རྟ་མགྲིན་སྐོར།
ལོ་རྒྱུས་ལུང་བྱང་གི་ཤོག་དྲིལ།
རྟ་མགྲིན་དྲེགས་པ་ཟིལ་གནོན་ལས༔ ལོ་རྒྱུས་ལུང་བྱང་གི་ཤོག་དྲིལ་བཞུགས༔ པདྨ་དབང་ཆེན་ལྷ་ལ་འདུད༔ དབང་ཆེན་དྲག་པོའི་གདམས་སྐོར་འདི༔ ཆོས་རྒྱལ་ཁྲི་སྲོང་སྡེའུ་བཙན་དང་༔ ཁོ་མོ་ཡེ་ཤེས་མཚོ་རྒྱལ་སོགས༔ བདག་ཅག་རྣམས་ཀྱིས་ཞུས་པ་དང་༔ སྔོན་བྱུང་ལོ་རྒྱུས་རིམ་པ་རྣམས༔ གུ་རུ་རྗེ་ཡི་བཀའ་བཞིན་དུ༔ ཡི་གེར་འདེབས་ནས་གཏེར་དུ་བཅོལ༔ ལན་ཅིག་དུས་ཀྱི་ཐ་མ་ལ༔ ལས་འཕྲོ་ལྡན་པས་སྤྱོད་པར་ཤོག༔ སྔོན་ཚེ་བསྐལ་བ་དཔག་མེད་གོང་རོལ་དུ༔ སངས་རྒྱས་ཐུབ་དཀའ་གཞོན་ནུར་དམ་ལོག་སྟེ༔ རིགས་དྲུག་གནས་དང་ཁྱད་པར་ངན་སོང་གསུམ༔ སྡུག་བསྔལ་ཀུན་ཏུ་འཁོར་བས་ཡོངས་སུ་མནར༔ ལས་ཀྱི་ལྷག་མ་དུག་ལྔའི་ནུས་སྟོབས་ཀྱི༔ ཐ་མ་བདུད་པོ་མ་ཏྲཾ་རཱུ་ཊར་སྐྱེས༔ དེ་ཚེ་འཛམ་གླིང་ལས་ཀྱི་ས་པ་འདིར༔ གནས་ཞིང་དུར་ཁྲོད་ལ་སོགས་ཐམས་ཅད་དག༔ ལྷ་དང་ལྷ་མིན་ཀླུ་དང་གནོད་སྦྱིན་དང་༔ དྲི་ཟ་སྲིན་པོ་སོགས་ཀྱིས་བདག་ཏུ་བཟུང་༔ དེ་ཚེ་དེ་དག་མ་ལུས་ཐམས་ཅད་ཀྱི༔ མ་ཏྲཾ་རཱུ་ཊའི་ཆེ་བ་ཐོས་པ་དང་༔ ལངྐའི་རྒྱལ་པོ་དམ་པ་ཏོག་དཀར་དང་༔ ལྷ་མིན་དབང་པོ་ལ་སོགས་ཕམ་པ་ཤེས༔ སྦྱོར་དང་སྒྲོལ་བ་དག་ལ་ཀུན་ཀྱང་དད༔ དེ་རྣམས་འཁོར་ཚོགས་དེ་ལ་སྐྱབས་སུ་སོང་༔ སྐུ་ཡི་བྱ་ར་གསུང་གི་བཀའ་སྡོད་དང་༔ ཐུགས་ཀྱི་དགྱེས་སྡེ་སྦྱོར་སྒྲོལ་མངག་གཞུག་གྱུར༔ དེ་ཚེ་རཱུ་ཊ་འཁོར་བཅས་འཇིག་རྟེན་འདིར༔ ཆེ་བཙན་འགྲན་ཟླ་བྲལ་ཞིང་སྐྱེ་འགྲོ་རྣམས༔ ཕོ་གསོད་མོར་སྦྱོར་མྱ་ངན་མུན་པས་ནོན༔ ལོག་པར་ལྟ་བའི་བདུད་ཚོགས་དེ་རྣམས་ནི༔ དུས་གསུམ་སངས་རྒྱས་རྣམས་ཀྱིས་གདུལ་བྱར་གཟིགས༔ ཡ་ངའི་ཉམ་ཐག་འགྲོ་བ་སྒྲོལ་བའི་ཕྱིར༔ ཆོས་དབྱིངས་གནས་སུ་བཀའ་བགྲོས་དགོངས་པ་བསྡུར༔ ཐབས་ཤེས་ངོ་བོ་རྟ་ཕག་ཡབ་ཡུམ་སྤྲུལ༔ ཁྱད་པར་སངས་རྒྱུས་སྣང་བ་མཐའ་ཡས་ཀྱིས༔ དབང་བཞི་བསྐུར་ནས་བྱིན་བརླབས་མངའ་ཡང་གསོལ༔ སྤྱན་རས་གཟིགས་དང་རྗེ་བཙུན་སྒྲོལ་མ་ཡིས༔ ལུང་བསྟན་དབུགས་དབྱུང་བདུད་འདུལ་ཤིས་པ་མཛད༔ དེ་ནས་ཁྲོ་བོ་རྟ་མགྲིན་ཡབ་ཡུམ་གྱི༔ དབང་དང་དྲག་པོའི་ལས་ཀྱིས་རཱུ་ཊ་བསྒྲལ༔ སྲས་མཆོག་སྨེ་བ་བརྩེགས་པས་ཁྲུས་ཀྱིས་བྲན༔ རྟ་ཕག་ཡབ་ཡུམ་རྟ་ཞལ་ཕག་སྐད་བསྒྲགས༔ ཕྱོགས་བཅུའི་བདེ་གཤེགས་དུས་བཞིའི་སངས་རྒྱས་རྣམས༔ དངས་པའི་མཁའ་ལ་ཆར་སྤྲིན་ལྟ་བུར་བྱོན༔ ཆོས་ཀྱི་དབྱིངས་ལས་གཡོ་བ་མི་མངའ་ཡང་༔ རིགས་ལྔའི་ལྷ་ཚོགས་ཁྲག་འཐུང་ཁྲོ་བོ་དང་༔ ཁྲོ་མོ་ཞི་མ་ཁྲོ་སོགས་རྡུལ་ལྟར་འཚུབས༔ དེ་ཚེ་རཱུ་ཊ་ཕོ་མོའི་དབང་པོ་ཉམས༔ རྟ་ཕག་ཡབ་ཡུམ་མདུན་གྱི་མཁའ་ལ་འཕགས༔ ལྷ་ཆེན་ཚངས་པའི་འདོམ་གང་མཁའ་ལ་འགྱིངས༔ རཱུ་ཊ་ཕོ་མོའི་སྨྲེ་སྔགས་བླངས་པ་ལས༔ གནས་དང་ཞིང་དང་དུར་ཁྲོད་ལ་སོགས་དང་༔ བགེགས་དང་འབྱུང་པོ་མ་ལུས་དེར་འདུས་ནས༔ རཱུ་ཊ་ཕམ་པ་མ་བཟོད་དམག་གཡོས་ནས༔ ཆོ་འཕྲུལ་དུ་མའི་སྤྲུལ་བསྒྱུར་བསྟན་པའི་ཚེ༔ གནོད་སྦྱིན་ལག་ན་རྡོ་རྗེས་སྤྲུལ་པ་བཀྱེ༔ ཁྲོ་བོ་བཅུ་ཡིས་དབང་བསྡུས་ཟིལ་གྱིས་གནོན༔ དེ་ནས་རཱུ་ཊའི་ལུས་ལ་ཐིག་གདབས་ནས༔ ཁྲོ་བོ་ཁྲོ་མོ་རྣམས་ཀྱི་ཕོ་བྲང་བཏབ༔ དེ་ཚེ་དྲེགས་ཚོགས་འཁོར་དང་བཅས་པ་ཡི༔ དབུས་ལ་མཆིས་པའི་སྐལ་བ་མེད༔ དབང་དྲག་ཕོ་བྲང་མུ་རན་སྐྱོང་༔ ཕུད་ལ་འཚལ་བའི་སྐལ་བ་མེད༔ ལྷག་མ་ཞལ་ཆབ་ངེད་ཀྱིས་ཞུ༔ བཀའ་འདས་བསྒྲལ་ཞིང་མུ་རན་སྐྱོང་༔ རང་རང་ལུས་ཆས་སྲོག་སྙིང་ཕུལ༔ ཡེ་ཤེས་ཆས་སུ་བྱིན་གྱིས་བརླབས༔ དེ་ནས་ལག་ན་རྡོ་རྗེ་ཡིས༔ རཱུ་ཊ་ཕོ་མོའི་ཡིད་ལུས་དང་༔ དྲེགས་ཚོགས་འཁོར་དང་བཅས་པ་ལ༔ དམ་ཚིག་གསང་བའི་བདུད་རྩི་བྱིན༔ གནས་གསུམ་རྡོ་རྗེས་དབང་བསྐུར་ཏེ༔ དབང་རྟགས་ཅོད་པན་སྤྱི་བོར་བཏགས༔ ཐར་པ་འཐོབ་པའི་ལུང་ཡང་བསྟན༔ རཱུ་ཊ་ཐར་པ་ནག་པོ་ལ༔ གསང་མཚན་མ་ཧཱ་ཀཱ་ལར་གསོལ༔ བསྟན་པ་བསྲུང་བའི་གཉེར་བྱང་གཏད༔ དེ་ཚེ་ཕྱོགས་བཅུའི་སངས་རྒྱས་དང་༔ ཁྲོ་བོ་ཁྲོ་མོ་མཁའ་འགྲོ་མ༔ མ་ཧཱ་ཀཱ་ལ་འཁོར་བཅས་ལ༔ རྟ་གདོང་རྟ་སྐད་བཞད་པའི་རྒྱུད༔ རྔོག་མ་ལེ་བརྒན་འབར་བའི་རྒྱུད༔ ཧྱ་གྷྲཱི་ཝ་དབང་གི་རྒྱུད༔ པདྨ་ཀྲོ་ཏ་ཁྲོས་པའི་རྒྱུད༔ དབང་དྲག་གཏུམ་པ་གློག་གི་རྒྱུད༔ པདྨ་ཁྲག་འཐུང་རོལ་བའི་རྒྱུད༔ སྔགས་ཀྱི་བཞད་སྒྲ་སྒྲོག་པའི་རྒྱུད༔ དྲེགས་པའི་སྲོག་འབྱིན་དམར་ནག་རྒྱུད༔ དྲེགས་པ་བྲན་དུ་ཁོལ་བའི་རྒྱུད༔ བདེ་གཤེགས་ཁྲོ་ཚོགས་ཐབས་ཀྱི་རྒྱུད༔ མ་རྒྱུད་འབར་མ་ཤེས་རབ་རྒྱུད༔ གཉིས་མེད་རོལ་པ་ཡེ་ཤེས་རྒྱུད༔ སྒྱུ་འཕྲུལ་འབར་བ་གར་གྱི་རྒྱུད༔ དེ་སོགས་བླ་མེད་རྒྱུད་ཀྱི་སྡེ༔ འབར་བ་དབང་གི་རྒྱལ་པོས་གསུངས༔ སྤྲུལ་པའི་མཁའ་འགྲོས་ཡི་གེར་བཏབ༔ དྲ་བའི་གཙུག་ལག་ཁང་དུ་མཆོད༔ རཱུ་ཊའི་བེམ་པོ་དུམ་བུར་བཅད༔ གནས་ཡུལ་དུར་ཁྲོད་རྣམས་སུ་འཕངས༔ མཁའ་སྤྱོད་ས་སྤྱོད་ས་འོག་སྤྱོད༔ གནས་དང་ཡུལ་དུ་བྱིན་གྱིས་བརླབས༔ ཞི་བའི་ལྷ་ཚོགས་ཆོས་དབྱིངས་གཤེགས༔ ཁྲོ་ཚོགས་ཁྲག་འཐུང་གནས་སུ་གཤེགས༔ མཁའ་འགྲོ་གནས་དང་ཡུལ་ལ་གཤེགས༔ སོ་མཚམས་བསྟན་པའི་བྱ་རར་བཞག༔ དབང་དང་དྲག་པོའི་ཕྲིན་ལས་ཀྱིས༔ སྐལ་ལྡན་གྲོལ་བའི་ཐེག་པ་ཤར༔ ས་མ་ཡཱ༔ རྒྱ་རྒྱ་རྒྱ༔ དེ་ནས་སྟོན་པའི་བསྟན་པ་ལ༔ རབ་ཏུ་སྡང་བའི་མུ་སྟེགས་ཡུལ༔ རྡོ་རྗེ་གདན་གྱི་ལྷོ་ནུབ་ཏུ༔ ཨུ་མ་དྲག་མོའི་སྤྲུལ་པ་ལས༔ དཔལ་འཛིན་མ་ཞེས་བུད་མེད་ལ༔ ལྷ་ཆེན་དབང་གི་འོད་སྤྲོས་པས༔ སྤྲུལ་པའི་སྲས་མཆོག་མཐུ་སྟོབས་ལྡན༔ དབང་དྲག་ཐོགས་མེད་གྲུབ་པ་ཞིག༔ སྐུ་འཁྲུངས་ཀུན་གྱིས་བཀུར་ཞིང་མཆོད༔ ཕྱི་ནང་གཉིས་ཀྱི་པཎ་ཆེན་ཚོགས༔ ཁྱད་པར་ལྡན་པའི་སྲས་དེ་ལ༔ ནང་པའི་པཎ་ཆེན་ཕལ་མོ་ཆེས༔ སྦྱངས་སྒྲོད་ཐོས་བསམ་མ་བྱས་པའི༔ སྟོབས་དང་རྫུ་འཕྲུལ་ངོ་མཚར་མིན༔ སྨྲས་པས་ཕྱི་པའི་པཎ་ཆེན་གྱིས༔ སྔོན་སྦྱངས་སོང་བའི་སྐྱེས་བུ་ལ༔ ཚེ་འདིའི་སྦྱངས་སྒྲོད་ཅི་ཞིག་བྱ༔ འདུན་པས་སྤྲུལ་པར་དྲི་འོ་ཞེས༔ ཕྱི་ནང་གཉིས་ཀྱི་ཚིག་གི་འཕྲེང་༔ སྤྲུལ་པ་ཉིད་ལ་གསོལ་བ་ལས༔ ང་ནི་ལྷ་དབང་ཐུགས་ཀྱི་སྲས༔ སྟོབས་ལྡན་དྲག་པོའི་རིགས་སྔགས་འཆང་༔ སྤྲུལ་པ་སྡེ་བརྒྱད་ཆོ་འཕྲུལ་བསྒྱུར༔ སུ་ལྟར་མཆོད་པའི་སྐྱབས་དང་མགོན༔ ལོག་པར་ལྟ་བ་ངས་ཚར་གཅོད༔ ཅེས་གསུངས་ནང་པ་ཐམས་ཅད་ཀྱིས༔ འདི་ནི་ལྷ་ཆེན་སྤྲུལ་པའོ༔ ཟེར་ཏེ་མཆོད་སྒྲུབ་མ་བསྟེན་བསྐྱུར༔ ཕྱི་པའི་པཎ་ཆེན་ཐམས་ཅད་ཀྱིས༔ དངོས་གྲུབ་སྩོལ་བའི་གསོལ་བ་བཏབ༔ དེ་ནས་སྤྲུལ་པའི་སྲས་མཆོག་དེས༔ སུས་ཀྱང་མ་བྱས་རང་ཤར་བའི༔ ལྕགས་མཁར་ཕོ་བྲང་བང་རིམ་དགུ༔ ཕྱི་ནི་མཆོད་རྟེན་རང་བཞིན་ལ༔ ནང་ནི་དྲག་པོའི་གཞལ་ཡས་ཁང་༔ རྒྱ་ཁྱོན་མུ་མཐའ་རྔམ་བརྗིད་འབར༔ དེ་དབུས་དྲག་པོའི་དཀྱིལ་འཁོར་བཞེངས༔ ལྷ་ཆེན་དྲག་པོ་བསྒྲུབས་པས་གྲུབ༔ དྲེགས་ཚོགས་ཐམས་ཅད་བྲན་དུ་བཀོལ༔ མཐུ་དང་ནུས་པ་མེ་ལྟར་འབར༔ ཕྱི་པས་མཆོད་ཅིང་ནང་པར་རྦད༔ ཨོ་རྒྱན་པུ་རིའི་ཡུལ་དང་ནི༔ རྒྱ་གར་ཡུལ་ཕྱོགས་མི་འདོད་པའི༔ རྐྱེན་དང་བར་ཆད་སྣ་ཚོགས་འཚུབས༔ སངས་རྒྱས་བསྟན་པ་བབས་ཀྱིས་ཉམས༔ ནང་པའི་པཎ་ཆེན་ཕལ་ཆེར་འདས༔ དེ་ཚེ་སྣང་བ་མཐའ་ཡས་ཀྱིས༔ གདམས་པར་སྤྱོད་ཅིག་ལུང་བསྟན་གནང་༔ བདག་འདྲ་པདྨ་འབྱུང་གནས་དང་༔ སློབ་དཔོན་ཤིནྟིང་གྷརྦྷ་གཉིས༔ བཀའ་བགྲོས་ཨོ་རྒྱན་ཡུལ་དབུས་ནས༔ མཁའ་འགྲོའི་གསང་མཛོད་ཞལ་ཕྱེ་སྟེ༔ དྲེགས་པ་ཟིལ་གནོད་རྒྱུད་དཔེ་བླངས༔ སྤྱན་རས་གཟིགས་ལ་དབང་བསྐུར་ཞུས༔ སྟོན་པ་ཟངས་མཆེའི་མདུན་དུ་ལྷགས༔ བདག་ཅག་གཉིས་ལ་གནས་འདི་གཡོར༔ ལྷག་པའི་ལྷ་ལ་གསོལ་བ་འདེབས༔ ཞུས་པས་ལྷ་ནི་གང་ཡིན་གསུང་༔ དབང་ཆེན་རྒྱལ་པོ་ཡིན་གསོལ་པས༔ ལེགས་སོ་གསུངས་ནས་གནང་བ་བསྩལ༔ དབང་ཆེན་རྟ་མགྲིན་བསྒྲུབ་པ་ལས༔ རྟ་མཆོག་པདྨ་ཧེ་རུ་ཀས༔ སྐུ་ཡི་དཀྱིལ་འཁོར་མངོན་སུམ་བསྟན༔ དབང་ཆེན་དྲག་པོའི་རྟ་སྐད་བཞད༔ ཐུགས་ནི་དབང་དྲག་ཏིང་འཛིན་འབར༔ དེ་ཚེ་དྲེགས་པའི་སྡེ་ཚོགས་དང་༔ ལྷ་ཆེན་ཡབ་ཡུམ་སྲས་དང་བཅས༔ གཙང་རིས་དཔལ་མགོན་ཐམས་ཅད་ཀྱིས༔ བྲན་དུ་ཁས་བླངས་ཐ་ཚིག་ཕུལ༔ བསྟན་པ་གང་ལ་བབས་པ་དེའི༔ བཀུར་སྟི་ཕུ་དུད་བསྙེན་ཅིང་བསྒྲུབས༔ དེ་ཡི་བཀའ་དང་བསྟན་པ་བསྲུངས༔ ཅེས་གསོལ་རྟ་ཕག་ཡབ་ཡུམ་གྱིས༔ སངས་རྒྱས་བསྟན་པ་གཉེན་པོའི་དོན༔ དྲེགས་ཚོགས་སྤྲུལ་འཁོར་ཐམས་ཅད་ཀྱང་༔ འབར་བ་དབང་གི་འཁོར་ལོར་བསྒྱུར༔ དེ་ནས་རྒྱུད་ལ་བརྟེན་པ་ཡི༔ དབང་དང་དྲག་པོའི་འཕྲིན་ལས་རྣམས༔ སློབ་དཔོན་གཉིས་ཀྱིས་ལས་ལ་སྦྱར༔ ལྷ་ཆེན་ཡབ་ཡུམ་སྲས་གསུམ་དང་༔ ལག་ན་རྡོ་རྗེ་དྲེགས་ཚོགས་ཀྱིས༔ ཕྱི་པར་རང་གཤེད་རང་ལ་ཕབ༔ བསྟན་པ་ཉམས་ཤིང་ནང་པ་རྒྱས༔ རྒྱ་གར་གླིང་དགུའི་དཔལ་འབྱོར་འཕེལ༔ ནང་པའི་པཎ་ཆེན་ཉམས་རྟོགས་རྒྱས༔ སངས་རྒྱས་བསྟན་པ་ཆེས་ཆེར་གསལ༔ དེ་ཕྱིར་གདམས་པ་ཟམ་མོ་འདི༔ བརྗོད་པར་བཀའ་བའི་ཆོས་ཡིན་ཀྱང་༔ ཆོས་རྒྱལ་སྐུ་ངོ་ཆེ་ཕྱིར་གདམས༔ མི་བརྗེད་གཟུངས་ཐོབ་མཚོ་རྒྱལ་མས༔ ཡི་གེར་ཐོབ་ལ་གཏེར་དུ་སྦོས༔ མ་འོངས་སྙིགས་མ་རྩོད་ལྡན་ཚེ༔ ཀླུ་ཡི་དབང་པོའི་སྐྱེ་བའི་མཐའ༔ གར་དབང་འགྲོ་འདུལ་གླིང་པའམ༔ ཁམས་པ་ཉི་མ་གྲགས་པས་འབྱིན༔ སངས་རྒྱས་བསྟན་ལ་ཕན་པ་འོང་༔ ཁྱད་པར་ལུང་ནས་བཤད་པའི་བུ༔ བོད་འབངས་སྐྱེ་འགྲོའི་རྩ་ལག་ལ༔ འཕྲོད་ན་བསྟན་འགྲོའི་དོན་ལ་སྤྱོད༔ ས་ལ་གནས་པའི་སེམས་དཔའ་ལྔར༔ འཕྲོད་ན་འཕྲིན་ལས་རྒྱས་པ་དང་༔ ཚེ་ཡང་མཐའ་རུ་ཕྱིན་པར་འགྱུར༔ མོས་གུས་ལྡན་པའི་བུ་བདུན་ལ༔ གདམས་པ་འདི་ཉིད་བཏབ་གྱུར་ན༔ སྒྲུབ་པ་མཐར་ཕྱིན་དངོས་གྲུབ་འཐོབ༔ བཀྲ་ཤིས་དཀོན་མཆོག་འཕགས་པ་དབང་༔ བློ་གྲོས་ངག་དབང་དཔལ་གྱི་མིང་༔ ཚེ་དང་སྐྱབས་ཞེས་སྐལ་ལྡན་དགུར༔ གདམས་པ་བྱིན་ན་དངོས་གྲུབ་འཐོབ༔ ཅེས་གསུངས་པ་རྣམས་བདག་བུད་མེད་ཡེ་ཤེས་མཚོ་རྒྱལ་གྱིས་ཡི་གེར་བཏབ་སྟེ་རིན་པོ་ཆེའི་གཏེར་དུ་སྦས་པ་ལས་འཕྲོ་ཅན་དང་འཕྲད་པར་ཤོག༔ བཀའ་ཡི་སྲུང་མས་བྱ་ར་གྱིས༔ ས་མ་ཡཱ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ ཟབ་རྒྱ༔ གཉན་རྒྱ༔ ས་མ་ཡཱ༔ རྒྱ་རྒྱ་རྒྱ༔ རྒྱལ་ཁམས་པ་ཉི་མ་གྲགས་པས་གནས་མཆོག་ཆེན་པོ་ཁམས་སྲིང་མོ་རྫོང་གི་ནུབ་སྒོ་མེ་འབར་ཕུག་ནས་ཆུ་ཕོ་ཁྱིའི་ལོ་ལ་གཏེར་ནས་གདན་དྲངས་ཤིང་ཤོག་སེར་ལས་བསྒྱུར་བ་མངྒ་ལཾ།། །།
དཔལ་ཆེན་པོ་རྟ་གདོང་ཁྲོས་པ་དྲེགས་པ་ཟིལ་གནོན་གྱི་རྒྱུད།
དཔལ་ཆེན་པོ་རྟ་གདོང་ཁྲོས་པ་དྲེགས་པ་ཟིལ་གནོན་གྱི་རྒྱུད་བཞུགས་སོ༔ ཨོ་རྒྱན་སྐད་དུ༔ ཧྱ་གྷྲཱི་ཝ་མ་ཧཱ་ཀ་རུ་ཏྲི་ཀྲནྟ་ཛྭ་ལ་ཏཎྚ་ན་མ༔ བོད་སྐད་དུ༔ དཔལ་ཆེན་པོ་འབར་བ་རྟ་མགྲིན་དྲེགས་པ་ཟིལ་གནོན་གྱི་རྒྱུད་ཅེས་བྱ་བ༔ དབང་ཆེན་ཁྲོ་བོ་ཆེན་པོ་དྲེགས་པའི་སྤྱི་གཤེད་དཔལ་ཧེ་རུ་ཀཿལ་ཕྱག་འཚལ་ལོ༔ འདི་སྐད་བདག་གིས་ཐོས་པའི་དུས་ཀྱི་ཚེ༔ གནས་ཆེན་པོ་གསང་ཆེན་རོལ་པའི་དུར་ཁྲོད་དྲག་པོ་རབ་ཏུ་ཁྲོས་ཤིང་དྲེགས་པ་ཅན་ཟིལ་གྱིས་མནན་པའི་ཕོ་བྲང་༔ ཐོད་མཁར་འབར་བའི་གཞལ་ཡས་དུག་གསུམ་མེ་ལྟར་འབར་ཞིང་དུག་ལྔ་ཆུ་ལྟར་ཁོལ་བའི་དབྱིངས་རོལ༔ ཤ་ཆེན་པོ་རྣམ་པ་ལྔའི་འཇམ་འཇིམ་དང་ཁྲག་ཞག་གི་རྦ་ཀློང་རབ་ཏུ་འཁྲུག་པའི་དཀྱིལ་ཡངས་བདུད་བཞི་རུ་ཊ་དང་ཉི་མ་ཟླ་བ་པདྨ་འབར་བའི་གདན་མེ་རི་དང་མེ་དཔུང་དུས་མཐའི་སྲེག་བྱེད་ལྟར་འབར་བའི་ཀློང་དུ༔ སྟོབས་ལྡན་དཔལ་ཆེན་པོ་ཁྲག་འཐུང་གི་རྒྱལ་པོ་པདྨ་ཧེ་རུ་ཀཿ གར་དགུའི་འགྱིངས་བག་དང་ལྡན་པའི་དབྱིངས་ནས་རྟ་སྐད་འཚེར་ཞིང་ཕག་སྐད་ངུར་བས༔ དབྱིངས་དང་ཡེ་ཤེས་ཀྱི་སངས་རྒྱས་བྱང་སེམས་ཁྲོ་བོ་དང་ཁྲོ་མོ་ཕོ་བརྒྱུད་མོ་བརྒྱུད་དྲེགས་ཚོགས་ཐམས་ཅད་སྐད་ཅིག་དེ་ཉིད་ལ༔ དབང་ཆེན་འབར་བའི་དུར་ཁྲོད་ཆེན་པོ་དེ་ཉིད་དུ་འདུས་ཤིང་ཚོགས་པར་གྱུར་ཏོ༔ དཔལ་ཆེན་པོ་རྟ་གདོང་ཁྲོས་པ་དྲེགས་པ་ཟིལ་གནོན་གྱི་རྒྱུད་ལས་གླེང་གཞིའི་ལེའུ་སྟེ་དང་པོའོ༔ ས་མ་ཡཱ༔ རྒྱ་རྒྱ་རྒྱ༔ དེ་ནས་ཡང་དག་བཤད་བྱ་བ༔ སྟོན་པ་དབང་ཆེན་ཧེ་རུ་ཀས༔ སངས་རྒྱས་བྱང་ཆུབ་སེམས་དཔའ་དང་༔ ཁྲོ་བོ་ཁྲོ་མོ་གནས་ཡུལ་བདག༔ དྲེགས་པའི་ཚོགས་དང་བཅས་པ་ལ༔ བཞད་པའི་སྟོབས་ཀྱི་གད་མོ་ཡི༔ དགྱེས་པའི་རྡོ་རྗེའི་གླུས་བསྐུལ་བ༔ ཧ་ཧ་རྟོག་མེད་དེ་བཞིན་གཤེགས༔ རྙོག་པ་མེད་ཅིང་མཐའ་དང་བྲལ༔ འབྱུང་བ་མེད་ཅིང་རྣམ་པར་དག༔ དོར་བ་མེད་ཅིང་དབྱིངས་སུ་ཡལ༔ ཐོབ་པ་མེད་པས་བདུད་ལས་རྒྱལ༔ འཛིན་པ་མེད་པས་རང་སར་གྲོལ༔ རྟོགས་པ་མེད་པས་གཞི་ལས་འདས༔ མཐོང་བ་མེད་པས་ཡིད་ཀྱང་འགག༔ བླང་བ་མེད་པས་ཁམས་ལྔ་དག༔ གྲོལ་བ་མེད་པས་རེ་བ་ཟད༔ འཁྲུལ་བ་མེད་པས་སྡུག་བསྔལ་བྲལ༔ ཧི་ཧི་དཔལ་མཆོག་ཆེ་བའི་རྒྱལ༔ གཟུགས་རྣམས་སྟོང་པའི་རང་རྩལ་ཏེ༔ འགག་མེད་དབྱིངས་ལས་སྣ་ཚོགས་འཕྲོ༔ དཀར་སེར་དམར་ལྗང་མཐིང་གའི་མདངས༔ རྣམ་པར་དག་པའི་ངོ་བོ་ནི༔ མེ་ལོང་ཡེ་ཤེས་རང་བཞིན་ཏེ༔ མཉམ་པ་ཉིད་ནི་བློ་ལས་འདས༔ རྟོག་པ་མེད་པས་ཡེ་ཤེས་སྐུ༔ ཀུན་ཁྱབ་གསལ་བ་དོན་རིག་ལྡན༔ སོ་སོར་རང་རིག་རྣམ་པར་སྤྱད༔ འབད་པ་མེད་པས་ལྷུན་གྱིས་གྲུབ༔ སྟོང་ཞིང་བདག་མེད་དེ་བཞིན་ཉིད༔ རིས་མེད་ཆ་ཤས་ཡོད་མ་ཡིན༔ ལྔ་ལྡན་ཡེ་ཤེས་དཔལ་དུ་འབར༔ ཆེ་བའི་སྐུ་སྟེ་ཆེ་བའི་མཆོག༔ གྲགས་ཆེན་རྣམ་པར་གྲགས་པ་སྟེ༔ སྔགས་ཀྱི་ཐེག་པའི་སྒྲ་ཆེན་སྒྲོགས༔ ཧཱུྃ་ཧཱུྃ་ཆོས་ཉིད་རང་སྒྲ་ནི༔ བརྗོད་མེད་ཚིག་དང་བྲལ་བ་ནས༔ སྐྱེ་མེད་སྙིང་པོའི་སྒྲ་དབྱངས་ཀྱིས༔ མཆོད་ཅིང་བསྟོད་པའི་གླུ་གར་བསྒྱུར༔ དུས་གསུམ་སངས་རྒྱས་ཐམས་ཅད་ཀྱི༔ སྐུ་གསུང་ཐུགས་ཡོན་འཕྲིན་ལས་སོགས༔ གཅིག་ཏུ་གྱུར་པའི་དཔལ་དང་ལྡན༔ ཆགས་པ་བྲལ་བའི་འོད་འཆང་བ༔ འོད་ཆེན་རྣམ་པར་འདུ་བྱེད་ཅིང་༔ རྣམ་པར་སྣང་བའི་ཏིང་འཛིན་ལྡན༔ གཡོ་བ་མེད་པའི་རྡོ་རྗེ་མཁྲེགས༔ ཧྲཱིཿཧྲཱིཿརྒྱུ་རྐྱེན་དམིགས་མེད་ངོ་བོས་སྟོང་༔ དམིགས་པའི་དབྱིངས་ཟད་འཛིན་མེད་གྲོལ༔ རང་གྲོལ་རང་ཤར་རང་གསལ་ལྡན༔ གདུལ་དཀར་འདུལ་བྱེད་ཁྲོ་བོའི་རྒྱལ༔ དབྱིངས་ལས་ཤར་བའི་སྙིང་རྗེ་རྔམས༔ འཛིན་པའི་ཐབས་ཤེས་ལྕགས་ཀྱུ་ཞགས༔ གྲོལ་བར་སྒྲོལ་བའི་ལྔ་ཕུང་ལ༔ དཔལ་ལ་བརྗིད་པའི་ང་རོ་ལྡན༔ ནམ་མཁའི་ཁམས་ནས་འཇའ་ཤར་ལྟར༔ གསལ་བའི་ཕྱག་རྒྱའི་འཁོར་ལོ་བསྒྱུར༔ རྒྱ་མཚོ་ཆེན་པོའི་ཟླ་བ་བཞིན༔ རྟོག་པ་བྲལ་བའི་དབྱིངས་སུ་བསྟིམ༔ མེ་ལོང་གཟུགས་ཀྱི་སྣང་བ་ལྟར༔ ཡི་དམ་ལྷ་སྐུ་ཕྱག་རྒྱ་ཆེ༔ བདུད་ཚོགས་དྲེགས་སེམས་དབང་དུ་བསྡུས༔ ཆེ་བཙན་དྲག་པོའི་ཚོར་བ་ཉམས༔ བཀའ་ལས་འདའ་བྱེད་རྡུལ་དུ་བརླག༔ ང་ནི་གནས་དང་ཡུལ་གྱི་བདག༔ ང་ནི་དཔལ་མཆོག་ཆེ་བ་པོ༔ ང་ནི་སངས་རྒྱས་ཀུན་གྱི་སྲས༔ ང་ནི་ཁྲོ་བོ་ཡོངས་ཀྱི་རྗེ༔ ང་ནི་མཁའ་འགྲོའི་དབང་ཕྱུག་འབར༔ ང་ནི་དྲེགས་ཚོགས་ཡོངས་ཀྱི་གཤེད༔ ང་ནི་དྲེགས་པའི་སྡེ་དཔོན་རྒྱལ༔ ང་ནི་ཁྲག་འཐུང་ཧེ་རུ་ཀ༔ ཅེས་བསྒྲགས་པའི་སྒྲ་དེས་སངས་རྒྱས་དང་བྱང་སེམས་ཁྲོ་བོ་དང་ཁྲོ་མོ་ཐམས་ཅད་ཀྱི་བྱིན་རླབས་སྐུ་ལ་འདུ་བའི་སྦྱོར་བས་ཐིམ་པས་དཔལ་དང་གཟི་མདངས་ཕྱོགས་བཅུར་འབར་ཞིང་དྲེགས་ཚོགས་ཐམས་ཅད་ཀྱི་དབང་པོ་རྣམས་ཉམས༔ ཁ་འདར་སྙིང་ཡེད་ཅིང་ཁྲོ་བོ་ཆེན་པོ་ལ་སྲོག་གི་སྙིང་པོ་མདོངས་གསོལ་དུ་ཕུལ་ཞིང་བྲན་དུ་ཁས་བླངས་སོ༔ དཔལ་ཆེན་པོ་རྟ་གདོང་ཁྲོས་པ་དྲེགས་པ་ཟིལ་གནོན་གྱི་རྒྱུད་ལས་རྟ་གདོང་བཞད་པའི་གད་མོ་བསྒྲགས་པའི་ལེའུ་སྟེ་གཉིས་པའོ༔ ས་མ་ཡཱ༔ རྒྱ་རྒྱ་རྒྱ༔ དེ་བས་ལག་ན་རྡོ་རྗེ་ཡིས༔ ཁྲོ་མཆོག་དབང་ཆེན་ཧེ་རུ་ཀར༔ རྡོ་རྗེ་འབར་བའི་ཏིང་འཛིན་གྱིས༔ རྡོ་རྗེའི་ཚིག་གིས་འདི་སྐད་གསོལ༔ འབར་བའི་ཁྲོ་རྒྱལ་དབང་གི་མཆོག༔ རྟ་གདོང་འཚེར་བའི་སྒྲ་ཆེན་པོ༔ སྔགས་ཀྱི་འཁོར་ལོ་ཇི་ལྟར་སྤྱད༔ ཁྲོ་བོ་ཆེན་པོས་བཀའ་སྩལ་པ༔ ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ༔ ཨཱོཾ་བཛྲ་དྷཀྐི་ནི་བྷ་ར་ཧི་སྭཱ་ཧཱ༔ ཨཱོཾ་རཏྣ་ཀྲོ་ཏ་ཧྱ་གྷྲཱི་ཝ་ཕེཾ་ཕེཾ་ཕེཾ་ཕེཾ་ཕེཾ༔ ཨཱོཾ་རཏྣ་དྷཀྐི་ནི་བྷ་ར་ཧི་སྭཱ་ཧཱ༔ ཨཱོཾ་པདྨ་ཀྲོ་ཏ་ཧྱ་གྷྲཱི་ཝ་ཧྲིང་ཧྲིང་ཧྲིང་ཧྲིང་ཧྲིང་༔ ཨཱོཾ་པདྨ་དྷཀྐི་ནི་བྷ་ར་ཧི་སྭཱ་ཧཱ༔ ཨཱོཾ་ཀརྨ་ཀྲོ་ཏ་ཧྱ་གྷྲཱི་ཝ་ཕཊ་ཕཊ་ཕཊ་ཕཊ་ཕཊ༔ ཨཱོཾ་ཀརྨ་དྷཀྐི་ན་བྷ་ར་ཧི་སྭཱ་ཧཱ༔ ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་ཧུ་ལུ་ཧུ་ལུ་སྭཱ་ཧཱ༔ ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་གྷ་རུ་ཎ་ཙ་ལེ་ཙ་ལེ་ཕཊ༔ ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷ་ཀ་དྷ་ཀི་སརྦ་མ་མ་ཡཀྴྱ་ཡེ་སྭཱ་ཧཱ༔ ཨཱོཾ་ཤྲཱི་ཧྱ་གྷྲཱི་ཝ་དྷེ་བའི་ཏེ་ཧ་ན་ཧ་ན་ཧཱུྃ་ཕཊ༔ ཨཱོཾ་ཀརྨ་ཀྲོ་ཏ་ཧྱ་གྷྲཱི་ཝ་ཀརྨ་ཀཱི་ལི་ཀཱི་ལཱ་ཡ་ཡགྴ་རགྴ་མཱ་ར་ཏྲི་མ་ར་མ་ཏེ་ས་མ་ཡ་བྷྱོ་བྷྱོ་བྷྱོ༔ ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་ནི་ལཾ་བྷ་ར་མེ་རུ་མེ་རུ་ནི་ཛ་ཛ་ཛ༔ ཨཱོཾ་བཛྲ་ཀྲོ་ཏ་ཤྲཱི་དྷ་ན་གྷུ་ཧེ་པ་ལ་ས་ཏྲི་ཏེ་ས་མ་ཡ་ཏི་རཀྴྱ་དུ་ནི་ཥིཎྚ་ཥིཎྚ་ཨ་ཧ་ར་ཡང་ཏེ་མུན་ཛ་ཏི་མཾ་མ་བྷྱོ་མཾ་མ་བྷྱོ༔ ཏྲཾ་ཤ་ཏི་རཾ་རུ་ཊི་མ་ཊ་ཀཽ་ཊི་ས་ལ་ཧེ་ཧེ་ཧེ་ཧོ་ཧོ་ཧོ་ཕཊ་ཕཊ་ཕཊ་སརྦ་ཀྲོ་ཏ་ནི་ལ་རཀྵྱ་རཀྵྱ་ཡ་ཏི་མ་བྷྱོ་བྷྱོ་བྷྱོ༔ ཙནྚ་ཝརྟི་ཡ་རུ་ཏེ་ཥཉྩ་ཡ་ནི་ཡོ་ཥི་ན་ཏ་ཧྱ་གྷྲཱི་ཝ་སཾ་ས་ཀ་རི་ཏི༔ ཡཾ་མེ་ཡཾ་མེ་ཡཾ་མེ་ནི་ཡཾ་མེ་ནི་ཀ་ལ་ཀ་ཏེ་ཀ་ཀྲོ་བཛྲ་ཚིནྡྷ་པ་ལ་ཏི་མཾ་ཏེ་སརྦ་ཨདྨོ་ཤུདྡྷེ་ཡགྴ་ར་ཏྲི་པྲ་ན་ཡེ་ཧཱུྃ་ཧཱུྃ་ཧཱུྃ་ཕཊ་ཕཊ་ཕཊ་སྭཱ་ཧཱ༔ ཨཱོཾ་ཀྲོ་ཏ་མ་ཧཱ་ཀྲོ་ཏི་བྷ་ར་ཧི་ཤྲཱི་ཛྙཱ་ན་གྷུ་ཧེ་པ་ཏི་ཀྲོ་ཏ་ཏནྩ་ཏནྩི་ཧི་མཾ་ཏི་ཡཀྵྱི་ཡཀྵྱི་ནི་ཕཊ་སྭཱ་ཧཱ༔ ཨཱོཾ་བཛྲ་ཀྲོ་ཏ་རུ་ཊ་ཀ་རུ་ཊ་ཏྲི་དུ་ཛ་ཏྲི་དུ་ཛ་མཱ་ར་ཡ་རྦད་རྦད༔ ཏྲག་རགྴ་མཱ་ར་ཡ་རྦད་ཆོད་ཐུཾ་རིལ་མཱ་ར་ཡ་རྦད་ཆོད་ཐུཾ་རིལ་རྦད་རྦད་དུམ་བུར་གཏུབས་གཏུབས་རུ་ཏྲའི་སྙིང་ལ་ཡཾ་ཡཾ་ཡཾ་ཏི་ཡཾ་ཏི་ཡཾ་ཏི་མཱ་ར་ཡ་བྷྱོ་བྷྱོ་ནན་སྭཱ་ཧཱ༔ དྲེགས་པའི་སྲོག་རྩ་སྙིང་རྩ་ཁྲག་རྩ་དང་བཅས་པ་ཐམས་ཅད་ཏྲི་དུ་ཛ་ཏྲི་དུ་ཛ་ཏྲི་མཱ་ར་ཡ་རྦད་རྦད་ས་ཐུན་ཡ་བྷྱོ་བྷྱོ༔ སོད་སོད་ཁྲི་འཕོ་ཡ་ཏ་ཏི་མཱ་ར་ཡ་སོད་སོད་པྲ་ཧ་ར་ཏི་ནི་མུ་ཥ་ཏི་སོད་སོད་ཨ་ཡ་མ་དུ་རུ་ཙ་ཤ་ན་ས་མ་ཡ་བྷྱོ་བྷྱོ་ཙིཏྟ་སྲོག་ལ་རྦད་རྦད༔ ཡཀྴ་སྙིང་ལ་ཁཾ་ཁཾ༔ རུ་ཏྲི་ས་མ་ཡ་ཁ་ཊཾ་ཁ་ཊཾ་ཁ་ན་ཧེ་ཏི་བྷྱོ་བྷྱོ་སོད་སོད་ཛ་ཛ༔ རུ་ཊ་སརྦ་ནི་ཁུག་ཁུག་ཐུཾ་རིལ་ཁུག་ཛ་སོད་སོད༔ བྲུཾ་བྲུཾ་རཾ་རཾ་ཙཀྲ་རཾ་བཟློག་ཁྲོ་ཏ་ཁྱེར་ཡ་རཾ་ཡ་རཾ་ཏ་རཾ་ཏ་རཾ་ར་ར་ཙ་རཾ་རཾ་ན་ག་ན་གེ་བྷྱོ་བྷྱོ༔ ཨ་ཡ་མ་ཏྲག་རགྨོ་ར་ཛ་ཡགྴ་དུ་ན་པྲ་ན་ཡེ་རཀྴ་རུ་ཊ་ན་ག་ནི་ཧཱུྃ་ཧཱུྃ་ཧཱུྃ་ཕཊ་ཕཊ་སྭཱ་ཧཱ༔ དཔལ་ཆེན་པོ་རྟ་གདོང་ཁྲོས་པ་དྲེགས་པ་ཟིལ་གྱིས་གནོན་པའི་རྒྱུད་ལས་རྟ་སྐད་འཚེར་བ་སྔགས་ཀྱི་ལེའུ་སྟེ་གསུམ་པའོ༔ ས་མ་ཡཱ༔ རྒྱ་རྒྱ་རྒྱ༔ དེ་ནས་ལག་ན་རྡོ་རྗེ་ཡིས༔ ཁྲོ་བོ་ཆེན་པོར་ཡང་གསོལ་བ༔ འཇིག་ཅན་འཇིགས་པར་བྱེད་པའི་མཆོག༔ སྒྲུབ་པ་ལུང་གི་རིམ་པ་གང་༔ ཁྲོ་བོ་ཆེན་པོས་བཀའ་སྩལ་པ༔ དབང་དྲག་ལས་ཀྱི་སྣོད་ལྡན་གྱི༔ སྐལ་བར་ལྡན་པ་གང་དག་གིས༔ རབ་ཏུ་འཇིགས་པའི་དུར་ཁྲོད་དང་༔ ཚང་ཚིང་འཁྲིགས་ཤིང་རྩུབ་པའི་ལུང་༔ སྡེ་བརྒྱད་མཁའ་འགྲོ་གནས་པའི་ཡུལ༔ བྲག་ནག་བདུད་ནི་ཁྲོས་འདྲའམ༔ ཡང་ན་དབང་གི་དཔལ་གྱིས་བརྒྱན༔ གནམ་ས་ཟླ་གམ་དབྱིབས་ཅན་དང་༔ ཆུ་བོ་དབང་གི་རྒྱུན་ལམ་ལྡན༔ ཤིན་ཏུ་དབེན་པའི་བས་མཐའ་ན༔ ཁྲོ་བོ་ཆེན་པོའི་ཏིང་འཛིན་གྱིས༔ གཉུག་མར་གནས་ལས་ས་བླངས་ཏེ༔ སྟེགས་བུ་འདོམ་གང་གྲུ་བཞིར་བཅད༔ འདོམ་ཕྱེད་དབང་ཆེན་ས་ལས་འཐོན༔ ཞིང་ཆེན་རྒྱུ་མས་ཐིག་གདབ་ཅིང་༔ རོ་སོལ་དུག་ཁྲག་ཆག་ཆག་བྱིལ༔ ཞི་རྒྱས་དབང་དང་དྲག་པོ་ཡི༔ འཕྲིན་ལས་བཞི་ཡི་རང་གཞུང་ནི༔ སྐབས་སུ་བབས་པ་ལྟར་བཞིན་གྱི༔ ཕོ་བྲང་མཛེས་པའི་ཚོན་གྱིས་བསྒྱུར༔ ལྷག་པའི་ལྷ་མཆོག་དམ་པ་ཡི༔ སྐུ་གསུང་ཐུགས་རྟེན་རྫས་ཀྱང་འགོད༔ ཕྱི་ནང་གསང་བའི་འདོད་ཡོན་སྤྲས༔ མོས་པ་གསུམ་ལྡན་རྣལ་འབྱོར་པས༔ ཤར་བ་གསུམ་གྱི་དཀྱིལ་འཁོར་དུ༔ གསལ་བ་གསུམ་གྱི་ཏིང་འཛིན་གྱིས༔ ཤེས་པ་གསུམ་གྱི་གཟེར་གདབ་ནས༔ སྤྲོ་བསྡུ་བསྒྱུར་ཞིང་སྙིང་པོ་འདྲེན༔ ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་ཧཱུྃ་ཧཱུྃ་ཕཊ་སྭཱ་ཧཱ༔ ལས་བཞིའི་འཕྲིན་ལས་ཤམ་བུ་ནི༔ ཨཱོཾ་ཤཱིནྟིང་ཀུ་རུ་ཡེ་སྭ་པུཥྟིང་ཀུ་རུ་ཡེ་ཧ་ཝ་ཤཾ་ཀུ་རུ་ཡེ་ཧཱུྃ་མཱ་ར་ཡ་ཕཊ་སྭཱ་ཧཱ༔ དཔལ་ཆེན་པོ་རྟ་གདོང་ཁྲོས་པ་དྲེགས་པ་ཟིལ་གྱིས་གནོན་པའི་རྒྱུད་ལས་སྒྲུབ་ཐབས་ལུང་གི་རིམ་པ་བཤད་པའི་ལེའུ་སྟེ་བཞི་པའོ༔ ས་མ་ཡཱ༔ རྒྱ་རྒྱ་རྒྱ༔ དེ་ནས་ལག་ན་རྡོ་རྗེ་ཡིས༔ ཁྲོ་བོ་ཆེན་པོར་ཡང་གསོལ་པ༔ མི་བཟད་དཔལ་ཆེན་འབར་བའི་རྒྱལ༔ མཆོད་ཅིང་བསྟོད་པ་ཇི་ལྟར་ལགས༔ ཁྲོ་བོ་ཆེན་པོས་བཀའ་སྩལ་པ༔ དབེན་པའི་གནས་སུ་མཆོད་ཚོགས་ལྡན༔ མ་དག་བསྲེགས་སྦྱངས་བདུད་རྩིར་སྤེལ༔ ཐོག་མའི་དུས་ཀྱི་ངར་འཛིན་ལས༔ བྱུང་བའི་འདྲེ་ལ་བཀའ་བསྒོ་སྟེ༔ ཨུ་ཙ་ཏ་ཡ་གྷརྫ་ཡ་ཧཱུྃ་ཕཊ༔ གཉིས་སུ་མེད་ལ་གཉིས་སུ་འཛིན༔ གཉིས་སུ་སྣང་བ་མཚམས་གཅོད་ཅིང་༔ རཀྵ་རཀྵ་ཡེ་སྭཱ་ཧཱ༔ ཧཱུྃ༔ བརྗོད་དུ་མེད་པའི་ཆོས་ཉིད་ལས༔ ཕྱོགས་དང་བྲལ་བའི་སྙིང་རྗེ་བསྒོམས༔ འགྲོ་རྣམས་སྒྲོལ་ཕྱིར་རང་རིག་ཧཱུྃ༔ ལས་དང་མཐུན་པའི་ཁ་དོག་ལྡན༔ འབྱུང་བཞི་རང་གྲོལ་ཀློང་ཡངས་སུ༔ ལས་ལྡན་ཕྲིན་ལས་ཕོ་བྲང་གསལ༔ སྟོང་ཞིང་སྙིང་རྗེའི་ཆོ་འཕྲུལ་ལས༔ ལྷག་པའི་ལྷ་མཆོག་ལྷ་ཡི་ལྷ༔ ཉོན་མོངས་རྒོལ་བ་འཇོམས་པ་པོ༔ ཡེ་ཤེས་མེ་ཡིས་མུན་པ་བསལ༔ གཅིག་ཏུ་མ་ངེས་དུ་མ་དང་༔ དུ་མ་ཐིག་ལེ་གཅིག་གི་ངང་༔ རྣམ་པར་བསྐྱེད་ཅིང་རྣམ་པར་གསལ༔ རྣམ་དག་སྒྱུ་མ་དམིགས་སུ་མེད༔ ང་མེད་ངར་འཛིན་རང་གྲོལ་འབར༔ དག་པ་རང་གྲོལ་དག་པའི་མཆོག༔ ཞིང་མཆོག་དམ་པ་དབྱིངས་ཀྱི་གནས༔ དུར་ཁྲོད་འབར་བ་ཁྲོ་བོའི་ཞིང་༔ དབང་དྲག་རོལ་པའི་ཕོ་བྲང་ནས༔ བསྒྲུབ་པའི་གནས་སུ་སྤྱན་འདྲེན་གསོལ༔ མོས་པའི་བུ་ལ་བརྩེར་དགོངས་ནས༔ ཐུགས་རྗེའི་མྱུར་མགྱོགས་འོད་འཕྲོས་ཏེ༔ བསྐྱེད་པའི་གནས་ལ་དངོས་གྲུབ་བར༔ བཞུགས་གསོལ་གཉིས་མེད་ཕྱག་རྒྱ་ཡི༔ འབར་བའི་གར་གྱི་སྟངས་སྟབས་བསྒྱུར༔ རོལ་མོ་འབིར་ཞིང་ལྟ་བ་སྤར༔ ཤ་ཆེན་ལ་སོགས་བསྲེག་པར་བྱ༔ ཨཱོཾ་ཨཱ་ཧཱུྃ་སྭཱ་ཧཱ་བཛྲ་ས་མ་ཡ་ཛཿཛ༔ བཛྲ་ས་མ་ཡ་ཏིཥྛ་ཏེ་བཛྲ་ས་མ་ཡ་ཨ་ལ་ལ་ཧོ༔ སྣང་བ་ཕྱི་ཡི་མཆོད་སྤྲིན་དང་༔ འཛིན་པ་ནང་གི་མཆོད་པ་སྟེ༔ ཤ་ཁྲག་དབང་པོ་ནང་རོལ་དང་༔ བཙོས་རྗེན་གསར་སྙིང་བམ་རུལ་ཚྭ༔ རྩ་བརྒྱད་སྟོང་སྦྱར་བདུད་རྩི་སྨན༔ རྒྱུ་དྲུག་བསྒྲལ་བའི་རཀྟ་དང་༔ འབྲུ་བཅུད་རྩི་སྨན་བྷ་ལིངྟ༔ ལྷག་པའི་ལྷས་ནི་འཁོར་ལོས་སྒྱུར༔ དབང་དྲག་དཔལ་གྱི་ལྷ་ལ་མཆོད༔ སརྦ་པཱུ་ཙའི་མཆོད་པ་བཞེས༔ ཧཱུྃ༔ ཆེ་སྟེ་དྲེགས་ཆེན་འདུལ་བའི་དཔལ༔ དྲེགས་པ་འདུལ་མཛད་དྲེགས་པའི་གཤེད༔ རབ་འཇིགས་གར་དགུའི་འཁོར་ལོ་འབར༔ དབང་ཆེན་སྒྲ་སྒྲོག་ཁམས་གསུམ་དང་༔ སྲིད་པའི་ཚོགས་ཀྱང་བྲན་དུ་ཁོལ༔ མངོན་རྫོགས་རྒྱལ་པོ་ཆོས་ཀྱི་སྐུ༔ ཐུགས་རྗེའི་སྟོབས་བཅུ་ཕྱོགས་བཅུར་འབར༔ དབང་བཅུའི་ཤུགས་ཀྱིས་དྲེགས་པ་འདུལ༔ རྟ་གདོང་དབང་གི་རྒྱལ་པོ་རྒྱལ༔ ཁྲོས་པའི་སྟོབས་རྩལ་ཡོངས་སུ་རྫོགས༔ འབར་བའི་ཀློང་ནས་གཏུམ་དྲག་འཁྲུག༔ མི་བསྲུན་དྲག་པོ་འཁོར་དང་བཅས༔ དུག་གསུམ་བསྐལ་བའི་མེ་ལྟར་འབར༔ དུག་ལྔའི་རྒྱ་མཚོ་རྦ་ལྟར་འཁྱོམ༔ ཤེས་རབ་ཁྲོ་མོ་འབར་བ་འཁྲིལ༔ ལྷ་ཚོགས་དཀྱིལ་འཁོར་འཁོར་ལོའི་དཔལ༔ རྒྱན་དུ་རོལ་ཞིང་རྒྱན་དང་ལྡན༔ ཕྱག་དང་རྟགས་ཀྱི་བསྟོད་པས་བསྟོད༔ བཟའ་བ་བཅའ་བ་བཏུང་བའི་རིགས༔ ལ་ལ་ཕུད་དང་སྤང་ལས་སྐྱེས༔ ནགས་ལས་སྐྱེས་དང་ཆུ་ལས་བརྡོལ༔ བྱད་མ་དགྲ་བགེགས་ཤ་དང་ཁྲག༔ བསད་པའི་ཤ་སྣ་མྱོས་པའི་ཆང་༔ ཤ་ལྔ་བདུད་རྩི་རྣམ་པ་ལྔའི༔ ཕུང་པོར་བསྒྱུར་ཞིང་ཁ་རཾ་ཁཱ་ཧི༔ ཞལ་ཏུ་བསྟབས་ཏེ་མགུལ་དུ་བསྒྲིམས༔ དགྱེས་པའི་གཟི་བརྗིད་ཀུན་ཏུ་འབར༔ བདག་ལ་དངོས་གྲུབ་སྩོལ་ཞེས་གསོལ༔ མུ་རན་སྐྱོང་བ་ལྷག་མས་བརྔན༔ དྲེགས་ཚོགས་དབང་པོའི་བཀའ་བསྒྱུར་རྣམས༔ སྔོན་ཚེ་ཁྲག་འཐུང་ཆེན་པོ་བཀའ༔ བར་དུ་རིག་འཛིན་རྣམས་ཀྱི་ལུང་༔ ད་ལྟ་རྣལ་འབྱོར་བདག་གི་ཚིག༔ ཆད་ཐོ་དགོངས་ལ་གཏོར་མ་བཞེས༔ འཕྲིན་ལས་སྒྲུབས་ཤིག་དམ་མ་གཡེལ༔ སྐུ་གསུང་ཐུགས་ཡོན་དཀྱིལ་འཁོར་ནས༔ དགེ་བའི་བཀྲ་ཤིས་ཆུ་རྒྱུན་སྩོལ༔ བསོད་ནམས་མཐུ་ཡིས་བསྟན་པ་རྒྱས༔ དགེ་བའི་འབྲས་བུ་སྟོབས་བཅུར་འབར༔ བདག་གཞན་དོན་གཉིས་མཐར་ཕྱིན་ཤོག༔ གསལ་བའི་དཀྱིལ་འཁོར་ས་བོན་ཧཱུྃ༔ དམིགས་མེད་ཐིག་ལེ་ནཱ་དར་ཡལ༔ དཔལ་ཆེན་པོ་རྟ་གདོང་ཁྲོས་པ་དྲེགས་པ་ཅན་ཟིལ་གྱིས་གནོན་པའི་རྒྱུད་ལས་མཆོད་ཅིང་བསྟོད་པའི་རིམ་པ་བསྟན་པའི་ལེའུ་སྟེ་ལྔ་པའོ༔ ས་མ་ཡཱ༔ རྒྱ་རྒྱ་རྒྱ༔ དེ་ནས་ལག་ན་རྡོ་རྗེ་ཡིས༔ ཁྲོ་བོ་ཆེན་པོར་ཡང་གསོལ་པ༔ ཉམས་ཆག་བྱུང་ན་ཇི་ལྟར་བསྐང་༔ ཁྲོ་བོ་ཆེན་པོས་བཀའ་སྩལ་པ༔ མ་འོངས་དམ་ལྡན་རིག་པ་འཛིན༔ དམ་ཚིག་འགལ་འཁྲུལ་ལྟ་སྒོམ་གཡེལ༔ སྡེ་བརྒྱད་འཁུ་ལྡོག་དལ་ཡམས་འབབ༔ མི་མཐུན་གནོད་པས་གཟིར་གྱུར་ན༔ དབེན་པའི་གནས་སུ་དཀྱིལ་འཁོར་བཞེངས༔ སྨན་རག་གཏོར་ཚོགས་སྤྱན་གཟིགས་བཀྲམ༔ ལས་ཀྱི་འཕྲིན་ལས་གསལ་བར་བསྐྱེད༔ བཟླས་པའི་སྔགས་འཁོར་སྤྲོ་བསྡུ་བསྒྱུར༔ དྲི་ཞིམ་དུད་པ་ཤ་ཆེན་སྲེག༔ གདུང་བའི་དབྱངས་ཀྱིས་ལྷ་ལ་འབོད༔ འགྱོད་པའི་ཤུགས་བསྐྱེད་ཐུགས་དམ་བསྐང་༔ ཧཱུྃ༔ དབྱིངས་ལས་ཤར་བའི་དཔལ་ཆེན་པོ༔ དཔའ་བོ་མཁའ་འགྲོ་ཀུན་གྱི་རྗེ༔ ཁྲག་འཐུང་དབང་ཆེན་ཧེ་རུ་ཀ༔ དཔལ་ཆེན་བརྔམས་པ་དྲེགས་པའི་གཤེད༔ མཁའ་དབྱིངས་དག་པ་པདྨའི་ཡུམ༔ སྤྲུལ་འཁོར་སངས་རྒྱས་བྱང་ཆུབ་སེམས༔ བཀའ་དང་བསྟན་སྲུང་དྲེགས་པའི་ཚོགས༔ སྤྲོས་བྲལ་ཆེན་པོ་ཆོས་དབྱིངས་ཀློང་༔ བསྐང་བྱ་སྐོང་བྱེད་ཡུལ་འདས་ཀྱང་༔ བདག་ཅག་རྨོངས་པས་བགྱིད་པའི་ལས༔ མཐོལ་ལོ་བཤགས་སོ་ཉམས་ཆག་སྐོང་༔ སྐུ་གསུང་ཐུགས་རྟེན་སྤྱན་གཟིགས་ཚོགས༔ ཕྱི་ནང་གསང་མཆོད་དམ་ཚིག་རྫས༔ རྐང་གླིང་ཤུགས་གླུ་རོལ་མོའི་ཚོགས༔ འབར་འབིར་འཁྲུག་ཅིང་འར་འུར་ལྡིར༔ སྟག་ཐོད་རཀྟ་དམར་གྱིས་བརྒྱན༔ ལྟོ་འཕྱེའི་གཡང་གཞི་ལྷབ་ལྷུབ་འཕྱོ༔ སྟག་སེང་དོམ་དྲེད་རྒྱལ་མཚན་མཐོ༔ ལེ་བརྒན་ལྡ་ལྡི་ཅོད་པན་བསྐྱོད༔ ཐུགས་དམ་གཉན་པོ་འདིས་སྐོང་ལ༔ གཡར་དམ་གཉེན་པོ་སོར་སྩོལ་ཅིག༔ དཔལ་ཆེན་པོ་རྟ་གདོང་ཁྲོས་པ་དྲེགས་པ་ཅན་ཟིལ་གྱིས་གནོན་པའི་རྒྱུད་ལས་ཉམས་ཆག་སྐོང་བའི་ལེའུ་སྟེ་དྲུག་པའོ༔ ས་མ་ཡཱ༔ རྒྱ་རྒྱ་རྒྱ༔ དེ་ནས་ལག་ན་རྡོ་རྗེ་ཡིས༔ ཁྲོ་བོ་ཆེན་པོར་ཡང་གསོལ་པ༔ དཔལ་ཆེན་དབང་གི་དབང་ཕྱུག་ཆེ༔ དམ་ཚིག་ཅན་གྱི་སྐལ་ལྡན་ལ༔ སྨིན་བྱེད་གདམས་པ་ཇི་ལྟར་ལགས༔ ཁྲོ་བོ་ཆེན་པོས་བཀའ་སྩལ་པ༔ ལུང་བཞིན་བཤད་པའི་གནས་མཆོག་ཏུ༔ ཡང་དག་དམ་ལ་གནས་པའི་བུ༔ ནུས་པ་ལྡན་པའི་སློབ་དཔོན་གྱིས༔ སྟ་གོན་སྤྱོད་ནས་སྨིན་པར་བྱ༔ འདི་ནི་དམ་ཚིག་དམྱལ་བའི་ཆུ༔ བསྟེན་ན་དམ་ལྡན་དངོས་གྲུབ་འཐོབ༔ ཉམས་ན་འཇིགས་པ་གདོན་མི་ཟ༔ རྡོ་རྗེ་འབར་བའི་ཆུ་འདི་འཐུང་༔ སྣང་སྲིད་མི་དམིགས་སྟོང་ཉིད་ངང་༔ དམིགས་པ་དམ་ཚིག་སེམས་དཔར་བསྒྱུར༔ ཡེ་ཤེས་ལྷ་ཚོགས་དབྱིངས་ནས་བསྐྱོད༔ དམ་ཚིག་ཡེ་ཤེས་གཉིས་མེད་འདྲེས༔ རོ་གཅིག་ཀློང་དུ་མཉམ་པར་བཞག༔ ལྷ་ཚོགས་སྐུ་ཡི་སྣང་བརྙན་དང་༔ རིན་ཆེན་དབང་གི་བུམ་དབང་སྦྱིན༔ སྤྲུལ་པའི་སྐུ་ཡི་ས་བོན་བཞག༔ བསྐྱེད་རིམ་སྐུ་ཡི་དམ་ཚིག་གཏད༔ ཧེ་རུ་ཀཿཡི་བུམ་པ་ནི༔ པཉྩ་རསྨི་བཅུད་ཀྱིས་གཏམས༔ ལོངས་སྤྱོད་འཁོར་ལོར་ཡབ་དང་ཡུམ༔ ཐབས་ཤེས་ཟུང་འཇུག་སྤྲོ་བསྡུ་བསྒྱུར༔ ལོངས་སྐུའི་ས་བོན་རྒྱུད་ལ་བཞག༔ བཟླས་པ་ལུང་གི་དམ་ཚིག་འབོག༔ དུས་གསུམ་སངས་རྒྱས་ཐམས་ཅད་ཀྱི༔ གསང་བ་གསུམ་གྱི་དཀྱིལ་འཁོར་ལས༔ རང་བྱུང་ཤར་བའི་རྡོ་རྗེ་ཆེ༔ བྱང་ཆུབ་སེམས་ཀྱི་དཀྱིལ་འཁོར་དུ༔ དམིགས་མེད་ཏིང་འཛིན་དབང་ཡང་བསྐུར༔ ཆོས་སྐུའི་ས་བོན་རྒྱུད་ལ་བཞག༔ བསྐྱེད་པའི་རིམ་པས་བག་ཆགས་དག༔ རྫོགས་པའི་རིམ་པ་དམིགས་སུ་མེད༔ བསྐྱེད་རྫོགས་ཟུང་འཇུག་དམ་ཚིག་འཆང་༔ རབ་འབྱམས་འཕྲིན་ལས་ཡོན་ཏན་གྱིས༔ དབང་ཡང་ཆས་དང་རྒྱན་གྱིས་བརྒྱན༔ བསྐྱེད་རིམ་ཏིང་འཛིན་ལས་སྦྱར་ནས༔ དབང་དང་དྲག་པོའི་འཕྲིན་ལས་ཀྱིས༔ བདག་གཞན་དཔལ་ལ་སྤྱོད་པར་བྱ༔ བུ་དང་ཆུང་མ་ནོར་གྱི་དབྱིག༔ རབ་ཏུ་གཅེས་དང་ཡིད་འཐད་འབུལ༔ དཔལ་ཆེན་པོ་རྟ་གདོང་ཁྲོས་པ་དྲེགས་པ་ཅན་ཟིལ་གྱིས་གནོན་པའི་རྒྱུད་ལས་སྨིན་བྱེད་དབང་གི་ལེའུ་སྟེ་བདུན་པའོ༔ ས་མ་ཡཱ༔ རྒྱ་རྒྱ་རྒྱ༔ དེ་ནས་ལག་ན་རྡོ་རྗེ་ཡིས༔ ཆགས་བྲལ་བདེ་བའི་འཁོར་ལོ་འཆང་༔ སྣོད་ལྡན་གྲོལ་ལམ་བཤད་དུ་གསོལ༔ ཁྲོ་བོ་ཆེན་པོས་བཀའ་སྩལ་པ༔ ཉོན་ཅིག་གསང་བདག་རྡོ་རྗེ་འཛིན༔ རྣམ་གཡེང་འཚེ་བ་མེད་པའི་སར༔ དོན་མཐོང་སྨིན་པའི་སློབ་དཔོན་གྱིས༔ སྔོན་སྦྱངས་སད་པའི་བློ་ཆེན་ལྡན༔ ཡང་དག་དོན་ལ་མོས་པའི་བུར༔ འདི་ནི་འཁོར་བ་ཞེས་བྱ་སྟེ༔ འདི་ནི་མྱ་ངན་འདས་པའི་ལམ༔ སྡུག་བསྔལ་དག་དང་སྡུག་བསྔལ་གྱི༔ རྟོག་པ་དག་གིས་འདུ་བྱས་པ༔ ཚོར་བའི་ཕུང་པོའི་རྦ་ལ་གཡེངས༔ ཕུང་པོ་ལྔ་དང་ཡིད་འཐད་གྲོགས༔ སྲེད་པས་གདུངས་ཕྱིར་འདུ་ཤེས་འཁོར༔ འདུ་བྱེད་ཤིང་རྟ་འཁོར་བ་ལས༔ ལྷ་དང་ལྷ་མིན་མི་དང་ནི༔ དམྱལ་བ་ཡི་དྭགས་དུད་འགྲོ་མཐོང་༔ ལས་ཀྱི་དུཿཁས་ཀུན་དུ་གཡེངས༔ རྣམ་པར་སྨིན་པ་བཅོས་དཀའ་བས༔ ཤེས་རབ་ལྡན་པའི་མི་ལུས་ཀྱི༔ གསང་བའི་ལམ་ལས་སྤང་བླང་དབྱེ༔ སྒོ་གསུམ་བག་ཆགས་བཟླས་པས་སྦྱངས༔ ཨཱོཾ་ཧཱུྃ་ཏྲཱཾ་ཧྲཱིཿཨཱ༔ དུག་ལྔ་རྣམ་དག་ཡེ་ཤེས་ལྔ༔ འབྱུང་བ་ལྔ་ནི་དབྱིངས་སུ་དེངས༔ ཧཱུྃ་ཧཱུྃ་ཧཱུྃ༔ ཚོགས་བརྒྱད་ཡུལ་བརྒྱན་ཕུང་པོ་ལྔ༔ དག་པ་རང་གྲོང་རང་སར་དག༔ ཨཱོཾ་ཤྲཱི་ཧེ་རུ་ཀ་ཧཱུྃ་ཕཊ༔ ཕྱི་སྣོད་དག་པའི་ཞིང་ཁམས་སུ༔ རིག་པ་ཡེ་ཤེས་སྐུ་རུ་སྨིན༔ དུས་མཐའི་དང་པོ་ཐོག་མ་ནས༔ ཀ་ནས་དག་པའི་བྱང་ཆུབ་སེམས༔ སྤྲོས་དང་བྲལ་བས་བློ་ལས་འདས༔ དགེ་དང་སྡིག་པའི་ཡུལ་ཡང་ཟད༔ སྐྱེ་དང་འཆི་བ་ངོ་བོར་དག༔ སྤང་དང་བླང་བའི་རེ་དོགས་གྲོལ༔ འདི་ནི་དོན་མཐོང་བླ་ན་མེད༔ བླ་མེད་བླ་མ་བླ་ན་མེད༔ དུག་གསུམ་སྐུ་གསུམ་འབྲས་བུར་སྨིན༔ དུག་ལྔ་ཡེ་ཤེས་སྐུ་ལྔར་སྨིན༔ ཚོགས་བརྒྱད་ཡུལ་བརྒྱད་རང་ངོར་དག༔ བྱང་ཆུབ་སེམས་དཔའ་སེམས་མར་གྲོལ༔ ལྟ་བ་གྱད་ཀྱི་རྟོགས་པ་ཡི༔ མན་ངག་སྒོམ་པའི་འཕྲང་བསལ་ནས༔ སྤྱོད་པ་ཤན་འབྱེད་རོ་སྙོམས་ཀྱིས༔ མཐར་ཕྱིན་དོན་ལ་ཚེ་གཅིག་སྤྱོད༔ དཔལ་ཆེན་པོ་རྟ་གདོང་ཁྲོས་པ་དྲེགས་པ་ཅན་ཟིལ་གྱིས་གནོན་པའི་རྒྱུད་ལས་གྲོལ་བྱེད་གདམས་པའི་ལེའུ་སྟེ་བརྒྱད་པའོ༔ ས་མ་ཡཱ༔ རྒྱ་རྒྱ་རྒྱ༔ དེ་ནས་ལག་ན་རྡོ་རྗེ་ཡིས༔ ཁྲོ་བོ་ཆེན་པོར་ཡང་གསོལ་པ༔ སངས་རྒྱས་བསྟན་དང་སེམས་ཅན་སྤྱིར༔ འཚེ་བའི་རུ་ཊ་ཇི་ལྟར་སྒྲོལ༔ ཁྲོ་བོ་ཆེན་པོས་བཀའ་སྩལ་པ༔ ཕུང་གསུམ་བདུད་ཀྱི་ཉི་མ་ལ༔ ཕུང་ཤུལ་ས་ལ་སྟེགས་བུ་བཟོ༔ དུག་ཁྲག་རོ་སོལ་ཆག་ཆག་གདབ༔ གྲུ་གསུམ་ཧོམ་ཁུང་ཚད་ལྡན་ནང་༔ དགྲ་བགེགས་བྱད་མའི་ལིངྒ་ནི༔ དུག་ཤོག་ངོས་ལ་དུག་ཁྲག་གིས༔ གཟུགས་དང་སྐྱེ་མཆེད་ཚང་བ་ལ༔ བུག་པ་དགུ་ལ་དམོད་ཡིག་གདབ༔ དཔྲལ་བར་རུས་བྲིས་ལྟེ་བ་ལ༔ བླ་དགས་སྙིང་གར་ནྲི་དང་མིང་༔ འགུགས་པའི་སྔགས་རྣམས་འབྲི་བར་བྱ༔ ཐ་མར་བསད་སྔགས་དམོད་བཅོལ་བཀོད༔ དེ་ཡིས་སྐྱོབ་བྱེད་ལྷ་བསྲུང་དབྱེ༔ ཧོམ་དུ་བཅུག་ནས་བདེན་སྟོབས་སྒྲོགས༔ མ་ཉེས་ཤགས་འདེབས་ཕུད་རྒོད་གཏོར༔ བྱད་ཐག་བསྡམ་ཞིང་དགྲ་བགེགས་སརྦ་ཨདྒུ་ཤ་ཡ་ཛཿཛ༔ བཛྲ་པ་ཤ་ཧཱུྃ་ཧཱུྃ་བཛྲ་སྥོ་ཊ་བཾ་བཾ་བཛྲ་གྷནྜེ་ཧོ་ཧོ༔ བཛྲ་ཨ་ཝེ་ཤ་ཡ་ཨ་ཨ༔ བྷནྡྷ་བྷནྡྷ་ཚིནྡྷ་ཚིནྡྷ་ཧ་ན་ཧ་ན་མ་ར་མ་ར་མཱ་ར་ཡ་མཱ་ར་ཡ་གྷརྫ་གྷརྫ་ཧྱ་གྷྲཱི་ཝ་དྷཀྐི་ནི་བྷ་ར་ཧི་ཨ་ཡ་མ་དུ་རུ་ཙ་ཤ་ན་དགྲ་བགེགས་ཀྱི་སྲོག་རྩ་སྙིང་རྩ་ཁྲག་རྩ་ལ་ཏྲི་དུ་ཛ་ཏྲི་དུ་ཛ་ནྲི་ཏྲི་དུ་ན་མཱ་ར་ཡ་མ་ཏྲི་ཏི་ས་མ་ཡ་རྦད་རྦད་རཀྴ་རཀྴ་ཏྲག་རཀྴ་མ་ཡ་ར་ཡ་ཏི་ནི་མཱ་ར་ཡ་རྦད་རྦད་སོད་སོད་གཏུབས་གཏུབས༔ བྷིརྱ་ས་མ་ཡ་ཏི་དགྲ་བགེགས་ལ་རྦད་རྦད་སོད་སོད༔ ཁྲི་འཕོ་མ་མ་ཀར་ཏི་ཤག་ཤག་བྱེར་བྱེར་སོད་སོད༔ བྷནྡྷ་ཀྲོ་ཏ་དཾ་ལིང་ན་ཡར་ཡར་མཱ་ར་ཡ་རྦད་རྦད་སོད་སོད༔ ཅེས་བརྗོད་བསྒྲལ་ཞིང་ཐུན་གྱིས་བརྡེག༔ ཁྲག་འཐུང་འབར་བའི་ལྷ་ཚོགས་ཀྱིས༔ ཧཱུྃ་ཧཱུྃ་ཧཱུྃ་ཞེས་སྒྲ་ཆེན་སྒྲོགས༔ ལོག་རྟོག་རྣམ་ཤེས་མཁའ་ལ་སྤར༔ ཕཊ་ཕཊ་ཕཊ་ཞེས་དབྱིངས་སུ་བསྟིམ༔ རྒྱལ་བའི་སྲས་སུ་བྱིན་གྱིས་བརླབས༔ སྤྲུལ་པའི་ཁྲོ་ཚོགས་ཕོ་ཉ་འཕྲོས༔ ཁྱད་པར་སྲས་མཆོག་ཀཱི་ལཱ་ཡ༔ རིགས་ལྔར་གྱུར་ནས་ཕུར་བུའི་དབལ༔ རྡོ་རྗེ་མཚོན་ཆ་ཐུན་ཆར་ཕབ༔ ཁྲོ་མོ་འབར་བའི་མཁའ་དབྱིངས་སུ༔ ཁྲོ་བོའི་རྡོ་རྗེས་བསྣུན་ཞིང་བསྒྲལ༔ ཤ་ཁྲག་སྤྲུལ་འཁོར་རྣམས་ལ་འབུལ༔ བྱང་ཆུབ་སྙིང་རྗེས་ཁྲོས་པའི་ལྷས༔ ཞིང་བཅུ་ལྡན་པའི་དགྲ་དང་བགེགས༔ བསད་ཅིང་མནན་པས་མཆོག་ལ་སྦྱོར༔ མཆོག་གི་འབྲས་བུ་མངོན་དུ་བྱེད༔ བསྟན་དང་འགྲོ་རྣམས་བདེ་བར་སྤྱོད༔ དཔལ་ཆེན་པོ་རྟ་གདོང་ཁྲོས་པ་དྲེགས་པ་ཅན་ཟིལ་གྱིས་གནོན་པའི་རྒྱུད་ལས་སྦྱོར་སྒྲོལ་བསྟན་པའི་ལེའུ་སྟེ་དགུ་པའོ༔ ས་མ་ཡཱ༔ རྒྱ་རྒྱ་རྒྱ༔ དེ་ནས་ལག་ན་རྡོ་རྗེ་ཡིས༔ འབར་བའི་མངོན་རྫོགས་ཁྲག་འཐུང་རྒྱལ༔ གདུལ་དཀའ་མ་ལུས་འདུལ་བའི་ཕྱིར༔ ཉམས་པ་སྲེག་དང་མནན་ཐབས་གང་༔ ཁྲོ་བོ་ཆེན་པོས་བཀའ་སྩལ་པ༔ ལག་ན་རྡོ་རྗེ་ཁྱོད་ཉོན་ཅིག༔ དུར་ཁྲོད་དྲག་པོའི་གནས་སུ་ནི༔ ལྟ་སྤྱོད་ལྡན་པའི་རྣལ་འབྱོར་པས༔ ནག་པོའི་འགྲུབ་སྦྱོར་ཉི་ཁྱིམ་ལ༔ དམེ་འཁྲུག་ས་ལ་སྟེགས་བུ་བཟོ༔ དམེ་ཁྲག་གྲི་ཁྲག་དུག་ཁྲག་གིས༔ ཆག་ཆག་བྱི་དོར་ཐིག་ཏུ་བཅད༔ འཁོར་ལོའི་རྩིབས་སོགས་ལྷ་ཡི་གྲངས༔ ཐོད་པ་རྡོ་རྗེ་མེ་རིས་བསྐོར༔ ཚོན་གླན་དུག་ཤིང་ཧོམ་ཁུང་བརྩིག༔ ཤ་ཆེན་སྲེག་རྫས་མཆོད་གཏོར་དང་༔ མི་རྩིབ་ཡམ་ཤིང་བྱང་བུས་བརྒྱན༔ རཱུ་པར་བརྒྱ་སྟོང་ལྔ་བརྒྱ་སོགས༔ སྐབས་སུ་གང་བབས་ཟངས་ཕྱེ་དང་༔ ལྕགས་ཕྱེ་ཁྲོ་དང་ཁྲག་ཆེན་དུག༔ ཏིལ་དང་ལན་ཚྭ་ཚོགས་པར་དགྲམས༔ བསྐྱེད་རྫོགས་བཟླས་བསྒོམ་ལྟ་བ་སྤར༔ འབྱུང་བའི་མེ་ལྷ་བསྐྱེད་ཆོག་མཆོད༔ བསྟོད་ཅིང་འབར་ཏེ་འཁྲུག་པའི་དབྱིངས༔ ཁྲག་འཐུང་ལྷ་ཚོགས་གསལ་བར་བསྐྱེད༔ ནན་བསྐྱེད་ནན་གྱིས་གཉིས་མེད་བསྟིམ༔ ཞལ་ནི་གནམ་སའི་ད་ལ་བཞིན༔ ལྗགས་ནི་བར་སྣང་གློག་ལྟར་འཁྱུག༔ ཚེམས་ནི་དུང་གི་རི་ལྟར་ལ༔ རྒྱོབ་གསོད་སྒྲ་སྒྲོགས་འབྲུག་སྟོང་ལྡིར༔ སྤྱན་རྣམས་ཁྲག་མཚོ་ལྟ་བུར་ཁོལ༔ སྐུ་ནི་གར་དགུའི་ཉམས་ཀྱིས་འཕྱོ༔ དམིགས་པའི་ཐེམས་སུ་བཅུག་པ་དང་༔ བྱང་བུར་མིང་མི་བསྒྱུར་བ་ཡི༔ དགྲ་བགེགས་མ་ལུས་ཐམས་ཅད་ནི༔ རྫོགས་ལྡན་བསྐལ་པའི་མེ་ལྟར་དུ༔ འབར་བའི་ཀློང་དུ་ཧབ་ཧབ་བཞེས༔ མེ་ལྕེ་ཁ་ཡི་རྩི་སྦུར་ལྟར༔ སྐད་ཅིག་དེ་ལ་བརླག་པར་བསམས༔ ཨཱོཾ་ཨགྣེ་ཡེ་ཛ་ཧཱུྃ་བཾ་ཧོ༔ བཛྲ་ས་མ་ཡ་ཛཿཛ༔ ས་མ་ཡ་ཏིཥྛ་ལྷན༔ བཛྲ་པུཥྤེ་དྷུ་པེ་ཨཱ་ལོ་ཀེ་གྷནྡྷེ་ནཻ་ཝི་དྱ་ཤཔྟ་ཨཱཿཧཱུྃ༔ ཨཱོཾ་རཾ་རཾ་རཾ་ཛྭ་ལ་རཾ་དགྲ་བགེགས་སརྦ་ཤྭ་ཊ་མཾ་ས་ཙིཏྟ་རཀྟ་གོ་རོ་ཙ་ན་བྷ་སུ་ཏ་ཀེཾ་ནི་རི་ཏི་མ་ཧཱ་སརྦ་ས་མ་ཡ་ཨེ་དཾ་བཱ་ལིངྟ་ཨེ་ཧྱ་ཧི་ཧྱ་གྷྲཱི་ཝ་དྷཀྐི་ནི་བྷ་ར་ཧི་ཁ་ཁ་ཁཱ་ཧི་ཁཱ་ཧི༔ བརྒྱ་སྟོང་ལྔ་བརྒྱ་ལ་སོགས་པས༔ སྲེག་རྫས་ཡོངས་སུ་རྫོགས་པ་ལ༔ སོ་སོར་ལས་སྔགས་བརྒྱན་ནས་ནི༔ ཚིག་གིས་བཅད་ནས་འབུལ་བར་བྱ༔ ལྷ་ཚོགས་གཤེགས་གསོལ་མེ་ལྷ་མཆོད༔ དགེ་བ་བསྔོ་ཞིང་མཐའ་རྒྱས་སྐྱོང་༔ ལིང་ཐལ་སྐབས་སུ་དམིགས་པ་ལྟར༔ སྣོད་དུ་བསྡམས་ཤིང་ལས་ལ་སྦྱར༔ བྱང་བལྟ་ཆུ་མིག་མགོ་བོ་དགུ༔ རི་བོ་ཐུར་རྒྱུག་རྙ་ཆད་འོག༔ ལུང་གསུམ་འདུས་པའི་སུམ་མདོ་དང་༔ ལྷ་ཁང་ཐེམ་འོག་མཆོད་རྟེན་ཞབས༔ རྒྱ་གྲམ་ལམ་མམ་འདྲེ་གནས་ཕུག༔ མནན་ཅིང་རྒྱས་གདབ་དམོད་བཅོལ་གཡབ༔ བསྐལ་པའི་མཐར་ཡང་ཐར་མེད་བསྒོམ༔ དགྲ་བགེགས་ཁ་ཕུང་གཏན་བརླག་འགྱུར༔ དཔལ་ཆེན་པོ་རྟ་གདོང་ཁྲོས་པ་དྲེགས་པ་ཅན་ཟིལ་གྱིས་གནོན་པའི་རྒྱུད་ལས་མནན་སྲེག་བསྟན་པའི་ལེའུ་སྟེ་བཅུ་པའོ༔ ས་མ་ཡཱ༔ རྒྱ་རྒྱ་རྒྱ༔ དེ་ནས་ལག་ན་རྡོ་རྗེ་ཡིས༔ ཁྲོ་བོ་འབར་བའི་ཧེ་རུ་ཀར༔ ཉམས་པ་སྒྲོལ་བའི་ལས་བརྩམ་ན༔ དམིགས་པའི་ཟབ་གནད་ཇི་ལྟར་ལགས༔ རྡོ་རྗེ་འཛིན་པ་ལེགས་པར་ཉོན༔ རང་ཉིད་ཁྲོ་བོའི་ཏིང་འཛིན་ལྡན༔ ཁྲག་འཐུང་འབར་བའི་དཀྱིལ་འཁོར་ལྷ༔ སྤྲུལ་པ་དམིགས་བྱའི་གཤེད་མར་བསྒྱུར༔ ལས་སྨིན་ལྕགས་སྒྲོམ་འབར་བའི་ནང་༔ ཉམས་པའི་ལྷ་དང་འདྲེ་གཉིས་པོ༔ དུག་གི་སྦལ་པ་དཀར་ནག་གཉིས༔ དུག་རིགས་བཅོ་བརྒྱད་ན་བུན་གཏིབས༔ དུག་གི་ཆར་པ་སི་ལི་ལི༔ ལྟོ་སྦྱོར་ཚ་གྲང་འཁྲུག་པའི་ཀློང་༔ བྱད་མ་འཁོར་བཅས་ཚུད་པར་བསྒོམས༔ ནང་ནས་ཉོན་མོངས་མེ་ལྟར་འབར༔ དུག་རླངས་འཕྲོས་པས་དམིགས་བྱ་ཡི༔ ལྷ་སྲུང་དཔལ་ཆེན་བཅས་པ་ཕོག༔ མ་བཟོད་དྲག་ཏུ་ཁྲོས་ཤིང་འཁྲུགས༔ རང་བྱད་རང་གི་སྟེང་དུ་དབབ༔ ནད་མཚོན་དུག་ཁྲག་ཐུན་ཆར་ནི༔ ལྕགས་ཀྱི་སེར་ཆེན་ལྟ་བུར་འདྲིལ༔ བསྐལ་པའི་མེ་ཆེན་ལྟ་བུར་འབར༔ དུག་གི་རྒྱ་མཚོ་ལྟ་བུར་ཁོལ༔ ཁྲོ་ཆུའི་ཞུན་ཐིགས་ལྟ་བུར་འཕྲོ༔ གནམ་ལྕགས་ཚྭ་ཚྭ་ལྟ་བུར་ཡར༔ ནམ་མཁའི་ཁམས་ཀྱི་གློག་ལྟར་འཁྱུག༔ བར་སྣང་ཁམས་ཀྱི་ཐོག་ལྟར་འབབ༔ བསྐལ་པའི་རླུང་གི་རྡུལ་ལྟར་འཚུབ༔ རྩུབ་འགྱུར་ཚལ་གྱི་མཚོན་ལྟར་གཟེངས༔ ཐེམས་སུ་བཏབ་པའི་དགྲ་བོ་དེ༔ སྐད་ཅིག་ཉིད་ལ་བརླག་ནས་ཀྱང་༔ བཀའ་ཡི་འཁོར་ཚོགས་ཕོ་ཉ་རྣམས༔ བྱ་གཅན་ཤ་ལ་རུབ་པ་ལྟར༔ བླ་ཁྱེར་སྲོག་བཅད་དབུགས་འགམས་ནས༔ ཤ་ཁྲག་ལྷག་མ་མེད་པར་བཞེས༔ ལྷ་ཚོགས་ནུས་སྟོབས་གཟི་བརྗིད་འབར༔ དབང་དྲག་འཕྲིན་ལས་ཐོགས་མེད་ཀྱི༔ མ་ཡེངས་དགོངས་པའི་ཏིང་འཛིན་གྱིས༔ ཐེམས་སུ་བཏབ་པའི་དགྲ་དང་བགེགས༔ བརླག་འགྱུར་འདི་ལ་གདོན་མི་ཟ༔ དཔལ་ཆེན་པོ་རྟ་གདོང་ཁྲོས་པ་དྲེགས་པ་ཅན་ཟིལ་གྱིས་གནོན་པའི་རྒྱུད་ལས་དམིགས་པ་གནད་འབེབས་ཀྱི་སྐབས་ཏེ་ལེའུ་བཅུ་གཅིག་པའོ༔ ས་མ་ཡཱ༔ རྒྱ་རྒྱ་རྒྱ༔ དེ་ནས་ལག་ན་རྡོ་རྗེ་ཡིས༔ རྟ་མཆོག་རྒྱལ་པོར་ཡང་གསོལ་པ༔ ཕས་ཀྱི་རྦོད་གཏོང་གནོད་པའི་བགེགས༔ བཟློག་པའི་འཕྲིན་ལས་བཤད་དུ་གསོལ༔ ཁྲོ་བོ་ཆེན་པོས་བཀའ་སྩལ་པ༔ དྲག་པོའི་གནས་སུ་དཀྱིལ་འཁོར་དབུས༔ འབྲུ་ནག་ཕྱེ་ལ་དཔལ་བཤོས་བཞེངས༔ དུག་དང་ཁྲག་གིས་བརྗིད་པར་བྱུགས༔ མཚེ་དང་ཀེ་ཚེ་ཤང་ཚེ་དང་༔ རྩང་དང་ཡུངས་ཀར་ཡུངས་ནག་སྟེ༔ ལིངྒ་ཤ་ཆེན་དབང་ལྔས་བརྒྱན༔ ཁྲོ་བོ་ཆེན་པོར་མངའ་གསོལ་ཞིང་༔ བདག་མདུན་ཁྲག་འཐུང་ཧེ་རུ་ཀ༔ འཁོར་འདས་ལམ་གསུམ་རང་རིག་རྩལ༔ བདེན་རྫུན་སྒྱུ་མའི་འཁོར་ལོ་ལ༔ སྒྱུ་མའི་སྐྱེས་བུས་སྔགས་བརྒྱབ་ལྟར༔ མེད་ལ་ཡོད་པར་ལྟ་བ་དང་༔ སྟོང་ལ་བདག་ཏུ་བཟུང་བ་ཡི༔ སྔོན་ལས་འཕྲལ་རྐྱེན་ཐན་ལྟས་བྱད༔ ཕྱིར་བཟློག་བསྒྱུར་ཞིང་མེད་པར་བསྒོམས༔ ཨཱོཾ་བཛྲ་ཀྲོ་ཏ་མ་ཧཱ་ཀྲོ་ཏི་ཤྭ་རི་བྷ་ར་ཧི༔ ཧྱ་གྷྲཱི་ཝ་སརྦ་ས་མ་ཡ་ཏེ་ཨ་ཡ་མ་དུ་རུ་ཙ་ཤ་ན་ནྲི་ཏྲི་མཱ་ར་ཡ་རྦད་རྦད་ཆིངས་ཆིངས༔ བྷྱོ་བྷྱོ་བྷྱོ་ཧཱུྃ་ཧཱུྃ་ཧཱུྃ་ཕཊ་ཟློག་ཅིག་སྒྱུར་ཅིག་བྱོལ་ཅིག་ཏྲི་དུ་ཛ་བྷྱོ་བྷྱོ་ཟློག་ཟློག་ཏྲི་དུ་ཛ་བྷྱོ་བྷྱོ་ཟློག་ཟློག་མཱ་ར་ཡ་ཏྲག་རཀྴ་བྷྱོ་བྷྱོ་ཟློག་ཟློག༔ མཱ་ར་ཡ་ནི་ཏྲག་རཀྴ་བྷྱོ་བྷྱོ་ཟློག་ཟློག༔ ས་ཐུན་ཡ་བྷྱོ་བྷྱོ་ཟློག་ཟློག་ས་ཐུན་ཡ་ནི་ས་ཐུན་ཡ་ནི་ཡ་ཏེ་མཱ་ར་ཡ་བྷྱོ་བྷྱོ་ཟློག་ཟློག་བྷིརྱ་ས་མ་ཡ་ཏི་དགྲ་བགེགས་སརྦ་བྷྱོ་བྷྱོ་ཟློག་ཟློག་ཁྲི་འཕོ་སརྦ་ས་མ་ཡ་བྷྱོ་བྷྱོ་ཟློག་ཟློག་དམ་ལིང་ཙིཏྟ་གཟེར་ཐུཾ་ནན་ཏི་མ་མ་མཱ་ར་ཡ་མཱ་ར་ཡ་བྷྱོ་བྷྱོ་ཟློག་ཟློག༔ པྲ་ཧ་སརྦ་ས་མ་ཡ་དགྲ་བགེགས་བྷྱོ་བྷྱོ་ཟློག་ཟློག༔ པྲ་ཧྱ་པྲ་ཧྱ་དགྲ་བགེགས་ས་མ་ཡ་བྷྱོ་བྷྱོ་ཟློག་ཟློག༔ ཡས་ནས་གཡོས་པ་ལྷ་ཡི་གདོན༔ འོག་ནས་ལང་བའི་ཀླུ་ཡི་གདོན༔ བར་ནས་གཟིར་བ་སྡེ་བརྒྱད་བགེགས༔ ཐན་དུ་གྱུར་པའི་མངོན་སུམ་ལྟས༔ བགེགས་སུ་ལང་བའི་ཕོ་མོའི་འདྲེ༔ ཟ་ཁ་ཟུག་པའི་འབྱུང་པོའི་ཚོགས༔ ལས་ལས་བྱུང་པའི་སྐག་ཆེན་དང་༔ རྐྱེན་ལས་བྱུང་བའི་མི་མཐུན་ཕྱོགས༔ ཕས་ཀྱི་རྦོད་གཏོང་རྦད་འདྲེ་རྣམས༔ བཤམས་པའི་དམར་ཆེན་གཏོར་མས་ཟློག༔ བཀོད་པའི་རྩང་དང་ཐུན་གྱིས་སྒྱུར༔ སྤྲུལ་པའི་ཁྲོ་ཚོགས་ཁྱུང་གིས་བྱོལ༔ ནད་རིགས་བགེགས་དང་གློ་བུར་རྐྱེན༔ ལྟས་ངན་ཡུལ་སྡིག་མི་མཐུན་ཚོགས༔ འབར་བའི་སྟོབས་ཀྱིས་བཟློག་པར་བསྒོམས༔ སྒེག་པའི་ཤུག་ཀྱིས་བསྒྱུར་བར་གསོལ༔ ལམ་དབྱེ་འཕྲང་བསལ་ནད་མཚོན་དུག༔ སྣ་ཚོགས་མི་མཐུན་ཆར་དུ་བསྒྱུར༔ ཐེམས་སུ་བཏབ་ལ་ཟོར་སྣ་གཏད༔ ཧཱུྃ་ཧཱུྃ་ཧཱུྃ༔ ང་ནི་དབང་དྲག་ཧེ་རུ་ཀ༔ གདུལ་དཀའ་འདུལ་བྱེད་ཁྲོ་བོའི་རྒྱལ༔ འཁོར་འདས་ཐམས་ཅད་ང་ཡི་རྩལ༔ སྲིད་པ་གསུམ་ཡང་ང་ཡི་བྲན༔ དྲེགས་ཆེན་ཐམས་ཅད་ང་ཡི་འཁོར༔ ཤུགས་ཆེན་ཐམས་ཅད་ང་ཡི་དཔུང་༔ ཟ་བྱེད་ཚོགས་ནི་གཡས་ནས་འགྱེད༔ གསོད་བྱེད་ཚོགས་ནི་མདུན་ནས་སྤྲུལ༔ འཐུང་བྱེད་ཚོགས་ནི་གཡོན་ནས་འཕྲོ༔ འཇུམ་བྱེད་ཚོགས་ནི་ཀླད་ནས་ལྡིང་༔ གཏིབ་བྱེད་དམག་ཚོགས་རྒྱབ་ནས་གཡོ༔ ཕོ་ཉ་ཡང་སྤྲུལ་སེར་ལྟར་འགྲིལ༔ ནད་མུག་མཚོན་གསུམ་ཐུན་ཆར་གྱིས༔ ཐེམས་སུ་བཏབ་པ་བརླག་པར་བསྒོམས༔ ཟོར་འཕེན་དམོད་བཅོལ་མཐའ་སྐྱོང་ངོ་༔ དཔལ་ཆེན་པོ་རྟ་གདོང་ཁྲོས་པ་དྲེགས་པ་ཟིལ་གནོན་གྱི་རྒྱུད་ལས་ཕས་ཀྱི་རྦོད་གཏོང་བཟློག་པ་བཤད་པའི་ལེའུ་སྟེ་བཅུ་གཉིས་པའོ༔ ས་མ་ཡཱ༔ རྒྱ་རྒྱ་རྒྱ༔ དེ་ནས་ལག་ན་རྡོ་རྗེ་ཡིས༔ དཔལ་མཆོག་སྟོན་པ་ཧེ་རུ་ཀར༔ ཤིན་ཏུ་མི་བསྲུན་རུ་ཊ་ཡིས༔ རབ་ཏུ་འཚེ་ན་ཇི་ལྟར་སྒྲོལ༔ ཁྲོ་བོ་ཆེན་པོས་བཀའ་སྩལ་པ༔ སེམས་ཅན་དར་ཐགས་བཏགས་སྦྱར༔ བྱིན་པས་དམིགས་བྱ་སྒྲོལ་བར་ངེས༔ ས་མ་ཡཱ༔ རྒྱ་རྒྱ་རྒྱ༔ གླན་ནི༔ ཞིང་དཀྱིལ་སྦས་ན་ཞིང་རབས་འཆད༔ ས་མ་ཡཱ༔ རྒྱ་རྒྱ་རྒྱ༔ ཁྱི་གུ་ལོང་རོའི་བྲང་གི་ནང་༔ དགྲ་བོའི་མི་རབས་རྩད་ནས་འཆད་ས་མ་ཡཱ༔ རྒྱ་རྒྱ་རྒྱ༔ ཆང་དཀྱིལ་བསྙལ༔ གྲིབ་མར་བསྐམས་པའི་ཕྱེ་མ་ལ༔ སྲིན་ཤིང་མེ་ཏོག་ཁྱི་སྨྱོན་ཀླད་པ་བཏབ་ནས་ཀྱང་༔ གྱུར་ན༔ དགྲ་བོ་རང་དབང་མེད་པར་སྨྱོ༔ ས་མ་ཡཱ༔ རྒྱ་རྒྱ་རྒྱ༔ དམར་ཚོས་བརྡུང་བའི་ཁནྡྷ་གདུ༔ བྱིན་ན༔ མི་རབས་རྨིང་ནས་སྐམ་པར་འགྱུར༔ བས་འབྲས་བུ་སྐམ༔ ས་མ་ཡཱ༔ རྒྱ་རྒྱ་རྒྱ༔ དཔལ་ཆེན་པོ་རྟ་གདོང་ཁྲོས་པ་དྲེགས་པ་ཅན་ཟིལ་གྱིས་གནོན་པའི་རྒྱུད་ལས་དགྲ་བོ་ལས་ལ་སྦྱོར་བའི་མན་ངག་བཤད་པའི་ལེའུ་སྟེ་བཅུ་གསུམ་པའོ༔ ས་མ་ཡཱ༔ རྒྱ་རྒྱ་རྒྱ༔ དེ་ནས་ལག་ན་རྡོ་རྗེ་ཡིས༔ རྟ་མཆོག་རྒྱལ་པོར་ཡང་གསོལ་པ༔ རྒྱུད་ཆེན་གསང་སྔགས་སྙིང་པོ་འདི༔ བཀའ་ཡི་ཐེམས་སུ་ཇི་ལྟར་འདེབས༔ སྲུང་མ་གང་ལ་གཉེར་བྱང་བཅོལ༔ བཞུགས་པའི་གནས་ནི་གང་རུང་ཞིང་༔ སྤྱོད་པའི་དུས་དང་སྐྱེས་བུ་སུ༔ ཁྲོ་བོ་ཆེན་པོས་བཀའ་སྩལ་པ༔ ལེགས་སོ་དཔལ་ལྡན་རྡོ་རྗེ་འཛིན༔ གསང་བའི་བདག་པོ་ཁྱོད་ལེགས་སོ༔ རྟ་གདོང་བཞད་པའི་གད་མོ་ཆེ༔ གྲགས་ཆེན་རྣམས་པར་གྲགས་པའི་སྒྲ༔ ཧ་ཧི་སྒྲོག་པ་རྡོ་རྗེའི་གླུ༔ དྲེགས་ཚོགས་དུས་གསུམ་ཐམས་ཅད་དུ༔ རྣམ་པར་ཟིལ་གྱིས་གནོན་པའི་རྒྱུད༔ ལངྐའི་མཁའ་འགྲོའི་འཕྲུལ་ཡིག་ཏུ༔ ལས་ཀྱི་དྷཀྐིའི་རིས་སུ་བྲིས༔ ཕྱི་ནང་བཀའ་ཡི་སྲུང་མ་ནི༔ དམ་ཚིག་ལྡན་པ་གང་ཡང་རུང་༔ ཁྱད་པར་པདྨའི་རིགས་མཆོག་འཆང་༔ དཔའ་བོ་མཁའ་འགྲོས་བཀའ་འདི་སྲུངས༔ ནུབ་ཕྱོགས་ཨོ་རྒྱན་ཡུལ་དུ་མཆོད༔ མ་འོངས་ཕྱི་མའི་དུས་ཀྱི་ཚེ༔ རྩོད་ལྡན་ཚེ་ལོ་བརྒྱ་པ་ལ༔ ཤཱཀྱ་ཐུབ་པའི་བསྟན་པ་འབྱུང་༔ དུས་དེར་གསང་སྔགས་འབྲས་བུ་སྨིན༔ དུས་གསུམ་སངས་རྒྱས་ཐམས་ཅད་ཀྱི༔ བསྟན་པའི་སྙིང་པོ་དམ་པ་དེར༔ མཚོ་ལས་སྐྱེས་པ་སྤྲུལ་པའི་སྐུ༔ པདྨ་འབྱུང་གནས་ཞེས་བྱ་འབྱུང་༔ འབྲས་བུའི་ཆོས་ཀྱིས་འགྲོ་བ་སྒྲོལ༔ དེ་ཚེ་རྒྱུད་མཆོག་དམ་པ་འདི༔ སྐྱེས་ཆེན་དེ་ཡིས་དེར་སྤྱོད་ནས༔ བདུད་དང་ལོག་འདྲེན་བར་ཆད་འདུལ༔ སངས་རྒྱས་བསྟན་པ་ཡུན་དུ་བསྲིང་༔ ཅེས་བཀའ་སྩལ་པ་དང་སངས་རྒྱས་དང་བྱང་སེམས་ཁྲོ་བོ་ཁྲོ་མོ་དཔའ་བོ་མཁའ་འགྲོ་དྲེགས་པའི་སྡེ་དཔུང་དཔལ་མགོན་རྒྱ་མཚོ་དང་བཅས་པ་རྗེས་སུ་ཡི་རང་ཞིང་ཁྲག་འཐུང་འབར་བའི་འཁོར་ལོ་ལ་བསྟོད་ཅིང་བསྟོད་ནས་རབ་ཏུ་འདུད་པར་གྱུར་ཏོ༔ དཔལ་ཆེན་པོ་རྟ་གདོང་ཁྲོས་པ་དྲེགས་པ་ཅན་ཟིལ་གྱིས་གནོན་པའི་རྒྱུད་ལས༔ བཀའ་ཡོངས་སུ་གཏད་ཅིང་སྲུང་མར་བཅོལ་ཏེ་ལུང་བསྟན་རྗེས་སུ་ཡི་རང་བ་དང་བཅས་པའི་ལེའུ་སྟེ་བཅུ་བཞི་པའོ༔ ས་མ་ཡཱ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གསང་རྒྱ༔ ཟབ་རྒྱ༔ ས་མ་ཡཱ༔ རྒྱ་རྒྱ་རྒྱ༔ གཏེར་ཆེན་ཆོས་ཀྱི་རྒྱལ་པོ་རིགས་འདུས་ཉི་མ་གྲགས་པ་རྩལ་གྱིས་ཁམས་སྲིང་མོ་རྫོང་གི་ནུབ་སྒོ་མེ་འབར་ཕུག་ནས་ཆུ་ཕོ་ཁྱིའི་ལོའི་ཧོར་ཟླ་དགུ་པའི་ཉི་ཤུ་ཐམ་པའི་ཚེ་གཏེར་ནས་སྤྱན་དྲངས་ཤིང་ཤོག་སེར་ལས་བསྒྱུར་བའོ། །མངྒ་ལཾ།། །།
དབང་ཆེན་སྒྲུབ་ཐབས་དྲེགས་པ་ཟིལ་གནོན།
རྟ་མགྲིན་དྲེགས་པ་ཟིལ་གནོན་ལས༔ དབང་ཆེན་སྒྲུབ་ཐབས་དྲེགས་པ་ཟིལ་གནོན་བཞུགས་སོ༔ དབང་ཆེན་པདྨ་ཧེ་རུ་ཀཿལ་འདུད༔ བདག་འདྲ་རིག་འཛིན་པདྨ་ཐོད་ཕྲེང་ངས༔ ཕྱི་ནང་བླ་མ་སྟོང་རྩ་སྤྱི་བོར་ཁུར༔ ཁྱད་པར་མཆོག་གི་བླ་མ་བརྒྱ་རྩ་བརྒྱད༔ དེ་ཡི་ནང་ནས་དངོས་གྲུབ་མཆོག་བརྙེས་པ༔ སློབ་དཔོན་ཆེན་པོ་ཤནྟིང་གྷརྦ་ལ༔ འཇིག་རྟེན་མཆོད་བསྟོད་རྒྱུད་ལུང་གདམས་ངག་ཞུས༔ ཁྱད་པར་འཕགས་པའི་ཟབ་ཆོས་རིན་ཆེན་འདི༔ གདམས་པའི་སྙིང་ཁུ་དོན་སྙིང་ཁྲག་ལྟ་བུ༔ འཕགས་པའི་ཡུལ་དུ་བསྟན་པ་འདི་ཡིས་བསྐྱངས༔ མུ་སྟེགས་སྡེ་བཅོམ་སངས་རྒྱས་བསྟན་པ་རྒྱས༔ ཁྱེད་ཅག་བོད་ཡུལ་གངས་རིའི་རྒྱལ་ཁམས་འདིར༔ སངས་རྒྱས་བསྟན་པ་བདག་གིས་ད་ལྟ་བཙུགས༔ མདོ་སྔགས་བཤད་སྒྲུབ་ཉི་ཟླ་ཟུང་ཅིག་རྒྱས༔ བོད་འབངས་ལུང་པ་དཀར་པོར་བཏང་ཡོད་ཀྱང་༔ མ་འོངས་ལྔ་བརྒྱ་དུས་ཀྱི་ཡང་མཐའ་ལ༔ དགེ་དང་མི་དགེ་སྣ་ཚོགས་འཆོལ་བར་སྤྱོད༔ དེ་ཡི་དབང་གིས་ལྷ་སྲིན་སྡེ་བརྒྱད་འཁྲུགས༔ དཀར་ཕྱོགས་ཕམ་ཞིང་ནག་ཕྱོགས་ཟ་ཁ་དར༔ འཇིག་རྟེན་སྐྱེ་འགྲོའི་ཁམས་ཀྱི་བདེ་སྐྱིད་བཅོམ༔ འབྱུང་བཞིའི་བཅུད་བསྡུད་སྐྱེ་འགྲོའི་སྲོག་དབུགས་འགམ༔ དེ་དུས་ལྷ་མཆོག་དྲེགས་པ་ཟིལ་གནོན་འདི༔ ཉམས་སུ་ལོང་དང་མཆོག་ཐུན་དཔལ་ལ་སྤྱོད༔ ཐུགས་སྲས་ཀླུ་དབང་ཁྱོད་ཀྱིས་ཡི་གེར་ཐོབ༔ མ་འོངས་དུས་སུ་གདམས་པ་འདི་ལ་དབང་༔ བདག་གཞན་དོན་གཉིས་དཔལ་ལ་སྤྱོད་པ་འོང་༔ ས་མ་ཡ་རྒྱ་རྒྱ་རྒྱ༔ དུར་ཁྲོད་ལ་སོགས་དབེན་ཞིང་དྲག་པོའི་གནས༔ མཎྜལ་ནག་པོ་དུག་ཁྲག་ཆག་ཆག་གདབ༔ འཁོར་ལོ་རྩིབས་བརྒྱད་ཟླ་གམ་ཆོས་འབྱུང་དམར༔ རྩིབས་རྣམས་སྐུ་མདོག་མཚུངས་པའི་ཚོན་གྱིས་གླན༔ ཐོད་ར་རྡོ་རྗེ་མེ་རིས་བསྐོར་བ་བྲི༔ འབྲུ་སྨན་ཕྱེ་ལ་སྤོད་བྲན་དཔལ་གྱི་བཤོས༔ དབང་གི་གཏོར་མ་རྒྱན་དང་ལྡན་པ་ལ༔ ཡེ་ཤེས་ལྷ་གྲངས་དཔལ་གཏོར་བཅས་པས་བསྐོར༔ མདུན་དུ་ཛ་ལ་རཀྴའི་བཤོས་དམར་དང་༔ གཡས་ཟུར་མ་ཧཱ་དྷེ་ཝའི་བཤོས་ནག་སྟེ༔ གཡོན་ཟུར་ཨུ་མ་དྷེ་ཝའི་བཤོས་དམར་བཤམས༔ སྡེ་བརྒྱད་བཤོས་བུ་རྒྱལ་ཆེན་ཟླུམ་གཏོར་ལ༔ ཨུག་སྐྱུ་ཤ་དུམ་ཅི་མང་དག་གིས་བསྐོར༔ སྨན་རག་མཆོད་ཚོགས་སྤྱན་གཟིགས་བཀོད་པས་བརྒྱན༔ དར་ཚོན་དམར་ནག་གུར་ཕུབ་ཙཀ་ལི་གཟུགས༔ རོལ་མོའི་སྒྲ་སྒྲོགས་སྤོས་གསུར་དུད་སྤྲིན་གཏོང་༔ ལས་ཀྱི་གཞུང་བསྲང་བསྐྱེད་རྫོགས་ཏིང་འཛིན་གསལ༔ གཙོ་འཁོར་ཀུན་གྱི་གནས་གསུམ་འབྲུ་གསུམ་དང་༔ ཁྱད་པར་རང་རང་སྲོག་སྙིང་ས་བོན་རྣམས༔ ཉི་དཀྱིལ་སྟེང་འཁོད་སྔགས་འབྲུའི་འཁོར་ལོ་འཁོར༔ འོད་ཟེར་ཚ་ལ་མྱུར་བས་འཁོར་འདས་ཁྱབ༔ རྩ་གསུམ་ལྷ་ཚོགས་ཁྲོ་བོ་ཁྲོ་མོ་དང་༔ སྐྱབས་གནས་མ་ལུས་ཀུན་གྱི་བྱིན་རླབས་བསྡུས༔ ནུས་སྟོབས་གཟི་བརྗིད་ཡེ་ཤེས་མེ་དཔུང་འབར༔ ལྔ་ལྡན་ཟེར་ཐག་ཡབ་ཀྱི་རྡོ་རྗེ་བརྒྱུད༔ ཡུམ་གྱི་མཁའ་ལ་ཐིམ་པས་བདེ་སྟོང་རྒྱས༔ རྟ་སྐད་ཕག་ཞལ་སྒྲ་ཡིས་སྲིད་གསུམ་གཡོ༔ ཁམས་གསུམ་ཆེ་བཙན་སྲིད་གསུམ་དྲེགས་པའི་ཚོགས༔ རང་དབང་མེད་པར་དབང་བསྡུས་བྲན་དུ་བཀོལ༔ བཀའ་ཉན་ལས་བྱེད་སྤྲུལ་པ་ཡང་སྤྲུལ་འཕྲོ༔ སྲོག་སྙིང་འབུལ་ཞིང་དགྲ་བགེགས་དམྱལ་ཐག་གཅོད༔ བྱད་མ་བཟློག་ཅིང་བསྲུང་བའི་གཞལ་ཡས་ཁང་༔ གནམ་ལྕགས་འབར་བའི་རི་རབ་བང་རིམ་དགུ༔ རྒྱ་ཆེ་དཔངས་མཐོ་སྟོང་གསུམ་ཁྱོན་དུ་བརྡལ༔ མ་ཡེངས་ཏིང་འཛིན་གཟེར་གདབ་སྔགས་འདི་འབུངས༔ ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ འབུམ་ཚོ་གཅིག་གིས་རྐྱེན་ངན་བར་ཆད་གྲོལ༔ འབུམ་ཚོ་གཉིས་ཀྱིས་ཐུན་མོང་དཔལ་ལ་སྤྱོད༔ འབུམ་ཚོ་གསུམ་གྱིས་ཚེ་ཡི་བར་ཆད་བཟློག༔ འབུམ་ཚོ་བཞི་ཡིས་སྡེ་བརྒྱད་དབང་དུ་འདུ༔ འབུམ་ཚོ་ལྔ་ཡིས་ལྷ་སྲིན་བྲན་དུ་ཁོལ༔ འབུམ་ཚོ་དྲུག་གིས་སྒོ་གསུམ་རྡོ་རྗེའི་མཁར༔ འབུམ་ཚོ་བདུན་གྱིས་གྲུབ་པ་ཡ་བརྒྱད་འཐོབ༔ འབུམ་ཚོ་བརྒྱད་ཀྱིས་མཆོག་གི་ས་ལ་རེག༔ འབུམ་ཚོ་དགུ་ཡིས་ཞལ་མཇལ་ལུང་བསྟན་ཐོབ༔ ལེགས་པའི་ལྟས་བཟང་ངན་སྒྲིབ་བྱང་རྟགས་གསལ༔ ངེས་ཤེས་བསྐྱེད་ལ་བརྩོན་པས་ཉམས་སུ་ལོང་༔ ས་མ་ཡཱ༔ རྒྱ་རྒྱ་རྒྱ༔ དེ་ནས་ཐབས་ཤེས་ཞབས་ཀྱི་དཀྱིལ་འཁོར་གཉིས༔ ལྷ་ཆེན་ཡབ་ཡུམ་ཐུགས་ཀར་ཉི་མའི་གདན༔ ས་བོན་ཧཱུྃ་དང་ཧྲཱིཿལས་འོད་ཟེར་ཚོགས༔ ཉི་ལྟར་འབར་ཞིང་སྲིད་གསུམ་འཁྲུག་ཅིང་འཁྱོམ༔ ཁམས་གསུམ་དབང་བསྡུས་སྲིད་གསུམ་ཟིལ་གྱིས་མནན༔ དབང་ཆེན་རྒྱལ་པོའི་བཀའ་ཡི་འཁོར་ལོ་འཆང་༔ ལྷ་ཆེན་དྲག་པོས་ཁམས་གསུམ་རྗེས་སུ་བཟུང་༔ རཀྴ་ཛ་ལའི་སྤྲུལ་པ་ཕོ་ཉའི་ཚོགས༔ འབུམ་ཕྲག་མང་པོ་ཐོག་དང་སེར་ལྟར་གཡོ༔ དགྲ་བགེགས་ཐམས་ཅད་ཚར་བཅད་ཏིང་འཛིན་ངང་༔ ཨཱོཾ་མ་ཧཱ་དྷེ་ཝ་ཧཱུྃ་ཨུ་མ་དྷེ་ཝི་ཧྲཱིཿཧྲིང་ཧྲིང་ཛཿཛཿསརྦ་ལོ་ཀ་བསྡུས་བསྡུས་ཝ་ཤཾ་ཀུ་རུ་ས་མ་ཡཱ་རཀྴ་ཀརྨ་ཧཱུྃ་ཕཊཿསྭཱ་ཧཱ༔ སྟོང་ཚོ་གཅིག་གིས་ཟས་ནོར་དབང་དུ་འགྱུར༔ སྟོང་ཚོ་ལྔ་ཡིས་ཡུལ་ཁམས་བྲན་དུ་ཁོལ༔ ཁྲི་ཚོ་གཅིག་གིས་ཅི་བསམ་དོན་རྣམས་འགྲུབ༔ འབུམ་གཅིག་བཟླས་ན་ཁམས་གསུམ་དབང་དུ་འདུ༔ རཀྴ་ཛ་ལས་མངོན་སྤྱོད་ཤུགས་ཀྱིས་སྩོལ༔ འདི་ནི་དབང་ཆེན་སྒྲུབ་པའི་ཡང་ཏིག་ཟབ༔ ས་མ་ཡཱ༔ རྒྱ་རྒྱ་རྒྱ༔ དེ་ནས་ཕྱི་རིམ་བཀའ་འཁོར་སྡེ་བརྒྱད་རྣམས༔ མངོན་སུམ་བསྐྱེད་ཅིང་དངོས་སུ་གསལ་བ་ཡི༔ རང་རང་ཐུགས་ཀར་སྙིང་པོ་འབྲུ་བརྒྱད་མཚན༔ འོད་ཀྱི་འཕྲོ་འདུས་རང་འཁོར་དྲེགས་པའི་སྡེ༔ ཐམས་ཅད་དབང་བསྡུས་བཀའ་ཉན་བྲན་ཁོལ་དུ༔ ཁས་བླང་དམ་བཅས་བྲོ་བོར་ཆད་ཐོ་སྟེ༔ ཁྲོ་བོ་ཆེན་པོའི་བཀའ་ཡི་ཕོ་ཉར་བསྒོམས༔ ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་མ་ཧཱ་དྷེ་ཝ་ཧྲཱིཿཛ་ཨ་ཡ་མ་དུ་རུ་ཙ་ཤ་ན་བཛྲ་ས་མ་ཡ་ཛཿཛཿསརྦ་ཧཱུྃ་ཧཱུྃ་ཕཊ༔ ཁྲི་གཅིག་བཟླས་པས་དཀར་ཕྱོགས་ལྷ་སྲིན་འདུ༔ ཁྲི་གཉིས་བཟླས་པས་ནག་ཕྱོགས་བྲན་དུ་ཁོལ༔ ཁྲི་གསུམ་བཟླས་པས་དྲེགས་ཚོགས་ཕོ་ཉར་འགྱེད༔ ས་མ་ཡཱ༔ རྒྱ་རྒྱ་རྒྱ༔ འདི་ལྟར་ཁྲོ་མཆོག་དབང་གི་རྒྱལ་པོ་ཡི༔ སྒྲུབ་ཐབས་ཡང་ཟབ་དྲེགས་པ་ཟིལ་གནོན་འདི༔ ཚུལ་བཞིན་ཉམས་སུ་བླངས་པའི་སྐལ་ལྡན་དེ༔ སྟོབས་ནུས་རྫུ་འཕྲུལ་དབང་གི་རྒྱལ་དང་མཚུངས༔ བསྙེན་སྒྲུབ་ཐེམས་རྟགས་སྤྱི་ཁྱབ་ལྟར་གསལ་ཚེ༔ དངོས་གྲུབ་ཞུ་ཞིང་དབང་བཞི་ལེན་པ་དང་༔ བསྐྱེད་རིམ་བསྡུ་ཞིང་རྫོགས་རིམ་མཉམ་པར་བཞག༔ དགེ་བ་བསྔོ་ཞིང་ཤིས་བརྗོད་གནས་མལ་སྲུང་༔ ཐུན་སྐབས་རྣམས་སུ་མཆོད་བསྟོད་བྱེད་པ་དང་༔ གཞན་ལ་གསང་ཞིང་ཐེ་ཚོམ་སྤོང་བ་ནི༔ གསང་བ་སྔགས་ཀྱི་དམ་ཚིག་ཡིན་པས་གཟབ༔ མ་འོངས་ལས་འཕྲོ་ཅན་དང་འཕྲད་པར་ཤོག༔ ས་མ་ཡཱ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ ཟབ་རྒྱ༔ གཉན་རྒྱ༔ ས་མ་ཡཱ༔ རྒྱ་རྒྱ་རྒྱ༔ རྒྱལ་ཁམས་པ་ཉི་མ་གྲགས་པས་གནས་མཆོག་ཆེན་པོ་ཁམས་ཀྱི་སྲིང་མོ་རྫོང་གི་མེ་འབར་ཕུག་ནས་ཆུ་ཕོ་ཁྱི་ཡི་ལོ་ལ་གདན་དྲངས་ཤིང་ཤོག་སེར་ལས་བསྒྱུར་བ་མངྒ་ལཾ།། །།
