། །ཤིང་གི་དུས་སུ་དྲི་བ་ན། །གཡོས་མ་སྔོ་ཚོད་ཤ་མང་ནི། །ཤིང་གི་སྣོད་དུ་བཅུག་པ་དང་། །རྩིབ་ཤ་མཆིན་པ་ཤ་ལྷུ་ཟོས། །མེ་ལ་ཟན་དྲོན་བག་ཚའམ། །སྟོད་ཤ་རྒྱུ་མ་སྣོད་ཟངས་སམ། །སྡེར་སོགས་སྣོད་དམར་ཆང་ཚའམ། །སྐྱུར་པོ་འཐུངས་སམ་ད་ནས་ཡང་། །ས་ལ་ཟན་སྦྲུས་སྤག་སྒོག་ཆུ། །འཁུར་བ་གཟུགས་ཤ་བསྲེག་ཤ་དང་། །སྐམ་ཤ་སྐེ་ཟོས་སྣོད་རག་གམ། །སེར་པོ་རྫ་སྣོད་ཟོས་པའོ། །ལྕགས་ལ་དཀར་གསུམ་ཕྲུམ་མ་དང་། །མཁར་ལྡེར་མཁར་སྣོད་དངུལ་སྣོད་ ― MR12_Page_0250 ―
[མ་དཔེ་གཟིགས་ན་འདིར་གནོན།]
སོགས། །དཀར་པོའི་སྣོད་དུ་དར་ཞོ་ཟོས། །ཆུ་ལ་ལྷད་ཅན་སྨད་ཤ་དང་། །མོ་ཤ་མཁལ་མ་སྣོད་ནག་ཅན། །ཆང་བསིང་གྲོ་མེད་འཐུངས་མ་འཐུང་། །ཟོས་སམ་མ་ཟོས་བརྟག་པ་ནི། །དུས་ཚོད་དབང་ཁམས་བརྩི་བྱའི་ལོར། །དར་གུད་སྦྱར་བ་དར་ན་ཟོས། །གུད་ན་མ་ཟོས་གཉིས་ཀ་ཡང་། །ཕར་སྦྱར་ཚུར་སྦྱར་བྱས་པ་ཡིས། །གཉིས་ཀ་དར་ན་ལན་གཉིས་ཟོས། །བརྩི་བྱ་དར་ན་ལན་གཅིག་ཟོས། །གཉིས་ཀ་གུད་ན་མ་ཟོས་སམ། །མ་འགྲང་ཡོད་ཅེས་སྨྲ་བར་བྱ། ༧ །ཅི་ན་བརྟག་པ་ཤིང་གི་དུས། །རླུང་གི་ནད་དང་རྩ་རྒྱུས་དང་། །ཕོ་མཆིན་མིག་དང་རྩིབ་གཡས་ན། །མེ་ལ་སྙིང་རྒྱུ་ཁྲག་འཁྲུགས་ལྕེ། །རོ་སྟོད་སྐེ་མཇིངས་ཚ་རིམས་ནད། །ས་ལ་ཕོ་འཚེར་ལྕི་འཐེབ་དང་། །ཤ་ནད་རྨ་ཤུ་ཕོལ་འབྲས་དང་། །སྣ་འགག་མཆུ་ནད་ཆམ་པ་འོང་། །ལག་གཡོན་ཟུག་གཟེར་ནད་ཀྱང་བཤད། །ལྕགས་ལ་གློ་ལོང་སྐྲན་རུས་ནད། །སྣ་དང་སོ་ནད་གློ་ཚད་ཡོད། །ཆུ་ལ་ཆུ་ནད་རྡེའུ་རིགས། །མཁལ་སྐེད་གྲང་བ་པུས་མོ་རྐང་། །ཆུ་སོ་རྣ་བ་སོགས་ནའོ། །ནད་དེའི་ཉེན་ནི་ཤིང་གི་དུས། །ཤར་ནུབ་ཕྱོགས་ནས་གཉེན་མགར་བ། །ཞང་པོ་ཤིང་བཟོའི་ལག་དག་ནས། །གོང་བཤད་ཤིང་ཟས་རིགས་ཟོས་སམ། །ལོངས་སྤྱོད་དེ་འདྲས་གནོད་པར་བརྟག །མེ་དུས་ལྷོ་བྱང་གཉེན་སྲིང་མོ། །ཡུག་ས་མ་ཚའམ་བུའི་ལག་ནས། །གཉའ་བ་ར་ཤ་ཆང་བསིང་སོགས། །མེ་ཟས་མེ་ཡི་བདོག་པས་གནོད། །ས་ལ་ཤར་རམ་ལྷོ་ནུབ་ནས། །གཉེན་ནམ་རྒན་མོ་ ― MR12_Page_0251 ―
[མ་དཔེ་གཟིགས་ན་འདིར་གནོན།]
བུ་ཚ་དང་། །བནྡེ་མགྲོན་ལག་ཡ་ཟས་སོགས། །མཁར་ལས་རྒན་མོ་བརྟེན་པས་ཉེན། །ལྕགས་ལ་ལྷོ་ནུབ་གཉེན་ཞང་པོ། །བུ་ཚ་བུ་སྲིང་རྫ་མཁན་དང་། །མགར་དང་དམེ་ཕོའི་ལག་ནས་ནི། །སྐྱོ་མ་མགོ་ཤ་སྟོད་ཤ་དང་། །དཀར་སོགས་ལྕགས་ཟས་ལྕགས་རྫས་ཉེན། །ཡང་ན་མགར་བའི་སོལ་མལ་ཕྱིན། །ཆུ་ལ་བྱང་ཕྱོགས་ཡུག་སའམ། །བུ་མེད་ནག་མོའི་ཕ་ཁྱིམ་ནས། །ཟས་ཟོས་སོགས་ཀྱིས་ལེན་པར་བལྟ། །འབྱུང་བ་གང་ཤར་དེ་དག་གི། དགྲའམ་བུ་ཕྱོགས་གཡང་ཉམས་གོད། །མ་གྲོགས་དར་ན་དེ་ཕྱོགས་ནས། །དཔལ་འབྱུང་ལ་སོགས་མཐའ་དཔྱད་ལས། །རྒྱས་སྤྲོས་འཕྲུལ་ཞིང་རྒྱ་ཆེར་དཔྱད། ༧ །ཆང་ནི་ཡོད་མེད་སྟེར་མི་སྟེར། །བསིངས་པ་ཚར་དང་མ་ཚར་ནི། །བརྩི་བྱའི་ལུས་དབང་དར་གུད་གཉིས། །དུས་ཚོད་སྟེང་སྦྱར་དར་ན་ཡོད། །རྒུད་མེད་དབུགས་མངལ་ལུས་ཁྲུས་བཞི། །གླུམ་མནན་ཐག་ཏུ་ལང་བ་ཡོད། །དུས་ཚོད་བརྩི་བྱ་ཕོ་ལོ་འཕྲད། །བསིངས་འཐུང་ཚར་ཞིང་མོ་ཕྲད་ན། །བསིངས་པ་མ་ཚར་གཅིག་ཕོ་ལོ། །གཅིག་ནི་མོ་ལོ་ཕྱེད་བསིང་ཙམ། །རང་གི་ལུས་དབང་དུས་ཚོད་ཀྱིས། །ལུས་དབང་གིས་བཅད་མི་སྟེར་ལ། །ཚུར་བསྐྱེད་སྟེར་ཞིང་ཕར་བསྐྱེད་ནམ། །གཅོད་ན་ཕྱེད་ཉེན་ཆང་གི་ཁ། །དུས་ཚོད་རང་ངམ་མ་གྲོགས་ན། །ཕལ་ཆེར་རང་གི་ཕྱོགས་ལ་ཡོད། །བདུན་པ་དགྲ་གཤེད་ཆང་གོད་འོང་། །བྲོ་བ་ཤིང་ལ་རེངས་ ― MR12_Page_0252 ―
[མ་དཔེ་གཟིགས་ན་འདིར་གནོན།]
པ་དང་། །མེ་སྐྱུར་ས་བསྐ་ལྕགས་ཞིམ་མངར། །ཆུ་ལ་སླ་ལ་བསིངས་པ་ཡོད། ༧ །མོ་ནས་ལ་ནི་བརྟག་བྱ་བ། །དུས་ཚོད་སྲོག་དང་དེའི་དབང་སྤྲད། །སྲོག་དར་སྣོད་ཁེངས་ཕྱིར་མི་དམའ། །འབྲིང་ན་སྣོད་དེའི་ཕྱེད་མི་དམའ། །གུད་ན་མེད་དམ་མང་པོ་མེད། །ཕྱོགས་ནི་དུས་ཚོད་ཤིང་ཡིན་ན། །ཤར་རམ་ནུབ་ནས་ཁྱེར་འོང་ཞེས། །རང་ངམ་དགྲ་ལ་སྦྱར་བས་ཤེས། །སྣོད་ནི་དུས་ཚོད་ཁ་དོག་གམ། །ཁམས་སམ་ཐ་ན་ཉེ་འཁོར་དུ། །དེ་ཡི་རིགས་ཅན་ཡོད་པར་སྨྲ། །ཞིབ་པར་འབྱུང་ལྔའི་ཁམས་དབྱེ་མི། །མཐའ་དཔྱད་རྒྱས་སྤྲོས་སྦྱར་ཤེས་ན། །ལྡོག་གྱུར་ཀུན་མཐོང་ངོ་མཚར་ཆེ། །གཞན་ཡང་དུས་རྩིས་སྒོས་ཆོས་དང་། །ཚངས་པ་སྤྱི་རྒྱུད་ཞེས་བྱ་ནས། །བཤད་པའི་རྩིས་སྒོ་བཅུ་གསུམ་སོགས། །དུས་ལ་བརྟེན་པའི་རྩིས་མང་པོ། །གཞུང་གཞན་དག་ལས་འབྱུང་ལྟར་བྱ། ༧ །ད་ནི་སྤྱི༷་ཡི་ཁ་དམར་ལས། །ངོ་ལོན་ཆོ་ག་བསྟན་པ་ཡིས། །གནོད་སེལ་ཕན་པ་སྒྲུབ་པ་ལ། །རྡེའུ་ཐམས་ཅད་དཀར་ཆེས་ན། །ཟླ་བ་ཉ་བ་འགྲིབ་འདོད་དང་། །ཟངས་དཀར་འོ་མས་འཕྱུར་འདོད་ཅེས། །བཀྲ་རྒན་དང་ནི་སྐྱིད་བོར་ངན། །ལྷ་གྲིབ་འཁོན་རྩོག་ལྷ་ནད་ངོ་། །རྣམ་འཇོམས་སྨེ་བརྩེགས་གཟུངས་ཁྲུས་བྱ། །གཟའ་སྐར་དུས་ཚེས་དགེ་བའི་ཉིན། །ལྷ་བསང་བཅུ་གསུམ་མཉམ་དུ་གཏོང་། །ལྷ་གསོལ་དུང་གྲགས་མང་ཇ་འགྱེད། །གཏོ་སྐུ་བཙུགས་ཤིང་རྩེ་རུ་བཀྱག །བདུད་བཟློག་ཁྱིམ་དུ་དགེ་འདུན་སྡེ། ། ― MR12_Page_0253 ―
[མ་དཔེ་གཟིགས་ན་འདིར་གནོན།]
སྤྱན་དྲངས་ཆོས་སྟོན་སྟོན་མོ་བྱ། །བཛྲ་གུ་རུའི་དར་ལྕོགས་ནི། །ལུས་ཚད་བདུན་བྱས་ཤིན་ཏུ་བཟང་། །ནག་འབྱམས་བདུད་ཀྱི་རེ་བ་དང་། །ངན་པ་མང་དུ་འདོམས་པ་ན། །ཉི་ཟླ་སྐར་གསུམ་ཐང་ལ་ལྷུང་། །རབ་ཏུ་འཚུབ་ཅིང་མི་ཤེས་པས། །བདུད་བཟློག་མགོ་གསུམ་དུར་ལོས་དང་། །མགོན་པོའི་མདོས་ཆེན་བཏང་བར་བྱ། །ཤེར་ཕྱིན་འབུམ་དང་ཟབ་མདོ་སྒྲོགས། །བཀའ་བརྒྱད་དང་ནི་གུར་དྲག་དང་། །འཇིགས་བྱེད་བསྙེན་པ་ཇི་མང་དང་། །སིདྡྷིའི་དར་ལྕོགས་སྦྲ་ཁྱིམ་བསྐོར། །བན་སྔགས་བོན་པོ་མགྲོན་དུ་བོས། །ཆོས་སྔགས་གཏོ་ཡིས་མྱུར་བར་བཅོས། །ཁྲ་བོ་ཤིན་ཏུ་མང་བ་ན། །མི་དེ་ལྷ་འདྲེའི་རྒྱན་ལ་བབ། །མི་བདེ་སྣ་ཚོགས་རེས་མོས་འོང་། །སྐྱིད་སྡུག་སོས་ཁའི་ནམ་མཁའ་འདྲ། །བདེ་ཀྱེ་དུས་འཁོར་བསྙེན་པ་དང་། །དགོན་ཆེན་མང་ཇ་དུང་གྲགས་བྱ། །མདོས་ཆེན་འཕང་དང་མ་ཎི་དང་། །སིདྡྷིའི་དར་ལྕོགས་ལུས་ཚད་བྱ། །ཕུར་པའི་དབང་ཞུ་བརྒྱ་བཞི་བོར། །དུས་ཀྱི་འབྱུང་བའི་ཁམས་བརྟག་སྟེ། །ཤིང་ལ་ཕུར་སྒྲུབ་ལྷ་གསོལ་བྱ། །མེ་ལ་བཙན་བཅོས་གཤེད་དམར་དབང་། །ས་ལ་ས་བདག་ལྷ་མོ་མཆོད། །ལྕགས་ལ་དྲག་པོའི་གཞི་སྲུང་བྱ། །ཆུ་ལ་མཁའ་འགྲོའི་སྒྲུབ་པ་བྱ། །ཤིང་བུར་བཙན་མཆོད་རྟ་མགྲིན་འདོན། །མེ་བུར་རྒྱལ་མཆོད་བཀའ་ཐང་སྒྲོགས། །ས་བུར་ཕོ་ལྷ་སྲུང་མ་མཆོད། །ལྕགས་བུར་ཀླུ་སྨན་བཤགས་འབུམ་འདོན། །ཆུ་བུར་ཞི་བ་དཀར་པོ་བྱ། །ཤིང་དགྲར་གླུད་བསྔོ་གྲི་འདུལ་བྱ། །མེ་དགྲར་ ― MR12_Page_0254 ―
[མ་དཔེ་གཟིགས་ན་འདིར་གནོན།]
འཁྲུགས་བཅོས་འབུམ་ཟློག་བྱ། །ས་དགྲར་གསེར་འོད་ཀུན་རིག་འདོན། །ལྕགས་དགྲར་ཀུན་རིག་གུར་དྲག་འདོན། །ཆུ་དགྲར་ཇོ་དར་ས་སྙིང་འདོན། །ཤིང་ནང་ལོ་གླུད་བརྒྱ་བཞི་བྱ། །མེ་ནང་གཡང་སྒྲུབ་མར་མེ་བྱ། །ས་ལ་སྨན་བླ་བསང་ཀླུང་རྟ། །ལྕགས་ལ་ཚ་ཚ་སྦྱིན་སྲེག་བྱ། །ཆུ་ལ་དགྲ་མནན་ཆུ་གཏོར་བསྔོ། །གཞན་ཡང་འབྱུང་བའི་ཚུལ་བརྟག་སྟེ། །རང་ཁམས་དང་ནི་གཉེན་པོ་ཡིས། །ཞི་དང་གནོན་པར་བྱ་བ་ཤིས། །སྲོག་ནི་བཅད་དམ་གུད་པ་ཡིས། །སྲོག་ངན་ཚེ་ཐར་ཚེ་གཟུངས་དང་། །ཐོས་གྲོལ་ལམ་འཕྲང་ཟམ་པ་བཅོས། །རྣམ་རྒྱལ་སྟོང་མཆོད་ཚེ་ལྷའི་སྐུ། །བཞེངས་དང་ཉེའུ་འདོན་པ་དང་། །སཱཙྪ་བརྒྱ་བཞི་མར་མེ་བྱ། །སྲོག་གི་གླུད་བོར་བརྒྱུད་སྲུང་མཆོད། །ས་བདག་བཅོས་ཤིང་ཕུར་པ་དང་། །སིདྡྷི་སྣང་བརྒྱད་ཚེ་སྒྲུབ་འདོན། །ས་མིག་ལེགས་པར་མཆོད་རྟེན་བརྩིགས། །ལུས་ངན་སྨན་བླའི་དབང་ཞུ་ཞིང་། །ལུས་བསྒྱུར་མིང་བརྗེ་སྡོམ་པ་སྲུང་། །ཀློགས་འདོན་དགེ་རྩ་གང་འགྲུབ་དང་། །སྒྲོལ་མའི་མཎྡལ་བཞི་ཆོག་བྱ། །བསྐོར་བ་མཆོད་རྟེན་སྐུ་དཀར་གསོལ། །སྨན་བླའི་མདོ་ཆོག་བྱ་བ་དང་། །གཟུངས་སྔགས་སྲུང་འཁོར་གདགས་པ་དང་། །ཆབ་གཏོར་ཛམ་ལྷའི་ཆུ་སྦྱིན་བྱ། །དབང་ངན་སྦྱིན་མཆོད་རྒྱ་ཆེ་དང་། །བྱ་དང་ཉ་སོགས་སྟོན་མོ་འགྱེད། །དགེ་སློང་སྔགས་བོན་བྱིས་བ་མཆོད། །གོད་མནན་གཡང་འགུག་ཆུ་གཏོར་དང་། །སྡུད་པ་གསེར་འོད་གཡང་སྐྱབས་འདོན། །མར་མེ་ལ་སོགས་རྟེན་ལ་འབུལ། །ཀླུང་ངན་ལེའུ་བདུན་སིདྡྷི་དང་། །བསམ་ལྷུན་རྒྱལ་མཚན་རྩེ་མོ་ ― MR12_Page_0255 ―
[མ་དཔེ་གཟིགས་ན་འདིར་གནོན།]
དང་། །བཀྲ་བརྩེགས་གཙུག་ཏོར་ལོ་གྲངས་འདོན། །ལམ་བཅོས་བྱ་ཞིང་སྙན་དར་འཕུལ། །མཚན་བརྗོད་ཕྱོགས་བཅུ་མུན་སེལ་འདོན། །སངས་རྒྱས་བྱང་སེམས་བསྟོད་པ་བཀླག །ལྷ་གསོལ་དགྲ་མནན་མི་ཁ་དཀར། །མཆོད་རྟེན་ལ་སོགས་ཞིག་གསོ་བྱ། །གཞན་ཡང་དཀར་ཆོས་མདོ་སྔགས་གཏོ། །གང་ལ་གང་འཚོམས་རིམ་གྲོའི་ལུང་། །འབོག་བྱ་དེས་ནི་བདེ་ལེགས་གྱུར། །རྟེན་འབྲེལ་མི་སླུར་ཡིད་ཆེས་ཤིང་། །དད་དང་སྙིང་རྗེས་འཇུག་པ་པོ། །ཡེ་མཁྱེན་བློ་ལྡན་འཇམ་དཔལ་སྲས། །བདེ་ནས་བདེ་བར་སངས་རྒྱས་འཐོབ། །འདིར་སྨྲས་པ། ལག་པའི་མཐིལ་ན་ནོར་བུའི་མེ་ལོང་ལས། །གང་འདོད་དོན་མཐོང་ནོར་དུ་མི་ཆེའམ། །མེ་ཏོག་ཐོད་ཀྱི་གསུང་བཟང་སྤོར་ཐང་གི། ངོ་མཚར་ལྟོས་ཤིག་བློ་དང་ལྡན་པ་རྣམས། །འདི་ནི་གཞོན་ནུ་བདག་གི་རྩེ་མོ་ཡི། །དགའ་སྟོན་ཉམས་སུ་མྱོང་བའི་ལག་ཆ་ཡིན། །བློ་གསལ་གཞན་ལའང་བརྩེ་བས་འགྱེད་བགྱིད་ན། །དགེ་བས་འགྲོ་ཀུན་ཡེ་ཤེས་མིག་ཐོབ་ཤོག །ཅེས་པ་འདི་ནི་ཨ་ཛི་ཏར་འབོད་པས་གཞན་ལ་ཕན་པའི་བསམ་པས་རྩིས་གཞུང་རྣམས་ལས་ཕྱོགས་གཅིག་ཏུ་བསྡུས་ཏེ་རང་ལོ་ཉེར་གཅིག་པ་རབ་ཚེས་མེ་སྟག་དབོ་ཟླའི་དཀར་ཕྱོགས་བཟང་པོ་གསུམ་པར་གྲུབ་པར་བགྱིས་པ་ལ། །སླར་ཡང་རྩོམ་པ་པོ་རང་ཉིད་ཀྱིས་རྒྱས་སྤྲོས་དོར་ནས་ཚིག་སྣ་ཅུང་ཟད་བསྡུས་ཏེ་བཀོད་པ་མངྒ་ལཾ། །མགོ་ཟླ་ལོ་མགོར་བྱས་པ་དང་། རྒྱལ་ཟླ་ལོ་མགོར་བྱས་པ་གཉིས་ཟླ་ཁམས་ལ། བཅུ་གཅིག་པ་མ་གཏོགས་པའི་ཡ་ལྔ་མི་འདྲ་ཆ་དྲུག་དང་བཅུ་གཅིག་པ་སྟེ་ཟླ་བ་བདུན་ཟླ་བའི་དབང་ཐང་གཅིག་ཏུ་བབས་པས་དུས་ཁམས་ལ་ཁྱད་མི་འདུག །ཡ་ཆ་ནི་ཆོ་འཕྲུལ་ལ་ཟླ་བ་དང་པོ་བྱས་ནས་བརྩིས་པའོ། །མངྒ་ལཾ།། །། མཚན་འབུམ་ནོར་བུའི་ཕྲེང་བ་ལས་ཁོལ་ཕྱུང་གཅེས་བཏུས།― MR12_Page_0257 ―
[མ་དཔེ་གཟིགས་ན་འདིར་གནོན།]
མཚན་འབུམ་ནོར་བུའི་ཕྲེང་བ་ལས་ཁོལ་ཕྱུང་གཅེས་བཏུས་བཞུགས་སོ། ། ― MR12_Page_0258 ―
[མ་དཔེ་གཟིགས་ན་འདིར་གནོན།]
ཨེ་མ་ཧོ། མཁྱེན་བརྩེ་ནུས་པའི་ཡོན་ཏན་ཡོངས་རྫོགས་པ། །བདེ་བར་གཤེགས་པ་ཡེ་ཤེས་སྐུ་ཅན་གྱི། །སྙིང་རྗེ་ཆེན་པོས་ཚོགས་གཉིས་མཐར་ཕྱིན་པའི། །འོད་ཟེར་ཆོ་འཕྲུལ་ཆེན་པོ་དྲན་བྱས་ནས། །བདག་མེད་ངང་ནས་བྱམས་སོགས་བཞི་ལྡན་པར། །འོད་ཀྱིས་ཀུན་ཏུ་ཁྱབ་དམིགས་གསང་སྔགས་བཟླ། །ཨ་ར་པ་ཙ་བཟླ། ཡང་ན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔལ་རྒྱལ་བ་ཤཱཀྱ་ཐུབ་པ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །སྟོན་པ་བཀའ་དྲིན་ཅན་འདི་དང་པོར་དྲན་ཅིང་ཕྱག་འཚལ། མཚན་ཐོས་པ་ཐམས་ཅད་ཕྱིར་མི་ལྡོག་པར་གསུངས། དེ་བཞིན་དུ་ཀུན་ཀྱི་ཐོག་མར་བཅོམ་ལྡན་འདས་ནས་སངས་རྒྱས་བར་དང་། མང་ན་དེ་བཞིན་གཤེགས་པ་ཙམ་དང་། མཐར་ཕྱག་འཚལ་ལོ་མཆོད་དོ་སྐྱབས་སུ་མཆིའོ་འམ་ཕྱག་འཚལ་ལོ་ཞེས་སྦྱར་ལ། ཚེ་དང་ཡེ་ཤེས་དཔག་ཏུ་མེད་པ་རྣམ་པར་ངེས་པའི་དབང་པོའི་ ― MR12_Page_0259 ―
[མ་དཔེ་གཟིགས་ན་འདིར་གནོན།]
རྒྱལ་པོ་ལ༴ འདིས་བྱང་ཆུབ་ལ་གཞོལ་ཞིང་སྔགས་འགྲུབ། འོད་དཔག་མེད༴ རིན་ཆེན་ཏོག་ལ༴ དེ་གཉིས་ཀྱང་གོང་དང་འདྲ། བྱང་གི་ཕྱོགས་སུ་འཇིག་རྟེན་གྱི་ཁམས་དཔལ་རྩེགས་པ་ན། དཔལ་གྱི་སྙིང་པོ་བརྩེགས་པ་རྣམ་པར་བསྒྲགས་པའི་རྒྱལ་པོ་ལ༴ མཚན་འདི་མོས་པ་ཁོ་ནས་ཕྱིར་མི་ལྡོག་སོགས། བྱང་ཕྱོགས་སུ་འཇིག་རྟེན་གྱི་ཁམས་རྡོ་རྗེའི་སྙིང་པོ་ཅན་ན། རྡོ་རྗེ་རབ་ཏུ་འཇོམས་པ་ལ༴ གོང་འདྲ། ཟླ་འོད་ལ༴ བྱང་ཆུབ་སེམས་ནམ་ཡང་མི་བརྗེད། འགྲོ་བ་ཐམས་ཅད་ཡོངས་སུ་སྦྱོང་བའི་རྒྱལ་པོ་ལ༴ སྡིག་པ་ཀུན་ཚེ་འདིར་འབྱང་། བྱང་ཆུབ་བར་དགེ་རྩ་མི་འཛད། མིག་ཡོངས་སུ་སྦྱོང་བའི་རྒྱལ་པོ་ལ༴ ཏདྱ་ཐཱ། ཙཀྵུ་ཙཀྵུ་ཛྙཱ་ན་ཙཀྵུ་སྭཱ་ཧཱ། ལྷའི་མིག་ལྟར་འགྱུར་དགེ་རྩ་མི་ཟད་རང་གི་མིག་དག་ཕྱིར་ཡོང་། མེ་ཏོག་དཔལ་ལ༴ ཏདྱ་ཐཱ། པུཥྤེ་པུཥྤེ་སུ་པུཥྤེ་སྭཱ་ཧཱ། མེ་ཏོག་ཇི་ལྟར་བཤམས་པར་ཉེར་གཅིག་བསྔགས་ལ་མཆོད་རྟེན་ལ་གཏོར་ན་སྒྲིབ་པ་ཀུན་བྱང་བསམ་པ་ཐམས་ཅད་རྫོགས། ས་འཛིན་རྒྱལ་པོ་ལ༴ ཏདྱ་ཐཱ། ― MR12_Page_0260 ―
[མ་དཔེ་གཟིགས་ན་འདིར་གནོན།]
དྷ་རེ་དྷ་རེ་དྷ་རེ་ཎི་བནྡྷེ་སྭཱ་ཧཱ། འདིས་ཇི་ལྟར་བསམ་པ་ཐམས་ཅད་ཡོངས་སུ་རྫོགས། རིན་ཆེན་གཙུག་ཏོར་ཅན་ལ༴ དུད་འགྲོས་ཐོས་ཀྱང་མཐོ་རིས་སྐྱེ་སོགས། མི་འཁྲུགས་པ་ལ༴ སྒྲིབ་བྱང་བདུད་འཇོམས་སེར་བ་བཟློག་སོགས། བདེ་བ་ཆེན་པོ་ཐོབ་པ་ལ༴ འགྲོ་ཀུན་བདེར་གྲོལ་བསོད་ནམས་ཚད་མེད་ཐོབ། ཟླ་བ་ལྟར་དཀར་བ་ལ༴ །ཆོས་དཀར་ཟླ་ལྟར་ཕྱིར་མི་ལྡོག །སངས་རྒྱས་ཉི་འོད་ལ༴ ཆོས་དཀར་ཉི་ལྟར་བདུད་དང་མུ་སྟེགས་ཀུན་འཇིགས། སངས་རྒྱས་པདྨོའི་བླ་མ་ལ༴ འཇིག་རྟེན་ན་པདྨ་དང་འདྲ་བར་དགེ་ཆོས་འཕགས་སོ། །སངས་རྒྱས་རིན་ཆེན་འོད་ཟེར་ཟླ་བས་བརྒྱན་པ་མཁས་པའི་གཟི་བརྗིད་དབྱངས་ཀྱི་དབང་ཕྱུག་གི་རྒྱལ་པོ་ལ༴ སངས་རྒྱས་མེ་ཏོག་གི་འོད་ཀྱིས་རྣམ་པར་རོལ་པ་མངོན་པར་མཁྱེན་པ་ལ༴ སངས་རྒྱས་མེ་ཏོག་རྒྱས་པ་སཱ་ལའི་རྒྱལ་པོ་ལ༴ སངས་རྒྱས་ཟླ་བའི་དཀྱིལ་འཁོར་རྣམ་དག་ལ༴ སངས་རྒྱས་ཟླ་བའི་དཀྱིལ་འཁོར་རྣམ་དག་ལ༴ སངས་རྒྱས་རབ་ཏུ་ཞི་བ་མཁས་པའི་གཟི་བརྗིད་དབྱངས་ཀྱི་དབང་ཕྱུག་གི་རྒྱལ་པོ་ལ༴ སངས་རྒྱས་བརྩོན་འགྲུས་གྲངས་མེད་པས་ཡང་དག་པར་རབ་ཏུ་གནས་པ་ལ༴ སངས་རྒྱས་འདི་དྲུག་གི་མཚན་གྱིས་ཚེ་བརྗེས་ནས་འཁོར་བསྒྱུར་ཐོབ། སངས་རྒྱས་ཚད་མེད་མཆོད། ཆོས་འཛིན། ནམ་ཡང་ཐེ་ཚོམ་སེར་སྣ་རྨོངས་སེམས་མེད། ཚེ་རབས་དྲན། རྒྱལ་དང་བྱང་སེམས་ཀྱིས་དགོངས་བྱིན་གྱིས་རློབ། བདུད་ཚར་ཆོད། ཉན་རང་གི་ས་ལས་འདས། སེམས་ཅན་སེམས་ཀྱི་དྲི་མ་སེལ་ཆོས་ལ་འགོད། སངས་རྒྱས་དང་བྱང་སེམས་སྤྱོད་པ་མི་འབྲལ། རྫོགས་སྨིན་སྦྱང་པ་མཐར་ཕྱིན། སྒྲིབ་ཀུན་བྱང་། ལུས་མཚན་ཀྱང་རྡོ་རྗེ་ལྟར་འཁྲེགས་གསེར་མདོག་འོད་དང་དྲི་འབྱུང་། ཚངས་དབྱངས་ཐོབ། ནད་དང་ཡིད་མི་བདེ་མི་འབྱུང་། མངོན་ཤེས་སོགས་ཐོབ། འཆི་ཚེ་སངས་རྒྱས་མཐོང་། རང་བླ་མེད་བྱང་ཆུབ་ལས་མི་ ― MR12_Page_0261 ―
[མ་དཔེ་གཟིགས་ན་འདིར་གནོན།]
ལྡོག་གཞན་དེར་འགོད་སོགས་ཕན་ཡོན་གྲངས་མེད་གསུངས་སོ། །གསེར་ལྟར་སྣང་བ་ལ༴ ཆོས་ཀུན་མིག་ཡོར་ལྟར་སྟོན་ཡིད་བདེ་བར་བྱེད། ཡན་ལག་བླ་མ་ལ༴ སྲེད་པའི་ཆུ་ལ་འགྲོ་ཀུན་མྱ་ངན་མེད་པར་གྲོལ། མེ་ཏོག་འདྲ་བར་ཀུན་ཀྱིས་བཀུར། ལུས་མ་ཁྲེགས་ཕྱིར་མི་ལྡོག །བུད་མེད་ལས་ལྡོག་གོ། དཔའ་བརྟེན་པའི་སྡེ་མཚོན་ཆས་ཉོན་མོངས་པ་སེལ་བ་ལ༴ རྡོ་རྗེ་ལྟར་འགྱུར་བདུད་ལས་རྒྱལ། རྨི་ལམ་དུ་མཚན་དེ་གྲགས་ནའང་སེམས་ཅན་མང་པོའི་དོན་བྱེད་སངས་རྒྱས་ཐོབ་སོགས་སོ། །དཔལ་གྱི་སྙིང་པོར་སྣང་བ་ལ༴ ངན་སོང་མེད། ཇི་སྨོན་བཞིན་ཐེག་ཆེན་གྱིས་འཚང་རྒྱ། བདེ་ལྡན་སོགས་ཕན་ཡོན་ཚད་མེད། སངས་རྒྱས་ཉི་ཟླ་སྒྲོན་མ་ལ༴ དེ་ཐོས་སངས་རྒྱ ས་མཐོང་གང་ཐོས་བླ་མེད་བྱང་ཆུབ་ལས་མི་ལྡོག །བདུད་དང་བར་ཆད་མེད་སོགས། སངས་རྒྱས་ཀུན་ཏུ་སྤོས་ཞེས་བྱ་བ་ལ༴ ལུས་ལ་དྲི་ཡིད་འོང་འབྱུང་། བདུད་ཀྱིས་མི་གནོད་དགོངས་ཏེ་གསུངས་པ་ཤེས། རིན་ཆེན་བཟང་སོགས་ལས་འཕགས། སྨན་གྱི་བླ་བཻཌཱུཪྻའི་འོད་ཀྱི་རྒྱལ་པོ་ལ༴ ནད་ཞི་ཉོན་མོངས་བྱང་སོགས་ཕན་ཡོན་ཚད་མེད། ངན་སོང་ཐམས་ཅད་ཡོངས་སུ་སྦྱོང་བའི་གཟི་བརྗིད་ཀྱི་རྒྱལ་པོ་ལ༴ ཐོས་པ་ཙམ་གྱིས་ཕན་ཡོན་དཔག་མེད་སྐྱེད། རྣམ་པར་སྣང་མཛད་ལ༴ འདིའི་བ་སྤུའི་ཡོན་ཏན་ཀྱང་ཚད་མེད་མཚན་ཐོས་པས་བསོད་ནམས་ཚད་མེད་སྐྱེད། དོན་ཐམས་ཅད་གྲུབ་པ་ལ༴ ཞིང་དང་བྱིན་བས་ཚད་མེད་མཚན་ཐོས་ཕྱིར་མི་ལྡོག །སངས་རྒྱས་མྱ་ངན་མེད་མཆོག་དཔལ་ལ༴ །ཡིད་མི་བདེ་དང་སྡུག་བསྔལ་བྲལ་ཞིང་ཚེ་རིང་། མནར་མེད་ནས་ཐར་བྱང་ཆུབ་བར་ལྷ་མིའི་བདེ་མྱོང་། ལྷའི་བདག་པོ་དང་ཡོ་བྱད་ཀུན་ལྡན། ནད་གདོན་ཀུན་ལས་ཐར། ༈ སངས་རྒྱས་སེམས་ཅན་ཐམས་ཅད་སྡུག་པར་མཐོང་བ་ལ༴ །འཇིག་རྟེན་ཐམས་ཅད་མངོན་པར་ ― MR12_Page_0262 ―
[མ་དཔེ་གཟིགས་ན་འདིར་གནོན།]
དགའོ། །སངས་རྒྱས་རྣམ་པར་རྒྱལ་བའི་དབྱངས་ལ༴ སངས་རྒྱས་ཀྱི་ཆོས་ཀྱིས་གཟུགས་བཟང་པོར་འགྱུར ། སངས་རྒྱས་བཟང་པོ་དམ་པའི་དཔལ་ལ༴ ཕྱིར་མི་ལྡོག ཀུན་དགའ་ཞིང་འདུ། ཚིག་འཛིན་འོས། སྤོབས་པ་ཟབ། ཆོས་བསྟན་ན་ཀུན་མོས། པདྨོ་ལ་བཞུད་པ་ལ༴ འཕོས་ནས་གཟུགས་མཛེས་ཐམས་ཅད་དགའ་ཞིང་སྡུག་ལ་ཡིད་དུ་འོང་། བླ་མེད་སྤོབས་པ་ལྡན། ཚེ་རབས་དྲན། སྨོན་ལམ་དང་མིག་དག་གོ། སངས་རྒྱས་ཡོན་ཏན་ཐམས་ཅད་འབྱུང་བ་ལ༴ དབང་པོ་རྣམ་པར་ཕྱེ་བ་འཛིན་ཅིང་ཡན་ལག་ཐམས་ཅད་མཛེས། བྱད་བཟང་ལྟ་ན་སྡུག་མཐོང་དགའ་བ་ཤིན་ཏུ་ཕྱེ་བའི་ལུས་སུ་འགྱུར་དཔལ་གྱིས་འབར་ཞིང་སངས་རྒྱས་ཀྱི་ཞིང་དུ་འགྲོའོ། །ལུས་དག་པའི་སངས་རྒྱས་ཀྱི་མཚན་སྐོར་རོ། །སངས་རྒྱས་ཟླ་བ་རྒྱས་པ་དྲི་མ་མེད་པ་ལ༴ ཉོན་མོངས་པ་ཐམས་ཅད་ལས་གྲོལ། སངས་རྒྱས་མྱ་ངན་མེད་པ་ལ༴ ཉོན་མོངས་པས་མི་གོས་མྱ་ངན་མེད། སེམས་ཅན་མང་པོ་མྱ་ངན་མེད་པར་བྱེད། སངས་རྒྱས་སྣང་བ་ཡོངས་སུ་དག་པ་ལ༴ སངས་རྒྱས་མཆོད་སོགས་ལས་འཕགས། འཁོར་བ་རྒྱབ་ཕྱོགས་ཡེ་ཤེས་ཐོབ། སངས་རྒྱས་ཆོས་ཀྱི་བླ་མ་ལ༴ སངས་རྒྱས་ཀྱི་ཆོས་འདི་ལ་གྲུབ་པར་བྱ་ཕྱིར་སློབ་པར་འགྱུར་རོ། །སངས་རྒྱས་ཡོན་ཏན་ཆེན་པོ་ལ༴ སངས་རྒྱས་ཀྱི་ཆོས་ཐམས་ཅད་གྲུབ་པར་བྱེད་པར་འགྱུར་རོ། །སངས་རྒྱས་མེ་འོད་ལ༴ ཆོས་ཀྱི་སྒྲོན་མེ་ཐོགས། སེམས་ཅན་འཁོར་བ་ལས་སྒྲོལ། སེམས་ཅན་ལ་ཕན་འདོགས་པས་ཉན་མཚན་འདའ་འོ། །སངས་རྒྱས་མཆོག་མཛད་ལ༴ ལྷ་མིར་བཅས་པའི་འཇིག་རྟེན་གྱི་མཆོག་ཏུ་འགྱུར། སངས་རྒྱས་པདྨའི་སྡེ་ལ༴ ཆུ་ཡི་པདྨ་བཞིན་དུ་ཁམས་གསུམ་ལས་འཕགས་སོ། །སངས་རྒྱས་ཡང་དག་པར་བླངས་པ་ཐམས་ཅད་ལས་རྒལ་པ་ཐེ་ཚོམ་གཅོད་པ་ལ༴ ཇི་སྐད་སྨྲས་བཞིན་བྱེད། བདུད་དང་ཕས་རྒོལ་བཅོམ་ཐེ་ཚོམ་ ― MR12_Page_0263 ―
[མ་དཔེ་གཟིགས་ན་འདིར་གནོན།]
བཅད་ནས་སངས་རྒྱས་སུ་འགྱུར་རོ། །སངས་རྒྱས་པདྨ་དམ་པ་རྣམ་པར་འཕྲུལ་པའི་དཔལ་ལ༴ ངན་སོང་མེད་སངས་རྒྱས་ཆོས་ཀྱི་མེ་ཏོག་རྒྱས། འཚང་རྒྱ་ལ་ཕྱིར་མི་ལྡོག །ཞ་ལོང་ལྐུག་པར་མི་འགྱུར། རྣམ་དག་བསོད་ནམས་འཕེལ། གྲོགས་ངན་མི་འབྱུང་བཤེས་རྙེད་བྱང་ཆུབ་ལ་སོམ་ཉི་མེད་པར་འགྱུར།སངས་རྒྱས་རིན་ཆེན་དག་པ་འབྱུང་བའི་དཔལ་ལ༴ བྱང་ཆུབ་ཀྱི་ཡན་ལག་རིན་ཆེན་བདུན་འཐོབ་བོ། །སངས་རྒྱས་ཏཱ་ལའི་རྒྱལ་པོ་མངོན་པར་འཕགས་པའི་དཔལ་ལ༴ སེམས་ཅན་ཐམས་ཅད་ལས་མངོན་པར་འཕགས། སངས་རྒྱས་ཆོས་ནམ་མཁའི་སྒྲོན་མ་ལ༴ སངས་རྒྱས་ཞིང་འགྲོ་ཚེ་འདིར་སངས་རྒྱས་མཐོང་། མཁས་པའི་སེམས་ཅན་རྙེད་པ་སོགས་ཚེ་འདིར་ཐོབ། སངས་རྒྱས་རིན་ཆེན་ཐམས་ཅད་ཀྱིས་བརྒྱན་པའི་གཟུགས་འཛིན་པ་ལ༴ འཁོར་བར་མི་འཁོར་ཕྱིར་མི་ལྡོག་ཆོས་སྤྱན་རྣམ་པར་དག སངས་རྒྱས་སྒྲོན་མེའི་རྒྱལ་པོ་ལ༴ སངས་རྒྱས་རྩལ་བརྟན་དོན་གྲུབ་དགོངས་པ་ལ༴ སངས་རྒྱས་ཀུན་ལ་དགོངས་པ་རྒྱ་ཆེར་གྲགས་པ་ཅན་ལ༴ སངས་རྒྱས་བྱམས་པའི་རྒྱན་གྱི་དཔལ་ལ༴ སངས་རྒྱས་དགེ་བར་གྲགས་པ་དཔལ་དམ་པ་ལ༴ སངས་རྒྱས་ལྷུན་པོ་ལྟར་འཕགས་པ་རྩལ་གྲགས་པའི་དཔལ་ལ༴ སངས་རྒྱས་སེམས་ཅན་ཐམས་ཅད་ལ་དགོངས་པ་གྲགས་པའི་དཔལ་ལ༴ སངས་རྒྱས་ཡིད་ཚིམ་པར་མཛད་པ་རྩལ་རབ་གྲགས་པའི་དཔལ་ལ༴ ཤར་ཕྱོགས་སུ་བཞུགས་པའི་སངས་རྒྱས་བརྒྱད་པོ་འདི་ནི་བཀྲ་ཤིས་བརྒྱད་པའི་མདོ་ལས་གསུངས་ཏེ། ལས་བྱེད་པའི་སྔར་བརྗོད་ན་འཕེལ་ཞིང་མི་འགྲིབ་བགེགས་དང་རྨི་ངན་འཇིགས་པ་མེད། གཡུལ་ལས་རྒྱལ། ཟིལ་གྱིས་མི་ནོན། ཚིག་མི་བཟློག །གདུང་བ་དང་བག་ཚ་བ་མེད་སོགས་ཕན་ཡོན་བསམ་གྱིས་མི་ཁྱབ་བོ། །ན་མོ་བུདྡྷཱ་ཡ། ན་མོ་དྷརྨཱ་ཡ། ― MR12_Page_0264 ―
[མ་དཔེ་གཟིགས་ན་འདིར་གནོན།]
ན་མོཿསཾ་གྷཱ་ཡ། འདི་ཐོས་ངན་སོང་མི་འགྲོ་སངས་རྒྱས་ཞིང་དུ་སྐྱེ། སྐྱེ་མེད་ཆོས་ལ་བཟོད་པ་རིམ་གྱིས་ཐོབ་བོ། །སྐྱེ་བ་ཐམས་ཅད་དུ་གཟུགས་སྡུག་པ་སོགས་ཡོན་ཏན་ཚད་མེད་འཐོབ་པའི་སངས་རྒྱས་ཀྱི་མཚན་ནི། དེ་བཞིན་གཤེགས་པ་ཡང་དག་རྫོགས་སངས་རྒྱས། །སེམས་ཅན་ཐམས་ཅད་སྡུག་པར་མཐོང་བ་དང་། །སངས་རྒྱས་རྣམ་པར་རྒྱལ་བའི་དབྱངས་དང་ནི། །བདེ་བར་གཤེགས་པ་བཟང་པོ་དམ་པའི་དཔལ། །དེ་བཞིན་གཤེགས་པ་པདྨོ་ལ་བཞུད་པ། །སངས་རྒྱས་ཡོན་ཏན་ཐམས་ཅད་འབྱུང་བ་སོགས། །ཕྱོགས་བཅུར་བཞུགས་པའི་རྒྱལ་བ་ཐམས་ཅད་ལ། །གུས་པས་ཕྱག་འཚལ་མཆོད་ཅིང་སྐྱབས་སུ་མཆི། །ལི་ཙ་བི་དྲི་མ་མེད་པས་ཞུས་མདོ་ལས། སངས་རྒྱས་རིན་ཆེན་འོད་ཟེར་ཟླ་བས་བརྒྱན། །མཁས་པ་གཟི་བརྗིད་དབྱངས་ཀྱི་དབང་ཕྱུག་རྒྱལ། །མེ་ཏོག་འོད་ཀྱིས་རྣམ་རོལ་མངོན་པར་མཁྱེན། །མེ་ཏོག་རྒྱས་པ་སཱ་ལའི་རྒྱལ་པོ་དང་། །ཟླ་བའི་དཀྱིལ་འཁོར་རྣམ་པར་དག་པ་དང་། །རབ་ཏུ་ཞི་བ་མཁས་པའི་གཟི་བརྗིད་ནི། །དབྱངས་ཀྱི་དབང་ཕྱུག་རྒྱལ་པོ་ཞེས་བྱ་དང་། །བརྩོན་འགྲུས་གྲངས་མེད་ཡང་དག་རབ་གནས་སོགས། །ཕྱོགས་བཅུའི་རྒྱལ་བ་སྲས་དང་བཅས་པ་ལ། །གུས་པས་ཕྱག་འཚལ་མཆོད་ཅིང་སྐྱབས་སུ་མཆི། །ཉོན་མོངས་ཞི་བའི་མཚན་སྐོར། དེ་བཞིན་གཤེགས་པ་ཡང་དག་རྫོགས་སངས་རྒྱས། །མི་འཁྲུགས་འོད་དཔག་མེད་དང་རིན་ཆེན་ཏོག །ཟླ་འོད་ཉི་འོད་པདྨོའི་བླ་མ་དང་། །སྨན་གྱི་བླ་དང་ཡན་ལག་བླ་མ་དང་། །ཟླ་བ་རྒྱས་པ་དྲི་མ་མེད་པ་དང་། །དཔའ་བརྟན་པའི་སྡེ་མཚོན་ཆས་ཉོན་མོངས་སེལ། །བདེ་ཆེན་ཐོབ་དང་རིན་ཆེན་གཙུག་ཏོར་ཅན། །འགྲོ་བ་ཐམས་ཅད་ཡོངས་སྐྱོང་རྒྱལ་པོ་སོགས། །ཕྱོགས་བཅུའི་ ― MR12_Page_0265 ―
[མ་དཔེ་གཟིགས་ན་འདིར་གནོན།]
རྒྱལ་བ་སྲས་དང་བཅས་པ་ནི། །འགྲོ་ཀུན་ཉོན་མོངས་ཉེས་པ་སེལ་རྣམས་ལ། །གུས་པས་ཕྱག་འཚལ་མཆོད་ཅིང་སྐྱབས་སུ་མཆི། །ཕྱོགས་བཅུ་དུས་གསུམ་གྱི་སངས་རྒྱས་བཅོམ་ལྡན་འདས་གང་ཇི་སྙེད་པ་སྲས་དང་བཅས་པའི་ཞབས་ཀྱི་པདྨ་ལ་སེམས་ཅན་ཐམས་ཅད་ཀྱི་དོན་དུ་བདག་གིས་ཞིང་མ་ལུས་པའི་རྡུལ་གྱི་གྲངས་སྙེད་ཀྱི་ལུས་ཀྱིས་མཆོག་ཏུ་བཏུད་དེ་གུས་པ་ཆེན་པོས་ཕྱི་མའི་མུ་མཐར་ཐུག་གི་བར་དུ་ཕྱག་འཚལ་ཞིང་སྐྱབས་སུ་མཆིའོ། །སེམས་ཅན་ཐམས་ཅད་ཀྱི་རེ་བ་ཡོངས་སུ་རྫོགས་པའི་ཆེད་དུ་བདག་གིས་སྔགས་གྲུབ་ཅིང་བསམ་པ་ཐམས་ཅད་ཡིད་བཞིན་དུ་འགྲུབ་པ་དང་། བླ་མེད་བྱང་ཆུབ་ལས་ཕྱིར་མི་ལྡོག་པར་རྒྱལ་བ་སྲས་དང་བཅས་པའི་རྣམ་ཐར་རྒྱ་མཚོ་མ་ལུས་པ་བདག་གཅིག་པུས་སྤྱོད་ནུས་པར་བྱིན་གྱིས་རློབས་ཤིག །སོགས་སྨོན་ལམ་སྣ་ཚོགས་སྙིང་ནས་གདབ་བོ། །འདི་ཡང་མཚན་འབུམ་ནོར་བུའི་ཕྲེང་བ་ལས་རང་གི་ཁ་ཐོན་དུ་མི་ཕམ་པས་བཏུས་པར་དགེ་ལེགས་འཕེལ་ལོ། །ཞེ་ཆེན་བསྟན་གཉིས་དར་རྒྱས་གླིང་དུ་སྔར་བརྩམས་ཐོ་ལས་ཤིང་ལུག་ཟླ་༧ཚེས་༢༠ལ་དཔེར་ཤུས་པ་མངྒ་ལཾ། ༈ །ལས་སྒྲིབ་རྒྱུན་གཅོད་སྐབས་དང་པོ། ཧོ། བཅོམ་ལྡན་ཞི་ཁྲོ་འདིའམ་སོ་སོར་ཁ་བསྒྱུར་རབ་འབྱམས་དགོངས་སུ་གསོལ། །ཡེ་ཤེས་ཐུགས་རྗེ་ཆེན་པོས་འབྲེལ་བས་ན། །བདག་སོགས་དམ་ཚིག་ཉམས་ཆགས་ཐམས་ཅད་ཀུན། །ཐུགས་དམ་ཆེན་པོའི་དབང་གིས་དག་པར་མཛོད། །ཅེས་དང་། ཧོ། རྗེ་བཙུན་བྱམས་མགོན་ཁ་བསྒྱུར་རང་བྱུང་ཡེ་ཤེས་སྐུ། །སྙིང་ལ་དབྱེར་མེད་བཞུགས་པའི་འོད་ཟེར་གྱིས། །འཁྲུལ་སྣང་འཁོར་བའི་མུན་པ་མ་ལུས་པ། །མཉམ་ཉིད་བདེ་ཆེན་དབྱིངས་སུ་དག་པར་མཛོད། །ཅེས་གསོལ་བ་བཏབ་ལ་སྔགས་བཟླ་མཇུག་ཏུ། འདི་ནས་བྱང་ཆུབ་ཁ་བསྒྱུར་ ― MR12_Page_0266 ―
[མ་དཔེ་གཟིགས་ན་འདིར་གནོན།]
སྙིང་པོར་མཆིས་ཀྱི་བར། །རྗེ་བཙུན་བྱམས་པ་ཁ་བསྒྱུར་མགོན་པོས་རྗེས་བཟུང་ནས། །དོན་གཉིས་ལྷུན་གྲུབ་ཕུན་ཚོགས་དཔལ་ཡོན་འཕེལ། །ཐེག་ཆེན་ལམ་གྱི་ཡོན་ཏན་ཡོངས་རྫོགས་ཤོག །ཅེས་དང་། །བདག་ནི་སྐྱེ་བ་ཚེ་རབས་ཐམས་ཅད་དུ། །ནད་གདོན་རྒུད་སོགས་གཞན་དབང་མི་འགྱུར་ཞིང་། །འཇིགས་མེད་རང་དབང་ཕུན་སུམ་ཚོགས་པ་ཐོབ། །བསྟན་འགྲོའི་དོན་ལ་མཐུ་དང་ལྡན་པར་ཤོག །ཅེས་དང་། རྗེ་བཙུན་ཁ་བསྒྱུར་བྱམས་མགོན་ཁྱེད་ཀྱི་ཐུགས་སྐྱེད་དང་། །སོགས་དང་། ཁྱེད་ལ་བསྟོད་ཅིང་གསོལ་བ་བཏབ་པའི་མཐུས། །བདག་སོགས༴ ནད་གདོན༴ ཆོས་དང་བཀྲ་ཤིས་སོགས་དང་། དགེ་བ་འདི་ཡིས་མྱུར་དུ་བདག་ཉིད་ཀྱིས། །རྗེ་བཙུན་ཁ་བསྒྱུར་བྱམས་པ་མགོན་པོ་འགྲུབ་གྱུར་ནས། །འགྲོ་བ་སེམས་ཅན་གཅིག་ཀྱང་མ་ལུས་པ། །ཐམས་ཅད་དེ་ཡིས་ས་ལ་འགོད་པར་ཤོག །ཅེས་དང་། ནམ་མཁའི་མཐར་ཐུག་མཐའ་ཡས་སོགས་ཚིག་བཅད་དང་། ཡེ་དྷར་དང་བཀྲ་ཤིས་ནི། ཧོ། བདེ་བ་ཆེན་པོ་རྟག་ཁྱབ་ཡེ་ཤེས་སྐུ། །རྗེ་བཙུན་ཁ་བསྒྱུར་བྱམས་མགོན་བཀྲ་ཤིས་དཔལ་འབར་བས། །མཆོག་ཐུན་དངོས་གྲུབ་འདོད་དགུའི་ཆར་རྒྱུན་འབེབ། །གང་བསམ་ཡིད་བཞིན་གྲུབ་པའི་བཀྲ་ཤིས་ཤོག །ཚིག་བཅད་དྲུག་བརྗོད་དྷཱི་མིང་པས་སོ། ༈ །ཉེ་སྲས་སྒྲུབ་དུས་སུ། ཐོག་མཐའ་མེད་པའི་སེམས་དཔའ་ནི། །ནམ་མཁའི་ས་ཡི་སྙིང་པོ་ཁ་བསྒྱུར་སྙིང་པོ་དགའ་བ་ཆེ། །ཀུན་ཏུ་བཟང་པོ་ཀུན་བདག་ཉིད། །ལྷག་པ་ཡི་ནི་ལྷ་ཉིད་ལ། །ཆོས་དབྱིངས་མཉམ་དང་མི་མཉམ་པའི། །ནམ་མཁའ་དབྱིངས་ཀྱི་མཐའ་ཀླས་པའི། །རང་བྱུང་རྣམས་ཀྱི་མཆོད་པ་ཀུན། ། ― MR12_Page_0267 ―
[མ་དཔེ་གཟིགས་ན་འདིར་གནོན།]
ནམ་མཁའ་ཀུན་ཀྱི་སྐབས་ན་དཔལ། །མཆོད་པའོ། །དངོས་པོ་ཀུན་ཀྱིས་ཁྱོད་ལ་འདུད། །རྟོག་པའི་ནད་ཀྱིས་ཟིན་པ་ལ། །མཉམ་ཉིད་ཡེ་ཤེས་རྡོ་རྗེ་ཡིས། །འདུ་འབྲལ་མེད་པར་བྱིན་གྱིས་རློབས། །སེམས་ལ་དབང་ཐོབ་གསང་སྔགས་གྲུབ། །འཇམ་པའི་དཔལ་གྱི་ངང་གྱུར་ནས། །ཐམས་ཅད་དོན་ནི་ཕུན་སུམ་ཚོགས། །དེ་འབྲས་ཡིད་བཞིན་གྲུབ་པར་མཛོད། །ཅེས་པ་རང་འདོད་འདོད་གསོལ་དྷཱི་མིང་བྲིས། ༈ །ཡང་དག་པའི་ཡན་ལག་བདུན་པ་བཞུགས། ཨོཾ། སྣང་སྲིད་རྣམ་དག་མཉམ་ཉིད་ཆོས་སྐུའི་ཀློང་། །གདོད་ནས་རྣམ་གྲོལ་ཆེན་པོར་ཕྱག་འཚལ་ལོ། །གང་སྣང་བདེ་ཆེན་རྡོ་རྗེའི་རང་བཞིན་གྱིས། །ཀུན་བཟང་སྒྱུ་འཕྲུལ་དྲྭ་བའི་མཆོད་པ་འབུལ། །རང་སེམས་རྣམ་རྟོག་འཁྲུལ་བའི་ཉེས་པ་ཡིས། །མ་དག་ནོངས་པར་བཟུང་བ་མཐོལ་ལོ་བཤགས། །འདི་ལྟར་བདེ་ཆེན་ཆོས་སྐུར་རོ་གཅིག་པའི། །ཡང་དག་དོན་ལ་མི་ཕྱེད་ཡི་རང་ངོ་། །མཉམ་ཉིད་དང་ནས་ཐུགས་རྗེའི་རོལ་པ་ཡིས། །ཆོས་ཀྱི་འཁོར་ལོ་རྒྱུན་མི་འཆད་པར་བསྐོར། །སྐུ་གསུམ་རོལ་པ་ནམ་ཡང་མི་ཟད་པའི། །རྟག་པ་ཆེན་པོར་བཞུགས་ལ་གསོལ་བ་འདེབས། །ཐམས་ཅད་མ་ལུས་དགེ་ཞིང་ལེགས་པའི་ལམ། །རང་གྲོལ་དོན་གྱི་སངས་རྒྱས་འགྲུབ་པར་ཤོག །ལྕགས་བྱི་ཟླ་༨ཚེས་༡༤ལ་ཞེ་འཛོད་དུ་དྷཱིས་བྲིས་པ་དགེ །༈ གཟུངས་སྔགས་སྣ་ཚོགས། ཨོཾ་མུ་ནི་མུ་ནི་མ་ཧཱ་མུ་ན་ཡེ་སྭཱ་ཧཱ། སངས་རྒྱས་ཤཱཀྱ་ཐུབ་པའི་སྙིང་པོའོ། །ཨོཾ་ཨ་མཱ་ར་ཎི་ཛཱི་བནྟི་ཡེ་སྭཱ་ཧཱ། ཚེ་བསྙེན་རྨ་བྱ་ཆེན་མོའི་སྙིང་པོའོ། །སྒྲ་མི་སྙན་གྱི་ཚེ་གཟུངས། ན་མོ་བུདྡྷཱ་ཡ་ན་མོ་དྷརྨཱ་ཡ་ན་མཿ སཾ་གྷཱ་ཡ་ཏདྱ་ཐཱ་ཨིཊྚེ། བཊྚེ། ― MR12_Page_0268 ―
[མ་དཔེ་གཟིགས་ན་འདིར་གནོན།]
ནཊྚེ། ཀུན་ཊྚེ། ཊཀྐེ། ཐཀྐེ། ཐ་རཀྐེ། སུ་རུ་མ་ཏི། རུ་རུ་མ་ཏི། རུ་རུ་ཧི་ལླི། མི་ཝི། སཔྤ་ཛྙཱ་དུ་པ་དགྒ། ན་མཿ སཔྤ། སམྨ། ས་མུ་ཛྙཱ་ནི། སིཛྙཱ་ནྟུ། མེ་མནྟྲ་པཱ་དཱ་སྭཱ་ཧཱ། ཡང་མི་ལླིའི་རྗེས་སུ། སརྦ་ཛྙཱ་སྩི་བི་ས་དགྒ། ན་མཿསམྨ། ས་མ་བུདྡྷཱ་ནཾ།སིདྡྷུ་ནྟུ་མེ་མནྟ་པཱ་ད་སྭཱ་ཧཱ། སྐྱབས་སེམས་སྟོང་ངང་པཾ་ལས་པད་དཀར་འདབ་བཞིར། གསེར་རྡོར་རྩེ་ལྔའི་ལྟེ་བར་ཚེ་དཔག་མེད་དེའི་སྐུ་ལུས་དྲང་པོར་སྲོག་རྩ་ལྕགས་ཀྱི་སྲོག་ཤིང་རྡོ་རྗེ་རྩེ་ལྔ་པ་ལྟ་བུའི་ལྟེ་བར་རང་སེམས་ཧཱུྃ་མཐིང་ནག་བསམ། དེ་ལ་སྔགས་ཕྲེང་གཡས་སྐོར་དུ་ཡོད་པར་སེམས་གཏད། གོང་སྔགས་ལན་གསུམ་བཟླ། འདི་བསླབ་བཏུས་ལུས་སྲུང་སྔགས་དང་གཅིག་ཡི་གེ་ང་བདུན་ཚད་དེ། ཨིཊྚེ་མན་ཆད་དོ། །ཨཏྟེ་ཝ་དྷེ་སོགས་འདྲ་མིན་ཡོད། ཨོཾ་བཛྲ་ཨཱ་ཡུཿཥེ། ས་ར་ཧེ། ཀ་ར་རེ། ཤྭ་ར་རེ་ཧཱུྃ། ཞེས་ལན་གསུམ་གསོལ་བ་བཏབ་བོ། །རྒྱུད་ལས་གསུངས་པ་རྡོ་རྗེ་ལྷ་མོའི་སྔགས། ཨོཾ་ཨ་མྲྀ་ཏ་སཾ་ཛཱི་བཱ་ནི། འཆི་མེད་ཉེ་བར་རྩོལ་མ། མ་ཧཱ་ཨ་མྲྀ་ཏ་འཆི་མེད་ཆེན་པོ་སུ་མུ་ཁེ་ལགས་པས་ཞལ་དུ་ཛཱི་ཝཾ་འཚོ་བ། པྲ་བེ་ཤ་ཡ་པྲ་བེ་ཤ་ཡ། ཕོབ་ཅིག་ཕོབ་ཅིག སརྦ་ཐམས་ཅད། བཛྲ་པདྨ་ས་མ་ཡོ་གི། རྡོ་རྗེ་དང་པདྨ་མཉམ་པར་སྦྱོར་བ། མ་ཧཱ་བོ་དྷི་ཙིཏྟ་བྱང་ཆུབ་ཀྱི་སེམས་ཆེན་པོ། བིསྡྱཱ་སི་ཏ་རྣམ་པར་གནས་པ་སྦྱོང་བ། མཱུཏྟེ་སྐུ། ཧཱུྃ་ཧཱུྃ་ཐབས་ཤེས། ཨ་ཨཱ་ཨྃ་ཨཿཧ་ཚེ་སྒྲུབ་སྔགས་ཤམ། སྭཱ་ཧཱ་གཞི་ཚུགས། ཁྲི་བཟླས་འཆི་བ་འཇོམས་རྡོ་རྗེ་ལྷ་མོ་ཞལ་བརྒྱད་ཕྱག་བཅུ་དྲུག་ཞབས་བཞི་མ་འོང་ངོ་། །རྡོ་རྗེ་གུད་ལས་བསྲུང་བ་ལྷ་ལྔ་སོགས་ཀྱི་སྔགས། ཨོཾ་མ་ཧཱ་ས་ཧ་སྲ་པྲ་མརྡ་ནཱ་བ་ར་སིདྡྷི་ད་མཱི་ཀེ་མ་ཎི་བཛྲ་ཎི་ཧཱུྃ་ཕཊ་སྭཱ་ཧཱ། སྟོང་ཆེན་པོ་རབ་འཇོམས་ཀྱི་སྙིང་པོའོ། །ཨོཾ་བྷ་ག་ཝ་ཏི་དྷྭ་ཛཱ་གྲ་ཀེ་ཡུ་རེ་པ་ར་སཻ་ནྱ། བ་དྷཱནྶ་ན་ཀྲཱ་སྭཱ་སཻནྱ་པ་རི་ལ་ནི། ཨུ་ལུ་ཀཱ་མུ་ཁི་ཁ་ཁ་ཁཱ་ཧི་ཁཱ་ཧི། པ་ར་སཻནྱ་མ་ཨ་ནནྟ་ ― MR12_Page_0269 ―
[མ་དཔེ་གཟིགས་ན་འདིར་གནོན།]
བྷུ་ཛི། ཨ་ནནྟ་མུ་ཁེ། པྲ་ཧ་ར་པྲ་ཧ་ར་ཧཱུྃ་ཕཊ་སྭཱ་ཧཱ། རྒྱལ་མཚན་རྩེ་མོའི་དཔུང་རྒྱན་གྱི་སྔགས་སོ། །ཨོཾ་མཱ་རཱི་ཙྱེ་སྭཱ་ཧཱ། འོད་ཟེར་ཅན་མའི་སྙིང་པའོ། །ཨོཾ་མ་ཎི་དྷཱ་རི་བཛྲཱི་ཎི་མ་ཧཱ་པྲ་ཏི་ས་རེ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། སོ་སོར་འབྲངས་མའི་སྙིང་པོའོ། །ཨོཾ་པི་ཤཱ་ཙི་པརྣ་ཤ་བ་རི་སརྦ་མ་རིའམ། ཛཱ་རའམ་ཉེར་འཚེ་ཁ་བསྒྱུར་པྲ་ཤ་མ་ནི་སྭཱ་ཧཱ། སྭཱ་ཧཱའི་ཚབ་དུ་ཁ་ཅིག་ཧཱུྃ་ཕཊ། རི་ཁྲོད་ལོ་མ་ཅན་མའི་གཟུངས་སོ། །ཨོཾ་ན་མཿས་མནྟ་བུདྡྷཱ་ནཱ་མ་ཨ་པྲ་ཏི་ཧ་ཏ་ཤཱ་ས་ནཱ་ནཱི། ཨོཾ་ཁ་ཁ་ཁཱ་ཧི་ཁཱ་ཧི་ཧཱུྃ་ཧཱུྃ། ཛྭ་ལ་ཛྭ་ལ་པྲ་ཛྭ་ལ་པྲ་ཛྭ་ལ་ཏིཥྛ་ཏིཥྛ་ཕཊ་ཕཊ།སརྦ་དུར་ནི་མི་ཏ་དུར་སྭ་སྣ་ཤཱནྟིངྐུ་རུ་སྭཱ་ཧཱ། གཙུག་ཏོར་འབར་བའི་སྔགས་སོ། །ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། སྒྲོལ་མའི་སྙིང་པོ་ཡི་གེ་བཅུའོ། །ན་མོ་རཏྣ་ཏྲ་ཡཱ་ཡ། ཨོཾ་ཡེ་དྷརྨཱ་ཧེ་ཏུ་པྲ་བྷ་བཱ་ཧེ་ཏུནྟེ་ཥཱནྟ་ཐཱ་ག་ཏོ་ཧྱ་བ་དཏ་ཏེ་ཥཱཉྩ་ཡོ་ནི་རོ་དྷ་ཨེ་བཾ་བཱ་དཱི་མ་ཧཱ་ཤྲཱ་མ་ཎཿཡེ་སྭཱ་ཧཱ། རྟེན་འབྲེལ་སྙིང་པོ་འདི་ལ་ཇོ་བོའི་དག་ཐེམ། གསུམ་བརྒྱད་བཅུ་གཉིས་བཅུ་བཞི་ཉེར་གཅིག་ཉེར་དགུ་སུམ་ཅུ་སོ་གཉིས་རྣམས་རིང་། ད་ཧ་རྗེས་བཤད། ཎཿརྣམ་བཅད། ཡ་བཏགས་ཧྱ་གཉིས་བདུན་ཉེར་དྲུག་འཐུག་བོ། བཞི་དགུ་བཅུ་བདུན་སོ་གཉིས་ཧ་བཅུ་གཉིས་ཉེར་གཅིག་སོ་ལྔ་ཕྱིར་ལོག རིང་ཆ་འ་བརྒྱད། ཤད་གཅིག་ཚེག་བྲག་གཅིག །ཡ་བཏགས་གཅིག་དང་ཧ་བདུན་ནི་རྟེན་འབྲེལ་སྙིང་པོའི་སྔགས་ཐེམ་ཡིན། ཡེ་ནས་ཎའི་བར་ཡིག་འབྲུ་སོ་ལྔ་འཐུག་པོ་གསུམ་ལོག་པ་གསུམ་སོགས་བཤད། ཨ་ཏི་ཤ་ལས་ནག་ཚོས་བསྒྱུར་ཟེར་བ་ཆོས་སྤྱོད་འགྲེལ་པ་ཞིག་ན་སྣང་། ༈ རིག་པ་ཕུག་རོན་གཟུངས་ཞེས་གཟུངས་འཁྲུགས་སོགས་དུག་སེལ་ནི། ན་མཿས་མནྟ་བུདྡྷ་ནཱཾ། ཨ་ཙིནྟྱ་ཏ་བྷཱུ་ཏ་རཱུ་པི་ནི་ཨོཾ་ཏཱ་རེ་སྭཱ་ཧཱ། ཞེས་སོ། །རྨ་བྱ་ཆེན་པོའི་སྔགས། ཨོཾ་ཨཿམ་ཧཱ་མཱ་ཡུ་རི་བིདྱ་ར་ཛྙཱི་ཧཱུྃ་ཧཱུྃ་ཕཊ། ཞེས་སོ། །བསིལ་ཚལ་སྙིང་པོ། ཨོཾ་ཨཱཿ ― MR12_Page_0270 ―
[མ་དཔེ་གཟིགས་ན་འདིར་གནོན།]
ཤཱི་ཏ་པྲ་ཏི་ཛྲིཾ་ཧཱུྃ། གསང་སྔགས་རྗེས་འཛིན་ནི། ཨོཾ་ཨཱཿམ་ཧཱ་མནྟྲ་ཨ་ནུ་སཱ་རི་ཎི་ཧཱུྃ་ཧཱུྃ་ཧཱུྃ། སྟོང་ཆེན་རབ་འབྱམས་ནི། ཨོཾ་ཨཱཿམ་ཧཱ་ས་ཧ་ས་པྲ་མརྡ་ནི་བུཾ་ཧཱུྃ། ཞེས་སོ། །སོར་འབྲངས་གོང་དུ་ཡོད། ནོར་རྒྱུན་མའི་སྔགས། ཨོཾ་བཱ་སུདྷཱ་རི་མ་ཧཱ་བཱ་སུ་པྲིཥྚི་ནི་པ་ཏ་ནི་བཱ་སུ་སྭཱ་ཧཱ། རྡོ་རྗེ་གུར་ལས་གསུངས་པ་སྒྲོལ་མའི་གཟུངས་ནི། ཨོཾ་ན་མཿཨཱརྱ་ཨ་བ་ལོ་ཀི་ཏེ་ཤྭ་ར་ཡ། བོ་དྷི་ས་ཏྭཱ་ཡ། མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་ཏཱ་རེ་ཏུཏྟ་རེ་ཏུ་རེ་སརྦ་དུཥྚན་པྲ་དུཥྚ་ན་མ་མ་ཀྲྀ་ཏེ། ཛཾ་བྷ་ཡ། སཏྭཾ་བྷ་ཡ། རྣམ་སྣང་སྒྱུ་དྲྭར་བ་སུའི་རིང་ཆ་མེད། མོ་ཧ་ཡ། བནྡྷ་ཡ། ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ། སརྦ་དུཥྚན་སཏྭཾ་བྷ་ནི་ཏཱ་རེ་སྭཱ་ཧཱ། ཞེས་སོ། །ཨོཾ་ཙནྜ་མ་ཧཱ་རོ་ཁ་ཎ་ཧཱུྃ་ཕཊ། མི་གཡོ་བའི་སྙིང་པོའོ། །ཨོཾ་བྷྲཱུྃ་སྭཱ་ཧཱ། ཨོཾ་ཨ་མྲྀ་ཏ་ཨཱ་ཡུརྡ་དེ་སྭཱ་ཧཱ། རྣམ་རྒྱལ་མའི་སྙིང་པོ། གཙུག་ཏོར་དྲི་མེད་གཟུངས་ཐུང་སོགས། སྔགས་བརྒྱ་པར་ཡོད། གསང་བ་རིང་སྲེལ་གཟུངས་ཐུང་། ཨོཾ་སརྦ་ཏ་ཐཱ་ག་ཏོཥྞཱི་ཥ་དྷཱ་ཏུ་མུ་དྲཱ་ཎི་སརྦ་ཏ་ཐཱ་ག་ཏ་དྷརྨ་ཏུ་བི་བྷཱུ་ཥི་ཏེ་ཨ་དྷིཥྛི་ཏེ་ཧུ་རུ་ཧུ་རུ་ཧཱུྃ་ཧཱུྃ་སྭཱ་ཧཱ། ཞེས་སོ། །བྱང་ཆུབ་རྒྱན་འབུམ་གཟུངས་ཐུང་ནི། ཨོཾ་སརྦ་ཏ་ཐཱ་ག་ཏ་བྱཱ་བ་ལོ་ཀི་ཏེ་ཛ་ཡ་ཛ་ཡ་སྭཱ་ཧཱ། ཨོཾ་ཧུ་རུ་ཧུ་རུ་ཛ་ཡ། མུ་ཁེ་སྭཱ་ཧཱ། ཉེ་སྙིང་ཡང་། ཨོཾ་བཛྲ་ཨཱ་ཡུཿཥེ་སྭཱ་ཧཱ། ཞེས་སོ། །གསེར་ཅན་གྱི་གཟུངས་ནི། ན་མོ་རཏྣ་ཏྲ་ཡཱ་ཡ། ཏདྱ་ཐཱ། ཀུ་ཊི་ཀུ་ཊི་ནི། ཨི་མི་རི་ཏོ་ཀོ་ཥ་ཎི། ཨི་མི་རི་ཎི་ཨི་རི་སྭཱ་ཧཱ། དུས་གསུམ་སངས་རྒྱས་སྐྱེད་པ་འདི་ཇི་བསམ་འགྲུབ་ནོར་འཕེལ་སོགས་ཕན་ཡོན་ཚད། ཉེ་སྙིང་། མེད་དོ། །འཇམ་དཔལ་རྩ་རྒྱུད་ལས་གསུངས་སངས་རྒྱས་འོད་སྲུང་གི་ཟས་གཟུངས་ནི། ན་མཿསརྦ་བུདྡྷ་ནཱཾ་ཨ་པྲ་ཏི་ཧ་ཏ་ཤཱ་ས་ནཱ་ནཱི། ཏདྱ་ཐཱ། ཨོཾ་ག་ག་ནེ་ག་ག་ན་གཉྫ་ཨཱ་ན་ལ་སརྦཾ། ལ་ཧུ་ལ་ཧུ་ས་མ་ཡ་མ་ནུ་སྨ་ར་ཨཱ་ ― MR12_Page_0271 ―
[མ་དཔེ་གཟིགས་ན་འདིར་གནོན།]
ཀརྵ་ཎི་མཱ་བི་ལམྤ་མི་བི་ལམྤ། ཡ་ཐེ་པ་སྟཾ་མེ་སཾ་པཱ་དཱ་ཡ་སྭཱ་ཧཱ། ཟས་ཆར་འབེབས། ན་མོ་རཏྣ་ཏྲ་ཡཱ་ཡ། ན་མོ་མ་ཎི་བྷ་དྲཱ་ཡ་མ་ཧཱ་ཡཀྵ་སེ་ནཱ་པ་ཏ་ཡེ། ཨོཾ་ཛམྦྷ་ལ་ཛ་ལེནྡྲཱ་ཡ་སྭཱ་ཧཱ། ཛམ་བྷ་ལའི་སྙིང་པོ་ཕན་ཡོན་ཚད་མེད་པ་གནོད་གནས་དབང་པོའི་རྟོགས་བ་ལས་སོ། །མཆོད་པའི་སྤྲིན་གཟུངས། ན་མོ་རཏྣ་ཏྲ་ཡཱ་ཡ། ན་མོ་བྷ་ག་ཝ་ཏེ་བཛྲ་སྭཱ་ར་པྲ་མརྡ་ནི་རཱ་ཛ་ཡ་ཏ་ཐཱ་ག་ཏ་ཡ་ཨརྷ་ཏེ་སམྱཾཀྶཾ་བུདྡྷཱ་ཡ། ཏདྱ་ཐཱ། ཨོཾ་བཛྲེ་བཛྲེ་མ་ཧཱ་བཛྲེ། མ་ཧཱ་ཏེ་ཛྭ་བཛྲེ། མ་ཧཱ་བིདྱེ་བཛྲེ། མ་ཧཱ་བོ་དྷི་ཙིཏྟ་བཛྲེ། མ་ཧཱ་བོ་དྷི་མནྡྲོ་པ་སཾ་ཀྲ་མ་ཎ་བཛྲེ། སརྦ་ཀརྨ་ཨཱ་བ་ར་ཎ་བི་ཤོ་དྷ་ན་བཛྲེ་སྭཱ་ཧཱ། ཞེས་སོ། །མཆོད་སྤྲིན་འབྱུང་བའི་སྔགས། ན་མཿསརྦ་བུདྡྷཱ་བོདྷི་ས་ཏྭ་བྷྱེཿ སརྦ་བིད་པཱུ་ར་པཱུ་ར་སཱུ་ར་སཱུ་ར་ཨ་ཝརྟ་ཡ་སྭཱ་ཧཱ། ཞེས་སོ། །ཨོཾ་ཨ་ནུཏྟ་ར་སརྦ་པཱུ་ཛ་མེ་གྷ་ཨུངྒ་ཏེ་སྥ་ར་ཎ་ཨི་མཾ་ག་ག་ན་ཁཾ་ཧཱུྃ་ཕཊ་སྭཱ་ཧཱ། ཀུན་འབྱུང་མཆོད་པའི་སྔགས་སོ། །གཟི་བརྗིད་ཚད་མེད་པའི་དབང་དུ་གྱུར་པའི་འོད་ཟེར་རྣམ་པར་རྒྱལ་བའི་སྐུ་གསུང་ཐུགས་ཞེས་བྱ་བའི་གཟུངས་ནི། ན་མཿསརྦ་ཏ་ཐཱ་ག་ཏ་ཨ་བ་ལོ་ཀི་ཏེ། ཨོཾ་སཾ་བྷ་ར་སཾ་བྷ་ར་ཧཱུྃ། གཟུངས་བདུན་བཟླས་དེ་བཞིན་གཤེགས་པ་བཞིའི་མཚན་བརྗོད་ན་ཁ་ཟས་གཏོར་མ་སོགས་ཡི་དྭགས་ལ་ཚད་མེད་ཐོབ། ཨོཾ་ཛྙཱ་ན་ཨ་བ་ལོ་ཀི་ཏེ་ས་མནྟ་སྥ་ར་ཎ་རཥྨི་བྷ་བ་ས་མ་ཡ་མ་ཧཱ་མ་ཎི་དུ་རུ་དུ་རུ་ཧྲྀ་ད་ཡ་ཛྭ་ལ་ནི་ཧཱུྃ། ཡེ་ཤེས་སྐར་མདའི་སྙིང་པོ་བདུན་བཟླས་ལག་གཡས་ཁྱོར་ཆུ་གཏོར་ན་སངས་རྒྱས་སྤྱན་གྱིས་གཟིགས་པའི་ཡི་དྭགས་ཇི་སྙེད་ལ་ལྷའི་བཟའ་བཏུང་མཆོག་ཐོབ་གསུངས། དཀོན་མཆོག་ཏཱ་ལ་ལའི་གཟུངས། དེ་བཞིན་གཤེགས་པ༴ སངས་རྒྱས་ཐམས་ཅད་ལ་ཕྱག་འཚལ་ལོ། །ཏདྱ་ཐཱ། ཨོཾ་མཾ་བྷ་ར་ཏེ་བྷ་ར་ཏེ་ ― MR12_Page_0272 ―
[མ་དཔེ་གཟིགས་ན་འདིར་གནོན།]
བྷ་ར་བྷ་ར་ན་ཏེ་སྭཱ་ཧཱ། ཞེས་སོ། །བདེ་མཆོག་ཉེ་སྙིང་། ཨོཾ་ཧྲཱིཿཧ་ཧ་ཧཱུྃ་ཧཱུྃ་ཕཊ། ཡང་བདེ་མཆོག་སྙིང་པོ། ཨོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧཱུྃ་ཧཱུྃ་ཕཊ། ཌཱ་ཀི་ནཱི་ཛྭ་ལ་སཾ་བྷ་རཾ་སྭཱ་ཧཱ། ཞེས་སོ། །གསང་འདུས་མི་སྐྱོད་རྡོ་རྗེའི་སྙིང་པོ། ཨོཾ་ཨཱཿབཛྲ་དྷྲྀག་ཧཱུྃ། འཇམ་རྡོར་སྙིང་པོ།ཨོཾ་ཨཱཿམཱཾ་ཧཱུྃ། ཞེས་སོ། །ཀྱཻ་རྡོར་གྱི། ཨོཾ་ཏྲཻ་ལོཀྱཱ་ཀྵེ་པ་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། སཾ་བུ་ཊའི་རྡོ་རྗེ་དབྱིངས་ཀྱི་སྙིང་པོ། ཨོཾ་བཛྲ་ཨ་མྲྀ་ཏ་མ་ཧཱ་སུ་ཁ་ཧཱུྃ་སྭཱ་ཧཱ། ཀྱེ་རྡོར་ལྷ་བཅུ་བདུན་མའི་སྤྱི་སྙིང་། ཨོཾ་ཨོཾ་སྭཱ་ཧཱ། རིགས་བྱེད་མའི། ཨོཾ་ཀུ་རུ་ཀུལླེ་ཧྲཱི་སྭཱ་ཧཱ། གདན་བཞིའི་རྣལ་འབྱོར་ནམ་མཁའི་སྙིང་པོ། ཨོཾ་ཧཱུྃ་ཧ་སྭཱ་ཧཱ། ཨོཾ་གྷུཾ་གྷ་སྭཱ་ཧཱ། ཨོཾ་ཧྲཱིཿསྭཱ་ཧཱ། ཨོཾ་བི་ཏཱ་ལི་ཧཱུྃ་སྭཱ་ཧཱ། མངོན་བརྗོད་བླ་མའི་སྐུ་དཀྱིལ་གྱི་ཧེ་རུ་ཀའི་སྙིང་པོ། ཨོཾ་བྷྲཱུྃ་ཧྃ་ཧོ་བྷྲཱུྃ་ཧཱུྃ་ཕཊ། གསུང་གི་ཉེ་སྙིང་། ཨོཾ་ཨ་རོ་ལི་ཀ་ཧྲཱིཿཧཱུྃ་ཕཊ། ཐུགས་སྙིང་བདེ་མཆོག་སྙིང་པོ་ཡི་གེ་བདུན་ནོ། །མཁའ་འགྲོ་རྒྱ་མཚོའི་སྙིང་པོ། ཨོཾ་བུདྡྷཱ་ཀ་པཱ་ལ་ནཱི་ཨཱཿཧྲཱིཿཧེ་ཧཱུྃ་ཕཊ། སངས་རྒྱས་ཐམས་ཅད་པའི་སྔགས་སོ། །ཨོཾ་མ་ཧཱ་བཛྲ་ཛྙཱ་ན་ཏི་ལ་ཀ་ཧཱུྃ་ཧཱུྃ་ཕཊ་སྭཱ་ཧཱ། རིག་གི་ཨཱ་ར་ལིའི་སྙིང་པོ། ཨོཾ་ཨཱ་ར་ལཱི་བྷྱོ་བྷྱོ་ཧ་ཧ་ཧ་ཧ་སི་སི་སི་སི་ཉེ་སྙིང་ཧ་ཧ་ཧ་ཞེས་སོ། །མངོན་བརྗོད་བླ་མའི་རྒྱུད་ལས་འཇམ་པའི་རྡོ་རྗེའི་སྙིང་པོ། ཨོཾ་ཤྲཱི་མ་ཧཱ་སུ་ཁ་མཉྫུ་བཛྲ་ཨ་མཾ་ཧཱུྃ་ཌཱ་ཀི་ནཱི་ཛྭ་ལ་སམྦ་ར་སྭཱ་ཧཱ། ཞེས་སོ། །ཨོཾ་ཧྲཱི་ཥྚཱཾ་བི་ཀྲི་ཏཱ་ན་ན་ཧཱུྃ་ཕཊ། འཇིགས་བྱེད་དགྲ་གདོང་སྒྱུ་དྲའི་འཇམ་རྡོར་རྣམས་ཀྱི་སྙིང་པོའོ། །ཉེ་སྙིང་ནི། ཨོཾ་ཡ་མནྟ་ཀ་ཧཱུྃ་ཕཊ། ཅེས་སོ། །ཀུན་རིག་ཉེ་སྙིང་།ཨོཾ་སརྦ་བིཏ་སྭཱ་ཧཱ། ཞེས་སོ། །རིག་པ་ཆེན་པོའི་སྔགས། ཨོཾ་སརྦ་བིདྱཱ་སྭཱ་ཧཱ། ཞེས་སོ། །གསང་སྙིང་རྒྱུད་ལས་སྨེ་བརྩེགས་སྔགས། ཨོཾ་བཛྲ་མ་ཧཱ་ཨ་མྲྀ་ཏ་མ་ཧཱ་ཀྲོ་དྷ་ཨཾ་ཨཾ་ཨཾ་ཞེས་སོ། །སྨེ་བརྩེགས་ཉེ་སྙིང་མདོ་དགོངས་འདུས་ལས་གསུངས་བ། ཨོཾ་རྐུ་ཏི་ཕཊ། ― MR12_Page_0273 ―
[མ་དཔེ་གཟིགས་ན་འདིར་གནོན།]
ཅེས་སོ། །བཀའ་བརྒྱད་དང་རྡོར་གཙུག་ཁྲོ་བོ་སྤྱི་དྲིལ། ཨོཾ་བཛྲ་ཤྲཱི་ཧེ་རུ་ཆེ་མཆོག་ཀ་བཛྲ་ཀྲོ་དྷ་སྙིང་པོའམ་ཡང་དག་ཡ་མཱནྟ་གཤིན་རྗེ་གཤེད། ཀ་ཧ་ཡ་གྲཱྀ་རྟ་མགྲིན། བ་བཛྲ་ཀཱི་ཕུར་པ། ལི་ཀཱི་ལ་ཡ་མ་མ་ཡོ་མ་མོ། གི་ནཱི་རུ་ལུ་རུ་ལུ་བཛྲ་པཱ་ཕྱག་རྡོར། ཎི་ག་རུ་ཎ་ཁྱུང་། ཙ་ལེ་ཙ་ལེ་ཧཱུྃ་ཕཊ། ཞེས་སོ། །རིགས་ལྔའི་གཟུངས། ཨོཾ་བེ་རོ་ཙ་ན་ཨོཾ་སྭཱ་ཧཱ། ཨོཾ་ཨ་ཀྵོ་བྷྱེ་ཧཱུྃ་སྭཱ་ཧཱ། ཨོཾ་རཏྣ་སཾ་བྷ་བ་ཏྲཱཾ་སྭཱ་ཧཱ། ཨོཾ་ཨ་མི་ཏཱ་བྷ་ཧྲཱིཿསྭཱ་ཧཱ། ཨོཾ་ཨ་མོ་གྷ་སིདྡྷི་ཨཱཿསྭཱ་ཧཱ། སངས་རྒྱས་སྤྱན་མའི་སྔགས་གསོ་བའི་དམ་པ་ནི། ཨོཾ་རུ་རུ་སྤུ་རུ་ཛྭ་ལ་ཏིཥྛ་སིདྡྷི་ལོ་ཙ་ནི་སརྦ་ཨརྠ་སཱ་དྷ་ནི་སྭཱ་ཧཱ། ཡང་སྤྱན་མའི་སྔགས། ཨོཾ་ག་ག་རྣམ་སྣང་སྒྱུ་དྲྭ་ལས། ན་ལོ་ཙ་ནི་ཧཱུྃ་ཡང་ན་ཨོཾ་ལོ་ཙ་ནི་དུས་འཁོར། བ་སུ་དེ་སྭཱ་ཧཱ། མཱ་མ་ཀཱིའི་སྔགས། ཨོཾ་ཤྃ་ཀ་རེ་ཤཱནྟིང་ཀ་རེ་གྷུ་ཊ་གྷུ་ཊ་གྷུ་ཊི་ནི་གྷཱ་ཏ་ཡ་གྷཱ་ཏ་ཡ་གྷཱུ་ཏ་ཡ་གྷཱུ་ཊི་ནི་སྭཱ་ཧཱ། ཞེས་དང་སྙིང་པོ། ཨོཾ་མཱ་མ་ཀཱི་ཀི་རི་ཀི་རི་སྭཱ་ཧཱ། བགེགས་བཞོམ་སྲུང་སྟོབས་བསྐྱེད་པའོ། །ཡང་ན། ཨོཾ་ཀུ་ལཾ་དྷ་རི་བནྡྷ་བནྡྷ་ཧཱུྃ་ཕཊ། ཅེས་སོ། །དེའི་ཁུག་གཙངས་ན། ཨོཾ་ཧ་ར་ཧ་ར་བནྡྷ་ནི་ཤུ་ཏྲ་དྷཱ་ར་ཎཱི་སིདྡྷི་ཏྠེ་སྭཱ་ཧཱ། ཞེས་སོ་ཆོ་ག་གཞན་དུ་ཡོད།གོས་དཀར་མོའི་སྔགས་ནད་ཞི་དབང་བྱེད་ནི། ཨོཾ་ཀ་གསང་འདུས་ལས། ཊི་བི་ཀ་ཊེ་ནི་ཀ་ཊེ་ཀ་ཊཾ་ཀ་ཊེ་སྭཱ་ཧཱ། ཤིན་ཏུ་ཟད་པ་གསོ་ཚེ་འཕེལ། ཀ་ཊ་འཚོ་བ་ལའོ། །སེང་གེ་སྦྲའི་གཟུངས་དང་ཁོག་འདྲ་བར་སྣང་ངོ་། །གོས་དཀར་སྙིང་པོ། ཨོཾ་པཱ་ཎ་ཌ་ར་བཱ་སི་ནཱི་བ་ར་དེ་སྭཱ་ཧཱ། ཞེས་སོ། །ཨོཾ་བཛྲ་དྷཱ་ཏཱི་ཤྭ་རཱི་ཧཱུྃ། རྡོ་རྗེ་དབྱིངས་ཕྱུག་མའི་སྙིང་པོའོ། །འཚེ་བ་ཀུན་འཆིང་བ་རྡོ་རྗེ་ལུ་གུ་རྒྱུད་མའི་སྔགས། ཨོཾ་བཛྲ་ཤྲཱིཾ་ཁཱ་ལེ་ཧཱུྃ་ཧཱུྃ་ཕཊ་སྭཱ་ཧཱ། ཞེས་སོ། །ཁྲོ་བོ་སྟོབས་པོ་ཆེའི་སྔགས། ཨོཾ་བཛྲ་ཀྲོ་དྷ་མ་ཧཱ་བ་ལ་ཧ་ན་ད་ཧ་པ་ཙ་མ་ཐ་བི་དྷཱནྶ་ཡ་ཛ་ཊི་ལཾ་ ― MR12_Page_0274 ―
[མ་དཔེ་གཟིགས་ན་འདིར་གནོན།]
བོ་ད་ར་ཨུཙྪུཥྨ་ཀྲོ་དྷ་ཀྲོ་དྷ་ཧཱུྃ་ཕཊ་སྭཱ་ཧཱ། ཞེས་སོ། །ཨོཾ་ཤཱུ་ལི་ནི་སྭཱ་ཧཱ། རྡོ་རྗེ་རྒྱལ་མོའི་སྔགས་ཀླུ་ཐམས་ཅད་དགུག་ཅིང་མཆོག་ཏུ་ཟབ་པའོ། །གཟའ་ཡུམ་རིག་པ་ཆེན་མོའི་སྔགས། ཨོཾ་སརྦ་བིདྱཱ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཉི་མའི། ཨོཾ་མེ་གྷོ་ལ་ཀཱ་ཡ་སྭཱ་ཧཱ། ཟླ་བའི། ཨོཾ་ཤཱ་ཏིང་ཤ་བེ་སྭཱ་ཧཱ། མིག་དམར་གྱི། ཨོཾ་རཀྟ་ཨཾ་ག་ར་ཀུ་མཱ་རཱ་ཡ་སྭཱ་ཧཱ། ལྷག་པའི། ཨོཾ་བུདྡྷཱ་ཡ་སྭཱ་ཧཱ། ཕུར་བུའི། ཨོཾ་ཤྲཱྀ་ཧ་སྤ་ཏ་ཡེ་སྭཱ་ཧཱ། པ་སངས་ཀྱི། ཨོཾ་ཨ་སུ་རོཏྟ་མཱ་ཡ་སྭཱ་ཧཱ། སྤེན་པའི། ཨོཾ་ཀྲྀཥྞ་པརྞཱ་ཡ་སྭཱ་ཧཱ། སྒྲ་གཅན་གདོང་གི། ཨོཾ་ཨ་མྲྀ་ཏ་པྲི་ཡཱ་ཡ་སྭཱ་ཧཱ། མཇུག་དུས་མེའི། ཨོཾ་ཛྱོ་ཏི་ཀེ་ཏ་བེ་སྭཱ་ཧཱ། །ཞེས་སོ། །སྲིད་པའི་རུ་སྦལ་སྔགས། ཨོཾ་མ་ཧཱ་ཀཱ་ལི་མོ་ཏ་ཡེ་སྭཱ་ཧཱ། སྣང་བརྒྱད་སྙིང་པོ། ཨོཾ་ཨ་ཀ་ནི་ནི་ཀ་ནི། ཨ་བྱི་ལ་མེ་དྷ་ལ་མཎྚ་ལེ་སྭཱ་ཧཱ། ཞེས་སོ། །ཨོཾ་མུཾཿ སླར་དཀྲོལ་བ། ཨ་བྷུ་ཁཾ། ས་གཞི་སྦྱོང་བའི་སྔགས་སོ། །ཨོཾ་མ་ཎི་བཛྲེ་ཧཱུྃ།དྲི་མེས་འོད་ཀྱི་སྙིང་པོ་འོང་ངོ་། །ཨོཾ་རུ་རུ་རོ་རུ་ཏཱི་ཀྵ་ན་རྡོ་སི་སྭཱ་ཧཱ། དཔལ་ལྷ་མོའི་སྔགས་སོ། །ཨོཾ་ཙ་ལེ་ཙུ་ལེ་ཙུནྡེ་སྭཱ་ཧཱ། སྐུལ་བྱེད་མའི་སྔགས། ལུས་ཡང་ཕྱིར་བཟླས་ན་རྨི་ལམ་དུ་ལུས་ལས་ཁྲག་ནག་པོ་ཟག་རྨིས་འགྲུབ་ཅེས་ཤམ་བྷ་ལའི་ལམ་ཡིག་ལས་སོ། །རྒྱལ་མཚན་རྩེ་མོའི་དཔུང་རྒྱན་སྔགས། ཨོཾ་བཛྲ་ ནོར་བུ་རྒྱས་པའི་སྙིང་པོ་འོང་ངོ་། དྷྭ་ཛ་ཨ་གྲ་གུ་ཧྱ་ཧཱུྃ། ཨོཾ་བྷུར་བྷུ་བ་སྭཱ། སྭ་སྟི་ནཱ་མ་སྭཱ་ཧཱ། དཔལ་མཆོག་དང་པོ་མིང་པོ་གསུམ་སྒྲུབ་ལས་གསུངས། ཚངས་དྲག་ཁྱབ་སོགས་འཇིག་རྟེན་པའི་གསུམ་གྱི་དབང་ཕྱུག་ཆེན་པོ་རྣམས་ཀྱི་སྙིང་པོ་འདི་ལན་ཉེར་གཅིག་བཟླས་པས་འཁོར་བཅས་འོངས། གཏོར་མ་བྱིན་པས་འགྲུབ་བོ་ཞེས་གསུངས་སོ། །སྲིང་མོ་བཞིའི་སྔགས། ཨོཾ་ཛ་ཡེ་སྭཱ་ཧཱ། བི་ཛ་ཡེ་སྭཱ་ཧཱ། ཨ་ཛི་ཏེ་སྭཱ་ཧཱ། ཨ་པ་རྭ་ཛི་ཏེ་སྭཱ་ཧཱ། བྱང་ཆུབ་རྗེས་འགྲོ་བ་ཀུན་རྣམ་འགྲོ་ཀུན་ལ་རྗེས་འཛིན་བྱེད། བསམ་ཀུན་རྫོགས་བྱེད་ཅེས་འཇམ་དཔལ་རྩ་བརྒྱུད་ལས་ ― MR12_Page_0275 ―
[མ་དཔེ་གཟིགས་ན་འདིར་གནོན།]
སོ། །དེ་དག་གི་མིང་པོ་གཏུམ་བུ་རུ་ཞེས་གྲགས། །ཞེས་གསུངས་སོ། །རྡོ་རྗེ་མཁའ་འགྲོ་ལས་གསུངས་ཚེས་གཟའ་རྒྱུ་སྐར་གྱི་སྔགས། ཨོཾ་སརྦྦ་ཏི་ཐི་ནཱ་ཀྵ་ཏྲ་གྲ་ཧེ་མངྒ་ལེ་བྷྱཿསྭཱ་ཧཱ། ཞེས་སོ། །ཨོཾ་ཧཱུྃ་ཛྫཿ ཡི་གེ་གསུམ་པ་འདི་གདོང་དྲུག་དང་འཇམ་དཔལ་ཐུན་མོང་སྔགས།ཨོཾ་ཨ་མྲྀ་ཏེ་ཧཱུྃ་ཕཊ། བདུད་རྩི་ཐད་སྦྱོར་སྔགས། ཧཱུྃ་བཛྲ་ཕཊ། འབྱུང་པོ་འདུལ་བྱེད་སྔགས། ན་མཿསརྦ་བུདྡྷཱ་ནཱཾ་ཨོཾ་གཱི་རིགས་བྱེད་མའི་སྙིང་པོའི་མཆོག་ཡི་གེ་གཅིག་པའོ། །སྔགས་རྣམས་རེ་ཞིག་རྫོགས་སོ།། །།མངྒ་ལཾ།། རྟེན་ཅིང་འབྲེལ་བར་འབྱུང་བའི་སྙིང་པོ།― MR12_Page_0277 ―
[མ་དཔེ་གཟིགས་ན་འདིར་གནོན།]
རྟེན་ཅིང་འབྲེལ་བར་འབྱུང་བའི་སྙིང་པོ་བཞུགས་སོ། ། ― MR12_Page_0278 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། པྲ་ཏཱི་ཏྱ་ས་མུ་ཏྶཱ་ད་ཧྲྀ་ད་ཡ་ཀཱ་རི་ཀཱ། བོད་སྐད་དུ། རྟེན་ཅིང་འབྲེལ་བར་འབྱུང་བའི་སྙིང་པོའི་ཚིག་ལེའུར་བྱས་པ། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །ཡན་ལག་བྱེ་བྲག་བཅུ་གཉིས་གང་། །ཐུབ་པས་རྟེན་འབྱུང་གསུང་དེ་དག །ཉོན་མོངས་ལས་དང་སྡུག་བསྔལ་དང་། །གསུམ་པོ་དག་དུ་ཟད་པར་འདུས། །དང་པོ་བརྒྱད་དང་དགུ་ཉོན་མོངས། །གཉིས་དང་བཅུ་བ་ལས་ཡིན་ཏེ། །ལྷག་མ་བདུན་ཡང་སྡུག་བསྔལ་ཡིན། །བཅུ་གཉིས་ཆོས་ནི་གསུམ་དུ་འདུས། །གསུམ་པོ་དག་ལས་གཉིས་འབྱུང་སྟེ། །གཉིས་ལས་བདུན་འབྱུང་བདུན་ལས་ཀྱང་། །གསུམ་འབྱུང་སྲིད་པའི་འཁོར་ལོ་དེ། །ཉིད་ནི་ཡང་དང་ཡང་དུ་འཁོར། །འགྲོ་ཀུན་རྒྱུ་དང་འབྲས་བུ་སྟེ། །འདི་ལ་སེམས་ཅན་ཅི་ཡང་མེད། །སྟོང་པ་ཁོ་ནའི་ཆོས་རྣམས་ལས། །སྟོང་པའི་ཆོས་རྣམས་འབྱུང་བར་ཟད། །བདག་དང་བདག་གི་མེད་པའི་ཆོས། །ཁ་ཐོན་མར་མེ་མེ་ལོང་རྒྱ། །མེ་ཤེལ་ས་བོན་སྒྱུར་དང་སྒྲས། །ཕུང་པོ་ཉིང་མཚམས་སྦྱོར་བ་ཡང་། །མི་འཕོ་བར་ཡང་མཁས་རྟོགས་བྱ། །ཤིན་ཏུ་ཕྲ་བའི་དངོས་ལ་ཡང་། །གང་གིས་ཆད་པར་རྣམ་བརྟགས་པ། །རྣམ་པར་མི་མཁས་དེ་ཡིས་ནི། །རྐྱེན་ལས་བྱུང་བའི་དོན་མ་མཐོང་། །འདི་ལ་བསལ་བྱ་གང་ཡང་མེད། །བཞག་པར་བྱ་བ་ཅི་ཡང་མེད། །ཡང་དག་ཉིད་ལ་ཡང་དག་བལྟ། །ཡང་དག་མཐོང་ན་རྣམ་པར་གྲོལ། །རྟེན་ཅིང་འབྲེལ་བར་འབྱུང་བའི་སྙིང་པོའི་ཚིག་ལེའུར་བྱས་པ་སློབ་དཔོན་འཕགས་པ་ཀླུ་སྒྲུབ་ཀྱིས་མཛད་པ་རྫོགས་སོ། ། ― MR12_Page_0279 ―
[མ་དཔེ་གཟིགས་ན་འདིར་གནོན།]
མངྒ་ལཾ། ༈ །རྟེན་ཅིང་འབྲེལ་བར་འབྱུང་བའི་སྙིང་པོའི་ཚིག་ལེའུར་བྱས་པའི་འགྲེལ་པ་ཟབ་མོ་རྣམ་པར་མཐོང་བ་ཞེས་བྱ་བ། ན་མོ་གུ་རུ་པདྨ་མཉྫུ་ཤྲཱི་བཛྲ་ཏཱིཀྵ་ཡ། ཐ་གྲུ་མི་མངོན་སྲིད་པའི་ཁམས་ཀུན་ཏུ། །རབ་འཁྱུད་རྟེན་འབྱུང་དྲྭ་བས་ཉེར་བཅིངས་འགྲོ། །དཀྲོལ་བའི་ལམ་འདི་དགེ་སྦྱོང་ཆེན་པོས་ཏེ། །ཚངས་བཅས་འཇིག་རྟེན་གཞན་ན་ཡོད་མ་ཡིན། །དེ་སླད་སྙིང་ནས་གུས་པས་སྟོན་པ་ནི། །མཚུངས་མེད་དེ་དང་དེ་ཡི་རྗེས་ཞུགས་སྲས། །སྤྱི་བོས་མཆོད་དེ་དེ་ཡི་བསྟན་པའི་ལམ། །བླ་ན་མེད་པ་བདག་གིས་གསལ་བར་བྱ། །དེ་ལ་རྟེན་ཅིང་འབྲེལ་བར་འབྱུང་བ་ནི། རྒྱལ་བ་ཤཱཀྱ་སེང་གེའི་བསྟན་པ་ཐམས་ཅད་ཀྱི་སྙིང་པོ་ཡིན་ཏེ། སློབ་དཔོན་ཀླུས། རྟེན་ཅིང་འབྲེལ་བར་འབྱུང་འདི་རྒྱལ་བ་ཡི། །གསུང་གི་མཛོད་ཀྱི་གཅེས་པ་ཟབ་མོ་སྟེ། །གང་གིས་འདི་ཉིད་རྣམ་པར་མཐོང་བ་དེས། །སངས་རྒྱས་དེ་ཉིད་རིག་པའི་རྣམ་མཆོག་མཐོང་། །ཞེས། སངས་རྒྱས་རང་ཉིད་ཀྱི་མདོ་སྡེའི་ལུང་དོན་དང་མཐུན་པར་གསུངས་པ་ཡིན་ཅིང་། དེ་ལྟ་བུའི་རྟེན་འབྲེལ་ཀྱི་བཀའ་ཡི་དགོངས་པ་འགྲེལ་བ་ལ་རྒྱལ་བ་ཉིད་ཀྱིས་བླ་ན་མེད་པའི་ཐེག་པ་གསལ་བའི་བྱེད་པོར་ལུང་བསྟན་པ། དཔལ་མགོན་ཀླུ་སྒྲུབ་ཉིད་ཀྱི་གསུང་དྲི་མ་མེད་པ་རྟེན་འབྲེལ་སྙིང་པོའི་ཚིག་ལེའུར་བྱས་པ་འདི་ཉིད་གསལ་བར་བཤད་པ་ལ་གསུམ། ཀླད་དོན། གཞུང་དོན། མཇུག་གི་དོན་ནོ། །དང་པོ་ལ་མཚན་དང་འགྱུར་ཕྱག་གཉིས་ཀྱི། དང་པོ་ནི། རྒྱ་གར་སྐད་དུ། པྲ་ཏཱི་ཏྱ་ས་མུཏྤ་ད་ཧྲཱྀ་ད་ཡ་ཀཱ་རི་ཀཱ། བོད་སྐད་དུ། རྟེན་ཅིང་འབྲེལ་བར་འབྱུང་བའི་སྙིང་པོའི་ཚིག་ལེའུར་ ― MR12_Page_0280 ―
[མ་དཔེ་གཟིགས་ན་འདིར་གནོན།]
བྱས་པ། དེ་གཉིས་ཤན་སྦྱར་ན། པྲ་ཏཱི་ཏྱ་ས་མུཏྤཱ་ད། རྟེན་ཅིང་འབྲེལ་པར་འབྱུང་བའི། ཧྲཱྀ་ད་ཡ་སྙིང་པོ། ཀཱ་རི་ཀཱ་ཚིག་ལེའུར་བྱས་པའོ། །དེའི་དོན་ནི། འོ་མ་ལས་མར་ལྟར་རྒྱལ་བས་གསུངས་པའི། རྟེན་ཅིང་འབྲེལ་བར་འབྱུང་བའི་མདོ་ཤིན་ཏུ་མང་པོ་རྣམས་ཀྱི་དོན་མ་ལུས་པ་འདུས་ཤིང་། དེ་དག་གི་ཟབ་གནད་ཟད་པར་རྟོགས་པས་ན་སྙིང་པོ་སྟེ། རྒྱ་ཆེ་བ་འདུས་ཤིང་ཟབ་པ་རྟོགས་པའི་རྒྱུ་མཚན་གྱིས་སོ། །དེ་ལྟ་བུའི་དོན་ཚིག་ལེའུར་བྱས་པས་དེ་སྐད་ཅེས་བྱའོ། །གཉིས་པ་ནི། ཉོན་མོངས་པའི་རྩུབ་རེག་དང་བྲལ་པས་འཇམ་ཞིང་ཤེས་སྒྲིབ་ཟད་པས་མཁྱེན་གཉིས་ཀྱི་དཔལ་ཕུན་སུམ་ཚོགས་པ་དང་ལྡན་པའི་རྒྱལ་སྲས་གཞོན་ནུར་གྱུར་པ་དེ་ལ་ཕྱག་འཚལ་ལོ་ཞེས་ལོ་ཙཱ་བས་འགྱུར་ཕྱག་མཛད་པའོ། །གཉིས་པ་ནི། དེ་ལ་སྤྱིར་རྟེན་འབྲེལ་དེ་ནི་རྒྱལ་བའི་བཀའ་ཀུན་དང་ས་ལུ་ལྗང་པའི་མདོ་ལ་སོགས་པ་ལས་མང་དུ་གསུངས་ཤིང་། སྤྱིར་སངས་རྒྱས་ཀྱི་གསུང་ཐམས་ཅད་ཐེག་པ་ཆེ་ཆུང་མེད་པར་བདེན་པ་བཞིའི་ཆིང་གིས་བཅིང་དགོས་ཏེ། སངས་རྒྱས་ཀྱིས་ཇི་སྙེད་བཀའ་སྩལ་པ་ཐམས་ཅད་སྲིད་རྩ་གཅོད་པ་དང་མྱང་འདས་ལ་གཞུག་པ་ཉིད་དུ་གཅིག་ཅིང་། དེ་རེ་རེ་ལའང་ནང་གསེས་རྒྱུ་འབྲས་གཉིས་སུ་གྲངས་ངེས་པས་སོ། །དེས་ཕྱིར་རྒྱལ་བའི་གསུང་གི་ཐོག་མར་དམ་པའི་ཆོས་ཐམས་ཅད་ཀྱི་རྨང་གཞིར་བདེན་པ་བཞི་བཤད་དེ། འདི་ནི་སྲིད་པ་གང་གིས་ལྡོག་པ་ཤེས་པའི་རང་ལུགས་བླ་ན་མེད་པ་སྟེ། འདི་ལྟར་འཁོར་བ་སྡུག་བསྔལ་གྱི་རང་བཞིན་ཅན་འདི། རྒྱུ་གང་ལས་བྱུང་ཞིང་འདི་ལས། ཐབས་གང་གིས་ཐར་བར་འགྱུར་སྙམ་དུ་ ― MR12_Page_0281 ―
[མ་དཔེ་གཟིགས་ན་འདིར་གནོན།]
བསམས་པ་ན། ཕྱི་རོལ་པ་རྣམས་ཀྱིས་ཚངས་དབང་བདག་སོགས་ལས་བྱུང་ཞིང་བདག་བསྒོམས་པ་སོགས་ཀྱིས་ཐར་པར་འགྱུར་རོ་ཞེས་འཁྲུལ་པས་བསླད་པའི་མུན་སྤྲུལ་གྱི་ཚུལ་དུ་མ་ཞིག་རྣམ་པར་བཞག་པར་གྱུར་ལ།རྒྱལ་བ་ཡང་དག་པར་རྫོགས་པའི་སངས་རྒྱས་ཀྱིས་ནི་ཕྱི་དང་ནང་གིས་ཆོས་ཐམས་ཅད་རྒྱུ་རྐྱེན་རྟེན་ཅིང་འབྲེལ་བར་འབྱུང་བའི་དབང་གིས་སྣང་སྟེ་འདི་ལྟར་མ་དག་པའི་སྣོད་བཅུད་ཀྱི་འཇིག་རྟེན་ཀུན་ནས་འབྱུང་བའི་རྒྱུ་ནི་ལས་ཉོན་དུ་གསུངས་ཤིང་། དེ་ལྡོག་པའི་ཐབས་ནི་སྲིད་པ་འགག་པའི་ལམ་ཡིན་ནོ་ཞེས་གང་གསུངས་པ་དེ་ལྟ་བུ་ནི། ཚངས་པ་སོགས་སུས་ཀྱང་མ་ཤེས་པའི་ལམ་ཆེན་པོ་སྔ་ན་མེད་པའི་ཆོས་ཀྱི་འཁོར་ལོ་ཡིན་ནོ། །དེ་ལྟ་བུའི་རྟེན་འབྲེལ་ཟབ་མོ་དེ་གང་ཡིན་སྙམ་ན། དོན་སྙིང་པོར་དྲིལ་ཏེ་གསུངས་པ་ལེགས་སྦྱར་དུ། ཡེ་དྷརྨཱ་ཧེ་ཏུ་པྲ་བྷ་ཝཱ་ཧེ་ཏུནྟེ་ཥཱཉྟ་ཐཱ་ག་ཏོ་ཧྱ་བ་ད་ཏ། ཏེ་ཥཱཉྩ་ཡོ་ནི་རོ་དྷ་ཨེ་བཾ་བཱ་དཱི་མ་ཧཱ་ཤྲ་མ་ཎཿཞེས་པ་འདི་བོད་སྐད་དུ་བསྒྱུར་ན། ཆོས་རྣམས་ཐམས་ཅད་རྒྱུ་ལས་བྱུང་། །དེ་རྒྱུ་དེ་བཞིན་གཤེགས་པས་གསུང་། །རྒྱུ་ལ་འགོག་པ་གང་ཡིན་པ། །དགེ་སྦྱོང་ཆེན་པོས་འདི་སྐད་གསུངས། །ཞེས་པ་འདིར་འདུ་སྟེ། དེ་ཡང་ཆོས་ཐམས་ཅད་རྒྱུ་མེད་ངོ་བོ་ཉིད་ཀྱིས་མ་བྱུང་བར། རང་རང་གི་རྒྱུ་རྐྱེན་རྟེན་འབྲེལ་ལས་བྱུང་ངོ་། །དེ་ལྟ་བུའི་རྒྱུ་དེ་ཡང་ཕྱི་རོལ་པའི་ལུགས་ལྟར། དུས་དང་དབང་ཕྱུག་ལ་སོགས་པས་བྱས་པ་མིན་པར་འདི་ཡོད་ན་འདི་འབྱུང་། མེད་ན་མི་འབྱུང་བའི་རྒྱུ་འདི་དང་འདི་ལྟ་བུ་ཞིག་ལས་བྱུང་ངོ་ཞེས་དེ་བཞིན་གཤེགས་པས་རྟེན་འབྲེལ་གྱི་མདོ་འདི་བཀའ་སྩལ་ཏེ། དེ་ལ་ཀུན་ནས་ཉོན་མོངས་པའི་རྒྱུ་དེ་གང་གིས་ ― MR12_Page_0282 ―
[མ་དཔེ་གཟིགས་ན་འདིར་གནོན།]
ལྡོག་པའམ། དེ་འགོག་པའི་ཐབས་སུ་གྱུར་པའི་ལམ་མ་ནོར་བ་བསྟན་པས། འབྲས་བུ་འགོག་པ་མྱང་འདས་ཀྱི་གནས་ཐོབ་པ་གང་ཡིན་པ་གསུངས་པའི་ལམ་འདི་ནི། དགེ་སྦྱོང་ཆེན་པོ་སངས་རྒྱས་བཅོམ་ལྡན་འདས་ཁོ་ནས་འདི་སྐད་དུ་གསུངས་ཀྱི། གཞན་ལྷ་དང་བཅས་པའི་འཇིག་རྟེན་ན་འདི་ལྟ་བུའི་ལམ་སྨྲ་བ་མེད་དོ་ཞེས་སྟོན་ཏེ། དེ་ལྟ་བུའི་རྟེན་འབྲེལ་གྱི་དོན་བཤད་པ་ལ་དྲུག །རྟེན་འབྲེལ་བཅུ་གཉིས་ཀྱི་ངོ་བོ་ངོས་བཟུང་བ། དེ་ཉིད་གསུམ་དུ་འདུ་བའི་ཚུལ་བཤད་པ། ཇི་ལྟར་རྟེན་ནས་འབྱུང་བའི་དོན་བསྟན་པ། རྟེན་འབྱུང་གི་དོན་སྟོང་པ་ཉིད་དུ་བཤད་པ། དེ་ཉིད་དཔེས་བསྒྲུབ་པ། མཐའ་གཉིས་དང་བྲལ་བའི་རྟེན་འབྱུང་དེ་ཁོ་ན་ཉིད་མཐོང་བས་གྲོལ་བར་གདམས་པའོ། །དང་པོ་ནི། ཡན་ལག་བྱེ་བྲག་ནས་གསུང་གི་བར་གྱིས་བསྟན་ཏེ།དེ་ཡང་ཀུན་ནས་ཉོན་མོངས་པའི་ཕྱོགས་ཀྱི་རྒྱུ་འབྲས་ལ་མང་ཉུང་གི་མཐའ་ཁེགས་པའི་ཡན་ལག་བྱེ་བྲག་སོ་སོ་བ་བཅུ་གཉིས་སུ་གང་འགྱུར་བ་ཐུབ་པ་སངས་རྒྱས་བཅོམ་ལྡན་འདས་ཀྱིས་ཕན་ཚུན་རྟེན་ནས་འབྱུང་བས་དེ་དག་རྟེན་ཅིང་འབྲེལ་བའི་དོན་དུ་གསུངས་ཏེ། འདི་ལྟར། འདི་ཡོད་པས་ན་འདི་འབྱུང་སྟེ། གང་ཞེ་ན་མ་རིག་པའི་རྐྱེན་གྱིས་འདུ་བྱེད་ལ་སོགས་པ་སྟེ། དེ་ཡང་ཆོས་ཐམས་ཅད་ཀྱི་གནས་ལུགས་དྲི་མ་མེད་པ་ཇི་ལྟ་བ་བཞིན་དུ་རེག་པའི་མི་མཐུན་ཕྱོགས་སུ་གྱུར་པ་དེ་ལ་མ་རིག་པ་ཞེས་བྱ་སྟེ། ཡང་དག་མ་ཡིན་པའི་ཀུན་ཏུ་རྟོག་པ་ཉིད་དོ། །དེ་ལས་བདག་དང་གཞན་དུ་བཟུང་སྟེ་ཆགས་སྡང་ལ་སོགས་པའི་ལས་མངོན་པར་འདུ་བྱེད་པ་ལ་འདུ་བྱེད་ཅེས་གཏགས་སོ། །འདུ་བྱེད་པ་དེས་གང་དུ་སྐྱེ་བ་ལེན་པའི་བྱེད་པོ་རྣམ་པར་ ― MR12_Page_0283 ―
[མ་དཔེ་གཟིགས་ན་འདིར་གནོན།]
ཤེས་པ་འབྱུང་བར་བྱེད་དོ། །དེས་འབྲས་བུ་གང་དུ་སྐྱེ་བ་བླངས་ཏེ་རྣམ་པར་ཤེས་པ་འཁོར་བཅས་མིང་དང་ཕུང་པོ་གཞན་གཟུགས་སུ་བརྗོད་དེ། དེ་ལྟ་བུ་གྲུབ་པའི་གནས་སྐབས་གང་ཡིན་པ་དེ་ལ་མིང་གཟུགས་ཞེས་སོ། །མིང་གཟུགས་དེ་ལས་མིག་ལ་སོགས་པའི་དབང་པོ་ལྔ་དང་ཡིད་དེ་སྐྱེ་མཆེད་དྲུག་འགྲུབ་པའི་སྐབས་དེ་ལ་སྐྱེ་མཆེད་དྲུག་ཅེས་བྱའོ། །སྐྱེ་མཆེད་རང་ཡུལ་དྲུག་པོ་དང་མངོན་པར་སྦྱར་བའི་སྐབས་གང་ཡིན་པ་དེ་ལ་རེག་པ་ཞེས་བྱ་སྟེ། ཕྱི་ནང་གི་ཡུལ་ཡུལ་ཅན་ཕྲད་པའི་དོན་ཏོ། །ཕྲད་པ་ན་དེ་ལས་བྱུང་བའི་སེམས་བྱུང་ཚོར་བ་གང་ཡང་རུང་བ་ཞིག་འབྱུང་བ་དེ་ལ་ཚོར་བ་ཞེས་བྱའོ། །ཚོར་བ་དེ་བྱུང་བ་ན་ཅི་མི་སྙམ་དུ་མི་བཞག་པར་འདོར་ལེན་དང་དབང་དུ་བྱ་བའི་ཚུལ་གྱིས་དེ་ལ་ཞེན་པའི་གནས་སྐབས་དེ་ལ་སྲེད་པ་ཞེས་བྱའོ། །སྲེད་པ་ཙམ་དུ་མི་སྡོད་པར་དེ་དང་དུ་ལེན་པར་གྱུར་པའམ། དེ་ལ་ཡང་དག་པར་ཞུགས་པ་ལ་ལེན་པ་ཞེས་བྱའོ། །དེ་ལྟར་རང་རྒྱུད་ལ་བླངས་ཟིན་པའི་སྐབས་ན་འབྲས་བུ་ཞིག་འགྲུབ་པའི་རྒྱུར་སོང་བས་བསག་པའི་ལས་དེ་ལ་སྲིད་པ་ཞེས་བྱ་སྟེ། ཕྱི་མའི་སྲིད་པ་འགྲུབ་པའི་ལས་ཡིན་པས་སོ། །ལས་དེས་སྲིད་པ་མངོན་དུ་གྱུར་པ་ལ་སྐྱེ་བ་ཞེས་བྱ་སྟེ། ལས་ཀྱི་འབྲས་བུ་གྲུབ་པ་ཡིན་པས་སོ། །དེ་ལྟར་སྐྱེ་བ་གྲུབ་ན། འདུས་བྱས་ཀྱི་ཆོས་ཡིན་པས་གནས་འགྱུར་གྱི་རྒ་བ་དང་། མཐར་ཞིག་པའི་ཤི་བ་གཉིས་གྲུབ་སྟེ། དེ་གཉིས་དོན་དུ་སྐྱེ་བ་མི་རྟག་པར་སྟོན་པ་ལ་འདྲ་བས་ཡན་ལག་གཅིག་ཏུ་བཞག་གོ། དེ་ལྟར་ཉོན་མོངས་པས་ལས་བསགས། ལས་ཀྱིས་འཕངས་པའི་སྐྱེ་བ་ཡིན་ཕྱིན་ཆད་མི་རྟག་པ་དང་ ― MR12_Page_0284 ―
[མ་དཔེ་གཟིགས་ན་འདིར་གནོན།]
འདུ་བྱེད་པས་བཅིང་བ་དེས་མཚོན་ཏེ་སྡུག་བསྔལ་གྱིས་སྡུག་བསྔལ་དག་གི་རྟེན་དུ་ཡང་གྲུབ་པས་འཁོར་བ་འདི་ལུ་གུ་རྒྱུད་དུ་རྟེན་ནས་འབྱུང་བའི་ཚུལ་ལོ། །དེ་ལྟ་བུའི་རྟེན་འབྲེལ་བཅུ་གཉིས་པོ་དེ། སྔ་མའི་རྒྱུས་འཕང་བའི་འབྲས་བུ་ཡོད་ཕྱིན་ཆད་ཕྱི་མའི་རྒྱུར་འགྱུར་ལ། རྒྱུ་དེ་ཡོད་ཕྱིན་ཆད་འབྲས་བུ་མི་ལྡོག་པས་འབྲས་བུ་གྲུབ། གྲུབ་ནས་ཕྱི་མའི་རྒྱུར་གྱུར་བའི། རྒྱུ་འབྲས་བར་མ་ཆད་དུ་སྔ་མ་ལྟར་འཁོར་བའི་ཚུལ། རྟེན་འབྲེལ་བཅུ་གཉིས། རྒྱུ་འབྲས་ཚར་གཉིས་ཀྱིས་རྫོགས་པ་འདི་ནི། ད་ལྟའི་སྐྱེ་བ་བར་མ་ལ་མཚོན་ཏེ་བརྗོད་པས་གཞན་དུ་ཡང་ཁ་སྤོས་ཏེ། རྒྱུ་འབྲས་ཕར་ཡིན་ཚུར་ཡིན་གྱི་བར་མེད་འགལ་མེ་ལྟར་འཁོར་བའི་གནད་ཤེས་པར་བྱ་བ་ནི་ཤེས་རབ་ཐམས་ཅད་ཀྱི་མཆོག་གོ། དེ་ལ་རྒྱུ་འབྲས་རྟེན་འབྲེལ་རྣམས་གནས་སྐབས་ཀྱི་ཕུང་པོ་ལྔ་ལ་འདོད་ཚུལ་ཉན་ཐོས་ཀྱི་བཞེད་པ་ལྟར་དང་། སྐད་ཅིག་མའི་རྟེན་འབྲེལ་སོགས་མང་ཡང་། འདི་ཡོད་ན་འདི་འབྱུང་བའི་རྒྱུ་འབྲས་བར་མ་ཆད་ཅིང་། གྲངས་ངེས་པའི་རྒྱུན་གྱི་རྟེན་འབྲེལ་ཟབ་མོའི་གནད་རྟོགས་ན། ལུགས་དེ་དག་ཐམས་ཅད་དོན་གཅིག་ཅིང་། རྟེན་འབྲེལ་འདི་རྟོགས་དཀའ་བའི་གནད་ཤེས་ནས་ཤིན་ཏུ་གུས་པར་འགྱུར་རོ། །གཉིས་པ་དེ་ལྟ་བུའི་རྟོགས་དཀའ་ཞིང་རྟོགས་ན་དོན་ཆེ་བ། སྐྱེས་བུའི་ལུས་ལ་གཅེས་པའི་སྲོག་ལྟར། རྒྱལ་བའི་བསྟན་པ་ལམ་ཐམས་ཅད་ཀྱི་ནང་ནས་ཤིན་ཏུ་གཅེས་པའི་རྟེན་འབྲེལ་དེ་ཉན་པར་འདོད་ནས་དྲིས་པ། བཅུ་གཉིས་པོ་དོན་བསྡུས་ན་གང་དུ་འདུ་བར་འགྱུར་ཞེ་ན། དེ་དག་ནས་གསུམ་དུ་འདུས་ཞེས་པའི་བར་གྱིས་བསྟན་ཏེ། ཐུབ་པས་གསུངས་པའི་རྟེན་འབྲེལ་བཅུ་གཉིས་པོ་དེ་དག་ ― MR12_Page_0285 ―
[མ་དཔེ་གཟིགས་ན་འདིར་གནོན།]
ཉོན་མོངས་དང་ལས་དང་སྡུག་བསྔལ་དང་གསུམ་པོ་དེ་དག་ཏུ་ཟད་པར་ཏེ་མ་ལུས་པར་འདུས་ཞེས་སོ། །བཅུ་གཉིས་པོ་གསུམ་དུ་འདུ་བའི་ཚུལ་དེ་གང་ཡིན་སྙམ་ན། དེ་ལ་བཅུ་གཉིས་པོའི་ནང་ནས། དང་པོ་མ་རིག་པ། བརྒྱད་པ་སྲེད་པ། དགུ་པ་ལེན་པ་གསུམ་ནི་ཉོན་མོངས་པའི་ཆོས་ཡིན་ནོ། །གཉིས་པ་འདུ་བྱེད་དང་བཅུ་པ་སྲིད་པ་གཉིས་ནི་འཕེན་བྱེད་ཀྱི་ལས་ཡིན་ཏེ། དེ་ལྔའི་ལྷག་མ་འཕང་འབྲས། རྣམ་ཤེས། མིང་གཟུགས། སྐྱེ་མཆེད། རེག་པ།ཚོར་བ། སྐྱེ་བ། རྒ་ཤི་བདུན་པོ་ཡང་ནི་སྡུག་བསྔལ་ཡིན་ནོ། །ཡང་གི་སྒྲ་ནི་སྡུད་པ་སྟེ། མི་འདོད་པ་ཕྲད་པ། འདོད་པ་ཕོང་བ་རྣམས་དེར་སྡུད་པའོ། །ཡང་ན་ཡང་གི་སྒྲས་འདི་རང་བདུན་པོར་མ་ཟད་ལས་ཉོན་གྱི་གནས་སྐབས་དག་ཀྱང་སྡུག་བསྔལ་ལས་མ་འདས་ཞེས་སོ། །དེ་ལྟར་ན་བཅུ་གཉིས་པོ་དེ་དག་ཆོས་ནི་རྣམ་པ་གསུམ་དུ་འདུ་སྟེ། མི་འདུ་བ་རྡུལ་ཙམ་མེད་པར་འདུས་ཞེས་སོ། །གསུམ་པ་ནི། ལས་དང་ཉོན་མོངས་སྡུག་བསྔལ་དེ་གང་ལས་ཇི་ལྟར་འབྱུང་བའི་ཚུལ་ནི། གསུམ་པོ་དག་ལས་ནས། འཁོར་ཞེས་པའི་བར་ཤོ་ལོ་ཀ་གཅིག་གིས་སྟོན། ཉོན་མོངས་པ་གསུམ་པོ་དག་ལས་ལས་གཉིས་པོ་འབྱུང་སྟེ། མ་རིག་ལས་འདུ་བྱེད་དང་སྲིད་ལེན་ལས་སྲིད་པ་མངོན་པར་སྐྱེ་བས་སོ། །འདུ་བྱེད་དང་སྲིད་པ་གཉིས་ལས་སྡུག་བསྔལ་གྱི་གཞི་བདུན་འབྱུང་སྟེ། འདུ་བྱེད་བས་རྣམ་ཤེས་ནས། ཚོར་བའི་བར་དང་། སྲིད་པས་སྐྱེ་རྒ་གཉིས་འབྱུང་བས་སོ། །བདུན་པོ་དེ་ལས་ཀྱང་སླར་གསུམ་འབྱུང་སྟེ། གཞི་དེ་དག་ལ་བསྟེན་ནས་ཉོན་མོངས་ ― MR12_Page_0286 ―
[མ་དཔེ་གཟིགས་ན་འདིར་གནོན།]
གསུམ་པོ་དངོས་དང་བརྒྱུད་པའི་སྒོ་ནས་འབྱུང་བ་ཡིན་ནོ། །གཞི་གཅིག་ལྟ་བུ་ལའང་སྔ་མའི་འབྲས་བུ་དང་། ཕྱི་མའི་རྒྱུར་གྱུར་པས། རྒྱུ་འབྲས་བར་མ་ཆད་དུ་སྲིད་པའི་འཁོར་ལོ་དེ་ཉིད་ནི། འགལ་མེ་འཁོར་བ་ལྟར་བར་མེད་པར་ཡང་དང་ཡང་དུ་འཁོར་ཞེས། སྲིད་པ་སྟེ་ཁམས་གསུམ་ནི་གང་དུ་འཁོར་བའི་གནས་སོ། །སོ་སོའི་སྐྱེ་བོ་ནི་གང་འཁོར་བའི་སེམས་ཅན་ནོ། །ཚུལ་ཇི་ལྟར་འཁོར་ཚུལ་ནི་འཁོར་ལོ་ལྟར་བར་མེད་དུ་འཁོར་རོ། །དེ་ཡང་འདྲ་བའི་ཕྱིར་ན་ཐམས་ཅད་དུ་མཚུངས་པ་མིན་ཏེ། འཁོར་ལོ་རིམ་གྱིས་འཁོར་བ་ལྟར། འཁོར་བ་ཡང་རིམ་གྱིས་འཁོར་བའི་ངེས་པ་མེད་པར། མཐོ་དམན་སྣ་ཚོགས་པའི་ཚུལ་དུ་འཕྱན་པ་ཡིན་པས་ན། འཁོར་བའི་འཁོར་ལོར་གྱུར་པ་སོ་སྐྱེ་དགར་བའི་དོན་གྱིས་ནི་སྒྲ་སྨོས་ཏེ་ངེས་མེད་དུ་འཁོར་བ་སྟོན་ཏོ། །བཞི་པ་ནི། དེ་ལྟར་སྲིད་པར་སྐྱེ་བའི་ལུས་སྣ་ཚོགས་པ་དེ་ཐམས་ཅད་ཀྱི་བདག་ཉིད་དམ། དབང་ཕྱུག་ཏུ་གྱུར་པའི་སེམས་ཅན་ཞེས་བགྱི་བ་གང་ལགས། དེའི་བྱ་བའམ་བགྱི་བ་ཇི་ལྟ་བུ་ཞེ་ན། འགྲོ་ཀུན་རྒྱུ་དང་ནས། མེད་པའི་ཆོས་ཀྱི་བར་རོ། །དེ་ལ་དེ་ལྟ་བུ་སྲིད་པ་སྣ་ཚོགས་པ་འཛིན་པའི་གནས་སྐབས་ན། བྱེད་པོའམ་འགྲོ་བ་རྣམས་སུ་འགྲོ་བ་པོ་སེམས་ཅན་ཀུན་ནི། སྔ་མ་རྒྱུ་དང་ཕྱི་མ་འབྲས་བུ་སྟེ་གནས་སྐབས་དེ་དང་དེ་ལ་རིལ་བོ་དང་གཅིག་དང་རྟག་སོགས་ཉིད་དུ་བློས་བཏགས་པ་ཙམ་པ་སྟེ། གང་བཏགས་པ་དེ་ནི་རྫས་སུ་ཡོད་པར་མི་རུང་བས་ན་འགྲོ་བ་ཐམས་ཅད་ཀུན་སྔ་མའི་རྒྱུ་ལ་བསྟེན་ཏེ་བྱུང་བའི་འབྲས་བུ་བཅོས་མ་གློ་བུར་གྱི་ཆོས་བཏགས་པ་ཙམ་གྱི་གནས་སྐབས་ ― MR12_Page_0287 ―
[མ་དཔེ་གཟིགས་ན་འདིར་གནོན།]
འདི་ལ་སེམས་ཅན་ཞེས་བྱ་རང་ཚུགས་ཀྱིས་གྲུབ་པ་ནི་ཅི་ཡང་མེད་ཅེས་སོ། །མེད་ཚུལ་ནི། རྒྱུ་དུས་ན་ཕྱི་མའི་གང་ཟག་དེ་ནི་མ་སྐྱེས་པས་མེད་ཅིང་། སྔ་མའི་རྒྱུ་མེད་ན་ཕྱིས་ཀྱི་དེ་སྐྱེ་བར་ཡང་མི་རིགས་ལ། སྐྱེས་པའི་ཚེ་ན་སྔར་གྱི་རྒྱུ་ཟད་པར་འགགས་པས་སྔ་ཕྱིའི་གནས་སྐབས་སོ་སོ་བ་དེ་ནི་གཅིག་ཡིན་པར་མི་རིགས་བས་ན། སེམས་ཅན་རྣམས་ཀྱི་བཟུང་བ་ལྟར་གྱི་རྟག་གཅིག་རང་དབང་གི་བདག་དེ་ནི་མ་གྲུབ་བོ། །དེ་བས་དེ་ལྟར་རྣམ་པར་དཔྱད་ན། ལྟོས་པ་མེད་ན་མ་སྐྱེས་པ་ནམ་མཁའི་པདྨོ་ལྟར་འགྱུར་ངེས་པས། ཡོད་ན་ལྟོས་ཏེ་བྱུང་བའམ་རྒྱུ་ལས་བྱུང་བ་ཁོ་ནའོ། །དེ་ལྟར་རྒྱུ་ལས་བྱུང་ཕྱིན་ཆད་རང་གི་ངོ་བོ་ཉིད་ཀྱིས་མི་གྲུབ་སྟེ། སྔར་མེད་པ་རྐྱེན་གྱིས་བཅོས་པའི་ཕྱིར་གཟུགས་བརྙན་དང་མི་ཚུངས་པ་ཅུང་ཟད་ཀྱང་མེད་དོ། །མདོར་ན་རྐྱེན་ལས་བྱུང་བ་དེ་ཉིད་སྟོང་པའི་རྟགས་སུ་སོང་བའི་གོ་བ་ཆགས་པ་དང་དངོས་རྣམས་ངོ་བོས་གྲུབ་ན་བདག་གཞན་སོགས་བཞི་པོ་གང་རུང་ལས་སྐྱེ་རིགས་པ་ལས། དེ་ལྟར་རྣམ་པར་དཔྱད་ན་མཐའ་བཞི་ལས་མི་སྐྱེ་བ་དེའི་ཕྱིར་བརྟེན་ནས་འབྱུང་བ་ཁོ་ནར་ཤེས་ཤིང་། རྟེན་ནས་བྱུང་བའི་དོན་གྱིས་རང་བཞིན་མི་རྙེད་པས་སྟོང་པ་ཉིད་དུ་ཤེས་པར་བྱའོ། །འོ་ན་འདི་ནས་ཕ་རོལ་ཏུ་སུ་ཞིག་མཆི། འགྲོ་འོང་གི་ཆོས་འདི་དག་ཇི་ལྟར་སྙམ་ན། སྲིད་པ་འདི་དག་ནི་རྒྱུ་ལས་ཉོན་ལྔ་པོ་དག་ཀྱང་རང་བཞིན་བརྟགས་ན་མི་རྙེད་པའི་སྟོང་པ་ཉིད་ཡིན་པས་ན། མི་སྟོང་བ་ཅུང་ཟད་ཀྱང་མེད་པའི་སྟོང་པ་ཁོ་ནའི་ཆོས་རྒྱུ་རྣམས་ལས། རང་བཞིན་བརྟགས་ན་སྟོང་པའི་ཆོས་འབྲས་བུ་རྣམས་འབྱུང་བར་ཟད་སྟེ། རྒྱུ་འབྲས་ ― MR12_Page_0288 ―
[མ་དཔེ་གཟིགས་ན་འདིར་གནོན།]
གཉིས་ཆར་ཡང་མི་སྟོང་པ་མེད་པས། འཇིག་རྟེན་ཕ་རོལ་ཏུ་རྡུལ་ཕྲ་མོ་ཙམ་ཡང་དོན་དམ་པར་ན་མི་འགྲོ་སྟེ། འགྲོ་བར་སྣང་བ་ཐམས་ཅད་རྒྱུ་འབྲས་ཀྱི་གནས་སྐབས་ལ་བསྟེན་དེ་བཏགས་པ་འབའ་ཞིག་གོ། དེས་ན་ཐམས་ཅད་དུ་བདག་དང་བདག་གི་མེད་པའི་ཆོས་ཁོ་ནར་ཁོང་དུ་ཆུད་པར་བྱའོ་ཞེས་སོ། །ལྔ་པ་ནི། རང་བཞིན་གྱི་བདག་མེད་པའི་ཆོས་ལས། རང་བཞིན་གྱི་བདག་མེད་པའི་ཆོས་འབྱུང་བའི་དཔེ་ཅི་མཆིས་སྙམ་ན། ཁ་ཐོན་མར་མེ་ནས་རྟོགས་བྱ། ཞེས་པའི་བར་གྱིས་བསྟན་ལ། དེ་ཡང་བདག་མེད་ཀྱང་འཇིག་རྟེན་ཕ་རོལ་གྲུབ་པའི་དཔེ་ནི། འདི་ལྟར་བླ་མའི་ཁ་ནས་བརྗོད་པ་དེ། སློབ་མ་ལ་འཕོ་བ་ནི་རྟེན་འབྲེལ་ཙམ་ཡིན་གྱི་རྟག་ཅིང་ཆད་པ་ནི་མ་ཡིན་ནོ། །ཇི་ལྟར་ན་གང་གཞན་ཞིག་གི་ཁ་ནས་བརྗོད་པའི་ཁ་ཏོན་ཡེ་དྷརྨཱ་ལྟ་བུ་ཞིག །གཞན་ཞིག་གིས་བློར་ཆུབ་པར་གྱུར་ན། ཁ་ཏོན་བདག་པོའི་ཡེ་དྷརྨཱ་ལྟ་བུ་རྟག་པ་ཞིག་ཅིག་ཤོས་ལ་དངོས་སུ་འཕོས་པ་མིན་ཏེ། འཕོས་ན་སྔ་མའི་གང་ཟག་དེས་དེ་ཕྱིན་ཆད་ཡེ་དྷར་འདོན་མི་ཤེས་པ་དང་། ཡེ་དྷར་གྱི་སྒྲ་སོགས་རྟག་པར་འགྱུར་བ་སོགས་རིགས་པ་དུ་མས་འཕོར་མི་རིགས་པར་ཤེས་སོ། །སློབ་བུའི་ཡེ་དྷར་ཤེས་རྒྱུ་དེ་ཡང་རྒྱུ་སྔ་མ་ལ་མ་བརྟེན་པར་རྒྱུ་མེད་དུ་མི་འབྱུང་སྟེ་མངོན་སུམ་དང་རྗེས་སུ་དཔག་པས་གནོད་པའི་ཕྱིར་རོ། །བླ་མའི་ཁ་ནས་བརྗོད་པ་དེ་དང་མཚུངས་པར་འཆི་སེམས་ཀྱང་རྟག་པའི་སྐྱོན་དུ་འགྱུར་བའི་ཕྱིར་ན་འཇིག་རྟེན་ཕ་རོལ་ཏུ་མི་འགྲོའོ། །འཇིག་རྟེན་ཕ་རོལ་ཡང་ཕུང་པོ་སྔ་མའི་རིགས་འདྲ་རྒྱུ་མེད་པ་ལས་མི་འབྱུང་སྟེ། རྒྱུ་མེད་པའི་སྐྱོན་དུ་འགྱུར་བའི་ཕྱིར་རོ། ། ― MR12_Page_0289 ―
[མ་དཔེ་གཟིགས་ན་འདིར་གནོན།]
ཇི་ལྟར་བརྗོད་པའི་རིམ་པས་རྒྱུ་དང་འབྲས་བུ་དེ་དག་ནི་ངོ་བོ་ཉིད་ཀྱིས་གཅིག་དང་། གཞན་དུ་བརྗོད་པར་མི་ནུས་པ་ལྟར། འཆི་བའི་སེམས་ལ་བརྟེན་ནས་སྐྱེ་བའི་སྲིད་པར་གཏོགས་པའི་སེམས་ཀྱང་དེ་བཞིན་ཏེ། དེ་དག་ཉིད་དང་དེ་ལས་གཞན་ཞེས་བརྗོད་པར་མི་ནུས་སོ། །གལ་ཏེ་རང་གིས་ངོ་བོས་གྲུབ་པའི་གཞན་ཡིན་ན་ནི་སྔ་མ་ལ་བསྟེན་ཅི་ལ་དགོས་ཏེ་མི་དགོས་པས་སོ། །དེ་བཞིན་དུ་མར་མེ་ལས་མར་མེ་མཆེད་པ་དང་། བཞིན་ལས་མེ་ལོང་ལ་སོགས་པའི་ནང་དུ་གཟུགས་བརྙན་འབྱུང་བ་དང་། རྒྱ་སྟེ་སྐུ་སྤར་དང་ཐེ་ལ་དམ་ཡིག་སྤར་ལ་སོགས་པ་ལས་རྒྱའི་འབུར་སོགས་འབྱུང་བ་དང་། མེ་ཤེལ་ལས་མེ་འབྱུང་བ་དང་། ས་བོན་ལས་མྱུ་གུ་འབྱུང་བ་དང་། ཤིང་ཏོག་སྐྱུར་པོ་ཟོས་པའམ་མཐོང་བ་ཡིད་ལ་བྱས་པ་ལས་འགྲམ་ཆུ་ལྡང་བ་དང་། སྒྲ་ལས་བྲག་ཆ་འབྱུང་བ་རྣམས་ཕན་ཚུན་བསྐྱེད་པ་དང་སྐྱེད་དོ་སྙམ་པ་ཡང་མེད་པར་རང་བཞིན་གྱིས་རྒྱུ་ཚོགས་ན་འབྲས་བུ་ཇི་སྲིད་དུ་འབྱུང་བ་དེ་རྣམས་ནི། བྱིས་པའི་ངོར་མི་ཞིག་ཁང་པ་ནས་ཁང་པ་གཞན་ཞིག་དུ་འགྲོ་བ་མཐོང་བ་ལྟར། རྒྱུ་དེ་མ་འགག་པ་ངོ་བོ་ཉིད་ཀྱི་འབྲས་བུའི་གོ་སར་འཕོ་བ་མེད་པས། དེ་གཉིས་གཅིག་གོ་ཞེས་མི་བརྟགས་ལ། འབྲེལ་མེད་དོན་གཞན་ཉིད་དུ་བྱས་ཏེ། རྒྱུ་འབྲས་སོ་སོར་ངོ་བོས་གྲུབ་པ་ཉིད་དུ་བཞག་པར་མི་རིགས་པས་ཐ་དད་དུ་ཡང་མ་གྲུབ་པའི་དཔེ་བརྒྱད་པོ་འདི་རྣམས་ཀྱིས། གཟུགས་ཚོར་འདུ་ཤེས་འདུ་བྱེད་རྣམ་ཤེས་ཀྱི་ཕུང་པོ་རྣམས་སྔ་མའི་གནས་སྐབས་ཀྱིས་ཕྱི་མ་བསྐྱེད་དེའི་འགགས་པ་དང་སྐྱེ་བའི་ཚུལ་གྱིས་ཉིང་མཚམས་སྦྱོར་བ་དེ་ཡང་། ― MR12_Page_0290 ―
[མ་དཔེ་གཟིགས་ན་འདིར་གནོན།]
གཅིག་ནས་གཅིག་ཏུ་འཕོ་བ་མིན་པའམ། མི་འཕོ་བར་ཡང་མཁས་པ་རྣམས་ཀྱིས་རྟོགས་པར་བྱའོ་ཞེས་སོ། །དེ་ལྟར་དངོས་པོའི་གནས་ཚུལ་གྱི་དབང་དུ་ན། ཕྱི་དང་ནང་གིས་བསྡུས་པའི་འདུས་བྱས་ཀྱི་ཆོས་འདི་དག་ཐམས་ཅད་རྒྱུ་རྐྱེན་ཚོགས་ན་སྐྱེ་ཞིང་མ་ཚོགས་ན་མི་སྐྱེ་ལ། གང་སྐྱེས་པ་དེ་ཡང་སྐད་ཅིག་གཉིས་པར་མི་སྡོད་པའི་ཆོས་ཅན་དུ་རིགས་པས་ལེགས་པར་གྲུབ་ཀྱང་། འདི་ལ་འགྲོ་བ་རྣམས་ནི་ནང་གི་བློ་རྨོངས་པས་བསླད་པས་ཡང་དག་པའི་དོན་ལ་གོམས་པ་མི་གསལ་བ་དང་། ཕྱིའི་རྐྱེན་འདྲ་བ་གཞན་བར་མ་ཆད་དུ་བྱུང་བ་ལ་འཁྲུལ་རྒྱུ་བྱས་ཏེ། སྔར་གྱི་དངོས་པོ་དེ་ནི་ད་ལྟའི་འདིའོ། །ད་ལྟའི་འདི་ནི་ཕྱིས་སུ་འདིར་འགྲོའོ་ཞེས། སྔ་ཕྱི་གཅིག་ཏུ་སེམས་ཤིང་རྟོག་པས་རྟག་པ་དང་གཅིག་པུར་ཞེན་པར་བྱེད་དེ། ཆུ་བོ་འདི་སྔར་བདག་གི་ལན་གཅིག་བརྒལ་ལོ། །སང་གི་དུས་སུ་ཡང་འདི་བརྒལ་བར་བྱའོ་ཞེས་སྐད་ཅིག་གིས་རྒྱུན་སོ་སོར་འཇུག་པའི་ཆུ་ལ་རིལ་པོ་གཅིག་དུ་ཞེན་པ་བཞིན་ནོ། །རྣམ་པར་རྟོག་པ་འདི་འདྲ་བའི་དབང་གིས་སྲིད་པ་མི་བརྟན་གཡོ་བའི་ངང་ཚུལ་ཅན་ལ་རྟག་པར་ཞེན་པ་སོགས་ཀྱིས་བདག་རྒྱུད་སྲིད་པར་དམ་དུ་བཅིངས་པར་འགྱུར་ལ། གང་གནས་ཚུལ་ཤེས་ཤིང་གོམས་པ་རྣམས་ནི་འཆིང་བ་དེ་ལྷོད་པ་ནི་ཆོས་ཡིན་ཏེ། སྲིད་པ་སྡུག་བསྔལ་ནི་སུ་ཞིག་གིས་མི་སྦྱིན་ལ་མི་འཕྲོག་ཅིང་རང་གིས་རྣམ་པར་རྟོག་པས་བྱས་པ་ཙམ་དུ་ཟད་པས་སོ། །ཡང་དག་པའི་གནས་ལུགས་ལ་ནི། མི་རྟག་པ་ཉིད་དུ་གྲུབ་པ་མེད་མོད་དེ། འོན་ཀྱང་འདུས་བྱས་ཀྱི་སྣང་ཚུལ་ ― MR12_Page_0291 ―
[མ་དཔེ་གཟིགས་ན་འདིར་གནོན།]
འདི་ནི་བསླུ་བ་མེད་པ་ཡིན་པས་སྣང་ངོའི་དབང་དུ་བྱས་ནས་དོན་བྱེད་ནུས་པ་ལ་སྐད་ཅིག་མས་ཁྱབ་པ་ཤེས་པར་བྱའོ། །དེ་ལྟར་འདི་ནས་ཕ་རོལ་ཏུ་འཕོ་བས་རྟག་པའི་བདག་ཉམས། རྒྱུ་ལས་མ་བྱུང་བ་མེད་པས་ད་ལྟའི་བདག་ངོ་བོ་ཉིད་ཀྱིས་གྲུབ་པ་ཉམས་ཏེ། སེམས་ཅན་ཞེས་བྱ་བ་རང་དབང་མེད་པར་ལས་ཉོན་གྱིས་སྲིད་པ་གཅིག་ནས་གཅིག་ཏུ་ཟོ་ཆུའི་རྒྱུད་མོ་ལྟར་འཕྱན་པ་དང་། མི་རྟག་ཅིང་ཕུང་པོ་ལས་དེར་བརྟགས་པར་ཙམ་དང་། ངོ་བོ་ཉིད་ཀྱིས་མ་གྲུབ་པའི་སྟོང་པར་ཤེས་སོ། །དེས་ན་དེ་ལ་དམིགས་པའི་སྙིང་རྗེ་གསུམ་ཡང་དེ་ལྟར་སྐྱེའོ། །དཔེ་བརྒྱད་པོ་དེ་དག་ཀྱང་སྔ་མའི་དོགས་པ་ཕྱི་མས་གཅོད་པའི་ཚུལ་མདོ་ལས་གསུངས་པ་བཞིན་དུ་ཤེས་པར་བྱའོ། །དེ་ལྟར་རྟེན་ཅིང་འབྲེལ་བར་འབྱུང་བ་དེ་དང་དེ་ལྟ་བུའི་ཚུལ་དུ་ཕྱི་དང་ནང་གིས་བསྡུས་པའི་ཆོས་ཐམས་ཅད་སྒྱུ་མ་རྨི་ལམ་ལྟ་བུར་ཁོང་དུ་ཆུད་པར་བྱའོ། །ཚུལ་འདིས་འཁོར་བ་ནི་ནོར་བའི་རྣམ་པར་རྟོག་པའི་བག་ཆགས་ཀྱིས་བསྐྱེད་པ་ཙམ་ཡིན་ནོ། །ཡང་གི་སྒྲས་ནི་རྨོངས་པའི་རྟོག་པ་ལས་བཟློག་སྟེ། དངོས་པོ་རྣམས་མི་རྟག་པ། སྡུག་བསྔལ་བ། སྟོང་པ་བདག་མེད་པར་རྟོགས་ན་དངོས་པོ་ལ་རྨོངས་པར་མི་འགྱུར་རོ། །རྨོངས་པ་མེད་ན་མི་ཆགས་སོ། །མ་ཆགས་ན་ཞེ་སྡང་བར་མི་འགྱུར་རོ། །ཞེ་སྡང་མེད་ན་ལས་མི་བྱེད་དོ། །ལས་མེད་ན་དངོས་པོ་མི་ལེན་ནོ། །ལེན་པ་མེད་ན་སྲིད་པ་མངོན་པར་འདུ་མི་བྱེད་དོ། །སྲིད་པ་མེད་ན་མི་སྐྱེའོ། །མ་སྐྱེས་ན་ལུས་དང་སེམས་ལ་སྡུག་བསྔལ་ ― MR12_Page_0292 ―
[མ་དཔེ་གཟིགས་ན་འདིར་གནོན།]
མི་འབྱུང་ངོ་། །དེ་ལྟར་འདིར་རྒྱུ་ལྔ་པོ་དེ་དག་མ་བསགས་པས་གཞན་དུ་འབྲས་བུ་མི་འབྱུང་སྟེ། འདི་ན་ཐར་པ་ཞེས་བྱའོ། །དེ་ལྟར་ན་སྡུག་བསྔལ་གྱི་རང་བཞིན་འཁོར་བའི་རྒྱུ་ཀུན་འབྱུང་ལས་ཉོན་བརྒྱུད་པར་འཕྱན་པ་སྲིད་པའི་འཁོར་ལོ་གང་གིས་ལྡོག་པའི་ལམ་གཅིག་པུ་སྟོང་པ་ཉིད་ཀྱི་སྒོ་ནས་འགགས་ཤིང་ལུགས་ལས་ལྡོག་པའི་ལམ་གྱིས་འབྲས་བུ་ཐར་པ་སྟེ། ཀུན་ནས་ཉོན་མོངས་དང་རྣམ་བྱང་ཕྱོགས་ཀྱི་རྒྱུ་འབྲས་གཉིས་གཉིས་ཏེ། བདེན་པ་བཞིས་བསྟན་ཏོ། །དྲུག་པ་ནི་ཤིན་ཏུ་ཕྲ་བའི་དངོས་ནས་རྣམ་པར་གྲོལ་བའི་བར་གྱིས་བསྟན་ཏེ། དེ་ལྟར་ན་ཆོས་ཐམས་ཅད་རྒྱུ་རྐྱེན་རྟེན་ཅིང་འབྲེལ་བ་ལས་བྱུང་བའི་དངོས་པོ་འདི་དག་ཐམས་ཅད་ཤིན་ཏུ་ཕྲ་བ་སྟེ། བརྟག་པར་དཀའ་བ་ཡིན་པས་ན། ཤིན་ཏུ་ཕྲ་བའི་དངོས་ལ་ཞེས་སྨྲོས་པའོ། །ཡང་ན་དེ་ལྟར་དངོས་པོ་ཡོད་པར་འཛིན་པ་སྐྱོན་དུ་འགྱུར་བར་མ་ཟད་ཅེས་པའི་སྡུད་སྒྲའོ། །གང་ཟག་གང་གིས་ཆད་པར་རྣམ་པར་བརྟག་པའམ་བལྟ་བ་སྟེ། ཚེ་ཕྱི་མ་མེད་པའི་ལྟ་བ་དང་།རྟེན་ནས་འབྱུང་བའི་སྣང་ཚུལ་ཟབ་མོ་མི་ཤེས་པར། དོན་དམ་པར་ཅི་མེད་རི་བོང་གི་རྭ་ལྟར་མཐོང་བ་དེ་ནི་རྣམ་པར་མི་མཁས་པའི་སྐྱེས་བུ་དེ་ཡིས་ནི། དངོས་པོ་རྣམས་རྐྱེན་ལས་བྱུང་ཞིང་རྐྱེན་མ་ཟད་པར་འབྲས་བུ་མི་ལྡོག་པར་འགྱུར་བའི་དོན་མ་མཐོང་བ་དེས་ལན་ནོ། །ཡང་ན་ཤིན་ཏུ་ཕྲ་བའི་དངོས་པོ་རྡུལ་དང་སྐད་ཅིག་མ་ལྟ་བུ་ལའང་། དང་པོ་བདེན་གྲུབ་ཅིག་སྐྱེས་ནས་ཡོད། མཐར་འགོག་སྟེ་ཆད་པར་རྣམ་པར་བརྟགས་པ་དེས་ནི། དངོས་པོ་རྣམས་རྐྱེན་ལས་ ― MR12_Page_0293 ―
[མ་དཔེ་གཟིགས་ན་འདིར་གནོན།]
བྱུང་བའི་ཕྱིར། དང་པོ་གང་ནས་མ་སྐྱེས་ཏེ། མཐར་འགགས་པ་མེད་པའི་འགྲོ་འོང་དང་བྲལ་བའི་དོན་མ་མཐོང་བ་ཡིན་ནོ། །རྐྱེན་ལ་བྱུང་བའི་དོན་མཐོང་ན་ཆད་པའང་མེད་དོ་ཞེས་སོ། །འདི་ལྟར་རྒྱུ་རྐྱེན་རྟེན་ཅིང་འབྲེལ་པའི་དོན་མཐོང་ན་དངོས་རྣམས་རང་གི་ངོ་བོ་ཉིད་ཀྱིས་མ་གྲུབ་པའི་སྟོང་པ་དང་། རྒྱུ་རྐྱེན་རྟེན་ཅིང་འབྲེལ་བའི་གནད་གཉིས་ཕན་ཚུན་མི་འགལ་བ་ཙམ་དུ་མ་ཟད་གཅིག་གྲོགས་གཅིག་འགྲོ་བས་ངེས་པ་བརྟན་པོ་རྙེད་ནས་སྣང་སྟོང་དབྱེར་མི་ཕྱེད་པའི་ཡེ་ཤེས་ལ་འཇུག་པར་འགྱུར་རོ། །དེ་ལྟར་རྟག་ཆད་ཀྱི་མཐའ་གཉིས་དང་བྲལ་བའི་ལམ་བསྟན་པས་ལྟ་བ་ངན་པ་རྣམས་བསལ་བ་ཡིན་ནོ། །དེས་ན་དངོས་པོ་རྣམས་ཀྱི་ཆོས་ཉིད་དམ། རང་བཞིན་འདི་ལ་བློ་གྲོས་དྲི་མ་མེད་པས་དཔྱད་ཚེ། དམིགས་བྱའི་ཆོས་མ་རྙེད་པས། ཀུན་ནས་ཉོན་མོངས་པའི་ཆོས་ངོ་བོས་གྲུབ་པ་བསལ་བྱ་གང་ཡང་མེད་ལ། རྣམ་བྱང་གི་ཆོས་སླར་བཞག་པར་བྱ་བའམ་བཅད་དུ་རུང་བའི་དམིགས་གཏད་ཅིག་ཅི་ཡང་མེད་དོ། །འོ་ན་སྲིད་པ་ཇི་ལྟར་གྲོལ་ཞེ་ན། སྔར་བཤད་པ་ལྟར་འཁྲུལ་བའམ་མ་ཤེས་པ་ཙམ་གྱིས་འཁོར་བ་འདི་གྲུབ་ན། དེ་ཡང་ཡང་དག་པ་སྟེ་གནས་ལུགས་དྲི་མ་མེད་པ་ཉིད་ཐོས་བསམ་དྲི་མ་མེད་པས་སྒྲོ་འདོག་བཅད་ནས་ཆོད་པའི་དོན་ཉིད་ལ། དེ་དང་རྗེས་སུ་མཐུན་པར་ཡང་དག་པར་རིག་པ་དྲི་མེད་ཀྱིས་བལྟ་བར་བྱ་སྟེ། ཡང་དག་པའི་དོན་མཐོང་ན་རྣམ་པར་གྲོལ་བ་ཡིན་ཏེ། མགོན་པོ་བྱམས་པས། དེ་ཕྱིར་ཐར་བ་ནོར་ཙམ་ཟད་པ་ཡིན། །ཞེས་གསུངས་སོ། །གསུམ་པ་ནི། ― MR12_Page_0294 ―
[མ་དཔེ་གཟིགས་ན་འདིར་གནོན།]
རྟེན་ཅིང་འབྲེལ་བར་འབྱུང་བའི་སྙིང་པོའི་ཚིག་ལེའུར་བྱས་པ། སློབ་དཔོན་འཕགས་པ་ཀླུ་སྒྲུབ་ཀྱིས་མཛད་པ་རྫོགས་སོ།། །།ཞེས་པ་ནི་གོ་སླའོ། །དེ་ལྟར་ན་དེ་རྣམས་ཀྱིས་རྟེན་ཅིང་འབྲེལ་བར་འབྱུང་བའི་སྙིང་པོའི་འགྲེལ་བ་སློབ་དཔོན་ཀླུ་སྒྲུབ་རང་ཉིད་ཀྱི་རྣམ་བཤད་ལ་གཞིར་བྱས་ཏེ་སམ་ཊ་ལ་མ་བརྟེན་པར་གང་ཤར་ཡི་གེའི་ལམ་དུ་རང་ཉིད་ཀྱི་སུག་རིས་བགྱིས་པའོ། །གང་གིས་རྒྱལ་བར་འགྱུར་བའི་ལམ་བཟང་དེ། །ཉིད་ཀྱིས་གཞན་ལ་འདོམས་པ་རྟེན་འབྲེལ་ཆོས། །གང་ལ་དད་ནས་རྣམ་དཔྱོད་དག་གིས་བཀྲལ། །དེ་ཡི་དགེ་བས་བྱང་ཆུབ་སྙིང་པོའི་བར། །ཤེས་བྱ་ཀུན་ལ་ཐོགས་པ་མེད་བློ་དང་། །རྒྱལ་དང་རྒྱལ་བའི་ཆོས་ལ་དད་པའི་ཤུགས། །ཟབ་མོ་བླ་ན་མེད་པའི་རྟེན་འབྱུང་དོན། །མངོན་སུམ་རྟོགས་པའི་སྐལ་བཟང་ཐོབ་གྱུར་ཅིག །ཕན་མཛད་སྐྱོབ་པ་རྣམས་ཀྱི་དྲིན་ལན་དུ། །མཐའ་ཡས་ཞིང་བཟང་ཀུན་ཏུ་རྟག་པར་ཡང་། །ཟབ་མོའི་རྟེན་འབྱུང་སྟོན་པའི་གཏམ་གྱིས་ནི། །འགྲོ་བ་མ་ལུས་རྣམ་པར་དགྲོལ་གྱུར་ཅིག །འདི་ལྟར་འབད་པས་རབ་དགེའི་རླུང་ཤུགས་ཀྱིས། །འཇམ་མགོན་ཟླ་བ་དྲང་བའི་འོད་དཀར་རྒྱུན། །སྙིང་དབུས་ཆུ་གཏེར་ཆེ་ལ་སིམ་པའི་མོད། །འགྲོ་ཀུན་སྐྱོབ་པའི་དཔལ་དུ་བདག་གྱུར་ཅིག །ཅེས་བློ་གྲོས་རྣམ་པར་འཕེལ་བའི་ས་བོན་དུ་དམིགས་ཤིང་གཞན་ཕན་བློ་ཡིས་བསྐུལ་ཏེ་སྙན་པར་རེ་བའི་ཚིག་གི་སྤྲོས་པ་སྐྱུངས་ནས་རང་ལོ་ཉེར་ ― MR12_Page_0295 ―
[མ་དཔེ་གཟིགས་ན་འདིར་གནོན།]
དྲུག་པ་རབ་ཚེས་ལྕགས་ལུག་རྒྱལ་ཟླའི་ཚེས་གསུམ་ལ་བན་དྷེ་བློ་གྲོས་དྲི་མེད་དམ་མིང་གཞན་ལྔ་རིག་སྨྲ་བ་འཇམ་དཔལ་དགྱེས་པའི་རང་མདངས་མཚོ་བྱུང་བཞད་པའི་གེ་སར་དུ་འབོད་པའི་ཕྱི་ཐུན་གཅིག་ལ་བྲིས་པ་འདིས་རང་གཞན་གྱི་ཆོས་ལ་སྤྱོད་པའི་གེགས་མཐའ་དག་ལྷག་མེད་དུ་ཞི་ནས་འཇམ་དཔལ་དགྱེས་པའི་འོད་ཟེར་སྙིང་ལ་རྟག་ཏུ་སིམ་ཞིང་རེ་བ་མཐར་ཕྱིན་པར་གྱུར་ཅིག་གུ། དགེའོ།། ཡེ་ཤེས་སྙིང་པོ་ཀུན་ལས་བཏུས་པའི་མཆན་འགྲེལ་མུ་ཏིག་གི་ཕྲེང་བ།― MR12_Page_0297 ―
[མ་དཔེ་གཟིགས་ན་འདིར་གནོན།]
ཡེ་ཤེས་སྙིང་པོ་ཀུན་ལས་བཏུས་པའི་མཆན་འགྲེལ་མུ་ཏིག་གི་ཕྲེང་བ་ཞེས་བྱ་བ་བཞུགས་སོ། ། ― MR12_Page_0298 ―
[མ་དཔེ་གཟིགས་ན་འདིར་གནོན།]
ཨོཾ་སྭ་སྟི། གང་ཞིག་སྤྲོས་མཚན་ཀུན་བྲལ་བའི། །ཟབ་མོ་དབུ་མའི་དེ་ཁོ་ན། །སྟོན་མཛད་འཕགས་པ་ཡབ་སྲས་དང་། །དབྱེར་མེད་བླ་མ་མཆོག་གིས་སྐྱོངས། །འདིར་ཟབ་མོ་ལྟ་བའི་ཤིང་རྟའི་རིང་ལུགས་གསལ་མཛད་སློབ་དཔོན་འཕགས་པ་ལྷས་མཛད་པའི་ཡེ་ཤེས་སྙིང་པོ་ཀུན་ལས་བཏུས་པའི་གཞུང་འདི་ཉིད་འཆད་པ་ལ་གསུམ། ཀླད་དོན། གཞུང་དོན། མཇུག་གི་དོན་བཤད་པའོ། །དང་པོ་ལ་གཉིས། མཚན་སྨོས་པ་དང་། འགྱུར་ཕྱག་བསྟན་པའོ། །དང་པོ་ནི། རྒྱ་གར་སྐད་དུ། ཛྙཱ་ན་སཱ་ར་ས་མུཙྪ་ཡ་ནཱ་མ། བོད་སྐད་དུ། རྣམ་པར་གྲོལ་བའི་ལམ་གྱི་ཡེ་ཤེས་མཐའ་དག་གི་སྙིང་པོ་ཀུན་ལས་བཏུས་པ་ཞེས་བྱ་བ། གཉིས་པ་ནི། སྤངས་རྟོགས་མཐར་ཕྱིན་པའི་སངས་རྒྱས་བཅོམ་ལྡན་འདས་ལ་ཕྱག་འཚལ་ལོ་ཞེས་ལོ་ཙཱ་བས་བཀོད་པའོ། །གཉིས་པ་གཞུང་དོན་ལ་གསུམ། བསྟན་བཅོས་རྩོམ་པ་ལ་ ― MR12_Page_0299 ―
[མ་དཔེ་གཟིགས་ན་འདིར་གནོན།]
འཇུག་པའི་ཡན་ལག རྩོམ་བྱ་བསྟན་བཅོས་ཀྱི་ལུས་དངོས་བཤད་པ། རྩོམ་པ་མཐར་ཕྱིན་པའི་དགེ་བ་བསྔོ་བའོ། །དང་པོ་ལ་གཉིས། མཆོད་པར་བརྗོད་པ་དང་། རྩོམ་པར་དམ་བཅའ་བའོ། །དང་པོ་ནི། ཚོགས་གཉིས་ཀྱི་དཔལ་དང་ལྡན་ཞིང་དམ་པའི་གནས་སུ་ཁྲིད་པའི་མགོན་དང་སྐྱབས་སུ་གྱུར་པ་བླ་མ་ལ་བཏུད་ནས། ཅེས་བླ་མ་ནི་འཕགས་པ་ཀླུ་སྒྲུབ་སྟེ་དེ་ནི་སྤྲིན་ཆེན་པོའི་མདོ་སོགས་ནས་སྔོན་བསྐལ་པ་གྲངས་མེད་པའི་སྔ་རོལ་དུ་འཁོར་ལོས་བསྒྱུར་བའི་རྒྱལ་པོར་གྱུར་པའི་ཚེ་སངས་རྒྱས་སྒྲ་གཅན་ཞེས་པར་ཐུགས་བསྐྱེད་མར་མེ་མཛད་ཀྱི་དུས་སུ་འཁོར་ལོས་བསྒྱུར་བའི་སྲས་སུ་གྱུར་པ་ན་སངས་རྒྱས་དེས་མ་འོངས་པ་ན་ད་ལྟའི་བསྐལ་པ་བཟང་པོ་སངས་རྒྱས་སྟོང་བྱོན་རྗེས་བསྐལ་པ་དྲུག་ཅུ་རྩ་གཉིས་འདས་ནས་རང་སངས་རྒྱས་འབུམ་དང་། མགོན་པོ་བརྒྱད་མྱ་ངན་ལས་འདས་པའི་འོག་ཏུ་ཞིང་དེར་དེ་བཞིན་གཤེགས་པ་ཡེ་ཤེས་ ― MR12_Page_0300 ―
[མ་དཔེ་གཟིགས་ན་འདིར་གནོན།]
འོད་ཅེས་བྱ་བར་ལུང་བསྟན། ཤཱཀྱའི་རྒྱལ་པོའི་སྤྱན་སྔར་ལི་ཙྪ་བཱི་གཞོན་ནུ་འཇིག་རྟེན་ཐམས་ཅད་ཀྱིས་མཐོང་ན་དགའ་བ་ཞེས་བྱ་བ་གྱུར་པ་དེ་ལ། རྒྱལ་བས་ང་འདས་ནས་ལོ་བརྒྱད་ཅུ་ན་ངའི་མིང་འཛིན་པའི་དགེ་སློང་དུ་གྱུར་ནས་ལོ་བརྒྱར་བསྟན་པ་རྒྱས་པར་བྱེད། ས་རབ་ཏུ་དགའ་བ་བསྒྲུབས་ནས་ཕྱིས་ས་བརྒྱད་པ་ཐོབ་པའི་འོག་ཏུ་བདེ་བ་ཅན་གྱི་ཞིང་དུ་སྐྱེ་ཞིང་། སྤྲུལ་པའི་ལུས་ཀྱིས་བྱམས་པ་ལས། ཆོས་ཉན་པར་ལུང་བསྟན། གཞན་ཡང་ལང་ཀར་གཤེགས་པ་ལས། །ལྷོ་ཕྱོགས་བྷེ་ཏའི་ཡུལ་དུ་ནི། །དགེ་སློང་དཔལ་ལྡན་ཞེས་གྲགས་པ། །དེ་མིང་ཀླུ་ཞེས་བོད་པ་སྟེ། །ཡོད་དང་མེད་པའི་ཕྱོགས་འཇིག་པ། །ང་ཡི་ཐེག་པ་འཇིག་རྟེན་དུ། །བླ་མེད་ཐེག་ཆེན་རབ་བཤད་ནས། །རབ་ཏུ་དགའ་བའི་ས་བསྒྲུབས་ཏེ། །བདེ་བ་ཅན་དུ་དེ་འགྲོའོ། །ཞེས་ལུང་བསྟན། དེ་ཉིད་ལ་གཞུང་རྩོམ་པ་པོས་ཕྱག་མཛད་པ་སྟེ། ནས་ནི་ལྷག་མ་འདྲེན་པའི་ཚིག་གོ། གཉིས་པ་ནི། གྲུབ་མཐའ་རབ་འབྱམས་མི་ཤེས་པའི་བྱིས་པ་རྣམས་ཀྱི་སྡུག་བསྔལ་གསུམ་དང་བརྒྱད་སོགས་ཞི་བྱའི་ཕྱིར། རྣམ་གྲོལ་ལམ་གྱི་ཡེ་ཤེས་མཐའ་དག་གི་སྙིང་པོ་ཀུན་ལས་དོན་དམ་པའི་ཡུལ་ཅན་རྣམ་པར་མི་རྟོག་པའི་ཡེ་ཤེས་ཀྱིས་ལྟ་བ་ངན་པ་རྣམས་དང་། རྣམ་པར་རྟོག་པའི་དགྲ་ཡི་དཔུང་བཅོམས་པས་ཉོན་མོངས་དང་སྡུག་བསྔལ་གྱི་ཚོགས་རབ་ཏུ་ཞི་བའི་ཕྱིར་བཏུས་པ་ཞེས་བྱ་བའི་གཞུང་འདི་ནི། ཁོ་བོ་འཕགས་པ་ལྷ་ཡིས་སྦྱར་བའོ་ཏེ་སྦྱར་བར་བྱའོ་ཞེས་རྩོམ་པར་དམ་བཅས་པ་སྟེ། དེ་ཡང་འཕགས་པ་ནི་ས་བརྒྱད་པ་ཐོབ་པ་དང་སྐུ་ལུས་ལྷ་ལྟར་ ― MR12_Page_0301 ―
[མ་དཔེ་གཟིགས་ན་འདིར་གནོན།]
མཛེས་པས་མཚན་དེ་ལྟར་གྲགས་ལ། གང་ཚེ་མཆོག་སྲེད་སོགས་བཏུལ་ནས་དཔལ་གྱི་རི་ལ། བླ་མའི་སྤྱན་སྔར་གཤེགས་པའི་ལམ་དུ་སྐྱེས་བུ་ཞིག་འདིའི་སྤྱན་ལ་ཆགས་པས་བསྟོད་པ་ན་དེའི་སྲིད་པ་ཞི་བའི་ཕྱིར་སོར་མོའི་གཅེས་སྤྱན་གཡས་པ་ཕྱུང་ནས་དེ་ལ་གནང་བ་ལ་སློབ་དཔོན་མ་དགྱེས་ནས། ཁྱེད་ནི་ཞར་བ་གླེན་པའོ་ཞེས་སྤྱོས་པར་གྲགས་ས་འདི་ཉིད་མཐོ་ཡང་འོག་མའི་སློབ་མར་གནས་པ་ནི་མ་འོངས་པའི་བྱང་སེམས་རྣམས་བླ་མ་ལ་གུས་པ་བསྟན་པའི་ཕྱིར་དང་།གང་གི་དང་པོར་ཡོངས་སུ་སྨིན་པར་བྱས་པའི་དགེ་བའི་བཤེས་གཉེན་ནི་སངས་རྒྱས་ཀྱི་ས་པས་ཀྱང་། སོ་སོའི་སྐྱེ་བོའི་ས་བདག་ཀྱང་ཉིན་ལན་གསུམ་མཚན་གསུམ་ལན་གསུམ་དུ་ཕྱག་འཚལ་ཞིང་བསྐོར་བ་བྱ་བའི་ཕྱིར་རོ། །མཐར་ཀླུ་སྒྲུབ་ཀྱིས་རྒྱལ་པོ་མཐར་འགྲོ་ཞོན་གྱི་བུའི་ཕྱིར་སྐུ་ཚེ་བཏང་བ་ན། འཕགས་པ་ལྷས་ཀྱང་སྐུ་ཚེ་བཏང་སྟེ་གཉིས་ཀ་བདེ་བ་ཅན་དུ་གཤེགས་སོ། །གཉིས་པ་བསྟན་བཅོས་ཀྱི་ལུས་སམ་གཞུང་དངོས་བཀོད་པ་ལ་གསུམ། ཡེ་ཤེས་སྙིང་པོ་མཆོག་དེ་ཇི་ལྟར་བསྒོམ་པའི་ཚུལ་སྤྱིར་བསྟན་པ། བྱེ་བྲག་ཕྱི་ནང་གི་གྲུབ་པའི་མཐའ་འམ་ཡེ་ཤེས་ཉིད་རྒྱས་པར་བཤད་པ། དེ་ལ་ནན་ཏན་གྱིས་བསླབ་པར་གདམས་པའོ། །དང་པོ་ལ། བསྒོམ་ཚུལ་དངོས་དང་། དེའི་མི་མཐུན་ཕྱོགས་བཤད་པ།རྟོགས་བྱའི་ཡེ་ཤེས་ངོས་བཟུང་བ་གསུམ་ལས། དང་པོ་ལ་བཞི་སྟེ། ཡེ་ཤེས་དེ་ཇི་ལྟར་བསྒོམ་པ་ཡོན་ཏན་དང་བཅས་པ། དེ་ཉིད་རྟོགས་དཀའ་བའི་རྒྱུ་མཚན་འཐད་པ་བསྟན་པ། དེ་བླ་མའི་ལུང་གིས་འཁྲུལ་པ་སེལ་ཚུལ། རྟོགས་པའི་ ― MR12_Page_0302 ―
[མ་དཔེ་གཟིགས་ན་འདིར་གནོན།]
བདག་ཉིད་དེའི་ཆེ་བ་བསྟན་པའོ། །དང་པོ་ནི། རྟག་པ་དང་བདེན་གྲུབ་སོགས་དངོས་པོ་དང་རྒྱང་འཕེན་པ་ལྟར་ཆད་པའི་དངོས་པོ་མེད་པ་ལས་གྲོལ་ཞིང་། དེས་ན་ཀུན་རྫོབ་བམ་ཐ་སྙད་དུ་སྒྱུ་མ་ལྟ་བུའི་དངོས་པོ་དང་དོན་དམ་པར་བདེན་པའི་དངོས་པོ་མེད་པ་སྟེ་བདེན་པ་གཉིས་ཀྱི་ཚུལ་དང་རབ་ཏུ་ལྡན་པ་སྟེ། རང་བཞིན་འོད་གསལ་བའི་སེམས་ཉིད་འགྱུར་བ་མེད་པ་དེ་ནི་རྒྱུ་དང་ལམ་དང་འབྲས་བུའི་དུས་ན་གྲོལ་བའི་མཆོག་ཏུ་གྱུར་པ་དེ་ནི། ཡིད་ཀྱི་རང་བཞིན་ཏེ་ཐམས་ཅད་མཁྱེན་པའི་ཡེ་ཤེས་ནི་རང་གིས་རང་གི་སེམས་ལས་ཡོངས་སུ་བཙལ་བར་བྱའོ་ཞེས་གསུངས་པ་ལྟར་རྣམ་པར་གྲོལ་བའི་གནས། གང་ཡིན་པ་དེ་ལ་རྩེ་གཅིག་ཏུ་གནས་པའི་བསམ་གཏན་གྱིས། རྣམ་པར་རྟོག་པའམ་རྟོག་བཅས་ཀྱི་སེམས་གང་ཞིག་འཇུག་ལྡོག་འཁོར་ལོ་ལྟར་བར་མེད་པ་དེ་འཛིན་པར་བྱེད་པ་ནི། ནང་བཅུད་ཀྱི་འགྲོ་བ་དང་ཕྱི་རོལ་སྣོད་ཀྱི་དངོས་པོའི་ངོ་བོ་རྣམས་ཀྱི་དེ་ཁོ་ན་ཉིད། རྟོགས་པའམ་རིག་པའི་མིང་དུ་དེ་བརྗོད་དོ། །དེ་ཡང་ཀུན་རྫོབ་ཏུ་ནི། ཀྱེ་རྒྱལ་བའི་སྲས་དག་ཁམས་གསུམ་པོ་འདི་དག་ནི་སེམས་ཙམ་སྟེ་དུས་གསུམ་ཡང་སེམས་ཙམ་མོ་ཞེས་གསུངས་པས། རང་གི་སེམས་ཤེས་པས་མ་ལུས་པ་ཤེས་པ་ཡིན་ལ། དོན་དམ་པར་ནི། དངོས་གཅིག་དངོས་པོ་ཀུན་ཀྱི་ངོ་བོ་ཉིད། །དངོས་ཀུན་དངོས་པོ་གཅིག་གི་ངོ་བོ་ཉིད། །གང་གིས་དངོས་གཅིག་དེ་བཞིན་ཉིད་དུ་མཐོང་། །དེ་ཡིས་དངོས་ཀུན་དེ་བཞིན་ཉིད་དུ་མཐོང་། །ཞེས་གསུངས་པས་ན་འདི་འཐད་པར་འགྱུར་རོ། །གཉིས་པ་ནི། ཡོད་པ་དང་མེད་པ་གཉིས་ཀའི་དངོས་པོ་མེད་པའི་སྟོང་པ་ཉིད་ནམ་མཁའ་དང་འདྲ་ ― MR12_Page_0303 ―
[མ་དཔེ་གཟིགས་ན་འདིར་གནོན།]
བ་རང་བཞིན་གྱི་འོད་གསལ་བས། ཀུན་རྫོབ་ཏུ་ཡོད་པ་དང་དོན་དམ་པར་མེད་པར་འཛིན་པ་སོགས་ཀྱི་དམིགས་པ་ཅན་གྱི་མཚན་མའི་སྤྱོད་ཡུལ་མཐའ་དག་རྣམ་པར་སྤོངས་པ་ནི། ཟབ་མོའི་གནས་ལུགས་སམ་དེ་ཁོ་ན་ཉིད་ཀྱི་མཆོག་ཡིན་པར་འདོད་དེ་ཕྱི་རོལ་པ་དང་ཆོས་འདི་བ་པ་འཁོར་བ་ལས་ཐར་བར་འདོད་པ་རྣམས་ནི། དེའི་དོན་ལ་ཕྱིན་ཅི་ལོག་ཏུ་འཁྲུལ་བ་དང་དེ་ལ་མངོན་ཞེན་གྱི་རྨོངས་པ་ཆེན་པོ་སྐྱེ་བའི་གནས་ཡིན་པས་ཤིན་ཏུ་རྟོགས་དཀའ་བ་ཡིན་ནོ། །དེའི་འཐད་པ་ནི། རེ་ཞིག་ཅེས་དང་པོར་དངོས་པོ་གང་ཞིག་བྱིས་པས་བརྟགས་པ་ལྟར་ཡོད་པར་གྱུར་ན་ནི། སྐད་ཅིག་རེ་རེ་བཞིན་དུ་རྣམ་པར་སྐྱེ་ཞིང་འཇིག་པའི་མཐར་རྒྱུན་ཆད་པའི། གནས་ལ་གནས་པར་འགྱུར་ཞིང་། གལ་ཏེ་དངོས་པོ་རྣམས་ནི་རྒྱུ་དང་འབྲས་བུའི་ངོ་བོར་མེད་ན་ཡང་། རྒྱུ་རྐྱེན་མེད་པར་སྟོང་པ་ཉིད་ལས་སྐྱེ་བར་འགྱུར་ཞིང་དེ་ལྟ་ན་རྟག་ཏུ་ཡོད་པའམ་མེད་པར་འགྱུར་ཏེ་རྒྱུ་ལ་རག་ལས་པ་མེད་པའི་ཕྱིར་རོ། །གསུམ་པ་ནི། རྒྱུ་མཚན་དེའི་ཕྱིར་ཡོད་མེད་ཀྱི་ཕྱོགས་ནི་གཉིས་པོ་གང་དུ་ཡང་གཟུང་བར་མི་བྱ་སྟེ། ཡོད་པའི་ཕྱོགས་སྙེམས་ཤིང་མེད་པའི་ཕྱོགས་ཀྱང་ཡོངས་སུ་སྙེམས་པ་ནི། བློ་ལྡན་མཁས་པའི་ལམ་གྱིས་བགྲོད་པར་བྱ་བའི་གོ་འཕང་གི་ཆོས་མཆོག་ཏུ་ཟབ་ཅིང་ཆེས་ཕྲ་བ་ཡིན་ཏེ། དེ་ནི་བདག་རྐྱེན་དགེ་བའི་བཤེས་གཉེན་ནམ་བླ་མའི་ཞལ་ལ་གནས་པའོ་སྟེ་དེའི་ཞལ་ལུང་གིས་ཤེས་དགོས་པར་བསྟན་པའོ། །བཞི་པ་ནི། གང་ཡོད་པ་དེ་ཀུན་འདི་རྣམས་ནི་སྐྱེ་ཞིང་འཇིག་ལ། གང་མེད་པ་དེ་ཡང་འབྲས་ ― MR12_Page_0304 ―
[མ་དཔེ་གཟིགས་ན་འདིར་གནོན།]
བུ་མེད་པས་དེ་གཉིས་ཀ་མི་འཐད་དོ། །དེས་ན་དེ་གཉིས་ཀྱི་དབུས་ན་ཐ་སྙད་དུ་གནས་པ་དང་དོན་དམ་པར་དབུས་ཙམ་དུའང་གྲུབ་པ་མེད་པས་ཆོས་གང་ལ་ཡང་མི་གནས་པའི་དོན། རབ་ཏུ་ཕྲ་བ་དེ་མཁས་པ་གང་གིས་རྟོགས་པ་ནི། དེ་ཁོ་ན་ཉིད་རིན་ཆེན་གྱི་མཆོག་ཡིན་ཏེ། ཡོད་ཅེས་མེད་ཅེས་གཉིས་ཀ་མཐའ། །དག་དང་མ་དག་འདི་ཡང་མཐའ། །དེ་བས་མཐའ་གཉིས་རབ་སྤངས་ཏེ། །མཁས་པས་དབུས་ལའང་གནས་མི་བྱེད། །ཅེས་བསྟན་པ་བཞིན་ནོ། །གཉིས་པ་དེའི་མི་མཐུན་ཕྱོགས་བསྟན་པ་ལ་གཉིས། ཆད་པར་ལྟ་བའི་ཉེས་པ་དང་། དངོས་པོར་འཁྲུལ་བའི་ཉེས་པ་བསྟན་པའོ། །དང་པོ་ནི། དངོས་པོ་མེད་པ་ཉི་ཚེ་བ་གསུམ་ལ། བླུན་པོའམ་རྨོངས་པ་རྣམས་ནི་ཉེ་བར་གནས་ཏེ། དངོས་མེད་ཉི་ཚེ་ལ་གནས་པ་གསུམ་ནི། འཇིག་རྟེན་སྔ་ཕྱི་མེད་པར་འདོད་པ་རྒྱང་འཕེན་པ་དང་། སངས་རྒྱས་པས་རྣམ་པར་མི་རྟོགས་པའི་ཡེ་ཤེས་མེད་པར་འདོད་པ་འབྲས་བུ་ལ་སྐུར་བ་འདེབས་པ་དང་། སྟོང་ཉིད་ཡིན་པས་སྡིག་པ་སྤྱོད་ཀྱང་མི་གནོད་ཅེས་ཆོས་ལ་སྒྲ་ཇི་བཞིན་དུ་འཛིན་པའི་ལྟ་བ་ཅན་ནོ། །དེ་ལ་དང་པོ་མི་འཐད་དེ་སྒྲུབ་བྱེད་མེད་ཅིང་གནོད་བྱེད་ཡོད་པ་དང་རྟག་ཏུ་ཡོད་མེད་དུ་ཐལ་བས་གནོད་དོ། །གཉིས་པ་ཡེ་ཤེས་མེད་པ་མི་འཐད་དེ། །ཉོན་མོངས་ཟད་པའི་དགེ་སློང་གི། འཁོར་བ་གལ་ཏེ་རྣམ་ལྡོག་ན། །རྫོགས་པའི་སངས་རྒྱས་རྣམས་ཀྱིས་ཀྱང་། །ཅི་ཕྱིར་དེ་མི་རྩོམ་མི་བཤད། །རྩོམ་པ་ཡོད་ན་ངེས་པར་ཡང་། །ལྟ་བར་འགྱུར་བ་ཡོངས་སུ་འཛིན། །ཅེས་བརྗོད་པའི་ཉེས་པ་གནས་ལ། གལ་ཏེ་བདག་གཅིག་མེད་པར་གྱུར་ན་ནི། །དེ་ཡི་སྤྱོད་ཡུལ་ཞི་བ་སྟོང་ ― MR12_Page_0305 ―
[མ་དཔེ་གཟིགས་ན་འདིར་གནོན།]
པ་མེད། །རང་བྱུང་རྡུལ་རྣམས་ཤིན་ཏུ་བསལ་བ་ནི། །བདེ་གཤེགས་རྣམས་ཀྱི་སྐུ་ཡང་ཇི་ལྟར་འབྱུང་། །ཞེས་གསུངས་པ་ཡང་ཇི་ལྟར་དང་། འདིར་བདག་ནི་རྣམ་པར་མི་རྟོག་པའི་ཡེ་ཤེས་ལ་བྱ་བར་ངེས་སོ། །གསུམ་པར་ཡང་མེ་སོགས་དོན་དམ་པར་མེད་ཀྱང་ཐ་སྙད་དུ་ཚ་བ་སོགས་ཡོད་པ་ལྟར་རྒྱུ་འབྲས་བསླུ་མེད་དུ་ཚད་མས་གྲུབ་པའོ། །དེས་ན། རི་རབ་ཙམ་དུ་གྱུར་པ་ཡི། །བདག་ཏུ་ལྟ་བས་མི་གནོད་ཀྱི། །སྟོད་ཉིད་ལྟ་བས་གནོད་པ་ནི། །ང་རྒྱལ་མི་བདེན་བརྟགས་པས་སོ། །ཞེས་དང་། སྟོང་པ་ཉིད་ལ་བལྟ་ཉེས་ན། །ཤེས་རབ་ཆུང་རྣམས་ཕུང་འགྱུར་ཏེ། །ཇི་ལྟར་སྤྲུལ་བཟུང་ཉེས་པ་དང་། །རིག་སྔགས་ལོག་པར་བསྒྲུབ་པ་བཞིན། །ཞེས་གསུངས་སོ། །གཞན་ཡང་ཐེག་པ་ཆེན་པོ་ལས། བྱང་ཆུབ་སེམས་དཔའ་ཆོས་ལ་སྒྲ་ཇི་བཞིན་པར་འཛིན་པ་ལ་ཆད་པར་ལྟ་བ་ཉི་ཤུ་རྩ་བརྒྱད་འབྱུང་བར་གསུངས་པ་དེ་དག་ནི་ས་བོན་རུལ་བ་དང་འདྲ་བས། ཁོང་མྱགས་ཏེ་རུལ་པ་དམན་པའི་གནས་ལ་ནི། བླུན་པོ་གསུམ་པོ་དེ་དག་ཚུལ་འདི་ནར་གནས་པ་ཡིན་ཏེ།གང་ཟག་ལོག་པར་བལྟ་བས་ལེགས་སྤྱད་ཀྱང་། །ཐམས་ཅད་རྣམ་པར་སྨིན་པ་མི་ཟད་ལྡན། །ཞེས་པས་ལྟ་བ་ལོག་པ་དེ་ཉིད་དམན་པའི་གནས་ཡིན་པའི་ཕྱིར་རོ། །གཉིས་པ་ནི། འོ་ན་དངོས་པོ་ཡོད་པར་བཟུང་ངམ་སྙམ་ན་མ་ཡིན་ཏེ། དེ་ཁོ་ན་ཉིད་དམ་ནམ་མཁའ་དང་འདྲ་བར་སྔར་བསྟན་པ་བཞིན་ལ། གྲུབ་མཐའ་སྨྲ་བ་སེམས་ཙམ་པའི་བར་གྱི་རྣལ་འབྱོར་པ་གང་དག་སེམས་ནི་རབ་ཏུ་རྨོངས་པ་སྟེ། དེ་དག་ཆོས་ཉིད་དུ་མ་ཟད་ཆོས་ཅན་གྱི་ནམ་མཁའ་ལ་ཡང་། མཆོག་ཏུ་རྨོངས་པ་དག་ ― MR12_Page_0306 ―
[མ་དཔེ་གཟིགས་ན་འདིར་གནོན།]
ཏུ་འགྱུར་ཏེ། ཇི་ལྟར་ན་ནམ་མཁའ་ལ་བརྟག་ན་ཤེས་པས་བཟུང་བྱ་ཅི་ཡང་མེད་ཀྱང་ཐ་སྙད་དུ་གོ་འབྱེད་པ་སོགས་ཀྱི་ཐ་སྙད་བྱར་རུང་བ་ཡིན་ཀྱང་། གཞན་ཅི་ཡང་མེད་པའམ་ཡང་ན་ནམ་མཁའ་དངོས་པོ་ཡོད་པར་འཛིན་པ་བཞིན་ནོ། །དེའི་དབང་གིས་སྦྱིན་སོགས་ཀྱི་འབྲས་བུ་འཁོར་བའི་བདེ་བའི་དངོས་པོ་ཉམས་སུ་མྱོང་བ་ཡང་། ཟག་བཅས་ཀྱི་གནས་ཡིན་པས་གཏན་དུ་ཕན་པའི་རྟེན་མེད་དེ། དེ་དག་ཅུང་ཟད་དུས་ཀྱི་ཆ་ལ་བདེ་བ་ཐོབ་ཀྱི། འཁོར་བའམ་ལས་ཉོན་ལས་རྣམ་པར་གྲོལ་བར་མི་བརྗོད་དོ། །དེ་ཡང་ཀླུ་སྒྲུབ་ཀྱིས། བརྒྱ་བྱིན་འཇིག་རྟེན་མཆོད་འོས་གྱུར་ནས་ནི། །ལས་ཀྱི་དབང་གིས་སླར་ཡང་ས་སྟེང་ལྟུང་། །འཁོར་ལོས་སྒྱུར་བ་ཉིད་དུ་གྱུར་ནས་ནི། །འཁོར་བ་ཉིད་དུ་ཡང་བྲན་ཉིད་དུ་འགྱུར། །ཞེས་སོགས་གསུངས་པ་ཡིན་ནོ། །གསུམ་པ་ནི། འོ་ན་ཅི་ཞིག་གིས་གྲོལ་སྙམ་ན། སྔར་མཐར་འཛིན་ཀྱི་ཉེས་པ་བསྟན་པ་དེ་ཡི་ཕྱིར་དངོས་པོ་ཡོད་ཅེས་མི་བྱ་ཞིང་། དངོས་པོ་མེད་པར་འདོད་པའི་ཡིད་ཀྱང་སྤངས་ཏེ། ཀུན་མཁྱེན་ཀྱི་གོ་འཕང་ཐོབ་པར་འདོད་པ་རྣམས་ཀྱིས་ནི། མཐའ་གཉིས་ལ་མི་གནས་པ་དེ་བཞིན་དུ་དེ་གཉིས་ཀྱི་དབུས་སམ་བར་དུ་འང་གནས་པར་མི་བྱ་སྟེ་དེ་ལྟར་གང་ལའང་མི་གནས་པ་ནི་གྲོལ་བའོ། །གཉིས་པ་ཕྱི་ནང་གི་གྲུབ་མཐའ་བྱེ་བྲག་ཏུ་བཤད་པ་ལ། གང་ཞིག་ཤེས་ནས་སྤང་བྱ་ཕྱི་རོལ་བའི་གྲུབ་མཐའ་དང་། བླང་བྱ་ནང་པའི་གྲུབ་མཐའ་བཤད་པ་གཉིས་ལས། དང་པོ་ལ་གསུམ། ལྟ་བའི་འདོད་པ་བརྗོད་པ། དེ་དག་གི་བརྟུལ་ཞུགས་དང་བསྒོམ་པ་བསྟན་པ། དེ་ཕྱིན་ཅི་ལོག་འཁྲུལ་བར་བསྟན་ནས་སུན་དབྱུང་ ― MR12_Page_0307 ―
[མ་དཔེ་གཟིགས་ན་འདིར་གནོན།]
བའོ། །དང་པོ་ལ་རྟག་པར་ལྟ་བ་དང་། ཆད་པར་ལྟ་བ་གཉིས་ཀྱི། དང་པོ་ནི། ལྷ་ཆེན་པོ་ཞི་བ་པ་ལྷར་འཛིན་པས་ཞི་བ་པའམ་དབང་ཕྱུག་པ་དང་དུས་རྒྱུར་སྨྲ་བ་ལ་སོགས་པས་རང་རང་གི་ཡོན་ཏན་སྣ་ཚོགས་པར་འདོད་དེ། དེ་ཡང་དབང་ཕྱུག་པས་དབང་ཕྱུག་གི་ཡོན་ཏན། སྣ་ཚོགས་སུ་བྱེད་པས་ཕྲ་བ་དང་། འབྱུང་བ་རྣམས་སྡུད་རྒྱས་གནས་པར་བྱེད་པར་ཡང་བ་དང་། ཐམས་ཅད་ཀྱིས་བརྗོད་པས་མཆོད་པར་བྱ་བ་དང་། ཐམས་ཅད་ཀྱི་རྗེ་བོའི་བདག་པོར་གྱུར་པ་དང་ཐམས་ཅད་དེའི་དབང་དུ་གྱུར་པ་དང་། ཡིད་ཀྱིས་བསམ་པ་ལྟར་གར་ཡང་ཕྱིན་པ་དང་། གང་འདོད་མིག་ཕྱེ་ཙམ་གྱིས་བྱེད་པས་འདོད་དགུར་ལྡན་པ་དང་། ཇི་འདོད་བསམ་པ་ཙམ་གྱིས་ཐོབ་པས་དགའ་མགུར་གནས་པ་སྟེ་བརྒྱད་པོ་དང་ལྡན་ཞིང་། དེ་ཉིད་ཀྱིས་ཐམས་ཅད་བྱེད་པར་འདོད་དེ། གང་ཞིག་ཕྲར་གྱུར་གཅིག་པུ་སྐྱེ་གནས་འདུག །དེ་ཡིས་འདི་ཀུན་སྐྱེ་ཞིང་འཇིག་པར་བྱེད། །དེ་ནི་དབང་ལྡན་ལྷ་མཆོག་ལྷ་མཆོད་བྱ། །ཡོན་ཏན་བྱེད་པ་ཤིན་ཏུ་ཞི་བ་འཐོབ། །སྐྱེ་བ་པོ་འདི་ཤེས་པ་ཡོད་མིན་ཏེ། །བདག་གི་བདེ་སྡུག་བདག་ལ་རང་དབང་མེད། །དབང་ཕྱུག་གིས་བཏང་ཡང་ན་གཡང་སའམ། །མཐོ་རིས་དག་ཏུ་འགྲོ་བ་ཁོ་ནར་འགྱུར། །ཞེས་སྨྲ། དུས་ཀྱི་ཡོན་ཏན་སྨྲ་བས། འབྱུང་བ་རྣམས་ནི་དུས་ཀྱིས་འབྱིན། །སྐྱེ་དགུ་རྣམས་སྡུད་དུས་ཀྱིས་བྱེད། །དུས་ཀྱིས་གཉིད་ལོག་སད་བྱེད་པས། །དུས་ནི་འདའ་བར་དཀའ་བ་ཡིན། །ཞེས་དུས་ཀྱིས་ཐམས་ཅད་བྱེད་པས་དུས་ལས་འདའ་དཀའ་བར་འདོད་དོ། །དེ་བཞིན་དུ་ཆུ་ལྷ་དང་། རྣམ་ཐོས་ཀྱི་བུ་དང་། སྲེད་མེད་ཀྱི་བུ་དང་། ཉི་མ་དང་། ཟླ་བ་སོགས་ཀྱི་བྱེད་པའི་ ― MR12_Page_0308 ―
[མ་དཔེ་གཟིགས་ན་འདིར་གནོན།]
ཡོན་ཏན་བརྟག་པར་བྱེད་དོ། །གྲངས་ཅན་པའི་གྲུབ་མཐའ་སྨྲ་བ་རྣམས་ལྷའི་ཡོན་ཏན་དུ་ཁས་བླང་བ་མེད་ཀྱང་གཙོ་བོ་ལས་དངོས་པོ་རྣམས་འབྱུང་བས། རང་བཞིན་རྒྱུར་སྨྲ་བ་སྟེ། ཤེས་བྱ་ཐམས་ཅད་དེ་ཉིད་ཉེར་ལྔར་གྲངས་ངེས་པར་སྨྲ་ཞིང་འདི་ཉིད་མ་ཤེས་པ་ནི་འཁོར་བ་ཡིན་ལ་ཤེས་པས་གྲོལ་བར་འདོད་དོ། །ཚངས་པ་ཆེན་པོའི་གོ་འཕང་རྟག་པར་འདོད་པ་ནི་བྲམ་ཟེ་རིག་བྱེད་སྨྲ་བ་རྣམས་ཏེ། བྱེ་བྲག་པ་རྣམས་ཀྱིས་འཇིག་རྟེན་ཞིག་རྗེས་འབྱུང་བཞིའི་རྡུལ་སིལ་བུ་པ་ཆ་མེད་རྟག་པ་དེ་དབང་ཕྱུག་ཆེན་པོས་འཇིག་རྟེན་འབྱིན་པར་འདོད་པ་དང་། སེམས་ཅན་རྣམས་ཀྱི་ལས་ཀྱི་མཐུས། རླུང་གི་རྡུལ་ཕྲ་རབ་གཉིས་སྦྱར་ཏེ། དེ་ནས་གསུམ་འབྱར་ན་རྡུལ་ཕྲ་རབ་གཉིས་ཀྱི་རྡུལ་ཕྲ་མོ་ཞེས་བྱ་ཞིང་། དེ་ནས་སེ་གོལ་གཏོགས་པ་ཙམ་གྱིས་རྡུལ་ཕྲན་རྣམས་ཕྲད་དེ་ཚོགས་ནས་རླུང་དཀྱིལ་གྲུབ་ཅིང་། ཚུལ་དེས་ཆུ་དང་ས་དང་མེའི་དཀྱིལ་འཁོར་གྲུབ་ཅིང་། དེའི་དབུས་སུ་ཚངས་པའི་སྒོང་ཆེན་པོ་འོད་འབར་བ་རྡོལ་བ་ལས་འཇིག་རྟེན་གྱི་མེས་པོ་ཚངས་པ་པདྨའི་མངལ་ལས་བྱུང་ཞེས་པདྨ་ལ་འདུག་པ་གདོང་བཞི་པ་ཞིག་བྱུང་སྟེ། དེས་འཇིག་རྟེན་ཐམས་ཅད་སྤྲུལ་པའོ་ཞེས་འདོད་དོ། །དེ་དག་འདི་རྣམས་ནི་དེ་ཉིད་རྣམ་པ་གསུམ་དུ་གནས་ཏེ། ཚངས་པ་ཉིད་ན་འཇིག་རྟེན་འབྱིན། །སྐྱེ་དགུ་སྡུད་པ་དྲག་པོ་སྟེ། །སྐྱེས་བུ་ཉིད་ན་བཏང་སྙོམས་སོ། །རང་འབྱུང་གནས་སྐབས་གསུམ་དུ་གནས། །ཞེས་བཤད། གཞན་དག་ནི་དང་པོ་དབང་ཕྱུག་གི་ཡོན་ཏན་བརྒྱད་དང་། གཉིས་པ་གཙོ་བོའི་ཡོན་ཏན་གསུམ་དང་། གསུམ་པ་རང་བྱུང་གི་གནས་སྐབས་གསུམ་ནི་དེ་ཉིད་གསུམ་ཞེས་འདོད། ཡང་ན་བཤད་མ་ཐག་པ་ ― MR12_Page_0309 ―
[མ་དཔེ་གཟིགས་ན་འདིར་གནོན།]
འདི་གསུམ་གྱིས་ཕྱི་རོལ་པ་ཀུན་བསྡུས་པར་འདོད་ཅེས་ཟེར་རོ། །དྲང་སྲོང་ཆེན་པོ་སེར་སྐྱའི་སློབ་མ་སེར་སྐྱ་པ་རྣམས་ནི་དངོས་པོ་ཐམས་ཅད་སྟོང་པའི་ཚུལ་ལས་འབྱུང་བས་སྟོང་པ་ཉིད་བྱེད་པ་པོར་འདོད་དོ། །ཡུལ་ལས་དབང་པོ་སྡོམ་པའི་ཐུབ་རྣམས་ནི་དབང་པོ་ཐམས་ཅད་ནམ་མཁའི་ཡོན་ཏན་དུ་འདོད་པས་ནམ་མཁའི་ཚུལ་ཏེ་འདི་དག་ནི་བྱེ་བྲག་པའི་ཁྱད་པར་རོ། །གང་རང་གི་སྐྲ་ཉིན་གཅིག་བཞིན་དུ་ཟད་པར་བྱེད་པས་ཐར་པ་ཐོབ་པར་འདོད་པ་ཟད་བྱེད་པ་རྣམས་ནི་ལྷ་ཆེན་པོ་རྒྱལ་བའི་གཟུགས་བརྙན་རྣམས་བྱས་ནས། དེ་ལ་དད་པས་འབད་དེ་མཆོད་པའི་ལས་ལ་གཞོལ་བའོ། །མིག་སོགས་དབང་པོ་ལྔ་དང་ཉེར་ལྡན་ཏེ་ཉེར་བར་ལྡན་པའི། བདག་ཡོད་པར་འདོད་པ་བྲམ་ཟེ་མཆོག་རྣམས་ཏེ་བྲམ་ཟེ་ཁོ་བོ་ཅག་མཆོག་གོ་ཞེས་རློམ་པས་སོ། །འདི་དག་གིས། རིག་བྱེད་འདྲ་བའི་ཐོས་པ་མེད། ཅེས་རིག་བྱེད་ཚད་མར་འདོད་ཅིང་། དེ་ཉིད་ལས། ཆེན་པོ་གཉིས་མདོག་མུན་མདུན་གནས། །སྐྱེས་བུ་དེ་ནི་ཁོ་བོས་རིག །དེ་རྟོགས་འཆི་བའི་འཇིགས་མེད་དེ། །ཐར་ཕྱིར་དེ་ལས་ལམ་གཞན་མེད། །ཅེས་འབྱུང་བ་ལྟ་བུའི་དབང་པོ་ལྔ་དང་ཉེ་བར་ལྡན་པའི་བདག་ཡོད་པར་འདོད་པ་དང་། གཞན་ཡང་སྐྲ་རྩེ་འབུམ་གྱི་ཆ་ཙམ་དང་། ཤེལ་སྒོང་དག་པ་ལྟ་བུའི་བདག་མཐེ་བོང་ཙམ་དང་། ཡུངས་འབྲུ་ཙམ་ནས། རི་རབ་ཙམ་གྱི་བར་བསྟན་པར་མི་ནུས་པར་འདོད་པ་རྣམས་ཀྱང་བསྡུས་སོ། །གཉིས་པ་ནི། དྲང་སྲོང་འཇིག་རྟེན་མིག་ཅེས་བྱ་བས་ཆད་ལྟའི་གཞུང་འབུམ་ཕྲག་བྱས་ཏེ། དེའི་བརྒྱུད་འཛིན་རྣམས་ལ་རྒྱང་འཕེན་པ་སྟེ། ― MR12_Page_0310 ―
[མ་དཔེ་གཟིགས་ན་འདིར་གནོན།]
ཨ་ཡོ་ཏི་ནི་ཞེས་འཇིག་རྟེན་པའི་ཡང་དག་པའི་ལྟ་བ་ལས་གུད་དུ་སོང་བའམ་བྲལ་བ་དང་འགྲོ་བའི་དོན་ཏོ། །དེ་དག་གིས། ལས་མེད་ཅེས་རྒྱུ་ལ་སྐུར་བ་འདེབས་པ་དང་ངན་སོང་ལས་ཐར་པའི་མཐོ་རིས་སམ་འཁོར་བ་ལས་གཏན་དུ་ཐར་པ་མེད་ཅེས་འབྲས་བུ་ལ་སྐུར་བ་འདེབས་ཀྱང་རུང་། དེ་དག་ནི་ལྟ་བ་ཀུན་ལས་དམན་པའི་གཞུང་ངན་རྒྱང་འཕེན་པ་ཡི་གཞུང་ཡིན་ནོ། །གཞན་ཡང་ཚུར་མཐོང་ལ་སྤྱོད་པ་ཐམས་ཅད་འཇིག་རྟེན་རྒྱང་འཕེན་དུ་བཤད་དེ། ཇི་སྲིད་སེམས་ནི་འཇུག་པའི་བར། །དེ་སྲིད་འཇིག་རྟེན་རྒྱང་འཕེན་པ། །ཞེས་གསུངས། འཇིག་རྟེན་གསང་ཚིག་གི་དབང་དུ་བྱས་ཏེ། མ་འོངས་པའི་དུས་ན་དགེ་སློང་དག་འཁོར་གྱི་དབུས་ན་སེང་གེའི་ཁྲི་ལ་འདུག་སྟེ། འཇིག་རྟེན་རྒྱང་འཕེན་པའི་གཞུང་འཆད་ཅིང་དེའི་བསྔགས་པ་སྨྲ་བར་བྱེད་དོ། །ཞེས་གསུངས་ཏེ། གཞུང་གང་དག་འདོད་ཆགས་དང་བྲལ་བར་མི་འགྱུར། ཡིད་འབྱུང་བར་མི་འགྱུར། ནམ་ཡང་དངོས་པོར་འཛིན་པ་ལས་མི་འབྲལ་བ་གཅིག་པུའི་གསང་ཚིག་རྣམས་ཏེ། ཤཱ་རིའི་བུ་དགེ་སློང་གང་དག་འཇིག་རྟེན་རྒྱང་འཕེན་པའི་གཏམ་ལྷུར་ལེན་པ། སངས་རྒྱས་ཀྱི་གསུང་སྤངས་ནས་གཞན་མུ་སྟེགས་ཅན་གྱི་གསང་ཚིག་སྨྲ་བ་དེ་དག་ནི་འཁོར་གྱི་ནང་དུ་དང་པོ་ནས་དེ་དག་ཆོས་ཀྱི་སྒྲས་འཁོར་དགའ་བར་བྱེད་དེ། སྐྱེས་བུ་དེ་དག་དམ་པ་མ་ཡིན་པ་དེ་ལྟ་བུ་དེ་དག་ནི་དགེ་སློང་རུལ་བ་ཞེས་བྱའོ་ཞེས་གསུངས་པས་བཀག་པས་སོ། །འདི་དག་ཀྱང་ཆད་པར་ལྟ་བའི་དབང་དུ་བྱས་ཏེ་འདིར་བརྗོད་པའོ། །གཉིས་པ་བརྟུལ་ཞུགས་དང་སྒོམ་པ་བསྟན་པ་ནི། གང་དག་ ― MR12_Page_0311 ―
[མ་དཔེ་གཟིགས་ན་འདིར་གནོན།]
དབང་ཕྱུག་པ་སྟེ་ཕྱུགས་བདག་ཆེན་པོའི་ཆོས་འཛིན་པའམ་བསྟན་པ་ལ་སྤྱོད་པ་རྣམས། ལྷོ༷་དང་བྱང་དང་ནུབ་ཏུ་ཁ་བལྟས་ནས་གནས་པ་ནི་བརྟུལ་ཞུགས་སྟེ། དེ་ཡང་ཡིད་དུ་འོང་བའི་ལྷ་མོ་ཨུ་མ་སོགས་ཆགས་པ་བསྐྱེད་ནུས་པ་ཅན་དང་མཁའ་གསང་མཉམ་པར་སྦྱོར་བར་བྱེད་ཅིང་ཕན་ཚུན་སྲེག་པའི་མིག་ལྟར་མིག་ནི་འཛུམ་པར་ལྟ་བའོ། །དེ་ལྟར་ཡང་དབང་ཕྱུག་སྒྲ་བསྒྲགས་པའི་རྒྱུད་ལས། ཚིག་ཏུ་བརྗོད་པ་སྤངས་པ་སྟེ། །དབང་ཕྱུག་ནུས་ཅན་མཉམ་སྦྱོར་ལས། །རྨད་དུ་བྱུང་བའི་བདེ་བ་སྐྱེ། །གུས་པའི་ཚུལ་གྱིས་བསྒོམས་པ་ཡིས། །ཡང་དག་ཏུ་ན་དངོས་པོ་མེད། །ནུས་ཅན་ཡང་ནི་སྟོད་ཉིད་ལྟ། །སྒྲོ་འདོགས་ཐམས་ཅད་འཇོམས་པའོ། །ཞེས་དེ་དག་འཁྲིག་པའི་བདེ་བ་དངོས་དང་དངོས་མེད་ལྷན་ཅིག་བསྒོམ་པའོ། །གང་དག་བླ་མ་ཟླ་བའི་གྲུབ་མཐའ་འཛིན་པ་རྣམས་ནི་རྟག་ཏུ། ལྷ་ཆེན་པོ་འཕྲོག་བྱེད་པ་ལ་ནི་གུས་ཤིང་མཆོད་པར་གཞོལ་བ་ཡང་དབང་པོ་ཏུལ་ཏེ། ཨོཾ་ཞེས་བརྗོད་ཅིང་སྲེད་མེད་ཀྱི་བུ་རྗེས་སུ་དྲན་པར་བྱས་ན་མཐོ་རིས་ཐོབ་ཅེས་ཟེར། ལྷ་དེ་ཉིད་ལྷ་ཀུན་ཀྱི་མཆོག་ཏུ་འཛིན་ཅིང་། ཁ་ཅིག་འཕྲོག་པོ་དབང་ཕྱུག་ལ་འདོད་ནས་དེ་མཆོད་པར་བྱེད་དོ། །དེ་དག་གི་ནང་གི་རྣལ་འབྱོར་ཡང་། སྙིང་གའི་པདྨའི་ང་གིས་ནི།བསྐལ་བར་མི་འཆི་བའི་རྣལ་འབྱོར་ལྡན་པའང་སྒོམ་པར་བྱེད་དེ། བདག་ཉིད་ལྷའི་རྣལ་འབྱོར་ལ་གནས་པའི་སྙིང་གི་དབུས་སུ་པདྨ་བསམས་ལ། དེའི་དབུས་ནས་བྱུང་བའི་རླུང་སྣ་བུག་དང་ཁ་ནས་བྱུང་བ་ཐུར་དུ་རྐང་པའི་མཐིལ་ ― MR12_Page_0312 ―
[མ་དཔེ་གཟིགས་ན་འདིར་གནོན།]
ནས་དགང་བའི་བུམ་པ་ཅན་ཞེས་བྱ་བའི་མན་ངག་སྒོམ་པས། དབུགས་འགག་པ་གྲུབ་ནས་བསྐལ་བར་མི་འཆི་བའི་རླུང་གི་རྣལ་འབྱོར་བསྒོམ་པར་བྱེད་དོ། །དབུགས་འགག་པ་ཙམ་ལས་གཞན་མན་ངག་ནི་མེད་དོ། །དེ་དག་ཏུ་མ་ཟད་རླུང་བཀག་ནས་འཇུག་ཤེས་ཆད་པ་འདི་ལ་ཕྱི་རོལ་པ་དང་ཆོས་འདི་བ་པ་ཐོས་པ་མེད་པའི་རྣལ་འབྱོར་ལྡན་པ་གཞན་འགས་ཀྱང་། དེ་ལ་ཡེ་ཤེས་སུ་བཟུང་ནས་དེ་ཁོ་ན་ཞེས་རྟོགས་ཤིང་གནས་ལ། དེར་མ་ཟད་གཞན་ལའང་བདེན་པ་གང་ཡིན་དེ་ཉོན་ཞེས། སྒྲུབ་བོ་སློབ་མ་གཞན་ལ་སྨྲ་སྟེ། ཅི་ལྟར་སྨྲ་ན་དབུགས་རྒྱུ་བ་དང་སེམས་ཀྱི་རབ་ཏུ་རྟོག་པ་མེད་པ་གང་ཞིག ཡིད་ནི་ཡུལ་དུས་གར་སོང་མེད་པར་རང་ཤི་བ་འདི་ནི་བདེན་པའོ་ཞེས་སྨྲ་བའོ། །གསུམ་པ་ནི། དེ་ལྟར་དེ་དག་གིས་བསྟན་པའི་དེ་ཉིད་མཆོག་དེའང་སུན་དབྱུང་བར་གསུངས་པ་ནི། དེ་ལྟའི་རྣལ་འབྱོར་པ་རང་ངམ་བདག་ཉིད་ནི་དངོས་པོའི་དོན་ལ་རྗེས་སུ་རྨོངས་པ་དེ་དག་གིས། གལ་ཏེ་མི་གནས་པའི་ཡེ་ཤེས་ཀྱི་སྤྱོད་ཡུལ་དེ་མི་ཤེས་པ་ཡིན་ན། དེ་འདྲའི་ཡེ་ཤེས་ནི་ཤིང་དུ་ཐལ་བར་འགྱུར་ཏེ་སེམས་མེད་པ་ཙམ་གྱི་ཕྱིར་རོ། །དེ་ལྟ་བུའི་བདེན་པ་དང་ཏིང་ངེ་འཛིན་གྱི་ལམ་འདི་ནི། རྣམ་པར་གྲོལ་བའི་ལམ་མ་ཡིན་ཏེ་སྲིད་པ་གང་ཡིན་པ་དེར་སླར་འཆིང་བར་བྱེད་པ་ཉིད་དུ་སྣང་ངོ་། །དེ་བས་ན། ཐོས་པ་ཆུང་བའི་ཏིང་ངེ་འཛིན་སྙེད་པ་ནི་བདུད་ཀྱི་ལས་སོ། །ཞེས་གསུངས་སོ། །ཕྱི་རོལ་པའི་ལྟ་བ་འདི་དག་ཀྱང་ཁོང་དུ་ཆུད་པར་བྱས་ལ་དེ་བཟློག་པར་བྱ་ཡི་རྣམ་པར་སྡང་བར་བྱ་བ་ནི་མ་ཡིན་ཏེ། འཕགས་ ― MR12_Page_0313 ―
[མ་དཔེ་གཟིགས་ན་འདིར་གནོན།]
པ་སོར་ཕྲེང་གི་མདོ་ལས། འཇམ་དཔལ་དེ་ལྟར་འཇིག་རྟེན་པའི་ཚུལ་ཁྲིམས་དང་སྤྱོད་པ་དང་བྱ་བའི་ཆོ་ག་ཐམས་ཅད་ཀྱང་སངས་རྒྱས་ཀྱི་སྤྲུལ་པའོ། །ཞེས་གསུངས་པའི་ཕྱིར་དང་། དེ་དག་སྙིང་རྗེའི་ཡུལ་ཡིན་པའི་ཕྱིར་ཏེ། དེ་ཕྱིར་ལོག་པར་བསྟན་པ་ཡི། །གྲུབ་མཐའ་འཆལ་བའི་བློ་ཅན་ལ། །དེ་ལུགས་རྗེས་འཇུག་བློ་ཅན་རྣམས། །སྙིང་རྗེ་ཉིད་ནི་རབ་ཏུ་སྐྱེས། །ཞེས་བཤད་པའི་ཕྱིར་རོ། །གཉིས་པ་ནང་པ་སངས་རྒྱས་པའི་གྲུབ་མཐའ་བཤད་པ་ལ་གཉིས།མདོར་བསྟན་པ་དང་། རྒྱས་པར་བཤད་པའོ། །དང་པོ་ནི། ནང་པ་སངས་རྒྱས་པའི་ཆོས་ནི་གྲུབ་མཐའ་རྣམ་པ་བཞིར། ལུས་དང་ངག་གི་བྱ་བ་ཙམ་གྱིས་མི་གྲོལ་བར་ཡིད་ཀྱིས་གྲོལ་བར་འདོད་པ་རྣམས་ཀྱི་སྔོན་གསུངས་པ་དང་ཡང་དག་པར་བསྡུས་པའི་གཞུང་ལས་མཐོང་སྟེ། བྱེ་བྲག་སྨྲ་བ་ལ་སོགས་ཏེ་མདོ་སྡེ་པ་དང་རྣལ་འབྱོར་སྤྱོད་པ་དང་དབུ་མ་པའི་ལམ་བཞི་པོ། ལུང་གིས་བཤད་པས་ཤེས་པར་བྱས་ནས་རང་རང་གི་འབྲས་བུ་དེ་ཁོ་ན་ཉིད་སྒྲུབ་པར་བྱེད་པའོ། །གཉིས་པ་རྒྱས་པར་བཤད་པ་ལ་བཞི། བྱེ་བྲག་པ་དང་། མདོ་སྡེ་པ་དང་། རྣལ་འབྱོར་སྤྱོད་པ་དང་། དབུ་མ་པའོ། །དང་པོ་ནི། ཁ་ཆེ་བྱེ་བྲག་ཏུ་སྨྲ་བ་སོགས་ཀྱིས་ནམ་མཁའ་དང་སོ་སོར་བརྟགས་འགོག་དང་བརྟགས་མིན་གྱི་འགོག་པ་གཉིས་དག་སྟེ།དེ་ལྟར་འདུས་མ་བྱས་གསུམ་པོ་ནི་རྟག་པ་ཡིན་པར་འདོད་ལ། ཡུལ་དབུས་ཀྱི་བྱེ་སྨྲ་དག་གིས་ནི་དེ་བཞིན་ཉིད་བསྣན་ཏེ་འདུས་མ་བྱས་བཞིར་འདོད་པས། དེ་དག་ལྟར་ན་སྐྱེ་བ་མེད་པ་སོགས་ཀྱི་ཁྱད་པར་དང་ལྡན་པའི་རྟེན་ཅིང་འབྲེལ་ ― MR12_Page_0314 ―
[མ་དཔེ་གཟིགས་ན་འདིར་གནོན།]
འབྱུང་གི་ངོ་བོ་འདུས་མ་བྱས་ཉིད་ཡོད་པར་འདོད་དེ་བཞི་པོ་དེ་རྫས་ཡོད་དུ་འདོད་དོ། །འདུས་མ་བྱས་མ་གཏོགས་པ་འདུས་བྱས་ཏེ་རྒྱུ་རྐྱེན་འདུས་པ་ལས་བྱུང་བ་འབྲས་བུ་ལྔར་གཏོགས་པ་རྣམས་སོ། །འདི་དག་འདས་པ་དང་མ་འོངས་པའི་རྒྱུ་ཁས་ལེན་ཅིང་། དུས་གསུམ་པོ་རྫས་ཀྱི་བྱེ་བྲག་ཏུ་སྨྲ་བའམ། ཡང་ན་བསྟན་བཅོས་བྱེ་བྲག་ཏུ་བཤད་པ་ཆེན་པོའི་རྗེས་སུ་འབྲངས་པས་ན་མིང་དེ་སྐད་དུ་བཏགས་སོ། །དེ་ལ་འདུས་བྱས་ནི་རྒྱུ་རྐྱེན་ལས་འབྱུང་ཞིང་ཆོས་དེ་དག་བདག་གིས་ཀུན་ནས་སྟོང་ལ། དེའི་ཕྱིར་བྱེད་པ་པོ་གཞན་མེད་དེ་ལས་ལས་བྱུང་བའམ་འདུས་བྱས་པ་སྟེ་དེ་དག་ཀྱང་སྐད་ཅིག་མ་ཡིན་པར་འདོད་དེ། ལས་ལས་འཇིག་རྟེན་སྣ་ཚོགས་སྐྱེ། །ལས་ནི་སེམས་པ་དང་དེས་བྱས། །སེམས་པ་ཡིད་ཀྱི་ལས་ཡིན་ཏེ། །དེས་བསྐྱེད་ལུས་དང་ངག་གི་ལས། །ཞེས་བསྟན་ཏོ། །མིག་སོགས་དབང་པོ་དག་ལས་སྐྱེ་བའི་བློ་རྣམས་མེད་ཅིང་རྡུལ་བསགས་པ་མེད་ལ། དེས་ཡུལ་གཟུགས་སོགས་རྣམ་མེད་ལྗན་ཅེར་དུ་མངོན་སུམ་རིག་པ་ཡིན་ལ་ཡུལ་གཟུགས་སོགས་དེ་དག་ནི་རྡུལ་གྱི་ཚོགས་བསྐོར་བ་བར་བཅས་ཏེ། འདི་དག་ཕྱི་རོལ་པ་ལས་འཕགས་པའི་བློ་གྲོས་དང་ལྡན་པ་ཞེས་བྱ་བར་བརྗོད་ཅིང་ནུབ་ཕྱོགས་ཁ་ཆེ་ཡི། བྱེ་བྲག་སྨྲ་བའི་གཞུང་དུ་བཤད་དེ་ཡུལ་དབུས་ཀྱི་བྱེ་སྨྲ་དག་ཀྱང་གྲུབ་མཐའ་ཕལ་ཆེར་དེ་དང་ཆ་འདྲ་བས་ལོགས་སུ་མ་བཤད་དོ། །གཉིས་པ་ནི། མདོ་སྡེ་པ་དག་གཟུགས་སོགས་མངོན་སུམ་མཐོང་བ་ནི་དབང་པོའི་དངོས་ཡུལ་མིན་ཏེ། ཡུལ་དབང་ཤེས་གསུམ་ཚོགས་པས་ཤེས་པ་ཡུལ་གྱི་རྣམ་པ་དང་ ― MR12_Page_0315 ―
[མ་དཔེ་གཟིགས་ན་འདིར་གནོན།]
བཅས་པ་སྐྱེ་བ་ཡིན་ཏེ། ཡུལ་བེམ་པོ་རྣམས་རྡུལ་ཕྲན་བར་མེད་པར་མ་རེག་པའམ་རེག་ལ་མ་འབྱར་བར་འདོད། དེ་ཡང་ཤེལ་ཚོན་གྱིས་བསྒྱུར་བ་མིག་གིས་མཐོང་བའི་ཚེ་ཤེལ་མངོན་སུམ། ཚོན་གཟུགས་བརྙན་བཟུང་བ་ཡིན་པ་ལྟར་མངོན་སུམ་གྱི་སྣང་བ་འདི་ནི་ཤེས་པ་ཁོ་ནའི་རྣམ་པ་ཡིན་ལ། ཁ་དོག་དང་དབྱིབས་སོགས་སྣང་བའི་གཞི་ནི་ཤེས་པ་ལས་གཞན་པའི་ཕྱི་དོན་ལྐོག་ན་མོར་ཡོད་པར་འདོད་པའོ། །འདུས་མ་བྱས་ཀྱང་ནམ་མཁའ་ནི་མེད་པ་མིང་ཙམ་སྟེ་དཔེར་ན་མོ་གཤམ་གྱི་བུ་དང་འདྲ་ལ། འགོག་པ་ཡང་ནམ་མཁའ་དང་འདྲའོ་སྟེ་བརྟགས་པ་ཙམ་ལས་རང་མཚན་ཉིད་ཀྱིས་གྲུབ་པ་མེད་དོ། །དེ་བཞིན་དུ་ལྡན་མིན་འདུ་བྱེད་རྣམས་ཀྱང་བརྟགས་པ་ཙམ་དུ་འདོད་དོ། །གང་འདུས་བྱས་པའི་བེམ་པོ་ཡོད་པ་མིན་པ་སྟེ། སེམས་དང་བེམ་པོ་འདུས་ནས་གཟུགས་དང་ཤེས་པ་འདྲེས་པ་ལྟ་བུར་སྣང་གི་རེ་རེ་བཞིན་དཔྲལ་ཏེ་སྣང་མི་སྲིད་དེ། ལྷན་ཅིག་དམིགས་ཀྱང་བེམ་པོ་སེམས་རང་དང་འདུས་ནས་བྱས་པར་མི་འཐད་དེ་དེ་དག་ལ་འདུ་བའི་རྣམ་རྟོག་མེད་པའི་ཕྱིར། དཔེར་ན་རྡུལ་དང་རྡུལ་ལྟ་བུའོ་ཞེས་དང་གཞན་ཡང་ཅི་རིགས་སུ་སྦྱར་བར་བྱའོ། །འདས་མ་འོངས་སོགས་དུས་གསུམ་པོ་དག་ཀྱང་རྫས་ཡོད་དུ་ཁས་མི་ལེན་ནོ། །ཤེས་པ་རྣམ་པ་དང་བཅས་པར་སྐྱེ་ན་སེམས་ཙམ་པ་དང་ཁྱད་ཅི་ཡོད་ཅེ་ན། དེའི་ཁྱད་པར་རྣམ་ཤེས་ལས་གུད་ན་རྡུལ་ཕྲན་བསགས་པའི་གཟུགས་ལྐོག་ན་མོ་མེད་པ་མིན་ཞེས་ཡོད་པར་འདོད་པ་སྟེ། འདི་དག་ནི་སྒོ་དྲུག་པ་དང་། བཟང་སྤྱོད་སོགས་མདོ་སྡེ་རྣམས་ ― MR12_Page_0316 ―
[མ་དཔེ་གཟིགས་ན་འདིར་གནོན།]
སྒྲ་ཇི་བཞིན་པར་ཁས་ལེན་ཞིང་། མདོ་སྡེ་དེ་དག་གི་རྗེས་སུ་འཇུག་པས་མདོ་སྡེ་པ་སྟེ། མིང་གཞན་དཔེས་སྟོན་པ་ལ་མཁས་པས་དཔེས་སྟོན་པའོ། །དགེ་བ་བླ་མེད་བྱང་ཆུབ་ཏུ་བསྔོ་བ་དང་སྨོན་ལམ་གྱིས་མྱ་ངན་ལས་འདས་པའི་ཉན་ཐོས་ཡིན་པས་ལོ་བརྒྱད་ཁྲིས་སླར་ལྡང་བའི་ཕྱིར་མཁས་པའོ། །བྱེ་བྲག་སྨྲ་བ་ནི་ཞི་བའི་དབྱིངས་དེར་བསྐལ་པ་གྲངས་མེད་བྱེ་བ་ཁྲག་ཁྲིག་བརྒྱ་ཕྲག་དུ་མར་འདའ་བར་བྱེད་དེ། ཏིང་ངེ་འཛིན་གྱི་ལུས་ཐོབ་ནས། །བསྐལ་པའི་བར་དུ་འདི་མི་སད། །ཅེས་གསུངས་པས་སོ། །དེས་ན་མདོ་སྡེ་པ་ནི་བྱེ་བྲག་སྨྲ་བ་ལས་མཁས་པ་རྣམས་ཀྱི་ལུགས་སོ་ཞེས་པའོ། །གསུམ་པ་ནི། རྣལ་འབྱོར་སྤྱོད་པའི་ལྟ་བ་བསྟན་པའི་ཕྱིར། རྡུལ་ཕྲ་རབ་བསགས་པའི་གོང་བུ་ཆ་ཤས་ཅན་ཞེས་བྱ་བ་མེད་ཅིང་།དེའི་རྒྱུ་རྩོམ་གཞི་ཕྲ་རབ་རྡུལ་རྣམས་ཀྱང་མེད་པ་དང་སྟེ། ཅིའི་ཕྱིར་ན། དྲུག་གིས་ཅིག་ཅར་སྦྱར་བ་ན། །ཕྲ་རབ་རྡུལ་ཆ་དྲུག་ཏུ་འགྱུར། །དྲུག་པོ་དག་ནི་གོ་གཅིག་ན། །གོང་བུ་རྡུལ་ཕྲན་ཙམ་དུ་འགྱུར། །ཞེས་བྱ་བ་སོགས་ཀྱིས་གནོད་པའི་ཕྱིར་རོ། །མཚན་ཉིད་ཐ་དད་པར་བརྟགས་པ་སྲ་གཤེར་དྲོ་སོགས་སོ་སོར་སྣང་བ་རྣམས་རིགས་པས་བརྟགས་ན་སོ་སོར་དམིགས་སུ་མེད་པ་དང་སྟེ། བུད་མེད་གཅིག་གི་ལུས་གཅིག་ལ། །ཀུན་ཏུ་འདོད་ལྡན་ཁྱི་རྣམས་ཀྱིས། །རོ་དང་འདོད་བྱ་བཟའ་བ་ཞེས། །རྣམ་པ་གསུམ་དུ་རྟོག་པར་བྱེད། །ཅེས་དང་། དངོས་གཅིག་ཡིད་ནི་ཐ་དད་ཕྱིར། །དོན་མ་གྲུབ་པར་འདོད་པ་ཡིན། །ཞེས་པའི་རིགས་པས་སོ། །དེའི་ཕྱིར་ཡུལ་སྣ་ཚོགས་ཉམས་སུ་མྱོང་བ་འདི་རྨི་ལམ་དང་འདྲ་སྟེ། རྣམ་པར་ཤེས་པ་དེ་ ― MR12_Page_0317 ―
[མ་དཔེ་གཟིགས་ན་འདིར་གནོན།]
ཉིད་སོ་སོར་སྣང་བའོ། །དེ་ལྟ་ནའང་གཟུང་བ་དང་འཛིན་པ་ལས་གྲོལ་བའི། རྣམ་པར་ཤེས་པ་ནི་དམ་པའི་དོན་དུ་ཡོད་ཅེས་འདོད་དེ། བཅོམ་ལྡན་འདས་ཀྱིས། ཇི་ལྟར་བྱིས་པས་རྣམ་བརྟགས་ལྟར། །ཕྱི་རོལ་དོན་ནི་ཡོད་མ་ཡིན། །བག་ཆགས་ཀྱིས་ནི་དཀྲུགས་པའི་སེམས། །དོན་དུ་སྣང་བར་རབ་ཏུ་འབྱུང་། །ཞེས་གསུངས་པས་སོ། །ཚུལ་འདི་ནི་ཕྱི་དོན་ལ་མངོན་ཞེན་སྤང་བའི་བློ་མཚོའི་ཕ་རོལ་ཏུ་ཕྱིན་པ་ཡི། སེམས་ཙམ་པའམ་རྣལ་འབྱོར་སྤྱོད་པའི་གཞུང་དུ་བསྒྲགས་པའོ། །དེ་ཡང་། ཀྱེ་རྒྱལ་བའི་སྲས་དག་ཁམས་གསུམ་པོ་འདི་དག་ནི་སེམས་ཙམ་སྟེ། དུས་གསུམ་ཡང་སེམས་ཙམ་མོ་ཞེས་གསུངས་པའི་ལུང་གི་དོན་དང་མཐུན་པར་སྨྲ་བ་སྟེ། དེ་ལའང་རྣམ་བཅས་པ་ནི་སློབ་དཔོན་ཕྱོགས་ཀྱི་གླང་པོ་སོགས་ཏེ་རྣམ་ཤེས་ཚོགས་དྲུག་ཏུ་སྨྲ་བའོ། །རྣམ་མེད་ནི་འཕགས་པ་ཐོགས་མེད་སོགས་ཏེ། དོན་ནི་རབ་ཏུ་གྲུབ་གྱུར་ན། །མི་རྟོག་ཡེ་ཤེས་མེད་པར་འགྱུར། །དོན་མེད་པས་ན་སངས་རྒྱས་ཉིད། །ཐོབ་པར་འཐད་པ་མ་ཡིན་ནོ། །ཞེས་དང་། མི་རྟོག་ཡེ་ཤེས་རྒྱུ་བ་ལ། །དོན་ཀུན་སྣང་བ་མེད་ཕྱིར་ཡང་། །དོན་མེད་ཁོང་དུ་ཆུད་པར་བྱ། །དེ་མེད་པས་ན་རྣམ་རིག་མེད། །ཅེས་གསུངས་ཤིང་རྣམ་ཤེས་ཚོགས་བརྒྱད་དུ་འདོད། ཁ་ཅིག་གཅིག་བུར་སྨྲ་བ་སྟེ། དེ་ནི་རྣམ་མེད་དུ་མ་ཟད་རྣམ་བཅས་པ་ལའང་ཡོད་པར་གསུངས་སོ། །བཞི་པ་ནི། སྔར་བསྟན་པ་ལྟར་གྱི་རྣམ་ཤེས་རིགས་པས་མི་གནོད་པས་དམ་པའི་དོན་གྱི་མཚན་ཉིད་དང་ལྡན་པའམ་གྲུབ་པར་འདོད་པ། དེ་ཡང་དེ་ཁོ་ ― MR12_Page_0318 ―
[མ་དཔེ་གཟིགས་ན་འདིར་གནོན།]
ན་དཔྱོད་པའི་བློ་རབ་ཏུ་བརྟན་པ་དབུ་མ་པ་རྣམས་མི་འདོད་དེ། ཅིའི་ཕྱིར་ན། ཤེས་དེ་གཅིག་དང་དུ་མའི་རང་བཞིན་དང་། བྲལ་བའི་ཕྱིར་དཔེར་ན་ནམ་མཁའི་པདྨ་བཞིན་ནོ། །འོ་ན་དབུ་མ་པས་ཅི་ཞིག་ཁས་ལེན་ཞེ་ན། ཅི་ཡང་ཁས་མི་ལེན་ཏེ་དངོས་སྨྲ་ལྟར་ཡོད་པ་མིན་ལ་རྒྱང་འཕེན་པ་ལྟར་མེད་པའང་མིན་ཞིང་གལ་ཏེ་དེ་གཉིས་དང་བྲལ་བའི་བདག་ཉིད་དོ་ཞེ་ན་ཡོད་མེད་གཉིས་ཀ་མིན་ཏེ་ཕུང་གསུམ་པར་འགྱུར་བའི་ཕྱིར་རོ། །དེ་ལྟར་ན་གཉིས་ཀ་གཅིག་པར་འགྱུར་རོ་ཞེ་ན་གཉིས་ཀའི་བདག་ཉིད་ཀྱང་མིན་པས། །དེ་ལྟར་མཐའ་བཞི་ལས་རྣམ་པར་གྲོལ་བ་ནི་དབུ་མ་པ་སྟེ། ཡོད་དང་མེད་དང་ཡོད་མེད་ཅེས། །ཁས་མི་ལེན་པ་གང་ཡིན་པ། །དེ་ལ་ནན་ཏན་ལྡན་པས་ཀྱང་། །ཅིར་ཡང་ཀླན་ཀ་བྱ་མི་ནུས། །ཞེས་སོ། །ཚུལ་འདི་ནི་ཡང་དག་པའི་དོན་ལ་མཁས་པ་རྣམས་ཀྱི་དེ་ཁོ་ན་ཉིད་ཡིན་ཏེ་གྲུབ་མཐའ་སྨྲ་བ་གཞན་གྱིས་ནི་མ་ཡིན་ནོ། །དབུ་མ་པ་དེ་དག་ཀྱང་ཀུན་རྫོབ་རྣམ་པར་བཞག་པ་གཉིས་ཏེ། ཕྱི་དོན་འདོད་པ་སློབ་དཔོན་བྷ་བྱ་སོགས་དང་། རྣལ་འབྱོར་སྤྱོད་པ་ཞི་འཚོ་སོགས་ཀྱི་ལུགས་སོ། །གསུམ་པ་དེ་ལ་ནན་ཏན་གྱིས་བསླབ་པར་གདམས་པ་ལ། དངོས་དང་། ཇི་ལྟར་བསླབ་པའི་ཚུལ། དེའི་ཐབས་བསྟན་པ་གསུམ་ལས། དང་པོ་ནི། སྔར་བསྟན་པ་ལྟར་གྱི་ཕྱི་ནང་གི་གྲུབ་པའི་མཐའི་ལྟ་བ་སྣ་ཚོགས་པས་གཟིང་པ་དག་ཡང་དག་པའི་ཆོས་ལ་ཐོས་བསམ་གྱིས་འབད་པ་མེད་པ་ནི། གང་ཕྱིར་དེ་ཁོ་ན་ཉིད་ཤེས་པ་མངོན་དུ་བྱ་བ་མི་འགྲུབ་པ། དེ་ཕྱིར་དོན་ལ་མཁས་པས་ནན་ཏན་གྱིས། དཔྱད་པ་གསུམ་གྱིས་དག་ ― MR12_Page_0319 ―
[མ་དཔེ་གཟིགས་ན་འདིར་གནོན།]
པ་འམ་དམ་པའི་ཆོས་ལ་ལེགས་པར་བལྟ་བར་བྱའོ། །གཉིས་པ་ནི། འཇིག་རྟེན་གསུམ་གྱི་མགོན་པོ་སངས་རྒྱས་ཀྱིས་གསུངས་པ་ལ་ཡང་། དྲང་ངེས་ལྡེམ་དགོངས་ཀྱི་དབྱེ་བ་མང་ཞིང་མཆོག་ཏུ་ཟབ་པས་གང་ཟག་ཕལ་གྱིས་འཇུག་པའམ་བརྩམ་པར་བྱ་ནུས་པ་མིན་པ་ལ། ཐོག་མར་གུས་པས་ཕྱག་བྱས་ནས་ནི་འབད་པས་བརྩམས་པར་བྱ་བ་ལ་འཇུག་སྟེ། དེ་ཡང་གང་དང་གང་ཉན་པ་དེ་ལ་ཡིད་གུས་པས་ཉན་ཞིང་རྣམ་དཔྱོད་ཀྱིས་དཔྱད་པར་བྱ་དགོས་སོ། །ཇི་ལྟར་ན་མགར་བ་མཁས་པས་བསྲེགས་བཅད་བདར་བའི་གསེར་བཟང་པོ་བཞིན་དུ། དགེ་སློང་དག་གམ་དེ་ལས་གཞན་པའི་ཡང་མཁས་པ་རྣམས་ཀྱིས། དཔྱད་པ་གསུམ་གྱིས་ཡོངས་སུ་བརྟགས་ལ་སངས་རྒྱས་བཅོམ་ལྡན་འདས་ང་ཡི་བཀའ། བླང་བར་བྱ་ཡིས་གང་ཟག་གི་རྗེས་སུ་འབྲང་བ་ཙམ་གྱིས་གུས་པའི་ཕྱིར་མིན་ཞེས་གསུངས་སོ། །དེའི་ཕྱིར་སློབ་དཔོན་ཉིད་ཀྱིས། དོན་གང་ལུང་དང་རིགས་པ་ཡིས། །ལེགས་པར་མངོན་པར་བརྗོད་པ་དང་། །སྔ་ཕྱི་འགལ་བ་མེད་པ་དེ། །དམ་པ་རྣམས་ཀྱིས་ཡོངས་སུ་ཟུངས། །ཞེས་བསྟན་པའོ། །གསུམ་པ་ལ་གསུམ། བདག་རྐྱེན་བཤེས་གཉེན་བརྟེན་ཚུལ། ཐབས་དེའི་གདམས་ངག་ལ་གོམས་པར་བྱ་བ། དེ་ལྟར་གོམས་པའི་འབྲས་བུ་བསྟན་པའོ། །དང་པོ་ནི། རྣམ་པར་དཔྱོད་པ་དེ་ཡང་བདག་རྐྱེན་བླ་མ་ལ་རག་ལས་པས། དེས་ན་རང་གི་འབད་པས་བདེན་གཉིས་ཕྱིན་ཅི་མ་ལོག་པའི་ལྟ་བ་དང་སྙིང་རྗེ་དང་ཐབས་ལ་མཁས་པ་དང་ལེ་ལོ་སྤངས་ ― MR12_Page_0320 ―
[མ་དཔེ་གཟིགས་ན་འདིར་གནོན།]
པ་སྟེ་ཆོས་བཞི་དང་ལྡན་པའི་བླ་མ་དགེ་བའི་བཤེས་གཉེན་ནི། ཡང་དང་ཡང་དུ་གུས་པས་མཆོད་པར་བྱ་ཞིང་། གང་ཕྱིར་སེམས་ནི་རྣམ་གྲོལ་གྱི་དེ་ཁོ་ན་ཉིད་ཚོལ་བ་ལ་བློ་བརྟན་པར་གྱུར་པས། སེམས་ཀྱི་རང་བཞིན་ཤེས་པའི་གདམས་ངག་ཉེ་བར་བསྟན་པ་ཡོངས་སུ་དྲི་ཞིང་བརྟག་པར་བྱའོ། །གཉིས་པ་ནི་གང་གི་ཚེ་སེམས་ནི་སེམས་རང་བཞིན་གྱིས་མེད་པ། རྣམ་པར་རྟོག་པ་ཐམས་ཅད་ཀུན་ནས་བསལ་བར་བྱེད་པ། དེ་ཚེ་སེམས་ནི་ཕྱོགས་གར་སོང་བ་དང་། གར་གནས་པའང་མཐོང་བར་མི་འགྱུར་རོ། །དེ་ལྟར་སེམས་ཀྱི་རང་བཞིན་ནི་ཡོངས་སུ་ཤེས་པ་ལས། འགྲོ་བ་ཐམས་ཅད་ཀྱི་རང་བཞིན་ཤེས་པར་འགྱུར་བའང་ཡིན། དེ་ཕྱིར་འབད་པའི་ཚུལ་རྣམས་ཀྱི། །རྣམ་པ་སྣ་ཚོགས་སུ་སྣང་བ་སྟོན་པ་ཡི་སེམས་འདི་ལ་གོམས་པར་བྱའོ། །ཡིད་འདི་ནི་ཡུལ་གང་དང་གར་འགྲོ་བ་སྟེ། འགྲོ་ཞིང་དམིགས་པ་དེ་དག་དེ་ལྟར་སེམས་ལ་དམིགས་ཤིང་ཡོངས་སུ་དག་པ་ཉིད་དུ་སྦྱར་ཤེས་པར་བྱ་སྟེ། དེ་ལྟ་ན་གང་དུ་གཡོ་ཞིང་འགྲོ་བར་བྱེད་པ། །ཐམས་ཅད་སེམས་ཉིད་དེ་ཡི་རང་བཞིན་ནོ། །དེ་ལྟར་སློབ་དཔོན་ནི་ཐ་སྙད་དུ་སེམས་ཙམ་རྣམ་མེད་པ་དང་མཐུན་པར་སྟོན་ཞེས་གསུངས་སོ། །དེའི་ཕྱིར་སེམས་འདི་ནི་ཐོས་ཏེ་རྟོག་པའི་བག་ཆགས་བཅས་པ་ཡིས། བག་ཆགས་ཀྱིས་ནི་འཁོར་བའི་སྣང་བ་སྣ་ཚོགས་སུ་ཁྲིད་ཅིང་ཁྱེར་བར་བྱེད་ལ། སེམས་ཀྱི་རྣམ་རྟོག་ཐ་མལ་པ་འཇུག་པ་འགོག་པ་ཡིས། བག་ཆགས་ལུས་ནི་རྣམ་པར་གྲོལ་བར་བཀྲི་ཞིང་བཀྱེར་ཏེ་བྲལ་བར་བྱེད་པས་ན། སྣང་བ་རྣམས་ཀྱིས་སྐྲག་ཏེ་ ― MR12_Page_0321 ―
[མ་དཔེ་གཟིགས་ན་འདིར་གནོན།]
དེ་དག་བསལ་བར་མི་བྱ་སྟེ་སངས་རྒྱས་ཀྱི་ས་ནའང་བྱིན་གྱིས་བརླབས་པའི་སྣང་བ་རབ་འབྱམས་འབྱུང་བས་རྣམ་མེད་པ་ལྟར་སྤངས་པས་ཅི་ཞིག་བྱ། གསུམ་པ་དེའི་འབྲས་བུ་ནི། རྐྱེན་གང་དང་གང་གིས་མི་རྣམས་ཀྱི། ཡིད་ནི་ཡང་དག་པར་སྦྱོར་པར་གྱུར་པ་དེ་དང་དེ་བཞིན་དུ། སྣ་ཚོགས་པའི་ཚོན་དང་ལྡན་པའི་གཟུགས་ཅན་གྱི་ནོར་བུ་ཆུ་ཤེལ་དག་པ་དེ་རྐྱེན་ཇི་ལྟ་བའི་ཁ་དོག་ཏུ་འགྱུར་བ་བཞིན། སེམས་ཀྱི་རང་བཞིན་ཡང་རྐྱེན་བཟང་ངན་གང་དང་འཕྲད་པ་དེ་དང་དེར་འགྱུར་རོ། །དེའི་ཕྱིར་དེ་ཁོ་ན་ཉིད་དང་སྙིང་རྗེ་ཐབས་མཁས་སོགས་ཀྱིས་བསྒྱུར་བར་བྱའོ། །གསུམ་པ་མཇུག་ཡོངས་སུ་གྲུབ་པའི་དགེ་བ་བསྔོ་བ། གཞུང་འདི་ཉིད་བྱས་པས་བསོད་ནམས་གང་ཞིག་བསམ་ཡས་ཤིང་། དེ་ཉིད་རྟོན་པ་དང་ལྡན་པའི་ཚོགས་གཉིས་ཁྱད་འཕགས་སུ་གྱུར་པས་བཟང་པོ་བདག་གིས་བསྐྱེད་པ་དེས། འཇིག་རྟེན་མ་ལུས་པས་སངས་རྒྱས་ཀྱི། ཡེ་ཤེས་བཞིའམ་ལྔ་པོ་ལ་ནི་གཞོལ་བར་ཤོག་ཅིག་པའོ། །རྩ་བའི་གསུམ་པ་མཇུག་གི་དོན་ལ་གཉིས། མཛད་བྱང་སྨོས་པ་དང་། འགྱུར་བྱང་བསྟན་པའོ། །དང་པོ་ནི། ཡེ་ཤེས་སྙིང་པོ་ཀུན་ལས་བཏུས་པ་ཞེས་བྱ་བ། སློབ་དཔོན་ཆེན་པོ་འཕགས་པ་ལྷའི་ཞལ་སྔ་ནས་ཀྱི་མཛད་པ་རྫོགས་སོ། །གཉིས་པ་ནི། རྒྱ་གར་གྱི་མཁན་པོ་ཀྲི་ཥྞ་པ་དང་། ལོ་ཙ་བ་དགེ་སློང་ཆོས་ཀྱི་ཤེས་རབ་ཀྱིས་བསྒྱུར་ཞིང་ཞུས་ཏེ་གཏན་ལ་ཕབ་པའོ།། །།འཇིག་རྟེན་འདི་ན་ཉི་མ་ཇི་བཞིན་དུ། །ཡོངས་ལ་གསལ་ ― MR12_Page_0322 ―
[མ་དཔེ་གཟིགས་ན་འདིར་གནོན།]
བ་ཟབ་མོ་ལྟ་བའི་གཞུང་། །རྣམ་པར་འབྱེད་པ་འཕགས་པའི་བཞེད་གཞུང་མཆོག །འཇམ་མགོན་བླ་མས་མཆན་གྱིས་གསལ་བར་མཛད། །དེ་ཉིད་མཆོག་ཏུ་དགའ་དང་དྭངས་པའི་བློས། །ལེགས་པར་བཤུས་ལས་བསོད་ནམས་གང་ཐོབ་པ། །དེ་ཡིས་འགྲོ་ཀུན་ཟབ་མོ་དེ་ཁོ་ན། །ལེགས་རྟོགས་ཐམས་ཅད་མཁྱེན་པ་ཉིད་གྱུར་ཅིག །ཡེ་ཤེས་སྙིང་པོ་ཀུན་ལས་བཏུས་པའི་མཆན་འགྲེལ་གངས་ཅན་སྨྲ་བའི་སེང་གེ་འཇམ་དཔལ་དགྱེས་པའི་རྡོ་རྗེའི་ཕྱག་བྲིས་ལས། ལྕགས་སྤྲེལ་ལོར་ཞེ་ཆེན་རི་ཁྲོད་དུ་གུས་འབངས་འཇམ་དབྱངས་བློ་གྲོས་རྒྱ་མཚོས་ཞལ་བཤུས་བགྱིས་ཤིང་སློབ་དཔོན་བྱང་ཆུབ་བཟང་པོའི་འགྲེལ་བ་དང་བསྟུན་ཏེ་ཞུས་དག་བགྱིས་པའོ། །འདིའི་གྲུབ་མཐའ་རྒྱས་པར་ཤེས་འདོད་ན་སློབ་དཔོན་དགྲ་ལས་རྣམ་རྒྱལ་གྱིས་མཛད་པའི་བདེ་བར་གཤེགས་པའི་གཞུང་རྣམ་པར་འབྱེད་པའི་བཤད་པ་ལས་རྟོགས་པར་བྱའོ།། ༈ །།རྒྱ་གར་སྐད་དུ། ཧསྟཱ་བྷ་བ་པྲ་ཀ་ར་ཎ་ཀཱ་རི་ཀཱ། བོད་སྐད་དུ། རབ་ཏུ་བྱེད་པ་ལག་པའི་ཚད་ཀྱི་ཚིག་ལེའུར་བྱས་པ། བཅོམ་ལྡན་འདས་ངག་གི་དབང་པོ་ལ་ཕྱག་འཚལ་ལོ། །གང་ཞིག་ཐག་པ་ལ་ནི་སྦྲུལ་ལམ་སྙམ་དུ་འཛིན་ཅིང་འཁྲུལ་པ་ཅན་དེས། གལ་ཏེ་ཐག་པར་མཐོང་ན་སྦྲུལ་འཛིན་དོན་མེད་དོ། །ཐག་པ་དེའི་ཆ་སྣལ་མ་སོགས་མཐོང་ཐག་པ་དེ་ལ་ཡང་། སྦྲུལ་དུ་འཁྲུལ་པ་བཞིན་ཐག་འཛིན་ཤེས་པ་ཡང་འཁྲུལ་པ་ཡིན་ཡང་དེའི་ཆ་དང་ཆ་ཅན་རིམ་པས་བརྟགས་པས་ཐམས་ཅད་སྦྲུལ་ཇི་ལྟར་ཆ་ལ་བརྟགས་པར་འགྱུར་ལ། དེ་བཞིན་ཤིང་རྟ་དང་བུམ་པ་སྣམ་བུ་རྫ་མ་ ― MR12_Page_0323 ―
[མ་དཔེ་གཟིགས་ན་འདིར་གནོན།]
ཕོར་བུ་སོགས་བརྟགས་པར་བྱ་བའི་དངོས་པོ་ཐམས་ཅད་ལ། རང་རང་གི་ངོ་བོ་གང་ཡིན་ཞེས་བློས་བརྟགས་པ་ན། ཀུན་རྫོབ་ཐ་སྙད་པའི་ཤེས་པའི་སྤྱོད་ཡུལ་དམིགས་ཤིང་གང་རུང་དུ་ཡོད་པ་ཆོས་གཞན་ལས་དེ་དང་དེར་བཏགས་ནས་དེར་བཟུང་བ་ཙམ་ལས་རང་གི་ངོ་བོས་མེད་དོ། །དེ་ལྟར་རྩོམ་གཞི་རྡུལ་ཕྲན་ཆ་མེད་པར་དུ་ཕྱེ་ཞིང་ཆ་མེད་ལ་དཔྱད་ན་ངོ་བོ་ཡོད་པ་ཉིད་དུ་བརྟགས་པར་བྱ་བ་མིན་པའི་ཕྱིར། དངོས་པོ་རྣམས་ཀྱི་གདགས་གཞི་ཐ་མ་ཡང་ནི་ཅུང་ཟད་ཀྱང་མེད་པར་མཚུངས་སོ། །དེ་ཕྱིར་མཁས་པས་ཁམས་གསུམ་པོ་ཐམས་ཅད་འཁྲུལ་བ་ཙམ་དུ་རབ་རིབ་ལ་སོགས་པ་ལྟར་སྣང་གི་ཡང་དག་པའི་དོན་དུ་ཡོད་པ་མིན་པར་བརྟགས་པར་བྱའོ། །གལ་ཏེ་ཡུལ་མེད་ཀྱང་འཁྲུལ་ཤེས་ཡོད་དགོས་སོ་སྙམ་ན། དེ་ལྟར་མེད་པ་ལ་འཛིན་པའི་ཤེས་པ་དེ་འཁྲུལ་བ་ཡིན་ན་ཤེས་པ་དེ་ཡང་མ་དག་པ་ཡིན་པའི་ཕྱིར། གལ་ཏེ་ཡུལ་ཡོད་ན་ཇི་ལྟར་སྣང་བ་མ་འཁྲུལ་ཡང་དེ་ལྟར་མེད་པ་བཤད་ཟིན་ཏོ། །དོན་ཡོད་པ་མ་ཡིན་པར་དོན་དུ་སྣང་བ་ནི། ཇི་ལྟར་དོན་དེ་ཡི་བདག་ཉིད་ཅན་དུ་འགྱུར་བས་བཟུང་བར་མི་འགྱུར་རོ། །གང་ཞིག་དེ་ལྟར་ཞིབ་མོའི་བློ་ཡིས་ནི། ཀུན་རྫོབ་སྣང་བ་ཐམས་ཅད་བློས་བཏགས་པའི་བརྟགས་པ་ཁོ་ནར་ཤེས་པའི་བློ་ལྡན་དེ་ནི་འདོད་ཆགས་ལ་སོགས། ཉོན་མོངས་པ་རྣམས་བདེ་བླག་གམ་བདེ་བར་ཇི་ལྟར་ན་ཐག་པ་མཐོང་བས་སྦྲུལ་གྱིས་འཇིགས་ཤིང་སྐྲག་པ་ཞི་བ་བཞིན་དུ་སྤོང་ངོ་། །འཇིག་རྟེན་པ་ཡི་དོན་ནི་བཏགས་པ་ཙམ་དུ་རྟོགས་པས། འཇིག་རྟེན་ན་ཇི་སྐད་གྲགས་པ་བཞིན་དུ་ཐ་སྙད་རྣམས་མ་དཔྱད་པར་བསྒྲུབ་པར་བྱ། ཆོས་རྣམས་ལ་དེར་ཞེན་པའི་དབང་གིས་བྱུང་བའི་ཀུན་ནས་ཉོན་མོངས་པ་རྣམས་སྤོང་བར་འདད་པས། དོན་དམ་པའི་མཚན་ཉིད་ཅན་གྱི་དོན་གྱིས་དངོས་པོ་རྣམས་ཡོད་མེད་བཙལ་པར་བྱའོ། །རབ་ཏུ་བྱེད་པ་ལག་པའི་ཚད་ཀྱི་ཚིག་ལེའུར་བྱས་པ་སློབ་དཔོན་འཕགས་པ་ལྷས་མཛད་པ་རྫོགས་སོ།། ༄༅། །གཞི་ལམ་འབྲས་བུའི་ཤན་ ― MR12_Page_0324 ―
[མ་དཔེ་གཟིགས་ན་འདིར་གནོན།]
