བསྙེན་སྒྲུབ་ཀྱི་ཟིན་བྲིས།
ཟབ་ཆོས་པདྨ་དྲག་ཁྲོས་བསྙེན་སྒྲུབ་ཀྱི་ཟིན་བྲིས། བླ་མ་རྡོ་རྗེ་འཆང་ཆེན་པོ་དྲག་པོ་ཁྲོས་པའི་རྒྱལ་པོ་ལ་ཕྱག་འཚལ་ལོ། །འདི་ཉིད་བསྙེན་ཅིང་སྒྲུབ་པའི་མཛབ་བཟླས་རིམ་པ་ནི། རྩ་སྔགས་ཨརྩིག་འབྲུ་བཅོ་ལྔ་འབྲུ་འབུམ་སོགས་རབ་འབྲིང་ཐ་མའི་རྟགས་གཙོ་ཆེ། སྒྲུབ་པ་ལས་སྦྱོར་གྱི་རིམ་པ་ཨ་ཡ་མ་ནས་མཱ་ར་ཡ་ཕཊ༔ བར་གྱི་ཤམ་བུ་སྒྲུབ་ཐབས་བཞིན་རྩ་སྔགས་དང་སྦྲེལ་བ་ཅན་ནི་མང་ཉུང་ཚོད་ཟིན་པར་དགོས། གོ་ཆའི་ལྷ་སྔགས་རྣམས་ནི་གཙོ་བོའི་མང་ཉུང་གི་འགྲོས་དང་བསྟུན། བསྙེན་པའི་དུས་འོད་ཟེར་འཕྲོ་འདུའི་སྟོབས་དང་གཟི་བརྗིད་རབ་ཏུ་འབར་ཏེ། མཆོག་ཐུན་མོང་གི་དངོས་གྲུབ་ཐམས་ཅད་མངོན་དུ་གྱུར་པར་བསམས་ནས་བཟླ། རྩ་སྔགས་ཤམ་ཅན་བཟླ་དུས་དམིགས་པས་གནོད་བྱེད་དྲག་ཏུ་གཟིར། ལས་བྱང་བསྙེན་མཚམས་ཀྱི་སྔགས་ལ། ཨ་ཡ་མ་དུ་རུ་ཙ་ཤ་ན་ས་མ་ཡ་བྷྱོ་ཟློག་གི་ཤམ་ཅན། སྨད་ལས་གཏོར་བཟློག་སྐབས་ཀྱི་འཕྱོངས་ལ་སྦྱར་བ་ལྟར་ལས་གཞན་དུ་མི་དགོས། །ཐུན་མཐའ་སོགས་སྐབས་སྐབས་རྩ་སྔགས་ལ་ལས་བཞིའི་ཤམ་བུ་སྦྱར་ཏེ་ཅུང་ཟད་རེ་བཟླ། །ཞེས་པ་འདི་སྔགས་འཆང་རཏྣས་དྲག་པོའི་རྩ་བའི་སྒྲུབ་ཐབས་བསྙེན་སྒྲུབ་ཀྱི་གོང་འོག་རིམ་པ་གསལ་བར་མི་འདུག་པས་རྒྱུག་བྱང་ཞིག་ཐུགས་རྗེའི་གཟུང་གསུངས་པ་ལ་སྤྲང་བན་རིག་འཛིན་མིང་གིས་བཤུར་ཏེ་བྲིས་པའོ། །མངྒ་ལཾ།། །།