བསྐྱེད་རིམ་ལས་བྱང་ཟབ་མོ།
རྟ་མགྲིན་དྲེགས་པ་ཟིལ་གནོན་ལས༔ བསྐྱེད་རིམ་ལས་བྱང་ཟབ་མོ་བཞུགས་སོ༔ རྟ་མཆོག་རོལ་པ་ཁྲོ་རྒྱལ་ཡོངས་ཀྱི་རྗེ༔ འཁོར་འདས་ཆེ་བཙན་དྲེགས་པ་འདུལ་བའི་གཤེད༔ དབང་གི་ལྷ་སྟེ་དྲག་པོའི་སྟོབས་རྩལ་ལྡན༔ རྟ་མཆོག་རྒྱལ་པོ་ཡབ་ཡུམ་སྐུ་ལ་འདུད༔ ཉོན་ཅིག་བོད་ཀྱི་རྒྱལ་བློན་རྗེ་འབངས་རྣམས༔ ཐུབ་པའི་བསྟན་པ་བྱང་ནས་བྱང་དུ་རྒྱས༔ མཐའ་འཁོབ་བོད་ཡུལ་མུན་པའི་གླིང་ཁུང་དུ༔ མདོ་སྔགས་ཐབས་དང་ཤེས་རབ་སྙིང་པོའི་བཀའ༔ ཉེ་བར་གྱུར་པ་གསང་སྔགས་སྒྲུབ་པའི་ལུང་༔ ད་དུས་ཕུན་སུམ་ཚོགས་ཤིང་དཔལ་དང་ལྡན༔ འོན་ཀྱང་སྟོང་གསུམ་འཇིག་རྟེན་ཁམས་འདི་དག༔ ཚེ་ལོ་གྲངས་བབས་ད་ནི་བདུན་ཅུར་ཉེ༔ སྐྱེ་འགྲོའི་ཚེ་བསོད་རིམ་བཞིན་བྲི་ནས་འགྲོ༔ ལོ་ཟླ་ཞག་དུས་མ་བགྲངས་བཞིན་དུ་འཛད༔ དུག་ལྔའི་ཡོ་ལང་མ་བསླབས་བཞིན་དུ་ཤེས༔ དགེ་བ་ཇི་ལྟར་དཀར་པོར་སྤྱད་ན་ཡང་༔ དུས་ཀྱི་དབང་གིས་ཕྱེད་ནི་སྡིག་དང་འདྲེ༔ སངས་རྒྱས་སྤྲུལ་པའི་གང་ཟག་མང་འབྱོན་ཀྱང་༔ འགྲོ་བ་སྤྱི་མཐུན་གྲུབ་མཐའི་རླུང་གིས་འཁྱེར༔ བཀའ་ལ་རས་གཅོད་གཟུ་ལུམ་མང་འབྱུང་བས༔ སངས་རྒྱས་བཀའ་ཡི་སྲུང་མ་མི་དགྱེས་ཤིང་༔ ཆོས་ཀྱི་བྱིན་རླབས་ཆ་གསུམ་ཉམས་པའི་དུས༔ ཤར་ལྷོ་ནུབ་བྱང་སྟོད་སྨད་གནས་རྣམས་ཀྱི༔ ཟབ་གཏེར་འབྱིན་པའི་རྟགས་དུས་ལུང་བསྟན་ཀྱང་༔ ཡིད་ཆེས་ཚད་མའི་བཀའ་ལུང་མི་སྤྱོད་པར༔ བདུད་སྤྲུལ་བརྫུན་གཏེར་ཟོག་ཆོས་དང་བླངས་པས༔ ངན་སོང་གསུམ་ན་ཁྱུ་དེད་འཁྱམ་པའི་ཚེ༔ དྲེགས་པའི་ལྷ་སྲིན་སྡེ་བརྒྱད་ཐམས་ཅད་ཀྱང་༔ མི་མིན་མིར་བརྫུ་ལྷ་མིན་ལྷ་ལ་བརྫུ༔ བསྟན་འགྲོའི་བདེ་བཅོམ་ནད་མཚོན་མུ་གེ་སྡང་༔ ཉི་ཟླ་རྒྱུ་སྐར་དཔག་ཚད་གཅིག་ཏུ་ལྷུང་༔ བསིལ་དྲོད་མི་སྙོམས་འབྱུང་བཞིའི་གཡོས་མང་བས༔ མི་འདོད་སྣ་ཚོགས་ཐན་ལྟས་མང་དུ་འཕྲོ༔ དེ་དུས་བྱང་ཆུབ་སེམས་ལྡན་རྣལ་འབྱོར་པས༔ དྲེགས་པའི་ཡང་ཁོལ་དྲེགས་པ་ཟིལ་གནོན་འདི༔ ཚུལ་བཞིན་སུས་བསྒྲུབ་ཉམས་སུ་སུས་བླངས་པ༔ བར་ཆད་རྐྱེན་གྲོལ་མཆོག་ཐུན་དཔལ་ལ་སྤྱོད༔ ཡུལ་ཕྱོགས་རྒྱལ་ཁམས་གང་དང་གང་དེ་བདེ༔ དེ་ཕྱིར་ཡི་གེར་ཐོབ་ཅིག་ཐུགས་ཀྱི་སྲས༔ འདི་ནས་འཇལ་བའི་ཤར་ཕྱོགས་མཐོན་པོའི་རི༔ སྲིང་མོ་རྫོང་གི་ནུབ་ལོགས་དབང་གི་གནས༔ མེ་འབར་ཕུག་ལ་སྦོས་ཤིག་དྷཀྐི་མ༔ མ་འོངས་ཐུགས་རྗེ་ཆེན་པོའི་སྤྲུལ་པས་འབྱིན༔ གངས་ལྗོངས་ས་ལ་དབང་པའི་བདག་པོ་ཡིས༔ པདྨ་ང་དང་སྤྱན་རས་གཟིགས་དབང་ལ༔ དབྱེར་མེད་གསོལ་བ་བཏབ་ཅིང་སྒྲུབ་ཐབས་འདི༔ སྤྲུལ་པ་སོ་སོར་འབྱུང་བ་ཚུལ་བརྟགས་ནས༔ ཉམས་སུ་བླངས་ན་བོད་འབངས་སྐྱེ་འགྲོ་བདེ༔ སཱ་མཱ་ཡཱཿ རྒྱ་རྒྱ་རྒྱཿ དབེན་པའི་གནས་སུ་དཀྱིལ་འཁོར་མཆོད་ཚོགས་བཅས༔ སྨན་རག་གཏོར་ཚོགས་སྐུ་གསུང་ཐུགས་རྟེན་བཀྲམ༔ ལས་ནི་གང་དག་དེར་མཐུན་དེ་ལྟར་སྤྱོད༔ འདི་ལྟར་འཕྲིན་ལས་ཟབ་མོ་འདིར་འཇུག་ཚེ༔ མཆོད་རྫས་བསྲེགས་གཏོར་སྦྱངས་བཀྲུས་སྨན་རག་སྦྲེང་༔ རོལ་མོ་དབྱངས་དང་བཅས་ཏེ་འདི་སྐད་དོ༔ རཾ་ཕྱི་སྣོད་ནང་བཅུད་ཡེ་ཤེས་མེ་ཡིས་བསྲེགས༔ ཡཾ་རྣམ་རྟོག་གཉིས་འཛིན་བག་ཆགས་རླུང་གིས་གཏོར༔ ཁཾ་ཡན་ལག་བརྒྱད་ལྡན་ཆུ་ཡིས་དག་པར་བཀྲུས༔ ཀུན་གཞིའི་མ་རིག་འཁྲུལ་འཛིན་དབྱིངས་སུ་དག༔ རཾ་ཡཾ་ཁཾ༔ གསུམ༔ ཨཱོཾ་གཟུགས་སྒྲ་དྲི་རོ་རེག་བྱས་ཆོས་དབྱིངས་གང་༔ ཨཱཿངོ་བོ་ཟག་མེད་ཡེ་ཤེས་བདུད་རྩིར་གྱུར༔ ཧཱུྃ༔ འདོད་ཡོན་ལོངས་སྤྱོད་མཁོ་དགུའི་དཔལ་དང་ལྡན༔ རྩ་གསུམ་ལྷ་ཚོགས་མཆོད་པའི་རྫས་སུ་གྱུར༔ ཨཱོཾ་ཨཱཿཧཱུྃ༔ གསུམ༔ ཧཱུྃ་ཧྲཱིཿ བྷནྡྷ་འབར་བའི་རང་བྱུང་སྣོད་མཆོག་ཏུ༔ བདུད་རྩིའི་ལྷ་མོ་ལི་ཁྲིའི་མདོག་ལྡན་མའི༔ མཁའ་གསང་ཕྱག་རྒྱའི་འོད་ཟེར་འཕྲོ་འདུ་ལས༔ ཐབས་དང་ཤེས་རབ་འདུ་འཕྲོས་བདུད་རྩིར་བསྐྱིལ༔ སརྦ་ཛྙཱ་ན་པཉྩ་སིདྡྷི་མཾ༔ ཧཱུྃ་ཧྲཱི༔ ལྕང་ལོར་བཅས་པའི་ཐོད་སྣོད་ཡངས་པ་རུ༔ རཀྟའི་ལྷ་མོ་དམར་མོ་གྲི་ཐོད་ཅན༔ འོད་ཟེར་འཕྲོ་འདུས་སྦྱོར་སྒྲོལ་ཆོ་འཕྲུལ་བསྒྱུར༔ གསང་བའི་མཁའ་ལས་རཀྟའི་རྒྱ་མཚོ་བསྐྱིལ༔ སརྦ་ཛྙཱ་ན་རཀྟ་སིདྡྷི་མཾ༔ ཧཱུྃ་ཧྲཱི༔ དྲི་བཟང་སྤོས་ངད་ཤ་ཆེན་གསུར་དུད་སྤྲིན༔ ཨརྒཾ་རཀྟའི་ཡོན་ཆབ་རྒྱ་མཚོ་མེར༔ ཞལ་ཟས་ཤ་ཆེན་བཤོས་དང་ལང་ལིང་དམར༔ སྣང་གསལ་ཚིལ་ཆེན་མར་མེ་ཏ་ལ་ལ༔ ཡིད་འོང་རྣམ་ལྔའི་མེ་ཏོག་སྐར་ལྟར་བཀྲམ༔ རྔ་དུང་དྲག་པོའི་མཆོད་དབྱངས་འབྲུག་ལྟར་སྒྲོགས༔ རྩ་གསུམ་མཆོད་རྫས་རྒྱལ་བའི་ཞིང་ཁམས་ཁྱབ༔ ཨཱོཾ་སརྦ་པཱུ་ཙ་ས་མ་ཡེ་སྭཱ་ཧཱ༔ བཀའ་བསྒོ་བ་ནི༔ ཧཱུྃ་ཧྲཱིཿ དང་པོ་མ་རིག་རྒྱུ་ལས་སྐྱེས་པ་ཡི༔ བར་དུ་གཉིས་སྣང་འཛིན་པར་འཁྲུལ་པའི་བགེགས༔ མཆོད་པའི་གྲལ་ལ་མི་དབང་འབྱུང་པོའི་ཚོགས༔ སྒྲུབ་པའི་གནས་འདིར་མ་འདུག་གཞན་དུ་དེངས༔ སརྦ་དམ་སྲི་གཱརྫ་མཱ་ར་ཡ་ཕཊ༔ མཚམས་ནི༔ ཧཱུྃ་ཧྲཱིཿ ང་ནི་རྟ་མཆོག་པདྨ་ཧེ་རུ་ཀ༔ ཕྱི་མཚམས་སྣང་བ་རྣམ་དག་སྟོང་པའི་གུར༔ ནང་མཚམས་ཡེ་ཤེས་ལྔ་ལྡན་འོད་ལྔའི་དཀྱིལ༔ གསང་མཚམས་ཆོས་དབྱིངས་རང་བྱུང་རྡོ་རྗེའི་མཁར༔ དབང་ཆེན་འབར་བའི་ཕོ་བྲང་ཡོངས་སུ་བརྡལ༔ ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་རཀྵ་རཀྵ་ཧཱུྃ༔ བསྐྱེད་རིམ་ནི༔ ཧཱུྃ་ཧྲཱིཿ བརྗོད་དུ་མེད་པའི་ཆོས་ཉིད་དེ་བཞིན་གཤེགས༔ མ་རིག་འཁྲུལ་པའི་འགྲོ་དྲུག་ཡོངས་ལ་ཁྱབ༔ བརྩེ་བའི་སྙིང་རྗེ་ཐུགས་རྗེའི་རྒྱུ་རུ་ཤར༔ གནམ་ལྕགས་འབར་བའི་རྡོ་རྗེ་ཧཱུྃ་དམར་མཚན༔ ཧཱུྃ་བཛྲ་ཙིཏྟ་ཧཱུྃ༔ ཧཱུྃ་ལས་ཨེ་འཕྲོས་སྟོང་ཉིད་ནམ་མཁའི་ཁམས༔ དམིགས་མེད་རང་བཞིན་དག་པའི་དབྱིངས་སུ་གསལ༔ ཡཾ་འཕྲོས་རྒྱ་གྲམ་རླུང་གི་དཀྱིལ་འཁོར་ནི༔ སྲ་བརྟན་རྡོ་རྗེ་ཕ་ལམ་མཁྲེགས་ལ་རྔམ༔ བཾ་འཕྲོས་ཁྲག་ཞགས་རྒྱ་མཚོའི་རྦ་རླབས་ནི༔ རབ་ཏུ་འཁྲུག་ཅིང་གཡོ་སྟེ་འགུལ་ཞིང་འཁྱོམ༔ ལམ་འཕྲོས་ཤ་ཆེན་ས་གཞིའི་འཇམ་འཇིམ་ནི༔ རྔམས་འཐུག་རྒྱ་ཆེ་སྟོང་གསུམ་ཁྱོན་དུ་བརྡལ༔ ཀེཾ་འཕྲོས་གནམ་ལྕགས་ཨུར་མོའི་གཞལ་ཡས་ཁང་༔ རྩ་བ་འདོད་ཆགས་ཁྲག་གི་རྒྱ་མཚོར་ཟུག༔ རྩེ་མོ་མི་མངོན་ཚངས་པའི་ཡུལ་ན་མཐོ༔ བང་རིམ་དགུ་པ་ཕྱི་ནི་མཆོད་རྟེན་ལ༔ རྒྱ་ཁྱོན་མུ་མཐའ་འཛིན་པའི་ཡུལ་དང་བྲལ༔ དེ་ཡི་དཀྱིལ་ཡངས་རཾ་ཡིག་དམར་ནག་འཁྲུག༔ བསྐལ་པའི་མེ་ལྟར་འབར་བའི་དབྱིངས་རོལ་དུ༔ བྷྲཱུྃ་འཕྲོས་དབང་དྲག་རོལ་པའི་གཞལ་ཡས་ཁང་༔ དུར་ཁྲོད་ཆེན་པོ་འཁོར་ལོ་རྩིབས་བརྒྱད་དབུས༔ ཆོས་འབྱུང་ཟླ་གམ་ཏི་ར་པདྨའི་སྟེང་༔ ཐབས་ཤེས་ཉི་ཟླ་འབར་བའི་གདན་སྟེང་དུ༔ རྡོ་རྗེ་ཧཱུྃ་ཡིག་ཁྲ་ཐབས་ཚུལ་གྱིས་བབས༔ འོད་ཀྱི་འདུ་འཕྲོའི་སྦྱོར་བ་གསུམ་ལྡན་མཐར༔ དབང་བཞི་རྫོགས་པའི་རྩལ་དང་སྟོབས་ནུས་འབར༔ སྐད་ཅིག་གནས་གྱུར་རང་རིག་ཁྲོ་བོའི་རྒྱལ༔ བཅོམ་ལྡན་དཔལ་ཆེན་པདྨ་ཧེ་རུ་ཀ༔ སྐུ་མདོག་དམར་པོ་མེ་ཡི་མདོག་འདྲ་རྒྱས༔ ཞལ་གཅིག་ཕྱག་བཞི་གྲི་ཐོད་ཡུམ་ལ་འཁྱུད༔ འོག་གཉིས་ལྕགས་ཀྱུ་ཞགས་པ་དོར་སྟབས་འགྱིང་༔ ཞལ་གདངས་ལྗགས་འགྲིལ་མཆེ་གཙིགས་སྤྱན་གསུམ་འཁྲུག༔ རལ་པ་ཁམ་ནག་གྱེན་བརྫེས་ཐོད་པས་བཅིངས༔ རྟ་དབུ་དཀར་དམར་ལྗང་གསུམ་གཙུག་ནས་འཚེར༔ དེ་ཡི་པང་ཡུམ་རྡོ་རྗེ་རྣལ་འབྱོར་མ༔ དམར་མོ་གྲི་ཐོད་བརྐྱངས་བསྐུམས་གར་སྟབས་འཁྲིལ༔ རལ་པ་ཐུར་འཕྱང་ཕག་ཞལ་ངུར་སྒྲ་ལྡིར༔ ཡབ་ཡུམ་སྐུ་ལ་དུར་ཁྲོད་ཆས་བརྒྱད་དང་༔ དབང་ཆེན་འབར་བའི་ཆས་བཅུ་དག་གིས་བརྒྱན༔ ཁམས་གསུམ་དབང་བསྒྱུར་སྲིད་གསུམ་ཆེ་བཙན་དཔལ༔ དྲག་རྩལ་ནུས་སྟོབས་ཉི་མ་འབུམ་ལྟར་འབར༔ སྟེང་གི་མཁའ་ལ་ཁྱུང་དམར་གནམ་ལྕགས་སྡེར༔ རྡོ་རྗེའི་མཆུ་ཡིས་ཀླུ་རིགས་ཞལ་དུ་སྒྲིམ༔ རིགས་བདག་དམར་པོ་གཙུག་གི་རྒྱན་དུ་སྤྲས༔ ཧཱུྃ་ཧྲཱིཿ སྤྱི་བོར་དུང་ཁང་འབར་བའི་འཁོར་ལོའི་དབུས༔ སྐུ་ཡི་རྟ་ཕག་ཡབ་ཡུམ་དཀར་གསལ་འཁྲིལ༔ མགྲིན་པ་ལོངས་སྤྱོད་འཁོར་ལོའི་གཞལ་ཡས་ན༔ གསུང་གི་རྟ་ཕག་ཡབ་ཡུམ་དམར་གསལ་འཁྲིལ༔ སྙིང་ག་ཆོས་དབྱིངས་འཁོར་ལོའི་ཕོ་བྲང་དབུས༔ ཐུགས་ཀྱི་རྟ་ཕག་ཡབ་ཡུམ་མཐིང་ནག་འཁྲིལ༔ ལྟེ་བ་སྤྲུལ་པའི་འཁོར་ལོའི་གཞལ་ཡས་ན༔ ཡོན་ཏན་རྟ་ཕག་ཡབ་ཡུམ་སེར་གསལ་འཁྲིལ༔ གསང་གནས་བདེ་བ་ཆེན་པོའི་ཕོ་བྲང་དུ༔ འཕྲིན་ལས་རྟ་ཕག་ཡབ་ཡུམ་ལྗང་གསལ་འཁྲིལ༔ ཀུན་ཀྱང་ཞལ་གཅིག་ཕྱག་གཉིས་གྲི་ཐོད་གདེངས༔ སྟག་གཟིག་ཤམ་ཐབས་ཐོད་ཕྲེང་རུས་པས་བརྒྱན༔ བདེ་སྟོང་རྒྱས་པས་རྟ་ཞལ་ཕག་སྐད་སྒྲོགས༔ རང་འདྲའི་སྤྲུལ་འཁོར་འབུམ་འབུམ་ཀློང་དུ་བསྐྱེད༔ ཧཱུྃ་ཧྲཱིཿ དབང་ཆེན་ཐབས་ཀྱི་ཞབས་གཡས་བརླ་ཡི་དཀྱིལ༔ ཧཱུྃ་ལས་གྱུར་པའི་མ་ཧཱ་དྷེ་ཝ་ནག༔ དབང་ཆེན་ཤེས་རབ་ཞབས་གཡོན་བརླ་ཡི་དཀྱིལ༔ ཧྲཱིཿལས་གྱུར་པའི་ཨུ་མ་དྷེ་ཝ་དམར༔ ཡབ་ཡུམ་ཁྲོ་གཏུམ་དྲག་ཁྲོས་རལ་པ་བརྫེས༔ ཐོད་པས་དབུ་བརྒྱན་སྦྲུལ་ནག་ཆུན་པོས་བརྒྱན༔ ཟངས་ལྕགས་འཁོར་ལོའི་ཕྱག་རྒྱ་དོར་སྟབས་བགྲད༔ མདུན་དུ་གཉིས་མེད་སྤྲུལ་པའི་སྲས་ཆེན་པོ༔ རཀྴ་ཛ་ལ་ནག་པོ་ཟངས་མཆེ་ཅན༔ དར་ནག་བེར་གསོལ་ཁྲོ་གཏུམ་གསོད་ལ་རྔམ༔ ཕྱག་གཉིས་ནད་མཚོན་དུག་གི་ཐུན་འོད་འཕྲོ༔ ཁྲག་འཐུང་དབང་གི་སྤྲུལ་པའི་ཕོ་ཉར་བསྒོམ༔ ཡབ་ཡུམ་སྐུ་ལ་ལུས་དང་གྲིབ་མའི་ཚུལ༔ སྐུ་ཡི་རྒྱབ་ནས་བཛྲ་པཱ་ཎི་འཇིགས༔ མཐིང་ནག་རྡོ་རྗེ་སྡིགས་མཛུབ་གར་དགུར་ལྡན༔ གནོད་སྦྱིན་སྡེ་དཔོན་བྲན་དང་ཕོ་ཉར་བཅས༔ ཧཱུྃ་ཧྲཱིཿ ཕྱི་རོལ་འཁོར་ལོ་རྩིབས་བརྒྱད་གཞལ་ཡས་ནས༔ ཤ་ཁྲག་རྒྱ་མཚོ་འཁྱིལ་བའི་ཀློང་ཡངས་དབུས༔ ཤར་དུ་སྲོག་བདག་ཚངས་པ་དཀར་པོ་ཁྲོ༔ བེར་སྨུག་དགུ་བརྩེགས་མདུང་དར་དགྲ་སྙིང་རོལ༔ ཤར་ལྷོར་ཀླུ་བདུད་དབུ་དགུ་ཕྱག་བཅོ་བརྒྱད༔ སྦྲུལ་མཇུག་དུག་མདོག་སྣ་ཚོགས་མཚོན་ཆ་གདེངས༔ ལྷོ་རུ་གཤིན་རྗེ་བྷེ་ཝ་ས་ཏ་ནི༔ སེར་ནག་འབར་བ་འཁོར་ལོ་སྡིགས་མཛུབ་ཞགས༔ ལྷོ་ནུབ་དྲང་སྲོང་ལྗང་སྔོན་དབུ་དགུ་འཇིགས༔ ཆུ་སྲིན་རྒྱལ་མཚན་མདའ་གཞུ་སྤྱན་སྟོང་འཁྲུག༔ ཚ་གྲང་འཁྲུགས་པའི་སྒྲ་སྒྲོགས་སྦྲུལ་མཇུག་འཁྱིལ༔ ནུབ་ཏུ་བཙན་རྒོད་རྡོ་རྗེ་དྲག་རྩལ་དམར༔ བསེ་ཁྲབ་ཞགས་པ་མདུང་དམར་ཙིཏྟ་འདྲེད༔ ནུབ་བྱང་རྡོར་ལེགས་ཞྭ་ལྷམ་བེར་ནག་ལྕགས༔ ཞགས་པ་ནག་པོ་རྡོ་རྗེའི་ཐོ་བ་གདེངས༔ བྱང་དུ་བདུད་པོ་རལ་པ་ཚར་དགུ་ནག༔ རེ་ལྡེ་མི་ལྤགས་གོ་ཟུང་ཁྲམ་ཤིང་ཞགས༔ བྱང་ཤར་མ་མོ་ནག་མོ་རལ་གྲི་ཐོད༔ མི་ལྤགས་རྩིབ་མའི་རེ་ལྡེ་སྟག་ཤམ་ཅན༔ ཀུན་ཀྱང་ཞལ་གདངས་ལྗགས་འདྲིལ་མཆེ་བ་གཙིགས༔ སྤྱན་རྣམས་དམར་ཟླུམ་སྡང་མིག་ཕྱོོགས་བཅུར་གཡོ༔ ཞབས་རྣམས་དོར་སྟབས་རྒྱན་དང་ཆ་ལུགས་རྫོགས༔ འཁོར་གཡོག་དགྱེས་སྡེ་ཡུམ་དང་སྤྲུལ་འཁོར་བཅས༔ ལྷ་སྲིན་འབུམ་སྡེའི་དྲྭ་བ་ར་བར་བསྒོམས༔ དུར་ཁྲོད་གཞལ་ཡས་གནམ་ལྕགས་པུ་རིའི་མཁར༔ ཕྱོགས་བཞིའི་སྒོ་བཞིར་རྒྱལ་ཆེན་སྡེ་བཞི་ནི༔ རང་རྟགས་ཕྱག་མཚན་སྐུ་མདོག་འོད་དུ་འཚེར༔ རང་རང་འཁོར་ཚོགས་དཔལ་མགོན་སྲུང་མས་བསྐོར༔ མ་འདྲེས་སོ་སོར་གསལ་ཞིང་ལས་མཛད་གསལ༔ སྤྱན་འདྲེན་རོལ་མོ་སྤོས་གསུར་རྔམ་སྟབས་བསྒྱུར༔ ཧཱུྃ་ཧྲཱིཿ འོག་མིན་དབང་དྲག་རོལ་པའི་དུར་ཁྲོད་ནས༔ དབང་ཆེན་ཁྲོ་བོའི་རྒྱལ་པོ་ཡབ་དང་ཡུམ༔ རིགས་ཀྱི་བདག་པོ་དཔའ་བོ་དཔའ་མོ་འབུམ༔ མ་ལུས་འཁོར་དང་བཅས་པ་གཤེགས་སུ་གསོལ༔ སྤྲུལ་པའི་བྱ་ཁྱུང་འབར་བ་གཤེགས་སུ་གསོལ༔ ལྷ་ཆེན་དྲག་པོ་ཡབ་ཡུམ་གཤེགས་སུ་གསོལ༔ མུ་སྟེགས་རཀྴ་ཛ་ལ་གཤེགས་སུ་གསོལ༔ གནོད་སྦྱིན་ལག་ན་རྡོ་རྗེ་གཤེགས་སུ་གསོལ༔ སྲོག་བདག་ཚངས་པ་འབུམ་སྡེ་གཤེགས་སུ་གསོལ༔ ཀླུ་བདུད་ནག་པོ་འབུམ་སྡེ་གཤེགས་སུ་གསོལ༔ འཆི་བདག་གཤིན་རྗེ་འབུམ་སྡེ་གཤེགས་སུ་གསོལ༔ ཁྱབ་འཇུག་གཟའ་རྒོད་འབུམ་སྡེ་གཤེགས་སུ་གསོལ༔ བཙན་རྒོད་དམར་པོ་འབུམ་སྡེ་གཤེགས་སུ་གསོལ༔ དམ་ཅན་ཐེའུ་རང་འབུམ་སྡེ་གཤེགས་སུ་གསོལ༔ སྲོག་གཅོད་བདུད་པོ་འབུམ་སྡེ་གཤེགས་སུ་གསོལ༔ མ་མོ་མཁའ་འགྲོ་འབུམ་སྡེ་གཤེགས་སུ་གསོལ༔ རྒྱལ་ཆེན་ལས་བྱེད་བྲན་འཁོར་གཤེགས་སུ་གསོལ༔ སངས་རྒྱས་བཀའ་དང་བསྟན་པ་སྐྱོང་བའི་ལྷ༔ མ་ལུས་འཁོར་བཅས་གནས་འདིར་གཤེགས་སུ་གསོལ༔ དབང་དྲག་ཕྲིན་ལས་བསྒྲུབ་ཕྱིར་གཤེགས་སུ་གསོལ༔ མཆོག་ཐུན་དངོས་གྲུབ་སྩོལ་ཕྱིར་གཤེགས་སུ་གསོལ༔ དམ་མེད་དྲེགས་པ་འདུལ་ཕྱིར་གཤེགས་སུ་གསོལ༔ རྒྱ་འདྲེ་འགོང་པོ་འདུལ་ཕྱིར་གཤེགས་སུ་གསོལ༔ མཐའ་དམག་འཁྲུག་རྩོད་བཟློག་ཕྱིར་གཤེགས་སུ་གསོལ༔ ནད་མུག་མཚོན་ཁ་བཟློག་ཕྱིར་གཤེགས་སུ་གསོལ༔ ཟ་འདྲེ་གོད་སྲི་འདུལ་ཕྱིར་གཤེགས་སུ་གསོལ༔ ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་མ་ཧཱ་དྷེ་ཝ་ཨུ་མ་ནི་ཛ་ལ་ཨ་ཡ་མ་ཏྲག་རཀྨོ་རཱ་ཛ་ཡཀྴ་དུ་ན་པྲ་ན་ཡེ་རཀྴ་རུ་ཊ་ནཱ་ག་ཨེ་ཧྱ་ཧི་བཛྲ་ས་མ་ཡ་ཛཿཛ༔ བཞུགས་གསོལ༔ ཧཱུྃ་ཧྲཱིཿ དབང་ཆེན་འབར་བའི་དཀྱིལ་འཁོར་ལྷ་ཡི་ཚོགས༔ གནམ་ལྕགས་ཨུརྨོའི་དཀྱིལ་འཁོར་གཞལ་ཡས་དབུས༔ རང་རང་དགྱེས་པའི་ཁྲི་གདན་འཁོར་ལོ་ལ༔ མ་ལུས་འདུ་འབྲལ་མེད་པར་བཞུགས་སུ་གསོལ༔ ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་ཧྲཱིཿཧཱུྃ་ཛ་ཨ་ཡ་མ་དུ་རུ་ཙ་ཤ་ན་ཧཱུྃ་བཛྲ་ཏིཥྛ་ལྷན༔ ཕྱག་ནི༔ ཧཱུྃ་ཧྲཱིཿ འབར་བའི་ལྷ་ཚོགས་དྲག་རྩལ་ནུས་མཐུའི་དཔལ༔ རྔམ་བརྗིད་སྟོབས་ལྡན་དབང་དྲག་ཧེ་རུ་ཀ༔ གདུལ་དཀའ་འདུལ་མཛད་དྲེགས་པ་ཡོངས་ཀྱི་གཤེད༔ དཔལ་ཆེན་དཀྱིལ་འཁོར་ལྷ་ལ་ཕྱག་འཚལ་ལོ༔ ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་སརྦ་དྷེ་ཝ་ན་མོ་པཱུ་ཙ་ཧོ༔ མཆོད་པ་ནི༔ ཧཱུྃ་ཧྲཱིཿ གུ་གུལ་དཀར་ནག་དྲི་བཟང་སྤོས་སྨན་དུད༔ ཤ་ལྔའི་གསུར་ཆེན་དུད་པ་སྤྲིན་ལྟར་གཡོ༔ དབང་ཆེན་འབར་བའི་དཀྱིལ་འཁོར་ལྷ་ལ་འབུལ༔ ལོག་འདྲེན་བསྒྲལ་བའི་རཀྟ་མཚོ་ལྟར་བསྐྱིལ༔ ཁྲག་ལྦུའི་བ་གམ་གཡོ་ཞིང་འོད་རླངས་འཁྲུག༔ དབང་ཆེན་འབར་བའི་དཀྱིལ་འཁོར་ལྷ་ལ་འབུལ༔ མཆོག་ཆེན་མི་རྟ་ཁྱི་དང་བ་གླང་སོགས༔ བཙོས་བརྗེན་གསར་རྙིང་བམ་རུལ་ཞལ་ཟས་བརྩེགས༔ དབང་ཆེན་འབར་བའི་དཀྱིལ་འཁོར་ལྷ་ལ་འབུལ༔ བྷནྡྷའི་ཀོང་བུར་ཞུན་ཆེན་མར་མེས་གཏམས༔ རྫོགས་ལྡན་མེ་ལྟར་འབར་ཞིང་འཚིག་པ་འདི༔ དབང་ཆེན་འབར་བའི་དཀྱིལ་འཁོར་ལྷ་ལ་འབུལ༔ དབང་པོ་རྣམ་ལྔའི་མེ་ཏོག་བགྲངས་མཐའ་ཡས༔ མདངས་ལྡན་འོད་འཕྲོ་མཛེས་ལྡན་བཀོད་པ་འདི༔ དབང་ཆེན་འབར་བའི་དཀྱིལ་འཁོར་ལྷ་ལ་འབུལ༔ ཐོད་རྔ་རྐང་གླིང་རྔེའུ་ཆུང་རོལ་མོའི་སྒྲ༔ འབར་འབེར་འཁྲུག་ཅིང་འར་འུར་ལྡིར་བ་འདི༔ དབང་ཆེན་འབར་བའི་དཀྱིལ་འཁོར་ལྷ་ལ་འབུལ༔ སྟོང་གསུམ་ཁྱོན་བརྡལ་བྷནྡྷར་བདུད་རྩིས་བརྒྱན༔ འདོད་དགུའི་དཔལ་གྱིས་བརྒྱན་པའི་མཆོད་སྤྲིན་འདི༔ དབང་ཆེན་འབར་བའི་དཀྱིལ་འཁོར་ལྷ་ལ་འབུལ༔ འབྲུ་སྨན་དུག་ཁྲག་ཤ་སྣ་སྙིང་སྣ་སྟོང་༔ དཔལ་གྱི་རི་ལྟར་བརྗིད་ལྡན་བཤམས་པ་འདི༔ དབང་ཆེན་འབར་བའི་དཀྱིལ་འཁོར་ལྷ་ལ་འབུལ༔ ཕྱི་ནང་སྣོད་བཅུད་གཟུགས་སྒྲ་དྲི་རོ་རེག༔ དངོས་འབྱོར་ཡིད་སྤྲུལ་དགྱེས་ཤིང་མཆོད་པའི་ཚོགས༔ དབང་ཆེན་འབར་བའི་དཀྱིལ་འཁོར་ལྷ་ལ་འབུལ༔ དུག་གསུམ་རྒྱུ་ལས་སྐྱེས་པའི་དགྲ་དང་བགེགས༔ དབང་དྲག་སྟོབས་ཀྱིས་བསྒྲལ་བའི་ཤ་ཁྲག་རུས༔ དབང་ཆེན་འབར་བའི་དཀྱིལ་འཁོར་ལྷ་ལ་འབུལ༔ ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་སརྦ་དྷེ་ཝ་པུ་རུ་ཤ་ཡ་པཱུ་ཙ་ཧོ༔ བསྟོད་པ་ནི༔ ཧཱུྃ་ཧྲཱིཿ འོག་མིན་གསང་ཆེན་རོལ་པའི་མཁའ་དབྱིངས་ནས༔ མངོན་རྫོགས་རྒྱལ་པོ་ཆོས་སྐུ་དེ་བཞིན་གཤེགས༔ ལྔ་ལྡན་ཐུགས་རྗེའི་སྟོབས་བཅུ་དཔལ་དུ་འབར༔ དབང་བཅུའི་ཤུགས་ཀྱིས་དྲེགས་པ་ཡོངས་ཀྱི་གཤེད༔ རྟ་གདོང་ཁྲག་འཐུང་དཔལ་ལ་ཕྱག་འཚལ་བསྟོད༔ རབ་འཇིགས་སྐུ་ལ་གར་དགུའི་འཁོར་ལོ་གཡོ༔ དབང་ཆེན་སྒྲ་ཡིས་ཁམས་གསུམ་བྲན་དུ་བཀོལ༔ དབང་དྲག་ཆས་ལྡན་སྲིད་གསུམ་ཟིལ་གྱིས་གནོན༔ ཁྲོས་པའི་སྟོབས་རྫོགས་དབང་གི་ཧེ་རུ་ཀ༔ རྟ་གདོང་རྟ་སྐད་བཞད་ལ་ཕྱག་འཚལ་བསྟོད༔ འབར་བའི་ཀློང་ཡངས་གཏུམ་དྲག་འཁྲུག་པའི་དབྱིངས༔ གནམ་ལྕགས་ཨུར་མོའི་ཕོ་བྲང་དུར་ཁྲོད་འཇིགས༔ དུག་གསུམ་མེ་རླུང་གཡོ་འཁྲུག་དུག་ལྔ་འབར༔ དཔལ་གྱི་སྐུ་ལས་སྤྲུལ་པ་ཡང་སྤྲུལ་འགྱེད༔ སྟོབས་ལྡན་དྲག་པོའི་རྒྱལ་ལ་ཕྱག་འཚལ་བསྟོད༔ གཉིས་མེད་སྐུ་ལ་སྦྱོར་བའི་དབང་ཕྱུག་ཡུམ༔ པདྨ་དྷཀྐི་རྡོ་རྗེ་རྣལ་འབྱོར་མ༔ བདེ་སྟོང་དཔལ་འབར་མ་བརྒྱུད་འབུམ་གྱི་གཙོ༔ ཁྲོས་པའི་གར་དབང་ཕག་ཞལ་སྒྲ་ཆེན་འབྱིན༔ ཡུམ་ཆེན་རྣལ་འབྱོར་མ་ལ་ཕྱག་འཚལ་བསྟོད༔ ལས་བཞིའི་ལྷ་ཚོགས་སྐུ་ཡི་རྒྱན་དུ་སྤྲས༔ གང་འདུལ་སྤྲུལ་པའི་ཁྱུང་དམར་མཁའ་ལ་ལྡིང་༔ རིགས་བདག་དམར་པོ་གཙུག་གི་ཆ་ལ་འབར༔ སྒྱུ་འཕྲུལ་རབ་འབྱམས་གར་གྱི་རྟ་མཆོག་དཔལ༔ ཡབ་ཡུམ་འཁོར་དང་བཅས་ལ་ཕྱག་འཚལ་བསྟོད༔ ཧཱུཾ་ལས་གྱུར་པའི་དབང་ཕྱུག་ཁྲོ་བོ་ནག༔ ཧྲཱིཿལས་གྱུར་པའི་ཡུམ་ཆེན་དམར་མོ་ཁྲོ༔ ཛཿལས་སྐྱེས་པའི་སྲས་མཆོག་སྲིན་པོ་ནག༔ དྲེགས་པའི་གཤེད་མ་ཁྲོ་བོ་རྡོ་རྗེ་འཆང་༔ དཔལ་ཆེན་སྤྲུལ་པའི་ཚོགས་ལ་ཕྱག་འཚལ་བསྟོད༔ ཕྱི་རོལ་འཁོར་ལོ་འབར་བའི་རྩིབས་བརྒྱད་ནས༔ མི་བསྲུན་དྲེགས་པ་སྡེ་བརྒྱད་འདུལ་པའི་དཔལ༔ དྲེགས་པའི་གཟུགས་ཀྱིས་དྲེགས་པ་འདུལ་བའི་སྐུ༔ དབང་ཆེན་སྤྲུལ་པ་ཡང་སྤྲུལ་བཀའ་སྡོད་འབུམ༔ གདུལ་དཀའ་འདུལ་བྱེད་ཚོགས་ལ་ཕྱག་འཚལ་བསྟོད༔ གླིང་བཞིའི་མགོན་སྟེ་སངས་རྒྱས་བསྟན་པ་སྐྱོང་༔ ལྷ་དམག་དབུགས་འབྱིན་ལྷ་མིན་གཡུལ་ངོ་བཟློག༔ རྒྱལ་ཆེན་སྡེ་བཞི་གཙང་རིས་དཔལ་མགོན་ལྷ༔ བཀའ་ཡི་བསྟན་སྲུང་གཡོག་འཁོར་བྲན་དང་བཅས༔ བཀའ་སྲུང་དམ་ཅན་རྒྱ་མཚོར་ཕྱག་འཚལ་བསྟོད༔ བསྐྱེད་རྫོགས་ཟུང་འཇུག་མཉམ་ཉིད་ཏིང་འཛིན་གྱིས༔ མ་ཡེངས་དགོངས་པའི་གཟེར་གདབ་སྔགས་འདི་བགྲང་༔ ཨོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཐུན་སྐབས་མཆོད་བསྟོད་དངོས་གྲུབ་དབང་བཞི་ལེན༔ ཞིང་ཆེན་ལྤགས་པ་གཅལ་ཏུ་བཀྲམ་པའི་སྟེང་༔ ཤ་ཁྲག་ཆང་སོགས་ཚོགས་འཁོར་རྒྱས་པར་བཀྲམ༔ ཧཱུྃ་ཧྲཱིཿ དབང་ཆེན་རོལ་པའི་གསང་བའི་དུར་ཁྲོད་འདིར༔ དྲེགས་ཆེན་བསྒྲལ་བའི་ཤ་ཁྲག་དོན་སྙིང་རུས༔ སྨན་སྤོས་འབྲུ་སྣ་རྩི་བཅུད་ཨ་མྲྀ་ཏ༔ མུ་མཐའ་མེད་པར་ཡོངས་སུ་བརྡལ་བ་འདི༔ དཔལ་ཆེན་དབང་གི་ལྷ་ལ་འབུལ་ལགས་ན༔ རྡོ་རྗེ་རྒྱལ་པོས་བསྲེགས་གཏོར་སྦྱངས་བཀྲུས་སྤེལ༔ ཞེས་ལས་པས་ཕྱག་དང་བཅས་ཏེ་ཞུའོ༔ དེ་ནས་རྡོ་རྗེའི་ཆུས་འཐོར་སྨན་རག་རྣམས་ཀྱིས་སྦྲེང་༔ ཧཱུྃ་ཧྲཱིཿ གསལ་བ་ཆོས་སྐུ་ཀུན་ཁྱབ་ཕྱག་རྒྱ་ལས༔ འཛིན་པ་དཀྱིལ་འཁོར་གསུམ་ལྡན་ཕོ་བྲང་ནས༔ བཟླས་པ་སྔགས་ཀྱི་འཁོར་ལོའི་འདུ་འཕྲོའི་རྩལ༔ བཟའ་བཏུང་ཚོགས་ཀྱི་འཁོར་ལོར་ཕོག་པ་ལས༔ སྤྱད་པ་ལས་ཀྱི་ཕྱག་རྒྱ་ཡབ་ཡུམ་ལྔ༔ ཟུང་འཇུག་སྦྱོར་བའི་བདུད་རྩིར་ཀུན་ཏུ་འཁྱིལ༔ རྩ་གསུམ་ལྷ་ཚོགས་མཆོད་པའི་རྫས་སུ་གྱུར༔ ཨཱོཾ་ཧཱུྃ་ཏྲཾ་ཧྲཱིཿཨཱ༔ མུཾ་ལཾ་མཾ་པཾ་ཏཾ༔ ས་མ་ཡ་ཧོ༔ ས་མ་ཡ་སྟོཾ༔ པཉྩ་ཨ་མྲྀ་ཏ་ཨཱོཾ་ཨཱཿཧཱུྃ༔ ཧ་ཧོ་ཧྲཱིཿཕེཾ་ཕེཾ༔ གསུམ༔ ཧཱུྃ་ཧྲཱིཿ ཤ་ལྔ་བདུད་རྩི་ལྔ་ལས་གྲུབ་པ་ཡི༔ ཡེ་ཤེས་ལྔ་ལྡན་ཚོགས་ཀྱི་འཁོར་ལོ་འདི༔ དབང་དྲག་དྲེགས་པའི་དཀྱིལ་འཁོར་ལྷ་ཚོགས་ལ༔ མཆོད་པར་འབུལ་ལོ་དགྱེས་པར་བཞེས་སུ་གསོལ༔ ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་སརྦ་དྷེ་ཝ་གྷ་ན་པཱུ་ཙ་ཁ་ཁ་ཁཱ་ཧི་ཁཱ་ཧི༔ ཅེས་མཆོད༔ ཧཱུྃ་ཧྲཱི༔ དབང་དྲག་ཁྲོས་པའི་ལྷ་ཚོགས་དགོངས་སུ་གསོལ༔ འདིར་ཚོགས་རྣལ་འབྱོར་མཆེད་དང་ལྕམ་དྲལ་གྱི༔ འདའ་དཀའ་ཁས་བླང་དམ་ལས་འགལ་གྱུར་པ༔ ཚོགས་ཀྱི་འཁོར་ལོས་བསྐངས་ཤིང་བཤགས་ལགས་ལ༔ ཚངས་པར་མཛད་ནས་མཆོག་གི་དངོས་གྲུབ་སྩོལ༔ ཅེས་བརྗོད་རྒྱུད་ཟུང་བཞིའི་བཤགས་པ་དང་ཡི་གེ་བརྒྱ་པ་བྱའོ༔ ཐ་མར་འགུགས་བསྟིམ་རྒྱས་གདབ་ནས༔ ཧཱུྃ་ཧྲཱི༔ དཔལ་ཆེན་འབར་བ་དབང་དྲག་ཁྲོས་པའི་ལྷ༔ སྤྲུལ་པ་ཡང་སྤྲུལ་བཀའ་ཉན་བྲན་གཡོག་འབུམ༔ ཁྲག་འཐུང་རྔམ་བརྗིད་འབར་བའི་ཏིང་འཛིན་གྱིས༔ རྣོ་ངར་གདུག་པའི་མཚོན་གྱི་ཆར་ཕོབ་ལ༔ གནོད་པར་གྱུར་ན་འགོ་བའི་ལྷ་ཡང་རུང་༔ སྡང་བར་གྱུར་ན་བྱམས་དང་ཉེ་རིང་མེད༔ གནོད་བྱེད་དགྲ་བགེགས་ཐམས་ཅད་རྡུལ་དུ་རློག༔ ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་བཛྲ་པཱ་ཎི་དྷཀྐི་ནི་བྷ་ར་ཧི་ཧཱུྃ་མ་ཧཱ་དྷེ་ཝ་ཧྲཱིཿཨུ་མ་དྷེ་ཝི་ཛ་ལ་རཀྴ་ཨ་ཡ་མ་དུ་རུ་ཙ་ཤ་ན་དགྲ་བགེགས་བྱད་མ་ཐམས་ཅད་ཏྲི་དུ་ཛ་ཏྲི་དུ་ཛ་ནྲི་ཏྲི་མཱ་ར་ཡ་རྦད་རྦད༔ ཏྲག་རཀྴ་མཱ་ར་ཡ་རྦད་ཆོད་ཐུམ་རིལ་རྦད༔ དུམ་བུར་གཏུབས་གཏུབས་སྙིང་ལ་ཡཾ་ཡཾ་མར་ཐུལ་མཱ་ར་ཡ་བྷྱོ་བྷྱོ་ཛཿཛཿསོད་སོད༔ ཅེས་བརྗོད༔ སྔགས་ལ་ཁཱ་ཧི་བཏགས་ཤིང་གཏོར་མར་འབུལ༔ འབགས་ལྷག་བྲན་ཏེ༔ ཧཱུྃ་ཧྲཱི༔ དམ་རྫས་བཀའ་ཡི་ཕམ་ཕབས་ཆེན་པོ་འདི༔ དབང་ཆེན་དྲག་པོའི་བཀའ་འཁོར་སྐྱོང་བའི་བདག༔ རྒྱལ་ཆེན་ལས་བྱེད་དཔལ་མགོན་རྒྱ་མཚོ་དང་༔ ཕྱི་ནང་སྤྲུལ་འཁོར་བྲན་གཡོག་ཐམས་ཅད་ལ༔ མཆོད་པར་འབུལ་པོ་གྷ་ནའི་ལྷག་མ་ལོང་༔ རྣལ་འབྱོར་བཅོལ་བའི་འཕྲིན་ལས་གྲུབ་པར་མཛོད༔ ཅེས་གཙང་སར་གཤེགས༔ ཆད་ཐོར་སྨན་རག་སྦྲེངས༔ ཧཱུྃ་ཧྲཱི༔ སྔོན་ཚེ་འདས་དུས་བསྐལ་པའི་དང་པོ་ལ༔ དབང་ཆེན་རོལ་པའི་དུར་ཁྲོད་ཆེན་པོ་དེར༔ བཅོམ་ལྡན་དཔལ་ཆེན་རྟ་མཆོག་ཧེ་རུ་ཀས༔ འབུམ་ཕྲག་དཔའ་བོ་མཁའ་འགྲོ་དབང་བསྡུས་ནས༔ དཀྱིལ་འཁོར་གསུམ་གྱི་གཡར་དམ་ཕོག་པའི་ཚེ༔ མི་འདའ་རྡོ་རྗེའི་དམ་ལ་གནས་པའི་ཚོགས༔ ཞིང་བཅུའི་ཤ་ཁྲག་གཏོར་མ་འདི་བཞེས་ལ༔ སངས་རྒྱས་བསྟན་སྐྱོང་གསང་སྔགས་རྒྱུད་སྡེ་སྲུངས༔ སྒྲུབ་མཆོག་བདག་ལ་མཆོག་ཐུན་དངོས་གྲུབ་སྩོལ༔ ཧཱུྃ་ཧྲཱི༔ དེ་འོག་བར་གྱི་བསྐལ་པའི་བར་མ་ལ༔ བམ་རི་ཐོད་མཁར་མ་ལ་ཡ་རྩེ་ན༔ ཁྲོས་པའི་སྟོབས་ལྡན་རྟ་མགྲིན་ཡབ་ཡུམ་གྱིས༔ སྒེག་པའི་བདུད་པོ་རུ་ཊ་བསྒྲལ་བའི་ཚེ༔ ཀེ་སེང་དབང་ཕྱུག་དམ་ཅན་རྒྱ་མཚོ་ཡིས༔ སོ་སོར་ཁས་བླངས་དམ་བཅས་དེ་བཞིན་དུ༔ གཏོར་མ་བཞེས་ལ་འཛམ་གླིང་བདེ་སྐྱིད་སྤེལ༔ རྣལ་འབྱོར་བཅོལ་བའི་འཕྲིན་ལས་གྲུབ་པར་མཛོད༔ ཧཱུྃ་ཧྲཱི༔ དེ་འོག་འདས་དུས་བསྐལ་པའི་འོག་མ་ལ༔ སྟོན་པའི་བསྟན་པ་ཕྱི་པས་བཅོམས་པའི་ཚེ༔ ལྷོ་ཕྱོགས་ལྕགས་མཁར་ནག་པོའི་ཕོ་བྲང་དུ༔ ཕུང་བྱེད་ཆེན་པོ་ཤནྟིང་གྷརྦྷ་དང་༔ བདག་ཉིད་སྔགས་འཆང་པདྨ་ཐོད་ཕྲེང་གིས༔ དབང་ཆེན་བསྒྲུབས་ཤིང་དྲེགས་ཚོགས་བྲན་དུ་བཀོལ༔ ལྷ་ཆེན་ཡབ་ཡུམ་རཀྴ་ཛ་ལ་ཡིས༔ རང་གཤེད་རང་ཕབ་མུ་སྟེགས་སྡེ་ཚོགས་བརླག༔ སངས་རྒྱས་བསྟན་པ་ཕྱོགས་མཐར་རྒྱས་པའི་ཚེ༔ དམ་ལ་བཞག་པའི་སྲུང་མ་ཕྱི་ནང་ཚོགས༔ དམ་རྫས་བརྒྱན་པའི་གཏོར་མ་འདི་བཞེས་ལ༔ བསྟན་པའི་བཀའ་སྲུང་རྣལ་འབྱོར་སྡོངས་གྲོགས་མཛོད༔ ཧཱུྃ་ཧྲཱི༔ དེ་འོག་འདས་དུས་བསྐལ་པའི་ཐ་མ་ལ༔ ཆོས་འཁོར་བསམ་ཡས་ཨཱརྱ་པ་གླིང་དུ༔ བདག་ཉིད་རིག་འཛིན་པདྨ་ཐོད་ཕྲེང་གིས༔ དྲེགས་པའི་དྲེགས་པ་དྲེགས་པས་བརྟུལ་བའི་ཚེ༔ དམ་ལ་བཏགས་པའི་ལྷ་སྲིན་སྡེ་བརྒྱད་འབུམ༔ བཀའ་ཡི་དམ་རྫས་རང་རྟགས་བཤོས་བུ་ལོང་༔ བོད་ཁམས་བསྟན་འགྲོའི་བདེ་སྐྱིད་སྤེལ་བ་དང་༔ མཐའ་དམག་འཁྲུག་རྩོད་ནད་མཚོན་མུ་གེ་བཟློག༔ ཟ་འདྲེ་འགོང་པོ་དམ་སྲི་རྡུལ་དུ་རློག༔ རྣལ་འབྱོར་བཅོལ་བའི་འཕྲིན་ལས་གྲུབ་པར་མཛོད༔ བསྟན་མ་ནི༔ ཧཱུྃ་ཧྲཱི༔ བོད་ཁམས་མཐའ་དབུས་ཀུན་ལ་གནས་པ་ཡི༔ བསྟན་མ་ཆེན་མོ་མ་སྲིང་བྲན་གཡོག་འབུམ༔ ཆོས་འཁོར་བསམ་ཡས་ཨཱརྱ་པ་གླིང་དུ༔ དབང་ཆེན་དྲེགས་པའི་དཀྱིལ་འཁོར་ཞལ་ཕྱེས་ཚེ༔ ལྕེ་ལ་ཨརྒཾ་སྤྱི་བོར་རྡོ་རྗེ་བཞག༔ གསང་བའི་མཚན་བཏགས་མ་འོངས་ལུང་བསྟན་ཚེ༔ ཇི་ལྟར་ཁས་བླངས་དམ་བཅས་དེ་བཞིན་དུ༔ གཏོར་མ་འདི་བཞེས་རྣལ་འབྱོར་བདག་སྲུང་ཞིང་༔ བསྟན་པའི་དགྲ་སྒྲོལ་མཐའ་དམག་འཁྲུག་རྩོད་ཟློག༔ རྣམ་བཞིའི་འཕྲིན་ལས་གྲུབ་པའི་སྟོང་གྲོགས་མཛོད༔ སརྦ་ས་མ་ཡ༔ ཨི་དམ་བྷ་ལིངྟ་ཁ་ཁ་ཁཱ་ཧི་ཁཱ་ཧི༔ གཏོར་གཞོང་སྦུབ་ཅིང་༔ ཧཱུྃ་ཧྲཱི༔ ཆོས་སྐུ་ཞི་བའི་དབྱིངས་ལས་འབར་བའི་སྐུ༔ བདུད་དང་ལོག་འདྲེན་དྲེགས་པ་འདུལ་བའི་གཤེད༔ མ་རུངས་ཚར་གཅོད་རྟ་མཆོག་དབང་གི་ལྷ༔ བྲན་དང་ཕོ་ཉ་བཀའ་འཁོར་སྲུང་མའི་ཚོགས༔ རྡུངས་ཤིག་རྡོ་རྗེ་འབར་བའི་རྟ་བྲོ་རྡུངས༔ དམ་སྲི་གནོད་བྱེད་དགྲ་བགེགས་འབྱུང་པོ་རྣམས༔ ཞལ་དུ་བསྟབ་བོ་ཆུ་སྲིན་གྲེ་བའི་ནང་༔ ཐར་མེད་མཆེ་བྲག་འཁྲིགས་པས་རྒྱས་གདབ་བོ༔ དབྱིངས་སུ་བསྟིམ་མོ་མཐའ་མེད་རྒྱ་མཚོའི་ཀློང་༔ ནམ་ཡང་འཆོར་བ་མེད་པའི་རྒྱས་གདབ་བོ༔ ཡོངས་སུ་མནན་ནོ་རི་རབ་གླིང་བཞིའི་འོག༔ ནམ་ཡང་ལྡང་བ་མེད་པར་རྒྱས་གདབ་བོ༔ ཨཱོཾ་ལཾ་ཧཱུྃ་ལཾ་སྟམ་བྷ་ཡ་མཱ་ར་ཡ་ན་ཤ་ཡ༔ མོ་ཥ་ཡ་ནན་སྭཱ་ཧཱ༔ བཀྲ་ཤིས་ནི༔ ཧཱུྃ་ཧྲཱི༔ ཆོས་དབྱིངས་ཀུན་ཁྱབ་ཡངས་པ་ཐུགས་རྗེའི་ལྷ༔ གནས་ལུགས་སྙིང་པོ་རྟོགས་པའི་བཀྲ་ཤིས་ཤོག༔ འབད་མེད་ཡོངས་གྲོལ་ལྔ་ལྡན་ཟེར་ཐག་འཕྲེང་༔ བླ་མེད་ཟད་པ་མཐར་ཕྱིན་བཀྲ་ཤིས་ཤོག༔ གང་འདུལ་སྤྲུལ་པའི་ཚོམ་བུ་ལྷག་པའི་ལྷ༔ དབང་ཆེན་དཀྱིལ་འཁོར་ལྷ་ཚོགས་བཀྲ་ཤིས་ཤོག༔ དགེ་བའི་བསོད་ནམས་ཁམས་གསུམ་ཀུན་ཏུ་རྒྱས༔ ལེགས་པའི་འབྲས་བུ་སྲིད་གསུམ་ཡོངས་ལ་སྨིན༔ མཆོག་ཐུན་མི་ཟད་ཡིད་བཞིན་དཔལ་གྱི་བུམ༔ དབང་བཅུའི་དཔལ་ལ་སྤྱོད་པའི་བཀྲ་ཤིས་ཤོག༔ རྫོགས་རིམ༔ ཧཱུྃ་ཧྲཱི༔ གསང་ཆེན་རོལ་པའི་དུར་ཁྲོད་གཞལ་ཡས་ཁང་༔ གཙོ་དང་འཁོར་གཡོག་ལྷ་སྐུ་ཕྱག་རྒྱ་ཆེ༔ སྣང་སྟོང་གཉིས་མེད་རོལ་པ་ཧཱུྃ་ལ་བསྡུ༔ ཧཱུྃ་ཡིག་སྐད་ཅིག་བརྗོད་མེད་མཁའ་ལ་ཡལ༔ ཡེ་གྲོལ་འབད་མེད་དབྱིངས་སུ་ཡོངས་གྲོལ་ཏེ༔ མངོན་རྫོགས་བརྗོད་མེད་ཟང་ཐལ་སྤྲོས་དང་བྲལ༔ གཤེགས་གསོལ་ནི༔ ཧཱུྃ་ཧྲཱི༔ རྟོག་མེད་དབྱིངས་ལས་ཤར་པའི་གཙོ་དང་འཁོར༔ རིས་མེད་ཕྱོགས་ལྷུང་བྲལ་བའི་མཁའ་དབྱིངས་སུ༔ བརྗོད་མེད་བློ་འདས་དབྱིངས་སུ་གཤེགས་ནས་ཀྱང་༔ སླར་ཡང་བདག་ཅག་རྗེས་མཐུན་དངོས་གྲུབ་སྩོལ༔ དངོས་གྲུབ་ནི༔ ཧཱུྃ་ཧྲཱི༔ དགོངས་ཤིག་ཐུགས་རྗེ་ཆེར་མངའ་བཅོམ་ལྡན་འདས༔ འཕགས་མཆོག་དབང་གི་ལྷ་ཚོགས་དགོངས་སུ་གསོལ༔ བསྐལ་པ་མེ་ལྟར་འབར་བའི་ཀློང་དཀྱིལ་ནས༔ རྟ་གདོང་དྲག་པོ་ཁྲོས་པ་དྲེགས་པའི་གཤེད༔ སྙིང་རྗེ་ཆེན་པོའི་དབང་ཕྱུག་ཧེ་རུ་ཀ༔ གསང་སྔགས་དབང་མནོས་འདའ་དཀའ་ཁས་བླངས་ཀྱང་༔ ཤེས་རབ་ཟབ་མོའི་འབད་པ་རྔོ་མ་ཐོགས༔ ལྟ་སྒོམ་སྤྱོད་གསུམ་འགལ་གྱུར་ཉམས་ཆགས་བཤགས༔ ཚངས་པར་སྩལ་ནས་མཆོག་དང་ཐུན་མོང་དཔལ༔ དབང་བཞིའི་ཡེ་ཤེས་སྐུ་བཞིར་མངོན་གྱུར་སྩོལ༔ ཀཱ་ཡ་ཝཱཀྐ་ཙིཏྟ་སརྦ་སིདྡྷི་ཧཱུྃ༔ བསྔོ་བ་ནི༔ ཧཱུྃ་ཧྲཱིཿ རྡོ་རྗེ་གསུམ་གྱི་གསལ་སྣང་ལྷ་རུ་བསྐྱེད༔ དཀྱིལ་འཁོར་གསུམ་གྱི་ཏིང་འཛིན་རྣམ་པར་འབྱོངས༔ རིམ་པ་གཉིས་ཀྱི་བསྐྱེད་རྫོགས་བསོད་ནམས་མཐུས༔ མཐའ་ཡས་འགྲོ་རྣམས་བྱང་ཆུབ་ཐོབ་ཕྱིར་བསྔོ༔ སྨོན་ལམ་ནི༔ ཧཱུྃ་ཧྲཱིཿ ཚེ་རབས་སྔོན་ནས་བསྟེན་པའི་ཡི་དམ་ལྷ༔ ད་ལྟ་སྒོ་གསུམ་གསལ་བ་གསུམ་དང་ལྡན༔ ནམ་ཞིག་འབྱུང་བཞི་ནམ་མཁའི་དབྱིངས་ཐིམ་ཚེ༔ ངོ་ཤེས་རྩལ་རྫོགས་བརྟན་པ་མཆོག་ཐོབ་ནས༔ འོག་མིན་གསང་ཆེན་རོལ་པའི་ཞིང་ཁམས་སུ༔ གདོད་མའི་ཧེ་རུ་ཀཿདཔལ་མངོན་གྱུར་ཤོག༔ ས་མ་ཡཱ༔ རྒྱ་རྒྱ་རྒྱ༔ འདི་ལྟར་དྲེགས་པ་ཟིལ་གནོན་འཕྲིན་ལས་འདི༔ མ་འོངས་བསྟན་དང་འགྲོ་བའི་དོན་ཕྱིར་དུ༔ པདྨས་བཀོད་དོ་ལྷག་ཆད་འགལ་འཁྲུལ་མེད༔ ཉམས་སུ་ལོངས་ཤིག་མ་འོངས་སྐལ་ལྡན་རྣམས༔ འདི་ནས་རིང་འདས་རྩོད་ལྡན་དུས་ཀྱི་མཐར༔ ལས་འཕྲོ་ཅན་གྱི་བུ་དང་འཕྲད་པར་ཤོག༔ བཀའ་སྲུང་གཏེར་བདག་རྣམས་ཀྱིས་བྱ་ར་གྱིས༔ ས་མ་ཡཱ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ ཟབ་རྒྱ༔ གཉན་རྒྱ༔ གཏད་རྒྱ༔ གཏེར་རྒྱ༔ ས་མ་ཡཱ༔ རྒྱ་རྒྱ་རྒྱ༔ བདག་སྤྲང་རྒན་འཁྱམ་པོ་ཉི་མ་གྲགས་པས་ཆུ་ཕོ་ཁྱིའི་ལོ་ལ་ནགས་ཤོད་མེ་འབར་ཕུག་ནས་གདན་དྲངས་ཤིང་། ས་འབྲུག་ཧོར་ཟླ་དགུ་པར་གུ་རུའི་སྒྲུབ་གནས་རྒོད་ཚང་ཕུག་པར་ཤོག་སེར་ལས་བཤུས་པའོ། །མངྒ་ལཾ།། །།
བྱིན་དབབ་པའི་རིམ་པ།
རྟ་མགྲིན་དྲེགས་པ་ཟིལ་གནོན་ལས༔ བྱིན་དབབ་པའི་རིམ་པ་བཞུགས་སོ༔ པདྨ་དབང་གི་ལྷ་ལ་འདུད༔ རྟ་མགྲིན་དབང་གི་རྣལ་འབྱོར་པས༔ བསྙེན་བསྒྲུབ་དབང་ལ་འཇུག་པའི་ཚེ༔ མཆེད་ལྕམ་ཆས་བརྒྱན་རོལ་མོ་འཁྲོལ༔ ད་ལ་རྡོ་རྗེའི་འགྲོས་ཀྱིས་བསྐོར༔ སྤོས་དང་གུ་གུལ་ཤ་ཆེན་བདུག༔ གདུང་བའི་དབྱངས་ཀྱིས་འདི་སྐད་དོ༔ ཧཱུྃ་ཧྲཱིཿ ནུབ་ཕྱོགས་བདེ་བ་ཅན་གྱི་ཞིང་ཁམས་ནས༔ ཆོས་སྐུ་སྣང་བ་མཐའ་ཡས་འཁོར་བཅས་ཀྱིས༔ སྒྲུབ་པའི་གཞལ་ཡས་འདི་ལ་བྱིན་ཅིག་ཕོབ༔ ཕྱི་ནང་མཆོད་རྫས་འདི་ལ་བཅུད་ཅིག་སྩོལ༔ རིག་འཛིན་རྣལ་འབྱོར་བདག་ལ་དབང་བཞི་བསྐུར༔ རི་བོ་པོ་ཊ་ལ་ཡི་གནས་མཆོག་ནས༔ ལོངས་སྐུ་ཐུགས་རྗེ་ཆེན་པོ་འཁོར་བཅས་ཀྱིས༔ སྒྲུབ་པའི་གཞལ་ཡས་འདི་ལ་བྱིན་ཅིག་ཕོབ༔ ཕྱི་ནང་མཆོད་རྫས་འདི་ལ་བཅུད་ཅིག་སྩོལ༔ རིག་འཛིན་རྣལ་འབྱོར་བདག་ལ་དབང་བཞི་བསྐུར༔ ཟངས་མདོག་དཔལ་གྱི་རི་བོའི་རྩེ་མོ་ནས༔ སྤྲུལ་སྐུ་པདྨ་འབྱུང་གནས་འཁོར་བཅས་ཀྱིས༔ སྒྲུབ་པའི་གཞལ་ཡས་འདི་ལ་བྱིན་ཅིག་ཕོབ༔ ཕྱི་ནང་མཆོད་རྫས་འདི་ལ་བཅུད་ཅིག་སྩོལ༔ རིག་འཛིན་རྣལ་འབྱོར་བདག་ལ་དབང་བཞི་བསྐུར༔ ལྷོ་ཕྱོགས་ལྕགས་མཁར་འབར་བའི་རྩེ་མོ་ནས༔ རིག་འཛིན་ཆེན་པོ་ཤཱནྟིང་གྷརྦ་ཡིས༔ སྒྲུབ་པའི་གཞལ་ཡས་འདི་ལ་བྱིན་ཅིག་ཕོབ༔ ཕྱི་ནང་མཆོད་རྫས་འདི་ལ་བཅུད་ཅིག་སྩོལ༔ རིག་འཛིན་རྣལ་འབྱོར་བདག་ལ་དབང་བཞི་བསྐུར༔ མཁའ་སྤྱོད་རྣམ་དག་བདེ་བ་ཆེན་པོ་ནས༔ དྷཀྐི་ཡེ་ཤེས་མཚོ་རྒྱལ་འཁོར་བཅས་ཀྱིས༔ སྒྲུབ་པའི་གཞལ་ཡས་འདི་ལ་བྱིན་ཅིག་ཕོབ༔ ཕྱི་ནང་མཆོད་རྫས་འདི་ལ་བཅུད་ཅིག་སྩོལ༔ རིག་འཛིན་རྣལ་འབྱོར་བདག་ལ་དབང་བཞི་བསྐུར༔ དབང་དྲག་རོལ་པའི་ཞིང་ཁམས་ཆེན་པོ་ནས༔ དབང་ཆེན་དྲེགས་པ་ཟིལ་གནོན་འཁོར་བཅས་ཀྱིས༔ སྒྲུབ་པའི་གཞལ་ཡས་འདི་ལ་བྱིན་ཅིག་ཕོབ༔ ཕྱི་ནང་མཆོད་རྫས་འདི་ལ་བཅུད་ཅིག་སྩོལ༔ རིག་འཛིན་རྣལ་འབྱོར་བདག་ལ་དབང་བཞི་བསྐུར༔ བཀའ་དང་དམ་ཚིག་གསང་བའི་དཀྱིལ་འཁོར་ནས༔ བཀའ་སྲུང་དམ་ཅན་རྒྱ་མཚོ་འཁོར་བཅས་ཀྱིས༔ སྒྲུབ་པའི་གཞལ་ཡས་འདི་ལ་བྱིན་ཅིག་ཕོབ༔ ཕྱི་ནང་མཆོད་རྫས་འདི་ལ་བཅུད་ཅིག་སྩོལ༔ རིག་འཛིན་རྣལ་འབྱོར་བདག་ལ་དབང་བཞི་བསྐུར༔ ཞེས་མོས་གུས་བསྐྱེད་ཅིང་བྱིན་དབབ་པར་བྱའོ༔ ལས་འཕྲོ་ཅན་དང་འཕྲད་པར་ཤོག༔ ས་མ་ཡཱ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ ཟབ་རྒྱ༔ ས་མ་ཡཱ༔ རྒྱ་རྒྱ་རྒྱ༔ རྒྱལ་ཁམས་པ་ཉི་མ་གྲགས་པས་ཁམས་སྲིང་མོ་རྫོང་གི་མེ་འབར་ཕུག་ནས་གདན་དྲངས་པ་མངྒ་ལཾ།། །།
བསྐང་བའི་ལས་རིམ།
རྟ་མགྲིན་དྲེགས་པ་ཟིལ་གནོན་ལས༔ བསྐང་བའི་ལས་རིམ་བཞུགས་སོ༔ དབང་ཆེན་ཁྲོ་བོའི་རྒྱལ་ལ་ཕྱག་འཚལ་བསྟོད༔ མ་འོངས་དུས་སུ་ཆོས་བཞིན་སྤྱོད་པའི་ཚེ༔ སྡེ་བརྒྱད་འཁུ་བཟློག་དལ་ཡམས་འཁྲུག་རྩོད་སོགས༔ མདོར་ན་མི་མཐུན་གནོད་པས་གཟིར་གྱུར་ན༔ དབེན་པའི་གནས་སུ་སྐྱང་ནུལ་དཀྱིལ་འཁོར་བཞེངས༔ གཏོར་ཚོགས་སྨན་རག་མཆོད་པ་སྤྱན་གཟིགས་བཀྲམ༔ ལས་ཀྱི་གཞུང་བསྲང་རིམ་གཉིས་ཏིང་འཛིན་འབད༔ མོས་པ་གཏིང་བསྐྱེད་གནོང་འགྱོད་ཤུགས་ཕྱུངས་ཏེ༔ དཔལ་ཆེན་ལྷ་ཚོགས་ཐུགས་དམ་འདི་ལྟར་བསྐང་༔ ས་མ་ཡཱ༔ རྒྱ་རྒྱ་རྒྱ༔ དཔལ་གྱི་གཏོར་མར་སྨན་དང་རཀྟ་སྦྲེང་༔ རོལ་མོ་འབིར་ཞིང་སྤོས་གསུར་དུད་པ་གཏོང་༔ ལྟ་སྒོམ་ཉམས་རྟོགས་གཟེངས་བསྟོད་འདི་སྐད་དོ༔ ཧཱུྃ༔ དབང་ཆེན་རོལ་པའི་ཞིང་ཁམས་ཆེན་པོ་འདི༔ ཡེ་ནས་ལྷུན་གྲུབ་ཀུན་བཟང་དཔལ་གྱི་ཞིང་༔ ཕྱི་ནང་མཆོད་ཚོགས་བཀོད་པའི་བྱེ་བྲག་འདི༔ ཀུན་བཟང་མཆོད་སྤྲིན་སྟོང་གསུམ་ཁྱོན་དུ་བརྡལ༔ དཔལ་གཏོར་སྨན་དང་རཀྟ་བདུད་རྩིའི་ཚོགས༔ ཕྱི་ནང་གསང་བའི་མཆོད་ཚོགས་བཀོད་པས་བརྒྱན༔ སྤྱན་གཟིགས་ཀ་ཆ་དཀོར་ཆ་ཤ་ཁྲག་སྙིང་༔ མུ་མཐའ་མེད་པར་ཡོངས་སུ་སྤུངས་པ་འདིས༔ ཚེ་རབས་སྔོན་ནས་བསྙེན་ཅིང་བསྒྲུབས་པའི་ལྷ༔ དབང་ཆེན་ཡབ་ཡུམ་ལྷ་ཚོགས་ཐུགས་དམ་བསྐང་༔ ཧཱུྃ༔ ཆོས་ཉིད་དབྱིངས་ལས་བཞེངས་པའི་བཅོམ་ལྡན་འདས༔ དཔལ་ཆེན་འབར་བའི་དབང་ཕྱུག་ཧེ་རུ་ཀ༔ ཁྲག་འཐུང་ཁྲོ་བོའི་རྒྱལ་པོ་དྲེགས་པའི་གཤེད༔ རྟ་མཆོག་རིགས་ལྔའི་ལྷ་ཚོགས་ཐུགས་དམ་བསྐང་༔ ཧཱུྃ༔ མཁའ་དབྱིངས་རྣམ་དག་པདྨ་རིགས་ཀྱི་ཡུམ༔ ཆགས་བྲལ་བདེ་ཆེན་དགྱེས་སྡེ་འཕྲུལ་མོ་ཆེ༔ རྡོ་རྗེ་དྷཀྐི་མ་གཅིག་རྣལ་འབྱོར་མ༔ འབུམ་ཕྲག་མཁའ་འགྲོའི་ཚོགས་ཀྱི་ཐུགས་དམ་བསྐང་༔ ཧཱུྃ༔ དབང་ཆེན་བཀའ་ཉན་དབང་ཕྱུག་དྲག་པོ་རྩལ༔ ལས་ཀྱི་བདེ་འབྱིན་ཨུ་མ་དྲག་མོ་ཡུམ༔ གཉིས་མེད་སྲས་མཆོག་རཀྴ་ཛ་ལ་སྟེ༔ ཡབ་ཡུམ་སྤྲུལ་འཁོར་སྲས་གསུམ་ཐུགས་དམ་བསྐང་༔ ཧཱུྃ༔ གནོད་སྦྱིན་སྡེ་དཔོན་ཁྲོ་བོ་ཡོངས་ཀྱི་རྗེ༔ བཛྲ་པཱ་ཎི་བྱ་ཁྱུང་གྷ་རུ་ཎ༔ རིགས་ཀྱི་བདག་པོ་སངས་རྒྱས་སྣང་མཐའ་ཡས༔ ཡེ་ཤེས་དབྱིངས་ཀྱི་ལྷ་ཚོགས་ཐུགས་དམ་བསྐང་༔ ཧཱུྃ༔ སྲོག་བདག་ཚངས་པ་རྒྱལ་པོ་འབུམ་གྱི་སྡེ༔ བྷེ་ཝ་ས་ཏ་ལས་ཀྱི་གཤིན་རྗེའི་ཚོགས༔ བཙན་རྒོད་དམར་པོ་སྟོང་སྡེ་འཁོར་དང་བཅས༔ རལ་པ་ཚལ་དགུ་འཁོར་ཚོགས་ཐུགས་དམ་བསྐང་༔ ཧཱུྃ༔ ཀླུ་བདུད་ནག་པོ་མི་བཟད་འབར་བའི་འཁོར༔ དྲང་སྲོང་ལྗང་སྔོན་ཀླུ་སྲིན་ཕོ་ཉའི་ཚོགས༔ རྡོ་རྗེ་ལེགས་པ་ཐེའུ་རང་འབུམ་གྱི་སྡེ༔ མ་མོ་ནག་མོ་འཁོར་བཅས་ཐུགས་དམ་བསྐང་༔ ཧཱུྃ༔ རྒྱལ་པོ་སྡེ་བཞི་རང་འཁོར་བྲན་གཡོག་བཅས༔ དཔལ་མགོན་དམ་ཅན་སྲུང་མ་རྒྱ་མཚོའི་ཚོགས༔ ཕྱི་དང་ནང་གི་ལྷ་སྲིན་དྲེགས་པའི་དཔུང་༔ སྡེ་བརྒྱད་མ་ལུས་འཁོར་བཅས་ཐུགས་དམ་བསྐང་༔ ཧཱུྃ༔ ཐུགས་དམ་གཉན་པོ་བསྐང་བའི་དམ་རྫས་ནི༔ སྨན་གཏོར་རཀྟ་གྷ་ནའི་ལོངས་སྤྱོད་དང་༔ ཕྱི་ནང་གསང་མཆོད་བརྟེན་ཅིང་སྒྲུབ་པའི་རྫས༔ གོ་ཁྲབ་མཚོན་ཆ་སྣ་ཚོགས་འབྲུ་སྨན་སྤོས༔ རྔ་གླིང་རོལ་མོའི་སྒྲ་སྙན་གསུར་ཆེན་དུད༔ བྱ་ནག་བྷན་དྷར་བདུད་རྩི་ཁྲག་ཆང་སྦྱར༔ མི་ལྤགས་གཡང་བཞིའི་ཁུག་མ་ཐུན་གྱིས་བཀང་༔ དམར་ཡག་སྟག་གི་ཐོད་པར་ཤ་ཁྲག་སྤུངས༔ ལྟོ་འཕྱེ་སྔོན་མོའི་གཡང་གཞི་རྒྱན་གྱིས་སྤྲས༔ ཕྱར་དར་གཡབ་དར་མང་པོའི་བ་དན་བཙུགས༔ སྟག་སེང་བྱ་རོག་བམ་གྱི་རྒྱལ་མཚན་བསྒྲེངས༔ ལེ་བརྒན་དར་སྣའི་ལྡ་ལྡིའི་ཅོད་པན་འཕྱོ༔ དབང་ཆེན་རྟ་ཕག་ཡབ་ཡུམ་ཐུགས་དམ་བསྐང་༔ དཔའ་བོ་དཔའ་མོ་འབུམ་སྡེའི་ཐུགས་དམ་བསྐང་༔ སྤྲུལ་འཁོར་ལྷ་སྲིན་ཚོགས་ཀྱི་ཐུགས་དམ་བསྐང་༔ བཀའ་འཁོར་སྐྱོང་བའི་དྲེགས་ཚོགས་ཐུགས་དམ་བསྐང་༔ ཧཱུྃ༔ དེ་ལྟར་ཐུགས་དམ་བསྐང་བའི་བྱིན་རླབས་ཀྱིས༔ སྔོན་གྱི་ལས་བཟློག་འཕྲལ་གྱི་རྐྱེན་སོལ་ཅིག༔ མི་དང་མི་མིན་བདུད་དང་ལོག་འདྲེན་སྒྲོལ༔ བྱད་དང་རྦོད་གཏོང་ཐན་ལྟས་གནོད་བྱེད་ཟློག༔ ཚེ་བསོད་ཉམས་རྟོགས་ཡར་ངོ་ལྟར་འཕེལ་ཞིང་༔ མཆོག་ཐུན་དངོས་གྲུབ་སྩོལ་ལ་འཕྲིན་ལས་སྒྲུབས༔ ཅེས་བརྗོད་བཤགས་ཚིག་ཡི་གེ་བརྒྱ་བ་སོགས་བྱའོ༔ ས་མ་ཡཱ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ དཔལ་ལྡན་ཧེ་རུ་ཀཿཡི་སྐུ༔ དབང་བཅུའི་རྡོ་རྗེ་འཆང་ཆེན་དགོངས་སུ་གསོལ༔ བདག་ཅག་སྣོད་ལྡན་རིགས་ཀྱི་བུ་རྣམས་ལ༔ ཁྲག་འཐུང་དྲེགས་པའི་དཀྱིལ་འཁོར་སྨིན་གྲོལ་སྩོལ༔ འདིར་འདུས་བདག་ཅག་རྗེས་སུ་འཛིན་པར་གསོལ༔ དྲི་བ་ནི༔ ཧོ་ཁྱོད་ཅག་སྣོད་ལྡན་རིགས་ཀྱི་བུ་ཡིན་ན༔ ཚེ་འདི་བློས་གཏོང་ཆོས་ཕྱིར་དཀའ་བ་སྤྱད༔ དབང་ཆེན་དྲེགས་པའི་ལྷ་ཚོགས་བསྙེན་ཅིང་སྒྲུབ༔ ཆོས་སྐྱོང་བཀའ་སྲུང་རྣམས་ནི་མཆོད་ཅིང་བསྟེན༔ དབང་དང་དྲག་པོའི་ལས་ཀྱི་འཕྲིན་ལས་ཀྱིས༔ བསྟན་འགྲོའི་བདེ་ལེགས་བསྐྲུན་པར་ནུས་ལགས་སམ༔ ལན་ནི༔ ཧོ་དགོངས་ཤིག་སྟོབས་ལྡན་པདྨ་དབང་གི་ལྷ༔ རྡོ་རྗེ་འཛིན་པའི་དཔའ་བོ་ཧེ་རུ་ཀ༔ བདག་ཅག་སྔོན་ནས་བསྙེན་ཅིང་བསྒྲུབ་པའི་ལྷ༔ འདིར་འཇུག་སྲོག་གི་ཕྱིར་ཡང་མི་གཏོང་བསྒྲུབ༔ དབང་དང་དྲག་པོའི་འཕྲིན་ལས་མཐར་ཕྱིན་བརྩམ༔ ཡང་དག་ཉིད་དུ་སྩལ་བར་མཛད་དུ་གསོལ༔ དམ་ཆུ་སྦྱིན་ཞིང་༔ ཧཱུྃ༔ དེ་ལྟར་ཡིན་ན་སྐལ་ལྡན་ཁྱེད་རྣམས་ཀྱི༔ པཉྩ་ཨ་མྲྀ་ཏ་ཡི་བཅུད་འདི་མྱོངས༔ དམ་ནི་བླ་མེད་ཐེག་པའི་ལྟ་སྒོམ་སྤྱོད༔ ཚུལ་བཞིན་དམ་ལ་གནས་ན་མཆོག་ཐུན་འཐོབ༔ ཚིག་ནི་དམ་ལས་རལ་བའི་འགྲོ་བ་རྣམས༔ སྲུང་མས་སྲོག་དབུགས་ཕྲལ་ནས་དམྱལ་བར་འཚིག༔ དེ་ཕྱིར་ཆུ་འཐུང་གསང་སྔགས་དམ་སྲུངས་ཤིག༔ བཛྲ་ས་མ་ཡཱ་ཧཱུྃ༔ རྡོ་རྗེ་སྤྱི་བོར་བཞག་ཅིང་༔ ཧཱུྃ༔ ང་ནི་ཁྲག་འཐུང་དབང་གི་རྡོ་རྗེ་འཛིན༔ ད་ནས་བརྩམས་ཏེ་བུ་ཁྱོད་དམ་ཚིག་སྲུངས༔ ཁྱོད་ཅག་ཡང་དག་དམ་ལ་གནས་གྱུར་ན༔ མཆོག་ཐུན་སྨིན་གྲོལ་དངོས་གྲུབ་བདག་གིས་སྦྱིན༔ བཛྲ་ས་མ་ཡཱ༔ ཛཿཧཱུྃ་བཾ་ཧོ༔ བསྲུང་སྐུད་བཅིང་བ་ནི༔ ཧཱུྃ༔ ཡེ་ཤེས་ལྔ་ལྡན་རྡོ་རྗེའི་མདུད་པས་རྒྱན༔ ཁྱོད་ལ་སྦྱིན་པས་བར་ཆད་གཡུལ་ལས་རྒྱལ༔ སྐུ་དང་ཡེ་ཤེས་མངོན་དུ་མ་གྱུར་བར༔ སྲུངས་ཤིག་བཛྲ་རཀྵ་ཡེ༔ ཀུ་ཤ་སྦྱིན་ཅིང་༔ ཧཱུྃ༔ གཙང་ཞིང་དགེ་བ་དཔལ་མཆོག་ལྷ་ཡི་རྫས༔ སྔས་དང་གདན་དུ་སྦྱིན་པས་འདི་ཁྱེར་ལ༔ སེང་གེ་བཞིན་ཉོལ་རྨི་ལམ་པྲ་རྟགས་རྟོགས༔ ནང་པར་གང་བྱུང་བདག་ལ་སྨྲ་བར་གྱིས༔ ཨཱོཾ་ཨཱཿཧཱུྃ༔ སོ་ཤིང་ནི༔ ཧཱུྃ༔ བྱང་ཆུབ་བསྒྲུབ་པའི་ལྷག་པའི་ལྷ་མཆོག་དེ༔ གསལ་བར་མངོན་དུ་འགྱུར་ཕྱིར་སོ་ཤིང་དོར༔ ལས་ཀྱིས་འབྲེལ་བའི་ལྷ་མཆོག་གང་ཡིན་པ༔ རྟེན་འབྲེལ་ཐབས་འདིས་བདག་ལ་གསལ་བར་སྟོན༔ ན་མོ་སིདྡྷི་ཕ་ལ་ཧོ༔ མེ་ཏོག་ནི༔ ཧཱུྃ༔ ཀུན་གཞི་རྣམ་དག་བྱང་ཆུབ་སེམས་ཉིད་ཀྱི༔ ལྔ་ལྡན་མེ་ཏོག་དབང་ཆེན་ལྷ་ལ་འབུལ༔ ཚེ་རབས་སྔོན་ནས་བསྙེན་ཅིང་བསྒྲུབས་པའི་ལྷ༔ རིགས་ཀྱི་བདག་པོ་དེ་ལ་འབབ་པར་ཤོག༔ ཨཱོཾ་བཛྲ་ས་མ་ཡཱ་ཧཱུྃ༔ ཞེས་དོར་རིགས་མཐུན་གསང་མཚན་བཞད་པ་རྩལ༔ ཅོད་པན་ཐོགས་ཏེ༔ ཧཱུྃ༔ སྐུ་ལྔ་ལྷུན་གྲུབ་དཔལ་ཆེན་དབང་གི་རྟགས༔ ལེ་བརྒན་འབར་བའི་ཅོད་པན་འདི་སྦྱིན་པས༔ ཧེ་རུ་ཀཿཡི་གཙུག་གི་རྒྱན་སྤྲས་ནས༔ བདུད་བཞིའི་གཡུལ་ལས་རྣམ་པར་རྒྱལ་བར་ཤོག༔ ཨཱོཾ་ཤྲཱི་ཧེ་རུ་ཀཿཏིཥྠ་ཏེ་ཧཱུྃ༔ ས་མ་ཡཱ༔ རྒྱ་རྒྱ་རྒྱ༔ དེ་ནས་བྱིན་དབབ་ཡེ་ཤེས་སེམས་དཔའ་བསྟིམ༔ མེ་ཏོག་འཐོར་ཞིང་སྤྱི་བོར་རྡོ་རྗེ་བཞག༔ ས་མ་ཡཱ༔ རྒྱ་རྒྱ་རྒྱ༔ དེ་ནས་བུམ་པ་ཐོགས༔ ཧཱུྃ༔ སྣང་བའི་ངོ་བོ་དབང་གི་བུམ་པ་ན༔ བཅུད་ནི་རྟ་མགྲིན་དབང་ཆེན་དཀྱིལ་འཁོར་ལྷ༔ སྐལ་ལྡན་བུ་མཆོག་རྣམས་ལ་དབང་བསྐུར་བས༔ འགྱུར་མེད་སྐུ་ཡི་དབང་མཆོག་ཐོབ་པར་ཤོག༔ རྩ་སྔགས་ལ་ཀཱ་ཡ༔ གཙོ་བོ་ཡབ་ཡུམ་གྱི་ཙཀ་ལི་ཐོགས༔ ཧཱུྃ༔ ཁྲོ་མཆོག་དབང་ཆེན་ཡབ་ཡུམ་འབར་བའི་སྐུ༔ ཁྲོ་བོ་ཁྲོ་མོ་འབར་བའི་ཆས་རྣམས་རྫོགས༔ སྐལ་ལྡན་བུ་མཆོག་རྣམས་ལ་དབང་བསྐུར་བས༔ དྲེགས་པ་ཟིལ་གནོན་ཡབ་ཡུམ་དབང་ཐོབ་ཤོག༔ ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་ཨ་བྷི་ཥིཉྩ་ཧཱུྃ༔ རྟ་མགྲིན་རིགས་ལྔའི་སྐུ་ཐོགས་ལ༔ ཧཱུྃ༔ བཅོམ་ལྡན་དབང་ཆེན་ཁྲག་འཐུང་རིགས་ལྔ་དང་༔ གཉིས་མེད་ཡུམ་ཆེན་ཕག་མོ་རིགས་ལྔ་ཡིས༔ སྐལ་ལྡན་བུ་མཆོག་རྣམས་ལ་དབང་བསྐུར་བས༔ ཁྲག་འཐུང་ཡབ་ཡུམ་རྣམས་ཀྱི་དབང་ཐོབ་ཤོག༔ ཨཱོཾ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་ཀཱ་ཡ་ཨ་བྷི་ཥིཉྩ་ཧཱུྃ༔ ཡབ་ཡུམ་སྲས་གསུམ་གྱི་སྐུ་ཐོགས་ལ༔ ཧཱུྃ༔ དྲག་པོ་ཆེན་པོ་སྟོབས་ལྡན་ཧེ་རུ་ཀ༔ ཁྲོས་པའི་རྒྱལ་མོ་སྒེག་པའི་དབང་ཕྱུག་མ༔ གཉིས་མེད་སྤྲུལ་པའི་སྲས་མཆོག་ཟངས་མཆེ་ཅན༔ སྐལ་ལྡན་བུ་མཆོག་རྣམས་ལ་དབང་བསྐུར་བས༔ ཡབ་ཡུམ་སྲས་གསུམ་ཡོངས་རྫོགས་དབང་ཐོབ་ཤོག༔ ཨཱོཾ་མ་ཧཱ་དེ་ཝ་ཨུ་མ་ནི་རཀྴ་ཛ་ལ་ཨ་བྷི་ཥིཉྩ་ཧཱུྃ༔ ཕྱག་ན་རྡོ་རྗེའི་སྐུ་ཐོགས་ལ༔ ཧཱུྃ༔ ཁྲོ་བོའི་རྒྱལ་པོ་ཆེན་པོ་དཔལ་ཆེན་པོ༔ གནོད་སྦྱིན་ཁྲོས་པའི་རྒྱལ་པོ་རྡོ་རྗེ་འཛིན༔ སྐལ་ལྡན་བུ་མཆོག་རྣམས་ལ་དབང་བསྐུར་བས༔ དཔལ་ཆེན་ཁྲོ་མཆོག་འབར་བའི་དབང་ཐོབ་ཤོག༔ ཨཱོཾ་བཛྲ་པཱ་ཎི་ཨ་བྷི་ཥིཉྩ་ཧཱུྃ༔ དེ་ནས་བྱ་ཁྱུང་ཐོགས་ཏེ༔ ཧཱུྃ༔ རིགས་ཀྱི་བདག་པོ་བྱ་ཁྱུང་གྷ་རུ་ཎ༔ སྣང་མཐའ་དམར་པོས་གཙུག་གི་རྒྱན་དུ་སྤྲས༔ སྐལ་ལྡན་བུ་མཆོག་རྣམས་ལ་དབང་བསྐུར་བས༔ རིགས་བདག་གྷ་རུ་ཎ་ཡི་དབང་ཐོབ་ཤོག༔ ཨཱོཾ་གྷ་རུ་ཎ་ཨ་བྷི་ཥིཉྩ་ཧཱུྃ༔ བདུད་རྩི་མགྲིན་པར་སྦྱིན༔ ཧཱུྃ༔ རང་བྱུང་སྣོད་མཆོག་བྷནྡྷ་བདུད་རྩིས་བརྒྱན༔ ཁྱོད་ཀྱི་ངག་ལ་སྦྱིན་པས་རྩ་འཁོར་གང་༔ གསུང་གི་དབང་ཐོབ་ངག་གི་ནུས་མཐུ་འབར༔ ཁྲག་འཐུང་དཔལ་གྱི་གསུང་གི་དབང་ཐོབ་ཤོག༔ རྩ་སྔགས་ཝཱཀྐ་ཨ་བྷི་ཥིཉྩ་ཧཱུྃ༔ ངག་ཏུ་སྦྱིན༔ རྡོ་རྗེ་དར་དམར་གྱི་ཅོད་པན་ཅན་ཐོགས་ཏེ༔ ཧཱུྃ༔ འདི་ནི་མི་ཤིགས་རྡོ་རྗེ་འབར་བ་སྟེ༔ མི་འགྱུར་ཏིང་འཛིན་ཐུགས་ཀྱི་རྡོ་རྗེའི་དབང་༔ སྐལ་ལྡན་བུ་མཆོག་རྣམས་ལ་དབང་བསྐུར་བས༔ ཁྲག་འཐུང་ལྷ་ཚོགས་ཐུགས་ཀྱི་དབང་ཐོབ་ཤོག༔ རྩ་སྔགས་ཙིཏྟ་ཨ་བྷི་ཥིཉྩ་ཧཱུྃ༔ ཡབ་ཡུམ་གཉིས་ཀྱི་ཕྱག་མཚན་ཐོགས༔ ཧཱུྃ༔ དཔལ་ཆེན་ཡབ་ཡུམ་འབར་བའི་ཕྱག་མཚན་འདི༔ ཁམས་གསུམ་དབང་དུ་བསྡུད་པའི་ཕྱག་རྒྱ་ཅན༔ སྐལ་ལྡན་བུ་མཆོག་རྣམས་ལ་དབང་བསྐུར་བས༔ ཁྲག་འཐུང་ལྷ་ཚོགས་ཡོན་ཏན་དབང་ཐོབ་ཤོག༔ རྩ་སྔགས་རཏྣ་ཨ་བྷི་ཥིཉྩ་ཧཱུྃ༔ གཏོར་མ་ཐོགས་ལ༔ ཧཱུྃ༔ འབྲུ་བཅུད་ཤ་ཁྲག་དམ་རྫས་བྷ་ལིངྟ་༔ རྩ་གསུམ་མཆོད་རྫས་སྲིད་གསུམ་ཟིལ་གནོན་དང་༔ སྐལ་ལྡན་བུ་མཆོག་རྣམས་ལ་དབང་བསྐུར་བས༔ ཁྲག་འཐུང་ལྷ་ཚོགས་འཕྲིན་ལས་དབང་ཐོབ་ཤོག༔ རྩ་སྔགས་ཀརྨ་ཨ་བྷི་ཥིཉྩ་ཧཱུྃ༔ ཡོངས་རྫོགས་བརྒྱུད་པའི་བཀའ་གཏད་བྱ༔ ས་མ་ཡཱ༔ རྒྱ་རྒྱ་རྒྱ༔ འདི་ནི་རྩ་གསུམ་དབང་གི་སྙིང་པོ་སྟེ༔ བསྙེན་སྒྲུབ་ཐེམ་པའི་བྱང་སེམས་རྣལ་འབྱོར་པས༔ སྣོད་དང་ལྡན་ལ་བྱིན་པས་མཆོག་ཐུན་འགྲུབ༔ ཕྱི་རབས་དོན་དུ་ཡི་གེའི་རིས་སུ་བཏབ༔ སྐལ་ལྡན་ལས་འཕྲོ་ཅན་དང་འཕྲད་པར་ཤོག༔ བཀའ་ཡི་སྲུང་མས་ཆོས་འདིའི་བྱ་ར་གྱིས༔ ས་མ་ཡཱ༔ རྒྱ་རྒྱ་རྒྱ༔ ས་མ་ཡཱ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གསང་རྒྱ༔ ས་མ་ཡཱ༔ རྒྱ་རྒྱ་རྒྱ༔ རྒྱལ་ཁམས་པ་ཉི་མ་གྲགས་པས་ཁམས་སྲིང་མོ་རྫོང་གི་ནུབ་སྒོ་མེ་འབར་ཕུག་ནས་ཆུ་ཁྱི་ཧོར་ཟླ་དགུ་པའི་ཉི་ཤུ་ཐམ་པ་ལ་གདན་དྲངས་ཤིང་མེ་སྟག་ཧོར་ཟླ་དྲུག་པའི་ཚེས་དགེ་བར་ཤོག་སེར་ལས་བསྒྱུར་བའོ། མངྒ་ལཾ།། །།
དྲེགས་པའི་སྲོག་དབང་དམ་ཚིག་རྡོ་རྗེའི་བཀའ་རྒྱ་ཅན།
རྟ་མགྲིན་དྲེགས་པ་ཟིལ་གནོན་ལས༔ དྲེགས་པའི་སྲོག་དབང་དམ་ཚིག་རྡོ་རྗེའི་བཀའ་རྒྱ་ཅན་བཞུགས་སོ༔ དཔལ་ཆེན་དབང་གི་ལྷ་ལ་ཕྱག་འཚལ་ལོ༔ བསྙེན་སྒྲུབ་ཚུལ་བཞིན་བརྩམ་པའི་སྣོད་ལྡན་ལ༔ སྡེ་བརྒྱད་དྲེགས་པའི་སྲོག་དབང་སྦྱིན་པ་ནི༔ དཔོན་སློབ་ཐམས་ཅད་བསྐྱེད་རིམ་ཏིང་འཛིན་གསལ༔ སྒྲུབ་པའི་གཞུང་ལྟར་སྔགས་འཁོར་འོད་ཟེར་སྤྲོ༔ མ་ཡེངས་ཏིང་འཛིན་དགོངས་པའི་གཟེར་གདབ་ཅིང་༔ རྩ་བའི་བསྙེན་པ་སྟོང་བཟླས་མཆོད་བསྟོད་བྱ༔ དབང་གི་དོན་དུ་གསོལ་བ་འདི་ལྟར་གདབ༔ ཧཱུྃ༔ ཁྲག་འཐུང་རྒྱལ་པོ་ཧེ་རུ་ཀཿཡི་སྐུ༔ དཔལ་ཆེན་དབང་གི་སློབ་དཔོན་དགོངས་སུ་གསོལ༔ མི་སྲུན་དྲེགས་པ་ལྷ་སྲིན་སྡེ་ཚོགས་ཀྱི༔ སྲོག་གི་དབང་བསྐུར་བདག་ལ་སྩལ་དུ་གསོལ༔ གསུམ༔ དེ་ནས་ཚངས་པའི་སྐུ་ཐོགས་ལ༔ ཧཱུྃ༔ དྲེགས་པ་རྒྱལ་པོ་འབུམ་སྡེ་འདུལ་བའི་ཕྱིར༔ ཆོས་དབྱིངས་ངང་ནས་བཞེངས་པའི་ལྷ་ཆེན་པོ༔ སྲོག་བདག་ལྷ་ཆེན་ཚངས་པས་དབང་བསྐུར་བས༔ རྒྱལ་པོ་འབུམ་སྡེའི་ཚོགས་ལ་དབང་བསྒྱུར་བའི༔ དྲག་རྩལ་ནུས་སྟོབས་ལྡན་པའི་དབང་ཐོབ་ཤོག༔ ཨཱོཾ་མ་ཧཱ་རཱ་ཛ་ཀཱ་ཡ་ཨ་བྷི་ཥིཉྩ་ཧཱུྃ༔ ཀླུ་བདུད་ཐོགས་ཏེ༔ ཧཱུྃ༔ ཀླུ་དང་ས་བདག་མ་ལུས་འདུལ་བའི་ཕྱིར༔ གཏུམ་ཆེན་དབྱིངས་ལས་བཞེངས་པའི་ལྷ་ཆེན་པོ༔ ཀླུ་སྲིན་ཁྲོས་པ་ཆེན་པོས་དབང་བསྐུར་བས༔ ཀླུ་ཡི་འཇིག་རྟེན་ཁམས་ལ་དབང་བསྒྱུར་བའི༔ དྲག་རྩལ་ནུས་སྟོབས་ལྡན་པའི་དབང་ཐོབ་ཤོག༔ ཨཱོཾ་ན་ག་རཱ་ཛ་ཨ་བྷི་ཥིཉྩ་ཧཱུྃ༔ གཤིན་རྗེ་ཐོགས་ལ༔ ཧཱུྃ༔ དྲེགས་པ་གཤིན་རྗེའི་སྡེ་དཔུང་འདུལ་བའི་ཕྱིར༔ ཁྲོ་གཏུམ་དབྱིངས་ལས་བཞེངས་པ་འབར་བའི་སྐུ༔ གཤིན་རྗེ་མི་ཟན་ཆེན་པོའི་དབང་བསྐུར་བས༔ གཤིན་རྗེའི་འཇིག་རྟེན་ཁམས་ལ་དབང་བསྒྱུར་བའི༔ དྲག་རྩལ་ནུས་སྟོབས་ལྡན་པའི་དབང་ཐོབ་ཤོག༔ ཨཱོཾ་ཡ་མ་རཱ་ཛ་ཨ་བྷི་ཥིཉྩ་ཧཱུྃ༔ དྲང་སྲོང་ཐོགས་ལ༔ ཧཱུྃ༔ གཟའ་དང་རྒྱུ་སྐར་མ་ལུས་འདུལ་བའི་ཕྱིར༔ དྲག་རྩལ་དབྱིངས་ལས་བཞེངས་པའི་མཐུ་སྟོབས་འབར༔ དྲང་སྲོང་ཁྲོས་པ་ཆེན་པོས་དབང་བསྐུར་བས༔ གཟའ་ཡི་འཇིག་རྟེན་ཁམས་ལ་དབང་བསྒྱུར་བའི༔ དྲག་རྩལ་ནུས་སྟོབས་ལྡན་པའི་དབང་ཐོབ་ཤོག༔ ཨཱོཾ་མ་ཧཱ་རཱ་ཛ་རཱ་ཧཱུ་ལ་ཡ་ཨ་བྷི་ཥིཉྩ་ཧཱུྃ༔ བཙན་ཐོགས་ལ༔ ཧཱུྃ༔ དྲེགས་པའི་བཙན་རྒོད་འབུམ་སྡེ་འདུལ་བའི་ཕྱིར༔ དབང་དྲག་དབྱིངས་ལས་བཞེངས་པའི་དྲག་རྩལ་ཅན༔ བཙན་རྒོད་རྡོ་རྗེ་དྲག་རྩལ་དབང་བསྐུར་བས༔ དམར་པོ་བཙན་གྱི་ཚོགས་ལ་དབང་བསྒྱུར་བའི༔ དྲག་རྩལ་ནུས་སྟོབས་ལྡན་པའི་དབང་ཐོབ་ཤོག༔ ཨཱོཾ་མ་ཧཱ་རཱ་ཛ་པྲ་ན་ཨ་བྷི་ཥིཉྩ་ཧཱུྃ༔ དམ་ཅན་ཐོགས༔ ཧཱུྃ༔ འགོང་པོ་ཐེའུ་རང་ཚོགས་རྣམས་འདུལ་བའི་ཕྱིར༔ རབ་འཇིགས་དབྱིངས་ལས་བཞེངས་པའི་སྟོབས་རྩལ་ཅན༔ དམ་ཅན་རྡོ་རྗེ་ལེགས་པས་དབང་བསྐུར་བས༔ ཐེའུ་རང་སྟོང་སྡེའི་ཚོགས་ལ་དབང་བསྒྱུར་བའི༔ དྲག་རྩལ་ནུས་སྟོབས་ལྡན་པའི་དབང་ཐོབ་ཤོག༔ ཨཱོཾ་མ་ཧཱ་རཱ་ཛ་བཛྲ་ས་དུ་ཨ་བྷི་ཥིཉྩ་ཧཱུྃ༔ བདུད་ཐོགས་ལ༔ ཧཱུྃ༔ ནག་པོ་བདུད་ཀྱི་སྡེ་ཚོགས་འདུལ་བའི་ཕྱིར༔ སྟོབས་ལྡན་དབྱིངས་ལས་བཞེངས་པ་འཆོལ་བའི་རྒྱལ༔ བདུད་པོ་རལ་པ་ཚལ་དགུས་དབང་བསྐུར་བས༔ ནག་པོ་བདུད་ཀྱི་ཁམས་ལ་དབང་བསྒྱུར་བའི༔ དྲག་རྩལ་ནུས་སྟོབས་ལྡན་པའི་དབང་ཐོབ་ཤོག༔ ཨཱོཾ་མ་ཧཱ་རཱ་ཛ་དུ་ན་ཨ་བྷི་ཥིཉྩ་ཧཱུྃ༔ མ་མོ་ཐོགས༔ ཧཱུྃ༔ མ་མོ་ཤ་ཟ་མཁའ་འགྲོ་འདུལ་བའི་ཕྱིར༔ ཆགས་མེད་ཤེས་རབ་དབྱིངས་ནས་སྐུར་བཞེངས་པ༔ མ་མོ་དབྱིངས་ཀྱི་རྒྱལ་མོས་དབང་བསྐུར་བས༔ ཤ་ཟ་འབུམ་སྡེའི་ཚོགས་ལ་དབང་བསྒྱུར་བའི༔ དྲག་རྩལ་ནུས་སྟོབས་ལྡན་པའི་དབང་ཐོབ་ཤོག༔ ཨཱོཾ་མ་ཧཱ་ཀཱ་ལི་ནི་ཨ་བྷི་ཥིཉྩ་ཧཱུྃ༔ རྒྱལ་པོ་བཞི་ཐོགས༔ ཧཱུྃ༔ གླིང་བཞིའི་འཇིག་རྟེན་འགྲོ་རྣམས་འདུལ་བའི་ཕྱིར༔ སྐུ་བཞིའི་ཡེ་ཤེས་ཀློང་ནས་སྐུར་བཞེངས་པ༔ རྒྱལ་པོ་ཆེན་པོ་སྡེ་བཞིས་དབང་བསྐུར་བས༔ གཙང་རིས་དཔལ་མགོན་ཚོགས་ལ་དབང་བསྒྱུར་བའི༔ དྲག་རྩལ་ནུས་སྟོབས་ལྡན་པའི་དབང་ཐོབ་ཤོག༔ ཨཱོཾ་མ་ཧཱ་རཱ་ཛ་སརྦ་ད་ན་ཨ་བྷི་ཥིཉྩ་ཧཱུྃ༔ ས་མ་ཡཱ༔ རྒྱ་རྒྱ་རྒྱ༔ དེ་ནས་དཔོན་སློབ་ཐམས་ཅད་བདུད་ཆས་ཞུགས༔ ཧོམ་བསྐྱེད་བདེན་བདར་དགྲ་བགེགས་ལིངྒར་བསྟིམ༔ ཕུང་པོ་བསྒྲལ་ཞིང་ཤ་ཁྲག་གཏོར་མར་འབུལ༔ དམིགས་བྱ་གང་ཡིན་ལྷག་མེད་བཞེས་པར་བསམས༔ རྩ་སྔགས་ཁཱ་ཧི་བཏགས་ལ་བདུན་ཉེར་གཅིག༔ རྒྱས་བསྡུས་སྐབས་དང་བསྟུན་ཏེ་འབུལ་བར་བྱ༔ གཏོར་མར་དཔལ་འབར་གཟུགས་ཤིང་སྨན་རག་སྦྲེངས༔ སློབ་མའི་མགོར་བཞག་ལག་ཏུ་སྦྱིན་ནས་ཀྱང་༔ ཧཱུྃ༔ དབང་ཆེན་དྲེགས་པའི་དཀྱིལ་འཁོར་སྟོབས་རྩལ་ལྡན༔ གདུལ་དཀའ་འདུལ་མཛད་དྲེགས་པ་སྡེ་བརྒྱད་ཚོགས༔ སྐལ་ལྡན་རྣམས་ལ་གཏད་དོ་བསྙེན་སྒྲུབ་འབུངས༔ གསོལ་མཆོད་དམ་ཚིག་ལ་གནས་འཕྲིན་ལས་སྒྲུབས༔ སྦྱིན་པའི་ཟས་ཟོ་མངགས་པའི་ལས་མཛོད་ཅིག༔ ཉིན་མཚན་དུས་དྲུག་མེལ་ཚེ་བྱ་ར་གྱིས༔ བྱང་ཆུབ་མ་ཐོབ་བར་དུ་མངགས་གཞུག་སྒྲུབས༔ དམ་མེད་རྣམས་ཀྱི་སྲོག་གི་ཤན་པ་གྱིས༔ ཟས་སྐལ་ཡིན་ནོ་མ་གཏོང་ཤོར་ར་རེ༔ རྒྱལ་བ་རྣམས་ཀྱིས་བཀའ་བསྒོས་དམ་མ་གཡེལ༔ རིག་འཛིན་མཆེད་ལྕམ་རྣམས་ཀྱི་དམ་མ་བཀྲལ༔ འདིར་འདུས་སྐལ་ལྡན་རྣམས་ཀྱི་སྲུང་མ་མཛོད༔ ཅེས་བརྗོད་དྲེགས་པ་རྣམས་ཀྱི་ལོ་རྒྱུས་གསལ༔ གསོལ་མཆོད་བླ་རྡོ་འཆང་བའི་དམ་བཅའ་གདབ༔ གཏོར་མ་ཟོར་འཕེན་བསྐུལ་འདོན་དགྲ་ལ་རྦད༔ བཟོད་གསོལ་ཉེས་བཤགས་གཏང་རག་བསྐང་གསོལ་མཆོད༔ ས་མ་ཡཱ༔ རྒྱ་རྒྱ་རྒྱ༔ འདི་ལྟར་དྲེགས་པའི་སྲོག་དབང་བཀའ་རྒྱ་ཅན༔ དམ་མེད་འགྲོ་དང་མ་སྨིན་བསྐྱེད་རྫོགས་མེད༔ སྣོད་མེད་རྣམས་ལ་རླུང་ཕྱོགས་ཙམ་མ་འཆོར༔ རྒྱ་ལས་རལ་ན་རང་ཉིད་འཕུང་བར་འགྱུར༔ ཁོག་པའི་སྙིང་དང་དཔྲལ་བའི་མིག་ལྟ་བུ༔ རབ་ཏུ་བཙའ་ཤེས་གྱིས་ཤིག་སྐལ་ལྡན་བུ༔ མ་འོངས་ལས་འཕྲོ་ཅན་དང་འཕྲད་པར་ཤོག༔ ས་མ་ཡཱ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ དམ་རྒྱ༔ གཉན་རྒྱ༔ གསང་རྒྱ༔ ས་མ་ཡཱ༔ རྒྱ་རྒྱ་རྒྱ༔ རྒྱལ་ཁམས་པ་ཉི་མ་གྲགས་པས་གནས་མཆོག་ཆེན་པོ་ཁམས་སྲིང་མོ་རྫོང་གི་ནུབ་སྒོ་མེ་འབར་ཕུག་ནས་ཆུ་ཁྱི་ཧོར་ཟླ་དགུ་པའི་ཉི་ཤུ་ཐམ་པར་སྤྱན་དྲངས་ཤིང་ཤོག་སེར་ལས་བོད་ཡིག་ཏུ་བསྒྱུར་བའོ། །མངྒ་ལཾ།། །།
སངས་རྒྱས་སྣང་བ་མཐའ་ཡས་ཀྱི་ལྟ་ཁྲིད།