འབྱེད་སངས་རྒྱས་པདྨའི་ཞལ་ལུང་ཞེས་བྱ་བ་བཞུགས་སོ། །ན་མོ་གུ་རུ་པདྨ་མཉྫུ་ཤྲཱི་བཛྲ་ཏཱིཀྵྞ་ཡ། རྨད་བྱུང་བརྩེ་མཆོག་གསེར་གྱི་སྙིང་པོའི་སྤྲིན། །མཁྱེན་བཟང་རིག་ལམ་འབུམ་གྱི་གློག་ཕྲེང་ཅན། །འཆད་རྩོད་རྩོམ་པའི་སྙན་འགྱུར་འབྲུག་སྒྲས་མཛེས། །ཕན་བདེ་ནོར་བུའི་ཆར་འཛིན་དེ་ལ་འདུད། །གཞུང་མང་མེ་ཏོག་རྒྱས་པའི་ཚལ་ཀུན་ཏུ། །རྣམ་དཔྱོད་བུང་བ་འགྱུ་བའི་སྐལ་བཟང་ལ། །བློ་གྲོས་ལང་ཚོ་ངོམས་པའི་རྣམ་འགྱུར་འགའ། །ལེགས་བཤད་སྦྲང་རྩིའི་ཟོལ་གྱིས་འདི་ན་བཞག །ཇི་ལྟར་སེང་གེའི་ང་རོ་ནི། ། རི་དྭགས་རྣམས་ཀྱི་སྙིང་ལ་གཟན། །དེ་བཞིན་སྟོང་ངོ་ཞེས་བརྗོད་ན། །ཉན་ཐོས་རྣམས་ནི་སྐྲག་ཅིང་སྨོད། །འོན་ཀྱང་སྟོང་ཉིད་ཅེས་མི་བདེན། །དེ་བཞིན་ཐེག་མཆོག་ཨ་ཏིའི་ཆོས། །འོག་མིའི་ཁུར་དུ་མི་བཟོད་ཀྱང་། །ཅི་ཕྱིར་ཐེག་ཆེན་མི་བདེན་མིན། །གང་དུ་ཆོས་སུ་ཅི་སྣང་བ། །རང་བཞིན་གདོད་ནས་དག་པ་ཡི། །ལྷུན་གྲུབ་ཡེ་ཤེས་སངས་རྒྱས་ཉིད། །དེས་ན་སངས་རྒྱས་འབའ་ཞིག་ལས། །ནམ་ཡང་གཞན་དུ་མི་རྙེད་དོ། །སྡུག་ཀུན་ལམ་གྱི་བདེན་པ་རྣམས། །འདི་དོན་མ་མཐོང་མཐོང་ཕྱིར་ཏེ། །མཐོང་ན་གང་ལས་མི་འདའ་བ། །དེ་ནི་གྲུབ་མཐའི་སྙིང་ནོར་འདོད། །ཇི་ལྟར་འཁྲུལ་དང་མ་འཁྲུལ་བའི། །གནས་སྐབས་བློ་ཡི་བཞག་པའི་དོན། །གང་བཟུང་ཞེ་ན་ཕྱི་མ་སྟེ། །འཁྲུལ་པ་ཟད་པར་སྤངས་ཏེ་གྲུབ། །གལ་ཏེ་སྡུག་བསྔལ་ཀུན་འབྱུང་དག །ངེས་པར་འགྲུབ་པ་ཞིག་ན་ནི། །སུ་ཞིག་སངས་རྒྱས་འགྲུབ་པར་འགྱུར། །མ་གྲུབ་དབྱིངས་དེ་ཡེ་སངས་རྒྱས། ༈ །ཇི་ལྟར་འཐོར་རླུང་གཡོ་བ་ཡིས། །སྒྲོན་མེ་ཆུང་ངུ་གསོད་བྱེད་ཀྱང་། །ནགས་ལ་མེ་ཆེན་མཆེད་པ་ན། །མེ་སྟོབས་སྦར་བའི་གྲོགས་སུ་འགྱུར། །དེ་བཞིན་ཆགས་སོགས་ཉོན་མོངས་གིས། །བློ་ཆུང་རྣམས་ལ་ཡེ་ཤེས་སྒྲིབ། །ཡེ་ཤེས་ཆེན་པོ་འབར་བ་ན། །དེ་ཉིད་གྲོགས་སུ་འཆར་བ་ཡིན། །དེས་ན་ཡེ་ཤེས་སྒྲིབ་ཅེས་པ། །བློ་ལ་ལྟོས་ཀྱི་དོན་ལ་སྨིན། །དོན་ནི་ཡེ་ཤེས་ཆོས་སྐུ་ལ། །སྒྲིབ་པར་ནུས་པ་དེ་སུ་ཞིག །འཁྲུལ་སྣང་གཞོམ་པ་དོན་དམ་དེ། ། ― MR12_Page_0325 ―
[མ་དཔེ་གཟིགས་ན་འདིར་གནོན།]
དོན་དམ་སུས་ཀྱང་མི་ཤིགས་པས། །དེ་ལ་ཅི་ལྟར་སྣང་བ་དེ། །ཡང་དག་ཉིད་ཡིན་དེ་གྲུབ་མཐའ། །ཐ་སྡུ་ན་ཀུན་འདི། སྙད་འདི་ཀུན་མི་རུང་བས། །ཀུན་རྫོབ་རྩད་འཁྲུལ་བའི་ཀུན་རྫོབ། ནས་འཇིག་ཞེ་ན། །རྨོངས་སོགས་ཉོན་མོངས་བརྟེན་གྱིས་དང་། །རེ་ཞིག་ཁྱོད་ལ་བརྟེན་ཀྱང་སྲིད། །ཅི་ལྟར་འཁོར་བ་འགྲུབ་ཅེ་ན། །རབ་རིབ་སྣང་བའི་མིག་སྐྱོན་བཞིན། །འཁྲུལ་པས་བྱས་པ་དེ་སེལ་བའི། །གཉེན་མཆོག་ད་རུང་མི་བརྟེན་ནམ། །འཁྲུལ་ཞེས་རྒྱུ་དང་འབྲས་བུ་ནི། །གང་ན་དོན་དམ་སུ་ཡོད་ན། །དེ་དག་དོན་དམ་ཡེ་ཤེས་ལས། །གཞན་པས་དེ་དག་སངས་རྒྱས་མིན། །ཐམས་ཅད་ཡེ་ཤེས་འབའ་ཞིག་ན། །གང་གིས་བཅིངས་ཏེ་འཁོར་ཞེ་ན། །ཐམས་ཅད་སྟོང་ཉིད་འབའ་ཞིག་ཀྱང་། །གང་གིས་བཅིངས་ཏེ་འཁོར་བ་སོམས། །གང་ཚེ་གྲུབ་ལ་ཞུགས་པ་ན། །ཅི་ལྟར་བརྟགས་ཀྱང་རི་མགུལ་མཐོང་། །དེ་ཀུན་རང་ལས་བྱུང་བ་སྟེ། །ཕ་རོལ་སོན་ན་དེ་མི་སྣང་། །དེ་བཞིན་ཟབ་མོའི་གནས་ལུགས་ལ། །ཅི་ལྟར་བརྟགས་ཀྱང་མི་བསྐྱོད་མོད། །བསྐྱོད་པར་སྣང་བ་རང་གི་བློས། །མཁའ་ལ་མདུད་པ་བོར་བ་ཡིན། ༈ །སྤྲོས་བྲལ་ཤིན་ཏུ་དྲི་མེད་ཆོས་ཀྱི་དབྱིངས། །མི་བཟད་བྱང་ཆུབ་ཡོན་ཏན་མཆོག་གི་གནས། །ཀ་དག་ལྷུན་གྱིས་གྲུབ་པའི་ཡེ་ཤེས་ནི། །མཐར་ཐུག་སྙིང་པོའི་རྒྱལ་བ་ཉིད་དུ་གསུངས། །མཁའ་ལྟར་རྟག་ཁྱབ་རྡོ་རྗེའི་སྐུ་དེ་ནི། །གཙང་བདེ་བདག་གི་དམ་པ་ཡིན་མོད་ཀྱི། །མི་སྟོང་ཡོད་པ་ཁོ་ ― MR12_Page_0326 ―
[མ་དཔེ་གཟིགས་ན་འདིར་གནོན།]
ནའི་ཕྱོགས་ལྷུང་མིན། །སྟོང་ཞིང་དག་པ་གཞོམ་དུ་མེད་པ་ཡིན། །དེ་ཉིད་རིང་པོའི་དུས་ནའམ། །ཡང་ན་ད་ལྟ་ཉིད་ཀྱང་རུང་། །ནམ་ཞིག་མངོན་དུ་བྱས་པ་ན། །དེ་ཚེ་ཡང་དག་རྫོགས་སངས་རྒྱས། །གལ་ཏེ་དུས་ཀྱི་དབང་དུ་ན། །ཚད་མེད་བསོད་ནམས་ཕུང་པོ་དེ། །དུས་གསུམ་སྐད་ཅིག་ཆ་སྙེད་ཀྱི། །སྐལ་པར་བསྐྲུན་ཀྱང་ག་ལ་འགྲུབ། །གྲངས་མེད་གསུམ་སོགས་གསུངས་པ་ནི། །ལམ་ལ་ལྟོས་ཀྱི་དོན་དུ་མིན། །གལ་ཏེ་ཡུན་རིང་འབད་དགོས་ན། །ཚེ་གཅིག་གིས་འགྲུབ་རྒྱལ་དེས་ཅི། །དེ་ཡན་ནི་འབྲས་བུ་བཤད་པའམ། །མཁའ་ཁྱབ་མཁའ་ཡི་རྡོ་རྗེ་དེ། །གཞི་འབྲས་དབྱེར་མེད་བདེ་གཤེགས་སྙིང་། །རང་གི་ངོ་བོ་རྒྱུ་རྐྱེན་བྲལ། །ལྷུན་གྲུབ་འདུས་མ་བྱས་ཉིད་དོ། །བདེ་གཤེགས་སྙིང་པོ་རྒྱལ་མིན་ཡང་། །ལམ་གྱི་སྟོབས་ལས་དེར་འགྱུར་ན། །བཅོས་མ་འདུས་བྱས་རྒྱལ་བ་དེ། །མི་རྟག་རྒྱུན་ཆད་རྩིས་མ་ཡིན། །དེ་གཞིའོ། །ཇི་ལྟར་བྱ་ལ་གཤོག་པ་ནི། །ཟུང་མེད་མཁའ་ལ་བསྒྲོད་མི་ནུས། །དེ་བཞིན་ཐབས་ཤེས་བྲལ་བའི་ལམ། །ཡང་དག་མིན་ཅེས་རྒྱལ་བས་གསུངས། །དེ་སླད་མེད་དགག་སྟོང་རྐྱང་ཙམ། །སྙིང་རྗེའི་ལམ་དང་མ་འབྲེལ་བར། །དེ་གཉིས་རེ་རེས་ ― MR12_Page_0327 ―
[མ་དཔེ་གཟིགས་ན་འདིར་གནོན།]
བྱང་ཆུབ་མཆོག །འཐོབ་པ་རྒྱལ་བས་གསུངས་པ་མེད། །ཤེས་རབ་ཕ་རོལ་ཕྱིན་གཉིས་མེད། །ཡེ་ཤེས་དེ་ནི་དེ་བཞིན་གཤེགས། །དེ་འཐོབ་ལམ་ལ་ཐབས་ཤེས་གཉིས། །མེད་ན་མི་མཐོང་རྒྱུ་ཡི་ཕྱིར། །སྟོང་ཆེན་ལྔ་བདག་བདེ་བ་ཝྃ་གྱི་ཚུལ། །སྙིང་རྗེའི་དམ་པ་མཐའ་ཡས་པ་ཡི་ཐབས། །ཐིག་ལེ་སྟོང་དྲུག་འདུས་པའི་ཨེ་ཀློང་དུ། །ཞུགས་པའི་ལམ་གྱི་ཡེ་ཤེས་མངོན་བྱེད་གསུངས། །དེས་ན་སྟོང་དང་ཡེ་ཤེས་གཉིས། །ཟུང་དུ་ཞུགས་པའི་ལམ་ཁྱད་ཀྱིས། །ཡེ་ཤེས་ལ་སྦྱོར་རྒྱུ་ཉིད་ལས། །ཡེ་ཤེས་ཉིད་བསྒྲུབས་འབྲས་བུར་བཤད། །དེ་ལྟར་ཐབས་ཤེས་འབྲེལ་དེའང་། །ཐབས་ཤེས་ཅི་ལྟར་ཉེ་གྱུར་པ། །དེ་དང་དེ་ལྟར་རྒྱལ་བ་ཉིད། །འགྲུབ་པའི་ལམ་ལ་ཁྱད་ཞུགས་པས། །ཐབས་ཤེས་རང་བཞིན་ངང་གིས་ཡང་། །འདུ་འབྲལ་མེད་པའི་འབྲས་བུ་ལ། །ལམ་བྱེད་ཨ་ཏི་ཡོ་ག་ལས། །ལྷག་པའི་ཐེག་པ་མི་རྙེད་ནས། །གང་ཕྱིར་གཉིས་མེད་ཡེ་ཤེས་ནི། །དེ་བཞིན་གཤེགས་མཐར་ཐུག་པས་ན། །དེ་ལས་ལྷག་པར་གྱུར་ཡོད་པ། །ཤཱཀྱའི་རིང་ལུགས་ལ་ནི་མེད། །དེ་ལམ་དེ་འབྲས་སངས་རྒྱས་པས། །གདོད་ནས་སངས་རྒྱས་མིན་ཞེ་ན། །འདི་ནི་སོར་རྟོག་ཤེས་རབ་ཀྱིས། །ཤན་འབྱེད་ཡིན་གྱི་ལ་ཟློས་མིན། །གལ་ཏེ་ཤན་འབྱེད་ ― MR12_Page_0328 ―
[མ་དཔེ་གཟིགས་ན་འདིར་གནོན།]
སྐབས་སུ་ཡང་། །མིང་ཙམ་བྲོས་པས་དེར་འགྱུར་ན། །དབུ་མའི་གཞུང་དུ་དངོས་པོ་རྣམས། །སྨྲོས་པས་སྟོང་ཉིད་དངོས་འགྱུར་རམ། །རྒྱལ་ཉིད་ཡིན་ཀྱང་ལམ་དེ་གང་། །མ་ཐོབ་པ་ལ་མི་སྣང་སྟེ། །ཇི་ལྟར་སྟོང་པ་རྟག་གནས་ཀྱང་། །ལམ་མ་ཞུགས་ལ་ཅི་ལྟར་སྣང་། །ཐབས་ཤེས་འདུ་འབྲལ་མེད་པ་ཡི། །དེ་བཞིན་གཤེགས་པའི་སྙིང་པོ་དེ། །ས་བཅུའི་སེམས་དཔའ་ཆེན་པོས་ཀྱང་། །མཚན་མའི་གཟུགས་ལྟར་མི་གསལ་ཞེས། །གསུངས་ཕྱིར་རྟོག་གེའི་ཡུལ་མིན་ཡང་། །ཐབས་ཤེས་ཟུང་འཇུག་ལམ་ཁྱད་ཀྱིས། །དབྱེར་མེད་སྲས་སུ་གྲུབ་པ་ཡི། །ཡེ་ཤེས་པྲ་ཕབ་ལྟ་བུར་སྣང་། །ཡེ་ཤེས་ལམ་བྱེད་མི་ནུས་ན། །སྟོང་ཉིད་གཙོ་བོས་བགས་རྒྱུད་ལ། །ཡོད་དེར་འཇུག་པའི་ཐབས་མེད་དམ། །སྔགས་ཀྱི་ཉེ་ལམ་དགོས་པ་ཅི། །འོ་ན་ལམ་གྱི་ཅི་བྱ་ན། །གཤིས་ཀྱི་ཡེ་ཤེས་དེ་མཐོང་ཕྱིར། །ཇི་ལྟར་གཟུགས་ནི་འགྱུར་མིན་ཡང་། །མིག་སྐྱོན་སེལ་བའི་སྨན་བཞིན་ནོ། །གལ་ཏེ་མིག་སྐྱོན་ལྟ་བུ་འདི། །འཁོར་བ་ཉིད་དུ་གྲུབ་ཞེ་ན། །ཐ་སྙད་ཤན་འབྱེད་སྐབས་སུ་ནི། །དེ་འདྲ་རུང་སྟེ་འཁོར་འདས་ནི། །རིག་དང་མ་རིག་ཁྱད་ཅེས་གསུངས། །འོན་ཀྱང་དོན་དམ་ལྟ་བའི་གཞིར། །མིག་སྐྱོན་ལྟ་བུའི་མི་རིག་པའང་། །ཡང་དག་མ་གྲུབ་དབྱིབས་ཉིད་དོ། །ཨེ་མ་སྟོན་མཆོག་ ― MR12_Page_0329 ―
[མ་དཔེ་གཟིགས་ན་འདིར་གནོན།]
རྒྱལ་པོ་དེས། །བློ་ངན་བཟློག་པའི་ཐེག་རིམ་ནི། །སྐས་ཀྱི་གདངས་བུ་ལྟ་བུར་བསྟན། །མཐར་ཕྱིན་གཉིས་མེད་ཡེ་ཤེས་ཡིན། །དེ་ལྟར་བསམ་གྱིས་མི་ཁྱབ་རྒྱལ་བའི་དབྱིངས། །གྲངས་མེད་འགྲོ་བ་ཀུན་གྱི་རྟེན་གྱུར་པ། །ནམ་ཞིག་བདག་གི་མངོན་དུ་བྱ་སྙམ་དུ། །ལམ་མཆོག་མཐར་ཐུག་གྱུར་ལ་སྲེད་པ་འཕེལ། །ཤན་འབྱེད་སོ་སོར་རྟོགས་པའི་ཤེས་རབ་ལས། །དངོས་ཀུན་ཡེ་ཤེས་གཅིག་པུར་ལ་ཟློ་བའི། །ལྟ་དང་ཁས་ལེན་བསྲེས་ནས་རྨོངས་རྣམས་ལ། །གཞུང་བཞིན་གོ་བདེར་བཤད་པའི་དགེ་བ་ཡིས། །ལྟ་མཆོག་རྒྱལ་པོ་བརྟེན་པའི་བློ་གྲོས་ལས། །མི་ཟད་སྤོབས་པ་སེང་གེའི་སྒྲ་དབྱངས་ཀྱིས། །ལྟ་དམན་རི་དྭགས་བྱེ་བ་ཟིལ་གནོན་ཅིང་། །དྲི་མེད་ཡེ་ཤེས་སྤྱན་བཟང་འབྱེད་གྱུར་ཅིག །བློ་ངན་ཕལ་ཆེའི་སྙིང་ལ་ཞུགས་པའི་ཡིད་ལ་འཕྲིག་གཟུད་པའི་ཚིག་རེ་ཟུང་ངོ་། །ཞེས་པའང་བློ་གྲོས་དྲི་མེད་དུ་འབོད་པའི་གྱི་ན་པས་རང་ལོ་ཉེར་ལྔ་ལྕགས་རྟ་ཟླ་༡༢ཚེས་༢༣ལ་བྲིས་པ་མངྒ་ལཾ།། །། ཉི་ཤུ་པའི་ཚིག་ལེའུར་བྱས་པའི་མཆན་འགྲེལ།― MR12_Page_0331 ―
[མ་དཔེ་གཟིགས་ན་འདིར་གནོན།]
ཉི་ཤུ་པའི་ཚིག་ལེའུར་བྱས་པའི་མཆན་འགྲེལ་བཞུགས་སོ། ། ― MR12_Page_0332 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། བི༷ངྴ་ཀ་ཀཱ་རི་ཀཱ། བོད་སྐད་དུ། ཉི་ཤུ་པའི་ཚིག་ལེའུར་བྱས་པ། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །ཐེག་པ་ཆེན་པོ་ལས་ཁམས་གསུམ་པོ་རྣམ་རིག་ཙམ་དུ་རྣམ་པར་བཞག་པ་སྟེ། མདོ་ལས། ཀྱེ་རྒྱལ་བའི་སྲས་དག་འདི་ལྟ་སྟེ། ཁམས་གསུམ་པོ་འདི་ནི་སེམས་ཙམ་མོ་ཞེས་འབྱུང་བའི་ཕྱིར་རོ། །སེམས་དང་ཡིད་དང་རྣམ་ཤེས་དང་རྣམ་པར་རིག་པ་ཞེས་བྱ་བ་ནི་རྣམ་གྲངས་སོ། །སེམས་དེ་ཡང་མཚུངས་ལྡན་དང་བཅས་པར་དགོངས་པའོ། །ཙམ་སྒྲས་ཕྱི་དོན་དགག་པའོ། །དེས་ན་ཁམས་གསུམ་གྱི་སྣང་བ་འདི་དག་ནི་རྣམ་པ་རང་གི་རྣམ་པར་རིག་པ་ཙམ་ཉིད་དེ། གཟུང་འཛིན་ཐ་དད་དུ་ཡོད་པ་མ་ཡིན་པའི་དོན་སྣང་བའི་ཕྱིར།དཔེར་ན་རབ་རིབ་ཅན་དག་གིས། སྐྲ་ཤད་དང་ཟླ་གཉིས་ལ་སོགས་པ་མེད་པ་མཐོང་བ་བཞིན་ནོ། །དེ་ལ་བརྒལ་བ། གལ་ཏེ་རྣམ་པར་རིག་པ་ཙམ་ལ ས་དོན་ཡོད་པ་མིན་ན། ཅིའི་ཕྱིར་ཡུལ་ལ་ལར་བུམ་སོགས་ཀྱི་སྣང་བ་འབྱུང་བ་དང་དུས་ལ་ལར་ཡང་དེ་ལྟར་ངེས་པ་མེད་ཅིང་། ཡུལ་དུས་དེར་འཁོད་པ་རྣམས་ཀྱི་སེམས་ཀྱང་ངེས་མེད་མ་ཡིན་པར་འགྱུར་ལ། རབ་རིབ་ཅན་ལ་སྐྲ་ཤད་གྲོང་སོགས་སྣང་བས་དེ་དེའི་བྱ་བ་མི་བྱེད་ལ་སྐྲ་དངོས་ཀྱི་བྱ་བ་བྱེད་པའང་མི་རིགས་པར་འགྱུར་རོ། །ཞེས་སྣང་བ་རྣམས་ཡུལ་དུས་རེས་འགར་ངེས་པ་དང་། སེམས་ཀྱང་ངེས་ལ། སྐྲ་ཤད་དང་། དྲི་ཟའི་གྲོང་ཁྱེར་དང་། རྨི་ལམ་གྱི་ཟས་སོགས་ཀྱིས་བྱ་བ་དེ་དང་དེ་མི་བྱེད་ལ། སྐྲ་དང་གྲོང་དང་ཟས་སོགས་ཀྱིས་བྱེད་པའི་ངེས་པ་འདི་ ― MR12_Page_0333 ―
[མ་དཔེ་གཟིགས་ན་འདིར་གནོན།]
མི་འཐད་དེ་ཕྱི་དོན་མེད་ན་རྣམ་རིག་དེར་སྣང་བ་ཙམ་དུ་ཁྱད་མེད་པས་སོ་སྙམ་དུ་རྩོད་པའོ། །དེ་ལ་ཡུལ་དང་དུས་དང་དེ་བཞིན་སེམས་ལ་སོགས་པ་རེས་འགའ་བར་ངེས་པས་འགྲུབ་སྟེ། ཇི་ལྟར་ན་རྨི་ལམ་ན་ཡང་གྲོང་དང་སྐྱེས་པ་བུད་མེད་ཀུན་དགའ་ར་བ་སོགས་གང་དག་སྣང་གི་ཐམས་ཅད་མི་སྣང་བ་བཞིན་དུ་ཡུལ་དུས་ཀྱི་སྣང་བ་རྣམས་ཀྱང་རེས་འགའ་བར་སྣང་གི་ཐམས་ཅད་ཐམས་ཅད་དུ་སྣང་བ་མ་ཡིན་པའི་ཕྱིར་རྨི་ལམ་དང་འདྲའོ་སེམས་ཀྱང་ཡུལ་གྱི་དབང་གིས་འབྱུང་བའི་ངེས་པ་མེད་དེ། དཔེར་ན་ཡི་དྭགས་བཞིན་ཏེ་ཇི་ལྟར་ན་ལས་མཚུངས་པ་དེ་ཐམས་ཅད་ཀྱིས། ཆུ་ཀླུང་དྲི་མ་མེད་པ་ལ་རྣག་དང་གཅིན་མེ་མུར་ལ་སོགས་སུ་མཐོང་བ་བཞིན། བྱ་བྱེད་ཀྱང་ཡུལ་གྱི་རང་དབང་གིས་མིན་ཏེ་རྨི་ལམ་ན་གཉིས་སྤྲོད་རྨིས་པ་དེ་གཉིས་ཕྲད་པ་མེད་ཀྱང་ཁུ་བ་འབྱུང་བའི་གནོད་པ་དང་འདྲ། ཐམས་ཅད་ཀྱི་སྣང་བ་ཡང་ལས་སྣང་སྟེ་དཔེར་ན་སེམས་ཅན་དམྱལ་བ་པ་བཞིན་ཏེ། དེ་དག་གིས་སེམས་ཅན་དམྱལ་བའི་སྲུང་མ་ཁྱི་དང་བྱ་རོག་ལྕགས་ཀྱི་རི་སོགས་མཐོང་བ་དང་། དེ་དག་གིས་ནི་སེམས་ཅན་དེ་རྣམས་ལ་དངོས་སུ་གནོད་པའི་ཕྱིར་རོ། །དམྱལ་སྲུང་དང་བྱ་ཁྱི་སོགས་སེམས་ཅན་དངོས་མ་ཡིན་ནམ་ཞེ་ན་ཡིན་པར་མི་འཐད་དེ། དེ་དག་གིས་སྡུག་བསྔལ་མི་མྱོང་བའི་ཕྱིར་ཏེ། དེ་དག་ལྕགས་སྲེག་གི་ས་གཞི་སོགས་ཀྱིས་གནོད་ན་ཇི་ལྟར་གཞན་མནར། དེ་དག་དམྱལ་བའི་སྡུག་བསྔལ་མྱོང་བའི་དམྱལ་བ་པ་མ་ཡིན་ཏེ་དམྱལ་སྲུང་ཞེས་བཞག་གོ། དེ་ལྟ་ན་དུད་འགྲོ་མཐོ་རིས་སུ་འབྱུང་ ― MR12_Page_0334 ―
[མ་དཔེ་གཟིགས་ན་འདིར་གནོན།]
བའང་དུད་འགྲོ་མིན་པའམ། ཡིན་ན་དམྱལ་སྲུང་དེ་དག་ཀྱང་ཡི་དྭགས་ཀྱི་རིགས་དང་བྱ་སོགས་དུད་འགྲོས་བསྡུས་སྙམ་ན། ཇི་ལྟར་དུད་འགྲོ་རྣམས་མཐོ་རིས་སུ། འབྱུང་བ་དེ་ལྟར་དམྱལ་བ་ན་འབྱུང་བ་མིན་ལ། དམྱལ་སྲུང་རྣམས་ཡི་དྭགས་ཀྱང་མིན་ཏེ་ཅིའི་ཕྱིར་ན་འདི་ལྟ་བུར། དམྱལ་བ་དེ་ན་ཡོད་པའི་སྡུག་བསྔལ་དེས་མི་མྱོང་བའི་ཕྱིར་རོ། །གལ་ཏེ་དམྱལ་བ་པ་དེ་ཡི་ལས་ཀྱིས་དེར། ལྕགས་སྲེག་གིས་གཞི་དང་ཆུ་ཚན་སོགས་འབྱུང་བ་དག་ནི་འབྱུང་བ་དང་། དེ་བཞིན་རྣམ་པ་གཞན་དུ་འགྱུར་བ་འདོད་ན་གོ། ལས་ཀྱི་རྣམ་སྨིན་གྱི་དབང་གིས་རྣམ་པར་ཤེས་པ་ཉིད་སྣང་བ་དེ་ལྟ་བུར་གྱུར་པ་ཅིས་མི་འདོད་དེ་འབྱུང་བ་ཕྱི་དོན་དུ་འདོད་ཅེས་སོ། །མཐོ་རིས་ཀྱི་དུད་འགྲོ་རྣམས་ནི་སྣོད་ཀྱི་འཇིག་རྟེན་དེའི་བདེ་བ་མྱོང་བར་འགྱུར་བའི་ལས་ཀྱིས་དེར་སྐྱེ་ཞིང་དེ་ན་ཡོད་པའི་བདེ་བ་མྱོང་ངོ་། །དམྱལ་སྲུང་རྣམས་ནི་དམྱལ་བ་པའི་ལས་ཀྱིས་དཔེར་ན་ལུག་ལྟ་བུའི་རི་ཆེན་པོ་དག་འོང་བ་དང་འགྲོ་བ་དང་། ལྕགས་ཀྱི་ཤལ་མ་ལའི་ནགས་ས་ཚེར་མ་ཁ་ཐུར་ལྟ་དང་གྱེན་བསྟན་འབྱུང་བ་ལྟར་ལས་ཀྱི་དབང་གིས་དེར་སྣང་བར་ཟད་དོ། །དོན་སྣང་སེམས་ལས་གཞན་ན་འབྱུང་བ་དེ་རྒྱུ་དང་འགྱུར་བར་ཡང་རྟོག་པའི་ལས་དེའི་ལས་ཀྱི་བག་ཆགས་ལ། དེའི་འབྲས་བུ་དག་ནི་ཕྱི་དོན་གཞན་དུ་རྟོག། སེམས་ཀྱི་རྒྱུད་གང་ན་སྣང་བ་སྣང་འགྱུར་གྱི་བག་ཆགས་ཡོད་པ་དེར། དེའི་འབྲས་བུ་རྣམ་ཤེས་འགྱུར་བ་དེ་འདྲ་ཅིའི་ཕྱིར་ན་འདོད་པར་མི་བྱ་ཞེས་སོ། །འདི་ལུང་ལས་འདོད་དེ། སངས་རྒྱས་ཀྱིས་གཟུགས་སོགས་ཀྱི་སྐྱེ་མཆེད་ཡོད་པར་གསུངས་ ― MR12_Page_0335 ―
[མ་དཔེ་གཟིགས་ན་འདིར་གནོན།]
པས་སོ་ཟེར་ན་གཟུགས་སོགས་སྐྱེ་མཆེད་ཡོད་པ་གསུངས་པ་ནི། ཕྱི་དོན་ལ་དགའ་བ་ཐབས་དེས་འདུལ་བ་ཡི་སྐྱེ་བོ་ལ། དགོངས་པའི་དབང་གིས་གསུངས་པ་སྟེ། དཔེར་ན་རྫུས་ཏེ་བྱུང་བའི་སེམས་ཅན་ཡོད་དོ་ཞེས་གསུངས་པ་བཞིན་ཏེ། ཕྱི་མ་ལ་སེམས་ཀྱི་རྒྱུད་རྒྱུན་མི་ཆད་པ་ལ་དགོངས་ནས་གདུལ་བྱ་བཀྲི་བའི་ཕྱིར་དགོས་པའི་དབང་གིས་གསུངས་པ་སྟེ། བདག་གམ་སེམས་ཅན་རྫུས་སྐྱེས་དངོས་ཤིག་ཡོད་པར་གསུངས་པ་མིན་ཏེ། འདི་ན་བདག་གམ་སེམས་ཅན་མེད། །ཆོས་འདི་རྒྱུ་དང་བཅས་ལས་བྱུང་། །ཞེས་གསུངས་པའི་ཕྱིར་རོ། །འོ་ན་གཟུགས་སོགས་ཡོད་པར་གསུངས་པ་ཅི་ལ་དགོངས་སྙམ་ན། གཟུགས་སུ་སྣང་བའི་རྣམ་རིག་རང་གི་ས་བོན་འགྱུར་བའི་བྱེ་དྲག་ཏུ་གྱུར་པ་གང་ལས་སུ། རྣམ་པར་རིག་པའི་ཆོས་ཅན་གྱི་སྣང་བ་གང་འབྱུང་བ། དེ་དག་དེ་ཡི་སྐྱེ་མཆེད་ནི། ནང་དང་ཕྱིའི་རྣམ་པ་གཉིས་ཐུབ་པས་གསུངས་ཏེ། གཟུགས་སྣང་གི་ས་བོན་འགྱུར་བའི་བྱེ་བྲག་གང་ལས་བྱུང་བའི་ས་བོན་ལ་དམིགས་དང་དེའི་སྣང་བ་གཟུགས་སོ། །དེ་བཞིན་སྒྲ་དྲི་རོ་རེག་ལའང་ཤེས་པར་བྱའོ། །དེ་ལྟར་ཕྱི་ནང་གི་ས་བོན་དང་སྨིན་པའི་ཆ་ལས་རྣམ་ཤེས་དྲུག་འབྱུང་བར་ཤེས་ན། ལྟ་བ་པོ་ནས་རེག་པ་པོའི་བར་དུ་མེད་པར་ཤེས་ནས་གང་ཟག་ནི་བདག་མེད་པར། འཇུག་པར་འགྱུར་ཏེ་དེ་ལས་གཞན་དུ་ཡང་། རྣམ་པར་རིག་པ་ཙམ་དུ་བསྟན་པས་ཆོས་ལ་བདག་མེད་པར། འཇུག་པར་འགྱུར་ཏེ་རྣམ་རིག་ཙམ་ལས་ཕྱི་དོན་མེད་པས་འཛིན་པའང་མེད་པས་བརྟགས་པའི་བདག་ཉིད་ཀྱིས་སོ། །གལ་ཏེ་ཆོས་ཐམས་ ― MR12_Page_0336 ―
[མ་དཔེ་གཟིགས་ན་འདིར་གནོན།]
ཅད་མེད་པས་རྣམ་རིག་ཙམ་དུའང་མེད་དོ་སྙམ་ན། ཆོས་ཐམས་ཅད་མེད་པ་མ་ཡིན་ཏེ། གང་བྱིས་པ་རྣམས་ཀྱིས་མིང་དང་མཚན་མར་བཟུང་བའི་ཀུན་བརྟགས་ཀྱི་སྤྱོད་ཡུལ་ཐམས་ཅད་མེད་པ་ཡིན་གྱི་སངས་རྒྱས་ཀྱི་ཡུལ་བརྗོད་དུ་མེད་པ་ནི་རྣམ་པ་ཀུན་ཏུ་མེད་པ་མ་ཡིན་ཏེ། དེའི་ཕྱིར་དབུ་མའི་ལམ་ཡིན་གྱི། རྣམ་པ་ཐམས་ཅད་ཀྱིས་མེད་པ་ནི་དབུ་མར་མི་རུང་ངོ་། །རྣམ་པ་རིག་པ་ཙམ་ཡང་། རྣམ་རིག་གཞན་གྱིས་ཀུན་ཏུ་བརྟགས་པའི་བདག་ཉིད་ཀྱིས་བདག་མེད་པར་རྟོགས་པའི་ཕྱིར། རྣམ་རིག་ཙམ་དུ་རྣམ་པར་བཞག་པས་ཆོས་བདག་མེད་པར་འཇུག་གོ། གཟུགས་སོགས་ཡོད་བཞིན་དུ་དེ་དག་མིག་ཤེས་སོགས་ཀྱི་རྣམ་རིག་སོ་སོའི་ཡུལ་དུ་ཇི་ལྟར་མི་འགྱུར་ཞེ་ན། གཟུགས་སོགས་དེ་ནི་ཆ་མེད་པའི་གཅིག་པུ་ཞིག་ཡིན་ནའང་ཡུལ་ཅན་རྣམས་ཀྱི་ཡུལ་མིན་ལ་སྟེ་ཆ་རྣམས་ལས་གཞན་པའི་ཆ་ཅན་མེད་པས་སོ། །ཕྲ་རབ་རྡུལ་གྱི་ངོ་བོ་ཉིད་དུ་དུ་མའང་མིན་ཏེ་ཕྲ་རབ་སོ་སོ་མི་འཛིན་པའི་ཕྱིར་རོ། །རྡུལ་ཕྲ་རབ་དེ་དག་འདུས་པ་ཞེས་བྱ་བའང་མ་ཡིན་ཏེ། ཅིའི་ཕྱིར་འདི་ལྟར་རྡུལ་ཕྲན་ཉིད་མི་འགྲུབ་པའི་ཕྱིར་རོ། །ཇི་ལྟར་མ་གྲུབ་ན། ཕྱོགས་དྲུག་ནས་རྡུལ་ཕྲ་རབ་དྲུག་གིས་ཅིག་ཅར་སྦྱར་བ་ན། ཕྲ་རབ་རྡུལ་ཆ་དྲུག་ཏུ་འགྱུར་ཏེ་ཆ་དྲུག་པོའི་གོ་ཐ་དད་པས་སོ། །རྡུལ་དྲུག་པོ་དག་ནི་གོ་ས་གཅིག་ཡིན་ན། གོང་བུ་ཡང་རྡུལ་ཕྲན་ཙམ་དུ་འགྱུར་ཏེ་དྲུག་ཚོགས་ཀྱང་གོ་གཅིག་ལས་ཆེ་བར་མི་འགྱུར་རོ། །ཁ་ཆེའི་བྱེ་བྲག་སྨྲ་བས་ཉེས་པ་དེ་སྤོང་ཕྱིར་ཕྲ་རབ་ལ་ཆ་མེད་ཕྱིར་སྦྱོར་བ་མིན་གྱི་འདུས་པ་དག་ཕན་ཚུན་སྦྱོར་རོ་ཟེར་ན་ཡང་རྡུལ་ཕྲན་ཕན་ཚུན་སྦྱོར་བ་མེད་ན་ནི། ― MR12_Page_0337 ―
[མ་དཔེ་གཟིགས་ན་འདིར་གནོན།]
དེ་དག་འདུས་པ་ཡོད་པ་དེ་རྒྱུ་མཚན་གང་གིས་ཡིན་ཏེ་མེད་དོ། །རྡུལ་ཕྲ་རབ་ལ་ཆ་ཤས་ཡོད་པ་མ་ཡིན་པས། དེ་ཕན་ཚུན་སྦྱོར་བ་མི་འགྲུབ་ཅེས་མ་ཟེར་ཞིག །གལ་ཏེ་ཟེར་ན་འདུས་པ་སྦྱོར་བའང་མི་འགྲུབ་པའི་ཕྱིར་རོ། །འདུས་པ་ལའང་སྦྱོར་བ་མེད་ཟེར་ན། འདུས་པ་ཆ་ཤས་དང་བཅས་པར་སྦྱོར་བ་ཁས་མི་ལེན་ན། རྡུལ་བསགས་པའི་གོང་བུར་ཇི་ལྟར་འགྱུར་ཏེ་འགྱུར་མི་རིགས་སོ། །ཕྲ་རབ་སྦྱོར་བར་འདོད་རུང་མི་འདོད་རུང་རྡུལ་གང་ལ་ཤར་སོགས་ཕྱོ༷གས་ཀྱི་ཆ་ཐ་དད་ཡོད་པ། དེ་ནི་ཆ་མེད་གཅིག་ཏུ་མི་རུང་ངོ་། །ཆ་ཐ་དད་མེད་ན་ཉི་མ་ཕོག་ཚེ་ངོས་གཞན་ལ་གྲི༷བ་མ་ཇི་ལྟར་འབབ་པ་དང་རྡུལ་རྡུལ་གཞན་གྱིས་སྒྲིབ་པར་ཡང་ཇི་ལྟར་འགྱུར་ཞིང་གཅིག་ལ་གཅིག་ཐོགས་པར་ཇི་ལྟར་འགྱུར། ཐམས་ཅད་གོ་གཅིག་ན་འདུས་པ་ཐམས་ཅད་རྡུལ་ཕྲ་རབ་ཏུ་འགྱུར་རོ། །རྡུལ་དང་གོང་བུ་གཞན་མིན་ན། ཕྲ་རབ་ལ་གྲིབ་མ་དང་སྒྲིབ་ཐོགས་སོགས་ཡོད་པར་འགྱུར་ལ། དེ་ལྟ་ན་ཆ་བཅས་སུ་འགྱུར་རོ། །སྒྲིབ་སོགས་མེད་ན་དེ་དེའི་མིན་པར་འགྱུར་བས་གོང་བུ་དེ་དག་རྡུལ་དེའི་མིན་པའམ། རྡུལ་དེ་གོང་བུའི་མིན་པར་དེ་གཉིས་ཐ་དད་དུ་འགྱུར་ལ། དེ་ལྟ་ན་རྡུལ་ཕྲ་རབ་ཀྱིས་ཅི་ཡང་མ་བྱས་པའི་གོང་བུའི་རྫས་རྩོམ་པའི་གཞི་མིན་པར་འགྱུར་བ་དང་། གོང་བུ་ཆ་ཤས་མེད་པའམ་ཆར་གསིལ་དུ་མེད་པར་འགྱུར་རིགས་ན་དེ་མི་འཐད་དོ། །དེ་དག་གོང་བུའི་ཡིན་གྱི་ཕྲ་རབ་ཀྱི་མིན་ན་རྡུལ་ཕྲ་རབ་རྣམས། གོང་བུ་ལས་གཞན་མིན་ན་གྲིབ་མ་དང་སྒྲིབ་ཐོགས་སོགས་དེ་དག་རྡུལ་དེའི་མིན་པར་གྲུབ་བོ། །འདི་འདྲའི་རྟོག་པ་འདི་ནི་གནས་པའི་ ― MR12_Page_0338 ―
[མ་དཔེ་གཟིགས་ན་འདིར་གནོན།]
ཁྱད་པར་ཏེ། གཟུགས་སོགས་ཀྱི་མཚན་ཉིད་མི་ཁེགས་མ་འགག་ན་རྡུལ་ཕྲ་རབ་ཅེའམ། འདུས་པ་ཞེས་བསམ་པ་འདིའི་ཅི་བྱ་ཞེ་ན། གཟུགས་སོགས་ཀྱི་མཚན་ཉིད་གང་ཡིན། མིག་སོགས་ཀྱི་ཡུལ་ཉིད་དང་། སྔོན་པོ་སོགས་ཉིད་དོ་ཞེ་ན། ཅི་མིག་སོགས་ཀྱི་ཡུལ་སྔོ་སེར་སོགས་ཆ་མེད་ཀྱི་རྫས་གཅིག་ཡིན་ནམ་དུ་མ་ཡིན། དེས་ཅི་བྱ་ཞེ་ན་དུ་མའི་ངེས་པ་ནི་བཤད་ཟིན། རྫས་གཅིག་ན་ས་གཞན་དུ་རིམ་གྱིས་འགྲོ་བ་མེད་དེ་དེ་གོམ་གཅིག་བོར་བས་ཐམས་ཅད་དུ་སོན་པར་ཐལ་ཏེ་རྫས་ཆ་མེད་གཅིག་ཡིན་པས་སོ། །ཚུ་རོལ་གྱི་ཆ་ཟིན་པ་དང་ཕ་རོལ་ཀྱི་ཆ་མ་ཟིན་པ་ཅིག་ཅར་ཡོད་པ་མེད་པར་འགྱུར་ཏེ་རྫས་གཅིག་ལ་ཆ་གཉིས་མེད་པས་སོ། །རྟ་གླང་སོགས་གནས་པ་ཐ་དད་རིས་ཆད་དུ་མར་གནས་པ་མི་འཐད་དེ་གཅིག་གནས་པར་གཞན་ཡང་གནས་པས་གནས་པ་རིས་མ་ཆད་པར་འགྱུར་བ་དང་རྟ་གླང་སོགས་ཡུལ་གྱི་གོ་ས་གང་ནོན་པ་དང་མ་ནོན་པ་དེ་དག་གཅིག་ཏུ་ཇི་ལྟར་རུང་སྟེ་སོ་སོའི་གོ་ས་རིས་ཆད་ཐ་དད་དང་བར་ན་སྟོང་པ་བཅས་མངོན་སུམ་གཟུང་དུ་ཡོད་པའི་ཕྱིར་རོ། །གལ་ཏེ་མཚན་ཉིད་ཐ་དད་པས་རྫས་གཞན་ཁོ་ནར་རྟོག་གི་གཞན་རྫས་ཀྱི་ཆས་དུ་མ་ཡིན་ན། ཆུའི་སྐྱེ་བོ་ཕྲ་མོ་རྣམས་ཀྱང་ཆེན་པོ་རྣམས་དང་གཟུགས་མཚུངས་བས། དེ་ལྟར་ན་མིག་གིས་སོད་མི་སོད་ཀྱི་ཆ་གཉིས་སུ་འགྱུར་རོ། །དེས་ན་མིག་གིས་མི་སོད་པའི་ཕྲ་བའང་མེད་པར་འགྱུར་རོ། །དེས་ན་གཟུགས་མཐའ་རྡུལ་ཕྲ་རབ་ཐ་དད་པ་རྣམས་ལ་བརྟགས་པས་དེ་དག་གཅིག་ཏུ་མི་འགྲུབ་ལ། དེ་མ་གྲུབ་པས་གཟུགས་སོགས་མིག་སོགས་ཀྱི་ཡུལ་དུ་མི་འགྲུབ་ལ། མངོན་སུམ་མྱོང་བ་ཡོད་ཕྱིར་རྣམ་པར་རིག་པ་ཙམ་དུ་གྲུབ་བོ། །གལ་ཏེ་ཚད་ ― MR12_Page_0339 ―
[མ་དཔེ་གཟིགས་ན་འདིར་གནོན།]
མའི་དབང་གིས་ཡོད་དམ་མེད་པ་དམིགས་ཕྱེ་སྟེ་རྟོགས་པར་འགྱུར་ན། ཚད་མ་ཐམས་ཅད་ཀྱི་ནང་ན་མངོན་སུམ་མཆོག་ཡིན་ཏེ། དེས་ན་གཟུགས་སོགས་དོན་དེ་མེད་ན་འདི་ལྟར་བདག་གི་མངོན་སུམ་རིག་པའི་བློ་འདི་ཇི་ལྟར་འབྱུང་ཞེ་ན་མངོན་སུམ་མྱོང་བའི་བློ་ནི་རྨི་ལམ་སོགས་ཀྱི་རང་བཞིན་དོན་མེད་པ་སྔར་བཤད་ཟིན་ཏོ། །དེ་ཡང་གང་གི་ཚེ་ཡུལ་འདི་དག་གིས་མངོན་སུམ་མོ་སྙམ་དུ་མངོན་སུམ་གྱི་བློ་འབྱུང་བ་རྟོག་པ་དེ་ཡི་ཚེ། ཁྱོད་ཀྱི་ཡིད་ཤེས་ཀྱིས་འདི་ཞེས་བཅད་པ་དང་མིག་ཤེས་ཀྱང་དེ་ཚེ་འགག་པའི་ཕྱིར་དོན་དེ་མི་སྣང་ན། དེ་ནི་མངོན་སུམ་དུ་ཇི་ལྟར་འདོད་ལ་ལྷག་པར་ཡང་སྐད་ཅིག་མར་སྨྲ་བས་མངོན་སུམ་དུ་ཇི་ལྟར་འདོད་དེ་དེའི་གཟུགས་དང་རོ་ལ་སོགས་པ་དེ་ནི་འགག་ཟིན་ཏོ། །དཔེར་ན་དོན་མེད་པར་དེར་སྣང་བའི་མིག་ཤེས་ལ་སོགས་པའི་རྣམ་རིག་བཞིན་ནོ་ཞེས།བཤད་ཟིན་པ་དེ་འདྲའི་མྱོང་བ་དེ་ལས་ཡེ་ཤེས་ཀྱིས་དེ་དྲན་པར་ཟད་ལ་དྲན་པས་མྱོང་བ་མིན་ནོ། །གལ་ཏེ་རྨི་ལམ་ལ་ཡུལ་མེད་པ་ལྟར་སད་ཚེའང་ཡིན་ན། དོན་མེད་པར་འཇིག་རྟེན་པས་ཀྱང་རྟོགས་རིགས་ན་དེ་ལྟར་མིན་པའི་ཕྱིར་རྨི་ལམ་བཞིན་དུ་དམིགས་པ་ཐམས་ཅད་མེད་པ་མིན་ནོ་ཞེ་ན། རྨི་ལམ་མཐོང་བ་ལ་ཡུལ་མེད་པར། ཇི་སྲིད་མ་སད་བར་དུ་ཕལ་པས་རྟོགས་པ་མ་ཡིན་ལ་སད་ནས་ཡུལ་མེད་པར་ཤེས་པ་འབྱུང་ཡང་། སད་པའི་ཚེ་རྨི་ལམ་ལྟར་ཡུལ་མེད་པ་མི་ཤེས་པ་ནི་ལོག་པར་རྟོག་པའི་རྣམ་རྟོག་གོམས་པས་ཡིན་ལ། གང་ཚེ་གཉེན་པོ་འཇིག་རྟེན་འདས་པ་མི་རྟོག་ཡེ་ཤེས་ཐོབ་པ་ན། དེའི་རྗེས་ལས་ཐོབ་པ་དག་པ་འཇིག་རྟེན་པའི་ཡེ་ཤེས་དེས་སད་པའི་ཚེའང་ཡུལ་མེད་པ་ཁོང་དུ་ཆུད་པ་ཡིན་ནོ། །དེས་ན་འཇིག་རྟེན་པའི་བློ་རང་ག་བས་རྨི་སད་ཀྱི་ཡུལ་ཁྱད་ཡོད་དུ་འབྱེད་པ་འདི་ཕྱི་དོན་མེད་པར་སྒྲུབ་པ་ལ་གཏན་ཚིགས་སུ་མི་རུང་ངོ་། །གལ་ཏེ་རང་གི་སེམས་རྒྱུད་འགྱུར་བའི་ ― MR12_Page_0340 ―
[མ་དཔེ་གཟིགས་ན་འདིར་གནོན།]
ཁྱད་པར་ལས་དོན་དུ་སྣང་བའི་རྣམ་རིག་འབྱུང་གི དོན་གྱི་ཁྱད་པར་ལས་མིན་ན། བརྟེན་པ་དེ་དང་བཤད་པ་དེ་མེད་པས་སྡིག་གྲོགས་དང་། དགེ་བའི་བཤེས་གཉེན་བརྟེན་པ་དང་། དམ་པ་དང་དམ་པ་མིན་པའི་ཆོས་མཉན་པ་ལས་སེམས་ཅན་རྣམས་ཀྱི་རྣམ་པར་རིག་པ་ཡང་དག་དང་ཡང་དག་མིན་པར་ངེས་པ་ཇི་ལྟར་འགྲུབ་ཅེ་ན། སེམས་ཅན་གཅིག་ལ་གཞན་སེམས་ཅན་གཅིག་གི་རྣམ་པར་རིག་པའི་དབང་གིས་ན། རྣམ་པར་རིག་པ་ཕན་ཚུན་རྣམ་རིག་རྣམས་ངེས་པར་འགྱུར་ཏེ་རྒྱུད་གཞན་གྱི་རྣམ་རིག་གི་ཁྱད་པར་ལས་རྒྱུད་གཞན་ལ་རྣམ་པར་རིག་པའི་ཁྱད་པར་འབྱུང་གི་དོན་ལས་མ་ཡིན་ནོ། །གཉིད་ལོག་པའི་སྐབས་སུ་དོན་མེད་པ་བཞིན་གཉིད་མ་ལོག་པའི་ཡང་དེ་འདྲ་ན། དགེ་མི་དགེའི་ལས་སད་དུས་སྤྱད་ན་རྨི་ལམ་བཞིན་འབྲས་བུ་མེད་པར་ཅིས་མི་འགྱུར་ཞེ་ན། སེམས་ནི་འཁྲུལ་བའི་གཉིད་ཀྱིས་ནོན་པས་ན། དེ་ཕྱིར་རྨི་ལམ་དང་སད་པའི་ལས་ཀྱི་འབྲས་བུ་མི་མཚུངས་ཏེ་འདི་དོན་ཡོད་མེད་ཀྱིས་མ་ཡིན་ཀྱང་རྒྱུའི་དབང་གིས་སོ། །གལ་ཏེ་འདི་ཀུན་རྣམ་རིག་ཙམ་དུ་ཟད་ན་གང་ལ་ཡང་ལུས་དང་ངག་ཀྱང་མེད་པས་ཤན་པ་སོགས་ཀྱིས་གསོད་པ་ན་ལུག་སོགས་ཇི་ལྟར་འཆི་བར་འགྱུར། ལུག་སོགས་འཆི་བ་དེ་ཤན་པ་སོགས་ཀྱིས་མ་བྱས་ན། ཤན་པ་སོགས་ལ་སྲོག་གཅོད་པའི་སྡིག་པ་ཇི་ལྟར་འབྱུང་ཞེ་ན། གཞན་འཆི་བ་ནི་རྒྱུད་གཞན་གྱི་རྣམ་རིག་གི། བྱེ་བྲག་ལས་ཏེ་དཔེར་བྱ་ན། འདྲེ་ལ་སོགས་པའི་ཡིད་ཀྱི་རྣམ་རིག་གི་དབང་གིས། གཞན་གྱི་དྲན་པ་ཉམས་ཏེ་སྨྱོ་བ་སོགས་སུ་འགྱུར་སོགས་བཞིན། འདིར་སོགས་སྒྲས། རྨི་ལྟས་སུ་མཐོང་བ་དང་། འབྱུང་པོའི་གདོན་ཕབ་པ། རྫུ་འཕྲུལ་དང་ལྡན་པའི་ཡིད་ཀྱིས་དབང་གིས་དཔེར་ན། འཕགས་པ་ཀཱཏྱཱའི་བུ་ཆེན་པོའི་བྱིན་རླབས་ཀྱིས་ས་ར་ཎས་རྨི་ལྟས་མཐོང་བ་དང་། དྲང་སྲོང་དགོན་པ་བ་ཡིད་འཁྲུགས་པས་ལྷ་མིན་དབང་པོ་ཐག་བཟང་རིས་ ― MR12_Page_0341 ―
[མ་དཔེ་གཟིགས་ན་འདིར་གནོན།]
ཕམ་པ་བཞིན་དུ་གཞན་གྱི་རྣམ་རིག་གི་བྱེ་བྲག་གིས་གཞན་གྱི་སྲོག་དབང་དང་མི་མཐུན་པའི་འགྱུར་བ་འགའ་འབྱུང་སྟེ་སྐལ་མཉམ་གྱི་རྒྱུད་རྒྱུན་ཆད་པ་འཆི་བར་རིག་པར་བྱའོ། །གཞན་གྱི་རྣམ་རིག་གིས་གཞན་འཆི་བར་མི་འདོད་ན་དྲང་སྲོང་རྣམས་ཁྲོས་པས་དམོད་བོར་བས་དན་ཏ་ཀའི་དགོན་པ་དང་། ཀ་ལིང་ཀ་དང་མ་ཏང་ཀའི་དགོན་པ་དག་ཇི་ལྟར་སྟོང་བར་གྱུར། དེ་ལྟ་བུའི་རྒྱུས་ཡིད་ཀྱི་ཉེས་པ་ཁ་ན་མ་ཐོ་ཆེར། དེ་ཡིས་ཇི་ལྟར་འགྲུབ་པར་འགྱུར། དེ་རྣམས་དྲང་སྲོང་ཁྲོས་པས་མིན་ཞིང་དེ་ལ་དགའ་བའི་མི་མ་ཡིན་རྣམས་ཀྱིས་ཁ་བཏགས་པར་བྱས་སོ་སྙམ་ན། ཡིད་ཀྱི་ལས་དེ་ལུས་ངག་གི་ལས་ལས་ཁ་ན་མ་ཐོ་བ་ཆེ་བར་ཇི་ལྟར་འགྲུབ། དེས་ན་ཡིད་འཁྲུགས་པ་ཙམ་གྱིས་སེམས་ཅན་དེ་སྙེད་འཆི་བར་བྱས་པས་སོ། །ཐམས་ཅད་རྣམ་རིག་ཙམ་དུ་ཟད་ན་གཞན་སེམས་རིག་པས་གཞན་སེམས་ཤེས་སམ་མི་ཤེས་མི་ཤེས་ན་གཞན་སེམས་རིག་པར་མི་འགྱུར་ལ། ཤེས་ན་སེམས་ཕྱིན་ཅི་མ་ལོག་པར་རྟོགས་པར་འགྱུར་རོ་ཞེ་ན། གཞན་སེམས་གཞན་གྱི་རྣམ་པར་རིག་པས་ཤེས་པ་ནི། སེམས་ཀྱི་དོན་ཇི་ལྟ་བ་བཞིན་མ་ཡིན་ཏེ་གཟུང་འཛིན་ཏུ་ཞེན་པ་དང་དེའི་རྣམ་པ་དང་ཆ་འདྲའི་རང་སེམས་རིག་པའི་ཕྱིར་ཇི་ལྟར་དཔེར་ན། རང་སེམས་རང་གིས་ཤེས་པས་སངས་རྒྱས་ཀྱི། སྤྱོད་ཡུལ་བརྗོད་དུ་མེད་པའི་དོན་ཇི་བཞིན་མི་ཤེས་པའི་ཕྱིར་སེམས་རྟོགས་པ་མིན་པ་བཞིན་ནོ། །ཆོས་ཐམས་ཅད་རྣམ་རིག་ཙམ་དུ་གྲུབ་པ་འདི། དབྱིག་གཉེན་བདག་གིས་བདག་གི་བློ་ཡི་མཐུ་དང་མཚམས་པའམ་འདྲ་བར། བྱས་ཀྱི་རྣམ་རིག་ཙམ་གྱི་གྲུབ་མཐའ་དེ་ཡི་རྣམ་པ་ཡི་དབྱེ་བ་ཀུན། ― MR12_Page_0342 ―
[མ་དཔེ་གཟིགས་ན་འདིར་གནོན།]
བསམ་ཡས་རྟོག་གེས་གཏིང་མི་དཔོག་ཅིང་ཟབ་པ་ནི་སངས་རྒྱས་ཀྱི་སྤྱོད་ཡུལ་ལོ་ཏེ་ཁོ་ནའོ། །ཉི་ཤུ་པའི་ཚིག་ལེའུར་བྱས་པ་སློབ་དཔོན་དབྱིག་གཉེན་གྱིས་མཛད་པ་རྫོགས་སོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། ཤཱི་ལེན་དྲ་བོ་དྷི་དང་།དཱ་ན་ཤཱི་ལ་དང་། ཞུ་ཆེན་གྱི་ལོ་ཙཱ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པའོ། །མཆན་འདི་སངས་རྒྱས་གཉིས་པའི་རང་འགྲེལ་དང་བསྟུན་ཏེ་ཐམས་ཅད་མཁྱེན་པ་མི་ཕམ་རྒྱ་མཚོའི་ཕྱག་བྲིས་ལས་ཞེ་ཆེན་རི་ཁྲོད་དུ་ཞལ་བཤུས་ཏེ་གཏན་ལ་ཕབ་པའོ། །འདིས་ཀྱང་རྣལ་འབྱོར་སྤྱོད་གཞུང་གི། རིང་ལུགས་པདྨའི་དགའ་ཚལ་མཆོག །སྲིད་མཐའི་བར་དུ་ཆེར་རྒྱས་ཏེ། །བློ་གསལ་བུང་བའི་ངལ་འཚོར་ཤོག །མངྒ་ལཾ།། །། སུམ་ཅུ་པའི་ཚིག་ལེའུར་བྱས་པའི་མཆན་འགྲེལ།― MR12_Page_0343 ―
[མ་དཔེ་གཟིགས་ན་འདིར་གནོན།]
སུམ་ཅུ་པའི་ཚིག་ལེའུར་བྱས་པའི་མཆན་འགྲེལ་བཞུགས་སོ། ། ― MR12_Page_0344 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཏྲིང་ཤི་ཀ་ཀཱ་རི་ཀཱ། བོད་སྐད་དུ། ཚིགས་སུ་བཅད་པ་སུམ་ཅུ་པའི་ཚིག་ལེའུར་བྱས་པ། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །ཐར་པ་དང་ཐམས་ཅད་མཁྱེན་པའི་ལམ་ལ་བསྒྲིབ་པ་བདག་འཛིན་གཉིས་སྤངས་པའི་ཕྱིར་བདག་མེད་རྣམ་པ་གཉིས་བསྟན་ཅིང་རྣམ་པར་རིག་པ་ཙམ་གྱི་གྲུབ་མཐའ་ཤེས་པར་བྱ་ཕྱིར་རབ་ཏུ་བྱེད་པ་འདི་བརྩོམ་མོ། །གཞན་ཡང་རྣམ་ཤེས་བཞིན་དུ་ཤེས་བྱ་ཡང་རྫས་གཅིག་ཏུ་སེམས་པ་དང་། ཤེས་བྱ་བཞིན་དུ་རྣམ་ཤེས་ཀྱང་ཀུན་རྫོབ་ཏུ་ཡོད་ཀྱི་དོན་དམ་པར་མེད་པར་འདོད་པའི་མཐའ་གཉིས་དགག་པའི་ཕྱིར་ཡང་ངོ་། །དེ་ལ་བདག་དང་ཆོས་སུ་འདོགས་པ་ཐམས་ཅད་སེམས་ཙམ་ལས་ཕྱི་དོན་དུ་གྲུབ་པ་མེད་དེ། བདག་ཏུ་གདགས་པ་དང་ཆོས་སུ་ཉེར་འདོགས་པ། སྣ་ཚོགས་པ་སྟེ་བདག་དང་སྲོག་དང་སྐྱེ་བ་པོ་སོགས་བདག་དང་ཕུང་ཁམས་སྐྱེ་མཆེད་སོགས་ཆོས་སུ་འདོགས་པ་དག་ནི་གང་བྱུང་བ། དེ་ཐམས་ཅད་ནི་རྣམ་པར་ཤེས་པར་གྱུར་པ་ཉིད་དོ་དེ་ལས་གཞན་དུ་མེད་དོ། །གྱུར་པ་ཞེས་པ་རྒྱུའི་སྐད་ཅིག་འགག་པ་དང་དུས་མཉམ་འབྲས་བུའི་སྐད་ཅིག་ཐོབ་པའོ། །བདག་དང་ཆོས་ཀྱི་རྣམ་པར་རྟོག་པའི་བག་ཆགས་བརྟས་པས་ཀུན་གཞིའི་རྣམ་ཤེས་བདག་དང་ཆོས་སུ་སྣང་བར་གྱུར་པའོ། །དེ་དག་ཕྱི་རོལ་ན་མེད་ཀྱང་ཐོག་མེད་གོམས་པའི་མཐུས་ཡོད་པ་ལྟར་བདག་དང་ཆོས་སུ་འདོགས་པའོ། །དེ་ལྟར་དེ་རྣམས་སེམས་ལས་གཞན་མིན་ཡང་ཡིན་པ་ལྟར་ཀུན་ཏུ་བརྟགས་པའོ། །དེ་ལྟ་ན་ཡང་ཉེ་བར་འདོགས་པའི་གཞི་མེད་ན་འདོགས་མི་སྲིད་པས་ཕྱི་རོལ་ན་རྣམ་ ― MR12_Page_0345 ―
[མ་དཔེ་གཟིགས་ན་འདིར་གནོན།]
ཤེས་སུ་གྱུར་པའི་དངོས་པོ་ཡོད་པར་ཁས་བླང་ཞེས་བློ་བརྟན་གསུངས་སོ། །ཤེས་བྱ་ཐམས་ཅད་ཀུན་བརྟགས་ཡིན་པས་དངོས་པོ་མེད་དོ། །རྣམ་ཤེས་རྟེན་འབྲེལ་ཡིན་པས་རྫས་སུ་ཡོད་པར་ཁས་བླང་ངོ་། །རྣམ་ཤེས་རྟེན་འབྲེལ་ཡིན་པར་གྱུར་པའི་སྒྲས་བསྟན་ཏོ། །གྱུར་པ་དེ་ཡང་ཕྱི་རོལ་ན་བདག་དང་ཆོས་མེད་ཀྱི་སེམས་ཀྱི་གཟུང་ཆ་ལ་དེར་བཏགས་པ་རྣམ་པ་གསུམ་སྟེ། གང་ཞེ་ན། ཀུན་གཞི་རྣམ་པར་སྨིན་པ་དང་དེར་སེམས་པ་ཉོན་ཡིད་དང་། ཡུལ་ལ་རྣམ་པར་རིག་པའོ། །སྟེ་འཇུག་ཤེས་དྲུག་གོ། དེ་ལ་དང་པོ་ཀུན་གཞིའི་རྣམ་ཤེས་ནི། ཆོས་ཐམས་ཅད་ཀྱི་རྒྱུ་དང་འབྲས་བུའི་ངོ་བོར་འཇུག་ཅིང་འབྲེལ་བས་ཀུན་གཞིའོ། །དེ་ཡང་སྔོན་གྱི་ས་བོན་ལས་རྣམ་པར་སྨིན་པ་དང་ཀུན་ནས་ཉོན་མོངས་པའི་འམ་ཆོས་ཐམས་ཅད་ཀྱི་ས་བོན་ཐམས་ཅད་པ་སྟེ་ཁམས་དང་འགྲོ་བ་དང་སྐྱེ་གནས་དང་རིགས་ཐམས་ཅད་དུ་ལས་ཀྱི་རྣམ་པར་སྨིན་པའོ། །ཀུན་གཞི་ཤེས་པ་ཡིན་ན་དམིགས་པ་གང་། རྣམ་པ་གང་ཞེ་ན། ཀུན་གཞི་དེ་ནི་བདག་དང་ཆོས་སུ་རྟོག་པའི་བག་ཆགས་ལེན་པ་དག་དང་གནས་ཀྱི། རྣམ་པར་རིག་པ་ཡི་བག་ཆགས་ཡོད་ཀྱང་དེ་དེར་མྱོང་ཙམ་གྱིས་མི་རིག་པ་སྟེ། ནང་དང་ཕྱི་རོལ་གྱི་དངོས་པོ་རིས་སུ་མ་ཆད་པ་ལ་དམིགས་པས་རྣམ་པ་ཤིན་ཏུ་ཕྲ་བའོ། །དམིགས་རྣམ་ཡུལ་སྣོད་བཅུད་རྒྱ་ཆེན་པོ་ལ་དམིགས་ཀྱང་རིས་ཆད་མིན་པས་མི་ཚོར་བའི་རྣམ་པ་ཤིན་ཏུ་ཕྲའོ། །དེ་འཁོར་གང་དང་ལྡན་ན་དུས་རྟག་ཏུ་རེག་པ་དང་ཡིད་ལ་བྱེད་པ་དང་། རིག་ཅེས་ཚོར་བ་དང་འདུ་ཤེས་དང་སེམས་པར་ལྡན་ཏེ་ཀུན་འགྲོ་ལྔ་དང་མི་འབྲལ་ལོ། ། ― MR12_Page_0346 ―
[མ་དཔེ་གཟིགས་ན་འདིར་གནོན།]
དེ་ལ་ཀུན་གཞིའི་ཚོར་བ་ནི་བཏང་སྙོམས་ཏེ་རྣམ་པ་ཡོངས་སུ་མ་ཆད་པའི་ཕྱིར་རོ། །ཀུན་གཞི་དེ་ནི་ཉེ་ཉོན་གྱིས་མ་བསྒྲིབས་ལ་དགེ་སྡིག་གང་དུའང་ལུང་མ་བསྟན་པ་ཡིན་ལ། དེའི་འཁོར་རེག་པ་ལ་སོགས་པའང་དམིགས་རྣམ་སོགས་ཀུན་གཞི་དེ་བཞིན་ནོ། །ཀུན་གཞི་དེ་ནི་རྒྱུན་འབབ་ཆུ་བོ་བཞིན་དུ་སྐད་ཅིག་མ་བར་མེད་དུ་འཇུག་གོ། ཟག་པ་ཟད་པའི་དགྲ་བཅོམ་ཐོབ་པ་ཉིད་ན་ཀུན་གཞི་དེ་ལྡོག་གོ་སྟེ་ཀུན་གཞི་ལ་གནས་ངན་ལན་མ་ལུས་སྤངས་པའི་ཕྱིར་རོ། །ཀུན་གཞིའི་རྣམ་ཤེས་དེ་ལ་གནས་ཏེ་རབ་ཏུ་འབྱུང་ཞིང་། དེ་ལ་ང་ཡིར་དམིགས་པ་ནི་ཉོན་ཡིད་ཅེས་བྱ་སྟེ། རྣམ་ཤེས་གང་ཞིག་ངར་སེམས་པའི་བདག་ཉིད་ཅན་དེ་ནི། བསྒྲིབས་ལ་དགེ་སྡིག་ཏུ་ལུང་དུ་མ་བསྟན་པའི། ཉོན་མོངས་བཞི་དང་དུས་ཇི་སྲིད་པར་རྟག་ཏུ་འགྲོགས་ཏེ།གང་ཞེ་ན། བདག་ཏུ་ལྟ་བ་འཇིག་ལྟ་དང་བདག་ཏུ་རྨོངས་པ་མ་རིག་པ་དང་། བདག་རྒྱལ་ཏེ་ངའོ་སྙམ་པའི་ང་རྒྱལ་དང་བདག་ལ་ཆགས་པར་འདུ་ཤེས་པ་སྟེ་བདག་ལ་དགའ་བའམ་སྲེད་པའོ། །ཡང་སྨྲས་པ། མ་རིག་པ་དང་བདག་ལྟ་དང་། །ངའོ་ང་རྒྱལ་སྲེད་འདི་བཞིས། །ཀུན་གཞི་ཉོན་མོངས་ཅན་འགྱུར་ཡིད། །ངར་སེམས་པ་ཡི་མཚན་ཉིད་དེ། །ཕྱིན་ཅི་ལོག་གི་རྒྱུ་བྱེད་པའང་། །ཡིད་དེ་དེ་དག་ཉོན་མོངས་ཅན། །སེམས་དགེ་ལུང་དུ་མ་བསྟན་ཚེ། །རྟག་ཏུ་ངར་འཛིན་རྒྱུ་ཡིན་ནོ། །ཞེས་བློ་བརྟན་གྱི་འགྲེལ་བ་ལས་སོ། །དེ་ནི་ཁམས་གསུམ་གང་དུ་སྐྱེས་པ་དེའི་ས་པའོ་དེ་བཞི་ལས་གཞན། རེག་སོགས་ཀུན་འགྲོ་ལྔ་པོ་དག་ཀྱང་མཚུངས་པར་ལྡན་པས་དེ་འཁོར་དགུ་དང་ལྡན་ཏེ། འདི་དག་ཀྱང་གང་དུ་སྐྱེས་པ་དེའི་ས་པའོ། །དེ་ནི་ ― MR12_Page_0347 ―
[མ་དཔེ་གཟིགས་ན་འདིར་གནོན།]
དགྲ་བཅོམ་ཉོན་མོངས་མ་ལུས་པ་སྤངས་པ་རྣམས་ལ་མེད། དེ་བཞིན་དུ་འགོག་པའི་སྙོ༷མས་པར་འཇུག་པ་ལ་ཡང་མེད། འཇིག་རྟེན་ལས་འདས་པའི་ལམ་བདག་མེད་པ་སྒོམ་པ་ནའང་མེད། འདི་ནི་གྱུར་པ་གཉིས་པའོ། །གྱུར་པ་གསུམ་པ་ཡུལ་གཟུགས་སྒྲ་དྲི་རོ་རེག་ཆོས་ཏེ་རྣམ་པ་དྲུག་པོ་ལ། དམིགས་པའམ་འཛིན་ཅིང་རྟོག་པ་གང་ཡིན་པ་མིག་སོགས་ཀྱི་ཤེས་པ་དྲུག་པོ་དེ་དག་སྟེ། དེ་ལ་མ་ཆགས་པ་སོགས་དང་མཚུངས་ལྡན་དགེ་བ་དང་ཆགས་སོགས་དང་། མཚུངས་ལྡན་མི་དགེ་བ་དང་དགེ་མི་དགེའི་སེམས་བྱུང་དང་མཚུངས་ལྡན་མིན་པ་གཉི་ག་གང་ཡང་མིན་པའོ། །སེམས་བྱུང་གི་དབྱེ་བ་ལ། ཀུན་གཞིའི་རྣམ་ཤེས་དང་། ཉོན་ཡིད་དང་། འཇུག་ཤེས་རྣམས་བྱེ་བྲག་མེད་པར་ཀུན་ཀྱི་འཁོར་དུ་འགྲོ་བ་ལྔ་དང་བྱེ་བྲག་ཅན་མ་ངེས་པས་བྱེ་བྲག་ཏུ་ངེས་པའམ་ཡུལ་ངེས་ལྔ་སྟེ་དེ་དག་གི་ཡུལ་ནི་བྱེ་བྲག་ཅན་ཡིན་གྱི་ཐམས་ཅད་ནི་མ་ཡིན་ནོ། །སེམས་ལས་བྱུང་བ་དགེ་བ་ཅན་བཅུ་གཅིག་དང་། དེ་བཞིན་དུ་རྩ་བའི་ཉོན་མོངས་པ་དྲུག་དང་ཉེ་བའི་ཉོན་མོངས་ཉི་ཤུ། གཞན་འགྱུར་བཞི་དང་བཅས་པའོ། །འདི་རྣམས་ཚོར་བ་བདེ་སྡུག་བཏང་སྙོམས་གསུམ་དང་ཅི་རིགས་པར་དེ་མཚུངས་ལྡན་དུ་འབྱུང་ངོ་། །དབྱེ་གཞི་དང་པོའི་གསུམ་འདུས་ཀྱི་རེག་པ་ལ་སོགས་པ་ཀུན་ཏུ་འགྲོ་བ་ལྔ་སྟེ་གོང་དུ་བཤད་པ་དང་། བསམ་པའི་དངོས་པོ་ལ་འདོད་པ་འདུན་པ་དེའི་དངོས་པོ་ལ་ངེས་པར་འཛིན་པ་མོས་པ་འདྲིས་པའི་དངོས་པོ་མ་བརྗོད་པ་དྲན་པ་དང་བཅས་པ་དང་། སེམས་རྩེ་གཅིག་པ་ཏིང་ངེ་འཛིན་དང་བློ་རབ་ཏུ་འབྱེད་པའི་ ― MR12_Page_0348 ―
[མ་དཔེ་གཟིགས་ན་འདིར་གནོན།]
ཤེས་རབ་སྟེ་དེ་ལྟར་ན་གང་དུ་མོས་པ་དེར་གཞན་དག་གདོན་མི་ཟ་བར་མི་འབྱུང་བས་ཐམས་ཅད་ལ་དེ་བཞིན་ཤེས་པར་བྱ་སྟེ་བྱེ་བྲག་ངེས་པ་ཞེས་བྱ་སྟེ་ལྔའོ། །ལས་འབྲས་སོགས་ལ་ཡིད་ཆེས་པ་དད་པ་དང་བདག་གམ་ཆོས་ཀྱི་དབང་དུ་བྱས་ཏེ་ཉེས་སྤྱོད་ལ་འཛེམ་པ་ངོ་ཚ་ཤེས་པ་དང་འཇིག་རྟེན་གྱི་དབང་དུ་བྱས་པ་ཁྲེལ་ཡོད་པ་དང་། མ་ཆགས་པ་ལ་སོགས་ཏེ་མི་སྡང་བ་དང་གཏི་མུག་མེད་པ་གསུམ་དང་དགེ་ལ་སྤྲོ་བའི་བརྩོན་འགྲུས། ལུས་སེམས་ལས་སུ་རུང་བའི་ཤིན་ཏུ་སྦྱངས་བ་དང་བླང་དོར་ལ་གཟོབ་པའི་བག་ཡོད་དང་བཅས་ཀྱི་སྒྲས་བཏང་སྙོམས་བསྟན་ཏེ། བཏང་སྙོམས་ནི་སེམས་མཉམ་པ་ཉིད་དང་རྣལ་དུ་འཇུག་པ་དང་ལྷུན་གྱིས་གྲུབ་པ་སྟེ་འདི་གསུམ་གྱིས་བཏང་སྙོམས་ཀྱི་ཐོག་བར་ཐ་མའི་དུས་བསྟན་ཏེ། བྱིང་རྒོད་ཀྱིས་སེམས་མི་མཉམ་སྟེ། དེ་མེད་པས་ཐོག་མར་སེམས་མཉམ་པ་མེད་དོ། །དེའི་རྗེས་སུ་འདུ་བྱེད་མེད་པར་འཇུག་པ་རྣལ་དུ་གནས་པ་དང་། རྩོལ་མེད་དུ་འཇུག་པ་ལྷུན་གྱིས་གྲུབ་པ་ཉིད་དེ། འདི་ནི་ཉོན་མོངས་དང་ཉེ་ཉོན་གྱིས་སྐབས་མི་འབྱེད་པའི་ལས་ཅན་ནོ། །གསོད་འཆིང་སོགས་ཀྱིས་རྣམ་པར་མི་འཚེ་བ་སྙིང་རྗེ་བ་སྟེ་དགེ་བ་བཅུ་གཅིག་གོ། རྩ་བའི་ཉོན་མོངས་པ་དྲུག་ནི། སྲིད་པ་དང་དེའི་ཡོ་བྱད་འདོད་པ་འདོད་ཆགས་ཀུན་ནས་མནར་སེམས་པ་ཁོང་ཁྲོ་བདེན་པ་དང་ལས་འབྲས་མི་ཤེས་པའི་ལོག་འཛིན་གཏི་མུག་དང་། འཇིག་ལྟའི་རྒྱུས་དཔལ་འབྱོར་འཛིན་པས་སེམས་ཁེངས་པའི་ང་རྒྱལ་དང་འཇིག་མཐར་ལོག་གསུམ་མཆོག་འཛིན་གཉིས་བཅས་ལྟ་བ་དང་ལས་འབྲས་སོགས་ལ་ཡིད་གཉིས་ཟ་བ་ཐེ་ཚོམ་མོ། །ཉེ་བའི་ཉོན་མོངས་ནི་འཕྲལ་དུ་གནོད་ ― MR12_Page_0349 ―
[མ་དཔེ་གཟིགས་ན་འདིར་གནོན།]
བྱེད་ལ་ཁོང་ཁྲོ་བ་དང་སྔར་གྱི་ཁོན་དུ་འཛིན་པ་དང་། ཉེས་པ་འཆབ་པ་དང་ཚིག་བརླང་པོས་ཞེར་འདེབས་པ་འཚིག་པ་དང་གཞན་གྱི་ཕུན་ཚོགས་ལ་ཁོང་འཁྲུགས་པ་ཕྲག་དོག་དང་། ཆོས་དང་ཟང་ཟིང་མི་གཏོང་བ་སེར་སྣ་དང་ནི་གཞན་བསླུ་བ་སྒྱུར་བཅས་དང་། རང་གི་ཉེས་པ་འཆབ་པ་གཡོ་དང་བདག་གི་ཕུན་ཚོགས་ཀྱིས་རྒྱགས་པ་དང་སྙིང་རྗེ་མེད་པར་རྣམ་པར་འཚེ་བ་དང་བདག་རྒྱུ་མཚན་དུ་བྱས་ཏེ་སྡིག་ལ་མི་འཛེམ་པ་ངོ་ཚ་མེད་པ་དང་། གཞན་རྒྱུ་མཚན་དུ་བྱས་པའི་ཁྲེལ་མེད་པ་ནང་དུ་རྨུགས་པ་དང་ཕྱིར་རྒོད་པ་དང་། དད་པའི་ལྡོག་ཕྱོགས་མ་དད་པ་དང་བརྩོན་འགྲུས་ཀྱི་མི་མཐུན་ཕྱོགས་ལེ་ལོ་དང་། བག་ཡོད་ཀྱི་ལྡོག་ཕྱོགས་བག་མེད་པ་དང་དྲན་པའི་མི་མཐུན་ཕྱོགས་བརྗེད་ངེས་དང་། སེམས་འཕྲོ་བ་རྣམ་གཡེང་འགྲོ་ལྡོག་སོགས་སྒོ་གསུམ་གྱི་སྤྱོད་ལ་མི་ཤེས་བཞིན་དུ་འཇུག་པ་ཤེས་བཞིན་མ་ཡིན་པ་དང་། ཡིད་ལ་བཅགས་ནས་འགྱོད་པ་དང་ནང་དུ་སྡུད་པའི་གཉིད་ཀྱང་དེ་བཞིན་ཏེ། ཀུན་ཏུ་ཚོར་བའི་ཡིད་ཀྱིས་བརྗོད་པ་རྟོག་པ་རྩིང་བ་དང་ནི་ཞིབ་ཏུ་དཔྱོ༷ད་པ་དང་འདི་གཉིས་སེམས་པ་དང་ཤེས་རབ་ཀྱི་བྱེ་བྲག་གོ། ཉེ་བའི་ཉོན་མོངས་ཉི་ཤུ་དང་གཞན་འགྱུར་གཉིས་ཚན་རྣམ་གཉིས་ཏེ་བཞིའོ། །དེ་དག་ཉོན་མོངས་ཅན་ཡིན་མིན་བཞི་ཡོད་དོ། །རྩ་བའི་རྣམ་ཤེས་ལས་མིག་ཤེས་སོགས་དང་།དེའི་རྗེས་སུ་རྒྱུ་བ་ཡིད་ཤེས་དང་བཅས་པ་ནི་གཅིག་ཁོ་ནའོ། །གཉིས་སམ་མང་པོ་ལྷན་ཅིག་འབྱུང་ངམ་ཞེ་ན་གཅིག་ཏུ་མ་ངེས་ཏེ། དེ་དག་སྐྱེ་བའི་རྐྱེན་ཇི་ལྟར་ཡོད་པའམ་ཚང་བ་ལས་སྐྱེའོ་ཞེས་སྟོན་པ་ནི། མིག་ཤེས་སོགས་ལྔ་པོ་རྣམས་ ― MR12_Page_0350 ―
[མ་དཔེ་གཟིགས་ན་འདིར་གནོན།]
ནི་རྩ་བའི་རྣམ་ཤེས་སམ་ཀུན་གཞིའི་རྣམ་ཤེས་ལས། གང་དུ་གང་སྐྱེ་བའི་ཇི་ལྟའི་རྐྱེན་ལས་རྣམ་ཤེས་ལྔ་པོ་འབྱུང་བ་ནི། རྣམ་ཤེས་ཅིག་ཅར་ལྷན་ཅིག་གམ་མ་ཡིན་པར་རིམ་གྱིས་འབྱུང་བའང་ཡོད་དེ། དཔེར་ན་ཆུ་དང་བས་རྣམས་ཇི་བཞིན་ནོ། །ཇི་སྐད་དུ། བློ་གྲོས་ཡངས་པ་དཔེར་ན་ཆུ་བོའི་རྒྱུན་འབབ་པ་ལ་གལ་ཏེ་རླབས་གཅིག་འབྱུང་བའི་རྐྱེན་ཉེ་བར་གྱུར་ན་རླབས་གཅིག་འབྱུང་ངོ་། །གལ་ཏེ་གཉིས་སམ་གསུམ་མམ། རླབས་མང་པོ་འབྱུང་བའི་རྐྱེན་ཉེ་བར་གནས་པར་གྱུར་ན་ཡང་རླབས་མང་པོ་འབྱུང་སྟེ། ཆུ་བོའི་ཆུ་རྒྱུན་ཡང་ཆད་པར་མི་འགྱུར་ལ། ཡོངས་སུ་ཟད་པར་ཡང་མི་མངོན་པ་དེ་བཞིན་དུ། བློ་གྲོས་ཡངས་པ་ཆུ་བོ་དེའི་གནས་ལྟ་བུ་ཀུན་གཞིའི་རྣམ་པར་ཤེས་པ་ལ་ཀུན་ཏུ་བརྟེན་ཅིང་རབ་ཏུ་གནས་ནས་གལ་ཏེ་མིག་གི་རྣམ་ཤེས་གཅིག་པུ་འབྱུང་བའི་རྐྱེན་ཉེ་བར་གནས་པར་གྱུར་ན་མིག་ནི་རྣམ་ཤེས་གཅིག་པུ་འབྱུང་ངོ་། །གལ་ཏེ་རྣམ་པར་ཤེས་པ་གཉིས་སམ། གསུམ་མམ་ལྔ་འབྱུང་བའི་རྐྱེན་ཉེ་བར་གནས་པར་གྱུར་ན་གཉིས་སམ་གསུམ་མམ་ལྔའི་བར་དུ་འབྱུང་བར་འགྱུར་རོ། །ཞེས་གསུངས་པ་ལྟ་བུའོ། །དེ་བཞིན་དུ། ལེན་པའི་རྣམ་པར་ཤེས་པ་ཟབ་ཅིང་ཕྲ། །ས་བོན་ཐམས་ཅད་ཆུ་བོའི་རྒྱུན་བཞིན་འབབ། །བདག་ཏུ་རྟོག་པར་གྱུར་ན་མི་རུང་ཞེས། །འདི་ནི་བྱིས་པ་རྣམས་ལ་ངས་མ་བསྟན། །ཞེས་གསུངས་སོ། །རྣམ་ཤེས་རྣམས་ཀྱི་དམིགས་རྐྱེན་སོ་སོར་ངེས་པ་ལྟར་དེ་མ་ཐག་པའི་རྐྱེན་ནི་མིན་ཏེ་རྣམ་ཤེས་ཐམས་ཅད་འབྱུང་བ་དེ་རྣམ་ཤེས་ཐམས་ཅད་ཀྱི་དེ་མ་ཐག་རྐྱེན་དུ་རུང་བའི་དམིགས་རྐྱེན་དང་ཕྲད་ན་དེ་མ་ཐག་རྐྱེན་གཅིག་ལས་རྣམ་ཤེས་ ― MR12_Page_0351 ―
[མ་དཔེ་གཟིགས་ན་འདིར་གནོན།]
གཉིས་སམ་མང་པོ་འབྱུང་སྟེ་འགལ་བར་མི་འགྱུར་རོ། །ཡིད་ཀྱི་རྣམ་ཤེས་འབྱུང་བ་ནི། དུས་རྟག་ཏུའོ་མིག་ཤེས་དང་ལྷན་ཅིག་པའམ་དེ་མིན་ཡང་འབྱུང་ངོ་འདུ་ཤེས་མེད་པ་པ་དང་། འདུ་ཤེས་མེད་དང་འགོག་པའི་སྙོམས་པར་འཇུག་པ་རྣམ་པ་གཉིས་དང་། སེམས་མེད་པའི་གཉིད་འཐུག་པོ་དང་བརྒྱལ་བའི་སྐབས་ལྔ་པོ་དེ་མ་གཏོགས་པར་རྒྱུན་དུ་འབྱུང་ངོ་། །ཞེས་སོ། །སེམས་མེད་ལས་སེམས་འགགས་སླར་ཇི་ལྟར་སྐྱེན་ཀུན་གཞིའི་རྣམ་ཤེས་ལས་སྐྱེའོ། །རྣམ་པར་ཤེས་པར་གྱུར་པ་གསུམ་པོ་འདི་ནི། ཇི་སྐད་དུ། ཡང་དག་མ་ཡིན་ཀུན་རྟོག་ནི། །སེམས་དང་སེམས་བྱུང་ཁམས་གསུམ་པ། །ཞེས་པ་བཞིན། རྣམ་རྟོག་མིན་ཏེ་སྒྲོ་བཏགས་པའི་རྣམ་པས་ཁམས་གསུམ་པའི་སེམས་དང་སེམས་བྱུང་ངོ་དེ་ཡིས་གང་ཞིག་སྣོད་དང་བདག་དང་ཕུང་ཁམས་སོགས་སུ་རྣམ་པར་བརྟགས་པ་དེ་དག་དེའི་ངོ་བོར་མེད་པ་དེས་ན་འདི། རྣམ་ཤེས་ནི་རྨི་ལམ་སྒྱུ་མ་དྲི་ཟའི་གྲོང་ཁྱེར་རབ་རིབ་ལ་སོགས་པ་བཞིན་དུ་དམིགས་པའི་དོན་ཐ་དད་དུ་མེད་པར་ཡང་འབྱུང་ངོ་། །དེས་ན་རྣམ་ཤེས་སྔ་མ་འགགས་པ་དེ་དང་རིགས་གཅིག་པའི་རྣམ་ཤེས་ལས་རྣམ་ཤེས་འབྱུང་ངོ་། །ཁམས་གསུམ་དང་འདུས་མ་བྱས་པའི་ཆོས་ཐམས་ཅད་རྣམ་པར་རིག་པ་ཙམ་དུ་གྲུབ་བོ། །རྣམ་ཤེས་གང་ཞིག་ཆོས་ཐམས་ཅད་བསྐྱེད་ནུས་པའི་ས་བོན་ཐམས་ཅད་པ་ཀུན་གཞིའི་རྣམ་ཤེས། མིག་སོགས་ཀྱིས་ཤེས་པའི་རང་ནུས་གསོ་ཕྱིར་འཇུག་པ་དེས་ཀུན་གཞིའི་ནུས་པ་ཁྱད་པར་ཅན་དུ་བྱེད། ཀུན་གཞིའི་རྣམ་ཤེས་ལས་མིག་ཤེས་འབྱུང་བས་ཕན་ཚུན་དག་གི་དབང་གིས་ན། རྣམ་རྟོག་དེ་ལྟ་བུ་དེའི་འོག་ ― MR12_Page_0352 ―
[མ་དཔེ་གཟིགས་ན་འདིར་གནོན།]
མ་དེ་ལྟར་གནས་སྐབས་གཞན་དུ་འགྱུར་བ་འགྲོ། དེས་ན་གཟུགས་སོགས་ཀྱི་རྣམ་རྟོག་དེ་དང་དེ་སྐྱེའོ། །དགེ་མི་དགེ་མི་གཡོ་བའི་སེམས་པ་ལས་ཀྱི་མ་འོངས་པའི་ལུས་མངོན་པར་གྲུབ་པའི་བག་ཆགས་གཟུང་བ་དང་འཛིན་པར་འཛིན་པ་གཉིས་ཀྱི། བག་ཆགས་བཅས་པ་སྐྱེ་བ་སྔ་མ་ཡིས། ཚེ་འདིར་རྣམ་པར་སྨིན་པ་དེ་ཟད་ནས་གཞན། ཀུན་གཞིའི་རྣམ་སྨིན་ཕྱི་མ་བསྐྱེད་པ་དེ་ལྟར་ཡིན་ནོ། །དེ་ཡང་རྣམ་ཤེས་ལས་གཞན་པའི་གཟུང་བ་ཡོད་པར་ལྷག་པར་ཆགས་པ་ནི་གཟུང་བའི་འཛིན་པ། དེ་རྣམ་ཤེས་ཀྱིས་རྟོགས་ཤིང་འཛིན་པར་བྱེད་པ་འཛིན་པའི་འཛིན་པ། སྔོན་བྱུང་བའི་གཟུང་བ་དང་འཛིན་པའི་འཛིན་པས་བརྟགས་པའི་མ་འོངས་པའི་དེའི་རིགས་ཀྱི་གཟུང་བ་དང་འཛིན་པའི་འཛིན་པ་འབྱུང་བའི་ས་བོན་ནི་འཛིན་པ་གཉིས་ཀྱི་བག་ཆགས་སོ། །ལས་ཀྱི་བག་ཆགས་ཀྱིས་བྱེ་བྲག་གིས་འགྲོ་བ་སོ་སོའི་ལུས་མི་འདྲ་བར་སྦྱར་བ་ནི་ས་བོན་ཐ་དད་པ་ལས་མྱུ་གུ་བཞིན་ནོ། །འཛིན་པ་གཉིས་ཀྱི་བག་ཆགས་ལུས་བསྐྱེད་པ་རྣམས་ཀྱི་ལྷན་ཅིག་བྱེད་པར་འགྱུར་ཏེ་མྱུ་གུ་ལ་ཆུ་བཞིན་ནོ། །དེ་ལྟར་ན་ཀུན་གཞིའི་རྣམ་པར་ཤེས་པ་མ་གཏོགས་པར་རྣམ་པར་སྨིན་པ་གཞན་མེད་ལ། མིག་ཤེས་སོགས་ལས་གཞན་དུ་ཀུན་གཞིའི་རྣམ་ཤེས་ཡོད་ཅིང་དེ་ས་བོན་ཐམས་ཅད་པ་ཡིན་ནོ་ཞེས་པ་འདི་གང་གིས་འགྲུབ་ཅེ་ན། ལུང་ནི་སངས་རྒྱས་ཀྱི་བཀའ་ཆོས་མངོན་པ་ལས། ཐོག་མ་མེད་པའི་དུས་ཀྱི་དབྱིངས། །ཆོས་རྣམས་ཀུན་ཀྱི་གནས་ཡིན་ཏེ། །དེ་ཡོད་པས་ན་འགྲོ་ཀུན་དང་། །མྱ་ངན་འདས་པའང་ཐོབ་པ་འགྱུར། །ཞེས་གསུངས། རིགས་པ་ཡང་ཀུན་གཞིའི་རྣམ་ཤེས་མེད་ན་འཁོར་ ― MR12_Page_0353 ―
[མ་དཔེ་གཟིགས་ན་འདིར་གནོན།]
བར་འཇུག་པ་དང་ལྡོག་པའང་མི་རུང་སྟེ། འཇུག་པ་ནི་རིས་མཐུན་པར་ཉིང་མཚམས་སྦྱོར་བ། ལྡོག་པ་ནི་ལྷག་བཅས་ལྷག་མེད་ཀྱི་མྱང་འདས་སོ། །ཀུན་གཞིའི་རྣམ་ཤེས་ལས་གཞན་འདུ་བྱེད་ཀྱི་རྐྱེན་གྱིས་རྣམ་ཤེས་མི་རུང་སྟེ། འདུ་བྱེད་ཀྱི་རྐྱེན་གྱིས་རྣམ་ཤེས་མེད་ན་འཇུག་པར་མི་རུང་ངོ་། །ཀུན་གཞིའི་རྣམ་ཤེས་མེད་ན་ཉིང་མཚམས་སྦྱོར་བའི་རྣམ་ཤེས་སམ། འདུ་བྱེད་ཀྱིས་བསྒོས་པའི་རྣམ་ཤེས་ཚོགས་དྲུག་པོ་དེ་དག་འདུ་བྱེད་ཀྱི་རྐྱེན་ལས་འབྱུང་བར་བསྟན་གྲང་ན། དེར་འདུ་བྱེད་ཉིང་མཚམས་སྦྱོར་བའི་རྣམ་ཤེས་ཀྱི་རྐྱེན་དུ་མི་འདོད་དེ། དེ་འགགས་ནས་ཡུན་རིང་ལོན་པས་སོ། །དེ་བཞིན་དུ་སེམས་མེད་སྙོམས་འཇུག་གི་རྗེས་སུ་སེམས་འབྱུང་མི་སྲིད་དེ་དེའི་དུས་ན་འདུ་བྱེད་ཀྱིས་བགོས་པའི་སེམས་འབྱུང་མི་སྲིད་པའི་ཕྱིར།འཁོར་བར་ལྡོག་པ་ཡང་འཁོར་རྒྱུ་ལས་ཉོན་ཡིན་ཅིང་དེ་ལས་ཀྱང་ཉོན་མོངས་གཙོ་བོ་ཡིན་པས། དེ་སྤོང་ན་འཁོར་བ་ལྡོག་མོད། ཀུན་གཞིའི་ཤེས་པ་མེད་ན་དེ་སྤོང་མི་རུང་སྟེ། ཉོན་མོངས་པ་མངོན་གྱུར་སྤོང་བས་མི་གྲོལ་ལ་ས་བོན་སྤང་དགོས། ས་བོན་དེ་གང་ལ་ན་ཀུན་གཞིའི་རྣམ་ཤེས་ལ་ཡོད་པས་དེ་ཁས་ལེན་དགོས་པར་བློ་བསྟན་གྱིས་གསུངས་སོ། །རྣམ་རིག་ཙམ་ལ་ངོ་བོ་ཉིད་གསུམ་དུ་བཞག་པ། རྣམ་པར་རྟོག་པ་ཕྱི་ནང་གི་དངོས་པོ་མཐུན་པར་སྣང་བ་གང་དང་གང་གིས། བདག་དང་ཆོས་ཀྱི་དངོས་པོ་གང་གང་རྣམ་པར་བརྟགས་པ་དེ་ཉིད་ནི་ཀུན་ཏུ་བརྟགས་པ་ཡི་ངོ་བོ་ཉིད་དེ་དེ་མེད་དོ། །མདོ་ལས་ཀྱང་རབ་འབྱོར་ཇི་ལྟར་བྱིས་པ་སོ་སོའི་སྐྱེ་བོ་རྣམས་མངོན་པར་ཞེན་པ་དེ་བཞིན་དུ་ཆོས་རྣམས་མེད་དོ་ཞེས་གསུངས་སོ། །གཞན་གྱིས་དབང་གི་ངོ་བོ་ཉིད་ནི། སེམས་སེམས་བྱུང་ཁམས་ ― MR12_Page_0354 ―
[མ་དཔེ་གཟིགས་ན་འདིར་གནོན།]
གསུམ་པའི་རྣམ་པར་རྟོག་པ་ཡིན་ཏེ་དེ་ནི་རྒྱུ་རྐྱེན་གཞན་གྱིས་རྐྱེན་ལས་བྱུང་བའི་གཞན་དབང་ངོ་། །མི་འགྱུར་བར་ཡོངས་སུ་གྲུབ་པ་ནི་གཞན་དབང་དེ་ལ་སྔ་མ་སོ་གཟུང་འཛིན་ཏུ་ཀུན་ཏུ་བརྟགས་པ་ལྟར་རྟག་ཏུ་མེད་པར་གྱུར་པ་གང་ཡིན་པའོ། །དེ་ཕྱིར་ཀུན་བརྟགས་དང་བྲལ་བའི་ཡོངས་གྲུབ་དེ་ཉིད་གཞན་དབང་ལས། གཞན་མིན་ཏེ་དེའི་ཆོས་ཉིད་ཡིན་པས་སོ་གཞན་མ་ཡིན་པའང་མིན་ཏེ་ཆོས་དང་ཆོས་ཅན་གྱི་ཁྱད་པར་ཡོད་པས་སོ། །དེ་ཡང་དཔེར་ན་མི་རྟག་པ་སོགས་ཀྱི་སྡུག་བསྔལ་བ་དང་བདག་མེད་པ་ཉིད་མི་རྟག་པ་སོགས་གཞན་དང་གཞན་མིན་མིན་པ་བཞིན་དུ་བརྗོད་དེ། འདུ་བྱེད་རྣམས་ལས་མི་རྟག་པ་གཞན་ན་འདུ་བྱེད་རྣམས་མི་རྟག་པར་མི་གྱུར་རོ། །གཞན་མིན་ན་འདུ་བྱེད་རྣམས་ཞིག་ནས་མེད་པ་ཉིད་དུ་འགྱུར་ཏེ་མི་རྟག་པ་བཞིན་ནོ། །གལ་ཏེ་གཞན་དབང་ལ་གཟུང་བ་དང་འཛིན་པ་མེད་ན་དེ་ཇི་ལྟར་འཛིན། མི་འཛིན་ན་ཡོད་པར་ཇི་ལྟར་ཤེས་ཤེ་ན། འཇིག་རྟེན་འདས་པའི་རྣམ་པར་མི་རྟོག་པའི་ཡེ་ཤེས་ཀྱིས་ཡོངས་སུ་གྲུབ་པའི་ངོ་བོ་དེ་ཉིད་མ་མཐོང་མ་རྟོགས་མངོན་དུ་བྱས་པར་དུ་དེའི་རྗེས་ཐོབ་དག་པ་འཇིག་རྟེན་པའི་ཡེ་ཤེས་ཀྱིས་གཞན་དབང་གི་གནས་ཚུལ་དེ་ཇི་བཞིན་མི་མཐོང་ངོ་། །མི་རྟོག་ཡེ་ཤེས་ཀྱིས་ཡོངས་གྲུབ་ནམ་མཁའ་ལྟ་བུ་མཐོང་བས་མཉམ་བཞག་ནམ་མཁའ་ལྟ་བུའོ། །རྗེས་ཐོབ་ཀྱི་ཡེ་ཤེས་ཀྱིས་ཆོས་ཀུན་སྒྱུ་མ་རྨི་ལམ་སྨིག་རྒྱུ་ལ་སོགས་ལྟ་བུར་མཐོང་ངོ་། །དེ་ལྟ་བུའི་ངོ་བོ་ཉིད་ནི་རྣམ་གསུམ་གྱི། ངོ་བོ་ཉིད་མེད་པ་རྣམ་པ་གསུམ་ལ། དགོངས་ནས་ཆོས་རྣམས་ཐམས་ཅད་ཀྱི། ངོ་བོ་ཉིད་མེད་པ་དང་སྐྱེ་བ་དང་འགག་པ་མེད་པར་བསྟན་པ་ཡིན་ནོ། །གང་ཞེ་ན། དང་པོ་ཀུན་ཏུ་བརྟགས་པ་ནི་རང་གི་མཚན་ཉིད་ཀྱི། ངོ་བོ་ཉིད་མེད་པ་ཞེས་བྱ་སྟེ་དེའི་མཚན་ཉིད་རྟོག་པའི་ཀུན་ཏུ་བརྟགས་པ་ཙམ་ཡིན་པའི་ཕྱིར་དེས་ན་གཟུང་རུང་ ― MR12_Page_0355 ―
[མ་དཔེ་གཟིགས་ན་འདིར་གནོན།]
གཟུགས་ཀྱི་མཚན་ཉིད་སོགས་སུ་གདགས་པ་དེ་དག་གི་ངོ་བོ་མེད་པས་ནམ་མཁའི་མེ་ཏོག་བཞིན་དུ་ངོ་བོ་མེད་པའོ་ཀུན་བརྟགས་དེ་ལས་གཞན་པ་གཞན་དབང་ཡང་། དེ་ནི་རྐྱེན་གཞན་ལས་འབྱུང་ཞིང་རང་ཉིད་ཀྱི་དབང་གིས་མི་འབྱུང་བས། སྐྱེ་བའི་ངོ་བོ་ཉིད་མེད་པ་ཞེས་བྱ་བ་སྔ་མ་ལས་རྣམ་གྲངས་གཞན་ཡིན་ནོ། །རྟོགས་བྱའི་ཆོས་ཀྱི་དོན་གྱི་དམ་པའང་ནམ་མཁའ་ལྟར་རོ་གཅིག་པ་དང་དྲི་མ་མེད་ཅིང་མི་འགྱུར་བས་ཡོངས་གྲུབ་དེ་དེའི་ཕྱིར་དོན་དམ་པའོ། །འདི་ལྟར་ཆོས་ཀུན་ཀྱི་དེ་བཞིན་ཉིད་ཡིན་ལ་དོན་དམ་ཡང་དེ་ཡིན་ལ་དེ་ནི་དོན་དམ་པར་ངོ་བོ་ཉིད་མེད་པའམ་དངོས་པོ་མེད་པའི་ངོ་བོ་ཉིད་དོ། །སོ་སྐྱེ་དང་འཕགས་པ་སློབ་མི་སློབ་ཀྱི་དུས་རྣམས་ཀུན་ནའང་དེ་བཞིན་ཉིད་གཞན་དུ་མི་འགྱུར་བའི་ཕྱིར་རོ། །དེ་ཉིད་ཤིན་ཏུ་རྣམ་པར་དག་པ་ཁོང་དུ་ཆུད་པའི་རྣམ་པར་རིག་པ་ཙམ་ཡོད་དོ། །ཇི་སྲིད་དེ་ལྟ་བུའི་གཉིས་སུ་མེད་པའི་མཚན་ཉིད་རིག་པའི་རྣམ་རིག་ཙམ་ཉིད་ལ། རྣལ་འབྱོར་བའི་རྣམ་པར་ཤེས་པ་མི་གནས་པ་དེ་སྲིད་དུ། གཟུང་བ་འཛིན་པ་དང་འཛིན་པ་འཛིན་པའི་འཛིན་པ་གཉིས་ཀྱི་བག་ལ་ཉལ་ཀུན་གཞི་ལ་གནས་པ། དེ་ཉིད་རྣམ་པར་མི་ལྡོག་གོ། ཅི་དོན་དང་བྲལ་བའི་སེམས་ཙམ་དམིགས་པས་སེམས་ཀྱི་ཆོས་ཉིད་ལ་གནས་སམ་ཞེ་ན་མ་ཡིན་ཏེ་ཞེས་སམ་ཡང་ན་མངོན་པའི་ང་རྒྱལ་ཅན་ཐོས་པ་ཙམ་གྱིས་བདག་རྣམ་པར་རིག་པ་ཙམ་རྣམ་པར་དག་པ་ལ་གནས་སོ་སྙམ་དུ་སེམས་པ་བསལ་བའི་ཕྱིར། ཆོས་སུ་བཏགས་པ་གང་ཅི་ཡང་རུང་བ་འདི་དག་གཟུང་བྱའི་དོན་གཞན་མེད་པར་རྣམ་པར་རིག་པ་ཙམ་ཉིད་ཅེས། དེ་ལྟ་བུ་སྙམ་དུ་ནི་མངོན་རྟགས་སུ་དམིགས་ནས་སུ། དམིགས་པ་གང་ཅི་ཡང་རུང་སྟེ་ཀེང་རུས་དང་སྔོན་པོ་སོགས་བློ་ཡི་མདུན་དུ་འཇོག་ན། དེ་ནི་རྣམ་རིག་ཙམ་ལ་མི་གནས་ཏེ་གཟུང་བའམ་དམིགས་པ་མ་སྤངས་ ― MR12_Page_0356 ―
[མ་དཔེ་གཟིགས་ན་འདིར་གནོན།]
པས་སོ། །ནམ་ཞིག་ཤེས་པའི་འཛིན་པ་སྤངས་ཤིང་རང་གི་སེམས་ཀྱི་ཆོས་ཉིད་ལ་གནས་པ་ཇི་ལྟ་བུ་ཞེ་ན་རྣམ་པར་ཤེས་པས་བསྟན་པའམ་གདམས་ངག་གམ་གཟུགས་སྒྲ་སོགས་ཐ་མལ་པ་རྣམས་དམིགས་ཀྱང་རུང་སྟེ་དམིགས་པ་རྣམས། ཕྱི་དོན་དུ་མི་དམིགས་མི་མཐོང་མི་འཛིན་པ་མངོན་ཞེན་མེད་པའི་དོན་ཇི་ལྟ་བ་མཐོང་བ་དེ་ཡི་ཚེ་ན་ནི། རྣམ་པར་རིག་པ་ཙམ་ལ་གནས་པ་ཡིན་ཏེ། དེ་ལ་གཟུང་བ་མེད་པས་དེ་འཛིན་བྱེད་ཀྱི་ཤེས་པའི་འཛིན་པའང་མེད་དོ། །དེ་ལྟ་བུར་དམིགས་བྱ་དམིགས་བྱེད་ལ་མི་རྟོག་པ་མཉམ་པ་འཇིག་རྟེན་ལས་འདས་པའི་ཡེ་ཤེས་འབྱུང་སྟེ། གཟུང་བ་དང་འཛིན་པར་མངོན་ཞེན་གྱི་བག་ཉལ་སྤོང་ཞིང་རང་གི་སེམས་ཀྱི་ཆོས་ཉིད་ལ་ཡང་གནས་པར་འགྱུར་རོ། །དེ་ལྟ་བུ་ནི་གཟུང་བ་དང་འཛིན་པའི་སེམས་མེད་ལ་གཟུང་འཛིན་གཉིས་སུ་མི་དམིགས་པ་ཡིན་ཞིང་། འཇིག་རྟེན་རྣམས་འདི་ལ་འདྲིས་པ་མེད་པ་དང་ཀུན་ཏུ་འབྱུང་བ་མེད་པ་དང་འདི་རྣམ་པར་མི་རྟོག་པ་དང་འཇིག་རྟེན་ལས་བརྒལ་བའི་ཕྱིར་འཇིག་རྟེན་ལས་འདས་པའི་ཡེ་ཤེས་དེ་ཉིད་དོ། །ས་བོན་ཐམས་ཅད་པའི་ཀུན་གཞིའི་རྣམ་ཤེས་གནས་ཀྱང་གཞན་དུ་གྱུར་པ་སྟེ། གནས་ངན་ལེན་དང་རྣམ་པར་སྨིན་པ་དང་།གཉིས་ཀྱི་བག་ཆགས་ཀྱི་དངོས་པོ་ལོག་ནས་ལས་སུ་རུང་བ་ན་ཆོས་ཀྱི་སྐུ་དང་མི་གཉིས་པའི་ཡེ་ཤེས་ཀྱི་དངོས་པོར་གྱུར་པའོ། །དེ་གང་སྤངས་པས་ཐོབ་ན་གནས་ལས་སུ་མི་རུང་བ་ཉོན་སྒྲིབ་ཀྱི་གནས་ངན་ལེན་དང་ཤེས་སྒྲིབ་ཀྱི་གནས་ངན་ལེན་ཏེ་ཉོན་མོངས་ཤེས་ཀྱི་ས་བོན་གཉིས་སྤངས་པས་སོ། །དེ་ཉིད་ཟག་པ་ཀུན་དང་བྲལ་བས་མེད་པ་དང་འཕགས་པའི་ཆོས་ཀྱི་རྒྱུའི་ཕྱིར་དབྱིངས་ཞེས་བྱ་སྟེ། དེ་ནི་རྟོག་གེའི་ཡུལ་མིན་པར་སོ་སོ་རང་གིས་རིག་པ་དང་དཔེ་མེད་པའི་ཕྱིར་བསམ་གྱིས་མི་ཁྱབ་པ་དང་། རྣམ་པར་དག་པའི་ ― MR12_Page_0357 ―
[མ་དཔེ་གཟིགས་ན་འདིར་གནོན།]
ཆོས་ཀྱི་དམིགས་པའི་བདེ་བ་དང་ཟག་མེད་ཆོས་ཀྱི་རང་བཞིན་ཡིན་པའི་ཕྱིར་དགེ་བ་དང་རྟག་པ་དང་མི་ཟད་པས་བརྟན་པ་དང་། དེ་ནི་རྟག་པའི་གོ་འཕང་བདེ་བ་དང་ཉན་ཐོས་སོགས་ལ་ཡོད་པའི་གནས་ངན་ལེན་སྤངས་པའི་རྣམ་གྲོལ་གྱི་སྐུ་དང་། བྱང་ཆུབ་སེམས་དཔའ་ལ་ཡོད་པའི་གནས་ངན་ལེན་སྤངས་པས་ཐོབ་པ་ནི་སངས་རྒྱས་བཅོམ་ལྡན་འདས་ཐུབ་པ་ཆེན་པོའི་ཆོས་ཉིད་དམ་ཆོས་སྐུ་ཞེས་བྱའོ། །མདོར་ན། ཉོན་སྒྲིབ་སྤངས་པས་ཉན་ཐོས་རྣམས་ཀྱི་རྣམ་གྲོལ་གྱི་སྐུའོ། །གནས་གྱུར་པའི་མཚན་ཉིད་དེ་ནི་ཐུབ་པ་ཆེན་པོའི་ཆོས་ཀྱི་སྐུ་ཞེས་བྱ་སྟེ། ས་དང་ཕ་རོལ་ཕྱིན་པ་བསྒོམས་ནས་སྒྲིབ་གཉིས་སྤངས་པའི་གནས་གྱུར་ཡང་དག་གྲུབ་པའི་ཕྱིར་རོ། །འཁོར་བ་མི་གཏོང་ཞིང་དེས་ཉོན་མོངས་མེད་པ་དང་ཆོས་ཐམས་ཅད་ལ་དབང་འབྱོར་བ་ཐོབ་པའི་ཕྱིར།བྱང་ཆུབ་སེམས་དཔའི་ཆོས་སྐུ་ཞེས་བྱའོ། །སུམ་ཅུ་པའི་ཚིག་ལེའུར་བྱས་པ་སློབ་དཔོན་ཆེན་པོ་དབྱིག་གཉེན་གྱིས་མཛད་པ་རྫོགས་སོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་ཤཱི་ལེནྡྲ་བོ་དྷི་དང་། ཞུ་ཆེན་གྱི་ལོ་ཙཱ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པའོ། །མཆན་འདི་ཐམས་ཅད་མཁྱེན་པ་མི་ཕམ་ཆོས་རྗེའི་ཕྱག་བྲིས་ལས་ལྕགས་སྤྲེལ་ལོར་ཞེ་ཆེན་རི་ཁྲོད་དུ་ཞལ་བཤུས་ཤིང་སློབ་དཔོན་བློ་བསྟན་གྱིས་མཛད་པའི་འགྲེལ་པ་དང་བསྟུན་ཏེ་གཏན་ལ་ཕབ་པའོ། །འདིས་ཀྱང་ཐུབ་པ་ཆེན་པོ་ཡི། །རང་ལུགས་རྣལ་འབྱོར་སྤྱོད་གཞུང་མཆོག །སྲིད་མཐའི་བར་དུ་མི་ཉམས་ཤིང་། །འགྲོ་ཀུན་བྱང་ཆེན་བགྲོད་གྱུར་ཅིག །མངྒ་ལཾ། ། གཞན་སྟོང་ཁས་ལེན་སེང་གེའི་ང་རོ།― MR12_Page_0359 ―
[མ་དཔེ་གཟིགས་ན་འདིར་གནོན།]
གཞན་སྟོང་ཁས་ལེན་སེང་གེའི་ང་རོ་བཞུགས་སོ། ། ― MR12_Page_0360 ―
[མ་དཔེ་གཟིགས་ན་འདིར་གནོན།]
ན་མོ་གུ་རུ་མཉྫུ་ཤྲཱི་ཡེ། རྒྱལ་བ་མི་ཡི་སེང་གེ་ཉི་མའི་གཉེན། །བྱམས་ཆེན་བྱམས་བ་ཐོགས་མེད་བརྒྱུད་པ་དང་། །གངས་ཅན་འཇིགས་མེད་སེང་གེའི་སྒྲ་སྒྲོགས་པ། །དེ་དག་ཀུན་ལ་གུས་པས་ཕྱག་འཚལ་ལོ། །རབ་འབྱམས་སྲས་བཅས་རྒྱལ་བའི་གསང་བའི་མཛོད། །ངེས་དོན་མདོ་རྒྱུད་མན་ངག་སྙིང་པོའི་བཅུད། །འཕགས་བོད་མཁས་གྲུབ་དུ་མའི་དགོངས་ཉམས་ཕུལ། །ཟབ་མོ་དབུ་མའི་ཁས་ལེན་མདོ་ཙམ་བཤད། །དེ་ལ་འདིར་གཞན་སྟོང་སྨྲ་བ་རྣམས་ཀྱིས། རྒྱལ་བའི་བཀའ་ངེས་དོན་འཁོར་ལོ་ཐ་མ་ཕྱིར་མི་ལྡོག་པ་འཇིགས་མེད་རྟག་པའི་ལམ་བསྟན་པ་རྣམས་དང་། རྒྱལ་ཚབ་ས་བཅུའི་དབང་ཕྱུག་གི་གསུང་ཐེག་པ་ཆེན་པོ་རྒྱུད་བླ་མ་དང་། འཕགས་པ་ཐོགས་མེད་སྐུ་མཆེད་ཀྱིས་གསུངས་པའི་ཟབ་དོན་རྣམས་དང་། མགོན་པོ་ཀླུ་སྒྲུབ་ཀྱི་བསྟོད་ཚོགས་སོགས་མདོ་ཡི་ངེས་དོན་གྱི་ལུང་རྣམས་དང་། དཔལ་དུས་ ― MR12_Page_0361 ―
[མ་དཔེ་གཟིགས་ན་འདིར་གནོན།]
ཀྱི་འཁོར་ལོ་སོགས་སྔགས་རྒྱུད་རྣམས་དང་། དེའི་དགོངས་འགྲེལ་གསལ་བྱེད་སེམས་འགྲེལ་སྐོར་གསུམ་སོགས་དགོངས་པའི་གནད་གཅིག་པར། ཟབ་མོ་ངེས་དོན་དབུ་མ་ཆེན་པོའི་གཞུང་འཛུགས་པར་མཛད་པ་འདི་ཤིན་ཏུ་ཟབ་ཅིང་རྒྱ་ཆེ་བའི་དགོངས་གནད་ཅན་ཡིན་ཀྱང་། དེང་སང་ནི་གཞུང་སྨྲ་བའི་ཁུར་འཛིན་པ་ཤེས་མི་ཤེས་ཐམས་ཅད་ཀྱི་ཁ་ཐོ་མཆུ་ཐོ་ཅི་ཕོག་བྱེད་པ་ནི་ཤིན་ཏུ་འཁྲུལ་ཏེ། དེའི་ཚུལ་མདོ་ཙམ་བརྗོད་ན། གཞན་སྟོང་གི་གྲུབ་མཐའ་ངེས་པར་གཏན་ལ་འབེབ་ན། དང་པོ་མགོན་པོ་ཀླུ་སྒྲུབ་ཀྱི་གཞུང་བཞིན་དུ་ཆོས་ཐམས་ཅད་རང་བཞིན་མེད་པར་གཏན་ལ་འབེབས་དགོས་ཏེ། དེ་མ་ཤེས་ན་ཀུན་རྫོབ་རང་ངོ་ནས་སྟོང་ཚུལ་དང་། དོན་དམ་གཞན་གྱིས་སྟོང་ཚུལ་གཏན་ལ་མི་ཕེབ་པས། ཐོག་མར་སྤྲོས་བྲལ་སོ་སོར་རང་གིས་རིག་པར་བྱ་བའི་དོན་གཏན་ལ་དབབ་པར་བྱའོ། །དེ་ཡི་རྗེས་སུ་དོན་དམ་སྤྲོས་པ་དང་བྲལ་བའི་དོན་དེ་ལྟ་བུ་ནི་ཡུལ་ཅན་མི་རྟོག་ ― MR12_Page_0362 ―
[མ་དཔེ་གཟིགས་ན་འདིར་གནོན།]
ཡེ་ཤེས་ཀྱིས་རྟོགས་ནས་གནས་སྣང་མཐུན་པར་གྱུར་པའི་ཡུལ་དང་ཡུལ་ཅན་གཉིས་ཀ་ལ་དོན་དམ་ཞེས་བརྗོད་པ་དང་། གནས་སྣང་མི་མཐུན་པའི་ཡུལ་ཡུལ་ཅན་ལ་ཀུན་རྫོབ་ཅེས་བྱ་སྟེ། ཐ་སྙད་དཔྱོད་པའི་ཚད་མས་དཔྱད་ན་བསླུ་བ་དང་མི་བསླུ་བ། འཁྲུལ་པ་དང་མ་འཁྲུལ་བའི་ཁྱད་ཡོད་པས། གང་མི་བསླུ་ཞིང་མ་འཁྲུལ་བ་དེ་དོན་དམ་དང་། ཅིག་ཤོས་ལ་ཀུན་རྫོབ་ཀྱི་རྣམ་བཞག་བྱེད་དེ། བདེན་གཉིས་འཇོག་ཚུལ་སྟོང་པ་དང་སྣང་བ་ལ་བཞག་པ་ཡོངས་གྲགས་ལྟར་དང་། གནས་སྣང་མཐུན་མི་མཐུན་ལ་བཞག་པ་བཤད་མ་ཐག་པ་ལྟར་གཉིས་པོ་འདི་མདོ་དང་བསྟན་བཅོས་ཆེན་པོ་རྣམས་ལས་གདོད་ནས་བསྟན་གྱི། གཞན་སྟོང་སྨྲ་བས་གསར་དུ་རྣམ་བཞག་བྱས་པ་མ་ཡིན་ཏེ། ཆོས་དང་ཆོས་ཉིད་རྣམ་འབྱེད་ལས་གསུངས་པ་དང་། རྒྱུད་བླ་མར་ཡང་། རྣམ་དབྱེར་བཅས་པའི་མཚན་ཉིད་ཅན། །གློ་བུར་དག་གི་ཁམས་སྟོང་གི། རྣམ་དབྱེར་མེད་པའི་མཚན་ཉིད་ཅན། །བླ་མེད་ཆོས་ཀྱིས་སྟོང་མ་ཡིན། །ཞེས་དང་། དེའི་འགྲེལ་བར། དེ་བཞིན་གཤེགས་པའི་སྙིང་པོ་ནི། རྣམ་པར་དབྱེ་བ་ཡོད་པ། བྲལ་ཤེས་པ།ཉོན་མོངས་པའི་སྦུབས་ཐམས་ཅད་ཀྱིས་སྟོང་པ་ཡིན་ལ། རྣམ་པར་དབྱེ་བ་མེད་པ། བྲལ་མི་ཤེས་པ་བསམ་གྱིས་མི་ཁྱབ་པའི་སངས་རྒྱས་ཀྱི་ཆོས་གངྒཱའི་ཀླུང་གི་བྱེད་མ་ལས་འདས་པ་ནི་མི་སྟོང་ངོ་། །ཞེས་གསུངས་པ་དང་། ཤིང་རྟ་ཆེན་པོ་འཕགས་པ་ཀླུ་སྒྲུབ་ཀྱིས། ཇི་ལྟར་མེ་ཡིས་དག་པའི་གོས། །སྣ་ཚོགས་དྲི་མས་དྲི་མ་ཅན། །ཇི་ལྟར་མེ་ཡི་ནང་བཅུག་ན། །དྲི་མ་ཚིག་འགྱུར་གོས་མིན་ལྟར། །དེ་བཞིན་འོད་གསལ་བ་ཡི་སེམས། །འདོད་ཆགས་ལ་སོགས་དྲི་མ་ཅན། །ཡེ་ ― MR12_Page_0363 ―
[མ་དཔེ་གཟིགས་ན་འདིར་གནོན།]
ཤེས་མེ་ཡིས་དྲི་མ་བསྲེགས། །དེ་ཉིད་འོད་གསལ་མ་ཡིན་ནོ། །སྟོང་པ་ཉིད་ནི་སྟོན་པའི་མདོ། །རྒྱལ་བས་ཇི་སྙེད་གསུངས་པ་གང་། །དེ་དག་ཀུན་གྱིས་ཉོན་མོངས་ལྡོག །ཁམས་དེ་ཉམས་པར་བྱེད་མ་ཡིན། །ཞེས་དང་། ཆོས་ཀྱི་རྒྱལ་པོ་རིགས་ལྡན་འཇམ་དཔལ་གྲགས་པས། ཕུང་པོ་རྣམ་དཔྱད་སྟོང་པ་ཉིད། །ཆུ་ཤིང་བཞིན་དུ་སྙིང་པོ་མེད། །རྣམ་པ་ཀུན་གྱི་མཆོག་ལྡན་པའི། །སྟོང་ཉིད་དེ་དང་འདྲ་མ་ཡིན། །ཞེས་གསུངས། དེ་ལྟ་ན་དོན་དམ་རང་ངོས་ནས་མི་སྟོང་ཞེས་ཟེར་བ་འདི་རྣམ་པ་ཀུན་ཏུ་བདེན་གཉིས་ཕྱི་མའི་འཇོག་ཚུལ་ལྟར་བྱས་ཏེ། བདེན་པ་གཉིས་པོ་གཅིག་བཀག་པའི་ཐ་དད་དུ་ཁས་ལེན་པ་ལ་གོ་དགོས་ཀྱི། སྣང་སྟོང་གི་བདེན་གཉིས་ངོ་བོ་གཅིག་ལ་ལྡོག་པ་ཐ་དད་ཀྱི་འཇོག་ཚུལ་ལྟར་གོ་བ་དེ་གཏན་མིན་ནོ། །དེ་ལྟ་ན་གནས་སྣང་མི་མཐུན་པ་འཁྲུལ་བའི་སྣང་བ་རྣམས་ནི། འཁྲུལ་ངོར་སྣང་དུ་ཟིན་ཀྱང་། དོན་ལ་དེ་ལྟར་མ་གྲུབ་པའི་ཕྱིར་ཀུན་རྫོབ་ཅེས་བྱ་ལ། ཅིག་ཤོས་ནི་མ་འཁྲུལ་བའི་གཟིགས་ངོར་སྣང་བ་ལྟར་གྲུབ་པ་ལ་ཚད་མས་གནོད་པ་མེད་པའི་ཕྱིར་དོན་དམ་དུ་ཡོད་པ་དང་བདེན་པར་གྲུབ་པ་ཞེས་བྱའོ། །འདི་སྟོང་པ་ལས་ཐ་དད་དུ་གྱུར་པའི་སྣང་བ་བདེན་གྲུབ་ཡིན་མི་དགོས་ཏེ། དང་པོ་ནས་ཆོས་ཀྱི་དབྱིངས་སྣང་སྟོང་ཟུང་འཇུག་རྣམ་ཀུན་མཆོག་ལྡན་གྱི་སྟོང་ཉིད་དུ་གྲུབ་ཟིན་ནས། དེ་ལྟ་བུ་གནས་ལུགས་དོན་དམ་བདེན་པར་ཁས་བླངས་ཟིན་པའི་ཕྱིར་རོ། །དེས་ན་དེ་འདྲའི་དོན་དམ་དེ་རང་ངོས་ནས་མི་སྟོང་སྟེ། ཐ་སྙད་དུ་དཔེར་བྱ་ན་ཐག་ཁྲ་ལྟ་བུ་དོན་དམ་བདེན་པ། སྦྲུལ་ ― MR12_Page_0364 ―
[མ་དཔེ་གཟིགས་ན་འདིར་གནོན།]
ལྟ་བུ་ཀུན་རྫོབ་བདེན་པར་བཞག་དགོས་ཏེ། གཅིག་ཐ་སྙད་དུ་གྲུབ་པ་དང་། གཅིག་མ་གྲུབ་པའི་ཁྱད་ཕྱེད་དགོས་ཀྱི་གཉིས་ཀ་འཁྲུལ་བ་དང་། གཉིས་ཀ་བདེན་པ་ཡིན་མི་སྲིད་པ་བཞིན་ནོ། །དེས་ན་དོན་དམ་རང་གི་ངོ་བོས་མི་སྟོང་སྟེ་དོན་དམ་མ་འཁྲུལ་བའི་ཡུལ་ཡུལ་ཅན་གཉིས་ཀ་ཡོད་པའི་ཕྱིར་དང་། ཡོད་པ་དེ་ལ་དེ་ལྟར་མ་ཡིན་པའི་ཚད་མས་གནོད་པ་མི་སྲིད་པ་དང་། སྟོང་ཉིད་བསྒྲུབ་པའི་རིགས་པ་སྔོན་དུ་བཏང་བས་གྲུབ་དོན་ཡིན་པ་དང་། ཐ་སྙད་བདེན་པ་དཔྱོད་པའི་ཚང་མ་ཡང་དག་པས་གྲུབ་པ་ལ། ལྷ་དང་བཅས་པའི་འཇིག་རྟེན་སུས་ཀྱང་ཆོས་བཞིན་རྒོལ་མི་ནུས་སོ། །དེ་ལྟར་ན་དོན་དམ་རང་ངོས་ནས་བདེན་པ་དང་མི་བསླུ་བ་ཡིན་པའི་ཕྱིར། དེ་ལྟར་ཡིན་པའི་ཆོས་ཀྱིས་ནམ་ཡང་མི་སྟོང་སྟེ། སྟོང་ན་མི་བདེན་པ་དང་འཁྲུལ་བར་འཇོག་པའི་ཚད་མ་ཡོད་དགོས་ན་དེ་མི་སྲིད་པའི་ཕྱིར་རོ། །གལ་ཏེ་སྲིད་ན་ཞི་བ་མྱ་ངན་འདས་པ་ནི་ཡིད་བརྟན་གྱི་གནས་མ་ཡིན་པར་འགྱུར་དགོས་ན་དེ་ལྟ་བུ་ཁས་ལེན་པ་ནི་བདུད་དང་མུ་སྟེགས་པ་ཚད་མ་དང་མི་ལྡན་པའི་སྨྲ་བ་ཅན་རྣམས་ལས་བསྟན་པ་འདི་ལ་གུས་པ་དག་གིས་སྨྲ་བ་མ་ཡིན་ནོ། །གནས་ལུགས་དོན་དམ་དེ་ལྟར་ཡེ་ནས་ཡིན་ཀྱང་། དེ་ལྟར་མ་རྟོགས་པའི་འཁྲུལ་སྣང་གང་ཞིག་མི་བདེན་པ་དང་འཁྲུལ་བ་ཉིད་དུ་བསྒྲུབ་པའི་ཚད་མ་ཡོད་པ་ཅན་ནི་སྐབས་འདིར་ཀུན་རྫོབ་ཅེས་བྱ་སྟེ་སྒྲིབ་པའི་དོན་ཅན་གྱི་མིང་གི་དོན་དང་མཐུན་པའོ། །དེས་ན་དོན་དམ་ཀུན་རྫོབ་དེས་སྟོང་སྟེ། ཀུན་རྫོབ་ཀྱི་མིང་ཅན་འཁྲུལ་སྣང་གིས་བསྡུས་པའི་ཡུལ་དང་ཡུལ་ཅན་དེ་དག་རང་གི་ངོ་བོས་སྟོང་སྟེ། དཔེར་ན་ཐག་པ་ལ་སྦྲུལ་གྱིས་སྟོང་པ་ ― MR12_Page_0365 ―
[མ་དཔེ་གཟིགས་ན་འདིར་གནོན།]
བཞིན་ནོ། །དེ་ལྟར་ཤིན་ཏུ་ཡང་ཁས་བླངས་དགོས་ཏེ། གཞན་སྟོང་དགག་པ་སྐད་བྱེད་པའི་གྲུབ་མཐའ་གཞན་མའི་ལུགས་ལྟར་ན། བདེན་མེད་ནི་དོན་དམ་དཔྱོད་པས་བསྒྲུབ་བྱ་ཡིན་གྱི་དགག་བྱར་ཁས་ལེན་མི་རུང་བ་ལྟར།སྤྲོས་བྲལ་ནི་མཐར་ཐུག་དཔྱོད་པའི་རིགས་པས་བསྒྲུབ་བྱ་ཡིན་གྱི་དགག་བྱ་མ་ཡིན་པའི། བདེན་མེད་དང་སྤྲོས་པ་མེད་པའི་ཁས་ལེན་མེད་ན་རང་ལུགས་ཀྱི་གྲུབ་མཐའ་འདི་ཡིན་ཞེས་ཅུང་ཟད་ཀྱང་སྒྲུབ་ཏུ་མེད་པར་འགྱུར་བ་ལྟར། དོན་དམ་པ་ཡང་ཀུན་རྫོབ་དང་འདྲ་བར་རང་སྟོང་ཡིན་ན་དོན་དམ་མ་འཁྲུལ་བ་དང་གནས་ལུགས་སུ་གྲུབ་པ་དང་། ཀུན་རྫོབ་འཁྲུལ་བ་དང་དེའི་ངོ་བོར་མ་གྲུབ་པར་བཞག་མི་ཤེས་ཏེ། འདིའི་སྐབས་ཀྱི་སྟོང་ཞེས་པ་སྟོང་གཞི་གང་ལ་ཆོས་གང་གིས་སྟོང་དཔྱད་པའི་སྐབས་ཡིན་པའི་ཕྱིར་རོ། །གལ་ཏེ་དོན་དམ་རང་ངོ་ནས་སྟོང་ན་འཁྲུལ་སྣང་དང་མ་འཁྲུལ་བའི་སྣང་བ་ལ་བདེན་རྫུན་དཔྱོད་པའི་ཚད་མས་ཁེགས་མ་ཁེགས་ཀྱི་ཁྱད་པར་མེད་པས། ཐག་པ་དང་སྦྲུལ་གཉིས་ཀ་ཡོད་མཉམ་མེད་མཉམ་དུ་འགྱུར་བ་བཞིན་ནོ། །ཀུན་རྫོབ་ཀྱིས་སྟོང་པ་དེས་སྟོང་གོ་ངེས་པར་ཆོད་དེ། བདེན་གྲུབ་དེ་མ་གྲུབ་པས་བདེན་འཛིན་དེ་འཁྲུལ་ཤེས་ཡིན་པས་བསླུ་ཞིང་འཁོར་བར་འཁྱམས་པ་ཡིན་པས། དེ་འདྲའི་འཁྲུལ་བའི་ཡུལ་ཡུལ་ཅན་གཉིས་ཀ་སྐབས་འདིའི་ཀུན་རྫོབ་ཡིན་པས་དེས་སྟོང་པར་གྱུར་པས་སྟོང་གོ་མ་ཆོད་ན་བདེན་གྲུབ་མེད་པས་ཀྱང་སྟོང་གོ་མི་ཆོད་པ་དང་། བདེན་འཛིན་ཁེགས་པས་སྟོང་ཉིད་བསྒོམ་པའི་གོ་མི་ཆོད་པར་འགྱུར་རོ། །དེ་བཞིན་དུ་སྤྲོས་པའི་ཡུལ་ ― MR12_Page_0366 ―
[མ་དཔེ་གཟིགས་ན་འདིར་གནོན།]
ཡུལ་ཅན་ཁེགས་པའི་དབང་གིས་གཟུང་འཛིན་མེད་པའི་སྟོང་ཉིད་ཀྱང་ལུགས་འདི་ལ་ཡོངས་སུ་རྫོགས་པ་ཡིན་ཏེ། གཟུང་འཛིན་གཉིས་སྣང་གི་སྤྲོས་པ་ཐམས་ཅད་འཁྲུལ་བའི་ཡུལ་དང་ཡུལ་ཅན་གྱིས་བསྡུས་པ་ཡིན་པས་སྐབས་འདིའི་ཀུན་རྫོབ་ཏུ་བཞག་པ་དེས། དོན་དམ་པ་སྟོང་པས་སྟོང་གོ་མ་ཆོད་ན། སྤྲོས་བྲལ་གྱིས་སྟོང་གོ་མི་ཆོད་པ་དང་། སྤྲོས་བྲལ་བསྒོམ་པའི་བློ་དེས་སྟོང་ཉིད་བསྒོམ་པའི་གོ་མི་ཆོད་པར་འགྱུར་རོ། །འོ་ན་དོན་དམ་དེ་བདེན་མེད་དང་སྤྲོས་བྲལ་མ་ཡིན་ནམ་ཞེ་ན། དེ་བདེན་མེད་དང་སྤྲོས་བྲལ་མ་ཡིན་པ་ཞིག་དོན་དམ་ཀྱང་ག་ལ་ཡིན་ཏེ་སྐབས་འདིའི་ཀུན་རྫོབ་བཞིན་ནོ། །འོ་ན་དོན་དམ་བདེན་མེད་དང་སྟོང་པ་ཡིན་ན། བདེན་གྲུབ་དང་རང་ངོས་མི་སྟོང་ཞེས་ཅེས་སྨྲ་སྙམ་ན། སྐབས་འདིའི་བདེན་གྲུབ་དང་མི་སྟོང་བ་ནི་ཐ་སྙད་དཔྱོད་པའི་ཚད་མའི་ངོར་གྲུབ་པ་དང་ཡོད་པ་ལ་བརྗོད་པའི་དོན་ཁྱེད་ཅག་གིས་གཏན་མ་གོ་བར་རྒོལ་བ་ཙམ་དུ་ཟད་དོ། །འོ་ན་བདེན་གྲུབ་ཀྱང་ཡིན་ལ་བདེན་གྲུབ་མེད་པའང་ཡིན། སྟོང་ཉིད་ཀྱང་ཡིན་ལ་མི་སྟོང་བའང་ཡིན་པར་ཁས་ལེན་ནམ་ཞེ་ན། དེ་ག་ལ་ཡིན་ཏེ་ཁྱོད་སྣང་བ་ལ་ཀུན་རྫོབ་དང་། སྟོང་པ་ལ་དོན་དམ་དུ་བཞག་པའི་ཡ་གྱལ་གྱི། དོན་དམ་དཔྱོད་པའི་ཚེ་ན་བདེན་མེད་དང་སྤྲོས་བྲལ་དགག་མི་རུང་བར་འདོད་པ་ལྟར། ངེད་འཁྲུལ་བ་ཀུན་རྫོབ་དང་མ་འཁྲུལ་བ་དོན་དམ་དུ་འདོད་པའི་ལུགས་ལའང་མ་འཁྲུལ་བའི་དོན་དམ་དང་། དེ་མ་འཁྲུལ་བའི་བདེན་པར་གྲུབ་པ་དགག་མི་རུང་བར་འདོད་པ་འདྲ་བའི་ཕྱིར་རོ། །དེའི་ཕྱིར་ཤིང་རྟ་ཆེན་པོ་ཐོགས་མེད་ཀྱི་ཞལ་ནས། གང་ལ་གང་མེད་པ་དེ་ནི་ ― MR12_Page_0367 ―
[མ་དཔེ་གཟིགས་ན་འདིར་གནོན།]
དེས་སྟོང་ངོ་། །འདི་ལ་ལྷག་མར་གྱུར་པ་གང་ཡིན་པ་དེ་ནི་ཡོད་དོ། །ཞེས་གསུངས་པ་ལྟར་རྣམ་པ་ཀུན་ཏུ་དགག་སྒྲུབ་ཀྱི་གཞུང་འཛུགས་པའི་ཚེ་རིགས་པས་མ་གྲུབ་པ་བཀག་དགོས་ཀྱང་། རིགས་པས་གྲུབ་པའི་དོན་མི་དགག་པར་ཁས་ལེན་དགོས་ཀྱི་ཐམས་ཅད་མཚུངས་པར་བཀག་ན་རྗོད་བྱེད་ཆོས་དང་བརྗོད་བྱའི་དོན་ཡང་དག་ཡིན་པ་དང་མིན་པའི་ཁྱད་པར་སྒྲུབ་བྱེད་ཀྱི་ཚད་མ་ལོག་པའི་ཕྱིར་ངེས་ཤེས་གང་ཡང་སྐྱེ་བར་མི་རུང་ངོ་། །འོ་ན་དགག་སྒྲུབ་ལས་འདས་པའི་ཆོས་དབྱིངས་སོ་སོ་རང་རིག་པའི་ཡུལ་ཁས་མི་ལེན་ནམ་སྙམ་ན། ཅིའི་ཕྱིར་ཞེས་ཁོ་རང་ལ་འདྲི་བར་བྱའོ། །ཁྱོད་མཐའ་གཅིག་ཏུ་དགག་བྱ་འགོག་པ་དང་། བསྒྲུབ་བྱ་སྒྲུབ་པའི་ཁས་ལེན་དང་བཅས་པའི་གཞུང་བཙུགས་ནས་ཐམས་ཅད་དགག་པར་མི་འདོད་པའི་དམིགས་པ་ཅན་གྱི་ས་ལ་གནས་པའི་ཕྱིར་ཞེ་ན། སོ་སོ་རང་རིག་པའི་ཡུལ་གྱི་ཆོས་དབྱིངས་དགག་སྒྲུབ་ལས་འདས་པའི་ཕྱིར། འདི་ལྟ་བུ་ལ་བདག་ཅག་གིས་དོན་དམ་དུ་འདོད་པ་ཡིན་ལ། དེ་འདྲའི་དོན་དམ་གྲུབ་ཟིན་དེ་ཉིད་དོན་དམ་དུ་གྲུབ་པ་ཡིན་པར་ཐ་སྙད་ཀྱིས་བསྒྲུབ་པའི་སྐབས་འདིར་དགག་སྒྲུབ་ཅན་དུ་བྱས་པ་འདི་གཉིས་འགལ་མེད་ཡིན་ཏེ། གལ་ཏེ་དོན་དམ་ཐ་སྙད་དུ་རང་ངོས་མི་སྟོང་པར་སྒྲུབ་པའི་ཁས་ལེན་འདི་མེད་ན། དགག་སྒྲུབ་བྲལ་བའི་དོན་དམ་ཀྱང་མེད་པར་འགྱུར་རོ། །དེའི་ཕྱིར་ཐ་སྙད་དུ་རང་བཞིན་མེད་པའི་ཁས་ལེན་ལོག་ན་རང་བཞིན་ཡོད་པ་ཉིད་དུ་གྲུབ་པར་འགྱུར་བ་ལྟར། དོན་དམ་རང་ངོས་ནས་སྟོང་སྟེ་དེ་ལྟར་མ་གྲུབ་པར་གྱུར་ན། དོན་དམ་དེ་དོན་དམ་མ་ཡིན་པར་ ― MR12_Page_0368 ―
[མ་དཔེ་གཟིགས་ན་འདིར་གནོན།]
ཀུན་རྫོབ་ཏུ་འགྱུར་རོ། །གལ་ཏེ་དེ་ལྟར་དོན་དམ་རང་གི་ངོས་ནས་བདེན་གྲུབ་དང་སྤྲོས་པ་ཐམས་ཅད་མེད་པར་གྲུབ་ཟིན་དེས་སྟོང་ཉིད་ཀྱི་གོ་མ་ཆོད་པར་དོན་དམ་རང་ངོས་མི་སྟོང་ཞེས་པའི་ཐ་སྙད་ཀྱི་འཇོག་མཚམས་ཀྱི་ཚིག་ཙམ་དེས་སྟོང་ཉིད་དངོས་པོར་ཞེན་པའི་གསོར་མི་རུང་བའི་ལྟ་བར་གྱུར་པ་དང་། སྲིད་ཞི་མཉམ་ཉིད་མིན་པར་དོན་དམ་རྐྱང་པ་རྟག་པ་ཐེར་ཟུག་ཏུ་གྱུར་པ་སོགས་ཀྱི་སྐྱོན་དུ་འགྱུར་སྙམ་པ་ནི་གྲུབ་མཐའ་ཆེན་པོ་འདིའི་ཕྱོགས་མགོ་ཙམ་ཡང་མ་གོ་བ་སྟེ། སྟོང་ཉིད་བདེན་མེད་སྤྲོས་བྲལ་དུ་ཁས་བླང་བཞིན་དེ་ལ་བདེན་གྲུབ་དང་སྤྲོས་པ་ཇི་ལྟར་ཡོད། དོན་དམ་དོན་དམ་དུ་གྲུབ་པར་བརྗོད་ཙམ་དེ་ཀུན་རྫོབ་མིན་པར་བསྟན་པའི་སྒོ་ནས་སྟོང་མི་སྟོང་གི་ཐ་སྙད་བྱེད་པ་དེ་སྐབས་འདིའི་བསྒྲུབ་བྱ་ཡིན་པས་ཐ་སྙད་དུ་དེ་ལྟར་ཁས་བླངས་པས་སྟོང་ཉིད་དངོས་པོར་དམིགས་པའི་ལྟ་བ་ཅན་དུ་འགྱུར་ན། བདེན་མེད་ཁས་བླངས་པས་སྟོང་ཉིད་དངོས་པོར་མེད་པའི་མཚན་མར་ཞེན་པའི་གསོར་མི་རུང་བའི་ལྟ་བར་འགྱུར་བ་དང་། སྤྲོས་བྲལ་ཁས་བླངས་པས་སྟོང་ཉིད་ནི་བརྗོད་དུ་མེད་པའི་དངོས་པོར་དམིགས་པའི་གསོར་མི་རུང་བའི་ལྟ་བར་འགྱུར་བ་མཚུངས་སོ། །མདོར་ན་སྐབས་འདིའི་དོན་དམ་དང་ཀུན་རྫོབ་ཀྱི་གདགས་གཞི་ནི། འཁྲུལ་བ་མེད་པ་དང་འཁྲུལ་བའི་ཡུལ་ཡུལ་ཅན་སོ་སོ་ལ་འཛིན་ཅིང་། མ་འཁྲུལ་བའི་དོན་དམ་དེ་བློ་མ་འཁྲུལ་བའི་ཡུལ་དུ་ཡོད་པ་དང་བདེན་པ་དང་དེ་ཉིད་ཀུན་རྫོབ་འཁྲུལ་པའི་ཕྱོགས་ཀྱིས་སྟོང་པར་ཁས་ལེན་ལ། ཐ་སྙད་དུ་རང་ངོས་ནི་མི་སྟོང་སྟེ་འཕགས་པའི་གཟིགས་ངོར་ཡོད་པར་འདོད་དོ། །དོན་དམ་རང་ངོས་ནས་སྟོང་ན་དེ་ཀུན་རྫོབ་ཀྱི་སྟོང་ ― MR12_Page_0369 ―
[མ་དཔེ་གཟིགས་ན་འདིར་གནོན།]
གཞིར་བཞག་ཏུ་མེད་པར་འགྱུར་ལ། དེ་ལྟ་ན་འཕགས་པའི་མཉམ་བཞག་གི་ཡུལ་དུ་ཆོས་གང་ཡོད་པ་དང་མེད་པའི་ཁྱད་པར་བཞག་མི་ཤེས་པས། དོན་དམ་དོན་དམ་མིན་པ་དང་། ཀུན་རྫོབ་ཀུན་རྫོབ་མིན་པར་དོན་དམ་དང་མགོ་མཉམ་པར་འགྱུར་རོ། །དེས་ན་རྣམ་པ་ཀུན་ཏུ་ཁས་ལེན་འདི་ལྟར་མ་བྱས་ན་མི་རུང་ཞིང་། དེ་ལ་སྐྱོན་ཅི་བརྗོད་པ་ཐམས་ཅད་སྟོང་ཉིད་བདེན་མེད་སྤྲོས་བྲལ་དུ་སྨྲ་བ་རྣམས་ལ་ཇི་སྲིད་མཚུངས་པར་སྐྱོན་འབབ་བོ། །འཁོར་འདས་གཉིས་ཡོད་པ་དང་མེད་པའི་སྒོ་ནས་ཐ་དད་དུ་སོང་བའི་སྲིད་ཞི་མཉམ་ཉིད་མེད་པ་མ་ཡིན་ཏེ། འཁྲུལ་བའི་འཁོར་བ་དང་མ་འཁྲུལ་བའི་མྱང་འདས་གཉིས་ཀ་ཡིན་པ་ཐ་སྙད་དུ་ནམ་ཡང་མི་སྲིད་ལ། འཁོར་བར་སྣང་ཡང་དེ་ལྟར་མ་གྲུབ་པར།འཁོར་བའི་རང་བཞིན་གདོད་ནས་དག་པའི་དོན་དམ་མྱང་འདས་ཆེན་པོར་གནས་པ་ཉིད་སྐབས་འདིའི་བསྒྲུབ་བྱ་ཡིན་པས་དེ་ལ་སྲིད་ཞི་མཉམ་ཉིད་ཅེས་བརྗོད་ཀྱི། སུའི་ལུགས་ལའང་ཆོས་ཐམས་ཅད་དོན་དམ་པའི་དབྱིངས་ཉིད་དུ་ཡེ་ནས་གནས་པ་ལ་སྲིད་ཞི་མཉམ་ཉིད་ཞེས་བརྗོད་ཀྱི། འཁོར་བ་མྱང་འདས་ཀྱི་གཞི་མཐུན་ཁས་ལེན་པ་མེད་དོ། །གཞན་ཡང་དོན་དམ་པ་དོན་དམ་པས་མི་སྟོང་སྟེ་དོན་དམ་པ་དོན་དམ་པ་རང་གིས་སྟོང་ན་དོན་དམ་དེ་དོན་དམ་མིན་པར་ཀུན་རྫོབ་འཁྲུལ་བའི་སྣང་བར་ཐལ་ལོ། །དེ་ལྟར་སྨྲས་པ་ལ་ཤིན་ཏུ་བརྒོལ་བར་འདོད་པ་རྣམས་ཉོན་ཅིག །ཁྱེད་ཅག་གིས་བུམ་པ་བུམ་པས་མི་སྟོང་བུམ་པ་བདེན་གྲུབ་ཀྱིས་སྟོང་ངོ་ཞེས་མ་སྨྲས་སམ། དེ་ལྟར་ན་ཐ་སྙད་དུ་ཡོད་པའི་ཆོས་ཐམས་ཅད་རང་སྟོང་མིན་པར་གཞན་བདེན་ ― MR12_Page_0370 ―
[མ་དཔེ་གཟིགས་ན་འདིར་གནོན།]
གྲུབ་ཀྱིས་སྟོང་པར་ཁས་ལེན་རིགས་ན། དོན་དམ་དོན་དམ་གྱིས་མི་སྟོང་པར་ཁས་བླང་བ་འཐད་པ་དང་བཅས་པར་ཁྱེད་ཅག་གིས་ཁས་བླངས་སོ། །དོན་དམ་དོན་དམ་གྱིས་མ་སྟོང་ན་བདེན་གྲུབ་ཀྱིས་མི་སྟོང་བར་འགྱུར་རོ་ཞེ་ན། བུམ་པ་སོགས་ལའང་མཚུངས་སོ། །དེས་ན་ངེད་ཀྱི་དོན་དམ་དོན་དམ་གྱིས་མི་སྟོང་ཀྱང་ཀུན་རྫོབ་ཀྱིས་སྟོང་པའི་ཕྱིར་འཁྲུལ་སྣང་རྫུན་པ་བདེན་པ་གྲུབ་པ་ལྟ་ཅི་སྨོས་ཀྱི་ཀུན་རྫོབ་གཉིས་སྣང་ཐམས་ཅད་ཀྱིས་སྟོང་པར་ཁས་བླངས་པས་སྟོང་གོ་མ་ཆོད་ན། ཀུན་རྫོབ་གཉིས་སྣང་ཐམས་ཅད་ཀྱིས་མ་སྟོང་པར་བདེན་གྲུབ་ཡན་གར་བ་ཀུན་བཏགས་ཀྱི་སྤྱོད་ཡུལ་ཁེགས་པས་སྟོང་གོ་ཇི་ལྟར་ཆོད། བདེན་གྲུབ་ཁེགས་ཀྱང་བདེན་མེད་མི་ཁེགས་མི་འགོག་བཀག་མི་རུང་བར་འདོད་པ་ལྟར། ཀུན་རྫོབ་འཁྲུལ་པ་རྣམས་ཁེགས་ཀྱང་དོན་དམ་མ་འཁྲུལ་བ་མི་ཁེགས་མི་འགོག་བཀག་མི་རུང་བར་མཚུངས་སོ། །མདོར་ན་ཁྱོད་ཀྱིས་བདེན་མེད་སྒྲུབ་པའི་རིགས་པས་ཀུན་རྫོབ་མ་བཀག་པས་སྟོང་གཞི་ཀུན་རྫོབ་ཏུ་སོང་བས་དོན་དམ་པ་ཀུན་རྫོབ་ཀྱིས་མ་སྟོང་བར་ཁས་བླང་། བདག་ཅག་གིས་སྟོང་གཞི་དོན་དམ་ཀུན་རྫོབ་ཀྱིས་སྟོང་པར་ཁས་བླང་བས། སྟོང་གཞི་བདེན་མེད་མེད་དགག་ལ་བདེན་གྲུབ་ཀྱིས་སྟོང་པའི་སྟོང་པ་ཕྱང་ཆད་དང་། རང་ངོས་ནས་མ་སྟོང་པའི་ཀུན་རྫོབ་ཀྱི་སྣང་བ་ཕྱང་ཆད་བདེན་གྲུབ་ཡན་གར་བས་སྟོང་པའི། སྟོང་གཞི་སྣང་སྟོང་གཉིས་ཟུང་དུ་ནམ་ཡང་འདྲེ་བ་མེད་པར་གནས་པ་སྲིད་ཞི་མཉམ་ཉིད་བདེན་པ་གཉིས་ཀྱི་ངོས་ནས་ནམ་ཡང་མི་སྲིད་དོ། །དེས་ན་དེ་འདྲ་བ་སྤྲོས་ལ་གནད་དུ་ཁེལ་བར་གྱིས་ཤིག །ངེད་ཀྱི་ལུགས་ལ་ཡུལ་སྟོང་པ་ཉིད་དང་། ཡུལ་ ― MR12_Page_0371 ―
[མ་དཔེ་གཟིགས་ན་འདིར་གནོན།]
ཅན་ཡེ་ཤེས་གཉིས་ཀ་དོན་དམ་ཡིན་ཅིང་། དེ་གཉིས་ཡང་དག་པའི་དོན་དུ་སྣང་སྟོང་བདེན་གཉིས་ཐ་དད་མེད་པས་དོན་དམ་པའི་ཆོས་ཀྱི་དབྱིངས་ནི་སྟོང་པ་ཕྱང་ཆད་མ་ཡིན་ཏེ། རྣམ་དབྱེར་མེད་པའི་སྐུ་དང་ཡེ་ཤེས་ཀྱིས་མི་སྟོང་པར་ཡེ་ནས་ལྷུན་གྱིས་གྲུབ་པའི་ངོ་བོ་ཉིད་ཀྱི་སྐུར་གནས་སོ། །ཁྱོད་ཀྱི་དོན་དམ་མེད་དགག་ཕྱང་ཆད་ནི་ཐ་སྙད་ཀྱི་སྣང་བ་ལས་ཐ་དད་དུ་གྱུར་པའི་དངོས་མེད་ཡིན་ལ། སྐུ་དང་ཡེ་ཤེས་ཀྱི་ཆ་ཙམ་ཡང་སྔར་མེད་ཕྱིས་མེད་ནམ་ཡང་མེད། དེ་དང་ཐ་དད་དུ་གྱུར་པའི་ཀུན་རྫོབ་རྣམས་ཡོད་ཀྱང་དེས་སྟོང་པ་ལ་མི་ཕན་ཏེ་རང་རང་སོ་སོ་ནམ་ཡང་མི་འདྲེ་འདྲེ་མི་རུང་བ་ཡིན། དེ་ལྟ་ན་འཁོར་རྩ་བདེན་འཛིན་དེའི་ཡུལ་མེད་པས། དེ་འདྲེའི་ཡུལ་ཡུལ་ཅན་གཉིས་ཀ་ཀུན་རྫོབ་འཁྲུལ་བ་ཡིན་པས། ཁྱོད་ཀྱི་ལུགས་ལ་ཀུན་རྫོབ་ནི་བདེན་གྲུབ་དང་བདེན་འཛིན་ཁོ་ན་ལ་འཇོག་དགོས་སོ། །ཐ་སྙད་ཀྱི་སྣང་བ་རྣམས་ནི་དོན་དམ་པ་མིན་ཏེ་སྟོང་པ་ཉིད་མིན་པའི་ཕྱིར་དང་། ཀུན་རྫོབ་མིན་ཏེ་མ་འཁྲུལ་བའི་སྣང་བའམ་དོན་དམ་དཔྱོད་པའི་དཔྱད་བཟོད་ཡིན་པའི་ཕྱིར་ཏེ། བདེན་གྲུབ་ཏུ་དཔྱད་བཟོད་མིན་ཡང་ཐ་སྙད་རང་ངོས་མི་སྟོང་བའི་དཔྱད་བཟོད་ཡིན་པའི་ཕྱིར། དེ་ལྟ་ན་བདེན་མེད་དང་ཐ་སྙད་ཐམས་ཅད་དོན་དམ་དུ་འགྱུར་རོ། །བདེན་གྲུབ་འབའ་ཞིག་ཀུན་རྫོབ་ཏུ་འགྱུར་རོ། །བདེན་འཛིན་ནི་རྫས་སུ་ཡོད་པས་བུམ་སོགས་དང་འདྲའོ། །ཡུལ་བདེན་སྣང་དང་ཡུལ་ཅན་བདེན་འཛིན་གཉིས་གནས་སྣང་མི་མཐུན་པའི་ཀུན་རྫོབ། བདེན་མེད་དང་བདེན་མེད་དུ་འཛིན་པ་གཉིས་ཀ་གནས་སྣང་མཐུན་པའི་དོན་དམ་དུ་འདོད་རིགས་ཀྱི། གཉིས་སྣང་མེད་ ― MR12_Page_0372 ―
[མ་དཔེ་གཟིགས་ན་འདིར་གནོན།]
པའི་ཡུལ་ཡུལ་ཅན་གཉིས་ཀ་ལ་དོན་དམ་དང་། དེ་ཡོད་པ་ཀུན་རྫོབ་ཏུ་འཇོག་པའི་ལུགས་ཁས་ལེན་མི་རིགས་ཏེ། བུམ་སོགས་རང་ངོ་ནས་མི་སྟོང་ན་གཉིས་སྣང་ཡོད་པ་དང་གཉིས་འཛིན་གྱི་བློ་གནས་སྣང་མཐུན་པའི་ཡུལ་ཡུལ་ཅན་དུ་འགྱུར་ལ།གཉིས་སྣང་མེད་པ་དང་གཉིས་འཛིན་མེད་པ་གནས་སྣང་མི་མཐུན་པའི་འཁྲུལ་ཤེས་སུ་འགྱུར་རོ། །མདོར་ན་ཁྱོད་ཀྱི་ལུགས་ལ་རིགས་པས་དགག་བྱ་བདེན་གྲུབ་འབའ་ཞིག་ཡིན་པས། སྟོང་ཉིད་བསྒོམ་པས་སྤང་བྱ་ནི་བདེན་སྣང་དང་བདེན་འཛིན་ཁོ་ན་ཡིན་གྱི་གཞན་གང་ཡང་མིན་ན། འཕགས་སློབ་ཀྱི་མཉམ་བཞག་ལ་བདེན་གྲུབ་ཀྱིས་སྟོང་པའི་ཀུན་རྫོབ་ཐམས་ཅད་ཅིས་མི་སྣང་། རིགས་པས་དགག་བྱ་མིན་ཡང་ལམ་གྱིས་བཀག་སྟེ་མི་སྣང་ངོ་ཞེ་ན། སྒྲིབ་ཤིང་འདྲ་བའི་ལམ་དེས་ཡོད་པའི་དངོས་པོ་རྣམས་མི་སྣང་བར་བྱས་ནས། མེད་པའི་དོན་སྣང་ན་གང་ཕྱིར་ཡོད་པ་མི་མཐོང་མེད་མཐོང་བས། འདི་འདྲའི་མུན་ནག་རྣམ་པ་དེ་གང་ཞིག །ཞེས་པ་ལྟ་བུའི་ལམ་དེ་ཡ་མཚན་ནོ། །ངེད་ཀྱི་ལུགས་ལ་དོན་དམ་པ་མངོན་དུ་གཟིགས་པའི་ཚེ། ཡུལ་དང་ཡུལ་ཅན་གཉིས་སུ་སྣང་བ་མེད་པའི་མི་རྟོག་ཡེ་ཤེས་ཀྱི་སྤྱོད་ཡུལ་ཡིན་པས། དེ་ལ་བདེན་སྣང་དང་བདེན་འཛིན་ཇི་ལྟར་མངའ། སྤྲོས་པའི་ཡུལ་དང་སྤྲོས་པ་ཇི་ལྟར་མངའ། དེ་ལྟ་བུ་ལ་དོན་དམ་དུ་གདགས་པར་བྱས་ནས། མ་འཁྲུལ་བའི་དོན་དམ་དེ་སྟོང་གཞིར་བཟུང་ནས། དེ་ལ་འཁྲུལ་སྣང་འཁོར་བ་ཀུན་རྫོབ་ཕྱོགས་ཀྱི་ཡུལ་དང་ཡུལ་ཅན་གྱིས་སྟོང་པ་ཡིན་ཞེས་བྱའོ། །དོན་དམ་ངོ་བོ་སྤྲོས་པ་ལས་འདས་ཀྱང་། །དོན་དམ་སྒྲུབ་ཚེ་དོན་དམ་གང་ཡིན་དང་། །ཀུན་རྫོབ་ཕྱེས་ནས་འཁྲུལ་ ― MR12_Page_0373 ―
[མ་དཔེ་གཟིགས་ན་འདིར་གནོན།]
དང་མ་འཁྲུལ་བའི། །ཁས་ལེན་འདི་ལྟར་མ་བྱས་ཅིར་མི་རུང་། །རང་བཞིན་མེད་པས་ཆོས་ཀུན་སྤྲོས་བྲལ་ཀྱང་། །སྤྲོས་བྲལ་བཀག་ནས་མེད་དགག་ནན་སྒྲུབ་རྣམས། །རང་བཞིན་མེད་པ་མཐའ་གཅིག་ཁས་ལེན་ཞེས། །ཚིག་འདི་ཙམ་ཞིག་གྲུབ་མཐའི་སྐྱབས་སུ་བཟུང་། །དེ་ལྟར་བཟུང་ཚེ་དོན་དམ་རང་ངོས་ནས། །མི་སྟོང་ཞེས་པའི་ཁས་ལེན་དེ་དག་ཀྱང་། །མི་འདོད་བཞིན་དུ་བདེན་མེད་ཁས་བླངས་པའི། །ཚུལ་དེས་ཁས་ལེན་མ་བྱས་རང་དབང་མེད། །དོན་དམ་རང་ངོས་མི་སྟོང་སྨྲས་པ་ན། །དོན་དམ་དོན་དམ་ཉིད་དུ་གྲུབ་པས་ལེགས། །བུམ་པ་རང་ངོས་མི་སྟོང་ཞེས་སྨྲས་ན། །ཆོས་ཀུན་མི་སྟོང་རྟག་པར་ལྟ་བ་དང་། །ཉི་ཚེའི་སྟོང་པའི་སྟོང་པ་དངོས་མེད་པོ། །ཆ་གཉིས་འཛིན་པའི་རྟག་ཆད་ལྟ་གཞི་སྒྲུབས། །དོན་དམ་རྟག་དང་བདེན་དང་མི་སྟོང་ཞེས། །ཐ་སྙད་ཚད་མས་གྲུབ་ཅིང་དེ་ཤེས་ན། །ལམ་གྱི་ཡོན་ཏན་ཀུན་འཛིན་རྟག་ཆད་ཀྱི། །མཐའ་ལ་ཞེན་པའི་ལྟ་བ་ངན་པ་འགོག །རྟག་ཆད་རྟག་ལྟ་ཆད་ཚད་ཆད་ལྟ་མིན། །ཡོད་ཚད་ཡོད་མཐའ་མེད་ཚད་མེད་མཐའ་མིན། །ཞེས་སུ་གངས་ཅན་མཁས་པར་གྲགས་རྣམས་བཞེད། །དེ་བཞིན་ཐ་སྙད་ཚད་མས་ལེགས་དཔྱད་ན། །རྟག་དང་མི་རྟག་སྟོང་དང་མི་སྟོང་དང་། །བདེན་དང་མི་བདེན་ཡོད་མེད་ཁྱད་ཡོད་པ། །དེ་དག་མཐའ་མིན་ཤན་འབྱེད་བློ་ཡིས་རྟོགས། །མཐར་ཐུག་དོན་དམ་དཔྱོད་པའི་ཡེ་ཤེས་ལ། །ཡོད་མེད་ལ་སོགས་སྤྲོས་པ་མི་མངའ་བར། །གཞན་སྟོང་སྨྲ་བའི་མཁས་གྲུབ་ཀུན་གྱིས་བཞེད། །ཁྱོད་ཀྱིས་དོན་ ― MR12_Page_0374 ―
[མ་དཔེ་གཟིགས་ན་འདིར་གནོན།]
དམ་དཔྱོད་པའི་དཔྱད་ངོར་ཡང་། །བདེན་མེད་སྤྲོས་པ་ཡོད་ཅེས་ཁས་ལེན་མཛད། །དོན་དམ་དཔྱོད་པའི་དཔྱད་ངོར་ཡོད་གྱུར་ཅིང་། །དོན་དམ་གཟིགས་པའི་ཡུལ་དུ་གང་ཡོད་པ། །དེ་དག་མི་སྟོང་པ་དང་བདེན་གྲུབ་དང་། །དེ་ལྟར་དམིགས་པར་བཤད་ན་འགལ་བ་ཅི། །བདེན་མེད་གཟིགས་ངོར་བདེན་མེད་སྟོང་གྱུར་ན། །བདེན་མེད་མ་གཟིགས་པ་དང་ཁྱད་པར་ཅི། །བདེན་མེད་དེ་ཡང་སྟོང་པར་གཟིགས་སྙམ་ན། །བུམ་སོགས་སྟོང་པར་གཟིགས་ན་མི་རུང་ཅི། །བུམ་སོགས་བདེན་པས་སྟོང་གི་རང་མི་སྟོང་། །སྟོང་ན་བུམ་སོགས་ཐ་སྙད་དུ་མེད་ན། །དོན་དམ་གཟིགས་ངོར་དོན་དམ་མི་སྟོང་བ། །དེ་ཡང་དེ་དང་འདྲ་བར་ཅིས་མི་འགྱུར། །མདོར་ན་དོན་དམ་རང་ངོས་མི་སྟོང་ཞེས་པའི་དོན་ཅི་ཡིན་ཞེས་འདྲི་ན། དོན་དམ་བདེན་པ་དོན་དམ་བདེན་པས་མི་སྟོང་པའི་དོན་ཡིན་ཅེས་སྨྲའོ། །དེ་ལ་ཁོ་ན་རེ། དེ་ལྟ་ན་དོན་དམ་བདེན་གྲུབ་ཏུ་འགྱུར་ཞེ་ན། བུམ་པ་བུམ་པས་མི་སྟོང་ན་བུམ་པ་བདེན་གྲུབ་ཏུ་འགྱུར་རོ། །ཞེས་བསྒྲེའོ། །བུམ་པ་བུམ་པས་སྟོང་ན་བུམ་པ་དེ་བུམ་པ་མིན་པར་འགྱུར་བས་བུམ་པ་ཐ་སྙད་དུ་མེད་པར་མི་འགྱུར་རམ་ཞེ་ན། འགྱུར་དུ་ཆུག་སྟེ། དེ་ལྟ་ན། དོམ་དམ་བདེན་པ་དོན་དམ་བདེན་པས་སྟོང་ན། དོན་དམ་བདེན་པ་དོན་དམ་བདེན་པ་མིན་པར་འགྱུར་ཞིང་། དོན་དམ་པ་ཐ་སྙད་དུ་ཡང་མེད་པར་འགྱུར་བ་མཚུངས་སོ། །དེས་ན་དོན་དམ་དཔྱོད་པས་རིགས་ཤེས་ལ་བདེན་མེད་དང་སྤྲོས་བྲལ་དང་སྟོང་ཉིད་དང་དོན་དམ་རྣམས་བསྒྲུབ་བྱར་ཁས་ལེན་གྱི་དགག་བྱར་ཁས་ལེན་མི་ ― MR12_Page_0375 ―
[མ་དཔེ་གཟིགས་ན་འདིར་གནོན།]
རིགས་པས་ན། བདེན་མེད་སོགས་དེ་དག་ཡིན་ཅེས་མཐའ་གཅིག་ཏུ་ཁས་ལེན་དགོས་ཀྱི། མིན་ཞེས་ཁས་མི་ལེན་པ་དེས། དོན་དམ་དང་སྟོང་པ་ཉིད་ནི་བདེན་པ་དང་ཡོད་པ་དང་མི་སྟོང་པར་ཁས་ལེན་དགོས་ཀྱི། མི་བདེན་པ་དང་མེད་པ་དང་སྟོང་ངོ་ཞེས་ཁས་མི་ལེན་ནོ། །དོན་དམ་གཟིགས་པའི་མཉམ་བཞག་གི་ཡེ་ཤེས་ཀྱིས། བདེན་མེད་སོགས་གོང་གི་དེ་རྣམས་གཟིགས་པ་དང་འཛིན་པ་དང་། དེའི་ཡུལ་དུ་ཡོད་པ་དང་བདེན་པར་ཁས་ལེན་དགོས་པ་དེས་ན། ཡེ་ཤེས་དེས་དེ་དག་མི་གཟིགས་མི་འཛིན་དེའི་ཡུལ་དུ་མེད་དེའི་ངོར་མི་བདེན་ཅེས་ཁས་ལེན་མི་རུང་བ་ལྟར། དོན་དམ་སྟོང་པ་ཉིད་ནི་འཕགས་པའི་གཟིགས་ངོར། ཡོད་པ་དང་བདེན་པར་གྲུབ་པ་སོགས་སུའང་ཁས་ལེན་ནོ། །བདེན་གྲུབ་ཏུ་ཁས་བླང་ན་སྟོང་ཉིད་ལ་བདེན་ཞེན་མི་འགོག་གོ་ཞེ་ན། དེ་ལ་ཐ་སྙད་དུ་བདེན་ཞེན་བཀག་མི་རུང་སྟེ་བདེན་དོན་ལ་བདེན་པར་གྲུབ་བོ་སྙམ་པ་རིགས་པ་དང་ལམ་གྱིས་འགོག་རྒྱུའི་བདེན་ཞེན་མ་ཡིན་ཏེ་བདེན་མེད་ལ་བདེན་མེད་དུ་འཛིན་པ་དགག་བྱ་མ་ཡིན་པ་བཞིན་ནོ། །དོན་དམ་དཔྱད་བཟོད་ཀྱི་བདེན་གྲུབ་ནི་འདིའི་སྐབས་སུ་དཔྱད་དགོས་པ་མིན་ཏེ། དོན་དམ་ཉིད་བསྒྲུབ་པའི་རིགས་པས་སྔར་ནས་གཏན་ལ་ཕབ་ཟིན་ཡིན་པ་དང་། ཀུན་རྫོབ་ཀྱིས་སྟོང་པར་བཤད་པའི་ཁོངས་སུ་བདེན་གྲུབ་ཀྱིས་སྟོང་པ་འདུས་བའི་ཕྱིར་རོ། །དེའི་ཕྱིར་ཁྱེད་ཅག་བདེན་མེད་ལ་བདེན་གྲུབ་མེད་ཀྱང་བདེན་མེད་དུ་འཛིན་པ་ནམ་ཡང་བཀག་མི་རུང་བར་སྨྲས་པ་ལྟར། དོན་དམ་པ་ལ་དོན་དམ་དཔྱོད་པའི་དཔྱད་བཟོད་ཀྱི་ཆོས་ཀྱིས་སྟོང་ཡང་། དོན་དམ་པ་ཉིད་བདེན་པར་གྲུབ་པ་དང་། རང་གི་ ― MR12_Page_0376 ―
[མ་དཔེ་གཟིགས་ན་འདིར་གནོན།]
ངོ་བོས་མི་སྟོང་པར་འཛིན་པ་བཀག་མི་རུང་བ་རྣམ་པ་ཀུན་ཏུ་མཚུངས་སོ། །དོན་དམ་དཔྱོད་པས་དཔྱད་ན་དཔྱད་བཟོད་པ་དང་། དེས་མི་ཁེགས་པའི་ཆོས་དོན་དམ་པ་གྲུབ་པ་གང་ཡང་ཁས་མི་ལེན་བཞིན་དུ། བདེན་གྲུབ་འབའ་ཞིག་དོན་དམ་དཔྱོད་པའི་རིགས་ཤེས་ཀྱིས་དགག་བྱ་དང་། མི་རྟོག་ཡེ་ཤེས་ཀྱིས་སྤང་བྱ་ཡིན་པར་འདོད་ཀྱི། ཆོས་སུ་དམིགས་པ་ཐམས་ཅད་དེ་གཉིས་ཀས་དགག་བྱ་དང་སྤང་བྱ་ཡིན་པར་འདོད་ན་ཧ་ཤང་གི་ལྟ་བ་ལྟར་ཤིན་ཏུ་མི་རུང་བར་སྨྲ་བ་དེ་དག་གི་ལྟར་ན། རིགས་ཤེས་ཡེ་ཤེས་གཉིས་ཀས་གཉིས་སྣང་གི་ཀུན་རྫོབ་དགག་པ་དང་སྤང་བར་བྱེད་ཀྱི། ཀུན་རྫོབ་ཀྱིས་སྟོང་པའི་ཡུལ་དོན་དམ་པ་དང་། ཡུལ་ཅན་ཡེ་ཤེས་དང་། ཡེ་ཤེས་ཀྱིས་གཟིགས་པའི་ཆོས་གང་ཞིག་དོན་དམ་དུ་འགྱུར་བ་རྣམས་མི་དགག་མི་སྤོང་བར་གྱུར་པ་འདི་ཡང་ལེགས་པར་འགྲུབ་སྟེ། དམིགས་པ་ཐམས་ཅད་དུས་ཐམས་ཅད་དུ་དགག་བྱ་དང་སྤང་བྱར་བཟུང་ན། ཇི་ལྟ་བ་དང་ཇི་སྙེད་པའི་ཆོས་རྣམས་ཐམས་ཅད་རིགས་པ་དང་ལམ་གྱི་དགག་བྱར་སོང་བས་ཅི་ཡང་མེད་པའི་ཆད་སྟོང་ནམ་མཁའ་ལྟར་འགྱུར་རོ། །དེས་ན་གཞན་སྟོང་སྨྲ་བས་བཞག་པའི་ཁས་ལེན་འདི་དག་ལ་ཐན་དུ་ལྟ་བའི་གངས་ཅན་པ་ཐམས་ཅད་ཀྱི་ཡང་། རང་གི་ཁས་བླང་དེ་དག་གིས་མི་འདོད་བཞིན་དུ་གཞན་སྟོང་གི་ཁས་ལེན་ཐམས་ཅད་རང་གྲུབ་ཏུ་སོང་ངོ་། །དེའི་ཕྱིར་ཡོད་ཚད་དང་མེད་ཚད།བདེན་ཚད་དང་མི་སྟོང་ཚད་མཐའ་ཡིན་པ་དང་། དེ་འཛིན་པའི་བློ་ཐམས་ཅད་མཐར་འཛིན་དུ་མི་འགྲོ་སྟེ། བཅོམ་ལྡན་འདས་ཀྱིས་ཡོད་པའང་ཡོད་པར། མེད་པའང་མེད་པར་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །ཞེས་གསུངས་པ་ལྟར། རྗེས་ཐོབ་ ― MR12_Page_0377 ―
[མ་དཔེ་གཟིགས་ན་འདིར་གནོན།]
ཤན་འབྱེད་པའི་ཤེས་རབ་ཀྱིས། ཡོད་ཚུལ་མེད་ཚུལ་བདེན་པར་གྲུབ་པ་དང་མ་གྲུབ་པ། སྟོང་པ་དང་མི་སྟོང་པ་སོགས་ལེགས་པར་ཤན་ཕྱེས་ནས་རྣམ་པར་བཞག་པ་འདི་དག །ཐ་སྙད་མ་འདྲེས་སོར་འབྱེད་པའི་ཇི་སྙེད་པའི་དོན་ལ་དཔྱོད་པའི་ཚད་མས་འགྲུབ་པ་ཡིན་པས་དགག་པར་བྱར་མེད་དོ། །མི་མཆོག་སྐྱོབ་པ་ཤཱཀྱ་སེང་གེ་ཡིས། མི་བསྙེངས་འཁོར་ལ་སེང་གེའི་སྒྲ་བསྒྲགས་པའི། །ངེས་དོན་སྙིང་པོ་མཐར་ཐུག་འདི་ཁོ་ནར། །ངེས་པ་སྙེད་རྣམས་མི་ལྡོག་ལུང་བསྟན་འཚེངས། །ས་བཅུའི་དབང་ཕྱུག་རྒྱལ་ཚབ་མ་ཕམ་དང་། །འཕགས་པའི་སར་བཞུགས་ཀླུ་སྒྲུབ་ཐོགས་མེད་ཀྱི། །དགོངས་པའི་ཆུ་ཀླུང་ཡེ་ཤེས་ཀློང་དུ་གཅིག །འགལ་འདུར་མཐོང་བ་རང་བློའི་སྐྱོན་དུ་ཟད། །ཆོས་ཀུན་ངོ་བོ་སྟོང་པ་ཡིན་མོད་ཀྱི། །རང་བཞིན་འོད་གསལ་སྐུ་དང་ཡེ་ཤེས་ཁམས། །ཡེ་ནས་ལྷུན་གྲུབ་ཉི་དང་ཟེར་བཞིན་གནས། །སྣང་སྟོང་ཟུང་འཇུག་དབུ་མ་ཆེན་པོའི་ཚུལ། །འཕགས་པའི་གཟིགས་ངོར་མི་བསླུ་དོན་དམ་བདེན། །ཀུན་རྫོབ་གཉིས་སྣང་འཁྲུལ་བ་རྫུན་པ་སྟེ། གནས་སྣང་འབྱེད་པའི་ཤེས་རབ་མིག་སྦྱིན་པའི། །ལེགས་བཤད་མཆོག་འདི་ནོར་བུའི་སྒྲོན་མེ་འདྲ། །དེ་སླད་གཟུར་གནས་སྐལ་བཟང་བློ་ལྡན་རྣམས། །ཟབ་མོའི་ཚུལ་འདིར་ལྟ་བའི་མིག་སྒྲུབ་སྟེ། །ངེས་དོན་སྙིང་པོའི་ཁང་བཟང་ལ་ཞུགས་ནས། །རང་གཞན་དོན་གཉིས་འབྱོར་བས་ཕྱུག་པར་མཛོད། །འདིར་འབད་དགེ་འབྲས་སྟོན་ཟླ་གསར་བའི་གཟིགས། །སྙིགས་ལྔའི་རྒུད་པའི་ཚ་གདུང་གཏན་བཅིལ་ཞིང་། །ཐུབ་དབང་ལུང་རྟོགས་བསྟན་པའི་ཀུ་མུཏ་ ― MR12_Page_0378 ―
[མ་དཔེ་གཟིགས་ན་འདིར་གནོན།]
ཆལ། །རབ་རྒྱས་རྣམ་གྲོལ་ཆུ་གཏེར་འཕེལ་གྱུར་ཅིག །བདག་ཀྱང་སྐྱེ་ཀུན་འཇམ་མགོན་བླ་མ་ཡིས། །རྗེས་བཟུང་ལུང་རིགས་མན་ངག་རྩལ་རྫོགས་ནས། །ཐེག་མཆོག་གངས་རིའི་སྤོ་ལ་གནས་བཅས་ཏེ། །འཇིགས་མེད་སེང་གེའི་སྒྲ་དབྱངས་སྒོགས་བྱེད་ཤོག །ཅེས་པའང་གངས་ཁྲོད་སྨྲ་བའི་སེང་གེ་གཅིག་པུར་གྱུར་པ་རྗེ་བླ་མ་ཐམས་ཅད་མཁྱེན་པ་མི་ཕམ་འཇམ་དཔལ་དགྱེས་པའི་རྡོ་རྗེའི་ཞལ་སྔ་ནས་རྩོམ་གཞིའི་ས་བོན་ཙམ་མདོར་བསྡུས་གནད་འདུག་པ་ལ། །ཐོག་ཐའི་ཚིགས་སུ་བཅད་པ་རྣམས་རང་ཚིག་གིས་གསར་དུ་བསྣན་ཏེ། འཇམ་དབྱངས་བློ་གྲོས་རྒྱ་མཚོས་རང་གནས་དཔལ་ཞེ་ཆེན་བསྟན་གཉིས་པར་རྒྱས་གླིང་གི་ཆོས་གྲྭ་ཞལ་བཤུས་བགྱིས་པ་སྟེ། འདིས་ཀྱང་ངེས་དོན་དབུ་མ་ཆེན་པོའི་རིང་ལུགས་ཕྱོགས་ཐམས་ཅད་དུ་དར་ཞིང་རྒྱས་ལ་ཡུར་རིང་དུ་གནས་པའི་རྒྱུར་གྱུར་ཅིག། །། ༈ །གངས་ཅན་པ་སྤྱི་དང་ཁྱད་པར་རྙིང་མ་བ་རྣམས་ལ་གདམས་པ་བཞུགས། གངས་ཅན་པ་སྤྱི་དང་ཁྱད་པར་རྙིང་མ་བ་རྣམས་ཉོན་ཅིག །གང་ཟག་ཆོས་རྒྱུན་གྱི་ཏིང་ངེ་འཛིན་ཐོབ་པ་རྣམས་ལ་སྐད་ཅིག་རེ་རེར་ཡང་ཕྱོགས་བཅུའི་སངས་རྒྱས་བྱང་སེམས་ཀྱི་ཆོས་ཀྱི་སྒོ་དུ་མ་འདོམས་པར་མཛད་པ་ཡོད་ཅིང་། རྗེ་འབངས་སྤྲུལ་པའི་སྐུ་ལས་ཅན་ཁྱད་འཕགས་འགའ་ཞིག་ལ་སངས་རྒྱས་ཀུན་འདུས་པདྨ་འབྱུང་གནས་ཀྱི་ཡེ་ཤེས་སྐུས་དངོས་སུ་གདམས་པའམ། ས་གཏེར་དགོངས་གཏེར་ཟེར་བའི་ཆོས་ཟབ་མོ་དུས་སུ་སྣང་བ་ཡོད་པ་ནི་སུས་མི་ཁེགས་མོད་ཀྱི། འདི་འདྲའི་གང་ཟག་དེ་ཨུ་དུམྦཱ་ར་ལྟར་དཀོན་ལ་ཡོན་ཏན་ཆེ་བ་མི་ལས་བླ་མར་གྱུར་པའི་རྣམ་ཐར་ཕུལ་བྱུང་མངའ་ ― MR12_Page_0379 ―
[མ་དཔེ་གཟིགས་ན་འདིར་གནོན།]
བ་ཞིག་ཡིན་གྱི་སུ་རུང་རུང་ལ་ག་ལ་ཡོད། དེས་ན་སྔར་མེད་གསར་ཆོས་རྙེད་པའི་གང་ཟག་དེ་ཚད་ལྡན་ཞིག་ཡིན་ན། མཁྱེན་པའི་ཡོན་ཏན་ཉམས་རྟོགས་ཀྱི་གདེང་ཚད་ཡོད་པ་འཕགས་པའི་སྤྱོད་ཡུལ་དུ་གྱུར་པའི་ཆོས་ཟབ་མོ་ཤེས་སམ་མི་ཤེས་འདྲི་ཞིང་བརྩད་པས་རྟོགས་དགོས་ལ། བརྩེ་བའི་ཡོན་ཏན་བསྟན་པ་ལ་ལྷག་བསམ། འགྲོ་བ་ལ་སྙིང་རྗེ་འབྱུང་བས་ཀུན་ལ་ཅི་ཕན་མཛད་པ་ལས། ཆགས་སྡང་དང་ཕྲག་དོག་རང་བསྟོད་གཞན་སྨོད་སོགས་སྐྱེ་བོ་ཐ་མལ་བའི་ཤེས་རྒྱུད་ཀྱི་དྲི་མ་མི་མངའ་བས། མ་གྲུབ་གྲུབ་བརྫུ། མི་ཤེས་ཤེས་བརྫུའི་ཟོག་པོའི་རྣམ་ཐར་གྱིས་འགྲོ་ལ་གཡོ་སྒྱུ་བྱེད་པ་དང་། བདེ་གཤེགས་ཀྱི་བཀའ་དང་། བླ་མ་མཁས་གྲུབ་རྣམས་ཀྱི་ལུང་ཚད་མ་ཡིད་བཞིན་ནོར་བུ་ལྟ་བུ་ལ་རབ་ཐོས་བསམ་བསྒོམ་པ། འབྲིང་བསྙེན་སྒྲུབ་རེའི་འབྲེལ་པ། ཐ་མའང་གསར་རྙིང་གི་ཆོས་བཀའ་སླད་མེད་རེ་ཁ་ཐོན་བྱེད་པ་རྣམས་སྐྱུར་བཅུག་ནས་མི་ལུགས་ཆོས་ལུགས་ཀྱི་གང་མཐོ་གང་གཉན་གྱི་སར་ཕྱིན་ནས་བདག་མཁས་པར་གྲགས་པར་གྱུར་ན་ཅི་མ་རུང་སྙམ་པའི་རང་གི་ཟོག་ཆོས་འདི་དུས་བབས་ཡིན་ཟབ་ཅེས་འདོམས་ཤིང་། ཚུལ་ལྡན་བསླབ་གནས་པ་དག་ལ་ཁྱོད་སྔགས་པ་མ་བྱས་ན་ཚེ་ཐུང་ཞེས་སྡོམ་པ་འཆལ་དུ་གཞུག་པ་སོགས་འགྱོད་མེད་ལ་འགྱོད་པ་བསྐྱེད་པ་དང་།རང་གི་ཆོས་དེའི་ཁུངས་པདྨ་འབྱུང་གནས་ལ་བཅོལ་ཏེ་རྫུན་ལུང་གིས། ག་གེ་མོ་ཞིག་ནི་བདུད་དོ། །ག་གེ་མོ་ཞིག་ནི་འདྲེའོ། །བུད་མེད་རང་ལ་འདུ་ན་མཁའ་འགྲོ། མི་འདུ་ན་བདུད་མོ། །བླ་མ་བཟང་པོ་ཕལ་ཆེ་ཕྲག་དོག་གིས་བདུད་ཡིན་ནོ་ཞེའོ། །རང་དང་ཉེ་ ― MR12_Page_0380 ―
[མ་དཔེ་གཟིགས་ན་འདིར་གནོན།]
བར་ཡོད་པའི་ཆོས་བྱེད་ཕལ་མོ་ཆེ་རང་ལ་བརྩི་ན་རྗེ་འབངས་སོགས་ཀྱི་སྤྲུལ་པ། མི་བརྩི་ན་བདུད་ཀྱི་སྤྲུལ་པ། རང་ཆོས་དང་རང་ལ་བསྔགས་པ་གནམ་ས་ཙམ། གཞན་གཏེར་སྟོན་ཟེར་བའི་ཟོག་ཆོས་རྫུན་གཏེར་ཡོད་ཚུལ་སོགས་ཀྱིས་མཆོད་འོས་རིག་འཛིན་པདྨ་དང་། གཞན་དཀོན་མཆོག་གསུམ་བསླུ་བ་སྟེ་དམ་པར་སྐུར་བ་འདེབས་པའི་ནག་པོའི་ཆོས་བཞི་པོའི་སྐྱོན་རྡུལ་ཙམ་མེད་པ་ན་བརྩེ་བའི་ཡོན་ཏན་དཔག་ནུས་ཤིང་ནུས་པ་ནི་གང་འབྲེལ་བློ་སྣ་ཆོས་ལ་འགྱུར་བ། སུ་འཕྲད་དག་སྣང་འཆར་བ། ཡུན་དུ་བརྟན་ན་དད་པ་ཇེ་ཆེར་འགྲོ་བ། བསྟན་འགྲོ་ལ་ཕན་པའི་ཕྲིན་ལས་ཆེ་ཆུང་ཅི་རིགས་འབྱུང་བ། དུས་མིན་དུ་མཐུ་དང་དུག་དང་ངན་སྨྲས་ཀྱི་མཚོན་ཆ་རེ་བ་མེད་ཀྱང་། ནག་ཕྱོགས་ཀྱི་གདོན་འདུལ་ནུས་ཤིང་བཀའ་བཙན་བྱིན་ཆེ། ཕྱག་ཞབས་ཚུད་པ་ཙམ་གྱིས་ནད་སོགས་ལ་ཕན་པ་དང་། ཡུལ་དུ་བཞུགས་པ་དང་གང་དང་འབྲེལ་བ་ལ་རང་སྐལ་དང་བསྟུན་པའི་དགེ་བཤེས་ཅི་རིགས་འབྱུང་བ་ཡོད་ན་དེ་ལས་ནུས་པ་རྟོགས་དགོས་ཀྱི། དེ་འདྲའི་མཁྱེན་བརྩེ་ནུས་པའི་ཡོན་ཏན་ཁྱད་འཕགས་མངའ་བའི་མཁས་བཙུན་བཟང་པོའི་ཕྲིན་ལས་ཁྱད་འཕགས་སམ། ཐ་ནའང་རྗེས་མཐུན་ཙམ་རིག་རྒྱུ་མེད་པར། རང་གར་གཏེར་སྟོན་དུ་འགྱུར་ན་ནི་བོན་པོའི་རྡོལ་ཆོས་ལྟ་བུ་དེ་ཚིག་ལེགས་ཀྱང་རུང་ཡིད་བརྟན་མི་སྣང་ལ། དེར་མ་ཟད་ཡོན་ཏན་གྱི་གཙོ་བོ་མཁྱེན་བརྩེ་གཉིས་མི་མངོན་ན། གྲུབ་རྟགས་སུ་རློམ་པའི་ཞབས་རྗེས་ལྕགས་མདུད་བྲག་བརྐོ། གཏེར་རྫས་ཆ་མ་ཆོ་མིག་སྔར་སྟོན་པ་བྱུང་ཡང་ལྷ་འདྲེའི་བརྫུ་བག་ཅན་ཡིན་མིན་ཐེ་ཚོམ་གྱི་རྒྱུ་ལས་ཅི་ཡོད་དེ། སྔོན་གྱི་གཏེར་ཆེན་མཆོག་གཉིས་གླིང་བརྒྱད་སོགས་གཏེར་ཆེན་སྔ་མ་དག་གི་གསུངས་འདི་ ― MR12_Page_0381 ―
[མ་དཔེ་གཟིགས་ན་འདིར་གནོན།]
གཏེར་སྟོན་བདག་གིས་ཁས་ལེན་དགོས་པས། དེ་ལྟ་ན་དེ་ཐམས་ཅད་ལས་ཟབ་མོའི་ཆོས་གཏེར་འབྱིན་པ་དང་། ཟོག་པོ་བདུད་སྤྲུལ་གྱིས་གཏེར་རྫུན་སྤེལ་བ་འདྲ་འདྲེས་སུ་འོང་བར་བཤད་ལ། རྫུན་གཏེར་གང་ཞིག་བདུད་བློན་སྨོན་ལོག་རྣམས་དང་། བར་སྣང་གློག་མ་སྤྲིན་སོགས་བདུད་རིགས་མི་མ་ཡིན་རྣམས་ཀྱིས་ཟབ་མོ་ཆོས་ལ་ཐོ་བརྩམས་པའི་ས་གཏེར་ཤོག་སེར་སོགས་དང་དམ་རྫས་མྱོང་གྲོལ་དུ་བཏགས་པའི་རྫས་ངན་ཁར་སོང་ཚད་ངན་སོང་དུ་འཕེན་པ་དང་། དེ་གའི་ཆོས་དེ་འཕྲལ་གྲུབ་རྟགས་མངོན་རྟགས་ཡོད་ཀྱང་མཐར་བཀྲ་མི་ཤིས་ལ་བྱིན་རླབས་མེད་པ་ཡོད་པས། དེའི་ཕྱིར་གཏེར་སྟོན་བརྟག་དགོས་ཚུལ་པདྨ་བཀའ་ཐང་སོགས་ལས་རྒྱ་ཆེར་གསུངས་པའི་སྙིང་པོ། མདོ་རྒྱུད་ཀྱི་ལུང་གིས་གྲུབ་མ་གྲུབ་བམ། གཏན་ཚིག་གི་རྒྱས་ཐེབས་མ་ཐེབ། ཡིད་ཆེས་ཀྱི་གནད་དང་ལྡན་མི་ལྡན་སོགས་རྒྱ་ཆེར་གསུངས་ཤིང་། དེ་ཡང་རེ་ཟུང་ཙམ་ལས་མང་པོ་མི་འབྱུང་བར། པདྨ་བཀའ་ཐང་ལས། ཡུལ་གཅིག་དུས་གཅིག་གཏེར་སྟོན་གཉིས་མི་འབྱུང་། །ཞེས་གསུངས། དེས་ན་ད་ལྟ་དུས་ནི་ཇེ་ངན། མི་རྣམས་ཆགས་སྡང་ཉོན་མོངས་ཇེ་རྒོད། མདོ་སྔགས་ཀྱི་བཤད་སྒྲུབ་དང་སྐྱེ་དགུའི་བདེ་སྐྱིད་ནི་ཇེ་འགྲིབ་སོང་བ་འདིའི་དུས་ན། ཐོས་པ་མི་དགོས། ལོ་གཅིག་གི་བསྙེན་སྒྲུབ་མ་བྱས། མཚན་ལྡན་བླ་མའི་མན་ངག་མ་བརྟེན། རིག་པ་ངོ་མ་འཕྲོད། བསྟན་འགྲོ་ལ་ཕན་སེམས་དང་འདུལ་སྡོམ་དམ་ཚིག་གཙང་བ་ཕར་ཞོག །དང་པོ་ནས་བུད་མེད་ཡིད་ལ་བཅག་སྟེ་ཕལ་ཆེར་དེའི་ཆེད་དུ་གཏེར་སྟོན་དུ་ཁས་འཆེ་བ་དང་། ཕལ་ཆེར་ལྷ་འདྲེས་བསླུས་པའི་རྨི་ཉམས་སོགས་སུ་གཏེར་སྟོན་གྱི་རྣམ་པ་ཆ་འདྲ་བྱུང་བས། དེ་ཐབས་རྙེད་དོ་ ― MR12_Page_0382 ―
[མ་དཔེ་གཟིགས་ན་འདིར་གནོན།]
སྙམ་དུ་མངོན་རློམས་ཀྱིས་ང་གཏེར་སྟོན་ནོ་ཞེས་ཟེར་བ་དང་། ཁ་ཅིག་ཞལ་གཟིགས་དག་སྣང་ཡིད་ཆེས་ཅི་ཡང་མེད་པར་ལྷ་འདྲེས་རྒྱུད་རློམ་པའི་ཁ་ནས་ཅི་དྲན་འབོད་རྩོམ་སྣ་ཚོགས་ཀྱང་འབད་མེད་འོང་བ་དང་། ལུང་བསྟན་ཡིན་ཁུལ་སྣ་ཚོགས་སྨྲ་བ་དང་། ཁ་ཅིག་ལྷ་འདྲེས་གཟུགས་སྣང་བླ་མ་དང་ཌཱ་ཀི་རུ་བརྫུན་ནས་ལུང་སྟོན་པ་ལྟ་བུས་ཡིད་བསླུས་ནས་རང་རློམ་པ་སྐྱེ་ཞིང་གཏེར་སྟོན་གྱི་རེ་བ་བཟུང་པས། དེང་སང་གི་མི་ཕྱེད་གཏེར་སྟོན་ཡིན་པ་འདི་ཅི་ཡིན་ནམ་སྙམ་དུ། དཔྱོད་ལྡན་དག་གིས་བརྟག་པར་འོས་ལ། འདི་འདྲའི་གཏེར་ཆོས་སྣ་ཚོགས་མང་བ་འདིས་བསྟན་འགྲོ་ལ་ཕན་ཆེན་ཕར་ཞོག འདོན་བ་པོ་རྣམས་ལ་མཆོག་ཐུན་གྲུབ་པ་ཕར་ཞོག །ཁ་དགེ་བཀྲ་ཤིས་ཞིག་བྱུང་ན་ལེགས་ཏེ་དེ་ཡང་དཀའ་ཙམ་གདའ་བ་མ་མཐོང་ངམ། ལུང་བསྟན་སྣ་ཚོགས་སློབ་དཔོན་པདྨ་དང་། ཡེ་ཤེས་མཚོ་རྒྱལ། སྔགས་ཀྱི་སྲུང་མ་རལ་གཅིག་མ། ཚེ་རིང་མ་སོགས་ཀྱིས་གསུངས་སོ་ཞེས་རྟག་ཏུ་མི་དང་མི་ལབ་བ་བཞིན་ཡོད་པ་ལྟ་བུར་བཤད་པ་དང་། ལུང་བསྟན་སྣ་ཚོགས་གདའ་སྟེ་གྲོང་ཁྱེར་པའི་དགའ་མི་དགའི་གཏམ་ཙམ་ལས། སྙིང་པོ་འདི་ཤེས་འདི་གོ་དང་ཇི་བཞིན་དེ་ཐིག་འདི་ཐིག་ངོ་མཚར་ཅན་ཅི་ཡང་མི་གདའ་བ་མི་ཤེས་སམ། འདྲ་འདྲ་གབ་གབ་ཁ་འབོད་སྣ་ཚོགས་བྱས་ན་རྗེས་སུ་ཆ་འདྲ་ཆ་འདྲ་ཐིག་པ་ལྟ་བུ་སུས་སྨྲས་ཀྱང་འོང་བས། དེ་འདྲ་ལ་ལྷ་དང་བླ་མ་མཁའ་འགྲོས་ལུང་བསྟན་གྱི་མིང་ཐོགས་པ་ཅི་ཡང་མི་གདའ། ལུང་སྟོན་པ་པོ་དེ་དག་རྣམས་ཀྱང་རང་དོན་ཧུ་ཐུག་གི་འགགས་ལ་ཐུག་དུས། གཞན་སྤྲང་ལོང་མོ་མ་ཡན་ཆོད་ལ་ཅི་དགོས་དྲི་བ་ལས། རང་གི་ཚེ་ཚད་སྐྱིད་སྡུག་ཅི་འགྱུར་སོགས་ ― MR12_Page_0383 ―
[མ་དཔེ་གཟིགས་ན་འདིར་གནོན།]
ཤེས་པའི་གདེང་ཚད་ཕྲ་མོའང་མི་གདའ་བ་དེས་བློ་ལྡན་གྱིས་དཔྱད་ན་ལུང་སྟོན་པ་པོའི་མི་རྐུབ་བུད་པ་འདྲ་སྟེ་དཔྱོད། ལྷག་པར་ལུང་སྟོན་པ་ཁོ་རང་གི་སྣང་བ་གང་བབ་ཀྱི་དགའ་ན་བཟང་ལུང་། ངན་ན་ངན་ལུང་སོགས་སྨྲ་བ་མང་པོ་འདིའི་ལུང་བསྟན་གྱི་མཚང་གསལ་ལམ་སྙམ་སྟེ། དེང་སང་སྙིགས་དུས་བློ་གྲོས་ཅན་ཉུང་བས་དཔྱོད་མཁན་མི་འདུག །གཏེར་སྟོན་དེ་དག་གི་ཆོས་དེ་ཚད་ལྡན་ཞིག་ཡིན་ན། སངས་རྒྱས་ཀུན་འདུས་ཨོ་རྒྱན་པདྨས། སྣོད་ལྡན་གཏེར་སྟོན་དེ་ལ་དངོས་སུ་གདམས་པས་ན། དེ་ལ་སྣོད་ཀྱིས་མི་ཐུབ་པར་ཟག་པའི་སྐྱོན་ཡོད་པ་མི་རིགས་པས། དང་པོར་རང་གིས་ཤིན་ཏུ་གཅེས་སྤྲས་ཀྱིས་གསང་ནས་རབ་མཆོག །འབྲིང་ཐུན་མོང་གི་གྲུབ་པ། ཐ་ནའང་རྫུན་ལུང་དང་འཇིག་རྟེན་པའི་ཐབས་མཁས་ལ་རེ་མི་དགོས་པའི། རིག་མ་དང་ཟས་ནོར་འདུས་པ་ཙམ་གྱི་དངོས་གྲུབ་རང་ལག་གཟུང་འོས་པ་ལ། དེང་སང་ནི་དེ་རིང་ཆོས་བབ་དུས་སྒྲུབ་མི་དགོས་པར་གཞན་ལ་འདི་ཐོན་ཞེས་ཟོང་དུ་བྲིམ་ནས། འདོན་མི་དང་སྤེལ་ས་ཞིག་མ་རྙེད་པས་བསྐམ་ཆགས་འབར་བ་འདིའང་གསང་སྔགས་ཀྱི་སྒྲུབ་ཐབས་ཀྱི་ལུགས་དང་མཐུན་མི་མཐུན་དཔྱད་དགོས་སོ། །དེ་ལྟར་ཆོས་དེས་གཏེར་སྟོན་ཁོ་རང་ཡང་ཚེ་རིང་ནད་མེད་སོགས་དངོས་གྲུབ་འདི་ཐོབ་དང་། གཞན་ཆོས་བདག་དང་ཆོས་རྒྱུན་འཛིན་པ་ལའང་གྲུབ་པ་ཆེན་པོ་དང་། འབྲིང་པོ་ཕར་ཞོག སེམས་སྤྲོ་བའི་མངོན་རྟགས་ཕྲ་མོའང་འདི་བྱུང་ནི་དཀའ་མོ་ཞིག་ལས་སུས་མཐོང་མྱོང་མཁན་དཀོན་འདྲ། དེས་ན་ད་ལྟ་གསར་རྙིང་གཉིས་ཀ་ལ་རྒྱལ་བའི་བཀའ། འཕགས་པའི་ལུང་། བླ་མ་གོང་མའི་མན་ངག་དང་ལྡན་པའི་ཆོས་མདོ་སྔགས་ ― MR12_Page_0384 ―
[མ་དཔེ་གཟིགས་ན་འདིར་གནོན།]
ཀྱི་ཉམས་ལེན། ལྷ་རབ་འབྱམས་ཀྱི་སྒྲུབས་ཐབས། ལས་སྣ་ཚོགས་ཀྱི་ཆོ་ག་ཅི་འདོད་དུ་གདའ་བས། ཆོས་ཀྱི་མུ་གེ་ནི་སུ་ལའང་མི་འདུག་སྟེ། ཆོས་ཉམས་སུ་མི་ལོན་པ་འདི་འདྲ་བའི་དུས་ན། གལ་ཏེ་ཉམས་ལེན་རེ་འདོད་ན་གསར་ཆོས་ཞིག་མེད་ཐབས་ཆག་ཅི་མི་གདའ་ན་སྙམ། ལྷག་པར་རྙིང་མ་པ་ལ་འདོན་རྒྱུ་སྒྲུབ་རྒྱུ་ཡང་། དེ་སྔ་འདི་ལས་ལྷག་ཐོས་བསམ་གྱིས་གོ་རྒྱུ། བསྒྲུབས་པས་འཚོངས་རྒྱུ། བསྒོམས་པས་མྱོང་རྒྱུ་གསར་པ་ཅི་ཞིག་འདུག །རྙིང་པས་མི་ཕན་གསར་པས་ཕན་ན་གསར་ཆོས་ཉམས་ལེན་བྱེད་པ་ཚོས་དངོས་གྲུབ་ཁྱད་འཕགས་རེ་བརྙེས་པར་མཛད་ན་ལེགས་ཀྱང་། སྔ་རབས་པའི་དམ་པ་གོང་མའི་རྣམ་ཐར་དེ་འདྲའི་ཕྱོགས་སུ་ཕྱིན་པ་ཡང་དེང་སང་སུ་ཡང་དཀའ། ཡོད་ན་ངོ་མཚར་ཆེ་སྟེ་དགའ་ཞིང་ཡི་རང་བ་ལས་ཅི་ཡོད། ལར་ཆོས་དེས་དངོས་སུ་འདི་ཕན་ཞིག་བྱུང་ན་དེས་དུས་ཀྱི་འཚུབ་འགྱུར་སོགས་ཞི་བར་སྨྲས་པ་ལྐོག་གྱུར་པ་སོགས་རིགས་ཀྱི། གཞན་དངོས་སུ་ཅི་ཡང་མེད་པར་ལྐོག་གྱུར་གྱི་ཕན་ཆེན་པོ་ཐོགས་ཟེར་བའང་ཐེ་ཚོམ་གྱི་གནས་སོ། །མདོར་ན་ཨོ་རྒྱན་ཆེན་པོའི་ཕྲིན་ལས་དང་སྔོན་ལས་ཀྱི་འབྲེལ་བ་ཅན་སེམས་ཅན་གྱི་མཐའི་བར་དུ་མི་མཛད་པས་དེར་སོང་གཏེར་སྟོན་མི་འབྱུང་ཟེར་བ་དང་། སྐལ་ལྡན་གྱི་གང་ཟག་མི་སྲིད་ཅེས་སྐུར་བ་འདེབས་པ་ནི་ནམ་ཡང་མ་ཡིན་ཏེ་བདག་གཏེར་སྟོན་དང་གཏེར་ཆོས་ལ་དད་མོད་ཀྱིས། གཏེར་ཆོས་ཟེར་བ་ཉབ་ཉོབ་མང་པོ་དར་ཆེས་ན་ཆོས་རྙིང་བྱིན་རླབས་ཅན་རྣམས་ཀྱི་འགྲོ་དོན་སྒྲིབ་པ་དང་། གཏེར་སྟོན་ཟེར་བའི་འཆལ་སྤྱོད་ཅན་མང་ཆེས་ན། དགེ་འདུན་གྱི་སྡེ་གཙང་མ་ལ་གནོད་པ་དང་། ལུང་བསྟན་ཟེར་བའི་འཆལ་གཏམ་སྣ་ཚོགས་འཕེལ་ན་ཆགས་ ― MR12_Page_0385 ―
[མ་དཔེ་གཟིགས་ན་འདིར་གནོན།]
སྡང་དང་དམ་པ་རྣམས་ལ་སྐུར་འདེབས་ལོག་ལྟའི་འཚུབ་མ་མང་བ་སོགས་གནོད་པ་སྣ་ཚོགས་ལས། རྒྱལ་དབང་པདྨའི་བསྟན་པ་མདོ་སྔགས་ཀྱི་བསླབ་བྱ་རིན་པོ་ཆེ་རྣམས་ལ་ཕན་ཆ་དཀའ་བར་མཐོང་ནས་ཆགས་སྡང་གི་ཚིག་ཅུང་ཟད་མིན་པར་དྲང་པོར་བརྗོད་པ་འདི། རང་ཉིད་གཏེར་སྟོན་པར་ཁས་འཆེ་བ་དང་། གཞན་ཐོས་བསམ་ཅན་དང་། བསམ་གནས་ཀྱི་མི་སྐྱ་ཕོ་མོ་ཚུན་ཆད་ཀྱིས་ལེགས་པར་སོམས་ཤིག །དེས་ན་གཏེར་སྟོན་པར་ཁས་འཆེ་བ་དག་གིས། བདག་རྒྱལ་དབང་པདྨའི་ཟབ་ཆོས་འབྱིན་པ་པོ་ཡིན་པས་ཅིས་ཀྱང་རང་དོན་ཚགས་སུ་ཚུད་པ་དགོས་བསམས་ནས། གཏེར་ཆོས་དེ་དང་པོར་རང་གིས་ཉམས་སུ་ལོངས། དེས་རང་དོན་གྲུབ་ན་འགྲོ་དོན་མ་བྱུང་ཡང་ཡིད་ཚིམ། འགྲོ་དོན་བྱ་རྒྱུའི་ཆོས་ཀྱིས་དབུལ་མི་འདུག །ཤིན་ཏུ་གསང་སྟེ་སྤྱོད། ཁར་འཆལ་ན་དེང་སང་ཟོག་པོས་རྒྱལ་ཁམས་གང་དུས་རེད་པས་དད་པ་བབ་ཀྱང་ཁ་ཟེར་མང་བ་ཙམ་འོང་བ་ལོས་ཤེས། རང་མ་གྲུབ་པའི་ཆོས་ཀྱིས་གཞན་གྲུབ་དཀའ་བས་སེམས་ཅན་རྣམས་ལ་ཕན་མ་ཐོགས་ཀྱང་བསླུ་བའི་གནོད་པ་བྱས་ན་ཨ་ཙ་མ་སྙམ་དུ་སྙིང་རྗེས་ཟུང་། གཞན་པ་གཏེར་སྟོན་གྱི་ཆོས་འདོན་འདོད་རྣམས་ཀྱིས་ཀྱང་གང་ཟག་གི་ཚོད་གང་ཟག་གིས་མི་ཟིན་པས་སྐུར་བ་མི་གདབ། དང་དུ་མི་ལེན། མ་རེད་བསམས་ཀྱང་སྨད་ར་མི་བྱེད། དེ་བདག་གིས་སྨད་པས་དུས་ངན་པའི་སེམས་ཅན་གྱི་ལས་སྣང་མི་ཁེགས། རེད་བསམས་ཀྱང་བསྟོད་ཤེས་དཀའ་སྟེ་མངོན་ཤེས་མེད་པས་ཆོས་རྣམས་བྱིན་རླབས་ཅན། གུ་རུ་མཁའ་འགྲོའི་ཞལ་ལུང་ཨེ་ཡིན་ག་ལ་ཤེས། དེས་ན་བཏང་སྙོམས་བཞག་ལེགས་ཤེས་པ་མེད་ཅེས་པ་ལྟར་གདའ། མདོར་ན་གུ་ ― MR12_Page_0386 ―
[མ་དཔེ་གཟིགས་ན་འདིར་གནོན།]
རུའི་གཏེར་ཆོས་ཟེར་རྒྱུ་ཞིག་ཡོད་རྒྱུ་རེད་མོད། དེ་ངོ་མ་ཡིན་མིན་གྱི་རྒྱུ་མཚན་རྙེད་དཀའ་སྟེ་གཏེར་སྟོན་པ་པོ་ཐོག་བབ་ཏུ་རྙེད་པ་ཡིན་པས་ན། གཏེར་སྟོན་པ་པོ་དེ་གོང་བཤད་ལྟར་ཤིན་ཏུ་ཚད་ལྡན་འདི་ལ་སེམས་ཅན་བསླུ་བའི་ཟོག་ཆོས་ག་ལ་ཡོད་སྙམ་དུ་ངེས་པ་བརྟན་པ་རྙེད་རྒྱུ་ཞིག་ཡིན་ན། གང་ཟག་དེ་ལ་མི་རྟེན་པའི་སྒོ་ནས་དེའི་ཆོས་ལ་ཡིད་ཆེས་དགོས་རྒྱུ་རེད་ཀྱང་། དེང་སོང་གི་གང་ཟག་ཕལ་ཆེ་བ་ནི་གོང་གི་དམ་པའི་ཡོན་ཏན་མཁྱེན་བརྩེ་ནུས་གསུམ་མཚོན་ཙམ་བཤད་པ་དེ་ལས་གོ་ལྡོག་ལྟ་བུར་མཐོང་ན་དེས་རྙེད་པའི་ཆོས་ལ་གུ་རུའི་གསུང་དུ་ཡིད་ཆེས་དཀའ་བར་སྣང་། གཞན་ཡང་རང་གི་རྫུན་ཟོག་མིན་ཡང་བདུད་དང་ནག་ཕྱོགས་ཀྱི་མཐུས་རྫུན་གཏེར་ཡོད་ཅེས་གུ་རུ་ཉིད་ཀྱིས་ཡང་ཡང་གསུངས་པ་དཔང་པོར་བྱས་ན། གཏེར་ཆོས་ཟེར་ཚད་རྣམ་དག་ཏུ་སྒྲུབ་དཀའ་བས་རང་གིས་ཆོས་སྒྲུབ་ནུས་ན། སྒྲུབ་རྒྱུའི་ཆོས་ཀྱིས་དབུལ་བའི་མུ་གེ་སུ་ལ་བྱུང་མི་འདུག་པས། ཁྱི་དང་གློ་བ་འཕྲད་པ་ལྟར་གང་བྱུང་ལེན་དགོས་པའི་གལ་འགག་ཅི་ཡང་མི་གདའ་བས། དགེ་བའི་བཤེས་གཉེན་རྒྱུ་འབྲས་ཀྱི་གནད་ཞིབ་པ་དང་། མདོ་རྒྱུད་ཀྱི་དོན་ལ་མཁས་པ་ཉམས་རྟོགས་ཀྱི་གདེང་ཚད་ཅི་རིགས་ལྡན་པ་ལས་ཆོས་ཉན་ཅིང་ཉམས་སུ་བླང་ན་འཚེང་བ་ལས་ཕུང་བ་ཅི་ཡང་མེད་ངེས་རེད་པས་དེ་ལྟར་གདམས་པ་ཀུན་གྱི་ཐུགས་ལ་ཞོག །བླང་དོར་དཔྱད་པ་མེད་ན་ལམ་གོལ་འཁྱམས། །ནོར་ལ་དཔྱད་ར་སྙིགས་མའི་སྐྱེ་བོ་མཁས། །ཆོས་ལ་དཔྱད་ར་མ་ཤེས་གང་བྱུང་ལེན། །བདག་གིས་གང་ཟག་གཞན་ལ་སྨད་འདོད་མིན། །ཟབ་གཏེར་ཡིད་བཞིན་ནོར་བུ་རྙེད་དཀའ་ལ། །ཆོས་ཟབ་པ་ལ་བདུད་ཀྱང་ཟབ་གསུངས་ལྟར། །གཏེར་ལ་ཁུངས་བཟུང་འཆོལ་ ― MR12_Page_0387 ―
[མ་དཔེ་གཟིགས་ན་འདིར་གནོན།]
ཉོག་བསྟོད་སྨད་ཀྱིས། །ཆོས་བརྒྱད་ཕལ་མོ་ཆེ་ཞིག་དེང་སོང་བདོ། །འཆལ་སྤྱོད་གྲུབ་བརྫུ་ནག་ཆང་ནོར་རྫས་སོགས། །འདོད་པས་རྒྱལ་དབང་པདྨར་ཁ་གཡར་ནས། །ཐོས་བསམ་མི་དགོས་རྒྱུ་འབྲས་མི་གཟབ་ཞིང་། །བསྙེན་སྒྲུབ་བསྒོམ་པ་གང་ཡང་མི་དགོས་པར། །རང་ཡང་ཉི་མ་གཅིག་གིས་རྗེ་འབངས་ཀྱི། །གྲལ་བསྙེགས་མཐུན་ཕྱོགས་ཕལ་ཆེར་དེར་བཏགས་པའི། །ཐབས་འདིས་སྔ་འགྱུར་པ་ཡི་བསྟན་པ་ལ། །གཞན་དག་ཐེ་ཚོམ་ཟ་བའི་འབྲས་བུ་འགྲུབ། །དེ་ཕྱིར་ཡང་དག་གཏེར་སྟོན་ཡིན་སྲིད་ན། །འདོན་ཆ་མི་དགོས་རང་ལུགས་ལྟ་གྲུབ་ཀྱིས། །གནད་སློང་བཤད་སྒྲུབ་བསྟན་པའི་རྒྱལ་མཚན་སྒྲེངས། །རིས་མེད་བསྟན་འགྲོར་ཕན་ན་གཏེར་ལགས་ཀྱི། །རང་བསྔགས་མི་དགོས་སྙན་པས་ས་སྟེང་ཁྱབ། །གཏེར་འདོན་མི་དགོས་དམ་ཆོས་བསྟན་པ་ཚུགས། །གལ་ཏེ་བཏོན་ཀྱང་ཡིད་ཆེས་སྐྱེ་བར་འདོན། །ཟོང་འགྲིམ་མི་དགོས་ཀུན་གྱིས་ཐོབ་ཤ་བྱེད། །དེ་ཕྱིར་རྒྱལ་དབང་པདྨའི་བསྟན་པ་འདིས། །གཏེར་སྟོན་རྣམས་ལ་གཅེས་པའི་ནོར་བུ་ཡིན། །དེ་སླད་དེ་ལ་སྨ་འབེབས་མ་སོང་བར། །ཅི་ནས་རྒྱན་དུ་འགྱུར་བའི་ཐབས་སོམས་ཤིག །བསྟན་ལ་མ་བསམ་རང་གི་ལོག་འཚོ་དག །སྒྲུབ་ཕྱིར་བླུན་པོ་མགོ་སྐོར་གསར་ཆོས་ཀྱིས། །འཆད་སྤེལ་གང་ནུས་བྱེད་པའི་སྐྱེ་བོ་དག །པདྨའི་ཐ་ཚིག་ཡལ་བར་བོར་བས་ནོངས། །ལྷ་དང་རིག་འཛིན་ཌཱ་ཀིའི་སྤྱན་སྔ་རུ། །རྒྱལ་དབང་པདྨའི་བསྟན་ལ་བསམ་དཀར་ཅན། །དོན་མེད་ཐ་སྙད་ཚིག་གི་མཁས་པ་དེས། །ཀྱེ་མ་རྒྱལ་བསྟན་རིན་ཆེན་བསམས་ཞིང་སྐྱོ། །སྐྱོ་ཡང་དུས་ཀྱི་ ― MR12_Page_0388 ―
[མ་དཔེ་གཟིགས་ན་འདིར་གནོན།]
སྙིགས་མར་བདག་འདྲ་བས། །ཕན་པའི་ནུས་པ་ཅུང་ཟད་མི་འབྱུང་མོད། །བདེན་པའི་ཚིག་ལ་དཔྱོད་ཤེས་གཞན་ཡོད་ན། །དེ་དག་རྣམས་ཀྱི་རྒྱུད་ལ་ཕན་གྱུར་ཅིག །དུས་ཀྱི་སྙིགས་མ་མུན་ལྟར་བདོ་ན་ཡང་། །རྒྱལ་དབང་པདྨའི་ཕྲིན་ལས་ཟླ་ལྟར་གསལ། །གསང་སྔགས་སྙིང་པོའི་འོད་ཟེར་ཉི་མ་ལྟར། །གསལ་བས་ས་གསུམ་བཀྲ་ཤིས་འབྱུང་བར་ཤོག །ཅེས་པའང་མེ་རྟ་ཟླ་ ༢ ཚེས་ ༡༠ ལ་འཕྲལ་དྲན་ལྟར་མི་ཕམ་པས་སོ། །དགེའོ།། ༈ །།རིག་འཛིན་ཀློང་གསལ་སྙིང་པོའི་ཟབ་གཏེར་ལས། བསྟན་པའི་རུ་ཏྲའི་སྙིང་ཁྲག་ས་དང་བསྲེས།༔ རྣམ་ཤེས་མནར་མེད་གནས་སུ་མཱ་ར་ཡ༔ ཞེས་པའི་རྡོ་རྗེའི་ཚིག་ལ་སྔགས་མཐའ་དྲུག་གིས་བཤད་དུ་ཡོད་པ་ཙམ་ཡང་ཐོས་མ་མྱོང་བའི་བློ་ཆུང་འགའ་ཞིག་གིས་ཅལ་སྒྲོགས་བྱུང་བར་བརྟེན། གནས་ལྔ་རིག་པ་ཀཿཐོག་པཎྜི་ཏ་ཆེན་པོའི་གསུང་རྗེས་སུ་བརྒྱུད་པ་ལས་འདི་ལྟར་ཐོས་ཏེ། རྡོ་རྗེའི་ཚིག་རྐང་གཅིག་པོ་འདི་ཁོ་ན་ལའང་མཐའ་དྲུག་གིས་བཤད་དུ་རུང་བའི་གནད་ཁྱད་པར་ཅན་ཡོད་དེ། སྒྲ་ཇི་བཞིན་པའི་དབང་དུ་བྱས་ན། མནན་བྱ་བསྟན་པའི་རུ་ཏྲ་ལྟ་བུ་དེ་འོག་ཕྱོགས་སུ་རྒྱས་འདེབས་པ་སྔགས་ཆོག་སྤྱིའི་ལུགས་ཡིན་པས་འོག་ཕྱོགས་གཤིན་རྗེའི་གྲོང་ཁྱེར་དུ་གཏད་ནས་ཁོ་རང་གི་ལས་ངན་སྨིན་པ་མྱུར་དུ་ཟད་དེ་བྱང་ཆུབ་མཆོག་གི་སྐལ་བ་དང་ལྡན་པར་གྱུར་ནས། གཟུང་འཛིན་འཁྲུལ་བའི་རྣམ་ཤེས་མི་རྟོག་པའི་དབྱིངས་སུ་གསོད་པ་ཡིན་ལ། སྒྲ་ཇི་བཞིན་མིན་པའི་དབང་དུ་ན། སྒྲ་འཇུག་པ་དམྱལ་བ་མནར་མེད་ལ་གྲགས་ཀྱང་། བཤད་ན་མནར་བ་གང་ཡང་མེད་པ་འོག་མིན་གྱི་གནས་སུ་གཟུང་འཛིན་གྱི་རྣམ་ཤེས་གསོད་པའི་དོན་ ― MR12_Page_0389 ―
[མ་དཔེ་གཟིགས་ན་འདིར་གནོན།]
ཏེ། ཕ་དང་མ་ནི་བསད་བྱ་ཞིང་། །ཞེས་སོགས་གསུངས་པ་བཞིན་ནོ། །གཞན་དུ་དམྱལ་བ་མནར་མེད་དུ་སྐྱེ་བར་ཤོག་ཅིག་ཅེས་པ་ཁོ་ནའི་དོན་ཡིན་ན། མཱ་ར་ཡ་ཞེས་བརྗོད་པ་མི་འཐད་དེ། མནར་མེད་སྐྱེས་བའི་རྣམ་ཤེས་བསོད་དུ་ཡོད་པར་འཛིན་མཁན་དེ་བཞད་གད་ཀྱི་གནས་ཏེ། རྣམ་ཤེས་ལུས་ཅན་མ་ཡིན་པས། །སུས་ཀྱང་གང་དུ་གསོད་མི་ནུས། །ཞེས་པ་བཞིན་ནོ། །དེས་ན། རྡོ་རྗེ་མཚོན་གྱིས་གང་བསད་པ། །སྲོག་ནི་ལོག་རྟོག་རྡོ་རྗེར་ཤི། སླར་སྐྱེ་བ་དག་ག་ལ་སྲིད། །ཅེས་གསུངས་པའི་དོན་བཞིན་ནོ། །ཡང་དྲང་དོན་དུ་བཤད་ན། བསྟན་དགྲའི་ལས་ངན་དང་དུག་གསུམ་གྱི་རང་མདངས་དྲག་པོའི་ཨེ་ཁང་ལ་མནར་མེད་ཅེས་བྱ་སྟེ་འདྲ་བ་རྒྱུ་མཚན་དུ་བྱས་པའི་མིང་ངོ་། །དེར་ཚེ་ཁྲུས་གནས་གསུམ་གྱི་ཐབས་ཟབ་མོས་ལས་ངན་བསྟན་དགྲའི་གཟུང་འཛིན་གྱི་རྣམ་ཤེས་བསད་ནས་ཕྱིར་མི་ལྡོག་པར་བྱེད་པའི་དོན་ཏོ། །ངེས་དོན་དུ་བཤད་ན། དབུ་མའི་མར་སྣ་བདེ་ཆེན་ནོར་བུའི་ཁྱིམ་ཞེས་བྱ་བ་ནི་མནར་མེད་དེ། དེར་རླུང་ཞུགས་ན་འཁོར་བའི་ཟུག་རྡུ་འཕྲོག་པའི་ཕྱིར་རོ། །དེར་ཀུན་རྟོག་གི་བཞོན་པའི་ལས་རླུང་གི་རྒྱུ་བ་དབྱིངས་སུ་བསྟིམས་ནས། སྣང་གསུམ་འཕོ་བས་བསྐྱེད་པའི་གཟུང་འཛིན་གྱི་རྣམ་ཤེས་འགོག་པའམ་གསོད་པར་བྱེད་པའི་དོན་ཏེ་སྔགས་རྒྱུད་རྣམས་ནས་སྲོག་གཅོད་པ་མི་བསྐྱོད་པའི་དམ་ཚིག་ཏུ་བཤད་པ་ལ་ཕྱི་ནང་གི་བཤད་དུ་ཡོད་པ་བཞིན་ནོ། །དགོངས་པས་བཤད་ན། དགོངས་གཞིར་རང་སྣང་འོག་མིན་དུ་ཕྱིར་མི་ལྡོག་པར་བཀོད་པ་ལ་དགོངས་ནས། དངོས་སུ་མཚམས་མེད་དང་ཆོས་སྤོང་གི་ཀུན་རྟོག་སྐྱེད་པའི་ལས་རླུང་དང་འགྲོགས་པའི་རྣམ་ཤེས་འདི། ― MR12_Page_0390 ―
[མ་དཔེ་གཟིགས་ན་འདིར་གནོན།]
ཁོ་རང་གི་ལས་སྣང་དང་སྒྲོལ་བྱེད་ཀྱི་ནུས་བརྒྱུ་རྐྱེན་དུ་གྱུར་པའི་དྲག་པོའི་གཞལ་ཡས་ཁང་གནས་སྐབས་དེ་ལས་མནར་དུ་མེད་པ་ལྟར་སྟོན་ཀྱང་མཐར་ཐུག་མནར་བ་གཏན་དུ་མེད་པར་བྱེད་པའི་གནས་སུ་སྔགས་ཀྱི་ཐབས་ཁྱད་པར་ཅན་གྱིས་སོད་ཅེས་སོ། །དགོངས་མིན་གྱི་དབང་དུ་ན། ཐེག་མཆོག་མཉམ་པའི་དོན་ཉིད་རྟོགས་པ་ན། །མནར་མེད་གནས་ཀྱང་འོག་མིན་དགའ་ལྡན་ཞིང་། །ཞེས་པ་ལྟར་དག་མཉམ་ཆེན་པོའི་ལྟ་དགོངས་ཁྱད་པར་ཅན་དང་ལྡན་པའི་སྔགས་པས་གནས་སྐབས་དྲག་ཤུལ་གྱི་ཚུལ་ཇི་ལྟར་མཛད་ཀྱང་འཁོར་བའི་ས་བོན་འཛིན་པའི་རྣམ་ཤེས་ཀྱི་སྲོག་རྒྱུན་གཅོད་པའི་ཐབས་མཁས་ཁྱད་པར་ཅན་དུ་མི་འགྲོ་བ་མེད་པའི་གནད་ཀྱིས་སོ། །དེ་རྣམས་རྒྱུད་སྡེའི་ལུང་དང་སྦྱར་ཏེ་ཤེས་པར་བྱའོ། །ངག་དབང་ཞེས་པས་དྲིས་པ་ལ། འཇམ་དབྱངས་ཞེས་པས་འཕྲལ་མར་བྲིས། །རྡོ་རྗེའི་ཚིག་གི་གསང་གནད་འདི། །སྔགས་ཀྱི་ཟབ་དོན་ཡིན་ཕྱིར་གསང་། །ཟབ་དོན་མདོ་ཙམ་བརྗོད་པའི་དགེ་བ་ཡིན། །ཐེག་པ་མཆོག་གི་ཆོས་ལ་གཤེ་བྱེད་པའི། །བསྟན་པའི་རུ་ཏྲའི་སྙིང་ཁྲག་ས་དང་སྲེས། །རྣམ་ཤེས་མནར་མེད་གནས་སུ་མཱ་ར་ཡ། །ཕྱི་ནག་ནང་ནག་སྙིང་ནག་དེས་ཆོས་གྲྭར་བྲིས་པ་དགེ། །། ༈ །གྲོགས་དང་གཏམ་གླེང་བའི་རྐྱེན་ལས་མཚར་གཏམ་དུ་བྱས་པ། ན་མོ་མཉྫུ་ཤྲཱི་ཡེ། རྒྱལ་བ་ཉིད་ཀྱི་ཕྲིན་ལས་དང་། །རྒྱལ་སྲས་རྣམས་ཀྱི་ཐབས་མཁས་ལས། །རྒྱལ་བསྟན་གསར་རྙིང་ཐ་སྙད་བཞིའི། །རྒྱལ་ཐབས་ལེགས་མཛད་ཆེ་རྣམས་རྒྱལ། །དེ་ལ་མདོ་ཡི་བཀའ་བབ་དགེ་ལྡན་པ། །སྔགས་ཀྱི་བཀའ་བབ་རྙིང་མ་བ། །བཤད་པའི་བཀའ་བབ་ས་སྐྱ་བ། །བསྒྲུབ་པའི་ ― MR12_Page_0391 ―
[མ་དཔེ་གཟིགས་ན་འདིར་གནོན།]
བཀའ་བབ་བཀའ་བརྒྱུད་པ། །མཁྱེན་པའི་དབང་ཕྱུག་ས་སྐྱ་བ། །སྨྲ་བའི་དབང་ཕྱུག་དགེ་ལྡན་པ། །རྟོགས་པའི་དབང་ཕྱུག་བཀའ་བརྒྱུད་པ། །ནུས་པའི་དབང་ཕྱུག་རྙིང་མ་པ། །ངོ་མཚར་ཆེའོ་བཀའ་བབ་བཞི། །ལྟ་བ་མཐའ་བྲལ་རྙིང་མ་བ། །སྒོམ་པ་ནན་ཏན་བཀའ་བརྒྱུད་པ། །སྤྱོད་པ་ཕུན་ཚོགས་དགེ་ལྡན་པ། །བསྙེན་སྒྲུབ་ཆོས་སྤྱོད་ས་སྐྱ་པ། །ཀུན་ལའང་ཐམས་ཅད་ཚང་མོད་ཀྱི། །རང་རང་བརྟུལ་ཞུགས་རྩལ་དུ་འདོན། །རྙིང་མའི་འདོན་པ་སྣ་ནས་འདོན། །ས་སྐྱ་བ་རྣམས་མཆུ་ནས་བསྒྲགས། །དགེ་ལྡན་མགྲིན་པའི་སྒྲ་གདངས་གཙོ། །བཀའ་བརྒྱུད་གྲེ་ཕུག་བསྒྲིམས་ནས་འདོན། །དགེ་ལྡན་པ་རྣམས་གཞུང་ལམ་རྫོགས་པའི་བསྟན་པའི་ལུས་དང་འདྲ། །ས་སྐྱ་བ་རྣམས་མདོ་སྔགས་ཟུང་དུ་འབྲེལ་བས་བསྟན་པའི་མིག་དང་འདྲ། །བཀའ་བརྒྱུད་པ་མོས་གུས་ཉམས་ལེན་ལ་ཚིག་དྲིལ་ཕྱེད་པའི་བསྟན་པའི་སྙིང་དང་འདྲ། །རྙིང་མ་པ་རྒྱུད་སྡེ་དང་སྒྲུབ་སྡེའི་ཟབ་གནད་ཡོད་པས་བསྟན་པའི་སྲོག་དང་འདྲ། །བཞད་གད་ཀྱི་གཏམ་བྱས་ན། རྙིང་མ་པ་འོད་གསལ་རྫོགས་པ་ཆེན་པོ་ཕྱིའི་ལས་རྒྱ་སོགས་ལ་མི་ལྟོས་པར་རྡོ་རྗེ་འཆང་སྒྲུབ་པའི་ལམ་ཡོད་པར་ཁས་ལེན་བཞིན། བླ་མ་སྐུ་ཚེ་རིང་བ་དང་། སྤྱན་གསལ་བ། བསྙུན་མེད་པ། གཏེར་སྟོན་གྱི་འགྲོ་ཕན། བསྟན་པ་སེམས་ཅན་གྱི་དོན་འགྲུབ་ཆེད། བླ་མ་རྣམས་ཀྱིས་བུད་མེད་བརྟེན་དགོས་ཟེར། བསྟན་དོན་དུ་བཤད་སྒྲུབ་བྱེད་དགོས་ནི་མི་ཟེར། བསྟན་འགྲོའི་དོན་སྒྲུབ་པ་དང་། བཤད་སྒྲུབ་ཀྱི་གོ་དེས་ཆོད་པ་དང་། སྤྱན་གསལ་བ་སོགས་ཀྱི་རྒྱུ་དེ་ཡིན་པ་ངོ་མཚར་ཆེ་ ― MR12_Page_0392 ―
[མ་དཔེ་གཟིགས་ན་འདིར་གནོན།]
སྙམ། དགེ་ལྡན་པ་སྲིད་པའི་སྡུག་བསྔལ་ཀུན་གྱི་གཉེན་པོ་བདག་མེད་རྟོགས་པའི་ཤེས་རབ་ཡིན་པར་འདོད་བཞིན་བདག་མེད་རྟོགས་ལ་ཁད་ཀྱི་དུས་བདག་ཆད་དུ་དོགས་པས་འཇིགས་སྐྲག་སྟན་གྱི་སྟེང་དུ་སྡོད་མི་ཚུགས་པ་ཞིག་འོང་ཟེར། སྔར་ནི་མཐོང་ལམ་ཐོབ་དུས་དང་། དེའི་སྔར་བདག་མེད་ལ་གསལ་སྣང་སྐྱེ་བར་ཕྱོགས་ཚེ་དགའ་བ་ཁྱད་པར་ཅན་རེ་སྐྱེ་བའི་ཚོད་རེད། ད་ལྟ་དུས་ངན་པས་ཡིན་ནམ་མཚར་སྙམ། ས་སྐྱ་པ་རྣམས་ཀུན་སྤྱོད་ལ་མི་ལྟོས་པར་ནང་གི་ཡེ་ཤེས་གཙོ་བོར་འདོད་པའི་བླ་མེད་ཁས་ལེན་བཞིན། ལམ་དུས་ཁོ་ན་འདོན་སྐབས་སྟན་ལས་ལྡང་ན་དམ་ལས་འདས་པས་མི་ལྡངས་པའི་བརྟུལ་ཞུགས་འཛིན་ཅིང་ཆེད་དུ་ལངས་དགོས་ན་སྟན་དང་མ་བྲལ་བ་ཙམ་དུ་རྒུར་རྒུར་དང་གོག་གོག་བྱེད་སྣང་། དེ་འདྲ་དུས་དང་ལུས་ཀྱི་འདག་གྲོལ་འགའ་ཞིག་ཡོད། གལ་ཏེ་ཡར་བཞེངས་ན་ཅིར་འགྱུར་སྙམ། བཀའ་བརྒྱུད་པ་ཕྱག་རྒྱ་ཆེན་པོ་འཁོར་འདས་ཀུན་ཁྱབ་ཀྱི་ཡེ་ཤེས་ལ་འདོད་བཞིན་ཕྱག་རྒྱའི་སྒྲ་རྐང་ལག་གི་ཟླས་ཕྱེས་པའི་ལག་པ་ལ་སྒྲ་བཤད་མཛད། དེ་འདྲའི་ལག་པ་ཆེན་པོ་དེ་ཅི་འདྲ་ཞིག་ཡོད། གཅིག་མཐོང་ན་ཡ་མཚན་སྙམ། ཨ་ཧི། དེ་དག་རྩེད་མོ་ཡིན། དམ་པ་རྣམས་ཀྱི་གསུངས་ལ་དོན་ཆེན་པོ། གསར་རྙིང་སོ་སོའི་དགོངས་པ་ལ་གནད་རེ་ཡོད་པར་འདུག །ཡང་རྙིང་མ་ཕལ་ཆེར་ནི། སྲོག་གཅོད་ལ་འཛེམ་པ་ཡོད་ཀྱང་། བུད་མེད་ནི་ལར་སྤང་བྱ་མིན་པར་རློམས། སྔགས་པ་མཚན་ཉིད་པ་རྣམས་ནི་སྐྱབས་སུ་མཆིའོ། །སྤྱིར་ནི་འདོད་ཆགས་འདིས་རྙིང་བསྟན་ལ་འཚེ་བས་གཟབ་འཚལ། བཀའ་བརྒྱུད་པ་ཕལ་ཆེར་བཤད་པ་དང་ཚད་མ་ལ་སྡང་། ― MR12_Page_0393 ―
[མ་དཔེ་གཟིགས་ན་འདིར་གནོན།]
སེམས་རྐྱང་ཆིག་དེད་ལ་དགའ། རྟོགས་གྲོལ་དུས་མཉམ་རྣམས་ནི་སྐྱབས་སུ་མཆི། སྤྱིར་ནི་གཏི་མུག་འདི་བཀའ་བསྟན་ལ་འཚེ་བས་སྤང་། དགེ་ལྡན་པ་ཕལ་ཆེར་ཆང་ནག་སོགས་འཛེམ་པས་བསྟན་པའི་མིག་ལྟོས་ལེགས་ཀྱང་། ཕལ་ཆེར་གསོད་གཅོད་ལྷུར་ལེན་པ་ལ་སྐྱོན་དུ་མི་ལྟ་བས། ཞེ་སྡང་འདི་དགྲ་ཆེ་བས་གཟབ་འཚལ། ས་སྐྱ་པ་ཕལ་ཆེ་དབང་ཁྲིད་ཐོབ་ཙམ་དང་ས་ངོར་སོགས་རང་ལུགས་བྱེ་བྲག་པ་རེ་ལ་མཆོག་འཛིན་ཆེ་བས། ཆོག་འཛིན་དང་མཆོག་འཛིན་འདི་དགྲ་རུ་ཆེ་བས་སྤང་འཚལ། བསྟན་པ་སྤྱི་ལ་རང་ཕྱོགས་ལ་ཞེན་པ་ཡོད་ཀྱང་། གཞན་ཕྱོགས་ལ་སྡང་བ་མེད་པ་ཞིག་གལ་ཆེ་སྟེ། དེ་ཡང་རང་ཕྱོགས་ལ་བསམས་ན། སྟོན་པ་སངས་རྒྱས་བཅོམ་ལྡན་འདས་ཁོ་ནའི་རྗེས་འཇུག་ཡིན་པས་གཅིག་ལ་གཅིག་སྙིང་ཉེ་བའི་འདུ་ཤེས་དང་། བསྟན་པའི་གྲུབ་མཐའ་ཡང་མཁན་སློབ་ཆོས་གསུམ་གྱི་དུས་ནས་བརྩམས། སྔོན་གྱི་ཕྱག་རྗེས་བཟང་པོ་ལས། བོད་འདིར་ནི་ལྟ་བ་བཀར་བཏགས་ཀྱི་ཕྱག་རྒྱ་བཞི་ཁས་ལེན་པར་མཚུངས་པ་ཙམ་དུ་མ་ཟད། སྟོང་ཉིད་སྤྲོས་བྲལ་ཆེན་པོར་ཁས་ལེན་པ་དང་། དེར་མ་ཟད་བདེ་སྟོང་ཟུང་འཇུག་སྔགས་ཀྱི་ཐེག་པར་ཁས་འཆེ་བ་ཤ་སྟག་ཡིན་པས། དོན་དུ་ལྟ་གྲུབ་མཚུངས་པས་ཆེས་ཉེ་བ་དང་། གཞན་ཕྱོགས་ལ་བསམས་ན། ཕྱི་རོལ་དང་ཀླ་ཀློ་རྟགས་དང་ཆ་ལུགས་ཙམ་ཡང་མི་མཐུན་པ་མཚན་སྐར་ལྟ་བུའི་ནང་ན། རང་རེ་ནང་པ་ཉིན་སྐར་ལྟ་བུའི་ཉུང་ཤེས་འདི་ཡང་། བསྟན་པ་རྫོགས་ལ་ཁད་པའི་ལྷག་ཞབས་སུ། །བསྟན་པའི་གནས་ལ་དོན་མཐུན་དུ་ཞུགས་པ་རྣམས། །ཆེས་ཤིན་ཏུ་ཉེ་བའི་འདུ་ཤེས་བསྐྱེད་དགོས་ཏེ། ཕན་ཚུན་སྡང་བ་ནི་ཕུང་ ― MR12_Page_0394 ―
[མ་དཔེ་གཟིགས་ན་འདིར་གནོན།]
དཀྲོལ་ཆེ་བས། གཅིག་ལ་གཅིག །མས་བུ་མཐོང་བ་དང་། དབུལ་པོས་གཏེར་མཐོང་བ་ལྟར་དགའ་བའི་འདུ་ཤེས་བསྐྱེད་པར་བྱའོ། །སྟོན་པ་གཅིག་གི་རྗེས་ཞུགས་ནས། །བསྟན་པ་གཅིག་ལ་སློབ་པ་ཀུན། །ཞེན་ལྟའི་སྡང་མིག་སྤངས་བྱས་ནས། །དགའ་བའི་འཛུམ་གྱིས་འགྲོགས་གྱུར་ཅིག །བསྟན་ལས་ཕྱི་རོལ་གྱུར་པའི་ཆ། །རང་གཞན་སུ་ལ་སྣང་ཡང་སྤོངས། །བསྟན་པའི་དོན་དང་མཐུན་པའི་ཆ། །རང་གཞན་སུ་ལ་ཡོད་ཀྱང་སྒྲུབས། །དེ་མཐུས་གངས་རིའི་ཁྲོད་འདི་རུ། །སྒྲུབ་བརྒྱུད་རྒྱལ་ཐབས་ཆེན་པོ་བཞི། །ཆོས་ཀྱི་འབྱོར་པས་མཛེས་འབར་ཞིང་། །ཕྱོགས་ལས་རྣམ་པར་རྒྱལ་གྱུར་ཅིག །ཅེས་ས་རྙིང་བཀའ་དགེ་བཞིའི་ཡིན་པ་ཡོད་པའི་མ་ཏིས། །གྲོགས་ཀྱི་ངོར་རྩེད་མོར་བྲིས། མངྒ་ལཾ།། ༈ །།རབ་བྱུང་བཅོ་ལྔ་པ་ཤིང་ཕག་ལོའི་ཁྲུམས་ཟླའི་དམར་ཕྱོགས་རྒྱལ་བ་དང་པོ་ལ་རང་གནས་སུ། རང་དང་ལྷན་ཅིག་གནས་པའི་མཆེད་པོ་འགའ་ཞིག་ནས། སྔ་ནས་ཡང་ཡང་དྲིས་པ། སླར་ཡང་འདིར་ནན་ཏན་དུ་བསྐུལ་ནས། འདི་སྐད་དུ། འདི་ན་རྣམ་དཔྱོད་དང་རྟོགས་པ་ལྡན་པ་ཁ་ཅིག་དང་ཁོ་བོ་གཏམ་གླེང་བར། ཀྱེ་མ་པདྨ་བདུད་འདུལ་ཞེས་བྱ་བ་འཇའ་ལུས་ཆོས་སྐུར་གཤེགས་པ་རྫུན་ཡིན། དེ་ལ་སྤྱི་དུས་ངན་འདི་ལ་འཇའ་ལུས་མི་སྲིད། གལ་ཏེ་རྫོགས་ཆེན་རང་ལམ་ཀྱི་དབང་དུ་ནའང་། སྣང་བཞི་རིམ་གྱིས་རྫོགས་པར་གསུངས་ཤིང་། མཐར་ངག་བྲག་ཆ་ལྟ་བུ་རྗེས་ཟློས་ཙམ་ལས་མེད་པར་གསུངས་ན། ཁོ་རང་སང་འཆི་བའི་དེ་རིང་གཏམ་མང་དུ་ལབ་པ་དང་། ཡང་ཕྱི་ནང་གི་བྱ་བ་དགུ་ཕྲུགས་སུ་གཏོང་དགོས་ན། ཁོ་རང་འཁོར་སློབ་ ― MR12_Page_0395 ―
[མ་དཔེ་གཟིགས་ན་འདིར་གནོན།]
སྐྱོང་བཞིན་པ་དང་། དེ་དང་དེ་ལ་སོགས་པའི་རྒྱུ་མཚན་ལ་བརྟེན་ནས་ད་ལྟ་རང་གཞན་གྱི་རྟོག་གེ་པ་རྣམས། དེ་ལ་ཡིད་ནེམ་ནུར་དུ་མཆིས་པ་དེ་ཅི་ཞིག་ཡིན། ཅུང་ཟད་སྨྲོས་དང་ཟེར། ཕྲན་གྱིས་ཡང་དང་ཡང་དུ་དེ་འདྲ་བ་ནི། སྐྱེ་བོའི་ལོག་རྟོག་མཐའ་མེད་པས། དེ་དག་སྤྲོ་བྱ་བྱས་པ་ལ་དགོས་པ་ཅུང་ཟད་ཀྱང་མེད་པས་མི་སྨྲ་ཞེས་བཟློག་ཀྱང་། ནན་ཏན་དུ་འདྲི་འདུག་པ་ལ་མདོར་བསྡུས་ཏེ་བཤད་ན། ཀྱེ་མ་དམ་པ་མིན་རྣམས་དམ་པ་ལ། །ལྷག་པར་སྔགས་ཏེ་ཆུ་ལ་རྩྭ་བཞིན་འཕྱོ། །དེ་རྒྱ་གཉིས་ཏེ་ཕྲག་དོག་ཟུག་རྔུ་དང་། །ཐོས་དང་རྣམ་དཔྱོད་དམན་པའི་རྨོངས་ལས་སོ། །གལ་ཏེ་ཕྲག་དོག་ཟུག་རྔུའི་དབང་གིས་ནི། །མུ་སྟེགས་རྣམས་དང་ལྷས་བྱིན་དག་གིས་ཀྱང་། །བཅོམ་ལྡན་འདས་ལ་ངན་པའི་ཚིག་གིས་སྨད། །དེ་ཡང་ཆོས་ཉིད་ཀྱི་ནི་ཆེ་བ་སྟེ། །བྱང་ཆུབ་སྙིང་པོར་གཤེགས་པ་ན། །ས་དག་རྣམ་དྲུག་གཡོས་གྱུར་ཅིང་། །བདུད་ཡིད་མི་བདེ་གྱུར་པ་ཞེས། །ཇི་སྐད་གསུངས་པ་ལྟ་བུའོ། །གལ་ཏེ་གྲུབ་མཐའི་ཆགས་སྡང་གིས། །རང་ལ་མེད་པ་རྒྱུ་མཚན་དུ། །བཟུང་ནས་གཞན་ལའང་གཤེ་བ་ན། །ངོ་ཚ་བས་ཀྱང་དེ་ངོ་ཚ། །གསར་རྙིང་རྒྱུད་སྡེ་སོ་སོ་ན། །རགས་ལུས་དྭངས་མའི་འོད་སྐུ་རུ། །གྲུབ་པའི་ཚུལ་དང་རྒྱ་བོད་ཀྱི། །པཎ་གྲུབ་མང་ཞིག་དེར་གྱུར་པ། །དེ་ཀུན་ཅི་ཡང་མིན་ནོ་ཞེས། །རྒྱུད་སྡེའི་ཆེ་བ་ཉམས་བྱེད་པ། །ཁ་ནས་ཚིག་གི་སྟ་རེ་དེས། །དགེ་བའི་ལྗོན་ཤིང་གཅོད་མིན་ནམ། །གལ་ཏེ་དེ་ལྟར་ཡོད་མོད་ཀྱི། །པདྨ་བདུད་འདུལ་དེ་འདྲ་བ། །མིན་ཟེར་རྒྱུ་མཚན་ཅི་ཞིག་ཡོད། །སངས་རྒྱས་དང་ནི་དེ་འདྲ་བ། །མ་གཏོགས་གང་ཟག་ཚོད་མི་ཟིན། །གལ་ཏེ་ ― MR12_Page_0396 ―
[མ་དཔེ་གཟིགས་ན་འདིར་གནོན།]
ལྐོག་དུ་གྱུར་པ་ལ། །རྗེས་དཔག་ཚད་མས་གཞལ་ཟེར་ན། །དེ་ནི་ཤིན་ཏུ་འཐད་པར་རྟོགས། །ད་ལྟ་སྙིགས་མའི་དུས་ཡིན་ཀྱང་། །ཉོན་མོངས་ཇི་ཙམ་བདོ་གྱུར་པ། །སྨག་ལ་མར་མེའི་འོད་བཞིན་དུ། །སྔགས་དེ་དེ་ལྟར་ཟབ་མིན་ནམ། །དཔེར་ན་བལྟ་དགོད་ལག་བཅང་འཁྱུད། །རིམ་པས་རྒྱུད་སྡེ་བཞིར་གསུངས་བཞིན། །གལ་ཏེ་སྙིགས་དུས་སུ་ལའང་། །དེ་འདྲ་འབྱུང་མ་མཐོང་ཟེར་ན། །གང་ཟག་ལ་བརྟེན་ཆོས་སྤངས་ཏེ། །དེང་སང་གངས་རིའི་ཁྲོད་འདི་ན། །རྡོ་རྗེ་ཐེག་པའི་བསྟན་པ་ནི། །མེད་པར་ཁྱོད་ཀྱིས་ཁས་ལེན་ནམ། །ཤིན་ཏུ་དཀོན་ཞིང་ཉུང་བ་དེས། །ནོར་བུ་ཇི་བཞིན་འདིའི་ཆེ་བ། །གསལ་པོར་མཚོན་པ་མ་ཡིན་ནམ། །དེས་ན་ཕྱི་ནང་དག་འགྲིགས་པའི། །སྟོང་ཆེན་ཉི་མ་སྒྲིབ་པའི་ཉིན། །འཇའ་ཟེར་འོད་ཕུང་ཞག་བདུན་རིང་། །ཕན་ཚུན་སྣང་བ་མི་མངོན་པར། །དཀྲིགས་བཞིན་མངོན་སུམ་གྱུར་པ་ལ། །བསྙོན་འདིང་བ་འདི་མྱོས་མིན་ནམ། །དེ་ཚེ་གློ་བུར་ལྷགས་པའི་མགྲོན། །ཀཿཐོག་འཛར་ཀ་སྤྲུལ་སྐུ་སོགས། །མཁྱེན་དཔྱོད་མཚུངས་མེད་དུ་མ་དང་། །ཕལ་པ་བརྒྱ་ཕྲག་དུ་མས་ཀྱང་། །དང་པོ་གཤེགས་ཟེར་ཐོས་ནས་སུ། །དེར་འཚོགས་པ་ཡི་དབང་མངོན་ཀུན། །མ་འཁྲུལ་མངོན་དུ་མཐོང་བ་ལ། །ཉི་མ་ཤར་བ་ལག་པ་ཡིས། །བསྒྲིབས་ཀྱང་སྒྲིབ་པར་མི་ནུས་སོ། །རྫོགས་ཆེན་རང་གི་གཞུང་ན་ཡང་། །སྣང་བཞི་རིམ་དང་ཅིག་ཆར་དུ། །རྫོགས་པ་གཉིས་ནི་ཡོད་ཅེས་སུ། །རྒྱུད་དང་ཐེག་མཆོག་མཛོད་དུའང་བཤད། །སྤྱིར་བཏང་འོག་མ་མ་རྫོགས་པར། །གོང་མ་ཐོབ་པ་མི་སྲིད་ཀྱང་། །དེ་དག་ནང་དུ་མི་རུང་ཕྱིར། །དེས་མ་ཐོབ་ཅེས་ཅི་སྐད་ཟེར། །སྒོ་ ― MR12_Page_0397 ―
[མ་དཔེ་གཟིགས་ན་འདིར་གནོན།]
གསུམ་གཡོ་བ་ཟད་པ་ཡང་། །མ་དག་ལས་རླུང་གིས་བསྡུས་པའི། །བག་ཆག་བཅས་པ་སྤངས་པའི་དོན། །ཡིན་གྱི་མཐའ་གཅིག་ལྐུགས་པ་ལྟར། །འདོད་པ་ཀྱེ་མ་བླུན་པོའི་ལུགས། །དབང་ཐོབ་གང་ཟག་ཡིན་ཕྱིར་དང་། །གཞན་དོན་སྨོན་ལམ་གྱིས་ཟིན་ཕྱིར། །འབད་རྩོལ་མེད་ཀྱང་གཞན་སྣང་ལ། །གསུང་བྱུང་བ་སོགས་ཅི་ཕྱིར་མེད། །རྗེ་འདི་སྐུ་ཚེ་ཧྲིལ་པོར་ཡང་། །བྱ་བཏང་སྒྲུབ་པ་སྙིང་པོར་མཛད། །ཁྱད་པར་ཕྱི་ནང་བྱ་བ་ཀུན། །འདི་ཡིས་སྤངས་ནས་རྩེ་གཅིག་ཏུ། །ཤང་ན་བྲག་དཀར་ཞེས་བྱ་བར། །མི་ལོ་བཅུ་ཕྲག་ལྷག་བཅས་པར། །ཆུ་དང་ལོ་མའི་བཅུད་ལེན་ལ། །བརྟེན་ནས་ཉིན་མཚན་འཁོར་ཡུག་ཏུ། །ལམ་ཟབ་བསྒོམས་པས་ལམ་བགྲོད་དེ། །དབང་བཅུ་མངོན་དུ་གྱུར་པ་ཡིན། །དེ་ཕྱིར་ཡུལ་དུས་གང་ཟག་ལ། །དགོས་པའི་དབང་གིས་དམ་པ་འདིས། །བསྟན་པའི་ཆེ་བ་མཚོན་པ་དང་། །སྐལ་ལྡན་ཡིད་ཆེས་བསྐྱེད་པའི་ཕྱིར། །བདེན་དོན་སེང་གེའི་སྒྲ་ཡིས་ཀྱང་། །ཅི་ལྟར་བྱས་ཀྱང་དབང་ཐོབ་བས། །བདག་ནི་མྱ་ངན་འདའོ་ཞེས། །ཕྱོགས་སུ་བསྒྲགས་པ་སྔོན་གྱི་ཚེ། །ཐུབ་པའི་དབང་པོ་ཇི་བཞིན་ནོ། །དེ་ཚེ་གཟིམས་མལ་དེ་ནང་ནས། །རགས་ལུས་འཇའ་ཡི་ཕུང་པོར་གྱུར། །རིམ་པས་སྐྲ་དང་སེན་མོ་ཙམ། །ལྷག་མར་ལུས་པའང་དགོས་པས་ཏེ། །གལ་ཏེ་དགོས་པ་མེད་ན་ནི། །སྐྲ་སེན་ཙམ་ཡང་སྣང་མི་འགྱུར། །དད་ལྡན་རྣམས་ཀྱི་རྟེན་སྐལ་དང་། །འདི་ཙམ་ཞིག་ལས་སྐུའི་ཆ་ཤས། །དྭངས་པའི་འཇའ་རུ་གྱུར་ཏོ་ཞེས། །ཐམས་ཅད་ཡིད་ཆེས་སྐྱེད་ཕྱིར་ཏེ། །ཇི་ལྟར་མི་མཐོང་གྱུར་པ་ཙམ། །སྡེ་བརྒྱད་ ― MR12_Page_0398 ―