རྟ་མགྲིན་དྲེགས་པ་ཟིལ་གནོན་ལས༔ སངས་རྒྱས་སྣང་བ་མཐའ་ཡས་ཀྱི་ལྟ་ཁྲིད་བཞུགས་སོ༔ པདྨ་རིགས་ཀྱི་བརྡ་སྐད་དུ༔ རུ་ཊི་ར་ཊ་མ་ཎི་ཧེ༔ བོད་སྐད་དུ༔ སངས་རྒྱས་སྣང་བ་མཐའ་ཡས་ཀྱི་ལྟ་ཁྲིད༔ ཆོས་ཀྱི་དབྱིངས་ལ་ཕྱག་འཚལ་ལོ༔ སངས་རྒྱས་སྣང་བ་མཐའ་ཡས་ཀྱིས༔ གསང་ལམ་ལྟ་བའི་ཁྲིད་གསུངས་པ༔ ཚེ་འདིའི་འདུ་འཛི་གཡེང་བ་མེད༔ དབེན་པའི་གནས་སུ་སྣོད་ལྡན་གྱིས༔ མཚན་ཉིད་ལྡན་པའི་སློབ་དཔོན་ལ༔ མཎྜལ་སྒོ་གསུམ་ཡོན་གྱིས་མཆོད༔ ཆ་གཅིག་རང་གིས་སྤྱད་པར་ཞུ༔ ཕྱི་ནང་འདུ་འཛིའི་འཕྲོ་བཅད་ནས༔ གསང་སྔགས་གསང་བའི་ལམ་འདིར་འཇུག༔ ས་མ་ཡཱ༔ རྒྱ་རྒྱ་རྒྱ༔ ཀྱེ་ཧོ༔ སྲིད་པ་འདི་ནི་སྲིད་མེད་ཀློང་༔ ཀློང་ཡངས་དག་པ་རང་གྲོལ་བ༔ རང་རིག་བརྗོད་མིན་ལྷན་ཅིག་སྐྱེས༔ སྐུ་གསུམ་ཡེ་ནས་འདུ་འབྲལ་མེད༔ འདི་དོན་ཉམས་སུ་ལེན་འདོད་ན༔ ལུས་ངག་ཡིད་གསུམ་སྐྱོན་རྣམས་བསྡམས༔ འདུག་སྟངས་བཟང་པོའི་འཁྲུལ་འཁོར་བཅའ༔ དུས་གསུམ་རྟོག་ཚོགས་འཕྲོ་བཅད་ནས༔ རྟོག་པའི་རྩལ་བསྐྱེད་འདི་ལྟར་རོ༔ འཁོར་བ་ཐོག་མ་མེད་དུས་ནས༔ ལས་ཉོན་འཁྲུལ་བའི་རྦ་ལ་གཡེང་༔ ཁམས་གསུམ་འགྲོ་བ་ཉམ་རེ་ཐག༔ རིགས་དྲུག་འཁོར་བ་གར་སྐྱེས་ཀྱང་༔ བདག་འདོད་ཚོར་བས་སྲེག་ཅིང་གདུང་༔ བདེ་བ་འདོད་ནས་ཆགས་སྡང་སྤྱད༔ མི་རྟག་འདུས་བྱས་འཁོར་ལོར་འཁོར༔ སྔ་མའི་ལས་ཀྱིས་ཕྱི་མ་མནར༔ མི་འདོད་བཞིན་དུ་ལས་རྗེས་འབྲིང་༔ ལས་དབང་ཆུ་བོའི་གཞུང་དང་འདྲ༔ བདེ་འདོད་སྡུག་བསྔལ་འདམ་ལ་བྱིང་༔ ལས་ཀྱི་རྣམ་སྨིན་རླུང་གིས་སྐྱོད༔ ལས་ཀྱི་བག་ཆགས་ཆུ་བོས་འཁྱེར༔ ལས་ཀྱི་རྣམ་པར་སྨིན་པ་རྣམས༔ ལུས་དང་གྲིབ་མའི་ངང་ཚུལ་འདྲ༔ རང་གི་ལེགས་པའི་དོན་བསམས་ནས༔ རང་དོན་སྒྲུབ་ཅིང་གཞན་ལ་འཚེ༔ ལས་དེའི་བག་ཆགས་སྨིན་པའི་ཚེ༔ འབྲས་བུ་དམྱལ་བའི་གནས་སུ་ལྷུང་༔ ཚ་གྲང་གདུང་བའི་ཚོར་བས་མནར༔ འདོད་ཆགས་དབང་གིས་ཡི་དྭགས་སྐྱེས༔ བཀྲེས་ཤིང་བཀྲེས་ཏེ་སྐོམས་པས་གདུངས༔ གཏི་མུག་ལས་ཀྱིས་དུད་འགྲོར་སྐྱེས༔ གླེན་ལྐུགས་སྡུག་བསྔལ་ཕ་མཐའ་ཡས༔ ཕྲག་དོག་དབང་གིས་ལྷ་མིན་མཐོང་༔ གསོད་གཅོད་ལས་ཀྱི་འཁོར་ལོར་འཁོར༔ ང་རྒྱལ་དབང་གིས་ལྷ་ཡུལ་ཏེ༔ དེ་ཡང་སྲེད་འཛིན་བདེ་བས་ཁྱེར༔ དུག་ལྔ་འདུས་པ་མི་ཡི་ལུས༔ སྐྱེ་རྒ་ན་འཆིའི་རྦ་ལ་སྤྱོད༔ རིགས་དྲུག་པོ་ནི་སེམས་ཀྱིས་བྱས༔ འདི་ནི་འཁོར་བའི་འཇིག་རྟེན་ཏེ༔ རྟག་པར་གྱུར་དང་བརྟན་པ་མེད༔ སྐྱེ་རྒ་ན་འཆིའི་སྡུག་བསྔལ་དང་༔ གླེན་ལྐུགས་གཅིག་གིས་གཅིག་ལ་ཟ༔ ཕྱི་ནང་སྒྲིབ་ཅན་མེ་མདག་འཁོར༔ ཚ་དང་གྲང་དང་རབ་ཏུ་ཚ༔ རབ་ཏུ་བསིལ་བས་གདུང་བ་དང་༔ འཐབ་རྩོད་གསོད་གཅོད་ལྷ་མ་ཡིན༔ འཆི་འཕོ་ལྟུང་བ་ལ་སོགས་ཏེ༔ བདེ་བ་མེད་བཞིན་སྡུག་བསྔལ་སྡང་༔ དུག་ལྔའི་མེ་མདག་འབར་བས་སྲེག༔ དུག་གསུམ་ཆུ་བོའི་རྦ་ལ་འཁྲུལ༔ ས་མ་ཡཱ༔ རྒྱ་རྒྱ་རྒྱ༔ འདི་ལྟར་སྡུག་བསྔལ་གྲོང་ཁྱེར་ལས༔ དལ་འབྱོར་ལྡན་པའི་ལུས་ལྡན་ཞིང་༔ སྤང་རྟོགས་གཉིས་ཀྱི་བསླབ་བྱ་ལ༔ ཡང་དག་སྤྱོད་པའི་དཔལ་ཕྱུག་ཚེ༔ འཁོར་བའི་སྡུག་བསྔལ་སྙིང་ནས་བསམ༔ མི་རྟག་འཆི་བའི་སྡུག་བསྔལ་སྒོམས༔ དགྲ་གཉེན་བྱིས་པའི་བརྩེ་འཇོ་སྤོངས༔ སྐྱབས་གནས་གསུམ་དང་ཁྱད་པར་དུ༔ ཆོས་ཀྱི་སྐུ་ལ་སྐྱབས་སུ་འགྲོ༔ འགྲོ་དྲུག་ཕ་མ་སེམས་ཅན་རྣམས༔ རྣམ་མཁྱེན་སངས་རྒྱས་ལ་འགོད་ཕྱིར༔ བྱང་ཆུབ་སེམས་མཆོག་བླ་ན་མེད༔ ཕྱི་ནང་གསང་བའི་སྡོམ་ལ་གནས༔ རྡོ་རྗེ་སེམས་དཔའི་ཏིང་འཛིན་གྱིས༔ སྔགས་འཁོར་སྤྲོ་བསྡུས་སྒྲིབ་གཉིས་སྦྱངས༔ སངས་རྒྱས་ཀུན་དང་མཉམ་སྦྱོར་བ༔ སངས་རྒྱས་ཀུན་གྱི་གསང་བའི་ལམ༔ བདེ་གཤེགས་ཀུན་འདུས་ཀུན་གྱི་མཆོག༔ བླ་མེད་སྟོན་པའི་བླ་མ་ནི༔ སྐུ་གསུམ་སྟོན་མཆོག་རྡོ་རྗེ་འཛིན༔ སྙིང་ནས་ཡང་དག་དྲན་བྱ་ཞིང་༔ གསོལ་གདབ་དབང་བཞི་འོད་ཀྱིས་བླངས༔ ས་མ་ཡཱ༔ རྒྱ་རྒྱ་རྒྱ༔ དེ་ནས་ལུས་ནི་ཆོས་བདུན་ལྡན༔ མིག་ནི་བུདྡྷའི་ལྟ་སྟངས་བཅས༔ འབྱུང་འདུས་ཕུང་པོ་སྐད་ཅིག་གིས༔ མི་དམིགས་སྟོང་གསལ་འོད་ལུས་ཀྱི༔ གནས་ལྔར་བཅོམ་ལྡན་རིགས་ལྔ་བསྐྱེད༔ རིགས་ལྔའི་ཐུགས་ཀར་ས་བོན་མཐར༔ སྔགས་འཁོར་འོད་ཟེར་འདུ་འཕྲོ་བསྒྱུར༔ དང་པོ་ཐོག་མ་མེད་པའི་དུས༔ རང་བྱུང་རིག་པའི་རྩལ་སྣང་ལས༔ འཆར་སྒོ་མ་འགགས་ཕྱིར་ཤར་བའི༔ འོད་ལ་འཛིན་པ་ཞུགས་པ་ཡི༔ དུག་ལྔ་དག་ཅིང་སྐུ་ལྔ་ཡི༔ ཡེ་ཤེས་ལྔ་ལྡན་མངོན་གྱུར་ལམ༔ བརྗོད་མེད་དབྱིངས་ནས་ལྷན་ནེར་གསལ༔ རྟོག་མེད་དབྱིངས་ནས་སྤྲོས་དང་ཕྲོལ༔ མ་ཡེངས་མི་སྒོམ་ཆོས་དབྱིངས་ཀློང་༔ གྲག་སྟོང་ངང་ནས་སྔགས་འདི་བཟླས༔ ཨཱོཾ་ཧཱུྃ་ཏྲཾ་ཧྲཱིཿཨཱ༔ ཧཱུྃ་ཧཱུྃ་སྭཱ་ཧཱ༔ ཞེས་བཟླས་ཐུན་སྐབས་ཕྱི་སྣོད་དང་༔ ནང་བཅུད་འཛིན་པ་རོ་གཅིག་གི༔ བདག་མེད་སྟོང་དང་ཡེ་ཤེས་ཀྱི༔ ཏིང་འཛིན་ལྡན་པས་རྣལ་དུ་དབབ༔ འབུམ་ཚོ་ལྔ་ཡི་གྲངས་ཐེམས་ན༔ དུག་ལྔ་ཡེ་ཤེས་ལྔ་རུ་སྨིན༔ ཕྱི་སྣོད་འབྱུང་བཞིའི་སྣང་བ་དག༔ ནང་བཅུད་སྒྱུ་ལུས་འཛིན་པ་གྲོལ༔ ཕུང་ཁམས་སངས་རྒྱས་རིགས་ལྔར་སྨིན༔ ས་མ་ཡཱ༔ རྒྱ་རྒྱ་རྒྱ༔ གཉིས་པ་རྡོ་རྗེའི་འཁྲུལ་འཁོར་བཅས༔ མིག་ནི་སྨིན་ཕྲག་མཁའ་ལ་བལྟ༔ འབྱུང་བཞི་འདུས་པའི་ཕུང་པོ་འདི༔ སྐད་ཅིག་མི་དམིགས་སྟོང་པར་གྱུར༔ འོད་མཐིང་ལས་གྲུབ་རྡོ་རྗེ་ནི༔ རྩེ་ལྔ་པ་ཡི་ལྟེ་བའི་དཀྱིལ༔ འོད་དཀྱིལ་ཧཱུྃ་ཡིག་མཐིང་ནག་མཐར༔ ཧཱུྃ༔ འཕྲེང་སྔགས་འབྲུ་བ་ཐག་འཁོར༔ ཞལ་ནས་བཟླས་པས་ཧཱུྃ་ལས་ཧཱུྃ༔ ཆེ་ཆུང་མ་ངེས་སྣ་ཚོགས་པ༔ བ་དག་མ་ཆད་ཕྱོགས་བཅུར་འཕྲོ༔ སྣང་བའི་ངོ་བོ་འབྱུང་བཞིའི་ཁམས༔ རིག་པའི་ངོ་བོ་ཧཱུྃ་སྒྲ་སྒྲོགས༔ མེ་དང་སྦུར་མའི་དཔེ་བཞིན་དུ༔ སྣང་བའི་འཇིག་རྟེན་བུན་བུན་བསྲེགས༔ རིག་པའི་ཡེ་ཤེས་ཏ་ལ་ལ༔ མ་ཡེངས་ཏིང་འཛིན་བློ་འདས་ངང་༔ སྙིང་པོ་འདི་ལ་འབུམ་བདུན་བཟླས༔ ཧཱུྃ་ཧཱུྃ་ཧཱུྃ༔ ཐུན་སྐབས་རྣམས་སུ་དུས་གསུམ་གྱི༔ རྟོག་ཚོགས་སྤང་བླང་དགག་སྒྲུབ་ཕྲལ༔ རང་བྱུང་ངང་ལ་རྣལ་དུ་དབབ༔ སྐབས་རེ་སྣང་སེམས་ཕྲལ་ནས་ཀློད༔ སྐབས་རེ་སྣང་སེམས་བསྲེ་སྟེ་སྐྱོང་༔ ས་མ་ཡཱ༔ རྒྱ་རྒྱ་རྒྱ༔ གསུམ་པ་ཁྲོ་བོའི་དོར་སྟབས་བགྲད༔ མི་དམིགས་སྟོང་དང་སྙིང་རྗེའི་ངང་༔ ཁྲོ་བོ་ཞེ་སྡང་རྡོ་རྗེ་ཁྲོས༔ གཡས་གཡོན་སྡིགས་མཛུབ་དོར་སྟབས་བགྲད༔ འོད་མཐིང་སྐུ་ཡི་སྣང་བརྙན་ནི༔ མེ་ལོང་གཟུགས་སམ་ཆུ་ཟླ་ལྟར༔ ཧཱུྃ་ཡིག་འོད་དཀྱིལ་མཐིང་གའི་མཐར༔ སྔགས་ཕྲེང་བ་དག་གཡས་གཡོན་འཁོར༔ ཡ་ཀི་སྲིད་པའི་རྩེ་མོ་ནས༔ མ་ཀི་ན་རག་འཇིག་རྟེན་ཁམས༔ སྟོང་གསུམ་མི་མཇེད་ཕྱི་ནང་སྣོད༔ ཐམས་ཅད་མི་དམིགས་སྟོང་པར་གྱུར༔ སྟོང་པའི་ངང་ལས་ཡེ་ཤེས་རྩལ༔ ཕྱི་སྣོད་ཧེ་རུ་ཀཿཡི་ཞིང་༔ ནང་བཅུད་ཁྲོ་བོ་ཁྲོ་མོར་འབར༔ འཁོར་འདས་ཐམས་ཅད་འབར་བའི་ཞིང་༔ དཔལ་ཆེན་ཆོས་ཉིད་རོལ་པར་གསལ༔ ཨཱོཾ་བཛྲ་ཤྲཱི་ཧེ་རུ་ཀ་ཧཱུྃ་ཧཱུྃ་ཕཊ༔ འབུམ་ཚོ་གསུམ་གྱི་གྲངས་ཐེམས་ན༔ ཕྱི་སྣོད་དཔལ་ཆེན་འབར་བའི་ཞིང་༔ ནང་བཅུད་ཧེ་རུ་ཀཿདཔལ་ཆེ༔ གསང་བ་སྣང་སེམས་རང་དབང་བསྒྱུར༔ དུས་གསུམ་རྟོག་ཚོགས་ཆམ་བརྡལ་ཞིང་༔ སྟོང་ཉིད་ངང་དུ་རྣལ་དུ་དབབ༔ ས་མ་ཡཱ༔ རྒྱ་རྒྱ་རྒྱ༔ དེ་ནས་ཡང་དག་བཤད་བྱ་བ༔ ལས་ལྡན་སྦྱངས་པ་མཐའ་གྲོལ་བའི༔ སྐལ་བར་ལྡན་པ་གང་དང་གང་༔ ཡང་གསང་སྙིང་པོའི་དོན་ལ་བལྟ༔ ཡང་དག་ངེས་མཐོང་གང་རྟོགས་དེ༔ གཅིག་ཤེས་འབྲས་བུ་ཀུན་གྲོལ་ཏེ༔ འཁོར་བ་འམ་ནི་མྱ་ངན་འདས༔ སྒྱུ་མས་སྤྲུལ་པའི་རྒྱུ་བཞིན་ཏེ༔ སྤང་བླང་མེད་པར་རང་སར་གྲོལ༔ འདི་ནི་མི་གནས་མངོན་འཚང་རྒྱ༔ ཡང་ལྟོས་ཡང་ལྟོས་རང་ལ་ལྟོས༔ ཡང་གཞིགས་ཡང་གཞིགས་རང་ངོར་གཞིགས༔ ཐོག་མ་བར་དང་མཐའ་ཡས་གསུམ༔ ཕུང་པོ་ལྔ་ཡི་རང་བཞིན་སྟོང་༔ གཟུགས་རྣམས་ཐམས་ཅད་སྟོང་པའི་རྩལ༔ སྟོང་པའི་གཟུགས་བརྙན་སྟོང་ཉིད་ཀློང་༔ དམིགས་མེད་རིས་སུ་གྲུབ་པ་མེད༔ རྣམ་པར་ཤེས་པ་ཡེ་སྟོང་པས༔ གཟུགས་ལས་འབྱུང་བའི་ཚོར་བ་དང་༔ འདུ་ཤེས་རྟོག་པ་འདུ་བྱེད་སོགས༔ ཚོགས་བརྒྱད་ཡུལ་བརྒྱད་རང་རང་གི༔ རང་བཞིན་ངོ་བོ་ཉིད་ནས་དག༔ སྒོ་ངའི་ཤེས་པ་རྣམ་གྲོལ་སྟོང་༔ སྡུག་བསྔལ་རྣམ་དག་འཁྲུལ་པ་ཟད༔ བདེ་བ་མི་ལྡན་བདེ་སྡུག་མེད༔ ཟད་པ་ཟད་མེད་ཟད་ཡུལ་བྲལ༔ སྐྱེ་བ་མེད་པས་གདོད་ནས་སྟོང་༔ འགག་པ་མེད་པས་བློ་ལས་འདས༔ གནས་པ་མེད་པས་འགྲོ་འོང་བྲལ༔ ཐོབ་པ་མེད་པས་རྣམ་པར་རྒྱལ༔ སྦྱང་བ་མེད་པས་ས་ལས་འདས༔ མཐོང་བ་མེད་པས་རྟོག་པ་བྲལ༔ རེ་བ་མེད་པས་ཡེ་ཤེས་དག༔ དོགས་པ་མེད་པས་འཁོར་བ་སྟོང་༔ བྱས་པ་མེད་པས་ལྷུན་གྲུབ་རྫོགས༔ སྨྲ་བ་མེད་པས་ཚིག་ལས་འདས༔ བསམ་ཡུལ་མིན་པའི་ཡིད་དང་བྲལ༔ བརྗོད་པ་མེད་པས་དཔེས་མི་མཚོན༔ ཆོས་སྒོ་བརྒྱད་ཁྲི་བཞི་སྟོང་གི༔ སྤང་བླང་འབྲས་བུའི་ཕན་གནོད་དག༔ སེམས་ཅན་སྦྲུལ་གྱི་མདུད་པ་ནི༔ བཀྲོལ་བ་མེད་ཀྱང་རང་སར་གྲོལ༔ སྟོང་གསུམ་དག་གི་ཆུ་བོ་རྣམས༔ ཕྱོགས་མཐར་འབབས་ཀྱང་རྒྱ་མཚོར་གཅིག༔ སྲིད་རྩེ་མནར་མེད་འགྲོ་བའི་ཁམས༔ མངོན་སུམ་མཐོང་ཡང་མཐོང་སར་ཡལ༔ ཐམས་ཅད་སྐྱེ་མེད་རོ་གཅིག་སྟེ༔ དམིགས་མེད་སྤྲོས་བྲལ་ནམ་མཁའི་ཁམས༔ འདི་ནི་སངས་རྒྱས་ཐམས་ཅད་ཀྱི༔ གསང་བའི་སྙིང་པོ་དམ་པ་སྟེ༔ སྐད་ཅིག་མ་ཡི་ཆོས་ཉིད་འདིས༔ སྐད་ཅིག་དེ་ཡིས་དེ་གྲོལ་ལོ༔ གྲོལ་བ་རྣམ་དག་དག་པའི་མཆོག༔ ས་མ་ཡཱ༔ རྒྱ་རྒྱ་རྒྱ༔ དེ་ནས་ཡང་དག་བཤད་བྱ་བ༔ མིག་གི་ཡུལ་གྱི་མཛེས་པའི་གཟུགས༔ གང་ལ་ཆགས་པར་གྱུར་པ་དང་༔ གང་དག་གཟུགས་ངན་མི་སྡུག་པ༔ ཡིད་ལ་སྦྲེང་ཞིང་ལེགས་པར་དཔྱད༔ ཐ་མ་གཟུགས་ཕུང་དེ་གཉིས་ཀྱི༔ ཤ་ཁྲག་རུས་པ་ནང་རོལ་དང་༔ གཤང་ལྕི་ཀེང་རུས་སྣབས་ལུད་སོགས༔ ཡིད་ལ་སྦྲེང་ཞིང་མིག་ཡུལ་གྱི༔ གཟུགས་སྣང་ཆགས་སྡང་རྟོག་པ་རྣམས༔ བདེན་འཛིན་བྲལ་བའི་དོན་ལ་བལྟ༔ སྤང་བླང་མེད་པའི་སྤྱོད་པ་སྐྱོང་༔ དེ་བཞིན་རྣ་བའི་ཡུལ་གྱི་སྒྲ༔ སྙན་དང་མི་སྙན་བསྟོད་དང་དམད༔ བདེན་པ་རྫུན་པའི་དྲང་ཤན་དང་༔ བསྟོད་དམད་ལས་ཀྱི་འབྲས་བུར་སེམས༔ བྱིས་པས་བྱེ་མའི་ཁང་བུ་ལ༔ བདེན་འཛིན་ཞུགས་པའི་དཔེ་བཞིན་དུ༔ འཁྲུལ་བར་མི་བལྟ་གྲག་སྟོང་བསྒྱུར༔ ངོ་བོ་ཉིད་ལ་བསྟོད་དམད་བྲལ༔ དེ་བཞིན་སྣ་ཡི་ཡུལ་གྱི་དྲི༔ དྲི་བསུང་བརྒྱད་ལྡན་སྤོས་ངད་དང་༔ མི་གཙང་འདམ་ཁྲོད་དྲི་ངན་སོགས༔ མཐའ་གཉིས་བལྟ་ཞིང་ཡིད་ལ་བཀོད༔ སྣང་བ་སེམས་ཀྱི་སྒྲོ་བཏགས་ཀྱིས༔ གཉིས་སུ་འཛིན་པར་ཕྱེ་བ་ལས༔ དེ་གཉིས་རང་ངོར་བཟང་ངན་མེད༔ དོན་རིག་དོན་མཐོང་དབྱེར་མེད་དོ༔ དྲི་ཡི་ཆགས་སྡང་བཏང་སྙོམས་ཕྲལ༔ དེ་བཞིན་ལྕེ་ཡི་ཡུལ་གྱི་རོ༔ རོ་བརྒྱ་ལྡན་པའི་ཁ་ཟས་དང་༔ ལྗན་ལྗིན་ཟོས་པའི་ལང་ཚོ་སྟེ༔ ཟག་པ་དྲི་ཆུར་ཁྱད་པར་ཅི༔ བརྟགས་ཤིང་དཔྱད་པས་གཙང་སྨེ་ཞིག༔ རང་བཞིན་གཅིག་གི་རྟོག་པ་ལྟོས༔ དེ་བཞིན་ལུས་ཀྱི་རེག་བྱ་རྣམས༔ ལྷ་རྣམས་པཉྩ་ལི་ཀའི་གོས༔ མི་རྣམས་བལ་ཚོན་སྣལ་མ་སྟེ༔ བགེགས་དང་སྲིན་ནི་གཡང་གཞིས་ཀླུབས༔ དེ་ཡང་ཀུན་རྟོག་རང་གཟུགས་ཏེ༔ བྱིས་པས་འཇའ་ཚོན་མཐོང་བའི་དཔེ༔ རེག་བྱའི་རྟོག་པའི་ཆགས་འཛིན་དོར༔ དེ་བཞིན་ཡིད་ཀྱི་རྟོག་ཚོགས་རྣམས༔ རྨི་ལམ་ཡུལ་གྱི་སྣང་བ་ལ༔ སྤྲང་པོས་རྒྱལ་སྲིད་ཐོབ་པ་དང་༔ སྟོབས་ཀྱི་འཁོར་ལོས་སྒྱུར་རྒྱལ་ཡང་༔ མུ་ཏོའི་ལུས་སུ་གྱུར་པ་ཡི༔ བག་ཆགས་སྣང་བ་འབྲེང་གྱུར་ན༔ དེ་ནི་དེ་ཡི་བདེ་སྡུག་གི༔ སྤངས་བླང་དག་གིས་མནར་བར་འགྱུར༔ དེ་ཕྱིར་ཡིད་ཀྱི་རྟོག་ཚོགས་ཀྱང་༔ རྨི་ལམ་སྣང་བའི་དོན་ལྟར་དུ༔ སྤང་བླང་བྲལ་བའི་རྟོག་པ་བསྐྱེད༔ ས་མ་ཡཱ༔ རྒྱ་རྒྱ་རྒྱ༔ དེ་རྣམས་རྗེས་ཤེས་སྤྱོད་པའི་སྐབས༔ སྔོན་འགྲོ་དངོས་གཞི་རྗེས་གསུམ་སྟེ༔ ཕྱི་ཡི་ས་བཅད་རྣམ་པ་གསུམ༔ ནང་གི་རྐང་ཚིག་བཅུ་བདུན་ཏེ༔ སྣང་བ་རང་གྲོལ་ལྟ་བའི་ཕྲེང་༔ སངས་རྒྱས་སྣང་བ་མཐའ་ཡས་ཀྱིས༔ བདེ་ཆེན་དབྱིངས་ཀྱི་ཕོ་བྲང་དུ༔ བདག་འདྲ་པདྨ་འབྱུང་གནས་ལ༔ གདམས་པའི་སྙིང་པོ་འདི་གནང་བ༔ དཔལ་གྱི་བེའུའི་ཀློང་དུ་བསྟིམ༔ དེ་ནས་ཁྲི་སྲོང་ལྡེའུ་བཙན་གྱིས༔ རྟ་མགྲིན་དྲག་པོའི་བསྐྱེད་རིམ་ལ༔ མན་ངག་གསང་ཆེན་རྫོགས་རིམ་གཅིག༔ ཡང་དང་ཡང་དུ་སྩོལ་ཞེས་གསུངས༔ རྒྱལ་པོ་སྐུ་ངོ་ཆེ་བ་དང་༔ མ་འོངས་འགྲོ་བའི་དོན་བསམས་ནས༔ དྲེགས་པ་ཟིལ་གནོན་ཆོས་སྐོར་དུ༔ ཡི་གེའི་རིས་བཏབ་རྗེ་ལ་གདམས༔ ལྷ་རི་སྙིང་པོར་ཀླུ་དབང་ལ༔ ཉམས་ཁྲིད་བཏབ་ཅིང་བཀའ་གཏད་བྱིན༔ ཤར་ཕྱོགས་མཐོན་པོའི་རི་བོ་ནི༔ ཁམས་ཀྱི་སྲིང་མོ་རྫོང་གི་ནུབ༔ མེ་འབར་ཕུག་གི་བྲག་ལོགས་ལ༔ རྒྱ་བདུན་བཏབ་པའི་ཟབ་ཆོས་འདི༔ ཁམས་ནས་ཉི་མ་གྲགས་དང་འཕྲད༔ མི་རྣམ་བཞི་བཅུའི་མར་འགྲིབ་དུས༔ མཐོངས་སྐར་ཉི་ཞུར་ཤར་བ་བཞིན༔ སྐལ་ལྡན་མང་ཞིག་གྲོལ་ལམ་འགོད༔ ལས་འཕྲོ་ལྡན་དེས་སྤྱོད་པར་ཤོག༔ བཀའ་ཡི་སྲུང་མས་བྱ་ར་གྱིས༔ གཏེར་ཀྱི་སྲུང་མས་མེལ་ཚེ་མཛོད༔ ས་མ་ཡཱ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ ཟབ་རྒྱ༔ ས་མ་ཡཱ༔ རྒྱ་རྒྱ་རྒྱ༔ རྒྱལ་ཁམས་པ་ཉི་མ་གྲགས་པས་ཁམས་སྲིང་མོ་རྫོང་གི་ནུབ་སྒོ་མེ་འབར་ཕུག་ནས་གདན་དྲངས་ཤིང་ཤོག་སེར་ལས་བསྒྱུར་བའོ། །མངྒ་ལཾ།། །།
བསད་པ་ཐུན་གྱི་ལས་མཐའ།
རྟ་མགྲིན་དྲེགས་པ་ཟིལ་གནོན་ལས༔ བསད་པ་ཐུན་གྱི་ལས་མཐའ་བཞུགསཿ དབང་ཆེན་དྲེགས་པའི་ཚོགས་ལ་ཕྱག་འཚལ་བསྟོད༔ མ་འོངས་དུས་ཀྱི་རྣལ་འབྱོར་སྒྲུབ་པ་པོས༔ བསྟན་འགྲོའི་དོན་དུ་བྱང་ཆུབ་སེམས་བསྐྱེད་ནས༔ དགྲ་བགེས་གང་ཡིན་ཁུགས་པའི་རྟགས་གསལ་ཚེ༔ གསེར་སྐྱེམས་ཕུད་མཆོད་སྒྲལ་ལས་འདི་ལྟར་བྱ༔ སཱ་མཱ་ཡཱ༔ ཧོ༔ དགོངས་སུ་གསོལ་ལོ་སྐྱེ་མེད་ཆོས་ཀྱི་སྐུ༔ འགག་མེད་ལོངས་སྐུ་གང་འདུལ་སྤྲུལ་པའི་སྐུ༔ དབང་ཆེན་དྲེགས་པའི་འཁོར་ཚོགས་དགོངས་སུ་གསོལ༔ ད་དུས་སངས་རྒྱས་བསྟན་པའི་གཞུག་གཉེར་འདིར༔ སྒོ་གསུམ་རྒྱལ་བའི་བཀའ་ལྟར་དང་བླངས་ཀྱང་༔ ཉམས་པའི་དགྲ་བོས་ཆོས་ལ་བར་བཅད་ཅིང་༔ བགེགས་ཚོགས་ལོག་པར་འདྲེན་པས་གླགས་བལྟས་པས༔ སྐྱབས་གནས་ཀུན་འདུས་རེ་ཞིང་ལྟོས་པའི་ལྷ༔ དབང་ཆེན་དྲེགས་པའི་སྡེ་དཔུང་འཁོར་བཅས་ཀྱི༔ ལེགས་ཉེས་གཟིགས་ཤིག་དྲང་ཤན་དེ་རིང་ཕྱེ༔ ཉམས་པའི་དགྲ་བགེགས་སྡིག་ཅན་ལས་ངན་འདི༔ མྱུར་བ་ཉིད་དུ་བསྒྲལ་བའི་དུས་ལ་བབས༔ སངས་རྒྱས་ཆོས་ཀྱི་བཀའ་ལ་བདེན་མེད་ཅིང་༔ རྩ་གསུམ་བསྒྲུབ་པའི་ལྷ་ལ་མཐུ་མེད་དེ༔ འཁོར་ཚོགས་དྲེགས་པའི་སྡེ་དཔུང་ལས་འགྱངས་ན༔ སྒྲུབ་པོ་རྗེས་འཇུག་རྣལ་འབྱོར་སུ་ལ་རེ༔ རེ་ཞིང་ལྟོས་པའི་ལྷ་ཚོགས་ཐུགས་མ་གཡེལ༔ བཀའ་སྲུང་དམ་ཅན་རྒྱ་མཚོ་མཐུ་མ་ཆུང་༔ འཁོར་ཚོགས་ལྷ་སྲིན་སྡེ་བརྒྱད་རྩལ་མ་ཞན༔ གསེར་སྐྱེམས་བཞེས་ལ་དམ་ཉམས་དགྲ་བགེགས་སྒྲོལ༔ ལིངྒར་དགྲ་བགེགས་འགུགས་བསྟིམ་རྒྱས་བཏབ་ནས༔ བྱད་ཐག་དམར་ནག་དཀྲིས་ལ་འདི་སྐད་དོ༔ ཧཱུྃ༔ ང་ནི་དཔལ་ཆེན་དྲེགས་པའི་སྡེ་དཔོན་ཆེ༔ སྤྲུལ་པ་ཡང་སྤྲུལ་ཕོ་ཉས་སྟོང་གསུམ་གཡོ༔ འཛིན་གིང་འགུགས་སྒྲོལ་ལས་མཁན་འབུམ་འབུམ་འགྱེད༔ མྱུར་དུ་ཁུག་ཅིག་ཨངྒུ་ཤ་ཡ་ཛ༔ གཉིས་མེད་སྟིམས་ཤིག་བཛྲ་པཱ་ཤ་ཧཱུྃ༔ དམ་དུ་ཆིངས་ཤིག་བཛྲ་སྥོ་ཊ་བཾ༔ ལྷ་དང་ཕྱེས་ཤིག་བཛྲ་གྷནྡྷེ་ཧོ༔ མྱོས་པར་གྱིས་ཤིག་ཨ་ཝེ་ཤ་ཡ་ཨཱ༔ ཅེས་བརྗོད་ཕྱག་རྒྱས་བསྡམས་བྱད་དུ་བཅུག༔ ཉེས་པར་བསྒྲགས་པ༔ ཧཱུྃ༔ དང་པོ་མ་རིག་རྒྱུ་ལས་བྱུང་བ་ཡི༔ དམ་ཉམས་དགྲ་བོ་སྡིག་ཅན་ལས་ངན་ཁྱོད༔ བར་དུ་མི་དགེ་སྡིག་ལྟུང་ལས་ལ་སྤྱད༔ ད་ལྟ་རྣལ་འབྱོར་བདག་གི་དགྲ་རུ་ལངས༔ བསྒྲལ་བའི་ཞིང་བཅུ་ཚང་བ་འདི་ཡིན་པས༔ མངོན་སྤྱོད་དྲག་པོའི་འཕྲིན་ལས་དུས་ལ་བབས༔ ཧཱུྃ༔ གསལ་བར་བསྐྱེད་པའི་བདག་ཉིད་ཧེ་རུ་ཀ༔ དྲེགས་པའི་དབང་ཕྱུག་རྟ་མཆོག་རོལ་པའི་དཔལ༔ སྤྲུལ་པ་སྒྱུར་ཅིག་དཔལ་གྱི་ཕོ་ཉ་རྣམས༔ ནུས་མཐུ་སྐྱེད་ཅིག་བཛྲ་ཀཱི་ལཱ་ཡ༔ ཕུར་པ་གདེང་ཞིང་བསྐོར་ཏེ་འགྲིལ་བ་དང་གསུམ་གསུམ་གྱི་ཕྱག་རྒྱ་དང་བཅས༔ ཧཱུྃ༔ རྡོ་རྗེ་ཁྲོས་པའི་མཚོན་ཆ་ཀཱི་ལཱ་ཡ༔ ལན་གསུམ་མཁའ་ལ་བསྐོར་བའི་ཏིང་འཛིན་གྱིས༔ ཕྱོགས་བཅུ་དུས་བཞིའི་བདེ་གཤེགས་བྱིན་རླབས་རྫོགས༔ ཧཱུྃ༔ དབང་ཆེན་རྟ་མཆོག་འབར་བའི་ཏིང་འཛིན་གྱིས༔ ཐབས་ཀྱི་ཕྱག་གཡས་ཁྲག་འཐུང་རིགས་ལྔར་གསལ༔ གཡས་སུ་བསྐོར་བས་ཕ་རྒྱུད་ནུས་སྟོབས་རྫོགས༔ ཤེས་རབ་ཕྱག་གཡོན་ཁྲག་འཐུང་ཁྲོ་མོ་ལྔ༔ གཡོན་དུ་བསྐོར་བས་མ་རྒྱུད་དྲག་སྔགས་འབར༔ ཁྲག་འཐུང་ཡབ་ཡུམ་ཐམས་ཅད་དབྱིངས་སུ་སྦྱོར༔ ལན་གསུམ་བསྒྲིལ་བས་སྲས་མཆོག་ཀཱི་ལཱ་ཡ༔ རྩ་བསྙེན་༴ བཛྲ་ཀཱི་ལི་ཀཱི་ལཱ་ཡ་ཀཱ་ཡ་ཝཱཀྐ་ཙིཏྟ་སིདྡྷི་ཧཱུྃ༔ གནས་གསུམ་ལ་གཏུགས༔ ཧཱུྃ༔ སྲས་མཆོག་ཆེན་པོ་བཛྲ་ཀཱི་ལཱ་ཡ༔ སྐུ་སྟོད་དཀར་པོ་ཞལ་གསུམ་ཞི་མ་ཁྲོ༔ སྤྱི་བོའི་གཙུག་ནས་དབང་ཆེན་རྟ་སྐད་སྒྲོགས༔ ཕྱག་དྲུག་ཞི་བའི་ཕུར་པའི་ཕྱག་རྒྱ་ཅན༔ སྐུ་སྨད་ཞི་བའི་ཕུར་པ་ཟུར་བརྒྱད་ལ༔ རྒྱལ་རིགས་དཀར་པོའི་ཆུན་པོ་ཉི་ལི་ལི༔ ཆུ་སྲིན་ཁ་ནས་འབྲུག་སྟོང་དི་རི་རི༔ འཆང་བཟུང་འོད་ལས་གློག་དམར་ཁྱུགས་སེ་ཁྱུག༔ དགྲ་བགེགས་སྙིང་ལ་གཟིར་བས་སྒྲིབ་གཉིས་སྦྱངས༔ རྣམ་སྨིན་བག་ཆགས་ཐམས་ཅད་ཞི་བར་གྱུར༔ སྦྱངས་པས་ཞི་བར་མ་གྱུར་གང་ཡང་མེད༔ ཞི་མཛད་ཀཱི་ལཱ་ཡ་ཡིས་འཕྲིན་ལས་མཛོད༔ ཧཱུྃ༔ བཛྲ་ཀཱི་ལི་ཀཱི་ལཱ་ཡ་ཨཱོཾ་ཤཱནྟིང་ཀུ་རུ་ཡེ་སྭཱ་ཧཱ༔ ཧཱུྃ༔ སྲས་མཆོག་ཆེན་པོ་རཏྣ་ཀཱི་ལཱ་ཡ༔ སྐུ་སྟོད་སེར་པོ་ཞལ་གསུམ་སྒེག་པའི་གཟུགས༔ སྤྱི་བོའི་གཙུག་ནས་དབང་ཆེན་རྟ་སྐད་སྒྲོགས༔ ཕྱག་དྲུག་རྒྱས་པའི་ཕུར་བའི་ཕྱག་རྒྱས་སྤྲས༔ སྐུ་སྨད་རྒྱས་པའི་ཕུར་པ་ཟུར་བཞི་ལ༔ རྗེའུ་རིགས་སེར་པོའི་ཆུན་པོ་ཉི་ལི་ལི༔ ཆུ་སྲིན་ཁ་ནས་འབྲུག་སྟོང་དི་རི་རི༔ འཆང་བཟུང་འོད་ལས་གློག་དམར་ཁྱུགས་སེ་ཁྱུག༔ དགྲ་བགེགས་སྙིང་ལ་གཟིར་བས་ཚེ་བསོད་སྡུས༔ བདག་ལ་ཐིམ་པས་ཉམས་རྟོགས་གཟི་བརྗིད་འབར༔ སྤེལ་བས་རྒྱས་པར་མ་གྱུར་གང་ཡང་མེད༔ རྒྱས་མཛད་ཀཱི་ལཱ་ཡ་ཡིས་འཕྲིན་ལས་མཛོད༔ ཏྲཾ་རཏྣ་ཀཱི་ལི་ཀཱི་ལཱ་ཡ་སྭཱ་པུཥྟིང་ཀུ་རུ་ཡེ་སྭཱ་ཧཱ༔ ཧཱུྃ༔ སྲས་མཆོག་ཆེན་པོ་པདྨ་ཀཱི་ལཱ་ཡ༔ སྐུ་སྟོད་དམར་པོ་ཞལ་གསུམ་བརྗིད་པའི་སྐུ༔ སྤྱི་བོའི་གཙུག་ནས་དབང་ཆེན་རྟ་སྐད་སྒྲོགས༔ ཕྱག་དྲུག་དབང་གི་ཕུར་བུའི་ཕྱག་རྒྱ་ཅན༔ སྐུ་སྨད་དབང་གི་ཕུར་བ་ཟླ་གམ་ལ༔ བྲམ་ཟེ་དམར་པོའི་ཆུན་པོ་ཉི་ལི་ལི༔ ཆུ་སྲིན་ཁ་ནས་འབྲུག་སྟོང་དི་རི་རི༔ འཆང་བཟུང་འོད་ལས་གློག་དམར་ཁྱུགས་སེ་ཁྱུག༔ དགྲ་བགེགས་སྙིང་ལ་གཟིར་བས་དབང་དུ་སྡུས༔ མཐུ་སྟོབས་ནུས་པའི་དྲག་རྩལ་བདག་ལ་ཐིམ༔ ཁམས་གསུམ་དབང་དུ་མ་གྱུར་གང་ཡང་མེད༔ དབང་མཛད་ཀཱི་ལཱ་ཡ་ཡིས་འཕྲིན་ལས་མཛོད༔ ཧྲཱིཿཔདྨ་ཀཱི་ལི་ཀཱི་ལཱ་ཡ་ཧ་པ་ཤང་ཀུ་རུ་ཡེ་སྭཱ་ཧཱ༔ ཧཱུྃ༔ སྲས་མཆོག་ཆེན་པོ་ཀརྨ་ཀཱི་ལཱ་ཡ༔ སྐུ་སྟོད་ལྗང་ནག་ཞལ་གསུམ་འཇིགས་ལ་བརྔམས༔ སྤྱི་བོའི་གཙུག་ནས་དབང་ཆེན་རྟ་སྐད་སྒྲོགས༔ ཕྱག་དྲུག་དྲག་པོའི་ཕུར་བུའི་ཕྱག་རྒྱས་སྤྲས༔ སྐུ་སྨད་དྲག་པོའི་ཕུར་པ་ཟུར་གསུམ་ལ༔ གདོལ་པ་ནག་པོའི་ཆུན་པོ་ཉི་ལི་ལི༔ ཆུ་སྲིན་ཁ་ནས་འབྲུག་སྟོང་དི་རི་རི༔ འཆང་བཟུང་འོད་ལས་གློག་དམར་ཁྱུགས་སེ་ཁྱུག༔ དགྲ་བགེགས་སྙིང་ལ་གཟིར་བས་རྡུལ་དུ་བརླགས༔ དགྲ་གདོན་བརླགས་པར་མ་གྱུར་གང་ཡང་མེད༔ བརླགས་མཛད་ཀཱི་ལཱ་ཡ་ཡིས་འཕྲིན་ལས་མཛོད༔ ཨཱོཾ་ཀརྨ་ཀཱི་ལི་ཀཱི་ལཱ་ཡ་ཧཱུྃ་མཱ་ར་ཡ་ཕཊ༔ དམིགས་བྱའི་དཀར་ནག་མཚམས་སུ་ཕུར་བུས་རེག་པ་ཙམ་གྱིས་རྣམ་པར་ཤེས་པའི་ངོ་བོ་ནམ་མཁའི་སྐར་མདའ་ཆད་པ་ལྟར་ཡར་དྲངས་ཕུར་བའི་ཁོང་གསེང་གི་ལམ་བརྒྱུད་དེ་དབང་ཆེན་ཡབ་ཡུམ་གྱི་སྦྱོར་མཚམས་སུ་ཐིམ་པས་དབང་དྲག་རྒྱལ་བའི་སྲས་སུ་སངས་རྒྱས༔ ཧཱུྃ་ཧཱུྃ་ཧཱུྃ་ཕཊ༔ ཚེ་བསོད་དབང་ཐང་ནུས་མཐུ་དང་བཅས་པ་བདག་དང་སྲས་མཆོག་ལ་ཐིམ་པས་དབང་དྲག་གི་ལས་ལ་ཐོགས་པ་མེད་པར་གྱུར༔ ཨ་ཝེ་ཤ་ཡ་ཨཱ༔ ཧཱུྃ༔ དབང་དྲག་འབར་བའི་སྲས་མཆོག་ཁྲོ་བོའི་རྒྱལ༔ གནོད་པར་གྱུར་ན་འགོ་བའི་ལྷ་ཡང་རུང་༔ མི་བྱམས་སྡང་ན་གཉེན་དང་གྲོགས་པོ་ཡང་༔ དྲག་རྩལ་སྟོབས་ཀྱིས་སྒྲོལ་བའི་དུས་ལ་བབས༔ རྡུལ་ཕྲན་བཞིན་དུ་བརླག་པའི་འཕྲིན་ལས་མཛོད༔ རྩ་སྔགས་ཨཱོཾ་བཛྲ་ཀཱི་ལི་ཀཱི་ལཱ་ཡ་ནྲི་ཏྲི་ཤ་ཏྲུམ་མཱ་ར་ཡ་ཙིཏྟ་སྥོ་ཊ་སྥོ་ཊ་ཧཱུྃ་ཧཱུྃ་ཕཊ༔ ཧཱུྃ༔ ང་ནི་ལས་ཀྱི་ཧེ་རུ་ཀ་ཡི་སྐུ༔ ཕྱག་གཉིས་གནམ་ལྕགས་འཁོར་ལོ་གཡས་གཡོན་འཁོར༔ གནམ་ལྕགས་ཁྲོ་ཆུའི་བུང་བ་ཉི་ལི་ལི༔ བུང་ཚང་བྲག་ལ་འཁྲིས་པ་ཇི་བཞིན་དུ༔ ཕྱོགས་བཅུའི་དགྲ་བགེགས་བྱད་མ་རྡུལ་དུ་རློག༔ གནམ་ལྕགས་འཁོར་ལོའི་རྩིབས་གཡོས་དུམ་བུར་གཏུབས༔ བསད་སྔགས་བཟླ་ཞིང་ལྕགས་ཀྱི་འཁོར་ལོས་བརྡེག༔ ཧཱུྃ༔ ང་ནི་ཁྲག་འཐུང་ཁྲོ་མོ་ཡུམ་ཆེན་མོ༔ ཕྱག་གཉིས་ཆུ་ཟངས་འཁོར་ལོ་གཡས་གཡོན་འཁོར༔ ཁྲག་གི་སྦྲང་ཆར་མང་པོ་སི་ལི་ལི༔ ཤ་རུལ་སྦྲང་མ་འདུ་བའི་ངང་ཚུལ་གྱིས༔ ཕྱོགས་བཅུའི་དགྲ་བགེགས་བྱད་མ་རྡུལ་དུ་རློག༔ ཆུ་ཟངས་འཁོར་ལོའི་རྩིབས་སྟོང་སོ་འཐབ་གཏུབས༔ བསད་སྔགས་བཟླ་ཞིང་ཟངས་མའི་འཁོར་ལོས་བསྣུན༔ ཧཱུྃ༔ ང་ནི་སྲིན་པོ་ཟངས་ཀྱི་མཆེ་བ་ཅན༔ ཕྱག་གཉིས་ནད་མཚོན་དུག་གི་སྤྲིན་ཕུང་གཏིབས༔ ནད་མུག་མཚོན་གསུམ་དུག་ཆར་སི་ལི་ལི༔ རིལ་ནག་ཆུ་བོའི་གཞུང་ལ་བསྐྱོན་པ་ལྟར༔ ཕྱོགས་བཅུའི་དགྲ་བགེགས་བྱད་མ་རྡུལ་དུ་རློག༔ ལྷག་མ་རྗེས་ཤུལ་མེད་པར་བརླག་པར་མཛོད༔ བསད་སྔགས་བཟླ་ཞིང་དུག་ཁྲག་ཐུན་གྱིས་བྲབ༔ ཧཱུྃ༔ ང་ནི་གནོད་སྦྱིན་ཁྲག་འཐུང་འབར་བའི་སྐུ༔ གནམ་ལྕགས་འབར་བའི་རྡོ་རྗེ་ཡ་ལ་ལ༔ རྡོ་རྗེའི་ཐོག་ཆེན་སེར་ལྟར་ཤ་ར་ར༔ འབྲུ་ཐོག་ཆུ་འཁྱག་སེར་བས་བརྡུངས་པ་ལྟར༔ ཕྱོགས་བཅུའི་དགྲ་བགེགས་བྱད་མ་རྡུལ་དུ་རློག༔ རྡུལ་ཕྲན་བཞིན་དུ་བརླག་པའི་དུས་ལ་བབས༔ བསད་སྔགས་བཟླ་ཞིང་རྡོ་རྗེའི་ཐུན་གྱིས་བརྡུང་༔ ཧཱུྃ༔ ང་ནི་སྲོག་བདག་ཚངས་པ་འབུམ་གྱི་དཔལ༔ ཕྱག་ན་མདུང་དར་བ་དན་ལྷབས་སེ་ལྷབ༔ བ་དན་གཡོས་ལ་མཚོན་ཆའི་ཆར་པ་ཕོབ༔ འབར་བའི་སྒྲོན་མེ་རླུང་གིས་བསད་པ་ལྟར༔ ཕྱོགས་བཅུའི་དགྲ་བགེགས་བྱད་མ་རྡུལ་དུ་རློག༔ སྐད་ཅིག་གཅིག་ལ་སྒྲོལ་ཅིག་སྨྱོ་འབོག་ཐོང་༔ བསད་སྔགས་བཟླ་ཞིང་མདུང་ཐུང་སྙིང་ལ་གཟིར༔ ཧཱུྃ༔ ང་ནི་མི་གདུག་ཀླུ་སྲིན་ཁྲོས་པའི་སྐུ༔ སྣ་ཚོགས་མཚོན་ཆའི་ཕྱག་མཚན་ཟངས་སེ་ཟང་༔ སྦལ་སྦྲུལ་སྡོམ་སྡིག་ཕོ་ཉ་ཉི་ལི་ལི༔ གསལ་བའི་མེ་ལོང་ཧ་ཡིས་བཏབ་པ་བཞིན༔ ཕྱོགས་བཅུའི་དགྲ་བགེགས་བྱད་མ་རྡུལ་དུ་རློག༔ མཛེ་རིགས་བཅོ་བརྒྱད་དམ་ཉམས་དགྲ་ལ་ཐོངས༔ བསད་སྔགས་བཟླ་ཞིང་སྦྲུལ་གྱི་ཞགས་པས་དཀྲིས༔ ཧཱུྃ༔ ང་ནི་སྙིང་རྗེ་བྲལ་བའི་གཤིན་རྗེ་གཤེད༔ ལས་ཀྱི་འཁོར་ལོ་ཕྱག་ན་ཀྱི་ལི་ལི༔ རྣམ་སྨིན་འཁོར་ལོའི་བུ་ཡུག་ཚུབས་སེ་ཚུབ༔ མེ་ཏོག་སད་ཀྱིས་བཅོམ་ནས་བརླགས་པ་ལྟར༔ ཕྱོགས་བཅུའི་དགྲ་བགེགས་བྱད་མ་རྡུལ་དུ་རློག༔ འཆི་བདག་གཤིན་རྗེའི་ཁྲམ་ལ་ད་ཐོབ་ཅིག༔ བསད་སྔགསབཟླ་ཞིང་དུག་གི་འཁོར་ལོས་བསྣུན༔ ཧཱུྃ༔ ང་ནི་ལྗང་སྔོན་དྲག་པོ་རཱ་ཧུ་ལ༔ གནམ་ལྕགས་ཐོག་མདའ་དམར་པོ་ཤ་ར་ར༔ ཆུ་སྲིན་བརྔམས་པའི་རྒྱལ་མཚན་ཡེ་རེ་རེ༔ ཉི་ཟླའི་དཀྱིལ་འཁོར་གཟའ་ཡིས་ཟིན་པ་ལྟར༔ ཕྱོགས་བཅུའི་དགྲ་བགེགས་བྱད་མ་རྡུལ་དུ་རློག༔ གཟའ་ནད་ཐོག་སེར་དྲག་པོས་དགྲ་བགེགས་སྒྲོལ༔ བསད་སྔགས་བཟླ་ཞིང་མདའ་ཡི་མཚོན་གྱིས་གཟིར༔ ཧཱུྃ༔ ང་ནི་བཙན་རྒོད་རྡོ་རྗེ་དྲག་རྩལ་ཏེ༔ ཕྱག་ན་བཙན་མདུང་བསྐལ་བའི་མེ་ལྟར་འབར༔ བཙན་གྱི་གཟེར་ཁ་ཕོ་ཉའི་བུ་ཡུག་འཚུབ༔ ཤིང་ཆེན་སྡོང་པོ་རྩད་ནས་བཅད་པ་ལྟར༔ ཕྱོགས་བཅུའི་དགྲ་བགེགས་བྱད་མ་རྡུལ་དུ་རློག༔ ལས་ཀྱི་མཐའ་སྡུས་སྲོག་གི་ཐག་པ་ཆོད༔ བསད་སྔགས་བཟླ་ཞིང་མདུང་གི་ཐུན་གྱིས་གཟིར༔ ཧཱུྃ༔ ང་ནི་དམ་ཅན་རྡོ་རྗེ་འབར་བ་རྩལ༔ ཕྱག་ན་རྡོ་རྗེའི་ཞགས་པ་ཁྱུགས་སེ་ཁྱུག༔ རྡོ་རྗེའི་ཐུན་གྱི་སེར་ཆེན་ཁྲ་ལ་ལ༔ འདབ་ཆགས་སྒོ་ང་བྲག་ལ་བརྡབས་པ་ལྟར༔ ཕྱོགས་བཅུའི་དགྲ་བགེགས་བྱད་མ་རྡུལ་དུ་རློག༔ ཕུང་ཐབས་སྣ་དགུས་དགྲ་བགེགས་རྡུལ་དུ་རློག༔ བསད་སྔགས་རྡོ་རྗེའི་ཐུན་གྱིས་བྲབ༔ ཧཱུྃ༔ ང་ནི་བདུད་པོ་རལ་པ་ཚར་དགུ་སྟེ༔ གཡས་པས་ཁྲམ་ཤིང་མཁའ་ལ་ཡ་ལ་ལ༔ གཡོན་པས་ཞགས་པ་ནག་པོ་ཁྱུགས་སེ་ཁྱུག༔ ཉེས་ཅན་གསོད་སར་ཁྲིད་པའི་བཙོན་བཞིན་དུ༔ ཕྱོགས་བཅུའི་དགྲ་བགེགས་བྱད་མ་རྡུལ་དུ་རློག༔ འཆོར་མེད་བདུད་ཀྱི་ཞགས་པས་ད་ཆིངས་ཤིག༔ བསད་སྔགས་བཟླ་ཞིང་ཞགས་པ་ནག་པོས་བསྡམས༔ ཧཱུྃ༔ ང་ནི་ཤ་ཟ་ཁྲག་འཐུང་དྷཀྐི་མ༔ རལ་གྲི་དམར་པོ་གཡས་ན་ཏ་ལ་ལ༔ ཐོད་ཁྲག་དམར་པོ་གཡོན་ན་ཆི་ལི་ལི༔ ནམ་མཁའི་སྐར་མདའ་ས་ལ་ལྷུང་བ་ལྟར༔ ཕྱོགས་བཅུའི་དགྲ་བགེགས་བྱད་མ་རྡུལ་དུ་རློག༔ ནད་གདོན་དམག་སྒར་ཐོབ་ལ་དགྲ་བགེགས་སྒྲོལ༔ བསད་སྔགས་བཟླ་ཞིང་རལ་གྲིའི་མཚོན་གྱིས་གཏུབས༔ ཧཱུྃ༔ ང་ནི་ཆེ་བཙན་ཁྲོས་པ་དྲེགས་པའི་བདུད༔ འཁོར་འདས་མ་ལུས་ང་ཡི་བཀའ་འཁོར་བྲན༔ རྒྱལ་ཆེན་དཔལ་མགོན་སྲུང་མ་རྒྱ་མཚོའི་ཚོགས༔ དམ་ཚིག་དགོངས་ལ་ནུས་མཐུའི་དྲག་རྩལ་བསྐྱེད༔ སྣ་ཚོགས་ཐུན་གྱི་མཚོན་ཆས་དགྲ་བགེགས་རློག༔ ཐུགས་དམ་དུས་ལ་བབ་པོ་ས་མ་ཡཱ༔ བསད་སྔགས་བཟླ་ཞིང་སྣ་ཚོགས་མཚོན་གྱིས་ལིངྒ་བསྒྲལ༔ ཧཱུྃ༔ ཕྱེས་ཤིག་ཕྱེས་ཤིག་ལྷ་ཚོགས་ཞལ་ཕྱེས་ཤིག༔ དབང་ཆེན་ཁྲོ་བོའི་ལྷ་ཚོགས་ཞལ་ཕྱེས་ཤིག༔ དམ་ཉམས་དགྲ་བགེགས་བསྒྲལ་བའི་ལྔ་ཕུང་འདི༔ ལྷག་མ་མེད་པར་བཞེས་ཤིག་ཁ་རཾ་ཁཱ་ཧི༔ ཅེས་བརྗོད་རྩ་སྔགས་ལ་ཁཱ་ཧི་བདུན་ནམ་ཉེར་གཅིག་གིས་འབུལ༔ བཟློག་པའི་འཕྲིན་ལས་བཅོལ༔ སཱ་མཱ་ཡཱ༔ འདི་ནི་བསད་པ་སྲོག་གི་སྤུ་གྲི་སྟེ༔ གང་ལ་བརྩམ་པའི་དགྲ་གདོན་བྱད་གཏད་མཁན༔ མེ་ལྕེ་ཁ་ཡི་སྦྲང་བུ་བཞིན་དུ་འཇོམས༔ གཅེས་པར་སྙིང་ལ་གོབ་ཅིག་ཨ་ཐམ་རྒྱ༔ ལས་འཕྲོ་ཅན་གྱི་བུ་དང་འཕྲད་པར་ཤོག༔ བདག་རྒྱལ་ཁམས་པ་ཉི་མ་གྲགས་པས་ཁམས་སྲིང་མོ་རྫོང་གི་ནུབ་སྒོ་མེ་འབར་ཕུག་ནས་ཆུ་ཕོ་ཁྱིའི་ལོ་ལ་གཏེར་ནས་གདན་དྲངས་ཤིང་ཤོག་སེར་ལས་བོད་ཡིག་ཏུ་བསྒྱུར་བའོ། །མངྒ་ལཾ།། །།
སྲེག་པ་མེ་ཡི་ལས་མཐའི་ཤམ་བུ།
རྟ་མགྲིན་དྲེགས་པ་ཟིལ་གནོན་ལས༔ སྲེག་པ་མེ་ཡི་ལས་མཐའི་ཤམ་བུ་བཞུགས་སོ༔ དབང་ཆེན་ཁྲོ་བོའི་རྒྱལ་ལ་འདུད༔ དྲག་སྒྲུབ་དབང་གི་རྣལ་འབྱོར་པས༔ འཕུང་གསུམ་བདུད་ཀྱི་ཉི་མ་འམ༔ ཡང་ན་དགུ་མཚམས་གཟས་ཟིན་སོགས༔ དྲག་པོའི་འགྲུབ་སྦྱོར་ལྡན་པའི་ཚེ༔ དུར་ཁྲོད་འདྲེ་འཚུབ་ཕུང་ཤུལ་སར༔ དྲག་པོའི་མེ་ཡི་སྟེགས་བུ་བརྩིགས༔ དུག་དང་ཁྲག་གིས་ཆག་ཆག་གདབ༔ ལྟེ་བ་ཟླ་གམ་དམར་པོ་ལ༔ འཁོར་ལོ་རྩིབས་བརྒྱད་ཐོད་ར་དང་༔ རྡོ་རྗེ་མེ་རིས་མཚན་པ་བྲི༔ དྲག་པོའི་ཤིང་ལ་ཐབ་བརྩེག་ཅིང་༔ སྲེག་རྫས་མཆོད་རྫས་ཆས་རྣམས་དང་། ཁྱད་པར་ལིངྒ་དུག་ཁྲག་ཚ༔ ཏིལ་ནག་ལ་སོགས་སྲེག་རྫས་བསགས༔ གྲི་ཤའམ་ཤ་ཆེན་ཤ་ཁྲག་མཆོག༔ སྲེག་རྫས་དགྲ་བགེགས་ངོ་བོར་གསལ༔ འགུགས་གཞུག་བརྒྱ་རྩ་དག་གིས་བསྟིམ༔ བདག་བསྐྱེད་རྫོགས་ནས་མེ་ཐབ་བསང་༔ ཧཱུྃ་ཧཱུྃ༔ མེ་ཐབ་གྲུ་གསུམ་རྒྱ་ཆེ་ཡངས་པའི་ནང་༔ མེ་ཡི་འཁོར་ལོ་རྩིབས་བརྒྱད་རཾ་གྱིས་མཚན༔ མེ་ལྷ་དམར་པོ་ཞལ་གཅིག་ཕྱག་བཞི་པ༔ མེ་ཡི་འཁོར་ལོ་མེ་ཡི་རྒྱལ་མཚན་དང་༔ འོག་མ་གཉིས་ཀྱིས་མེ་ཡི་ལྕགས་ཀྱུ་བསྣམས༔ དབང་དྲག་དཔལ་འབར་གཟི་བརྗིད་ལྡན་པར་བསྐྱེད༔ སྤྱན་འདྲེན་པ་ནི༔ ཧཱུྃ༔ དབང་དྲག་སྟོབས་ཀྱི་འཕྲིན་ལས་གར་དགུར་ལྡན༔ འབྱུང་བ་ཆེན་པོ་སྲེག་བྱེད་འབར་བའི་ལྷ༔ དད་པས་སྤྱན་འདྲེན་དྲག་པོའི་གཞལ་ཡས་འདིར༔ དམ་ཚིག་དབང་གིས་གཤེགས་ཤིག་ས་མ་ཡཱ༔ ཛཿཧཱུྃ་བཾ་ཧོ༔ སྲེག་རྫས་འབུལ་ཏེ༔ ཧཱུྃ༔ ཞིང་བཅུ་བསྒྲལ་བའི་རཀྟའི་རྒྱ་མཚོ་འདི༔ འབར་བ་མེ་ཡི་ལྷ་ལ་འབུལ་ལགས་ན༔ ཁྲག་གི་ཡོན་ཆབ་བརྔམ་པའི་སྟོབས་ཀྱིས་བཞེས༔ དགྲ་བགེགས་བྱད་མ་བརླག་པའི་འཕྲིན་ལས་མཛོད༔ ཨཱོཾ་རཾ་ཛྭ་ལ་རཾ་དགྲ་བགེགས་འདི་ཞེས་པའི་དབང་པོ་རྣམ་ལྔ་ཤ་རུས་ཁྲག་དང་བཅས་པ་ལ་རཾ་ཨགྣེ་བྷི་ཛྭ་ལ་རཾ་ཁ་ཁ་ཁཱ་ཧི་ཁཱ་ཧི༔ རིམ་བཞིན་འགྲེ་སྟེ་སྲེག་རྫས་དང་༔ ལིངྒ་ལ་སོགས་རྒྱས་བསྡུས་རྣམས༔ རང་གི་སྐབས་མཐུན་དབུལ་བར་བྱ༔ བསྟོད་པ་ནི༔ ཧཱུྃ༔ དྲང་སྲོང་རྒྱལ་པོ་འབྱུང་བ་མེ་ཡི་ལྷ༔ སྐུ་མདོག་དམར་ནག་འཁྲུག་པ་མེ་ཡི་སྐུ༔ སྐུ་ལས་མེ་འོད་ཚྭ་ཚྭ་ཤ་ར་ར༔ དུས་མཐའི་མེ་ལྟར་འཚིག་ཅིང་ཁམས་གསུམ་གཡོ༔ དགྲ་བགེགས་བྱད་མ་སྲེག་མཛད་ལྷ་ལ་བསྟོད༔ ཅེས་བསྟོད༔ མེ་ཐབ་མི་དམིགས་མེ་ལྷ་ཡི༔ ལྟོ་བ་ཡངས་ཤིང་རྒྱ་ཆེའི་ཀློང་༔ ལྷ་ཚོགས་སྐུ་མདོག་དམར་པོ་འམ༔ ནག་པོ་རང་གི་གང་བདེར་བསྒྱུར༔ སྤྱན་འདྲེན་བཞུགས་གསོལ་ཕྱག་གིས་མཆོད༔ ཚིགས་སུ་བཅད་པ་བརྗོད་པའི་མཐར༔ དྲག་པོའི་སྲེག་རྫས་ལིངྒ་རྣམས༔ བརྒྱ་རྩའམ་ནི་སྟོང་གིས་འབུལ༔ རྩ་སྔགས་ཡོངས་སུ་རྫོགས་པའི་མཐར༔ བྱད་མ་དགྲ་བགེགས་ཆེ་གེ་འདི་ཞེས་པའི་ཤ་ཁྲག་དབང་པོ་དོན་སྙིང་ལྔ་དང་བཅས་པ་ལ་ཁཱ་ཧི་རཾ་རཾ༔ བསད་སྔགས་བརྗོད༔ བསྟོད་པས་བསྟོད་ཅིང་གཉེར་བྱང་གཏད༔ སྨྲ་བཅད་སྔགས་དམིགས་གནད་དུ་གཟིར༔ ཡེ་ཤེས་པ་གཤེགས་དགེ་བ་བསྔོ༔ མེ་ལྷ་གཏང་རག་མཆོད་བསྟོད་གཤེགས༔ ཐལ་བ་མཆོད་རྟེན་ལྷ་ཁང་ཞབས༔ ཡང་ན་ལུང་གསུམ་འདུས་མདོར་མནན༔ ས་མ་ཡཱ༔ རྒྱ་རྒྱ་རྒྱ༔ དབང་དང་དྲག་པོའི་འཕྲིན་ལས་ཀྱི༔ སྲེག་པ་མེ་ཡི་ལས་མཐའ་འདི༔ ཡི་གེའི་རིས་བཏབ་གཏེར་དུ་བཅོལ༔ ལན་ཅིག་དུས་ཀྱི་ཐ་མ་ལ༔ དགེ་དང་མི་དགེ་འཆོལ་བར་སྤྱོད༔ ཆོས་སྤྱིའི་བྱིན་རླབས་ཕལ་ཆེར་ཡལ༔ སྲུང་མ་ཕལ་ཆེར་མཐུ་རྡུགས་ཚེ༔ ཟབ་ཆོས་གསང་བའི་མན་ངག་འདིས༔ བསྟན་འགྲོའི་བདེ་བ་བསྐྲུན་པ་ཡོང་༔ གཅེས་སོ་ཡིད་ཀྱིས་བརྣག་པར་མཛོད༔ ལས་འཕྲོ་ཅན་དང་འཕྲད་པར་ཤོག༔ ས་མ་ཡཱ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ ཟབ་རྒྱ༔ རྒྱལ་ཁམས་པ་ཉི་མ་གྲགས་པས་མེ་འབར་ཕུག་ནས་གདན་དྲངས་པའོ། །མངྒ་ལཾ།། །།
དམིགས་པའི་མདེའུ་ཐུང་།
རྟ་མགྲིན་དྲེགས་པ་ཟིལ་གནོན་ལས༔ དམིགས་པའི་མདེའུ་ཐུང་བཞུགས་སོཿ དབང་ཆེན་པདྨའི་ལྷ་ལ་ཕྱག་འཚལ་ལོ༔ དབང་ཆེན་དྲེགས་པ་ཟིལ་གནོན་གྱི་བསད་ལས་དམིགས་པའི་མདེའུ་ཐུང་རང་ཉིད་པདྨ་དབང་ཆེན་གྱི་བསྐྱེད་རིམ་རབ་ཏུ་བརྟན་པ༔ གསལ་བ་གཟི་བརྗིད་དང་ལྡན་པ༔ དཔའ་ལ་འཇིགས་པ་སྒེག་པའི་ཉམས་དང་ལྡན་པའི་མདུན་དུ་གནམ་ལྕགས་ཀྱི་ཁང་སྒྲོམས་མེ་འབར་ཞིང་སྒོ་མེད་པ་ཚ་ལ་རྩུབ་ཅིང་འཇིགས་སུ་རུང་བ་སྐྱི་བུང་ཞིང་ཡ་ང་བའི་ནང་དུ་ནྲི་ལས་སྐྱེས་པའི་བྱད་མ་ཆེ་གེ་ཉིད་ལྷན་ཅིག་སྐྱེས་པའི་ལྷ་དང་ལྷན་ཅིག་སྐྱེས་པའི་འདྲེ་གཉིས་འཐབ་ཅིང་འཁྲུགས་ནས་འདོད་ཆགས་ཀྱི་རྦ་ཀློང་འཁྲུགས་པའི་སྦལ་པ་ལྟོ་སྦྱོར་གྱི་བར་དུ་གཟུགས་བྱད་ངན་ཅིང་མྱ་ངན་ཀྱི་འོ་དོད་ཙེར་ཙེར་འབོད་པ་གཅིག་ཏུ་གསལ༔ དེའི་སྟེང་དུ་གནམ་ལྕགས་ཀྱི་མཆོད་རྟེན་བང་རིམ་དགུ་པ་རྒྱ་ཁྱོན་སྟོང་གསུམ་དང་མཉམ་པར་འོད་ནག་པོའི་གུར་ཁང་གིས་བསྒྲིབས་པའི་བུམ་པའི་ནང་དུ་ལྷ་ཆེན་ཡབ་ཡུམ་སྲས་གསུམ་དྲག་ཏུ་ཁྲོས་པའི་མཐའ་སྐོར་དུ་སྡེ་བརྒྱད་དེ་ཕྱིའི་ལྷ་མ་སྲིན་སྡེ་བརྒྱད་ནང་གི་ལྷ་མ་སྲིན་སྡེ་བརྒྱད༔ གསང་བའི་ལྷ་མ་སྲིན་སྡེ་བརྒྱད་ལས་མྱུར་མགྱོགས་ཀྱི་ལྷ་མ་སྲིན་སྡེ་བརྒྱད་དྲག་པོ་སྔགས་ཀྱི་ལྷ་མ་སྲིན་སྡེ་བརྒྱད༔ བསྟན་པ་བསྲུང་བའི་ལྷ་མ་སྲིན་སྡེ་བརྒྱད་དང་ལྷ་སྲིན་འབུམ་སྡེའི་དྲྭ་བ་ར་བར་གསལ་བ་ཐམས་ཅད་བརྔམ་ཞིང་འབར་ཏེ་འཁོར་བའི་འོད་ཟེར་བྱད་མ་ལ་ཕོག་པས་མ་བཟོད་ཅིང་ཁོ་དུག་ལྔ་འབར་བའི་རླངས་པ་ལྷ་ཆེན་ཡབ་ཡུམ་དང་དྲེགས་པ་སྡེ་བརྒྱད་རྣམས་ལ་ཕོག་པས་དྲག་ཏུ་ཁྲོས་ཏེ་མཚོན་ཆ་དུག་རླངས་ནད་ཡམས་ཐན་ལྟས་སྣ་ཚོགས་ཀྱི་ཆར་དྲག་ཏུ་གཡོས་པ་ཁོའི་ཆོས་སྐྱོང་ལ་ཕོག༔ དེས་ཀྱང་མ་བཟོད་ནས་ཁོའི་རྣམ་སྨིན་ལས་བྱུང་བ་ཤེས་ཏེ་རང་དབང་མེད་པར་ཤ་ཟོས་ཁྲག་འཐུངས་རུས་པ་མུར་སྲོག་བཅད་རྡུལ་དུ་བརླག་པར་བསྒོམས༔ སྦལ་བ་ལྟོ་སྦྱོར་དེ་གཉིས་ཀྱང་ཁོའི་ལྷན་ཅིག་སྐྱེས་པའི་ལྷ་དང་འདྲེ་གཉིས་ཁྲོས་ནས་རང་གཤེད་རང་ལ་དབབས་ཏེ་ཤ་ཟོས་ཁྲག་འཐུངས་ཡན་ལག་རྣམས་ནས་གཤེད་མ་ཐམས་ཅད་ཀྱིས་ཟོས་ཤིང་མུར་བས་ཁོའི་དབང་པོ་རྣམ་ལྔ་ནག་ཐིབ་ཐིབ་ཏུ་བཏང་སྟེ་སེམས་མར་མེ་འཆི་ཀའི་འོད་ཙམ་པ་དེ་བསད་ཁོའི་སྙིང་ནང་དུ་གནམ་ལྕགས་ཀྱི་འཁོར་ལོ་དང་ཆུ་ཟངས་ཀྱི་འཁོར་ལོ་གཉིས་ལྷ་ཆེན་ཡབ་ཡུམ་ཁྲོས་པའི་སྟོབས་ལས་བྱུང་ཞིང་གཡས་གཡོན་དུ་འཁོར་བས་དོན་སྙིང་རྣམས་དམར་ཕྲུ་ལུ་ལུ་གཏུབས་ཤིང་འཁོར་ལོའི་རྩིབས་རྣམས་སུ་སྡེ་བརྒྱད་མི་བསྲུན་པ་མང་པོས་ནད་མཚོན་གྱི་ཆར་ཕབ་རྡུལ་དུ་བརླག་པར་བསྒོམས་ཤིང་བསད་སྔགས་ལ་འབད༔ བསད་པ་དམིགས་པའི་མདེའུ་ཐུང་༔ ས་མ་ཡཱ༔ རྒྱ་རྒྱ་རྒྱ༔ ཁྱད་པར་དུ་ཁོ་རང་གིས་ཐབས་དང་བཟློག་བསད་ཀྱི་ལས་བྱས་པ་ཐམས་ཅད་ལས་ཀྱི་མཐའ་ལོག་སྟེ་ཁོ་རང་གི་རང་གཤེད་རང་ལ་བབས་ཏེ་དུག་མཚོན་ལྷ་འདྲེ་མ་རུངས་པ་དུག་སྦྲུལ་གནམ་ལྕགས་ཀྱི་སྡིག་པ། བྱ་ཤ་ཟན། གཅན་ཁྲག་འཐུང་མང་པོར་གྱུར་ཏེ་རྡུལ་དུ་བརླགས། བདུད་བཞི་གཤེད་དུ་གྱུར་ཁོ་རང་གི་སྔགས་ནུས་ཐམས་ཅད་ཁ་ནས་འོད་རླངས་དུ་འཁྲུག་པ་རྡོ་རྗེ་རྒྱ་གྲམ་གྱིས་འདན་པས་ཁོ་རང་གི་ཁོག་པར་འཁྲུག་རང་གཤེད་དུ་བབས་ཁྱད་པར་དུ་ཡང་ཁོ་རང་གི་ཡི་དམ་ཆོས་སྐྱོང་གང་ཡིན་པ་དེ་དྲག་ཏུ་ཁྲོས་ཞེ་སྡང་མེ་ལྟར་འབར་ནས་སྲོག་བཅད་ཤ་ཟོས་ཁྲག་ལ་རོལ་བར་བསྒོམ་པ་བཟློག་བསད་སྦྲེལ་བའི་དམིགས་པའི་མདེའུ་ཐུང་༔ ས་མ་ཡཱ༔ རྒྱ་རྒྱ་རྒྱ༔ འདི་ནི་ཤིན་ཏུ་ཟབ་པའི་ཡིག་ཆུང་སྟེ༔ ཕག་ཏུ་སྦོས་ཤིག་དམ་མེད་རྣམས་ལ་རྒྱ༔ ལས་འཕྲོ་ལྡན་པའི་བུ་དང་འཕྲད་པར་ཤོག༔ ས་མ་ཡཱ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ ཟབ་རྒྱ༔ གསང་རྒྱ༔ ས་མ་ཡཱ༔ རྒྱ་རྒྱ་རྒྱ༔ རྒྱལ་ཁམས་པ་ཉི་མ་གྲགས་པས་གནས་མཆོག་ཆེན་པོ་ཁམས་སྲིང་མོ་རྫོང་གི་ནུབ་སྒོ་མེ་འབར་ཕུག་ནས་གདན་དྲངས་ཤིང་ཤོག་སེར་ལས་བསྒྱུར་བའོ། མངྒ་ལཾ།། །།
གཏོར་སྒྲུབ་བཟློག་པའི་རིམ་པ།
རྟ་མགྲིན་དྲེགས་པ་ཟིལ་གནོན་ལས༔ གཏོར་སྒྲུབ་བཟློག་པའི་རིམ་པ་བཞུགས་སོཿ པདྨ་དབང་གི་ལྷ་ལ་ཕྱག་འཚལ་བསྟོད༔ མ་འོངས་དུས་ངན་བཞི་བཅུ་ཁ་རལ་ཚེ༔ ལྷ་འདྲེ་མི་གསུམ་དུག་ཆུ་ལྟ་བུར་ཁོལ༔ མི་དགེའི་བདེན་འབྲས་འགྲོ་བའི་ཁམས་ལ་སྨིན༔ ཚེ་བསོད་མངའ་ཐང་མར་མར་བྲི་བའི་དུས༔ ནད་མུག་མཚོན་གསུམ་བསྐལ་པའི་མེ་ལྟར་འབར༔ གློ་བུར་ཡེ་འབྲོག་བར་ཆད་རླུང་ལྟར་འཚུབ༔ ཆོས་ལྡན་སྐྱེས་བུ་ཕལ་ཆེར་བར་ཆད་འཁྱེར༔ བྱང་ཁམས་སྣ་བརྒྱད་བོད་ཡུལ་ཐགས་ལྟར་བྲན༔ བོད་འབངས་འགྲོ་བ་མཐའ་མིའི་ཁོལ་པོར་འགྱུར༔ ལུས་ཆས་མི་གཅིག་སྣང་བར་གང་དྲན་བྱེད༔ ཁྱིམ་ཚང་གཅིག་ཀྱང་སྐད་བརྡ་མི་གཅིག་མང་༔ དེ་ཚེ་ངན་སྤྱོད་སྣ་ཚོགས་དུག་ཏུ་གཡོ༔ རབ་བྱུང་རྣམས་ཀྱང་རྒྱལ་འགོང་གདོན་གྱིས་འཁྱེར༔ དམག་ལས་ཁྲིམས་གཅོད་འདུལ་ཁྲིམས་སྡོམ་པས་དབེན༔ རྒྱལ་འབངས་འཕན་ཕྱུག་སྙིང་ལ་བསེ་རགས་འཇུག༔ སེར་སྣའི་འཇུར་བུ་ཡི་དྭགས་ཚུལ་དང་མཚུངས༔ འགོང་པོ་སྤུན་དགུ་འཛམ་གླིང་མཁའ་ལ་རྒྱུ༔ སྐྱེ་འགྲོ་ཀུན་གྱི་ཁྱབ་བྱེད་འཁོར་ལོར་ཞུགས༔ ཐོས་བསམ་མི་དགོས་འཕུང་ཚིག་ཕུ་དུད་ལྡིར༔ བཀའ་ཁྲིམས་འགལ་བའི་ཉམས་ཅན་ལ་ལུང་ཁེངས༔ སློབ་དཔོན་སློབ་མ་ཕལ་ཆེར་དམ་སེལ་གཡོ༔ ཆོས་སྤྱིའི་བྱིན་རླབས་ཆ་གསུམ་ཡ་གཉིས་ཉམས༔ ས་གཡོ་རི་ཉིལ་འབྱུང་བཞིའི་གཡོས་རྣམས་མང་༔ མི་འདོད་སྣ་ཚོགས་འགྲོ་ལ་འབྱུང་བའི་ཚེ༔ ད་ལྟའི་དམ་ཆོས་གསང་སྔགས་ཐེག་པ་འདིས༔ སྐལ་ལྡན་འགའ་ཡི་དོན་ཆེན་འབྱུང་བར་འགྱུར༔ ས་མ་ཡཱ༔ རྒྱ་རྒྱ་རྒྱ༔ དེ་ཡང་མ་འོངས་དུས་ངན་ཤར་བའི་ཚེ༔ བསྙེན་སྒྲུབ་ཐེམས་པའི་བྱང་སེམས་རྣལ་འབྱོར་པས༔ ནད་མཚོན་མུ་གེ་བར་ཆད་བཟློག་འདོད་ན༔ དུར་ཁྲོད་དམ་ནི་ཡང་ན་དྲག་པོའི་གནས༔ ལུང་ནས་བཤད་པའི་གནས་སོགས་གང་བབས་སུ༔ ས་གཡོས་ཉི་ཟླ་གཟས་ཟིན་དགུ་མཚམས་སོགས༔ འཕུང་གསུམ་ཉི་མ་དྲག་པོའི་འགྲུབ་སྦྱོར་ལ༔ ཞིང་ཆེན་པགས་པ་གཅལ་དུ་བཀྲམ་པའི་སྟེང་༔ ཐིག་གདབ་མ་ཏྲཾ་ལྟོ་བར་འཁོར་ལོ་ནི༔ ལྟེ་བ་ཟླུམ་པོ་ཟླ་གམ་ཁ་སྦྱོར་དམར༔ ཕྱི་རིམ་རྩིབས་བཞི་ལྷ་ཡི་མདོག་མཚུངས་བཅད༔ དེ་ཕྱིར་རྩིབས་བརྒྱད་སྡེ་བརྒྱད་མདོག་ལྟར་བསྒྱུར༔ ཐོད་པའི་ར་བ་རྡོ་རྗེ་མེ་རིས་བསྐོར༔ ཁྲོའམ་ཟངས་ལྕགས་གང་རུང་སྣོད་ནང་དུ༔ འབྲུ་ནག་ཕྱེ་ལ་དཔལ་བཤོས་ཁྲུ་གང་ངམ༔ ཡང་ན་མདའ་གང་ལྷ་གྲངས་གཏོར་མས་བསྐོར༔ ཤ་དུམ་ཨུག་སྐྱུ་ཤ་སྣ་ལིངྒ་དང་༔ ཕྱག་གི་རྩང་དང་འཚེ་དང་ཡུངས་ཀར་གཟུག༔ ལྷ་ཚོགས་ཙཀ་ལི་ཁྱུང་སྐུ་དར་གདུགས་བརྒྱན༔ རྩང་གིས་མཐའ་བརྒྱན་ཞིང་གི་རྒྱུ་མས་དཀྲི༔ རྩང་དང་ཁྱུང་སྐུར་བཟློག་བྱང་ཤམ་བུ་བསྒྱུར༔ དཀྱིལ་འཁོར་དབུས་སུ་ཁྲིའུ་ཁར་འགོད་ཅིང་༔ སྨན་རག་གྷ་ན་རྣམ་ལྔའི་པཱུ་ཙ་བཤམས༔ དཀར་ཕྱོགས་མཆོད་ཅིང་ནག་ཕྱོགས་སྔགས་ཀྱིས་སྦྱངས༔ ལས་ཀྱི་གཞུང་བསྲང་བསྙེན་སྒྲུབ་ཏིང་འཛིན་གསལ༔ ཚོགས་ཀྱི་འཁོར་ལོས་བསྐང་ཞིང་དགྲ་བགེགས་བསྒྲལ༔ ཤ་ཁྲག་ཞལ་དུ་སྟབ་ཅིང་རྔམ་སྟབས་བསྒྱུར༔ བཟློག་པའི་འཕྲིན་ལས་བཅོལ་བ་འདི་སྐད་དོ༔ ཧཱུྃ་བྷྱོ༔ བཅོམ་ལྡན་དཔལ་ཆེན་པདྨ་ཧེ་རུ་ཀ༔ གཉིས་མེད་ཡུམ་ཆེན་རྡོ་རྗེ་རྣལ་འབྱོར་མ༔ སྐུ་མདོག་དམར་པོ་བསྐལ་བའི་མེ་ལྟར་འབར༔ ཕྱག་མཚན་འཇིགས་པའི་མཚོན་ཆས་དགྲ་བགེགས་འཇོམས༔ ཞབས་གཉིས་དོར་སྟབས་པདྨ་ཉི་ཟླ་དང་༔ དྲེགས་ཆེན་བསྒྲལ་བའི་གདན་ལ་བརྗིད་པར་འགྱིང་༔ དུར་ཁྲོད་ཆས་བརྒྱད་སྐུ་ཡི་རྒྱན་དུ་སྤྲས༔ དཔལ་གྱི་ཆས་བཅུ་འོད་དུ་འཚེར་བས་བརྒྱན༔ བརྔམས་ལ་བརྗིད་ལྡན་ཁྲག་འཐུང་ཁྲོ་བོའི་རྒྱལ༔ ཆོས་ཀྱི་དབྱིངས་ནས་འབར་བའི་ཚུལ་གྱིས་བཞེངས༔ ཁྲག་འཐུང་གནས་ནས་དྲག་པོའི་ཤུགས་ཀྱིས་སྐྱོད༔ དུག་གསུམ་བསྒྲལ་བའི་དགྲ་བགེགས་ཤ་ཁྲག་བཞེས༔ ཐུགས་དམ་དབྱིངས་ནས་བསྐུལ་ལོ་འཕྲིན་ལས་མཛོད༔ ཧཱུྃ༔ དབང་ཆེན་དྲེགས་པ་ཟིལ་གནོན་ཡབ་ཡུམ་གྱི༔ བརྗིད་པའི་སྟོབས་ཀྱིས་བྱད་མ་རྦོད་གཏོང་ཟློག༔ ལྷ་ཡིས་དམོད་པའི་བྱད་མ་རྦོད་གཏོང་ཟློག༔ ཀླུ་ཡིས་དམོད་པའི་བྱད་མ་རྦོད་གཏོང་ཟློག༔ གཤིན་རྗེས་དམོད་པའི་བྱད་མ་རྦོད་གཏོང་ཟློག༔ གཟའ་ཡིས་དམོད་པའི་བྱད་མ་རྦོད་གཏོང་ཟློག༔ བཙན་གྱིས་དམོད་པའི་བྱད་མ་རྦོད་གཏོང་ཟློག༔ ཐེའུ་རང་དམོད་པའི་བྱད་མ་རྦོད་གཏོང་ཟློག༔ བདུད་ཀྱིས་དམོད་པའི་བྱད་མ་རྦོད་གཏོང་ཟློག༔ མ་མོས་དམོད་པའི་བྱད་མ་རྦོད་གཏོང་ཟློག༔ ནང་པ་ཆོས་ཀྱི་བྱད་མ་རྦོད་གཏོང་ཟློག༔ ཕྱི་བ་མུ་སྟེགས་བྱད་མ་རྦོད་གཏོང་ཟློག༔ བནྡྷེས་དམོད་པའི་བྱད་མ་རྦོད་གཏོང་ཟློག༔ བོན་པོས་དམོད་པའི་བྱད་མ་རྦོད་གཏོང་ཟློག༔ ཕྲ་མེན་མཁན་གྱི་བྱད་མ་རྦོད་གཏོང་ཟློག༔ ཕུང་བཤིག་མཁན་གྱི་བྱད་མ་རྦོད་གཏོང་ཟློག༔ སེལ་དང་ངན་སྔགས་བྱད་མ་རྦོད་གཏོང་ཟློག༔ འཕུང་འདྲེ་ཉི་ཤུའི་བྱད་མ་རྦོད་གཏོང་ཟློག༔ བསྐོར་བ་རླུང་གི་བྱད་མ་རྦོད་གཏོང་ཟློག༔ བསྲེག་པ་མེ་ཡི་བྱད་མ་རྦོད་གཏོང་ཟློག༔ མནན་གཏད་ས་ཡི་བྱད་མ་རྦོད་གཏོང་ཟློག༔ ཀླུ་གཏད་ཆུ་ཡི་བྱད་མ་རྦོད་གཏོང་ཟློག༔ ཀླ་ཀློས་དམོད་པའི་བྱད་མ་རྦོད་གཏོང་ཟློག༔ བཟློག་སྔགས་འདོན་གཡབ་འདོར་ཐལ་མོ་བརྡེབ་དམོད་བཅོལ༔ སཱ་མཱ་ཡཱ༔ རྒྱ་རྒྱ་རྒྱ༔ དེ་ནས་རྟ་མགྲིན་རིགས་ལྔ་ལ་བཟློག་པའི་འཕྲིན་ལས་བཅོལ་བ་ནི༔ དགྲ་བགེགས་ལིངྒར་འགུགས་བསྟིམ་བསྒྲལ་ཞིང་གཏོར་མར་འབུལ་དམར་སྦྲེངས་བཟློག་པའི་སྔགས་དམིགས་གཟིར་ཞིང་འདི་སྐད་དོ༔ ཧཱུྃ་བྷྱོ༔ སྤྱི་གཙུག་བདེ་བ་ཆེན་པོའི་ཕོ་བྲང་ནས༔ སྐུ་ཡི་སྤྲུལ་པའི་རྟ་ཕག་ཡབ་ཡུམ་འབུམ༔ མགྲིན་པ་ལོངས་སྤྱོད་འཁོར་ལོའི་ཕོ་བྲང་ནས༔ གསུང་གི་སྤྲུལ་པའི་རྟ་ཕག་ཡབ་ཡུམ་འབུམ༔ སྙིང་ག་ཆོས་ཀྱི་འཁོར་ལོའི་གཞལ་ཡས་ནས༔ ཐུགས་ཀྱི་སྤྲུལ་པའི་རྟ་ཕག་ཡབ་ཡུམ་འབུམ༔ ལྟེ་བ་སྤྲུལ་པའི་འཁོར་ལོའི་གཞལ་ཡས་ནས༔ ཡོན་ཏན་སྤྲུལ་པའི་རྟ་ཕག་ཡབ་ཡུམ་འབུམ༔ གསང་གནས་བདེ་བ་ཆེན་པོའི་ཕོ་བྲང་ནས༔ འཕྲིན་ལས་སྤྲུལ་པའི་རྟ་ཕག་ཡབ་ཡུམ་འབུམ༔ སྐུ་ནི་གར་དགུའི་ཉམས་ལྡན་ཤིགས་སེ་ཤིག༔ གསུང་གིས་བཟློག་སྔགས་སྒྲ་སྐད་ཆེམས་སེ་ཆེམ༔ ཐུགས་སྤྲུལ་ཁྲོ་བོ་ཁྲོ་མོས་སྟོང་གསུམ་གཡོ༔ དབང་ཆེན་རྟ་སྐད་ཚོགས་ནི་ཙེ་རེ་རེ༔ ཕག་ཞལ་མང་པོའི་ངུར་སྒྲ་དི་རི་རི༔ དུག་གསུམ་བསྒྲལ་བའི་དགྲ་བགེགས་ཤ་ཁྲག་བཞེས༔ ཐུགས་དམ་དབྱིངས་ནས་བསྐུལ་ལོ་འཕྲིན་ལས་མཛོད༔ ཧཱུྃ༔ དབང་ཆེན་རྟ་ཕག་ཡབ་ཡུམ་རིགས་ལྔ་འབུམ༔ གར་དགུའི་སྟོབས་ཀྱིས་བྱད་མ་རྦོད་གཏོང་ཟློག༔ ལྷ་ཡིས་དམོད་པའི་བྱད་མ་རྦོད་གཏོང་ཟློག༔ ཀླུ་ཡིས་དམོད་པའི་བྱད་མ་རྦོད་གཏོང་ཟློག༔ གཤིན་རྗེས་དམོད་པའི་བྱད་མ་རྦོད་གཏོང་ཟློག༔ གཟའ་ཡིས་དམོད་པའི་བྱད་མ་རྦོད་གཏོང་ཟློག༔ བཙན་གྱིས་དམོད་པའི་བྱད་མ་རྦོད་གཏོང་ཟློག༔ ཐེའུ་རང་དམོད་པའི་བྱད་མ་རྦོད་གཏོང་ཟློག༔ བདུད་ཀྱིས་དམོད་པའི་བྱད་མ་རྦོད་གཏོང་ཟློག༔ མ་མོས་དམོད་པའི་བྱད་མ་རྦོད་གཏོང་ཟློག༔ ནང་པ་ཆོས་ཀྱི་བྱད་མ་རྦོད་གཏོང་ཟློག༔ ཕྱི་པ་མུ་སྟེགས་བྱད་མ་རྦོད་གཏོང་ཟློག༔ བནྡྷེས་དམོད་པའི་བྱད་མ་རྦོད་གཏོང་ཟློག༔ བོན་པོས་དམོད་པའི་བྱད་མ་རྦོད་གཏོང་ཟློག༔ ཕྲ་མེན་མཁན་གྱི་བྱད་མ་རྦོད་གཏོང་ཟློག༔ འཕུང་བཤིག་མཁན་གྱི་བྱད་མ་རྦོད་གཏོང་ཟློག༔ སེལ་དང་ངན་སྔགས་བྱད་མ་རྦོད་གཏོང་ཟློག༔ འཕུང་འདྲེ་ཉི་ཤུའི་བྱད་མ་རྦོད་གཏོང་ཟློག༔ བསྐོར་བ་རླུང་གི་བྱད་མ་རྦོད་གཏོང་ཟློག༔ བསྲེག་པ་མེ་ཡི་བྱད་མ་རྦོད་གཏོང་ཟློག༔ མནན་གཏད་ས་ཡི་བྱད་མ་རྦོད་གཏོང་ཟློག༔ ཀླུ་གཏད་ཆུ་ཡི་བྱད་མ་རྦོད་གཏོང་ཟློག༔ ཀླ་ཀློས་དམོད་པའི་བྱད་མ་རྦོད་གཏོང་ཟློག༔ བཟློག་སྔགས་འདོན་གཡབ་འདོར་ཐལ་མོ་བརྡེབ་དམོད་བཅོལ༔ ས་མ་ཡཱ༔ རྒྱ་རྒྱ་རྒྱ༔ དེ་ནས་ཧེ་རུ་ཀལ་བཟློག་པའི་འཕྲིན་ལས་བཅོལ་བ་ནི༔ དགྲ་བགེགས་ལིངྒར་འགུགས་བསྟིམ་བསྒྲལ་ཞིང་གཏོར་མར་འབུལ༔ དམར་སྦྲེེངས་བཟློག་པའི་སྔགས་དམིགས་བསྒྱུར་ཞིང་འདི་སྐད་དོ༔ ཧཱུྃ་བྷྱོ༔ ཐབས་ཀྱི་རོལ་པ་གཡས་ཀྱི་ད་ལ་ནས༔ ལྷ་ཆེན་དྲག་པོ་སྟོབས་ལྡན་ཧེ་རུ་ཀ༔ ནག་པོ་ཆེན་པོ་ཐོག་སེར་ཚ་ཚ་འཕྲོ༔ དུག་སྦྲུལ་ནག་པོའི་ཆུན་པོ་ཉི་ལི་ལི༔ ཕྱག་གཡས་གནམ་ལྕགས་འཁོར་ལོ་རྩིབས་སྟོང་བསྐོར༔ བན་བོན་བྱད་མའི་སྟེང་དུ་ཀྱི་ལི་ལི༔ ཕྱག་གཡོན་སྣ་ཚོགས་དུག་མཚོན་ཆར་པ་འབེབས༔ བན་བོན་བྱད་མའི་སྟེང་དུ་ཉི་ལི་ལི༔ གསུང་ལས་བཟློག་སྔགས་ལྗགས་ལས་གློག་དམར་འཁྱུག༔ དུག་གསུམ་བསྒྲལ་བའི་དགྲ་བགེགས་ཤ་ཁྲག་བཞེས༔ ཐུགས་དམ་དབྱིངས་ནས་བསྐུལ་ལོ་འཕྲིན་ལས་མཛོད༔ ཧཱུྃ༔ སྲིད་གསུམ་མངའ་བདག་ཆེ་བཙན་ཧེ་རུ་ཀ༔ འབར་བའི་སྟོབས་ཀྱིས་བྱད་མ་རྦོད་གཏོང་ཟློག༔ ལྷ་ཡིས་དམོད་པའི་བྱད་མ་རྦོད་གཏོང་ཟློག༔ ཀླུ་ཡིས་དམོད་པའི་བྱད་མ་རྦོད་གཏོང་ཟློག༔ གཤིན་རྗེས་དམོད་པའི་བྱད་མ་རྦོད་གཏོང་ཟློག༔ གཟའ་ཡིས་དམོད་པའི་བྱད་མ་རྦོད་གཏོང་ཟློག༔ བཙན་གྱིས་དམོད་པའི་བྱད་མ་རྦོད་གཏོང་ཟློག༔ ཐེའུ་རང་དམོད་པའི་བྱད་མ་རྦོད་གཏོང་ཟློག༔ བདུད་ཀྱིས་དམོད་པའི་བྱད་མ་རྦོད་གཏོང་ཟློག༔ མ་མོས་དམོད་པའི་བྱད་མ་རྦོད་གཏོང་ཟློག༔ ནང་པ་ཆོས་ཀྱི་བྱད་མ་རྦོད་གཏོང་ཟློག༔ ཕྱི་པ་མུ་སྟེགས་བྱད་མ་རྦོད་གཏོང་ཟློག༔ བནྡྷེས་དམོད་པའི་བྱད་མ་རྦོད་གཏོང་ཟློག༔ བོན་པོས་དམོད་པའི་བྱད་མ་རྦོད་གཏོང་ཟློག༔ ཕྲ་མེན་མཁན་གྱི་བྱད་མ་རྦོད་གཏོང་ཟློག༔ འཕུང་བཤིག་མཁན་གྱི་བྱད་མ་རྦོད་གཏོང་ཟློག༔ སེལ་དང་ངན་སྔགས་བྱད་མ་རྦོད་གཏོང་ཟློག༔ འཕུང་འདྲེ་ཉི་ཤུའི་བྱད་མ་རྦོད་གཏོང་ཟློག༔ བསྐོར་བ་རླུང་གི་བྱད་མ་རྦོད་གཏོང་ཟློག༔ བསྲེག་པ་མེ་ཡི་བྱད་མ་རྦོད་གཏོང་ཟློག༔ མནན་གཏད་ས་ཡི་བྱད་མ་རྦོད་གཏོང་ཟློག༔ ཀླུ་གཏད་ཆུ་ཡི་བྱད་མ་རྦོད་གཏོང་ཟློག༔ ཀླ་ཀློས་དམོད་པའི་བྱད་མ་རྦོད་གཏོང་ཟློག༔ བཟློག་སྔགས་འདོན་གཡབ་འདོར་ཐལ་མོ་བརྡེབ་དམོད་བཅོལ༔ སཱ་མཱ་ཡཱ༔ རྒྱ་རྒྱ་རྒྱ༔ དེ་ནས་ཨུ་མ་དྷེ་ཝ་ལ་བཟློག་པའི་འཕྲིན་ལས་བཅོལ་བ་ནི༔ དགྲ་བགེགས་ལིངྒར་འགུགས་བསྟིམ་བསྒྲལ་ཞིང་གཏོར་མར་འབུལ༔ དམར་སྦྲེངས་བཟློག་པའི་སྔགས་དམིགས་གཟིར་ཞིང་འདི་སྐད་དོ༔ ཧཱུྃ་བྷྱོ༔ ཤེས་རབ་རོལ་པ་གཡོན་གྱི་ད་ལ་ནས༔ ཁྲོས་པའི་རྒྱལ་མོ་དྲག་ལྡན་དབང་ཕྱུག་མ༔ ནུ་མ་འཕྱང་ཞིང་བྷ་གའི་ཀློང་ཡངས་ནས༔ ཁྲག་གི་སྦྲང་མ་ནམ་མཁའི་ཆར་ལྟར་འབེབས༔ དམར་ནག་འོད་ཀྱི་ཕོ་ཉ་ཁྱུགས་སེ་ཁྱུག༔ ཕྱག་གཉིས་ཆུ་ཟངས་དམར་པོའི་འཁོར་ལོ་བསྐོར༔ བྱད་མ་དགྲ་བགེགས་སྟེང་དུ་ཀྱི་ལི་ལི༔ སྐུ་ཡི་བ་སྤུའི་འོད་ཀློང་རེ་རེ་ནས༔ ཆུ་ཟངས་གནམ་ལྕགས་ཕུར་པ་གྲངས་མེད་འཕྲོ༔ དགྲ་བགེགས་བྱད་མའི་སྟེང་དུ་ཐམས་སེ་ཐམ༔ དུག་གསུམ་བསྒྲལ་བའི་དགྲ་བགེགས་ཤ་ཁྲག་བཞེས༔ ཐུགས་དམ་དབྱིངས་ནས་བསྐུལ་ལོ་འཕྲིན་ལས་མཛོད༔ ཧཱུྃ༔ སྲིད་གསུམ་དབང་མོ་ཁྲག་འཐུང་གཙོ་མོ་མཆོག༔ ཆགས་པའི་སྟོབས་ཀྱིས་བྱད་མ་རྦོད་གཏོང་ཟློག༔ ལྷ་ཡིས་དམོད་པའི་བྱད་མ་རྦོད་གཏོང་ཟློག༔ ཀླུ་ཡིས་དམོད་པའི་བྱད་མ་རྦོད་གཏོང་ཟློག༔ གཤིན་རྗེས་དམོད་པའི་བྱད་མ་རྦོད་གཏོང་ཟློག༔ གཟའ་ཡིས་དམོད་པའི་བྱད་མ་རྦོད་གཏོང་ཟློག༔ བཙན་གྱིས་དམོད་པའི་བྱད་མ་རྦོད་གཏོང་ཟློག༔ ཐེའུ་རང་དམོད་པའི་བྱད་མ་རྦོད་གཏོང་ཟློག༔ བདུད་ཀྱིས་དམོད་པའི་བྱད་མ་རྦོད་གཏོང་ཟློག༔ མ་མོས་དམོད་པའི་བྱད་མ་རྦོད་གཏོང་ཟློག༔ ནང་པ་ཆོས་ཀྱི་བྱད་མ་རྦོད་གཏོང་ཟློག༔ ཕྱི་པ་མུ་སྟེགས་བྱད་མ་རྦོད་གཏོང་ཟློག༔ བནྡྷེས་དམོད་པའི་བྱད་མ་རྦོད་གཏོང་ཟློག༔ བོན་པོས་དམོད་པའི་བྱད་མ་རྦོད་གཏོང་ཟློག༔ ཕྲ་མེན་མཁན་གྱི་བྱད་མ་རྦོད་གཏོང་ཟློག༔ འཕུང་བཤིག་མཁན་གྱི་བྱད་མ་རྦོད་གཏོང་ཟློག༔ སེལ་དང་ངན་སྔགས་བྱད་མ་རྦོད་གཏོང་ཟློག༔ འཕུང་འདྲེ་ཉི་ཤུའི་བྱད་མ་རྦོད་གཏོང་ཟློག༔ བསྐོར་བ་རླུང་གི་བྱད་མ་རྦོད་གཏོང་ཟློག༔ བསྲེག་པ་མེ་ཡི་བྱད་མ་རྦོད་གཏོང་ཟློག༔ མནན་གཏད་ས་ཡི་བྱད་མ་རྦོད་གཏོང་ཟློག༔ ཀླུ་གཏད་ཆུ་ཡི་བྱད་མ་རྦོད་གཏོང་ཟློག༔ ཀླ་ཀློས་དམོད་པའི་བྱད་མ་རྦོད་གཏོང་ཟློག༔ བཟློག་སྔགས་འདོན་གཡབ་འདོར་ཐལ་མོ་བརྡེབ་དམོད་བཅོལ༔ སཱ་མཱ་ཡཱ༔ དེ་ནས་རཀྴ་ཛ་ལ་ལ་བཟློག་པའི་འཕྲིན་ལས་བཅོལ་བ་ནི༔ དགྲ་བགེགས་ལིངྒར་འགུགས་བསྟིམ་བསྒྲལ་ཞིང་གཏོར་མར་འབུལ༔ དམར་སྦྲེངས་བཟློག་པའི་སྔགས་དམིགས་གཟིར་ཞིང་འདི་སྐད་དོ༔ ཧཱུྃ་བྷྱོ༔ བཀའ་སྡོད་རོལ་པ་མདུན་གྱི་ད་ལ་ནས༔ རཀྴ་ཛ་ལ་ནག་པོ་ཟངས་མཆེ་ཅན༔ སྐུ་མདོག་ཆར་སྤྲིན་ལྟ་བུར་ནག་ལ་བརྔམ༔ དར་ནག་འཇོལ་བེར་དེ་ནི་ལྷུབས་སེ་ལྷུབ༔ བྱད་མའི་སྟེང་དུ་གཏི་མུག་མུན་ལྟར་གཏིབས༔ ཕྱག་གཡས་སྣ་ཚོགས་ཐུན་གྱི་ཆར་ཆེན་འབེབས༔ བྱད་མ་དགྲ་བགེགས་སྟེང་དུ་ཉི་ལི་ལིི༔ ཕྱག་གཡོན་ནད་རིགས་བཞི་བརྒྱ་རྩ་བཞི་འཕྲོ༔ བྱད་མ་དགྲ་བགེགས་སྟེང་དུ་ཐིབས་སེ་ཐིབ༔ གནམ་ལྕགས་ཁྲོ་ཆུང་སྐུ་ལས་སེར་ལྟར་འདྲིལ༔ བྱད་མ་དགྲ་བགེགས་ཤ་རུས་ཁྲུམ་ཁྲུམ་རོལ༔ ལྗགས་ལས་གློག་དམར་བུ་ཡུག་ཁྱུགས་སེ་ཁྱུག༔ བྱད་མ་དགྲ་བགེགས་སྙིང་ཁྲག་ལྗིབས་སེ་ལྗིབ༔ ཞལ་གདངས་ཟངས་མཆེ་དམར་པོ་ཟངས་སེ་ཟང་༔ བྱད་མ་དགྲ་བགེགས་སྙིང་ལ་ཐམས་སེ་ཐམ༔ དུག་གསུམ་བསྒྲལ་བའི་དགྲ་བགེགས་ཤ་ཁྲག་བཞེས༔ ཐུགས་དམ་དབྱིངས་ནས་བསྐུལ་ལོ་འཕྲིན་ལས་མཛོད༔ ཧཱུྃ༔ རབ་འཇིགས་ཁྲོས་པའི་སྲིན་པོ་ཟངས་མཆེ་འབར༔ འཁྲུག་པའི་སྟོབས་ཀྱིས་བྱད་མ་རྦོད་གཏོང་ཟློག༔ ལྷ་ཡིས་དམོད་པའི་བྱད་མ་རྦོད་གཏོང་ཟློག༔ ཀླུ་ཡིས་དམོད་པའི་བྱད་མ་རྦོད་གཏོང་ཟློག༔ གཤིན་རྗེས་དམོད་པའི་བྱད་མ་རྦོད་གཏོང་ཟློག༔ གཟའ་ཡིས་དམོད་པའི་བྱད་མ་རྦོད་གཏོང་ཟློག༔ བཙན་གྱིས་དམོད་པའི་བྱད་མ་རྦོད་གཏོང་ཟློག༔ ཐེའུ་རང་དམོད་པའི་བྱད་མ་རྦོད་གཏོང་ཟློག༔ བདུད་ཀྱིས་དམོད་པའི་བྱད་མ་རྦོད་གཏོང་ཟློག༔ མ་མོས་དམོད་པའི་བྱད་མ་རྦོད་གཏོང་ཟློག༔ ནང་པ་ཆོས་ཀྱི་བྱད་མ་རྦོད་གཏོང་ཟློག༔ ཕྱི་པ་མུ་སྟེགས་བྱད་མ་རྦོད་གཏོང་ཟློག༔ བནྡྷེས་དམོད་པའི་བྱད་མ་རྦོད་གཏོང་ཟློག༔ བོན་པོས་དམོད་པའི་བྱད་མ་རྦོད་གཏོང་ཟློག༔ ཕྲ་མེན་མཁན་གྱི་བྱད་མ་རྦོད་གཏོང་ཟློག༔ འཕུང་བཤིག་མཁན་གྱི་བྱད་མ་རྦོད་གཏོང་ཟློག༔ སེལ་དང་ངན་སྔགས་བྱད་མ་རྦོད་གཏོང་ཟློག༔ འཕུང་འདྲེ་ཉི་ཤུའི་བྱད་མ་རྦོད་གཏོང་ཟློག༔ བསྐོར་བ་རླུང་གི་བྱད་མ་རྦོད་གཏོང་ཟློག༔ བསྲེག་པ་མེ་ཡི་བྱད་མ་རྦོད་གཏོང་ཟློག༔ མནན་གཏད་ས་ཡི་བྱད་མ་རྦོད་གཏོང་ཟློག༔ ཀླུ་གཏད་ཆུ་ཡི་བྱད་མ་རྦོད་གཏོང་ཟློག༔ ཀླ་ཀློས་དམོད་པའི་བྱད་མ་རྦོད་གཏོང་ཟློག༔ བཟློག་སྔགས་འདོན་གཡབ་འདོར་ཐལ་མོ་བརྡེབ་དམོད་བཅོལ༔ སཱ་མཱ་ཡཱ༔ དེ་ནས་གནོད་སྦྱིན་ལ་བཟློག་པའི་འཕྲིན་ལས་བཅོལ་བ་ནི༔ དགྲ་བགེགས་ལིངྒར་འགུགས་བསྟིམ་བསྒྲལ་ཞིང་གཏོར་མར་འབུལ༔ དམར་སྦྲེངས་བཟློག་པའི་སྔགས་དམིགས་གཟིར་ཞིང་འདི་སྐད་དོ༔ ཧཱུྃ་བྷྱོ༔ གཉིས་མེད་རོལ་པ་རྒྱབ་ཀྱི་ད་ལ་ནས༔ གནོད་སྦྱིན་སྡེ་དཔོན་མི་བཟད་ཁྲོ་བོའི་རྒྱལ༔ གར་དགུའི་ཉམས་ལྡན་དྲེགས་པའི་སྤྱི་གཤེད་དཔལ༔ ཧཱུྃ་ཧཱུྃ་སྒྲ་སྒྲོགས་འབྱུང་པོ་གཉལ་ཐག་གཅོད༔ གཡས་ཀྱི་ཕྱག་གིས་རྡོ་རྗེའི་ཐོག་ཆར་འབེབས༔ བྱད་མ་དགྲ་བགེགས་ཐལ་བའི་རྡུལ་བཞིན་བརླག༔ སྡིགས་མཛུབ་རྩེ་ལས་ཁྱུང་ནག་འབུམ་འབུམ་འགྱེད༔ ཀླུ་གཉན་ས་བདག་འབུམ་ཁྲི་ཁྲུམ་ཁྲུམ་རོལ༔ སྦྲུལ་རིགས་ལྔས་བརྒྱན་ཁྲག་འཐུང་གཏུམ་པའི་སྐུ༔ དུག་གསུམ་བསྒྲལ་བའི་དགྲ་བགེགས་ཤ་ཁྲག་བཞེས༔ ཐུགས་དམ་དབྱིངས་ནས་བསྐུལ་ལོ་འཕྲིན་ལས་མཛོད༔ ཧཱུྃ༔ གནོད་སྦྱིན་སྡེ་དཔོན་སྲིད་གསུམ་དྲེགས་པའི་གཙོ༔ སྒེག་པའི་སྟོབས་ཀྱིས་བྱད་མ་རྦོད་གཏོང་ཟློག༔ ལྷ་ཡིས་དམོད་པའི་བྱད་མ་རྦོད་གཏོང་ཟློག༔ ཀླུ་ཡིས་དམོད་པའི་བྱད་མ་རྦོད་གཏོང་ཟློག༔ གཤིན་རྗེས་དམོད་པའི་བྱད་མ་རྦོད་གཏོང་ཟློག༔ གཟའ་ཡིས་དམོད་པའི་བྱད་མ་རྦོད་གཏོང་ཟློག༔ བཙན་གྱིས་དམོད་པའི་བྱད་མ་རྦོད་གཏོང་ཟློག༔ ཐེའུ་རང་དམོད་པའི་བྱད་མ་རྦོད་གཏོང་ཟློག༔ བདུད་ཀྱིས་དམོད་པའི་བྱད་མ་རྦོད་གཏོང་ཟློག༔ མ་མོས་དམོད་པའི་བྱད་མ་རྦོད་གཏོང་ཟློག༔ ནང་པ་ཆོས་ཀྱི་བྱད་མ་རྦོད་གཏོང་ཟློག༔ ཕྱི་པ་མུ་སྟེགས་བྱད་མ་རྦོད་གཏོང་ཟློག༔ བནྡྷེས་དམོད་པའི་བྱད་མ་རྦོད་གཏོང་ཟློག༔ བོན་པོས་དམོད་པའི་བྱད་མ་རྦོད་གཏོང་ཟློག༔ ཕྲ་མེན་མཁན་གྱི་བྱད་མ་རྦོད་གཏོང་ཟློག༔ འཕུང་བཤིག་མཁན་གྱི་བྱད་མ་རྦོད་གཏོང་ཟློག༔ སེལ་དང་ངན་སྔགས་བྱད་མ་རྦོད་གཏོང་ཟློག༔ འཕུང་འདྲེ་ཉི་ཤུའི་བྱད་མ་རྦོད་གཏོང་ཟློག༔ བསྐོར་བ་རླུང་གི་བྱད་མ་རྦོད་གཏོང་ཟློག༔ བསྲེག་པ་མེ་ཡི་བྱད་མ་རྦོད་གཏོང་ཟློག༔ མནན་གཏད་ས་ཡི་བྱད་མ་རྦོད་གཏོང་ཟློག༔ ཀླུ་གཏད་ཆུ་ཡི་བྱད་མ་རྦོད་གཏོང་ཟློག༔ ཀླ་ཀློས་དམོད་པའི་བྱད་མ་རྦོད་གཏོང་ཟློག༔ བཟློག་སྔགས་འདོན་གཡབ་འདོར་ཐལ་མོ་བརྡེབ་དམོད་བཅོལ༔ སཱ་མཱ་ཡཱ༔ རྒྱ་རྒྱ་རྒྱ༔ དེ་ནས་རྒྱལ་པོ་ལ་བཟློག་པའི་འཕྲིན་ལས་བཅོལ་བ་ནི༔ དགྲ་བགེགས་ལིངྒར་འགུགས་བསྟིམ་བསྒྲལ་ཞིང་གཏོར་མར་འབུལ༔ དམར་སྦྲེངས་བཟློག་པའི་སྔགས་དམིགས་གཟིར་ཞིང་འདི་སྐད་དོ༔ ཧཱུྃ་བྷྱོ༔ ཤར་ཕྱོགས་འཁོར་ལོ་འབར་བའི་རྩིབས་སྟེང་ནས༔ ལྷ་ཆེན་ཚངས་པ་སྲིད་གསུམ་སྲོག་གི་བདག༔ སྤྲུལ་པའི་རྒྱལ་པོ་འབུམ་སྡེ་རྡུལ་ལྟར་འཚུབ༔ བྱད་མ་དགྲ་བགེགས་རྡུལ་ཕྲན་བཞིན་དུ་བརླག༔ ཡང་སྤྲུལ་གིང་ཕོ་སྟོང་སྡེ་ཉི་ལི་ལི༔ བྱད་མའི་ཤ་ཟ་ཟླ་ལྟར་ཡ་ལ་ལ༔ ཉིང་སྤྲུལ་སྲིན་མོའི་ཚོགས་ནི་སྤུངས་སེ་སྤུང་༔ བྱད་མའི་ཁྲག་འཐུང་རྐན་སྒྲ་ཐམས་སེ་ཐམ༔ ཉི་ཟླའི་ཟེར་ལ་ཞོན་ནས་གླིང་བཞི་བསྐོར༔ བྱད་མའི་སྟེང་དུ་སྨྱོ་འབོག་བརྒྱལ་ནད་འབེབས༔ མདུང་དར་ཀླད་ལ་སྐོར་བས་མཚོན་ཆར་གཡོ༔ བྱད་མ་དགྲ་བགེགས་སྟེང་དུ་ཤ་ར་ར༔ ཙིཏྟ་ཁྲུམ་ཁྲུམ་བཞེས་པའི་གད་བརྒྱངས་འབར༔ བྱད་མ་དགྲ་བགེགས་དོན་སྙིང་ཇུར་མིད་རོལ༔ སྣ་ཚོགས་ཅིར་ཡང་སྤྲུལ་པའི་ཆོ་འཕྲུལ་ཅན༔ དུག་གསུམ་བསྒྲལ་བའི་དགྲ་བགེགས་ཤ་ཁྲག་བཞེས༔ ཐུགས་དམ་དབྱིངས་ནས་བསྐུལ་ལོ་འཕྲིན་ལས་མཛོད༔ ཧཱུྃ༔ སྲོག་བདག་ཆེན་པོ་བཀའ་ཡི་བྱ་ར་བ༔ བཞད་པའི་སྟོབས་ཀྱིས་བྱད་མ་རྦོད་གཏོང་ཟློག༔ ལྷ་ཡིས་དམོད་པའི་བྱད་མ་རྦོད་གཏོང་ཟློག༔ ཀླུ་ཡིས་དམོད་པའི་བྱད་མ་རྦོད་གཏོང་ཟློག༔ གཤིན་རྗེས་དམོད་པའི་བྱད་མ་རྦོད་གཏོང་ཟློག༔ གཟའ་ཡིས་དམོད་པའི་བྱད་མ་རྦོད་གཏོང་ཟློག༔ བཙན་གྱིས་དམོད་པའི་བྱད་མ་རྦོད་གཏོང་ཟློག༔ ཐེའུ་རང་དམོད་པའི་བྱད་མ་རྦོད་གཏོང་ཟློག༔ བདུད་ཀྱིས་དམོད་པའི་བྱད་མ་རྦོད་གཏོང་ཟློག༔ མ་མོས་དམོད་པའི་བྱད་མ་རྦོད་གཏོང་ཟློག༔ ནང་པ་ཆོས་ཀྱི་བྱད་མ་རྦོད་གཏོང་ཟློག༔ ཕྱི་པ་མུ་སྟེགས་བྱད་མ་རྦོད་གཏོང་ཟློག༔ བནྡྷེས་དམོད་པའི་བྱད་མ་རྦོད་གཏོང་ཟློག༔ བོན་པོས་དམོད་པའི་བྱད་མ་རྦོད་གཏོང་ཟློག༔ ཕྲ་མེན་མཁན་གྱི་བྱད་མ་རྦོད་གཏོང་ཟློག༔ འཕུང་བཤིག་མཁན་གྱི་བྱད་མ་རྦོད་གཏོང་ཟློག༔ སེལ་དང་ངན་སྔགས་བྱད་མ་རྦོད་གཏོང་ཟློག༔ འཕུང་འདྲེ་ཉི་ཤུའི་བྱད་མ་རྦོད་གཏོང་ཟློག༔ བསྐོར་བ་རླུང་གི་བྱད་མ་རྦོད་གཏོང་ཟློག༔ བསྲེག་པ་མེ་ཡི་བྱད་མ་རྦོད་གཏོང་ཟློག༔ མནན་གཏད་ས་ཡི་བྱད་མ་རྦོད་གཏོང་ཟློག༔ ཀླུ་གཏད་ཆུ་ཡི་བྱད་མ་རྦོད་གཏོང་ཟློག༔ ཀླ་ཀློས་དམོད་པའི་བྱད་མ་རྦོད་གཏོང་ཟློག༔ བཟློག་སྔགས་འདོན་གཡབ་འདོར་ཐལ་མོ་བརྡེབ་དམོད་བཅོལ༔ སཱ་མཱ་ཡཱ༔ དེ་ནས་ཀླུ་ལ་བཟློག་པའི་འཕྲིན་ལས་བཅོལ་བ་ནི༔ དགྲ་བགེགས་ལིངྒར་འགུགས་བསྟིམ་བསྒྲལ་ཞིང་གཏོར་མར་འབུལ༔ དམར་སྦྲེངས་བཟློག་པའི་སྔགས་དམིགས་གཟིར་ཞིང་འདི་སྐད་དོ༔ ཧཱུྃ་བྷྱོ༔ ཤར་ལྷོ་འཁོར་ལོ་འབར་བའི་རྩིབས་སྟེང་ནས༔ ཀླུ་བདུད་ནག་པོ་ཀླུ་སྲིན་ཁྲོས་པའི་སྐུ༔ དུག་གསུམ་མེ་འབར་དེ་ནི་ལྷབས་སེ་ལྷབ༔ བྱད་མ་དགྲ་བགེགས་མེ་མཛེས་བུན་བུན་བསྲེགས༔ དུག་ལྔ་འཁྲུག་པའི་དུག་མཚོ་མེ་རེ་རེ༔ བྱད་མ་དགྲ་བགེགས་ཆུ་མཛེའི་རྦ་ལ་གཡེངས༔ དུག་གི་རླངས་པ་མང་པོ་ཕྱུར་རུ་རུ༔ མཛེ་སྐྱའི་རླུང་འཚུབ་བྱད་མའི་སྲོག་དབུག་བསྡུས༔ ཀླུ་གདོན་ས་བདག་འབུམ་ཁྲི་སྐུ་ལས་སྤྲུལ༔ བྱད་མ་དགྲ་བགེགས་ཚོགས་ནི་གཉལ་ཐག་གཅོད༔ སྦལ་སྦྲུལ་སྡོམ་སྡིག་སྤྲུལ་པ་ཡང་སྤྲུལ་འགྱེད༔ མཛེ་རིགས་སྣ་དགུས་བྱད་མ་དགྲ་བགེགས་འཇོམས༔ དུག་གསུམ་བསྒྲལ་བའི་དགྲ་བགེགས་ཤ་ཁྲག་བཞེས༔ ཐུགས་དམ་དབྱིངས་ནས་བསྐུལ་ལོ་འཕྲིན་ལས་མཛོད༔ ཧཱུྃ༔ ཀླུ་ཡི་སྡེ་དཔོན་མྱོས་པ་དབུགས་སྡུད་ཀྱིས༔ འཇིགས་པའི་སྟོབས་ཀྱིས་བྱད་མ་རྦོད་གཏོང་བཟློག༔ ལྷ་ཡིས་དམོད་པའི་བྱད་མ་རྦོད་གཏོང་ཟློག༔ ཀླུ་ཡིས་དམོད་པའི་བྱད་མ་རྦོད་གཏོང་ཟློག༔ གཤིན་རྗེས་དམོད་པའི་བྱད་མ་རྦོད་གཏོང་ཟློག༔ གཟའ་ཡིས་དམོད་པའི་བྱད་མ་རྦོད་གཏོང་ཟློག༔ བཙན་གྱིས་དམོད་པའི་བྱད་མ་རྦོད་གཏོང་ཟློག༔ ཐེའུ་རང་དམོད་པའི་བྱད་མ་རྦོད་གཏོང་ཟློག༔ བདུད་ཀྱིས་དམོད་པའི་བྱད་མ་རྦོད་གཏོང་ཟློག༔ མ་མོས་དམོད་པའི་བྱད་མ་རྦོད་གཏོང་ཟློག༔ ནང་པ་ཆོས་ཀྱི་བྱད་མ་རྦོད་གཏོང་ཟློག༔ ཕྱི་པ་མུ་སྟེགས་བྱད་མ་རྦོད་གཏོང་ཟློག༔ བནྡྷེས་དམོད་པའི་བྱད་མ་རྦོད་གཏོང་ཟློག༔ བོན་པོས་དམོད་པའི་བྱད་མ་རྦོད་གཏོང་ཟློག༔ ཕྲ་མེན་མཁན་གྱི་བྱད་མ་རྦོད་གཏོང་ཟློག༔ འཕུང་བཤིག་མཁན་གྱི་བྱད་མ་རྦོད་གཏོང་ཟློག༔ སེལ་དང་ངན་སྔགས་བྱད་མ་རྦོད་གཏོང་ཟློག༔ འཕུང་འདྲེ་ཉི་ཤུའི་བྱད་མ་རྦོད་གཏོང་ཟློག༔ བསྐོར་བ་རླུང་གི་བྱད་མ་རྦོད་གཏོང་ཟློག༔ བསྲེག་པ་མེ་ཡི་བྱད་མ་རྦོད་གཏོང་ཟློག༔ མནན་གཏད་ས་ཡི་བྱད་མ་རྦོད་གཏོང་ཟློག༔ ཀླུ་གཏད་ཆུ་ཡི་བྱད་མ་རྦོད་གཏོང་ཟློག༔ ཀླ་ཀློས་དམོད་པའི་བྱད་མ་རྦོད་གཏོང་ཟློག༔ བཟློག་སྔགས་འདོན་གཡབ་འདོར་ཐལ་མོ་བརྡེབ་དམོད་བཅོལ༔ སྱ་མྱ་ཡྻཱ༔ དེ་ནས་གཤིན་རྗེ་ལ་བཟློག་པའི་འཕྲིན་ལས་བཅོལ་བ་ནི༔ དགྲ་བགེགས་ལིངྒར་འགུགས་བསྟིམ་བསྒྲལ་ཞིང་གཏོར་མར་འབུལ༔ དམར་སྦྲེངས་བཟློག་པའི་སྔགས་དམིགས་གཟིར་ཞིང་འདི་སྐད་དོ༔ ཧཱུྃ་བྷྱོ༔ ལྷོ་ཕྱོགས་འཁོར་ལོ་འབར་བའི་རྩིབས་སྟེང་ནས༔ གཤིན་རྗེའི་སྡེ་དཔོན་མི་བཟད་འཆོལ་བའི་རྒྱལ༔ འཆི་བདག་སྲོག་གི་གཤེད་མ་ཤ་ར་ར༔ བྱད་མ་དགྲ་བགེགས་དབུགས་ལེན་སྲོག་རྩ་བྲེག༔ སྤྲུལ་པ་ཡང་སྤྲུལ་ཕོ་ཉས་སྟོང་གསུམ་གཡོ༔ བྱད་མ་དགྲ་བགེགས་དྲག་རྩལ་སྟོབས་ཀྱིས་སྒྲོལ༔ གདོན་བགེགས་འབྱུང་པོ་བྲན་དང་ཕོ་ཉར་འགྱེད༔ སྟོང་གསུམ་གཡབ་ཀྱིས་འདོར་ཞིང་རྡུལ་ལྟར་བརླག༔ རྣམ་སྨིན་ལས་ཀྱི་འཁོར་ལོ་ཀྱི་ལི་ལི༔ བྱད་མ་དགྲ་བགེགས་འཁོར་ལོའི་རྩིབས་ལ་བསྐྱོན༔ འཆི་བདག་གཤིན་རྗེའི་ཞགས་པ་ན་ར་ར༔ བྱད་མ་དགྲ་བགེགས་མ་ལུས་ཆིང་ཞིང་སྡོམས༔ དུག་གསུམ་བསྒྲལ་བའི་དགྲ་བགེགས་ཤ་ཁྲག་བཞེས༔ ཐུགས་དམ་དབྱིངས་ནས་བསྐུལ་ལོ་འཕྲིན་ལས་མཛོད༔ ཧཱུྃ༔ ཁྲོས་པའི་རྩལ་ལྡན་ལས་ཀྱི་གཤིན་རྗེའི་གཤེད༔ རྔམ་པའི་སྟོབས་ཀྱིས་བྱད་མ་རྦོད་གཏོང་ཟློག༔ ལྷ་ཡིས་དམོད་པའི་བྱད་མ་རྦོད་གཏོང་ཟློག༔ ཀླུ་ཡིས་དམོད་པའི་བྱད་མ་རྦོད་གཏོང་ཟློག༔ གཤིན་རྗེས་དམོད་པའི་བྱད་མ་རྦོད་གཏོང་ཟློག༔ གཟའ་ཡིས་དམོད་པའི་བྱད་མ་རྦོད་གཏོང་ཟློག༔ བཙན་གྱིས་དམོད་པའི་བྱད་མ་རྦོད་གཏོང་ཟློག༔ ཐེའུ་རང་དམོད་པའི་བྱད་མ་རྦོད་གཏོང་ཟློག༔ བདུད་ཀྱིས་དམོད་པའི་བྱད་མ་རྦོད་གཏོང་ཟློག༔ མ་མོས་དམོད་པའི་བྱད་མ་རྦོད་གཏོང་ཟློག༔ ནང་པ་ཆོས་ཀྱི་བྱད་མ་རྦོད་གཏོང་ཟློག༔ ཕྱི་པ་མུ་སྟེགས་བྱད་མ་རྦོད་གཏོང་ཟློག༔ བནྡྷེས་དམོད་པའི་བྱད་མ་རྦོད་གཏོང་ཟློག༔ བོན་པོས་དམོད་པའི་བྱད་མ་རྦོད་གཏོང་ཟློག༔ ཕྲ་མེན་མཁན་གྱི་བྱད་མ་རྦོད་གཏོང་ཟློག༔ འཕུང་བཤིག་མཁན་གྱི་བྱད་མ་རྦོད་གཏོང་ཟློག༔ སེལ་དང་ངན་སྔགས་བྱད་མ་རྦོད་གཏོང་ཟློག༔ འཕུང་འདྲེ་ཉི་ཤུའི་བྱད་མ་རྦོད་གཏོང་ཟློག༔ བསྐོར་བ་རླུང་གི་བྱད་མ་རྦོད་གཏོང་ཟློག༔ བསྲེག་པ་མེ་ཡི་བྱད་མ་རྦོད་གཏོང་ཟློག༔ མནན་གཏད་ས་ཡི་བྱད་མ་རྦོད་གཏོང་ཟློག༔ ཀླུ་གཏད་ཆུ་ཡི་བྱད་མ་རྦོད་གཏོང་ཟློག༔ ཀླ་ཀློས་དམོད་པའི་བྱད་མ་རྦོད་གཏོང་ཟློག༔ བཟློག་སྔགས་འདོན་གཡབ་འདོར་དམོད་བཅོལ་ཐལ་མོ་བརྡེབ༔ སྱ་མྱ་ཡྻཱ༔ དེ་ནས་གཟའ་ལ་བཟློག་པའི་འཕྲིན་ལས་བཅོལ་བ་ནི༔ དགྲ་བགེགས་ལིངྒར་འགུགས་བསྟིམ་བསྒྲལ་ཞིང་གཏོར་མར་འབུལ༔ དམར་སྦྲེངས་བཟློག་པའི་སྔགས་དམིགས་གཟིར་ཞིང་འདི་སྐད་དོ༔ ཧཱུྃ་བྷྱོ༔ ལྷོ་ནུབ་འཁོར་ལོ་འབར་བའི་རྩིབས་སྟེང་ནས༔ ཀླུ་སྲིན་འཁྲུགས་པའི་དྲང་སྲོང་རཱ་ཧུ་ལ༔ དུག་དང་ནད་རླངས་སྐུ་ལས་ཕྱུ་རུ་རུ༔ བྱད་མའི་སྟེང་དུ་ནད་མཚོན་དུག་རླངས་འཚུབ༔ གཟའ་བརྒྱད་ཕོ་ཉའི་ཚོགས་ནི་ཏ་ལ་ལ༔ ཕྱོགས་བཞི་མཚམས་བརྒྱད་བྱད་མ་ཁ་ཕུང་བརླག༔ རྒྱུ་སྐར་ལས་བྱེད་ཚོགས་ནི་ཤ་ར་ར༔ བྱད་མའི་ལྷ་སྲུང་རང་གཤེད་རང་ལ་ཕོབ༔ ཀླུ་གཉན་སྲིན་ཚོགས་བསྐལ་བའི་རླུང་ལྟར་གཡོ༔ ཕྱོགས་བཅུའི་དགྲ་བགེགས་བྱད་མའི་སྲོག་རྩ་གཅོད༔ མགོ་དགུ་ཁ་གདངས་མཆེ་བ་ཟངས་ཡག་གཏམས༔ བྱད་མ་དགྲ་བགེགས་ཞལ་དུ་ཧྲི་ལི་ལི༔ སྤྱན་སྟོང་འཁྲུག་ཅིང་གཟའ་ནད་སེར་ལྟར་འདྲིལ༔ བྱད་མ་དགྲ་བགེགས་ཐམས་ཅད་དྲུང་ནས་ཕྱུངས༔ ཕྱག་ན་ཐོག་དང་མཚོན་ཆའི་ཆར་པ་འཕྲོ༔ བྱད་མ་དགྲ་བགེགས་སྐད་ཅིག་ཉིད་ལ་སྒྲོལ༔ དུག་གསུམ་བསྒྲལ་བའི་དགྲ་བགེགས་ཤ་ཁྲག་བཞེས༔ ཐུགས་དམ་དབྱིངས་ནས་བསྐུལ་ལོ་འཕྲིན་ལས་མཛོད༔ ཧཱུྃ༔ དྲང་སྲོང་ཆེན་པོ་ལྗང་སྔོན་དྲག་རྩལ་ཅན༔ འབར་བའི་སྟོབས་ཀྱིས་བྱད་མ་རྦོད་གཏོང་ཟློག༔ ལྷ་ཡིས་དམོད་པའི་བྱད་མ་རྦོད་གཏོང་ཟློག༔ ཀླུ་ཡིས་དམོད་པའི་བྱད་མ་རྦོད་གཏོང་ཟློག༔ གཤིན་རྗེས་དམོད་པའི་བྱད་མ་རྦོད་གཏོང་ཟློག༔ གཟའ་ཡིས་དམོད་པའི་བྱད་མ་རྦོད་གཏོང་ཟློག༔ བཙན་གྱིས་དམོད་པའི་བྱད་མ་རྦོད་གཏོང་ཟློག༔ ཐེའུ་རང་དམོད་པའི་བྱད་མ་རྦོད་གཏོང་ཟློག༔ བདུད་ཀྱིས་དམོད་པའི་བྱད་མ་རྦོད་གཏོང་ཟློག༔ མ་མོས་དམོད་པའི་བྱད་མ་རྦོད་གཏོང་ཟློག༔ ནང་པ་ཆོས་ཀྱི་བྱད་མ་རྦོད་གཏོང་ཟློག༔ ཕྱི་པ་མུ་སྟེགས་བྱད་མ་རྦོད་གཏོང་ཟློག༔ བནྡྷེས་དམོད་པའི་བྱད་མ་རྦོད་གཏོང་ཟློག༔ བོན་པོས་དམོད་པའི་བྱད་མ་རྦོད་གཏོང་ཟློག༔ ཕྲ་མེན་མཁན་གྱི་བྱད་མ་རྦོད་གཏོང་ཟློག༔ འཕུང་བཤིག་མཁན་གྱི་བྱད་མ་རྦོད་གཏོང་ཟློག༔ སེལ་དང་ངན་སྔགས་བྱད་མ་རྦོད་གཏོང་ཟློག༔ འཕུང་འདྲེ་ཉི་ཤུའི་བྱད་མ་རྦོད་གཏོང་ཟློག༔ བསྐོར་བ་རླུང་གི་བྱད་མ་རྦོད་གཏོང་ཟློག༔ བསྲེག་པ་མེ་ཡི་བྱད་མ་རྦོད་གཏོང་ཟློག༔ མནན་གཏད་ས་ཡི་བྱད་མ་རྦོད་གཏོང་ཟློག༔ ཀླུ་གཏད་ཆུ་ཡི་བྱད་མ་རྦོད་གཏོང་ཟློག༔ ཀླ་ཀློས་དམོད་པའི་བྱད་མ་རྦོད་གཏོང་ཟློག༔ བཟློག་སྔགས་འདོན་གཡབ་འདོར་ཐལ་མོ་བརྡེབ་དམོད་བཅོལ༔ སྱ་མྱ་ཡྻཱ༔ དེ་ནས་བཙན་ལ་བཟློག་པའི་འཕྲིན་ལས་བཅོལ་བ་ནི༔ དགྲ་བགེགས་ལིངྒར་འགུགས་བསྟིམ་བསྒྲལ་ཞིང་གཏོར་མར་འབུལ༔ དམར་སྦྲེངས་བཟློག་པའི་སྔགས་དམིགས་གཟིར་ཞིང་འདི་སྐད་དོ༔ ཧཱུྃ་བྷྱོ༔ ནུབ་ཕྱོགས་འཁོར་ལོ་འབར་བའི་རྩིབས་སྟེང་ནས༔ བཙན་རྒོད་ཆེན་པོ་དྲག་རྩལ་ཁྲོས་པའི་སྐུ༔ སྤྲུལ་པ་སུམ་བརྒྱ་དྲུག་ཅུ་ཕྱོགས་བཅུར་འགྱེད༔ བྱད་མ་དགྲ་བགེགས་ཁུག་ཅིག་རྡུལ་དུ་རློག༔ བཙན་དམག་འབུམ་ནི་བུ་ཡུག་རླུང་ལྟར་འཚུབ༔ བྱད་མ་དགྲ་བགེགས་ལྔ་ཕུང་རྩད་ནས་ཕྱུངས༔ སྐུ་ལས་མེ་འོད་ཚ་ཚ་ཐོ་རོ་རོ༔ བྱད་མ་དགྲ་བགེགས་བསྲེག་ཅིང་བརླག་པར་མཛོད༔ བཙན་ནད་མེ་འབར་ཀྱལ་ཀ་ཆུ་ལྟར་འཁྲུག༔ བྱད་མ་དགྲ་བགེགས་བསྲེགས་བཀྲུས་རྟེན་དང་ཕྲོལ༔ དུག་གསུམ་བསྒྲལ་བའི་དགྲ་བགེགས་ཤ་ཁྲག་བཞེས༔ ཐུགས་དམ་དབྱིངས་ནས་བསྐུལ་ལོ་འཕྲིན་ལས་མཛོད༔ ཧཱུྃ༔ བཙན་རྗེ་དྲག་པོ་ཐོགས་མེད་བཙན་གྱི་ཚོགས༔ ཁྲོས་པའི་སྟོབས་ཀྱིས་བྱད་མ་རྦོད་གཏོང་ཟློག༔ ལྷ་ཡིས་དམོད་པའི་བྱད་མ་རྦོད་གཏོང་ཟློག༔ ཀླུ་ཡིས་དམོད་པའི་བྱད་མ་རྦོད་གཏོང་ཟློག༔ གཤིན་རྗེས་དམོད་པའི་བྱད་མ་རྦོད་གཏོང་ཟློག༔ གཟའ་ཡིས་དམོད་པའི་བྱད་མ་རྦོད་གཏོང་ཟློག༔ བཙན་གྱིས་དམོད་པའི་བྱད་མ་རྦོད་གཏོང་ཟློག༔ ཐེའུ་རང་དམོད་པའི་བྱད་མ་རྦོད་གཏོང་ཟློག༔ བདུད་ཀྱིས་དམོད་པའི་བྱད་མ་རྦོད་གཏོང་ཟློག༔ མ་མོས་དམོད་པའི་བྱད་མ་རྦོད་གཏོང་ཟློག༔ ནང་པ་ཆོས་ཀྱི་བྱད་མ་རྦོད་གཏོང་ཟློག༔ ཕྱི་པ་མུ་སྟེགས་བྱད་མ་རྦོད་གཏོང་ཟློག༔ བནྡྷེས་དམོད་པའི་བྱད་མ་རྦོད་གཏོང་ཟློག༔ བོན་པོས་དམོད་པའི་བྱད་མ་རྦོད་གཏོང་ཟློག༔ ཕྲ་མེན་མཁན་གྱི་བྱད་མ་རྦོད་གཏོང་ཟློག༔ འཕུང་བཤིག་མཁན་གྱི་བྱད་མ་རྦོད་གཏོང་ཟློག༔ སེལ་དང་ངན་སྔགས་བྱད་མ་རྦོད་གཏོང་ཟློག༔ འཕུང་འདྲེ་ཉི་ཤུའི་བྱད་མ་རྦོད་གཏོང་ཟློག༔ བསྐོར་བ་རླུང་གི་བྱད་མ་རྦོད་གཏོང་ཟློག༔ བསྲེག་པ་མེ་ཡི་བྱད་མ་རྦོད་གཏོང་ཟློག༔ མནན་གཏད་ས་ཡི་བྱད་མ་རྦོད་གཏོང་ཟློག༔ ཀླུ་གཏད་ཆུ་ཡི་བྱད་མ་རྦོད་གཏོང་ཟློག༔ ཀླ་ཀློས་དམོད་པའི་བྱད་མ་རྦོད་གཏོང་ཟློག༔ བཟློག་སྔགས་འདོན་གཡབ་འདོར་ཐལ་མོ་བརྡེབ་དམོད་བཅོལ༔ སྱ་མྱ་ཡྻཱ༔ དེ་ནས་ཐེའུ་རང་ལ་བཟློག་པའི་འཕྲིན་ལས་བཅོལ་བ་ནི༔ དགྲ་བགེགས་ལིངྒར་འགུགས་བསྟིམ་བསྒྲལ་ཞིང་གཏོར་མར་འབུལ༔ དམར་སྦྲེངས་བཟློག་པའི་སྔགས་དམིགས་གཟིར་ཞིང་འདི་སྐད་དོ༔ ཧཱུྃ་བྷྱོ༔ ནུབ་བྱང་འཁོར་ལོ་འབར་བའི་རྩིབས་སྟེང་ནས༔ དམ་ཚིག་གཉན་ཀྱི་སྲུང་མ་མཐུ་བོ་ཆེ༔ རྡོ་རྗེ་ལེགས་པ་ཆེན་པོ་དྲག་རྩལ་འབར༔ མཆེད་འཁོར་སུམ་བརྒྱ་དྲུག་ཅུ་སྤུངས་སེ་སྤུང་༔ བྱད་མའི་མཐུ་སྟོབས་ཕྲོགས་ལ་རྡུལ་དུ་རློག༔ འཛིན་གིང་བཞི་བཅུ་ཞེ་གཉིས་ཕོ་ཉར་འགྱེད༔ བྱད་མ་འགུགས་འཆིང་སྒྲོལ་ལ་ཤ་རུས་འཆོས༔ འཁོར་ཚོགས་ཐེའུ་རང་སྟོང་སྡེ་རྡུལ་ལྟར་འཚུབ༔ བྱད་མ་དགྲ་བགེགས་ཐལ་བ་རླུང་ལྟར་གཏོར༔ སྐུ་ལས་གནམ་ལྕག་ཞུན་ཐིགས་ཕྲོམས་སེ་ཕྲོམ༔ བྱད་མའི་སྙིང་རྩ་ཆོད་ལ་མྱུར་དུ་སྒྲོལ༔ རྡོ་རྗེ་ཐོ་བའི་ཐུན་ནི་ཐ་ར་ར༔ བྱད་མའི་དོན་སྙིང་ཁོས་ལ་དཔའ་ཟས་རོལ༔ འཆིང་བྱེད་ཞགས་པ་ནག་པོ་ཀྱི་ལི་ལི༔ བྱད་མ་དམ་དུ་ཆིངས་ཤིག་མྱོས་པར་གྱིས༔ དུག་གསུམ་བསྒྲལ་བའི་དགྲ་བགེགས་ཤ་ཁྲག་བཞེས༔ ཐུགས་དམ་དབྱིངས་ནས་བསྐུལ་ལོ་འཕྲིན་ལས་མཛོད༔ ཧཱུྃ༔ དམ་ཅན་ཆེན་པོ་ཐེའུ་རང་འབུམ་གྱི་སྡེ༔ དཔའ་བའི་སྟོབས་ཀྱིས་བྱད་མ་རྦོད་གཏོང་ཟློག༔ ལྷ་ཡིས་དམོད་པའི་བྱད་མ་རྦོད་གཏོང་ཟློག༔ ཀླུ་ཡིས་དམོད་པའི་བྱད་མ་རྦོད་གཏོང་ཟློག༔ གཤིན་རྗེས་དམོད་པའི་བྱད་མ་རྦོད་གཏོང་ཟློག༔ གཟའ་ཡིས་དམོད་པའི་བྱད་མ་རྦོད་གཏོང་ཟློག༔ བཙན་གྱིས་དམོད་པའི་བྱད་མ་རྦོད་གཏོང་ཟློག༔ ཐེའུ་རང་དམོད་པའི་བྱད་མ་རྦོད་གཏོང་ཟློག༔ བདུད་ཀྱིས་དམོད་པའི་བྱད་མ་རྦོད་གཏོང་ཟློག༔ མ་མོས་དམོད་པའི་བྱད་མ་རྦོད་གཏོང་ཟློག༔ ནང་པ་ཆོས་ཀྱི་བྱད་མ་རྦོད་གཏོང་ཟློག༔ ཕྱི་པ་མུ་སྟེགས་བྱད་མ་རྦོད་གཏོང་ཟློག༔ བནྡྷེས་དམོད་པའི་བྱད་མ་རྦོད་གཏོང་ཟློག༔ བོན་པོས་དམོད་པའི་བྱད་མ་རྦོད་གཏོང་ཟློག༔ ཕྲ་མེན་མཁན་གྱི་བྱད་མ་རྦོད་གཏོང་ཟློག༔ འཕུང་བཤིག་མཁན་གྱི་བྱད་མ་རྦོད་གཏོང་ཟློག༔ སེལ་དང་ངན་སྔགས་བྱད་མ་རྦོད་གཏོང་ཟློག༔ འཕུང་འདྲེ་ཉི་ཤུའི་བྱད་མ་རྦོད་གཏོང་ཟློག༔ བསྐོར་བ་རླུང་གི་བྱད་མ་རྦོད་གཏོང་ཟློག༔ བསྲེག་པ་མེ་ཡི་བྱད་མ་རྦོད་གཏོང་ཟློག༔ མནན་གཏད་ས་ཡི་བྱད་མ་རྦོད་གཏོང་ཟློག༔ ཀླུ་གཏད་ཆུ་ཡི་བྱད་མ་རྦོད་གཏོང་ཟློག༔ ཀླ་ཀློས་དམོད་པའི་བྱད་མ་རྦོད་གཏོང་ཟློག༔ བཟློག་སྔགས་འདོན་གཡབ་འདོར་ཐལ་མོ་བརྡེབ་དམོད་བཅོལ༔ ས་མ་ཡཱ༔ རྒྱ་རྒྱ་རྒྱ༔ དེ་ནས་བདུད་ལ་བཟློག་པའི་འཕྲིན་ལས་བཅོལ་བ་ནི༔ དགྲ་བགེགས་ལིངྒར་འགུགས་བསྟིམ་བསྒྲལ་ཞིང་གཏོར་མར་འབུལ༔ དམར་སྦྲེངས་བཟློག་པའི་སྔགས་དམིགས་གཟིར་ཞིང་འདི་སྐད་དོ༔ ཧཱུྃ་བྷྱོ༔ བྱང་ཕྱོགས་འཁོར་ལོ་འབར་བའི་རྩིབས་སྟེང་ནས༔ ནག་པོ་བཀྲག་མེད་འཆོལ་པ་བདུད་ཀྱི་རྒྱལ༔ འཆི་བདག་དྲེགས་ཆེན་བཅོ་བརྒྱད་ཕོ་ཉར་འགྱེད༔ བྱད་མ་ཁུག་ཅིག་སྒྲོལ་ཞིག་དུམ་བུར་གཏུབས༔ ཚེ་བདུད་ནག་པོ་འབུམ་ཁྲི་སྐུ་ལས་འཕྲོ༔ སྒྲོལ་ཞིག་སོད་ཅིག་བྱད་མ་ལྷ་སྲུང་རྣམས༔ རེ་ལྡེ་མི་ལྤགས་གཡབ་མོ་ཡུགས་སེ་ཡུག༔ བྱད་མ་ལྷ་སྲུང་དབང་སྡུས་ཁུག་ལ་སྒྲོལ༔ ཁྲམ་ཤིང་ངོས་ལ་ཁྲག་གི་ཁྲམ་རིས་འབར༔ བྱད་མ་ཁྲམ་ལ་ཐོབ་ལ་ཚེ་མཐའ་སྡུས༔ ལས་ཀྱི་བདུད་ཞགས་ནག་པོ་ཁྱུགས་སེ་ཁྱུག༔ བྱད་མ་ལྷ་སྲུང་ཆིངས་ཤིག་མཱ་ར་ཡ༔ གཏི་མུག་མུན་པ་ནག་པོའི་ན་བུན་གཏིབས༔ བྱད་མ་ལྷ་སྲུང་མྱོས་འཐིབ་ལྐུགས་བརྗེད་བརློག༔ དུག་གསུམ་བསྒྲལ་བའི་དགྲ་བགེགས་ཤ་ཁྲག་བཞེས༔ ཐུགས་དམ་དབྱིངས་ནས་བསྐུལ་ལོ་འཕྲིན་ལས་མཛོད༔ ཧཱུྃ༔ བདུད་ཀྱི་ཆེ་བཙན་འཆོལ་མེད་སྲོག་གི་བདག༔ འཆོལ་བའི་སྟོབས་ཀྱིས་བྱད་མ་རྦོད་གཏོང་ཟློག༔ ལྷ་ཡིས་དམོད་པའི་བྱད་མ་རྦོད་གཏོང་ཟློག༔ ཀླུ་ཡིས་དམོད་པའི་བྱད་མ་རྦོད་གཏོང་ཟློག༔ གཤིན་རྗེས་དམོད་པའི་བྱད་མ་རྦོད་གཏོང་ཟློག༔ གཟའ་ཡིས་དམོད་པའི་བྱད་མ་རྦོད་གཏོང་ཟློག༔ བཙན་གྱིས་དམོད་པའི་བྱད་མ་རྦོད་གཏོང་ཟློག༔ ཐེའུ་རང་དམོད་པའི་བྱད་མ་རྦོད་གཏོང་ཟློག༔ བདུད་ཀྱིས་དམོད་པའི་བྱད་མ་རྦོད་གཏོང་ཟློག༔ མ་མོས་དམོད་པའི་བྱད་མ་རྦོད་གཏོང་ཟློག༔ ནང་པ་ཆོས་ཀྱི་བྱད་མ་རྦོད་གཏོང་ཟློག༔ ཕྱི་པ་མུ་སྟེགས་བྱད་མ་རྦོད་གཏོང་ཟློག༔ བནྡྷེས་དམོད་པའི་བྱད་མ་རྦོད་གཏོང་ཟློག༔ བོན་པོས་དམོད་པའི་བྱད་མ་རྦོད་གཏོང་ཟློག༔ ཕྲ་མེན་མཁན་གྱི་བྱད་མ་རྦོད་གཏོང་ཟློག༔ འཕུང་བཤིག་མཁན་གྱི་བྱད་མ་རྦོད་གཏོང་ཟློག༔ སེལ་དང་ངན་སྔགས་བྱད་མ་རྦོད་གཏོང་ཟློག༔ འཕུང་འདྲེ་ཉི་ཤུའི་བྱད་མ་རྦོད་གཏོང་ཟློག༔ བསྐོར་བ་རླུང་གི་བྱད་མ་རྦོད་གཏོང་ཟློག༔ བསྲེག་པ་མེ་ཡི་བྱད་མ་རྦོད་གཏོང་ཟློག༔ མནན་གཏད་ས་ཡི་བྱད་མ་རྦོད་གཏོང་ཟློག༔ ཀླུ་གཏད་ཆུ་ཡི་བྱད་མ་རྦོད་གཏོང་ཟློག༔ ཀླ་ཀློས་དམོད་པའི་བྱད་མ་རྦོད་གཏོང་ཟློག༔ བཟློག་སྔགས་འདོན་གཡབ་འདོར་ཐལ་མོ་བརྡེབ་དམོད་བཅོལ༔ ས་མ་ཡཱ༔ རྒྱ་རྒྱ་རྒྱ༔ དེ་ནས་མ་མོ་ལ་བཟློག་པའི་འཕྲིན་ལས་བཅོལ་བ་ནི༔ དགྲ་བགེགས་ལིངྒར་འགུགས་བསྟིམ་བསྒྲལ་ཞིང་གཏོར་མར་འབུལ༔ དམར་སྦྲེངས་བཟློག་པའི་སྔགས་དམིགས་གཟིར་ཞིང་འདི་སྐད་དོ༔ ཧཱུྃ་བྷྱོ༔ བྱང་ཤར་འཁོར་ལོ་འབར་བའི་རྩིབས་སྟེང་ནས༔ ལྷ་མོ་ནག་མོ་གཉན་གྱི་རེ་མ་ཏཱི༔ མ་བདུད་ཆེན་མོ་ཤ་ཟ་དྷཀྐིའི་གཙོ༔ ནད་བདག་མ་མོ་འབུམ་སྡེ་ཕོ་ཉར་འགྱེད༔ ནད་ཡམ་ཆར་ཕོབ་བྱད་མ་རྡུལ་དུ་རློག༔ བགེགས་རིགས་སྟོང་ཕྲག་བརྒྱད་ཅུ་སྐུ་ལས་འཕྲོ༔ བགེགས་ཀྱི་བར་ཆད་འཚུབ་མས་བྱད་མ་སྒྲོལ༔ གདོན་རིགས་སུམ་བརྒྱ་དྲུག་ཅུ་ཤ་ར་ར༔ བྱད་མར་ཟ་ཁ་ཐོད་ཅིག་ཁ་ཕུང་ཐོང་༔ ཞལ་གདངས་མཆེ་གཙིགས་ལྗགས་ནི་གློག་ལས་མྱུར༔ བྱད་མ་བསྒྲིལ་ཞིང་བཞེས་ཏེ་ཇུར་མིད་ཐོང་༔ གཡས་ནས་རལ་གྲིའི་ཆར་པ་སི་ལི་ལི༔ བྱད་མའི་སྲོག་ཆོད་དོན་སྣོད་ཚལ་པར་གཏུབས༔ གཡོན་ནས་ཁྲག་མདའ་དམར་པོ་ཤ་ར་ར༔ སེམས་ཀྱི་མར་མེ་སོད་ལ་ད་སྒྲོལ་ཞིག༔ ཡང་སྤྲུལ་ནད་མུག་མཚོན་འཁྲུགས་འཁོར་ལོ་འབར༔ བྱད་མའི་ཡུལ་ཤིག་ཚང་སྤྲུགས་རླུང་ལ་བསྐུར༔ དུག་གསུམ་བསྒྲལ་བའི་དགྲ་བགེགས་ཤ་ཁྲག་བཞེས༔ ཐུགས་དམ་དབྱིངས་ནས་བསྐུལ་ལོ་འཕྲིན་ལས་མཛོད༔ ཧཱུྃ༔ མ་མོ་ཆེན་མོ་ཁྲོས་པའི་གད་བརྒྱངས་ཅན༔ དགྱེས་པའི་སྟོབས་ཀྱིས་བྱད་མ་རྦོད་གཏོང་ཟློག༔ ལྷ་ཡིས་དམོད་པའི་བྱད་མ་རྦོད་གཏོང་ཟློག༔ ཀླུ་ཡིས་དམོད་པའི་བྱད་མ་རྦོད་གཏོང་ཟློག༔ གཤིན་རྗེས་དམོད་པའི་བྱད་མ་རྦོད་གཏོང་ཟློག༔ གཟའ་ཡིས་དམོད་པའི་བྱད་མ་རྦོད་གཏོང་ཟློག༔ བཙན་གྱིས་དམོད་པའི་བྱད་མ་རྦོད་གཏོང་ཟློག༔ ཐེའུ་རང་དམོད་པའི་བྱད་མ་རྦོད་གཏོང་ཟློག༔ བདུད་ཀྱིས་དམོད་པའི་བྱད་མ་རྦོད་གཏོང་ཟློག༔ མ་མོས་དམོད་པའི་བྱད་མ་རྦོད་གཏོང་ཟློག༔ ནང་པ་ཆོས་ཀྱི་བྱད་མ་རྦོད་གཏོང་ཟློག༔ ཕྱི་པ་མུ་སྟེགས་བྱད་མ་རྦོད་གཏོང་ཟློག༔ བནྡྷེས་དམོད་པའི་བྱད་མ་རྦོད་གཏོང་ཟློག༔ བོན་པོས་དམོད་པའི་བྱད་མ་རྦོད་གཏོང་ཟློག༔ ཕྲ་མེན་མཁན་གྱི་བྱད་མ་རྦོད་གཏོང་ཟློག༔ འཕུང་བཤིག་མཁན་གྱི་བྱད་མ་རྦོད་གཏོང་ཟློག༔ སེལ་དང་ངན་སྔགས་བྱད་མ་རྦོད་གཏོང་ཟློག༔ འཕུང་འདྲེ་ཉི་ཤུའི་བྱད་མ་རྦོད་གཏོང་ཟློག༔ བསྐོར་བ་རླུང་གི་བྱད་མ་རྦོད་གཏོང་ཟློག༔ བསྲེག་པ་མེ་ཡི་བྱད་མ་རྦོད་གཏོང་ཟློག༔ མནན་གཏད་ས་ཡི་བྱད་མ་རྦོད་གཏོང་ཟློག༔ ཀླུ་གཏད་ཆུ་ཡི་བྱད་མ་རྦོད་གཏོང་ཟློག༔ ཀླ་ཀློས་དམོད་པའི་བྱད་མ་རྦོད་གཏོང་ཟློག༔ བཟློག་སྔགས་འདོན་གཡབ་འདོར་ཐལ་མོ་བརྡེབ་དམོད་བཅོལ༔ ས་མ་ཡཱ༔ རྒྱ་རྒྱ་རྒྱ༔ དེ་ནས་གཏོར་མདོས་ཀྱི་ཤམ་བུ་བསྒྱུར་ཞལ་དགྲ་ཕྱོགས་སུ་སྟོན་སྒོ་དབྱེ་དཔལ་འབར་གཟུགས་ཁྱུང་སྐུ་ལས་དབང་བཞི་བླངས་གསེར་སྐྱེམས་བཤམས་བྱིན་གྱིས་བརླབས་ཅིང་འདི་སྐད་དོ༔ ཧཱུྃ་བྷྱོ༔ དེ་རིང་བསྒྲུབས་པའི་གཏོར་ཟོར་ཆེན་པོ་འདི༔ ཉམས་པ་བྱད་མའི་སྟེང་དུ་ཟོར་ལ་འཕེན༔ ཧཱུྃ་བྷྱོ༔ སྟེང་ཕྱོགས་སྐྱོང་བ་དཀར་པོའི་ལྷ་རྣམས་དང་༔ འོག་ཕྱོགས་གནས་པ་ཀླུ་དང་ས་བདག་ཚོགས༔ ཕྱོགས་སྐྱོང་རྣམས་དང་ལོ་ཟླ་ཞག་ཚེས་བདག༔ ཁྱད་པར་རྒྱལ་པོ་ཆེན་པོ་ཡུལ་འཁོར་སྲུང་༔ འཕགས་སྐྱེས་པོ་དང་མིག་མི་བཟང་བ་དང་༔ རྣམ་ཐོས་ལ་སོགས་དཔལ་མགོན་གཙང་རིས་ལྷ༔ མགུར་ལྷ་དགེ་བསྙེན་བསྟན་མ་ཡུལ་འདིའི་བདག༔ བསྟན་སྐྱོང་བཀའ་སྲུང་མཆོད་འོས་བསྟོད་པའི་འོས༔ མ་ལུས་འཁོར་དང་བཅས་པ་ཐམས་ཅད་ལ༔ དངོས་འབྱོར་ཡིད་སྤྲུལ་དགྱེས་པའི་གསེར་སྐྱེམས་དང་༔ དཀར་མངར་ལོངས་སྤྱོད་འབྲུ་སྨན་གཏོར་མས་མཆོད༔ གསེར་སྐྱེམས་མཆོད་པའི་དམ་རྫས་འདི་བཞེས་ལ༔ ཐབས་ཤེས་ཕྱག་རྒྱ་བསྒྱུར་ལ་མདོས་སྒོ་ཕྱེས༔ ཕྱོགས་བཞིའི་གཞལ་ཡས་སྒོ་ཕྱེ་ཤར་ར་ར༔ ཀོ་ལོང་སྡོམ་པ་རྣམས་ཀྱང་འཕྲང་སོལ་ལ༔ ཟོར་ལམ་དགྲ་བགེགས་བྱད་མའི་སྟེང་དུ་ཐོང་༔ སྔོན་གྱི་རྒྱལ་བ་རྣམས་ཀྱི་བཀའ་མ་བཅག༔ བར་དུ་རིག་འཛིན་རྣམས་ཀྱི་དམ་མ་བཀྲལ༔ ད་ལྟ་སྔགས་འཆང་བདག་གི་དོན་མ་གཡེལ༔ དྲག་པོའི་ཟོར་གྱི་དམག་གི་དཔུང་ལ་བསྐྱོད༔ གོ་ཐོགས་མཚོན་རྡོར་མགྱོགས་པའི་རྟ་ལ་ཞོན༔ དཔའ་བའི་ཤུགས་ཕྱུངས་རྔམས་པའི་ང་རོ་སྒྲོགས༔ མཆོད་པའི་དམ་རྫས་ངོ་མེད་ཆུད་མ་གསོན༔ འབོད་པའི་ཚིག་འདི་གོ་མེད་སྙན་མ་སྲ༔ རྦད་པའི་ཡུལ་དུ་ངང་རིང་བང་མ་བུལ༔ བསྐུལ་བའི་སྟེང་དུ་རྟགས་རིང་ལས་མ་འགྱངས༔ བསད་པའི་ཡུལ་ལ་ཁྲོ་གཏུམ་དཔའ་མ་ཞན༔ བཞེངས་ཤིག་རྩ་གསུམ་མཁའ་འགྲོ་ཆོས་སྐྱོང་དང་༔ ལྷ་ཀླུ་བཞི་བདག་རྣམས་ཀྱང་སྐུ་བཞེངས་ཤིག༔ འབར་བའི་དབྱིངས་ནས་དྲག་རྩལ་སྟོབས་ཀྱིས་བསྐྱོད༔ དཔའ་བའི་ཀློང་ནས་བརྔམས་པའི་ཤུགས་ཀྱིས་གཤེགས༔ ནད་མཚོན་མུ་གེའི་དམག་སྒར་དགྲ་ལ་ཐོབ༔ ལྟས་ངན་བརྒྱད་ཅུ་གློ་བུར་ཡེ་འབྲོག་ཐོང་༔ བྱད་ཟོར་ཕུར་ཁ་རང་གཤེད་རང་ལ་ཕོབ༔ འགོ་བའི་ལྷ་སྲུང་སྲོག་གི་གཤེད་མར་སྦྲོན༔ དམར་ཆེན་གཏོར་མའི་ཟོར་འཕེན་དགྲ་ལ་འཕེན༔ བྱད་མ་དགྲ་བགེགས་ཐལ་བ་རྡུལ་དུ་རློག༔ རྣལ་འབྱོར་བཅོལ་བའི་འཕྲིན་ལས་གྲུབ་པར་མཛོད༔ ས་མ་ཡཱ༔ རྒྱ་རྒྱ་རྒྱ༔ ཅེས་བརྗོད་བཟློག་སྔགས་འདོན་གཡབ་འདོར་ཐལ་བ་བཤོར་དམོད་བོར་བསྟན་མ་སྐྱོང་ལྷ་ཚོགས་ཁྲོས་ཏེ་དམག་དཔུང་དྲག་ཏུ་གཡོས་ནས་མཚོན་ཟོར་མི་མཐུན་སྣ་ཚོགས་ཀྱི་ཆར་ཕབཿ བྱད་མ་དགྲ་བགེགས་ཐམས་ཅད་བཟློག་བསད་བརླགས་པར་བསྒོམ༔ ལྟ་བྲོ་བརྡུང་ཞིང་སྨོན་ལམ་ཤིས་པ་བརྗོད༔ བསྲུང་བཟློག་བསད་གསུམ་འཕྲིན་ལས་རང་གཞུང་ལྟར༔ བདག་གཞན་དོན་ལ་ལས་ལྡན་སྐྱེས་བུས་སྤྱོད༔ ལས་འཕྲོ་ཅན་གྱི་བུ་དང་འདི་འཕྲད་ཤོག༔ བཀའ་ཡི་སྲུང་མས་ཆོས་འདིའི་མེལ་ཚེ་གྱིས༔ གཏེར་གྱི་སྲུང་མས་དུས་ལ་བབས་ཚེ་སྤྲོད༔ ས་མ་ཡཱ༔ རྒྱ་རྒྱ་རྒྱ༔ སྱ་མྱ་ཡྻཱ༔ གཏེར་རྒྱ༔ སྦས་རྒྱ༔ ཟབ་རྒྱ༔ གཉན་རྒྱ༔ གཏད་རྒྱ༔ སྱ་མྱ་ཡྻཱ༔ རྒྱལ་ཁམས་པ་ཉི་མ་གྲགས་པས་གནས་མཆོག་ཆེན་པོ་ཁམས་སྲིང་མོ་རྫོང་གི་ནུབ་སྒོ་མེ་འབར་ཕུག་ནས་ཆུ་ཁྱི་ལ་གདན་དྲངས་ཤིང་ཤོག་སེར་ལས་བསྒྱུར་བ་མངྒ་ལཾ།། །།
ཁྱུང་གི་བཟློག་པའི་ཤམ་བུ།
རྟ་མགྲིན་དྲེགས་པ་ཟིལ་གནོན་ལས༔ ཁྱུང་གི་བཟློག་པའི་ཤམ་བུ་བཞུགས་སོ༔ དཔལ་ཆེན་ཁྲོ་རྒྱལ་ཧེ་རུ་ཀ་ལ་འདུད༔ བདག་མདུན་རིགས་བདག་བྱ་ཁྱུང་སྤྲུལ་པ་ནི༔ སྟོང་གསུམ་གཡོ་ཞིང་གང་སྟེ་འགུལ་ཞིང་འཁྱོམ༔ གནོད་བྱེད་དགྲ་གདོན་ཐམས་ཅད་བརླག་པར་བསམས༔ འགུགས་བསྟིམ་ལིངྒ་བསྒྲལ་ཞིང་མདོས་ལ་འབུལ༔ ཧཱུྃ་བྷྱོ༔ དཔལ་ཆེན་ཁྲོ་རྒྱལ་སྤྲུལ་པ་གྷ་རུ་ཎ༔ དད་པས་སྤྱན་འདྲེན་དམ་ཚིག་དབང་གིས་གཤེགས༔ ཚུར་གཤེགས་ཚུར་གཤེགས་བྱ་ཁྱུང་གུ་རུ་ཊ༔ ཁྱོད་ནི་ཁྲག་འཐུང་དཔལ་ཆེན་ཐུགས་ལས་སྤྲུལ༔ རྫུ་འཕྲུལ་མཐུ་སྟོབས་སྲིད་གསུམ་ཁྱབ་པར་གཡོ༔ དགྲ་བགེགས་བསྒྲལ་བའི་ཤ་ཁྲག་འདི་བཞེས་ལ༔ བཅོལ་པའི་འཕྲིན་ལས་མ་འགྱངས་མྱུར་དུ་སྒྲུབས༔ ཧཱུྃ་བྷྱོ༔ རིག་འཛིན་རྣལ་འབྱོར་བདག་ཅག་ལ༔ ཤར་གྱི་ཕྱོགས་ཀྱི་འཇིག་རྟེན་ནས༔ གནོད་ཅིང་འཚེ་བར་གྱུར་པ་ཡིས༔ གཟུགས་ཅན་མི་དང་གཟུགས་མེད་བགེགས༔ བྱད་གཏད་རྦོད་གཏོང་ཐན་ལྟས་རྣམས༔ ཟློག་ཅིག་སྒྱུར་ཅིག་གྷ་རུ་ཊ༔ ཧཱུྃ༔ རིག་འཛིན་རྣལ་འབྱོར་བདག་ཅག་ལ༔ ལྷོ་ཡི་ཕྱོགས་ཀྱི་འཇིག་རྟེན་ནས༔ གནོད་ཅིང་འཚེ་བར་གྱུར་པ་ཡི༔ གཟུགས་ཅན་མི་དང་གཟུགས་མེད་བགེགས༔ བྱད་གཏད་རྦོད་གཏོང་ཐན་ལྟས་རྣམས༔ ཟློག་ཅིག་སྒྱུར་ཅིག་གྷ་རུ་ཊ༔ ཧཱུྃ༔ རིག་འཛིན་རྣལ་འབྱོར་བདག་ཅག་ལ༔ ནུབ་ཀྱི་ཕྱོགས་ཀྱི་འཇིག་རྟེན་ནས༔ གནོད་ཅིང་འཚེ་བར་གྱུར་པ་ཡི༔ གཟུགས་ཅན་མི་དང་གཟུགས་མེད་བགེགས༔ བྱད་གཏང་རྦོད་གཏོང་ཐན་ལྟས་རྣམས༔ ཟློག་ཅིག་སྒྱུར་ཅིག་གྷ་རུ་ཊ༔ ཧཱུྃ༔ རིག་འཛིན་རྣལ་འབྱོར་བདག་ཅག་ལ༔ བྱང་གི་ཕྱོགས་ཀྱི་འཇིག་རྟེན་ནས༔ གནོད་ཅིང་འཚེ་བར་གྱུར་པ་ཡི༔ གཟུགས་ཅན་མི་དང་གཟུགས་མེད་བགེགས༔ བྱད་གཏད་རྦོད་གཏོང་ཐན་ལྟས་རྣམས༔ ཟློག་ཅིག་སྒྱུར་ཅིག་གྷ་རུ་ཊ༔ ཧཱུྃ༔ རིག་འཛིན་རྣལ་འབྱོར་བདག་ཅག་ལ༔ ཤར་ལྷོ་མཚམས་ཀྱི་འཇིག་རྟེན་ནས༔ གནོད་ཅིང་འཚེ་བར་གྱུར་པ་ཡི༔ གཟུགས་ཅན་མི་དང་གཟུགས་མེད་བགེགས༔ བྱད་གཏད་རྦོད་གཏོང་ཐན་ལྟས་རྣམས༔ ཟློག་ཅིག་སྒྱུར་ཅིག་གྷ་རུ་ཊ༔ ཧཱུྃ༔ རིག་འཛིན་རྣལ་འབྱོར་བདག་ཅག་ལ༔ ལྷོ་ནུབ་མཚམས་ཀྱི་འཇིག་རྟེན་ནས༔ གནོད་ཅིང་འཚེ་བར་གྱུར་པ་ཡིས༔ གཟུགས་ཅན་མི་དང་གཟུགས་མེད་བགེགས༔ བྱད་གཏད་རྦོད་གཏོང་ཐན་ལྟས་རྣམས༔ ཟློག་ཅིག་སྒྱུར་ཅིག་གྷ་རུ་ཊ༔ ཧཱུྃ༔ རིག་འཛིན་རྣལ་འབྱོར་བདག་ཅག་ལ༔ ནུབ་བྱང་མཚམས་ཀྱི་འཇིག་རྟེན་ནས༔ གནོད་ཅིང་འཚེ་བར་གྱུར་པ་ཡི༔ གཟུགས་ཅན་མི་དང་གཟུགས་མེད་བགེགས༔ བྱད་གཏད་རྦོད་གཏོང་ཐན་ལྟས་རྣམས༔ ཟློག་ཅིག་སྒྱུར་ཅིག་གྷ་རུ་ཊ༔ ཧཱུྃ༔ རིག་འཛིན་རྣལ་འབྱོར་བདག་ཅག་ལ༔ བྱང་ཤར་མཚམས་ཀྱི་འཇིག་རྟེན་ནས༔ གནོད་ཅིང་འཚེ་བར་གྱུར་པ་ཡི༔ གཟུགས་ཅན་མི་དང་གཟུགས་མེད་བགེགས༔ བྱད་གཏད་རྦོད་གཏོང་ཐན་ལྟས་རྣམས༔ ཟློག་ཅིག་སྒྱུར་ཅིག །་གྷ་རུ་ཊ༔ ཧཱུྃ༔ རིག་འཛིན་རྣལ་འབྱོར་བདག་ཅག་ལ༔ སྟེང་གི་ཕྱོགས་ཀྱི་འཇིག་རྟེན་ནས༔ གནོད་ཅིང་འཚེ་བར་གྱུར་པ་ཡི༔ གཟུགས་ཅན་མི་དང་གཟུགས་མེད་བགེགས༔ བྱད་གཏད་རྦོད་གཏོང་ཐན་ལྟས་རྣམས༔ ཟློག་ཅིག་སྒྱུར་ཅིག་གྷ་རུ་ཊ༔ ཧཱུྃ༔ རིག་འཛིན་རྣལ་འབྱོར་བདག་ཅག་ལ༔ འོག་གི་ཕྱོགས་ཀྱི་འཇིག་རྟེན་ནས༔ གནོད་ཅིང་འཚེ་བར་གྱུར་པ་ཡི༔ གཟུགས་ཅན་མི་དང་གཟུགས་མེད་བགེགས༔ བྱད་གཏད་རྦོད་གཏོང་ཐན་ལྟས་རྣམས༔ ཟློག་ཅིག་སྒྱུར་ཅིག་གྷ་རུ་ཊ༔ ཧཱུྃ༔ རིག་འཛིན་རྣལ་འབྱོར་བདག་ཅག་ལ༔ གནོད་ཅིང་འཚེ་བར་གྱུར་པ་ཡི༔ ལྟས་ངན་བརྒྱད་ཅུའི་ཐན་ལྟས་རིགས༔ ཟློག་ཅིག་སྒྱུར་ཅིག་གྷ་རུ་ཊ༔ ཡེ་འགྲོག་སུམ་བརྒྱ་དྲུག་ཅུའི་ཚོགས༔ ཟློག་ཅིག་སྒྱུར་ཅིག་གྷ་རུ་ཊ༔ བགེགས་རིགས་སྟོང་ཕྲག་བརྒྱད་ཅུའི་ཚོགས༔ ཟློག་ཅིག་སྒྱུར་ཅིག་གྷ་རུ་ཊ༔ བྱིས་པའི་གདོན་ཆེན་བཅོ་ལྔ་ཡང་༔ ཟློག་ཅིག་སྒྱུར་ཅིག་གྷ་རུ་ཊ༔ ནད་རིགས་བཞི་བརྒྱ་རྩ་བཞི་ཡང་༔ ཟློག་ཅིག་སྒྱུར་ཅིག་གྷ་རུ་ཊ༔ གློ་བུར་བདུན་བརྒྱ་ཉི་ཤུ་རྣམས༔ ཟློག་ཅིག་སྒྱུར་ཅིག་གྷ་རུ་ཊ༔ དུས་མིན་འཆི་བ་རྣམ་བརྒྱད་ཀྱང་༔ ཟློག་ཅིག་སྒྱུར་ཅིག་གྷ་རུ་ཊ༔ ལོ་ཟླ་ཞག་དང་ཚེས་གྲངས་སྐག༔ ཟློག་ཅིག་སྒྱུར་ཅིག་གྷ་རུ་ཊ༔ ཆགས་ཆེ་ཉམ་ང་ཐམས་ཅད་ཀྱང་༔ ཟློག་ཅིག་སྒྱུར་ཅིག་གྷ་རུ་ཊ༔ རྨི་ལྟས་མཚན་མ་ངན་པ་ཡང་༔ ཟློག་ཅིག་སྒྱུར་ཅིག་གྷ་རུ་ཊ༔ དགྲ་འདྲེ་གྱོད་དང་མི་ཁ་བྱུར༔ ཟློག་ཅིག་སྒྱུར་ཅིག་གྷ་རུ་ཊ༔ ཧཱུྃ༔ སྔོན་གྱི་རྒྱལ་བ་དེ་བཞིན་གཤེགས༔ བཅོམ་ལྡན་ཕྱག་ན་རྡོ་རྗེ་འཛིན༔ དཔལ་ཆེན་ཧེ་རུ་ཀ་ལ་སོགས༔ ཇི་ལྟར་བཀའ་བསྒོས་གཉེར་བྱང་གཏད༔ དེ་བཞིན་ཐུགས་དམ་དབྱིངས་ནས་བསྐུལ༔ ཁྱེད་ཀྱི་མཐུ་སྟོབས་རྩལ་ཕྱུངས་ལ༔ ཟློག་ཅིག་སྒྱུར་བའི་འཕྲིན་ལས་མཛོད༔ ཅེས་བརྗོད་བཟློག་སྔགས་བཟླས་གཡབ་འདོར་ཐལ་མོ་བརྡབ༔ སྱ་མྱ་ཡྻཱ༔ མ་འོངས་ལས་འཕྲོ་ཅན་དང་འཕྲད་པར་ཤོག༔ བཀའ་སྲུང་གཏེར་བདག་རྣམས་ཀྱིས་བྱ་ར་གྱིས༔ ས་མ་ཡཱ༔ གཏེར་རྒྱ༔ སྦས་རྒྱ༔ ཟབ་རྒྱཿ གཉན་རྒྱ༔ ས་མ་ཡཱ༔ རྒྱ་རྒྱ་རྒྱ༔ རྒྱལ་ཁམས་པ་ཉི་མ་གྲགས་པས་གནས་མཆོག་ཆེན་པོ་ཁམས་སྲིང་མོ་རྫོང་གི་ནུབ་སྒོ་ནགས་ཤོད་མེ་འབར་ཕུག་ནས་ཆུ་ཁྱི་ལ་གདན་དྲངས་ཤིང་ཤོག་སེར་ལས་བསྒྱུར་བ་མངྒ་ལཾ།། །།
བཟློག་པ་རྩང་གི་ཤམ་བུ།
རྟ་མགྲིན་དྲེགས་པ་ཟིལ་གནོན་ལས༔ བཟློག་པ་རྩང་གི་ཤམ་བུ་བཞུགས༔ པདྨ་དབང་ཆེན་ལྷ་ལ་འདུད༔ རྣལ་འབྱོར་བར་ཆད་རྐྱེན་བཟློག་ཏུ༔ རྩང་གི་ཤམ་བུ་བསྒྱུར་འདོད་ན༔ རབ་ནི་ཟངས་དང་ལྕགས་གཉིས་ལ༔ རྐེད་པ་རྒྱ་མདུད་སྟོད་སྨད་དབལ༔ འབྲིང་ནི་དུར་ཤིང་སྐྱེར་པའམ༔ ཐ་ན་ཚེར་མ་ཅན་གྱི་ཤིང་༔ ས་གཉན་རི་གཉན་དག་ནས་བསྒྲུབ༔ ཧཱུྃ་དང་བྷྱོ་བཟློག་ལོགས་རེ་བཞིན༔ སྟོད་སྨད་བར་གསུམ་དག་ཏུ་འབྲི༔ ནག་པོ་ཉེར་ལྔ་ནང་མ་ལ༔ དམར་པོ་ཉེར་ལྔ་ཕྱི་ནས་འཛུགས༔ ཤ་ཆེན་ལིངྒ་བཟློག་བྱང་བརྒྱན༔ ཞིང་གི་རྒྱུ་མས་རྐེད་ལ་དཀྲིས༔ དགྲ་བགེགས་ལིངྒར་འགུགས་བསྟིམས་བསྒྲལ༔ ཞལ་དུ་སྟོབ་ཅིང་དམར་སྦྲེངས་ནས༔ བཤིད་ཀླུ་རྐང་གླིང་རོལ་མོ་འཁྲོལ༔ གྲི་ཤ་ཚིལ་ཆེན་དུད་པ་བཏང་༔ ཁྲོས་པའི་དབྱངས་ཀྱིས་འདི་སྐད་དོ༔ ཧཱུྃ་བྷྱོ༔ དང་པོ་རྩང་བྱུང་གང་ནས་བྱུང་༔ དང་པོ་རྩང་བྱུང་དམྱལ་བའི་ཡུལ་ནས་བྱུང་༔ འགྲོ་དྲུག་ལས་ངན་རྣམ་སྨིན་ལས༔ ཁྲོ་ཆུ་ཁོལ་མ་མེར་རེ་རེ༔ ཟངས་ཆུ་ཁོལ་མ་ཀྱི་ལི་ལི༔ ཁྲོ་ཟངས་འབར་བའི་ཆུ་དེ་ལ༔ ལས་ཀྱི་གཤིན་རྗེའི་ཚོགས་རྣམས་ཀྱིས༔ རྩ་བ་རྩེ་མོ་དབལ་དང་ལྡན༔ རྐེད་པ་རྒྱ་མདུད་གྲུ་བཞིར་བཅད༔ ཚད་ནི་ལྷ་ཆེན་ཚངས་པ་ཡི༔ འདོམ་གང་འདོམ་ཕྱེད་ཁྲུ་གང་བཟོས༔ དམྱལ་བའི་འཇིག་རྟེན་ཆེན་པོ་ནི༔ དུར་ཁྲོད་ཤྭ་ན་ཁ་ཞེས་པར༔ ལས་ཀྱི་རྣམ་སྨིན་རྩང་དེས་བརྒྱན༔ གནས་དེར་སྐྱེས་པའི་འགྲོ་བ་རྣམས༔ རྩང་ཕུར་དེ་ཡི་རྩེ་ལ་བསྐྱོན༔ ཁྲོ་ཆུ་ནག་པོའི་རྩང་ཕུར་ལས༔ གྲང་བའི་སྡུག་བསྔལ་རྦ་ཀློང་འཁྲུག༔ ཟངས་ཆུ་དམར་པོའི་རྩང་ཕུར་ལས༔ ཚ་ཞིང་སྲེག་པའི་ངད་པས་འཚེ༔ ཚ་དམྱལ་བརྒྱད་དང་གྲང་དམྱལ་བརྒྱད༔ ཚ་གྲང་དམྱལ་བ་ཐམས་ཅད་ཀྱི༔ སྡུག་བསྔལ་འབུམ་ཕྲག་ཚང་བས་གཟིར༔ ཧཱུྃ་བྷྱོ༔ དེ་ནས་རྩང་བྱུང་གང་ནས་བྱུང་༔ བམ་རི་ཐོད་མཁར་མ་ལ་ཡར༔ བདུད་པོ་མ་ཏྲཾ་རཱུ་ཊ་ཡིས༔ གནམ་ལྕགས་འབར་བའི་ཞུན་ཐིགས་དང་༔ ཁྲོ་དམར་ཟངས་ལས་རྩང་ཕུར་བརྡུངས༔ རྩ་བ་རྩེ་མོ་གྲུ་གསུམ་དབལ༔ རྐེད་པ་ཟུར་བཞི་ལོགས་བརྒྱད་དེ༔ རྡོ་རྗེའི་རྒྱ་གྲམ་མདུད་པས་བརྒྱན༔ གཟུགས་ཅན་གཟུགས་མེད་ཁམས་རྣམས་ལ༔ ང་ནི་མ་ཏྲཾ་ཀ་རུ་ཊ༔ འཁྲུག་པའི་སྐད་འབྱིན་མཚོན་དེས་བརྡེགས༔ ཤིང་ལ་བསྐྱོན་ནས་བསྣུན་པ་ལས༔ མདུང་གི་མཚོན་ཀྱང་དེ་ཉིད་སྲིད༔ གཉིས་གསུམ་ཤིང་གི་རྩེ་ལ་སྐྱོན༔ བརྡེགས་པས་གསལ་ཤིང་ཏྲི་ཤུལ་ཟེར༔ རྒྱུས་ལ་སྤྲིངས་ཏེ་བརྒྱབ་པ་ལས༔ ལྕགས་གཞུ་ལྕགས་མདའ་ནག་པོར་གྲགས༔ སེམས་ཅན་ཀུན་གྱི་སྲོག་གི་གཤེད༔ ཧཱུྃ་བྷྱོ༔ དེ་ནས་རྩང་བྱུང་གང་ནས་བྱུང་༔ དབང་དྲག་རོལ་པའི་དུར་ཁྲོད་དུ༔ སྟོབས་ལྡན་དབང་ཆེན་ཧེ་རུ་ཀས༔ གདུལ་དཀའ་མ་ལུས་འདུལ་བའི་ཕྱིར༔ དྲེགས་པ་རཱུ་ཊའི་མཚོན་ཟོར་དེ༔ ཐབས་དང་ཤེས་རབ་སྤྲུལ་པ་ལས༔ དབང་དང་དྲག་པོའི་རྫས་སུ་བསྒྱུར༔ སངས་རྒྱས་བསྟན་དང་འགྲོ་དོན་དུ༔ མི་མཐུན་བར་ཆད་བཟློག་པ་ཡི༔ དབང་བསྐུར་ལུང་བསྟན་བཀའ་ཡང་བསྒོས༔ ཧཱུྃ་བྷྱོཿ དེ་ལྟར་སྔོན་བྱུང་བྱུང་དང་སྲིད༔ དེ་རིང་རྣལ་འབྱོར་བདག་ཅག་ལ༔ མི་མཐུན་བར་ཆད་རྐྱེན་གྱིས་སྡང་༔ དེ་ཉིད་བཟློག་པར་བྱ་བའི་ཕྱིར༔ གདོལ་པ་ནག་པོས་མར་ངོ་ལ༔ ལྕགས་སྣ་དགུ་ལ་རྩང་ཕུར་བརྡུངས༔ རིགས་ངན་བཤན་མོས་ཡར་ངོ་ལ༔ ཁྲོ་ཟངས་གཉིས་ལ་རྩང་ཕུར་བླུགས༔ དུར་ཁྲོད་ཆེན་པོའི་བས་མཐའ་ནས༔ རྣལ་འབྱོར་བདག་གིས་དུར་ཤིང་བཅད༔ རྩ་བ་རྩེ་མོ་ཟུར་གསུམ་དབལ༔ རྐེད་པ་རྒྱ་མདུད་དྲག་པོའི་ཞིང་༔ དམར་ནག་རྩང་ཕུར་གཡས་གཡོན་དུ༔ དྲག་པོའི་གཏོར་ཟོར་ལྕགས་རི་ལ༔ བརྒྱན་པ་དྲ་བ་མིག་མང་རིས༔ ཤ་ཆེན་ལིངྒ་བྱང་བུར་ལྡན༔ ཞིང་ཆེན་རྒྱུ་མས་མདོས་ཐག་བསྡམས༔ འཁོར་འདས་ཡོངས་ཀྱི་རྟེན་དུ་བཙུགས༔ བར་ཆད་བཟློག་པའི་འཕྲིན་ལས་མཛོད༔ ཧཱུྃ་བྷྱོཿ སྟེང་གི་ཕྱོགས་ནས་གནོད་ཅིང་འཚེ༔ ལྷ་ཡི་བཀའ་ཆད་རྩང་གིས་ཟློག༔ འོག་གི་ཕྱོགས་ནས་མི་མཐུན་བགེགས༔ ཀླུ་ནད་གདོན་ཚོགས་རྩང་གིས་ཟློག༔ བར་གྱི་ཕྱོགས་ནས་ཐན་ལྟས་བགེགས༔ གཟུགས་མེད་གནོད་པ་རྩང་གིས་ཟློག༔ སྔོན་སྒུགས་ཕྱི་འདེད་སྲོག་གཅོད་འཕྲོག༔ གཟུགས་ཅན་གནོད་པ་རྩང་གིས་ཟློག༔ སྨྱོ་འབོག་བརྒྱལ་ཟིལ་འོད་དཀར་འགྱེད༔ རྒྱལ་པོའི་གདོན་ཚོགས་རྩང་གིས་ཟློག༔ མཛེ་ཤུ་ཕོལ་མིག་ཞ་གྲུམ་འཁུམ༔ ཀླུ་ཡི་ནད་གདོན་རྩང་གིས་ཟློག༔ དུས་མིན་འཆི་དང་བྱད་གཏད་ཁྲམ༔ གཤིན་རྗེའི་ནད་གདོན་རྩང་གིས་ཟློག༔ འབྱུང་ལྔའི་དུག་རླངས་ཧུར་ཐུམ་གཏོང་༔ གཟའ་ཡི་གནོད་པ་རྩང་གིས་ཟློག༔ ཤྭ་ཁ་ཀྱལ་ནད་མེད་ལྟར་འབར༔ བཙན་གྱི་ནད་གདོན་རྩང་གིས་ཟློག༔ བླ་ལ་བརྐུ་ཞིང་སྲོག་ལ་འཇབ༔ ཐེའུ་རང་ནད་གདོན་རྩང་གིས་ཟློག༔ ཚེ་སྲོག་བར་ཆད་གློ་བུར་རྐྱེན༔ བདུད་ཀྱིས་གནོད་པ་རྩང་གིས་ཟློག༔ ཁྲག་ནད་དམར་ཡམས་ནད་རིགས་གདོན༔ མ་མོའི་གནོད་པ་རྩང་གིས་ཟློག༔ ཕྱོགས་བཞི་མཚམས་བརྒྱད་སྟེང་འོག་བཅུའི༔ ཕྱོགས་སྐྱོང་གནོད་པ་རྩང་གིས་ཟློག༔ གཙང་རིས་མགུར་ལྷ་བསྟན་མ་སོགས༔ བཀའ་ཆད་དལ་ཁ་རྩང་གིས་ཟློག༔ ཧཱུྃ་བྷྱོ༔ ལྷ་ཆེན་ཁྲོས་པའི་དྲག་རྩལ་ཡང་༔ དེ་རིང་དམར་ནག་རྩང་གིས་ཟློག༔ སྐེམ་བྱེད་ལྕགས་ཀྱུས་ཟིན་པའི་གདོན༔ དེ་རིང་དམར་ནག་རྩང་གིས་ཟློག༔ དྲང་སྲོང་བཀའ་ཡི་དམོད་པ་ཡང་༔ དེ་རིང་དམར་ནག་རྩང་གིས་ཟློག༔ མ་མོ་མཁའ་འགྲོའི་བསུན་མ་ཡང་༔ དེ་རིང་དམར་ནག་རྩང་གིས་ཟློག༔ མུ་སྟེགས་བོན་པོའི་བྱད་ཟོར་ཡང་༔ དེ་རིང་དམར་ནག་རྩང་གིས་ཟློག༔ ཡུངས་ཀར་ཡུངས་ནག་ཀེ་ཚེའི་ཐུན༔ དེ་རིང་དམར་ནག་རྩང་གིས་ཟློག༔ ཕྲ་མེན་མ་ཡི་ཉེ་དབྱེ་བྱད༔ དེ་རིང་དམར་ནག་རྩང་གིས་ཟློག༔ སྡེ་བརྒྱད་དྲེགས་པའི་ཕོ་ཉ་ཡང་༔ དེ་རིང་དམར་ནག་རྩང་གིས་ཟློག༔ ཕུར་པའི་དབལ་ཁ་ཐོར་མདའ་འཕེན༔ དེ་རིང་དམར་ནག་རྩང་གིས་ཟློག༔ བནྡྷེའི་ཧོམ་དང་བྱད་གཏད་ཕུར༔ དེ་རིང་དམར་ནག་རྩང་གིས་ཟློག༔ ཞང་ཞུང་བོན་པོའི་བཙོ་དམར་ཡང་༔ དེ་རིང་དམར་ནག་རྩང་གིས་ཟློག༔ ཧཱུྃ་བྷྱོ༔ ཉི་མ་ཕྱོགས་བཞི་མཚམས་བརྒྱད་ཀྱི༔ བྱད་གཏད་ཁྲམ་དང་མི་མཐུན་བགེགས༔ གནོད་ཅིང་འཚེ་བར་གྱུར་པ་རྣམས༔ དེ་རིང་དམར་ནག་རྩང་གིས་ཟློག༔ ལོ་ཟླ་ཞག་དུས་ཚེས་གྲངས་སྐག༔ ལྟས་ངན་ནད་རིགས་གློ་བུར་རྐྱེན༔ མི་ཁ་བྲམ་གྱོད་དགྲ་དང་བགེགས༔ དེ་རིང་དམར་ནག་རྩང་གིས་ཟློག༔ གནམ་སའི་གཡོ་འགུལ་འབྱུང་བཞིའི་གཡོས༔ འཕུང་སྲི་རྒྱ་འདྲེ་འབྱུང་པོའི་གདོན༔ མཐའ་དམག་འཁྲུག་རྩོད་མཚོན་ཁ་ལངས༔ དེ་རིང་དམར་ནག་རྩང་གིས་ཟློག༔ ཧཱུྃ་བྷྱོ༔ ཤ་ན་ཁ་ཡི་མཚོན་བཞིན་གྱི༔ ཚ་གྲང་འཚུབ་མ་ད་གཡོས་ལ༔ ལས་ཀྱི་རྣམ་སྨིན་ཐམས་ཅད་ཡང་༔ དེ་རིང་དམར་ནག་རྩང་གིས་ཟློག༔ མ་ཏྲཾ་རཱུ་ཊའི་ཕྱག་མཚན་བཞིན༔ ལྷ་མི་ཡོངས་ཀྱི་སྤྱི་ནས་ཆོམས༔ ཁམས་གསུམ་སྲིད་པའི་གཡོ་འགུལ་འཁྲུག༔ དེ་རིང་དམར་ནག་རྩང་གིས་ཟློག༔ དབང་ཆེན་དྲག་པོའི་ཟོར་མདའ་ལྟར༔ དྲག་རྩལ་ནུས་མཐུའི་སྟོབས་བསྐྱེད་ལ༔ དགྲ་བགེགས་རྦོད་གཏོང་བྱད་ཟོར་ཐན༔ དེ་རིང་དམར་ནག་རྩང་གིས་ཟློག༔ ལྷ་ཆེན་དྲག་པོ་ཡབ་ཡུམ་གྱི༔ དམར་ནག་རྩང་ཕུར་ལྟ་བུ་ཡི༔ སྲིད་པ་གསུམ་གྱི་དྲེགས་ཚོགས་ཀྱང་༔ དེ་རིང་དམར་ནག་རྩང་གིས་ཟློག༔ རཀྴ་ཛ་ལའི་ཟངས་ཕུར་ལྟར༔ དྲེགས་ཚོགས་འཁོར་ལོ་ད་སྒྱུར་ལ༔ ཕྱི་ནང་རྦོད་གཏོང་བྱད་གཏད་མཁན༔ དེ་རིང་དམར་ནག་རྩང་གིས་ཟློག༔ ཤཱནྟིང་གྷརྦྷའི་ཁྲོ་ཕུར་ལྟར༔ ཁྲོ་བོ་ཁྲོ་མོས་དཔུང་གཡོས་ལ༔ དྲེགས་ཆེན་རྣམས་ཀྱི་བྱད་གཏད་དམོད༔ དེ་རིང་དམར་ནག་རྩང་གིས་ཟློག༔ སློབ་དཔོན་ཆེན་པོའི་ལྕགས་ཕུར་ལྟར༔ འབྱུང་བཞིའི་ཁམས་ལ་དབང་བསྒྱུར་ལ༔ འཁོར་འདས་ཡོངས་ཀྱི་སྤྱི་གཤེད་རྣམས༔ དེ་རིང་དམར་ནག་རྩང་གིས་ཟློག༔ ས་མ་ཡཱ༔ རྒྱ་རྒྱ་རྒྱ༔ ཅེས་དང་བཟློག་སྔགས་འདོན་གཡབ་འདོར་དམོད་བཅོལ་དམར་སྦྲེང་ངོ་༔ ལས་འཕྲོ་ཅན་གྱི་བུ་དང་འཕྲད་པར་ཤོག༔ བཀའ་སྲུང་གཏེར་བདག་རྣམས་ཀྱིས་བྱ་ར་གྱིས༔ ས་མ་ཡཱ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ ཟབ་རྒྱ༔ ས་མ་ཡཱ༔ རྒྱལ་ཁམས་པ་ཉི་མ་གྲགས་པས་གནས་མཆོག་ཆེན་པོ་ཁམས་སྲིང་མོ་རྫོང་གི་ནུབ་སྒོ་པདྨ་བཀའ་ཡི་ཐང་ཡིག་ལས༔ མེ་འབར་ཕུག་ལ་ཞག་གསུམ་བཞུགས༔ ཟེར་བའི་གནས་ནས་ཆུ་ཁྱི་ཧོར་ཟླ་དགུ་པའི་ཉི་ཤུ་ཐམ་པ་ལ་གདན་དྲངས་ཤིང་ཤོག་སེར་ལས་བསྒྱུར་བའོ།། །།
ཟོར་བསྐུལ་གྱི་ལས་རིམ།
རྟ་མགྲིན་དྲེགས་པ་ཟིལ་གནོན་ལས༔ ཟོར་བསྐུལ་གྱི་ལས་རིམ་བཞུགས༔ དཔལ་ཆེན་རྟ་མཆོག་ཧེ་རུ་ཀལ་འདུད༔ སྔོན་གྱི་སྨོན་ལམ་ལས་ཀྱི་འཕྲོ་བཙན་པས༔ བོད་ཀྱི་རྒྱལ་པོ་ཁྲི་སྲོང་ལྡེའུ་བཙན་དང་༔ བདག་ཉིད་པདྨ་མཁན་སློབ་བདག་ཅག་བཞིས༔ བྱ་རུང་ཁ་ཤོར་ཁ་ལ་སྨོན་ལམ་བཏབ༔ མཐའ་འཁོབ་འདུལ་བའི་དུས་ལ་བབས་པའི་ཚེ༔ བོད་དུ་འཛོམ་ཞིང་བསྟན་འགྲོའི་དོན་ཆེན་བསྐྱངས༔ ཁྱད་པར་ཟབ་པའི་མན་ངག་སྙིང་པོ་འདི༔ ཨཱརྱ་པ་ལོའི་གླིང་དུ་བདག་གིས་བསྒྲུབས༔ དབང་ཆེན་གྲུབ་པས་ཁམས་གསུམ་དབང་དུ་བསྡུས༔ སྲིད་གསུམ་ཟིལ་མནོན་དྲེགས་ཚོགས་བྲན་དུ་ཁོལ༔ འོན་ཀྱང་ཆོས་ཀྱི་རྒྱལ་པོས་རྟེན་འབྲེལ་གྱི༔ གནད་ཟུར་ཉམས་པས་མ་འོངས་ཕྱི་མའི་དུས༔ དྲེགས་ཚོགས་ཁ་རྒྱས་འགྲོ་བའི་བདེ་བ་བཅོམ༔ དེ་དུས་ཕན་ཕྱིར་ཟབ་ཆོས་གདམས་པ་འདི༔ རིས་སུ་འདེབས་ནས་གསང་བའི་གཏེར་དུ་སྦ༔ དུས་ནི་བཞི་བཅུ་ཁ་རལ་དུས་དག་ཏུ༔ ལོ་ཙཱ་ཀླུ་ཡི་དབང་པོའི་སྐྱེ་བའི་མཐས༔ གདམས་པ་འདི་འབྱིན་འགྲོ་ལ་ཕན་པ་འོང་༔ ས་མ་ཡཱ༔ རྒྱ་རྒྱ་རྒྱ༔ དེ་ཡང་རིགས་སྔགས་བྱད་སྟེམས་རྦོད་གཏོང་དང་༔ ནད་མཚོན་མུ་གེ་རྒྱ་འདྲེ་དམ་སྲི་ཡིས༔ བསྟན་འགྲོའི་བདེ་ལ་གནོད་ཅིང་བར་གཅོད་ན༔ རང་རང་གཞུང་བཞིན་ལས་སྦྱོར་ཚུལ་བཞིན་འབད༔ གཏོར་མ་བསྒྲུབ་ཅིང་ཟོར་དུ་འཕེན་པའམ༔ ཡང་ན་བྷནྡྷ་ཟངས་ལྕགས་སྣོད་ནང་དུ༔ བཤོས་ཆེན་གཅིག་ལ་བཤོས་ཕྲན་བཅུ་གཉིས་བསྐོར༔ ཤ་སྣ་སྙིང་སྣ་ལིངྒ་དཔལ་འབར་གཟུགས༔ ལིངྒར་ཟག་རྫས་བྱུག་ཅིང་འགུགས་བསྟིམ་བྱ༔ དགྲ་བགེགས་གང་གནོད་དངོས་བསམ་སྔགས་འདིས་བསྒྲལ༔ ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་བཛྲ་པཱ་ཎི་དྷཀྐི་ནི་བྷ་ར་ཧི་ཧཱུྃ་མ་ཧཱ་དྷེ་ཝ་ཧྲཱིཿཨུ་མ་དྷེ་ཝི་ཛ་ལ་རཀྴ་ཨ་ཡ་མ་དུ་རུ་ཙ་ཤན་ཏྲི་ས་མ་ཡ་ཧཱུྃ་ཧཱུྃ༔ དགྲ་བགེགས་ཆེ་གེའི་སྲོག་ལ་ཏྲི་དུ་ཛ་ཏྲི་དུ་ཛ་ནྲི་ཏྲི་མཱ་ར་ཡ་རྦད་རྦད༔ ཏྲག་རཀྴ་མཱ་ར་ཡ་རྦད་ཆོད་ཐུམ་རིལ་རྦད༔ དུམ་བུར་གཏུབས་གཏུབས་སྙིང་ལ་ཡཾ་ཡཾ་མ་ར་ཐུལ་མཱ་ར་ཡ་བྷྱོ་ནན༔ དགྲ་བགེགས་སམ་བན་བོན་བྱད་གཏད་ལྷ་སྲུང་ཞེས་མིང་ལྟེམ་པའི་མཐར༔ ཏྲི་དུ་ཛ་ཧྲི་དུ་ཛ་ནྲིའམ་ཏྲི་མཱ་ར་ཡ་རྦད་རྦད༔ བྱད་གཏད་ཁྲམ་གསུམ་ཐམས་ཅད་ས་ཐུན་ཡ་བྷྱོ་ཟློག༔ ཨཱོཾ་བིརྱ་དགྲ་བགེགས་བྱད་མའི་སྙིང་ལ་རྦད༔ ཁྲི་འཕོ་དགྲ་བགེགས་བྱད་མའི་སྙིང་ལ་རྦད༔ དམ་ལིང་དགྲ་བགེགས་བྱད་མའི་སྙིང་ལ་རྦད༔ པྲ་ཧ་ར་ན་དགྲ་བགེགས་བྱད་མའི་སྙིང་ལ་རྦད་རྦད༔ ཅེས་བསྒྲལ་རྩ་སྔགས་ལ་ཁཱ་ཧི་དང་བཅས་ལན་བདུན་གྱིས་གཏོར་མར་མཆོད་སྨན་རག་སྦྲེང་ཞིང་རོལ་མོ་ལྡིར༔ ཧཱུྃ་བྷྱོ༔ དགོངས་ཤིག་གསན་དུ་གསོལ་ལོ་དཔལ་ཆེན་པོ༔ ཕྱོགས་བཅུ་དུས་བཞིའི་སྐྱབས་གནས་ལྷ་ཡི་ཚོགས༔ རེ་ཞིང་ལྟོས་པའི་ཆོས་སྐྱོང་རྒྱ་མཚོའི་སྡེ༔ བདག་གིས་བྱང་ཆུབ་སེམས་ལ་བློ་སྦྱངས་ཏེ༔ བསྟན་དང་འགྲོ་བའི་དོན་དུ་སེམས་བསྐྱེད་ཀྱང་༔ ཉམས་པའི་དགྲ་བོ་སྡིག་ཅན་ལས་ངན་འདིས༔ ཡོངས་ལ་འཚེས་ཤིང་རྣལ་འབྱོར་བདག་ལ་སྡངས༔ དོ་རུ་བསྡོས་ཤིང་ཆོས་ལ་བདེན་མེད་ཟེར༔ ཚད་དུ་བཙུགས་ཤིང་ལྷ་ལ་མཐུ་མེད་ཟེར༔ དེ་ཕྱིར་དབང་དྲག་ཁྲོས་པའི་ལྷ་ཚོགས་རྣམས༔ ཐུགས་དམ་བསྐུལ་ལོ་དྲག་པོའི་འཕྲིན་ལས་མཛོད༔ ཧཱུྃ་བྷྱོ༔ དབང་དྲག་རོལ་པའི་དུར་ཁྲོད་ཆེན་པོ་ནས༔ རྟ་མཆོག་རྒྱལ་པོ་པདྨ་ཧེ་རུ་ཀ༔ འཁོར་འདས་ཡོངས་ཀྱི་ཆེ་བཙན་དྲེགས་པའི་གཤེད༔ བཞེངས་ཤིག་བཞེངས་ཤིག་དབྱིངས་ནས་སྐུ་བཞེངས་འཚལ༔ སྐྱེ་མེད་ཀློང་ནས་གཏུམ་དྲག་འབར་བའི་སྐུ༔ དཔའ་ལ་སྒེག་པའི་ཉམས་ལྡན་སྲིན་པོའི་གཟུགས༔ བསྐལ་པའི་མེ་ལྟར་འབར་ཞིང་གློག་ལྟར་འཁྱུག༔ མ་རུངས་ཚར་གཅོད་དབང་གི་སྒྲ་ཆེན་སྒྲོགས༔ ལེ་བརྒན་རྔོག་མའི་ཟེར་ལས་ཐོག་ཆར་འཁྲུག༔ སྐུ་ཡི་བ་སྤུའི་ཀློང་ནས་ཁྲོ་ཆུང་འགྱེད༔ ཕྱག་མཚན་གདེངས་པས་མཚོན་ཆའི་ཆར་པ་འབེབས༔ སྨ་ར་ཁ་སྤུའི་རྩེ་ལས་མེ་འོད་འཕྲོ༔ ཞལ་གདངས་ལྗགས་འདྲིལ་དགྲ་བགེགས་སྲོག་ལ་བརྔམས༔ སྤྱན་གསུམ་བསྐོར་བས་ཁམས་གསུམ་ས་ལེར་གཟིགས༔ དུར་ཁྲོད་ཆས་བརྒྱད་ཁྲག་ཏུ་ཙ་ར་ར༔ དཔལ་གྱི་ཆས་བཅུ་འོད་དུ་ཙེ་རེ་རེ༔ དུག་གསུམ་འབར་བའི་རྔམ་བརྗིད་ཡ་ལ་ལ༔ དུག་ལྔ་འཁྲུག་པའི་མེ་རླུང་འུ་རུ་རུ༔ རྡོ་རྗེ་ཕག་མོ་ལུས་དང་གྲིབ་མའི་ཚུལ༔ མ་རྒྱུད་མཁའ་འགྲོ་འབུམ་སྡེ་ཉི་ལི་ལི༔ དུག་གསུམ་ཤ་ཁྲག་གཏོར་མ་འདི་བཞེས་ལ༔ ཐུགས་དམ་བསྐུལ་ལོ་དྲག་པོའི་འཕྲིན་ལས་མཛོད༔ དམ་སྲི་བསྟན་དགྲ་བར་ཆད་རྡུལ་དུ་རློག༔ ཧཱུྃ་བྷྱོ༔ དབང་ཆེན་ཆོས་དབྱིངས་དྲག་པོའི་ནམ་མཁའ་ནས༔ བྱ་ཁྱུང་དམར་པོ་བཅོམ་ལྡན་རིགས་ཀྱི་བདག༔ དུག་གསུམ་ཤ་ཁྲག་གཏོར་མ་འདི་བཞེས་ལ༔ ཐུགས་དམ་བསྐུལ་ལོ་དྲག་པོའི་འཕྲིན་ལས་མཛོད༔ དམ་སྲི་བསྟན་དགྲ་བར་ཆད་རྡུལ་དུ་རློག༔ ཧཱུྃ་བྷྱོ༔ སྤྱི་གཙུག་དུང་ཁང་འབར་བའི་ཕོ་བྲང་ནས༔ སྐུ་སྤྲུལ་ཧྱ་གྷྲཱི་ཝ་ཡབ་ཡུམ་འབུམ༔ དུག་གསུམ་ཤ་ཁྲག་གཏོར་མ་འདི་བཞེས་ལ༔ ཐུགས་དམ་བསྐུལ་ལོ་དྲག་པོའི་འཕྲིན་ལས་མཛོད༔ དམ་སྲི་བསྟན་དགྲ་བར་ཆད་རྡུལ་དུ་རློག༔ ཧཱུྃ་བྷྱོ༔ ལོངས་སྤྱོད་འཁོར་ལོ་འབར་བའི་གཞལ་ཡས་ནས༔ གསུང་སྤྲུལ་ཧྱ་གྷྲཱི་ཝ་ཡབ་ཡུམ་འབུམ༔ དུག་གསུམ་ཤ་ཁྲག་གཏོར་མ་འདི་བཞེས་ལ༔ ཐུགས་དམ་བསྐུལ་ལོ་དྲག་པོའི་འཕྲིན་ལས་མཛོད༔ དམ་སྲི་བསྟན་དགྲ་བར་ཆད་རྡུལ་དུ་རློག༔ ཧཱུྃ་བྷྱོ༔ ཆོས་དབྱིངས་འཁོར་ལོ་འབར་བའི་གཞལ་ཡས་ནས༔ ཐུགས་སྤྲུལ་ཧྱ་གྷྲཱི་ཝ་ཡབ་ཡུམ་འབུམ༔ དུག་གསུམ་ཤ་ཁྲག་གཏོར་མ་འདི་བཞེས་ལ༔ ཐུགས་དམ་བསྐུལ་ལོ་དྲག་པོའི་འཕྲིན་ལས་མཛོད༔ དམ་སྲི་བསྟན་དགྲ་བར་ཆད་རྡུལ་དུ་རློག༔ ཧཱུྃ་བྷྱོ༔ སྤྲུལ་པའི་འཁོར་ལོ་འབར་བའི་གཞལ་ཡས་ནས༔ ཡོན་ཏན་སྤྲུལ་པའི་རྟ་གདོང་ཡབ་ཡུམ་འབུམ༔ དུག་གསུམ་ཤ་ཁྲག་གཏོར་མ་འདི་བཞེས་ལ༔ ཐུགས་དམ་བསྐུལ་ལོ་དྲག་པོའི་འཕྲིན་ལས་མཛོད༔ དམ་སྲི་བསྟན་དགྲ་བར་ཆད་རྡུལ་དུ་རློག༔ ཧཱུྃ་བྷྱོ༔ བདེ་སྤྱོད་འཁོར་ལོ་འབར་བའི་གཞལ་ཡས་ནས༔ འཕྲིན་ལས་སྤྲུལ་པའི་རྟ་གདོང་ཡབ་ཡུམ་འབུམ༔ དུག་གསུམ་ཤ་ཁྲག་གཏོར་མ་འདི་བཞེས་ལ༔ ཐུགས་དམ་བསྐུལ་ལོ་དྲག་པོའི་འཕྲིན་ལས་མཛོད༔ དམ་སྲི་བསྟན་དགྲ་བར་ཆད་རྡུལ་དུ་རློག༔ ཧཱུྃ་བྷྱོ༔ ཐབས་ཀྱི་རོལ་པ་སྐུ་ཡི་གཡས་ཟུར་ནས༔ ཁམས་གསུམ་སྡེ་དཔོན་དྲེགས་པ་སྟོབས་ལྡན་ཆེ༔ སྐུ་མདོག་ནག་པོ་མུན་ལྟར་ཐིབས་སེ་ཐིབ༔ མི་ལྤགས་གཡང་གཞིའི་ན་བཟའ་ཡ་ལ་ལ༔ སྟག་ལྤགས་རློན་པའི་ཤམ་ཐབས་ཀྱི་ལི་ལི༔ ཕྱག་གཉིས་གནམ་ལྕགས་འཁོར་ལོ་ཟངས་སེ་ཟང་༔ སྤྱན་བགྲད་ཞལ་གདངས་གད་བརྒྱངས་ཡ་ལ་ལ༔ གནམ་ལྕགས་ཐོག་གི་བུ་ཡུག་ཚུབས་སེ་ཚུབ༔ ཁྲག་གི་བུང་བ་མང་པོ་འུ་རུ་རུ༔ ཁྲོ་ཆུའི་སྦྲང་མ་མང་པོ་ཉི་ལི་ལི༔ སྤྲུལ་པ་ཡང་སྤྲུལ་ཕོ་ཉ་ཤ་ར་ར༔ སྲིད་གསུམ་སྡེ་དཔོན་དྲེགས་པ་མཐུ་བོ་ཆེ༔ དུག་གསུམ་ཤ་ཁྲག་གཏོར་མ་འདི་བཞེས་ལ༔ ཐུགས་དམ་བསྐུལ་ལོ་དྲག་པོའི་འཕྲིན་ལས་མཛོད༔ དམ་སྲི་བསྟན་དགྲ་བར་ཆད་རྡུལ་དུ་རློག༔ ཧཱུྃ་བྷྱོ༔ ཤེས་རབ་རོལ་པ་སྐུ་ཡི་གཡོན་ཟུར་ནས༔ ཡུམ་ཆེན་རྒྱལ་མོ་ཨུ་མ་དྷེ་ཝ་དམར༔ འདོད་ཆགས་ཁྲོས་པའི་སྒེག་མོ་ཁྲག་མདོག་མ༔ ནུ་མ་འཕྱང་ཞིང་བྷ་ག་དྲག་ཏུ་བགྲད༔ ཕྱག་གཉིས་ཟངས་ཀྱི་འཁོར་ལོ་ཀྱི་ལི་ལི༔ ནད་རླངས་མཚོན་ཆར་བུ་ཡུག་ཐིབས་སེ་ཐིབས༔ དམར་ནག་འོད་ཀྱི་ཕོ་ཉ་ཁྱུགས་སེ་ཁྱུག༔ དམ་ཉམས་དགྲ་བགེགས་བླ་ལེན་སྲོག་འགུགས་མ༔ སྙིང་ཁྲག་འཇིབས་པའི་འདོད་ཁམས་དཔལ་མོ་ཆེ༔ དུག་གསུམ་ཤ་ཁྲག་གཏོར་མ་འདི་བཞེས་ལ༔ ཐུགས་དམ་བསྐུལ་ལོ་དྲག་པོའི་འཕྲིན་ལས་མཛོད༔ དམ་སྲི་བསྟན་དགྲ་བར་ཆད་རྡུལ་དུ་རློག༔ ཧཱུྃ་བྷྱོ༔ མི་རོ་གསར་རྙིང་ཀེང་རུས་འབུམ་ཁྲིའི་ཀློང་༔ ཁྲག་ཞག་རྒྱ་མཚོ་འཁྱིལ་བའི་ཀློང་དཀྱིལ་ནས༔ སྤྲུལ་པའི་སྲས་མཆོག་རཀྴ་ཛ་ལ་ནི༔ ཕྱག་ནས་དུག་དང་མཚོན་གྱི་ཆར་པ་འབེབས༔ དར་ནག་བེར་གསོལ་སྲིད་གསུམ་མུན་ལྟར་གཏིབས༔ རབ་ཏུ་ཁྲོས་པའི་གད་རྒྱངས་སྟོང་གསུམ་འགེངས༔ སྲོག་གཅོད་དབུགས་ལེན་འབུམ་སྡེ་སྤྲུལ་པར་འགྱེད༔ རབ་ཁྲོས་མི་བསྲུན་དྲེགས་ཆེན་འཇིགས་པའི་གཟུགས༔ གཏུམ་ལ་བརྔམ་པའི་མི་ཟན་སྲིན་པོ་ཆེ༔ སྙིང་རྗེ་མེད་པའི་དྲག་རྩལ་རྡོ་རྗེའི་ཐོག༔ དུག་གསུམ་ཤ་ཁྲག་གཏོར་མ་འདི་བཞེས་ལ༔ ཐུགས་དམ་བསྐུལ་ལོ་དྲག་པོའི་འཕྲིན་ལས་མཛོད༔ དམ་སྲི་བསྟན་དགྲ་བར་ཆད་རྡུལ་དུ་རློག༔ ཧཱུྃ་བྷྱོ༔ བཅོམ་ལྡན་དཔལ་ཆེན་དྲེགས་པ་ཀུན་གྱི་གཤེད༔ སྤྲུལ་པའི་གནོད་སྦྱིན་འབུམ་སྡེ་སྡེ་བརྒྱད་ཚོགས༔ རྣོ་ངར་ལྡན་པའི་མཚོན་ཆའི་བུ་ཡུག་འཚུབ༔ རལ་པ་ཁམ་ནག་ཐོད་པ་སྦྲུལ་གྱིས་བརྒྱན༔ སྐུ་མདོག་མཐིང་ནག་འོད་དུ་ཙེ་རེ་རེ༔ དུག་སྦྲུལ་མང་པོའི་ཆུན་པོ་ཉི་ལི་ལི༔ ཞལ་གདངས་ལྗགས་ལས་གློག་དམར་ཀེམས་སེ་ཀེམ༔ ཁྲོ་ཚོགས་ཕོ་ཉ་མང་པོ་ཕྱོགས་བཅུར་འཕྲོ༔ འཛིན་གིང་ཕོ་ཉའི་ཚོགས་ནི་ཤ་ར་ར༔ འཁོར་གཡོག་ལས་བྱེད་སྡེ་ཚོགས་འུ་རུ་རུ༔ མི་བསྲུན་དྲག་པོ་འཁོར་དང་བཅས་པ་རྣམས༔ དུག་གསུམ་ཤ་ཁྲག་གཏོར་མ་འདི་བཞེས་ལ༔ ཐུགས་དམ་བསྐུལ་ལོ་དྲག་པོའི་འཕྲིན་ལས་མཛོད༔ དམ་སྲི་བསྟན་དགྲ་བར་ཆད་རྡུལ་དུ་རློག༔ ཧཱུྃ་བྷྱོ༔ ལྷ་སྲིན་སྡེ་བརྒྱད་འཚུབས་པའི་ཀློང་དཀྱིལ་ནས༔ རྒྱལ་པོའི་སྡེ་དཔོན་སྲོག་བདག་ཚངས་པ་ནི༔ སྐུ་མདོག་དཀར་པོ་ཟླ་ལྟར་ཡ་ལ་ལ༔ ཁྲབ་དཀར་རྡོ་རྗེའི་གོ་ཆེན་ལྷུབས་སེ་ལྷུབ༔ ཕྱག་གཡས་མདུང་དར་བ་དན་ལྷབས་སེ་ལྷབ༔ ཕྱག་གཡོན་དགྲ་སྙིང་ཁྲག་ཏུ་ཙ་ར་ར༔ ཆིབས་སུ་ཉི་ཟླ་འབར་བའི་ཟེར་ལ་བཅིབས༔ འཁོར་ནི་གིང་ཕོ་སྟོང་སྡེ་ཉི་ལི་ལི༔ ཆོ་འཕྲུལ་མི་རུང་སྣ་དགུ་ཕོ་ཉར་འགྱེད༔ དཀོར་བདག་རྒྱལ་པོ་འབུམ་སྡེ་དབང་བསྒྱུར་ལ༔ གནོད་བྱེད་དགྲ་བགེགས་སྟེང་དུ་དམག་ལ་ཆོས༔ སྨྱོ་འབོག་རྒྱལ་ནད་དམ་ཉམས་དགྲ་ལ་ཐོངས༔ དུག་གསུམ་ཤ་ཁྲག་གཏོར་མ་འདི་བཞེས་ལ༔ ཐུགས་དམ་བསྐུལ་ལོ་དྲག་པོའི་འཕྲིན་ལས་མཛོད༔ དམ་སྲི་བསྟན་དགྲ་བར་ཆད་རྡུལ་དུ་རློག༔ ཧཱུྃ་བྷྱོ༔ བསྐལ་པའི་མེ་ལྟར་འབར་བའི་ཀློང་དཀྱིལ་ནས༔ བྷེ་ཝ་ས་ཏ་བཅོམ་ལྡན་གཤིན་རྗེའི་གཤེད༔ སེར་ནག་འབར་བ་འཇིགས་བྱེད་དྲག་པོའི་སྐུ༔ འཁོར་ལོ་སྡིགས་མཛུབ་ཞགས་པའི་ཕྱག་རྒྱ་ཅན༔ གཤིན་རྗེ་གདན་དུ་བཏིང་ནས་མ་ཧེ་ཆིབས༔ དྲག་ཤུལ་རྔམས་འཁྲུག་འཆི་བདག་འབུམ་འབུམ་འཕྲོ༔ སྤྲུལ་པ་མེ་ཡི་བསྐལ་པས་སྲིད་གསུམ་སྲེག༔ དུང་ཆེན་རཀྟས་བཀང་བའི་རྫས་ལ་དགྱེས༔ སྟོང་གསུམ་ཟས་སུ་ཟ་བའི་མཐུ་བོ་ཆེ༔ དགྲ་བགེགས་སྙིང་ཁྲག་འཐུང་ཞིང་གསོད་ལ་བརྩོན༔ གཤིན་རྗེའི་དམགས་ཚོགས་དམ་ཉམས་དགྲ་ལ་ཆོས༔ བསད་རྟགས་དམར་པོའི་དོན་སྙིང་ཁྱེར་ལ་ཤོག༔ དུག་གསུམ་ཤ་ཁྲག་གཏོར་མ་འདི་བཞེས་ལ༔ ཐུགས་དམ་བསྐུལ་ལོ་དྲག་པོའི་འཕྲིན་ལས་མཛོད༔ དམ་སྲི་བསྟན་དགྲ་བར་ཆད་རྡུལ་དུ་རློག༔ ཧཱུྃ་བྷྱོ༔ རླུང་དམར་བུ་ཡུག་འཚུབ་པའི་ཀློང་དཀྱིལ་ནས༔ བཙན་རྒོད་ཆེན་པོ་རྡོ་རྗེ་དྲག་རྩལ་འཇིགས༔ སྐུ་མདོག་དམར་པོ་མེ་ཡི་འོད་ལྟར་འབར༔ སྨ་ར་སྨིན་མ་མེ་སྟག་ཁྱུགས་སེ་ཁྱུག༔ བ་སྤུ་མེ་ཡི་ཚ་ཚ་ཐོར་རོ་རོ༔ ཆིབས་སུ་བར་སྣང་ཁམས་ཀྱི་གློག་ལ་བཅིབས༔ སྤྲུལ་པ་སུམ་བརྒྱ་དྲུག་ཅུ་ཕོ་ཉར་འགྱེད༔ བཙན་དམག་འབུམ་སྡེ་འཁྲུག་པའི་ཀློང་ནས་བཞེངས༔ སྲོག་གཅོད་མི་ཟན་དམར་པོའི་དུས་ལ་བབས༔ གྲི་རྒོད་བཙན་ཐབས་ཐོང་ལ་དགྲ་བགེགས་སྒྲོལ༔ དུག་གསུམ་ཤ་ཁྲག་གཏོར་མ་འདི་བཞེས་ལ༔ ཐུགས་དམ་བསྐུལ་ལོ་དྲག་པོའི་འཕྲིན་ལས་མཛོད༔ དམ་སྲི་བསྟན་དགྲ་བར་ཆད་རྡུལ་དུ་རློག༔ ཧཱུྃ་བྷྱོ༔ བདུད་ཡུལ་ཁ་རག་ནག་པོའི་མགོ་དགུ་ནས༔ བདུད་མཚོ་ཁོལ་མ་འཁྲུག་པའི་ནང་ཤེད་ནས༔ བདུད་ཀྱི་སྡེ་དཔོན་རལ་པ་ཚར་དགུ་ནི༔ སྐུ་མདོག་ནག་པོ་མུན་ལྟར་ཐིབས་སེ་ཐིབ༔ འོད་ནག་འཚུབ་མ་མང་པོ་ཀྱི་ལི་ལི༔ རེ་ལྡེ་མི་ལྤགས་གོས་ཟུང་ལྷབས་སེ་ལྷབ༔ གཡས་ན་གཤིན་རྗེའི་ཁྲམ་ཤིང་ཡ་ལ་ལ༔ གཡོན་ན་བདུད་ཀྱི་ཞགས་པ་ན་ར་ར༔ ཆིབས་སུ་བདུད་རྟ་ནག་པོ་སྤྲིངས་སེ་སྤྲིང་༔ འཆི་བདག་དྲེགས་པ་ཆེན་པོ་བཅོ་བརྒྱད་ནི༔ གྲིབ་སོའི་དམག་དང་བསྡོངས་ཏེ་ཕོ་ཉར་འགྱེད༔ གཏི་མུག་མུན་པར་བསྡོངས་ཏེ་ཁྲམ་ལ་འདེབས༔ སྐྱེ་འགྲོའི་ཚེ་བདུད་འབུམ་སྡེ་དགྲ་ལ་ཆོས༔ དུག་གསུམ་ཤ་ཁྲག་གཏོར་མ་འདི་བཞེས་ལ༔ ཐུགས་དམ་བསྐུལ་ལོ་དྲག་པོའི་འཕྲིན་ལས་མཛོད༔ དམ་སྲི་བསྟན་དགྲ་བར་ཆད་རྡུལ་དུ་རློག༔ ཧཱུྃ་བྷྱོ༔ དུག་གི་རྒྱ་མཚོ་འཁྱིལ་བའི་ཀློང་ཡངས་ནས༔ དུག་གི་རི་རབ་འབར་བའི་ངོས་ཡངས་ནས༔ ཀླུ་བདུད་ནག་པོ་མགོ་དགུ་འཇིགས་པའི་གཟུགས༔ སྐུ་མདོག་དམར་ནག་ཀླུ་སྲིན་ཁྲོས་པའི་ཞལ༔ སྐུ་ནི་རི་རབ་འབར་བའི་ལོགས་ལ་བརྟེན༔ དབུ་ནི་མི་མངོན་བར་སྣང་ཁམས་སུ་འཕྱོ༔ སྦྲུལ་ནག་གདེང་ཀས་བར་སྣང་སྤྲིན་ལྟར་གཡོ༔ མཇུག་མ་བརྐྱངས་པས་རྒྱ་མཚོའི་ཀློང་རྣམས་འཁྱོམ༔ ཀླུ་ཆེན་བརྒྱད་ནི་ཐུགས་ཀྱི་ཀློང་ནས་རྡོལ༔ ཀླུ་ཡི་ཕོ་རྒྱུད་སྤྲུལ་འཁོར་གཡས་ནས་འགྱེད༔ ཀླུ་ཡི་མོ་རྒྱུད་སྤྲུལ་འཁོར་གཡོན་ནས་འགྱེད༔ ས་བདག་སྟོང་སྡེ་སྐུ་ཡི་མདུན་ནས་སྤྲུལ༔ ཀླུ་བཙན་འབུམ་ནི་སྐུ་ཡི་རྒྱབ་ནས་གཡོ༔ ཚ་གྲང་ནད་ཀྱི་རླངས་པ་ཞལ་ལས་འཕྲོ༔ དུག་རིགས་བཅོ་བརྒྱད་སྐུ་ཡི་འོད་ལས་འཆད༔ སྐད་ནི་མི་སྙན་སྒྲ་སྒྲོགས་ཨིག་ཤ་འབྱིན༔ ཁྱོད་ནི་ཀླུ་བདུད་རྡོ་རྗེ་ཁྲོ་བོའི་རྒྱལ༔ ཆིབས་སུ་བུ་ཡུག་ནག་པོའི་དུག་རླུང་བཅིབས༔ ཁམས་གསུམ་དབང་བསྒྱུར་དེ་རིང་དགྲ་ལ་ཆོས༔ མཛེ་རིགས་བཅོ་བརྒྱད་ནད་ཀྱིས་དགྲ་སྲོག་ཆོད༔ དུག་གསུམ་ཤ་ཁྲག་གཏོར་མ་འདི་བཞེས་ལ༔ ཐུགས་དམ་བསྐུལ་ལོ་དྲག་པོའི་འཕྲིན་ལས་མཛོད༔ དམ་སྲི་བསྟན་དགྲ་བར་ཆད་རྡུལ་དུ་རློག༔ ཧཱུྃ་བྷྱོ༔ དུག་ལྔ་རབ་གཏུམ་འཁྲུག་པའི་ཀློང་དཀྱིལ་ནས༔ ཀླུ་སྲིན་ཚོགས་པའི་དྲང་སྲོང་རཱ་ཧུ་ལ༔ སྐུ་མདོག་ལྗང་གུ་དབུ་དགུ་བྱ་རོག་མགོ༔ གཡས་པས་ཆུ་སྲིན་འབར་བའི་རྒྱལ་མཚན་འཕྱར༔ གཡོན་པས་རྭ་ཡི་མདའ་གཞུས་དགྲ་བགེགས་སྒྲོལ༔ མགོ་ལུས་མེད་པར་སྤྱན་སྟོང་འབར་བས་གཏམས༔ ཆིབས་སུ་ཆུ་སྲིན་དེ་ནི་ངར་མ་བཅིབས༔ ཟླ་བའི་རྗེས་གཅོད་ནུབ་ནས་ཤར་དུ་རྒྱུག༔ ཉི་མའི་རྗེས་གཅོད་ཤར་ནས་ནུབ་ཏུ་རྒྱུག༔ ཉིན་མོ་རྒྱུགས་པས་མཚམས་བཞིའི་དགྲ་བགེགས་འཇོམས༔ མཚན་མོ་རྒྱུགས་པས་ཕྱོགས་བཞིའི་དགྲ་བགེགས་འཇོམས༔ ལྷ་ཀླུ་གཉན་ཁམས་ཀུན་ཀྱང་བྲན་དུ་བཀོལ༔ དུག་དང་ནད་ཀྱི་རླངས་པ་ཕྱུར་རུ་རུ༔ ཐོག་སེར་ལོ་ཉེས་ནད་མཚོན་ཕོ་ཉར་འགྱེད༔ ཕྱི་དྲིལ་ཡང་འདྲིལ་དམག་དཔོན་ལྗང་སྔོན་ཆེ༔ འཕུང་བྱེད་ཆེན་པོ་དྲང་སྲོང་རྭ་ཛ་ཀ༔ སྡེ་བརྒྱད་དམག་དཔུང་གཟའ་དམག་དགྲ་ལ་ཆོས༔ རྡོ་རྗེ་འཛིན་པའི་དམ་གྱི་བཀའ་བཞིན་དུ༔ དུག་གསུམ་ཤ་ཁྲག་གཏོར་མ་འདི་བཞེས་ལ༔ ཐུགས་དམ་བསྐུལ་ལོ་དྲག་པོའི་འཕྲིན་ལས་མཛོད༔ དམ་སྲི་བསྟན་དགྲ་བར་ཆད་རྡུལ་དུ་རློག༔ ཧཱུྃ་བྷྱོ༔ ཕྲག་དོག་དྲེགས་རླུང་ཁམས་ནག་འབར་བའི་ཀློང་༔ འགོང་པོ་ཐེའུ་རང་འབུམ་སྡེའི་དབང་ཕྱུག་ཆེ༔ སྐུ་མདོག་སྨུག་ནག་ཁྲོས་པ་དགྲ་བགེགས་གཤེད༔ ལྕགས་ཞྭ་ནག་པོ་དབུ་ལ་ཀྱི་ལི་ལི༔ ལྕགས་བེར་ནག་པོ་སྐུ་ལ་ལྷུབས་སེ་ལྷུབ༔ ལྕགས་ལྷམ་ནག་པོ་ཞབས་ལ་ལྡེམས་སེ་ལྡེམ༔ རྡོ་རྗེ་འབར་བའི་ཐོ་བ་ཡ་ལ་ལ༔ བདུད་ཀྱི་ཞགས་པ་ནག་པོ་ཁྱུགས་སེ་ཁྱུག༔ དྲག་ཤུལ་བརྔམས་པའི་སྒྲ་སྒྲོགས་དི་རི་རི༔ ཆིབས་སུ་ར་སྐྱེས་དེ་ནི་ཁམ་པ་བཅིབས༔ སྤྲུལ་པ་ཐེའུ་རང་སྟོང་སྡེ་ཤ་ར་ར༔ ཐན་བདག་འགོང་པོ་འབུམ་ནི་ཉི་ལི་ལི༔ བླ་རྐུན་མ་མོ་བསྟན་མ་ཁྱུགས་སེ་ཁྱུག༔ བྱ་ཁྱི་གཅན་སྤྱང་དོམ་དྲེད་ཚུབས་སེ་ཚུབས༔ བཀའ་ཡི་ཕོ་ཉ་གཙང་བཙན་རྡོ་རྗེ་འབར༔ མ་ལུས་འཁོར་དང་བཅས་པ་དགྲ་ལ་ཆོས༔ ལྟས་ངན་ཆོ་འཕྲུལ་སྣ་དགུའི་ཆར་པ་ཐོབ༔ དུག་གསུམ་ཤ་ཁྲག་གཏོར་མ་འདི་བཞེས་ལ༔ ཐུགས་དམ་བསྐུལ་ལོ་དྲག་པོའི་འཕྲིན་ལས་མཛོད༔ དམ་སྲི་བསྟན་དགྲ་བར་ཆད་རྡུལ་དུ་རློག༔ ཧཱུྃ་བྷྱོ༔ ནད་གཏོང་བུ་ཡུག་འཚུབ་པའི་ཀློང་དཀྱིལ་ནས༔ ཤེས་རབ་འབར་བའི་དབང་མོ་ཀུན་འདུས་མ༔ སྐུ་མདོག་མཐིང་ནག་ནམ་མཁའི་ཁམས་དང་མཉམ༔ ཞལ་གདངས་མཆེ་གཙིགས་ལྗགས་ཀྱིས་བམ་ཆེན་སྒྲིལ༔ རལ་གྲི་དམར་པོ་གཡས་ན་ཟངས་སེ་ཟང་༔ གཡོན་པ་ཐོད་ཁྲག་ཐུགས་ཀར་ཀྱི་ལི་ལི༔ བརྗིད་པའི་གཟི་བརྗིད་མདངས་ལྡན་ཏ་ལ་ལ༔ སྐད་ཅིག་རེ་རེས་སྟོང་ཁམས་བང་གིས་བསྐོར༔ སྤྲུལ་པའི་ཕོ་ཉ་ནད་རིགས་ཆར་དུ་འབེབས༔ རྡོ་རྗེ་ནག་མོ་མ་ཚོགས་ཀུན་གྱི་གཙོ༔ སྲིན་ལྤགས་སྲིན་སྒའི་རྒྱན་བཅས་རྒྱ་བོང་བཅིབས༔ མ་མོ་མཁའ་འགྲོ་ཐམས་ཅད་དབང་བསྒྱུར་ལ༔ དགྲ་བགེགས་གནོད་བྱེད་སྟེང་དུ་དམག་ལ་ཆོས༔ དགྲ་བོའི་ཡུལ་དུ་ནད་ཡམས་ཆར་པ་ཕོབ༔ དུག་གསུམ་ཤ་ཁྲག་གཏོར་མ་འདི་བཞེས་ལ༔ ཐུགས་དམ་བསྐུལ་ལོ་དྲག་པོའི་ཕྲིན་ལས་མཛོད༔ དམ་སྲི་བསྟན་དགྲ་བར་ཆད་རྡུལ་དུ་རློག༔ ཧཱུྃ་བྷྱོ༔ དབང་ཆེན་དཔལ་གྱི་བཀའ་ཡི་ཁོར་ཡུག་ནས༔ རྒྱལ་ཆེན་སྡེ་བཞི་གཙང་རིས་དཔལ་མགོན་དང་༔ མགུར་ལྷ་དགེ་བསྙེན་དྲེགས་པའི་ལྷ་སྲིན་ཚོགས༔ བཀའ་སྲུང་གཏེར་བདག་དམ་ཅན་རྒྱ་མཚོ་རྣམས༔ མི་འདའ་དམ་ཚིག་ཀློང་ནས་ད་བཞེངས་ཏེ༔ སངས་རྒྱས་བསྟན་པའི་གཞུག་གཉེར་ཆེན་པོ་འདིར༔ སྔོན་ཚེ་རྒྱལ་བ་རྣམས་ཀྱིས་བཀའ་བསྒོས་ལྟར༔ རྣལ་འབྱོར་གདུང་བས་འབོད་ཅིང་རྗེས་བསྐུལ་ཚེ༔ དམ་ལས་མ་གཡེལ་དམ་ཅན་རྒྱ་མཚོའི་ཚོགས༔ ཆད་བཞིན་མ་སྟོངས་བཀའ་ཡི་སྲུང་མ་རྣམས༔ ཆོས་ལ་བདེན་མེད་ཟས་ལ་ངོ་མེད་ཅིང་༔ བསྒྲུབ་ལ་རྟགས་མེད་ལས་ལ་མཐུ་མེད་ན༔ དམ་ཅན་རྒྱ་མཚོ་དམ་དང་མི་འགལ་ལམ༔ སྲུང་མ་རྣམས་ཀྱང་ཆད་དུས་མི་སྟོངས་སམ༔ སྤྱི་བོར་རྡོ་རྗེས་རྒྱས་གདབས་མེ་འབར་ན༔ རྡོ་རྗེ་འབར་བའི་དམྱལ་བར་མི་འཇིགས་སམ༔ ལྕེ་དཀྱིལ་ཨརྒམ་ཐིག་ལེ་སྙིང་ཞུགས་ནས༔ སྡིག་པས་སྙིང་ཁྲག་འཇིབས་ན་མི་བྲེད་དམ༔ དེ་ཕྱིར་བསྟན་སྲུང་རྒྱ་མཚོ་དམ་མ་གཡེལ༔ མ་བཏང་དྲག་ཏུ་སྒྲོལ་ཅིག་ཤོར་ར་རེ༔ རྫོགས་སངས་རྒྱས་ཀྱི་བསྟན་ལ་སྡང་བའི་དགྲ༔ རྒྱལ་བའི་གདུང་འཚོབ་བླ་མའི་སྐུ་ཡི་དགྲ༔ གསང་ཆེན་ཐེག་པའི་ཆོས་ལ་དམོད་པ་དང་༔ རིམ་གཉིས་རྡོ་རྗེའི་ཏིང་འཛིན་དཀྲོགས་པ་དང་༔ འཕགས་པའི་དགེ་འདུན་མཐུན་པའི་དབྱེན་ལས་བྱེད༔ དབེན་རི་གཉེན་པོའི་སྒྲུབ་གནས་བཅོམ་པ་དང་༔ དགེ་བའི་ལས་རྣམས་སྡིག་པར་བསྒྱུར་བ་དང་༔ འགྲོ་བ་སེམས་ཅན་ཡོངས་ལ་འཚེ་བ་དང་༔ སྐྱེ་བོ་སྡིགས་ལྟུང་ཁོ་ནར་སྤྱད་པ་དང་༔ སྡེ་དགོན་མཆོད་ཚོགས་ཡོ་བྱད་བརྐུ་བ་སྟེ༔ ཞིང་བཅུ་ལྡན་པའི་དམ་ཉམས་དགྲ་དང་བགེགས༔ མཐུ་སྟོབས་རྩལ་ཕྱུངས་སྒྲོལ་བའི་དུས་ལ་བབས༔ སྲོག་རྩ་ཆོད་ལ་སྙིང་ཁྲག་ཧུབ་ཀྱིས་ཐོབ༔ བསད་རྟགས་དམར་པོའི་དོན་སྙིང་ཁྱེར་ལ་ཤོག༔ ལས་ཀྱི་མཐའ་སྡུས་སྡིག་ལྟུང་རྣམས་སྨིན་ཆོམས༔ རྣམ་པར་ཤེས་པ་སྐྱེ་མེད་དབྱིངས་སུ་བསྟིམ༔ ཐུགས་དམ་དུས་ལ་བབ་པོ་ས་མ་ཡ༔ རྣལ་འབྱོར་བཅོལ་པའི་འཕྲིན་ལས་གྲུབ་པར་མཛོད༔ ཅེས་བརྗོད་ལས་ལ་བསྐུལ་ཞིང་གཏོར་ཟོར་བརྡེག༔ མི་མཐུན་བར་ཆད་གཡུལ་ལས་རྒྱལ་བ་དང་༔ བསམས་པའི་དོན་གྲུབ་དེ་ཕྱིར་ཉམས་སུ་ལོང་༔ ས་མ་ཡཱ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ ཟབ་རྒྱ༔ གཉན་རྒྱ༔ ས་མ་ཡཱ༔ རྒྱ་རྒྱ་རྒྱ༔ སྤྲང་བན་རིག་འཛིན་ཉི་མ་གྲགས་པས་ནགས་ཤོད་མེ་འབར་ཕུག་ནས་གདན་དྲངས་ཤིང་བུ་འབོར་སྒང་དུ་ཤོག་སེར་ལས་བསྒྱུར་བའོ། །མངྒ་ལཾ།། །།