[མ་དཔེ་གཟིགས་ན་འདིར་གནོན།]
སོགས་ཀྱིས་སྒྲིབ་ལའང་། །ཡོད་ཕྱིར་དེ་ལས་ཁྱད་པར་དུ། །ཡིད་ཆེས་ལ་སོགས་དགོས་པས་ཡིན། །ཉམས་ལེན་གནད་དང་མི་འགལ་བའི། །འཁོར་སློབ་འཇའ་ལུས་གེགས་མིན་ཏེ། །ཚོམ་བུ་དང་བཅས་རིག་འཛིན་སར། །གཤེགས་པ་ཁྱོད་ཀྱིས་ཐོས་མྱོང་ངམ། །ཀྱེ་མ་ལམ་བསྒོམས་འབྲས་བུ་ནི། །ཉོན་མོངས་ཟད་ནས་བྱང་ཆུབ་ཐོབ། །དེང་སང་ལམ་ལ་བསླབ་རྣམས་ཀྱང་། །ཕྱི་ཕྱིར་ཆགས་སྡང་ཉོན་མོངས་འཕེལ། །དམ་པ་འདི་ལ་ཚེ་གཅིག་ཏུ། །ཆགས་སྡང་རང་མཚན་འདྲ་བ་ཞིག །འབད་དེ་བརྟགས་ཀྱང་མི་རྙེད་ཅེས། །རྒྱུས་ཡོད་ཐམས་ཅད་མགྲིན་གཅིག་སྨྲ། །དེ་ལྟར་འདི་ཡི་དཀའ་སྤྱད་དང་། །འདི་ལ་ཉོན་མོངས་མེད་པའི་ཚུལ། །གཉིས་པོ་དེ་ལ་རྗེས་དཔག་ན། །བདེ་སྐྱིད་སོས་དལ་ཆོས་བྱེད་མཁན། །ཆགས་སྡང་ཉོན་མོངས་བཅས་རྣམས་ལས། །གོང་མར་གྱུར་པའི་རྣམ་ཐར་ཀྱང་། །རྒྱུ་འབྲས་བསླུ་བ་མེད་པར་ངེས། །དེ་ལྟར་གྲུབ་པའི་ལམ་དང་ནི། །གྲུབ་འབྲས་ཕན་ཚུན་མི་འགལ་བས། །ཡིད་ཆེས་ནུས་པ་དེ་ཉིད་ལ། །ཚད་མས་གནོད་པ་ནམ་ཡང་མེད། །དེ་ཕྱིར་ལམ་ཞུགས་སྐལ་བཟང་རྣམས། །ཀྱེ་མ་རྡོ་རྗེའི་ཐེག་པ་ནི། །ངོ་མཚར་ཆེ་ཞེས་གུས་བཅས་ཀྱིས། །བསྟོད་སྔགས་མགྲིན་པའི་རོལ་མོ་འཁྲོལ། །དེ་ཡི་གྲགས་པ་མཁའ་ལྟར་དུ། །འགོག་མེད་ཡངས་པ་ཉིད་གྱུར་ལ། །སྐྲགས་གྱུར་ན་ཡང་དེ་མིན་ཞེས། །བརྗོད་པ་བདག་ཉིད་ཉམས་པའི་རྒྱུ། །ཅི་ཕྱིར་ལམ་འབྲས་ཕུན་ཚོགས་པ། །དེ་ལ་སྨོད་པར་གྱུར་གང་དེ། །བདག་ཉིད་དེ་འདྲའི་ལམ་འབྲས་ལ། །རིང་དུ་གྱུར་པ་མཚོན་པར་བྱེད། །དེ་ཕྱིར་སྲས་བཅས་ཐུབ་པ་ཡིས། །ཚུལ་གྱིས་རིགས་པས་བཀག་ན་ཡང་། ། ― MR12_Page_0399 ―
[མ་དཔེ་གཟིགས་ན་འདིར་གནོན།]
འདི་ནི་ཐུབ་མིན་བདུད་དོ་ཞེས། །ད་ནི་ས་གསུམ་ཐེ་ཚོམ་ཟད། །དེ་ཕྱིར་ཀུན་རྟོག་ངན་པ་ཡིས། །བསམ་དང་བརྗོད་ལ་ཟད་པའི་མཐའ། །མེད་ཀྱང་དེ་སྙེད་སུ་ཞིག་གིས། །བསལ་ཞིང་བཟློག་པའང་རྩོམ་པར་བྱེད། །དེ་ཕྱིར་མངོན་སུམ་རྗེས་དཔག་གིས། །གྲགས་ཤིང་གྲུབ་པའི་འོད་བཟང་ནི། །འཛམ་གླིང་ཐ་གྲུ་ཁྱབ་པའི་ཚེ། །ཁ་ཅིག་སྨོད་པ་ཆོས་ཉིད་ཀྱང་། །དེ་དེའི་རྒྱུ་མཚན་བརྟགས་པ་ན། །ཚད་མའི་དག་ནི་མི་སྲིད་དེ། །འདི་ཡི་རྒྱུ་མཚན་འདི་ཞེས་སུ། །རྟོགས་ནས་མཁས་རྣམས་འཛུམ་དམུལ་མཛོད། །དེ་ལ་ལན་ཡང་དེ་ཡིན་ཏེ། །དེ་ལས་གཞན་དུ་ཚིག་གཅིག་ཙམ། །སྨྲ་བར་མི་འོས་སྨྲ་མི་དགོས། །ཨེ་མ་འཛམ་གླིང་ཉི་ཟླའི་འོད། །ཞེས་པ་འདིའང་ངག་སྙན་པས་མ་བཅིངས་པར་ཐ་མར་གོ་བདེར་བྲིས་ཚེ། ཁོ་རང་རྣམས་མི་སྨྲའི་བརྟུལ་ཞུགས་བཟུང་ངོ་། །འདི་ཡང་འགྱུར་མེད་བསྟན་དར་གྱིས་རྩེད་མོར་བྲིས། ། མངོན་པ་ཀུན་བཏུས་ཀྱི་རྣམ་གྲངས་སྣ་ཚོགས་བཤད་པ།― MR12_Page_0401 ―
[མ་དཔེ་གཟིགས་ན་འདིར་གནོན།]
མངོན་པ་ཀུན་བཏུས་ཀྱི་རྣམ་གྲངས་སྣ་ཚོགས་བཤད་པ། ― MR12_Page_0402 ―
[མ་དཔེ་གཟིགས་ན་འདིར་གནོན།]
ཀུན་བཏུས་སྤྱི་སྡོམ། ཕུང་པོ་སོགས་ལས་བརྩམས་ཏེ་དུ་དང་ཅིའི་ཕྱིར་ཉེར་ལེན་རྣམས། མཚན་ཉིད་དེ་ཡི་གནས་རྣམས་ཏེ། །གོ་རིམ་དོན་དང་དཔེར་དབྱེ་དང་། །བསྡུས་པ་ལ་སོགས་བཞི་པོ་ནི། །བསྡུས་པ་སྦྱོར་བ་དང་མཚུངས་ལྡན་དང་ལྡན་པ་དེ་ཉིད། རྣམ་པ་ངེས་དང་སའི་དབྱེ་བ་བཞི། བདེན་པ་དང་ཆོས་དང་ཐོབ་པ་དང་ཡང་དག་འབེལ་གཏམ། རྣམ་པར་ངེས་པའི་དབྱེ་བ་སྟེ། ཀུན་ལས་བསྡུས་པའི་སྤྱི་སྡོམ་མོ། །ཞེས་གསུངས། ཕུང་པོ་རྣམས་ནི་དུ། ཁམས་རྣམས་ནི་དུ། སྐྱེ་མཆེད་རྣམས་ནི་དུ། ཞེས་པས་གྲངས་བསྟན། ཅིའི་ཕྱིར་ཕུང་པོ་རྣམས་ལྔ་ཁོ་ན་སོགས་ཀྱིས་གྲངས་ཀྱི་ངེས་པ་བསྟན། ཅིའི་ཕྱིར་ཉེ་བར་ལེན་པའི་ཕུང་པོ་རྣམས་ཞེས་བརྗོད་པས་ཉེར་ལེན་གྱིས་དོན་བཤད། དེ་བཞིན་གཟུགས་སོགས་ཀྱི་མཚན་ཉིད། གཟུགས་ཀྱི་ཕུང་པོ་རྣམ་པར་གནས་པ། རྒྱུ་འབྱུང་བ་བཞི་གང་། དེའི་འབྲས་བུ་གཟུགས་སོགས་ཀྱི་རྣམ་པར་གནས་པ་བཤད། ཅིའི་ཕྱིར་ ― MR12_Page_0403 ―
[མ་དཔེ་གཟིགས་ན་འདིར་གནོན།]
ཕུང་པོ་རྣམས་གོ་རིམས་སུ་བརྗོད་ཅེ་ན་ཕུང་ཁམས་སྐྱེ་མཆེད་སོགས་ཀྱི་གོ་རིམ། དཔེ་གང་། གཟུགས་ནི་དབུ་བའི་གོང་བུ་ལྟ་བུའོ་སོགས། ཕུང་ཁམས་སྐྱེ་མཆེད་ཀྱི་རབ་ཏུ་དབྱེ་བ་གང་། སྡོམ་དུ། རྫས་ཡོད་ཤེས་བྱ་གཟུགས་ཅན་སོགས། ཟག་བཅས་བྱུང་ལ་སོགས་པ་དང་། འདས་དང་རྐྱེན་ལ་སོགས་པ་རྣམས། མཚན་ཉིད་ཇི་ལྟར་གྲངས་དུ་ཞིག་དགོས་པ་ཅི་ཡི་ཕྱིར་ཞེས་གསུངས། ཇི་ལྟར་ན་རྫས་སུ་ཡོད་པ་ཡིན། རྫས་སུ་ཡོད་པ་རྣམས་ནི་དུ། ཅིའི་ཕྱིར་རྫས་སུ་ཡོད་པར་བསྟན། རྫས་སུ་ཡོད་པ་ནི་དབང་པོའི་སྤྱོད་ཡུལ། གང་གིས་ཡིད་ཀྱི་བརྗོད་པ་ལ་མི་ལྟོས་པ་ནི། མིང་མ་བཟུང་ཡང་དོན་དེ་ཉིད་དབང་པོས་འཛིན་པ་དང་གཟུགས་སོགས་རྡུལ་རྫས་ཀྱི་གང་བུར་བུམ་བློ་འབྱུང་བ་ལྟར། དོན་བཞིན་ལ་མི་ལྟོས་པར་དེའི་བློ་འབྱུང་བའོ། །ཐམས་ཅད་ཀྱང་རྫས་སུ་ཡོད་པའོ་བདག་ལ་རྫས་སུ་མངོན་པར་ཞེན་པ་སྤོང་བའི་ཕྱིར་རོ། །རྫས་ཡོད་ལས་ ― MR12_Page_0404 ―
[མ་དཔེ་གཟིགས་ན་འདིར་གནོན།]
བཟློག་སྟེ་མིང་དང་དོན་གཞན་ལ་ལྟོས་པ། དབང་པོའི་སྤྱོད་ཡུལ་བརྗོད་པ་དང་དེ་ལས་གཞན་ལ་ལྟོས་པ་བཏགས་ཡོད། ཐམས་ཅད་ཀྱང་བཏགས་པས་ཡོད་པའོ། །བདག་ལ་བཏགས་པར་མངོན་ཞེན་སྤོང་ཕྱིར་བཏགས་པའི་ཡོད་པར་བརྟག་གོ། ཇི་ལྟར་ན་ཀུན་རྫོབ་ཏུ་ཡོད་སོགས། ཀུན་ནས་ཉོན་མོངས་པར་འགྱུར་བའི་དམིགས་པ་ནི་ཀུན་རྫོབ་ཏུ་ཡོད་པའོ། །ཐམས་ཅད་ཀྱང་ཀུན་རྫོབ་ཏུ་ཡོད་པའོ། །བདག་ལ་ཀུན་ཉོན་གྱི་རྒྱུར་མངོན་ཞེན། ཇི་ལྟར་ན་དོན་དམ་པར་ཡོད་སོགས། རྣམ་པར་དག་པར་འགྱུར་བའི་དམིགས་པ་ནི་དོན་དམ་པར་ཡོད་པའོ། །ཐམས་ཅད་ཀྱང་དོན་དམ་པར་ཡོད་པའོ། །བདག་ལ་རྣམ་པར་དག་པའི་རྒྱུར་མངོན་ཞེན་སྤང་བའི་ཕྱིར་རོ། །ཇི་ལྟར་ན་ཤེས་པར་བྱ་བ་ཡིན་སོགས། ཤེས་བྱ་ནི་རྣམ་པ་ལྔ་སྟེ། གཟུགས་དང་སེམས་དང་སེམས་བྱུང་དང་། ལྡན་མིན་འདུ་བྱེད་དང་། འདུས་མ་བྱས་སོ་ཞེས་གཞི་ལྔ་པོ་ཕུང་སོགས་ཀྱི་དབྱེ་བར་བཤད། གང་དུ་གཟུགས་ཉོན་མོངས་པ་དང་རྣམ་བྱང་ངམ། གང་སེམས་ཀུན་ནས་ཉོན་མོངས་པ་དང་རྣམ་བྱང་ངམ། གང་གིས་སེམས་བྱུང་ཆགས་སོགས་ཀུན་ནས་ཉོན་མོངས་པ་དང་དད་སོགས་རྣམ་བྱང་ངམ། དེའི་གནས་སྐབས་ལྡན་མིན་དང་། རྣམ་པར་བྱང་བ་འདུས་མ་བྱས་གང་ཡིན་པའི་དབང་དུ་བྱས་ནས། ཐམས་ཅད་ཀྱང་ཤེས་པར་བྱ་བའོ། །ཡང་ཤེས་བྱའི་ཆོས་རྣམས་ནི་མོས་པའི་ཤེས་པའི་སྤྱོད་ཡུལ་ཐོས་པ་དང་། རིགས་པའི་ཤེས་པའི་སྤྱོད་ཡུལ་བསམ་པ་དང་། རྣམ་པར་འཕྲོ་བ་མེད་པའི་ཤེས་པའི་སྤྱོད་ཡུལ་བསྒོམ་པ་དང་། སོ་སོ་རང་གིས་ཤེས་པའི་སྤྱོད་ཡུལ་དོན་དམ་པ་ཤེས་པ་དང་། གཞན་གྱི་བདག་ ― MR12_Page_0405 ―
[མ་དཔེ་གཟིགས་ན་འདིར་གནོན།]
ཉིད་ཤེས་པའི་སྤྱོད་ཡུལ་གཞན་སེམས་ཤེས་པ་དང་། འོག་མ་ཤེས་པའི་སྤྱོད་ཡུལ་ཆོས་ཤེས་དང་། གོང་མ་ཤེས་པའི་སྤྱོད་ཡུལ་རྗེས་ཤེས་དང་། རྣམ་པར་སུན་འབྱིན་པའི་ཤེས་པའི་སྤྱོད་ཡུལ་སྡུག་བསྔལ་དང་། ཀུན་ནས་མི་ལྡང་བ་ཤེས་པའི་སྤྱོད་ཡུལ་ཀུན་འབྱུང་དང་། མི་སྐྱེ་བ་ཤེས་པའི་སྤྱོད་ཡུལ་འགོག་པ་དང་། ཤེས་པ་ཤེས་པའི་སྤྱོད་ཡུལ་ལམ་དང་། མཐར་ཐུག་པ་ཤེས་པའི་སྤྱོད་ཡུལ་ཟད་མི་སྐྱེ་ཤེས་པ་དང་། དོན་ཆེན་པོ་ཤེས་པའི་སྤྱོད་ཡུལ་ཐེག་ཆེན་ཤེས་པ་སྟེ་ཤེས་པ་བཅུ་གསུམ་གྱི་སྤྱོད་ཡུལ་གྱི་ཕྱིར་ཡང་ངོ་སྟེ་ཤེས་བྱའོ། །དེ་ནི་བདག་ལ་ཤེས་པ་པོ་དང་མཐོང་བ་པོར་མངོན་ཞེན་སྤང་བའི་ཕྱིར་རོ། །ཇི་ལྟར་རྣམ་པར་ཤེས་པར་བྱ་བ་ཡིན། རྣམ་པར་ཤེས་པར་བྱ་བ་རྣམས་དུ་ཞིག །ཅིའི་ཕྱིར་རྣམ་པར་ཤེས་པར་བྱ་བར་བརྟག་ཅེ་ན། རྣམ་པར་མི་རྟོག་པ་རྣམ་ཤེས་ཚོགས་ལྔ་དང་། རྣམ་པར་རྟོག་པ་ཡིད་ཤེས་དང་། རྒྱུ་ཀུན་གཞིའི་རྣམ་ཤེས་དང་། འཇུག་པ་དེ་ལས་གཞན་པའི་ཤེས་པ་དང་། རྒྱུ་མཚན་དབང་པོ་དང་དོན་དང་། རྒྱུ་མཚན་ལས་བྱུང་བ་དེའི་རྣམ་ཤེས་དང་། མི་མཐུན་པ་ཆགས་སོགས་གསུམ་དང་། གཉེན་པོ་ཆགས་བྲལ་སོགས་གསུམ་དང་། ཕྲ་བའི་རྣམ་པར་ཤེས་པར་དཀའ་བའི་རྣམ་རིག་བདུན་རབ་ཏུ་དབྱེ་བས་ཀྱང་རྣམ་པར་ཤེས་པར་བྱ་བར་བལྟའོ། །ཐམས་ཅད་ཀྱང་རྣམ་པར་ཤེས་པར་བྱ་བ་དག་གོ། བདག་ལ་མཐོང་བ་པོ་ལ་སོགས་པར་མངོན་ཞེན་སྤང་བའི་ཕྱིར་རོ། །ཤེས་དཀའ་བ་ཕྲ་བའི་རྣམ་རིག་བདུན་ནི། མ་རིག་པའི་རྣམ་རིག་ཕྲ་བ་སྣོད་ཀྱི་རྣམ་པར་རིག་པ་ཕྲ་བ་སྟེ། དུས་ཐམས་ཅད་དུ་རྣམ་པ་ཡོངས་སུ་མ་ཆད་པའི་ཕྱིར་རོ། །སྣ་ཚོགས་ཀྱི་རྣམ་རིག་ནི་ཤེས་པ་གཅིག་གི་རྣམ་པ་སྣ་ཚོགས་ཡིན་པ་རྣམ་ ― MR12_Page_0406 ―
[མ་དཔེ་གཟིགས་ན་འདིར་གནོན།]
པར་བཞག་དཀའ་བས་སོ། །ལྷན་ཅིག་འབྱུང་བའི་རྣམ་རིག་ནི་དུས་གཅིག་ཏུ་བྱུང་བའི་རྣམ་ཤེས་རྣམས་ཀྱིས་སོ་སོ་རང་གི་ཡུལ་ཇི་ལྟ་བ་བཞིན་ཡོངས་སུ་གཅོད་པ་རྣམ་པར་བཞག་དཀའ་བའི་ཕྱིར་རོ། །ཕྲ་བ་ཉིད་ཅེས་ཐམས་ཅད་ལ་སྦྱར་བར་བྱའོ། །མི་མཐུན་ཕྱོགས་ཀྱི་གཉེན་པོ་མྱུར་དུ་འབྱུང་བའི་རྣམ་རིག་ནི། ཆགས་སོགས་འཆིང་བ་ཀུན་ལྡན་གྱི་སེམས་ཏེ། ཡུད་ཙམ་ཐང་གཅིག་ཏུ་ཆགས་སོགས་དང་བྲལ་ཏེ་མི་སྐྱེ་བའོ། །བག་ཆགས་ཀྱི་རྣམ་རིག་ནི་ལས་ཀྱི་བག་ཆགས་སེམས་ལ་བསྒོས་པ་སེམས་དེ་ལས་གཅིག་ཐ་དད་མིན་ཡང་འབྲས་བུ་རིམ་གྱིས་འབྱུང་བ་རྙེད་པ་དཔྱད་དཀའ་བས་སོ། །ཉིང་མཚམས་སྦྱོར་བའི་རྣམ་རིག་ནི། ལུས་དུ་མ་འགྲུབ་པའི་ལས་ཀྱིས་བསྒོས་པའི་རྣམ་ཤེས་འཆི་དུས་ན་མི་གསལ་བ་ལས་བག་ཆགས་གང་རུང་སད་ནས་འགྲོ་བ་གང་རུང་དུ་སྐྱེ་བ་རྟོག་དཀའ་བའོ། །གྲོལ་བའི་རྣམ་རིག་ཕྲ་བ་ནི་དགྲ་བཅོམ་པའི་སེམས་མཆོག་ཏུ་སྤྲོས་མེད་ཐོབ་པ། འཁོར་བར་འདྲིས་པའི་ཟག་བཅས་ཀྱི་སྤྱོད་པ། ཐམས་ཅད་ལས་འདས་པ་དེ་ཕལ་པས་བསམ་དཀའ་བས་སོ། །རྣམ་ཤེས་དྲུག་ལས་རྣམ་རྟོག་བཅས་པ་དུ། རྣམ་རྟོག་མེད་པ་དུ་ཞེ་ན། ཡིད་ཤེས་གཅིག་པུ་རྣམ་རྟོག་དང་བཅས་པའོ། །རྣམ་རྟོག་ལ་ཡང་དབྱེ་བ་གསུམ་སྟེ། རང་བཞིན་ནམ། ངོ་བོ་ཉིད་ཀྱིས་རྣམ་པར་རྟོག་པ་རྣམ་ཤེས་ཐམས་ཅད་ཀྱིས་རང་ཡུལ་དམིགས་པ་ལ་དེ་ལྟར་འཛིན་པའོ། །རྗེས་སུ་དྲན་པའི་རྣམ་རྟོག་གང་སྔོན་མྱོང་བའི་འདུ་བྱེད་རྗེས་སུ་དྲན་པའོ། །མངོན་པར་སྤྱོད་པའི་རྣམ་རྟོག་ནི། འདས་མ་འོངས་ད་ལྟར་གྱི་ལྐོག་གྱུར་རྣམས་ལ། རྣམ་པར་རྟོག་པའོ། །ཞེས་གསུངས་པ་སྒྲ་དོན་འདྲེས་རུང་གི་རྣམ་རྟོག་ཡང་རྣམ་རྟོག་བདུན་ཏེ། དམིགས་པ་ལ་ངང་གིས་འཇུག་པའི་རྣམ་རྟོག་ཚོགས་ ― MR12_Page_0407 ―
[མ་དཔེ་གཟིགས་ན་འདིར་གནོན།]
དྲུག་པོས་རང་ཡུལ་བཟུང་བ། མཚན་བཅས་ཀྱི་རྣམ་རྟོག་རང་བཞིན་ད་ལྟ་དང་འདས་དུས་དྲན་པ། མཚན་མེད་ཀྱི་རྣམ་རྟོག་མ་འོངས་པའི་ཡུལ་ལ། མངོན་སྤྱོད་རྣམ་རྟོག་གི་དབྱེ་བ་བཞི་ལས་རེས་འགར། ཀུན་ཏུ་ཚོལ་བར་བྱེད་པའི་རྣམ་རྟོག །རེས་སོ་སོར་རྟོག་པའི་རྣམ་རྟོག །རེས་ཉོན་མོངས་ཅན་གྱི་རྣམ་རྟོག །རེས་འགར་ཉོན་མོངས་མེད་པའི་རྣམ་རྟོག་གོ་སྟེ་བཞིའོ། །མངོན་པར་ཤེས་པར་བྱ་བ་མངོན་ཤེས་དྲུག་གོ། ཇི་ལྟར་མངོན་པར་ཤེས་པར་བྱ་བ་ཡིན། མངོན་པར་ཤེས་བྱ་རྣམས་དུ། ཅི་ཕྱིར་མངོན་པར་ཤེས་པར་བརྟག་ཅེ་ན། རྫུ་འཕྲུལ་གྱིས་ཡུལ་ཀུན་ཏུ་འགྲོ་བ་དང་། རྣ་བའི་མངོན་ཤེས་ཀྱིས་སྒྲ་ཐམས་ཅད་རྗེས་སུ་ཐོབ་པ་དང་། སེམས་ཤེས་པས་ཕ་རོལ་གྱི་སེམས་ཀྱི་སྤྱོད་པ་ལ་འཇུག་པ་དང་། སྔོན་གྱི་ཚེ་རབས་འོང་བ་དང་། ལྷའི་མིག་གིས་མ་འོངས་བར་འགྲོ་བ་དང་། ཟག་ཟད་ཀྱིས་ཁམས་གསུམ་ལས་ངེས་པར་འབྱུང་བའི་ཕྱིར་ཡང་ངོ་། །ཐམས་ཅད་ཀྱང་ཐ་མ་གསུམ་གྱི་ཡུལ་ཡིན་པས་མངོན་པར་ཤེས་པར་བྱ་བ་དག་གོ །བདག་ལ་མཐུ་དང་བཅས་པར་མངོན་ཞེན་སྤང་བའི་ཕྱིར་རོ། །ཇི་ལྟར་གཟུགས་ཅན་ཡིན། གཟུགས་ཅན་རྣམས་ནི་དུ་ཞིག །ཇི་ལྟར་གཟུགས་ཅན་དུ་བརྟག་ཅེ་ན། གཟུགས་དེའི་བདག་ཉིད་དམ་ངོ་བོ་དང་། རྒྱུར་བྱས་པའི་གཟུགས་ནི་རྒྱུ་འབྱུང་བ་ཉིད་རྟེན་དུ་གྱུར་པ། འབྱུང་གྱུར་རྣམས་ཀྱང་ནང་ཕན་ཚུན་ལྡན་པའི་ཕྱིར་ཐམས་ཅད་པ་དང་། དེ་ལ་དགའ་བ་ཉིད་གང་གི་ཀུན་འབྱུང་བ་ཡིན་པ་དེ་གཟུགས་ཅན་ཡིན་གྱི། ཚོར་སོགས་ཀྱི་ཀུན་འབྱུང་ནི་སྔོན་གྱི་དགའ་བ་དང་ད་ལྟར་བྱུང་བའི་རིག་པ་སོགས་ཀྱང་ ― MR12_Page_0408 ―
[མ་དཔེ་གཟིགས་ན་འདིར་གནོན།]
ཡིན་པ་ལྟ་བུ་མིན་ནོ་གསུངས་པ་དང་། ཕྱོགས་ཆ་དང་བཅས་པ་དང་། ཡུལ་ལ་དེའི་ཆས་ཁྱབ་པ་དང་། དེ་ཕྱོགས་འདི་དག་གོ་ཞེས་ཡུལ་ཉེ་བར་བསྟན་དུ་རུང་བ་དང་། ཡུལ་འགའ་ཞིག་པ་དེ་ན་ཡོད་པར་སྤྱོད་ཡུལ་དུ་འགྱུར་བ་དང་། བདག་གཞན་གཉིས་ཀས་སྤྱོད་ཡུལ་དུ་མཚུངས་པར་དམིགས་པ་དང་། མིག་ཤེས་སོགས་ཀྱང་བརྒྱུད་པས་གཟུགས་ཅན་དེ་དང་འབྲེལ་བ་དང་། གཟུགས་མེད་པར་སྐྱེས་པ་ལའང་གཟུགས་ཀྱི་ས་བོན་རྗེས་སུ་འབྲེལ་བ་དང་། མངོན་པར་རྟོ༷གས་པ་རྣམས་ཀྱིས་དམིགས་པར་རབ་ཏུ་རྟོག་པ་དང་། ཕུང་པོ་ལྔ་ལས་གཟུགས་གནོད་པར་བྱ་བ་ཡིན་པ་དང་། བསྟན་པས་གཞན་ལ་གོ་བར་བྱེད་པ་དང་། རྡུལ་ཕྲན་བསགས་པ་རྣམ་པར་བཞག་པ་དང་། འདོད་པ་ན་སྤྱོད་པས་ཕྱི་རོལ་དུ་འདོད་ཡོན་ལ་དམིགས་ནས་སྲེད་པས་བལྟས་པ་དང་། གཟུགས་ཁམས་པས་ནང་དུ་བལྟས་པ་དང་། འདོད་སྤྱོད་པའི་གཟུགས་དེ། ཕྱིར་བལྟས་ཀྱི་འདོད་ཡོན་ལ་སྲེད་པས་རྒྱུ། གཟུགས་མེད་ཀྱི་གཟུགས་དེ་སྙོམ་འཇུག་གི་སེམས་པ་སྲེད་པ་ལས་བྱུང་བའི་ཕྱིར། དེའི་ཕྱིར་གཟུགས་འདི་ཡིད་ལས་བྱུང་བར་རིག་པར་བྱའོ། །སོ་སྐྱེའི་གཟུགས་ཀྱི་སྔོན་དང་ཕྱི་མཐའ་མུ་མེད་པའི་རྒྱུན་རིང་བ་དང་། སློབ་པའི་གཟུགས་འཁོར་བའི་མཐར་ཕྱིན་པར་བྱེད་པས། དུས་ཡོངས་སུ་ཆད་པ། དེའི་མི་སློབ་པའི་ད་ལྟར་པའི་སྲིད་པ་གཅིག་པུས་དུས་དང་། སངས་རྒྱས་ལ་སོགས་པའི་གཟུགས་ནི་ཀུན་དུ་སྟོན་པ་ཙམ་དུ་ཟད་ཀྱི་དེ་ལྟར་གྲུབ་པ་མེད་པ་ངེས་པར་བསྟན་པའི་ཕྱིར་ཡང་གཟུགས་ཅན་དུ་བལྟའོ། །ཐམས་ཅད་ཀྱང་གནོད་པར་བྱ་བའི་གཟུགས་ཅན་དག་གོ། ཡང་ན་ ― MR12_Page_0409 ―
[མ་དཔེ་གཟིགས་ན་འདིར་གནོན།]
ལྷག་མ་རྣམས་ཅི་རིགས་སུ་སྦྱར་རོ། །ཕྱི་རོལ་བལྟས་སོགས་དྲུག་ཚོར་སོགས་དང་ཐུན་མོང་ངོ་། །བདག་ལ་གཟུགས་ཅན་དུ་མངོན་ཞེན་སྤང་བའི་ཕྱིར་རོ། །ཇི་ལྟར་ན་གཟུགས་ཅན་མ་ཡིན། གཟུགས་ཅན་མིན་པ་དུ། ཅིའི་ཕྱིར་གཟུགས་ཅན་མིན་པར་བརྟགས་ཞེ་ན། གཟུགས་ཅན་ལས་བཟློག་པ་ནི་གཟུགས་ཅན་མིན་པའོ། །ཐམས་ཅད་ཀྱང་གཟུགས་ཅན་མིན་པ་ཐམས་ཅད་ནི་གཟུགས་ཅན་མ་ཡིན་པའང་གཟུགས་དང་འབྲེལ་བའི་ཕྱིར་རོ་དག་གོ། ཡང་ན་ཅི་རིགས་སུ་སྦྱོར། བདག་ལ་གཟུགས་ཅན་མིན་པར་མངོན་ཞེན་སྤང་བའི་ཕྱིར་རོ། །ཇི་ལྟར་བསྟན་ཡོད་ཡིན་སོགས་གསུམ་གོང་བཞིན། མིག་གི་ཡུལ་ནི་བསྟན་དུ་ཡོད་པའོ། །ལྷག་མའི་རབ་ཏུ་དབྱེ་བ་ནི་གཟུགས་ཅན་བཞིན་ནོ། །བསྟན་ཡོད་དང་འབྲེལ་བ་སོགས་པས་གཟུགས་ཅན་མ་ཡིན་པ་རྣམས་ཀྱང་བསྟན་དུ་ཡོད་པར་བརྟག་གོ། ཐམས་ཅད་དུ་བསྟན་དུ་ཡོད་པ་དག་གོ། ཡང་ན་ཅི་རིགས་སུ་སྦྱར་རོ། །བདག་མིག་གི་ཡུལ་དུ་མངོན་ཞེན་སྤང་བའི་ཕྱིར་རོ། །ཇི་ལྟར་བསྟན་དུ་མེད་པ་ཡིན་སོགས། བསྟན་ཡོད་ལས་བཟློག་པ་བསྟན་མེད་དོ། །ཐམས་ཅད་ཀྱང་བསྟན་མེད་དག་གོ། ཡང་ན་ཅི་རིགས་སུ་སྦྱར་རོ། །བདག་མིག་གི་ཡུལ་མ་ཡིན་པར་མངོན་ཞེན་སྤང་ཕྱིར་རོ། །ཇི་ལྟར་ཐོགས་བཅས་ཡིན་སོགས། །བསྟན་དུ་ཡོད་པ་ཐོགས་བཅས་སོ། །ཡང་རྣམ་པ་གསུམ་གྱིས་ཐོགས་བཅས་སུ་བལྟ་སྟེ། རིགས་དང་། ཉེ་བར་བསགས་པ་དང་། ཡོངས་སུ་སྦྱར་བ་མ་བྱས་པས་ཀྱང་ངོ་། །དེ་ལ་རིགས་ནི་ཕན་ཚུན་དུ་སྒྲིབ་བྱེད་དུ་གྱུར་པས་སོགས་ལྟ་བུ་དང་། བསྒྲིབ་ ― MR12_Page_0410 ―
[མ་དཔེ་གཟིགས་ན་འདིར་གནོན།]
བྱའོ་སྟེ་འོད་ནི་སྒྲིབ་བྱ་ཡིན་ཀྱང་སྒྲིབ་བྱེད་མིན་ཞེས་འགྲེ༷ལ་བས་བཤད་དོ། །ཉེར་བསགས་ནི། རྡུལ་ཕྲ་རབ་ལས་གོང་བུར་གྱུར་པས་སོ། །ཕྲ་རབ་གཅིག་ནི་ཐོགས་མེད་དོ། །ཡོངས་སུ་སྦྱང་བ་མ་བྱས་པ་ནི། ཏིང་འཛིན་གྱི་དབང་གིས་མ་བསྒྱུར་བའི་གཟུགས་སོ། །ཏིང་འཛིན་གྱིས་དབང་བསྒྱུར་བ་ནི་ཐོགས་པ་མེད་དེ། ལྷ་སེམས་མཉམ་པ་བཞིན་ནོ། །ཡང་སེམས་ཆགས་སྡང་གིས་རབ་ཏུ་འཁྲུགས་པའི་གཞིའི་གནས་ཡིན་པས་ཐོགས་པ་དང་བཅས་པའོ། །འདིའི་དབང་དུ་རྡུལ་ཡང་ཐོགས་བཅས་སོ། །དེའི་དབང་དུ་ན་ཐམས་ཅད་ཀྱང་ཐོགས་པ་དང་བཅས་པ་དག་གོ། ཡང་ན་ཅི་རིགས་སུ་སྦྱར་རོ། །བདག་ཐམས་ཅད་དུ་སོང་བ་མིན་པར་མངོན་ཞེན་སྤང་བའི་ཕྱིར་རོ། །ཇི་ལྟར་ཐོགས་པ་མེད་པ་ཡིན་སོགས། །ཐོགས་བཅས་ལས་བཟློག་པ་ཐོགས་མེད་དོ། །ཐམས་ཅད་ཀྱང་ཐོགས་མེད་དམ། ཡང་ན་ཅི་རིགས། བདག་ཐམས་ཅད་དུ་སོང་བར་མངོན་ཞེན་སྤང་ཕྱིར་རོ། །ཇི་ལྟར་ཟག་བཅས x ཟག་པ་དེའི་བདག་ཉིད་དང་། ཟག་པ་དང་འབྲེལ་བ་དང་། ཟག་པས་བཅིངས་པ་དང་། ཟག་པའི་རྗེས་སུ་འབྲེལ་བ་དང་། ཟག་པའི་རྗེས་སུ་མཐུན་པ་དང་། དགྲ་བཅོམ་ལྷག་བཅས་རྣམས་ཀྱི་ཕུང་པོ་ཡང་སྔ་མའི་ཟག་པའི་རྒྱུ་ལས་བྱུང་བའི་ཕྱིར་ཟག་དང་བཅས་པར་ལྟའོ། །ཉེར་ལེན་ཕུང་ལྔ། ཁམས་བཅོ་ལྔ། སྐྱེ་མཆེད་བཅུ། ཁམས་ཐ་མ་གསུམ་དང་། སྐྱེ་མཆེད་ཐ་མ་གཉིས་ཀྱི་ཕྱོགས་གཅིག་ནི་ཟག་བཅས་རྣམས་སོ། །ཕུང་ལྔའི་ཕྱོགས་གཅིག་ཡང་དག་པའི་ལམ་དངོས་དང་རྗེས་ཐོབ་ཀྱིས་བསྡུས་པ་རྣམས་ཟག་མེད་དོ། །དེ་ལས་གཞན་ཟག་བཅས་འདུས་མ་བྱས་ཟག་མེད་ ― MR12_Page_0411 ―
[མ་དཔེ་གཟིགས་ན་འདིར་གནོན།]
དོ། །བདག་ཟག་དང་བཅས་པར་མངོན་ཞེན་སྤང་བའི་ཕྱིར་རོ། །ཇི་ལྟར་ཟག་མེད་སོགསx ཟག་བཅས་ལས་བཟློག་ཟག་མེད་དེ། ཉེར་ལེན་ཕུང་ལྔ། ཁམས་ཐ་མ་གསུམ། སྐྱེ་མཆེད་གཉིས་ཀྱི་ཕྱོགས་སོ། །བདག་ཟག་པ་དང་བྲལ་བར་མངོནx ཇི་ལྟར་འཐབ་དང་བཅས་ཡིན་སོགས x ཆགས་སྡང་གཏི་མུག་གི་ངོ་བོ་ལ་བརྟེན་ནས། མཚོན་ལེན་པ། ཆད་པས་གཅོད། འཐབ་རྩོད། མཚང་འབྲུ། ངག་གིས་རྩོད། ལུས་ཀྱིས་འགྱེད་རྣམས་འབྱུང་བ་དེའི་བདག་ཉིད་དང་། དེ་འབྲེལ། དེ་བཅིངས། དེ་མཐུན། དེ་བྱུང་རྣམས་འཐབ་བཅས་སོ། །ཟག་བཅས་ཇི་སྙེད་པར་འཐབ་བཅས་ཀྱང་དེ་སྙེད་དོ། །བདག་འཐབ་པ་དང་ལྡན་པར་མངོན་ཞེན་སྤང་ཕྱིར་རོ། །ཇི་ལྟར་འཐབ་པ་མེད་པ་ཡིན་སོགས། འཐབ་བཅས་ལས་བཟློག །འཐབ་མེད་དེ། ཟག་མེད་ཇི་སྙེད་པར་འཐབ་མེད་དེ་སྙེད་དོ། །བདག་འཐབ་བྲལ་དུ་མངོན་ཞེན་སྤང་ x ཇི་ལྟར་ཟང་ཟིང་བཅས་པ་ཡིན་སོགས། ཆགས་སྡང་གཏི་མུག་ལ་བརྟེན། སྡང་བས་ནི་རྣམ་བྱང་གི་ཆོས་ལ་ཞེ་སྡང་བས་སྲིད་པ་ལྷག་པར་ཆགས་པའམ་ཡང་སྲིད་པའི་ལུས་ལ་ལྷག་པར་ཆགས་པ་དང་། དེ་འབྲེལ། དེ་བཅིངས། དེའི་རྗེས་སུ་འབྲེལ་བ་དང་། དེའི་རྗེས་མཐུན། དེའི་རྒྱུས་བྱུང་ཟང་ཟིང་བཅས་སོ། །འཐབ་བཅས་ཇི་སྙེད་ཟང་ཟིང་དེ་སྙེད། བདག་ཟང་ཟིང་ལྡན་པརx ཟང་ཟིང་མེད་པ་དེ་བཟློག་སོགས་གོང་འདྲ། ཇི་ལྟར་ཞེན་པ་རྟེན་པ་ཡིན་སོགས། ཆགས་སྡང་གཏི་མུག་གི་ངོ་བོ་ལ་བརྟེན། འདོད་ཡོན་ལྔ་རྣམས་ལ། ལྷག་པར་ཆགས་པ། འདོད་ཡོན་ལྔ་ལ་ལྷག་པར་ཆགས་པའི་རྒྱུ་ཡིན་པས་ཞེན་པའོ། ། ― MR12_Page_0412 ―
[མ་དཔེ་གཟིགས་ན་འདིར་གནོན།]
ཞེ་སྡང་གིས་མངོན་འབྱུང་ལ་ཞེ་སྡང་ལྷག་པར་ཆགས་པས་སོ། །དེའི་བདག་གི་སོགས་དྲུག་དང་། ཟང་ཟིང་དུག་བཅས་ཇི་སྙེད་ཞིག་རྟེན། བདག་ཞེན་པ་དང་ལྡན་པརx ཇི་ལྟར་མངོན་པར་འབྱུང་བ་རྟེན་པ་ཡིན་སོགས། ཞེན་རྟེན་བཟློག །མངོན་འབྱུང་བརྟེན་པའོ། །ཟང་ཟིང་དུག་མེད། ཇི་སྙེད་མངོན་འབྱུང་དེ་སྙེད། བདག་མངོན་འབྱུང་རྟེན་པར x ཇི་ལྟར་འདུས་བྱས་ཡིན་སོགས། གང་ལ་སྐྱེ་འཇིག་གནས་དང་གཞན་དུ་འགྱུར་པར་སྣང་བ་དེ་འདུས་བྱས། ཆོས་ཁམས་དང་སྐྱེ་མཆེད་ཀྱི་ཕྱོགས་གཅིག་འདུས་མ་བྱས་མ་གཏོགས་ཐམས་ཅད་འདུས་བྱས་སོ། །བདག་མི་རྟག་པར་མངོན་ཞེན x ཇི་ལྟར་འདུས་མ་བྱས x འདུས་བྱས་ལས་བཟློག །ཆོས་ཁམས་དང་སྐྱེ་མཆེད་ཀྱི་ཕྱོགས་གཅིག་གོ་སྟེ་འདུས་མ་བྱས་སོ། །བདག་རྟག་པ་མངོན་ཞེནx ཉེར་ལེན་ཕུང་པོ་མ་ཡིན་པ་རྣམས་འདུས་བྱས་སམ་འདུས་མ་བྱས་གང་ཡིན་ཞེ་ན། དེ་གཉིས་ཀ་མ་ཡིན་ཏེ། ལས་ཉོན་གྱིས་འདུས་མ་བྱས་པས་འདུས་བྱས་མིན་ལ། འདོད་པ་བཞིན་དུ་བྱེད་པས་མངོན་དུ་ཕྱོགས་པ་དང་། དེ་སྤོང་འདོད་ཀྱིས་སམ་རྒྱབ་ཀྱིས་ལྟ་བའི་དངོས་པོ་ཉིད་ཕྱིར། འདུས་མ་བྱས་ཀྱང་མ་ཡིན་ནོ། །དེ་ལྟར་ན་བཅོམ་ལྡན་འདས་ཀྱིས་འདུས་བྱས་འདུས་མ་བྱས་འདུས་མ་བྱས་འདི་ནི་གཉིས་སོ་ཞེས་ཕུང་གསུམ་མེད་པར་གསུངས་པ་ཇི་ཞེ་ན། འདུས་བྱས་སུ་གྱུར་པའི་དོན་དེས་འདུས་མ་བྱས་མ་ཡིན། འདུས་མ་བྱས་སུ་གྱུར་པའི་དོན་དེས་འདུས་བྱས་མིན་སྟེ། ཚུལ་འདི་དེ་ལྟར་བལྟའོ། །ཇི་ལྟར་ན་འཇིག་རྟེན་པ་ཡིན་སོགས། ཁམས་གསུམ་པར་ ― MR12_Page_0413 ―
[མ་དཔེ་གཟིགས་ན་འདིར་གནོན།]
གཏོགས་པ་དང་། འཇིག་རྟེན་འདས་པའི་རྗེས་ལ་ཐོབ་པ་ཁམས་གསུམ་པར་གཏོགས་པའི་རྣམ་པ་དེ་ལྟར་སྣང་བ་ཡང་འཇིག་རྟེན་པའོ། །ཕུང་པོ་རྣམས་ཀྱི་ཕྱོགས་གཅིག་ལམ་དང་རྗེས་ཐོབ་འཇིག་རྟེན་འདས་པར་སྣང་བ་མ་གཏོགས་པའི་དང་། ཁམས་བཅོ་ལྔ་དང་སྐྱེ་མཆེད་བཅུ་དང་། ཁམས་ཐ་མ་གསུམ་དང་སྐྱེ་མཆེད་གཉིས་ཀྱི་ཕྱོགས་སོ། །བདག་ལ་འཇིག་རྟེན་དུ་མངོན་ཞེན་སྤང་ཕྱིར་རོ། །ཇི་ལྟར་འཇིག་འདས་སོགས། དེ་བཞིན་ཉིད་དང་ཁམས་གསུམ་གྱི་གཉེན་པོ་རྣམ་པར་མི་རྟོག་པའི་ཡེ་ཤེས་ནི། འཇིག་རྟེན་འདས་པ་སྟེ། ཉན་རང་གིས་ཕྱིན་ཅི་ལོག་གི་དང་བྱང་སེམས་ཀྱིས་སྤྲོས་པའི་རྣམ་པར་མི་རྟོག་པའི་ཕྱིར་རོ། །འདུས་མ་བྱས་ནི་རྟོགས་པ་ཐམས་ཅད་པའི་གཞིའི་གནས་མ་ཡིན་པས་རྣམ་པར་མི་རྟོག་པའོ་གསུངས། ཡང་རྣམ་གྲངས་སུ་ན། འཇིག་རྟེན་འདས་པའི་རྗེས་ཐོབ་གཉིས་ཀྱང་འཇིག་རྟེན་ལས་འདས་པ་ཡིན་ཏེ། འཇིག་འདས་ལ་བརྟེན་པའི་ཕྱིར་རོ། །ཕུང་པོ་རྣམས་དང་། ཁམས་གསུམ་དང་། སྐྱེ་མཆེད་གཉིས་ཀྱི་ཕྱོགས་གཅིག་ལམ་དང་རྗེས་ཐོབ་དག་གོ། བདག་དག་པ་འབའ་ཞིག་ཏུ་མངོན་པར་ཞེན་པ་སྤང་བའི་ཕྱིར་རོ། །ཇི་ལྟར་ན་བྱུང་བ་ཡིན་སོགས། འདས་པ་དང་། ད་ལྟར་བྱུང་བ་ནི་བྱུང་བ་སྟེ། ཕུང་ཁམས་སྐྱེ་མཆེད་ཐམས་ཅད་ཀྱི་ཕྱོགས་གཅིག་གོ །བདག་ཐེར་ཟུག་མ་ཡིན་པར་མངོན་ཞེན་སྤང་ཕྱིར་རོ། །ཡང་བྱུང་བ་ནི་ཉེར་བཞི་སྟེ། དང་པོ་བྱུང་བ་ཉིད་མཚམས་སྦྱོར་བའི་དུས་ན་དང་། དེ་ཕན་ཆད་རྒྱུན་གྱིས་བྱུང་བ་དང་། རྒྱས་པ་ལས་བྱུང x གཉིད་ཟས་ཚངས་སྤྱོད་སྙོམས་འཇུག་ཏེ་རྒྱས་ ― MR12_Page_0414 ―
[མ་དཔེ་གཟིགས་ན་འདིར་གནོན།]
བའི་རྒྱུ་བཞི་ལས་བྱུང་བ། རྟེན་བྱུང x ནང་གི་དབང་པོ། འགྱུར་པར x བདེ་སོགས་ཚོར་བ་བྱུང་ན་དེ་དང་མཐུན་པར་དབང་པོར་འགྱུར། ཡོངས་སུ་སྨིན་པར x རྒས་པའི་སྐབས x ཉམས་པར x བདེ་འགྲོ་ནས་ངན་འགྲོར་སྐྱེ་བ། ཁྱད་པར་དུ་དེ་ལས་བཟློག་པ། འོད་གསལ་བར x རྩེ་བས་རབ་ཏུ་སླུ་བ་རྣམས་དང་། ལྷ་ཡིད་རབ་ཏུ་སུན་འབྱིན་པ་དང་། འཕྲུལ་དགའ། གཞན་འཕྲུལ་དབང་བྱེད། གཟུགས་གཟུགས་མེད་ན་སྤྱོད་པའི་ལྷ་རྣམས་དགའ་བ་ལོངས་སྤྱོད་ལྡན། འོད་གསལ་མ་ཡིན་པར x སྔ་མ་ལས་བཟློག་པའོ། །ཀུན་ཏུ་འགྲོ་བས x འགྲོ་བའི་གནས་སྐབས་ནའོ། །རང་སྐྱེ་བའི་ས་བོན་བཅས་པར x དགྲ་བཅོམ་པའི་ཐ་མའི་ཕུང་པོ་མ་གཏོགས་པ། ས་བོན་མ་ཡིན་པར་བྱུང་བ། ཕུང་པོ་ཐ་མ་རྣམས་དང་། གཟུགས་བརྙན་ཤེས་བྱའི་དངོས་པོ་དང་མཐུན་པ་དང་། དབང་འབྱོར་པ་རྣམ་པར་ཐར་པ་ལས་གྱུར་བ་དང་། ངེས་པར་བསྟན་པའི་ཕྱིར་བྱུང་བ་དེ་བཞིན་གཤེགས་པ་གཟུགས་རྣམས་དང་། ཚེ་རབས་གཅིག་ནས་གཅིག་ཏུ་བརྒྱུད་དེ་བྱུང་བ་དང་། སྐད་ཅིག་ཞིག་ནས་བྱུང་བ་འདུ་བྱེད་སྐད་ཅིག་སོ་སོ་དང་། ཕྲད་པ་བྲལ་ནས་བྱུང་བ་སྡུག་མི་སྡུག་སོགས་ཕྲད་དང་བྲལ། ཆགས་བཅས་ཆགས་བྲལ་གྱི་དུས་དང་། གནས་སྐབས་གཞན་དུ་བྱུང་བ་མེར་མེར་སོགས་དང་ནད་སོགས་ཀྱི་དང་། འཆི་འཕོ་བ་དང་སྐྱེ་བས་བྱུང་བ་སེམས་ཅན་གྱི་འཇིག་རྟེན་དང་། འཇིག་པ་དང་ཆགས་པས x སྣོད་ཀྱི་འཇིག་རྟེན། སྔོན་གྱི་དུས་ན་བྱུང་བ་སྔོན་དུས་ཀྱི་སྲིད་པ་དང་། འཆི་བའི་དུས་ན x འཆི་སྲིད། བར་དུ་བྱུང་བ་བར་སྲིད་དང་། ཉིང་མཚམས་སྦྱོར་བའི་དུས་ན་བྱུང་ ― MR12_Page_0415 ―
[མ་དཔེ་གཟིགས་ན་འདིར་གནོན།]
བ་སྐྱེ་བའི་སྲིད་པའོ། །ཇི་ལྟར་ན་མ་བྱུང་བ་ཡིན་སོགས། མ་འོངས་པ་དང་འདུས་མ་བྱས་ནི་མ་བྱུང་བའོ། །ཐམས་ཅད་ཀྱི་ཕྱོགས་གཅིག་གོ། བདག་ཐེར་ཟུག་ཏུ་མངོན་ཞེན། ཡང་བྱུང་བ་ལས་བཟློག་པ་ནི་མ་བྱུང་བའོ། །ཇི་ལྟར་ན་འཛིན་པ་ཡིན་སོགས། དབང་པོ་གཟུགས་ཅན་དང་། སེམས་དང་སེམས་བྱུང་གི་ཆོས་རྣམས་འཛིན་པར་བལྟ་སྟེ། ཕུང་པོ་གསུམ་དང་། གཟུགས་དང་། འདུ་བྱེད་ཀྱི་ཕུང་པོའི་ཕྱོགས་གཅིག་དང་། ཁམས་བཅུ་གཉིས་དང་།སྐྱེ་མཆེད་དྲུག་དང་། ཆོས་ཁམས་དང་། ཆོས་ཀྱི་སྐྱེ་མཆེད་ཀྱི་ཕྱོགས་གཅིག་གོ། བདག་ཟ་བ་པོར་མངོན་ཞེན x ཡང་མ་ཕྲད་པ་མིག་རྣ་ཡིད་གསུམ་དང་། དེ་ལས་གཞན་ཕྲད་ནས་འཛིན་པ་དང་། ད་ལྟར་གྱི་རང་གི་མཚན་ཉིད་སོ་སོར་འཛིན་པ་དབང་ལྔ་དང་། དབང་པོ་དྲུག་ལས་བྱུང་བའི་ཡིད་ཀྱིས་རང་སྤྱིའི་མཚན་ཉིད་དུས་ཐམས་ཅད་པའི་ཡུལ་ཐམས་ཅད་འཛིན་པ་ཡང་འཛིན་པར་བལྟའོ། །ཚོགས་ནས་རྣམ་པར་ཤེས་པ་འབྱུང་བའི་ཕྱིར་བཏགས་པ་ཅན་ཡང་འཛིན་པར་སྨྲའོ་ཞེས་བལྟ་བར་བྱའོ། །ཞེས་རྐྱེན་ཚོགས་ནས་རྣམ་པར་ཤེས་པ་འབྱུང་བའི་དབང་དུ་བྱས་ཏེ། བརྟགས་ནས་འཛིན་པ་ཉེ་བར་འདོགས་པར་རིག་པར་བྱའོ། །ཡང་དག་པའི་དོན་དུ་ན་ཆོས་རྣམས་བྱེད་པ་མེད་པའི་ཕྱིར། འཛིན་པའང་མེད་དོ། །ཇི་ལྟར་ན་གཟུང་བ་ཡིན་སོགས། མིག་ལ་སོགས་འཛིན་པ་གང་ཡིན་པ་དེ། ཡིད་ཤེས་ཀྱིས་གཟུང་བ་ཡང་ཡིན་ནོ། །གཟུང་བ་ཡིན་ལ་འཛིན་པ་མ་ཡིན་པ་ཡང་ཡོད་དེ། འཛིན་པའི་སྤྱོད་ཡུལ་ཉིད་ཀྱི་ཞེས་སེམས་སེམས་བྱུང་བསལ་བའི་ ― MR12_Page_0416 ―
[མ་དཔེ་གཟིགས་ན་འདིར་གནོན།]
དོན་ཏོ། །ཐམས་ཅད་ཀྱང་གཟུང་བ་ཉིད་དོ། །བདག་ལ་ཡུལ་དུ་མངོན་ཞེན x ཇི་ལྟར་ཕྱི་རོལ་དུ་བལྟས་པ་ཡིན་སོགས། སངས་རྒྱས་ཀྱི་བསྟན་པ་ལ་ཐོས་བྱུང་དང་། བསམ་པ་ལས་བྱུང་བ་དང་། དེའི་རྗེས་སུ་མཐུན་པའི་ཆོས་བསྒྲུབ་པས་ཡོངས་སུ་བསྡུས་པའི་སེམས་དང་སེམས་བྱུང་གི་ཆོས་རྣམས་མ་གཏོགས་པར་འདོད་པ་དང་། རབ་ཏུ་ལྡན་པ་ནི་ཕྱི་རོལ་ཏུ་བལྟས་པའོ། །དེ་ལ་མ་གཏོགས་པ་དེ་ནི་ཕྱི་རོལ་དུ་བལྟས་པ་མིན་ཏེ། རྒྱུ་མཐུན་པའི་ཆོས་ལས་བྱུང་ཕྱིར། དེའི་དབང་གིས་མྱང་འདས་སོགས་ལ་དམིགས་པར་བལྟའོ། །སྣ་ལྕེ་དྲི་རོའི་ཁམས་བཞི་དང་། དྲི་རོའི་སྐྱེ་མཆེད་གཉིས་དང་། དེ་ལས་གཞན་པ་འདོད་ཁམས་སུ་བསྡུས་པ་དག་གི་ཕྱོགས་གཅིག་གོ། བདག་འདོད་ཆགས་དང་བྲལ་བ་མ་ཡིན་པར་མངོན་ཞེན x ཇི་ལྟར་ན་ནང་དུ་བལྟས་པ་ཡིན་སོགས། ཕྱི་རོལ་དུ་བལྟས་པ་ལས་བཟློག་པ་ནི་ནང་དུ་བལྟས་པ་སྟེ། ཁམས་བཞི་དང་། སྐྱེ་མཆེད་གཉིས་མ་གཏོགས་པ་དེ་ལས་གཞན་པ་དག་གི་ཕྱོགས་གཅིག་གོ། བདག་འདོད་ཆགས་དང་བྲལ་བར་མངོན་ཞེན x ཇི་ལྟར་ཉོན་མོངས་ཅན་ཡིན་སོགས། མི་དགེ་བ་དང་། བསྒྲིབས་པས་ལུང་དུ་མ་བསྟན་པ་ནི་ཉོན་མོངས་པ་ཅན་ནོ། །བསྒྲིབས་ལུང་མ་བསྟན་ནི། ས་ཐམས་ཅད་དུ་ཀུན་ཏུ་འགྲོ་བའི་ཡིད་དང་མཚུངས་པར་ལྡན་པའི་ལྷན་ཅིག་སྐྱེས་པའི་འཇིག་ཚོགས་ལྟ་བ་དང་། དེ་ལ་རྟེན་པའི་མཐར་ལྟ་དང་། གཟུགས་དང་གཟུགས་མེད་པ་དང་མཚུངས་པར་ལྡན་པའོ། །ཕུང་པོ་རྣམས་དང་། སེམས་ཁམས་བདུན་དང་། གཟུགས་སྒྲ་ཆོས་ཁམས་ཁམས་བཅུ་དང་། སྐྱེ་ ― MR12_Page_0417 ―
[མ་དཔེ་གཟིགས་ན་འདིར་གནོན།]
མཆེད་གཟུགས་སྒྲ་ཡིད་ཆོས་བཞིའི་ཕྱོགས་གཅིག་གོ། བདག་ཉོན་མོངས་ལྡན་པར་མངོན་ཞེན x ཇི་ལྟར་ན་ཉོན་མོངས་ཅན་མ་ཡིན་སོགས། དགེ་བ་དང་མ་བསྒྲིབ་ལ་ལུང་དུ་མ་བསྟན་པ་ནི་ཉོན་མོངས་པ་མ་ཡིན་པའོ། །ཁམས་བརྒྱད་དང་། སྐྱེ་མཆེད་བརྒྱད་དང་། ཕུང་པོ་དང་ཁམས་དང་སྐྱེ་མཆེད་ལྷག་མ་རྣམས་ཀྱི་ཕྱོགས་གཅིག་གོ། བདག་ཉོན་མོངས་པ་དང་བྲལ་བར་མངོན་ཞེན x ཇི་ལྟར་འདས་པ་ཡིན་སོགས། བྱུང་ལ་འགགས་པའི་མཚན་ཉིད་དང་། རྒྱུ་དང་འབྲས་བུ་སྤྱད་ཟིན་པ་དང་། ད་ལྟ་བ་བཞིན་དུ་ཀུན་ཉོན་དང་རྣམ་པར་བྱང་བར་བྱེད་པ་ལས། ཡང་དག་པར་ཤིན་ཏུ་འདས་པ་དེ་གཉིས་བྱེད་པའི་མཐུ་མེད་པ་དང་། རྒྱུ་ཡོངས་སུ་བཟུང་ནས་སྔར་བག་ཆགས་བཞག་ནས་ད་ལྟ་ཞིག་པ་དང་། དེའི་འབྲས་བུ་ད་ལྟར་གྱི་དུས་ན་རང་གི་མཚན་ཉིད་དེས་བསྐྱེད་པའི་བག་ཆགས་ཡོད་པ་དང་། དེ་འཇོག་བྱེད་ཀྱི་རྫས་མེད་པ་དང་། སྔར་འདས་དྲན་པའི་ཀུན་ཏུ་དམིགས་སེམས་རྟོག་པའི་མཚན་མ་ཙམ་དུ་གྱུར་པ་དང་། ད་ལྟ་ལ་ལྟོས་པས་འདས་བཏགས་ལ་ཀུན་ནས་ཉོན་མོངས་པ་བདག་འདས་དུས་སུ་བྱུང་ངམ་ཞེས་པ་ལྟ་བུའི་མཚན་མ་དང་། དེ་མེད་པར་བཏང་སྙོམས་ཀྱིས་རྣམ་པར་བྱང་བའི་མཚན་མ་ཡིན་པས་ཀྱང་འདས་པར་བལྟ་བར་བྱའོ། །ཐམས་ཅད་ཀྱི་ཕྱོགས་ད་ལྟ་མ་འོངས་འདུས་མ་བྱས་མ་གཏོགས་གཅིག་གོ། བདག་ཞུགས་པར་བྱས་པ་མངོན་ཞེན x ཇི་ལྟར་ན་མ་འོངས་པ་ཡིན་སོགས། སྤྱིར་རྒྱུ་ཡོད་ཀྱང་ད་ལྟར་འབྲས་བུ་དེ་ཉིད་མ་བྱུང་བ་དང་། རང་གི་མཚན་ཉིད་སྐྱེས་མ་ཟིན་པས་མ་ཐོབ་པ་ ― MR12_Page_0418 ―
[མ་དཔེ་གཟིགས་ན་འདིར་གནོན།]
དང་། རྒྱུ་དང་འབྲས་བུ་གཉིས་ཀ་མ་སྤྱད་པ་དང་། ཀུན་ཉོན་དང་རྣམ་བྱང་གི་དངོས་པོར་ཉེ་བར་མི་གནས་པ་དང་། རྒྱུད་༡ དང་རང་གི་མཚན་༢ ཉིད་ཡོད་༡ པ་དང་། ད་ལྟར་མེད་པ་༢ དང་། མ་འོངས་པའི་སྲིད་པར་དམིགས་ནས་མངོན་པར་དགའ་བས་ཆ་ནས་ཀུན་ནས་ཉོན་མོངས་པའི་མཚན་མ་དང་། མངོན་པར་དགའ་བ་མེད་པས་རྣམ་པར་བྱང་བའི་མཚན་མ་ཡིན་པས་ཀྱང་མ་འོངས་པར་བལྟའོ། །འདས་ད་ལྟ་འདུས་མ་བྱས་མ་གཏོགས་ཁམས་ཐམས་ཅད་ཀྱི་ཕྱོགས་གཅིག་གོ། བདག་འཇུག་པར་བྱ་བར་མངོན་ཞེན x ཇི་ལྟར་ན་ད་ལྟར་བྱུ ང་བ་ཡིན་སོགས། བྱུང་ལ་མ་འགགས་པའི་མ ཚན་ཉིད་དང་། རྒྱུ་༡ དང་འབྲས་༢ སྤྱད་ཟིན་༡ པ་དང་། སྤྱད་མ་༢ ཟིན། ཀུན་ཉོན་དང་། རྣམ་པར་བྱང་བ་ཡི་རྐྱེན་དུ་ཉེ་བར་གནས་པ་དང་། ད་ལྟ་དེར་ལྟོས་ནས་འདས་པ་དང་མ་འོངས་པར་རབ་ཏུ་བཞག་པའི་རྒྱུ་དང་། མིག་སོགས་རྣམ་ཤེས་ཀྱི་གནས་ཀྱི་བྱེད་པ་མ་འགགས་པར་ཉེ་བར་གནས་པས་ཀྱང་ད་ལྟར་བྱུང་བར་བལྟའོ། །འདས་མ་འོངས་འདུས་མ་བྱས་མ་གཏོགས་ཐམས་ཅད་ཀྱི་ཕྱོགས་གཅིག་གོ། བདག་འཇུག་པར་བྱེད་པར་མངོན་ཞེན x འདས་མ་འོངས་ད་ལྟར་བྱུང་བ་ནི་གཏམ་གྱི་གཞིའོ། །མྱ་ངན་ལས་འདས་པ་ནི་རང་མཚན་ནི་གཏམ་གྱི་གཞི་མ་ཡིན་ཏེ། སོ་སོ་རང་གིས་རིག་བྱ་བ་དང་། བརྗོད་དུ་མེད་པ་ཉིད་དང་། བྱུང་བ་དང་། འབྱུང་བ། ད་ལྟར་གྱི་མཐོང་སོགས་ཀྱི་ཐ་སྙད་ཀྱི་གནས་མ་ཡིན་པའི་ཕྱིར་རོ། །སྤྱི་མཚན་གྱི་སྒོ་ནས་གཏམ་གྱི་གཞི་ཡིན་ཏེ། མྱང་འདས་ཀྱི་རྒྱུ་འབྲས་ངོ་བོ་བསྟན་ངོ་བོ་བསྟན་པ་ཐམས་ཅད་དོ། །ཇི་ལྟར་ན་དགེ་བ་ཡིན་སོགས། ངོ་བོ་ ― MR12_Page_0419 ―
[མ་དཔེ་གཟིགས་ན་འདིར་གནོན།]
ཉིད་དང་། འབྲེལ་བ་དང་སོགས། བཅུ་གསུམ་པོ་མཁས་འཇུག་ལྟར་རོ། །དགེ་བ་ནི། ཕུང་པོ་རྣམས་དང་། ཁམས་བཅུ་དང་། སྐྱེ་མཆེད་བཞིའི་ཕྱོགས་སོ། །བདག་ཆོས་དང་ལྡན་པར་མངོན་ཞེན x ཇི་ལྟར་ན་མི་དགེ་བ་ཡིན་སོགས། ༡༢ འདུས། ཕུང་པོ་རྣམས་དང་། ཁམས་བཅུ་དང་། སྐྱེ་མཆེད་བཞིའི་ཕྱོགས་སོ། །བདག་ཆོས་མིན་དང་ལྡན་པར་མངོན་ཞེན x ཇི་ལྟར་ལུང་དུ་མ་བསྟན་པ་ཡིན་སོགས། ༡༤ མིག་རྣ་སྣ་ལྕེ་ལུས་དྲི་རོ་རེག་བྱའི་ཁམས་བརྒྱད་དང་། སྐྱེ་མཆེད་བརྒྱད་སྔ་མ་ལྟར་དང་། ཕུང་ཁམས་སྐྱེ་མཆེད་ལྷག་མ་རྣམས་ཀྱི་ཕྱོགས་གཅིག་གོ། བདག་ལ་ཆོས་དང་ཆོས་མིན་དང་བྲལ་བར་མངོན་ཞེན x ཡང་བསྟན་པས་ཀྱང་དགེ་བ་ཕན་གདགས་པར་སྣང་བ་དང་། མི་དགེ་བ་གནོད་པར་སྟོན་པས་མི་དགེ་བ་ཟློག་པ་དང་། ལུང་དུ་མ་བསྟན་པར་ཕལ་པའང་བལྟ་སྟེ། དེ་ཡང་གང་ཞེ་ན། གང་སངས་རྒྱས་རྣམས་དང་། བྱང་ཆུབ་སེམས་དཔའ་དམ་པའི་ཕ་རོལ་དུ་སོན་པ་རྣམས་ཀྱིས་སེམས་ཅན་ལ་ཕན་གདགས་པའི་ཕྱིར་སྤྲུལ་པ་ཀུན་ཏུ་སྟོན་པ་སྟེ། དེ་ན་དེ་དག་སྣང་བ་དེ་བཞིན་དུ་ཡོངས་སུ་གྲུབ་པ་ནི་གང་ཡང་མེད་དོ། །ཇི་ལྟར་ན་འདོད་པ་ཁོ་ན་དང་རབ་ཏུ་ལྡན་པ་ཡིན་སོགས། འདོད་ཆགས་དང་མ་བྲལ་བའི་དགེ་བ་ཟག་པ་དང་བཅས་པ་དང་། ཞེས་འདོད་ཁམས་པ་འདོད་ཆགས་ཕྱོགས་ཙམ་དང་ཡང་མ་བྲལ་བ་ཞེས་སོ། །གཞན་དུ་མི་ལྕོགས་མེད་འདོད་པ་དང་རབ་ཏུ་ལྡན་པར་འགྱུར་རོ། །ཏིང་ངེ་འཛིན་ཐོབ་མ་ཐག་ཏུ་སྤོང་བ་ལ་མངོན་པར་དགའ་བའི་མི་མཐུན་པའི་ཕྱོགས་སུ་གྱུར་པའི་གནས་ངན་ལེན་སྤང་བའི་ ― MR12_Page_0420 ―
[མ་དཔེ་གཟིགས་ན་འདིར་གནོན།]
ཕྱིར། ཆགས་བྲལ་ཉིད་ཀྱི་ཕྱོགས་སུ་ཡོད་པར་རིག་པར་བྱའོ་གསུངས། མི་དགེ་བ་དང་ལུང་དུ་མ་བསྟན་པ་ནི་འདོད་པ་དང་རབ་ཏུ་ལྡན་པར་བལྟ་སྟེ། དྲི་རོ་སྣ་ལྕེའི་ཁམས་བཞི་དང་། དྲི་རོའི་སྐྱེ་མཆེད་གཉིས་དང་། དེ་ལས་གཞན་པའི། ཕུང་པོ་དང་ཁམས་དང་། སྐྱེ་མཆེད་རྣམས་ཀྱི་ཕྱོགས་གཅིག་གོ། བདག་འདོད་པ་ལ་འདོད་ཆགས་མ་བྲལ་བར་མངོན x ཇི་ལྟར་ན་གཟུགས་དང་རབ་ཏུ་ལྡན་པ་ཡིན་སོགས། འདོད་པ་ལ་འདོད་ཆགས་བྲལ་ལ། གཟུགས་ལ་འདོད་ཆགས་མ་བྲལ། དགེ་བ་དང་ལུང་དུ་མ་བསྟན་པའོ། །ཁམས་བཞི་དང་། སྐྱེ་མཆེད་གཉིས་མ་གཏོགས་པར་དེ་ལས་གཞན་པའི་ཕུང་ཁམས་སྐྱེ་མཆེད་རྣམས་ཀྱི་ཕྱོགས་གཅིག་གོ། བདག་འདོད་པ་ལ་འདོད་ཆགས་བྲལ་བར་མངོན་ཞེནxཇི་ལྟར་གཟུགས་མེད་པ་དང་རབ་ཏུ་ལྡན་པ་ཡིན་སོགས། གཟུགས་ལ་འདོད་ཆགས་བྲལ་ལ། གཟུགས་མེད་ལ་འདོད་ཆགས་མ་བྲལ་བའི་དགེ་བ་དང་ལུང་མ་བསྟན་ནོ། །གཟུགས་མ་གཏོགས་པའི་ཕུང་པོ་བཞི་དང་། ཡིད་ཡིད་ཁམས་ཆོས་ཁམས་གསུམ་དང་། སྐྱེ་མཆེད་ཡིད་ཆོས་གཉིས་ཀྱི་ཕྱོགས་སོ། །བདག་གཟུགས་ལ་ཆགས་པ་བྲལ་བར་མངོན་ཞེན x འདོད་ཆགས་དང་བྲལ་བ་ཉིད་ཀྱང་། ཕྱོགས་གཅིག་ལས་འདོད་ཆགས་དང་བྲལ་བ་ཉིད་དང་། མཐའ་དག་ལས་སོགས་སོ། །གཞུང་ལྟར། ཇི་ལྟར་སློབ་པ་ཡིན་སོགས། ཐར་པ་ལ་བརྩོན་པའི་དགེ་བ་ནི་སློབ་པར་བལྟའོ། །ཕུང་པོ་རྣམས་དང་། རྣམ་ཤེས་ཁམས་བདུན་དང་གཟུགས་སྒྲ་ཆོས་ཁམས་བཅུ་དང་། སྐྱེ་མཆེད་གཟུགས་སྒྲ་ཡིད་ཆོས་ ― MR12_Page_0421 ―
[མ་དཔེ་གཟིགས་ན་འདིར་གནོན།]
བཞིའི་ཕྱོགས་སོ། །བདག་གྲོལ་བར་མངོན་ཞེན x ཇི་ལྟར་ན་སློབ་པའང་མ་ཡིན། མི་སློབ་པ་ཡང་མ་ཡིན་སོགས། སོ་སོའི་སྐྱེ་བོའི་དགེ་མི་དགེ་ལུང་མ་བསྟན་ཐར་བ་ལ་བརྩོན་པ་མ་གཏོགས་པ་དང་། སློབ་པའི་ཉོན་མོངས་པ་ཅན་མི་དགེ་བ་དང་། བསྒྲིབ་ལ་ལུང་མ་བསྟན་དང་། མི་སློབ་པའི་མ་སྒྲིབ་ལུང་མ་བསྟན་དང་། འདུས་མ་བྱས་ནི་དེའོ། །ཁམས་བརྒྱད་དང་། སྐྱེ་མཆེད་བརྒྱད་དང་། དེ་ལས་གཞན་པའི། ཕུང་ཁམས་སྐྱེ་མཆེད་རྣམས་ཀྱི་ཕྱོགས་གཅིག་གོ། བདག་གྲོལ་བ་མ་ཡིན་པར་མངོན་ཞེན x ཇི་ལྟར་མཐོང་བས་སྤང་བར་བྱ་བ་ཡིན་སོགས། ཆོས་མིན་ཉན་པ་ལས་བྱུང་བ་ཉོན་མོངས་ཅན་གྱི་ལྟ་བ་ལྔ་བདག་ལྟ་ལྷན་སྐྱེས་དང་། མཐར་ལྟ་མིན་པའི་ཀུན་བཏགས་རྣམས་དང་། ཐེ་ཚོམ་དང་། ལྟ་བའི་གནས་དང་། ཞེས་ལྟ་བ་དང་ལྷན་ཅིག་པའི་ཆོས་རྣམས་དང་དེའི་ས་བོན་གསུངས། ལྟ་བ་ལ་ལོག་པར་ཞུགས་པའི་ཉོན་མོངས་ཉེ་ཉོན་གང་ཡིན་པ་ལྟ་བའི་སྒོ་ནས་ལོག་ཕུང་ཁོང་ཁྲོ་དང་། དེ་ལ་དམིགས་པའི་འདོད་ཆགས་དང་། ལྟ་བས་ཀུན་ནས་བསླང་བ་ནི། ལུང་དང་ངག་གི་ལས་དང་། ངན་སོང་བའི་ཕུང་པོ་དང་ཁམས་དང་སྐྱེ་མཆེད་ཐམས་ཅད་ནི་མཐོང་བས་སྤང་བར་བྱ་བར་བལྟའོ། །ཐམས་ཅད་ཀྱི་ཕྱོགས་གཅིག་གོ། བདག་མཐོང་བ་ཕུན་སུམ་ཚོགས་པར་མངོན་ཞེན x ཇི་ལྟར་ན་བསྒོམས་པས་སྤང་བར་བྱ་བ་ཡིན་སོགས། མཐོང་ལམ་ཐོབ་དེ་ཡན་ཆད་ཀྱི། མཐོང་སྤང་ལས་བཟློག་པ། ཟག་བཅས་ཀྱི་ཆོས་རྣམས་སོ། །ཐམས་ཅད་ཕྱོགས་ ― MR12_Page_0422 ―
[མ་དཔེ་གཟིགས་ན་འདིར་གནོན།]
གཅིག་གོ། བདག་སྒོམ་པ་ཕུན་སུམ་ཚོགས་པ་མངོན་ཞེན x ཇི་ལྟར་ན་སྤང་བར་བྱ་བ་མ་ཡིན་སོགས། ཟག་པ་མེད་པ་ནི་སྤང་བར་བྱ་བ་མ་ཡིན་པར་བལྟའོ། །ངེས་འབྱེད་ཆ་མཐུན་མ་གཏོགས་པར་ཕུང་པོ་རྣམས་དང་། ཁམས་གསུམ་དང་། སྐྱེ་མཆེད་གཉིས་ཀྱི་ཕྱོགས་སོ། །བདག་གྲུབ་པར་མངོན་ཞེན x ཇི་ལྟར་ན་རྟེན་ཅིང་འབྲེལ་བར་འབྱུང་བ་ཡིན་སོགས། མཚན་ཉིད་དང་། ཡན་ལག་རྣམ་པར་དབྱེ་བ་དང་། ཡན་ལག་མདོར་བསྡུ་བ་དང་། ཡན་ལག་རྐྱེན་ཉིད་དུ་རྣམ་པར་དག་པ་དང་།ཡན་ལག་གི་ལས་རྣམ་པར་བཞག་པ་དང་། ཡན་ལག་ཀུན་ནས་ཉོན་མོངས་པར་བསྡུ་བ་དང་། དོན་དང་ཟབ་པ་དང་། རབ་ཏུ་དབྱེ་བ་དང་། ལུགས་དང་མཐུན་པ་དང་། ལུགས་དང་མི་མཐུན་པས་ཀྱང་རྟེན་ཅིང་འབྲེལ་བར་འབྱུང་བར་བལྟའོ། །ཆོས་ཀྱི་ཁམས་དང་། ཆོས་ཀྱི་སྐྱེ་མཆེད་ཀྱི་ཕྱོགས་གཅིག་འདུས་མ་བྱས་མ་གཏོགས་པ་ཐམས་ཅད་དོ། །བདག་དང་ཆོས་རྒྱུ་མེད་པ་དང་མི་མཐུན་པའི་རྒྱུ་ལས་བྱུང་བར་མངོན་ཞེན x མཚན་ཉིད་ཀྱིས་ཇི་ལྟ་བུ་ཞེ་ན། གཡོ་བ་མེད་པའི་རྐྱེན་ལས་བྱུང་བ་དང་། མི་རྟག་པའི་རྐྱེན་ལས x ནུས་པའི་རྐྱེན་ལས་བྱུང་བའི་ཕྱིར་རོ། །ཡན་ལག་རྣམ་པར་དབྱེ་བ་ནི། མ་རིག་པ་སོགས་བཅུ་གཉིས་སོ། །ཡན་ལག་མདོར་བསྡུ་བ། འཕེན་པའི་ཡན་ལག འཕངས་པའི x མངོན་པར་འགྲུབ་བྱེད་ཀྱི་ཡན་ལག །མངོན་པར་གྲུབ་པའི་ཡན་ལག་བཞི། མཁས་འཇུག་འདྲ། ཡན་ལག་རྐྱེན་ཉིད་དུ་རྣམ་པར་བཞག་པ་ནི། བག་ཆགས་དང་། ཤུགས་དང་། ཡིད་ལ་བྱེད་པ་དང་། ལྷན་ཅིག་འབྱུང་བས་ཀྱང་། ཡན་ལག་ ― MR12_Page_0423 ―
[མ་དཔེ་གཟིགས་ན་འདིར་གནོན།]
རྐྱེན་ཉིད་དུ་རྣམ་པར་བཞག་པ་རིག་པར་བྱ་སྟེ། དེ་ཡང་ཅི་རིགས་སུ་སྦྱར་རོ། །ཡན་ལག་གི་ལས་རྣམ་པར་བཞག་པ་ནི། མ་རིག་པས་སྲིད་པ་ལ་སེམས་ཅན་རྨོངས་པར་བྱེད་ཅིང་། འདུ་བྱེད་རྣམས་ཀྱི་རྐྱེན་ཡང་ཡིན་ནོ། །འདུ་བྱེད་ཀྱི་འགྲོ་བར་སེམས་ཅན་ཀྱང་རྣམ་པར་འབྱེད་པ་དང་། རྣམ་པར་ཤེས་པའི་བག་ཆགས་ཀྱི་རྐྱེན་ཡིན་སོགས། །རྐྱེན་ནི་ཕྱི་ཡི་རྐྱེན་ཡིན་པ་ཀུན་ལ་འདྲ། །རྣམ་ཤེས་རྣམས་ཀྱི་ལས་ཀྱི་འཆིང་བ་འཛིན། མིང་གཟུགས་ཀྱིས་ལུས་ལེན་དུ་འཇུག །སྐྱེ་མཆེད་དྲུག་གིས་ལུས་རྫོགས་པར་ལེན་དུ་འཇུག །རེག་པས་ལུས་ཀྱི་ལོངས་སྤྱོད་ལ་སེམས་ཅན་རྣམས་འཛུད། ཚོར་བས་སེམས་ཅན་རྣམས་ཀྱི་རྣམ་པར་ཤེས་པ་ཉེ་བར་ལེན་པ་དང་བཅས་པར་བྱེད། སྲིད་པས་སེམས་ཅན་རྣམས་ཡང་སྲིད་པར་མངོན་དུ་ཕྱོགས་པར་བྱེད། སྐྱེ་བས། མིང་གཟུགས་ནས། ཚོར་བའི་བར་བཞིས་སེམས་ཅན་རྣམས་མངོན་པར་འགྲུབ་པར་བྱེད། རྒ་ཤིས། སེམས་ཅན་རྣམས་ཡང་ཡང་ན་ཚོད་འགྱུར་ཞིང་། སྲོག་འགྱུར་བར་བྱེད། ཡན་ལག་རྣམས་ཀུན་ནས་ཉོན་མོངས་པར་བསྡུ་བ་ལ། རྣམ་ཤེས་ལས་སུ་བསྡུ་འདུག་གཞན་འདྲ། དོན་གྱིས་ཇི་ལྟ་བུ་ཞེ་ན། བྱེད་པོ་མེད་པའི་དོན་ནི་རྟེན་འབྱུང་གི་དོན་དང་། རྒྱུ་དང་བཅས་པ་ལས་བྱུང་བའི་དོན་དང་།སེམས་ཅན་མེད་པའི x གཞན་གྱི་དབང་གི x གཡོ་བ་མེད་པའི x མི་རྟག་པའི x སྐད་ཅིག་མའི x རྒྱུ་འབྲས་ཀྱི་རྒྱུད་རྒྱུན་མི་འཆད་པའི x རྒྱུ་འབྲས་མཐུན་པའི x རྒྱུ་འབྲས་སྣ་ཚོགས་ཀྱི x རྒྱུ་འབྲས་སོ་སོར་ངེས་པའི་དོན་ནི། ― MR12_Page_0424 ―
[མ་དཔེ་གཟིགས་ན་འདིར་གནོན།]
རྟེན་ཅིང་འབྲེལ་བར་འབྱུང་བའི་དོན་ཏོ། །ཟབ་པས་ཇི་ལྟ་བུ་ཞེ་ན། རྒྱུས་ཟབ་པ་དང་། མཚན་ཉིད་ཀྱིས x སྐྱེ་བས x འདས་པས x འབྱུང་བས་ཟབ་པས་ཟབ་པར་བལྟའོ། །རྟེན་ཅིང་འབྲེལ་འབྱུང་སྐད་ཅིག་མ་ཡིན་ལ། གནས་པར་ཡང་དམིགས། གཡོ་མེད་ཀྱི་རྐྱེན་ལས་འབྱུང་བ་ཡིན་ལ། ནུས་པའི་རྐྱེན་ལས་འབྱུང་བར་ཡང་དམིགས། སེམས་ཅན་མེད་པ་ཡིན་ལ། སེམས་ཅན་དུ་ཡང་དམིགས། བྱེད་པ་པོ་མེད་ལ། ལས་འབྲས་ཆུད་མི་ཟ་བར་ཡང་དམིགས་ཤིང་། བདག་ལས་མ་ཡིན།གཞན་ལས་མ་ཡིན། གཉིས་ཀ་ལས་མ་ཡིན། རྒྱུ་མེད་ལས་མ་ཡིན། རང་གི་བྱེད་པ་དང་། གཞན་གྱི་བྱེད་པ་དང་། རྒྱུ་མེད་ལས་བྱུང་བ་མིན་པ་དེ་ཕྱིར་ཟབ་བོ། །རབ་ཏུ་དབྱེ་བས་ཇི་ལྟར་ཞེ་ན། རྣམ་པར་ཤེས་པ་འབྱུང་བའི་རབ་ཏུ་དབྱེ་བ་མིག་དང་གཟུགས་ལ་བརྟེན་ནས་མིག་ཤེས་འབྱུང་བ་སོགས་དང་། འཆི་འཕོ་དང་སྐྱེ་བའི x སེམས་ཅན་གྱི་དབང་དུ་བྱས་ཏེ་མ་རིག་པའི་རྐྱེན་གྱིས་འདུ་བྱེད་སོགས། ཕྱིའི་ལོ་ཏོག་འབྱུང་བའི x ས་བོན་ལས་མྱུ་གུ་སོགས་འབྲས་བུའི་བར་རོ། །སྐལ་པ་འཇིག་པ་དང་འཆགས་པའི x ཟས་ཀྱིས་བརྟན་པའི x ཟས་བཞིས་སེམས་ཅན་རྣམས་གནས་པ། ལས་དགེ་མི་དགེས་འདོད་པ་མཐོ་རིས་དང་མི་འདོད་པའི་ངན་སོང་གི་འགྲོ་བ་རྣམ་པར་འབྱེད་པའི x རྣམ་པར་དག་པའི x ཐར་ཆ་ནས་ངེས་འབྱེད་མཐོང་སྒོམ་གྱིས་བྱང་ཆུབ་བར་དུ་དང་། ཐོས་པ་ལ་བརྟེན་ནས་མངོན་ཤེས་སོགས་ཡོན་ཏན་ཁྱད་པར་ཅན་ཐོབ་པ། མཐུ་སྟོབས་ཀྱི་རབ་ཏུ་དབྱེ་བས་ཀྱང་རབ་ཏུ་དབྱེ་བར་བལྟ་བར་བྱའོ། །ལུགས་དང་མཐུན་པ་དང་ལུགས་ ― MR12_Page_0425 ―
[མ་དཔེ་གཟིགས་ན་འདིར་གནོན།]
དང་མི་མཐུན་པས། ཇི་ལྟ་བུ་ཞེ་ན། ཀུན་ཉོན་གྱི་མ་རིག་འདུ་བྱེད་སོགས་ལུགས་མཐུན། རྒ་ཤི་དང་། རྒ་ཤི་ཀུན་འབྱུང་། རྒ་ཤི་འགོགས། རྒ་ཤི་འགོག་པར་འགྲོ་བའི་ལམ་ཞེས་བདེན་པའི་དབང་བྱས་མི་མཐུན་དང་། རྣམ་བྱང་གི་མ་རིག་འགགས་པས་འདུ་བྱེད་འགགས་སོགས་ལུགས་མཐུན། གང་མེད་ན་རྒ་ཤི་མི་འབྱུང་བ་དང་གང་འགགས་ན་རྒ་ཤི་འགགས་པ་ཞེས་བྱ་བ་མི་མཐུན་པས་ཀྱང་། རྟེན་འབྲེལ་ལུགས་མཐུན་མི་མཐུན་བསྟན་པར་བལྟའོ། །ཇི་ལྟར་རྐྱེན་ཡིན་སོགས། རྒྱུ་དང་དེ་མ་ཐག་པ་དང་། དམིགས་པ་དང་བདག་པོས་ཀྱང་རྐྱེན་དུ་བལྟའོ། །ཆོས་རྣམས་བདག་གི་རྒྱུ་ལས་བྱུང་བར་མངོན་ཞེན་སྤང་བའི་ཕྱིར་རོ། །རྒྱུའི་རྐྱེན་གང་ཞེ་ན། ཀུན་གཞིའི་རྣམ་ཤེས་ཟག་བཅས་ཀྱི་རྒྱུ་དང་། ཟག་མེད་ཀྱི་རྒྱུའི་རྐྱེན་དགེ་བའི་བག་ཆགས་སོ། །ཡང་ངོ་བོ་ཉིད་དང་། བྱེད་རྒྱུ་ཉིད་དམ་རབ་དབྱེ་དང་། ལྷན་འབྱུང་། གྲོགས་དང་། མཚུངས་ལྡན་མཐུན་པར་རྟོགས་པ་དང་། སྐལ་མཉམ་རྒྱས་པ་དང་། ཀུན་འགྲོ། བར་དུ་གཅོད་པ་དང་། རྣམ་སྨིན་ཡོངས་སུ་འཛིན་པས་ཀྱང་རྒྱུའི་རྐྱེན་དུ་བལྟའོ། །ངོ་བོ་ཉིད་ཀྱི་ཇི་ལྟར་ཞེ་ན། བྱེད་རྒྱུ་སྟེ་རྒྱུའི་ངོ་བོ་ཉིད་དོ། །རབ་ཏུ་དབྱེ་བས་ནི་འདི་ལྟ་སྟེ། འབྱུང་བའི་བྱེད་རྒྱུ་རྣམ་པར་ཤེས་པའི་ནི་རྣམ་པར་ཤེས་པའི་ཚོགས་པ་ལྟ་བུའོ། །གནས་པའི་བྱེད་རྒྱུ་ཟས་བཞིས་སེམས་ཅན་བྱུང་བ་དང་འབྱུང་བར་འདོད་པ་རྣམས་ལ་ལྟ་བུའོ། །རྟེན་པའི་བྱེད་རྒྱུ་སེམས་ཅན་རྣམས་ཀྱིས་ལྟ་བུ། གསལ་བའི་བྱེད་རྒྱུ་ནི་གཟུགས་ཀྱི་སྒྲོན་མ་ལྟ་བུ། འགྱུར་བའི་བྱེད་རྒྱུ་ཤིང་གི་མེ་ལྟ་ ― MR12_Page_0426 ―
[མ་དཔེ་གཟིགས་ན་འདིར་གནོན།]
བུ། འབྲལ་བའི་བྱེད་རྒྱུ་ཞིང་བརྔ་བའི་ཟོར་བ་ལྟ་བུ། བསྒྱུར་བའི་བྱེད་རྒྱུ་གསེར་སོགས་བཟོ་བ་ལྟ་བུ། ཡིད་ཆེས་བྱེད་རྒྱུ་མེའི་དུ་བ་ལྟ་བུ། ཡིད་ཆེས་པར་བྱེད་པའི་བྱེད་རྒྱུ། དམ་བཅའ་གཏན་ཚིགས་དཔེ་ལྟ་བུ། འཐོབ་པའི་བྱེད་རྒྱུ། ལམ་ལས་མྱང་འདས་ལྟ་བུ། ཐ་སྙད་ཀྱི་བྱེད་རྒྱུ། མིང་དང་མཚན་མ་དང་མཐོང་བ་ལྟ་བུ། ལྟོས་པའི་བྱེད་རྒྱུ། ལྟོས་ནས་གང་དོན་དུ་གཉེར་བ་སྟེ། བཀྲེས་པ་ལ་ལྟོས་ནས་ཟས་ལྟ་བུ། འཕེན་པའི་བྱེད་རྒྱུ། རྒྱང་རིང་པོའི་རྐྱེན་ཏེ། རྒ་ཤིའི་མ་རིག་པ་ལྟ་བུ། མངོན་པར་བསྒྲུབ་པའི་བྱེད་རྒྱུ། ཉེ་བའི་རྐྱེན་ཏེ། འདུ་བྱེད་རྣམས་ཀྱིས་མ་རིག་པ་ལྟ་བུ། ཡོངས་སུ་འཛིན་པའི་བྱེད་རྒྱུ་དེ་ལས་གཞན་པའི་རྐྱེན་དེ། ལོ་ཏོག་འབྱུང་བའི་ཞིང་དང་ཆུ་ལུད་ལ་སོགས་པ་ལྟ་བུའོ། །ཆུད་པར་བྱེད་པའི་བྱེད་རྒྱུ། མཐུན་པའི་རྐྱེན་ཏེ། རྒྱལ་པོ་མཉེས་པར་བྱ་ཕྱིར་རྒྱལ་པོ་ལ་ལེགས་པར་བརྟེན་པ་ལྟ་བུ། སོ་སོར་ངེས་པའི་བྱེད་རྒྱུ། རྐྱེན་སྣ་ཚོགས་པ་སྟེ། འགྲོ་བ་ལྔ་པོ་དག་གི འགྲོ་བ་ལྔའི་རྐྱེན་ལྟ་བུ། ལྷན་ཅིག་བྱེད་པའི་བྱེད་རྒྱུ་ནི། རྐྱེན་རྣམས་ཚོགས་པ་སྟེ། རྣམ་པར་ཤེས་པ་ལ། དབང་པོ་མ་ཉམས། ཡུལ་སྣང་། ཡིད་བྱེད་ཡོད་པ་ལྟ་བུ། མི་མཐུན་པའི་བྱེད་རྒྱུ་བར་ཆད་ཡོད་པ་སྟེ། ལོ་ཏོག་ལ་སེར་བ་ལྟ་བུ། མི་མཐུན་པ་མ་ཡིན་པའི་བྱེད་རྒྱུ། བར་ཆད་མི་བྱེད་པ་སྟེ། བར་ཆད་བྱེད་པ་དེ་ཉིད་མེད་པ་ལྟ་བུ། རབ་དབྱེའོ། །གྲོགས་ཀྱིས་ཇི་ལྟར་ཞེ་ན། ཆོས་གང་དག་གྲོགས་ཡོད་ན་འབྱུང་གི། གང་རུང་མ་ཚང་ན་མིན་པ། དཔེར་ན་འབྱུང་བ་རྣམས་དང་། འབྱུང་བ་ལས་གྱུར་པའོ། །མཐུན་ ― MR12_Page_0427 ―
[མ་དཔེ་གཟིགས་ན་འདིར་གནོན།]
པར་རྟོགས་པ་ཇི་ལྟ་བུ་ཞེ་ན། ཆོས་གང་དག་ལྷན་ཅིག་འབྱུང་བས་དམིགས་པ་མཐུན་པར་རྟོགས་ཀྱིས་གང་རུང་མ་ཚང་ན་མིན་པ། སེམས་སེམས་བྱུང་རྣམས་སོ། །རྒྱས་པས་ཇི་ལྟར་བུ་ཞེ་ན། སྔོན་དགེ་མི་དགེ་ལུང་མ་བསྟན་པའི་ཆོས་གོམས་པས་ཕྱི་མའི་མཐར་གོང་ནས་གོང་དུ་རྒྱས་པ་དང་། མཆོག་ཏུ་རྒྱས་པར་འབྱུང་བའོ། །བར་དུ་གཅོད་པ་ཇི་ལྟ་བུ་ཞེ་ན། མྱང་འདས་ཀྱི་རྒྱུད་ཐག་བསྲིང་པའི་ཉོན་མོངས་གང་རུང་གི་རྒྱུན་རྒྱས་པར་བསྟན་པ་ལྟ་བུའོ། །ཡོངས་སུ་འཛིན་པ་ཇི་ལྟ་བུ་ཞེ་ན། ལུས་ཡོངས་སུ་འཛིན་པའི། དགེ་མི་དགེ་ཟག་བཅས་ཀྱི་ཆོས་རྣམས་སོ། །དེ་མ་ཐག་པས་ཇི་ལྟ་བུ་ཞེ་ན། རྒྱུན་མི་འཆད་པར་བྱེད་པ་བར་དུ་སེམས་གཞན་གྱི་མ་ཆོད་པ་བར་ཆད་མེད་པ་དང་། དགེ་སེམས་ཀྱི་མཐུན་པ་དགེ་སེམས་དང་མི་མཐུན་པ་མི་དགེ་དང་ལུང་མ་བསྟན་ལྟ་བུ་གཞན་ཡང་སྦྱར་ལ་སེམས་སེམས་བྱུང་འབྱུང་བའི་དེ་མ་ཐག་པས་ཀྱང་དེ་མ་ཐག་རྐྱེན་དུ་བལྟའོ། །སེམས་འདི་ནས་བཟུང་གཅིག་དགེ་བར་རིག་པར་བྱའོའི་བར་མཆན་ཡིན། ཐམས་ཅད་ཀྱི་མཇུག་ཏུ་ཐམས་ཅད་འབྱུང་ངམ། ངེས་པ་ཡོད་ཅེ་ན། ངེས་པ་ཡོད་དེ་སེམས་འདིའི་འོག་ཏུ་འདི་འབྱུང་ཞེས་བརྗོད་ན་མང་བས་སྤྱིར་སེམས་འབྱུང་ཚུལ་བརྗོད་ན་འདི་ལྟར་སྟོབས་བཅུས་སེམས་འབྱུང་བར་རིག་པར་བྱ་སྟེ། དང་པོ་འདྲེས་པའི་སྟོབས་ནི། དཔེར་ན་སྙོམས་འཇུག་ལ། འཇུག་གནས་ལྡང་བའི། རྒྱུ་རྣམས་མི་མངོན་པའི་ཕྱིར་ཆུང་ངུ་། མངོན་པར་ལེགས་པར་མ་འདྲིས་པའི་འབྲིང་། ལེགས་པར་འདྲིས་པ་ཆེན་པོ། འདྲིས་པ་ཆུང་ངུ་བསམ་གཟུགས་པ་རིམ་གྱི་སྙོམས་པར་འཇུག །འབྲིང་གིས་གཅིག་གི་བར་དུ་ཆོད་པའི་ཚུལ་གྱི་ཐོད་རྒལ་དུ་འཇུག །ཆེན་པོས་ཇི་ལྟར་འདོད་པར་རམ་ཐམས་ཅད་དུ་ཐོད་ ― MR12_Page_0428 ―
[མ་དཔེ་གཟིགས་ན་འདིར་གནོན།]
རྒལ་དུ་འཇུག་གོ། ཞུགས་ནས་ལུགས་མཐུན་དང་ལུགས་མི་མཐུན་དུ་སྙོམས་པར་འཇུག་པའོ། །གཉིས་པ་འདུན་པའི་སྟོབས་ནི། བསམ་གཏན་གཉིས་པ་ཐོབ་པ་བསམ་གཏན་དང་པོ་ལ་སྙོམས་པར་འཇུག་ལ། འདོད་ན་བསམ་གཏན་གཉིས་པའི་ས་ལས་ལྡང་བའི་སེམས་མངོན་དུ་བྱེད་ཅིང་། གཞན་དུ་འདོད་ན་འདོད་པའི་སེམས་དགེ་བའམ། མ་བསྒྲིབ་ལུང་མ་བསྟན་མངོན་དུ་བྱེད་པ་དེ་གཉིས་གཞན་ལ་སྦྱར། གསུམ་པ་སྦྱོར་བའི་སྟོབས་ཀྱིས་ནི་འདོད་སྤྱོད་དགེ་བའི་མཇུག་ཐོགས་སུ། ཐོག་མར་གཟུགས་སྤྱོད་པའི་སེམས་འབྱུང་ངོ་། །མི་ལྕོགས་མེད་པའི་དགེ་བའི་མཇུག་ཐོག་ཏུ་དངོས་གཞིའོ། །དངོས་གཞིའི་མཇུག་ཐོག་ཏུ་བསམ་གཏན་གཉིས་པའི་ཉེར་བསྡོག་སོགས། སྲིད་རྩེའི་བར་དུའོ། །བཞི་པ་སྙོམས་པར་འཇུག་པའི་སྟོབས་ཀྱིས་ནི། དག་པ་སྙོམས་ཞུགས་ཀྱི་སེམས་ལ་རེས་འགའ་དག་པ་གཉིས་པ། རེས་ཉོན་མོངས་པ་ཅན་ནོ། །ལྔ་པ་འཕེན་པའི་སྟོབས་ཀྱིས་ནི། ཏིང་ངེ་འཛིན་ལས་ལངས་ནས་རྒྱུ་བ་ན། ཇི་སྲིད་དེ་དང་མི་མཐུན་པ་ཉོན་མོངས་འབྱུང་བས་ཉམས་པར་མ་གྱུར་པ་དེ་སྲིད་དུ་མཉམ་བཞག་གི་ས་པའི་སེམས་དང་། མཉམ་པར་མ་བཞག་པའི་སྐད་ཅིག་འདྲེས་མར་རྗེས་སུ་འཇུག་གོ། དེ་དང་མི་མཐུན་པའི་ཉོན་མོངས་དང་མཚུངས་ལྡན་གྱི་སེམས་ནི་རྒྱུ་ལ་སོགས་པའི་སྟོབས་བཞིས་འབྱུང་བར་རིག་པར་བྱའོ། །དེ་ལ་དྲུག་པ་རྒྱུ་སྟོབས་ཀྱིས་ནི། གདོན་མི་ཟ་བར་ཉམས་པར་འགྱུར་བའི་སྒྲིབ་པ་སྔོན་བསགས་པའོ། །བདུན་པ་ཡུལ་གྱི་སྟོབས་ནི། ཆགས་སོགས་སྐྱེ་བ་དང་མཐུན་པ་སྡུག་པའི་མཚན་མའི་སྟོབས་ཤས་ཆེ་བའི་ཡུལ་སྣང་བའོ། །བརྒྱད་པ་དྲན་པའི་སྟོབས་ཀྱིས་ནི། དྲན་པའི་ཀུན་རྟོག་བདག་གིས་འདས་པའི་ཡུལ་ལ་འཕོ་བར་བྱེད་པའོ། ། ― MR12_Page_0429 ―
[མ་དཔེ་གཟིགས་ན་འདིར་གནོན།]
དགུ་པ་ཡིད་ལ་བྱེད་པའི་སྟོབས་ཀྱིས་ནི། སྤྱོད་པའི་ཡིད་ལ་བྱེད་པས་སྡུག་པའི་མཚན་མ་གང་རུང་ཡིད་ལ་བྱེད་པའོ། །བཅུ་པ་ཉིང་མཚམས་སྦྱོར་བའི་སྟོབས་ཀྱིས་ནི། འཆི་བའི་སེམས་རྣམ་པ་དགུ་སྟེ། ལུས་ལ་སྲེད་པ་དང་མཚུངས་པར་ལྡན་པ་ཁམས་གསུམ་དུ་སོ་སོར། འདོད་པ་དང་། གཟུགས་དང་། གཟུགས་མེད་པ་ན་སྤྱོད་པ་དག་གོ། དེ་ལ་འདོད་ཁམས་ནས་ཤི་འཕོས་ནས། འདོད་ཁམས་དེར་ཉིང་མཚམས་སྦྱོར་བའི་ཚེ། འདོད་སྤྱོད་པའི་ལུས་ལ་སྲེད་པ་དང་མཚུངས་ལྡན་གྱི་སེམས་ནི། འཆི་འཕོ་བའི་སེམས་སུ་རིག་པར་བྱའོ། །གཟུགས་གཟུགས་མེད་དག་གི་ཁམས་སུ་སྐྱེ་བའི་ཚེ་གཟུགས་དང་གཟུགས་མེད་ན་སྤྱོད་པའི་འཆི་བའི་སེམས་སུ་རིག་པར་བྱའོ། །དེ་བཞིན་དུ་གཟུགས་དང་། གཟུགས་མེད་ནས་འཕོས་ཏེ། རང་ས་དང་གཞན་ས་གཉིས་ལ་སྐྱེ་བའི་སེམས་ཀྱང་དྲུག་སྟེ་ཁྱོན་དགུའོ། །ལུས་ལ་སྲེད་པ་དེ་ནི་ལྷན་ཅིག་དང་། དམིགས་པ་ལ་མི་སྤྱོད་པ་དང་། སྒྲིབ་ལུང་མ་བསྟན་ཡིན་ནོ། །ལུས་དང་ལྷན་ཅིག་སྐྱེས་པ་འདི་ནི་དམིགས་པ་ནི་རྣམ་པ་ཡོངས་སུ་མི་གཅོད་པར་རིག་པར་བྱ་སྟེ། དེའི་དབང་གིས་དེ་མ་ཐག་ཏུ་སོ་སོའི་སྐྱེ་བོ་རྣམས་ནི་བར་མདོའི་སྲིད་པར་ཉིང་མཚམས་སྦྱོར་རོ། །འཕགས་པ་འདོད་ཆགས་དང་མ་བྲལ་བ་རྣམས་ནི་འཆི་བའི་དུས་ན་ཇི་ཙམ་དུ་འདུ་ཤེས་མི་གསལ་བའི་སྐབས་སུ་མ་གྱུར་བ་དེ་སྲིད་སྲེད་པ་དེ་ཀུན་ཏུ་འབྱུང་ངོ་། །དེ་དག་ནི་ཡོངས་སུ་རྟོགས་ནས་གཉེན་པོས་ཚར་གཅོད་དོ། །འཕགས་པ་ཆགས་བྲལ་རྣམས་ནི། དེ་སྤང་མི་དགོས་ཏེ། གཉེན་པོའི་སྟོབས་ཆེ་བས་དེ་ཀུན་ཏུ་མི་འབྱུང་ངོ་། །དེའི་བག་ཉལ་གྱི་དབང་གིས་ནི་ཉིང་མཚམས་སྦྱོར་རོ། །བར་སྲིད་ཀྱི་ཉིང་མཚམས་སྦྱོར་བའི་ ― MR12_Page_0430 ―
[མ་དཔེ་གཟིགས་ན་འདིར་གནོན།]
སྐད་ཅིག་ནི། རྟག་ཏུ་མ་སྒྲིབ་ལུང་མ་བསྟན་ཏེ་རྣམ་པར་སྨིན་པའི་ཕྱིར་རོ། །དེའི་འོག་ཏུ་དགེ་མི་དགེ་ལུང་མ་བསྟན་ཇི་ལྟར་མཐུན་མཐུན་དུ་སྦྱར་ཏེ། འཆི་འཕོ་པའི་སེམས་མ་གཏོགས་སོ། །བར་དོའི་སྲིད་པའི་འཆི་འཕོའི་སེམས་ནི་རྟག་ཏུ་ཉོན་མོངས་ཅན་ཏེ། འཆི་འཕོ་བའི་སྲིད་པ་བཞིན་ནོ། །སྐྱེ་བའི་ཉིང་མཚམས་སྦྱོར་བ་རྟག་ཏུ་མ་སྒྲིབ་ལུང་མ་བསྟན་ཏོ། །བྱང་སེམས་སྨོན་ལམ་གྱི་སྟོབས་ཀྱིས་སྐྱེ་བ་རྣམས་ཀྱི། འཆི་སེམས་ལ་སོགས་པ་ནི་ཐམས་ཅད་ཀྱང་། གཅིག་ཏུ་དགེ་བར་རིག་པར་བྱའོ། །དམིགས་པས་ཇི་ལྟ་བུ་ཞེ་ན། ཡུལ་ཡོངས་སུ་ཆད་པའི་དམིགས་པ་མིག་ཤེས་སོགས་ལྔ་པོས་དང་། ཡུལ་ཡོངས་སུ་མ་ཆད་པའི་དམིགས་པ་ཡིད་ཤེས་ཀྱིས་དང་། ཡུལ་ལ་བཀྲ་བར་འཛིན་པ་མེད་པའི་དམིགས་པ་མིང་ལམ་བྱང་བ་རྣམས་ཀྱིས་དང་། ཡུལ་ལ་བཀྲ་བར་འཛིན་པའི་དམིགས་པ་མིང་ལ་བྱང་བ་རྣམས་ཀྱིས་དང་། དངོས་པོ་དང་བཅས་པའི་ཡུལ་གྱི་དམིགས་པ། ལྟ་བ་དང་ང་རྒྱལ་གཉིས་དང་དེ་དང་མཚུངས་ལྡན་གྱི་ཆོས་རྣམས་མ་གཏོགས་པ་དེ་ལས་གཞན་དག་གི་དམིགས་པ་དང་། དངོས་པོ་མེད་པའི་ཡུལ་གྱི་དམིགས་པ་མ་གཏོགས་པ་རྣམས་ཀྱི་དམིགས་པ་བདག་གཞི་ཡིན་པས་དང་། དངོས་པོའི་དམིགས་པ། ཟག་མེད་དང་སྐལ་བ་མི་མཉམ་པའི་ཁམས་དང་ས་གཞན་ལ་མ་འོངས་པའི་དམིགས་པ་གཞི་གཏན་ལ་འབེབས་པ་མེད་པ་མ་གཏོགས་པ་དང་། ཀུན་བརྟགས་པའི་དམིགས་པ་མ་གཏོགས་པ་རྣམས་སྟེ་རང་གི་ཀུན་བརྟགས་ཙམ་དམིགས་པས་དང་། ཕྱིན་ཅི་ལོག་གི་དམིགས་པ་རྟག་པ་ལ་སོགས་པར་དང་། ཕྱིན་ཅི་མ་ལོག་པའི་དམིགས་པ་མི་རྟག་པ་ལ་སོགས་པ་དང་། ཐོགས་བཅས་ཀྱི་དམིགས་པ་ཤེས་སྒྲིབ་མ་སྤངས་པ་དང་། ཐོགས་ ― MR12_Page_0431 ―
[མ་དཔེ་གཟིགས་ན་འདིར་གནོན།]
པ་མེད་པའི་དམིགས་པས་ཀྱང་རྐྱེན་དུ་བལྟའོ། །ཞེས་ཤེས་སྒྲིབ་སྤངས་པ་རྣམས་ཀྱི་དམིགས་པའོ། །དམིགས་རྐྱེན་གྱི་རྣམ་པར་ངེས་པ་ནི། མཚན་ཉིད། རབ་དབྱེ། བཞག་པ། ཡོངས་ཤེས། སྤངས་པས་ཀྱང་དམིགས་པ་རྣམ་པར་བཞག་པ་སྟེ། མཚན་ཉིད་ཀྱི་ཇི་ལྟ་བུ་ཞེ་ན། དོན་གང་དེར་སྣང་བའི་སེམས་སེམས་བྱུང་རྣམས་ཀྱི་ཆོས་རྣམས་འབྱུང་བའི་རྒྱུ་དང་། དེ་བྱུང་ནས་ཀྱང་དོན་དེར། མངོན་པར་ཞེན་པ་དང་། ཐ་སྙད་དང་འདོགས་པ་དང་། སོ་སོ་རང་གིས་རིག་པར་འགྱུར་པ་ནི་དམིགས་པའི་མཚན་ཉིད་དོ། །རབ་ཏུ་དབྱེ་བས་ཇི་ལྟར་ཞེ་ན། མེད་པའི་དམིགས་པ་ནི། སེམས་སེམས་བྱུང་ཕྱིན་ཅི་ལོག་རྣམས་ཀྱིས་དམིགས་པ་དང་། འདས། མ་འོངས། རྨི་ལམ། གཟུགས་བརྙན། སྒྱུ་མ་སོགས་ཡུལ་མེད་པ་མ་དམིགས་པའོ། །ཡོད་པའི་དམིགས་པ་དེ་ལས་གཞན་པ་དག་གི་དམིགས་པའོ། །དམིགས་པ་མེད་པའི་ཡུལ་དམིགས་པ་ནི། གཟུགས་དང་། སེམས་དང་ལྡན་པ་མིན་པ་དང་། འདུས་མ་བྱས་སོ། །དམིགས་པ་དང་བཅས་པའི་དམིགས་པ་ནི། འདི་ལྟ་སྟེ། སེམས་དང་སེམས་བྱུང་གི་ཆོས་རྣམས་སོ། །ཡང་དག་པ་ཉིད་ཀྱི་དམིགས་པ་དགེ་བ། ལོག་པ་ཉིད་ཀྱི་དམིགས་པ་ཉོན་མོངས་པ་ཅན་ནོ། །ཡང་དག་པའང་མ་ཡིན། ལོག་པའང་མ་ཡིན་པའི་དམིགས་པ་ནི། མ་སྒྲིབ་ལུང་མ་བསྟན་ནོ། །ཚུལ་བཞིན་གྱི་དམིགས་པ་སེམས་སེམས་བྱུང་དགེ་བ་རྣམས་ཀྱི་དམིགས་པའོ། །ཚུལ་བཞིན་མ་ཡིན་པའི་དམིགས་པ། ཉོན་མོངས་ཅན་རྣམས་ཀྱི་དམིགས་པའོ། །དེ་གཉིས་གང་ཡང་མིན་པ་དེ་དག་མ་གཏོགས་པ་རྣམས་ཀྱི་དམིགས་པའོ། །འདྲ་བས་དམིགས་པ་ནི། འདི་ལྟར་དགེ་བ་སོགས་ ― MR12_Page_0432 ―
[མ་དཔེ་གཟིགས་ན་འདིར་གནོན།]
ཀྱིས་དགེ་བ་སོགས་འདྲ་བ་དང་། རང་གི་ས་བ་རྣམས་ཀྱི་རང་ས་དང་། ཟག་བཅས་ཀྱི་ཟག་བཅས། ཟག་མེད་ཀྱི་ཟག་མེད་དོ། །མི་མཐུན་པའི་དམིགས་པ་ནི། འདྲ་བ་དེ་ལས་བཟློག་པ་དགེ་སོགས་ཀྱི་མི་དགེ་བ་སོགས་དང་། ས་དང་། ཟག་བཅས་སོགས་མི་མཐུན་པའོ། །སྣ་ཚོགས་ཀྱི་དམིགས་པ་ནི། སེམས་སེམས་བྱུང་རྟོག་དཔྱོད་དང་བཅས་པ་རྣམས་ཀྱི་དམིགས་པའོ། །གཅིག་པའི་དམིགས་པ། སེམས་སེམས་བྱུང་མི་རྟོག་མི་དཔྱོད་པ་རྣམས་ཀྱི་དམིགས་པའོ། །འབྲལ་བའི་དམིགས་པ་ནི། འདུ་ཤེས་མེད་པ་སོགས་ཀྱི་སེམས་སེམས་བྱུང་དང་། ནམ་མཁའ་དང་རྣམ་ཤེས་མཐའ་ཡས་སྐྱེ་མཆེད་ཀྱི་དམིགས་པའོ། །འབྲལ་བ་ནི་མེད་པར་འགྱུར་བའོ། །གཞན་དུ་ན་འབྲལ་བ་ཆེན་པོ་ཉིད་ལ་བྱའོ། །བསྡུས་པ་ཕྲ་བའི་དམིགས་པ་ནི། ཅི་ཡང་མེད་པའི་སྐྱེ་མཆེད་རྣམས་ཀྱི་དམིགས་པའོ། །མཐར་ཕྱིན་པ་ཕྲ་བའི་དམིགས་པ་ནི། སྲིད་རྩེ་བའི་དམིགས་པའོ། །ཉོན་མོངས་པའི་དམིགས་པ་ནི། དེས་དམིགས་པར་བྱེད་པའི་ཕྱིར་དམིགས་པ་ཞེས་བྱའོ། །མདོ་སྡེའི་ཚིག་ལ་ཡོད་པའི་ཆོས་ཀྱི་དམིགས་པ་ནི། གཙུག་ལག་རྣམས་ཀྱི་མིང་ཚིག་ཡི་གེའི་ཚོགས་སོ། །དོན་གྱི་དམིགས་པ་ནི། དེ་ལ་བརྟེན་པ་བརྗོད་བྱའི་དོན་ཏོ། །ཆུང་ངུའི་དམིགས་པ་ཉན་ཐོས་ཀྱི་ཐེག་པ། རྒྱ་ཆེན་པོའི་དམིགས་པ་ཐེག་ཆེན་ནོ། །མཚན་མའི་དམིགས་པ། ཞི་གནས་དང་། རབ་ཏུ་འཛིན་པ་དང་། བཏང་སྙོམས་ཀྱི་དམིགས་པའོ། །མཚན་མ་མེད་པའི་དམིགས་པ་ནི། མྱང་འདས་དང་། སྲིད་པའི་རྩེ་མོའོ། །དེ་ཁོ་ནའི་དམིགས་པ་ནི། དེ་བཞིན་ཉིད་དང་། རྣམ་པ་བཅུ་དྲུག་དག་གི་བདེན་པའི་དམིགས་པ་རྣམས་སོ། །གནས་པར་བྱ་ ― MR12_Page_0433 ―
[མ་དཔེ་གཟིགས་ན་འདིར་གནོན།]
པའི་དམིགས་པ་ནི། འགོག་སྙོམས་ལ་སྦྱོར་བའི་སེམས་སེམས་བྱུང་རྣམས་ཀྱི་དམིགས་པའོ། །དབང་སྒྱུར་བའི་དམིགས་པ་ནི། རྣམ་ཐར་སོགས་རྣམ་མཁྱེན་ཉིད་ཀྱི་མཐར་ཐུག་པའི་ཡོན་ཏན་གྱི་དམིགས་པའོ། །སྐད་ཅིག་མའི་དམིགས་པ་ནི། མི་སློབ་པ་རྣམས་ཀྱི་ཚེའོ། །རྗེས་སུ་འབྲང་བ་རྣམས་ཀྱི་དམིགས་པ་ནི། སངས་རྒྱས་དང་བྱང་སེམས་རྣམས་ཀྱི་དམིགས་པའོ། །བཞག་པ་ཇི་ལྟ་བུ་ཞེ་ན། དེ་བཞིན་དུ་རྣམ་པར་བཞག་པའི་ཕྱིར་དམིགས་པ་ཡོངས་སུ་མ་གྲུབ་པས་སོ། །རྣམ་པ་བཞིས་ཡོངས་སུ་མ་གྲུབ་པའི་དམིགས་པར་རིག་པར་བྱ་སྟེ། རྣམ་པར་ཤེས་པ་མི་མཐུན་པའི་རྒྱུ་དང་། དམིགས་པ་མེད་པའི་རྣམ་ཤེས་དམིགས་པ་དང་། བསྒྲིབས་པ་མེད་པར་ཡང་ཕྱིན་ཅི་ལོག་མེད་པར་འགྱུར་བ་དང་། ཤེས་པ་གསུམ་གྱི་རྗེས་སུ་མཐུན་པར་འགྱུར་བས་སོ། །དེ་ཕྱིར་འཛིན་པའང་ཡོངས་སུ་མ་གྲུབ་བོ། །ཤེས་པ་གསུམ་ནི། དབང་གི་ཤེས་པ་དང་། ལྷག་མཐོང་གི་ཤེས་པ་དང་། རྣམ་པར་མི་རྟོག་པའི་ཤེས་པའོ། །དེ་ལ་རྣམ་པ་བཞིའི་དཔེར་བརྗོད་པ་ནི། རིམ་བཞིན་དང་པོ། ཡི་དྭགས་དུད་འགྲོ་མི་རྣམས་དང་། ལྷ་རྣམས་ཇི་ལྟར་རིགས་རིགས་སུ། །དངོས་གཅིག་ཡིད་ནི་ཐ་དད་ཕྱིར། །དོན་མ་གྲུབ་པར་འདོད་པ་ཡིན། །གཉིས་པ། འདས་སོགས་དེ་བཞིན་རྨི་ལམ་དང་། །གཟུགས་བརྙན་རྣམ་པ་གཉིས་པོ་ཡང་། །མེད་ཕྱིར་དམིགས་པ་མེད་པའི་ཕྱིར། །དེ་ནི་དམིགས་པར་རུང་བ་ཡིན། །གསུམ་པ། དོན་ནི་དོན་དུ་འགྲུབ་གྱུར་ན། །ཤེས་པ་རྟོག་པ་མེད་མི་འགྱུར། །དེ་མེད་པས་ན་སངས་རྒྱས་ཉིད། །ཐོབ་པར་འཐད་པ་མ་ཡིན་ནོ། །བཞི་པ་ལ་ ― MR12_Page_0434 ―
[མ་དཔེ་གཟིགས་ན་འདིར་གནོན།]
གསུམ། དང་པོ། བྱང་ཆུབ་སེམས་དཔའ་དབང་ཐོབ་དང་། །རྣལ་འབྱོར་བ་ལ་འདི་ལྟར་ཡང་། །མོས་པའི་དབང་གིས་ས་ལ་སོགས། །དངོས་པོ་དེ་ལྟར་དམིགས་པར་འགྱུར། །གཉིས་པ། འདི་ལ་རྣམ་པར་འབྱེད་གྲུབ་དང་། །བློ་ལྡན་ཞི་བ་ཐོབ་པ་ཡི། །ཆོས་ཀུན་ཡིད་ལ་བྱེད་པ་ལ། །དེ་ལྟར་དོན་ནི་མི་སྣང་ཕྱིར། །གསུམ་པ། མི་རྟོགས་ཤེས་པ་རྒྱུ་བ་ལ། །དོན་ཀུན་སྣང་བ་མེད་ཕྱིར་ཡང་། །དོན་མེད་ཁོང་དུ་ཆུད་པར་བྱ། །དེ་མེད་པས་ན་རྣམ་རིག་མེད། །ཅེས་པ་རྣམས་ཀྱིས་བསྟན་ཏོ། །ཡོངས་སུ་ཤེས་པས་ཇི་ལྟ་བུ་ཞེ་ན། མཚན་ཉིད་དང་རབ་དབྱེ་བཞག་པ་རྣམས་ཡང་དག་ཇི་ལྟ་བ་བཞིན་རབ་ཏུ་ཤེས་པའི་ཕྱིར་རོ། །སྤོང་བས་ཇི་ལྟ་བུ་ཞེ་ན། ཉན་ཐོས་དང་། ཐེག་པ་ཆེན་པོས་གནས་གྱུར་པ་སྟེ། ཉན་ཐོས་ཀྱི་ཐེག་པས་གནས་གྱུར་པས་ནི། ཕུང་ཁམས་སྐྱེ་མཆེད་ཀྱི་དམིགས་པ་དག་ལས་རྣམ་པར་ཐར་གྱི། དེ་དག་ལ་དབང་འབྱོར་བ་ཐོབ་པ་མ་ཡིན་ལ། ཐེག་པ་ཆེན་པོས་གནས་གྱུར་བ་ནི། གཉིས་གའོ། །བདག་པོས་ཇི་ལྟ་བུ་ཞེ་ན། རླུང་དཀྱིལ་གྱིས་ཆུ་དཀྱིལ་བརྟེན་པར་བྱེད་པ་སོགས་རྟེན་ལ་དབང་བྱེད་པ་བདག་པོའི་རྐྱེན་སྣོད་ནི་སེམས་ཅན་གྱི། འབྱུང་བ་རྣམས་འབྱུང་འགྱུར་གྱི། དབང་པོ་རྣམས་རྣམ་ཤེས་རྣམས་ཀྱི་བདག་རྐྱེན་དང་། སེམས་ཅན་རྣམས་ཀྱི་ཐུན་མོང་གི་ལས་ནི་སྣོད་ཀྱི་འཇིག་རྟེན་འཕེན་པ་ལ་དབང་བྱེད་པ་བྱེད་པའི་བདག་རྐྱེན།སྔོན་ཟག་བཅས་ཀྱི་ལས་ནི་རྣམ་པར་སྨིན་པ་ལ་སོགས་པ་དང་། སེམས་ནི་སེམས་བྱུང་རྣམས་ཀྱི་ལྷན་ཅིག་འབྱུང་བ་ལ་དབང་བྱེད་པ་བདག་རྐྱེན་དང་། ཡིད་ལ་བྱེད་པ་ནི་སེམས་ཀྱི། རེག་པ་ནི་ཚོར་བའི་འོ་སོགས་སོ། །ཡུལ་ལ་དབང་བྱེད་པ་མིག་ ― MR12_Page_0435 ―
[མ་དཔེ་གཟིགས་ན་འདིར་གནོན།]
སོགས་དབང་ལྔ་གཟུགས་སོགས་དབང་བྱེད་པའི་བདག་པོའི་རྐྱེན་དང་། ཕོ་མོའི་དབང་པོ་མངལ་སྐྱེ་བར་བྱེད་པ་ལ་དབང་། སྲོག་གི་དབང་པོ་རིས་མཐུན་གནས་པར་བྱེད་པ་ལ་དང་། ཚོར་བ་ལྔས་རྣམ་སྨིན་གྱི་འབྲས་བུ་ལ་ཉེ་བར་སྤྱོད་པར་དང་། དད་སོགས་ལྔས་འཇིག་རྟེན་པའི་རྣམ་པར་དག་པ་ལ་དང་། ཀུན་ཤེས་བྱེད་སོགས་གསུམ་འཇིག་རྟེན་འདས་པའི་རྣམ་པར་དག་པ་ལ་དབང་བྱེད་པས་ཀྱང་བདག་པོའི་རྐྱེན་དུ་བལྟའོ། །ཇི་ལྟར་བསྟེན་པ་དང་མཚུངས་པ་དང་། དེ་དང་འདྲ་བའམ་མཚུངས་པ་ཡིན་སོགས། རྣམ་ཤེས་དང་མ་བྲལ་ཞིང་དེ་ཡི་རྒྱུན་དང་འདྲ་བའི་དབང་པོ་ལ་ཡུལ་རྒྱུན་དུ་འབྱུང་བ་བརྟེན་བཅས་སམ། བརྟེན་པ་དང་མཚུངས་པ་དང་། རྣམ་ཤེས་དང་བྲལ་ཞིང་དབང་པོ་རང་གི་རིགས་དང་འདྲ་བ་རྒྱུན་དུ་འབྱུང་བས་ཀྱང་དེ་མཚུངས་སུ་བལྟའོ། །གཟུགས་ཀྱི་ཕུང་པོའི་ཕྱོགས་གཅིག་དང་། གཟུགས་ཅན་གྱི་ཁམས་དང་སྐྱེ་མཆེད་མིག་སོགས་ལྔའོ། །བདག་རྣམ་ཤེས་དང་ལྡན་པ་དང་། མི་ལྡན་པར་མངོན་ཞེན x ཇི་ལྟར་ན་ཟིན་པ་ཡིན་སོགས། ཚོར་བ་འབྱུང་བའི་གནས་ཀྱི་གཟུགས་ནི་གཟུགས་རང་ལ་བརྟེན་ནས་ཚོར་བ་འབྱུང་བ་དེ་ཟིན་པར་བལྟའོ། །གཟུགས་ཀྱི་ཕུང་པོའི་ཕྱོགས་གཅིག་གནས་དང་བཅས་པའི་དབང་པོ་དང་། ཁམས་དང་སྐྱེ་མཆེད་གཟུགས་ཅན་མིག་སོགས་ལྔ་དང་། བཞིའི་ཕྱོགས་གཅིག་གོ་ཞེས་གཟུགས་དྲི་རོ་རེག་དབང་པོ་ལས་གཞན་དུ་མ་གྱུར་བའོ། །བདག་ལུས་ལ་དབང་བསྒྱུར་བར་མངོན་ཞེན x ཇི་ལྟར་ན་དབང་པོ་ཡིན་སོགས། མིག་སོགས་དྲུག་ཡུལ་ལ་འཛིན་པར་དབང་བྱེད་ ― MR12_Page_0436 ―
[མ་དཔེ་གཟིགས་ན་འདིར་གནོན།]
པ་དང་། ཕོ་མོའི་དབང་པོ་རིགས་ཀྱི་རྒྱུད་ལ་དང་། སྲོག་རིས་མཐུན་པར་དང་། ཚོར་སོགས་དགེ་མི་དགེའོ་འབྲས་བུ་ལ་ཉེར་བར་སྤྱོད་པར་དང་། དད་སོགས་འཇིག་རྟེན་གྱི་འདོད་ཆགས་བྲལ་བར་དང་། ཀུན་ཤེས་བྱེད་སོགས་འཇིག་རྟེན་ལས་འདས་པའི་འདོད་ཆགས་དང་བྲལ་བར་དབང་བྱེད་པས་ཀྱང་དབང་པོར་བལྟའོ། །ཚོར་བའི་ཕུང་པོ་དང་། ཡིད་རྣམ་ཤེས་ཕུང་པོ་དང་། མིག་སོགས་ལྔ་གཟུགས་དང་། འདུ་བྱེད་ཀྱི་ཕུང་པོའི་ཕྱོགས་གཅིག་སྲོག་དང་དད་སོགས་ལྔ་དང་། དབང་པོ་དང་རྣམ་པར་ཤེས་པའི་ཁམས་བཅུ་གཉིས་དང་། ནང་གི་སྐྱེ་མཆེད་དྲུག་དང་། སྲོག་དབང་། བདེ་སོགས། དད་སོགས། ཆོས་ཁམས་དང་ཆོས་ཀྱི་སྐྱེ་མཆེད་ཀྱི་ཕྱོགས་གཅིག་གོ། བདག་དབང་བྱེད་པར་མངོན་ཞེན x ཇི་ལྟར་ན་སྡུག་བསྔལ་ཡིན་སོགས། སྡུག་བསྔལ་གྱི་ཚོར་བའི་རང་གི་མཚན་ཉིད་ཀྱི་སྡུག་བསྔལ་བ་དང་། སྡུག་བསྔལ་མྱོང་བར་འགྱུར་བའི་གཞི་དབང་པོ་དང་དོན་རྣམས་ཀྱི་ཆོས་ཀྱི་རང་གི་མཚན་ཉིད་ཀྱང་སྡུག་བསྔལ་གྱི་སྡུག་བསྔལ་བ་ཉིད་དུ་བལྟའོ། །ཐམས་ཅད་ཀྱི་ཕྱོགས་གཅིག་གོ། བདག་སྡུག་བསྔལ་བར་མངོན་ཞེན x ཇི་ལྟར་ན་འགྱུར་བའི་སྡུག་བསྔལ་བ་ཉིད་ཡིན་སོགས། བདེ་བའི་ཚོར་བ་འགྱུར་བ་རང་གི་མཚན་ཉིད་དང་། བདེ་བ་མྱོང་བར་འགྱུར་བའི་ཆོས་འགྱུར་བ་རང་གི་མཚན་ཉིད་དང་། དེ་ལ་ཡང་རྗེས་སུ་ཆགས་པས་སེམས་འགྱུར་བས་ཀྱང་འགྱུར་པའི་སྡུག་བསྔལ་ཉིད་དུ་བལྟའོ། །ཐམས་ཅད་ཀྱི་ཕྱོགས་གཅིག་གོ། བདག་བདེ་བར་མངོན་ཞེན x ཇི་ལྟར་ན་འདུ་བྱེད་ཀྱི་སྡུག་བསྔལ་ཡིན་སོགས། སྡུག་བསྔལ་ཡང་མ་ཡིན། ― MR12_Page_0437 ―
[མ་དཔེ་གཟིགས་ན་འདིར་གནོན།]
བདེ་བ་ཡང་མ་ཡིན་པའི་ཚོར་བ་ཀུན་གཞིའི་རྣམ་ཤེས་དང་མཚུངས་ལྡན་རང་གི་མཚན་ཉིད་དང་། བདེ་སྡུག་གཉིས་མིན་མྱོང་བར་འགྱུར་བའི་འདུ་བྱེད་དང་ཆོས་ཀྱི་རང་མཚན་དང་། སྡུག་བསྔལ་དང་འགྱུར་བའི་སྡུག་བསྔལ་དེ་གཉིས་ཀའི་གནས་ངན་ལེན་ཡོངས་སུ་འཛིན་པ་དང་། སྡུག་བསྔལ་དེ་གཉིས་ཀ་ལས་མ་ཐར་བའི་རེས་བདེ་རེས་སྡུག་མྱོང་ནི་རྟག་ཏུ་སྡུག་མིན་བདེ་མིན་མྱོང་བ་མིན་ནོ། །དེ་ལྟ་བས་ན་མི་རྟག་པ་ཉིད་ཀྱིས་རྗེས་སུ་བཅིངས་པས་གྲུབ་པ་དང་། མཐའ་གཅིག་ཏུ་བདེ་བ་མ་ཡིན་པས་ཀྱང་འདུ་བྱེད་ཀྱི་སྡུག་བསྔལ་ཉིད་དུ་བལྟའོ། །ཕུང་པོ་རྣམས་དང་། ཁམས་ཐ་མ་གསུམ་དང་། སྐྱེ་མཆེད་ཡིད་ཆོས་གཉིས་ཀྱི། ཕྱོགས་གཅིག་ཟག་མེད་མ་གཏོགས་པར་ཐམས་ཅད་དོ། །བདག་བདེ་སྡུག་མ་ཡིན་པར་མངོན་ཞེན x ཇི་ལྟར་ན་རྣམ་པར་སྨིན་པ་དང་བཅས་པ་ཡིན་སོགས། དགེ་མི་དགེ་ཟག་བཅས་རྣམས་རྣམ་པར་སྨིན་པའི་ཀུན་གཞི་རྣམ་ཤེས་མཚུངས་ལྡན་དང་བཅས་པའོ། །ཕུང་པོ་རྣམས་དང་། རྣམ་ཤེས་བདུན་གཟུགས་སྒྲ་དང་ཆོས་ཁམས་ཁམས་བཅུ་དང་། སྐྱེ་མཆེད་གཟུགས་སྒྲ་ཡིད་ཆོས་བཞིའི་ཕྱོགས་ལུང་མ་བསྟན་དང་ཟག་མེད་མ་གཏོགས་པ་གཅིག་གོ། བདག་ཕུང་པོ་འཇོག་བྱེད་ཉིད་དང་། ཉིང་མཚམས་སྦྱོར་བྱེད་དུ་མངོན་བྱེད། x རྣམ་པར་སྨིན་པ་ནི། ཀུན་གཞི་རྣམ་ཤེས་མཚུངས་ལྡན་དང་བཅས་པར་བལྟའོ། །རྒྱུ་དེ་ལས་གཞན་པ་དག་ནི་རྣམ་པར་སྨིན་པ་ལས་བྱུང་བའོ། །ཇི་ལྟར་ན་ཟས་ཡིན་སོགས། ཁམས་ཟས་འཇུབས་ཀྱང་འཇུ་བ་ལས་གྱུར་བ་ལས་དབང་པོའི་འབྱུང་བ་ལ་ཕན་ ― MR12_Page_0438 ―
[མ་དཔེ་གཟིགས་ན་འདིར་གནོན།]
འདོགས་པ་དང་། རེག་ཟས་ནི་ཡིད་འོང་ཡུལ་གྱིས་ཀྱང་རེག་པས་ལུས་ལ་ཕན་འདོགས་པའི་ཕྱིར་ཡུལ་ལས་གྱུར་བའི་ཟས་དང་། ཡིད་ཀྱི་སེམས་པའི་རེ་བས་ཀྱང་རེ་བ་ལས་གྱུར་པའི་སེམས་པའི་ཟས་དང་། ཀུན་གཞི་རྣམ་ཤེས་ཉེ་བར་ལེན་པས་ཀྱང་ལུས་གནས་པའི་ཕྱིར་ལེན་པར་གྱུར་པ་ཉིད་ནི་ཟས་སུ་བལྟའོ། །ཕུང་པོ་གསུམ་དང་། ཁམས་བཅུ་གཅིག་དང་། སྐྱེ་མཆེད་ལྔའི་ཕྱོགས་གཅིག་གོ། བདག་ཟས་ཀྱིས་གནས་པར་མངོན་ཞེན x ཡང་ཟས་ནི་མ་དག་པའི་འདོད་པའི་སོ་སྐྱེ་འཆིང་བ་ཀུན་ལྡན་གྱི་ལུས་གནས་པར་བྱེད་པ་ཟས་བཞི་པོ་དང་། ཟས་ཀྱིས་མ་དག་པ་དང་དག་པའི་སློབ་པ་རྣམས་དང་། གཟུགས་གཟུགས་མེད་ན་གནས་པའི། འཆིང་བའི་ལྷག་མ་ཡོད་པ་རྣམས་ཀྱི་ལུས་གནས་པར་བྱེད་པ་དང་། དག་པའི་དགྲ་བཅོམ་རྣམས་ཀྱི་ལུས་གང་དུ་སྐྱེས་པ་དེར་གནས་པར་བྱེད་པ་དང་། སངས་རྒྱས་བྱང་སེམས་དབང་ཐོབ་པའི་ལུས་ཟས་བཞིར་མི་ལྟོས་ཀྱང་གཞན་དོན་དུ་ཟས་ཀྱིས་གནས་པར་ཀུན་ཏུ་སྟོན་པར་བལྟའོ། །ཇི་ལྟར་ན་གོང་མ་དང་བཅས་པ་ཡིན་སོགས། འདུས་བྱས་དང་འདུས་མ་བྱས་ཀྱི་ཕྱོགས་གཅིག་གིས་ཀྱང་། མྱང་འདས་མ་གཏོགས་པའི་གོང་མ་དང་བཅས་པར་བལྟའོ། །དེའི་མཚན་ཉིད་རྣམ་པར་དག་པའི་དེ་བཞིན་ཉིད་དོ། །ཆོས་ཀྱི་ཁམས་དང་སྐྱེ་མཆེད་ཀྱི་ཕྱོགས་གཅིག་མ་གཏོགས་པ་ཐམས་ཅད་དོ། །བདག་རྫས་ངན་པར་མངོན་ཞེན x ཇི་ལྟར་ན་གོང་ན་མེད་པ་ཡིན་སོགས། འདུས་མ་བྱས་ཀྱི་ཕྱོགས་གཅིག་མྱང་འདས་ནི་གོང་ན་མེད་པར་བལྟའོ། །ཆོས་ཁམས་དང་སྐྱེ་མཆེད་ཀྱི་ཕྱོགས་ ― MR12_Page_0439 ―
[མ་དཔེ་གཟིགས་ན་འདིར་གནོན།]
གཅིག་གོ། བདག་རྫས་ཀྱི་མཆོག་ཏུ་མངོན་ཞེན x དེ་ལྟར་ཚུལ་འདི་ལྟ་བུས་རབ་ཏུ་དབྱེ་བ་ཚད་མེད་དོ། །ཡང་མདོར་བསྡུ་ན། ཕུང་ཁམས་སྐྱེ་མཆེད་ཀྱི་དབྱེ་བ་ནི་རྣམ་པ་གསུམ་སྟེ། ཀུན་བརྟགས་པའི་མཚན་ཉིད་ཀྱིས་བདག་ཏུ་བཏགས་པའི་འཁྲུལ་པས་རབ་ཏུ་དབྱེ་བ་དང་། རྣམ་པར་བརྟགས་པའི་གཞི་གཞན་དབང་གི་མཚན་ཉིད་ཀྱིས་དང་། ཆོས་ཉིད་ཡོངས་གྲུབ་ཀྱི་མཚན་ཉིད་ཀྱིས་རབ་ཏུ་དབྱེ་བའོ། །དང་པོ་ཕུང་ཁམས་སྐྱེ་མཆེད་རྣམས་ལ། བདག་ཅིའམ། སེམས་ཅན་དང་། སྲོག་དང་། སྐྱེ་བ་པོ་དང་། གསོ་བ་དང་། ཤེད་ལས་སྐྱེས་དང་། ཤེད་བུ་ཞེས་གང་ཀུན་ཏུ་རྟོག་པའོ། །རྣམ་བརྟགས་ཀྱི་མཚན་ཉིད་རབ་དབྱེ་ནི། ཕུང་ཁམས་སྐྱེ་མཆེད་དེ་དག་ཉིད་དོ། །ཆོས་ཉིད་ཀྱི་མཚན་ཉིད་ཀྱི་རབ་དབྱེ་ནི། ཕུང་ཁམས་སྐྱེ་མཆེད་དེ་དག་ཉིད་ལ། བདག་མེད་ཅིང་སེམས་ཅན་སོགས་མེད་པའོ། །བདག་མེད་པ་ནི། ཡོད་པ་ཉིད་དོ། །ཡང་རབ་དབྱེ་བཞི་སྟེ། མཚན་ཉིད་ཀྱིས་རབ་དབྱེ། རྣམ་པས x ལུས་ཀྱིས x རྒྱུན་གྱིས་རབ་དབྱེའོ། །དང་པོ་ཕུང་ཁམས་སྐྱེ་མཆེད་རྣམས་སོ་སོའི་རང་མཚན་གྱི་དབྱེ་བའོ། །རྣམ་པས་དབྱེ་བ། ཕུང་ཁམས་སྐྱེ་མཆེད་དེ་དག་གི། རྫས་ཡོད། བཏགས་ཡོད། ཀུན་རྫོབ་དུ་ཡོད་པ་དང་། དོན་དམ་པར་ཡོད་པ་དང་། གཟུགས་ཅན་གཟུགས་ཅན་མིན། བསྟན་ཡོད། བསྟན་མེད། སོགས་སོ། །ལུས་ཀྱིས་རབ་དབྱེ། སེམས་ཅན་རྣམས་ཀྱི་ལུས་ཇི་སྙེད་པར་ཕུང་ཁམས་སྐྱེ་མཆེད་དེ་སྙེད་དོ། །རྒྱུན་གྱིས་རབ་དབྱེ་ཕུང་ཁམས་སྐྱེ་མཆེད་རྣམས་ཀྱི་སྐད་ཅིག་རེ་རེ་འབྱུང་བའོ། །མཚན་ ― MR12_Page_0440 ―
[མ་དཔེ་གཟིགས་ན་འདིར་གནོན།]
ཉིད་ཀྱི་རབ་དབྱེ་ལ་མཁས་པས་བདག་ལ་མངོན་ཞེན་ཡོངས་སུ་ཤེས་སོ། །རྣམ་པས་རབ་དབྱེར་མཁས་པས་རིལ་པོའི་འདུ་ཤེས་ཡོངས་སུ་ཤེས་སོ། །ལུས་ཀྱི་རབ་དབྱེས། མ་བྱས་པ་དང་ཕྲད་པ་དང་། བྱས་པ་ཆུད་མི་ཟ་བའི་འདུ་ཤེས་ཡོངས་སུ་ཤེས་སོ། །རྒྱུན་གྱི་རབ་དབྱེར་མཁས་པས། རྟག་པའི་འདུ་ཤེས་ཡོངས་སུ་ཤེས་སོ། །ཡང་ཕུང་སོགས་ཀྱི་རབ་དབྱེ་དྲུག་སྟེ། ཕྱི་རོལ་དུ་བལྟས་པས་རབ་དབྱེ་ཞེས་པ་ཕལ་ཆེར་འདོད་ཁམས་ན་སྤྱོད་པས་རབ་ཏུ་དབྱེ་བ་དང་། ནང་དུ་བལྟས་པའི་རབ་དབྱེ། མཉམ་བཞག་གིས་པ་ཐམས་ཅད་དོ། །རྒྱུན་རིང་བའི་དུས་ཀྱི་རབ་དབྱེ། སོ་སོའི་སྐྱེ་བོ་རྣམས་ཀྱིའོ། །དུས་ཡོངས་སུ་ཆད་པའི་རབ་དབྱེ། སློབ་མི་སློབ་རྣམས་ཀྱི། ཐ་མའི་ཕུང་ཁམས་སྐྱེ་མཆེད་མ་གཏོགས་པའོ། །དེའི་དུས་ཀྱི་རབ་དབྱེ། མི་སློབ་པ་རྣམས་ཀྱི་ཐ་མའི་ཕུང་ཁམས་སྐྱེ་མཆེད་རྣམས་སོ། །ཀུན་ཏུ་སྟོན་པའི་རབ་དབྱེ། དབང་ཐོབ་པའི་སངས་རྒྱས་བྱང་སེམས་རྣམས་ཀྱི་ཕུང་ཁམས་སྐྱེ་མཆེད་ཀུན་ཏུ་སྟོན་པའོ། །བསྡུས་པ་གང་ཞེ་ན། མཚན་ཉིད་ཀྱིས་བསྡུས་པ་དང་། ཁམས་ཀྱིས x རིགས་ཀྱིས x གནས་སྐབས་ཀྱིས x གྲོགས་ཀྱིས x ཕྱོགས་ཀྱིས x དུས་ཀྱིས x ཕྱོགས་གཅིག་གིས x མཐའ་དག་གིས x གཅིག་གིས་གཅིག་བསྡུས་པ། དོན་དམ་པས་བསྡུས་པ་བཅུ་གཅིག་གོ། དང་པོ་ཕུང་སོགས་སོ་སོའི་མཚན་ཉིད་བསྡུས་པ་དང་། ཁམས་ཀྱིས་ནི། ཕུང་ཁམས་སྐྱེ་མཆེད་ཀྱི་ས་བོན་ཀུན་གཞིའི་རྣམ་ཤེས་གང་ཡིན་པ་དེ། དེ་དག་གི་ཁམས་ཐམས་ཅད་ཀུན་གཞིའི་རྣམ་ཤེས་གཅིག་གིས་བསྡུས་པའོ། །རིགས་ ― MR12_Page_0441 ―
[མ་དཔེ་གཟིགས་ན་འདིར་གནོན།]
ཀྱིས་ནི་ཕུང་སོགས་མཚན་ཉིད་ཐ་དད་ཀྱང་། ཕུང་པོའམ། ཁམས་སམ། སྐྱེ་མཆེད་ཀྱི་དོན་བཙན་པར་བྱས་ནས་ཐམས་ཅད་ཕན་ཚུན་གྱིས་བསྡུས་པའོ། །གནས་སྐབས་ཀྱིས་ནི། བདེ་སྡུག་བཏང་སྙོམས་ཀྱི་གནས་སྐབས་ཀྱིས། ཕུང་སོགས་དེ་དག་བསྡུས་པའོ། །གྲོགས་ཀྱིས་ནི། གཟུགས་ཕུང་ལའང་ཕུང་པོ་ལྔ། ཚོར་སོགས་ལའང་གཞན་ལྡན་པས་རེ་རེས་ལྔ་ཀ་བསྡུས་ཏེ། གཟུགས་ཕུང་འཁོར་དང་བཅས་པ། དེ་ལས་གཞན་པའི་ཕུང་པོའི་གྲོགས་སུ་གྱུར་པ་ཚོར་བ་སོགས་རྣམས་ཀྱིས། གྲོགས་ཀྱི་བསྡུ་བས་བསྡུས་པའོ། །དེ་བཞིན་དེ་ལས་གཞན་པའི་ཕུང་ཁམས་སྐྱེ་མཆེད་རྣམས་ལའང་རིག་པར་བྱའོ། །ཕྱོགས་ཀྱིས་ནི་ཕུང་སོགས་ཤར་གྱི་ཕྱོགས་ལ་སོགས་པས་བསྡུས་པའོ། །དུས་ཀྱིས་ནི། འདས། ད་ལྟ། མ་འོངས་པས་ཕུང་སོགས་དེ་དག་དེར་བསྡུས་པའོ། །ཕྱོགས་གཅིག་གིས་ནི། ཕུང་སོགས་ཀྱི་ཆོས་ཇི་སྙེད་པ། དེ་དག་གང་རུང་བས་བསྡུས་པ། ཚུལ་ཁྲིམས་ཀྱི་ཕུང་པོ་གཟུགས་ཕུང་གི་ཕྱོགས་གཅིག་གིས་བསྡུས། ཏིང་འཛིན་ཤེས་རབ་འདུ་བྱེད་ཀྱི་ཕུང་པོའི་ཕྱོགས་གཅིག་གིས་བསྡུས་པ་ལྟ་བུ་ལ་སོགས་པའོ། །མཐའ་དག་གིས་ནི། ཕུང་སོགས་དེའི་ཆོས་མ་ལུས་པ་བསྡུས་པ་སྡུག་བསྔལ་གྱི་ཕུང་པོ་ཉེར་ལེན་ཕུང་ལྔས་བསྡུས།འདོད་པའི་ཁམས་ཁམས་བཅོ་བརྒྱད་དག་གིས་བསྡུས་པ་ལ་སོགས་པའོ། །གཅིག་གིས་གཅིག་བསྡུས་པ་ནི། གཟུགས་ཕུང་ཁམས་དུ་དང་། སྐྱེ་མཆེད་དུ་དག་གིས་བསྡུས་ཞེ་ན། ཁམས་དང་། སྐྱེ་མཆེད་བཅུ་དང་། ཁམས་དང་ ― MR12_Page_0442 ―
[མ་དཔེ་གཟིགས་ན་འདིར་གནོན།]
སྐྱེ་མཆེད་ཀྱི་ཕྱོགས་གཅིག་གིས་བསྡུས། ཚོར་ཕུང་ནི་ཁམས་སྐྱེ་མཆེད་གཅིག་གི་ཕྱོགས་གཅིག་གིས་བསྡུས་སོགས་མང་པོ་གསུངས་སོ། །གནས་ཀྱིས་བསྡུས་པ། འཛམ་གླིང་གི་སེམས་ཅན་རྣམས་འཛམ་གླིང་པར་བསྡུས་པ། དེ་བཞིན་མིག་སོགས་ཀྱིས་མིག་གི་རྣམ་ཤེས་སོགས་བསྡུས་སོ། །འཆིང་བས་བསྡུས་པ། ཐག་པས་ཤིང་ཁུར་བཅིང་བ་ལྟར། ལུས་ཀྱིས་མིག་སོགས་དབང་པོ་རྣམས་བསྡུས། དོན་མཐུན་པས་བསྡུས་པ། དོན་མཐུན་རྣམས་བཞིན་ནོ། །ཉེ་བར་འཛིན་པས་བསྡུས་པ། ཇོ་བོས་བྲན་སོགས་བཟུང་བ་བཞིན། ཀུན་གཞི་རྣམ་ཤེས་ཀྱིས་ལུས་བཟུང་། མི་འཕྲོ་བས་བསྡུས་པ། བུམ་པས་ཆུ་བཟུང་བ་ལྟར། ཏིང་འཛིན་གྱིས་དེ་ལས་གཞན་པའི་སེམས་སེམས་བྱུང་རྣམས་བཟུང་བའོ། །མངོན་པར་སྡུད་པས་བསྡུས་པ། རྒྱ་མཚོས་འབབ་ཆུ་རྣམས་བཞིན། གཟུགས་ཕུང་གིས་མིག་སོགས་བསྡུས་སོ། །འདིར་མངོན་སྡུད་པའི་དབང་དུ་བྱས་པའི་སྡུད་པ་བཅུ་གཅིག་ཏུ་རིག་པར་བྱའོ། །དོན་དམ་པས་བསྡུས་པ་ནི། ཕུང་སོགས་ཀྱི་དེ་བཞིན་ཉིད་དོ། །དེ་ལྟར་བསྡུས་པར་ཕན་ཡོན་ཅི་ཡོད་ཞེ་ན། དམིགས་པ་མངོན་པར་སྡུད་པའི་ཕན་ཡོན་ཐོབ་ཅིང་། ཇི་ལྟ་ཇི་ལྟར་སྡུད་པ་དེ་ལྟ་དེ་ལྟར་དགེ་རྩ་འཕེལ་ལོ་གསུངས། མཚུངས་པར་ལྡན་པ་གང་ཞེ་ན། དྲུག་སྟེ། ཐ་དད་པ་མེད་པས་མཚུངས་པར་ལྡན་པ་རྡུལ་ཕྲ་རབ་ལ་ཕྱོགས་ཅན་ཕྱོགས་ཐམས་ཅད་མཚུངས་པར་ལྡན་པས་ཐ་དད་མེད་པའོ། །འདྲེས་པར་གྱུར་པས་མཚུངས་ལྡན་ནི། ― MR12_Page_0443 ―
[མ་དཔེ་གཟིགས་ན་འདིར་གནོན།]
ཕྲ་རབ་ལས་གོང་མ་གོང་དུ་གྱུར་པ་ཕྱོགས་ཅན་རྣམས་ཕན་ཚུན་འདྲེས་པར་གྱུར་པ་ཆུ་རྙོག་མ་ཅན་གྱི་ནང་དུ་ཆུ་དང་། སའི་རྡུལ་ཕྲ་རབ་རྣམས་འདྲེས་པ་ལྟ་བུའོ། །ཕྲད་པས་མཚུངས་ལྡན་ནི། ཕྱོགས་ཅན་འདུས་པ་རྣམས་ཕན་ཚུན་ཕྲད་པ་སྟེ་རྩིག་པ་ལ་འཇིམ་གོང་དང་། འཇིམ་གོང་གཞན་ཕྲད་པ་ལྟ་བུའོ། །ལྷན་ཅིག་འབྱུང་བས་མཚུངས་ལྡན། ཕུང་ཁམས་སྐྱེ་མཆེད་ལྷན་ཅིག་འབྱུང་བས་འཁོད་པ་སྟེ། སྐྱེ་བ་གཅིག་པ། གནས་པའི་ངང་གཅིག་པ།འགག་པ་གཅིག་པའོ། །བྱ་བ་བསྒྲུབ་པས་མཚུངས་ལྡན་དགོས་པ་གཅིག་ལ་ཞུགས་པ། དགེ་སློང་གཉིས་རྩོམ་པ་གང་ཡང་རུང་བ་གཉིས་ལ་མཚུངས་པར་ཞུགས་པ་ལྟ་བུ་དེ་གཉིས་ཕན་ཚུན་ལྡན་པའོ། །མཐུན་པར་རྟོགས་པས་མཚུངས་ལྡན། སེམས་སེམས་བྱུང་རྣམས་དམིགས་པ་ལ་མཐུན་པར་རྟོགས་པའོ། །དེ་ཡང་གཞན་གྱི་དངོས་པོ་དང་མཚུངས་ལྡན་ཡིན་གྱི། བདག་གི་དངོས་པོ་མ་ཡིན་ནོ། །དེ་རང་ལ་རང་མཚུངས་ལྡན་མེད་དོ། །དེ་ཡང་མཐུན་པ་གཉིས་ཡིན་གྱི་མི་མཐུན་ལྷན་ཅིག་འབྱུང་མི་རུང་བས་མ་ཡིན་ནོ། །དུས་འདྲ་བ་གཉིས་ཡིན་གྱི་དུས་མི་འདྲ་བ་མིན་ནོ། །མཐུན་པའི་ཁམས་དང་ས་གཅིག་པ་ཡིན་གྱི་མི་མཐུན་པའི་དེ་མ་ཡིན་ནོ། །མཚུངས་པར་ལྡན་པ་ཀུན་ཏུ་འགྲོ་བ་ནི། ཚོར་འདུ་སེམས་པ་རེག་པ་ཡིད་བྱེད་རྣམ་ཤེས་ཏེ་དྲུག་པོ་དེ། གང་རུང་གཅིག་མེད་ན་མི་འབྱུང་བའི་ཕྱིར་སེམས་ཐམས་ཅད་དུ་འགྲོ་བ་རྣམས་སོ། །མཚུངས་ལྡན་ཀུན་འགྲོ་ཉོན་མོངས་ཅན་ནོ། །ཡིད་ཉོན་ཡིད་དང་ཉོན་མོངས་ ― MR12_Page_0444 ―
[མ་དཔེ་གཟིགས་ན་འདིར་གནོན།]
བཞི་པོ་རྟག་ཏུ་མཚུངས་ལྡན་རྣམས་སོ། །རེས་འགའ་མཚུངས་ལྡན་ནི། སེམས་དང་སོགས་དགེ་བ་ཆགས་སོགས་ཉོན་མོངས་དང་ཉེ་ཉོན་རྣམས་སོ། །གནས་སྐབས་ཀྱི་མཚུངས་ལྡན་ནི། །བདེ་ཚོར་མཚུངས་ལྡན་དང་བཅས་པའོ། །སྡུག་བསྔལ་དང་། བདེ་སྡུག་མིན་པའི་གནས་སྐབས་དེར་མཚུངས་ལྡན་ནོ། །རྒྱུན་མི་འཆད་པར་མཚུངས་ལྡན་ནི། ལུས་སེམས་དང་བཅས་པའི་དུས་ནའོ། །རྒྱུན་ཆད་པའི་མཚུངས་ལྡན། སེམས་མེད་པའི་སྙོམས་འཇུག་གིས་བར་དུ་ཆོད་པའི་འོ། །ཕྱིར་བལྟས་མཚུངས་ལྡན་ཕལ་ཆེར་ཞེས་ཐོས་སོགས་མ་གཏོགས་པའི་འདོད་ཁམས་པའི་སེམས་སེམས་བྱུང་། ནང་བལྟས་མཉམ་བཞག་ས་བའི་དེ་ཁ་ཅིག་མ་གཏོགས་པའོ། །སྔར་འདྲེས་པའི་མཚུངས་ལྡན་སོ་སྐྱེ་རྣམས་ཀྱི་སེམས་སེམས་བྱུང་དང་། སློབ་མི་སློབ་ལས་ཀྱང་གཅིག་གོ། ཞེས་གཅིག་ཏུ་འཇིག་རྟེན་པའི་དགེ་བ་རྣམས་དང་། མི་དགེ་དང་། ལུང་མ་བསྟན་རྣམས་ཀྱི་སྟེ་ཇི་རིགས་པར་རོ། །མ་འདྲེས་པའི་མཚུངས་ལྡན་ནི། །འཇིག་རྟེན་འདས་པ་རྣམས་ཀྱི་སེམས་སེམས་བྱུང་རྣམས་ཀྱི་སེམས་སྐད་ཅིག་དང་པོ་དང་། དེའི་འོག་མ་ལ། སྐད་ཅིག་གཉིས་པ་རྣམས་དང་། འདས་པའི་རྗེས་ཐོབ་རྣམས་ཀྱི་འོ། །མཚུངས་ལྡན་ལ་མཁས་པས་སེམས་ལ་ཚོར་སོགས་དང་། ཀུན་ཉོན་རྣམ་བྱང་གི་ཆོས་རྣམས་ཀྱི་མཚུངས་པར་ལྡན་མི་ལྡན་ཤེས། དེས་བདག་ཚོར་བར་བྱེད། འདུ་ཤེས་སུ་བྱེད། སེམས་པར་བྱེད། དྲན་པར་བྱེད། ཉོན་མོངས་པར་བྱེད། རྣམ་བྱང་བྱེད་ཅེས། མངོན་ཞེན་སྤངས་ ― MR12_Page_0445 ―
[མ་དཔེ་གཟིགས་ན་འདིར་གནོན།]
པས་བདག་མེད་ལ་འཇུག་གོ། ལྡན་པ་གང་ཞེ་ན། མཚན་ཉིད་ཀྱིས། དགེ་སོགས་ཆོས་རྣམས་ཀྱི་འཕེལ་འགྲིབ་སྙེད་ཐོབ་ལྡན་པ་གདབ་པ་སྔ་མ་བཞིན་ནོ། །དབྱེ་བ་ནི། ས་བོན་དང་ལྡན་པ། དབང་དང་ལྡན་པ།ཀུན་ཏུ་འབྱུང་བ་དང་ལྡན་པའོ། །ས་བོན་ནི། འདོད་ཁམས་སུ་སྐྱེས་པ། འདོད་པའི་ཉོན་མོངས་རྣམས་དང་། གཟུགས་གཟུགས་མེད་ཀྱི་ཉོན་མོངས་རྣམས་དང་། སྐྱེས་ཐོབ་ཀྱི་དགེ་བའི། ས་བོན་དང་ལྡན་པས་ལྡན་ནོ། །གཟུགས་ཁམས་སུ་སྐྱེས་པ། འདོད་ཉོན་དང་མི་ལྡན། ས་བོན་དང་ལྡན། གཟུགས་གཟུགས་མེད་ཀྱི་ཉོན་མོངས་ཀུན་དང་སྐྱེས་དགེའི་ས་བོན་དང་ལྡན། གཟུགས་མེད་དུ་སྐྱེས་པ། འདོད་གཟུགས་ཀྱི་ཉོན་མོངས་དང་མི་ལྡན། ས་བོན་དང་ལྡན། གཟུགས་མེད་པའི་ཉོན་མོངས་རང་སྐྱེས་ཐོབ་ཀྱི་དགེ་བའི་ས་བོན་དང་ལྡན་པས་ལྡན་པའོ། །འཇིག་རྟེན་ཆགས་བྲལ་གྱིས་དེའི་ཉོན་མོངས་དང་མི་ལྡན་ལ་ས་བོན་ནམ་བག་ཉལ་མ་བཅོམ་པས་མི་ལྡན་པའང་མིན་ནོ། །ཁམས་གསུམ་གྱི་གཉེན་པོ་ཆགས་བྲལ་ཐོབ་པས་ནི། གང་སྒོམ་སྤང་ཆེ་འབྲིང་ཆུང་གསུམ་སྤང་བ་དེའི་ས་བོན་མི་ལྡན། གང་གི་གཉེན་པོ་མ་བྱུང་བ་དེ་ལྡན་ནོ། །དབང་དང་ལྡན་པ་ནི། འཇིག་རྟེན་དགེ་བ་སྦྱོར་བྱུང་ཐོས་སོགས་ཀྱི་ས་བོན་ཡོད་ཀྱང་གོམས་པར་མ་བྱས་པས། ས་བོན་མ་བརྟས་པས་མངོན་དུ་བྱེད་མི་ནུས་པ་དང་། འདས་པའི་བསམ་གཏན་རྣམ་ཐར། ཏིང་འཛིན་སྙོམས་འཇུག་སོགས་དང་། ལུང་མ་བསྟན་ལས། ཁ་ཅིག་ནི། བཟོ་གནས་དང་སྤྲུལ་སེམས་ ― MR12_Page_0446 ―
[མ་དཔེ་གཟིགས་ན་འདིར་གནོན།]
སོགས། དབང་དང་ལྡན་པས་ལྡན་པའོ། །ཀུན་འབྱུང་བ་དང་ལྡན་པ་ནི། ཕུང་ཁམས་སྐྱེ་མཆེད་རྣམས་ལས། དགེ་མི་དགེ། ལུང་བསྟན་མ་བསྟན་ལ་ཡང་རུང་། ཆོས་གང་དང་གང་མངོན་གྱུར་དེ་ཉིད། ཀུན་ཏུ་འབྱུང་བ་དང་ལྡན་པས་ལྡན་པའོ། །དགེ་རྩ་ཆད་པ་ནི། དགེ་ཆོས་རྣམས་ཀྱི་ས་བོན་ལྡན་པས་ལྡན་པ་དང་། དགེ་རྩ་དང་ལྡན་པ་མ་ཡིན་པ་ཞེས་ཀྱང་བྱའོ། །ཀུན་ཉོན་དང་གཏན་དུ་ལྡན་པའི་མྱ་ངན་མི་འདའ་བའི་ཆོས་ཅན། འདོད་སྲིད་ཅན་རྣམས་ཀྱི་ཡིན་པར་བལྟ་སྟེ། དེ་དག་ལ་ཐར་བའི་རྒྱུ་མེད་ཕྱིར་ཐར་བའི་རྒྱུ་དང་གཏན་མི་ལྡན་པའོ། །ལྡན་པ་ལ་མཁས་པས། ཕན་ཡོན་ནི། ཆོས་རྣམས་ཀྱི་འཕེལ་འགྲིབ་ཤེས་ནས། འཇིག་རྟེན་པའི་ཕུན་ཚོགས་དང་། རྒུད་པ་གང་ལ་ཡང་གཅིག་ཏུ་ངེས་པར་འདུ་ཤེས་པས་ཆགས་སྡང་སྤོང་བར་འགྱུར་རོ། །མཚན་ཉིད་ཀུན་ལས་བཏུས་པ་སྟེ་དང་པོའོ། །རྣམ་པར་ངེས་པ་གང་ཞེ་ན། བདེན་པ་རྣམ་པར་ངེས་པ། ཆོས་རྣམས་པར་ངེས་པ། འཐོབ་པ་རྣམ་པར་ངེས་པ། འབེལ་བའི་ཡང་དག་པའི་གཏམ་རྣམ་པར་ངེས་པའོ། །དང་པོ། བདེན་པ་བཞིའོ། །སྡུག་བསྔལ་བདེན་པ་ནི། གང་སྐྱེ་བ་སེམས་ཅན་གྱི་འཇིག་རྟེན་དང་། གང་དུ་སྐྱེས་བའི་གནས་ཀྱིས་ཀྱང་། སྣོད་ཀྱི་འཇིག་རྟེན་གཉིས་ཀ་སྡུག་བསྔལ་བདེན་པར་རིག་པར་བྱའོ། །སེམས་ཅན་སྐྱེ་བ་དང་དམྱལ་བ་སོགས། ཁམས་གསུམ་མིང་ཡོད། གནས་མང་པོ་བཤད་དེ། གོ་སླ་བྲི་རྒྱུ་མེད། སྡུག་བདེན་གྱི་མི་རྟག་པའི་མཚན་ཉིད་ནི། གང་ ― MR12_Page_0447 ―
[མ་དཔེ་གཟིགས་ན་འདིར་གནོན།]
མེད་པའི་མཚན་ཉིད་ཕུང་ཁམས་སྐྱེ་མཆེད་ལ་བདག་གི་དུས་རྟག་ཏུ་མེད་པ་དང་། རྣམ་པར་འཇིག་པའི་མཚན་ཉིད་འདུ་བྱེད་སྐྱེས་པ་དང་། འགྱུར་བའི་མཚན་ཉིད་གཞན་གཞན་དུ་དང་། འབྲལ་བའི་མཚན་ཉིད་སྐད་ཅིག་ལ་མི་གནས་པ་དང་། ཉེ་བའི་མཚན་ཉིད་མི་རྟག་པས་ནོན་པ་དང་། ཆོས་ཉིད་ཀྱི་མཚན་ཉིད་མི་རྟག་པ་ཉིད་འབྱུང་བ་རྒྱུས་འབྲེལ་བ་དང་། སྐད་ཅིག་གི་མཚན་ཉིད། སྐད་ཅིག་ལས་མི་གནས་པ་དང་། རྒྱུན་གྱི་མཚན་ཉིད་ཐོག་མེད་ནས་རྒྱུན་མི་འཆད་པ་དང་། ནད་ལ་སོགས་པའི་མཚན་ཉིད་ན་རྒ་འཆི་སོགས་དང་། སེམས་སྣ་ཚོགས་ཀྱི་རྣམ་པར་འབྱུང་བའི་མཚན་ཉིད་ཆགས་ཆགས་བྲལ་གཡེང་བ་དང་མཉམ་བཞག་བདེ་སྡུག་སོགས་དང་། ལོངས་སྤྱོད་ཕུན་ཚོགས་རྒུད་པའི་མཚན་ཉིད་འབྱོར་མཐའ་དང་། སྣོད་མེ་ཆུ་རླུང་གིས་འཇིག་པ་དང་གང་འཆགས་པའི་བསྐལ་བཤད་མཚན་ཉིད་དོ། །སེམས་ཅན་རྣམས་ཚེ་དང་ལས་དང་། བསོད་ནམས་ཟད་པས་མཐོ་རིས་སོགས་ནས་འཆི་འཕོའོ། །ཚེ་ཟད་པ་ནི་འཆི་བའི་དུས་ལ་བབ་པའོ། །བསོད་ནམས་ཟད་པ་དུས་མིན་འཆི་བ་སྟེ། འདི་ལྟར་སྙོམས་འཇུག་གི་རོ་མྱོང་བས་བསོད་ནམས་ཟད་དེ་དུས་ལ་མ་བབ་ཀྱང་འཆིའོ། །ལས་ཟད་པ་ནི། དེར་སྐྱེས་ནས་མྱོང་འགྱུར་དང་། སྔོན་གྱི་ལན་གྲངས་གཞན་ལ་མྱོང་འགྱུར་གྱི་ལས་ཡོངས་སུ་གཏུགས་པའོ། །ཅིའི་ཕྱིར་མི་རྟག་པ་དེ་སྡུག་བསྔལ་ཞེས་གསུངས་ཤེ་ན། མི་རྟག་པ་ནི་སྐྱེ་བ་དང་འཇིག་པ་གཉིས་ཀྱི་ཆར་གཏོགས་པ་ཡིན་ལ། སྐྱེ་བའི་ཆར་ ― MR12_Page_0448 ―
[མ་དཔེ་གཟིགས་ན་འདིར་གནོན།]
གཏོགས་པའི་མི་རྟག་པ་ལ་བརྟེན་ནས། སྡུག་བསྔལ་གྱི་སྡུག་བསྔལ་ཉིད་རབ་ཏུ་ཤེས་སོ། །འཇིག་ཆར་གཏོགས་པའི་མི་རྟག་པ་ཉིད་ལ་བརྟེན་ནས་འགྱུར་བའི་སྡུག་བསྔལ་ཤེས་སོ། །གཉིས་ཀའི་ཆར་གཏོགས་ལ་བརྟེན་ནས་འདུ་བྱེད་ཀྱི་སྡུག་བསྔལ་རབ་ཏུ་ཤེས་སོ། །འདུ་བྱེད་མི་རྟག་པ་དང་འགྱུར་བ་ལ་དགོངས་ནས་གང་ཅི་ཚོར་ཡང་རུང་འདི་ནི་འདིར་སྡུག་བསྔལ་དུ་གསུངས་སོ། །སྐྱེ་འཇིག་དང་འབྲེལ་བའི་འདུ་བྱེད་རྣམས་ལ་སྐྱེ་སོགས་སྡུག་བསྔལ་བརྒྱད་མངོན་པར་དེ་ཕྱིར་སྡུག་བསྔལ་ཞེས་བྱའོ། །སྡུག་བསྔལ་བརྒྱད་ཡིན་ཡང་གསུམ་འགྱུར་བའི་སྡུག་བསྔལ་དུ་བསྡུས་ན་དྲུག་ཏུ་འགྱུར་རོ། །སྟོང་པའི་མཚན་ཉིད་ནི། གང་ལ་གང་མེད་པ་དེ་ནི་དེས་སྟོང་པར་ཡང་དག་པར་རྗེས་སུ་མཐོང་བ་སྟེ། འདི་ལ་ལྷག་མ་གང་ཡིན་པ་དེ་ནི། འདིར་ཡོད་པའོ་ཞེས་ཡང་དག་ཇི་ལྟ་བ་བཞིན་ཤེས་པ་འདི་ནི་སྟོང་པ་ཉིད་ལ་འཇུག་པ་ཡང་དག་པའི་ལྟ་བ་སྟེ། ཕྱིན་ཅི་མ་ལོག་པའོ། །གང་ན་ཅི་ཞིག་མེད་ཅེ་ན། ཕུང་ཁམས་སྐྱེ་མཆེད་རྣམས་ལ། རྟག་པ་དང་བརྟན་པ་དང་ཐེར་ཟུག་པ་དང་། མི་འགྱུར་པའི་ཆོས་ཅན་དང་བདག་དང་བདག་གི་མེད་དོ། །དེ་ལྟར་དེ་དག་དེས་སྟོང་ངོ་། །དེ་ལ་ལྷག་མ་ཡོད་པ་ཅི་ཞིག་ཅེ་ན། གང་བདག་མེད་པ་དེ་ཉིད་དོ། །དེ་ལྟར་བདག་ནི་མེད་ཀྱི་བདག་མེད་པ་ཡོད་པར་སྟོང་པ་ཉིད་ཁོང་དུ་ཆུད་པར་བྱའོ། །འདི་ལ་དགོངས་ནས་བཅོམ་ལྡན་འདས་ཀྱིས། ཡོད་པ་ཡང་ཡོད་པར་ཡང་དག་པ་ཇི་ལྟ་བ་བཞིན་རབ་ཏུ་ཤེས་སོ། །མེད་པ་ཡང་མེད་པར་ཡང་དག་པ་ཇི་བཞིན་ ― MR12_Page_0449 ―
[མ་དཔེ་གཟིགས་ན་འདིར་གནོན།]
རབ་ཏུ་ཤེས་སོ། །ཞེས་གསུངས་སོ། །ཡང་སྟོང་པ་ཉིད་རྣམ་པ་གསུམ་སྟེ། ངོ་བོ་ཉིད་ཀྱིས་སྟོང་པ་ཉིད་དང་། དེ་བཞིན་དུ་ཡོད་པ་མ་ཡིན་པའི་སྟོང་པ་ཉིད་དང་། རང་བཞིན་གྱི་སྟོང་པ་ཉིད་དོ། །དང་པོ་ཀུན་བརྟགས་པའི་ངོ་བོ་ཉིད་ཉེ་བར་བཟུང་བར་བལྟའོ། །གཉིས་པ་གཞན་དབང་གི་ངོ་བོ་ཉིད་དང་། གསུམ་པ་ཡོངས་གྲུབ་ཀྱི་ངོ་བོ་ཉིད་ཉེ་བར་བཟུང་བར་བལྟའོ། །བདག་མེད་པའི་མཚན་ཉིད་ནི། བདག་ཏུ་སྨྲ་བ་རྣམས་ཀྱིས་བདག་ཏུ་བཏགས་པའི་མཚན་ཉིད་དེས། ཕུང་ཁམས་སྐྱེ་མཆེད་རྣམས་བདག་གི་མཚན་ཉིད་དང་བྲལ་བའོ། །ཕུང་སོགས་རྣམས་ནི་བདག་གི་མཚན་ཉིད་ཀྱིས་བདག་མེད་པའོ། །འདི་ལ་དགོངས་ནས་སངས་རྒྱས་ཀྱིས་ཆོས་ཐམས་ཅད་བདག་མེད་པའོ། །ཞེས་གསུངས་སོ། །ཡང་འདི་དག་ཐམས་ཅད་ནི་ང་ཡི་བ་མེད་དོ། །འདི་ནི་ང་མ་ཡིན་པའོ། །འདི་ནི་ངའི་བདག་མ་ཡིན་པ་སྟེ། དེ་ནི་འདི་བཞིན་ནོ། །ཞེས་ཡང་དག་པའི་ཤེས་རབ་ཀྱིས་ཡང་དག་པ་ཇི་ལྟ་བ་བཞིན་དུ་བལྟ་བར་བྱའོ། །ཞེས་གསུངས་པ་འདིའི་དོན་ཅི་ཞེ་ན། ཕྱིའི་དངོས་པོ་འདི་ནི་བདག་གི་མ་ཡིན་ནོ། །ནང་གི་ངོ་བོ་འདི་ནི་ང་མ་ཡིན་ནོ། །འདི་ནི་ངའི་བདག་མ་ཡིན་པའོ་ཞེས་དགོངས་ནས་དེ་ལྟར་གསུངས་སོ། །དེ་ལྟར་ཕྱིའི་དངོས་པོ་ལ་བདག་གི་བའི་རྣམ་པ་དང་། རང་ལ་ནི་བདག་དང་བདག་གི་བའི་རྣམ་པ་བཀག་གོ། སྐད་ཅིག་གི་མཚན་ཉིད་ནི་མི་རྟག་པ་ཉིད་དོ། །ཞེས་གསུངས་པ་དེ་ཇི་ལྟ་བུ་ཞེ་ན། ཇི་ལྟར་སེམས་དང་སེམས་བྱུང་སྐད་ཅིག་མ་ཡིན་པ་དེ་ལྟར་ ― MR12_Page_0450 ―
[མ་དཔེ་གཟིགས་ན་འདིར་གནོན།]
དེའི་ཡུལ་གཟུགས་ཀྱང་སྐད་ཅིག་མར་བལྟ་སྟེ། སེམས་ཀྱིས་ལུས་ཟིན་པ་དང་། སེམས་དང་བཅས་པས་ལུས་གྲུབ་བདེ་གཅིག་པ་མ་ཡིན་ན་ལུས་རུལ་པ་དང་། ཆགས་སོགས་བདེ་སོགས་ཀྱིས་སེམས་འགྱུར་ན་ལུས་དེ་འགྱུར་བ་དང་དབང་པོ་དང་བཅས་པའི་ལུས་ནི་སེམས་ཀྱི་གནས་ཡིན་པ་དང་། ནང་དང་ཕྱིའི་གཟུགས་ཐམས་ཅད་སེམས་ཀྱི་དབང་གིས་བྱུང་བ་དང་། སེམས་ཀྱི་མཐུ་ཐོབ་པའི་མོས་པ་བཞིན་སེམས་ཀྱིས་གཟུགས་ལ་དབང་སྒྱུར་བའི་ཕྱིར་རོ། །དེ་ལྟར་ན་སེམས་སྐད་ཅིག་མ་ཡིན་པ་བཞིན་དེ་དང་འབྲེལ་བའི་ལུས་དང་གཟུགས་ཀྱང་སྐད་ཅིག་མར་གྲུབ་བོ། །ཡང་གཟུགས་གང་ཡང་མཐར་འགྱུར་བར་དམིགས་པ་དང་། དང་པོ་སྐྱེས་ནས་ཀྱང་རྐྱེན་གཞན་ལ་མི་ལྟོས་པར་རང་གི་ངང་གིས་རྣམ་པར་འཇིག་པའི་ཕྱིར་གཟུགས་ཀྱང་སྐད་ཅིག་མ་ཉིད་དུ་བལྟའོ། །གཟུགས་གང་ཡིན་པ་ཅི་ཡང་རུང་སྟེ། དེ་ཐམས་ཅད་འབྱུང་བ་ཆེན་པོ་བཞི་དག་དང་། འབྱུང་བ་ཆེན་པོ་བཞི་རྒྱུར་བྱས་པའོ། །ཞེས་གང་གསུངས་པ་དེ་ཅི་ལས་དགོངས་ཏེ་གསུངས་ཤེ་ན། དེ་ལྟར་སྲེད་པའམ་ཡོད་པ་ལ་དགོངས་ནས་གསུངས་སོ། །ཕྱོགས་གཅིག་ལ་བརྟེན་པའི་དངོས་པོའི་དོན་ནི་རྒྱུར་བྱས་པའི་དོན་ཏེ། རྒྱུ་གཟུགས་འདུས་པ་གང་ལས་འབྱུང་བ་གང་དམིགས་པ་དེ་ནི་དེ་ན་ཡོད་དོ་ཞེས་བརྗོད་པར་བྱའོ། །འབྱུང་བ་གཅིག་ལས་གྱུར་བའི་འདུས་པས་རྡོག་སྐམ་པོ་ལྟ་བུ་ཡང་ཡོད། གཉིས་ལས་གྱུར་བ་སྔ་མ་དེ་ཉིད་གཤེར་བ་ལྟ་བུ་ཡོད་པ་ནས། འབྱུང་བ་གསུམ་ལས་དེ་ཉིད་དྲོ་བ། བཞི་ནི་ས་རྡོག་དེ་དྲོ་གཤེར་འདྲིལ་ཞིང་འགྲོ་བ་ལྟ་བུ་ཐམས་ཅད་ལས་གྱུར་པ་ཡང་ཡོད་དོ། །རྒྱུར་བྱས་པའི་གཟུགས་ལ་ཡང་རྒྱུར་བྱས་པའི་གཟུགས་གང་འདུས་པ་གང་ལ་དམིགས་པ་དེ་ནི་དེ་ན་ཡོད་ ― MR12_Page_0451 ―
[མ་དཔེ་གཟིགས་ན་འདིར་གནོན།]
པའོ་ཞེས་རིག་པར་བྱའོ། །གཅིག་པ་འོད་ལྟ་བུ། གཉིས་ལྡན་སྒྲ་དྲི་བཅས་པའི་རླུང་། གསུམ་དུ་བ་ལྟ་བུ་རེག་བྱ་ཡང་བ་བཅས་སོ། །ཡང་གཟུགས་དང་རོ་དང་རེག་བྱ་ཡོད་པའོ། །བཞི་པ་བུ་རམ་གོང་བུ་ལྟ་བུ། དེ་ཉིད་སྒྲ་བཅས་ན་ལྔ་ལྡན་ནོ། །རྡུལ་ཕྲ་རབ་བསགས་པ་ནི། གཟུགས་འདུས་པའོ། །ཞེས་གང་བརྗོད་པ་དེ་ལ་རྡུལ་ཕྲ་རབ་བློས་བཞག་པ་ཙམ་ལས་རང་གི་རྫས་ཀྱི་ལུས་མེད་པར་ངོ་བོ་མེད་ཅེས་རིག་པར་བྱའོ། །ཅིའི་ཕྱིར་བློས་རབ་ཏུ་ཕྱེ་ནས་ཅི་ཙམ་དབྱེ་ནུས་པ་ལ་རྡུལ་ཕྲ་རབ་ཏུ་རྣམ་པར་བཞག་སྟེ་བཤིག་ན་མུར་ཐུག་པ་མེད་པའི་ཕྱིར་རོ། །ལུས་མེད་ན་དེ་བཞག་པ་ལ་དོན་ཅི་ཡོད་སྙམ་ན། དེ་དངོས་པོ་ལ་མི་གནས་པའང་ཡིན་ཏེ། ཆ་དེ་ལྟར་དབྱེ་བ་མ་གྲུབ་པའི་ཕྱིར་དང་། དེ་ལྟར་ཆར་ཕྱེས་ནས། གཟུགས་ལ་རིལ་པོའི་འདུ་ཤེས་རྣམ་པར་གཞིག་པ་དང་། གཟུགས་ལ་རྫས་སུ་ཡོངས་སུ་གྲུབ་པ་མེད་པར་འཇུག་པར་བྱ་བའི་ཕྱིར་རོ། །ཡང་སྡུག་བསྔལ་འདི་ནི་ཤིན་ཏུ་རྒྱས་ལ་མ་བསྲབས་པ། འདོད་པ་ན་ཡོད་པ་དགེ་རྩ་མ་བསགས་པ་རྣམས་ཀྱི་དང་། བསྲབས་པ་དེ་ཉིད་ཐར་བའི་ཆ་མཐུན་སྐྱེས་པ་རྣམས་ཀྱི་དང་། བསྲབས་པ་ཡང་ཡིན་ལ་མ་བསྲབས་པ་ཡང་ཡིན་པ་ཡང་ཡོད་དེ་ཉིད་འཇིག་རྟེན་པའི་ཆགས་བྲལ་ཉིད་དུ་བྱ་ཕྱིར་དགེ་རྩ་བསགས་པ་རྣམས་ཀྱིའོ། །བར་མ་མ་བསྲབས་པ་ཡང་ཡོད་གཟུགས་ཁམས་སུ་སྐྱེས་པ་ཐར་པའི་ཆ་མཐུན་སྤངས་པ་རྣམས་ཀྱིའོ། །བསྲབས་ལ་མ་བསྲབས་པ་ཡང་ཡོད་གཟུགས་མེད་དུ་སྐྱེས་པ་ཐར་ཆ་སྤངས་པ་རྣམས་ཀྱིའོ། །ཆེས་བསྲབས་ལ་ ― MR12_Page_0452 ―
[མ་དཔེ་གཟིགས་ན་འདིར་གནོན།]
བསྲབས་པ་ཡང་ཡོད་གང་སློབ་པ་རྣམས་ཀྱིའོ། །ཤིན་ཏུ་ཆེས་བསྲབས་ལ་བསྲབས་པ་ཡང་ཡོད་མི་སློབ་པ་རྣམས་ཀྱི་སྲོག་གི་དབང་པོའི་རྐྱེན་གྱི་མིང་གཟུགས་སོ། །སྡུག་བསྔལ་མ་ཡིན་ལ་སྡུག་བསྔལ་དུ་བྱང་སེམས་དབང་དམ་པའི་ཕ་རོལ་དུ་ཕྱིན་པ་རྣམས་བསམས་བཞིན་སྲིད་པར་སྐྱེ་བ་སྣང་ཞིང་བསྲབས་པ་ཆེན་པོར་ཉེ་བར་གནས་པ། རང་གི་དགེ་བའི་སྟོབས་བསྐྱེད་པའམ་གཞན་གྱིས་བསྒྲུབ་པས་ཀྱང་རུང་སྟེ་ཡང་ཡོད་དོ། །ཞེས་དེ་དག་གི་དོན་རིམ་བཤད་མཆན་བཞིན་ནོ། །འཆི་བ་སྡུག་བསྔལ་ལོ་ཞེས་གསུངས་པ་དེ་ལ་འཆི་བ་གསུམ་སྟེ། དགེ་སེམས་ཀྱི་རྒྱུ་བ་གསལ་བ་ཡོད་པ། རང་ངམ་གཞན་སྟོབས་ཀྱིས་མི་དགེ་བའི་སེམས་ཀྱི་རྒྱུ་བ་གསལ་བ་ཡོད་པ། དེ་གཉིས་འདུ་བྱེད་མི་ནུས་པ་ལུང་མ་བསྟན་གྱི་སེམས་ཡོད་པའོ། །གང་ལྟར་ཀྱང་མཐར་རྒྱུ་བ་གསལ་བ་འགགས་ནས་ལུང་མ་བསྟན་པའི་སེམས་ཀྱིས་འཆི་ཞེས་པས་སྡེ་སྐོར་ལས་གསུངས། དགེ་བ་བྱེད་པའི་ལུས་ནི་ཐོག་མར་སྨད་གྲང་བར་འགྱུར། མི་དགེ་ཅན་སྟོང་ནས་གྲང་ངོ་། །མི་དགེ་བྱེད་པའི་བར་སྲིད་ནི། དཔེར་ན་ཕྱར་བ་ནག་པོའམ། མཚན་མོའི་མུན་ནག་ལྟ་བུའོ། །དགེ་བྱེད། སྣམ་བུ་དཀར་པོའམ། ཟླ་འོད་བཅས་པའི་མཚན་མོར་སྣང་བ་ལྟ་བུའོ། །བར་སྲིད་ནི་འདོད་གཟུགས་སུ་སྐྱེ་བ་ནའོ། །གཟུགས་མེད་ནས་འཆི་འཕོ་བ་ནའོ། །དེ་ནི་ཡིད་ལས་རྫུས་སྐྱེས་བྱུང་བ་དང་། དྲི་ཟ་ཞེས་ཀྱང་བྱ་སྟེ་དྲི་དང་མཐུན་པར་སྐྱེ་གནས་སུ་འགྲོ་བའི་དྲི་ཟ་བའི་ཕྱིར་རོ། །ཇི་ལྟར་ཐོགས་ན་ཞག་བདུན་གནས་ཏེ། སྐྱེ་བའི་རྐྱེན་རྙེད་ན་དེ་ཚུན་ཆད་ཀྱི་འཆིའོ། །མ་རྙེད་ ― MR12_Page_0453 ―
[མ་དཔེ་གཟིགས་ན་འདིར་གནོན།]
ན་ཞག་བདུན་གྱི་འོག་ཏུ་ཡང་ཤི་ནས་བར་སྲིད་འགྲུབ་བོ། །དེ་ལྟར་ལན་བདུན་བར་དུ་བྱས་ནས་དེ་བས་རིང་པོར་བར་སྲིད་ལ་མི་གནས་སོ། །ཅི་སྟེ་ན་ལྡོག་གོ་ཞེས་པ་གནས་སྐབས་དེ་ན་གཞན་དུ་སྐྱེ་བའི་རྐྱེན་སྟོབས་ལྡན་མངོན་དུ་གྱུར་ན་དེར་སྐྱེ་བས་སྔ་མའི་བར་སྲིད་གྲུབ་པའི་གནས་དེ་ལས་ལྡོག་སྲིད་དེ། བསམ་གཏན་བཞི་པ་ཐོབ་པའི་དགེ་སློང་དགྲ་བཅོམ་པའོ། །སྙམ་དུ་མངོན་པའི་ང་རྒྱལ་ལྡན་པ་དེ། བར་སྲིད་གྲུབ་པ་ན། ཐར་བ་ལ་སྐུར་བ་འདེབས་པའི་ལོག་ལྟ་རྙེད་ནས་དམྱལ་བའི་བར་སྲིད་འགྲུབ་པ་བཞིན་ནོ། །ཇི་སྟེ་ན་ལྡོག་གོ། དེ་ན་གནས་ཡང་སྔོན་གྱི་འཕེན་པའི་དབང་གིས་དགེ་སོགས་ལས་སོག་གོ། སྔོན་དགེ་མི་དགེ་ལྷན་ཅིག་སྤྱད་པའི་སྐལ་བ་མཉམ་པའི་སེམས་ཅན་རྣམས་ཀྱང་རྨི་ལམ་ནང་ལྟར་མཐོང་ངོ་། །གང་དུ་སྐྱེ་བར་འགྱུར་བ་དེའི་བྱང་སྔ་ལོགས་ཀྱི་སྲིད་པའི་གཟུགས་སོ། །གནས་དག་དུའང་འགྲོ་བ་ལ་ཐགས་ཐོགས་མེད་དོ། །རྫུ་འཕྲུལ་དང་ལྡན་པ་བཞིན་དུ་མྱུར་དུ་འགྲོ་ཞིང་། གང་དུ་སྐྱེ་བའི་གནས་སུ་ཐོགས་སོ། །བར་སྲིད་འགགས་མ་ཐག་སྐྱེ་སྲིད་གྲུབ་པ་སྲང་མདའི་མཐོ་དམན་གྱི་ཚུལ་དུ་འཆི་འཕོ་ཞིང་ཉིང་མཚམས་སྦྱོར་རོ། །བར་དོའི་སྲིད་པ་ན་གནས་པ་དེ་སྐྱེ་བའི་གནས་ལ་འདོད་ཆགས་བསྐྱེད་དེ། དེ་ལས་གཞན་པའི་ཉོན་མོངས་སྡང་དང་ང་རྒྱལ་ལ་སོགས་པ་ནི་རྐྱེན་དུ་འགྱུར་རོ། །འདོད་ཆགས་དང་བཅས་པ་བར་མ་དོའི་སྲིད་པ་འགག་ཅིང་ནུར་ནུར་པོ་རྣམ་པར་ཤེས་པ་དང་བཅས་པ་འབྱུང་སྟེ། དེ་ནི་རྣམ་པར་སྨིན་པའི་ཀུན་གཞིའོ། །དེའི་འོག་ཏུ་རྟེན་ཅིང་འབྲེལ་བ་ལས་ཇི་སྐད་འབྱུང་བ་བཞིན། སྐྱེ་ ― MR12_Page_0454 ―
[མ་དཔེ་གཟིགས་ན་འདིར་གནོན།]
གནས་བཞི་པོ། སྒོ་ང་ལས་སྐྱེ་བ་དང་། མངལ་ནས་སྐྱེ་བ་དང་། དྲོད་གཤེར་ལས་སྐྱེ་བ་དང་། བརྫུས་ཏེ་སྐྱེ་བར་དབང་པོ་རྣམས་མངོན་པར་འགྲུབ་བོ། །ཀུན་འབྱུང་བའི་བདེན་པ་གང་ཞེ་ན་ཉོན་མོངས་པ་དང་། ཉོན་མོངས་པའི་དབང་གིས་བྱུང་བའི་ལས་སོ་ཟག་བཅས་ཀྱིའོ། །དེ་ལྟར་ཡིན་ན་སངས་རྒྱས་ཀྱིས་སྲེད་པ་ཉིད་ཀུན་འབྱུང་དུ་ཇི་ལྟར་བསྟན་ཞེ་ན། གཙོ་བོར་བསྟན་པ་ནི། བཅོམ་ལྡན་འདས་ཀྱིས་སྲེད་པ་ནི་ཐམས་ཅད་དུ་འགྲོ་བའི་ཕྱིར་གཙོ་བོར་བསྟན་ནོ། །ཐམས་ཅད་དུ་འགྲོ་བ་ཅི་ཞེ་ན། ཐོབ་མ་ཐོབ་ཀྱི་ཡུལ་གྱི་དངོས་པོ་ཐམས་ཅད་དུ་འགྲོ་བ་ཐོབ་པ་སྲེད་པ་ཐོབ་པ་ལ་མངོན་པར་དགའ་བ་དང་། སྡུག་བསྔལ་གསུམ་དང་ཚོར་གསུམ་གྱི་གནས་སྐབས་ཐམས་ཅད་དུ་འགྲོ་བ་དང་། དེ་སྡུག་བསྔལ་གྱི་སྡུག་བསྔལ་བ་ཐོབ་པ་ལ་འབྲལ་བར་སྲེད་ཅིང་། མ་ཐོབ་པ་ལ་མི་འཕྲད་པར་སྲེད། འགྱུར་བའི་སྡུག་བསྔལ་ལམ། ཚོར་བདེ་ལ། ཐོབ་པ་མི་འབྲལ་བར་སྲེད། མ་ཐོབ་པ་འཕྲད་པར་སྲེད། འདུ་བྱེད་སྡུག་བསྔལ་དང་བཏང་སྙོམས་ཀྱི་གནས་སྐབས་ལ། གཏི་མུག་གི་སྲེད་པ་སྟེ། དེ་ཉོན་མོངས་པའི་གནས་ངན་ལེན་དང་། ཚོར་བ་བཏང་སྙོམས་ཀྱིས་ཕྱེ་བའི་ཕྱིར་རོ། །ཁྱད་པར་དུ་ཀུན་གཞི་རྣམ་ཤེས་ནི། འདུ་བྱེད་ཀྱི་སྡུག་བསྔལ་ཉིད་ཀྱི་གནས་སྐབས་སྟེ། དེ་ལ་བདག་ཏུ་རྨོངས་པའི་སྒོ་ནས་སྲེད་པ་འབྱུང་བར་རིག་པར་བྱའོ། །དུས་གསུམ་པོ་ཐམས་ཅད་དུ་འགྲོ་བ་སྟེ། འདས་པ་ལ་བལྟས་པའི་རྣམ་པས་རྗེས་སུ་འགྲོ། ད་ལྟ་བ་ལ་ལྷག་པར་ཆགས་པས་རྗེས་སུ་འགྲོ། མ་འོངས་པ་ལ་མངོན་པར་ ― MR12_Page_0455 ―
[མ་དཔེ་གཟིགས་ན་འདིར་གནོན།]
དགའ་བའི་རྣམ་པས་རྗེས་སུ་འགྲོའོ། །འདོད་གཟུགས་གཟུགས་མེད་ཀྱི་ཁམས་ཐམས་ཅད་དུ་འགྲོ་བ་དང་། ཚོར་བ་ཐམས་ཅད་དུ་འགྲོ་བ་སྟེ། འདོད་པ་དང་སྲིད་པ་གཟུགས་གཟུགས་མེད་ཚོལ་བས་ཁམས་གསུམ་དུ་སྡུག་བསྔལ་བར་བྱེད་ཅིང་། ལོག་པའི་ཚངས་སྤྱོད་ཚོལ་བས་འཁོར་བ་ལས་མི་ཐར་བར་དེར་འཁོར་རོ། །འབྱུང་བ་དང་འཇིག་པའི་སྲེད་པ་ནི་རྟག་ཆད་ཀྱི་རྣམ་པ་དང་ལྡན་པས་རྣམ་པ་ཐམས་ཅད་དུ་འགྲོ་བའོ། །ཉོན་མོངས་གང་ཞེ་ན། གྲངས་དང་། མཚན་ཉིད་དང་། འབྱུང་བ་དང་། དམིགས་པ་དང་། མཚུངས་པ་ལྡན་པ་དང་། རྣམ་གྲངས་དང་། ལོག་པར་ཞུགས་པ་དང་། ཁམས་དང་། རིས་དང་། སྤོང་བས་ཀྱང་ཉོན་མོངས་པར་བལྟའོ། །གྲངས་ནི་དྲུག་གམ་བཅུའོ། །མཚན་ཉིད་ནི། རབ་ཏུ་མ་ཞི་པའོ། །དེ་ཡང་དྲུག་སྟེ། རྣམ་པར་གཡེང་བས་རབ་ཏུ་མ་ཞི་བ་དང་། ཕྱིན་ཅི་ལོག་གིས་དང་། རྒོད་པས་དང་། རྨུགས་པས་དང་། བག་མེད་པས་དང་། འཛེམ་པ་མེད་པས་མ་ཞི་བའོ། །འབྱུང་བ་ནི། བག་ཉལ་མ་སྤངས་པ་སོགས་གསུམ་མོ། །ཉོན་མོངས་པའི་གཞི་ཡང་དམིགས་པ་ཡིན། ཉོན་མོངས་ཐམས་ཅད་ཀྱང་ཉོན་མོངས་པ་ཐམས་ཅད་དམིགས་སོ། །མ་རིག་ལྟ་བ་ཐེ་ཚོམ་གསུམ་གྱིས་གོང་མར་དམིགས། དེ་མིན་གཞན་གྱིས་མི་དམིགས། གོང་མའི་ཉོན་མོངས་པས་འོག་མར་མི་དམིགས། འགོག་ལམ་དམིགས་པ་ནི། དེས་ཡོངས་སུ་རྟོག་པ་ཙམ་སྟེ། དངོས་སུ་དེ་དག་ལ་དམིགས་པ་མ་ཡིན་ནོ། །གཞི་མེད་པ་ལ་ ― MR12_Page_0456 ―
[མ་དཔེ་གཟིགས་ན་འདིར་གནོན།]
དམིགས་པའི་ཉོན་མོངས་པ་ནི། ལྟ་བ་དང་མཚུངས་པར་ལྡན་ནོ། །དེ་ལས་གཞན་པ་ནི། གཞི་དང་བཅས་པ་ལ་དམིགས་སོ། །ཉོན་མོངས་བཅུ་ཆར་ཡང་། སྡུག་བསྔལ་དང་ཀུན་འབྱུང་བའི་རྒྱུ་ཡིན་ལ། དེ་གཉིས་ཀྱང་དེ་དག་གི་གཞིའི་གནས་ཡིན་ནོ། །དེའི་ཕྱིར་རྒྱུ་དང་གཞིའི་གནས་ཀྱི་ལོག་པར་རྟོག་པ་རྣམས་ཞེས་བྱའོ། །མཚུངས་ལྡན་ནི་མཁས་འཇུག་བསྡུར། ཉོན་མོངས་པའི་རྣམ་གྲངས་ནི། ཀུན་སྦྱོར་ནས། ནགས་སྦྱོར་བར། མཁས་འཇུག་བསྡུར་རོ། །ལས་གང་ཞེ་ན། སེམས་པའི་ལས་དང་། བསམ་པའི་ལས་གཉིས་སུ་མདོར་བསྡུས་པའོ། །ཡང་ལྔ་སྟེ། དམིགས་པའི་ལས་མིག་སོགས་གཟུགས་སོགས་ལ་ལྟ་བ་དང་། བྱེད་པའི་ལས་ས་སོགས་ཀྱིས་རྟེན་པར་བྱེད་པའམ་གཟུགས་ནི་གཟུགས་སུ་ཡོད་པ་ཞེས་པ་ལྟ་བུའི་མཚན་ཉིད་ཀྱིས་དང་། བསམ་པ་སྔོན་འགྲོ་བ་ལུས་ངག་གི་རྩོལ་བའི་ལས་དང་། མགར་བས་གསེར་ལ་རྒྱན་སོགས་བྱེད་པ་ལྟ་བུ་བསྒྱུར་བའི་ལས་དང་། ལམ་ལས་མྱང་འདས་ལྟ་བུ་འཐོབ་པའི་ལས་སོ། །སྐབས་འདིར་རྩོལ་བའི་ལས་སུ་འདོད་དོ། །སེམས་པའི་ལས་ནི། སེམས་མངོན་པར་འདུ་བྱེད་པ་ཡིད་ཀྱི་ལས་ཏེ། བསོད་ནམས། བསོད་མིན། མི་གཡོ་བའོ། །བསམ་པའི་ལས། ལུས་ཀྱི་ལས་དང་། ངག་གི་ལས་དང་། ཡིད་ཀྱི་ལས། དགེ་མི་དགེའོ། །མི་དགེ་བའི་ལས་ཀྱི་ལམ་བཅུ་སྟེ་སོགས་བསྡུར། སེམས་པ་ལས་གྱུར་པའི་ལས་གང་ཞེ་ན། གཞན་གྱིས་མི་འདོད་བཞིན་འདི་གྱིས་ཞེས་བསྒོ་བ་སེམས་པ་ལས་གྱུར་པ་མི་དགེ་སྤྱོད་ལྟ་བུ་དང་། གཞན་གྱི་གསོལ་བ་ ― MR12_Page_0457 ―
[མ་དཔེ་གཟིགས་ན་འདིར་གནོན།]
བཏབ་པ་མི་འདོད་བཞིན་འདི་བྱས་ན་ལེགས་ཞེས་འཛིན་དུ་བཅུག་ནས་སེམས་པ་ལས་གྱུར་པ་དང་། སྐྱོན་ཡོན་མི་ཤེས་པའི་མངོན་ཞེན་མེད་པར་སེམས་པས་རང་དགར་ལས་གྱུར་པ་དང་། མི་དགེ་བའི་རྩ་བ་ལ་མངོན་པར་ཞེན་པའི་སེམས་པ་མངོན་ཞེན་དྲག་པོས་མི་དགེ་སྤྱོད་པ་ལས་གྱུར་པ་དང་། ཆོས་འདོད་ཀྱང་ཕྱི་མར་ཡིད་འོང་གི་ཆེད་མི་དགེ་བ་སྤྱོད་པ་ཕྱིན་ཅི་ལོག་གི་སེམས་པ་ལས་གྱུར་བའོ། །དང་པོ་གསུམ་རྣམ་སྨིན་ངེས་པར་མྱོང་བའི་ངེས་པ་མེད་པས་བྱས་ཀྱང་མ་བསགས་པ་དང་། རྩ་བར་མངོན་ཞེན་དང་། ཕྱིན་ལོག་གི་སེམས་པ་ལས་བྱུང་བའི་ལས་བྱས་ཤིང་བསགས་པའི་རྣམ་སྨིན་ནི། མྱོང་བར་མི་འགྱུར་བ་མ་ཡིན་ནོ། །ལས་བྱེད་པ་ནི་ཀུན་ཏུ་སྤྱོད་པའོ། །བསགས་པ་ནི་བག་ཆགས་ཀུན་གཞིའི་རྣམ་པར་ཤེས་པ་ལ་རྣམ་པར་སྨིན་པའི་ས་བོན་གསོས་འཕེལ་བའོ། །མྱོང་བར་ངེས་པའི་ལས་ནི། སྔོན་གྱི་ལས་ཀྱི་རྒྱུས་འཕངས་ནས་ལས་བྱེད་པར་ངེས་ཤིང་རྣམ་སྨིན་མྱོང་བར་ངེས་པ། མཐོང་ཆོས་ལན་གྲངས་སོགས། དུས་ངེས་པའོ། །མི་དགེ་བཅུའི་རྣམ་སྨིན་ངན་སོང་གསུམ་སོགས། བསྡུར། དགེ་བཅུའི་འབྲས་བུ་དེ་བཞིན་བསྡུར། འཕེན་པ་རྣམ་སྨིན་འཕེན་པ། རྫོགས་བྱེད་ནི། སྐྱེས་པ་ན། འདོད་མི་འདོད་མྱོང་བའོ། །ལས་མང་པོ་དང་ལྡན་པ་ཇི་ལྟར་རིམ་གྱིས་སྨིན་ཞེ་ན། གང་ཤིན་ཏུ་ལྕི་བ་སྔོན་ལ་སྨིན་པ་དང་། ཡང་འཆི་དུས་གང་མངོན་གྱུར་དང་། གང་གོམས་པའོ། །ཡང་ན་གང་ཐོག་མར་སྤྱད་པ་དེ་ཐོག་མར་སྨིན་པར་འགྱུར་རོ། །མ་རིག་ ― MR12_Page_0458 ―
[མ་དཔེ་གཟིགས་ན་འདིར་གནོན།]
པའི་རྐྱེན་བསོད་བསོད་མིན་མི་གཡོ་བའི་འདུ་བྱེད་རྣམས་སོ། །ཞེས་གསུངས་པ། རྨོངས་པ་ནི་གཉིས་ཏེ། འབྲས་བུ་རྣམ་པར་སྨིན་པ་ལ་རྨོངས་པ་མི་དགེ་བསོད་མིན་གྱི་ལས་འདུ་བྱེད། དེ་ཁོ་ནའི་དོན་ལ་རྨོངས་པས་བསོད་ནམས་དང་མི་གཡོ་བའི་ལས་འདུ་བྱེད་དོ། །ཡང་ལས་ཐུན་མོང་པ་སྣོད་ཀྱི་འཇིག་རྟེན་རྣམ་པར་འབྱེད་པ། ཐུན་མིན་སེམས་ཅན་གྱི་འཇིག་རྟེན་རྣམ་པར་འབྱེད་པ། སྟོབས་དང་ལྡན་པ་ནི། མི་དགེ་བ་བྱས་པའང་གཉེན་པོའི་སྟོབས་ཀྱིས་འབྲས་བུ་མི་མྱོང་བར་བྱེད་པས་ན་གཉེན་པོ་ལས་བྱུང་བའི་ལས་དང་། སེམས་པ་ལས་གྱུར་པའི་དགེ་བའི་ལས་ཐམས་ཅད་སྟོབས་དང་ལྡན་པ་སྟེ། འདི་ལ་དགོངས་ནས། ཉན་ཐོས་སེམས་ཤིན་ཏུ་བསྒོམས་པ་ཚད་མེད་པ་ལ། ཚད་དུ་བྱས་པའི་ལས་དེས་དེ་ཁྲིད་པར་མི་བྱེད། དེ་ལ་དེ་དག་གནས་པར་མི་བྱའོ། །དེས་དེ་བགྲང་བར་མི་འགྱུར་རོ། །ཞེས་གསུངས། གཉེན་པོའི་མཐུ་ཆུང་བའི་མི་དགེ་བ་དང་། སེམས་པ་ལས་གྱུར་པའི་ལས་རྣམ་པར་སྨིན་པ་ངེས་པ་དེ་མ་སྤངས་པ་དང་ཡོངས་སུ་མ་ཤེས་པ་ནི་སྟོབས་ལྡན་ཡིན་ཏེ། འདི་ནི་འདིར་དགོངས་པའོ། །ཡང་འདོད་པ་དང་ལྡན་པའི་མི་དགེ་བ་ཉོན་མོངས་མི་དགེ་མང་བས་དང་། སྔོན་ཡང་ཡང་གོམས་པར་བྱས་པ་དང་། དེའི་གནས་ལ་གནས་པ་ནར་སོན་པ་སྟེ་མངོན་ཞེན་དང་དད་པ་དྲག་པོས་བྱེད་པ། ཡོངས་སུ་མྱ་ངན་མི་འདའ་པའི་ཆོས་ཅན་རྣམས་ཀྱི་ལམ་མམ་གཉེན་པོ་བསྒྲུབ་ཏུ་མེད་པ་གང་ཡིན་པ་དེ། རང་བཞིན་གྱིས་སྟོབས་དང་ལྡན་པའོ། །ཕ་མ་སོགས་ཞིང་དང་བྱང་ཆུབ་ཆེན་པོར་སྨོན་ལམ་ ― MR12_Page_0459 ―
[མ་དཔེ་གཟིགས་ན་འདིར་གནོན།]
བཏབ་པ་སོགས་སེམས་ཀྱི་མངོན་པར་འདུ་བྱེད་པས་ཀྱང་སྟོབས་དང་ལྡན་པའི་ལས་སུ་རིག་པར་བྱའོ། །ཡང་རྣམ་པ་དགུས་སྟོབས་དང་ལྡན་པའི་ལས་སུ་རིག་པར་བྱ་སྟེ། ཡོན་ཏན་ལྡན་པ་སོགས་ཞིང་དང་། གྱ་ནོམས་མང་བ་དངོས་པོ་དང་། སྦྱིན་པ་བས་ཚུལ་ཁྲིམས་སྟོབས་ཆེ་བ་སོགས་ངོ་བོ་ཉིད་དང་། བསོད་ནམས་བྱེད་པ་པོ་གཞི་པོ་ཆགས་བྲལ་ལྟ་བུ་དང་། ཡིད་ལ་བྱེད་པ་དད་པ་དྲག་པོ་དང་། བསམ་པ་མྱང་འདས་སོགས་ལ་དང་། གྲོགས་དེ་ལ་གནས་པའི་བསོད་ནམས་བྱ་བའི་དངོས་པོས་ཟིན་པ་དང་། ལན་ཡང་ཡང་མང་དུ་བྱེད་པ་དང་། བདག་གིས་བྱས་གཞན་ལ་བྱེད་བཅུག་སོགས་སྐྱེ་བོ་མང་པོས། མཐུན་པར་བྱས་པས་ཀྱང་སྟོབས་དང་ལྡན་པ་སྟེ། འདི་དང་མི་མཐུན་པར་བཟློག་པ་སྟོབས་དང་མི་ལྡན་པའི་ལས་སོ། །བཅོམ་ལྡན་འདས་ཀྱིས་སུ་ཞིག་འདི་སྐད་དུ། སྐྱེས་བུ་གང་ཟག་འདི་ཇི་ལྟ་ཇི་ལྟར་བདེ་སྡུག་བཏང་སྙོམས་དང་ལྡན་པའི་ལས་བྱེད་ཅིང་སོག་པ་དེ་ལྟ་དེ་ལྟར་དེ་དང་མཐུན་པའི་བདེ་སོགས་ཀྱི་རྣམ་པར་སྨིན་པ་མྱོང་བར་འགྱུར་ན། ཉོན་མོངས་དྲག་པོ་དང་ལྡན་པ་སོ་སོར་བརྟགས་ནས་སྡུག་བསྔལ་དང་བཅས་ཏེ་ཚུལ་ཁྲིམས་སྲུང་བ་དེའི་རྣམ་སྨིན་ཡང་རྒྱུ་དེ་བཞིན་དུ་སྡུག་བསྔལ་དང་། ཡིད་མི་བདེ་བར་མྱོང་ན་ནི་དེ་སྲུང་བ་དོན་མེད་པར་འགྱུར་རོ། །ཡང་གཞན་གྱི་ཆུང་མ་ལ་ཚུལ་ཁྲིམས་འཆལ་བར་བྱས་ཤིང་བདེ། ཡིད་བདེ་བཅས་སྤྱད་པའི་རྣམ་སྨིན་ཡང་བདེ། ཡིད་བདེར་འགྱུར་ན་དེ་སྤོང་བ་དོན་མེད་དོ། །དེ་ལྟར་ན་ཚངས་པར་སྤྱོད་པར་གནས་པར་མི་ ― MR12_Page_0460 ―
[མ་དཔེ་གཟིགས་ན་འདིར་གནོན།]
འགྱུར་ཞིང་། དེས་སྡུག་བསྔལ་ཟད་པ་དང་། སྡུག་བསྔལ་མཐར་དབྱུང་བའི་སྐབས་ཀྱང་མི་སྣང་ངོ་ཞེས་ཟེར་བ་དང་། ཡང་སུ་ཞིག་འདི་སྐད་དུ། སྐྱེས་བུ་གང་ཟག་འདི་ཇི་ལྟ་ཇི་ལྟར་རྒྱུ་བདེ་མི་བདེ་སོགས་གོང་ཡིན་ཀྱང་འབྲས་བུ་བདེ་མི་བདེ་མྱོང་བར་འགྱུར་བའི་ལས་བྱེད་ཅིང་སོག་པ་དེ་ལྟ་དེ་ལྟར་རྣམ་པར་སྨིན་པ་མྱོང་བར་འགྱུར་ན། དེ་ལྟ་ན་ནི་ཚངས་པར་སྤྱོད་པས་གནས་པར་འགྱུར་ཞིང་། ཡང་དག་པར་སྡུག་བསྔལ་ཟད་པར་འགྱུར་ཞིང་། སྡུག་བསྔལ་མཐར་དབྱུང་བའི་སྐབས་ཀྱང་སྣང་ངོ་ཞེས་ཟེར། ཞེས་གསུངས་པ་དེའི་དགོངས་པ་གང་ཞེ་ན། འདིར་ནི་བདེ་བ་ལྡན་པའི་ལས་ཀྱི་རྣམ་པར་སྨིན་པ་བདེ་བ་དང་ལྡན་པ་བཀག་གོ། སྡུག་བསྔལ་ལྡན་པའི་སྡུག་བསྔལ་ལྡན་པ་དང་། བདེ་སྡུག་མིན་པའི་བདེ་སྡུག་མིན་པའང་དེ་བཞིན་ནོ། །ཡང་བདེ་བ་དང་ལྡན་ཞིང་བདེ་བ་མྱོང་བར་འགྱུར་བའི་རྣམ་སྨིན་བདེ་བ་ནི་གནང་ངོ་། །བདེ་བ་དང་ལྡན་པའི་ལས་སྡུག་བསྔལ་མྱོང་འགྱུར་གྱི་སྡུག་བསྔལ་ཡིན་པ་དང་། བདེ་སྡུག་མིན་པ་མྱོང་འགྱུར་གྱི། བདེ་སྡུག་མིན་པ་མྱོང་བ་དང་། སྡུག་བསྔལ་དང་ལྡན་པའི་ལས་ལ་བདེ་བ་མྱོང་འགྱུར་གྱི་རྣམ་སྨིན་བདེ་བ་ནི་གནང་ངོ་། །དེ་ལྡན་པའི་སྡུག་བསྔལ་མྱོང་འགྱུར། །སྡུག་བསྔལ་ཡིན་པ་དང་། བདེ་སྡུག་མ་ཡིན་མྱོང་འགྱུར་བའི། བདེ་སྡུག་མ་ཡིན་པ་དང་། བདེ་སྡུག་མ་ཡིན་དང་ལྡན་ལ། བདེ་བ་མྱོང་འགྱུར་གྱི་རྣམ་སྨིན་བདེ་བ་ནི་གནང་ངོ་། །དེ་གཉིས་དེས་སྡུག་བསྔལ་མྱོང་འགྱུར་སྡུག་བསྔལ་ཡིན་པ་དང་། བདེ་མིན་སྡུག་མིན་མྱོང་བར་འགྱུར་བའི། སྡུག་མིན་བདེ་མིན་ཡིན་ཞེས་ ― MR12_Page_0461 ―
[མ་དཔེ་གཟིགས་ན་འདིར་གནོན།]
བྱ་བ་འདིར་དགོངས་པའོ། །ལས་ཀྱི་རབ་དབྱེ། སྡོམ། སྡོམ་མིན། སྡོམ་སྡོམ་མིན་གང་ཡང་མིན་པའི་ལས་གསུམ་གསུངས། གཞུང་དང་བསྡུར་དག །རབ་བྱུང་གི་སྡོམ་པ་གང་ཟག་ཉེས་སྤྱོད་ལས་དབེན་པ་དང་། འདོད་པ་ལས་དབེན་པར་སྤྱོད་པའོ། །དགེ་བསྙེན་ཕོ་མོ་ནི་ཉེས་སྤྱོད་ལས་དབེན་པར་སྤྱོད་ཀྱི། འདོད་པ་ལས་དབེན་སྤྱོད་མིན། བསྙེན་གནས་ནི་དབེན་སྤྱོད་གཉིས་ཀ་མིན་གསུངས། དགེ་བསྙེན་བསླབ་གཞིའི་ཕྱོགས་གཅིག་ལ་སློབ། དགེ་བསྙེན་གྱི་སྡོམ་པ་ལྡན་ཞེས་བྱ་གསུངས། ཚུལ་ཁྲིམས་འཆལ་བ་ཞེས་ཀྱང་བྱ། ཟ་མ་མ་ནིང་ལ་དགེ་བསྙེན་ཉིད་ནི་བཀག་སྟེ། དགེ་སློང་དང་དགེ་སློང་མའི་ཕྱོགས་ལ་བསྙེན་བཀུར་བའི་འོས་མིན་པས་སོ། །མ་ནིང་ལྔ་སྟེ།སྐྱེས་ནས་མ་ནིང་དུ་གྱུར་པ། མ་ནིང་ཕྲག་དོག་ཅན། ཟླ་ཕྱེད་མ་ནིང་། རླུགས་པའི་མ་ནིང་། ཉམས་པའི་མ་ནིང་ངོ་། །བསམ་གཏན་གྱི་སྡོམ་པ་གང་ཞེ་ན། འཆལ་ཁྲིམས་ཀུན་ནས་སློང་བའི་ཉོན་མོངས་རྣམས་ཀྱི་ས་བོན་འཇོམས་པའི་དུས་ན། འདོད་པ་ལ་འདོད་ཆགས་དང་བྲལ་བས་སྤོང་བ་གང་ཡིན་པ་དང་། བསམ་གཏན་དང་པོ་ལ་འདོད་ཆགས་བྲལ་བ་དང་། གཉིས་པ་ལ་འདོད་ཆགས་དང་བྲལ་བ་དང་། གསུམ་པ་ལ་འདོད་ཆགས་དང་བྲལ་བས་སྤོང་བ་གང་ཡིན་པའོ། །ཟག་པ་མེད་པའི་སྡོམ་པ་ནི། བདེན་པ་མཐོང་བའི་ཟག་པ་མེད་པའི་ཡིད་ལ་བྱེད་པས་སྤོང་པ་གང་ཡིན་པའོ། །སྡོམ་པ་མིན་པ་ནི་ཤན་པ་ཕྱུགས་བསད་ནས་ཤ་འཚོང་བ། དེ་བཞིན་བྱ་གག་གསོད་པ། ཕག་གིས་འཚོ་བ། ཉ་པ། རི་ ― MR12_Page_0462 ―
[མ་དཔེ་གཟིགས་ན་འདིར་གནོན།]
དྭགས་ཀྱི་རྔོན་པ། བྱ་བ། རི་བོང་རྒྱས་བཤོར་བ། ཆོམ་རྐུན་པ། གཤེད་མ། ནགས་ནས་གླང་པོ་ཆེ་འཛིན་པ་འདུལ་བར་བྱེད་པ། སྦྲུལ་གྱིས་འཚོ་བ་བཟུང་ནས་རྩེ་བས། བཙོན་སྲུང་། ཉན་རྣ་བྱེད་པ་ཕྲ་མ་ཉན་སྨྲ་བ། སོགས་སེམས་ཅན་ལ་གནོད་པར་བྱེད་པ་རྣམས་ཀྱི་གང་ཡིན་པའོ། །དེ་དག་གི་རིགས་ལས་སྐྱེས་སམ། ཡང་དག་པར་བླངས་པ་སྟེ། དེ་དག་གི་ལས་སྤྱད་པར་ངེས་པར་བྱས་པའོ། །སྡོམ་པ་ཡང་མ་ཡིན། སྡོམ་པ་མ་ཡིན་པ་ཡང་མ་ཡིན་པ་གང་ཞེ་ན། སྡོམ་སྡོམ་མིན་གང་ཡང་མིན་པའི་ལས། དགེ་བའམ་མི་དགེ་བ་གང་ཡིན་པའོ། །གཞི་དུག་གསུམ་མེད་པ། ཀུན་སློང་དེ་དག་དང་ལྡན་པའི་སེམས། དངོས་པོ་སྦྱིན་བྱ། ངོ་བོ་ཉིད་གཏོང་བ་ན་ལུས་ངག་གི་ལས་སོ། །ཇི་ལྟར་སྦྱིན་པ་ཕུན་སུམ་ཚོགས་པ་ཡིན་ན། ཡང་ཡང་ཕྱིར་ཞིང་སྦྱིན་པ། དགེ་སྦྱོང་དང་བྲམ་ཟེ་རྣམས་ལ་ཕྱོགས་མི་འབྱེད་པར་སྙོམས་པར་སྦྱིན་པ། དེ་དག་གི་འདོད་པ་རྫོགས་པར་སྦྱིན་པའོ། །ཡང་མི་གནས་པར་སྦྱིན་པ་ལྷུག་པར་གཏོང་བ། སྲིད་པར་ལོངས་སྤྱོད་ཀྱི་ཕྱིར་མི་བསྔོ་བ། དངོས་པོར་རྒྱ་ཆེར་སྦྱིན་པ་ལག་བརྐྱང་བ། སེམས་དགའ་བས་སྦྱིན་པ་གཏོང་དགའ་མཆོད་སྦྱིན་བྱེད་པའི་ངང་ཚུལ། ཡང་ཡང་ཕྱིར་ཞིང་སྦྱིན་པ་གཏོང་བ་ཕུན་ཚོགས། སྦྱིན་པའི་འོས་སུ་གྱུར་པའི་སྣོད་ལ་སྦྱིན་པ། སྦྱིན་པ་ལེགས་པར་འགྱེད་པ་ལ་དགའ་བ། རང་གི་འཁོར་དང་གློ་བུར་དུ་འོང་བ་ལ་ལེགས་པར་བགོས་ཏེ་སྦྱིན་པས་སྦྱིན་པ་ཕུན་སུམ་ཚོགས་པའོ། །ཇི་ལྟར་སྦྱིན་པ་ཕུན་ཚོགས་ཡིན་ཞེ་ན། སྦྱིན་བྱ་དེ་གཞན་ལ་གནོད་པའི་དངོས་པོར་གྱུར་པ་མིན་པ། རང་གི་ལག་དར་བའི་མཐུས་ ― MR12_Page_0463 ―
[མ་དཔེ་གཟིགས་ན་འདིར་གནོན།]
བསྒྲུབ་པ་མིན་པ་གཞན་ལས་ཕྲོག་པ་མིན་པ། རྡུལ་དང་དྲི་མས་མ་ཕོག་པ་མ་རུལ་ཞིང་དྲི་མ་མེད་པ། མཚོན་དུག་ཆང་སོགས་མིན་པ་སྤྱད་དུ་རུང་བ། གཞལ་བ་ལ་གཡོ་སོགས་དང་། ལོག་པར་འཚོ་བས་སྒྲུབ་པ་མིན་པར་ཆོས་མཐུན་གྱིས་བསྒྲུབ་པའོ། །ཇི་ལྟར་ཚུལ་ཁྲིམས་ལྡན་པ་ཡིན་ཞེ་ན། ཡང་དག་པར་བླངས་པའི་ཚུལ་ཁྲིམས་རྗེས་སུ་ཟུང་བའི་ཕྱིར་རོ། །འཁོར་བ་ལས་ཐར་པའི་སོ་སོར་ཐར་པའི་སྡོམ་པས་བསྡོམ་པ་ནི། འཁོར་བ་ལས་ངེས་པར་འབྱིན་པའི་ཚུལ་ཁྲིམས་ཡིན་པའོ། །མ་སྤྱད་པའི་ཕྱིར། ཆོ་ག་དང་། སྤྱོད་ཡུལ་མིན་ལྔ་སྤང་བ་སྤྱོད་ཡུལ་ཕུན་སུམ་ཚོགས་པའོ། །ཁ་ན་མ་ཐོ་ཕྲ་བ་འཛེམ་པ། བཅས་རང་གི་ལྟུང་བ་ཕྲ་བ་ལའང་ཤིན་ཏུ་གུས་པར་སློབ་པའོ། །ཡང་དག་བླང་བ་ལ་སློབ་པ་ནི་བསླབ་གཞིའི་གནས་ཡོངས་རྫོགས་ལ་སློབ་པའོ། །ལུས་ངག་གིས་བསྡོམ་པ་ནི། ཤེས་བཞིན་གྱིས་ཟིན་པའོ། །ལུས་ངག་ཕུན་ཚོགས་པས་ཕུན་སུམ་ཚོགས་པ་ནི། ཏིང་འཛིན་སྟོབས་ཀྱིས་ལྟུང་བ་མི་བྱེད་པས་སོ། །ལུས་ངག་གི་ཀུན་སྤྱོད་ཡོངས་སུ་དག་པ་ནི། འགྱོད་པ་མེད་པ་སོགས་ནས། ཏིང་ངེ་འཛིན་གྱི་བར་ལ་གནས་པའོ། །ལུས་ངག་གི་ཀུན་སྤྱོད་དགེ་བ་ནི། ཉོན་མོངས་ཅན་གྱི་རྟོག་པ་དང་མ་འདྲེས་པས་སོ། །ལུས་ངག་གི་ཀུན་སྤྱོད་ཁ་ན་མ་ཐོ་པ་མེད་པ་ནི། སྲིད་པ་དང་སྲིད་པའི་ཡོ་སྤྱད་ལ་སྨོན་ནས་ཚངས་སྤྱོད་ལ་གནས་པ་རྣམ་པར་སྤངས་པས་སོ། །ལུས་ངག་གི་སྤྱོད་པ་གནོད་པ་མེད་པ་ནི། གཞན་ལ་བརྙས་ཐབས་མི་བྱེད་ཅིང་འགྲོགས་ན་བདེ་བས་སོ། །ལུས་ངག་གི་ཀུན་སྤྱོད་རྗེས་སུ་མཐུན་པ་ནི། མྱང་འདས་ ― MR12_Page_0464 ―
[མ་དཔེ་གཟིགས་ན་འདིར་གནོན།]
ཐོབ་བྱེད་དང་མཐུན་པའི་ཕྱིར་རོ། །ལུས་ངག་གི་ཀུན་སྤྱོད་རྗེས་སུ་འབྱོར་པ་ནི། དགེ་བ་མི་སྤྱོམས་པ་གཞན་ལ་མི་ངོམ་པ་དང་སྡིག་པ་མི་འཆབ་པའི་ཕྱིར་རོ། །ལུས་ངག་གི་ཀུན་སྤྱོད་ཐབས་དང་ལྡན་པ་ནི། ཚངས་པར་མཚུངས་པར་སྤྱོད་པ་ཉེ་བར་སྡུད་པའི་ཚུལ་ཁྲིམས་ཡིན་པས་སོ་སྟེ་དེའི་གང་དུ་སྡུད་ཅིང་འགྲོ་འོས་ཡིན་པའི་ཕྱིར་རོ། །ལུས་ངག་གི་ཀུན་སྤྱོད་འཚམས་པ་ནི། བླ་མ་རྣམས་དང་དེ་འདྲ་བ་རྣམས་ལ་ང་རྒྱལ་བཅག་བསྙེན་བཀུར་བས་སོ། །ལུས་ངག་གི་ཀུན་སྤྱོད་མཐུན་པ་ནི། གདམས་ངག་ལ་རང་ལྟ་མཆོག་འཛིན་མེད་པར་རྗེས་སུ་མཐུན་པར་འཛིན་པས་སོ། །ལུས་ངག་གི་ཀུན་སྤྱོད་གདུང་བ་མེད་པ། ཕྱི་རོལ་བའི་དཀའ་ཐུབ་དྲག་པོ་དང་ངན་ངོན་ལ་མོས་པ་སྤངས་པས་སོ་སྟེ་བདག་གདུང་བར་མི་བྱེད་པའོ། །ལུས་ངག་གི་ཀུན་སྤྱོད་ཕྱིས་འགྱོད་པ་མེད་པ་ནི། ལོངས་སྤྱོད་དང་ལས་ཀྱི་མཐའ་སྤངས་ལ་ཕྱིས་སུ་འགྱོད་པ་མེད་པས་སོ། །ལུས་ངག་གི་ཀུན་སྤྱོད་ཡིད་ལ་གཅག་པ་མེད་པ་ནི། དགེ་ཕྱོགས་ཅུང་ཟད་ཙམ་གྱིས་ཆོག་པར་མི་འཛིན་པས་བསྒྲུབ་ནུས་པའི་བར་དུ་བསྒྲུབས་ཟིན་པས་དེ་མ་གྲུབ་སྙམ་པའི་ཡིད་ལ་གཅག་པ་མེད་པས་སོ། །བཅོམ་ལྡན་འདས་ཀྱིས། སེམས་ཅན་འདི་དག་ལས་བདག་གིར་བྱ་བ་ཞེས་གསུངས་པ། རང་བྱས་རྣམ་སྨིན་མྱོང་བའོ། །ལས་ཀྱི་བགོ་སྐལ་ལ་སྤྱོད་པ་ནི། དགེ་མི་དགེའི་ལས་སྐལ་སོ་སོ་ལ་སྤྱོད་པའོ། །ལས་ཀྱི་སྐྱེ་གནས་པ་ནི། རྒྱུ་མེད་དང་མི་མཐུན་པའི་རྒྱུ་ལས་བྱུང་བ་མིན་ཏེ་ལས་ཀྱི་སྐྱེ་གནས་ལས་བྱུང་བའོ། །ལས་ཀྱི་ ― MR12_Page_0465 ―
[མ་དཔེ་གཟིགས་ན་འདིར་གནོན།]
སྐྱེ་གནས་ལ་བརྟེན་པར་བྱ་བ་ནི། ལས་ཀྱིས་བཅིངས་པ་ལས་ཐར་བྱེད་གཉེན་པོའི་ལས་བརྟན་པར་བྱ་བ་ཡིན་པས་སོ། །སེམས་ཅན་མཐོ་དམའ་ནི། བདེ་འགྲོ་དང་ངན་འགྲོའི་ལས་སོ། །ངན་པ་དང་གྱ་ནོམ་པ་ནི། དེ་ཉིད་སྐྱོན་ལྡན་དང་། ཡོན་ཏན་ལྡན་པའོ། །ལས་ཀྱི་རྣམ་པར་སྨིན་པ་བསམ་གྱིས་མི་ཁྱབ་པར་གསུངས་པ་ནི། དགེ་བས་ལྷ་མི་རྣམས་ཀྱི་འདོད་པ་བསམ་གྱིས་མི་ཁྱབ། དེ་བཞིན་མི་དགེས་དམྱལ་བ་ཡི་དྭགས་དུད་འགྲོར་མི་འདོད་པ་བསམ་གྱིས་མི་ཁྱབ་ལས་འདིས་སེམས་ཅན་གྱི་ལས་སྣ་ཚོགས་སུ་འགྱུར་བ་བསམ་གྱིས་མི་ཁྱབ། དགེ་མི་དགེ་དེ་ཉིད་གང་དུ་བྱས་པའི་གནས་དང་། དངོས་པོ་ཅི་ལས་བྱས་དང་རྒྱུ་དགེ་མི་དགེའི་རྩ་བ་དང་། རྣམ་སྨིན་གྱི་ལུས་དང་བདེ་སྡུག་སྣ་ཚོགས་དབྱེ་བ་བསམ་གྱིས་མི་ཁྱབ། ཕྱིའི་གནས་སོགས་དང་ཚེར་མ་དང་གནས་བདེ་བ་སོགས་དངོས་པོ་སྣ་ཚོགས་མངོན་པར་འགྲུབ་བྱེད་ཀྱི་ལས་བསམ་གྱིས་མི་ཁྱབ། ནོར་བུའི་ནུས་པ་དང་སྔགས་དང་སྨན་གྱི་མཁྱུད་སྤྱད་ཀྱི་ནུས་པ་དང་ལྡན་པའི་ལས་བསམ་གྱིས་མི་ཁྱབ། རྣལ་འབྱོར་པ་ཐམས་ཅད་ཀྱི་སེམས་ཀྱི་མཐུའི་ལས་གཡོ་བ་འཕུར་བ་སོགས་བསམ་གྱིས་མི་ཁྱབ། བྱང་ཆུབ་སེམས་དཔའ་རྣམས་ཀྱི་ཚེ་དབང་སེམས་ལ་དབང་སོགས་དབང་བཅུའི་ལས་བསམ་གྱིས་མི་ཁྱབ། སངས་རྒྱས་ཐམས་ཅད་ཀྱིས་སངས་རྒྱས་པའི་མཛད་པ་བསྒྲུབ་པའི་ཕྱིར། དེའི་ཕྲིན་ལས་རྟོག་མེད་ལྷུན་གྲུབ་དུས་ལས་ཡོལ་མེད་སེམས་ཅན་བསམ་མཐུན་སོགས་བསམ་གྱིས་མི་ཁྱབ་བོ། །འགོག་པ་ནི་གང་དུ་མིག་དང་རྣ་བ་དང་། དེ་བཞིན་སྣ་ ― MR12_Page_0466 ―
[མ་དཔེ་གཟིགས་ན་འདིར་གནོན།]
དང་ལྕེ་དང་ལུས། ཡིད་དང་དེ་བཞིན་མིང་དང་གཟུགས། མ་ལུས་པར་ནི་འགོག་འགྱུར་བ། ཞེས་སངས་རྒྱས་ཀྱིས་གསུངས་པ་ལྟར། མིག་འགོག་པ་དང་། གཟུགས་ཀྱི་འདུ་ཤེས་མེད་པ་ནས། ཡིད་འགོག་པ་དང་ཆོས་ཀྱི་འདུ་ཤེས་མེད་པར་གྱུར་པ་དེ་ནི་གནས་སུ་རིག་པར་བྱའོ་ཞེས་སོ། །ཟབ་སོགས་གཞུང་བསྡུར། བྲི་དགོས་ཆེར་མི་སྣང་། ལམ་བདེན་ལ་ཚོགས་སྦྱོར་སོགས་ལྔ། མཐོང་ལམ་ལ། དམིགས་བྱ་དམིགས་བྱེད་མཉམ་པས་མཉམ་པར་ཤེས་པར་བྱེད་པ་ཡང་དེ་ཡིན་ཏེ།སོ་སོ་རང་ལ་སེམས་ཅན་གྱི་བརྡ་བསལ་བ་ལ་དམིགས་པའི་ཆོས་ཤེས་ཇི་ལྟ་བུ་ཞེ་ན། རང་ལ་སེམས་ཅན་གྱི་བརྡ་བསལ་བ་རང་གི་རྒྱུད་ལ་བདག་གམ་སེམས་ཅན་གྱི་མཚན་མར་མི་དམིགས་པས་དང་། སོ་སོ་རང་ལ་ཆོས་ཀྱི་བརྡ་བསལ་བ་ལ་དམིགས་པའི་ཆོས་ཤེས་ནི་སོ་སོ་རང་ལ་གཟུགས་སོགས་ཀྱི་མཚན་མར་མི་དམིགས་པས་དང་། ཐམས་ཅད་དུ་གཉིས་ཀའི་བརྡ་བསལ་བ་ལ་དམིགས་པའི་ཆོས་ཤེས་ཡང་། ཐམས་ཅད་དུ་བྱེ་བྲག་མེད་པར་བདག་དང་ཆོས་ཀྱི་མཚན་མ་ལ་མི་དམིགས་པ་དེ་ཡིན་ནོ། །འཇིག་རྟེན་པའི་ཆོས་མཆོག་གི་རྗེས་ཐོག་ཏུ་སྡུག་བསྔལ་ཆོས་ཤེས་པའི་བཟོད་པ་དང་། སྡུག་བསྔལ་ལ་ཆོས་ཤེས་པ་དང་། སྡུག་བསྔལ་རྗེས་སུ་རྟོགས་པར་ཤེས་པའི་བཟོད་པ་དང་།སྡུག་བསྔལ་ལ་རྗེས་སུ་རྟོགས་པའི་ཤེས་པ་དང་། ཀུན་འབྱུང་ལ་ཆོས་ཤེས་སོགས་དེ་ལྟར་བཅུ་དྲུག་གོ། སྡུག་བསྔལ་གང་ཞེ་ན། སྡུག་བསྔལ་གྱི་བདེན་པའོ། །སྡུག་བསྔལ་གྱི་ཆོས་གང་ཞེ་ན། སྡུག་བསྔལ་བདེན་པའི་ ― MR12_Page_0467 ―
[མ་དཔེ་གཟིགས་ན་འདིར་གནོན།]
དབང་དུ་བྱས་པའི་ཆོས་བསྟན་པ་རྣམས་སོ། །ཆོས་ཤེས་པ་གང་ཞེ་ན། སྦྱོར་ལམ་ལ་སྡུག་བསྔལ་གྱི་དབང་དུ་བྱས་པ་ལས་བྱུང་བའི་ཆོས་ལ་དཔྱོད་པའི་ཤེས་པའོ། །བཟོད་པ་གང་ཞེ་ན། སྔར་རྣམ་པར་དཔྱད་པའི་དབང་དུ་བྱས་ནས། སོ་སོ་རང་ལ་སྡུག་བསྔལ་གྱི་བདེན་པ་མངོན་སུམ་དུ་གྱུར་པའི་ཟག་མེད་ཀྱི་ཤེས་རབ་སྟེ། གང་གིས་སྡུག་བསྔལ་མཐོང་བས་སྤང་བྱ་ཉོན་མོངས་རྣམས་སྤོང་བ་སྟེ། དེ་ལྟར་སྡུག་བསྔལ་ཆོས་ཤེས་པའི་བཟོད་པ་ཞེས་བྱའོ། །སྡུག་བསྔལ་ཆོས་ཤེས་པ་གང་ཞེ་ན། ཤེས་པ་གང་གིས་བཟོད་པའི་མཇུག་ཐོག་ཏུ་རྣམ་པར་གྲོལ་བ་མངོན་དུ་བྱེད་པའོ། །སྡུག་བསྔལ་རྗེས་སུ་རྟོགས་པར་ཤེས་པའི་བཟོད་པ་གང་ཞེ་ན། སྡུག་བསྔལ་ཆོས་ཤེས་པའི་མཇུག་ཐོག་ཏུ། སྡུག་བསྔལ་ལ་ཆོས་ཤེས་པའི་བཟོད་པ་དང་། སྡུག་བསྔལ་ལ་ཆོས་ཤེས་པ་འདི་གཉིས། འཕགས་པའི་ཆོས་རྣམས་ཀྱི་རྒྱུའོ་ཞེས་སོ་སོ་རང་ལ་མངོན་སུམ་དུ་གྱུར་པའི་ཟག་པ་མེད་པའི་ཤེས་རབ་བོ། །སྡུག་བསྔལ་རྗེས་སུ་རྟོགས་པའི་ཤེས་པ་ནི། ཤེས་པ་གང་གི་མཇུག་ཐོག་ཏུ་བཟོད་པའི་ཤེས་པ་དེ་ངེས་པར་འཛིན་པའོ། །དེ་བཞིན་དུ་བདེན་པ་ལྷག་མ་རྣམས་ལ་ཡང་བཟོད་པ་དང་ཤེས་པ་རྣམས་ཅི་རིགས་སུ་ཤེས་པར་བྱའོ། །དེ་ལ་ཆོས་ཤེས་པའི་བཟོད་པ་དང་། ཤེས་པ་རྣམས་ཀྱིས་གཟུང་བ་དེ་བཞིན་ཉིད་རྟོགས་སོ། །རྗེས་སུ་རྟོགས་པའི་བཟོད་པ་དང་ཤེས་པ་རྣམས་ཀྱིས་ཡང་དག་པའི་ཡེ་ཤེས་རྟོགས་པས་འཛིན་པ་རྟོགས་སོ། །བཟོད་པ་དང་ཤེས་པ་ ― MR12_Page_0468 ―
[མ་དཔེ་གཟིགས་ན་འདིར་གནོན།]
ཐམས་ཅད་ལ་ཡང་མཚན་མ་མེད་པར་གནས་པའི་རྣལ་འབྱོར་ཅན་དུ་རིག་པར་བྱའོ། །སེམས་ཀྱི་སྐད་ཅིག་བཅུ་དྲུག་པོ་འདི་མཐོང་བའི་ལམ་མོ། །སྐད་ཅིག་ནི་ཤེས་བྱ་ལ་ཤེས་པ་འབྱུང་བ་ཡོངས་སུ་རྫོགས་པ་ལ་རིག་པར་བྱའོ། །ཆོས་རྣམས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་སྐྱེས་སོ། །ཞེས་སོགས། ལམ་བདེན་ཐམས་ཅད་རྣམ་པ་བཞིར་རིག་པར་བྱ་སྟེ། ཉན་ཐོས་སོགས་ཀྱིས་རང་གིས་ཇི་ལྟ་བ་བཞིན་ཁོང་དུ་ཆུད་པ་མཐར་ཕྱིན་ནས། རྗེས་ཐོབ་ཏུ། བཟོད་ཤེས་རྣམས་འདི་ལྟ་བུ་ཞེས་མིང་ཚིག་ཡི་གེས་བསྟན་པ་ནི་རྣམ་པར་བཞག་པའོ། །རྣམ་པར་རྟོག་པ་ནི་ཆོས་མངོན་པར་རྟོགས་པ་ལ་ཞུགས་པ་འཇིག་རྟེན་པའི་ཤེས་པས་རྣམ་པར་བཞག་པ་བཞིན་དུ་རྣམ་པར་རྟོག་པའོ། །མྱོ༷ང་བ་ནི་དེ་ལྟར་གོམས་པས་མཐོང་ལམ་དུ་སོ་སོ་རང་གིས་མྱོང་བའོ། །ཡོངས་སུ་རྫོགས་པ་ནི། དེའི་འོག་ཏུ། བསྒོམ་པའི་ལམ་གྱིས་གནས་གྱུར་ཡོངས་སུ་རྫོགས་ནས་ཐོབ་པ་མཐར་ཕྱིན་པའོ། །ཐོབ་པ་མཐར་ཕྱིན་པ་དེའི་རྗེས་ཐོབ་ཀྱི་ཤེས་པས། ལམ་བདེན་རྣམས་འཇོག་གོ། འདི་ལྟར་འདི་བཞི་ལམ་གྱི་འཁོར་ལོ་སྟེ་ཡང་ཡང་གཞན་དང་གཞན་ལ་བརྟེན་ནས་འཇུག་པས་སོ། །མཐོང་བསྒོམ་ལམ་གཞུང་བསྡུར། ཚང་འདུག །དྲན་ཉེ། ཐེག་ཆེན་ལམ། སྐབས་དང་བསྡུར། ལེགས་ཚང་། དྲན་ཉེ་བསྒོམ་པ་ནི། ཡིད་ལ་མི་བྱེད་པ་ཉེ་ཉོན་གྱི་གཉེན་པོར་འདུན་པ། ཉེ་ཉོན་ལེ་ལོའི་གཉེན་པོར་བརྩོན་འགྲུས། ཉེ་ཉོན་བྱིང་རྒོད་གཉེན་པོར་རྩོལ་བ། ཉེ་ཉོན་ཞུམ་པའི་གཉེན་པོར་སྤྲོ་བ། ཉེ་ཉོན་ ― MR12_Page_0469 ―
[མ་དཔེ་གཟིགས་ན་འདིར་གནོན།]
གནོད་པས་ཡོངས་སུ་སྐྱོ་བའི་གཉེན་པོར་མཐུན་པ་དང་། ཅུང་ཟད་ཙམ་གྱི་ཆོག་འཛིན་ཉེ་བའི་ཉོན་མོངས་པའི་གཉེན་པོར་ཕྱིར་ནུར་བ་མེད་པ་དང་། གདམས་ངག་བརྗོད་པའི་ཉེ་ཉོན་གྱི་གཉེན་པོར་མ་དྲན་པ་དང་། ལྟུང་བ་ཡིད་ལ་གཅག་པ་ཉེ་ཉོན་གྱི་གཉེན་པོར་ཤེས་བཞིན། བརྩོན་པ་འདོར་བའི་ཉེ་ཉོན་གྱི་གཉེན་པོར་བག་ཡོད་པའོ། །བདེན་པ་བཞི་པོ་རྣམས་ལ་མི་རྟག་སོགས་རྣམ་པ་བཅུ་དྲུག་ནི། འཇིག་རྟེན་པ་ཡང་ཡོད། འཇིག་རྟེན་འདས་པ་ཡང་ཡོད། དེ་གཉིས་ཀྱི་ཁྱད་པར་ནི། ཤེས་བྱ་ལ་འཇིག་རྟེན་པ་ལེགས་པར་མ་ཞུགས་པ་དེ་བཞིན་ཉིད་མ་རྟོགས་པ་དང་། འདས་པ་ཞུགས་པ་དང་། སྒྲིབ་པ་བག་ཉལ་ཡོད་པ་དང་བཅས་པ་དང་། སྒྲིབ་པ་མེད་པ་དང་། མངོན་པར་བརྗོད་པའི་སྤྲོས་པའི་རྣམ་རྟོག་དང་བཅས་པ་དང་། རྣམ་རྟོག་མེད་པའི་ཕྱིར་དེ་དག་གི་བྱེ་བྲག་ཤེས་པར་བྱའོ། །འཇིག་འདས་པའི་རྣམ་པ་ལ་འཇུག་པ་ན་མི་རྟག་པའི་དོན་མངོན་དུ་མཐོང་གི་མི་རྟག་པ་ཉིད་ཅེས་བྱ་བར་རྣམ་པར་རྟོག་པས་སྒོ་ནས་མཐོང་བ་ནི་མ་ཡིན་ནོ། །མི་རྟག་པ་ཉིད་ཀྱི་དོན་ལ་ཇི་ལྟ་བ་བཞིན་ལྷག་མ་རྣམས་ལའང་ཇི་ལྟར་མཐུན་མཐུན་སྦྱར་བར་བྱའོ། །བདེན་པ་རྣམ་པར་ངེས་པ་སྟེ་ཀུན་ལས་བཏུས་པ་ངེས་པའོ། །ཆོས་རྣམ་པར་ངེས་པ་གང་ཞེ་ན། ཆོས་ནི་མདོའི་སྡེ་དང་སོགས་ཡན་ལག་བཅུ་གཉིས་བཤད། སྤྱིར་ཚང་བྲི་དགོས་ཆེར་མེད། མདོ་དེ་དག་ཐོས་བསམ་བསྒོམ་པའི་སེམས་སེམས་བྱུང་གི་སྤྱོད་ཡུལ་ལོ། །སེམས་སེམས་བྱུང་རྣམས་ནི། དམིགས་པ་དང་བཅས། རྣམ་ ― MR12_Page_0470 ―
[མ་དཔེ་གཟིགས་ན་འདིར་གནོན།]
པ་དང་བཅས། གནས་དང་བཅས། མཚུངས་པར་ལྡན་པ་ཞེས་ཀྱང་བྱའོ། །ཆོས་ཀྱི་ནང་ནས་དེ་དག་གི་དམིགས་པ་གང་ཞེ་ན། མདོའི་སྡེ་ལ་སོགས་པའོ། །རྣམ་པ་ནི་ཕུང་པོ་སོགས་དང་ལྡན་པའི་དོན་རྣམས་སོ། །གནས་ནི། གཞན་ལས་རྣམ་པར་རིག་པ་དང་། དྲན་པ་དང་བག་ཆགས་སོ། །མཚུངས་ལྡན་ནི་གཅིག་གྲོགས་གཅིག་ཡིན་པའི་ཚུལ་གྱིས་རྣམ་པས་དམིགས་པ་ཡང་དག་པར་རྟོགས་པའོ། །ཆོས་ལ་དམིགས་པའི་རབ་དབྱེ་གང་ཞེ་ན། ཁྱབ་པའི་དམིགས་པ་དང་། སྤྱོད་པ་རྣམ་པར་སྦྱོང་བའི་དམིགས་པ་དང་། མཁས་པའི་དམིགས་པ་དང་། ཉོན་མོངས་རྣམ་པར་སྦྱོང་བའི་དམིགས་པའོ། །ཁྱབ་དམིགས་ནི། རྣམ་རྟོག་དང་བཅས་པའི་གཟུགས་བརྙན་དང་། རྣམ་པར་མི་རྟོག་པའི་གཟུགས་བརྙན་དང་། དངོས་པོའི་མཐའ་དང་། དགོས་པ་ཡོངས་སུ་གྲུབ་པའོ། །རྣམ་རྟོག་བཅས་པའི་གཟུགས་བརྙན་ནི། མོས་པ་ཡིད་ལ་བྱེད་པས་གང་ཞི་ལྷག་གི་དམིགས་པའོ། །མི་རྟོག་པའི་གཟུགས་བརྙན་ནི། དེ་ཁོ་ན་ཡིད་ལ་བྱེད་པས། གང་ཞི་གནས་དང་ལྷག་མཐོང་གི་དམིགས་པའོ། །དངོས་པོའི་མཐའ་ནི། གང་ཆོས་རྣམས་ཀྱི། ཕུང་ཁམས་སྐྱེ་མཆེད་ཀྱི་ཆོས་ཇི་སྙེད་ཡོད་པའོ། །ཇི་ལྟ་བ་བཞིན་དུ་ཡོད་པ་ནི། འཕགས་པའི་བདེན་པ་སྡུག་བསྔལ་སོགས་བཞི་དང་། བདེན་བཞི་དེའི་རྣམ་པ་བཅུ་དྲུག་དང་། བྱེ་བྲག་མེད་པར་ཐམས་ཅད་དེ་བཞིན་ཉིད་དང་། འདུ་བྱེད་མི་རྟག །སྡུག་བསྔལ། བདག་མེད། མྱང་འདས་ཞི་བ། སྟོང་ཉིད་སྨོན་མེད་མཚན་མེད་དོ། ། ― MR12_Page_0471 ―
[མ་དཔེ་གཟིགས་ན་འདིར་གནོན།]
དགོས་པ་ཡོངས་སུ་གྲུབ་པ་ནི། གནས་གྱུར་པའོ། །རྣམ་པ་བཅུ་དྲུག་གི་ནང་ནས་སྟོང་ཉིད་ཀྱི་རྣམ་པ་གཉིས། སྨོན་མེད་ཀྱི་དྲུག །མཚན་མེད་ཀྱི་བརྒྱད་དོ། །སྤྱོད་པ་རྣམ་པར་སྤྱོད་པའི་དམིགས་པ་ནི། འདོད་ཆགས་ལ་སྤྱོད་པ་རྣམས་ཀྱིས་མི་སྡུག་པ། ཞེ་སྡང་གིས་བྱམས་པ། གཏི་མུག་གིས་རྟེན་འབྲེལ། ང་རྒྱལ་གྱིས་ཁམས་ཀྱི་རབ་དབྱེ། རྣམ་རྟོག་ལ་སྤྱོད་པས་དབུགས་འབྱུང་རྔུབ་དྲན་པའོ། །མཁས་པའི་དམིགས་པ་ཕུང་། ཁམས༢ ། སྐྱེ་༣མཆེད། རྟེན་འབྲེལ༤ །གནས་གནས༥་མིན་ལ་མཁས་པའོ། །གནས་གནས་མིན་ལ་མཁས་པ་ནི་རྟེན་འབྲེལ་ལ་མཁས་པ་ལས་བལྟའོ། །དེ་གཉིས་བྱེ་བྲག་ཅི་ཡོད་ཅེ་ན། ཆོས་རྣམས་ལས་ཆོས་རྣམས་མངོན་པར་འབྱུང་ཕྱིར་རྒྱུ་མེད་པ་དང་མི་མཐུན་པའི་རྒྱུ་སྤང་པས་རྟེན་འབྲེལ་ལ་མཁས་པའོ། །རྒྱུ་དང་མཐུན་པའི་འབྲས་བུ་ལེགས་སྤྱོད་ལས་བདེ་བ། ཉེས་སྤྱོད་ལས་མི་བདེ་ལྟ་བུ་འབྱུང་བ་ཡོངས་སུ་བཟུང་བའི་ཕྱིར། གནས་གནས་མིན་ལ་མཁས་པའོ། །ཉོན་མོངས་པ་རྣམ་པར་སྦྱོང་བའི་དམིགས་པ་ནི། འཇིག་རྟེན་པའི་ཞི་རགས་རྣམ་ཅན་དང་། དེ་བཞིན་ཉིད་དང་འཕགས་པའི་བདེན་པ་བཞིའོ། །ཆོས་ལ་བརྩོན་པ་རྣམས་ཆོས་ལ་དཔྱོད་ན་རིགས་པ་དུ་ཞིག་གི་དཔྱོད་ཅན། ལྟོས་པ་སོགས་བཞིས་སོ། །ཆོས་ལ་རིགས་པས་དཔྱོད་པ་ལ་བརྩོན་པའི། ཀུན་ཏུ་ཚོལ་བ་གང་ཞེ་ན། བཞི་སྟེ། མིང་ཀུན་ཏུ་ཚོལ་བ། དངོས་པོ་ཀུན་ཏུ་ཚོལ་བ། ངོ་བོ་ཉིད་དུ་འདོགས་པ་ཀུན་ཏུ་ཚོལ་བ། བྱེ་བྲག་ཏུ་འདོགས་པ་ཀུན་ཏུ་ཚོལ་བའོ། །དང་པོ། མིང་ཚིག་ཡི་གེ་རྣམས་ཀྱི་རང་མཚན་ཡོངས་སུ་གྲུབ་པ་ ― MR12_Page_0472 ―
[མ་དཔེ་གཟིགས་ན་འདིར་གནོན།]
མེད་པའོ། །གཉིས་པ། ཕུང་ཁམས་སྐྱེ་མཆེད་ཀྱི་མཚན་ཉིད་ཡོངས་སུ་གྲུབ་པ་མེད་པར་རྟོགས་པའོ། །གསུམ་པ། གང་བརྗོད་པ་དང་བརྗོད་བྱ་འབྲེལ་བ་ལ་ངོ་བོ་ཉིད་དུ་འདོགས་པ་ཙམ་གྱི་ཐ་སྙད་ཀྱི་རྒྱུ་ཉིད་དུ་རྟོགས་པའོ། །བཞི་པ་བརྗོད་པ་དང་བརྗོད་བྱ་འབྲེལ་བ་ལ་ཁྱད་པར་དུ་འདོགས་པ་ཙམ་གྱི་ཐ་སྙད་ཀྱི་རྒྱུ་ཉིད་དུ་རྟོགས་པ། ཆོས་ཚོལ་བ་ལ་བརྩོན་པའི་ཡང་དག་ཡོངས་སུ་ཤེས་པ་བཞི་སྟེ། མིང་ཚོལ་བར་རྟོགས་པ་ཡང་དག་པ་ཇི་ལྟ་བ་བཞིན་དུ་ཡོངས་སུ་ཤེས་པ་དང་། དངོས་པོ x ངོ་བོ་ཉིད་དུ་འདོགས x ཁྱད་པར་དུ་འདོགས x ཆོས་ལ་ཏིང་ངེ་འཛིན་པར་བརྩོན་པའི་རྣལ་འབྱོར་གྱིས་ལྔ་གང་ཞེ་ན། གཞི་དང་། སྐྱེད་པ། མེ་ལོང་ལྟ་བུ། སྣང་བ་དང་། གནས་སོ། །དང་པོ་ཚོགས་བསགས་པའི་བདེན་པ་ལས་བརྩམས་ཏེ་མང་ཐོས་ཉིད་དོ། །གཉིས་པ། དེ་ལ་དམིགས་པ་ཚུལ་བཞིན་ཡིད་བྱེད། གསུམ་པ། དེ་ལ་དམིགས་པའི་ཏིང་ངེ་འཛིན་མཚན་མར་བཅས་པ། སྣང་བ་ནི། གཟུང་བ་དང་འཛིན་པ་མི་དམིགས་པར་ཤེས་པའོ། །འདི་ལ་དགོངས་ནས་བཅོམ་ལྡན་འདས་ཀྱིས། བྱང་ཆུབ་སེམས་དཔའ་མཉམ་བཞག་པ། ཡིད་ཀྱི་གཟུགས་བརྙན་མཐོང་བས་ན། དོན་གྱི་འདུ་ཤེས་ལྡོག་དེ་ནས། རང་གི་སེམས་པ་མིན་པའི་འདུ་ཤེས་ལ་ངེས་པར་གཟུང་། དེ་ལྟར་རང་གི་སེམས་གནས་ནས། གཟུང་བ་མེད་པར་རྟོགས་པར་བྱ། དེ་ཡི་འོག་ཏུ་གཟུང་བ་མེད་པས་ན་འཛིན་མེད་པར། འགྱུར་ཞིང་དེ་ནས་གཟུང་འཛིན་གང་ཡང་མི་དམིགས་རེག་པར་བྱ། ཞེས་ལེགས་པར་གསུངས་སོ། །ལེགས་པར་བཀའ་ ― MR12_Page_0473 ―
[མ་དཔེ་གཟིགས་ན་འདིར་གནོན།]
སྩལ་ཏོ། །གནས་གང་ཞེ་ན། གནས་གྱུར་པའོ། །ཇི་ལྟར་ན་ཆོས་རྣམས་ལ་མཁས་པ་ཡིན། མང་དུ་ཐོས་པས་སོ། །ཇི་ལྟར་ན་དོན་ལ་མཁས་པ་ཡིན། ཆོས་འདུལ་མངོན་གྱི་མཚན་ཉིད་ཤེས་པ། དེ་བཞིན་ཡི་གེ་ལ་མཁས། ངེས་ཚིག་བཟང་པོའི་ཡི་གེ་ཤེས་པ། ངེས་པའི་ཚིག་ལ་མཁས། གྲོང་སྐད་ལ་མ་ཞེན་པར་རྗེས་སུ་ཐ་སྐད་འདོགས་པ་ཤེས་པ། སྔོན་མཐའ་ཕྱི་མའི་མཐར་འབྲེལ་བ་ལ་མཁས། སྔོན་གྱི་མཐར་བཟུང་བ་དང་ཕྱི་མའི་མཐར་ངེས་པར་འབྱུང་བ་ཤེས་པས་སོ། །ཇི་ལྟར་ན་ཆོས་རྣམས་ལ་ཆོས་ལ་མཁས་པ་ཉིད་ཅེ་ན། བསྒོམ་པ་ལ་མ་བརྟེན་པར་ཐོས་བསམ་གྱི་སྦྱོར་བ་འབའ་ཞིག་གིས་ཆོས་ལ་གནས་པ་དང་། ཐོས་བསམ་ལ་མ་བརྟེན་པར་སྒོམ་པའི་སྦྱོར་བ་འབའ་ཞིག་གིས་ཀྱང་ཆོས་ལ་གནས་པ་མ་ཡིན་གྱི། གཉི་ག་ལ་བརྟེན་དེ་གཉི་ག་ལ་གནས་ན་ཆོས་ལ་གནས་པ་ཡིན་ནོ། །འཛིན་པ། ཁ་ཏོན་བྱེད་པ་བཤད་པས་ཐོས་པ་ལས་བྱུང་བར་བལྟའོ། །ཏིང་ངེ་འཛིན་ལ་སྦྱོར་བ་དང་ཆོག་པར་མི་འཛིན་པས་བསྒོམས་པ་ལས་བྱུང་བར་བལྟའོ། །སྦྱོར་བ་ནི། རྒྱུན་དུ་ཆུད་པ་རྒྱུན་དུ་བསྒོམ་པ་དང་། གུས་པར་སྦྱོར་བ་དེ་གཉིས་རྣལ་འབྱོར་མི་འདོར་བ་དང་། མ་ལོག་པར་སྦྱོར་བ་ཡིད་བྱེད་མི་འདོར་བར་བལྟའོ། །ཆོག་པར་མི་འཛིན་པ་ནི་ནང་དུ་ཞི་གནས་སུ་བྱེད་པ་མི་འདོར་བ། དེའི་རོ་མི་མྱོང་བ་དང་། གོང་ནས་གོང་དུ་ཞི་གནས་ལ་སྦྱོར་བར་བལྟའོ། །བྱང་སེམས་ཀྱི་སྡེ་སྣོད་ལ་ཤིན་ཏུ་རྒྱས་པ་ཞེས་བྱ་ཞེ་ན། དེར་ཕར་ཕྱིན་རྣམས་ཀྱི། གྲངས་དང་མཚན་ཉིད་གོ་ ― MR12_Page_0474 ―
[མ་དཔེ་གཟིགས་ན་འདིར་གནོན།]
རིམས་ངེས་ཚིག་བསྒོམ་པ། རབ་དབྱེ། བསྡུས་པ། མི་མཐུན་ཕྱོགས། ཡོན་ཏན་བསྔགས་པ། གཅིག་ལ་གཅིག་ངེས་པར་བསྟན་པའི་ཕྱིར་རོ། །ཅིའི་ཕྱིར། རྒྱ་ཆེ་ཟབ་པར་བསྟན་ཞེ་ན། རྣམ་མཁྱེན་ཉིད་རྒྱ་ཆེ་ཟབ་པའི་ཕྱིར་རོ། །དེ་ལ་སེམས་ཅན་ཁ་ཅིག་མི་མོས་སྐྲག་པ་ནི། རིགས་ཀྱི་ཆོས་ཉིད་དང་བྲལ་བ་དང་། དགེ་རྩ་མ་བསྐྱེད་པ་དང་། སྡིག་གྲོགས་ཀྱིས་ཟིན་པའི་ཕྱིར་རོ། །ཐེག་ཆེན་ལ་ཁ་ཅིག་མོས་ཀྱང་ངེས་པར་མི་འབྱུང་བ་ནི། ལྟ་བ་མཆོག་འཛིན་དང་། དོན་ལ་སྒྲ་བཞིན་དུ་ཞེན་པའི་ཕྱིར་རོ། །འདི་ལ་དགོངས་ནས་ཆོས་ཀྱི་མེ་ལོང་ཆེན་པོའི་ཆོས་ཀྱི་རྣམ་གྲངས་ལས་བྱང་སེམས་སྒྲ་ཇི་བཞིན་དུ། ཚུལ་བཞིན་མིན་པར་ཆོས་རྣམ་པར་འབྱེད་པ་ལ། ལྟ་ངན་ཉེར་བརྒྱད་འབྱུང་བར་གསུངས་ཏེ། མཚན་མར་ལྟ་བ་དང་། བཏགས་པར་སྐུར་འདེབས་པའི་ལྟ་བ་དང་། ཀུན་རྟོག་ལ་སྐུར་བ། དེ་ཁོ་ན་ལ་སྐུར་འདེབས། ཡོངས་སུ་འཛིན་པའི་ལྟ་བ། བསྒྱུར་བའི་ལྟ་བ་སོགས་གསུངས། ཆོས་ཐམས་ཅད་ངོ་བོ་ཉིད་མེད་པའི་དོན་ཀུན་བརྟགས་སོགས་ལ་དགོངས་ཚུལ་གསུངས། བྲི་དགོས་ཆེར་མེད། དགོངས་པ་བཞི། ལྡེམ་དགོངས་བཞི། ཆོས་ལ་ཏིང་ངེ་འཛིན་དུ་མཁས་པ། སྐད་ཅིག་རེ་རེ་ལ་གནས་ངན་ལན་འཇིག །སྣ་ཚོགས་འདུ་ཤེས་བྲལ་ཏེ། ཆོས་དགའ་བ་ལ་དགའ་བ་ཐོབ། ཆོས་ཀྱི་སྣང་བ་ཡོངས་སུ་མ་ཆད་པ་ཚད་མེད་ཤེས། མི་རྟོག་ཡེ་ཤེས་ཀྱི་མཚན་མ་རྣམས་ཀུན་ཏུ་འབྱུང་། ཆོས་སྐུ་རྫོགས་པར་བྱེད་པ་དང་། གོང་མས་ཀྱང་གོང་མའི་རྒྱུ་ཡོངས་སུ་འཛིན། ཐེག་ ― MR12_Page_0475 ―
[མ་དཔེ་གཟིགས་ན་འདིར་གནོན།]
ཆེན་དེ་མཆོད་པ་ཆེས་བསྔགས་ཉན་ཐོས་ཀྱི་ཆོས་མཆོད་པ་དེ་ལྟ་མ་ཡིན་པ་ཅི་ཞེ་ན། སེམས་ཅན་ཐམས་ཅད་ལ་ཕན་བདེའི་ཕྱིར་རོ། །ཆོས་རྣམ་པར་ངེས་པ་སྟེ། ཀུན་ལས་བཏུས་གསུམ་པའོ། །འཐོབ་པ་རྣམ་པར་ངེས་པ་ནི་གང་ཟག་དང་། མངོན་པར་རྟོགས་པ་རྣམ་བཞག་གཉིས། དང་པོ་ལ། སྤྱོད་པ། ངེས་འབྱུང་སོགས་ཀྱི་དབྱེ་སྒོས། འདོད་ཆགས་ལ་སྤྱོད་པ་སོགས། ཆ་མཉམ་སྤྱོད་པ་དྲུག་དང་། ཉོན་མོངས་ཆུང་བ་བདུན།ངེས་འབྱུང་ཐེག་གསུམ་གྱི་གང་ཟག །ཉེར་བརྟེན་གྱིས་རབ་དབྱེ། ཚོགས་མ་བསགས། བསགས་ཡིན་མ་བསགས་ཡིན། ཚོགས་བསགས་གསུམ། སྦྱོར་བས་དད་པས་རྗེས་སུ་འབྲང་སོགས། དགེ་འདུན་ཉི་ཤུ། ཁམས་ཀྱིས། འདོད་ན་སྤྱོད་པའི་སོ་སྐྱེ་སློབ་མི་སློབ་གསུམ། གཟུགས་གཟུགས་མེད་དེ་བཞིན་དགུའོ། །གཟུགས་ན་སྤྱོད་པའི་བྱང་སེམས་དང་། འདོད་པ་ན་སྤྱོད་པའི་རང་སངས་རྒྱས་དང་། དེ་བཞིན་གཤེགས་པ་བསམ་གྱིས་མི་ཁྱབ་པའི་གང་ཟག་གོ་བཅས་བཅུ་གཉིས་སོ། །སྤྱད་པས་དབྱེ་བས། མོས་པས་སྤྱོད་པ་ཅན། ལྷག་པའི་བསམ་པས་སྤྱོད་པ་ཅན། མཚན་མ་དང་བཅས་པར་སྤྱོད་པ་ཅན། མཚན་མེད་པར་སྤྱོད་པ་ཅན། མངོན་པར་འདུ་བྱེད་མེད་པའི་བྱང་སེམས་ཀྱི་གང་ཟག་གོ། འདོད་ཆགས་ལ་སྤྱོད་པ་གང་ཞེ་ན། འདོད་ཆགས་ཀྱི་ཤས་ཆེ་ཞིང་རྒྱུན་རིང་བའི་གང་ཟག་དེ། རྣམ་རྟོག་གི་བར་དུ་དེ་བཞིན་ནོ། །ཆ་མཉམ་ཉོན་མོངས་པ་རང་བཞིན་དུ་གནས་པའོ། །ཉོན་མོངས་ཆུང་ ― MR12_Page_0476 ―
[མ་དཔེ་གཟིགས་ན་འདིར་གནོན།]
བ་ཉོན་མོངས་བསྲབས་པའི་རང་བཞིན་དུ་གནས་པའོ། །རང་རྒྱལ་གྱི་ཐེག་པ་ནི། རང་སངས་རྒྱས་ཀྱི་རིགས་ཅན། དབང་པོ་འབྲིང་། བདག་ཐར་ཕྱིར་སྨོན་ལམ་བཏབ་པ། ཡིད་འབྱུང་བ། འདོད་ཆགས་བྲལ་བ་དང་རྣམ་གྲོལ་བའི་བསམ་པ་ཅན། བདག་མངོན་པར་བྱང་ཆུབ་འདོད་པ། ཉན་ཐོས་ཀྱི་སྡེ་སྣོད་ལ་དམིགས་ནས་ཆོས་ཀྱི་རྗེས་སྒྲུབ་པ། ངེས་འབྱེད་ཆ་མཐུན་མ་བསྐྱེད་པའམ། སྔོན་བསྐྱེད་པ་དང་། འབྲས་བུ་སྔོན་མ་ཐོབ་པའམ་ཐོབ་པའམ། གང་ཡང་རུང་སྟེ། སངས་རྒྱས་འབྱུང་བ་མེད་པར་བདག་ཉིད་ལམ་མངོན་དུ་བྱས་ནས། བསེ་རུ་ལྟ་བུར་གཅིག་པུར་གནས་པའམ། ཚོགས་དང་སྤྱོད་པ་གང་སྡུག་བསྔལ་གྱི་མཐར་ཕྱིན་ཐོབ་པའོ། །ཞེས་གསུངས། ཚོགས་མ་བསགས་པ་ནི། བདེན་པའི་དབང་དུ་བྱས་པའི་མོས་དད་ཆུང་བའི་གང་ཟག །ཐར་ཆ་དང་མཐུན་པ་ཆུང་ཞིང་། ཚེ་རབས་ཀྱི་དུས་འདིས་འབྲས་བུ་ཐོབ་ཅེས་དུས་ངེས་པ་མེད་པའོ། །བསགས་པ་ཡིན་ལ་མ་བསགས་པ་ཡང་ཡིན་པ། མོས་དད་བར་མ། ཐར་པའི་ཆ་མཐུན་འབྲིང་། ཚེ་རབས་ངེས་པའི་དུས་ལྡན། བསགས་པ་མཆོག །ཚེ་དེའི་དུས་ངེས་པ། ཡང་ན། དང་པོ་ཆོས་ལ་ངེས་སེམས་ཀྱི་བཟོད་པ་ཆུང་ངུ་ཅན། འབྲིང་། ཆེན་པོར་སྦྱོར།དེ་གཉིས་པོ་ནི་ཀུན་དོན་བཤད། བྲི་དགོས་ཆེར་མི་སྣང་། ལུས་ཀྱིས་མངོན་བྱེད་ནི། གང་སྒོམ་པ་རྣམ་པར་ཐར་པ་བརྒྱད་ལ་བསམ་གཏན་པའི་གང་ཟག་གོ། ཤེས་རབ་ཀྱིས་རྣམ་པར་གྲོལ་བ་ནི་ཟག་པ་ཟད་ཀྱང་། རྣམ་ཐར་ ― MR12_Page_0477 ―
[མ་དཔེ་གཟིགས་ན་འདིར་གནོན།]
བརྒྱད་ལ་བསམ་གཏན་པ་མིན་པའོ། །གཉི་གའི་ཆ་ལས་རྣམ་གྲོལ། ཟག་པ་ཟད་པ། རྣམ་ཐར་བརྒྱད་ལ་བསམ་གཏན་པ་ཡིན་པའོ། །དགྲ་བཅོམ་པ་ཡོངས་སུ་ཉམས་པའི་ཆོས་ཅན་ནི། དབང་པོ་རྟུལ་པོ། མྱོས་ཀྱང་རུང་མ་མྱོས་ཀྱང་རུང་། རང་གིས་རང་གསོད་ཀྱང་རུང་མི་གསོད་ཀྱང་རུང་སྟེ། གང་མཐོང་བའི་ཆོས་ལ་བདེ་བར་གནས་པ་འཇིག་རྟེན་པའི་བསམ་གཏན་རྣམས་ལས་ཡོངས་སུ་ཉམས་པའི་སྐལ་བ་ཅན་ནོ། །བདག་གསོད་པའི་ཆོས་ཅན་ནི། དབང་རྟུལ། མྱོས་རུང་མ་མྱོས་རུང་། མི་གསོད་ན་གང་མཐོང་ཆོས་བདེར་གནས་ལས་ཉམས་པར་འགྱུར་བའི་སྐལ་བ་ཅན་ནོ། །གསོད་ན་སྐལ་བ་ཅན་མ་ཡིན་པའོ། །རྗེས་སུ་བསྲུང་པའི་ཆོས་ཅན་ནི། །དབང་པོ་རྟུལ་པོ་ཉིད། མྱོས་ན་མཐོང་ཆོས་བདེར་གནས་ལས་ཡོངས་སུ་ཉམས་པར་འགྱུར་བའི་སྐལ་པ་ཅན་ཡིན་ལ། མ་མྱོས་ན་དེ་ལྟར་མིན་པའོ། །གནས་པ་ལས་མི་བསྐྱོད་པ་ནི། དབང་པོ་རྟུལ་པོ། མྱོས་ཀྱང་རུང་། མ་མྱོས་ཀྱང་རུང་། མཐོང་ཆོས་ལ་བདེར་གནས་ལས་ཉམས་པའི་སྐལ་པ་ཅན་མ་ཡིན་ལ། དབང་པོ་རྣམས་སྦྱོང་བའི་ཆེན་པོ་དང་རྣོ་བ་ཐོབ་པར་བྱེད་པའི། སྐལ་པ་ཅན་ཡང་མ་ཡིན་པའི་གང་ཟག་གོ། རབ་ཏུ་རྟོགས་པའི་འོས་སུ་འགྱུར་པ་ནི། དབང་པོ་རྟུལ་པོ་མྱོས་ཀྱང་རུང་མ་མྱོས་ཀྱང་རུང་། མཐོང་ཆོས་བདེར་གནས་ལས་ཉམས་པའི་སྐལ་བ་ཅན་མིན་ལ། དབང་པོ་རྣམས་སྦྱོང་བའི་སྐལ་པ་ཅན་ཡིན་པའོ། །མི་འཁྲུགས་པའི་ཆོས་ཅན་ནི། རང་བཞིན་གྱིས་དབང་པོ་རྣོན་པོ་སྟེ། ― MR12_Page_0478 ―
[མ་དཔེ་གཟིགས་ན་འདིར་གནོན།]
མྱོས་རུང་། མ་མྱོས་རུང་། མཐོང་ཆོས་བདེར་གནས་ལས་ཉམས་འགྱུར་གྱི་སྐལ་པ་ཅན་མིན་པའོ། །དེ་བཞིན་གཤེགས་པ་ནི་དགའ་ལྡན་ན་གནས་པ་ནས་བཟུང་སྟེ་མྱང་འདས་པར་སྟོན་པའོ། །མོས་སྤྱོད་བཟོད་པ་ཆུང་འབྲིང་ཆེར་གནས། ལྷག་བསམས་བཅུ་ལ་གནས་པ། མཚན་བཅས་སྤྱོད་པ་ས་དང་པོ་ནས་དྲུག་པའི་བར། བསྒྲིམ་ནས་མཚན་མེད་ས་བདུན་པར་གནས་པ། མངོན་པར་འདུ་བྱེད་མེད་ས་བརྒྱད་པ་དགུ་པ། བཅུ་པ་ཆོས་སྤྲིན་ལ་གནས་པའོ། །རྒྱུན་དུ་ཞུགས་པའི་གང་ཟག་གཉིས་ཏེ། རིམ་གྱིས་པ་དང་། ཅིག་ཆར་ངེས་པར་འབྱིན་པའོ། །རིམ་གྱིས་པ་ནི། ཇི་སྐད་བསྟན་པ་བཞིན་ནོ། །ཅིག་ཆར་ངེས་འབྱིན་ནི། གང་བདེན་པ་རྣམས་མངོན་པར་རྟོགས་པར་བྱས་ནས། མི་ལྕོགས་མེད་པ་ལ་བརྟེན་དེ། འཇིག་རྟེན་འདས་པའི་ལམ་གྱིས། ཁམས་གསུམ་ན་སྤྱོད་པའི་ཉོན་མོངས་རྣམས། རྣམ་པས་ཅིག་ཆར་སྤང་སྟེ། ཆེན་པོའི་ཆེན་པོ་ཅིག་ཆར་སྤོང་བ་ནས། ཆུང་ངུའི་ཆུང་ངུའི་བར་ཅིག་ཆར་སྤོང་བ་མཐོང་ལམ་བཞིན་ནོ། །འཇིག་རྟེན་པའི་བཞིན་དུ་སའི་རྣམ་པས་བྱེ་བྲག་སོ་སོར་སྤོང་བ་མིན་ནོ། །འདི་ནི་རྒྱུན་དུ་ཞུགས་པའི་འབྲས་བུ་དང་། དགྲ་བཅོམ་པའི་འབྲས་བུ་དང་། འབྲས་བུ་གཉིས་ལ་གདགས་སོ། །སོར་མོའི་རྩེ་མོའི་མདོ་ལས། ཕུང་པོ་ཐམས་ཅད་གཅིག་ཏུ་བསྡོམ་ནས་ཐམས་ཅད་མི་རྟག་སོགས་སུ་གསུངས་སོ། །དེ་ནི་དང་པོ་རྒྱུན་ཞུགས་དང་། ཐ་མ་དགྲ་བཅོམ་པའི་འབྲས་བུ་གཉིས་ཁོ་ན་ལ་གདགས། དེ་གཉིས་ནི་ཁམས་གསུམ་པའི་མཐོང་སྤང་དང་། སྒོམ་སྤང་མ་ལུས་པ་སྤང་བའི་ཕྱེ་བས་ ― MR12_Page_0479 ―
[མ་དཔེ་གཟིགས་ན་འདིར་གནོན།]
གོ་རིམ་བཞིན་ནོ། །བར་མ་གཉིས་ལ་མི་གདགས་ཏེ། དེ་ནི་བདེན་པ་མཐོང་བས་བསྒོམ་པས་སྤང་བྱ་འདོད་པ་ན་སྤྱོད་པ་ཉིད་ལྷག་མ་དང་བཅས་པ་དང་། ལྷག་མ་མེད་པས་རབ་ཏུ་ཕྱེ་བའི་ཕྱིར་རོ། །ཅིག་ཆར་ངེས་པར་འབྱིན་པའི་དབང་དུ་བྱས་ནས། རྣམ་པར་འབྱེད་པའི་མདོ་ལས། རྒྱུན་ཞུགས་ཀྱི་འབྲས་བུའི་འོག་ཏུ་དགྲ་བཅོམ་པའི་འབྲས་བུ་རྣམ་པར་བཞག་པ་ཡིན་ནོ། །ཕལ་ཆེར་མཐོང་བའི་ཆོས་སམ་འཆི་བའི་ཚེ་ཀུན་ཤེས་པ་མི་སློབ་པ་ཐོབ་པར་བྱེད་དོ། །དེ་མ་ལུས་པ་འདོད་ཆགས་དང་བྲལ་བ་མ་ཡིན་པས་གལ་ཏེ་མི་བྱེད་ན་ཡང་། དེ་མྱུར་དུ་ཡོངས་སུ་མྱ་ངན་ལས་འདའ་ཕྱིར་སྨོན་ལམ་གྱིས་སྟོབས་ཅན་ཡིན་ཏེ། སྨོན་ལམ་གྱི་དབང་གིས་འདོད་ཁམས་ཉིད་དུ་སྐྱེ་ནས་སངས་རྒྱས་འབྱུང་བ་མེད་པར་རང་རྒྱལ་དུ་འགྱུར་རོ། །མངོན་པར་རྟོགས་པ་རྣམ་པར་བཞག་པ་གང་ཞེ་ན། བཅུ་སྟེ། ཆོས་མངོན་པར་རྟོགས༡་པ་དང་། དོན༢་མངོན་པར་རྟོགས་པ་དང་། དེ་ཁོ་ན་ཉིད་མངོན་པར༣་རྟོགས་པ་དང་། རྗེས་ལ་མངོན་པར་རྟོགས་པ༤་དང་། དཀོན་མཆོག་ལ༥་མངོན་པར་རྟོགས་པ་ཀུན་ཏུ་མི་འབྱུང༦་བ་མངོན་པར་རྟོགས་པ་དང་། མཐར་ཐུག་པ༧་མངོན་པར་རྟོགས་པ། ཉན༨་ཐོས་ཀྱི་མངོན་པར་རྟོགས་པ། རང་སངས༩་རྒྱས་ཀྱི་མངོན་པར་རྟོགས་པ། བྱང་ཆུབ་སེམས༡༠་དཔའི་མངོན་པར་རྟོགས་པའོ། །དང་པོ་ཆོས་མངོན་རྟོགས་ནི། བདེན་པའི་དབང་དུ་བྱས་པའི་ཆོས་རྣམས་ལ། ཐར་པའི་ཆ་མཐུན་གྱིས་བསྡུས་པས་མོས་པ་དང་། དད་པ་ཆེན་པོ་ཐོབ་པའོ། །དོན་མངོན་རྟོགས་ངེས་འབྱེད་ཆ་མཐུན་གྱི་ཐ་མའི་གནས་སྐབས་ན། བདེན་པའི་དབང་དུ་བྱས་པའི་ ― MR12_Page_0480 ―
[མ་དཔེ་གཟིགས་ན་འདིར་གནོན།]
ཆོས་རྣམས་ཁོ་ན་ལ། བདེན་པ་ལ་ཆོས་ལ་ངེས་པར་སེམས་པའི་བཟོད་པ་ཆེན་པོ་ཐོབ་པ་སྟེ། བཟོད་པ་དེ་ཡང་ཚུལ་བཞིན་ཡིད་བྱེད་ཆེན་པོའི་ཆུང་ངུ་དང་། ཆེན་པོའི་འབྲིང་དང་། ཆེན་པོའི་ཆེན་པོ་དང་རྣམ་པ་གསུམ་གྱིས་རབ་ཏུ་ཕྱེ་བའོ། །དེ་ཁོ་ན་མངོན་རྟོགས་མཐོང་ལམ་གྱི་སེམས་ཀྱི་སྐད་ཅིག་བཅུ་དྲུག་ཐོབ་པའོ། །མཐོང་ལམ་ལ་དེར་ནི་བདེན་པ་བཞི་འདི་དང་འདི་ལྟ་བུའོ་ཞེས་རྣམ་པར་འཇོག་པ། མངོན་པར་རྟོགས་པའི་མཐའ་ལས་བྱུང་བའི་ཀུན་རྫོབ་ཤེས་པ་རྣམས་འཐོབ་སྟེ།མངོན་དུ་བྱེད་པ་ནི་མ་ཡིན་ཏེ། ཡེ་ཤེས་སྐད་ཅིག་བཅུ་དྲུག་བར་ཆད་མེད་དུ་སྐྱེས་པས་འཇིག་རྟེན་པའི་སེམས་ཀྱི་སྐབས་མེད་པས་དེ་དག་བསྒོམ་ལམ་དུ་མངོན་དུ་བྱེད་དོ། །མཐོང་བའི་ལམ་གྱི་འོག་ཏུ། རྗེས་ལ་མངོན་རྟོགས་ནི་བསྒོམ་ལམ་འཇིག་རྟེན་པའམ་འདས་པའི་ལམ་སྟེ་ཐམས་ཅད་དོ། །དཀོན་མཆོག་ལ་མངོན་རྟོགས། སངས་རྒྱས་ལ་ཤེས་ནས་དད་པ་དང་ཆོས་དགེ་འདུན་ལ་ཤེས་ནས་དད་པ་དང་ཐོབ་པའོ། །ཀུན་ཏུ་མི་འབྱུང་བ་མངོན་རྟོགས། བདག་ངན་སོང་བའི་ལས་བྱས་ནས་ངན་སོང་རྣམས་སུ་རྣམ་པར་སྨིན་པ་འགྲུབ་པའི་སྐལ་བ་ཅན་མ་ཡིན་ནོ་སྙམ་དུ་ཤེས་པའོ། །མཐར་ཐུག་མངོན་རྟོགས། ལམ་གྱི་བདེན་པ་ལས་མཐར་ཕྱིན་པའི་ལམ་བསྟན་པ་ལྟ་བུའོ། །དོན་དུ་མཐར་ཕྱིན་ལམ་མོ། །ཉན་ཐོས་ཀྱི་མངོན་རྟོགས་བདུན་པོ་དེ་དག་ཉིད་མདོར་བསྡུས་ཏེ་ཉན་ཐོས་ཀྱི་མངོན་རྟོགས་ཞེས་བྱའོ། །རང་སངས་རྒྱས་ཀྱི་མངོན་རྟོགས་ནི། མངོན་རྟོགས་བདུན་པོ་དེ་གཞན་གྱི་སྒྲ་ལ་མ་བརྟེན་པར་ཐོབ་པ་རང་སངས་རྒྱས་ཀྱི་མངོན་རྟོགས་ཞེས་ ― MR12_Page_0481 ―
[མ་དཔེ་གཟིགས་ན་འདིར་གནོན།]
བྱའོ། །བྱང་ཆུབ་སེམས་དཔའི་མངོན་རྟོགས་ནི་ཉན་ཐོས་དང་རང་སངས་རྒྱས་འདུལ་བའི་ཐབས་ལ་མཁས་པར་བྱ་ཕྱིར། བདུན་པོ་དེ་མངོན་རྟོགས་བདུན་པོ་དེ་དག་ཉིད་ལ་བྱང་སེམས་ཀྱི་ཡང་དག་པར་འགྲུབ་པའི་བཟོད་པ་གང་ཡིན་པ་དེ། སེམས་ཅན་ལ་ལྟ་བས་དེ་ཐེག་དམན་ལས་ངེས་པར་མི་འབྱུང་བའི་ཕྱིར་མངོན་དུ་བྱེད་པ་ནི་མ་ཡིན་ནོ། །ཡང་རབ་ཏུ་དགའ་བ་ལ་བྱང་ཆུབ་སེམས་དཔའི་སྐྱོན་མེད་པ་ལ་ཞུགས་པ་ནི། བྱང་ཆུབ་སེམས་དཔའི་མངོན་རྟོགས་ཞེས་བྱའོ། །ཉན་ཐོས་དང་བྱང་སེམས་ཀྱི་མངོན་རྟོགས་ལ་ཁྱད་ཅི་ཡོད་ཅེ་ན། ཐེག་ཆེན་གྱི་ཆོས་ལ་དམིགས་པའི་ཁྱད་པར། བསྐལ་པ་གྲངས་མེད་པར་ཚོགས་གཉིས་རྫོགས་པར་བྱེད་པ་ཉེ་བར་རྟེན་པའི་ཁྱད་པར། བདག་མེད་གཉིས་ཀ་རབ་ཏུ་རྟོགས་པའི་ཁྱད་པར། བདག་དང་སེམས་ཅན་མཉམ་པ་ཉིད་དུ་ཁས་ལེན་པའི་ཁྱད་པར། ས་བཅུ་པོ་དག་གིས་ངེས་པར་འབྱུང་བའི་ཁྱད་པར། མི་གནས་པའི་མྱང་འདས་ཡོངས་སུ་འཛིན་པའི་ཁྱད་པར། སངས་རྒྱས་ཀྱི་ཞིང་སྦྱོང་བ་དང་། འདུལ་བའི་སྐྱེ་བོ་སྡུད་པས། གནས་དང་གཡོག་འཁོར་གྱི་ཁྱད་པར། ཕའི་བུ་གཙོ་བོ་བཞིན་དེ་བཞིན་གཤེགས་པའི་རིགས་སུ་སྐྱེས་པས་བཙུན་པར་སྐྱེ་བའི་ཁྱད་པར། སངས་རྒྱས་པའི་འཁོར་གྱི་དཀྱིལ་འཁོར་རྣམས་སུ་སྐྱེ་བའི་ཁྱད་པར། འབྲས་བུའི་ཁྱད་པར་ནི། ཉོན་མོངས་དང་ཉོན་མོངས་ཅན་མིན་པའི་གནས་ངན་ལེན་ཐམས་ཅད་སྤངས་པའི་ཕྱིར། བླ་མེད་ཡོན་ཏན་ཀུན་གྱི་བདག་ཉིད་དུ་གནས་གྱུར་པའི་ཁྱད་པར་དང་། སྟོབས་དང་མི་འཇིགས་སོགས་སངས་རྒྱས་ཀྱི་ ― MR12_Page_0482 ―
[མ་དཔེ་གཟིགས་ན་འདིར་གནོན།]
ཡོན་ཏན་ཕུན་སུམ་ཚོགས་པའི་ཁྱད་པར་དང་། ཇི་སྐད་དུ། རྣམ་པར་དག་དང་ཡོངས་དག་དང་། ལུས་དང་ལོངས་སྤྱོད་རྫོགས་པ་དང་། །ལས་ཀྱི་སངས་རྒྱས་ཆོས་རྣམས་ཀྱི། །ཁྱད་པར་ཡོངས་སུ་བརྗོད་པ་ཡིན། །ཞེས་པ་ལྟར།བག་ཆགས་བཅས་པའི་ཉོན་མོངས་རྣམ་པར་དག་པ་དང་། སངས་རྒྱས་ཀྱི་ཞིང་ཡོངས་སུ་དག་པ། ལུས་ཆོས་སྐུ་འགྲུབ། རྟག་ཏུ་བྱང་སེམས་རྣམས་དང་ལྷན་ཅིག་ཐེག་ཆེན་གྱི་ཆོས་ལ་ལོངས་སྤྱོད་པ། འཕྲིན་ལས་ཀྱི་ཁྱད་པར་སྤྲུལ་པ་རྣམས་ཀྱིས་འཇིག་རྟེན་ཀུན་ཏུ་སངས་རྒྱས་ཀྱི་མཛད་པ་བྱེད་པ་སྟེ་རྣམ་པ་ལྔའི་ཁྱད་པར་དང་། ངོ་བོ་ཉིད་དང་ལོངས་སྐུ་སྤྲུལ་སྐུ་ཐོབ་པའི་ཕྱིར་སྐུ་གསུམ་གྱི་ཁྱད་པར་དང་། ལྷག་མེད་ཀྱི་དབྱིངས་སུ་སེམས་ཅན་ཐམས་ཅད་ལ་ཕན་པའི་ཡོན་ཏན་རྒྱུན་མི་འཆད་པས་མྱ་ངན་ལས་འདས་པའི་ཁྱད་པར་དང་། ཆོས་དབྱིངས་རྣམ་པར་དག་པར་རོ་གཅིག་པ་དང་དེ་ལ་བརྟེན་པ་རྣམས་རྣམ་པ་ཐམས་ཅད་ཀྱི་མཆོག་ཤེས་པ་ཉིད་རྣམས་ལ་སངས་རྒྱས་ཐམས་ཅད་སོ་སོར་མཐུ་དང་ལྡན་པའི་ཕྱིར་འདྲེས་ཤིང་ཉེ་བར་འདྲེས་པའི་ཡེ་ཤེས་ཀྱི་ནུས་པ་ཐོབ་པའི་ཁྱད་པར་དང་། ཉོན་ཤེས་ཀྱི་སྒྲིབ་པ་དག་པའི་ཁྱད་པར་དང་། སངས་རྒྱས་ཐམས་ཅད་སེམས་ཅན་འདུལ་བའི་ཕྲིན་ལས་འདྲེས་པ་དང་ཉེ་བར་འདྲེས་པའི་ལས་བྱེད་པའི་ཁྱད་པར་དང་། ཕྱོགས་བཅུའི་འཇིག་རྟེན་དུ་ཕྱི་མའི་མཐའི་བར་སངས་རྒྱས་འབྱུང་བ་སྟོན་པ་མངོན་པར་རྫོགས་པ་བྱང་ཆུབ་པ་དང་མྱ་ངན་ལས་འདས་པ་སྟོན་པའི་ཐབས་ཀྱི་ཁྱད་པར་དང་། ཐེག་ཆེན་པས་རྒྱུན་དུ། འཚེ་བ་ ― MR12_Page_0483 ―
[མ་དཔེ་གཟིགས་ན་འདིར་གནོན།]
དག་ནི་ཐམས་ཅད་དང་། ངན་སོང་དང་ནི་ཐབས་མིན་དང་། འཇིག་ཚོགས་ཐེག་པ་དམན་པ་ལས། །དེ་ཕྱིར་སྐྱབས་ཀྱི་དམ་པའོ། །ཞེས་པ་ལྟར། ཡོངས་སུ་སྐྱོབ་པ་རྣམ་པ་ལྔའི་ཁྱད་པར་གྱིས་ཀྱང་རིག་པར་བྱའོ། །ཚད་མེད་བཞི་སོགས་ཡོན་ཏན་ཁྱད་པར་ཅན་འདི་དག་མངོན་རྟོགས་གང་གིས་བསྡུས་ཤེ་ན། འཕགས་པ་ཉན་ཐོས་རྣམས་ཀྱི་བསྒོམ་ལམ་དང་། མི་སློབ་པའི་ལམ་ལ་མངོན་པར་གྲུབ་པ་དེ་ཕྱིར་རྗེས་ལ་མངོན་པར་རྟོགས་པ་དང་། མཐར་ཐུག་པའི་མངོན་པར་རྟོགས་པས་བསྡུས་སོ། །དེ་དག་ཀྱང་གང་ཞེ་ན། ཚད་མེད་པ་རྣམས་དང་། རྣམ་པར་ཐར་པ་རྣམས་དང་། ཟིལ་གྱིས་གནོན་པའི་སྐྱེ་མཆེད་དང་། ཟད་པར་གྱི་སྐྱེ་མཆེད་དང་། ཉོན་མོངས་མེད་པ། བསམས་ནས་ཤེས་པ། སོ་སོ་ཡང་དག་པར་རིག་པ་རྣམས་དང་། མངོན་པར་ཤེས་པ་རྣམས་དང་། མཚན་དང་དཔེ་བྱད་བཟང་པོ་རྣམས་དང་། ཡོངས་སུ་དག་པ་རྣམས་དང་། སྟོབས་རྣམས་དང་། མི་འཇིགས་པ་རྣམས་དང་། དྲན་པ་ཉེ་བར་བཞག་པ་རྣམས་དང་། བསྲུང་བ་མེད་པ་རྣམས་དང་། བསྙེལ་བ་མི་མངའ་བའི་ཆོས་ཉིད་དང་། བག་ཆགས་ལེགས་པར་བཅོམ་པ་དང་། ཐུགས་རྗེ་ཆེན་པོ་དང་། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དང་། རྣམ་པ་ཐམས་ཅད་མཁྱེན་པ་ཉིད་དེ། མདོ་སྡེ་ལས་ཇི་སྐད་འབྱུང་བ་རྣམས་སོ། །བྱམས་པ་གང་ཞེ་ན་སོགས། རྒྱས་པར་མཁས་འཇུག་བསྡུར། འཇིག་རྟེན་རྟག་མི་རྟག་སོགས་ལུང་དུ་མི་སྟོན་པའི་དངོས་པོ་ལུང་མི་བསྟན་པར་རྣམ་པར་བཞག་པ་ཅིའི་ཕྱིར་ན། དེ་ལ་དོན་ ― MR12_Page_0484 ―
[མ་དཔེ་གཟིགས་ན་འདིར་གནོན།]
དང་མི་ལྡན་པ་ཚུལ་བཞིན་མ་ཡིན་པར་དྲི་བའི་གནས་སུ་གྱུར་པའི་ཕྱིར་རོ། །ཅིའི་ཕྱིར་ཚུལ་མིན་པས་འདྲི་ན། འཕགས་པའི་བདེན་བཞི་ལས་བརྩམ་ནས་འདྲི་བ་སྟེ། རྒྱུ་དང་འབྲས་བུ་དང་། ཀུན་བྱང་ལ་སེམས་པ་མིན་པ་དེ་ཡོངས་སུ་སྤངས་པའི་ཕྱིར་རོ། །ཚུལ་བཞིན་བདེན་བཞི་ལས་བརྩམས་ན་དེའི་རྟོག་པ་ཆོད་དོ། །བྱང་སེམས་ས་དང་པོར་སྐྱོན་མེད་པར་ཞུགས་པ། རྒྱུན་ཞུགས་སོགས་སུ་ཅིས་མི་འགྱུར། །ཞེ་ན། སྲིད་ཞིར་མི་གནས་པའི་ལམ་ཐོབ་པས། ཐར་པ་ཕྱོགས་གཅིག་པའི་རྒྱུན་ལ་འཇུག་པ་ཡོངས་སུ་མ་གྲུབ་པའི་ཕྱིར་རོ། །བསམ་བཞིན་སྲིད་པར་སྐྱེ་བ་ཚད་མེད་འཛིན་པས་ལན་གཅིག་ཕྱིར་འོང་མིན། ཕྱིར་མི་འོང་དུ་མི་འགྱུར་ཏེ། བསམ་གཏན་གྱིས་གནས་ཤིང་འདོད་ཁམས་སུ་སྐྱེ་བའི་ཕྱིར་རོ། །བྱང་སེམས་རྣམས་ནི། བདེན་པ་རྣམས་མངོན་པར་རྟོགས་པར་བྱས་ནས། ས་བཅུ་རྣམས་སུ་བསྒོམ་པའི་ལམ་ལ་ཤེས་བྱའི་བསྒྲིབ་པའི་གཉེན་པོའི་ལམ་བསྒོམ་གྱི། ཉོན་མོངས་པའི་གཉེན་པོ་ནི་མ་ཡིན་ཏེ། དེས་བྱང་ཆུབ་ཐོབ་པ་ན་ཉོན་མོངས་པའི་སྒྲིབ་པ་དང་ཤེས་བྱའི་སྒྲིབ་པ་ཅིག་ཆར་སྤོང་ངོ་། །ཅིག་ཆར་དགྲ་བཅོམ་པ་དང་དེ་བཞིན་གཤེགས་པར་འགྱུར་རོ། །དེས་ཉོན་མོངས་པ་མ་སྤངས་སུ་ཟིན་ཀྱང་། སྔགས་དང་སྨན་གྱིས་སོད་པའི་དུག་ལྟ་བུ་དང་། དཔེར་ན་ཉོན་མོངས་སྤངས་པའི་དགྲ་བཅོམ་པ་ལྟར་ས་ཐམས་ཅད་དུ་ཉོན་མོངས་པའི་ཉེས་པ་མི་སྐྱེད་དོ། །ཡང་བྱང་ཆུབ་སེམས་དཔའ་ཤེས་བྱ་ལ་མཁས་པ་དང་། ཐབས་ལ་མཁས་པ་དང་། ཡང་དག་ ― MR12_Page_0485 ―
[མ་དཔེ་གཟིགས་ན་འདིར་གནོན།]
པ་མ་ཡིན་པའི་རྣམ་པར་རྟོག་པ་ལ་མཁས་པ་དང་། རྣམ་པར་མི་རྟོག་པ་ལ་མཁས་པར་བྱའོ། །དུས་དུས་སུ་དབང་པོ་རྣམས་གོང་ནས་གོང་དུ་སྦྱང་བར་བྱའོ། །ཤེས་བྱ་གང་ཞེ་ན། དྲུག་སྟེ། གཟུང་འཛིན་དུ་མངོན་པར་ཞེན་པ་འཁྲུལ་བ་དང་། འདུ་བྱེད་ཀྱི་རྒྱུ་ཙམ་ཡང་དག་མིན་རྟོག་གང་ལ་བྱིས་པ་རྣམས་མངོན་པར་ཞེན་པ་འཁྲུལ་བའི་གནས་དང་། དེ་བཞིན་ཉིད་མ་འཁྲུལ་བའི་གནས་དང་། འཇིག་རྟེན་འདས་པའི་ཡེ་ཤེས་དང་མཐུན་པ་ཐོས་བྱུང་སོགས་དགེ་ཆོས་འཁྲུལ་བ་ཡང་ཡིན་ལ་མ་འཁྲུལ་བ་ཡང་ཡིན་པ་དང་། མི་རྟོག་ཡེ་ཤེས་མ་འཁྲུལ་པ་དང་། རྗེས་ལས་ཐོབ་པ་དགེ་བའི་ཆོས་མ་འཁྲུལ་བའི་རྒྱུ་མཐུན་པའོ། །ཐབས་ལ་མཁས་པ་ནི། བསྡུ་དངོས་བཞིས་བསྡུས་ཏེ་དགེ་བར་འཛུད་པ། སེམས་ཅན་ཡོངས་སུ་སྨིན་པར་བྱ་བ་ལ་མཁས་པ་དང་། ཤེས་རབ་ཕར་ཕྱིན་གྱིས་སྦྱིན་པ་ནས་ཐམས་ཅད་མཁྱེན་པའི་བར་ཡོངས་སུ་རྫོགས་པར་འདོད་པའི་བྱང་སེམས་ཀྱིས་ཤེར་ཕྱིན་ལ་བསླབ་པར་བྱ་ཞེས་གསུངས་པ་ལྟར། སངས་རྒྱས་ཀྱི་ཆོས་ཡོངས་སུ་རྫོགས་པར་བྱ་བ་ལ་མཁས་པ་དང་། ཉིན་མཚན་དུ་བཤགས་ཡི་རང་གསོལ་བ་དགེ་རྩ་བསྔོ་བ། མངོན་ཤེས་མྱུར་བ་ལ་མཁས་པ་དང་། མི་གནས་མྱ་ངན་ལས་འདས་པར་ཕྱིན་ཞིང་འཇིག་རྟེན་ཀུན་ཏུ་འདུལ་བའི་སྤྱོད་པ་སྟོན་པ། ལམ་རྒྱུན་མི་འཆད་པ་ལ་མཁས་པའོ། །ཡང་དག་མིན་རྟོག་ནི། ཀུན་གཞིའི་རྣམ་ཤེས་རྣམ་རྟོག་ཐམས་ཅད་པའི་ས་བོན་དུ་གྱུར་པ། ― MR12_Page_0486 ―
[མ་དཔེ་གཟིགས་ན་འདིར་གནོན།]
རྩ་བའི་རྣམ་རྟོག །ལུས་དབང་པོ་གཟུགས་ཅན་གནས་སྣོད་ལོངས་སྤྱོད་གཟུགས་སོགས་ཀྱི་རྣམ་རིག་མཚན་མའི་རྣམ་རྟོག་བཟུང་བའི་མཚན་མའོ། །མིག་ཤེས་སོགས་མཚན་མར་སྣང་བའི་རྣམ་རྟོག །ལུས་སོགས་གནས་སྐབས་གཞན་དུ་འགྱུར་བ་མཚན་འགྱུར་བའི་རྣམ་རྟོག །མིག་ཤེས་སོགས་སྔ་མའི་སྐབས་ལས་གཞན་འགྱུར་མཚན་མར་སྣང་བ་འགྱུར་བའི་རྣམ་རྟོག །དེ་ཡང་ཉེས་བཤད་ལེགས་བཤད་གཉིས་གཞན་གྱིས་མིང་སོགས་ཀྱིས་བསྟན་པའི་རྣམ་རྟོག །ཉེས་བཤད་ལས་ཚུལ་བཞིན་མིན་པའི་རྣམ་རྟོག །ལེགས་བཤད་ལས་ཚུལ་བཞིན་གྱི་རྣམ་རྟོག །ཚུལ་མིན་རྣམ་རྟོག་ལས་ལྟ་བ་དྲུག་ཅུ་རྩ་གཉིས་ལྟ་བུ། མངོན་པར་ཞེན་པའི་རྣམ་རྟོག །ཚུལ་བཞིན་དང་ཚུལ་མིན་གྱི་རྣམ་རྟོག་ལས། རྣམ་པར་གཡེང་བའི་རྣམ་པར་རྟོག་པའོ། །རྣམ་གཡེང་གི་རྣམ་རྟོག་ལ་ཡང་། དངོས་མེད་དུ་རྟོག་པ། དངོས་པོའི་རྣམ་རྟོག་དང་། སྒྲོ་འདོགས་དང་། སྐུར་འདེབས་དང་། གཅིག་དང་། ཐ་དད་དང་།ངོ་བོ་ཉིད་ཀྱི་རྣམ་རྟོག །ཁྱད་པར་དུ་དང་། མིང་ཇི་བཞིན་དོན་དུ་རྣམ་རྟོག །དོན་ཇི་བཞིན་མིང་དུ་རྣམ་པར་རྟོག་པའོ། །དེ་དག་གི་གཉེན་པོར་ཤེར་ཕྱིན་ཏེ། བྱང་ཆུབ་སེམས་དཔའ་ཡོད་བཞིན་དུ་སོགས་ཐེག་བསྡུས་ལྟར་རོ། །རྣམ་པར་མི་རྟོག་པ་ཉིད་ནི། སོ་སྐྱེ་རྣམས་ཀྱིས་ཆོས་ཉིད་ལ་མི་རྟག་པར་སེམས་པ་སོགས་རེ་རེ་ལ་འདིས་ཆོག་གོ་སྙམ་དུ་ཆོག་པར་འཛིན་པའི་རྣམ་པར་མི་རྟོག་པ། ཉན་ཐོས་རྣམས་རྟག་པ་སོགས་ཕྱིན་ཅི་ལོག་བཞིའི་གཉེན་པོར་མི་རྟག་སོགས་བཞིའི་ཕྱིན་ ― MR12_Page_0487 ―
[མ་དཔེ་གཟིགས་ན་འདིར་གནོན།]
ཅི་མ་ལོག་བའི་རྣམ་པར་མི་རྟོག་པ། བྱང་སེམས་ཀྱིས་ཆོས་ཐམས་ཅད་ལ་སྤྲོས་པ་མེད་པའི་རྣམ་པར་མི་རྟོག་པའོ། །འདི་དག་སོ་སྐྱེ་ཉན་ཐོས་བྱང་སེམས་རྣམས་དང་གོ་རིམ་བཞིན་ནོ། །སྤྲོས་པ་མེད་པའི་རྣམ་པར་མི་རྟོག་པ་ཉིད་ནི། གཉིད་ར་རོ་བའི་རྒྱུ་མཚན་གྱིས་ཡིད་བྱེད་མེད་པས་མ་ཡིན། བསམ་གཏན་གཉིས་པ་སོགས་རྟོག་དཔྱོད་ལས། ཡང་དག་འདས་པས་མ་ཡིན། འགོག་སྙོམ་སེམས་སེམས་བྱུང་རྣམ་པར་ཞི་བས་མ་ཡིན། སེམས་མེད་གཟུགས་སོགས་ལྟ་བུ་ངོ་བོ་ཉིད་ཀྱིས་མ་ཡིན། བརྡར་འཛིན་པའི་རྣམ་རྟོག་དམིགས་པ་ལ་མངོན་པར་འདུ་བྱེད་པས་མ་ཡིན་པར་བལྟ་སྟེ། རྣམ་པ་ལྔ་སྤང་བས་སོ། །འོན་ཀྱང་སྤྲོས་པ་མེད་པའི་དམིགས་པ་ལ་སེམས་པའི་མངོན་པར་འདུ་བྱེད་པ་མེད་པར་མཉམ་པ་ཉིད་དུ་ཞུགས་པར་བལྟའོ། །བྱང་སེམས་རྣམས་རང་བཞིན་གྱིས་དབང་པོ་རྣོན་པོ་ཡིན་ན། ཇི་ལྟར་དབང་པོ་རྣམས་སྤྱོད་ཞེ་ན། རང་རང་གི་རིགས་ཀྱི་དབང་པོ་རྣོན་པོ་ཆུང་ངུ་ལ་བརྟེན་ཏེ་འབྲིང་མངོན་པར་འགྲུབ་བོ། །འབྲིང་ལ་བརྟེན་ཏེ་ཆེན་པོ་མངོན་པར་འགྲུབ་བོ། །འཐོབ་པ་རྣམ་པར་ངེས་པ་ཞེས་བྱ་བ་ཀུན་ནས་བཏུས་པ་བཞི་པའོ། །འབེལ་བའི་གཏམ་གྱིས་རྣམ་པར་ངེས་པ་གང་ཞེ་ན་བདུན་ཏེ། དང་པོ། དོན་རྣམ་པར་ངེས་པ་ནི། ངོ་བོ་ཉིད་གསུམ་ངོ་བོ། རྐྱེན་འབྱུང་འགྲུབ་པའི་རྒྱུ། རྐྱེན་བཞི་རྒྱུ། རྣམ་སྨིན་འབྲས་སོགས་ལྔ། རྟེན་འབྲེལ་གྱི་ཀུན་བྱང་འབྱུང་བ་འབྲས་དམིགས་བྱེད་འབད་བསྒྱུར་ཐོབ་པའི་ལས་ལྔ་ལས་ལྡན་འཇུག་པའི་དོན་དྲུག་ལས་བརྩམ་ནས་རྣམ་པར་ངེས་པའོ། ། ― MR12_Page_0488 ―
[མ་དཔེ་གཟིགས་ན་འདིར་གནོན།]
ངོ་བོ་ནི་ཀུན་བཏགས་སོགས་ངོ་བོ་ཉིད་གསུམ་མོ། །རྒྱུ་ཡི་དོན་ནི། སྐྱེ་བ་རྐྱེན་བཞི་དང་། འབྱུང་བ་མ་རིག་སོགས་ལུགས་འབྱུང་གི་ཀུན་ཉོན་འགགས་པས་རྣམ་བྱང་དང་། མངོན་སུམ་དམིགས་པ་དང་མ་དམིགས་པ་མཚུངས་པར་བསྙད་པས་བསྡུས་པ་དེས་མ་གྲགས་པའི་དོན་སྒྲུབ་པས་འགྲུབ་པའི་རྒྱུའོ། །འབྲས་བུ་ནི། རྣམ་སྨིན་ཀུན་གཞིའི་རྣམ་ཤེས། རྒྱུ་མཐུན་སྔར་སྐྱེས་དང་མཐུན་པ། བདག་པོ་ཐུན་མོང་སྣོད་ཀྱི་འཇིག་རྟེན། སྐྱེས་བུ་བྱེད་འབྲས་ལོ་ཏོག་སོགས། བྲལ་འབྲས་འཕགས་ལམ་གྱིས་བག་ཉལ་བཅོམ་པ་ལྔའོ། །ལས་ཀྱི་དོན་ནི་ལས་ཀྱི་ཀུན་ཉོན། དམིགས་པའི་ལས་དང་། བྱེད་པའི་ལས། འབད་པའི་ལས། སྒྱུར་བའི་ལས། འཐོབ་པའི་ལས་སོ། །ལྡན་པའི་དོན་ནི། མང་པོ་ལས་གྱུར་པ་ཁང་པའི་ཤིང་དང་ཕ་གུ་ལ་སོགས་པ་ལྟ་བུ་དང་། རྗེས་སུ་འཆིང་བ་ལས་གྱུར་བ། བག་ཉལ་སོགས་ཀྱིས་རྒྱུ་སྟེ་དེ་ཡོད་ན་ཀུན་ཏུ་མི་སྤྱོད་ཀྱང་ཉོན་མོངས་དང་ལྡན་པ་དང་། འབྲེལ་བ་ལས་གྱུར་པ་རང་གི་སྐྱེ་བོ་རྣམས་ཕན་ཚུན་འབྲེལ་བ་དང་། གནས་སྐབས་ལས་གྱུར་པ་ཕན་འདགས་པའི་རྒྱུས་སེམས་བདེ་ཡིད་བདེ་བཏང་སྙོམས་དང་ལྡན་པ་དང་། གློ་བུར་བའི་ཉེ་ཉོན་སོགས་མངོན་གྱུར་འགྱུར་བ་ལས་གྱུར་བའི་ལྡན་པ། དེ་ཡོད་ན་ཆགས་སོགས་དང་དད་སོགས་ལྡན་ཞེས་བྱའོ། །འཇུག་པའི་དོན་གྱི་དབྱེ་བ་ལ། སྐྱེ་སོགས་གསུམ་གྱི་རྣམ་པར་འབྱུང་བ་མཚན་ཉིད་ཀྱིས་འཇུག་པ། རྟེན་ལ་གནས་པ་ས་ལ་སེམས་ཅན་རྣམས་བཞིན་རྟེན་ལ་འཇུག་པ། ཀུན་ཉོན་རྣམས་དངོས་པོ་ལ་ཕྱིན་ཅི་ལོག་ ― MR12_Page_0489 ―
[མ་དཔེ་གཟིགས་ན་འདིར་གནོན།]
གི་འཇུག་པ། འཕགས་ལམ་དངོས་པོ་ལ་ཕྱིན་ཅི་ལོག་མ་ཡིན་པའི་འཇུག་པ། རྣམ་པ་ཐ་དད་པ་སྟེ། འདུ་བྱེད་རྣམས་འདས་སོགས། ཕྱི་ནང་ལ་སོགས་པའི་དབྱེ་བས་རབ་ཏུ་དབྱེ་བའི་འཇུག་པའོ། །གཉིས་པ་རྣམ་པར་བཤད་པ་རྣམ་པར་ངེས་པ་ནི། གང་གིས་མདོ་སྡེ་རྣམས་ཀྱི་དོན་རྣམ་པར་བཤད་པར་བྱེད་པ་སྟེ། དེ་ཡང་གང་ཞེ་ན། ཡོངས་སུ་ཤེས་པར་བྱ་བའི་དངོས་པོ་ཕུང་པོ་སོགས་དང་། ཡོངས་སུ་ཤེས་པར་བྱ་བའི་དོན་མི་རྟག་པ་སོགས་དང་། ཡོངས་སུ་ཤེས་པར་བྱ་བའི་རྒྱུ་ཚུལ་ཁྲིམས་དང་དབང་པོའི་སྒོ་སྡོམ་པ་སོགས་དང་། ཡོངས་སུ་ཤེས་པ་བྱང་ཕྱོགས་ཀྱི་ཆོས་རྣམས་དང་། ཡོངས་སུ་ཤེས་པའི་འབྲས་བུ་རྣམ་པར་གྲོལ་བ་དང་། དེ་རབ་ཏུ་ཤེས་པ་རྣམ་པར་གྲོལ་བའི་ཡེ་ཤེས་མཐོང་བའོ། །ཡང་རྣམ་པར་བཤད་པའི་སྒོ་བཅུ་བཞི་སྟེ། རྣམ་པར་བཤད་པ་བསྡུ་བའི་སྒོ་ནི། མདོ་སོགས་ཀྱི་དགོས་པ། ཚིག་དོན། མཚམས་སྦྱར། དགོངས་པ། བརྒལ་བ། ལན་རྣམས་དང་། དངོས་པོ་བསྡུ་བའི་སྒོ་ནི་མདོ་སྡེ་བསླབ་པ་དང་། འཕགས་པའི་བདེན་པ་དང་། དངོས་པོ་ལ་སོགས་པར་སྟོན་པ་སྟེ། འདི་ལྟ་སྟེ། སྡིག་པ་ཅི་ཡང་མི་བྱ་ཞིང་སོགས་ཚིགས་བཅད་ཀྱིས་བསླབ་པ་གསུམ་བསྡུས་པ་ལྟ་བུ་སོགས་དང་། ཡན་ལག་མདོར་བསྟན་པའི་ཚིག་དེ་དེའི་བསྟན་པ་དང་ཉེ་བའི་ཡན་ལག་གི་སྒོ་ནི་རྒྱས་པར་བཤད་པ་སྟེ། དཔེར་ན། དལ་འབྱོར་ཕུན་སུམ་ཚོགས་པ་བཅུ་གཉིས་བསྟན་པ་ལས། བདག་ཕུན་སུམ་པ། གཞན་ཕུན་སུམ་པ་ཞེས་པའི་ཚིག་གཉིས། ― MR12_Page_0490 ―
[མ་དཔེ་གཟིགས་ན་འདིར་གནོན།]
གོ་རིམ་བཞིན་དུ། འོག་མ་ལྔ་ལྔས་བཤད་དེ། འདི་ལྟ་སྟེ། མི་ཉིད་དང་། ཡུལ་དབུས་སུ་སྐྱེས་སོགས་དང་། སངས་རྒྱས་འབྱུང་བ་དང་དམ་པའི་ཆོས་སྟོན་པ་དང་སོགས་བཞིན་དང་། གོང་ནས་གོང་དུ་མངོན་པར་སྒྲུབ་པའི་སྒོ་ནི། འོག་མ་གོང་མར་སྒྲུབ་པའི་གནས་ཏེ། དད་ན་བརྩོན་འགྲུས་རྩོམ། བརྩོན་ན་དྲན་པ་ཉེར་འཇོག་སོགས་དང་། སྤོང་པའི་སྒོ་ནི། འདི་ལས་བརྩམ་ནས་འདི་སྤོང་བར་སྟོན་པ་སྟེ། དེ་གང་ཞེ་ན། སྟེའུ་ལྟ་བུའི་མདོ་ལས་ཟག་པ་ཟད་པ་ལས་བརྩམ་ནས། འདི་ལས་ཕྱི་རོལ་བ་དང་། ཆོས་འདི་བ་ཐོས་པ་དང་སེམས་པ་ཙམ་གྱིས་ཆོག་པར་འཛིན་པ་དང་། བསྒོམ་པ་ཡོངས་སུ་ཡི་ཆད་པ་དང་། ཚོགས་ཡོངས་སུ་མ་རྫོགས་པའོ། །དགེ་སློང་ང་ནི་ཤེས་བཞིན་མཐོང་བཞིན་དུ་ཟག་པ་རྣམས་ཟད་པར་སྨྲའོ། །ཞེས་བྱ་བ་ལ་སོགས་པའི་མདོའི་ཚིག་གི་དུམ་བུ་དང་པོས་གང་ཟག་སྤངས་སོ། །སྒོམ་པར་སྦྱོར་བ་ལ་བརྩོན་པ་ཞེས་བྱ་བ་ལ་སོགས་པས་ནི་གཉིས་པ་སྤངས་སོ། །སྟེ་འུའི་དཔེས་ནི་གསུམ་པ་སྤངས་སོ། །གྲུའི་དཔེས་ནི། བཞི་པ་སྤངས་སོ། །ཡི་གེ་ཡོངས་སུ་བསྒྱུར་བའི་སྒོ་ནི། གང་དུ་དོན་གཞན་ལ་རབ་ཏུ་གྲུབ་པའི་ཡི་གེ་རྣམས་གཞན་དུ་ཡོངས་སུ་བསྒྱུར་བ་སྟེ། དཔེར་ན། མི་གང་མ་དད་བྱས་མི་གཟོ། །ཞེས་སོགས་ཀྱི་ཚིགས་བཅད་ལྟ་བུའོ། །ཆུད་ཟ་བ་དང་ཆུད་མི་ཟ་བའི་སྒོ་ནི་གང་དུ་རབ་ཏུ་ཆུད་ཟ་བ་དང་། རབ་ཏུ་ཆུད་མི་ཟ་བ་དང་། དེ་གཉིས་ཀའི་ཐབས་དང་། དེ་གཉིས་གའི་རབ་ཏུ་དབྱེ་བ་སྟོན་པ་སྟེ། དཔེར་ན། ལེགས་ ― MR12_Page_0491 ―
[མ་དཔེ་གཟིགས་ན་འདིར་གནོན།]
པར་སྐྱེས་ཀྱི་མདོ་ལས་གསུངས་པ། རབ་ཏུ་ཆུད་ཟ་བ་ནི་ཕྱི་ནང་གི་རྫས་ལ་ལྷག་པར་ཆགས་པའོ། །དེ་ལ་ཕྱིའི་རྫས་ནི། ཁྱིམ་དང་ཆུང་མ་ལ་སོགས་པའི་མཚན་ཉིད་དོ། །ནང་གི་རྫས་ནི་ཉེར་ལེན་ཕུང་ལྔའོ། །རབ་ཏུ་ཆུད་མི་ཟ་བ་དེ་གཉིས་ལ་ལྷག་པར་ཆགས་པ་དང་བྲལ་བའོ། །རབ་ཏུ་ཆུད་ཟ་བའི་ཐབས་ནི། རབ་ཏུ་མི་འབྱུང་བ་དང་། བྱུང་ནས་ཀྱང་ཟག་པ་ཟད་པར་བྱ་བ་ལ་བག་ཡོད་མི་བྱེད་པའོ། །དེ་ལས་བཟློག་པ་ཆུད་མི་ཟ་བའི་ཐབས་སུ་བལྟའོ། །དེ་ལ་འདི་ལྟར། ཀྱེ་མ་རིགས་ཀྱི་བུ་ལེགས་པར་སྐྱེས་འདི་ནི་གཉིས་ཀྱིས་མཛེས་ཏེ། གང་སྐྲ་དང་ཁ་སྤུ་བྲེགས་ནས་རབ་ཏུ་བྱུང་བའི་བར་དང་། གང་ཟག་པ་ཟད་ནས་རབ་ཏུ་ཤེས་སོ་ཞེས་པའི་བར་འདིས་ཆུད་མི་ཟ་བ་དང་དེའི་ཐབས་ཉེ་བར་བསྟན་པས་དེ་ལས་བཟློག་པའི་མཚན་ཉིད་ཆུད་ཟ་བ་དང་། དེའི་ཐབས་བསྟན་པར་འགྱུར་རོ། །ཆུད་མི་ཟ་བ་རབ་ཏུ་དབྱེ་བའི་ཚིགས་སུ་བཅད་པའི་དབྱངས་ཀྱིས་བསྟན་པ། དགེ་སློང་འདི་ནི་མཛེས་པ་སྟེ། །ཉེ་བར་ཞི་ཞིང་ཟག་པ་ཟད། །ཅེས་བྱ་བའོ། །དེས་རབ་བྱུང་དང་ཟག་ཟད་བསྟན་ནོ། །ཟག་ཟད་དེ་ཡང་། འདོད་ཆགས་བྲལ་ཞིང་བྲལ་བ་སྟེ། །ཉེར་ལེན་མེད་པ་མྱ་ངན་འདས། །བདུད་ཀྱི་སྡེ་ནི་ཕམ་བྱས་ནས། །ལུས་ཀྱི་ཐ་མ་འཛིན་པ་ཡིན། །ཞེས་བྱ་བ་སྟེ། འདིས་འཇིག་རྟེན་པའི་ལམ་ལ་འདོད་ཆགས་བྲལ་ནས། འདས་པའི་ལམ་གྱིས་ཐ་མའི་ཆ་མཐུན་གྱི་ཀུན་སྦྱོར་སྤངས་པ་དང་། གོང་མའི་ཆ་མཐུན་གྱི་ཀུན་སྦྱོར་ཡང་སྤངས་པ་དང་། ― MR12_Page_0492 ―
[མ་དཔེ་གཟིགས་ན་འདིར་གནོན།]
ནང་གི་རྫས་ཡོངས་སུ་སྤངས་པ་ཡང་བསྟན་པའོ། །རྒྱུ་དང་འབྲས་བུ་ཟད་པའི་སྐབས་ཡིན་པས་ཀྱང་འདི་བསྟན་པར་བལྟའོ། །འདི་ལས་བཟློག་པ་ནི་རབ་ཏུ་ཆུད་ཟ་བའི་བར་དུ་དབྱེ་བ་བསྙད་པར་ལྟ་བར་བྱའོ། །གང་ཟག་རྣམ་པར་བཞག་པའི་སྒོ་ནི། གང་དུ་གང་ཟག་འདི་སྙེད་ཀྱི་དབང་དུ་བྱས་ནས་འདི་གསུངས་སོ་ཞེས་པས་སྟོན་པ་སྟེ། དཔེར་ན་ཆུ་ལས་གྱུར་པ་ལྟ་བུའི་མདོ་ལས་བྱུང་བ་ལྟ་བུ་སྟེ། དེ་ནི་གང་ཟག་གཉིས་དང་། གསུམ་དང་བཞིར་རབ་ཏུ་དབྱེ་བའི་དབང་དུ་མཛད་ནས་གསུངས་ཏེ། སོ་སྐྱེ་དང་། བདེན་མཐོང་གཉིས་སོ། །སོ་སྐྱེ་ནི་གསུམ་དུ་བསྙད་དེ། དཀར་པོ་མ་ཡིན་པ། ཅུང་ཟད་དཀར་བ། ཆེས་དཀར་བ་གསུམ་མོ། བདེན་པ་མཐོང་བ་ནི་བཞི་སྟེ། འབྲས་གནས་བཞིའོ། །དེའི་སྔ་མ་གསུམ་སློབ་པ། ཕྱི་མ་གཅིག་མི་སློབ་པའོ། །རབ་ཏུ་དབྱེ་བའི་སྒོ་ནི། གང་དུ་མུ་བཞི་ལ་སོགས་དྲི་བ་རྣམས་ཀྱི་དོན་བརྗོད་པ་སྟེ། དཔེར་ན་མི་རྟག་པའི་མདོ་ལས། གང་གིས་འདི་ལེགས་པར་མཐོང་བ་དེས་གཟུགས་ཐམས་ཅད་མཐོང་ངམ། གང་གིས་གཟུགས་ཐམས་ཅད་མཐོང་བ་དེས་ཐམས་ཅད་ལེགས་པར་མཐོང་ངམ། ཞེས་པ་མུ་བཞིའོ། །དེ་ལ་མུ་དང་པོ་ནི། ཚོར་སོགས་ཕུང་པོ་བཞི་ལ། རྟག་གཙང་བདེ་བདག་ཏུ་ཕྱིན་ཅི་ལོག་ཏུ་སྒྲོ་མ་བཏགས་པར་ཡོངས་སུ་ཤེས་པ་དང་། སྤང་བར་བྱ་བ་ཡང་དག་པར་རྗེས་སུ་བལྟ་བའོ། །མུ་གཉིས་པ་ནི། གཟུགས་ལ་རྟག་གཙང་བདེ་བདག་ཕྱིན་ལོག་ཏུ་སྒྲོ་བཏགས་ནས་ཡོངས་ཤེས་བྱ་བ་མིན་པ་དང་། ཡོངས་སུ་སྤང་བྱ་མིན་པར་ཡང་ ― MR12_Page_0493 ―
[མ་དཔེ་གཟིགས་ན་འདིར་གནོན།]
དག་པར་རྗེས་སུ་བལྟ་བའོ། །མུ་གསུམ་པ་ནི། གཟུགས་མི་རྟག་སོགས་ཕྱིན་ལོག་ཏུ་སྒྲོ་མ་བཏགས་པར་ཡོངས་སུ་ཤེས་བྱ་སྤང་བྱར་རྗེས་སུ་ལྟ་བའོ། །མུ་བཞི་པ། ཚོར་སོགས་ལ། གང་ལས་བཟློག་པའོ། །གཟུགས་ལ་མུ་བཞི་ཇི་ལྟ་བ་དེ་བཞིན་ཚོར་སོགས་ཐམས་ཅད་ལ་རྒྱས་པར་སྦྱར་བར་བྱའོ། །གང་བྱ་བ་བྱས་པ་དེ་ཐམས་ཅད་འདི་ལས་སྲིད་པ་གཞན་མི་ཤེས་སོ་ཞེས་བྱ་བ་ཡིན་ནམ། གང་འདི་ལས་སྲིད་པ་གཞན་མི་ཤེས་པ་དེ་ཐམས་ཅད་བྱ་བ་བྱས་པ་ཡིན་ནམ། ཞེ་ན་སྨྲས་པ། མུ་བཞི་སྟེ། དང་པོ་ཇི་སྲིད་འཚོའི་བར་དུ་ལེགས་སྤྱད་སྤྱོད་པའི་སོ་སྐྱེའོ། །གཉིས་པ་ཆད་ལྟ་སོགས་སོ། །གསུམ་པ་མི་སློབ་པའོ། །བཞི་པ་དེ་རྣམས་མ་གཏོགས་པའོ། །ཞེས་འབྱུང་བ་ལྟ་བུའོ། །ཚུལ་གྱི་སྒོ་ནི། གང་དུ་ཚུལ་དྲུག་གི་ས་བོན་བརྗོད་པ་སྟེ། དེ་ཁོ་ནའི་དོན་གྱི་ཚུལ་མཐའ་གཉིས་སྤངས་པའི་དང་། འཐོབ་སངས་རྒྱས་པའི་ཚུལ་བསམ་གྱིས་མི་ཁྱབ་པ་སོ་སོ་རང་རིག་པས་དང་། བཤད་པའི་ཚུལ་དྲུག་པོ་དེ་ཡོངས་སུ་ཤེས་པ་དངོས་པོ་སོགས་དྲུག་གིས་དགོངས་པའི་དང་། མཐའ་གཉིས་སྤང་བའི་ཚུལ་དང་། བསམ་གྱིས་མི་ཁྱབ་པའི་ཚུལ་དང་དགོངས་པའི་ཚུལ་གྱིས་སོ། །འདི་དྲུག་ལས་གོང་མ་གསུམ་ནི། འོག་མ་གསུམ་གྱིས་གོ་རིམ་བཞིན་རིག་པར་བྱ་སྟེའོ། །ཡི་གེ་ཡོངས་སུ་སྒྱུར་བའི་སྒོ་དང་། ཆུད་ཟ་བ་དང་མི་ཟ་བའི་སྒོ་དང་། གང་ཟག་གི་རྣམ་གྲངས་བཞག་པའི་སྒོ་དང་། མུ་བཞི་སོགས་རབ་ཏུ་དབྱེ་བ་རྣམ་པར་བཞག་པའི་སྒོ་དང་། ཚུལ་གྱི་སྒོ་དང་། ཡོངས་སུ་ཤེས་པ་ ― MR12_Page_0494 ―
[མ་དཔེ་གཟིགས་ན་འདིར་གནོན།]
ལ་སོགས་པའི་སྒོ་ནི། དེ་ཁོ་ན་ཉིད་ལས་བརྩམ་ནས། དེ་ཁོ་ན་ཉིད་ཡོངས་ཤེས། སྤོང་བ། མངོན་སུམ་བྱེད། བསྒོམ་པ། དེ་རྣམས་ཀྱི་རྣམ་པའི་རབ་དབྱེ། གནས་དང་། གནས་པར་འབྲེལ་བའི་མཚན་ཉིད། ཡོངས་ཤེས་ལ་སོགས་པའི་བར་གཅོད། རྗེས་སུ་མཐུན་པའི་ཆོས། ཡོངས་སུ་མ་ཤེས་པའི་ཉེས་དམིགས། ཤེས་པའི་ཕན་ཡོན་བསྟན་པ་དང་། སྟོབས་དང་སྟོབས་མ་ཡིན་པའི་སྒོ་ནི། ཚིག་གཅིག་གིས་གཞན་ཐམས་ཅད་ཀྱི་གནད་སྟོན་པའི་ནུས་པ་ཡོད་པ། འདི་ཡོད་པས་འདི་འབྱུང་། འདི་སྐྱེས་པས་འདི་སྐྱེ། ཞེས་པ་འདི་ཡིས། མ་རིག་པའི་རྐྱེན་གྱིས་འདུ་བྱེད་སོགས་དང་། བཟླས་ཏེ་བརྗོད་པའི་སྒོ་མདོའི་ཚིག་གཅིག་གི་དོན་རྣམ་གྲངས་སྣ་ཚོགས་ཀྱིས་རྒྱ་ཆེར་སྟོན་པ་དང་། ཚིག་རེ་རེ་ཡང་མུ་བཞི་ལ་སོགས་པ་སྟོན་པ་དེ་དག་གི་ཚིག་རེ་རེས་ཀྱང་གཞན་བཞི་སོགས་སུ་ཐུག་མེད་དུ་མངོན་པར་བསྒྲུབ་པའི་སྒོའོ། །གསུམ་པ་རབ་ཏུ་ཕྱེ་ནས་ཀུན་ཏུ་བསྟན་པ་རྣམ་པར་ངེས་པར་གཏན་ལ་དབབ་པ། གང་ཞེ་ན། ཇི་སྐད་བསྟན་པའི་ཕུང་སོགས་ཆོས་རྣམས་ལ་གཅིག་ནས་རྟོགས་པ་སོགས་ཅི་རིགས་སུ་སྦྱར་ཏེ། འདི་ལྟར་གཅིག་ནས་རྟོགས་པ་ཞེས་བྱ་བ། སྐྱེ་མཆེད་བཅུ་གཉིས་ལ་མཚོན་ན། གང་གིས་མིག་གི་སྐྱེ་མཆེད་ལྟ་བུའི་ཆོས་གཅིག །གཟུགས་ཀྱི་སྐྱེ་མཆེད་སོགས་ལྷག་མ་བཅུ་གཅིག་པོ་དང་ལྷན་ཅིག་ཏུ་དེ་ཡིན་པར་དྲིས་ཏེ་སྔ་མ་དེ་བོར་ནས། ཡང་གཟུགས་ཀྱི་སྐྱེ་མཆེད་ལྟ་བུའི་དེ་ལྷག་མ་རྣམས་ལ་སྦྱར་ཏེ། ཐམས་ཅད་རེ་རེ་ནས་འདྲི་བའོ། །དཔེར་ན་གང་མིག་གི་སྐྱེ་མཆེད་དང་ལྡན་པ་དེ་གཟུགས་ཀྱི་སྐྱེ་ ― MR12_Page_0495 ―
[མ་དཔེ་གཟིགས་ན་འདིར་གནོན།]
མཆེད་དང་ལྡན་ནམ། ཅི་གཟུགས་ཀྱི་སྐྱེ་མཆེད་དང་ལྡན་པ་དེ་མིག་གི་སྐྱེ་མཆེད་དང་ལྡན་ནམ་ཞེས་པ་ཚིག་གོང་མར་སྦྱར་ཏེ་དྲི་བའོ། །གང་མིག་གི་སྐྱེ་མཆེད་དང་ལྡན་པ་དེ་རྣ་བའི་སྐྱེ་མཆེད་དང་ལྡན་ནམ་ཞེས་དྲི་ན་ཡང་འདི་ལ་མུ་བཞིའོ། །ཡིད་ཀྱི་སྐྱེ་མཆེད་དང་ལྡན་ནམ་ཞེས་པའི་བར་མུ་ཅི་རིགས་སུ་སྦྱར་རོ། །ཆོས་ཀྱི་སྐྱེ་མཆེད་དང་ལྡན་ནམ་ཞེས་པ་ཚིག་གོང་མ་དང་སྦྱར་བའོ། །གཟུགས་ཀྱི་སྐྱེ་མཆེད་དང་ལྡན་པ་མིག་གི་སྐྱེ་མཆེད་དང་ལྡན་ནམ།མིག་གི་སྐྱེ་མཆེད་དང་ལྡན་པ་དེ་གཟུགས་ཀྱི་སྐྱེ་མཆེད་དང་ལྡན་ནམ་ཞེས་པ་ཚིག་འོག་མ་དང་སྦྱར་བའོ། །དེ་བཞིན་རྣ་བའི་སྐྱེ་མཆེད་སོགས་ཆོས་ཀྱི་བར་ལྡན་ནམ་ཞེས་དྲི་བ་ཚིག་འོག་མ་དང་སྦྱར་བའོ། །རྣ་བའི་སྐྱེ་མཆེད་ལྡན་པ་མིག་གི་སྐྱེ་མཆེད་དང་ལྡན་ནམ་ཞེས་སུ་བཞིའོ། །ཚིག་གོང་མ་དང་སྦྱོར་བ་གཉིས་གཉིས་པོ་ནི་ཆོས་འགའ་ཞིག་ལས་བརྩམ་ནས་དྲིས་ན། ཆོས་གོང་མ་ལ་བརྟེན་ནས་གང་ལུང་སྟོན་པ་སྟེ། དཔེར་ན་ཤེས་པ་གང་ཡིན་དེ་ཤེས་བྱ་ཡང་དེའམ། ཤེས་བྱ་གང་ཡིན་པ་དེ་ཤེས་པའང་དེའམ་ཞེས་དྲི་བ་ཚིག་གོང་མ་དང་སྦྱོར་བ་སྟེ། ཤེས་པ་གང་ཡིན་དེ་ཤེས་བྱའང་ཡིན་ནོ། །ཤེས་བྱ་ཡིན་ལ་ཤེས་པ་མ་ཡིན་པའང་ཡོད་དེ། ཤེས་པ་ལས་གཞན་པའི་ཆོས་སོ། །ཚིག་འོག་མ་དང་སྦྱོར་བ་ནི། དེ་བཞིན་ལན་གཉིས་སུ་དྲིས་པ་ལ་ཕྱི་མ་ལ་བརྟེན་ནས་ལུང་སྟོན་པ་སྟེ། གཟུང་བ་གང་ཡིན་འཛིན་པ་དེའང་། འཛིན་པ་གང་ཡིན་གཟུང་བ་དེའམ། ཞེས་པ་ཚིག་འོག་མ་དང་སྦྱོར་བ་སྟེ། འཛིན་པ་གང་ཡིན་གཟུང་བའང་དེའོ། ། ― MR12_Page_0496 ―
[མ་དཔེ་གཟིགས་ན་འདིར་གནོན།]
གཟུང་བ་འཛིན་པ་མ་ཡིན་པའང་ཡོད་དེ། གཟུགས་སོགས་ཡུལ་ལྔ་པོ་དེ་དང་། མཚུངས་ལྡན་མ་གཏོགས་པའི་ཆོས་ཀྱི་སྐྱེ་མཆེད་དོ། །མུ་གཉིས་པ། གཉིས་པོ་དེ་ལས་གཞན་མེད་པའོ། །མུ་གསུམ་པ། མུ་གསུམ་ལས་བཞི་པ་མེད་པའོ། །མུ་བཞི་པ་ནི་བཞི་ཀ་ཡོད་པའོ། །ལྔ་པ་མེད་དེ་ཆོས་གཉིས་ལས་བརྩམ་པས་སོ། །ཅི་ཞེས་དྲི་བ་ལ། ལན་བསྟན་པ་ནི། སུ་ཞིག །ཅི། གང་གིས། ཅིའི་ཕྱིར། གང་ལས། གང་དག །གང་དུ། རྣམ་པ།དུ་དག་གིས་ཞེས་བརྒྱད་ཀྱིས་སོ། །དཔེར་ན་དམིགས་མེད་བཤད་པའི་སྐབས་སུ། སུ་ཞིག་གིས་མི་དམིགས་ཞེ་ན་ཤེར་ཕྱིན་ལ་གནས་པའི་བྱང་སེམས་ཀྱིས་སོ། །ཅི་མི་དམིགས་ན་གཟུང་བ་དང་འཛིན་པའི་མཚན་ཉིད་དོ། །ཐབས་གང་གིས་མི་དམིགས་ན་ཤེས་རབ་ཀྱི་ཕ་རོལ་དུ་ཕྱིན་པས་སོ། །ཅིའི་ཕྱིར་མི་དམིགས་པ་བསྒོམ་ན། སེམས་ཅན་ཐམས་ཅད་ཡོངས་སུ་སྐྱབས་པའི་དང་། བླ་མེད་རྫོགས་བྱང་འཐོབ་པར་བྱ་བའི་ཆེད་དུའོ། །རྒྱུ་གང་ལས་མི་དམིགས་པ་འབྱུང་ན་སངས་རྒྱས་འབྱུང་བ་མཉེས་པར་བྱེད་པ་དང་། ཆོས་ཉན་པ་དང་། ཚུལ་བཞིན་ཡིད་བྱེད་དང་། ཆོས་ཀྱི་རྗེས་སུ་མཐུན་པའི་ཆོས་བསྒྲུབ་པས་སོ། །གང་དག་གི་མི་དམིགས་ན་ཆོས་ཐམས་ཅད་ཀྱིའོ། །གང་དུ་མི་དམིགས་ན།མོས་སྤྱོད་ནས་ས་བཅུའི་བར་དུའོ། །རྣམ་པ་དུ་ཞིག་མི་དམིགས་ཤེ་ན། རྣམ་པ་བཅུ་གཅིག་སྟེ། སྐྱེས་ནས་འགགས་པ། མ་སྐྱེས་པ། མངོན་གྱུར། རྒྱུའི་སྟོབས་ལས་བྱུང་བ། མཛའ་བོའི་སྟོབས་ལས་བྱུང་བ། ཆོས་ ― MR12_Page_0497 ―
[མ་དཔེ་གཟིགས་ན་འདིར་གནོན།]
ཐམས་ཅད་མི་དམིགས་པ། སྟོང་པ་ཉིད་མི་དམིགས་པ། ངའོ་སྙམ་པའི་ང་རྒྱལ་དང་བཅས་པ། ངའོ་སྙམ་པའི་ང་རྒྱལ་མེད་པ། ཚོགས་མ་བསགས་པ། ཚོགས་བསགས་པ་སྟེ། མི་དམིགས་པ་འདི་དག་གོང་གི་གོ་རིམ་བཞིན་དུ། འདས་པ་དང་། མ་འོངས་པ་དང་། ད་ལྟར་བྱུང་བ་དང་། ནང་དང་། ཕྱིའི་དང་། རགས་པ་དང་། ཕྲ་བ་དང་། ངན་པ་དང་། བཟང་པོ་དང་། རྒྱང་རིང་བ་དང་། ཐག་ཉེ་བ་རྣམས་དང་རིམ་པར་སྦྱར་རོ། །ཅི་ཞེས་བསྟན་པ་ལ། ཇི་ལྟ་བ་དེ་བཞིན་དུ་གང་ཞེས་བསྟན་པ་ལའང་། གང་རྣམ་དབྱེ་དང་པོ་ཞིག །གང་ལས་སུ་བྱ་བ་དང་། གང་བྱེད་པ་གིས། གང་དགོས་ཆེད་ཕྱིར། གང་འབྱུང་ཁུང་ལས། གང་འབྲེལ་བ་གི གང་གནས་གཞི་དུ། གང་དབྱེ་བ་ཇི་སྙེད་ཅིག་མི་དམིགས་པ་ཞེས་སྦྱར་རོ། །ཚིག་གོང་མ་དང་སྦྱོར་བ་དང་། ཚིག་འོག་མ་དང་སྦྱོར་བ་དང་། མུ་གཉིས་པ་དང་། མུ་གསུམ་པ་དང་། མུ་བཞི་པ་དང་། གང་དྲིས་པ་ལ་དེ་དེ་བཞིན་ནོ་ཞེས་བྱ་བ་ལུང་སྟོན་པ་དང་། དེ་མ་ཡིན་ཞེས་ཕུང་ལྔ་ལ་མ་གཏོགས་པའི་འདུས་བྱས་བདེན་པ་གང་གིས་བསྡུས་ཟེར་ན། ཕུང་པོ་ལྔར་མ་གཏོགས་འདུས་བྱས་མེད་དོ་ཞེས་བཀག་པའམ་སྤོང་བའོ། །བཞི་པ་ཡང་དག་པར་འདྲི་བ་རྣམ་པར་ངེས་པ་གང་ཞེ་ན། རྣམ་པ་བརྒྱད་དེ། ཅི་ཞེས་བསྟན་པ་ཡང་དག་པར་འདྲི་བ། ཅི་ཞིག །ཅི་ཡིས། ཅིའི་ཕྱིར། གང་ལས། གང་གིས། གང་དུ། རྣམ་པ་དུ་ཞིག་གིས་ཞེས་རྣམ་པར་ངེས་པ་དང་། ཅི་ཞེས་བསྟན་པ་ལ་ཇི་ ― MR12_Page_0498 ―
[མ་དཔེ་གཟིགས་ན་འདིར་གནོན།]
ལྟ་བར། གང་ཞེས་བསྟན་པ་ལ་ཡང་དེ་བཞིན་ནོ། །ཡང་རྣམ་པར་ངེས་པའི་ལམ་བཞི་སྟེ། གཞན་ཕྱོགས་ཉེས་པར་སྨྲས་པ་ལ་འདི་མ་ཡིན་ནོ་ཞེས་སུན་འབྱིན་པར་བྱེད་པ་དང་། རང་ཕྱོགས་ལེགས་པར་སྨྲས་པ་དེ་བཞིན་སྒྲུབ་པར་བྱེད་ཅིང་འཇོག་པ་དང་། གཞན་གྱི་ཐེ་ཚོམ་སྐྱེས་པ་གཅོད་པར་བྱེད་པ་མི་སྐྱེ་བར་ངེས་པར་འབྱིན་པ་དང་། དོན་དེར་རྨོངས་པ་རྣམས་ལ་དོན་དེ་ལེགས་པར་བསྟན་པ། ཁོང་དུ་ཆུད་པར་བྱེད་པའོ། །ལྔ་པ་བསྡུ་བ་རྣམ་པར་ངེས་པ་གང་ཞེ་ན། གནས་བཅུས་རྣམ་པར་ངེས་པ་བསྡུས་པར་འགྱུར་ཏེ། གང་ཞེ་ན། འཇིག་རྟེན་པ་རྣམས་ཕན་ཚུན་དུ་འཚོ་ཐབས་སོགས་ཀྱི་དགོས་པ་བསྒྲུབ་པ། བྱ་བ་བསྒྲུབ་པ་རྣམ་པར་ངེས་པ་དང་། ཐེག་གསུམ་གང་རུང་ལ་འཇུག་པ་རྣམ་པར་ངེས་པ་དང་། ཐོས་པ་བཞིན་ཡིད་ཆེས་པ་མོས་པ་རྣམ་པར་ངེས་པ་དང་། རིགས་པ་བཞིས་དཔྱད་ནས་ངེས་པའི་བསམ་བྱུང་། རིགས་པས་རྣམ་པར་ངེས་པ་དང་། ཇི་ལྟར་ཐོས་པ་དང་བསམ་པའི་དོན་རྣམས་ཕན་ཚུན་ཆོས་གཏམ་གླེང་བ་འབེལ་བའི་གཏམ་གྱིས་རྣམ་པར་ངེས་པ་དང་། མཐོང་ལམ་རབ་ཏུ་རྟོགས་པས་རྣམ་པར་ངེས་པ་དང་། བསྒོམ་ལམ་ས་བོན་མ་ལུས་སྤོང་ལམ་རྣམ་པར་དག་པས་རྣམ་པར་ངེས་པ་དང་། ཁྱད་པར་ཅན་གྱི་ལམ་ཡོན་ཏན་ཁྱད་པར་ཅན་མངོན་པར་བསྒྲུབ་པས་རྣམ་པར་ངེས་པ་དང་། གཉིས་པ་གསུམ་པ་བཞི་པ་སོགས་ཀྱི་རྣམ་པ་སྒྲུབ་པའི་སྒོ་ནས་ཆོས་སྟོན་པ་མཐའ་ཡས་པ་ཚིག་རབ་ཏུ་དབྱེ་བས་རྣམ་པར་ངེས་པ་དང་། དེ་བཞིན་གཤེགས་པའི་ཡེ་ཤེས་ཆགས་ཐོགས་མེད་ ― MR12_Page_0499 ―
[མ་དཔེ་གཟིགས་ན་འདིར་གནོན།]
པས་མཐོང་བ་འཇུག་པ། ལྷུན་གྱིས་གྲུབ་པ་དང་རྩོལ་བའམ་བཞེད་པ་ཙམ་གྱིས་དོན་ཐམས་ཅད་བསྒྲུབ་པ་རྣམ་པར་ངེས་པའོ། །དྲུག་པ་སྨྲ་བ་རྣམ་པར་ངེས་པ་གང་ཞེ་ན། སྨྲ་བ་དང་། སྨྲ་བའི་ཞལ་ཆེ་བ་དང་། སྨྲ་བའི་གཞི་དང་། སྨྲ་བའི་རྒྱན་དང་། སྨྲ་བ་ཆད་པས་བཅད་པ་དང་། སྨྲ་བ་ལས་བྱུང་བ་དང་། སྨྲ་བ་ལ་གཅེས་སྤྲས་བྱེད་པའི་ཆོས་རྣམས་སོ། །སྨྲ་བ་གང་ཞེ་ན། སྨྲ་བ་དང་། རྨད་ཁྱེར་བ་དང་། རྩོད་པ་སྨྲ་བ་དང་། ཚིག་ངན་སྨྲ་བ་དང་། མཐུན་པར་སྨྲ་བ་དང་། གདམས་པ་སྨྲ་བའོ། །མདོར་ན་སྨྲ་བ་ནི་ཚིག་བརྗོད་པ་ཐམས་ཅད་དོ། །རྨད་ཁྱེར་བ་འཇིག་རྟེན་ན་དེ་ལྟར་རྣམ་པར་སྨྲ་ཞིང་གྲགས་པའོ། །རྩོད་པ་ནི་ཕན་ཚུན་མི་མཐུན་པར་གནས་པའོ། །ཚིག་ངན་ནི་ཕན་ཚུན་ཚིག་བརླང་པོས་ངན་པ་སྨྲ་བ་ཉེ་བར་གནས་པའོ། །མཐུན་པར་སྨྲ་བ་ནི་ཡེ་ཤེས་མཐོང་བ་རྣམས་དང་རྗེས་སུ་མཐུན་པའི་འབེལ་གཏམ་རྣམ་པར་ངེས་པའོ། །གདམས་པ་སྨྲ་བ་ནི། སེམས་མཉམ་པར་མ་བཞག་པ་རྣམས་མཉམ་པར་བཞག་པར་བྱ་བ་དང་། མཉམ་པར་བཞག་པ་རྣམ་པར་ཐར་པའི་ཕྱིར་ཁོང་དུ་ཆུད་པར་བྱ་བའི་ཆོས་བསྟན་པའོ། །སྨྲ་བའི་ཞལ་ཆེ་བ་ནི། འཇིག་རྟེན་གྱི་དབང་པོ་ཕོ་བྲང་གང་དག་ན་རྒྱལ་པོ་བཞུགས་པ་དང་། རྒྱལ་པོས་ལས་ལ་བསྐོས་པ་རྣམས་འདུ་བའི་གནས་དང་། ཚོང་པ་སོགས་འདུས་པ་དང་། དེའི་ཚིག་ཚད་མར་རུང་བའི་ཟླ་གྲོགས་རྣམས་དང་། དགེ་སློང་དང་བྲམ་ཟེ་ཆོས་ཚིག་དང་དོན་ལ་མཁས་པ་རྣམས་སོ། །སྨྲ་བའི་གཞི་ནི། བསྒྲུབ་བྱ་དང་། སྒྲུབ་པའོ། ། ― MR12_Page_0500 ―
[མ་དཔེ་གཟིགས་ན་འདིར་གནོན།]
བསྒྲུབ་པ་ནི་བདག་དང་ཆོས་ཀྱི་ངོ་བོ་ཉིད་ཡོད་དམ་མེད་པ་དང་དེའི་ཁྱད་པར་ནི་ཐམས་ཅད་དུ་སོང་བའམ་ཐམས་ཅད་དུ་སོང་བ་མིན་པ་དང་། རྟག་མི་རྟག་གཟུགས་གཟུགས་ཅན་མིན་སོགས་ཀྱི་ཁྱད་པར་རོ། །སྒྲུབ་པ་ནི། དང་པོ་དམ་བཅའ་བའི་དོན་བསྒྲུབ་བྱ་བསྟན་པ་དམ་བཅའ་བ་དང་། དེ་སྒྲུབ་བྱེད་ཀྱི་གཏན་ཚིགས་དང་། དེའི་དཔེ་དང་། དཔེ་དང་དཔེ་ཅན་མཐུན་པར་ཉེ་བར་སྦྱར་བ་དང་། དེ་ལྟར་ཐམས་ཅད་བསྡུས་ནས་དམ་པའི་དོན་གྲུབ་པའི་མཇུག་སྡུད་པ་དང་། གཏན་ཚིགས་དེས་མངོན་སུམ་ཚད་མ་དང་། རྗེས་སུ་དཔག་པ་དང་། ཡིད་ཆེས་པའི་ལུང་ངོ་། །ངོ་བོ་ཉིད་བསྒྲུབ་པ་ནི། བདག་གི་ངོ་བོ་ཉིད་དང་། ཆོས་ཀྱི་ངོ་བོ་ཉིད་དོ། །ཁྱད་པར་ནི་བདག་གི་ཁྱད་པར་དང་ཆོས་ཀྱི་ཁྱད་པར་རོ། །དམ་བཅའ་བ་ནི་བདག་གིས་འདོད་པ་བསྒྲུབ་པའི་ངོར་ཕྱིར་རྒོལ་གཞན་ལ་འདི་ཞེས་གོ་བར་སྟོན་པའོ། །གཏན་ཚིགས་ནི་བསྒྲུབ་པ་དེ་ཉིད་ལ་སྔར་མ་གྲགས་པ་སྟེ་གྲུབ་པ་མིན་པའི་ངོར་གསར་དུ་ཡིད་ཆེས་པར་བྱེད་པའི་རྒྱུ་ནི་མངོན་སུམ་དུ་དམིགས་པ། སྒྲུབ་རྟགས་འབྲས་རང་ལྟ་བུ་དང་། མི་དམིགས་པ་དགག་པའི་རྟགས་ཀྱི་སྒོ་ནས་བསྙད་པའོ། །དཔེ་ནི་མཐའ་མཐོང་བ་གྲགས་པའི་ཆ་དང་། མཐའ་མ་མཐོང་བ་མ་གྲགས་པའི་ཆ་མཚུངས་པར་སྦྱར་ཞིང་བསྙད་པ་སྟེ་བཤད་པའོ། །ཉེ་བར་སྦྱར་བ་ནི་ཇི་ལྟར་སྒྲུབ་པའི་དོན་ལ་ཡན་ལག་སྔ་མ་གསུམ་གྱིས་བསྒྲུབ་པ་དེ་བཞིན་དུ་དེའི་རིགས་ཀྱི་ཆོས་ལྷག་མ་དེ་དང་འདྲ་བ་ལ་དེའི་སྒྲུབ་པའི་དོན་གྱི་ཆོས་གསུམ་པོ་སྦྱར་བའི་ཚུལ་གྱིས་མཐུན་པར་བསྙད་ཅིང་ ― MR12_Page_0501 ―
[མ་དཔེ་གཟིགས་ན་འདིར་གནོན།]
འདྲ་བར་སྟོན་པའོ། །མཇུག་སྡུད་པ་ནི། རིགས་པས་ལེགས་པར་གྲུབ་པས་འཐད་པ་དེའི་ཕྱིར་དེ་དེ་བཞིན་ནོ་ཞེས་མཐར་ཕྱིན་པར་བསྙད་པའོ། །དཔེར་ན་བདག་མེད་དོ་ཞེས་དམ་བཅའ། ཕུང་པོ་དང་གཅིག་ཐ་དད་དུ་མ་དམིགས་པའི་ཕྱིར་ཞེས་པས་གཏན་ཚིགས། ད་ལྟ་བ་ལ་འདས་པར་འདོགས་པ་བཞིན་ནོ་ཞེས་པ་དེས། བདག་མེད་པ་བཞིན་རྟག་པ་སོགས་ཀྱང་མེད་དོ་ཞེས་པ་ཉེ་བར་སྦྱར་བ། གང་ཕྱིར་དེ་ལྟར་མིན་པ་དེའི་ཕྱིར། ཕུང་ལྔ་མི་རྟག་པ་ནས་བདག་མེད་དོ་ཞེས་པ་མཇུག་སྡུད་དོ་གསུངས། མངོན་སུམ་ནི་མིག་སོགས་རང་གི་དོན་གཟུགས་སོགས་ཡོད་ཅིང་མ་སྒྲིབ་པར་སྣང་ལ་འཁྲུལ་རྒྱུ་མེད་པས་མ་ནོར་བའོ། །རྗེས་སུ་དཔག་པ་ནི་མངོན་སུམ་གྱི་ལྷག་མ་དེ་མིན་པ་ལྐོག་གྱུར་ལ་ཡིད་ཆེས་བཅུས་པའི་རྟགས་མཐོང་བའོ། །དཔྱད་གསུམ་གྱི་དག་པའི་ཡིད་ཆེས་པའི་ལུང་ནི་མངོན་རྗེས་དེ་གཉི་ག་དང་མི་འགལ་བར་ཤིན་ལྐོག་སྟོན་པའོ། །གང་དང་ལྡན་ན་སྨྲ་བ་མཛེས་པར་བྱེད་པའི་སྨྲ་བའི་རྒྱན་ནི་བདག་དང་གཞན་གྱི་གྲུབ་མཐའི་གཞུང་ལུགས་ཀྱི་ཚིག་དོན་མཐའ་དག་ཤེས་པ་དང་། ཚིག་གསལ་ཞིང་ཟུར་ཕྱིན་པ་ཅལ་ཅོལ་སོགས་མེད་པས་ཕུན་སུམ་ཚོགས་པ་དང་། མཁས་པའི་ཁྲོད་དུ་བག་ཚ་བ་མེད་པར་སྨྲ་ཞིང་མི་འཇིགས་པ་དང་། ཕ་རོལ་པོའི་ཚིག་རྫོགས་པའི་བར་དུ་སྡོད་ཅིང་དལ་བར་རྒྱུན་ཆགས་པར་བསྒྲུབ་པས་བརྟན་པ་དང་། རྒྱུད་འཇམ་རང་བཞིན་བཟང་བས་ཕྱིར་རྒོལ་དང་དབང་པོའི་སེམས་དང་མཐུན་པར་བྱེད་པའོ། ། ― MR12_Page_0502 ―
[མ་དཔེ་གཟིགས་ན་འདིར་གནོན།]
སྨྲ་བ་གང་ལ་ཆད་པས་གཅད་པ་མི་འོས་ནི་གཏམ་རྗེས་བཅད་པ་དང་། གཏམ་འཕྲོ་ལུས་པ་དང་། གཏམ་གྱི་ཉེས་པའོ། །གཏམ་རྗེས་གཅད་པ་ནི། རང་གི་སྨྲ་བའི་སྐྱོན་ཁས་བླངས་པ་སྟེ་མ་ལེགས་ཞེས་སྨྲ་བ་དང་། གཞན་གྱི་སྨྲ་བའི་ཡོན་ཏན་ལེགས་པར་ཁས་བླང་བ་དེ་ནི་ཆད་པ་རང་གིས་ཁས་བླང་བའོ། །གཏམ་འཕྲོ་ལུས་པ་ནི། འབེལ་བྱའི་དོན་བཞག་ནས་དོན་མེད་པའི་གཏམ་གཞན་ནས་གཞན་དུ་བརྒྱུད་པའམ། གཏམ་གཞན་དོན་མེད་པ་སྨྲ་བ་སྟེ་རྒྱས་པར་མདོ་སྡེ་ལས་ཇི་སྐད་འབྱུང་བ་ལྟ་བུའོ། །གཏམ་གྱི་ཉེས་པ་ནི་དོན་མེད་པའི་ཅལ་ཅོལ་ལམ་བབ་ཅོལ་འགྲེལ་མེད་སྨྲ་བ་དང་། ཡིད་ཁྲོས་ནས་འཁྲུགས་པ་དང་དགའ་བས་གཡེང་བའོ། །ཚིག་དང་དོན་ཕྱིར་རྒོལ་དང་འཁོར་རྣམས་ཀྱིས་མི་གོ་བ། བརྡ་འཕྲད་དུ་མི་རུང་བ་སྨྲ་བ་དང་། རན་པ་མ་ཡིན་པ་ཚིག་ལྷག་ཟློས་པ་མང་བའམ་དོན་མ་ཚང་བ་ཉུང་བ་དང་། དོན་དང་ལྡན་པ་མ་ཡིན་པ་ནི། དོན་མེད་པ་དོན་མ་དམིགས་པ། དོན་དང་བྲལ་བ། དོན་དེར་མ་འབྲེལ་བ། རིགས་པ་དང་བྲལ་བ། དེ་གྲུབ་མི་ནུས་པའི་གཏན་ཚིགས་མ་གྲུབ་སོགས་དཔྱད་པ། ཚུལ་བཞིན་མིན་པ་བསྒྲུབ་པ་ལྟར་སྣང་བསྒྲུབ་བྱ་དང་མཚུངས་པ། སུན་འབྱིན་ལྟར་སྣང་ཚོགས་པར་དབྱུང་རུང་མིན་པའི་སྨྲ་བ་ཐམས་ཅད་དོ། །མདོར་ན་དེ་ཐམས་ཅད་དོན་མེད་པའོ། །དུས་ཚིགས་མ་ཡིན་པར་སྔར་སྨྲ་བྱ་ཕྱིས་སྨྲ་བ། ཕྱིས་སྨྲ་བྱ་སྔར་སྨྲ་བ་ལྟ་བུ། སྐབས་སུ་མ་བབ་པར་སྨྲ་བ་དང་། མི་བརྟན་པ་དམ་བཅས་ཀྱང་དེ་འདོར་བ་ ― MR12_Page_0503 ―
[མ་དཔེ་གཟིགས་ན་འདིར་གནོན།]
དང་། སྒྲའི་མཚན་འགལ་བ་མི་གསལ་བ་མྱུར་ཆེས་བས་ཧ་ཅང་རྟབ་རྟབ་པོས་དང་། ཆོ་ག་རྒྱུན་ཆགས་པ་མ་ཡིན་པར་བར་སྐབས་སུ་ཚིག་དང་སྤོབས་པ་རྒྱུན་ཆད་པའོ། །སྨྲ་བ་ལས་འབྱུང་བ་ནི། ཕྱིར་རྒོལ་ལམ་ནས་བཟློག་པ་ལེགས་ལམ་ལ་བཞག་པའི་སྣོད་མ་ཡིན་པ་དང་། མི་མཁས་པ་དང་ཕྱོགས་ལྷུང་ཅན་སོགས་འཁོར་དེར་ཡོན་ཏན་མེད་པ་དང་། བདག་ཀྱང་སྨྲ་བ་ནས་སྨྲ་བའི་རྒྱན་གྱི་བར་ལ་མི་མཁས་པར་རིག་ནས་སྨྲ་བར་མི་བྱ་བ་དང་། དེ་ལྟར་སྨྲ་བའི་ཡོན་ཏན་དང་ཉེས་པ་བརྟག་ནས་མི་ཕྱེད་པས་འབྱུང་བ་ཆད་པའི་གནས་སུ་མི་འགྱུར་རོ། །ཕྱིར་རྒོལ་བ་སྣོད་དུ་གྱུར་པ་ཞིག་གམ། འཁོར་ཕྱོགས་ཡང་མངོན་ཞེན་མེད་པའི་ལེགས་ཉེས་འབྱེད་པའི་ཡོན་ཏན་དང་ལྡན་ནམ། བདག་ཀྱང་སྨྲ་བ་ལ་མཁས་པར་རིག་ནས་སྨྲ་བར་བྱའོ། །སྨྲ་བར་བྱེད་པའི་འབྱུང་བ་ནི་སྨྲ་བར་ནུས་པའམ་ལྕོགས་པའི་ཕྱིར་རོ། །སྨྲ་བ་ལ་ངེས་པར་མོས་ཤིང་གཅེས་སྤྲས་བྱེད་པའི་ཆོས་རྣམས་ནི། བདག་དང་གཞན་གྱི་གཞུང་ལུགས་ལ་མཁས་པ་སྟེ། དེས་གཏམ་གྱི་གཞི་ཐམས་ཅད་དུ་གང་ཡང་སྨྲ་བར་བྱེད་ནུས་པ་ཉིད་དོ། །མི་འཇིགས་པ་ནི་གང་གིས་འཁོར་འདུས་པ་ཐམས་ཅད་དུ་སྨྲ་བར་བྱེད་པའོ། །སྤོབས་པ་ནི་གང་གིས་ཕྱིར་རྒོལ་གྱི་སྨྲས་པ་ལ་ཐམས་ཅད་དུ་ལན་གདབ་པ་ཤེས་པའོ། །ཡང་བདག་ལེགས་སུ་འདོད་པས་སྨྲ་བའི་ཚུལ་ཤེས་པར་བྱའི། བརྩད་ཅིང་སྨྲ་བར་ནི་མི་བྱ་སྟེ། བཅོམ་ལྡན་འདས་ཀྱིས་ཆོས་མངོན་པར་མདོ་ལས་ ― MR12_Page_0504 ―
[མ་དཔེ་གཟིགས་ན་འདིར་གནོན།]
ཇི་སྐད་གསུངས་པ་ལྟ་བུ་སྟེ། གནས་བཅུ་གཉིས་མཐོང་བའི་བྱང་ཆུབ་སེམས་དཔའ། སྙེད་བཀུར་སོགས་ལ་མ་ཞེན་པར་དགེ་བའི་ཕྱོགས་ལ་བརྩོན་པ་ནན་ཏན་སྙིང་པོར་བྱེད་པ་སེམས་ཅན་ཀྱི་ཚོགས་ཆོས་ཀྱིས་སྡུད་པ། བདག་གཞན་གྱི་དོན་ལ་ཞུགས་པ་དེས། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འདོད་པས། གཞན་དག་དང་རྩོད་པས་སྨྲ་བར་མི་བྱའོ། །བཅུ་གཉིས་གང་ཞེ་ན། དམ་པའི་ཆོས་ཀྱི་དོན་མཆོག་ཟབ་མོ་ཐེག་ཆེན་གྱི་དོན་དང་ལྡན་པ་བཤད་པ་ཀུན་ནས་ཤེས་པ་དཀོན༡་པ་དང་། ཆོས་རྣམས་ཀུན་ཤེས་པར་བྱ་བའི་བསམ་པས་སྨྲ་བ་དཀོན༢་པ་ཏེ་སྐྱོན་གདགས་པའི་བསམ་པས་དང་། ཚོགས་པ་མཁས་པ་དང་ལམ་མངོན་པར་རྟོགས་པ་ལྡན་པ་རྣམས་དཀོན༣་པ་དང་། ཕྱོགས་ངན་པ་ཡོངས་སུ་འཛིན་ཅིང་མངོན་པར་ཞེན་པའི་ཉེས་པ་དང་། ཚིག་དོར་དང་ལྟག་ཆོད་སོགས་རང་ཕྱོགས་རྒྱལ་ཐབས་ཀྱི་ངན་གཡོ་སྨྲ་བའི་ཉེས་པ་དང་། ཚིག་མཇུག་ཏུ་མི་སྡོད་པར་དུས་མ་ཡིན་གཏམ་ལ་སྦྱོར་བའི་ཉེས་པ་དང་། ལེགས་པར་སྨྲས་ཀྱང་གཏམ་ཁྱད་དུ་གསོད་པའི་ཉེས་པ་དང་། ཚིག་རྩུབ་དང་མཚང་འབྲུ་སོགས་ཚིག་བརླང་པོའི་ཉེས་པ་དང་། དེས་རང་གཞན་ཡིད་འཁྲུགས་པའི་ཉེས་པ་དང་ནི་དེ་ལྟར་གང་ཉེས་པ་རྣམ་པ་དྲུག་སྤངས་ཏེ་ཚུལ་བཞིན་སྨྲ་བ་དཀོན༤་པ་དང་། ཚིག་རྩུབ་སོགས་ཕར་རང་གི་ཡིད་འཁྲུགས་མེད་པར་སྨྲ་བ་དཀོན་པ༥་དང་། གཞན་ཕ་རོལ་གྱི་སེམས་ལ་མི་གནོད་པར་བྱ་ཕྱིར་དེའི་སེམས་བསྲུང་ཞིང་སྨྲ་བ་དཀོན་པ་༦དང་། སེམས་ཉེ་བར་ཞི་བའི་ཏིང་ངེ་འཛིན་རྗེས་སུ་བསྲུང་ཞིང་སྨྲ་བ་དཀོན་༧ ― MR12_Page_0505 ―
[མ་དཔེ་གཟིགས་ན་འདིར་གནོན།]
པ་དང་། རང་རྒྱལ་བ་དང་ཕ་རོལ་ཕམ་པའི་སེམས་མེད་པར་ཆོས་ཀྱི་དོན་ལ་དཔྱད་དེ་སྨྲ་བ་དཀོན་པ་དང་། རྒྱལ་བའམ་ཕམ་ཡང་ཀུན་ནས་ཁེངས་པ་དང་ཁྲོ་བའི་ཉོན་མོངས་པ་མེད་པ་དཀོན༩་པ་དང་། ཀུན་ནས་ཉོན་མོངས་པར་གྱུར་པ་དེ་བདེ་བ་ལ་རེག་པར་གནས་པ་དཀོན༡ ༠་པ་དང་། བདེ་བ་ལ་རེག་པར་མི་གནས་པ་དགེ་བའི་ཆོས་རྣམས་ལ་རྒྱུན་དུ་བསྒོམ་པར་འདོད་པས་རྒྱུན་དུ་གོམས་པར་བྱེད་པ་དཀོན༡ ༡་པ་དང་། དགེ་བའི་ཆོས་རྒྱུན་དུ་མ་བསྒོམ་པ་ལ་ཁྱད་པར་ཐོབ་པ་ལས་ཡོངས་སུ་ཉམས་པས། སེམས་མཉམ་པར་མ་བཞག་པ་ལ་མཉམ་པར་བཞག་པ་དང་སེམས་མཉམ་པར་བཞག་པ་ལ་ཡང་རྣམ་པར་གྲོལ་པ་དཀོན༡ ༢་པའོ། །ཞེས་སོ། །བདུན་པ། ལྡེམ་པོར་དགོངས་པ་རྣམ་པར་ངེས་པ་གང་ཞེ་ན། མིང་གི་ཚོགས་དང་ཚིག་གི་ཚོགས་དང་ཡི་གེའི་ཚོགས་རྣམས་ཀྱི་དངོས་སུ་གྲགས་པའི་དོན་གཞན་དུ་བརྗོད་ལ་བརྗོད་བྱ་དངོས་ཀྱི་དོན་མ་གྲགས་པ་གཞན་དུ་ཡོངས་སུ་བསྒྱུར་བ་སྟེ། ཇི་སྐད་དུ། འཇིག་རྟེན་ན་སྡིག་ཏེ་ཤིན་ཏུ་ཆེ་བར་རྩི་པ། སྐྱེ་བོ་བླ་མ་དང་། སྐྱེ་བོ་ཆེན་པོ་བསད་པའོ། །དང་པོ་སྐྱེ་བོ་བླ་མ་དེ་ཡང་སོ་སོར་ངེས་དང་། འཇིག་རྟེན་པ་དང་ཐུན་མོང་པའོ། །ཕྱི་མ་འདི་ལ་ཡོངས་སུ་སྐྱོང་བ་དང་སྦྱིན་གནས་སོ། །སོ་སོར་ངེས་པའི་སྐྱེ་བོ་བླ་མ་ཕ་མའོ། །འཇིག་རྟེན་ཐུན་མོང་སྐྱོང་བྱེད་རྒྱལ་པོ། །སྦྱིན་གནས་བྲམ་ཟེ་གཙང་སྦྲ་ཅན་རྣམས་ཏེ། དེ་རྣམས་བསད་ན་སྐྱེ་བོ་བླ་མ་བསད་པ་ཞེས་སོ། །སྐྱེ་བོ་ཆེན་པོ་བསད་པ་ནི། ཡུལ་འཁོར་གྱི་སྐྱེ་བོའི་ཚོགས་བསད་པ། འཁོར་ནི་རྟ་བ་ལང་རྔ་ ― MR12_Page_0506 ―
[མ་དཔེ་གཟིགས་ན་འདིར་གནོན།]
མོ་མ་ཧེ་སོགས་བསད་པའོ། །དེ་ལྟར་འདི་དག་འཇིག་རྟེན་ན་ཁ་ན་མ་ཐོ་བ་ཆེན་པོར་གྲགས་པའི་དོན་ལྟ་བུར་བརྗོད་ཀྱང་། མངོན་པར་བསྒྲུབ་པའི་རྒྱུ་སྲེད་པ་ཕ་དང་། སྐྱེ་བའི་རྒྱུ་ལས་ཀྱི་སྲེད་པ་མ་ནི་བསད་བྱས་ཤིང་། ཉེ་བར་ལེན་པ་དང་བཅས་པའི་རྣམ་ཤེས་རྒྱལ་པོ། བྲམ་ཟེ་གཙང་སྦྲ་ཅན། མཆོག་འཛིན་གཉིས་དང་། སྐྱེ་མཆེད་དྲུག་ཡུལ་འཁོར་དང་འདྲ་འཁོར་སྤྱོད་ཡུལ་དང་བཅས་བཅོམ་ནས། མི་དེ་དག་པར་འགྱུར་ཞེས་བྱ། ཞེས་གསུངས་པ་ལྟ་བུའོ། །དམན་པ་མཆོག་ཏུ་བསྒྱུར་བའི་ལྡེམ་དགོངས་ནི། ཡང་ཇི་སྐད་དུ། ཡིད་ཀྱི་ལས་ངན་པ་ལས་འབྲས་སོགས་ལ་ཡིད་མི་ཆེས་དད་པ་མེད་པ་དང་བྱས་པ་མི་གཟོ། ལུས་ཀྱི་ལས་ངན་པ་མི་གང་ཁྱིམ་འབིགས་བྱེད་པ། རྐུན་པོ་སྟེ་འཚོ་བ་ཤིན་ཏུ་སྨད་པ་དང་། ངག་གི་ལས་ངན། རྫུན་སྨྲས་པ། ཚོགས་པའི་ནང་དུ་འཇུག་པའི་གོ་སྐབས་བཅོམ་དང་། ལོངས་སྤྱོད་ངན་པ་ཁྱི་བྱ་རོག་ཡི་དྭགས་སོགས་སྐྱུགས་པ་ཟ། དེ་ནི་སྐྱེས་བུ་མཆོག་ཡིན་ནོ། །ཡི་གེ་འདི་དག་དོན་མཆོག་ཏུ་བསྒྱུར་ན། དགྲ་བཅོམ་པར་སྒྱུར་ཏེ། དགྲ་བཅོམ་པ་ནི་རྣམ་གྲོལ་ཡེ་ཤེས་མཐོང་བ་དང་ལྡན་པས་རང་གིས་ཡིད་ཆེས་པའམ། རྐྱེན་གཞན་སྟོབས་སོགས་ཀྱི་ཡིད་ཆེས་མིན་པའོ། །བྱས་པ་མི་གཟོ་བ། འདུས་མ་བྱས་པའི་མྱ་ངན་ལས་འདས་པ་ཤེས་པའི་ཕྱིར་རོ། །ཁྱིམ་འབིགས་པ་ནི། སྲིད་པར་ཉིང་མཚམས་སྦྱོར་བའི་ཉོན་མོངས་པའི་ཁྱིམ་བཤིག་པའི་ཕྱིར་རོ། །གོ་སྐབས་བཅོམ་པ། ཕྱི་མ་ལ་འགྲོ་བ་ཐམས་ཅད་དུ་སྡུག་བསྔལ་མངོན་པར་མི་འགྲུབ་པའི་ ― MR12_Page_0507 ―
[མ་དཔེ་གཟིགས་ན་འདིར་གནོན།]
ཕྱིར་རོ། །སྐྱུགས་པ་ཟ་བ་ནི། མཐོང་ཆོས་ལ་ཡོ་བྱད་ཀྱི་སྟོབས་ཀྱིས་ལུས་འཚོ་ཡང་། ལོངས་སྤྱོད་དང་སྟོབས་ལ་སྐྱུགས་པ་ལྟར་མཐོང་ནས་རེ་བ་མེད་པའི་ཕྱིར་རོ། །སྙིང་པོ་མེད་ལ་ལྷའི་ཏིང་ངེ་འཛིན་ལ་སྙིང་པོར་ཤེས། རྟག་གཙང་སོགས་པས་ཕྱིན་ཅི་ལོག་ཤེས་རབ་ལ་ཤིན་ཏུ་གནས། སེམས་ཅན་གྱི་དོན་དུ་ཉོན་མོངས་བས་ཀུན་ནས་རབ་ཉོན་མོངས་པ་དེས་བྱང་ཆུབ་དམ་པ་ཐོབ་པར་འགྱུར། ཞེས་དང་། གཞན་ཡང་། ཏིང་ངེ་འཛིན་ལ་བརྟེན་ནས་མཐོང་བསྒོམ་གྱི་ལམ་གཉིས་ཀྱིས་བྱང་ཆུབ་ཆེན་པོར་རིག་པའི་བྱང་ཆུབ་སེམས་དཔའ་ཆོས་ལྔ་དང་ལྡན་ན། སྦྱིན་པའི་ཕ་རོལ་དུ་ཕྱིན་པ་ཡོངས་སུ་རྫོགས་པར་བྱེད་དེ། ལྔ་གང་ཞེ་ན། སེར་སྣའི་ཆོས་ཉིད་སེར་སྣའི་བག་ཉལ་སྤངས་པས་དེའི་དེ་བཞིན་ཉིད་དུ་གནས་གྱུར་ཐོབ་པ་འཕེལ་བར་བྱེད་པ་དང་། སྦྱིན་པས་ཡོངས་སུ་སྐྱོ་བ་ཡུན་རིང་པོར་སྦྱིན་པའི་རྒྱུ་མཆོག་ཏུ་བྱ་དཀའ་བས་ངལ་བར་བྱ་བ་ཁས་ལེན་པ་དང་། སློང་བ་ལ་ཚིག་པ་ཟ་བ་ནི་རང་གིས་ལེན་པར་འདོད་པས་སློང་བ་དང་མི་མཐུན་པའི་ཕྱིར་དང་། རེས་འགའ་བའི་ཕྱིར་ཅི་ཡང་སྦྱིན་པར་མི་བྱེད་པ་རྟག་ཏུ་སྦྱིན་པར་བྱེད་པ་དང་། ཉེ་བ་ལ་སྦྱིན་པ་སོགས་ཕྱོགས་ལྷུང་ཅན་གྱི་སྦྱིན་པ་ལས་རིང་དུ་གྱུར་པའོ། །ཞེས་ཇི་སྐད་གསུངས་པ་ལྟ་བུ་དང་། ཡང་ཇི་སྐད་དུ། བྱང་ཆུབ་སེམས་དཔའ་ཆོས་ལྔ་དང་ལྡན་ན་ཚངས་པར་སྤྱོད་པ་ཡིན་ཞིང་ཚངས་པར་སྤྱོད་པ་མཆོག་དང་ལྡན་པ་སྟེ། འཁྲིག་པ་ལས་གཞན་དུ་འཁྲིག་པ་ལས་ངེས་པར་འབྱུང་བ་མི་ཚོལ་བ་འཁྲིག་པ་དེ་ཁོ་ན་ཉིད་དུ་ཡང་ ― MR12_Page_0508 ―
[མ་དཔེ་གཟིགས་ན་འདིར་གནོན།]
དག་ཇི་བཞིན་ཤེས་ནས་སྤོང་བ་དང་། འཁྲིག་པ་སྤོང་བ་ཡི་ཐབས་ལ་གཡེལ་བ་རྟོག་པ་དང་། འཁྲིག་པའི་འདོད་ཆགས་ནང་དུ་སྐྱེས་པ་ཕྱི་རོལ་དུ་སྤོང་བ་དང་དུ་ལེན་པ་དང་། འཁྲིག་པའི་གཉེན་པོའི་ཆོས་ཀྱིས་སྐྲག་པ་སེམས་ཅན་བསྒྲལ་དོན་དུ་རྩོམ་པས་དང་། རྒྱུན་མི་འཆད་པར་ཞི་ལྷག་གཉིས་ཀྱིས་ཀུན་བྱང་རྒྱུ་འབྲས་ཀྱིས་ཕྱེ་བའི་བདེན་བཞི་རྟོགས་དོན་དུ་འདས་མ་འདས་ཀྱི་སྙོམས་འཇུག་གཉིས་ལ་སྦྱོར་བའོ། །ཞེས་གསུངས་པ་ལྟ་བུའོ། །ཆོས་མངོན་པ་ཀུན་ལས་བཏུས་པ་ལས་འཕེལ་བའི་གཏམ་རྣམ་པར་ངེས་པ་ཀུན་ལས་བཏུས་པ་ཞེས་བྱ་བ་སྟེ། ཀུན་ལས་བཏུས་པ་ལྔ་བའོ། །བསྟན་བཅོས་འདི་ཅིའི་ཕྱིར། ཆོས་མངོན་པ་ཀུན་ལས་བཏུས་པ་ཞེས་བྱ་ཞེ་ན། ངེས་པའི་ཚིག་གི་ཚུལ་གྱིས་རྟོགས་ནས་མདོ་རྣམས་ཀུན་ལས་བསྡུས་པའི་ཕྱིར་རོ། །བྱང་སེམས་རྣམས་ཀྱིས་རྟོགས་བྱ་དེ་ཁོ་ན་ཉིད་རྟོགས་ཤིང་ཁོང་དུ་ཆུད་ནས་བསམ་བྱའི་གནས་ཐམས་ཅད་ཀུན་ནས་བསྡུས་པའི་ཕྱིར་རོ། །ཕྱིན་ཅི་མ་ལོག་པའི་ཐབས་ཀྱིས་སངས་རྒྱས་ཉིད་ཀྱི་བར་དུ་ཐོབ་པར་བྱེད་པའི་ཕྱིར་ཡང་དག་པར་མཐོང་བའི་གནས་སུ་གྱུར་པ་ཡིན་པའི་ཕྱིར་རོ། །ཆོས་མངོན་པ་ཀུན་ལས་བཏུས་པ་སློབ་དཔོན་ཐོགས་མེད་ཀྱིས་མཛད་པ་རྫོགས་སོ། །རྒྱ་གར་གྱི་མཁན་པོ་ཛི་ན་མི་ཏྲ་དང་། ཤཱི་ལེནྡྲ་བོ་དྷི་དང་། ཞུ་ཆེན་གྱི་ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཞིང་ཞུས་ཏེ། གཏན་ལ་ཕབ་པའོ། །ཞག་བཞིས་ཀུན་གནད་བྲིས་པ་སྡུར་ལེགས་དགེ། ཀུན་བཏུས་བཤད་པ་སློབ་དཔོན་ཆེན་པོ་རྒྱལ་ ― MR12_Page_0509 ―
[མ་དཔེ་གཟིགས་ན་འདིར་གནོན།]
བའི་སྲས་ཀྱིས་མཛད་པ་བམ་བཅུ་སྔ་འགྱུར་མ་དང་བསྡུར་ཏེ་མཆན་ཞག་གསུམ་གྱིས་ཐུན་གསེང་གྲུབ་བོ། །མངོན་པ་ཀུན་བཏུས་ཀྱི་རྣམ་པར་བཤད་པ་ན། རྟོག་པ་ངེས་གནས་དྲི་མེད་དོན་སོགས། མཆོད་བརྗོད་ཚིགས་བཅད་གཉིས་དང་། མདོ་སྡེ་རྣམ་པར་བཤད་པའི་ཚིག་སོགས། བརྩམ་པར་དམ་བཅའ་ཚིགས་བཅད་གཅིག་འདུག །དེ་བསྟན་བཅོས་ཀུན་བཏུས་མཛད་པའི་གསུང་དུ་བྱས་འདུག །འདི་ནི་སྔ་འགྱུར་མ་དཔེ་ལས་རྒྱ་ཆེར་ཆད་པ་དང་། གོ་རིམ་བསྣོལ་བ། ཚིག་སྣ་བསྡུས་པ་སོགས་ཀྱི་ཆ་རྒྱ་དཔེ་གཞན་ལ་བརྟེན་ཏེ། ཐར་ལོ་ཉི་མ་རྒྱལ་མཚན་གྱིས་འགྱུར་བཅོས་མཛད་པའོ། །སྔ་འགྱུར་ལས་ཁྱད་ལྷག་པ་ཆེན་པོ་ཅི་ཡང་མི་འདུག །འགྱུར་ཚིག་ཕྲན་བུ་རེ་དང་། གོ་ནོར་ཅུང་ཟད་རེ་སྣང་། གཞན་ཐམས་ཅད་སྔ་འགྱུར་གཞིར་བཞག་འདུག །འགྲེལ་པ་གཉིས་བསྡུར་ཞུས་དག་བྱས་དགེ། ། ཤེས་རབ་བསྡུས་པའི་སྡོམ་བྱང་།― MR12_Page_0511 ―
[མ་དཔེ་གཟིགས་ན་འདིར་གནོན།]
ཤེས་རབ་བསྡུས་པའི་སྡོམ་བྱང་འདི་ཉིད་འཆད་པ་ལ། མཚན་དོན། གཞུང་དོན། མཇུག་དོན་གསུམ། དང་པོ་ཤེས་རབ་བསྡུས་པའི་སྡོམ་བྱང་ཞེས་བྱ་སྟེ། དེ་ཡང་ཤེས་རབ་ཞེས་པ་པྲཛྙཱའི་སྒྲ་ལས་དྲངས་ན་ཤེས་བྱ་རྣམས་ཀྱི་རབ་དང་ཕུལ་ཡིན་པའམ། རབ་ཏུ་ཤེས་པ་ཞེས་ཡུལ་གྱི་མཚན་ཉིད་ཕྱིན་ཅི་མ་ལོག་པར་ཁོང་དུ་ཆུད་པ་ཡིན་ལ། བྱེ་བྲག་ཏུ། པར་མ་ཨརྠ་དོན་དམ་པ་དང་ཛྙཱ་ཤེས་པའི་དབང་དུ་ནང་དོན་དམ་པའི་ཡུལ་ཅན་དུ་ཡང་བཤད་མོད་འདིར་ཤེས་བྱ་ཇི་སྙེད་པའམ་ཇི་ལྟ་བའི་གནས་ཚུལ་ཇི་བཞིན་ཤེས་པ་ལ་བྱའོ། །དེ་ལ་ཤེས་རབ་དེའི་ངོ་བོ་ནི་ཆོས་རབ་ཏུ་རྣམ་པར་འབྱེད་པའོ། །དབྱེ་བ་ནི། ཐོས་པ་ལས་བྱུང་བ་སོགས་གསུམ་མོ། །བྱེད་ལས་ནི། མི་ཤེས་པའི་མུན་པ་སེལ་བའོ། །བྱེད་ལས་ཀྱི་ཡོན་ཏན་ནི། འདི་ཕྱིའི་ལེགས་ཚོགས་ཀྱི་གཞིར་གྱུར་པའོ། །དེ་འདྲ་བའི་ཤེས་རབ་ཀྱི་རྣམ་གྲངས་མདོ་རྒྱུད་བསྟན་བཅོས་ལས་རྒྱ་ཆེར་བཤད་པ་དག་འདིར་གནད་གཅིག་ཏུ་དྲིལ་བ་ནི་བསྡུས་པ་ཡིན་ལ། དེ་ཤེར་ཕྱོགས་ཀྱི་རྣམ་གྲངས་སྡོམ་བྱང་ཀྱང་ཡིན་པས། བསྡུས་པའང་ཡིན་ལ་སྡོམ་བྱང་ཀྱང་ཡིན་པ་སྟེ། གང་བསྡུས་ཤིང་སྡོམ་དུ་བྱས་ཟེར་ན། ཤེས་རབ་ཀྱི་བསླབ་པའི་ཕྱོགས་སུ་གཏོགས་པ་ཐམས་ཅད་དོ། །མཚན་དེས་ནི། ཕྱོགས་གང་དུ་གཏོགས་པ་དང་། སྡེ་སྣོད་གང་ནས་བསྡུས་པ་དང་། དགོས་པ་གང་གི་དོན་ཡིན་པ་སོགས་ཀྱང་ཤེས་པར་བྱེད་དེ་ལྷག་པ་ཤེས་རབ་ཀྱི་བསླབ་པ་བརྗོད་པ་ཉིད་ཀྱི་ཕྱིར་རོ། །གཉིས་པ་གཞུང་དོན་ལ། ཕྱག་འཚལ་བ་དང་། གཞུང་དོན་དངོས། མཇུག་རྫོགས་པའི་བྱ་ ― MR12_Page_0512 ―
[མ་དཔེ་གཟིགས་ན་འདིར་གནོན།]
བ་གསུམ་ལས། དང་པོ། བླ་མ་ལ་སོགས། གཉིས་པ་ཐོས་དང་སོགས་གཞུང་བཞིན། གསུམ་པ་རྒྱལ་བའི་ཆོས་མཛོད། ༈ རིམ་ལྔ་ལས། སྤྱིར་སྔོན་འགྲོ་དབེན་པ་གསུམ། དངོས་གཞི་བདེན་པ་གཉིས། འབྲས་བུ་ཟུང་འཇུག་རྣམས་སུ་འདུ་བ་ལས། དང་པོ་ལ། ལུས་དབེན་ངག་དབེན་ཡིད་དབེན་གསུམ་ལས། འདིར་ལུས་དབེན་སྐུ་རྡོ་རྗེའི་རྣལ་འབྱོར་ནི། རྡོར་བཟླས་སམ་ངག་དབེན་གྱི་སྔོན་འགྲོར་མཛད་ནས་རྫོགས་རིམ་གྱི་ངོ་བོ་རིམ་པ་ལྔར་བཤད་པའི་དང་པོ། རྡོ་རྗེའི་བཟླས་པ་ནི། འབྱིན་འཇུག་གནས་གསུམ་ཡི་གེ་གསུམ་གྱི་སྒྲ་གདངས་དང་མི་ཕྱེད་པར་གོམས་པས་མགོན་པོ་བཞིའི་རླུང་གི་ཁ་དོག་ཤེས་ཤིང་དེའི་བྱེ་བྲག་ལྷ་མོ་རྣམས་ཀྱི་རླུང་ཡང་ཤེས་ནས་གང་འདོད་པར་འདྲེན་ནུས་པ་བྱུང་ན་རླུང་སེམས་བརྟན་པར་བྱེད་པའི་གཞི་འདིང་བ་ཡིན་ནོ། །དེ་ནས་ཡིད་དབེན་ཐུགས་རྡོ་རྗེའི་རྣམ་འབྱོར་ནི་རླུང་སེམས་དབུ་མར་བསྡུད་པའི་ཐབས་ཏེ། རང་གསང་བ་འདུས་པ་སོགས་སུ་གསལ་བའི་ཐུགས་ཀྱི་ཐད་དུ་འོད་སྔོན་པོའི་དཀྱིལ་དུ་ཐིག་ལེ་ཡུངས་འབྲུ་ཙམ་གྱི་དབུས་སུ་རྟ་རྔ་བརྒྱར་བཤགས་པའི་ཚད་ཙམ་གྱི་ན་དཱ་ནག་པོའམ། ཕྱག་མཚན་གསལ་བཏབ་ལ་དེ་དང་རང་སེམས་བསྲེས་ནས་བསྒོམ་པས་ཟླ་ཉི་མུན་པ་ལྟ་བུའི་སྣང་བ་གསུམ་སྐྱེ་བར་བྱེད་པའོ། །དངོས་གཞི་བདེན་པ་གཉིས་ལ། ཀུན་རྫོབ་སྒྱུ་ལུས་ནི། མཉམ་བཞག་རྗེས་ཐོབ་གཉིས། དང་པོ་མདུན་གྱི་བར་སྣང་སྟོང་པར་ཡིད་དམིགས་རླུང་གསུམ་རྩེ་གཅིག་གཞག་པས། སྣང་གསུམ་གྱི་རྟགས་སྣང་གི་ཐ་མར་འོད་གསལ་བརྗོད་བྲལ་གྱི་མཐར་སྣང་གསུམ་ལུགས་འབྱུང་ ― MR12_Page_0513 ―
[མ་དཔེ་གཟིགས་ན་འདིར་གནོན།]
དུ་ཤར་བའི་ཉེར་ལེན་བྱས། རླུང་འོད་ཟེར་ལྔ་བའི་ལྷན་ཅིག་བྱེད་རྐྱེན་ལ་བརྟེན་ནས་སྟོང་གཟུགས་ཇི་སྙེད་པ་འཆར་ཞིང་། ཁྱད་པར་སྒྱུ་མའི་རང་བཞིན་གྱི་ལྷ་སྐུ་གསལ་སྟོང་ཆུ་ཟླ་དང་འཇའ་ཚོན་གྱི་ཚུལ་དུ་འཆར་བ་ནི་དག་པའི་སྒྱུ་ལུས་དངོས་ཡིན་ལ། དེ་ལས་ལངས་པའི་རྗེས་ཐོབ་ཏུ་སྣོད་བཅུད་ཐམས་ཅད་སྣང་ཡང་མི་བདེན་པ་སྒྱུ་མ་ལྟ་བུར་རྩལ་སྦྱོང་པས་ཉིན་མཚན་འདའ་བར་བྱའོ། །གཉིས་པ་དོན་དམ་འོད་གསལ་ནི། ལྷ་སྐུའི་སྣང་བ་ལ་སོགས་པ་དེ་དག་རིལ་འཛིན་ནམ། རྗེས་གཞིག་གང་རུང་གི་སྒོ་ནས་སྟོང་པར་བསམས་ཏེ་ཆོམས་ཀྱིས་བཞག་པས། དུ་སོགས་ཀྱི་རྟགས་སྔར་སེམས་དབེན་གྱི་སྐབས་ལས་ཀྱང་ཕྲ་ཞིང་གསལ་བའི་མཐར་འོད་གསལ་ནམ་མཁའ་སྤྲིན་བྲལ་ལྟར་མྱོང་བ་ནི་དངོས་གཞིའོ། །དེ་ལ་བརྟེན་ནས་གཉིད་འཐུག་དང་འཆི་ཁའི་འོད་གསལ་ཀྱང་རང་ཟིན་དུ་འགྱུར་རོ། །གསུམ་པ་འབྲས་བུ་ཟུང་འཇུག་ནི། འོད་གསལ་དེའི་ངང་ལས་སྒྱུ་ལུས་ཀྱི་ལྷ་སྐུར་ལྡང་བ་སྣང་སྟོང་ཟུང་དུ་འཇུག་པ་གང་ཡིན་པའོ། །༼༧༽ །སྦྱོར་བ་དྲུག་ནི། སྔོན་འགྲོ་ལྟོས་མེད་བཞི་ལྡན་ནམ། དབེན་པ་གསུམ་ལྡན་བྱས་ནས། ཉིན་མོ་སྤྲིན་བྲལ་གྱི་ནམ་མཁའ་མ། མཚན་མོ་གསིང་མེད་ཀྱི་མུན་པར་བྱེད་བཅིང་གི་སྒོ་ནས་སྨིན་མཚམས་ཀྱི་ནམ་མཁའ་དང་། རང་སེམས་དབྱེར་མེད་ལྷན་ནེར་བཞགས་པས་སྒོ་ལྔའི་ཤེས་པ་ཡུལ་ལ་འཕྲོ་བ་བསྡུད་ནས་ལས་རླུང་དབུ་མར་འཇུག་པའི་རྟགས། དུ་བ་སོགས་བཅུ་གསུམ་རྫོགས་པར་མཐོང་བ་སོར་སྡུད་དོ། །བསམ་གཏན་ནི། སྔར་སོར་སྡུད་ཀྱིས་གྲུབ་པའི་སྟོང་གཟུགས་ཉིད་ལ་རྩེ་གཅིག་ཏུ་བརྟན་པ་ཐོབ་པར་ ― MR12_Page_0514 ―
[མ་དཔེ་གཟིགས་ན་འདིར་གནོན།]
བྱེད་པ་ཡིན་ལ། དེ་ཡང་བསམ་གཏན་གྱི་ཡན་ལག་ལྔ་རྫོགས་ཤིང་སྟོང་གཟུགས་རབ་འབྱམས་སུ་ཤར་བའོ། །སོར་བསམ་གཉིས་ནི། ཐོག་མར་དགེ་བ་སྐུ་རྡོ་རྗེའི་ཁྲིད་དོ། །གཉིས་པ་བར་དུ་དགེ་བ་ལ། སྲོག་རྩོལ་ནི་སྔོན་འགྲོ་རྡོ་རྗེ་བཟླས་པས་རྩ་ལམ་སྦྱངས་ནས། དངོས་གཞི་སྟོང་གཟུགས་ཀྱི་རྟགས་སྣང་རླུང་སེམས་དབྱེར་མེད་བསྲེས་ཏེ་ཉམས་སུ་བླང་ནས། མཐར་བུམ་ཅན་གྱི་སྦྱོར་བས་ལུས་ནང་དུ་འོད་གསལ་གྱི་རྟགས་སྣང་དངོས་སུ་འཆར་བ་སྟེ་སྲོག་གི་རླུང་བཅུ་དབུ་མར་འགག་པར་བྱེད་པའི་དོན་ཏོ། །དེ་ལ་སྲོག་རྩོལ་གྱིས་སྲོག་ཐུར་བསྲེས་པ་དེ་ཉིད་དབུ་མའི་ཐིག་ལེར་ཐིམ་པར་བྱེད་པ་ནི་འཛིན་པ་སྟེ། འཁོར་ལོ་ལྔར་བུམ་ཅན་དང་དམིགས་པའི་སྦྱོར་བས་སྟོང་གཟུགས་དྲངས་ཤིང་ཐིམ་པར་བསམ་ཏེ། འཁོར་ལོའི་གནས་སོ་སོར་བུམ་ཅན་ཇི་ལྟར་འདོད་པར་དགག་ནུས་པའི་བར་དུའོ། །སྲོག་འཛིན་གཉིས་ནི་གསུང་རྡོ་རྗེའི་ཁྲིད་དོ། །དེ་ནས་དེ་ལྟར་འཁོར་ལོ་ལྔའམ་དྲུག་ཏུ་རླུང་སེམས་ལ་དབང་ཐོབ་པའི་གནད་ཀྱིས་གཏུམ་མོའི་འབར་སྣང་ལ་ཅི་དགར་སྤྱོད་ཅིང་། བདེ་རླུང་ལ་དབང་ཐོབ་ཅིང་རྩ་ཡི་མདུད་པ་གྲོལ་བ་ཡིན་པས། ལྟེ་བའི་གཏུམ་མོའི་མེས་སྤྱི་བོའི་ཧཾ་ཞུ་བས་བདེ་བ་སྐྱེད་ཅིང་ལས་དང་ཡེ་ཤེས་དང་ཕྱག་ཆེན་གསུམ་གང་རུང་ལ་བརྟེན་ནས་དགའ་བཞིའི་ཉམས་མྱོང་འདྲེན་པ་ནི་རྗེས་དྲན་ནོ། །དེ་འདྲའི་རྗེས་དྲན་གྱིས་དྲང་བའི་བདེ་བ་ཉིད་མི་འགྱུར་བའི་བདེ་བ་བསྒྲུབ་པའི་སླད་དུ་ཡས་བབ་དང་མས་བརྟེན་གྱི་དགའ་བཞིའི་ཉམས་མྱོང་ཁྱད་པར་ཅན་དྲངས་ཏེ། སྟོང་གཟུགས་དང་བདེ་བ་དབྱེར་མེད་པར་འཁོར་ལོའི་གནས་སོ་སོ་བུམ་ཅན་གྱིས་དྲངས་པར་བྱས་པའི་མི་ ― MR12_Page_0515 ―
[མ་དཔེ་གཟིགས་ན་འདིར་གནོན།]
འགྱུར་བའི་བདེ་བ་སྐད་ཅིག་དང་པོ་ནས་ཉི་ཁྲི་ཆིག་སྟོང་དྲུག་བརྒྱ་རྫོགས་པའི་བར་དུ་གོམས་པར་བྱས་པས་ཁམས་དཀར་དམར་གྱི་བགྲོད་པ་དབུ་མའི་ནང་དུ་གཡོ་མེད་དུ་བརྟན་པས་མི་འགྱུར་བའི་བདེ་བ་དང་། རྣམ་ཀུན་མཆོག་ལྡན་གྱི་སྟོང་པ་ཉིད་ཟུང་དུ་འཇུག་པའི་ཉམས་མྱོང་ཁྱད་པར་ཅན་ནི་ཏིང་འཛིན་ནོ། །དེ་ལ་བརྟེན་ནས་ལྷན་སྐྱེས་ཡེ་ཤེས་ཀྱི་སྐུ་འགྲུབ་པར་བྱེད་པའོ། །དགེའོ། །དགེའོ། །དགེའོ།། །། ཐེག་ཆེན་བསྡུས་པའི་སྙིང་པོ་མཆན་བཅས།― MR12_Page_0517 ―
[མ་དཔེ་གཟིགས་ན་འདིར་གནོན།]
ཐེག་ཆེན་བསྡུས་པའི་སྙིང་པོ་མཆན་བཅས་བཞུགས་སོ། ། ― MR12_Page_0518 ―
[མ་དཔེ་གཟིགས་ན་འདིར་གནོན།]
ན་མོ་མཉྫུ་ཤྲཱི་མེེ་ཏྲི་ན་ཐཱ་ཡ། འདིར་ཤིང་རྟ་ཆེན་པོ་འཕགས་པ་ཐོགས་མེད་ཀྱི་བསྟན་བཅོས་ཆེན་པོ་ཐེག་པ་ཆེན་པོ་བསྡུས་པའི་གཞུང་གི་དོན་གནད་སྙིང་པོ་རང་གི་ཡིད་ལ་འཇིག་པའི་སླད་དུ་ཚིག་སྣ་བསྡུས་ཏེ་བཀོད་པ། ཟབ་ཅིང་རྒྱ་ཆེ་བའི་ཐེག་པ་ཆེན་པོ་ལ་ངེས་ཤིང་དོན་ཁོང་དུ་ཆུད་བའི་ཚུལ་གྱིས་ཤིན་ཏུ་ཞུགས་པའི་བྱང་ཆུབ་སེམས་དཔས། ཐེག་པ་ཆེན་པོའི་ཟབ་པ་དང་རྒྱ་ཆེ་བའི་བདག་ཉིད་བརྗོད་པར་བྱ་བའི་ཕྱིར། བཅོམ་ལྡན་འདས་མངོན་སུམ་དུ་བཞུགས་བཞིན་པ་ཉིད་ཀྱི་སྤྱན་སྔར་འདི་ལྟ་སྟེ། ཐེག་པ་ཆེན་པོ་ལས་བརྩམ་ནས། ཆོས་མངོན་པ་ཤིན་ཏུ་རྒྱས་པའི་ཐེག་པ་ཆེན་པོའི་མདོ་ལས།སངས་རྒྱས་བཅོམ་ལྡན་འདས་རྣམས་ཀྱི་གསུང་ཁྱད་པར་རྣམ་པ་བཅུས་ཁྱད་པར་དུ་འཕགས་པ་གསུངས་ཏེ། འདི་ལྟར་སངས་རྒྱས་བཅོམ་ལྡན་འདས་རྣམས་ཀྱི་གསུང་ཞེས་བྱ་བའི་གནས་ཀྱི་ཁྱད་པར་ ― MR12_Page_0519 ―
[མ་དཔེ་གཟིགས་ན་འདིར་གནོན།]
ཀུན་གཞི་སྟེ། རྒྱུ་དང་རྟེན་གྱི་ཕྱིར་གྱིས་ཁྱད་པར་དུ་འཕགས་པ། སྟོན་པ་ཚདམའི་སྐྱེས་བུ་སངས་རྒྱས་བཅོམ་ལྡན་འདས་རྣམས་ཀྱིས་གསུང་ཞེས་བྱ་བའི་རང་བཞིན་དུ་གྱུར་པ་དེ་མཚན་ཉིད་ཀྱི་ཁྱད་པར་གྱིས་ཁྱད་པར་དུ་འཕགས་པ་དང་། ཤེས་བྱའི་མཚན་ཉིད་དེ་ལ་འཇུག་པའི་ཁྱད་པར་གྱིས་ཁྱད་པར་དུ་འཕགས་པའི་གསུང་དང་ཞེས་སོགས་གསུངས་པ་ལྟར་དོན་བསྡུ་ན། གནས་ཀྱི་ཁྱད་པར་དུ་འཕགས་པ་དང་། དེ་བཞིན་མཚན་ཉིད་དང་། དེ་ལ་འཇུག་པའི་ཁྱད་པར་དུ་འཕགས་པ་དང་། འཇུག་པ་དེའི་རྒྱུ་འབྲས་ཀྱི་ཁྱད་པར་དུ་འཕགས་པ་དང་། དེའི་རྒྱུ་འབྲས་བསྒོམ་པ་རབ་ཏུ་དབྱེ་བའི་ཁྱད་པར་དུ་འཕགས་པ་དང་། བསྒོམ་པའི་དབྱེ་བ་ལ་ཁྱད་པར་དུ་འཕགས་པ་དང་། ལྷག་པའི་ཚུལ་ཁྲིམས་ཀྱིས་ཁྱད་པར་དུ་འཕགས་པ་དང་། ལྷག་པའི་སེམས་ཀྱིས་ཁྱད་པར་དུ་འཕགས་པ་ ― MR12_Page_0520 ―
[མ་དཔེ་གཟིགས་ན་འདིར་གནོན།]
དང་། ལྷག་པའི་ཤེས་རབ་ཀྱི་ཁྱད་པར་དུ་འཕགས་པ་དང་། དེའི་འབྲས་བུ་སྤངས་པའི་ཁྱད་པར་དུ་འཕགས་པ་དང་། ཡེ་ཤེས་ཀྱི་ཁྱད་པར་དུ་འཕགས་པ་བཅུ་གསུངས་སོ། །འདི་ལྟར་ཉན་ཐོས་ཀྱི་ཐེག་པར་མ་བསྟན་པའི་གནས་བཅུ་འདི་ནི། ངོ་བོ་ཉིད་གསུམ་གྱི་རྒྱུ་ཤེས་བྱའི་གནས་ཐ་སྙད་དུ་ཕྲ་ཞིང་ཟབ་པ་ཀུན་གཞིའི་རྣམ་ཤེས། གཞན་དབང་། ཀུན་བརྟགས། ཡོངས་གྲུབ་སྟེ་ངོ་བོ་ཉིད་གསུམ་ཤེས་བྱའི་མཚན་ཉིད། རྣམ་པར་རིག་པ་ཙམ་ནི་གང་གིས་ཤེས་བྱའི་མཚན་ཉིད་དེ་ལ་འཇུག་པ། ཕར་ཕྱིན་དྲུག་ནི་དེ་ལ་འཇུག་པའི་རྒྱུ་འཇིག་རྟེན་པའི་སྤྱིན་སོགས་དང་འདས་པའི་སྦྱིན་སོགས་འབྲས་བུ། བྱང་ཆུབ་སེམས་དཔའི་ས་བཅུ་ནི་དེའི་རྒྱུ་འབྲས་ཀྱི་འཇུག་པ་གོམས་པར་བྱེད་པ་བསྒོམ་པའི་རབ་དབྱེ། སྒོམ་པ་དེ་ལ་བྱང་ཆུབ་སེམས་དཔའི་སྡོམ་པ་མི་དགེ་མི་བྱེད་པ་ལྷག་པའི་ཚུལ་ཁྲིམས། དཔའ་འགྲོ་མཁའ་མཛོད་སོགས་ཀྱི་ཏིང་ངེ་འཛིན་ལྷག་པའི་ནང་གི་སེམས་ཀྱི་བསླབ་པ། རྣམ་པར་མི་རྟོག་པའི་ཡེ་ཤེས་ལྷག་པའི་ཤེས་རབ། མི་གནས་པའི་མྱང་འདས་འབྲས་བུ་སྟེ་སྒྲིབ་གཉིས་སྤངས་པ་ཆེན་པོ། མི་རྟོག་པའི་ཡེ་ཤེས་མཐར་ཐུག་པའི་དབང་གིས་ངོ་བོ་ཉིད་དང་ལོངས་སྤྱོད་རྫོགས་པ་སྤྲུལ་པའི་སྐུ་གསུམ་འབྲས་བུ་ཡེ་ཤེས་སོ། །འདི་དག་ཉན་ཐོས་ལ་མ་བསྟན་པར་བྱང་ཆུབ་སེམས་དཔའ་རྣམས་ལས་བརྩམས་ནས་ཐེག་པ་ཆེན་པོའི་ཁྱད་པར་འཕགས་ཆོས་སུ་བསྟན་ནོ། །དེའི་ཕྱིར་ཐེག་པ་ཆེན་པོ་སངས་རྒྱས་ཀྱི་བཀའ་ནི་འདི་དག་སྟེ་བྱང་ཆུབ་ཆེན་པོ་སྒྲུབ་ཅིང་ཐམས་ཅད་མཁྱེན་པའི་ཡེ་ཤེས་འཐོབ་པའི་ལམ་ཁྱད་པར་པ་འདི་ཡིན་པས། ― MR12_Page_0521 ―
[མ་དཔེ་གཟིགས་ན་འདིར་གནོན།]
ཉན་ཐོས་ཀྱི་ཐེག་པ་ལ་དེ་མེད་པས་ཐེག་པ་ཆེན་པོའི་གྲངས་སུ་ཆུད་པ་མིན་ནོ། །ཤེས་བྱའི་གནས་རྟེན་འབྲེལ་བསྟན་པ་ཀུན་གཞིའི་རྣམ་ཤེས་ལ་འདུས་ཏེ་ནང་གི་རྟེན་འབྲེལ་ཟབ་མོ་ཡིན་པ་དང་ཀུན་གཞི་དེ་ལ་ཇི་ལྟར་སྣང་བའི་མཚན་ཉིད་དང་རྣམ་རིག་ཙམ་གྱི་དོན་དེར་འཇུག་པ་དང་། རྣམ་རིག་ཙམ་ཡིན་པ་དེ་ཡི་རྒྱུ་འབྲས་ཕར་ཕྱིན་དང་དེ་ས་བཅུར་གོང་ནས་རབ་དབྱེ་བ་གོང་དུ་གོམས་པའི་དང་། །ས་དག་གི་བསླབ་པ་གསུམ་ཡོངས་སུ་དག་པ་དང་དེ་ལས་འབྲས་བུ་སྤངས་པ་མྱང་འདས་དང་། །རྟོགས་པའི་ཡེ་ཤེས་ཐོབ་པས་འདི་བཅུ་བསྟན་པའི་ཐེག་པ་ནི་ཐེག་དམན་ལས་མཆོག་ཏུ་གྱུར་ཅིང་ཁྱད་པར་འཕགས། །གནས་བཅུ་བསྟན་པ་འདི་འདི་ལྟར་ཉན་ཐོས་ཀྱི་ཐེག་པ་གཞན་ན་མ་མཐོང་ལ། །འདི་དག་བྱང་ཆུབ་མཆོག་གི་རྒྱུར་མཐོང་བས། །གནས་བཅུ་བསྟན་པས་ཁྱད་ཞུགས་གང་ཡིན་པ། །ཐེག་པ་ཆེན་པོ་སངས་རྒྱས་ཀྱི་བཀར་འདོད་དོ། །འདི་དག་གི་གོ་རིམ་ནི། འདི་ལྟར་ཐོག་མར་བྱང་ཆུབ་སེམས་དཔའི་རྟེན་ཅིང་འབྲེལ་བར་འབྱུང་བའི་ཆོས་རྣམས་ཀྱི་རྒྱུ་ལ་མཁས་པར་བྱའོ། །དེའི་འོག་ཏུ་རྟེན་འབྲེལ་གྱི་མཚན་ཉིད་ལ་མཁས་པས་ཀུན་བརྟགས་མེད་པ་དང་། གཞན་དབང་ཡོད་ཀྱང་དེ་ལྟར་མིན། ཡོངས་གྲུབ་ཡོད་པས་སྒྲོ་སྐུར་གྱི་མཐའ་སྤང་ངོ་། །དེའི་རྗེས་སུ་མཚན་ཉིད་ཤིན་ཏུ་རྟོགས་ནས་སེམས་སྒྲིབ་པ་ལས་གྲོལ་ཏེ་རྣམ་པར་རིག་ཙམ་དུ་ཤེས་ཤིང་ལྷག་བསམ་རྣམ་པར་དག་པ་ལ་བརྟེན་ནས་ཕར་ཕྱིན་དྲུག་སྒྲུབ་བོ། །ཕར་ཕྱིན་དེ་དག་ས་བཅུར་གོང་ནས་གོང་དུ་བསྐལ་པ་གྲངས་མེད་གསུམ་སྒོམ་མོ། །དེ་ལས་བསླབ་གསུམ་ཡོངས་སུ་རྫོགས་ནས་འབྲས་བུ་མྱང་འདས་དང་། ― MR12_Page_0522 ―
[མ་དཔེ་གཟིགས་ན་འདིར་གནོན།]
བླ་མེད་རྫོགས་པའི་བྱང་ཆུབ་ཏུ་འཚང་རྒྱས་ཏེ་ཐམས་ཅད་མཁྱེན་པའི་ཡེ་ཤེས་ཐོབ་བོ། །ཞེས་གསུངས་པ་འདིར་ཐེག་ཆེན་གྱི་ལམ་ཐམས་ཅད་རྫོགས་པ་ཡིན་ནོ། །དང་པོ་ཀུན་གཞིའི་རྣམ་ཤེས་བསྒྲུབ་པ། མངོན་པའི་མདོ་ལས། ཐོག་མ་མེད་པའི་དུས་ཀྱི་དབྱིངས་སམ་རྒྱུ་དེ་ནི། འཁོར་བའི་ཆོས་རྣམས་ཀུན་གྱི་འབྱུང་བའི་གནས་ཡིན་ཏེ། དབྱིངས་དེ་ཡོད་པས་ན་ཁམས་གསུམ་གྱི་འགྲོ་ཀུན་དང་། དེ་སྤངས་པས་མྱ་ངན་འདས་པའང་འཐོབ་པར་འགྱུར། །རྣམ་བྱང་གི་གནས་མ་ཡིན་ཏེ། དེ་ཀུན་གཞིས་མ་བསྡུས་ཀྱང་རྟེན་ཙམ་ཡིན་ནོ། །ཞེས་དང་། ཆོས་ཀུན་གྱི་ས་བོན་ཐམས་ཅད་པའི། །རྣམ་པར་ཤེས་པ་ནི་ཀུན་གཞི་སྟེ། །དེ་བས་ཀུན་གཞི་རྣམ་ཤེས་ཏེ། །དམ་པ་བྱང་སེམས་དག་ལ་ངས་བཤད་དོ། །ཞེས་གསུངས། ཅིའི་ཕྱིར་ཀུན་གཞིའི་རྣམ་ཤེས་ཞེས་བྱ་ན། སྐྱེ་བའི་ཆོས་ཀུན་ནས་ཉོན་མོངས་པ་ཐམས་ཅད་དེ་དང་དེའི་འབྲས་བུའི་དངོས་པོ་དེར་སྦྱོར་བའམ། ཀུན་གཞིའི་རྣམ་ཤེས་དེ་ཡང་དེ་དག་གི་རྒྱུའི་དངོས་པོ་དེ་དག་ཏུ་སྦྱོར་བའི་ཕྱིར་རོ། །ཡང་ན་སེམས་ཅན་སྣ་ཚོགས་པ་དག་ཀུན་གཞིའི་རྣམ་ཤེས་དེའི་བདག་ཉིད་དུ་སྦྱོར་བས་སོ། །དགོངས་འབྲེལ་ལས་འགྲོ་བ་དྲུག་གི་སེམས་ཅན་གྱི་རིས་སྐྱེ་གནས་བཞིའི་བསྡུས་པ་དེ་དག་སྐྱེ་གནས་སུ་ལུས་འགྲུབ་པ་དེའི་དང་པོར་རྟེན་པ་དང་བཅས་པའི་དབང་པོ་གཟུགས་ཅན་ལེན་པ་དང་མིང་དང་མཚན་མ་རྣམ་རྟོག་ལས་ཐ་སྙད་འདོགས་པའི་སྤྲོས་པའི་བག་ཆགས་ལེན་པ་ལ་བརྟེན་ནས་ས་བོན་ཐམས་ཅད་ཀྱི་སེམས་རྣམ་པར་སྨིན་ཅིང་འཇུག་ལ་རྒྱས་ཤིང་འཕེལ་བ་དང་ཡངས་པར་འགྱུར་རོ་ཞེས་གསུངས་པ་ལྟར་རོ། །དེ་ནི་ལེན་པའི་རྣམ་ཤེས་ཞེས་བྱ་སྟེ། དགོངས་འགྲེལ་ལས། ལེན་པའི་རྣམ་པར་ཤེས་པ་འཇིག་རྟེན་པས་མ་རྟོགས་པས་ ― MR12_Page_0523 ―
[མ་དཔེ་གཟིགས་ན་འདིར་གནོན།]
ཟབ་ཤིང་ཉན་ཐོས་བསམ་རྟོགས་པའི་ཕྲ་བ། ཀུན་ཉོན་གསུམ་གྱི་ས་བོན་ཐམས་ཅད་ཆུ་བོའི་རྒྱུན་བཞིན་འབབ་སྟེ། རྡོར་ཏིང་མ་སྐྱེད་པར་དུ་རྒྱུན་ཆགས་པས། དེ་བསྟན་ན་བདག་ཏུ་རྟོགས་པར་གྱུར་ན་མི་རུང་ཞེས། །འདི་ནི་བྱིས་པ་རྣམས་ལ་ངས་མ་བསྟན། །ཞེས་གསུངས། ཅི་ཕྱིར་ལེན་པའི་རྣམ་ཤེས་ཞེས་བྱ་ན། དབང་པོ་གཟུགས་ཅན་ཐམས་ཅད་ཀྱི་རྒྱུ་ཡིན་པ་དང་། ལུས་ཅན་ཉེ་བར་ལེན་པའི་གནས་སུ་གྱུར་པའི་ཕྱིར་ཏེ། འདི་ལྟར་ཚེ་ཇི་སྲིད་སྐྱེས་ནས་མ་ཤིའི་བར་དུ་རྗེས་སུ་འཇུག་གི་བར་དུ། དེས་དབང་པོ་གཟུགས་ཅན་ལྔ་པོ་མ་ཞིག་བར་ཉེ་བར་བཟུང་བས་ཡིན་གྱི་མ་བཟུང་ན་ཤི་ལུས་བཞིན་དུ་རུལ་བར་འགྱུར་བ་དང་། ཀུན་གཞིའི་ཤེས་པ་དེ་ལུས་ཐམས་ཅད་ལེན་པའི་གནས་སུ་འགྱུར་ཕྱིར། འདི་ལྟར་ཉིང་མཚམས་སྦྱོར་བ་སྔ་ཕྱིའི་མཚམས་སྤྲེལ་བ་ན་ཡང་ཀུན་གཞིའི་རྣམ་ཤེས་དེས་ལུས་ཕྱི་མ་མངོན་པར་འགྲུབ་པ་སྟེ་དེ་ལ་ལུས་ཐམས་ཅད་ཀྱི་ས་བོན་ཡོད་པས་ལུས་ཉེ་བར་འཛིན་པའི་ཕྱིར་ལུས་བཟུང་བ་ཡིན་པའི་ཕྱིར་རོ། །ཀུན་གཞིའི་རྣམ་ཤེས་དེ་ནི་སེམས་ཞེས་བྱ་སྟེ་ཆོས་ཀྱི་བག་ཆགས་སྣ་ཚོགས་པ་རྣམས་ཀུན་ནས་བསགས་པའི་ཕྱིར་རོ། །ཡིད་ནི་གཉིས་ཏེ་རྣམ་ཤེས་འགགས་མ་ཐག་པའི་ཡིད་ཅེས་བྱ་བ། དེ་མ་ཐག་པའི་རྐྱེན་དུ་གྱུར་པ་རྣམ་པར་ཤེས་པ་སྐྱེ་བའི་གནས་དང་༡ ། ཉོན་ཡིད་ནི་བག་ཆགས་སོགས་འཁོར་བཞི་ལྡན་ངར་འཛིན་དེ། དེ་ནི་རྣམ་པར་ཤེས་པ་ཀུན་ནས་ཉོན་མོངས་པའི་གནས་སོ། །འཇུག་ཤེས་ནི་གཟུགས་སོགས་སོ་སོའི་ཡུལ་ལ་རྣམ་པར་རིག་པའི་ཕྱིར་རྣམ་ཤེས་སོ། །དེས་ན་བཅོམ་ལྡན་འདས་ཀྱིས་སེམས་དང་ཡིད་དང་རྣམ་ཤེས་ཞེས་གསུངས་སོ། ། ― MR12_Page_0524 ―
[མ་དཔེ་གཟིགས་ན་འདིར་གནོན།]
ཉོན་ཡིད་མེད་ན་མ་རིག་པ་ཆགས་སོགས་ཉོན་མོངས་པ་གཞན་དང་མ་འདྲེས་པ་མེད་པའི་སྐྱོན་དང་། མིག་ཤེས་སོགས་ལྔ་པོ་དག་དང་ཆོས་མཚུངས་པའམ་འདྲ་བ་མེད་པར་ཡང་འགྱུར་རོ་ཏེ་མིག་ཤེས་སོགས་ལ་སོ་སོའི་རྟེན་མིག་སོགས་ཡོད་ཀྱང་། ཡིད་ལ་ནི་ཉོན་ཡིད་རྟེན་ཡིན་ལ་དེ་མེད་ན་ལྔ་པོ་དང་མི་འདྲ་བར་རྟེན་མེད་དུ་འབྱུང་བར་འགྱུར་རོ། །དེ་ཉིད་བཤད་པ་འདི་ལྟར་རྣམ་ཤེས་ཚོགས་ལྔའི་རྟེན་རང་དང་ལྷན་ཅིག་འགྱུར་བ་ནི་མིག་སོགས་སོ། །ངར་འཛིན་པས་ན་ཡིད་ཅེས་བྱ་བའི་ངེས་ཚིག་མེད་པའི་སྐྱོན་དུ་ཡང་འགྱུར་རོ་ཏེ་དེ་མ་ཐག་པའི་ཡིད་ནི་འགགས་པའི་ཕྱིར་དེ་ལྟར་མི་བརྗོད་དོ། །འདུ་ཤེས་མེད་པ་དང་འགོག་སྙོམས་བྱེ་བྲག་མེད་པར་འགྱུར་ཏེ། སྔ་མ་རྣམ་ཤེས་གཞན་འགགས་ཀྱང་ཉོན་ཡིད་ཡོད་པ་ཉིད་ཀྱིས་ཕྱེ་བ་དང་འགོག་སྙོམས་ལ་ཉོན་ཡིད་འགགས་ཏེ་མེད་པས་སོ། ༧ །འདུ་ཤེས་མེད་པར་ཉོན་ཡིད་མེད་ན། དེར་སྐྱེ་བ་གཞན་ཐོག་མ་འབྱུང་མ་ཐག་ཏུ་ཉོན་མོངས་ཅན་མིན་པར་འགྱུར་རོ་ཏེ་ངར་འཛིན་མེད་ན་ངར་འཛིན་རྒྱུ་མེད་དུ་སྐྱེ་བར་འགྱུར་རོ། ༧ །དགེ་མི་དགེ་ལུང་མ་བསྟན་པའི་སེམས་ཐམས་ཅད་ལ་དུས་ཀུན་དུ་ངར་འཛིན་འབྱུང་བར་དམིགས་ན་ཡང་། གཞན་དུ་ན་ངར་འཛིན་མེད་ན་ངར་འཛིན་དེ་མི་དགེ་བའི་སེམས་ཁོ་ན་དང་དེ་མཚུངས་པར་ལྡན་རུང་གི་དགེ་དང་ལུང་མ་བསྟན་ལ་དེ་མཚུངས་ལྡན་དུ་འབྱུང་མི་རིགས་ན་ཡང་། དེ་ལྟར་མ་ཡིན་པས་སྦྱིན་སོགས་དགེ་བའི་སེམས་ལའང་ངར་འཛིན་འཇུག་པས་སོ། །དགེ་སོགས་དང་ལྷན་ཅིག་འབྱུང་བ་དང་། མཚུངས་ལྡན་དུ་ཀུན་དུ་འབྱུང་བས་གོང་བཤད་སྐྱོན་འདིར་ཉོན་ཡིད་འདོད་པ་ལ་མི་འགྱུར་རོ། །འདིར་ཚིགས་སུ་བཅད་པ། ཉོན་ཡིད་མེད་ན་མ་འདྲེས་པ་ཡི་མ་རིག་པ་མེད་པ་དང་། ― MR12_Page_0525 ―
[མ་དཔེ་གཟིགས་ན་འདིར་གནོན།]
མིག་ཤེས་སོགས་ལྔ་པོ་དག་དང་ཡིད་ཤེས་འདྲ་བ་ཉིད་དུ་ཁས་བླངས་དེ་འགལ་ཏེ་མིག་ཤེས་ལ་མིག་སོགས་བདག་པོའི་རྐྱེན་ནམ་གནས་ཡིན་ན། ཡིད་ལ་ཉོན་ཡིད་མེད་ན་དེ་མེད་པས་སོ། །གཞན་གྱི་གཞུང་ལས་གང་ལྷན་ཅིག་སྐྱེས་པའི་གནས་མེད་པའི་རྣམ་པར་ཤེས་པ་ཅི་ཡང་མེད་དོ་ཞེས་ཁས་བླང་ངོ་། །ཀུན་གཞི་གནས་མིན་ནམ་ཞེ་ན་མིན་ཏེ། བདག་པོའི་རྐྱེན་དུ་བརྗོད་པས་འདོད་པའི་ཕྱིར་རོ། །ཀུན་གཞི་ནི་ཡིད་ཤེས་ཀྱི་རྒྱུའི་རྐྱེན་ཡིན་ནོ། །ཉོན་ཡིད་ནི་བདག་པོའི་རྐྱེན་ཡིན་ནོ། །གང་དག་སྙིང་ལ་གནས་པའི་གཟུགས་ཅི་ཡང་རུང་བ་ཞིག་ཡིད་ཤེས་སྐྱེ་བའི་གནས་སོ། །ཞེས་སྨྲ་བ་རྣམ་རྟོག་ཙམ་དུ་ཟད་དོ། །གཟུགས་ལ་བརྟེན་པའི་མིག་ཤེས་སོགས་བཞི་ནི་ད་ལྟའི་ཡུལ་ཡོད་པ་ལ་རྟོག་གི་འདས་མ་འོངས་ལ་རྟོག་པར་མི་འགྱུར་རོ་དང་། འདུ་ཤེས་མེད་པ་དང་འགོག་སྙོམས་ཀྱི་སྙོམས་པར་འཇུག་པའི་ཁྱད་པར་ཡོད་སྙམ་ན་མི་འཐད་དེ་ངོ་བོ་ལ་ཐ་དད་མེད་པས་སོ། །དེས་ན་བྱེ་བྲག་ཁྱད་མེད་པར་འགྱུར་བ་དང་། ངར་སེམས་པའི་ཕྱིར་ཡིད་དོ་ཞེས་པའི་ངེས་ཚིག་མེད་པའི་སྐྱོན་དུ་འགྱུར་རོ། །འདུ་ཤེས་མེད་པའི་གནས་སུ་ཉིང་མཚམས་སྦྱོར་བའི་སྐྱེ་བའི་རྒྱུན་ལ། །ངར་འཛིན་མེད་པའི་སྐྱོན་དུ་འགྱུར་ཏེ་སྐྱེ་བའི་རྒྱུན་ལ་ཉོན་མོངས་མེད་པའི་མི་འཐད་དེ་སྐྱེ་སྲིད་ཉོན་མོངས་ཅན་ཡིན་ནོ། །དེའི་རྒྱུ་ངར་འཛིན་པ་དང་ལྡན་པར་ནི། །རྣམ་པ་ཀུན་ཏུ་མི་འཐད་དོ། །གལ་ཏེ་ངར་འཛིན་མེད་པའི་རྒྱུད་ཅན་ཡིན་ན་འཕགས་པས་སྨད་པའི་གནས་སུ་མི་རིགས་ཏེ་བསྔགས་པའི་འོས་སོ། །ཉོན་མོངས་ཅན་གྱི་ཡིད་མེད་ན། །མ་འདྲེས་པའི་མ་རིག་པ་མེད་པ་དང་ལྔ་པོ་དང་འདྲ་བ་གཉིས་མེད་གསུམ་པོ་ནི་སྙོམས་འཇུག་གི་བྱེ་བྲག་ངེས་ཚིག་ངར་འཛིན་མེད་པ་དང་འགལ་བར་འགྱུར། །དེ་མེད་ན་ནི་ངར་འཛིན་པ། །ཀུན་ན་ཡོད་པར་མི་འགྱུར་རོ། །མ་འདྲེས་ ― MR12_Page_0526 ―
[མ་དཔེ་གཟིགས་ན་འདིར་གནོན།]
པའི་མ་རིག་པ་ནི་ཡང་དག་པའི་དོན་མཐོང་བ་ལ་འཇུག་པ་ཡི། །སེམས་ཀྱི་བགེགས་སུ་རྟག་གྱུར་དང་། །དགེ་མི་དགེ་ལུང་མ་བསྟན་གྱི་སེམས་ཀྱི་གནས་སྐབས་ཀྱི་དུས་རྣམས་ཀུན་ཏུ་འབྱུང་བ་དེ། །སྦྱིན་པ་སྦྱིན་ཚེ་ང་སྦྱིན་པོ་སྙམ་པ་སོགས་མ་འདྲེས་པ་ཡི་མ་རིག་འདོད། །ངར་འཛིན་པ་དང་ལྡན་པ་ནི་མ་རིག་མེད་ན་མི་འབྱུང་ངོ་། །མ་རིག་པ་ཡང་སེམས་བྱུང་ཡིན་པས་གནས་མེད་པར་མི་འབྱུང་ཏེ། དེའི་གནས་ནི་ཉོན་ཡིད་མིན་པ་གཞན་མེད། སྦྱིན་པ་བྱེད་པའི་ཚེ་ང་སྦྱིན་པ་བྱེད་དོ། །ཞེས་སེམས་པས་སོ། །དགེ་སེམས་ནི་མ་རིག་པའི་གནས་སུ་མི་རུང་ངོ་། །ཉོན་ཡིད་ནི་ཉོན་མོངས་ཅན་ཡིན་པས་བསྒྲིབ་ལ་དགེ་མི་དགེར་ལུང་མ་བསྟན་ནོ། །ཀུན་གཞིའི་རྣམ་ཤེས་མ་གཏོགས་པར་སེམས་ཀྱི་ལུས་གསུམ་པ་མི་དམིགས་ཏེ། ཞེས་པ་སེམས་དང་ཡིད་དང་རྣམ་ཤེས་གསུམ་གྱི་སྒྲའི་ལུས་སམ་སྒྲ་ཡི་གདགས་གཞི་ནི། ཡིད་ནི་འགགས་མ་ཐག་པའི་རྣམ་ཤེས། རྣམ་ཤེས་ནི་དྲུག་པོ་ཚོགས་དྲུག་གོ་ཞེས་ཐ་དད་དུ་འབྱེད་པར་ཡོངས་སུ་གྲགས་ཀྱང་། སེམས་ནི་ཀུན་གཞི་ཡིན་པར་དོན་གྱིས་ཤེས་སོ་གསུངས། ས་བོན་ཐམས་ཅད་པ་ཀུན་གཞིའི་རྣམ་ཤེས་ལས་ཡིད་དང་རྣམ་ཤེས་གཞན་འབྱུང་ངོ་། །འཇུག་ཤེས་ཀྱིས་བསྡུས་པའི་ཆོས་ཀྱི་ས་བོན་ནུས་པའི་ཁྱད་པར་ཅན་སྣ་ཚོགས་རྣམ་པ་ཐ་དད་པ་རྣམས་ཀྱིས་ཀུན་ཏུ་བསགས་ཤིང་གང་བར་བྱས་པའི་ཕྱིར་རོ། །ཞེས་སེམས་ཀྱི་ངེས་ཚིག་གསུངས་པའོ། །ཅིའི་ཕྱིར་ཉན་ཐོས་ཀྱི་ཐེག་པར་ཀུན་གཞི་འམ་ལེན་པའི་རྣམ་ཤེས་དེ་མ་བསྟན་ཞེ་ན། དེ་ནི་ཤེས་བྱ་ཕྲ་མོ་རྟོགས་དཀའ་བར་བསྡུ་བའི་ཕྱིར་ཏེ། ཉན་ཐོས་རྣམས་ཤེས་བྱ་ཕྲ་བ་ཐམས་ཅད་ལྷག་པར་ཤེས་པ་ལ་གཏོགས་པ་མིན་ཏེ། འཁོར་བའི་སྡུག་བསྔལ་ཞི་བའི་ ― MR12_Page_0527 ―
[མ་དཔེ་གཟིགས་ན་འདིར་གནོན།]
ཐབས་ཙམ་འདོད་པས། དེ་དག་ལ་ཀུན་གཞིའི་རྣམ་ཤེས་དེ་བསྟན་པ་མེད་པར་ཡང་། བདག་དོན་འབའ་ཞིག་ཐོབ་པའི་རྒྱུ་སྡུག་བསྔལ་སོགས་ཤེས་པར་གྱུར་པས་ཉོན་སྒྲིབ་རགས་པ་ཉིད་ལས་རྣམ་གྲོལ་གྲུབ་པའི་ཕྱིར་མ་བསྟན་ཏོ། །བྱང་སེམས་རྣམས་ཤེས་བྱ་ཐམས་ཅད་ལ་ལྷག་པར་བརྟགས་ཤིང་ཤེས་པ་ལ་གཏོགས་པ་ཡིན་ལ་དེ་དག་ལ་དེ་བསྟན་ཏེ། ཤེས་བྱ་ཕྲ་བ་དེ་ཤེས་པ་མེད་པར་ཐམས་ཅད་མཁྱེན་པའི་ཡེ་ཤེས་ཐོབ་པར་སླ་བ་མ་ཡིན་ནོ། །འོན་ཀྱང་མིང་གི་རྣམ་གྲངས་ཙམ་གྱི་ཉན་ཐོས་ཀྱི་ཐེག་པར་ཡང་བསྟན་ཏེ། གཅིག་ལས་འཕྲོས་པའི་ལུང་དེ་བཞིན་གཤེགས་པ་འབྱུང་བའི་ཕན་ཡོན་རྣམ་པ་བཞི་བསྟན་པའི་མདོ་ལས། སྐྱེ་དགུ་ད་ལྟའི་ཀུན་གཞི་ལ་ཀུན་ཏུ་དགའ་བ་ཞེས་མདོར་བསྟན། འདས་པའི་དུས་ཀྱི་ཀུན་གཞི་ལས་ཡང་དག་པར་བྱུང་བ། མ་འོངས་པའི་ཀུན་གཞི་ལ་མངོན་པར་དགའ་བ་ཅན་ལ། ད་ལྟ་བའི་ཀུན་གཞི་སྤང་བའི་ཕྱིར་ཆོས་བསྟན་ན་ཉན་འདོད་ལ། ཞེས་པ་ནས། ངོ་མཚར་རྨད་དུ་བྱུང་བའི་ཆོས་འདི་ཡང་འཇིག་རྟེན་དུ་འབྱུང་ངོ་ཞེས་པའི་བར་དང་།ཕལ་ཆེན་སྡེ་པའི་ལུང་ལས་ཀྱང་། རྩ་བའི་རྣམ་ཤེས་ཞེས་འབྱུང་བ་དང་། ས་སྟོན་སྡེ་པའི་ལུང་ལས། འཁོར་བ་ཇི་སྲིད་པའི་ཕུང་པོ་རྣམས་ཞེས་པའི་རྣམ་གྲངས་ཀྱིས་ཀྱང་དེ་བསྟན་ཏོ། །ལ་ལར་སེམས་མེད་པའི་གནས་སྐབས་གཟུགས་གཟུགས་མེད་དང་འདུ་ཤེས་མེད་སོགས་སེམས་རྒྱུན་ཆད་པར་སྣང་ཡང་ཀུན་གཞིའི་རྣམ་ཤེས་རྒྱུན་བརྟན་པ་ལ་དེ་དག་གི་སེམས་ཀྱི་ས་བོན་རྒྱུན་མི་འཆད་པའི་ཕྱིར་རོ། །ཀུན་གཞིའི་རྣམ་ཤེས་དང་། སེམས་དང་། རྩ་བའི་རྣམ་ཤེས་དང་། ལེན་པའི་རྣམ་ ― MR12_Page_0528 ―
[མ་དཔེ་གཟིགས་ན་འདིར་གནོན།]
ཤེས་དང་། འཁོར་བ་ཇི་སྲིད་ཕུང་པོ་དང་། སྲིད་པའི་ཡན་ལག་ཅེས་བརྗོད་པ་དེ་ནི་ཀུན་གཞིའི་རྣམ་ཤེས་ཀྱི་ལམ་པོ་ཆེ་ཐོག་མར་བཏོད་བ་ཡིན་ནོ། །ཉན་ཐོས་པ་ཁ་ཅིག་སེམས་དང་ཡིད་དང་རྣམ་ཤེས་ཚིག་འབྲུ་ཐ་དད་ཀྱང་དོན་གཅིག་སྙམ་པ་མི་འཐད་དེ། ཡིད་དང་རྣམ་ཤེས་ཐ་དད་པར་དམིགས་པ་བཞིན། སེམས་ཀྱང་དོན་ཐ་དད་ཡོད་པས་དེ་གསུམ་འབྱེད་པ་ཡིན་ནོ། །གོང་དུ་ཀུན་གཞི་ཞེས་གསུངས་པ་ཉེར་ལེན་ཕུང་པོ་ལྔ་ལ་ཀུན་གཞིར་གསུངས་སོ་ཞེས་དང་། ཡང་བདེ་ཚོར་འདོད་ཆགས་དང་བཅས་པ་དང་། འཇིག་ལྟ་ལ་ཀུན་གཞིར་གསུངས་སྙམ་ན། ཉན་ཐོས་ཀྱི་ཐེག་པར་བཞག་པའི་ཚུལ་ལྟར་དེ་ལྟར་བཞག་པ་ལ་མི་རུང་བ་མེད་ཀྱང་། དངོས་ཀྱི་བརྗོད་དོན་ཀུན་གཞི་མ་ཤེས་པར་ལུང་དོན་དེ་ལྟར་བཟུང་ན་ཡང་། མ་རྨོངས་པ་རྣམས་ཀྱིས་ཀུན་གཞིའི་རྣམ་ཤེས་ལ་བཟུང་བ་ནི་ཆེས་བཟང་སྟེ། ཉེར་ལེན་ཕུང་ལྔ་ཤིན་ཏུ་སྡུག་བསྔལ་བའི་ངན་སོང་དུ་སྐྱེས་པ་དག་དང་མི་མཐུན་པས་ཤིན་ཏུ་འདོད་པ་མེད་པས་དེ་དག་ལ་དགའ་ཞིང་སྦྱོར་བ་མི་རིགས་ཏེ་དེ་དག་དེ་དང་འབྲལ་བར་འདོད་པས་སོ། །བདེ་ཚོར་ཆགས་བཅས་ཀྱང་བསམ་གཏན་བཞི་པ་ཡན་ཆད་ན་མེད་ཅིང་། བདེ་ཚོར་དེ་ལྡན་གྱི་སེམས་ཅན་རྣམས་དང་མི་མཐུན་པས་དེ་དག་དེར་ཡང་སྦྱོར་བ་མི་རིགས་སོ། །འཇིག་ལྟ་ཡང་ཆོས་འདི་བ་བདག་མེད་ལ་མོས་པ་དང་མི་མཐུན་པས་དེ་དག་དེ་ལ་སྦྱོར་བར་མི་རིགས་སོ། །ཀུན་གཞིའི་རྣམ་ཤེས་ལ་ནང་གི་བདག་གི་ཐ་སྙད་འདོགས་པའི་གཞིའི་དངོས་པོར་ཁས་བླངས་པ་ནི། ཤིན་ཏུ་སྡུག་བསྔལ་བའི་ངན་སོང་བ་རྣམས། སྡུག་བསྔལ་གྱི་ཕུང་པོ་ཞིག་པར་འདོད་ ― MR12_Page_0529 ―
[མ་དཔེ་གཟིགས་ན་འདིར་གནོན།]
ཀྱང་། ཀུན་གཞི་རྣམ་ཤེས་ལ་བདག་ཏུ་ཆགས་པས་བཅིངས་པ་དེ་དག་དེ་ཞིག་པར་འདོད་པ་མིན་ནོ། །བསམ་གཏན་བཞི་པ་ཡན་ཆད་ན་བདེ་བ་མེད་ཀྱང་། ཀུན་གཞིའི་སེམས་ལ་བདག་ཏུ་ཆགས་པ་རྗེས་སུ་འབྲེལ་བ་ཡོད་ཅིང་། ཆོས་འདི་པ་རྣམས་ལ་བདག་ལྟ་དང་མི་མཐུན་ཟིན་ཀྱང་། སེམས་ཀུན་གཞིའི་རྣམ་ཤེས་ལ་བདག་ཆགས་རྗེས་སུ་འབྲེལ་བ་ཡོད་དོ་སྟེ་ཡོད་པ་ཙམ་བཟློག་མི་ནུས་སོ། །ཀུན་གཞིའི་རྣམ་ཤེས་ཀྱི་མཚན་ཉིད་ནི། རང་གི་མཚན་ཉིད་རྣམ་པར་བཞག་པ་དང་། རྒྱུ་ཉིད་དུ་བཞག་པ་དང་། འབྲས་བུ་ཉིད་དུ་བཞག་པ་གསུམ་ལས། དང་པོ། ཀུན་ཉོན་གྱི་ཆོས་རྣམས་ཀྱི་བག་ཆགས་ལ་བརྟེན་ནས་ས་བོན་ཡོངས་སུ་འཛིན་མི་ནུས་པ་དང་ལྡན་པས་ན། དེ་ནི་ཆོས་གཞན་སྐྱེ་བའི་རྒྱུ་མཚན་ཉིད་དོ། །གཉིས་པ་དེ་ནི་ཆོས་ཐམས་ཅད་སྐྱེད་པའི་ནུས་པ་ཡོད་པས་ས་བོན་ཐམས་ཅད་པ་ཉིད་ཀྱིས་ཕྱིར་ཀུན་ཉོན་གྱི་རྒྱུ་ཉིད་དུ་དུས་ཐམས་ཅད་དུ་གནས་པའོ། །གསུམ་པ། ཐོག་མ་མེད་པའི་དུས་ནས་ཀུན་ཉོན་གྱི་བག་ཆགས་ལ་བརྟེན་ནས་ཀུན་གཞི་དེ་བྱུང་བའོ། །བག་ཆགས་ཞེས་པ་འདི་ཅི་ཞིག་མིང་འདིའི་བརྗོད་བྱ་ཅི་ཞེ་ན། ཆོས་གང་ལ་དེ་དང་ལྷན་ཅིག་འབྱུང་བ་དང་འགགས་པ་ལ་བརྟེན་ནས་སླད་ཀྱིས་དེ་འབྱུང་བའི་རྒྱུ་མཚན་གང་ཡིན་པ་དེ་ནི་མིང་འདིའི་བརྗོད་བྱ་སྟེ།དཔེར་ན་ཏིལ་ལ་མེ་ཏོག་གིས་བསྒོས་པ། ཏིལ་དང་མེ་ཏོག་ལྷན་ཅིག་འབྱུང་ཞིང་འགགས་ཀྱང་ཏིལ་རྣམས་མེ་ཏོག་དེའི་དྲི་གཞན་འབྱུང་བའི་རྒྱུ་མཚན་ཉིད་དུ་འབྱུང་བ་དང་། འདོད་ཆགས་སོགས་སྤྱོད་པ་རྣམས་ཀྱི་འདོད་ཆགས་སོགས་ཀྱི་ ― MR12_Page_0530 ―
[མ་དཔེ་གཟིགས་ན་འདིར་གནོན།]
བག་ཆགས། འདོད་ཆགས་སོགས་དང་ལྷན་ཅིག་འབྱུང་ཞིང་འགགས་ཀྱང་སེམས་ནི་དེའི་རྒྱུ་མཚན་ཅན་དུ་འབྱུང་བ་དང་། མང་ཐོས་རྣམས་ཀྱི་མང་ཐོས་ཀྱི་བག་ཆགས་ཀྱང་། ཐོས་པ་དེ་ཡིད་བྱེད་དང་ལྷན་ཅིག་འབྱུང་ཞིང་འགགས་ཀྱང་སེམས་ནི་དེ་བརྗོད་པའི་རྒྱུ་མཚན་ཉིད་དུ་འབྱུང་སྟེ། བག་ཆགས་དེས་ཟིན་པ་ལ་ཆོས་འཛིན་པ་ཞེས་བྱ་བ་ལྟར། ཀུན་གཞིའི་རྣམ་ཤེས་ལ་ཡང་ཚུལ་དེ་ལྟར་བག་ཆགས་ཀྱི་ཁམས་སྣ་ཚོགས་པར་བལྟའོ། །ཀུན་གཞི་རྣམ་ཤེས་ལ་ཡོད་པའི་ས་བོན་དེ་དག་ཐ་དད་དམ། ཐ་དད་པ་མིན་ཞེ་ན། ས་བོན་ལ་མྱུ་གུའི་དབྱིབས་སོགས་སྐྱེད་པའི་ནུས་པ་ས་བོན་ལས་ཐ་དད་མིན་ལ། ས་བོན་གྱི་ནུས་པ་དང་དོན་གཅིག་མིན་པ་བཞིན་དུ་དེ་དག་རྫས་སུ་ཐ་དད་པ་དང་ཐ་དད་མིན་པའང་མིན་མོད་ཀྱི། ཆོས་གང་དེ་འབྱུང་བའི་མཐུའི་ཁྱད་པར་ཅན་ཀུན་གཞི་རྣམ་ཤེས་དེ་འབྲས་བུ་བཞིན་བྱུང་བ་ལ་ས་བོན་ཐམས་ཅད་པ་ཞེས་བྱའོ་སྟེ། ༧ །ཀུན་གཞི་རྣམ་ཤེས་དང་། ཀུན་ཉོན་གྱི་ཆོས་དེ་དག་དུས་མཉམ་དུ་གཅིག་གི་རྒྱུ་ཉིད་དུ་གཅིག་འགྱུར་བ་ཇི་ལྟར་བལྟ་ན། དཔེར་ན་མར་མེའི་མེ་ལྕེ་འབྱུང་བ་དང་། སྙིང་པོ་ཚིག་པ་ཕན་ཚུན་དུས་མཉམ་པ་དང་། མདུང་ཁྱིམ་ཡང་དུས་མཉམ་པ་གཅིག་ལ་གཅིག་བརྟེན་ནས་མི་འགྱེལ་བ་བཞིན་དུ་བལྟའོ། །འདིས་ཆོས་གཉིས་དུས་མཉམ་དུ་ཡོད་པ་ལྷན་ཅིག་འབྱུང་བའི་རྒྱུ་རྒྱུ་དངོས་སུ་རུང་བར་གྲུབ་བོ། ༧ །ཇི་ལྟར་ཀུན་གཞིའི་རྣམ་ཤེས་ཀུན་ཉོན་གྱི་ཆོས་རྣམས་ཀྱི་རྒྱུ་ཡིན་པ་དེ་ལྟར། ཀུན་ཉོན་གྱི་ཆོས་རྣམས་ཀྱང་ཀུན་གཞིའི་རྣམ་ཤེས་ཀྱི་རྒྱུའི་རྐྱེན་ཉིད་དུ་རྣམ་པར་བཞག་སྟེ། དེ་དག་ཕན་ཚུན་རྒྱུར་གྱུར་བ་ལས་རྒྱུའི་རྐྱེན་གཞན་མ་དམིགས་ ― MR12_Page_0531 ―
[མ་དཔེ་གཟིགས་ན་འདིར་གནོན།]
པས་སོ། ༧ །བག་ཆགས་ཐ་དད་མིན་ལ་སྣ་ཚོགས་མིན་པ་དེ་ཉིད་ཆོས་ཐ་དད་སྣ་ཚོགས་ཀྱི་རྒྱུར་ཅི་ལྟར་རུང་ཞེ་ན། དཔེར་ན་ཚིག་གུའི་རྩི་སྣ་ཚོགས་ཀྱིས་བསྒྱུར་བའི་རས་སྣ་ཚོགས་སུ་མི་སྣང་བ། སྐུད་པ་སྣ་ཚོགས་ཀྱིས་བཅིངས་བའི་གོས་ལ་སྣ་ཚོགས་མི་སྣང་ཡང་གང་ཚེ་ཚོན་གྱི་སྣོད་དུ་བཅུག་པ་དེའི་ཚེ་རས་ལ་ཚོན་རྣམས་ཀྱི་དབྱེ་བ་ཐ་དད་སྣ་ཚོགས་དུ་མ་སྣང་བ་དེ་བཞིན་ཀུན་གཞིའི་རྣམ་ཤེས་ལ་བག་ཆགས་བསྒོས་པ་ཡང་། བག་ཆགས་ཀྱི་དུས་ན་སྣ་ཚོགས་སྨིན་ཡང་། འབྲས་བུ་མངོན་པར་འགྲུབ་པའི་རྐྱེན་དང་ཕྲད་པའི་ཚོན་སྣོད་དུ་མངོན་པར་ཕྱོགས་པ་ན་སྣ་ཚོགས་ཚད་མེད་པ་སྟོན་ཏེ། འདི་ནི་ཐེག་པ་ཆེན་པོ་ལས་སོ་སྐྱེས་རྟོགས་དཀའ་ཞིང་ཕྲ་བ་དགྲ་བཅོམ་རྣམས་ཀྱིས་ཀྱང་རྟོགས་དཀའ་བས་མཆོག་ཏུ་ཟབ་པའི་ནང་གི་རྟེན་ཅིང་འབྲེལ་བར་འབྱུང་བའོ། །མདོར་བསྡུ་ན་རྟེན་འབྲེལ་ནི་གཉིས་ཏེ། ངོ་བོ་ཉིད་རྣམ་པར་འབྱེད་པ་ཅན་དང་སྡུག་པ་དང་མི་སྡུག་པ་རྣམ་པར་འབྱེད་པ་ཅན་ནོ། །དང་པོ་ཀུན་གཞིའི་རྣམ་ཤེས་ལ་བརྟེན་ནས་ཆོས་རྣམས་འབྱུང་བ་སྟེ། ཀུན་གཞིའི་ངོ་བོ་ཉིད་ཆོས་སྣ་ཚོགས་པར་རྣམ་པར་འབྱེད་པའི་དངོས་པོར་འགྱུར་བའི་ཕྱིར་རོ། །སྟེ་རྟོགས་དཀའ་བ་ཕྲ་བའི་དོན་ཏོ། །གཉིས་པ་རྟེན་འབྲེལ་ཡན་ལག་བཅུ་གཉིས་ཏེ། བདེ་འགྲོ་ངན་འགྲོའི་སྡུག་པ་དང་མི་སྡུག་པའི་དབྱེ་བ་སྣ་ཚོགས་ཀྱི་རྐྱེན་གྱིས་དངོས་པོར་འགྱུར་བའི་ཕྱིར་ཏེ་རགས་པ་རྟོགས་སླ་བ་ཡིན་པའི་ཕྱིར་རོ། །རྟེན་འབྲེལ་དང་པོའི་དོན་ལ་རྨོངས་པ་དག་ཁ་ཅིག་གིས་ཆོས་རྣམས་གཙོ་བོའི་རང་བཞིན་གྱི་རྒྱུ་ལས་བྱུང་བར་རྟོག །ཁ་ཅིག་སྔོན་བྱས་པའི་རྒྱུ་ལས་བྱུང་བར་འཛིན། དེ་བཞིན་ ― MR12_Page_0532 ―
[མ་དཔེ་གཟིགས་ན་འདིར་གནོན།]
དབང་ཕྱུག་གིས་སྤྲུལ་པ་དང་། གང་ཟག་གི་བདག་ནི་རྒྱུ་ལས་བྱུང་བ་དང་། ཆད་ལྟ་བས་རྒྱུ་མེད་པ་དང་རྐྱེན་མེད་པར་བྱུང་བར་རྟོག་གོ། །རྟེན་འབྲེལ་གཉིས་པ་ལ་རྨོངས་པས་བདག་ལ་ལས་བྱེད་པོ་དང་འབྲས་བུ་ཟ་བ་པོར་རྟོག་སྟེ། དཔེར་ན་དམུས་ལོང་དུ་མ་གླང་པོ་ཆེ་མ་མཐོང་བ་དག་གིས་གླང་པོ་ཆེའི་སྣ་ལ་རེག་ནས་གླང་པོ་ཆེ་བཤོལ་མདའ་ལྟ་བུའོ་ཞེས་སྨྲ། མཆེ་བ་ལ་རེག་པས་གཏུན་ཤིང་ལྟ་བུར་སེམས། རྣ་བ་ལ་རེག་པས་ཞིབ་མ་ལྟ་བུ་ཞིག་གོ་སོགས་ཟེར་བ་ལྟར། རྟེན་འབྲེལ་གཉིས་པོའི་དོན་མི་ཤེས་པ་མ་རིག་པས་དམུས་ལོང་ལྟ་བུ་རྣམས་ཀྱིས། གླང་པོ་ཆེ་ལྟ་བུའི་ཀུན་གཞིའི་རྣམ་པར་ཤེས་པའི་ངོ་བོ་ཉིད་སྔར་བསྟན་པའི་རང་གི་མཚན་ཉིད་དང་རྒྱུ་འབྲས་སུ་འགྱུར་ཚུལ་མི་ཤེས་པས། རང་བཞིན་དང་སྔོན་བྱས་དང་དབང་ཕྱུག་སོགས་རྒྱུར་འཛིན་པ་དང་། རྒྱུ་མེད་པར་ཡང་འཛིན་ཏེ། ཟ་བོ་དང་བྱེད་པོར་ཡང་འཛིན་ཏོ། །མདོར་བསྡུ་ན་ཀུན་གཞིའི་རྣམ་པར་ཤེས་པའི་ངོ་བོ་ཉིད་ནི། རྣམ་པར་སྨིན་པའི་རྣམ་པར་ཤེས་པ་ཆོས་ཐམས་ཅད་ཀྱི་ས་བོན་ཐམས་ཅད་པ་སྟེ། དེས་ཁམས་གསུམ་པའི་རིས་ཀྱི་ལུས་མི་མཐུན་སྣ་ཚོགས་དང་འགྲོ་བ་ལྔ་པོ་ཐམས་ཅད་བསྡུས་སོ། །ཕྱི་རོལ་གྱི་དངོས་པོ་དང་ནང་ཀུན་གཞིའི་རྣམ་ཤེས་དང་མི་གསལ་བ་ལུང་མ་བསྟན་པའོ། །ཀུན་གཞིའི་རྣམ་ཤེས་དགེ་མི་དགེ་གཉིས་དང་ཀུན་རྫོབ་ཕྱི་རོལ་ཏེ་དེའི་ས་བོན་ཉིད་དང་ནི། །དམ་པའི་དོན་ཀུན་གཞིའི་རྣམ་ཤེས་ཏེ་ཆོས་ཐམས་ཅད་ཀྱི་ས་བོན་ཐ་སྙད་པའི་དོན་དམ་མོ་དེ་དག་ཀུན། །ས་བོན་རྣམ་པ་དྲུག་ཏུ་འདོད། །དེ་དག་སྐད་ཅིག་པ་དང་ས་བོན་དང་དེ་འཛིན་ལྷན་ཅིག་བྱུང་པ། །དེ་ནི་ཇི་སྲིད་གཉེན་པོ་སྐྱེས་ཀྱི་བར་དུ་རྒྱུན་ཆགས་ ― MR12_Page_0533 ―
[མ་དཔེ་གཟིགས་ན་འདིར་གནོན།]
སུ་འབྱུང་བར་འདོད། །ས་བོན་དེ་ཡང་སོ་སོར་ངེས་དང་རྐྱེན་ལ་ལྟོས་པ་དང་། །ས་བོན་ལས་རང་རང་གི་འབྲས་བུས་བཟུང་བས་བསྒྲུབ་པའོ། །བརྟན་པ་བསྒོ་བཞི་ལུང་མ་བསྟན་པ་ལ་བསྒོ་བྱ་བ་ཡིན་ལ། དེ་ལ་ཆོས་ཐམས་ཅད་ཀྱི་རྒྱུ་ནི་ཀུན་གཞིའི་རྣམ་ཤེས་དེ་ལ་ཆོས་ཐམས་ཅད་སྣང་བའི་བག་ཆགས་བཞག་པས་སོ། །འབྲས་བུའང་དེ་ཉིད། དེ་ཉིད་ལ་བསྒོས་པའི་ཕྱིར། ངོ་བོ་ཉིད་ནི་རྣམ་པར་སྨིན་པའི་རྣམ་ཤེས་ས་བོན་ཐམས་ཅད་པ་ཞེས་བྱ་ལ། གང་བདག་ཉིད་ཀྱི་ངོ་བོ་སོ་སོར་ཐོབ་པ་ནི་རྣམ་པར་སྨིན་པའོ། །དེ་ལ་ས་བོན་ཐམས་ཅད་ཀྱིས་བསྒོས་པ་ནི་ཐམས་ཅད་པའོ། །མི་བརྟན་པ་རླུང་ལྟ་བུ་ལ་བསྒོ་བྱ་མིན། ལུང་བསྟན་པ་ལ་བསྒོ་བྱ་མིན་ཏེ་དྲི་མི་ཞིམ་པ་ལ་དྲི་ཞིམ་བཞིན་ནོ། །བསྒོ་བར་འོས་པ་ལ་བསྒོ་ཡི། མི་འོས་པ་ལ་མ་ཡིན་ཏེ་རྡོ་བ་དང་གསེར་དངུལ་སོགས་ལ་དྲི་ཞིམ་བཞིན་ནོ། །སྐད་ཅིག་མ་ལ་ལྟ་ན་འབྱུང་རྒྱུན་ཆགས་སོགས་དེ་དག་ཀུན་གཞིའི་རྣམ་ཤེས་ལ་ཡོད་ཀྱི་འཇུག་ཤེས་ལ་ནི་དེ་ལྟ་བུའི་མཚན་ཉིད་མེད་དོ། །དེས་ན། བསྒོ་བྱ་དེ་སྒོ་བར་བྱེད་དང་འབྲེལ་བ་ལས། །སྒོ་བར་བྱེད་ཀྱི་དེ་ནི་གཞན་ནི་དེ་ལྟར་མིན་པ། །དེ་ནི་བག་ཆགས་མཚན་ཉིད་དོ་དེའི་ཀུན་གཞིའི་བག་ཆགས་བསྒོ་བར་འཐད་དོ། །འཇུག་ཤེས་དྲུག་པོ་དག་ལ་བག་ཆགས་དང་འབྲེལ་མེད་དེ། །མིག་སོགས་རྟེན་གཞན་དང་གཞན། དམིགས་པ་གཞན། ཡིད་བྱེད་གཞན་པའི་ཐ་དད་གསུམ་དང་འབྲེལ་བའི་ཕྱིར། ༧ །སྐད་ཅིག་འགགས་པ་དེ་དང་ལྷན་ཅིག་འབྱུང་བ་མེད་པའི་ཕྱིར། །འཇུག་ཤེས་ཀྱི་རིགས་ལ་འབྲེལ་བ་མེད་ཀྱང་བསྒོའོ་ཞེས་བྱ་ན་ནི་གཞན་ལས་གཞན་དུ་ཐལ་བར་འགྱུར་ཏེ། མིག་སོགས་གཟུགས་དང་བར་རིགས་མཐུན་པས་སོ། ༧ །ཕྱི་དང༡་ནང་གི་ས༡་བོན་དེ། །བསྐྱེད་པ༢་དང་ནི་མཐར་ཐུག་གི་བར་དུ་ ― MR12_Page_0534 ―
[མ་དཔེ་གཟིགས་ན་འདིར་གནོན།]
འཕེན༢་པར་བྱེད་པར་འདོད། །ཕྱིའི་ས་བོན་མ་བཏབ་ནང་གི་ཤི་བ་འཕེན་པའི་ཕྱིར། །མདའ་ནི་གང་དུ་འགྲོ་བའི་ལམ་གྱི་བར་དུ་མི་ལྟུང་བཞིན། །ཕྱི་རོལ་གྱི་ས་བོན་ཇི་ལྟ་བ་བཞིན་དུ་ནང་གི་ས་བོན་ནི་དེ་ལྟར་མིན་པར་ཚིགས་སུ་བཅད་པ། །ཕྱི་རོལ་གཞན་ལུག་གི་རྭ་ལས་དུ་རྦ་སོགས་དང་ས་ལུ་སོགས་ས་བོན་མ་བཏབ་པའམ། །ནང་གི་ས་བོན་ནི་དེ་ལྟར་འདོད་པ་མ་ཡིན་ཏེ། །ཐོས་སོགས་བག་ཆགས་མེད་ན་ནི། །དེ་འབྲས་ཐོས་པ་སོགས་སྐྱེ་བ་མི་རིགས་ཕྱིར། །བྱས་དང་མ་བྱས་འཇིག་དང་ཕྲད། །ཉེས་པར་འགྱུར་བས་འགལ་ཕྱིར་རོ། །ནང་གི་ས་བོན་ཕྱིར་རོལ་གྱི་ས་བོན་རྐྱེན་ཡིན་ཏེ། །འདི་ལྟར་ཀུན་གཞིའི་ཤེས་པ་དེ་ནི་བག་ཆགས་ཀྱི་རྟེན་ནོ། ༧ །འཇུག་པའི་རྣམ་ཤེས་གཞན་གང་ཡིན་པ་ལུས་དང་ལྷ་སོགས་འགྲོ་བ་ཐམས་ཅད་དུ་ཉེ་བར་སྤྱོད་པ་ཅན་ཏེ་དམིགས་པ་དང་རྣམ་པ་ཡོངས་སུ་མ་ཆད་བས་སོ། །དབུས་མཐའ་རྣམ་འབྱེད་ལས། གཅིག་ཀུན་གཞིའི་རྣམ་ཤེས་ནི་རྐྱེན་གྱི་རྣམ་པར་ཤེས། །གཉིས་པ་འཇུག་ཤེས་ཀྱི་རྣམ་ཤེས་ནི་ཉེ་བར་སྤྱོད་པ་ཅན། །ཚོར་བས་ཉེ་བར་སྤྱོད་དང་འདུ་ཤེས་ཀྱིས་ཡོངས་སུ་གཅོད་པ་དང་། །དེ་ཡི་འཇུག་བྱེད་འདུ་བྱེད་ཉིད་སེམས་ལས་བྱུང་། །ཞེས་ཇི་སྐད་གསུངས་པ་ལྟ་བུའོ། །ཀུན་གཞི་དང་འཇུག་ཤེས་ཀྱི་རྣམ་ཤེས་དེ་གཉིས་གཅིག་གི་རྐྱེན་གཅིག་ཡིན་པ་ནི། ཆོས་མངོན་པའི་མདོ་ལས།ཆོས་རྣམས་ཀུན་ཀུན་གཞིའི་རྣམ་པར་ཤེས་པ་བསྐྱེད་པ་ལ་སྦྱོར། །ཀུན་གཞིའི་རྣམ་ཤེས་དེ་དག་ལ་ཡང་ཀུན་གཞི་དེ་དེ་བཞིན་སྦྱོར་རོ། །དེ་ལྟ་ན་དེ་གཉིས་ཕན་ཚུན་འབྲས་བུའི་དངོས་པོ་དང་། །རྒྱུ་ཡི་རྐྱེན་གྱི་དངོས་པོར་རྟག་ཏུ་སྦྱོར། །གང་ཚེ་ཀུན་གཞིའི་ ― MR12_Page_0535 ―
[མ་དཔེ་གཟིགས་ན་འདིར་གནོན།]
རྣམ་ཤེས་རྒྱུ་ཡིན་ཚེ་དེ་འབྲས་བུ་ཡིན། དེ་རྒྱུ་ཡིན་ཚེ་ཀུན་གཞིའི་རྣམ་ཤེས་འབྲས་བུའོ། །ཞེས་གསུངས་སོ། །རྟེན་ཅིང་འབྲེལ་འབྱུང་གསུམ་སྟེ། འཁོར་བའམ་ངོ་བོ་ཉིད་དང་། འདོད་མི་འདོད་འགྲོ་བས་བྱེད་པ་དང་། ལུས་ཉེ་བར་སྤྱོད་པ་ཅན་ནོ། །མ་ལ་བུ་རྣམས་བདག་ཅག་ནི་ཁྱོད་ཀྱི་ཡིན་ནོ། །མས་ཀྱང་ཁྱོད་ངའི་ཡིན་ནོ་ཞེས་བརྗོད་པ་ལྟ་བུའོ། །གལ་ཏེ་རྟེན་འབྲེལ་དང་པོ་ངོ་བོ་ཉིད་འབྱེད་ལ་རྣམ་ཤེས་དེ་དག་ཕན་ཚུན་རྒྱུའི་རྐྱེན་ཡིན་ན། རྟེན་འབྲེལ་གཉིས་པ་ལ་ཀུན་གཞི་དེ་གང་གི་རྐྱེན་ཡིན་ཞེ་ན་དངོས་སུ་ན མ་རིག་སོགས་ཀྱི་དབང་གིས་འདུ་བྱེད་འབྱུང་བས་རྒྱུའི་རྐྱེན་ཡིན་ཡང་བདག་པོའི་རྐྱེན་ཏོ། །ཡང་ཉེ་བར་སྤྱོད་པ་ཅན་གྱི་རྟེན་འབྲེལ་ལ་རྣམ་ཤེས་དྲུག་པོ་རྐྱེན་དུས་སྐྱེ་ཞེ་ན། མིག་དབང་སོགས་བདག་པོ་དང་། གཟུགས་སོགས་དམིགས་པ་དང་། མཚུངས་པ་དེ་མ་ཐག་པའི་རྐྱེན་རྣམས་ཀྱིས་སྐྱེའོ། །དེ་ལྟར་རྟེན་ཅིང་འབྲེལ་བར་འབྱུང་བ་རྣམ་པ་གསུམ་པོ། །འདི་ལྟར་འཁོར་བ་ངོ་བོ་ཉིད་འབྱེད་པ་པ་དང་། འདོད་པ་དང་། མི་འདོད་པའི་རྟེན་འབྲེལ་གཉིས་པ་འགྲོ་བ་པ་དང་། ཉེ་བར་སྤྱོད་པ་ཅན་གྱི་རྟེན་འབྲེལ་གྱི་རྐྱེན་ནི་བཤད་མ་ཐག་པ་བཞི་པོ་འདི་དག་ཡིན་ནོ། །དེ་ལྟར་ཀུན་གཞིའི་རྣམ་ཤེས་ཀྱི་རྣམ་གྲངས་དང་མཚན་ཉིད་ཀྱིས་རྣམ་པར་བཞག་པའོ། །ཇི་ལྟར་ཀུན་གཞིའི་རྣམ་ཤེས་རྣམ་གྲངས་དང་མཚན་ཉིད་ཀྱིས་བསྟན་པ་ལྟར་འཇུག་པའི་རྣམ་ཤེས་ལ་མིན་ཞེ་ན། དེ་ལྟར་བཞག་པའི་ཀུན་གཞིའི་རྣམ་ཤེས་དེ་མེད་ན། ཀུན་ཉོན་གསུམ་དང་འཇིག་རྟེན་འདས་པ་གཉིས་རྣམ་བྱང་མི་རུང་བས་སོ། །ཇི་ལྟར་ན་ཀུན་གཞིའི་རྣམ་ཤེས་མེད་ན། ཉོན་མོངས་པས་ཀུན་ནས་ཉོན་མོངས་པའི་བག་ ― MR12_Page_0536 ―
[མ་དཔེ་གཟིགས་ན་འདིར་གནོན།]
ཆགས་ས་བོན་དུ་བྱས་པ། རྣམ་ཤེས་ཚོགས་དྲུག་ལ་བཞག་མི་རུང་སྟེ། མིག་ཤེས་གང་ཞིག་ཆགས་སོགས་ཉོན་མོངས་དང་ཉེ་ཉོན་གང་དང་ལྷན་ཅིག་སྐྱེས་པ་འགགས་པ་མིག་ཤེས་དེ་ཉིད་ལ་འདོད་ཆགས་སོགས་དེ་དག་གི་རྒྱུ་ས་བོན་གྱི་དངོས་པོར་བྱེད་པའི་བག་ཆགས་བསྒོ་ཡི་རྣ་ཤེས་སོགས་གཞན་ལ་མིན་ནོ། །མིག་ཤེས་དགགས་ནས་རྣ་ཤེས་སོགས་རྣམ་ཤེས་གཞན་གྱིས་བར་ཆོད་པ་དེ་ལ་འདོད་ཆགས་སོགས་ཀྱི་བག་ཆགས་མེད་ཅིང་། བག་ཆགས་ཀྱི་གནས་མིག་ཤེས་ཀྱང་མི་དམིགས་ཏེ། དེ་འགགས་ཤིང་གཞན་གྱིས་བར་ཆོད་པ་ཡིན་ལ། འདས་པ་གང་ཞིག་ད་ལྟ་མེད་པ་དེ་ལས་ཆགས་སོགས་དང་བཅས་པར་འབྱུང་མི་རུང་ཏེ་འདས་པའི་ལས་རྣམ་སྨིན་བྱུང་ཟིན་པ་ལས་རྣམ་སྨིན་གྱི་འབྲས་བུ་འབྱུང་བ་བཞིན་ནོ། །འདས་པའི་ལས་ལས་རྣམ་སྨིན་འབྱུང་བ་ནི་དེའི་བག་ཆགས་ལས་སོ། ༧ །མིག་ཤེས་གང་ཞིག་ཆགས་སོགས་དང་ལྷན་ཅིག་འབྱུང་བ་དུས་མཉམ་པའི་རྣམ་ཤེས་དེ་ལ་ཡང་བག་ཆགས་བསྒོ་མི་རུང་ངོ་འདོད་ཆགས་མིག་ཤེས་ལས་སྐྱེ་བ་དེ་ཇི་ལྟར་རིགས། རེ་ཤིག་འདོད་ཆགས་ལ་རང་ཉིད་རང་ནི་མ་ཡིན་ཏེ། འདོད་ཆགས་ནི་མིག་ཤེས་དེ་ལ་བརྟེན་པའི་ཕྱིར་དང་གནས་པས་གནས་ལ་བསྒོ་ཡི་བཟློག་པ་མི་རིགས་པས་སོ། །རང་ཉིད་ལ་བྱེད་པ་འགལ་བས་སོ་གསུངས། རང་གི་རྒྱུན་མི་བརྟན་པའི་ཕྱིར་རོ། །ཁ་ཅིག་གིས་མི་འདོར་ཏེ་རྣམ་ཤེས་ཡང་མི་བརྟན་པའི་ཕྱིར་རོ། །རྣམ་ཤེས་གཞན་རྣ་ཤེས་སོགས་ལའང་མིན་ཏེ། དེ་དག་གི་གནས་མིག་སོགས་ཐ་དད་པའི་ཕྱིར། མིག་ཤེས་ཀྱི་འདོད་ཆགས་རྣ་ཤེས་སོགས་དེ་དག་དང་ལྷན་ཅིག་འབྱུང་བ་དང་འགགས་པ་མེད་པས་སོ། །མིག་ཤེས་རང་གི་ ― MR12_Page_0537 ―
[མ་དཔེ་གཟིགས་ན་འདིར་གནོན།]
དངོས་པོ་ལ་མིག་ཤེས་རང་གི་བག་ཆགས་མིན་ཏེ། རང་གི་དངོས་པོ་ལ་བསྒོ་བྱ་སྒོ་བྱེད་ལྷན་ཅིག་འབྱུང་བ་དང་འགགས་པ་མེད་དོ་དེ་གཉིས་མེད་པས་སོ། །དེ་ལྟར་མིག་ཤེས་ལ་ཆགས་སོགས་ཉོན་མོངས་དང་ཉེ་བའི་ཉོན་མོངས་པས་བག་ཆགས་བསྒོས་པར་མི་རུང་ངོ་། །མིག་གི་རྣམ་ཤེས་དེ་ལ་རྣམ་པར་ཤེས་པས་གཞན་གྱིས་བསྒོས་པར་ཡང་མི་རུང་སྟེ། མིག་ཤེས་བཞིན་འཇུག་ཤེས་གཞན་ལ་ཅི་རིགས་སུ་ཤེས་པར་བྱའོ། ༧ །གང་ས་གོང་ལ་འདུ་ཤེས་མེད་པ་ནས་འཕོས་ཏེ་འདོད་ཁམས་འདིར་སྐྱེས་པ་རྣམས་ཀྱི་རྣམ་ཤེས་ཉོན་མོངས་པར་གྱུར་བ་ཐོག་མ་ཉིད་དེ་ཡང་ས་བོན་མེད་པར་འགྱུར་ཏེ། ཉོན་མོངས་བའི་བག་ཆགས་དེ་གནས་བསྒོ་བྱའི་འཇུག་ཤེས་དྲུག་དང་བཅས་པ་སྔར་འགགས་ནས་འདས་ཏེ་མེད་པའི་ཕྱིར་རོ། ༧ །ཉོན་མོངས་པའི་གཉེན་པོའི་རྒྱུན་ཞུགས་ཀྱི་མཐོང་སྤང་སྤོང་བའི་ལས་ཀྱི་རྣམ་ཤེས་བྱུང་ན་དེ་མིན་གཞན་འཇིག་རྟེན་པའི་རྣམ་ཤེས་ཐམས་ཅད་ནི་འགགས་ཏེ་མེད་ན། ཀུན་གཞིའི་རྣམ་ཤེས་མེད་པར་གཉེན་པོའི་རྣམ་ཤེས་དེ་ལ་ནི་བསྒོམ་སྤང་གི་ཉོན་མོངས་དང་ཉེ་ཉོན་གྱི་ས་བོན་དང་བཅས་པར་མི་རུང་སྟེ། རྣམ་བྱང་དང་ཉོན་མོངས་པ་ངོ་བོ་ཉིད་ཀྱིས་འགལ་བས་ལྷན་ཅིག་འབྱུང་ཞིང་འགགས་པ་མེད་པའི་ཕྱིར་རོ། །དེས་ན་ཉོན་མོངས་པའི་ས་བོན་ཅི་ལ་གནས་ཞེས་སོ། ༧ ། ཀུན་གཞིའི་རྣམ་ཤེས་མེད་ན། མཐོང་ལམ་དེའི་འོག་ཏུ་འཇུག་ཤེས་འབྱུང་བ་ན། སྔར་གྱི་བག་ཆགས་དེ་རྟེན་ནམ་གནས་དང་འཇུག་ཤེས་བཅས་པ་འདས་ནས་ཡུན་རིང་སོང་བས་མེད་པ་ཡིན་ཕྱིར་རྗེས་ཀྱི་འཇུག་ཤེས་དེ་དག་ས་བོན་མེད་པ་ལས་སྐྱེ་བར་འགྱུར་རོ། །དེས་ན་རྒྱུ་མེད་ལས་སྐྱེ་བར་འགྱུར་ ― MR12_Page_0538 ―
[མ་དཔེ་གཟིགས་ན་འདིར་གནོན།]
ཞིང་། དེས་སྔར་གོམས་པའི་དགེ་མི་དགེ་དང་ཐོས་སོགས་དྲན་པས་ན་སེམས་རྒྱུད་མ་ཆད་པར་ཤེས་ནུས་སོ། །དེ་ལྟར་ཀུན་གཞི་མེད་ན་ཉོན་མོངས་པའི་ཀུན་ཉོན་འབྱུང་བར་མི་རུང་ངོ་། ༧ །ལས་ཀྱི་ཀུན་ནས་ཉོན་མོངས་ཇི་ལྟར་མི་རུང་ཞེ་ན། ཀུན་གཞིའི་རྣམ་ཤེས་མེད་ན་འདུ་བྱེད་ཀྱི་རྐྱེན་གྱིས་མིག་སོགས་འཇུག་ཤེས་ཀྱི་རྣམ་ཤེས་ཆགས་སོགས་དང་ལྷན་ཅིག་ཅན་འབྱུང་བར་ཀུན་གཞི་མི་འདོད་པར་འཇུག་ཤེས་དྲུག་གིས་སྐྱེ་བ་ལེན་ནམ་སྙམ་ན། མིག་ཤེས་སོགས་འདོད་ཆགས་སོགས་དང་ལྷན་ཅིག་སྐྱེས་པ་དེ། སྔོན་གྱི་འདུ་བྱེད་ལས་བྱུང་མི་རིགས་ཏེ་རྣམ་པར་ཤེས་པའི་རྐྱེན་གྱིས་མིང་དང་གཟུགས་ཞེས་འབྱུང་བའི་ཕྱིར་རོ། །སྔར་གྱི་མིག་ཤེས་སོགས་ནི་སྐད་ཅིག་མའི་ཚུལ་ཅན་ཡིན་པས་དེ་རྣམས་འགགས་ནས་ཡུན་རིང་སོང་བ་དེ། ད་ལྟར་ཉིང་མཚམས་སྦྱོར་དུས་ཀྱི་མིང་གཟུགས་ཀྱི་རྐྱེན་དུ་མི་རུང་སྟེ་ཉེས་པ་མང་དུ་འགྱུར་རོ། །ཉེས་པ་འདིར་དོགས་ནས་ཉིང་མཚམས་སྦྱོར་དུས་ཀྱི་རྣམ་ཤེས་ལ་འདོད་ན་དེ་ཡང་མི་རུང་སྟེ། ཉིང་མཚམས་སྦྱོར་བའི་རྣམ་ཤེས་ཀྱི་དུས་ན། བསོད་ནམས་དང་བསོད་ནམས་མིན་པ་དང་མི་གཡོ་བའི་འདུ་བྱེད་འགགས་ནས་ཡུན་རིང་སོང་བ་ཡིན་ལ། ༧ །དེའི་བར་མཚམས་སྤྲེལ་བྱེད་ཤེས་པའི་རྒྱུན་བརྟན་པ་གང་ཡང་བཞག་ཏུ་མེད་པས་སོ། །རང་ཆགས་སྡང་གིས་ཉིང་མཚམས་སྦྱོར་བའི་སེམས་ནི་ལུང་མ་བསྟན་མིན་ལ། རྣམ་སྨིན་ནི་ལུང་མ་བསྟན་ཡིན་པས་དེ་འདུ་བྱེད་ཀྱི་རྐྱེན་ཅན་དུ་མི་རུང་ངོ་། །འཇུག་ཤེས་འདུ་བྱེད་དང་མཚུངས་པར་ལྡན་པ་རྣམས་ཀུན་གཞི་རྣམ་ཤེས་ལ་བག་ཆགས་བསྐྱེད་ན་ནི་རུང་ངོ་། །འདུ་བྱེད་ཡོངས་སུ་བསྒོས་པའི་རྣམ་ཤེས་དེ་མེད་ན། འབྲས་བུ་འབྱིན་པར་མངོན་དུ་ཕྱོགས་པར་གྱུར་བའི་ལེན་པའི་རྐྱེན་གྱིས་སྲིད་པ་མི་རུང་སྟེ། བག་ཆགས་ཀྱི་གནས་སྐབས་ཀྱིས་ལས་ཀྱི་རྣམ་སྨིན་དངོས་སུ་ཕྱོགས་པའམ་འཇུག་པ་རྙེད་པ་སྲིད་པ་ ― MR12_Page_0539 ―
[མ་དཔེ་གཟིགས་ན་འདིར་གནོན།]
ཡིན་གྱིས། ཉིང་མཚམས་སྦྱོར་བའི་རྣམ་ཤེས་ནི་མ་ཡིན་ནོ། །བག་ཆགས་ཀྱིས་བསྒོས་པའི་རྣམ་ཤེས་མི་འཐད་དེ་ཡོད་པར་མ་གྱུར་ན། འབྲས་བུ་མངོན་དུ་འབྱིན་པར་ཕྱོགས་པར་གྱུར་པ་ན་ལས་དེ་གང་དུ་གནས་ན་སྲིད་པར་འགྱུར། དེ་ལྟར་ཀུན་གཞི་རྣམ་ཤེས་མེད་ན་ལས་ཀྱི་ཀུན་ནས་ཉོན་མོངས་ཀྱང་མི་རུང་ངོ་མི་རུང་ཞིང་། འདུ་བྱེད་རྐྱེན་གྱིས་རྣམ་ཤེས་འབྱུང་བ་དེ་མེད་ན་ལེན་པའི་རྐྱེན་གྱིས་སྲིད་པ་མི་རུང་བའི་ཕྱིར་རོ། ༧ །སྐྱེ་བའི་ཀུན་ཉོན་ཇི་ལྟར་མི་རུང་ན། ཉིང་མཚམས་འབྲེལ་བའམ་སྦྲེལ་བ་ནི་སྔ་ཕྱི་བར་མ་ཆད་དུ་སྦྲེལ་བ་སྟེ་དེ་མི་རུང་བའི་ཕྱིར་ཏེ། འདི་ལྟར་མཉམ་པར་མ་བཞག་པའི་ས་ནས་ཤི་འཕོས་པའི་ཡིད་བར་དོའི་སྲིད་པར་གནས་ཚེ། ཡིད་ཤེས་ཆགས་སྡང་གི་ཉོན་མོངས་ཅན་གྱིས་ཉིང་མཚམས་སྦྱོར་བ་སྤྲེལ་ཏེ་སྐྱེ་ལ། ཡིད་ཤེས་ཉོན་མོངས་ཅན་དེ་བར་དོའི་སྲིད་པར་གཏོགས་པས་དེ་འགགས་ལ་རྣམ་ཤེས་མའི་མངལ་དུ་སྐྱེ་སྲིད་ཀྱང་བསྡུས་པ་ནུར་ནུར་པོ་ཉིད་དུ་བརྒྱལ་ལོ། །བརྒྱལ་ན་བརྒྱལ་བ་ལ་བརྟེན་ནས་མའི་མངལ་དུ་མི་འཇུག་སྟེ། དེས་ན་ཡིད་ཤེས་བརྒྱལ་ན་ནི། བརྒྱལ་ལ་བརྟེན་ནས་མའི་མངལ་དུ་མི་འཇུག་སྟེ། བརྒྱལ་བ་ཞེས་པ་མངལ་དུ་སྐྱེས་པ་དང་། རྣམ་པར་སྨིན་པ་བཟུང་བ་ཡིན་ལ། སྐྱེ་སྲིད་བཟུང་བ་དེ་ལ་བརྟེན་ནས་དད་སོགས་དགེ་བ་དང་། ཆགས་པ་དང་མཚུངས་ལྡན་གྱི་མི་དགེ་བ་དང་། བདེ་སྡུག་གི་ཚོར་བ་མྱོང་བ་རྣམས་དང་ལྡན་པ་རྣམ་པ་རྟོག་པ་ཅན་གྱི་ཡིད་ཤེས་ཕྱི་མའི་གནས་སྐབས་རྣམས་སུ་རིམ་པས་འབྱུང་དགོས་ཀྱང་། བརྒྱལ་བའི་ཚེ་ཡིད་ཤེས་འགགས་ལ་མེད་པས་དེས་ཁུ་ཁྲག་གི་རང་བཞིན་གྱི་ལུས་བཟུང་ནས་གནས་སྐབས་ཕྱི་མ་ཇི་ལྟར་སྐྱེ་སྟེ་མངལ་དུ་ཞུགས་པའང་མ་ཡིན་པར་འགྱུར་ཏེ། ཞུགས་པ་པོའི་ཤེས་པ་བརྒྱལ་ཡོད་པར་སླར་ ― MR12_Page_0540 ―
[མ་དཔེ་གཟིགས་ན་འདིར་གནོན།]
དཔྱོད། དེས་ན་དེའི་ཚེ་སེམས་ཀྱི་མངོན་པར་འདུ་བྱེད་ལ་མི་ལྟོས་པ་རྣམ་སྨིན་གྱི་བདག་ཉིད་ཅན་ལུང་དུ་མ་བསྟན་ན། དམིགས་རྣམ་མ་ཆད་པ་བཏང་སྙོམས་དང་མཚུངས་པར་ལྡན་པའི་ཡིད་བརྒྱལ་བ་ཞེས་པ་དེ་དང་། གང་དེ་ལ་བརྟེན་པའི་འདུ་བྱེད་ཅན་རྣམ་སྨིན་མིན་པ་ལུང་བསྟན་པ། དམིགས་རྣམ་རིས་ཆད་པ། བདེ་སྡུག་གི་ཚོར་བ་དང་མཚུངས་ལྡན་གྱི་ཡིད་ཤེས་ཞིག་དང་། ཡིད་ཤེས་གཉིས་ལྷན་ཅིག་ཡོད་དགོས་ན་དེ་ནི་མདོ་དང་འགལ་ཏེ། ཁྱེད་ནི་འདི་སྐད་འདོན་ཏེ། རྣམ་པར་ཤེས་པ་གཉིས་ལྔ་ཕྱི་མེད་པར་འབྱུང་བ་གནས་མ་ཡིན་ཞིང་གོ་སྐབས་མེད་དོ་ཞེས་མི་སྨྲའམ། དེ་གཉིས་ཡིད་ཤེས་གཅིག་མ་ཡིན་ཏེ། རང་བཞིན་ཐ་དད་པའི་ཕྱིར་རོ། །རྣམ་སྨིན་རྒྱུན་ཆད་ན་ནི་སྲོག་རྒྱུན་ཆད་པར་འགྱུར་ལ། རྣམ་སྨིན་མེད་ན་འགྲོ་བ་ལྔ་ཡང་མེད་པར་འགྱུར་རོ། །ཡིད་ཤེས་བརྒྱལ་བ་དེ་ཡིད་ཤེས་སུ་མི་རིགས་ཏེ། གང་ཡིད་ཤེས་ཉིད་དུ་རང་གཞན་གཉིས་ཀ་ལ་ངེས་པའམ་རྟག་པ་དེ་ཉིད་རྟག་ཏུ་ཉོན་མོངས་ཅན་གནས་མ་ཡིན་ཏེ། དགེ་མི་དགེ་ལུང་མ་བསྟན་གསུམ་ཡོད་པས་སོ། །དེ་དཔེར་ན་དུས་ཕྱི་ལ་འབྱུང་བའི་ཡིད་ཤེས་བཞིན་ནོ། །ཉིང་མཚམས་སྦྱོར་བའི་སེམས་ཐམས་ཅད་ནི། ཐམས་ཅད་དུ་ཉོན་མོངས་ཅན་གནས་ཡིན་ཏེ། བར་དོའི་སྲིད་པས་བསྡུས་པའི་གནས་སྐབས་སྐྱེ་བའི་སྲིད་པར་དམིགས་པ་ནི་ཁམས་ཐམས་ཅད་ན་རྟག་པ་ཉོན་མོངས་ཅན་གནས་ཡིན་ཏེ། སྐྱེ་བའི་སྲིད་པ་ཉོན་མོངས་ཅན་ཞེས་འདོད་པས་སོ། །དེས་ན་ཁོ་རང་གི་དམ་བཅས་པའི་སྐྱོན་གྱིས་ཆོས་ཅན་རང་གི་ངོ་བོ་ཉིད་ལས་བཟློག་པར་བསྟན་པའོ། །ཡང་ན་ཉོན་མོངས་བཞི་དང་མཚུངས་ལྡན་ཉོན་མོངས་ཅན་གནས་ཡིན་པའི་ཕྱིར། ཉིང་མཚམས་སྦྱོར་བའི་སེམས་ཉོན་མོངས་པ་ཅན་དུ་འགྱུར་རོ། །ཡིད་ཤེས་ནི་རང་གཞན་གཉིས་ཀས་རང་ཡུལ་ལ་དམིགས་པར་ཁས་ལེན་ཏེ། འཇུག་ཤེས་སོ་ ― MR12_Page_0541 ―
[མ་དཔེ་གཟིགས་ན་འདིར་གནོན།]
སོའི་ཡུལ་རྣམ་པར་རིག་པའི་མཚན་ཉིད་ཡིན་པའི་ཕྱིར་རོ། །ཉིང་མཚམས་སྦྱོར་བའི་སེམས་བརྒྱལ་བ་ནི་དེ་ལྟར་རང་གི་དམིགས་པ་མི་གཅོད་པས་ཡིད་ཤེས་མ་ཡིན་ནོ། །འདི་འགོག་སྙོམས་ཀྱི་སེམས་དང་མཚུངས་པར་ཕྱིར་བརྒལ་མི་རུང་སྟེ་དེ་ནི་ཡིད་ཤེས་སུ་མི་འདོད་པའི་ཕྱིར་རོ། །དེ་ལྟར་ནའང་འདིར་དམིགས་པ་མི་དམིགས་པས་ཡོངས་སུ་མི་གཅོད་པ་ཡིན་གྱི། མེད་པ་ཉིད་མ་ཡིན། དེ་ལ་ཡིད་ཀྱི་ཡུལ་ཆོས་མེད་པ་ནི་མ་ཡིན་གྱི། ཡོད་བཞིན་ཡོངས་སུ་མི་གཅོད་དོ། །ཡིད་ཤེས་ཀྱི་གནས་མིག་སོགས་ཡོངས་སུ་མ་རྫོགས་པའི་ཕྱིར་ཡིད་ཤེས་གཉིས་ལྷན་ཅིག་མའི་མངལ་དུ་འཇུག་པར་འགྱུར་རོ། །ཡིད་ཤེས་བརྒྱལ་བ་དེ་ཡིད་ཤེས་སུ་མི་རིགས་ཏེ། ཉིང་མཚམས་སྦྱོར་བའི་ཡིད་ཤེས་ནི་དུས་རྟག་ཏུ་ཉོན་མོངས་པ་ཅན་གནས་ཡིན་པ་ཁས་བླང་དང་ཡིད་ཤེས་ཀྱི་དམིགས་པ་གང་ལ་ཡང་མི་དམིགས་པའི་ཕྱིར་རོ། །ཅི་མངལ་དུ་ཡིད་ཤེས་ཡོད་ཀྱང་སྐབས་དེར་བརྒྱལ་བ་ཡིན་དུ་ཆུག་ཀྱང་། ཡིད་ཤེས་དེ་ཉིད་ས་བོན་ཐམས་ཅད་པ་ཡིན་ནམ། འོན་ཏེ་ས་བོན་ཐམས་ཅད་ལ་གང་དེ་ཉིད་ལ་བརྟེན་ནས་མངལ་དུ་ཞུགས་པ་ཡིན།གལ་ཏེ་ས་བོན་ཐམས་ཅད་པ་ཡིན་ན་དེ་ཀུན་གཞིའི་རྣམ་ཤེས་ཀྱི་རྣམ་གྲངས་ཀྱི་མིང་དུ་བཞག་པ་ཡིན་ནོ། །ས་བོན་ཐམས་ཅད་པ་ཡིན་ཡང་ཅི་སྟེ་དེ་ལ་བརྟེན་པ་དེ་ས་བོན་ཐམས་ཅད་པ་ཡིན་ན་ནི། དེས་ན་གང་ས་བོན་ཀྱི་གནས་ཀྱི་དངོས་པོའི་རྒྱུར་གྱུར་པའི་རྣམ་ཤེས་དེ་ཡང་ས་བོན་ཐམས་ཅད་པ་མ་ཡིན་ན། གང་རྟེན་པ་འབྲས་བུར་གྱུར་པ་དེ་ས་བོན་ཐམས་ཅད་པར་རུང་རེ་སྐན། དེ་ཕྱིར་རྣམ་ཤེས་ཁུ་ཁྲག་གི་དབུས་སུ་བརྒྱལ་བཞིན་པ་དེ་ཡིད་ཤེས་མ་ཡིན་ཏེ། དེ་ནི་རྣམ་པར་སྨིན་པའི་ ― MR12_Page_0542 ―
[མ་དཔེ་གཟིགས་ན་འདིར་གནོན།]
ཀུན་གཞིའི་རྣམ་པར་ཤེས་པ་ས་བོན་ཐམས་ཅད་པ་ཞེས་བྱ་བར་གྲུབ་བོ། ༧ །དེར་མ་ཟད་ཉིང་མཚམས་སྦྱོར་བ་སྦྲེལ་ཟིན་པ་རྣམས་ཀྱི་དབང་པོ་གཟུགས་ཅན་པ་འཛིན་པར་བྱེད་པ་ཡང་། ཀུན་གཞིའི་རྣམ་ཤེས་དེ་ལས་གཞན་པའི་རྣམ་སྨིན་གྱི་རྣམ་ཤེས་སུ་མི་འཐད་དེ། དེ་མ་ཡིན་པའི་རྣམ་ཤེས་རྣམས་ནི་གནས་སོ་སོར་ངེས་པ་དང་རྒྱུན་མི་བརྟན་པའི་ཕྱིར་རོ། །རྣམ་ཤེས་ཀྱིས་ཟིན་པ་མེད་པའི་དབང་པོ་གཟུགས་ཅན་ནི་ཡོད་པར་མི་རུང་ངོ་། །རྣམ་ཤེས་ནི་ཀུན་གཞིའི་རྣམ་ཤེས་དང་དེའི་རྐྱེན་གྱིས་མིང་མིང་བཞི་དང་གཟུགས་ནུར་ནུར་པོ་སོགས་མདུང་ཁྱིམ་ལྟར་གཅིག་ལ་གཅིག་བརྟེན་པའི་ཚུལ་གྱིས་འདུག་པ་གང་ཡིན་པ་དེ་ཡང་། རྣམ་སྨིན་གྱི་རྣམ་ཤེས་མེད་ན་མི་རུང་ངོ་། །རྣམ་ཤེས་གཞན་ནི་སེམས་ཅན་འབྱུང་པོ་རྣམས་ཀྱི་ཟས་སུའང་མི་རུང་སྟེ་སྙོམས་འཇུག་གཉིས་དང་འདུ་ཤེས་མེད་པ་ལ་མ་ཁྱབ་པའི་ཕྱིར་རོ། །ཀུན་ཤེས་མེད་ན་རྣམ་སྨིན་གྱི་རྣམ་ཤེས་དྲུག་པོ་གང་ཡར་རུང་བས་ཁམས་གསུམ་པའི་སེམས་ཅན་རྣམས་ཀྱི་ཟས་བྱེད་པ་ནི་མི་དམིགས་སོ། ༧ །འདོད་ཁམས་འདི་ནས་འཕོས་ཏེ་ཁམས་གོང་མ་མཉམ་པར་བཞག་པའི་སར་སྐྱེ་བ་ན། ཡིད་ཤེས་ཉོན་མོངས་ཅན་མཉམ་བཞག་མིན་པས་སྐྱེ་བར་མཚམས་སྦྱོར་བར་མི་རུང་སྟེ། སྐྱེ་བའི་ས་བོན་མཉམ་བཞག་མིན་པའི་སེམས་པ་དེའི་རོ་མྱོང་བའི་ཉོན་མོངས་ཅན་གྱི་ས་བོན་དང་ལྡན་པ་ཀུན་གཞི་མིན་པ་གཞན་དེ་མི་འཐད་དོ། །འདོད་པ་ན་སྤྱོད་པའི་སེམས་ནི་གོང་མའི་ས་བོན་དང་ལྡན་པ་མིན་ཏེ། དེ་གཉིས་ལྷན་ཅིག་འབྱུང་བ་དང་འགགས་པ་མེད་པས་སོ། །མཉམ་བཞག་གི་སེམས་ཀྱང་ས་བོན་དང་ལྡན་པ་མིན་ཏེ། གཅིག་ཉིད་ས་བོན་ ― MR12_Page_0543 ―
[མ་དཔེ་གཟིགས་ན་འདིར་གནོན།]
དང་ས་བོན་ཅན་གྱི་དངོས་པོར་མི་རུང་ངོ་། །གཟུགས་ན་སྤྱོད་པའི་སེམས་ཚེ་རབས་གཞན་དུ་ཐོབ་པ་ཡང་ས་བོན་དུ་མི་རུང་སྟེ། བག་ཆགས་ཀྱི་ཀུན་གཞིའི་རྣམ་ཤེས་མེད་པས་སོ། །གཟུགས་ཀྱི་རྒྱུད་ཀྱང་ས་བོན་ཅན་མ་ཡིན་ཏེ་གཟུགས་ཁས་མི་ལེན་པའི་ཕྱིར་རོ། །དེ་བས་ན་ཐོག་མ་མེད་པའི་དུས་ཅན་པ་དེའི་ས་པའི་སེམས་གང་ལ་བག་ཆགས་གནས་པའི་ཀུན་གཞི་རྣམ་ཤེས་ལ་ངེས་པར་གནས་བཅའ་བར་བྱ་དགོས་སོ། །ཡང་གཟུགས་མེད་ཁམས་སུ་སྐྱེ་བའི་རོ་མྱོང་བའི་ཉོན་མོངས་ཅན་གྱི་དགེ་སེམས་ཡོད་པ་རྣམས་ལ། ཉོན་མོངས་ཅན་གྱི་དགེ་སེམས་ཀྱང་། ཀུན་གཞིའི་རྣམ་ཤེས་ས་བོན་ཐམས་ཅད་པ་མེད་ན། ས་བོན་མེད་ཅིང་གཞི་མེད་རྣམ་པར་སྨིན་པ་མེད་ཅེས་པར་འགྱུར་རོ་དེའི་ཚེ་སེམས་སེམས་བྱུང་ཐམས་ཅད་དེའི་དངོས་པོར་འགྱུར་ཕྱིར་རོ། །གཟུགས་མེད་དེ་ཉིད་ན་འཇིག་རྟེན་ལས་འདས་པའི་སེམས་མངོན་པར་བྱེད་ཚེ། གཞན་འཇིག་རྟེན་པའི་སེམས་མེད་པས་དེའི་རྣམ་སྨིན་གྱི་འགྲོ་བ་ལྡོག་པར་འགྱུར་རོ་དེ་ལྷག་མེད་མྱང་འདས་སུ་འགྱུར་རོ། །འདུ་ཤེས་མེད་འདུ་ཤེས་མེད་མིན་སྐྱེ་མཆེད་དུ་སྐྱེས་པ་རྣམས། རང་ས་ན་ཟག་མེད་ཀྱི་ལམ་མེད་པས་ཅི་ཡང་མེད་པའི་སྐྱེ་མཆེད་པའི་སེམས་ལ་བརྟེན་པའི་འཇིག་རྟེན་འདས་པའི་སེམས་མངོན་དུ་བྱེད་པ་ན། དེ་དག་གི་འགྲོ་བ་གཉིས་ཀ་ལྡོག་པར་འགྱུར་ཏེ། འཇིག་འདས་ཀྱི་སེམས་དེའི་གནས་ནི།སྲིད་རྩེ་དང་ཅི་ཡང་མེད་དེ་གཉིས་གང་གི་འགྲོ་བའང་མ་ཡིན་ལ། མྱང་འདས་ཀྱི་འགྲོ་བ་ལྷག་བཅས་མྱང་འདས་པའི་ཡང་གནས་སུ་མི་རུང་ངོ་མྱང་འདས་ནི་འགྲོ་བས་བསྡུས་པ་མིན་ནོ། ༧ །ཡང་ལེགས་བྱས་ཅན་ནམ་ཉེས་བྱེད་དག་འཆི་བ་ན། ལུས་ ― MR12_Page_0544 ―
[མ་དཔེ་གཟིགས་ན་འདིར་གནོན།]
སྨད་དམ་སྟོད་ནས་དྲོད་རིམ་ཡལ་འགྱུར་ཡང་ཀུན་གཞི་རྣམ་ཤེས་མེད་པར་མི་རུང་སྟེ། དེའི་ཚེ་ཡིད་ཡོད་ཀྱང་ལུས་གཏོང་བ་ནི་ཀུན་གཞིའི་རྣམ་ཤེས་སོ། །དེ་ལྟར་སྐྱེ་བའི་ཀུན་ཉོན་ནི་ས་བོན་ཐམས་ཅད་པ་ཀུན་གཞིའི་རྣམ་ཤེས་ཉིད་མེད་ན་མི་རུང་ངོ་། །ཇི་ལྟར་འཇུག་ཤེས་རྣམས་ལ་འཇིག་རྟེན་པའི་རྣམ་བྱང་མི་རུང་ན། འདོད་པ་ལ་ཆགས་བྲལ་མིན་ཅིང་གཟུགས་ཁམས་ཀྱི་སེམས་ཐོབ་པ་མིན་པས། འདོད་པའི་དགེ་སེམས་ཀྱིས་འདོད་པའི་འདོད་ཆགས་བྲལ་ཕྱིར་རབ་ཏུ་སྦྱོར་བ་ན། འདོད་པ་ན་སྤྱོད་པའི་སྦྱོར་བ་ལས་བྱུང་བའི་སེམས་དེ་ཡང་། གཟུགས་ན་སྤྱོད་པའི་སེམས་དང་ལྷན་ཅིག་འབྱུང་བ་དང་འགགས་པ་མེད་ཕྱིར་དེས་བསྒོས་པར་མི་རུང་བས་དེ་ས་བོན་དུ་མི་འགྱུར་རོ། །གཟུགས་སྤྱོད་ཀྱི་སེམས་འདས་པ་ཚེ་རབས་དུ་མར་སེམས་གཞན་གྱིས་བར་དུ་བཅད་བ་དེ་ཡང་མདོ་སྡེ་པ་ལྟར་བཞེད་འགགས་ཟིན་ནས་མེད་པའི་ཕྱིར་མཉམ་བཞག་གི་རྗེས་ཀྱི་སེམས་དེའི་ས་བོན་དུ་མི་རུང་ངོ་། །དེ་བཞིན་ཆགས་བྲལ་གྱི་ས་བོན་ཐམས་ཅད་ལ་གང་ལ་གང་ཅི་རིགས་སུ་སྦྱར་བར་བྱའོ། །དེའི་ཕྱིར་གང་ཞིག་ས་བོན་ཐམས་ཅད་པ་རྣམ་པར་སྨིན་པའི་རྣམ་ཤེས་གཅིག་ནས་གཅིག་ཏུ་བརྒྱུད་དེ་འོངས་པ་དེ་ནི་གཟུགས་ན་སྤྱོད་པ་མཉམ་པར་བཞག་པའི་སེམས་དེའི་རྒྱུའི་རྐྱེན་ཡིན་ལ། སྦྱོར་བྱུང་དགེ་སེམས་དེ་ནི་བདག་པོའི་རྐྱེན་ཡིན་པར་གྲུབ་བོ། །དེ་བཞིན་དུ་འཇིག་རྟེན་འདས་པའི་རྣམ་བྱང་ཡང་། ས་བོན་ཐམས་ཅད་པ་རྣམ་སྨིན་རྣམ་ཤེས་མེད་ན་མི་རུང་སྟེ། གཞན་གྱི་སྒྲ་ལ་བརྟེན་པ་དང་། སོ་སོ་རང་གི་ཚུལ་བཞིན་ཡིད་བྱེད་ཀྱི་རྒྱུ་ལས་ཡང་དག་པའི་ལྟ་ ― MR12_Page_0545 ―