གབ་ཡིག་དུག་མདའ་ནག་པོའི་ཤོག་དྲིལ།
རྟ་མགྲིན་དྲེགས་པ་ཟིལ་གནོན་ལས༔ གབ་ཡིག་དུག་མདའ་ནག་པོའི་ཤོག་དྲིལ་བཞུགས་སོ༔ དཔལ་ཆེན་པོ་པདྨ་དབང་གི་ལྷ་ལ་ཕྱག་འཚལ་ལོ༔ རབ་ཏུ་གསང་བའི་གདམས་པ་གབ་ཡིག་འདིའི་དོན་ནི༔ གྲོ་ག་ཤོག་བུ་དར་རས་སོགས་གང་རུང་ལ་གཙོ་འཁོར་ཐམས་ཅད་ཀྱི་ཙཀ་ལི་རྩེ་སོར་བཞི་པ་གྲུ་བཞི་བར་བཅད་དེ་བྲི༔ ཚོན་རང་མདོག་ལྟར་བྱུགས༔ གནས་གསུམ་འབྲུ་གསུམ་ཧཱུྃ་གི་ཧ་ཁོག་གི་ནང་དུ་གཙོ་འཁོར་སོ་སོའི་སྲོག་ཡིག་གསེར་རམ་རྒྱ་མཚལ་རྒྱ་སྣག་གིས་བྲིས་པ་དར་ཚོན་རྣམ་ལྔ་ལྟོ་འཕྱེའི་གཡང་གཞི་སྟག་གི་ཐོད་རུས་ཞིང་ལྤགས་ཀྱི་ཁུག་མ་ཟུར་གསུམ་པའི་ནང་དུ་བསྡམས༔ སྐུ་རྣམས་དར་ཚོན་གྱིས་དྲིལ་ནས་ཞིང་གི་པགས་པས་ཕྱི་ནས་བསྡམས་ལས་གཞུང་བསྲང་བགེགས་བསྐྲད་བསྐྱེད་རིམ་གསལ༔ ལྷ་ཚོགས་དངོས་དང་བླ་རྡོར་བསྒོམ་ཞིང་རབ་ཏུ་གནས་ཤིས་པ་བརྗོད་བསྙེན་སྔགས་ཀྱི་དྲོད་ཀྱིས་གླན་ཏེ་ལུས་ལ་བཅངས༔ བསྒྲུབ་དུས་གཏོར་མར་འཛུགས་བླ་རྡོ་བཟུང་བའི་གབ་ཡིག་ས་མ་ཡཱ༔ རྒྱ་རྒྱ་རྒྱ༔ སྟེགས་བུ་གྲུ་བཞི་པའི་དཀྱིལ་དུ་མཐུར་ལ་ཧོམ་ཁུང་འབྲུ་ཞིང་ལིངྒ་གཞུག་རི་རབ་ཟུར་གསུམ་ཁོང་སེང་ཅན་བུམ་པ་ཟླུམ་པོ་བང་རིམ་གསུམ་པར་རྩང་ཉེར་གཅིག་གིས་བརྒྱན༔ སྡེ་བརྒྱད་གཏོར་མ་སྟེགས་བུའི་ཕྱོགས་མཚམས་སུ་འགོད་པར་བྱའོ༔ བཅའ་བཞི་ལག་ལེན་གྱི་གབ་ཡིག་ས་མ་ཡཱ༔ རྒྱ་རྒྱ་རྒྱ༔ བནྡྷེ་ལ་སྦལ་པ་བོན་པོ་ལ་ཕག་མི་སྐྱ་ལ་སྡིག་པ་ནག་པོའི་གཟུགས་གྲོ་ག་འམ་ཤོག་བུ་ལ་བྲིས་པའི་ལྟེ་བར་ནྲི་ཛཿགྲམ་ཐ་མར་བྱད་མ་དགྲ་བགེགས་དུ་ཡོད་ཀྱི་མིང་ལ་འགུགས་སྔགས་སམ་ཁུག་ཅིག་མྱུར་དུ་ཁུག་བྱ་བ་སོགས་སྦྱར་བ་བྲིས་ཤིང་གཟུགས་ཀྱི་ཕྱི་རོལ་ནས་སྡེ་བརྒྱད་ཀྱི་སྔགས་དང་དམོད་བཅོལ་སྣ་ཚོགས་ཛཿགྲམ་དང་བཅས་པས་བསྐོར༔ དེ་ལྷ་དབྱེ་ལིངྒ་དང་མཉམ་དུ་ལྟེབ་བྱད་ཐག་གིས་བསྡམ་པ་ལིངྒའི་གབ་ཡིག་ས་མ་ཡཱ༔ རྒྱ་རྒྱ་རྒྱ༔ བོན་པོ་ལ་སྲིན་བྱའི་ཐོད་པ་བནྡྷེ་ལ་ཕོ་རོག་གི་ཐོད་པ་སྐྱེ་བོ་ལ་གྲི་ཐོད་ཡང་ན་མཆེ་བ་ཅན་གྱི་ཐོད་པ་སོགས་གང་ཡང་རུང་མནན་པ་རྒྱག་དུས་མཆོད་རྟེན་ནག་པོའི་ནང་ཚ་ཚ་འགོ་ཞབས་བཟློག་སྟེ་བཀང་བས་ཐོད་ལིང་གི་སྟེང་ནས་མནན་པར་བྱའོ༔ མནན་པའི་གབ་ཡིག་ས་མ་ཡཱ༔ རྒྱ་རྒྱ་རྒྱ༔ ལིངྒ་གཅིག་གོང་བཞིན་བཟོས་ནས་འདུག་པའི་དུས་རང་གཤིན་རྗེ་ནག་པོ་གཅིག་ཏུ་བསྒོམས་པའི་འོག་ཏུ་དགྲ་བོ་བྱད་མ་ཐམས་ཅད་ནེམ་གྱིས་མནན་པར་བསམས་ཤིང་བསད་སྔགས་བཟླས༔ འགྲོ་བའི་དུས་སུ་ལྷམ་གཡོན་པའི་ནང་དུ་ལིངྒ་བཅུག་ཅིང་རང་ཉིད་ལྷ་ཆེན་ནག་ལ་འཇིགས་ཤིང་བརྔམ་བ་ཞིག་གི་སྐུ་སྨད་གནམ་ལྕགས་ཀྱི་ཕུར་བུས་ལམ་ལྕགས་འསྲེགས་འབར་བའི་ས་གཞི་ལ་འཛེར་བས་བྱད་མ་དགྲ་བགེགས་ཐམས་ཅད་མེ་ལྕེ་ཁའི་སྦྲང་བུ་ལྟ་བུར་དམིགས་ཤིང་བསད་སྔགས་བཟླས་པ་བསད་པའི་གབ་ཡིག་ས་མ་ཡཱ༔ རྒྱ་རྒྱ་རྒྱ༔ མན་ངག་གསང་བའི་དུག་མདའ་ནག་པོ་འདི་བུ་ལ་སྤེལ་ཡང་མནའ་རྒྱ་ལན་གསུམ་བཏབ་སྟེ་སྤེལ་ལོ༔ ཤིན་ཏུ་གསང་བར་བྱའོ༔ ཡང་དག་པའི་མན་ངག་ཟབ་མོ་པདྨ་བདག་གི་སྙིང་ཐིག་མ་འོངས་བསྟན་འགྲོའི་བཙས་སུ་བཞག་པ་ལས་འཕྲོ་ཅན་དང་འཕྲད་པར་ཤོག༔ ས་མ་ཡཱ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ ཟབ་རྒྱ༔ གཉན་རྒྱ༔ ན་ར་ཀན་རྒྱ༔ དམ་རྒྱ༔ ས་མ་ཡཱ༔ རྒྱ་རྒྱ་རྒྱ༔ རྒྱལ་ཁམས་པ་ཉི་མ་གྲགས་པས་སྲིང་མོ་རྫོང་གི་ནུབ་སྒོ་ནས་གདན་དྲངས་པའོ། །མངྒ་ལཾ།། །།
བསད་ལས་ཀྱི་བཅའ་བཞིའི་ཤོག་དྲིལ།
རྟ་མགྲིན་དྲེགས་པ་ཟིལ་གནོན་ལས༔ བསད་ལས་ཀྱི་བཅའ་བཞིའི་ཤོག་དྲིལ་བཞུགས་སོ༔ པདྨ་དབང་ཆེན་ལྷ་ལ་འདུད༔ མ་འོངས་བསྐལ་བའི་སྙིགས་མ་ལ༔ སངས་རྒྱས་བསྟན་པ་ཉམས་དམའ་ཞིང་༔ བདུད་འགོང་ཐམས་ཅད་ཁ་རྒྱས་ནས༔ ཆོས་བཞིན་སྤྱོད་ལ་བར་གཅོད་ཅིང་༔ ཁྱད་པར་དམ་ཉམས་རཱུ་ཊ་ཡི༔ བྱད་མ་རྦོད་གཏོང་ལྟས་བྱུང་ངམ༔ ཡང་ན་མི་ནག་སྐྱེ་བོས་འཚེ༔ བསད་པར་བྱ་བའི་ལས་སྦྱོར་ནི༔ འཕུང་གསུམ་བདུད་ཀྱི་ཉི་མ་ལ༔ དུར་ཁྲོད་ལུང་སྟོང་བས་མཐའ་རུ༔ འཕུང་ཤུལ་ས་ལ་སྟེགས་བུ་ནི༔ གྲུ་བཞི་དུག་ཁྲག་དུར་སོལ་བྱུག༔ དབུས་སུ་ཧོམ་ཁུང་བང་རིམ་བཞི༔ ཕྱི་ནང་དུག་ཁྲག་རོ་སོལ་བྱུག༔ རྩང་ཕུར་ཉེར་གཅིག་མཐའ་ནས་གཟུགས༔ གྲི་ཤོག་ངོས་ལ་བྱད་མ་ཡི༔ ལིངྒ་འབྲི་ཞིང་སྙིང་གར་ནྲི༔ ཛཿ བསྐོར་དམིགས་བྱའི་མིང་དང་ནི༔ དགྲ་བགེགས་བྱད་མ་འདི་ཞེས་པ༔ ཁུག་ཅིག་སོད་ཅིག་དྲག་ཏུ་སྒྲོལ༔ ཅེས་པའམ་ནི་བསད་སྔགས་བྲི༔ ལྟེ་བ་ཁོ་ཡི་བླ་དྭགས་འབྲི༔ ཡན་ལག་སྡིག་པས་ཟ་བར་བྲི༔ ཐ་མར་བསད་སྔགས་དམོད་བཅོལ་དང་༔ གནས་ཡིག་སྤྱི་འགྲོས་ཛཿགྲཾ་བསྐོར༔ གྲོ་ག་ཤོག་བུ་གང་རུང་ལ༔ ལྟེ་བ་ལྷ་ཆེན་ཡབ་ཡུམ་གསུམ༔ རྩིབས་བརྒྱད་སྡེ་བརྒྱད་གཟུགས་འདྲི་ཞིང་༔ ཐུགས་ཀར་རང་རང་ཐུགས་སྲོག་དང་༔ ཐ་མར་བསད་སྔགས་ཛཿཡིས་སྐོར༔ གཟུགས་དང་ལིངྒ་ཁ་སྦྱར་དྲིལ༔ ཡུགས་སའི་སྐྲ་ཤད་སྐུད་པས་བསྡམས༔ དེ་ཉིད་ལིངྒའི་ཁོག་པར་གཞུག༔ ལ་ཆའི་སྦལ་པ་ལྟོ་སྦྱོར་བར༔ ལིངྒ་ལྟེམ་ཞིང་ཚོན་སྐུད་དཀྲིས༔ ཁམས་སར་བྱད་མའི་ལྷ་ཡི་གཟུགས༔ ལག་ན་ཕུར་བ་འདྲིལ་བ་བཟོ༔ དེ་ནང་མན་ངག་འཁོར་ལོ་དང་༔ ཁོ་ཡི་ལྷ་སྲུང་ལིངྒ་གཉིས༔ ཁ་སྦྱར་ཚོན་སྐུད་བཅིངས་ལ་བཅུག༔ གཟུགས་དེ་སྦལ་པའི་སྟེང་ལ་སྐྱོན༔ སྐྱེར་ཕུར་སོ་ལ་བསད་སྔགས་ལྡན༔ སྦལ་པར་གདབ་ཅིང་ལིངྒར་འདེབས༔ ལིངྒ་མགོ་ལྷོ་སྦལ་པ་བྱང་༔ ཧོམ་ཁུང་ནང་དུ་གཟུད་པར་བྱ༔ དེ་སྟེང་པུ་རི་བང་རིམ་དགུ༔ ཛཿཁུང་བསད་སྔགས་སྐྱེར་ཕུར་མཚན༔ ཆོས་འབྱུང་ཁ་བཀབ་མཐའ་སྐོར་དུ༔ ཡུངས་ཀར་ཡུངས་ནག་ལྕགས་ཟངས་ཕྱེ༔ དུག་ཁྲག་མཚོན་ཐུན་རྒྱས་པར་བཤམས༔ མཆོད་རྟེན་སྟེང་དུ་ཁྲིའུ་ཁར༔ ཡབ་ཡུམ་སྲས་གསུམ་བཤོས་བུ་དང་༔ ཧོམ་ཁུང་ཁ་རན་མུ་ཁྱུད་ལ༔ སྡེ་བརྒྱད་བཤོས་བུས་བསྐོར་བར་བྱ༔ མཆོད་གཏོར་སྨན་རག་ལས་གཞུང་ལྟར༔ ལིངྒར་ལྷ་དབྱེ་འགུགས་བསྟིམ་དང་༔ སྔགས་དམིགས་ལ་སོགས་གནད་དུ་བསྣུན༔ བདུན་གཅིག་བདུན་གཉིས་བདུན་གསུམ་དུ༔ བརྩོན་འགྲུས་ལྡན་པས་ལས་ལ་སྦྱར༔ ས་མ་ཡཱ༔ རྒྱ་རྒྱ་རྒྱ༔ དེ་ཚེ་རྟགས་ཀྱི་རིམ་པ་ནི༔ ལིངས་བྱས་གཡུལ་འགྱེད་རི་ཕྲག་བཤིག༔ ཁྱད་པར་ཁོ་ཡི་བླ་རྟགས་བསད༔ ཤ་ཁྲག་བྱིན་ཟོས་དོན་སྙིང་གཏད༔ དེ་སོགས་ལྟས་ནི་སྣ་ཚོགས་འབྱུང་༔ དེ་ནས་ལུང་གསུམ་འདུས་པའི་མདོ༔ རྒྱ་གྲམ་ལམ་མམ་མཆོད་རྟེན་ཞབས༔ ལས་སྦྱར་ཤགས་འདེབས་དམོད་བཅོལ་མནན༔ ས་མ་ཡཱ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ ཟབ་རྒྱ༔ གསང་རྒྱ༔ ས་མ་ཡཱ༔ རྒྱ་རྒྱ་རྒྱ༔ རྒྱལ་ཁམས་པ་ཉི་མ་གྲགས་པས་ཁམས་སྲིང་མོ་རྫོང་གི་ནུབ་སྒོ་མེ་འབར་ཕུག་ནས་གདན་དྲངས་ཤིང་ཤོག་སེར་ལས་བསྒྱུར་བའོ། །མངྒ་ལམ།། །།
སྔགས་ཀྱི་མདེའུ་ཤིན་ཏུ་གསང་བའི་གབ་ཡིག
རྟ་མགྲིན་དྲེགས་པ་ཟིལ་གནོན་ལས༔ སྔགས་ཀྱི་མདེའུ་ཤིན་ཏུ་གསང་བའི་གབ་ཡིག་བཞུགས་སོ༔ དཔལ་ཆེན་དབང་གི་ལྷ་ལ་ཕྱག་འཚལ་ལོ༔ དེ་ཡང་དབང་ཆེན་དྲག་པོ་སྒྲུབ་པའི་སྔགས་ཀྱི་མདེའུ་ཐུང་གི་རིམ་པ་ནི༔ ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ སྒྲུབ་ཐབས་རྩ་བསྙེན་གྱི་མདེའུ༔ ས་མ་ཡཱ༔ རྒྱ་རྒྱ་རྒྱ༔ ཨཱོཾ་མ་ཧཱ་དྷེ་ཝ་ཧཱུྃ་ཨུ་མ་དྷེ་ཝི་ཧྲཱིཿཧྲིང་ཧྲིང་ཛཿཛཿསརྦ་ལོ་ཀ་སྡུས་སྡུས་ཝ་ཤང་ཀུ་རུ་ས་མ་ཡ་རཀྴ་ཀརྨ་ཧཱུྃ་ཕཊ་སྭཱ་ཧཱ༔ ནང་སྒྲུབ་ཀྱི་བསྙེན་པའི་མདེའུ་ཐུང་༔ ས་མ་ཡཱ༔ རྒྱ་རྒྱ་རྒྱ༔ ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་མ་ཧཱ་དྷེ་ཝ་ཧྲི་ཛ་ཨ་ཡ་མ་དུ་རུ་ཙ་ཤ་ན་བཛྲ་ས་མ་ཡ་ཛཿཛཿསརྦ་ཧཱུྃ་ཧཱུྃ་ཕཊ༔ གསང་སྒྲུབ་བསྙེན་པའི་མདེའུ་ཐུང་༔ ས་མ་ཡཱ༔ རྒྱ་རྒྱ་རྒྱ༔ ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་བཛྲ་པཱ་ཎི་དྷཀྐི་ནི་བྷ་ར་ཧི་ཧཱུྃ་མ་ཧཱ་དྷེ་ཝ་ཧྲཱི་ཨུ་མ་དྷེ་ཝི་ཛ་ལ་རཀྴ་ཨ་ཡ་མ་དུ་རུ་ཙ་ཤ་ན་སརྦ་ས་མ་ཡ་བྷྱོ་བྷྱོ་ཛཿཛཿདགྲ་བགེགས་ཆེ་གེ་བྱད་མ་ལྷ་སྲུང་དང་བཅས་པ་ཐམས་ཅད་ཐུམ་རི་ལི་ལི་ཁུག་ཁུག་ནྲི་ཏྲི་མཱ་ར་ཡ་ཚིནྡྷ་ཚིནྡྷ་བྷནྡྷ་བྷནྡྷ་ཛཿཧཱུྃ་བཾ་ཧོ༔ འགུགས་སྔགས་ཀྱི་མདེའུ་ཐུང་༔ ས་མ་ཡཱ༔ རྒྱ་རྒྱ་རྒྱ༔ ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་བཛྲ་པཱ་ནི་དྷཀྐི་ནི་བྷ་ར་ཧི་ཧཱུྃ་མ་ཧཱ་དྷེ་ཝ་ཧྲཱིཿཨུ་མ་དྷེ་ཝི་ཛ་ལ་རཀྴ་ཨ་ཡ་མ་དུ་རུ་ཙ་ཤ་ན་ཏྲི་ས་མ་ཡཱ་ཧཱུྃ་ཧཱུྃ་དགྲ་བགེགས་ཆེ་གེའི་སྲོག་ལ་ཏྲི་དུ་ཛ་ཏྲི་དུ་ཛ་ནྲིའམ་ཏྲི་མཱ་ར་ཡ་རྦད་རྦད༔ ཏྲག་རཀྴ་མཱ་ར་ཡ་རྦད་ཆོད་ཐུམ་རིལ་རྦད༔ དུམ་བུར་གཏུབས་གཏུབས་སྙིང་ལ་ཡཾ་ཡཾ་མར་ཐུར་མཱ་ར་ཡ་བྷྱོ་ནན༔ དགྲ་བགེགས་སམ་བན་བོན་བྱད་གཏད་མཁན་ལྷ་སྲུང་ཞེས་མིང་ལྟེམ་པའི་མཐར་ཏྲི་དུ་ཛ་ཏྲི་དུ་ཛ་ནྲིའམ་ཏྲི་མཱ་ར་ཡ་རྦད་རྦད་བྱད་གཏད་ཁྲམ་གསུམ་ཐམས་ཅད་ས་ཐུན་ཡ་བྷྱོ་ཟློག༔ ཨོཾ་བིརྱ་དགྲ་བགེགས་བྱད་མའི་སྙིང་ལ་རྦད༔ ཁྲི་འཕོ་དགྲ་བགེགས་བྱད་མའི་སྙིང་ལ་རྦད༔ དམ་ལིང་དགྲ་བགེགས་བྱད་མའི་སྙིང་ལ་རྦད༔ པྲ་ཧ་ར་ན་དགྲ་བགེགས་བྱད་མའི་སྙིང་ལ་རྦད༔ བསད་པའི་སྔགས་ཀྱི་མདེའུ་ཐུང་༔ ས་མ་ཡཱ༔ རྒྱ་རྒྱ་རྒྱ༔ ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་བཛྲ་པཱ་ཎི་དྷཀྐི་ནི་བྷ་ར་ཧི་ཧཱུྃ་མ་ཧཱ་དྷེ་ཝ་ཧྲཱི༔ ཨུ་མ་དྷེ་ཝི་ཛ་ལ་རཀྴ་ཨ་ཡ་མ་དུ་རུ་ཙ་ཤ་ན་ཏྲི་ས་མ་ཡ་ཧཱུྃ་ཧཱུྃ༔ དགྲ་བགེགས་བྱད་མ་རྦོད་གཏོང་གཏད་ཁྲམ་དང་བཅས་པ་ཏྲི་དུ་ཛ་བྷྱོ་ཟློག༔ ཏྲི་དུ་ཛ་བྷྱོ་ཟློག༔ མཱ་ར་ཡ་ཏྲག་རཀྴ་བྱད་གཏད་ཁྲཾ་གསུམ་ཐམས་ཅད་ས་ཐུན་ཡ་བྷྱོ་ཟློག༔ ཨཱོཾ་བིརྱ་དགྲ་བགེགས་བྱད་མ་ཐམས་ཅད་བྷྱོ་ཟློག༔ ཁྲི་འཕོ་དགྲ་བགེགས་བྱད་མ་ཐམས་ཅད་བྷྱོ་ཟློག༔ དམ་ལིང་དགྲ་བགེགས་བྱད་མ་ཐམས་ཅད་བྷྱོ་ཟློག༔ པྲ་ཧ་ར་ན་དགྲ་བགེགས་བྱད་མ་ཐམས་ཅད་བྷྱོ་ཟློག༔ གཟུགས་ཅན་མིའི་བྱད་གཏད་ཁྲམ་གསུམ་ཐམས་ཅད་བྷྱོ་ཟློག༔ གཟུགས་མེད་ལྷ་འདྲེའི་བྱད་གཏད་ཁྲམ་གསུམ་ཐམས་ཅད་བྷྱོ་ཟློག༔ ཉི་མ་ཕྱོགས་བཞི་མཚམས་བརྒྱད་སྟེང་འོག་གཉིས་དང་བཅས་པའི་དགྲ་བགེགས་བྱད་མ་ཐམས་ཅད་བྷྱོ་ཟློག༔ བཟློག་པའི་སྔགས་ཀྱི་མདེའུ་ཐུང་༔ ས་མ་ཡཱ༔ རྒྱ་རྒྱ་རྒྱ༔ བསྭོ་ཨ་ཡ་རཾ་རཾ༔ བྲུཾ་བྲུཾ་གཡུང་དྲུང་རྀ་རྀ་ཙཀྲ་རྀ་རྀ་བྲུཾ་བྲུཾ་རཏྣ་རཾ་རཾ་བསོ་རཾ་ཟློག་ཁྲོ་ཏ་ཏྲི་ཙེ་ཟློག་ཀྲོ་ཏ་ཁྱེར་ཡ་རཾ་ཡ་རཾ་ཡ་རཾ་ཏ་རཾ་ཏ་རཾ་ར་ཙ་རཾ་རཾ་ནཱ་ག་ཧཱུྃ་ཟློག་དུ་ར་དྷེ་ཝ་ཟློག་བྱད་མ་རང་གཤེད་རང་ལ་ཕོབ་སྲིད་པའི་རྒྱལ་མོའི་སྙིང་ལ་ཐུན་བྷྱོ༔ བོན་པོ་བསད་བཟློག་གི་སྔགས་ཀྱི་མདེའུ༔ ས་མ་ཡཱ༔ རྒྱ་རྒྱ་རྒྱ༔ འདི་ནི་སྙིང་ཞུན་སྔགས་ཀྱི་རིམ་པ་སྟེ༔ དྲག་པོ་ཁྲོས་པ་དྲེགས་པའི་གཤེད་མའི་སྲོག༔ རྒྱུད་ལ་བརྟེན་ཏེ་གདམས་པའི་སྙིང་པོ་འདི༔ མན་ངག་རིས་སུ་བཏབ་པ་ཨི་ཐི་རྒྱ༔ མ་འོངས་བསྟན་འགྲོའི་བདེ་བ་བསྐྲུན་པའི་ཕྱིར༔ ཤར་ཕྱོགས་མཐོན་པོའི་རི་བོ་སྲིང་མོ་རྫོང་༔ ནུབ་ཀྱི་སྒོ་མོ་མེ་འབར་དབང་ཕུག་ཏུ༔ རྒྱ་གསུམ་བཏབ་པའི་ཟབ་ཆོས་རིན་ཆེན་འདི༔ འགྲོ་བ་ཚེ་ཐུང་ཉོན་མོངས་རགས་པའི་དུས༔ ནད་མཚོན་ཡམས་ནད་རླུང་ལྟར་འཚུབ་པའི་ཚེ༔ མི་རུང་ཐན་ལྟས་སྣ་ཚོགས་འབྱུང་བའི་དུས༔ ལས་འཕྲོ་ལྡན་པས་གདམས་པ་འདི་སྤྱོད་ཅིང་༔ བསྟན་འགྲོའི་དོན་ལ་འབད་པ་ཐོགས་མེད་འོང་༔ ས་མ་ཡཱ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ ཟབ་རྒྱ༔ གཉན་རྒྱ༔ གསང་རྒྱ༔ སོ་ཕག་ཤི་ན་ཏ་རེ་རྒྱ་རྒྱ་རྒྱ༔ རྒྱལ་ཁམས་པ་ཉི་མ་གྲགས་པས་ཁམས་སྲིང་མོ་རྫོང་གི་མེ་འབར་ཕུག་ནས་གདན་དྲངས་ཤིང་ཤོག་སེར་ལས་བསྒྱུར་བ་མངྒལཾ།། །།
མ་འོངས་ལུང་བསྟན་གྱི་ཤོག་དྲིལ།
རྟ་མགྲིན་དྲེགས་པ་ཟིལ་གནོན་ལས༔ མ་འོངས་ལུང་བསྟན་གྱི་ཤོག་དྲིལ་བཞུགས་སོཿ དབང་ཆེན་ཧེ་རུ་ཀཿལ་ཕྱག་འཚལ་ལོ༔ དེ་ཡང་ཆོས་འཁོར་དཔལ་གྱི་བསམ་ཡས་ཀྱི་ཨཱརྱ་པ་ལོའི་གླིང་དུ་རྟ་མགྲིན་དྲེགས་པ་ཟིལ་གནོན་གྱི་གདམས་པ་རྣམས་གུ་རུ་རིན་པོ་ཆེས་བདག་ཅག་རྣམས་ལ་གནང་བའི་དུས་སུ༔ བདག་ཁྲི་སྲོང་ལྡེའུ་བཙན་གྱིས་བླ་གཡུ་ནོར་བུ་འོད་འབར་སོགས་རིན་པོ་ཆེའི་ནོར་སྣ་མང་པོ་ཕུལ༔ སྐུ་ལ་ཟ་འོག་གི་བེར་གསོལ་རོ་བདའ་བའི་བཟའ་བཏུང་མང་པོའི་ཚོགས་འཁོར་དང་བཅས་གུ་རུ་རིན་པོ་ཆེ་ལ་འདི་སྐད་ཞུས་སོ༔ གུ་རུ་རིན་པོ་ཆེ་ཁྱེད་ནི་རྒྱལ་བ་ཐམས་ཅད་འདུས་པའི་དབང་པོ་སྟོན་པའི་རྒྱལ་ཚབ་ཆེན་པོ༔ ཡང་དག་པར་ལུང་བསྟན་པའི་སངས་རྒྱས་ཆེན་པོ༔ ཁྱེད་ཀྱིས་དུས་གསུམ་གྱི་བྱེ་བྲག་ཐམས་ཅད་མངོན་སུམ་དུ་མཁྱེན་འདུག་པས༔ དཀོར་སྲུང་གིས་བདག་བསླུས་ཏེ་ཞུ་བ་ཕུལ་བས་རྟེན་འབྲེལ་གྱི་གནད་ཆེན་པོ་འཆུགས་ནས༔ ཧོམ་ཁུང་ནས་ཤོར་བའི་རླུང་འཚུབ་གཟའ་ཀླུ་རྒྱལ་པོ་སོགས་ཡིན་གསུངས་པའི་འདུལ་ཐབས་སུ༔ དབང་ཆེན་སྒྲུབ་པའི་གདམས་པ་ཟབ་མོ་འདིའི་རིམ་པ་བདག་ཅག་རྣམས་ལ་སོ་སོར་སྨོན་ལམ་གྱི་གཏད་རྒྱ་མ་འོངས་ཕྱི་མའི་དོན་དུ་གནང་ནས༔ བོད་ཁམས་ཀྱི་འགྲོ་བ་སྡུག་བསྔལ་ལས་སྐྱོབ་ཏེ་དྲེགས་ཚོགས་ཐམས་ཅད་ཟིལ་གྱིས་གནོན་ནས༔ འགྲོ་དོན་དུས་བབས་སུ་བདག་གཞན་གྱི་དོན་འབྱུང་བའི་ལུང་བསྟན་བཅས་པ་བདག་ཅག་རྣམས་ཐུགས་ལ་འདོག་པར་ཞུ་ཞུས་པས༔ གུ་རུ་རིན་པོ་ཆེའི་ཞལ་ནས༔ རྒྱལ་པོ་ཁྱོད་ཀྱི་དེ་རྣམས་ཞུས་པ་ཤིན་ཏུ་ལེགས༔ ཁ་སང་བར་ཆད་ཆེ་བའི་དབང་གིས་མ་འོངས་པ་ན་གཟའ་ཀླུ་རྒྱལ་གསུམ་གྱིས་སྐྱེ་འགྲོ་ལ་རབ་ཏུ་འཚེ་བ་དང་གནོད་པ་འབྱུང་ཡང་༔ ཁྱེད་ལས་ལྡན་གྱི་རྗེ་འབངས་རྣམས་ཀྱི་སྤྲུལ་པས་འགྲོ་དོན་ནམ་ཡང་བྱེད་པ་འོང་༔ དེ་ཐམས་ཅད་བདག་གི་སྨོན་ལམ་གྱི་མཐུ་ཡིན༔ ཁྱད་པར་མི་རྣམས་བཞི་བཅུ་ཁ་རལ་སུམ་ཅུར་ཉེ་བའི་དུས༔ ལྷ་འདྲེ་མི་གསུམ་དུག་ཆུ་ལྟར་ཁོལ་ཞིང་ངན་སྤྱོད་འབའ་ཞིག་དུག་ཏུ་གཡོ་སྟེ༔ གཡོ་ཟོག་ཁྲམ་གསུམ་གྱི་འཁོར་ལོ་བསྐོར་ནས༔ བོད་ཡུལ་གྱི་རྡོ་རྗེ་གདན་གསུམ་དང་སྒྲུབ་གནས་ཐམས་ཅད་ཉམས་ཤིང་བོད་ཁམས་མྱ་ངན་གྱི་འདམ་ལ་ལྷུང་བའི་དུས་སུ༔ ཁྱེད་རྒྱལ་པོ་ཡབ་སྲས་ཀྱི་སྐྱེ་བས་བོད་ཁམས་ཀྱི་འགྲོ་བ་སྐྱོང་བ་དང་༔ དབང་ཆེན་སྒྲུབ་པའི་གདམས་པ་ཟབ་མོ་འདི་ཡང་༔ ཇོ་མོ་མཚོ་རྒྱལ་ཁྱོད་ཀྱིས་ཡི་གེར་ཐོབ་ལ་ཆོས་འཁོར་འདིའི་བྱང་ཤར༔ དཔལ་གྱི་ལྷ་སའི་ཤར་ཕྱོགས་སྲིང་མོ་རྫོང་གི་ནུབ་སྒོ་མེ་འབར་དབང་གི་ཕུག་པར༔ སྲུང་མ་གྲི་བཙན་དམར་པོ་ལ་བཅོལ་དང་༔ འཁོན་ཀླུའི་དབང་པོའི་སྐྱེ་བ་ཁམས་པ་ཉི་མ་གྲགས་པས་འབྱིན་ཅིང་༔ གངས་ལྗོངས་ས་ལ་དབང་བའི་བདག་པོས་པདྨ་བདག་དང་ཐུགས་རྗེ་ཆེན་པོའི་སྤྲུལ་པ་སོ་སོར་འབྱུང་བ་ལེགས་པར་བརྟག་ཅིང་དབྱེར་མེད་གཅིག་ཏུ་གསོལ་བ་བཏབས་ནས་རྟེན་འབྲེལ་གྱི་གནད་རྣམས་མ་ཉམས་ན༔ མདོ་སྔགས་ཀྱི་སྲོལ་ཁ་རྒྱས་ཤིང་ཀུན་ཀྱང་བདེ་བ་ལ་སྤྱོད་པའི་དུས་ཡོང་གསུངས་པ་དང་༔ བདག་མཚོ་རྒྱལ་གྱིས་གསེར་གྱི་གདུ་བུ་དངུལ་གྱི་མེ་ལོང་སོགས་རིན་པོ་ཆེའི་མཎྜལ་མང་པོ་དང་བཅས་འདི་སྐད་ཞུས་སོ༔ ཀྱེ་གུ་རུ་རིན་པོ་ཆེ་ལགས་བོད་སྡུག་བསྔལ་ལ་སྤྱོད་ཅིང་ས་གནད་རྣམས་ཉམས་གཟའ་ཀླུ་སོགས་ཀྱི་གདོན་རྣམས་དར༔ གཡོ་ཟོག་གི་འཁོར་ལོ་ཡང་བསྐོར་ཏེ་ལྷ་མི་ཐམས་ཅད་དུག་མཚོ་ལྟར་ཁོལ་བའི་དུས་ངན་པ་འབྱུང་གསུང་བའི་དུས་སུ༔ རྒྱལ་པོ་ཡབ་སྲས་སོགས་རྗེ་འབངས་ཀླུ་དབང་གུ་རུ་རིན་པོ་ཆེ་ཐུགས་རྗེ་ཆེན་པོ་སོགས་ཀྱི་སྤྲུལ་པས་འགྲོ་བའི་དོན་བྱེད་གསུངས་པའི་རིམ་པ་རྣམས་གསལ་བར་རྩལ་དུ་གསོལ་ལོ༔ ཞིབ་པར་གསུང་དུ་གསོལ་ལོ༔ དུས་གསུམ་མཁྱེན་པས་བསྟན་འགྲོའི་དོན་དུ་ཞིབ་པར་གསུང་དུ་གསོལ་ལོ་ཞེས་ཞུས་པས་བཀའ་སྩལ་པ༔ ཉོན་ཅིག་འདིར་ཚོགས་བོད་ཀྱི་སྐལ་ལྡན་རྣམས༔ ལྷག་པའི་ལྷ་མཆོག་རྟ་ཕག་ཡབ་ཡུམ་འདི༔ བདག་གི་ཡི་དམ་ལྷ་ཡི་ལྷ་མཆོག་སྟེ༔ བརྗོད་པར་དཀའ་ཞིང་སྤེལ་བར་ཕངས་ན་ཡང་༔ ཆོས་རྒྱལ་འཁོར་ཚོགས་སྐུ་ངོ་ཆེ་བ་དང་༔ དུས་གསུམ་འགྲོ་བའི་དོན་བསམས་ལེགས་པར་གདམས༔ འདི་ལྟའི་གདམས་པ་སྙིང་གི་ནོར་བུ་འདི༔ འདྲ་ཙམ་མི་འདྲ་རྣམ་པ་ལྔར་ཕྱེ་ལ༔ ཇོ་མོ་མཚོ་རྒྱལ་ཁྱོད་ཀྱིས་ཡི་གེར་ཐོབ༔ བོད་ཁམས་ཕྱོགས་བཞི་དབུས་དང་ལྔ་ལ་སྦོས༔ སྐབས་དང་སྐབས་སུ་མཐོང་སྐར་ཉི་མ་བཞིན༔ ང་ཡི་སྤྲུལ་པས་རིམ་བཞིན་འགྲོ་དོན་བྱེད༔ ཁྱད་པར་དྲེགས་པ་ཟིལ་གནོན་གདམས་པ་འདི༔ ཤར་ཕྱོགས་མཐོན་པོ་ཁམས་ཀྱི་སྲིང་རྫོང་གི༔ ནུབ་སྒོར་རྒྱས་ཐོབ་སྲུང་མར་ལེགས་པར་བཅོལ༔ དེ་ནས་མ་འོང་བོད་ཀྱི་སྐྱེ་འགྲོ་རྣམས༔ མྱ་ངན་མུན་པར་འཐོམས་དུས་འགྲོ་དོན་ཆེ༔ ཆོས་རྒྱལ་ཡབ་སྲས་རྗེ་འབངས་ཁྱེད་རྣམས་ཀྱང་༔ བཅུ་གཉིས་གླིང་དང་འགྲོ་དྲུག་གང་དུ་ཡང་༔ འགྲོ་བའི་དོན་ཆེན་དུས་གསུམ་ཀུན་ཏུ་སྤྱོད༔ ཁྱད་པར་ད་ལྟའི་རྟེན་འབྲེལ་སྨོན་ལམ་གྱིས༔ མ་འོངས་བསྐལ་ཞབས་བཞི་བཅུའི་མར་འགྲིབ་ལ༔ ལྷ་ཡི་མེ་ཏོག་ཟ་ཧོར་ཚལ་དུ་འབབས༔ དེ་ལ་འདྲ་མིན་གཅིག་འབྱུང་མ་ནོར་ན༔ རྒྱ་མཚོའི་མིང་ཅན་འཕྲིན་ལས་ཕྱོགས་བཅུར་ཁྱབ༔ རྒྱལ་པོ་ཉིད་ཀྱི་སྤྲུལ་པ་རྣམ་ལྔ་ཡི༔ སྐུ་ཡི་བྱ་ར་གསུང་གི་བཀའ་སྡོད་དང་༔ ཐུགས་ཀྱི་དགྱེས་སྡེ་བཀའ་ཡི་འཕྲིན་ལས་སྒྲུབ༔ རྒྱལ་རིགས་ཆེ་བའི་ཡོན་ཏན་ལྔ་ཡིས་སྤྲས༔ སྐུ་དབྱིབས་ཞི་མ་ཁྲོ་ལ་ངང་རྒྱུད་དལ༔ ཁོང་ཡངས་བློ་ཆེ་ཤེས་ཞིབ་བཀའ་བཙན་ཞིང་༔ ཟུང་ཐུབ་མཐུ་སྟོབས་སྦྱངས་པ་རབ་ཏུ་ཆེ༔ རྒྱལ་སྲིད་སྣ་བདུན་དཔལ་གྱི་དབང་དང་ལྡན༔ རྗེའུ་རིགས་རྒྱལ་པོས་མ་རུངས་ཟིལ་གནོན་འདུལ༔ བཟང་ལ་ལེགས་སྦྱིན་ངན་ལ་སུན་ཡང་ཕྱུང་༔ ཆོས་དང་ཆོས་མིན་ཤན་འབྱེད་མདོ་སྔགས་སྐྱོང་༔ རྒྱལ་པོའི་ཁྲིམས་ལྕི་ཆོས་ཀྱི་བཀའ་རྒྱ་དམ༔ གནས་གཞི་སྡེ་དགོན་ལ་ལུང་བནྡྷེས་འགང་༔ གསང་སྔགས་ལྕང་ལོའི་བསྟན་པ་ཕྱོགས་མཐའ་གསལ༔ གཡོ་ཐོག་གཉིས་ཀྱི་བཀའ་སྡུད་ཀྱལ་ལ་འཕུད༔ བྱང་མི་འདུལ་སྐྱོང་གནམ་སའི་བདག་པོ་བྱེད༔ སྐུ་ཡི་ཕྱག་ཚང་མཐའ་ལ་ལྷ་སྲས་འདི༔ སྤྲུལ་པ་བྱང་ཆུབ་སེམས་དཔའ་བློ་ཆེན་ལྡན༔ འགོང་སྤྲུལ་གཅིག་གི་བར་ཆད་མ་ཞུགས་ན༔ བོད་ཀྱི་སྐྱིད་མགོ་བསྟན་འགྲོའི་མགོན་དུ་འཆར༔ དཔལ་འབྱོར་དབང་བཅུས་ཕྱུག་ཅིང་ཆོས་འདི་འཕྲད༔ ངེས་འབྱུང་དག་སྣང་མོས་པ་འཕེལ་བ་འོང་༔ དེ་ཚེ་འཁོར་དུ་བཟང་སྤྱོད་ངན་བཤོམས་པའི༔ དམ་སྲི་སྤུན་བདུན་མི་མིན་མི་རུ་བརྫུ༔ འཕུང་ཐབས་གཡོ་སྐོར་སྟོད་སྨད་མཐའ་མི་གཡབ༔ རེ་སྡེ་མགོ་ཉག་སྤྲུལ་པ་དཔལ་གྱི་མིང་༔ སྣ་རིང་གླང་གདོང་སྤྲུལ་པ་དགའ་བའི་མིང་༔ ཀྲི་ཏི་བྱ་གདོང་སྤྲུལ་པ་རྟ་ཡི་མིང་༔ ཤྭ་རི་སྟག་གདོང་སྤྲུལ་པ་འཕགས་པའི་མིང་༔ དུན་ཏི་ཁྱི་གདོང་སྤྲུལ་པ་ཚེ་ཡི་མིང་༔ མུ་ཁ་འུག་གདོང་སྤྲུལ་པ་ནོར་གྱི་མིང་༔ ཀྲོ་ཏ་གློག་འཛིན་སྤྲུལ་པ་ངག་གི་མིང་༔ ཧོར་སོག་དབུས་གཙང་ལྷོ་ཀོང་ཁམས་ནས་ཡོང་༔ གཞན་ཡང་བདུད་འགོང་སྤྲུལ་པ་མང་འབྱུང་ཡང་༔ མདོ་སྔགས་བསྟན་ལ་གུས་དང་སྲུང་མ་མཆོད༔ ལས་བཞིའི་འཕྲིན་ལས་ང་ཡི་བཀའ་བཞིན་སྒྲུབས༔ གནས་དགོན་གཙུག་ལག་གསོ་དང་བཀའ་བསྟན་སྒྲོགས༔ རི་རྒྱ་རླུང་རྒྱ་སེམས་ཅན་སྲོག་མགོ་ཐོན༔ མཐའ་འདུལ་ཡང་འདུལ་མཐའ་དབུས་ཞིག་རལ་སྲུབས༔ ཚེས་བཅུ་བསྐང་བཤགས་མ་ཎིའི་ཐུན་ཁ་ཚུགས༔ ཡུལ་ལྷ་ཟོ་དོར་དགྲ་ལྷ་དཔའ་བསྟོད་འབུངས༔ བོད་ཀྱི་རྡོ་རྗེ་གདན་གསུམ་ལྷ་ཁང་གསོ༔ ཀླུ་མཆོད་སྙིང་གཏེར་མཐའ་དབུས་ཀུན་ལ་སྦ༔ འདི་ལྟར་བསྟན་འགྲོའི་འབད་པ་རྔོ་ཐོགས་ན༔ མཆོག་གསུམ་ཐུགས་རྗེ་བདག་ཉིད་བྱིན་རླབས་མཐུས༔ བདུད་སྤྲུལ་རྣམས་ལ་ལ་ཉེ་ངན་འཚང་རྡོལ༔ རང་རང་སྤྱོད་པས་བརྟག་བསླ་ཀྱལ་ལ་འབུད༔ མཐའ་མི་ནང་འཁྲུག་གཅིག་བསྟན་གཅིག་བརླག་འཐོར༔ བོད་ཡུལ་འགྲོ་བ་བདེ་སྐྱིད་ནམ་ལང་འགྱུར༔ ཅེས་གསུངས་པའི་ཚེ་བུད་མེད་བདག་གིས་ཕྱག་འཚལ་ཐལ་མོ་སྦྱར་ཏེ་ཞུས་པ༔ གུ་རུ་རིན་པོ་ཆེ་ལྷ་སྲས་ཀྱི་སྤྲུལ་པས་བོད་ཀྱི་སྐྱིད་མགོ་འཛིན་གསུང་བའི་བྱང་ཆུབ་སེམས་དཔའ་དེས་བཀའ་བཞིན་བསྒྲུབས་ན་བདུད་འགོང་གི་སྤྲུལ་པ་རྣམས་ཀྱིས་མི་ཚུགས་གསུངས་པ་དེ་ཐུགས་རྗེ་ཆེ་ལགས༔ དེ་དུས་ཀྱི་བདུད་ཚོགས་དེ་རྣམས་ཀྱི་འཇིགས་པ་ལས་བོད་ཀྱི་རྒྱལ་འབངས་རྣམས་ཁྱེད་ཀྱི་ཐུགས་རྗེས་སྐྱབ་ཏུ་གསོལ་ལོ༔ གུ་རུ་རིན་པོ་ཆེ་འོ་ན་ལྷ་སྲས་ཀྱི་སྤྲུལ་པའི་བྱང་ཆུབ་སེམས་དཔའ་དེ་ལ་དཔུང་གཉེན་དུ་གྱུར་པའི་འབངས་འཁོར་སོགས་ཅི་འདྲ་འབྱུང་ལགས་ཞུས་པས་བཀའ་སྩལ་པ༔ ཉོན་ཅིག་མཚན་ལྡན་ལྷ་མོ་ཡིད་འོང་མ༔ ང་ཡི་ཐུགས་སྲས་ལྷ་སྲས་སྐྱེ་བའི་མཐའ༔ བྱང་ཆུབ་སེམས་ལྡན་སངས་རྒྱས་མཚན་ཅན་དེ༔ འགྲོ་ལ་བརྩེ་ཞིང་སྙིང་རྗེ་ཆེར་ལྡན་པས༔ མངའ་ཐང་རྒྱས་ཤིང་སྐྱེ་འགྲོ་དབང་དུ་འདུ༔ ཕ་རོལ་དགྲ་ཟླ་ཕལ་ཆེར་བྱམས་གྲོགས་འདུད༔ ཚད་མེད་བཞི་ཡི་མོས་གུས་སེམས་ལྡན་པས༔ རིགས་གསུམ་སྤྲུལ་པའི་བླ་མས་གཙུག་རྒྱན་བྱེད༔ ཚོགས་བརྒྱད་འཛིན་པ་དག་པའི་བདེན་སྟོབས་མཐུས༔ བྱང་ཆུབ་སེམས་དཔའ་བརྒྱད་ཀྱི་རྣམ་འཕྲུལ་གྱི༔ བཀའ་ཡི་རྟགས་འཆང་བསྟན་པ་འཛིན་སྐྱོང་སྤེལ༔ ཡུལ་བརྒྱད་ཞེན་པ་བྲལ་བའི་རང་བཞིན་གྱི༔ བྱང་ཆུབ་སེམས་མ་བརྒྱད་ཀྱི་རང་རྩལ་འཕྲུལ༔ སྐུ་ཡི་བྱ་ར་གསུང་གི་མངགས་གཞུག་དང་༔ ཐུགས་ཀྱི་དགྱེས་བསྐང་ཕྱག་ཚང་གཡོས་ཀྱིས་མཆོད༔ ཚོགས་བསགས་སྒྲིབ་གཉིས་དག་པའི་རང་འོད་ལས༔ སྒྲོལ་མ་མཆེད་གཉིས་སྤྲུལ་པས་འབྱུང་འཁྲུགས་སེལ༔ རང་དབང་མཐར་ཕྱིན་གཞན་དབང་མངོན་གྱུར་པས༔ རྟ་མགྲིན་སྤྲུལ་པའི་སྲས་ཀྱིས་བསྟན་འགྲོ་སྐྱོབ༔ རླབས་ཆེན་སྦྱིན་པའི་བསོད་ནམས་དཔུང་འཐུག་པས༔ ལྷ་མིའི་སྐྱེ་འགྲོ་མཆོད་སྦྱིན་བྱ་དགས་ཚིམས༔ སྦྱངས་སྟོབས་ཤེས་རབ་ཟབ་མོའི་ཀློང་རྡོལ་བས༔ གནས་ལྔའི་སྒྲོ་འདོགས་མཐའ་རུ་གསལ་བར་བྱེད༔ རང་རྒྱུད་དག་པའི་སྣང་བ་རྒྱས་པ་ཡིས༔ གཞན་རྒྱུད་གྲུབ་མཐའི་རིས་ཆུང་ཕྱོགས་མེད་མཆོད༔ བརྩོན་འགྲུས་དཔའ་བའི་དཔག་བསམས་ཤིང་རྒྱས་པས༔ དགེ་བཅུའི་བསྟན་པའི་ཁུར་ཆེན་ཡང་དག་འཆང་༔ རིམ་གཉིས་སྦྱངས་པའི་ཏིིང་འཛིན་ལས་རུང་བས༔ སྣང་སེམས་དབང་སྒྱུར་གསང་སྔགས་བསྟན་པ་སྐྱོང་༔ ཚེ་རབས་སྦྱངས་པའི་བདེན་སྟོབས་ཏིང་འཛིན་གྱིས༔ སྐབས་དེར་གཞན་རྒྱུད་ཚེ་འདིའི་ལེགས་ཉེས་གསལ༔ རང་ལོའི་ཁམས་ཀྱི་འབྱུང་དགྲའི་བཞི་བཅུ་དང་༔ ང་ལྔ་ང་དྲུག་དྲུག་ཅུའི་དགུ་མིག་འཕྲང་༔ གསུམ་ལས་སྒྲོལ་ན་བདུན་ཅུར་ཚེ་ཡང་བརྟན༔ དེ་འདྲའི་སྐྱེས་མཆོག་སྙིགས་མའི་དུས་སུ་འབྱུང་༔ ཞེས་གསུངས་པས་སླར་ཡང་འདི་སྐད་ཞུས་སོ༔ གུ་རུ་རིན་པོ་ཆེ་ཁྱེད་དང་ཐུགས་རྗེ་ཆེན་པོ་རྗེ་འབངས་རྣམས་ཀྱི་སྤྲུལ་པ་ཡང་འབྱོན་གསུངས་པ་སོགས་ཀྱི་རིམ་པ་རྣམས་ཀྱང་གསུང་དུ་གསོལ་བདག་གིས་ཤོག་སེར་དུ་འདེབས་པ་ཡིན་ལགས་ཞུས་པས༔ གུ་རུ་རིན་པོ་ཆེས་བཀའ་སྩལ་པ༔ ཉོན་ཅིག་སེམས་བསྐྱེད་ལྡན་པའི་སྐལ་ལྡན་མ༔ མ་འོངས་བསྐལ་མཐའ་བཞི་བཅུའི་མར་འགྲིབ་དེར༔ སངས་རྒྱས་བྱང་སེམས་སྤྲུལ་པ་མང་པོ་འབྱུང་༔ ཨོ་རྒྱན་ང་སྤྲུལ་ཉི་མའི་ཟེར་དང་མཚུངས༔ སྟོང་གསུམ་འགྲོ་དྲུག་འཛམ་གླིང་ཡོངས་ལ་ཁྱབ༔ དག་དང་མ་དག་སྣ་ཚོགས་གཟུགས་སུ་འོང་༔ སྤྲུལ་པ་སྣ་ཚོགས་འགྲོ་བ་ཐབས་ཀྱིས་འདུལ༔ ཁྱད་པར་དུས་དེར་བདག་གི་མཆོག་སྤྲུལ་ནི༔ བཻ་རོའི་སྐྱེ་མཐའ་ཆོས་གླིང་རིག་འཛིན་མཚན༔ ཆེ་བའི་ཡོན་ཏན་དུ་མས་བརྒྱན་པ་འོང་༔ སྨོན་ལམ་སྟོབས་ཀྱི་ས་ཡི་དབང་ཕྱུག་དང་༔ ལེགས་ཚོགས་འགྲིག་ཅིང་བར་ཆད་མ་བྱུང་ན༔ བོད་འབངས་བདེ་བའི་རྩ་ལག་རབ་ཏུ་རྒྱས༔ ཐུགས་རྗེ་ཆེན་པོས་བྱིན་གྱིས་བརླབས་པའི་བུ༔ འཁོན་པ་ཀླུ་དབང་སྐྱེ་མཐའ་ཉི་མ་གྲགས༔ ཁམས་ནས་འབྱུང་ཞིང་ཟབ་མོའི་ཁ་བྱང་འཆང་༔ འདི་གཉིས་པད་འབྱུང་ཐུགས་རྗེ་ཆེན་པོའི་སྤྲུལ༔ དབྱེར་མེད་གསོལ་བ་བཏབ་ན་ལེགས་ཚོགས་འཕེལ༔ བདུད་འཇོམས་སྤྲུལ་པ་རྡོ་རྗེ་བྲག་ནས་འབྱུང་༔ མཆོག་དབྱངས་སྤྲུལ་པ་ཁ་རིའི་འདབས་ནས་འབྱུང་༔ ལ་སྱའི་སྤྲུལ་པ་ང་ལའི་ཞོལ་ནས་འབྱུང་༔ དཔལ་དབྱངས་སྤྲུལ་པ་འཇང་གི་ཕྱོགས་ནས་འབྱུང་༔ མཚོ་རྒྱལ་སྤྲུལ་པ་དཔལ་གྱི་རི་ནས་འབྱུང་༔ འདི་ལྔ་ས་གནས་བྱང་ཆུབ་སེམས་དཔའ་ལྔ༔ གདམས་པ་ཉམས་བླངས་བདག་གཞན་དོན་དང་ལྡན༔ དཔལ་བརྩེགས་སྤྲུལ་པ་རྩེ་གདོང་ཕྱོགས་ནས་འབྱུང་༔ ལེགས་གྲུབ་སྤྲུལ་པ་རོང་བྱམས་ཕྱོགས་ནས་འབྱུང་༔ འཇམ་དབྱངས་སྤྲུལ་པ་ཡར་ཀླུངས་ཕྱོགས་ནས་འབྱུང་༔ ནམ་སྙིང་སྤྲུལ་པ་ལ་ཡག་ཕྱོགས་ནས་འབྱུང་༔ བོ་དྷིའི་སྤྲུལ་པ་གཙང་རོང་ཕྱོགས་ནས་འབྱུང་༔ སྤྱན་གཟིགས་སྤྲུལ་པ་ས་སྐྱའི་ཕྱོགས་ནས་འབྱུང་༔ འདི་རྣམས་མོས་གུས་ལྡན་པའི་བུ་བདུན་ཏེ༔ གདམས་པ་ཉམས་བླངས་དངོས་གྲུབ་རྣམ་གཉིས་འཐོབ༔ ཁམས་ནས་བློ་གྲོས་མིང་ཅན་དང་༔ ཆབ་མདོར་འཕགས་པའི་མིང་ཅན་དང་༔ སྡེ་དགེར་བཀྲ་ཤིས་མིང་ཅན་དང་༔ ཉང་ནས་དཀོན་མཆོག་མིང་ཅན་དང་༔ རོང་ནས་ཚེ་ཡི་མིང་ཅན་དང་༔ ལ་སྟོད་དཔལ་གྱི་མིང་ཅན་དང་༔ བྱང་ནས་སྐྱབས་ཀྱི་མིང་ཅན་དང་༔ ཡར་འབྲོག་དབང་གི་མིང་ཅན་དང་༔ གཡོན་རུར་ངག་གི་མིང་ཅན་ཏེ༔ དངོས་གྲུབ་ཐོབ་པའི་བུ་མཆོག་དགུར༔ གདམས་པ་ཐོབ་དང་དོན་དང་ལྡན༔ རྨ་ཐོག་རྩེ་མང་ལྷ་དཔལ་དང་༔ ཁྱེའུ་ཆུང་ལོ་ཙཱ་དཔལ་དབྱངས་དང་༔ རྒྱལ་བའི་བློ་གྲོས་དྲན་ནམ་པ༔ འོ་བྲན་དཔལ་གྱི་ཡེ་ཤེས་སོགས༔ རིག་འཛིན་རྣམས་ཀྱི་སྤྲུལ་པ་ཡིན༔ གཞན་ཡང་ད་ལྟ་འབྲེལ་ཐོགས་རྣམས༔ མ་འོངས་དུས་དེར་ཆོས་འདིར་མོས༔ བསྐྱེད་རྫོགས་དྲོད་ཐོབ་མང་དུ་འབྱུང་༔ སུ་འཕྲད་བར་ཆད་འཕྲང་ལས་འགྲོལ༔ ཅེས་གསུངས་པའི་ཚེ་བུད་མེད་བདག་གིས་གུས་པའི་ཕྱག་འཚལ་མོས་པའི་ཐལ་མོ་སྦྱར་ནས་ཞུས་པས༔ གུ་རུ་རིན་པོ་ཆེ་ཟབ་ཆོས་འདིའི་ཆོས་བདག་སོགས་ཀྱི་ལུང་བསྟན་གནང་བ་ཐུགས་རྗེ་ཆེ་ལགས༔ དུས་ངན་བཞི་བཅུའི་ཡང་མར་ཞབས་ངན་པ་དེར་བདུད་འགོང་རྣམས་ཀྱི་སྤྲུལ་པས་སྟོད་སྨད་ཀྱི་མཐའ་མི་གཡབ་གསུངས་པ་དེའི་ངན་པའི་རྟེན་འབྲེལ་འདྲ་འགྲིག་ན་ཕྱི་ནང་གི་དུས་རྟགས་སོགས་འབྱུང་ངམ་མི་འབྱུང་༔ གཟུགས་ཅན་ཀྱི་བདུད་སྤྲུལ་དེ་རྣམས་ལ་གཟུགས་མེད་ཀྱི་རོགས་དན་འདྲ་ཡོད་དམ་མེད་ལགས་ཞུགས་པས༔ བཀའ་སྩལ་པ༔ ཉོན་ཅིག་སེམས་བསྐྱེད་ལྡན་པའི་དད་ལྡན་མ༔ སྟོང་གསུམ་འཇིག་རྟེན་འདི་འོག་རྒྱ་མཚོ་ཆེ༔ སྣོད་བཅུད་ཆགས་དུས་གཡས་འཁོར་ཡར་འཕེལ་ཞིང་༔ འབྱུང་བཞིའི་ཁམས་དང་བཅུད་འབྲས་དར་རྒྱས་སྨིན༔ ས་དང་རྒྱ་མཚོ་འབྲེལ་ཉེ་དྲོད་རླངས་བཟང་༔ དེ་དུས་དུས་སྙིགས་བསྐལ་པ་ཞན་པའི་ཚེ༔ རྒྱ་མཚོ་གཡོན་འཁོར་ས་དང་འབྲེལ་ཐག་རིང་༔ འབྱུང་བ་ཐམས་ཅད་མར་འབྲི་རིམ་གྱིས་རྒུད༔ ཉི་ཟླ་རྒྱུ་སྐར་གྲལ་གཡོ་ཐུར་ལ་ལྷུངས༔ བསིལ་དྲོད་མི་སྙོམས་འབྱུང་འཁྲུག་ལྷག་ཆད་ཆེ༔ ནང་བཅུད་སེམས་ཅན་ཚོར་བ་ཇེ་རགས་འགྲོ༔ དུག་ལྔའི་ཡོ་ལང་མཚམས་མེད་ལས་ལ་སྤྱོད༔ དེ་ཡི་དབང་གིས་གཟུགས་མེད་ལྷ་འདྲེ་འཁྲུག༔ ལྷ་ཕམ་ལྷ་མིན་རྒྱལ་ཞིང་དཀར་ཕྱོགས་ཉམས༔ ནག་ཕྱོགས་དར་བས་ནད་མུག་མཚོན་གསུམ་རྒྱས༔ མི་འདོད་སྣ་ཚོགས་འགྲོ་བའི་ཁམས་ལ་འབྱུང་༔ སྟོང་གསུམ་འཇིག་རྟེན་གང་དུའང་སྡུག་བསྔལ་ཆེ༔ འཛམ་གླིང་བོད་སོགས་གླིང་འདི་ཁོ་ན་མིན༔ དེ་དུས་སྡིག་ཅན་མི་རྣམས་འདྲེ་ལ་སྐྱེ༔ འདྲེ་ངན་དམ་སྲི་མང་པོ་མི་ལ་སྐྱེ༔ འཕུང་དཀྲུག་ལྟས་ངན་ཡས་དང་གཡབ་མོ་འདོར༔ གཅིག་གྲོགས་གཅིག་བྱེད་སྡིག་རྒྱས་འགྲོ་བ་སྡུག༔ དེ་དུས་རྒྱལ་བ་སྲས་བཅས་སྤྲུལ་པ་འགྱེད༔ འགྲོ་བ་སེམས་ཅན་འདི་ཕྱིའི་བདེ་ཐབས་མཛད༔ སྐྱེ་འགྲོ་སེམས་ཅན་ཆོས་ལ་འཛུད་ཐུབ་ན༔ གཟུགས་ཅན་གཟུགས་མེད་ལྷ་མི་སྐྱེ་འགྲོ་བདེ༔ མཐའ་བདེ་དབུས་འཇམ་རང་རང་བདེ་ལ་སྤྱོད༔ འབྱུང་བའི་ཁམས་སྙོམས་ནད་མུག་མཚོན་གསུམ་མེད༔ དེ་ལྟར་མ་གྱུར་བདུད་དབང་ཤོར་གྱུར་ན༔ ཕྱི་སྣོད་ས་རྟགས་ནང་བཅུད་དུས་རྟགས་མང་༔ ཁྱད་པར་ད་ལྟའི་ཆོས་རྒྱལ་ཡབ་སྲས་ཀྱིས༔ བཞི་བཅུའི་བསྐལ་ཞབས་འགྲོ་བ་འདུལ་བའི་དུས༔ བདུད་འགོང་སྟོབས་ཀྱིས་བར་ཆད་འཚུབ་འདོད་ན༔ འབྱུང་པོས་ཁ་བསྒྱུར་འཕུང་ཚིགས་སྣ་ཚོགས་སྨྲ༔ ནང་ཚང་གཅིག་ཀྱང་སྐད་བརྡ་མི་གཅིག་མང་༔ གཏམ་སྐད་ཞྭ་གོས་ལོ་རེ་ཟླ་རེར་འགྱུར༔ མགོ་ལྷམ་རྒྱན་གོས་མཐའ་མིའི་ལུགས་སྤྱད་པས༔ ལུས་ལྷ་ཉམས་ཤིང་ཚེ་ཐུང་གློ་བུར་འཆི༔ མཐའ་བོད་ཡུལ་ལྷ་ཟོ་དོར་མི་མཐུན་དགྲ༔ དཔེ་ནི་ར་དང་འཕར་བ་བཞིན་དུའོ༔ དེ་ཚེ་མཐའ་དམག་འབྱུང་བའི་སྔ་ལྟས་སུ༔ ཇོ་ཤཱཀ་གཉིས་ཀྱི་གཟི་བརྗིད་ཆུང་དུ་འགྲོ༔ གདན་ཁྲི་གཡོ་བས་འགོང་པོ་མང་པོ་འཆོར༔ ཤཱཀྱ་མུ་ནེའི་ཞལ་ནས་འོད་དཀར་འཕྲོ༔ བོད་ཀྱི་རྟེན་གསུམ་བྱིན་རླབས་ཉམས་རྟགས་ཡིན༔ དེ་དུས་བྱིན་འབེབས་རབ་གནས་མངའ་གསོལ་འབུངས༔ ཨཱརྱ་པ་གླིང་རྟ་མགྲིན་རྟ་སྐད་འབྱིན༔ ཡེ་ཤེས་སེམས་དཔའ་ཨོ་རྒྱན་ཡུལ་དུ་གཤེགས༔ བོད་སྤྱིའི་སྔགས་ཆོས་ནུས་པ་ཡལ་རྟགས་ཡིན༔ དེ་དུས་གཏེར་གསར་གདམས་པ་ཉམས་སུ་ལོང་༔ མཆོད་རྟེན་བཞི་འདི་གཡོ་འགུལ་ནག་པོ་འགས༔ ཤར་བ་སྐྱ་བདུན་གནམ་ལ་ཤོར་བའི་རྟགས༔ སེར་དམག་གཡོ་ཞིང་ནད་མཚོན་མུ་གེ་འཐིབ༔ དེ་དུས་དམ་འདོགས་མནན་སྲེག་འཕང་གསུམ་གཟིར༔ བོད་ཡུལ་མཚོ་རྣམས་གང་སྟོང་མང་པོ་ཡོང་༔ ས་གཡོ་རི་ངུར་སྡིག་ཆོམ་གཟའ་འོད་འཕྲོ༔ ཆུ་བྲག་ཤིང་གསུམ་གང་གཉན་སྐམ་ཆག་འཇིག༔ དུད་འགྲོ་གཅན་གཟན་མི་དང་འདབ་ཆགས་སོགས༔ ཐན་རིགས་སྣ་ཚོགས་མཐའ་དབུས་ཕྱོགས་ཕྱོགས་འབྱུང་༔ སྡེ་བརྒྱད་ཐམས་ཅད་ཁེངས་ལོགས་བྱེད་པའི་རྟགས༔ ལྷོ་བྲག་མཁར་ཆུའི་ཕྱོགས་སུ་ཆུ་གསུམ་རྡོལ༔ གནས་ཆེན་གསུམ་གྱི་བྱིན་རླབས་ཡལ་བའི་རྟགས༔ སྨོན་ལམ་ལོག་པར་བཏབ་པའི་སྐྱེས་བུ་བཞི༔ ཤེས་རབ་དབང་དང་གར་དབང་ཆོས་ཀྱི་མིང་༔ བོད་ཁམས་ཕྱོགས་བཞི་ནས་འོང་འབྲེལ་ཐོགས་ལྟུང་༔ སངས་རྒྱས་བསྟན་པ་ཕྱེད་ལ་སླེབས་པའི་རྟགས༔ དེ་དུས་འགོང་སྤྲུལ་མང་པོ་ཟེངས་སེ་ཟེང་༔ གཏེར་མིན་གཏེར་བརྫུན་བདུད་སྤྲུལ་མང་པོ་དང་༔ མིང་གི་གཟུགས་འཛིན་བླ་མ་མང་པོ་དང་༔ ཟོག་གི་ཆུ་མིག་སྐུ་སྐྱེ་མང་པོ་དང་༔ རྟག་ཆད་སྟོན་པའི་འཁྲིད་པ་མང་པོ་དང་༔ མ་བསླབས་ཤེས་བརྫུའི་བཀའ་རམ་མང་པོ་དང་༔ མ་ཞིག་ཞིག་བརྫུའི་རྟོག་ལྡན་མང་པོ་དང་༔ མ་གྲོལ་གྲོལ་བརྫུའི་གྲུབ་བརྫུ་མང་པོ་འབྱུང་༔ དེ་དག་ངན་སོང་གསུམ་གྱི་སྣ་འདྲེན་ཡིན༔ དུས་ངན་སྙིགས་མའི་མཐའ་ལ་ཐུག་པའི་རྟགས༔ མངའ་བདག་ཉང་དང་ཆོས་དབང་གདུང་རབས་ཉམས༔ གསང་སྔགས་གླིང་དུ་སྔགས་པ་གྲི་ཁར་འགུམ༔ བོད་ཁམས་མི་ཆེན་ཕལ་ཆེར་བརྒྱུད་པ་འཆད༔ བྱང་ཆུབ་སེམས་དཔའ་མང་པོ་དུག་གིས་བཀྲོང་༔ བོད་ཁམས་བསྟན་འགྲོ་བསོད་ནམས་ཉམས་པའི་རྟགས༔ མཁོ་མཐིང་རྣམ་པར་སྣང་མཛད་དབུ་འབོགས་སྲིད༔ བསམ་ཡས་དབུ་རྩེ་མེ་ལ་འཆོར་ཡང་སྲིད༔ མཆིམས་ཕུའི་གནས་འདི་ཁམས་པས་འཛིན་ཀྱང་སྲིད༔ བུམ་ཐང་སྨད་དུ་ནང་འཁྲུག་འབྱུང་ཡང་སྲིད༔ ཀུན་དགའི་མིང་གིས་ལྷོ་མོན་གཏོར་ཡང་སྲིད༔ བསྟན་པའི་ཉི་མ་ལྷོ་ནས་འཆར་ཡང་སྲིད༔ གསེར་གྱི་རྒྱལ་མཚན་དབུས་སུ་ཚུགས་ཀྱང་སྲིད༔ གྲི་གུའི་རྫོང་ལ་གོ་བོས་ཚང་བཅའ་སྲིད༔ སྣེ་སྡོང་སྲོད་ལ་ཉི་ཟེར་འཐབ་ཀྱང་སྲིད༔ སྒམ་པོར་བྲག་འཆད་རི་ཉིལ་འབྱུང་ཡང་སྲིད༔ ཁ་རག་རི་ནས་ཞ་ཉེ་རྡོལ་ཀྱང་སྲིད༔ གནམ་སྐས་བྲག་ལོགས་འུག་ཚང་བཅའ་ཡང་སྲིད༔ ཡར་ལོའི་ཕུ་ནས་ཟངས་རྡོ་རྡོལ་ཀྱང་སྲིད༔ སྒྲུབ་གནས་རྣམས་ནས་གནས་གསར་རྡོལ་ཀྱང་སྲིད༔ དུད་འགྲོའི་རིགས་ཀྱིས་མི་སྐད་འདོན་ཀྱང་སྲིད༔ བྱང་ཁམས་རྣམས་ནས་གསེར་ཁ་རྡོལ་ཡང་སྲིད༔ གསང་སྔགས་ཟབ་མོ་མཐའ་ནས་རྡོལ་ཀྱང་སྲིད༔ དེ་རྣམས་མི་སྲིད་སྲིད་པ་སྣ་ཚོགས་ཏེ༔ དེ་དུས་བོད་ཀྱི་རྡོ་རྗེ་གདན་གསུམ་གྱི༔ གཙོར་བྱས་མཐའ་འདུལ་ཡང་འདུལ་རབ་གནས་གསོ༔ དགེ་འདུན་སྡེ་རྣམས་གསོ་སྦྱོང་དབྱར་གནས་སྲུང་༔ སྔགས་སྡེས་བསྙེན་སྒྲུབ་བཤགས་སྐོང་བུམ་སྨན་སྒྲུབས༔ ལུང་ཟིན་རྣམས་ཀྱིས་སྡེ་བརྒྱད་དམ་འདོགས་དང་༔ རྣམ་འཇོམས་སྨེ་བརྩེགས་ཁྲུས་ཀྱིས་ཡུལ་ཁམས་བྲན༔ བོད་ཡུལ་མཐའ་དབུས་མཆོད་རྟེན་ལྷ་ཁང་ལ༔ རབ་གནས་ཁྲུས་ཆོག་ལོ་དུས་བཞིན་དུ་འབུངས༔ འཛམ་གླིང་ལྟེ་བ་གངས་རིའི་ཏེ་སེ་ན༔ རིན་ཆེན་རྣམ་ལྔར་སངས་རྒྱས་འདྲ་འབག་བཞེངས༔ བོད་ཡུལ་རྒྱལ་བློན་འབངས་འཁོར་བཅས་རྣམས་ཀྱིས༔ སྲོག་མཁར་བརྒྱ་སྟོང་བྲིས་པ་ཐུགས་ཀར་གཞུག༔ ཨ་མྲྀ་ཏ་དང་རིང་བསྲེལ་གཟུངས་ཀྱིས་བརྒྱན༔ གདན་ཁྲིའི་འོག་ཏུ་མཐའ་དམག་དགྲ་མནན་འབྲུབ༔ ཧོར་དམག་བཟློག་པའི་འདོད་གསོལ་རབ་ཏུ་གནས༔ རིན་པོ་ཆེ་ཡི་བུམ་པའི་ནང་དུ་ནི༔ ཤཱ་རི་རཾ་དང་ཀླུ་ཡི་རྫས་རྣམས་དང་༔ བོད་འབངས་རྒྱལ་བློན་སྐུ་མཁར་བྲིས་པ་ལ༔ བསོད་ནམས་བསྐྱེད་པའི་འདོད་གསོལ་ལེགས་བརྒྱན་ཏེ༔ བུམ་པའི་ནང་བཙས་ཆུ་ཡིས་མི་འཇིགས་པའི༔ ཁ་བསྡམས་ཡར་འབྲོག་ཕོ་མཚོའི་དཀྱིལ་དུ་སྦ༔ ནགས་སོག་རི་བོ་སྲིང་མོ་རྫོང་གི་རྩེར༔ དམག་རྫས་མང་པོ་བསྲེགས་པའི་ཐལ་བ་དང་༔ ས་སྣ་མང་དུ་བསྡུས་ལ་རིགས་གསུམ་མགོན༔ མི་ཚད་ཙམ་བཞེངས་རིང་བསྲེལ་གཟུངས་དང་བཅས༔ མཐའ་དམག་ལིངྒ་ཐུན་བཅས་གདན་ཁྲིར་འབྲུབ༔ རབ་གནས་མཐའ་དམག་བཟློག་པའི་གསོལ་འདེབས་མཆོག༔ ཧས་པོ་རི་དང་སྤུས་རི་དང་༔ བདེ་མཆོག་བཞུགས་པའི་ཕོ་བྲང་ལ༔ མཚོན་ཁ་བཟློག་པའི་འཁོར་ལོ་བསྐོར༔ མཚོན་ཁ་བཟློག་པའི་མདོས་ཀྱང་རྫོངས༔ དཔའ་གྲོ་གཙང་གི་རི་བོ་ཆེ༔ ཟབ་ལུང་ཁམས་ཀྱི་རི་བོ་ཆེར༔ གུ་རུ་ཞི་བའི་སྒྲུབ་པ་ཚུགས༔ བསྐང་བཤགས་ནར་མར་གཏོང་བ་དང་༔ སྐུ་གསུམ་ལྷ་ཁང་དགྲ་བྲུབ་མནན༔ ཡེར་པར་སྒྲུབ་པའི་སྡེ་ཚུགས་ལ༔ གཙུག་ཏོར་ལ་སོགས་བཟློག་པར་འབད༔ ལྷ་སར་སྨན་བླའི་མཆོད་པ་དང་༔ དཔལ་གྱི་ལྷ་མོའི་རྟེན་མདོས་འཛུགས༔ རྩྭ་རི་གཞོ་སྟོད་ཤྲཱི་རི་ལ༔ ཡུལ་འཁོར་སྲུང་གི་སྲུང་བ་གཟུགས༔ ལར་ནི་བོད་ཁམས་མཐའ་དབུས་ནས༔ གཤིན་རྗེ་སོགས་ཀྱི་བཟློག་བསད་འབུངས༔ བསྟན་པའི་རིམ་གྲོ་འདི་དག་རྣམས༔ བྱང་ཆུབ་སེམས་དཔའི་སྨོན་ལམ་གྱིས༔ གྲུབ་པར་བསྒྲུབས་ན་བོད་ཁམས་བདེ༔ མཐའ་དམག་རང་ཡལ་རང་སོར་འཇིག༔ བསྟན་པའི་རིམ་གྲོ་མ་གྲུབ་ན༔ སྟག་བྱ་སྤྲེལ་ཁྱིར་མཚོ་གདོང་སོགས༔ ཕྱོགས་ཕྱོགས་ནས་ལང་ཕན་ཚུན་འཐབ༔ ༈ ཤིང་འབྲུག་སྦྲུལ་ལ་མཐའ་དམག་འབོ༔ བོད་འབངས་བདེ་བའི་གོ་སྐབས་མེད༔ དབང་ཆེན་གསུམ་གྱི་སྲོག་མཁར་འཛིན༔ དེ་དུས་ནག་ཏིང་མཚོ་ཟུར་ནས༔ ང་ཡི་ཞབས་རྗེས་སུམ་འབྲེལ་རྙེད༔ བོད་ལ་མ་ཆགས་སྦས་ཡུལ་སྙོགས༔ ཞེས་གསུངས་པ་རྣམས་མཚོ་རྒྱལ་བདག་གིས་ཡི་གེར་བཏབ་ནས་རིན་པོ་ཆེའི་གཏེར་དུ་སྦས་པ་སྐལ་ལྡན་ལས་འཕྲོ་ཅན་དང་འཕྲད་པར་ཤོག༔ ས་མ་ཡཱ༔ རྒྱ་རྒྱ་རྒྱ༔ གཏེར་རྒྱ༔ ཟབ་རྒྱ༔ གཉན་རྒྱ༔ ས་མ་ཡཱ༔ རྒྱ་རྒྱ་རྒྱ༔ སྤྲང་པོ་ཉི་མ་གྲགས་པས་གདན་དྲངས་པའོ། །མངྒ་ལཾ།། །།
དམ་ཚིག་བསྒྲགས་པའི་ཆད་ཐོ།
རྟ་མགྲིན་དྲེགས་པ་ཟིལ་གནོན་ལས༔ དམ་ཚིག་བསྒྲགས་པའི་ཆད་ཐོ་བཞུགས་སོཿདབང་ཆེན་པདྨའི་སྐུ་ལ་འདུད༔ དབང་ཆེན་དྲག་པོའི་རྣལ་འབྱོར་པས༔ དྲེགས་ཚོགས་སྡེ་བརྒྱད་སྲུང་མ་ལ༔ དམ་ཚིག་ཆད་ཐོ་རྗེས་སྦྲན་ནས༔ བདག་གཞན་བསྟན་དང་འགྲོ་བའི་དོན༔ དམ་ལ་བཞག་ཅིང་ལས་བཅོལ་ན༔ རིན་པོ་ཆེ་ཡི་སྣོད་ནང་དུ༔ དཀར་གཏོར་དམར་གྱི་གཏོར་མ་གཉིས༔ སྡེ་བརྒྱད་བཤོས་བུ་ཆངས་བུས་བསྐོར༔ འབྲུ་སྨན་རིན་ཆེན་སྣ་ཚོགས་བཏབ༔ ཡི་དམ་ལྷར་གསལ་བྱིན་གྱིས་བརླབ༔ བསངས་སྦྱངས་སྤེལ་ཞིང་ཕུད་རྒོད་སྦྲན༔ ཏིང་འཛིན་ལྡན་པས་འདི་སྐད་དོ༔ ཧཱུྃ༔ ཉོན་ཅིག་ལྷ་སྲིན་སྡེ་བརྒྱད་ཚོགས༔ རྒྱ་མཚོར་སྐུ་འཁྲུངས་པདྨ་འབྱུང་༔ བོད་ཀྱི་དོན་ལ་བྱོན་པའི་ཚེ༔ ཡུལ་ནི་ཚ་བའི་ཚ་ཤོད་དུ༔ ལྷ་ཡི་དགེ་བསྙེན་རྣམ་པ་གསུམ༔ དམུ་ཡི་དགེ་བསྙེན་རྣམ་པ་གསུམ༔ བདུད་ཀྱི་དགེ་བསྙེན་རྣམ་པ་གསུམ༔ ཤར་གཉན་དགེ་བསྙེན་རྣམ་པ་གསུམ༔ དགྲ་ལྷའི་དགེ་བསྙེན་རྣམ་པ་གསུམ༔ བཙན་གྱི་དགེ་བསྙེན་རྣམ་པ་གསུམ༔ ཀླུ་ཡི་དགེ་བསྙེན་རྣམ་པ་གསུམ༔ ཉི་ཤུ་རྩ་གཅིག་དམ་ལ་བཏགས༔ བདག་ནི་རིག་འཛིན་དེ་ཡི་གདུང་༔ ཁྱེད་རྣམས་དགེ་བསྙེན་གཡར་དམ་ཅན༔ སྔོན་གྱི་དམ་ཚིག་རྗེས་དགོངས་ལ༔ པདྨ་འབྱུང་གནས་དམ་མ་བཀྲལ༔ རྒྱན་གྱི་མཆོད་གཏོར་འདི་བཞེས་ལ༔ ལས་བཞིའི་འཕྲིན་ལས་གྲུབ་པར་མཛོད༔ ཧཱུྃ༔ ཉོན་ཅིག་ལྷ་སྲིན་སྡེ་བརྒྱད་ཚོགས༔ རྒྱ་མཚོར་སྐུ་འཁྲུངས་པདྨ་འབྱུང་༔ བོད་ཀྱི་དོན་ལ་བྱོན་པའི་ཚེ༔ མང་ཡུལ་བྱེ་མའི་རབ་ཁ་དེར༔ ལྷ་སྲིན་སྡེ་བརྒྱད་དམ་ལ་བཏགས༔ བདག་ནི་རིག་འཛིན་དེ་ཡི་གདུང་༔ ཁྱེད་རྣམས་དགེ་བསྙེན་གཡར་དམ་ཅན༔ སྔོན་གྱི་དམ་ཚིག་རྗེས་དགོངས་ལ༔ པདྨ་འབྱུང་གནས་དམ་མ་བཀྲལ༔ རྒྱན་གྱི་མཆོད་གཏོར་འདི་བཞེས་ལ༔ ལས་བཞིའི་འཕྲིན་ལས་གྲུབ་པར་མཛོད༔ ཧཱུྃ༔ ཉོན་ཅིག་ལྷ་སྲིན་སྡེ་བརྒྱད་ཚོགས༔ རྒྱ་མཚོར་སྐུ་འཁྲུངས་པདྨ་འབྱུང་༔ བོད་ཀྱི་དོན་ལ་བྱོན་པའི་ཚེ༔ གཡའ་རི་གོང་གི་བྲག་ཕུག་དེར༔ རྒྱལ་འགོང་ཐམས་ཅད་དམ་ལ་བཏགས༔ བདག་ནི་རིག་འཛིན་དེ་ཡི་གདུང་༔ ཁྱེད་རྣམས་དགེ་བསྙེན་གཡར་དམ་ཅན༔ སྔོན་གྱི་དམ་ཚིག་རྗེས་དགོངས་ལ༔ པདྨ་འབྱུང་གནས་དམ་མ་བཀྲལ༔ རྒྱན་གྱི་མཆོད་གཏོར་འདི་བཞེས་ལ༔ ལས་བཞིའི་འཕྲིན་ལས་གྲུབ་པར་མཛོད༔ ཧཱུྃ༔ ཉོན་ཅིག་ལྷ་སྲིན་སྡེ་བརྒྱད་ཚོགས༔ རྒྱ་མཚོར་སྐུ་འཁྲུངས་པདྨ་འབྱུང་༔ བོད་ཀྱི་དོན་ལ་བྱོན་པའི་ཚེ༔ ཟབ་བུ་ལུང་གི་གནས་མཆོག་དེར༔ བདུད་ཀྱི་རིགས་ཚོགས་དམ་ལ་བཏགས༔ བདག་ནི་རིག་འཛིན་དེ་ཡི་གདུང་༔ ཁྱེད་རྣམས་དགེ་བསྙེན་གཡར་དམ་ཅན༔ སྔོན་གྱི་དམ་ཚིག་རྗེས་དགོངས་ལ༔ པདྨ་འབྱུང་གནས་དམ་མ་བཀྲལ༔ རྒྱན་གྱི་མཆོད་གཏོར་འདི་བཞེས་ལ༔ ལས་བཞིའི་འཕྲིན་ལས་གྲུབ་པར་མཛོད༔ ཧཱུྃ༔ ཉོན་ཅིག་ལྷ་སྲིན་སྡེ་བརྒྱད་ཚོགས༔ རྒྱ་མཚོར་སྐུ་འཁྲུངས་པདྨ་འབྱུང་༔ བོད་ཀྱི་དོན་ལ་བྱོན་པའི་ཚེ༔ གཙང་གི་གསིལ་མ་ལ་ཁ་དེར༔ སྨན་མོ་ལྷ་སྨན་དམ་ལ་བཏགས༔ བདག་ནི་རིག་འཛིན་དེ་ཡི་གདུང་༔ ཁྱེད་རྣམས་དགེ་བསྙེན་གཡར་དམ་ཅན༔ སྔོན་གྱི་དམ་ཚིག་རྗེས་དགོངས་ལ༔ པདྨ་འབྱུང་གནས་དམ་མ་བཀྲལ༔ རྒྱན་གྱི་མཆོད་གཏོར་འདི་བཞེས་ལ༔ ལས་བཞིའི་འཕྲིན་ལས་གྲུབ་པར་མཛོད༔ ཧཱུྃ༔ ཉོན་ཅིག་ལྷ་སྲིན་སྡེ་བརྒྱད་ཚོགས༔ རྒྱ་མཚོར་སྐུ་འཁྲུངས་པདྨ་འབྱུང་༔ བོད་ཀྱི་དོན་ལ་བྱོན་པའི་ཚེ༔ ཁ་རག་གངས་ཀྱི་ལྷོ་བྲག་དེར༔ བསྟན་མ་བཅུ་གཉིས་དམ་ལ་བཏགས༔ བདག་ནི་རིག་འཛིན་དེ་ཡི་གདུང་༔ ཁྱེད་རྣམས་དགེ་བསྙེན་གཡར་དམ་ཅན༔ སྔོན་གྱི་དམ་ཚིག་རྗེས་དགོངས་ལ༔ པདྨ་འབྱུང་གནས་དམ་མ་བཀྲལ༔ རྒྱན་གྱི་མཆོད་གཏོར་འདི་བཞེས་ལ༔ ལས་བཞིའི་འཕྲིན་ལས་གྲུབ་པར་མཛོད༔ ཧཱུྃ༔ ཉོན་ཅིག་ལྷ་སྲིན་སྡེ་བརྒྱད་ཚོགས༔ རྒྱ་མཚོར་སྐུ་འཁྲུངས་པདྨ་འབྱུང་༔ བོད་ཀྱི་དོན་ལ་བྱོན་པའི་ཚེ༔ དུང་མདོག་བྲག་གི་གནས་མཆོག་དེར༔ དྲི་ཟ་ཐམས་ཅད་དམ་ལ་བཏགས༔ བདག་ནི་རིག་འཛིན་དེ་ཡི་གདུང་༔ ཁྱེད་རྣམས་དགེ་བསྙེན་གཡར་དམ་ཅན༔ སྔོན་གྱི་དམ་ཚིག་རྗེས་དགོངས་ལ༔ པདྨ་འབྱུང་གནས་དམ་མ་བཀྲལ༔ རྒྱན་གྱི་མཆོད་གཏོར་འདི་བཞེས་ལ༔ ལས་བཞིའི་འཕྲིན་ལས་གྲུབ་པར་མཛོད༔ ཧཱུྃ༔ ཉོན་ཅིག་ལྷ་སྲིན་སྡེ་བརྒྱད་ཚོགས༔ རྒྱ་མཚོར་སྐུ་འཁྲུངས་པདྨ་འབྱུང་༔ བོད་ཀྱི་དོན་ལ་བྱོན་པའི་ཚེ༔ སྒྲགས་ཀྱི་ཡང་རྫོང་ཤེལ་བྲག་དེར༔ གཤིན་རྗེ་ཐམས་ཅད་དམ་ལ་བཏགས༔ བདག་ནི་རིག་འཛིན་དེ་ཡི་གདུང་༔ ཁྱེད་རྣམས་དགེ་བསྙེན་གཡར་དམ་ཅན༔ སྔོན་གྱི་དམ་ཚིག་རྗེས་དགོངས་ལ༔ པདྨ་འབྱུང་གནས་དམ་མ་བཀྲལ༔ རྒྱན་གྱི་མཆོད་གཏོར་འདི་བཞེས་ལ༔ ལས་བཞིའི་འཕྲིན་ལས་གྲུབ་པར་མཛོད༔ ཧཱུྃ༔ ཉོན་ཅིག་ལྷ་སྲིན་སྡེ་བརྒྱད་ཚོགས༔ རྒྱ་མཚོར་སྐུ་འཁྲུངས་པདྨ་འབྱུང་༔ བོད་ཀྱི་དོན་ལ་བྱོན་པའི་ཚེ༔ ཆུ་བོ་རི་ཡི་གནས་མཆོག་དེར༔ བསེན་མོ་ཐམས་ཅད་དམ་ལ་བཏགས༔ བདག་ནི་རིག་འཛིན་དེ་ཡི་གདུང་༔ ཁྱེད་རྣམས་དགེ་བསྙེན་གཡར་དམ་ཅན༔ སྔོན་གྱི་དམ་ཚིག་རྗེས་དགོངས་ལ༔ པདྨ་འབྱུང་གནས་དམ་མ་བཀྲལ༔ རྒྱན་གྱི་མཆོད་གཏོར་འདི་བཞེས་ལ༔ ལས་བཞིའི་འཕྲིན་ལས་གྲུབ་པར་མཛོད༔ ཧཱུྃ༔ ཉོན་ཅིག་ལྷ་སྲིན་སྡེ་བརྒྱད་ཚོགས༔ རྒྱ་མཚོར་སྐུ་འཁྲུངས་པདྨ་འབྱུང་༔ བོད་ཀྱི་དོན་ལ་བྱོན་པའི་ཚེ༔ སྤ་གྲོ་བཅལ་གྱི་བྲག་དམར་དེར༔ གཟའ་དང་རྒྱུ་སྐར་དམ་ལ་བཏགས༔ བདག་ནི་རིག་འཛིན་དེ་ཡི་གདུང་༔ ཁྱེད་རྣམས་དགེ་བསྙེན་གཡར་དམ་ཅན༔ སྔོན་གྱི་དམ་ཚིག་རྗེས་དགོངས་ལ༔ པདྨ་འབྱུང་གནས་དམ་མ་བཀྲལ༔ རྒྱན་གྱི་མཆོད་གཏོར་འདི་བཞེས་ལ༔ ལས་བཞིའི་འཕྲིན་ལས་གྲུབ་པར་མཛོད༔ ཧཱུྃ༔ ཉོན་ཅིག་ལྷ་སྲིན་སྡེ་བརྒྱད་ཚོགས༔ རྒྱ་མཚོར་སྐུ་འཁྲུངས་པདྨ་འབྱུང་༔ བོད་ཀྱི་དོན་ལ་བྱོན་པའི་ཚེ༔ གཙང་གི་ཇོ་མོ་ཁ་རག་དེར༔ མ་མོ་ཐམས་ཅད་དམ་ལ་བཏགས༔ བདག་ནི་རིག་འཛིན་དེ་ཡི་གདུང་༔ ཁྱེད་རྣམས་དགེ་བསྙེན་གཡར་དམ་ཅན༔ སྔོན་གྱི་དམ་ཚིག་རྗེས་དགོངས་ལ༔ པདྨ་འབྱུང་གནས་དམ་མ་བཀྲལ༔ རྒྱན་གྱི་མཆོད་གཏོར་འདི་བཞེས་ལ༔ ལས་བཞིའི་འཕྲིན་ལས་གྲུབ་པར་མཛོད༔ ཧཱུྃ༔ ཉོན་ཅིག་ལྷ་སྲིན་སྡེ་བརྒྱད་ཚོགས༔ རྒྱ་མཚོར་སྐུ་འཁྲུངས་པདྨ་འབྱུང་༔ བོད་ཀྱི་དོན་ལ་བྱོན་པའི་ཚེ༔ དབུས་ཀྱི་ཐང་ལྷ་ཡར་ཞུད་དེར༔ གནོད་སྦྱིན་ཐམས་ཅད་དམ་ལ་བཏགས༔ བདག་ནི་རིག་འཛིན་དེ་ཡི་གདུང་༔ ཁྱེད་རྣམས་དགེ་བསྙེན་གཡར་དམ་ཅན༔ སྔོན་གྱི་དམ་ཚིག་རྗེས་དགོངས་ལ༔ པདྨ་འབྱུང་གནས་དམ་མ་བཀྲལ༔ རྒྱན་གྱི་མཆོད་གཏོར་འདི་བཞེས་ལ༔ ལས་བཞིའི་འཕྲིན་ལས་གྲུབ་པར་མཛོད༔ ཧཱུྃ༔ ཉོན་ཅིག་ལྷ་སྲིན་སྡེ་བརྒྱད་ཚོགས༔ རྒྱ་མཚོར་སྐུ་འཁྲུངས་པདྨ་འབྱུང་༔ བོད་ཀྱི་དོན་ལ་བྱོན་པའི་ཚེ༔ མལ་གྲོལ་གཟི་ཅན་མཚོ་འགྲམ་དེར༔ ཀླུ་རིགས་ཐམས་ཅད་དམ་ལ་བཏགས༔ བདག་ནི་རིག་འཛིན་དེ་ཡི་གདུང་༔ ཁྱེད་རྣམས་དགེ་བསྙེན་གཡར་དམ་ཅན༔ སྔོན་གྱི་དམ་ཚིག་རྗེས་དགོངས་ལ༔ པདྨ་འབྱུང་གནས་དམ་མ་བཀྲལ༔ རྒྱན་གྱི་མཆོད་གཏོར་འདི་བཞེས་ལ༔ ལས་བཞིའི་འཕྲིན་ལས་གྲུབ་པར་མཛོད༔ ཧཱུྃ༔ ཉོན་ཅིག་ལྷ་སྲིན་སྡེ་བརྒྱད་ཚོགས༔ རྒྱ་མཚོར་སྐུ་འཁྲུངས་པདྨ་འབྱུང་༔ བོད་ཀྱི་དོན་ལ་བྱོན་པའི་ཚེ༔ རོག་དོམ་ལུང་པ་ནག་པོ་དེར༔ སྲིན་པོ་ཐམས་ཅད་དམ་ལ་བཏགས༔ བདག་ནི་རིག་འཛིན་དེ་ཡི་གདུང་༔ ཁྱེད་རྣམས་དགེ་བསྙེན་གཡར་དམ་ཅན༔ སྔོན་གྱི་དམ་ཚིག་རྗེས་དགོངས་ལ༔ པདྨ་འབྱུང་གནས་དམ་མ་བཀྲལ༔ རྒྱན་གྱི་མཆོད་གཏོར་འདི་བཞེས་ལ༔ ལས་བཞིའི་འཕྲིན་ལས་གྲུབ་པར་མཛོད༔ ཧཱུྃ༔ ཉོན་ཅིག་ལྷ་སྲིན་སྡེ་བརྒྱད་ཚོགས༔ རྒྱ་མཚོར་སྐུ་འཁྲུངས་པདྨ་འབྱུང་༔ བོད་ཀྱི་དོན་ལ་བྱོན་པའི་ཚེ༔ གནས་མཆོག་ཁམས་ཀྱི་སེང་བྲག་དེར༔ མ་སངས་གཡའ་སྤང་དམ་ལ་བཏགས༔ བདག་ནི་རིག་འཛིན་དེ་ཡི་གདུང་༔ ཁྱེད་རྣམས་དགེ་བསྙེན་གཡར་དམ་ཅན༔ སྔོན་གྱི་དམ་ཚིག་རྗེས་དགོངས་ལ༔ པདྨ་འབྱུང་གནས་དམ་མ་བཀྲལ༔ རྒྱན་གྱི་མཆོད་གཏོར་འདི་བཞེས་ལ༔ ལས་བཞིའི་འཕྲིན་ལས་གྲུབ་པར་མཛོད༔ ཧཱུྃ༔ ཉོན་ཅིག་ལྷ་སྲིན་སྡེ་བརྒྱད་ཚོགས༔ རྒྱ་མཚོར་སྐུ་འཁྲུངས་པདྨ་འབྱུང་༔ བོད་ཀྱི་དོན་ལ་བྱོན་པའི་ཚེ༔ རོ་ཧི་ལུང་པ་ཁྲ་མོ་དེར༔ མ་ཡམས་ཐམས་ཅད་དམ་ལ་བཏགས༔ བདག་ནི་རིག་འཛིན་དེ་ཡི་གདུང་༔ ཁྱེད་རྣམས་དགེ་བསྙེན་གཡར་དམ་ཅན༔ སྔོན་གྱི་དམ་ཚིག་རྗེས་དགོངས་ལ༔ པདྨ་འབྱུང་གནས་དམ་མ་བཀྲལ༔ རྒྱན་གྱི་མཆོད་གཏོར་འདི་བཞེས་ལ༔ ལས་བཞིའི་འཕྲིན་ལས་གྲུབ་པར་མཛོད༔ ཧཱུྃ༔ ཉོན་ཅིག་ལྷ་སྲིན་སྡེ་བརྒྱད་ཚོགས༔ རྒྱ་མཚོར་སྐུ་འཁྲུངས་པདྨ་འབྱུང་༔ བོད་ཀྱི་དོན་ལ་བྱོན་པའི་ཚེ༔ མེ་ཉག་གཡུ་འཛིན་ཕུག་པ་དེར༔ ཕོ་རྒྱུད་མོ་རྒྱུད་དམ་ལ་བཏགས༔ བདག་ནི་རིག་འཛིན་དེ་ཡི་གདུང་༔ ཁྱེད་རྣམས་དགེ་བསྙེན་གཡར་དམ་ཅན༔ སྔོན་གྱི་དམ་ཚིག་རྗེས་དགོངས་ལ༔ པདྨ་འབྱུང་གནས་དམ་མ་བཀྲལ༔ རྒྱན་གྱི་མཆོད་གཏོར་འདི་བཞེས་ལ༔ ལས་བཞིའི་འཕྲིན་ལས་གྲུབ་པར་མཛོད༔ ཧཱུྃ༔ ཉོན་ཅིག་ལྷ་སྲིན་སྡེ་བརྒྱད་ཚོགས༔ རྒྱ་མཚོར་སྐུ་འཁྲུངས་པདྨ་འབྱུང་༔ བོད་ཀྱི་དོན་ལ་བྱོན་པའི་ཚེ༔ ཁམས་ཀྱི་གླ་བ་རྐང་གཅིག་དེར༔ ཐེའུ་རང་ཐམས་ཅད་དམ་ལ་བཏགས༔ བདག་ནི་རིག་འཛིན་དེ་ཡི་གདུང་༔ ཁྱེད་རྣམས་དགེ་བསྙེན་གཡར་དམ་ཅན༔ སྔོན་གྱི་དམ་ཚིག་རྗེས་དགོངས་ལ༔ པདྨ་འབྱུང་གནས་དམ་མ་བཀྲལ༔ རྒྱན་གྱི་མཆོད་གཏོར་འདི་བཞེས་ལ༔ ལས་བཞིའི་འཕྲིན་ལས་གྲུབ་པར་མཛོད༔ ཅེས་བརྗོད་གཏོར་མ་རི་རྩེའམ༔ གཙང་ཞིང་མཐོ་བའི་ས་ལ་བསྐྱལ༔ འཛམ་གླིང་གཟུགས་མེད་ཁམས་རྣམས་ལ༔ མཆོད་སྦྱིན་གཏོར་མས་ཚིམས་བྱས་ནས༔ སྤྱི་བོ་རྡོ་རྗེས་རྒྱས་གདབ་པས༔ གཡར་དམ་དྲན་ཏེ་ལས་མཛད་བསམ༔ བདེན་པ་བཞི་ཡི་ཆོས་ཀྱང་བཤད༔ བྱིན་འབེབས་བཀྲ་ཤིས་རོལ་མོ་འཁྲོལ༔ ཡང་ན་ལས་བཞིའི་དོན་ལ་འཇུག༔ མ་འོངས་གནས་རི་ཡུལ་གཉན་དུ༔ ཏིང་འཛིན་ལྡན་པའི་རྣལ་འབྱོར་པས༔ འདི་བཞིན་སྤྱད་པས་ཡུལ་ཁམས་བདེ༔ ཆར་ཆུ་དུས་འབེབས་ལོ་ཕྱུགས་ལེགས༔ མི་ནོར་ནད་ཡམས་རྒྱུན་འཆད་འགྱུར༔ རྩྭ་སད་བསྲུང་དང་སེར་བ་བཟློག༔ ལས་ཚོགས་འདི་སྦྱར་བསངས་མཆོད་བརྔན༔ བར་ཆད་ཞི་ནས་དངོས་གྲུབ་སྤྱོད༔ ས་མ་ཡཱ༔ རྒྱ་རྒྱ་རྒྱ༔ ས་མ་ཡཱ༔ རྒྱ་རྒྱ་རྒྱ༔ ཁམས་པ་ཉི་མ་གྲགས་པས་གདན་དྲངས་པའོ། །མངྒ་ལཾ།། །།
བཀའ་སྲུང་ཆེན་པོའི་གསོལ་མཆོད་མངའ་གསོལ་དང་བཅས་པ།