[མ་དཔེ་གཟིགས་ན་འདིར་གནོན།]
བ་འབྱུང་ངོ་ཞེས་རྒྱལ་བས་གསུངས་ན། གཞན་གྱི་སྒྲ་ལས་ཡིད་བྱེད་དེས། རྣ་ཤེས་སམ། ཡིད་ཤེས་སམ། དེ་གཉིས་ཀར་བག་ཆགས་བསྒོས་པ་ཡིན་གྲགས་ན། རྣ་ཤེས་ལ་ནི་ཚུལ་བཞིན་ཡིད་བྱེད་མི་འབྱུང་ཞིང་། ཡིད་ཤེས་དེ་ཡང་དེ་ལས་གཞན་པའི་རྣམ་ཤེས་གཡེང་བས་བར་ཆོད་ལ། གང་ཚེ་ཚུལ་བཞིན་ཡིད་བྱེད་དང་མཚུངས་ལྡན་གྱི་སེམས་བྱུང་བ་དེའི་ཚེ། ཡིད་ཤེས་ལ་ཐོས་པའི་བག་ཆགས་བསྒོས་པ་དེ་ཉིད་ནི། བག་ཆགས་དང་བཅས་པ་འགགས་ཤིང་ཡུན་རིང་ལོན་ཏེ་མེད་ན། ཕྱིས་དེའི་ས་བོན་ཚུལ་བཞིན་ཡིད་བྱེད་དང་མཚུངས་ལྡན་གྱི་སེམས་གང་ལས་འབྱུང་བ་ཡིན། གང་ཚུལ་བཞིན་ཡིད་བྱེད་དང་མཚུངས་ལྡན་འཇིག་རྟེན་པའི་སེམས་དེ་ནི། ཡང་དག་པའི་ལྟ་བ་དང་མཚུངས་པར་ལྡན་པའི་འཇིག་རྟེན་འདས་པའི་སེམས་དང་ནམ་ཡང་ལྷན་ཅིག་སྐྱེ་བ་དང་འགག་པ་མེད་པ་དེའི་ཕྱིར་དེས་བསྒོས་པ་མ་ཡིན་ནོ། །མ་བསྒོས་ས་བོན་དུ་མི་རུང་སྟེ། དེའི་ཕྱིར་འཇིག་རྟེན་འདས་པའི་རྣམ་བྱང་ཡང་ས་བོན་ཐམས་ཅད་པ་རྣམ་སྨིན་གྱི་རྣམ་ཤེས་མེད་ན་མི་རུང་ཏེ། ཐོས་པའི་བག་ཆགས་ཀྱིས་དེའི་ས་བོན་འཛིན་པར་མི་རིགས་སོ། །ས་བོན་ཐམས་ཅད་པའི་རྣམ་སྨིན་གྱི་རྣམ་ཤེས་ཀུན་གཞི་རྣམ་ཤེས་དེ་ཀུན་ཉོན་གྱི་རྒྱུ་ཡིན་ན། དེ་འཇིག་རྟེན་འདས་པའི་སེམས་ཀྱི་ས་བོན་དུ་ཇི་ལྟར་རུང་སྟེ། འདས་པའི་སེམས་ནི་འཇིག་རྟེན་པ་དང་མ་འདྲེས་པ་སྟེ། དེས་ན་དེའི་བག་ཆགས་མེད་ལ་དེའི་ཕྱིར་ས་བོན་གང་ལས་འབྱུང་བ་བརྗོད་དགོས་སོ་ཞེ་ན། ཆོས་དབྱིངས་ཤིན་ཏུ་རྣམ་དག་གི་རྒྱུ་མཐུན་པ་ཐོས་པའི་བག་ཆགས་ཀྱི་ས་ ― MR12_Page_0546 ―
[མ་དཔེ་གཟིགས་ན་འདིར་གནོན།]
བོན་ལས་འདས་པའི་ས་བོན་དེ་འབྱུང་ངོ་། །ཐོས་པའི་བག་ཆགས་དེ་ཡང་ཅི་ཀུན་གཞིའི་རྣམ་ཤེས་ཀྱི་ངོ་བོ་ཡིན་ནམ། ཡིན་ན་དེའི་གཉེན་པོའི་ས་བོན་དུ་ཇི་ལྟར་རུང་། ངོ་བོ་མིན་ན་ས་བོན་དེའི་གནས་ཅི་ཞིག་ཡིན་ཞེ་ན། སངས་རྒྱས་རྣམས་ཀྱི་བྱང་ཆུབ་ལ་བརྟེན་ནས་ཐོས་པའི་བག་ཆགས་སུ་གྱུར་པ་གང་ཡིན་པ་གནས་གང་ལ་འཇུག་པ་དེ། ལྷན་ཅིག་འདུག་པའི་ཚུལ་གྱིས་རྣམ་པར་སྨིན་དོན་གསང་ལས་འདིར་ཀུན་གཞིའི་མ་སྨྲོས་པ་ནི། ཀུན་གཞིའི་རྣམ་ཤེས་ནི་ས་བརྒྱད་པའི་བྱང་སེམས་ཀྱི་རྒྱུད་དང་། དགྲ་བཅོམ་དང་རང་སངས་རྒྱས་ཀྱི་རྒྱུད་ལ་མེད་པས་དེས་རྣམ་བྱང་གི་བག་ཆགས་འཛིན་པར་མ་ཁྱབ་པའི་ཕྱིར་རོ། །དེ་དག་གི་རྒྱུད་ན་རྣམ་པར་སྨིན་པའི་རྣམ་ཤེས་ནི་ཡོད་དོ་གསུངས་པའི་རྣམ་ཤེས་ལ་འཇུག་སྟེ་འོ་མ་དང་ཆུ་བཞིན་ནོ། །དེ་ཀུན་གཞིའི་རྣམ་ཤེས་མ་ཡིན་ཏེ། དེའི་གཉེན་པོའི་ས་བོན་ཡིན་པའི་ཕྱིར་རོ། །དེ་ཡང་བག་ཆགས་ཆུང་ངུ་ལ་བརྟེན་ན་འབྲིང་། འབྲིང་ལས་ཆེན་པོར་འགྱུར་ཏེ། ཐོས་བསམ་བསྒོམ་པ་ལན་མང་དུ་བྱ་བ་དང་ལྡན་པའི་ཕྱིར་རོ། །ཐོས་པའི་བག་ཆགས་ཀྱི་ས་བོན་ཆུང་འབྲིང་ཆེན་པོ་ཡང་ཆོས་སྐུའི་ས་བོན་དུ་བལྟ་སྟེ། ཀུན་གཞིའི་རྣམ་ཤེས་ཀྱི་གཉེན་པོ་མི་རྟོག་ཡེ་ཤེས་ཀྱི་རྒྱུ་ཡིན་པས། ཀུན་གཞིའི་རྣམ་ཤེས་ཀྱི་ངོ་བོ་ཉིད་མིན་པ་དང་དུག་དང་དེའི་གཉེན་པོའི་སྨན་ལྷན་ཅིག་པ་བཞིན་ནོ། །འཇིག་རྟེན་པ་ཡིན་ཡང་འཇིག་རྟེན་ལས་འདས་པ་ཆོས་དབྱིངས་ཤིན་དུ་རྣམ་དག་གི་རྒྱུ་མཐུན་པ་ཡིན་པས་འཇིག་རྟེན་འདས་པའི་སེམས་ཀྱི་ས་བོན་དུ་གྱུར་པའོ། །འདི་ནི་འཇིག་རྟེན་ལས་འདས་པའི་སེམས་མ་བྱུང་དུ་ཟིན་ཀྱང་། ཉོན་མོངས་ཀུན་དཀྲིས་ཀྱི་གཉེན་པོ་དང་། ― MR12_Page_0547 ―
[མ་དཔེ་གཟིགས་ན་འདིར་གནོན།]
ངན་སོང་དུ་འགྲོ་བའི་གཉེན་པོ་དང་། ཉེས་བྱས་ཐམས་ཅད་དེངས་པར་བྱེད་པའི་གཉེན་པོ་ཡིན་ནོ། །སངས་རྒྱས་བྱང་སེམས་དང་འཕྲད་པའི་རྗེས་སུ་མཐུན་པའོ། །དེས་ན་བྱང་ཆུབ་སེམས་དཔའ་ལས་དང་པོ་པ་རྣམས་ཀྱི་འཇིག་རྟེན་པ་ཡིན་ཡང་ཆོས་ཀྱི་སྐུར་བསྡུས་པ་དང་། ཉན་ཐོས་དང་རང་སངས་རྒྱས་རྣམས་ཀྱི་རྣམ་པར་གྲོལ་བའི་ལུས་སུ་བསྡུས་པར་ཡང་བལྟའོ། །དེ་ནི་ཀུན་གཞི་རྣམ་ཤེས་མ་ཡིན་གྱི། ཆོས་སྐུ་དང་རྣམ་གྲོལ་གྱི་ལུས་སུ་བསྡུས་པ་སྟེ།ཆུང་འབྲིང་ཆེན་པོ་ཇི་ལྟར་རིམ་གྱིས་འཕེལ་བ་དེ་ལྟ་བུར། རྣམ་པར་སྨིན་པའི་རྣམ་ཤེས་འབྲི་ཞིང་རང་ཉིད་གནས་པར་འགྱུར་རོ། །གནས་རྣམ་པ་ཐམས་ཅད་པ་ཡོངས་སུ་གྱུར་པ་ན། རྣམ་སྨིན་གྱི་རྣམ་ཤེས་ས་བོན་ཐམས་ཅད་པ་ཡང་ས་བོན་མེད་པར་འགྱུར་བ་དང་། རྣམ་པ་ཐམས་ཅད་དུ་སྤངས་པ་ཡང་ཡིན་ནོ། །ཇི་ལྟར་ཀུན་གཞི་རྣམ་ཤེས་དང་། དེ་མ་ཡིན་པ་ཆུའོ་བཞིན་དུ་ལྷན་ཅིག་གནས་པ་རྣམས། རྣམ་པ་ཐམས་ཅད་དུ་འགྲིབ་པར་འགྱུར་ཞེ་ན། ངང་པས་ཆུ་ལས་འོ་མ་འཐུངས་པ་ལྟ་བུ་དང་། འཇིག་རྟེན་པའི་འདོད་ཆགས་དང་བྲལ་བ་ན། མཉམ་བཞག་མིན་པའི་སའི་བག་ཆགས་འགྲིབ་ནས་མཉམ་བཞག་གི་སའི་བག་ཆགས་འཕེལ་ནས་གནས་གྱུར་པ་བཞིན་ནོ། ༧ །འགོག་སྙོམས་ལ་འཇུག་པ་རྣམ་བྱང་དེའི་ལུས་ལ་རྣམ་ཤེས་མི་འབྲལ་བར་གསུངས་པ་དེའི་ཕྱིར་ཡང་། ཀུན་གཞིའི་རྣམ་ཤེས་དང་མ་བྲལ་བར་རིགས་པར་བྱ་སྟེ། ཀུན་གཞིའི་རྣམ་ཤེས་དེའི་གཉེན་པོར་འགོག་སྙོམས་སྐྱེ་བ་ནི་མ་ཡིན་ནོ་འཇུག་ཤེས་དམིགས་རྣམས་རིས་ཆད་མ་ཞི་བའི་གཉེན་པོ་སྐྱེད་ ― MR12_Page_0548 ―
[མ་དཔེ་གཟིགས་ན་འདིར་གནོན།]
དོ། །སྙོམས་འཇུག་དེ་ལས་ལངས་པ་རྣམས་ཀྱི་གདོད་འཇུག་ཤེས་འབྱུང་བ་འབྱུང་བ་མ་ཡིན་ཏེ། རྣམ་སྨིན་གྱི་རྣམ་ཤེས་རྒྱུན་ཆད་ནས་ཉིང་མཚམས་སྦྱོར་བ་མ་གཏོགས་པར་གཞན་དུ་འབྱུང་བ་མེད་པའི་ཕྱིར་རོ། །གང་ཡང་འགོག་སྙོམས་ལ་ཡིད་ཤེས་ཡོད་པས་སེམས་དང་བཅས་ཞེས་སེམས་པ་དེ་མི་རུང་སྟེ། ཡོད་ན་འདུ་ཤེས་དང་ཚོར་བ་མ་ཁེགས་པས་སྙོམས་འཇུག་དེ་མི་རུང་བའི་ཕྱིར་དང་། ཡིད་ཤེས་ཀྱི་དམིགས་རྣམ་མ་དམིགས་པའི་ཕྱིར་རོ་ཡིད་ཤེས་དམིགས་རྣམས་མེད་པ་མི་སྲིད་དོ། །འགོག་སྙོམས་དེ་མི་དགེ་དང་ལུང་མ་བསྟན་དུ་མི་རིགས་པས། དགེ་སེམས་མངོན་གྱུར་མེད་ཀྱང་དགེ་རྩ་དང་མཚུངས་ལྡན་དུ་འགྱུར་བའི་ཕྱིར་དང་། རེག་པ་དམིགས་པས་འདུ་ཤེས་དང་ཚོར་བ་འབྱུང་བར་འགྱུར་བའི་ཕྱིར་དང་། གནས་སེམས་མ་བཀག་པར་འདུ་ཤེས་ཙམ་རྒྱུན་ཆད་པ་ཙམ་གྱི་མཉམ་བཞག་ཡིན་པར་འགྱུར་བ་མི་རིགས་ཏེ་སེམས་ཁེགས་པས་འདུ་ཤེས་མི་ཁེགས་པ་དང་། ཡིད་མི་སྤོང་ན་སེམས་པ་དང་དད་སོགས་དགེ་རྩ་ཀུན་ཏུ་འབྱུང་བར་འགྱུར་བའི་ཕྱིར་དང་། རྟེན་སེམས་ལས་བརྟེན་པ་འདུ་ཤེས་སོགས་ཐ་དད་དུ་དབྱེ་མི་རུང་བའི་ཕྱིར་དང་། འདུ་ཤེས་མེད་པའི་སྙོམས་འཇུག་གི་དཔེ་ཡོད་པའི་ཕྱིར་དང་ཡང་ན་འབྱུང་འབྱུང་འགྱུར་བཞིན་སེམས་དང་སེམས་བྱུང་ཐམས་ཅད་མི་རུང་ཀྱང་ངོ་། །གལ་ཏེ་སེམས་ཐམས་ཅད་ཀུན་གཞིའི་རྣམ་ཤེས་བཞིན་དུ་སེམས་གཞན་གྱི་ས་བོན་ཅན་དུ་ངེས་པར་འགྱུར་ན། ལྷག་མེད་མྱང་འདས་སུ་འཇུག་པའི་སེམས་ཐ་མ་གཏན་ལྡོག་མིན་པར་སེམས་གཞན་གྱི་ས་བོན་དུ་འགྱུར་བའི་ཕྱིར་མི་རུང་བར་འགྱུར་རོ། །གསལ་བའི་སེམས་ཡོད་ན་ཚོར་འདུ་གཉིས་ཡོད་དེ་ཀུན་ཏུ་འགྲོ་བ་ཉིད་ཡིན་པ་ལས་དེ་བཞིན་དུ་མེད་པའི་ཕྱིར། ཡིད་ཤེས་མ་ཡིན་ཏེ་དགེ་མི་ ― MR12_Page_0549 ―
[མ་དཔེ་གཟིགས་ན་འདིར་གནོན།]
དགེ་ལུང་མ་བསྟན་པར་མི་འཐད་པའི་ཕྱིར་དེ་ཡང་མི་རུང་ངོ་། །གང་ཡང་མདོ་སྡེ་པ་དག་གཟུགས་དང་སེམས་ཀྱི་སྐད་ཅིག་རྣམས་སྔ་ཕྱི་མཇུག་ཐོགས་སུ་ཕྱི་མ་འབྱུང་བ་ཆོས་རྣམས་ཀྱི་ས་བོན་ཉིད་དུ་རྟོག་པ་ན་ཀུན་གཞིའི་ཅི་བྱ་སྙམ་པ་དེའི་ཡང་སྐྱོན་གོང་མ་བཞིན་དུ་མི་འཐད་ཀྱི་སྟེང་དུ། གཟུགས་མེད་པ་ནས་ཤི་འཕོས་པ་གཟུགས་དང་། འདུ་ཤེས་མེད་པ་ནས་ཤི་འཕོས་པ་དང་། འགོག་སྙོམས་ལས་ལངས་བའི་སེམས་དེ་ཡང་མི་རུང་ངོ་སྟེ་སྔ་མ་མེད་པས་སོ། །དེ་མ་ཐག་པའི་རྐྱེན་ཉིད་དུ་རུང་བ་ལ་མ་གཏོགས་པར་དགྲ་བཅོམ་པའི་ཐ་མའི་སེམས་ཀྱང་མི་རུང་བར་འགྱུར་རོ། །དེ་ལྟར་ས་བོན་ཐམས་ཅད་པའི་རྣམ་སྨིན་གྱི་རྣམ་ཤེས་མེད་ན་ཀུན་ཉོན་དང་རྣམ་བྱང་མི་རུང་ངོ་། །དེ་ལྟར་ན་ཀུན་གཞིའི་རྣམ་ཤེས་ཡོད་པ་དང་དེའི་མཚན་ཉིད་ཇི་ལྟར་བཤད་པ་འགྲུབ་བོ། །འདིར་ཚིགས་སུ་བཅད་པ། བྱང་ཆུབ་སེམས་དཔའ་དགེ་བ་བཟང་པོའི་སེམས། རྣམ་པར་ཤེས་པ་ལྔ་སྤངས་པ་ཡིད་ཤེས་ནི། ཟག་བཅས་བརྩལ་བ་དེ་ལས་གཞན་པ་ཟག་མེད་ལ། སེམས་ཀུན་གཞིའི་ཤེས་པ་ནི་ཟག་མེད་ཀྱི་སེམས་ལ་མི་མཐུན་ཕྱོགས་བག་ཉལ་དུ་ཡོད་པར་མི་རུང་ངོ་ཇི་ལྟར་ས་བོན་ཐམས་ཅད་པ་མེད་པར་འགྱུར་བར་བྱེད་ཅེས་དྲིས་པའོ། །གལ་ཏེ་ཟག་བཅས་ཀྱི་སེམས་དེའི་གཉེན་པོར་གྱུར་པ་ཡིན་ཞེས་བྱར་འདོད་ན། །དེས་དེ་སྤངས་པ་མིན་ཕྱིར་མི་རུང་ངོ་གཉེན་པོ་ནི་སྤང་བ་མིན་ཏེ་སྤང་བའི་རྒྱུ་ཡིན་ལ། གྱུར་པ་ནི་སྤངས་པའི་འབྲས་བུའོ། །གཉེན་པོ་དེ་ནི་སྤངས་བ་ཡིན་ན་ཡང་། སྤོང་བྱེད་དང་དེའི་འབྲས་བུའི་རྒྱུ་འབྲས་ཐ་དད་མེད་པར་འགྱུར། །གལ་ཏེ་ས་བོན་དང་འཇུག་ཤེས་རྣམས་བྲལ་བའམ། །དེས་ནི་ས་བོན་གྱི་ ― MR12_Page_0550 ―
[མ་དཔེ་གཟིགས་ན་འདིར་གནོན།]
དངོས་པོ་མེད་པར་འགྱུར་བར་འདོད་ན། །ས་བོན་དེ་ཡོད་ན་མེད་པར་རུང་གི་དེ་མེད་པར་ནི་ཐལ་བའམ་དངོས་མེད་བྱས་པ་དེ་གཉིས་མེད་དེ། །དེའི་ཕྱིར་ཟག་སེམས་ཟག་མེད་དུ་འགྱུར་བ་རུང་བ་མ་ཡིན་ནོ། ༧ །ཀུན་གཞིའི་རྣམ་ཤེས་འདིའི་རབ་དབྱེ་ནི་མདོར་བསྡུ་ན་གསུམ་སྟེ། མངོན་པར་བརྗོད་པའི་ལྷ་ཡི་མིག་སོགས་སྣ་ཚོགས་སྤྲོས་པའི་བག་ཆགས་ཀྱི་བྱེ་བྲག་དང་། འཇིག་ལྟའི་བདག་ལྟའི་བག་ཆགས་ཀྱི་བྱེ་བྲག་དང་། སྲིད་པའི་ཡན་ལག་གི་བག་ཆགས་ཀྱི་བྱེ་བྲག་གིས་འདུ་བྱེད་ཀྱི་སྲིད་པ་སྣ་ཚོགས་འགྲུབ་བོ། །ཡང་རྣམ་པ་བཞི་ནི་སྐྱེ་བ་འཕེན་པའི་རབ་དབྱེ། རྣམ་པར་སྨིན་པའི་རབ་དབྱེ། རྒྱུ་ཉིད་དུ་རབ་དབྱེ། མཚན་ཉིད་ཁོ་ནས་རབ་དབྱེས་སོ། །དང་པོ་རྣམ་པར་སྨིན་པའི་བག་ཆགས་གསར་དུ་ཐོག་མར་འབྱུང་བ་སྟེ། འཕེན་བྱེད་ཀུན་གཞིའི་རྣམ་ཤེས་དེ་མེད་པ་འདུ་བྱེད་ཀྱི་རྐྱེན་གྱིས་རྣམ་ཤེས་དང་། ལེན་པའི་རྐྱེན་གྱིས་སྲིད་པ་མི་རུང་ངོ་། །དེ་ལ་རྣམ་པར་སྨིན་པས་རབ་ཏུ་དབྱེ་བ་ནི། གང་འདུ་བྱེད་དང་སྲིད་པའི་རྐྱེན་གྱིས་འཕང་བས་འགྲོ་བ་རྣམས་སུ་ཀུན་གཞིའི་རྣམ་ཤེས་ཉིད་རྣམ་པར་སྨིན་པ་སྟེ། དེ་མེད་ན་ས་བོན་མེད་པས་ཡང་འབྱུང་བའི་ཆོས་དབང་པོ་གཟུགས་ཅན་རྣམས་སྐྱེ་བར་མི་རུང་ངོ་། །རྒྱུ་ཉིད་དུ་རབ་ཏུ་དབྱེ་བ་ནི། གང་ཀུན་གཞིའི་རྣམ་ཤེས་དེ་ཉིད་ལ་ཡིད་ཀྱིས་བདག་ཏུ་འཛིན་པའི་རྒྱུ་ཉིད་དེ། དེ་མེད་ན་ཡིད་ཀྱིས་བདག་ཏུ་འཛིན་པའི་དམིགས་པ་མི་རུང་ངོ་། །མཚན་ཉིད་ཀྱིས་རབ་དབྱེ་ནི། གང་དེའི་ཐུན་མོང་གི་མཚན་ཉིད་དང་། ཐུན་མིན་གྱི་མཚན་ཉིད་དང་། ཚོར་བ་མེད་པར་འབྱུང་བའི་ས་བོན་གྱིས་མཚན་ཉིད་དང་། ཚོར་བ་དང་བཅས་པར་འབྱུང་བའི་ས་བོན་གྱི་ ― MR12_Page_0551 ―
[མ་དཔེ་གཟིགས་ན་འདིར་གནོན།]
མཚན་ཉིད་དོ། ༈ །ཐུན་མོང་ནི་སྣོད་ཀྱི་འཇིག་རྟེན་གྱི་ས་བོན་གང་ཡིན་པའོ། །ཐུན་མིན་སོ་སོ་རང་གི་སྐྱེ་མཆེད་ཀྱི་ས་བོན་གང་ཡིན་པའོ། །ཐུན་མོངས་པ་སྣོད་རྣམས་ཚོར་བ་མེད་པར་འབྱུང་བའི་ས་བོན་ནོ། །ཐུན་མིན་ནི་ཚོར་བཅས་སོ། །གཉེན་པོ་ལམ་བདེན་བྱུང་ན་ཐུན་མིན་ནང་གི་སྐྱེ་མཆེད་དྲུག་གི་ས་བོན་འགགས་ཏེ་མི་མཐུན་པའི་ཕྱོགས་དག་གོ། །ཕྱི་སྣོད་ཐུན་མོང་བ་གཞན་གྱིས་རྣམ་པར་རྟོག་པས་ཡོངས་སུ་ཟིན་པ་ས་དང་ཆུ་སོགས་ལ་ནི་རྣལ་འབྱོར་བ་རྣམས་ཀྱིས་ནམ་མཁའ་ལྟར་དག་པ་སོགས་མཐོང་བ་རྣམ་པར་དག་པར་འགྱུར་ཏེ་མེས་མི་ཚིག་ཆུས་མི་ཁྱེར་སོགས་དང་། ནང་གི་སྐྱེ་མཆེད་ཀྱི་རྣམ་རྟོག་འགགས་པ་རྣལ་འབྱོར་བ་རྣམས་ཀྱི་ནང་གི་མོས་པ་ཐ་དད་པས་དངོས་པོ་གཅིག་ལ་རྡོ་ལའང་གསེར་དངུལ་སོགས་བལྟ་བར་བྱ་བ་ཐ་དད་པ་དམིགས་པ་བཞིན་ནོ། །ཐུན་མོང་གི་རྒྱུ་ལས་བྱུང་བའི་སྣོད་སོགས་ཀྱི་དངོས་པོའི་ཆགས་པའམ་འཆིང་བ་སྤང་དཀའ་དང་། ཡོངས་སུ་ཤེས་པར་བྱ་བ་དཀའ་བར་འདོད། །ཕྱི་རོལ་མཚན་མ་ཆེན་པོ་སྣོད་ཀྱི་དངོས་པོ་ལས། །རྣལ་འབྱོར་པ་ཡི་མོས་པ་ཐ་དད་སེམས། སེམས་ཅན་ཐུན་མོང་གི་ངོར་སྣང་བ་དེ་ནི་འགགས་པར་མ་གྱུར་ཀྱང་། །དག་པ་རྣམས་ཀྱིས་ཇི་ལྟར་མཐོང་བ་དག་ལ། །སངས་རྒྱས་ཀྱི་གཟིགས་པ་རྣམ་པར་དག་ཕྱིར། །སངས་རྒྱས་ཞིང་ནི་རྣམ་པར་དག་པ་ཉིད་དོ། །ཐུན་མིན་གང་ཡིན་པ་ཚོར་བ་དང་བཅས་སུ་འབྱང་བའི་ས་བོན་ཏེ། ཐུན་མོང་དེ་མེད་དུ་ཟིན་ན་སྣོད་ཀྱི་འཇིག་རྟེན། ཐུན་མིན་དེ་མེད་ན་སེམས་ཅན་གྱི་འཇིག་རྟེན་འབྱུང་བའི་བྱེ་བྲག་མི་རུང་ངོ་། ༧ །ཡང་དབྱེ་སྒོ་གཞན། གནས་ངན་ལེན་གྱི་མཚན་ཉིད་ལས་སུ་ ― MR12_Page_0552 ―
[མ་དཔེ་གཟིགས་ན་འདིར་གནོན།]
མི་རུང་བའོ། །དང་། ཤིན་སྦྱངས་པའི་མཚན་ཉིད་ལས་རུང་ལས། དང་པོ་ཉོན་མོངས་དང་ཉེ་ཉོན་གྱི་ས་བོན། གཉིས་པ་ཟག་བཅས་དགེ་ཆོས་ཀྱི་ས་བོན་ནོ། །དེ་གཉིས་མེད་ན་ཀུན་གཞིའི་རྣམ་སྨིན་གྱི་གནས་ཀྱི་དབང་གིས་ལས་སུ་མི་རུང་བ་དང་ལས་རུང་གི་བྱེ་བྲག་མི་རུང་བར་འགྱུར་རོ། ༧ །ཡང་སྤྱད་ཟིན་དང་། མ་སྤྱད་པའི་མཚན་ཉིད་ནི། དང་པོ་དགེ་མི་དགེའི་རྣམ་སྨིན་སྨིན་ཟིན་དང་། གཉིས་པ་མངོན་བརྗོད་ཀྱི་བག་ཆགས་ཀྱི་ས་བོན་ཏེ། ཐོག་མེད་ནས་སྤྲོས་པ་འབྱུང་བའི་ས་བོན་ནོ། །དེ་མེད་ན་ལས་ཀྱི་རྣམ་སྨིན་སྤྱད་ཟིན་མི་རུང་ལ། མངོན་བརྗོད་ཀྱི་བག་ཆགས་གསར་དུ་འབྱུང་བ་ཡང་མི་རུང་ངོ་། ༧ །ཡང་དཔེའི་མཚན་ཉིད་ནི། ཀུན་གཞིའི་རྣམ་ཤེས་དེ། སྒྱུ་མ་སྨིག་རྒྱུ་རྨི་ལམ། རབ་རིབ་ལྟ་བུའི་སྣང་ནི་སྣང་ཡང་དེ་ལྟར་མེད་པའི་ཕྱིར་རོ། །དེ་ལྟ་བུ་མེད་ན་སྣང་བ་ལྟར་བདེན་པར་འཛིན་པ་ཡང་དག་མིན་པའི་ཀུན་རྟོག་གི་ས་བོན་འཛིན་པའི་ཚུལ་གྱིས་ཀུན་གཞིའི་ཉིད་ཀུན་ཉོན་གཟུང་བ་ཕྱིན་ཅི་ལོག་གི་རྒྱུ་ཉིད་དུ་མི་རུང་ངོ་། །ཡང་ས་བོན་མཐའ་དག་ཉིད་དང་། མཐའ་དག་མིན་པའི་མཚན་ཉིད་དེ། འཆིང་བ་ཀུན་ལྡན་རྣམས་ཀྱི་མཐའ་དག་གོ། །མཐའ་དག་མིན་པ། འཇིག་རྟེན་པའི་ཆགས་བྲལ་རྣམས་ཀྱིས་འཆིང་བ་ཅི་རིགས་ཉམས་པར་བྱས། ཉན་ཐོས་དང་བྱང་སེམས་སློབ་པ་རྣམས་ཀྱིས་ཕྱོགས་གཅིག་བཏོན་བྱས། དགྲ་བཅོམ་དང་རང་རྒྱལ་སངས་རྒྱས་རྣམས་ཀྱིས་ཉོན་སྒྲིབ་མཐའ་དག་བཏོན་པའི་མཚན་ཉིད་དོ། །ཤེས་སྒྲིབ་ཅི་རིགས་དང་། སངས་རྒྱས་ཀྱིས་སྒྲིབ་གཉིས་མཐའ་དག་བཏོན་པའོ། །དེ་མེད་ན། ཀུན་ཉོན་རིམ་གྱིས་ལྡོག་པར་ ― MR12_Page_0553 ―
[མ་དཔེ་གཟིགས་ན་འདིར་གནོན།]
མི་རུང་ངོ་། ༧ །ཅིའི་ཕྱིར་དགེ་མི་དགེའི་ཆོས་རྣམས་ཀྱི་རྣམ་པར་སྨིན་པ་མ་བསྒྲིབ་ལུང་མ་བསྟན་པའི་རྣམ་པར་སྨིན་པ་ཞེས་བྱ་ན། འདི་ལྟར་མ་བསྒྲིབ་ལུང་མ་བསྟན་ནི། དགེ་མི་དགེ་གང་དང་ཡང་འགལ་བ་མེད་དེ།དགེ་མི་དགེ་ནི་ཕན་ཚུན་མི་མཐུན་ནོ། །རྣམ་སྨིན་དེ་ཡང་དགེ་མི་དགེར་འགྱུར་ན་ཀུན་ཉོན་ལྡོག་པར་མི་རུང་ངོ་། །དེ་བས་ན་རྣམ་པར་སྨིན་པའི་རྣམ་པར་ཤེས་པ་ནི་མ་བསྒྲིབ་ལུང་དུ་མ་བསྟན་པ་ཉིད་དོ། །ཤེས་བྱའི་གནས་བཤད་ཟིན་ཏོ། །༈ །།ཤེས་བྱའི་མཚན་ཉིད་ནི། གཞན་དབང་གི་མཚན་གཟུང་འཛིན་དུ་རྟོག་པ་ལས་ཉོན་གྱི་གཞན་དབང་ཅན་ཉིད་དང་། གཟུང་འཛིན་དང་བདག་གཉིས་སུ་བཏགས་པ་དོན་ལ་མེད་པ་ཀུན་བརྟགས་པའི་མཚན་ཉིད་དང་། ཀུན་ཏུ་བཏགས་ཀྱང་དེ་མ་གྲུབ་པ་ཡོངས་སུ་གྲུབ་པའི་མཚན་ཉིད་གསུམ་མོ། །གཞན་དབང་ནི། གང་ཀུན་གཞིའི་རྣམ་ཤེས་ཀྱི་ས་བོན་ཅན། ཡང་དག་མིན་པའི་ཀུན་རྟོག་གིས་བསྡུས་པའི་རྣམ་རིག་སྟེ། དེ་ཡང་ལུས་དབང་པོ་གཟུགས་ཅན་དང་། ལུས་ཅན་ཉོན་ཡིད་དང་།ཟ་བ་པོའི་རྣམ་པར་རིག་པ་ཡིད་ཤེས་དང་། ཕྱིའི་སྐྱེ་མཆེད་དེའི་ཉེ་བར་སྤྱད་བྱའི་རྣམ་རིག་དང་། རྣམ་ཤེས་ལྔ་པོ་དེ་ལ་ཉེ་བར་སྤྱོད་པའི་རྣམ་རིག་དང་། དུས་གསུམ་དུས་ཀྱི་རྣམ་རིག་དང་། གཅིག་སོགས་གྲངས་ཀྱི་རྣམ་རིག་དང་། གྲོང་སོགས་ཡུལ་གྱི་རྣམ་རིག་དང་། མཐོང་ཐོས་སོགས་གཞི་ཐ་སྙད་ཀྱི་རྣམ་པར་རིག་པ་དང་། ངའོ་ངའི་འོ་ཞེས་བདག་དང་དེ་མིན་ལ་གཞན་གྱི་བྱེ་བྲག་གི་རྣམ་རིག་དང་། ལྷ་མི་བདེ་འགྲོ་ངན་སོང་གསུམ་ངན་འགྲོའི་འཆི་འཕོ་བ་དང་སྐྱེ་བའི་རྣམ་པར་རིག་པའོ། །དེ་ལ་ལུས་ ― MR12_Page_0554 ―
[མ་དཔེ་གཟིགས་ན་འདིར་གནོན།]
དང་ལུས་ཅན་ཟ་པ་པོའི་རྣམ་རིག་དང་། དེས་སྐྱེད་བྱ། དེ་ལ་སྤྱོད་པ། དུས་གྲངས། ཐ་སྙད་ཀྱི་རྣམ་རིག་གང་ཡིན་པ། མངོན་པར་བརྗོད་པའི་བག་ཆགས་ཀྱི་ས་བོན་ལས་བྱུང་བའི་ཕྱིར་རོ། །ངའོ་ངའི་འོ་གཞན་ནོ་ཞེས་བདག་གཞན་གྱི་བྱེ་བྲག་གི་རྣམ་རིག་བདག་ལྟའི་བག་ཆགས་ཀྱི་ས་བོན་ལས་སོ། །བདེ་འགྲོ་ངན་འགྲོའི་འཕོ་སྐྱེའི་རྣམ་རིག །རྟེན་འབྲེལ་བཅུ་གཉིས་ཀྱི་སྲིད་པའི་ཡན་ལག་གི་བག་ཆགས་ཀྱི་ས་བོན་ལས་སོ། །རྣམ་རིག་འདི་རྣམས་ཀྱིས་ཁམས་དང་འགྲོ་བ་སྐྱེ་གནས་ཐམས་ཅད་བསྡུས་པ་གཞན་དབང་གི་མཚན་ཉིད་སེམས་ཀྱི་སྣང་བར་སྨིག་རྒྱུ་ཆུར་སྣང་བའི་གཟུགས་འཛིན་གཉིས་སུ་སྣང་བ་ལྟ་བུ་གཞན་དབང་། ཆུར་སྣང་བ་ཆུ་དངོས་སུ་བཟུང་སྟེ་དེར་བཏགས་པ་ཀུན་བརྟགས། ཆུ་དེ་ནི་གཏན་བྲལ་བ་ཡོངས་གྲུབ་ལྟ་བུའོ་ཡང་དག་མིན་པའི་ཀུན་རྟོག་སྣང་ཚུལ་གྱི་ངོས་ནས་བསྟན་ནོ། །ཇི་སྐད་སྨོས་པའི་རྣམ་རིག་འདི་རྣམས་ཀྱི་རྣམ་པར་རིག་པ་ཙམ་ལོག་པར་ཡོངས་སུ་རྟོག་པ་ཉིད་གཟུང་འཛིན་གྱི་དངོས་པོར་བཞག་ནས་ཡང་དག་མིན་རྟོག་གིས་བསྡུས་པ་ཕྱི་དོན་ཡོད་པ་མ་ཡིན་པ་དང་། དེར་སྣང་བའི་རྣམ་རིག་ནོར་བའི་དོན་སྣང་བའི་གནས་གང་ཡིན་པ་འདི་ནི་སྣང་བ་ལ་དེ་ལྟར་གྲུབ་པའི་གཞན་དབང་གི་མཚན་ཉིད་དོ། ༧ །ཀུན་བརྟགས་ནི་གཟུགས་སོགས་དོན་མེད་ཀྱང་རྣམ་རིག་ཙམ་དོན་དུ་སྣང་བའོ་ལ་དོན་དུ་ཡོད་པར་བརྟགས་པའོ། ༧ །ཡོངས་གྲུབ་ནི། གཞན་དབང་གི་མཚན་ཉིད་དེ་ལ་སེམས་ལས་གཞན་པའི་དོན་གྱི་མཚན་ཉིད་དེ་གཏན་མེད་པའོ། །རྣམ་པར་རྟོག་པས་བརྟགས་པའི་དོན། །ཀུན་ཏུ་བརྟགས་པའི་ངོ་བོ་ཉིད། །རྣམ་པར་རྟོག་པ་གཞན་གྱི་དབང་། །དེ་ཡི་སྟོང་ཉིད་ཡོངས་སུ་གྲུབ། །ཅེས་སོ། ༧ །ལུས་ ― MR12_Page_0555 ―
[མ་དཔེ་གཟིགས་ན་འདིར་གནོན།]
ལུས་ཅན་ཟ་བ་པོའི་རྣམ་རིག་ནི་མིག་སོགས་ནང་གི་ཁམས་དྲུག་གོ། །དེས་སྤྱད་བྱའི་རྣམ་རིག་གཟུགས་སོགས་ཕྱིའི་ཁམས་དྲུག དེ་ལ་སྤྱོད་པའི་རྣམ་རིག་མིག་ཤེས་སོགས་ཁམས་དྲུག །རྣམ་རིག་ལྷག་མ་རྣམས་རྣམ་རིག་འདི་དག་གི་རབ་ཏུ་དབྱེ་བར་རིག་པར་བྱའོ། །རྣམ་རིག་འདི་དག་ལས་གཞན་པའི་ཕྱི་དོན་མེད་ཕྱིར་རྣམ་རིག་ཙམ་མོ། །འདི་ལ་དཔེ་ཅི་ཡོད་ཅེ་ན། རྨི་ལམ་སོགས་བཞིན་ཏེ། རྨི་ལམ་ན་དོན་མེད་པར་རྣམ་ཤེས་ཙམ་ཉིད། གཟུགས་སྒྲ་དྲི་རོ་རེག་བྱ། ཁང་ཁྱིམ་ནགས་ཚལ་ས་དང་རི་སོགས་དོན་སྣ་ཚོགས་ཀྱི་རྣམ་པར་སྣང་བ་བཞིན་དུ་ཐམས་ཅད་རྣམ་རིག་ཙམ་དུ་ཁོང་དུ་ཆུད་པར་བྱའོ། །སོགས་སྒྲས། སྒྱུ་མ་སྨིག་རྒྱུ་རབ་རིབ་ཀྱང་ངོ་། །གལ་ཏེ་རྨི་ལམ་ལ་སོགས་པ་བཞིན་དུ་སད་དུས་ཀྱང་ཐམས་ཅད་རྣམ་རིག་ཙམ་དུ་ཟད་ན། རྨི་ལམ་ལ་རྣམ་རིག་ཙམ་དུ་ཤེས་པ་བཞིན་སད་དུས་ཀྱང་དེ་ལྟར་ཅིས་མི་ཤེས་ཞེ་ན། དེ་ཁོ་ན་ཉིད་ཤེས་པས་གཏི་མུག་ལས་སད་པ་རྣམས་ལ་དེ་ལྟར་ཤེས་པ་འབྱུང་སྟེ། རྨི་ལམ་རྨིས་བཞིན་མ་སད་པ་ལ་མི་འབྱུང་གི་སད་པ་ལ་འབྱུང་བ་བཞིན་ནོ། །དེ་ཉིད་ཤེས་ནས་མ་སད་པ་རྣམས་ཀྱིས་རྣམ་རིག་ཙམ་དུ་ཇི་ལྟར་རྗེས་སུ་དཔག་པར་བྱ་ཞེ་ན། ལུང་དང་རིགས་པས་ཏེ། ལུང་ནི་བཅོམ་ལྡན་འདས་ཀྱིས་མདོ་སྡེ་ས་བཅུ་པར།ཁམས་གསུམ་པ་འདི་ནི་སེམས་ཙམ་མོ་ཞེས་དང་། དགོངས་འགྲེལ་ལས། བྱམས་པས་ཞུས་ནས་བཀའ་སྩལ་པ། ཏིང་ངེ་འཛིན་གྱི་སྤྱོད་ཡུལ་གྱི་གཟུགས་བརྙན་དེ་སེམས་ལས་ཐ་དད་མ་ཡིན་ཏེ་རྣམ་ཤེས་ནི་དམིགས་པ་རྣམ་པར་རིག་པ་ལ་ ― MR12_Page_0556 ―
[མ་དཔེ་གཟིགས་ན་འདིར་གནོན།]
ཙམ་གྱིས་རབ་ཏུ་ཕྱེ་བ་ཅན་ཡིན་ནོ་ཞེས་དང་། དེ་ཐ་དད་མིན་ན་སེམས་དེས་སེམས་དེ་ཇི་ལྟར་འཛིན་ཞེས་ཞུས་པར། བྱམས་པ་ཡང་དག་པར་ན་ཆོས་གང་ཡང་ཆོས་གང་ལ་མི་འཛིན་མོད་ཀྱི། འོན་ཀྱང་རྣམ་པ་གང་ཡིན་དེར་དེ་ལྟར་སྐྱེས་པའི་སེམས་གང་ཡིན་པ་དེ་ནི་དེ་ལྟར་སྣང་ངོ་། །ཞེས་དང་། དེའི་དཔེར་ནང་གི་གཟུགས་ཀྱི་རྐྱེན་བྱས་ཏེ་མེ་ལོང་ལས་གཟུགས་ཉིད་མཐོང་ཡང་། གཟུགས་བརྙན་མཐོང་ངོ་སྙམ་དུ་སེམས། དེ་ལ་ནི་གཟུགས་དེ་དང་གཟུགས་བརྙན་སྣང་བ་དེ་དོན་ཐ་དད་པར་སྣང་ངོ་དེ་ལ་གཟུགས་བརྙན་ཉིད་མེད་པས་ཐ་དད་དུ་མིན་ནོ། །དེ་བཞིན་དེ་ལྟར་སྐྱེས་པའི་སེམས་དེ་ཡང་དེ་ལས་དོན་ཐ་དད་པར་སྣང་ངོ་། །ཞེས་ལུང་འདིས་རིགས་པ་ཡང་བསྟན་པ་ཡིན་ནོ། །མཉམ་བཞག་གི་སེམས་ལ་ཤེས་བྱའི་གཟུགས་བརྙན་རྣམ་པར་བསྔོས་པ་སོགས་གང་དང་གང་མཐོང་དེ་ཉིད་རང་གི་སེམས་མཐོང་བ་ལས་དོན་གཞན་མེད་པ་བཞིན། འདིས་གང་སྣང་ཐམས་ཅད་རྣམ་རིག་ཙམ་དུ་དཔག་པར་བྱའོ། །རྣམ་པར་བསྔོས་པ་སོགས་སྔར་མཐོང་བ་དྲན་པའི་ཤེས་པ་ཡིན་པར་མི་རུང་སྟེ། དམིགས་པ་དེ་མངོན་སུམ་པའི་བློས་མདུན་དུ་བཞག་ནས་གསལ་བར་སྣང་བའི་ཕྱིར་རོ། །ཐོས་བསམ་ལས་བྱུང་བའི་བྲན་པའི་རྣམ་ཤེས་ནི་འདས་པ་ལ་དམིགས་པའི་ཕྱིར། འདས་པ་དོན་དུ་མེད་ཀྱང་དེར་སྣང་བའང་རང་རིག་རྣམ་རིག་ཙམ་མོ། །མིག་སོགས་གཟུགས་ཅན་རྣམས་རྣམ་རིག་ཙམ་ཡིན་ན། དེ་དག་གཟུགས་སུ་མཚུངས་ཤིང་རྒྱུན་བརྟན་པར་ཇི་ལྟར་འཇུག་ཅེ་ན། ཕྱིན་ཅི་ལོག་སོགས་ཀུན་ཉོན་གྱི་གཞི་འམ་རྒྱུ་ཉིད་དུ་གནས་པའི་ཕྱིར་དེ་ལྟར་རྒྱུན་བརྟན་པར་སྣང་ངོ་། །དེ་ ― MR12_Page_0557 ―
[མ་དཔེ་གཟིགས་ན་འདིར་གནོན།]
ལྟར་མིག་སོགས་རྒྱུན་ཆགས་པ་མིན་ན་ཕྱི་དོན་དུ་སྣང་བ་མི་འབྱུང་ཞིང་། མ་བྱུང་ན་གཟུང་འཛིན་དུ་ཞེན་པའི་སྒྲིབ་གཉིས་ཀྱིས་ཉོན་མོངས་བར་མི་འགྱུར་ལ། མ་གྱུར་ན་སྒྲིབ་པ་ལས་གྲོལ་བའམ་རྣམ་བྱང་ཡང་ཡེ་ནས་མེད་པར་འགྱུར་ཏེ། ༧ །དོན་ལ་མེད་ཀྱང་དེ་ལྟར་སྣང་བ་ཡོད་ཕྱིར་འཁྲུལ་གྲོལ་འཐད་དོ། ༧ །འཁྲུལ་བའི་རྒྱུ་དང་འཁྲུལ་བ་ནི། །གཟུགས་སུ་སྣང་བ་ཉིད་ཀྱི་རྣམ་པར་རིག་པར་འདོད། །དེ་འདྲའི་རྣམ་པར་རིག་པ་མེད་ན་ནི། །གཟུགས་ཅན་མིན་པ་འཛིན་པའི་རྣམ་རིག་དང་ཅིག་ཤོས་གཟུགས་ཀྱང་མེད། །ཅི་ཕྱིར་ལུས་ལུས་ཅན་ཟབ་པོའི་རྣམ་རིག་དང་། དེས་སྤྱད་བྱ། དེ་ལ་སྤྱོད་པའི་རྣམ་རིག་རྣམས་ལུས་ཐམས་ཅད་ལ་ལྷན་ཅིག་འབྱུང་ཞིང་འདུས་པར་འབྱུང་ཞེ་ན། གནས་གང་དུ་སྐྱེ་བ་དང་དེའི་ཉེ་བར་སྤྱོད་པ་ཐམས་ཅད་ཡོངས་སུ་རྫོགས་པར་ལུས་མཐའ་དག་མངོན་པའི་ཕྱིར་རོ། །ཅིའི་ཕྱིར་དུས་ཀྱི་རྣམ་རིག་སོགས་ཇི་སྐད་སྨྲོས་པ་དེ་ལྟར་འབྱུང་ཞེ་ན། ཐོག་མེད་ཀྱི་དུས་ཀྱི་འཁོར་བའི་རྒྱུན་དུས་ཀྱི་རྣམ་རིག་མི་འཆད་པ་དང་། སེམས་ཅན་གྱི་ཁམས་དང་སྣོད་འཇིག་རྟེན་གྱི་ཡུལ་ཁམས་དང་། དེར་ཕན་ཚུན་ཐ་སྙད་ཀྱི་བྱ་བ་སྒྲུབ་པ། ཡོངས་སུ་གཟུང་བ་བདག་གཞན་ཉེ་བར་སྤྱད་པའི་བྱེ་བྲག །བདེ་འགྲོ་ངན་འགྲོའི་ལས་འབྲས་སྨིན་པ་འདོད་མི་འདོད་ལ་སྤྱོད་པའི་བྱེ་བྲག་དང་། སྐྱེ་བ་དང་རྒ་ཤི་འཆི་འཕོ་སྐྱེ་བ་མྱོང་བའི་རབ་དབྱེ་སྟེ་དེ་དག་རེ་རེ་ནས་དཔག་ཏུ་མེད་པའི་ཕྱིར་རོ། །ཇི་ལྟར་རྣམ་རིག་འདི་དག་ལ་རྣམ་པར་རིག་པ་ཙམ་ཉིད་དུ་གནས་པར་འགྱུར་བའི་ཕྱིར་རྣམ་རིག་ཙམ་ཞེས་བརྗོད་ཞེ་ན། མདོར་བསྡུ་ན་རྣམ་པ་གསུམ་གྱིས་ཏེ། དེ་ཙམ་དུ་ཟད་པས་ནི་ཕྱི་དོན་མེད་པ་སྟོན་པ་ ― MR12_Page_0558 ―
[མ་དཔེ་གཟིགས་ན་འདིར་གནོན།]
དང་། དེ་ལ་རྒྱས་པར་བྱས་ན་གཞན་གཟུང་རྣམ་དང་འཛིན་རྣམ་གཉིས་སུ་དབྱེ་བ་ཉིད་ཀྱིས་རྣམ་པར་རིག་པ་དེ་ཡང་ཡུལ་ཉིད་རྒྱུ་མཚན་དང་། ཡུལ་ཅན་གྱི་འཛིན་པའམ་ལྟ་བ་དང་བཅས་པའི་ཕྱིར་རོ། །ཆོས་སྣ་ཚོགས་ཅིག་ཅར་འབྱུང་བས་ནི་དུ་མ་སྣ་ཚོགས་ཀྱི་རྣམ་པར་འབྱུང་བའི་ཕྱིར་ཏེ། དེ་ལྟར་རྣམ་རིག་གཅིག་དང་གཉིས་དང་དུ་མར་སྣང་བ་འདི་དག་ཐམས་ཅད་རྣམ་རིག་ཙམ་ལས་དོན་གཞན་མེད་པ་རྣམ་རིག་གཅིག་པུ་ཙམ་ཡིན་ལ། མིག་སོགས་ལྔའི་རྣམ་རིག་གཟུང་བ་ནི་ཡུལ་གཟུགས་ལ་སོགས་པ་རྒྱུ་མཚན་དུ་བྱས་པ་ཡིན་པ་དང་། དེ་དག་གི་རྣམ་ཤེས་གཟུགས་ལ་ལྟ་བ་ནས་རེག་བྱ་ལ་ལྟ་བ་སྟེ། རྒྱུ་མཚན་དང་ལྟ་བའི་ཆ་གཉིས་དང་བཅས་པའོ་དེའི་ཕྱིར་སྐྱེ་མཆེད་བཅུ་གཉིས་སོ། །ཡིད་ཀྱི་རྣམ་རིག་ནི་མིག་སོགས་ནས་ཆོས་ལ་ཐུག་པའི་བར་གྱི་རྣམ་རིག་ཐམས་ཅད་ཀྱི་རྒྱུ་མཚན་དང་བཅས་ཤིང་། ཡིད་ཤེས་ཀྱི་རྣམ་རིག་ནི་དེ་ཀུན་ལ་ལྟ་བ་དང་བཅས་པ་སྟེ། ཡིད་ཤེས་ནི་རྣམ་པར་རྟོག་པ་དང་། རྣམ་རིག་སྣང་བ་ཐམས་ཅད་ཀྱིས་བསྐྱེད་པའི་ཕྱིར་རོ། །རྣམ་རིག་དེ་ཙམ་དང་མིག་ཤེས་སོགས་གཉིས་དང་སྣ་ཚོགས་ཉིད་ཀྱི་སེམས་ཙམ་གྱི་དོན། །རྣལ་འབྱོར་བ་རྣམས་རྟོགས་པར་འདོད། །དེ་ལྟ་བུའི་སེམས་ཙམ་ལ་ནི་ཞུགས་གྱུར་པ། །ཡུལ་དེ་དང་བྲལ་ན་དེ་ཕྱིར་སེམས་དེ་ཡང་དམིགས་སུ་མེད་དོ། །གཟུང་འཛིན་བྲལ་བའི་སོ་སོ་རང་རིག་གི་གནས་སོ། ༧ །བྱང་སེམས་རྣམ་ཤེས་ཚོགས་གཅིག་པར་སྨྲ་བ་ཁ་ཅིག་གིས་ཡིད་ཤེས་དེ་ཉིད་མིག་སོགས་རྟེན་དེ་དང་དེ་ནས་བྱུང་བ་ན་མིག་ཤེས་སོགས་དེ་དེའི་མིང་ཐོབ་སྟེ། སེམས་པ་གཅིག་པུ་ལ་ལུས་དང་ངག་གི་ལས་ཞེས་བྱ་བ་བཞིན་ནོ་སྙམ་དུ་འདོད་དོ། །དེ་བཞིན་ཉོན་མོངས་ཅན་དུ་གྱུར་ ― MR12_Page_0559 ―
[མ་དཔེ་གཟིགས་ན་འདིར་གནོན།]
བ་ཉོན་ཡིད་ཅེས་སོ་ཞེ་ན། ལན་བཏབ་པ། མིག་སོགས་རྟེན་ཐམས་ཅད་དུ་ཡིད་ཤེས་དེ་འབྱུང་བ་སྣ་ཚོགས་ཀྱི་རྣམ་པས་གཉིས་སུ་སྣང་བ་འབྱུང་སྟེ། གང་ཞེ་ན་དེ་ནི་དོན་ཙམ་དུ་སྣང་བ་གཟུང་བ་དང་། དེ་འཛིན་པའི་རྣམ་པར་རྟོག་པར་སྣང་བའི་ཕྱིར་རོ། །དེས་ན་དེ་མི་རྟོག་པའི་སྐྱོན་མེད་དོ། །གཟུགས་ཁམས་ན་ཡིད་ཤེས་ལུས་ལ་གནས་པའི་ཕྱིར། ཁམས་དེ་ལས་གཞན་པའི་དབང་པོ་གཟུགས་ཅན་མིག་སོགས་ལུས་ལ་གནས་པ་བཞིན་དུ་གནས་ཐམས་ཅད་དུ་རེག་བྱ་ལ་འཛིན་པར་སྣང་བའང་འབྱུང་ངོ་མཉམ་པར་བཞག་པ་ཁོང་ལྕི་བ་དང་། ཡང་ན་མྱོང་བ་གཅོད་པས་སོ། །གཅིག་པུར་སྨྲ་བའི་བྱང་ཆུབ་སེམས་དཔས་ལུང་ཁུང་སྨོས་པ་གང་ཞིག་ཁོག་པ་གཟུགས་ཅན་གྱི་ལུས་མེད་ཕུག་ལུས་ཀྱི་ནང་ན་གནས་ཤིང་། །ཉེ་བ་མིན་པའི་ཡུལ་ཤེས་བྱ་ཐམས་ཅད་ལ་རིང་དུ་འགྲོ་ལ་གཅིག་པུར་རྒྱུ་སྟེ་གཉིས་པ་མེད་པས་སོ། །གདུལ་བར་དཀའ་བའི་དམུ་རྒོད་དེ་བཟུང་དཀའ་བས་སེམས་འདུལ་དེས་དབང་དུ་བྱེད་པ། དེ་ནི་དོན་དམ་པའི་བྲམ་ཟེར་སངས་རྒྱས་ངས་བཤད་དོ། །ལུང་གཉིས་པ་ཡང་དབང་ལྔའི་སྤྱོད་ཡུལ་ཡིད་ཀྱིས་མྱོང་སྟེ། ཡིད་ནི་འདི་དག་གི་རྟོན་པའོ་རྟོན་པ་ནི་དེའི་དབང་གིས་འགྲུབ་པས་སོ་ཞེས་ཇི་སྐད་གསུངས་པ་ལྟ་བུའོ། །ཡང་ལུང་གསུམ་པ་སྨོས་པ་སྐྱེ་མཆེད་བཅུ་གཉིས་བསྟན་པ་ལས། རྣམ་པར་ཤེས་པའི་ཚོགས་དྲུག་ནི་ཡིད་ཀྱི་སྐྱེ་མཆེད་དོ་ཞེས་གསུངས་པ་ལྟ་བུའོ། ༧ །གང་དུ་ཀུན་གཞིའི་རྣམ་རིག་ནི། དོན་གྱི་རྣམ་རིག་རྣམ་པར་འཇོག་པ་དེར་ཡང་། དེ་ལས་གཞན་པའི་ལུས་སོགས་ཀྱི་རྣམ་རིག་ཐམས་ཅད་ནི་ཀུན་ཤེས་དེའི་རྒྱུ་མཚན་གྱིའམ་དམིགས་པའི་རྣམ་རིག་གོ། འདས་མ་ཐག་པའི་ཡིད་དང་ ― MR12_Page_0560 ―
[མ་དཔེ་གཟིགས་ན་འདིར་གནོན།]
ཡིད་ཤེས་ཀྱི་རྣམ་རིག་རྟེན་ཉོན་ཡིད་དང་བཅས་ནི་ཀུན་གཞིའི་རྣམ་ཤེས་དེའི་ལྟ་བ་ཡིན་པར་རིག་པར་བྱའོ། །དེ་ལྟར་རྣམ་པར་རིག་པ་རྒྱུ་མཚན་དུ་གྱུར་པ་དེ་ཉིད་དེའི་ལྟ་བ་འབྱུང་བའི་རྒྱུ་མཚན་ཡིན་པའི་ཕྱིར། ཇི་ལྟར་དོན་ལས་དེ་འཛིན་འབྱུང་བ་བཞིན་མིག་སོགས་རྣམ་རིག་དོན་ལྟར་སྣང་བའི་རྒྱུ་མཚན་དེ་སྣང་བ་ན་དེ་འཛིན་ཡིད་ཤེས་ལྟ་བ་དང་རྩ་བའི་རྣམ་ཤེས་དེ་འབྱུང་བའི་རྟེན་གྱི་བྱ་བ་བྱེད་དོ། །དེ་ལྟར་ན་རྣམ་རིག་འདི་དག་ཐམས་ཅད་ནི་རྣམ་པར་རིག་པ་ཙམ་ཉིད་དུ་གནས་པ་ཡིན་ནོ། ༧ །ཇི་ལྟར་དོན་དངོས་སུ་སྣང་བཞིན་དེ་མེད་པར་ལྟ་ཞེ་ན། བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཆོས་བཞི་དང་ལྡན་ན་རྣམ་པར་རིག་པ་ཐམས་ཅད་ཀྱི་དོན་མེད་པར་ཁོང་དུ་ཆུད་པར་འགྱུར་གསུངས་པའི་དོན། དང་པོ་རྣམ་ཤེས་མི་མཐུན་པའི་རྒྱུ་མཚན་ཉིད་ཤེས་པས་ནི། དཔེར་ན་ཆུ་གཅིག་ལ་ཡི་དྭགས་རྣག་ཁྲག་དུད་འགྲོ་དང་མི་ཆུ་དང་ལྷ་རྣམས་ཀྱིས་བདུད་རྩི་སོགས་དངོས་པོ་གཅིག་ལ་སོ་སོའི་རྣམ་རིག་ཐ་དད་པ་མཐོང་བ་ལྟ་བུ་དང་། གཉིས་པ་དོན་ནམ་དམིགས་པ་མེད་པའི་རྣམ་རིག་དམིགས་པས་ནི། དཔེར་ན། འདས་པ་དང་། མ་འོངས་པ་དང་། རྨི་ལམ་དང་། གཟུགས་བརྙན་ལ་དམིགས་པ་ལྟ་བུ་དང་སྟེ་དེ་དག་རྣམ་རིག་ལས་ཐ་དད་པའི་དོན་མེད་པས་སོ། །འབར་པ་མེད་པར་ཡང་ཕྱིན་ཅི་ལོག་མེད་པར་འགྱུར་བ་ཤེས་པས་ནི། གལ་ཏེ་ཇི་ལྟར་དམིགས་པ་བཞིན། །དོན་རྣམས་ཡང་དག་ཉིད་རྟོགས་ན། །ཡང་དག་མཐོང་བས་ལུས་ཅན་རྣམས། །འབད་པ་མེད་པར་གྲོལ་བར་འགྱུར། །དོན་ཡོད་ན་དོན་དུ་དམིགས་པའི་རྣམ་ཤེས་ཀྱིས་འབད་མེད་དུ་དེ་ཁོ་ན་ཉིད་དུ་ཤེས་པའི་ཕྱིར། སེམས་ཅན་སུ་ཡང་ཕྱིན་ ― MR12_Page_0561 ―
[མ་དཔེ་གཟིགས་ན་འདིར་གནོན།]
ཅི་ལོག་མེད་པར་འགྱུར་བ་དང་། རྣམ་པར་ཤེས་པ་གསུམ་གྱི་རྗེས་སུ་མཐུན་པར་ཤེས་པས་ནི། འདི་ལྟར་བྱང་སེམས་དང་། བསམ་གཏན་པ་ཉན་རང་སོགས་སེམས་ལ་དབང་ཐོབ་པ་རྣམས་ལ་རང་གི་སེམས་ཀྱི་མོས་པའི་དབང་གིས། དེ་ལྟ་དེ་ལྟར་ས་གསེར་དུ་སྣང་། ཆུ་སར་སྣང་བ་སོགས་དོན་དེ་སྣང་བ་དང་༡། ཞི་གནས་ཀྱི་ཏིང་འཛིན་ཐོབ་པའི་ཞི་ལྷག་དང་ལྡན་པའི་རྣལ་འབྱོར་བ། མདོ་སྔགས་སོགས་ཀྱི་ཆོས་ལ་བསམ་སྟེ་ཤེས་རབ་ཀྱིས་ལྷག་མཐོང་ལ་བརྩོན་པ་རྣམས་ལ་མི་རྟག་སོགས་དུ་མའི་རྣམ་པར་ཡིད་ལ་བྱེད་པ་ཙམ་དུ་དོན་སྣང་བ་ད ང༢་། རྣམ་པར་མི་རྟོག་པའི་ཡེ་ཤེས་ཐོབ་ནས་དེ་ལ་གནས་པ་རྣམས་ལ་དོན་ཐམས་ཅད་མི་སྣང་ངོ་སྟེ་དོན་ཡོད་ན་དེ་ལ་མི་སྣང་བར་མི་འགྱུར་རོ་ཞེས་གསུངས་པ་ལྟ་བུ་སྟེ། དེ་ལྟར་བཤད་མ་ཐག་པ་དོན་ཤེས་པ་རྣམ་པ་གསུམ་གྱི་རྗེས་སུ་མཐུན་པ་དང༣་། གཏན་ཚིགས་གོང་མ་རྣམས་ཀྱིས་སེམས་ལས་གཞན་པའི་དོན་མེད་པར་ཐམས་ཅད་རྣམ་རིག་ཙམ་དུ་གྲུབ་བོ། ༧ །ཡི་དྭགས་དུད་འགྲོ་མི་རྣམས་དང་། །ལྷ་རྣམས་ཇི་ལྟར་རིགས་རིགས་སུ། །ཆུ་གཅིག་ལ་ཡི་དྭགས་ཀྱིས་རྣག་ཁྲག །མིས་ཆུ་དང་། དུད་འགྲོས་བཏུང་བ། ལྷ་རྣམས་ཀྱིས་བདུད་རྩི་ནམ་མཁའ་མཐའ་ཡས་ནམ་མཁའ་ལྟ་བུ་དངོས་གཅིག་ཡིད་ནི་ཐ་དད་ཕྱིར། །དོན་རང་ཉིད་ཀྱི་ངོ་བོས་མ་གྲུབ་པར་འདོད་པ་ཡིན། །འདས་སོགས་མ་འོངས་དམིགས་དེ་བཞིན་རྨི་ལམ་དང་། །གཟུགས་བརྙན་རྣམ་པ་གཉིས་ལ་ཡང་། །དམིགས་པ་ཡོད་པ་མ་ཡིན་པས། །དེ་ལ་དམིགས་པར་རུང་ཕྱིར་རོ། །དོན་ནི་དོན་དེ་ཉིད་དུ་དོན་དམ་པར་གྲུབ་གྱུར་ན། དེའི་ཡུལ་ཅན་གྱི་ཤེས་ ― MR12_Page_0562 ―
[མ་དཔེ་གཟིགས་ན་འདིར་གནོན།]
པ་ལ་དེ་དེའི་རྣམ་པར་རྟོག་པ་མེད་མི་འགྱུར། །རྣམ་རྟོག་མེད་པ་དེ་མེད་པས་ན་སངས་རྒྱས་ཉིད། །འཐོབ་པར་འཐད་པ་མ་ཡིན་ནོ་རྣམ་པར་མི་རྟོག་པའི་ཡེ་ཤེས་གཟུང་འཛིན་མེད་པ་མི་སྲིད་པས་སོ། །བྱང་ཆུབ་སེམས་དཔའ་དབང་ཐོབ་དང་། །རྣལ་འབྱོར་བ་ལ་འདི་ལྟར་ཡང་། །མོས་པའི་དབང་གིས་ས་ལ་སོགས། །དངོས་པོ་དེ་ལྟར་དམིགས་པར་འགྱུར། །འདི་ལ་སུ་ཞིག་བློ་ལྡན་ཞིང་། །རྣམ་རྟོག་ཞི་བ་གྲུབ་པ་ཐོབ་པ་ཡི། །ཆོས་ཀུན་ཡིད་ལ་བྱེད་པ་ལ། །ཡིད་ལ་གང་བྱས་དེ་ལྟར་དོན་རྣམས་སྣང་ཕྱིར་དང་། །མི་རྟོག་ཡེ་ཤེས་རྒྱུ་བ་ལ། །དོན་ཀུན་སྣང་བ་མེད་ཕྱིར་ཡང་། །དོན་མེད་ཁོང་དུ་ཆུད་པར་བྱ། །དེ་གཟུང་བ་དེ་མེད་པས་ན་དེ་འཛིན་པའི་རྣམ་རིག་ཀྱང་མེད་དོ། །དེའི་ཕྱིར་གཟུང་འཛིན་མེད་པ་རྣམ་པར་མི་རྟོག་པའི་ཡེ་ཤེས་གྲུབ་བོ། ༧ །གལ་ཏེ་རྣམ་རིག་ཙམ་དོན་སྣང་བའི་གནས་སུ་གྱུར་པ་གཞན་དབང་གི་ངོ་བོ་ཉིད་ཡིན་ན། དེ་ཇི་ལྟར་གཞན་གྱི་དབང་ཡིན་ཤེས་པར་བྱ་བ་དང་ཅིའི་ཕྱིར་གཞན་དབང་ཞེས་མིང་དེ་སྐད་བརྗོད་པར་བྱ་ཞེ་ན། རང་གི་བག་ཆགས་ཀྱི་ས་བོན་གཞན་ལས་སྐྱེས་ཕྱིར་གཞན་དབང་དང་། སྐྱེས་ནས་སྐད་ཅིག་གིས་འགག་པས་གཞན་དབང་ཞེས་བྱའོ་རང་དབང་གིས་མ་སྐྱེས། རང་དབང་དུ་མི་གནས། རྒྱུའི་སྟོབས་ཀྱིས་བྱུང་ཞིང་འགགས་པས་སོ། །གལ་ཏེ་དེ་ལ་གནས་པའི་དོན་མེད་བཞིན་སྣང་བ་ཀུན་བརྟགས་པའི་ངོ་བོ་ཉིད་ཡིན་ན། ཇི་ལྟར་ཀུན་བརྟགས་ཡིན་ལ། ཅིའི་ཕྱིར་ཀུན་བརྟགས་ཞེས་བྱ་ཞེ་ན། ཡིད་ཤེས་ཀུན་རྟོག་དཔག་ཏུ་མེད་ཀྱི་རྣམ་པ་ཅན་གྱི་ཕྱིན་ཅི་ལོག་འབྱུང་བའི་རྒྱུ་མཚན་ཅན་ཡིན་པས་ཀུན་བརྟགས་ ― MR12_Page_0563 ―
[མ་དཔེ་གཟིགས་ན་འདིར་གནོན།]
པ་ཡིན་ལ། རང་གི་མཚན་ཉིད་མེད་ལ་བློའི་ཀུན་རྟོག་ཙམ་དུ་དམིགས་པས་ཀུན་བརྟགས་ཞེས་བརྗོད་དོ། །གལ་ཏེ་ཀུན་བརྟགས་དེ་གཏན་མེད་པའི་མཚན་ཉིད་ནི་ཡོངས་སུ་གྲུབ་པའི་ངོ་བོ་ཉིད་ཡིན་ན། ཇི་ལྟར་ཡོངས་སུ་གྲུབ་ལ། ཅིའི་ཕྱིར་ཡོངས་གྲུབ་ཅེས་བྱ་ཞེ་ན། དེ་ལས་གཞན་དུ་མི་འགྱུར་བའི་ཕྱིར་ཡོངས་སུ་གྲུབ་པའོ། །རྣམ་པར་དག་པའི་དམིགས་པ་ཡིན་པ་དང་། དགེ་ཆོས་ཀུན་གྱི་མཆོག་ཡིན་པས་ན་མཆོག་གི་དོན་གྱིས་ཡོངས་གྲུབ་ཅེས་བྱའོ། །དོན་གསང་ལས། ཀུན་བརྟགས་ནི་སོ་སོའི་སྐྱེ་བོའང་ཤེས་པར་བྱ་བ་ཁོ་ན་སྟེ། དེ་ནི་གཅིག་ཏུ་མངོན་པར་ཞེན་པའི་ཕྱིར་རོ། །རྣམ་པར་གཏན་ལ་དབབ་པ་ལས། བརྟགས་པ་ནི་ཤེས་པ་གང་གིས་དམིགས་པ་མ་ཡིན་ནོ་ཞེས་གསུངས། མེད་པའི་ཕྱིར་གང་གི་རྟེན་དུ་མི་འགྱུར་བའི་དོན་ཡིན་གྱི་སྒྲོ་བཏགས་པར་ཡང་ཡུལ་དུ་མི་འགྱུར་བ་མ་ཡིན་ཏེ། འདི་ལྟར་ལུང་དེ་ལས་སོ་སོའི་སྐྱེ་བོའི་ཤེས་པས་དམིགས་པའོ་ཞེས་འབྱུང་བ་བཞིན་ནོ། །གཞན་དབང་ནི་འཇིག་རྟེན་འདས་པའི་རྗེས་ཐོབ། དག་པ་འཇིག་རྟེན་པ་དང་། སོ་སྐྱེས་ཤེས་པས་ཀྱང་རང་རིག་པའི་སྒོ་ནས་ཤེས་བྱ་ཡིན་ནོ། །འོ་ན་ཡོངས་གྲུབ་དེ་མ་མཐོང་བར་གཞན་དབང་མི་མཐོང་ཞེས་འབྱུང་བ་ཅི་ཡོད་ཞེ་ན། དེ་ནི་གཞན་དབང་མ་ལུས་པར་མངོན་སུམ་པ་དགག་པ་ལྟ་བུར་བྱ་བ་ཡིན་པས་ཉེས་པ་མེད་དོ། །རྣམ་པ་གཅིག་ཏུ་ན་སོ་སྐྱེའི་རང་རིག་གིས་བཟུང་ཀྱང་ཀུན་བརྟགས་པས་དབེན་པར་ངེས་པར་མི་བཟུང་བའི་ཕྱིར། གཞན་གྱི་དབང་རང་རིག་པ་ཡོད་ཀྱང་ངེས་པར་མ་ཟིན་པའི་ཕྱིར་ན་ཡང་། ཡོངས་གྲུབ་འདི་མ་མཐོང་བ་ཞེས་སྨྲོས་པ་ཡིན་ནོ། །ཡོངས་སུ་གྲུབ་པ་ནི། ཡུལ་དེ་བཞིན་ཉིད་རྟག་པ་དང་། དེའི་ཡུལ་ཅན་ ― MR12_Page_0564 ―
[མ་དཔེ་གཟིགས་ན་འདིར་གནོན།]
ཡང་དག་པའི་ཡེ་ཤེས་མི་རྟག་པའི་མཚན་ཉིད་དེ། དེ་ནི་དོན་དམ་པ་དང་རང་རིག་པའི་སྒོ་ནས་འཇིག་རྟེན་ལས་འདས་པའི་ཡེ་ཤེས་ཀྱི་ཤེས་པར་བྱ་བ་ཡིན་ནོ་གསུངས། དེ་ཡང་ཀུན་ཏུ་བརྟགས་པར་བྱ་བ་གཞན་དབང་ཐ་སྙད་དུ་ཡོད་པ་ལས་གཞིར་བྱས་པ། བརྟགས་བྱེད་ཐོག་མེད་ནས་མངོན་པར་བརྗོད་པའི་སྤྲོས་པའི་བག་ཆགས་མཐའ་ཡས་པའི་ས་ལས་བྱུང་བ། ཡིད་ཀྱི་རྣམ་ཤེས་གང་ཞིག་བདག་དང་བུམ་སོགས་ཆོས་ཀྱི་རྣམ་པ་མཐའ་ཡས་པའི་སྒོ་ནས་རྣམ་པ་ཐམས་ཅད་དུ་རྟོག་པར་བྱེད་པ་ནི་བརྟགས་བྱ་གཞན་དབང་གི་ཆ་དེ་ལ་ཀུན་ཏུ་རྟོག་པའོ། །དེ་ལྟར་བརྟགས་བྱ་གཞན་དབང་ལ། ཡིད་ཤེས་ཀུན་རྟོག་ཅན་དེས་དེའི་མིང་དུ་དམིགས་ཤིང་མིང་གི་དོན་དེ་དེའི་མཚན་མར་བཟུང་ནས་དེར་མངོན་པར་ཞེན་པས་ངོ་བོ་དང་ཁྱད་པར་བརྗོད་པའི་ངག་ཀུན་ནས་སློང་ཞིང་། མཐོང་ཐོས་བྱེ་བྲག་ཕྱེད་པ་སོགས་སམ་རྣམ་པ་སྣ་ཚོགས་པའི་ཐ་སྙད་བྱེད་ཅིང་། དོན་དུ་མེད་པར་ལ་ཡོད་པར་སྒྲོ་འདོགས་པར་བྱེད་དེ། དེ་ལྟར་བརྟགས་པ་ནི་ཀུན་བརྟགས་པའི་ངོ་བོ་ཉིད་དོ། །ཅི་ངོ་བོ་ཉིད་གསུམ་པོ་འདི་ཐ་དད་དམ་ཐ་དད་མ་ཡིན་པ་གང་ཡིན་ཞེ་ན། ཐ་དད་དུ་མི་དམིགས་པས་ཐ་དད་ཀྱང་མིན་ལ་ཐ་དད་མིན་པའང་མིན་ཏེ་ཡོད་པ་དང་མེད་པའི་ཕྱིར་ཏེ་དེ་གཉིས་སུ་བརྗོད་བྱ་མིན་ནོ། །རྒྱུ་མཚན་གཞན་ལ་བརྟེན་པའི་རྣམ་གྲངས་ཀྱིས་གཞན་དབང་གི་ངོ་བོ་ཉིད་ལ་ཀུན་བརྟགས་དང་ཡོངས་གྲུབ་ཏུའང་བརྗོད་དེ། ཀུན་རྟོག་གི་རྒྱུ་མཚན་ཡིན་པ་དེས་ཀུན་དུ་བརྟགས་པའི་གཞན་དབང་ལ་ཀུན་བརྟགས་སུ་འོང་། །དེ་ལྟར་བརྟགས་པ་དེ་ལྟར་མ་གྲུབ་པས་ཀུན་བརྟགས་ཀྱི་ཆོས་ཉིད་ལ་ ― MR12_Page_0565 ―
[མ་དཔེ་གཟིགས་ན་འདིར་གནོན།]
བསམ་ནས་དེ་ལ་ཡོངས་གྲུབ་ཏུའང་བརྗོད་པ་ཡོད་དོ། །གཞན་དབང་གི་ངོ་བོ་ལ་དབྱེ་བ་དུ་ཡོད་ཅེ་ན། །མདོར་བསྡུ་ན་གཉིས་ཏེ། བག་ཆགས་ཀྱི་ས་བོན་གྱི་རྒྱུ་ལ་རག་ལས་པའི་གཞན་གྱི་དབང་དང་། རྣམ་པར་བརྟགས་ཚེ་ཀུན་ཉོན་དང་རྣམ་བྱང་གི་ངོ་བོ་ཉིད་བརྟགས་བྱ་མིན་ཚེ་མ་གྲུབ་པ་རྣམ་བྱང་དུ་འགྱུར་བས། །གཉིས་ཀར་རག་ལས་པའི་གཞན་དབང་ངོ་། །ཀུན་བརྟགས་ལ་ཡང་བུམ་པ་ལྟ་བུའི་ངོ་བོ་ཉིད་དུ་མིག་སོགས་ཀྱི་དངོས་པོ་ཙམ་ཀུན་ཏུ་རྟོག་པ་དང་། བུམ་པ་རིང་པོ་ལྟ་བུ་ཁྱད་པར་དུ་མིག་མི་རྟག་སོགས་ཁྱད་པར་ཀུན་ཏུ་རྟོག་པས་བཏགས་པ་གཉིས་སོ། །ཡོངས་གྲུབ་ལའང་འགྱུར་མེད་ཡོངས་གྲུབ་རང་བཞིན་གྱིས་ཡོངས་སུ་གྲུབ་པ་རང་བཞིན་རྣམ་དག་གམ་དྲི་བཅས་དེ་བཞིན་ཉིད་དང་། ཕྱིན་ཅི་མ་ལོག་པའི་ཡོངས་གྲུབ་རྣམ་པར་དག་པས་ཡོངས་སུ་གྲུབ་པ་དྲི་མེད་དེ་བཞིན་ཉིད་གཉིས་སོ། །ཡང་དབྱེ་སྒོ་གཞན་ཀུན་ཏུ་རྟོག་པ་ནི་རྣམ་པ་བཞི་སྟེ། ངོ་བོ་ཉིད་དུ་ཀུན་ཏུ་རྟོག་པ་དང་། ཁྱད་པར་དུ་ཀུན་ཏུ་རྟོག་པ་དང་། ཐ་སྙད་ལ་བྱང་བ་རྣམས་ཀྱི་ཀུན་ཏུ་རྟོག་པ་མཁས་པ་རྣམས་ཀྱི་ཚིག་སྔོན་དུ་བཏང་ནས་རང་གི་བསམས་པ་བརྗོད་པ་དང་། མ་བྱང་བ་མི་མཁས་པ་རྣམས་ཀྱི་ཀུན་རྟོག་གོ་བ་ལང་སོགས་ཀྱི་སྟེ་དེ་དག་རྣམ་རྟོག་ཀྱང་མིང་བརྗོད་མི་ནུས་སོ། །ཡང་རྣམ་པ་ལྔ་སྟེ། མིང་ལ་བརྟེན་དེ་དོན་གྱི་ངོ་བོ་ཉིད་ལ་ཀུན་ཏུ་རྟོག་པ། མིང་འདིའི་དོན་འདིའོ་ཞེས་རྟོག་པ་དང་། དོན་ལ་བརྟེན་ཏེ་མིང་གི་ངོ་བོ་ཉིད་ལ་ཀུན་ཏུ་རྟོག་པ། དོན་ལྟོ་ལྡིར་བ་འདིའི་མིང་བུམ་པ་ཞེས་པ་འདི་ཡིན་ནོ་སྙམ་པའི་རྟོག་པ་ལྟ་བུའོ། །མིང་ལ་བརྟེན་ཏེ་མིང་གི་ངོ་བོ་ལ་རྟོག་པ་ནི། མིང་བརྗོད་ཀྱང་དེའི་དོན་མ་རྟོགས་ནས་ ― MR12_Page_0566 ―
[མ་དཔེ་གཟིགས་ན་འདིར་གནོན།]
འདི་ཅིའི་མིང་ཡིན་སྙམ་དུ་རྟོག་པའོ། །དོན་ལ་བརྟེན་ཏེ་དོན་གྱི་ངོ་བོ་ལ་རྟོག་པ་ནི། མིང་མ་ཤེས་པའི་དོན་ལ་ཀུན་ཏུ་རྟོག་པའོ། །མིང་དོན་གཉིས་ཀར་བརྟེན་ཏེ་གཉིས་ཀར་རྟོག་པ་ནི་དོན་འདི་ལྟ་བུའི་བདག་ཉིད་འདིའི་མིང་ནི་འདིའོ་ཞེས་སུ་རྟོག་པའོ། །ཐམས་ཅད་བསྡུ་ན་རྣམ་པར་རྟོག་པ་རྣམ་པ་བཅུ་སྟེ། རྩ་བའི་རྣམ་པར་རྟོག་པ་ནི་འདི་ལྟ་སྟེ་ཀུན་གཞིའི་རྣམ་ཤེས་སོ། །མཚན་མའི་རྣམ་རྟོག་གཟུགས་སོགས་ཀྱི་རྣམ་རིག་གོ་འདི་ཞེས་མཚན་མར་བྱེད་པས་སོ། །མཚན་མར་སྣང་བའི་རྣམ་རྟོག་ནི་རྟེན་དང་བཅས་པའི་མིག་ཤེས་སོགས་དེ་ལས་མཚན་མར་སྣང་བས་གོས་ཀྱི་རྣམ་རིག་གོ། མཚན་མར་འགྱུར་བའི་རྣམ་རྟོག་ནི། ལུས་འགྱུར་བ་རྒ་བ་སོགས་དང་། བདེ་ཚོར་སོགས་དང་། ཆགས་སོགས་དང་། གནོད་པ་དང་དུས་ཀྱི་ཡོངས་སུ་འགྱུར་བ་སོགས་དང་། སེམས་ཅན་དམྱལ་བའི་འགྲོ་བ་སོགས་ངན་སོང་དང་། འདོད་ཁམས་ལ་སོགས་པས་གཟུགས་གཟུགས་མེད་གཉིས་དེ་འགྱུར་བའོ། །མཚན་མར་སྣང་བ་འགྱུར་བའི་རྣམ་རྟོག་ནི། ཇི་སྐད་སྨོས་པའི་འགྱུར་བ་ཉིད་ཀྱིས་མཚན་མར་སྣང་བ་དེ་གཞན་དུ་འགྱུར་བའོ། །གཞན་གྱིས་བསྟན་པའི་རྣམ་རྟོག་ནི། དམ་པ་མིན་པའི་ཆོས་མཉན་པའམ། དམ་པའི་ཆོས་མཉན་པའི་རྗེས་སུ་ཞུགས་པའི་རྣམ་རྟོག་གོ། །ཚུལ་བཞི ན་མིན་པའི་རྣམ་རྟོག་ནི། དམ་པ་མིན་པའི་ཆོས་མཉན་པ་ལས་བྱུང་བ། བསྟན་པ་འདི་ལས་ཕྱི་རོལ་བ་རྣམས་ཀྱི་རྣམ་པར་རྟོག་པ་ལྟ་བུའོ། །ཚུལ་བཞིན་གྱི་རྣམ་རྟོག་ནི། དམ་པའི་ཆོས་མཉན་པ་ལས་བྱུང་བ་ཆོས་འདི་བ་རྣམས་ཀྱི་རྣམ་པར་རྟོག་པའོ། །མངོན་པར་ཞེན་པའི་རྣམ་ ― MR12_Page_0567 ―
[མ་དཔེ་གཟིགས་ན་འདིར་གནོན།]
རྟོག་ནི། ཚུལ་མིན་ཡིད་བྱེད་ལས་བྱུང་འཇིག་ལྟའི་རྩ་བ་ཅན་གྱི་ལྟ་བར་སོང་བ་ཚངས་པ་དྲ་བའི་མདོ་ལས་གསུངས་པ། སྔོན་དང་ཕྱི་མ་དབུས་ལ་རྟོག་པས་དབྱེ་བ་དྲུག་ཅུ་རྩ་གཉིས་དང་མཚུངས་ལྡན་གྱི་རྣམ་རྟོག་གོ། མི་རྟོག་པའི་ཡེ་ཤེས་ལས་རྣམ་པར་གཡེང་བའི་རྣམ་རྟོག་ནི། བྱང་སེམས་རྣམས་ཀྱི་སྤང་བྱའམ་རྣམ་པར་རྟོག་པ་བཅུ་སྟེ། དངོས་པོ་མེད་པའི་མཚན་མའི་རྣམ་པར་གཡེང་བ་དང་། དངོས་པོའི་མཚན་མའི་རྣམ་པར་གཡེང་བ་དང་། སྒྲོ་འདོགས་པའི་རྣམ་པར་གཡེང་བ་དང་། སྐུར་བ་འདེབས་པའི་རྣམ་པར་གཡེང་བ་དང་། གཅིག་པ་ཉིད་དུ་རྣམ་པར་གཡེང་བ་དང་། ཐ་དད་པ་ཉིད་དུ་རྣམ་པར་གཡེང་བ་དང་། ངོ་བོ་ཉིད་དུ་རྣམ་པར་གཡེང་བ་དང་། ཁྱད་པར་དུ་རྣམ་པར་གཡེང་བ་དང་། མིང་ཇི་ལྟ་བ་བཞིན་དུ་དོན་དུ་རྣམ་པར་གཡེང་བ་དང་། དོན་ཇི་ལྟ་བ་བཞིན་དུ་མིང་དུ་རྣམ་པར་གཡེང་བའོ། །དེ་ལྟར་དངོས་པོ་མེད་པར་རྣམ་པར་རྟོག་པའི་གཉེན་པོའི་དོན་དུ་བཀའ་སྩལ་པ། བྱང་ཆུབ་སེམས་དཔའ་ཉིད་དུ་ཡོད་བཞིན་དུ་ཞེས་སོགས་ཐ་སྙད་དུ་ཡོད་པར་བསྟན་ནས་གསུངས་སོ། །དངོས་རྟོག་གི་གཉེན་པོར་བྱང་ཆུབ་སེམས་དཔའ་ཡང་དག་པར་རྗེས་སུ་མི་མཐོང་ཞེས་དང་། སྒྲོ་འདོགས་པའི་གཉེན་པོར་བྱང་ཆུབ་སེམས་དཔའི་མིང་ཡང་དག་པ་བརྗེས་སུ་མི་མཐོང་། དེ་བཞིན་ཤེར་ཕྱིན་དང་། སྤྱོད་ཅེས་བྱ་བར་དང་། གཟུགས་ཚོར་འདུ་ཤེས་འདུ་བྱེད་རྣམ་པར་ཤེས་པའི་བར་དུ་ཡང་དག་པར་རྗེས་སུ་མི་མཐོང་ངོ་། །དེ་ཅིའི་ཕྱིར་ན། འདི་ལྟར་མིང་ནི་ངོ་བོ་ཉིད་ཀྱིས་སྟོང་ངོ་ཞེས་སོགས་གསུངས་སོ། །སྐུར་འདེབས་ཀྱི་གཉེན་པོར་སྟོང་པ་ཉིད་ཀྱིས་ནི་མ་ཡིན་ནོ་ཏེ་སྟོང་པ་ཉིད་ཀྱིས་སྟོང་པར་བྱས་ ― MR12_Page_0568 ―
[མ་དཔེ་གཟིགས་ན་འདིར་གནོན།]
པ་མིན་ཀྱང་ཆོས་ཉིད་ཡོད་པས་སོ་གསུངས། ཞེས་དང་། གཅིག་པ་ཉིད་དུ་རྟོག་པའི་གཉེན་པོར། གཟུགས་ཀྱི་སྟོང་པ་ཉིད་གང་ཡིན་པ་དེ་གཟུགས་མ་ཡིན་ནོ་ཞེས་སོགས་དག་པ་དང་མ་དག་པ་ལ་དམིགས་པས་སོ་དང་། ཐ་དད་དུ་རྟོག་པའི་གཉེན་པོར། གཟུགས་ནི་སྟོང་པ་ཉིད་ལས་གཞན་པ་ཡང་མ་ཡིན་ཏེ། ཀུན་བཏགས་པའི་གཟུགས་ཉིད་སྟོང་པའོ། །སྟོང་པ་ཉིད་གཟུགས་སོ། །ཞེས་དང་། ངོ་བོ་ཉིད་དུ་རྟོག་པའི་གཉེན་པོར། རབ་འབྱོར་འདི་ལྟ་སྟེ་གཟུགས་ཞེས་བྱ་བ་འདི་ནི་མིང་ཙམ་ཞེས་སོགས་སོ་གཟུགས་ཉིད་མི་དམིགས་པའོ། །ཁྱད་པར་དུ་རྟོག་པའི་གཉེན་པོར། གཟུགས་སོགས་ཀྱི་ངོ་བོ་ཉིད་ནི་མ་སྐྱེ་མི་འགག །ཀུན་ནས་ཉོན་མོངས་པ་མ་ཡིན། རྣམ་པར་བྱང་བ་མ་ཡིན་ནོ། །ཞེས་དང་། མིང་ཇི་ལྟ་བ་བཞིན་དོན་དུ་རྟོག་པའི་གཉེན་པོར།མིང་བཅོས་མ་ལ་ཆོས་དེ་དག་སོ་སོར་རྟོག་ནས། མིང་གློ་བུར་གྱིས་རྗེས་སུ་ཐ་སྙད་འདོགས་ཏེ། ཇི་ལྟར་ཇི་ལྟར་རྗེས་སུ་ཐ་སྙད་འདོགས་པ་དེ་ལྟ་དེ་ལྟར་མངོན་པར་ཞེན་ཏོ་ཞེས་དང་། དོན་ཇི་ལྟ་བ་བཞིན་མིང་དུ་རྟོག་པའི་གཉེན་པོར། བྱང་ཆུབ་སེམས་དཔའ་མིང་དེ་དག་ཐམས་ཅད་དོན་ཇི་ལྟ་བ་བཞིན་དུ་ཡང་དག་རྗེས་སུ་མི་མཐོང་ངོ་། །ཡང་དག་པར་རྗེས་སུ་མི་མཐོང་བས་མངོན་པར་ཞེན་པ་མེད་དོ་ཞེས་དོན་ཇི་ལྟ་བ་བཞིན་དུ་ཞེས་བྱ་བར་དགོངས་པའོ། །གཟུགས་ལ་ཇི་ལྟ་བ་དེ་བཞིན་དུ་རྣམ་པར་ཤེས་པའི་བར་དུ་ཡང་སྦྱར་བར་བྱའོ། །རྣམ་གཡེང་བཅུ་པོ་འདི་དག་གི་གཉེན་པོ་ཤེས་རབ་ཀྱི་ཕ་རོལ་དུ་ཕྱིན་པ་རྣམ་པར་མི་རྟོག་པའི་ཡེ་ཤེས་བསྟན་ཏེ། དེ་ལྟར་ན་ཤེར་ཕྱིན་གྱི་དོན་མཐའ་དག་མི་མཐུན་པའི་ཕྱོགས་དང་དེའི་གཉེན་པོ་དང་བཅས་པ་འདི་ཉིད་དུ་ ― MR12_Page_0569 ―
[མ་དཔེ་གཟིགས་ན་འདིར་གནོན།]
རིག་པར་བྱའོ། །གལ་ཏེ་རྣམ་གྲངས་གཞན་གྱིས་གཞན་དབང་གི་ངོ་བོ་ཉིད། མཚན་ཉིད་གསུམ་ཀར་ཡང་འགྱུར་ན། དེ་གསུམ་ཁྱད་མེད་པར་ཇི་ལྟར་མི་འགྱུར་ཞེ་ན། རྣམ་གྲངས་གང་གིས་གཞན་དབང་ཉིད་ཡིན་པས་ན།དེས་ཀུན་བརྟགས་དང་ཡོངས་གྲུབ་མིན་པ་སོགས། གཞན་གཉིས་ཀར་ཡང་དེ་བཞིན་ནོ། །གཞན་དབང་ཀུན་བརྟགས་པའི་ངོ་བོར་སྣང་བ་དེ་དེའི་བདག་ཉིད་མིན་པར་ཅིས་མངོན་ཞེ་ན། བུམ་སོགས་ཀྱི་མིང་གི་སྔ་རོལ་ན་དེ་དང་དེའི་བློ་སྐྱེ་བ་མེད་པས་དེའི་བདག་ཉིད་དུ་འགལ་བ་དང་། དོན་གཅིག་ལ་ཡང་མིང་མང་པོ་ཡོད་པས་གཞན་དབང་གི་བདག་ཉིད་མང་པོར་ཐལ་བས་འགལ་བ་དང་། མིང་ངེས་པ་མེད་པས་དེའི་ངོ་བོའམ་བདག་འདྲེས་པར་འགལ་བ་ཉིད་ཀྱི་ཕྱིར་ཏེ་འགྲོ་ལྡིང་བ་རྣམས་རྣ་བ་ལ་མིག་ཟེར། འབྲས་ཆན་ལ་ཆོམ་རྐུན་ཟེར། མཆུ་ལ་ཐ་དད་པ་ཟེར་བ་ལྟ་བུའོ། །མིང་དོན་ངོ་བོ་ཉིད་ཀྱིས་གཅིག་ན་རྣ་བ་སོགས་ཀྱི་དོན་འཆོལ་བར་འགྱུར་རིགས་ན་དེ་མི་འཐད་དོ། །མིང་གི་སྔ་རོལ་ན་མིང་དེས་བཏགས་ནས་ཁྱད་པར་དུ་བྱས་པའི་དོན་དེའི་བློ་མེད་པའི་ཕྱིར། མིང་མང་བའི་ཕྱིར་དང་མིང་མ་ངེས་པའི་ཕྱིར། གཞན་དབང་དེ་ཡི་བདག་ཉིད་བདག་མང་པོ་དང་། །བདག་འདྲེས་པར་འགལ་བས་གཞན་དབང་ཀུན་བཏགས་མིན་པར་གྲུབ་པར་འགྱུར། །ཆོས་རྣམས་མེད་ཀྱང་དེར་སྣང་ལ་དམིགས་པ་ཡོད་པ་དང་། །ཀུན་ནས་ཉོན་མོངས་མེད་ཀྱང་ཕྱིས་རྣམ་དག་ཡོད་པ་ནི། །སྒྱུ་མ་ལ་སོགས་མེད་པ་དམིགས་པ་དང་འདྲ་དང་། །དེ་བཞིན་ནམ་མཁའ་སྤྲིན་དང་བཅས་པ་དང་བྲལ་བ་འདྲར་ཤེས་པར་བྱ། ༧ །ཡང་བརྒལ་བ་ཇི་ལྟར་སྣང་བ་དེ་བཞིན་དུ་མེད་དུ་ཟིན་ན། །གཞན་དབང་གི་ངོ་བོ་ཉིད་རྣམ་པ་ ― MR12_Page_0570 ―
[མ་དཔེ་གཟིགས་ན་འདིར་གནོན།]
ཐམས་ཅད་ཀྱིས་དུས་ཐམས་ཅད་དུ་མེད་པར་ཅིས་མི་འགྱུར། གཞན་དབང་དེ་མེད་ན་ཡོངས་སུ་གྲུབ་ཀྱི་ངོ་བོ་ཡང་མེད་དེ་དུས་ཐམས་ཅད་དུ་མེད་པར་ཇི་ལྟར་མི་འགྱུར་ཞེ་ན། གཞན་དབང་དང་ཡོངས་གྲུབ་ཀྱི་ངོ་བོ་ཉིད་མེད་དུ་ཟིན་ན། ཀུན་ཉོན་དང་རྣམ་བྱང་གཏན་མེད་པར་འགྱུར་ན་ཡང་ཀུན་ཉོན་དང་རྣམ་བྱང་དམིགས་པའི་ཕྱིར། ཐམས་ཅད་དུ་མེད་པ་མ་ཡིན་ནོ། །གཞན་གྱི་དབང་དང་ཡོངས་སུ་གྲུབ། །རྣམ་པ་ཀུན་ཏུ་ཡོང་མིན་ན། །ཀུན་ནས་ཉོན་མོངས་པ་དང་རྣམ་པར་དག །དུས་ཀུན་དུ་ནི་མེད་པར་འགྱུར། ༧ །གཞན་དབང་གི་ངོ་བོ་ཉིད་ཇི་ལྟ་བུར་རིག་པར་བྱ་ཞེ་ན། སྒྱུ་མ་སྨིག་རྒྱུ་རྨི་ལམ་མིག་ཡོར་གཟུགས་བརྙན་བྲག་ཆ་ཆུ་ཟླ་སྤྲུལ་པ་ལྟ་བུར་རིག་པར་བྱའོ། །ཡོངས་གྲུབ་ཀྱི་ངོ་བོ་ཇི་ལྟར་རིག་པར་བྱ་ན། རྣམ་པར་བྱང་བའི་ཆོས་བཞི་བསྟན་པས་རིག་པར་བྱ་སྟེ། རང་བཞིན་གྱི་རྣམ་པར་བྱང་བ་ནི། རང་བཞིན་རྣམ་དག་དེ་བཞིན་ཉིད་གཞན་དུ་མི་འགྱུར་བས་སོ་དང་། ཀུན་བཏགས་མེད་པས་སྟོང་པ་ཉིད་དང་། བདེན་པའི་མཐར་ཐུག་པས་ཡང་དག་པའི་མཐའ་དང་། གཟུགས་སོགས་ཀྱི་མཚན་མ་མེད་པ་དང་། དོན་དམ་པ་ཡེ་ཤེས་མཆོག་གིས་ཐོབ་བྱ་སྟེ། རྣམ་བྱང་གི་ཆོས་རྣམས་ཀྱི་དབྱིངས་དྲུག་ཀྱང་དེ་ཡིན་ནོ། །དྲི་མ་མེད་པར་རྣམ་པར་བྱང་བ་ནི། གློ་བུར་བྲལ་དག་དེ་ཉིད་སྒྲིབ་པ་ཐམས་ཅད་དང་མི་ལྡན་པའོ། །དེ་ཐོབ་པའི་ལམ་རྣམ་པར་བྱང་བ་ནི། རྟོགས་པའི་ཆོས་ཡུལ་བྱང་ཆུབ་དང་ཕྱོགས་མཐུན་གྱི་ཆོས་སུམ་ཅུ་རྩ་བདུན་ཐམས་ཅད་དང་། ཕ་རོལ་ཏུ་ཕྱིན་པ་ལ་སོགས་པའོ། །ལམ་དེ་བསྐྱེད་པའི་ཕྱིར་དམིགས་པ་རྣམ་པར་བྱང་བ་ནི་ཐེག་པ་ཆེན་པོའི་ལུང་གི་ཆོས་བསྟན་པ་སྟེ། འདི་ལྟར་ ― MR12_Page_0571 ―
[མ་དཔེ་གཟིགས་ན་འདིར་གནོན།]
དེ་ནི་རྣམ་བྱང་གི་རྒྱུ་ཡིན་པའི་ཕྱིར་ཀུན་བརྟགས་མ་ཡིན་ལ། ཆོས་དབྱིངས་རྣམ་དག་གི་རྒྱུ་མཐུན་ཡིན་པས་གཞན་དབང་མ་ཡིན་ནོ། །རྣམ་པ་བཞི་པོ་འདིས་རྣམ་བྱང་གི་ཆོས་ཀུན་བསྡུས་པ་ཡིན་ནོ། །བྱུང་རྟེན་གཞན་དབང་སྒྱུ་མ་ལ་སོགས་བསྟན། །ཀུན་བརྟགས་ལ་བརྟེན་ནས་དེ་ཡི་ངོ་བོ་ཉིད་མེད་པ་བསྟན། །རྣམ་པར་དག་པ་བཞིར་བརྟེན་ནས། །ཡོངས་སུ་གྲུབ་པ་བསྟན་པ་ཡིན་ཏེ། །དག་པ་དེ་ནི་རང་བཞིན་དང་། །དྲི་མ་མེད་དང་ལམ་དང་དམིགས། །རྣམ་པར་དག་པའི་ཆོས་ཀྱི་རྣམས་ནི། །རྣམ་པ་བཞི་པོས་བསྡུས་པ་ཡིན། །གཞན་དབང་གི་ངོ་བོ་ཉིད་ཅིའི་ཕྱིར་སྒྱུ་མ་ལ་སོགས་པ་ལྟ་བུར་བསྟན་ཞེ་ན། གཞན་དབང་ལ་གཞན་དག་ནོར་བ་ཉིད་དུ་སོམ་ཉི་ཟ་བ་བཟློག་པའི་ཕྱིར་རོ། །དེ་བཤད་པ་ཇི་ལྟར་ཕྱིན་ཅི་ལོག་གམ་ནོར་བའི་སོམ་ཉི་ཟན། གཞན་དག་འདི་སྙམ་དུ་དོན་མེད་པ་ཇི་ལྟར་ཤེས་པའི་སྤྱོད་ཡུལ་དུ་འགྱུར་སྙམ་དུ་སེམས་པ་དེ་དག་གི་སོམ་ཉི་བཟློག་ཕྱིར་སྒྱུ་མ་ལྟ་བུ་ཉིད་དོ་སྒྱུ་མའི་གླང་པོ་མེད་ཀྱང་དམིགས་པ་བཞིན་གཟུགས་སོགས་མེད་ཀྱང་སེམས་ལ་སྣང་ངོ་། །སེམས་སེམས་བྱུང་འབའ་ཞིག་གཟུགས་དོན་མེད་པ་རྣམས་ཇི་ལྟར་དབྱུང་སྙམ་པའི་ཐེ་ཚོམ་བཟློག་ཕྱིར་སྨིག་རྒྱུ་ཆུའི་རྣམ་པར་སྣང་བ་ལྟ་བུ། དོན་མེད་ན་འདོད་པ་དང་མི་འདོད་པའི་ཉེ་བར་སྤྱོད་པ་ཇི་ལྟར་འགྱུར་སྙམ་པ་རྨི་ལམ་ན་འདོད་པའི་དོན་མྱོང་བ། དོན་མེད་ན་ལས་དགེ་མི་དགེའི་འབྲས་བུ་འདོད་པ་དང་མི་འདོད་པ་ཇི་ལྟར་འགྲུབ་སྙམ་པར་གཟུགས་ཀྱི་ཆ་འདྲ་བ་གཟུགས་བརྙན། ཇི་ལྟར་གཟུགས་ཀྱི་དོན་མེད་བཞིན་དུ་གཟུགས་བརྙན་ལ་གཟུགས་ཀྱི་བློ་འབྱུང་ཡང་གཟུགས་ཀྱི་དོན་ཡོད་པ་མིན་པ་བཞིན་ཞེས་དབྱིག་ ― MR12_Page_0572 ―
[མ་དཔེ་གཟིགས་ན་འདིར་གནོན།]
གཉེན་གསུངས། འདི་ཡང་གཟུགས་དངོས་མེ་ལོང་དེར་སྣང་བ་ལྟ་བུར་བཤད་འདུག །གཟུགས་ཀྱི་ངོ་བོ་ཉིད་སྣང་བའི། གཟུགས་བརྙན་མེད་དེ་གསུངས། རྐྱེན་ལས་དེ་འདྲའི་གཟུགས་ཀྱི་ངོ་བོ་ཉིད་སྣང་ཡང་གཟུགས་གཟུགས་བརྙན་གཉིས་སུ་འཛིན་ནོ། །དོན་མེད་ན་རྣམ་ཤེས་སྣ་ཚོགས་ཇི་ལྟར་འབྱུང་སྙམ་པར་མིག་ཡོར་བག་འདྲ་བའི་རྩེད་མོ་སྣ་ཚོགས་ལྟ་བུ། གྲིབ་མའི་རྩེད་མོ་འདོད་པའི་དབང་གིས་རྣམ་པ་སྣ་ཚོགས་པར་བསྒྱུར་བར་བྱེད་པ་དེ་ན་མིག་ཡོར་གྱི་དོན་མེད་བཞིན་སྣ་ཚོགས་སུ་སྣང་བ་ཞེས་གསུངས། དོན་མེད་པའི་ཐ་སྙད་སྣ་ཚོགས་ཇི་ལྟར་འབྱུང་སྙམ་པར་བྲག་ཆ་ལྟ་བུ། དོན་མེད་ན་ཡང་དག་པའི་ཏིང་འཛིན་གྱི་སྤྱོད་ཡུལ་ཇི་ལྟར་འབྱུང་སྙམ་པར་ཆུ་ཟླ་ལྟ་བུ་ཆུ་དྭང་བ་བཞིན་མི་དྭང་བར་གཟུགས་བརྙན་ལྟ་བུའི་དོན་སྟོན། དོན་མེད་ན་བྱང་སེམས་ཕྱིན་ཅི་མ་ལོག་པ་རྣམས་སེམས་ཅན་གྱི་དོན་བྱ་བ་ཇི་ལྟར་བསྒྲུབ་སྙམ་དུ་སོམ་ཉི་ཟ་བ་བཟློག་ཕྱིར་ལུས་འཛིན་པ་སོགས་ནི་སྤྲུལ་པ་ལྟ་བུ་ཉིད་བསྟན་ཏོ། །བཅོམ་ལྡན་འདས་ཀྱིས་ཅི་ལས་དགོངས་ཏེ་ཚངས་པས་ཞུས་པར། དེ་བཞིན་གཤེགས་པས་འཁོར་བ་ཡང་མི་དམིགས། མྱ་ངན་ལས་འདས་པ་ཡང་མི་དམིགས་ཞེས་བསྟན་ཞེ་ན། གཞན་དབང་གི་ངོ་བོ་ཉིད་ཀུན་ཏུ་བརྟགས་པ་དང་ཡོངས་སུ་གྲུབ་པའི་ངོ་བོ་ཉིད་ཡིན་པའི་ཕྱིར་འཁོར་བ་དམིགས་ན་དེའི་མྱང་འདས་ཅི་ཞིག་སྟེ་འཁོར་བ་དང་མྱང་འདས་བྱེ་བྲག་མེད་པ་ལས་དགོངས་ནས་བསྟན་ཏེ། འདི་ལྟར་གཞན་དབང་གི་ངོ་བོ་དེ་ཉིད་ཀུན་ཏུ་བརྟགས་པའི་ཆོས་ནི་འཁོར་བའོ། །ཡོངས་སུ་གྲུབ་པའི་ཆོས་ནི་མྱ་ངན་ལས་འདས་པའོ། ༧ །ཆོས་མངོན་པའི་མདོ་ལས། ཆོས་ནི་གསུམ་སྟེ། ཀུན་ནས་ཉོན་མོངས་པ་དང་། རྣམ་པར་བྱང་བ་དང་། དེ་གཉིས་ཀའི་ ― MR12_Page_0573 ―
[མ་དཔེ་གཟིགས་ན་འདིར་གནོན།]
ཆར་གཏོགས་པའོ་ཞེས་གསུངས་པ་ཅི་ལས་དགོངས་ཏེ་གསུངས་ཤེ་ན། གཞན་དབང་གི་ངོ་བོ་ཉིད་ལ་ཀུན་བརྟགས་པའི་ངོ་བོ་ཉིད་ཡོད་པ་ནི་ཀུན་ཉོན་གྱི་ཆར་གཏོགས་ལ། ཡོངས་གྲུབ་ཀྱི་ངོ་བོ་ཉིད་ཡོད་པ་རྣམ་བྱང་གི་ཆར་གཏོགས་པས་གཞན་དབང་ནི་དེ་ལྟར་གཉིས་ཀའི་ཆར་གཏོགས་པའོ། །འདི་ལ་དཔེ་ནི། ས་ཁོང་ན་གསེར་ཡོད་པ་ལ་ནི་འབྱུང་བ་སའི་ཁམས་སྲབ་དང་འབྱུང་གྱུར་ས་ནི་ཁ་དོག་དབྱིབས་དང་གསེར་གྱི་ས་བོན་གསུམ་དམིགས་སོ། །ས་ཁམས་ཙམ་ལ་ནི་མེད་པའི་ས་དམིགས་ལ་ཡོད་པའི་གསེར་མི་དམིགས་ཏེ། འདི་ལྟར་མེས་རེག་ན་ས་མི་སྣང་ལ་གསེར་སྣང་ངོ་། །སའི་ཁམས་ནི་སར་སྣང་བ་ལ་དེའི་བདག་ཉིད་མིན་པ་ལོག་པར་སྣང་ངོ་། །གསེར་དུ་སྣང་བ་ན་དེ་བཞིན་དུ་དེའི་བདག་ཉིད་ཡིན་པས་སྣང་ངོ་། །དེ་བས་ན་སའི་ཁམས་ནི་ས་དང་གསེར་གཉིས་ཀའི་ཆར་གཏོགས་པའོ། །དེ་བཞིན་དུ་གཞན་དབང་གི་རྣམ་པར་རིག་པ་ལ་མི་རྟོག་ཡེ་ཤེས་ཀྱིས་མེས་མ་རེག་ན། རྣམ་རིག་དེ་ཡང་ཡང་དག་མ་ཡིན་པ་ཀུན་བརྟགས་པའི་ངོ་བོ་ཉིད་དུ་སྣང་གི། ཡང་དག་པ་ཡོངས་གྲུབ་ཀྱི་ངོ་བོ་ཉིད་དུ་མི་སྣང་ལ། མི་རྟོག་ཡེ་ཤེས་ཀྱིས་མེས་རེག་ན། རྣམ་པར་རིག་པ་དེ་ཡང་དག་པ་ཡོངས་གྲུབ་ཀྱི་ངོ་བོར་སྣང་གི། ལོག་པར་ཀུན་ཏུ་བརྟགས་པའི་ངོ་བོ་ཉིད་དུ་ནི་མི་སྣང་ངོ་། །དེ་ལྟར་ན་ཡང་དག་མིན་རྟོག་ཀུན་བརྟགས་པའི་རྣམ་རིག་གང་ཞིག་གཞན་དབང་གི་ངོ་བོ་ཉིད་དེ་ནི་ཀུན་བྱང་ངམ་བརྟགས་ཡོངས་གཉི་གའི་ཆར་གཏོགས་པ་སྟེ། ཁོངས་ན་གསེར་ཡོད་པ་ལ་སའི་ཁམས་བཞིན་ནོ། །བཅོམ་ལྡན་འདས་ཀྱི་ལ་ལར་ཆོས་ཐམས་ཅད་ ― MR12_Page_0574 ―
[མ་དཔེ་གཟིགས་ན་འདིར་གནོན།]
རྟག་གོ་ཞེས་བསྟན། ལ་ལར་མི་རྟག་གོ་ཞེས་བསྟན། ལ་ལར་རྟག་མི་རྟག་གཉིས་ཀ་མ་ཡིན་པར་བསྟན་པ་ཅི་ལས་དགོངས་དེ་ལྟར་བསྟན་ཞེ་ན། གཞན་དབང་གི་ངོ་བོ་ཉིད། ཡོངས་སུ་གྲུབ་པའི་ཆོས་རྟག་པ་དང་། ཀུན་བརྟགས་ཀྱི་ཆོས་མི་རྟག་པ་དང་། གཉིས་ཀའི་ཆོས་གཉིས་ཀ་མ་ཡིན་པ་འདི་ལ་དགོངས་ནས་དེ་ལྟར་བསྟན་ཏོ། །བདེ་བ་དང་སྡུག་བསྔལ་དག་ཀྱང་གཉིས་སུ་མེད་པ་དང་། དགེ་མི་དགེ། སྟོང་མི་སྟོང་། བདག་བདག་མེད། ཞི་མ་ཞི། ངོ་བོ་ཉིད་ཡོད་པ་དང་མེད་པ། སྐྱེས་པ་དང་མ་སྐྱེས་པ། འགགས་མ་འགགས། གཟོད་མ་ནས་ཞི་མ་ཞི། རང་བཞིན་གྱིས་མྱ་ངན་ལས་འདས་མ་འདས། འཁོར་བ་དང་། མྱ་ངན་འདས་པ་གཉིས་སུ་མེད་དོ་ཞེས་བྱ་བ་ལ་སོགས་པའི་རབ་ཏུ་དབྱེ་བ་དག་གིས་བཅོམ་ལྡན་འདས་ཀྱི་ལྡེམ་པོ་ངག་ཏུ་བསྟན་པ་ཐམས་ཅད་འདི་ལྟར་རྟག་མི་རྟག་ལ་སོགས་པའི་རྣམ་གྲངས་བསྟན་པ་བཞིན་དུ་ངོ་བོ་ཉིད་གསུམ་ལས་བརྩམ་སྟེ་བསྟན་པ་ཡིན་པར་ཁོང་དུ་ཆུད་པར་བྱའོ། །ཇི་ལྟར་སྣང་བ་ལྟར་མེད་པས་ཆོས་རྣམས་ཡོད་མིན་ཞིང་། །ཇི་ལྟར་ཆོས་རྣམས་དུ་མར་སྣང་བ་ཡང་ཡིན་ནོ། །དེ་བཞིན་ཆོས་ཡོད་པ་དང་ཆོས་མེད་པ་ནི། །དེ་གཉི་གའི་ཆ་ལ་གཉིས་སུ་མེད་པའི་དོན་དུ་བསྟན། །ཆ་རེས་དེ་དག་མེད་པ་དང་། །ཡོད་པ་ཞེས་ནི་རབ་ཏུ་བསྟན། །གཉི་གའི་ཆོས་ནི་ཡོད་མིན་ཞིང་། །མེད་པའང་མིན་ཞེས་བརྗོད་པ་མཛད། །བདག་དང་ཆོས་སམ་གཟུང་བ་དང་འཛིན་པར་ཇི་ལྟར་སྣང་བ་དེ་བཞིན་མེད། །དེ་ཕྱིར་མེད་ཅེས་བརྗོད་པ་མཛད། །གང་ཕྱིར་མེད་བཞིན་དུ་སྤྲོས་པའི་བག་ཆགས་ཀྱིས་དེ་ལྟར་སྣང་གྱུར་པ། །དེ་ཕྱིར་ ― MR12_Page_0575 ―
[མ་དཔེ་གཟིགས་ན་འདིར་གནོན།]
ཡོད་ཅེས་བརྗོད་པ་མཛད། །རྐྱེན་གྱི་ཁ་ན་ལས་པས་རང་གི་ངོ་བོ་མེད་པ་དང་བདག་ཉིད་མེད་པའི་ཕྱིར་སྔར་འགགས་ནས་མེད་པས་སོ། །ད་ལྟ་བ་ཡོད་ཀྱང་སྐད་ཅིག་གིས་འཇིག་པས་རང་གི་དངོས་ལ་མི་གནས་ཕྱིར་འདི་ནི་ཉན་ཐོས་དང་ཐུན་མོང་བའི་ངོ་བོ་མེད་པའོ། །རྟག་པའམ་གཟུགས་སོགས་དོན་དུ་གཟུང་བ་བཞིན་དུ་དེ་མེད་ཕྱིར་སེམས་ཙམ་པས་སོ། །ངོ་བོ་ཉིད་མེད་དུ་བཞེད་པ་ཡིན་ལ། དེ་ལྟར་ངོ་བོ་ཉིད་ནི་མེད་པ་ཡིས། །སྐྱེ་མེད་འགག་མེད་སོགས། ཕྱི་མ་ཕྱི་མ་བརྟེན་པར་བྱས་ཏེ། །སྐྱེ་མེད་འགག་མེད་གཟོད་ཞི་དང་། །རང་བཞིན་མྱ་ངན་འདས་པར་གྲུབ། །ཏེ་སྔ་མ་སྔ་མ་ལ་བརྟེན་ནས་ཕྱི་མ་ཕྱི་མ་བཤད་པ། ངོ་བོ་ཉིད་མེད་པས་མ་སྐྱེས་པའོ། །མ་སྐྱེས་པའི་ཕྱིར་མ་འགགས་པ། མ་འགགས་པས་བཟོད་ནས་ཞི་བ། གཟོད་ནས་ཞི་ཕྱིར་རང་བཞིན་གྱིས་ཡོངས་སུ་མྱ་ངན་ལས་འདས་པའོ་ཞེས་སོ། །ཞེས་དགོངས་པ་བཤད་པའོ། །ཡང་དགོངས་པ་བཞི་དང་ལྡེམ་པོར་དགོངས་བཞིས་སངས་རྒྱས་ཀྱི་གསུང་ཐམས་ཅད་ཁོང་དུ་ཆུད་པར་བྱའོ། །དགོངས་པ་རང་གི་ཡིད་ལ་བཞག་པ་ཙམ་ཡིན་གྱི་ཕ་རོལ་ལ་ལྟོས་པ་ཁས་མི་ལེན། ལྡེམ་པོར་དགོངས་པ་དེ་ཉིད་ཕ་རོལ་གཟུད་པ་ལ་ལྟོས་པའོ། །ཞེས་བཤད། དེ་གང་ཞེ་ན། སངས་རྒྱས་ཐམས་ཅད་ཀྱི་ཆོས་མཉམ་པ་ཉིད་ལ་དགོངས་པ། ང་ཉིད་དེའི་དུས་ན་སངས་རྒྱས་རྣམ་གཟིགས་སུ་གྱུར་ཏོ་ཞེས་གསུངས་པ་ལྟ་བུ། དུས་གཞན་ལ་དགོངས་པ། སངས་རྒྱས་རིན་ཆེན་མང་གི་མཚན་བཟུང་བས་བླ་མེད་བྱང་ཆུབ་ཏུ་ངེས་པར་འགྱུར་རོ་ཞེས་དང་། དགེ་རྩ་དེས་ནམ་ཞིག་ཐོབ་པ། པ་ཎ་གཅིག་གིས་སྟོང་བསྒྲུབས་པོ་ལྟ་བུ་སྨོན་ལམ་བཏབ་པ་ཙམ་གྱིས་ ― MR12_Page_0576 ―
[མ་དཔེ་གཟིགས་ན་འདིར་གནོན།]
བདེ་བ་ཅན་དུ་སྐྱེ་བར་འགྱུར་རོ་ཞེས་གསུངས་པ་ལྟ་བུ། དོན་གཞན་ལ་དགོངས་པ། སངས་རྒྱས་གངྒཱའི་ཀླུང་གི་བྱེ་སྙེད་ལ་བསྙེན་བཀུར་བྱས་ན་ཐེག་པ་ཆེན་པོའི་ཆོས་ཀྱི་དོན་ཁོང་དུ་ཆུད་པར་འགྱུར་རོ་ཞེས་ཚིག་དོན་མ་ཡིན་གྱི་རྟོགས་པའི་ཆོས་ལ་དགོངས་ནས་གསུངས་པ་ལྟ་བུ། གང་ཟག་གི་བསམ་པ་ལ་དགོངས་པ་ནི། འདི་ལྟར་གང་ཟག་ཁ་ཅིག་སེར་སྣ་ཅན་ལ་སྦྱིན་པ་བསྔགས་ལ། ལ་ལར་སེར་སྣ་མེད་པ་ལ་དེ་ཙམ་བསྔགས་པ་མིན་པའང་གསུངས་པ་ལྟར། ཚུལ་ཁྲིམས་དང་འཇིག་རྟེན་པའི་བསྒོམ་པ་ཁ་ཅིག་ཀྱང་དེ་བཞིན་དུའོ། །ལྡེམ་དགོངས་བཞི་ནི། གཞུག་པ་ལ་ལྡེམ་པོར་དགོངས་པ་ནི། ཉན་ཐོས་ཀྱི་ཐེག་པའམ། ཐེག་པ་ཆེན་པོར་གང་ཟག་དང་ཆོས་ཀྱི་ངོ་བོ་ཉིད་དང་ཁྱད་པར་ཀུན་རྫོབ་ཀྱི་བདེན་པའི་ཚུལ་དུ་བསྟན་པའོ། །ཉན་ཐོས་ཀྱི་ཐེག་པ་ལ་གཟུང་ཕྱིར་རྫུས་ཏེ་བྱུང་བའི་སེམས་ཅན་ཡོད་དོ་ཞེས་དང་། ཐེག་ཆེན་ལ་གཟུང་བའི་ཕྱིར་གཟུགས་སྟོང་པའོ་ཞེས་པ་ལྟ་བུ་ཞེས་སྟོང་ཉིད་དྲང་དོན་དུ་བྱས་པ་འདྲ། ཆད་པར་འགྱུར་གྱིས་འཇིགས་པའི་སྐྱེ་བོའི་དབང་གིས་སོ་གསུངས། ཤེས་བྱའི་མཚན་ཉིད་ལ་ལྡེམ་པོར་དགོངས་པ་ནི། གང་དུ་ཆོས་ཀྱི་མཚན་ཉིད་བསྟན་པས་ངོ་བོ་ཉིད་གསུམ་པོ་དག་སྟོན་པའོ། །གཉེན་པོ་ལ་ལྡེམ་པོར་དགོངས་པ་ནི་གང་དུ་སྤྱོད་པ་བརྒྱད་ཁྲི་བཞི་སྟོང་གི་གཉེན་པོ་བསྟན་པའོ། །བསྒྱུར་བ་ལ་ལྡེམ་པོར་དགོངས་པ་ནི། གོང་དུ་སྒྲས་བརྗོད་བྱའི་དོན་གཞན་དུ་བརྗོད་ལ། བརྗོད་བྱ་དངོས་པོའི་དོན་ཉིད་གཞན་དུ་སྟོན་པ་སྟེ། རྣམ་གཡེངས་ནི་སྙིང་པོ་མེད་ལ་སྙིང་པོར་ཤེས། །རྟག་བདེ་སོགས་ལས་ཕྱིན་ཅི་ལོག་ལ་ཤིན་ཏུ་གནས། །སེམས་ཅན་དོན་དུ་དཀའ་སྤྱད་ཀྱི་ཉོན་མོངས་ཀུན་ནས་རབ་ཉོན་མོངས། ། ― MR12_Page_0577 ―
[མ་དཔེ་གཟིགས་ན་འདིར་གནོན།]
བྱང་ཆུབ་དམ་པ་ཐོབ་པར་འགྱུར། །ཞེས་གསུངས་པ་ལྟ་བུའོ། །ཐེག་པ་ཆེན་པོའི་ཆོས་འཆད་པར་འདོད་པས་མདོར་བསྡུ་ན། རྣམ་པ་གསུམ་གྱིས་བཤད་པར་བྱ་སྟེ། རྟེན་ཅིང་འབྲེལ་འབྱུང་གོང་དུ་བཤད་ཟིན་པ་བསྟན་པ་དང་། རྟེན་འབྱུང་གི་ཆོས་རྣམས་ཀྱི་མཚན་ཉིད་བསྟན་པ་དང་། བཤད་ཟིན་པའི་དོན་བསྟན་པས་བཤད་པར་བྱའོ། །དེ་ལ་རྟེན་ཅིང་འབྲེལ་འབྱུང་བསྟན་པ་ནི། ཆོས་རྣམས་སྤྲོས་པའམ་བརྗོད་པའི་བག་ཆགས་ལས་བྱུང་སྟེ། དེ་དག་ཉིད་ལས་དེ་ཞེས་ཇི་སྐད་གསུངས་པ་ལྟ་བུ་སྟེ། རྣམ་པར་སྨིན་པ་དང་འཇུག་པའི་རྣམ་ཤེས་དག་ཕན་ཚུན་རྐྱེན་དུ་གྱུར་པས་འབྱུང་བའི་ཕྱིར་རོ། །འཇུག་ཤེས་ཀྱི་མཚན་ཉིད་ཀྱི་ཆོས་དེ་དག་ནི། རྒྱུ་མཚན་དང་ལྟ་བ་དང་དབང་དྲུག་ཤེས་དྲུག་དང་བཅས་པའི་རྣམ་པར་རིག་པའི་ངོ་བོ་ཉིད་དོ། །དེ་དག་ཀྱང་གནས་ཀྱི་གནས་ཀྱི་མཚན་ཉིད་གཞན་དབང་དང་། ཀུན་བརྟགས་པའི་མཚན་ཉིད་དང་། ཆོས་ཉིད་ཀྱི་མཚན་ཉིད་ཡོངས་གྲུབ་བོ། །འདིས་ནི་ངོ་བོ་ཉིད་གསུམ་གྱི་མཚན་ཉིད་བསྟན་པ་ཡིན་ཏེ།རྒྱུ་མཚན་ལྟ་དང་བཅས་པ་ལས། དེ་དག་ལ་མཚན་ཉིད་གསུམ་ཞེས་བྱ། །ཞེས་ཇི་སྐད་གསུངས་པ་ལྟ་བུའོ། །དེ་དག་གི་མཚན་ཉིད་ཇི་ལྟར་བཤད་པར་བྱ་ན། གཞན་དབང་གི་མཚན་ཉིད་ལ་ཀུན་བརྟགས་པའི་མཚན་ཉིད་ནི་མེད་ལ།ཡོངས་སུ་གྲུབ་པའི་མཚན་ཉིད་དེ་ན་ཡོད་ན། དེ་ཁོ་ན་མ་མཐོང་བ་དང་མཐོང་བས་དུས་གཅིག་ཏུ་དེ་གཉིས་ཀ་རིམ་བཞིན་ཡོད་པའམ། མེད་པར་མི་དམིགས་པའམ་དམིགས་པའོ། །དེ་ཁོ་ན་མ་མཐོང་བས་གཞན་དབང་གི་ངོ་བོ་ཉིད་ལ་ཡོངས་གྲུབ་མེད་པར་ ― MR12_Page_0578 ―
[མ་དཔེ་གཟིགས་ན་འདིར་གནོན།]
མཐོང་། ཀུན་བརྟགས་ཡོད་པར་མཐོང་། དེ་དང་དུས་གཅིག་ཏུ་དེ་ཁོ་ན་མཐོང་བས། གཞན་དབང་དེ་ལ་ཀུན་བརྟགས་མེད་པར་མཐོང་། ཡོངས་གྲུབ་ཡོད་པར་དམིགས་པས་སོ། །གཞན་དབང་གི་ངོ་བོ་ཉིད་ལ། ཀུན་བརྟགས་མེད་པ་དང་། ཡོངས་གྲུབ་ཡོད་པའི་ཕྱིར་འབྱུང་སྟེ། ཡོངས་གྲུབ་དེ་དམིགས་པ་ན་ཀུན་བརྟགས་དེ་མི་དམིགས་པའི་ཕྱིར་རོ། །ཡོངས་གྲུབ་དེ་མི་དམིགས་པ་ན་ཀུན་བརྟགས་དེ་དམིགས་པའི་ཕྱིར་རོ། །གཞན་དབང་ལ་ནི་ཀུན་བརྟགས་པ་དོན་གཞན་དུ་མེད། །ཡོངས་སུ་གྲུབ་པ་དེ་ནི་ཡོད། །དེ་ཕྱིར་གཞན་དབང་དེ་ལ་བརྟགས་ཡོངས་གཉི་ག་ཡང་། །ཀུན་བརྟགས་མི་དམིགས་ཡོངས་གྲུབ་དམིགས་པ་མཉམ་པ་ཡིན། །ཞེས་ཇི་སྐད་བཤད་པ་ལྟ་བུའོ། །བཤད་ཟིན་པའི་དོན་བཤད་པ་གང་ཞེ་ན། འདི་ལྟ་སྟེ། ཚིག་སྔར་བཤད་ཟིན་པ་དེ་ཚིག་ལྷག་མ་རྣམས་ཀྱིས། དེ་ལ་ཡོན་ཏན་གྱི་དབང་དུ་བྱས་པའམ། དོན་གྱི་དབང་དུ་བྱས་ནས་རྣམ་པར་ཕྱེ་སྟེ་བཤད་པའོ། །ཡོན་ཏན་གྱི་དབང་དུ་བྱས་པ་ནི་འདི་ལྟ་སྟེ། ཤིན་ཏུ་རྣམ་པར་དག་པའི་བློ་མངའ་བ། ཉོན་མོངས་དང་ཤེས་བྱའི་སྒྲིབ་པ་ཀུན་ཏུ་སྤྱོད་པ་ཆགས་སོགས་གཉིས་མི་མངའ་བ་ཤེས་བྱ་ལ་ཤིན་ཏུ་སྒྲིབ་པ་མེད་པར་འཇུག་པའི་ཡོན་ཏན། བསྟན་པ་དང་ཐུགས་སུ་ཆུད་པའི་ཆོས་གཉིས་ལ་གཞན་པས་དེ་མིན་པར་ཕྱིར་ཟློག་ཏུ་མེད་དེ། དེ་ལས་འཕགས་པའི་ཆོས་མེད་པས་སོ། །རང་གི་ཐུགས་སུ་ཆུད་པའི་ཆོས་བསྟན་པ་དང་མཐའ་གཉིས་ཀྱི་མཚན་ཉིད་མེད་པའི་ཆོས་ལ་དེ་བཞིན་ཉིད་མཆོག་ཏུ་ཤེས་པར་རམ་གཞོལ་བར་མཛད་པ་ཡི་ཡོན་ཏན། སངས་རྒྱས་ཀྱི་གནས་པས་ལྷུན་གྲུབ་རྒྱུན་མི་གཅོད་པ་གནས་པ་ཡི་ཡོན་ཏན། སངས་རྒྱས་ཐམས་ཅད་ཀྱི་ཆོས་སྐུ་ལ་གནས་པ་དང་དགོངས་པ་ ― MR12_Page_0579 ―
[མ་དཔེ་གཟིགས་ན་འདིར་གནོན།]
ཕྲིན་ལས་ཐ་དད་མེད་པའི་ཡོན་ཏན་མཉམ་པ་ཉིད་བརྙེས་པ། སྒྲིབ་པ་མི་མངའ་བས་རྟོགས་པར་ཐུགས་སུ་ཆུད་པ་སྒྲིབ་པ་ཀུན་གྱི་གཉེན་པོ་བསྒོམ་པའི་ཡོན་ཏན། དེ་ལ་གཞན་དུ་བརྒོལ་བས་ཕྱིར་མི་ལྡོག་པའི་ཆོས་དང་ལྡན་པ་མུ་སྟེགས་ཅན་ཐམས་ཅད་ཀྱིས་མི་ཐུབ་པའི་ཡོན་ཏན། འཇིག་རྟེན་དུ་སྐྱེས་ཀྱང་འཇིག་རྟེན་པའི་ཆོས་ཀྱི་སྤྱོད་ཡུལ་གྱིས་མི་འཕྲོག་པ། ཆོས་སྣ་ཚོགས་རྣམ་པར་བཞག་པ་བསམ་གྱིས་མི་ཁྱབ་པ་ཡི་ཡོན་ཏན། དུས་གསུམ་མཉམ་པ་ཉིད་དུ་ཐུགས་སུ་ཆུད་པ་དྲི་བ་ཐམས་ཅད་ལུང་སྟོན་པའི་ཡོན་ཏན། འཇིག་རྟེན་གྱི་ཁམས་ཐམས་ཅད་དུ་ཁྱབ་པའི་སྐུ་དང་ལྡན་པ་ལོངས་སྐུ་དང་སྤྲུལ་སྐུ་སྟོན་པའི་ཡོན་ཏན། ཆོས་ཐམས་ཅད་ལ་ཐེ་ཚོམ་མེད་པའི་ཡོན་ཏན་ཡེ་ཤེས་མངའ་བ། སྤྱོད་པ་ཐམས་ཅད་དང་ལྡན་པའི་བློ་མངའ་བ་སྣ་ཚོགས་ཀྱིས་འཇུག་པར་མཛད་པའི་ཡོན་ཏན། སླད་མར་ཆོས་འབྱུང་བ་མཁྱེན་པ་ཡི་ཡོན་ཏན་ལ་ནེམ་ནུར་མེད་པ། རྣམ་པར་མ་བརྟགས་པའི་སྐུ་མངའ་བ་མོས་པ་ཇི་ལྟ་བ་བཞིན་དུ་སྟོན་པའི་ཡོན་ཏན། ཡེ་ཤེས་བྱང་ཆུབ་སེམས་དཔའ་ཐམས་ཅད་ཀྱིས་ཡང་དག་པར་མནོས་པ་སྐུ་དཔག་ཏུ་མེད་པ་སེམས་ཅན་འདུལ་བར་སྦྱོར་བའི་ཡོན་ཏན།སངས་རྒྱས་ཀྱི་གནས་པ་གཉིས་སུ་མེད་པ་དམ་པའི་ཕ་རོལ་ཏུ་ཕྱིན་པ་ཆོས་སྐུ་མཉམ་པ་ལ་ཕར་ཕྱིན་རྣམས་འགྲུབ་པའི་ཡོན་ཏན། དེ་བཞིན་གཤེགས་པ་མ་འདྲེས་པའི་རྣམ་པར་ཐར་པར་མཛད་པའི་ཡེ་ཤེས་ཀྱི་མཐར་ཕྱིན་པ་མོས་པ་ཇི་ལྟ་བ་བཞིན་དུ་སངས་རྒྱས་ཀྱི་ཞིང་མ་འདྲེས་བ་སྟོན་པའི་ཡོན་ཏན། མཐའ་དང་དབུས་མེད་པའི་སངས་རྒྱས་ཀྱིས་མཉམ་པ་ཉིད་དུ་ཐུགས་སུ་ཆུད་པ་སངས་རྒྱས་སྐུ་གསུམ་གྱི་ཡུལ་ཡོངས་སུ་མ་ཆད་པའི་ཡོན་ཏན། ཆོས་ཀྱི་དབྱིངས་ཀྱིས་ཀླས་པ། ཕྱོགས་ནམ་མཁའི་ཁམས་ཀྱི་མཐས་གཏུགས་པ། དུས་ ― MR12_Page_0580 ―
[མ་དཔེ་གཟིགས་ན་འདིར་གནོན།]
ཕྱི་མའི་མཐའི་མུར་ཐུག་པ་མི་ཟད་པའི་ཡོན་ཏན་ཞེས་སངས་རྒྱས་ཀྱི་ཡོན་ཏན་རྣམས་བསྟན་པའོ། །དེ་ཡང་ཤིན་ཏུ་རྣམ་པར་དག་པའི་བློ་མངའ་བ་ཞེས་པའི་ཚིག་འདིས་རྣམ་པར་དབྱེ་བ་ནི་ཚིག་ལྷག་མ་རྣམས་ཡིན་པ་རིག་པར་བྱ་སྟེ། དེ་ལྟར་ཆོས་དེ་ཉིད་ལེགས་པར་བཤད་པ་ཡིན་ནོ། །དེ་ལ་སངས་རྒྱས་རྣམས་ཀྱི་བློ་ཤིན་ཏུ་རྣམ་པར་དག་པ་ཞེས་པ་འདི་ནི་ཡོན་ཏན་བཅུ་དགུས་བསྡུས་པར་རིག་པར་བྱ་སྟེ། ཤེས་བྱ་ལ་ཤིན་ཏུ་སྒྲིབ་པ་མེད་པར་འཇུག་པའི་ཡོན་ཏན་དང་། ཡོད་མེད་གཉིས་སུ་མེད་པའི་དེ་བཞིན་ཉིད་མཆོག་ཏུ་རྣམ་དག་ཤེས་པར་མཛད་པ་སོགས་ཀྱིས་སོ། །དོན་གྱི་དབང་དུ་བྱ་བ་ནི། བྱང་ཆུབ་སེམས་དཔའ་ཆོས་སུམ་ཅུ་རྩ་གཉིས་དང་ལྡན་ན་བྱང་ཆུབ་སེམས་དཔའ་བྱང་ཆུབ་སེམས་དཔའ་ཞེས་བྱ་སྟེ། སུམ་ཅུ་རྩ་གཉིས་གང་ཞེ་ན།སེམས་ཅན་ཐམས་ཅད་ལ་ཕན་པ་དང་བདེ་བར་བྱ་བའི་ལྷག་པའི་བསམ་༡པ་དང་། ཐམས་ཅད་མཁྱེན་པའི་ཡེ་ཤེས་གཅིག་ནས་གཅིག་ཏུ་སྦྱོར་བའི་ལས་ལ་འཛུད༢་པ་དང་། བདག་ཅི་རི་ཞེས༣་ཕྱིན་ཅི་མ་ལོག་པའི་ལས་ཡོངས་སུ་ཤེས་པ་བདག་ཤེས་བཞི་གསུངས་དང་། ང་རྒྱལ༤་བཅོམ་པ་གཞན་གྱིས་བྱེད་དུ་མ་བཅུག་པར་བདག་ཉིད་སྦྱོར་བའི་ལས་དང་། ལྷག་པའི་བསམ༥་པ་བརྟན་པ་མི་འཁྲུགས་པའི་ལས་དང་། བཅོས་མ་མ་ཡིན་པའི་བྱམས༡་པ་ཟང་ཟིང་དང་མ་འབྲེལ་བའི་ལས་དང་། མཛའ་བ༢་དང་མི་མཛའ་བ་ལ་སེམས་སྙོམས་ཕན་འདོགས་པ་དང་གནོད་བྱེད་ལ་ཆགས་སྡང་མེད་པའི་ལས་པ་དང་། མྱ་ངན་ལས་འདས་པའི་མཐའི་བར་༣ དུ་གཏན་དུ་མཛའ༤་བ་ཚེ་རབས་གཞན་དུ་ཡང་རྗེས་སུ་འཇུག་པ་དང་བཅོས་མིན་སོགས་ཚིག་གསུམ་གྱིས་ཟང་ཟིང་མེད་པའི་ལས་སུ་བཤད་དོ་དང་། ཚིག་རན་༡ པ་ཚིག་གིས་དེ་དང་མཐུན་པའི་ངག་གི་ལས་དང་། ― MR12_Page_0581 ―
[མ་དཔེ་གཟིགས་ན་འདིར་གནོན།]
ལུས་ཀྱི་འཛུམ༢་པའི་བཞིན་གྱིས་བསོང་བོར་སྨྲ༧་བ་དང་ལྷག་བསམ་དང་མཐུན་པའི་ལས་གཉིས་སོ། །བདེ་སྡུག་མཉམ་པའི་ལས་སྙིང་རྗེ་ཆེན་པོ་ཡོངས་སུ་མ་ཆད་པ་སྡུག་བསྔལ་ཅན་ལ་སྙིང་རྗེ། བདེ་བ་ཅན་ལ་མ་ཡིན་པ་ལྟ་བུ་མིན་པར། བདེ་སྡུག་བཏང་སྙོམས་ཅི་ཡང་རུང་འདུ་བྱེད་སྡུག་བསྔལ་ཅན་ཀུན་ལ་མཉམ་པོར་བརྩེ་བའི་ཕྱིར་རོ། །དམ་བཅའི་ཁུར་བླངས་པ་རྣམས་ཀྱིས་སྒྱིད་ལུག་པ་མེད་པ༨་མི་ཞུམས་པའི་ལས་དང་། ལོག་སྒྲུབ་ཀྱིས་ཡིད་ཡོངས་སུ་མི་སྐྱོ་བ༩་མི་བཟློག་པའི་ལས་དང་། མདོ་སོགས་ཐོས་པ་དང་དོན་གྱིས་ངོམས་མི་མྱོང་བ༡༠་ཐབས་ཡོངས་སུ་འཛིན་པའི་ལས་དང་། བདག་གི་འཁྲུལ་པ་རྣམས་ལ་ཉེས་པར་ལྟ༡༠་བ་དང་། གཞན་གྱི་འཁྲུལ་བ་རྣམས་ལ་མི་༢གཤེ་བར་བསྒོ་བ༡༡་ཚིག་གཉིས་ཀྱིས་མི་མཐུན་པའི་ཕྱོགས་ལས་འདུན་པ་བཟློག་པའི་ལས་དང་། སྤྱོད་ལམ་ཐམས་ཅད་དུ་བྱང་ཆུབ་ཀྱི་སེམས་ཡོངས་སུ་སྦྱོང་བར༡༢་བྱེད་པ་རྒྱུན་མི་ཆད་པར་ཡིད་ལ་ཕྱེད་པའི་ལས། སྤྱོད་ཡུལ་དག་པའི་མདོ་ལས་གསུངས་པ་བཞིན་ནོ་དང་། རྣམ་པར་སྨིན་པ་ལ་མི་རེ་བའི་སྦྱིན༡༣་པ་དང་༡ ། སྲིད་པའི་འགྲོ་བར་སྐྱེ་བ་ཐམས་ཅད་ལ་མི་གནས་པའི་ཚུལ་ཁྲིམས༢་དང་། སེམས་ཅན་ཐམས་ཅད་ལ་ཞེ་འགྲས་པ་མེད་པའི་བཟོད་པ་དང༣་། དགེ་བའི་རྩ་བ་ཐམས་ཅད་ཡང་དག་པར་སྡུད་པའི་བརྩོན་འགྲུས༤་དང་། གཟུགས་མེད་དུ་མི་སྐྱེ་བའི་ཁམས་རྣམ་པར་བསལ་བའི་བསམ་གཏན༥་དང་། ཐབས་དང་ལྡན་པའི་ཤེས༦་རབ་སྟེ་ཕར་ཕྱིན་དྲུག་ལ་ཡང་དག་པར་སྦྱོར་བ་དང་། བསྡུ་བའི་དངོས་པོ་བཞིས༡༩་ཟིན་པའི་ཐབས༧་དང་ཚིག་བདུན་གྱིས་ཁྱད་པར་དུ་འགྲོ་བའི་ལས་སོ། །ཆོས་སྨྲ་བའི་བཤེས་གཉེན་ཚུལ་ཁྲིམས་དང་ལྡན་པ་རྣམས་དང་ཚུལ་ཁྲིམས་འཆལ་ ― MR12_Page_0582 ―
[མ་དཔེ་གཟིགས་ན་འདིར་གནོན།]
བ་རྣམས་ལ་གཉིས་སུ་མེད་པའི་བྱམས༡་པ་སྐྱེས་བུ་དམ་པ་བརྟེན་པ་དང་། གུས་པར་བྱས་ཏེ་ཆོས་ཉན་པ་དང༢་། གུས་པར་བྱས་ཏེ་དགོན་པར་གནས༣་པ་དང་། འཇིག་རྟེན་གྱི་རྣམ་རྟོག་བཟང་པོ་མ་ཡིན་པ་སྤོང་བ་དང་ཆགས་པའི་གླུ་གར་སོགས་སྣ་ཚོགས་དག་ལ་མི་དགའ་བ༤་དང་། ཐེག་པ་དམན་པ་མི་འདོད་པ་དང༥་ཐེག་པ་ཆེན་པོའི་ཕན་ཡོན་ལ་ལྟ་༢༤བ་དང་ཚིག་འདི་གཉིས་ཡིད་ལ་བྱེད་པའི་ཡོན་ཏན་ནོ། །སྡིག་པའི་གྲོགས་པོ་ཡོངས་སུ༦་སྤོང་བ་དང་། བདག་དགེ་བའི་བཤེས་གཉེན་ལ་བརྟེན༢༥་པ་དང༢༥་སྟེ་གྲོགས་ཀྱི་ཡོན་ཏན་གཉིས་སོ། །ཚངས་པའི་གནས་པ་བཞི་ཡོངས་སུ་སྦྱོང་བ༡་དང་ཚད་མེད་པ་ཡོངས་སུ་དག་པ། མངོན་པར་ཤེས་པ་ལྔས་རྣམ་པར་རྩེན་པ༢་མཐུ་ཐོབ་པ་དང་། ཡེ་ཤེས་ལ་རྟོན་པ༣་སོ་སོ་རང་གིས་རྟོགས་པའི་ཡོན་ཏན་བསྟན་ཏེ་ཚད་མར་བཤད་ཀྱི་དོན་ཙམ་ཤེས་པ་ནི་མིན་ནོ། །དེ་ལྟར་ཚིག་གསུམ་གྱིས་གྲུབ་པའི་ལས་སམ་རྟགས་སོ་དང་། ༧ སྒྲུབ་པ་དང་ལོག་པར་སྒྲུབ་པ་ལ་གནས་པའི་སེམས་ཅན་རྣམས་མི་ག༡ཏོང་བ་ཚོགས་ཡོངས་སུ་༢སྡུ༩ད་པའི་ཡོན་ཏན་དང་། ཚིག་གཅིག་ཏུ་ཆད་པ༢་ཐེ་ཚོམ་མེད་པར་འདོམས་ཤིང་རྗེས་སུ་སྟོན་པ་དང་། ཆོས་ཀྱི་བདེན་པ་གཅེས་སུ་བྱེད་པ༣་ཆོས་དང་ཟང་ཟིང་གིས་སྡུད་པ་དང་། བྱང་ཆུབ༣༣་ཀྱིས་སེམས༤་ཀུན་ཉོན་ཅན་མིན་པ་དེ་སྔོན་དུ་འགྲོ་བ་ཞེས་ཚིག་བཞིས་དེས་འཇོག་པའི་ལས་སོ། །ཇི་སྐད་གསུངས་པ་ལྟ་བུ་སྟེ། ཚིག་འདི་རྣམས་ཀྱིས་ཀྱང་ཚིག་དང་པོ་རྒྱས་པར་བཤད་པའམ་རབ་ཏུ་དབྱེ་བར་རིག་པར་བྱའོ། །དེ་ཇི་ལྟར་ཞེ་ན། སེམས་ཅན་ཐམས་ཅད་ལ་ཕན་བདེ་བྱ་བའི་ལྷག་པའི་བསམ་པའི་ཚིག་འདི་ནི་ལྷག་བསམ་དེས་གཞན་ལ་འཇོག་པའི་ལས་བཅུ་དྲུག་གིས་རབ་ཏུ་དབྱེ་བར་རིག་པར་བྱ་སྟེ། དེ་ལ་ལས་བཅུ་དྲུག་ནི། གཅིག་ནས་གཅིག་ཏུ་ ― MR12_Page_0583 ―
[མ་དཔེ་གཟིགས་ན་འདིར་གནོན།]
བརྒྱུད་པའི་སྦྱོར་བའི་ལས༡་དང་། ཕྱིན་ཅི་ལོག་མེད་པའི་ལས༢་དང་། གཞན་གྱིས་བྱེད་དུ་མ་བཅུག་པར་ལྷག་པའི་བསམ་པས་བདག་ཉིད་སྦྱོར་བའི་ལས་༣ དང་། མི་འཁྲུགས་པའི་ལས༤་དང་། ཟང་ཟིང་དང་མ་འདྲེས་པ་དང་། ཕན་འདོགས་པ་དང་། གནོད་པ་བྱེད་པ་ལ་རྗེས་སུ་ཆགས་པ་དང་ཁོང་ཁྲོ་བ་མེད་པ་དང་། ཚེ་རབས་གཞན་དུ་ཡང་རྗེས་སུ་འཇུག་པ་དང་། ཚིག་གསུམ་གྱིས་ཟང་ཟིང་མེད༥་པའི་ལས་དང་། ཚིག་གཉིས་ཀྱིས་དེ་དང་མཐུན་པའི་ངག་དང་ལུས་ཀྱི་ལས༦་དང་། བདེ་སྡུག་གཉིས་སུ་མེད་པར་མཉམ་པ་ཉིད་ཀྱི་ལས༧་དང་། མི་ཞུམ་པའི་ལས༨་དང་། མི་བཟློག་པའི་ལས༩་དང་། ཐབས་ཡོངས་སུ་འཛིན་པའི་ལས༡༠་དང་། ཚིག་གཉིས་ཀྱིས་མི་མཐུན་པའི་ཕྱོགས་ལས་འདུན་པ་བཟློག་པའི་ལས༡༡་དང་། རྒྱུན་མི་འཆད་པར་དེ་ཡིད་ལ་བྱེད་པའི་ལས༡༢་དང་། ཕར་ཕྱིན་དྲུག་ལ་ཡང་དག་པར་སྦྱོར་བའི་ལས་དང་། བསྡུ་བའི་དངོས་པོ་ལ་སྦྱོར་བ་དང་། ཚིག་བདུན་གྱིས་ཁྱད་པར་དུ་འགྲོ་བའི་ལས༡༣་དང་། སྐྱེས་བུ་དམ་པ་ལ་བརྟེན་པ༡་དང་།དམ་པའི་ཆོས་གུས་པར་ཚུལ་བཞིན་ཉན་པ༢་དང་། དགོན་པ་ལ་གནས་པ༣་དང་། རྣམ་པར་རྟོག་པ་བཟང་པོ་མ་ཡིན་པ་ཆགས་པས་གླུ་གར་སོགས་འཇིག་རྟེན་པའི་བྱ་བ་སྣ་ཚོགས་ཡོངས་སུ་སྤོང་བ་དང༤་། མདོའི་ཚིག་གཉིས་ཀྱིས་ཡིད་ལ་བྱེད་པའི་ཡོན་ཏན་དང༥་། གཉིས་ཀྱིས་གྲོགས་ཀྱི་ཡོན་ཏན་དང༦་། ཚིག་དྲུག་གིས་གྲུབ་པར་བྱ་བའི་ཕྱིར་སྦྱོར་བའི་ལས༡༤་དང་དེ་ནི་གང་གིས་ཐུབ་བྱེད་དོ། །ཚད་མེད་པ་ཡོངས་སུ་དག་པ་དང་། མཐུ་ཐོབ་པ་དང་། རྟོགས་པའི་ཡོན་ཏན་དང་། ཚིག་གསུམ་གྱིས་གྲུབ༡༥་པའི་ལས་དང་། ― MR12_Page_0584 ―
[མ་དཔེ་གཟིགས་ན་འདིར་གནོན།]
ལོག་སྒྲུབ་ཅན་མི་གཏོང་བའི་སྙིང་རྗེས་ཚོགས་ཡོངས་སུ་སྡུད་པའི་ཡོན་ཏན་དང་། ཐེ་ཚོམ་མེད་པར་འདོམས་ཤིང་རྗེས་སུ་སྟོན་པ་དང་ཐེ་ཚོམ་ཅན་གྱི་ཚིག་གཟུང་ངོས་སུ་མི་འགྱུར་རོ། །ཁ་ཙམ་མིན་པའི་བདེན་པ་གཅེས་སྤྲས་སུ་བྱེད་པ་གཅིག་ནི་ཆོས་དང་ཟང་ཟིང་གིས་སྡུད་པ་དང་། བྱང་ཆུབ་སེམས་ཀྱིས་ཟིན་པས་སེམས་ཀུན་ཉོན་ཅན་མིན་པ་དང་། ཚིག་བཞིས་དེས་འཇོག་པའི་ལས་དང་༡༦། ཚིག་འདི་རྣམས་ཀྱིས་ཚིག་དང་པོ་རབ་ཏུ་དབྱེ་བར་རིག་པར་བྱའོ། །དང་པོའི་ཚིག་ནི་ཉེར་བཟུང་ནས། །ཚིག་དེ་རབ་ཏུ་དབྱེ་བ་ནི་ཀུན་ནས་ཡོན་ཏན་རྗེས་སུ་འགྲོ་བ་སྟེ་རྣམ་དག་བློ་སོགས་བཞིན་ནོ། །དང་པོའི་ཚིག་ནི་ཕན་བདེའི་བསམ་པ་ཉེར་བཟུང་ནས། །ཐ་དད་དོན་གྱིས་ཐ་དད་ཚིག །ཅེས་ཇི་སྐད་གསུངས་པ་ལྟ་བུའོ། །ཤེས་བྱའི་མཚན་ཉིད་ཀྱི་ལེའུ་གཉིས་པའོ། ༈ །གསུམ་པ་ཤེས་བྱའི་མཚན་ཉིད་ལ་ཇི་ལྟར་འཇུག་པ་བལྟ་བར་བྱ། ཞེ་ན། མང་དུ་ཐོས་པས་རྒྱུད་བསྒོས་པའི་གནས་ཀུན་གཞིའི་རྣམ་ཤེས་ཀྱིས་བསྡུས་པ་མ་ཡིན་ལ། ཀུན་གཞིའི་རྣམ་ཤེས་ཀུན་ཉོན་གྱི་རྒྱུ་ཡིན་པ་ལྟར་འདི་ཡང་རྣམ་བྱང་གི་ས་བོན་ཡིན་པ་ཚུལ་བཞིན་ཡིད་ལ་བྱེད་པས་བསྡུས་པ། མདོ་སོགས་ཆོས་དང་བདག་མེད་སོགས་དོན་སྣང་བ་སྣ་ཚོགས་སྣང་བ་འབྱུང་བའི་ཚུལ་ཅན། གཟུང་བའི་དངོས་པོའི་གནས་ལྟ་བུར་སྣང་བ། ལྟ་བ་རྣ་བའི་རྣམ་ཤེས་དང་བཅས་པའི་ཡང་ན་ལྟ་བ་དང་བཅས་ཏེ་གཟུང་འཛིན་རྣམ་རྟོག་གཞན་ཡིད་ཀྱི་བརྗོད་པ་རྣམས་ཀྱི་ས་བོན་གང་ཡིན་པའོ། །ཤེས་བྱའི་མཚན་ཉིད་ལ་འཇུག་པ་པོ་སུ་ཞེ་ན། སེམས་ཀྱི་རྒྱུད་ཐེག་པ་ཆེན་པོའི་ཆོས་མང་དུ་ཐོས་པས་བསྒོས་པ། སངས་རྒྱས་འབྱུང་བ་ཚད་མེད་པ་མཉེས་པར་བྱ་བ་ནི་མངོན་དུ་བྱེད་པ་ ― MR12_Page_0585 ―
[མ་དཔེ་གཟིགས་ན་འདིར་གནོན།]
སྟེ་འདིས་དེ་ཐོབ་པ། གཅིག་ཏུ་མོས་པ་མི་ཕྱེད་པ་ཅན་གྱི་མང་ཐོས་སོགས་འདི་གསུམ་གྱིས་དགེ་རྩ་ལེགས་པར་བསགས་པའི་ཕྱིར། བསོད་ནམས་ཡེ་ཤེས་ཀྱི་ཚོགས་ལེགས་པར་བསགས་པའི་བྱང་ཆུབ་སེམས་དཔའོ། །གང་དུ་འཇུག་ཅེ་ན། ལྟ་བ་དང་བཅས་པའི་ཆོས་དང་དོན་སྣང་བའི་ཡིད་ཀྱི་བརྗོད་པ་ཐེག་པ་ཆེན་པོའི་ཆོས་ཀྱི་རྒྱུ་ལས་འབྱུང་བ་དེ་ཉིད་འཇུག་བྱའི་ཡུལ་ཡིན་པས་གཞི་ཉིད་དུ་བརྗོད་ལ། མོས་སྤྱོད་ཀྱི་ས་དང་། མཐོང་སྒོམ་མཐར་ཕྱིན་པའི་ལམ་ལ་འཇུག་སྟེ། མོས་སྤྱོད་དུ་ཆོས་ཐམས་ཅད་རྣམ་རིག་ཙམ་དུ་རྗེས་སུ་སྒྲོགས་པ་ལ་མོས་པ་དང་། མཐོང་ལམ་དུ་དེ་ཇི་ལྟ་བཞིན་སེམས་ཅན་མེད། ཆོས་མེད། གཟུང་བ་མེད། འཛིན་པ་མེད་པར་རབ་ཏུ་རྟོགས་པ་དང་། བསྒོམ་ལམ་དུ་ཉོན་ཤེས་ཀྱི་སྒྲིབ་པ་ཐམས་ཅད་ཀྱི་གཉེན་པོ་བསྒོམ་པ་དང་།མཐར་ཕྱིན་པའི་ལམ་དུ་སྒྲིབ་པ་མེད་པའི་ཕྱིར་རབ་ཏུ་རྟོགས་པ་རྣམ་པ་བཞིའི་རིམ་པ་དེ་བཞིན་འཇུག་གོ། ཇི་ལྟར་ཐབས་གང་གིས་འཇུག་ཅེ་ན། ཚོགས་གཉིས་ཀྱི་དགེ་བའི་རྩ་བའི་སྟོབས་བསྐྱེད་པ་དང་། དེར་སེམས་མི་ཞུམ་པར་བྱ་ཕྱིར་རྣམ་པ་གསུམ་གྱིས་སེམས་སྦྱོང་བ་དང་། གནས་བཞི་སྤོང་བ་དང་། མདོ་སོགས་ཆོས་དང་དེས་བརྗོད་བྱའི་དོན་ལ་དམིགས་པའི་ཞི་གནས་དང་ལྷག་མཐོང་བསྒོམ་པ་ལ་རྟག་ཏུ་གུས་པར་བྱས་ཏེ་སྦྱོར་བ་ལ་བག་ཡོད་པས་འཇུག་གོ། རྣམ་པ་གསུམ་གྱིས་སེམས་སྦྱོང་བ་ནི། འཇིག་རྟེན་གྱི་ཁམས་དཔག་ཏུ་མེད་པ་རྣམས་ཀྱིས་མིར་གྱུར་པ་དཔག་མེད་པ་དག་སྐད་ཅིག་གཅིག་ལ་དུས་མཉམ་པར་བླ་མེད་རྫོགས་བྱང་དུ་འཚང་རྒྱ་བས་བདག་གིས་ཀྱང་དེ་ཅིས་མི་ཐོབ་སྙམ་དུ་ཞུམ་པ་མེད་པར་བྱེད་པ་ནི་སེམས་སྦྱོང་བ་དང་པོའོ། །བྱང་ཆུབ་སེམས་དཔའ་ ― MR12_Page_0586 ―
[མ་དཔེ་གཟིགས་ན་འདིར་གནོན།]
བསམ་པ་གང་གིས་སྦྱིན་སོགས་ཕར་ཕྱིན་རྣམས་ལ་ཀུན་ཏུ་སྤྱོད་པའི་བསམ་པ་སེར་སྣ་མེད་པ། འདོད་པ་ལ་རྣམ་རྟོག་མེད་པ། གནོད་སེམས་མེད་པ། ལེ་ལོ་མེད་པ། གཉིད་རྨུགས་མེད་པ། མ་རིག་པ་མེད་པ་དེ་བདག་གིས་ཐོབ་སྟེ། བསམ་པ་ཁྱད་འཕགས་ཐོབ་ན་སྦྱིན་སོགས་ངང་གིས་འབྱུང་བས་དེས་བདག་ཚེགས་ཆུང་ངུས་ཕར་ཕྱིན་རྣམས་ཡོངས་སུ་རྫོགས་པར་འགྱུར་རོ་སྙམ་པ་སྦྱོང་བ་གཉིས་པའོ། །འཇིག་རྟེན་པའི་སྒྲིབ་པ་དང་བཅས་པའི་དགེ་ཆོས་དང་ལྡན་པ་རྣམས། འཕྲལ་དུ་ཤི་ན་འཕྲལ་དུ་འདོད་པ་བཞིན་ལུས་ཕུན་སུམ་ཚོགས་པར་སྐྱེ་ན། བདག་མི་མཐུན་ཕྱོགས་སྤངས་པ་དགེ་བ་སྒྲིབ་པ་མེད་པའི་དགེ་བ་དང་ཤིན་ཏུ་ལྡན་པ་འཕྲལ་དུ་ཐམས་ཅད་ཕུན་སུམ་ཚོགས་པར་ཅིས་མི་འགྱུར་སྙམ་པ་ནི་སེམས་སྦྱོང་བ་གསུམ་པའོ། །དོན་དེ་ཚིགས་སུ་བཅད་པ། གང་ཕྱིར་སེམས་ཅན་དཔག་མེད་པ། །མིར་གྱུར་སྐད་ཅིག་རེ་རེ་ལ། །རྫོགས་པའི་བྱང་ཆུབ་ཐོབ་གྱུར་པ། །དེ་ཕྱིར་ཞུམ་པར་མི་བྱའོ། །བསམ་པ་གང་གིས་ལེགས་པའི་ཡིད་དགེ་སེམས་ཀྱིས། །སྦྱིན་པ་ལ་སོགས་བྱེད་པ་ཡི། །བསམ་པ་ནི་རྫོགས་བྱང་གི་ཕྱིར་དང་སེམས་ཅན་ཕན་བདེའི་ཕྱིར་བྱེད་པའོ་དེ་ཐོབ་བརྟན་པ་བྱང་སེམས་རྣམས་ཀྱི། །སྦྱིན་པ་དང་ཚུལ་ཁྲིམས་ལ་སོགས་ཏེ་འཇིག་རྟེན་མིན་པ་ཉིད་དུ་བརྗོད། །འཇིག་རྟེན་པའི་དགེ་བ་དང་ལྡན་པ་ཤི་མ་ཐག །འདོད་བཞིན་སྲིད་རྩེའི་བར་གྱི་ཕུན་སུམ་ཚོགས་ལུས་ཐོབ་ན། །མི་མཐུན་ཕྱོགས་སྤངས་པ་ཡི་དགེ་ལྡན་འཕྲལ་དུ་ཡང་། །སངས་རྒྱས་ཀྱི་བར་གྱི་ཕུན་སུམ་ཚོགས་པ་ཅིས་མི་འཐོབ། ༧ །གནས་བཞི་སྤོང་བ་ནི། ཡིད་ལ་བྱེད་པ་སྤངས་པས་ཉན་རང་གི་ཡིད་བྱེད་ཡོངས་སུ་སྤོང་བ་དང་། །ཡིད་གཉིས་ ― MR12_Page_0587 ―
[མ་དཔེ་གཟིགས་ན་འདིར་གནོན།]
དང་སོམ་ཉི་སྤངས་པས་ཐེག་པ་ཆེན་པོ་ལ་ཐེ་ཚོམ་ཐམས་ཅད་མེད་པ་དང་། ཆོས་ལ་མངོན་ཞེན་སྤངས་བས་ཐོས་པ་དང་བསམ་པའི་ཆོས་ལ་ང་དང་ང་ཡིར་འཛིན་པའི་མངོན་ཞེན་ཡོངས་སུ་སྤང་བ་དང་། རྣམ་པར་རྟོག་པ་སྤངས་པས་ཏིང་ངེ་འཛིན་གྱི་བློའི་མདུན་ན་གནས་པ་དང་བཞག་པའི་མཚན་མ་ཐམས་ཅད་ཡིད་ལ་མི་བྱེད་ཅིང་རྣམ་པར་མི་རྟོག་པའི་ཕྱིར་རོ། ༧ །གཟུགས་སོགས་མཚན་མ་གང་ཞིག་རང་བཞིན་གྱིས་མདུན་དུ་གནས་པའམ་བཞག་དང་། །གང་ཡང་བདག་ཉིད་ཀྱིས་ཆེད་དུ་བརྩལ་ཏེ་ཏིང་ངེ་འཛིན་གྱི་མཚན་མ་ལ་གནས་པ་རྣམས། །ཀུན་ལ་བློ་ལྡན་མི་རྟོག་ན། །བྱང་ཆུབ་དམ་པ་ཐོབ་པར་འགྱུར་གཟུགས་ནས་རྣམ་མཁྱེན་བར་གྱི་ཆོས་ལ་མཚན་མར་མངོན་ཞེས་མི་བྱའོ། ༧ །བྱེད་པ་གང་གིས་ཇི་ལྟར་བྱ་བ་ལ་འཇུག་ཅེ་ན། །ཐེག་ཆེན་ཆོས་ཐོས་པས་བག་ཆགས་ཀྱི་རྒྱུ་ལས་བྱུང་བ། ཚུལ་བཞིན་ཡིད་ལ་བྱེད་པས་བསྡུས་པ། མདོ་སོགས་ཆོས་དང་དོན་སྣང་བ་ལྟ་བ་དང་བཅས་པའི་ཡིད་ཀྱི་བརྗོད་པ་བྱེད་པོ་དང་། སྦྱོར་བ་ཡོངས་སུ་ཚོལ་བ་བཞི་སྟེ། བྱ་བ་མིང་དང་དོན་དང་ངོ་བོ་ཉིད་དང་། བྱེ་བྲག་ཏུ་བཏགས་པ་ཡོངས་སུ་ཚོལ་བ་རྣམས་དང་། ཡང་དག་ཇི་ལྟ་བ་བཞིན་རྟོགས་པའི་དུས་ན་ཡོངས་སུ་ཤེས་པ་བཞི་སྟེ། མིང་དང་དོན་གྱི་དངོས་པོ་དང་དེའི་ངོ་བོ་ཉིད་དང་ཁྱད་པར་དུ་བཏགས་པ་བཞི་དང་། ངོ་བོ་ཉིད་དང་ཁྱད་པར་གྱི་དོན་ཡང་དག་པ་ཇི་ལྟ་བ་བཞིན་ཡོངས་སུ་ཤེས་པ་རྣམས་ཀྱིས་འཇུག་སྟེ་དེ་དག་མིང་དམིགས་པའི་ཕྱིར་རོ། །དེ་ཡང་འདི་ལྟར་བྱང་སེམས་རྣམ་རིག་ཙམ་ལ་འཇུག་པར་བརྩོན་པ་དེ་ལྟ་བུ་དེ་ལྟར་གྱུར་པ་དེ། ཡི་གེ་དང་དོན་སྣང་བའི་ཡིད་ཀྱི་བརྗོད་པ་དེ་ལ་ཡི་གེའི་ ― MR12_Page_0588 ―
[མ་དཔེ་གཟིགས་ན་འདིར་གནོན།]
རང་བཞིན་དུ་གྱུར་པའི་མིང་དེ་ཡང་ཡིད་ཀྱི་རྟོག་པ་ཙམ་དུ་ཟད་པ་ཡང་དག་པར་རྟོག་གོ། ཡི་གེ་ལ་བརྟེན་པའི་དོན་དེ་ཡང་ཡིད་ཀྱི་བརྗོད་པ་ཙམ་དུ་ཉིད་དུ་ཡང་དག་པར་རྟོག་གོ། མིང་དེ་ཡང་དོན་དེའི་ངོ་བོ་ཉིད་དང་། ངོ་བོ་དེའི་ཁྱད་པར་དུ་བཏགས་པར་ཟད་པ་ཙམ་དུ་ཡང་དག་པར་རྟོག་གོ། དེའི་ཕྱིར་ཡིད་ཀྱི་བརྗོད་པ་ཙམ་དུ་ཟད་པ་ཉིད་དུ་དམིགས་ཤིང་། མིང་དང་བཅས་པའི་དོན་གང་ཞིག་ངོ་བོ་ཉིད་དང་ཁྱད་པར་དུ་བཏགས་པ་ཡི་སྒྲ་གཉིས་དང་བཅས་ཤིང་། ངོ་བོ་ཉིད་དང་ཁྱད་པར་དུ་བྱས་པའི་དོན་གཉིས་བཅས་པ་ཕྱི་རོལ་ལྟར་ཀུན་བརྟགས་པའི་དོན་གྱི་མཚན་ཉིད་དུ་མི་དམིགས་པ་ན། ཐབས་སུ་གྱུར་པ་ཡོངས་སུ་ཚོལ་བ་བཞི་དང་། དེ་ཡི་འབྲས་བུ་ཡང་དག་པ་ཇི་བཞིན་ཡོངས་སུ་ཤེས་པ་བཞི་པོ་དག་གིས་ཡི་གེ་དང་དོན་སྣང་གི་ཡིད་ཀྱི་རྣམ་པར་རྟོག་པ་དེ་དག་ལ་རྣམ་པར་རིག་པ་ཙམ་ཉིད་དུ་འཇུག་གོ། དེ་ཡང་མིང་ཡོངས་སུ་ཚོལ་བའི་འབྲས་བུ་མིང་མི་དམིགས་པ། དངོས་པོ་ཡོངས་སུ་ཚོལ་བའི་འབྲས་བུ་དངོས་པོ་མི་དམིགས་པ། དེ་བཞིན་དུ་ངོ་བོ་ཉིད་དང་ཁྱད་པར་དུ་གདགས་པ་ལ་སྦྱར་ཏེ་བཞིའོ། །རྣམ་རིག་ཙམ་ལ་འཇུག་ཅེས་ཇི་སྐད་བྱ། ཅི་འདྲ་བར་འཇུག་ཅེ་ན། རྣམ་རིག་དེ་ཙམ༡་ཉིད་དང་། འདིར་ཕྱི་དོན་མེད་པ་འབའ་ཞིག་མིན་ཏེ། རྣམ་པར་རིག་པའི་དོན་གྱིས་ཀྱང་དོན་མེད་པ་ཡིན་ནོ། །སྐྱེ་མཆེད་བཅུ་གཉིས་དང་འཇིག་རྟེན་པའི་དོན་གྱི་ཐ་སྙད་ཀྱི་རྗེས་སུ་ཞུགས་པ་ཇི་ལྟ་བུ་ཞེ་ན་རྒྱུ་མཚན་ལྟ་བ་དང་བཅས་པ༢་གཉིས་ལས་སྐྱེ་མཆེད་བཅུ་གཉིས་སུ་བཏགས་པ་དང་། ཅི་གཉིས་པོ་རིགས་གཞན་ནམ་མིན་ཞེ་ན། རྣམ་ཤེས་གཅིག་ཉིད་སྣ་ཚོགས་ཀྱི་རྣམ་པ་ཉིད༣་ལ་དུས་གཅིག་སྣང་ཞིང་འཇུག་སྟེ། དེ་ལྟ་ན་མིང་དང་དོན་དང་ངོ་བོ་ཉིད་དང་ཁྱད་པར་དུ་བཏགས་པ་དང་། ― MR12_Page_0589 ―
[མ་དཔེ་གཟིགས་ན་འདིར་གནོན།]
ངོ་བོ་ཉིད་དང་ཁྱད་པར་གྱི་བཏགས་དོན་རྣམ་པ་དྲུག་པོ་དོན་མེད༡་པ་ཉིད་དང་། དེ་དག་མེད་བཞིན་སྣང་བ་གཟུང་བ་དང་འཛིན་པའི་དངོས་པོར་ཉེ་བ༢ར་གནས་པ་དང་། ལྷན་ཅིག་ཏུ་སྣ་ཚོགས༣་ཀྱི་དོན་སྣང་བ་འགྱུར་བའི་ཕྱིར་རོ། ༧ །དཔེར་ན་མུན་ཁུང་ན་སྦྲུལ་དུ་སྣང་བའི་དོན་མེད་པར་ཐག་པ་ལ་དེའི་བློ་འཇུག་པ་བཞིན་དུ། དེས་ན་སྦྲུལ་མེད་པའི་ཕྱིར་ཐག་པ་ལ་སྦྲུལ་དུ་འཛིན་པ་ནི་ནོར་བའམ་འཁྲུལ་བ་སྟེ། དེའི་དོན་རྟོགས་པ་རྣམས་ནི་ཐག་པ་ལ་སྦྲུལ་གྱི་བློ་ལྡོག་ཅིང་ཐག་པའི་བློར་གནས་པ་བཞིན་ནོ། །ཐག་པ་དེ་ཡང་རྣམ་པ་ཕྲ་མོར་གཞིག་པར་བྱས་ན་ཐག་འཛིན་ཡང་ནོར་བ་སྟེ། ཐག་པ་ནི་ཁ་དོག་དང་དྲི་དང་རོ་དང་རིག་པའི་མཚན་ཉིད་ཅན་གྱི་དུ་མའི་ཚོགས་པ་ཡིན་པའི་ཕྱིར་རོ། །ཇི་ལྟར་ཁ་དོག་ལ་སོགས་པར་དབྱེ་བའི་བློ་ལ་བརྟེན་ཏེ་ཐག་པའི་བློ་ཡང་བཟློག་པར་བྱ་བ་དེ་བཞིན་དུ། ཡོངས་སུ་གྲུབ་པའི་ངོ་བོ་ཉིད་ཀྱི་དོན་ཤེས་པའི་བློ་ལ་བརྟེན་དེ་ཡི་གེ་སོགས་དང་དོན་རྣམ་པ་དྲུག་སྣང་བའི་ཡིད་ཀྱི་རྟོག་པ་དེ་དག་ལ་ཇི་ལྟར་སྦྲུལ་གྱི་བློ་བསལ་བ་བཞིན་དུ་དོན་རྣམ་པ་དྲུག་པོ་དེ་ལ་དེ་ལྟར་གྲུབ་པ་ཡང་དག་པའི་དོན་བསལ་ན། རྣམ་པར་རིག་པ་ཙམ་གྱི་བློ་ཡང་རྣམ་པར་གཞིག་པར་བྱ་བ་ཉིད་ཡིན་ནོ། །དེ་ལྟར་བྱང་ཆུབ་སེམས་དཔའ་འདིས་ཡིད་ཀྱི་བརྗོད་པ་དོན་སྣང་བའི་དོན་གྱི་མཚན་ཉིད་ལ་འཇུག་པས། ཀུན་བརྟགས་པའི་ངོ་བོ་ཉིད་ལ་འཇུག་པ་ཡིན་ནོ། །རྣམ་པར་རིག་པ་ཙམ་ལ་འཇུག་པས། གཞན་གྱི་དབང་གི་ངོ་བོ་ཉིད་ལ་འཇུག་པ་ཡིན་ནོ། ༧ །ཡོངས་གྲུབ་པའི་ངོ་བོ་ཉིད་ལ་ཇི་ལྟར་འཇུག་ཅེ་ན། རྣམ་པར་རིག་པ་ཙམ་གྱི་འདུ་ཤེས་ཀྱང་བཟློག་ནས་འཇུག་ ― MR12_Page_0590 ―
[མ་དཔེ་གཟིགས་ན་འདིར་གནོན།]
སྟེ་གཟུང་བ་མེད་ན་འཛིན་པའང་མེད་པའི་ཕྱིར་རོ། །དེའི་ཚེ་བྱང་ཆུབ་སེམས་དཔའ་དོན་གྱི་འདུ་ཤེས་རྣམ་པར་བཤིག་པ་དེ་ལ་ཡིད་ཀྱི་བརྗོད་པ་ཐོབ་པའི་ཆོས་ཀྱི་བག་ཆགས་ཀྱི་རྒྱུ་ལས་བྱུང་བ་དེ་དག་དོན་དུ་སྣང་བ་ཐམས་ཅད་འབྱུང་བའི་སྐབས་མེད་པ་ཡིན་ནོ། །གཟུང་བ་མེད་པ་དེས་ན་རྣམ་པར་རིག་པ་ཙམ་དུ་སྣང་བ་ཡང་མི་འབྱུང་སྟེ། གང་གི་ཚེ་མདོ་སོགས་ཆོས་གང་ཡིན་པ་འདི་ཐམས་ཅད་ནི་མིང་ཙམ་མོ་ཞེས་དོན་ཐམས་ཅད་ལ་རྣམ་པར་མི་རྟོག་པའི་མིང་ལ་གནས་ཤིང་། ཐམས་ཅད་མིང་ཙམ་ཁོ་ན་སྟེ། །རྟོག་པ་ཐམས་ཅད་འཇུག་པ་མེད། །མིང་དུ་སྣང་བའི་རྣམ་རིག་ལ། །མིང་ཞེས་ཉེ་བར་འདོགས་པར་བྱེད། །ཅེས་བཤད་པ་ལྟ་བུའོ། །ཆོས་ཀྱི་དབྱིངས་ལ་སོ་སོ་ཡང་དག་པར་རིག་པས་མངོན་སུམ་གྱི་ཚུལ་གྱིས་གནས་པ་དེའི་ཚེ། བྱང་ཆུབ་སེམས་དཔའ་དེའི་དམིགས་པར་བྱ་བ་དང་།དམིགས་པར་བྱེད་པ་གཉིས་ཀ་མེད་པར་མཉམ་པས་དེ་གཉིས་ཀྱི་ཁྱད་པར་དུ་བྱར་མེད་པ་མཉམ་པའི་ཡེ་ཤེས་རྣམ་པར་མི་རྟོག་པ་འབྱུང་སྟེ། དེ་ལྟར་ན་བྱང་ཆུབ་སེམས་དཔའ་འདི་ཡོངས་སུ་གྲུབ་པའི་ངོ་བོ་ཉིད་ལ་ཞུགས་པ་ཡིན་ནོ། །གཟུགས་སོགས་ཆོས་དང་ལྷ་སྦྱིན་དང་དད་པས་རྗེས་འབྲང་སོགས་གང་ཟག་མདོ་སྡེ་སོགས་ཆོས་དང་དེའི་བརྗོད་བྱའི་དོན། །བསྡུས་པ་ཆོས་ཐམས་ཅད་བདག་མེད་པ་ལྟ་བུ་དང་ནི་གཟུགས་བདག་མེད་ཚོར་བ་བདག་མེད་སོགས་རྒྱས་དང་ཡིག་འབྲུ་ཨ་སོགས་རིགས། །མ་དག་པ་སོ་སྐྱེ་དང་དག་པ་འཕགས་པ་དང་མཐའ་ཤེར་ཕྱིན་དང་ས་བཅུ་པ་སོགས་བསྡུས་དོན་ལ་དམིགས་པ། རབ་ཏུ་དབྱེ་བས་མིང་གི་ཡུལ། །དེ་ལྟར་ན་བྱང་སེམས་འདི་ཤེས་བྱའི་མཚན་ཉིད་ལ་རྣམ་རིག་ཙམ་ཉིད་དུ་འཇུག་པས་ཞུགས་པ་ཡིན་ཏེ། དེར་ཞུགས་པས་ས་རབ་ཏུ་དགའ་བ་ལ་ཞུགས་ ― MR12_Page_0591 ―
[མ་དཔེ་གཟིགས་ན་འདིར་གནོན།]
པ་ཡིན་ཏེ། ཆོས་ཀྱི་དབྱིངས་མངོན་སུམ་དུ་ལེགས་པར་རྟོགས་པ་དང་། དེ་བཞིན་གཤེགས་པའི་རིགས་ནི་ཆོས་དབྱིངས་ཡིན་ལ་དེ་རྟོགས་ཤིང་སངས་རྒྱས་ཀྱི་སྲས་སུ་སྐྱེས་པ་དང་། སེམས་ཅན་ཐམས་ཅད་ལ་སངས་རྒྱས་ཀྱི་སྙིང་པོ་ཡོད་པར་མཐོང་བས་སེམས་བདག་མེད་པར་མཉམ་པ་དང་། བྱང་སེམས་ཐམས་ཅད་ལ་སེམས་མཉམ་པ་དང་དེ་དག་གི་གནས་གང་ཡིན་པ་དེ་བདག་གི་ཡང་ཡིན་པས་སོ། །སངས་རྒྱས་ཐམས་ཅད་ལ་དེ་དག་གི་ཆོས་སྐུ་གང་ཡིན་པ་འཐོབ་པའི་ཕྱིར་སེམས་མཉམ་པ་ཐོབ་པ་ཡིན་ཏེ། དེ་ནི་དེའི་མཐོང་ལམ་ཡིན་ནོ། །ཅིའི་ཕྱིར་ཡང་རྣམ་རིག་ཙམ་དེ་ལ་འཇུག་ཅེ་ན། འདྲེས་པའི་ཆོས་ལ་དམིགས་པ་ཆོས་ཐམས་ཅད་ཀྱི་དེ་བཞིན་ཉིད་ཐེག་ཆེན་ཐམས་ཅད་ཀྱི་བསྟན་དོན་མདོར་བསྡུས་ཏེ་དམིགས་པའོ་འཇིག་རྟེན་ལས་འདས་པའི་ཞི་ལྷག་གི་ཤེས་པ་དང་། དེའི་རྗེས་ཐོབ་ཆོས་རྣམས་ཀྱི་རྒྱུ་འབྲས་ངོ་བོ་ཉིད་དང་བླ་ན་ཡོད་མེད་སོགས་སྣ་ཚོགས་ཀྱི་གཟུང་འཛིན་གྱི་རྣམ་ཅན་རྣམ་པར་རིག་པའི་ཤེས་པས། ཀུན་གཞི་རྣམ་པར་ཤེས་པའི་ས་བོན་གཟུགས་སོགས་རྒྱུ་མཚན་དང་བཅས་པ་ཐམས་ཅད་སྤངས་ནས་ཆོས་ཀྱི་སྐུ་ལ་རེག་པར་འགྱུར་བའི་ཐེག་ཆེན་ཐོས་པའི་བག་ཆགས་ཀྱི་ས་བོན་སྤེལ་ཏེ་དེ་བཞིན་ཉིད་རྟོགས་པས་གནས་གྱུར་ནས་སངས་རྒྱས་ཀྱི་ཆོས་སྟོངས་སོགས་ཐམས་ཅད་ཡང་དག་པར་འགྲུབ་པའི་སྒོ་ནས་ཐམས་ཅད་མཁྱེན་པའི་ཡེ་ཤེས་ཐོབ་པའི་ཕྱིར་འཇུག་གོ། ༧ །རྗེས་ལ་ཐོབ་པའི་ཤེས་པ་དེ་ནི་ཀུན་གཞི་རྣམ་པར་ཤེས་པ་རྒྱུ་ཐམས་ཅད་རབ་ཏུ་སྐྱེ་བ་དང་། འབྲས་བུ་རྣམ་པར་རིག་པའི་མཚན་མ་ཐམས་ཅད་ལ་ཞེས་གཞན་དབང་གི་ངོ་བོ་ཇི་བཞིན་མཐོང་བས་སྒྱུ་མ་ལྟ་བུ་ལ་ཉིད་ལ་སོགས་པར་ལྟ་བས་རང་བཞིན་གྱིས་ཕྱིན་ཅི་ལོག་དང་ནོར་བ་མེད་པར་ ― MR12_Page_0592 ―
[མ་དཔེ་གཟིགས་ན་འདིར་གནོན།]
རྟོགས་པ་འབྱུང་ངོ་། །དེས་ན་བྱང་སེམས་དེ་ཇི་ལྟར་རྩྭ་སོགས་ལ་སྔགས་ཀྱིས་སྒྱུ་མ་བྱས་པའི་ཆོས་རྣམས་ལ་སྒྱུ་མ་མཁན་བཞིན་དུ། ཆོས་རྣམས་རྒྱུ་དང་འབྲས་བུར་བཅས་པ་སྟོན་པ་ལ་ཡང་དུས་ཐམས་ཅད་དུ་ཕྱིན་ཅི་ལོག་མེད་པ་ཡིན་ནོ། །རྗེས་ཐོབ་འདི་རྣམ་པར་མི་རྟོག་པ་ཡང་མིན། རྣམ་རྟོག་ཀྱང་མིན་ཏེ་ཉོན་མོངས་མེད་པས་སོ། །རྣམ་རིག་ཙམ་ཉིད་ལ་འཇུག་པ་དེ་ལ། ཏིང་འཛིན་བཞི་ལ་གནས་པའི་ངེས་འབྱེད་ནི་བདག་མེད་པའི་དེ་ཉིད་མཐོང་བ་ཡིན་ལ་དེ་དང་ཆ་མཐུན་སྦྱོར་ལམ་བཞི་ཇི་ལྟར་བལྟ་ཞེ་ན། ཡོངས་ཚོལ་བཞི་པོ་དེས་བཟུང་བའམ་ཕྱི་དོན་མེད་པར་བཟོད་པ་ཆུང་ངུའི་ཚེ་སྣང་བ་ཐོབ་པའི་ཏིང་འཛིན་ཏེ་ངེས་འབྱེད་ཆ་མཐུན་གྱི་དྲོ་བར་ངོ་བོར་གྱུར་བའོ། །བཟོད་པ་ཆེན་པོའི་ཚེ་སྣང་བ་མཆེད་པའམ་གསལ་བའི་ཏིང་འཛིན་རྩེ་མོའི་གནས་སོ། །ཡང་དག་པ་ཇི་བཞིན་ཡོངས་ཤེས་བཞི་པོ་དག་ལ་དོན་མེད་པར་རྣམ་རིག་ཙམ་ཡིན་པར་ཤེས་པ་ཉིད་དུ་ཞུགས་པ་དང་། དེ་ལ་ཕྱི་དོན་ནི་མེད་པ་ལ་ངེས་པ་ནི་དེ་ཁོ་ནའི་དོན་གྱི་ཕྱོགས་གཅིག་སྟེ་གཟུང་བ་ཙམ་འགོགས་པ་ལ་ཞུགས་པ་རྗེས་སུ་སོང་བའི་ཏིང་ངེ་འཛིན། བདེན་པའི་རྗེས་སུ་མཐུན་པ་ནི་གཟུང་བ་མེད་པར་བརྟེན་ནས་འཛིན་པ་མེད་པར་རྟོགས་པ་འབྱུང་བས་བཟོད་པའི་གནས་སོ། །གང་གི་འོག་ཏུ་རྣམ་པར་རིག་པ་ཙམ་གྱི་འདུ་ཤེས་རྣམ་པར་འཇིག་པ་དེ་ནི་མཐོང་ལམ་སྔ་ལོག་དེ་མ་ཐག་པའི་ཏིང་ངེ་འཛིན་ཏེ། འཇིག་རྟེན་པའི་ཆོས་ཀྱི་མཆོག་གི་གནས་སུ་བལྟའོ། །ཏིང་ངེ་འཛིན་འདི་དག་མཐོང་ལམ་གྱི་མངོན་པར་རྟོགས་པ་དང་ཉེ་བས་ཡིན་པར་གྱུར་པས་ངེས་འབྱེད་ཆ་མཐུན་ཞེས་སུ་བལྟ་བར་བྱའོ། །དེ་ལྟར་ས་ལ་ཞུགས་ཏེ་མཐོང་ལམ་ཐོབ་པའི་བྱང་ཆུབ་སེམས་དཔའ་རྣམ་པར་རིག་པ་ཙམ་ ― MR12_Page_0593 ―
[མ་དཔེ་གཟིགས་ན་འདིར་གནོན།]
ཉིད་ལ་ཞུགས་པ་དེ་ལ་བསྒོམ་པའི་ལམ་ལ་ཇི་ལྟར་སྦྱོར་ཞེ་ན། ཇི་ལྟར་སའི་རང་སྤྱིའི་མཚན་ཉིད་ས་ཐོབ་པའི་རྟགས་སོགས་ཀྱི་རྣམ་བཞག་རྣམ་པར་གནས་པ་བསྟན་པ་བྱང་ཆུབ་སེམས་དཔའི་ས་བཅུ་པ་མདོ་སྡེ་ཐམས་ཅད་བསྡུས་པ་ཉིད་དུ། དམིགས་པ་སྣ་ཚོགས་པ་ཉེ་བར་གནས་པ་རྣམས་ལ། ཆོས་ཐམས་ཅད་བསྡོམ་ནས་སམ་འདྲེས་པ་ལ་དམིགས་པ་འཇིག་རྟེན་ལས་འདས་པ་རྣམ་པར་མི་རྟོག་པ་དང་། དེའི་རྗེས་ལས་ཐོབ་པའི་ཞི་གནས་དང་ལྷག་མཐོང་གི་ཤེས་པས་བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཕྲག་མང་པོར་གོམས་པར་བྱས་པའི་ཕྱིར་སེམས་སེམས་བྱུང་དེ་གནས་གྱུར་ནས། སངས་རྒྱས་ཀྱི་སྐུ་རྣམ་པ་གསུམ་ཐོབ་པར་བྱ་བའི་ཕྱིར་སྦྱོར་རོ། །ཉན་ཐོས་ཀྱི་མངོན་རྟོགས་དང་། བྱང་སེམས་ཀྱི་མངོན་རྟོགས་གང་ཡིན་པ་འདི་གཉིས་བྱེ་བྲག་ཅི་ཡོད་ཅེ་ན། ཁྱད་པར་བཅུས་བྱང་སེམས་ཀྱི་མངོན་པར་རྟོགས་པ་འཕགས་ཏེ། དམིགས་པའི་ཁྱད་པར་ཐེག་ཆེན་གྱི་ཆོས་ལ་ཐོས་བསམ་བསྒོམ་པས་དམིགས་པ་དང་། ཉེ་བར་བརྟོན་པའི་ཁྱད་པར་བསོད་ནམས་དང་ཡེ་ཤེས་ཀྱི་ཚོགས་རྒྱ་ཆེན་པོ་བརྟན་པར་བྱ་པའི་ཕྱིར་དགེ་རྩ་སྟོབས་བསྐྱེད་པ་དང་། རྟོགས་པའི་ཁྱད་པར་ཆོས་དང་གང་ཟག་གཉིས་ཀ་ལ་བདག་མེད་པར་རྟོགས་པ་དང་ཉན་ཐོས་ནི་གང་ཟག་གི་བདག་མེད་རྟོགས་པ་ཙམ་མོ། །མྱ་ངན་ལས་འདས་པའི་ཁྱད་པར་མི་གནས་པའི་མྱང་འདས་ཡོངས་སུ་འཛིན་པ་དང་། སའི་ཁྱད་པར་ས་བཅུ་ལ་ངེས་པར་འབྱུང་བ་དང་ཉན་ཐོས་ལས་བཅུའི་རྣམ་བཞག་མེད་དོ། །ཡོངས་སུ་དག་པའི་ཁྱད་པར་ཉོན་མོངས་པའི་བག་ཆགས་སྤོང་བ་དང་སངས་རྒྱས་ཀྱི་ཞིང་ཡོངས་སུ་སྦྱང་བའི་ཕྱིར་དང་ཉན་ཐོས་ལ་དེ་མེད་དོ། ། ― MR12_Page_0594 ―
[མ་དཔེ་གཟིགས་ན་འདིར་གནོན།]
བདག་དང་སེམས་ཅན་ཐམས་ཅད་ལ་སེམས་མཉམ་པ་ཉིད་ཐོབ་པའི་ཁྱད་པར་ནི་རྒྱུ་དེས་སེམས་ཅན་ཡོངས་སུ་སྨིན་བྱེད་ཀྱི་སྦྱོར་བ་རྒྱུན་མི་གཅོད་པའི་ཕྱིར་དང་། སྐྱེ་བའི་ཁྱད་པར་དེ་བཞིན་གཤེགས་པའི་རིགས་སུ་སྐྱེས་པ་འཁོར་ལོས་བསྒྱུར་བའི་སྲས་ལྟ་བུ་དང་ཉན་ཐོས་ནི་བྲན་གྱི་བུ་ལྟ་བུའོ། །སྐྱེ་འབྱུང་གི་ཁྱད་པར་སངས་རྒྱས་ཀྱི་འཁོར་གྱི་དཀྱིལ་འཁོར་དུ་དུས་ཐམས་ཅད་དུ་བརྫུས་ཏེ་སྐྱེ་སོགས་ཀྱི་སྐྱེ་འབྱུང་ཡོངས་སུ་འཛིན་པ་དང་ཉན་ཐོས་ནི་མངལ་སྐྱེས་ཕལ་ལོ། །འབྲས་བུའི་ཁྱད་པར་སྟོབས་བཅུ་མི་འཇིགས་བཞི་མ་འདྲེས་པ་བཅོ་བརྒྱད་སོགས་འབྲས་བུའི་ཡོན་ཏན་ཚད་མེད་པ་འགྲུབ་པའི་ཕྱིར་རོ། །ཚིགས་སུ་བཅད་པ། མིང་དང་དངོས་པོ་གཉིས་ཕན་ཚུན་དུ། །གློ་བུར་དོན་ལ་མིང་བློ་བུར་སོགས་ཡིན་པར་རིག་པས་དཔྱད་དེ་ཡོངས་སུ་བཙལ་ལོ། །ངོ་བོ་ཉིད་དང་ཁྱད་པར་དུ་བཏགས་པ་རྣམ་པ་གཉིས་པོ་ལ། །བཏགས་པ་དེ་ཙམ་ལས་དེ་ལྟར་གྲུབ་པ་མེད་པ་ཉིད་དུ་བཙལ་བར་བྱ། །ཡང་དག་ཇི་བཞིན་ཡོངས་ཤེས་པས། །དོན་དེ་ལ་མེད་པར་ནི་མིང་དང་། ངོ་བོ་དང་། ཁྱད་པར་དུ་བཏགས་པའི་རྟོག་པ་གསུམ་དུ་ཤེས་པ་དང་། །རྟོག་པ་གསུམ་པོ་དེ་དོན་དུ་མེད་ཕྱིར་ཡང་དེ་མི་འཛིན་པས་དེ་མེད་པར། །མཐོང་བ་ངོ་བོ་ཉིད་གསུམ་ལ་ཚུལ་བཞིན་འཇུག་པ་ཡིན། །ཚིགས་བཅད་དང་པོའི་ཕྱེད་མིང་དོན་གློ་བུར་ཤེས་པས་ཀུན་བརྟགས་པའི་ངོ་བོ་ཉིད་ལ་ཞུགས། ཕྱེད་འོག་མས་གཞན་དབང་གི་ངོ་བོ་ཉིད་རྟོགས། ཚིགས་བཅད་གཉིས་པས་རྟོག་པར་ཟད་ཀྱི་དངོས་པོར་མ་ཡིན་ནོ་ཞེས་རྟོག་པ་རྣམས་ཀྱང་མེད་པར་མཐོང་བས་ཡོངས་གྲུབ་ལ་འཇུག་གོ། །འདི་ལྟར་རྣལ་འབྱོར་གྱི་རྣམ་པར་དབྱེ་བ་ལས་གདམས་པའི་ཚིགས་སུ་བཅད་པ། བྱང་ཆུབ་སེམས་དཔའ་ཏིང་ངེ་འཛིན་ལ་མཉམ་ ― MR12_Page_0595 ―
[མ་དཔེ་གཟིགས་ན་འདིར་གནོན།]
བཞག་པས། །ཆོས་དང་དོན་དུ་སྣང་བའི་གཟུགས་བརྙན་རང་གི་ཡིད་དུ་མཐོང་བ་ནི། རང་སེམས་ཙམ་སྟེ་དེ་ལས་གཞན་པའི་དོན་གྱི་འདུ་ཤེས་བཟློག་ནས་སུ། །རང་གི་སེམས་མཉམ་པར་བཞག་པའི་སེམས་དེ་ཉིད་དེ་ལྟར་སྣང་བའི་འདུ་ཤེས་ངེས་པར་གཟུང་ནས། །དེ་ལྟར་ནང་དུ་སེམས་མཉམ་བཞག་ལ་གནས་སོ། །དེའི་ཕྱིར་གཟུང་བ་མེད་པར་རབ་རྟོགས་བྱོས། །གཟུང་བ་མེད་པ་དེ་ཕྱིར་དེའི་འཛིན་པ་ཡང་མེད་པར་རྟོགས་པ་ཉིད་ཀྱིས། །རྒྱུ་དེས་ན་དམིགས་པ་མེད་ལ་རེག་གོ། ཞེས་སོ། །འདི་ལྟར་ཐེག་པ་ཆེན་པོའི་མདོ་སྡེ་རྒྱན་ལས་ཡང་མངོན་པར་རྟོགས་པའི་ཚིགས་བཅད་འབྱུང་བ། བྱང་ཆུབ་སེམས་དཔས་སྦྱིན་སོགས་བསོད་ནམས་མི་དམིགས་པའི་ཡེ་ཤེས་ཀྱི། །ཚོགས་རྣམས་མང་པོ་མཐའ་ཡས་ཡུན་རིང་པས་ཕ་རོལ་མེད་བསགས་ཏེ། །མདོ་སོགས་ཀྱི་ཆོས་ལ་སེམས་པ་ལེགས་པར་རྣམ་གནས་ཕྱིར། །དོན་རྣམས་ཀྱི་རྣམ་པ་ནི་ཡིད་ཀྱིས་བརྗོད་པའི་རྒྱུས་བྱུང་བར་རྟོགས་པ་ཚོགས་ལམ་མོ། །བརྗོད་པ་ཙམ་དུ་དོན་ནི་ངེས་ཤེས་ནས། །དོན་མེད་པར་སེམས་སྣང་བ་དེ་འདྲ་བ་ཡི་སེམས་ཙམ་ཉིད་སྦྱོར་ལམ་ལ་གནས། །དེ་བས་ན་གཟུང་འཛིན་གཉིས་ཀྱི་མཚན་ཉིད་བྲལ་བ་ཡི། །ཆོས་ཀྱི་དབྱིངས་ནི་ངེས་པའི་མངོན་སུམ་ཉིད་དུ་འགྱུར་སྦྱོར་ལམ་བསྟན་ཏོ། །སེམས་ལས་དོན་གཞན་མེད་པར་ནི་བློས་རྟོགས་ནས། །དོན་མེད་པར་དེ་ཕྱིར་སེམས་ཀྱང་མེད་པ་ཉིད་དུ་རྟོགས། །བློ་དང་ལྡན་པས་གཟུང་འཛིན་གཉིས་པོ་མེད་རྟོགས་ནས། །གཟུང་འཛིན་དེ་དང་མི་ལྡན་པའི་ཆོས་ཀྱི་དབྱིངས་མཐོང་ལམ་ལ་གནས། །རྟོག་མེད་ཤེས་སྟོབས་རྣམ་པར་མི་རྟོག་པའི་ཡེ་ཤེས་གཟུང་འཛིན་གཉིས་མེད་མཉམ་པའི་རྗེས་སོང་བས། ། ― MR12_Page_0596 ―
[མ་དཔེ་གཟིགས་ན་འདིར་གནོན།]
བློ་དང་ལྡན་པས་ཕྱི་ནང་གི་ཆོས་ཀུན་ནས་དུས་རྟག་པར་ཡང་། །ཀུན་ཉོན་དེའི་གནས་སམ་རྒྱུའི་ཐིབས་པོ་ཀུན་གཞིའི་རྣམ་ཤེས་ཀུན་ཉོན་གྱི་བག་ཆགས་ཉེས་པར་བསགས་པ་སེལ་ཏེ། །དཔེར་ན་རྩི་སྨན་ཆེན་པོས་དུག་ནི་སེལ་བ་བཞིན་བསྒོམ་ལམ་མོ། །ཐུབ་པས་གསུངས་པའི་མཛེས་པའམ་ལེགས་ཆོས་ལེགས་པ་བཞག་པ། །མདོ་ཐམས་ཅད་ཀྱི་བརྗོད་བྱའི་རྩ་བ་གཅིག་པུ་མདོ་སྡེ་ཐམས་ཅད་བསྡུས་པའི་མ་མོ་ས་བཅུ་པ་ལས་གསུངས་པའི་ཆོས་དབྱིངས་དང་རྗེས་ཐོབ་དྲན་པ་དང་བཅས་ལ་བྱང་སེམས་དེས་བློ་བཞག །མདོ་སོགས་ཀྱི་ཆོས་དོན་སྣ་ཚོགས་དྲན་པའི་རྒྱུད་ནི་རང་སེམས་ཀྱི་རྟོག་པ་ཙམ་ཤེས་ནས། །མི་རྟོག་པ་དང་རྗེས་ཐོབ་དེས་ཡོན་ཏན་རྒྱ་མཚོའི་ཕ་རོལ་དུ་བརྟན་པ་རྣམས་མྱུར་དུ་འགྲོའོ། །བསྐལ་ཆེན་གྲངས་མེད་གསུམ་གྱིས་བགྲོད་དགོས་པས་མྱུར་དུ་ཞེས་ཇི་སྐད་བྱ་ཞེ་ན། བརྟགས་པ་ཙམ་དུ་ཟད་པའི་ཕྱིར། དུས་གསུམ་བརྟག་པ་ལས། རྨི་ལམ་ན་ནི་ལོ་གཅིག་ཀུན། །ཡུད་ཙམ་གྱིས་ཀྱང་དམིགས་པ་སྟེ། །དེས་ན་དཔག་མེད་དུས་དག་ཀྱང་། །སྐད་ཅིག་ཉིད་དུ་འདུས་པར་འགྱུར། །ཞེས་པ་ལྟ་བུའོ། །བརྩོན་འགྲུས་སྦྱོང་བ་རྣམས་ལ་དུས་རིང་ཡང་ཐུང་ངུས་འདའ་བར་སྣང་ལ། བརྩོན་ཞན་རྣམས་ལ་དུས་ཐུང་ཡང་རིང་བར་སྣང་ངོ་། །ཞེས་སོ། །དེ་ལྟར་ཤེས་བྱའི་མཚན་ཉིད་བསྟན་པ་དེ་ལ། བཞི་པ་དེའི་རྒྱུ་དང་འབྲས་བུ་བསྟན་པ་ཇི་ལྟར་བལྟ་ཞེ་ན། སྦྱིན་པ་དང་ཚུལ་ཁྲིམས་དང་བཟོད་པ་དང་བརྩོན་འགྲུས་དང་བསམ་གཏན་ཤེས་རབ་ཀྱི་ཕ་རོལ་ཏུ་ཕྱིན་པ་དང་དྲུག་གིས་འཇུག་གོ། ཕ་རོལ་ཕྱིན་པ་དྲུག་གིས་རྣམ་རིག་ཙམ་ལ་ཇི་ལྟར་འཇུག །ཇི་ལྟར་ཕར་ཕྱིན་དྲུག་པོ་དག་དེ་ལ་འཇུག་པའི་འབྲས་བུ་ཅི་ཡིན་ཞེ་ན། འདི་ལྟར་བྱང་ཆུབ་སེམས་དཔའ་ལོངས་སྤྱོད་རྣམས་ལ་ཀུན་ཏུ་མ་ཆགས་ ― MR12_Page_0597 ―
[མ་དཔེ་གཟིགས་ན་འདིར་གནོན།]
པ། ཚུལ་ཁྲིམས་རྣམས་ལ་ལྟུང་བ་མེད་པ། སྡུག་བསྔལ་རྣམས་ལ་འཁྲུག་པ་མེད་པ། བསྒོམ་པ་ལ་ལེ་ལོ་མེད་པ། རྣམ་པར་གཡེང་བའི་རྒྱུ་གོང་བཤད་ཕར་ཕྱིན་གྱི་མི་མཐུན་ཕྱོགས་དེ་དག་ཡོད་ན་སྦྱིན་སོགས་ལ་མི་འཇུག་པས་རྣམ་པར་གཡེང་བའོ་འདི་དག་ལ་མི་འཇུག་པར་སེམས་རྩེ་གཅིག་ཏུ་བྱས་ནས་ཚུལ་བཞིན་དུ་ཆོས་རྣམས་ལ་ཤེས་རབ་ཀྱིས་རབ་ཏུ་རྣམ་པར་འབྱེད་ཅིང་། ཕར་ཕྱིན་དྲུག་ལ་བརྟེན་ནས་རྣམ་པར་རིག་པ་ཙམ་གྱི་ཕར་ཕྱིན་ཉིད་ལ་འཇུག་གོ། རྣམ་རིག་ཙམ་ལ་ཞུགས་པའི་བྱང་སེམས་ཀྱིས་ནི། ལྷག་བསམ་དག་པས་ཡོངས་སུ་ཟིན་པའི་འབྲས་བུའི་ཕར་ཕྱིན་དྲུག་པོ་ཉིད་འཐོབ་སྟེ། འདི་ལྟར་བྱང་སེམས་འདི་ཡི་ཕ་རོལ་ཏུ་ཕྱིན་པ་དྲུག་ལ་ཀུན་ཏུ་སྤྱོད་པས་སྦྱོར་བ་བྱེད་བཞིན་པ་མེད་ཀྱང་། ཕར་ཕྱིན་དང་ལྡན་པའི་ཆོས་ཟབ་མོ་བསྟན་པ་ལ་མོས་པ་དང་། ཕར་ཕྱིན་རྣམས་ལ་ཡོན་ཏན་དུ་ལྟ་བས་རོ་མྱང་བ་དང་། བདག་གཞན་གྱིས་སྦྱིན་སོགས་བྱས་པ་ལ་རྗེས་སུ་ཡི་རངས་པ་དང་། མ་འོངས་པ་ན་ཁྱད་པར་འཕགས་པར་བྱེད་འདོད་པའི་སྨོན་པས་མངོན་པར་དགའ་བས་ཡིད་ལ་བྱེད་པས་ཀྱང་། དུས་རྟག་པར་རྒྱུན་མི་འཆད་པའི་ཚུལ་དུ་ཕར་ཕྱིན་དྲུག་བསྒོམ་པ་ཡོངས་སུ་རྫོགས་པར་འགྱུར་རོ། །འདིར་ཚིགས་སུ་བཅད་པ། བྱང་ཆུབ་སེམས་དཔའ་རྣམ་དག་གི། མོས་སྤྱོད་དུ་དཀར་པོའི་ཚོགས་ཆོས་རྣམས་ཀུན་རྫོགས་དང་། །བཟོད་རྣོན་བཟོད་པ་ཆེན་པོ་ཐོབ་དང་བྱང་སེམས་རང་གི་ཐེག་པ། །ཆོས་བདག་མེད་པ་ཟབ་ཅིང་ནམ་མཁའི་མཛོད་སོགས་ཀྱི་ཏིང་འཛིན་རྒྱ་ཆེ་ཞིང་མཐུ་དང་ལྡན་པ་བསྟན་པ་ལ་དམིགས་པ། ཡིད་ལ་བྱེད་པས་རྟོག་པ་རྣམ་རིག་ཙམ་དུ་རྟོག་པའི་ཕྱིར་དང་། །གཉེན་ ― MR12_Page_0598 ―
[མ་དཔེ་གཟིགས་ན་འདིར་གནོན།]
པོ་མི་རྟོག་ཡེ་ཤེས་ཐོབ་པའི་ཕྱིར། །འདོད་པ་འདུན་པ་དང་ནི་མོས་པ་དད་པ་དང་རང་གི་མཚན་ཉིད་དམ་ངོ་བོ་ཉིད་ཀྱིས་དག་པའོ། །དག་པ་ནི་ལྷག་པའི་བསམ་པ་དག་པ་ཉིད་བཤད་བྱ་རྩ་བའོ། །དེའི་སྔ་ལོགས་སུ་བསམ་པ་དག་པ་ཡང་ཆོས་རྒྱུན་གྱི་ཏིང་འཛིན་ཐོབ་པས་དེ་ལ་མཉམ་པར་བཞག་པས་དེར། །རྟགས་སངས་རྒྱས་རྣམས་ནི་མཐོང་བས་ན། །རང་ཉིད་བྱང་ཆུབ་དང་ཉེ་བར་རྟོགས་གྱུར་ནས། །དེས་བྱང་ཆུབ་ཚེགས་མེད་པར་ནི་ཐོབ་ཕྱིར་རོ། །ཚེགས་མེད་པ་ནི། དེ་ཐོབ་བྱེད་ཀྱི་ཐབས་རྙེད་པས་བྱང་ཆུབ་དང་ཉེ་བར་མཐོང་ལ། ཚོགས་གོམས་པར་བྱས་པས་ཡོངས་སུ་སྨིན་པའི་ཤུགས་ཀྱིས་ཚེགས་མེད་པར་ཡང་འཐོབ་བོ། །ཚིགས་བཅད་འདི་དག་གིས་རྣམ་པ་བརྒྱད་ཀྱིས་ལྷག་བསམ་དག་པའི་མཚན་ཉིད་མཐའ་དག་བསྟན་པ་ཡིན་ཏེ། ཚོགས་དང་བཟོད་པ་དང་། དམིགས་པ་དང་། ཡིད་བྱེད་དང་། གཉེན་པོ་དང་། རང་གི་མཚན་ཉིད་དང་། རྟགས་དང་། ཕན་ཡོན་གྱིས་ཏེ་ཚིགས་བཅད་རྩ་བ་རྣམས་དང་གོ་རིམ་བཞིན་སྦྱར་ཏེ་རིག་པར་བྱའོ། །ཕར་ཕྱིན་དེ་དག་གི་གྲངས༡་ངེས་དང་དེ་ཡི་མ༢ཚན་ཉིད་དང་། །གོ་རིམ༣་དང་ངེས་ཚིག༤་དང་གོམས་བྱ་བསྒོམ་པའི་ཡོན་ཏན༥་དང་། །རབ་ཏུ་དབྱེ་དང༦་བསྡུ༧་དང་མི་མཐུ༨ན་ཕྱོགས། །ཡོན་ཏན༩་ཕན་ཚུན་རྣམ་ངེས་ཤེས་པར་༡༠བྱ་། ༧ །དང་པོ་གྲངས༡་རྣམ་པར་བཞག་པ། ཅིའི་ཕྱིར་ཕ་རོལ་ཏུ་ཕྱིན་པ་དྲུག་ཁོ་ན་ཡིན་ཞེ་ན། མི་མཐུན་པའི་ཕྱོགས་དང་གཉེན་པོ་རྣམ་པར་བཞག་པ་དང་། སངས་རྒྱས་ཀྱི་ཆོས་ཐམས་ཅད་ཡང་དག་པར་འགྲུབ་པའི་གཞིའི་གནས་དང་། སེམས་ཅན་ཐམས་ཅད་ཡོངས་སུ་སྨིན་པར་བྱ་བ་དང་མཐུན་པས་དྲུག་ཉིད་དེ། མི་མཐུན་པའི་གཉེན་པོ་ཇི་ལྟ་བུ་ཡིན་ཞེ་ན། འཁོར་བ་ལས་མི་འཕགས་པའི་ ― MR12_Page_0599 ―
[མ་དཔེ་གཟིགས་ན་འདིར་གནོན།]
རྒྱུའི་གཉེན་པོ་སྦྱིན་པ་དང་ཚུལ་ཁྲིམས་ཀྱི་ཕར་ཕྱིན་གཉིས་ཏེ། མི་འཕགས་པའི་རྒྱུ་ནི་ལོངས་སྤྱོད་ལ་ཆགས་པ་དང་། ཁྱིམ་ལ་ཆགས་པའོ། །སྤགས་པ་ལྡོག་པའི་རྒྱུ་ཡི་གཉེན་པོ་ནི་བཟོད་བརྩོན་གཉིས་ཏེ། ལྡོག་པའི་རྒྱུ་སེམས་ཅན་གྱིས་ལོག་སྒྲུབ་ལས་བྱུང་བ་དང་། ཡུན་རིང་པོར་དགེ་ཕྱོགས་ལ་བརྩོན་པས་སྐྱོ་བའོ། །སྤགས་ནས་མི་ལྡོག་པ་ཆུད་ཟ་བའི་རྒྱུ་ཡི་གཉེན་པོ་བསམ་གཏན་དང་ཤེས་རབ་ཕར་ཕྱིན་ཏེ། ཆུད་ཟ་བའི་རྒྱུ་རྣམ་གཡེང་དང་འཆལ་བའི་ཤེས་རབ་བོ། །དེ་ལྟར་མི་མཐུན་ཕྱོགས་དང་གཉེན་པོས་གྲངས་རྣམ་པར་བཞག་གོ། ཡང་རྣམ་པར་མི་གཡེང་བའི་རྒྱུ་ལ་སྦྱིན་སོགས་ཕར་ཕྱིན་བཞིས་རྣམ་པར་མི་གཡེང་བ་གཅིག་པུ་འགྲུབ་བོ། །མི་གཡེང་བ་དེ་ལ་བརྟེན་ནས་ཆོས་ཀྱི་དེ་ཉིད་ཇི་བཞིན་ཡང་དག་པར་མངོན་དུ་རྟོགས་པའི་ཕྱིར་སངས་རྒྱས་ཀྱི་ཆོས་ཡང་དག་པར་འགྲུབ་པའི་ཕྱིར། སངས་རྒྱས་ཀྱི་ཆོས་ཐམས་ཅད་ཡང་དག་པར་འགྲུབ་པའི་གཞིའི་གནས་ཀྱིས་དེ་ལྟར་གྲངས་དྲུག་ཏུ་རྣམ་པར་བཞག་གོ། སྦྱིན་པས་སེམས་ཅན་ལ་ཕན་འདོགས། ཚུལ་ཁྲིམས་ཀྱིས་གནོད་པ་སྤང་། བཟོད་པས་གནོད་པར་ཅི་མི་སྙམ་པར་གནས། བརྩོན་འགྲུས་ཀྱིས་བྱ་བ་བྱེད་པའི་ཕྱིར་ཕན་འདོགས་པའི་རྒྱུ་འདི་དག་གིས་སེམས་ཅན་རྣམས་ཡོངས་སུ་སྨིན་པར་བྱ་བའི་ལས་སུ་རུང་བར་བྱས་ནས། དེའི་འོག་ཏུ་སེམས་མཉམ་པར་མ་བཞག་པ་རྣམས་ཐར་ཕྱིར་བསམ་གཏན་ཕར་ཕྱིན་ནོ་དང་། སེམས་མཉམ་པར་བཞག་པ་རྣམས་རྣམ་པར་ཐར་པར་བྱ་བའི་ཕྱིར་ཤེས་རབ་སྟེ་དེའི་གདམས་པ་གདམས་པར་བྱ་བ་ཡི་ཡུལ་རྣམས་ཡོངས་སུ་སྨིན་པར་འགྱུར་ཏེ། དེ་ལྟར་སེམས་ཅན་ ― MR12_Page_0600 ―
[མ་དཔེ་གཟིགས་ན་འདིར་གནོན།]
ཐམས་ཅད་ཡོངས་སུ་སྨིན་པར་བྱ་བ་དང་མཐུན་པར་གྲངས་རྣམ་པར་བཞག་པར་བལྟའོ། །ས་བཅད་གཉིས་པ་འོ་ན་འདི་དག་གི་མཚན་ཉིད་ཇི་ལྟར་བལྟ་ཞེ་ན། དམ་པ་དྲུག་གིས་བལྟ་བར་བྱ་སྟེ། བྱང་ཆུབ་ཀྱི་སེམས་ནི་དེ་དག་གི་གནས་ཡིན་པའི་ཕྱིར་གནས་དམ་པའོ། །དངོས་པོ་དམ་པ་སྦྱིན་པ་ལ་ཕྱི་ནང་གི་དངོས་པོ་ཐམས་ཅད་གཏོང་བ་དང་ཚུལ་ཁྲིམས་ལ་གསུམ་ཡོངས་རྫོགས་སོགས་མཐའ་དག་ཀུན་ཏུ་སྤྱོད་པའི་ཕྱིར་རོ། །ཆེད་དུ་བྱ་བ་དམ་པ་ནི་སེམས་ཅན་ཐམས་ཅད་ལ་ཕན་པ་དང་བདེ་བའི་ཆེད་དུ་བྱ་བའི་ཕྱིར་རོ། །ཐབས་མཁས་དམ་པ་ནི་མི་རྟོག་ཡེ་ཤེས་ཀྱིས་ཡོངས་སུ་ཟིན་པའི་ཕྱིར་རོ། །ཡོངས་སུ་བསྔོ་བ་དམ་པ་བླ་མེད་རྫོགས་བྱང་དུ་བསྔོ་བའི་ཕྱིར་རོ། །རྣམ་པར་དག་པ་དམ་པ་ནི་ཉོན་མོངས་དང་ཤེས་བྱའི་སྒྲིབ་པས་སྒྲིབ་པ་མེད་པར་ཡང་དག་པར་འགྲུབ་པའི་ཕྱིར་རོ། །སྦྱིན་པ་གང་ཡིན་པ་དེ་ཕར་ཕྱིན་ཡང་ཡིན་ནམ། ཕར་ཕྱིན་གང་ཡིན་སྦྱིན་པ་ཡང་ཡིན་ནམ་ཞེ་ན། སྦྱིན་པ་ཡིན་ལ་ཕར་ཕྱིན་མ་ཡིན་པ་ཡང་ཡོད་ཅེས་སོགས་མུ་བཞི་སྟེ། སྦྱིན་པ་ཡིན་ལ་ཕར་ཕྱིན་མིན་པ་དམ་པ་དྲུག་དང་བྲལ་བའོ། །ཕར་ཕྱིན་ཡིན་ལ་སྦྱིན་པ་མ་ཡིན་པ་དམ་པ་དྲུག་ལྡན་གྱི་ཚུལ་ཁྲིམས་སོགས་གཞན་ནོ། །གཉིས་ཀ་ཡིན་པ་དམ་པ་དྲུག་ལྡན་སྦྱིན་པའོ། །གཉིས་ཀ་མིན་པ་དམ་པ་དྲུག་བྲལ་ཚུལ་ཁྲིམས་སོགས་སོ། །དེའི་ཕྱིར། བསེ་རུ་ལྟ་བུ་རྣམས་ལ་ནི། །ཕ་རོལ་ཕྱིན་དྲུག་མིང་ཡང་མེད། །བཅོམ་ལྡན་ཉག་གཅིག་ཕ་རོལ་ཕྱིན། །དྲུག་གི་སྦྱི་ལ་བཞུགས་པ་ལགས། །ཞེས་གསུངས་སོ། །སྦྱིན་པ་བཞིན་དུ་ཕར་ཕྱིན་ལྷག་མ་རྣམས་ལའང་མུ་བཞི་ཅི་རིགས་སུ་བལྟ་བར་བྱའོ། །ཕར༣་ཕྱིན་འདི་དག་གི་གོ་རིམ་འདི་བཞིན་ཅིའི་ཕྱིར་བསྟན་ན། སྔ་མ་རྣམས་རིམ་པས་ཕྱི་མ་ ― MR12_Page_0601 ―
[མ་དཔེ་གཟིགས་ན་འདིར་གནོན།]
འབྱུང་བ་དང་མཐུན་པའི་ཕྱིར་རོ། །ལོངས་སྤྱོད་ལ་མ་ཆགས་ན་ཚུལ་ཁྲིམས་སྲུང་ནུས་སོ། །ཚུལ་ཁྲིམས་དང་ལྡན་ན་བཟོད་དོ། །བཟོད་ན་མི་མཐུན་པས་མི་འབྱེད་པའོ། །མི་འབྱེད་པས་བརྩོན་འགྲུས་རྩོམ་མོ། །བརྩོན་འགྲུས་བརྩམ་ན་སེམས་མཉམ་པར་འཇོག་གོ། སེམས་མཉམ་པར་བཞག་ན་ཡང་དག་པ་བཞིན་རབ་ཏུ་ཤེས་སོ། །འདི་དག་གི་ངེས་ཚིག་ཇི་ལྟར་བལྟ་ཞེ་ན། འཇིག་རྟེན་པ་དང་ཉན་རང་གི་སྦྱིན་པ་ལ་སོགས་པའི་དགེ་བ་ཐམས་ཅད་ལས་ཕུལ་དུ་བྱུང་བར་ཕ་རོལ་ཏུ་འགྲོ་བའི་ཕྱིར་ཕ་རོལ་ཏུ་ཕྱིན་པ་རྣམས་སོ། །རྒྱུ་དུས་ན་སེར་སྣ་དང་འབྲས་བུ་དབུལ་བ་འཇོམས་པ་དང་། འབྲས་དུས་ལོངས་སྤྱོད་ཆེན་པོ་དང་བསོད་ནམས་ཀྱི་ཚོགས་ཐོབ་པར་བྱེད་པས་སྦྱིན་པའོ། །རྒྱུ་འཆལ་ཚུལ་དང་འབྲས་བུ་ངན་འགྲོ་ཞི་བ་དང་། འབྲས་བདེ་འགྲོ་དང་ཏིང་ངེ་འཛིན་ཐོབ་པར་བྱེད་པས་ཚུལ་ཁྲིམས་སོ། །ཁྲོ་བ་འཁོན་པ་ཟད་པར་བྱེད་པ་རྒྱུ་དུས་དང་། འབྲས་བུ་བདག་དང་གཞན་ལ་བདེ་བར་བྱེད་པས་བཟོད་པའོ། །རྒྱུའི་དུས་ན་ལེ་ལོ་དང་སྡིག་པ་མི་དགེ་བའི་ཆོས་རྣམས་དང་བྲལ་བར་བྱེད་པ་དང་། འབྲས་དུས་དགེ་ཆོས་ཚད་མེད་པ་རྣམ་པར་སྤེལ་བ་མཐར་ཕྱིན་པར་བྱེད་པས་བརྩོན་འགྲུས་སོ། །རྒྱུ་དུས་ན་རྣམ་པར་གཡེང་བ་སེལ་བ་དང་། ནང་དུ་སེམས་གནས་པ་སྒྲུབ་པར་བྱེད་པས་བསམ་གཏན་ནོ། །བདག་ལྟ་སོགས་ལྟ་བར་གྱུར་པ་དང་འཆལ་བའི་ཤེས་རབ་ཐམས་ཅད་སེལ་བ་དང་། ཡང་དག་པ་རྣམ་པ་ཐམས་ཅད་དུ་ཆོས་རྣམས་རབ་ཏུ་ཤེས་པས་ཤེས་རབ་བོ། ༈ །ཕར་ཕྱིན་འདི་དག་ཡང་ཡང་གོམས་པར་བྱེད་པ་བསྒོམ་པ་ཇི་ལྟར་བལྟ་བར་བྱ་ཞེ་ན། མདོར་བསྡུ་ན་སྒོམ་པ་རྣམ་པ་ལྔར་བལྟ་བར་བྱ་སྟེ། སྦྱིན་སོགས་དེ་དག་ ― MR12_Page_0602 ―
[མ་དཔེ་གཟིགས་ན་འདིར་གནོན།]
ཀུན་ཏུ་སྤྱོད་པ་ལ་རྣམ་པ་ཀུན་ཏུ་ལེགས་པར་འཇུག་པར་སྦྱོར་བར་བསྒོམ་པ་དང་། མོས་པ་སྒོམ་པ་དང་འདོད་ཀྱིས་ཡིད་ཆེས་ཏེ་དེ་སྤྱོད་འདོད་པ་དང་། རོ་མྱང་དང་ཡི་རང་བ་མངོན་པར་དགའ་བ་ཡིད་ལ་བྱེད་པ་སྒོམ་པ་དང་། ཐབས་ལ་མཁས་པ་སྒོམ་པ་མི་རྟོག་ཡེ་ཤེས་ཀྱིས་ཟིན་པ་དང་།བྱ་བ་བསྒྲུབ་པ་སྒོམ་པའོ། །དེ་ལ་སྒོམ་པ་བཞི་ནི་སྔ་མ་བཤད་ཟིན་པ་བཞིན་ནོ། །བྱ་བ་སྒྲུབ་པ་སྒོམ་པ་ནི། གང་སངས་རྒྱས་རྣམས་ཀྱི་མཛད་པ་ལྷུན་གྱིས་གྲུབ་པ་རྒྱུན་མི་གཅོད་པ་ན། ཕར་ཕྱིན་རྣམས་ཡོངས་སུ་རྫོགས་པའི་ཚེ་སེམས་ཅན་རྣམས་ཀྱི་དོན་དུ་བསྒྲིམ་མི་དགོས་པར་མཛད་པ་ཕ་རོལ་ཕྱིན་པ་སྒོམ་པའོ། །ཡིད་ལ་བྱེད་པ་སྒོམ་པ་ནི། ད་ལྟའི་སྦྱིན་སོགས་ཀྱི་རོ་མྱོང་བ་དང་། འདས་པ་ལ་རྗེས་སུ་ཡི་རང་བ་དང་། མ་འོངས་པ་ལ་མངོན་པར་དགའ་བ་ཡིད་ལ་བྱེད་པ་དང་། དེ་ཡང་ཆོག་མི་ཤེས་པར་མི་ངོམས་པའི་བསམ་པ་དང་། རྒྱུན་རིང་པོའི་བསམ་པ་དང་། དགའ་བའི་བསམ་པ་དང་། ཕན་འདོགས་པའི་བསམ་པ་དང་། ཆེ་བའི་བདག་ཉིད་ཀྱི་བསམ་པ་དང་། དགེ་བའི་བསམ་པ་དང་། བསམ་པ་དྲུག་གིས་ཡོངས་སུ་ཟིན་པས་སྒོམ་པའོ། །གལ་ཏེ་བྱང་ཆུབ་སེམས་དཔའ་བསྐལ་པ་གྲངས་མེད་པ་གསུམ་པོ་ཇི་སྙེད་ཀྱིས་བླ་མེད་རྫོགས་པའི་བྱང་ཆུབ་ཏུ་མངོན་པར་འཚང་རྒྱ་བ་དེ་སྙེད་ཀྱི་དུས་སྐད་ཅིག་མ་གཅིག་ཏུ་བསྡུས་པར་བྱས་པའི་སྐད་ཅིག་རེ་རེ་ལ་བདག་གི་ལུས་ཐམས་ཅད་ཡོངས་སུ་གཏོང་བ་དང་། འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་རིན་པོ་ཆེ་སྣ་བདུན་གྱིས་སོ་སོར་བཀང་སྟེ། དེ་བཞིན་གཤེགས་པ་རྣམས་ལ་དབུལ་བས། བྱང་ཆུབ་ཀྱི་སྙིང་པོ་ལ་གནས་ཀྱི་བར་དུ་མི་ངོམས་པ་ཉིད་བྱང་ཆུབ་སེམས་དཔའི་སྦྱིན་པའི་བསམ་པར་འགྱུར་ལ། ― MR12_Page_0603 ―
[མ་དཔེ་གཟིགས་ན་འདིར་གནོན།]
དུས་དེ་སྲིད་ཁོ་ནར་སྟོང་གསུམ་སྟོང་ཆེན་པོའི་འཇིག་རྟེན་གྱི་ཁམས་མེས་ཡོངས་སུ་གང་བར་སྐད་ཅིག་རེ་རེ་ལ་སྤྱོད་ལམ་བཞི་བྱེད་ཅིང་། ཡོ་བྱད་ཐམས་ཅད་དང་མི་ལྡན་ཡང་ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་། ཤེས་རབ་ཀྱི་སེམས་མངོན་དུ་བྱེད་དེ། དེ་ལྟར་བྱང་ཆུབ་ཀྱི་སྙིང་པོ་ལ་གནས་ཀྱི་བར་དུ་མི་ངོམས་པ་ཉིད་བྱང་ཆུབ་སེམས་དཔའི་ཚུལ་ཁྲིམས་དང་བཟོད་བརྩོན་བསམ་གཏན་ཤེས་རབ་ཀྱི་བསམ་པར་འགྱུར་བ་འདི་ནི་བྱང་ཆུབ་སེམས་དཔའི་མི་ངོམས་པའི་བསམ་པའོ། །གང་བྱང་ཆུབ་སེམས་དཔའ་དེ་བྱང་ཆུབ་ཀྱི་སྙིང་པོ་ལ་གནས་ཀྱི་བར་དུ་མི་ངོམས་པའི་བསམ་པ་དེ་མི་འདོར་བ་འདི་ནི་དེ་དག་གི་རྒྱུན་རིང་བོའི་བསམ་པའོ། །བྱང་སེམས་དེས་ཕར་ཕྱིན་དྲུག་གིས་སེམས་ཅན་ལ་ཕན་བཏགས་པས་རང་ཉིད་ཤིམ་ཤིན་ཏུ་དགའ་བ་ཡིན་པ་དེ་ལྟ་བུར། ཕན་བཏགས་པ་དེས་སེམས་ཅན་རྣམས་དགའ་བ་དེ་ལྟ་བུ་སྐྱེ་མི་ནུས་པ་འདི་ནི་བྱང་ཆུབ་སེམས་དཔའི་དགའ་བའི་བསམ་པའོ། །གང་བྱང་ཆུབ་སེམས་དཔས་ཕར་ཕྱིན་དྲུག་གིས་ཕན་བཏགས་པའི་སེམས་ཅན་དེ་ཐམས་ཅད་བྱང་སེམས་བདག་ཉིད་ལ་ཕན་འདོགས་པ་ཡིན་པར་མཐོང་གི། བདག་ནི་སེམས་ཅན་དེ་ལྟ་མ་ཡིན་པར་མཐོང་བ་འདི་ནི་བྱང་ཆུབ་སེམས་དཔའི་ཕན་འདོགས་པའི་བསམ་པའོ། །གང་བྱང་སེམས་དེ་དེ་ལྟར་ཕར་ཕྱིན་དྲུག་གི་དགེ་རྩ་བསགས་པ། སེམས་ཅན་རྣམས་ལ་འདོད་པའི་འབྲས་བུ་རྣམ་པར་སྨིན་པར་ཡོངས་སུ་བསྔོ་བ་འདི་ནི་བྱང་ཆུབ་སེམས་དཔའི་ཆེ་བའི་བདག་ཉིད་ཀྱི་བསམ་པའོ། །གང་བྱང་ཆུབ་སེམས་དཔས་དེ་ ― MR12_Page_0604 ―
[མ་དཔེ་གཟིགས་ན་འདིར་གནོན།]
ལྟར་ཕར་ཕྱིན་དྲུག་གི་དགེ་རྩ་བསགས་པ་དེ་སེམས་ཅན་ཐམས་ཅད་དང་ཐུན་མོང་དུ་བྱས་ཏེ་བླ་མེད་རྫོགས་པའི་བྱང་ཆུབ་ཏུ་ཡོངས་སུ་བསྔོ་བ་འདི་ནི་བྱང་ཆུབ་སེམས་དཔའི་དགེ་བའི་བསམ་པ་སྟེ་བསམ་པ་དྲུག་པོ་འདི་དག་གིས་ཡོངས་སུ་ཟིན་པའི་རོ་མྱང་བ་ཡིད་ལ་བྱེད་པ་སྒོམ་མོ། །གང་བྱང་ཆུབ་སེམས་དཔའ་དེ་བསམ་པ་དྲུག་བསྒོམ་པ་ལ་ཞུགས་པའི་བྱང་སེམས་གཞན་དཔག་ཏུ་མེད་པ་རྣམས་ཀྱི་དགེ་རྩ་དེ་ལ་རྗེས་སུ་ཡི་རང་སྟེ། དེ་ལྟར་བྱང་ཆུབ་སེམས་དཔའ་བསམ་པ་དྲུག་གིས་ཡོངས་སུ་ཟིན་པའི་རྗེས་སུ་ཡི་རང་བ་ཡིད་ལ་བྱེད་པ་སྒོམ་མོ། །གང་བྱང་ཆུབ་སེམས་དཔའ་དེ་སེམས་ཅན་ཐམས་ཅད་ཀྱི་ཕ་རོལ་ཏུ་ཕྱིན་པ་དྲུག་སྒོམ་པ་བསམ་པ་དྲུག་གིས་ཟིན་པ་དང་། བདག་གི་ཕར་ཕྱིན་དྲུག་སྒོམ་པ་ལ་བརྩོན་པ་བསམ་པ་དྲུག་གིས་ཡོངས་སུ་ཟིན་པ་ལ་བྱང་ཆུབ་སྙིང་པོ་ལ་གནས་ཀྱི་བར་དུ་མངོན་པར་དགའ་སྟེ་དེ་ལྟར་བྱང་ཆུབ་སེམས་དཔའ་བསམ་པ་དྲུག་གིས་ཟིན་པའི་མངོན་པར་དགའ་བ་ཡིད་ལ་བྱེད་པ་སྒོམ་མོ། །གང་དག་བྱང་ཆུབ་སེམས་དཔའི་ཡིད་ལ་བྱེད་པ་སྒོམ་པ་བསམ་པ་དྲུག་གིས་ཡོངས་སུ་ཟིན་པ་འདི་ཐོས་ནས། དད་པའི་སེམས་གཅིག་ཀྱང་སྐྱེད་པ་དེ་དག་བསོད་ནམས་ཚད་མེད་པ་སྐྱེ་བར་འགྱུར་ཞིང་། ཉེས་པ་བྱས་པའི་སྒྲིབ་པ་ཐམས་ཅད་ཀྱང་ཞི་བའམ་བཤིག་པར་འགྱུར་ན། བྱང་ཆུབ་སེམས་དཔའ་ཉིད་ལྟ་སྨོས་ཀྱང་ཅི་དགོས། ༧ །ཕ་རོལ་ཏུ་ཕྱིན་པ་འདི་དག་གི་རབ་ཏུ༦་དབྱེ་བ་ཇི་ལྟར་བལྟ་ཞེ་ན། དེ་ནི་རྣམ་པ་གསུམ་གསུམ་དུ་བལྟ་བར་བྱ་སྟེ། མདོ་སོགས་ཆོས་ཀྱི་སྦྱིན་པ་ཚུལ་བཞིན་ཉོན་མོངས་མེད་པར་སྟོན་པ་དང་། ཡོ་བྱད་ཟང་ཟིང་གི་སྦྱིན་ ― MR12_Page_0605 ―
[མ་དཔེ་གཟིགས་ན་འདིར་གནོན།]
པ་དང་། སྲོག་སྐྱབས་པ་སོགས་མི་འཇིགས་པའི་སྦྱིན་པ་དང་། མི་དགེ་བ་ལས་སྡོམ་པའི་ཚུལ་ཁྲིམས་དང་འདི་ཚུལ་ཁྲིམས་འོག་མ་གཉིས་ཀྱི་རྟེན་ནོ། །སངས་རྒྱས་མཆོད་སོགས་དགེ་བའི་ཆོས་སྡུད་པའི་ཚུལ་ཁྲིམས་དང་། སེམས་ཅན་གྱི་དོན་བྱ་བའི་ཚུལ་ཁྲིམས་དང་། གནོད་པ་ཇི་མི་སྙམ་པའི་བཟོད་པ་དང་འདི་ནི་སེམས་ཅན་སྨིན་བྱ་ལས་མི་ལྡོག་པའི་རྒྱུའོ། །ཚ་གྲང་སོགས་སྡུག་བསྔལ་དང་དུ་ལེན་པའི་བཟོད་པ་དང་སངས་རྒྱས་ཉིད་ལས་མི་ལྡོག་པའི་རྒྱུའོ། །ཟབ་དང་རྒྱ་ཆེའི་ཆོས་ལ་ངེས་པར་རྟོག་པའི་བཟོད་པ་དང་། གོ་ཆའི་བརྩོན་འགྲུས་བསམ་པ་བརྟན་པས་ཀུན་སློང་དང་། སྦྱོར་བའི་བརྩོན་འགྲུས་ལག་ཏུ་ལེན་པ་དང་། སྐྱོ་བ་མེད་པས་མི་ཞུམ་ཞིང་བཟོད་པས་མི་འཁྲུགས་པ་ལ་བྱང་ཆུབ་བར་དུ་ཆོག་པར་མི་འཛིན་པའི་བརྩོན་འགྲུས་དང་། ༧ །མཐོང་ཆོས་བདེ་བར་གནས་པ་བསམ་གཏན་དག་པ་དང་། མངོན་ཤེས་སོགས་ཡོན་ཏན་མངོན་པར་སྒྲུབ་པ་དང་། སེམས་ཅན་གྱི་དོན་བྱ་བ་སྒྲུབ་པའི་བསམ་གཏན་དང་། རྣམ་པར་མི་རྟོག་པར་སྦྱོར་བ་ནི་དེའི་ཚོགས་དང་། དངོས་གཞི་རྣམ་པར་མི་རྟོག་པ་དང་། རྣམ་པར་མི་རྟོག་པའི་རྗེས་ལས་ཐོབ་པའི་མངོན་རྟོགས་ཀྱི་མཐུས་བྱུང་བ་ཀུན་རྫོབ་ཤེས་པའི་ཤེས་རབ་བོ། ༧ །ཕར་ཕྱིན་འདི་དག་གིས་བསྡུས༧་པར་ཇི་ལྟར་བལྟ་ཞེ་ན། འདི་དག་གིས་སྦྱིན་སོགས་དང་། དད་སོགས་དང་། དྲན་ཉེ་ནས་སངས་རྒྱས་ཀྱི་སྟོབས་སོགས་བར་གྱི་དགེ་བའི་ཆོས་ཐམས་ཅད། སྦྱིན་སོགས་དེ་དང་དེའི་མཚན་ཉིད་དང་། དད་སོགས་དེ་དང་མཐུན་པ་དང་། དྲན་ཉེ་སོགས་དེའི་འབྲས་བུར་བསྡུས་པའི་ཕྱིར་རོ། །འདི་དག་བསྡུས་པར་མ་བྱས་ན་མདོར་བསྟན་དང་མི་མཐུན་སྙམ་ན་དོན་འདྲ་སྟེ། འདི་དག་གིས་དགེ་ཆོས་ཀུན་བསྡུས་ ― MR12_Page_0606 ―
[མ་དཔེ་གཟིགས་ན་འདིར་གནོན།]
ན་འདི་དག་ཀྱང་དགེ་ཆོས་དེས་བསྡུས་པ་ཡིན་ནོ། །ས་དང་ཕ་རོལ་ཕྱིན་པ་ནི། །སངས་རྒྱས་ཆོས་ཀྱི་གནས་ཡིན་ནོ། །གནས་གྱུར་པ་ནི་འབྲས་བུ་སྟེ། །ཆོས་ཀྱི་སྐུ་ཞེས་བརྗོད་པ་ཡིན། །ཞེས་བཤད་དོ། །འདི་དག་གི་མི་མཐུན་པའི་ཕྱོགས་ཀྱིས་ཀུན་ནས་ཉོན་མོངས་པ་ཐམས་ཅད་ཇི་ལྟར་བསྡུས་པར་བལྟ་ཞེ་ན། སེར་སྣ་འཆལ་ཚུལ་ཁྲོ་བ་ལེ་ལོ་རྣམ་གཡེང་འཆལ་ཤེས་རྣམས་དེའི་མཚན་ཉིད་དང་། དེའི་གཞི་མ་དད་པ་སོགས་མི་དགེ་བའི་སེམས་བྱུང་དང་། གཡོ་ལ་སོགས་པ་དེའི་འབྲས་བུས་སོ། ༧ །ཕ་རོལ་ཏུ་ཕྱིན་པ་འདི་དག་གི་ཕན་ཡོན་ཇི་ལྟར་རིག་པར་བྱ་ཞེ་ན་འཁོར་བ་ན་འཁོར་བའི་ཚེ། དབང་ཕྱུག་བསྡུས་པ་དང་། ཆེན་པོར་སྐྱེ་བ་བསྡུས་པ་དང་། ཉེ་དུ་ཕྱོགས་གང་དང་གཡོག་འཁོར་ཆེན་པོ་བསྡུས་པ་དང་། ལས་ཀྱི་མཐའ་ཆེན་པོ་ལ་སྦྱོར་བ་འཁོར་ལོས་བསྒྱུར་བའི་རྒྱལ་སྲིད་སོགས་འགྲུབ་པས་ཡོངས་སུ་བཟུང་བ་དང་། གནོད་པ་མེད་པ་དང་ཉོན་མོངས་པ་ཆུང་བ་ཡོངས་སུ་བཟུང་བ་དང་། བཟོ་དང་བསྟན་བཅོས་དང་རིག་པའི་གནས་ཐམས་ཅད་ལ་མཁས་པ་ཡོངས་སུ་བཟུང་བ་དང་། དེ་དག་རེ་རེ་ཡང་མངོན་པར་མཐོ་བ་ཁ་ན་མ་ཐོ་བ་མེད་པ་དང་། བྱང་ཆུབ་ཀྱི་སྙིང་པོ་ལ་གནས་ཀྱི་བར་དུ་སེམས་ཅན་ཐམས་ཅད་ཀྱི་དོན་བྱ་བར་ཉེ་བར་གནས་པ་ནི། བྱང་ཆུབ་སེམས་དཔའ་རྣམས་ཀྱི་ཕར་ཕྱིན་གྱི་ཕན་ཡོན་ནོ། ༧ །ཕར་ཕྱིན་འདི་དག་གི་༡༠ཕན་ཚུན་རྣམ་པར་ངེས་པ་ཇི་ལྟར་བལྟ་ཞེ་ན། བཅོམ་ལྡན་འདས་ཀྱིས་ལ་ལར་ནི། ཕར་ཕྱིན་ཐམས་ཅད་སྦྱིན་པ་གཅིག་པུའི་སྒྲར་བསྟན། དེ་བཞིན་ཚུལ་ཁྲིམས་བཟོད་བརྩོན་བསམ་གཏན་ཤེས་རབ་ཀྱི་སྒྲས་བསྟན་པ་ལས་གཞན་ལ་བསྟན་པ་དེའི་དགོངས་པ་གང་ཞེ་ན། ཕ་རོལ་ཏུ་ཕྱིན་པ་ཐམས་ཅད་ལ་སྦྱོར་ ― MR12_Page_0607 ―
[མ་དཔེ་གཟིགས་ན་འདིར་གནོན།]
བ་ན། འདི་དག་ཐམས་ཅད་ཀྱི་སྤྱོད་པ་འགྲོ་བ་ལ་དགོངས་པའོ། །སྦྱིན་པ་གཅིག་པུ་ལ་ཡང་སྡོམ་པ་དང་བཟོད་པ་དང་སྤྲོ་བ་དང་སེམས་རྩེ་གཅིག་པ་དང་ལས་འབྲས་ལ་མི་རྨོངས་པ་ཡོད་ལ། དེ་བཞིན་སེར་སྣ་ཁོང་ཁྲོ་ལེ་ལོ་རྣམ་གཡེང་ལོག་ལྟ་སྤངས་པ་ཚུལ་ཁྲིམས་ལ་འཇུག་གི་གཞན་དུ་མ་ཡིན་ནོ། །དེ་བཞིན་བཟོད་སོགས་གཞན་ལའང་ཤེས་པར་བྱའོ། །སྦྱིན་འདོད་པས་ཆགས་པ་བསལ། སྦྱིན་ཡུལ་ལ་བྱམས་པས་ཞེ་སྡང་སེལ། གུས་པར་བྱིན་པས་ང་རྒྱལ་བྲལ། ཕྲག་དོག་ཅན་བདེ་འདོད་ཀྱིས་བྱིན་པས་ཕྲག་དོག་སེལ། རྒྱུ་འབྲས་མེད་ལྟ་ཅན་ལ་བྱིན་པས་ལས་འབྲས་ཡོད་པར་ལྟ་བས་སེལ་གསུངས། དཔྱད་དགོས། ཆོས་དང་ཟང་ཟིང་མི་འཇིགས་ཚུལ་དུ་རྣམ་པར་འབྱེད་པ་ན། །ཕ་རོལ་ཕྱིན་པ་དྲུག་པོ་དག་གི་སྦྱིན་པའི་བདག་ཉིད་ཡིན། །ཞེས་བཤད་དོ། ༧ །དེ་ལྟར་ཤེས་བྱའི་མཚན་ཉིད་ལ་འཇུག་པའི་རྒྱུ་འབྲས་སུ་སུ་གྱུར་པ་ཕར་ཕྱིན་དྲུག་བཤད་ནས། ལྔ་པ་མཐོང་སྒོམ་གྱི་སྤང་བྱའི་གཉེན་པོར་ཕར་ཕྱིན་དེ་དག་ཅི་རིགས་སུ་སྒོམ་པའི་རབ་ཏུ་དབྱེ་བ་ཇི་ལྟར་བལྟ་ཞེ་ན། བྱང་ཆུབ་སེམས་དཔའི་ས་བཅུ་བོ་རྣམས་ཡིན་པར་བལྟ་སྟེ། དེ་དག་ནི། རབ་ཏུ་དགའ་བ་དང་། དྲི་མ་མེད་པ་དང་། འོད་བྱེད་པ་དང་། འོད་འཕྲོ་བ་ཅན་དང་། ཤིན་ཏུ་སྦྱང་དཀའ་བ་དང་། མངོན་དུ་གྱུར་པ་དང་། རིང་དུ་སོང་བ་དང་། མི་གཡོ་བ་དང་། ལེགས་པའི་བློ་གྲོས་དང་། ཆོས་ཀྱི་སྤྲིན་ནོ། །འདི་དག་བཅུ་ཉིད་དུ་རྣམ་པར་བཞག་པ་ཇི་ལྟར་བལྟ་ཞེ་ན། མི་མཐུན་པའི་ཕྱོགས་མ་རིག་པ་བཅུའི་གཉེན་པོའི་ཕྱིར་ཏེ་ཆོས་བདག་མེད་ཤེས་པའི་གནས་སྐབས་ནི་ས་རྣམས་སོ། །འདི་ལྟར་ཤེས་བྱ་ཆོས་ཀྱི་དབྱིངས་རྣམ་པ་བཅུ་ལ་མི་མཐུན་པའི་ཕྱོགས་མ་རིག་པ་རྣམ་པ་བཅུ་ཉིད་གནས་ ― MR12_Page_0608 ―
[མ་དཔེ་གཟིགས་ན་འདིར་གནོན།]
སོ། །ཤེས་བྱ་ཆོས་ཀྱི་དབྱིངས་རྣམ་པ་བཅུ་ཇི་ལྟ་བུ་ཞེ་ན། ས་དང་པོ་ལ་ནི་ཆོས་ཐམས་ཅད་སྟོང་པས་ཆོས་དབྱིངས་དེ་ནི་ཆོས་ཀུན་ཏུ་འགྲོ་བའི་དོན་དུ་ཤེས་པར་བྱའོ། །གཉིས་པ་ལ་ནི་ཤེས་བྱའི་མཆོག་གི་དོན་དུའོ། །གསུམ་པ་ལ་ནི་དེའི་རྒྱུ་མཐུན་པ་ལུང་གི་ཆོས་བཙལ་བྱའི་དོན་གྱི་མཆོག་ཏུའོ། །བཞི་པ་ལ་ནི་བདག་གི་བ་ཐ་དད་དུ་ཡོངས་སུ་བཟུང་བ་མ་ཡིན་པའི་དོན་དུའོ། །ལྔ་པ་ལ་ནི་བདག་གཞན་གྱི་རྒྱུད་ཐ་དད་པ་མེད་པའི་དོན་དུའོ། །དྲུག་པ་ལ་ནི་ཀུན་ནས་ཉོན་མོངས་པ་དང་རྣམ་པར་དག་པ་མ་ཡིན་པའི་དོན་དུ་ཡེ་ནས་ཀུན་བྱང་དུ་མི་དམིགས་པའོ། །བདུན་པ་ལ་ནི་མདོ་སོགས་ཆོས་ཐམས་ཅད་ཀྱིས་བསྟན་དོན་མཐར་ཐུག་དེ་བཞིན་ཉིད་གཅིག་ཡིན་པས་ཆོས་སྣ་ཚོགས་དོན་ཐ་དད་པ་མེད་པའི་དོན་དུའོ། །བརྒྱད་པ་ལ་ནི་ཆོས་དབྱིངས་ཀྱི་ངོ་བོ་ཡེ་ནས་འཕེལ་འབྲི་མེད་པའི་རང་བཞིན་དུ་གནས་པས་བྲི་བ་མེད་ཅིང་ལྷག་པ་མེད་པའི་དོན་དང་། མཚན་མ་ལ་དབང་བའི་གནས་ཀྱི་དོན་དང་། ཞིང་ལ་དབང་བའི་གནས་ཀྱི་དོན་དུའོ། །དགུ་པ་ལ་ནི་སོ་སོ་ཡང་དག་པར་རིག་པ་བཞིའི་ཡེ་ཤེས་ལ་དབང་བའི་གནས་ཀྱི་དོན་ཏེ་ཆོས་དབྱིངས་དེ་རྟོགས་པས་དེ་ཐོབ་པའི་ཕྱིར་དུའོ། །བཅུ་པ་ལ་ནི་ཕྲིན་ལས་ལ་ཇི་ལྟར་བཞེད་པ་བཞིན་སྒོ་གསུམ་གྱི་ལས་ལ་དབང་བའི་གནས་ཀྱི་དོན་དང་། གཟུངས་དང་ཏིང་ངེ་འཛིན་གྱི་སྒོ་ལ་དབང་བའི་གནས་ཀྱི་དོན་དུ་ཤེས་པར་བྱའོ། །ས་བཅུའི་རིམ་པ་ལྟར། མངོན་རྟོགས་དང༡་། སྡོམ་པ་ད ང༢་། ཆགས་བྲལ་དང༣་། བྱང་ཕྱོགས་བསྒོམ་པ་དང༤་། བདེན་པ་ལ་ལྟ་བ་དང༥་། རྟེན་འབྲེལ་ལ་སོ་སོར་རྟོག་པ་དང༦་། རྩོལ་བ་དང་བཅས་པ་དང༧་། ལྷུན་གྱིས་གྲུབ་པ་དང་མཚན་མ་མེད་པར་གནས་པ་དང༨་། སོ་སོར་ཡང་དག་པར་རིག་པ་དང༩་། དབང་བསྐུར༡༠་བས་སྒྲིབ་གཉིས་སེལ་བས་ན་ས་རྣམས་ ― MR12_Page_0609 ―
[མ་དཔེ་གཟིགས་ན་འདིར་གནོན།]
སོ། །འདིར་དབུས་མཐའ་རྣམ་འབྱེད་ལས་ཚིགས་སུ་བཅད་པ་གསུངས་པ། ཀུན་ཏུ་འགྲོ་དོན་མཆོག་གི་དོན། །རྒྱུ་མཐུན་དོན་གྱི་མཆོག་ཉིད་དང་། །ཡོངས་སུ་འཛིན་པ་མེད་དོན་དང་། །རྒྱུད་རྣམས་ཐ་དད་མེད་པ་དང་། །ཉོན་མོངས་རྣམ་དག་མེད་དོན་དང་། །ཐ་དད་མེད་པའི་དོན་ཉིད་དང་། །བྲི་མེད་འཕེལ་བ་མེད་དོན་དང་། །དབང་ནི་རྣམ་པ་བཞི་ཡི་གནས། །ཆོས་ཀྱི་དབྱིངས་ལ་མ་རིག་པ། །ཉོན་མོངས་ཅན་མིན་སྒྲིབ་པ་བཅུ། །ས་བཅུའི་མི་མཐུན་ཕྱོགས་རྣམས་ཀྱི། །གཉེན་པོ་དག་ནི་ས་ཡིན་ནོ། །ཞེས་སོ། །མ་རིག་པ་འདི་དག་ཀྱང་ཉན་ཐོས་རྣམས་ཀྱི་ནི་ཉོན་མོངས་པ་ཅན་སྤང་བྱ་མ་ཡིན་གྱི་དེ་མ་སྤངས་བས་གཉེན་པོའི་ས་ལ་འཇུག་པའི་སྐབས་མིན་པ་དང་། ཐར་པ་ཙམ་ལ་མི་སྒྲིབ་པས་སོ། །བྱང་ཆུབ་སེམས་དཔའ་རྣམས་ཀྱི་ནི་ཉོན་མོངས་པ་ཅན་དུ་སྤང་བྱར་རིག་པར་བྱའོ་དེས་ཐམས་ཅད་མཁྱེན་པའི་གེགས་བྱེད་པས་སོ། ༧ །ཅི་ཕྱིར་ས་དང་པོ་རབ་ཏུ་དགའ་བ་ཞེས་བྱ་ཞེ་ན། དེས་ཐོག་མ་ཁོ་ནར་བདག་དང་གཞན་གྱི་དོན་སྒྲུབ་ནུས་པ་ཐོབ་པའི་ཕྱིར་རབ་ཏུ་དགའ་བའོ་རོ། །ཉན་ཐོས་རྒྱུན་ཞུགས་རང་དོན་ཙམ་ཐོབ་པས་དེ་ལས་དང་པོ་རབ་དགའ་ཞེས་མི་བྱའོ་གསུངས། དེ་བཞིན་དུ་ས་གཉིས་པར་འཆལ་ཚུལ་གྱི་དྲི་མ་ཐག་བསྲིང་པའི་ཕྱིར་དྲི་མ་མེད་པའོ། །གསུམ་པར་ཏིང་ངེ་འཛིན་དང་སྙོམས་པར་འཇུག་པ་ཉམས་པ་མེད་པའི་གནས་ཡིན་པས་མདོ་སོགས་ཆོས་ཀྱི་སྣང་བ་ཆེན་པོའི་གནས་སུ་གྱུར་པའི་ཕྱིར་འོད་བྱེད་བའོ། །ས་བཞི་པར་བྱང་ཆུབ་ཕྱོགས་ཀྱི་ཆོས་རྣམས་ཀྱིས་སྒྲིབ་པ་ཐམས་ཅད་བསྲེག་པའི་ཕྱིར་འོད་འཕྲོ་བའོ། །ས་ལྔ་པར་བདེན་པ་དོན་དམ་པ་དང་འཇིག་རྟེན་ ― MR12_Page_0610 ―
[མ་དཔེ་གཟིགས་ན་འདིར་གནོན།]
གྱི་ཤེས་པ་ཀུན་རྫོབ་ཀྱི་བཟོ་སོགས་གཉིས་ཕན་ཚུན་མི་མཐུན་པས་དེ་བསྒྲུབ་དཀའ་བའི་ཕྱིར་སྦྱང་དཀའ་བའོ། །ས་དྲུག་པར་རྟེན་ཅིང་འབྲེལ་བར་འབྱུང་བ་ཤེས་པའི་གནས་ཡིན་པས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པ་མངོན་དུ་བྱེད་པའི་ཕྱིར་མངོན་དུ་གྱུར་པ་ཞེས་བྱའོ། །ས་བདུན་པར་རྩོལ་བ་ཅན་གྱི་སྦྱོར་བ་ལས་བྱུང་བའི་སྤྱོད་པའི་མཐར་འགྲོ་བའི་ཕྱིར་རིང་དུ་སོང་བའོ། །ས་བརྒྱད་པར་མཚན་མ་དང་མངོན་པར་འདུ་བྱེད་པ་ཐམས་ཅད་ཀྱིས་མི་གཡོས་པའི་ཕྱིར་མི་གཡོ་བའོ། །ས་དགུ་པར་སོ་སོ་ཡང་དག་པར་རིག་པ་ཤེས་པ་ཆོས་ཀྱི་ཚིག་ཀུན་མངོན་པར་མཁྱེན། །དོན་རྣམས་ཀུན་གྱི་ཚུལ་ལ་མཁས། །སྐད་ཀུན་རྣམ་པར་འབྱེད་པ་མཁྱེན། །ཕྱོགས་རྣམས་ཀུན་ཏུ་སྤོབས་དང་ལྡན། །ཞེས་བྱ་བ་ཡིན་ནོ་གསུངས་དང་པོར་ཐོབ་པའི་ཕྱིར་ལེགས་པའི་བློ་གྲོས་ཞེས་བྱའོ། །ས་བཅུ་པར་ཆོས་ཐམས་ཅད་ཕྱོགས་རེ་བ་མིན་པར་ཐམས་ཅད་འདྲེས་པ་ལ་དམིགས་པའི་ཆོས་ཐམས་ཅད་ཤེས་པ་གཟུངས་དང་ཏིང་ངེ་འཛིན་གྱི་སྒོ་ཆུ་ལྟ་བུ་ཐམས་ཅད་ཁོང་ན་ཡོད་པ་སྤྲིན་ལྟ་བུས། ནམ་མཁའ་ལྟར་རྒྱ་ཆེ་བའི་ཁམས་ལ་སྒྲིབ་པ་གཉིས་པོས་ཁེབས་པ་སྤོང་བ་དང་སྤྲིན་གྱིས་ནམ་མཁའ་ཁེབས་པ་བཞིན་ཡེ་ཤེས་དེས་ཀྱང་ཡོན་ཏན་གྱི་ཚོགས་ཀྱི་གནས་ཆོས་ཀྱི་སྐུ་ཡོངས་སུ་རྫོགས་པར་བྱས་པའི་ཕྱིར་ཆོས་ཀྱི་སྤྲིན་ཞེས་བྱའོ། །ས་འདི་དག་ཐོབ་པ་ཇི་ལྟར་བལྟ་ཞེ་ན། རྣམ་པ་བཞིས་བལྟ་སྟེ། མོས་པ་ཐོབ་པས་ནི་ས་བཅུ་བསྟན་པའི་ཆོས་ལ་དེ་དེ་བཞིན་དུ་ཡིད་ཆེས་ནས་མོས་པ་ཉིད་ཀྱི་ཕྱིར་རོ། །སྤྱོད་པ་ཐོབ་པས་ནི་ས་དང་རབ་ཏུ་ལྡན་པའི་བསྟན་པའི་ཆོས་སྤྱོད་ས་བཅུ་ཐོབ་པའི་ཕྱིར་རོ། །བསྟན་པའི་ཆོས་སྤྱོད་བཅུ་ནི། ཡི་གེ་འབྲི་མཆོད་སྦྱིན་པ་དང་། །ཉན་དང་ཀློག་དང་ ― MR12_Page_0611 ―
[མ་དཔེ་གཟིགས་ན་འདིར་གནོན།]
འཛིན་པ་དང་། །འཆད་དང་ཁ་ཏོན་བྱེད་པ་དང་། །དེ་སེམས་པ་དང་སྒོམ་པའོ། །རྟོགས་པ་ཐོབ་པས་ནི་ས་དང་པོ་ལ་ཆོས་ཀྱི་དབྱིངས་རྟོགས་ནས་ས་ཐམས་ཅད་དུ་ཡང་དེ་རྫོགས་པར་རིགས་འདྲ་བའི་ཆོས་དབྱིངས་ཐམས་ཅད་ཀྱི་རྟོགས་བྱ་རྟོགས་པའི་ཕྱིར་རོ། །འགྲུབ་པར་ཐོབ་པས་ནི་ས་འདི་དག་གི་སྒོམ་པའི་མཐར་ཕྱིན་པར་འགྲོ་བའི་ཕྱིར་རོ། །ས་འདི་དག་གི་སྒོམ་པ་ཇི་ལྟར་བལྟ་ཞེ་ན། འདི་ལ་བྱང་ཆུབ་སེམས་དཔས་ས་དང་ས་ལ་ཞི་གནས་དང་ལྷག་མཐོང་སྒོམ་པ་ན། རྣམ་པ་ལྔས་སྒོམ་སྟེ། ལྔ་གང་ཞེ་ན། འདི་ལྟ་སྟེ། ཆོས་ཐམས་ཅད་ཆོས་ཀྱི་དབྱིངས་སུ་རོ་གཅིག་པའི་འདྲེས་པར་སྒོམ་པ་དང་། དེ་ཡང་མཚན་མ་མེད་པར་སྒོམ་པ་དང་། དེ་ཡང་རྩོལ་བ་མེད་པར་ལྷུན་གྱིས་གྲུབ་པར་སྒོམ་པ་དང་། འབར་བར་ནི་མཆོག་གི་དོན་ཏེ་ཁྱད་པར་དུ་འགྲོ་བ་སྒོམ་པ་དང་། རང་སའི་བསྒོམ་པ་ཙམ་གྱིས་ཆོག་པར་མི་འཛིན་པར་སྒོམ་པས་སོ། །སྒོམ་པ་ལྔ་པོ་འདི་དག་གིས་བྱང་སེམས་རྣམས་ཀྱི་འབྲས་བུ་ལྔ་མངོན་པར་འགྲུབ་པར་བྱེད་དེ། འདི་ལྟར་དེས་སྐད་ཅིག་རེ་རེ་ལ་གནས་ངན་ལེན་རྣམས་ཀྱི་གནས་ཀུན་གཞིའི་རྣམ་ཤེས་ཐམས་ཅད་འཇིག་པར་བྱེད་པ་དང་། བདག་དང་གཞན་ཆོས་དང་སངས་རྒྱས་ལ་སོགས་པའི་སྣ་ཚོགས་ཀྱི་འདུ་ཤེས་དང་བྲལ་ཏེ་ཆོས་ཉིད་ཀྱི་ཀུན་དགའ་ལ་དགའ་བ་ཐོབ་པ་དང་། ཇི་ལྟ་ཇི་སྙེད་ཀྱི་ཆོས་ཀྱི་སྣང་བ་ཕྱོགས་ཐམས་ཅད་དུ་འདི་ཙམ་ཞེས་ཚད་མེད་ཅིང་རྣམ་པ་རིས་སུ་ཡོངས་སུ་མ་ཆད་པ་ཡང་དག་པར་ཤེས་པ་དང་། རྣམ་པར་ཆེད་དུ་མ་བརྟགས་པར་ངང་གིས་རྣམ་པར་དག་པའི་འབྲས་བུ་ཐོབ་པའི་ཆ་དང་མཐུན་པའི་མཚན་མར་རྣམ་པར་བརྟགས་པ་མ་ཡིན་པ་སངས་རྒྱས་དང་འཁོར་སྒྱུར་ ― MR12_Page_0612 ―
[མ་དཔེ་གཟིགས་ན་འདིར་གནོན།]
གདུགས་དཀར་པོ་སོགས་རྣམས་དེ་ལ་ཀུན་ཏུ་འབྱུང་བ་དང་། ༧ །མཐར་འབྲས་ཆོས་ཀྱི་སྐུ་ཡོངས་སུ་རྫོགས་པ་ས་བཅུ་པ་དང་བཅུ་གཅིག་པ་ལ་ཡོངས་སུ་གྲུབ་པར་བྱ་བའི་ཕྱིར་གོང་མ་པས་ཆེས་གོང་མའི་རྒྱུ་ཡོངས་སུ་འཛིན་པར་བྱེད་པའོ་འབྲས་བུ་ལྔ་པོ་དེ་བསྒོམ་པ་ལྔ་པོ་དང་རིམ་བཞིན་སྦྱར་རོ། ༧ །སྤྱིར་ས་རེ་རེར་ཡང་ཕྱིན་བཅུ་བསྒོམ་པ་ཡོད་མོད་ཀྱི་གཙོ་བོར་ནི་ས་བཅུ་པོ་དག་ཏུ་ཕ་རོལ་ཕྱིན་པ་བཅུ་སྒོམ་པར་འགྱུར་ཏེ། དེ་དག་གི་དྲུག་ནི་སྦྱིན་སོགས་གོང་དུ་ཇི་སྐད་བསྟན་པ་རྣམས་སོ། །ས་བདུན་པ་སོགས་ས་ཕྱིན་མ་བཞི་ནི་ཕར་ཕྱིན་བཞི་སྟེ། ཐབས་ལ་མཁས་པའི་ཕ་རོལ་ཏུ་ཕྱིན་པ་ནི་འཁོར་བ་ཡོངས་སུ་མི་གཏོང་ཞིང་མྱང་འདས་དོན་དུ་གཉེར་བ་ནི་ཐབས་མཁས་ཏེ་ཕྱིན་དྲུག་གི་དགེ་རྩ་བསགས་པ་སེམས་ཅན་ཐམས་ཅད་དང་ཐུན་མོང་དུ་བྱས་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བའི་ཕྱིར་རོ། །སྨོན་ལམ་གྱི་ཕ་རོལ་ཏུ་ཕྱིན་པ་ནི། ཕྱི་མ་ལ་འབྱུང་བའི་སྨོན་ལམ་རྫོགས་སྨིན་སྦྱང་བ་བྱེད་པར་སྨོན་པ་སྣ་ཚོགས་མངོན་པར་བསྒྲུབས་པས་ཕ་རོལ་ཏུ་ཕྱིན་པའི་རྐྱེན་བཤེས་གཉེན་དང་ཕྲད་ཆོས་ལ་འཇུག་པ་སོགས་འདིས་སྡུད་པའི་ཕྱིར་རོ། །སྟོབས་ཀྱི་ཕ་རོལ་ཏུ་ཕྱིན་པ་ནི་གཉེན་པོ་གཉིས་སུ་ངེས་པར་གསུངས་པ་བློས་སོ་སོར་རྟོག་༡པ་དང་བསྒོམ༢་པའི་སྟོབས་ཀྱིས་ཕར་ཕྱིན་དྲུག་རྒྱུན་མི་འཆད་པར་ཀུན་ཏུ་སྤྱོད་པའི་ཕྱིར་རོ། །བསྒོམ་པའི་སྟོབས་མེད་པའི་དུས་ན་བླང་བྱའི་ཡོན་ཏན་སྤང་བྱའི་སྐྱོན་སོགས་བློས་སོ་སོར་རབ་ཏུ་བརྟགས་ནས་སོ། །དེ་གོམས་ནས་བསྒོམ་པའི་དུས་ན་དེ་གཉིས་ཀ་ཡོད་དོ། །ཡེ་ཤེས་ཀྱི་ཕ་རོལ་ཏུ་ཕྱིན་པ་ནི། ཕ་རོལ་ཏུ་ཕྱིན་པ་དྲུག་པོ་དག་གྲངས་དང་དེའི་མཚན་ཉིད་ལ་སོགས་པས་རྣམ་པར་འཇོག་པ་སྟེ། ཡེ་ཤེས་ཀྱིས་ཇི་ ― MR12_Page_0613 ―
[མ་དཔེ་གཟིགས་ན་འདིར་གནོན།]
ལྟ་ཇི་སྙེད་ཀྱི་ཆོས་ལ་ལོངས་སྤྱོད་པ་མྱོང་བ་དང་། ཆོས་བསྟན་པས་སེམས་ཅན་ཡོངས་སུ་སྨིན་པར་བྱེད་པའི་ཕྱིར་རོ། །ཡང་ཕ་རོལ་ཏུ་ཕྱིན་པ་ཕྱི་མ་བཞི་པོ་འདི་དག་ནི་ཤེས་རབ་ཀྱི་ཕ་རོལ་ཏུ་ཕྱིན་པ་རྣམ་པར་མི་རྟོག་པའི་ཡེ་ཤེས་དང་། དེའི་རྗེས་ལ་ཐོབ་པའི་ཡེ་ཤེས་ཀྱིས་བསྡུས་པར་བལྟའོ། །གཙོ་ཆེར་དེ་ལྟར་བསྟན་ཅིང་ས་བཅུ་པོ་ཐམས་ཅད་དུ་ཕ་རོལ་དུ་ཕྱིན་པ་ཐམས་ཅད་སྒོམ་པར་མི་འགྱུར་བ་ཡང་མ་ཡིན་ཏེ། ས་བཅུ་བསྟན་པའི་ཆོས་ཀྱི་རྣམ་གྲངས་དེ་ཕ་རོལ་ཏུ་ཕྱིན་པའི་སྡེ་སྣོད་ཐེག་པ་ཆེན་པོའི་ཆོས་ཀྱིས་བསྡུས་པའི་ཕྱིར་རོ་ཕར་ཕྱིན་དུ་མ་འདུས་པའི་ཐེག་ཆེན་མེད་དོ། །དུས་ཇི་སྲིད་གཅིག་གིས་ས་བཅུ་པོ་འདི་དག་གི་སྒོམ་པ་ཡོངས་སུ་རྫོགས་པར་འགྱུར་ཞེ་ན། གང་ཟག་ལྔ་ནི་གང་ཟག་གཅིག་ལ་མོས་སྤྱོད་ཀྱིས་སོགས་དབྱེ་པའི་ལྔའོ་གསུངས་བསྐལ་པ་གྲངས་མེད་པ་གསུམ་གྱིས་རྫོགས་པར་འགྱུར་ཏེ། མོས་སྤྱོད་པའི་ས་ལ་གནས་པའི་གང་ཟག་ནི་བསྐལ་པ་གྲངས་མེད་ས་དང་པོས་རྫོགས་པར་འགྱུར་རོ། །ལྷག་པའི་བསམ་པ་དག་པ་ལ་སྤྱོད་པ་ས་དྲུག་པོ་དག་ཏུ་མཚན་༡མ་ལ་སྤྱོད་པ་དང་བདུན་པ་ལ་མཚན་༢མ་མེད་པ་ལ་སྤྱོད་པ་དག་ནི། ས་དྲུག་པོ་དག་དང་བདུན་པ་ལ་བསྐལ་པ་གྲངས་མེད་པ་གཉིས་པས་རྫོགས་པར་འགྱུར་རོ། །དེ་ཉིད་མངོན་པར་འདུ་བྱེད་པ་མེད་པར་སྤྱོད་པ་ནི་དག་ས་གསུམ། དེ་ཡན་ཆད་ས་བརྒྱད་པ་དང་དགུ་པ་དང་བཅུའི་བར་དུ་བསྐལ་པ་གྲངས་མེད་པ་གསུམ་པས་རྫོགས་པར་འགྱུར་རོ་མངོན་པར་འདུ་མི་བྱེད་པ་གྲུབ་པ་ས་བརྒྱད་པ། མངོན་པར་འདུ་མི་བྱེད་པར་སྤྱོད་པས་ས་དགུ་པ་དང་བཅུ་པ་གཉིས་སོ། །དེ་ལྟར་གནས་སྐབས་ལྔས་གང་ཟག་གཅིག་རྣམ་པ་ལྔར་བརྗོད་དོ། །གང་ ― MR12_Page_0614 ―
[མ་དཔེ་གཟིགས་ན་འདིར་གནོན།]
ནས་བཟུང་སྟེ་གྲངས་མེད་གསུམ་གྱི་མགོ་དང་པོར་རྩོམ་ཞེ་ན། འདིར་ཚིགས་སུ་བཅད་པ། དགེ་རྩ་བཟང་པོའི་སྟོབས་དང་ལྡན་པ་དང་སྨོན་པའི་སྟེ་སྨོན་ལམ་གྱི་སྟོབས་ཅན་དང་། །བྱང་ཆུབ་ཀྱི་ལམ་ལ་སེམས་བརྟན་གོང་ནས་གོང་དུ་ཁྱད་པར་དུ་འགྲོ་བ་ཡི། །ཆོས་བཞི་དེ་ཚང་བ་དེ་ནས་བྱང་ཆུབ་སེམས་དཔའ་གྲངས་མེད་གསུམ། །ཀུན་ཏུ་རྩོམ་པ་མཛད་ཅེས་བརྗོད། །དགེ་བའི་རྩ་བ་བཟང་པོའི་སྟོབས་དང་ལྡན་པ་དང་། མི་མཐུན་ཕྱོགས་ཀྱིས་མི་འཇོམས་པ་དང་། སྨོན་ལམ་གྱི་སྟོབས་ཀྱིས་དགེ་བའི་བཤེས་གཉེན་དང་ཕྲད་པ་སོགས་ཐེག་ཆེན་ལ་ངེས་པར་གྱུར་པ་དང་། སེམས་བརྟན་པ་སྡིག་གྲོགས་སོགས་ཀྱི་རྐྱེན་ལས་བྱང་ཆུབ་ཀྱི་སེམས་ཡོངས་སུ་མི་གཏོང་བ་དང་། མཐོང་ཆོས་དང་ཚེ་རབས་ཕྱི་མར་དགེ་ཆོས་གོང་ནས་གོང་དུ་ཁྱད་པར་དུ་འགྲོ་ཞིང་མི་ཉམས་པ་སྟེ་དགེ་རྩས་ཆོག་མི་ཤེས་པའོ། །དེ་ལྟར་རྒྱུ་དང་འབྲས་བུ་བསྒོམ་པའི་རབ་དབྱེ་བསྟན་ནས། དྲུག་པ་ལྷག་པའི་ཚུལ་ཁྲིམས་ཀྱི་ཁྱད་པར་ཇི་ལྟར་བལྟ་ཞེ་ན། བྱང་ས་ལས་བྱང་ཆུབ་སེམས་དཔའི་སྡོམ་པ་ཡང་དག་པར་བླང་བ་ཉིད་ཇི་སྐད་བཤད་པ་ལྟ་བུའོ། །མདོར་བསྡུ་ན་ཉན་ཐོས་ཀྱི་བསླབ་པའི་ཚུལ་ཁྲིམས་ལས་ཁྱད་པར་བཞིས་འཕགས་ཏེ། རབ་ཏུ་དབྱེ་བའི་ཁྱད་པར་དང་། བསླབ་པ་ཐུན་མོང་དང་ཐུན་མིན་གྱི་ཁྱད་པར་དང་། རྒྱ་ཆེ་བ་ཉིད་ཀྱི་ཁྱད་པར་དང་། ཟབ་པ་ཉིད་ཀྱིས་ཁྱད་པར་གྱིས་ཁྱད་པར་གྱུར་པར་བལྟའོ། །དང་པོ་རབ་དབྱེའི་ཁྱད་པར་ནི། སྡོམ་པའི་ཚུལ་ཁྲིམས་དང་། དགེ་བའི་ཆོས་སྡུད་པའི་ཚུལ་ཁྲིམས་དང་། སེམས་ཅན་གྱི་དོན་བྱ་བའི་ཚུལ་ཁྲིམས་ཀྱི་ཕྱིར་རོ། །སྡོམ་པའི་ཚུལ་ཁྲིམས་ནི་ཚུལ་ཁྲིམས་ཕྱི་མ་གཉིས་ཀྱི་རྟེན་གྱི་དོན་དུ་བྱེད་པ་ཉིད་རིག་པར་བྱ་ལ། དགེ་ཆོས་སྡུད་པའི་ཚུལ་ཁྲིམས་ནི་ ― MR12_Page_0615 ―
[མ་དཔེ་གཟིགས་ན་འདིར་གནོན།]
སངས་རྒྱས་ཀྱི་ཆོས་ཡང་དག་པར་འགྲུབ་པའི་རྟེན་གྱི་དོན་དང་། སེམས་ཅན་དོན་བྱའི་ཚུལ་ཁྲིམས་ནི་སེམས་ཅན་ཡོངས་སུ་སྨིན་པར་བྱེད་པའི་རྟེན་གྱི་དོན་དུ་རིག་པར་བྱའོ། །བསླབ་པ་ཐུན་མོང་དང་ཐུན་མིན་གྱི་ཁྱད་པར་ནི། བྱང་སེམས་རྣམས་ཀྱི་བསླབ་པ་ཉན་ཐོས་རྣམས་དང་ཐུན་མོང་བ་ནི། རང་བཞིན་གྱི་ཁ་ན་མ་ཐོ་བ་དང་བཅས་པ་ཀུན་ཏུ་མི་སྤྱོད་པས་སོ། །བསླབ་པ་ཐུན་མོང་མ་ཡིན་པ་ནི། བཅས་པའི་ཁ་ན་མ་ཐོ་བ་དང་བཅས་པ་དགོས་པ་ཡོད་ན་ཀུན་ཏུ་སྤྱོད་པའི་ཕྱིར་ཏེ། །བསླབ་པ་དེ་ལ་ནི་གང་དུ་ཉན་ཐོས་ཀྱི་ལྟུང་བར་འགྱུར་བ་དེ་ལ་བྱང་ཆུབ་སེམས་དཔའི་ལྟུང་བ་མེད་དོ། །གང་དུ་བྱང་སེམས་ཀྱི་ལྟུང་བར་འགྱུར་བ་དེ་ལ་ཉན་ཐོས་ཀྱི་ལྟུང་བ་མེད་དོ། །དཔེར་ན་དབྱར་གནས་ཀྱི་ནང་དུ་སོང་ན་ཉན་ཐོས་ཀྱི་ལྟུང་བའོ། །བྱང་སེམས་གཞན་སེམས་ཅན་འདུལ་ཕྱིར་འགྲོ་བ་ལ་ལྟུང་བ་མེད་དེ། །གང་དུ་སེམས་ཅན་འདུལ་བའི་དོན་བོར་ཏེ་དབྱར་གནས་ཀྱི་ཆད་པས་འཇིགས་ནས་མི་འགྲོ་ན་བྱང་ཆུབ་སེམས་དཔའི་ལྟུང་བའོ། །ཉན་ཐོས་ལ་ནི་སྙིང་རྗེ་ཆུང་བས་མ་སོང་ཀྱང་ལྟུང་བ་མེད་པའོ། །འདོད་འདུན་རྣམ་འཚེ་སོགས་བྱང་ཆུབ་སེམས་དཔའི་འཆལ་ཁྲིམས་ཡིན་གྱི་ཉན་ཐོས་ཀྱི་མ་ཡིན་ཏེ། སྤོང་བདུན་ཙམ་ལས་བླང་བས་སོ། །དེ་ཅིའི་ཕྱིར་ན་བྱང་སེམས་རྣམས་ཀྱི་ཚུལ་ཁྲིམས་ནི་ལུས་དང་ངག་དང་སེམས་ཀྱིའོ། །ཉན་ཐོས་རྣམས་ཀྱི་ནི་ལུས་དང་ངག་ཉིད་དོ། །དེ་ཉིད་ཀྱི་ཕྱིར་བྱང་སེམས་རྣམས་ཀྱི་སེམས་ཀྱི་ལྟུང་བར་འགྱུར་གྱི། །ཉན་ཐོས་རྣམས་ཀྱི་ནི་མ་ཡིན་ནོ། །མདོར་བསྡུ་ན་ལོག་གཡེམ་སོགས་ལྟ་བུ་གང་ཁ་ན་མ་ཐོ་བ་མེད་པར་སེམས་ཅན་ཐམས་ཅད་ལ་ཕན་འདོགས་པའི་ལུས་ངག་ཡིད་ཀྱི་ལས་དེ་དག་ཐམས་ཅད་བྱང་ཆུབ་ ― MR12_Page_0616 ―
[མ་དཔེ་གཟིགས་ན་འདིར་གནོན།]
སེམས་དཔས་ཀུན་ཏུ་སྤྱོད་པར་བྱ་ཞིང་དེ་ལ་བསླབ་པར་བྱ་སྟེ་དེ་ལྟར་ཐུན་མོང་དང་ཐུན་མོང་མིན་པའི་ཁྱད་པར་ཤེས་པར་བྱའོ། །ལྷག་ཚུལ་སོགས་བསླབ་གསུམ་ཕར་ཕྱིན་དྲུག་ཏུ་འདུས་ཀྱང་ལོགས་སུ་བཤད་པ་རྣམ་བཞག་གཞན་གྱིས་ཏེ། སྔ་ཕྱིའི་རྒྱུ་འབྲས་སུ་བསྟན་པ་སྟེ། ཚུལ་ཁྲིམས་ཀྱི་ཕུང་པོ་ལ་བརྟེན་ནས་ཏིང་ངེ་འཛིན་གྱི་ཕུང་པོ་འབྱུང་བ་དང་། བསམ་གཏན་ལ་བརྟེན་ནས་ཤེས་རབ་ཀྱི་ཕུང་པོ་འབྱུང་བ་དང་། དེ་ལས་རྣམ་པར་གྲོལ་བ། རྣམ་གྲོལ་ཡེ་ཤེས་མཐོང་བའི་ཕུང་པོ་འབྱུང་ངོ་ཞེས་གསུངས་པ་བཞིན་ནོ། ༧ །རྒྱ་ཆེ་བའི་ཁྱད་པར་ནི་རྣམ་པ་བཞིས་ཏེ། སེམས་ཅན་རྗེས་སུ་འཛིན་པའི་ཐབས་སྣ་ཚོགས་དང་ཚད་མེད་པས་བསླབ་པ་ཉིད་རྒྱ་ཆེ་བ་དང་། ཡོངས་སུ་མ་ཆད་པའི་སྙིང་རྗེ་ཆེན་པོས་བསོད་ནམས་ཚད་མེད་པ་ཡོངས་སུ་འཛིན་པ་རྒྱ་ཆེ་བ་ཉིད་དང་། སེམས་ཅན་ཐམས་ཅད་ལ་དགེ་བ་ལ་འཛུད་པ་ཕན་པ་དང་དེ་ལ་ལམ་བདེ་བས་སྤྱོད་བ་བདེ་བར་འམ་ཡང་ན་གཏན་དུ་ཕན་པ་དང་གནས་སྐབས་བདེ་བར་བྱ་བའི་ཕྱིར། བསམ་པ་ཡོངས་སུ་འཛིན་པ་རྒྱ་ཆེ་བ་དང་། འབྲས་བུ་བླ་མེད་རྫོགས་པའི་བྱང་ཆུབ་ལ་དམིགས་པའམ་བརྟེན་པ་རྒྱ་ཆེ་བ་ཉིད་ཀྱི་ཕྱིར་རོ་ཉན་ཐོས་ལ་མེད་པས་འདི་རྒྱ་ཆེ་བའོ། །ཟབ་པ་ཉིད་ནི་གང་ཞིག་བྱང་ཆུབ་སེམས་དཔའ་ཐབས་ལ་མཁས་པ་རྣམས་ཐབས་མཁས་དེ་ལྟ་བུས་སྲོག་གཅོད་སོགས་ལས་རྣམ་པ་བཅུ་སྤྱོད་ཀྱང་། དེས་ཁ་ན་མ་ཐོ་བར་མི་འགྱུར་ལ། བསོད་ནམས་ཚད་མེད་པ་ཡང་སྐྱེད་ཅིང་། བླ་མེད་ཡང་དག་རྫོགས་པའི་བྱང་ཆུབ་ཀྱང་མྱུར་དུ་མངོན་པར་རྫོགས་པར་འཚང་རྒྱ་བའོ། །གཞན་མི་དགེའི་ལས་ལ་མངོན་དུ་ཕྱོགས་པར་ཤེས་ཤིང་དེའི་སེམས་ཀྱང་ཤེས་ལ། དེ་ཐབས་གཞན་གྱིས་བཟློག་མི་ནུས་པས་ངན་འགྲོར་སྐྱེ་བ་ ― MR12_Page_0617 ―
[མ་དཔེ་གཟིགས་ན་འདིར་གནོན།]
དང་། བསད་ན་བདེ་འགྲོར་སྐྱེ་བ་ཡང་མཐོང་ནས། བདག་ལས་འདིས་ངན་སོང་དུ་འགྲོ་བ་སླའི། འདི་སྡུག་བསྔལ་གྱི་ཁུར་ཆེན་པོ་དང་། ལྡན་མི་རུང་སྙམ་པའི་བསམ་པ་ཁྱད་པར་ཅན། སྨན་པ་ལྟ་བུ་ཕན་པར་འདོད་པས་སྲོག་བཅད་པ་ནི། དེད་དཔོན་གྱིས་མི་ནག་མདུང་ཐུང་ཅན་བསད་པ་ལྟ་བུའོ། །གཞན་ཡང་སྤྲུལ་པའི་ལུས་དང་ངག་གི་ལས་ཀྱང་བྱང་ཆུབ་སེམས་དཔའི་ཟབ་པའི་ཚུལ་ཁྲིམས་སུ་རིག་པར་བྱ་སྟེ། དེའི་རྒྱལ་སྲིད་ཀྱང་བྱེད་ཅིང་སེམས་ཅན་རྣམས་ལ་ཁྲིམས་བཅད་པའི་གཙེ་བ་སྣ་ཚོགས་བསྟན་ནས། སེམས་ཅན་འདུལ་བ་ལ་འགོད་དོ། །སྐྱེས་པའི་རབས་སྣ་ཚོགས་བསྟན་པས་སེམས་ཅན་གཞན་ལ་བུ་བུ་མོ་སོགས་མི་འདོད་བཞིན་དུ་གནོད་པ་བྱ་བས། དེ་ལས་གཞན་པའི་སློང་པ་པོའི་སེམས་ཅན་ལ་ཕན་འདོགས་པ་ལྟ་བུ་ཀུན་ཏུ་སྟོན་པས། གཞན་དག་སེམས་དད་པ་སྔོན་དུ་འགྲོ་བས་ཡོངས་སུ་སྨིན་པར་བྱ་བ་ཡང་འགྲུབ་པར་བྱེད་དེ། བུ་དང་བུ་མོ་སྦྱིན་པ་སོགས་ཀྱང་དེ་དག་གི་རྒྱུད་མ་མོས་བཞིན་དུ་མ་ཡིན་ཞིང་། འཕྲལ་ཕུག་དེ་དག་ལ་གནོད་པ་མེད་པར་རིག་ནས་སྦྱིན་གྱི་དེ་དག་ལ་བརྩེ་བ་མེད་པ་ནི་མ་ཡིན་ལ། ཡང་ན་སྤྲུལ་པའི་བུ་བུ་མོ་སོགས་སྦྱིན་ནོ། །སྤྲུལ་པ་ཡིན་ན་ཕན་ཡོན་འབྱུང་ངམ་ཞེ་ན། ཕ་རོལ་ལ་ཕན་བཏགས་པ་འདྲ་བས་བསོད་ནམས་འབྱུང་ངོ་། །ལེན་པ་པོ་ཡང་སྤྲུལ་པར་གྱུར་ན་ཡང་། སེམས་དྭང་བས་བྱིན་པས་ཕན་ཡོན་དང་། དྭང་བ་དེས་གཞན་སྨིན་པར་འགྱུར་རོ། །འདི་ནི་བྱང་ཆུབ་སེམས་དཔའི་ཚུལ་ཁྲིམས་ཟབ་པ་ཉིད་ཀྱི་ཁྱད་པར་རོ། །མདོར་བསྡུ་ན་ཁྱད་པར་རྣམ་པ་འདི་བཞིས་བྱང་ཆུབ་སེམས་དཔའི་ཚུལ་ཁྲིམས་ཀྱི་སྡོམ་པ་ཉན་ཐོས་པ་ལས་ཁྱད་པར་ཅན་དུ་རིག་པར་བྱའོ། །རབ་ཏུ་དབྱེ་བ་བཞི་པོ་འདིས་ན་བྱང་སེམས་ ― MR12_Page_0618 ―
[མ་དཔེ་གཟིགས་ན་འདིར་གནོན།]
ཀྱི་བསླབ་པའི་རབ་ཏུ་དབྱེ་བ་ཚད་མེད་པ་འབྱུང་སྟེ་དེ། དཔེར་ན་འདུལ་བར་བསྙད་པ་ཐེག་པ་ཆེན་པོ་ཤིན་ཏུ་རྒྱས་པའི་མདོ་སྡེ་ལས་སྤྲོས་པ་སྟོང་ཕྲག་བརྒྱས་བཤད་པ་འབྱུང་བ་ལྟ་བུའོ། ༧ །དེ་ལྟར་ལྷག་པའི་ཚུལ་ཁྲིམས་ཀྱི་ཁྱད་པར་བསྟན་ནས། བདུན་པ་ལྷག་པའི་སེམས་ཀྱི་ཁྱད་པར་ཇི་ལྟར་བལྟ་ཞེ་ན། མདོར་བསྡུ་ན་རབ་ཏུ་དབྱེ་བ་དྲུག་གིས་བལྟ་བར་བྱ་སྟེ། སེམས་ཀྱི་བསླབ་པ་ཞེས་པ། འདིར་སེམས་ཀྱི་སྒྲ་ནི་སེམས་ལས་བྱུང་བའི་ཏིང་ངེ་འཛིན་ལ་བརྗོད་དེ། སེམས་ཀྱིས་བྲིས་ཞེས་པ་འབྲི་བའི་སེམས་ལ་བྱ་བ་བཞིན་ནོ། །དམིགས་པས་རབ་ཏུ་༡དབྱེ་བ་དང་། སྣ་ཚོགས་ཉིད་ཀྱིས་རབ་ཏུ་དབྱེ་བ༢་དང་། གཉེན་པོས་རབ་ཏུ་དབྱེ་བ༣་དང་། ལས་སུ་རུང་བ་ཉིད་ཀྱིས་རབ་ཏུ་དབྱེ་བ༤་དང་། མངོན་པར་སྒྲུབ་པས་རབ་ཏུ་དབྱེ་བ༥་དང་། ལས་ཀྱིས་རབ་ཏུ་དབྱེ་བ༦་སྟེ། །དེ་དག་གི་དོན་ནི་རིམ་པ་བཞིན་དུ་འདི་ལྟར་ཤེས་པར་བྱ་སྟེ། ཉན་ཐོས་ཀྱི་ཐེག་པ་སྤང་བའི་ཐེག་པ་ཆེན་པོའི་ཆོས༡་ལ་དམིགས་པའི་ཕྱིར་རོ། ༧ །གང་ལ་མཉམ་པར་བཞག་ན་ཐེག་པ་ཆེན་པོའི་ཆོས་མཐའ་དག་སྣང་བ་དང་དེ་ཐེག་པ་ཆེན་པོ་སྣང་བའི་ཏིང་ངེ་འཛིན་ནོ། །གང་དུ་བསོད་ནམས་ཐམས་ཅད་ཡང་དག་པར་འགྲུབ་པའམ་བསགས་པ་དང་དེ་དེའི་ཏིང་འ ཛིན་ནོ། །ཏིང་ངེ་འཛིན་གྱི་རྒྱལ་པོ་བཟང་སྐྱོང་འཇིག་རྟེན་གྱི་རྒྱལ་པོ་བཞིན་དུ་ཏིང་འཛིན་ཐམས་ཅད་ཀྱི་བདག་པོ་སྟེ། གང་ཡོད་ན་ཕྱོགས་བཅུ་རྣམས་སུ་ད་ལྟར་གྱི་སངས་རྒྱས་རྣམས་མངོན་སུམ་དུ་མཐོང་བར་འགྱུར་རོ་དང་། དཔའ་བར་འགྲོ་བ་ནི་ཏིང་འཛིན་ཀུན་གྱི་མཆོག་སྟེ་དམག་མི་རྣམས་ཀྱི་ནང་ན་དམག་དཔོན་དཔའ་བོ་བཞིན་དུ་བདུད་ཀྱི་ཚོགས་འཇོམས་པར་ནུས་པའོ། །དེ་ལ་སོགས་པའི་ཏིང་འཛིན་སྣ་ཚོགས་ཚད་མེད་པའི་ཕྱིར༢་རོ། ༧ །ཆོས་ཐམས་ཅད་འདྲེས་པ་ ― MR12_Page_0619 ―
[མ་དཔེ་གཟིགས་ན་འདིར་གནོན།]
བསྡུས་པའམ་སྤྱི་ལ་དམིགས་པའི་ཡེ་ཤེས་ཀྱིས་དེ་བཞིན་ཉིད་དུ་ཆོས་ཐམས་ཅད་འདྲེས་པར་བྱེད་དེ། དེ་ལས་གུད་ན་མེད་པའི་ཕྱིར་རོ་ཁྱེའུས་ཁྱེའུ་དབྱུང་བའི་ཚུལ་ཏེ་ཁྱེའུ་སྔ་མས་ཁྱེའུ་ཕྱི་མ་དབྱུང་བ་དང་། ཁྱེའུ་ཕྲ་མོས་ཆེན་པོ་དབྱུང་བའི་ཚུལ་དུ་ཀུན་གཞིའི་རྣམ་ཤེས་ལ་གནས་ངན་ལེན་གྱི་ས་བོན་རགས་པ་ཡོད་པ་ཐམས་ཅད་དེ་བཞིན་ཉིད་ལ་དམིགས་པ་གཉེན་པོའི་ཤེས་པ་ཕྲ་མོས་འབྱིན་པའི་༣ཕྱིར་རོ། ༧ །བསམ་གཏན་གྱི་བདེ་བ་དག་གིས་གནས་པ་ལས་མ་ཉམས་བཞིན་འདོད་པ་སོགས་གནས་གང་ནས་གང་དུ་འདོད་པར་སྐྱེ་བ་ཡོངས་སུ་འཛིན༤་པའམ་ལེན་དུ་རུང་བའི་ཕྱིར་རོ། ༧ །ཏིང་ངེ་འཛིན་གྱི་ཡོན་ཏན་གྱིས་འཇིག་རྟེན་གྱི་ཁམས་ཐམས་ཅད་དུ་ཐོགས་པ་མེད་པའི་མངོན་ཤེས་མངོན་པར་སྒྲུབ་པ་དང་། དེ་ལས་འཇིག་རྟེན་གྱི་ཁམས་གཡོ་ཞིང་སྒུལ་བར་བྱེད་པ་དང་། མེ་སོགས་འབར་བར་བྱེད་པ་དང་། དེ་ཐམས་ཅད་དུ་ལུས་དང་འོད་སོགས་ཀྱིས་ཁྱབ་པར་བྱེད་པ་དང་། འཇིག་རྟེན་གྱི་ཁམས་བསྐལ་པ་རྣམ་ཀྱང་སྟོན་པ་དང་། ས་སོགས་ཆུ་ལ་སོགས་པ་གཞན་གྱི་དངོས་པོར་བསྒྱུར་བ་དང་། སྐད་ཅིག་མས་འཇིག་རྟེན་གྱི་ཁམས་དུ་མར་འགྲོ་བ་དང་། འཇིག་རྟེན་གྱི་ཁམས་མང་པོ་རྡུལ་ཕྲ་རབ་གཅིག་གི་ནང་དུ་སྡུད་པ་དང་། འཇིག་རྟེན་གྱི་ཁམས་མང་པོ་རྡུལ་གཅིག་གིས་ཁྱབ་པའམ་རྒྱས་པར་བྱེད་པ་དང་། རང་གི་ལུས་སུ་གཟུགས་ཀྱི་ལུས་ཐམས་ཅད་འཇུག་པའམ་རང་གི་ལུས་ལ་འཇོག་པ་དང་། འདུལ་བའི་ཕྱིར་གང་གི་གཟུགས་དང་འདྲ་བར་སྐལ་བ་མཉམ་པས་དེའི་གན་དུ་འགྲོ་བ་དང་། མངོན་པའམ་སྣང་བར་བྱེད་ཅིང་མི་མངོན་པར་མི་སྣང་བར་ཡང་བྱེད་པ་དང་། བདུད་སངས་རྒྱས་ཉིད་དུ་བསྒྱུར་བ་སོགས་དབང་ཉིད་དུ་བྱེད་པ་དང་། གཞན་གྱི་རྫུ་འཕྲུལ་ཟིལ་གྱིས་གནོན་པ་དང་རབ་ཏུ་འཇོམས་ ― MR12_Page_0620 ―
[མ་དཔེ་གཟིགས་ན་འདིར་གནོན།]
པ་དང་། སྤོབས་པ་མེད་པ་རྣམས་ལ་སྤོབས་པ་སྦྱིན་པ་དང་། དེ་བཞིན་བརྗེད་ངས་ལ་དྲན་པ་དང་། སྡུག་བསྔལ་ཅན་ལ་བདེ་བ་སྦྱིན་པ་དང་། བྱང་སེམས་ཆོས་ཉན་པར་དགུག་པ་སོགས་ཀྱི་ཕྱིར་འོད་ཟེར་གཏོང་བའི་རྫུ་འཕྲུལ་ཆེན་པོ་མངོན་པར་སྒྲུབ་པ་དང་སྟེ་ཉན་ཐོས་ལ་མེད་པའི་རྫུ་འཕྲུལ་ཆེན་པོ་དེ་དག་མངོན་པར་འདུ་བྱེད་དོ། །བྱང་ཆུབ་སེམས་དཔའ་དཀའ་བ་སྤྱོད་པ་ཐམས་ཅད་བསྡུས་པ་དཀའ་བ་སྤྱོད་པ་རྣམ་པ་བཅུ་མངོན་པར་སྒྲུབ༥་པའི་ཕྱིར་རོ། །དཀའ་བ་སྤྱོད་པ་རྣམ་པ་བཅུ་འདི་ལྟ་སྟེ། ཁས་བླང་བར་དཀའ་བ་སྤྱོད་པ་ནི། བྱང་ཆུབ་ཆེན་པོར་སྨོན་ལམ་འདེབས་པ་ནི་བདག་གི་བདེ་བ་ལ་རེ་བ་མེད་པའི་གཞན་དོན་བྱེད་པར་ཁས་ལེན་པའི་ཕྱིར་རོ། །མི་ལྡོག་པར་དཀའ་བ་སྤྱོད་པ་ནི་འཁོར་བའི་སྡུག་བསྔལ་རྣམས་ཀྱིས་མི་ཟློག་པའི་ཕྱིར་རོ། །ཕྱིར་མི་ཕྱོགས་པར་དཀའ་བ་སྤྱོད་པ་ནི་སེམས་ཅན་ཐམས་ཅད་ཀྱི་ལོག་པར་སྒྲུབ་པ་རྣམས་ཀྱིས་གདུལ་བྱ་དེ་ལས་ཡིད་ཕྱིར་མི་ཕྱོགས་པའི་ཕྱིར་རོ། །གང་དག་མ་སོགས་ལ་ལོག་པར་སྒྲུབ་པ་དང་། རྩེ་ཕྱིར་མིག་བསླང་ནས་རྐང་པས་འདྲིལ་པ་ལྟ་བུ་རྣམས་ལས་སོ། །མངོན་དུ་ཕྱོགས་པར་དཀའ་བ་སྤྱོད་པ་ནི། གནོད་པར་བྱེད་པའི་སེམས་ཅན་རྣམས་ཀྱི་དོན་ཐམས་ཅད་བྱ་བ་ལ་མངོན་དུ་ཕྱོགས་པའི་ཕྱིར་རོ། །མི་གོས་པར་དཀའ་བ་སྤྱོད་པ་ནི་འཇིག་རྟེན་དུ་སྐྱེས་ཀྱང་འཇིག་རྟེན་པའི་ཆོས་བརྒྱད་ཀྱིས་མི་གོས་པའི་ཕྱིར་རོ། །མོས་པར་དཀའ་བ་སྤྱོད་པ་ནི། དེའི་དོན་མངོན་པར་རྟོགས་པའམ་ཁོང་དུ་ཆུད་པ་མེད་པར་མོས་སྤྱོད་ཀྱི་དུས་ན་ཡང་ཐེག་པ་ཆེན་པོ་ལ་རྒྱ་ཆེ་བ་ཉིད་དང་། ཟབ་པ་ཉིད་བསྟན་པ་ཐམས་ཅད་ལ་མོས་པའི་ཕྱིར་རོ། །རྟོགས་པར་དཀའ་བ་སྤྱོད་པ་ནི་གང་ཟག་དང་ཆོས་ལ་བདག་མེད་པ་རྟོགས་པའི་ཕྱིར་རོ། ། ― MR12_Page_0621 ―
[མ་དཔེ་གཟིགས་ན་འདིར་གནོན།]
ཁོང་དུ་ཆུད་པར་དཀའ་བ་སྤྱོད་པ་ནི་དེ་བཞིན་གཤེགས་པ་རྣམས་ཀྱི་དགོངས་ཏེ་གསུང་བ་ཟབ་མོ་ལ་ཡིད་མི་གོལ་བར་དེའི་དོན་ཁོང་དུ་ཆུད་པའི་ཕྱིར་རོ། །མི་འབྱེད་པར་ཀུན་ནས་ཉོན་མོངས་པ་མེད་པར་དཀའ་བ་སྤྱོད་པ་ནི། འཁོར་བ་ཡོངས་སུ་མི་གཏོང་བས་མི་འབྱེད་ན་ཡང་དེས་ཀུན་ནས་ཉོན་མོངས་པ་མེད་པའི་ཕྱིར་དེ་གཉིས་མི་འབྱེད་པར་གཉིས་ཀ་མཉམ་དུ་བྱེད་པའི་ཕྱིར་རོ། །སྦྱོར་བར་དཀའ་བ་སྤྱོད་པ་ནི་སྒྲིབ་པ་ཐམས་ཅད་ལས་རྣམ་པར་གྲོལ་བ་ལ་བཞུགས་པའི་སངས་རྒྱས་རྣམས་རང་དོན་རྫོགས་ཀྱང་འཁོར་བའི་མཐའི་བར་དུ་ལྷུན་གྱིས་གྲུབ་པར་སེམས་ཅན་ཐམས་ཅད་ཀྱི་དོན་ཐམས་ཅད་མཛད་པ་དག་ལ་སྦྱོར་བའི་ཕྱིར་རོ། །ཁོང་དུ་ཆུད་པར་དཀའ་བ་སྤྱོད་པ་སངས་རྒྱས་རྣམས་ཀྱི་དགོངས་ཏེ་གསུངས་པ་བྱང་སེམས་དེ་དག་གིས་ཁོང་དུ་ཆུད་པ་ཅི་འདྲ་བ་ཞིག་ཞེ་ན། དཔེར་ན་མདོ་ལས་ཇི་ལྟར་ན་བྱང་ཆུབ་སེམས་དཔའ་སྦྱིན་ཕོད་པ་ཡིན་ཞེ་ན། འཁོར་གསུམ་མི་དམིགས་པས་སུས་སུ་ལ་སྦྱིན་པར་མ་དམིགས་པས་སམ་བདག་གཞན་མཉམ་པར་རྟོགས་པས་གཞན་སུ་ལའང་བྱིན་པར་མི་རྟོག་པར་ཐམས་ཅད་ལ་སྦྱིན་པར་དགོངས་ཏེ། གལ་ཏེ་སྦྱིན་པ་ཅུང་ཟད་མི་སྦྱིན་ལ་དེ་ཕྱོགས་བཅུའི་འཇིག་རྟེན་ཐམས་ཅད་དུ་སྦྱིན་པ་བྱ་བ་ཚད་མེད་པ་ལ་ཡང་འཇུག་གོ། ཇི་ལྟར་ན་སྦྱིན་པ་འདོད་པ་ཡིན་ཞེ་ན། གལ་ཏེ་བདག་དང་ཉེ་དུ་ལ་སྦྱིན་ནམ་སྙམ་དུ་སྦྱིན་སོགས་སྦྱིན་པ་ཐམས་ཅད་ལ་འདོད་པར་མི་བྱེད་པའོ་ཞེས་བཀག་པའི་ཕྱིར་མི་འདོད་པ་སྟེ་མྱང་འདས་དང་གཞན་ཕན་དང་དངོས་པོ་མེད་པར་དམིགས་པས་སོ། །ཇི་ལྟར་ན་སྦྱིན་པ་ལ་མོས་པར་ཡིན་ཞེ་ན། གལ་ཏེ་དེ་བཞིན་གཤེགས་པ་རྣམས་ལ་དད་པས་མི་འགྲོ་བའོ་དེ་ནི་ལུང་ཙམ་ལ་བརྟེན་པ་མིན་པར་ ― MR12_Page_0622 ―
[མ་དཔེ་གཟིགས་ན་འདིར་གནོན།]
སོ་སོ་རང་རིག་གི་ཆོས་ཉིད་རྟོགས་ནས་སྦྱིན་པར་བྱེད་པའོ། །ཇི་ལྟར་ན་སྦྱིན་པ་ལ་མཇུག་པ་བྱེད་པ་ཡིན་ཞེ་ན། གལ་ཏེ་རང་གི་ངང་གིས་འཇུག་པས་ཆེད་དུ་བདག་སྦྱིན་པར་འཇུག་པར་འབད་མི་དགོས་པས་བདག་སྦྱིན་པ་ལ་འཇུག་པར་མི་བྱེད་པ་སྟེ། དེའི་དོན་རང་བཞིན་ཉིད་ཀྱིས་སྦྱིན་ཞེས་བྱ་གཞན་འཇུག་པར་བྱེད་པའི་ཐ་ཚིག་གོ། ཇི་ལྟར་ན་སྦྱིན་པ་ལ་མངོན་པར་དགའ་བ་ཡིན་ཞེ་ན། གལ་ཏེ་ལན་འགའ་ཙམ་དུ་བྱེད་པའི་སྦྱིན་པ་ཅི་ཡང་སྦྱིན་པར་མི་བྱེད་པའོ་ཞེས་རྟག་ཏུ་སྦྱིན་པར་བྱེད་ཅེས་སོ། །ཇི་ལྟར་ན་སྦྱིན་པ་ལ་ཆེ་བ་ཡིན་ཞེ་ན། གལ་ཏེ་རྣམ་པར་གཡེང་བས་གཡོ་བའི་སྦྱིན་པ་ལ་སྙིང་པོ་མེད་པའི་འདུ་ཤེས་སུ་གྱུར་པའོ་སངས་རྒྱས་ནས་མཉམ་པར་བཞག་བཞིན་སྦྱིན་པའམ་སྦྱིན་པ་མི་དམིགས་པར་ཡང་ངོ་། །ཇི་ལྟར་ན་སྦྱིན་པ་དག་པ་ཡིན་ཞེ་ན། གལ་ཏེ་སེར་སྣ་རྩད་ནས་འབྱུང་བར་བྱེད་པའོ། །ཇི་ལྟར་ན་སྦྱིན་པ་མཐར་ཕྱིན་པ་ཡིན་ཞེ་ན། གལ་ཏེ་མཐའ་ཉན་ཐོས་ལྟར་ཞི་བར་བགྲོད་པ་གཅིག་པའི་ལ་མི་གནས་པར་གྱུར་པའོ། །ཇི་ལྟར་ན་སྦྱིན་པ་ལ་བདག་པོ་ཡིན་ཞེ་ན། གལ་ཏེ་སྦྱིན་པ་ལ་མི་མཐུན་ཕྱོགས་སེར་སྣ་སོགས་ཀྱིས་དབང་བྱེད་པ་མ་ཡིན་པའོ། །ཇི་ལྟར་ན་སྦྱིན་པ་མི་ཟད་པ་ཡིན་ཞེ་ན། གལ་ཏེ་མི་ཟད་པ་ལ་མྱང་འདས་ཀྱི་མཐའ་ལ་མི་གནས་པར་གྱུར་པའོ། །ཕུན་སུམ་ཚོགས་པའི་མཐར་ཐུག་སངས་རྒྱས་ཉིད་ཐོབ་ནས་དེ་ཙམ་ལ་མི་གནས་གྱི་སྤྲུལ་པ་རྣམས་ཀྱིས་གཞན་ལ་ཕན་བདེ་སྦྱིན་པའོ། །སྦྱིན་པ་ལ་ཇི་ལྟ་བ་དེ་བཞིན་དུ་ཚུལ་ཁྲིམས་ལ་སོགས་པ་ཤེས་རབ་ལ་ཐུག་པ་རྣམས་ལ་ཡང་ཅི་རིགས་སུ་ཤེས་པར་བྱའོ། །ཇི་ལྟར་ན་ཚུལ་ཁྲིམས་དང་ལྡན་པ་ཡིན་ཞེ་ན། གལ་ཏེ་ཚུལ་ཁྲིམས་ཅུང་ཟད་མི་སྲུང་བའོ་སྟེ་བདག་དང་གཞན་མཉམ་པ་ཉིད་དུ་མཐོང་བའི་ཕྱིར་གཞན་གྱི་ ― MR12_Page_0623 ―
[མ་དཔེ་གཟིགས་ན་འདིར་གནོན།]
ཚུལ་ཁྲིམས་དང་ལྡན་པར་གྱུར་པའོ། །ཇི་ལྟར་ན་སྲོག་གཅོད་པ་ཡིན་ཞེ་ན། གལ་ཏེ་སྲོག་ཆགས་རྣམས་འཁོར་བ་ལས་ཤིན་ཏུ་བཟློག་པའོ་སྟེ་འཁོར་བའི་སྲོག་གཏན་དུ་བཅད་པའོ། །ཇི་ལྟར་ན་མ་སྦྱིན་ལེན་པ་ཡིན་ཞེ་ན། གལ་ཏེ་སུས་ཀྱང་མ་བྱིན་པར་བདག་ཉིད་ཀྱི་སེམས་ཅན་ཐམས་ཅད་ལེན་པའོ། །ཇི་ལྟར་ན་འདོད་པ་ལ་ལོག་པར་སྤྱོད་པ་ཡིན་ཞེ་ན། གལ་ཏེ་འདོད་པ་རྣམས་ལ་ལོག་པའོ་ཞེས་སྤྱོད་པའོ། །ཇི་ལྟར་ན་བརྫུན་དུ་སྨྲ་བ་ཡིན་ཞེ་ན། གལ་ཏེ་གང་འདུ་བྱེད་ཐམས་ཅད་འཁྲུལ་བའི་ཆོས་བརྫུན་པ་དེ་ལ་བརྫུན་ནོ་ཞེས་སྨྲ་བའོ། །ཇི་ལྟར་ན་ཕྲ་མ་བྱེད་པ་ཡིན་ཞེ་ན། གལ་ཏེ་སྟོང་པ་ཉིད་ལ་གནས་པའི་མཆོག་གིས་གནས་པའོ་ཞེས་ངེས་པའི་ཚིག་གི་ཚུལ་ལོ། །ཇི་ལྟར་ན་ངག་རྩུབ་པོ་སྨྲ་བ་ཡིན་ཞེ་ན། གལ་ཏེ་ཤེས་བྱའི་ཕ་རོལ་ཏུ་ཐམས་ཅད་མཁྱེན་པ་དག་ཏུ་འདུག་པའམ་གནས་པའོ། །ཇི་ལྟར་ན་ཚིག་ཀྱལ་བ་སྨྲ་བ་ཡིན་ཞེ་ན། གལ་ཏེ་ཆོས་ཐམས་ཅད་ཡང་དག་པར་རྣམ་པར་ཕྱེ་སྟེ་སྨྲ་བའོ། །ཇི་ལྟར་ན་བརྣབ་སེམས་ཅན་ཡིན་ཞེ་ན། གལ་ཏེ་བདག་རྒྱུན་དུ་བླ་ན་མེད་པའི་བསམ་གཏན་སངས་རྒྱས་ཀྱི་ཐུགས་རྒྱུད་ལ་མངའ་བ་ཐོབ་པར་བྱེད་པའོ། །ཇི་ལྟར་ན་གནོད་སེམས་ཀྱི་སེམས་དང་ལྡན་པ་ཡིན་ཞེ་ན། གལ་ཏེ་སེམས་ལ་ཉོན་མོངས་པར་བྱེད་པ་ཐམས་ཅད་ལ་འདིས་གནོད་པར་བྱས་པ་ཡིན་ནོ་ཞེས་སེམས་པའོ། །ཇི་ལྟར་ན་ལོག་པར་ལྟ་བ་ཅན་ཡིན་ཞེ་ན། གལ་ཏེ་གང་དུས་ཐམས ཅད་ན་སེམས་ཅན་ཐམས་ཅད་ལ་འདུག་པའི་ལོག་པ་ཡང་དག་མིན་པའི་ཀུན་རྟོག་དེ་ཇི་ལྟ་བ་བཞིན་དུ་མཐོང་བའམ་ལྟ་བའོ། །སངས་རྒྱས་ཀྱི་ཆོས་ཟབ་བོ་ཞེས་བྱ་བ་ལ། སངས་རྒྱས་ཀྱི་ ― MR12_Page_0624 ―
[མ་དཔེ་གཟིགས་ན་འདིར་གནོན།]
ཆོས་རྣམས་ཟབ་པ་གང་ཞེ་ན། འདིར་བསྟན་པ་རྟག་པའི་ཆོས་རྣམས་ནི། སངས་རྒྱས་ཀྱི་ཆོས་རྣམས་ཏེ་ཆོས་ཀྱི་སྐུ་རྟག་པའི་ཕྱིར་རོ། །ཆད་པའི་ཆོས་རྣམས་ནི་སངས་རྒྱས་ཀྱི་ཆོས་རྣམས་ཏེ། སྒྲིབ་པ་ཐམས་ཅད་ཆད་པའི་ཕྱིར་རོ། །སྐྱེ་བའི་ཆོས་རྣམས་ནི་སངས་རྒྱས་ཀྱི་ཆོས་རྣམས་ཏེ། སྤྲུལ་པའི་སྐུ་སྐྱེ་བའི་ཕྱིར་རོ། །དམིགས་པའི་ཆོས་རྣམས་ནི་སངས་རྒྱས་ཀྱི་ཆོས་རྣམས་ཏེ། སེམས་ཅན་གྱི་སྤྱོད་པ་བརྒྱད་ཁྲི་བཞི་སྟོང་གི་གཉེན་པོ་དག་དང་བཅས་པ་དམིགས་པའི་ཕྱིར་རོ། །འདོད་ཆགས་དང་བཅས་པའི་ཆོས་རྣམས་ནི་སངས་རྒྱས་ཀྱི་ཆོས་རྣམས་ཏེ། འདོད་ཆགས་དང་བཅས་པའི་སེམས་ཅན་རྣམས་སངས་རྒྱས་ཀྱིས་བདག་ཏུ་བཟུང་བའམ་བདག་ཏུ་ཁས་བླངས་པའི་ཕྱིར་རོ། །དེ་བཞིན་ཞེ་སྡང་དང་བཅས་པའི་ཆོས་རྣམས་དང་། གཏི་མུག་དང་བཅས་པའི་ཆོས་རྣམས་དང་སོ་སོའི་སྐྱེ་བོའི་ཆོས་རྣམས་ཀྱང་སངས་རྒྱས་ཀྱི་ཆོས་རྣམས་སུ་བལྟ་བར་བྱའོ། །མི་གོས་པའི་ཆོས་རྣམས་ནི་སངས་རྒྱས་ཀྱི་ཆོས་རྣམས་ཏེ། རྣམ་པར་དག་པར་གྲུབ་པའི་དེ་བཞིན་ཉིད་ལ་སྒྲིབ་པ་ཐམས་ཅད་ཀྱིས་མི་གོས་པའི་ཕྱིར་རོ། །ཉེ་བར་གོས་པ་མེད་པའི་ཆོས་རྣམས་སངས་རྒྱས་ཀྱི་ཆོས་རྣམས་ཏེ། འཇིག་རྟེན་དུ་སྐྱེས་ཀྱང་འཇིག་རྟེན་པའི་ཆོས་རྣམས་ཀྱིས་ཉེ་བར་གོས་པ་མེད་པའི་ཕྱིར་རོ། །དེའི་ཕྱིར་སངས་རྒྱས་ཀྱི་ཆོས་རྣམས་ནི་ཟབ་པ་ཞེས་བྱའོ། །ཞེས་གསུངས་སོ། །དགོངས་ཏེ་གསུངས་པའི་འབྲས་བུའམ་དགོས་པ་ཅི་ཞེ་ན། སྟོན་པ་པོས་བཞག་སླ་སྟེ། དོན་ཡོངས་སུ་བསྡུས་པའི་ཕྱིར། གཞན་དག་ལ་ཡང་བཤད་སླ་བས་དེས་གཟུང་སླའོ། །དེའི་ཕྱིར་བསྟན་པ་བཟུང་བས་ཚོགས་ཡོངས་སུ་རྫོགས་སླ། ― MR12_Page_0625 ―
[མ་དཔེ་གཟིགས་ན་འདིར་གནོན།]
ཚོགས་རྫོགས་པས་ཆོས་ཉིད་རྟོགས་པར་བྱེད་དོ། །སངས་རྒྱས་ལ་དགོངས་ཟབ་མངའ་བར་ཆེ་བ་ཤེས་ནས་དད་པ་ཐོབ། ཆོས་དགེ་འདུན་ལ་ཡང་དེ་བཞིན་ནོ། །མཐོང་ཆོས་བདེར་གནས་ཐོབ་སྟེ་དེ་རྟོགས་པའི་ཕྱིར་རོ། །འབེལ་གཏམ་གྱིས་མཁས་པ་རྣམས་ཀྱི་མདུན་ན་མཁས་པའི་གྲངས་སུ་འགྲོ་བས་འདི་བཅུའོ་གསུངས། དེའི་ཕྱིར་ཉན་ཐོས་ཀྱི་ཐེག་པར་ཡང་། ཕ་དང་མ་ནི་གསོད་བྱས་ཤིང་། །ཞེས་སོགས་གསུངས་སོ། །ཕ་རོལ་ཕྱིན་པ་བསྒོམ་པ༦་དང་། དེ་ལ་བརྟེན་ནས་སེམས་ཅན་ཡོངས་སུ་སྨིན་པར་བྱ་བ་དང་།སངས་རྒྱས་ཀྱི་ཞིང་ཡོངས་སུ་དག་པར་བྱ་བ་དང་། སངས་རྒྱས་ཀྱི་ཆོས་ཐམས་ཅད་བསྒྲུབ་པའི་ཕྱིར་བྱང་ཆུབ་སེམས་དཔའི་ཏིང་ངེ་འཛིན་རྣམས་ཀྱི་ལས་ཀྱི་རབ་ཏུ་དབྱེ་བར་བལྟའོ། །ཏིང་འཛིན་མེད་ན་དེ་བཞིན་བྱེད་མི་ནུས་ཏེ་ཉན་ཐོས་བཞིན་ནོ་ཞེས་བཤད་དེ་ལྟར་ལྷག་པའི་སེམས་ཀྱི་ཁྱད་པར་བསྟན་ནས། བརྒྱད་པ་ལྷག་པའི་ཤེས་རབ་ཀྱི་ཁྱད་པར་ཇི་ལྟར་བལྟ་ཞེ་ན། རྣམ་པར་མི་རྟོག་པའི་ཡེ་ཤེས༡་ཀྱི་ངོ་བོ་ཉིད་དང་། གནས༢་དང་། གཞི་དང༣་། དམིགས་༤པ་དང་། རྣམ་པ༥་དང་། བརྒལ་བའི་ལན་༦དང་། རྟེན༧་དང་། གྲོགས༨་དང་། རྣམ་པར་སྨིན་པ༩་དང་། རྒྱུ་མཐུན་པ༡༠་དང་། ངེས་པར་འབྱུང༡༡་བ་དང་། མཐར་ཐུག་པར༡༢་འགྲོ་བ་དང་། སྦྱོར་བ་ལས་བྱུང༡༣་བ་དང་། རྣམ་པར་མི་རྟོག་པ༡༤་དང་། རྗེས་ལས་ཐོབ་པའི་ཡེ་ཤེས་གསུམ་གྱི་ཕན༡༥་ཡོན་དང་། དེ་གསུམ་གྱི་རབ་ཏུ་དབྱེ་བ༡༦་དང་། རྣམ་པར་མི་རྟོག་པ་དང་རྗེས་ལས་ཐོབ་པའི་དཔེ་དང་༡༧། ལྷུན་གྱིས་གྲུབ་པར་བྱ་བ་བསྒྲུབ་༡༨པ་དང་། ཟབ༡༩་པ་ཉིད་ཀྱིས་ཀྱང་རྣམ་པར་མི་རྟོག་པའི་ཡེ་ཤེས་ནི་ལྷག་པའི་ཤེས་རབ་ཀྱི་ཁྱད་པར་དུ་བལྟ་ ― MR12_Page_0626 ―
[མ་དཔེ་གཟིགས་ན་འདིར་གནོན།]
བར་བྱའོ། །དེ་ལ་རྣམ་པ་ལྔས་རྣམ་པར་སྤང་བ་ནི་རྣམ་པར་མི་རྟོག་པའི་ཡེ་ཤེས་ཀྱི་ངོ་བོ་ཉིད་ཅེས་བྱ་སྟེ། ཡིད་ལ་མི་བྱེད་པ་གཉིད་ལོག་པར་རོ་བ་ལྟ་བུ་ཡོངས་སུ་སྤངས་པ་དང་། རྟོག་པ་དང་བཅས་པ་དང་དཔྱོད་པ་དང་བཅས་པའི་ས་བསམ་གཏན་གཉིས་པ་ཡན་ཆོད་སོ་སྐྱེའི་སེམས་དང་ཉན་ཐོས་ཀྱང་མི་རྟོག་ཡེ་ཤེས་སུ་ཐལ་བས་དེ་ལས་ཤིན་ཏུ་འདའ་བ་སྟེ་ཡོངས་སུ་སྤངས་པ་དང་། འདུ་ཤེས་དང་ཚོར་བ་འགོག་པའི་ཉེ་བར་ཞི་བ་འགོག་སྙོམས་ཡོངས་སུ་སྤངས་པ་དང་། སེམས་ལས་བྱུང་བ་མེད་པར་ནི། །སེམས་ནི་ནམས་ཀྱང་མི་འབྱུང་སྟེ། །ཉི་མ་དང་ནི་འོད་ཟེར་བཞིན། །དེ་དག་ཉིད་དང་ལྷན་ཅིག་འབྱུང་། །ཞེས་བཤད། སེམས་མེད་པ་གཟུགས་ཀྱི་ངོ་བོ་ཉིད་ལྟ་བུ་ཡོངས་སུ་སྤངས་པ་དང་། དེ་ཁོ་ནའི་དོན་ལ་མི་རྟོག་གོ་སྙམ་དུ་བཀྲ་བར་འཛིན་པ་ཉིད་རྣམ་རྟོག་ཡིན་པས་ཡོངས་སུ་སྤངས་པའི་ཕྱིར་ཏེ། རྣམ་པར་མི་རྟོག་པའི་ཡེ་ཤེས་ནི་རྣམ་པ་འདི་ལྔ་ཡོངས་སུ་སྤངས་པར་རིག་པར་བྱའོ། །དེའི་ངོ་བོ་སྒྲུབ་པའི་ཚུལ་གྱིས་བསྟན་མི་ནུས་པས་དགག་པའི་སྒོ་ནས་བསྟན་ཏོ། །འདི་སྐབས་སུ། རྣམ་པར་མི་རྟོག་པའི་ཡེ་ཤེས་དེ་ཡང་ཀུན་ཏུ་ཚོལ་བའི་རྣམ་པར་མི་རྟོག་པ་ནི་སྦྱོར་བ་ལས་བྱུང་བའོ། །དེའི་འབྲས་བུ་དངོས་གཞི་རྣམ་པར་མི་རྟོག་པ་རང་ཉིད་དོ། །དེའི་འབྲས་བུ་རྗེས་ལས་ཐོབ་པའོ། །དེ་གསུམ་ཀར་རྣམ་པར་མི་རྟོག་པའི་མིང་འཇུག་པ་ནི། ཤེས་རབ་ཀྱི་དབང་དུ་བྱས་པ་ལྷག་པའི་ཤེས་རབ་དང་པོ་སྦྱོར་བྱུང་དེ་དེ་ལས་མི་རྟོག་ཡེ་ཤེས་འབྱུང་བས། འབྲས་མིང་རྒྱུ་ལ་བཏགས་པའང་རུང་ལ། མི་རྟོག་ཡེ་ཤེས་དངོས་དང་རྗེས་སུ་མཐུན་ཅིང་། དེ་འདྲེན་པར་བྱེད་པའོ། །ནང་སོ་སོ་རང་གི་རིག་པའི་བདག་ཉིད་ཀྱི་ཤེས་རབ་ནི། མི་རྟོག་པ་ ― MR12_Page_0627 ―
[མ་དཔེ་གཟིགས་ན་འདིར་གནོན།]
ཉིད་ནི་ལྷག་པའི་ཤེས་རབ་གཉིས་པའོ། །གང་དེ་ལ་གནས་པའི་ཤེས་རབ་ནི། རྗེས་ཐོབ་སྟེ་ལྷག་པའི་ཤེས་རབ་གསུམ་པའོ། །རྣམ་པར་མི་རྟོག་པ་ཉིད་བསྒྲུབ་བྱ་ཡིན་ལ། ཀུན་ཏུ་ཚོལ་བ་དེའི་རྒྱུ་སྟེ། དེའི་འབྲས་བུ་མི་རྟོག་པ་ཉིད་དོ། །འབྲས་བུ་མི་རྟོག་ཡེ་ཤེས་དེ་རྗེས་ཐོབ་ཀྱི་རྒྱུར་གྱུར་པ་ཡིན་པས། མི་རྟོག་ཡེ་ཤེས་དེ་བསྒྲུབ་ན་གཞན་གཉིས་ཀ་ཡང་འགྲུབ་པར་འགྱུར་བས། རྣམ་པར་མི་རྟོག་པའི་ཡེ་ཤེས་ཀྱི་ངོ་བོ་སོགས་བརྗོད་དོ། །ཆོས་ཐམས་ཅད་བརྗོད་དུ་མེད་པ་ཡིན་ན་ཆོས་གང་ལ་རྣམ་པར་རྟོག་པར་བྱེད་ཅེས་བརྒལ་བ་ལ་ལན་ནི། སྦྱོར་བ་ལས་བྱུང་བའི་རང་བཞིན་དེ། དོན་དུ། རྣམ་བརྟགས་དེ་ལས་གཞན་དུ་མིན། །སྦྱོར་ལས་བྱུང་བ་ཇི་ལྟ་བུ་ཞེ་ན། ཡི་གེ་ཕན་ཚུན་སྦྱོར་བས་ན། །དོན་དེ་སྦྱོར་ལས་བྱུང་བ་ཡིན། །ཡི་གེ་ཕན་ཚུན་སྦྱོར་བས་མིག་ཅེས་བྱ་བའི་མིང་བརྗོད་པའི་དོན་ནི། མིག་དབང་དེ། རྣམ་པར་བརྟགས་བྱ་དེ་ཡིན་ནོ། །ཆོས་ཐམས་ཅད་བརྗོད་པར་བྱ་བ་མེད་པ་ཡིན་ནོ་ཞེས་བསྟན་པ་དེ་གང་གིས་འགྲུབ་ཅེ་ན། བརྗོད་པ་མེད་པར་བརྗོད་ཅེས་བྱ་ལ། ཤེས་པ་འཇུག་པ་མ་ཡིན་ནོ། །རྗོད་བྱེད་ལ་མ་ཕྱོགས་པའི་ཕྱིར། བརྗོད་བྱ་ཡོད་ན་ཡང་དེའི་བློར་མི་འགྱུར་རོ། །གལ་ཏེ་རྗོད་བྱེད་ནི་བརྗོད་པར་བྱ་བའི་བློར་འགྱུར་རོ་ཞེ་ན།འགག་པའི་ཕྱིར་ན་སོགས་གསུངས་སོ། །རྗོད་བྱེད་བརྗོད་བྱ་དག་ཏུ་དེའི་ཕྱིར་བརྗོད་དུ་མེད་དོ་ཞེས་དབྱིག་གཉེན་གསུངས། བསྟན་བཅོས་མ་ཤེས་པས་བསྟན་བཅོས་འདོད་པ་ལྟ་བུ་སྦྱོར་བྱུང་། བསྟན་བཅོས་དེའི་ཚིག་དོན་མྱོང་བ་ལྟ་བུ་དངོས་ ― MR12_Page_0628 ―
[མ་དཔེ་གཟིགས་ན་འདིར་གནོན།]
གཞི། བསྟན་བཅོས་ཤེས་པས་བསྟན་བཅོས་ཀྱི་ཚིག་དོན་མྱོང་བ་ལྟ་བུ་རྗེས་ཐོབ་གསུངས་དབྱིག །རབ་དབྱེ་ལ་དཔེ་ཡི་རྣམ་གྲངས་བཞིན་བསྟན་པ་ལ་སོ་སོར་དོན་འདི་ཡིན་ཞེས་དབྱིག་གཉེན་དང་ངོ་བོ་ཉིད་མེད་པས་བཤད་མི་འདུག་ཀྱང་།ལྐུགས་མ་ལྐུགས་པའི་དཔེ་ཚིག་བརྗོད་ཤེས་མི་ཤེས། རྨོངས་པས་དོན་མྱོང་ཚུལ། ལྔ་པོས་མྱོང་བ་ལ་རྣམ་རྟོག་ཡོད་པ་དེ། གཞན་ལ་བསྟན་པ་ཡོད་མེད་ལྟའམ་དཔྱད། མཉམ་རྗེས་དཔེ་དང་པོ་སྣང་བ་ཡོད་མེད། ནམ་མཁའི་དཔེ་མཚན་མ་ཡོད་མེད་ཡིན་ནམ་དཔྱད། ནམ་མཁའི་དཔེ་ནི། ཁྱབ་པ། མ་གོས་པ། མི་རྟོག་པ། བརྟག་པར་བྱ་བ་མིན་པའོ། །དེ་བཞིན་མི་རྟོག་ཡེ་ཤེས་ཀྱང་ཆོས་ཐམས་ཅད་པར་རོ་མཉམ་པར་སྟོང་པ་ཉིད་ཀྱིས་ཁྱབ་པ་ཆོས་ཐམས་ཅད་ཀྱིས་མ་གོས་པ། རང་ཉིད་ཀྱིས་རྣམ་པར་མི་རྟོག་པ། གཞན་གྱིས་བརྟག་པར་བྱ་བ་མིན་པའོ། །ཤེས་པ་གསུམ་གྱི་རབ་དབྱེ་ལ། སྦྱོར་བའི་དབྱེ་བ་གསུམ་ནི། ཁ་ཅིག་རིགས་ཀྱི་སྟོབས་ལས། མི་རྟོག་ཡེ་ཤེས་འབྱུང་བའོ། །ཁ་ཅིག་སྐྱེ་བ་སྔ་མ་ལ་གོམས་པར་བྱས་པའི་འཕེན་པའི་སྟོབས་ལས་འབྱུང་ངོ་། །ཁ་ཅིག་ད་ལྟའི་ཚེ་ལ་གོམས་པར་བྱས་པའི་སྐྱེས་བུ་བྱེད་པའི་རྒྱུ་ལས་བྱུང་བའོ། །རྣམ་པར་མི་རྟོག་པའི་ཡེ་ཤེས་ཀྱི་དབྱེ་བ་གསུམ་ནི། ཆོག་ཤེས་པ་ལས་རྣམ་པར་མི་རྟོག་པ་ནི། ཐོས་བསམ་ལས་བྱུང་བའི་མཐར་ཕྱིན་པ་ཡིན་པར་བལྟ་སྟེ། ཐོས་བསམ་གང་གིས་མཐར་ཕྱིན་པར་འགྱུར་ན། སོ་སྐྱེས་ལ་གནས་པའི་བྱང་སེམས་ཀྱི་ཆོག་ཤེས་འབྱུང་བ་སྟེ། འདི་ནི་འདི་ཙམ་མོ་ཞེས་དཔྱད་པ་རྫོགས་པས་ཆོག་ ― MR12_Page_0629 ―
[མ་དཔེ་གཟིགས་ན་འདིར་གནོན།]
ཤེས་པའི་རྣམ་པར་མི་རྟོག་པའོ། །ཡང་གཞན་དུ། འཇིག་རྟེན་པའི་ཆོག་ཤེས་པའི་རྣམ་པར་མི་རྟོག་པ་ནི། གང་སྲིད་རྩེར་ཕྱིན་པ་དེ་མྱ་ངན་འདས་པར་འཛིན་ཀྱང་དེ་ལས་ཕ་རོལ་ན་རྟོགས་བྱ་གཞན་མེད་པར་དེ་ཆོག་ཤེས་པ་འབྱུང་བ་ལྟ་བུའོ། །ཕྱིན་ཅི་མ་ལོག་ཀྱང་ཉན་ཐོས་རྣམས་ཀྱི་སྟེ་དེ་རྣམས་ཀྱིས་རབ་ཏུ་རྟོག་པའི་ཡེ་ཤེས་དེ་ནི། མི་རྟག་སོགས་ཕྱིན་ཅི་མ་ལོག་པ་བཞི་དང་རྟག་པ་སོགས་ཕྱིན་ཅི་ལོག་བཞིར་རྣམ་པར་མི་རྟོག་པའི་ཕྱིར་རོ། །སྤྲོས་པ་མེད་པས་རྣམ་པར་མི་རྟོག་པ་ནི། བྱང་སེམས་ཀྱི་མི་རྟོག་པ་སྟེ། གཟུགས་ནས་བྱང་ཆུབ་ཀྱི་བར་གྱི་ཆོས་ཐམས་ཅད་སྤྲོས་པ་མེད་པར་རྟོག་ཕྱིར་རྣམ་པར་མི་རྟོག་པའོ། །སྤྲོས་མེད་ནི། ངག་གི་ཡུལ་ལས་འདས་པས་ཚིག་གིས་བསྟན་དུ་མེད་པ་དང་། འཇིག་རྟེན་པའི་ཤེས་པའི་ཡུལ་ལས་འདས་པས་དེ་ཤེས་པར་མི་ནུས་པའི་ཕྱིར་རོ། །རྣམ་པར་མི་རྟོག་པའི་ཡེ་ཤེས་རྣམ་པར་བཞག་པ་ཇི་སྐད་བསྟན་པ་འདིར་ཚིགས་སུ་བཅད་པ། བྱང་ཆུབ་སེམས་དཔའ་རྣམས་ཀྱིས་ཤེས། །རྣམ་རྟོག་མེད་པའི་ངོ་བོ་ཉིད༡། །རྣམ་པ་ལྔ་ནི་རྣམ་སྤངས་ཤིང་། །ཡང་དག་དོན་ལ་ཤེས་པ་ཡིན་ཡང་བཀྲར་འཛིན་མེད་པའོ། །བྱང་ཆུབ་སེམས་དཔའ་རྣམས་ཀྱིས་ཤེས། །རྣམ་པར་རྟོག་པ་མེད་པའི་གནས༢། །གཟུང་འཛིན་ཅན་གྱི་སེམས་མིན་པའི་སེམས་ནི་ཁོ་ན་སྟེ།ཡོད་མེད་སོགས་སྤྲོས་པའི་དོན་ལ་མི་སེམས་པའི་རྒྱུས་བྱུང་ཕྱིར། །བྱང་ཆུབ་སེམས་དཔའ་རྣམས་ཀྱིས་ཤེས། །རྣམ་པར་རྟོག་པ་མེད་པའི་གཞི༣། །དམིགས་པ་མེད་པའི་ཆོས་ཐོས་པའི་བག་ཆགས་གནས་ཡིད་ཀྱི་བརྗོད་པ་དང་བཅས་པའི། །ཡིད་ལ་ ― MR12_Page_0630 ―
[མ་དཔེ་གཟིགས་ན་འདིར་གནོན།]
བྱེད་དེ་ནི་དངོས་པོའི་དོན་ལ་ཚུལ་བཞིན་འཇུག་པ་ཡིན་ནོ། །བྱང་ཆུབ་སེམས་དཔའ་རྣམས་ཀྱིས་ཤེས། །རྣམ་རྟོག་མེད་པའི་དམིགས་པ་ནི༤། །ཆོས་རྣམས་ཀུན་བརྟགས་དང་བྲལ་བས་བརྗོད་དུ་མེད་པ་ཉིད་ཡིན་ལ། །མིང་གཞན་བདག་མེད་པ་དང་དེ་བཞིན་ཉིད་ཅེས་བརྗོད་པ་དག་ཀྱང་དེ། ༧ །བྱང་ཆུབ་སེམས་དཔའ་རྣམས་ཀྱིས་ཤེས། །རྣམ་པར་མི་རྟོག་རྣམ༥་པ་ནི། །དེས་ཤེས་བྱ་དེ་བཞིན་ཉིད་དམིགས་པ་དེ་ཉིད་ལ། །མིག་ཤེས་ཀྱིས་སྔོན་པོ་མཐོང་ན་སྔོ་སྣང་དང་ཤེས་པ་ཐ་མི་དད་པ་ལྟར་ཡེ་ཤེས་དང་དེ་བཞིན་ཉིད་ཐ་དད་མེད་པའི་ཕྱིར། རྣམ་པ་མཚན་མ་ཐམས་ཅད་མེད་པ་གང་ཡིན་པའོ། །བརྟག་བྱའི་དོན་མེད་ན་འདི་ལྟར་དེའི་དམིགས་རྣམས་བསྟན་པས་ཅི་བྱ་ཞེ་ན། ༧ །འདི་ཚིག་ཏུ་སྦྱོར་བ་ལས༦་བྱུང་བའི་རང་བཞིན་ཙམ་དེ། །བརྗོད་དུ་མེད་པ་ལ་འཇུག་ཕྱིར་རྣམ་པར་བརྟག་པ་དེ་ལས་གཞན་དུ་དོན་ཉིད་མིན་ཏེ། །འདི་ལྟར་རྗོད་བྱེད་ཡི་གེ་ཕན་ཚུན་སྦྱོར་བས་ན། །དེ་ལྟར་བརྗོད་བྱའི་དོན་དེ་སྦྱོར་ལས་བྱུང་བ་ཡིན་ཀྱང་། །དེ་འདྲའི་བརྗོད་པ་མེད་པར་བརྗོད་བྱ་དམིགས་མེད་ལ། །ཇི་ལྟ་བུ་ཡིན་པའི་ཤེས་པ་འཇུག་པ་མ་ཡིན་ནོ། །དེ་ཡང་རྗོད་པ་རྣ་དབང་ལ་བརྟེན་པའི་རྣ་ཤེས་དང་བརྗོད་བྱ་ཡིད་དབང་ལ་བརྟེན་པའི་ཡིད་ཤེས་ཀྱིས་གཟུང་དགོས་པས། མིང་དང་དོན་ནི་མཚན་ཉིད་མི་གཅིག་པས་འགལ་བའི་ཕྱིར་ན་ཚིག་གིས་བརྗོད་པ་ལ་མིན་ཏེ་སྐྱོན་དེ་ཡོད་པར་འགྱུར། །དེ་ཕྱིར་དོན་ཐམས་ཅད་བརྗོད་དུ་མེད་པར་གནས་སོ། །མདོར་ན་བརྗོད་པའི་ཚིག་དེས་སྒྲོ་འདོགས་གསལ་བའི་ཚུལ་གྱིས་དོན་ལ་བློ་སྐྱེད་ཀྱིས་སྒྲ་དོན་ངོ་བོས་འབྲེལ་བ་མེད་པ་ནི་གནད་དོ ། ༧ །རྣམ་པར་མི་རྟོག་ཡེ་ཤེས་དེ་ནི། །བྱང་ཆུབ་སེམས་དཔའི་མི་རྟོག་ཡེ་ཤེས་དེ་ཡི་རྗེས་ལ། །ཐོབ་པ་སྤྱོད་པའི་རྟེན་༧ ཡིན་ཏེ། །དེ་ནི་བྱང་སེམས་ཀྱི་ ― MR12_Page_0631 ―
[མ་དཔེ་གཟིགས་ན་འདིར་གནོན།]
སྤྱོད་པ་དེ་ཡོན་ཏན་ཁྱད་པར་དུ་འཕེལ་པར་འགྱུར་ཕྱིར་རོ། །བྱང་ཆུབ་སེམས་དཔའ་རྣམས་ཀྱིས་ཤེས། །རྣམ་པར་རྟོག་པ་མེད་པའི་གྲོགས༨། །ལམ་གཉིས་སུ་ནི་བརྗོད་པ་སྟེ་ཚོགས་ཀྱི་ལམ་ཕར་ཕྱིན་བཞི། རྟེན་གྱི་ལམ་བསམ་གཏན་དེ་དེ་ལ་བརྟེན་པས་སོ། །ཕ་རོལ་ཕྱིན་པ་ལྔའི་རང་བཞིན་ནོ་སྟེ་རང་གི་ངོ་བོ་ཤེས་རབ་བོ། །བྱང་ཆུབ་སེམས་དཔའ་རྣམས་ཀྱིས་ཤེས། །རྣམ་རྟོག་མེད་པའི་རྣམ་སྨིན༩་ནི། །ལོངས་སྤྲུལ་གྱི་སངས་རྒྱས་དཀྱིལ་འཁོར་གཉིས་སུ་སྟེ། །བརྩེ་ཆེན་གྱི་སྦྱོར་བ་དང་ནི་མི་རྟོག་པ་མངོན་དུ་ཐོབ་པས་སོ། །འདིའི་བདག་རྐྱེན་བྱས་ནས་སངས་རྒྱས་ཀྱི་འཁོར་དུ་གནས་པ་ཐོབ་ཀྱི། འདི་རྣམ་སྨིན་གྱི་རྒྱུ་མིན་ཏེ། དེའི་གཉེན་པོ་ཡིན་ནོ། །དེའི་ཕྱིར་རྣམ་པར་སྨིན་ཚུལ་གཞན་ནོ། །མི་རྟོག་པའི་དོན་དུ་སྦྱོར་བའམ་བརྩོན་པ་དེའི་དབང་གིས་སངས་རྒྱས་སྤྲུལ་སྐུའི་འཁོར་དུ་སྐྱེའོ། །མི་རྟོག་པ་ཐོབ་ན་ལོངས་སྐུའི་འཁོར་དུ་སྐྱེའོ། །བྱང་ཆུབ་སེམས་དཔའ་རྣམས་ཀྱིས་ཤེས། །རྣམ་རྟོག་མེད་པའི་རྒྱུ༡༠་མཐུན་ནི། །ཕྱི་མ་ཕྱི་མའི་ཚེ་རྣམས་སུ། །སངས་རྒྱས་ཀྱི་དཀྱིལ་འཁོར་དེ་གཉིས་སུ་མི་རྟོག་ཡེ་ཤེས་གོང་དུ་ཁྱད་པར་དུ་ནི་འགྲོ་བར་འདོད། །བྱང་ཆུབ་སེམས་དཔའ་རྣམས་ཀྱིས་ཤེས། །རྣམ་རྟོག་མེད་པའི་ངེས་པར་འབྱུང༡༡་བ་ནི། །ས་བཅུ་དག་ཏུ་ཤེས་བྱ་སྟེ། །ས་དང་པོར་དེ་ཉིད་དང་པོར་ཐོབ་པ་དང་ནི་བསྒོམ་ལམ་དུ་གྲུབ་ཕྱིར་རོ། ༧ །བྱང་ཆུབ་སེམས་དཔའ་རྣམས་ཀྱིས་ཤེས། །རྣམ་རྟོག་མེད་པའི་མཐར༡༢་ཐུག་པར་འགྲོད། །དག་པའི་སྐུ་གསུམ་ཐོབ་ཕྱིར་དང་། །དབང་གི་དམ་པའི་མཆོག་ནི་བཅུ་པོ་ཡང་ཐོབ་ཕྱིར་རོ། །རྣམ་རྟོག་མེད་པའི་ཡེ་ཤེས༡༣་དེ་ལ། །སྦྱོར་བྱུང་ཕན་ཡོན་དད་པ་ཙམ་དང་ལྷག་པར་འདོད་པའི་མོས་པ་ཡིས། ། ― MR12_Page_0632 ―
[མ་དཔེ་གཟིགས་ན་འདིར་གནོན།]
སྡིག་པ་སྣ་ཚོགས་ཤིན་ཏུ་དྲག་རྣམས་ཀྱིས། །གོས་པ་མེད་དེ་ནམ་མཁའ་བཞིན་དུ་འགྱུར་རོ། །རྣམ་པར་མི་རྟོག་པའི་ཕན་ཡོན་རྣམ་རྟོག་མེད་པའི་ཡེ་ཤེས་དེ་ཉིད། །ཉོན་ཤེས་ཀྱི་སྒྲིབ་པ་ཀུན་ལས་གྲོལ༡༤་བའི་ཕྱིར། །ས་དང་པོར་ཐོབ་དང་སངས་རྒྱས་ཀྱི་སར་གྲུབ་དང་ལྡན་པས་ན། །ཅི་ཡིས་ཀྱང་གོས་པ་མེད་དེ་ནམ་མཁའ་བཞིན། ༧ །རྗེས་ཐོབ་པའི་ཕན་ཡོན་རྣམ༡༥་རྟོག་མེད་པའི་ཡེ་ཤེས་དེ། །གོས་པ་མེད་དེ་ནམ་མཁའ་བཞིན་དུ་གྱུར་པས་ན། །དེའི་རྗེས་ཐོབ་འཇིག་རྟེན་དག་ན་སྐྱེ་བ་སྣ་ཚོགས་སྟོན་པས་རྣམ་པར་རྒྱུ་ཡང་། །འཇིག་རྟེན་ཆོས་བརྒྱད་ཀྱིས་རྟག་ཏུ་མི་གོས་སོ། ༧ །དེ་གསུམ་གྱི་རབ༡༦་དབྱེ། དང་པོ་མི་རྟོག་དེ་ཡང་སྦྱོར་བ་ལས་བྱུང་བ་ནི་ལྐུགས་པས་དོན་ནི་མྱོང་འདོད་ཀྱང་ཉམས་སུ་མ་མྱོང་བ་ལྟར་དང་། དངོས་གཞི་ནི། ཇི་ལྟར་ལྐུགས་པས་དོན་མྱོང་ཡང་བརྗོད་དུ་མེད་པ་དང་། །རྗེས་ཐོབ་ནི། མ་ལྐུགས་པས་ནི་དོན་མྱོང་བ་ལྟར་ཤེས་ཤིང་འཆད་པའོ། །སྦྱོར་དངོས་རྗེས་ཀྱི་ཡེ་ཤེས་གསུམ་ནི་བརྗོད་པ་མེད་པའི་ཆ་ནས་ཡིན་ནོ། །མིང་གི་ཐ་སྙད་ལམ་བྱང་བ་རྨོངས་པས་དོན་ནི་མྱོང་བར་འདོད་པ་ལྟ་བུ་སྦྱོར་བ་དང་། །ཇི་ལྟར་རྨོངས་པས་དོན་མྱོང་ཡང་བརྗོད་མི་ཤེས་པ་ལྟ་བུ་དངོས་གཞི་དང་། །མ་རྨོངས་པས་ནི་དོན་མྱོང་བ་ལྟར་རྗེས་ཐོབ་སྟེ། །གོང་བཞིན་ཡེ་ཤེས་གསུམ་ནི་བརྗོད་པ་ཡིན། །ཡང་མིག་ཤེས་སོགས་རྣམ་ཤེས་ལྔ་པོས་དོན་ནི་མྱོང་འདོད་ལྟ་བུ་སྦྱོར་བ་དང་། །ཇི་ལྟར་ལྔ་པོས་དོན་དངོས་སུ་མྱོང་ཡང་རྣམ་རྟོག་མེད་པ་དངོས་གཞི་དང་། །ཡིད་ཤེས་ཀྱིས་དོན་ནི་མྱོང་བ་ལྟར་རྗེས་ཐོབ་ཀྱི། །ཡེ་ཤེས་གསུམ་ནི་བརྗོད་པ་ཡིན། །ཡང་བསྟན་བཅོས་མི་ཤེས་པས་བསྟན་བཅོས་ཀྱི་ཚིག་དོན་མྱོང་འདོད་དང་། །བསྟན་བཅོས་ཀྱི་ཆོས་ཚིག་དང་དོན་མྱོང་བ་དང་བསྟན་བཅོས་ཤེས་ཏེ་དེ་གཉིས་མྱོང་བའི་གོ་རིམས་ལྟར། སྦྱོར་ ― MR12_Page_0633 ―
[མ་དཔེ་གཟིགས་ན་འདིར་གནོན།]
བ་ལས་ནི་བྱུང་བ་སོགས། །ཡེ་ཤེས་གསུམ་དེ་བཞིན་ཤེས་པར་བྱ། །མི་རྟོག་པའི་དངོས་གཞི་དང་རྗེས་ཐོབ་ཀྱི་དཔེ་མི་ཞིག་མིག་ནི་བཙུམས༡༧་པ་ན་ཅི་ཡང་མི་སྣང་བ་ལྟར་དངོས་གཞི་ལ་ཡུལ་འདི་ཞེས་མཚན་མ་མི་སྣང་ངོ་། །རྣམ་རྟོག་མེད་པའི་ཤེས་དེ་འདྲ། །དེ་ཉིད་མིག་ནི་ཕྱེ་བ་ན་མཚན་མ་ཐམས་ཅད་མཐོང་བར་ལྟར། །དེ་རྗེས་ཐོབ་པའི་ཤེས་དེ་འདྲ། ༧ །རྣམ་རྟོག་མེད་པའི་ཤེས་དེ་ནི། །དམིགས་པ་ཀུན་གྱིས་དབེན་པས་ནམ་མཁའ་བཞིན་དུ་ཤེས་པར་བྱ། །ནམ་མཁའ་དེ་ཡི་ངང་ལ་གཟུགས་ནི་སྣང་བ་ལྟར། །དེ་ཡི་རྗེས་ཐོབ་ཤེས་དེ་འདྲ། ༧ །རྣམ་རྟོག་མེད་བཞིན་གཞན་དོན་ལྷུན་གྱིས་གྲུབ་པར་མཛད་པ་ཇི་ལྟར་ནོར་བུ༡༨་དང་ལྷའི་སིལ་སྙན་དག །རྟོག་པ་མེད་པ་ཡིན་ཡང་དགོས་འདོད་སྩོལ་བ་དང་སྒྲ་འབྱིན་པ་སེམས་ཅན་སོ་སོའི་རང་གི་ལས་ལས་བྱུང་། །དེ་ལྟར་ཀུན་ཏུ་རྟོག་མེད་བར། །སངས་རྒྱས་ཕྲིན་ལས་གང་ཞིག་སེམས་ཅན་ལ་ཕན་བདེ་བྱེད་པ་སྣ་ཚོགས་འབྱུང་ངོ་། །རྣམ་པར་མི་རྟོག་པའི་ཡེ་ཤེས་དེས་གཞན་དབང་ཞེས་བྱའི་རྣམ་རྟོག་དེ་ལ་དམིགས་ན་ཇི་ལྟར་མི་རྟོག་པ་ཡིན་ཏེ་གཞན་དབང་དེ་རྣམ་རྟོག་དེར་རྟོག་པའི་ཕྱིར། དེའི་དམིགས་པ་གཞན་དབང་མིན་པ་ཞིག་ནི་མེད་དེ། གཞན་དབང་མིན་པའི་ཆོས་མེད་པས་སོ། །འདིས་མདོར་ན་ཤེས་བྱའི་ཆོས་ལ་དམིགས་སམ། དེ་མིན་པའི་ཆོས་གཞན་གང་རུང་ལ་དམིགས་དགོས་ན། དང་པོ་ལྟར་ཆོས་སུ་དམིགས་པས་རྟོག་པར་འགྱུར་རོ། །ཆོས་མིན་པ་གཞན་ནི་མེད་པས་དམིགས་པར་མི་རིགས་ལ། ཆོས་ལ་མ་དམིགས་ན་ཆོས་ཀུན་གྱི་ཆོས་ཉིད་མི་རྟོགས་སོ། །དེ་ཡུལ་ལམ་དམིགས་པའི་སྒོ་ནས་བརྟགས་པའོ། །ཡང་ཡུལ་ཅན་ལ་དཔྱད་ན་དེ་ཤེས་པ་ཞིག་ཡིན་ནམ་མིན། ཡིན་ན་ཤེས་པ་ཡིན་ལ། མི་རྟོག་པ་མིན་ཏེ་དེས་ཤེས་བྱ་ཤེས་པའི་ཕྱིར་རོ། །ཤེས་པ་མིན་ན་དེས་ཅི་ཞིག་ཤེས་ནས་རྣམ་ ― MR12_Page_0634 ―
[མ་དཔེ་གཟིགས་ན་འདིར་གནོན།]
པར་མི་རྟོག་པའི་ཡེ་ཤེས་ཞེས་བྱ་སྟེ། དེ་ལྟར་ན་གང་ལྟར་ཡང་མི་འཐད་དོ་སྙམ་ན། ༧ །ཟབ་མོའི་ཡོན་ཏན། གཞན་དབང་གི་ཆོས་དེ་ལ་དམིགས་པ༡༩་མ་ཡིན་དེ་ལས་གཞན་ལ་དམིགས་པ་མིན་ལ། རང་གི་ངོ་བོ་ཅི་ཡང་མི་ཤེས་པ་དང་མཚན་མ་འདི་ཤེས་སོ་ཞེས་པའི་ཤེས་པའང་མིན་ནོ། །འོ་ན་ཅི་ཤེས་ཞེ་ན། ཤེས་བྱ་གཟུང་བ་དང་ནི་དེའི་ཡུལ་ཅན་དུ་འབྱེད་པའམ་དེར་འཛིན་གྱི་ཁྱད་པར་མེད་པའི། །མཉམ་པར་གྱུར་པ་ཡི་ཤེས་པ་གང་ཡིན་པ་དེ་ནི་རྣམ་པར་མི་རྟོག་པ་ཉིད་དོ། །རྣམ་པར་བརྟག་བྱ་ཀུན་བརྟག །དབུ་མ་ལྟར་ན་ཆོས་ཐམས་ཅད་རང་གི་ངོ་བོས་མེད་པས་ན། །ཆོས་རྣམས་ཐམས་ཅད་རང་བཞིན་གྱིས། །རྣམ་པར་རྟོག་པར་བྱར་མེད་པར་གང་ཕྱིར་བཞེད། །དེ་ཕྱིར་ཆོས་ཀུན་གྱི་རང་བཞིན་ཤེས་པ་དེ་མི་རྟོག་ཉིད་དོ། །སེམས་ཅན་ཐམས་ཅད་ཡེ་ནས་ཅིས་མ་གྲོལ་ཞེ་ན། གློ་བུར་སྒྲིབ་པས་གནས་ཚུལ་མ་རྟོགས་པར་ཕྱིན་ཅི་ལོགས་སུ་བཟུང་བས་སོ། །སྦྱོང་བ་རྣམས་ནི་དོན་ཇི་བཞིན་མཐོང་བས་གྲོལ་ལོ། །དེ་ལྟར་ན་གཞན་དབང་གི་ཆོས་ཉིད་ལ་དམིགས་པ་ཡིན་པས། ཆོས་དང་ཆོས་ཉིད་ནི་གཅིག་ཐ་དད་དུ་བརྗོད་དུ་མེད་དོ། །ཡུལ་ཅན་ཡེ་ཤེས་ཀྱང་མཚན་མ་གང་གི་རྣམ་པ་ཤེས་པའི་ཤེས་པ་མ་ཡིན་ཀྱང་ཆོས་ཉིད་མི་ཤེས་པ་ཡང་མ་ཡིན་ཅིང་། སྦྱོར་བྱུང་དང་རྗེས་ཐོབ་ལྟར་ཤེས་པ་ཡང་མ་ཡིན་ཏེ་རྣམ་པར་མི་རྟོག་པའི་ཕྱིར་རོ། །སྦྱོར་བྱུང་གི་ཤེས་པ་སྔོན་དུ་འགྲོ་ཞིང་ཆོས་ཉིད་དང་མཐུན་པར་སྐྱེས་པ་ཡིན་ཕྱིར་ཤེས་པ་མེད་པའང་མིན་ནོ། །དེ་ལ་རྣམ་པར་མི་རྟོག་པ་ལ་སྦྱོར་བ་ལས་བྱུང་བའི་ཡེ་ཤེས་ནི་རྣམ་པ་གསུམ་སྟེ། རྒྱུ་རིགས་དང་སྔོན་གྱི་འཕེན་པ་དང་ད་ལྟར་གོམས་པ་ལས་བྱུང་བའི་རབ་ཏུ་དབྱེ་བས་སོ། །རྣམ་པར་མི་རྟོག་པའི་ཡེ་ཤེས་ཀྱང་རྣམ་པ་གསུམ་སྟེ། ཆོག་ཤེས་པ་འཇིག་རྟེན་པའི་དང་། ཕྱིན་ཅི་མ་ལོག་པ་ཉན་ཐོས་ཀྱི་དང་། སྤྲོས་ ― MR12_Page_0635 ―
[མ་དཔེ་གཟིགས་ན་འདིར་གནོན།]
པ་མེད་པས་བྱང་སེམས་ཀྱི་རྣམ་པར་མི་རྟོག་པའི་ཕྱིར་རོ། །དེའི་རྗེས་ལས་ཐོབ་པ་ནི་རྣམ་པ་ལྔ་སྟེ། རྟོགས༡་པ་ལ་དཔྱོད་པ་དང་། རྗེས༢་སུ་དྲན་པ་དང་། རྣམ་༣པར་བཞག་པ་དང་། འདྲེས་༤པ་དང་། དཔྱོད་པ་ནི་ཁོང་དུ་ཆུད་པ་སྟེ་གང་རྟོགས་པའི་དུས་ན་བདག་གིས་འདི་ལྟར་རྟོགས་སོ་ཞེས་ཁོང་དུ་ཆུད་པ་ནི་རྟོགས༡་པ་ལ་དཔྱོད་པ་དང་། གང་ལས་ལངས་པ་ན་བདག་གིས་རྣམ་པར་མི་རྟོག་པ་རྟོགས་སོ་ཞེས་དྲན་༢པ་རྗེས་སུ་དྲན་པ་ལ་དཔྱོད་པ་དང་། ཕ་རོལ་ལ་བདག་གི་རྟོགས་པ་དེ་སྟོན་པར་བྱེད་པ་རྣམ༣་པར་བཞག་པ་ལ་དཔྱོད་པ་དང་།འདྲེས་༤པ་ལ་དཔྱོད་པ་ཆོས་ཐམས་ཅད་འདྲེས་ཤིང་བཟླུམས་པ་ལ་དམིགས་པའི་ཡེ་ཤེས་ཀྱིས་མཐོང་བ་སྟེ། འདི་ལྟར་རྟེན་གནས་གྱུར་པ་ཉིད་དང་། གནས་གྱུར་པ་ལས། ཇི་ལྟར་འདོད་པ་བཞིན་འབྱོར་བར་འགྱུར་ཏེ་ས་གསེར་དུ་བསྟན་པའམ་མོས་ན་དེར་འགྱུར་པ་ལྟ་བུ་འབྱོར༥་བ་ལ་དཔྱོད་པ་ཐ་དད་པའི་ཕྱིར་རོ། །རྣམ་པར་མི་རྟོག་པའི་ཡེ་ཤེས་སྒྲུབ་པར་བྱེད་པའམ་གྲུབ་པའི་ཚིགས་སུ་བཅད་པ་གཞན་ཡང་། ཡི་དྭགས་དང་དུད་འགྲོ་མི་རྣམས་དང་། །ལྷ་རྣམས་ཆུ་གཅིག་ལ་རྣག་ཁྲག་བཏུང་བ་ཆུ་བདུད་རྩི་སོགས་ཇི་ལྟར་འོས་སུ། །དངོས་པོ་གཅིག་ལ་ཡང་སོ་སོའི་ཡིད་ནི་འབྱུང་ཚུལ་ཐ་དད་པས། །ཕྱི་དོན་རྣམས་གྲུབ་པ་མེད་པར་རང་སེམས་ཀྱི་སྣང་བ་ཙམ་དུ་འདོད། །འདས་མ་འོངས་སོགས་ཡུལ་མེད་པ་ལ་དམིགས་པ་དང་དེ་བཞིན་རྨི་ལམ་དང་། །མེ་ལོང་གི་གཟུགས་བརྙན་དང་ཏིང་ངེ་འཛིན་གྱི་གཟུགས་བརྙན་རྣམ་པ་གཉིས་པོ་ལ། །སེམས་སྣང་ཙམ་ལ་དོན་གྱི་དམིགས་པ་ཡོད་པ་མ་ཡིན་ཕྱིར་དང་། །དོན་མེད་ཀྱང་དེ་ལ་དམིགས་པ་ཙམ་གྱི་སེམས་ཀྱི་མྱོང་བ་ལྡན་པའི་ཕྱིར་རོ། །དོན་ནི་སེམས་ལས་ཐ་དད་པའི་དོན་དུ་གྲུབ་ན་ནི། །གཉིས་འཛིན་མེད་པའི་ཡེ་ཤེས་རྟོག་པ་མེད་མི་འགྱུར་ཏེ་གཉིས་ ― MR12_Page_0636 ―
[མ་དཔེ་གཟིགས་ན་འདིར་གནོན།]
ཡོད་པའི་ཕྱིར་རོ། །མི་རྟོག་ཡེ་ཤེས་དེ་མེད་པས་ན་སངས་རྒྱས་ཉིད། །འཐོབ་པར་འཐད་པ་མ་ཡིན་ནོ། །བྱང་ཆུབ་སེམས་དཔའ་དབང་ཐོབ་པ་དང་། །ཉན་ཐོས་སོགས་བསམ་གཏན་པ་ཡི་སེམས་ཀྱི་མོས་པའི་དབང་གིས། །ཕྱི་རོལ་གྱི་དངོས་པོའང་ཇི་ལྟར་མོས་པ་དེ་ལྟར་དམིགས་པར་འགྱུར། །འདི་ལ་ཆོས་རབ་ཏུ་རྣམ་པར་འབྱེད་པའི་ལྷག་མཐོང་གྲུབ་པ་ཡི། །བློ་ལྡན་བྱང་སེམས་ཏིང་འཛིན་ཞི་བ་ཐོབ་པ་ཡི། །མདོ་སྡེའི་ཆོས་ཀུན་དང་གཟུགས་མི་རྟག་སྟོང་སོགས་དོན་ཀུན་ཡིད་ལ་བྱེད་པ་ལ། །དེ་ལྟར་དོན་དུ་རྣམ་པ་དུ་མར་སྣང་ཕྱིར་རོ། ༧ །མི་རྟོག་པའི་ཡེ་ཤེས་རྒྱུ་བ་སྟེ་མངོན་དུ་གྱུར་པ་རྟོག་པ་མེད་ལ། །དོན་རྣམས་ཐམས་ཅད་སེམས་ལ་མི་སྣང་ཕྱིར་ཡང་དོན་མེད་དོ། །དོན་ནམ་གཟུང་བ་དེ་མེད་པས་ན་རྣམ་རིག་ཀྱང་མེད་དོ། །ཞེས་སོ། །ཤེས་རབ་ཀྱི་ཕ་རོལ་ཏུ་ཕྱིན་པ་དང་། རྣམ་པར་མི་རྟོག་པའི་ཡེ་ཤེས་ནི་ཁྱད་པར་མེད་དེ། ཇི་སྐད་དུ། བྱང་ཆུབ་སེམས་དཔའ་ཤེས་རབ་ཀྱིས་ཕ་རོལ་ཏུ་ཕྱིན་པ་ལ་མི་གནས་པའི་ཚུལ་གྱིས་གནས་ནས་དེ་ལས་གཞན་པའི་ཕ་རོལ་ཏུ་ཕྱིན་པ་རྣམས་བསྒོམས་པས་ཡོངས་སུ་རྫོགས་པར་བྱེད་དོ། །ཞེས་གསུངས་པ་ལྟ་བུའོ། །ཇི་ལྟར་མི་གནས་པའི་ཚུལ་གྱིས་སྒོམ་པ་ཡོངས་སུ་རྫོགས་པར་བྱེད་ཅེ་ན། གནས་རྣམ་པ་ལྔ་ཡོངས་སུ་སྤོང་བའི་ཕྱིར་ཏེ། གང་ཞེ་ན་མུ་སྟེགས་ཅན་གྱི་ཤེས་རབ་ནི་ངས་ཤེས་སོང་གྲོལ་ལོ་སོགས་ངར་འཛིན་པའི་གནས་དེ་ལྟ་བུ་བྱང་སེམས་ལ་མེད་པས་ཡོངས་སུ་སྤོང་བ་དང་། དེ་ཁོ་ན་ཉིད་མ་མཐོང་བའི་ལས་དང་པོ་པའི་བྱང་ཆུབ་སེམས་དཔའི་རྣམ་པར་རྟོག་པའི་གནས་གཟུགས་མེད་ཅེས་སོགས་དང་འདི་ནི་ཤེར་ཕྱིན་ནོ་སྙམ་དུ་དམིགས་པ་ཅན་དེ་ལྟ་བུ་ཡོངས་སུ་སྤོང་བ་དང་། འཇིག་རྟེན་པ་ལྟར་འཁོར་བ་དང་ཉན་ཐོས་ལྟར་ ― MR12_Page_0637 ―
[མ་དཔེ་གཟིགས་ན་འདིར་གནོན།]
མྱ་ངན་ལས་འདས་པའི་མཐའ་གཉིས་ཀྱི་དམིགས་པའི་གནས་སྤོང་བ་དང་། ཉན་ཐོས་ལྟར་ཉོན་སྒྲིབ་སྤངས་པ་ཙམ་གྱིས་ཆོག་པར་འཛིན་པའི་གནས་ཡོངས་སུ་སྤངས་པ་དང་། ཉན་ཐོས་ལྟར་མཐར་ཐུག་སེམས་ཅན་གྱི་དོན་ལ་མི་ལྟ་བར་མར་མེ་ཤི་བ་ལྟར་ཕུང་པོ་ལྷག་མ་མེད་པའི་མྱང་འདས་ཀྱི་དབྱིངས་ཀྱི་གནས་ཤེས་རབ་དང་སྙིང་རྗེས་ཡོངས་སུ་སྤོང་བའི་ཕྱིར་མི་གནས་པའི་མྱང་འདས་སོ་རོ། །དེ་ལྟར་ལྔ་ལ་མི་གནས་པའི་ཚུལ་གྱིས་གནས་པའོ། །ཉན་ཐོས་ཀྱི་ཡེ་ཤེས་དང་བྱང་ཆུབ་སེམས་དཔའི་ཡེ་ཤེས་ལ་ཁྱད་ཅི་ཡོད་ཅེ་ན། རྣམ་པ་ལྔའི་ཁྱད་པར་ཡོད་པ་རིག་པར་བྱ་སྟེ། རྣམ་པར་མི་རྟོག་པའི་ཁྱད་པར་ནི་ཉན་ཐོས་རྣམས་ཀྱི་ཕྱིན་ཅི་ལོག་བཞིར་མི་རྟོག །བྱང་སེམས་ནི་བྱང་ཆུབ་བར་གྱི་ཆོས་ཐམས་ཅད་ལ་མཚན་མར་མི་རྟོག་གོ། དེས་ན་ཕུང་པོ་ལ་སོགས་པའི་ཆོས་ལ་ཉན་ཐོས་པས་མི་རྟག་སྡུག་བསྔལ་སོགས་ལྟར་བྱང་སེམས་རྣམ་པར་མི་རྟོག་སྤྲོས་པ་མེད་པའི་ཕྱིར་རོ། །ཉི་ཚེ་བ་མ་ཡིན་པའི་ཁྱད་པར་ནི། ཤེས་པའམ་རྟོགས་པ་ཉི་ཚེ་བ་མ་ཡིན་པ་ནི་དེ་ཁོ་ན་ཉིད་བདག་མེད་གཉིས་ཀ་ཟད་པར་རྟོགས་པ་དང་། ཤེས་བྱ་ཉི་ཚེ་བ་མ་ཡིན་པ། ཉན་ཐོས་རྣམས་བདེན་བཞི་ཙམ་ཤེས། བྱང་སེམས་ཇི་ལྟ་ཇི་སྙེད་ཀྱི་ཤེས་བྱའི་རྣམ་པ་ཐམས་ཅད་ལ་ཤེས་རབ་ཀྱིས་འཇུག་པ་དང་། ཆེད་དུ་བྱ་བ་ཉི་ཚེ་བ་མིན་པ་ཉན་ཐོས་རྣམས་བདག་གི་དོན་དང་བྱང་སེམས་སེམས་ཅན་ཐམས་ཅད་ཀྱི་ཆེད་དུ་བྱ་བས་སོ། །འབྲས་བུ་མི་གནས་པ་ཉིད་ཀྱི་ཁྱད་པར་ནི་ཉན་ཐོས་ཞི་མཐའ་ཕྱོགས་གཅིག་ལ་གནས། བྱང་སེམས་སྲིད་ཞི་གཉིས་ཀར་མི་གནས་པའི་མྱ་ངན་ལས་འདས་པའི་ཕྱིར་རོ། །གཏན་དུ་བཞུགས་པའི་ཁྱད་པར་ནི་ཉན་ཐོས་ལྷག་མེད་ཀྱི་དབྱིངས་སུ་མར་མེ་ཤི་བ་ལྟར་ཟད། བྱང་སེམས་ནི་མྱ་ངན་ལས་འདས་པའི་དབྱིངས་ ― MR12_Page_0638 ―
[མ་དཔེ་གཟིགས་ན་འདིར་གནོན།]
སུ་ཟད་པར་ནམ་མཁའ་ཇི་སྲིད་དང་སེམས་ཅན་གྱི་མཐའ་ཇི་སྲིད་དུ་ཆོས་ཀྱི་སྐུ་རྟག་པ་མི་འགྱུར་བའི་ཕྱིར་རོ། །གོང་ན་མེད་པའི་ཁྱད་པར་ནི་ཉན་ཐོས་ཀྱི་གོང་ན་རང་སངས་རྒྱས་ཀྱི་ཐེག་པ་དེའི་གོང་ན་ཐེག་ཆེན་ཡོད། བྱང་སེམས་ཀྱི་ཐེག་པ་དེའི་གོང་ན་དེ་མ་ཡིན་པའི་ཐེག་པ་ཆེས་ཁྱད་པར་དུ་འཕགས་པ་གཞན་མེད་པའི་ཕྱིར་རོ། །སྙིང་རྗེའི་བདག་ཉིད་བྱང་སེམས་རྣམས་ཡེ་ཤེས་ཀྱི། །རྣམ་ལྔ་ཁྱད་པར་འཕགས་པ་རྣམས། །བསམ་གཟུགས་སོགས་འཇིག་རྟེན་འཇིག་རྟེན་འདས་པ་ཡི། །ཕུན་སུམ་ཚོགས་དང་མི་རིང་ཏེ་ཉེ་བར་བརྗོད་དོ། །གང་གི་ཚེ་བྱང་ཆུབ་སེམས་དཔའ་དེ་ལྟར་ལྷག་པའི་བསླབ་པ་གསུམ་གྱི་ཡོན་ཏན་ཕུན་སུམ་ཚོགས་པ་དང་ལྡན་ཞིང་འབྱོར་བའམ་ལོངས་སྤྱོད་དམ་ནོར་ཐམས་ཅད་ལ་དབང་འབྱོར་པ་ཐོབ་པར་གྱུར་པ་ཡི་མཐུ་མངའ་བ་དེའི་ཚེ། ཅིའི་ཕྱིར་བྱང་སེམས་དེའི་སྙིང་རྗེའི་ཡུལ་སེམས་ཅན་བྲེལ་ཕོང་ཅན་དག་སྣང་བར་གྱུར་ཅེ་ན། སེམས་ཅན་དེ་དག་ལ་འབྱོར་བ་དེའི་གེགས་སུ་གྱུར་པའི་ལས་སྒྲིབ་མཐོང་བ་དཔེར་ན། མ་ནི་བྱིས་པའི་བུ་རྣམས་ལ། །ནུ་ཞོ་བླུད་པར་ནུས་མོད་ཀྱི། །ཁ་ཡི་བུ་ག་ཟུམ་པ་ཡི། །བུ་ལ་མས་ནི་ཇི་ལྟར་བྱ། །ཞེས་བཤད་པ་ལྟ་བུ་དང་། གལ་ཏེ་ལོངས་སྤྱོད་དེ་ཉེ་བར་སྒྲུབ་ན་དགེ་བའི་ཆོས་སྐྱེ་བའི་བར་དུ་གཅོད་པ་ཉིད་དུ་མཐོང་ན་མི་སྒྲུབ་པ་དང་། ལོངས་སྤྱོད་ཡོད་ན་མི་སྐྱོ་ལ་མེད་ན་དེས་ཡིད་ཀུན་དུ་སྐྱོ་བ་མངོན་དུ་གྱུར་བར་མཐོང་ཞིང་དེ་ལས་དགེ་ཆོས་ལ་གནོད་ན་མི་སྒྲུབ་པ་དང་། ཡུལ་དེར་གལ་ཏེ་ལོངས་སྤྱོད་ཉེ་བར་སྒྲུབ་ན་དེ་ལ་བརྟེན་ནས་མི་དགེ་བའི་ཆོས་གསོག་པའི་རྒྱུ་ཉིད་དུ་མཐོང་བ་དང་། བློ་གྲོས་ཡངས་པ་རྣམས་ལ་ནོར་མེད་དགེར་འགྱུར་ཏེ། །ཉིས་ན་དབུལ་བར་གྱུར་ཉིད་བླ་ཡི་སྡིག་སྤྱོད་དེ་ལྟ་མིན། །མ་རབས་སེམས་རྒྱགས་གྱུར་ན་ ― MR12_Page_0639 ―
[མ་དཔེ་གཟིགས་ན་འདིར་གནོན།]
དབང་པོའི་རྟ་འཁྲུལ་ཏེ། །རིགས་པ་མིན་དང་ཕོངས་པ་ཀུན་གྱི་སྣོད་དུ་འགྱུར། །ཞེས་བཤད་པ་ལྟ་བུའོ། །དེ་ལ་ལོངས་སྤྱོད་སྒྲུབ་པ་ཉིད་དེ་ལས་གཞན་པའི་སེམས་ཅན་ཆེས་མང་པོ་ལ་གནོད་པའི་རྒྱུ་ཉིད་དུ་མཐོང་ན་གཅིག་ལ་ཕན་ཕྱིར་དུ་མ་ལ་གནོད་པ་མི་རིགས་པའི་ཕྱིར་མི་སྒྲུབ་པས་སེམས་ཅན་བྲེལ་ཕོངས་ཅན་དག་སྣང་ངོ་། །སེམས་ཅན་རང་གི་ལས་དང་སྒྲིབ་དང་མངོན་འགྱུར་དང་། །སོགས་དང་གནོད་བྱེད་གོང་བཤད་བཞིན་མཐོང་བའི་ཕྱིར། །བྱང་ཆུབ་སེམས་དཔའ་རྣམས་ཀྱིས་ནོར་གྱིས་ནི། །སེམས་ཅན་གཞན་ལོངས་སྤྱོད་པ་མི་འཐོབ་པར་བརྗོད་དོ། །དེ་ལྟར་ལྷག་པའི་ཤེས་རབ་ཀྱི་ཁྱད་པར་བསྟན་ནས། དགུ་པ་སྤོང་བའི་ཁྱད་པར་ཇི་ལྟར་བལྟ་ཞེ་ན། བྱང་ཆུབ་སེམས་དཔའ་རྣམས་ཀྱི་སྤོང་བ་ནི་འཁོར་འདས་ལ་མི་གནས་པའི་མྱ་ངན་ལས་འདས་པ་ནི་གང་ཡིན་པའོ། །དེའི་མཚན་ཉིད་ནི་གང་ཉོན་མོངས་པ་ནི་མཐུ་མེད་པར་ཡོངས་སུ་གཏང་བ་དང་བཅས་པས་ཉེས་པ་མེད་ལ་དེས་འཁོར་བ་ཡོངས་སུ་མི་གཏོང་བའི་གནས་ཏེ་དེ་ལྟ་བུའི་གནས་འགྱུར་པ་ནི་ཤེས་རབ་ཀྱིས་ཉོན་མོངས་རང་མཚན་པའི་སྐབས་མི་འབྱེད་ལ་སྙིང་རྗེས་འཁོར་བ་ཡང་མི་འདོར་བའོ། །དེ་ལ་འཁོར་བ་ནི། གཞན་དབང་གི་ངོ་བོ་ཉིད་འཁྲུལ་པའི་སེམས་སེམས་བྱུང་རྣམས་ནི་སྐྱེ་འཆིའི་དཔྱང་ཐག་འཕྱན་ཏེ་རྒྱུན་མི་འཆད་པས་སོ་དེ་ནི་ཀུན་ནས་ཉོན་མོངས་པའི་ཆར་གཏོགས་པའོ་ཀུན་བརྟགས་པའི་རྣམ་པའི་ཆ་ནས་སོ། །མྱང་འདས་ནི་འཁོར་བའམ་ཀུན་བརྟགས་དེ་ཉིད་མེད་པ་རྣམ་པར་བྱང་བའི་ཆར་གཏོགས་པའོ། །གནས་ནི་དེ་གཉིས་ཀའི་ཆར་གཏོགས་པ་སྟེ་གྲོལ་འཁྲུལ་གྱི་གཞི་གཞན་དབང་གི་ངོ་བོ་ཉིད་དོ། །གཞན་དུ་གྱུར་པ་ནི་གཞན་དབང་གི་ངོ་བོ་ཉིད་འཁྲུལ་པ་དེ་ཉིད་ཀྱི་གཉེན་པོ་རྣམ་པར་མི་ ― MR12_Page_0640 ―
[མ་དཔེ་གཟིགས་ན་འདིར་གནོན།]
རྟོག་པའི་ཡེ་ཤེས་སྐྱེས་ན་གང་གཟུང་འཛིན་ཅན་ཀུན་ནས་ཉོན་མོངས་པའི་ཆ་ལྡོག་ཅིང་གཟུང་འཛིན་མེད་པ་སོ་སོ་རང་གིས་རིག་བྱ་བརྗོད་དུ་མེད་པའི་རྣམ་པར་བྱང་བའི་ཆར་གྱུར་པའོ། ༧ །གྱུར་པ་དེ་ཡང་མདོར་བསྡུ་ན་རྣམ་པ་དྲུག་སྟེ། རྣམ་པར་སྨིན་པའི་ཤེས་པ་ལ་འདས་པའི་ཉོན་མོངས་པའི་བག་ཆགས་ཉམ་ཆུང་བར་བྱེད་ཅིང་རྣམ་བྱང་རྒྱས་པར་གྱུར་པ་ནི་མོས་པའི་དབང་གིས་ཆོས་ཐོས་པའི་བག་ཆགས་བསྐྱེད་པའི་སྟོབས་ལས་དེ་གཉིས་རྒྱུད་ལ་གནས་པ་དང་། དེས་ཉོན་མོངས་པའི་ཕྱོགས་ལ་འཛེམ་པ་དང་བཅས་པ་ལ་རེས་ཉོན་མོངས་ཆུང་ངུ་ཙམ་ཀུན་དུ་འབྱུང་བའམ། རེས་ཀུན་ཏུ་མི་འབྱུང་བའི་ཕྱིར་རོ། ༧ །རྟོགས་ནས་གྱུར་པ་ནི་ས་དང་པོ་སོགས་སར་ཆུད་པའི་བྱང་སེམས་རྣམས་ཀྱི་སྟེ། ས་དྲུག་པའི་བར་དུ་མཉམ་བཞག་ཏུ་དེ་ཁོ་ན་ཉིད་སྣང་བ་དང་། རྗེས་ཐོབ་ཏུ་དེ་ཁོ་ན་ཉིད་མ་ཡིན་པ་སྣང་བ་སྟེ་བར་མེད་པ་མིན་པར་རེས་འཇོག་ཏུ་ཉེ་བར་གནས་པའི་ཕྱིར་རོ། །བསྒོམ་པས་གྱུར་པ་ནི་ཤེས་བྱའི་སྒྲིབ་པ་ལྷག་མ་དང་བཅས་པ་རྣམས་ཀྱི་སྟེ། ས་བརྒྱད་པ་ནས་ས་བཅུ་པའི་བར་དུ་མཚན་མ་ཐམས་ཅད་མི་སྣང་བ་དང་དེ་ཁོ་ན་ཉིད་སྣང་བའི་ཕྱིར་རོ། །འབྲས་བུ་ཡོངས་སུ་རྫོགས་པས་གྱུར་པ་ནི་སྒྲིབ་པ་མེད་པ་སངས་རྒྱས་རྣམས་ཀྱི་སྟེ། མཚན་མ་ཐམས་ཅད་མི་སྣང་བ་དང་། ཤིན་ཏུ་རྣམ་པར་དག་པའི་དེ་ཁོ་ན་ཉིད་སྣང་བ་དང་། མཚན་མ་ཐམས་ཅད་ལ་དབང་འབྱོར་བ་ཐོབ་པའི་ཕྱིར་རོ། །གྱུར་པ་དམན་པ་ནི་ཉན་ཐོས་རྣམས་ཀྱི་སྟེ།གང་ཟག་ལ་བདག་མེད་རྟོགས་པ་དང་། འཁོར་བ་ལ་ཤིན་ཏུ་རྒྱབ་ཀྱིས་བལྟས་པས་འཁོར་བ་ཤིན་ཏུ་ཡོངས་སུ་གཏོང་བའི་ཕྱིར་རོ། །གྱུར་པ་རྒྱ་ཆེ་བ་ནི་བྱང་ཆུབ་སེམས་དཔའ་རྣམས་ཀྱི་སྟེ། ཆོས་ལ་བདག་མེད་རྟོགས་པ་དང་། འཁོར་བ་དེ་ཉིད་ལ་ཞི་ ― MR12_Page_0641 ―
[མ་དཔེ་གཟིགས་ན་འདིར་གནོན།]
བར་མཐོང་བས་ཀུན་ཉོན་སྤོང་ཞིང་། འཁོར་བ་དེ་ཡོངས་སུ་མི་གཏོང་བའི་ཕྱིར་རོ། །གྱུར་བ་དམན་པའང་བྱང་སེམས་ཀྱི་ཡིན་ན་ཉེས་པ་ཅི་ཡོད་ཅེ་ན། སེམས་ཅན་གྱི་དོན་ལ་མི་ལྟ་བས་བྱང་སེམས་ཀྱི་ཆོས་ཉིད་ལས་འདས་ཏེ། ཐེག་པ་དམན་པ་རྣམས་དང་རྣམ་པར་ཐར་པ་མཚུངས་པའི་ཉེས་དམིགས་སུ་འགྱུར་རོ། །བྱང་སེམས་རྣམས་ཀྱི་གྱུར་པ་རྒྱ་ཆེན་པོ་ལ་ཕན་ཡོན་ཅི་ཡོད་ཅེ་ན། རང་གི་གནས་གྱུར་པའི་གཞིས་རྟོགས་པའི་གཞི་དེ་ཡིས་ཞེས་སོ་འཁོར་བའི་ཆོས་ཐམས་ཅད་ལ་དབང་འབྱོར་བ་ཐོབ་པའི་ཕྱིར་ཏེ། འགྲོ་བ་ཐམས་ཅད་དུ་སེམས་ཅན་ཐམས་ཅད་ཀྱི་ལུས་སུ་སྟོན་པས་འདུལ་ཐབས་ལ་མཁས་པ་སྣ་ཚོགས་ཀྱིས་མངོན་པར་མཐོ་བ་ཡི་ཕུན་སུམ་ཚོགས་པ་དང་ཐེག་པ་གསུམ་པོ་དག་ལ་འདུལ་ཞིང་ཆོས་ཉིད་རྟོགས་པས་འགོད་པ་ནི་ཕན་ཡོན་ནོ། །ཆོས་ཐམས་ཅད་ཀྱི་ཆོས་ཉིད་ཡེ་ནས་དེ་ལྟར་གནས་ཀྱང་མ་རིག་པས་བསླད་པའི་བྱིས་པ་རྣམས་ལ་ཡང་དག་བསྒྲིབས་ནས། །ཡང་དག་མ་ཡིན་ཀུན་ཏུ་སྣང་ངོ་། །མི་ཤེས་པ་དེ་བསལ་བས་ཡང་དག་པར་ཐམས་ཅད་དུ། །བྱང་ཆུབ་སེམས་དཔའ་རྣམས་ལ་སྣང་། །སྟེ་རིགས་པས་ཀྱང་དེ་ཁོ་ན་ཉིད་མ་ཡིན་པ་མེད་པར་རྟོགས་པའི་ཕྱིར་དེ་ལྟར་འཐད་དོ། །དོན་མེད༡་པ་ཀུན་བརྟགས་དང་དོན་ཡོད་༢པ་ཡོངས་གྲུབ། །མི་སྣང༡་སྣང་༢བར་ཤེས་པར་བྱ། །འདི་ནི་གནས་ནི་གཞན་དུ་གྱུར་པ་དེ། །ཀུན་ཉོན་གྱི་ཆོས་རྣམས་དག་པར་རང་དབང་ཡོད་པས་འདོད་དགུར་སྒྱུར་ཕྱིར་ཐར་པ་ཡིན་ཏེ་དེས་མི་འཆིང་བས་སོ། །དེ་ལྟར་འཁོར་བ་དང་ནི་མྱ་ངན་འདས་ཏེ་ལོགས་སུ་མེད་དོ། །མཚུངས་པར་མཉམ་པར་ཤེས་པ་ནམ་སྐྱེ་བ། །དེ་ཚེ་རྒྱུ་མཚན་དེ་ཕྱིར་བྱང་སེམས་དེ་ལ་ ― MR12_Page_0642 ―
[མ་དཔེ་གཟིགས་ན་འདིར་གནོན།]
ནི། །འཁོར་བ་ཉིད་མྱ་ངན་འདས་པར་འགྱུར་ཏེ་ལོགས་སུ་མེད་དོ། །དེ་ཡི་ཕྱིར་ན་འཁོར་བ་ནི། །གཏོང་བ་མ་ཡིན་ཏེ་མི་སྤོང་ལ་མི་གཏོང་མིན་ཏེ་མི་འཆིང་བས་སོ། །དེ་ཕྱིར་མྱ་ངན་འདས་པ་ཡང་། །འཁོར་བ་ལས་གུད་དུ་ཐོབ་པ་མ་ཡིན་མི་ཐོབ་མིན་འཁོར་བ་ཉིད་མྱང་འདས་ཡིན་པས་སོ། །དེ་ལྟར་སྤང་བའི་ཁྱད་པར་མྱང་འདས་བསྟན་ནས། སྤང་བྱ་སྤངས་པས་ཡེ་ཤེས་དྲི་མ་མེད་ཅིང་ཐོགས་པ་མེད་པར་འགྱུར་བས་ན་སྤོང་བའི་རྗེས་སུ་ཡེ་ཤེས་བསྟན་པ། ༧ །བཅུ་པ་ཡེ་ཤེས་ཀྱི་ཁྱད་པར་ཇི་ལྟར་བལྟ་བར་བྱ་ཞེ་ན། སངས་རྒྱས་ཀྱི་སྐུ་གསུམ་པོ་བཅོས་མ་མིན་པ་ངོ་བོ་ཉིད་དང་ཆོས་རྣམས་ཀྱི་སྐུ་ནི་ཆོས་ཉིད་ཀྱི་སྐུའོ། །ལོངས་སྤྱོད་རྫོགས་པ་དང་། སྤྲུལ་པའི་སྐུ་གསུམ་གྱིས་སྒོ་ནས་ཡེ་ཤེས་ཀྱི་ཁྱད་པར་དུ་བལྟ་བར་བྱའོ། །དེ་ལ་ངོ་བོ་ཉིད་ཀྱི་སྐུ་ནི་དེ་བཞིན་གཤེགས་པ་རྣམས་ཀྱི་ཆོས་ཀྱི་སྐུ་སྟེ་ཆོས་ཐམས་ཅད་ལ་དབང་བསྒྱུར་བའི་གནས་ཡིན་པའི་ཕྱིར་རོ། །ལོངས་སྤྱོད་རྫོགས་པའི་སྐུ་ནི། གང་བདེ་བ་ཅན་སོགས་སངས་རྒྱས་ཀྱི་འཁོར་གྱི་དཀྱིལ་འཁོར་སྣ་ཚོགས་ཀྱིས་རབ་ཏུ་ཕྱེ་བ་དང་ཆོས་ཀྱི་སྐུ་ལ་བརྟེན་པ་སྟེ། སངས་རྒྱས་ཀྱི་ཞིང་ཡོངས་སུ་དག་པ་དང་། ཐེག་པ་ཆེན་པོའི་ཆོས་ཀྱི་ལོངས་སྤྱོད་མྱོང་བར་མཛད་པའི་ཕྱིར་རོ། ༧ །སྤྲུལ་པའི་སྐུ་ནི་གང་ཆོས་ཀྱི་སྐུ་ལ་བརྟེན་པ་ཉིད་དེ། དགའ་ལྡན་གྱི་གནས་ན་བཞུགས་པ་ནས་བཟུང་སྟེ། འཕོ་བ་དང་། བལྟམས་པ་དང་། འདོད་པ་ལ་སྤྱོད་པ་དང་། མངོན་པར་འབྱུང་བ་དང་། མུ་སྟེགས་ཅན་གྱི་གན་དུ་གཤེགས་པ་དང་། དཀའ་བ་སྤྱོད་པ་དང་། མངོན་པར་རྫོགས་པར་བྱང་ཆུབ་པ་དང་། ཆོས་ཀྱི་འཁོར་ལོ་བསྐོར་བ་དང་། ཡོངས་སུ་མྱ་ངན་ལས་འདས་པ་ཆེན་པོ་རྣམས་སྐལ་བ་ཅན་གྱི་རྒྱུད་ ― MR12_Page_0643 ―
[མ་དཔེ་གཟིགས་ན་འདིར་གནོན།]
གཞན་ལ་སྐལ་བ་མཉམ་པར་སྣང་བའི་རྣམ་རིག་ཀུན་ཏུ་སྟོན་པའི་ཕྱིར་རོ། །འདིར་སྡོམ་གྱི་ཚིགས་སུ་བཅད་པ། མཚན་ཉིད༡་དང་ནི་འཐོབ་༢པ་དང་། ད༣བང་དང་གནས་༤དང་ཡོངས་བསྡུས༥་དང་། །དབྱེ་༦དང་ཡོན་༧ཏན་ཟབ་པ་དང་། །དྲན་དང་ཕྲིན་ལས་སངས་རྒྱས་ཉིད། །ཅེས་སོ། །སངས་རྒྱས་རྣམས་ཀྱི་མ༡ཚན་ཉིད་ཇི་ལྟ་བུ་ཞེ་ན་ཆོས་ཀྱི་སྐུའོ། །མདོར་བསྡུ་ན་མཚན་ཉིད་ལྔར་རིག་པར་བྱ་སྟེ། གནས༡་གྱུར་པའི་མཚན་ཉིད་ནི་སྒྲིབ་པ་ཐམས་ཅད་པ་ཀུན་ཉོན་གྱི་ཆར་གཏོགས་གཞན་དབང་གི་ངོ་བོ་ཉིད་རྣམ་པར་ལོག་ནས་སྒྲིབ་པ་ཐམས་ཅད་ལས་རྣམ་པར་གྲོལ་ཞིང་ཆོས་ཐམས་ཅད་ལ་དབང་བསྒྱུར་བར་ཉེ་བར་གནས་པ་རྣམ་བྱང་གི་ཆར་གཏོགས་པའི་གཞན་དབང་གི་ངོ་བོ་ཉིད་དུ་གྱུར་པའི་ཕྱིར་རོ། །དཀར་པོའི་ཆོ༢ས་ཀྱི་རང་བཞིན་གྱི་མཚན་ཉིད་ནི་ཉན་ཐོས་རྣམས་ཉོན་མོངས་ཙམ་སྤངས་པའི་རབ་ཏུ་ཕྱེ་བའི་ཕྱིར་དཀར་པོའི་ཆོས་ཀྱི་རང་བཞིན་མ་ཡིན་གྱི། བྱང་སེམས་ཕར་ཕྱིན་དྲུག་ཡོངས་སུ་རྫོགས་པའི་དཀར་ཆོས་ཀྱི་རང་བཞིན་ཏེ། དེ་ལ་ལུང་མ་བསྟན་པའི་གནས་སྐབས་ཀྱང་མེད་ན་ཉོན་མོངས་ཅན་ལྟ་ཅི་སྨྲོས། དེས་ན་ཕར་ཕྱིན་དྲུག་ཡོངས་སུ་རྫོགས་ནས་འདི་ལྟར་དབང་བཅུ་ཐོབ་སྟེ་ཚེ་དང་སེམས་དང་ཡོ་བྱད་ལ་དབང་བ་སྦྱིན་པའི་ཕར་ཕྱིན་རྫོགས་པའི་འབྲས་བུ་དང་། ལས་དང་སྐྱེ་བ་ལ་དབང་བ་ཚུལ་ཁྲིམས་ཕར་ཕྱིན་རྫོགས་པས་དང་། མོས་པ་ལ་དབང་བ་བཟོད་པའི་ཕར་ཕྱིན་རྫོགས་པས་དང་། སྨོན་ལམ་ལ་དབང་བ་བརྩོན་འགྲུས་ཕར་ཕྱིན་རྫོགས་པས་དང་། མངོན་ཤེས་ལྔས་བསྡུས་པའི་རྫུ་འཕྲུལ་ལ་དབང་བ་བསམ་གཏན་གྱི་ཕར་ཕྱིན་རྫོགས་པས་དང་། ཡེ་ཤེས་དང་ཆོས་ལ་དབང་བ་ཤེས་རབ་ཀྱི་ཕར་ཕྱིན་ཡོངས་ ― MR12_Page_0644 ―
[མ་དཔེ་གཟིགས་ན་འདིར་གནོན།]
སུ་རྫོགས་པའི་ཕྱིར་རོ། ༧ །གཉིས༣་སུ་མེད་པའི་མཚན་ཉིད་ནི་ཡོད་པ་དང་མེད་པ་གཉིས་སུ་མེད་པའི་མཚན་ཉིད་ཀྱིས་ཏེ། ཆོས་ཐམས་ཅད་དངོས་པོ་མེད་པ་དང་སྟོང་པ་ཉིད་ཀྱི་མཚན་ཉིད་ཀྱི་དངོས་པོ་ཡོད་པ་ཡིན་པའི་ཕྱིར་རོ། །འདུས་༤བྱས་དང་།འདུས་མ་བྱས་གཉིས་སུ་མེད་པའི་མཚན་ཉིད་ནི། ལས་དང་ཉོན་མོངས་རྣམས་ཀྱིས་མངོན་པར་འདུས་མ་བྱས་པ་ཉིད་དང་། འདུས་བྱས་སུ་སྣང་བ་ཀུན་ཏུ་སྟོན་པ་ལ་དབང་འབྱོར་བའི་ཕྱིར་རོ། །ཐ་དད་༥པ་དང་གཅིག་པ་གཉིས་སུ་མེད་པའི་མཚན་ཉིད་ནི། དེ་ལ་སངས་རྒྱས་ཐམས་ཅད་ཀྱི་གནས་ཆོས་སྐུ་ཐ་དད་པ་མ་ཡིན་པ་དང་། ཐོབ་པ་པོའི་རྒྱུད་སྣ་ཚོགས་ཚད་མེད་པ་དག་མངོན་པར་བྱང་ཆུབ་པའི་ཕྱིར་རོ། །འདིར་ཚིགས་སུ་བཅད་པ། བདག་ཏུ་འཛིན་པ་མེད་པའི་ཕྱིར། །སངས་རྒྱས་རྣམས་ཀྱི་གནས་ཆོས་སྐུ་ལ་ཐ་དད་ཡོད་མ་ཡིན། །སྔོན་གྱི་བྱང་ཆུབ་སེམས་དཔའི་རྗེས་སུ་འབྲང་བས་འབྲས་བུ་ཐོབ་པའི་ཕྱིར་ན། །དེ་ལ་ཐ་སྙད་གདགས་པ་ཐ་དད་བྱེད། །སྐྱེ་མཆེད་དྲུག་གི་ཁྱད་པར་རང་བཞིན་གནས་རིགས་དང་རྒྱས་འགྱུར་ཐ་དད་པའི་རིགས་ཀྱི་ཕྱིར་དང་སངས་རྒྱས་གཅིག་ལས་མེད་ན་རྒྱུད་སོ་སོས་སྒྲུབ་པ་དོན་མེད་ཕྱིར། །སེམས་ཅན་ཀུན་ཕྱིར་སངས་རྒྱས་དུ་མར་སྟོན་ཏོ། །སངས་རྒྱས་ལ་ཐོག་མ་མེད་པའི་ཕྱིར་སྔ་མ་དག་སྟོན་པ་ཡིན་ལ་ཕྱི་མ་སློབ་མ་ཡིན་ནོ། །དེའི་ཕྱིར་གློ་བུར་གྱི་དྲི་མ་མེད་པའི་གནས་ཆོས་དབྱིངས་ལ་ནི་ཐ་དད་མེད་པས། དེ་ལྟར་སངས་རྒྱས་གཅིག་མིན་མང་པོའང་མིན། ༧ །རྟགས་པའི་མཚན་ཉིད་ནི། དེ་བཞིན་ཉིད་རྣམ་པར་དག་པའི་བདག་ཉིད་མི་འགྱུར་བའི་མཚན་ཉིད་དང་། བྱང་སེམས་དེས་སེམས་ཅན་ཐམས་ཅད་ཀྱི་དོན་མཛད་པའི་སྔོན་གྱི་སྨོན་ལམ་གྱི་ཤུགས་དང་། སེམས་ཅན་ ― MR12_Page_0645 ―
[མ་དཔེ་གཟིགས་ན་འདིར་གནོན།]
མ་ཟད་པས་བྱང་སེམས་དེའི་བྱ་བ་ཡོངས་སུ་མ་རྫོགས་པའི་ཕྱིར་སེམས་ཅན་གྱི་མཐའ་ཇི་སྲིད་དུ་གནས་པས་རྟག་པའོ་རོ། ༧ །བསམ་གྱིས་མི་ཁྱབ་པའི་མཚན་ཉིད་ནི། དེ་བཞིན་ཉིད་རྣམ་པར་དག་པ་དེ་སོ་སོ་རང་གིས་རིག་པར་བྱ་བ་ལས་ཤེས་པ་གཞན་པའི་ཡུལ་མིན་པ་དང་། འཇིག་རྟེན་ན་དེ་མཚོན་པའི་དཔེ་མེད་པ་དང་། ཚུར་མཐོང་ཙམ་ལ་རྟེན་པའི་རྟོག་གེ་བའི་སྤྱོད་ཡུལ་མ་ཡིན་པའི་ཕྱིར་རོ། །ཡང་ཇི་ལྟར་ཆོས་ཀྱི་སྐུ་འདི་མོས་པ་དང་ཆོས་སྤྱོད་རྣམས་ཀྱིས་རིག་པས་ཐོག་མ་ཉིད་དུ་ཐོབ་ཅེ་ན། ཐེག་པ་བ་ཆེན་པོའི་ཆོས་འདྲེས་པ་ལ་དམིགས་པ་རྣམ་པར་མི་རྟོག་པ་དང་། དེའི་རྗེས་ལས་ཐོབ་པའི་ཡེ་ཤེས་སྐད་ཅིག་རེ་རེ་ལ་གནས་ངན་ལེན་འཇིག་པ་དང་། ཆོས་ཀྱི་ཀུན་དགའ་ཐོབ་པ་སོགས་རྣམ་པ་ལྔ་ལེགས་པར་བསྒོམས་པས་ཚོགས་ལེགས་པར་བསགས་པ་དང་། སྒྲིབ་པ་སྲབ་མོ་ཤེས་པ་གཞན་གྱིས་གཞིག་པར་དཀའ་བ་བཤིག་པའི་ཕྱིར་རྡོ་རྗེ་ལྟ་བུའི་ཏིང་ངེ་འཛིན་གྱིས་སྒྲིབ་པ་ཕྲ་མོ་བཅོམ་ནས་དེའི་མཇུག་ཐོགས་སུ་སྒྲིབ་པ་ཐམས་ཅད་བྲལ་བའི་ཕྱིར། དེ་དག་གི་གནས་གྱུར་པ་ཐོབ་བོ། །ཡང་དབང་འབྱོར་བ་རྣམ་པ་དུས་ཆོས་ཀྱི་སྐུ་ཆོས་ཀུན་ལ་དབང་འབྱོར་བ་ཐོབ་ཅེ་ན། མདོར་བསྡུ་ན་རྣམ་པ་ལྔས་ཐོབ་སྟེ། གཟུགས་ཀྱི་ཕུང་པོ་ཉན་ཐོས་ནི་སྡུག་བསྔལ་གྱིས་འཇིགས་པས་མཛེ་ཅན་གྱི་ལུས་འདོར་བ་བཞིན་ཕུང་པོའི་རྒྱུན་གཅོད་དོ། །བྱང་སེམས་ནི་ཐབས་བཅུད་ལེན་སྨན་ལྟ་བུས་ལུས་མཛེ་ཅན་སྐྱོན་མེད་པའི་ལུས་དག་པར་སྒྱུར་བ་བཞིན་དུ་གནས་གྱུར་པའི་ཞིང་ཇི་ལྟར་འདོད་པ་དག་པ་དང་། ལུས་ཇི་འདོད་དུ་སྟོན་པ་དང་། མཚན༣༢་དང་། དཔེ་བྱད༦༠་བཟང་པོ་དང་། གསུང་དབྱངས་མཐའ་ཡས་པ་དང་། སྤྱི་གཙུག་བལྟར་མི་མཐོང་བ་ལ་དབང་འབྱོར་བ་ཐོབ་པ་ ― MR12_Page_0646 ―
[མ་དཔེ་གཟིགས་ན་འདིར་གནོན།]
དང་། ཚོར་བའི་ཕུང་པོ་གྱུར་པའི་ཕྱིར། ཁ་ན་མ་ཐོ་བ་ཉོན་མོངས་པ་མེད་ཅིང་སྣ་ཚོགས་ཚད་མེད་ལ་ཁམས་གསུམ་གྱི་བདེ་བ་ལས་འདས་པའི་རྒྱ་ཆེ་བའི་བདེ་བར་གནས་པ་ལ་དབང་འབྱོར་བ་དང་། འདུ་ཤེས་ཀྱི་ཕུང་པོ་གྱུར་པའི་ཕྱིར་མིང་དང་ཚིག་དང་ཡི་གེའི་ཚོགས་ཐམས་ཅད་ཀྱིས་ཆོས་བསྟན་པ་ལ་དབང་འབྱོར་བ་དང་། འདུ་བྱེད་ཀྱི་ཕུང་པོ་གྱུར་པའི་ཕྱིར། ཇི་ལྟར་འདོད་པ་སྤྲུལ་པ་དང་། ས་གསེར་དུ་བསྒྱུར་བ་སོགས་དང་། གདུལ་བྱའི་འཁོར་བསྡུ་བ་དང་། དཀར་པོའི་ཆོས་བསྡུ་བ་ལ་དབང་འབྱོར་བ་དང་། རྣམ་པར་ཤེས་པའི་ཕུང་པོ་གནས་གྱུར་པའི་ཕྱིར། མེ་ལོང་ལྟ་བུ་དང་། མཉམ་པ་ཉིད་དང་། སོ་སོར་རྟོག་པ་དང་། བྱ་བ་གྲུབ་པའི་ཡེ་ཤེས་ལ་དབང་འབྱོར་བས་དབང་འབྱོར་པ་ཐོབ་པའོ། ༧ །ཆོས་ཀྱི་སྐུ་གནས་དུ་ཞིག་གི་གནས་ཉིད་དུ་རིག་པར་བྱ་ཞེ་ན། རྒྱས་པར་ཕྱེ་ན་ཡོན་ཏན་ཚད་མེད་པའི་གནས་ཡིན་ཀྱང་མདོར་བསྡུ་ན་གསུམ་གྱི་གནས་ཏེ། སངས་རྒྱས་ཀྱི་གནས་པ་ལྷ་དང་འཕགས་པ་དང་ཚངས་པའི་གནས་པ་སྣ་ཚོགས་ཀྱི་གནས་ནི། དེ་ལ་སངས་རྒྱས་ནི་འཕགས་པའི་གནས་པ་རྣམས་ཀྱི་ནང་ནས་སྟོང་པ་ཉིད་ལ་གནས་སོ། །ལྷའི་གནས་པའི་ནང་ནས་བསམ་གཏན་བཞི་པ་ལ་ལན་མང་དུ་གནས་པར་མཛད་དོ། །ཚངས་གནས་རྣམས་ཀྱི་ནང་ནས་སྙིང་རྗེ་ལ་གནས་སོ། །ཞེས་འགྲེལ་བ་ལས་སོ། །འདིར་ཚིགས་སུ་བཅད་པ། གང་ཕྱིར་སངས་རྒྱས་རང་གི་དབྱིངས་ཆོས་ཀྱི་དབྱིངས་བརྙེས་ནས། །རྣམ་པ་ལྔ་ཡི་བདག་ཉིད་ཀྱི་དགྱེས་པས་མཉེས་ལ། །ཉན་ཐོས་ཀྱིས་ཆོས་དབྱིངས་དེ་མ་ཐོབ་པས་དེ་ཡི་གནས་པའི་དགའ་བ་ལྔ་དང་བྲལ་གྱུར་པ་ཉན་ཐོས་ནི་མགོ་བཅད་པས་སྲོག་འགགས་པ་འདྲ་བའི་ཕུང་པོ་རྒྱུད་ཆད་པའི་མྱང་འདས་ལ་གནས་པའི་དགའ་བ་ལྔ་པོ་མ་ཐོབ་པའོ། ། ― MR12_Page_0647 ―
[མ་དཔེ་གཟིགས་ན་འདིར་གནོན།]
དེ་ཕྱིར་སངས་རྒྱས་ཀྱི་དགའ་བ་ཆེན་པོ་དེ་འདོད་པས་ན་བྱང་སེམས་ཀྱིས་ཆོས་དབྱིངས་དེ་ཐོབ་བྱོས། །རྣམ་པ་ལྔ་ནི་མཐུ་དཔག་ཏུ་མེད་པ་དང་སེམས་ཅན་གྱི་དོན་གྱི་བྱ་བ་དཔག་མེད་གྲུབ་དེ་བཞིན་གཤེགས་པ་ཚད་དཔག་ཏུ་མེད་པ་རྣམས་ཆོས་སྐུ་ལ་ཐ་དད་མེད་པས་ཐམས་ཅད་མཐུ་མཚུངས་ཤིང་མཐུ་ལ་ཕ་མཐའ་དཔག་ཏུ་མེད་དོ། །བྱ་བ་གྲུབ་པ་ནི་ནམ་མཁས་ཁྱབ་པའི་སེམས་ཅན་ཐམས་ཅད་ཕན་བདེ་འགོད་དེ་དུས་གསུམ་ལ་ཐོགས་པ་མེད་པས་དང་མདོ་སོགས་ཐེག་ཆེན་གྱི་ཆོས་ཀྱི་རོ་ལྟ་བུ་ཉམས་སུ་བལྟར་བ་དང་། །གནས་གྱུར་པའི་འབྱོར་བ་དོན་དང་མངོན་ཤེས་སོགས་ཡོན་ཏན་འབྱོར་པ་དཔག་མེད་པ་ལྔ་དང་ཁ་ཅིག་དོན་མྱང་འདས་དང་ཡོན་ཏན་སྟོབས་ལ་སོགས་ཞེས་བཤད། །ལྔ་པོ་ཆོས་ཀྱི་དབྱིངས་དང་རོ་མཉམ་པས་རྟག་ཏུ་མི་ཟད་གཟིགས་པས་སངས་རྒྱས་རྣམས། །འཇིག་རྟེན་ལས་འདས་དགྱེས་པའི་མཆོག་ཁ་ན་མ་ཐོ་མེད་པ་སྒྲིབ་གཉིས་བག་ཆགས་བཅས་སྤངས་པ་བརྙེས་སོ། །ལོངས་སྤྱོད་རྫོགས་པའི་སྐུ་རིགས་ལྔ་ལྟ་བུ་རྣམ་པ་སྣ་ཚོགས་ཀྱི་གནས་ཆོས་སྐུ་ནི་བྱང་ཆུབ་སེམས་དཔའ་ཡོངས་སུ་སྨིན་པར་མཛད་པའི་ཕྱིར་རོ། །སྤྲུལ་པའི་སྐུ་རྣམ་པ་སྣ་ཚོགས་ཀྱི་གནས་ཆོས་སྐུ་ནི་ཕལ་ཆེར་མོས་སྤྱོད་ཀྱི་བྱང་སེམས་བསྡུས་སོ། །ཉན་ཐོས་རྣམས་ཡོངས་སུ་སྨིན་པར་མཛད་པའི་ཕྱིར་རོ། །སངས་རྒྱས་ཀྱི་ཆོས་དུ་ཞིག་གིས་ཆོས་ཀྱི་སྐུ་བསྡུས་པར་རིག་པར་བྱ་ཞེ་ན། མདོར་བསྡུ་ན་རྣམ་པ་དྲུག་གིས་བསྡུས་ཏེ། སངས་རྒྱས་ཀྱི་ཆོས་རྣམ་པར་དག་པས་ནི་ས་བོན་ཐམས་ཅད་པ་ཀུན་གཞི་རྣམ་པར་ཤེས་པ་སྨན་ནད་མེད་ཀྱིས་དུག་ཉིད་སྨན་དུ་གྱུར་པ་ལྟར་གནས་གྱུར་ནས་ཆོས་ཀྱི་སྐུ་ཐོབ་པའི་ཕྱིར་རོ། །རྣམ་པར་སྨིན་པ་པས་བསྡུས་པ་ནི་རྣམ་སྨིན་གྱི་དབང་པོ་གཟུགས་ཅན་གྱུར་ནས་ ― MR12_Page_0648 ―
[མ་དཔེ་གཟིགས་ན་འདིར་གནོན།]
རྣམ་པར་སྨིན་པ་པའི་ཡེ་ཤེས་ཐོབ་པའི་ཕྱིར་རོ། །གནས་པས་བསྡུས་པ་ནི་འདོད་པ་ཡི་ཁམས་ལ་གནས་པའམ་སྤྱོད་པ་ལ་སོགས་སྒྲས་མོས་སྤྱོད་བསྡུ་པར་གནས་གྱུར་ནས་ཡེ་ཤེས་ཚད་མེད་པས་གནས་པ་ཐོབ་པའི་ཕྱིར་རོ། །དབང་འབྱོར་བས་ནི་འཇིག་རྟེན་པའི་ཞིང་ལས་ཚོང་སོགས་ཡོངས་སུ་འཛིན་པའི་ལས་སྣ་ཚོགས་གྱུར་ནས་འཇིག་རྟེན་གྱི་ཁམས་ཐམས་ཅད་དུ་ཐོགས་པ་མེད་པའི་མངོན་པར་ཤེས་པའི་ཡེ་ཤེས་ལ་དབང་འབྱོར་པ་ཐོབ་པའི་ཕྱིར་རོ། །ཐ་སྙད་པས་བསྡུས་པ་ནི་འཇིག་རྟེན་ཀུན་ན་མཐོང་བ་དང་ཐོས་པ་དང་བྱེ་བྲག་ཕྱེད་པ་དང་། རྣམ་པར་ཤེས་པའི་ཐ་སྙད་བརྗོད་པར་གྱུར་ནས་སེམས་ཅན་ཐམས་ཅད་ཀྱི་སེམས་ཚིམ་པར་བྱ་བའི་ཆོས་བསྟན་པ་མཁྱེན་པ་ལ་དབང་འབྱོར་པ་ཐོབ་པའི་ཕྱིར་རོ། །སེལ་བ་པས་བསྡུས་པ་ནི་འཇིག་རྟེན་གྱི་གནོད་པ་སེལ་བའམ་ཉེས་པ་ཐམས་ཅད་སེལ་བའམ་ཞི་བར་གྱུར་ནས་སེམས་ཅན་ཐམས་ཅད་ཀྱི་གནོད་པ་ཐམས་ཅད་སེལ་བ་མཁྱེན་པ་བརྙེས་པའི་ཕྱིར་ཏེ། སངས་རྒྱས་ཀྱི་ཆོས་འདི་དྲུག་གིས་སངས་རྒྱས་རྣམས་ཀྱི་ཆོས་ཀྱི་སྐུ་བསྡུས་པར་རེག་པར་བྱའོ། །སངས་རྒྱས་རྣམས་ཀྱི་ཆོས་སྐུ་གང་ཡིན་པ་དེ་ཅི་ཐ་དད་པ་ཞེས་བྱའམ་ཐ་དད་པ་མ་ཡིན་པ་ཞེས་བྱ་ཞེ་ན། གནས་དེ་བཞིན་ཉིད་དང་སེམས་ཅན་ཐམས་ཅད་ལ་ཕན་བདེ་དགོངས་པ་དང་ཐམས་ཅད་ཀྱང་འགྲོ་བའི་དོན་མཛད་པའི་ཕྱིར་ཕྲིན་ལས་ཐ་དད་པ་མེད་པས་ཐ་དད་པ་མ་ཡིན་པ་ཞེས་བྱའོ། །སྔོན་གྱི་བྱང་སེམས་ཀྱི་ལུས་ཚད་མེད་དག་མངོན་པར་རྫོགས་པར་བྱང་ཆུབ་པའི་ཕྱིར་ཐ་དད་པ་ཞེས་བྱའོ། ༧ །ཆོས་སྐུ་ལ་ཇི་ལྟ་བ་དེ་བཞིན་དུ། ལོངས་སྤྱོད་རྫོགས་པའི་སྐུ་ཡང་གནས་ཆོས་སྐུ་ཡིན་པ་དང་དགོངས་པ་དང་ ― MR12_Page_0649 ―
[མ་དཔེ་གཟིགས་ན་འདིར་གནོན།]
ཕྲིན་ལས་ཐ་དད་མེད་པས་ཐ་དད་པ་མ་ཡིན་གྱི་འཁོར་གྱི་གནས་ཐ་དད་པས་ཐ་དད་པ་མེད་པ་མ་ཡིན་ཏེ། སངས་རྒྱས་འཁོར་སོགས་གནས་ཚད་མེད་པས་འབྱུང་བའི་ཕྱིར་རོ། །སྤྲུལ་པའི་སྐུ་ཡང་ལོངས་སྤྱོད་རྫོགས་པའི་སྐུ་བཞིན་དུ་བལྟ་བར་བྱའོ། ༧ །ཆོས་ཀྱི་སྐུ་དེ་ཡོན་ཏན་དུ་ཞིག་དང་ལྡན་པར་རིག་པར་བྱ་ཞེ་ན། ཤིན་ཏུ་ཡོངས་སུ་དག་པ་སྒྲིབ་གཉིས་སྤངས་པའི་ཚད་མེད་པ་བཞི་དང་། རྣམ་པར་ཐར་བ་བརྒྱད་དང་། ཟིལ་གྱིས་གནོན་པའི་སྐྱེ་མཆེད་བརྒྱད་དང་། ཟད་པར་གྱི་སྐྱེ་མཆེད་བཅུ་དང་། ཉོན་མོངས་མེད་པ་དང་། སྨོན་ནས་ཤེས་པ་དང་། སོ་སོ་ཡང་དག་པར་རིག་པ་བཞི་དང་། མངོན་པར་ཤེས་པ་དྲུག་དང་། དེ་ལས་བྱུང་བའི་གཟུགས་སྐུ་ལ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུ་དང་། རྣམ་པ་ཐམས་ཅད་ཡོངས་སུ་དག་པ་བཞི་དང་། སྟོབས་བཅུ་དང་། མི་འཇིགས་པ་བཞི་དང་། བསྲུང་པ་མེད་པ་གསུམ་དང་། དྲན་པ་ཉེ་བར་བཞག་པ་གསུམ་དང་། བག་ཆགས་ཡང་དག་པར་བཅོམ་པ་དང་། བསྙེལ་བ་མེད་པའི་ཆོས་ཉིད་དང་། ཐུགས་རྗེ་ཆེན་པོ་དང་། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དང་། རྣམ་པའི་མཆོག་ཐམས་ཅད་མཁྱེན་པ་ཉིད་དང་། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པ་དང་ལྡན་ནོ། །འདིར་དེ་དག་གི་དོན་ཚིགས་སུ་བཅད་པ། སེམས་ཅན་རྣམས་ལ་ཐུགས་བརྩེ་བ་གང་གིས། །བདེ་བ་དང་ཕྲད་འདོད་བྱམས་པ་དང་སྡུག་བསྔལ་བྲལ་བར་དགོངས་པ་སྙིང་རྗེ་ཅན། །བདེ་བ་དང་མི་འབྲལ་དགོངས་ཤིང་སྟེ་དགའ་བ་བདེ་དང་ཕན། །དགོངས་ ― MR12_Page_0650 ―
[མ་དཔེ་གཟིགས་ན་འདིར་གནོན།]
པ་བཏང་སྙོམས་ཀུན་ཉོན་མེད་པའི་མཚན་ཉིད་ཅན་ཁྱོད་ལ་ཕྱག་འཚལ་ལོ། །རྣམ་པར་ཐར་པས་དེ་དེའི་སྒྲིབ་པ་ཀུན་ལས་ངེས་པར་གྲོལ། །ཐུབ་པའི་མཁྱེན་པས་འཇིག་རྟེན་ཀུན་གྱི་ཏིང་ངེ་འཛིན་ཟིལ་གནོན་ཏེ་ཟིལ་གནོན་པ་དང་། ཁྱོད་ཀྱི་མཁྱེན་པས་ཤེས་བྱ་ཟད་པར་ཁྱབ་སྙོམས་འཇུག་གི་སྒྲིབ་པ་ལས་སེམས་གྲོལ་ཁྱོད་ལ་ཕྱག་འཚལ་ལོ། །ཉོན་མོངས་མེད་པའི་ཁྱད་པར་སེམས་ཅན་ཀུན་གྱི་ཉོན་མོངས་དག །མ་ལུས་པ་དག་འདུལ་མཛད་པ། ཉོན་མོངས་སེལ་བ་ཡི་མཐུ་མངའ་ཞིང་སེམས་ཅན་ཉོན་མོངས་པར། །བརྩེར་བཅས་ཁྱོད་ལ་ཕྱག་འཚལ་ལོ། ༧ །སྨོན་ནས་ཤེས་པའི་ཁྱད་པར་རྩོལ་མེད་ལྷུན་གྱིས་གྲུབ་ཅིང་ཉོན་སྒྲིབ་འབྲལ་བས་ཆགས་མི་མངའ། །ཤེས་སྒྲིབ་བྲལ་བས་ཐོགས་པ་མི་མངའ་སྙོམས་འཇུག་གི་སྒྲིབ་པ་དང་བྲལ་བས་རྟག་ཏུ་ཡང་། །མཉམ་པར་བཞག་ཅིང་འདྲི་བ་ཀུན་གྱི། །ལན་ལྡོན་ཁྱོད་ལ་ཕྱག་འཚལ་ལོ། ༧ །སོ་སོ་རིག་བཞི་གནས་ཆོས་དང་གནས་པ་དོན་གཉིས་ནི་གང་བཤད་བྱ་དང་། །ངེས་པའི་ཚིག་དང་ཤེས་པ་ཡི་སྤོབས་པ་སྟོན་པ་ལ། །དུས་རྟག་ཏུ་བློ་གྲོས་མི་ཐོགས་པ་སྟེ་ཐོགས་པ་མེད་པ། །སྟོན་མཆོག་ཁྱོད་ལ་ཕྱག་འཚལ་ལོ། ༧ །མངོན་ཤེས་ནི་རྫུ་འཕྲུལ་གྱིས་དེའི་གན་དུ་ཆེད་དུ་བཞུད་དང་ལྷའི་རྣ་བས་དེ་དག་གི། ཚིག་དང་སེམས་ཤེས་ཀྱིས་སྤྱོད་མཁྱེན་སྔོན་གནས་ཀྱིས་གང་ནས་འོངས་པ་དང་། །ལྷའི་མིག་གིས་གང་དུ་སྐྱེ་བའམ་འགྲོ་བ་དང་ཟག་ཟད་ཀྱིས་ལམ་ངེས་འབྱུང་སེམས་ཅན་ལ། །ལེགས་པར་འདོམས་པ་ཁྱོད་ལ་ཕྱག་འཚལ་ལོ། ༧ །སེམས་ཅན་ཀུན་གྱིས་ཁྱོད་མཐོང་ན། །སྐྱེས་བུ་མཆོག་ཏུ་རྟོགས་པར་འགྱུར། །མཐོང་བ་ཙམ་གྱིས་མཚན་སོ་གཉིས་དང་དཔེ་བྱད་བརྒྱད་ཅུ་ལྡན་པས་དང་འགྱུར་བར། །མཛད་པ་ཁྱོད་ལ་ཕྱག་འཚལ་ལོ། ༧ །ཡང་ ― MR12_Page_0651 ―
[མ་དཔེ་གཟིགས་ན་འདིར་གནོན།]
དག་བཞི་ནི་གནས་ཡོངས་སུ་དག་པས་ལུས་ལེན་དང་གནས་བཞུགས་པ་དང་དེ་དག་གཏོང་བ་བསམ་གཏན་ལ་བརྟེན་ནས་ཇི་ལྟར་བཞེད་པར་མངའ་བརྙེས་པ་དང་། །དམིགས་པ་ཡོངས་སུ་དག་པས་སྔོན་མེད་པའི་གཟུགས་སྤྲུལ་པ་དང་ནི་སྔོན་ཡོད་པ་གཞན་དུ་སྒྱུར་བ་དང་། །ཐུགས་ཡོངས་སུ་དག་པ་ཏིང་ངེ་འཛིན་ཚད་མེད་པར་འཇུག་ལྡང་དང་མཁྱེན་པ་ཡོངས་སུ་དག་པ་གཟུངས་ཀྱི་སྒོ་ཀུན་ཏུ་འཛིན་པའི་ཡེ་ཤེས་ལ། །མངའ་བརྙེས་ཁྱོད་ལ་ཕྱག་འཚལ་ལོ། །གནས་གནས་མིན་མཁྱེན་སྟོབས་ཀྱིས་བདེ་འགྲོ་ངན་འགྲོའི་རྒྱུ་དགེ་མི་དགེ་བསྟན་པས་ཐབས་ལ་བསླུ་བའི་བདུད་འཇོམས་པ་དང་ལས་ཀྱི་རྣམ་སྨིན་མཁྱེན་པས་ལས་ཉིད་ཀྱིས་བདེ་སྡུག་བྱེད་ཀྱི་དབང་ཕྱུག་སོགས་སྐྱབས་སུ་མི་བཟུང་བར་བསྟན་པས་སྐྱབས་བསླུའི་བདུད་འཇོམས་སྐྱབས་དང་བསམ་གཏན་མཁྱེན་སྟོབས་ཀྱིས་འཇིག་རྟེན་དང་འཇིག་རྟེན་ལས་འདས་པའི་དག་པ་ལ་བསླུ་བདུད་འཇོམས་པ་དང་། །སྟོབས་ལྷག་མ་བདུན་གྱིས་ངེས་འབྱུང་བའི་ཐེག་པ་ཆེན་པོ་ལ། །སེམས་ཅན་རྣམས་ལ་རབ་བསླུ་བའི། །བདུད་འཇོམས་ཁྱོད་ལ་ཕྱག་འཚལ་ལོ། ༧ །མི་འཇིགས་བཞི། ཐམས་ཅད་མཁྱེན་པའི་ཡེ་ཤེས་ཞལ་གྱིས་བཞེས་པ་དང་ནི་སྒྲིབ་གཉིས་སྤངས་པ་དང་། །ངེས་པར་འབྱུང་བའི་ལམ་དང་དེ་ཡི་བགེགས་བྱེད་པ་བཞི་པོ་སྟོན་མཛད་པ། །དང་པོ་གཉིས་བདག་དང་ཕྱི་མ་གཉིས་གཞན་དོན་ལ་མུ་སྟེགས་གཞན་གྱིས། །དེ་ལྟ་མིན་ཞེས་རྒོལ་བས་མི་ཚུགས་ཁྱོད་ལ་ཕྱག་འཚལ་ལོ། །བསྲུང་བ་མེད་པ་གསུམ་མངའ་བས་རང་ལ་ཉེས་པ་བཅབ་རྒྱུ་མེད་པའི་ཕྱིར་འཁོར་དུ་ཚར་བཅད་གསུང་མཛད་པ་སྟེ་རང་ཉེས་ཅན་གྱིས་ཚར་བཅད་མི་ནུས་སོ། །ཆོས་ཉན་མི་ཉན་གཉིས་ཀ་ལ་ཀུན་ནས་ཉོན་མོངས་ཆགས་སྡང་གཉིས་སྤངས་པ་དྲན་པ་ཉེ་བར་བཞག་པ་གསུམ་སྟེ། །བསྲུང་བ་མི་མངའ་དང་གཞན་ ― MR12_Page_0652 ―
[མ་དཔེ་གཟིགས་ན་འདིར་གནོན།]
དོན་ལ་བསྙེལ་མི་མངའ་བས། །འཁོར་གྱི་ཚོགས་སྡུད་ཁྱོད་ལ་ཕྱག་འཚལ་ལོ། ༧ །བག་ཆགས་ལེགས་པར་བཅོམ་པས་གཤེགས་བཞུགས་ཀུན་ཏུ་རྟག་པར་ཡང་། །ཉོན་མོངས་ཟད་ཀྱང་བག་ཆགས་ཀྱིས་རྒོད་པ་སོགས་ཀུན་མཁྱེན་མ་ལགས་པའི་སྤྱོད་པ་མི་མངའ་སྟེ། །དཔེར་ན་གནས་བརྟན་མཽད་གལ་བུ་ཚེ་རབས་ལྔ་བརྒྱར་སྤྲེའུར་གྱུར་པའི་བག་ཆགས་ཀྱིས་ཉོན་མོངས་མེད་ཀྱང་སྤྲེའུ་ལྟར་མཆོང་ཞིང་འགྲོའོ་ཞེས་གྲགས། རང་སངས་རྒྱས་གཅིག་སྨད་འཚོང་མར་གྱུར་པའི་བག་ཆགས་ཀྱིས་ལུས་བྱི་དོར་བྱེད་པ་ལྟ་བུའོ། །ཁྱོད་ནི་ཡང་དག་དོན་དུ་ན། །རྫོགས་བྱེད་སོགས་ཀུན་མཁྱེན་མིན་ཡང་དེ་ཁས་འཆེས་པ་ལྟ་བུ་མ་ཡིན་པས་ཀུན་མཁྱེན་ཁྱོད་ལ་ཕྱག་འཚལ་ལོ། ༧ །བསྙེལ་པ་མི་མངའ་བ་སེམས་ཅན་ཀུན་གྱི་དོན་མཛད་ལ། །ཁྱོད་ནི་དུས་ལས་ཡོལ་ཏེ་བསྙེལ་བ་མི་གདའ་སྟེ་མི་མངའ་བས། །རྟག་ཏུ་མཛད་པ་འབྲས་བུ་ཡོད་པ་སྟེ་དོན་མེད་ཆུད་མི་ཟ་བར་མཛད་པ། །མི་བསྙེལ་ཁྱོད་ལ་ཕྱག་འཚལ་ལོ། ༧ །ཐུགས་རྗེ་ཆེན་པོ་ནི་ཀུན་རྫོབ་མཁྱེན་པ་སྟེ་དེས་འཇིག་རྟེན་ཀུན་ཏུ་གདུགས་ནི་ཉིན་ཞག་གཅིག །ལ་ཉིན་མཚན་ལན་དྲུག་དུ་ནི་སུ་ནི་འགྲིབ་སུ་ནི་སྨིན་སུ་ནི་རྣམ་པར་གྲོལ་ཞེས་གཟིགས་པར་མཛད་པ། །ཐུགས་རྗེ་ཆེ་དང་ལྡན་པ་པོ་སྟེ་འཇིག་རྟེན་ཀུན་ལ་སོ་སོར་རྟོག་པའི་ལས་ཅན་དང་ཕན་འདོགས་པའི་བསམ་པ་ཚོགས་གཉིས་རྒྱ་ཆེན་པོ་སྡུད་པ་སྡུག་བསྔལ་གསུམ་དང་བྲལ་བའི་རྣམ་པ། དེས་ཁམས་གསུམ་ཐམས་ཅད་ལ་དམིགས་པ་སེམས་ཅན་ཐམས་ཅད་ལ་མཚུངས་པར་འཇུག་པ་དེ་ལས་ཆེས་ཁྱད་འཕགས་མེད་པས་སོ། །དེས་ན་ཕན་འདོགས་ཁྱོད་ལ་ཕྱག་འཚལ་ལོ། ༧ །མ་འདྲེས་བཅོ་བརྒྱད་གཤེགས་སོགས་སྤྱོད་པས་བསྡུས་པ་དྲུག་དང་ཐུགས་སུ་ཆུད་པ་རྟོགས་པས་བསྡུས་པ་དྲུག་དང་། །དུས་གསུམ་ཐོགས་མེད་དུ། ― MR12_Page_0653 ―
[མ་དཔེ་གཟིགས་ན་འདིར་གནོན།]
མཁྱེན་པ་དང་ནི་ལས་གསུམ་ཡེ་ཤེས་རྗེས་སུ་འབྲང་བའི་ཕྲིན་ལས་ཀྱིས། །ཉན་ཐོས་དང་ནི་རང་སངས་རྒྱས། །ཀུན་མཆོག་ཁྱོད་ལ་ཕྱག་འཚལ་ལོ། ༧ །རྣམ་པ་ཐམས་ཅད་མཁྱེན་པ་ནི་བྱང་ཆུབ་ཆེན་པོ་རྣམ་པ་ཀུན་མཁྱེན་པ་ནི། །སྐུ་གསུམ་དག་གིས་བརྙེས་གྱུར་པ། །ཀུན་ཏུ་སེམས་ཅན་ཐམས་ཅད་ཀྱི། །ཐེ་ཚོམ་གྱི་དོགས་པ་ཐམས་ཅད་གཅོད་པར་མཛད་པ་ཁྱོད་ལ་ཕྱག་འཚལ་ལོ། ༧ །ཕར་ཕྱིན་དྲུག་སྦྱིན་པ་ལ་སྲི་བ་མི་མངའ་བ་ཚུལ་ཁྲིམས་ལ་འཆལ་བའི་སྐྱོན་མི་མངའ། །བཟོད་པ་ལ་གནོད་སེམས་ཀྱི་རྙོགས་པ་མི་མངའ་བརྩོན་འགྲུས་སེམས་ཅན་གྱི་དོན་ལས་བཏང་སྙོམས་སུ་བཞུགས་པ་མི་མངའ། །བསམ་གཏན་ལ་ཡོ་བ་མི་མངའ་ཤེས་རབ་ཆོས་ཀུན་ལ། །མི་སྤྲོས་ཏེ་རྣམ་པར་མི་རྟོག་པ་ཁྱོད་ལ་ཕྱག་འཚལ་ལོ། །སངས་རྒྱས་རྣམས་ཀྱི་ཆོས་སྐུ་ནི། །ཟག་པ་མེད་པའི་ཡོན་ཏན་འདི་དག་དང་ལྡན་ནོ། །གཞན་ཡང་དེ་བཞིན་ཉིད་ཤིན་ཏུ་རྣམ་པར་དག་པ་ངོ་བོ་ཉིད་སྐུ་དང་། དེའི་རྒྱུ་དང་། འབྲས་བུ་དང་། ཕྲིན་ལས་དང་། ལྡན་པ་དང་། འཇུག་པའི་ཡོན་ཏན་རྣམས་དང་ཡང་ལྡན་ཏེ། དེ་ལྟ་བས་ན་སངས་རྒྱས་རྣམས་ཀྱི་ཡོན་ཏན་བླ་ན་མེད་པར་རིག་པར་བྱའོ། །འདིར་དེ་དྲུག་གི་དོན་ཚིགས་སུ་བཅད་པ། ཁྱོད་ནི་དམ་པའི་དོན་གྲུབ་རྣམ་པར་དག་པའི་དེ་བཞིན་ཉིད་ངོ་བོ་ཉིད་ཀྱི་ཆོས་སྐུ་ནི་ངོ་བོའི་སྟེ། །ས་བཅུ་པོ་རྣམས་ཀུན་གྱིས་དེ་ཉིད་དུ་ངེས་པར་འབྱུང་བ་ལགས་ཏེ་རྒྱུའོ། །སེམས་ཅན་གྱི་ནི་མཆོག་ཐམས་ཅད་མཁྱེན་པ་ཉིད་བརྙེས་པ་ནི་འབྲས་བུའོ། །སེམས་ཅན་ཐམས་ཅད་རྣམ་འགྲོལ་བ་ལས་སོ། །མི་ཟད་པས་མཚུངས་པ་མ་མཆིས་པའི། །ཡོན་ཏན་ལྡན་ཞིང་འཇིག་རྟེན་དང་། །སངས་རྒྱས་ཀྱི་ ― MR12_Page_0654 ―
[མ་དཔེ་གཟིགས་ན་འདིར་གནོན།]
འཁོར་གྱི་ནང་ན་གདའ་ལ་གཉུག་མ་རྡོ་རྗེའི་སྐུ་གསུམ་རྣམ་ཀུན་ཏུ། །ལྷ་མིས་ཆོས་སྐུ་མཐོང་བ་ཡང་མ་ལགས། ༧ །ཡང་། སངས་རྒྱས་རྣམས་ཀྱི་ཆོས་སྐུ་ནི། །འཇིག་རྟེན་པ་མཁས་པའི་སྤྱོད་ཡུལ་མིན་པ་ཟབ་པ་ཉན་ཐོས་ཀྱི་ཡུལ་མིན་པས་མཆོག་ཏུ་ཟབ་པ་སྟེ། །དེའི་ཟབ་པ་ཇི་ལྟར་བལྟ་ཞེ་ན། ཚིགས་སུ་བཅད་པ། ལས་ཉོན་ཀྱིས་སྐྱེ་བ་མེད་ཀྱང་སངས་རྒྱས་སྐྱེ་བ་ལྟར་སྣང་སྟེ་སྐྱེ་བ་དང་། །འཁོར་བ་དང་མྱང་འདས་ལ་མི་གནས་ས་ལ་རབ་ཏུ་བཞུགས་པ་མྱང་འདས་དང་། །འབད་རྩོལ་མེད་པར་ལྷུན་གྱིས་གྲུབ་པར་ཐམས་ཅད་མཛད་པ་ཕྲིན་ལས་དང་། །ཟས་ལ་བརྟེན་མི་དགོས་ཀྱང་གཞན་དོན་དུ་ཁ་ཟས་སོགས་ཟས་བཞི་པོ་ནི་གསོལ་བ་ལགས་གནས་པ་ལ་ཟབ་༡ པའོ། །འགྲོ་བ་རྣམས་ཟས་ཀྱིས་གནས་ཏེ། །མ་དག་པ་འདོད་ཁམས་ཀྱི་རྟེན་གནས་བྱེད་ཁམས་ཟས། །དག་མ་དག་གི་རྟེན་གནས་བྱེད་གཟུགས་གཟུགས་མེད་དུ་སྐྱེས་པ་རྣམས་ཀྱི་རྟེན་རེག་པ། ཡིད་ལ་སེམས་པ། རྣམ་ཤེས་གསུམ། རྒྱུན་ཞུགས་སོགས་ཀྱང་ལུས་དག་མ་དག་སྟེ་སློབ་པའི་ཕྱིར་རོ། །ཟས་བཞིས་ཅི་རིགས་སུའོ། །རྣམ་དག་ནི་རྟེན་གནས་པ་དགྲ་བཅོམ་རྣམས་ཀྱི་བཞི་པོའོ། །སངས་རྒྱས་ནི་ཟས་བཞིས་གནས་པ་མིན་ལ་དེ་དག་གསོལ་དགོས་པ་མེད་ཀྱང་། འཇིག་རྟེན་ལ་ཕན་གདགས་པ་དང་མཐུན་པར་འཇུག་པས་ཟས་གསོལ་ལོ། །རྣམ་པར་གནས་པ་ཆོས་སྐུ་ཐ་དད་མེད་ཅིང་རྟེན་དུ་མ་ལས་མངོན་བྱང་བརྙེས་པས་གྲངས་དཔག་ཏུ་མེད་པ་དང་། ཕྲིན༡་ལས་ཟབ་པ་སངས་རྒྱས་རྣམས་ཕྲིན་ལས་དཔག་ཏུ་མེད་ཅིང་སངས་རྒྱས་ཐམས་ཅད་ཀྱི་ཕྲིན་ལས་གཅིག་ཡིན་ནོ། །སྤྲུལ་སྐུའི་ཕྲིན་ལས་མི་བརྟན་ལོངས་སྐུས་བརྟན་པའི་ཕྲིན་ལས་ཅན་གྱི། །སངས་རྒྱས་རྣམས་ནི་སྐུ་གསུམ་ལྡན། །མངོན༣་པར་བྱང་ཆུབ་བར་ཟབ་པ་ཆོས་གང་ཡང་མངོན་རྫོགས་སངས་རྒྱས་ ― MR12_Page_0655 ―
[མ་དཔེ་གཟིགས་ན་འདིར་གནོན།]
མེད་དེ་གང་ཟག་དང་ཆོས་ཀྱི་ངོ་བོ་མེད་པས་སོ། །སངས་རྒྱས་ཐམས་ཅད་སངས་རྒྱས་མ་ཡིན་མིན་ཏེ་སངས་རྒྱས་སོ་སྟེ་འདི་ལྟར་ཐ་སྙད་གདགས་པ་ལས་སོ། །དེའི་མངོན་པར་རྫོགས་པ་ཇི་ལྟ་བུ་ཞེ་ན་སྐད་ཅིག་རེ་ལ་དཔག་ཏུ་མེད་པ་མངོན་པར་རྫོགས་པར་འཚང་རྒྱ་བར་འགྱུར་རོ། །དེ་བཞིན་ཉིད་ནི་དངོས་པོའི་དངོས་པོ་མེད་པ་སྟེ་དེས་སངས་རྒྱས་རྣམས་རབ་ཏུ་ཕྱེ་བ་སངས་རྒྱས་ཡིན་ནོ། །འདོད་ཆགས་༤ལ་བ་ཟབ་པ་འདོད་ཆགས་མེད་པས་ཆགས་པ་མ་ཡིན་ཆགས་པ་མེད་པས་མི་ཆགས་མིན་ཏེ་གྲོལ་ལོ། །སྟོང་ཉིད་ལ་འདུན་པས་ཆགས་པའི་འདོད་ཆགས་ཉིད་རང་བཞིན་མེད་པའི་མཚན་ཉིད་ཀྱིས་འདོད་ཆགས་དེ་ཉིད་བྱུང་བ་ཡིན། །དེ་ཕྱིར་འདོད་ཆགས་དེ་འདོད་ཆགས་མིན་པར་མཁྱེན་ནས། །འདོད་ཆགས་ཀྱི་ཆོས་ཉིད་དེ་བཞིན་ཉིད་ལ་ཡང་ཞུགས་པའམ་སྣོན་པ་ནི། །ཕུང་པོ་སྤངས༥་པ་ལ་ཟབ་པ་སངས་རྒྱས་ནི་ཉེར་ལེན་གྱི་ཕུང་པོ་རྣམས་ལས་འདས། །དེ་དག་མི་དམིགས་པའི་ཆོས་ཉིད་ཀྱི་ཕུང་པོ་རྣམས་ལའང་རྣམ་པར་བཞུགས། །ཀུན་བརྟགས་ཀྱི་ཕུང་པོ་དེ་དག་སྤངས་ནས་དེ་ལས་གཞན་མིན་ཏེ་དེ་དག་གི་ཆོས་ཉིད་ལ་གནས་པས་སོ་གཞན་མིན་ཏེ་གཅིག་ཡིན་པའང་མིན་ཏེ་ཀུན་བརྟགས་རྣམ་པར་དག་པ་ལ་དམིགས་པས་སོ། །དེ་དག་གི་ཡོངས་སུ་གྲུབ་པའི་ཕུང་པོ་དེ་མ་བཏང་བས་ལེགས་པར་མྱ་ངན་འདས་ཏེ་མི་གནས་སོ། །ཡོངས༦་སུ་སྨིན་པར་མཛད་པ་ལ་ཟབ་པ། ཆོས་ཀྱི་དབྱིངས་སུ་བཞུགས་པའི་སངས་རྒྱས་ཀུན་ཀྱང་སེམས་ཅན་ཡོངས་སུ་སྨིན་པའི་མཛད་པར་འདྲེས་པའི་ཕྲིན་ལས་ཅན། །དཔེར་ན་རྒྱ་མཚོར་ཆུ་རྣམས་དབྱེར་མེད་པར་དེར་གནས་ཐམས་ཅད་ཀྱི་ཉེར་སྤྱད་མིན་པ་དང་འདྲ་བར་རྒྱལ་བ་རྣམས་སོ། །སྔར་བྱས་སོ་ད་ལྟ་བྱེད་དོ་མ་འོངས་པ་ན་བྱའོ་ཞེས། །གཞན་གྱི་དོན་ལ་རྣམ་རྟོག་གིས་འདུ་བྱེད་པའི་དགོངས་པ་མེད་ཀྱང་ ― MR12_Page_0656 ―
[མ་དཔེ་གཟིགས་ན་འདིར་གནོན།]
ལྷུན་གྲུབ་ཏུ་མཛད་དོ། །མཐོང་༧བ་ཟབ་པ། རྟག་ཏུ་བཞུགས་ན་ཀུན་གྱིས་ཅིས་མི་མཐོང་སྙམ་ན་སེམས་ཅན་རང་རང་གི་ཉེས་པས་མི་སྣང་སྟེ། །དཔེར་ན་ཆུ་སྣོད་ཆག་པ་ཡི་ཟླ་བ་ཡི་གཟུགས་བཞིན་ཞི་གནས་ཀྱི་རླན་མེད་པའི་རྒྱུད་ལ་མི་སྣང་ངོ་། །དེ་དངོས་སུ་མ་མཐོང་ཡང་འཇིག་རྟེན་ཀུན་ལ་ཇི་ལྟར་ཉི་བཞིན་དུ། །སངས་རྒྱས་དེ་དག་གི་མདོ་སོགས་ཆོས་བསྟན་པའི་འོད་ཀྱིས་ཁྱབ་པར་མཛད་དོ། །མངོན་བྱང༨་དང་མྱང་འདས་ཀུན་ཏུ་སྟོན་པ་ཟབ་པ། ཡོངས་སུ་སྨིན་པའི་སེམས་ཅན་ལ་ལར་རྫོགས་པར་བྱང་ཆུབ་སྟོན་ལ་མར་མེ་བཞིན་ཏེ་མེ་ལ་ལར་འབར་ལ་ལར་ཤི་བ་བཞིན་མྱ་ངན་འདས་པར་སྟོན་ཀྱང་། །འཇིག་རྟེན་ཀུན་ན་ནམ་ཡང་མེད་པ་མ་ཡིན་ཏེ། །དེ་བཞིན་གཤེགས་པ་རྣམས་ཀྱི་ཆོས་སྐུའོ། །བཞུགས༩་པ་ལ་ཟབ་པ་སངས་རྒྱས་ཆོས་སྐུ་ནི་འཕགས་མིན་མི་དགེ་བའི་ཆོས་རྣམས་ལ་རྣམ་ཐར་གསུམ་གྱི་ངོ་བོར་དམིགས་ནས་བཞུགས་དང་། །མི་དང་ངན་སོང་བ་རྣམས་བསམ་གཏན་སྙོམས་འཇུག་གི་ལྷའི་གནས་པས་དེ་ལ་དམིགས་ནས་བཞུགས་དང་། །ཚངས་སྤྱོད་མ་ཡིན་ཆོས་རྣམས་ལ་ཚད་མེད་བཞི་ཚངས་པའི་གནས་པས་དམིགས་ནས་བཞུགས། །དེ་བཞིན་ཉིད་ཀྱི་བདག་ཉིད་སངས་རྒྱས་མཆོག་རྣམས་དང་ནི་བཞུགས་པ་མཆོག་གིས་བཞུགས་ཏེ། འཕགས་པས་བཞུགས་པའམ་གནས་པ་སྟོང་པ་ཉིད། ལྷའི་བཞུགས་པ་བསམ་གཏན། ཚངས་པའི་བཞུགས་པ་ཚད་མེད་བཞིའོ། ༧ །སྐུ་ཀུན༡༠་ཏུ་སྟོན་པ་ལ་ཟབ་པ། རྗེས་ཐོབ་ཀྱིས་དགེ་མི་དགེ་ཟག་བཅས་ཟག་མེད་འདུས་བྱས་མ་བྱས་སོགས་ཇི་སྙེད་པའི་ཤེས་བྱའི་ཆོས་དེ་དག་ཀུན་ཏུ་རྣམ་པར་དཔྱོད། །མཉམ་བཞག་མི་རྟོག་པས་གང་དུའང་རྣམ་པར་དཔྱོད་མི་མངའ། །སྤྲུལ་པའི་སྐུ་དེ་ཉིད་གནས་རྣམས་ཀུན་ཏུའང་མཐོང་མོད་ཀྱི། །སེམས་ཅན་དམྱལ་བ་སོགས་ཀྱིས་མཐོང་ ― MR12_Page_0657 ―
[མ་དཔེ་གཟིགས་ན་འདིར་གནོན།]
པའི་སྤྲུལ་པ་དེ་ནི་དེར་སྐྱེས་པ་འདུལ་བའི་ཕྱིར་ཏེ། དེ་དག་སྤྲུལ་སྐུའི་ངོ་བོ་ཉིད་མིན་ཏེ་དམྱལ་བ་པ་དེ་དག་གིས་འདི་ཡང་སེམས་ཅན་དམྱལ་བ་ཡིན་ནོ་ཞེས་ཤེས་པས་དེ་དག་གི་དབང་པོ་དྲུག་གི་སྤྱོད་ཡུལ་མིན་ཡང་ན་འཇིག་རྟེན་ཀུན་ཏུ་ཡང་སངས་རྒྱས་སྤྲུལ་པ་མཐོང་མོད་ཀྱི། སངས་རྒྱས་ཀྱི་ཆོས་སྐུ་ནི་འཇིག་རྟེན་པའི་དབང་པོ་དྲུག་གི་སྤྱོད་ཡུལ་མིན་ཞེས་སོ། །ཉོན་མོངས༡༡་སྤངས་པ་ལ་ཟབ་པ་བྱང་སེམས་ཀྱི་ཉོན་མོངས་ཐུལ་ལ་དེའི་བག་ཉལ་སྤངས་པ་མེད་ཀྱང་ཉོན་མོངས་པའི་ཉེས་པ་མི་སྐྱེད་དེ་ཉོན་མོངས་ཡོངས་སུ་ཤེས་པས་སོ། །དེས་ན་སྔགས་ཀྱིས་བསད་པའི་དུག་དང་འདྲ་དེའི་དབང་གིས་བྱང་སེམས་རྣམས་ཉན་ཐོས་བཞིན་དུ་མྱ་ངན་མི་འདའོ། །སངས་རྒྱས་རྣམས་ནི་དེ་འདྲའི་ཉོན་མོངས་ལས་ཀྱང་། །ཉོན་མོངས་ཟད་པ་དང་ཀུན་མཁྱེན་བརྙེས་སོ། །བསམ་གྱིས་མི་༡༢ཁྱབ་པ་ལ་ཟབ་པ་ཐབས་ཆེན་རྣམས་དང་ལྡན་པ་ལ། ཀུན་འབྱུང་གི་བདེན་པ་ཉོན་མོངས་པ་ཡང་བྱང་ཆུབ་ཀྱི་ཡན་ལག་ལམ་དུ་འགྱུར། །སྡུག་བདེན་འཁོར་བའང་ཞི་བའི་རང་བཞིན་འགོགས་པའི་བདག་ཉིད་དེ། །དེ་ཕྱིར་དེ་བཞིན་གཤེགས་བསམ་ཡས། ༧ །འདི་དག་ནི་ཟབ་པ་རྣམ་པ་བཅུ་གཉིས་སུ་རིག་པར་བྱ་སྟེ། གང་ཞེ་ན། འདི་ལྟ་སྟེ། སྐྱེ་བ་དང་། མྱ་ངན་ལས་འདས་པ་དང་། ཕྲིན་ལས་དང་། གནས་པ་ཟབ་པ་ཉིད་དང་། རྣམ་པར་གནས་པ་དང་། གྲངས་དང་། ཕྲིན་ལས་ཟབ་པ་ཉིད་དང་། མངོན་པར་རྫོགས་པར་བྱང་ཆུབ་པ་ཟབ་པ་ཉིད་དང་། འདོད་ཆགས་བྲལ་བ་ཟབ་པ་ཉིད་དང་། ཕུང་པོ་སྤངས་པ་ཟབ་པ་ཉིད་དང་། སེམས་ཅན་ཡོངས་སུ་སྨིན་པར་མཛད་པ་ཟབ་པ་ཉིད་དང་། མཐོང་བ་ཟབ་པ་ཉིད་དང་། མངོན་པར་རྫོགས་པར་བྱང་ཆུབ་པ་ཉིད་དང་མྱ་ངན་ ― MR12_Page_0658 ―
[མ་དཔེ་གཟིགས་ན་འདིར་གནོན།]
ལས་འདས་པ་ཀུན་ཏུ་སྟོན་པ་ཟབ་པ་ཉིད་དང་། བཞུགས་པ་ཟབ་པ་ཉིད་དང་། སྐུ་ཀུན་ཏུ་སྟོན་པ་ཟབ་པ་ཉིད་དང་། ཉོན་མོངས་སྤངས་པ་ཟབ་པ་ཉིད་དང་། བསམ་གྱིས་མི་ཁྱབ་པ་ཟབ་པ་ཉིད་དོ། ༧ །བྱང་ཆུབ་སེམས་དཔའ་རྣམས་ཀྱིས་སངས་རྒྱས་ནི་ཆོས་ཀྱི་སྐུར་རྗེས་སུ་དྲན་ན། རྗེས་སུ་དྲན་པ་དུ་ཞིག་གིས་རྗེས་སུ་དྲན་ཞེ་ན། མདོར་བསྡུ་ན་རྣམ་པ་བདུན་གྱིས་རྗེས་སུ་དྲན་པ་སྒོམ་སྟེ། འཇིག་རྟེན་གྱི་ཁམས་ཐམས་ཅད་དུ་ཐོགས་པ་མེད་པའི་མངོན་པར་ཤེས་པ་བརྙེས་པའི་ཕྱིར་སངས་རྒྱས་བཅོམ་ལྡན་འདས་རྣམས་ནི་ཆོས་ཐམས་ཅད་ལ་མངའ་དབང་བསྒྱུར་བའི་ངང་ཚུལ་ཅན་ནོ། །ཞེས་སངས་རྒྱས་རྗེས་སུ་དྲན་པ་སྒོམ་མོ། །གལ་ཏེ་ཆོས་ཐམས་ཅད་ལ་དབང་བསྒྱུར་བ་ཡིན་ན་དེས་སེམས་ཅན་ཐམས་ཅད་མྱ་ངན་ལས་ཅིས་མི་བཟླ་ཞེ་ན། འདིར་ཚིགས་སུ་བཅད་པ། གང་ལ་ལས་ཉོན་རྣམ་སྨིན་གྱིས་བསྒྲིབས་ཤིང་མྱ་ང ན་མི་འདའ་བའི་ཆོས་ཉིད་རྒྱུ་རིགས་དང་མི་ལྡན་ལ། །ལས་བྱས་པར་ངེས་པ་དང་རྣམ་སྨིན་སོ་སོར་མྱོང་བར་ངེས་པ་གཉིས་དང་ལྡན་པ་ཡི། །སེམས་ཅན་ཁམས་ལ་ཀུན་ཏུ་ཡང་། །སངས་རྒྱས་རྣམས་ལ་མངའ་དབང་བྱེད་མེད། དེ་བཞིན་གཤེགས་པ་རྣམས་རྒྱུན་མི་འཆད་པར་དྲི་མ་ལས་གྲོལ་བ་ཡི་དེ་བཞིན་ཉིད་ཀྱི་སྐུ་བརྙེས་པ་ཉིད་ཀྱི་ཕྱིར། དེ་བཞིན་གཤེགས་པ་རྣམས་ཀྱི་སྐུ་རྟག་པའོ་ཞེས་བྱ་བ་དང་། ཉོན་མོངས་པ་དང་ཤེས་བྱའི་སྒྲིབ་པ་ཐམས་ཅད་དང་བྲལ་བ་ཉིད་ཀྱི་ཕྱིར། དེ་བཞིན་གཤེགས་པ་རྣམས་མཆོག་ཏུ་ཁ་ན་མ་ཐོ་བ་མི་མངའ་བའོ། །ཞེས་བྱ་བ་དང་། སངས་རྒྱས་ཀྱི་མཛད་པ་ཐམས་ཅད་ལྷུན་གྱིས་གྲུབ་པར་རྒྱུན་མི་གཅོད་པའི་ཕྱིར། དེ་བཞིན་གཤེགས་པ་རྣམས་ལྷུན་གྱིས་གྲུབ་པའོ། །ཞེས་ ― MR12_Page_0659 ―
[མ་དཔེ་གཟིགས་ན་འདིར་གནོན།]
བྱ་བ་དང་། སངས་རྒྱས་ཀྱི་ཞིང་ཡོངས་སུ་དག་པ་དང་། ཟག་མེད་ཆོས་ཀྱི་ལོངས་སྤྱོད་རྒྱ་ཆེ་བའི་ཕྱིར། དེ་བཞིན་གཤེགས་པ་རྣམས་ལོངས་སྤྱོད་ཆེན་པོ་མངའ་བའོ། །ཞེས་བྱ་བ་དང་། འཇིག་རྟེན་དུ་བྱུང་ཡང་འཇིག་རྟེན་གྱི་ཆོས་ཐམས་ཅད་ཀྱིས་མ་གོས་པའི་ཕྱིར། དེ་བཞིན་གཤེགས་པ་རྣམས་གོས་པ་མེད་པའོ་ཞེས་བྱ་བ་དང་། མངོན་པར་བྱང་ཆུབ་པ་དང་། མྱ་ངན་ལས་འདས་པར་ཀུན་ཏུ་སྟོན་པས་ཡོངས་སུ་སྨིན་པར་མ་བྱས་པའི་སེམས་ཅན་རྣམས་ཡོངས་སུ་སྨིན་པར་མཛད་པ་དང་། ཡོངས་སུ་སྨིན་པར་བྱས་པ་རྣམས་རྣམ་པར་གྲོལ་བར་མཛད་པའི་ཕྱིར། དེ་བཞིན་གཤེགས་པ་རྣམས་དོན་ཆེན་པོའི་བདག་ཉིད་དོ་ཞེས་བྱ་བར་སངས་རྒྱས་རྗེས་སུ་དྲན་པ་སྒོམ་མོ། །འདིར་ཚིགས་སུ་བཅད་པ།རང་གི་སེམས་ལ་རག་ལས་པ་སྟེ་བཞེད་པ་ཙམ་གྱིས་ཕུན་སུམ་ཚོགས་པའི་ཆོས་ལ་དབང་བསྒྱུར་བ་དང་། རྟག་པ་དང་ཁ་ན་མ་ཐོ་མེད་པའི་དགེ་ལྡན་དང་བསྩལ་མི་དགོས་པར་ལྷུན་གྱིས་གྲུབ་པ་དང་། ཆོས་ཀྱི་ལོངས་སྤྱོད་ཆེན་པོ་རྣམས། །རྗེས་སུ་སྦྱིན་མཛད་པ་དང་ཕུན་སུམ་ཚོགས་ནི་བདུན་པོའི་མཐར་སྦྱར་རོ། །སྡུག་བསྔལ་ལམ་འཇིག་རྟེན་པའི་སྐྱོན་གྱི་དབང་དུ་མ་གྱུར་པར་འཇིག་རྟེན་ན་རབ་ཏུ་རྒྱུ། །སྐྱེ་བོ་མང་པོར་རང་གི་ཕུན་ཚོགས་དེ་ལ་འགོད་པར་འདོད་པ་སྟེ་དོན་ཆེན་པོ་མཛད་དོ། །སངས་རྒྱས་ཀུན་གྱི་ཡོན་ཏན་ཕུན་སུམ་ཚོགས་པ་བདུན་པོ་འདི་དག་ཀུན། །བློ་ལྡན་བྱང་སེམས་རྣམས་ཀྱིས་རྗེས་དྲན་པར་བྱའོ། །གོང་བཤད་ཀྱི་བྱེ་བྲག་སངས་རྒྱས་རྣམས་ཀྱི་སངས་རྒྱས་ཀྱི་ཞིང་ཡོངས་སུ་དག་པ་ཇི་ལྟར་རིག་པར་བྱ་ཞེ་ན། བྱང་ཆུབ་སེམས་དཔའི་སྡེ་སྣོད་སྟོང་ཕྲག་བརྒྱ་པའི་མདོ་ ― MR12_Page_0660 ―
[མ་དཔེ་གཟིགས་ན་འདིར་གནོན།]
སྡེའི་གླིང་བཞི་ལས་ཇི་སྐད་གསུངས་པ་ལྟ་བུ་སྟེ། བཅོམ་ལྡན་འདས་གཞལ་མེད་ཁང་ཆེན་པོ་རིན་པོ་ཆེ་སྣ་བདུན་གསེར་དང་། དངུལ་དང་། བཻ་ཌཱུརྱ་དང་། སྤུག་དང་། ཤེལ་དང་། རྡོའི་སྙིང་པོ་དང་། མུ་ཏིག་དམར་པོའོ། །རྡོའི་སྙིང་པོ་ནི་ཨཎྚ་རྙིལ་དང་། མཐོན་ཁ་དང་། མཐོན་ཁ་ཆེན་པོ་སོགས་སོ། །མུ་ཏིག་དམར་པོ་ནི་སྲོག་ཆགས་དམར་པོའི་ཁོང་ནས་བྱུང་བའོ། །དེ་ཡང་མཆོག་ཏུ་གྱུར་པ་འོད་འབར་བར་དབྱིབས་ལ་བཀོད་པ་ཁ་དོག་ཕུན་སུམ་ཚོགས༡་པ། རིན་ཆེན་དེ་དག་ལས་འཇིག་རྟེན་གྱི་ཁམས་དཔག་ཏུ་མེད་པ་རྒྱས་པར་འགེངས་པའི་འོད་ཟེར་ཆེན་པོ་ཤིན་ཏུ་འབྱུང་བའོ། །དབྱིབས་ཕུན་སུམ་ཚོགས་༢པ་གནས་ཀྱི་བྱེ་བྲག་ཡུལ་ཤིན་ཏུ་རྣམ་པར་ཕྱེ་བ་ཚད་དང་མཚན་ཉིད་ལྡན་པ་ཚད་མེད་པ་རྣམ་པར་བཞག་པ་ཚད་ཕུན་ཚོགས༣། དཀྱིལ་འཁོར་རྒྱ་ཚད་འདི་ཙམ་ཞེས་རྒྱ་ཡོངས་སུ་མ་ཆད་པ་ཡུལ་ཕུན་ཚོགས༤། འཇིག་རྟེན་པའི་རྣམ་སྨིན་མིན་པའི་ཕྱིར་འདོད་ཁམས་སོགས་ཁམས་གསུམ་པ་ལས་ཡང་དག་པར་འདས་པ་སངས་རྒྱས་ཀྱི་སྤྱོད་ཡུལ་ལོ། །རྒྱུ་ཕུན་ཚོགས༥། འཇིག་རྟེན་ལས་འདས་པ་མི་རྟོག་ཡེ་ཤེས་དེའི་རྗེས་ཐོབ་བླ་མའི་དགེ་བའི་རྩ་བ་ལས་བྱུང་བ་འབྲས་བུ་ཕུན་ཚོགས༦། དབང་སྒྱུར་བའི་རྣམ་པར་རིག་པ་ཡིད་ཤིན་ཏུ་རྣམ་པར་དག་པའི་ཏེ་དབང་ཐོབ་པའི་ཡིད་འབྱུང་མཚན་ཉིད། བདག་པོ་ཕུན་ཚོགས༧། ཐམས་ཅད་ཀྱི་མཆོག་དེ་བཞིན་གཤེགས་པའི་གནས། ཕྱོགས་ཕུན་ཚོགས༨་བྱང་ཆུབ་སེམས་དཔའ་ཆེན་པོའི་སངས་རྒྱས་དེའི་ཕྱོགས་འཛིན་པ་གནས་པའི་རྟེན། ཞབས་འབྲིང་ཕུན་ཚོགས༩་ལྷ་དང་ཀླུ་དང་གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་མིའམ་ཅི་དང་ལྟོ་འཕྱེ་ཆེན་པོ་སྦྲུལ་ཏེ་ཀླུ་དང་མི་དང་མི་མ་ཡིན་པ་ཚད་མེད་པ་རྣམ་པར་རྒྱུ་བ། ཉེ་བར་སྟོན་པ་ཕུན་ཚོགས༡༠་ཆོས་ ― MR12_Page_0661 ―
[མ་དཔེ་གཟིགས་ན་འདིར་གནོན།]
ཀྱི་རོས་སམ་ཟས་ཀྱིས་དགའ་བ་དང་བདེ་བ་ཆེན་པོས་སྟོན་པ། ཕྲིན་ལས་ཕུན་ཚོགས༡༡་སེམས་ཅན་ཐམས་ཅད་ཀྱི་དོན་ཐམས་ཅད་མཛད་པས་ཉེ་བར་གནས་པ། ཕན་འདོགས་པ་ཕུན་ཚོགས༡༢་ཉོན་མོངས་པ་དང་དེ་ལས་གྱུར་པའི་གནོད་པ་ཐམས་ཅད་དང་བྲལ་བ། འཇིགས་པ་མེད་པ་ཕུན་ཚོགས༡༣་བདུད་བཞི་པོ་ཐམས་ཅད་ཡོངས་སུ་སྤངས་པ། རྟེན་ཕུན་ཚོགས༡༤་བྱང་སེམས་སོགས་ཐམས་ཅད་ཀྱི་བདོག་པ་ལས་ལྷག་པ། དེ་བཞིན་གཤེགས་པའི་བྱིན་གྱིས་བརླབས་ཀྱིས་བཀོད་པ། ལམ་ཕུན་ཚོགས༡༥་ཐོས་བྱུང་དྲན་པ་དང་བསམ་བྱུང་གི་བློ་གྲོས་དང་བསྒོམ་བྱུང་གི་རྟོགས་པ་ཆེན་པོས་འབྲས་བུ་ལ་ངེས་པར་འབྱུང་བ། གཞོན་པ་ཕུན་ཚོགས༡༦་ཞི་གནས་དང་ལྷག་མཐོང་ཆེན་པོའི་ཐེག་པ། སྒོ་ཕུན་ཚོགས༡༧་རྣམ་པར་ཐར་པའི་སྒོ་ཆེན་པོ་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་ནས་འཇུག་པ། ༧ །གཞི་ཕུན་སུམ་ཚོགས༡༨་པ་ཡོན་ཏན་གྱི་ཚོགས་ཚད་མེད་པས་བརྒྱན་པ་ཡང་། ས་གཞི་རླུང་དཀྱིལ་ལ་བརྟེན་པ་ལྟར་རིན་པོ་ཆེ་པདྨའི་རྒྱལ་པོ་ཆེན་པོ་བཀོད་པ་ལ་བརྟེན་པ་ན་བཞུགས་སོ། །ཞེས་བྱ་བ་སྟེ། དེ་ལྟར་སངས་རྒྱས་ཀྱི་ཞིང་ཡོངས་སུ་དག་པ་འདིའི་ཁ་དོག་ཕུན་ཚོགས་པ་དང་། དེ་བཞིན་དུ་དབྱིབས་དང་། ཚད་དང་། ཡུལ་དང་། རྒྱུ་དང་། འབྲས་བུ་དང་། བདག་པོ་དང་། ཕྱོགས་དང་། ཞབས་འབྲིང་དང་། སྟོན་པ་དང་།ཕྲིན་ལས་དང་། ཕན་འདོགས་པ་དང་། འཇིགས་པ་མེད་པ་དང་། རྟེན་དང་། ལམ་དང་། བཞོན་པ་དང་། སྒོ་དང་། གཞི་ཕུན་སུམ་ཚོགས་པ་ཡང་བསྟན་ཏོ། །ཡང་སངས་རྒྱས་ཀྱི་ཞིང་ཡོངས་སུ་དག་པ་དེའི་ལོངས་སྤྱོད་ནི་ཕྱིས་ ― MR12_Page_0662 ―
[མ་དཔེ་གཟིགས་ན་འདིར་གནོན།]
སོགས་མེད་པས་ཤིན་ཏུ་གཙང་པའམ་ཤིན་ཏུ་དག་པ། ཤིན་ཏུ་བདེ་བ་འབའ་ཞིག་ལྡན་པས་སྡུག་བསྔལ་དང་བཏང་སྙོམས་མེད་པ་དང་། ཤིན་ཏུ་ཁ་ན་མ་ཐོ་བ་མི་དགེ་དང་ལུང་མ་བསྟན་མེད་པ། ཤིན་ཏུ་དབང་བསྒྱུར་བ་རང་སེམས་ལ་རག་ལས་པའོ། །ཡང་སངས་རྒྱས་རྣམས་ཀྱི་ཆོས་ཀྱི་དབྱིངས་བརྙེས་པ་ཆོས་སྐུ་དེ་ནི་དུས་ཐམས་ཅད་དུ་ཕྲིན་ལས་ལྔ་དང་ལྡན་པར་རིག་པར་བྱ་སྟེ། སངས་རྒྱས་ཀྱི་སྐུ་མཐོང་བ་ཙམ་གྱིས་ལོང་བ་དང་། འོན་པ་དང་། སྨྱོན་པ་ལ་སོགས་པའི་གནོད་པ་ལས་སྐྱོབ་པའི་ཕྱིར་སེམས་ཅན་རྣམས་ཀྱི་གནོད་པ་ཡོངས་སུ་སྐྱོབ་པའི་ཕྲིན་ལས་ཅན་དང་། མི་དགེ་བའི་གནས་ནས་བླངས་ཏེ་དགེ་བའི་གནས་ལ་འཇུག་པའི་ཕྱིར་ངན་སོང་ལས་ཡོངས་སུ་སྐྱོབ་པའི་ཕྲིན་ལས་ཅན་དང་། མུ་སྟེགས་ཅན་ཐབས་མིན་པས་ཐར་པར་བྱ་ཕྱིར་བརྩོན་པ་རྣམས་ཀྱི་འདུན་པ་བཟློག་ནས་སངས་རྒྱས་ཀྱི་བསྟན་པ་ལ་རབ་ཏུ་འགོད་པའི་ཕྱིར། ཐར་པའི་ཐབས་མ་ཡིན་པ་ལས་ཡོངས་སུ་སྐྱོབ་པའི་ཕྲིན་ལས་ཅན་དང་། ཁམས་གསུམ་ལས་ཡང་དག་པར་འདས་པའི་ལམ་ཆོས་བསྟན་པ་ཉེ་བར་སྒྲུབ་པའི་ཕྱིར་འཇིག་ཚོགས་ལས་ཡོངས་སུ་སྐྱོབ་པའི་ཕྲིན་ལས་ཅན་དང་། ༧ །མ་ངེས་པའི་རིགས་ཅན་གྱི་བྱང་སེམས་ཐེག་པ་དམན་པ་གཞན་ལ་ཡང་དག་པར་ཞུགས་པ་རྣམས་དང་། ཉན་ཐོས་རྣམས་ཐེག་པ་ཆེན་པོ་སྒྲུབ་པ་ལ་རབ་ཏུ་འགོད་པའི་ཕྱིར། ཐེག་པ་ལས་ཡོངས་སུ་སྐྱོབ་པའི་ཕྲིན་ལས་ཅན་ཏེ། སངས་རྒྱས་ཐམས་ཅད་ནི་ཕྲིན་ལས་ལྔ་པོ་འདི་ལ་ཕྲིན་ལས་མཚུངས་པར་བལྟ་བར་བྱའོ། །འདིར་ཚིགས་སུ་བཅད་པ། ལྷ་མི་སོགས་སུ་སྐྱེ་བའི་རྒྱུ་ཐ་དད་པ་དང་གནས་ནི་སེམས་ཅན་སོ་སོའི་དབང་རྟེན་ཁོག་པ་ལུས་ཐ་དད་པ་དང་ཞིང་ལས་འཚོ་སྐྱོང་སོགས་ ― MR12_Page_0663 ―
[མ་དཔེ་གཟིགས་ན་འདིར་གནོན།]
བྱ་བ་ཐ་དད་དང་ནི་དགེ་སོགས་བསམ་པ་སྣ་ཚོགས་ཐ་དད་དང་། རྩོལ་བ་ཆེ་ཆུང་འབྲིང་སོགས་འདུ་བྱེད་ཐ་དད་ཕྱིར་ན་དེ་ཡི་དབང་གིས་ནི། །འཇིག་རྟེན་རྣམས་ཀྱི་ལས་ནི་ཐ་དད་གྱུར་པར་འདོད། །དེ་མེད་པས་ན་སངས་རྒྱས་རྣམས་ལ་ནི་རྒྱུ་ཚོགས་ཐ་དད་པ་མེད། གནས་ཆོས་སྐུ་ཐ་དད་པ་མེད། དེའི་ཕྱིར་འཕྲོ་བའི་དོན་དང་། ཕན་པ་དེའི་བསམ་པ་དང་རྩོལ་བ་ལྷུན་གྲུབ་ཏུ་གཅིག་ཅིང་ཐ་དད་མེད་པས་འཇིག་རྟེན་འདྲེན་པའི་འཇིག་རྟེན་པ་ལྟར་ཐ་དད་དེ་ལྟ་བུ་མིན་ནོ། །ཐེག་གཅིག་བསྟན་པའི་དགོངས་པ་བཤད་པ་གལ་ཏེ་དེ་ལྟར་ཉན་ཐོས་དང་རང་སངས་རྒྱས་དང་ཐུན་མོང་བ་མ་ཡིན་ཏེ། སངས་རྒྱས་རྣམས་ཀྱི་ཆོས་ཀྱི་སྐུ་ཡོན་ཏན་ཕུན་སུམ་ཚོགས་པ་འདི་ལྟ་བུ་འདི་དང་ལྡན་པ་ཡིན་ན། དེ་མ་ཐོབ་པའི་ཉན་རང་གི་འབྲས་བུ་དེ་ལས་དམན་པས་དགོངས་པ་གང་གིས་ཐེག་པ་གཅིག་ལས་མེད་ཅེས་བསྟན་ཅེ་ན། དེའི་དགོངས་པ་འདིར་ཚིགས་སུ་བཅད་པ། མ་ངེས་པའི་རིགས་ཅན་གྱི་ཉན་ཐོས་ཁ་ཅིག་དག་ནི་ཐེག་ཆེན་ལས་གཞན་གྱིས་འབྲས་བུ་མི་ཐོབ་པར་བསྟན་ནས་ཐེག་ཆེན་ལ་དྲངས་ཕྱིར་དང་། །གཞན་ཡང་མ་ངེས་པའི་རིགས་ཅན་གྱི་བྱང་སེམས་ཐེག་ཆེན་གྱིས་ཀུན་ཏུ་བཟུང་བའི་ཕྱིར། །རྫོགས་པའི་སངས་རྒྱས་རྣམས་ཀྱིས་ནི། །མ་ངེས་རྣམས་ལ་ཐེག་གཅིག་བསྟན། །དེ་བཞིན་ཉིད་གཅིག་ལས་མེད་པ་དང་ཆོས་དང་གང་ཟག་གི་བདག་མེད་པ་མཐུན་པའི་ཕྱིར་དང་ཉོན་སྒྲིབ་གྲོལ་བར་རིགས་མཐུན་ཕྱིར་ན། །རིགས་ནི་ཐ་དད་པར་ཡང་གྱུར་པའི་ཕྱིར་མ་ངེས་པའི་རིགས་ཡོད་པ་དང་། །སངས་རྒྱས་ཀྱིས་ཆོས་ཐམས་ཅད་མངོན་པར་བྱང་ཆུབ་པས་སེམས་ཅན་ཐམས་ཅད་ཀྱང་བདག་དང་གཉིས་སུ་མེད་པའི་སྐུར་དགོངས་པ་བརྙེས་པའི་བསམ་པ་དང་། ཉན་ཐོས་དང་བྱང་སེམས་ལུང་བསྟན་པ་དེ་དག་གིས་ཀྱང་བདག་ནི་སངས་རྒྱས་སུ་འགྱུར་རོ་ཞེས་སངས་རྒྱས་པའི་བསམ་པ་རྙེད་པ་སྟེ་བསམ་པ་གཉིས་ ― MR12_Page_0664 ―
[མ་དཔེ་གཟིགས་ན་འདིར་གནོན།]
བརྙེས་ཕྱིར་ཡང་ཐེག་གཅིག་དང་དགེ་སློང་དག་ངས་མངོན་པར་ཤེས་ཏེ། ཉན་ཐོས་ཉིད་དུ་ལན་བརྒྱ་ཕྲག་དུ་མར་བྱས་ནས་མྱ་ངན་ལས་འདས་སོ་ཞེས་གསུངས་པ་ཉན་ཐོས་སུ་སྤྲུལ་པའི་ཕྱིར། །ཐེག་པ་ཐམས་ཅད་ཀྱི་མཐར་ཕྱིན་པ་གཅིག་ལས་མེད་པས་ན་དེ་ལ་དགོངས་ནས་ཐེག་པ་གཅིག་ཅེས་བསྟན་ཏོ། །དེ་ལྟར་སངས་རྒྱས་ཐམས་ཅད་ཀྱི་ཆོས་ཀྱི་སྐུ་མཐུན་པ་ཐ་དད་མེད་པ་ཡིན་ན། ཅིའི་ཕྱིར་སངས་རྒྱས་མང་པོར་བལྟ་ཞེ་ན། ཚིགས་སུ་བཅད་པ། འཇིག་རྟེན་གྱི་ཁམས་གཅིག་ན་ནི་སངས་རྒྱས་གཉིས་ལྷན་ཅིག་མེད་པའི་ཕྱིར། །བྱང་སེམས་དཔག་མེད་ལྷན་ཅིག་ཏུ་ཚོགས་བསགས་ཕྱིར། །ཚོགས་བསགས་པ་རྫོགས་པ་དེ་དག་ཁམས་གཅིག་ཏུ་རིམ་གྱིས་འབྱུང་བར་མི་རིགས་ཕྱིར། །འཇིག་རྟེན་གྱི་ཁམས་སོ་སོར་འདུལ་བ་སྟོན་པའི་སངས་རྒྱས་མང་པོར་རབ་ཏུ་གྲགས་པ་ཡིན་ནོ། །སངས་རྒྱས་རྣམས་ཆོས་ཀྱི་སྐུར་གཏན་དུ་ཡོངས་སུ་མྱ་ངན་ལས་འདའ་བ་མ་ཡིན་པར་ཇི་ལྟར་བལྟའ་ཞེ་ན། འདིར་ཚིགས་སུ་བཅད་པ། འདི་ལ་ཉན་ཐོས་ཁ་ཅིག་སངས་རྒྱས་ཕུང་པོ་ལྷག་མེད་དུ་གཏན་མྱ་ངན་འདས་པར་འདོད། ཐེག་ཆེན་ཁ་ཅིག་ལྷག་བཅས་མྱང་འདས་ཀྱི་བསམ་པས་གཏན་དུ་མྱ་ངན་ལས་མི་འདའ་ཞེས་བྱ་བ་དེ་གཉིས་ཀ་མ་ཡིན་ཏེ། དགོངས་པ་སོ་སོའི་ཆ་ནས་གཏན་ཡོངས་སུ་མྱ་ངན་ལས་འདས་སོ། །དགོངས་པ་འགས་ཡོངས་སུ་མྱ་ངན་ལས་མ་འདས་སོ། །དེ་བཤད་པ་སྒྲིབ་པ་ཀུན་ལས་ངེས་གྲོལ་ཕྱི༡ར། །སངས་རྒྱས་ཀྱི་མཛད་པ་རྣམས་ཀྱང་༢མ་རྫོགས་ཕྱིར། །སངས་རྒྱས་གཏན་དུ་༡མྱ་ངན་འདས། །མྱ་ངན་༢འདས་པའང་མིན་པར་འདོད། ༧ །ལོངས་སྤྱོད་རྫོགས་པའི་སྐུ་ཅིའི་ཕྱིར་ངོ་བོ་ཉིད་ཀྱི་སྐུ་མ་ཡིན་ཞེ་ན། རྒྱུ་དྲུག་གི་ཕྱིར་ཏེ། དེ་དག་གཟུགས་ཀྱི་སྐུར་སྣང་བ་ལ་ངོ་བོ་ཉིད་སྐུར་གཟུགས་སྣང་བ་མེད་པ་དང་། སངས་རྒྱས་ཀྱི་འཁོར་ ― MR12_Page_0665 ―
[མ་དཔེ་གཟིགས་ན་འདིར་གནོན།]
གྱི་དཀྱིལ་འཁོར་ཚད་མེད་པ་དག་ན་ཐ་དད་པར་སྣང་བ་ངོ་བོ་ཉིད་ཐ་དད་སྣང་བ་མེད་པ་དང་། མོས་པ་ཇི་ལྟ་བ་བཞིན་དུ་དེ་དག་གི་སྐུ་ཁ་དོག་སྣ་ཚོགས་ཐ་དད་སོགས་སུ་མཐོང་བས་མ་ངེས་པའི་ངོ་བོ་ཉིད་དུ་སྣང་ཡང་ངོ་བོ་ཉིད་ལ་མ་ངེས་པར་སྣང་བ་མེད་པ་དང་། གནས་སྐབས་གཞན་དང་གཞན་དུ་སྣང་བས་གཡོ་བའི་ངོ་བོ་ཉིད་དུ་སྣང་ཡང་ངོ་བོ་ཉིད་ལ་ནི་གཡོ་བ་མེད་པ་དང་། བྱང་སེམས་དང་ཉན་ཐོས་དང་ལྷ་ཚོགས་འཁོར་སྣ་ཚོགས་དང་འདྲེས་པས་འདྲེས་པར་སྣང་བ་ཡང་ངོ་བོ་ཉིད་ནི་གང་དུ་ཡང་མ་འདྲེས་པ་དང་། ཆོས་ཉིད་ངོ་བོ་ཉིད་སྐུ་ནི་ཀུན་གཞི་རྣམ་ཤེས་གནས་གྱུར་པ་དང་ལོངས་སྐུ་ནི་འཇུག་པའི་རྣམ་ཤེས་གནས་གྱུར་པ་ཡིན་པས་དེ་གཉིས་གནས་གྱུར་ཐ་དད་པས་མི་རིགས་པར་སྣང་བའི་ཕྱིར། ལོངས་སྤྱོད་རྫོགས་སྐུ་ངོ་བོ་ཉིད་སྐུར་མི་རིགས་སོ། །སྤྲུལ་པའི་སྐུ་ཅིའི་ཕྱིར་ངོ་བོ་ཉིད་སྐུ་མ་ཡིན་ཞེ་ན། རྒྱུ་བརྒྱད་ཀྱིས་ཏེ། གྲངས་མེད་གསུམ་གྱི་ཚོགས་བསགས་པས་ངོ་བོ་ཉིད་སྐུར་བྱང་ཆུབ་ནས་སྤྲུལ་པའི་རོལ་པ་སྟོན་གྱི་དངོས་སུ་སྣང་བ་ལྟར་མིན་ཏེ། དོན་གྱི་དབང་དུ་བྱས་ན་བྱང་ཆུབ་སེམས་དཔའ་ཡུན་རིང་པོ་ནས་མི་ཉམས་པའི་ཏིང་འཛིན་ཐོབ་པ་རྣམས། འདོད་ཁམས་དགའ་ལྡན་དང་མི་ཡི་ནང་དུ་ཡང་དངོས་སུ་སྐྱེ་བར་མི་རིགས་ཀྱང་འདུལ་པའི་ཕྱིར་སྤྲུལ་པས་སོ། །སྐྱེ་བ་དྲན་པ་རྣམས་ཡི་གེ་དང་། རྩིས་དང་། གྲངས་དང་། ལག་རྩིས་དང་། བཟོད་དང་། བསྟན་བཅོས་དང་། འདོད་པ་ལ་སྤྱོད་པ་དང་། ལོངས་སྤྱོད་མི་མཁྱེན་པར་གསར་དུ་སློབ་པའང་མི་རིགས་སོ། །ཉེས་བཤད་དང་ལེགས་བཤད་ཀྱི་ཆོས་བསྟན་པ་མཁྱེན་པ་རྣམས། གཞན་མུ་སྟེགས་ཅན་གྱི་གན་དུ་བསམ་གཏན་བསླབ་ཕྱིར་བཞུད་པ་མི་རིགས་སོ། །ཐེག་པ་གསུམ་གྱི་ལམ་གྱི་ཆོས་བཟང་པོ་མཁྱེན་པ་རྣམས་ལུས་གདུང་བའི་དཀའ་བ་སྤྱད་ ― MR12_Page_0666 ―
[མ་དཔེ་གཟིགས་ན་འདིར་གནོན།]
པ་མི་རིགས་སོ། །འཛམ་བུ་གླིང་བྱེ་བ་ཕྲག་བརྒྱ་བོར་ཏེ་འཛམ་གླིང་གི་གནས་གཅིག་ཏུ་མངོན་པར་རྫོགས་པར་བྱང་ཆུབ་པ་དང་ཆོས་ཀྱི་འཁོར་ལོ་བསྐོར་པར་མི་རིགས་སོ། །དེ་ཐམས་ཅད་ཀྱིས་དེ་ལྟ་བུར་མཚུངས་པར་མཐོང་བའི་ཕྱིར་རོ། །གལ་ཏེ་མངོན་པར་རྫོགས་པར་བྱང་ཆུབ་པ་བསྟན་པའི་ཐབས་མེད་པར་རམ་མི་དགོས་པར་ཡང་ལྷག་མ་རྣམས་སུ་སྤྲུལ་པ་རྣམས་ཀྱིས་སངས་རྒྱས་ཀྱི་མཛད་པ་མཛད་དོ་ཞེ་ན། འོ་ན་དགའ་ལྡན་ཉིད་དུ་མངོན་པར་རྫོགས་པར་སངས་རྒྱས་ལ། འཛམ་བུ་གླིང་ཐམས་ཅད་མཚུངས་པར་སངས་རྒྱས་འབྱུང་བར་ཅིའི་ཕྱིར་མི་མངོན་དེ་ལྟར་གླིང་བཞི་ལ་ལན་སངས་རྒྱས་མེད་པའམ་མི་མངོན་པ་ལས་སོ་ཞེ་ན། དེ་ལ་ནི་ལུང་དང་རིགས་པ་མེད་དོ། །དེ་ལྟ་ན་འཇིག་རྟེན་གྱི་ཁམས་གཅིག་ཏུ་ལྷན་ཅིག་སངས་རྒྱས་གཉིས་མི་འབྱུང་བ་དང་འགལ་ཞེན་མི་འགལ་ཏེ། སྤྲུལ་པ་གླིང་བཞིའི་འཇིག་རྟེན་བྱེ་བ་ཕྲག་བརྒྱར་མང་དུ་བྱུང་ན་འཇིག་རྟེན་གྱི་ཁམས་ཞེས་བྱ་བ་ནི་གླིང་བཞི་པར་བསྡུས་པ་ཡིན་པས་དེ་བཞིན་གཤེགས་པ་གཉིས་འཇིག་རྟེན་དུ་འབྱུང་བའི་མདོ་དང་འགལ་བ་མེད་དེ། འཁོར་ལོས་སྒྱུར་བའི་རྒྱལ་པོ་གཉིས་གླིང་བཞི་པའི་འཇིག་རྟེན་གཅིག་ན་མི་འབྱུང་བ་བཞིན་ཏེ་འཇིག་རྟེན་གཞན་དུ་མིན་ནོ། །འདིར་ཚིགས་སུ་བཅད་པ། སངས་རྒྱས་སྤྲུལ་པ་ཕྲ་བ་ནི། རྣམ་ཀུན་མངོན་རྫོགས་བྱང་ཆུབ་པ། །འཇིག་རྟེན་ཀུན་ཏུ་བསྟན་པ་མཛད་པའི་ཕྱིར། །མཚུངས་པར་མང་པོ་མངལ་དུ་ཞུགས། །སེམས་ཅན་ཐམས་ཅད་ཀྱི་དོན་དུ་སྨོན་ལམ་བཏབ་པ་དང་། དེའི་དོན་སྒྲུབ་པ་ཉིད་ཀྱིས་བྱང་ཆུབ་ཆེན་པོ་ཡང་དག་པར་སྒྲུབ་པས་གཏན་དུ་ཡོངས་སུ་མྱ་ངན་ལས་འདའ་བ་མི་རུང་སྟེ། སྨོན་ལམ་བཏབ་པ་དང་། སྒྲུབ་པ་དོན་མེད་པར་འགྱུར་བའི་ཕྱིར་རོ། །ལོངས་སྤྱོད་རྫོགས་པ་ ― MR12_Page_0667 ―
[མ་དཔེ་གཟིགས་ན་འདིར་གནོན།]
དང་སྤྲུལ་པའི་སྐུ་གཉིས་མི་རྟག་པའི་ཕྱིར་རོ། །དེ་བཞིན་གཤེགས་པ་རྣམས་ཀྱི་སྐུ་རྟག་པའོ་ཞེས་ཇི་སྐད་བྱ་ཞེ་ན། རྒྱུ་མཐུན་པ་ལོངས་སྐུ་དང་སྤྲུལ་པའི་སྐུ་གཉིས་ཆོས་ཀྱི་སྐུ་ལ་བརྟེན་པའི་ཕྱིར་རོ། །ལོངས་སྤྱོད་རྫོགས་པ་རྒྱུན་མི་འཆད་པ་དང་། སྤྲུལ་པ་ཡང་ཡང་སྟོན་པས་རྟག་པ་ཉིད་དུ་རིག་བར་བྱ་སྟེ། ལོངས་སྐུར་དཔེར་འཇིག་རྟེན་ན་རྟག་ཏུ་བདེ་བར་སྤྱོད་དོ་ཞེས་བྱ་བ་ལུང་མ་བསྟན་སོགས་ཡོད་ཀྱི་བདེ་བ་འབའ་ཞིག་མིན་ཡང་རྒྱུན་ལ་བརྗོད་པ་བཞིན་ནོ། །སྤྲུལ་སྐུའི་དཔེ་རྟག་ཏུ་ཟས་སྤྱིན་པ་ཞེས་བྱ་བ་སྐད་ཅིག་ཀྱང་མི་སྦྱིན་པ་མེད་པ་མིན་གྱི་སྦྱིན་པ་མི་གཏོང་བ་མེད་པའི་ཕྱིར་ནམ་ཡང་ཡང་སྦྱིན་པའི་ཕྱིར་རྙེད་སླ་བ་ལ་དགོངས་པ་བཞིན་ནོ། །རྒྱུ་དྲུག་གིས་ནི་སངས་རྒྱས་རྣམས་སྤྲུལ་པའི་སྐུས་ཏེ་སྐུ་དེ་ཉིད་ཀྱིས་གཏན་དུ་མི་བཞུགས་ཏེ། ཡོངས་སུ་སྨིན་བྱའི་སེམས་ཅན་རྣམ་པར་གྲོལ་བར་མཛད་པས་མཛད་པ་ཡོངས་སུ་རྫོགས་པ་དང་། སངས་རྒྱས་ཀྱི་སྐུ་རྟག་པར་འདོད་པས་མྱ་ངན་ལས་འདས་པ་ལ་འདུན་པ་མེད་པ་བཟློག་པ་དང་། དོན་དྲིས་ཀྱང་དེའི་དོན་རང་གིས་མ་ཤེས་ལ་ཆོས་ཟབ་མོ་བསྟན་པ་ཁོང་དུ་མ་ཆུད་པས་སངས་རྒྱས་ཀྱིས་ལེགས་པར་མ་བསྟན་ཏོ་སྙམ་དུ་སངས་རྒྱས་ལ་བརྙས་པ་བཟློག་པ་དང་། རྒྱུན་དུ་མཐོང་ན་ཁྱད་དུ་བསད་པས་འདས་ནས་དཀོན་པར་ཤེས་ཏེ་སངས་རྒྱས་ལ་སྤྲོ་བ་བསྐྱེད་པ་དང་། སྟོན་པ་མ་དམིགས་པའམ་མ་མཐོང་བས་གདུལ་བྱ་སོ་སོ་རང་གིས་བརྩོན་འགྲུས་བསྐྱེད་བར་བྱ་བ་དང་། སོ་སོ་རང་བརྩོན་འགྲུས་མི་འདོར་བས་མྱུར་བ་ཉིད་དུ་ཡོངས་སུ་སྨིན་པར་བྱ་བའི་ཕྱིར་རོ། །དོན་དེ་འདིར་ཚིགས་སུ་བཅད་པ། མཛད་པ་རྫོགས་པར་གྱུར་པའི་ཕྱིར། །ཞི་བ་ལ་མྱུར་བར་མི་འདོད་པའི་ཕྱི་བཤོལ་བཟློག་པའི་ཕྱིར། ― MR12_Page_0668 ―
[མ་དཔེ་གཟིགས་ན་འདིར་གནོན།]
འདི་ནི་རྙེད་མཐོང་མི་དཀའ་འོ་སྙམ་པ་སོགས་སངས་རྒྱས་བརྙས་པ་བཟློག་པའི་ཕྱིར། །སངས་རྒྱས་འབྱུང་བ་དཀོན་པས་སངས་རྒྱས་ལ་སྤྲོ་བ་བསྐྱེད་པར་བྱ་བའི་ཕྱིར། །སོ་སོ་རང་གིས་བརྩོན་འགྲུས་བརྩམ་བྱའི་ཕྱིར། །དགེ་བརྩོན་པ་དེས་མྱུར་དུ་ཡོངས་སུ་སྨིན་པར་བྱའི་ཕྱིར་ན། །སངས་རྒྱས་རྣམས་ནི་སྤྲུལ་པའི་སྐུས། །གཏན་དུ་བཞུགས་པར་མི་བཞེད་དོ། །སངས་རྒྱས་རྣམས་ཀྱི་ཆོས་ཀྱི་སྐུ་ཐོག་མ་མེད་པའི་དུས་ནས་དཔག་ཏུ་མེད་པ་ཡོད་དུ་ཟིན་ཀྱང་། །དེའི་ཕྱིར་འབད་པར་མི་བྱའོ། །འདིར་ཚིགས་སུ་བཅད་པ། གལ་ཏེ་སངས་རྒྱས་ཀྱི་སྐུ་བརྙེས་པ་ལ་ཁྱད་མེད་པ་དཔག་ཏུ་མེད་པ། །སེམས་ཅན་རྣམས་ཀྱིས་དེར་འབད་པ་ཉམས་པའི་རྒྱུ་སྟེ་བརྩོན་པ་འདོར་བའི་རྒྱུ་ཡིན་ན། །སྔར་བརྙེས་པ་རྟག་ཏུ་རྒྱུ་མེད་ཉིད་དུ་གྱུར་པའམ། །དེ་མི་འཐད་པ་རྒྱུ་ཡོད་ན་དེ་དག་གིས་བརྙེས་པ་ལྟར་རང་ལ་ཡང་རྒྱུ་ཡི་རྒྱུན་གཅོད་པ་ནི་རིགས་པའི་ཚུལ་མ་ཡིན། །གལ་ཏེ་ཐོག་མ་མེད་པའི་དུས་ནས་ཆོས་ཀྱི་སྐུར་སངས་རྒྱས་པའི་སངས་རྒྱས་དཔག་མེད་ཡོད་པའི་ཕྱིར། དེ་དག་གཅིག་གིས་ཀྱང་སེམས་ཅན་ཐམས་ཅད་ཀྱི་དོན་བྱ་བར་ནུས་པས། ད་ཡང་སེམས་ཅན་གྱི་དོན་དུ་དེ་ཐོབ་པར་འབད་པ་བྱ་མི་དགོས་སོ་ཞེ་ན། ཅིའི་ཕྱིར་དེ་ལྟར་འབད་མི་རིགས་ཏེ། སངས་རྒྱས་ཐོག་མ་མེད་པའི་དུས་ཅན་ལ་སྐྱོན་ཐམས་ཅད་འབྱུང་བར་ཐལ་བའམ། ཐམས་ཅད་རྒྱུ་མེད་པར་ཐོབ་པ་མ་ཡིན་ལ། རྒྱུ་རྒྱུན་ཆད་པ་མེད་པས་ཐོབ་པ་ཡིན་ནའང་། ད་ཡང་རྒྱུ་ཡོད་བཞིན་རྒྱུ་ཡི་རྒྱུན་གཅོད་པ་ག་ལ་རིགས་ཏེ། སངས་རྒྱས་ཀྱི་བདེ་ཆེན་རྟག་པ་རང་གིས་ཐོབ་པའང་སངས་རྒྱས་མང་པོ་ཡོད་པས་ཆུང་བར་མི་འགྱུར་ལ། རང་གི་སྨོན་ལམ་བཏབ་པའི་འབྲས་བུའང་སངས་རྒྱས་མང་པོ་ཡོད་པས་ཆུང་བར་མི་འགྱུར་ཏེ་སླད་ནས་སངས་རྒྱས་སྟོང་ཀྱང་སངས་རྒྱས་སྔ་མའི་ཕྲིན་ལས་ཡིན་པས། རྒྱུ་ལ་འབད་པ་ཉམས་པ་ཚུལ་མ་ཡིན་ནོ། །གཞན་ ― MR12_Page_0669 ―
[མ་དཔེ་གཟིགས་ན་འདིར་གནོན།]
ཡང་སྙིང་རྗེས་རྒྱུད་བསྒོས་པའི་བྱང་སེམས་རྣམས་སེམས་ཅན་ཐམས་ཅད་ལ་བུ་གཅིག་པ་ལྟར་བརྩེ་བ་འབྱུང་བས། སེམས་ཅན་གྱི་དོན་གཞན་གྱིས་བྱེད་ཀྱང་རུང་མི་བྱེད་ཀྱང་རུང་བདག་གིས་མི་བྱའོ་ཞེས་མི་རིགས་ཏེ། མས་བུའི་གནོད་པ་བསལ་བ་དང་བདེ་བསྒྲུབ་པ་བཞིན་ཡིན་པས་སངས་རྒྱས་ཀྱི་དོན་འབད་པ་ཉམས་པར་བྱེད་མི་རིགས་སོ། །ཐེག་པ་ཆེན་པོ་བསྡུས་པ་སློབ་དཔོན་ཤིང་རྟ་ཆེན་པོ་འཕགས་པ་ཐོགས་མེད་ཀྱིས་མཛད་པ་རྫོགས་སོ། །པཎྜི་ཏ་ཛི་ན་མི་ཏྲ་དང་ཤཱི་ལེནྟྲ་བོ་དྷི་དང་བན་དེ་ཡེ་ཤེས་སྡེས་བསྒྱུར་བའོ། །ཤིང་རྟ་ཆེ་གསུང་མཚོ་ལྟར་རྒྱ་ཆེ་བས། །ཤེས་བརྩོན་ཞན་རྣམས་དེར་འཇུག་སྤོབས་པ་དམན། །རང་བློ་གོམས་ཕྱིར་སྐབས་སུ་ཚིག་སྣ་བསྡུས། །དོན་ཀུན་ཚང་པར་བཀོད་དོ་དགེ་གྱུར་ཅིག །རབ་ཚེས་ལྕགས་ཕག་ཟླ་ཚེས་ལ་གྲུབ་མི་ཕམ་པས་སོ། །དགེའོ། །མངྒ་ལཾ། །མཆན་འདི་ཡང་དབྱིག་གཉེན་གྱི་འགྲེལ་བ་དང་། དོན་གསང་བ་རྣམ་པར་ཕྱེ་བ་བསྡུས་པ་གཉིས་དང་ཡང་སྒོ་བསྟུན་ཞིང་། གཙོ་བོར་བཙུན་པ་ངོ་བོ་ཉིད་མེད་པས་མཛད་པའི་འགྲེལ་བ་ལོ་ཙཱ་བ་ཡེ་ཤེས་སྡེ་སོགས་ཀྱིས་བསྒྱུར་བའི་སྔ་འགྱུར་དང་མཐུན་པར་ཐམས་ཅད་མཁྱེན་པ་མི་ཕམ་ཆོས་རྗེའི་ཕྱག་བྲིས་ལས་བཅོས་བསྒྱུར་མེད་པར་ཞེ་ཆེན་དུ་ཞལ་བཤུས་པའོ། །འདིས་ཀྱང་བདག་གཞན་སྐྱེ་ཀུན་ཏུ། །ཟབ་དང་རྒྱ་ཆེ་བླ་མེད་པའི། །ཐེག་ཆེན་ཆོས་ཀྱི་སྣོད་གྱུར་ཏེ། །ཀུན་མཁྱེན་ཡེ་ཤེས་མངོན་བྱེད་ཤོག །མངྒ་ལཾ་དགེའོ།། །། རྡོ་རྗེ་རྣམ་པར་འཇོམས་པའི་གཟུངས་ཀྱི་མཆན་འགྲེལ།― MR12_Page_0671 ―
[མ་དཔེ་གཟིགས་ན་འདིར་གནོན།]
རྡོ་རྗེ་རྣམ་པར་འཇོམས་པའི་གཟུངས་ཀྱི་མཆན་འགྲེལ་བཞུགས་སོ། ། ― MR12_Page_0672 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། བཛྲ་བི་དཱ་ར་ཎ་ནཱ་མ་དྷཱ་རཱ་ཎི། བོད་སྐད་དུ། གཉིས་སུ་མེད་པའི་ཡེ་ཤེས་ཀྱི་རྡོ་རྗེ་ཡིས་བདུད་དང་ཉོན་མོངས་ཐམས་ཅད་རྣམ་པར་འཇོམས་པ་དེ་ཉིད་གཟུངས་སུ་བྱིན་གྱིས་བརླབ་པའམ་ཤར་བ་ཞེས་བྱ་བའི་གཟུངས་འདི་ཡང་རྡོ་རྗེ་ལྟར་མི་ཕྱེད་ལ་མི་མཐུན་རྒུད་པ་ཐམས་ཅད་འཇོམས་པའི་མཐུ་དང་ལྡན་པའི་ཕྱིར་རོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །གླེང་གཞི་ནི་གཟུངས་འདི་སྐད་ཕྱག་ན་རྡོ་རྗེ་སྡུད་པ་པོ་བདག་གིས་སངས་རྒྱས་ལས་ཐོས་པ་ཡི་དུས་གཅིག་ན། སྟོན་པ་བཅོམ་ལྡན་འདས་ཕྱི་རྡོ་རྗེའི་གདན་བྱང་ཆུབ་ཤིང་དྲུང་ན་བཞུགས་ཏེ་བདུད་བརྟུལ་པའི་ཚེ་དང་ནང་རྡོ་རྗེ་ཡེ་ཤེས་ཀྱི་གནས་ལ་ཞུགས་ཏེ་ཞེས་སམ་ཡང་ན་རི་རབ་ཀྱི་བྱང་ཤར་རྡོ་རྗེ་རི་རབ་ཟོམ་ན་བཞུགས་དུས་ཀྱང་འཆད་ལ། རྒྱལ་པོ་ལོག་པའི་སྙིང་པོ་མ་སྐྱེས་དགྲའི་རྐང་པར་ལྕགས་ཀྱི་སྡིག་པས་བཟུང་ཞིང་དེས་ཕ་བསད་མི་དགེ་བཅུ་བྱས་པས་མི་མིན་འཁྲུགས་ཏེ་ནད་སྣ་ཚོགས་བཏང་བས་སེམས་ཅན་སྡུག་བསྔལ་བ་གཟུངས་འདིས་སྐྱབས་ནས་བསྟན་པར་བཙུད་ཅེས་ཀྱང་གསུངས། གང་ལྟར་ཡང་སངས་རྒྱས་ཀྱི་མཐུས་ལག་ན་རྡོ་རྗེའི་ལུས་ཐམས་ཅད་ཚོགས་གཉིས་ལས་བྱུང་བའི་ཡེ་ཤེས་ཀྱི་སྐུ་མི་ཤིགས་པ་རྡོ་རྗེར་བྱིན་གྱིས་བརླབས་ནས་དེ་ཉིད་རྟོགས་པའི་ངོ་བོ་རྡོ་རྗེའི་ཏིང་ངེ་འཛིན་ནམ་འདིའི་དཀྱིལ་འཁོར་སོགས་སྤྲུལ་བར་བྱེད་པའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་རྒྱུ་གང་གིས་ན་ལག་ན་རྡོ་རྗེས་སངས་རྒྱས་ཀྱི་མཐུ་དང་། སངས་རྒྱས་ཐམས་ཅད་ཀྱི་བྱིན་གྱིས་རླབས་དང་། བྱང་ཆུབ་སེམས་དཔའ་ཐམས་ཅད་ཀྱི་ ― MR12_Page_0673 ―
[མ་དཔེ་གཟིགས་ན་འདིར་གནོན།]
བྱིན་གྱིས་བས་ཀྱིས་གང་བཤད་ན་གཟུངས་ཀྱི་ངོ་བོ་གཞི་ཐུགས་ཡེ་ཤེས་རྡོ་རྗེའི་མཚན་ཉིད་རྡོ་རྗེ་ཁྲོ་བོ་ལས་རྡོ་རྗེ་གཏུམ་པོ་སོགས་བཞི་བྱུང་བའམ་ཡང་ན། དཀྱིལ་འཁོར་གྱི་ལྷ་རྡོ་རྗེའི་ཁྲོ་བོ་རྣམས་ཀྱི་བྱིན་རླབས་དང་ཐུགས་རྗེ་སྔགས་སུ་ཤར་བ་ལའང་བཤད་དོ། །ཁྱད་པར་ནི་རྡོ་རྗེའི་སྙིང་པོ་འདི་རབ་ཏུ་སྨྲས་ཏེ་ཞེས་སམ་རྡོ་རྗེ་སྙིང་པོས་སྨྲས་ཞེས་རྡོ་རྗེ་སྙིང་པོ་ཕྱག་ན་རྡོ་རྗེ་ལ་འཆད་པའང་ཡོད་དོ། །དེའི་ཁྱད་པར་གྱི་ཡོན་ཏན་ནི་རྡོ་རྗེའི་ཆོས་བདུན་ཏེ། རྟོག་པས་མི་ཕྱེད་པའམ་བདུད་སོགས་ཀྱིས་མི་ཆོད་པ། རྩ་བར་གྱུར་པས་སམ་མཚན་མའི་རྟོག་པས་མི་ཤིགས་པ། ཕྱིན་ཅི་མ་ལོག་པར་ཡང་དག་པར་བདེན་པ། འདུས་བྱས་མིན་པས་སྲ་བ། མི་རྟག་པ་མིན་པས་བརྟན་པ། ཐམས་ཅད་མཁྱེན་པའི་ཡེ་ཤེས་ཀྱིས་ཐམས་ཅད་དུ་ཐོགས་པ་མེད་པ། མི་འཇིགས་པ་བཞི་དང་ལྡན་པས་སམ་གང་ལས་ཀྱང་མཆོག་དུ་གྱུར་པས་ཐམས་ཅད་དུ་མ་ཕམ་པའོ། །དེ་ཡང་ཕྱི་རོལ་གྱི་རྡོ་རྗེ་དང་ཆོས་བདུན་པོ་དེས་མཚུངས་ཏེ། སྲ་བརྟན་སྙིང་ལྡན་ཁོང་སྟོང་མེད། མི་ཕྱེད་མི་ཤིགས་མི་འཇིག་པས། རྡོ་རྗེ་ཞེས་ནི་བརྗོད་པའོ། །ཞེས་སོ། །འདིས་རྡོ་རྗེ་བསྟན། རྣམ་པར་འཇོམས་པ་ནི་འདི་མན་ཆད་ཀྱིས་བསྟན་ཏེ། ཡེ་ཤེས་དེས་གཟུང་འཛིན་ཅན་གྱི་སེམས་ཅན་བདུད་སོགས་ཐམས་ཅད་སྐྲག་པར་བྱེད་པ་སྟེ་འཚེ་བའི་བསམ་པ་གཏོང་བའོ། །སེམས་ཅན་དེ་ཐམས་ཅད་ཀྱི་སྤོབས་པ་མ་ལུས་པ་འཇིལ་བར་བྱེད་པ། གཞན་གྱིས་དམོད་པའི་རིགས་སྔགས་ཐམས་ཅད་ནུས་མེད་དུ་གཅོད་པར་བྱེད་པ། རིགས་སྔགས་ཐམས་ཅད་ཀྱི་ནུས་པ་འཆིང་ཞིང་གནོན་པར་བྱེད་པ། ཡེ་ཤེས་མངོན་དུ་གྱུར་ ― MR12_Page_0674 ―
[མ་དཔེ་གཟིགས་ན་འདིར་གནོན།]
དུས་འཁོར་བའི་རྒྱུའི་ལས་སམ་འཚེ་བའི་སྔགས་སོགས་ཐམས་ཅད་འཇོམས་པར་བྱེད་པ། དེར་མ་ཟད་སེམས་ཅན་གཞན་གྱིས་རང་ལ་བྱས་པའི་ལས་ཐམས་ཅད་འཇིག་པར་བྱེད་པ། མི་མིན་འབྱུང་པོའི་གདོན་ཐམས་ཅད་བརླག་པར་བྱེད་པ་སྟེ་འདི་ཡན་ཚར་གཅོད་པའི་ལས་སོ། །གདོན་གྱིས་ཟིན་པ་ཐམས་ཅད་ལས་ཐར་བར་བྱེད་པ། འབྱུང་པོ་ཡི་རིགས་ཐམས་ཅད་སྔགས་འདིའམ་ཡེ་ཤེས་རྡོ་རྗེས་དབང་དུ་བྱས་ནས་འགུགས་པར་བྱེད་པ། རང་གི་རིགས་སྔགས་ཀྱི་ལྷ་སོགས་ལའང་རང་གི་ལས་ཞི་སོགས་གང་འདོད་པ་ཐམས་ཅད་ཚུལ་བཞིན་དུ་བྱེད་དུ་འཇུག་པ། སྔར་མ་གྲུབ་པ་ཡི་སྔགས་རྣམས་འདིས་གྲུབ་པར་བྱེད་པ། སྔར་གྲུབ་པ་རྣམས་འབྲས་བུ་ཆུད་མི་ཟ་བར་བྱེད་པ། འདི་དང་གཏན་གྱི་དངོས་གྲུབ་གང་འདོད་པ་ཐམས་ཅད་རབ་ཏུ་སྦྱིན་པ། ཕྱི་ནང་གི་བགེགས་ལས་སེམས་ཅན་ཐམས་ཅད་སྲུང་བ། ནད་སོགས་ཞི་བ། ཚེ་དཔལ་སོགས་རྒྱས་པ། གནོད་པར་བྱེད་པའི་སེམས་ཅན་ཐམས་ཅད་རེངས་པར་བྱེད་པ་སོགས་དྲག་པོ་དང་། དྲན་པ་ཉམས་པས་རྨུགས་པའམ་རྨོངས་ཤིང་དབང་དུ་འདུ་བར་བྱེད་པ་སྟེ་འདི་ཡན་ཕན་འདོགས་ཀྱི་ལས་སོ། །ཡང་ན་རེངས་རྨུགས་གཉིས་དྲག་ཤུལ་གྱི་ལས་སུ་འདུའོ། །དེ་ལྟར་གསང་སྔགས་ཀྱི་མཐུ་ཆེན་པོ་འདི་སངས་རྒྱས་ཀྱི་མཐུས་ལག་ན་རྡོ་རྗེས་རབ་ཏུ་སྨྲས་སོ། །གསང་སྔགས་དེ་གང་ཞེ་ན། ན་མོ་རཏྣ་ཏྲ་ཡཱ་ཡ་དཀོན་མཆོག་གསུམ་ལ་ཕྱག་འཚལ་ལོ། །ན་མ་ཤྩ་ཊན་བཛྲ་པཱ་ཎ་ཡེ། མ་ཧཱ་ཡཀྵ་སེ་ནཱ་པ་ཏ་ཡེ་བསམ་པ་ཐམས་ཅད་རྫོགས་པར་བྱེད་པའི་གནོད་སྦྱིན་གྱི་སྡེ་དཔོན་ཆེན་པོ་ཐུགས་དྲག་པོ་དང་ལྡན་པའི་ཕྱག་ན་རྡོ་རྗེ་ལ་ཕྱག་འཚལ་ལོ། །ཏ་དྱ་ཐཱ། འདི་ལྟ་སྟེ། ཨོཾ་ཏྲུ་ཊ་ཏྲུ་ཊ་ཆོས་ཀྱི་དབྱིངས་ཀྱི་ཡེ་ཤེས་ ― MR12_Page_0675 ―
[མ་དཔེ་གཟིགས་ན་འདིར་གནོན།]