རྟ་མགྲིན་དྲེགས་པ་ཟིལ་གནོན་ལས༔ བཀའ་སྲུང་ཆེན་པོའི་གསོལ་མཆོད་མངའ་གསོལ་དང་བཅས་པ་བཞུགས་སོ༔ དཔལ་ཆེན་པདྨ་ཧེ་རུ་ཀཿལ་འདུད༔ མ་འོངས་དུས་ན་འགྲོ་ལ་ཕན་དོན་དུ༔ རྟ་མགྲིན་དབང་གི་ཟབ་ཆོས་ལས་ཀྱི་མཐའ༔ འཇིག་རྟེན་དྲེགས་པའི་ཆེ་བཙན་གསོལ་ཁ་སྟེ༔ ཕྱི་རྒྱུད་འཇིག་རྟེན་སྐྱོང་བར་བཅོལ་བ་ནི༔ རིན་ཆེན་སྣོད་དུ་འབྲུ་སྣར་རིན་ཆེན་བརྡར༔ འབྲུ་ལྔའི་ཟན་ལ་རི་རབ་བང་རིམ་གསུམ༔ དེ་སྟེང་མཁར་ཐབས་བཤོས་བུ་དབུས་སུ་བཤམས༔ བང་རིམ་དང་པོར་ཕྱོགས་བཞིར་བཤོས་བུ་བཞི༔ མཚམས་བཞིར་ཟླུམ་གཏོར་རྒྱན་དང་ལྡན་པ་འགོད༔ བང་རིམ་གཉིས་པར་ཕྱོགས་མཚམས་ཟུར་གསུམ་བརྒྱད༔ དེ་འོག་བང་རིམ་སྡེ་བརྒྱད་བཤོས་བུ་དང་༔ དམར་གཏོར་ཤ་ཁྲག་བརྒྱན་པ་བདུན་བཅས་འགོད༔ ཐ་མར་མཐེབ་སྐྱུ་ཤ་དུམ་སུམ་རིམ་སྐོར༔ སྟོད་ལ་རྟགས་བརྒྱད་རྒྱལ་སྲིད་སྣ་བདུན་དང་༔ ལྕགས་ཀྱི་བྱ་ཁྲ་ལ་སོགས་བྱ་རིགས་དགུ༔ བར་དུ་སྤྲ་སྤྲེ་བྱི་ལ་ག་པ་སོགས༔ གཅན་གཟན་རིགས་དགུ་དེ་ཡི་ཐ་མ་ན༔ དུད་འགྲོ་ཆུ་གནས་ལ་སོགས་ཚང་བས་སྐོར༔ བསེ་ཕོར་མར་རྒྱན་ཆང་གིས་བཀང་བ་དང་༔ བྷནྡྷའི་སྐྱོགས་སུ་རཀྟ་དང་བཅས་བཤམས༔ རིན་ཆེན་དྷ་རུའི་ཕྱེ་མ་དར་སྣ་འབྲུ༔ གཏོར་མར་བྲན་ཅིང་དབང་ལྔའི་པཱུ་ཙ་བཤམས༔ བསངས་ཕྱི་གལ་ཕྱི་ཏིང་ལོའི་སྤྱན་གཟིགས་བཀོད༔ མདའ་དར་བ་དན་གོ་མཚོན་རྒྱལ་མཚན་བསྒྲེང་༔ དཀྱིལ་འཁོར་གསུམ་ལྡན་ངང་ནས་འདི་སྐད་དོ༔ ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་ཧུ་ལུ་ཧུ་ལུ་ཧཱུྃ་ཕཊ༔ བདག་ཉིད་སྐད་ཅིག་གིས་དཔལ་ཆེན་པོ་རྟ་མཆོག་ཧེ་རུ་ཀར་གསལ་བའི་ཐུགས་ཀ་ནས་སོ་སོར་རྟོག་པའི་ཡེ་ཤེས་ཀྱི་རྩལ་ལས་རཾ་དམར་པོ་ཅིག་འཕྲོས་མདུན་གྱི་མཆོད་རྫས་རྣམས་ལ་ཕོག་པས་མ་དག་པའི་ཉེས་སྐྱོན་ཐམས་ཅད་བསྲེག༔ བྱ་བ་གྲུབ་པའི་ཡེ་ཤེས་ཀྱི་རྩལ་ལས་ཡཾ་ལྗང་གུ་ཅིག་འཕྲོས་མ་དག་པའི་ཉེས་སྐྱོན་ཐམས་ཅད་གཏོར༔ མེ་ལོང་ལྟ་བུའི་ཡེ་ཤེས་ཀྱི་རྩལ་ལས་ཁཾ་དཀར་པོ་ཞིག་འཕྲོས་མ་དག་པའི་ཉེས་སྐྱོན་ཐམས་ཅད་བཀྲུས༔ མཉམ་པ་ཉིད་ཀྱི་ཡེ་ཤེས་ཀྱི་རྩལ་ལས་ཨཱོཾ་ཏྲཻ་ལོ་ཀྱ་ཡ་ཞེས་འཕྲོས་པས་སྣོད་ཀྱི་འཇིག་རྟེན་ཕུན་སུམ་ཚོགས་པ་བཀོད་ལེགས་པར་གྱུར༔ ཆོས་ཀྱི་དབྱིངས་ཀྱི་ཡེ་ཤེས་ཀྱི་རྩལ་ལས་བྷྲཱུྃ་བྷྲཱུྃ་བྷྲཱུྃ་ཞེས་འཕྲོས་པས་ཆོས་སྐྱོང་ཆེན་པོ་འཁོར་དང་བཅས་པའི་གཞལ་ཡས་ཀྱི་ཁང་པ་རྒྱ་ཁྱོན་ཆོས་ཀྱི་དབྱིངས་དང་མཉམ་པ་ལ་བཀོད་པ་དུ་མས་ཁྱད་པར་འཕགས་ཤིང་ཡིད་དུ་མཚར་བའི་ཕྱི་ནང་སྟེང་འོག་ཁོ་ར་ཁོར་ཡུག་དང་བཅས་པ་རྣམས་ལ་སྣང་སྲིད་རབ་འབྱམས་ཀྱི་མཆོད་རྫས་གཟུགས་སྒྲ་དྲི་རོ་རེག་བྱ་མ་ཚང་བ་མེད་ཅིང་འདོད་པའི་ཡོན་ཏན་ལྔའི་རང་བཞིན་ཀུན་བཟང་མཆོད་པའི་སྤྲིན་ཕུང་ལྟར་གཏིབས་པར་གྱུར༔ སླར་ཡང་སྐུ་གསུང་ཐུགས་ཀྱི་ཡེ་ཤེས་ཀྱི་རྩལ་ལས་ཨཱོཾ་ཨཱཿཧཱུྃ་ཞེས་འཕྲོས་པས་ཀུན་རྫོབ་ཀྱི་མཚན་མ་ལ་སྐུ་གསུང་ཐུགས་ཀྱི་ཏིང་ངེ་འཛིན་གསལ་ཞིང་བྱིན་གྱིས་བརླབས་པའི་མཐུས་ཚངས་ཆེན་གྱི་བསྐལ་པ་འབུམ་ཕྲག་དུ་མ་འདས་པའི་དུས་སུ་ཡང་ཟད་མི་ཤེས་ཤིང་གཞོམ་གཞིག་དང་བྲལ་བར་གྱུར༔ ཨཱོཾ་ཨཱཿཧཱུྃ་ཧ་ཧོ་ཧྲཱིཿ གསུམ༔ ཕྱི་ནང་སྣོད་བཅུད་ཀྱི་བཀོད་པ་ཕུན་སུམ་ཚོགས་པའི་གཞལ་ཡས་ཁང་གི་དབུས་སུ་ཆོས་རྒྱལ་ཚངས་པ་དུང་གི་ཐོར་ཚུགས་ཅན་ཡབ་ཡུམ་དེའི་ཕྱོགས་བཞིར་རྒྱལ་ཆེན་བཞི་མཚམས་བཞིར་ཡུམ་བཞི་དེའི་ཕྱི་རོལ་དུ་སྤྲུལ་པ་ཡང་སྤྲུལ་བཀའ་འཁོར་ལས་བྱེད་ཕྱག་ཚང་གཉེར་འཛིན་དེའི་ཕྱི་རོལ་དུ་ལྷ་སྲིན་སྡེ་བརྒྱད་རོལ་པ་སྐྱ་བདུན་ལ་སོགས་འཇིག་རྟེན་དྲེགས་པའི་འཁོར་ཚོགས་ཉི་མའི་ཟེར་གྱི་རྡུལ་ལྟར་འཚུབ་ཅིང་མཐའི་རྒྱ་མཚོའི་རྦ་ལྟར་འཁྲུག་པ་དུས་མཐའི་མེ་ལྟར་འབར་བར་གསལ་བའི་གནས་གསུམ་དང་ཐུགས་ཀར་རང་རང་གི་ས་བོན་གྱིས་མཚན་པ་ལས་འོད་ཟེར་བསམ་གྱིས་མི་ཁྱབ་པ་འཕྲོས་པས་རང་རང་གི་གནས་ནས་བསྐྱེད་པའི་གནས་འདིར་དམ་ཚིག་དབང་གི་བཛྲ་ས་མ་ཡ་ཛཿཛ༔ རོལ་མོ་སྣ་ཚོགས་སྒྲོག་སྤོས་དཀར་དང་གསུར་ཆེན་གྱིས་བདུགས་ནས་འདི་སྐད་དོ༔ ཧཱུྃ༔ དད་པ་དང་ནི་དམ་ཚིག་གིས༔ ཤེལ་གྱི་སྐུ་མཁར་རྩེ་དགུ་ནས༔ ཚངས་པ་དཀར་པོ་གཤེགས་སུ་གསོལ༔ རྒྱལ་ཆེན་སྡེ་བཞི་གཤེགས་སུགསོལ༔ དགྱེས་སྡེ་ཡུམ་རྣམས་གཤེགས་སུ་གསོལ༔ ཕྱི་ནང་བཀའ་བློན་གཤེགས་སུ་གསོལ༔ གཉེར་འཛིན་ཕྱག་ཚངས་གཤེགས་སུ་གསོལ༔ དགྲ་ལྷ་སྤྲུལ་འཁོར་གཤེགས་སུ་གསོལ༔ ལྷ་སྲིན་སྡེ་བརྒྱད་གཤེགས་སུ་གསོལ༔ བཙན་རྒོད་འབུམ་སྡེ་གཤེགས་སུ་གསོལ༔ ཆོས་རྒྱལ་འཁོར་བཅས་གཤེགས་སུ་གསོལ༔ གཡས་གཡོན་རུ་འདྲེན་གཤེགས་སུ་གསོལ༔ སྔོན་གྱི་ཤུལ་མཚོན་གཤེགས་སུ་གསོལ༔ སླད་ཀྱི་རྗེས་འབྲང་གཤེགས་སུ་གསོལ༔ སྐུ་ཡི་སྐྱོ་རོགས་ཚོགས་རྣམས་གཤེགས་སུ་གསོལ༔ བཛྲ་ཀྲོ་ཏ་ས་མ་ཡ་མ་ཧཱ་རཱ་ཛ་སརྦ་ས་མ་ཡ་ཛཿཧཱུྃ་བཾ་ཧོ༔ དེ་ནས་མཆོད་བསྐང་གི་རིམ་པ་ནི༔ ཧཱུྃ་ཧཱུྃ་ཨཱོཾ་གྷྲཱིགྴྭ་གྷྲཱིགྴྭ་བྷ་ལིངྟ་ཁ་ཁ་ཁཱ་ཧི་ཁཱ་ཧི༔ ར་ཙ་སུ་ཏྲི་ཏྲི་ལ་ཀང་ཀ་ནི་བྷ་ལིངྟ་ཁ་ཁ་ཁཱ་ཧི་ཁཱ་ཧི༔ ཧུ་ར་བྷ་མོ་མུ་ཊ་ལ་ཏི་ཧ་ཡག་བྷ་ཡཱ༔ ཀྲོ་ཏི་ནཱ་གཱ་ཧུར་ཧུར་ཛཿཛཿཨ་ཡ་མ་དུ་རུ་ཙ་ཤ་ན་བྷ་ལིངྟ་ཨ་མྲྀ་ཏ་རཀྟ་སརྦ་པཱུ་ཙ་ས་མ་ཡ་ཁ་ཁ་ཁཱ་ཧི་ཁཱ་ཧི༔ བདུན་ནམ་གསུམ་གྱིས་ཕུལ་ནས༔ ཧཱུྃ༔ ཆོས་སྐྱོང་རྒྱལ་པོ་ཆེན་པོ་འཁོར་དང་བཅས༔ མ་ལུས་འཇིག་རྟེན་དྲེགས་པའི་བྲན་གཡོག་འབུམ༔ ཁྱེད་རྣམས་འཁོར་དང་བཅས་པ་མཆོད་པའི་རྫས༔ ཕྱི་སྣོད་ནང་བཅུད་ལྷ་མིའི་འདོད་ཡོན་ཚོགས༔ སྟོང་ཆེན་ནམ་མཁའི་ཁམས་ལས་རྒྱ་རེ་ཆེ༔ རིན་ཆེན་རི་རྒྱལ་སྟོང་ལས་ལྷུན་རེ་བརྗིད༔ ཉི་ཟླ་རྒྱུ་སྐར་འབུམ་ལས་བཀྲག་མདངས་འཚེར༔ སྟོང་གསུམ་སྣོད་བཅུད་ཀུན་ལས་བཀོད་རེ་ལེགས༔ རྒྱ་མཚོ་འཁྱིལ་བ་བས་ཀྱང་གཏིང་རེ་ཟབ༔ རྩི་ཤིང་ནགས་ཚལ་ལས་ཀྱང་གྲངས་རེ་མང་༔ ལྷོ་སྤྲིན་འཐིབས་པ་ལས་ཀྱང་བརྔམས་རེ་འཐུག༔ འཇའ་ཚོན་འབུམ་དྲུག་གཏིབས་ལས་མདངས་རེ་ལེགས༔ ཚངས་དབྱངས་དབྱར་རྔ་ལས་ཀྱང་སྒྲ་རེ་ཆེ༔ འདི་ལྟར་ཕུན་སུམ་ཚོགས་པའི་འདོད་ཡོན་འདི༔ ཆོས་སྐྱོང་ཆེན་པོ་འཁོར་དང་བཅས་ལ་མཆོད༔ མཆོད་པ་བཞེས་ལ་ཐུགས་དམ་བསྐང་གྱུར་ཅིག༔ ཕྱི་སྣོད་རྣམ་པར་དག་པའི་འཇིགས་རྟེན་འདི༔ ཆོས་སྐྱོང་ཆེན་པོ་འཁོར་དང་བཅས་ལ་མཆོད༔ མཆོད་པ་བཞེས་ལ་ཐུགས་དམ་བསྐང་གྱུར་ཅིག༔ ནང་བཅུད་རིན་ཆེན་ཡོངས་འདུའི་གཞལ་ཡས་ཁང་༔ ཆོས་སྐྱོང་ཆེན་པོ་འཁོར་དང་༴ མཆོད་པ་བཞེས་ལ་ཐུགས་དམ༴ བཀྲ་ཤིས་རྟགས་བརྒྱད་ཚོགས་ནི་ཏ་ལ་ལ༔ ཆོས་སྐྱོང་ཆེན་པོ༴ མཆོད་པ་བཞེས་ལ༴ རྒྱལ་སྲིད་སྣ་བདུན་ཚོགས་ནི་སྤུངས་སེ་སྤུང་༔ ཆོས་སྐྱོང་ཆེན་པོ༴ མཆོད་པ་བཞེས་ལ༴ ཟ་འོག་མཛེས་པའི་གུར་ཕུབ་ལྡིངས་སེ་ལྡིང་༔ ཆོས་སྐྱོང་ཆེན་པོ༴ མཆོད་པ་བཞེས་ལ༴ སྣ་ཚོགས་མདའ་དར་བ་དན་པུ་རུ་རུ༔ ཆོས་སྐྱོང་ཆེན་པོ༴ མཆོད་པ་བཞེས་ལ༴ དར་ཀྱི་ལྡ་ལྡི་མང་པོ་ཡོམས་སེ་ཡོམ༔ ཆོས་སྐྱོང་ཆེན་པོ༴ མཆོད་པ་བཞེས་ལ༴ བླ་རེ་རྒྱལ་མཚན་རྣམས་ནི་ཏ་ལ་ལ༔ ཆོས་སྐྱོང་ཆེན་པོ༴ མཆོད་པ་བཞེས་ལ༴ སྣ་ཚོགས་མཛེས་པའི་རྒྱན་ཚོགས་པུ་རུ་རུ༔ ཆོས་སྐྱོང་ཆེན་པོ༴ མཆོད་པ་བཞེས་ལ༴ འདོད་ཡོན་ལྔ་ལྡན་ལོངས་སྤྱོད་སྤུངས་སེ་སྤུང་༔ ཆོས་སྐྱོང་ཆེན་པོ༴ མཆོད་པ་བཞེས་ལ༴ བྷ་ལིང་གཏོར་མའི་ཚོགས་ནི་ཟངས་སེ་ཟང་༔ ཆོས་སྐྱོང་ཆེན་པོ༴ མཆོད་པ་བཞེས་ལ༴ ཨརྒྷཾ་བདུད་རྩིའི་ཚོགས་ནི་མེར་རེ་རེ༔ ཆོས་སྐྱོང་ཆེན་པོ༴ མཆོད་པ་བཞེས་ལ༴ རཀྟ་དམར་གྱི་ཚོགས་ནི་ཕྱུ་རུ་རུ༔ ཆོས་སྐྱོང་ཆེན་པོ༴ མཆོད་པ་བཞེས་ལ༴ གསེར་སྐྱེམས་ཕུད་རྒོད་ཚོགས་ནི་སྤྲེངས་སེ་སྤྲེང་༔ ཆོས་སྐྱོང་ཆེན་པོ༴ མཆོད་པ་བཞེས་ལ༴ སྤོས་དཀར་ཚིལ་ཆེན་དྲི་བཟང་ཐུ་ལུ་ལུ༔ ཆོས་སྐྱོང་ཆེན་པོ༴ མཆོད་པ་བཞེས་ལ༴ དབང་པོ་རྣམ་ལྔའི་ཞལ་ཟས་སྤུངས་སེ་སྤུང་༔ ཆོས་སྐྱོང་ཆེན་པོ༴ མཆོད་པ་བཞེས་ལ༴ གཟུགས་སྒྲ་དྲི་རོའི་ཚོགས་ནི་ཁྱུགས་སེ་ཁྱུག༔ ཆོས་སྐྱོང་ཆེན་པོ༴ མཆོད་པ་བཞེས་ལ༴ མི་རྐང་གླིང་བུའི་ཚོགས་ནི་ཙེ་རེ་རེ༔ ཆོས་སྐྱོང་ཆེན་པོ༴ མཆོད་པ་བཞེས་ལ༴ རྔ་གླིང་རོལ་མོའི་ཚོགས་ནི་དི་རི་རི༔ ཆོས་སྐྱོང་ཆེན་པོ༴ མཆོད་པ་བཞེས་ལ༴ ཅང་ཏེའུ་སྒྲ་སྙན་གླུ་གར་ལྡེམས་སེ་ལྡེམ༔ ཆོས་སྐྱོང་ཆེན་པོ༴ མཆོད་པ་བཞེས་ལ༴ བྱ་ཁྲ་འདབ་ཆགས་ཚོགས་ནི་ཐིབས་སེ་ཐིབ༔ ཆོས་སྐྱོང་ཆེན་པོ༴ མཆོད་པ་བཞེས་ལ༴ སྤྲ་སྤྲེ་གཅན་གཟན་ཚོགས་ནི་ཉི་ལི་ལི༔ ཆོས་སྐྱོང་ཆེན་པོ༴ མཆོད་པ་བཞེས་ལ༴ དུད་འགྲོ་རྐང་བཞིའི་ཚོགས་ནི་ཀྱི་ལི་ལི༔ ཆོས་སྐྱོང་ཆེན་པོ༴ མཆོད་པ་བཞེས་ལ༴ ཆུ་གནས་སེམས་ཅན་མང་པོ་འཁྱུགས་སེ་འཁྱུག༔ ཆོས་སྐྱོང་ཆེན་པོ༴ མཆོད་པ་བཞེས་ལ༴ རི་དྭགས་མང་པོ་རྩེད་འཇོ་སྤྲེངས་སེ་སྤྲེང་༔ ཆོས་སྐྱོང་ཆེན་པོ༴ མཆོད་པ་བཞེས་ལ༴ འཇའ་ཚོན་ཟེར་མདངས་འོད་ཟེར་ཏ་ལ་ལ༔ ཆོས་སྐྱོང་ཆེན་པོ༴ མཆོད་པ་བཞེས་ལ༴ ཀ་ཅ་དཀོར་ཆ་མང་པོ་ཁྲ་ལ་ལ༔ ཆོས་སྐྱོང་ཆེན་པོ༴ མཆོད་བཞེས་ལ༴ གོ་མཚོན་རལ་གྲི་མང་པོ་ཉི་ལི་ལི༔ ཆོས་སྐྱོང་ཆེན་པོ༴ མཆོད་པ་བཞེས་ལ༴ ཀུན་བཟང་མཆོད་པའི་སྤྲིན་ལྟར་སྤྲུལ་པ་འདི༔ ཆོས་སྐྱོང་ཆེན་པོ་འཁོར་དང་བཅས་ལ་མཆོད༔ མཆོད་པ་བཞེས་ལ་ཐུགས་དམ་བསྐང་གྱུར་ཅིག༔ སྐུ་ཡི་སྤྲུལ་པའི་ཆོས་རྒྱལ་ཆེན་པོ་ནི༔ དགྲ་བཅོམ་གཞོན་ནུ་བཞིན་བཟང་རབ་ཏུ་རྒྱས༔ ཁྱེད་རྣམས་འཁོར་དང་བཅས་པའི་ཐུགས་དམ་བསྐང་༔ གསུང་གི་སྤྲུལ་པའི་ཆོས་རྒྱལ་ཆེན་པོ་ནི༔ སྐུ་མདོག་ནག་ལ་འཇིགས་གཟུགས་སྟག་ལྤགས་གསོལ༔ ཁྱེད་རྣམས་འཁོར་དང་༴ ཐུགས་ཀྱི་སྤྲུལ་པའི་ཆོས་རྒྱལ་ཆེན་པོ་ནི༔ དགེ་བསྙེན་གཟུགས་ལ་དར་དམར་འཇོལ་བེར་ཅན༔ ཁྱེད་རྣམས་འཁོར་དང་༴ ཡོན་ཏན་སྤྲུལ་པའི་ཆོས་རྒྱལ་ཆེན་པོ་ནི༔ སྐུ་མདོག་དམར་པོ་མན་ཏྲིའི་ཀ་ཤ་ཅན༔ ཁྱེད་རྣམས་འཁོར་དང་༴ འཕྲིན་ལས་སྤྲུལ་པའི་ཆོས་རྒྱལ་ཆེན་པོ་ནི༔ པེ་ཀར་དགྲ་ལྷ་ཞལ་གསུམ་མི་བོ་ཆེ༔ ཁྱེད་རྣམས༴ སྐུ་ཡི་ཡུམ་ཆེན་བདུད་མོ་རོ་ལངས་མ༔ ཁྱེད་རྣམས༴ གསུང་གི་ཡུམ་ཆེན་བྷན་དམར་ཕྱག་རྒྱ་ཅན༔ ཁྱེད་རྣམས༴ ཐུགས་ཀྱི་ཡུམ་ཆེན་འཛིན་བྱེད་པད་སྐྱེས་མ༔ ཁྱེད་རྣམས༴ ཡོན་ཏན་ཡུམ་ཆེན་བྱ་རྒོད་ཐོང་ནག་མ༔ ཁྱེད་རྣམས༴ འཕྲིན་ལས་ཡུམ་ཆེན་དམ་ཤིང་ཕྱག་རྒྱ་ཅན༔ ཁྱེད་རྣམས༴ སྐུ་ཡི་བློན་པོ་བྱ་ཁྲིད་མིག་གཅིག་པ༔ ཁྱེད་རྣམས༴ གསུང་གི་བློན་པོ་རྡོ་རྗེ་དྲག་ལྡན་རྒྱལ༔ ཁྱེད་རྣམས༴ ཐུགས་ཀྱི་བློན་པོ་བཀའ་ཡི་བྱ་ར་བ༔ ཁྱེད་རྣམས༴ ཡོན་ཏན་བློན་པོ་བྱ་ཁྲིད་འབར་བ་ཆེ༔ ཁྱེད་རྣམས༴ འཕྲིན་ལས་བློན་པོ་པུ་ཊ་ནག་པོའི་དཔལ༔ ཁྱེད་རྣམས༴ གནམ་གྱི་ཡར་བླར་བྱི་བ་ཐོགས་ཆར་བདག༔ ཁྱེད་རྣམས༴ རྡོ་རྗེ་ཁྱུང་ཆེན་ཀླུ་འདུལ་མཐུ་བོ་ཆེ༔ ཁྱེད་རྣམས༴ ལྷ་ཡི་དགེ་བསྙེན་མ་ཧཱ་ཀཱ་ལ་དཔལ༔ ཁྱེད་རྣམས་འཁོར་དང་༴ སྲོག་བདག་ཆེན་པོ་རྔམ་བྱེད་མ་ལུས་པ༔ ཁྱེད་རྣམས༴ པ་ཏྲ་དཀར་པོ་པུ་ཏྲ་ནག་པོ་སྟེ༔ ཁྱེད་རྣམས༴ དམག་དཔོན་ལས་ཀྱི་ཕོ་ཉ་མ་ལུས་པ༔ ཁྱེད་རྣམས༴ གཡས་ཀྱི་རུ་འདྲེན་དགེ་སློང་སྟོང་སྡེའི་ཚོགས༔ ཁྱེད་རྣམས༴ གཡོན་གྱི་རུ་འདྲེན་བནྡྷེ་ནག་པོའི་ཚོགས༔ ཁྱེད་རྣམས༴ སྔོན་གྱི་ཤུལ་མཚོན་ཤན་ཏི་བདུད་མོ་འབུམ༔ ཁྱེད་རྣམས༴ སླད་ཀྱི་རྗེས་འབྲང་ཨ་ཙར་ཚོགས་དང་བཅས༔ ཁྱེད་རྣམས༴ ཁོལ་པོ་སྟག་ཆས་གཟིག་ཆས་འབུམ་ཕྲག་སྟོང་༔ ཁྱེད་རྣམས༴ བློན་པོ་ཤ་དྲོལ་ཁྱི་དྲོལ་སྡེ་ཚོགས་ནི༔ ཁྱེད་རྣམས༴ སྐུ་ཡི་སྐྱོ་རོགས་འབག་དང་གར་གིང་འབུམ༔ ཁྱེད་རྣམས༴ ཕྱི་ནང་ལྷ་སྲིན་དྲེེགས་པ་མ་ལུས་ཚོགས༔ ཁྱེད་རྣམས༴ འབར་བ་མཆེད་བདུན་འཁོར་ཚོགས་རུ་འདྲེན་འབུམ༔ ཁྱེད་རྣམས་འཁོར་དང་བཅས་པའི་ཐུགས་དམ་བསྐང་༔ ཧཱུྃ༔ དེ་ལྟར་མཆོད་ཅིང་བསྐང་བའི་བྱིན་བརླབས་ཀྱིས༔ རྣལ་འབྱོར་བདག་ཅག་ཡོན་མཆོད་འཁོར་བཅས་ལ༔ སྔོན་ལས་ངན་པའི་ལས་ཀྱིས་མནར་བ་དང་༔ འཕྲལ་རྐྱེན་བར་ཆད་རྐྱེན་ཁ་ཟུགས་པ་རྣམས༔ ཟློག་ཅིག་སྒྱུར་ཅིག་བར་ཆད་དབྱིངས་ནས་སོལ༔ བཀའ་ཡི་སྲུང་མ་ཡེ་ཤེས་སྤྱན་དང་ལྡན༔ བདག་ནི་མ་རིག་ལས་ཀྱིས་རྨོངས་པའི་བུ༔ རྩ་གསུམ་མཁའ་འགྲོ་ཆོས་སྐྱོང་ཁྱེད་རྣམས་ལ༔ སྐུ་གསུང་ཐུགས་དང་འགལ་བ་ཅི་བགྱིས་པ༔ སོ་ཐར་ཕྱི་ཡི་སྡོམ་པ་ཉམས་པ་དང་༔ བྱང་སེམས་ནང་གི་བསླབ་བྱ་ཡལ་བ་དང་༔ གསང་བ་སྔགས་ཀྱི་དམ་ལས་ཅི་འགལ་བ༔ བསྐང་ཞིང་བཤགས་སོ་མཐོལ་བཤགས་བཟོད་པར་བཞེས༔ རིགས་ལྔའི་བྱང་ཆུབ་སེམས་དཔའ་བཅོམ་ལྡན་འདས༔ དྲེགས་པ་འདུལ་ཕྱིར་གང་འདུལ་སྐུར་སྟོན་པར༔ རྨོངས་པར་གྱུར་པས་རང་རྒྱུད་བཟུང་བ་བཤགས༔ འཇིག་རྟེན་དྲེགས་ཚོགས་འབུམ་སྡེ་དབང་སྒྱུར་ལ༔ རྟ་མཆོག་རྒྱལ་པོ་པདྨ་བདག་ཉིད་ཀྱིས༔ བཀའ་བསྒོས་བཞིན་དུ་མཆོད་བསྐང་དགྱེས་པར་བཞེས༔ ཅི་ལྟར་བཅོལ་བའི་འཕྲིན་ལས་གྲུབ་པར་མཛོད༔ དེ་ནས་མངའ་གསོལ་བ་ནི༔ གཏོར་མདོས་ཡར་བཏེག་ཕྱེ་མར་དང་ཕུད་རྣམས་ཀྱིས་རིམ་པར་མཆོད༔ མདའ་དར་བ་དན་རྣམས་བསྒྲེངས༔ གཞི་བདག་སྤྱི་ལ་གཙང་གཏོར་འབུལ༔ ལྷ་གསོལ་ལོ་རྒྱལ་ལོའི་སྒྲ་མཚམས་མཚམས་སུ་དབྱངས་ཤིང་རོལ་མོ་དང་བཅས་འདི་སྐད་དོ༔ ཧཱུྃ་ཧོ༔ དགོངས་སུ་གསོལ་ལོ་ལྷ་ཆེན་ཆོས་ཀྱི་རྒྱལ༔ སྐུ་ལྔའི་ཆོས་རྒྱལ་འཁོར་བཅས་མངའ་གསོལ་ལོ༔ གསང་ཡུམ་སྡེ་ལྔའི་ཚོགས་ཀྱང་མངའ་གསོལ་ལོ༔ སྤྲུལ་པའི་མཆེད་ཟླ་རྣམས་ཀྱང་མངའ་༴ བཀའ་ཡི་བློན་པོ་རྣམས་ཀྱང་མངའ༴ སྤྲུལ་པ་ཡང་སྤྲུལ་རྣམས་ཀྱང་མངའ༴ རུ་འདྲེན་དམག་དཔོན་སྡེ་ཚོགས་མངའ༴ དྲེགས་པ་སྡེ་བརྒྱད་འཁོར་བཅས༴ འབར་བ་མཆེད་བདུན་འཁོར་བཅས༴ མཆོད་འོས་བསྟོད་འོས་རྣམས་ཀྱང་༴ ཕོ་ལྷ་དགྲ་ལྷ་རྣམས་ཀྱང་༴ ཡུལ་ལྷ་གཞི་བདག་རྣམས་ཀྱང་༴ ཡུལ་གཞིས་མཁར་ལྷ་རྣམས་ཀྱང་༴ བང་ནོར་གཡང་འཛིན་རྣམས་ཀྱང་མངའ་གསོལ་ལོ༔ ཀྱེ༔ དེ་རིང་དགྲ་ལྷ་ཆེན་པོ་སྐུ་ལྔའི་ཚོགས༔ མ་ལུས་འཁོར་དང་བཅས་པ་མངའ་གསོལ་ལོ༔ ཕྱི་སྣོད་ནང་བཅུད་འདོད་དགུས༴ སྨན་རག་གཏོར་མའི་ཚོགས་ཀྱིས༴ དངོས་འབྱོར་ཡིད་སྤྲུལ་མཆོད་པས༴ རིན་ཆེན་སྣ་ཚོགས་ཀ་ཅས༴ དར་ཟབ་གོས་ཕྲུག་དཀོར་ཆས་མངའ༴ གོ་མཚོན་རལ་གྲི་མཚོན་ཆས༴ འཕན་གདུགས་རྒྱལ་མཚན་བླ་བྲེས༴ རྔ་དུང་རོལ་མོའི་ཚོགས་ཀྱིས་མངའ༴ མདའ་དར་མདུང་དར་རྣམས་ཀྱིས་མངའ་གསོལ་ལོ༔ འདབ་ཆགས་དུད་འགྲོ་གཅན་གཟན་ཆུ་གནས་འབུམ༔ འདིས་ཀྱང་ཆོས་སྐྱོང་འཁོར་བཅས་མངའ་གསོལ་ལོ༔ ཤ་ཁྱིམ་རིན་ཆེན་རྣམ་ལྔ་འབྲུ་ལྔའི་ཟན༔ འདིས་ཀྱང་ཆོས་སྐྱོང་འཁོར་བཅས༴ ཁྲག་ཁྱིམ་ཐམས་ཅད་རིན་ཆེན་མཚལ་ལས་གྲུབ༔ འདིས་ཀྱང་ཆོས་སྐྱོང་འཁོར་བཅས༴ རུས་པའི་ཚོགས་ནི་རིན་ཆེན་དངུལ་ལས་བྱས༔ འདིས་ཀྱང་ཆོས་སྐྱོང་འཁོར་བཅས༴ སྤུ་དང་གཤོག་པ་རྩི་བཅུད་མར་ལས་གྲུབ༔ འདིས་ཀྱང་ཆོས་སྐྱོང་འཁོར་བཅས༴ སྤྱན་མིག་ཀུན་ཀྱང་རིན་ཆེན་གཟི་ལས་བྱས༔ འདིས་ཀྱང་ཆོས་སྐྱོང་འཁོར་བཅས༴ སྒྲ་འབྱིན་ལྗགས་རྣམས་ལེ་བརྒན་དམར་པོས་བྱས༔ འདིས་ཀྱང་ཆོས་སྐྱོང་འཁོར་བཅས༴ ཚེམས་དང་མཆེ་བ་དུང་སོ་འགྲོན་བུར་གྲུབ༔ འདིས་ཀྱང་ཆོས་སྐྱོང་འཁོར་བཅས༴ སྒྲ་ཉན་རྣ་བ་ཨུག་ཆོས་དམར་པོར་བྱས༔ འདིས་ཀྱང་ཆོས་སྐྱོང་འཁོར་བཅས༴ ཀླད་པ་རྣམས་ནི་མུ་ཏིག་དཀར་པོས་བྲན༔ འདིས་ཀྱང་ཆོས་སྐྱོང་༴ རྨིག་སྡེར་རྣམས་ནི་རིན་ཆེན་ལྕགས་ལས་བྱས༔ འདིས་ཀྱང་ཆོས་སྐྱོང་༴ ལུས་ཀྱིས་རྣམ་འགྱུར་བཏུད་དེ་མངའ་གསོལ་ལོ༔ ངག་གི་སྙན་པའི་དབྱངས་ཀྱིས་མངའ་གསོལ་ལོ༔ ཡིད་ཀྱི་གདུང་བའི་སེམས་ཀྱིས་མངའ་གསོལ་ལོ༔ ཧཱུྃ༔ འདི་ལྟར་མངའ་གསོལ་བྱས་པས་ཆོས་ཀྱི་རྒྱལ༔ མ་ལུས་འཁོར་དང་བཅས་པ་གཟི་བརྗིད་བསྐྱེད༔ མ་ལུས་འཁོར་དང་བཅས་པ་བཀྲག་མདངས་བསྐྱེད༔ མ་ལུས་འཁོར་དང་བཅས་པས་རྩལ་ཤུགས་བསྐྱེད༔ མ་ལུས་འཁོར་དང་བཅས་པ་དབུ་འཕང་བསྟོད༔ མ་ལུས་འཁོར་དང་བཅས་པ་དྲག་རྩལ་ཕྱུངས༔ མ་ལུས་འཁོར་དང་བཅས་པས་གོ་མཚོན་རྡོར༔ མ་ལུས་འཁོར་དང་བཅས་པས་ཀི་བསོ་ཐོབ༔ མ་ལུས་འཁོར་དང་བཅས་པས་རྔམ་སྟབས་བསྒྱུར༔ མ་ལུས་འཁོར་དང་བཅས་པས་རྐན་སྒྲ་སྒྲོགས༔ མ་ལུས་འཁོར་དང་བཅས་པས་སྡང་མིག་འཁྱུགས༔ མ་ལུས་འཁོར་དང་བཅས་པས་ཆོ་འཕྲུལ་སྒྱུར༔ རི་ལྟར་བརྟན་པར་མངའ་གསོལ་དགོན་གཞིས་སྲུངས༔ ཉི་ལྟར་འོད་འབར་མངའ་གསོལ་ལེགས་ཉེས་གཟིགས༔ ཟླ་ལྟར་གསལ་བར་མངའ་གསོལ་ཉམས་རྟོགས་སྤེལ༔ སྐར་ལྟར་བཀྲ་བར་མངའ་གསོལ་འཁོར་སློབ་བསྐྱེད༔ ནམ་མཁའི་རྒྱ་ལྟར་མངའ་གསོལ་མངའ་ཐང་བསྐྱེད༔ རྒྱ་མཚོའི་གཏིང་ལྟར་མངའ་གསོལ་བསོད་ནམས་བསྐྱེད༔ ཚངས་པའི་དབྱངས་ལྟར་མངའ་གསོལ་སྙན་པ་སྩོལ༔ དབྱར་གྱི་རྔ་ལྟར་མངའ་གསོལ་གྲགས་པ་སྒྲོགས༔ བསྐལ་པའི་མེ་ལྟར་མངའ་གསོལ་ནུས་པ་སྤོར༔ རྩི་ཤིང་དཔུང་ལྟར་མངའ་གསོལ་ལོངས་སྤྱོད་སྤེལ༔ ཆུ་བོའི་རྒྱུན་ལྟར་མངའ་གསོལ་ཚེ་དཔལ་བསྐྱེད༔ སྐྱ་རེངས་ར་ལྟར་མངའ་གསོལ་དབང་ཐང་སྩོལ༔ ལྷོ་སྤྲིན་འཐིབ་ལྟར་མངའ་གསོལ་དབང་དུ་སྡུས༔ དྲག་པོའི་ཐོག་ལྟར་མངའ་གསོལ་དགྲ་བགེགས་སྒྲོལ༔ འཚུབ་པའི་རླུང་ལྟར་མངའ་གསོལ་བང་མ་བུལ༔ འཁྱུག་པའི་གློག་ལྟར་མངའ་གསོལ་ལས་མ་འགྱངས༔ རྡོ་རྗེ་འབར་བས་མངའ་གསོལ་དམ་མ་གཡེལ༔ ཨརྒྷཾ་བདུད་རྩིས་མངའ་གསོལ་ཆད་མ་སྟོངས༔ རཀྟ་དམར་གྱིས་མངའ་གསོལ་དགྲ་ཁྲག་འཐུང་༔ ཕྱི་ནང་མཆོད་པས་མངའ་གསོལ་དཔལ་འབྱོར་སྤེལ༔ མངའ་གསོལ་བྱས་སོ་ལྷ་དམག་དབུགས་འབྱིན་མཛོད༔ མངའ་གསོལ་བྱས་སོ་ལྷ་མིན་གཡུལ་ངོ་ཟློག༔ མངའ་གསོལ་བྱས་སོ་འགྲོ་བའི་བདེ་སྐྱིད་སྤེལ༔ མངའ་གསོལ་བྱས་སོ་སངས་རྒྱས་བསྟན་པ་སྲུངས༔ མངའ་གསོལ་བྱས་སོ་ནད་མུག་མཚོན་འཁྲུག་ཟློག༔ མངའ་གསོལ་བྱས་སོ་ཁམས་གསུམ་དབང་དུ་སྡུས༔ མངའ་གསོལ་བྱས་སོ་སྲིད་གསུམ་ཟིལ་གྱིས་གནོན༔ མངའ་གསོལ་བྱས་སོ་མཆོག་ཐུན་དངོས་གྲུབ་སྩོལ༔ ཅེས་བརྗོད་གཙང་སར་གཤེགས་སམ་རྟེན་བཙུགས་བརྟེན༔ གཤེགས་གསོལ་བསྔོ་སྨོན་ཤིས་བརྗོད་མཐའ་རྒྱས་བྱ༔ ས་མ་ཡཱ༔ རྒྱ་རྒྱ་རྒྱ༔ འདི་ལྟར་དྲེགས་པའི་གསོལ་མཆོད་གདམས་པ་འདི༔ པདྨ་ཧེ་རུ་ཀ་ཡི་བཀའ་འཁོར་སྐྱོངས༔ སྔོན་དུས་གཡར་དམ་ཐ་ཚིག་རྡོ་རྗེའི་རྒྱ༔ དམ་ལ་གནས་པའི་དགེ་བསྙེན་དམ་པ་འདི༔ དབང་ཆེན་བཀའ་ཡི་སྲུང་མར་བསྐོས་སོ་རྒྱ༔ མ་འོངས་དམ་ལྡན་རྣམས་ཀྱི་སྲུང་མར་ཤོག༔ ས་མ་ཡཱཿརྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ ཟབ་རྒྱ༔ གསང་རྒྱ༔ གཉན་རྒྱ༔ ས་མ་ཡཱ༔ རྒྱ་རྒྱ་རྒྱ༔ བདག་སྤྲང་རྒན་ཉི་མ་གྲགས་པས་སློབ་དཔོན་ཆེན་པོའི་སྒྲུབ་གནས་མེ་འབར་ཕུག་ནས་ཆུ་ཕོ་ཁྱི་ལོ་ལ་གདན་དྲངས་ཤིང་རྒྱ་ལི་ཐང་དུ་ནད་རིམས་ཤིག་བྱུང་བ་ལ་སྲུང་མ་འདིའི་གསོལ་མཆོད་བྱས་ན་ཨི་འགབ་བསམས་ཏེ་གུ་རུ་རིན་པོ་ཆེ་ལ་གསོལ་བ་བཏབ་ཏེ་ས་ཕོ་འབྲུག་ལོ་ཧོར་ཟླ་བརྒྱད་པའི་ཉེར་ལྔ་ལ་ཤོག་སེར་ལས་བསྒྱུར་བའོ། །མངྒ་ལཾ།། །།
བཀའ་སྲུང་བསྐུལ་བའི་ལས་མཐའ།
རྟ་མགྲིན་དྲེགས་པ་ཟིལ་གནོད་ལས༔ བཀའ་སྲུང་བསྐུལ་བའི་ལས་མཐའ་བཞུགས༔ དབང་ཆེན་པདྨ་ཧེ་རུ་ཀ་ལ་འདུད༔ ཕྱི་མའི་དུས་ཀྱི་དམ་ལྡན་རྣལ་འབྱོར་པས༔ བསྟན་འགྲོའི་དགྲ་བགེགས་ལ་དམིགས་ཆོས་ཀྱི་རྒྱལ༔ རྦད་ཅིང་བསྐུལ་བར་འདོད་ན་འདི་ལྟར་བྱ༔ འབྲུ་ནག་ཕྱེ་ལ་དཔལ་བཤོས་གཙོ་འཁོར་དགུ༔ ཤ་སྣ་སྙིང་སྣ་ལིངྒ་དུག་ཁྲག་བརྒྱན༔ བདག་མདུན་གསལ་བའི་ཏིང་འཛིན་ལས་རུང་ནས༔ མཆོད་ཅིང་བསྐངས་ནས་ཐུན་གཏོར་ལ་དམིགས་ཏེ༔ དགྲ་བགེགས་འགུགས་བསྟིམས་བསྒྲལ་བའི་ཤ་ཁྲག་རུས༔ སྟོང་གསུམ་གང་བར་སྤྲུལ་ཞིང་སྔགས་ཀྱིས་དབུལ༔ རྔམ་པའི་སྟོབས་དང་དྲག་པོའི་ཤུགས་བསྐྱེད་དེ༔ རོལ་མོའི་དྲག་འཁྲོལ་དམར་སྦྲེང་འདི་སྐད་དོ༔ ཧཱུྃ་བྷྱོ༔ ཕྱོགས་ཕྱོགས་དག་ནི་སྟེང་ཕྱོགས་ཡངས་པའི་ཁམས༔ ནམ་མཁའ་ཡངས་པའི་དཀྱིལ་འཁོར་ཆེན་པོ་ནས༔ བཀའ་ཡི་སྲོག་བདག་རྣམས་ཀྱི་བྱ་ར་བ༔ རྡོ་རྗེ་འཇིགས་བྱེད་ཆེན་པོ་གཤེགས་སུ་གསོལ༔ སྐུ་ལ་བེར་ཆེན་སྨུག་པོ་དགུ་བརྩེགས་གསོལ༔ ཆིབས་སུ་དེ་ནི་སེངྒེ་ཆིབས་ནས་སྐྱོད༔ ནག་པོ་འཆོལ་བ་དེ་ནི་བདུད་ཀྱི་གཤེད༔ ཤ་ཁྲག་དམར་གྱི་གཏོར་མ་འདི་བཞེས་ལ༔ དེ་རིང་དགྲ་བགེགས་སྒྲོལ་བའི་དམག་ལ་ཆོས༔ མི་དཔའ་རྟ་མགྱོགས་དཔུང་ཆོག་རྒྱུས་པ་ཆིངས༔ ཤ་ཟོ་ཁྲག་འཐུང་ལྷག་མ་མེད་པར་བཞེས༔ བསད་རྟགས་དོན་སྙིང་དམར་པོ་ཁྱེར་ལ་ཤོག༔ རྣལ་འབྱོར་བཅོལ་པའི་འཕྲིན་ལས་གྲུབ་པར་མཛོད༔ ཧཱུྃ་བྷྱོ༔ དུང་གི་སྐུ་མཁར་དེ་ནི་རྩེ་དགུ་ནས༔ ཤན་པ་ཆེན་པོ་བྱ་ཁྲིད་མིག་གཅིག་པོ༔ ཆིབས་སུ་དེ་ནི་སྔོན་པོ་སྒབ་ནག་བཅིབས༔ དབུ་ལ་སྦྲུལ་ནག་ཐོད་པའི་ཕྲེང་བས་བརྒྱན༔ ཤར་གྱི་ཕྱོགས་ཀྱི་སྲོག་བདག་ཆེན་པོ་སྟེ༔ རྡོ་རྗེ་འཛིན་པ་ཆེན་པོ་གཤེགས་སུ་གསོལ༔ ཤ་ཁྲག་དམར་གྱི༴ དེ་རིང་དགྲ་བགེགས༴ མི་དཔའ་རྟ་མགྱོགས༴ ཤ་ཟོ་ཁྲག་འཐུང་༴ བསད་རྟགས་དོན་སྙིང་༴ རྣལ་འབྱོར་བཅོལ་པའི༴ ཧཱུྃ་བྷྱོ༔ ལྕགས་ཀྱི་སྐུ་མཁར་དེ་ནི་རྩེ་དགུ་ནས༔ པུ་ཊ་ནག་པོ་ཆེན་པོ་མཐུ་བོ་ཆེ༔ ཆིབས་སུ་དེ་ནི་དྲེའུ་རྟ་རྐང་གསུམ་བཅིབས༔ ཤིན་ཏུ་མི་བཟད་འབར་བའི་སྒེག་ཉམས་ལྡན༔ རྡོ་རྗེ་དྲག་ལྡན་ཆེན་པོ་གཤེགས་སུ་གསོལ༔ ཤ་ཁྲག་དམར་གྱི༴ དེ་རིང་དགྲ་བགེགས༴ མི་དཔའ་རྟ་མགྱོགས༴ ཤ་ཟོ་ཁྲག་འཐུང་༴ བསད་རྟགས་དོན་སྙིང་༴ རྣལ་འབྱོར་བཅོལ་པའི༴ ཧཱུྃ་བྷྱོ༔ ཟངས་ཀྱི་སྐུ་མཁར་དེ་ནི་རྩེ་དགུ་ནས༔ དགྲ་བཅོམ་ཤྲཱི་ཤིང་དེ་ནི་གསེག་གཤང་ཅན༔ ཆིབས་སུ་རྔ་མོ་དེ་ནི་གྭ་པ་བཅིབས༔ རྡོ་རྗེ་རྒྱལ་པོ་དེ་ནི་གཤེགས་སུ་གསོལ༔ ཤ་ཁྲག་དམར་གྱི༴ དེ་རིང་དགྲ་བགེགས༴ མི་དཔའ་རྟ་མགྱོགས༴ ཤ་ཟོ་ཁྲག་འཐུང་༴ བསད་རྟགས་དོན་སྙིང་༴ རྣལ་འབྱོར་བཅོལ་པའི༴ ཧཱུྃ་བྷྱོ༔ གཡུ་ཡི་སྐུ་མཁར་དེ་ནི་རྩེ་དགུ་ནས༔ བྱ་རྒོད་ཐོང་ནག་ཆེན་པོ་རབ་ཏུ་འཁྲུག༔ རླུང་ནག་འཚུབ་མ་ནག་པོ་ཆིབས་སུ་བཅིབས༔ འཁོར་དང་བཅས་པ་དེ་ནི་གཤེགས་སུ་གསོལ༔ ཤ་ཁྲག་དམར་གྱི༴ དེ་རིང་དགྲ་བགེགས༴ མི་དཔའ་རྟ་མགྱོགས༴ ཤ་ཟོ་ཁྲག་འཐུང་༴ བསད་རྟགས་དོན་སྙིང་༴ རྣལ་འབྱོར་བཅོལ་བའི༴ ཧཱུྃ་བྷྱོ༔ སྐུ་ཡི་སྤྲུལ་པ་མོན་བུ་པུ་ཏྲ་ནི༔ ཆིབས་སུ་དེ་སེང་ཆེན་དེ་ནི་འགླིང་བ་བཅིབས༔ སྐུ་མདོག་ནག་པོ་མུན་ལྟར་རབ་ཏུ་གཏིབ༔ རྡོ་རྗེ་གཡས་ལ་ཤེར་ཤིང་གསེར་གཤང་གཡོན༔ རོལ་དུ་དོམ་ནག་འབུམ་སྡེ་འཕྱོ་ཞིང་རྒྱུག༔ སྟག་གཟིག་དོམ་དྲེད་མང་པོ་ཕོ་ཉར་འགྱེད༔ འཁོར་དང་བཅས་པ་དེ་ནི་གཤེགས་སུ་གསོལ༔ ཤ་ཁྲག་དམར་གྱི༴ དེ་རིང་དགྲ་བགེགས༴ མི་དཔའ་རྟ་མགྱོགས༴ ཤ་ཟོ་ཁྲག་འཐུང་༴ བསད་རྟགས་དོན་སྙིང་༴ རྣལ་འབྱོར་བཅོལ་པའི༴ ཧཱུྃ་བྷྱོ༔ གསུང་གི་སྤྲུལ་པའི་དགྲ་ལྷ་སྐྱེས་གཅིག་ནི༔ ཆིབས་སུ་དེ་ནི་དྲེའུ་རྟ་ནག་པོ་བཅིབས༔ སྐུ་ལ་དར་ནག་འཇོལ་བེར་ལྷུབས་སེ་ལྷུབ༔ གཡས་པས་རྦ་འགྱིང་གཡོན་པས་ཙན་དན་བེང་༔ རོལ་དུ་ལྕགས་སྤྱང་འུར་བ་འབུམ་ཁྲི་ཉིལ༔ ཕོ་ཉར་ལྕགས་ཀྱི་བྱ་ཁྲ་འབུམ་འབུམ་འགྱེད༔ འཁོར་དང་བཅས་པ་དེ་ནི་གཤེགས་སུ་གསོལ༔ ཤ་ཁྲག་དམར་གྱི༴ དེ་རིང་དགྲ་བགེགས༴ མི་དཔའ་རྟ་མགྱོགས༴ ཤ་ཟོ་ཁྲག་འཐུང་༴ བསད་རྟགས་དོན་སྙིང་༴ རྣལ་འབྱོར་བཅོལ་བའི༴ ཧཱུྃ་བྷྱོ༔ ཐུགས་ལས་སྤྲུལ་པའི་མ་ཧཱ་རཱ་ཛ་ནི༔ སྐུ་མདོག་དཀར་གསལ་དགྲ་བཅོམ་གསེག་ཤང་ཅན༔ ཆིབས་སུ་གླང་ཆེན་སྣ་རིང་ཕྱེད་སྐྱིལ་རོལ༔ སྤྲུལ་པ་ཆོ་འཕྲུལ་མི་བརྫུ་དགུ་རུ་བརྫུ༔ སྡེ་བརྒྱད་འདུལ་ཞིང་རྒྱལ་འགོང་ཕོ་ཉར་འགྱེད༔ སངས་རྒྱས་བསྟན་དང་བསྟན་འཛིན་སྐྱེས་བུ་སྲུངས༔ ཁྱེད་ནི་ཆོས་སྐྱོང་རྒྱལ་པོ་ཡིད་བཞིན་ནོར༔ འཁོར་དང་བཅས་པ་དེ་ནི་གཤེགས་སུ་གསོལ༔ ཤ་ཁྲག་དམར་གྱི༴ དེ་རིང་དགྲ་བགེགས༴ མི་དཔའ་རྟ་མགྱོགས༴ ཤ་ཟོ་ཁྲག་འཐུང་༴ བསད་རྟགས་དོན་སྙིང་༴ རྣལ་འབྱོར་བཅོལ་པའི༴ ཧཱུྃ་བྷྱོ༔ ཡོན་ཏན་སྤྲུལ་པའི་རྒྱལ་པོ་ཤིང་བྱ་ཅན༔ སྐུ་མདོག་ནག་པོ་སྟག་ལྤགས་སྦྲུལ་གྱིས་བརྒྱན༔ གཡས་པས་དགྲ་སྟ་གཡོན་པས་བདུད་ཞགས་འདེབས༔ དབུ་ཡི་ཁྱུང་མགོས་ལྷ་སྲིན་དབང་དུ་སྡུད༔ རོལ་དུ་སྲིད་པའི་གཡུ་འབྲུག་མང་པོ་འཕྱོ༔ ཕོ་ཉར་སྤྲེལ་དང་བྱི་ལའི་དམག་དཔུང་འགྱེད༔ འཁོར་དང་བཅས་པ་དེ་ནི་གཤེགས་སུ་གསོལ༔ ཤ་ཁྲག་དམར་གྱི༴ དེ་རིང་དགྲ་བགེགས༴ མི་དཔའ་རྟ་མགྱོགས༴ ཤ་ཟོ་ཁྲག་འཐུང་༴ བསད་རྟགས་དོན་སྙིང་༴ རྣལ་འབྱོར་བཅོལ་པའི༴ ཧཱུྃ་བྷྱོ༔ འཕྲིན་ལས་སྤྲུལ་པའི་རྒྱལ་པོ་པེ་ཀར་ནི༔ ཞལ་གསུམ་ཕྱག་དྲུག་འཇིགས་པའི་མཚོན་ཆ་གདེང་༔ དར་དཀར་རལ་ག་ཞིང་ལྤགས་སྟག་ཆས་བརྒྱན༔ སེང་ལྕམ་ཆིབས་ནས་མོན་བུའི་སྣ་འདྲེན་འཕྱོ༔ སྤྲུལ་པའི་བདུད་རླུང་ཁམས་ནག་རོལ་དུ་འཁྲིད༔ ཕོ་ཉར་བདུད་བྱ་སྐྱུང་ཁྲ་ཁྲ་ཐབས་འགྱེད༔ འཁོར་དང་བཅས་པ་དེ་ནི་གཤེགས་སུ་གསོལ༔ ཤ་ཁྲག་དམར་གྱི༴ དེ་རིང་དགྲ་བགེགས༴ མི་དཔའ་རྟ་མགྱོགས༴ ཤ་ཟོ་ཁྲག་འཐུང་༴ བསད་རྟགས་དོན་སྙིང་༴ རྣལ་འབྱོར་བཅོལ་པའི༴ ཧཱུྃ་བྷྱོ༔ ཆོས་སྐྱོང་འབུམ་སྡེའི་ལས་ཀྱི་ཕོ་ཉ་བ༔ སྐུ་མདོག་དམར་པོ་འོད་དུ་ཙེ་རེ་རེ༔ བཙན་མདུང་དམར་པོ་གཡས་ནས་ཟངས་སེ་ཟང་༔ བཙན་ཞགས་དམར་པོ་གཡོན་ན་ཁྱུགས་སེ་ཁྱུག༔ འཁོར་གསུམ་གོ་ཁྲབ་སྐུ་རྒྱན་ཁྲ་ལ་ལ༔ བྱ་ཁྱི་མི་དམར་ཕོ་ཉ་ཀྱི་ལི་ལི༔ ཆིབས་སུ་བཙན་རྟ་དམར་པོ་སྤྲེངས་སེ་སྤྲེང་༔ བཀའ་བློན་ཕྱི་ནང་ལས་བྱེད་ཤ་ར་ར༔ དགྱེས་སྡེ་ཡུམ་ཆེན་ཚོགས་ནི་ཁྱུགས་སེ་ཁྱུག༔ སྲོག་གཅོད་བཤན་པ་རྣམས་ནི་ཧྲིལ་ལི་ལི༔ ཁྲམ་ཐོགས་བདུད་ཚོགས་རྣམས་ནི་ཡེ་རེ་རེ༔ ཤོད་ཐོགས་རྩིས་པ་རྣམས་ནི་ཐ་ར་ར༔ མདུན་གྱི་ཤུལ་མཚོན་བདུད་མོ་རེ་ཏི་འབུམ༔ ཆོས་ཤིག་རྒྱུག་ཅིག་དམ་ཉམས་དགྲ་ལ་བྷྱོ༔ གཡས་ཀྱི་རུ་འདྲེན་དགེ་སློང་སྟོང་སྡེའི་ཚོགས༔ ཆོས་ཤིག་རྒྱུག་ཅིག༴ གཡོན་གྱི་རུ་འདྲེན་བནྡྷེ་ནག་པོའི་སྡེ༔ ཆོས་ཤིག༴ ཨ་ཙར་བྱི་ལ་མོན་པ་ནག་པོའི་སྡེ༔ ཆོས་ཤིག༴ སྟག་གཟིགས་ཆས་ཞུགས་ཁོལ་པོ་སྟོང་ཕྲག་འབུམ༔ ཆོས་ཤིག༴ སྤྲུལ་པ་ཡང་སྤྲུལ་ཕོ་ཉ་ཟ་བྱེད་འབུམ༔ ཆོས་ཤིག་རྒྱུག་ཅིག་དམ་ཉམས་དགྲ་ལ་བྷྱོ༔ ཧཱུྃ་བྷྱོ༔ ཆོས་སྐྱོང་ཁྱོད་ལ་མཐུ་མེད་མི་སྲིད་ཀྱིས༔ ཤ་ཁྲག་དམར་གྱི་གཏོར་མ་འདི་བཞེས་ལ༔ ཞིང་བཅུའི་དགྲ་བོ་མ་གཏོང་ཤོར་ར་རེ༔ རྣལ་འབྱོར་བདག་ལ་དམ་མེད་མི་སྲིད་ཀྱིས༔ སྙིང་ནས་འབོད་པ་དགོངས་ལ་ལས་མཛོད་ཅིག༔ བམ་རི་ཐོད་མཁར་རྟ་མཆོག་ཧེ་རུ་ཀར༔ བསྟན་པ་སྲུང་བར་དམ་མནོས་ཁྱོད་མ་བཀྲལ༔ བསྙེན་ཅིང་སྒྲུབ་པའི་དམ་བཅའ་ངས་མི་གཡེལ༔ ལྕང་ལོ་ཅན་དུ་རྡོ་རྗེ་འཛིན་པའི་དྲུང་༔ བཤད་སྒྲུབ་སྐྱོང་བར་དམ་མནོས་ཁྱོད་མ་ཉམས༔ ཕྱི་ནང་བརྟེན་འཆང་མཆོད་བསྟོད་ངས་མི་གཡེལ༔ ཆོས་འཁོར་ཆེན་པོར་བདག་ཉིད་པདྨ་ཡིས༔ རྡོ་རྗེ་མགོར་བཞག་དམ་ཉམས་སྒྲོལ་བར་ཆད༔ བོད་ཁམས་མཐའ་དམག་འཁྲུག་རྩོད་བཟློག་པར་མནོས༔ རྗེས་འཇུག་དམ་ཚིག་ལྡན་པས་གསོལ་མཆོད་རྦད༔ ངང་མ་རིང་ལ་དགྲ་བོའི་སྲོག་རྩ་ཆོད༔ ལས་མ་འགྱངས་ལ་བསད་རྟགས་དོན་སྙིང་སྤྲོད༔ དུས་ལ་བབ་པོ་སྲོག་བདག་འབུམ་གྱི་སྡེ༔ ནུས་མཐུའི་དྲག་རྩལ་སྟོན་ཅིག་ས་མ་ཡཱ༔ ཅེས་བརྗོད་རྦད་ཅིང་གཏོར་མ་དགྲ་ཕྱོགས་འཕེན༔ དམིགས་པའི་དགྲ་བགེགས་ཐལ་བའི་རྡུལ་བཞིན་དུ༔ ལས་བྱེད་འཁོར་དང་བཅས་པས་བརླག་པར་བསམས༔ མཆོད་བསྟོད་བསྐང་བ་དུས་སུ་མ་ཆགས་བརྩོན༔ འདི་ནི་དམ་ཚིག་ལྡན་པའི་སྲུང་མ་སྟེ༔ དམ་བཞིན་གནས་ལ་མགོན་སྐྱོབས་སྟོང་གྲོགས་བྱེད༔ དམ་མེད་རྣམས་ལ་སྲོག་གི་བཤན་པ་སྟེ༔ རབ་ཏུ་གཉན་པས་གཅེས་སོ་སྙིང་ལ་ཆོངས༔ ས་མ་ཡཱ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ ཟབ་རྒྱ༔ གཉན་རྒྱ༔ དམ་རྒྱ༔ ས་མ་ཡཱ༔ རྒྱ་རྒྱ་རྒྱ༔ བདག་སྤྲང་རྒན་ཉི་མ་གྲགས་པས་ནགས་ཤོད་མེ་འབར་ཕུག་ནས་གདན་དྲངས་ཤིང་གཏན་ལ་ཕབ་པ་འདི་ཡང་ལི་ཐང་དུའོ། །མངྒ་ལཾ།། །།
ལི་བྱིན་ཧ་ར་སྐུ་ལྔའི་ཐན་གྱི་ལས་མཐའ།
རྟ་མགྲིན་དྲེགས་པ་ཟིལ་གནོན་ལས་བཀའ་སྲུང་ལི་བྱིན་ཧ་ར་སྐུ་ལྔའི་ཐན་གྱི་ལས་མཐའ་བཞུགས་སོ། །དབང་ཆེན་ཁྲོ་བོའི་རྒྱལ་ལ་ཕྱག་འཚལ་ལོ༔ བྱད་མ་དགྲ་བགེགས་ལ་ལྟས་ངན་མངོན་སུམ་གཏོང་བའི་མན་ངག་ཕུང་བྱེད་ཤིཾནྟ་གྷརྦའི་ཐུགས་བཅུད་འདི་ལ༔ བེ་ཤིང་གི་བྱང་བུ་ལ་བེ་ཧར་བཙུན་གཟུགས་གླང་པོ་ཆེ་སྣ་རིང་ལ་ཞོན་པའི་སྙིང་གར་ཏྲི་ཛ་བྲི་ཞིང་མཐར༔ ཏྲིགྴྭ་ཏྲིགྴྭ་སུ་ཏྲི་ར་ཛ་ཏྲི་ལ་ཀཾ་ཀ་ནི་བྷྱོ་བྷྱོ་ཅེས་པས་བསྐོར་ཞིང་ལྷ་ཁང་འདྲེ་ཅན་གྱི་ས༔ རྔ་མོའམ་བོང་བུ་ག་མའི་ཆུས་སྦྲུས་ལ་དྷེའུ་ནག་པོ་བྱ༔ ཡུག་སའི་སྐྲ་ཤད་སྐུད་པ་ལ་བཏགས༔ སྙིང་ཁའི་ཏྲིའི་ཐད་སོར་སླེབས་པའི་ཐག་སྣེ་རང་གིས་འཐེན་ལ་སྔགས་བརྒྱ་རྩ་སོང་འཚམས་དྷེའུ་ཏྲི་ལ་བརྡེག་པ་རེ་བྱ་ཞིང་༔ ཨོཾ་གྷྲིགྴྭ་གྷྲིགྴྭ་རཱ་ཛ་སུ་ཏྲི་ཀཾ་ཀ་ནི་ཏྲི་ར་ཙ་ཏྲི་སང་ག་ཡ་དུན་ཏྲི་ས་མ་ཡཱ་ཛ་བྷྱོ་རྦད༔ ཞེས་ཞག་བདུན་ལ་བཟླ་ཞིང་༔ ལས་ལ་སྦྱར་བར་བྱའོ༔ བསྐང་གསོལ་རྦད་བསྐུལ་གྱི་རྒྱབ་རྟེན་བྱ་ཞིང་བསྒྲུབ་པའི་རྟགས་མངོན་སུམ་དུ་འོང་བར་ཐེ་ཚོམ་མེད་དོ༔ ས་མ་ཡཱ༔ རྒྱ་རྒྱ་རྒྱ༔ མུ་ཟི་ནག་པོ༔ ཐང་ཕྲོམ་འབྲས་བུ༔ བྲག་ཕུག་ཁ་བྱང་བསྟན་གྱི་ས༔ ཁྱི་དཀར་གྱི་ཁྲག་དང་ཤ་སྤུ༔ ལམ་རྒྱ་གྲམ་གྱི་ས༔ རྟ་དཀར་པོའི་ལུད་རྣམས་གཟུགས་དང་སྔགས་འཁོར་ལ་བྱུག༔ རང་དབང་ཆེན་གྱི་བསྐྱེད་རིམ་གསལ་ཞིང་མདུན་གྱི་སྐུ་གཟུགས་དེ་ཁམས་གསུམ་གྱི་སྲོག་བདག་གིང་ཆེན་པོ་དངོས་སུ་བསྐྱེད་ལ༔ དྷེའུ་དེ་གནམ་ལྕགས་འབར་བའི་ཐོགས་རྡེལ་སྲོག་ལ་བརྡུང་བས་དྲག་ཏུ་འཁྲོས་ནས༔ གང་ལ་བྱ་བའི་དགྲ་བགེགས་བྱད་མ་ཐན་དང་ལྟས་ངན་སྣ་ཚོགས་ཀྱིས་ཕུང་ལམ་དུ་བཏང་བར་བསམ༔ གཏོར་མ་ཤ་ཁྲག་གིས་བརྒྱན་པ་གཅིག་དགྲ་བགེགས་ཀྱི་ཤ་ཁྲག་རུས་པར་བསམ་ལ་དགོང་མོ་ཟེར་རེ་བ་ལ་ཉི་མ་ཤར་ཕྱོགས་སུ་གཏོང་༔ ས་མ་ཡཱ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ ཟབ་རྒྱ༔ གསང་རྒྱ༔ གཉན་རྒྱ༔ ས་མ་ཡཱ༔ རྒྱ་རྒྱ་རྒྱ༔ བདག་སྤྲང་བན་ཉི་མ་གྲགས་པས་ཆུ་ཁྱི་ལ་གདན་དྲངས་ཤིང་ས་འབྲུག་ཧོར་ཟླ་བརྒྱད་པའི་ཉི་ཤུ་དགུ་ལ་ཤོག་སེར་ལས་ཕབ་པའོ། །དགེའོ།
གཏེར་གྱི་སྲུང་མ་དམ་ཚིག་ཅན་མཆོད་པའི་རིམ་པ།
རྟ་མགྲིན་དྲེགས་པ་ཟིལ་གནོན་ལས༔ གཏེར་གྱི་སྲུང་མ་དམ་ཚིག་ཅན་མཆོད་པའི་རིམ་པ་བཞུགས་སོ༔ དབང་ཆེན་རྟ་མཆོག་རྒྱལ་པོའི་སྐུ་ལ་འདུད༔ དྲེགས་པ་མི་བསྲུན་རབ་གཏུམ་དྲེགས་པའི་སྡེ༔ གདུལ་དཀའ་འདུལ་མཛད་པདྨ་ཧེ་རུ་ཀའི༔ གདམས་པའི་གཉེར་འཛིན་ལས་ཀྱི་ཕོ་ཉ་བ༔ པདྨ་བདག་གི་མངག་གཞུག་དམ་འཛིན་པ༔ བཙན་རྒོད་ཆེན་པོ་རྡོ་རྗེ་དགྲ་འཇོམས་རྩལ༔ ཇི་ལྟར་མཆོད་ཅིང་གཏོར་མ་འབུལ་བ་ནི༔ བྷནྡྷའི་སྣོད་དུ་བཤོས་བུ་ཤ་ཁྲག་བརྒྱན༔ བྱ་དམར་གཟུགས་དང་ལིངྒ་རྣམས་ཀྱང་བཙུགས༔ རང་ཉིད་རྟ་མགྲིན་དབང་གི་བསྐྱེད་རིམ་གསལ༔ མདུན་གྱི་གཏོར་མར་དགྲ་བགེགས་འགུགས་ཤིང་བསྟིམ༔ སྤྲུལ་པའི་འཁོར་ལོས་བསྒྲལ་ཞིང་ཤ་ཁྲག་སྤུངས༔ འདོད་ཡོན་མཆོད་པའི་སྤྲིན་དུ་བྱིན་གྱིས་བརླབས༔ ཨཱོཾ་ཨཱཿཧཱུྃ་མ་ཧཱ་བྷ་ལིངྟ་རཀྟ་ཨ་མྲྀ་ཏ་བྷ་སུ་ཏ་ཀེང་ནི་རི་ཏི་སརྦ་པཱུ་ཙ་ས་མ་ཡ་ཕེཾ་ཕེཾ་ཧ་ཧོ་ཧྲིང་ཧྲིང་ཛཿཛཿསྭཱ་ཧཱ༔ དགྲ་བགེགས་བསྒྲལ་བའི་ཤ་ཁྲག་ལས་བྱུང་བའི་མཆོད་སྦྱིན་གྱི་གཏོར་མ་འདོད་ཡོན་ལྔའི་འོད་ཟེར་འཕྲོ་བ་འདི་ཉིད་བསྔོ་ཞིང་འབུལ་བའི་གནས་སུ་གྱུར་པ་ནི༔ བཙན་རྒོད་ཆེན་པོ་རོལ་པ་སྐྱ་བདུན་ཕྱི་ནང་གསང་བའི་འཁོར་གཡོག་བྲན་དང་ཕོ་ཉ་སྡོང་ཟླ་དགྱེས་སྡེ་སྐུ་འཁོར་དང་བཅས་པ་རྣམས་དང་༔ ཁྱད་པར་དུ་གྲི་བཙན་ཆེན་པོ་རྡོ་རྗེ་དགྲ་འཇོམས་རྩལ་སྐུ་འཁོར་དང་བཅས་པའི་ཞལ་དུ་ཁ་ཁ་ཁཱ་ཧི་ཁཱ་ཧི༔ གསུམ་ཧཱུྃ་བྷྱོ༔ སྔོན་ཀྱི་བསྐལ་པ་དང་པོ་ལ༔ བཅོམ་ལྡན་པདྨ་ཧེ་རུ་ཀས༔ དབང་ཆེན་རོལ་པའི་དུར་ཁྲོད་དུ༔ དམ་ལ་བཞག་པའི་གཡར་དམ་ཅན༔ དེ་འོག་བར་གྱི་བསྐལ་པ་ལ༔ བདག་ཉིད་པདྨ་ཐོད་ཕྲེང་གིས༔ ཨཱརྱ་པ་ལོའི་གཙུག་ལག་ཏུ༔ དམ་ཚིག་བསྒྲགས་པའི་གསང་མཚན་ཅན༔ ཚུར་སྤྱོན་ཚུར་སྤྱོན་དམ་ལ་འདུས༔ དམ་རྫས་བཀའ་ཡི་གཏོར་མ་བཞེས༔ སྔོན་གྱི་རྒྱལ་བའི་བཀའ་མ་བཅག༔ ད་ལྟ་རྣལ་འབྱོར་དམ་མ་བཀྲལ༔ བཅོལ་པའི་འཕྲིན་ལས་གྲུབ་པར་མཛོད༔ བསྐུལ་བ་ནི༔ ཧཱུྃ༔ དམ་ཚིག་ཅན་གྱི་ལྷ་ཆེན་པོ༔ སྐུ་མདོག་དམར་པོ་ཤ་བའི་དབུ༔ སྨ་ར་སྨིན་མ་མེ་ལྟར་འབར༔ ཞལ་གདངས་ལྗགས་འདྲིལ་མཆེ་བ་གཙིགས༔ སྤྱན་གསུམ་སྡང་མིག་ཁྲག་ལྟར་གཡོ༔ མི་ལྤགས་གཡང་གཞིའི་ན་བཟའ་ཅན༔ ཕྱག་གཉིས་བཙན་མདུང་ཞགས་པ་དམར༔ བ་སྤུའི་བུ་ག་ཐམས་ཅད་ནས༔ མེ་ཡི་ཚ་ཚྭ་་ཐོ་རོ་རོ༔ ཆིབས་སུ་དེ་ནི་གློག་དམར་བཅིབས༔ འཁོར་ནི་བཙན་དམག་འབུམ་སྡེ་གཡོ༔ མི་རིང་དམར་པོ་ཕོ་ཉར་འགྱེད༔ རླུང་དམར་འཚུབ་པའི་ཀློང་དཀྱིལ་ནས༔ དྲག་པོའི་ཤུགས་ཀྱིས་མཁའ་ནས་སྤྱོད༔ སྔོན་ནས་མི་དམར་ཤ་ར་ར༔ ཀླད་ནས་བྱ་དམར་ཚུབས་སེ་ཚུབ༔ རྗེས་ནས་ཁྱི་དམར་ཀེངས་སེ་ཀེང་༔ གྲི་བཙན་མི་གཟན་དམར་པོ་ནི༔ འཁོར་དང་བཅས་པ་དྲག་ཏུ་ཆོས༔ སྡང་བའི་དགྲ་ལ་ལས་མ་འགྱངས༔ གནོད་པའི་བགེགས་ལ་དཔའ་མ་ཞན༔ དུས་ལ་བབ་པོ་ས་མ་ཡ༔ ཅེས་བརྗོད་གཏོར་མ་འབུལ་ཞིང་བསྐུལ༔ ལས་མྱུར་དྲག་པོའི་ཐོག་དང་འདྲ༔ དམ་ཚིག་ཅན་གྱི་གྲོགས་སུ་ཤོག༔ ས་མ་ཡཱ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཉན་རྒྱ༔ ས་མ་ཡཱ༔ རྒྱ་རྒྱ་རྒྱ༔ རིག་འཛིན་ཆེན་པོ་ཉི་མ་གྲགས་པས་ཨོ་རྒྱན་སྒྲུབ་གནས་ནགས་ཤོད་མེ་འབར་ཕུག་ནས་ཆུ་ཁྱི་ཧོར་ཟླ་དགུ་པར་གདན་དྲངས་ཤིང་བུ་འབོར་སྒང་དུ་ས་འབྲུག་ཧོར་ཟླ་དགུ་པར་ཤོག་སེར་ལས་བསྒྱུར་བའོ།། །།
གཏེར་སྲུང་བསང་གསུར་གྱིས་མཆོད་ཐབས།
རྟ་མགྲིན་དྲེགས་པ་ཟིལ་གནོན་ལས༔ གཏེར་སྲུང་བསང་གསུར་གྱིས་མཆོད་ཐབས་བཞུགས་སོ༔ ཁྲོ་བོའི་ཆེ་བཙན་ཧེ་རུ་ཀཿལ་འདུད༔ གཏེར་སྲུང་ཆེན་པོ་བསང་ངམ་གསུར་མཆོད་ཀྱིས༔ བརྔན་ཞིང་སྒྲུབ་པོའི་བར་ཆད་སེལ་བའི་ཐབས༔ རང་ཉིད་ཡི་དམ་ལྷ་ཡི་བསྐྱེད་རིམ་ངང་༔ ཧཱུྃ༔ བསང་གསུར་འདོད་ཡོན་ལྔ་ལྡན་མཆོད་པའི་སྤྲིན༔ རྩ་གསུམ་དཔལ་མགོན་སྣང་སྲིད་ལྷ་སྲིན་ཚོགས༔ ཁྱད་པར་ཡ་མཚན་ལྡན་པའི་གནས་ཆེན་པོ༔ འབར་བ་དབང་གི་སྒྲུབ་གནས་མེ་འབར་ཕུག༔ གནམ་གྱི་གོང་བ་ཤར་ནས་ཉི་ཟླས་བརྒྱན༔ ཆབ་ཀྱི་གོང་བ་ནུབ་ནས་ཆུ་བོ་འབབས༔ རི་ཡི་རྒྱལ་པོ་བྲག་དམར་མདའ་སྒྲོའི་དབྱིབས༔ གྲིབ་སོ་གཉིས་ཀྱིས་ཉིན་མཚན་ཆུ་ཚོད་འཛིན༔ རིན་ཆེན་ཐང་བརྡལ་ལྷོ་ནས་འབྲས་དྲུག་སྨིན༔ སྨན་སྤོས་དྲི་བསུང་ལྡན་པའི་ལྗོངས་ཆེན་པོར༔ ཇོ་བོ་ཆེན་པོ་གྲི་བཙན་དགྲ་འཇོམས་དཔལ༔ མཆེད་ཟླ་ལྷ་སྲིན་དགྱེས་སྡེ་ཡུམ་དང་སྲས༔ ལྷ་ཤིང་ཤུག་པའི་དུད་པས་བསང་ངོ་མཆོད༔ དཀར་མངར་གསུར་གྱི་དུད་པས་བརྔན་ནོ་འབུལ༔ ཕུ་ཡི་མཚོ་སྨན་ནག་མོ་འཁོར་བཅས་བསངས༔ དགྱེས་སྡེ་ཡུམ་ཆེན་ཡིན་པས་མངའ་གསོལལོ༔ ཤར་གྱི་རྫོང་བཙན་དམར་པོ་འཁོར་བཅས་བསངས༔ གཡར་དམ་གཅིག་པའི་གྲོགས་པོ་མངའ་གསོལ་ལོ༔ ལྷོ་ཕྱོགས་ཡེ་རིའི་ལྷ་བཙན་འཁོར་བཅས་བསངས༔ སྐུ་ཡི་སྲས་མཆོག་ཡིན་པས་མངའ་གསོལ་ལོ༔ ནུབ་ཀྱི་རྒྱལ་བ་ཐོད་དཀར་འཁོར་བཅས་བསངས༔ ཡིད་ལུས་བསྐྱེད་པའི་ཕ་གཅིག་མངའ་གསོལ་ལོ༔ བྱང་གི་སྨན་མོ་རང་འཚོགས་བཙན་རྒོད་བསངས༔ མཆེད་ཀྱི་སྤུན་ཟླ་ཡིན་པས་མངའ་གསོལ་ལོ༔ ཆུ་དྲོན་གཡུ་ཡི་ཕུག་པའི་ཀླུ་སྨན་བསངས༔ ལྕམ་དྲལ་སྲིང་དུ་གྱུར་པས་མངའ་གསོལ་ལོ༔ མདོ་གསུམ་ཀླུ་བྲག་བཙན་རྒོད་འཁོར་བཅས་བསངས༔ གཉེར་གྱི་ཕྱག་ཚངས་ཡིན་པས་མངའ་གསོལ་ལོ༔ ཡོབ་ཀྱི་རྐྱང་རིའི་བཙན་དམར་འཁོར་བཅས་བསངས༔ བཀའ་ཡི་བློན་པོ་ཡིན་པས་མངའ་གསོལ་ལོ༔ ཟླ་བའི་དམར་པོ་བློན་སྲས་འཁོར་བཅས་བསངས༔ ཕྱུགས་ཀྱི་རྫི་བོ་ཡིན་པས་མངའ་གསོལ་ལོ༔ ནགས་སོག་ཆུ་ཡི་དགེ་བསྙེན་ཆེན་པོ་བསངས༔ ལས་ཀྱི་ཕོ་ཉ་ཡིན་པས་མངའ་གསོལ་ལོ༔ གཞན་ཡང་བསངས་འོས་བརྔན་དང་མཆོད་པར་འོས༔ མ་ལུས་ཐམས་ཅད་བསངས་ཤིང་གསུར་གྱིས་བརྔན༔ ཁྱེད་རྣམས་བསངས་ཤིང་མཆོད་དེ་བརྔན་པའི་མཐུས༔ བསྟན་པ་དར་ཞིང་སེམས་ཅད་སྐྱིད་པ་དང་༔ བདག་ཅག་མི་ནོར་འཁོར་དང་བཅས་པ་ལ༔ སྲུང་སྐྱོབ་མགོན་དང་སྡོང་གྲོགས་འཕྲིན་ལས་སྒྲུབས༔ གཞི་བྱེས་ཀུན་ཏུ་མེལ་ཚེ་བྱ་ར་གྱིས༔ ཕུ་ཡི་གནག་སྐྱོངས་མདའ་ཡི་འབྲས་དྲུག་སྲུངས༔ ཉིན་གྱི་ལྷ་མཛོད་མཚན་གྱི་ཟོ་དོར་གྱིས༔ ཡུལ་ལྷ་གཞི་བདག་མཆོད་དོ་ངོ་མ་ཆུང་༔ རྣལ་འབྱོར་འདོད་པའི་འབྲས་བུ་མཆིས་པར་མཛོད༔ ཅེས་བརྗོད་ཕུད་དང་གཏོར་མ་ཅི་འབྱོར་འབུལ༔ བར་ཆད་སེལ་ཞིང་སྡོང་གྲོགས་བྱེད་པར་འགྱུར༔ དེ་ཕྱིར་མ་འོངས་རྣམས་ཀྱིས་སྤྱོད་མཁས་བྱ༔ ས་མ་ཡཱ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ ཟབ་རྒྱ༔ ས་མ་ཡཱ༔ རྒྱ་རྒྱ་རྒྱ༔ རྒྱལ་ཁམས་པ་ཉི་མ་གྲགས་པས་ནགས་ཤོད་མེ་འབར་ཕུག་ནས་ཆུ་ཁྱི་ལ་གདན་དྲངས་ཤིང་ས་འབྲུག་ལ་ཤོག་སེར་ལས་བསྒྱུར་བའོ། །མངྒ་ལཾ། །
བརྒྱུད་རིམ་གསོལ་འདེབས་སོགས་ཁ་སྐོང་།
རྟ་མགྲིན་དྲེགས་པ་ཟིལ་གནོན་གྱི་བརྒྱུད་རིམ་གསོལ་འདེབས་བཞུགས་སོ། །ཧྲཱི། ཕུན་ཚོགས་ལྔ་ལྡན་བདེ་ཆེན་ཕོ་བྲང་ནས། །ཆོས་སྐུའི་སངས་རྒྱས་སྣང་བ་མཐའ་ཡས་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །མཆོག་དང་ཐུན་མོང་དངོས་གྲུབ་སྩལ་དུ་གསོལ། །ངེས་པ་ལྔ་ལྡན་རི་བོ་ཏ་ལ་ནས། །ལོངས་སྐུའི་སངས་རྒྱས་ཐུགས་རྗེ་ཆེན་པོ་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །མཆོག་དང་ཐུན་མོང་དངོས་གྲུབ་སྩལ་དུ་གསོལ། །ཐུགས་རྗེས་འགྲོ་འདུལ་ཟངས་མདོག་དཔལ་རི་ནས། །སྤྲུལ་སྐུའི་སངས་རྒྱས་པདྨ་འབྱུང་གནས་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །མཆོག་དང་ཐུན་མོང་དངོས་གྲུབ་སྩལ་དུ་གསོལ། །གནམ་ལྕགས་འབར་བའི་ཕོ་བྲང་ཆེན་པོ་ནས། །རིག་འཛིན་ཆེན་པོ་ཤཱནྟིང་གྷརྦྷ་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །མཆོག་དང་ཐུན་མོང་དངོས་གྲུབ་སྩལ་དུ་གསོལ། །ཆོས་འཁོར་བསམ་ཡས་ཨཱརྱ་པ་གླིང་ནས། །ཁྲི་སྲོང་ལྡེའུ་བཙན་མཚོ་རྒྱལ་ཀླུ་དབང་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །མཆོག་དང་ཐུན་མོང་དངོས་གྲུབ་སྩལ་དུ་གསོལ། །འཁོར་འདས་རང་སར་གྲོལ་བའི་གཞལ་ཡས་ནས། །རིགས་སྔགས་འཆང་བ་ཁྲག་འཐུང་རྡོ་རྗེ་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །མཆོག་དང་ཐུན་མོང་དངོས་གྲུབ་སྩལ་དུ་གསོལ། །རྟ་མཆོག་རོལ་པ་རྒྱུ་འཕྲུལ་དྲ་བའི་གར། །སྟོན་མཛད་གུ་རུ་བསོད་ནམས་བསྟན་འཛིན་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །མཆོག་དང་ཐུན་མོང་དངོས་གྲུབ་སྩལ་དུ་གསོལ། །དབང་ཆེན་ལྷ་ཡི་རིམ་གཉིས་རྣལ་འབྱོར་མཆོག །རྟག་ཏུ་བརྩོན་མཛད་བླ་མ་དམ་པ་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །མཆོག་དང་ཐུན་མོང་དངོས་གྲུབ་སྩལ་དུ་གསོལ། །གནས་མཆོག་མེ་འབར་ཕུག་གི་གཞལ་ཡས་ནས། །དམ་ཆོས་གསང་སྔགས་རྡོ་རྗེ་ཐེག་པ་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །མཆོག་དང་ཐུན་མོང་དངོས་གྲུབ་སྩལ་དུ་གསོལ། །དབང་དྲག་འཕྲིན་ལས་མེ་ལྟར་འབར་བ་ནས། །དུས་གསུམ་རིག་འཛིན་རྡོ་རྗེའི་ལྕམ་དྲལ་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །མཆོག་དང་ཐུན་མོང་དངོས་གྲུབ་སྩལ་དུ་གསོལ། །མཆོག་ཐུན་ཆར་སྤྲིན་གཏིབས་འདྲའི་ཕོ་བྲང་ནས། །དབང་ཆེན་དྲེགས་པ་ཟིལ་གནོན་ལྷ་ཚོགས་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །མཆོག་དང་ཐུན་མོང་དངོས་གྲུབ་སྩལ་དུ་གསོལ། །ཅེས་པ་གསོལ་འདེབས་ཀྱི་རིམ་པ་འདི་ནི་མདོ་ཁམས་སྒོམ་སྡེའི་བླ་མ་འཕོ་ལུང་སྐུ་སྐྱེ་རིག་འཛིན་རྒྱ་མཚོས་དགོས་ཞེས་བསྐུལ་ངོར། །གནས་མཆོག་ཁམས་ཀྱི་གླང་ཐང་སྒྲོལ་མ་རུ། །དབང་ཆེན་རྟ་མགྲིན་བསྒྲུབ་པའི་གྲོལ་ཐུན་སྐབས། །རིག་འཛིན་རྣམ་པར་རྒྱལ་བས་ལེགས་པར་སྦྱར། །དགེ་བས་འགྲོ་ཀུན་མཆོག་ཐུན་མངོན་གྱུར་ཤོག །མངྒ་ལཾ། །སྐྱབས་སེམས་ནི། ཧཱུྃ་ཧྲཱི༔ དབང་ཆེན་པདྨ་དབང་གི་ལྷ་ཚོགས་ལ། །རྣམ་པ་ཀུན་ཏུ་གུས་པས་སྐྱབས་སུ་མཆི། །དབང་དང་དྲག་པོའི་ལས་ཀྱི་བྱང་ཆུབ་སེམས། །བསྟན་དང་འགྲོ་བའི་དོན་དུ་བསྐྱེད་པར་བགྱི། །༈ བདུད་རྩི་ཁཱ་ཧི་ནི། ཨོཾ་ཨཱཿཧཱུྃཿཆོས་སྐུ་སྣང་བ་མཐའ་ཡས་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི། །ལོངས་སྐུ་ཐུགས་རྗེ་ཆེན་པོའི་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི། །སྤྲུལ་སྐུ་པདྨ་ཀཱ་རའི་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི། །ཕུང་ཕྱེད་ཤཱནྟིང་གརྦྷའི་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི། །མངའ་བདག་ཆོས་ཀྱི་རྒྱལ་པོའི་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི། །དྷཀྐི་ཡེ་ཤེས་མཚོ་རྒྱལ་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི། །ལོ་ཆེན་ཀླུ་ཡི་དབང་པོའི་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི། །རིག་འཛིན་ཉི་མ་གྲགས་པའི་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི། །ཐུགས་སྲས་ཨོ་རྒྱན་བསྟན་འཛིན་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི། །ཐེག་མཆོག་བསྟན་པའི་རྒྱལ་མཚན་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི། །དྲིན་ཅན་རྩ་བའི་བླ་མའི་ཞལ་དུ་སརྦ་པཉྩ་ཨ་མྲྀ་ཏ་ལ་ཁཱ་རཾ་ཁཱ་ཧི། །དབང་ཆེན་དྲེགས་པ་ཟིལ་གནོན་ཡབ་ཡུམ་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི། །རྟ་ཕག་རིགས་ལྔའི་ལྷ་ཚོགས་ཡབ་ཡུམ་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི། །སྤྲུལ་པའི་ཁྱུང་ཆེན་འབར་བའི་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི། །རིགས་བདག་ཨ་མི་དྷེ་ཝའི་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི། །ལྷ་ཆེན་དྲག་པོ་ཡབ་ཡུམ་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི། །སྲས་མཆོག་རཀྴ་ཛ་ལའི་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི། །གནོད་སྦྱིན་ལག་ན་རྡོ་རྗེའི་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི། །བཀའ་འཁོར་ལྷ་སྲིན་སྡེ་བརྒྱད་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི། །ཡང་འཁོར་དམ་ཅན་རྒྱ་མཚོའི་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི། །ཅེས་པ་འདི་རིག་འཛིན་པས་སོ། །མངྒ་ལཾ།། །།
དབང་ཆེན་དྲེགས་པ་ཟིལ་གནོན་གྱི་སྒྲུབ་ཐབས་ཀྱི་རིམ་པ་གསུམ་པའི་ཟིན་བྲིས།
དབང་ཆེན་དྲེགས་པ་ཟིལ་གནོན་གྱི་སྒྲུབ་ཐབས་ཀྱི་རིམ་པ་གསུམ་པའི་ཟིན་བྲིས་ཕྲན་བུ་སུ་ལའང་མ་སྟོན་ཤིན་ཏུ་གསང་ཨྠིྀ། །གུ་རུ་རྩ་བ་གསུམ་ལ་ཕྱག་འཚལ་ལོ། །དབང་ཆེན་དྲེགས་པ་ཟིལ་གནོན་གྱི་སྒྲུབ་པའི་དཀྱིལ་འཁོར་གཏོར་མ་མཆོད་རྫས་སོགས་དཔེའུ་རིས་ལྟར་སོར་བཞག་བྱ། བསྐྱེད་རིམ་ལས་བྱང་གི་གཞུང་ལྟར་བདག་བསྐྱེད་དང་མདུན་བསྐྱེད་གཉིས་ལས་བྱང་ཚར་གཅིག་གི་ཁོང་ནས་བསྐྱེད་པ་བླ་མེད་ཀྱི་སྒྲུབ་ཐབས་སྤྱི་ཁྱབ་ལྟར་ལ། བདག་མདུན་གྱི་ཐུགས་ཀར་ཐུགས་ཀྱི་ལྷ་མཆོག་རྟ་ཕག་ཡབ་ཡུམ་མཐིང་ནག་ཏུ་གསལ་བའི་ཡབ་ཀྱི་ཐུགས་ཀར་ཉི་མའི་དཀྱིལ་འཁོར་གྱི་དབུས་སུ་ཧཱུྃ་ཡིག་དམར་པོའི་མཐའ་སྐོར་དུ། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཅེས་པའི་སྔགས་འབྲུ་རྣམས་རང་རང་ལས་རང་སྒྲ་དི་རི་རི་ཡབ་ཀྱི་ཐུགས་ཀར་གཡས་སུ་འཁོར། སྔགས་འབྲུ་རྣམས་བརྟེན་པའི་མེ་འགལ་གྱི་བ་དག་དམར་པོ་ལྟ་བུའི་ཕྲེང་ཐག་གཡོན་དུ་འཁོར། ཡུམ་ཐམས་ཅད་ལ་ཉི་མའི་དཀྱིལ་འཁོར་གྱི་སྟེང་དུ་ས་བོན་ཧྲཱིཿལ་སྔགས་འབྲུ་རྣམས་གཡོན་དུ་འཁོར། ཕྲེང་ཐག་གཡས་སུ་འཁོར་བའི་སྟོབས་ཀྱི་འོད་ཟེར་དམར་པོ་ཚ་ལ་མྱུར་བས་འཁོར་འདས་ཐམས་ཅད་ཁྱབ། རྩ་གསུམ་ལྷ་ཚོགས་ཁྲོ་བོ་ཁྲོ་མོ་ཐམས་ཅད་ཀྱི་ནུས་སྟོབས་བསྡུས་བདག་མདུན་ལ་ཐིམ་པས། མཐུ་སྟོབས་གཟི་བརྗིད་ཐམས་ཅད་ཆེས་ཆེར་རྒྱས་ཏེ་ཡེ་ཤེས་ཀྱི་མེ་རི་མེ་དཔུང་མུ་མཐའ་མེད་པར་ཕྱོགས་བཅུར་ཁྱབ་པར་འབར་བ་བསྒོམས་ཏེ་སྙིང་པོ་བགྲང་། ཁྱད་པར་དུ་ཡབ་ཀྱི་ཐུགས་ཀའི་སྔགས་འཁོར་ལས་ཡེ་ཤེས་ལྔའི་རང་མདངས་ཀྱི་འོད་ཟེར་ཁ་དོག་ལྔ་ལྡན་རྩ་དབུ་མའི་ལམ་བརྒྱུད་ནས། ཡབ་ཀྱི་རྡོ་རྗེ་ལས་ཐོན་ཡུམ་གྱི་བྷ་ག་ནས་གྱེན་ལ་འཕར། ཡུམ་ཐམས་ཅད་ཀྱི་ཐུགས་ཀར་སྔགས་འབྲུ་ས་བོན་ཧྲཱིཿདང་བཅས་པ་རྣམས་ལ་ཐིམ་པས་ཡབ་ཡུམ་ཐམས་ཅད་བདེ་སྟོང་གི་ཡེ་ཤེས་རབ་ཏུ་རྒྱས་ཏེ། རྟ་སྐད་དང་ཕག་ཞལ་གྱི་སྒྲས་སྲིད་གསུམ་གཡོ་ཞིང་ཁམས་གསུམ་གྱི་ཆེ་བཙན་དྲེགས་ཚོགས་ཐམས་ཅད་རང་དབང་མེད་པར་དབང་དུ་བསྡུས་བྲན་དུ་བཀོལ་ཏེ་བཀའ་ཉན་ལས་བྱེད་པར་བསམས་ཏེ་བསྙེན་པ་བགྲང་། ཁྱད་པར་དུ་སྤྲུལ་པ་ཡང་སྤྲུལ་ཁྲོ་བོ་ཁྲོ་མོ་མཚོན་ཆ་ཐོགས་པ་དཔག་ཏུ་མེད་པ་མང་པོ་ནམ་མཁའི་སྐར་ཚོགས་ལྟར་འཁྲུག། ཉི་ཟེར་ཀྱི་རྡུལ་ལྟར་འཚུབས་ཏེ་ཕྱོགས་བཅུར་འཕྲོས་ནས་དྲེགས་ཚོགས་ཐམས་ཅད་ཀྱི་སྲོག་སྙིང་ཕྲོགས། བྱད་མ་ལྷ་སྲུང་དང་བཅས་པ་ཐམས་ཅད་བསད་བཅད་གཏུབས་ཏེ་ཤ་ཟོས་ཁྲག་འཐུངས་དོན་སྙིང་མུར་ཏེ་ཐལ་བའི་རྡུལ་བཞིན་བརླག་པར་བསམས་ཤིང་། གཞལ་ཡས་ཀྱི་ཕོ་བྲང་གནམ་ལྕགས་འབར་བ་ལས་གྲུབ་པའི་ཞིང་ཁམས་བང་རིམ་དགུ་པ་ཤིན་ཏུ་རྒྱ་ཆེ་ཞིང་ཡངས་པའི་ཀློང་དུ། བསྲུང་བྱ་ཐམས་ཅད་ཁྲོ་བོ་དང་ཁྲོ་མོའི་རང་བཞིན་དུ་ཡོམ་ཡོམ་ཤིག་ཤིག་སྔགས་སྒྲ་དི་རི་རི་བསྒོམ་ཞིང་། རྩ་བསྙེན་འབུམ་ཚོ་དགུ་གཞུང་ནས་གསུངས་ཀྱང་བྱེ་ཆུང་གཅིག་ཙམ་གྱི་གྲངས་ཐེམས་པར་བྱེད། རྩ་བའི་སྒྲུབ་ཐབས་འདི་ལན་གསུམ་ཙམ་བསྐྱལ་ནས། སླར་ཐུན་མགོ་རྣམས་སུ་སྔགས་དམིགས་འདི་ཐུན་ཆུང་རེའི་མཇུག་ཏུ་ཡབ་ཡུམ་སྲས་གསུམ་གྱི་ཐུགས་ཀར་སྔགས་འཁོར་དམིགས་པ་གཞུང་ལྟར་གསལ། བསྙེན་པ་བར་མ་གྲངས་ལྟར་བཟླས། སྒྲུབ་པ་གོང་འོག་འདི་གཉིས་སྦྲེལ་བའི་བསྙེན་སྒྲུབ་ལན་གསུམ་ཙམ་བསྐྱལ། སླར་སྔ་མ་ལྟར་ཐུན་མགོ་རྣམས་ལ་སྔགས་དམིགས་ཐུན་ཆུང་རེའི་མཇུག་ཏུ་འཁོར་གྱི་སྡེ་བརྒྱད་རྣམས་ཀྱི་ཐུགས་ཀར་ས་བོན་ཨ་ཡ་མ་དུ་རུ་ཙ་ཤ་ན་སོགས་ཉི་ཟླའི་དཀྱིལ་འཁོར་གྱི་སྟེང་དུ་གསལ་བའི་མཐར། བསྙེན་པ་འོག་མའི་སྔགས་འཁོར་རྣམས་སྐོར་ཞིང་སྔགས་དམིགས་གནད་དུ་བསྣུན་ཏེ་བསྒྲུབ་པར་བྱའོ། །འདི་དག་གི་སྒྲུབ་པ་ལ་གོང་ལྟར་སྔ་དྲོ་ཞི་བ་ཉིན་གུང་རྒྱས་པ་དགོང་མོ་དབང་སྲོད་ལ་དྲག་པོའམ་ཡང་ན་ཐུན་མཚམས་རྣམས་སུ་ལས་བཞིའི་སྔགས་ཀྱི་ཤམ་བུ་ཨཱོཾ་ནད་གདོན་སྡིག་སྒྲིབ་ཐམས་ཅད་ཤནྟིང་ཀུ་རུ་ཡེ་སྭཱ་ཧཱ༔ སྭཱ་ཚེ་བསོད་དཔལ་འབྱོར་ཐམས་ཅད་པུཥྟིང་ཀུ་རུ་ཡེ་སྭཱ་ཧཱ༔ ཧཱ་ལྷ་འདྲེ་མི་གསུམ་ཐམས་ཅད་དབང་དུ་སྡུས་ཤིག་ཝ་ཤང་ཀུ་རུ་ཡེ་སྭཱ་ཧཱ༔ ཧཱུྃ་གནོད་བྱེད་དགྲ་བགེགས་ཐམས་ཅད་མཱ་ར་ཡ་ཕཊ༔ ཅེས་སྒྲུབ་པ་གསུམ་པོ་གཙོ་བོ་གང་ཡིན་གྱི་བསྙེན་པ་བརྒྱ་སྟོང་ངམ་བདུན་གསུམ་ལས་མ་ཉུང་བར་གདགས་ཤིང་། དམིགས་པ་ཡང་དེར་མཐུན་དུ་བདེ་མཆོག་གི་སྒྲུབ་པའི་ཟིན་བྲིས་མཚོ་རྒྱལ་གྱི་མཛད་པ་ལྟར་སྔགས་དམིགས་ཀྱི་རིམ་པ་ལ་འབད། ཉམས་བྱིང་བ་སྒྲུབ་རྫས་ལ་བག་རྡུལ་ཆགས་པ་རྨི་ལྟས་ངན་པ་སོགས་ཀྱི་སྐབས་སུ་ཧཱུྃ་སྒྲ་སྒྲོག་ཅིང་ཁྲོ་ཚོགས་སྤྲོ་བ། ལྟས་ལེགས་པའི་སྐབས་སུ་ཏིང་འཛིན་གྱིས་སྒྲུབ་རྫས་ལྷག་པའི་ལྷར་གསལ་བ་ལས་དབང་བཞི་ལེན་པ་རྣམས་ཀྱང་བདེ་མཆོག་གི་ཟིན་བྲིས་ལྟར་བྱ། ལར་བཟང་རྟོག་ངན་རྟོག་ཐམས་ཅད་རང་གི་སེམས་ཉིད་ཀྱི་སྣང་འཛིན་དག་མ་དག་གི་རོལ་པ་ཡིན་པས་རེ་དོགས་ཀྱི་འཛིན་པ་བྲལ་བའི་ངང་ནས་ལྷ་དང་རང་སེམས་དབྱེར་མེད་ཀྱི་ངང་ནས་བསྒྲུབ་པར་བྱའོ། །རྒྱུན་ལྡན་གྱི་ལས་བྱང་ཚར་གཅིག་གཏོང་ཀྱང་བསྙེན་པ་གོང་མ་ལ་བརྒྱ་བར་མ་ལ་ལྔ་བཅུ་འོག་མ་ལ་བཅུ་ལས་བཞིའི་ཤམ་བུ་གདགས་པ་ཉེར་གཅིག་ལས་མི་ཉུང་བར་བྲེལ་བ་ཆེ་ཡང་བགྲང་དགོས། ཚོགས་དང་སྨད་ལས་ཆད་ན་ཆོ་ག་རྐང་ཆག་ཡིན་པས་ཅི་ནས་མི་རུང་། བསྙེན་སྒྲུབ་ཅི་བྱེད་ཀྱང་ངག་བྱིན་བརླབས་ཨཱ་ལི་ཀཱ་ལི་བདེ་མཆོག་གི་ཟིན་བྲིས་ལྟར་ཅི་ནས་དགོས། ནང་མཚམས་གྲོལ་ཀྱང་ཕྱི་མཚམས་ཞག་གཅིག་ལ་མ་གྲོལ་བར་གནས་སྲུང་བས་ཕྱིས་བར་ཆད་མི་འབྱུང་བའི་རྟེན་འབྲེལ་ཡིན་པས་དེ་ལྟར་མཛོད། །ཅེས་པ་འདི་རྣམས་སློབ་མ་འབུམ་སྐྱབས་ཀྱིས་དགོས་གསུངས་པ་ལྟར་འདུ་ཤེས་གསུམ་པ་རིག་འཛིན་ཆེན་པོ་ཉི་མ་གྲགས་པས་སྟག་མོ་སྒང་དུ་མཛད་པའོ། །མངྒ་ལཾ།། །།
རྟ་མགྲིན་དྲེགས་པ་ཟིལ་གནོན་གྱི་དབང་བཤད།