ལས་བྱུང་བའི་སྤྲུལ་པས་བདག་དང་གཞན་གྱི་ཉོན་མོངས་པ་ལ་སོགས་པ་རྣམས་མཐར་མཛོད་ཅིག་ཅེས་པདྨས་གསུངས། ཡང་བི་མའི་རྣམ་བཤད་ལྟར་ན་ཡེ་ཤེས་ལྷའི་ངོ་བོ་ཡིན་པས་ཉོན་མོངས་པ་ཐམས་ཅད་སོད་སོད་ཅེས་པའོ། །ཏྲོ༷་ཊ་ཡ་ཏྲོ༷་ཊ་ཡ། ཤིན་ཏུ་སོལ་ཅིག་གམ་ཕྱག་ན་རྡོ་རྗེའི་བྱིན་རླབས་ཀྱིས་རབ་ཏུ་སོད་སོད། སྥུ་ཊ་སྥུ་ཊ་སྤོར་ཅིག་གམ་བདག་གི་བགེགས་ཐམས་ཅད་ཟུངས་ལ་ཡེ་ཤེས་ཀྱི་མེས་སྲེགས་སྲེགས། སྥོ་ཊ་ཡ་སྥོ༷་ཊ་ཡ་ཤིན་ཏུ་སྤོར་ཅིག་གམ་ཡེ་ཤེས་ཀྱི་ཐོ་བས་རྡུངས་ཤིག་རྡུངས་ཤིག །གྷཱུརྞ་གྷཱུརྞ་ཐར་བར་མཛོད་ཅིག་གམ་ཐུགས་རྗེའི་ལྕགས་ཀྱུས་ཟུངས་ལ་བསྐྱོད་ཅིག་བསྐྱོད་ཅིག གྷཱུརྞ་པ་ཡ་གྷཱུརྞ་པ་ཡ་བསྲེག་ཏུ་མ་བཏུབ་པ་རྣམས་གཞན་དུ་ཤིན་ཏུ་འབྱེར་བར་མཛོད་ཅིག་གམ་ལེགས་པར་སྐྲོད་ལེགས་པར་སྐྲོད།སརྦ་ས་ཏྭཱ་ནི་སེམས་ཅན་ཐམས་ཅད་ལ་ཐུགས་རྗེས་གཟིགས་ཤིག བོ་དྷ་ཡ་བོ་དྷ་ཡ་ཁམས་གསུམ་གྱི་སེམས་ཅན་ཐམས་ཅད་བྱང་ཆུབ་ཏུ་སེམས་བསྐྱེད་ཅིག སམ་བྷོ༷་དྷ་ཡ་སམ་བྷོ༷་དྷ་ཡ་ཤིན་ཏུ་གནས་པར་མཛོད་ཅིག་གམ་འགྲོ་བ་ཐམས་ཅད་ཁོང་དུ་ཆུད་པར་མཛོད་ཅིག བྷྲ་མ་བྷྲ་མ་ཕྱུང་ཤིག་གམ་བྱང་ཆུབ་སེམས་དང་མི་ལྡན་པའི་བགེགས་ཐམས་ཅད་སོད་ཅིག སམ་བྷྲ་མ་ཡ་སམ་བྷྲ་མ་ཡ་ཤིན་ཏུ་ཕྱུངས་ཤིག་གམ་ཕྱིན་ཅི་ལོག་གི་ཉོན་མོངས་པ་ཐམས་ཅད་ཐུགས་རྗེས་ལེགས་པར་སོད་ཅིག སརྦ་བྷཱུ་ཏཱ་ནི་གདོན་དང་འབྱུང་པོ་ཐམས་ཅད་གཏུབས་ལ་ཐུགས་ཡེ་ཤེས་ཀྱི་སྤྱན་གྱིས་གཟིགས་ཤིག ཀུཊྚ་ཀུཊྚ་གནོད་པ་རྣམས་དུམ་བུར་མཛོད་ཅིག་གམ་གདོན་ཐམས་ཅད་རྡུངས་ཤིག སམ་ཀུཊྚ་ཡ་སམ་ཀུཊྚ་ཡ་ཤིན་ཏུ་དུམ་བུར་མཛོད་ཅིག་ ― MR12_Page_0676 ―
[མ་དཔེ་གཟིགས་ན་འདིར་གནོན།]
གམ་འཇིག་རྟེན་ན་གནོད་པར་བྱེད་པ་ཐམས་ཅད་བྱམས་པའི་ཐུགས་རྗེས་རྡུངས་ཤིག སརྦ་ཤཱ་ཏྲུན་ནཱ༷ཾ་དགྲ་བགེགས་ཐམས་ཅད་ཡང་དག་པའི་ཡེ་ཤེས་ཀྱིས་སྲེགས་ཤིག གྷ་ཊ་གྷ་ཊ་ཐམས་ཅད་ཐུགས་རྗེས་སོད་ཅིག་གམ་བརྩེ་བ་མེད་པ་རྣམས་གཞན་དུ་བསྐྲད་པར་མཛོད་ཅིག །སམ་གྷ་ཊ་ཡ་སམ་གྷཱ་ཊ་ཡ་ལེགས་པར་སོད་ཅིག་གམ་ཤིན་ཏུ་ཕྱིན་པར་མཛོད་ཅིག སརྦ་བི༷དྱཱཾ་བཛྲ་བཛྲ་ལས་ཐམས་ཅད་རིག་པ་ཅན་ཁྱོད་ཀྱི་རྡོ་རྗེས་མཛོད་ཅིག་གམ་རྡོ་རྗེ་འབར་བས་འགྲུབ་པར་གྱིས་ཤིག སྥོ༷་ཊ་ཡ་བཛྲ་བཛྲ་ཡེ་ཤེས་ཀྱི་རྡོ་རྗེ་འབར་བས་ཉོན་མོངས་པ་ཐམས་ཅད་སོད་ཅིག་གམ་གཏོར་ཅིག ཀ་ཊ་བཛྲ་བཛྲ་ཡེ་ཤེས་གྲུབ་པའི་རྡོ་རྗེ་འབར་བས་ཉོན་མོངས་པ་ཐམས་ཅད་ཆོད་ཅིག་གམ་བསད་པར་མཛོད་ཅིག མ་ཊ་བཛྲ་བཛྲ་བྱང་ཆུབ་སེམས་ཀྱི་རྡོ་རྗེས་གདུག་པ་ཐམས་ཅད་གཏུབས་ཤིག་གམ་དུམ་བུར་མཛོད་ཅིག །མ་ཐ་བཛྲ་བཛྲ་ཡེ་ཤེས་ཀྱི་རྡོ་རྗེས་བགེགས་ཐམས་ཅད་ཐུལ་ཅིག་གམ་ཕུག་ཅིག་པའོ། །ཨཊྚ་ཧ་ས་ནི་ལ་བཛྲ་ཁྱོད་ཀྱི་ཡེ་ཤེས་ཀྱི་རྡོ་རྗེ་སྔོན་པོ་ཕྱག་ན་བསྣམས་པས་དབྱུངས་པ་དང་བཅད་པའི་ཕྲིན་ལས་མཛོད་ཅིག་གམ་རྡོ་རྗེ་རྣོན་པོ་མེ་འདྲ་བས་ཉོན་མོངས་པའི་བག་ཆགས་ཐམས་ཅད་ཆོད་ཅིག །སུ་བཛྲ་ཡ་སྭཱ་ཧཱ། ལས་ཐམས་ཅད་ཆོས་ཀྱི་དབྱིངས་རྣམ་པར་དག་པའི་ཡེ་ཤེས་ཀྱིས་ལེགས་པར་མཛོད་ཅིག་གམ་ཐུགས་ཡང་དག་པར་མཁྱེན་པའི་རྡོ་རྗེ་ཆོས་དབྱིངས་རྣམ་པར་དག་པ་ལ་ལེགས་པར་སྤྱོད་ཅིག འདི་ཡན་ཆོད་རྡོ་རྗེ་སྙིང་པོར་བྱིན་གྱིས་བརླབས་པའི་གསང་སྔགས་སོ། །དེ་ལྟར་ཆོས་ཀྱི་དབྱིངས་ཀྱི་ཡེ་ཤེས་ལ་བསྐུལ་པ་བསྟན་ནས། ཡེ་ཤེས་བཞི་ལ་སྤྱིར་བསྐུལ་བ་བསྟན་པའི་ཕྱིར། ཧེ༷་ཕུལླུ་ནི་རུ་ཕུལླུ་མེ་ལོང་ལྟ་བུའི་ཡེ་ཤེས་ལ་སོགས་པ་ལས་སྤྲུལ་པའི་ཁྲོ་ ― MR12_Page_0677 ―
[མ་དཔེ་གཟིགས་ན་འདིར་གནོན།]
བོ་རྣམས་ཀྱིས་སྡུག་བསྔལ་ཆེན་པོའི་རྒྱུ་རྣམས་གཅོད་ཅིག་པའམ་རྡོ་རྗེ་འབར་བས་ཁམས་གསུམ་པའི་ཉོན་མོངས་པ་རྣམས་ཐུགས་རྗེ་འབར་བས་ཆོད་ཅིག །གྲྀ༷ཧྞ་ཀུལླུ་གཞོམ་པར་མཛོད་ཅིག་གམ་སེམས་ཅན་ཐམས་ཅད་ཀྱི་གཤིན་རྗེའི་སྡུག་བསྔལ་ཐམས་ཅད་ཆོམས་ཤིག །མི་ལི་ཙུལླུ། ཀུ་རུ་ཀུལླུ་དག་པར་མཛོད་ཅིག་གམ་དཔལ་རྟ་མགྲིན་སྔོན་པོ་འབར་བས་སྡུག་བསྔལ་ཐམས་ཅད་སྤྱོད་ཤིག བཛྲ་བི་ཛ་ཡ་ཡཱ་སྭཱ་ཧཱ། རྣམ་པར་རྒྱལ་བའི་ཡེ་ཤེས་ཀྱི་རྡོ་རྗེས་ཞི་བར་མཛོད་ཅིག་གམ་ཁྲོ་བོ་བདུད་རྩི་འཁྱིལ་པས་ཉོན་མོངས་ཐམས་ཅད་བདུད་རྩིར་བྱིན་གྱི་རློབས་ཤིག །ཀཱི་ལི༷་ཀཱི༷་ལཱ་ཡ་སྭཱ་ཧཱ་ཡེ་ཤེས་ཀྱི་ཕུར་བུས་ཞི་བའི་ལས་མཛོད་ཅིག་གམ་ཁྲོ་བོ་སྟོབས་པོ་ཆེའི་དྲག་ཤུལ་གྱིས་མཛོད་ཅིག ཀ་ཊ་ཀ་ཊ་ཁྲོ་བོའི་རྒྱལ་པོས་བདུད་ཐམས་ཅད་སྤ་བཀོངས་ཤིག །མ་ཊ་མ་ཊ་འགྲོ་རྣམས་མྱ་ངན་ལས་འདས་པའི་བདེ་བ་ལ་སྦྱོར་ཅིག་གམ་ཁྲོ་བོ་ཧཱུཾ་ཀ་རས་ཉོན་མོངས་པ་ཐམས་ཅད་ལས་སྐྱོབས་ཤིག ར་ཊ་ར་ཊ་སྡུག་བསྔལ་རྣམས་མེད་པར་མཛོད་ཅིག་གམ་ཁྲོ་བོ་པདྨ་འཁྱིལ་པས་ཉོན་མོངས་པ་ཐམས་ཅད་ཞི་བར་མཛོད་ཅིག །མོ་ཊ་ན་པྲ་མོ་ཊ་ནཱ་ཡ་སྭཱ་ཧཱ་མི་མཐུན་པའི་ཕྱོགས་རྣམས་ལས་བསྒྲལ་བར་མཛོད་ཅིག་གམ་ཡེ་ཤེས་ཀྱི་རྡོ་རྗེ་འབར་བས་གཤིན་རྗེ་གཏོགས་ཤིག ཙ་ར་ནིཤྩ་ར་དཔལ་ཕུན་སུམ་ཚོགས་པ་ལ་སྦྱོར་ཤིག་གམ་ཁྲོ་རྒྱལ་ནཱི་ལ་དཎྚས་བདག་དང་སེམས་ཅན་རྣམས་ལ་ཚེ་དང་དབང་སྩོལ་ཅིག ཧ་ར་ཧ་ར་ཉོན་མོངས་པ་སོགས་ཕྲོགས་ཤིག་གམ་ཡེ་ཤེས་ཀྱི་གཤོག་པས་འཁོར་བའི་སྡུག་བསྔལ་ལས་སྐྱོབས་ཤིག ས་ར་ས་ར་སྙིང་པོའམ་ཕུལ་དུ་བྱུང་བའི་བློ་སྐྱེད་ཅིག །མཱ་ར་ཡ་མདོར་ན་ ― MR12_Page_0678 ―
[མ་དཔེ་གཟིགས་ན་འདིར་གནོན།]
ཡེ་ཤེས་བཞིའི་རང་བཞིན་གྱིས་བར་དུ་གཅོད་པ་རྣམས་ཞི་བར་མཛོད་ཅིག་གམ་ཉོན་མོངས་པ་རྣམས་སོད་ལ་རྡུལ་དུ་རློག་ཅིག །དེ་ལྟར་ཐུགས་ཀྱི་རང་བཞིན་ཡེ་ཤེས་ལ་བསྐུལ་བ་བསྟན་ནས། ཁྲོ་བོ་རྣམས་སྐུའི་རང་བཞིན་ལ་བསྐུལ་བ་བསྟན་པའི་ཕྱིར། བཛྲ་བི༷་ད་ར་ཙ་ཡ་སྭཱ་ཧཱ། རྡོ་རྗེ་རྣམ་པར་འཇོམས་པའི་སྐུའི་རང་བཞིན་གྱི་བག་ཆགས་ངན་པའི་དྲི་མ་རྣམས་ཞི་ཞིང་མེད་པར་མཛོད་ཅིག་གམ་ལས་མཛོད་ཅིག །ཙྪིནྡ་ཙྪིནྡ་རྟ་མགྲིན་གྱིས་ཉོན་མོངས་པ་ཐམས་ཅད་ཚར་ཆོད་ཅིག །བྷི༷ནྡ་བྷི༷ནྡ་ཕྱེ་མར་རློགས་ཤིག་པའམ་སྡུག་བསྔལ་ཐམས་ཅད་ཞི་བར་གྱིས་ཤིག །མ་ཧཱ་ཀཱི༷་ལི༷་ཀཱི༷་ལ་ཡ་སྭཱ་ཧཱ། ཁྱེད་ཀྱི་སྐུའི་ཕུར་བུ་ཆེན་པོས་ཉོན་མོངས་སོགས་ཞི་པར་མཛོད་ཅིག་གམ་ཁྲོ་བོ་སྟོབས་པོ་ཆེས་ཉོན་མོངས་པ་ཐམས་ཅད་ཞི་བར་མཛོད་ཅིག །བྷནྡྷ་བྷནྡྷ་མ་རུང་པ་རྣམས་ཆིངས་ཤིག་གམ་ཁྲོ་བོ་ཊཀྐི་རཱ་ཛ་ས་གདུགས་ཅན་གྱི་བདུད་རྣམས་ཟུངས་ལ་ཆོམས་ཤིག །ཀྲོ་དྷ་ཀཱི་ལི་ཀཱི་ལ་ཡ་སྭཱ་ཧཱ་ཁྲོས་ཤིང་འཁྲུགས་པའི་ཕུར་བུས་ལས་ངན་པ་རྣམས་མེད་པར་མཛོད་ཅིག་གམ་ཁྲོ་བོ་བདུད་རྩི་འཁྱིལ་པས་གདུག་པ་རྣམས་ཞི་བར་མཛོད་ཅིག་ཅེས་གཙོ་སྔགས་སོ། །ཁྲོ་བོ་བཞིའི་སྙིང་པོའི་སྒོ་ནས་བསྐུལ་བ་བསྟན་པའི་ཕྱིར། ཙུ་རུ་ཙུ་རུ་ཁྲོ་བོ་ཨ་མོ་གྷ་པཱ་ཤས་ཕྲིན་ལས་མཛོད་ཅིག །ཙཎྚ་ཁྲོ་བོ་རྒྱལ་པོ་ཚུར་སྤྱོན་དམ་ཚིག་ལ་དགོངས་ཤིག །ཀཱི༷་ལི༷་ཀཱི༷་ལཱ་ཡ་སྭཱ་ཧཱ་ཁྲོ་བོ་ཆེན་པོ་རྡོ་རྗེ་གཏུམ་པོས་ཕུར་བུས་བགེགས་རྣམས་ཞི་བར་མཛོད་ཅིག་གམ་ཁྲོ་བོ་བདུད་རྩི་འཁྱིལ་བའི་ཐུགས་ཚད་མེད་པའི་གསུང་སྒྲས་ཐམས་ཅད་བྱང་ཆུབ་སེམས་སུ་ཞི་བར་མཛོད་ཅིག ཏྲཱ་ས་ཡ་ཏྲཱ་ས་ཡ་ཁྲོ་ ― MR12_Page_0679 ―
[མ་དཔེ་གཟིགས་ན་འདིར་གནོན།]
བོ་མ་ཧཱ་བ་ལས་བགེགས་སྐྲོད་ཅིག །བཛྲ་ཀཱི་ལི་ཀཱི༷་ལཱ་ཡ་སྭཱ་ཧཱ་ཁྲོ་ཆེན་ཀཱི་ལི་ཀཱི་ལཱ་ཡ་ཡི་ཕུར་བུས་བགེགས་རྣམས་སྐྲག་པར་མཛོད་ཅིག །ཧ་ར་ཧ་ར་བཛྲ་དྷཱ་རཱ་ཡ་སྭཱ་ཧཱ་ཁྲོ་ཆེན་རྡོ་རྗེ་འཆང་སྟེ་རྡོ་རྗེ་བེ་ཅོན་གྱི་ཕུར་བུས་བགེགས་རྣམས་འདར་བར་མཛོད་ཅིག་གམ་རྡོ་རྗེ་འབར་བའི་སྒོ་བ་བཞིས་བགེགས་ཐམས་ཅད་སྲེགས་ཤིག །པྲ་ཧ་ར་པྲ་ཧ་ར་ཁྲོ་ཆེན་བདུད་རྩི་འཁྱིལ་བས་མཚན་མའི་རྟོག་པ་ཐམས་ཅད་ཞི་བར་མཛོད་ཅིག །བཛྲ་པྲ་བྷཉྫ་ནཱ་ཡ་སྭཱ་ཧཱ་ཁྲོ་ཆེན་རྡོ་རྗེ་ཐོ་བའི་ཕུར་བུས་བགེགས་རྣམས་མེད་པར་མཛོད་ཅིག་གམ་བྱང་ཆུབ་ཀྱི་སེམས་རྡོ་རྗེ་འབར་བས་ཉོན་མོངས་བག་ཆགས་ཐམས་ཅད་ཞི་བར་མཛོད་ཅིག །དེ་ལྟར་སྙིང་པོའི་སྒོ་ནས་བསྐུལ་བ་བསྟན་ནས། དེ་དག་གསུང་གི་སྒོ་ནས་བསྐུལ་བ་བསྟན་པའི་ཕྱིར། མ་ཏིསྠི༷་ར་བཛྲ་བློ་གྲོས་ཕུལ་དུ་བྱུང་བ་རྣམས་ཀྱི་སེམས་ཀྱི་རྡོ་རྗེ་ལྟར་བརྟན་ཞིང་མི་གཡོ་བར་མཛོད་ཅིག་གམ་བློ་བརྟན་པའི་རྡོ་རྗེ་བྱང་ཆུབ་སེམས་ཀྱི་རང་བཞིན་དུ་ལྡན་པར་གྱིས་ཤིག །ཤུ་ཏིསྠི༷་ར་བཛྲ་ཤིན་ཏུ་བརྟན་པའི་རྡོ་རྗེས་ལེགས་པའི་ཡོན་ཏན་དང་ལྡན་པར་གྱུར་ཅིག་གམ་ལེགས་པར་བརྟན་པར་མཛོད་ཅིག །པྲ་ཏིསྠི༷་ར་བཛྲ་སོ་སོར་བརྟན་པའི་རྡོ་རྗེས་བདག་གི་ལུས་བརྟན་པར་མཛོད་ཅིག་གམ་རབ་ཏུ་བརྟན་པར་མཛོད་ཅིག །མ་ཧཱ་བཛྲ་ཆེན་པོ་རྡོ་རྗེས་བདུད་ལས་རྒྱལ་བར་མཛོད་ཅིག་གམ་ཆེན་པོ་རྣམས་ཀྱི་ཚུལ་དུ་བརྟན་པར་མཛོད་ཅིག །ཨ་པྲ་ཏི་ཧ་ཏ་བཛྲ་རབ་ཏུ་གཡོ་བ་མེད་པའི་ཡེ་ཤེས་ཀྱི་རྡོ་རྗེ་ལེགས་པར་གསོལ་ཅིག །ཨ་མོ་གྷ་བཛྲ་དོན་ཡོད་པའི་རྡོ་རྗེས་གཞན་ཐམས་ཅད་འཇོམས་པའམ་ཡེ་ཤེས་ཆེན་པོའི་ཕྲིན་ལས་རྣམས་དོན་ཡོད་པར་མཛོད་ཅིག །ཨེ༷་ ― MR12_Page_0680 ―
[མ་དཔེ་གཟིགས་ན་འདིར་གནོན།]
ཧྱེ༷་ཧི༷་བཛྲ་ཡེ་ཤེས་ཀྱི་རྡོ་རྗེ་དང་ལྡན་པ་གདུལ་བྱའི་རྒྱུད་ལ་གཤེགས་ཤིག་གམ་ལྡན་པའི་རྡོ་རྗེས་བདག་འཁོར་བ་ལས་དྲོངས་ཤིག །ཤྲཱི༷་བྷྲ༷ཾ་བཛྲ་དྷཱ་རཱ་ཡ་སྭཱ་ཧཱ་དཔའ་བར་འགྲོ་བའི་རྡོ་རྗེས་རིངས་པར་བདག་གི་ལས་འགྲུབ་པར་མཛོད་ཅིག་གམ་མྱུར་དུ་ཞི་བའི་ལས་མཛོད་ཅིག །དྷ་ར་དྷ་ར་ནི་སྒོ་བཞིའི་སྲུང་བ་བསྟན་ཏེ་བྱང་ཆུབ་སེམས་ཀྱི་རང་བཞིན་ཐམས་ཅད་ཁྱེར་ལ་གཟུངས་སུ་གྱིས་སམ་འབྱུང་པོ་རྣམས་ཟུངས་ཤིག །དྷི་རི་དྷི་རི་དབྱིངས་ཀྱི་རང་བཞིན་ཆོས་ཉིད་དང་ལྡན་པར་གྱིས་སམ་འབྱུང་པོ་བཟུང་ཟིན་པ་རྣམས་ཐོགས་ཤིག །དྷུ་རུ་དྷུ་རུ་ལུས་ཐམས་ཅད་ཐུགས་རྗེས་ཟུངས་ལ་ཐོགས་ཤིག་གམ་བཏགས་པ་རྣམས་མི་འཆོར་བར་མཛོད་ཅིག །སརྦ་བཛྲ་ཀུ་ལ་མཱ་བརྟ་ཡ་སྭཱ་ཧཱ་རྡོ་རྗེ་འཁོར་ལོ་དང་བཅས་པས་བདག་ལ་བྱིན་གྱིས་རློབས་ཤིག་གམ་རྡོ་རྗེའི་རིགས་ཐམས་ཅད་ཀྱིས་ཞི་བ་དང་ལྡན་པའི་བྱིན་གྱི་རླབས་མཛོད་ཅིག །ཨ་མུ་ཀ་མཱ་ར་ཡ་ཕཊ་བདག་དུས་མ་ཡིན་པའི་འཇིགས་པ་ལས་བཟློག་ལ་བདུད་ཐམས་ཅད་ཆོམས་ཤིག་གམ་བར་དུ་གཅོད་པ་རྣམས་བཟློག་པ་གསོད་པའི་ལས་མཛོད་ཅིག །ན་མ་སྶ་མནྟ་བཛྲ་ཎཱ༷ཾ་ཀུན་ཏུ་བཟང་པོའི་ཡེ་ཤེས་རྡོ་རྗེའི་རང་བཞིན་གྱིས་དབང་བསྐུར་ཅིག་གམ་རྡོ་རྗེའི་རང་བཞིན་གྱིས་བདག་ཀུན་ནས་ཕྱག་འཚལ་བའི་གནས་སུ་མཛོད་ཅིག །སརྦ་བཛྲ་ཀུ་ལ་མཱ་བརྟཱ་ཡ་སྟོབས་པོ་ཆེས་དབང་བསྒྱུར་ཅིག་གམ་སྟོབས་ཆེན་པོ་དང་ལྡན་པ་རྣམས་ཀྱིས་བསྟོད་ཅིང་དགྱེས་པའི་གནས་སུ་མཛོད་ཅིག །མ་ཧཱ་བཱ་ལེ་སྟོབས་པོ་ཆེས་མགྱོགས་པ་རླུང་དང་འདྲ་བར་དབང་བསྐུར་ཅིག །ཀ་ཊ་བེ་ཏ་ཏ་ལེ་ཡེ་ཤེས་ཀྱི་མཆེ་བས་ཉོན་མོངས་པའི་བདུད་ཐུལ་ཅིག །ཨ་ཙ་ལི༷་ཁམས་གསུམ་རྣམ་རྒྱལ་གྱི་སྤྲུལ་པས་ ― MR12_Page_0681 ―
[མ་དཔེ་གཟིགས་ན་འདིར་གནོན།]
དབང་བསྐུར་ལ་སྐྱོབས་ཤིག་གམ་བགེགས་རྣམས་ཐོབ་ལ་མི་གཡོ་བར་མཛོད་ཅིག །མཎྚ་ལེ་མ་ཡེ་དཀྱིལ་འཁོར་གྱི་ཕྱིའི་སྲུང་མ་རྣམས་ཀྱིས་སྤྲུལ་པའི་ངོ་བོ་ཉིད་ཀྱི་ཆེ་བ་སྣ་ཚོགས་སུ་སྣང་བའོ། །ཨ་ཏི་བཛྲ་རྡོ་རྗེ་བཟང་པོས་ཐམས་ཅད་ལ་སྐྱོབས་ཤིག་གམ་ཡེ་ཤེས་མཆོག་དང་ལྡན་པ་རྣམས་ཀྱིས་དཀྱིལ་འཁོར་སྐྱོང་བ་རྣམས་བདག་ལ་འགོ་བར་མཛོད། མ་ཧཱ་བ་ལེ་བེ་ག་ར་ཎ་ར་ཎ་སྟོབས་པོ་ཆེས་མགྱོགས་པ་རླུང་དང་འདྲ་བས་གནོད་པ་ཐམས་ཅད་ཞི་བའམ་མེད་པར་མཛོད་ཅིག །ཨ་ཛི་ཏེ་ཛྭ་ལ་ཛྭ་ཎ་ལ་ཡང་དག་པའི་ཤེས་རབ་ཀྱིས་བདུད་དང་ལོག་འདྲེན་རྣམས་སྲེགས་ཤིག་གམ་ཡེ་ཤེས་ཆེན་པོའི་མེ་འབར་བར་མཛོད་ཅིག །ཏི་ཊི༷་ཏི་ཊི༷་པིང་ག་ལེ་སོ་སོར་འབར་བས་སྡུག་བསྔལ་ལས་སྐྱོབས་ཤིག་གམ་རབ་ཏུ་འབར་བར་བསྡུས་པས་གནོད་པ་རྣམས་ལས་སྲུངས་ཤིག །ད་ཧ་ད་ཧ་བདག་གི་ཉོན་མོངས་པ་རྣམས་སྲེགས་ཤིག །ཏེ་ཛྭོ༷་བ་ཏི་ཡང་དག་པའི་ཤེས་རབ་ཀྱིས་གཏི་མུག་པ་རྣམས་སོལ་ཅིག་གམ་གཟི་བརྗིད་དང་ལྡན་པའི་མེས་སྲེག་པར་མཛོད་ཅིག །ཏི་ལི༷་ཏི་ལི༷་སྡུག་བསྔལ་ཐམས་ཅད་མེད་པར་གྱིས་ཤིག་གམ་བཅད་པར་མཛོད་ཅིག །བྷནྡྷ་བྷནྡྷ་བགེགས་དང་འབྱུང་པོ་ཐམས་ཅད་ཆིངས་ཤིག་གམ་སྲེགས་ཤིག །མ་ཧཱ་བ་ལེ་སྟོབས་པོ་ཆེས་ལས་མཛོད་ཅིག །བཛྲ་ཨངྐུ་ཤ་ཛྭ་ལཱ་ཡ་སྭཱ་ཧཱ་རྡོ་རྗེ་འཁོར་ལོ་མེ་དང་འདྲ་བས་མཚན་མ་ཐམས་ཅད་ཞི་བར་མཛོད་ཅིག་གམ་རྡོ་རྗེའི་ལུས་འབར་བ་དང་ལྡན་པའི་སྟོབས་ཆེན་པོས་བགེགས་རྣམས་ཞི་ཞིང་མེད་པར་མཛོད་ཅིག །དེ་ཡན་ཆད་ཁྲོ་བོ་བཅུའི་རང་གི་ལས་བཤད་པའོ། །ད་ནི་ཡེ་ཤེས་ཀྱི་ཁྲོ་བོ་ལག་ན་རྡོ་རྗེའི་རང་བཞིན་སྟོན་ཏེ། ན་མོ་རཏྣ་ཏྲ་ཡཱ་ཡ། དཀོན་མཆོག་གསུམ་ལ་ཕྱག་འཚལ་ལོ། །ན་མནྩ་ཎྚ་བཛྲ་པཱ་ཎ་ཡེ་གནོད་སྦྱིན་གྱི་སྡེ་ ― MR12_Page_0682 ―
[མ་དཔེ་གཟིགས་ན་འདིར་གནོན།]
དཔོན་ཆེན་པོ་ལག་ན་རྡོ་རྗེ་ལ་ཕྱག་འཚལ་ལོ། །མ་ཧཱ་ཡཀྵ་སེ་ནཱ་པ་ཏ་ཡེ་སྔགས་ཀྱི་མགོན་པོ་སྟེ་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེའི་ཡེ་ཤེས་ཀྱི་ངོ་བོར་བཞུགས་པའོ། །ཏདྱ་ཐཱ་འདི་ལྟ་སྟེ། ཨོཾ་ནི་རབ་བསྔགས་ཏེ་བཀྲ་ཤིས་པའི་དོན་ནོ། །ཧ་ར་ཧ་ར་བཛྲ་ཡེ་ཤེས་ཀྱི་ལག་ན་རྡོ་རྗེ་དབུས་སུ་བཞུགས་པ་སྟེ་གཙོ་བོའི་སྔགས་སོ། །ཡང་ན་གདུགས་པ་ཅན་རྣམས་ཀྱི་སྲོག་ཡེ་ཤེས་ཀྱི་རྡོ་རྗེས་ཕྲོགས་ཤིག་པའོ། །མ་ཐ་མ་ཐ་བཛྲ་ཧཱུཾ་ཀ་ར་གཤིན་རྗེ་གཤེད་དུ་བསྟན་པ་སྟེ་ཡེ་ཤེས་ཀྱི་རྡོ་རྗེས་དེ་དག་ལ་བརྡེག་པར་མཛོད་ཅིག །དྷུ་ན་དྷུ་ན་བཛྲ་མཚན་མ་ཐམས་ཅད་འཇོམས་པས་ཁམས་གསུམ་རྣམ་རྒྱལ་གྱི་སྙིང་པོའོ། །ད་ཧ་ད་ཧ་བཛྲ་རྟ་མགྲིན་གྱི་སྙིང་པོ་སྟེ་ཡེ་ཤེས་རྡོ་རྗེས་སྲེགས་ཤིག་པའོ། །པ་ཙ་པ་ཙ་བཛྲ་བདུད་རྩི་འཁྱིལ་བའི་སྙིང་པོ་སྟེ་ཡེ་ཤེས་རྡོ་རྗེས་ཆོམས་ཤིག་པའོ། །དྷ་ར་དྷ་ར་བཛྲ་སྟོབས་པོ་ཆེའི་སྙིང་པོ་སྟེ་གནོད་པ་ཅན་འབྲོས་པ་རྣམས་ཟུངས་ཤིག་པའོ། །དྷཱ་ར་ཡ་ནྡྷཱ་ར་ཡ་བཛྲ་གཞན་གྱིས་མི་ཐུབ་པའི་སྙིང་པོ་སྟེ་ཡེ་ཤེས་ཅན་ཁྱེད་ཀྱིས་འཁོར་རྣམས་འཛིན་དུ་ཆུག་ཅིག་པའོ། །དཱ་རུ་ཎ་དཱ་རུ་ཎ་བཛྲ་མི་གཡོ་མགོན་པོའི་སྙིང་པོ་སྟེ་དྲག་ཏུ་ཟུངས་ཤིག་པའོ། །ཙྪིནྡ་ཙྪིནྡ་བཛྲ་དབྱུག་པ་སྔོན་པོའི་སྙིང་པོ་སྟེ་བཟུང་ཟིན་པ་རྣམས་རྡོ་རྗེས་ཆོད་ཅིག་པའོ། །བྷི༷ནྡྷ་བྷིནྡྷ་བཛྲ་ཧཱུྃ་ཕཊ་པདྨ་འཁྱིལ་བའི་སྙིང་པོ་སྟེ་ཡེ་ཤེས་ཀྱི་རང་བཞིན་གྱི་ཐུགས་ཀྱིས་ཁོས་ཤིག་པའོ། །དེ་ཡན་ཆད་ཁྲོ་བོའི་རང་བཞིན་བཤད་པ་སྟེ་ཁྲོ་བོ་དང་སྦྱར་ཚུལ་འདི་ལ་འགྲེལ་པ་རྣམས་སུ་འདྲ་མིན་མང་དུ་མཆིས་ཀྱང་འདིར་བཤད་པ་ནི་སློབ་དཔོན་བི་མ་ལའི་དགོངས་པའོ། །ན་མ་ཤྩཎྚ་བཛྲ་ཀྲོ༷་དྷཱ་ཡ་དངོས་གྲུབ་ཀྱི་མཆོག་ ― MR12_Page_0683 ―
[མ་དཔེ་གཟིགས་ན་འདིར་གནོན།]
འགྲུབ་པའི་ཕྱིར་ཁྲོ་བོ་རྡོ་རྗེ་གཏུམ་པོ་ལ་ཕྱག་འཚལ་ལོ། །ད་ནི་སྒོ་མ་བཞིའི་དོན་སྟོན་ཏེ། ཧུ་ལུ་ཧུ་ལུ་ཤར་གྱི་སྒོ་བས་བགེགས་དང་འབྱུང་པོ་ཐམས་ཅད་ཚུར་དྲངས་ཤིག་གམ་དྲག་ཏུ་ཁུག་ཅིག །ཏིཥྛ་ཏིཥྛ་ལྷོའི་སྒོ་བས་ཆིངས་ཤིག་གམ་བདག་གི་མདུན་དུ་གནས་པར་མཛོད་ཅིག །བྷནྡྷ་བྷནྡྷ་ནུབ་ཀྱི་སྒོ་བས་བགེགས་དང་ལོག་འདྲེན་ཐམས་ཅད་ཆོམས་ཤིག་གམ་ཆིངས་ཤིག །ཧ་ན་ཧ་ན་བྱང་གི་སྒོ་བས་གཏོགས་ཤིག་གམ་བཅིང་པ་རྣམས་ལ་རྡེགས་ཤིག་པའོ། །ཨ་མྲྀ༷་ཏེ་ཧཱུྃ་ཕཊཿ ཅེས་པ་ནི་བདུད་རྩི་འཁྱིལ་བའི་སྔགས་ཏེ། ལས་དེ་དག་ཐམས་ཅད་ཀྱང་མཐར་ཕྱིན་ཅིང་ཕྱིར་མི་ལྡོག་པའི་ས་ལ་བཞག་ནས་འཆི་བ་མེད་པའི་གནས་ལ་སྦྱོར་བར་མཛོད་ཅིག་ཅེས་གང་གི་སྔགས་ཐམས་ཅད་ཀྱི་ལྷག་ཆད་ཁ་སྐོང་བའོ། །དེ་ལྟར་ཁྲོ་བོ་རྣམས་ཀྱི་དོན་བཤད་ནས། ད་ནི་གཟུངས་ཀྱི་ཕན་ཡོན་བསྟན་པ་ནི། སྔོན་བསགས་པའི་རྒྱུ་སྡིག་པ་མི་དགེ་བ་མཚམས་མེད་པ་ལ་སོགས་པ་ཐམས་ཅད་བྱང་བར་བྱས་ནས། འབྲས་བུ་སྡུག་བསྔལ་བ་ཐམས་ཅད་མེད་པར་བྱེད་དོ། །རྡོ་རྗེ་ལྷུན་པོ་རི་རབ་ཟོམ་ལ་སོགས་པར་ཕྱག་ན་རྡོ་རྗེའི་རྒྱུད་བརྒྱ་རྩ་བརྒྱད་སོགས་མདོ་སྡེ་དང་རྒྱུད་དོ་ཅོག་མཐའ་དག་གི་རྩ་བ་ནི་འདི་ཡིན་ཏེ། འཇིག་རྟེན་དང་འཇིག་རྟེན་ལས་འདས་པ་སངས་རྒྱས་ཀྱི་ཡོན་ཏན་གྱི་བར་གྱི་དཔལ་ཀུན་གྱིས་ནི་ལེགས་པར་བརྒྱན་པར་འགྱུར་རོ། །དེ་ཡང་སེམས་ཅན་གྱི་སྡུག་བསྔལ་གྱི་བྱེ་བྲག་ཡིད་དབང་གཙོ་བོར་གྱུར་པའི་དབང་པོ་རྣམས་ཉམས་པ་དང་། སྔོན་གྱི་ལས་ཀྱིས་ཚེ་ཟད་པ་དང་འཕྲལ་གྱི་རྐྱེན་ལས་ཚེ་ཉམས་པ་དང་། ལས་ཀྱི་དབང་གིས་འབྱོར་ ― MR12_Page_0684 ―
[མ་དཔེ་གཟིགས་ན་འདིར་གནོན།]
བ་དང་མི་ལྡན་པ་སོགས་ཕུན་སུམ་ཚོགས་པ་མིན་པ་སྟེ་རྒུད་པའི་ཕྱོགས་གང་གི་རྒྱུད་ལ་ཆགས་པ་སྟེ་ཡོད་པ་དང་། འདས་མ་འདས་ཀྱི་ལྷ་རྣམས་ཀྱིས་རྒྱབ་ཀྱིས་ཕྱོ༷གས་པ་སྟེ་གྲོགས་མི་བྱེད་པ་དང་། ལྷ་གཡེལ་བའི་རྟགས་སུ་རང་གི་གཉེན་སོགས་སྔར་མཛའ་སྡུག་གི་སྐྱེ་བོ་ཡང་རང་ལ་སྡང་བ་དང་། བྲམ་ཟེའམ་རང་གི་འཁོར་གྱི་བྲན་དང་བཟའ་མི་ལ་སོགས་གདོན་སོགས་གཞན་གྱིས་གཙེ༷ས་པའམ་ཡང་བྲན་སོགས་དམན་པ་གཞན་གྱིས་བརྙས་པ་དང་། གང་ཕན་ཚུན་སེམས་མཐུན་པ་མ་ཡིན་པ་དང་། ནོར་དང་ལོངས་སྤྱོད་རྒུད་ནས་འགྲིབ་པས་ནི་གནོད་པ་དང་། སེམས་མི་བདེ་བའི་མྱ་ངན་དང་ལུས་ངལ་བ་དང་ཤ་ཟ་སོགས་ཀྱིས་གནོད་པ་དང་། རྒྱལ་པོའི་ཆད་པ་དང་མེ་ཆུ་གཅན་གཟན་སོགས་ཀྱིས་འཇིགས་ཤིང་སྐྲགས་པ་དང་ནི་བདེ་བས་ཕོངས་པ་དང་། ར་ཧུ་སོགས་གཟའ་དང་སྨིན་དྲུག་སོགས་རྒྱུ་སྐར་ངན་པ་དང་དྲང་སྲོང་གི་དམོད་པ་སོགས་བྱད་སྟེམས་དང་། མཐུ་ཆེ་བ་སྲིན་པོ་སོགས་མི་བཟད་པའི་གདོན་གྱིས་ཉེན་པ་དང་། སེམས་མྱ་ངན་དང་ལུས་ངལ་དུ་བ་ལས་བྱུང་བ་ཡིས། དབང་པོ་ཉམས་པ་ནས་མྱ་ངན་ངལ་བའི་བར་གྱི་རྟགས་སུ་གྱུར་པའི་རྨི་ལམ་སྡིག་པ་སྟེ་ངན་པ་སྡུག་བསྔལ་གྱི་རྟགས་དཔེར་ན་དེ་བཞིན་གཤེགས་པ་བྱང་ཆུབ་སྙིང་པོར་གཤེགས་ཀར་བདུད་ལ་མྱ་ངན་གྱི་སྔ་ལྟས་རྨི་ལམ་སོ་གཉིས་བྱུང་བར་རྒྱ་རོལ་ལས་གསུངས་པ་ལྟ་བུ་མཐོང་ན་ཡང་། གང་ཟག་དེས་ནི་དེ་བཟློག་པའི་ཐབས་སུ་དཀྱིལ་འཁོར་ཀྱི་ཆོ་ག་རྫོགས་པར་བྱས་ནས་སློབ་དཔོན་གྱིས་བདུད་རྩིའི་བུམ་པས་སློབ་མའི་སྤྱི་བོར་དབང་བསྐུར་ཞིང་ཁྲུས་ཀྱིས་ལུས་ཕྱི་ནང་རབ་ཏུ་བཀྲུས་པའི་གཙང་མ་ཡིས། བྱང་ཆུབ་ཀྱི་སེམས་བསྐྱེད་ནས་མདོ་སྡེ་ ― MR12_Page_0685 ―
[མ་དཔེ་གཟིགས་ན་འདིར་གནོན།]
དམ་པ་འདི་ཉིད་མཉན་པ་དང་བཀླག་པར་གྱིས་ཤིག །ནང་གི་ཁྲུས་ནི་གང་དག་ཆོས་ལ་སེམས་པས་ཡིད་དགེ་བ་འཚེ་བ་མེད་པའི་སེམས་གཡོ་སྒྱུ་སོགས་སྤངས་པས་དང་བའམ་དད་པ་དང་ལྡན་ཞིང་། སྲོག་ཆགས་ཀྱི་རྒྱུ་ལས་མ་བྱུང་བའི་རས་སོགས་གཙང་མའི་གོས་དང་དྲི་ཞིམ་པོའི་མེ་ཏོག་སོགས་ཀྱིས་ལུས་རབ་ཏུ་བརྒྱན་ཏེ་ཞེས་སྔོན་ལ་སྟ་གོན་དུ་གནས་པས། དངོས་གཞི་ཟབ་མོ་རྟོགས་དཀའ་བ་སངས་རྒྱས་ཁོ་ནའི་ཡེ་ཤེས་ཀྱི་སྤྱོད་ཡུལ་དུ་གྱུར་པ། མདོ་སྡེ་འདི་ནི་ཉན་ཅིང་ཀློག་པར་བྱེད་ན། མདོ་སྡེ་ཟབ་མོ་འདི་ཡི་བདེན་པའི་གཟི་བརྗིད་ཀྱིས། སྲོག་ཆགས་དག་ནི་ཐམས་ཅད་ཀྱི་རྒྱུད་ཀྱི་ཉོན་མོངས་པ་དང་། སྡུག་བསྔལ་གྱི་བྱེ་བྲག་དབང་པོ་ཉམས་པ་སོགས་མི་བཟད་པ་ཡི་ནད་འབྲུམ་བུ་ཕོལ་མིག་མཛེ་ལ་སོགས་པ་རྣམས་ཀྱང་བྱང་ཞིང་། དེ་དག་ཐམས་ཅད་ཡོངས་སུ་ཞི་བར་བལྟའོ། །དེའི་འོག་ཏུ་བདེ་བ་ཐོབ་པའི་རྟགས་སྟོན་ཏེ། མཐོང་བའི་ཆོས་འདི་ལའང་ཚེ་རིང་བ་དང་བསོད་ནམས་དག་ཀྱང་འཕེལ་བར་འགྱུར་ཞིང་། ཚེ་རབ་གཞན་གྱི་སྡིག་པ་ཀུན་ལས་ཀྱང་རྣམ་པར་ཐར་བར་འགྱུར་རོ། །ད་ནི་བུམ་པའི་ཆོ་གར་བསྟན་ཏེ། རིན་པོ་ཆེ་དབང་གི་རྒྱལ་པོའམ་མུ་ཏིག་མིག་མེད་སོགས་ནོར་བུ་དང་ཡུངས་ཀར་དང་རྩྭ་དུར་བ་དང་། གསེར་སོགས་རིན་ཆེན་སྣ་ལྔ་བས་སོགས་ཀྱི་སྐྱོན་ནམ་རྨ་མེད་པ་དང་ཙནྡ་གོར་ཤིརྵ་སོགས་དྲི་ཞིམ་པོ་ཅན་བཅས་དང་། ཤེལ་རིགས་དང་རྡོ་རྗེ་ཕ་ལམ་དང་བྱིན་གྱིས་བརླབས་པའི་མེ་ཏོག་སྔོན་པོ་དང་བཅས་པ་རྣམས་ཏེ། འདི་ལ་སློབ་དཔོན་བི་མ་ལས་ནི་ཡུངས་ཀར་སོགས་འབྲུ་ལྔ་གསེར་སོགས་རིན་པོ་ཆེ་ལྔ་ཙནྡན་སོགས་དྲི་ལྔ་ཤེལ་སོགས་སྙིང་པོ་ལྔ་རྣམས་སུ་བཞེད་དོ། །བུམ་པའི་རྒྱུ་ནི་ཛམ་བུའི་ཆུ་ ― MR12_Page_0686 ―
[མ་དཔེ་གཟིགས་ན་འདིར་གནོན།]
ཡི་གསེར་རམ་ཡང་ན་ནི། དངུལ་གྱི་བུམ་པའམ་ཟངས་དག་ཀྱང་རུང་སྟེ་གྲངས་ཀྱང་ལྔའམ་གཅིག་གང་རུང་གསར་པ་དག གཙང་མའི་གོས་རས་ཁ་ཚར་ཅན་གྱིས་དཀྲིས་ཞིང་ལྔ་ཚན་ལྔ་དང་དྲི་ཞིམ་པོའི་ཆུས་ཡོངས་སུ་དགང་ཞིང་དཱུར་བའི་ཁ་རྒྱན་དང་བཅས་མེ་ཏོག་གམ་འབྲུའམ་ཚོན་སྣ་ལྔའི་གདན་ལ་བཞུགས་སུ་གསོལ་ཏེ། སྔགས་ཀྱི་གྲངས་ནི་ལན་གྲངས་ཉི་ཤུ་རྩ་གཅིག་གམ། ཡང་ན་ལན་གྲངས་བརྒྱ་རྩ་བརྒྱད་དུ། རྡོ་རྗེ་རྣམ་པར་འཇོམས་པའི་གཟུངས་བཟླས་ནས་ནི། རྒྱལ་པོ་ཞེས་ཨིནྡྲ་བྷུ་ཏི་ལ་བོས་ནས་གཟུངས་བཟླས་ཏེ་རྟག་ཏུ་ཁྲུས་གྱིས་ཤིག། ཅེས་རྒྱལ་པོ་ནི་ཉེ་བར་མཚོན་པ་ཙམ་སྟེ། ཐོག་མར་བསྙེན་པ་ནས་བརྩམས་དཀྱིལ་འཁོར་དུ་འཇུག་པའི་བར་དུ་གཟུངས་འདི་ཉིད་ཅི་ནུས་པར་བཀླགས་ཤིང་བཟླས་ནས་གཟོད་ཁྲུས་ཀྱི་ཆོ་ག་བྱའོ་ཞེས་པའི་དོན་ཏོ། །རྒྱུད་ཀྱི་མཚན་ནི། སྟོང་ཉིད་ཡེ་ཤེས་ཀྱི་རྡོ་རྗེ་མི་མཐུན་པའི་ཕྱོགས་ཀུན་རྣམ་པར་འཇོམས་པ་དེ་ཉིད་སྔགས་སུ་ཤར་བ་ལའང་མཚན་དེ་ཉིད་ཐོབ་པས་ཞེས་བྱ་བའི་གཟུངས་ཏེ་སྒྲུབ་པོ་རྣམས་ཀྱིས་མི་བརྗེད་པར་དྲན་པས་ན་དེ་སྐད་བྱ་སྟེ་དེ་ལྟ་བུའི་གཞུང་མཆན་གྱིས་ལེགས་པར་གསལ་བ་བྱས་པ་རྫོགས་སོ། །གཟུངས་འདིར་ཅུང་ཟད་འདྲ་མིན་རེ་ཟུང་འདུག་ཀྱང་། མཁན་ཆེན་དང་སློབ་དཔོན་པདྨ་བི་མ་ལ་སངས་རྒྱས་གསང་བ་སོགས་ཀྱི་རྒྱ་འགྲེལ་བཅུ་དང་བསྟུན་ནས་བདག་མི་ཕམ་པས་དག་པར་བགྱིས་པས་ཕྱིན་ཆད་ཡིད་རྟོན་གྱི་གནས་སོ། །རྣམ་འཇོམས་ལས་ཚོགས་ཡེ་ཤེས་རྡོ་རྗེས་མཛད་པ་ནས་ཉེར་མཁོ་ཅི་རིགས་བྲིས་པ་ནི། ཚེས་ཉེར་གསུམ་ལ་རྣམ་འཇོམས་སྔགས་བརྗོད་དཀྱིལ་འཁོར་མདུན་མཆོད་པ་བྱས་ན་རྨི་ལམ་དུ་ ― MR12_Page_0687 ―
[མ་དཔེ་གཟིགས་ན་འདིར་གནོན།]
དགེ་མི་དགེ་སྟོན། མར་ལ་ལན་བརྒྱ་རྩ་བརྒྱད་བཟླས་ཏེ་བྱིན་ན་སྦྲུམ་མ་བུ་སྐྱེ་ཁ་ལ་བདེ་བར་བཙའ་ཐུབ། བདུག་པ་སྣ་ཚོགས་ལ་ཉེར་གཅིག་བཟླས་པས་བདུག་ན་བྱིས་པ་གདོན་ལས་གྲོལ། སྦྱིན་སྲེག་གི་ཐལ་བ་ལ་ཉེར་གཅིག་བཟླས་གཏོར་ན་རྐུན་མ་སྲུང་། གོས་ཀྱི་མཐར་མདུད་པ་བདུན་ལ་སྔགས་ལན་བདུན་བརྗོད་པས་བདག་སྲུང་། སྤྱི་བོར་སྐྲར་མདུད་པར་སྔགས་བདུན་བརྗོད་པས་གཞན་སྲུང་། ཡུངས་ཀར་ལ་བདུན་བསྔགས་ཏེ་གཏོར་ན་སྟག་གི་འཇིགས་པ་སྲུང་། ཕུར་བུར་བརྒྱ་རྩ་བརྒྱད་བཟླས་ཞིང་དཀྱིལ་བཏབ་ན་ཞིང་སྲུང་། ཤིང་སོར་བཅུ་གཉིས་པ་ལ་མེ་བཏང་ནས་འབྲས་དང་འོ་ཐུག་ཞོ་དང་སྦྲང་རྩི་མར་གྱིས་བསྲེག་བླུགས་ཞག་གསུམ་དུ་སྟོང་བརྒྱ་རྩ་བརྒྱད་བྱས་ན་བདག་ཞི་བ་བྱེད་པར་འགྱུར། དེ་ལྟར་ཞག་བདུན་བྱས་ན་གྲོང་ཁྱེར་དུ་ཡང་ཞི་བར་བྱེད། མངར་གསུམ་སྦྱིན་སྲེག་ཞག་གསུམ་བྱས་ན་ཆར་འབེབ། དཱུར་བའི་ཉག་མ་ཞོ་དང་སྦྲང་རྩི་མར་ལ་བསྙུགས་ཏེ་སྦྱིན་སྲེག་སྟོང་ཕྲག་རྩ་བརྒྱད་ཞག་བཅུར་བྱས་ན་དུས་མིན་འཆི་བ་ཞི། དཱུར་བའི་སྦྱིན་སྲེག་ལན་གསུམ་བྱས་ན་ཚེ་ལོ་སྟོང་ཕྲག་ལྔ་ཐུབ། སློང་མོའི་ཟས་ཟ་ཞིང་འབུམ་གཅིག་བཟླས་ལ་ཟླ་བ་གཟས་ཟིན་པའི་ཚེ་བ་ནག་མོའི་འོ་མར་ལན་རྩ་བརྒྱད་བཟླས་ནས་འཐུང་ངམ་བྱུག་ན་བཅུད་ལེན་དུ་འགྱུར། ལོ་ལེགས་ཤིང་བུ་ཚ་འཕེལ་བར་འདོད་པས་ཞོའི་སྦྱིན་སྲེག་བརྒྱ་རྩ་བརྒྱད་བྱས་པས་འགྲུབ། རྨ་བྱའི་མཇུག་མར་སྟོང་བརྒྱ་རྩ་བརྒྱད་བཟླས་ཏེ་བྱབས་ན་དུག་ཀུན་ཞི། སྐུད་པར་མདུད་པ་བདུན་བྱས་ལ་ལན་བརྒྱ་རྩ་བརྒྱད་བསྔགས་པ་མགུལ་དུ་བཏགས་ན་རིམས་སྲུང་། ལམ་དུ་ཞུགས་ཚེ་རྡོ་རྗེ་ཅན་ལ་དམིགས་ཏེ་ལན་གསུམ་བརྗོད་ན་ ― MR12_Page_0688 ―
[མ་དཔེ་གཟིགས་ན་འདིར་གནོན།]
ཆོམ་རྐུན་མི་འབྱུང་། གྲུ་ལ་བརྒལ་ཚེ་ཆུ་ལ་ལན་བདུན་བརྗོད་ནས་ཆུ་ནང་གཏོར་ན་བདེ་བར་བརྒལ། ཡུངས་ཀར་ལ་སྟོང་བརྒྱ་རྩ་བརྒྱད་བཟླས་ཏེ། ཕ་རོལ་གྱི་དམག་མི་ཡོད་ཕྱོགས་དང་། དམག་གི་མགོ་ལ་གཏོར་ན་རང་དམག་ལས་རྒྱལ་མདའ་སྔོན་པོ་སྟོང་བརྒྱ་རྩ་བརྒྱད་བཟླས་ལ་ཕ་རོལ་དམག་གི་སར་འཕང་ན་ཕ་རོལ་གྱི་མཚོན་ཆའི་ནུས་པ་ཉམས། ཡིད་ལ་བཟླས་བརྗོད་བརྒྱ་རྩ་བརྒྱད་བྱས་ན་ཆོམ་རྐུན་རྣམས་ནུས་མེད་དུ་འགྱུར། ལྕགས་ཕུར་ལ་ལན་སྟོང་བཟླས་ནས་དུར་ཁྲོད་དུ་བཙུག་ན་མི་མ་ཡིན་ཐམས་ཅད་ཀྱིས་གནོད་པ་བྲལ་ཞིང་ཁ་འཆིང་། དེ་ཉིད་ཕྱུངས་ན་མཐོང་བར་ངེས་སོ། །མཚམས་བཅད་པར་ཡུངས་ཀར་རམ། དུར་ཐལ་ལམ། ཆུས་བྱའོ། །ནད་པར་གདོན་དབབ་པར་གུ་གུལ་ལ་ཉེར་གཅིག་བཟླས་ཏེ་བདུག །ཆར་བབ་དཀའ་ན་མངར་གསུམ་དང་ཁྲག་སྦྱར་བའི་སྦྱིན་སྲེག་སྟོང་བརྒྱ་རྩ་བརྒྱད་བྱ། ཆར་བཅད་ན་མངར་གསུམ་དཀར་དང་སྦྱར་བའི་སྲེག་བླུག་བྱའོ། །སེར་བ་བཅད་འདོད་ན་ཡུངས་ཀར་དང་ཏིལ་ནག་ལ་བཟླ། སྤྲིན་བསྡུ་བར་འདོད་ན་སྲིན་བལ་གྱི་མདུད་པ་ལ་བཟླས་སོ་ཞེས་བཤད་དོ། །མཆན་འདི་ལྕགས་སྤྲེལ་ལོར་ཐམས་ཅད་མཁྱེན་པ་མི་ཕམ་རྒྱ་མཚོའི་ཕྱག་བྲིས་ལས་ཞེ་ཆེན་རི་ཁྲོད་དུ་ཞལ་བཤུས་ཤིང་སློབ་དཔོན་པདྨ་འབྱུང་གནས་ཀྱིས་མཛད་པའི་རྡོ་རྗེ་སྒྲོན་མ་དང་། བཱི་མ་མི་ཏྲའི་རྣམ་བཤད་གཉིས་དང་བསྟུན་ཏེ་ཞུས་ཤིང་གཏན་ལ་ཕབ་པའོ། །འདིས་ཀྱང་རྒྱལ་བསྟན་ཀུནྡའི་ཚལ། །སྲིད་མཐའི་བར་དུ་ཆེར་རྒྱས་ཤིང་། །རྒྱལ་བ་ཀུན་གྱི་ཐུགས་རྡོ་རྗེ། །མཁའ་ཁྱབ་འགྲོ་འདིས་ཐོབ་གྱུར་ཅིག །མངྒ་ལཾ།། །། བྱ་སྤྱོད་ཀྱི་སྔགས་བསྒྲུབ་པའི་ཚུལ་གནད་མདོར་བསྡུས།― MR12_Page_0689 ―
[མ་དཔེ་གཟིགས་ན་འདིར་གནོན།]
བྱ་སྤྱོད་ཀྱི་སྔགས་བསྒྲུབ་པའི་ཚུལ་གནད་མདོར་བསྡུས་བཞུགས་སོ། ། ― MR12_Page_0690 ―
[མ་དཔེ་གཟིགས་ན་འདིར་གནོན།]
འཕགས་པ་འཇམ་དཔལ་དང་རྡོ་རྗེ་འཛིན་པ་ལ་ཕྱག་འཚལ་ལོ། །བྱ་སྤྱོད་ཀྱི་སྔགས་སྒྲུབ་པའི་ཚུལ་གནད་མདོར་བསྡུས་བཤད་པ་ལ། དང་པོ་འཇུག་པའི་སྤྱོད་པ་དཀྱིལ་འཁོར་དུ་ཞུགས་ཤིང་དབང་ནོད་ལ་དམ་ཚིག་ཚུལ་བཞིན་བཟུང་བའི་སྒྲུབ་པ་པོས། ཆོ་གའི་ཡན་ལག་མ་ཉམས་པར་སྔོན་དུ་མཚན་མ་དུས་གྲངས་ཀྱི་བསྙེན་པ་ལེགས་པར་བྱས་ཤིང་། ཇི་སྐད་གསུངས་པའི་བརྟུལ་ཞུགས་དག་ཀྱང་སྤྱད་པར་བྱའོ། །དེ་ནས་སྒྲུབ་པའི་སྤྱོད་པ་ལ་བརྩམ་པར་བྱ་སྟེ། དེ་ཡང་སྒྲུབ་པའི་གནས་དང་དུས་དང་གྲོགས་དང་ཡོ་བྱད་རྣམས་ལེགས་གྲུབ་སོགས་ལས་ཇི་སྐད་གསུངས་པའི་མཚན་ཉིད་དང་ལྡན་པར་བྱས་ལ། གང་དུ་ལྷ་དེ་དག་གི་དཀྱིལ་འཁོར་ལེགས་པར་བྱ་སྟེ། དེ་ཡང་སྔར་མ་དུལ་བའི་ས་ཡིན་ན་བརྟག་པ་བྱས་ཤིང་རུང་བར་མཐོང་ན་ས་བསླང་བར་བྱ་ཞིང་། དེར་གསང་བ་སྤྱི་རྒྱུད་ལས་གསུངས་པ། ― MR12_Page_0691 ―
[མ་དཔེ་གཟིགས་ན་འདིར་གནོན།]
དྲང་སྲོང་གནས་དང་བ་ལང་ལྷས། །ཕུག་དང་རི་ཡི་རྩེ་མོ་དང་། །ས་གཞི་གང་ན་འཐས་པ་དང་། །ཁང་ཐོག་དང་ནི་རྡོ་ལེབ་དང་། །མཆོད་རྟེན་དྲུང་དང་འབབ་ཆུའི་གླེང་། །མཚོ་རྣམས་ཀྱི་ནི་འགྲམ་དག་ཏུ། །ས་གཞི་སྦྱང་ཞིང་བརྟག་པ་དང་། །ནན་ཏན་དུ་ནི་བྱ་མི་དགོས། །དེར་ནི་ཟུག་རྔུ་དབྱུང་མི་དགོས། །འཐས་པར་བཅག་ཀྱང་མི་དགོས་ཏེ། །མཐོ་དམན་ལ་སོགས་སྐྱོན་རྣམས་ཀྱང་། །དེར་ནི་དོགས་པ་བསྐྱེད་མི་དགོས། །ཞེས་པ་ལྟར་དམིགས་བསལ་ཅན་འདི་རྣམས་མ་གཏོགས་གཞན་དུ་དཀྱིལ་འཁོར་གང་དུ་བྱ་བ་དེར་ལྟོ་འཕྱེ་བརྟག་ལ་ས་ཁྲུ་གང་རྐོ། དེར་ས་དཀར་པོ་བྱུང་ན་ཞི་བ། སེར་པོ་རྒྱས་པ། དམར་པོ་དབང་། ནག་པོ་དྲག་པོའི་ལས་ལ་ཤིས། ཁྲུ་གང་བརྐོས་པའི་ས་དེ་ཉིད་སླར་དོང་དེ་ཉིད་དུ་བླུག་པས། ཁ་ད་ཚད་དུ་གང་ན་བཟང་། ལྷག་པོ་བྱུང་ན་མཆོག་ཏུ་བཟང་། མ་གང་ན་ངན་པས་སྤང་། རྭ་དང་རུས་པ་ ― MR12_Page_0692 ―
[མ་དཔེ་གཟིགས་ན་འདིར་གནོན།]
སོགས་བྱུང་ན་ངན། དེ་ལྟར་ས་པྲ་བརྟག་ཅིང་། དེར་སའི་ཟུག་རྔུ། རྭ་དང་རུས་པ། ཐལ་བ། གྱོ་མོ། རྡོ་དང་སྡོང་དུམ་གཟེག་མ་ཚེར་མ་སྐྲ་ཤད་བོང་བ་ཕུབ་མ་སོགས་རད་རོད་དུ་གྱུར་བ་ཐམས་ཅད་ས་ཡི་ཟུག་རྔུ་ཡིན་པས་ལེགས་པར་དབྱུང་ལ་གྲོག་སྦུར་སྲིན་བུ་སྲོག་ཆགས་བསལ་ཏེ་མེད་པར་བྱས་ནས་ས་གཙང་མ་རྣམས་དོང་དེར་སླར་བླུགས་ལ་ཐོ་བས་རད་རོད་རྣམས་བཅག་སྟེ་ཤིན་ཏུ་འཐས་པར་བཅག་ཅིང་། བ་གཅིན་གྱིས་ཆག་ཆག་གདབ་ནས་མེ་ལོང་གི་ངོས་ལྟར་མཉམ་པ་ཅུང་ཟད་ཤར་དང་བྱང་དུ་གཞོལ་བ་ཙམ་བྱས་བ་ལང་གི་ལྕི་བ་ཆུར་སྦྱར་བས་ཤར་ནས་བརྩམས་སྟེ་ཁྱབ་པར་བྱུག །དེའི་དཀྱིལ་དུ་ཁུང་བུ་ཅུང་ཞིག་བརྐོས་པར་འབྲུ་རྣམས་དང་རིན་པོ་ཆེ་ཀུན་ལྷ་དེའི་སྔགས་ཀྱིས་བཏབ་སྟེ་ཨོཾ་ཧཱུྃ་ཏྲཱཾ་ཧྲཱིཿཨཱཿ ཞེས་པས་སྔགས་ཀྱང་རུང་། གཞུག་པ་ནི་གཏེར་སྦ་བའོ། །ཟུག་རྔུ་དབྱུང་མི་ནུས་པ་ཡོད་ན་གསང་སྔགས་ཁོ་ནས་སྦྱངས། དེ་ཡང་གཉུག་མར་གནས་པའི་གཞིར་ས་ལ་ལག་པས་བྲིམས་ཞིང་སྔགས་བཟླས་པས་སྦྱོང་ངོ་། །བརྟན་པར་གྱུར་པའི་ལས་རྣམས་དང་གདོན་ཚར་གཅོད་པ་སོགས་དྲག་ཤུལ་གྱི་ལས་ལའང་ས་བརྟག་མི་དགོས་པར་གསུངས། དེ་ནས་ལས་སྔགས་ཀྱི་དྲི་ཆུས་བསད་གཏོར་བྱ། ལག་གཡས་ས་ལ་བྲིམ་སྟེ་སྔགས་བཟླས་པས་སྲུང་ཞིང་བློས་དཀྱིལ་འཁོར་གྱི་གཞི་ཉིད་དུ་ས་ཡོངས་སུ་བཟུང་བར་བྱའོ། །ལས་ཐམས་ཅད་པའི་སྔགས་ནི་རྒྱལ་བའི་རིགས་ལ་འཁོར་ལོས་སྒྱུར་བའི་ཡི་གེ་གཅིག་པ་བྷྲཱུྃ། པདྨའི་རིགས་ལ་རྟ་མགྲིན་གྱི་ཡི་གེ་བཅུ་པ། རྡོ་རྗེའི་རིགས་ལ་གནོད་མཛེས་ཀྱི་ཧཱུྃ་བཞིའམ། ཡང་ན་ཐམས་ཅད་ལ་ཡང་བདུད་རྩི་འཁྱིལ་བས་བྱའོ། །དེ་ནས་སྟ་གོན་ལ་ལྷ་དང་བུམ་པ་སློབ་མ་སྟ་གོན་གསུམ་ལས། དང་པོ་ལྷ་སྟ་གོན་བྱ་བའི་སྔོན་ ― MR12_Page_0693 ―
[མ་དཔེ་གཟིགས་ན་འདིར་གནོན།]
དུ་སློབ་མ་རྣམས་ཀྱིས་སློབ་དཔོན་ལ་དཀྱིལ་འཁོར་བཞེངས་པར་གསོལ་བ་གདབ་པར་བྱ་བ་ནི་རྒྱས་པར་གཞན་ལས་གསུངས་པའམ། བསྡུ་ན་འཇམ་དཔལ་རྩ་རྒྱུད་ལས། སློབ་དཔོན་དང་ལྷན་ཅིག་འཇམ་དཔལ་གཞོན་ནུར་གྱུར་པའི་དམ་ཚིག་ལ་རྗེས་སུ་འཇུག་པར་འཚལ་ན། སློབ་དཔོན་གྱིས་བདག་ཅག་རྣམས་ལ་ཐུགས་བརྩེ་བའི་སླད་དུ་ཕན་པའི་ཐུགས་དང་བརྩེ་བའི་ཐུགས་ཀྱིས་དཀྱིལ་འཁོར་དམ་པ་དེ་བཤད་དུ་གསོལ། ཞེས་པས་གསོལ་བ་བཏབ་པ་འདི་སོ་སོའི་ལྷ་གང་ཡིན་ལ་ཁ་བསྒྱུར་བྱས་ཏེ་གསོལ་བ་བཏབ། དཀྱིལ་འཁོར་ལ་ལར་གསོལ་གདབ་དེ་མེད་པ་ཡང་ཡོད་དོ། །དེ་ནས་དཀྱིལ་འཁོར་གྱི་ལྷ་གནས་སུ་དྲི་བཟང་གི་ཐིག་ལེ་དང་མེ་ཏོག་གི་ཚོམ་བུ་བཀོད་པར་སྐད་ཅིག་གིས་རྟེན་དང་བརྟེན་པའི་ལྷ་རྣམས་གསལ་བཏབ་ལ། འདི་ཞེས་བྱ་བའི་བཅོམ་ལྡན་འདས། རིགས་སྔགས་རྒྱལ་ལ་ཕྱག་འཚལ་ལོ། །ཞེས་སོགས་གསང་བ་སྤྱི་རྒྱུད་ལས་གསུངས་པ་ལན་གསུམ་གྱིས་དཀྱིལ་འཁོར་འབྲི་བར་གསོལ་བ་བཏབ། ཕྱག་རྒྱས་བསྟོད་ནས་གཤེགས་སུ་གསོལ་བར་བྱའོ། །བུམ་པ་སྟ་གོན་ནི་རྣམ་རྒྱལ་བུམ་པ་དང་ལས་བུམ་གཉིས་བཀྲུ་ཞིང་ལྷའི་ཕྱག་མཚན་བྲིས་པ་ལྷ་སོ་སོའི་མདོག་མཐུན་དར་གྱི་མགུལ་ཆིང་སྲོག་ལྔ་པ་བྱ། བདུད་རྩི་འཁྱིལ་པ་སོགས་ལས་ཐམས་ཅད་པའི་སྔགས་བཟླ་ཞིང་གུ་གུལ་གྱིས་བདུག །ཡུངས་དཀར་གྱིས་བྲབས་ཏེ་བགེགས་བསལ། ཆུ་གཙང་མ་ལྔ་ཚན་ལྔའི་རྫས་བཅས་བླུག །ཤིང་འབྲས་ལྡན་ནམ་ཀུ་ཤ་རློན་པས་ཁ་རྒྱན་བྱས་པ་གདན་གཙང་མར་བཞག །དུང་ཆོས་སུ་དྲི་བཟང་གི་ཆུ་འོ་མར་བཅས་པ་རྣམ་བུམ་སྟེང་དུ་བཞག །དེ་སྟེང་ལས་ཀྱི་རྡོ་རྗེ་ ― MR12_Page_0694 ―
[མ་དཔེ་གཟིགས་ན་འདིར་གནོན།]
གཟུངས་ཐག་བཏགས་པ་བཞག །རང་ལྷའི་ང་རྒྱལ་དང་ལྡན་པས་ལས་སྔགས་བཟླ་ཞིང་། ལས་ཀྱི་རྡོ་རྗེས་ཀུ་ཤའི་ཆུན་བོས་བསང་ཆུ་འཐོར་བས་བུམ་པའི་བགེགས་བསལ། སྭ་བྷཱ་བས་སྟོང་པར་སྦྱངས། སྟོང་བའི་ངང་ལས་པྃ་ལས་པདྨ་དང་ཨ་ལས་ཟླ་བའི་སྟེང་དུ་རིན་པོ་ཆེའི་བུམ་པ་མཚན་ཉིད་ཡོངས་སུ་རྫོགས་པ་ཡངས་ཤིང་རྒྱ་ཆེ་བའི་དབུས་སུ་ལྷའི་དཀྱིལ་འཁོར་ཡོངས་རྫོགས་བསྐྱེད་པ་རྣམ་བུམ་དང་། ལས་བུམ་དུ་སོ་སོའི་ལས་ཀྱི་ཁྲོ་བོའམ། ཡང་ན་སྤྱིར་བདུད་རྩི་འཁྱིལ་པ་ལྗང་ཀུ་ཞལ་གཅིག་ཕྱག་གཉིས་གཡས་རྡོ་རྗེ་རྒྱ་གྲམ་དང་གཡོན་དེས་ཡུ་བ་བྱས་པའི་དྲིལ་བུ་བསྣམས་པ་བསྐྱེད་ལ་གནས་གསུམ་བྱིན་གྱིས་བརླབས། ཡེ་ཤེས་པ་གཞུག །དབང་བསྐུར་ཏེ་མཆོད་པར་བྱའོ། །དེ་ནས་གཟུངས་ཐག་བཟུང་ལ་སྔགས་བཟླ་བའི་ཚེ་བདག་གི་ཞལ་ནས་འོད་དམར་པོ་བྱུང་བ་གཟུངས་ཐག་ལ་འཁྲིལ་ཏེ་སོང་བ་བུམ་པའི་ལྷ་ལ་ཕོག །དེ་ཐམས་ཅད་དམར་ལམ་ལམ་སོང་ནས་བདག་གི་དབང་དུ་འདུས་ཤིང་བ་སྤུའི་བུ་ག་ནས་བདུད་རྩིའི་རྒྱུན་བབ་པས་བུམ་པ་གང་བར་བསམ་ལ། ལྷ་བུམ་ལ་ལྷ་དེའི་སྔགས་དང་། ལས་བུམ་ལ་སོ་སོའི་ལས་ཐམས་ཅད་པའི་སྔགས་སམ། ཨོཾ་ཨ་མྲྀ་ཏེ་ཧཱུྃ་ཕཊ། ཅེས་བརྒྱ་རྩ་བརྒྱད་སོགས་བཟླས། མཐར་ཡེ་ཤེས་པ་ལ་མཆོད་ཅིང་བསྟོད་ནས་གཤེགས་སུ་གསོལ། དུང་ཆོས་ཀྱི་ཆུ་ཐིག་པ་རེ་བུམ་པའི་ནང་དུ་བླུག་པས་དམ་ཚིག་པ་འོད་དུ་ཞུ་ནས་བུམ་པའི་ཆུ་དང་གཉིས་སུ་མེད་པར་བསམ་མོ། །དེ་ནས་དཀྱིལ་འཁོར་གྱི་རྫས་ཐང་སྐུ་སོགས་དང་། བུམ་པ་སོགས་ཞལ་ཁེབ་བཀབ་སྟེ་བཞག་ལ། བར་ཆད་ཞི་བའི་གཏོར་མ་དང་། ཞི་བའི་སྦྱིན་སྲེག་མདོ་བཀླག་པ་རྣམས་གྲུབ་ན་བྱའོ། །སློབ་མ་སྟ་གོན་ནི་ཀུ་ཤ་དཔུང་སྐུད་ ― MR12_Page_0695 ―
[མ་དཔེ་གཟིགས་ན་འདིར་གནོན།]
སོ་ཤིང་སོགས་འདུ་བྱས་ལ། བདག་གི་རྣལ་འབྱོར་བཟླས་པ་བཅས་རྫོགས་ནས། སློབ་མ་དཀྱིལ་འཁོར་དུ་གཞུག་ཅིང་སྲུང་སྐུད་གདགས་པ་སོགས་དབང་ཆོག་རྣམས་ནས་འབྱུང་བ་ལྟར་བྱ་སྟེ། དཀྱིལ་འཁོར་བཞེངས་ཟིན་ནས་དེར་སློབ་མས་དབང་བསྐུར་བའི་དུས་སུ་དགོས་ཀྱི་སྐབས་འདིར་དགོས་པ་མ་ཡིན་ནོ། །སློབ་མ་ཡོངས་སུ་བཟུང་བ་གང་སྟ་གོན་གྱི་ཚེ་མེད་ན་དེའི་གཟུགས་བརྙན་བྱས་ནས་ལས་བྱ་བ་དང་། རྐྱེན་འགས་དེ་ཚེ་མ་འོང་ན་དེའི་ཚབ་དུ་གཞན་བཞག་པར་སྤྱི་རྒྱུད་ལས་གསུངས་ལ་ལར་སློབ་དཔོན་སློབ་མར་བཅས་པས་སྤོས་ཐོགས་ཏེ་དཀྱིལ་འཁོར་ལ་བསྐོར་བ་བྱེད་པ་སོགས། གཞུང་གཞན་ནས་བཤད་པའི་སྒེར་ཆོས་རྣམས་དེ་དག་སོ་སོའི་སྐབས་སུ་བྱ་ཡི། དེ་གཞན་ཀུན་ལ་སྦྱར་བར་མི་བྱ་ཞེས་རྒྱུད་དེ་ལས་གསུངས་སོ། །དེ་ལྟར་སྟ་གོན་བྱས་ནས་དེའི་ཕྱིར་ནང་ཐིག་གདབ་པར་བྱ་སྟེ། ཐིག་གི་རྒྱུ་ནི་རིན་པོ་ཆེའམ། འབྲས་སཱ་ལུ་བཏགས་པའི་ཕྱི་མ་སོགས་རིགས་ལྔར་མོས་པ་དང་སྔགས་ཙམ་གྱིས་བརླགས་ལ། ཐོག་མར་ཐིག་སྐུད་ཡེ་ཤེས་ལྔ་ལྡན་དུ་མོས་པས། དང་པོ་སློབ་དཔོན་གྱིས་ཁ་ཤར་དུ་བསྟན། ཐིག་སྣེ་འཛིན་པ་ཁ་ནུབ་དུ་བལྟས་ཏེ། ཤར་ནུབ་ཀྱི་ཚངས་ཐིག་བཏབ། དེ་བཞིན་བྱང་དང་ལྷོར་བལྟ་བས་ཐིག་གཉིས་པ་གདབ། དེ་ནས་མཚམས་བཞིའི་མེ་རླུང་། དབང་སྲིན་གྱི་ཐིག་གདབ། དེའི་སྐབས་སུ། ཐིག་སྐུད་ཆད་ན་སློབ་དཔོན་འཆི། དམན་དང་ལྷག་པས་ནད་དུ་འགྱུར། བསྐོར་ཕྱོགས་འཁྲུལ་ན་སློབ་མ་རྨོངས། ཞེས་སོགས་གསུངས་པའི་སྐྱོན་རྣམས་སྤངས་ལ་གཞལ་ཡས་ཁང་ལྷ་གནས་དང་བཅས་པའི་ཐིག་ཡོ་འཁྲུལ་མེད་པར་བཏབ་ལ། སྐབས་ ― MR12_Page_0696 ―
[མ་དཔེ་གཟིགས་ན་འདིར་གནོན།]
འདིར་བྱ་བ་ཐམས་ཅད་གཡས་བསྐོར་འབའ་ཞིག་གི་ཚུལ་དུ་བྱ། ཚོན་དང་པོ་ནང་ནས་ཚོན་ལ་སངས་རྒྱས་བྱང་སེམས་བསྐྱེད་བསྟིམ་བྱས་ལ། བཀྱེ་སྟེ། ཐོག་མར་རྩིག་པའི་ཚོན་དཀར་པོ་བཀྱེ། དེ་ཡང་དང་པོར་བྱང་ཤར་ནས་བརྩམ་སྟེ། རྡོ་རྗེ་ཁུ་ཚུར་རམ་ལྕགས་ཀྱུའི་ཕྱག་རྒྱའམ། སྣོད་ཀྱི་ཕྱག་རྒྱའམ། རིག་བྱེད་འདོན་པའི་ལག་པས་རིམ་པས་གཡས་བསྐོར་བར་མ་ཆད་པས་སྦོམ་ཕྲ་སོགས་མི་སྙོམས་པ་མེད་པར་གདབ། ཚོན་དཀར་པོ་བཀྱེ་ཟིན་པའི་འོག་ཏུ་དམར་པོ། སེར་པོ། ལྗང་གུ་དང་། ཀུན་གྱི་ཐ་མར་ནག་པོ་གདབ། ལྷ་གནས་སུ་སྐུ་གཟུགས་རྫོགས་པའམ། ཕྱག་མཚན་ཕྱག་རྒྱའམ། གདན་ཚོན་སྤུངས་སམ་ཐིག་ལེ་གང་རུང་བཀོད། སྐུ་བྲིས་ན་གཟུགས་ཡོངས་སུ་མ་རྫོགས་ན་ཉེས་པ་འབྱུང་བས་འགོར་ཕྱིར། ཕྱག་རྒྱ་བྲིས་ནའང་འཚོམ་མོ། །དེ་ལྟར་ལེགས་པར་བྲིས་ཚོན་ལྷའི་ཡེ་ཤེས་པ་གཤེགས་ཟིན་ནས། དབུས་སུ་རས་བྲིས་སོགས་རྟེན་ཡོད་ན་བཤམས་ལ། རྣམ་བུམ་ཤར་དང་ལས་བུམ་བྱང་ཤར་བཞག །ཤར་དུ་ཤེར་ཕྱིན། ལྷོར་སྡོང་པོ་བརྒྱན་བཀོད་པ་པ། ནུབ་དུ་དེ་བཞིན་གཤེགས་པའི་གསང་བའི་མདོའམ་ཟླ་སྒྲོན། བྱང་དུ་གསེར་འོད་དམ་པའི་པུ་སྟི་བཞག་ལ། མཆོད་པ་སྣ་ཚོགས་པས་ལྷ་དང་དཀྱིལ་འཁོར་མཆོད་ཅིང་མདོ་དེ་དག་བཀླག་ན་སྲུང་བ་མཆོག་ཏུ་འགྱུར་རོ། །དཀྱིལ་འཁོར་དེའི་ཕྱི་རོལ་དུ་མཆོད་སྟེགས་བྱས་པ་ལ་ཤར་དུ་དེ་བཞིན་གཤེགས་པའི་རིགས། བྱང་དུ་པདྨ། ལྷོ་རྡོ་རྗེའི་རིགས།ནུབ་ཏུ་འཇིག་རྟེན་པ་རྣམས་ཀྱི་མཆོད་པ་བཤམས་ཤིང་འབུལ། མཆོད་པའི་གོ་རིམ་དང་པོར་དྲི། དེ་ནས་མེ་ཏོག བདུག་སྤོས། ལྷ་བཤོས་དང་། ཀུན་གྱི་ཐ་མར་མར་མེ་འབུལ་བར་གསུངས། དེ་ལྟར་དཀྱིལ་འཁོར་དང་མཆོད་པའི་རྫས་རྣམས་ ― MR12_Page_0697 ―
[མ་དཔེ་གཟིགས་ན་འདིར་གནོན།]
བཤམས་པ་གྲུབ་ནས། བདག་ཉིད་དཀྱིལ་འཁོར་དེའི་མདུན་དུ་འདུག་སྟེ། སྐྱབས་སེམས་དང་། ཚོགས་བསགས། ཕྱོགས་བཅིངས་པ་ལྟ་བ་སྒོམ་པ་རྣམས་སོ་སོའི་ཆོ་ག་ཇི་ལྟར་གཞུང་བསྲིངས་ལ་བཟླས་པ་ཅི་འགྲུབ་བྱ། སྐབས་སུ་བྱ་སྤྱོད་དང་མཐུན་པའི་བསང་ཆུ་བསྒྲུབ་པ་ནི། དུང་ཕོར་དུ་དྲི་བཟང་དང་སྦྱར་བའི་ཆུ་བཞག་ལ། སྭ་བྷཱ་བའི་སྤྱང་། སྟོང་པའི་ངང་ལས་ཤཾ་ལས་བྱུང་བའི་དུང་དོར་ཆེན་གསུང་བསྡུར་རྒྱུད་པ་བལྟ། ཕོར་མཚན་ཉིད་ཡོངས་སུ་རྫོགས་པའི་ནང་དུ་ཧཱུྃ་ལས་བྱུང་བའི་ལྷ་རྫས་ལས་གྲུབ་པའི་བསང་ཆུ་མ་དག་པ་ཐམས་ཅད་སེལ་བའི་ནུས་པ་དང་ལྡན་པར་བསམ་ལ། དཀྱིལ་འཁོར་གང་ཡིན་དེའི་གཙོ་བོའི་སྙིང་པོ་ཉེར་གཅིག་དང་། ལས་ཐམས་ཅད་པའི་སྔགས་བརྒྱ་རྩ་བརྒྱད་བཟླས་པས་བྱིན་གྱིས་བརླབས་ལ། དེ་ནམ་དགོས་སུ་ཀུ་ཤའི་འཐོར་གཡབ་ཀྱིས་བསང་གཏོར་བྱ་བ་ཡིན་ནོ། །དེ་ཡང་མཆོད་པ་ནི་ཐུན་གྱི་མཐའ་སོགས་དང་། དུས་ནམ་ནམ་བྱེད་པ་བྱུང་ན་མཆོག་ཏུ་ལེགས་ཤིང་། ཚེས་བརྒྱད་བཅུ་བཞི་བཅོ་ལྔ་དང་། །ཆོ་འཕྲུལ་གྱི་ནི་ཟླ་ཕྱེད་ལ། །ཁྱད་པར་དུ་ཡང་མཆོད་པ་བྱ། །ཞེས་རྒྱུད་ལས་གསུངས་སོ། །མཆོད་པའི་རྫས་ནི། གཏོར་མ་ལ། སྒོག་པ་དང་ལ་ཕུག་སོགས་དང་། རོ་ཁ་བ་དང་། རོ་མེད་པ་སྤངས་ཏེ། འབྲས་ཆེན་དང་། ཧྭགས་ལ་སོགས་པའི་བཟའ་བ་སྣ་ཚོགས་དབྱིབས་བཀྲ་ཤིས་པའི་རྫས་དང་། ངང་པའི་རྒྱལ་པོ་དང་ཁྱིམ་བྱ་ལ་སོགས་པའི་དབྱིབས་སྣ་ཚོགས་ཅན་དང་། རྩ་བ་རྡོག་གུ་འབྲས་བུ་ཆུང་ཕད་སོགས་བཟའ་བ་སྣ་ཚོགས་ཚོད་མར་བཅས་པ། ཐུག་པ་སྐོམ་སོགས་བཏུང་བ་སྣ་ཚོགས་ཏེ། །དེ་ཡང་ཞི་བའི་ལས་ལ་རོ་མངར་བ། །རྒྱས་པར་མངར་སྐྱུར། ― MR12_Page_0698 ―
[མ་དཔེ་གཟིགས་ན་འདིར་གནོན།]
སྣ་ཚོགས་པའི་རོ་གཞན་དྲག་པོ་ལ་བསྔགས། གང་འབྲས་བུ་དང་རྩ་བ་སོགས་མོ་ཡི་མིང་ཅན་ཐམས་ཅད་ལ་རིག་སྔགས་ཀྱི་ལྷ་ལྷག་པར་དགྱེས་པར་གསུངས་པས་དེ་འདྲའི་རིགས་དང་། གྲོ་ལས་བྱས་པའི་ཟས་ཐམས་ཅད་རྒྱས་པའི་ཟས་སུ་འབུལ་བར་གསུངས། སྭ་སྟི་ཨུ་ལོ་སུ་པ་རྣམས། རིགས་གསུམ་ལ་ནི་རིམ་བཞིན་འབུལ། །འཇིག་རྟེན་དག་ན་གང་བཟང་དང་། །རང་ཉིད་གང་ལ་དགའ་བ་སྟེ། །སངས་རྒྱས་ལ་ནི་ཐོག་མར་འབུལ། །ཞེས་གསུངས། གོ་རིམ་ནི་སྔོན་དུ་སྭ་སྟི་འབུལ་བ་སོགས་སུ་གསུངས། གཏོར་མ་སྣ་ཚོགས་པ་དང་། ཇི་སྙེད་པ་མང་དུ་བཤམས་པ་ལ་གཏོར་མ་རྒྱ་ཆེན་ཞེས་བྱའོ། །མེ་ཏོག་ནི་པདྨ་ཨུཏྤལ་སོགས་དྲི་ཞིམ་མདོག་མཛེས་ཡིད་འོང་མཆོད་པར་འོས་པ་ཀུན་དང་། ཁྱད་པར་སྣ་མ་ཀུནྡ་སོགས་བདེ་གཤེགས་རིགས་ལ་འབུལ། ཨུཏྤལ་ཀུ་མུད་པདྨ་སོགས་པདྨའི་རིགས། ཨུཏྤལ་སྔོན་པོ་དང་པྲི་ཡངྐུ་སོགས་རྡོ་རྗེའི་རིགས་ལ་འབུལ། ཡང་དྲི་ཞིམ་མདོག་དཀར་བའི་རིགས་ཞི་བའི་ལས་ལ་འབུལ། སེར་པོ་སྣུམ་བག་ཅན་རྒྱས་པ། དམར་པོ་ཡིད་འོང་དབང་། སྔོ་ནག་དྲི་ངད་ཅན་དྲག་པོའི་ལས་ལ་བསྔགས། རོ་ཡི་དབང་དུ་བྱས་ན་རོ་མངར་བ་ཞི་བ། རོ་ལྡན་སེར་པོ་བཅུད་ལྡན་རྒྱས་པ། མངར་སྐྱུར་ལན་ཚ་དབང་། ཁ་བ་ཚ་བ་དང་སྔོན་པོ་དྲག་པོའི་ལས་ལ་འབུལ། དྲི་ནི་གུར་གུམ་ཙན་དན་ཨ་གར་ག་བུར། ལི་ཤི་ཛ་ཏི་སུག་སྨེ་ལ། ཤུག་པ། རུ་རྟ། རྒྱ་སྤོས་སྤང་སྤོས། ཤིང་ཚ་གླ་སྒང་། པྲི་ཡངྐུ་ཀ་ཀོ་ལ། མཁན་པ། དུ་རུས། ཐང་ཆུ་སོགས་དྲི་ཞིམ་རྣམས་སྤྱི་དང་། བྱེ་བྲག་ཏུ་མེ་ཏོག་གི་རིགས་ཀྱི་སྤོས་ཐང་ཆུ་དང་བཅས་པ་དེ་བཞིན་གཤེགས་པའི་ ― MR12_Page_0699 ―
[མ་དཔེ་གཟིགས་ན་འདིར་གནོན།]
རིགས་ལ་འབུལ། ཤུན་པ་དང་སྙིང་པོའི་སྤོས་རྣམས་པདྨའི་རིགས། རྩ་བ་དང་སྡོང་བུའི་སྤོས་ཀྱི་རིགས་རྣམས་རྡོ་རྗེའི་རིགས་ལའོ། །ཡང་བདེ་གཤེགས་རིགས་ལ་ཨ་ག་རུ་གཅིག་པུ། པདྨར་ཙན་དན་དཀར་པོ་ཁོ་ན།རྡོ་རྗེའི་རིགས་ལ་གུར་གུམ་ཁོ་ན་བཟང་། འདི་དག་ག་པུར་གྱིས་བགོ་བར་བྱའོ། །ཁ་དོག་ཞི་བ་དཀར་པོ་སོགས་རིགས་མཐུན་པའོ། །བདུག་སྤོས་ནི་ཙན་དན་གུར་གུམ་ཨ་གར་སྦྱར་བའི་བདུག་སྤོས་དང་ག་པུར་ལྕེ་པོག་སྲ་རྩི་པོག་གུ་གུལ་དུ་རུ་སྐ་རྣམས་སྦྱར་བའམ། ཡང་ག་བུར་དུ་རུས། ཨ་ག་རུ་གསུམ་སྦྱར་བ་དྲི་ཞིམ་མཆོག་གོ། །གཞན་ཡང་ཙན་དན་དང་བུ་རམ་སྦྱར་བ་སོགས། དྲི་ཞིམ་ཡིད་འོང་གཙང་མའི་སྤོས་སྦྱོར་གྱི་བདུག་པ་འདི་རིལ་བུ་གོང་བུ་ཕྱེ་མ་རེང་བུ་བཞི་གང་འདོད་བྱ། ཁྱད་པར་དུ་ཞི་བར་རིལ་བུ།རྒྱས་པར་གོང་བུ། དྲག་པོར་ཕྱེ་མ། ཐམས་ཅད་དུ་རེང་བུ་ཤིས་གསུངས། ཁ་དོག་ནི་ཞི་སོགས་དང་མཚུངས་པ་བྱུང་ན་ཤིས་སོ། །མར་མེ་ནི་གསེར་དངུལ་སོགས་རིན་པོ་ཆེའི་སྣོད་ནས་ས་སྣོད་གཙང་མའི་བར་གྱི་སྣོད་གང་རུང་གི་ཀོང་བུར། ཤིང་བལ། རས་དཀར།དུ་ཀུ་ལ། གསོ་རས་སོགས་དཀྲིས་པའི་སྙིང་པོ་བྱ། མར་ནི་དྲི་ཞིམ་ཤིང་ལས་བྱུང་བའི་མར་ཞི་བའི་ལས་ཀྱི་དོན་དུ་འབུལ། དེ་བཞིན་ཏིལ་མར་རྒྱས་པ། དྲག་པོར་ཡུངས་མར། ཀུན་ལ་ཟར་མའི་མར། ཤ་ཟ་རྣམས་ལ་ཉ་ཚིལ། གནོད་སྦྱིན་རྣམས་ལ་ཚིལ་བུ། དུར་ཁྲོད་པར་ཚིག་ཆེན་གྱི་མར་མེ་བྱ། ལས་ཐམས་ཅད་ལ་བ་དམར་སེར་གྱི་མ་ར་མཆོག་གོ། །མར་དེ་དག་ཞི་སོགས་ལ་དྲི་ཞིམ་པ། དྲག་པོར་དྲི་ང་བ་བྱ་བར་གསུངས། གཞན་མཆོད་པར་འོས་པའི་རྒྱན་གྱི་རྣམ་ ― MR12_Page_0700 ―
[མ་དཔེ་གཟིགས་ན་འདིར་གནོན།]
གྲངས། རྒྱལ་མཚན་ནི་རྨ་བྱའི་མདོངས་ཀྱི་ཏོག་ཅན་དར་གྱི་འཕྱང་འཕྲུལ་ཅན་ཁ་དོག་སོ་སོ་བ་ཕྱོགས་སོ་སོར་གཟུག་པར་གསུངས་པས་མཚོན་ནས། བ་དན་དང་། བླ་རེ། ལྡ་ལྡི། རྒྱན་ཕྲེང་རོལ་མོ་སོགས་ཇི་ལྟར་འོས་ཤིང་རྙེད་པའི་མཆོད་པ་ཅི་འབྱོར་བར་བྱའོ། །དེ་ཡང་མཆོད་པ་རྣམས། ལས་སྔགས་ཀྱིས་བསང་ཆུས་བྲན་ཏེ་བསངས། སྭ་བྷཱ་བས་སྦྱང་ལ། སྟོང་པའི་ངང་ལས་བྷྭཱུྃ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཨོཾ་འོད་དུ་ཞུ་བ་ལས་བྱུང་བའི་ལྷ་རྫས་ལས་གྲུབ་པའི་མཆོད་ཡོན་ཞབས་བསིལ་མེ་ཏོག་བདུག་སྤོས་མར་མེ་དྲི་ཆབ་ཞལ་ཟས་རོལ་མོ་ལ་སོགས་པ་དྭངས་ཤིང་ཐོགས་པ་མེད་པ་ཟག་པ་མེད་པའི་བདེ་བ་ཁྱད་པར་ཅན་བསྐྱེད་པའི་མཆོད་པ་ཀུན་ཏུ་བཟང་པོའི་རྣམ་པར་རོལ་པས་ནམ་མཁའི་ཁམས་ཐམས་ཅད་གང་བར་གྱུར་པར་བསམ་ལ། ཨོཾ་ཨ་ནུཏྟ་ར་སརྦ་པཱུ་ཛ་མེ་གྷ་ཨུཏྒ་ཏེ་སྥ་ར་ཎ་ཨི་མཾ་ག་ག་ན་ཁཾ་ཧཱུྃ་ཕཊ་སྭཱ་ཧཱ། ཞེས་གསུམ་མམ་བདུན་བརྗོད་པས་བྱིན་གྱིས་བརླབས་ལ། ཐོག་མར་མཆོད་ཡོན་ཕུལ་ཏེ། དད་པ་དང་སྤྱི་རྒྱུད་ལས། ནི་དམ་ཚིག་གིས། ཚུར་གཤེགས་ཚུར་གཤེགས་བཅོམ་ལྡན་འདས། བདག་གི་མཆོད་ཡོན་འདི་ཞེས་ལ། མཆོད་པས་བདག་ལ་དགྱེས་པར་མཛོད། །ཨོཾ་ཨཱ་ཧ་ར་ཨཱ་ཧ་ར་སརྦ་བིདྱཱ་དྷཱ་ར་པཱུ་ཛི་ཏེ་སྭཱ་ཧཱ། ཞེས་དང་། ཕྱག་དང་ཞབས་ནི་བསིལ་ནས། ཨོཾ་ཨཱ་ཧ་ར་སོགས་གོང་བཞིན། དེ་ནས་དྲི་འབུལ་ཏེ། སྤྱི་རྒྱུ། གཙང་ཞིང་གཙང་མ་ལས་བྱུང་བའི། །ལྷ་རྫས་དམ་པའི་དྲི་འདི་དག །བདག་གི་དད་པས་འབུལ་ལགས་ཀྱིས། །བཞེས་ནས་བདག་ལ་དགྱེས་པར་མཛོད། །ཨོཾ་ཨཱ་ཧ་ར་ཨཱ་ཧ་ར་གནྡྷེ་གནྡྷེ་སརྦ་བིདྱཱ་དྷཱ་ར་པཱུ་ཛི་ཏེ་སྭཱ་ཧཱ། མེ་ཏོག་འབུལ་ ― MR12_Page_0701 ―
[མ་དཔེ་གཟིགས་ན་འདིར་གནོན།]
བ་ནི། གཙང་ཞིང་གཙང་མར་སྐྱེས་པ་ཡི། །ལྷ་རྫས་ཀྱི་ནི་མེ་ཏོག་འདི། །བདག་གིས་དད་པས་འབུལ་ལགས་ཀྱིས། །བཞེས་ནས་བདག་ལ་དགྱེས་པར་མཛོད། །ཨོཾ་ཨཱ་ཧ་ར་ཨཱ་ཧ་ར་པུཥྤེ་པུཥྤེ་སརྦ་སོགས་གོང་བཞིན། བདུག་སྤོས་ནི། དྲི་ཡིས་རྒྱས་པ་ལྷ་ཡི་ཟས། །ནགས་ཚལ་བཅུད་ནི་ཡིད་འོང་འདི། །བདག་གིས་སོགས། དྷཱུ་པཾ་དྷཱུྃ་པཾ་སྦྱར་བ་མ་གཏོགས་གཞན་གོང་བཞིན། ལྷ་བཤོས་ནི། སྨན་རྣམས་བཅུད་ནི་ཡིད་གར་འོང་། སྔགས་ཀྱི་ཟས་ཀྱི་བཅུད་འདི་དག །བདག་གིས་སོགས། ནེ་བྱི་ཏེ་ནེ་བྱི་ཏེ་སྦྱར མར་མེ་ནི། གདོན་རྣམས་འཇོམས་ཤིང་བཀྲ་ཤིས་ལ། །དགེ་ཞིང་མུན་པ་རྣམས་སེལ་འདི། བདག་གིས་སོགས ཨོཾ་ཨཱ་ཧ་ར་ཨཱ་ཧ་ར་ཨཱ་ལོ་ཀ་ཡ་ཨཱ་ལོ་ཀ་ཡ་སརྦ་བིདྱཱ་དྷཱ་ར་པཱུ་ཛི་ཏེ་སྭཱ་ཧཱ། གཞན་ཡང་རོལ་མོ་སོགས་མཆོད་པའི་ཚིགས་བཅད་དང་། མཆོད་གཟུངས་རྣམས་སྤྲོ་ན་བྱ། མགོན་པོ་ཐུགས་རྗེ་ཆེ་ལྡན་པ་སོགས་བསྟོད་པ་དང་སྨོན་ལམ་བཅས་ལེགས་གྲུབ་ལས་བྱུང་བ་ལྟར་རམ། ལྷ་དེ་ཉིད་ཀྱི་བསྟོད་པ་རྒྱས་བསྡུས་དང་སྨོན་ལམ་ཅི་རིགས་བྱ།དེ་ནས་བཟླས་པའི་ཕྲེང་བ་ནི། བོ་དྷི་ཙི་རྒྱལ་བའི་རིགས། པདྨའི་སྙིང་པོ་པདྨའི་རིགས། རུ་རཀྴ་རྡོ་རྗེའི་རིགས་སོགས་ལྷ་སོ་སོར་བསྔགས་པའམ། དུང་དང་ཤེལ་སོགས་ཞི་བ། གསེར་དང་སྤོས་ཤེལ་སོགས་རྒྱས་པ། བྱེ་རུ་དང་ཟངས་སོགས་དབང་ལྕགས་དང་ལུང་ཏང་སོགས་དྲག་པོའི་ལས་ཀྱིས་ཕྱེ་བའམ། གཞན་ཡང་ཏ་པའི་འབྲས་བུ། མུ་ཏིག བ་སོ། ནོར་བུ། ས་བོན་སྣ་ཚོགས། ཁམས་ལས་བྱས་པ་སོགས་བགྲང་ཕྲེང་གཟུང་ལ། ཐལ་མོ་སྦྱར་ཏེ་བླ་མར་ཡིད་ཀྱིས་ཕྱག་འཚལ་ ― MR12_Page_0702 ―
[མ་དཔེ་གཟིགས་ན་འདིར་གནོན།]
ནས། རིགས་སྔགས་རྒྱལ་པོ་དྲན་བཞིན། སྔགས་ཀྱི་ནོར་བུ་ཕྲེང་བ་དེ་ལག་གཉིས་ཀྱི་སྙིམ་པར་བཅུག་ནས། ཕྲེང་བ་བྱིན་རླབས་སྔགས་ན་སྔགས་འགྲུབ་པའི་ཐབས་སུ་བྱ་སྟེ། དེ་བཞིན་གཤེགས་པའི་རིགས་ལ། ཨོཾ་ན་མོ་བྷ་ག་ཝ་ཏེ་སིདྡྷི་སཱ་དྷ་ཡ་སཱ་དྷཱ་ཡ་སིདྡྷ་རྠ་སྭཱ་ཧཱ། པདྨའི་རིགས་ལ། ཨོཾ་བ་སུ་མ་ཏི་ཤྲཱི་ཡེ་སྭཱ་ཧཱ། རྡོ་རྗེའི་རིགས་ལ། ཨོཾ་བཛྲ་ཨ་ཛི་ཏཉྫ་ཡེ་སྭཱ་ཧཱ། ཞེས་པས་བརླབ། སྤྲོ་ན་ཕྲེང་བ་སྦྱང་བའི་རིགས་གསུམ་སོ་སོའི་སྔགས་ཀྱང་ལེགས་གྲུབ་ལས་གསུངས་པ་ལྟར་བྱ། གཞན་ཡང་འཇམ་དཔལ་རྩ་རྒྱུད་ལས། ཕྲེང་བ་བྱིན་བརླབས་ཀྱི་སྔགས་སོགས་སོ་སོའི་ཆོ་གར་བྱུང་བ་ཡོད་ན་དེ་ལྟར་བྱ། སྤྱི་ལ། ཨོཾ་རུ་ཙི་ར་མ་ཎ་པྲ་ཝརྡྡྷ་ནཱ་ཡ་སྭཱ་ཧཱ། ཞེས་པའི་ཕྲེང་སྔགས་ཀྱིས་ཆོག་པར་བླ་མ་དག་བཞེད། དེ་ཡང་ཕྲེང་བ་དེ་ཞི་བར་མཐེབ་མཛུབ་ཀྱིས་བགྲང་།རྒྱས་པར་གུང་མཐེབ། དབང་ལ་མཐེབ་སྲིན། དྲག་པོར་མཐེ་བོང་དང་མཐེའུ་ཆུང་གིས་བགྲང་བར་རྒྱུད་དུ་མར་གསུངས། ལས་ཀུན་ལ་མཐེབ་སྲིན་གྱིས་བགྲང་། དྲག་པོར་མཛུབ་མོས་བགྲང་ཡང་གསུངས། དེ་ནས་སྨྲ་བ་བཅད་དེ་ཡན་ལག་མི་འགྱུར་ཞིང་སེམས་མི་གཡེང་བར་རྩེ་གཅིག་པའི་ཏིང་ངེ་འཛིན་དང་ལྡན་པའི་བཟླས་པ་བྱ། དེ་ཡང་འགོག་བཟླས་དང་རྡོར་བཟླས་དང་བུམ་ཅན་ལྟ་བུའི་རླུང་བཟླས་སོགས་མིན་པའི་བཟླས་པ་ལ་ཡིད་བཟླས་སམ་ཤུབ་བུར་བཟླས་པ་དང་། དབྱངས་སུ་བཟླས་པ་ལ་སྒྲ་མི་ཆེ་མི་ཆུང་ཧ་ཅང་མི་མྱུར་མི་བུལ་བར་སྔགས་དག་ཅིང་སྒྲ་ཟུར་ཐོན་པར་བཟླ་བ་ནི་ལེགས་པ་རབ་ལྡན་གྱི་བཟླས་པར་ཕྱག་རྡོར་དབང་བསྐུར་རྒྱུད་ལས་གསུང་། ཞི་བར་ཨོཾ་བཅས་སྒྲ་དལ་ལ་འཇམ་པ་ཆུང་ངུ་དང་། དྲག་པོར་མཐའ་རྟེན་ཧཱུྃ་ཕཊ་བཅས་ ― MR12_Page_0703 ―
[མ་དཔེ་གཟིགས་ན་འདིར་གནོན།]
གཞན་གྱིས་ཐོས་པར་བཟླ་བར་ལེགས་གྲུབ་ལས་གསུང་། སྔགས་བཟླ་ཚེ་ལྷ་དང་སྔགས་ལ་སེམས་པ་འབའ་ཞིག་མ་གཏོགས་ཆགས་སྡང་ཞུམ་འཇིགས་ང་རྒྱལ་སོགས་རྟོག་པ་གཞན་ཐམས་ཅད་སྤང་། སྒྲུབ་པའི་དུས་དག་ཏུ་ཁྲུས་གསུམ་བྱེད་པ་སོགས་གཙང་སྦྲ་མ་ཉམས་པར་བྱ་ཞིང་། གཉིད་རྨུག་ལེ་ལོས་བར་བཅད་པ་དང་ཉམས་པ་དང་། གྲིབ་ཅན་གྱི་གྲོགས་དང་འགྲོགས་པ་དང་། ཟས་ངན་པ་མི་གཙང་བ་རྣམས་སྤང་། གལ་ཏེ་སྒོག་པ་སོགས་བཟའ་བར་བྱ་བ་མིན་པ་ཟོས་ན། དམར་སེར་བ་ཡི་རྣམ་ལྔ་ཀུ་ཤ་དང་བཅས་པའི་ཆུ་ལ། སྔགས་འདིས་ལན་བརྒྱར་བསྔགས་ནས་འཐུང་། སྔགས་ནི། དེ་བཞིན་གཤེགས་པའི་རིགས་ཀྱི་སྔགས། ན་མོ་བྷ་ག་ཝ་ཏེ་ཨུཥྞི་ཥ་ཡ། ཨོཾ་བི་ཤུདྡྷ་བི་ར་ཛེ། ཤི་བེ་ཤཱནྟི་ཀ་རི་སྭཱ་ཧཱ། རིགས་གཞན་གྱི་སྔགས་གསུངས་ཀྱང་འདིས་འཐུས་པར་བྱས་ཀྱང་རུང་། གཞན་ཡང་དབྱངས་གསལ་རྟེན་སྙིང་ཚར་གསུམ་སོགས་བཟླས་པས་ཀྱང་སྦྱོང་བར་འགྱུར་རོ། །བགེགས་སྲུང་བ། ཨོཾ་ཀུ་ལནྡྷ་རི་བནྡྷ་བནྡྷ་ཧཱུྃ་ཕཊ། མཱ་མ་ཀིའི་སྔགས་འདིས་ལག་གདུབ་བསྔགས་ཏེ་བཅིང་། དེ་བཞིན་དེས་སྔགས་པའི་སྲུང་སྐུད་རྐེད་པར་དཀྲིས་པས་ཁུ་ཆུ་དགག །གཞན་འཇམ་དཔལ་རྩ་བའི་རྟོག་པ་ལས་གསུང་བའི་ཁུ་ཆུ་དགག་པའི་སྲུང་སྐུད་ཀྱང་སྤྲོ་ན་བྱ། གཙུག་ཏོར་རམ་རྒྱལ་བའི་རིགས་ལ། ཨོཾ་རུ་རུ་སྤུ་རུ་ཛྭ་ལ་ཏིཥྛ་སིདྡྷི་ལོ་ཙ་ནི་སརྦ་ཨརྠ་སཱ་དྷ་ནི་སྭཱ་ཧཱ། ཞེས་སྤྱན་མའི་སྔགས་འདིས་སྲུང་བ་དང་བྱིན་རླབས་བྱས་པས་ནད་ཞི་བ་དང་ཚེ་དང་ལུས་གསོལ་བར་འགྱུར། པདྨའི་རིགས་ལ། དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་ཀྱི་དབང་ཕྱུག་ལ་ཕྱག་འཚལ་ལོ། ། ― MR12_Page_0704 ―
[མ་དཔེ་གཟིགས་ན་འདིར་གནོན།]
མཐོང་བ་དང་ནི་ཐོས་པ་དང་། རེག་པ་དང་ནི་དྲན་པའང་རུང་། །བདག་ནི་སེམས་ཅན་ཐམས་ཅད་ཀྱི། །ནད་རྣམས་ཀུན་གྱི་གསོས་གྱུར་ཅིག །ཏདྱ་ཐཱ་ཀ་ཊེ་བི་ཀ་ཊེ་ནི་ཀ་ཊེ། ཀ་ཊ་བི་ཀ་ཊ། ཀ་ཊཾ་ཀ་ཊེ་བྷཱ་ག་ཝ་ཏི་བི་ཛ་ཡ་སྭཱ་ཧཱ། ཞེས་གོས་ཀར་མོའི་སྔགས་བཟླས་པས་ནད་སོགས་བར་ཆད་ཞི་ཚེ་འཕེལ་ལོ། །དེས་ན་རིགས་ཀྱི་རྒྱལ་མོ་འདི་གསུམ་ཀ་ཅི་རིགས་སུ་དྲན་ཅིང་གསོལ་བ་བཏབ་པ་དང་། རིགས་ཀྱི་རྒྱལ་པོ་ཆེན་པོའི་སྙིང་པོ་འབྲུ་གསུམ་ནི། ཛི་ན་ཛི་ཀ །ཨཱ་རོ་ལིཀ །བཛྲ་དྷྲིཀ ཅེས་པའང་བགེགས་སྲུང་བ་དང་བྱིན་གྱིས་རླབས་པའི་དོན་དུ་དྲན་ཅིང་ཅི་རིགས་བཟླ་བར་བྱའོ། །དེ་ཡང་ཐུན་གྱི་ཐོག་མ་སོགས་སུ་རིག་སྔགས་ཀྱི་ལྷ་དེ་དྲན་ཅིང་གུས་པས་ཐལ་མོ་སྦྱར་ཏེ། ཚུར་བྱོན་ཚུར་བྱོན་བརྟུལ་ཞུགས་བཟང་། །བདག་གི་ལུས་ལ་མྱུར་ཞུགས་ནས། །རྐང་གི་བར་དུ་གནས་ནས་སུ། །འདིར་ནི་ཡུན་རིང་རྒྱུ་བར་མཛོད། །ཅེས་གསོལ་བ་རྩེ་གཅིག་བཏབ་ལ། ཤིན་ཏུ་སྤྲོ་བའི་ཡིད་ཀྱིས། གཡེང་བ་དང་ལྷོད་པ་བག་མེད་པ་ཐམས་ཅད་སྤངས་ཏེ་སྒྲིམ་ནས་སྔགས་བཟླ་བར་བྱའོ། །གལ་ཏེ་དུས་རྒྱུན་ནམ་ཁྱད་པར་སྒྲུབ་པ་ཆེན་པོའི་མཚན་ཐོག་ཐག་ལྟ་བུར་གཉིད་བྱུང་ན་དེ་སྲུང་བ་ལེགས་གྲུབ་ཀྱི་རྒྱུད་ལས། སུག་སྨེལ་ག་བུར་སྲོ་ཙན་ཏ། ཤིང་ཚ་ཏ་ཀར་པི་པི་ལིང་། ཁ་ར་ཏ་ཡི་ཁ་ཆུར་སྦྱར། ལན་བརྒྱར་བསྔགས་པའི་མིག་སྨན་གྱིས། གཉིད་སེལ་ཞིང་བསྒྲུབ་པའི་ཚེ་འདི་མིག་ལ་བསྐུ་ཞིང་འཐོར་འཐུང་ཁ་གདོང་བཀྲུས་ན་གཉིད་དང་སྙོམས་པའི་འཇིགས་པ་སེལ་བ་དང་། བསྒྲུབས་པའི་མིག་སྨན་དེས་བསྐུས་ན་བགེགས་རྣམས་ཀྱང་མཐོང་ངོ་གསུངས། མིག་སྨན་གྱི་སྔགས་ནི། བདེ་གཤེགས་རིགས་ཀྱི། ཨོཾ་ཛྭ་ལ་ལོ་ཙཱ་ནི་སྭཱ་ཧཱ། པདྨ་རིགས་ཀྱི། ཨོཾ་བི་ལོ་ཀི་ནི་སྭཱ་ཧཱ། ― MR12_Page_0705 ―
[མ་དཔེ་གཟིགས་ན་འདིར་གནོན།]
རྡོ་རྗེའི་རིགས་ཀྱི། ཨོཾ་བནྡྷུ་ནི་རི་དྷི་བ་ཏེ་སྭཱ་ཧཱ། ཡང་ན་སྟང་ཟིལ་སྦྲང་རྩི་པི་ལིང་རྣམས་སྤྱན་མའི་སྔགས་སམ་གོང་གི་སྔགས་ཀྱིས་བཏབ་པས་མིག་ལ་བསྐུས་ན་བགེགས་ལས་བྱུང་བའི་གཉིད་སེལ་ཞེས་གསུངས་སོ། །གཞན་ཡང་སྔགས་བསྒྲུབ་པ་ལ་བགེགས་སྣ་ཚོགས་འབྱུང་ཞིང་། དེས་སེམས་གཡེངས་པ་དང་ཆགས་སོགས་རྟོག་པ་ངན་པ་བསྐྱེད་ནས་སྔགས་མི་འགྲུབ་ཅིང་བསོད་ནམས་ཟད་པར་བྱེད་པ་དང་། སྔོན་མཆོད་སྦྱིན་ལ་འཇུག་པའི་ལས་ཀྱིས་ད་ལྟ་གཏོར་མ་སོགས་མཆོད་པ་རྣམས་བགེགས་ཀྱིས་བཟུང་ནས་ལྷ་མི་མཉེས་པར་བྱེད་པ་དང་། བགེགས་ཀྱི་རིགས་མང་རྣམས་རིགས་བཞིར་འདུ་ཞིང་། དེ་དག་གིས་ཟིན་པའི་རྟགས་དང་། དེ་ལས་ཐར་པའི་ཆོ་ག་རྣམས་དཔུང་བཟང་གི་རྒྱུད་ལས་གསུངས་པ་ལ་སོགས་པ་ལྟར་ཤེས་པར་བྱ་ཞིང་། བགེགས་དེ་དག་སྲུང་བའི་ཕྱིར་ཕྱོགས་བཅིངས་པ་དང་རིག་སྔགས་ཀྱི་བདག་པོ་དང་ཁྲོ་བོ་རྣམས་ཀྱི་སྔགས་ཀྱིས་བསྲུང་བ་དང་། མཱ་མ་ཀིའི་སྔགས་བཟླ་བ་དང་། ཡང་ན་སྤྱོད་ལམ་ཐམས་ཅད་དུ་སྟོབས་པོ་ཆེའམ་བདུད་རྩི་འཁྱིལ་བའི་སྔགས་ཀྱིས་བསྲུང་བར་བྱས་ན་བགེགས་མི་འབྱུང་བར་གསུང་། ཨོཾ་དྷུ་ན་བཛྲ་ཧ་ཞེས་པའི་སྔགས་འདིས་བརྒྱའམ་སྟོང་དུ་བསྔགས་པའི་ལས་ཀྱི་རྡོ་རྗེ་དྲག་ཏུ་བཅངས་ལ། བཟླས་བརྗོད་དང་སྦྱིན་སྲེག་སོགས་ཀྱི་ཚེ་ལག་པ་གཡོན་པས་བཟུང་བར་བྱ་བ་ཤིན་ཏུ་གལ་ཆེ་སྟེ། དེ་འཆང་བས་བགེགས་དང་ལོག་འདྲེན་གནོད་བྱེད་རྣམས་སྐྲག་ནས་འབྲོས་པར་ལེགས་གྲུབ་ལས་གསུངས་རྡོ་རྗེ་དེའི་རྒྱུ་ཡང་གནམ་ལྕགས་བབ་པའི་ཤིང་ངམ། ནིམ་པའམ། དུར་ཁྲོད་མགལ་དུམ་མམ། ཙན་དན་དག་གམ་གཞན་ ― MR12_Page_0706 ―
[མ་དཔེ་གཟིགས་ན་འདིར་གནོན།]
གང་ཡང་རུང་བའི་རྡོ་རྗེ་རྩེ་མོ་གསུམ་པ་ནི་སྔགས་ལེགས་པར་གྲུབ་བྱེད་ལས་ཀྱི་རྡོ་རྗེ་ཞེས་བྱ་བ་རྨད་དུ་བྱུང་བའི་ལས་བྱེད་པས། སྒྲུབ་པོ་རྣམས་ཀྱིས་གཅིག་ཏུ་གཅེས་སྤྲས་བྱ་སྟེ་ཙན་དན་དམར་པོས་བསྐུས་ནས་བཞག་ཅིང་སྔགས་ཀྱིས་བརླབས།སྔགས་དེས་མཆོད་པར་བྱ་གསུངས། ཡང་དཔུང་བཟང་གི་རྒྱུད་ལས། སོར་བཅུ་ནས་བཅོ་བརྒྱད་པའི་བར་གྱི་རྡོ་རྗེ་དང་། མཆོག་གི་ཚད་སོར་ཉི་ཤུ་བ་སྟེ། དབྱིབས་ལེགས་འཇམ་ལ་མ་ཉམས་རྨ་མེད་པའི། རྡོ་རྗེ་རྩེ་ལྔ་བསྲ་བ་བཅང་བར་བྱ། ཞེས་དང་། དེ་ཡང་རྡོ་རྗེའི་རྒྱུ་ནི་ལས་སོ་སོའི་ཁྱད་པར་གྱིས་དུ་མར་གསུངས། ཟློས་པའི་ཚེ་དེ་ཐོགས་པར་བྱ། བཟླས་བརྗོད་ཟིན་ནས་མྱུར་བར་དད་པས་ཕྱག་བྱས་ཏེ། དྲི་སོགས་ཀྱིས་མཆོད་ནས་རྒྱལ་བའི་ཞབས་དྲུང་དུ་བཞག །རྡོ་རྗེ་རིགས་ཀྱི་སྔགས་སྒྲུབ་པ་པོས་རྡོ་རྗེ་མེད་ན་མི་འགྲུབ། ཅིས་ཀྱང་མེད་ན་ཁུ་ཚུར་བཅང་ཞིང་སེམས་མ་ཡེངས་པར་བཟླ་བར་གསུངས། གཞན་ཡང་གདོན་རྣམས་ཞི་བའི་ཐབས་སུ་གཏོར་མ་བཏང་བ་དང་། སྔགས་ཀྱི་བུམ་ཆུས་ཁྲུས་བྱ་བ་དང་། དྲག་པོའི་སྦྱིན་སྲེག་སོགས་ཀྱི་དྲག་ཤུལ་གྱིས་ལས་ཐབས་སྦྱར་བ་རྒྱུད་རྣམས་ལས་བྱུང་བ་བཞིན་བྱས་པས་གདོན་ལས་གྲོལ་བར་འགྱུར་རོ། །རྒྱུན་དུ་བགེགས་སྲུང་ཞིང་སྔགས་གྲུབ་པའི་ཕྱིར། ཨོཾ་སུ་སིདྡྷི་ཀ་རི་སྭཱ་ཧཱ། ཞེས་གསང་སྔགས་ཐམས་ཅད་ལེགས་པར་གྲུབ་པར་བྱེད་པའི་ཁྲོ་བོའི་རྒྱལ་པོའི་སྔགས་ཀྱིས་གཙུག་ཕུད་བཅིང་བ་དང་། བཟླས་པའམ་སྲུང་སྐུད་སོགས་ཀྱིས་བགེགས་མེད་པར་བྱེད། ཨོཾ་ཀཱི་ལི་ཀཱི་ལ་བཛྲ་ཧཱུྃ་ཕཊ། ཅེས་པ་ཕྱག་ན་རྡོ་རྗེ་རྡོ་རྗེ་ཀཱི་ལ་ཡའི་སྔགས་ཤིན་ཏུ་གསང་བ་བགེགས་མཐའ་དག་གཞོམ་པ་འདི་ཡང་བཟླས་པ་ནི་བགེགས་སྲུང་བའི་དམ་པ་ཡིན་ཏེ་རིག་པ་ ― MR12_Page_0707 ―
[མ་དཔེ་གཟིགས་ན་འདིར་གནོན།]
མཆོག་གི་རྒྱུ་ལས་གསུངས་པའོ། །རྟ་མགྲིན་གྱི་སྔགས། ཨོཾ་ཨ་མྲྀ་ཏོཏྦྷ་བ་ཧཱུྃ་ཕཊ། ཞེས་པ་དང་། གཙུག་གཏོར་འཁོར་ལོས་བསྒྱུར་བའི་སྙིང་པོ། བྷྲུྃ་གཅིག་མ་དང་། ཨོཾ་ཨ་མྲྀ་ཏེ་ཧཱུྃ་ཕཊ། ཅེས་བདུད་རྩི་འཁྱིལ་བའི་སྔགས་འདི་རྣམས་གང་ཡང་བགེགས་གཞོམ་པའི་གཙོ་བོ་ཡིན་ཏེ་བསྙེན་སྒྲུབ་གང་གི་དུས་སུའང་འདི་རྣམས་གལ་ཆེ་ཞིང་འདིས་ཆོག་པ་ཡིན་ནོ། །གཞན་དུ་རྒྱུད་སོ་སོའི་བགེགས་གཞོམ་པའི་སྔགས་ཤིན་ཏུ་མང་པོ་རྣམས་འདོད་ན་དེ་དག་ཏུ་ཤེས་པར་བྱའོ། །དེ་ཡང་དུས་གསུམ་ཁྲུས་བྱས་ལ་གོས་བརྗེ་ཞེས་པ། མཚན་མོའི་མཐའ་ནས་ཉི་མ་ཤར་ལ་ཁད་ཀྱི་བར་ནི་དུས་དང་པོའོ། །དེ་ནས་གུང་གི་བར་དུས་གཉིས་པ་དེ་ནས་ཉི་མ་ནུབ་པའི་ལྷག་ཅུང་ཟད་ལུས་པ་ཐུན་གསུམ་པའོ། །ཐུན་བཞིའམ་དྲུག་གི་ངེས་ཆ་བྱས་ནས་བཟླས་པ་བར་མ་ཆད་པ་བྱ་ཞིང་། དེ་ཡང་སྔ་དྲོ་ཐུན་གཉིས། ཕྱི་དྲོ་མལ་ཚེ་ཐུན་གཅིག །གུང་ལ་ཐུན་ཕྱེད་དམ་སུམ་ཆའམ་བཞི་ཆ་ཙམ་བཟླ། མཚན་མོ་དང་སྲོད་དང་ཐོ་རངས་གསུམ་དུ་ཐུན་ཕྱེད་རེ་བཟླས་ན་ལྷག་པར་ལྷ་མཉེས་པར་འགྱུར་རོ་གསུངས་པས་ཅི་རིགས་རང་ཉམས་དང་སྦྱར་ལ་བཟླ། དྲག་པོ་དང་མི་སྣང་བ་སོགས་ལ་མཚན་མོར་བཟླས་ན་བཟང་། སྤྱིར་ཉིན་པར་བཟླས་པ་རྣམས་ལ་མཚན་མོར་སྦྱིན་སྲེག་དང་། མཚན་བཟླས་རྣམས་ལ་ཉིན་མོ་སྦྱིན་སྲེག་བྱས་ན་ལེགས་པར་གསུངས། སྦྱིན་སྲེག་ནི་སྔགས་ཀྱིས་སྟོབས་བསྐྱེད་པ་དང་དངོས་གྲུབ་མྱུར་དུ་འགྲུབ་པའི་ཐབས་ཁྱད་པར་ཅན་ཡིན་པས་དུས་དང་སྐབས་སུ་ཅི་ནུས་བྱ། ཐུན་མཐར། རང་གི་བཟླས་བརྗོད་ཅི་ཙམ་གྲུབ་པ་བློས་བླང་སྟེ་ལྷ་ལ་འབུལ་ཞིང་། བགེགས་སྲུང་ལ་སྤྱོད་ལམ་དུ་ལྡང་། བཟླས་པའི་གྲངས་ནི་སྔགས་ ― MR12_Page_0708 ―
[མ་དཔེ་གཟིགས་ན་འདིར་གནོན།]
འབྲུ་བཅོ་ལྔ་པ་མན་ཆད་ལ། འབྲུ་དུ་ཡོད་ཀྱི་གྲངས་ཀྱི་འབུམ་དང་། ཡི་གེ་སོ་གཉིས་པ་མན་ཆད་ལ་བཟླས་བརྗོད་སུམ་འབུམ་གྱིས་ཆོག་པར་གསུངས། སྔགས་དེ་ལས་མང་བ་བྱུང་ན་ཁྲི་ཙམ་བཟླས་པས་བསྙེན་པ་བྱ་བར་གསུངས། གཞུང་གཞན་ལས་གོང་དུ་སྤྱིར་བསྟན་པ་འདི་དག་རྫོགས་ལྡན་གྱི་དུས་སུ་ཡིན་གྱི། རྩོད་ལྡན་བསོད་ནམས་ཆུང་བའི་དུས་སུ་བཞི་འགྱུར་བཟླ་གསུང་། སྔགས་ཀྱི་སྒྲུབ་པ་བྱས་ཀྱང་ཚད་དེས་མ་གྲུབ་ན། ཡང་བསྙེན་པ་སྔར་བཞིན་བསྐྱལ་ཏེ་བསྒྲུབས་པས་ལན་བདུན་པ་ལ་མཚམས་མེད་ལྔ་བྱས་པས་ཀྱང་འགྲུབ་ཅེས་རྒྱུད་དུ་མར་གསུངས། མ་གྲུབ་ན་ཞི་བ་དང་དྲག་པོའི་སྤོག་ཆོག་ནི་ལེགས་གྲུབ་སོགས་ལས་གསུངས་པ་བཞིན་ཤེས་པར་བྱའོ། །དེ་ཡང་ཁྲུས་བྱ་བའི་ཚེ་ཁྲུས་རྩི་སྐྱུ་རུ་ར་སོགས་སྦྱར་བའི་ཆུ་གཙང་མས་ལུས་ཀུན་འཁྲུ་ཞིང་དེ་བཞིན་གཤེགས་པ་ཐམས་ཅད་ཀྱིས་བདུད་རྩིའི་ཁྲུས་བྱས་པས་སྒྲིབ་པ་དང་ཉེས་པ་ཐམས་ཅད་དག་པར་བསམ། ཁ་ཟས་ཟ་བའི་ཚེ་ཕུད་རྣམས། ན་མཿསརྦ་བུདྡྷཱ་བོདྷཱི་ས་ཏྭཱ་ནཾ། ཨོཾ་བ་ལིཾ་ཏ་ཏེ་ཛྭ་མ་ལི་ནི་སྭཱ་ཧཱ། ཞེས་པ་ལན་བརྒྱད་ཀྱིས་སངས་རྒྱས་བྱང་སེམས་ཐམས་ཅད་ལ་དབུལ།ལྷག་མ་འཕྲོག་མ་མ་བུ་དང་འབྱུང་པོ་བསྔོས། ཉལ་བའི་ཚེ་སངས་རྒྱས་དང་བྱང་སེམས་ཐམས་ཅད་ལ་གུས་པར་བྱས་ཏེ་སྔགས་གྲུབ་པར་གསོལ་བ་བཏབ་ལ་ཉལ། སྔགས་བཟླ་བའི་ཚེ་སྦྲིད་པ་གླལ་བ་འོག་རླུང་སོགས་དོན་མེད་པས་བར་ཆོད་ན་དེ་དག་བྱུང་བའི་སྔགས་མདོ་འཛིན་ནས་དུ་ཡོད་པ་གྲངས་སུ་མི་རྩི་བར་བྱ་ཞིང་ཁྲུས་བྱ། དེ་ལྟར་བར་མ་ཆད་དུ་བསྙེན་པ་རྫོགས་པར་བྱེད་པ་ལས་ལྷོད་པ་དང་བག་མེད་པ་བྱ་བ་སྣ་ཚོགས་ཀྱིས་བཟླས་པའི་བར་ཆོད་པ། གནས་གཅིག་ཏུ་དུས་སྟབས་གཅིག་དུ་བསྙེན་པ་ ― MR12_Page_0709 ―
[མ་དཔེ་གཟིགས་ན་འདིར་གནོན།]
མ་རྫོགས་པར། དུས་དང་གནས་གཞན་གྱིས་བར་ཆོད་པས་བསྙེན་པས་མཚན་ཉིད་པའི་གོ་མི་ཆོད་པས་བར་མ་ཆོད་པར་བཟླས་གྲངས་རྫོགས་པར་བྱ་དགོས་སོ། །དེ་ལྟར་ཅིས་ཀྱང་མ་གྲུབ་ན་དེའི་ལྡབ་ཐེབས་སུ་འབུམ་གཅིག་ལྷག་པོར་བཟླ་བར་གསུངས། གཞན་ཡང་སྔགས་བསྒྲུབ་པའི་དུས་སུ་སྤང་བླང་གི་རིམ་པ་མཐའ་དག་ལེགས་གྲུབ་དང་དཔུང་བཟང་གི་རྒྱུད་སོགས་ལས་གསུངས་པ་བཞིན་དུ་བྱ། དེ་ལྟར་བསྙེན་སྒྲུབ་ཀྱི་སྐབས་སུ་མཁོ་བའི་མན་ངག་འབའ་ཞིག་བཤད་པ་ལ། ཐོག་མར་སྔགས་གང་བསྒྲུབ་པ་བརྟག་པའི་ཆེད་དུ་རིན་པོ་ཆེའི་བུམ་པར་གི་ཝཾ་གིས་རིག་སྔགས་སྣ་ཚོགས་གང་འདོད་བྲིས་ཏེ་བཅུག་ལ་མཆོད་ཅིང་བསྟོད། གང་བསྒྲུབ་ན་འགྲུབ་པ་དེ་ཉིད་ལག་ཏུ་སོན་པའི་བདེན་པའི་གསོལ་བ་བཏབ་ལ། ཁྲུས་བྱས་ནས་ཕྱག་རྒྱས་བསང་པའི་ལག་པ་གཡས་པས་གང་ལོན་གཅིག་བྱུང་བ་དེ་གུས་པས་རང་གི་སྤྱི་བོར་བཞག་ཅིང་སྔགས་དེ་བསྒྲུབ་ན་འགྲུབ་པར་གསུངས། གང་ཞིག་དཀྱིལ་འཁོར་གང་དུ་མེ་ཏོག་ཕོག་པའི་ལྷ་དེ་བསྒྲུབ་ན་འགྲུབ་པས་སྔགས་དེའི་རིག་པ་གཏད་པ་ནོད་པར་བྱ་སྟེ། སློབ་དཔོན་གྱིས་སློབ་མ་ལ་བཟླས་ལུང་དང་། མེ་ཏོག་སྤྱི་བོར་བཞག་ནས་བཅོམ་ལྡན་འདི་ལ་སོགས་བརྗོད་ཅིང་བྱིན་གྱིས་བརླབ་པ་བྱ་བ་ལེགས་གྲུབ་ལས་གསུང་། ཡང་རྒྱུད་དེ་ལས་བཟླས་པའི་སྔགས་ལྷག་ཆད་དུ་གྱུར་པར་དོགས་ན། ཤོག་ཤོག་ལ་གི་ཝཾ་གིས་སྔགས་དེ་བྲིས། མཆོད་པས་མཆོད། རིག་སྔགས་ཀྱིས་བསྔགས། དེ་ཡི་མདུན་དུ་མར་གྱི་སྲེག་བླུགས་བརྒྱ་བྱས་ཏེ་རིག་སྔགས་དེ་ཁྲི་ལ་བཞག་ནས་སླར་ཡང་མཆོད་དེ་རིག་སྔགས་ཀྱི་ལྷག་ཆད་སྐོང་བར་གསོལ་བ་བཏབ། དེ་ཡི་མདུན་དུ་ཀུ་ཤའི་ཁྲེས་ལ་རང་ཉིད་ཤར་དུ་ ― MR12_Page_0710 ―
[མ་དཔེ་གཟིགས་ན་འདིར་གནོན།]
མགོ་བསྟན་ནས་ཉལ་བའི་སྔགས་ལྷག་ཆད་མཉམ་ཏེ་བྲིས་པ་འོང་། མ་ཉམས་ན་སྔགས་སྔར་བཞིན་དུ་འཇོག་གི་གསར་དུ་བྲིས་པ་མི་འབྱུང་། ཡང་ན་རྨི་ལམ་དུ་སྟོན་པར་འགྱུར་རོ། །ཡང་ཞག་གཅིག་གམ་གསུམ་དུ་སྨྱུང་བ་བྱས་ལ་ཡར་ངོའི་དུས་བཟང་པོར་སྐྱུ་རུ་ར་དང་སྤོས་ཆུས་རང་ལུས་ཁྲུས་བྱས་ཏེ། སྲོད་ཀྱི་དུས་སུ་རང་གི་ལྷ་དང་སངས་རྒྱས་རྣམས་སྤྱན་དྲངས་ནས། མེ་ཏོག་སོགས་དང་མཆོད་ཡོན་དང་སྲེག་བླུག་ཕུལ། བུ་མོས་བཀལ་བའི་སྐུད་པར་མདུད་པ་བདུན་བོར་བ་སྔགས་ཀྱིས་བཏབ་པ་དཔུང་གཡོན་བཅིང་བས་བསྲུང་། ཀུ་ཤའི་ཁྲེས་ལ་མེ་ཏོག་བཀྲམ་པར་གློས་ཕབ་སྟེ་ཉལ་ནས་ལྷའི་གཟུགས་ལ་སེམས་ཤིང་ཡིད་ཀྱིས་སྔགས་འདོན་བཞིན་ཇི་ལྟར་སྒྲུབ་པར་བྱ་བའི་བཀའ་ལུང་གནང་བའི་གསོལ་བ་བཏབ་ན་འགྲུབ་པར་འགྱུར་བའི་རྨི་ལམ་བཟང་པོ་སྟ་གོན་གྱི་སྐབས་སུ་བཤད་པ་རྣམས་མཐོང་བའི་ཚེ་ན་སྒྲུབ་པ་བརྩམ་པར་བྱ་ཞེས་གསུངས། རིག་སྔགས་ཐམས་ཅད་ལ་སྦྱིན་སྲེག་གིས་གཟི་བྱིན་བསྐྱེད་པར་བྱ་སྟེ། སྦྲང་རྩི་དང་འོ་ཐུག་དང་མར་རམ། ཏིལ་དང་མར་རམ། མར་གྱིས་བཏགས་པའི་མེ་ཏོག་གམ། སརྫ་ར་ས་འམ། མར་དང་ཐང་ཆུའི་སྦྱིན་སྲེག་གིས་སྔགས་གཟི་བྱིན་ཆེ་བར་འགྱུར། ཡང་བ་ཡི་རྣམ་ལྔ་ཟོས་ནས་རི་ཡི་རྩེ་མོར་འཇོགས་ཏེ་མེ་ཏོག་འབུམ་དབུལ་བ་བྱས་པས་ལྷ་ཉིད་གཟི་བྱིན་སྐྱེ། ཡང་ཉིན་པར་དུས་གསུམ་དུ། དྲི་ཞིམ་པའི་བདུག་སྤོས་དང་མེ་ཏོག་ཕུལ་བས་ཀྱང་གཟི་བྱིན་ཆེ་བར་འགྱུར། ཤིང་གི་སྙིང་པོའི་སྒྲོན་མ་སྤར་ཞིང་ཞག་བདུན་ལ་དུས་གསུམ་དུ་བཟླས་བརྗོད་བྱས་ན་གཟི་བྱིན་ཆེ་བའི་མཆོག་ཏུ་འགྱུར། ལྷ་བཤོས་བཟང་པོ་མཆོད་པས་ཀྱང་གཟི་བྱིན་ཆེན་པོ་བསྐྱེད་པར་འགྱུར་རོ། །མེ་ཏོག་དྲི་དང་ལྷ་ ― MR12_Page_0711 ―
[མ་དཔེ་གཟིགས་ན་འདིར་གནོན།]
བཤོས་ཕུལ་བ་དང་། མར་ཏིལ་ཞོ་དང་སྦྲང་རྩི་དང་། སཱ་ལུའི་འབྲས་ཆན། བ་འོའི་ཟས་མཆོག་མར་བཅས་སྔགས་ཀྱིས་ལན་བརྒྱར་བཟླས་ཏེ་སྲེག་བླུག་ཕུལ་བའི་འཇུག་ཏུ་མཆོད་ཡོན་ཀྱང་ཕུལ་ན་རིག་སྔགས་ཀྱི་ལྷ་ཚིམ་པར་འགྱུར་རོ། །ཡང་སྤོས་ལ་ལྷའི་གཟུགས་བརྙན་བྱས་པར། མེ་ཏོག་མ་ཏ་ལིས་མཆོད་དེ་དུས་གསུམ་དུ་བཟླས་བརྗོད་བྱ། མཇུག་དུ་གཟུགས་དེར་ཤིང་གི་ཐང་ཆུའི་བདུག་ཅིང་། པདྨ་སོགས་མེ་ཏོག་འོ་མ་ལ་བཞག་པས་ཞག་གསུམ་མཆོད་ནས་ནང་པར་ཡང་མཆོད་ཅིང་བཟླས་ཏེ་ཆུ་ཀླུང་ཆེན་པོར་བསྒྱུར་ན་དེས་ལྷ་ཚིམ་པར་འགྱུར་རོ། །ཡང་གསེར་དངུལ་ཟངས་སམ་ཁམ་སའི་བུམ་པ་གསར་བར། མེ་ཏོག་དང་རིན་པོ་ཆེ་དང་། རྩ་བ་དང་འབྲས་བུ། འབྲུ་དང་སྤོས་ཆུས་བཀང་། མགུལ་པར་རས་གསར་པས་བཅིངས། ལྡུམ་བུ་གསར་པས་ཁ་བརྒྱན། རིག་སྔགས་ཀྱི་བདག་པོའམ་རང་སྔགས་ཀྱིས་ལན་བརྒྱར་བསྔགས་པ་བྱས་ལ་གསེར་སོགས་ཀྱི་རིག་སྔགས་ལྷའི་གཟུགས་བརྙན་རྒྱན་ཕྲེང་ན་བཟས་བརྒྱན་པ་ཁྲི་ལ་བཞག་ནས། བུམ་པ་དེས་དེ་ལ་དབང་བསྐུར་བྱ་ཞིང་། མེ་ཏོག་སོགས་ཀྱིས་མཆོད། དེའི་མདུན་དུ་བཟླས་བརྗོད་དང་སྦྱིན་སྲེག་གིས་ཀྱང་མཆོད་པར་བྱ་སྟེ། ཆོ་ག་འདིས་རིག་སྔགས་དེ་ཉིད་མཐུ་ཆེ་བར་འགྱུར་རོ། །འདི་རྣམས་སྔགས་ཀྱི་སྟོབས་བསྐྱེད་ཅིང་མྱུར་དུ་འགྲུབ་པའི་ཐབས་ཁྱད་པར་ཅན་ཡིན་ཏེ་ལེགས་གྲུབ་ལས་གསུངས་པའོ། །གཞན་ཡང་སྒྲུབ་པའི་རྫས་འབྱུང་བོས་འཕྲོག་ན་སླར་དགུག་པའི་སྦྱིན་སྲེག་སོགས་རྒྱུད་ལས་གསུངས་པ་བཞིན་ནོ། །སྒྲུབ་པའི་ཚེ་དངོས་གྲུབ་ཀྱི་མཚན་མ་ལེགས་པར་མཐོང་བ་ན་སྒྲུབ་པ་ཆེན་ ― MR12_Page_0712 ―
[མ་དཔེ་གཟིགས་ན་འདིར་གནོན།]
པོའམ་གྲུབ་པའི་སྤྱོད་པའི་དངོས་རྒྱུ་བརྩམ་པར་བྱ་ལ། དེ་ལྟར་མིན་ཡང་དུས་དང་གྲངས་ཀྱི་བསྙེན་པ་ལེགས་པར་རྫོགས་པའི་ཚེ་དངོས་གྲུབ་བསྒྲུབ་པ་ལ། སྟ་གོན་དང་དངོས་གཞི་གཉིས་ལས། དང་པོ། དཀྱིལ་འཁོར་བྲིས་ནས་དེར་རིགས་བདག་དང་ཡུམ་སོགས་བཀའ་ཉན་གྱི་བར་གང་འདོད་པའི་ལྷ་རྣམས་བཀོད་ཅིང་མཆོད་པ་སོགས་རྒྱ་ཆེར་བྱ་དགོས་ཤིང་། སྨྱུང་བ་སོགས་བཤད་པ་ཡོད་ན་དེ་ལྟའི་བརྟུལ་ཞུགས་ལའང་གནས་པར་བྱ། སྒྲུབ་པའི་རྫས་ནི་ཨུར་མོའི་ལྕགས་ལས་བྱས་པའི་འཁོར་ལོ་མཛུབ་གང་རྩིབ་དྲུག་གམ་བརྒྱད་པ་རྣོ་བརྡར་བྱས་པའམ། ཡང་ན་གསེར་གྱི་འཁོར་ལོ་དང་། རལ་གྲི་མཐེའུ་ཆུང་གི་མཐོ་དོ་བ། ཞེང་སོར་བཞི་བརྡར་བ་ལེགས་པ། བ་སོའི་དོང་ཅན་དང་། གཞན་ཡང་མདུང་དང་རྩེ་གསུམ་དབྱུག་ཐོ་སོགས་མཚོན་ཆ་སྣ་ཚོགས་དང་། ཨུར་མོའི་ལྕགས་སམ་གསེར་དངུལ་ཟངས་ལས་བྱས་པའི་རྡོ་རྗེ་སོར་བཅུ་དྲུག་པ་རྩེ་མོ་གསུམ་པ་དང་། ཙན་དན་ནམ་གསེར་ལས་བྱས་པའི་པདྨ་མཐོ་གང་པ་སྡོང་བུ་དངུལ་ལས་བྱས་པ་འད བ་མ་བརྒྱད་ཅན་མཛེས་པ་དང་། པད་རག་གམ་ཤེལ་གྱི་ནོར་བུར་གསེར་དངུལ་ལས་བྱས་པའི་ཡུ་བ་ཁྲུ་གང་བའི་རྩེར་བཞག་པ་དང་། རྒྱུ་དེ་འདྲ་བའི་བུམ་པ་བཟང་པོ་དང་། གཙུག་ཏོར་གྱི་ཕྱག་རྒྱ་གསེར་ལས་བྱས་པ་ཡིད་བཞིན་ནོར་བུའི་ཡུ་བ་བྱས་པ་དང་། རྨ་བྱའི་གདུགས་སྨྱུག་མའི་ཡུ་བ་རིང་པོ་ལ་བཀོད་པ་གཡེར་ཁ་བཏགས་པ་དང་། ཡམ་ཤིང་ལེགས་བཞོག་མཐེབ་རྟེན་ཅན་སོགས་རྫས་སྣ་ཚོགས་དང་། རས་ཕྲན་འཇམ་པོ་ཁོ་ལག་ཆེ་བ་གུར་གུམ་གྱིས་བཙོས་པ་དགོན་པའི་ཕྱུགས་ཀྱི་ལྕི་བའི་ཐལ་བ་དང་། ག་པུར་གྱིས་བགོས་པའི་གོས་དང་། ཤྲི་བ་ཎ་ཡི་ཤིང་ ― MR12_Page_0713 ―
[མ་དཔེ་གཟིགས་ན་འདིར་གནོན།]
གི་ལྷྭམ་དང་། མཆོད་ཕྱིར་ཐོགས་ཀྱི་སྲད་བུ་སྲ་ཞིང་སུམ་སྒྲིལ་ལེགས་པར་བཀལ་བའམ། ཡང་ན་གསེར་སྐུད་ལེགས་བསྙོད་སུམ་དཀྲིས་ཡོན་ཏན་ཅན་དང་། སྣ་མའི་མེ་ཏོག་གི་ཕྲེང་བ་བུ་མོས་བཀལ་པའི་སྐུད་པ་ལ་བརྒྱུས་པ་དང་། དེས་མཚོན་ནས་ཞགས་པ་སོགས་ཡོ་བྱད་ཀྱི་རྣམ་པ་སྣ་ཚོགས་ཀྱི་རྫས་རྒྱུད་གཞན་ལས་གསུངས་པ་དང་། གཟུགས་མཛེས་དྭང་བ་ནད་མེད་དར་བབ་རང་ཤིའི་རོ་རྨ་མེད་མ་ཉམས་པ་རོ་ལང་སྒྲུབ་པའི་རྫས་དང་། གི་ཝཾ་ནི་བ་སེར་སྐྱ་ལས་བྱུང་བའི་མདོག་ཤིན་ཏུ་སེར་བ་མཆོག བ་བླ་སེར་པོ་ལྗིད་ཆེ་བ། སྡོང་རོས་དང་། གཞན་བཙག་ནི་གསེར་མདངས་ཅན་བཅག་ན་ཨུཏྤ་ལ་སྔོན་པོའི་མདོག་འདྲ་བ། ཆུ་རྒྱུན་ལས་བྱུང་བ་ཨཉྫའོ། །དེ་སོགས་དངོས་གྲུབ་ཀྱི་རྫས་སྣ་ཚོགས་འཇིག་རྟེན་པའི་གཙུག་ལག་བཞིན་བརྟག་པར་བྱའོ། །ཞེས་གསུངས། སྒྲུབ་རྫས་དང་སྒྲུབ་ཐབས་ཀྱི་ཚུལ་རྣམས་རང་རང་སོ་སོའི་གཞུང་ལས་བཤད་པ་དང་། དེར་མ་གསལ་བ་རྒྱུད་ཀྱི་ཆོ་ག་ཞིབ་མོ་གཞན་ལས་བྱུང་བ་བཞིན་རིགས་མཐུན་སྦྱར་བས་འགྲུབ་ཅེས་རྒྱུད་ལས་གསུངས་སོ། །རྫས་དེ་དག་དང་པོར་བཙལ་བའི་དུས་ན། དེ་ཡི་བདག་པོས་ལན་གཅིག་ཅི་སྨྲས་པ་ལྟར་རིན་བྱིན་པ་ནི། རིན་ལ་མ་གཙེག་པར་བྱས་པས་དཔའ་བོའི་རིན་གྱིས་ཉོས་པ་ཞེས་བྱ་ལ། རྫས་དེ་རྣམས་དྲི་བཟང་དང་བ་ཡི་རྣམ་ལྔས་བཀྲུ་ཞིང་ལས་ཐམས་ཅད་པའི་སྔགས་ཀྱིས་སྦྱང་བར་བྱ། དེ་ནས་སྒྲུབ་པའི་དུས་སུ་ཆོ་ག་ཕལ་ཆེར་ལ་སྨྱུང་བ་བྱ་ཞིང་མཆོད་པ་རྒྱ་ཆེར་བཤམས། གི་ཝཾ་བ་བླ་སོགས་ཞིབ་བཏགས་རབ་སྲང་ལྔ། འབྲིང་གསུམ། ཐ་མ་སྲང་གང་གི་ཚད་ཙམ་བྱ། དེ་ནས་རྡོ་རྗེ་སོགས་ ― MR12_Page_0714 ―
[མ་དཔེ་གཟིགས་ན་འདིར་གནོན།]
རྫས་གང་སྒྲུབ་པར་འདོད་པ་དེ་རས་བྲིས་ཀྱི་མདུན་དུ་བཞག །དེ་དག་གི་བར་དུ་རྫས་གཞན་མི་བཞག །རྫས་ལ་བསང་གཏོར་བྱས་ནས་དངོས་གྲུབ་བསྒྲུབ་པ་བྱ། དེ་ཡང་སྒྲུབ་པ་ཆེན་པོའི་དངོས་གྲུབ་ནམ་ལེན་པ། དེ་ལ་ཞག་བདུན་ཡོད་པ་ལྟ་བུ་ལ་མཚོན་ན། ཞག་སྔ་མ་རྣམས་སུ་ཉིན་རེ་བཞིན་དུས་གསུམ་དུ་བསང་གཏོར་ཁྲུས་བགེགས་སྲུང་བ་དང་བཟླས་པ་མཆོད་པ་སྦྱིན་སྲེག་རྣམས་ནན་ཏན་བར་མ་ཆད་པར་བྱས་ལ་སྲོད་ཀྱི་དུས་སུ་འདི་སྐད་དུ་ཚིག་འདིས་ཕྱོགས་བཞིར་བརྗོད་པར་བྱ་སྟེ། རིགས་གསུམ་གྱི་ནི་རིག་སྔགས་ལྷ། །བདག་པོར་བཅས་པ་གང་བཞུགས་དང་། །སྔགས་རྒྱུད་འདི་ལ་ལྷ་རྣམས་ནི། །གང་དག་ཡོངས་སུ་བསྒྲགས་པ་དང་། །གསང་སྔགས་ལྷ་ནི་གང་དག་ཅིག །བདག་ཉིད་ཉོན་མོངས་ཆེན་པོ་ཡིས། །ཆོ་ག་འདི་བཞིན་བསྙེད་པ་དང་། །བཟླས་བརྗོད་སྦྱིན་སྲེག་གིས་མཉེས་པ། །ཞག་བདུན་ན་ནི་སྒྲུབ་པའི་ཚེ། །བྱིན་གྱིས་རློབ་ཅིང་གཤེགས་སུ་གསོལ། །འདི་ན་ལྷ་དང་འབྱུང་པོ་དང་། །འཁོར་རྣམས་དང་ནི་བཅས་པ་དག །ཅི་ནུས་པར་ནི་མཆོད་བྱས་པས། །མཆོད་པ་ལ་ནི་ཕན་འདོགས་རྣམས། །ཡོངས་སུ་མཉེས་ཤིང་ཀུན་འདུས་ནས། །བདག་ལ་དངོས་གྲུབ་མྱུར་གནས་མཛོད། །ཅེས་བརྗོད་ཉིན་ཞག་རེ་རེ་སོང་བ་དང་། ཞག་དྲུག་ན་ནི་སོགས་བརྗོད། ཞག་གསུམ་དང་གཉིས་དང་། ཐ་མར་དེ་རིང་ཉིད་དུ་ཞེས་བརྗོད་དེ་ཞག་ཇི་ཙམ་བསྒྲུབ་འདོད་པ་དེ་ལྟར་བྱ། གཉིས་པ་ཞག་ཐ་མའི་ཉིན་མོ་སོང་ནས་མཚན་གཅིག་པོ་དེ་ལ་དངོས་གྲུབ་དངོས་སུ་འཐོབ་པའི་སྒྲུབ་པ་ཆེན་པོ་བྱ་བ་ཡིན་ཏེ། ཇི་སྐད་དུ། དཔུང་བཟང་གིས་ཞུས་པའི་རྒྱུ་ལས། གསང་སྔགས་གཟུགས་ནི་མངོན་དུ་ ― MR12_Page_0715 ―
[མ་དཔེ་གཟིགས་ན་འདིར་གནོན།]
མཐོང་ན་འགྲུབ། །མ་ཉམས་མེ་ཏོག་དབྱིག་དང་ཆུར་བསྲེས་ཤིང་། །བསྟོད་དང་བཅས་པར་མཆོད་ཡོན་རྒྱུན་བསྲིངས་ནས། །རྩེ་གཅིག་སེམས་ཀྱིས་མགོ་བཏུད་ཕྱག་བྱས་ཏེ། །དད་དང་འབད་པས་རྗེས་མཐུན་མཆོག་བསླང་ངོ་། །མཆོག་ཐོབ་ནས་ནི་དགའ་བས་ཕྱག་བྱས་ཏེ། །དད་པས་བསྟོད་ཅིང་མཆོད་ཡོན་ཕུལ་ནས་སུ། །གསང་སྔགས་བརྗོད་ཅིང་སླར་ཡང་གཤེགས་སུ་གསོལ། །གསང་སྔགས་ཀུན་ལ་ཚུལ་ནི་འདི་ཡིན་ནོ་ཞེས་གསུངས་པ་ལྟར། སྒྲུབ་པ་ཆེན་པོ་དངོས་གྲུབ་སྒྲུབ་པའི་དུས་སུ་ཕྱི་དྲོ་ཕྱོགས་བཅིངས་པ་བྱས་ལ། ཕྱོགས་བཅིང་པ་ནི། རིགས་པའི་སྙིང་པོ་བཟླས་ཏེ་ཕྱོགས་བཅུར་སྤོས་ཆུས་འཁོར་ཡུག་དུ་གཏོར་བས། སྟེང་འོག་ཕྱོགས་མཚམས་ཐམས་ཅད་དུ་རྡོ་རྗེའི་ས་གཞི་ར་བ། དྲ་བ་གུར་གྱིས་མཚམས་བཅད་དེ་སྲུང་འཁོར་སྒོམ། འདི་ལ་སོ་སོའི་ལས་ཀྱི་སྔགས་སམ། ཀུན་ལ་བདུད་རྩི་ཐབས་སྦྱོར་དང་མཱ་ཀི་ལེགས་གསུངས། མཚན་མོ་གཅིག་པོ་དེར་དངོས་གྲུབ་བསྒྲུབ་པར་བྱ། དེ་ཡང་མཆོད་ཡོན་གྱི་སྣོད་ནི། གསེར་དངུལ་ཟངས་སམ་ཤེལ་དང་ནོར་བུ་དུང་དང་ཉ་ཕྱིས་སོགས་སམ། མ་འབྱོར་ན་རྡོའམ་ཁམ་སའི་ཕོར་བ་གཙང་མར་བསང་གཏོར་བྱས་ལ། དེར་སྣ་མའི་མེ་ཏོག་སོགས་མེ་ཏོག་དཀར་པོ་དྲི་ཞིམ་པ་དང་། ཙནྡན་གུར་གུམ་སོགས་དྲི་བཟང་པོའི་ཆུ་དང་ཆུ་གཙང་བླུག རིན་པོ་ཆེའི་རིགས་སིལ་བུ་འབྱོར་ན་བཏབ། དེ་ལ་ལག་གིས་རེག་ཅིང་བདུག་སྤོས་ཀྱི་བདུག་ནས། ཡིད་ཀྱིས་ལྷའི་སྔགས་གང་ཡིན་བརྗོད་དེ་བཞག་པ་ནི་མཆོད་ཡོན་དམ་པའོ། །གཞན་ཡང་ལས་སོ་སོའི་དབང་དུ་བྱས་ཏེ་ལེགས་གྲུབ་ལས། མཆོད་ཡོན་གྱི་ཆུ་ནི། ཞི་བར་འོ་མ་རྒྱས་པར་ཞོ། །དྲག་པོར་བ་གཅིན་ནམ་ཁྲག་གིས་བྱ། མཆོད་ ― MR12_Page_0716 ―
[མ་དཔེ་གཟིགས་ན་འདིར་གནོན།]
ཡོན་གྱི་སྣོད་ནི་ཟངས་མཆོག་གོ། མ་རྙེད་ན་ས་སོགས་ཀྱིས་བྱ། རྫས་ནི་ཞི་བར་ནས། རྒྱས་པར་ཏིལ། དྲག་པོར་ཀོ་ཊ་པ་ཡིན་ལ། སྤོས་དང་མེ་ཏོག་ཀུ་ཤ་ཏིལ་རྣམས་དང་བཅས་པའི་ཆུ་ནི་ལས་གང་ལ་ཡང་བྱེ་བྲག་མེད་པར་བཟང་། དེ་བཞིན་འབྲས་ཡོས་ཀྱང་ལས་ཀུན་ལ་ཤིས་གསུངས། དངོས་གྲུབ་ཀྱི་རྫས་གོང་བཤད་རྣམས་ཀྱིས་མཚོན་ནས་གང་བསྒྲུབ་པར་འདོད་པ་དེ་དང་། ཕལ་པའི་ཆོ་ག་ཙམ་ལ་ནོར་བུའི་གཟུགས་སོགས་ཟས་སྣ་བཟང་པོ་ལས་བཅོས་པ་དང་། ཟས་སྣ་ཚོགས་ཀྱིས་བརྒྱན་པ་བཤམས།དེ་ནས་དཀྱིལ་འཁོར་བསྐྱེད་ཅིང་སྤྱན་དྲངས་མཆོད་པ་སོགས་བྱས་ལ། ལྷ་དེའི་སྔགས་བཟླས་པས་བསྐུལ་བས། དཀྱིལ་འཁོར་གྱི་ལྷ་རྣམས་མདུན་གྱི་ནམ་མཁར་མངོན་སུམ་བྱོན་ནས། མེ་ཏོག་གིས་ཆར་འབེབ། བཀྲ་ཤིས་པའི་གླུ་དབྱངས་སྒྲོགས།ཡུལ་བསྐྱོད་ཅིང་ལྷ་ཡི་རོལ་མོའི་སྒྲ་འབྱིན་པ་སོགས་ཆོ་འཕྲུལ་ཆེན་པོ་སྣ་ཚོགས་པ་དང་བཅས་ཏེ་སྔོན་གྱི་དམ་བཅའ་ཆེན་པོ་བཞིན་དུ་བདག་ལ་བརྩེ་བའི་ཐུགས་ཀྱིས་མཆོག་གང་དང་ཅི་བསླང་བ་གནང་བར་བསམས་ལ། གཟི་བརྗིད་ལྡན་པས་རྫས་ནང་དུ། །ཕྱི་བཤོལ་མ་མཛད་བཞུགས་ནས་ཀྱང་། །ཀུན་གྱི་གཟི་བརྗིད་སྤེལ་བ་དང་། །བྱིན་རླབས་ཅན་དུ་མཛད་དུ་གསོལ། །ཞེས་བྱས་ལ། རྫས་དེ་ལ་ལག་པས་བྲིམ་བཞིན་དུའམ། མིག་གིས་བལྟ་ཞིང་མ་ཡེངས་བར་རིག་སྔགས་བཟླ། བར་སྐབས་སུ་གོང་གི་འདོད་གསོལ་ཚིགས་བཅད་བརྗོད་ལ་ཀཱ་ར་ཝི་རའི་མེ་ཏོག་དམར་པོ་དང་། ཡུངས་ཀར་དང་སྣ་མའི་མེ་ཏོག་གིས་བྲབ་ཅིང་སྔགས་བཟླས་པས་རྫས་ལ་གཟི་བྱིན་བསྐྱེད་པར་བྱ་སྟེ་སྔགས་ནི། ཨོཾ་ཏེ་ཛ་ཏེ་ཛ་ས་ནི་སིདྡྷི་སྭ་དྷཱ་ཡ་ཧཱུྃ་ཕཊ། དེ་བཞིན་ ― MR12_Page_0717 ―
[མ་དཔེ་གཟིགས་ན་འདིར་གནོན།]
གཤེགས་པའི་རིགས་ཀྱི་རྫས་ཀྱི་གཟི་བྱིན་བསྐྱེད་པའི་སྔགས་སོ། །ཨོཾ་དཱི་པྱ་དཱི་པྱ། དཱི་པ་ཡ། ཨཱ་བི་ཤ་མ་ཧཱ་ཤྲི་ཡེ་སྭཱ་ཧཱ། པདྨའི་རིགས་ཀྱིའོ། །ཨོཾ་ཛྭ་ལ་ཛྭ་ལ། ཛྭ་ལ་ཡ་བནྡྷུ་རི་ཧཱུྃ་ཕཊ། རྡོ་རྗེའི་རིགས་ཀྱི་རྫས་བྱིན་བསྐྱེད་སྔགས་སོ། །གསུམ་ཀ་བཟླས་ཀྱང་འགལ་བ་མེད་དམ་སྙམ། དེ་ལྟར་བྱས་ནས་དམིགས་པ་མ་ཡེངས་ཤིང་གཉིད་ཀྱིས་མི་ལོག་པར་བསྒྲུབ་བྱའི་ལྷའི་རིག་སྔགས་བར་མ་ཆད་པས་བཟླས་པར་ཐོ་རང་གི་དུས་སུ། དྲོ་བ་སོགས་མཚན་མ་མངོན་དུ་གྱུར་བ་ན་དེ་མ་ཐག་ཏུ་དངོས་གྲུབ་ལེན་པར་བྱ། གལ་ཏེ་སྲོད་ཀྱི་དུས་ནས་འོད་སོགས་མཚན་མ་འབྱུང་བའང་སྲིད་པས། དེ་ལྟ་ན་དངོས་གྲུབ་མི་ཡལ་བར་དེ་ཉིད་དུ་མནན་དགོས་ཏེ་སྙིང་པོའི་སྔགས་བཟླས་པའི་བ་ཡི་གི་ཝཾ་གིས་བྲིམ་པ་སྟེ་བྲབས་པའམ་བྱུག་པར་བྱའོ། །ཡང་ན་ལག་པས་བྲིམ་ནས་མནན་ཏེ་བཞག །ཡང་ན་མར་རམ་མེ་ཏོག་གམ་རྫས་ཀྱི་རིགས་ལ་བཟླས་ནས་སྟེང་དུ་གཏོར་ཏེ་མནན་ཀྱང་རུང་བར་གསུངས། སྐབས་འགར་དངོས་གྲུབ་ཆེ་བ་ལ་བགེགས་ཀྱང་ཆེ་བས་མཚན་མོ་ཕྱེད་ཀྱི་དུས་སུ་ཕྱོགས་སོ་སོ་ནས་འཇིགས་པའི་གཟུགས་དང་སྒྲ་དང་རྡོ་ཆར་འབེབ་པ་སོགས་བགེགས་ཀྱི་རྣམ་པ་སྣ་ཚོགས་བྱུང་ན་འཇིགས་པ་མེད་པར་བྱ་ཞིང་རིག་པའི་རྒྱལ་པོ་དང་རྒྱལ་མོའམ། རིགས་ཀྱི་ཁྲོ་བོའམ་རང་སྔགས་ཀྱིས་བསྲུང་བས། ཐོ་རངས་མེ་ཏོག་གི་ཆར་སོགས་ཡ་མཚན་པའི་ལྟས་དང་བཅས་ཏེ་འགྲུབ་པར་འགྱུར་རོ། །དེ་ཡང་སྤྱིར་རང་གི་ལུས་གདོས་པ་སྦྱངས་ཏེ་རིག་འཛིན་དུ་གྱུར་པ་སོགས་ལུས་ལས་བྱུང་བའི་དངོས་གྲུབ་ནི་རབ། རྫས་ལས་བྱུང་བ་འབྲིང་། རང་བཞིན་འཁོར་དང་ནོར་འདུ་བ་སོགས་ལོངས་ ― MR12_Page_0718 ―
[མ་དཔེ་གཟིགས་ན་འདིར་གནོན།]
སྤྱོད་ལས་བྱུང་བ་དངོས་གྲུབ་ཐ་མར་གསུངས་ལ། རྫས་ཀྱི་དངོས་གྲུབ་ལའང་རྫས་དེ་ལས་དྲོ་བ་བྱུང་ན་ཐ་མ། དུ་བ་བྱུང་བ་འབྲིང་པོ། འབར་བ་རབ་ཡིན་ལ། གོ་རིམ་ནི་དྲོ་བ་སོགས་རིམ་པས་འབྱུང་བའམ། ངེས་མེད་དུ་འབྱུང་བའང་ཡོད་པར་གསུངས། གཞན་ཡང་སྤྱིར་རྒྱལ་བའི་རིགས་ཀྱི་དངོས་གྲུབ་ཆེ་སྟེ་སངས་རྒྱས་ནི་ཐམས་ཅད་ཀྱི་གཙོ་བོའོ། །པདྨའི་རིགས་ནི་འབྲིང་། རྡོ་རྗེའི་རིགས་ཀྱི་ཆུང་བར་གསུང་མོད། ངེས་པ་མེད་དེ། ལྷ་རབ་ཀྱིས་ཀྱང་སྒྲུབ་པ་པོའི་སྐལ་པ་དང་། མཚུངས་པར་དངོས་གྲུབ་ཐ་མ་ཙམ་རྩོལ་བ་དང་། འཇིག་རྟེན་པའི་ལྷ་སོགས་ཕལ་བས་ཀྱང་མཆོག་གི་ལྷ་ལས་བསླངས་ནས་དངོས་གྲུབ་རབ་རྩོལ་བ་ཡོད་པར་གསུངས། རྟགས་ཀྱང་སྲོད་དང་ནམ་ཕྱེད་ཐོ་རངས་བྱུང་བ་རིམ་བཞིན་དངོས་གྲུབ་ཐ་མ་དང་འབྲིང་དང་རབ་ཡིན་པས། རབ་ལ་ནངས་པར་དེ་ཉིད་ཀྱི་དུས་སུ་སྤྱད། མཚན་མོར་བྱུང་བ་དེ་ཡི་དུས་ལས་ནངས་པར་མི་སྤྱད། ཐ་མའི་མཚན་མ་ཅན་ནངས་པར་སྤྱད་ཀྱང་འགལ་བ་མེད། མནན་པ་མིན་པའི་དངོས་གྲུབ་ཀྱི་རིགས་ཕལ་ཆེར་དུས་ལས་འདས་ཏེ་རྫས་མ་སྤྱད་པས་དངོས་གྲུབ་ཡལ་བར་གྱུར་པ་ཡོད་ཅིང་། གལ་ཏེ་རྫས་གྲུབ་ཀྱང་དེ་དུས་མ་སྤྱད་པར་ཐལ་ན་སླར་སྒྲུབ་པ་བསྐྱར་ཏེ་གྲུབ་ནས་སྤྱད། སྤྱིར་ནི་ཇི་ལྟར་ཡང་ལོ་གསུམ་བསྒྲུབ་ན་འགྲུབ། དེ་ལས་ཐལ་ན་མི་འགྲུབ་པས་སྤང་བར་བྱ། ཅིས་ཀྱང་བྱ་ན་དྲག་ཤུལ་གྱིས་སྤོགས་པ་དང་། རང་གི་ཤས་སྲེག་བླུག་བྱས་པས་ཞག་དགུ་ན་མི་འགྲུབ་པའི་དབང་མེད་པར་ལེགས་གྲུབ་ལས་གསུངས། གང་ལྟར་ཡང་རྟགས་མཐོང་བ་སོགས་དངོས་གྲུབ་ལེན་པའི་ཚེ། པུས་མོ་གཉིས་ས་ལ་བཙུགས་ ― MR12_Page_0719 ―
[མ་དཔེ་གཟིགས་ན་འདིར་གནོན།]
ནས་ལག་པས་མཆོད་ཡོན་བཟུང་སྟེ། གོང་ལྟར་དད་པ་དང་ནི་སོགས་ཚིགས་བཅད་སྔགས་བཅས་རྗེས། ལྷ་དེའི་སྔགས་གསུམ་མམ་བདུན་བརྗོད་པས་སྤྱན་དྲངས་བཞིན་དུ། བདུག་སྤོས་བཅས་མཆོད་ཡོན་གྱི་རྒྱུན་བསྒྲེད་བར་བྱ་སྟེ། དེ་ཡང་ལྷའི་མཆོག་སངས་རྒྱས་རྣམས་ལ་སྤྱི་བོ་ནས་ལག་པ་གཉིས་སྦྱར་ཏེ་དབུལ། བར་མའི་ལྷ་རྣམས་ལ་སྙིང་གའི་ཐད་ནས་དང་། འཇིག་རྟེན་པ་སོགས་ལ་ལྟེ་བའི་ཐད་ནས་འབུལ། དེ་ལྟར་སྤྱན་དྲངས་པའི་ལྷ་ལ་མཆོད་པ་འབུལ་བ་ནི། བདེ་བར་གཤེགས་སོ་བཅོམ་ལྡན་འདས། །ཚུར་གཤེགས་འདིར་ནི་བཞུགས་སུ་གསོལ། །བདག་གི་མཆོད་པ་བཞེས་ནས་ཀྱང་། །ཐུགས་ཀྱིས་ཐུགས་དཔག་མཛད་དུ་གསོལ། །བདག་ནི་གུས་དང་ལྡན་པ་ལ། །དངོས་གྲུབ་ཐམས་ཅད་སྩལ་དུ་གསོལ། །ཨོཾ་ཨཱ་ཧཱ་ར་སོགས་སྔགས་བརྗོད་པས། དྲི་དང་མེ་ཏོག་སོགས་མཆོད་པ་རྒྱ་མཚོ་ཕུལ་བས་མཉེས་པར་བསམ། ལོང་ཁོམ་ཡོད་ན་གོང་བཤད་ལྟར་མཆོད་པའི་ཚིགས་སོ་སོ་བྱས་ཀྱང་རུང་། དེ་ནས་ལྷ་དེའི་བསྟོད་པ་བརྗོད་ཅིང་གུས་པས་ཕྱག་བྱས་ཏེ། བཅོམ་ལྡན་འདས་ལྷ་ཆེ་གེ་མོའི་བདག་ལ་ཇི་ལྟར་འདོད་པའི་མཆོག་ཆེ་གེ་མོ་འདི་སྩལ་དུ་གསོལ་ཞེས་རྩེ་གཅིག་གསོལ་བ་བཏབ། གཞན་ཡང་དངོས་གྲུབ་ལེན་པའི་ཚིགས་བཅད་ཅི་རིགས་བྱས་ཀྱང་ཆོག ལྷ་དེའི་སྔགས་དང་ཀཱ་ཡ་སིདྡྷི་སོགས་དངོས་གྲུབ་ཀྱི་ཤམ་སྦྱར་བཟླས་ལ་སྐུ་སྤྱི་བོར་བཞག་བཟའ་བཏུང་རོལ་རྫས་ཐོགས་པ་སོགས་རྫས་རྣམས་ཇི་འོས་སུ་སྤྱད་པར་བྱ། མཆོག་ཐོབ་ནས་སླར་ཡང་དགའ་བས་ཕྱག་འཚལ་ཞིང་བསྟོད་པ་བརྗོད་ལ་ ― MR12_Page_0720 ―
[མ་དཔེ་གཟིགས་ན་འདིར་གནོན།]
མཆོད་ཡོན་ཕུལ་ནས། ལྷ་རྣམས་རང་བཞིན་གྱི་གནས་སུ་གཤེགས་སུ་གསོལ་བར་བྱའོ། །སྒྲུབ་རྫས་རྣམས་ཆ་ལྔར་བྱས་པའི་དང་པོ་སངས་རྒྱས་ཀྱི་སྐུ་སྐལ་དུ་ཕུལ། ཆ་གཉིས་པ་བླ་མར་ཕུལ་དེ་མི་བཞུགས་ན་ཡིད་ཀྱིས་ཕུལ་ལ་རང་གིས་ཞུ། ཆ་གསུམ་པ་སྔར་ནས་གྲུབ་པ་དག་དེར་ཡོད་ན་ཕུལ། མེད་ན་སྒྲུབ་གྲོགས་པར་བཞག །བཞི་པ་སྒྲུབ་གྲོགས་ཀྱི་སྐལ་བར་བྱ། ལྔ་པ་རང་གིས་སྤྱད། རལ་གྲི་རས་བྲིས་སོགས་བགོ་བཤའ་བྱར་མེད་པའི་རིགས་ལ་ཡིད་ཀྱིས་མཆོད་གནས་དང་སེམས་ཅན་ལ་ཕན་བཏགས་པའི་མོས་པ་བྱ། རས་བྲིས་དང་རལ་གྲི་འབར་བ་སོགས་བཟུང་བ་ཙམ་གྱིས་ཐ་མལ་པའི་ལུས་སྦྱང་ནས་འདོད་པའི་ལྷའམ་གཟུགས་ཀྱི་ལྷ་དང་སྐལ་བ་མཉམ་པའི་ལུས་ཉི་མ་གཉིས་པ་བཞིན་དུ་ལྷམ་ཞིང་མཛེས་པ་འཁོར་ལྷ་ཀླུ་གནོད་སྦྱིན་གྱི་བུ་མོ་སོགས་འབུམ་ཕྲག་དུ་མས་བསྐོར་བའི་རིག་འཛིན་གྱི་རྒྱལ་པོ་ནམ་མཁའ་ལ་འགྲོ་བ་ཚེ་བསྐལ་པ་གནས་ཤིང་མཐུ་སྟོབས་སུས་ཀྱང་མི་ཐུབ་པ་ལོངས་སྤྱོད་རྣམས་བསམས་པ་ཙམ་གྱིས་འགྲུབ་པ་སངས་རྒྱས་ཀྱི་ཞིང་ནས་ཞིང་དུ་འགྲོ་ཞིང་རྫོགས་སྨིན་སྦྱང་བ་ལ་རིམ་གྱིས་འཇུག་པའི་སྐལ་པ་ཅན་དུ་འགྱུར་བ་སོགས། རྒྱུད་སོ་སོ་ནས་གསུངས་པ་བཞིན་མངོན་དུ་འགྱུར་རོ། །དེ་ཡང་ལེགས་གྲུབ་ལས། སྟེང་དང་བར་སྣང་ས་པ་དག །གནས་ནི་རྣམ་པ་གསུམ་དུ་འདོད། །རིག་སྔགས་འཆང་དང་ནམ་མཁར་འགྲོ། །སྣ་ཚོགས་གཟུགས་ཀྱི་དངོས་གྲུབ་དང་། །དེ་བཞིན་མངོན་ཤེས་མཐོང་བ་དང་། །ཞི་བའི་བློ་དང་ཡེ་ཤེས་ཐོབ། །བསྟན་བཅོས་ཀུན་ཤེས་བློ་དག་དང་། །སྨྲ་མཁས་ཐོས་པ་འཛིན་པ་དང་། །རོ་ལངས་འགྲུབ་དང་མངོན་ཕྱོགས་དང་། ། ― MR12_Page_0721 ―
[མ་དཔེ་གཟིགས་ན་འདིར་གནོན།]
གནོད་སྦྱིན་མོ་ལ་སོགས་གྲུབ་དང་། །ས་སྟེང་རྒྱལ་སྲིད་ཡིད་བཞིན་ནོར། །གཏེར་ཆེན་དག་ནི་རྙེད་པ་སྟེ། །དེ་དག་ལ་སོགས་བསྟན་པ་རྣམས། །རིག་སྔགས་དངོས་གྲུབ་རབ་ཡིན་ནོ། །མི་སྣང་སྟོབས་དང་བརྩོན་འགྲུས་དང་། །ཕུག་གི་དངོས་གྲུབ་བཅུད་ཀྱིས་ལེན། །མངག་གཞུག་ལྷ་མིན་དངོས་གྲུབ་དང་། །ཤ་ཟ་ས་ལ་བྷཉྫི་ཀ །མང་དུ་ཐོས་པའི་ཤེས་ཐོབ་དང་། །རྐང་མགྱོགས་པ་ཡི་དངོས་གྲུབ་དང་། །དེ་དག་ལ་སོགས་དངོས་གྲུབ་རྣམས། །འབྲིང་པོའི་ནང་ནས་རབ་ཏུ་བསྟན། །འགྲོ་བ་ཐམས་ཅད་དགའ་བ་དང་། །འཇིག་རྟེན་པ་རྣམས་དབང་བསྒྱུར་དང་། །དྲག་ཤུལ་སྤྱོད་པའི་ཆོ་ག་ནི། །བསྐྲད་པ་ལ་སོགས་ཐམས་ཅད་དང་། །གང་གཞན་ཅུང་ཟད་ཕལ་གྱི་རྣམས། །མཁས་པས་ཐ་མར་རིག་པར་བྱ། །ཞེས་དང་། ལྷ་རྣམས་ལ་ཡང་དབུལ་པོ་ཡོད། །ཡི་དྭགས་ལ་ཡང་མཐུ་ཆེན་ཡོད། །དེ་བཞིན་དངོས་གྲུབ་དག་ལ་ཡང་། །རྣམ་པ་སྣ་ཚོགས་ཡོད་པར་འགྱུར། །རབ་འབྲིང་ཐ་མ་རེ་རེ་ལའང་། །དངོས་གྲུབ་རྣམ་པ་གསུམ་དུ་ཕྱེ། །གསང་སྔགས་རྣམས་ཀྱི་མཐུ་ཤེས་ནས། །བསྙེན་པ་ལས་ནི་དངོས་གྲུབ་བསྩལ། །ཞེས་གསུངས་ཤིང་གཞན་ཡང་། རལ་གྲི་རིལ་བུ་རོ་ལངས་སོགས་ཀྱི་དངོས་གྲུབ་ཀྱི་བྱེ་བྲག་བརྒྱད་དང་། དགུ་དང་བཅུ་གཉིས་སོགས་ཀྱི་གྲངས་སུ་བཞག་པའི་རྣམ་གྲངས་རྒྱུད་སྡེ་སོ་སོར་གསུངས་པས་མཚོན་ནས་དངོས་གྲུབ་ཀྱི་རྣམ་གྲངས་མཐའ་ཡས་པར་འགྱུར་བར་དེ་དག་རིག་སྔགས་ཀྱི་ལྷ་མཉེས་པའི་སྟོབས་ཀྱིས་བདེ་བླག་ཏུ་འགྲུབ་ཅིང་། གནས་སྐབས་ཐུན་མོང་གི་དངོས་གྲུབ་དེ་དག་ལ་བརྟེན་ནས་མཐར་ཐུག་གི་ས་ལ་སྦྱོར་བར་བྱེད་དེ། འཇམ་དཔལ་ ― MR12_Page_0722 ―
[མ་དཔེ་གཟིགས་ན་འདིར་གནོན།]
དཔའ་བོ་གཅིག་སྒྲུབ་ཀྱི་རྒྱུད་ལས། ལྷ་ཉིད་གསང་སྔགས་ཚུལ་གྱིས་ནི། །དངོས་གྲུབ་ཐམས་ཅད་སྩོལ་མཛད་པ། །དེ་གྲུབ་ན་ནི་འགྲུབ་གྱུར་ཏེ། །སྔགས་པ་ལུས་ནི་རྣམ་དག་དང་། །གང་ཚེ་དངོས་གྲུབ་ཕྲ་མོ་འགྲུབ། །སྣོད་དུ་གྱུར་པའི་ལུས་ལ་ནི། །དངོས་གྲུབ་ཆེན་པོ་རབ་ཏུ་སྐྱེ། །རིམ་པ་འདི་ཡིས་འདི་ལ་ནི། །ས་ལ་སོགས་པ་འཐོབ་པ་སྐྱེ། །སྔགས་པས་ཡིད་བཞིན་ནོར་བུ་ལྟར། །རྟག་ཏུ་སེམས་ཅན་དོན་བྱེད་དོ། །ཞེས་གསུངས་པ་བཞིན་ནོ། །དེ་དག་གིས་སྔགས་ཕྱི་རྒྱུད་པ་དག་གིས། །ཇི་ལྟར་བསྙེན་སྒྲུབ་བྱ་བའི་ཆོ་གའི་སྤྱི་ཁོག་མདོ་ཙམ་བརྗོད་ནས། ད་ནི་ལམ་གྱི་དངོས་གཞི་ཅུང་ཟད་བཤད་ན། ལམ་དངོས་ནི་མཚན་བཅས་དང་མཚན་མེད་ཀྱི་རྣལ་འབྱོར་རྣམ་པ་གཉིས་ཁོ་ན་ཡིན་ཞིང་། དང་པོ་མཚན་བཅས་ཀྱི་རྣལ་འབྱོར་ནི་ལྷ་དང་སྔགས་ལ་དམིགས་པ་ཡིན་ཏེ། ཇི་ལྟར་ན་ཀུན་རྫོབ་ཏུ་ཡོངས་སུ་དག་པའི་ལྷ་ཡེ་ཤེས་པ་ཉིད་བསྟེན་ཅིང་སྒྲུབ་ན། དངོས་གྲུབ་ངེས་པར་སྩོལ་བའི་མཐུ་དང་ལྡན་པས་རྗེ་བོ་ལྟ་བུ་དང་། རང་ཉིད་ལྷ་དེ་མཉེས་པར་བསྒྲུབ་པའི་སྒོ་ནས་དངོས་གྲུབ་ནོད་པ་པོ་ཁོལ་པོ་ལྟ་བུར་བལྟ་ཞིང་། དོན་དམ་པར་མཐའ་བཞི་དང་བྲལ་བའི་ཆོས་ཉིད་ལ་བཟང་ངན་མེད་པ་དང་། ཆོས་ཅན་ཐ་སྙད་དུ་རྟེན་ཅིང་འབྲེལ་བར་འབྱུང་བའི་དབང་གིས་ལྷ་སྔགས་ཕྱག་རྒྱས་རང་ལ་རྒྱས་བཏབ་སྟེ་སྒྲུབ་ན་ཇི་ལྟར་དམིགས་པའི་འབྲས་བུ་བསླུ་མེད་དུ་ཐོབ་པའི་ངེས་ཤེས་ཁྱད་པར་ཅན་གྱི་ལྟ་བ་དང་རྗེས་སུ་མཐུན་པར། བླ་མེད་བྱང་ཆུབ་མཆོག་ཏུ་སེམས་བསྐྱེད་ཅིང་དབང་ནོད་ལ་དམ་ཚིག་དང་ལྡན་པའི་སྒྲུབ་པ་པོ་དེས་ལྷ་དང་སྔགས་ལ་སེམས་པ་འབའ་ཤིག་མ་རྟོགས་པའི་བསམ་པ་ ― MR12_Page_0723 ―
[མ་དཔེ་གཟིགས་ན་འདིར་གནོན།]
གཞན་སྤངས་ནས་ལྷ་ཡི་སྐུ་དང་སྔགས་ཀྱི་ཚུལ་ལ་དམིགས་པ་ལས་སུ་རུང་བའི་སྒོ་ནས་བསྒོམ་པ་ཡིན་ལ། ཚུལ་ཇི་ལྟར་ན། ལག་ན་རྡོ་རྗེ་དབང་བསྐུར་བའི་རྒྱུད་ལས། བདག་གི་ལྷ་དང་། བདག་གི་གཟུགས་ཐ་མི་དད་པར་བྱས་པས་མཚན་མ་མ་བྱུང་གི་བར་དུ་བཟླས་བརྗོད་བྱའོ། །ཞེས་དང་། ཞི་བའི་བློ་གྲོས་གང་གི་ཚེ་བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོར་སྤྱོད་ལ། བདག་ཉིད་རང་གི་ལྷའི་གཟུགས་སུ་བྱས་ལ་ཐེ་ཚོམ་མེད་པའི་ཡིད་ཀྱིས། ང་རྒྱལ་བསྐྱེད་ཅིང་འགྲོ་ཡང་རུང་འགྲེང་ཡང་རུང་། འདུག་ཀྱང་རུང་། ཉལ་ཡང་རུང་། རྟག་ཏུ་དུས་ཐམས་ཅད་དུ། བསྐྱོད་ཀྱང་མི་གཡོ་བ་དེའི་ཚེ། །ཞེས་སོགས་དང་། འཇམ་དཔལ་གང་གི་ཚེ་རང་གི་གཟུགས་ཡོངས་སུ་སྤངས་ཏེ་ལྷའི་ང་རྒྱལ་ལ་ཐེ་ཚོམ་མེད་པ་ཐོབ་པ་དེའི་ཚེ་གསང་སྔགས་ཀྱི་ཆོས་ཉིད་དེས་ཆོས་ཉིད་དེས་ཆོས་ཉིད་སྟོན་ཏེ་ཞེས་སོགས་མཚན་བཅས་ཀྱི་རྣལ་འབྱོར་དང་། འཇིག་རྟེན་གསུམ་ལས་རྣམ་པར་རྒྱལ་བའི་རྟོགས་པ་ལས། སེམས་ཅན་ཀུན་གྱི་བདག་ཆེ་ནི། །བདག་ཉིད་ལ་ཡང་གནས་སོ་ཞེས། །བྱིན་གྱིས་བརླབས་ནས་སེམས་དཔའ་བདག །ཡིན་ཞེས་ང་རྒྱལ་བསྒོམ་པར་བྱ། །ཞེས་དང་། རང་སེམས་སོ་སོར་བརྟག་པ་ནི། །སངས་རྒྱས་བྱང་ཆུབ་དེ་ཉིད་ཡིན། །ཞེས་དང་། འཇིག་རྟེན་གསུམ་པོ་དེ་ཉིད་དོ། །ཞེས་དང་། འབྱུང་བ་ཆེ་རྣམས་དེ་ཉིད་དོ། །ཞེས་དང་། དེ་ཉིད་ཕྱག་ན་རྡོ་རྗེ་ཡིན། །ཞེས་དང་། སངས་རྒྱས་རིགས་ཀྱང་དེ་ཉིད་དེ། །ཞེས་རྡོ་རྗེ་པདྨ་ནོར་བུའི་རིགས་ཀྱང་དེ་ཉིད་ཡིན་པར་གསུངས། སེམས་དཔར་བྱིན་བརླབས་སྦྱོར་བ་ཡི། །རྡོ་རྗེ་སེམས་དཔར་ཡང་འགྱུར་རོ། །བཅོམ་ལྡན་རྡོ་རྗེ་དེ་ཉིད་ནི། ། ― MR12_Page_0724 ―
[མ་དཔེ་གཟིགས་ན་འདིར་གནོན།]
བསྒོམས་པས་སེམས་དཔའ་ཉིད་དུ་འབྱུང་། །ཞེས་དང་། ཡང་རྣམ་པ་ཐམས་ཅད་དུ་རྟག་པར་བདག་གི་ལུས་དང་ལྷའི་གཟུགས་སུ། བདག་གི་ངག་དང་ལྷའི་ངག་ཏུ། བདག་གི་ཡིད་དང་ལྷའི་ཡིད་དུ་མཚུངས་པར་མཐོང་བ་དེའི་ཚེ་མཉམ་པར་བཞག་པ་ཡིན་ནོ། །ཞེས་གསུངས་པས་མཚོན་ཏེ་བྱ་སྤྱོད་ཀྱི་རྒྱུད་རྣམས་སུ་བདག་ཉིད་ལྟར་བསྒོམ་པ་མཚན་བཅས་ཀྱི་རྣལ་འབྱོར་མང་དུ་གསུངས་པས་བྱ་རྒྱུད་ཁྱད་པར་ཅན་གྱི་ལམ་བསྒོམ་པ་ལ། བདག་ཉིད་ལྷར་བསྒོམ་ཞིང་ང་རྒྱལ་བྱེད་པ་མེད་དུ་མི་རུང་བ་ཡིན་ནོ། །སྤྱིར་བྱ་རྒྱུད་ལ་ཙམ་པོ་པ་དང་ཁྱད་པར་ཅན་གཉིས་ལས། དང་པོ་དཔུང་བཟང་གིས་ཞུས་པའི་རྒྱུད་ལས། གསང་སྔགས་མདོ་སྡེའི་ཚུལ་དུ་ངས་བཤད་དོ། །ཅེས་གསུངས་པ་ལྟར་ཐུན་མོང་མདོ་སྡེའི་གཟུངས་རྣམས་དང་ཚུལ་འདྲ་བར་གསུངས་པ་དང་། རྟོག་པ་ཕྲ་མོའི་སྔགས་ཕལ་ཆེར་ལ་རང་ལྷར་མི་བསྒོམས་པར་ལྷ་ཡེ་ཤེས་པ་མདུན་དུ་སྤྱན་དྲངས་ལ་མཆོད་ཅིང་བཟླས་པ་བྱེད་པ་དང་། རས་བྲིས་ལ་རྟེན་བྱས་ཏེ་སྒྲུབ་པ་སོགས་ཀྱི་ཚུལ་གསུངས་པ་ཡོད་ལ། དེ་དག་གི་ཆོ་ག་པཎ་གྲུབ་རྣམས་ཀྱིས་གསང་སྔགས་མདོ་སྡེའི་ཚུལ་དུ་བཀྲལ་བའང་ཡོད་ཅིང་། དེ་དག་བྱ་རྒྱུད་དུ་གཏོགས་པར་ཡང་བཞེད་དོ། །ཡང་ཡེ་ཤེས་རྡོ་རྗེ་ཀུན་ལས་བཏུས་པའི་རྒྱུད་ལས། བྱ་རྒྱུད་ལ་ཡེ་ཤེས་སེམས་པའི་བདེ་བ་མེད་པ་དང་། བདག་ཉིད་ལྷའི་སྙེམས་པ་མེད་པ་ཞེས་གསུངས་པ་ནི། འདི་བས་རྣལ་འབྱོར་རྒྱུད་བཞིན་དུ་རང་དང་ལྷ་ཐ་མི་དད་དུ་བྱས་ཏེ། རང་ལ་ཡེ་ཤེས་པ་གཞུག་པར་མ་བསྟན་ཅིང་། མདུན་བསྐྱེད་གཙོ་བོར་བྱས་པའི་ཕྱིར་རྣལ་འབྱོར་རྒྱུད་ལྟར་ལྷའི་སྙེམས་པ་མི་བྱ་བའི་དོན་ཡིན་གྱི། བདག་ཉིད་ལྷར་བསྒོམ་པ་གཏན་མེད་པའི་དོན་ ― MR12_Page_0725 ―
[མ་དཔེ་གཟིགས་ན་འདིར་གནོན།]
མ་ཡིན་ཏེ་བྱ་རྒྱུད་པས་ཀུན་རྫོབ་ཏུ་བདག་དང་ལྷ་ལ་བཟང་ངན་དུ་ལྟ་བའི་ཕྱིར་བདག་ཉིད་ལྷའི་ང་རྒྱལ་གྱི་གསལ་སྣང་བསྐྱེད་ཀྱང་ལྷ་དངོས་ཡིན་པའི་འདུ་ཤེས་རྒྱུད་གོང་མ་ལྟར་མི་ནུས་པའི་དོན་ཏོ། །དེ་ལྟ་ན་བདག་གི་སྒོ་གསུམ་དང་ལྷའི་གསང་གསུམ་དབྱེར་མེད་དུ་སྣང་བའི་ཚེ་སྔགས་འགྲུབ་པར་གསུངས་པའི་ལུང་རང་གིས་དྲངས་པ་དང་འགལ་ལོ་སྙམ་ན། ཀུན་རྫོབ་ཏུ་ལྷ་དངོས་ཀྱི་རང་བཞིན་མིན་ཡང་ཡིན་པའི་ང་རྒྱལ་སྒོམ་ནས་གསལ་སྣང་བྱུང་ནས་ལྷའི་གསང་གསུམ་གྱི་དངོས་གྲུབ་ཐོབ་པ་མི་འགལ་ཏེ། དེང་སང་གི་སྔགས་གསར་མ་བ་ཕལ་མོ་ཆེས། སྔགས་བླ་མེད་ཀྱི་བསྐྱེད་རིམ་འཆད་པའི་ཚེ། རང་གདོད་ནས་ལྷའི་རང་བཞིན་དུ་རྣམ་པར་དག་པ་མིན་ཡང་ལྷ་ཡིན་པར་སྒོམ་པས་གོ་ཆོད་པར་ཁས་ལེན་པ་ཡིན་ན་བྱ་རྒྱུད་པ་ལའང་དེ་ལྟ་བུ་འོང་བ་ཅི་ལ་འགལ། གཞན་ཡང་རང་ཉིད་ལྷའི་རྣམ་པར་བསྒོམ་པ་དང་མ་བྲལ་བའི་སྒོ་ནས་བལྟས་པའི་བདེ་བ་ལམ་དུ་བྱེད་པ་དང་། གཞན་ལ་དབང་བསྐུར་བ་དང་། ཕྱོགས་བཅིངས་པ་སོགས་ཀྱི་ལས་ཕལ་མོ་ཆེ་དང་། རིག་འཛིན་གྱི་འཁོར་ལོས་སྒྱུར་བ་སོགས་དངོས་གྲུབ་ཆེན་པོ་དང་། མངག་གཞུག་པ་བསྒྲུབ་པ་སོགས་དངོས་གྲུབ་སྣ་ཚོགས་བསྒྲུབ་པ་ཡིན་གྱི་ཐ་མལ་རང་ག་བའི་བློ་མ་བོར་བས་དེ་ལྟར་བྱས་ཀྱང་དོན་ཆུང་བར་ཟད་དོ། །གལ་ཏེ་རང་ཐ་མལ་པ་ལྷ་མིན་པའི་གནད་ཀྱིས་ལྷར་བསྒོམ་མི་རུང་ན། བུམ་ཆུ་སོགས་དང་། བྲིས་སྐུ་དཀྱིལ་འཁོར་སོགས་ལྷར་བསྐྱེད་མི་རུང་བར་མཚུངས་ཏེ་དེ་དག་ཀྱང་ལྷ་དངོས་མིན་པའི་ཕྱིར་རོ། །མདུན་གྱི་ལྷ་བསྒོམ་པ་དེ་ཡང་རང་སེམས་ཀྱིས་བརྟག་སྟེ་བྱས་མོད། དེ་ལ་གསལ་སྣང་གྲུབ་རྒྱུ་ཡོད་ན་རང་སེམས་དང་རང་ ― MR12_Page_0726 ―
[མ་དཔེ་གཟིགས་ན་འདིར་གནོན།]
ལུས་ལྷར་གསལ་ཀྱང་གསལ་སྣང་གྲུབ་པ་ཡོད་པར་མཚུངས་སོ། །མདུན་གྱི་ལྷའི་རྣམ་པ་དེ་ཡང་རང་སེམས་ཀྱི་གསལ་ཆ་ཙམ་གྱི་རྣམ་པ་སྣང་བ་ཡིན་ན་ཡང་། དེ་བདག་དང་རྒྱུད་ཐ་དད་པའི་ལྷ་ཡེ་ཤེས་པ་དངོས་སུ་ཞེན་ཅིང་རང་དངོས་གྲུབ་ནོད་པ་པོའི་ཚུལ་གྱིས་མཆོག་དམན་གྱི་འདུ་ཤེས་ཞེས་ཤས་ཆེ་བའི་གདུལ་བྱ་དག་གི་ངོར་རེ་ཤིག་མདུན་བསྐྱེད་གཙོ་བོར་བྱེད་པའི་བྱ་རྒྱུད་རྣམས་བསྟན་པ་ཡིན་ཀྱང་། རྣམ་པ་ཀུན་ཏུ་ཐ་མལ་བ་དང་ལྷ་ཡེ་ཤེས་པ་འདྲེ་མི་རུང་བར་བཟུང་ན། ཐ་མལ་པའི་སྣང་བ་གང་ཡང་ལྷར་བསྒོམ་མི་རུང་བའི་གཉིས་སྣང་དམ་པོ་དེས་དངོས་གྲུབ་འབྱུང་བ་ལ་གེགས་བྱེད་པ་ཡིན་ཅིང་། བྱ་རྒྱུད་པ་ལའང་ནམ་ཞིག་ལྷ་དང་རང་གཉིས་སུ་མེད་པའི་ངེས་པ་སྐྱེས་པའི་ཚེ་བློ་ན་འཕར་ཏེ་རྒྱུད་སྡེ་གོང་མའི་དགོངས་དོན་ལ་འཇུག་པ་ཡིན་ནོ། །དེས་ན་སྔགས་བླ་མེད་ནས་ཇི་ལྟར་གསུངས་པའི་དགོངས་དོན་ཉམས་སུ་མ་ལོན་པར་དུ་འབྲས་བུ་མཐར་ཐུག་འཐོབ་པ་མིན་ཡང་། གནས་སྐབས་སུ་གདུལ་བྱའི་བློ་དང་མཐུན་པར་འཇུག་པའི་མདོ་དང་རྒྱུད་འོག་མ་རྣམས་ཀྱི་ལམ་ལ་ཞུགས་པའང་རིམ་གྱིས་མཐར་འབྲས་འཐོབ་པ་ཡོད་མོད་ཀྱི་ལམ་ལ་ཉེ་རིང་གི་ཁྱད་པར་གོང་ནས་གོང་དུ་འཕགས་པའང་། ལྟ་བ་ཤེས་རབ་དང་ལམ་བསྒོམ་པའི་ཐབས་གཉིས་ཀས་འཕགས་པ་ཡིན་པའི་ཕྱིར་རོ། །རྣམ་སྣང་དང་འཇམ་དཔལ་སོགས་ལྷའི་ངོ་བོ་ལ་རྒྱུད་གོང་འོག་གི་ཁྱད་པར་གྱི་མཆོག་དམན་མེད་པས་འཕགས་ཡུལ་བའི་སློབ་དཔོན་ཆེན་པོ་ཀུན་དགའ་སྙིང་པོ་སོགས་ཀྱིས་རྒྱུད་སྡེ་འོག་མ་ལའང་གོང་མའི་ཆོ་ག་སྦྱར་རུང་བར་བཞེད་ལ། ས་སྐྱ་པ་དག་གིས་བྱ་རྒྱུད་གཅིག་ལ་རྒྱུད་སྡེ་བཞི་ཀར་བཀྲལ་རུང་བར་བཞེད། འོན་ཀྱང་གདུལ་བྱའི་བསམ་པ་ ― MR12_Page_0727 ―
[མ་དཔེ་གཟིགས་ན་འདིར་གནོན།]
དང་མཐུན་པར་ཐ་མལ་པའི་དངོས་ཞེན་ཆེ་ཆུང་དང་བསྟུན་ཏེ། གཙང་སྒྲ་དགོས་མི་དགོས། བདག་ཉིད་ལྷའི་སྙེམས་པ་དོན་མཐུན་ལམ་དུ་བྱེད་ནུས་མི་ནུས་སོགས་ཀྱི་རྒྱུད་སྡེ་བཞིའི་ཆོ་གའི་སྒྲུབ་ཚུལ་ཐ་དད་དུ་ཕྱེ་བ་བཞིན་དུ། རྒྱུད་གང་ན་དེ་ལྟར་དངོས་སུ་བསྟན་པ་རྣམས་ལ་དེ་དང་དེའི་རྒྱུད་ཀྱི་རྣམ་བཞག་བྱེད་དགོས་པ་ཡིན་ནོ། །དེ་ལྟར་རིགས་པས་དཔྱད་ན་བྱ་རྒྱུད་ཡིན་ན་བདག་བསྐྱེད་མེད་པའི་ངེས་པ་མི་འགྲུབ་ལ། བདག་བསྐྱེད་ཡོད་ན་འཐད་པའང་དུ་མ་ཡོད་མེད་མང་དུ་མ་སྨྲོས་སོ། །ལུང་གི་དབང་དུ་བྱས་ན་ཡང་རྒྱུད་ལ་བདག་བསྐྱེད་མི་བཞེད་པ་དེ་དག་གིས་བྱ་རྒྱུད་དངོས་གནས་པར་ཞལ་གྱིས་བཞེས་པའི་ལག་ན་རྡོ་རྗེ་དབང་བསྐུར་བ་སོགས་ཀྱི་ལུང་སྔར་དྲངས་བ་དང་། བྱ་རྒྱུད་ཀྱི་སྤྱི་རྒྱུད་བཞིར་བཞེད་པའི་ནང་ཚན་བསམ་གཏན་ཕྱི་མ་ལས། གཞི་གཉིས་གསུངས་པའི་གཞི་གཅིག་ནི་རང་ཉིད་ལྷར་བསྒོམ་པ་ཡིན་པ་སོགས་དང་། བྱ་རྒྱུད་འབའ་ཞིག་ཏུ་འདོད་པའི་གར་མཁན་མཆོག་གི་བརྟག་པ་ཕྱི་མ་ལས་བདག་ཉིད་ཕྱག་རྡོར་དུ་བསྐྱེད་པར་གསུངས་པ་སོགས་དེ་འདྲ་འགའ་ཡོད་པ་དང་། གལ་ཏེ་དངོས་སུ་བདག་ལྷར་བསྒོམ་པ་གསུངས་པ་མེད་ཀྱང་དེ་ཙམ་གྱིས་བྱ་རྒྱུད་ཡིན་ངེས་སུ་མི་འགྲུབ་སྟེ། བླ་མེད་རྒྱུད་ཀྱི་སྔགས་ཁོལ་བྱུང་དང་། རྟོག་པའི་རྒྱུད་འགའ་ཞིག་ལ་སོགས་པ་བཞིན་ནོ། །གཞན་ཡང་བྱ་རྒྱུད་ལུགས་ཀྱི་ཆུ་ཅོན་པཎ་གྱིས་དབང་བསྐུར་བ་དང་། གཙང་སྦྲ་དང་ཁྲུས་སོགས་ཀྱང་བྱ་རྒྱུད་དུ་གཏོགས་ཚད་ལ་དེ་དག་གི་གསལ་ཁ་མ་བྱུང་ཡང་བྱ་རྒྱུད་ཡིན་པར་འདོད་དགོས་པ་བཞིན་ཏེ། བདག་བསྐྱེད་མ་བསྟན་པས་བདག་བསྐྱེད་སྒོམ་མི་རུང་ན་དབང་སོགས་ལ་མཚུངས་པར་ ― MR12_Page_0728 ―
[མ་དཔེ་གཟིགས་ན་འདིར་གནོན།]
ཁས་ལེན་དགོས་སོ། །བདག་བསྐྱེད་དངོས་སུ་མ་བསྟན་པའི་རྒྱུད་ཕལ་ཆེན་མདུན་བསྐྱེད་ཀྱང་དངོས་སུ་མ་བསྟན་པ་ཡོད་པས་དེ་དག་བྱ་རྒྱུད་མིན་པར་ཡང་འགྱུར་བའི་ཕྱིར་དང་། རྣལ་འབྱོར་རྒྱུད་དང་བླ་མེད་ཀྱི་རྒྱུད་ཡིན་པ་འགའ་ལའང་སྔགས་དང་ཆོ་ག་སོགས་བསྟན་གྱི་བདག་བསྐྱེད་སོགས་ལྷའི་མངོན་རྟོགས་མེད་པའང་ཡོད་པ་ཡིན་ནོ། །སྔགས་བཟླ་རྒྱུ་ཡོད་པ་ཙམ་གྱིས་རྒྱུད་སྡེའི་ཁོངས་སུ་གཏོགས་ངེས་པའང་མིན་ཏེ། དཔེར་ན་ཆུ་ཅོད་པཎ་གྱི་དབང་ནོད་པ་སོགས་སྔོན་དུ་འགྲོ་བ་དང་མདུན་བསྐྱེད་སོགས་ནི་དགོས་པ་དད་པས་བཟླ་རུང་བ་འདུལ་བ་དང་མདོ་ནས་བྱུང་བའི་སྔགས་དང་། དྲང་སྲོང་སོགས་བདེན་ཚིག་གྲུབ་པ་དང་། ལྷ་མཐུ་བོ་ཆེ་སོགས་ཀྱིས་བྱིན་གྱིས་བརླབས་པའི་ནད་ཞི་བ་དང་། མིག་འཕྲུལ་སྟོན་པ་སོགས་ཀྱི་སྔགས་མཐའ་ཡས་པ་ཡོད་པ་ཡིན་ནོ། །དེ་ཡང་སངས་རྒྱས་དང་བྱང་ཆུབ་སེམས་དཔའ་རྣམས་ལ་དཀྱིལ་འཁོར་གང་དུ་ལྷ་སོགས་ཀྱི་རིག་སྔགས་ཕུལ་བ་ཕལ་མོ་ཆེ། རྒྱུད་དང་དཀྱིལ་འཁོར་དེ་ལ་བརྟེན་པའི་རིག་སྔགས་ཀྱི་འཁོར་ཡིན་པས་དེའི་རིགས་སུ་གཏོགས་ལ། དེ་ལྟར་མིན་པ་རྣམས་ནི་དཔུང་བཟང་གི་རྒྱུད་ལས། གཞན་ཡང་ཁ་ཅིག་གནས་མེད་རྣམ་པར་འཁྱམས་ཞེས་གསུངས་པ་ལྟ་བུའོ། །དེས་ན་རྒྱུད་ཀྱི་ཚིག་རིས་ལ་བདག་བསྐྱེད་ཡོད་མེད་ཙམ་ཞིག་གིས་བྱ་རྒྱུད་ཡིན་མིན་དཔྱད་དཀའ་བས་སྔགས་ཕལ་མོ་ཆེ་དག་བླ་མེད་ཀྱི་རྫོགས་རིམ་སོགས་ཕལ་ཆེ་བ་རྒྱུད་དེར་དངོས་སུ་གསལ་པོར་བསྟན་པ་མེད་ཀྱང་། དེ་དག་གི་བཤད་རྒྱུད་དང་རྒྱུད་རྒྱས་པ་སོགས་དང་རྒྱུད་གཞན་ན་གསལ་བ་དང་། རྒྱུད་ཀྱི་བཀའ་བསྡུ་བ་པོ་གསང་བདག་དང་མཁའ་འགྲོ་མ་སོགས་ཀྱི་མན་ངག་ལ་བརྟེན་ཏེ་བཀྲལ་བའི་ ― MR12_Page_0729 ―
[མ་དཔེ་གཟིགས་ན་འདིར་གནོན།]
ལུགས་ཟབ་མོ་ཤིན་ཏུ་མང་བའི་ཕྱིར་ན། ལམ་འདིའི་ཤིང་རྟ་ཆེན་པོ་དངོས་གྲུབ་བརྙེས་ཤིང་མཁས་པའི་དབང་པོར་འཛམ་གླིང་ན་ཡོངས་སུ་གྲགས་པ། སློབ་དཔོན་སངས་རྒྱས་གསང་བ་སོགས་ཀྱི་རྗེས་སུ་འབྲང་བ་ནི་ཤིན་ཏུ་རིགས་པ་དང་ལྡན་ཞིང་དངོས་གྲུབ་ཀྱི་ལམ་པོ་ཆེ་ཡིན་པ་ཉིད་དུ་ཤེས་པར་བྱའོ། །དེ་ལྟར་རང་ཉིད་ལྷ་སྐུར་བསྒོམ་པའི་གསལ་སྣང་ལ་དམིགས་པ་རྩེ་གཅིག་པའི་ཏིང་ངེ་འཛིན་སྟོབས་སུ་གྱུར་པའི་ཚེ་ན་སྔགས་རྣམས་ཉེ་བར་འགྲུབ་བོ། །དེ་ལ་ལྷ་ཡི་སྙིང་པོ་སྲོག་ལྟ་བུ་ནི་གསང་སྔགས་ཡིན་ལ་སྔགས་དེ་ཡང་བསྒོམ་པ་དང་བཟླས་པ་གཉིས་ཀྱི་ཚུལ་གྱིས་བསྒྲུབ་པ་ཡིན་ནོ། །བསྒོམ་པ་ནི་ལྷའི་ཐུགས་ཀར་ཟླ་བའི་དཀྱིལ་འཁོར་སོགས་ལ་ས་བོན་དང་སྔགས་ཕྲེང་བཀོད་དེ་འཕྲོ་འདུའི་དམིགས་པ་བྱ་བ་སྤྱིར་བཏང་། ཁྱད་པར་མན་ངག་གི་དབང་དུ་བྱས་ན། རྣམ་སྣང་མངོན་བྱང་ལས། ཡི་གེ་དང་ནི་ཡི་གེ་སྦྱར། །དེ་བཞིན་གཞི་ལས་གཞིར་གྱུར་པ། །ཤིན་ཏུ་བསྡམས་པའི་ཡིད་ལ་ནི། །བཟླས་བརྗོད་འབུམ་ཕྲག་གཅིག་བྱའོ། །ཡི་གེ་བྱང་ཆུབ་སེམས་ཡིན་ཏེ། །གཉིས་པ་སྒྲ་ཞེས་བྱ་བ་ཡིན། །གཞི་ནི་རང་གི་ལྷ་གཞག་པ། །རང་གི་ལུས་ཀྱི་གནས་ལ་བྱ། །གཞི་གཉིས་པ་ནི་རྫོགས་སངས་རྒྱས། །རྐང་གཉིས་མཆོག་ཏུ་ཤེས་པར་བྱ། །ཟླ་བའི་དཀྱིལ་འཁོར་རྣམ་དག་པ། །སྔགས་པས་དེ་ལ་གནས་པར་སོམས། །ཡི་གེ་རྣམས་ནི་གོ་རིམ་བཞིན། །དེ་ཡི་དབུས་སུ་ལེགས་པར་བཀོད། །སླར་སྡུད་པ་ཡི་ཚིག་གིས་ནོན། །སྲོག་དང་རྩོལ་བ་རྣམ་པར་སྦྱོངས། །ཞེས་དང་། བསམ་གཏན་ཕྱི་མ་ལས། སྒྲ་དང་སེམས་དང་གཞི་ལ་གཞོལ། །གསང་སྔགས་མི་འགྱུར་གཞི་ལ་གནས། །ཡན་ལག་མ་ཉམས་ ― MR12_Page_0730 ―
[མ་དཔེ་གཟིགས་ན་འདིར་གནོན།]
གསང་སྔགས་བཟླས། །ཞེས་དང་། རིག་སྔགས་དེ་ཉིད་མ་ལུས་དང་། །བདག་གི་དེ་ཉིད་ཆོ་ག་དང་། །བཟླས་བརྗོད་དེ་ཉིད་མཆོག་ཤེས་ན། །མིས་ནི་དངོས་གྲུབ་ཐོབ་པར་འགྱུར། །ཞེས་དང་། གསང་སྔགས་མེར་གནས་དངོས་གྲུབ་སྟེར། །སྒྲ་གནས་རྣལ་འབྱོར་སྟེར་བར་དྲན། །སྒྲ་མཐར་ཐར་བ་སྟེར་བ་ཉིད། །འདི་དག་དེ་ཉིད་གསུམ་པོ་ཡིན། །ཞེས་སོགས་ཀྱིས་བསྟན་པ་བཞིན་དུ་ཉམས་སུ་བླངས་དགོས་སོ། །བཟླས་པ་ལ་ཡང་འགོག་བཟླས་དང་། དབྱངས་བཟླས་གཉིས་ཀྱི་དང་པོ་ནི་མཆོག་ཡིན་ཏེ། རྣམ་སྣང་མངོན་བྱང་ལས། སྲོག་ཅེས་བྱ་བ་རླུང་དུ་བཤད། །རྩོལ་བ་དྲན་པ་ཞེས་བྱ་སྟེ། །དེ་གཉིས་བསྡམས་པ་བྱས་ནས་སུ། །སྔོན་དུ་བསྙེན་པ་ལེགས་པར་བྱ། །ཞེས་དང་། བསམ་གཏན་ཕྱི་མ་ལས། སླར་སྡུད་པ་ཡི་བཀུག་ནས་ནི། །སྲོག་དང་རྩོལ་བ་བསྡམ་པའི་ཡིད། །གསང་སྔགས་རིག་པས་སྔགས་ལ་སྦྱར། །ཡིད་ཀྱིས་བཟླས་བརྗོད་བརྩམ་པར་བྱ། །འདི་ཉིད་ཀྱི་ནི་ཆོ་ག་ཡིས། །ཡང་ན་ཤུབ་བུར་བྱ་ཡང་རུང་། །སྔགས་རིག་དངོས་གྲུབ་འདོད་པ་ཡིས། །བཟླས་བརྗོད་གཞན་དུ་མི་བྱའོ། །ཞེས་གསུངས་པ་ལྟར། །རྣམ་སྣང་མངོན་བྱང་ལས། །ཡི་གེ་དང་ནི་ཞེས་པའི་ཡི་གེ་དང་པོ་བྱང་ཆུབ་ཀྱི་སེམས། །ཡི་གེ་གཉིས་པ་སྔགས་ཀྱི་སྒྲ། གཞི་དང་པོ་རང་ལུས་ལྷར་བསྒོམ་པ། གཞི་ཕྱི་མ་མདུན་དུ་བསྒོམ་པའི་ལྷ་ཡེ་ཤེས་པ་སྟེ། བཞི་པོ་དེ་ལ་དམིགས་པའི་སྒོ་ནས་སྔགས་བཟླ་བར་གསུངས་པ་དེ་ཉིད་བསམ་གཏན་ཕྱི་མར། སྒྲ་དང་སེམས་དང་སོགས་ཀྱི་ཚིགས་བཅད་ཀྱིས་བསྟན་པ་ལྟར། སྒྲ་ནི་སྔགས་ཀྱི་ཡི་གེའི་ཕྲེང་བའོ། །སེམས་ནི་བྱང་ཆུབ་ཀྱིས་སེམས་རྣམ་པར་རྟོག་པ་དང་བྲལ་བ་ཤིན་ ― MR12_Page_0731 ―
[མ་དཔེ་གཟིགས་ན་འདིར་གནོན།]
ཏུ་རྣམ་དག་དྲི་མེད་བསྟན་ཞིང་མི་གཡོ་བ་ཟབ་ཅིང་ཕྲ་བ་མེ་ལོང་ལྟ་བུ་དེ་ཉིད་ཟླ་བའི་དཀྱིལ་འཁོར་གྱི་རྣམ་པར་སྣང་བའོ། །གཞི་ནི་མདུན་དུ་བཞུགས་པ་དེ་བཞིན་གཤེགས་པའི་སྐུ་ལ་དམིགས་པ་རྩེ་གཅིག་ཏུ་གཞོལ་བའོ། །གསང་སྔགས་མི་འགྱུར་ཞེས་པ་ནི་གཞི་བཞི་པོ་གསལ་ཞིང་བརྟེན་པར་གྱུར་པ་ལ་བྱའོ། །གཞི་ལ་གནས་ཞེས་པའི་གཞི་ཕྱི་མ་ནི་བདག་གི་གཞི་སྟེ་བདག་ལྷར་གསལ་བ་ལ་དམིགས་པ་རྩེ་གཅིག་ཏུ་གནས་པའོ། །དེ་ལྟར་ཡན་ལག་བཞི་པོ་མ་ཉམས་པའི་ཏིང་ངེ་འཛིན་དང་ལྡན་པའི་སྒོ་ནས་གསང་སྔགས་བཟླས་པར་བྱ་ཞེས་གསུངས་ཤིང་། དེ་ཡང་མིག་སོགས་དབང་པོ་དང་བ་སྤུའི་མཐར་ཐུག་པར་རྒྱུ་བའི་རླུང་ཐམས་ཅད་ལུས་ཀྱི་ནང་དུ་སླར་སྡུད་པ་ཡིས་བཀུག་ནས། སྲོག་ཅེས་བྱ་བ་ང་དང་སྩོལ་བ་ཞེས་པ་ཡིད་ཀྱི་དྲན་པ་འགྱུར་བ་སྟེ་དེ་གཉིས་ཀ་བསྡམས་ནས་བཟླས་པ་བྱ་དགོས་པ་གསུངས་སོ། །དེ་ལ་བཟླས་བརྗོད་ཀྱི་དེ་ཉིད་གསུམ་གྱི་དང་པོ་གསང་སྔགས་མེར་གནས་ཞེས་པ་གང་ཞེ་ན། རང་ཉིད་དང་མདུན་གྱི་ལྷའི་ཐུགས་ཀར་རྣམ་པར་མི་རྟོག་པའི་གཟུགས་ཅན་ཐོག་རེག་དང་བྲལ་བ་དང་ཞིང་འོད་གསལ་ལ་དྲི་མ་མེད་པའི་ཟླ་བའི་དཀྱིལ་འཁོར་གྱི་སྟེང་ན། མི་གནོད་ཅིང་ཟུང་རྔུ་མེད་ལ་ཡིད་དུ་འོང་བའི་རང་བཞིན་ཅན། རབ་ཏུ་ཞི་བའི་མེ་ལྕེ་འོད་རབ་ཏུ་བཟང་བར་བསམ་པ་ཡིན་ལ་མེ་ལྕེ་དེའི་ནང་ན་གནས་པ། དེ་ཉིད་གཉིས་པ་སྒྲར་གནས་ཞེས་པ་ནི། སྔགས་ཀྱི་ཡི་གེའི་ཕྲེང་བ་བརྒྱུད་མར་གནས་པའི་སྒྲ་གདངས་གསལ་ཞིང་ཟུར་ཕྱིན་པ་དྲིལ་བུའི་སྒྲ་ལྟ་བུར་བར་མ་ཆད་དུ་ཡིད་ངོར་སྣང་བ་ལ་སེམས་རྩེ་གཅིག་ཏུ་གནས་ ― MR12_Page_0732 ―
[མ་དཔེ་གཟིགས་ན་འདིར་གནོན།]
པ་ལ་གསལ་སྣང་བརྟན་པ་ནི་གསང་སྔགས་མི་འགྱུར་བའི་གཞི་ཞེས་གསུངས་ཏེ་ངག་གི་བཟླས་བརྗོད་མེད་པར་ལྷའི་ངོ་བོ་སྔགས་ཀྱི་སྒྲ་ཡིད་ལ་ཞེན་པར་བསམ་པའོ། །དེ་ཉིད་གསུམ་པ་སྒྲ་མཐའ་ཞེས་པ་ནི། སྒྲར་སྣང་ཡལ་ཞིང་མི་དམིགས་པ་སྟེ། ཡལ་བའི་གནས་ནི་མཐའ་དང་བྲལ་བ་ཆོས་ཀྱི་དབྱིངས་སོ། །ཇི་ལྟར་སྒྲར་སྣང་ཡལ་བ་གཏོང་ན། སྒྲར་སྣང་གི་གནས་ཡིག་འབྲུའི་གཟུགས་ཀྱི་རྣམ་པར་སྣང་བ་བཏང་བ་དང་། སྒྲ་མངོན་དུ་བྱེད་པ་ཡིད་བཟླས་དང་ཤུབ་བཟླས་ཀྱང་བཏང་། རང་བཞིན་ནི་སྒྲར་སྣང་བ་དེ་ཡང་ཡལ་ཏེ་མི་དམིགས་པ་ཞི་བ་གདོད་ནས་མ་སྐྱེས་པའི་དོན་ལ་གནས་པའི་བསམ་གཏན་བྱེད་པ་སྟེ། དེ་ནི་ལྟོས་པ་དང་བཅས་པའམ་རྩོལ་བ་དང་བཅས་པ་ཐམས་ཅད་སྤངས་པ་ཡིན་ནོ། །མདོར་ན་གསང་སྔགས་ཀྱི་གཞི་བཞི་པོ་མི་འགྱུར་བའི་བསམ་གཏན་ནི་ཡན་ལག་མ་ཉམས་པའི་བཟླས་བརྗོད་ཡིན་པས་བཟླས་བརྗོད་ཀྱི་དེ་ཁོ་ན་ཉིད་ཅེས་བྱ་སྟེ་དེ་ལྟར་བཟླ་དགོས་སོ། །བདག་གི་དེ་ཁོ་ན་ཉིད་ནི་བདག་དང་ཕུང་པོ་རྣམ་རིག་གི་སྤྲོས་པ་ལས་འདས་པ་གཟུང་འཛིན་མེད་ཅིང་མི་གཡོ་བ་རབ་ཏུ་འོད་གསལ་བ་ཉིད་དུ་རང་རིག་པས་གསལ་བར་རྗེས་སུ་མྱོང་བའོ། །དེ་ལྟ་བུའི་དོན་ལ་བློ་བཞག་ནས། རིག་སྔགས་ཀྱི་དེ་ཁོ་ན་ཉིད་ནི་ལྷར་བསྒོམ་པ་སྟེ། དང་པོ་སྟོང་པའི་ལྷ་ནི་བདག་དང་ལྷའི་དེ་ཉིད་རྣམ་པར་མི་རྟོག་པ་ཆོས་ཀྱི་དབྱིངས་སུ་དབྱེར་མེད་པའི་ངེས་ཤེས་སམ་ང་རྒྱལ་དུ་བྱ་བ་སྣང་བ་མེད་པའི་ཏིང་ངེ་འཛིན་ནོ། །དེའི་ངང་ལས་ལྷ་གང་ཡིན་གྱི་སྔགས་ཀྱི་ཡི་གེའི་སྒྲ་གདངས་ཙམ་ནམ་མཁའ་ལས་གྲགས་པར་བསམ་པ་སྒྲའི་ལྷའོ། །གདངས་དེ་ལས་ ― MR12_Page_0733 ―
[མ་དཔེ་གཟིགས་ན་འདིར་གནོན།]
སྔགས་ཀྱི་ཡི་གེའི་གཟུགས་ཀྱི་རྣམ་པར་ནམ་མཁར་སྣང་བ་ཡི་གེའི་ལྷའོ། །དེ་ནས་གཟུགས་ཀྱི་ལྷ་སྐུ་མངོན་དུ་རྫོགས་པའི་ཕྱིར། བདག་གི་དེ་ཁོ་ན་ཉིད་ཟླ་བའི་དཀྱིལ་འཁོར་གྱི་རྣམ་པར་གྱུར་པའི་སྟེང་དུ་ལྷའི་ངོ་བོ་སྔགས་ཀྱི་ཡི་གེ་ནམ་མཁར་གནས་པ་དེ་དག་འདུས་ཏེ་དག་པའི་དངུལ་ཆུ་གསེར་གྱི་ཕྱེ་མ་ཞེན་པ་ལྟར་འདྲེས་པ་ལས། བདག་དང་ལྷ་གཉིས་སུ་མེད་པ་གཅིག་ཏུ་གྱུར་པའི་རང་བཞིན་ལས་འོད་འཕྲོས་འཕགས་པ་མཆོད། སེམས་ཅན་གྱི་སྒྲིབ་པ་སྦྱང་ཚུར་འདུས་པས་ལྷག་པའི་ལྷ་ཡི་གཟུགས་གང་ཡིན་པ་གསལ་ཞིང་དེ་ཉིད་དུ་ང་རྒྱལ་བྱ་བ་ནི་གཟུགས་ཀྱི་ལྷའོ། །དེ་ནས་མཚོག་མ་སྤྱི་གཙུག་སོགས་སུ་ལྷ་གང་ཡིན་པའི་རིགས་ཀྱི་ཕྱག་རྒྱས་བཏབ་པས་བརྟན་ཞིང་བྱིན་གྱིས་བརླབ་པ་ནི་ཕྱག་རྒྱའི་ལྷའོ། །དེ་ནས་དེ་ལྟ་བུའི་ལྷ་དེ་ཡི་སྐུ་དང་ཡན་ལག་གི་ཆ་ཤས་རེ་རེ་ནས་ཀྱང་གསལ་བཏབ་ལ། དེའི་མཚན་མ་ལ་སེམས་བཟུང་ཞིང་འདི་དང་འདི་ལྟ་བུ་ཞེས་བརྟག་ཅིང་རྒྱུན་དུ་ཞེན་པ་ནི་མཚན་མའི་ལྷའོ། །དེ་ནས་བདག་དང་ལྷ་ཐ་དད་མེད་པར་བྱས་ཏེ་སྲོག་རྩོལ་བསྡམས་ནས་བསྒོམ་པས་མཐར་སྩོལ་བ་མེད་ཅིང་རྟོག་མེད་ངང་གིས་གསལ་བ་ན་ཏིང་ངེ་འཛིན་ལ་གནས་པའོ། །དེ་ལྟར་དེ་ཉིད་གསུམ་ཤེས་ན་དངོས་གྲུབ་ཐོབ་པར་གསུངས་སོ། །མེར་གནས་ལ་སོགས་པ་དེ་ཉིད་གསུམ་ནི་བཟླས་བརྗོད་ཀྱི་དེ་ཉིད་ལས་མན་ངག་གི་དབང་དུ་བྱས་པའི་སྔགས་ཀྱི་དངོས་གྲུབ་སྒྲུབ་པའི་ཐབས་ཁྱད་པར་ཅན་ཡིན་ནོ། །གཞན་ཡང་རྣམ་སྣང་མངོན་བྱང་གི་རྒྱུད་སོགས་ལས། ལྷའི་གཟུགས་རྣམ་པ་གསུམ་གསུངས་ཏེ། ཡི་གེ་དང་། ཕྱག་རྒྱ་དང་། སྐུ་གཟུགས་གསུམ་པོ་དེ་རེ་རེ་ལའང་། སྒྲ་དང་མཚན་མ་དང་ ― MR12_Page_0734 ―
[མ་དཔེ་གཟིགས་ན་འདིར་གནོན།]
གཟུགས་སུ་སྣང་བ་ནི་མཚན་བཅས་ཀྱི་ཕྱོགས་དང་། བྱང་ཆུབ་ཀྱི་སེམས་ཀྱི་ཡི་གེ་སྟེ་སྒྲ་མེད་པ་དང་། མཚན་མའི་གཟུགས་མེད་པའི་ཕྱག་རྒྱ་དང་། ཡོངས་སུ་དག་པའི་ལྷ་མཚན་མ་མེད་པ་མི་རྟོག་པའི་ངོ་བོ་གསུམ་ནི་མཚན་མེད་ཡིན་པས་ཟུང་འཇུག་ཏུ་བསྟན་ཏོ། །དེས་ན་དེ་ལྟར་འགོག་བཟླས་གཙོ་བོར་བྱ་ཞིང་། དེ་ཙམ་མ་གྲུབ་ན་ཤུབ་བཟླས་བྱ་ཡི། ངག་ཏུ་བཟླས་པ་ནི་རླུང་ཕྱིར་འཕྲོ་བ་ནང་དུ་བསྡམ་པ་མིན་པས་སྐབས་འདིར་མི་བྱའོ། །དེ་ལྟར་མ་གྲུབ་ན་ངག་བཟླས་ནི་སོ་སོའི་སྒྲུབ་ཐབས་ཀྱི་ཆོ་ག་ལས་བྱུང་བ་ལྟར་བྱ་ཞི། སྒྲ་ཧ་ཅང་ཆེ་བ་དང་ཆུང་བ་སོགས་སྐྱོན་བཅུ་སྤངས་ནས་མཚན་མ་དུས་གྲངས་ཀྱི་བསྙེན་པ་མཐར་འདོན་པར་བྱ་སྟེ། དཔུང་བཟང་གིས་ཞུས་པ་ལས། བཟླས་བརྗོད་བྱེད་ཚེ་མི་མྱུར་མི་དལ་ཞིང་། །སྒྲ་ཆེར་མི་དབྱུང་ཧ་ཅང་ཆུང་བའང་མིན། །སྨྲ་བཞིན་མ་ཡིན་གཞན་དུ་གཡེངས་བཞིན་མིན། །ཞེས་དང་། གུག་སྐྱེད་ཀླད་ཀོར་ཚེག་ཚང་ཟུར་ཕྱིན་ལ། །གསང་སྔགས་དག་ཅིང་ཤིན་ཏུ་ཆོ་གར་བཅས། །ཞེས་གསུངས་པ་ལྟར་བྱ་སྟེ་དེ་ལ་གུག་སྐྱེད་ཅེས་བྱ་བ་འདིའི་སྐད་དོན་ནི་མཱ་ཏྲྀ་ཏེ། མ་དང་ཕྱི་མོ་སྐྱེད་གཞི་ལྟ་བུར་འཇུག་པས་བརྗོད་བྱ་དུ་མར་འཇུག་ཀྱང་གཙོ་ཆེར་དབྱངས་ཡིག་རྣམས་ལ་གོ་རུང་ན་ཡང་། སྐབས་འདིར་དབྱངས་རིང་པོ་རྣམས་དང་། ཨེ་ཨུ་ཨེ་ཨོ་རྀ་ལྀ་རྣམས་གསལ་བྱེད་ཀྱི་ཡི་གེ་ལ་སྲོག་ཏུ་ཞུགས་པའི་ཚེ་ལུས་གསལ་བྱེད་དེ་ཉིད་ལ། ཡན་ལག་ཏུ་གི་གུ་ཞབས་ཀྱུ་འགྲེང་བུ་ན་རོ་རིང་ཆ་དག་གི་རྣམ་པར་གནས་པ་ལ་གུག་སྐྱེད་ཅེས་བྱ་ཞིང་། ཀླད་ཀོར་ནི་ཐིག་ལེ། ཚེག་ནི་རྣམ་བཅད་ཡིན་པས་དེ་དག་ཇི་ལྟར་ཐོབ་པ་ལྟར་སྒྲ་མ་ཉམས་པར་བརྗོད་པ་ན་ཚང་བ་ཡིན་ཞིང་། གཞན་ཡང་དབྱངས་དང་གསལ་བྱེད་ཀྱི་ཡི་གེ་ ― MR12_Page_0735 ―
[མ་དཔེ་གཟིགས་ན་འདིར་གནོན།]
རྣམས་རྐྱང་པ་དང་། ཚོགས་པ་གང་ཡིན་པའི་རིག་སྔགས་དེ་དག་གི་སྒྲ་གདངས། སོ་སོའི་སྐྱེ་གནས་དང་མཐུན་པར་སྒྲ་མ་ཉམས་པར་དག་ལ་གསལ་པོར་བརྗོད་པས་ཟུར་ཕྱིན་ལ། སྔགས་ཀྱི་ཡི་གེ་ལ་ལྷག་ཆད་དང་ནོར་བ་མེད་པས་དག་ཅིང་ཚུལ་ཇི་ལྟ་བུས་བཟླ་བར་བྱ་བའི་ཆོ་གར་བཅས་ཏེ་བཟླས་པ་ནི་ཚུལ་བཞིན་ལེགས་པར་བཟླས་པ་ཡིན་ནོ། །ཞེས་སོ། །འཇམ་དཔལ་རྩ་རྒྱུད་ལས། སྔགས་འདི་ཡོངས་སུ་མདོར་བསྡུ་ན། །རང་གི་ཆོ་གས་འདིར་བཟླས་ན། །སྔགས་རྣམས་ཇི་ལྟར་འདོད་པ་བཞིན། །རྟག་ཏུ་འབྲས་བཅས་བྱེད་པར་འགྱུར། །ཞེས་དང་། སྔགས་པ་སྔགས་ནི་མི་སྒྲོགས་ན། །སྔགས་མིན་པ་ཡང་སྔགས་པར་འགྱུར། །མི་གསལ་བརྗོད་ལས་ལྡོག་གྱུར་པ། །ལེགས་པ་རབ་ལྡན་བརྗོད་པ་ཡིན། །ཡོངས་རྫོགས་ཚིག་དང་སྒྲ་དག་དང་། །ཡང་དག་ལྡན་པས་བསྒྲུབ་པར་བྱ། །སྒྲུབ་པ་ཉམས་དང་བྱ་བ་ཉམས། །སྒྲ་དང་དོན་དང་རྣམ་བྲལ་ན། །མྱུར་དུ་སྔགས་རྣམས་མི་བགྲུབ་སྟེ། །ཡུན་རིང་དུས་སུ་འགོར་བ་ཡིན། །ཞེས་དང་། སྔགས་ནི་དོན་ཀུན་སྒྲུབ་པ་སྟེ། །རྩེ་གཅིག་སེམས་ཀྱིས་འགྲུབ་པར་འགྱུར། །རྨོངས་པའི་བདག་ཉིད་གཡེངས་པའི་སེམས། །དེ་ལ་གྲུབ་པ་འགྲུབ་མི་འགྱུར། །ཞེས་དང་། འཁོར་ལོ་མེད་པའི་ཤིང་རྟ་ནི། །རིགས་པར་འགྲོ་བ་མི་འབྱུང་སྟེ། །དེ་བཞིན་སྔགས་རྣམས་གང་སྒྲུབ་པ། །ཕྱག་རྒྱ་མེད་པར་ལས་མི་བྱེད། །ཕྱག་རྒྱ་སྔགས་ནི་མཉམ་ལྡན་ན། །ཡང་དག་ལྡན་པས་ལས་མྱུར་བྱེད། །ཅེས་དང་། སྔགས་རྣམས་ཕྱག་རྒྱའི་རྒྱ་ཡིས་བཏབ། །སྔགས་ཀྱིས་ཀྱང་ནི་རྒྱ་དེ་བཏབ། །སྔགས་ ― MR12_Page_0736 ―
[མ་དཔེ་གཟིགས་ན་འདིར་གནོན།]
ནི་ཕྱག་རྒྱ་མེད་པས་མིན། །ཕྱག་རྒྱ་ཡང་ན་སྔགས་སྤང་མིན། །ཞེས་དང་། ཟློས་བ་དཀའ་ཐུབ་ལྡན་པ་དང་། །སྔགས་ཟློས་པ་ལ་མཁས་པ་དང་། །ཕྱག་རྒྱ་སྔགས་སུ་རབ་ལྡན་ན། །བསྒྲུབ་བྱ་མིན་པའང་ཅུང་ཟད་མེད། །ཅེས་གསུངས་པ་ལྟར། དད་པ་དང་དམ་ཚིག་ཏིང་ངེ་འཛིན་དང་ལྡན་པས་སྔགས་ཀྱི་བཟླས་པ་ཉིད་ལ་ནན་ཏན་བྱ་ཞིང་། །དེའི་ཡན་ལག་ཏུ་གྱུར་པ་ཁྲུས་དང་གཙང་སྦྲའི་ཀུན་སྤྱོད་དང་། སྦྱིན་སྲེག་སོགས་ཀྱིས་ལྷ་མཆོད་པས་མཉེས་པར་བྱ་བ་སོགས་མཐུན་པའི་རྐྱེན་རྣམས་ཚངས་བ་དང་། བག་མེད་པ་དང་མ་བསྡམ་པ་དང་འབྱུང་པོའི་ཟས་སོགས་མི་མཐུན་པའི་སྐྱོན་རྣམས་སྤངས་ཏེ། ཆོ་ག་བཞིན་དུ་བཟླ་བ་ལས་མ་ཉམས་པར་བྱ་བ་ཡིན་ནོ། །གཉིས་པ་མཚན་མེད་ཀྱི་རྣལ་འབྱོར་ནི། །བདག་དང་ལྷས་མཚོན་པའི་ཆོས་ཐམས་ཅད་ཡེ་ནས་སྐྱེ་འགག་མེད་པར་དོན་དམ་སྤྲོས་པ་དང་བྲལ་བའི་དེ་ཁོ་ན་ཉིད་དུ་རྟོགས་པའི་དོན་དམ་བྱང་ཆུབ་ཀྱི་སེམས་ཀྱི་དོན་ལ་གནས་པ་ཡིན་ལ། དོན་དེ་ལྟ་བུ་ལ་ཚེགས་ཆུང་ངུའི་སྒོ་ནས་འཇུག་ནུས་པའི་ཐབས་དམ་པ་ནི་རང་གི་སེམས་རང་བཞིན་མེད་པའི་དོན་ལ་ཤེས་རབ་ཀྱིས་བརྟག་ནས་ངེས་པ་རྙེད་པར་བྱ་བ་ཡིན་ཏེ། རྣམ་སྣང་མངོན་བྱང་ལས། གསང་བ་པའི་བདག་པོ་ཐམས་ཅད་མཁྱེན་པའི་ཡེ་ཤེས་ནི་རང་གི་སེམས་ལས་ཡོངས་སུ་བཙལ་བར་བྱའོ། །དེ་ཅིའི་ཕྱིར་ཞེ་ན། སེམས་དེ་ནི་རང་བཞིན་གྱིས་ཡོངས་སུ་དག་པ་ཡིན་ཏེ། དེ་ནི་ནང་ན་མེད་ཕྱི་རོལ་ན་ཡང་མེད། གཉིས་ཀའི་བར་ན་ཡང་མི་དམིགས་སོ། །ཞེས་སོགས་རྒྱ་ཆེར་གསུངས་ཤིང་འདི་ནི་བྱང་ཆུབ་ཀྱི་སེམས་རྣམ་པར་དག་པའི་སྒོ་ཆོས་སྣང་བའི་ཚུལ་དང་པོ་སྟེ། གང་ལ་གནས་ན་ཚེགས་ཆུང་ངུས་སྒྲིབ་པ་ཐམས་ཅད་སྤང་བའི་ཏིང་ངེ་འཛིན་དང་། སངས་རྒྱས་ ― MR12_Page_0737 ―
[མ་དཔེ་གཟིགས་ན་འདིར་གནོན།]
ཐམས་ཅད་དང་ལྷན་ཅིག་འགྲོགས་པ་དང་། མངོན་ཤེས་ལྔ་དང་། གཟུངས་ཐོབ་པ་དང་། ཡོངས་སུ་མི་ཉམས་པ་དང་། སེམས་ཅན་གྱི་དོན་ལ་མི་སྐྱོ་བ་དང་། འདུས་མ་བྱས་ཀྱི་ཚུལ་ཁྲིམས་དང་། ཡང་དག་པའི་ལྟ་བ་རྟོགས་པ་སོགས་མོས་པའི་སྟོབས་ཀྱིས་ཚེགས་ཆུང་ངུས་སངས་རྒྱས་ཀྱི་ཆོས་ཀུན་ཡོངས་སུ་རྫོགས་པར་བྱེད་པས། རིགས་ཀྱི་བུའམ་བུ་མོ་དེས་ནི་ཡོན་ཏན་དཔག་ཏུ་མེད་པ་དང་ལྡན་པར་འགྱུར་རོ། །ཞེས་དང་། སངས་རྒྱས་ཀུན་གྱི་ཏིང་འཛིན་ནི། །སྟོང་པ་ཉིད་ཅེས་རྒྱལ་བས་གསུངས། །དེ་ནི་སེམས་ཡོངས་ཤེས་པ་ལས། ཐོབ་པར་འགྱུར་གྱི་གཞན་ལས་མིན། །ཞེས་དང་། ཇི་ལྟར་ནམ་མཁའ་ཆགས་མེད་སྤྱོད་ཡུལ་ཅན། །འགྲོ་བ་ཀུན་གྱིས་གནས་སུ་གྱུར་པ་ལྟར། །དེ་བཞིན་རྣམ་པར་དག་པའི་ཆོས་ཉིད་འདི། །སྲིད་གསུམ་མ་ལུས་འབྱོར་བ་འབྱུང་བར་བྱེད། །མཆོག་སྐྱེས་མཁས་པ་གང་ཞིག་འདིར་སྤྱོད་ན། །རྒྱལ་བ་ཀུན་དང་སྤྱོད་ཡུལ་གཅིག་པར་འགྱུར། །རྒྱལ་བས་ཇི་སྐད་གསུངས་པའི་ཆོས་ཉིད་ནི། །ཤིན་ཏུ་རྣམ་དག་ཐམས་ཅད་སྣང་བྱེད་པ། །དེ་ལས་གོ་འཕང་རྙེད་དཀའ་གཞན་མེད་དོ། །ཡངས་པའི་ཆོས་ཉིད་ཟབ་ལ་འགྲིབ་མེད་ཅིང་། །མཉམ་མེད་འཇིག་རྟེན་ཕན་བྱེད་དེ་ལ་ནི། །རྣམ་རྟོག་རྣམ་པར་སྤངས་ཏེ་སྤྱད་པར་གྱིས། །ཞེས་གསུངས་ཤིང་། ལག་ན་རྡོ་རྗེ་དབང་བསྐུར་བའི་རྒྱུད་ལས་ཀྱང་། ཞི་བའི་བློ་གྲོས་བྱང་ཆུབ་ཀྱི་སེམས་བསྒོམ་ན་མཚན་མ་མེད་པ་ལ་གནས་པ་ཡིན་ཏེ། ཞི་བའི་བློ་གྲོས་གང་ལ་མཚན་མ་རྣམས་མི་འབྱུང་ཞིང་ཐམས་ཅད་ཀྱི་ཐམས་ཅད་དུ་མེད་ཅིང་མི་དམིགས་སོ། །ཞི་བའི་བློ་གྲོས་སེམས་མི་དམིགས་པའི་ཕྱིར། སེམས་ཀྱི་སྔོན་གྱི་མཐའ་དང་ཕྱི་མའི་མཐའི་ ― MR12_Page_0738 ―
[མ་དཔེ་གཟིགས་ན་འདིར་གནོན།]
ངོ་བོ་ཉིད་དམིགས་སུ་མེད་དོ། །དེ་ལྟར་བས་ན་བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོར་སྤྱོད་པའི་བྱང་ཆུབ་སེམས་དཔའ་རྟག་ཏུ་རྒྱུན་མི་འཆད་པར་བྱང་ཆུབ་ཀྱི་སེམས་ཡོངས་སུ་དག་པར་བྱ་བའི་ཕྱིར་བརྩོན་པར་བྱའོ། །ཞེས་དང་། རྟོག་དང་བྲལ་བའི་ཡེ་ཤེས་ནི། །སྔོན་གྱི་རྒྱལ་བས་མངོན་སངས་རྒྱས། །རྟོག་དང་བྲལ་བ་དེ་ལ་ནི། །གསང་སྔགས་འགྲུབ་པར་བསྟན་པ་ཡིན། །དེ་ཡི་འབྲས་བུ་རྣམ་དག་པ། །རང་བཞིན་གྱིས་ནི་འོད་གསལ་འགྱུར། །གང་ཞིག་རྟོག་ལ་གནས་བྱེད་པ། །དེ་ལ་དངོས་གྲུབ་མི་འབྱུང་ངོ་། །དེ་ལྟ་བས་ན་རྟོག་སྤངས་ལ། །སྔགས་ཀྱི་གཟུགས་ནི་བསམ་པར་བྱ། །ཞེས་དང་། འཇམ་དཔལ་གྱི་རྩ་བའི་རྟོགས་པ་ལས། ཆོས་གཅིག་ཡང་དག་པར་བསམས་ན། བྱང་ཆུབ་སེམས་དཔའ་སེམས་དཔའ་ཆེན་པོས་སྔགས་འགྲུབ་པར་འགྱུར་ཏེ། གཅིག་པོ་གང་ཞེ་ན། འདི་ལྟ་སྟེ། ཆོས་ཐམས་ཅད་སྤྲོས་པ་མེད་པའི་རྣམ་པར་རྗེས་སུ་མཐོང་བའོ། །ཞེས་གསུངས་པས་མཚོན་སྔགས་ཕྱི་པའི་རྒྱུད་གཞན་རྣམས་སུ་མཚན་མེད་སྟོང་ཉིད་ཀྱི་རྣལ་འབྱོར་ལེགས་པར་གསུངས་པ་བཞིན། དམིགས་པ་གང་གི་ཡང་མཚན་མ་མེད་པའི་རྣལ་འབྱོར་ལ་གནས་པར་བྱས་ལ། ཇི་སྐད་དུ། རྣམ་པར་སྣང་མཛད་མངོན་པར་བྱང་ཆུབ་པའི་རྒྱུད་ལས། གང་ཚེ་མཚན་མ་མེད་པ་ཡི། །ཏིང་འཛིན་ཇི་ལྟར་བཞིན་རེག་པ། །དེ་ཚེ་སྔགས་པས་དངོས་གྲུབ་ནི། །ཡིད་ལས་ཡང་དག་བྱུང་བ་ཐོབ། །ཅེས་དང་། གསང་བ་པའི་བདག་པོ། ནམ་མཚན་མ་མེད་པའི་ཏིང་ངེ་འཛིན་ལ་གནས་པར་གྱུར་པས་དེའི་ཚེ། དེ་ལ་དེ་བཞིན་གཤེགས་པས་གསུངས་པའི་གསང་སྔགས་རྣམས་མངོན་དུ་ཕྱོགས་ཤིང་གཞོལ་བར་འགྱུར་ ― MR12_Page_0739 ―
[མ་དཔེ་གཟིགས་ན་འདིར་གནོན།]
རོ། །ཞེས་དང་། རྒྱུད་གཞན་ལས་ཀྱང་དེ་དང་མཚུངས་པར་གསུངས་པ་བཞིན། མཚན་མེད་ཀྱི་རྣལ་འབྱོར་དང་ལྡན་པ་ལ་གསང་སྔགས་ཀྱི་མཐུ་མངོན་དུ་སྣང་བར་འགྱུར་ཏེ། རྣམ་སྣང་མངོན་བྱང་ལས། གསང་སྔགས་ཀྱི་མཐུ་དེ་ཡང་གང་ཞེ་ན། གསང་སྔགས་རྣམས་ལས་བྱུང་བ་མ་ཡིན། རྫས་ལས་འཇུག་པ་ཡང་མ་ཡིན། སྦྱོར་བ་པོ་ལས་དམིགས་པ་ཡང་མ་ཡིན་མོད་ཀྱི། རིགས་ཀྱི་བུ་དག་འོན་ཀྱང་གསང་སྔགས་ཀྱི་བྱིན་གྱིས་རླབས་ཀྱི་ཆོས་ཉིད་འབྱུང་བ་ལས་འདའ་བར་མི་འགྱུར་ཏེ། དུས་གསུམ་ལས་འདས་པའི་ཕྱིར་དང་། རྟེན་ཅིང་འབྲེལ་བར་འབྱུང་བ་ཟབ་མོ་བསམ་གྱིས་མི་ཁྱབ་པ་ལས། མངོན་པར་བསྒྲུབ་པའི་ཕྱིར་རོ། །རིགས་ཀྱི་བུ་དག་དེ་ལྟ་བས་ན་ཆོས་ཉིད་བསམ་གྱིས་མི་ཁྱབ་པའི་ངོ་བོ་ཉིད་རྟོགས་པར་ཁོང་དུ་ཆུད་པས། རྟག་ཏུ་རྒྱུན་མི་འཆད་པར་གསང་སྔགས་ཀྱི་ཚུལ་གྱི་རྗེས་སུ་འཇུག་པར་བྱའོ། །ཞེས་གསུངས་པ་ལྟར། གསང་སྔགས་ཀྱི་མཐུས་འདོད་གཟུགས་ཀྱི་རིག་འཛིན་གྲུབ་པ་སོགས་ཐུན་མོང་དང་། ས་དང་ལམ་གྱི་རྟོགས་པ་ཐོབ་པའི་མཆོག་གི་དངོས་གྲུབ་རྣམས་ཀྱང་སྔགས་ཀྱི་སྦྱོར་བ་མི་བསླུ་བའི་ཐབས་ཀྱི་མཐུས་རང་གི་སེམས་ལ་སྣང་བ་ཙམ་དུ་ཟད་དེ། ལུང་གོང་མ་དེ་ལས། གསང་བ་བའི་བདག་པོ་གཞན་ཡང་རིགས་ཀྱི་བུའམ་བུ་མོ་ཐབས་དང་ལྡན་པས་ཡིད་ལ་འདོད་པའི་དངོས་པོ་བསྒྲུབ་ན། དེ་དག་རང་གི་སེམས་ཀྱི་དབང་ཙམ་ཁོ་ནས་ཡོངས་སུ་འགྲུབ་པར་འགྱུར་རོ། །ཞེས་གསུངས་ཤིང་། དེ་དང་ཚུལ་མཚུངས་པར་སྔགས་རྒྱུད་ཟབ་མོ་རྣམས་སུ་སྒྲུབ་པོ་དང་སྔགས་དང་འབྲས་བུ་ལ་སོགས་པ་ཐམས་ཅད་སྒྱུ་མ་དང་རྨི་ལམ་ལ་སོགས་པའི་ཚུལ་དུ་བསྟན་པ་ཐམས་ཅད་དོན་གྱི་ ― MR12_Page_0740 ―
[མ་དཔེ་གཟིགས་ན་འདིར་གནོན།]
དགོངས་གནད་གཅིག་ཏུ་འགྱུར་རོ། །དེས་ན་མཚན་བཅས་དང་མཚན་མེད་ཀྱི་རྣལ་འབྱོར་རྣམ་པ་གཉིས་པོ་འདི་སྔགས་ཕྱི་ནང་ཐམས་ཅད་ཀྱི་ལམ་གྱི་དངོས་གཞི་ཡིན་པར་མཚུངས་ཀྱང་། ལྟ་བ་དང་ཐབས་ཀྱི་ཁྱད་པར་ཟབ་མི་ཟབ་ཀྱི་དབང་ལས་གོང་མ་གོང་མ་དག་ཁྱད་པར་འཕགས་ཚུལ་གྱི་གནད་ཡོད་པའང་ཤེས་པ་བྱའོ། །དེ་ལ་མཚན་མ་མེད་པའི་རྣལ་འབྱོར་གྱིས་ནི་མཆོག་འགྲུབ་ཅིང་དངོས་གྲུབ་ཕལ་པ་དག་ཀྱང་བདེ་བླག་ཏུ་འགྲུབ་པར་ནུས་ལ། མཚན་བཅས་ཀྱི་རྣལ་འབྱོར་གྱིས་ནི་ཐུན་མོང་གི་དངོས་གྲུབ་གཙོ་བོར་བསྒྲུབ་ཅིང་།བརྒྱུད་ནས་མཆོག་གི་དངོས་གྲུབ་འགྲུབ་པའི་རྟེན་བྱེད་དོ། །ཡང་དག་པའི་དོན་དུ་མཚན་བཅས་ཐབས་ཀྱི་རྣལ་འབྱོར་དང་། མཚན་མེད་ཤེས་རབ་ཀྱི་རྣལ་འབྱོར་གཉིས་ཐ་དད་མེད་པར་མཉམ་པའི་དོན་ཉིད་རྟོགས་ཤིང་གོམས་ན་ཕྱག་རྒྱ་ཆེན་པོ་མཆོག་གི་དངོས་གྲུབ་མྱུར་དུ་ཐོབ་པར་འགྱུར་རོ། །དེ་ལྟར་ཤེས་ནས་ཇི་སྐད་དུ་ལག་ན་རྡོ་རྗེ་དབང་བསྐུར་བའི་རྒྱུད་ལས། སངས་རྒྱས་འབྱུང་བ་རྙེད་པར་དཀའ། །མི་ཡི་ལུས་ཀྱང་རྙེད་པར་དཀའ། །གསང་སྔགས་འབྱུང་བ་རྙེད་པར་དཀའ། །དད་པ་ཕུན་སུམ་ཚོགས་པར་དཀའ། །ཞེས་གསུངས་པ་ལྟར་བསམ་ནས་སྔགས་བསྒྲུབ་པ་ལ་སྤྲོ་བ་ཆེན་པོ་བྱ་དགོས་ཏེ། རྒྱུད་དེ་ལས། རིགས་ཀྱི་བུ་དེ་ལ་གསང་སྔགས་སྤྱད་པ་གང་ཞེ་ན་འདི་ལྟ་སྟེ། ཡིད་ཡོངས་སུ་མི་སྐྱོ་བ་དང་། སྤྲོ་བ་དང་། ཡི་དམ་ལ་བརྟན་པར་གསང་སྔགས་ཀྱི་གཞི་རེ་རེ་ནས་སྤྱད་པར་བྱའོ། །ཇི་ཙམ་དུ་འགྲོ་ཡང་རུང་། འདུག་ཀྱང་རུང་། ཉལ་ཀྱང་རུང་སྟེ། དེ་སེམས་རྩེ་གཅིག་ཁོ་ནས་འཇུག་སྟེ་གཉིས་སུ་ནི་མ་ཡིན་ནོ། །ཞེས་དང་། ཞི་བའི་བློ་གྲོས་གསང་སྔགས་སྒྲུབ་པ་དང་འདྲ་བ་ནི་འཇིག་རྟེན་གསུམ་པོ་དག་ན་སུ་ཡང་མེད་དོ། ། ― MR12_Page_0741 ―
[མ་དཔེ་གཟིགས་ན་འདིར་གནོན།]
ཞེས་གསུངས་པ་ལྟར། སྔོན་དུ་ཆོ་ག་བཞིན་དུ་བསྙེན་པ་ལེགས་པར་བྱས་ལ། ལྷ་མཉེས་པའི་བརྟུལ་ཞུགས་ཀྱི་རིམ་པ་དང་མཆོད་པ་སོགས་བྱས་ནས། དེ་ནས་རྫས་ཀྱི་དངོས་གྲུབ་སྒྲུབ་པ་བྱས་ན་གྲུབ་པར་འགྱུར་ཏེ། དེ་ཡང་རལ་གྲི་དང་རས་བྲིས་མིག་སྨན་ལ་སོགས་པ་ཇི་ལྟར་སྒྲུབ་ཚུལ་གྱི་ཆོ་ག་རང་གཞུང་ན་བཤད་པ་དང་། རང་གཞུང་ན་ཆོ་ག་ཞིབ་མོ་མེད་ན་རིགས་མཐུན་གྱི་གཞུང་གཞན་གྱི་ཆོ་ག་ཞིབ་མོ་བཞིན་བསྒྲུབ་པར་བྱ་སྟེ། རྒྱུད་སྔ་མ་ལས་ཞི་བའི་བློ་གྲོས། མདོར་ན་ཇི་ལྟར་བསྒྲུབ་ཀྱང་རུང་། ཆོ་ག་ཞིབ་མོ་གཞན་ལས་འབྱུང་བས་བསྒྲུབ་ཀྱང་རུང་སྟེ་ངེས་པར་གྲུབ་པར་འགྱུར་རོ། །ཞེས་གསུངས་པ་ལྟར་རོ། །དེ་ལྟར་ཆོ་གའི་ཡན་ལག་ཚང་བའི་བཟླས་བརྗོད་བགྱིས་ན། མཚན་མ་གསུམ་འབྱུང་ཞིང་རང་སྐལ་དང་འཚམས་པའི་དངོས་གྲུབ་རབ་འབྲིང་ཐ་མ་ཐོབ་པར་འགྱུར་བ་ནི་མི་བསླུ་བའོ། །བྱ་སྤྱོད་ཀྱི་ལམ་རྣམ་པར་བཞག་པ་ལ་རྣམ་གྲངས་ཤིན་ཏུ་རྒྱ་ཆེ་ཡང་གནད་མདོར་བསྡུས་ཙམ་བརྗོད་པ་འདིས་ཀྱང་། ཆོ་གའི་འགྲོས་དང་ལམ་གྱི་ཆིངས་ལེགས་པར་རྟོགས་ནུས་པར་འགྱུར་རོ། །སྦྱིན་སྲེག་གི་ཆོ་ག་དང་། མེ་པྲ་བརྟག་པ་དང་། གནས་དུས་སྒྲུབ་གཡོག་སོགས་ཀྱི་མཚན་ཉིད་དང་། བསྲུང་བྱའི་དམ་ཚིག་དང་སྤང་བླང་གི་རིམ་པ། སྒྲུབ་པའི་དུས་ཀྱི་མཚན་མ་དང་སྒྲུབ་པའི་ཡན་ལག་རྣམས་གཞན་དུ་གསལ་ལོ། །འདི་ནི་བྱ་སྤྱོད་གཙོར་གྱུར་ཆོ་ག་ཀུན་ལ་མཁོ་བའི་ཕྱིར་གསང་བ་སྤྱི་རྒྱུད་དང་དཔུང་བཟང་གིས་ཞུས་པ་ལེགས་གྲུབ་རྣམ་སྣང་མངོན་བྱང་ལག་ན་རྡོ་རྗེ་དབང་བསྐུར་བའི་རྒྱུད་སོགས་ལས་གསུངས་པ་བཞིན་ཤིང་འབྲུག་གྲོ་བཞིན་ཟླ་བར་མི་ཕམ་པས་བཀོད་པ་འདིས་གཞན་ལ་ཕན་པ་འབྱུང་བར་གྱུར་ཅིག མངྒ་ལཾ།། །། དམ་བཅའ་ཉི་ཤུ་པའི་ཟིན་བྲིས་ཤིན་ཏུ་བསྡུས་པ།― MR12_Page_0743 ―
[མ་དཔེ་གཟིགས་ན་འདིར་གནོན།]
དམ་བཅའ་ཉི་ཤུ་པའི་ཟིན་བྲིས་ཤིན་ཏུ་བསྡུས་པ་བཞུགས་སོ། ། ― MR12_Page_0744 ―
[མ་དཔེ་གཟིགས་ན་འདིར་གནོན།]
རབ་འབྱམས་རྒྱལ་བའི་ཡེ་ཤེས་སྐུ། །ཁྱབ་བདག་འཇམ་པའི་རྡོ་རྗེ་དང་། །དབྱེར་མེད་དཔལ་ལྡན་བླ་མའི་ཞབས། །སྐྱེ་ཀུན་སྙིང་གི་པདྨོར་མཆོད། །འདིར་དམ་བཅའ་བའི་ཚིག་གི་དོན་ཅུང་ཟད་འཆད་པ་ལ་གསུམ། དམ་བཅའ་རྣམ་པ་གསུམ་གྱི་སྒོ་ནས་མདོར་བསྟན་པ། དེ་ཉིད་ཤོ་ལོ་ཀ་ཉི་ཤུའི་སྒོ་ནས་རྒྱས་པར་བཤད་པ། དེའི་སྙིང་པོའི་དོན་བསྡུ་བའི་ཚུལ་ཞལ་བྱུང་དུ་སྨྲོས་པའོ། །དང་པོ་ལ་གསུམ། དམ་བཅའ་བའི་སྦྱོར་བ། དམ་བཅའ་བ་དངོས།དམ་བཅའ་མཐར་ཕྱིན་པར་སྨོན་པའོ། །དང་པོ་ནི། ཨོཾ་ཧཱུྃ་ཞེས་པ་སྟེ། ཨོཾ་ཞེས་དམ་བཅའ་དང་བཀྲ་ཤིས་པའི་ཚིག་གིས་མགོ་དྲངས། ཧཱུྃ་ཞེས་བླ་མ་དང་དཀྱིལ་འཁོར་གྱི་ལྷ་ལ་ཐུགས་དམ་གནང་ནས་བསྐུལ་བའི་སྙན་གསན་དབབ་པ་སྔོན་དུ་འགྲོ་བས། གཉིས་པ་དམ་བཅའ་བ་དངོས་ལ་གསུམ། དམིགས་པའི་ཡུལ་ལ་སྨོན་པའི་ཚུལ་གྱིས་དམ་བཅའ་བ། སྒྲུབ་པའི་ཐབས་ལ་འཇུག་པའི་ཚུལ་གྱིས་དམ་བཅའ་བ། གྲུབ་པའི་ཕྲིན་ལས་མཐར་དབྱུང་བའི་ཚུལ་ལ་དམ་བཅའ་བའོ། །དང་པོ་ནི། བདེ་བར་གཤེགས་པ་ཁྱེད་ཅི་འདྲ། །དེ་འདྲ་ཁོ་ནར་བདག་གྱུར་ཅིག །ཅེས་པ་སྟེ་རྒྱུ་དང་ལམ་བདེ་བ་ནས་འབྲས་བུ་ཕྱིན་ཅི་མ་ལོག་པར་བདེ་བར་གཤེགས་པ་སྤང་རྟོགས་མཐར་ཕྱིན་པའི་བདག་ཉིད་ཅན། ཁྱེད་ཅི་འདྲ་བ་དེ་འདྲ་ཁོ་ནར་བདག་གྱུར་ཅིག །ཅེས་ཐོབ་བྱ་བླ་ན་མེད་པའི་སངས་རྒྱས་ལ་དམིགས་ནས་དེ་འདྲ་ཁོ་ནར་ཞེས་ངེས་པར་བཟུང་སྟེ་རྩེ་གཅིག་ཏུ་སྨོན་པའི་ཚུལ་གྱིས་དམ་བཅའ་པའོ། །གཉིས་པ་ནི། སྤྱོད་པ་རྨད་བྱུང་བ་བསམ་ཡས་པ། །འགྲོ་ལ་ཕན་ཕྱིར་བདག་གིས་སྤྱོད། ། ― MR12_Page_0745 ―
[མ་དཔེ་གཟིགས་ན་འདིར་གནོན།]
བྱང་ཆུབ་སེམས་མཆོག་དམ་པ་དང་། །སྐུ་གསུང་ཐུགས་ཀྱི་ཕྱག་རྒྱ་ནི། །སྲོག་གི་ཕྱིར་ཡང་མི་གཏོང་ན། །རྡོ་རྗེ་རྒྱལ་པོས་བྱིན་རླབས་མཛོད། །ཅེས་པ་སྟེ། དེ་ལྟ་བུའི་མཐར་ཐུག་གི་འབྲས་བུ་དེ་མངོན་དུ་བྱེད་པའི་རིག་འཛིན་བྱང་ཆུབ་སེམས་དཔའི་སྤྱོད་པ་ཟབ་ཅིང་རྒྱ་ཆེ་ལ་རྨད་དུ་བྱུང་བ་བསམ་ཡས་པ་རྣམས། འགྲོ་བ་སེམས་ཅན་ལ་ཕན་པའི་ཕྱིར་བདག་གིས་སྤྱད་པར་བགྱིའོ་ཞེས་ཐེག་པ་ཆེན་པོའི་དམ་བཅའ་སྤྱི་དང་། ལྷག་པའི་བདེན་པ་དབྱེར་མེད་བྱང་ཆུབ་ཀྱི་སེམས་མཆོག་དང་དམ་པར་གྱུར་པ་དང་། སྐུ་བསྐྱེད་རིམ་ཕྱག་རྒྱས་རྣལ་འབྱོར་དང་། གསུང་བཟླས་བརྗོད་སྔགས་ཀྱི་རྣལ་འབྱོར་དང་། ཐུགས་འོད་གསལ་དེ་ཁོ་ན་ཉིད་ཀྱི་རྣལ་འབྱོར་ཏེ། དེ་གསུམ་ལས་མི་འདའ་བས་ན་ཕྱག་རྒྱ་ཞེས་གསུངས་པ་འདི་ལྟ་བུའི་དམ་བཅའ་ནི་སྲོག་གི་ཕྱིར་མི་གཏོང་བ་ལགས་ན། བླ་མ་དང་གཉིས་སུ་མེད་པ་དཀྱིལ་འཁོར་གྱི་གཙོ་བོ་རྡོ་རྗེ་རྒྱལ་པོས་བདག་ལ་ལམ་དང་དམ་བཅའ་མཐར་ཕྱིན་པར་བྱིན་གྱིས་བརླབ་པར་མཛོད་ཅིག་ཅེས་སྔགས་ཀྱི་དམ་བཅའ་ཁྱད་པར་དུ་བཟུང་བའོ། །གསུམ་པ་ནི། དུས་ངན་ཐ་མའི་འཇིག་རྟེན་འདིར། །སངས་རྒྱས་མཛད་དཀའ་བདག་གིས་བསྒྲུབ། །བྱང་ཆུབ་སྤྱོད་དཀའ་བདག་གིས་སྤྱད། །རྡོ་རྗེ་རྣལ་འབྱོར་དཀྱིལ་འཁོར་འདིར། །བདག་ཅག་བསམ་པ་འགྲུབ་གྱུར་ཅིག །ཅེས་པ་སྟེ། དེ་ལྟར་དམ་བཅའ་གྲུབ་པའི་ཕྲིན་ལས་དུས་ངན་གྱི་ཐ་མའི་འཇིག་རྟེན་འདིར། སངས་རྒྱས་ཀྱི་མཛད་པ་རྣམས་བདག་གིས་བསྒྲུབ་པར་བགྱིའོ། །ཞེས་དམ་བཅའ་ལ། དཀའ་ཞེས་པ་སྙིགས་མ་ལྔ་བདོ་བའི་སྐབས་འདིར་ ― MR12_Page_0746 ―
[མ་དཔེ་གཟིགས་ན་འདིར་གནོན།]
སེམས་ཅན་རང་གི་སྐྱོན་གྱིས་སངས་རྒྱས་ཀྱི་མཛད་པ་ཡང་། ཡུལ་ལ་འཇུག་དཀའ་བའི་དོན་གྱིས་སོ། །བྱང་ཆུབ་ཀྱི་སྤྱོད་པ་རྫོགས་སྨིན་སྤྱང་གསུམ་གྱིས་བསྡུས་པ་ཕལ་གྱིས་བསྒྲུབ་པར་དཀའ་བ་རྣམས་བདག་གིས་སྤྱད་པར་བགྱིའོ། །ཞེས་གསུངས་ཤིང་། གསུམ་པ་དམ་བཅའ་མཐར་ཕྱིན་པར་སྨོན་པ་ནི། ཟབ་མོ་རྡོ་རྗེ་ཐེག་པ་ལ་ཚུལ་བཞིན་དུ་རྣལ་འབྱོར་དུ་བགྱིས་བསྙེན་བསྒྲུབ་ཡན་ལག་བཞིའི་བསྒྲུབ་པའི་དཀྱིལ་འཁོར་ཆེན་པོ་འདིར་བཞུགས་པ་ལ་བརྟེན་བདག་ཅག་གི་ཇི་ལྟར་རེ་བའི་བསམ་པ་ཐམས་ཅད་འགྲུབ་པར་གྱུར་ཅིག་ཅེས་པའོ། ༧ །གཉིས་པ་དམ་བཅའ་བ་དེ་ཉིད་ཤོ་ལོ་ཀ་ཉི་ཤུའི་སྒོ་ནས་རྒྱས་པར་བཟུང་བ་ལ་གསུམ། དམ་བཅའ་བའི་ཡུལ་དཔང་པོར་གསོལ་བས་མཚམ་སྦྱར། དམ་བཅའ་བ་དངོས་རྒྱས་པར་བཤད། འདི་དང་ཕྱི་མའི་ཆེད་དུ་སྨོན་པས་མཇུག་བསྡུ་པའོ། །དང་པོ་ནི། ཨོཾ་རྣལ་འབྱོར་དབང་སོགས་ཤོ་ལོ་ཀ་གཉིས་ཀྱིས་གཙོ་བོ་དབང་དང་འཁོར་ལ་སྙན་གསན་དབབ་པ་སྟེ། ཨོཾ་བཀྲ་ཤིས་པ་དང་དམ་བཅའ་བའི་སྔགས་ཀྱིས་ཐོག་དྲངས་ཏེ། ཚོགས་ལམ་འདུན་པ་སེམས་པ་སོགས་རྣལ་འབྱོར་པ་ཐམས་ཅད་ཀྱི་དབང་པོ། ཇི་ལྟ་ཇི་སྙེད་མཁྱེན་པའི་ཡེ་ཤེས་ཡོངས་སུ་རྫོགས་པའམ་མཐར་ཕྱིན་པ། འགྲོ་བ་ཀུན་ལ་ཕན་པར་མཛད་པའི་ཐུགས་རྗེ་ཆེན་པོའི་སེམས་ཅན་གྱི་དོན་མཐའ་ཡས་པ་དག་ལ་དབང་བསྒྱུར་ཞིང་སྲིད་པ་གསུམ་གྱི་མགོན་ནམ་དཔུང་གཉེན་གཅིག་པུར་གྱུར་པ། འཇིག་རྟེན་པ་ལྷ་ཚངས་པ་དབང་པོ་སོགས་དང་། འཇིག་རྟེན་ལས་འདས་པའི་ལྷ་དཀྱིལ་ ― MR12_Page_0747 ―
[མ་དཔེ་གཟིགས་ན་འདིར་གནོན།]
འཁོར་བ་རྣམས་ཀྱི་ཡང་ལྷར་གྱུར་པ་དཀྱིལ་འཁོར་གྱི་གཙོ་བོ་བཅོམ་ལྡན་འདས་ཁྱོད་བདག་ལ་དགོངས་སུ་གསོལ། ཞེས་པའོ། །འཁོར་བདེ་བར་གཤེགས་པ་རང་ཉིད་ཀྱིས་ཡེ་ཤེས་ལས་སྤྲུལ་པ་རང་བཞིན་གཉིས་སུ་མེད་པའི་འཁོར་དང་རིག་པ་ཁྱད་པར་ཅན་གྱི་འཁོར་གཉིས་ཏེ། སངས་རྒྱས་རང་སྣང་གི་འཁོར་རྒྱ་མཚོ་དང་། གོ་ཕྱེ་བ་གདུལ་བྱ་གཞན་སྣང་གི་འཁོར་ཐུན་མོང་དབུགས་ཆེན་འབྱིན་པ་སོགས་འཕགས་ལམ་གསུམ་གྱིས་བསྡུས་པའི་རྣལ་འབྱོར་གྱི་དབང་ཕྱུག་དངོས་གྲུབ་རྣམ་པ་གཉིས་གྲུབ་པའི་ཚོགས་ཆེན་པོ་དང་ཚོགས་སྦྱོར་གྱི་ལམ་ལ་གནས་པའི་གང་ཟག་རྟེན་ལྷ་དང་། ལྷ་མ་ཡིན་པ་ཞེས་པ་མི་དང་གྲུལ་བུམ་ཀླུ་ལ་སོགས་ལྷ་མ་གཏོགས་པའི་འགྲོ་བ་གཞན་གྱི་རྟེན་ཅན་ཡིད་ཤེས་བདེ་མྱུར་དུ་སྐྱོབ་པའི་སྔགས་བསྐྱེད་རྫོགས་གཉིས་དང་། དམ་ཚིག་རྣམ་པར་དག་པ་ཅན་ཏེ་གཞན་སྣང་གི་འཁོར། དཀྱིལ་འཁོར་ཆེན་པོར་ཀུན་ནས་འདུས་པ་རྣམས་ཀྱང་དགོངས་སུ་གསོལ། ཞེས་སོ། །གཉིས་པ་ལ་གསུམ། དམ་བཅའ་བའི་རྒྱུ་བསྟན་པ། དམ་བཅའ་རང་གི་ངོ་བོ། དམ་བཅའ་མཐར་ཕྱིན་པའི་ཡན་ལག་གོ། དང་པོ་ལའང་གསུམ། དམ་བཅའ་བའི་ཀུན་སློང་གསོལ་བ། དམ་བཅའ་བའི་སྐབས་དབྱེ་བར་གནང་བར་ཞུ་བ་དང་། དམ་བཅའ་བའི་རྒྱུ་མཚན་གྱི་སྒོ་ནས་ནན་ཏན་དུ་གསོལ་བ་དང་གསུམ་ལས། དང་པོ་ནི། བདག་ནི་སོགས་ཏེ། བདག་ནི་ཚེ་ཕྱི་མ་མངོན་མཐོའི་འབྱོར་བའི་མཆོག་རྒྱལ་སྲིད་དང་། གཞན་ཡང་མཐོ་རིས་ཀྱི་ལོངས་སྤྱོད་རྣམས་དང་། འདོད་པའི་ཡོན་ཏན་གྱི་རོ་མྱོང་བ་ནི་བདག་གིས་དོན་དུ་གཉེར་ཤིང་ ― MR12_Page_0748 ―
[མ་དཔེ་གཟིགས་ན་འདིར་གནོན།]
བསྒྲུབ་པ་མ་ལགས་ཏེ། གང་དོན་དུ་གཉེར་ན་འགྲོ་བ་ལ་སྙིང་བརྩེ་བ་ཁོ་ནས་འགྲོ་བའི་དོན་ལ་བརྩོན་པ་ཡིན་པས། འདི་ལྟ་བུའི་བདག་གི་ཀུན་སློང་གི་སེམས་རྒྱུ་མེད་པ་འདི་ལ་ཀུན་མཁྱེན་ཆེན་པོ་ཡེ་ཤེས་སྒྲིབ་པ་མེད་པ་ཁྱོད་ནི་དཔང་པོར་མཛད་དུ་གསོལ་ཞེས་རང་སེམས་ཟོལ་ཟོག་མེད་པའི་གནས་ལ་ཀུན་མཁྱེན་དཔང་དུ་བཞག་ཆོག་པས་སོ། །གཉིས་པ་ནི། མགོན་པོ་ཡེ་ཤེས་སོགས་ཀྱིས་བསྟན་ཏེ། མགོན་པོ་བཅོམ་ལྡན་འདས་ཞེས་བོས་ནས་ཡེ་ཤེས་ཀྱི་གཟིགས་པ་དུས་གསུམ་སྒྲིབ་པ་མི་མངའ་བས་བདག་གི་ལྷག་པའི་བསམ་པ་སྟེ། སེམས་ཅན་ཐམས་ཅད་རྫོགས་བྱང་ལ་འགོད་པའི་ཁུར་ཁྱེར་བའི་ཚུལ་དེ་ནི་ཁྱེད་ཀྱིས་མཁྱེན་ལགས་ན་འཕགས་མཆོག་རྒྱལ་བ་ཁྱེད་ཀྱི་སྤྱན་སྔར་དམ་བཅས་པའི་དོན་ལས་སྐྱོ་བའམ་སུན་པར་མི་བགྱི་ཞེས་དམ་བཅའ་ལས་མི་ལྡོག་པའི་དོན་ཏོ། །མགོན་པོ་ཁྱོད་བསླུ་བ་ཡང་མ་ལགས་ཏེ། དམ་བཅའ་ལས་ཉམས་ན་གང་ཁྱོད་བསླུས་པ་ཡིན་ནའང་དམ་བཅའ་ཁས་བླང་བ་བཞིན་བཟུང་བས་ཁྱོད་མི་བསླུའོ། །ཞེས་དམ་བཅའ་བརྟན་པས་ན་མགོན་པོས་ཡེ་ཤེས་ཀྱིས་བདག་རྒྱུད་ལ་གཟིགས་ཏེ་དམ་བཅའ་བའི་སྐབས་དབྱེ་བར་གནང་བ་ཞུས་པའོ། །གསུམ་པ་ནི། སྙིང་ནས་བདག་ནི་སོགས་ཏེ་ཁ་ཙམ་མིན་པར་ཞེ་སྙིང་ནས་བདག་ནི་ཚེ་འདིའི་རང་རྒྱལ་འདོད་ཀྱི་ཁེ་དང་སྙན་གྲགས་ལ་སོགས་པའི་རང་འདོད་དང་། ཕ་རོལ་བསླུ་འདོད་ཀྱི་གཡོ་སྒྱུ་དང་ཟང་ཟིང་བསྒྲུབ་པ་ལྟ་བུ་ཚེ་འདི་ཡི་ཕྱིར་སྤྱད་པ་སྤྱོད་པ་མ་ཡིན་པས་ན་ངན་པའི་སེམས་དེ་ལྟ་བུ་ནི་གཏན་ནས་སྤངས་ཏེ། གཞན་ ― MR12_Page_0749 ―
[མ་དཔེ་གཟིགས་ན་འདིར་གནོན།]
དོན་སྒྲུབ་པ་ཁོ་ནའི་སེམས་ཡིད་ལ་གཅགས་པའམ་བཞག་ནས་རྣལ་འབྱོར་གྱི་སྤྱོད་པ་ཆེན་པོ་རྫོགས་སྨིན་སྤྱང་གསུམ་ཐམས་ཅད་ཐབས་མཁས་ཁྱད་པར་ཅན་གྱིས་ཟིན་པའི་སྒོ་ནས་བདག་གིས་སྤྱད་ཅེས་གཞན་དོན་ཁོ་ནའི་ཕྱིར་རྩོམ་པའི་དམ་བཅའ་ནན་ཏན་དུ་བྱ་བའམ། ཡང་ན་ཤོ་ལོ་ཀ་གསུམ་གྱི་དང་པོ་སྤྱི་དཔང་དུ་གསོལ་ནས། གཉིས་པ་དམ་བཅའ་བ་ལ་དཔང་གསོལ་དང་། གསུམ་པ་དམ་བཅས་པ་བཞིན་བསྒྲུབ་པར་བགྱི་བ་ལ་དཔང་དུ་གསོལ་བའོ། །གཉིས་པ་ལ་གཉིས། དམིགས་པའི་ཡུལ་ཐེག་པ་ཆེན་པོའི་དམ་བཅའ་སྤྱིར་བཟུང་བ་དང་། སྒྲུབ་པའི་ཐབས་སྔགས་ཀྱི་དམ་བཅའ་ཁྱད་པར་དུ་བཟུང་བའོ། །དང་པོ་ནི། ཀུན་ཏུ་བཟང་པོ་སོགས་ཀྱིས་བསྟན་ཏེ། སྤང་བྱ་མ་ལུས་པ་སྤངས་རྟོགས་བྱ་མ་ལུས་པ་རྟོགས། རྟག་ཁྱབ་ལྷུན་གྱིས་གྲུབ་པའི་ཕྲིན་ལས་མངའ་བའི་སངས་རྒྱས་ནི་ཀུན་ཏུ་བཟང་པོ་སྟེ་སྐྱོན་ཀུན་ཟད་ཡོན་ཏན་ཀུན་རྫོགས་ཡིན་པས་སོ། །དེ་ལྟ་བུ་བླ་ན་མེད་པའི་བྱང་ཆུབ་ཀྱི་མཆོག་རྫོགས་པའི་སངས་རྒྱས་ཉག་གཅིག་གི་གོ་འཕང་དེ་ཉིད་སེམས་ཅན་ཐམས་ཅད་ཀྱི་དོན་དུ་ཐོབ་པར་བྱའོ་སྙམ་པ་སྨོན་པ་དང་། དེ་ཐོབ་པའི་སླད་དུ་ཀུན་རྫོབ་དང་དོན་དམ་པའི་བྱང་ཆུབ་ཀྱི་སེམས་རིན་པོ་ཆེ་དུས་དེ་ནས་ཚུལ་ཇི་ལྟ་བ་བཞིན་དུ་མ་ལུས་ཡོངས་སུ་བཟུང་བར་བགྱི་ཞེས་འཇུག་པའོ། །གཉིས་པ་ནི། སྲོག་ཆགས་ཐམས་ཅད་སོགས་ཏེ། དཔེར་ན་སྲོག་ཆགས་ཐམས་ཅད་པོ་གལ་ཏེ་བདུད་དུ་གྱུར་ནས་ཕྱོགས་གཅིག་ཏུ་བྱས་ནས་དེ་དག་གིས་དུམ་བུ་སྟོང་ཕྲག་དུ་མར་བདག་གི་ལུས་གཏུབ་པར་གྱུར་ ― MR12_Page_0750 ―
[མ་དཔེ་གཟིགས་ན་འདིར་གནོན།]
ཀྱང་། བྱང་ཆུབ་ཀྱི་སེམས་མཆོག་ལྷག་པའི་བདེན་པ་དབྱེར་མེད་དང་། དེ་ལྟར་རྟོགས་པའི་རྒྱུ་ཤེས་རབ་དམིགས་པ་མེད་པ་དང་། ཐབས་སྙིང་རྗེ་ཆེན་པོ་དང་གསུམ་ནི་བླ་མེད་མི་སྤང་བའི་དོན་ཡིན་ལ། རང་གི་བསྒྲུབ་བྱ་དཀྱིལ་འཁོར་གྱི་གཙོ་བོ་ཡི་དམ་རྒྱལ་བ་ཁྱེད་ནི་ཡོངས་སུ་མི་སྤང་ཞེས་སྤྱིར་ཡི་དམ་དུ་བཟུང་ཙམ་ལ་ནི་བྱ་བར་ཡི་དམ་དེ་ཉིད་ཀྱི་སྐུ་གསུང་ཐུགས་ཀྱི་རྣལ་འབྱོར་ལ་བརྩོན་པས་རང་ཉིད་ཀྱི་སྒོ་གསུམ་ལྷ་དང་དབྱེར་མེད་པར་བསྒྲུབ་པ་ལས་ཐུགས་དེ་ཁོ་ན་ཉིད་ནི་བླ་མེད་མི་སྤོང་བའི་ཁོངས་སུ་དོན་གྱིས་འདུས་པས། འདིར་ལྷ་སྐུ་གསལ་སྣང་གི་ཕྱག་རྒྱ་དང་། གསུང་བཟླས་བརྗོད་རྒྱུན་མི་འཆད་པའི་ཚུལ་གྱིས་མི་སྤང་བ་ཡིན་ནོ། །རྡོ་རྗེའི་དམ་ཚིག་ཆེན་པོ་ཞེས་གསང་བ་མི་སྨྲ་བ་དང་། ཡན་ལག་གི་དམ་ཚིག་ཐམས་ཅད་ཀྱང་འདུས་པ་ཡིན་པས་དམ་ཚིག་ཆེན་པོ་དེ་རྣམས་དང་། བླ་མ་རྡོ་རྗེ་སློབ་དཔོན་བཀུར་བ་དང་། རྡོ་རྗེ་མཆེད་ལྕམ་ཞེས་བླ་མ་དང་དཀྱིལ་འཁོར་གཅིག་ལ་བརྟེན་པ་ནང་འདྲེས་པའི་མཆེད་དང་། གཞན་ཡང་ཐེག་པ་མཆོག་རྡོ་རྗེ་ཐེག་པ་ལ་ཞུགས་པ་ཉེ་བའི་མཆེད་རྣམས་ལ་བྱམས་པ་ནི། ཡང་དག་ལམ་དུ་ཞུགས་ལ་བྱམས། ཞེས་པ་དང་དོན་གཅིག་ཅིང་། དེ་ལྟར་ན་རྡོ་རྗེའི་དམ་ཚིག་རྡོ་རྗེའི་སློབ་དཔོན་ཉེ་རིང་གི་རྡོ་རྗེའི་མཆེད་ལྕམ་དེ་རྣམས་ནི་སྲོག་གི་ཕྱིར་ཡང་མི་གཏོང་ཞིང་ཅི་ནུས་སུ་བསྒྲུབ་པར་བྱ་བའི་དམ་བཅའ་བསྲུང་ངོ་ཞེས་སྒྱུ་འཕྲུལ་གསང་བ་སྙིང་པོ་ལས་གསུངས་པའི་དམ་ཚིག་ལྔ་བསྟན་པ་དེ་ལ་རྟོག་འདུལ་གྱི་དབང་གིས་སྤྲོས་པའི་སྡོམ་པ་ཇི་སྙེད་མ་ལུས་པ་ཀུན་དོན་གྱིས་འདུ་བ་ཡིན་ལ། རྩ་བ་ཡན་ལག་གི་དབང་དུ་བྱས་ན་ཡང་རྡོ་རྗེའི་དམ་ཚིག་ཆེན་པོ་ཞེས་པའི་ ― MR12_Page_0751 ―
[མ་དཔེ་གཟིགས་ན་འདིར་གནོན།]
ཁོངས་སུ་ཡན་ལག་གི་དམ་ཚིག་ཐམས་ཅད་འདུ་བས་སྔགས་ཀྱི་དམ་ཚིག་ཡོད་དོ་ཅོག་རྣམ་གྲངས་ལྔ་པོ་དེར་བསྡུས་ཏེ་བཟུང་བ་ཡིན་ནོ། །གསུམ་པ་ལ་གསུམ། གྲུབ་པའི་ཕྲིན་ལས་སྤྱིར་སྙིང་སྟོབས་ཆེན་པོ་ནས་གཞན་དོན་གྱི་གོ་ཆ་བགོ་བ་དང་། བྱེ་བྲག་ཏུ་ལྷག་བསམ་ཆེན་པོས་སངས་རྒྱས་ཀྱི་ཆོས་ཡོངས་སུ་བཟུང་བ། ཁྱད་པར་དམ་ཚིག་ཆེན་པོས་རིག་པ་འཛིན་པ་རྣམས་ཀྱི་ལམ་བསྒྲུབ་པའི་གྲོགས་སུ་དམ་བཅའ་བ་དང་གསུམ་ལས། དང་པོ་ནི། འཁོར་བ་བདག་མེད་སོགས་ཀྱིས་བསྟན་ཏེ། འཁོར་བ་བདག་གམ་ངོ་བོའམ་རང་བཞིན་གྱི་བདག་ཉིད་ཅན་དུ་གྲུབ་པ་མེད་པས་སྒྱུ་མ་ལྟ་བུའི་རང་བཞིན་ལ། བདག་ནི་འཇིགས་པ་ཅི་ཡང་མ་མཆིས་པ་དེ། དེས་ན་བདག་མེད་པའི་དོན་མ་རིག་པའི་སྐྱེ་བོ་རྣམས་ཀྱི་དོན་གྱི་སླད་དུ་ཕྱི་མའི་མཐར་ཐུག་གི་བར་ཏེ་འཁོར་བ་མ་སྟོང་གི་བར་དུ་འཁོར་བ་འདིར་གནས་པར་སྤྲོའོ་ཞེས་འཁོར་བ་སྒྱུ་མའི་རང་བཞིན་དུ་རྟོགས་པའི་གནད་ཀྱིས་འཁོར་བ་ལ་འཇིགས་པ་མེད་པའི་ཚུལ་གྱིས། ཆེད་དུ་བྱ་བ་མ་རིག་པའི་སྐྱེ་བོ་རྣམས་ཀྱི་དོན་དུ། དུས་ཕྱི་མཐར་ཐུག་གི་བར་དུ་གནས་པར་དམ་བཅའ་པ་སྤྱིར་བཏང་དུ་བྱས་ནས། དེ་ལྟར་གཞན་གྱི་དོན་དུ་འཁོར་བ་རྣམས་སུ་སྤྱོད་པའམ་གནས་པའི་སྐབས་དེ་ན་ཅི་ཞིག་བགྱི་ན་སེམས་ཅན་ཡོངས་སུ་སྨིན་པར་བྱེད་པའི་བྱང་ཆུབ་ཀྱི་སྤྱོད་པ་བས་ཆེན་ཐམས་ཅད་བདག་གིས་སྤྱད་ཅིང་། དེ་ལྟར་སྤྱོད་པ་དེ་ཡང་སྐྱེ་བ་གཅིག་ལྟ་བུ་མ་ཡིན་པར་འགྲོ་དྲུག་སེམས་ཅན་རྣམས་ལ་ཕན་གདགས་པའི་ཕྱིར་དུ་ཡང་ནས་ཡང་དུ་སྐྱེ་བར་སྟོན་པ་ཡིན་ཅིང་། དེ་ལ་གཞན་དབང་ལས་ཉོན་ཀྱི་སྐྱེ་བ་ཟད་ནའང་གཞན་ ― MR12_Page_0752 ―
[མ་དཔེ་གཟིགས་ན་འདིར་གནོན།]
ཕན་སྙིང་རྗེ་ཆེན་པོ་ཁོ་ནའི་དབང་གིས་སྨོན་ལམ་དང་ཏིང་ངེ་འཛིན་གྱིས་བསམ་བཞིན་དུ་རང་དབང་དུ་སྐྱེ་བ་བླང་བར་བགྱིའོ། །ཞེས་གསུངས་ཤིང་། དེ་ལྟར་འཁོར་བ་ཡོངས་སུ་མི་གཏོང་བ་དེ་ཆགས་པའི་དབང་གིས་མ་ཡིན་ཏེ། བདག་ནི་འཁོར་བ་པ་རྣམས་ཀྱིས་འཁྲུལ་སེམས་ཀྱིས་ཡོངས་སུ་བཟུང་བའི་མི་བདེན་པ་སྒྱུ་མ་ལྟ་བུའི་འཇིག་རྟེན་ནམ། ཞི་བ་ཕྱོགས་གཅིག་པའི་མྱ་ངན་ལས་འདས་པ་ལའང་སྤྲོ་བའམ་ཆགས་པ་མ་མཆིས་ཏེ། ཤེས་རབ་དང་སྙིང་རྗེ་ཆེན་པོའི་སྲིད་ཞི་གང་གི་མཐའ་ལའང་མི་གནས་པ་ཡིན་པའི་ཕྱིར་རོ། །དེ་ལྟར་རང་འདོད་ཅིང་ཆགས་པ་བྲལ་ཡང་དུས་གང་དང་ཡུལ་གང་དུ་སྡུག་བསྔལ་གནས་པའམ་ཡོད་པ་རྣམས་སུ་ཞེའམ་ཡང་ན་ཕྱོགས་རིས་སུ་མ་ཆད་པ། གང་དང་གང་ཞིག་ཏུ་སྡུག་བསྔལ་གྱི་གནས་རིགས་དྲུག་གི་ཡུལ་སོ་སོ་བ་རྣམས་སུ་སྟེ། གང་ལྟར་ཡང་འཁོར་བ་སྡུག་བསྔལ་གྱིས་ཉམས་ང་བའི་གནས་དེ་དག་ཏུ་བསྐལ་པ་མཐའ་ཡས་པའམ་རྒྱ་མཚོར་གནས་ཤིང་སྡུག་བསྔལ་ཅན་དེ་དང་དེ་དག་ལ་ཕན་པར་བགྱིའོ། །ཞེས་གཞན་ཕན་གྱི་སྤྱོད་པ་དེ་ཡང་ཆགས་སོགས་ཀྱི་དྲི་མས་མ་གོས་པར་སྟོན་ཏོ། །དེ་ལྟར་སེམས་ཅན་གྱི་དོན་བྱེད་པ་ན་ཡུལ་སེམས་ཅན་འདི་ཙམ་ནས་མེད་པར་འགྱུར་ཞེས་པའི་མཐའ་མི་མངོན་པས་དེ་ཙམ་མི་ནུས་སྙམ་པའི་སྐྱོ་བ་སྤོང་བ་ནི། སྲིད་པར་ཡུན་རིང་པོའི་དུས་སུ་སྟེ་མཐར་མི་མངོན་པའི་བར་དུ་སེམས་ཅན་གྱི་དོན་ལ་བརྩོན་པ་ནི། བྱང་ཆུབ་སེམས་དཔའ་རྣམས་ཀྱིས་ཡི་དམ་མམ་ཐུགས་ལ་བརྣགས་པའི་དོན་ལགས་པས་ན་དུས་འདི་ཙམ་ཞེས་ཉེ་ཚེ་བ་མིན་པར་ཇི་སྲིད་ངན་སོང་སྟོང་སྟེ་ ― MR12_Page_0753 ―
[མ་དཔེ་གཟིགས་ན་འདིར་གནོན།]
མེད་པར་མ་གྱུར་གྱི་བར་དེ་སྲིད་དུ་བདག་གིས་སྐྱོ་བའི་སེམས་མི་བསྐྱེད་ཅེས་དུས་རིང་པོས་མི་སྐྱོ་བར་སྟོན་པའོ། །འཁོར་བ་འདི་དག་ནི་སྡུག་བསྔལ་གྱི་རང་བཞིན་མེ་ཡི་འོབས་ལྟ་བུར་གདའ་བས་དངོས་པོར་ངན་པའི་དབང་གིས་མི་སྐྱོ་སྟེ། ཆགས་ཐོག་བྲལ་བའི་ཤེས་རབ་ཆེན་པོའི་སྒོ་ནས་གང་འདུལ་ཐབས་མཁས་ཀྱིས་འགྲོ་བ་སེམས་ཅན་གྱི་དོན་བགྱིད་པ་དེ་ཡི་རྩ་བ་སྙིང་རྗེ་ཡིན་ལ། སྙིང་རྗེའི་ལོངས་སྤྱོད་དམ་སྤྱོད་ཡུལ་ལམ་སྙིང་རྗེ་འབྱུང་བའི་རྒྱུ་ནི་སྡུག་བསྔལ་ཁོ་ན་ཡིན་ཏེ། དེ་ལས་གཞན་མ་མཆིས་བས་ན་ཞེའམ། ཡང་ན་ཡུལ་སྡུག་བསྔལ་ཅན་ལ་དམིགས་པའི་བརྩེ་བ་སྙིང་རྗེ་ཆེན་པོའི་ལོངས་སྤྱོད་དམ་བྱེད་ལས་ནི་ཤེས་རབ་ཆེན་པོའི་སྒོ་ནས་ཐབས་མཁས་ཀྱིས་འགྲོ་བ་སྡུག་བསྔལ་ཅན་གྱི་དོན་བགྱིད་པ་དེ་ལས་གཞན་མེད་པས་ཞེས་གང་ལྟར་ཡང་སྙིང་རྗེའི་ལས་སུ་སྡུག་བསྔལ་ཅན་གྱི་དོན་བྱེད་པ་ཁོ་ན་ཡིན་ཏེ། བདེ་བ་ལ་དམིགས་པས་སོ། །ཞི་བ་ཕྱོགས་གཅིག་པ་ལ་སྙིང་རྗེ་བར་གསུངས་པའང་མཐར་ཐུག་སངས་རྒྱས་ཀྱི་བདེ་བ་མ་ཐོབ་པའི་ཆ་ནས་ཡིན་གྱི། འཁོར་བའི་སྡུག་བསྔལ་སྤངས་པའི་བདེ་བའི་ཆ་ནས་མིན་པར་དམིགས་རྣམ་ཕྱེད་པ་གལ་ཆེའོ། །དེ་ལྟ་བུའི་རྒྱུ་མཚན་གྱིས་འགྲོ་བའི་ནང་ན་སྡུག་བསྔལ་ཆེ་ཤོས་སེམས་ཅན་དམྱལ་བ་པ་ཚ་གྲང་གི་སྡུག་བསྔལ་བརྣག་པར་དཀའ་བའི་འཇིག་རྟེན་དང་། བཀྲེས་ཤིང་སྐོམ་ལ་རིད་ཅིང་མི་སྡུག་པའི་ལུས་ཅན་ཡི་དྭགས་ཀྱི་འཇིག་རྟེན་དང་། འཇིགས་ཤིང་ཡིད་དུ་མི་འོང་བ་འགྲོ་བ་ལྔ་ལམ་དུ་གྱུར་བ་རྣམས་ཀྱི་སྤྱོད་ཡུལ་གཤིན་རྗེའི་ ― MR12_Page_0754 ―
[མ་དཔེ་གཟིགས་ན་འདིར་གནོན།]
འཇིག་རྟེན་ལྟ་བུ་ཡང་ཡིད་དུ་འོང་བ་ལྷའི་མེ་ཏོག་གི་དགའ་ཚལ་བཞིན་དུ་བལྟ་བར་བགྱི་སྟེ། འཇིག་རྟེན་གྱི་ཁམས་དེ་དག་ཏུ་མི་དགའ་མི་འདོད་སྐྱོ་བཞིན་དུ་མ་ཡིན་པར་དང་དུ་ལེན་པ་དྲག་པོའི་ཚུལ་གྱིས་འཇུག་པའོ། །གཉིས་པ་ནི། འགྲོ་ལ་ཐུགས་བརྩེ་སོགས་ཀྱིས་བསྟན་ཏེ། སྤྱིར་རྒྱལ་བའི་སྲས་ཀྱི་སྨོན་ལམ་གང་གཱའི་ཀླུང་གི་རྡུལ་སྙེད་དང་མཉམ་པ་ཐམས་ཅད་དམ་པའི་ཆོས་འཛིན་པའི་སྨོན་ལམ་གྱི་ནང་དུ་ཡང་དག་པར་འདུ་བས་དེ་འཛིན་པའི་དམ་བཅའ་ནི། འགྲོ་ལ་ཐུགས་བརྩེ་བ་ཆེན་པོའི་དཔལ་གྱི་མགུལ་ནས་གསུངས་པ། གང་ལ་རྣལ་འབྱོར་དུ་བྱ་བའི་ཡུལ་དམ་པའི་ཆོས་སམ། ཡང་ན་རྣལ་འབྱོར་ཞེས་རྟོགས་པའི་ཆོས་དང་། དེའི་རྟེན་ལུང་གི་དམ་ཆོས་ཞེས་མདོར་ན་ལུང་རྟོགས་དམ་པའི་ཆོས་རིན་པོ་ཆེ་སྲིད་པའི་ནད་བརྒྱ་དྲུང་ནས་འབྱིན་པ་བདུད་རྩིའི་མཆོག་ཏུ་གྱུར་པ་རྣམས་ནི། བདག་གིས་འཇིག་རྟེན་ཉི་ཚེ་བ་མིན་པར་མཐར་ཐུག་པ་མེད་པའི་གནས་རྣམས་གདུལ་བྱ་རང་རང་གི་ཁམས་དབང་བསམ་པ་དང་། ཐབས་སྣ་ཚོགས་པའི་ཚུལ་གྱིས་ཇི་ལྟར་འཚམས་པ་བཞིན་དུ་དམ་པའི་ཆོས་ཀྱི་སྲོལ་བཙུགས་ཤིང་ཡོངས་སུ་དར་ཞིང་རྒྱས་པར་བགྱི་ཞེས་འཛིན་སྤེལ་གཉིས་ཕྱོགས་གཅིག་ཏུ་བྱས་པའོ། །སྲིད་པ་འདིར་སྔོན་གྱི་ལས་དང་འཕྲལ་གྱི་རྐྱེན་ནག་ཕྱོགས་བདུད་ལ་སོགས་པའི་སྟོབས་ཀྱི་དབང་དུ་གྱུར་ཏེ། གང་དང་གང་དུ་དམ་ཆོས་སྔར་ཡོད་ཅིང་འཇིག་པར་འགྱུར་བ་དེར། བརྒལ་དཀའ་བ་མེ་ཡི་ཚོགས་བཟོད་དཀའ་བའི་གནས་དང་སྤུ་གྲིའི་བསྒྲིགས་པའི་ར་བ་ལྟ་བུ་ལས་ཀྱང་བརྒལ་ནས་འཇིག་རྟེན་དེ་དག་ཏུ་སོང་སྟེ། ཕྱི་མའི་མཐར་ཐུག་པ་སྟེ། འཇིག་རྟེན་དེ་དག་སྟོང་ ― MR12_Page_0755 ―
[མ་དཔེ་གཟིགས་ན་འདིར་གནོན།]
གི་བར་དུ་དམ་པའི་ཆོས་མི་ནུབ་པར་བཟུང་བའམ་རྒྱུན་སྐྱོང་བའོ། །གསུམ་པ་ནི། བླ་མེད་བྱང་ཆུབ་སོགས་ཀྱིས་བསྟན་ཏེ། ཐོག་མར་བླ་ན་མེད་པའི་བྱང་ཆུབ་མཆོག་ཏུ་སེམས་བསྐྱེད་དེ། བྱང་ཆུབ་མངོན་དུ་བྱེད་པའི་སླད་དུ་བསྒྲུབ་པ་མཆོག་སྟེ་ཐེག་པ་ཆེན་པོའི་རྣལ་འབྱོར་ལ་རྩེ་གཅིག་ཏུ་ཞུགས་པའི་སྐྱེ་བོ་ལ། ཚེ་རབས་ཀྱི་ཕྲེང་བ་རྣམས་སུ་རང་ལ་མཐུ་རྩལ་ཇི་མཆིས་ཀྱི་སྒོ་ནས། སྐྱེས་བུ་ཆེན་པོ་རྣམས་ཀྱི་ཇི་ལྟར་བཞེད་པའི་དགོངས་པ་རྟག་ཏུ་བསྐང་བར་བགྱི་བ་དང་། དེ་དག་གི་དམ་པའི་ཆོས་ཚོལ་བ་དང་། དེའི་དོན་ཚུལ་བཞིན་དུ་སྒྲུབ་པའི་གེགས་སུ་གྱུར་པ་མི་དང་མི་མ་ཡིན་པའི་མ་རུངས་པ་གདུག་པ་གང་ཡང་རུང་བ་དེ་དག་བདག་གིས་ཞི་བ་དང་ཁྲོ་བོའི་ཕྲིན་ལས་ཀྱི་སྒོ་ནས་ཏེ། ཞི་བའི་ཕྲིན་ལས་ཀྱིས་ཡོངས་སུ་ཞི་བར་བྱ་ཞིང་། གལ་ཏེ་དེས་འདུལ་དུ་མ་འཚལ་ན་ཁྲོ་བོའི་ཕྲིན་ལས་ཀྱིས་རྣམ་པར་གཞོམ་པར་བགྱིའོ། །ཞེས་མི་མཐུན་པའི་ཕྱོགས་ཐམས་ཅད་མེད་པར་བགྱི་བར་དམ་བཅས་པའོ། །གསུམ་པ་མཇུག་བསྡུ་བ་ལ་སྤྱིར་འབྲས་བུ་དམ་བཅའ་བས་ཚེ་གཅིག་གི་གོ་འཕང་ཆེན་པོར་འགྲུབ་པར་སྨོན་པ་དང་། དེ་མ་ཐོབ་ཀྱི་བར་དུའང་བླ་མ་ཡི་དམ་མི་འབྲལ་བས་གཞན་དོན་མཐར་ཕྱིན་པར་སྨོན་པའོ། །དང་པོ་ནི། རྣལ་འབྱོར་མཆོག་གི་སོགས་ཏེ།རྣལ་འབྱོར་མཆོག་གི་ལམ་ཐེག་པ་ཆེན་པོ་བླ་ན་མེད་པ་བསྟན་པ་དམ་པའི་ཆོས་དང་། དེ་སྟོན་པ་བླ་མ་དང་གཉིས་སུ་མེད་པ་ཡི་དམ་རྡོ་རྗེ་རྒྱལ་པོ་ཁྱོད་ལ་བརྟེན་ནས་ནི། སངས་རྒྱས་ཀྱི་ཞིང་ཡོངས་སུ་སྦྱངས་པ་གྲུབ་པ་དང་། འགྲོ་བ་ ― MR12_Page_0756 ―
[མ་དཔེ་གཟིགས་ན་འདིར་གནོན།]
ཐམས་ཅད་ལ་ཕན་པའམ་སྨན་པའི་སླད་དུ་བྱང་ཆུབ་ཀྱི་སྙིང་པོ་བདག་གིས་ཚེ་འདི་ལ་མངོན་དུ་རྟོགས་པར་བགྱི། ཞེས་སོ། །གཉིས་པ་ནི། བདག་ནི་འཕགས་མཆོག་སོགས་ཏེ། གལ་ཏེ་ཚེ་འདི་ལ་གང་གི་གོ་འཕང་མངོན་དུ་བྱེད་མ་ནུས་པར་སྐབས་མེད་ཅེས་འཆི་བའི་དུས་ལ་མ་སླེབ་པར་གློ་བུར་དུ་འཆི་བའི་དུས་བྱུང་བའི་ཚེ་ན། བདག་གི་འཕགས་མཆོག་ཕྱག་རྒྱར་ཡི་དམ་གྱི་ལྷ་མངོན་པར་སྤྲུལ་ཏེ་ཞེས་པར་དོར་རླུང་སེམས་ཙམ་ལས་གྲུབ་པའི་ལྷའི་སྐུ་སྤྲུལ་ནས།གསང་སྔགས་ཐེག་པ་ཆེན་པོའི་ཆོས་ཀྱི་བདག་ཉིད་འགྲོ་བ་ཐམས་ཅད་ཀྱི་མགོན་པོ་ཇི་ལྟ་ཇི་སྙེད་མཁྱེན་པའི་ཡེ་ཤེས་ཀྱི་དཀྱིལ་འཁོར་ཡོངས་སུ་རྫོགས་པ་ཅན་ཁྱེད་ཀྱི་ཞབས་ཀྱི་དྲུང་དུ་མཆི་བར་བགྱིས་ནས་ལམ་གྱི་འཕྲོ་མཐུད་པར་བྱའོ། །ཞེས་སོ། །ད་ནི་སྨོན་ལམ་དེ་དག་གྲུབ་པའི་འདོད་དོན་གསོལ་ཏེ་མཇུག་བསྡུ་བ་ནི། སྲིད་པ་གསུམ་གྱི་སྡུག་བསྔལ་ཅི་འདྲ་བ་ནི་ཁྱེད་ཀྱིས་མཁྱེན་པ་ལགས་ན། དམྱལ་སོགས་ཏེ། རིགས་དྲུག་གི་སྡུག་བསྔལ་མེད་དཔུང་འབར་བ་ཞི་བར་བགྱིད་པ་ལ་སོགས་པ་སྟེ། བཀྲེས་སྐོམ་ཞི་བ་སོགས་སེམས་ཅན་དོན་དུ་མྱུར་དུ་བདག་མཆི་བ་ཏེ་འགྲོ་ན་དེ་ལྟར་བྱེད་ནུས་པའི་མཐུ་ནུས་ནི་དམ་པ་ཁྱེད་རྣམས་ཀྱི་བདག་ལ་སྩལ་དུ་གསོལ། ཞེས་པའོ། །གསུམ་པ་དེའི་སྙིང་པོའི་དོན་བསྡུ་བའི་ཚུལ་ཞར་བྱུང་དུ་སྨོས་པ་ནི། ཀུན་ཏུ་བཟང་པོ་སོགས་ཤོ་ལོ་ཀ་གཅིག་སྟེ། ཐེག་པ་ཆེན་པོའི་སྨོན་འཇུག་གི་སེམས་བསྐྱེད་པ་ན་སྔགས་སྡོམ་ཡང་འཇུག་པ་ཚུལ་ཁྲིམས་གསུམ་ལས་ཁྱད་པར་དུ་ཕྱེ་བའི་ཚུལ་གྱིས་འདུས་པ་ཡིན་པས། རྒྱུ་འབྲས་ ― MR12_Page_0757 ―
[མ་དཔེ་གཟིགས་ན་འདིར་གནོན།]
ཀྱི་ཐེག་པའི་དམ་བཅའ་ཐམས་ཅད་འདིར་འདུ་བ་ཉིད་དོ། །དེ་ལྟར་དམ་བཅའ་ལས་མི་ལྡོག་པ་རྩེ་གཅིག་པའི་ལྷག་བསམ་བརྟན་པོས་དམ་བཅས་པ་མཚོན་བྱེད་སྙིང་གར་རྡོ་རྗེ་རྩེ་གཅིག་པའི་ཕྱག་རྒྱ་བཅའ་བར་བྱའོ། །ཟབ་དོན་རྒྱ་མཚོ་ལྟ་བུའི་མཛད། །བདག་བློས་ཇི་བཞིན་རྟོགས་མིན་ཀྱང་། །བླ་མའི་དྲིན་ལས་ལེགས་བཤད་ཆ། །ཡོད་ན་དགེ་དེ་འགྲོ་བར་བསྔོ། །དེ་ལྟར་དམ་བཅའ་བའི་ཤོ་ལོ་ཀ་ཉི་ཤུ་ཅན་འདི་ཉིད་དང་དམ་བཅའ་བསྡུས་པ་བཅས་པ་འཇམ་དབྱངས་མཁྱེན་བརྩེ་རིན་པོ་ཆེའི་ཞལ་སྔ་ནས་སྤྱི་ཁོག་བབས་ཀྱི་དོན་ཅུང་ཟད་དབྱེ་བའི་འཕྲོས་གསུངས་པ་མཁན་པདྨ་བཛྲ་དང་ངེད་དཔོན་སློབ་ལྷན་ཅིག་པས་ཐོས་ཤིང་སླར་ཡང་མཁན་རིན་པོ་ཆེ་ལས་བཤད་ལུང་ཚར་གཅིག་ཞུས་ཏེ་བརྗེད་ཐོར་བཀོད་པ་པོ་ནི་ཨ་ཛི་ཏ་ས་མུ་དྲ་འམ། མིང་གཞན་མ་ཏི་བི་མ་ལས་བགྱིས་པ་འདིར་ནོར་འཁྲུལ་གྱི་དྲི་མ་གང་ཡོད་བཤགས་ཤིང་དགེ་བས་གསང་ཆེན་གྱི་བསྟན་པ་དར་བའི་རྟེན་འབྲེལ་ཕུན་སུམ་ཚོགས་པར་གྱུར་ཅིག སརྦ་མངྒ་ལཾ།། །། དཔལ་ས་ར་ཧས་མཛད་པའི་དོ་ཧ་མཛོད་ཀྱི་གླུའི་མཆན་འགྲེལ་གཉུག་མ་རྡོ་རྗེའི་སྒྲ་དབྱངས།― MR12_Page_0759 ―
[མ་དཔེ་གཟིགས་ན་འདིར་གནོན།]
དཔལ་ས་ར་ཧས་མཛད་པའི་དོ་ཧ་མཛོད་ཀྱི་གླུའི་མཆན་འགྲེལ་གཉུག་མ་རྡོ་རྗེའི་སྒྲ་དབྱངས་ཞེས་བྱ་བ་བཞུགས། ― MR12_Page_0760 ―
[མ་དཔེ་གཟིགས་ན་འདིར་གནོན།]
ན་མོ་གུ་རུ་བཛྲ་དྷཱ་ར་ཡེ། མཆོག་ཏུ་མི་འགྱུར་ཟག་བྲལ་བདེ་བ་ཆེ། །འོད་གསལ་རང་བཞིན་གཉུག་མ་ལྷན་ཅིག་སྐྱེས། །གཞོམ་མེད་ན་དཱའི་སྒྲ་ཡིས་འདོམ་མཁས་པ། །གྲུབ་པའི་དབང་ཕྱུག་མདའ་སྣུན་ཞབས་ཀྱིས་སྐྱོངས། །འདིར་འཕགས་ཡུལ་གྲུབ་བརྒྱའི་སྤྱི་མེས་དཔལ་ས་ར་ཧ་ཆེན་པོས་མཛད་པའི་དོ་ཧ་མཛོད་ཀྱི་གླུ་འདི་ཉིད་འཆད་པ་ལ། ཐོག་མར་མཚན་དོན་ནི། རྒྱ་གར་སྐད་དུ། དོ་ཧ་ཀོ་ཥ་གཱི༷་ཏི། བོད་སྐད་དུ། དོ་ཧ་མཛོད་ཀྱི་གླུ། ཞེས་ལྷན་ཅིག་སྐྱེས་པའི་ཡེ་ཤེས་ཡོན་ཏན་མི་ཟད་པའི་གཏེར་མཚོན་པར་བྱེད་པའི་མགུར་མ་ཡིན་པས་སོ། །འགྱུར་ཕྱག་ནི། སེམས་ཉིད་ལྷན་ཅིག་སྐྱེས་པའི་ཡེ་ཤེས་ཉིད། རྣམ་པར་རྟོག་པའི་གྲྭ་ཟུར་མེད་པས་འཇམ་ཞིང་འཁོར་འདས་གཉིས་ཀའི་དཔལ་དུ་གྱུར་ལ། སོ་མ་ཡིན་པའི་དོན་གྱིས་གཞོན་ནུར་གྱུར་པ་དེ་ལ་ཕྱག་འཚལ་ལོ། །ཞེས་ལོ་ཙཱ་བས་ ― MR12_Page_0761 ―
[མ་དཔེ་གཟིགས་ན་འདིར་གནོན།]
བཀོད་པའོ། །གཞུང་དངོས་ནི། དུག་སྦྲུལ་ལྟ་བུའི་གང་ཟག་སྐལ་མེད་རྣམས་ནི། ངེས་པར་སྐྱེ་བོ་དམ་པ་གཞན་ལ། ཟབ་མོའི་ཆོས་སྤང་བ་སོགས་སྐྱོན་གྱི་དྲི་མས་དགོད་པའི་ཕྱིར།མཐོང་བ་ཙམ་གྱིས་འཇིགས་པར་བྱོས་ལ་དོར་བར་བྱའོ། །དེ་ཡང་སྤྱིར་མུ་སྟེགས་པའི་ལུགས་ལ་སྟོན་པ་སྲིད་རལ་ཅན་ཞེས་པ་ཐོག་མ་མེད་པ་ནས་སྲིད་པ་དང་ཐར་པའི་གཞིར་གྲུབ་པ་རྟག་ཅིང་ཐར་པ་ཞལ་བཞི་པ་ཞིག་འདོད་ལ། དེའི་མདུན་ཕྱོགས་ཚངས་པའི་ཞལ་ནས་གདུལ་བྱ་བྲམ་ཟེའི་རིགས་ལ་ལྟ་བ་བདག་རྟག་པར་ལྟ་བ་དང་སྤྱོད་པ་རིག་བྱེད་དང་མཐུན་པར་སྤྱོད་པའི་ཕྱིར་རིག་བྱེད་བཞིའི་ཆོས་སྟོན་ཅིང་། གཡས་ཕྱོགས་བརྒྱ་བྱིན་གྱི་ཞལ་ནས། གདུལ་བྱ་རྒྱལ་རིགས་ལ་ལྟ་བ་བདག་གཅིག་པུར་བལྟ་བ་དང་སྤྱོད་པ་དབྱུག་གུའི་རྩེར་མཆོད་པ་ལ་སོགས་པའི་ཆོས་སྟོན་ལ། རྒྱབ་ཕྱོགས་དབང་ ― MR12_Page_0762 ―
[མ་དཔེ་གཟིགས་ན་འདིར་གནོན།]
ཕྱུག་གི་ཞལ་ནས་གདུལ་བྱ་རྗེའུའི་རིགས་ལ་ལྟ་བ་བདག་རང་དབང་ཅན་དུ་ལྟ་བ་དང་སྤྱོད་པ་ཐལ་གོས་དང་རལ་པ་འཕྱང་བ་ལ་སོགས་པའི་ཆོས་སྟོན་ཞིང་། གཡོན་ཕྱོགས་ཁྱབ་འཇུག་གི་ཞལ་ནས་གདུལ་བྱ་དམངས་རིགས་ལ་ལྟ་བ་བདག་ནམ་མཁའི་ལྟར་ཁྱབ་པར་ལྟ་བ་དང་སྤྱོད་པ་གཅེར་བུ་པ་ལ་སོགས་པའི་ཆོས་སྟོན་པར་འདོད་དོ། །དེ་ལས་མུ་སྟེགས་རིགས་བྱེད་པ་རྣམས། དེ་ཉིད་གཉུག་མ་མི་ཤིག་པའི་བྲམ་ཟེ་ནི། གྱི་ན་བདག་གིས་སྙན་དངགས་མཆོད་སྦྱིན།སྲིད་སྲུང་ངེས་བརྗོད་དེ་རིག་བྱེད་བཞི་དག་ཁ་ཏོན་དུ་འདོན་པ་དང་། ས་དང་ཆུ་ཡིས་ལུས་འཁྲུད་པ་དང་ཀུ་ཤ་ལ་གནས་པ་དང་བྱ་བས་པས་སྒོ་གསུམ་དག་བྱེད་དུ་འདོད་པ་དང་། ཁྱིམ་ན་གནས་ཤིང་སྦྱིན་བསྲེག་གི་མེ་ལ་བསྲེག་རྫས་ཐུན་མོང་པ་དང་ཐུན་མིན་རང་གི་ལུས་བསྲེགས་ཏེ། ཐར་པ་ལ་ཕན་བའི་དོན་མེད་པའི་སྦྱིན་སྲེག་བྱེད་པ་ནི། དུ་བས་མིག་ལ་གནོད་པར་རེ་བས་པ་ཁོ་ནའོ། །མུ་སྟེགས་དབྱུག་གུ་ཅན་པ་དག་དབྱུག་གུ་རྩེ་གཅིག་པ་དང་གཉིས་པ་དང་གསུམ་པ་ལ་བརྟེན་ནས་དེ་ལ་ལེགས་ལྡན་ཏེ་ལྷ་དབང་ཕྱུག་ཆེན་པོའི་གཟུགས། ཡབ་དཔའ་གཅིག་དང་ཡབ་ཡུམ་གཉིས་པ་དང་སྲས་དང་བཅས་གཙོ་འཁོར་གསུམ་པར་སྒྲུབ་ལ། དེ་ཡང་ལྷ་ཡབ་ཡུམ་ཐ་དད་དུ་སྒྲུབ་པ་དང་ངང་པས་བསྟན་པ་ཞེས་ངང་པ་ཁྱོ་ཤུགས་ལྟར་ལྷ་ཡབ་ཡུམ་ལྷན་དུ་སྒྲུབ་སྟེ་གྲུབ་རྟགས་མཐོང་ནས་རང་ལུས་དེའི་སྟེང་དུ་མཆོངས་ཏེ་ལུས་དོར་བས་ཐར་པར་འདོད་པ་སོགས་ཀྱི་དཀའ་ཐུབ་དམན་པ་དག ཆོས་དགེ་བ་དང་ཆོས་མིན་མི་དགེ་བའི་ཁྱད་པར་མི་ཤེས་པར་ཐ་མལ་པ་དང་མཉམ་ ― MR12_Page_0763 ―
[མ་དཔེ་གཟིགས་ན་འདིར་གནོན།]
ཞིང་། ལམ་དེས་ཐར་པར་འགྲོ་བར་འདོད་པ་རྣམས་ནི་ལོག་པའི་ལམ་བརྫུན་པ་ཉིད་དུ་གོལ་བའོ། །ཐལ་གོས་པ་རྣམས། ཨེ༷་རའི་སྟེ་རོ་བསྲེག་པ་སོགས་ཀྱི་ཐལ་བས་ལུས་ལ་བྱུགས་ནས་སུ། མགོ་ལ་རལ་པའི་ཁུར་བུ་སྟེ་སྐྲ་རིང་པོར་བྱས་པ་ཁུར་བར་བྱེད་ཅིང་། ཁྱིམ་དུ་ཚིལ་ཞུན་གྱི་མར་མེ་བཏང་ནས་གནས་པ་དང་། ཁྱབ་འཇུག་དང་དབང་ཕྱུག་གི་དཀྱིལ་འཁོར་བྲིས་ཏེ་དེ་སྒྲུབ་པའི་ཕྱིར་དབང་ལྡན་གྱི་མཚམས་སུ་འདུག་ནས་དྲིལ་བུ་འཁྲོལ་བ་དང་། གཞན་ལ་དབང་བསྐུར་བའི་ཕྱིར་དཀྱིལ་འཁོར་གྱི་དབུས་སུ་སྐྱིལ་ཀྲུང་བཅས་ནས་མིག་བཙུམས་ཏེ་རླུང་དྲག་ཏུ་བཙིར་བའི་ཤུགས་ཀྱིས་སྙིང་ཅུང་ཟད་འཕར་བའི་སྒྲ་ཨ་ཧཾ་དུ་འོང་བ་དེ་སློབ་མ་ལ་ཉན་དུ་བཅུག་ནས། དེའི་རྣ་བར་ཤུབ་ཤུབ་ཀྱིས་ཨ་ཧཾ་ཞེས་པའི་སྒྲ་དེས་བདག་ངོ་སྤྲོད་པ་སོགས་ཀྱིས་སྐྱེ་བོ་རྣམས་བསླུ་བར་བྱེད་དོ། །དེ་ནི་ཁྱོ་ཞེས་ཐབས་མེད་པ་དང་སྒྲ་ཞེས་ཤེས་རབ་མེད་པའི་ལམ་འདི་འདྲ་གཞན་ལ་སྟོན་ཅིང་། དབང་ཕྱུག་གི་དབང་རྣམས་བསྐུར་ཞིང་ཡོན་བདག་ལ་བླ་མའི་ཡོན་རྣམས་ལེན་པར་བྱེད་པ་ཁྱོད་ནི་གཞན་བསླུ་བའི་ཕྱིར་ངན་འགྲོར་གཞོལ་བ་ཁོ་ནའོ། །གཅེར་བུ་པ་རྣམས་ནི་དཀའ་ཐུབ་ཀྱིས་གྲོལ་བར་འདོད་པས་སེན་མོ་རིང་ཞིང་ལུས་ལ་དྲི་མས་གཡོགས་པ་དང་། གོས་དང་བྲལ་བར་གཅེར་བུར་རྒྱུ་ཞིང་ལག་ན་རྔ་ཡབ་སོགས་ཐོག་པ་དང་རྨ་བྱའི་མཇུག་སྒྲོ་དང་གཡག་གི་རྔ་མས་འདོམས་འགེབས་པ་དང་རང་གི་སྐྲ་སོགས་ནི་འབལ་བར་བྱེད་ལ་འགྲེང་བཞིན་དུ་ཟ་བར་བྱེད་པའི་བརྟུལ་ཞུགས་དང་། ལྟ་བ་ཡང་ནམ་མཁའི་རང་བཞིན་ལྟར་བདག་གམ་ ― MR12_Page_0764 ―
[མ་དཔེ་གཟིགས་ན་འདིར་གནོན།]
ཡིད་གཅིག་པུས་ཐམས་ཅད་ལ་ཁྱབ་པའི་བདག་ཉིད་ཅན་དུ་བསྒོམ་སོགས་གནོད་པར་བྱེད་པ་ལམ་གྱི་གཟུགས་བརྙན་ཙམ་པ་དེས། ཐར་པའི་ཆེད་དུ་སྐྱེ་བོ་བདག་ཉིད་འགྲོ་བར་བྱེད་པ་རྣམས་བསླུ་བར་བྱེད་དེ། དེ་ཡང་གཅེར་བུས་གལ་ཏེ་གྲོལ་གྱུར་ན། །ཁྱི༷་དང་ཝ་སོགས་ཀྱང་ཅིས་མི་གྲོལ། །སྤུ་བཏོགས་པས་ནི་གྲོལ་གྱུར་ན། །བུད་མེད་ཀྱིས་སྐྱེ་གནས་ཤིས་པའི་སླད་དུ་མཚན་མ་སོགས་ཀྱི་སྤུ་བཏོགས་པ་ཡང་གྲོལ་བར་འགྱུར། རང་ལ་རྨ་བྱའི་མཇུག་མ་བཏགས་ཏེ་གྱེན་དུ་བསླང་བའི་བརྟུལ་ཞུགས་བྱེད་པ་རྣམས་མཇུག་སྤུ་གྱེན་དུ་བསླང་བས་གྲོལ་བར་འགྱུར་ན། རྨ་བྱ་དང་གཡག་སོགས་ཀྱང་གྲོལ་བར་འགྱུར་ཏེ་མཇུག་མ་གྱེན་དུ་བསླངས་པས་སོ། །ལངས་ཏེ་ཐས་ཟ་བས་གྲོལ་བར་འགྱུར་ན། རྟ་དང་གླང་པོ་ཅི་ཕྱིར་གྲོལ་བ་མིན་ཏེ་རྒྱུ་མཚན་མཚུངས་པས་སོ། །མདའ་བསྣུན་ན་རེ་ཞེས་པ་ས་ར་ཧའི་མཚན་ཏེ་གཉིས་འཛིན་གྱི་རྣམ་རྟོག་ལ་གཉིས་མེད་ཡེ་ཤེས་ཀྱི་མདའ་བསྣུན་པའི་ཕྱིར་དེ་སྐད་དུ་གྲགས་ཏེ་ནམ་མཁའི་ཡིད་ཅན་ཞེས་བདག་རྟག་པ་གཅིག་པུ་རང་དབང་ཅན་ཀུན་ལ་ཁྱབ་པར་ལྟ་བ་སྟེ་བདག་གི་ཆོས་བཞི་པོ་དེ་ནམ་མཁའ་དང་སྟོང་པ་ལ་སོགས་པས་མཚོན་པར་འདོད་ཅིང་བདག་དང་གཙོ་བོ་གཉིས་སུ་འཛིན་པའི་ཡིད་ཅན་དེ་དག་ལ། ཐར་བར་ཐོབ་པ་ནམ་ཡང་ཡོད་པ་མ་ཡིན་ནོ་ཞེས་ཟེར་ཏེ་བདག་མེད་རྟོགས་པ་མེད་པའི་ཕྱིར་རོ། །ལྷན་ཅིག་སྐྱེས་པའི་བདེ་བའི་དེ་ཁོ་ན་ཉིད་དང་ནི་བྲལ་བར་གྱུར་ཅིང་། ཕྱི་ལུས་ཀྱི་དཀའ་ཐུབ་འབའ་ཞིག་ཙམ་ལྡན་པ། དགེ་སློང་དང་དགེ་ཚུལ་དང་བསྙེན་པར་རྫོགས་ནས་ལོ་བཅུ་ལོན་པ་གནས་བརྟན་ཞེས་བྱ་བའི་བརྟུལ་ཞུགས་ཅན། ― MR12_Page_0765 ―
[མ་དཔེ་གཟིགས་ན་འདིར་གནོན།]
བནྡེ༷་རྣམས་ནི་བཤད་མ་ཐག་པ་དེ་ལྟར་རབ་ཏུ་བྱུང་ནས། ཁ་ཅིག་མདོ་སྡེ་ཡི་དོན་འཆད་པར་བྱེད་ཅིང་བྱེ་སྨྲའི་གྲུབ་མཐར་འཇུག །ལ་ལ་ཆོས་ཀུན་རོ་གཅིག་པར་སེམས་ཀྱི་ཚུལ་ཙམ་ཙམ་དུ་གཅིག་པའི་གྲུབ་མཐའ་འཛིན་པར་མཐོང་། ཁ་ཅིག་ཐེག་ཆེན་དེ་ལ་དོན་གཉེར་གྱིས་རྒྱུག་པར་བྱེད་ཅིང་དབུ་མར་སྨྲ་བ། དེ་རྣམས་ནི་སངས་རྒྱས་པའི་གཞུང་ལུགས་ཚད་མའི་བསྟན་བཅོས་ཉིད་དཔྱད་ནས་སྨྲ་བ་ཡིན་ནོ། །དེ་ལས་གཞན་ཡང་སྔགས་ཕྱོགས་པ་དག་དཀྱིལ་འཁོར་འཁོར་ལོ་མ་ལུས་བསྒོམ་པའི་བསྐྱེད་རིམ་དང་། ཁ་ཅིག་དབང་བཞི་པའི་དོན་སྒྲ་རྟོག་གིས་འཆད་པ་ལ་ཞུགས་པ་དང་། ལ་ལ་ཅི་ཡང་མི་བསམ་པར་ཕྱལ་ཆད་ནམ་མཁའི་ཁམས་ལྟ་བུ་ལ་རྟོག་ཅིང་དེར་སེམས་འཛིན་བར་སྣང་ལ། གཞན་ཡང་ཤུ་ནྱ་ཏ་སོགས་ཀྱིས་སྦྱང་བ་དང་། བསྐྱེད་རིམ་གྱི་མཐར་འོད་གསལ་དུ་བསྡུས་ཏེ་སྟོང་པ་ཉིད་དོ་སྙམ་དུ་མངོན་ཞེན་དང་ལྡན་པར་བྱེད་པ་དེ་དག་གོ། དེ་དག་གི་རང་གི་ལུགས་དེ་གནས་ལུགས་མཐར་ཐུག་ཏུ་རློམས་ཡང་དེ་དག་ཕལ་ཆེར་གནས་ལུགས་ཡང་དག་པའི་མི་མཐུན་ཕྱོགས་ལ་ཞུགས་པ་ཡིན་ནོ། །རང་བཞིན་གཉུག་མ་ལྷན་ཅིག་སྐྱེས་དང་བྲལ་བ་གཞན་གང་དང་གང་གིས། མྱ་ངན་འདས་པའི་ལམ་གང་དང་གང་ཞིག་བསྒོམ་པར་བྱེད་པ། དེ་དག་འགས་ཀྱང་དོན་དམ་ནི། ཅིག་ཤོ༷ས་ཏེ་བསམ་བྱ་ཀུན་རྫོབ་ལས་གཞན་བསམ་མི་ཁྱབ་ཉིད་འགྲུབ་བར་མི་འགྱུར་རོ། །གང་ཟག་གང་ཞིག་རང་གང་ལ་མོས་པར་གྱུར་པ་ཙམ་གནས་ལུགས་སུ་བརློམ་པ་དེས། རང་གི་བསམ་གཏན་ལ་གནས་པས་ཐར་པ་ཐོབ་བམ་ཅི་སྟེ་དེ་ཁོ་ན་ཉིད་ནི་རང་འདོད་ ― MR12_Page_0766 ―
[མ་དཔེ་གཟིགས་ན་འདིར་གནོན།]
པའི་རྗེས་སུ་མི་བྱེད་པས་སོ། །གནས་ལུགས་སྒོམ་པ་ལ་བྱས་ཆོས་མར་མེ་ཅི་དགོས་ལྷ་བཤོས་དེ་ཡང་ཅི་དགོས་ཏེ། གནས་ལུགས་དེ་ལ་ནན་ཏན་དུ་མཆོད་པ་དེས་ཅི་བྱ་གསང་སྔགས་བཀླག་པ་སོགས་བསྟན་པ་ཡང་ཅི་ཞིག་དགོས། ཁྲུས་ཀྱི་འབབ་སྟེགས་སུ་འགྲོ་བ་དང་དཀའ་ཐུབ་ཀྱང་མི་དགོས་ཏེ། རྒྱུ་མཚན་འདི་ལྟར་ཆུ་ལ་ཞུགས་པས་ཐར་པ་ཐོབ་བམ་ཅི་སྟེ་དོན་མེད་པས་སོ། །སྙིང་རྗེ་དང་བྲལ་ནས་སྟོང་པ་ཉིད་དུ་ཞུགས་པ་གང་ཡིན་པ། དེས་ནི་ཐེག་པ་ཆེན་པོའི་ལམ་གྱི་མཆོག་རྙེད་པ་མ་ཡིན་ནོ་སྟེ་ཉན་རང་དུ་གོལ་བའི་ཕྱིར་རོ། །འོན་ཏེ་སྟོང་པ་ཉིད་མ་ཤེས་པར་སྙིང་རྗེ་འབའ་ཞིག་སྒོམ་ན་ཡང་། ཚངས་རིས་སོགས་འཁོར་བ་འདིར་གནས་པ་ལས་ཐར་པ་ཐོབ་པར་མི་འགྱུར་ཏེ་སྲིད་རྩ་གཅོད་བྱེད་བདག་མེད་པའི་དོན་མ་རྟོགས་པའི་ཕྱིར་རོ། །གང་ཡང་སྟོང་ཉིད་སྙིང་རྗེ་གཉིས་པོ་ཟུང་དུ་སྦྱོར་བར་ནུས་པ་དེས། སྟོང་ཉིད་རྟོགས་པས་འཁོར་བར་མི་གནས་ཤིང་སྙིང་རྗེས་ཞི་བ་ཕྱོགས་གཅིག་པའི་མྱ་ངན་ལས་འདས་པ་ལའང་མི་གནས་པའི་མྱང་འདས་ཆེན་པོ་འཐོབ་བོ། །ཀྱེ་ལགས་ཞེས་བོས་ནས་འདི་ལྟར་གཟུང་འཛིན་དམིགས་གཏད་དུ་ཞེན་པའི་སྒོ་ནས་གང་སྨྲས་པ་ཐམས་ཅད་དོན་ལ་བརྫུན་ཞིང་དངོས་པོའི་ཡིན་ལུགས་ལས་ལོག་པ་དེ་ཐམས་ཅད་ནས་བོར་ལ། ཆོས་གང་ལ་ཡང་དམིགས་གཏད་ཀྱིས་འདིའོ་ཞེས་ཞེན་པ་ཡོད་པ་དེ་ཡང་བཅིང་བྱེད་ཡིན་པས་ཐོངས་ཤིག་དང་།རང་བཞིན་རྣལ་མའི་དོན་རྟོགས་པར་གྱུར་ན་ཐམས་ཅད་ལྷན་སྐྱེས་དེ་ཡིན་ཏེ། དེ་ལས་གཞན་པ་ཉིད་དུ་གྱུར་པ་ནི་དོན་ལ་མེད་པས་སུས་ཀྱང་ཤེས་པར་མི་འགྱུར་བས་ན། ཀློག་པའང་དེ་ཡིན་བློ་ལ་ཚིག་དོན་འཛིན་པ་དང་དོན་བསྒོམ་པ་དེ་ཡིན་ཏེ། བསྟན་བཅོས་ཀྱི་དོན་སྙིང་ལ་ ― MR12_Page_0767 ―
[མ་དཔེ་གཟིགས་ན་འདིར་གནོན།]
གནད་དུ་འཆད་པའང་དེ་ཡིན་ནོ། །གནས་ལུགས་ཀྱི་དོན་དེ་ནི་མཚོན་པའི་ལྟ་བ་ཡོད་པ་མིན་ཏེ་ཐམས་ཅད་དེའི་རང་བཞིན་ཡིན་མོད་ཀྱི། དེ་བརྗོད་བྲལ་ཡིན་ཀྱང་ཐམས་ཅད་དེའི་སྒོར་གྱུར་པས་སོ། །འོན་ཀྱང་དེ་ཁོ་ན་ཉིད་གཅིག་པུ་དེ་ནི་བླ་མའི་ཞལ་ལ་ལྟོས་པ་ཡིན་གྱི་ཐམས་ཅད་དུ་ཤེས་པ་མིན་ནོ། །བླ་མས་ཟབ་དོན་གྱི་མན་ངག་སྨྲས་པ་གདུལ་བྱ་སྐལ་བཟང་གང་གི་སྙིང་ལ་ཞུགས་པ་ན། དཔེར་ན་རང་གི་ལག་པའི་མཐིལ་དུ་གནས་པའི་རིན་པོ་ཆེའི་གཏེར་མཐོང་བ་དང་འདྲ་སྟེ་སྔར་མ་མཐོང་བའི་དོན་ཆེན་པོ་རང་ལ་གནས་པར་མཐོང་བས་ནའོ། །ཡེ་ནས་རང་གནས་གཉུག་མའི་རང་བཞིན་བྱིས་པས་མ་མཐོང་བས། འཁྲུལ་པས་ནི་བྱིས་པ་འདི་དག་བསླུ་ཞེས་བདག་མདའ་བསྣུན་སྨྲའོ། །དེ་ལ་ནི་བསམ་གཏན་དུ་བྱ་བ་ཅིའང་མེད་ཅིང་ཁྱིམ་ནས་རབ་ཏུ་འབྱུང་བ་མེད་དེ་ཡེ་ནས་ཡིན་པས་སོ། །འོ་ན་ཁྱིམ་དུ་གནས་དགོས་སམ་སྙམ་ན་མ་ཡིན་ཏེ་ཁྱིམ་ན་གནས་ཤིང་རང་གི་ཆུང་མ་དག་དང་ལྷན་ཅིག་ཏུ། གང་ཞིག་འདོད་ཡོན་གྱི་ཡུལ་གྱི་དགའ་བས་རང་སེམས་བཅིངས་བ་ལས་མི་གྲོལ་ན།མདའ་བསྣུན་ང་ནི་དེ་དག་དེ་ཁོ་ན་ཉིད་ཤེས་པ་མིན་ཞེས་སྨྲའོ། །གལ་ཏེ་གཞལ་བྱ་མངོན་དུ་གྱུར་ན་བསམ་གཏན་ཅི་སྟེ་དགོས་པ་མེད་ལ། གལ་ཏེ་བསྒོམ་བྱ་དེ་རང་ལ་ལྐོག་ཏུ་གྱུར་ན་དོན་མ་མཐོང་བས་ཚོད་དཔག་གིས་དོན་མི་གསལ་བ་མུན་པ་ལྟ་བུ་འཇལ་བ་ཡིན་ལ། ལྷན་ཅིག་སྐྱེས་པའི་རང་བཞིན་དེ་ཉིད་ནི། འདི་ལྟར་བུམ་སོགས་ལྟར་དངོས་དང་མཁའ་སོགས་ལྟར་དངོས་པོ་མེད་པ་ནི་མ་ཡིན་ཏེ། དེ་ནི་འདི་འདྲ་བའོ་ཞེས་མདའ་བསྣུན་གྱིས་གསང་མཐོན་པོས་འོ་དོད་རྟག་ཏུ་ ― MR12_Page_0768 ―
[མ་དཔེ་གཟིགས་ན་འདིར་གནོན།]
འབོད་པར་བྱེད་དོ། །ཆགས་བདེའམ་རྣམ་རྟོག་གང་ཞིག་བླངས་ནས་སྐྱེ་བ་དང་ཤི་བ་ལ་སོགས་པའི་སྡུག་བསྔལ་གནས་སུ་གྱུར་པ་ཡིན་ལ། གཉུག་མའི་དེ་ཁོ་ན་ཉིད་བླངས་བའམ་བཟུང་ནས་འགྱུར་བ་དེའི་ཟུག་ངུ་དང་བྲལ་བའི་བདེ་ཆེན་མཆོག་གྲུབ་བོ་ཅེས། སྐད་གསང་མཐོན་པོས་མདའ་བསྣུན་གྱིས་འདི་སྐད་སྨྲ་བར་བྱེད་ཀྱང་། བྱོལ་སོང་ལྟ་བུའི་འཇིག་རྟེན་འདི་དག་གིས་མི་གོ་ན་ད་ཐབས་ཇི་ལྟར་བྱ་སྟེ་བྱ་རྒྱུ་ཟད་དོ། །དམིགས་པར་བྱར་མེད་པས་ན་བསམ་གཏན་བྱ་བ་དང་བྲལ་བས་འདི་ལ་ཅི་ཞིག་བསམ་བྱར་ཡོད་དེ་མེད་ལ། ངག་གིས་བརྗོད་དུ་མེད་གང་འདི་ཚིག་གིས་ཇི་ལྟར་བཤད་དུ་ཡོད་དེ་མེད་ཀྱང་། བསམ་བརྗོད་དུ་བྱས་པའི་སྲིད་པའི་ཕྱག་རྒྱས་ཏེ་སྲིད་པ་ཀུན་མི་འདའ་བར་དབང་བསྒྱུར་བ་འདིས་འགྲོ་བ་མ་ལུས་པ་བསླུས་པར་བྱས་ནས། རང་བཞིན་གཉུང་མ་བསམ་བརྗོད་ལས་འདས་པའི་དོན་ནི་བསམ་བརྗོད་ལ་དགའ་བ་སུས་ཀྱང་བླངས་པའམ་རྟོགས་པ་མེད་དོ། །འདི་ལ་སྟོན་བྱེད་ཀྱི་རྒྱུད་མེད་ཅིང་བཟླ་རྒྱུའི་སྔགས་མེད་བློས་བསམ་བྱ་དང་རྩེ་གཅིག་ཏུ་བཞག་པའི་བསམ་གཏན་ཀྱང་མེད་དེ། རྒྱུད་སོགས་དེ་ཀུན་རང་ཡིད་སྤྲོས་པའི་དྲྭ་བར་འཁྲུལ་བར་བྱེད་པའི་རྒྱུ་ཡིན་ནོ། །རང་བཞིན་དག་པའི་སེམས་གཉུག་མ་མ་བཅོས་པ་ལ་རྟོག་ཅིང་འཇོག་གོ་སྙམ་པའི་བསམ་གཏན་དག་གིས་མི་བསླད་པའམ་བསླད་པར་མི་བྱེད་དེ། བདག་རང་གི་རང་བཞིན་ནམ་དེ་ཁོ་ན་ཉིད་ལྷན་སྐྱེས་བདེ་ལ་གནས་ཤིང་སྣ་ཚོགས་རྟོགས་པས་རང་སེམས་གདུང་བར་མ་བྱེད་ཅིག །དེས་ན་ཅི་དགར་ཟས་ཟ་ཞིང་སྐོང་འཐུང་ལ་ཕོ་མོ་ཕན་ཚུན་མཁའ་གསང་གཉིས་སྤྲོ༷ད་ཀྱིས་ལུས་སེམས་དགའ་བར་བྱ་ཞིང་། ཕྱི་ནང་གི་ཚོགས་འཁོར་ ― MR12_Page_0769 ―
[མ་དཔེ་གཟིགས་ན་འདིར་གནོན།]
སོགས་ཀྱི་སྒོ་ནས་རྟག་ཏུ་ལུས་སེམས་ལྷན་སྐྱེས་ཀྱི་བདེ་བ་རྒྱུན་མི་ཆད་པས་ཡང་དང་ཡང་དུ་རང་ལུས་ཀྱི་རྩ་ཡི་འཁོར་ལོ་དྲུག་པོ་འགེངས་བར་བྱའོ། །དེ་ལྟར་ཆོས་འདི་ལྟ་བུའི་འཇིག་རྟེན་ཕ་རོལ་གྱི་དོན་ཆེན་པོ་སངས་རྒྱས་སུ་འགྲུབ་པར་འགྱུར་ཏེ། འདོད་ཡོན་སྤོང་བའི་བཀའ་ཐུབ་འདོད་པ་རྨོངས་པ་འཇིག་རྟེན་པའི་མགོ་བོར་རྡོག་པས་མནན་ནས་ཀུན་གྱི་ཀླད་དུ་སོང་ངོ་། །གང་དུ་གཡོ་བྱེད་བཞོན་པ་རླུང་དང་དེ་ལ་ཞོན་པའི་སེམས་ནི་མི་རྒྱུ་ཞིང་ནང་དུ་སྡུད་ཅིང་འགགས་ལ། ཉི་མ་ཟླ་བ་སྟེ་ཐབས་ཤེས་སམ་སྣང་སྟོང་སོགས་གཉིས་ཆོས་ཀྱི་འཇུག་པ་མེད་པར་གྱུར་པ་ལ། རྩོལ་བས་བཅིང་བའི་ཞི་གནས་དེར་རྩོལ་མེད་དུ་གནས་པ་མི་ཤེས་པ་དག་གནས་དེར་དབུགས་ཕྱུང་ཞིང་གནས་ལ། བདག་མདའ་བསྣུན་གྱིས་ནི་དེ་ཁོ་ན་ཉིད་ཀྱི་མན་ངག་ཐམས་ཅད་ལེགས་པར་བསྟན་ནས་སོང་ངོ་། །ཆོས་ཐམས་ཅད་གཉིས་སུ་མི་བྱར་རང་བཞིན་མཉམ་པ་ཐིག་ལེ་ཉག་གཅིག་ཏུ་བྱ་བ་སྟེ། ཆོས་འདི་ཀུན་ལ་བཟང་ངན་བླང་དོར་སོགས་སོ་སོའི་རིགས་ལ་སོ་སོར་ཞེན་ནས་བྱེ་བྲག་དག་ཏུ་མ་འབྱེད་པར། ཁམས་གསུམ་མ་ལུས་པ་ན་སྣང་བའི་ཆོས་འདི་དག་ཐམས་ཅད་ནི། འདོད་ཆགས་ཆེན་པོ་ལྷན་སྐྱེས་བདེ་བའི་རང་བཞིན་གཅིག་ཏུ་ཁ་དོག་སྒྱུར་བར་བྱོས་ཅིག་དང་ཞེས་གདམས་སོ། །ལྷན་སྐྱེས་དེར་ནི་ཐོག་མ་དང་དབུས་དང་མཐའ་མ་མེད། སྲིད་དང་མྱ་ངན་འདས་པ་མིན་ཅིང་། བདེ་བ་ཆེན་པོ་མཆོག་འདི་ལ། བདག་དང་གཞན་དུའང་ཡོད་པ་མ་ཡིན་ནོ། །རང་གི་མདུན་དང་རྒྱབ་དང་ཕྱོ༷གས་བཅུ་རུ། ― MR12_Page_0770 ―
[མ་དཔེ་གཟིགས་ན་འདིར་གནོན།]
དངོས་པོ་གང་དང་གང་མཐོང་བ་དེ་ཡང་ལྷན་སྐྱེས་དེ་ཉིད་ཡིན་ཏེ། དུས་དེ་རིང་ཉིད་དུ་མགོན་པོ་བདེ་བ་ཆེན་པོ་ལ་དུས་ད་ལྟར་འཁྲུལ་པ་ཆད་པར་བྱ་སྟེ་ཐམས་ཅད་དེར་ལ་ཟློ་པར་བྱ་ཞིང་། ཐམས་ཅད་གཉུག་མར་རྟོགས་པས་ད་ནི་དེར་ཐག་ཆོད་ནས་གཞན་སུ་ལའང་དྲི་བར་མི་བྱའོ། །དེ་ལྟར་རྟོགས་པའི་ཚད་དབང་པོ་གཟུང་འཛིན་གྱི་ཆ་ཐམས་ཅད་ལྷན་སྐྱེས་བདེ་ཆེན་གང་དུ་ནུབ་པར་གྱུར་ཅིག །དེ་ཡང་བཟའ་གཏད་མེད་པས་གཟུང་འཛིན་གྱི་སེམས་རང་གི་ངོ་བོ་ཉམས་པར་གྱུར་པ་ན། ཀྱེ་གྲོགས་དག་དེ་ནི་ལྷན་ཅིག་སྐྱེས་པའི་ལུས་སམ་སྐུ་ཡིན་ཏེ། ཚུལ་དེ་ངོ་སྤྲོད་ནུས་པའི་བླ་མའི་ཞལ་ལས་གསལ་བར་དྲིས་དང་ཤེས་པར་འགྱུར་རོ། །རྣལ་མ་རང་བབས་ལས་ཡིད་ནི་གར་འཆིང་ལ་རླུང་གར་དེངས་ཏེ། ས་སྟེང་འདི་ན་ཡན་ལག་གམ་སྣ་ཚོགས་སུ་སྣང་བ་ནི་བདེ་ཆེན་གྱི་གནས་སམ་ཡང་ན་འཁྲུལ་བའི་གནས་ཡིན་ལ། དེ་ནི་གཉིས་མེད་རྟོགས་པའི་རྨོངས་ཆེན་ནམ་ཐ་མལ་རྨོངས་པས་ས་མཚམས་སུ་ཡོངས་སུ་ཤེས་པར་བྱ་ལ། གང་ལ་གཏི་མུག་རྒྱ་མཚོ་ཆད་པའམ་བྲལ་བ་གང་ཤེས་པ། འདི་ནི་བདེ་ཆེན་མཆོག་ཡིན་ཏེ། དེ་ལྟ་བུའི་ཟབ་དོན་ཉག་གཅིག་ས་ར་ཧ་ཡིས་བསྟན་ནས་འགྲོ། ཀྱེ་ཧོ༷་འདི་ལྟ་བུ་ནི་རང་རིག་བདེ་བ་ཆེན་པོ་ཡིན་པ་སྟེ། འདི་ལ་ཐ་སྙད་ཀྱི་བློས་འཁྲུལ་པར་མ་བྱེད་ཅིག དངོས་དང་དངོས་མེད་གང་དུ་རྟོག་ཀྱང་བདེ་བར་གཤེགས་པའི་ལམ་གྱི་འཆིང་བ་སྟེ། སྲིད་པ་དང་ཆོས་ཉིད་མཉམ་པ་ཉིད་ལ་ཐ་དད་དུ་མ་འབྱེད་པར། མ་བཅོས་གཉུག་མའི་ཡིད་ནི་རང་ལ་རང་གཅིག་ཏུ་གཏོད་དང་རྣལ་འབྱོར་པ། དེ་དཔེར་ན་ཆུ་ལ་ཆུ་ ― MR12_Page_0771 ―
[མ་དཔེ་གཟིགས་ན་འདིར་གནོན།]
བཞག་པ་བཞིན་དུ་ཤེས་པར་བྱོས་ཤིག །བསམ་བྱ་དང་བསམ་གཏན་ཅན་གྱི་བསམ་གཏན་བརྫུས་པས་ནི་མཐར་ཐུག་གི་ཐར་པ་རྙེད་པ་མིན་ནོ། །སྒྱུ་འཕྲུལ་དྲྭ་བས་ཏེ་ལས་ཕྱག་གམ་སྣང་བ་བསྐྱེད་རིམ་དུ་བསྒོམ་པ་སོགས་དོན་དམ་རྟོགས་པའི་རྣལ་འབྱོར་པ་ལ་ཇི་ལྟར་པང་དུ་འཁྱུད་དེ་རང་སྣང་ཡིན་པས་འཁྱུད་དུ་མེད་དོ་ཞེས་སམ་རང་སྣང་དུ་མ་ཤེས་ན་སྒྱུ་དྲྭ་ཉམས་སུ་མི་ལོན་ཞེས་སོ། །བྱར་མེད་འདི་ལ་བླ་མ་དམ་པའི་བཀའ་ཡིས་བདེ་བར་རམ་བདེ་བླག་ཏུ་ཡིད་ཆེས་པར་འགྱུར་གྱི། ང་ཡིས་འདི་ལྟ་བུའོ་ཞེས་བརྗོད་དུ་ཡོད་པ་མིན་ཞེས་ནི་མདའ་བསྣུན་སྨྲའོ། །དཔེར་ན་ཇི་ལྟར་གདོད་ནས་དག་པ་ནམ་མཁའི་རང་བཞིན་འདི་ལ། ནན་གྱིས་བལྟས་ཤིང་བལྟས་ཤིང་མཐོང་བ་ནི་ཇེ་བས་ཇེ་སངས་འགག་པར་འགྱུར་ཏེ་མི་མཐོང་ངོ་། །དེ་ལྟ་བུ་ཉིད་དམ་དེ་བཞིན་དུ་ལྷན་སྐྱེས་མཐོང་བའི་དུས་སུའང་སྤྲོས་པ་ཀུན་འགོག་པར་འགྱུར་རོ། །གང་སྣང་གཉུག་མ་ཉིད་ལ་དེ་ལྟར་མ་ཤེས་ནས་སྣ་ཚོགས་སུ་རྟོག་པའི་སྐྱོན་གྱིས་བྱིས་པ་བསླུས་ཏེ་སྒྲ་ཚད་ཀྱིས་གཞལ་ནས། ཞེན་སྐྱེ་བོ་མ་ལུས་པ་ལྷག་པར་སུན་འབྱིན་ཅིང་། བློས་བྱས་ཀྱི་གྲུབ་མཐར་འཆེལ་བའི་ང་རྒྱལ་སྐྱོན་གྱིས་དེ་ཁོ་ན་ཉིད་རྣལ་དུ་མཚོན་པའམ་གསལ་མི་ནུས་སོ། །འཇིག་རྟེན་མ་ལུས་པ་དམིགས་རྩོལ་གྱི་བསམ་གཏན་གྱིས་རྨོངས་པར་གྱུར་ཏེ། རྒྱུ་མཚན་གཉུག་མའི་རང་བཞིན་སུས་ཀྱང་མཚོན་དུ་མེད་པའི་ཕྱིར་རོ། །སེམས་ཀྱི་རྩ་བ་མི་མཚོན་པའམ་མི་ཤེས་ཏེ། རྒྱུ་མཚན་ལྷན་ཅིག་སྐྱེས་པ་གང་ཞིག་རྣམ་གསུམ་གྱི་ནི་འདི་ལྟར། དང་པོ་ ― MR12_Page_0772 ―
[མ་དཔེ་གཟིགས་ན་འདིར་གནོན།]
གང་ལས་དེ་སྐྱེས་པ་དང་མཐར་གང་དུ་ནུབ་པ་དང་། ད་ལྟ་གང་དུ་གནས་པར་གྱུར་པ་ནི་གསལ་བར་མི་ཤེས་སོ། །གཞིའམ་རྩ་བ་དང་བྲལ་བའི་དེ་ཁོ་ན་ཉིད་དམ་ལྷན་སྐྱེས་གང་སེམས་པའམ་ཤེས་པར་བྱ་བ་ལ། བླ་མའི་མན་ངག་མཐོང་བ་དེ་ཡིས་ཆོག་ཤེས་སམ་མཆོག་ཏུ་ཐོབ་ཞེས་ཀྱང་ངོ་། །འཁོར་བའི་རང་བཞིན་ནི་སེམས་ཀྱི་ངོ་བོའམ་རང་སྣང་ལྷན་སྐྱེས་ཉིད་ཡིན་ནོ་ཞེས། རྨོངས་པ་རྣམས་ལ་མདའ་བསྣུན་གྱིས་སྨྲས་པ་ལྷང་ངེའམ་ཙེ༷ན་ནེ༷་ཤེས་པར་བྱོས་ཤིག །གཉུག་མའི་རང་བཞིན་ཚིག་གིས་མི་བརྗོད་པའམ་བརྗོད་དུ་མེད་ཀྱང་། སློབ་དཔོན་གྱི་མན་ངག་མིག་ལྟ་བུ་དག་གིས་མཐོང་བར་འགྱུར་རོ། །ཆོས་དང་ཆོས་མིན་རོ་གཅིག་ཏུ་མཉེས་ནས་ཉམས་མྱོང་གིས་ཐོས་པ་ཡིས། མཉམ་ཉིད་འདི་ལ་ཉེས་པ་ཡི་སྐྱོན་རྡུལ་ཙམ་ཡོད་པ་མ་ལགས་སོ། །གཉུག་མའི་ཡིད་ནི་གང་ཚེ་རྩལ་སྦྱངས་པར་གྱུར་པ་ལས་ཉམས་སུ་མྱོང་བ། དེ་ཚེ་བླ་མའི་ཡོན་ཏན་རང་གི་སྙིང་ལ་འཇུག་པར་འགྱུར་རོ། །སྤང་གཉེན་མེད་པའི་དོན་འདི་ལྟར་རྟོགས་ནས་མདའ་བསྣུན་པ་བདག་སྙིང་པོ་དོན་གྱི་གླུ་ལེན་ཏེ། འདི་ལས་མ་རྟོགས་པའི་སྔགས་དང་བརྒྱུད་རྣམས་གཅིག་ཀྱང་མ་མཐོང་ངོ་། །འགྲོ་རྣམས་རང་གི་རྟོག་པས་བྱས་པའི་ལས་ཀྱིས་སོ་སོར་བཅིང་བར་གྱུར་ཏེ། ལས་ལས་གྲོལ་བ་ན་ནི་ཡིད་ནི་ཐར་པ་ཡིན་ལ། རང་རྒྱུད་གྲོལ་ན་ངེས་པར་གཞན་ཞེས་བྱ་བའང་མེད་དེ། དེ་ལྟར་ན་མཆོག་གི་མྱ་ངན་ལས་འདས་པ་ཐོབ་པར་འགྱུར་རོ། །སེམས་ཉིད་གཅིག་པུ་སྲིད་ཞི་ཀུན་གྱི་ས་བོན་ཏེ། སེམས་ཉིད་གང་ལ་བརྟེན་ནས་སྲིད་པ་དང་མྱ་ངན་ལས་འདས་པ་འཕྲོ་བའམ་འབྱུང་བ། ཇི་ལྟར་འདོད་པའི་ ― MR12_Page_0773 ―
[མ་དཔེ་གཟིགས་ན་འདིར་གནོན།]
འབྲས་བུ་སྟེར་བར་བྱེད་པ་ཡི། ཡིད་བཞིན་ནོར་འདྲའི་སེམས་ལ་ཡོན་ཏན་ཤེས་པའི་བློས་ཕྱག་འཚལ་ལོ། །ཀུན་ཏུ་རྟོག་པས་རང་སེམས་བཅིང་བས་ནི་འཁོར་བར་འཆིང་པར་གྱུར་ཏེ། སེམས་དེ་ཉིད་རང་སར་བཞག་པས་གྲོལ་ན་ཐར་བར་ཐེ་ཚོམ་མེད། བླུན་པོ་གང་གིས་འཆིང་བར་འགྱུར་བ། མཁས་རྣམས་དེ་ཡིས་མྱུར་དུ་གྲོལ་ཏེ་རང་བཞིན་ཤེས་པས་སོ། །སེམས་ནི་ནམ་མཁའ་དང་འདྲ་བར་སྤྲོས་བྲལ་མཉམ་པ་ཆེན་པོར་བཟུང་བར་བྱ་སྟེ། ནམ་མཁའི་རང་བཞིན་དམིགས་མེད་རང་གར་བག་ཡངས་ཉིད་དུ་སེམས་བཟུང་བར་བྱའོ། །དེ་ལྟར་ཡིད་དེ་ཐ་མལ་གྱི་ཡི་དམ་ཡིན་པར་མཉམ་པའི་རང་བཞིན་དུ་བྱེད་པར་གྱུར་ན། ཚུལ་དེས་ནི་བླ་ན་མེད་པའི་བྱང་ཆུབ་ཐོབ་པར་འགྱུར་ཏེ། ཅི་ཡང་ཡིད་ལ་མི་བྱེད་པ་མཁའ་འདྲར་ཤེས་པར་བྱས་ན་ཀུན་རྟོག་གཡོ་བའི་ང་ནི་རྣམས་པར་འཆིང་ཞིང་། ཆོས་ཐམས་ཅད་མཉམ་པ་ཉིད་ཡོངས་སུ་ཤེས་པས་འོད་གསལ་དུ་རབ་ཏུ་ཐིམ་ཞེས་མདའ་བསྣུན་གྱིས་སྨྲས་པའི་དོན་འདི་ནམ་ཞིག་ཉམས་སུ་མྱོང་སྟེ་ཡེ་ཤེས་ལ་ནུས་པ་དང་ལྡན་ན། འཁོར་བའི་རང་བཞིན་མི་རྟག་གཡོ་བ་མྱུར་དུ་སྤོང་བར་འགྱུར་རོ། །རླུང་དང་མེ་དང་ཆུ་དང་དབང་ཆེན་ཏེ་ས་རླུང་རྣམས་རིམ་བཞིན་ཐིམ་ནས་འགགས་པ་ན། སྙོམས་འཇུག་གི་དུས་ཀྱི་ཞུ་བདེའམ་བདུད་རྩི་ལྔ་ཡི་དྭངས་མ་རྒྱུ་བའི་དུས་སུ་རླུང་ནི་རོ་རྐྱང་གི་རླུང་ལ་འཇུག་ཅིང་དེ་ཡང་རིམ་བཞིན་དབུ་མར་ཐིམ་ནས་སེམས་ལ་འཇུག་ནམ་ཞིག་འབྱུང་བའི་སྦྱོར་བ་བཞི་དབུ་མའི་གནས་གཅིག་ལ་ནི་ཞུགས་པ་ན། སེམས་འོད་གསལ་ལ་ཐིམ་པའི་ལྷན་སྐྱེས་ཀྱི་བདེ་ཆེན་མཆོག་ནི་ནམ་མཁའི་ཁམས་སུ་མི་ཤོ༷ང་བ་ལྟ་བུ་འབྱུང་ངོ་། །ཕྱོགས་ ― MR12_Page_0774 ―
[མ་དཔེ་གཟིགས་ན་འདིར་གནོན།]
བཅུ་རྣམས་སུ་ཁྱིམ་དང་ཁྱིམ་སོ་སོ་ན་ཡེ་ཤེས་དེ་ཡི་གཏམ་སྨྲ་ཡང་། སྣང་སྲིད་བདེ་བ་ཆེན་པོའི་གནས་ནི་ཡོངས་སུ་ཤེས་པ་མེད་དེ། འགྲོ་ཀུན་རང་གི་ཞེན་ཕྱོགས་ཀྱི་བསམ་པས་རྣལ་དོན་ལས་རང་ཉིད་སུན་འབྱིན་ནོ་ཞེས་རྣལ་འབྱོར་དབང་ཕྱུག་མདའ་བསྣུན་ང་སྨྲའོ། །དེ་ཕྱིར་བསམ་གྱིས་མི་ཁྱབ་པའི་ཡེ་ཤེས་མཐོང་བས་གྲུབ་པ་ནི་འགའ་ཡང་མེད་དོ། །སྲོག་ཆགས་ཐམས་ཅད་ཀུན་ལ་ཁྱད་མེད་པར་ཡང་། ལྷན་སྐྱེས་བདེ་བ་ཆེན་པོ་དེ་ཁོ་ན་ཉིད་དེ་ནི་རང་བཞིན་གྱིས་ཡོད་དེ་དེ་དེ་བཞིན་དུ་རྟོགས་པ་མེད། སྣང་སྲིད་འཁོར་འདས་ཐམས་ཅད་བདེ་ཆེན་དེར་རོ་མཉམ་པའི་རང་བཞིན་ཡིན་པས། བསམ་ཡས་པའི་ཡེ་ཤེས་བླ་མེད་དུ་གྲུབ་པའོ། །ཁ་སང་དང་དེ་རིང་གི་དུས་ཟབ་དོན་སྒོམ་སྙམ་ངང་ལུས་ནས་དེ་བཞིན་སང་དང་གཞན་དུ་བྱེད་འདོད་ངང་དུ་ལུས་ནས། དོན་རྣམས་ཕུན་སུམ་ཚོགས་པར་སྐྱེ་བོ་འདོད་པ་ཙམ་དུ་ཟད་དོ། །ཀྱེ་ཧོ༷་བཞིན་བཟང་དག་དཔེར་ན་སྙིམ་པ་ཆུས་བཀང་བ། འཛག་པ་བཞིན་དུ་རང་གི་ཚེ་སོགས་འགྲིབ་པའམ་ཉམས་པ་མ་ཚོར་རོ། །ལམ་ལ་སློབ་བ་སོགས་བྱ་བ་བྱེད་པ་དང་དེ་ལྡོག་བྱ་བ་མིན་པ་བྱེད་པ་དག་ཀྱང་། ངེས་པར་རྟོགས་པའི་དུས་ན་འཆིང་དང་གྲོལ་བ་མེད་དོ། །དོན་བརྗོད་མེད་དམ་ཡི་གེ་མེད་པའི་དོན་ལས་ཀྱང་བླ་མའི་མན་ངག་གིས་འཆད་པར་ཡོད་པར་འདོད་པ། གང་ཞིག་རྣལ་འབྱོ༷ར་བརྒྱ་ལའང་མན་ངག་གི་ཚིག་འགའ་ཡིས་མཚོན་ནུས་སོ། །བསྒྲིམས་ཏེ་ཀུན་རྟོག་འཇུར་བུས་བཅིང་བའི་སེམས་འདི་ནི། རང་སར་གློད་ན་གྲོལ་བར་ཐེ་ཚོམ་མེད་ལ། བླང་དོར་གྱི་རྟོག་པའི་དངོས་པོ་གང་གིས་རྨོངས་པ་རྣམས་འཆིང་ལ། རང་བཞིན་ཤེས་པའི་མཁས་པ་རྣམས་ ― MR12_Page_0775 ―
[མ་དཔེ་གཟིགས་ན་འདིར་གནོན།]
འཆིང་བྱེད་དེ་ཡིས་སླར་ཡང་རྣམ་པར་གྲོལ་བར་བྱེད་དོ། །བཅིངས་པ་དག་ནི་མི་སྡོད་པར་ཕྱོ༷གས་བཅུར་འགྲོ་བར་རྩོམ། རང་གར་བཏང་བར་གྱུར་ན་དེ་གར་མི་གཡོ་བར་བརྟན་པར་གནས་ཏེ། སེམས་འདི་ནི་གོ་བཟློ༷ག་རྔ་མོ་ལྟ་བུར་ནི་བདག་གིས་རྟོགས་སོ། །བུ་ཁྱོད་རྣམས་ཀྱང་རང་ལ་ཆེར་ཏེ་ལྟོས་དང་རང་བབས་ཀྱི་དོན་མཐོང་ངོ་ཞེས་གདམས་སོ། །ཀྱེ་ལགས་རྣལ་འབྱོར་དབང་པོ་ཞེས་བོས་ནས་རང་སེམས་ལ་ལྟོས་ཤིག་དང་། དེ་བཞིན་ཉིད་འདི་ལས་ང་བདག་གི་རྣམ་པ་ཅི་ཡང་ནི་མ་རྟོགས་པའམ་དེ་བཞིན་ཉིད་ལས་གཞན་ཅི་ཡང་མ་རྟོགས་སོ་ཞེས་དམིགས་པ་ཀུན་ཟད་པའོ། །ཅིར་ཡང་བྱར་མེད་མཐོང་ནས་ལས་ཟིན་པ་ཡི་སྐྱེས་བུ་རང་བྱུང་གི་ཤེས་པ་འདི་ཡི། དྲུང་དུ་ཞེ་འདོད་ཀྱི་དྲྭ་བ་ཀུན་ཆད་ནས་སེམས་ཐག་གཅད་པར་བྱོས་ཤིག །རྩོལ་བའི་ལམ་གྱིས་རླུང་བཅིངས་པ་ལ་བརྩོན་ནས་སེམས་དགག་པ་ལ་དགའ་ཞིང་ཞེན་པའི་ཚུལ་ལ་རང་ཉིད་མ་སེམས་ཀྱེ། ཤིང་བཞིན་མི་གཡོ་བ་དག་གི་རྣལ་འབྱོར་སྟེ་དེའི་ཚུལ་གྱིས་སྣ་རྩེར་མ་འདུག་ཅིག་སྟེ་སྣ་རྩེར་ཕྲ་ཐིག་སོགས་བསྒོམ་པས་ཅི་བྱ་ཞེས་སོ། །ཨེ༷་མའོ་ཞེས་ཡ་མཚན་པ་སྟེ་རྩོལ་བཅས་དེ་དག་མཆོག་གི་ལམ་མ་ཡིན་པའི་ལྷན་ཅིག་སྐྱེས་པ་མཆོག་འདི་ལ་རྣལ་མར་གནས་ཤིང་དགའ་བའམ་ཆགས་པར་བྱོས་ཤིག །དེའི་རྒྱུ་མཚན་སྲིད་པའི་སྣ་རྩེར་སེམས་རྩོལ་བས་འཆིང་བ་ཡང་དག་སྤང་བར་བྱ་སྟེ། རྣམ་པར་རྟོག་པས་བསྒྲུབ་པ་ཡིན་པས་ཚུལ་འདིས་ནི་ཡིན་འདུས་པ་ལ་ཡང་སྟེང་འོག་གི་རླུང་གི་རླབས། ཤིན་ཏུ་གཡོ་ཞིང་འཕྱང་བའམ་འཕར་བར་བྱེད་ལ་ཤིན་ཏུ་མི་སྲུན་འགྱུར་ཏེ་སྲིན་བུ་རང་ཉིད་ཀྱིས་ཁ་ ― MR12_Page_0776 ―
[མ་དཔེ་གཟིགས་ན་འདིར་གནོན།]
ཆུས་བཅིང་བ་ལྟར་དོན་མེད་དོ། །རྣལ་མ་མ་བཅོས་པར་བཞག་པས་ལྷན་ཅིག་སྐྱེས་པའི་རང་བཞིན་རྟོ༷གས་པར་གྱུར་ན། དེ་ཡིས་བདག་ཉིད་ཆོས་སྐུའི་ངོ་བོར་ཤིན་ཏུ་བརྟན་པར་གྱུར་པ་ཡིན་ཏེ་མི་གཡོ་ཞིང་། གང་ཚེ་གཉུག་མའི་ངང་དུ་ཡིད་ནི་ཉེ་བར་འགགས་ཤིང་ཐིམ་པར་གྱུར་པ་ན། ལུས་ཀྱི་རླུང་སོགས་ཀྱི་འཆིང་བ་དང་བདེ་བ་ལ་ཞེན་པ་སོགས་ཀྱང་རྣམ་པར་འཆང་པར་འགྱུར་རོ། །གང་ཚེ་གང་སྣང་ཐམས་ཅད་ལྷན་ཅིག་སྐྱེས་དང་རོ་མཉམ་པ། དེ་ཚེ་བཟའ་གཏད་ཞིག་པས་ན་དམན་པའི་རིགས་དང་བྲམ་ཟེ་གཉིས་སུ་མེད་ལ། འདི་ནི་ཐུན་མོང་དུ་གྲགས་པའི་ཞིང་བཟང་པོ་ལས་ལྷོ་ཕྱོགས་ཀྱི་ངོས་ན་དཔག་ཚད་བཅུ་གཉིས་པའི་ཟླ་བའི་རྒྱ་མཚོ་ཞེས་བྱ་བ་ཉིད་དང་ནི། འདི་ནི་གངྒཱའི་རྒྱ་མཚོ་དཔག་ཚད་བཅུ་གཉིས་པ་ཉིད་དང་ནི། དེ་བཞིན་ཡུལ་བཱ་རཱ་ཎ་སཱི་དང་པ་ཡ་གྷ་ཡ་ཏི་ཞེས་བྱ་བའང་དེའོ། །འདི་ནི་གྲོང་ཁྱེར་ཟླ་བ་གསལ་བྱེད་ཉིད་ཅེས་བྱ་བ་དང་། སྔགས་ནས་གསུང་བའི་ཞིང་ཀུན་དང་གནས་དང་ཉེ་བའི་གནས་ལ་སོགས་པ་རྣམས་སུ། རྣལ་འབྱོར་པ་སྤྱོད་པ་སྤྱད་པར་ཕྱིན་ཏེ་གནས་དེ་དག་ལ་བལྟས་པའི་རྟོགས་པའམ་དགོངས་ཉམས་གང་སྨྲ་བ་དེ་ནི། རྣལ་འབྱོར་པ་རང་གི་ལུས་དང་འདྲ་བའི་མུ་སྟེ་རྒྱ་ཆགས་སུ་བགྲོད་པར་བྱ་བའི་གནས་གཞན་ན་མེད་པར། རྣལ་འབྱོར་གྱི་སྟོབས་ཀྱི་དགེ་བ་ཅན་ང་ཡིས་ངེས་པར་ཡང་དག་མཐོང་ངོ་། །བརྡའ་ནི་ལུས་དབུས་དྷཱུ་ཏིའི་རྩ་འདབ་ལྡན་པདྨའི་སྡོང་པོ་གེ་སར་གྱི་དྭངས་མ་ལྔའི་དབུས་ན། ཤིན་ཏུ་ཕྲ་བའམ་རྟོགས་དཀའ་བའི་རྣལ་མ་ནི་མི་ཤིག་པའི་ཐིག་ལེ་སྟེ་བདེ་བའི་དྲི་དང་འོད་ལྔའི་ཁ་དོག་ལྡན་པ་དེར། གཉུག་མ་ཉམས་སུ་མྱོང་བར་བྱས་ནས་བྱེ་བྲག་གམ་ཐ་དད་དུ་འཛིན་པ་བོར་ཞིག་རང་གནས་ཆོས་སྐུ་ལ་རྨོངས་པ་གང་ ― MR12_Page_0777 ―
[མ་དཔེ་གཟིགས་ན་འདིར་གནོན།]
དག་དེ་དང་བྲལ་བའི་འཁོར་བའི་མྱ་ངན་གྱིས། ལུས་སེམས་གདུང་པའི་ངང་ནས་རང་གནས་ཡེ་ཤེས་འདི་ཉམས་སུ་མྱོང་བའི་འབྲས་བུ་མེད་པར་མ་བྱེད་ཅིག །ཡང་ན་པདྨའི་ཆ་ཐམས་ཅད་པདྨར་གཅིག་པ་བཞིན་དུ་ཐམས་ཅད་གཉུག་མར་ཤེས་ནས་ཐ་དད་གཉིས་ཆོས་ཀྱི་བྱེ་བྲག་བོར་ཅིག་དང་། ཡང་གཉུག་མ་མ་བཅོས་པའི་རྣལ་འབྱོར་འདི་ལས་རྩོལ་བཅས་ལས་ཀྱི་ཕྱག་རྒྱ་སོགས་བྱེ་བྲག་བོར་ཤིག་ཅེས་ཀྱང་གསུངས་སོ། །གང་ཚེ་ཚངས་པ་དང་ཁྱབ་འཇུག་དང་མིག་གསུམ་ལྷ་ཆེན་པོ་དང་། གཞན་ཡང་འཇིག་རྟེན་མ་ལུས་ཐམས་ཅད་ཀྱི་གཞིར་གྱུར་པ། རིགས་ཀུན་གྱི་ཁྱབ་བདག་རང་ལ་རང་བཞིན་མེད་པས་རིགས་མེད་དེ་ལ་སྣང་གྲགས་ཀྱི་ཆོས་ཀུན་དེའི་ངོ་བོ་མཆོད་ན་རྟོག་པས་བསྐྱེད་པའི་འགྲོ་བའི་ལས་ཀྱི་ཡང་མཐའ་ཡི་ཚོགས་ཏེ་ལས་མ་ལུས་པ་ནི་ཡང་དག་པར་ཟད་པར་འགྱུར་རོ། །ཀྱེ་ཧོ༷་བུ་ཉོན་ཅིག་སྣ་ཚོགས་བསམ་པས་བཞག་པའི་རྩོད་པའི་རོ་ནི་དག་པར་གྱུར་པ་འདི་ལ་དམིགས་པའི་བསམ་གཏན་གྱིས་ཡང་དག་གནས་པར་ཤེས་པ་དང་། འགྲོ་བ་གཞུང་འཆད་ཅིང་ཁ་ནས་འདོན་པ་ལ་སོགས་པས་རང་བཞིན་གཉུག་མ་དེ་ནི་ཤེས་པར་ནུས་མ་ཡིན། ཀྱེ་ཧོ༷་བུ་ཉོན་དང་དེ་ཁོ་ན་ཉིད་གཅིག་པུ་སྣང་བ་སྣ་ཚོགས་ཀྱི་རྣམ་པར་སྣང་བའི། རོ་འདིའོ་ཞེས་བསྟན་པར་ནུས་པ་མ་ཡིན་ཏེ། བདེ་བ་ཆེན་པོའི་གནས་ཐ་མལ་ཤེས་པ་མཆོག་ཉིད་ལ་གོམས་པས་ཀུན་ཏུ་རྟོག་པ་རྣམས་སྤངས་པ་ནི། ཇི་ལྟར་འགྲོ་བ་རྣམས་ཉེ་བར་སྐྱེ་བ་ཉིད་ན་བྱིས་གཞོན་ལང་ཚོ་རྫོགས་པ་བཞིན་དུ་གོམས་པས་འཕེལ་བ་ཙམ་ཡིན་ནོ། །སྤྲོས་པའི་བློ་ནི་རྣམ་པར་འགགས་ཤིང་གཟུང་ ― MR12_Page_0778 ―
[མ་དཔེ་གཟིགས་ན་འདིར་གནོན།]
འཛིན་གྱི་ཡིད་ནི་ཞི་བར་གྱུར་པ། གང་དུ་བདག་ནི་རྣལ་འབྱོར་པའོ་སྙམ་དུ་མངོན་པའི་ང་རྒྱལ་ཆད་པ་ན། དེ་ཉིད་སྒྱུ་མའི་རང་བཞིན་མཆོག་ཏུ་རྟོ༷གས་པ་ཞེས་བྱ་སྟེ། དེ་ལྟ་བུ་ལ་རོ་མྱང་དང་དམིགས་པ་ཅན་གྱི་བསམ་གཏན་འཆིང་བ་དེས་ནི་ཅི་བྱར་ཡོད་དེ་མེད་དོ། །དངོས་པོར་སྐྱེས་པ་ཐམས་ཅད་ཀྱང་སེམས་ཉིད་ཀྱི་ངང་དུ་མཁའ་ལྟར་ངོ་བོ་ཉིད་ཀྱིས་རབ་ཏུ་ཞེ་ན། དངོས་པོ་ལ་དཔྱད་ཅིང་རྣམ་པར་སྤངས་བའི་ཕྱི་ནས་ཡེ་ཤེས་དང་དེ་ཁོ་ན་ཉིད་ཅི་ཞིག་སྐྱེ་སྟེ། དེས་ན་དངོས་པོ་རྣམས་གདོད་ནས་སྐྱེ་མེད་ཆོས་སྐུ་བདེ་བ་ཆེན་པོའི་རང་བཞིན་ཡིན་པ་ལ། དེ་རིང་ནི་དཔལ་ལྡན་བླ་མས་བསྟན་པས་དེ་ཁོ་ན་ལྟར་རྟོགས་སོ། །སྤྱོད་ལམ་ཐམས་ཅད་དུ་མིག་གིས་མཐོང་བ་དང་རྣ་བས་ཐོས་པ་དང་ལུས་ཀྱིས་རེག་པ་དང་ཡིད་ཀྱིས་དྲན་པ་དང་། དེ་བཞིན་ཟ་དང་སྣོམ་དང་ཡུལ་གཞན་དུ་འཁྱམ་པ་དང་འགྲོ་བ་དང་འདུག་པ་དང་། ཅལ་ཅོལ་གཏམ་དང་དེ་ལ་ཕར་ལན་སྨྲ་བར་གྱུར་པ་ལ། དེ་ཐམས་ཅད་རང་གི་སེམས་སོ་ཞེས་ནི་ཤེས་ཤིང་གཉུག་མའི་ངོ་བོ་གཅིག་གི་རྣམ་པ་ལས་གཞན་དུ་མི་བསྐྱོད་དོ། །གང་ཞིག་བླ་མའི་མན་ངག་ནི་བདུད་རྩིའི་ཆུ་ལྟ་བུ། འགྲོ་བའི་གདུང་བ་སེལ་ཞིང་བདེ་བའི་རང་བཞིན་གྱིས་བསིལ་བ་གང་དེ་མྱུར་བ་ཉིད་དུ་ངོམས་པར་མི་འཐུང་བ། དེ་ནི་བསྟན་བཅོས་དོན་མང་པོ་སྟེ་ཞེ་འདོད་སྣ་ཚོགས་ཅན་གྱི་མྱང་ངམ་གྱི། ཐང་ལྟ་བུ་ལ་འཕྱན་པ་དག་ཆོས་ཉིད་ཀྱི་རླན་དང་བྲལ་བས་སྐོམ་པས་གདུངས་ཏེ་དེའི་ངང་དུ་འཆི་བར་ཟད་དོ། །བླ་མས་ཐབས་བསྟན་པ་བརྗོད་མིན་ཏེ་ངོ་སྤྲད་པ་མིན་ན། སློབ་མས་དེ་གོ་བ་ཡོད་པ་མ་ཡིན་ཏེ། ― MR12_Page_0779 ―
[མ་དཔེ་གཟིགས་ན་འདིར་གནོན།]
ལྷན་ཅིག་སྐྱེས་པ་བདུད་རྩིའི་རོ་འདི་ནི། ཐབས་གཞན་གང་གིས་ཇི་ལྟར་བསྟན་པར་བྱ་སྟེ་མི་ནུས་སོ། །སྣང་བ་ལ་ཚད་མར་འཛིན་པའི་དབང་གིས་སོ། །གཉིས་མེད་ཀྱི་དོན་དཀྲུགས་ནས་གནས་ལུགས་ལ་རྨོངས་པའི་བླུན་པོས་རིགས་བཟང་ངན་སོགས་བླང་དོར་གྱི་བྱེ་བྲག་རྙེད་པ་སྟེ་མཚན་མར་འཛིན་པ། དེ་ཚེ་དམན་པའམ་གདོལ་པའི་ཁྱིམ་དུ་རོལ་པ་སྟེ་ཉེས་པའི་སྐྱོན་ཡིན་ལ། འོན་ཀྱང་དོན་ལ་གཉིས་སུ་མེད་པས་དེ་རྟོགས་ན་ཉེས་པའི་དྲི་མས་མི་གོས་སོ། །དུས་གང་ཞིག་ཚེ་སློང་མོ་བྱེད་པ་ན་ནི་སྲང་ཁར་བོར་བའི་ཁམས་ཕོར་གྱིས་ལོངས་སྤྱོད་དེ། དེ་གནས་ལུགས་རྟོགས་པས་བདག་ནི་རྒྱལ་པོའི་ཡིན་པར་གྱུར་ན་སླར་ཡང་གཉིས་འཛིན་གྱི་ཞེན་པའི་ཁམས་ཕོར་དེས་ཅི་ཞིག་བྱར་ཡོད། དེས་ན་བླང་དོར་གྱི་དབྱེ་བ་རྣམ་པར་སྤངས་ནས་དེ་ཁོ་ན་ཉིད་ལ་གནས་པ་ལ་ཐ་སྙད་གཉིས་ཆོས་ཀྱིས་ཅི་བྱ་སྟེ། རྟག་ཏུ་རང་བཞིན་མི་གཡོ་བཏང་སྙོམས་ལྷུན་གྱིས་གྲུབ་ནས། མྱ་ངན་འདས་པ་ལ་གནས་ཤིང་སྲིད་པར་མཛེས་སོ། །དེས་ན་ནད་གཞན་དག་ལ་སྟེ་རྣམ་རྟོག་གི་ནད་ཉིད་ལ་རྣམ་རྟོག་སྣོན་པའི་སྨན་གཞན་མི་འཕྲོད་པ་གཏང་བར་མི་བྱ་སྟེ་གང་འཕྲོད་དགོས་པ་བཞིན། བསམ་དང་བསམ་པར་བྱ་བ་ཐམས་ཅད་རབ་ཏུ་སྤངས་ནས་སུ། ཇི་ལྟར་བསམ་མེད་བུ་ཆུང་གི་ཚུལ་དུ་གནས་པར་བྱ་ཞིང་། གཉུག་མ་སྟོན་པའི་བླ་མའི་ལུང་ལ་བསྒྲིམས་ཏེ་རབ་ཏུ་འབད་ན། ལྷན་ཅིག་སྐྱེས་པ་ཉིད་རང་རྒྱུད་ལ་འབྱུང་བར་ཐེ་ཚོམ་མེད། ཁ་དོག་དང་ཡོན་ཏན་དང་བརྗོད་པའི་ཡི་གེ་དང་མཚོན་པའི་དཔེ་བྲལ་བ་གང་ཞིག །སྔ་རུ་མེ་བཏུབ་དེ་ནི་ས་ར་ཧ་བདག་གིས་སམ་རྣལ་འབྱོར་པ་ ― MR12_Page_0780 ―
[མ་དཔེ་གཟིགས་ན་འདིར་གནོན།]
རང་གིས་གྱི་ན་སྟེ་ཕྱོགས་ཙམ་དུ་མཚོན་པར་བྱ་སྟེ། གང་ཞེ་ན། གཞོན་ནུ་མ་ཡིན་བདེ་བ་སྙིང་ལ་ཞེན་པ་བཞིན། ཐམས་ཅད་ཀྱི་དབང་ཕྱུག་དམ་པ་དེ་ནི་སུ་ལ་བསྟན་པ་ནུས་སམ་སྟེ་མི་ནུས་སོ། །དངོས་དང་དངོས་མེད་གཉིས་པོ་ཡོངས་སུ་བཅད་པའམ་བྲལ་བ་དང་། དེར་ནི་རྣམ་པར་རྟོག་པའི་རང་བཞིན་འགྲོ་བ་མ་ལུས་ལུས་པ་ཡང་རབ་ཏུ་ཐིམ་པར་འགྱུར། གང་ཚེ་ཡིད་ནི་མི་གཡོ་བར་མ་བཅོས་རང་གནས་སུ་བརྟན་པ་སྟེ། དེ་ཚེ་འཁོར་བའི་དངོས་པོ་ལས་ནི་རང་གྲོལ་འགྱུར། གང་ཚེ་བདག་དང་གཞན་ནོ་ཞེས་ཡོངས་སུ་ཤེས་པ་མེད་པ་མཉམ་པར་མཐོང་བ་ན། དེ་ཚེ་བླ་མེད་ཀྱི་ལུས་ཏེ་ལྷན་སྐྱེས་ཉིད་ནི་ཐོབ་པར་འགྱུར་རོ། །དེ་ལྟར་བསྟན་པ་ཉིད་ལས་རང་བློ་ངེས་པར་མ་འཁྲུལ་པར། གཞན་ལ་རག་ལུས་པའི་ཚུལ་གྱིས་མི་ཤེས་པས་རང་གིས་རང་ལ་ལེགས་པར་ཤེས་པར་བྱས་ནས་ནི། མཉམ་པར་བཞག་པ་ན་གཉུག་མའི་དོན་ལ་རྡུལ་མིན་ཏེ་གཟུགས་ཀྱི་རྡུལ་ཕྲན་ཡོད་པ་མིན་ལ་རྡུལ་དང་བྲལ་བ་སྟེ་གཟུགས་མེད་པའང་མ་ཡིན་སྣང་བ་དང་སེམས་ཀྱང་མིན་ཏེ། ཇི་ལྟར་སྣང་བའི་དངོས་པོ་དེ་དག་ཡེ་ནས་སྟོང་པས་ན་གདོད་ནས་ཞེན་པ་ཡིད་ཡུལ་ཉིད་དུ་མེད་པས་ཅི་ཡང་མེད་པའི་དོན་ཉམས་སུ་མྱོང་བ་སྟེ། མདའ་བསྣུན་གྱིས་སྨྲས་པ་དེ་ཙམ་ཞིག་ཏུ་ཟད་དོ། །ཀྱེ་ཧོ༷་སྣང་བ་མ་ལུས་པ་རང་བཞིན་གྱིས་དྲི་མ་མེད་པའི་དོན་དམ་གཉུག་མ་ལྷན་སྐྱེས་སུ་ཤེས་པར་བྱོས་ཤིག །རང་གི་ཡིད་ཀྱི་ཁྱིམ་ན་གནས་པ་གཉུག་མའི་ཤེས་པ་མི་བལྟ་བར་ཕྱི་རོལ་དུ་སོང་ནས་དོན་དམ་ཚོལ་བ་དང་། སྣང་སྲིད་ཀྱི་བདག་པོ་ཁྱིམ་བདག་གཉུག་མའི་རིག་པ་སྟོན་ནུས་པའི་བླ་མའི་གདམས་ངག་གི་དོན་ ― MR12_Page_0781 ―
[མ་དཔེ་གཟིགས་ན་འདིར་གནོན།]
མཐོང་ནས་ཡིད་མི་ཆེས་པར་ཁྱིམ་ཚེས་ལྟ་བུ་ཡེ་ཤེས་མེད་པ་དག་ལ་དྲི། མདའ་བསྣུན་གྱིས་སྨྲས་པ་འདི་གཞན་ལ་དྲི་རྒྱུ་མེད་དེ་བདག་ཉིད་ཀྱིས་ཤེས་པར་བྱོས། བཅོས་བསྒོམ་བླུན་པོས་ཡུལ་ཅན་བསམ་གཏན་དང་ཡུལ་བསམ་བྱ་དང་བཟླས་བརྗོད་གང་གིས་ཀྱང་དེ་རྟོགས་པ་མིན་ལ། གང་ཚེ་བླ་མས་ཐ་སྙད་སྣ་ཚོགས་བསྟན་ཅིང་བསྟན་པ་ཐམས་ཅད་ཤེས་པར་བྱས་ཀྱང་། བདག་གིས་རྣམ་པར་རྟོག་པས་ཡོངས་སུ་བརྟགས་པ་ཙམ་དུ་ཟད་པས་དེས་ཐར་པ་ཐོབ་པས་ཅི་སྟེ་མི་ཐོབ་བོ། །ཡུལ་རྣམས་ཀུན་ཏུ་བགྲོད་ཅིང་ལུས་གདུང་བས་ཉེན་པར་བྱས་ཀྱང་། ལྷན་ཅིག་སྐྱེས་པ་མི་རྙེད་ཅིང་རང་རྒྱུད་སྡིག་པས་འཛིན་ནོ། །ལྷན་སྐྱེས་རྟོགས་ན་ཐམས་ཅད་བདེ་ཆེན་དུ་རོལ་བས་ཡུལ་རྣམས་བསྟན་པས་ཡུལ་གྱིས་མི་གོས་སོ་སྟེ། དཔེར་ན་ཨུཏྤལ་འདབ་མ་ཆུ་ཡིས་མ་རེག་པ་བཞིན་ནོ། །གང་ལྟར་ཀྱང་ཆོས་ཀུན་རྩ་བ་གཉུག་མ་བྱང་ཆུབ་ཀྱི་སེམས་ལ་རྣལ་འབྱོར་གང་ཞིག་སྐྱབས་སུ་འགྲོ་བ་སྟེ་གོམས་པར་བྱས་ན་འཁོར་བའི་ཉེས་པས་མི་གནོད་དེ། དཔེར་ན་དུག་གི་སྔགས་ཅན་དུག་གིས་ག་ལ་ཚུགས། དེ་མ་རྟོགས་པར་ཕྱི་རོལ་དུ་ལྷ་ལ་མཆོད་པ་ཁྲི་ཕྲག་བྱིན་ནས་ཀྱང་། བདག་ཉིད་ཞེན་རྟོག་དེ་ཡིས་འཆིང་པར་གྱུར་ཕྱིར་དེ་འབྲས་ཅི་ཞིག་བྱ། ཚུལ་དེ་འདྲས་འཁོར་བ་འདི་ནི་ནམ་ཡང་རྒྱུན་འཆད་པ་མིན་ཏེ། གཉུག་མའི་རང་བཞིན་མ་རྟོགས་ཀྱི་བར་དུ་འཁོར་བ་ལས་བརྒལ་མི་ནུས་སོ། །ཐམས་ཅད་གཉུག་མར་ཤར་ན་མིག་ནི་མི་འཛུམ་ཞིང་སེམས་ཀྱང་མི་འགོག་པ་དང་། རླུང་ཆེད་དུ་མ་བཅིང་པར་ཡང་གཉུག་མའི་ངང་དུ་རླུང་འགོག་པ་ནི་དཔལ་ལྡན་བླ་མས་བསྟན་པས་རྟོགས་སོ། །གང་ཚེ་གཟུང་ ― MR12_Page_0782 ―
[མ་དཔེ་གཟིགས་ན་འདིར་གནོན།]
འཛིན་གྱི་རྟོག་པའི་བཞོན་པ་ལས་རླུང་གི་རྒྱུ་བ་དེ་ནི་རང་བཞིན་གྱིས་མི་གཡོ་སྟེ། གཉུག་མར་ཐིམ་ཞིང་འཆིང་བའི་ཚེ་ན་ཆེད་དུ་དགག་པའི་རྣལ་འབྱོར་པས་ཅི་ཞིག་བྱ། ཇི་སྲིད་གང་གི་དབང་པོ་ཡུལ་གྱི་གྲོང་ལ་ལྷུང་ནས་གཡོ་བ། དེ་སྲིད་སེམས་རང་ཉིད་ལས་ཡུལ་གཞན་མེད་པར་རང་སྣང་རབ་ཏུ་རྒྱས་པ་ཡིན་ཏེ། ཁྱེད་ཅག་ད་ལྟར་ཅི་ལྟ་བུ་བྱེད་སོམ་དང་ཀྱེ། དེ་ལྟར་བརྟགས་ན་མི་མཐོང་བ་དེ་ནི་ཤིན་ཏུ་དཀའ་བའི་དགོངས་པ་ལ་འཇུག་པ་ཡིན་ཏེ། སེམས་གང་ཞིག་ཡུལ་གང་ལ་གནས་པ་ནི་དཔྱད་ན། སེམས་དེ་ནི་ཡུལ་དེ་རུ་མི་མཐོང་སྟེ་དེས་ན་དེས་ཅི་ཡང་མི་བྱེད་དེ། མཁས་པ་ཐམས་ཅད་ཚིག་དང་ཐ་སྙད་ཀྱི་སྒོ་ནས་བསྟན་བཅོས་འཆད་པ་ཡིས། རང་གི་ལུས་ལ་སངས་རྒྱས་ཡོད་པར་ནི་མ་རྟོ༷གས་སོ། །བཟུང་བས་མ་དུལ་ལ་བཏང་བས་དུལ་ནས་གླང་ཆེན་ལོབ་ནས་ཁོ་རང་གི་སེམས་ཚགས་སུ་ཚུད་པས་ན། དེར་ནི་འགྲོ་འོང་ཆད་ནས་སོས་དལ་བ་སྟེ། འདི་ལྟར་སེམས་ཀྱི་ཚུལ་རྟོགས་ན་གང་དུའང་དྲི་ས་མེད་དེ་རང་གི་རྟོགས་པས་སོ། །དེ་ལྟ་ནའང་མཁས་པ་ངོ་ཚ་བ་མེད་པས་འགྲོ་འོང་ཆད་པ་དེ་སྨྲ་ཡང་རང་གི་ཉམས་སུ་མ་ལོན་པའམ་མ་རྟོགས་སོ། །གཉུག་པའི་ཤེས་པ་ཉམས་སུ་མྱོང་བཞིན་པའི་གསོན་པ་གང་ཞིག་དེ་ཁོ་ན་ཉིད་ལས་ནམ་དུ་ཡང་རྣམ་པར་མ་གྱུར་པ། དེ་ནི་མི་འགྱུར་བའི་ཐིག་ལེ་སྟེ་རྒས་ཤིང་འཆི་བར་འགྱུར་རམ་ཅི་སྟེ་མི་འཆིའོ། །བླ་མས་བསྟན་པ་དྲི་མ་མེད་པའི་བློ་གྲོས་མཐར་ཐུག་ནི། དེ་ཉིད་མི་ཟད་པའི་གཏེར་ཡིན་གྱི་གཞན་པ་གང་ཞིག་གཏེར་ཡིན་ནོ་ལོ་སྟེ་མི་ཟད་པ་མེད་དོ་ཞེས་སོ། །སྣང་པའི་ཡུལ་ཉིད་རང་བཞིན་གྱིས་རྣམ་པར་དག་སྟེ་དོན་དུ་བསྟེན་ ― MR12_Page_0783 ―
[མ་དཔེ་གཟིགས་ན་འདིར་གནོན།]
བྱ་མིན་པས་ན། ཐམས་ཅད་སྟོང་པ་འགའ་ཞིག་གིས་ཏེ་ཚུལ་གྱིས་ནི་སྤྱད་པར་བྱ། གང་དགར་བཏང་ན་རང་གི་དེ་ཉིད་ལས་མི་མདའ་སྟེ། ཇི་ལྟར་གཟིངས་ལས་འཕུར་བའི་བྱ་རོགས་བཞིན། ཕྱོགས་རྣམས་སྐོར་ཞིང་སྐོར་ཞིང་སླར་ཡང་སྔར་གྱི་གནས་དེ་རུ་འབབ་པའོ། །ཐག་པ་ནག་པོའི་རྣམ་པ་ལ་དུག་སྦྲུལ་བཞིན། མཐོང་བ་ཙམ་གྱིས་སྔངས་བར་འགྱུར་ཏེ། ཀུན་བཏགས་ལ་ཞེན་ནས་གྲོགས་དག་སྐྱེ་བོ་ངན་པ་ནི། ཆགས་སྡང་གི་ཡུལ་གཉིས་སྐྱོན་གྱིས་འཆིང་བར་འགྱུར་བས་ན། ཡུལ་ལ་ཐ་མལ་དུ་ཞེན་པས་འཆིང་བར་མ་བྱེད་ཅིག །ཀྱེ་ཧོ༷་རྨོངས་པ་ཞེས་བོས་ནས་མདའ་བསྣུན་གྱིས་སྨྲས་པ་ཉོན་དང་། ཉ་རོ་དང་ཕྱེ་ལེབ་གཟུགས་དང་གླང་ཆེན་རེག་བྱ་དང་བུང་བ་དྲི་དང་། དེ་བཞིན་དུ་འདི་ནི་རི་དྭགས་སྒྲ་ལ་ཆགས་པས་འཆིང་བ་བཞིན་དུ་ཉེས་དམིགས་སུ་ལྟ་བར་བྱོས་ཤིག དེ་ཡང་རང་བཞིན་ཤེས་ན་མི་འཆིང་སྟེ་གང་ཞིག་སེམས་ལས་རྣམ་པར་རྟོག་པ་རྣམས་འཕྲོས་པ། དེ་སྲིད་དུ་མགོན་པོ་གཉུག་མའི་རང་བཞིན་ཏེ། ཇི་ལྟར་ན་ཆུ་དང་བས་དག་གཞན་ཡིན་ནམ་སྟེ་མིན་ནོ། །དེས་ན་སྲིད་པ་དང་ཞི་བ་དབྱེར་མེད་པ་མཉམ་ཉིད་ནམ་མཁའ་ལྟ་བུའི་རང་བཞིན་ནོ། །བླ་མའི་མན་ངག་གང་ཞིག་བསྟན་ཏེ་སློབ་མས་གང་ཐོས་པ་ཡི། དགོངས་པ་གང་ཡིན་དམ་པར་སྐྱོལ་བ་སྟེ་གནད་དུ་སོང་ན། ཉི་ཟེར་གྱིས་ལྐུགས་པ་ཡི་ས་ཡི་མུན་པའི་རྡུལ་བཞིན་བརླག་ནས། རྟོགས་པ་ཐམས་ཅད་སྙིང་ག་ཐ་མལ་ཉེས་པ་ཉིད་དུ་ནུབ་པར་གྱུར་པ་ཡིན། ཇི་ལྟར་ཆུ་ལ་ཆུ་བཞག་ན། དེ་སྙེད་ཆུ་ ― MR12_Page_0784 ―
[མ་དཔེ་གཟིགས་ན་འདིར་གནོན།]
རུ་རོ་མཉམ་པར་འགྱུར་བ་བཞིན་དུ། སྐྱོན་དང་ཡོན་ཏན་མཉམ་པར་ལྡན་པའི་སེམས་ཏེ། སྣང་སེམས་ལྷན་སྐྱེས་བདེ་བར་འདྲེས་པའི་སེམས་ཀྱིས་མགོན་པོ་དེ་ནི་སུས་ཀྱང་མཐོང་བར་མི་འགྱུར་ཏེ་དམིགས་སུ་མེད་པས་སོ། །མཉམ་ཉིད་བླང་དོར་མེད་པར་རྟོགས་པའི་རྨོངས་པ་དག་ལ་གཉེན་པོ་ཞེས་བྱ་བ་གང་ཡང་གཞན་ན་མེད་དེ། ཇི་ལྟར་ནགས་ལ་མཆེད་པའི་མེ་ལྕེ་བཞིན། ཐད་ཀའི་སེམས་ཀྱི་གདོང་དུ་བབ་པའི་འདི་ལྟར་སྣང་བ་ཀུན། སེམས་ཀྱི་རྩ་བ་སྟོང་པ་ཉིད་ལྷན་ཅིག་མཉམ་པར་ཤེས་པར་བྱོས་ཤིག གལ་ཏེ་འདི་ནི་ཡིད་དུ་འོང་ངམ་སྙམ་པའི་སེམས་ཀྱིས། སྙིང་ལ་བབ་པ་གཅེས་པར་བྱས་ན་ནི། དེ་ལྟར་སྙིང་ལ་བཟུང་བའི་ཕྱིར་དེ་ཟུག་ངུ་སྟེ་ཏིལ་གྱི་ཤུན་པ་ཙམ་གྱི་ཟུག་ངུའི་ཀྱང་། ནམས་ཀྱང་སྡུག་བསྔལ་འབའ་ཞིག་བྱེད་པར་ཟད་པས་ཐམས་ཅད་བཏང་བར་བྱའོ། །དེ་ལྟར་བྱ་བ་ཡིན་ཏེ་དེ་ལྟར་བྱ་བ་མ་ཡིན་ནོ་སྙམ་ན། གྲོགས་པོ་གཙང་དམེ་མེད་པ་ཕག་དང་གླང་ཆེན་སྨྱོན་པ་ལྟོས་ལ་གཟའ་གཏད་ཞིག་པར་བྱོས་ཤིག །ཇི་ལྟར་ཡིད་བཞིན་ནོར་བུའི་དགོས་པ་སྟེར་བ་བཞིན། བླ་མའི་མན་ངག་གིས་འཁྲུལ་པ་ཞིག་པའི་མཁས་པ་ངོ་མཚར་ཆེ་སྟེ། གཞན་ལས་ཤེས་པ་མེད་པར་རང་ལ་རང་རིག་པའི་བདེ་བ་ཆེན་པོའི་ཚུལ་འདི་ནི་སྣང་བ་དང་སེམས་ཀྱི་བག་ཆགས་གཟུགས་སུ་སྣང་བ་སྣ་ཚོགས་པར་སྣང་ཡང་རང་བཞིན་ཤེས་ན། ཐམས་ཅད་དེ་ཚེ་ནམ་མཁའ་དང་མཉམ་བདེ་བར་འགྱུར། བསྒོམ་བྱའི་དོན་གཉུག་མ་ལྷན་སྐྱེས་བློ་ཡུལ་ལས་འདས་པ་ཡིན་ཏེ་དེའི་བརྡའ་ཀ་ལ་ཀུ་ཊ་སྟེ་ནག་པོ་བརྩེགས་པའམ་ཉམས་མྱོང་སྨྲོས་སུ་མེད་དོ་ཞེས་ ― MR12_Page_0785 ―
[མ་དཔེ་གཟིགས་ན་འདིར་གནོན།]
པའི་བརྡའ་སྟེ་དེས་ན་སྨྲོས་སུ་ཅི་རུང་སྟེ་སྨྲོས་ན་རྟོག་པའི་དུག་གིས་འཛིན་པས་ན་བསམ་ཞིང་སྨྲར་མེད་དོ། །རང་བཞིན་མ་བཅོས་པར་ནམ་མཁའ་དང་མཉམ་པའི་ཡིད་ཀྱིས་དྲན་པ་ཙམ་གྱིས་འཛིན་པ་ཡིན་གྱིས་བཤད་ག་ལ་རུང་ཞེས་སོ། །ཡིད་ཀུན་རྟོག་ཟུག་དུ་དེ་ནམ་ཞིག་རྩོལ་མེད་དུ་ཞི་བའི་ཚུལ་གྱིས་ཡིད་མ་ཡིན་པར་བྱེད་པར་གྱུར་ན། རང་བཞིན་ལྷན་ཅིག་སྐྱེས་པ་མཆོག་ཏུ་མཛེས་ཤིང་འོད་གསལ་བར་འགྱུར་རོ། །འདིར་ཁྱིམ་དང་ཁྱིམ་ན་བདེ་ཆེན་དེ་ནི་གཏམ་དུ་བརྗོད་པ་ནི་ཡིན་ཏེ། འོན་ཀྱང་བདེ་ཆེན་གནས་ནི་ཡོངས་སུ་ཤེས་པ་མིན་ལ། མན་ངག་དང་བྲལ་བའི་འགྲོ་ཀུན་འདི་ལ་ཀྱེ་མ་འདི་མི་ཤེས་སོ་སྙམ་དུ་སེམས་ཁྲལ་ཁུར་བ་ཙམ་དུ་ཟད་དོ་ཞེས་མདའ་བསྣུན་སྨྲ། དེ་ནི་བསམ་དུ་མེད་པས་སུས་ཀྱང་རྟོགས་པར་བྱར་ཡོད་པ་མ་ཡིན། ལྟེ༷་བ་དང་གསང་བ་སོགས་ཀྱི་རྩ་འཁོར་ལ་བརྟེན་པའི་རླུང་གི་རྣལ་འབྱོར་གྱི་ཡན་ལག་གི་དབྱེ་བ་ཡོངས་སུ་སྤངས་པ་སྟེ་སྟོང་བས་ན། ཐིག་ལེ་ཉག་གཅིག་མཉམ་པ་ཆེན་པོར་བསྒོམ་དང་མི་བསྒོམ་དབྱེར་མེད་ཡིན་པར་བདག་གིས་མཐོང་། གཟུང་ཡུལ་སྣ་ཚོགས་ཀྱིས་མཚོན་པས་སམ་སྒོ་ནས་གཞན་དག་གིས་དེ་ཁོ་ན་ཉིད་བསམ་པར་བྱེད། སེམས་ཉིད་རང་གི་དེ་ཉིད་བསམ་པས་མ་རྟོག་པ་དང་རང་གཞན་དུ་འཛིན་པ་འགགས་པར་འགྱུར། གལ་ཏེ་སེམས་ཀྱིས་སེམས་ནི་རང་གིས་རང་ལ་བརླན་ཏེ་མཚོན་དུ་འགྲོ་བ་ན། རྣམ་རྟོག་དག་ནི་མི་གཡོ་བརྟན་པར་གནས་པར་འགྱུར་རོ། །ཇི་ལྟར་ལན་ཚ་ཆུ་ལ་ཐིམ་པ་ལྟར། དེ་ལྟར་སེམས་ནི་རང་བཞིན་གཉུག་མ་ལ་ཐིམ་པར་འགྱུར་ཏེ། དེ་ཚེ་བདག་དང་གཞན་ནི་མཉམ་པར་མཐོང་བས་ན། འབད་དེ་གཟུང་འཛིན་ཅན་གྱི་ ― MR12_Page_0786 ―
[མ་དཔེ་གཟིགས་ན་འདིར་གནོན།]
བསམ་གཏན་སྐྱེས་པས་ཅི་བྱར་ཡོད། ལྷན་ཅིག་སྐྱེས་པ་ལ་ནི་སངས་རྒྱས་ཀྱི་བཀའ་ཡི་ལུང་རྣམས་མ་ལུས་མཐོང་ཞིང་། གྲུབ་མཐའ་སྨྲ་བ་སོ་སོའི་རང་གི་ཞེན་ཕྱོགས་ཀྱི་འདོད་པ་མང་པོ་དག་ཀྱང་གསལ་བར་སྣང་ན་ཡང་། མགོན་པོ་བདག་ཉིད་གཅིག་པུ་སྟེ་རང་བྱུང་ཡེ་ཤེས་ནི་གཞན་རྣམས་ཀྱི་ལུགས་དེ་དང་འགལ་ཏེ་བདག་ས་ར་ཧ་གཅིག་པུ་དང་མཐུན་ནོ་ཞེས་སོ། །ཁྱིམ་དང་ཁྱིམ་ན་རང་རང་གི་ཞེ་འདོད་ཀྱི་གྲུབ་མཐའ་དེ་གྲུབ་བོ་སྟེ་གྲུབ་པ་ལྟར་སྣང་ངོ་། །བདེ་ཆེན་གྱི་རོས་རྣམ་ཤེས་གཅིག་པུ་མྱོང་བའམ་ཟོས་པས་ནི་ཆོས་ཐམས་ཅད་དེའི་ངོར་ཚིམ་པའམ་ཡང་ན་ཤིང་གཅིག་མེས་ཟོས་པས་ནགས་ཀུན་ཚིག་པ་བཞིན་ནོ་ཞེས་ཚིག་པའི་དོན་དུ་རྒྱ་འགྲེལ་ལ་ལར་བཤད་དོ། །རང་རིག་བོར་ནས་ཕྱི་རོལ་དུ་སོང་ནས་ཁྱིམ་བདག་ལྟ་བུའི་རང་བྱུང་ཡེ་ཤེས་ཚོལ་བ་དང་། ཚུར་འོངས་ཀྱང་མ་མཐོང་བར་དེའི་གམ་དུ་ཕྱིན་ཀྱང་མེད། རང་བཞིན་དུ་འདུག་པར་གྱུར་ཀྱང་ངོ་མ་ཤེས་པའོ། །ཀུན་རྟོག་གི་རྦ་རླབས་མེད་པའི་དབང་ཕྱུག་མཆོག་གཉུག་མ་བཅོས་མའི་རྙོག་པ་མེད་པའི་བསམ་གཏན་དུ་འགྱུར་བ་ནི། ཆུ་མ་རྙོགས་པར་དྭངས་པ་དང་མར་མེ་མི་གཡོ་བ་ལྟ་བུར་རང་གསལ་གཅིག་ཏུ་ཞོག་དང་། རྟོག་པའི་འགྲོ་འོང་ཐམས་ཅད་ནི་ང་ཡིས་མི་ལེན་ཏེ་མི་སྒྲུབ་ལ་མི་འདོར་ཏེ་མི་དགག་པའི་ཕྱིར་རོ། །གང་ཡང་སྔ་ན་ཡུལ་འདིར་མ་བྱུང་བའམ་མེད་པའི་སྒེག་མོ་དང་འཕྲད་ནས། དེ་དང་ལྷན་ཅིག་ཉལ་བའི་སེམས་རྨི་ལམ་ནང་དུ་སྐྱེ་བ་ནི་གཞི་མེད་པ་ལ་བརྟེན་ཏེ་རང་བློས་བཟུང་བ་ཙམ་མོ། །དེ་བཞིན་དུ་ཤེས་པ་རང་གི་གཟུགས་དང་རང་ཉིད་ཐ་དད་དུ་མ་ལྟ་ཞིག་སྟེ་སྣང་སེམས་དབྱེར་མེད་པས་སོ། །དེ་ལྟར་ ― MR12_Page_0787 ―
[མ་དཔེ་གཟིགས་ན་འདིར་གནོན།]
བལྟས་ནས་སངས་རྒྱས་ལག་ཏུ་གཏོད་བ་ཡིན། གང་ཚེ་ལུས་དང་ངག་ཡིད་དབྱེར་མེད་པ་མཉམ་པ་ཉིད་དུ་མཐོང་ན། ལྷན་ཅིག་སྐྱེས་པའི་རང་བཞིན་དེ་ཚེ་མཛེས་ཤིང་མངོན་པར་གསོལ་ལོ། །ཁྱིམ་བདག་བདེ་བ་ཆེན་པོ་ཉམས་སུ་མྱོང་བའམ་ཟོས་ནས་ཁྱིམ་བདག་མོ་རང་སྣང་ཆོས་ཉིད་སྟོང་པ་ལ་དོགས་མེད་དུ་ལོངས་སུ་སྤྱོད་པས། ཡུལ་ནི་གང་དག་མཐོང་བ་དེ་ཆོས་ཉིད་དུ་རྩོལ་བ་མེད་པའི་ཚུལ་གྱིས་སྤྱད་པར་བྱ་བ་བརྟགས་མི་དགོས་པར་ཤར་བའི་དོན། ང་ཡིས་རྩེད་མོ་ཡི་ཚུལ་དུ་རྡོ་རྗེའི་གླུ་བླང་བར་བྱས་པ་ལ། བུས་པ་རྣམས་ནི་ཨཱ་ཐང་ཆད་དེ་དགག་སྒྲུབ་ཞེ་འདོད་ཀྱིས་ངལ་ལོ། །ཐམས་ཅད་བསྐྱེད་པའི་ཨ་མ་གཉུག་མ་དེ་བཞག་ནས་ཉམས་རྟོགས་བཟང་པོའི་བུ་དེ་སྐྱེ་བར་མི་འགྱུར་རོ། །དེས་ནི་རྣལ་འབྱོར་སྤྱོད་པ་སྒྱུ་མ་ལྟ་བུ་ཚད་བཟུང་བའམ་དཔེ་དང་བྲལ་བར་ཤེས་སོ། །བདག་པོ་གཉུག་མ་ཟ་ཞིང་ཐམས་ཅད་དེའི་རང་བཞིན་དུ་མཛེས་པས། དགག་སྒྲུབ་དང་བྲལ་བར་རམ་གང་དགར་ཆགས་པའི་སྤྱོད་པ་དེས་གང་བའི་སེམས་དེ་ཉིད། ཆགས་དང་ཆགས་བྲལ་གཉིས་ཀ་སྤངས་ནས་མཉམ་ཉིད་དབུ་མར་ཞུགས་ཤིག །དེ་ལ་ཐ་མལ་ཀུན་རྟོག་གི་སེམས་ཉམས་པས་ན་རྣལ་འབྱོ༷ར་ངས་ཅི་ཡང་དམིགས་པ་མ་མཐོང་ལ། མ་མཐོང་བའི་ཕྱིར་ཅི་དགར་ཟ་ཞིང་འཐུང་ལ་དེར་ཞེན་གྱིས་བསམ་དུ་མེད་པར་གྱུར། གྲོགས་མོ་འདི་ནི་འདི་ལྟར་རང་སེམས་ལ་གང་སྣང་བ། ཕྱི་རོལ་གྱི་དོན་ནང་གི་སེམས་ལ་མཚོན་པའམ་སྣང་བ་མེད་པར་བདག་གིས་འཛིན་ལ། དེ་ཕྱིར་སྒྱུ་མའི་རྣལ་འབྱོར་པ་ནི་དཔེ་དང་བྲལ་བ་སྟེ། ས་གསུམ་དུ་ཡང་དྲི་མ་མེད་ཅིང་མི་གནས་ལ་ ― MR12_Page_0788 ―
[མ་དཔེ་གཟིགས་ན་འདིར་གནོན།]
དེར་མི་འབྱུང་སྟེ། མེ་ནི་སྤྲ་བ་ཉིད་ལ་རྐྱེན་གྱིས་འབར་ཞིང་སྣང་ལ། ཟླ་བ་དང་ཕྲད་ན་ཆུ་འཇོག་པའི་ནོར་བུ་ལ་རང་དབང་མེད་དེ་རྐྱེན་གྱིས་ཆུར་སྣང་ངོ་། །ཐབས་ཀྱི་རྒྱལ་སྲིད་ཀུན་ལ་དབང་བསྒྱུར་བ་བཞིན་དུ། སེམས་ཉིད་དེ་ཉིད་གྲུབ་པའི་དབང་གིས་རྣལ་འབྱོར་མའོ། །དེ་ན་ལྷན་ཅིག་སྐྱེས་པའི་སྡོམ་པར་ཡང་ཤེས་པར་བྱའོ། །ཡི་གེ་ནི་འགྲོ་བ་མ་ལུས་པ་ལ་ཁྱབ་ཅིང་། བརྗོད་བྱ་ཀུན་ལ་ཡི་གེ་མེད་པ་གཅིག་ཀྱང་མེད་ལ། ཡང་དག་པར་ན་ཇི་སྲིད་ཡི་གེ་དང་། བརྗོད་བྱ་བརྗོད་བྱེད་མཉམ་པའི་ཚུལ་གྱིས་མེད་པར་གྱུར་པ། དེ་སྲིད་ན་ནི་ཡི་གེ་རབ་ཏུ་ཤེས་པ་ཞེས་བྱའོ། །དེས་ན་བསྟན་བྱའི་དོན་དམ་པ་ནི་སྣག་ཚྭ་མཉེས་པས་བྲིས་ནས་ཀླག་ཏུ་མེད། རིག་བྱེད་དོན་མེད་པ་འདོན་པས་བྲམ་ཟེ་རྣམས་ཡང་དག་པའི་དོན་ལས་ཉམས། དམ་པ་ཡི་སེམས་གཉུག་མ་དང་གཅིག་ཤོ༷ས་ཀུན་རྟོག་གི་རང་བཞིན་མི་ཤེས་ན། སྣང་སྲིད་ཐམས་ཅད་དང་པོ་གང་ནས་ཤར་ཅིང་མཐར་གང་དུ་ནུབ་པ་མི་ཤེས་ལ། དེ་ཤེས་ན་ཇི་ལྟར་ཕྱི་རོལ་དེ་བཞིན་ནང་དུ་ཤེས་ཤིང་དེ་ཡང་གཉུག་མར་རྟོགས་ནས། བཅུ་བཞི་པ་ཡི་ས་སྟེ་ས་བཅུ་གསུམ་པོ་དབྱེར་མེད་མཉམ་པའི་ངོ་བོ་ལ་ཐོག་མཐའ་མེད་པར་རྒྱུན་དུ་གནས་སོ། །གཉུག་མ་ལུས་མེད་ནི་ལུས་ལ་སྦས་པ་སྙིང་གི་ཐིག་ལེ་བདེ་ཆེན་དུ་གྲགས་པ་སྟེ། དེ་ཤེས་ན་དེ་ཡིས་གྲོལ་བ་འགྱུར་རོ། །རང་བཞིན་ལྷན་སྐྱེས་སུ་གྲུབ་ཡིག་སྟེ་གྲུབ་པའི་ཡི་གེ་བཞི་ལས་དང་པོ་བདག་གིས་སྟོན་པའམ་བཏོན་ཏེ་ཉམས་སུ་མྱོང་ཞིང་། དེའི་རོ་བཅུད་དམ་ཁུ་བ་འཐུང་བས་ང་བདག་གི་རྣམ་པ་ནི་བརྗེད་པར་གྱུར། གང་གིས་ཡི་གེ་གཅིག་སྟེ་གཉུག་མ་ལྷན་སྐྱེས་ཤེས་པ་སྟེ་ཉམས་སུ་མྱོང་ཡང་། ― MR12_Page_0789 ―
[མ་དཔེ་གཟིགས་ན་འདིར་གནོན།]
དེ་ཡི་མིང་ནི་མི་ཤེས་ཏེ་བརྗོད་མི་ནུས་པས་སོ། །རྐྱེན་བྲལ་ཏེ་འགྱུར་མེད་ཀྱི་ཡི་གེ་གསུམ་ནི་སྒོ་གསུམ་ཁམས་གསུམ་རྩ་ཐིག་རླུང་གསུམ་མོ་དེ་གསུམ་གྱི་དབུས་ན་ཡི་གེ་གཅིག་ནི་བདེ་སྟོང་ལྷན་སྐྱེས་གཉུག་མ། ཟག་མེད་དམ་འགྱུར་མེད་ཀྱི་ཡི་གེ་སྔ་མ་གསུམ་གྱི་དབུས་ནི་ལྟ་བར་བྱ་སྟེ་གཉུག་མའོ། །དེ་ལ་བལྟས་པས་གང་ཞིག་གསུམ་པོ་ཟག་པའམ་བབ་པ་སྟེ་གཉུག་མར་ཐིམ་པ་ན་ནི། གདོལ་པ་དང་རིག་བྱེད་མཉམ་པ་དེ་བཞིན་ནོ་སྟེ་མཉམ་པ་ཡིན་ན་གཞན་ལྟ་ཅི་སྨྲོས་ཞེས་སོ། །མ་ལུས་པའི་རང་བཞིན་གཉུག་མ་མི་ཤེས་པས། ཀུན་ཏུ་རྒྱུ་ཏེ་སྙོམས་འཇུག་པ་ཡི་སྐབས་སུ་བདེ་བ་ཆེན་པོ་རྩོལ་བས་སྒྲུབ་པ་ནི། ཇི་ལྟར་སྐོམ་པས་སྨིག་རྒྱུའི་ཆུ་ཡི་རྗེས་སྙེགས་པ་བཞིན། སྐོམ་ནས་འཆི་ཡང་ནམ་མཁའི་ངང་ཅན་གྱི་ཆུ་རྙེད་དམ་སྟེ་དེ་བཞིན་ནོ། །རྡོ་རྗེ་པདྨ་གཉིས་ཀྱི་བར་ན་གནས་པ་ཡི། བདེ་བ་ནི་ལྷན་སྐྱེས་གང་གིས་རྣམ་པར་རོལ་པའམ་བསྐྱེད་པ་ནི། ཅི་སྟེ་བདེ་ཆེན་དེ་བསྟེན་ནུས་པ་མེད་པས་ན། ཐེག་གསུམ་མམ་འཇིག་རྟེན་གྱི་ས་གསུམ་གྱི་རེ་བ་ཐབས་གང་གིས་རྫོགས་པར་འགྱུར་ཏེ་མི་འགྱུར་རོ། །འདི་ལ་རྡོར་པད་ཀྱི་བར་ན་གནས་པའི་འདུ་ཤེས་ཚོར་བདེ་ལ་བདེན་པའི་ནུས་པའམ་ཡང་དག་པའི་དོན་བསྟན་པའི་ནུས་པ་མེད་པས་དེ་ཙམ་གྱིས་ས་གསུམ་རེ་བ་མི་སྐོང་ཞེས་དགག་པའི་ཚུལ་དུ་བཤད་པ་དང་། ཡང་སྙོམ་འཇུག་གི་བདེ་བ་དེ་མི་བསྟེན་པར་ས་གསུམ་རེ་བ་གང་གིས་རྫོགས་ཞེས་བསྟོད་པར་བཤད་པ་གཉིས་ལས་དོན་ལྷན་སྐྱེད་ཀྱི་རྟེན་དུ་གྱུར་པ་སྙོམ་འཇུག་བསྔགས་པར་བཤད་པ་ལེགས་སོ། །ཡང་ན་ཐབས་ཀྱི་བདེ་བ་སྐད་ཅིག་མ་ལྷན་སྐྱེས་ཉག་གཅིག་གི་ངོ་བོ་དང་། ― MR12_Page_0790 ―
[མ་དཔེ་གཟིགས་ན་འདིར་གནོན།]
ཡང་ན་དེ་ཉིད་ལ་ཆས་ཕྱེ་ན་བདེ་སྟོང་གཉིས་སུ་འགྱུར་བ་སྟེ། བླ་མའི་དྲིན་གྱིས་སླར་ཡང་ནི། དུས་སམ་གང་ཟག་བརྒྱ་ལ་ལན་རེ་སྐལ་ལྡན་འགའ་ཡིས་ཤེས་པར་འགྱུར་གྱི་ཀུན་ཏུ་མིན་ནོ། །གྲོགས་དག་ཞེས་བོས་ནས་ཟབ་པ་དང་ནི་རྒྱ་ཆེ་བ་ཡི་ལྷན་སྐྱེས་འདི་ལ། གཞན་མེད་ཅིང་བདག་ཉིད་ཀྱང་ཡོད་པ་མ་ཡིན་ནོ། །དེ་ལྟ་བུའི་ཟབ་མོ་དེ་ལྷན་ཅིག་སྐྱེས་པའི་དགའ་བ་བཞི་པ་ཉམས་སུ་མྱོང་བའི་དུས་ན། གཉུག་མ་ཡི་དེ་ཁོ་ན་ཉིད་ཉམས་སུ་མྱོང་བར་ཤེས་པར་བྱ་སྟེ་གཞན་དུ་མིན་ནོ། །དེ་ཡང་མུན་ནག་ཆེན་པོར་ཟླ་བ་ནོར་བུ་ནི། ཇི་ལྟར་འཆར་བར་བྱེད་པ་བཞིན་དུ། མཆོག་ཏུ་བདེ་བ་ཆེན་པོ་འདི་སྐད་ཅིག་གཅིག་ལ་ནི། བསམ་པས་རང་རྒྱུད་ཀྱི་སྡིག་པ་མ་ལུས་ཕམ་པར་བྱེད་པའོ། །སྡུག་བསྔལ་གྱི་སྣང་བྱེད་དེ་ཉི་མ་ཚ་གདུང་ཅན་ལྟ་བུའི་ཀུན་རྟོག་ནུབ་པ་ན།མཆོག་ཏུ་བསིལ་བའི་བདེ་ཆེན་སྐར་མའི་བདག་པོ་ཟླ་བའི་དཀྱིལ་འཁོར་གཟའ་པ་སངས་སོགས་དང་མཉམ་དུ་ཤར། འདིས་སྐུ་གསུམ་སྟོན་ནོ། །འདི་ལྟར་གཉུག་མར་གནས་པས་སྤྲུལ་པར་སྤྲུལ། དེ་ནི་དཀྱིལ་འཁོར་འཁོར་ལོ་དམ་པ་སྟེ་མ་བཅོས་ལྷུན་གྲུབ་ཀྱི་དཀྱིལ་འཁོར་ཞེས་བྱའོ། །ཀྱེ་ཧོ༷་རྨོངས་པའི་སེམས་ཀྱི་ཀྱང་འདི་ལྟར་རང་སེམས་འདི་ལ་བརྟགས་ན་ནི། བདག་ལྟ་སོགས་ལྟ་བ་ངན་པ་ཐམས་ཅད་ལས་ནི་རང་གྲོལ་འགྱུར། གཉུག་མ་ལྷན་སྐྱེས་ཀྱི་མཆོག་ཏུ་བདེ་བ་ཆེན་པོའི་དབང་གིས་ཏེ་ལྷན་སྐྱེས་ཀྱི་རང་བཞིན་དུ་གནས་པའི་སྟོབས་ཀྱིས་ནི། སེམས་ཉིད་དེ་ལ་གནས་ན་དངོས་གྲུབ་ཐམས་ཅད་ཀྱི་དམ་པ་ཆོས་སྐུ་ཐོབ་པའོ། །སེམས་ཀྱི་གླང་པོ་གང་དགར་ཡན་དུ་ཆུག །དེ་ནི་ཇི་ལྟ་བུ་ཡིན་ན་བདག་ཉིད་རང་ལ་རང་གི་ ― MR12_Page_0791 ―
[མ་དཔེ་གཟིགས་ན་འདིར་གནོན།]
དྲིས་ཤིག་སྟེ་གཞན་སུ་ལའང་མ་འདྲི་ཞིག དེ་ལ་འདྲི་ཚུལ་ཀྱང་སྣ་ཚོགས་བཅོས་མའི་རྟོག་པས་མ་འདྲི་ལ་མ་བཅོས་པར་ཞོག་ཞིག །རྟེན་མེད་ལ་གནས་པས་ནམ་མཁའི་ངང་ཚུལ་ཅན་རི་བོ་ལྟ་བུའི་རྣལ་འབྱོར་པ་གདམས་ངག་གི་ཆུ་འཐུང་དང་། ཆུ་དེ་ཡི་འགྲམ་དུ་དྲན་པ་རྒྱུན་ཆགས་པས་ཞོག་ཅིག་དེ་ཡང་མ་བཅོས་རང་དགའ་བར། གཟུགས་སོགས་ཡུལ་གྱི་གླང་པོས་ནང་གི་དབང་པོ་ལྔ་ལག་པས་བླང་ནས་སུ། ཇི་ལྟར་གསོད་པར་བྱེད་པ་ལ་རང་དབང་སྣང་བར་འགྱུར་ན་ཡང་རྣལ་འབྱོར་པ་ནི་གླང་པོ་ལ་རྩེ་མཁས་པའི་གླང་པོ་སྐྱོང་བ་བཞིན། གནོད་པ་དེ་ཉིད་ལས་ནི་ལྡོག་པར་འགྱུར་བ་ཡིན་ཏེ་གང་སྣང་རང་དབང་དུ་གྱུར་པས་གླང་པོ་དུལ་བ་ཞོན་པ་བཞིན་ནོ། །གང་ཞིག་འཁོར་བ་དེ་ནི་རང་བཞིན་གྱིས་མྱ་ངན་ལས་འདས་པར་ངེས་ཀྱི། དེ་གཉིས་ལ་དབྱེ་བ་གཞན་དུ་སེམས་པ་ཅུང་ཟད་ཀྱང་དོན་ལ་ཡོད་པ་མ་ཡིན་ཏེ། བདེ་བ་ཆེན་པོའི་རང་བཞིན་གཅིག་གིས་ན་སོ་སོར་དབྱེ་བ་རྣམ་པར་སྤངས་ནས། རང་བཞིན་གྱིས་དྲི་མ་མེད་པར་མདའ་བསྣུན་ང་ཡིས་རབ་ཏུ་རྟོགས། ཡུལ་ཅན་ཡིད་ཀྱིས་དེ་ཁོ་ན་ཉིད་ལ་དམིགས་པ་དང་བཅས། དམིགས་པའམ་ཡུལ་ཉིད་སྟོང་པ་ཉིད་ཡིན་ལ། དེ་ལྟར་དམིགས་བྱ་དམིགས་བྱེད་གཉིས་ཡོད་པ་ལ་སྐྱོན་ནི་ཡོད་པ་སྟེ། དེ་ལྟར་འཛིན་པ་དང་བཅས་ན་རྣལ་འབྱོར་གང་གིས་དེ་ནི་དེ་ཉིད་སྒོམ་པ་མིན་ནོ། །སྒོམ་པ་དམིགས་བཅས་དང་དམིགས་མེད་དེ་དང་། སྒོམ་དང་མི་སྒོམ་པའི་ཐ་སྙད་ཀྱང་མེད་དེ་རོ་མཉམ་པར། བདེ་བ་ཆེན་པོའི་རྣམ་པའི་རང་བཞིན་ཅན་ནོ། །རབ་ཏུ་བླ་མེད་པ་དང་རང་གི་ངང་གིས་འབྱུང་བ་དེ་ནི། ― MR12_Page_0792 ―
[མ་དཔེ་གཟིགས་ན་འདིར་གནོན།]
བླ་མའི་མན་ངག་གི་དུས་སུ་མྱོང་བ་དེ་ཐབས་དྲན་པ་རྒྱུན་ཆགས་སུ་བསྟེན་པས་ཤེས། ཁྱིམ་སྤང་བའི་རྩོད་པས་ནགས་སུ་མ་འགྲོ་ཞེན་པའི་དབང་གིས་ཁྱིམ་དུའང་མ་འདུག་པར། གར་བབས་གར་གནས་ཀྱི་ཕྱོགས་གང་དུ་གནས་ན་ཡང་དེ་རུ་རང་གི་ཡིད་ཀྱིས་གཉུག་མའི་དོན་ཡོངས་སུ་ཤེས་ནས། སྤྱོད་ལམ་མ་ལུས་པ་རྒྱུན་དུ་བྱང་ཆུབ་ཀྱི་སེམས་ཀྱི་དོན་ལ་རྟགས་པར་གནས་པར་འགྱུར་རོ། །འཁོར་བ་གང་ཡིན་ལ་མྱ་ངན་འདས་པ་གང་ཡིན་ཏེ་གཉིས་སུ་མེད་དོ། །ཡིད་ཀྱི་དྲི་མ་ཀུན་རྟོག་དག་ལའང་ལྷན་ཅིག་སྐྱེས་པ་རང་བཞིན་གྱི་གནས་པ་སྟེ། དེ་ལྟར་རྟོགས་པ་དེ་ཚེ་མི་མཐུན་ཕྱོགས་ཉོན་མོངས་སོགས་ཀྱིས་འཇུག་པ་མེད། ཇི་ལྟར་རྒྱ་མཚོ་དྭངས་བར་གྱུར་པ་ལ། ཆུ་བུར་ཆུ་ཉིད་ཡིན་ཏེ་སླར་དེ་ཉིད་དུ་ཐིམ་པར་འགྱུར་བ་བཞིན་ནོ། །ནགས་དང་ཁྱིམ་གང་ནའང་བྱང་ཆུབ་ནི་གནས་པ་མེད་པས་ཕྱོགས་ལ་མི་ལྟོས་སོ། །དེ་ལྟར་རྣལ་འབྱོར་བའི་བྱེད་པ་ཡོངས་སུ་ཤེས་ནས་སུ། དྲི་མ་མེད་པའི་སེམས་ཀྱི་རང་བཞིན་གྱིས། སྣང་སྲིད་མ་ལུས་མི་རྟོག་པ་ཆོས་སྐུ་རུ་བརྟེན་པར་འོས། དེ་ནི་བདག་ཡིན་གཞན་ཡང་དེ་བཞིན་དུ་ཡིན་ནོ། །ཡུལ་གང་བསྒོམ་ལ་ཡོངས་སུ་བསྒོམ་པ་ནི་གང་ཡིན་སྟེ་མ་དམིགས་པས། གཉིས་ཆོས་ཀྱི་དབྱེ་བ་དེ་ཉིད་ཀྱི་འཆིང་བ་དང་བྲལ་བར་བྱའོ། །དེ་ལྟ་ན་འོན་ཀྱང་ཐ་སྙད་དུ་བདག་ཉིད་རྣམ་པར་གྲོལ་བའོ། །དོན་ལ་བདག་དང་གཞན་དུ་འཁྲུལ་བར་མ་བྱེད་དང་། མ་ལུས་རྒྱུན་དུ་རང་བཞིན་གྱིས་གནས་པའི་སངས་རྒྱས་ཏེ། སེམས་ནི་རྩོལ་བས་མིན་པར་ངོ་བོ་ཉིད་ཀྱིས་དག་པ་རུ་མཐོང་ན། དེ་ཉིད་དྲི་མེད་མཆོག་གི་གོ་འཕང་ངོ་། །གཉིས་སུ་མེད་པ་སེམས་ཀྱི་སྡོང་པོ་ ― MR12_Page_0793 ―
[མ་དཔེ་གཟིགས་ན་འདིར་གནོན།]
དམ་པ་ནི། ཁམས་གསུམ་མ་ལུས་ཀུན་ཏུ་ཁྱབ་པར་སོང་བའོ། །དེ་ཡང་སྙིང་རྗེའི་མེ་ཏོག་དང་ལྡན་ཅིང་གཞན་ལ་ཕན་པའི་འབྲས་བུ་གཟུགས་སྐུ་གཉིས་འཛིན་པ། འདི་ཡི་མིང་ནི་མཆོག་ཏུ་གཞན་ལ་ཕན་པ་ཞེས་བྱའོ། །སྟོང་པའི་དབྱིངས་དང་རོ་གཅིག་པའི་ལོངས་སྐུའི་སྡོང་པོ་དམ་པ་ལ་མཚན་དཔེའི་མེ་ཏོག་རྒྱས། སྤྲུལ་སྐུ་སྙིང་རྗེ་དམ་པ་སྣ་ཚོགས་དུ་མར་ལྡན། དེ་ཀུན་ཀྱང་རྩོལ་མེད་ལྷུན་གྱིས་གྲུབ་པ་ཆོས་སྐུ་ནི་ཕྱི་མའམ་འཇིག་རྟེན་ལས་འདས་པའི་འབྲས་བུ་སྟེ། བདེ་བ་མཆོག་འདི་ནི་གཞན་པའི་སེམས་འཇིག་རྟེན་པའི་བློས་བསྐྲུན་ནུས་པ་མིན་ནོ། །འོ་ན་ཀུན་རྟོག་ལས་མ་འདས་སམ་ཞེན་སྟོང་པའི་སྡོང་པོ་ནི་དམ་པ་སྙིང་རྗེ་མིན་ཏེ་རོ་མཉམ་དམིགས་པ་མེད་པས་སོ། །དེ་འདྲའི་རོ་མཉམ་གཉུག་མ་གང་ལ་སླར་ཡང་རྩ་བ་དང་རྒྱུ་དང་དེའི་འབྲས་བུ་མེ་ཏོག་དང་ལོ་འདབ་ཀྱང་མེད་དོ། །དེས་ན་དམིགས་མེད་གཉུག་མ་དེ་ལ་དམིགས་པར་བྱེད་པ་གང་ཡིན་པ། གཉུག་མ་དེར་ལྷུང་བས་ནི་གཉིས་ཆོས་ཀྱི་ཡན་ལག་མེད་པར་འགྱུར་ཞེས་རོ་མཉམ་དབྱེར་མེད་དུ་བསྟན་ནོ། །ས་བོན་གཉུག་མ་གཅིག་ལ་སྡོང་པོ་སྟོང་ཉིད་སྙིང་རྗེའམ་བདེ་སྟོང་གཟུགས་སྐུ་གཉིས་སྟེ། དེ་ཐམས་ཅད་དབྱིངས་བདེ་བ་ཆེན་པོའི་རྒྱུ་མཚན་དུ་གཅིག་པ་དེ་ལས་འབྲས་བུ་ཆོས་སྐུ་རྒྱུ་གཅིག །དེ་ཡང་རྒྱུ་འབྲས་ཀྱི་ཚུལ་དུ་ཕྱེ་ཡང་དོན་ལ་བདེ་བ་ཆེན་པོར་མཉམ་ཞིང་དབྱེར་མེད་པར་གང་གིས་སེམས་པ། དེ་ནི་འཁོར་བ་དང་མྱ་ངན་ལས་འདས་པ་ལས་རྣམ་པར་གྲོལ་ཏེ་གང་དུའང་མི་གནས་སོ། །གང་ཞིག་ནོར་འདོད་པ་ཅན་གྱི་སྐྱེ་བོ་སློང་བར་འོངས་པའི་ཚེ། སློང་མོ་བ་དེ་ནི་ཐོབ་པའི་རེ་བ་མེད་པར་བྱེད་ན་གལ་ཏེ་འགྲོ་བ་དེ་ལྟ་བུ་ན། ཕྱི་སྒོར་བོར་བའི་ཁམ་ཕོར་བླངས་ནས་སུ་ ― MR12_Page_0794 ―
[མ་དཔེ་གཟིགས་ན་འདིར་གནོན།]
འཁྱམས་ཤིང་མི་གཏོང་བ། དེ་བས་ཁྱིམ་ཐབ་དེ་བོར་ནས་བསྡད་པ་རུང་ཞེས་ལེགས་པས་བོར་ལ་སོང་ཞེས་སོ། །འདིའི་ཟུར་གྱིས་ཆོས་འདོད་ལ་ལམ་མ་བརྟན་ན་དམན་ལམ་དུ་འགྱུར་བར་བསྟན་པའོ། །གཞན་ལ་ཕན་པའི་དོན་ནི་མི་བྱེད་པ། གང་ཞིག་འདོད་པ་པོ་ལ་ནོར་གྱི་སྦྱིན་པ་མི་སྟེར་བ། འདི་ལྟ་བུ་ནི་འཁོར་བའི་ལོངས་སྤྱོད་ཐོབ་པའི་འབྲས་བུ་གང་ཞིག་ཡིན་ནོ་ལོ་སྟེ་དོན་མེད་དོ། །དེ་བས་བདག་ཉིད་གཅེས་པར་འཛིན་པ་ཅི་དགར་བོར་བར་བྱས་ན་རུང་སྟེ་འོས་སོ་ཞེས་སོ། །མཛད་བྱང་ནི། རྣལ་འབྱོར་གྱི་དབང་ཕྱུག་ཆེན་པོ་དཔལ་ས་ར་ཧ་ཆེན་པོའི་ཞལ་སྔ་ནས་མཛད་པ་དོ་ཧ་མཛོད་ཅེས་བྱ་བ་དེ་ཁོ་ན་ཉིད་རྣལ་དུ་མཚོན་པ་དོན་དམ་པའི་ཡི་གེ་རྫོགས་སོ། །མཆན་འདི་མི་ཕམ་སྨྱོན་པས་བྲིས་དགེའོ། །ཨ་ཧོ། ལྷན་སྐྱེས་བདེ་བ་ཆེན་པོའི་ཕྱག་རྒྱ་ཡིས། །སྲིད་ཞིའི་ཆོས་ཀུན་མ་བཏབ་ཡོད་མིན་ཡང་། །བྱིས་པ་རྣམས་ནི་བདག་ཏུ་འཛིན་པས་འཁྲུལ། །ཐོག་མེད་དུས་ནས་སྲིད་པར་ཉམས་རེ་ཐག །རྒྱལ་བའི་ཆོས་ཕུང་བརྒྱད་ཁྲི་བཞི་སྟོང་ཡང་། །མཐར་ཐུག་དོན་གྱི་སྙིང་པོ་འདི་ལ་གཞོལ། །འོན་ཀྱང་རྟོག་པའི་དྲྭ་བར་ཆུད་པ་རྣམས། །སྲིད་བུའི་ཁ་ཆུས་རང་ཉིད་འཆིང་བ་བཞིན། །རང་གམ་བཞག་ནས་གཞན་མ་རྒྱང་ནས་ཚོལ། །གླང་པོ་ལོན་ནས་གླང་རྗེས་ནགས་སུ་དེད། །དོན་མེད་ངལ་བ་བརྒྱ་ཁྲག་ཁུར་ལེན་པའི། །འགྲོ་ལ་ངལ་འཚོ་སྦྱིན་པོ་འདི་མཚུངས་སུ། །གཉུག་མ་ལྷན་ཅིག་སྐྱེས་པ་ཆོས་སྐུའི་གཏེར། །ལག་མཐིལ་རྫས་བཞིན་མངོན་སུམ་སྟོན་བྱེད་པའི། །རྟོགས་པའི་འདྲ་འབག་མདའ་བསྣུན་རྡོ་རྗེའི་གླུ། །རྒྱལ་མཆོག་དངོས་དང་མཇལ་ཡང་འདི་ལས་ཅི། །དེ་སླད་ཀུན་མཁྱེན་བླ་མའི་ ― MR12_Page_0795 ―
[མ་དཔེ་གཟིགས་ན་འདིར་གནོན།]
ཕྱག་མཆན་ལས། །གུས་པས་བཤུས་འདིར་རྨོངས་བློས་ནོངས་གྱུར་བཤགས། །དགེ་བས་བདག་གཞན་སྐྱེ་དགུ་མཐའ་དག་གིས། །བདེ་སྟོང་ཕྱག་རྒྱ་ཆེན་པོ་མངོན་བྱེད་ཤོག །བཀྲ་ཤིས་གང་ཞིག་བདེ་ཆེན་རྡོ་རྗེ་འཛིན། །སྟོང་ཆེན་ཤེས་རབ་བཙུན་མོར་དགྱེས་རོལ་བ། །འཁོར་འདས་ཀུན་གྱི་སྲོག་ཏུ་རྟག་བཞུགས་པའི། །བདེན་པ་དེ་ཡིས་དུས་ཀུན་ཤིས་གྱུར་ཅིག །ཅེས་པའང་དོན་གྲུབ་ས་ལུག་ལོར་བདེ་ཆེན་པདྨ་འོད་གླིང་དུ་ཞལ་བཤུས་བགྱིས་སྐབས་འཇམ་དབྱངས་བློ་གྲོས་རྒྱ་མཚོས་སྨྲས་པ་དགེ། ། ནག་རྩིས་ཀྱི་རབ་ཏུ་བྱེད་པ་ལས། ཀེག་རྩིས་འཆི་མེད་བཅུད་ལེན།― MR12_Page_0797 ―
[མ་དཔེ་གཟིགས་ན་འདིར་གནོན།]
ནག་རྩིས་ཀྱི་རབ་ཏུ་བྱེད་པ་ལས། ཀེག་རྩིས་འཆི་མེད་བཅུད་ལེན་ཞེས་བྱ་བ་བཞུགས་སོ། ། ― MR12_Page_0798 ―
[མ་དཔེ་གཟིགས་ན་འདིར་གནོན།]
སྟོང་དང་སྙིང་རྗེ་ཟུང་དུ་འཇུག་པའི་གཟུགས། །འཆི་མེད་དངོས་གྲུབ་སྩོལ་བ་ལྷག་པའི་ལྷ། །མངོན་ཤར་བླ་མ་མཆོག་དང་དབྱེར་མེད་པས། །ཚེ་དཔལ་བསོད་ནམས་ཕུན་ཚོགས་དགེ་ལེགས་སྩོལ། །དེང་འདིར་འགྲོ་ཀུན་འབྱུང་ལྔ་ལ། །ཕན་གནོད་འབྱུང་ལྔའི་བྱེད་ལས་ཀྱིས། །ལོ་གཅིག་བདེ་སྡུག་བྱེད་ཚུལ་ཀུན། །གསལ་བྱེད་ཀེག་རྩིས་ཉུང་ངུར་སྤེལ། །དེ་ཡང་ཞེ་བདུན་སྙིང་པོ་ནི། །གནམ་ལོ་ལོག་མིན་སྤར་སྨེ་དང་། །དར་རྒུད་དུས་ཚོད་རྩ་རྡིལ་དྲུག །བརྩི་བྱའི་སྲོག་ལུས་དབང་ཀླུང་བཞིས། །འཐབ་པའི་གཅོད་འབྲལ་ཉི་ཤུ་བཞི། །མ་འཕྲད་དཀར་གསུམ་གྲོགས་འཕྲད་ལ། །དཀར་གཉིས་བུ་འཕྲད་དཀར་ནག་ཟུང་། །དགྲ་དང་འཕྲད་ན་ནག་པོ་གཉིས། །ས་ཆུ་ནང་འཕྲད་དཀར་པོ་རེ། །མེ་ལྕགས་ཤིང་གསུམ་ནག་རེ་བོར། །དར་གུད་བཟང་དྲུག་གོ་རིམ་བཞིན། །རྡེའུ་དཀར་པོ་གསུམ་གཉིས་གཅིག །ངན་དྲུག་རབ་འབྲིང་ཐ་མ་གསུམ། ཕྱེད་མ་དཀར་ནག་གཉིས་ནག་གཅིག་ནག་ ― MR12_Page_0799 ―
[མ་དཔེ་གཟིགས་ན་འདིར་གནོན།]
གཉིས་སོ། །ཁ་དམར་རྡེའུ་བཞག་པའི་ཚུལ། །གནས་སམ་སྐོ་མགོའི་གྲངས་བགྲང་བའི། །གང་མང་དཀར་པོ་དཀར་གཅིག་ཁ་དམར་རྡིལ་བོར་བྱ། །སྲོག་རྡིལ་སྲོག་དགྲ་ཡོད་མེད་གཙོ། །ལུས་རྡིལ་ན་ཚ་ཡོད་མིན་དང་། །དབང་རྡིལ་ཟ་ཐང་ཆེ་ཆུང་དང་། །ཀླུང་རྡིལ་མི་ཁ་ཆོག་མིན་གཙོ། །གཞན་ཡང་སྐྱེས་བ་སྲོག་ཉིད་གཙོ། །བྱིས་པ་ལུས་དང་བུད་མེད་དབང་། །ཡ་རབས་ཡོན་ཏན་ཅན་ཀླུང་རྟ། །སྲོག་རྡིལ་དཀར་པོ་གསུམ་བབས་ན། །ཚེ་ཡི་གཡུང་དྲུང་མི་ཤིག་བརྟན། །དཀར་པོ་གཉིས་བབས་དེ་ཡང་བཟང་། །དཀར་གཅིག་བར་ཆད་མི་འོང་ཙམ། །སྲོག་རྡིལ་ནག་པོ་གཉིས་བབས་ན། །ཚེ་ཆོག་བླ་བསླུ་ཚེ་གཟུངས་འདོན། །སྲོག་བསླུ་དང་ནི་དུར་སྲི་མནན། །ནག་གཅིག་བླ་བསླུ་བརྒྱ་བཞི་དང་། །ཚེ་ཆོག་སྲི་མནན་མལ་ས་སྤོ། །སྲོག་རྡིལ་དཀར་ནག་གཉིས་བབས་ན། །གོད་ཟློག་མཆོད་རྟེན་སྐུ་དཀར་གསོལ། །ལུས་རྡིལ་དཀར་པོ་གསུམ་བབས་ན། །ལུས་ལ་ ― MR12_Page_0800 ―
[མ་དཔེ་གཟིགས་ན་འདིར་གནོན།]
ནད་མེད་སྡུག་བསྔལ་མེད། །དཀར་གཉིས་བབས་ན་དེ་ཡང་བཟང་། །དཀར་གཅིག་བབས་ན་སྐྱོན་མེད་ཙམ། །ལུས་རྡིལ་ནག་པོ་གཉིས་བབས་ན། །གཏར་བསྲེགས་མ་བྱེད་ལུས་བསྒྱུར་བྱ། །སྐྱབས་འགྲོ་དབང་ཞུ་ལམ་འཕྲང་བཅོས། །རྟེན་ལ་མར་མེ་ན་བཟའ་འབུལ། །མཆོད་རྟེན་ཞིག་གསོས་སཱཙྪ་འདེབས། །ནག་གཅིག་ལུས་བསྒྱུར་འཁོར་ལོ་གདགས། །སྡོམ་པ་བསྲུང་ཞིང་ལུས་བསྐྱེད་བྱ། །དཀར་ནག་གཉིས་བབས་མཆོད་སྦྱིན་བརྩོན། །དབང་རྡིལ་དཀར་གསུམ་ལོ་ཕྱུག་ལེགས། །བསམ་དགུ་འགྲུབ་ལ་དཀར་པོ་གཉིས། །དགོས་དགུ་ངང་གིས་རྙེད་པས་བཟང་། །དབང་རྡིལ་དཀར་པོ་གཅིག་བབས་ན། །ཁ་རྗེ་ཟ་ཐང་འབྲིང་པོ་ཡིན། །དབང་རྡིལ་ནག་པོ་གཉིས་བབས་ན། །ནོར་འཆོར་གོད་ཁ་སྟོར་བརླག་ཡོང་། །དབུགས་ཅན་ཚོངས་མ་དབུགས་མེད་བསྲེལ། །དཀོན་མཆོག་མཆོད་ཅིང་ཆབ་གཏོར་བཏང་། །གཡང་ལེན་བྱིས་སྟོན་སཱཙྪ་གདབ། །ནག་གཅིག་གཡང་ལེན་གུད་པ་གསོ། །དབང་བསྐྱེད་ཕྱེད་མར་དཀར་ནག་གཉིས་མར་དེ་མཚུངས་སྦྱར། །ཀླུང་རྡིལ་དཀར་པོ་གསུམ་བྱུང་ན། །སྙན་པའི་དར་ཕྱར་ཁ་སྨྲས་མེད། །བྱ་བ་གང་བརྩམ་འགྲུབ་པ་ཡིན། །གཉིས་བབས་འགྲན་ན་གཞན་ལས་རྒྱལ། །གཅིག་བབས་དགྲ་ངོ་བརྩོད་ངོ་མེད། །ནག་གཉིས་དགྲ་རྐུན་གྱོད་ཀྱི་ངོ་། །དགྲ་སྲི་མནན་ཅིང་དགྲ་བཟློག་བྱ། །ཀླུང་བསྐྱེད་ལམ་བཅོས་དགྲ་མདོས་བཏང་། །ནག་གཅིག་སཱཙྪ་ཆུ་གཏོར་བཏང་། །མི་ཁ་བཟློག་ཅིང་ཀླུང་རྟ་བསྐྱེད། །དཀར་ནག་གཉིས་བབས་ཉེ་འབྲེལ་སྡང་། །མི་ཆེན་བྱམས་ཀྱང་ངན་པས་འཚེ། །དགྲ་ལ་བྱོལ་ཞིང་གཙུག་ཏོར་འདོན། །སྲོག་ ― MR12_Page_0801 ―
[མ་དཔེ་གཟིགས་ན་འདིར་གནོན།]
ལུས་དབང་ཀླུང་རྡེའུ་ནི། །བཞི་ཆར་དཀར་ན་ཉེས་མེད་ཀྱང་། །འཁོན་གྲིབ་ལྷ་ཁྲོས་ངོ་ཆེ་བས། །གྲིབ་དང་མི་གཙང་བ་ལ་འཛེམ། །ཁྲུས་དང་སྐོང་བཤགས་ལྷ་གསོལ་གྱིས། །བཞི་ཀ་ནག་ན་ན་ཤིའི་ངོ་། །འབུམ་འདོན་སཱཙྪ་རིགས་ལྔ་གདབ། །བྱེས་སུ་འབྲོས་ན་ཕན་པར་བཤད། །ལོག་མིན་ཁྱད་པར་ཕོ་གནམ་སྒོ་བྱེ། །མོ་གནམ་སྒོ་འབྲུག་ལ་བབས་པའི་དུས། །ཁང་ཐོག་བཤུ་འབུབ་ལ་སོགས་འཛེམ། །གནམ་སྒོ་སྡོམ་གཏོ་བརྒྱ་བཞི་དང་། །གཙུག་ཏོར་ནམ་མཁའི་སྙིང་པོ་འདོན། །ཕོ་ཕག་མོ་སྦྲུལ་ས་སྒོ་སྟེ། །ས་ལས་སོགས་འཛེམ་ས་སྒོ་སྡོམ། །རྨ་བྱའི་གཟུངས་ཚར་བཅུ་བདུན་དང་། །ཏོག་གཟུངས་ས་ཡི་སྙིང་པོ་བཀླག །སྟག་ཡོས་ལ་བབ་བཟང་བའོ། །བྱ་སྤྲེལ་བཟའ་ཚང་བྱེ་འཐབ་ངོ་། །རང་འཐག་ཁ་ཕྱེ་ཞག་གསུམ་བཞག །ཚེ་དབང་ཞུ་ཞིང་ཟོར་མདོས་བཏང་། །གླང་ལུག་གྱོད་དང་སྟོར་གོད་འོང་། །སཱཙྪ་དགྲ་བཟློག་འབུམ་ནོར་རྒྱུན། །གཡང་སྐྱབས་བསང་མཆོད་གོད་མནན་སྒྲུབ་བྲུབ་ཡིན་ནམ་དཔྱད། །བྱི་རྟ་ཁ་སྨྲས་འཐབ་རྩོད་ངོ་། །རྡོ་རྗེ་སྡེར་མོ་གཙུག་ཏོར་དང་། །དགྲ་མནན་དགྲ་བྲུབ་བརྒྱ་བཞི་བྱ། །དེ་ནས་རྩུབ་བདུན་བཤད་པར་བྱ། །༡རང་ལོ་ཤར་ན་རང་ཀེག་རྩུབ། །ཚེ་དབང་ཚེ་སྙིང་གཡང་སྐྱབས་དང་། །འབུམ་དང་ཉི་ཁྲི་གཙུག་ཏོར་འདོན། །བརྒྱ་བཞི་དགེ་སློང་བཞི་སྡེ་མཆོད། །རང་ལོའི་བདུན་ཟུར་༢༥༦༧ ༥༦༧ གནམ་ཤར་འཛེམ། །མཆུ་གསུམ་སྟོབས་ཆེན་དཔུང་རྒྱན་དང་། །ཏོག་གཟུངས་བཀླགས་ཤིང་དགྲ་ལྷ་དང་། །དགྲ་བཟློག་བཙན་མཆོད་ལམ་འཕྲང་ ― MR12_Page_0802 ―
[མ་དཔེ་གཟིགས་ན་འདིར་གནོན།]
བཅོས། ལོ་གྲངས་སཱཙྪ་བདུད་གཅོད་མར་མེ་ནི། །ལོ་གྲངས་འདྲེ་ལྔའི་ཕྱོགས་སུ་བསྐྱལ། །ཁྱིམ་མཚེས་ཀྱིས་རྩུབ་ཤིང་བྱི་ཕོ་ལོ་ལ་གཉིས་དང་རེ་གཉིས། མོ་ལོ་ལ་དྲུག་ཅུའི་དུས་ལ། ཤིང་གླང་ལྟ་བུ་གནམ་ཤར་དུས། །འགྲོས་སྤང་གཡང་ལེན་ཚེ་ཆོག་བྱ། །༤མཐུན་གསུམ་སྟག་རྟ་ཁྱི་བཞིན་ཁང་ལས་རོ་བག་བསྲུང་། །བརྒྱ་བཞི་དགྲ་ལྷ་གཡང་སྐྱབས་བྱ། །༥གཟའ་མི་སྦར་སྤུངས་གཟའ་ཤུག་སྟེ། །གང་སྤུངས་རིམ་༧ ༣༢༡༡ ༥གྲོ་སྤར་སྨེ་བཞིན། །བྱེས་སུ་འབྲོས་དང་གཟའ་མི་བྲལ། །ཕ་མེས་ཤི་བའི་ལོ་གྲངས་དང་། །ལོག་མེན་སྤར་སྨེ་བབས་པའི་དུས། །༦སྲི་ངན་དུར་ཁ་རྒྱས་འདེབས་བྱ། །ས་ལས་སྤང་ལ་དུར་མཚུན་གསོལ། །དུར་ས་སྤོ་ཞིང་ཕལ་ཆེན་བཀླག །༧གསང་ཀེག་རྐུན་བུས་རྩུབ་པ་ནི། །རང་སྐྱེས་མ་ལོར་གཅིག་བསྣན། བུ་ལོ་ལ་ཕྲི་སྦར་སྟེང་སླེབ་དུས་ཡིན། །འདི་ནི་མ་ཚོར་ཤིན་ཏུ་གནོད། །ནད་པའི་སྔས་སུ་འགྲུལ་འགྲིམ་དང་། །མྱ་ངན་མི་བྱ་མནའ་སྐར་སྤང་། །ཚེ་མདོ་འབུམ་བཀླག་བདུད་མདོས་བྱ། །ཡང་བཞི་ཕག་ལ་སྤྲེལ་ལྟ་བུ། གནམ་ཤར་ན་རེས་ཏེ། །ཉི་ཁྲི་འདོན་ཅིང་མར་བཞི་ཕག་ལ་སྟག་ལྟ་བུ་ལ། །འཆི་རེས་ཡིན་ནོ་ཚེ་ཆོག་འབད། །ལི་བབས་སྤང་ཁ་སེར་དུས་གཉན། །བག་མ་སྦྱིན་སྲེག་རོ་སྲེག་དང་། །དམར་ལས་རྫས་དམར་ཞྭ་ཕྱིང་འཛེམ། །ཕྱོགས་ངན་ནུབ་དང་ནུབ་བྱང་བསྲུང་། །གཙུག་ཏོར་རྣམ་འཇོམས་ཚེ་དཔག་མེད། །གཟའ་ཡུམ་བརྒྱད་སྟོང་འབུམ་ཉི་ཁྲི། །སྡུད་པ་འདོན་ལ་བཙན་མདོས་དང་། །དབང་ཕྱུག་མ་ཡི་ཟོར་མདོས་བརྫང་། །རྣམ་འཇོམས་དབང་ཁྲུས་ཚེ་དབང་ཞུ། བསྐང་བཤགས་བྱ། ཁྱད་པར་བྱ་སྤྲེལ་རྟ་སྦྲུལ་དང་། །བྱི་ཕག་ཁྱི་ལོར་བབས་ན་རྩུབ། །ཁོན་ ― MR12_Page_0803 ―
[མ་དཔེ་གཟིགས་ན་འདིར་གནོན།]
ནི་རོལ་སོལ་ཁ་ནག་གཉན། །ས་ལས་ཁང་ལས་རོ་བག་འཛེམ། །ཕྱོགས་ངན་བྱང་དང་ཤར་ལྷོ་བསྲུང་། །བསྐལ་བཟང་གྲ་ཏོག་ས་སྙིང་པོ། །ཕལ་ཆེན་བཟང་སྤྱོད་བརྒྱད་སྟོང་འདོན། །བདུད་མདོས་བརྒྱ་བཞི་ས་སྒོ་བསྡམ། །སྦྱིན་སྲེག་གསུམ་པའི་བཅུ་དགུ། རྟེན་ལ་མར་མེ་འབུལ། །ཀུན་རིག་དང་ནི་ཚེ་དབང་ཞུ། །ཁྱད་པར་བྱི་ཕག་སྟག་ཡོས་དང་། །རྟ་སྦྲུལ་གཤེད་བཞི་ལོ་པར་གནད། །དྭ་ནི་འཁྱགས་པ་བཅུ་པའི་ནང་ཁྲལ་ཁྲོལ་གཉན། །སྦྱིན་སྲེག་རོ་སྲེག་མགར་ཚངས་འགྲིམ། །དམག་དང་གཉན་བསྡེབ་འཐབ་རྩོད་སྤང་། །མདའ་གྲི་ལྕགས་དཔྱད་མི་ཉོ་དང་། །ཤར་དང་ལྷོ་ཡི་ཕྱོགས་བསྲུང་ཞིང་། །དཀོན་བརྩེགས་ལྕགས་མཆུ་ཚེ་གཟུངས་ཏོག །རྡོ་རྗེ་མཆུ་དང་མཚན་བརྗོད་འདོན། །དགྲ་ལྷའི་གྲལ་མདོས་པེ་ཧར་མདོས། །ས་བདག་སྙིང་བཅོས་ཐེའུ་རང་མདོས། །འཇམ་དབྱངས་དབང་ཞུས་སཱཙྪ་འདེབས། །སྟག་ཡོས་རྟ་སྦྲུལ་བྱ་སྤྲེལ་ཁྱི། །འབྲུག་ལུག་ལོ་ཕྱིན་ལྷག་པར་རྩུབ། །ཁེན་ལ་གནམ་སྔོ་ས་སྔོ་གཉན། །ཁང་ཐོག་བཤུ་འབུབས་ལ་བཙས་སྒྲོན། །ཁྱི་ཁང་དཀོར་རྫས་བོན་ནོར་འཛེམ། །ལྷོ་ཤར་ཕྱོགས་བསྲུང་ཉི་ཁྲི་དང་། །གསེར་འོད་སྣང་བརྒྱད་རྒྱལ་མདོ་ལྔ། །ལྕགས་མཆུ་ཤེར་སྙིང་ནམ་སྙིང་འདོན། །དུར་སྲི་མནན་ཅིང་རྒྱལ་ཐིལ་མདོས། །ལྷ་གསོལ་སཱཙྪ་ས་སྒོ་གནམ་བསྡམ། །གཟའ་ཡུམ་ཀུན་རིག་དབང་ཞུ་བྱ། །ཁྱད་པར་འབྲུག་སྦྲུལ་རྟ་ལུག་ཁྱི། །བྱ་སྤྲེལ་བྱི་ཕག་གླང་ལོར་འཛེམ། །ཁམ་ནི་ཆུ་བོ་གཞུང་རྒྱས་རྩུབ། །ཆུ་གཉེན་འབྲུ་ལས་ཆུ་ཆེན་བརྒལ། །སྨད་གོས་གཤམ་ནག་ ― MR12_Page_0804 ―
[མ་དཔེ་གཟིགས་ན་འདིར་གནོན།]
སྤྲ་ཕྱར་འཛེམ། །ཕྱོགས་ངན་ལྷོ་ནུབ་བྱང་ཤར་བསྲུང་། །སྤྲིན་ཆེན་གསེར་འོད་རྣམ་འཇོམས་དང་། །སྐོང་བཤགས་ཀླུ་འབུམ་ལྕགས་མཆུ་འདོན། །ཀླུ་བཅོས་མཚོ་སྨན་གུར་མདོས་བྱ། །ཕྱག་རྡོར་དབང་ཞུ་རྟ་ལུག་སྦྲུལ། །བྱ་སྤྲེལ་གླང་ལུག་ལོ་བབ་ངན། །གིན་ནི་ཆུ་བོ་དར་ཆགས་གཉན། །མཁར་ལས་འཁོན་བར་བན་བོན་སྤང་། །ཤར་ལྷོ་ཕྱོགས་བསྲུང་རི་རབ་ཟོམ། །གླང་རུ་ལུང་བསྟན་བརྒྱད་སྟོང་འབུམ། །མཆུ་གསུམ་གཙུག་ཏོར་གཏོར་མ་བཏང་། །སྤྱི་གླིང་བཞི་མདོས་ཚེ་ཆོག་སཱཙྪ་གདབ། །གུར་དྲག་དབང་ཞུ་གཤེད་བཞི་དང་། །སྟག་ཡོས་རྟ་སྦྲུལ་ཕག་ལོ་བ། །བྱ་སྤྲེལ་བབ་ན་ཤིན་ཏུ་རྩུབ། །ཟིན་བབས་ཤིང་རྩི་ཁ་འབུར་གཉན། །ཤིང་གཉན་གཅོད་དང་རྡོ་གཉན་གཤོག །ཤིང་འདྲེན་ཤིང་བཟོའི་ལག་ཆ་འཛེམ། །ཕྱོགས་ངན་ནུབ་དང་ནུབ་བྱང་བསྲུང་། །སྡོང་རྒྱན་ཉི་ཁྲི་ལྟུང་བཤགས་དང་། །གཟུངས་འདུས་སྟག་ཞུས་མཚན་བརྗོད་འདོན། །བརྟན་མདོས་མ་ཀླུ་མདོས་ཆབ་གཏོར་བཏང་། །མི་གཡོ་ལོ་གྱོན་མའི་དབང་ཞུ། །བྱ་སྤྲེལ་བྱི་ཕག་གཤེད་བཞི་དང་། །སྟག་ཡོས་ལོ་བ་ཁྱད་པར་རྩུབ། །ཟོན་ནི་རི་འཁྱགས་བདུན་པའི་བཅོ་བརྒྱད་ཀླུང་འཁྱགས་གཉན། །རྩ་སྤྱིལ་འཇིག་དང་བག་མ་མནའ། །ཡུ་གཟའ་གསེར་དངུལ་སྐྱོན་ཅན་འཛེམ། །ཕྱོགས་ནི་བྱང་ཤར་ལྷོ་ནུབ་བསྲུང་། །བརྒྱད་སྟོང་གཙུག་ཏོར་རིམས་བཟློག་གཟུངས། །ཤེས་རབ་ཁྲི་བ་ཁྲག་མདོས་བཏང་། །ཆུ་གཏོར་བྱིས་སྟོན་རྒྱལ་བསེན་བཅོས། །ཡུམ་ཆེན་ཀུན་རིག་དབང་ཡང་ཞུ། །སྟག་ཡོས་བྱ་སྤྲེལ་གཤེད་བཞི་དང་། །བྱི་ཕག་རྟ་སྦྲུལ་ལི་ལོ་ཡིན་ནམ་དཔྱད་ ― MR12_Page_0805 ―
[མ་དཔེ་གཟིགས་ན་འདིར་གནོན།]
བབ་གཟན། །སྤར་ཁ་སྲོག་མ་བབས་པ་ན། །གནམ་སྒོ་སྲོག་བུ་ས་སྒོ་ཡིན། །ཀུན་གྱི་གནམ་སྒོ་ཁེན་ཡིན་ལ། །ས་སྒོ་ཁོན་ཡིན་རང་གཏོ་བསྐྱེད། །སྤར་ཁའི་བཟང་བཞིའི་ཕྱོགས་བཟང་ཞིང་། །ངན་བཞི་ངན་པའི་འཛེམ་བྱ་གནད། །སྤྱིར་ནི་གཟའ་ཚང་སྤར་ཁ་དག །ལི་སོགས་སོ་སོར་མང་སྤུངས་བ། །ཕྱོགས་བཞིར་སྤུངས་པ་མདེལ་བར་དང་། །མཚམས་བཞིར་སྤུངས་པ་མདེལ་རྩེ་ཡིན། །ཤར་གསུམ་ནུབ་གསུམ་གདགས་སྲིབ་བྱེ། །ལྷོ་བྱང་སྤུངས་པ་བྱེ་བྲལ་དང་། །སྟོད་གསུམ་བབས་པ་འདོམ་འཇལ་ཏེ། །སྨད་གསུམ་གྱང་ལག་ལྷུང་ཞེས་དང་། །གཡས་གསུམ་ཁ་ཡོལ་གཡོན་གསུམ་བབས། །ངོ་མ་སྙོམ་ཞིང་དེ་དག་ངན། །བརྒྱད་པོ་ཀུན་བབས་རྒྱ་སྒོ་འགག །གཅིག་བྱེ་བདུད་ཀྱི་སྒོ་མོ་བྱེ། །གཞན་ཡང་ལི་ཁམ་དྭ་ཁེན་གཉིས། །ཁེན་ཟིན་གིང་ཁོན་ཁེན་ཁོན་གཉིས། །ལི་ཁེན་ཁོན་ཁམ་ལི་དྭ་གཉིས། །གིང་ཟོན་ཁེན་ཁམ་ཁོན་ཟོན་གཉིས། །གིང་ཁེན་རྣམས་ཏེ་གཉིས་རེག་དག །གཟའ་མི་སོ་སོར་སྤུངས་པ་ངན། །དེ་ལྟར་སྤུངས་ཆར་དེ་རྣམས་ལ། །སྤར་ཁ་རང་རང་རིམ་གྲོ་འབད། །སྲོག་དགྲའི་སྤར་བབས་གནམ་གྱི་ལོ། །དགྲ་གཤེད་ཤར་པ་འཛོལ་རྡིབ་ཡིན། །ཚེ་ཆོག་བླ་བསླུ་དགྲ་བཟློག་བྱ། །སྨེ་བ་གཅིག་དཀར་མ་བབས་ན། །མི་གཙང་རོ་བག་འཁོན་རིགས་འཛེམ། །གསེར་འོད་ལང་གཤེགས་ཁྲུས་བསྐང་བཤགས། །རྒྱལ་པོ་གནམ་ཐིལ་བཙན་མདོས་རྒྱལ་བསྲུང་འདོགས། །གཉིས་ནག་སྐྱས་ནག་ཁང་ལས་འཛེམ། །ཏོག་གཟུངས་གཙུག་ཏོར་དཀར་ནག་འབུམ། །བཀླག་ཅིང་མ་ ― MR12_Page_0806 ―
[མ་དཔེ་གཟིགས་ན་འདིར་གནོན།]
བདུད་གླུད་མདོས་ཐོང་། །མལ་ས་སྤོ་ཞིང་བརྒྱ་བཞི་བྱ། །གསུམ་མཐིང་མཁར་ལས་སྐྱས་ནག་བསྲུང་། །ཤེར་ཕྱོགས་གཙུག་ཏོར་སཱཙྪ་འདེབས། །མཚོ་སྨན་མདོས་དང་བརྒྱ་བཞི་བྱ། །བཞི་ལྗང་མནའ་བཀར་ས་སྒོ་དང་། །ཤིང་གཉན་གཅོད་སྤངས་ཆུ་གཏོར་བཏང་། །ཀླུ་འབུམ་མཚོ་སྨན་མདོས་ཀྱང་བྱ། །ལྔ་སེར་དཀོར་རྫས་བཙུན་ཧྲུལ་འཛེམ། །གཙུག་ཏོར་མཚན་བརྗོད་གྲྭ་ལྔ་འདོན། །མ་རྒྱལ་མདོས་རྫོང་སཱཙྪ་འདེབས། །དྲུག་དཀར་རོ་བག་མི་གཙང་གཟབ། །ཁྲུས་དང་གྲིབ་སེལ་སྐོང་བཤགས་དང་། །ཉི་ཁྲི་སྤང་སྐོང་བྱིས་སྟོན་བྱེད། །བདུན་དམར་གཏར་བསྲེག་མནའ་སར་འཛེམ། །ཤེར་ཕྱོགས་འདོན་ལ་བཙན་མདོས་རྫོང་། །བརྒྱད་དཀར་འཁོན་གྲིབ་རོ་བག་འཛེམ། །ལྷས་ཞུས་མདོ་འདོན་སྐོང་བཤགས་དང་། །ལྷ་མཚུན་གསོལ་ལ་ཁྲུས་ཀྱང་བྱ། །དགུ་དམར་ནད་དང་དམར་ལས་གཟབ། །གཡང་སྐྱབས་རྒྱལ་མདོས་མ་བཙན་མདོས། །དེ་ནས་སྨེ་བའི་ཀེག་ཕྲན་བཞི། །བབས་སྨེ་གནམ་སྨེར་སོང་ཁང་ཀེག །ནད་ངོ་ཡོད་པས་གསེར་འོད་འདོན། །སྐྱེས་སྨེ་བབས་ནམ་ལ་ཀེག་སྟེ། །མལ་ས་དང་ནི་སྒྱེད་པུ་སྤོ། །སྤྱི་དགོས་གཉིས་འདེ་གནམ་སྨེ་དང་བབས་སྨེ་གཉིས་ཀར་བརྩི་ནག་ལ་བབས་ན། །ཡུལ་ཀེག་སྨེ་བཅོས་སོ་སོར་སྦྱར། །སྐྱེས་སྨེའི་དགྲ་རུ་བབས་སྨེ་སོང་། །རྒྱ་འགགས་ངར་གླུད་ཕྱོགས་དེར་བཏང་། །སྨེ་ཀེག་སོ་སོར་རང་གཏོ་སྦྱོར། །སྨེ་བའི་གནམ་སྒོ་དྲུག་དཀར་དང་། །གཉིས་ནག་ས་སྒོ་སྤྱི་དང་ནི། །ཁྱད་པར་ཕོ་ཡིའོ་མོ་གནམ་ནི། །གཅིག་དཀར་ས་སྒོ་བཞི་ལྗང་ཡིན། །གསང་བ་དར་གུད་སྲོག་ལུས་དང་། །དབང་ཀླུང་བཞི་ཀ་གནམ་ལོར་གཏུག ། ― MR12_Page_0807 ―
[མ་དཔེ་གཟིགས་ན་འདིར་གནོན།]
བཟང་དྲུག་བཟང་ལ་ངན་དྲུག་ངན། །ཁྱད་པར་ན་ཤི་དུར་གསུམ་ངན། །སྲོག་གུད་ཆོ་ཕྱོགས་ཆོག་བླ་བསླུ་དང་། །ལུས་གུད་མཆོད་རྟེན་ན་བཟའ་གསོལ། །དབང་གུད་ནོར་སྒྲུབ་གཡང་སྐྱབས་དང་། །ཀླུང་གུད་དགྲ་མནན་སཱཙྪ་གདབ། །དེ་ནས་དགུ་མིག་དུར་མིག་བཤད། །དགུ་མིག་ལ་ཡང་རྣམ་པ་དྲུག །དང་པོ་རྐྱང་པའི་དགུ་མིག་ནི། །དགུ་དང་བཅོ་བརྒྱད་ལ་སོགས་ཡིན། །ཁྱད་པར་སྐྱེས་པ་ལོ་དགུ་དང་། །སོ་དྲུག་རེ་གསུམ་བུད་མེད་ནི། །བཅོ་བརྒྱད་ང་བཞི་ཞེ་ལྔ་གསུམ། །མི་གྲངས་མཚང་ཆེན་དགུ་མིག་ཡིན། །ཕོ་མོའི་མཚང་ཆེན་གསུམ་པ་ནི། །ཁྱིམ་གཅིག་ཚོང་ན་རོ་ཡོང་ངེས། །གཉིས་པ་ཁུག་པའི་དགུ་མིག་ནི། །ཤིང་ཕོ་བྱི་ནས་བྱི་ཕག་དང་། །གཤེད་བཞི་དེ་རྣམས་གྱེན་དུ་བགྲང་། །མེ་མོ་ཡོས་ནས་སྟག་ཡོས་བསྐོར། །ལྕགས་ཕོ་རྟ་ནས་རྟ་སྦྲུལ་དང་། །ཆུ་མོ་བྱ་ནས་བྱ་སྤྲེལ་བསྐོར། །དགུ་དང་ཉེར་གཅིག་སོ་གསུམ་དང་། །ཞེ་ལྔ་ང་བདུན་རེ་དགུ་དང་། །གྱ་གཅིག་དེ་རྣམས་སྦྲག་མ་ཡིན། །རང་རང་དུར་དུ་ཞུགས་པས་སོ། །གསུམ་པ་སྤར་ཁའི་དགུ་མིག་ནི། །སྐྱེས་པ་ཡི་དང་བུད་མེད་ནི། །ཁམ་ལ་སླེབ་པའི་དུས་སུ་ཡིན། །བཞི་པ་སྨེ་བའི་དགུ་མིག་ནི། །སྐྱེས་སྨེའི་སྟེང་དུ་བབས་དུས་ཡིན། །ལྔ་པ་རུས་ཁམས་ཇི་བཞིན་མ་ཤེས་ན་སྐྱེས་སྨེའི་ཚབ་རུང་ཙམ། ཁམས་དགུ་མིག་ནི། །ས་ཆུ་ཁམས་པ་ཤིང་བྱི་ནས། །ཁུག་པའི་དགུ་མིག་བཞིན་དུ་བརྩི། །དྲུག་པ་དུར་འདོམ་དགྲ་འདོམ་ནི། །སྐྱེས་པ་སྟག་༢༤༣༦༤༥༥༤༦༣༨༧༩༠ཡོས་བཅོ་བརྒྱད་ཁོན། །གཤེད་བཞི་བྱི་ཕག་དོན་གཉིས་ཟོན། །བྱ་སྤྲེལ་ང་བཞི་གིན་དང་ནི། །རྟ་སྦྲུལ་སོ་དྲུག་ཁེན་ལ་བབས། ། ― MR12_Page_0808 ―
[མ་དཔེ་གཟིགས་ན་འདིར་གནོན།]
བུད་མེད་རྟ་སྦྲུལ་བཅོ་བརྒྱད་ཁེན། །སྟག་ཡོས་སོ་དྲུག་ཁོན་ལ་བབས། །གཤེད་བཞི་བྱི་ཕག་ང་བཞི་ཟོན། །བྱ་སྤྲེལ་དོན་གཉིས་གིན་ལ་བབས། །སྤར་ཁའི་དུར་དང་རྐྱང་པ་ཡི། །དགུ་མིག་འཛོམ་ན་ཤིན་ཏུ་གཉན། །སྐྱེས་པ་སྟག་ཡོས་ཉེར་བདུན་དྭ། །དགྲ་འདོམ་ཡིན་ཅིང་ཁྱད་པར་དུ། །ཤིང་གི་སྟག་ཡོས་གཉིས་ལ་རྩུབ། །དེ་བཞིན་རྟ་སྦྲུལ་ཞེ་ལྔ་ཁམ། །བྱ་སྤྲེལ་གྱ་གཅིག་ལི་དང་ནི། །བྱི་ཕག་བཅོ་བརྒྱད་ཁོན་ལ་རྩུབ། །གཤེད་བཞི་རེ་གསུམ་ཟིན་ལའོ། །ཁྱད་པར་འབྱུང་དགྲ་ཅན་ལ་རྩུབ། །བུད་མེད་བྱ་སྤྲེལ་ཞེ་ལྔ་ཡི། །ཁྱད་པར་ལྕགས་ཀྱི་བྱ་སྤྲེལ་རྩུབ། །བྱི་ཕག་སོ་དྲུག་ཁོན་དང་ནི། །སྟག་ཡོས་ཉེར་བདུན་དྭ་དང་ཡང་། །རྟ་སྦྲུལ་གྱ་གཅིག་ཁམ་ལ་བབས། །གཤེད་བཞི་རེ་གསུམ་ཟིན་ལའོ། །དགྲ་གཤེད་ཁྱད་པར་རྩུབས་ཤེས་བྱ། །དུར་མིག་ལ་ནི་རྣམ་པ་གཉིས། །ཕྱི་དུར་ཁུག་པའི་དགུ་མིག་བཞིན། །བརྩིས་པས་ཤིང་དུར་ལུག་དང་ནི། །མེ་དུར་ཁྱི་ལ་ལྕགས་དུར་གླང་། །ས་ཆུ་འབྲུག་ལ་དུར་དུ་ཞུགས། །དེ་ལའང་རང་དུར་ཆེ་ཆུང་གཉིས། །གཤེད་དུར་གཉིས་དང་བཞི་རེ་ཡོད། །རང་དུར་རང་དང་གཤེད་དུར་ནི། །དཔེར་ན་ཤིང་བྱི་ལོ་རང་དུར་ཆེ་བ་ཤིང་འབྲུག་དང་ཆུང་བ་ཤིང་ཁྱི། གཤེད་དུར་ཆེ་བ་ལྕགས་འབྲུག་ཆུང་བ་ལྕགས་ཁྱི་ལྟ་བུའོ། །འདི་ཁུག་པའི་དགུ་མིག་དང་གནམ་ལོ་གཉིས་ཀར་བརྩི་དགྲ་ལ་བཙལ་བས་ཤེས་པར་འགྱུར། །ནང་དུར་སྤར་ཁ་དག་ལ་བརྩི། །སྟག་ཡོས་ཁོ ན་དང་རྟ་སྦྲུལ་ཁེན། །བྱ་སྤྲེལ་གིང་ལ་བྱི་ཕག་དང་། །གཤེད་བཞི་ཟོན་ལ་དུར་དུ་ཞུགས། །ད་ནི་དགུ་མིག་བཅོས་ཐབས་བསྟན། །མར་མེ་ལྷ་བཤོས་སཱཙྪ་དང་། །གཙུག་ཏོར་ཆུ་གཏོར་དགུ་གྲངས་སམ། །ཕོ་ལ་མདའ་དང་མོ་ལ་འཕང་། །ལོ་གྲངས་ ― MR12_Page_0809 ―
[མ་དཔེ་གཟིགས་ན་འདིར་གནོན།]
ཁྲམ་བཏབ་ལ་བཙས་འཛུགས། །རྡོ་དགུ་བརྩེགས་ལ་ཕྱག་དགུ་བཙལ། །ན་ཤི་དགུ་མིག་ཐར་རོ་བརྗོད། །ཡང་ན་སྐས་མིག་དགུ་ལ་འཛེགས། །ཐར་རོ་ཞེས་བྱ་མི་ཁ་དགུ། །ནུབ་བསྐྱལ་ཐུབ་ཅེས་དུར་མིག་ལ། །དུར་ཁ་རྒྱས་འདེབས་དུར་མཚུན་གསོལ། །འཆི་བསླུའི་ཆོ་ག་ཆེ་ཆུང་སོགས། །ཟབ་བཅོས་ཕན་གཏོ་དང་དུ་ལོང་། །ལས་ཉོན་དབང་གིས་བསྐྱེད་པའི་སྒྱུ་ལུས་འདི། །གྲུབ་ཙམ་སྡུག་བསྔལ་གསུམ་གྱི་གཞི་རྟེན་ཕྱིར། །ནད་གདོན་བགེགས་ཚོགས་སྐྱེ་རུང་གནས་པ་ཉིད། །གནོད་དང་མི་གནོད་རྒྱུ་རྐྱེན་འཛོམས་ལ་རག །འདི་ལྟའི་མན་ངག་ལ་བརྟེན་ལྐོག་གྱུར་རྣམས། །མཐོང་བཞིན་བླང་དོར་འབད་པས་གནས་སྐབས་ཀྱི། །སྡུག་བསྔལ་ཞི་ནས་བདེ་བ་བསྒྲུབ་ནུས་པ། །རྩིས་ཀྱི་ལེགས་བཤད་འདི་ཡི་དགོས་འབྲས་ཡིན། །ཞེས་ནག་རྩིས་ཀྱི་རབ་ཏུ་བྱེད་པ་ལས། ཀེག་རྩིས་འཆི་མེད་བཅུད་ལེན་ཞེས་པ་འདིའང་། དྲུང་མཁས་པ་རཏྣའི་ཟིན་བྲིས་ལ་གཞུང་གཞན་ནས་ཅུང་ཟད་བསྣན་ཏེ་ཤིན་ཏུ་གསལ་བ་དྷཱིཿམིང་པས་བྲིས་པ་དགེ་ལེགས་འཕེལ། ། ནག་རྩིས་ཀྱི་རབ་ཏུ་བྱེད་པ་ལས་གཤིན་རྩིས་ཕན་བདེ་མྱུར་སྟེར།― MR12_Page_0811 ―
[མ་དཔེ་གཟིགས་ན་འདིར་གནོན།]
ནག་རྩིས་ཀྱི་རབ་ཏུ་བྱེད་པ་ལས། གཤིན་རྩིས་ཕན་བདེ་མྱུར་སྟེར་ཞེས་བྱ་བ་བཞུགས་སོ། ། ― MR12_Page_0812 ―
[མ་དཔེ་གཟིགས་ན་འདིར་གནོན།]
བླ་མ་འཇམ་དབྱངས་ལ་བཏུད་ནས། །གཤིན་རྩིས་མདོར་བསྡུས་འདི་ན་འཆད། །དབྱེ་ན་གསོན་ཁོག་གཤིན་ཕྱུང་བའི། །རྡེའུ་ཉི་ཤུ་འབོར་བ་དང་། །དེ་ནས་གཤིན་གྱི་དུར་ཤིད་ཀྱི། །རྡེའུ་བརྒྱ་དང་གོ་དགུ་བཅས། །སྤྲོས་པར་འདོང་ན་བཻ་དཀར་སོགས། །ཚད་ལྡན་གཞུང་ལས་ལེན་པར་འཚལ། །འདི་ཉིད་ཡུལ་དུས་དང་འཚམས་པའི། །ལག་ལེན་སྙིང་པོར་དྲིལ་བ་ནི། །ལོ་༡ཟླ་༢ཞག་༣དུས་༤སྤར་༥ སྨེ་༦དང་། །གཟའ་༧སྐར་༨དུར་༩ལྔ་གཤིན་གྱི་ལས། །ས་བཅད་རྣམ་པ་དགུ་ཡིས་བསྟན། །དང་པོ་གཤེད་བཞི་ལོ་པ་ཞིག །ལོ་ཟླ་གཤེད་བཞི་གཅིག་དང་འདོམ། །ཟོན་ཤི་དུར་ལོག་ཅེས་ཏེ་ངན། །དེ་ལ་རིམ་འགྲོ་གཤེད་གཏོ་དང་། །སྤར་དེའི་བཅོས་ཀ་གནད་སྨིན་བྱ། །གཤིན་པོ་ལྕགས་བཞི་མེ་བརྒྱད་གཅིག །ལོག་མེན་ལྕགས་བཞི་མེ་བརྒྱད་དང་། །གནམ་ལོ་ལྕགས་བཞི་མེ་བརྒྱད་པོ། །གང་རུང་འདོམ་ན་འཕྲལ་ལ་ངན། །དུར་བཅོས་ཤི་སྒབ་ ― MR12_Page_0813 ―
[མ་དཔེ་གཟིགས་ན་འདིར་གནོན།]
བཅད་གཏོ་བྱ། །གཞན་ཡང་འདི་ལྟར་འཆད་པ་ཡོད། །གླང་སྟག་གིན་དང་འབྲུག་སྦྲུལ་ཟོན། །ལུག་སྤྲེལ་ཁོན་ལ་བྱི་ཕག་ཁེན། །ཤིན་གཤིན་ལག་གསོན་གཡོ་བ་ཟེར། །ཁམས་དགྲའི་གཟའ་གྱོད་གུད་ན་འགྲམ། །རྒན་རྒོན་མཐུན་གསུམ་ཤི་ན་འགྲམ། །དར་མ་བདུན་ཟུར་ཤི་ན་འགྲམ། །བྱིས་པ་བཞི་གཤེད་ཤི་ན་འགྲམ། །གཅིག་སྐྱེས་གཅིག་གཅིག་དཀར་ལ་སྐྱེས་གཅིག་དཀར་ལ་ཤི་བ་ལྟ་བུའོ་ལ་ཤི་ན་འགྲམ། །གང་ལ་ཟློས་དང་འགྲམ་པ་ནི། །རང་གི་ལོ་དང་བདུན་ཟུར་དང་། །གདན་ས་གཅིག་དང་ཐད་དགྲ་དང་། །མཐུན་གསུམ་སྤྱི་ཆག་གང་ཆེར་ཟློས། །དུས་དེར་ཀེག་ཐོག་བབ་པ་ཡིན། །གསོན་དེའི་སྤར་སྨེའི་རིམ་གྲོ་བྱ། །དེ་བཞིན་ལོག་མིན་སྤར་སྨེ་གསུམ། །ཁམས་མཐུན་འབྱུང་ལྔའི་འབོད་སྒོ་ཡིན། །ས་ཤིང་འབོད་སྒོ་མཁར་ལ་ངན། །མེ་ཡི་འབོད་སྒོ་ཁྱིམ་མེས་འཆོར། །ཆུ་ཡི་འབོད་སྒོ་ཆར་རླུང་འབབས། ། ― MR12_Page_0814 ―
[མ་དཔེ་གཟིགས་ན་འདིར་གནོན།]
ལྕགས་ཀྱི་འབོད་སྒོ་འཁྲུགས་རྩོད་བྱེད། །གཞན་ཡང་དགུ་མིག་སྟེང་ཤི་དང་། །རང་ལོའི་སྟེང་དུ་ཤི་བ་འགྲམ། །བདུན་ཟུར་དགྲ་ཐོག་ཤི་བ་དང་། །བཞི་གཤེད་སྟེང་དུ་ཤི་བ་འཁྲུགས། །དེས་ནི་ཕ་ཁུ་ཆེ་རིམ་ངན། །མི་རྒན་བཅུ་གསུམ་སྟོན་མོ་བྱ། །གསུང་རབས་སཱཙྪ་དཀར་ཆོས་འབད། །ཟླ་བ་འབྲུག་གི་ཟླ་བར་ཤི། གླང་ལོ་བ་ངན་སྦྲུལ་ཟླར་ཤི། སྤྲེལ་ངན་རྟར་ཤི་ཡོས་ལ་ངན། །དེ་སོགས་ཕོ་ཟླས་ཡར་བཞི་དང་། །མོ་ཟླས་མར་བཞི་ལོ་པར་ངན། །ཡང་གཅིག་ཟླ་བའི་འགྲམ་འཁྲུགས་ནི། །གཤིན་པོའི་ལོ་རུས་ཟླ་བ་ཡི། །སྟེང་དུ་ཤི་ན་འགྲམ་པ་ཡིན། །བདུན་ཟུར་དང་ནི་བཞི་གཤེད་ཀྱི། །ཟླ་བར་ཤི་ན་འཁྲུགས་པ་ཡིན། །མ་དང་བུ་མོ་འབྲིང་རྒྱུད་ངན། །རྒན་མོ་ལྔ་ལ་སྟོན་མོ་བྱ། །ཀླུ་བཅོས་རིགས་དང་ས་སྒོ་བཅོས། །ཡང་ན་གླང་ཉིས་སྤུན་ཟླར་ངན། །མདོ་སྡེ་བཀླགས་ལ་སྟག་ཉི་ལ། །རྩུབ་པས་སྲི་མནན་ཡོས་ཉི་ལ། །བྱིས་པ་ལ་ངན་འབྲུག་ཉི་ཡིས། །ཁྱོ་ཤུག་ནོར་ངན་ཕུང་སྲི་མནན། །སྦྲུལ་ཉིས་རྒན་རྒོན་རྟ་ཉིས་ནི། །དམེ་འཁྲུགས་ཟློས་ཡོད་ཁྲུས་ལྷ་སེལ། །ལུག་ཀྱང་ཟློས་ཡོད་སྤྲེལ་གོད་འགྲམ། །དེ་ལས་གཞན་ལ་བཤད་པ་མེད། །ར་བ་བཞི་ཡི་ཚེས་དྲུག་ཤི། གནམ་དུར་གནམ་ལ་རོ་མི་བསྟན། །འབྲིང་བཞིའི་བཅུ་དྲུག་བར་དུར་ལ། །རོ་མི་བསྲེག་དང་ཐ་ཆུང་བཞི། །ཉེར་དྲུག་ས་དུར་སར་མི་སྦ། །སྟོང་དང་ཉི་ལྡོག་ལྷག་པར་གཉན། །དེ་ནས་ཞག་གི་འགྲམ་འཁྲུགས་ནི། །གཤིན་པོའི་ལོ་རུས་ཉི་མ་ལ། །ཤི་ན་འགྲམ་ཡིན་བདུན་ཟུར་དང་། །བཞི་གཤེད་སྟེང་དུ་ཤི་བ་འཁྲུགས། ། ― MR12_Page_0815 ―
[མ་དཔེ་གཟིགས་ན་འདིར་གནོན།]
ཆུང་བརྒྱུད་བྱིས་པ་སོགས་ལ་ངན། །བྱིས་པ་ལྔ་ལ་སྟོན་མོ་བྱ། །བསྐང་བཟློག་མདོས་དང་ཚེ་མདོ་བཀླག །ས་སྒོ་བཅད་ལ་ལམ་འཕྲང་བཅོས། །དུས་ཚོད་ཡོས་ལ་ཤི་བ་ན། །བྱིས་པ་ཆུང་ངན་ཁྱི་དུས་སུ། །གཞོན་ནུ་ཤི་ན་བཟློག་པར་བྱ། །དུས་ཚོད་འགྲམ་འཁྲུགས་གཤིན་པོ་ཡི། །ལོ་རུས་དུས་ཚོད་སྟེང་ཤི་འགྲམ། །བདུན་ཟུར་བཞི་གཤེད་སྟེང་ཤི་འཁྲུགས། །ཟས་ནོར་ལ་ངན་ནོར་སྒྲུབ་དང་། །གཡང་སྒྲུབ་རིགས་དང་གོད་མནན་བྱ། །ལི་ལ་ཤི་བ་མིག་ལོང་ཞེས། །གཙུག་ཏོར་ལྷ་མོ་རོལ་པ་དང་། །རྣམ་འཇོམས་ཚེ་གཟུངས་མདོ་སྡུད་འདོན། །བཙན་མདོས་གླིང་བཞི་སྤྱི་མདོས་བྱ། །བྱི་ཕག་ཤི་ན་བསྲེག་མི་རུང་། །ཆུ་དུར་ཚེ་མདོ་སྦྱིན་སྲེག་བྱ། །རྟ་སྦྲུལ་ཤི་ན་ཁོག་འགྲམ་སྟེ། །དེ་ལ་རང་གཞུང་བཅོས་རིམ་བྱ། །བྱ་སྤྲེལ་ཤི་ན་དཔྲལ་བ་ཡི། །མ་ཚོར་མིག་ཚིལ་འདོན་ཞེས་བཤད། །གཙུག་ཏོར་གདུགས་དཀར་སྟོང་ཟློག་བྱ། །ལོག་མེན་དབང་ཐང་མེ་བར་བབས། །རོ་ཡི་ཁ་ཡར་ཟློས་པའོ། །ཁོན་ཐོག་གང་ཤི་རྒྱབ་རི་ཉིལ། །བགྲེས་མོས་ཞུས་མདོ་ཕལ་བོ་ཆེ། །ལངྐར་གཤེགས་པ་ལོ་གྲངས་སྒྲོགས། །གཏོར་མ་བརྒྱ་བཞི་ས་སྒོ་བཅད། །གླང་ལུག་ཤི་འགྲམ་དུར་སྒོ་བཅད། །འབུམ་དང་འཆི་བསླུ་དུར་ཁ་བཅད། །སྟག་ཡོས་དུར་འགྲམ་དུར་སྲི་མནན། །བྱི་ཕག་ཤི་ན་སྒོ་བྲལ་ཞེས། །འབུམ་ཆེན་སྡེ་ལྔ་འུར་འདོན་བྱ། །བྱ་སྤྲེལ་ཤི་ན་དུར་ཆུང་འགྲམ། །དྭ་ལ་གང་ཤི་སྙིང་འགྲམ་ཞེས། །འདི་ལ་སུ་ཤི་ཤིན་ཏུ་འགྲམ། །མཚན་ ― MR12_Page_0816 ―
[མ་དཔེ་གཟིགས་ན་འདིར་གནོན།]
བརྗོད་ཏོག་གཟུངས་ལོ་གྲངས་དང་། །དབང་ཆེན་རྒྱལ་མདོས་དམ་སྲི་བཀར། །བྱ་སྤྲེལ་ཤིའམ་སྟག་ཡོས་ཤི། །ས་བདག་སེར་པོ་སྙིང་འགྲམ་སྟེ། །ཕལ་ཆེན་རྡོ་རྗེ་མཆུ་གཟུངས་དང་། །ཤ་རུ་བཙན་མདོས་གྲི་བྲུབ་དང་། །རྒྱལ་རོལ་ཁྱེའུའི་ཞུས་མདོ་འདོན། །གྲི་ཁ་མཚོན་བསྒྱུར་བདུད་མདོས་བྱ། །ཁེན་ལ་ཁྱི་འབྲུག་ཤི་ན་འགྲམ། །ལྕགས་མཆུ་ཕལ་ཆེན་དབང་ཆེན་འདོན། །རྟ་སྦྲུལ་དུར་འགྲམ་བྱི་ཕག་ཆུང་། །གསེར་འོད་ཏོག་གཟུངས་གཟུངས་འདུས་འདོན། །གསས་མཁར་བསྟོད་ཅིང་གནམ་སྒོ་བཅད། །གནམ་ཐིལ་དང་ནི་རྒྱལ་མདོས་བྱ། །ཁམ་ལ་རྟ་སྦྲུལ་ཤི་ན་འགྲམ། །སྣང་བརྒྱད་ཀླུ་མཆོད་ཀླུ་གཏོར་བྱ། །བྱི་ཕག་ཤི་ན་ཁོག་འགྲམ་ཡིན། །སྤྲིན་ཆེན་སྟོབས་ཆེན་ཀླུའི་སྦངས་སྐོང་། །གདོན་ཆེན་བཅོ་ལྔ་གུར་མདོས་བྱ། །ལོག་མེན་དབང་ཐང་ས་ཆུར་བབས། །རོ་ནི་ཁ་ཡར་མཚམས་པ་ཡིན། །གིན་ལ་གླང་ལུག་ཤི་ན་འགྲམ། །ཆུ་གཏོར་རི་ཁྲུས་བརྟན་མའི་མདོས། །རི་རབ་བརྩེགས་མདོས་ཚེ་ཆོག་བྱ། །བྱ་སྤྲེལ་དུར་གཤེད་ཆེ་བར་འགྲམ། །གྲ་ལྔ་མདོ་ཐིག་རི་རབ་ཟམ། །གླང་རུ་ལུང་བསྟན་ཕར་ཕྱིན་འདོན། །སྟག་ཡོས་དུར་ཆུང་སྲོག་བསླུ་བྱ། །ཟིན་ལ་གཤེད་བཞི་ཤི་ན་འགྲམ། །ཉི་ཁྲི་སྡོང་རྒྱན་སྟག་ཞུས་མདོ། །ཀླུ་གཉན་བཅོས་དང་གནོད་སྦྱིན་མདོས། །སྟག་ཡོས་སྙིང་འགྲམ་སྙིང་གཏེར་སྦ། །ལྗོན་ཤིང་ཚེ་གཟུངས་བློ་གྲོས་མདོ། །སྤང་སྐོང་བརྟན་མ་མོ་འདྲེའི་མདོས། །ས་བདག་སྙིང་དཀར་བཅོས་པ་བྱ། །ལོག་མེན་དབང་ཐང་ཤིང་ས་བབས། །རོ་ནི་ཁ་ཡར་ཟློས་པའོ། །ཟོན་ལ་ཤི་ན་སྙིང་སྟོང་སྟེ། །བུ་མོ་ཆེ་ངན་ ― MR12_Page_0817 ―
[མ་དཔེ་གཟིགས་ན་འདིར་གནོན།]
གདུགས་དཀར་དང་། །བརྒྱད་སྟོང་གྲ་ལྔ་གསེར་འོད་འདོན། །རྟ་སྦྲུལ་ཤི་ན་དུར་ཆུང་འགྲམ། །གཤེད་བཞི་བྱི་བ་ལོ་བ་ཤི། །དུར་འགྲམ་ཆེ་བ་ཞེས་ཏེ་ངན། །གཤེད་མདོས་དུར་སྲི་མནན་པ་དང་། །མ་ཏྲཾ་ཁྲག་མདོས་མགོ་གསུམ་བྱ། །དེ་ནས་དུར་ཁ་བཅད་ལུགས་ནི། །ལི་སོགས་རིམ་བཞིན་རྟ་ལུག་ར། །ཁྱི་ཕག་གླང་དང་བོང་བུ་མཛོ། །དེ་དག་སོ་སོས་བཅག་པར་བྱ། །སྨེ་བའི་སྒོ་ནས་འགྲམ་རྩིས་ནི། །དཀར་གསུམ་བྱིས་པ་ཆུང་ལ་འགྲམ། །གཉིས་ནག་གདོས་བདག་མནའ་མ་དང་། །བུ་སྲིང་ཡང་ན་གསུམ་མཐིང་ནི། །ཤིང་ཐུན་བུ་མག་ཚ་ཡུག་དང་། །ལྔ་སེར་ངོ་བདག་ཕོ་མོར་འགྲམ། །བདུན་དམར་ཤ་བ་མེ་ཁྱེར་དང་། །དགུ་དམར་རོ་བདག་ཞང་པོར་འགྲམ། །གཉིས་ནག་བདུན་དམར་སྤྱི་ཟློས་ཡིན། །སྲོག་སྨེའི་ཐོག་གམ་དགྲ་ཐོག་བབ། །སྐྱེས་སྨེའི་སྟེང་ཤི་ངན་པ་སྟེ། །སྨེ་བ་རང་རང་གཏོ་བཅོས་བྱ། །རེས་གཟའ་ཉི་མར་དགུ་ཟློས་ཡིན། །སྟེང་དུ་ཆུ་ཡི་འཁོར་ལོ་བྲི། །འོག་ཏུ་ཟླ་བའི་སྙིང་པོ་བཀོད། །ལག་པའི་གཟའ་ལ་ཕྱི་རུ་འདོན། །མིག་དམར་གསུམ་ཟློས་ལྷག་པ་ལ། །ཕོ་ཤི་བྲན་ངན་ཕུར་བུ་ལ། །ཕོ་ཤི་བུ་སྲིང་སྲིང་མེད་དང་། །མོ་ཤི་མག་ཚ་དག་ལ་ངན། །སྤེན་པ་ནོར་གཡང་ཉམས་པར་བཤད། །སྐར་མ་སྨིན་དྲུག་དྲུག་ལ་ངན། །བིལ་རྫི་གཡང་ཉམས་རྒྱལ་སྟོད་སྨད། །མི་ཡི་གཡང་ཉམས་རྟ་ཆེན་གྱིས། །སྔར་ཤིའི་གཞུག་ཆད་མ་ཤི་ན། །དུར་སྒོ་བྱེའོ་ནག་པ་ལ། །ཤི་ཁ་ཆོད་ཅིང་ས་རི་ལ། །གནམ་སྒོ་བྱེ་འོ་ས་ག་ལ། །ས་སྒོ་རལ་བ་ཡིན་ནོ་ཟེར། །ལག་སོར་བུད་མེད་རབ་ ― MR12_Page_0818 ―
[མ་དཔེ་གཟིགས་ན་འདིར་གནོན།]
འཆིའམ། །ཡང་ན་ཕྱུགས་ལ་གོད་ཁ་ལྡང་། །སོག་པས་གཅིག་ངན་བྲེ་གཡང་ཉམས། །སྒྲོག་གིས་ཡུལ་མི་རྟ་བོང་ངན། །ནམ་གྲུ་རྩིས་མཁན་དག་ལ་ངན། །ཐ་སྐར་ཡུལ་མི་གསུམ་ལ་ངན། །པྲ་ཉེ་ཚ་ཞང་གཉིས་ལ་ངན། །ཤར་སྐར་སྟ་གྲི་རོ་ཟླར་སྦ། །ལྷོ་སྐར་འབྲི་རྭ་ཆུས་བཀང་བཞག །ནུབ་སྐར་བྱང་བུ་མིག་དགུ་པ། །མེ་ལ་བསྲེག་པ་ལག་གཡོན་གཏད། །བྱང་སྐར་རོ་རྒྱབ་པདྨ་བྲི། །མཚམས་སྐར་རོ་སྣ་ཕུར་པས་བུག །གཞན་ཡང་སྐར་མས་ཁྱིམ་མཚེས་གཉན། །སྐར་ཆོག་བརྒྱ་བཞི་བྱ་བར་བཤད། །བརྒྱད་པ་དུར་ལྔ་བསྟན་པ་ནི། །བསྲེག་པ་མེ་དང་སྦ་བ་སར། །སྐྱེལ་བ་ཤིང་དང་སྒྲུབ་པ་ལྕགས། །སྐྱུར་བ་ཆུ་རུ་ཤེས་པར་བྱ། །མེ་ལ་བསྲེག་ཏུ་མི་རུང་བ། །བྱ་སྤྲེལ་ལོ་པ་ཁམས་ནི་ལྕགས། །སྤར་ཁ་དྭ་དང་སྨེ་དཀར་གསུམ། །རེས་གཟའ་པ་སངས་ནུབ་སྐར་དྲུག །ནད་མཛེ་གྲུམ་བུ་དམུ་ཆུ་དང་། །སྐྲན་དང་གན་ལྷོག་འབྲུམ་བུ་གྲིབ། །མཁྲིས་པ་ཤ་ཡ་མེར་མི་བསྲེག །ལོ་ནི་བྱི་ཕག་ཆུ་ཁམས་པ། །སྦར་ཁ་ཁམ་དང་སྨེ་ནག་མཐིང་། །རེས་གཟའ་ཟླ་ལྷག་བྱང་སྐར་དྲུག །དུད་པས་འཚུབ་དང་གླང་ལུག་བརྡུང་། །ཟས་ཀྱིས་གནང་དང་འཐིབ་གྲིར་ཤི། དགེ་བཤེས་བཙད་སྔགས་སར་མེ་སྦ། །སྟག་ཡོས་ཤིང་ཁམས་སྦར་ཁ་ཟིན། །སྨེ་བ་བཞི་ལྗང་གཟའ་ཕུར་བུ། །ཤར་སྐར་དྲུག་དང་མཛེ་གྲིབ་དམེ། །བན་བོན་སྔགས་པ་སྒྲུབ་པ་མིན། །རྟ་སྦྲུལ་མེ་ཁམས་སྤར་ཁ་ལི། །སྨེ་བ་དམར་གཉིས་གཟའ་ཉི་མིག །ལྷོ་སྐར་དྲུག་དང་མེས་ཚིག་དང་། །དམུ་ཆུ་སྐྲན་དང་ཆུས་ཁྱེར་ཞིང་། །གཅོང་ནད་འཁྲུ་ཅན་ཆུར་མི་བསྐྱུར། །གཤེད་བཞི་ས་ཁམས་ ― MR12_Page_0819 ―
[མ་དཔེ་གཟིགས་ན་འདིར་གནོན།]
སྤར་མཚམས་བཞི། །ལྔ་སེར་སྤེན་པ་མཚམས་སྐར་བཞི། །འགགས་གྲི་མཆེར་ནད་རྦབ་གྲི་སྨྱོ། །བོང་བུ་སྟག་གྲི་རིར་ལི་སྐྱེལ། །དགུ་པ་གཤིན་གྱི་ལམ་བསྟན་པ། །གཟའ་སྐར་ཚེས་དུས་ཕྱོགས་རུ་ཁུར། །སྣ་སེལ་རིམ་གྲོ་བཤད་པར་བྱ། །ཉི་མ་ལ་ནི་གཤིན་ལས་འབྲིང་། །རོ་བསྲེག་བྱ་བ་ཤིས་པ་ཡིན། །མིག་སྤེན་གཉིས་ངན་ལྷག་ཟླ་དང་། །པ་སངས་ཕུར་བུ་རྣམས་ནི་བཟང་། །སྐར་མ་བྲ་སྨིན་རོ་བསྲེག་བཟང་། །ལག་རྒྱལ་སྟོད་སྨད་སྣྲུབས་བྱི་བཞིན། །ཁྲུམས་སྟོད་ཁྲུམས་སྨད་རྣམས་བཟང་ཞིང་། །དབོ་དང་ཆུ་སྨད་འབྲིང་པོའོ། །ཚེས་གཅིག་གནམ་སྟོང་གཉིས་ལ་ནི། །ཤིན་ཏུ་ངན་པས་གཤིན་ལས་སྤངས། །ར་བཞིའི་ཚེས་དྲུག་འབྲིང་ཉེར་དྲུག །ཐ་བཞིའི་བཅུ་དྲུག་བརྒྱད་གསུམ་རྣམས། །དུར་གཤེད་དུར་སྒོ་རྣམས་ལ་སྤངས། །ཚེས་གཉན་རཱ་ཧུ་ཉི་ནག་དང་། །ཟིན་ཕུང་ལ་སོགས་འཛེམ་པར་བྱ། །དུས་ཚོད་རང་ལོ་བདུན་ཟུར་དུར། །གསོན་པོའི་ལོ་རྣམས་སྤང་བར་བྱ། །ཕྱོགས་ནི་ལོ་ཟླ་ཞག་དུས་ཀྱི། །ས་བདག་གཙང་ཕྱོགས་དག་དང་བསྟུན། །གཞན་ཡང་རང་ལོ་བདུན་ཟུར་དུར། །མཐུན་གསུམ་གསོན་པོའི་ལོ་རྣམས་སྤངས། །སྨེ་བ་དཀར་བཟང་སེར་པོ་འབྲིང་། །གཉིས་ནག་ཕྱོགས་སུ་རོ་མི་བཏང་། །ལིར་ཤི་བྱང་དང་ཟིན་ཤི་ནུབ། །དྭ་ཤི་ལྷོ་དང་ཁམ་ལྷོ་ནུབ། །མཚམས་རྣམས་ཤར་དུ་སྤང་བར་བྱ། །ཤི་ཁ་མ་ཆོད་དེ་རྣམས་དྲངས། །དེར་ཡང་དང་པོ་སྒོར་འདོན་དུས། །གཙང་བའི་ཕྱོགས་དེར་ཁ་གཏད་ནས། །གོམ་པ་བརྒྱད་ཅུའི་བར་དུ་ཁུར། །དེ་ནས་གང་བདེར་འདྲེན་པས་ཆོག །རོ་ཁུར་སྲོག་ལུས་དབང་ཀླུང་གིས། །གཤིན་ལ་བཅད་བཟང་ཚུར་ ― MR12_Page_0820 ―
[མ་དཔེ་གཟིགས་ན་འདིར་གནོན།]
བཅད་ངན། །ལོ་སྤར་གདན་གཅིག་དགྲ་གཤེད་སྤངས། །རོ་ཁུར་དེ་ཡིས་ཁུར་ཐུལ་པ། །རོ་འདོན་ཆེ་ཆུང་གཉིས་ལ་བབས། །སྲོག་གིས་ཐུབ་པ་རབ་ཏུ་བཟང་། །དེ་སྐབས་རྩིས་མཁན་བླ་རྡོ་ལྔ། །རང་འཐག་ཀ་བ་བོང་བ་དང་། །ཐེམ་པ་གཉིས་དང་སྒྱེད་པོ་དྲུག །དེ་ལ་ར་ཐུག་རྩེས་སར་ངན། །གཏོ་མཁན་བསྐྱེད་རྫོགས་ཏིང་འཛིན་གསལ། །གསེར་གྱི་སྐྱེམས་འབུལ་ཀུབ་ལ་བཏགས། །རུས་སྦལ་ཁོག་པ་ལུས་ལ་བཅང་། །སྒྲོ་མདངས་བྱི་དུར་མགོ་ལ་གཟེར། །དགུ་ཐུབ་བཙོད་དུ་ཐོགས་ཏེ་འགྲོ། །དེ་ཉིན་སྣ་སེལ་རིམ་གྲོ་ནི། །མཚན་བརྗོད་གདུགས་དཀར་གཟའ་སྐར་ཡུམ། །ཉེས་སེལ་མདོ་ཐིག་ཀེག་བཟློག་དང་། །སྟོབས་ཆེན་ཕྱིར་བཟློག་རྣམ་རྒྱལ་དང་། །སྣང་བརྒྱད་བཀྲ་ཤིས་བརྩེགས་པ་དང་། །གསེར་འོད་གཡང་འབོད་ནོར་རྒྱུན་གཟུངས། །མདོ་ཕྲན་ཅི་ནུས་བཀླག་པ་དང་། །དཀར་གཏོར་གསེར་སྐྱེམས་ཆ་གསུམ་དང་། །སྒོམ་ཆིངས་འབྱུང་བཞི་ཨུར་ནོན་དང་། །སྲིད་པ་ཧོ་ཕྱག་འདོད་གསོལ་སོགས། །ལག་ལེན་ཤིན་ཏུ་གསལ་བ་གཅེས། །དུར་ལྔ་མི་རུང་བཅོས་པ་ནི། །བསྲེག་མི་རུང་བ་བསྲེགས་པ་ན། །ཆུ་སྐྱོགས་བརྒྱད་ཀྱིས་ཐ་མ་བསྐོར། །མི་དེ་ཆུ་ཁམས་བྱི་ཕག་ལོས། །མེ་ལྕེ་སྔོན་མ་ཆུ་སྣས་བསད། །ཆུ་སྣ་དགུ་བསྡུས་སྒོང་སར་བླུགས། །མེ་ཤི་བར་དུ་ཆད་མེད་དུ། །སྟེང་ནས་ཐིགས་པ་འཛག་པར་བྱ། །བསྲེག་པར་བཟང་ནས་སྦ་དགོས་ན། །མི་ཁ་གཞན་གཏད་བསྲེག་ཚུལ་བྱ། །སྦ་བར་བཟང་ནས་བསྲེག་དགོས་ན། །ཞག་གསུམ་ས་ཡིས་བྱིབས་ནས་བསྲེག །བསྒྲུབ་ ― MR12_Page_0821 ―
[མ་དཔེ་གཟིགས་ན་འདིར་གནོན།]
ཏུ་མི་རུང་བསྒྲུབ་པ་ན། །ལུས་ལ་མེ་བཙའ་བྱས་ནས་སྦ། །ཆུ་ལ་བསྐྱུར་དུ་མི་རུང་བསྐྱུར། །ས་སྣ་དང་ནི་སཱཙྪས་མནན། །སྦ་རུ་མི་རུང་སྦ་བ་ན་། །ཚེར་མ་ཅན་གྱིས་བྲན་ལ་བཏང་། །རི་སྐྱེལ་མི་རུང་སྐྱེལ་བ་ན། །ལྕགས་སྣ་ལྔ་དང་སྦྲགས་ལ་བཏང་། །བཅོས་སྒྲིབ་རྒྱས་པ་གཞན་ནས་ལོངས། །སྨྲས་པ། བླང་དོར་ཤེས་པའི་བློ་དང་སྟོན་པའི་ངག །མེད་ཀྱང་གསོན་གཤིན་དཀོར་ལ་ལག་བསྒྲེངས་ནས། །ཟ་འདོད་ལྕེ་གཡོ་ལྟོ་ན་མེ་འབར་པའི། །རོ་ཟན་བྱ་ཁྱིའི་མཆེད་ལ་འདིས་ཅི་མཁོ། །དེ་ལྟར་ན་ཡང་དོན་གཉེར་བློ་ལྡན་ལ། །ཕན་འདོད་སྟབས་བདེའི་ལེགས་བཤད་བཅུད་བསྡུས་འདི། །སྤེལ་བས་གནས་སྐབས་ཤེས་རབ་མིག་ཐོབ་ཅིང་། །མཐར་ཐུག་ཐམས་ཅད་མཁྱེན་པའི་རྒྱུར་གྱུར་ཅིག །ཅེས་ནག་རྩིས་ཀྱི་རབ་ཏུ་བྱེད་པ་ལས། གཤིན་རྩིས་ཕན་བདེ་མྱུར་སྟེར་ཞེས་བྱ་བ་འདི་ནི། མཁས་དབང་ཀརྨའི་གསུང་ལ་མཁས་པ་གཞན་གྱི་ལེགས་བཤད་ལས་ཅུང་ཟད་བསྣན་ཏེ་ཤིན་ཏུ་གསལ་བ་དྷཱིཿམིང་པས་བྲིས་པ་དགེ་ལེགས་འཕེལ། །དགེའོ། |