རྟ་མགྲིན་དྲེགས་པ་ཟིལ་གནོན་གྱི་དབང་བཤད་བཞུགས་སོ། །དབང་ཆེན་པདྨ་ཧེ་རུ་ཀཿ དཔལ་ཆེན་པོ་བརྒྱུད་ལྡན་བླ་མའི་ཚོགས་ལ་ཕྱག་འཚལ་ལོ། །དབང་ཐོབ་དམ་ལྡན་བསྙེན་སྒྲུབ་ཐེམས་པའི་རྣལ་འབྱོར་གྱི་དབང་ཕྱུག་རྡོ་རྗེ་འཛིན་པ་གང་དག་གིས་དབང་ཆེན་དྲེགས་པ་ཟིལ་གནོན་གྱི་དབང་སྦྱིན་པར་འདོད་པས། བཅའ་བ་ལག་ལེན་གྱི་རིམ་པ་གཞུང་ལྟར་བསྲང་ལས་བུམ་བསྐྱེད་ཆོག་ཡན་གྲུབ་ནས་ཏིང་འཛིན་དམིགས་པ་རྩེ་གཅིག་གིས་བདག་འཇུག་བླངས། དེ་ནས་དམ་ལྡན་གྱི་སློབ་བུ་ལྔ་གསུམ་བདུན་ལས་མི་མང་བ་ལ་ཐུན་མོང་གི་སྟ་གོན་ཚར་བ་དང་མཎྜལ་གྱིས་སློབ་དཔོན་མཆོད། དེ་ནས་དབང་གི་བྱེ་བྲག་ལོ་རྒྱུས་བརྗོད་པ་འདི་སྐད་དོ། ན་མོ་ཕྱོགས་བཅུ་སྟོང་གི་འཇིག་རྟེན་ན། །བདེ་གཤེགས་སློབ་མར་བཅས་པ་སུ་བཞུགས་པ། །འདིར་ནི་སྟོན་པས་ཆོས་ཀྱི་ཆར་འབེབས་པས། །སུ་དག་གསན་པར་འདོད་པ་འདིར་གཤེགས་ཤིག །འོ་ན་ད་ལམ་ཁྱེད་འདིར་འདུས་ཤིང་ཚོགས་པ་རྣམས་ཐུགས་མ་ཡེངས་པར་འདུན་པ་རྩེ་གཅིག་དང་བཅས་པའི་སྒོ་ནས། སྐབས་སུ་བབ་པའི་ངོ་སྐལ་བཅོམ་ལྡན་འདས་ཁྲོ་བོའི་རྒྱལ་པོ་དབང་ཆེན་དྲེགས་པ་ཟིལ་གནོན་གྱི་དབང་སྦྱིན་པའི་ཐོག་མར་ལོ་རྒྱུས་རྣམས་ལེགས་པར་གསན་པར་ཞུ། དེ་ཡང་གཞུང་ལས། སྔོན་ཚེ་བསྐལ་པ་དཔག་མེད་གོང་རོལ་དུ༔ སངས་རྒྱས་ཐུབ་དཀའ་གཞོ་ནུར་དམ་ལོག་སྟེ༔ རིགས་དྲུག་གནས་དང་ཁྱད་པར་ངན་སོང་གསུམ༔ སྡུག་བསྔལ་ཀུན་ཏུ་འཁོར་བས་ཡོངས་སུ་མནར༔ ལས་ཀྱི་ལྷག་མ་དུག་ལྔའི་ནུས་སྟོབས་ཀྱིས༔ ཐ་མར་བདུད་པོ་མ་ཏྲཾ་རཱུ་ཊར་སྐྱེས༔ དེ་ཚེ་འཛམ་གླིང་ལས་ཀྱི་ས་པ་འདིར༔ གནས་ཞིང་དུར་ཁྲོད་ལ་སོགས་ཐམས་ཅད་དག༔ ལྷ་དང་ལྷ་མིན་ཀླུ་དང་གནོད་སྦྱིན་དང་༔ དྲི་ཟ་སྲིན་པོ་སོགས་ཀྱིས་བདག་ཏུ་བཟུང་༔ དེ་ཚེ་དེ་དག་མ་ལུས་ཐམས་ཅད་ཀྱིས༔ མ་ཏྲཾ་རཱུ་ཊའི་ཆེ་བ་ཐོས་པ་དང་༔ ལངྐའི་རྒྱལ་པོ་དམ་པ་ཏོག་དཀར་དང་༔ ལྷ་མིན་དབང་པོ་ལ་སོགས་ཕམ་པ་ཤེས༔ སྦྱོར་དང་སྒྲོལ་བ་དག་ལ་ཀུན་ཀྱང་དད༔ དེ་རྣམས་འཁོར་ཚོགས་དེ་ལ་སྐྱབས་སུ་སོང་༔ སྐུ་ཡི་བྱ་ར་གསུང་གི་བཀའ་སྡོད་དང་༔ ཐུགས་ཀྱི་དགྱེས་སྡེ་སྦྱོར་སྒྲོལ་མངག་གཞུག་གྱུར༔ དེ་ཚེ་རཱུ་ཊ་འཁོར་བཅས་འཇིག་རྟེན་འདིར༔ ཆེ་བཙན་འགྲན་ཟླ་བྲལ་ཞིང་སྐྱེ་འགྲོ་རྣམས༔ ཕོ་གསོད་མོ་སྦྱོར་མྱ་ངན་མུན་པས་ནོན༔ ལོག་པར་ལྟ་བའི་བདུད་ཚོགས་དེ་རྣམས་ནི༔ དུས་གསུམ་སངས་རྒྱས་རྣམས་ཀྱིས་གདུལ་བྱར་གཟིགས༔ ཡ་ངའི་ཉམ་ཐག་འགྲོ་བ་སྒྲོལ་བའི་ཕྱིར༔ ཆོས་དབྱིངས་གནས་སུ་བཀའ་བགྲོས་དགོངས་པ་བསྡུར༔ ཐབས་ཤེས་ངོ་བོ་རྟ་ཕག་ཡབ་ཡུམ་སྤྲུལ༔ ཁྱད་པར་སངས་རྒྱས་སྣང་བ་མཐའ་ཡས་ཀྱིས༔ དབང་བཞི་བསྐུར་ནས་བྱིན་རླབས་མངའ་ཡང་གསོལ༔ སྤྱན་རས་གཟིགས་དང་རྗེ་བཙུན་སྒྲོལ་མ་ཡིས༔ ལུང་བསྟན་དབུགས་དབྱུངས་བདུད་འདུལ་ཤིས་པ་མཛད༔ དེ་ནས་ཁྲོ་བོ་རྟ་མགྲིན་ཡབ་ཡུམ་གྱིས༔ དབང་དང་དྲག་པོའི་ལས་ཀྱིས་རཱུ་ཊ་བསྒྲལ༔ སྲས་མཆོག་སྨེ་བ་བརྩེགས་པས་ཁྲུས་ཀྱིས་བྲན༔ རྟ་ཕག་ཡབ་ཡུམ་རྟ་ཞལ་ཕག་སྐད་བསྒྲགས༔ ཕྱོགས་བཅུའི་བདེ་གཤེགས་དུས་བཞིའི་སངས་རྒྱས་རྣམས༔ དྭངས་པའི་མཁའ་ལ་ཆར་སྤྲིན་ལྟ་བུར་བྱོན༔ ཆོས་ཀྱི་དབྱིངས་ལས་གཡོ་བ་མི་མངའ་ཡང་༔ རིགས་ལྔའི་ལྷ་ཚོགས་ཁྲག་འཐུང་ཁྲོ་བོ་དང་༔ ཁྲོ་བོ་ཞི་མ་ཁྲོ་སོགས་རྡུལ་ལྟར་འཚུབས༔ དེ་ཚེ་རཱུ་ཊ་ཕོ་མོའི་དབང་པོ་ཉམས༔ རྟ་ཕག་ཡབ་ཡུམ་མདུན་གྱི་མཁའ་ལ་འཕགས༔ ལྷ་ཆེན་ཚངས་པའི་འདོམ་གང་མཁའ་ལ་འགྱིང་༔ རཱུ་ཊ་ཕོ་མོས་སྨྲེ་སྔགས་དབྱངས་པ་ལས༔ གནས་དང་ཞིང་དང་དུར་ཁྲོད་ལ་སོགས་དང་༔ བགེགས་དང་འབྱུང་པོ་མ་ལུས་དེར་འདུས་ནས༔ རཱུ་ཊ་ཕམ་པ་མ་བཟོད་དམག་གཡོས་ནས༔ ཆོ་འཕྲུལ་དུ་མའི་སྤྲུལ་བསྒྱུར་བསྟན་པའི་ཚེ༔ གནོད་སྦྱིན་ལག་ན་རྡོ་རྗེས་སྤྲུལ་པ་བཀྱེ༔ ཁྲོ་བོ་བཅུ་ཡིས་དབང་བསྡུས་ཟིལ་གྱིས་མནན༔ དེ་ནས་རཱུ་ཊའི་ལུས་ལ་ཐིག་གདབ་ནས༔ ཁྲོ་བོ་ཁྲོ་མོ་རྣམས་ཀྱི་ཕོ་བྲང་བཏབ༔ དེ་ཚེ་དྲེགས་ཚོགས་འཁོར་དང་བཅས་པ་ཡིས༔ དབུས་ལ་མཆིས་པའི་བསྐལ་བ་མེད༔ དབང་དྲག་ཕོ་བྲང་མུ་རན་སྐྱོང་༔ ཕུད་ལ་འཚལ་བའི་བསྐལ་བ་མེད༔ ལྷག་མའི་ཞལ་ཆབ་ངེད་ཀྱིས་ཞུ༔ བཀའ་འདས་བསྒྲལ་ཞིང་མུ་རན་སྐྱོང་༔ རང་རང་ལུས་ཆས་སྲོག་སྙིང་ཕུལ༔ ཡེ་ཤེས་ཆས་སུ་བྱིན་གྱིས་བརླབས༔ དེ་ནས་ལག་ན་རྡོ་རྗེ་ཡིས༔ རཱུ་ཊ་ཕོ་མོའི་ཡིད་ལུས་དང་༔ དྲེགས་ཚོགས་འཁོར་དང་བཅས་པ་ལ༔ དམ་ཚིག་གསང་བའི་བདུད་རྩི་བྱིན༔ གནས་གསུམ་རྡོ་རྗེས་དབང་བསྐུར་ཏེ༔ དབང་རྟགས་ཅོད་པན་སྤྱི་བོར་བཏགས༔ ཐར་པ་འཐོབ་པའི་ལུང་ཡང་བསྟན༔ རཱུ་ཊ་ཐར་པ་ནག་པོ་ལ༔ གསང་མཚན་མ་ཧཱ་ཀཱ་ལར་གསོལ༔ བསྟན་པ་སྲུང་བའི་གཉེར་བྱང་གཏད༔ དེ་ཚེ་ཕྱོགས་བཅུའི་སངས་རྒྱས་དང་༔ ཁྲོ་བོ་ཁྲོ་མོ་མཁའ་འགྲོ་མ༔ མ་ཧཱ་ཀཱ་ལ་འཁོར་བཅས་ལ༔ རྟ་གདོང་རྟ་སྐད་བཞད་པའི་རྒྱུད༔ རྔོག་མ་ལེ་བརྒན་འབར་བའི་རྒྱུད༔ ཧྱ་གྷྲཱི་ཝ་དབང་གི་རྒྱུད༔ པདྨ་ཀྲོ་ཏ་ཁྲོས་པའི་རྒྱུད༔ དབང་དྲག་གཏུམ་པོ་གློག་གི་རྒྱུད༔ པདྨ་ཁྲག་འཐུང་རོལ་པའི་རྒྱུད༔ སྔགས་ཀྱི་བཞད་སྒྲ་སྒྲོགས་པའི་རྒྱུད༔ དྲེགས་པའི་སྲོག་འབྱིན་དམར་ནག་རྒྱུད༔ དྲེགས་པ་བྲན་དུ་ཁོལ་བའི་རྒྱུད༔ བདེ་གཤེགས་ཁྲོ་ཚོགས་ཐབས་ཀྱི་རྒྱུད༔ མ་རྒྱུད་འབར་མ་ཤེས་རབ་རྒྱུད༔ གཉིས་མེད་རོལ་པ་ཡེ་ཤེས་རྒྱུད༔ སྒྱུ་འཕྲུལ་འབར་བ་གར་གྱི་རྒྱུད༔ དེ་སོགས་བླ་མེད་རྒྱུད་ཀྱི་སྡེ༔ འབར་བའི་དབང་གི་རྒྱལ་པོས་གསུངས༔ སྤྲུལ་པའི་མཁའ་འགྲོས་ཡི་གེར་བཏབ༔ དྲ་བའི་བཙུག་ལག་ཁང་དུ་མཆོད༔ རཱུ་ཊའི་བེམ་པོ་དུམ་བུར་བཅད༔ གནས་ཡུལ་དུར་ཁྲོད་གནས་སུ་འཕང་༔ མཁའ་སྤྱོད་ས་སྤྱོད་ས་འོག་སྤྱོད༔ གནས་དང་ཡུལ་དུ་བྱིན་གྱིས་བརླབས༔ ཞི་བའི་ལྷ་ཚོགས་ཆོས་དབྱིངས་གཤེགས༔ ཁྲོ་ཚོགས་ཁྲག་འཐུང་གནས་སུ་གཤེགས༔ མཁའ་འགྲོ་གནས་དང་ཡུལ་ལ་གཤེགས༔ སོ་མཚམས་བསྟན་པའི་བྱ་རར་བཞག༔ དབང་དང་དྲག་པོའི་འཕྲིན་ལས་ཀྱིས༔ སྐལ་ལྡན་གྲོལ་བའི་ཐེག་པ་ཤར༔ ཞེས་པའི་གནས་ཕུན་སུམ་ཚོགས་པ་བམ་རི་ཐོད་མཁར་མ་ལ་ཡ་རྩེ་ན། དུས་ཕུན་སུམ་ཚོགས་པ་བདུད་པོ་མ་ཏྲཾ་རཱུ་ཊ་གདུལ་བའི་དུས་ལ་བབས་ནས་སྦྱོར་སྒྲོལ་གྱི་སྤྱོད་པ་བླ་ན་མེད་པའི་བསྐལ་པ་ཤར་ཚེ། སྟོན་པ་ཕུན་སུམ་ཚོགས་པ་བཅོམ་ལྡན་འདས་དཔལ་ཆེན་པོ་ཁྲག་འཐུང་པདྨ་ཧེ་རུ་ཀཿརྟ་མཆོག་དབང་གི་རྒྱལ་པོ་ཡབ་ཡུམ་གྱིས། འཁོར་ཕུན་སུམ་ཚོགས་པ་ཕྱོགས་དུས་ཀྱི་རྒྱལ་བ་རིས་སུ་མ་གྲུབ་པའི་ཡེ་ཤེས་དང་འཇིག་རྟེན་གྱི་དཔའ་བོ་མཁའ་འགྲོ་ཆོས་སྐྱོང་རྣམས་ལ། ཆོས་ཕུན་སུམ་ཚོགས་པ་དཔལ་ཆེན་པོ་དབང་ཆེན་འབར་བའི་རྒྱུད་སྡེ་མང་དུ་གསུང་བ་རྣམས་ནི་སྔོན་བྱུང་གི་ཕུན་སུམ་ཚོགས་པ་ལྔ་ལྡན་གྱི་སྐབས་སུའོ། །སྤྱི་དོན་གཉིས་པ་རྒྱུད་ལ་བརྟེན་པའི་སྒྲུབ་ཐབས་ཇི་ལྟར་བྱུང་བ་དང་བཀའ་བབས་བརྒྱུད་པའི་ལོ་རྒྱུས་ཀྱང་གཞུང་ལས། དེ་ནས་སྟོན་པའི་བསྟན་པ་ལ༔ རབ་ཏུ་སྡང་བའི་མུ་སྟེགས་ཡུལ༔ རྡོ་རྗེ་གདན་གྱི་ལྷོ་ནུབ་ཏུ༔ ཨུ་མ་དྲག་མོའི་སྤྲུལ་པ་ལས༔ དཔལ་འཛིན་མ་ཞེས་བུད་མེད་ལ༔ ལྷ་ཆེན་དབང་གི་འོད་སྤྲོས་པས༔ སྤྲུལ་པའི་སྲས་མཆོག་མཐུ་སྟོབས་ལྡན༔ དབང་དྲག་ཐོགས་མེད་གྲུབ་པ་ཞིག༔ སྐུ་འཁྲུངས་ཀུན་གྱིས་བཀུར་ཞིང་མཆོད༔ ཕྱི་ནང་གཉིས་ཀྱི་པཎ་ཆེན་ཚོགས༔ ཁྱད་པར་ལྡན་པའི་སྲས་དེ་ལ༔ ནང་པའི་པཎ་ཆེན་ཕལ་མོ་ཆེས༔ སྦྱངས་སྒྲོད་ཐོས་བསམ་མ་བྱས་པའི༔ སྟོབས་དང་རྫུ་འཕྲུལ་ངོ་མཚར་མིན༔ སྨྲས་པས་ཕྱི་པའི་པཎ་ཆེན་གྱིས༔ སྔོན་སྦྱངས་སོང་བའི་སྐྱེས་བུ་ལ༔ ཚེ་འདིའི་སྦྱངས་སྒྲོད་ཅི་ཞིག་བྱ༔ འདུན་པས་སྤྲུལ་པ་དྲིའོ་ཞེས༔ ཕྱི་ནང་གཉིས་ཀྱི་ཚིག་གི་འཕྲེང་༔ སྤྲུལ་པ་ཉིད་ལ་གསོལ་པ་ལས༔ ང་ནི་ལྷ་དབང་ཐུགས་ཀྱི་སྲས༔ སྟོབས་ལྡན་དྲག་པོའི་རིགས་སྔགས་འཆང་༔ སྤྲུལ་པ་སྡེ་བརྒྱད་ཆོ་འཕྲུལ་བསྒྱུར༔ སུ་ལྟར་མཆོད་པའི་སྐྱབས་དང་མགོན༔ ལོག་པར་ལྟ་བ་ངས་ཚར་གཅོད༔ ཅེས་གསུངས་ནང་པ་ཐམས་ཅད་ཀྱིས༔ འདི་ནི་ལྷ་ཆེན་སྤྲུལ་པའོ༔ ཟེར་ཏེ་མཆོད་སྒྲུབ་མ་བསྟེན་བསྐྱུར༔ ཕྱི་པའི་པཎ་ཆེན་ཐམས་ཅད་ཀྱིས༔ དངོས་གྲུབ་སྩོལ་བའི་གསོལ་བ་བཏབ༔ དེ་ནས་སྤྲུལ་པའི་སྲས་མཆོག་དེས༔ སུས་ཀྱང་མ་བྱས་རང་ཤར་བའི༔ ལྕགས་མཁར་ཕོ་བྲང་བང་རིམ་དགུ༔ ཕྱི་ནི་མཆོད་རྟེན་རང་བཞིན་ལ༔ ནང་ནི་དྲག་པོའི་གཞལ་ཡས་ཁང་༔ རྒྱ་ཁྱོན་མུ་མཐའ་རྔམ་བརྗིད་འབར༔ དེ་དབུས་དྲག་པོའི་དཀྱིལ་འཁོར་བཞེངས༔ ལྷ་ཆེན་དྲག་པོ་བསྒྲུབས་པས་གྲུབ༔ དྲེགས་ཚོགས་ཐམས་ཅད་བྲན་དུ་བཀོལ༔ མཐུ་དང་ནུས་པ་མེ་ལྟར་འབར༔ ཕྱི་པས་མཆོད་ཅིང་ནང་པར་རྦད༔ ཨོ་རྒྱན་པུ་རའི་ཡུལ་དང་ནི༔ རྒྱ་གར་ཡུལ་ཕྱོགས་མི་འདོད་པའི༔ རྐྱེན་དང་བར་ཆད་སྣ་ཚོགས་འཚུབས༔ སངས་རྒྱས་བསྟན་པ་བབས་ཀྱིས་ཉམས༔ ནང་པའི་པཎ་ཆེན་ཕལ་ཆེར་འདས༔ དེ་ཚེ་སྣང་བ་མཐའ་ཡས་ཀྱིས༔ གདམས་པར་སྤྱོད་ཅིང་ལུང་བསྟན་གནང་༔ བདག་འདྲ་པདྨ་འབྱུང་གནས་དང་༔ སློབ་དཔོན་ཤཱནྟིང་གྷརྦ་གཉིས༔ བཀའ་བགྲོས་ཨོ་རྒྱན་ཡུལ་དབུས་ནས༔ མཁའ་འགྲོའི་གསང་མཛོད་ཞལ་ཕྱེ་སྟེ༔ དྲེགས་པ་ཟིལ་གནོན་རྒྱུད་དཔེ་བླངས༔ སྤྱན་རས་གཟིགས་ལ་དབང་བསྐུར་ཞུས༔ སྟོན་པ་ཟངས་མཆེའི་མདུན་དུ་ལྷགས༔ བདག་ཅག་གཉིས་ལ་གནས་འདི་གཡོར༔ ལྷག་པའི་ལྷ་ལ་གསོལ་བ་འདེབས༔ ཞུས་པས་ལྷ་ནི་གང་ཡིན་གསུངས༔ དབང་ཆེན་རྒྱལ་པོ་ཡིན་གསོལ་བས༔ ལེགས་སོ་གསུངས་ནས་གནང་བ་སྩལ༔ དབང་ཆེན་རྟ་མགྲིན་བསྒྲུབས་པ་ལས༔ རྟ་མཆོག་པདྨ་ཧེ་རུ་ཀས༔ སྐུ་ཡི་དཀྱིལ་འཁོར་མངོན་སུམ་བསྟན༔ དབང་ཆེན་ཁྲོས་པའི་རྟ་སྐད་བཞད༔ ཐུགས་ནི་དབང་དྲག་ཏིང་འཛིན་འབར༔ དེ་ཚེ་དྲེགས་པའི་སྡེ་ཚོགས་དང་༔ ལྷ་ཆེན་ཡབ་ཡུམ་སྲས་དང་བཅས༔ གཙང་རིས་དཔལ་མགོན་ཐམས་ཅད་ཀྱིས༔ བྲན་དུ་ཁས་བླངས་ཐ་ཚིག་ཕུལ༔ བསྟན་པ་གང་ལ་བབས་པ་དེའི༔ བཀུར་སྟི་ཕུ་དུད་བསྙེན་ཅིང་སྒྲུབས༔ དེ་ཡི་བཀའ་དང་བསྟན་པ་སྲུང་༔ ཞེས་གསོལ་རྟ་ཕག་ཡབ་ཡུམ་གྱིས༔ སངས་རྒྱས་བསྟན་པ་གཉན་པོའི་དོན༔ དྲེགས་ཚོགས་སྤྲུལ་འཁོར་ཐམས་ཅད་ཀྱང་༔ འབར་བ་དབང་གི་འཁོར་ལོར་སྒྱུར༔ དེ་ནས་རྒྱུད་ལ་བརྟེན་པ་ཡི༔ དབང་དང་དྲག་པོའི་འཕྲིན་ལས་རྣམས༔ སློབ་དཔོན་གཉིས་ཀྱིས་ལས་ལ་སྦྱར༔ ལྷ་ཆེན་ཡབ་ཡུམ་སྲས་གསུམ་དང་༔ ལག་ན་རྡོ་རྗེ་དྲེགས་ཚོགས་ཀྱིས༔ ཕྱི་པར་རང་གཤེད་རང་ལ་ཕབ༔ བསྟན་པ་ཉམས་ཤིང་ནང་པ་རྒྱས༔ རྒྱ་གར་གླིང་དགུའི་དཔལ་འབྱོར་འཕེལ༔ ནང་པའི་པཎ་ཆེན་ཉམས་རྟོགས་རྒྱས༔ སངས་རྒྱས་བསྟན་པ་ཆེས་ཆེར་གསལ༔ དེ་ཕྱིར་གདམས་པ་ཟབ་མོ་འདི༔ བརྗོད་པར་དཀའ་བའི་ཆོས་ཡིན་ཀྱང་༔ ཆོས་རྒྱལ་སྐུ་ངོ་ཆེ་ཕྱིར་གདམས༔ མི་བརྗེད་གཟུངས་ཐོབ་མཚོ་རྒྱལ་མས༔ ཡི་གེར་ཐོབ་ལ་གཏེར་དུ་སྦོས༔ མ་འོངས་སྙིགས་མ་རྩོད་ལྡན་ཚེ༔ ཀླུ་ཡི་དབང་པོའི་སྐྱེ་བའི་མཐའ༔ གར་དབང་འགྲོ་འདུལ་གླིང་པའམ༔ ཁམས་པ་ཉི་མ་གྲགས་པས་འབྱིན༔ སངས་རྒྱས་བསྟན་ལ་ཕན་པ་འོང་༔ ཁྱད་པར་ལུང་ནས་བཤད་པའི་བུ༔ བོད་འབངས་སྐྱེ་འགྲོའི་རྩ་ལག་ལ༔ འཕྲོད་ན་བསྟན་འགྲོའི་དོན་ལ་སྤྱོད༔ ས་ལ་གནས་པའི་སེམས་དཔའ་ལྔར༔ འཕྲོད་ན་འཕྲིན་ལས་རྒྱས་པ་དང་༔ ཚེ་ཡང་མཐའ་རུ་ཕྱིན་པར་འགྱུར༔ མོས་གུས་ལྡན་པའི་བུ་བདུན་ལ༔ གདམས་པ་འདི་ཉིད་བཏབ་གྱུར་ན༔ སྒྲུབ་པ་མཐར་ཕྱིན་དངོས་གྲུབ་འཐོབ༔ བཀྲ་ཤིས་དཀོན་མཆོག་འཕགས་པ་དབང་༔ བློ་གྲོས་ངག་དབང་དཔལ་གྱི་མིང་༔ ཚེ་དང་སྐྱབས་ཞེས་སྐལ་ལྡན་དགུར༔ གདམས་པ་བྱིན་ན་དངོས་གྲུབ་འཐོབ༔ ཅེས་གསུངས་པའི་ཟབ་ཆོས་ཀྱི་གདམས་པ་རིན་པོ་ཆེ་འདི་ཉིད་མཁའ་འགྲོ་ཡེ་ཤེས་མཚོ་རྒྱལ་གྱིས་ཟིན་བྲིས་སུ་བཏབ་སྟེ་གནས་མཆོག་ཆེན་པོ་ཁམས་སྲིང་མོ་རྫོང་གི་ནུབ་སྒོ་ནགས་ཤོད་མེ་འབར་ཕུག་ཏུ་མཁའ་འགྲོའི་གསང་མཛོད་དུ་བཞུགས་སུ་གསོལ་བ། ལུང་བསྟན་དུས་བབས་ལྟར་དུ་ཁམས་པ་ཉི་མ་གྲགས་པ་ཞེས། ཡོངས་གྲགས་ཀྱི་རྡོ་རྗེ་གླིང་པ་སངས་རྒྱས་གླིང་པ་པདྨ་གླིང་པ་ཨོ་རྒྱན་གླིང་པ་མངའ་བདག་ཉང་གི་གཏེར་ཁ་ཟངས་གླིང་མ་སོགས། གཏེར་ཁ་བདུན་གྱི་ཐང་ཡིག་ལས་ཞལ་འཆམ་པར་ལུང་བསྟན་པ། མི་ལ་ལུས་ཆས་ཡ་མ་ཟུང་དུ་འོང་༔ བསྟན་པའི་ཆོས་ཀྱང་ཡ་མ་ཟུང་དུ་འགྲོ༔ དགེ་རྒྱས་བྲིས་པའི་རི་མོ་ཤུལ་རྗེས་ཡོང་༔ ཁམས་ཀྱི་སྲིང་མོ་རྫོང་གསུམ་གཏེར་ཁ་འདི༔ མི་བཞག་འདོན་པའི་རྟགས་དེར་བསྟན་ནས་འབྱུང་༔ ཁམས་པ་ཉི་མ་གྲགས་ཀྱི་མིང་ཅན་འབྱུང་༔ ཞེས་གསུངས་པ་ལྟར་དུ་ཁམས་སྒོམ་སྡེ་ནང་ཆེན་དུ་སྐྱེས་པ་རྟེན་འབྲེལ་འབྲིང་ལ་བབས་ཏེ་གངས་རིའི་རྒྱལ་པོ་ཏེ་སེ། རྒྱ་གར་རྩྭ་མཆོག་དྲུང་། མང་ཡུལ་བྱམས་པ་སྤྲིན། ཤངས་ཟབ་བུ་ལུང་། ཁམས་ཀྱི་སྲིང་མོ་རྫོང་སོགས་ནས་གཏེར་ཆེན་བདུན་གཏེར་ཕྲན་བརྒྱད་རྣམས་གདན་དྲང་པའི་ཆོས་སྐོར་ལ། བླ་མ་བདེ་མཆོག་དབང་གི་འཁོར་ལོ། རྫོགས་ཆེན་གསང་བ་སྙིང་ཐིགས། ཐུགས་རྗེ་ཆེན་པོ་མ་རིག་མུན་སེལ། ཚེ་སྒྲུབ་བདུད་བཞིའི་གཡུལ་ལས་རྣམ་རྒྱལ། ཟབ་ཆོས་པདྨ་དྲག་ཁྲོས། རྟ་མགྲིན་དྲེགས་པ་ཟིལ་གནོན། ཕག་མོ་ཟབ་ཏིག་སྐོར་ལྔ། སྔགས་བདག་འབར་མའི་ཐུགས་ཐིག །ཁྱབ་བདག་ནཱ་ག་རཀྴ། ནོར་བདག་ཡིད་བཞིན་ནོར་བུ་རྣམས་ཀྱི་སྐོར་ལ། རྒྱུད་སྡེ་ཆེན་པོ་བཞི། དཀྱིལ་འཁོར་བཅོ་བརྒྱད། སྒྲུབ་ཐབས་བཞི་བཅུ་ཞེ་བདུན། སྒྲུབ་ཆེན་གསུམ། བདུད་རྩི་སྨན་གྱི་སྒྲུབ་པ། བུམ་སྒྲུབ་རིགས་གཉིས། ཁྲིད་ཆེན་བཅུ་བདུན། དབང་ཆེན་ཉེར་ལྔ། སྨད་ལས་ཀྱི་བཟློག་པ་བདུན། བསྐང་མདོས་ཆེན་མོ་གསུམ། གླུད་ཀྱི་མདོས་མོ་ཆེ། སྦྱིན་སྲེག་ཉི་ཤུ་ཐམ་པ། རབ་གནས་ཀྱི་ཆོ་ག་གཉིས་སོགས་ལས་རབ་འབྱམས་ཡོངས་རྫོགས་ཆོས་ཚན་སུམ་བརྒྱ་དང་སུམ་ཅུ་རྩ་ལྔ་བཞུགས་པའི་ནང་ནས་ད་ལམ་རྟ་མགྲིན་དྲེགས་པ་ཟིལ་གནོན་གྱི་དབང་ཞུ་བའི་དོན་དུ་གསོལ་བ་འདེབས་པ་སོགས་ནས་དབང་བསྐུར། ༈ རྗེས་སུ་འོ་དེ་ལྟར་གནས་མཆོག་ཆེན་པོ་ཁམས་སྲིང་མོ་རྫོང་གི་ནུབ་སྒོ་མེ་འབར་ཕུག་ནས་ཆུ་ཁྱིའི་ལོ་ལ་ཁམས་པ་ཉི་མ་གྲགས་པས་གཏེར་ནས་གདན་དྲངས་ཤིང་ལྕགས་ཕོ་རྟའི་ལོ་ལ་ཁམས་ཀྱི་གླང་ཐང་སྒྲོལ་མར་ཤོག་སེར་ལས་བསྒྱུར་བ་དེའི་དབང་ཐོབ་པའི་དམ་ཚིག་ལ་ཚུལ་བཞིན་གནས་པའི་ཆེད་དུ་དེའི་རྗེས་བཟློས་མཛོད། གཙོ་བོས་ཇི་ལྟར་སོགས་བརྗོད། ཅེས་པ་འདི་ཡང་བློ་དམན་གྱི་དོན་དུ་ཉི་མ་གྲགས་པས་མཛད་པའོ། །མངྒ་ལཾ།། །།
རྟ་མགྲིན་ཞི་བའི་སྦྱིན་སྲེག
རྟ་མགྲིན་དྲེགས་པ་ཟིལ་གནོན་གྱི་ཞི་བའི་སྦྱིན་སྲེག་བཞུགས། །ཁྲོ་བོའི་རྒྱལ་པོ་ཆེན་པོ་དབང་ཆེན་དྲེགས་པ་ཟིལ་གནོན་གྱི་ལྷ་ཚོགས་རྣམས་ལ་ཕྱག་འཚལ་ལོ། །དེ་ལ་འདིར་རྣལ་འབྱོར་པ་དྲེགས་པ་ཟིལ་གནོན་གྱི་དཀྱིལ་འཁོར་དུ་དབང་ཐོབ་ཅིང་དམ་ཚིག་ལ་ག །ནས་པ། གྲངས་མཚན་དུས་རྟགས་ཀྱི་བསྙེན་པ་ཚད་དུ་འཁྱོལ་བས། རང་གཞན་གྱི་ནད་གདོན་སྡིག་སྒྲིབ་སོགས་མི་མཐུན་པའི་ཚོགས་མཐའ་དག་ཞི་བར་བྱ་བ་དང་། བསྙེན་པའི་ཁ་བསྐང་སོགས་སུ་སྦྱིན་སྲེག་གི་ཆོ་ག་བརྩམས་པར་བྱ་སྟེ། སྔོན་འགྲོ་དངོས་གཞི་རྗེས་སོ། དང་པོ་ནི་ཤིང་ཁམས་ཀྱི་ལོ་ཟླ་ཉི་ཁྱིམ་ཡོད་པའི་ཡར་ངོ་བཀྲ་ཤིས་པའི་གཟའ་སྐར་སྦྱོར་བྱེད་དང་ལྡན་པའི་སྔ་དྲོའི་ཚེ། སྐབས་སུ་གང་བབས་ཀྱི་གནས་ཁང་ཕྱག་བརྡར་ལེགས་པར་བྱས་ལ། སྔར་དུལ་བའི་དགོན་གནས་ཡུལ་སོགས་ཡིན་ན་མི་དགོས་ཤིང་། དེ་མ་ཡིན་པའི་རིགས་ལ་རྒྱས་པར་སྒྲུབ་ཆེན་ཞིག་ནས་འབྱུང་བ་ལྟར་ས་བརྟག་བླང་སྦྱང་འདུལ་གྱི་ཆོ་ག་བྱ་ཞིང་། བསྡུས་པར་བྱེད་ན་ཡི་གེ་བརྒྱ་པ་དང་སྙིང་པོ་བགྲང་ཞིང་ས་ལ་ཆུ་འཐོར༔ ལྟོ་འཕྱེ་འཁོར་ཚུལ་དང་བསྟུན་ཏེ་ས་ལྟོ་བ་ནས་བླང་ཞིང་། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊཿསྭཱ་ཧཱ་བྷྲཱུྃ་ཏྲཱཾཿཧྲཱིཿཨཱཿ ཅེས་བརྗོད་ཅིང་བྱིན་གྱིས་བརླབས་པའི་སར་སྟེགས་བུ་རྒྱར་ཁྲུ་གང་དཔངས་སུ་ཁྲུ་ཕྱེད་པ་ས་དཀར་པོས་ཁ་དོག་བསྒྱུར་བ་ལ་དཀྱིལ་འཁོར་ཟླུམ་པོའི་ལྟེ་བའི་པདྨ་ཕྱི་ནང་ལྷ་གྲངས་དང་མཉམ་པ་ལྷའི་སྐུ་མདོག་དང་མཐུན་པའི་ཚོན་གྱིས་བསྒྱུར་བའི་དབུས་རྣམས་སུ་ལྷ་གྲངས་ཀྱི་ཕྱག་མཚན་ནམ་ཚོམ་བུ་བཀོད་པའི་ཁ་ཁྱེར་ལ་རྡོ་རྗེ་དཀར་པོའི་ཕྲེང་བས་བསྐོར་བ་བྲིས་པའི་སྟེང་དུ་ཙན་དན་དཀར་པོ་དང་འོ་མ་ཅན་ལ་སོགས་པའི་ལས་མཐུན་གྱི་བུད་ཤིང་སྨན་སྤོས་དྲི་བཟང་པོས་བྱུག་པ་ཟླུམ་པོ་སྲིད་དང་དཔངས་སོགས་དཀྱིལ་འཁོར་དང་མཐུན་པར་བརྩེགས། ཡི་དམ་དང་ཆོས་སྐྱོང་གི་མཆོད་གཏོར་སྨན་རག་སོགས་ཕྱི་ནང་གི་མཆོད་པ་རྒྱས་པ་དང་། རང་གི་མདུན་དུ་རྡོར་དྲིལ་ཌཱ་མ་རུ། ཀུ་ཤ །རླུང་གཡབ་དགང་གཟར་བླུགས་ཁ་སྦྱར་ཏེ་ཡ་མ་བྲལ་བར་བཞག་པ་དང་། གཡས་སུ་ཙན་དན་ནམ་འོམ་བུའམ་འོ་མ་ཅན་སོགས་དཀར་པོའི་ཤིང་དྲི་ཞིམ་པོ་དང་ལྡན་པ་སྲིད་དུ་སོར་བཅུ་གཉིས་སྦོམ་ཕྲ་ལ་མཐེའུ་ཆུང་ཙམ་པའི་ཁ་མཉམ་པར་བཅད་པ་ལ་འཇིགས་པ་ཆེན་པོ་བརྒྱད་སོགས་ནད་གདོན་བར་གཅོད་མི་མཐུན་པའི་ཕྱོགས་ཐམས་ཅད་ཤནྚིང་ཀུ་རུ་ཡེ་སྭཱ་ཧཱ། ཞེས་པ་བྲིས་པའི་རྩེ་གཉིས་སུ་མར་དང་སྦྲང་རྩིས་བྱུགས་པའི་ཡམ་ཤིང་གང་མང་དང་མར་ཁུ་ཏིལ་དཀར་ཡུངས་དཀར་ཟས་སྣ་དཱུཪྺ་འབྲས་སོ་བ་ནས་སྲན་མ་གྲོ་ཀུ་ཤ་ཕྲུམ་འབྲུ་སྣ་དར་སྣ་ཤིང་ཏོག་སྟེ་སྤྱི་རྫས་དང་། ཁྱད་པར་གྱི་རྫས་པད་དཀར་ཙམ་པ་ཀ་ཙན་དན་དཀར་པོ་ག་པུར་རྩི་མར་དྲི་སྣ་དུང་ཤེལ་དངུལ་སོགས་དཀར་པོའི་རིགས་ཀྱི་རིན་ཆེན་དར་གོས་འབྲུ་སྨན་ཅི་འབྱོར་བ་དང་། གཡོན་དུ་འཇིག་རྟེན་དང་འཇིག་རྟེན་ལས་འདས་པའི་མེ་ལྷ་ལ་ཉེར་སྤྱོད་ཚར་གཉིས་གཏོར་མ་སྨན་རག་བཅས་པའི་མཆོད་རྫས་བསང་ཆུ་རྣམས་བཤམས་ལ། དྲེགས་པ་ཟིལ་གནོན་གྱི་ལས་བྱང་ཆོས་སྐྱོང་གི་འཕྲིན་ལས་བསྐང་གསོལ་དང་བཅས་པ་རང་་གཞུང་ལྟར་ལས་བྱང་གི་ལྷག་གཏོར་ཡན་གྲུབ་ནས། གདན་དཀར་པོའི་སྟེང་དུ་དར་དཀར་སོགས་ཆས་གོས་དཀར་པོ་དང་ལྡན་པས་ཁ་ཤར་དུ་ཕྱོགས་ཏེ་མི་ཚིག་གིས་བར་མ་ཆོད་པར་རོལ་མོ་འཁྲོལ་ཏེ་འཛབ་དབྱངས་གར་དུ་འཁྲབ་ཅིང་མེ་ཐབ་ལན་གསུམ་བསྐོར་ཏེ། ཨཱོཾ་སྭ་བྷཱ་ཝས་སྔགས་ཀྱིས་སྟོང་པར་སྦྱངས། སྟོང་པའི་ངང་ལས་དབུས་སུ་ཧཱུྃ་དེ་ལ་རཾ་གྱིས་མཚན་པ་ལས་ཡེ་ཤེས་ཀྱི་མེ་དཔུང་དཀར་པོ་ཕྱོགས་བཅུར་འཕྲོས་པས་གནོད་བྱེད་འབྱུང་པོ་ཐམས་ཅད་བརླགས། ཚུར་འདུས་ཕྱོགས་མཚམས་ཐམས་ཅད་མེ་རིའི་གུར་དུ་གྱུར་པར་བསམས་ཤིང་། ཧཱུྃ༔ བསྐལ་པའི་མེ་ཆེན་འབར་བའི་གཞལ་ཡས་འདིར༔ མེ་ལྷ་དྲང་སྲོང་ཡི་དམ་མ་གཏོགས་པ༔ གདོན་བགེས་འབྱུང་པོ་བར་དུ་གཅོད་པའི་ཚོགས༔ འདི་རུ་མ་འདུག་རང་རང་གནས་སུ་དེངས༔ གལ་ཏེ་མི་འགྲོ་ཆགས་ཤིང་འདིར་འཁོར་ན༔ མེ་འདག་འབར་བའི་སྦྲང་བུ་བཞིན་དུ་བསྲེག༔ ཞེ་སྡང་འཇོམས་པའི་མེ་ནི་མཐིང་ནག་འབར༔ ང་རྒྱལ་འཇོམས་པའི་མེ་ནི་སེར་ནག་འབར༔ འདོད་ཆགས་འཇོམས་པའི་མེ་ནི་དམར་ནག་འབར༔ ཕྲག་དོག་འཇོམས་པའི་མེ་ནི་ལྗང་ནག་འབར༔ གཏི་མུག་འཇོམས་པའི་མེ་ནི་སྨུག་ནག་འབར༔ ཡེ་ཤེས་འབར་བའི་མེ་ཡིས་མཚམས་ཆོད་ཅིག༔ ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་ཨགྣཱེ་ཡེ་ཛྭ་ལ་རཾ་རཾ། ཨཱོཾ་སུམ་བྷ་ནི་སོགས་བརྗོད༔ དེ་ནས་རྫས་རྣམས་ཀྱི་ཉེས་སྐྱོན་སྦྱང་ཞིང་བྱིན་གྱིས་བརླབ་པ་ནི། བསང་ཆུའི་སྣོད་ནས་ཀུ་ཤའི་རྩེ་མོས་ལག་པ་གཡས་པས་ཆུ་བླངས་ཏེ་མཆོད་སྲེག་གི་ཡོ་བྱད་ཐམས་ཅད་ལ་རང་གི་མདུན་དུ་གཡས་བསྐོར་དུ་འཐོར་ཞིང་། ནང་མཆོད་ཀྱིས་ཀྱང་བསངས་ལ། རྡོ་རྗེའི་ཁུ་ཚུར་ལས་གུང་མོ་གཉིས་རྩེ་སྤྲད། །ཨཱོཾ་སྭཱ་ཧཱས་རྫས་རྣམས་བཀྲུས་པར་བསམས། ཨཱོཾ་ཨཱཿསྭཱ་ཧཱས་ཡམ་ཤིང་དང་། ཨཱོཾ་ཤྲཱི་སྭཱ་ཧཱས་ཞུན་མར་དང་། ཨཱོཾ་ཛྲིཾ་སྭཱ་ཧཱས་འབྲུ་དང་། ཨཱོཾ་ཀུ་རུ་ཀུ་རུ་སྭཱ་ཧཱས་དེ་ལས་གཞན་པའི་རྫས་རྣམས་ཀྱི་ཉེས་སྐྱོན་ཐམས་ཅད་སྦྱངས་ཏེ་སྟོང་པར་གྱུར། སྟོང་པའི་ངང་ལས་བྷྲཱུྃ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཡི་གེ་གསུམ་འོད་དུ་ཞུ་བ་ལས་བྱུང་བའི་སྲེག་རྫས་རྣམས་ངོ་བོ་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོ་ལ་རྣམ་པ་འདོད་པའི་ཡོན་ཏན་ལྔ་སོགས་མཆོད་པའི་ཡོ་བྱད་མ་ཚང་བ་མེད་པ་ཀུན་ཏུ་བཟང་པོའི་མཆོད་པའི་སྤྲིན་གྱི་ཕུང་པོ་རབ་འབྱམས་ནམ་མཁའི་མཐའ་དང་མཉམ་པར་གྱུར། ཨཱོཾ་ཧཱུྃ་ཏྲཱཾ་ཧྲཱིཿཨཱ༔ ཨཱོཾ་ཨཱཿཧཱུྃ་གསུམ་མམ་བདུན་བརྗོད༔ དེ་ནས་རྒྱལ་རིགས་ཀྱི་ཁྱིམ་ནས་མེ་བླངས་སྣོད་དུ་བཞག་ལ་ཨཱོཾ་ཨཱཿཧཱུྃ་བརྗོད་ཅིང་ཞུན་མར་གྱི་སྒྲོན་མེ་སྦར་བས་སྤར་ལ་རླུང་གཡབ་ཀྱིས་གཡབ་ཅིང་། ཧཱུྃ༔ ཤར་གྱི་ཕྱོགས་ནས་མེ་སྦར་མས༔ དྲི་ཟའི་ལག་ནས་མེ་ལོང་ལ༔ ཞི་བའི་མེ་ནི་སྦར་བར་མཛོད༔ ལྷོ་ནུབ་མཚམས་ནས་ཤིང་ཐུན་མས༔ རླུང་ལྷའི་ཡུལ་ནས་ཤིང་ཐུས་ལ༔ རླུང་གི་ལྷ་མོས་རླུང་གཡོབས་ཤིག༔ ཨཱོཾ་ཨགྣཱེ་ཡེ་ཛྭ་ལ་རཾ་རཾ༔ ཞེས་བརྗོད་ཅིང་སྤར་ལ་ཞུན་མར་བླུགས་གཟར་བདུན་གྱིས་ཀྱང་གསོའོ། །དེ་ནས་ཀུ་ཤ་ལ། ཨཱོཾ་བཛྲ་ས་ཏྭ་ཨཱ༔ ཞེས་བདུན་གྱིས་བྱིན་གྱིས་བརླབས་པའི་རྩེ་མོ་གཉིས་གཤིབས་པ་ལག་ཏུ་བཟུང་ལ། ཨཱོཾ་ཀུ་ཤ་འདི་ནི་གཙང་ཞིང་དགེ། ཚངས་པ་ལྷ་རྣམས་དག་བྱེད་ཡིན། །དཀོན་མཆོག་གསུམ་པོ་མཉེས་བྱེད་པ། །ས་ལས་སྐྱེས་པ་འདབ་མའི་སྙིང་། བདག་གི་བགེགས་རྣམས་ཐམས་ཅད་ནི། །ཞི་དང་བཀྲ་ཤིས་མཛད་དུ་གསོལ། །ཞེས་ཐབ་ཀྱི་ཁ་ཁྱེར་ལ་རང་གི་ཁ་བལྟ་ཕྱོགས་ལ་ཤར་དུ་བྱས་པའི་རྩེ་མོ་ཕྱོགས་བཞིར་ཡོང་བར་བྱས་ལ་སྔ་མའི་རྩེ་མོས་ཕྱི་མའི་རྩ་བ་ནོན་པར་བ་ལང་གི་རྣ་བའི་དབྱིབས་ལྟར་ཧ་ཅང་མི་རིང་བར་དཀྲམ་མོ། །གཉིས་པ་དངོས་གཞི་ལ་འཇིག་རྟེན་པ་དང་འདས་པའི་མེ་ལྷ་མཆོད་པ་གཉིས་ལས། དང་པོ་ལྷ་བསྐྱེད་པ་ནི། ཨཱོཾ་སྭ་བྷཱ་ཝའི་སྔགས་ཀྱིས་སྦྱངས༔ མེ་ཐབ་མི་དམིགས་པ་སྟོང་པ་ཉིད་དུ་གྱུར༔ སྟོང་པའི་ངང་ལས་རཾ་དཀར་པོ་འོད་དུ་ཞུ་བ་ལས་མེ་ཐབ་གཞལ་ཡས་ཀྱི་ཁང་པ་དཀར་ཞིང་འཚེར་བ་ཁ་ཁྱེར་ཕྱིར་ཕྱོགས་པའི་སྟེང་དུ་རྡོ་རྗེའི་ཕྲེང་བས་མཚན་པའི་དབུས་སུ་མེ་ལྷ་དཀར་པོ་དྲང་སྲོང་གི་ཆ་བྱད་ཅན་ཞལ་གཅིག་ཕྱག་གཉིས་པ་གཡས་བགྲང་ཕྲེང་དང་གཡོན་མེ་ཐབ་བསྣམས་པ༔ འཁོར་དུ་དྲང་སྲོང་མང་པོས་བསྐོར་ཞིང་པདྨ་དང་ཟླ་བའི་གདན་ལ་གནས་པའི་སྤྱི་བོར་ཨཱོཾ་མགྲིན་པར་ཨཱཿཐུགས་ཀར་ཧཱུྃ་གིས་མཚན་པ་དང་། རང་ཉིད་ཡི་དམ་དུ་གསལ་བའི་ཐུགས་ཀ་ནས་འོད་ཟེར་འཕྲོས་པས་ཤར་ལྷོ་མཚམས་ནས་ཡེ་ཤེས་ཀྱི་མེ་ལྷ་འཁོར་དྲང་སྲོང་དཔག་ཏུ་མེད་པས་བསྐོར་བ་སྤྱན་དྲངས་པར་བསམས་ལ། སྤྱན་འདྲེན་ནི༔ ཧཱུྃ༔ དད་པ་དང་ནི་དམ་ཚིག་གིས༔ ཚུལ་གཤེགས་ཚུར་གཤེགས་འབྱུང་བ་ཆེ༔ མེ་ལྷའི་རྒྱལ་པོ་དྲང་སྲོང་མཆོག༔ ཤར་ལྷོ་མཚམས་ཀྱི་གཞལ་ཡས་ནས༔ དམ་ཚིག་དབང་གིས་སྤྱན་འདྲེན་ན༔ བསྐྱེད་པའི་གནས་འདིར་གཤེགས་སུ་གསོལ༔ ཨཱོཾ་ཨགྣཱེ་ཡེ་བཛྲ་ས་མ་ཡ་ཛཿཛ༔ ཨེ་ཧྱ་ཧི་ཛཿཧཱུྃ་བཾ་ཧོ༔ བཞུགས་སུ་གསོལ་བ་ནི༔ ཧཱུྃ༔ གཟི་བརྗིད་འབར་བ་མེ་ཡི་ལྷ༔ འཕྲིན་ལས་མ་ལུས་བསྒྲུབ་པའི་ཕྱིར༔ འབར་བ་མེ་ཡི་གཞལ་ཡས་འདིར༔ གཉིས་མེད་བརྟན་པར་བཞུགས་སུ་གསོལ༔ ཨཱོཾ་ཨགྣཱེ་ཡེ་དེ་ཝ་བཛྲ་ས་མ་ཡ་ཨ་ཝེ་ཤ་ཡ་ཏིཥྛ་ལྷན༔ ཕྱག་འཚལ་བ་ནི༔ ཧཱུྃ༔ དྲང་སྲོང་ཆེན་པོ་མེ་ཡི་ལྷ༔ གཟི་བརྗིད་འབར་བ་ལྟ་ན་སྡུག༔ འཕྲིན་ལས་ཀུན་བདག་ཐུགས་རྗེ་ཅན༔ གུས་པའི་ཡིད་ཀྱིས་ཕྱག་འཚལ་བསྟོད༔ ཨཱོཾ་ཨགྣཱེ་ཡེ་དེ་ཝ་ཨ་ལ་ལ་ཨ་ཏི་པུ་ཧོ༔ མཆོད་པ་ནི༔ ཧཱུྃ༔ མེ་ཏོག་བདུག་སྤོས་མར་མེ་དྲི༔ ཞལ་ཟས་སྒྲ་སྙན་གདུང་བའི་དབྱངས༔ ཕྱི་མཆོད་འདོད་ཡོན་ལོངས་སྤྱོད་ཚོགས༔ དྲང་སྲོང་མེ་ལྷའི་ཚོགས་ལ་འབུལ༔ ཨཱོཾ་ཨགྣཱེ་ཡེ་བཛྲ་པུཥྤེ་དྷཱུ་པེ་ཨཱ་ལོ་ཀེ་གྷནྡྷེ་ནཻ་ཝི་དྱ་ཤཔྟ་པཱུ་ཙ་མེ་གྷ་ཨཱཿཧཱུྃ་སྭཱ་ཧཱ༔ ཧཱུྃ༔ རཀྟ་དམར་གྱི་ཡོན་ཆབ་དང་༔ དབང་པོ་ལྔ་ཡི་མེ་ཏོག་ཚོགས༔ ཤ་ཆེན་རྣམ་ལྔའི་བདུག་སྤོས་དང་༔ ཞུན་ཆེན་སྣང་གསལ་མར་མེ་མཆོག༔ བདུད་རྩི་ལྔ་ལྡན་བྱུག་པ་དང་༔ རྣམ་དག་མཆོག་གི་ཞལ་ཟས་སོགས༔ བླ་མེད་ནང་གི་མཆོད་པ་འདི༔ དྲང་སྲོང་མེ་ལྷའི་ཚོགས་ལ་འབུལ༔ ཨཱོཾ་ཨགྣཱེ་ཡེ་ཛྙཱ་ན་སརྦ་པཱུ་ཙ་ཁཱ་ཧི་ཁཱ་ཧི༔ ཧཱུྃ༔ རྩ་བརྒྱད་སྟོང་སྦྱར་ཨ་མྲྀ་ཏ༔ རཀྟ་དམར་ཀྱི་རྒྱ་མཚོ་དང་༔ བྷ་ལིང་རྒྱན་ལྡན་གཏོར་མའི་ཚོགས༔ གྷ་ན་ཙཀྲ་ལོངས་སྤྱོད་རྫས༔ བླ་མེད་གསང་བའི་མཆོད་པ་འདི༔ ཡེ་ཤེས་མེ་ལྷའི་ཚོགས་ལ་འབུལ༔ ཨཱོཾ་ཨགྣཱེ་ཡེ་བཛྲ་སརྦ་པཉྩ་ཨ་མྲྀ་ཏ་རཀྟ་བྷ་ལིངྟ་གྷ་ན་པཱུ་ཙ་ཁ་ཁ་ཁཱ་ཧི་ཁཱ་ཧི༔ འབྲོག་འབྲང་འབུལ་བ་ནི༔ ཧཱུྃ༔ གསུར་ཆེན་དང་ནི་ཤ་ཆེན་དྲི༔ སྐྱེ་བའི་རྒྱུ་ལས་བྱུང་བ་འདི༔ ཡེ་ཤེས་མེ་ལྷའི་ཚོགས་ལ་འབུལ༔ སརྦ་ཤ་ཏྲུཾ་ཨ་མུ་ཀ་མཱ་ར་ཡ་ཧཱུྃ་ཕཊ༔ ཡམ་ཤིང་འབུལ་བ་ནི༔ ཧཱུྃ༔ ཙན་དན་དཀར་པོ་དྲི་ཞིམ་སྤོས༔ གཉིས་སུ་མེད་པར་འབུལ་ལགས་ན༔ བཞེས་ནས་ནད་གདོན་བར་གཅོད་ཚོགས༔ ཞི་བའི་འཕྲིན་ལས་གྲུབ་པར་མཛོད༔ ཨཱོཾ་ཨགྣཱེ་ཡེ་གྷནྡྷེ་དེ་ཝ་ཨ་སྱ་ཧ་ན་ཡ་བདག་སོགས་སེམས་ཅན་ཐམས་ཅད་ཀྱི་ནད་གདོན་སྡིག་སྒྲིབ་མི་མཐུན་པའི་ཚོགས་ཐམས་ཅད་དང་ཁྱད་པར་གཟི་བརྗིད་ཕུན་སུམ་ཚོགས་པ་ལ་བར་དུ་གཅོད་པ་ཐམས་ཅད་ཤཱནྟིང་ཀུ་རུ་ཡེ་སྭཱ་ཧཱ༔ མར་ཁུ་འབུལ་བ་ནི༔ མེ་ལྷའི་ལྗགས་རྡོ་རྗེའི་རྣམ་པ་ཅན་དཀར་པོ་ལ་རཾ་དང་དགང་བླུགས་ཀྱི་ཁར་ཧཱུྃ་ཡིག་འོད་ཟེར་དང་ལྡན་པས་མཚན་པར་གྱུར་པར་བསམས་ཤིང་། ལག་གཡོན་ཁུ་ཚུར་བཅིང་བའི་སྟེང་ན་མཐེ་བོས་བཀབ་པ་དེ་བཞིན་གཤེགས་པའི་ཁུ་ཚུར་བྱས་པའི་མཛུབ་མོ་བརྐྱང་བ་གན་རྐྱལ་བྱས་པས་དགང་གཟར་མར་ཁུས་བཀང་བ་བཟུང་། གཡས་པའང་དེ་བཞིན་དུ་བྱས་པ་ཁ་འཐུར་དུ་སྦུབ་པས་བླུགས་གཟར་གྱི་ཡུ་བ་བཟུང་བ་གཡོན་པའི་མཛུབ་མོའི་ཐད་ཀར་གཡས་པའི་ཁུ་ཚུར་བཞག་སྟེ་དགང་གཟར་གྱི་ཁར་བླུགས་གཟར་གྱི་མགོ་བཞག་ནས་འཛིན་པ་བྱང་ཆུབ་མཆོག་གི་ཕྱག་རྒྱས་ལག་པ་གཉིས་པུས་མོའི་ནང་ལས་མི་འདའ་བར་གཡས་སུ་བསྐོར་ཏེ་འབུལ་ཞིང་། ཨོཾ་ཨགྣཱེ་ཡེ་གྷནྡྷེ་སྭཱ་ཧཱ༔ ནད་གདོན་ཐམས་ཅད་ཤཱནྟིང་ཀུ་རུ་ཡེ་སྭཱ་ཧཱ༔ ཏིལ་ལ། ཨཱོཾ་སརྦ་པཱ་པཾ་ད་ཧ་ན་བཛྲཱ་ཡ་སྭཱ་ཧཱ༔ སྡིག་པ་ཐམས་ཅད་ཤཱནྟི་ཀུ་རུ་སྭཱ་ཧཱ༔ ཡུངས་ཀར་ལ། ཨཱོཾ་སརྦ་ཨཪྠ་ས་དྷཱ་ཡ་སྭཱ་ཧཱ༔ བགེགས་ཐམས་ཅད་ཤཱནྟིང་ཀུ་རུ་ཡེ་སྭཱ་ཧཱ༔ ཟན་སྣ་ལ། ཨཱོཾ་སརྦ་སཾ་བྷ་དེ་སྭཱ་ཧཱ༔ བདེ་བ་མཆོག་ལ་བར་དུ་གཅོད་པ་ཐམས་ཅད་ཤཱནྟིང་ཀུ་རུ་ཡེ་སྭཱ་ཧཱ༔ དཱུརྦ་ལ། ཨཱོཾ་བཛྲ་ཨཱ་ཡུ་ཥེ་སྭཱ་ཧཱ༔ ཚེ་མཐར་ཕྱིན་པ་ལ་བར་དུ་གཅོད་པ་ཐམས་ཅད་ཤཱནྟིང་ཀུ་རུ་ཡེ་སྭཱ་ཧཱ༔ འབྲས་ལ། ཨཱོཾ་བཛྲ་པཱུཥྟ་ཡེ་སྭཱ་ཧཱ༔ བསོད་ནམས་རྒྱས་པ་ལ་བར་དུ་གཅོད་པ་ཐམས་ཅད་ཤཱནྟིང་ཀུ་རུ་ཡེ་སྭཱ་ཧཱ༔ སོ་བ་ལ། ཨོཾ་བཛྲ་བྷི་ཛཱ་ཡེ་སྭཱ་ཧཱ༔ ནོར་དང་འབྲུ་རྒྱས་པ་ལ་བར་དུ་གཅོད་པ་ཐམས་ཅད་ཤཱནྟིང་ཀུ་རུ་ཡེ་སྭཱ་ཧཱ༔ ནས་ལ། ཨཱོཾ་མ་ཧཱ་བེ་གྷ་ཡ་སྭཱ་ཧཱ༔ མྱུར་བའི་ཤུགས་ཕུན་སུམ་ཚོགས་པ་ལ་བར་དུ་གཅོད་པ་ཐམས་ཅད་ཤཱནྟིང་ཀུ་རུ་ཡེ་སྭཱ་ཧཱ༔ སྲན་མ་ལ། ཨཱོཾ་བཛྲ་མ་ཧཱ་བ་ལཱ་ཡ་སྭཱ་ཧཱ༔ སྟོབས་རྒྱས་པ་ལ་བར་དུ་གཅོད་པ་ཐམས་ཅད་ཤཱནྟིང་ཀུ་རུ་ཡེ་སྭཱ་ཧཱ༔ གྲོ་ལ། ཨཱོཾ་བཛྲ་གྷསྨ་རེ་སྭཱ་ཧཱ༔ ནད་མེད་པ་ཕུན་སུམ་ཚོགས་པ་ལ་བར་དུ་གཅོད་པ་ཐམས་ཅད་ཤཱནྟིང་ཀུ་རུ་ཡེ་སྭཱ་ཧཱ༔ ཀུ་ཤ་ལ། ཨཱོཾ་ཨ་པྲ་ཏི་ཧ་ཏ་བཛྲ་ཡ་སྭཱ་ཧཱ༔ སྲུང་བ་མཆོག་ལ་བར་དུ་གཅོད་པ་ཐམས་ཅད་ཤཱནྟིང་ཀུ་རུ་ཡེ་སྭཱ་ཧཱ༔ ཕྲུམ་ལ། ཨཱོཾ་ཨཱཿསྭཱ་ཧཱ༔ ལོངས་སྤྱོད་ཕུན་སུམ་ཚོགས་པ་ལ་བར་དུ་གཅོད་པ་ཐམས་ཅད་ཤཱནྟིང་ཀུ་རུ་ཡེ་སྭཱ་ཧཱ༔ འབྲུ་སྣ་ལ། ཨཱོཾ་ཛྲིཾ་སྭཱ་ཧཱ༔ མངའ་ཐང་ཕུན་སུམ་ཚོགས་པ་ལ་བར་དུ་གཅོད་པ་ཐམས་ཅད་ཤཱནྟིང་ཀུ་རུ་ཡེ་སྭཱ་ཧཱ༔ ཤིང་ཐོག་ལ། ཨཱོཾ་ཤྲཱི་བ་ཡ་སྭཱ་ཧཱ༔ དཔལ་ཕུན་སུམ་ཚོགས་པ་ལ་བར་དུ་གཅོད་པ་ཐམས་ཅད་ཤཱནྟིང་ཀུ་རུ་ཡེ་སྭཱ་ཧཱ༔ དར་སྣ་ལ། ཨཱོཾ་བཛྲ་ཝཱསྟྲ་ཡེ་སྭཱ་ཧཱ༔ བསོད་ནམས་ཕུན་སུམ་ཚོགས་པ་ལ་བར་དུ་གཅོད་པ་ཐམས་ཅད་ཤཱནྟིང་ཀུ་རུ་ཡེ་སྭཱ་ཧཱ༔ སྲེག་རྫས་སྔགས་མེད་པའི་རིགས་ཐམས་ཅད་ལ། ཨཱོཾ་ཀུ་རུ་ཀུ་རུ་སྭཱ་ཧཱ༔ མདོར་ན་མི་མཐུན་པའི་ཕྱོགས་ཐམས་ཅད་ཤཱནྟིང་ཀུ་རུ་ཡེ་སྭཱ་ཧཱ༔ དེ་ནས་ཚིགས་བཅད་ཀྱིས་དབུལ་བ་ནི༔ ཧཱུྃ༔ གཟི་བརྗིད་འཆང་བ་མེ་ཡི་ལྷ༔ སྦྱིན་སྲེག་མཆོད་པ་འདི་བཞེས་ལ༔ ནད་གདོན་སྡིག་སྒྲིབ་བར་གཅོད་བགེགས༔ ཞི་བའི་འཕྲིན་ལས་མཛད་དུ་གསོལ༔ ཨཱོཾ་ཨགྣཱེ་ཡེ་ས་པ་རི་ཝ་ར་ཨ་རྒྷཾ་ནས། ཤཔྟ་སརྦ་པཉྩ་ཨ་མྲྀ་ཏ་མ་ཧཱ་རཀྟ་བྷ་ལིངྟ་གྷ་ན་པཱུ་ཙ་ཁ་ཁ་ཁཱ་ཧི་ཁཱ་ཧི༔ བསྡུས་པར་བྱེད་ན་ཚིགས་བཅད་འདིའི་མཇུག་ཏུ་མཆོད་པ་གོང་མ་རྣམས་ཕུལ་ཀྱང་རུང་། དེ་ནས་བསྟོད་པ་ནི༔ ཧཱུྃ༔ ཚངས་པ་འཇིག་རྟེན་མགོན་གྱི་སྲས༔ མེ་ལྷའི་རྒྱལ་པོ་དྲང་སྲོང་མཆོག༔ འཕྲིན་ལས་ཐམས་ཅད་བསྒྲུབ་པའི་ལྷ༔ རིགས་སྔགས་དྲང་སྲོང་གྲུབ་པའི་ཚུལ༔ འོད་འབར་བསྐལ་མེའི་ཕྲེང་བ་ཅན༔ མཐུ་སྟོབས་རྫུ་འཕྲུལ་བསམ་མི་ཁྱབ༔ ཐབས་ཀྱི་ཐེག་པ་ར་ལ་བཅིབས༔ བགྲང་ཕྲེང་འཛིན་ཞིང་རིག་སྔགས་གསུང་༔ ཚངས་སྐུད་དྲི་མེད་ཅོད་པན་སྤྲས༔ གཉིས་མེད་ཐུགས་རྗེ་ཆེར་མངའ་བའི༔ མགོན་པོ་ཁྱོད་ལ་ཕྱག་འཚལ་བསྟོད༔ ཅེས་བརྗོད༔ འཕྲིན་ལས་བཅོལ་བ་ནི༔ ཧཱུྃ༔ དྲང་སྲོང་ཆེན་པོ་གཟི་བརྗིད་འཆང་བའི་གར༔ འབར་བའི་ལྷ་ཆེན་ཡབ་ཡུམ་སྲས་འཁོར་བཅས༔ དམ་རྫས་འབར་བའི་མེ་མཆོད་འདི་འབུལ་བས༔ ཞི་བའི་འཕྲིན་ལས་བསྒྲུབ་པའི་དུས་ལ་བབས༔ ཅེས་འཕྲིན་ལས་བཅོལ༔ བཛྲ་མུཿས་མེ་ལྷའི་ཡེ་ཤེས་པ་ཐབ་ཀྱི་ཤར་ལྷོར་གཤེགས་ཏེ་བཞུགས་པར་གྱུར༔ གཉིས་པ་ཡེ་ཤེས་པའི་མེ་ལྷ་མཆོད་པ་ནི། མེ་ཐབ་ཏུ་རྡོ་རྗེས་བསང་ཆུ་འཐོར་ཞིང་༔ ཨཱོཾ་སྭ་བྷ་ཝའི་སྔགས་ཀྱིས་སྦྱངས༔ མེ་ལྷའི་ལྟོ་བ་ཟབ་ལ་རྒྱ་ཆེ་ནང་། །བྷྲཱུྃ་འཕྲོས་དབང་དྲག་རོལ་པའི་གཞལ་ཡས་ཁང་༔ ཅེས་པ་ནས་མཆོད་པ་རྫོགས་མཚམས་ཡན་ལས་བྱང་བཞིན་བྱ། དེ་ནས་སྲེག་རྫས་རྣམས་འབུལ་ཚེ་ཡེ་ཤེས་ཀྱི་མེ་ལྷ་འཁོར་དང་བཅས་པས་དགྱེས་པར་བཞེས་ཏེ་ཟག་པ་མེད་པའི་དབྱིངས་སུ་ཐུགས་དམ་གྱི་རྒྱུད་ཡོངས་སུ་སྐོངས་ཏེ་ཇི་ལྟར་གསོལ་བ་བཏབ་པའི་ལས་རབ་འབྱམས་མངོན་པར་བསྒྲུབ་པར་བསམས་ལ། ཡམ་ཤིང་ལ། ཧཱུྃ༔ ཙན་དན་དཀར་པོ་དྲི་ཞིམ་སྤོས། གཉིས་སུ་མེད་པར་འབུལ་ལགས་ན། །བཞེས་ནས་ནད་གདོན་བར་གཅོད་ཚོགས། །ཞི་བའི་འཕྲིན་ལས་གྲུབ་པར་མཛོད། །ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་ཨགྣཱེ་ཡེ་གྷནྡྷེ་དེ་ཝ་ཨ་སྱ་ཧ་ན་ཡ། །བདག་སོགས་སེམས་ཅན་ཐམས་ཅད་སྡིག་སྒྲིབ་ནད་གདོན་མི་མཐུན་པའི་ཕྱོགས་ཐམས་ཅད་དང་། ཁྱད་པར་དུ་གཟི་བརྗིད་ཕུན་སུམ་ཚོགས་པ་ལ་བར་དུ་གཅོད་པ་ཐམས་ཅད་ཤཱནྟིང་ཀུ་རུ་ཡེ་སྭཱ་ཧཱ༔ མར་ཁུ་ལ། ལྷ་ཚོགས་ཐམས་ཅད་ཀྱི་ལྗགས་རྡོ་རྗེའི་རྣམ་པ་ཅན་དཀར་པོ་ལ་རཾ་དང་དགང་བླུགས་ཀྱི་ཁར་ཧཱུྃ་ཡིག་འོད་ཟེར་དང་བཅས་པས་མཚན་པར་གྱུར་པར་བསམས་ཤིང་། ཧཱུྃ༔ བདུད་རྩིའི་བཅུད་ལྡན་སྙིང་པོའི་མར། རྟ་མཆོག་རྒྱལ་པོའི་ལྷ་ཚོགས་ལ། །གུས་པས་འབུལ་ལོ་བཞེས་ནས་ཀྱང་། །ནད་གདོན་བགེགས་ཚོགས་ཞི་བར་མཛོད། །ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་ཨགྣཱེ་ཡེ་གྷནྡྷེ་སྭཱ་ཧཱ༔ ནད་གདོན་ཐམས་ཅད་ཤནྟིང་ཀུ་རུ་ཡེ་སྭཱ་ཧཱ༔ ཏིལ་ལ། ཧཱུྃ༔ ཞི་བའི་རྫས་སུ་བསྔགས་པའི་ཏིལ། །རྟ་མཆོག་རྒྱལ་པོ་འཁོར་བཅས་ལ། །འབུལ་ལོ་དགྱེས་པར་བཞེས་ནས་ཀྱང་། །སྡིག་ལྟུང་མཐའ་དག་ཞི་བར་མཛོད། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་སརྦ་པཱ་བཾ་ད་ཧ་ན་བཛྲཱ་ཡ་སྭཱ་ཧཱ༔ སྡིག་པ་ཐམས་ཅད་ཤནྟིང་ཀུ་རུ་ཡེ་སྭཱ་ཧཱ༔ ཡུངས་ཀར་ལ། ཡུངས་ཀར་བགེགས་འཇོམས་ཁྲོ་བོའི་མཚོན། །རྟ་མཆོག་རྒྱལ་པོ་འཁོར་བཅས་ལ། །བློ་ཡིས་བླངས་ཏེ་འབུལ་ལགས་ན། །བགེགས་དཔུང་མ་ལུས་ཞི་བར་མཛོད། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་སརྦ་ཨཪྠ་ས་དྷཱ་ཡ་སྭཱ་ཧཱ༔ བགེགས་ཐམས་ཅད་ཤནྟིང་ཀུ་རུ་ཡེ་སྭཱ་ཧཱ༔ ཟས་སྣ་ལ། རོ་བརྒྱ་ལྡན་པ་ལྷ་ཡི་ཟས། །རྟ་མཆོག་རྒྱལ་པོ་ལ་འབུལ་གྱིས། །དམིགས་མེད་ཀློང་དུ་བཞེས་ནས་ཀྱང་། །བདེ་བའི་བར་གཅོད་ཀུན་ཞི་མཛོད། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་སརྦ་སཾ་བྷ་དེ་སྭཱ་ཧཱ༔ བདེ་བ་མཆོག་ལ་བར་དུ་གཅོད་པ་ཐམས་ཅད་ཤནྟིང་ཀུ་རུ་ཡེ་སྭཱ་ཧཱ༔ དཱུརྦ་ལ། བཀྲ་ཤིས་དཱུརྦ་འཆི་མེད་རྫས། །རྟ་མཆོག་རྒྱལ་པོ་འཁོར་བཅས་ལ། །འབུལ་བས་དགྱེས་པ་ཡོངས་བསྐྱེད་དེ། །ཚེ་ཡི་བར་ཆད་ཡོངས་ཞི་མཛོད། །ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་བཛྲ་ཨ་ཡུ་ཥེ་སྭཱ་ཧཱ༔ ཚེ་མཐར་ཕྱིན་པ་ལ་བར་དུ་གཅོད་པ་ཐམས་ཅད་ཤནྟིང་ཀུ་རུ་ཡེ་སྭཱ་ཧཱ༔ འབྲས་ལ། བཀྲེས་པའི་གུད་པ་ཡོངས་སེལ་བའི། །འབྲས་དཀར་ས་ལུ་ལྷ་ཡི་ཟས། རྟ་མཆོག་རྒྱལ་པོ་ལ་འབུལ་གྱིས། །བསོད་ནམས་ལ་འཚེ་ཀུན་ཞི་མཛོད། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་བཛྲ་པུཥྟཱ་ཡེ་སྭཱ་ཧཱ༔ བསོད་ནམས་རྒྱས་པ་ལ་བར་དུ་གཅོད་པ་ཐམས་ཅད་ཤནྟིང་ཀུ་རུ་ཡེ་སྭཱ་ཧཱ༔ སོ་བ་ལ། ཡིད་འོང་རྣམ་པར་རྒྱལ་བའི་འབྲུ། །སོ་བ་ཟས་ཀྱི་མཆོག་དམ་པ། །རྟ་མཆོག་རྒྱལ་པོ་ལ་འབུལ་གྱིས། །འབྲུ་ནོར་ལ་འཚེ་ཀུན་ཞི་མཛོད། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་བཛྲ་བི་ཛཱ་ཡ་སྭཱ་ཧཱ༔ ནོར་དང་འབྲུ་རྒྱས་པ་ལ་བར་དུ་གཅོད་པ་ཐམས་ཅད་ཤནྟིང་ཀུ་རུ་ཡེ་སྭཱ་ཧཱ༔ ནས་ལ། དབུལ་བ་རྒྱུན་གཅོད་བསྐལ་བཟང་ནས། རྟ་མཆོག་རྒྱལ་པོ་འཁོར་བཅས་ལ། །འབུལ་ལོ་མྱུར་བའི་ཤུགས་དག་ལ། །བར་དུ་གཅོད་པ་ཞི་བར་མཛོད། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་མ་ཧཱ་བེ་གྷཱ་ཡ་སྭཱ་ཧཱ༔ མྱུར་བའི་ཤུགས་ཕུན་སུམ་ཚོགས་པ་ལ་བར་དུ་གཅོད་པ་ཐམས་ཅད་ཤནྟིང་ཀུ་རུ་ཡེ་སྭཱ་ཧཱ༔ སྲན་མ་ལ། རོ་བཅུད་ཕུལ་ཕྱིན་སྲན་མའི་འབྲུ། །རྟ་མཆོག་རྒྱལ་པོ་འཁོར་བཅས་ལ། །ཐོགས་མེད་བློ་ཡིས་འབུལ་ལོ་བཞེས། །སྟོབས་ལ་འགོག་པ་ཞི་བར་མཛོད། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་བཛྲ་མ་ཧཱ་བ་ལཱ་ཡ་སྭཱ་ཧཱ༔ སྟོབས་རྒྱས་པ་ལ་བར་དུ་གཅོད་པ་ཐམས་ཅད་ཤནྟིང་ཀུ་རུ་ཡེ་སྭཱ་ཧཱ༔ གྲོ་ལ། སྐྱེ་འགྲོའི་སྲོག་གི་ཟུངས་འཛིན་གྲོ། །རྟ་མཆོག་རྒྱལ་པོ་ལ་འབུལ་ན། །བརྩེ་བའི་ཐུགས་ཀྱིས་བཞེས་ནས་ཀྱང་། །ནད་མེད་རིང་འཚོའི་གེགས་ཞི་མཛོད། །ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ནད་མེད་པ་ཕུན་སུམ་ཚོགས་པ་ལ་བར་དུ་གཅོད་པ་ཐམས་ཅད་ཤནྟིང་ཀུ་རུ་ཡེ་སྭཱ་ཧཱ༔ ཀུ་ཤ་ལ། བྱང་ཆུབ་མཆོག་ལྡན་ཀུ་ཤའི་རྩྭ། །རྟ་མཆོག་རྒྱལ་པོ་ལ་འབུལ་ན། །དགྱེས་ཤིང་ཚིམ་པར་ཡོངས་བཞེས་ནས། །བསྲུང་བའི་གོ་བཤིག་གེགས་ཞི་མཛོད། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་ཨ་པྲ་ཏི་ཧ་ཏ་བཛྲཱ་ཡ་སྭཱ་ཧཱ༔ སྲུང་བ་མཆོག་ལ་བར་དུ་གཅོད་པ་ཐམས་ཅད་ཤནྟིང་ཀུ་རུ་ཡེ་སྭཱ་ཧཱ༔ ཕྲུམ་ལ། དཀར་གསུམ་བདུད་རྩི་ལས་བྱུང་ཕྲུམ། །རྟ་མཆོག་རྒྱལ་པོར་འབུལ་ལགས་ན། །ལོངས་སྤྱོད་ཕུན་སུམ་ཚོགས་པ་ལ། །བར་དུ་གཅོད་པ་ཞི་བར་མཛོད། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་ཨཱཿསྭཱ་ཧཱ༔ ལོངས་སྤྱོད་ཕུན་སུམ་ཚོགས་པ་ལ་བར་དུ་གཅོད་པ་ཐམས་ཅད་ཤནྟིང་ཀུ་རུ་ཡེ་སྭཱ་ཧཱ༔ འབྲུ་སྣ་ལ། ཕུན་ཚོགས་གཏེར་ལྡན་སྣ་ཚོགས་འབྲུ། རྟ་མཆོག་རྒྱལ་པོ་འཁོར་བཅས་ལ། །གུས་པས་འབུལ་ལོ་བརྩེ་བས་བཞེས། །མངའ་ཐང་ལ་འཁུའི་གེགས་ཞི་མཛོད། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་ཛྲིཾ་སྭཱ་ཧཱ༔ མངའ་ཐང་ཕུན་སུམ་ཚོགས་པ་ལ་བར་དུ་གཅོད་པ་ཐམས་ཅད་ཤནྟིང་ཀུ་རུ་ཡེ་སྭཱ་ཧཱ༔ ཤིང་ཐོག་ལ། བདུད་རྩིའི་རོ་བཅུད་ཉེར་སྨིན་པའི། །ཡིད་འོང་ལྗོན་པའི་རིན་ཆེན་འབྲས། །རྟ་མགྲིན་རྒྱལ་པོར་འབུལ་ལགས་ན། །དཔལ་ལ་གནོད་པ་ཞི་བར་མཛོད། །ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་བཛྲ་ཤྲཱི་བ་ཡ་སྭཱ་ཧཱ༔ དཔལ་ཕུན་སུམ་ཚོགས་པ་ལ་བར་དུ་གཅོད་པ་ཐམས་ཅད་ཤནྟིང་ཀུ་རུ་ཡེ་སྭཱ་ཧཱ༔ དར་སྣ་ལ། དབང་པོའི་གཞུ་ཡི་ཚོན་བཀྲ་བའི། །སྲབ་འཇམ་ཡང་བ་ལྷ་ཡི་གོས། །རྟ་མཆོག་རྒྱལ་པོའི་ཚོགས་ལ་འབུལ། །བསོད་ནམས་འཕེལ་བའི་གེགས་ཞི་མཛོད། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་བཛྲ་ཝསྟྲ་ཡེ་སྭཱ་ཧཱ༔ བསོད་ནམས་རྣམ་པར་རྒྱས་པ་ལ་བར་དུ་གཅོད་པ་ཐམས་ཅད་ཤནྟིང་ཀུ་རུ་ཡེ་སྭཱ་ཧཱ༔ རྫས་སྔགས་མེད་པའི་སྲེག་རྫས་ཐམས་ཅད་ལ་ཕྱོགས་གཅིག་ཏུ། མི་ཟད་འདོད་དགུའི་ལོངས་སྤྱོད་རྫས། ཀུན་ཏུ་བཟང་པོའི་མཆོད་པའི་སྤྲིན། །རྟ་མཆོག་རྒྱལ་པོ་ལ་འབུལ་གྱིས། །མི་མཐུན་ཚོགས་ཀུན་ཞི་བར་མཛོད། །ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་ཀུ་རུ་ཀུ་རུ་སྭཱ་ཧཱ༔ མདོར་ན་མི་མཐུན་པའི་ཚོགས་ཐམས་ཅད་ཤཱནྟིང་ཀུ་རུ་ཡེ་སྭཱ་ཧཱ༔ ཞེས་འབུལ་གསུམ་པ་རྗེས་ཀྱི་རིམ་པ་ནི། ཧཱུྃ། རྟ་མཆོག་རྒྱལ་པོའི་ལྷ་ཚོགས་ལ། །མཆོད་པའི་བྱེ་བྲག་འབུལ་བ་ནི། །ཕྱི་མཆོད་ཉེར་སྤྱོད་རྣམ་པ་ལྔ། །ནང་མཆོད་ཤ་ལྔ་བདུད་རྩི་ལྔ། །གསང་མཆོད་བྱང་སེམས་བདེ་སྟོང་རྒྱུན། །ཐབས་མཆོག་མཐར་ཕྱིན་བདུད་རྩི་དང་། །ཤེས་རབ་མཐར་ཕྱིན་རཀྟ་དམར། །སྐུ་གསུམ་ཀློང་དུ་བཞེས་ནས་ཀྱང་། །མཆོག་དང་ཐུན་མོང་དངོས་གྲུབ་སྩོལ། །ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་ས་པ་རི་ཝཱ་ར་ཨརྒྷཾ་ནས། ཤཔྟ་པཉྩ་རཀྟ་བྷ་ལིངྟ་པཱུ་ཙ་ཁཱ་ཧི༔ ཞེས་པས་མཆོད། དེ་ནས་བསྟོད་པ་ནི། ཧཱུྃ་ཧྲཱི༔ འོག་མིན་གསང་ཆེན་རོལ་པའི་མཁའ་དབྱིངས་ནསཿ
ཞེས་པ་ནས། བཀའ་སྲུང་དམ་ཅན་རྒྱ་མཚོར་ཕྱག་འཚལ་བསྟོད༔ ཅེས་པའི་བར་ལས་བྱང་བཞིན་བསྟོད། དེ་ནས་དངོས་གྲུབ་བླང་བ་ནི། ཟས་སྣ་འདོད་ཡོན་བཏེགས་སྟེ། ཧཱུྃ། ཆོས་དབྱིངས་ནམ་མཁའ་ཡངས་པའི་ཀློང་རུམ་ནས། །འཕགས་མཆོག་རྟ་མགྲིན་དཀྱིལ་འཁོར་ལྷ་ཡི་ལྷ། །བླ་མ་ཡི་དམ་དྲང་སྲོང་མེ་ལྷའི་ཚོགས། །བུམ་པ་བཟང་དང་དཔག་བསམ་ནོར་བུའི་ཚུལ། །འཕྲིན་ལས་རྣམ་པ་བཞི་ཡི་དངོས་གྲུབ་སྩོལ། །འོད་དཔག་མེད་མགོན་བཀའ་བརྒྱུད་བླ་མའི་ཚོགས། །སྤྲོས་བྲལ་ཆོས་སྐུ་མངོན་གྱུར་དངོས་གྲུབ་སྩོལ། །འཕགས་པ་སྤྱན་རས་གཟིགས་དབང་ལོངས་སྐུའི་ཚོགས། །ཕྱག་རྒྱ་ཆེན་པོའི་དངོས་གྲུབ་སྩལ་དུ་གསོལ། །གུ་རུ་པདྨ་འབྱུང་གནས་སྤྲུལ་པའི་སྐུ། །འཆི་མེད་ཚེ་ཡི་དངོས་གྲུབ་སྩལ་དུ་གསོལ། །ཡེ་ཤེས་མེ་ལྷ་འཕྲིན་ལས་ཀུན་གྱི་བདག །ནད་གདོན་ཞི་བའི་དངོས་གྲུབ་སྩལ་དུ་གསོལ། །མཆོག་དང་ཐུན་མོང་དངོས་གྲུབ་མ་ལུས་པ། །མྱུར་བ་ཉིད་དུ་བདག་ལ་སྩལ་དུ་གསོལ༔ ཨཱོཾ་ཨཱ་ཧཱུྃ་བཛྲ་གུ་རུ་དེ་ཝ་དྷཀྐི་ནི་མ་མ་སརྦ་སིདྡྷི་པུཥྟིང་ཀུ་རུ་ཡེ་སྭཱ་ཧཱ༔ ཞེས་དངོས་གྲུབ་བླང་ཞིང་ལོངས་སྤྱོད། བཟོད་གསོལ་ནི༔ ཡེ་ཤེས་མེ་ལྷ་དྲང་སྲོང་བདག་ལ་དགོངས། །བདག་གིས་འཕྲིན་ལས་མེ་མཆོད་ཆོ་ག་འདི། །ཚུལ་བཞིན་བགྱིད་པར་སེམས་ཀྱང་ནོར་དང་འཁྲུལ། །ལྷག་གམ་ཆད་དམ་སྒྲ་ཉམས་རྫས་མ་འཛོམ། །ཏིང་འཛིན་ཀློང་དུ་མ་གྱུར་ཉེས་བྱས་ཚོགས། །ཉམས་ཆག་ཉེས་ལྟུང་སྡིག་སྒྲིབ་མཐོལ་ལོ་བཤགས། །ཚངས་པ་མཆོག་གི་དངོས་གྲུབ་སྩལ་དུ་གསོལ། །ཞེས་ཡི་གེ་བརྒྱ་པས་ལྷག་ཆད་བསྐང་། ཨཱོཾ་ཁྱེད་ཀྱིས་སེམས་ཅན་དོན་ཀུན་མཛོད། །རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་ནས། །སླར་ཡང་འབྱོན་པར་མཛད་དུ་གསལ། །ཨཱོཾ་བཛྲ་མུཿ ཞེས་ཡེ་ཤེས་པ་གཤེགས། དམ་ཚིག་པ་རང་ལ་བསྡུ༔ སླར་ཡང་འཇིག་རྟེན་པའི་མེ་ལྷ་དཔང་པོར་བཞུགས་པ་བཛྲ་ས་མ་ཛ༔ དམ་ཚིག་པ་དང་གཉིས་སུ་མེད་པར་གྱུར་པ་ལ་གཏང་རག་གི་མཆོད་བསྟོད་དང་སྲེག་རྫས་རྣམས་སྔར་མེ་ལྷ་མཆོད་པའི་སྐབས་ལྟར་ཕུལ་རྗེས་གཏོར་མ་ལ་ཡང་། ཨཱོཾ་ཨགྣཱེ་ཡེ་ས་པ་རི་ཝཱ་ར་ཨི་དམ་བྷ་ལིངྟ་པཱུ་ཙ་ཁཱ་ཧི། གསུམ་གྱིས་ཕུལ་ལ་འདོད་དོན་ལ་གསོལ་བ་གདབ། སླར། ཨཱོཾ་ཨགྣཱེ་ཡེ་ས་པ་རི་ཝཱ་ར་ཨརྒྷཾ་ནས། ཤཔྟའི་བར་གྱིས་མཆོད། ཧཱུྃ། དྲང་སྲོང་ཆེན་པོ་མེ་ཡི་ལྷ། །གཟི་བརྗིད་འབར་བ་ལྟ་ན་སྡུག །འཕྲིན་ལས་ཀུན་བདག་ཐུགས་རྗེ་ཅན། །གུས་པའི་ཡིད་ཀྱིས་ཕྱག་འཚལ་བསྟོད། །ཅེས་བསྟོད། གཤེགས་གསོལ་ནི། ཧཱུྃ། དྲང་སྲོང་ཆེན་པོ་མེ་ཡི་ལྷ། །འབར་བའི་འཕྲིན་ལས་བསྒྲུབ་མཛད་ནས། །རང་བཞིན་གནས་སུ་གཤེགས་ནས་ཀྱང་། །སླར་ཡང་རྗེས་མཐུན་དངོས་གྲུབ་སྩོལ། །ཨཱོཾ་ཨགྣཱེ་ཡེ་དྷེ་ཝ་བྷྱཿབཛྲ་མུ༔ ཞེས་བརྗོད། ཤིས་བརྗོད་ནི། ཧཱུྃ་ཧྲཱི༔ ཆོས་དབྱིངས་ཀུན་ཁྱབ་ཡངས་པ་ཐུགས་རྗེའི་ལྷ༔ གནས་ལུགས་སྙིང་པོ་རྟོགས་པའི་བཀྲ་ཤིས་ཤོག༔ ཅེས་པ་ནས། དབང་བཅུའི་དཔལ་ལ་སྤྱོད་པའི་བཀྲ་ཤིས་ཤོག༔ ཅེས་པའི་བར་དང་། བསྔོ་བ་ནི། ཧཱུྃ། རྟ་མཆོག་དབང་གི་ལྷ་ཚོགས་རྣམས། སྦྱིན་སྲེག་མཆོད་བསྟོད་ཕུལ་བའི་མཐུས། །ཐུགས་དམ་གཉན་པོ་སྐོང་གྱུར་ཅིག །འཕྲིན་ལས་རྣམ་བཞི་ཐོག་མེད་སྒྲུབས། །བདག་སོགས་འགྲོ་བ་སེམས་ཅན་མ་ལུས་པ། །རྩ་གསུམ་ལྷ་ཚོགས་གོ་འཕང་ཐོབ་པར་ཤོག །སྨོན་ལམ་ནི། ཧོ༔ ཕྲིན་ལས་མེ་ཡིས་ཏིང་འཛིན་བསྒོམ་བསྒྲུབ་མཐུས། །དེང་ནས་བཟུང་སྟེ་ཚེ་རབས་ཐམས་ཅད་དུ། །ལས་བཞིའི་འཕྲིན་ལས་གང་བརྩམས་ལྷུན་གྲུབ་ནས། །མ་འབད་བཞིན་དུ་མཆོག་ཐུན་ཡོངས་གྲུབ་སྟེ། །དངོས་གྲུབ་རྒྱ་མཚོའི་དཔལ་ལ་སྤྱོད་པར་ཤོག །ཅེས་བརྗོད། དཔལ་རྟ་མགྲིན་དྲེགས་པ་ཟིལ་གནོན་གྱི་ཞི་བའི་སྦྱིན་སྲེག་འདི་ཡང་ཧོར་པཎ་ཆེན་ངག་དབང་འཇམ་དབྱངས་བློ་ལྡན་གྱིས་མཛད་པའི་མ་རིག་མུན་སེལ་གྱི་ཞི་བའི་སྦྱིན་སྲེག་ལྟར་དུ་གཏེར་སྒྲོམ་འདིའི་མ་ཚང་བའི་ཁ་སྐོང་གི་སྐོར་ལ་གཅིག་ཤེས་ཀུན་གྲོལ་གྱི་ཆིངས་ལྟར་སྦྱར་ན་ལག་ལེན་བདེ་བར་སེམས་ཏེ་ཁོ་བོ་ཉི་མ་གྲགས་པས་དཔལ་ལྡན་སྟག་མོ་སྒང་དུ་སྦྱར་བ་འདིས་ཀྱང་བསྟན་འགྲོའི་དོན་རྒྱ་ཆེན་པོ་འབྱུང་བར་གྱུར་ཅིག །མངྒ་ལཾ།། །།
རྒྱས་པའི་སྦྱིན་སྲེག
རྟ་མགྲིན་དྲེགས་པ་ཟིལ་གནོན་གྱི་རྒྱས་པའི་སྦྱིན་སྲེག་བཞུགས་སོ། །བླ་མ་དང་བཅོམ་ལྡན་འདས་དཔལ་དྲེགས་པ་ཟིལ་གནོན་གྱི་ལྷ་ཚོགས་རྣམས་ལ་ཕྱག་འཚལ་ལོ། །དེ་ཉིད་ཀྱི་སྒོ་ནས་རྒྱས་པའི་སྦྱིན་སྲེག་བྱེད་པར་འདོད་པ་ལ་སྔོན་འགྲོ་དང་དངོས་གཞི་རྗེས་གསུམ་ལས། དང་པོ་ནི། གནས་དབེན་ཞིང་ཡིད་དུ་འོང་བ་ཤིང་རྩི་དང་ལོ་འབྲས་རྒྱས་ཤིང་སེར་ལ་དངས་པའི་སར། ས་མ་དུལ་བའི་རིགས་ལ་སྒྲུབ་ཆེན་ཞིག་ནས་འབྱུང་བ་ལྟར་ས་བརྟག་བླང་སྦྱང་བ་དང་། ལྟོ་འཕྱེ་བརྟག་པ་སོགས་ཚུལ་བཞིན་བྱས་པའི་ས་ལ། མཎྜལ་མདའ་གང་གྲུ་བཞི་པའི་ཁར་རྒྱས་པར་བྱེད་ན་ལྷ་གྲངས་དང་མཉམ་པའི་པད་འདབ། བསྡུ་ན་འདབ་བཞི་ལྟེ་བ་ཟླུམ་པོར་གཙོ་བོ་དང་། པད་འདབ་ལ་ཡབ་ཡུམ་སྲས་གསུམ་ཕྱག་རྡོར་གྱི་ས་བོན་ནམ་ཕྱག་མཚན་ཚོན་གྱིས་བྲི་ཞིང་། དེའི་ཕྱི་རོལ་གྲུ་བཞིར་བཅད་པའི་ཁ་ཁྱེར་ལ་རིན་པོ་ཆེས་མཚན་པ་འབྲི། རྒྱ་ཤུག་སོགས་རྒྱས་པའི་ཤིང་གུར་གུམ་གྱི་ཁུ་བ་ལ་དྲི་བཟང་བཏབ་པས་ཁ་དོག་བསྒྱུར་གྲུ་བཞིར་བརྩེགས་ལ། གཡས་སུ་རྒྱས་པའི་ཤིང་སོར་བཅུ་གཉིས་པ་གྲུ་བཞིར་བཞོགས་ལ་རྩེ་མོར་མེ་ཏོག་གིས་མཚན་པ་ལ་ཚེ་བསོད་དཔལ་འབྱོར་ཐམས་ཅད་པུཥྟིཾ་ཀུ་རུ་ཡེ་སྭཱ་ཧཱ། ཞེས་པའི་འདོད་གསོལ་བྲིས་པ་ལ་སྦྲང་རྩི་དང་ཏིལ་མར་གྱིས་སྦགས་པ་གྲངས་ལྡན། མར་ཁུ། ཏིལ། ཡུངས་ཀར། ཟས་སྣ། དཱུརྦ། འབྲས། སོ་བ། ནས། སྲན་མ། གྲོ། ཀུ་ཤ། ཕྲུམ། འབྲུ་སྣ། དར་སྣ། ཤིང་ཐོག་སྟེ་སྤྱི་རྫས་དང་། །ཁྱད་པར་གྱི་རྫས་གུར་གུམ། གིའུ་ཝང་། བུ་རམ། སྦྲང་རྩི། གསེར། དར་སེར། སྤོས་ཤེལ། ཤིང་འབྲས་སྣ་ཚོགས་སོགས་སེར་ཆས་རྒྱས་རྫས་གང་འབྱོར་བཤམས། གཡོན་དུ་འཇིག་རྟེན་དང་འཇིག་རྟེན་ལས་འདས་པའི་མེ་ལྷར་ཆུ་གཉིས་སྔོན་དུ་འགྲོ་བའི་ཉེར་སྤྱོད་སྨན་རག་གཏོར་མ་དང་། མདུན་དུ་རྡོར་དྲིལ། ཌཱ་མ་རུ། ཀུ་ཤ་རླུང་གཡབ། དགང་གཟར་བླུགས་ཁ་སྦྱར་ཏེ་མ་བྲལ་བ་ལས་བུམ་རྣམས་བཤམས། །དྲེགས་པ་ཟིལ་གནོན་གྱི་ལས་བྱང་གཞུང་བསྲང་། ལྷག་གཏོར་ཡན་གྲུབ་ནས་ལས་བུམ་བསངས་སྦྱངས། པད་ཟླར་བྷྲཱུྃ་ལས་བུམ་པ་བཅུད་ལྡན་དབུས། །རྟ་མགྲིན་དམར་པོ་རྡོ་རྗེ་དྲིལ་བུ་འཛིན། །ཕག་མོ་ཡུམ་འཁྱུད་དཔལ་གྱི་ཆས་དགུ་རྫོགས། །རྟ་སྐད་འཚེར་ཞིང་གྱད་ཀྱི་དོར་སྟབས་བཞུགས། །སྐུ་ལས་རང་འདྲའི་ཁྲོ་ཆུང་དཔག་མེད་འཕྲོ། །གདོན་བགེགས་ཚར་བཅད་བུམ་པའི་ཆུ་དང་འདྲེས། །ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་ཧུ་ལུ་ཧུ་ལུ་ཧཱུྃ་ཕཊ། ཅེས་གང་མང་བཟླས་ལྷ་ཉིད་ཞུ་ནས་བུམ་པའི་ཆུ་ལ་ཐིམ། །བུམ་ཆུ་ནུས་ལྡན་བདུད་རྩིའི་རྒྱ་མཚོར་གྱུར། །གཉིས་པ་དངོས་གཞི་ནི། དར་སེར་གྱི་གོས་གསེར་སོགས་རིན་པོ་ཆེ་ལས་བྱས་པའི་རྒྱན་གྱིས་མཛེས་པར་བརྒྱན་ཏེ་བཞེངས་ནས་རོལ་མོ་འཁྲོལ་ཞིང་། སྭ་བྷཱ་ཝའི་སྔགས་ཀྱིས་སྦྱངས། སྟོང་པའི་ངང་ལས་རང་ཉིད་སྐད་ཅིག་གིས་དབང་ཆེན་ཁྲོ་བོའི་རྒྱལ་པོ་སྐུ་མདོག་དམར་ནག་མེའི་ཚ་ཚ་འཕྲོ་བ་ཞལ་གཅིག་ཕྱག་གཉིས་གཡས་རྡོ་རྗེ་ནམ་མཁར་འཕྱར་ཞིང་གཡོན་པས་དྲིལ་བུ་དཀུར་བརྟེན་པ་ཕག་མོ་ཡུམ་དང་མཉམ་པར་སྦྱོར་ཞིང་སྤྱི་བོའི་གཙུག་ནས་རྟ་གདོང་འཚེར་བས་ཁམས་གསུམ་དབང་དུ་སྡུད་ཅིང་ཞབས་གཉིས་བརྐྱང་བསྐུམ་དོར་སྟབས་སུ་བཞུགས་པའི་ཐུགས་ཀར་ཧྲཱི༔ ལས་དམར་ནག་མེའི་ཕྲེང་བ་ཕྱོགས་བཅུར་འཕྲོས་པས་གདོན་བགེགས་ལོག་འདྲེན་ཐམས་ཅད་རྒྱ་མཚོའི་ཕ་རོལ་དུ་བསྐྲད་ཅིང་ཐལ་བའི་རྡུལ་ལྟར་དུ་བརླགས་ཚུར་འདུས་རྡོ་རྗེའི་ས་གཞི་ར་གུར་འབར་བའི་ཕྲེང་བ་འཁྲུག་པ་དང་བཅས་པའི་བསྲུང་བའི་འཁོར་ལོར་གྱུར་པར་བསམས་ཤིང་། ཧཱུྃ། ང་ནི་རབ་འཇིགས་དབང་ཆེན་སྐུ། །ཉོན་ཅིག་བགེགས་དང་ལོག་འདྲེན་རྣམས། །འདི་རུ་མ་འདུག་གཞན་དུ་སོང་། །བསྒོ་བའི་བཀའ་ལ་མི་ཉན་ན། །དབང་ཆེན་ཁྲོས་པའི་ཐུགས་ཀ་ནས། །ཁྲོ་བོ་ཁྲོ་མོ་མཚོན་ཆ་དང་། །རབ་འབར་མེ་ཡི་ཕྲེང་བ་ཡིས། །ལུས་ངག་ཐལ་བའི་རྡུལ་དུ་གཏོང་། །དེ་བས་སྲིད་པ་གཞན་དུ་དེངས། །ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་གནོད་བྱེད་འབྱུང་པོ་ཨུ་ཙ་ཏ་ཡ་ཕཊ། ཨཱོཾ་སུམ་བྷ་ནི་སོགས་བརྗོད། །ཧཱུྃ། འཁོར་འདས་གདོད་ནས་དག་པ་ལ། །བགེགས་དང་ལོག་འདྲེན་མིང་མེད་ཀྱང་། །མ་རིག་འཁྲུལ་པའི་གཉིས་འཛིན་བགེགས། །རང་སྣང་ཆོས་སྐུའི་ཀློང་དུ་བསྟིམ། འགག་མེད་རིག་པའི་རང་རྩལ་ལས། །མི་ཤིགས་རྡོ་རྗེའི་ར་བ་དང་། །ཡེ་ཤེས་མེ་ཡི་གུར་ཁང་ལ། །སུས་ཀྱང་མི་ཆོད་མི་ཤིགས་པའི། །མཚམས་ཀྱི་དཀྱིལ་འཁོར་ལྷུན་གྱིས་གྲུབ། ཨཱོཾ་བཛྲ་རཀྵ་རཀྵ་ཧཱུྃ་བྷྲཱུྃ། ཞེས་བརྗོད་མེ་ཐབ་ལན་གསུམ་བསྐོར་ཏེ་ཁ་ལྷོར་ཕྱོགས་ཏེ་གདན་དུ་འཁོད་ཅིང་རྫས་དེ་རྣམས་ལ་བུམ་ཆུས་འཐོར་ཞིང་། །སྭ་བྷཱ་ཝའི་སྔགས་ཀྱིས་སྦྱངས། སྟོང་པའི་ངང་ལས་བྷྲཱུྃ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཨཱོཾ་ཨཱཿཧཱུྃ་འོད་དུ་ཞུ་བ་ལས་བྱུང་བའི་མཆོད་རྫས་དང་སྲེག་རྫས་ཀྱི་དངོས་པོ་རྣམས་ངོ་བོ་ཟག་པ་མེད་པའི་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོ་ལ་རྣམ་པ་སོ་སོའི་མཚན་ཉིད་འགོག་པ་མེད་པ་ཡོངས་སུ་འཆར་བའི་མཆོད་པའི་སྤྲིན་གྱི་ཕུང་པོ་མཐའ་ཡས་པ་རབ་འབྱམས་ནམ་མཁའི་མཐའ་དང་མཉམ་པར་གྱུར་ཨཱོཾ་ཨཱཿཧཱུྃ་ཨཱོཾ་ཧཱུྃ་ཏྲཱཾ་ཧྲཱིཿཨཱ༔ ཞེས་བདུན་ནམ་གསུམ་བརྗོད། དེ་ནས་བྲམ་ཟེའི་ཁྱིམ་ནས་མེ་བླངས་ལ་སྤར་ནས་རླུང་གཡབ་ཀྱིས་གཡབ་ཅིང་། ཧཱུྃ། གོས་དཀར་མོ་ཡི་ངོ་བོ་ཉིད། །འབྱུང་བ་མེ་ཡི་ལྷ་མོ་ཡིས། །ཚེ་བསོད་རྒྱས་པའི་མེ་སྤོར་ལ། །ཕན་བདེའི་ཕུན་ཚོགས་རྒྱས་པར་མཛོད། །དམ་ཚིག་སྒྲོལ་མའི་སྒྱུ་འཕྲུལ་གར། །སྟོབས་ལྡན་རླུང་ལ་དབང་བསྒྱུར་མས། །དྲི་བཞོན་ཁྲོས་པའི་ཤུག་དྲག་གིས། །བ་དན་གཡོབ་ལ་བྱིན་ཟ་སྤོར། །ཨགྣཱེ་ཡེ་ཛྭ་ལ་རཾ་རཾ། ཞེས་བརྗོད་ཞུན་མར་བླུགས་གཟར་བདུན་གྱིས་གསོ། དེ་ནས་ཀུ་ཤ་ཐོགས་ལ། ཨཱོཾ། ཀུ་ཤ་འདི་ནི་གཙང་ཞིང་དགེ། །རྩ་གསུམ་དཀོན་མཆོག་མཉེས་བྱེད་རྫས། །འདབ་ལྡན་ཀུན་གྱི་སྙིང་པོ་སྟེ། །བདག་གི་བགེགས་སོགས་མི་མཐུན་ཚོགས། །ཞི་ཞིང་ཤིས་པར་མཛད་དུ་གསོལ། །ཨཱོཾ་བཛྲ་སཏྭ་ཨཱཿ ཞེས་ཐབ་ཀྱི་ཁ་ཁྱེར་ལ་ཕྱོགས་བཞིར་རྩེ་མོ་འོང་བར་བྱས་ཏེ་སྔ་མའི་རྩེས་ཕྱི་མའི་རྩ་བ་ནོན་པར་བ་ལང་གི་རྣ་བའི་དབྱིབས་སུ་དགྲམ་མོ། གཉིས་པ་དངོས་གཞི་ལ། འཇིག་རྟེན་པ་དང་འདས་པའི་མེ་ལྷ་མཆོད་པ་གཉིས་ལས། དང་པོ་ལྷ་བསྐྱེད་པ་ནི། སྭ་བྷཱ་ཝས་སྦྱངས། མེ་ཐབ་མི་དམིགས་སྟོང་པའི་ངང་། །སྟོང་པའི་རང་རྩལ་འགག་མེད་ལས། །རིན་ཆེན་ལས་གྲུབ་གཞལ་ཡས་ཁང་། །གྲུ་བཞི་སྒོ་བཞི་རྟ་བབས་སོགས། །མཚན་ཉིད་ཡོངས་རྫོགས་ལྟེ་བ་ལ། །པདྨ་ཟླ་བའི་གདན་སྟེང་དུ། །རཾ་གྱི་ཡི་གེ་ལས་བྱུང་བའི། །དྲང་སྲོང་ཆེན་པོ་མེ་ཡི་ལྷ། །སྐུ་མདོག་གསེར་སྦྱངས་བཙོ་མའི་མདོག །ཞལ་གཅིག་ཕྱག་ནི་གཉིས་པ་སྟེ། གཡས་གཡོན་མེ་རླུང་བ་དན་བསྣམས། །རྩལ་ལྡན་ར་སྐྱེས་ཁམས་པ་ཆིབས། །སྣ་ཚོགས་དར་དང་རིན་པོ་ཆེའི། །རྒྱན་རྣམས་ཀུན་གྱིས་རྣམ་པར་བརྒྱན། །ཞི་འཛུམ་སྒེག་པའི་ཉམས་དང་ལྡན། །འབར་བའི་ཕྲེང་བ་འཁྲིགས་པ་ཡི། །དབུས་ན་བཞུགས་པའི་གནས་གསུམ་དུ། །ཡི་གེ་གསུམ་གྱིས་མཚན་པ་ལས། །ལྕགས་ཀྱུ་ལྟ་བུའི་འོད་ཟེར་གྱིས། །རང་དང་འདྲ་བའི་ཡེ་ཤེས་པ། །རང་བཞིན་གནས་ནས་སྤྱན་དྲངས་གྱུར། །སྤྱན་འདྲེན་ནི། ཨཱོཾ་ཚུར་སྤྱོན་འབྱུང་བ་མེ་ཡི་ལྷ། །ཆིབས་སུ་ར་སྐྱེས་ཁམས་པ་བཅིབས། །མེ་རླུང་བ་དན་ཕྱག་ན་བསྣམས། །གནས་འདིར་སྤྱན་འདྲེན་གཤེགས་སུ་གསོལ། །ཚེ་དང་བསོད་ནམས་དཔལ་འབྱོར་རྣམས། །རབ་ཏུ་རྒྱས་པར་བྱ་བའི་ཕྱིར། །རང་བཞིན་དག་པའི་གནས་མཆོག་ནས། །དམ་ཚིག་དབང་གིས་གཤེགས་སུ་གསོལ། །ཨཱོཾ་ཨགྣཱི་དེ་ཝ་རཱ་ཛ་ས་པ་རི་ཝཱ་ར་བཛྲ་ས་མཱ་ཛ༔ བཞུགས་སུ་གསོལ་བ་ནི། ཧཱུྃ། དྲང་སྲོང་ཆེན་པོ་འཁོར་དང་བཅས། །འབར་བ་མེ་ཡི་གཞལ་ཡས་འདིར། །རིན་པོ་ཆེ་དང་པད་ཟླའི་ཁྲིར། །མི་གཡོ་དགྱེས་ཤིང་བརྟན་པར་བཞུགས། །བཛྲ་ས་མ་ཡ་ཏིཥྛ་ལྷན། ཕྱག་འཚལ་བ་ནི། ཧཱུྃ། གཟི་བརྗིད་འབར་བ་སྣང་བའི་གཏེར། །རབ་འབྱམས་འཕྲིན་ལས་སྒྲུབ་པའི་ལྷ། །འདོད་དགུ་འཇོ་བའི་ཡིད་བཞིན་ནོར། །མེ་ཡི་ལྷ་ལ་ཕྱག་འཚལ་ལོ། །ཨ་ལ་ལ་ཧོ༔ ཨ་ཏི་པུ་ཧོ༔ པྲ་ཏིཙྪ་ཧོ༔ མཆོད་པ་ནི། ཧཱུྃ། དངོས་བཤམས་ཡིད་ལས་བྱུང་བ་ཡི། །མེ་ཏོག་བདུག་སྤོས་མར་མེ་དྲི། །རོ་ལྡན་ཞལ་ཟས་སྙན་པའི་སྒྲ། །ཤ་ལྔ་བདུད་རྩི་རྣམ་པ་ལྔ། །བདུད་རྩི་སྨན་དང་རཀྟ་དམར། །དམ་རྫས་བརྗིད་ལྡན་གཏོར་མ་སོགས། །ནམ་མཁའ་གང་བའི་མཆོད་པའི་སྤྲིན། །བློ་ཡིས་བླངས་ཏེ་འབུལ་ལགས་ན། །དགྱེས་པར་བཞེས་ལ་འཕྲིན་ལས་མཛོད། །ཨཱོཾ་ཨགྣཱི་དེ་ཝ་རཱ་ཛ་ས་པ་རི་ཝཱ་ར་ཨ་རྒྷཾ་ནས། ཤཔྟ་ཨ་མྲི་ཏ་རཀྟ་བྷ་ལིངྟ་པཱུ་ཙ་ཁཱ་ཧི། བསྟོད་པ་ནི། ཧཱུྃ། གཟི་བརྗིད་ལྡན་པ་མེ་ཡི་ལྷ། །གསེར་མདོག་རིན་ཆེན་རྒྱན་གྱིས་བརྒྱན། །ཐབས་ཤེས་ཕྱག་ན་མེ་རླུང་བསྣམས། །ཞི་འཛུམ་བརྗིད་པའི་ལང་ཚོར་ལྡན། །མྱུར་བའི་ཤུགས་ལྡན་ར་སྐྱེས་ཆིབས། །མི་ཟད་འཕྲིན་ལས་རྒྱ་མཚོའི་མཛོད། །བསྲེག་བྱ་ཟ་བའི་ལྷ་ལ་བསྟོད། །དེ་ནས་བྱོན་ཟན་འབུལ་བ་ནི། མེ་ལྷའི་ལྗགས་རྡོ་རྗེའི་རྣམ་པ་ཅན་སེར་པོ་ལ་རཾ་དང་དགང་བླུགས་ཀྱི་ཁར་ཧཱུྃ་ཡིག་འོད་ཟེར་དང་ལྡན་པས་མཚན་པར་གྱུར་པར་བསམས་ཤིང་། ལག་གཡོན་ཁུ་ཚུར་བཅིངས་པའི་སྟེང་ན་མཐེ་བོང་གིས་བཀབ་པ་དེ་བཞིན་གཤེགས་པའི་ཁུ་ཚུར་བྱས་བའི་མཛུབ་མོ་བརྐྱང་བ་གན་རྐྱལ་བྱས་པས་དགང་གཟར་མར་ཁུས་བཀང་བ་བཟུང་། །གཡས་པའང་དེ་བཞིན་བྱས་པ་ཁ་མཐུར་དུ་སྦུབ་པས་བླུགས་གཟར་གྱི་ཡུ་བ་བཟུང་བ་གཡོན་པའི་མཛུབ་མོའི་ཐད་ཀར་གཡས་པའི་ཁུ་ཚུར་བཞག་སྟེ་དགང་གཟར་གྱི་ཁར་བླུགས་གཟར་གྱི་མགོ་བཞག་ནས་འཛིན་པ་བྱང་ཆུབ་མཆོག་གི་ཕྱག་རྒྱས་ལག་པ་གཉིས་པུས་མོའི་ནང་ནས་ཕྱིར་མི་འདའ་བར་གཡས་སུ་བསྐོར་ཏེ་འབུམ་ཞིང་། །ཨཱོཾ་ཨགྣཱེ་ཡེ་ཨ་དི་བྱ་ཨ་དི་བྱ་ཨ་བི་ཤ་ཨ་བི་ཤ་མ་ཧཱ་ཤྲཱི་ཧ་བྱ་ཀ་བྱ་བཱ་ཧ་ན་ཡེ་སྭཱ་ཧཱ། ཨཱོཾ་ཨགྣཱེ་ཡེ་སྭཱ་ཧཱ། བདག་ཅག་དཔོན་སློབ་འཁོར་དང་བཅས་པའི་ཚེ་བསོད་དཔལ་འབྱོར་ཐམས་ཅད་པུཥྟིང་ཀུ་རུ་ཡེ་སྭཱ་ཧཱ། ཞེས་འབུལ། ཡམ་ཤིང་ལ། ཨཱོཾ་བོ་དྷི་བྲྀཀྵ་ཡེ་སྭཱ་ཧཱ། བདག་ཅག་དཔོན་སློབ་འཁོར་དང་བཅས་པའི་ཚེ་བསོད་དཔལ་འབྱོར་ཐམས་ཅད་པུཥྟིང་ཀུ་རུ་ཡེ་སྭཱ་ཧཱ། མར་ཁུ་ལ། ཨཱོཾ་ཨགྣཱེ་ཡེ་སྭཱ་ཧཱ། བདག་ཅག་དཔོན་སློབ་འཁོར་དང་བཅས་པའི་ཚེ་བསོད་དཔལ་འབྱོར་ཐམས་ཅད་པུཥྟིང་ཀུ་རུ་ཡེ་སྭཱ་ཧཱ། ཏིལ་ལ། ཨཱོཾ་སརྦ་པཱ་པཾ་ད་ཧ་ན་བཛྲཱ་ཡ་སྭཱ་ཧཱ། བདག་ཅག་དཔོན་སློབ་འཁོར་དང་བཅས་པའི་ཚེ་བསོད་དཔལ་འབྱོར་ཐམས་ཅད་པུཥྟིང་ཀུ་རུ་ཡེ་སྭཱ་ཧཱ། ཡུངས་ཀར་ལ། ཨཱོཾ་སརྦ་ཨརྠ་ས་དྷཱ་ཡ་སྭཱ་ཧཱ། བདག་ཅག་དཔོན་སློབ་འཁོར་དང་བཅས་པའི་ཚེ་བསོད་དཔལ་འབྱོར་ཐམས་ཅད་པུཥྟིང་ཀུ་རུ་ཡེ་སྭཱ་ཧཱ། ཟས་སྣ་ལ། ཨཱོཾ་སརྦ་སཾ་བྷ་དེ་སྭཱ་ཧཱ། བདག་ཅག་དཔོན་སློབ་འཁོར་དང་བཅས་པའི་ཚེ་བསོད་དཔལ་འབྱོར་ཐམས་ཅད་པུཥྟིང་ཀུ་རུ་ཡེ་སྭཱ་ཧཱ། དཱུརྦ་ལ། ཨཱོཾ་བཛྲ་ཨཱ་ཡུ་ཥེ་སྭཱ་ཧཱ། བདག་ཅག་དཔོན་སློབ་འཁོར་དང་བཅས་པའི་ཚེ་བསོད་དཔལ་འབྱོར་ཐམས་ཅད་པུཥྟིང་ཀུ་རུ་ཡེ་སྭཱ་ཧཱ། འབྲས་ལ། ཨཱོཾ་བཛྲ་པུཥྟ་ཡེ་སྭཱ་ཧཱ། བདག་ཅག་དཔོན་སློབ་འཁོར་དང་བཅས་པའི་ཚེ་བསོད་དཔལ་འབྱོར་ཐམས་ཅད་པུཥྟིང་ཀུ་རུ་ཡེ་སྭཱ་ཧཱ། སོ་བ་ལ། ཨཱོཾ་བཛྲ་བི་ཛཱ་ཡ་སྭཱ་ཧཱ། བདག་ཅག་དཔོན་སློབ་འཁོར་དང་བཅས་པའི་ཚེ་བསོད་དཔལ་འབྱོར་ཐམས་ཅད་པུཥྟིང་ཀུ་རུ་ཡེ་སྭཱ་ཧཱ། ནས་ལ། ཨཱོཾ་མ་ཧཱ་བེ་གྷཱ་ཡ་སྭཱ་ཧཱ། བདག་ཅག་དཔོན་སློབ་འཁོར་དང་བཅས་པའི་ཚེ་བསོད་དཔལ་འབྱོར་ཐམས་ཅད་པུཥྟིང་ཀུ་རུ་ཡེ་སྭཱ་ཧཱ། སྲན་མ་ལ། ཨཱོཾ་བཛྲ་མ་ཧཱ་བ་ལཱ་ཡ་སྭཱ་ཧཱ། བདག་ཅག་དཔོན་སློབ་འཁོར་དང་བཅས་པའི་ཚེ་བསོད་དཔལ་འབྱོར་ཐམས་ཅད་པུཥྟིང་ཀུ་རུ་ཡེ་སྭཱ་ཧཱ། གྲོ་ལ། ཨཱོཾ་བཛྲ་གྷསྨ་རེ་སྭཱ་ཧཱ། བདག་ཅག་དཔོན་སློབ་འཁོར་དང་བཅས་པའི་ཚེ་བསོད་དཔལ་འབྱོར་ཐམས་ཅད་པུཥྟིང་ཀུ་རུ་ཡེ་སྭཱ་ཧཱ། ཀུ་ཤ་ལ། ཨཱོཾ་ཨ་པྲ་ཏི་ཧ་ཏ་བཛྲཱ་ཡ་སྭཱ་ཧཱ། བདག་ཅག་དཔོན་སློབ་འཁོར་དང་བཅས་པའི་ཚེ་བསོད་དཔལ་འབྱོར་ཐམས་ཅད་པུཥྟིང་ཀུ་རུ་ཡེ་སྭཱ་ཧཱ། ཕྲུམ་ལ། ཨཱོཾ་ཨཱཿསྭཱ་ཧཱ། བདག་ཅག་དཔོན་སློབ་འཁོར་དང་བཅས་པའི་ཚེ་བསོད་དཔལ་འབྱོར་ཐམས་ཅད་པུཥྟིང་ཀུ་རུ་ཡེ་སྭཱ་ཧཱ། འབྲུ་སྣ་ལ། ཨཱོཾ་ཛྲཱིཾ་སྭཱ་ཧཱ། བདག་ཅག་དཔོན་སློབ་འཁོར་དང་བཅས་པའི་ཚེ་བསོད་དཔལ་འབྱོར་ཐམས་ཅད་པུཥྟིང་ཀུ་རུ་ཡེ་སྭཱ་ཧཱ། ཤིང་ཐོག་ལ། ཨཱོཾ་བཛྲ་ཤྲཱི་བ་ཡ་སྭཱ་ཧཱ། བདག་ཅག་དཔོན་སློབ་འཁོར་དང་བཅས་པའི་ཚེ་བསོད་དཔལ་འབྱོར་ཐམས་ཅད་པུཥྟིང་ཀུ་རུ་ཡེ་སྭཱ་ཧཱ། དར་སྣ་ལ། ཨཱོཾ་བཛྲ་ཝསྟྲ་ཡེ་སྭཱ་ཧཱ། བདག་ཅག་དཔོན་སློབ་འཁོར་དང་བཅས་པའི་ཚེ་བསོད་དཔལ་འབྱོར་ཐམས་ཅད་པུཥྟིང་ཀུ་རུ་ཡེ་སྭཱ་ཧཱ། སྲེག་རྫས་སྔགས་མེད་པའི་རིགས་ཐམས་ཅད་ལ། ཨཱོཾ་ཀུ་རུ་ཀུ་རུ་སྭཱ་ཧཱ། བདག་ཅག་དཔོན་སློབ་འཁོར་དང་བཅས་པའི་ཚེ་བསོད་དཔལ་འབྱོར་ཐམས་ཅད་པུཥྟིང་ཀུ་རུ་ཡེ་སྭཱ་ཧཱ། དེ་ནས་མཆོད་པ་ནི། འཇིག་རྟེན་འདིའམ་གཞན་དག་ན། །ཕྱི་ནང་གསང་བ་དེ་ཁོ་ནའི། །མཆོད་པར་འོས་པའི་མཐུན་རྫས་རྣམས། །མེ་ལྷ་འཁོར་དང་བཅས་ལ་འབུལ། །ཨཱོཾ་ཨགྣཱི་ཡེ་ར་ཛ་ས་པ་རི་ཝཱ་ར་ཨ་རྒྷཾ་ནས། ཤཔྟ་ཨ་མྲྀ་ཏ་རཀྟ་བྷ་ལིངྟ་པཱུ་ཙ་ཁཱ་ཧི། བསྟོད་པ་ནི། ཧཱུྃ། འཇིག་རྟེན་དབང་ཕྱུག་ཚངས་པའི་སྲས། །གཟི་བརྗིད་ཉི་མ་འབུམ་དུ་འབར། །དགོས་འདོད་རེ་སྐོང་ནོར་བུའི་མཛོད། །ཕྲིན་ལས་མངའ་བདག་ཁྱོད་ལ་བསྟོད། །འཕྲིན་ལས་བཅོལ་བ་ནི། མེ་ལྷའི་རྒྱལ་པོ་ཁྱོད་ཉིད་ཀྱིས། །ཚེ་བསོད་མ་ལུས་རྒྱས་པ་དང་། །ཡེ་ཤེས་མེ་ཡི་ལས་རབ་འབྱམས། །མ་ལུས་གྲུབ་པར་མཛད་དུ་གསོལ། །ཨགྣཱེ་ཡེ་ཛྭ་ལ་གཙྪ་མུ༔ ས་ཡེ་ཤེས་ཀྱི་མེ་ལྷ་ཐབ་ཀྱི་ཤར་ལྷོར་གཤེགས་ནས་དཔང་པོ་མཛད་པར་གྱུར། །གཉིས་པ་འདས་པའི་མེ་ལྷ་མཆོད་པ་ནི། ཧཱུྃ་ཧྲཱི༔ དམ་ཚིག་མེ་ལྷའི་ལྟོ་བའི་ཀློང་། །ཟབ་ཅིང་རྒྱ་ཆེའི་ནང་ཉིད་དུ། །བྷྲཱུྃ་འཕྲོས་དབང་དྲག་རོལ་པའི་གཞལ་ཡས་ཁང་༔ ཅེས་པ་ནས། །བཀའ་སྲུང་དམ་ཅན་རྒྱ་མཚོར་ཕྱག་འཚལ་བསྟོད༔ ཅེས་བསྟོད་པས་ལྷ་ཚོགས་ཐམས་ཅད་སྐུ་མདོག་བཙོ་མའི་གསེར་ཀྱི་རི་བོ་ལ་ཉི་མ་བྱེ་བའི་འོད་ཀྱིས་འཁྱུད་པ་ལྟ་བུའི་སྐུ་ལས་འོད་ཟེར་གྱི་ཚོགས་མཐའ་ཡས་པར་འཕྲོས་པས་རང་གཞན་ཐམས་ཅད་ཀྱི་ལེགས་ཚོགས་ཀྱི་ཡོན་ཏན་མ་ལུས་པ་རྒྱ་ཆེར་རྒྱས་པར་མཛད་པའི་ལས་ལ་རྩེ་གཅིག་ཏུ་དགྱེས་པར་གྱུར་པར་མོས་ལ། བྱོན་ཟན་འབུལ་བ་ནི། ལྷ་ཚོགས་རྣམས་ཀྱི་ལྗགས་རྡོ་རྗེའི་རྣམ་པ་ཅན་སེར་པོ་ལ་རཾ་དང་དགང་བླུག་གི་ཁར་ཧཱུྃ་ཡིག་འོད་ཟེར་དང་ལྡན་པས་མཚན་པར་གྱུར་པར་བསམས་ལ། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་ཨགྣཱེ་ཡེ་ཨ་དི་བྱ་ཨ་དི་བྱ་ཨ་བི་ཤ་ཨ་བི་ཤ་མ་ཧཱ་ཤྲཱི་ཧཱ་བྱ་ཀ་བྱ་བཱ་ཧ་ན་ཡེ་སྭཱ་ཧཱ། བདག་ཅག་དཔོན་སློབ་འཁོར་དང་བཅས་པའི་ཚེ་བསོད་དཔལ་འབྱོར་ཐམས་ཅད་པུཥྟིང་ཀུ་རུ་ཡེ་སྭཱ་ཧཱ། ཞེས་མར་ཁུ་དགང་གཟར་བདུན་འབུལ། ཡམ་ཤིང་ལ། ཧཱུྃ། དྲི་ཞིམ་ངད་ལྡན་བྱང་ཆུབ་ཤིང་། །རྟ་མཆོག་དབང་གི་དཀྱིལ་འཁོར་ལྷ། །འཁོར་དང་བཅས་ལ་འབུལ་ལགས་ན། །ཚེ་དང་བསོད་ནམས་རྒྱས་པར་མཛོད། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་བོ་དྷི་བྲྀཀྵ་ཡེ་སྭཱ་ཧཱ། བདག་ཅག་དཔོན་སློབ་འཁོར་དང་བཅས་པའི་ཚེ་བསོད་དཔལ་འབྱོར་ཐམས་ཅད་པུཥྟིང་ཀུ་རུ་ཡེ་སྭཱ་ཧཱ། མར་ཁུ་ལ། རྩི་བཅུད་སྙིང་པོ་བསྡུས་པའི་མར། །བདུད་རྩི་མཆོག་གི་བཅུད་ལེན་དུ། །རྟ་མཆོག་དབང་གི་ལྷ་ཚོགས་ལ། །འབུལ་ལོ་ཚེ་བསོད་རྒྱས་པར་མཛོད། །ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་ཨགྣཱེ་ཡེ་སྭཱ་ཧཱ། བདག་ཅག་དཔོན་སློབ་འཁོར་དང་བཅས་པའི་ཚེ་བསོད་དཔལ་འབྱོར་ཐམས་ཅད་པུཥྟིང་ཀུ་རུ་ཡེ་སྭཱ་ཧཱ། །ཏིལ་ལ། མི་མཐུན་ཚོགས་རྣམས་ཞི་བྱེད་པའི། །རྫས་མཆོག་དམ་པ་ཏིལ་དཀར་འབྲུ། །རྟ་མཆོག་དབང་གི་ལྷ་ལ་འབུལ། །མི་ཤིགས་གཡུང་དྲུང་སྙིང་པོ་སྩོལ། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་སརྦ་པཱ་པཾ་ད་ཧ་ན་བཛྲ་ཡ་སྭཱ་ཧཱ། བདག་ཅག་དཔོན་སློབ་འཁོར་དང་བཅས་པའི་ཚེ་བསོད་དཔལ་འབྱོར་ཐམས་ཅད་པུཥྟིང་ཀུ་རུ་ཡེ་སྭཱ་ཧཱ། ཡུངས་ཀར་ལ། བགེགས་དཔུང་འཇོམས་ལ་ཆེས་དཔའ་བའི། །ཡུངས་ཀར་ཡེ་ཤེས་ཁྲོ་བོའི་མཚོན། །རྟ་མཆོག་དབང་གི་ལྷ་ལ་འབུལ། །ཚེ་དང་བསོད་ནམས་རྒྱས་པར་མཛོད། །ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་སརྦ་ཨཪྠ་ས་དྷཱ་ཡ་སྭཱ་ཧཱ། བདག་ཅག་དཔོན་སློབ་འཁོར་དང་བཅས་པའི་ཚེ་བསོད་དཔལ་འབྱོར་ཐམས་ཅད་པུཥྟིང་ཀུ་རུ་ཡེ་སྭཱ་ཧཱ། ཟས་སྣ། ལྷ་མིའི་དཔལ་འབྱོར་བསྡུས་པའི་ཟས། །ཟག་མེད་བདུད་རྩིར་བྱིན་བརླབས་ནས། །དབང་གི་ལྷ་ལ་འབུལ་ལགས་ན། །ཚེ་དང་བསོད་ནམས་རྒྱས་པར་མཛོད། །ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་སརྦ་སཾ་བྷ་དེ་སྭཱ་ཧཱ། བདག་ཅག་དཔོན་སློབ་འཁོར་དང་བཅས་པའི་ཚེ་བསོད་དཔལ་འབྱོར་ཐམས་ཅད་པུཥྟིང་ཀུ་རུ་ཡེ་སྭཱ་ཧཱ། དཱུརྦ་ལ། རྣམ་པ་ཀུན་ཏུ་བཀྲ་ཤིས་ཤིང་། །ཚེ་དང་ཡེ་ཤེས་སྤེལ་བའི་རྫས། །རྩྭ་མཆོག་དཱུརྦ་འབུལ་གྱིས་བཞེས། །བདེ་ལེགས་དབྱར་གྱི་མཚོ་བཞིན་བསྐྱིལ། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་བཛྲ་ཨཱ་ཡུ་ཥེ་སྭཱ་ཧཱ། བདག་ཅག་དཔོན་སློབ་འཁོར་དང་བཅས་པའི་ཚེ་བསོད་དཔལ་འབྱོར་ཐམས་ཅད་པུཥྟིང་ཀུ་རུ་ཡེ་སྭཱ་ཧཱ། འབྲས་ལ། འབྲས་དཀར་ས་ལུ་འབྲུ་ཡི་མཆོག །ཚེ་དང་ལོངས་སྤྱོད་རྒྱས་པའི་ཟས། །གུས་པའི་བློ་ཡིས་འབུལ་ལགས་ན། །ཚེ་དང་བསོད་ནམས་རྒྱས་པར་མཛོད། །ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་བཛྲ་པུཥྟ་ཡེ་སྭཱ་ཧཱ། བདག་ཅག་དཔོན་སློབ་འཁོར་དང་བཅས་པའི་ཚེ་བསོད་དཔལ་འབྱོར་ཐམས་ཅད་པུཥྟིང་ཀུ་རུ་ཡེ་སྭཱ་ཧཱ། སོ་བ་ལ། བཀྲེས་པའི་གདུང་བ་སེལ་བའི་སྨན། །རབ་མཆོག་དམ་པ་སོ་བའི་འབྲུ། །རྟ་མཆོག་དབང་གི་ལྷ་ལ་འབུལ། །ནོར་དང་འབྲུ་མཆོག་རྒྱས་པར་མཛོད། །ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་བཛྲ་བི་ཛཱ་ཡ་སྭཱ་ཧཱ། བདག་ཅག་དཔོན་སློབ་འཁོར་དང་བཅས་པའི་ཚེ་བསོད་དཔལ་འབྱོར་ཐམས་ཅད་པུཥྟིང་ཀུ་རུ་ཡེ་སྭཱ་ཧཱ། ནས་ལ། བསྐལ་པ་མཆོག་ཏུ་བཟང་པོའི་ནས། །སྔགས་དང་ཕྱག་རྒྱ་ཏིང་འཛིན་གྱིས། །བྱིན་གྱིས་བརླབས་ཏེ་འབུལ་ལགས་ན། །མྱུར་བའི་སྟོབས་ཤུགས་རྒྱས་པར་མཛོད། །ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་མ་ཧཱ་བེ་གྷཱ་ཡ་སྭཱ་ཧཱ། བདག་ཅག་དཔོན་སློབ་འཁོར་དང་བཅས་པའི་ཚེ་བསོད་དཔལ་འབྱོར་ཐམས་ཅད་པུཥྟིང་ཀུ་རུ་ཡེ་སྭཱ་ཧཱ། སྲན་མ་ལ། ཕུན་ཚོགས་རོ་ལྡན་སྲན་མའི་འབྲུ། །གུས་པའི་ཡིད་ཀྱིས་འབུལ་ལགས་ན། །བདག་ཅག་ཡོན་མཆོད་འཁོར་དང་བཅས། །བསོད་ནམས་སྟོབས་ཤུགས་རྒྱས་པར་མཛོད། །ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་བཛྲ་མ་ཧཱ་བ་ལཱ་ཡ་སྭཱ་ཧཱ། བདག་ཅག་དཔོན་སློབ་འཁོར་དང་བཅས་པའི་ཚེ་བསོད་དཔལ་འབྱོར་ཐམས་ཅད་པུཥྟིང་ཀུ་རུ་ཡེ་སྭཱ་ཧཱ། གྲོ་ལ། འབྲུ་མཆོག་རོ་བཅུད་ལྡན་པའི་གྲོ། །སྐྱེ་དགུའི་དབུལ་བ་རྒྱུན་བཅོད་འདི། །རྟ་མཆོག་རྒྱལ་པོ་ལ་འབུལ་གྱི། །ནད་མེད་ཕུན་ཚོགས་རྒྱས་པར་མཛོད། །ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་བཛྲ་གྷསྨ་རེ་སྭཱ་ཧཱ། བདག་ཅག་དཔོན་སློབ་འཁོར་དང་བཅས་པའི་ཚེ་བསོད་དཔལ་འབྱོར་ཐམས་ཅད་པུཥྟིང་ཀུ་རུ་ཡེ་སྭཱ་ཧཱ། ཀུ་ཤ་ལ། རྒྱལ་བས་བྱང་ཆུབ་བརྙེས་པའི་གདན། །དྭངས་ཤིང་ཡིད་འོང་ཀུ་ཤའི་རྩྭ། །འགྲོ་བའི་དོན་དུ་འབུལ་གྱིས་བཞེས། །སྲུང་བའི་གོ་ཆ་རྒྱས་པར་མཛོད། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་ཨ་པྲ་ཏི་ཧ་ཏ་བཛྲཱ་ཡ་སྭཱ་ཧཱ། བདག་ཅག་དཔོན་སློབ་འཁོར་དང་བཅས་པའི་ཚེ་བསོད་དཔལ་འབྱོར་ཐམས་ཅད་པུཥྟིང་ཀུ་རུ་ཡེ་སྭཱ་ཧཱ། །ཕྲུམ་ལ། རྩི་བཅུད་རྣམ་པར་རྒྱས་པ་ཡི། །ཕུན་ཚོགས་ལས་འོངས་བདུད་རྩི་ཕྲུམ། །རབ་ཏུ་དྭངས་བས་འབུལ་གྱིས་བཞེས། །འབྱོར་བ་ལོངས་སྤྱོད་རྒྱས་པར་མཛོད། །ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་ཨཱཿ སྭཱ་ཧཱ། བདག་ཅག་དཔོན་སློབ་འཁོར་དང་བཅས་པའི་ཚེ་བསོད་དཔལ་འབྱོར་ཐམས་ཅད་པུཥྟིང་ཀུ་རུ་ཡེ་སྭཱ་ཧཱ། འབྲུ་སྣ་ལ། འགྲོ་བ་ཀུན་གྱི་ཉེར་འཚོའི་གཞི། །བགྲངས་སུ་ཡས་པའི་སྣ་ཚོགས་འབྲུ། །དམིགས་མེད་ཀློང་དུ་བཞེས་ནས་ཀྱང་། །བདག་སོགས་མངའ་ཐང་རྒྱས་པར་མཛོད། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་ཛྲཱིཾ་སྭཱ་ཧཱ། བདག་ཅག་དཔོན་སློབ་འཁོར་དང་བཅས་པའི་ཚེ་བསོད་དཔལ་འབྱོར་ཐམས་ཅད་པུཥྟིང་ཀུ་རུ་ཡེ་སྭཱ་ཧཱ། ཤིང་ཐོག་ལ། རིན་པོ་ཆེ་ཡི་ལྗོན་པའི་ཤིང་། །ཕན་བདེའི་ལང་ཚོ་སྨིན་པའི་འབྲས། །རྟ་མཆོག་རྒྱལ་པོ་ལ་འབུལ་གྱིས། །དཔལ་དང་བཀྲ་ཤིས་རྒྱས་པར་མཛོད། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་བཛྲ་ཤྲཱི་བ་ཡ་སྭཱ་ཧཱ། བདག་ཅག་དཔོན་སློབ་འཁོར་དང་བཅས་པའི་ཚེ་བསོད་དཔལ་འབྱོར་ཐམས་ཅད་པུཥྟིང་ཀུ་རུ་ཡེ་སྭཱ་ཧཱ། དར་སྣ་ལ། རེག་ན་བདེ་བ་ལྷ་རྫས་ཀྱི། །སྣ་ཚོགས་གོས་བཟང་ལྟ་ན་སྡུག །རྟ་མཆོག་དབང་གི་ལྷ་ལ་འབུལ། །ཚེ་དང་བསོད་ནམས་རྒྱས་པར་མཛོད། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་བཛྲ་ཝསྟྲ་ཡེ་སྭཱ་ཧཱ། བདག་ཅག་དཔོན་སློབ་འཁོར་དང་བཅས་པའི་ཚེ་བསོད་དཔལ་འབྱོར་ཐམས་ཅད་པུཥྟིང་ཀུ་རུ་ཡེ་སྭཱ་ཧཱ། སྲེག་རྫས་སྔགས་མེད་པ་རྣམས་ལ། །རྒྱས་པའི་རྫས་སུ་ཉེར་བསྔགས་པའི། །འདོད་ཡོན་ལོངས་སྤྱོད་མཆོད་པའི་སྤྲིན། །མ་ཚང་མེད་པ་འདི་འབུལ་བས། །འདོད་དགུ་མ་ལུས་རྒྱས་པར་མཛོད། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་ཀུ་རུ་ཀུ་རུ་སྭཱ་ཧཱ། བདག་ཅག་དཔོན་སློབ་འཁོར་དང་བཅས་པའི་ཚེ་བསོད་དཔལ་འབྱོར་ཐམས་ཅད་པུཥྟིང་ཀུ་རུ་ཡེ་སྭཱ་ཧཱ། སླར་ཡང་། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་ཨགྣཱེ་ཡེ་སྭཱ་ཧཱ། བདུན་གྱིས་བྱོན་ཟན་ལྟར་གཤེགས་སྐྱེམ་འབུལ། ཧཱུྃ་ཧྲཱི༔ རྟ་མཆོག་དབང་གི་ལྷ་ཚོགས་ལ། །ཕྱི་དང་ནང་གི་ཉེར་སྤྱོད་ལྔ། །སྨན་རག་གཏོར་ཚོགས་མཆོད་པའི་སྤྲིན། །བཞེས་ནས་འཆི་མེད་དངོས་གྲུབ་སྩོལ། །ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་ཨརྒྷཾ་སོགས་ནས། །ཤཔྟ་ཨ་མྲྀ་ཏ་རཀྟ་བྷ་ལིངྟ་པཱུ་ཙ་ཁཱ་ཧི། ཅེས་པས་མཆོད་ཅིང་། །ཨཱོཾ་བཛྲ་ཏམྦུ་ལ་ཡེ་སྭཱ་ཧཱས་སོ་རྩི་དང་། ཨཱོཾ་བཛྲ་ཝསྟྲ་ཡེ་སྭཱ་ཧཱས་གོས་ཟུང་འབུལ། བསྟོད་པ། ཧཱུྃ་ཧྲཱི༔ འོག་མིན་གསང་ཆེན་ཆེན་རོལ་པའི་མཁའ་དབྱིངས་ནས༔ ཞེས་པ་ནས། བཀའ་སྲུང་དམ་ཅན་རྒྱ་མཚོར་ཕྱག་འཚལ་བསྟོད༔ ཅེས་པའི་བར་གྱིས་བསྟོད་ཅིང་། འཕྲིན་ལས་བཅོལ་བ་ནི། ཧོ༔ དུས་གསུམ་རྒྱལ་བ་ཀུན་གྱི་སྤྱི་གཟུགས། རིགས་དང་དཀྱིལ་འཁོར་ཀུན་གྱི་ཁྱབ་བདག །དཔལ་ཆེན་ཁྲོ་བོ་ཀུན་གྱི་སྤྱི་དཔལ། དམ་ཅན་རྒྱ་མཚོའི་ཚོགས་ཀྱི་ཡང་རྗེ། འཁོར་འདས་ཀུན་གྱི་སྤྱི་དཔལ་ཆེན་པོ་རྟ་མཆོག་དབང་གི་རྒྱལ་པོ་དྲེགས་པ་ཟིལ་གནོན། རིགས་བདག་ཆགས་པ་དམར་པོ། དྲིན་ཅན་རྩ་བརྒྱུད་ཀྱི་བླ་མ། འཇིགས་བྱེད་བྱ་ཁྱུང་རྒྱལ་པོ། རིགས་ལྔའི་རྟ་ཕག་ཡབ་ཡུམ། གནོད་སྦྱིན་བཛྲ་པཱ་ཎི། ལྷ་ཆེན་གུ་ལང་ནག་པོ། ཡུམ་ཆོག་ཨུ་མ་དྲག་མོ། སྲས་མཆོག་སྲིན་པོ་ཟངས་མཆེ། སྲོག་བདག་ཚངས་པ་དཀར་པོ། གཤིན་རྗེ་ཡ་མ་རཱ་ཛ། བཙན་རྒོད་ཡམ་ཤུད་དམར་པོ། འཆི་བདག་རལ་པ་ཚར་དགུ། ཀླུ་བདུད་ནཱ་ག་རཀྴ། གཟའ་རྒོད་ཁྱབ་འཇུག་ཆེན་པོ། དམ་ཅན་མགར་པ་ནག་པོ། མ་བདུད་ནག་མོ་རེ་ཏི། ཕྱི་ནང་གསང་བའི་སྡེ་བརྒྱད་དཔལ་མགོན་དམ་ཅན་སྲུང་མ་རྒྱལ་ཆེན་ལས་བྱེད་བྲན་གཡོག་སྐུ་འཁོར་དང་བཅས་པ་རྣམས་དང་། ཁྱད་པར་དུ་བཀའ་སྲུང་ལི་བྱིན་སྐུ་ལྔ་གཏེར་སྲུང་གྲི་བཙན་དམར་པོ་རོལ་པ་སྐྱ་བདུན་དང་བཅས་པ་ཁྱེད་རྣམས་ལ་སྲེག་བྱེད་མེའི་མཆོད་པས་མཉེས་པར་བྱས་ཏེ་འདོད་དོན་གྱི་འཕྲིན་ལས་གསོལ་བ་ནི། ཟག་མེད་མྱ་ངན་ལས་འདས་པའི་ཐུགས་རྗེ་དང་འཕྲིན་ལས་ཐམས་ཅད་བླ་ན་མེད་པའི་ཐུགས་རྗེའི་ཤུགས་ཀྱིས་དབང་དུ་སྡུས་ནས་བདག་ལ་རྫོགས་པར་མཛད་དེ་ཚེ་འདི་ཉིད་ལ་མངོན་པར་བྱང་ཆུབ་པར་མཛད་དུ་གསོལ། ཚངས་དབང་བརྒྱ་བྱིན་རྒྱལ་ཆེན་སྡེ་བཞི་འཁོར་ལོས་སྒྱུར་པའི་རྒྱལ་པོ་ལ་སོགས་པ་ཟག་བཅས་འཁོར་བའི་དཔལ་ཐམས་ཅད་དབང་དུ་བསྡུས་ནས་བདག་ལ་སྩལ་ཏེ་སྲིད་པའི་ཁམས་འདིར་དེང་ནས་བཟུང་སྟེ་བྱང་ཆུབ་ཀྱི་བར་དུ་མངོན་པར་མཐོ་བར་མཛད་དུ་གསོལ། འཇིག་རྟེན་ཁམས་ཀྱི་རྒྱལ་བློན་ཆེ་བཙུན་ཁ་དྲག་བཙུན་མོ་འབངས་དང་བཅས་པ་ཐམས་ཅད་རྗེས་ཆགས་སྙིང་རྗེའི་སྟོབས་ཀྱིས་དབང་དུ་སྡུས་ལ་བྱང་ཆུབ་ཆེན་པོ་ལ་འགོད་པའི་འཕྲིན་ལས་དམ་པ་མཛད་དུ་གསོལ། སྲིད་པ་གསུམ་གྱི་དཔལ་འབྱོར་ལོངས་སྤྱོད་རིན་ཆེན་འབྲུ་སྨན་རྐང་འགྲོ་སོགས་འབྱོར་བའི་དཔལ་ཐམས་ཅད་དབང་དུ་བསྡུས་ལ་བདག་ལ་སྩལ་ཏེ་ཚོགས་གཉིས་ཀྱི་འཕྲིན་ལས་མཐར་ཕྱིན་དུ་ཡོངས་རྫོགས་སུ་གྲུབ་པར་མཛད་དུ་གསོལ། འཁོར་འདས་ཀུན་གྱི་ཚེ་དཔལ་དང་འབྱོར་བ་ཐམས་ཅད་དབང་དུ་བསྡུས་ཏེ་བདག་ལ་སྩལ་ནས་སྲིད་ཞིའི་ཕུན་ཚོགས་ཐམས་ཅད་རབ་ཏུ་འཕེལ་ཞིང་རྒྱས་ནས་འཆི་མེད་ཚེ་དང་དཔལ་གྱི་དངོས་གྲུབ་འཐོབ་པར་མཛད་དུ་གསོལ། ཅེས་བརྗོད་ཟས་སྣ་རྣམས་དང་འབྲང་རྒྱས་སོགས་བཏེག་ཅིང་། །ཧཱུྃ་ཧྲཱི༔ དགོངས་ཤིག་ཐུགས་རྗེ་ཆེར་མངའ་བཅོམ་ལྡན་འདས༔ འཕགས་མཆོག་དབང་གི་ལྷ་ཚོགས་དགོངས་སུ་གསོལ༔ བསྐལ་པའི་མེ་ལྟར་འབར་བའི་ཀློང་དཀྱིལ་ནས༔ རྟ་གདོང་དྲག་པོར་ཁྲོས་པ་དྲེགས་པའི་གཤེད༔ སྙིང་རྗེ་ཆེན་པོའི་དབང་ཕྱུག་ཧེ་རུ་ཀ༔ གསང་སྔགས་དབང་མནོས་འདའ་དཀའ་ཁས་བླངས་ཀྱང་༔ ཤེས་རབ་ཟབ་མོའི་འབད་པ་རྔོ་མ་ཐོགས༔ ལྟ་སྒོམ་སྤྱོད་གསུམ་འགལ་གྱུར་ཉམས་ཆག་བཤགས༔ ཚངས་པར་སྩལ་ནས་མཆོག་དང་ཐུན་མོང་དཔལ༔ དབང་བཞིའི་ཡེ་ཤེས་སྐུ་བཞིར་མངོན་གྱུར་སྩོལ༔ ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་ཀཱ་ཡ་ཝཀྐ་ཙིཏྟ་སརྦ་སིདྡྷི་ཧཱུྃ་༔ ཞེས་བརྗོད་དམིགས་པ་གནད་དུ་གཟིར་ཏེ་དབང་བཞི་ལེན་པར་བྱའོ། །རྫས་དངོས་གྲུབ་ཏུ་རོལ། ཡི་གེ་བརྒྱ་པས་ལྷག་ཆད་བཀང་ཞིང་། མ་འབྱོར་པ་དང་ཉམས་པ་དང་། སོགས་ནོངས་པ་བཟོད་པར་གསོལ། ཧཱུྃ་ཧྲཱི༔ རྟོག་མེད་དབྱིངས་ལས་ཤར་བའི་གཙོ་དང་འཁོར༔ ནས༔ སླར་ཡང་བདག་ཅག་རྗེས་མཐུན་དངོས་གྲུབ་སྩོལ༔ ཅེས་ཡེ་ཤེས་པ་གཤེགས། དམ་ཚིག་པ་རང་ལ་བསྡུ་བ་ནི། ཧཱུྃ་ཧྲཱི༔ གསང་ཆེན་རོལ་པའི་དུར་ཁྲོད་གཞལ་ཡས་ཁང་༔ ཞེས་པ་ནས། མངོན་རྫོགས་བརྗོད་མེད་ཟང་ཐལ་སྤྲོས་དང་བྲལ༔ སླར་ཡང་འཇིག་རྟེན་གྱི་མེ་ལྷ་ཐབ་ཀྱི་ཤར་ལྷོར་བཞུགས་པ་ཨཱོཾ་བཛྲ་ས་མཱ་ཛ༔ དམ་ཚིག་པ་དང་གཉིས་སུ་མེད་པ་ལ་ཨརྒྷཾ་སོགས་ཀྱིས་མཆོད་ཅིང་། མེ་སྟེ་བསྲེག་བྱ་ཟ་བའི་ལྷ། །དྲང་སྲོང་རྒྱལ་པོ་གདོན་གྱི་བདག །ཤར་ལྷོ་མེ་ལྷའི་ཚོགས་བཅས་ལ། །མཆོད་ཅིང་བསྟོད་དེ་ཕྱག་ཀྱང་འཚལ། །དེ་ནས། ཨཱོཾ་ཨགྣཱེ་ཡེ་ཨ་དི་བྱ་ཨ་དི་བྱ་ཨ་བི་ཤ་ཨ་བི་ཤ་མ་ཧཱ་ཤྲཱི་ཧ་བྱ་ཀ་བྱ་བཱ་ཧ་ན་ཡེ་སྭཱ་ཧཱ༔ ། ཨཱོཾ་ཨགྣཱེ་ཡེ་སྭཱ་ཧཱ༔ ཞེས་འབུལ། ཨཱོཾ་བོ་དྷི་བྲྀཀྵ་ཡེ་སྭཱ་ཧཱ། ཡམ་ཤིང་ལའོ། །ཨཱོཾ་གྷནྡྷེ་སྭཱ་ཧཱ། མར་ཁུ་ལའོ། །ཨཱོཾ་སརྦ་པཱ་པཾ་ད་ཧ་ན་བཛྲཱ་ཡ་སྭཱ་ཧཱ། ཏིལ་ལའོ། །ཨཱོཾ་སརྦ་ཨརྠ་ས་དྷཱ་ཡ་སྭཱ་ཧཱ། ཡུངས་ཀར་གྱིའོ། །ཨཱོཾ་སརྦ་སཾ་བྷ་དེ་སྭཱ་ཧཱ། ཟས་སྣའོ། །ཨཱོཾ་བཛྲ་ཨཱ་ཡུ་ཥེ་སྭཱ་ཧཱ། དཱུརྦའོ། །ཨཱོཾ་བཛྲ་པུཥྟཱ་ཡེ་སྭཱ་ཧཱ། འབྲས་ཀྱིའོ། །ཨཱོཾབཛྲ་བི་ཛཱ་ཡ་སྭཱ་ཧཱ། སོ་བ་ལའོ། །ཨཱོཾ་མ་ཧཱ་བེ་གྷཱ་ཡ་སྭཱ་ཧཱ། ནས་ཀྱིའོ། །ཨཱོཾ་མ་ཧཱ་བ་ལཱ་ཡཱ་སྭཱ་ཧཱ། སྲན་མ་ལའོ། །ཨཱོཾ་བཛྲ་གྷསྨ་རེ་སྭཱ་ཧཱ། གྲོ་ལའོ། །ཨཱོཾ་ཨ་པྲ་ཏི་ཧ་ཏ་བཛྲ་ཡ་སྭཱ་ཧཱ། ཀུ་ཤ་ལའོ། །ཨཱོཾ་ཨཱཿསྭཱ་ཧཱ། ཕྲུམ་གྱིའོ། ཨཱོཾ་ཛྲཱིཾ་སྭཱ་ཧཱ། འབྲུ་སྣ་ལའོ། །ཨཱོཾ་བཛྲ་ཤྲཱི་བཱ་ཡ་སྭཱ་ཧཱ། ཤིང་ཐོག་གོ། ཨཱོཾ་བཛྲ་ཝསྟྲ་ཡེ་སྭཱ་ཧཱ། དར་སྣ་ལའོ། །ཨཱོཾ་ཀུ་རུ་ཀུ་རུ་སྭཱ་ཧཱ། སྲེག་རྫས་སྔགས་མེད་པའི་རིགས་ཐམས་ཅད་ལའོ། །ཨཱོཾ་བཛྲ་ཏམྦུ་ལ་ཡེ་སྭཱ་ཧཱ། སོ་རྩིའོ། །ཨཱོཾ་བཛྲ་ཝསྟྲ་ཡེ་སྭཱ་ཧཱ། གོས་ཟུང་གིའོ། །ཞེས་པ་རྣམས་ལ་གསུམ་མམ་བདུན་སོགས་འབུལ། རྒྱས་པར་རེ་རེའམ། བསྡུ་ན་ཀུན་གྱི་མཐར་འདོད་གསོལ་ཞིག་སྦྱར་ཀྱང་རུང་། དེ་ནས་གཏོར་མ་ལ། ཨཱོཾ་ཨགྣཱེ་ཡེ་ས་པ་རི་ཝཱ་ར་ཨི་དམ་བྷ་ལིངྟ་ཁ་ཁ་ཁཱ་ཧི་ཁཱ་ཧི། ཞེས་འབུལ། སླར་ཡང་ཨཱརྒྷཾ་ནས། ཤཔྟའི་བར་གྱིས་མཆོད་ཅིང་། ཧཱུྃ། གཟི་བརྗིད་ཕུང་པོ་ལྟ་ན་སྡུག །འོད་བཟང་ཉི་མའི་དཔལ་དུ་འབར། །རབ་འབྱམས་འཕྲིན་ལས་རྒྱ་མཚོའི་དཔལ། །ཨ་གྣཱི་རཱ་ཛ་ཁྱོད་ལ་བསྟོད། །ཅེས་བསྟོད། ཡི་གེ་བརྒྱ་པ་བརྗོད། མ་འབྱོར་བ་དང་ཉམས་པ་དང་། གང་ཡང་བདག་རྨོངས་བློ་ཡིས་ནི། །བགྱིས་པ་དང་ནི་བགྱིད་སྩལ་བ། །དེ་ཀུན་མགོན་པོས་བཟོད་པར་གསོལ། མེ་ལྷའི་རྒྱལ་པོ་གང་ཁྱོད་ཀྱིས། །བདག་གཞན་དོན་གཉིས་ཀུན་མཛོད་ཅིག །ཆོས་ཉིད་ཀློང་དུ་གཤེགས་ནས་ཀྱང་། །གསོལ་བ་བཏབ་ན་སླར་ཡང་བྱོན། ཨགྣཱེ་ཡེ་མུ༔ ཞེས་ཡེ་ཤེས་པ་གཤེགས་དམ་ཚིག་པ་མེའི་ཕུང་པོར་གྱུར་པས་བསམ་མོ། དེ་ནས་ཤིས་བརྗོད་ནི། ཧཱུྃ་ཧྲཱི༔ ཆོས་དབྱིངས་ཀུན་ཁྱབ་ཡངས་པ་ཐུགས་རྗེའི་ལྷ༔ སོགས་བཀྲ་ཤིས་བརྗོད། བསྔོ་བ་ནི། ཧཱུྃ་ཧྲཱི༔ རྡོ་རྗེ་གསུམ་གྱི་གསལ་སྣང་ལྷ་རུ་བསྐྱེད༔ སོགས་སྨོན་ལམ་ནི། ཧཱུྃ་ཧྲཱི༔ ཚེ་རབས་སྔོན་ནས་བསྟེན་པའི་ཡི་དམ་ལྷ༔ སོགས་བརྗོད། དེ་ནས་ཐལ་པ་རི་བོ་དཔལ་བཟང་ལྟོ་བར་བསྐྱལ། ཅེས་རྟ་མཆོག་དྲེགས་པ་ཟིལ་གནོན་གྱི་རྒྱས་པའི་སྦྱིན་སྲེག་འདི་ཡང་ཧོར་གྱི་པཎ་ཆེན་ངག་དབང་འཇམ་དབྱངས་བློ་ལྡན་གྱིས་མཛད་པའི་རྒྱས་པའི་སྦྱིན་སྲེག་གཏེར་སྒྲོམ་འདིའི་མ་ཚང་པ་ཁ་བསྐངས་ཀྱི་སྐོར་ལ་གཅིག་ཤེས་ཀུན་གྲོལ་གྱི་ཆིངས་ལྟར་སྦྱར་ན་ལག་ལེན་བདེ་བར་སེམས་ཏེ་ཁོ་བོ་ཁམས་པ་ཉི་མ་གྲགས་པས་དཔལ་ལྡན་སྟག་མོ་སྒང་དུ་སྦྱར་བ་འདིས་ཀྱང་བསྟན་འགྲོའི་དོན་བསམ་གྱིས་མི་ཁྱབ་པར་འབྱུང་བར་གྱུར་ཅིག །མངྒ་ལཾ།། །།
དབང་གི་སྦྱིན་སྲེག
རྟ་མགྲིན་དྲེགས་པ་ཟིལ་གནོན་གྱི་དབང་གི་སྦྱིན་སྲེག་བཞུགས་སོ། །དཔལ་ཆེན་པོ་དབང་ཆེན་དྲེགས་པ་ཟིལ་གནོན་གྱི་ལྷ་ཚོགས་བརྒྱུད་ལྡན་བླ་མའི་ཚོགས་དང་བཅས་པ་ལ་ཕྱག་འཚལ་ཞིང་སྐྱབས་སུ་མཆིའོ་བྱིན་གྱིས་བརླབ་པར་མཛད་དུ་གསོལ་ལོ། དེ་ཡང་དབང་ཆེན་དྲེགས་པ་ཟིལ་གནོན་གྱི་དཀྱིལ་འཁོར་དུ་དབང་ཐོབ་ཅིང་བསྙེན་སྒྲུབ་དང་ལྡན་པའི་རྣལ་འབྱོར་པས་འགྲོ་དོན་དུ་སེམས་བསྐྱེད་དེ་སྐྱེ་འགྲོ་སེམས་ཅན་ཐམས་ཅད་བསྡུ་བ་རིན་པོ་ཆེ་རྣམ་པ་བཞི་ལ་བརྟེན་ནས་སངས་རྒྱས་ཀྱི་གོ་འཕང་ལ་འགོད་པའི་ཆེད་དུ་ལྷག་པའི་ལྷ་ཆེན་པོ་འདིའི་དབང་གི་སྦྱིན་སྲེག་གི་ཆོ་ག་བྱ་བར་འདོད་པས། དེ་ལ་གསུམ་སྔོན་འགྲོ་དངོས་གཞི་རྗེས་སོ། །དང་པོ་ལ་འབྲིང་པོ་བཞིའི་ཉི་ཤུ་ལ་སོགས་པ་དབང་གི་དུས་ཁྱད་པར་ཅན་ལ་གནས་དབེན་ཞིང་ཡིད་དུ་འོང་བའམ་དབང་གི་ལས་དང་རྗེས་སུ་མཐུན་པའི་གནས་ཉིད་དུ། སྒྲུབ་ཁོག་ཞིག་ནས་འབྱུང་བ་ལྟར་ས་ཆོག་ལེགས་པར་བྱ་བའི་ས་ལ་སྟེགས་བུ་རྒྱར་མདའ་གང་པ་དཔངས་སུ་ཁྲུ་གང་པ་བྱས་པའི་དབུས་སུ་དབང་གི་ཐབ་ཁུང་དམར་པོ་ཟླ་གམ་རྒྱར་ཁྲུ་གང་། དཔངས་སུ་མཐོ་གང་པ་རྐན་གཉེར་རིམ་པ་གསུམ་དང་ལྡན་པའི་ཁ་ཁྱེར་ལ་པདྨའམ་ལྕགས་ཀྱུའི་ཕྲེང་བས་བསྐོར་བ་བརྩིགས། དེའི་ནང་དུ་ལྟེ་བ་ཟླུམ་པོའི་ཕྱི་རིམ་ལ་པདྨ་འདབ་མ་ཉིས་རིམ་མུ་ཁྱུད་ཅན་ལ་ལྷ་རྣམས་ཀྱི་ས་བོན་ནམ་ཕྱག་མཚན་ཚོམ་བུ་ལྷ་མདོག་ཅན་བཀོད་པ་གང་བདེར་བྱས་ལ་ཐབ་ཁུང་གི་ནང་དུ་ཙན་དན་ནམ་མཛོ་མོ་ཤིང་ངམ་ཨ་ཀ་རུ་སོགས་དབང་ལ་ཤིས་པའི་བུད་ཤིང་རྒྱ་ཚོས་སམ་དྲི་བཟང་བཏབ་པས་མདོག་བསྒྱུར་བ་ཟླ་གམ་དུ་བརྩིགས། གཡས་ལོགས་སུ་གོང་དུ་བཤད་པའི་ཤིང་ཟླ་གམ་གྱི་དབྱིབས་སུ་གཞོགས་པ་སོར་བཅུ་གཉིས་པ་སྤོམ་ཕྲ་སྲིན་ལག་གམ་གུང་མོ་ཙམ་བྱས་པ་ལ། བསྒྲུབ་བྱ་དམིགས་བསལ་ཡོད་ན་མིང་རུས་དང་། མེད་ན་སྣང་སྲིད་ཐམས་ཅད་དབང་དུ་སྡུས་ཤིག་ཝ་ཤཾ་ཀུ་རུ་ཡེ་སྭཱ་ཧཱ། ཞེས་རྒྱ་སྐྱེགས་ཀྱི་ཁུ་བས་བྲིས་པ་གྲངས་ལྡན་ལ་བུ་རམ་དང་ཏིལ་མར་གྱིས་བྱུགས་པ། མར་ཁུ། ཏིལ། ཡུངས་ཀར། ཟས་སྣ། དཱུརྦ། འབྲས། སོ་བ། ནས། སྲན་མ། གྲོ། ཀུ་ཤ། ཕྲུམ། འབྲུ་སྣ། དར་སྣ། ཤིང་ཏོག །ཟངས། བྱི་རུ། བུར་སྦྲང་། ཧ་ལོ། ཨུག་ཆོས། གླང་སྣ་དམར་པོ། བཙོད། རྒྱ་སྐྱེགས། དར་ཟབ་དམར་པོའི་རིགས་སོགས་དབང་ལ་འོས་པའི་རྫས་གང་ཚོགས། མར་ལ་གོ་ཡུ་བཏབ་པའི་སོ་རྩི། གོས་ཟུང་རྣམས་དང་། གཡོན་དུ་ཉེར་སྤྱོད་སྨན་རག་གཏོར་མ་རྣམས་ཀྱང་དམར་པོའི་ཚོན་གྱིས་བསྒྱུར་བར་འོས་པ་རྣམས་བསྒྱུར་བ་དང་། མདུན་དུ་རྡོར་དྲིལ། དགང་གཟར་བླུགས། ཀུ་ཤ། ལས་བུམ་སོགས་ཉེ་བར་མཁོ་བ་ཐམས་ཅད་དང་། གཞན་ཡང་དྲེགས་པ་ཟིལ་གནོན་གྱི་མཆོད་གཏོར་ཚོགས་འཁོར་སོགས་ཀྱང་བཟང་ཞིང་གྱ་ནོམ་པ་སྣང་བ་གཡོ་བར་ནུས་པའི་རྔམ་བརྗིད་དང་ལྡན་པའི་ས་རྒྱན་གནམ་རྒྱན་སོགས་བཀོད་པའི་རྟེན་འབྲེལ་རབ་ཏུ་ཕུན་སུམ་ཚོགས་པར་བཤམས་ལ་ལས་གཞུང་བསྲང་ཞིང་བསྙེན་པའི་སྐབས་སུ་ཝ་ཤཾ་ཀུ་རུའི་ཤམ་བུ་ཅན་གྱི་བཟླས་པ་དང་དབང་སྡུད་ཀྱི་དམིགས་པ་དང་ལྡན་པའི་སྒོ་ནས་སྐབས་དང་བསྟུན་ཏེ་བཟླ། ཚོགས་ལྷག་ཡན་སོང་ནས་ལས་བུམ་བསང་བ་ནི། སྟོང་པའི་ངང་ནས་བུམ་པ་ནི། །རིན་པོ་ཆེ་ཡི་གཞལ་ཡས་ཁང་། །མཚན་ཉིད་རྫོགས་པའི་ནང་ཉིད་དུ། དབང་གི་ཁྲོ་བོ་རྟ་མཆོག་དཔལ། །དམར་པོ་རྡོར་དྲིལ་ཡུམ་ལ་འཁྱུད། །རྟ་མགོས་མཚན་ཞིང་ཁྲོ་ཆས་རྫོགས། །སྐུ་ལས་སྤྲུལ་པའི་ཁྲོ་ཆུང་གིས། །གདོན་བགེགས་བཅོམ་ནས་བུམ་པའི་ཆུར། །ཐིམ་པས་བུམ་ཆུ་ནུས་ལྡན་གྱུར། །ཨཱོཾ་བཛྲ་ཀྲོ་ཏ་ཧྱ་གྷྲཱྀ་ཝ་ཧཱུྃ་ཕཊ༔ གང་མང་བཟླས་རྗེས། །ཁྲོ་བོ་ཞུ་ནས་བུམ་ཆུར་འདྲེས། །ལས་ཀུན་བསྒྲུབ་པའི་བདུད་རྩིར་གྱུར། །དེ་ནས་སྒྲུབ་པ་པོ་དམར་པོའི་ཆས་གོས་དང་རྒྱན་གྱིས་བརྒྱན་ཏེ་བརྗིད་ཤིང་སྒེག་པའི་ཆ་ལུགས་དང་ལྡན་པས་མེ་ཐབ་བསྐོར་ཏེ། རོལ་མོ་རྣམས་སྦིར་ཞིང་། རང་ཉིད་རྟ་མཆོག་དབང་གི་རྒྱལ་པོ་གསལ་བའི་སྐུ་ལས་སྤྲོས་པའི་མེ་དཔུང་དང་མཚོན་ཆའི་ཚོགས་ཀྱིས་གདོན་བགེགས་འབྱུང་པོ་ཐམས་ཅད་ཐལ་བར་བརླགས་ཤིང་སྟེང་འོག་ཕྱོགས་མཚམས་ཐམས་ཅད་ཁྲོ་ཆུང་མཚོན་ཆ་ཐོགས་པ་དང་། དམར་ནག་མེ་དཔུང་འཁྱིལ་བའི་བསྲུང་བའི་འཁོར་ལོར་གྱུར་པར་བསམས་ཤིང་། ཧཱུྃ། རིགས་འདུས་དབང་གི་ཕོ་བྲང་འདིར། །འབྱུང་བ་མེ་ཡི་མཆོད་སྤྲིན་གྱི། །གསང་བ་མཆོག་ཏུ་བསྒྲུབས་པ་ལ། །ཉན་དང་ལྟ་བར་མི་དབང་པའི། །གདོན་བགེགས་འབྱུང་པོ་གཞན་དུ་སོང་། །བཀའ་དང་དམ་ལ་འདའ་བྱེད་ན། །རྟ་མཆོག་རྒྱལ་པོ་ཐུགས་ཁྲོས་ནས། །གཏུམ་པའི་ཁྲོ་མོས་བགེགས་དཔུང་འཇོམས། །འབར་བའི་མེ་ཡིས་གཟུགས་ཕུང་བསྲེགས། །རྣོ་དབལ་མཚོན་ཆས་དུམ་བུར་གཏོང་། །ཡེ་ཤེས་རྡོ་རྗེས་མགོ་བོ་འགེམས། །དེ་བས་མ་འདུག་གཞན་དུ་སོང་། །ཨཱོཾ་སུམ་བྷཱ་ནི་སོགས་བརྗོད། ཧཱུྃ། སྟེང་ནི་མེ་ཡི་བླ་རེ་ལ། །འོག་ནི་འབར་བའི་ཕྲེང་བས་འཁྲིགས། །ཕྱོགས་མཚམས་ཀུན་ཀྱང་མེ་རིའི་གུར། །བར་སྣང་མེ་ཡི་སྤྲིན་ཕུང་གཏིབས། །གཞན་དུ་མེ་ཡི་ཚ་ཚ་འཕྲོ། །མེ་སྒྲ་འུར་འུར་ཆེམས་ཆེམས་ལྡིར། །འབར་བ་མེ་ཡི་གུར་ཁང་ལ། །སྲིད་ཞི་སུས་ཀྱང་མི་ཚུགས་པའི། །མཚམས་ཀྱི་དཀྱིལ་འཁོར་གཞོམ་དུ་མེད། ཨཱོཾ་བཛྲ་རཀྵ་ཛཱ་ལ་རཾ་རཾ། ཞེས་བསྒོ་ཞིང་གྲལ་དུ་འཁོད་ལ། ལས་བུམ་གྱི་ཆུས་རྫས་རྣམས་ལ་འཐོར་ཞིང་། ཨཱོཾ་བཛྲ་ཀྲོ་ཏ་ཧྱ་གྷྲཱྀ་ཝ་ཧཱུྃ་ཕཊཿཀྱིས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་པྃ་ལས་པདྨ་འབར་བའི་སྣོད་ཡངས་ཤིང་རྒྱ་ཆེ་བའི་ནང་དུ་མཆོད་རྫས་དང་སྲེག་རྫས་ཀྱི་དངོས་པོ་རྣམས་ཟག་མེད་ཀྱི་བདུད་རྩི་ལ་རྣམ་པ་སོ་སོའི་མཚན་ཉིད་མ་འདྲེས་པར་གསལ་ལ་རྫོགས་པ་ཆགས་ལྡན་སྙིང་རྩ་འདར་ཞིང་རྒྱལ་བའི་བསམ་གཏན་གཡོ་བར་ནུས་པའི་རྒྱལ་སྲིད་རིན་ཆེན་བཀྲ་ཤིས་རྫས་རྟགས་འདོད་ཡོན་ཉེར་སྤྱོད་སོགས་མཆོད་པའི་སྤྲིན་གྱི་ཕུང་པོ་མ་ཚངས་པའི་དངོས་པོ་མེད་པས་ནམ་མཁའ་ས་གཞི་བར་སྣང་ཐམས་ཅད་ཁེངས་པར་གྱུར་པར་བསམས་ལ། ཨཱོཾ་ཨཱཿཧཱུྃ་སརྦ་པཱུ་ཙ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ་ཧྲཱིཿཐཱ༔ གསུམ་མམ་བདུན་གྱིས་བྱིན་གྱིས་བརླབས། དེ་ནས་རྗེའུ་རིགས་སམ་སྨད་འཚོང་མ་ལས་བླངས་པའི་མེ་སྤར་ལ་རླུང་གཡབ་ཀྱིས་གཡབ་ཅིང་། རཾ། སྤྱི་མཐུན་ལས་ཀྱི་བསོད་ནམས་དང་། །རྒྱལ་བའི་ཐུགས་བསྐྱེད་ལས་གྲུབ་པའི། །ལྗོན་ཤིང་ནགས་ཚལ་བསྲུང་བ་ཡི། །ཤིང་གི་ལྷ་མོས་ཤིང་ཐུས་ལ། །སྐྱེ་དགུ་ཀུན་གྱི་སྲོག་འཛིན་ཅིང་། །སྣང་བ་རབ་ཏུ་གསལ་བའི་སྒྲོན། །མེ་ཡི་ལྷ་མོ་སྲེག་བྱེད་མས། །མེ་ལྷའི་ཡུལ་ནས་མེ་སྤོར་ཞིག །འོག་གཞི་རྗོ་རྗེ་རྒྱ་གྲམ་གྱི། །ཡང་ཞིང་གཡོ་བའི་བ་དན་འཛིན། །འབྱུང་བ་རླུང་ལ་མངའ་མཛད་མས། །རླུང་ལྷའི་ཡུལ་ནས་རླུང་གཡོབས་ཤིག །ཨཱོཾ་ཨགྣཱེ་ཡེ་སྭཱ་ཧཱ༔ ཅེས་སྔགས་བདུན་དང་མར་ཁུ་དགང་བླུགས་བདུན་གྱིས་གསོ། དེ་ནས་ཐབ་ཀྱི་ཁ་ཁྱེར་ལ་ཀུ་ཤ་དཀྲམ་ཞིང་། ཧཱུྃ། གཙང་ཞིང་དགེ་བ་ཀུ་ཤའི་རྩྭ། །རྒྱལ་བས་བྱང་ཆུབ་བརྙེས་པའི་གདན། །དག་ཅིང་ཚངས་པའི་རྫས་མཆོག་འདིས། །བགེགས་རྣམས་ཞི་ཞིང་ཤིས་པར་མཛོད། ཨཱོཾ་བཛྲ་ས་ཏྭ་ཨཱ༔ ཞེས་བཀྲམ་མོ། དེ་ནས་དངོས་གཞི་ལ་གཉིས། འཇིག་རྟེན་པའི་མེ་ལྷ་མཆོད་པ་ནི། ལས་བུམ་གྱི་ཆུས་མེ་ཐབ་ལ་འཐོར་ཞིང་བསང་སྦྱངས། མེ་ཐབ་མི་དམིགས་པ་སྟོང་པ་ཉིད་དུ་གྱུར། སྟོང་པའི་ངང་ལས་འབར་བའི་ཐབ་ཁུང་ཟླ་གམ་དམར་པོ་ཡངས་ཤིང་རྒྱ་ཆེ་བ་རྐན་གཉེར་རིམ་པ་གསུམ་དང་ལྡན་ཞིང་ཁ་ཁྱེར་ལ་ལྕགས་ཀྱུ་དམར་པོའི་ཕྲེང་བས་བསྐོར་བ། ཟླ་གམ་དབང་གི་གཞལ་ཡས་ཁང་གི་བཀོད་པ་ཐམས་ཅད་རྫོགས་པ། དེ་དག་གི་དབུས་སུ་པད་ཉིའི་གདན་ལ་རཾ་ཡིག་དམར་པོ་ཡོངས་སུ་གྱུར་པ་ལས་མེ་ལྷ་དམར་པོ་ཞལ་གཅིག་ཕྱག་གཉིས་པ་ཕྱག་གཡས་མེ་ཡི་འཁོར་ལོ་དང་གཡོན་པས་རླུང་གི་འཁོར་ལོ་བསྣམས་པ་ར་སྐྱེས་ཁམ་པ་འཇའ་འོད་དང་གློག་གི་ཕྲེང་བའི་གོང་རྨེད་དང་སྲབ་མཐུར་ཅན་ལ་ཆིབས་པ། རིན་པོ་ཆེ་སྣ་ཚོགས་པ་དང་པདྨའི་ཕྲེང་བས་བརྒྱན་ཞིང་ཞི་འཛུམ་སྒེག་པའི་ཉམས་དང་ལྡན་པ། དེའི་སྤྱི་བོར་ཨཱོཾ་མགྲིན་པར་ཨཱཿཐུགས་ཀར་ཧཱུྃ་གི་ཁོང་གསེང་དུ་ཐུགས་སྲོག་རཾ་གྱིས་མཚན་པ། དེ་ལས་འོད་ཟེར་འཕྲོས་པས་བསྒོམ་པ་དང་འདྲ་བའི་ཡེ་ཤེས་པ་སྤྱན་དྲངས། སྤྱན་འདྲེན་ནི། ཧཱུྃ། དད་པས་སྤྱན་འདྲེན་དྲང་སྲོང་ཆེ། །དམ་ཚིག་དབང་གིས་ད་ཚུར་སྤྱོན། །ཁམས་གསུམ་སྲིད་གསུམ་དབང་བསྡུད་ཕྱིར། །དྲང་སྲོང་ཆེན་པོ་གཤེགས་སུ་གསོལ། །ཨཱོཾ་ཨགྣཱེ་ཡེ་ཛཿཧཱུྃ་བཾ་ཧོ༔ བཛྲ་ས་མ་ཡ་ཛཿཛ༔ བཞུགས་སུ་གསོལ་བ་ནི། ཧཱུྃ། དྲང་སྲོང་ཆེན་པོ་འཕྲིན་ལས་བདག །འདོད་པའི་དངོས་གྲུབ་སྤེལ་བའི་ལྷ། །དེང་གི་གནས་མཆོག་དམ་པ་འདིར། །འབར་བའི་གདན་ལ་བཞུགས་སུ་གསོལ། །ཨཱོཾ་ཨགྣཱེ་ཡེ་བཛྲ་ས་མ་ཡ་ཏིཥྛ་ལྷན། ཕྱག་ནི། ཧཱུྃ། མེ་ཡི་ལྷ་སྟེ་དྲང་སྲོང་ཆེ། །ལས་བཞིའི་འཕྲིན་ལས་སྩོལ་བའི་ལྷ། །མཐུ་སྟོབས་རྫུ་འཕྲུལ་བསམ་མི་ཁྱབ། །འབར་བ་ཁྱོད་ལ་ཕྱག་འཚལ་ལོ། །ཨཱོཾ་ཨགྣཱེ་ཡེ་ས་མ་ཡ་ཨ་ཏི་པུ་ཧོ༔ མཆོད་པ་ནི། ཧཱུྃ། སྟོང་གསུམ་འཇིག་རྟེན་རབ་འབྱམས་ན། །ཕྱི་ནང་གསང་བའི་མཆོད་པའི་ཚོགས། །དངོས་བཤམས་ཡིད་ཀྱིས་རྣམ་སྤྲུལ་ཏེ། །སྲེག་བྱེད་མེ་ཡི་ལྷ་ལ་འབུལ། །ཨཱོཾ་ཨགྣཱེ་ཡེ་སརྦ་པཱུ་ཙ་ཧོ༔ ཧཱུྃ། དྲང་སྲོང་ཆེན་པོ་འཁོར་འདས་ལ། །དངོས་གྲུབ་མྱུར་དུ་སྩོལ་བའི་ཕྱིར། །སྨན་གཏོར་རཀྟའི་མཆོད་པ་འབུལ། །བཞེས་ནས་དངོས་གྲུབ་སྩལ་དུ་གསོལ། ཨཱོཾ་ཨགྣཱེ་ཡེ་མ་ཧཱ་པཉྩ་རཀྟ་བ་ལིངྟ་པཱུ་ཙ་ཁཱ་ཧི། བསྟོད་པ་ནི། ཧཱུྃ། གཟི་བརྗིད་འབར་བ་མེ་ཡི་ལྷ། །ཚངས་པ་འཇིག་རྟེན་དབང་པོའི་སྲས། །འཕྲིན་ལས་མ་ལུས་ཀུན་གྱི་བདག །འབར་བ་ཁྱོད་ལ་ཕྱག་འཚལ་བསྟོད། །བྱོན་སྐྱེམས་ནི། མེ་ལྷའི་ལྗགས་པདྨ་འདབ་མ་བརྒྱད་པའི་ལྟེ་བར་རཾ་དང་། དགང་བླུགས་ཀྱི་རྩེར་ཧཱུྃ་ཡིག་གིས་མཚན་པར་གྱུར་པར་བསམས་ཤིང་། ཧཱུྃ། འབྲུ་མར་རྩི་མར་བཅུད་ལྡན་སྲེག་པའི་རྫས། །དམ་རྫས་བདུད་རྩིའི་མཆོད་པ་བླ་མེད་འདི། །དྲང་སྲོང་ཆེན་པོ་མེ་ཡི་ལྷ་ལ་འབུལ། །བདག་གི་འདོད་དོན་འཕྲིན་ལས་གྲུབ་པར་མཛོད། །ཨཱོཾ་ཨགྣཱེ་ཡེ་སྭཱ་ཧཱ། ཨཱོཾ་ཨགྣཱེ་ཡེ་ཨ་དི་བྱ་ཨ་དི་བྱ་ཨ་བི་ཤ་ཨ་བི་ཤ་མ་ཧཱ་ཤྲཱྀ་ཧ་བྱ་ཀ་བྱ་བཱ་ཧ་ན་ཡེ་ཁམས་གསུམ་སྲིད་གསུམ་དབང་དུ་སྡུས་ཤིག་ཝ་ཤཾ་ཀུ་རུ་ཡེ་སྭཱ་ཧཱ། ཞེས་བདུན་འབུལ། ཡམ་ཤིང་ལ། ཨཱོཾ་བོ་དྷི་བྲྀཀྵ་ཡེ་སྭཱ་ཧཱ། ཁམས་གསུམ་སྲིད་གསུམ་དབང་དུ་སྡུས་ཤིག་ཝ་ཤང་ཀུ་རུ་ཡེ་སྭཱ་ཧཱ། མར་ཁུ་ལ། ཨཱོཾ་ཨགྣཱེ་ཡེ་སྭཱ་ཧཱ། ཁམས་གསུམ་སྲིད་གསུམ་དབང་དུ་སྡུས་ཤིག་ཝ་ཤང་ཀུ་རུ་ཡེ་སྭཱ་ཧཱ། ཏིལ་ལ། ཨཱོཾ་སརྦ་པཱ་པཾ་ད་ཧ་ན་བཛྲ་ཡ་སྭཱ་ཧཱ། ཁམས་གསུམ་སྲིད་གསུམ་དབང་དུ་སྡུས་ཤིག་ཝ་ཤང་ཀུ་རུ་ཡེ་སྭཱ་ཧཱ། ཡུངས་ཀར་ལ། ཨཱོཾ་སརྦ་ཨཪྠ་ས་དྷཱ་ཡ་སྭཱ་ཧཱ། ཁམས་གསུམ་སྲིད་གསུམ་དབང་དུ་སྡུས་ཤིག་ཝ་ཤང་ཀུ་རུ་ཡེ་སྭཱ་ཧཱ། ཟས་སྣ་ལ། ཨཱོཾ་སརྦ་སཾ་བྷ་དེ་སྭཱ་ཧཱ། ཁམས་གསུམ་སྲིད་གསུམ་དབང་དུ་སྡུས་ཤིག་ཝ་ཤང་ཀུ་རུ་ཡེ་སྭཱ་ཧཱ། དཱུརྦ་ལ། ཨཱོཾ་བཛྲ་ཨཱ་ཡུ་ཥེ་སྭཱ་ཧཱ། ཁམས་གསུམ་སྲིད་གསུམ་དབང་དུ་སྡུས་ཤིག་ཝ་ཤང་ཀུ་རུ་ཡེ་སྭཱ་ཧཱ། འབྲས་ལ། ཨཱོཾ་བཛྲ་པུཥྟཱ་ཡེ་སྭཱ་ཧཱ། ཁམས་གསུམ་སྲིད་གསུམ་དབང་དུ་སྡུས་ཤིག་ཝ་ཤང་ཀུ་རུ་ཡེ་སྭཱ་ཧཱ། སོ་བ་ལ། ཨཱོཾ་བཛྲ་བི་ཛཱ་ཡ་སྭཱ་ཧཱ། ཁམས་གསུམ་སྲིད་གསུམ་དབང་དུ་སྡུས་ཤིག་ཝ་ཤང་ཀུ་རུ་ཡེ་སྭཱ་ཧཱ། ནས་ལ། ཨཱོཾ་མ་ཧཱ་བེ་གྷཱ་ཡ་སྭཱ་ཧཱ། ཁམས་གསུམ་སྲིད་གསུམ་དབང་དུ་སྡུས་ཤིག་ཝ་ཤང་ཀུ་རུ་ཡེ་སྭཱ་ཧཱ། སྲན་མ་ལ། ཨཱོཾ་བཛྲ་མ་ཧཱ་བ་ལཱ་ཡ་སྭཱ་ཧཱ། ཁམས་གསུམ་སྲིད་གསུམ་དབང་དུ་སྡུས་ཤིག་ཝ་ཤང་ཀུ་རུ་ཡེ་སྭཱ་ཧཱ། གྲོ་ལ། ཨཱོཾ་བཛྲ་གྷསྨ་རེ་སྭཱ་ཧཱ། ཁམས་གསུམ་སྲིད་གསུམ་དབང་དུ་སྡུས་ཤིག་ཝ་ཤང་ཀུ་རུ་ཡེ་སྭཱ་ཧཱ། ཀུ་ཤ་ལ། ཨཱོཾ་ཨ་པྲ་ཏི་ཧ་ཏ་བཛྲ་ཡ་སྭཱ་ཧཱ། ཁམས་གསུམ་སྲིད་གསུམ་དབང་དུ་སྡུས་ཤིག་ཝ་ཤང་ཀུ་རུ་ཡེ་སྭཱ་ཧཱ། ཕྲུམ་ལ། ཨཱོཾ་ཨཱཿསྭཱ་ཧཱ། ཁམས་གསུམ་སྲིད་གསུམ་དབང་དུ་སྡུས་ཤིག་ཝ་ཤང་ཀུ་རུ་ཡེ་སྭཱ་ཧཱ། འབྲུ་སྣ་ལ། ཨཱོཾ་ཛྲིཾ་སྭཱ་ཧཱ། ཁམས་གསུམ་སྲིད་གསུམ་དབང་དུ་སྡུས་ཤིག་ཝ་ཤང་ཀུ་རུ་ཡེ་སྭཱ་ཧཱ། ཤིང་ཏོག་ལ། ཨཱོཾ་བཛྲ་ཤྲཱི་བཱ་ཡ་སྭཱ་ཧཱ། ཁམས་གསུམ་སྲིད་གསུམ་དབང་དུ་སྡུས་ཤིག་ཝ་ཤང་ཀུ་རུ་ཡེ་སྭཱ་ཧཱ། དར་སྣ་ལ། ཨཱོཾ་བཛྲ་ཝསྟྲ་ཡེ་སྭཱ་ཧཱ། ཁམས་གསུམ་སྲིད་གསུམ་དབང་དུ་སྡུས་ཤིག་ཝ་ཤང་ཀུ་རུ་ཡེ་སྭཱ་ཧཱ། སྲེག་རྫས་སྔགས་མེད་པའི་རིགས་ཐམས་ཅད་ལ། ཨཱོཾ་ཀུ་རུ་ཀུ་རུ་སྭཱ་ཧཱ། ཁམས་གསུམ་སྲིད་གསུམ་དབང་དུ་སྡུས་ཤིག་ཝ་ཤང་ཀུ་རུ་ཡེ་སྭཱ་ཧཱ། ཧཱུྃ། འབར་བ་མེ་ཡི་ལྷ་ཚོགས་ལ། །ཕྱི་ནང་གསང་བ་སྨན་རག་དང་། །དམ་རྫས་གཏོར་མའི་མཆོད་པ་སོགས། །རབ་འབྱམས་མཆོད་སྤྲིན་རྒྱ་མཚོས་མཆོད། །ཨཱོཾ་ཨགྣཱེ་ཡེ་ས་པ་རི་ཝཱ་ར་སརྦ་པཱུ་ཙ་ཧོཿས་མཆོད། ཧཱུྃ། འབར་བ་མེ་ཡི་ཀློང་ཡངས་ནས། །གཟི་བརྗིད་འབར་ཞིང་འཕྲིན་ལས་མཛད། །རྩལ་ལྡན་ར་སྐྱེས་སྟེང་ནས་བརྗིད། །འབར་བའི་དཔའ་བོ་ཁྱོད་ལ་བསྟོད། །ཞེས་བསྟོད། ཧཱུྃ། ཨགྣཱི་རཱ་ཛ་མེ་ཡི་ལྷས། །རྫས་རྣམས་ལྷག་པའི་ལྷར་འབུལ་ཞིང་། །མེ་ཡང་ཡེ་ཤེས་མེར་མཛད་ནས། །སྣང་བ་དབང་དུ་བསྡུ་བར་མཛོད། །ཅེས་འཕྲིན་ལས་བཅོལ། བཛྲ་མུཿས་མེ་ལྷའི་ཡེ་ཤེས་པ་ཐབ་ཀྱི་ཤར་ལྷོར་གཤེགས་ནས་མཆོད་བསྟོད་འཕྲིན་ལས་ཀྱི་དཔང་པོ་མཛད་པར་གྱུར། གཉིས་པ་ཡེ་ཤེས་པའི་མེ་ལྷ་མཆོད་པ་ནི། དམ་ཚིག་མེ་ལྷའི་ལྟོ་བ་ཟབ་ཅིང་ཡངས། །རབ་འབྱམས་ཆོས་ཀྱི་དབྱིངས་དང་མཉམ་པའི་ནང་། །བྷྲཱུྃ་འཕྲོས་དབང་དྲག་རོལ་པའི་གཞལ་ཡས་ཁང་༔ ཞེས་པ་ནས། བཀའ་སྲུང་དམ་ཅན་རྒྱ་མཚོར་ཕྱག་འཚལ་བསྟོད༔ ཅེས་པའི་བར་ལས་བྱང་བཞིན་ཚར་རྗེས། དེ་ལྟར་མཆོད་ཅིང་བསྟོད་པས་ལྷ་ཚོགས་རྣམས་ཀྱང་བརྩེ་བའི་ཐུགས་རྗེ་ཆེན་པོས་འགྲོ་བ་ཡོངས་ལ་རྗེས་སུ་ཆགས་པའི་སྐུ་མདོག་པདྨ་རཱ་གའི་ལྷུན་པོ་ལྟར་དམར་ཞིང་འཚེར་བའི་སྐུའི་གཟི་བརྗིད་ཀྱིས་བརྟན་གཡོ་ཐམས་ཅད་དབང་མེད་དུ་འགུགས་པར་ནུས་པའི་མཐུ་དང་ལྡན་པར་གྱུར། ལྷ་རྣམས་ཀྱི་ལྗགས་པདྨ་དམར་པོ་འདབ་མ་བརྒྱད་པའི་ལྟེ་བར་རཾ་དང་དགང་བླུགས་ཀྱི་ཁར་ཧཱུྃ་དམར་པོ་འོད་དང་ལྡན་པས་མཚན་པར་གྱུར་པར་བསམས་ལ། ཧཱུྃ། འབྲུ་མར་རྩི་མར་བཅུད་ལྡན་བསྲེགས་པའི་རྫས། །དམ་རྫས་བདུད་རྩིའི་མཆོད་པ་དམ་པ་འདི། །མེ་ལྷ་རྩ་གསུམ་རྒྱ་མཚོའི་ཚོགས་ལ་འབུལ། བདག་གི་འདོད་དོན་འཕྲིན་ལས་བསྒྲུབ་པར་མཛོད། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་ཨགྣཱེ་ཡེ་ཨ་དི་བྱ་ཨ་དི་བྱ་ཨ་བི་ཤ་ཨ་བི་ཤ་མ་ཧཱ་ཤྲཱི་ཧ་བྱ་ཀ་བྱ་བཱ་ཧ་ན་ཡེ་སྭཱ་ཧཱ། ཞེས་སམ། ཨཱོཾ་ཨགྣཱེ་ཡེ་སྭཱ་ཧཱ། ཞེས་པ་གཉིས་ཀའམ་གང་རུང་རྩ་སྔགས་དང་སྦྲེལ་བ་བདུན་གྱིས་འབུལ། དེ་ནས་ཡམ་ཤིང་ལ། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་བོ་དྷི་བྲིཀྵ་ཡེ་སྭཱ་ཧཱ། ཁམསགསུམ་སྲིད་གསུམ་དབང་དུ་སྡུས་ཤིག་ཝ་ཤང་ཀུ་རུ་ཡེ་སྭཱ་ཧཱ། ཧཱ། མར་ཁུ་ལ། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་ཨགྣཱེ་ཡེ་སྭཱ་ཧཱ། ཁམས་གསུམ་སྲིད་གསུམ་དབང་དུ་སྡུས་ཤིག་ཝ་ཤང་ཀུ་རུ་ཡེ་སྭཱ་ཧཱ། ཏིལ་ལ། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ། ཨཱོཾ་སརྦ་པཱ་པཾ་ད་ཧ་ན་བཛྲཱ་ཡ་སྭཱ་ཧཱ། ཁམས་གསུམ་སྲིད་གསུམ་དབང་དུ་སྡུས་ཤིག་ཝ་ཤང་ཀུ་རུ་ཡེ་སྭཱ་ཧཱ༔ ཡུངས་ཀར་ལ། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་སརྦ་ཨཪྠ་ས་དྷཱ་ཡ་སྭཱ་ཧཱ༔ ཁམས་གསུམ་སྲིད་གསུམ་དབང་དུ་སྡུས་ཤིག་ཝ་ཤང་ཀུ་རུ་ཡེ་སྭཱ་ཧཱ། ཟས་སྣ་ལ། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ། ཨཱོཾ་སརྦ་སཾ་བྷ་དེ་སྭཱ་ཧཱ། ཁམས་གསུམ་སྲིད་གསུམ་དབང་དུ་སྡུས་ཤིག་ཝ་ཤང་ཀུ་རུ་ཡེ་སྭཱ་ཧཱ། དཱུརྦ་ལ། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ། ཨཱོཾ་བཛྲ་ཨཱ་ཡུ་ཥེ་སྭཱ་ཧཱ། ཁམས་གསུམ་སྲིད་གསུམ་དབང་དུ་སྡུས་ཤིང་ཝ་ཤང་ཀུ་རུ་ཡེ་སྭཱ་ཧཱ། འབྲས་ལ། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ། ཨཱོཾ་བཛྲ་པཥྟཱ་ཡེ་སྭཱ་ཧཱ། ཁམས་གསུམ་སྲིད་གསུམ་དབང་དུ་སྡུས་ཤིག་ཝ་ཤང་ཀུ་རུ་ཡེ་སྭཱ་ཧཱ། སོ་བ་ལ། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ། ཨཱོཾ་བཛྲ་བི་ཛཱ་ཡེ་སྭཱ་ཧཱ། ཁམས་གསུམ་སྲིད་གསུམ་དབང་དུ་སྡུས་ཤིག་ཝ་ཤང་ཀུ་རུ་ཡེ་སྭཱ་ཧཱ༔ ནས་ལ། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་མ་ཧཱ་བེ་གྷཱ་ཡེ་སྭཱ་ཧཱ། ཁམས་གསུམ་སྲིད་གསུམ་དབང་དུ་སྡུས་ཤིག་ཝ་ཤང་ཀུ་རུ་ཡེ་སྭཱ་ཧཱ། སྲན་མ་ལ། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ། ཨཱོཾ་བཛྲ་མ་ཧཱ་བ་ལཱ་ཡ་སྭཱ་ཧཱ། ཁམས་གསུམ་སྲིད་གསུམ་དབང་དུ་སྡུས་ཤིག་ཝ་ཤང་ཀུ་རུ་ཡེ་སྭཱ་ཧཱ། གྲོ་ལ། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ། ཨཱོཾ་བཛྲ་གྷསྨ་ཡེ་སྭཱ་ཧཱ། ཁམས་གསུམ་སྲིད་གསུམ་དབང་དུ་སྡུས་ཤིག་ཝ་ཤང་ཀུ་རུ་ཡེ་སྭཱ་ཧཱ། ཀུ་ཤ་ལ། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ། ཨཱོཾ་ཨ་པྲ་ཏི་ཧ་ཏ་བཛྲཱ་ཡ་སྭཱ་ཧཱ། ཁམས་གསུམ་སྲིད་གསུམ་དབང་དུ་སྡུས་ཤིག་ཝ་ཤང་ཀུ་རུ་ཡེ་སྭཱ་ཧཱ། ཕྲུམ་ལ། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་ཨཱཿསྭཱ་ཧཱ། ཁམས་གསུམ་སྲིད་གསུམ་དབང་དུ་སྡུས་ཤིག་ཝ་ཤང་ཀུ་རུ་ཡེ་སྭཱ་ཧཱ། འབྲུ་སྣ་ལ། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་ཛྲིཾ་སྭཱ་ཧཱ། ཁམས་གསུམ་སྲིད་གསུམ་དབང་དུ་སྡུས་ཤིག་ཝ་ཤང་ཀུ་རུ་ཡེ་སྭཱ་ཧཱ། ཤིང་ཏོག་ལ། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་བཛྲ་ཤྲི་བཱ་ཡ་སྭཱ་ཧཱ། ཁམས་གསུམ་སྲིད་གསུམ་དབང་དུ་སྡུས་ཤིག་ཝ་ཤང་ཀུ་རུ་ཡེ་སྭཱ་ཧཱ། དར་སྣ་ལ། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་བཛྲ་ཝསྟྲ་ཡེ་སྭཱ་ཧཱ། ཁམས་གསུམ་སྲིད་གསུམ་དབང་དུ་སྡུས་ཤིག་ཝ་ཤང་ཀུ་རུ་ཡེ་སྭཱ་ཧཱ། སྲེག་རྫས་སྔགས་མེད་པའི་རིགས་ཐམས་ཅད་ལ། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་ཀུ་རུ་ཀུ་རུ་སྭཱ་ཧཱ། ཁམས་གསུམ་སྲིད་གསུམ་དབང་དུ་སྡུས་ཤིག་ཝ་ཤང་ཀུ་རུ་ཡེ་སྭཱ་ཧཱ། སླར་བྱོན་སྐྱེམས་ལྟར་གཤེགས་སྐྱེམས་ཀྱང་། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་ཨགྣཱེ་ཡེ་སྭཱ་ཧཱ། ཞེས་འབུལ། ཧྲཱི༔ དབང་མཛད་དབང་གི་ལྷ་ཚོགས་ལ། །ཕྱི་ནང་གསང་བའི་མཆོད་པ་དང་། །སྨན་རག་གཏོར་སོགས་འཇིག་རྟེན་གྱི། མཆོད་པའི་རྫས་ཀུན་ཡོངས་སུ་འབུལ། །ཨཱོཾ་ཧྱ་གྷྲཱི་ཝ་དྷཀྐི་ནི་ས་པ་རི་ཝཱ་ར་ཨརྒྷཾ་སོགས་ནས། ཤཔྟ་པཉྩ་ཨ་མྲྀ་ཏ་རཀྟ་བཱ་ལིངྟ་པཱུ་ཙ་ཁཱ་ཧིས་མཆོད། ཨཱོཾ་བཛྲ་ཏམྦུ་ལཱ་ཡེ་སྭཱ་ཧཱས་སོ་རྩི་དང་། ཨཱོཾ་བཛྲ་ཝསྟྲ་ཡེ་སྭཱ་ཧཱས་གོས་ཟུང་འབུལ་ཞིང་། ཧཱུྃ་ཧྲཱི༔ འོག་མིན་གསང་ཆེན་རོལ་པའི་མཁའ་དབྱིང་ནས༔ ཞེས་པ་ནས་བཀའ་སྲུང་དམ་ཅན་རྒྱ་མཚོར་ཕྱག་འཚལ་བསྟོད། ཞེས་པའི་བར་ལས་བྱང་བཞིན། དེ་ནས་འཕྲིན་ལས་བཅོལ་བ་ནི། ཧོ༔ དུས་གསུམ་སངས་རྒྱས་ཀུན་གྱི་སྤྱི་གཟུགས། རིགས་དང་དཀྱིལ་འཁོར་ཀུན་གྱི་ཁྱབ་བདག །དཔལ་ཆེན་ཁྲོ་བོ་ཀུན་གྱི་སྤྱི་དཔལ། དམ་ཅན་རྒྱ་མཚོའི་ཚོགས་ཀྱི་ཡང་རྗེ། འཁོར་འདས་ཀུན་གྱི་སྤྱི་དཔལ་ཆེན་པོ་རྟ་མཆོག་དབང་གི་རྒྱལ་པོ་ཆེན་པོ་དཔལ་དྲེགས་པ་ཟིལ་གནོན། རིགས་བདག་ཆགས་པ་དམར་པོ། དྲིན་ཅན་རྩ་བརྒྱུད་ཀྱི་བླ་མ། འཇིགས་བྱེད་བྱ་ཁྱུང་རྒྱལ་པོ། རིགས་ལྔའི་རྟ་ཕག་ཡབ་ཡུམ། གནོན་སྦྱིན་བཛྲ་པཱ་ཎི། ལྷ་ཆེན་གུ་ལང་ནག་པོ། ཡུམ་མཆོག་ཨུ་མ་དྲག་མོ། སྲས་མཆོག་སྲིན་པོ་ཟངས་མཆེ། སྲོག་བདག་ཚངས་པ་དཀར་པོ། གཤིན་རྗེ་ཡ་མ་རཱ་ཛ། བཙན་རྒོད་ཡམ་ཤུད་དམར་པོ། འཆི་བདག་རལ་པ་ཚར་དགུ། ཀླུ་བདུད་ནཱ་ག་རཀྴ། གཟའ་རྒོད་ཁྱབ་མཇུག་ཆེན་པོ། དམ་ཅན་མགར་བ་ནག་པོ། མ་བདུད་ནག་མོ་རེ་ཏཱི། ཕྱི་ནང་གསང་བའི་སྡེ་བརྒྱད། དཔལ་མགོན་དམ་ཅན་སྲུང་མ། རྒྱལ་ཆེན་ལས་བྱེད་བྲན་གཡོག་སྐུ་འཁོར་དང་བཅས་པ་རྣམས་དང་། ཁྱད་པར་དུ་བཀའ་སྲུང་ལི་བྱིན་སྐུ་ལྔ། གཏེར་སྲུང་གྲི་བཙན་དམར་པོ་རོལ་པ་སྐྱ་བདུན་དང་བཅས་པ་ཁྱེད་རྣམས་ལ་སྲེག་བྱེད་མེའི་མཆོད་པས་མཉེས་པར་བྱས་ཏེ་འདོད་དོན་གྱི་འཕྲིན་ལས་གསོལ་བ་ནི། ཟག་མེད་མྱ་ངན་ལས་འདས་པའི་ཐུགས་རྗེ་དང་འཕྲིན་ལས་ཐམས་ཅད་བླ་ན་མེད་པའི་ཐུགས་རྗེའི་ཤུགས་ཀྱིས་དབང་དུ་བསྡུས་ནས་བདག་ལ་རྫོགས་པར་མཛད་དེ་ཚེ་འདི་ཉིད་དུ་མངོན་པར་བྱང་ཆུབ་པར་མཛད་དུ་གསོལ། ཚངས་དབང་བརྒྱ་བྱིན་རྒྱལ་ཆེན་བཞི་དང་འཁོར་ལོས་སྒྱུར་བའི་རྒྱལ་པོ་ལ་སོགས་ཟག་བཅས་འཁོར་བ་པའི་དཔལ་ཐམས་ཅད་དབང་དུ་སྡུས་ནས་བདག་ལ་སྩལ་ཏེ་སྲིད་པའི་ཁམས་འདིར་དེང་ནས་བཟུང་སྟེ་བྱང་ཆུབ་ཀྱི་བར་དུ་མངོན་པར་མཐོ་བར་མཛད་དུ་གསོལ། འཇིག་རྟེན་ཁམས་ཀྱི་རྒྱལ་བློན་ཆེ་བཙུན་ཁ་དྲག་མོ་བཙུན་འབངས་དང་བཅས་པ་ཐམས་ཅད་རྗེས་ཆགས་སྙིང་རྗེའི་སྟོབས་ཀྱིས་དབང་དུ་བསྡུས་ལ་བྱང་ཆུབ་ཆེན་པོར་འགོད་པར་མཛད་དུ་གསོལ། སྲིད་པ་གསུམ་གྱི་དཔལ་འབྱོར་ལོངས་སྤྱོད་རིན་ཆེན་དར་ཟབ་འབྲུ་སྨན་རྐང་འགྲོ་སོགས་འབྱོར་བའི་དཔལ་ཐམས་ཅད་དབང་དུ་སྡུས་ལ་བསོད་ནམས་ཀྱི་ཚོགས་ཡོངས་སུ་རྫོགས་པར་མཛད་དུ་གསོལ། འཁོར་འདས་ཀུན་གྱི་ཚེ་དཔལ་དང་འབྱོར་བ་ཐམས་ཅད་དབང་དུ་སྡུས་ལ་སྲིད་ཞིའི་ཕུན་ཚོགས་ཐམས་ཅད་རབ་ཏུ་འཕེལ་ཞིང་རྒྱས་པར་མཛད་དུ་གསོལ། ཞེས་གསོལ་ཞིང་དངོས་གྲུབ་བླང་བ་ལ་རྟེན་ཅིང་འབྲེལ་འབྱུང་བཟང་བའི་ཟས་ཀྱི་དངོས་པོ་སྣ་ཚོགས་པ་བཏེག་ལ། ཧཱུྃ་ཧྲཱི༔ དགོངས་ཤིག་ཐུགས་རྗེ་ཆེ་མངའ་བཅོམ་ལྡན་འདས༔ འཕགས་མཆོག་དབང་གི་ལྷ་ཚོགས་དགོངས་སུ་གསོལ༔ བསྐལ་པའི་མེ་ལྟར་འབར་བའི་ཀློང་དཀྱིལ་ནས༔ རྟ་གདོང་དྲག་པོར་ཁྲོས་པ་དྲེགས་པའི་གཤེད༔ སྙིང་རྗེ་ཆེན་པོའི་དབང་ཕྱུག་ཧེ་རུ་ཀ༔ གསང་སྔགས་དབང་ནོས་འདའ་ཀ་ཁས་བླངས་ཀྱང་༔ ཤེས་རབ་ཟབ་མོའི་འབད་པ་རྔོ་མ་ཐོགས༔ ལྟ་སྒོམ་སྤྱོད་གསུམ་འགལ་གྱུར་ཉམས་ཆགས་བཤགས༔ ཚངས་པར་སྩལ་ནས་མཆོག་དང་ཐུན་མོང་དཔལ༔ དབང་བཞིའི་ཡེ་ཤེས་སྐུ་བཞིར་མངོན་གྱུར་སྩོལ༔ ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་ཀཱ་ཡ་ཝཱཀྐ་ཙིཏྟ་སརྦ་སིདྡྷི་ཧཱུྃ༔ བདུན་བརྗོད་དམིགས་པ་གནད་དུ་གཟིར་ཏེ་དབང་བཞི་ལེན་པར་བྱའོ། །རྫས་དངོས་གྲུབ་ཏུ་རོལ། ཡི་གེ་བརྒྱ་པས་ལྷག་ཆད་བསྐང་ཞིང་། མ་འབྱོར་པ་དང་ཉམས་པ་དང་། །སོགས་ཀྱིས་ནོངས་པ་བཟོད་པར་གསོལ། ཧཱུྃ་ཧྲཱི༔ རྟོག་མེད་དབྱིངས་ལས་ཤར་བའི་གཙོ་དང་འཁོར། ནས་སླར་ཡང་བདག་ཅག་རྗེས་མཐུན་དངོས་གྲུབ་སྩོལ༔ ཅེས་ཡེ་ཤེས་པ་གཤེགས། དམ་ཚིག་པ་རང་ལ་བསྡུ་བ་ནི། ཧཱུྃ་ཧྲཱི༔ གསང་ཆེན་རོལ་པའི་དུར་ཁྲོད་གཞལ་ཡས་ཁང་༔ ཞེས་པ་ནས། མངོན་རྫོགས་བརྗོད་མེད་ཟང་ཐལ་སྤྲོས་དང་བྲལ༔ སླར་ཡང་འཇིག་རྟེན་པའི་མེ་ལྷ་ཐབ་ཀྱི་ཤར་ལྷོར་དཔང་པོ་བཞུགས་པ་བཛྲ་ས་མཱ་ཛ༔ དམ་ཚིག་པ་དང་གཉིས་སུ་མེད་པར་གྱུར་པ་ལ། ཨརྒྷཾ་སོགས་ཀྱིས་མཆོད་ཅིང་། ཧཱུྃ། བསྲེག་པའི་རེག་བྱ་ཚ་བའི་ཀློང་། །འབར་བའི་ནུས་པས་སྲིད་གསུམ་གྱི། །ལོག་པར་འདྲེན་པ་ཀུན་སྲེག་པའི། །ལྷ་ཡི་ལྷ་མཆོག་ཁྱོད་ལ་བསྟོད། །དེ་ནས། ཨཱོཾ་ཨགྣཱེ་ཡེ་ཨ་དི་བྱ་ཨ་དི་བྱ་ཨ་བི་ཤ་ཨ་བི་ཤ་མ་ཧཱ་ཤྲཱི་ཧ་བྱ་ཀ་བྱ་བཱ་ཧ་ནེ་ཡེ་སྭཱ་ཧཱ། ཨཱོཾ་ཨགྣཱེ་ཡེ་སྭཱ་ཧཱ། ཞེས་འབུལ། ཨཱོཾ་བོ་དྷི་བྲིཀྵ་ཡེ་སྭཱ་ཧཱ། ཡམ་ཤིང་གིའོ། །ཨཱོཾ་ཨགྣཱེ་ཡེ་སྭཱ་ཧཱ། མར་ཁུའོ། །ཨཱོཾ་སརྦ་པཱ་པཾ་ད་ཧ་ན་བཛྲཱ་ཡ་སྭཱ་ཧཱ། ཏིལ་གྱིའོ། །ཨཱོཾ་སརྦ་ཨཪྠ་ས་དྷཱ་ཡ་སྭཱ་ཧཱ། ཡངས་ཀར་གྱིའོ། །ཨཱོཾ་སརྦ་སཾ་བྷ་དེ་སྭཱ་ཧཱ། ཟས་སྣའོ། །ཨཱོཾ་བཛྲ་ཨཱ་ཡུ་ཥེ་སྭཱ་ཧཱ། དཱུརྦའོ། །ཨཱོཾ་བཛྲ་པུཥྟཱ་ཡེ་སྭཱ་ཧཱ། འབྲས་ཀྱིའོ། །ཨཱོཾ་བཛྲ་བི་ཛཱ་ཡ་སྭཱ་ཧཱ། སོ་བ་ལའོ། །ཨཱོཾ་མ་ཧཱ་བེ་གྷཱ་ཡ་སྭཱ་ཧཱ། ནས་ཀྱིའོ། །ཨཱོཾ་བཛྲ་མ་ཧཱ་བ་ལཱ་ཡ་སྭཱ་ཧཱ། སྲན་མའོ། །ཨཱོཾ་བཛྲ་གྷསྨ་རེ་སྭཱ་ཧཱ། གྲོའོ། །ཨཱོཾ་ཨ་པྲ་ཏི་ཧ་ཏ་བཛྲཱ་ཡ་སྭཱ་ཧཱ། ཀུ་ཤའོ། །ཨཱོཾ་ཨཱཿསྭཱ་ཧཱ། ཕྲུམ་གྱིའོ། །ཨཱོཾ་ཛྲིཾ་སྭཱ་ཧཱ། འབྲུ་སྣའོ། །ཨཱོཾ་བཛྲ་ཤྲཱི་བཱ་ཡ་སྭཱ་ཧཱ། ཤིང་ཏོག་གོ། ཨཱོཾ་བཛྲ་ཝསྟྲ་ཡེ་སྭཱ་ཧཱ། དར་སྣའོ། །ཨཱོཾ་ཀུ་རུ་ཀུ་རུ་སྭཱ་ཧཱ། སྲེག་རྫས་སྔགས་མེད་པའི་རིགས་ཐམས་ཅད་ཀྱིའོ། །ཨཱོཾ་བཛྲ་ཏམྦུ་ལ་ཡེ་སྭཱ་ཧཱ། སོ་རྩིའོ། །ཨཱོཾ་བཛྲ་ཝསྟྲ་ཡེ་སྭཱ་ཧཱ། གོས་ཟུང་ངོ་། །ཞེས་པ་རྣམས་ལ་གསུམ་མམ་བདུན་སོགས་འབུལ་རྒྱས་པར་རེ་རེའམ་བསྡུ་ན་ཀུན་གྱི་མཐར་འདོད་གསོལ་གཅིག་བྱས་ཀྱང་རུང་། དེ་ནས་གཏོར་མ་ལ། ཨཱོཾ་ཨགྣཱེ་ཡེ་ས་པ་རི་ཝཱ་ར་ཨི་དམ་བ་ལིངྟ་ཁ་ཁ་ཁཱ་ཧི་ཁཱ་ཧི༔ ཅེས་འབུལ། སླར་ཡང་ཨརྒྷཾ་ནས་ཤཔྟའི་བར་གྱིས་མཆོད་ཅིང་། ཧཱུྃ། གཟི་བརྗིད་ཕུང་པོ་ལྟ་ན་སྡུག །འོད་བཟང་ཉི་མའི་དཔལ་དུ་འབར། །རབ་འབྱམས་འཕྲིན་ལས་རྒྱ་མཚོའི་དཔལ། །ཨགྣཱི་རཱ་ཛ་ཁྱོད་ལ་བསྟོད། །ཅེས་བསྟོད། ཡི་གེ་བརྒྱ་པ་བརྗོད། མ་འབྱོར་པ་དང་ཉམས་པ་དང་། །གང་ཡང་བདག་རྨོངས་བློ་ཡིས་ནི། །བགྱིས་པ་དང་ནི་བགྱིད་སྩལ་བ། །དེ་ཀུན་མགོན་པོས་བཟོད་པར་གསོལ། མེ་ལྷའི་རྒྱལ་པོ་གང་ཁྱོད་ཀྱིས། །བདག་གཞན་དོན་གཉིས་ཀུན་མཛོད་ཅིག །ཆོས་ཉིད་ཀློང་དུ་གཤེགས་ནས་ཀྱང་། །གསོལ་བ་བཏབ་ན་སླར་ཡང་བྱོན། ཨགྣཱེ་ཡེ་མུ༔ ཞེས་ཡེ་ཤེས་པ་གཤེགས། དམ་ཚིག་པ་མེའི་ཕུང་པོར་གྱུར་པར་བསམ་མོ། །དེ་ནས་བཀྲ་ཤིས་བརྗོད་པ་ནི། ཧཱུྃ་ཧྲཱི༔ ཆོས་དབྱིངས་ཀུན་ཁྱབ་ཡངས་པ་ཐུགས་རྗེའི་ལྷ༔ སོགས་བཀྲ་ཤིས་བརྗོད། བསྔོ་བ་ནི། ཧཱུྃ་ཧྲཱི༔ རྡོ་རྗེ་གསུམ་གྱི་གསལ་སྣང་ལྷ་རུ་བསྐྱེད༔ སོགས། སྨོན་ལམ་ནི། ཧཱུྃ་ཧྲཱི༔ ཚེ་རབས་སྔོན་ནས་བསྟེན་པའི་ཡི་དམ་ལྷ༔ སོགས་བརྗོད། དེ་ནས་ཐལ་བ་ཆུ་བོ་རྒྱུན་བཟང་ལ་གཤེགས། ཞེས་པ་འདི་ཡང་ཧོར་ཀྱི་པཎ་ཆེན་ངག་དབང་འཇམ་དབྱངས་བློ་ལྡན་གྱིས་མཛད་པའི་དབང་གི་སྦྱིན་སྲེག་སོར་བཞག་སྟེ། དབང་ཆེན་དྲེགས་པ་ཟིལ་གནོན་གྱི་དབང་གི་སྦྱིན་སྲེག་ཏུ་ཁོ་བོ་ཉི་མ་གྲགས་པས་དཔལ་ལྡན་སྟག་མོ་སྒང་གི་བསྐལ་བཟང་ཕུན་ཚོགས་གླིང་དུ་སྦྱར་བ་བསྟན་པ་དང་འགྲོ་བའི་དོན་འབད་མེད་ཡོངས་གྲོལ་ཆེན་པོར་འབྱུང་བར་གྱུར་ཅིག །མངྒ་ལཾ།། །།
དྲག་པོའི་སྦྱིན་སྲེག
དབང་ཆེན་དྲེགས་པ་ཟིལ་གནོན་གྱི་དྲག་པོའི་སྦྱིན་སྲེག་བཞུགས། །དཔལ་ཆེན་པོ་རྟ་གདོང་དབང་གི་རྒྱལ་པོ་ལ་ཕྱག་འཚལ་ལོ། དེ་ཡང་དཔལ་ཆེན་པོ་དྲེགས་པ་ཟིལ་གནོན་གྱི་དཀྱིལ་འཁོར་ཆེན་པོར་ཡོངས་སུ་སྨིན་པར་བྱས་ཤིང་བསྙེན་པ་དང་སྒྲུབ་པའི་རིམ་པར་དྲོད་རྟགས་ཐོན་པ་དམ་ཚིག་ལ་གནས་པའི་སྔགས་པས། འཇིགས་ཤིང་སྐྱིི་གཡའ་བའི་དུར་ཁྲོད་དམ། ནག་ཅིང་རྩུབ་ལ་ཁ་ལྷོར་བལྟ་བ་སོགས་དྲག་པོའི་གནས་སམ་སྐབས་སུ་བབས་བའི་གནས་སུ་ལྕགས་ཁམས་ཀྱི་ལོ་ཟླ་ཉི་ཁྱིམ་ཡོད་པའི་འཕུང་གསུམ་བདུད་ཀྱི་ཉི་མ་སོགས་རབ་ཏུ་གཉན་ཞིང་རྩུབ་པའི་སྲོད་ལ་སོགས་པར། གྲོག་མཁར་གྱི་ས་འཕུང་ཤུལ་གྱི་ས་གཡུལ་བཀྱེ་བའི་ས་སོགས་ལ་སྟེགས་བུ་ནག་པོ་རྒྱར་ཁྲུ་གང་དཔངས་སུ་མཐོ་གང་པ་དུག་དང་ཁྲག་གིས་ཆག་ཆག་གདབ་པར་མཎྜལ་ནག་པོ་གྲུ་གསུམ་པ་ཐོད་ར་དང་མེ་རིས་བསྐོར་བའི་ནང་དུ་ལྷ་གྲངས་ཀྱི་ས་བོན་ནམ་ཕྱག་མཚན་ཚོམ་བུ་གང་ཚོགས་བྲིས་པའི་ཁར་སྐྱེར་པ་སོགས་དུག་དང་ཚེར་མ་ཅན་གྱི་ཤིང་དུག་ཁྲག་གིས་སྦགས་པ་གྲུ་གསུམ་དུ་བརྩིགས། གཡོན་དུ་མེ་སྲོག་འཛིན་པའི་རྫས་ཚེར་མ་ཅན་གྱི་ཤིང་ཟུར་གསུམ་པ་སོར་བཅུ་གཉིས་སྦོམ་ཕྲ་མཐེའུ་ཆུང་ཙམ་དུ་གཞོགས་པ་ལ་དུག་ཁྲག་གིས་གནོད་བྱེད་དགྲ་བགེགས་ཐམས་ཅད་མཱ་ར་ཡ་རྦད། ཅེས་བྲིས་པའི་རྩ་རྩེར་དུག་ཁྲག་དང་མར་ནག་ཚིལ་ཆེན་གྱིས་སྦགས་པ་གང་མང་། རྩ་བའི་རྫས་དགྲ་བགེགས་གང་ལ་བྱེད་པའི་གཟུགས་དགྲ་ཡིན་ན་ཟག་རྫས་སོགས་དྲི་མ་དྲུག་གིས་བགོས་པ་བརྒྱ་རྩ་བརྒྱད། དྲག་པོའི་རྫས་མི་རྟ་ཁྱི་གསུམ་སོགས་ཀྱི་ཤ་སྣ་བག་ཕྱེ་དང་བསྲེས་པའི་སྐྱུ་གུ་གྲུ་གསུམ་པའི་ནང་དུ་གནོད་བྱེད་ཀྱི་མིང་རུས་དུག་ཤོག་ལ་དུག་ཁྲག་གིས་བྲིས་ཏེ་བཅུག་པ། གནད་ཀྱི་རྫས་སྦལ་སྦྲུལ་ཉ་ཁྱི་སོགས་ཀྱི་ཤ་ར་དུག་ཐང་ཕྲོམ་བཙན་དུག་ཐར་ནུ་སོགས་དུག་སྣ་རྣམས་བསྲེས་པ། གསོད་པའི་རྫས་གྲི་ལྕགས་བྲག་ཐོག་གིས་བཤིགས་པ་གནམ་ནས་བབས་པའི་མཁར་ཟངས་བརྡར་བའི་ཕྱེ་མ་མྱོས་པའི་རྫས་མར་ནག་དམེ་མནོལ་གྱི་ཁྲག་དང་སྦྱར་བ། ཚ་བའི་རྫས་ཏིལ་ནག་ཡུངས་ཀར་ལྕེ་ཚ་དབྱི་མོང་སྲུབ་ཀ་སྟེ་ཚ་བ་གསུམ། རྫས་དེ་རྣམས་ལྕགས་སམ་བྷནྡྷའི་སྣོད་དུ་རིམ་པར་འགོད། གོ་ཡུ་མར་དང་སྦྱར་བའི་སོ་རྩི་ལས་མཐུན་གྱི་གོས་ཟུང་རྣམས་བཤམས། གཡས་སུ་མཆོད་ཡོན་ཞབས་བསིལ་གྱིས་ཐོག་དྲངས་པའི་ཉེར་སྤྱོད་འཇིག་རྟེན་པ་དང་འདས་པའི་སྨན་རག་གཏོར་མཆོད། མདུན་དུ་རྡོར་དྲིལ་གཟར་བླུགས་རླུང་གཡབ་མེ་ཏོག་ལས་བུམ་སོགས་ཉེ་བར་མཁོ་བ་རྣམས་བཤམས། དཔལ་ཆེན་པོ་དྲེགས་པ་ཟིལ་གནོན་གྱི་ལས་གཞུང་ཚོགས་ལྷག་ཡན་གྲུབ་ནས་ལས་བུམ་གྱི་ཁར་གཟུངས་ཐག་བཀོད་དེ། སྭཱ་བྷཱ་ཝས་སྟོང་པར་སྦྱངས། སྟོང་པ་ཆེན་པོའི་ངང་ཉིད་ལས། །ལས་བུམ་ཁྲོ་བོའི་གཞལ་ཡས་ཁང་། །མཚན་ཉིད་ཡོངས་རྫོགས་ལྟེ་བ་རུ། །པད་ཉིར་ཧཱུྃ་ལྗང་འཕྲོ་འདུ་ལས། །བདུད་རྩི་འཁྱིལ་བ་རྔམ་ཞིང་ཁྲོ། །གཡས་གཡོན་རྒྱ་གྲམ་སྡིགས་མཛུབ་ལྗང་། །རབ་འཇིག་ཁྲོ་བོའི་ཆ་ལུགས་རྫོགས། །སྐུ་ལས་ཁྲོ་ཆུང་དཔག་མེད་འཕྲོས། །ལྷ་སྲིན་སྡེ་བརྒྱད་མི་བསྲུན་ཚོགས། །བསྐྲད་གཟིར་མནན་བསྲེགས་རྡུལ་དུ་བརླག །ཚུར་འདུས་བུམ་པའི་ཆུ་དང་འདྲེས། །ཨཱོཾ་བཛྲ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུྃ་ཕཊ༔ ཅེས་འགྲུབ་བཟླས་རྗེས། ཁྲོ་བོའི་དབང་པོ་འོད་དུ་ཞུ། །བདུད་རྩི་བུམ་ཆུའི་རྣམ་པར་གྱུར། ཞེས་བསྒྲུབ། དེ་ནས་སྔགས་པ་བདུད་ཆས་སུ་ཞུགས་ཏེ་མི་བསྲུན་པའི་ལོག་འདྲེན་མཐའ་དག་དྲག་པོའི་འཕྲིན་ལས་ཀྱི་སྟོབས་ཀྱིས་བཏུལ་ཏེ་ཧེ་རུ་ཀའི་གོ་འཕང་ལ་འགོད་པར་བྱ་བའི་སེམས་བསྐྱེད་དང་ལྡན་པས་རོལ་མོ་འཁྲོལ་ཞིང་འཛབ་དབྱངས་བཟླ། འགྱིང་བག་གི་སྟབས་ཀྱིས་མེ་ཐབ་ལནགསུམ་བསྐོར་ཏེ། མེ་ཐབས་ཀྱི་དབུས་སུ་ཧཱུྃ་དམར་ནག་རཾ་གྱིས་མཚན་པ་འོད་ཟེར་མེ་དཔུང་དམར་ནག་ཚ་ཞིང་རྩུབ་པ་དཔག་ཏུ་མེད་པ་ཕྱོགས་བཅུར་འཕྲོས་པས་གདོན་བགེགས་འབྱུང་པོ་ཐམས་ཅད་མིང་ཡང་མི་གྲགས་པར་ཐལ་བའི་རྡུལ་དུ་བརླག་ཚུར་འདུས་པ་ལས་སྟེང་འོག་ཕྱོགས་མཚམས་ཐམས་ཅད་རྣོ་དབལ་མཚོན་ཆ་འབར་བའི་ས་གཞི་ར་བ་དྲ་བར་གུར་ཡེ་ཤེས་ཀྱི་མེ་རི་དང་བཅས་པའི་བསྲུང་བའི་འཁོར་ལོས་རབ་ཏུ་གཏམས་པར་གྱུར་པར་བསམས་ཤིང་། ཧཱུྃ། བསྐལ་པའི་མེ་ཆེན་འབར་བའི་གཞལ་ཡས་འདིར༔ མེ་ལྷ་དྲང་སྲོང་ཡི་དམ་མ་གཏོགས་པ༔ གདོན་བགེགས་འབྱུང་པོ་བར་དུ་གཅོད་པའི་ཚོགས༔ འདི་རུ་མ་འདུག་རང་རང་གནས་སུ་དེངས༔ གལ་ཏེ་མི་འགྲོ་ཆགས་ཤིང་འདིར་འཁོར་ན༔ མེ་འདག་འབར་བའི་སྦྲང་བུ་བཞིན་དུ་བསྲེག༔ ཞེ་སྡང་འཇོམས་པའི་མེ་ནི་མཐིང་ནག་འབར༔ ང་རྒྱལ་འཇོམས་པའི་མེ་ནི་སེར་ནག་འབར༔ འདོད་ཆགས་འཇོམས་པའི་མེ་ནི་དམར་ནག་འབར༔ ཕྲག་དོག་འཇོམས་པའི་མེ་ནི་ལྗང་ནག་འབར༔ གཏི་མུག་འཇོམས་པའི་མེ་ནི་སྨུག་ནག་འབར༔ ཡེ་ཤེས་འབར་བའི་མེ་ཡིས་མཚམས་ཆོད་ཅིག༔ ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་ཨགྣཱེ་ཡེ་ཛྭ་ལ་རཾ་རཾ་ཨཱོཾ་སུམ་བྷ་ནི་སོགས་བརྗོད། དེ་ནས་མཆོད་པ་བྱིན་གྱིས་བརླབ་པ་ནི། ལས་བུམ་གྱི་ཆུས་འཐོར་ཞིང་སྲེག་རྫས་རྣམས་བསང་སྦྱངས། སྟོང་པའི་ངང་ལས་ཨཱཿལས་བྷནྡྷ་ལྕང་ལོར་བཅས་པ་ཡངས་ཤིང་རྒྱ་ཆེ་བ་སྟོང་གསུམ་གྱི་ཁྱོན་དང་མཉམ་པའི་ནང་དུ་ནྲི་ཏྲི་ཡོངས་སུ་གྱུར་པ་ལས་དགྲ་བགེགས་གནོད་བྱེད་གདུག་པ་ཅན་རྣམས་བསྒྲལ་བའི་ཕུང་ཁམས་སྐྱེ་མཆེད་ལས་བྱུང་བའི་མཆོད་རྫས་དང་སྲེག་རྫས་རྣམས་ངོ་བོ་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོ་ལ་རྣམ་པ་སོ་སོའི་མཚན་ཉིད་ཐམས་ཅད་ཡོངས་སུ་རྫོགས་ཤིང་བྱེད་ལས་ལྷ་ཚོགས་མ་ལུས་པའི་ཐུགས་རྒྱུད་ལ་ཟག་མེད་ཀྱི་དགྱེས་པ་བསྐྱེད་པར་ནུས་པའི་རབ་འབྱམས་མཆོད་པའི་སྤྲིན་གྱི་ཕུང་པོ་ནམ་མཁའི་མཐའ་དང་མཉམ་པར་གྱུར་པར་བསམས་ཤིང་། ཨཱོཾ་བཛྲ་ཨརྒྷཾ་ཨཱཿཧཱུྃ་སོགས་ཤཔྟ་ཨཱཿཧཱུྃ་གིས་མཆོད་རྫས་དང་། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་ཀྲོ་ཏ་ནྲི་ཏྲི་མཱ་ར་ཡ་ཛཿཛ༔ ལན་གསུམ་གྱིས་སྲེག་རྫས་རྣམས་བྱིན་གྱིས་བརླབ། དེ་ནས་གདོལ་པའམ་བཤན་པའམ་དམེ་ཕོ་ཡུགས་ས་གང་རུང་ནས་མེ་བླངས་ལ་ཐབ་ཏུ་སྦར་ཞིང་། ཧཱུྃ༔ བྱང་གི་ཕྱོགས་ནས་མེ་སྦར་མས༔ གནོད་སྦྱིན་ལག་ནས་མེ་ལོང་ལ༔ དྲག་པོའི་མེ་ནི་སྦར་བར་མཛོད༔ ལྷོ་ནུབ་མཚམས་ནས་ཤིང་ཐུན་མས༔ རླུང་ལྷའི་ཡུལ་ནས་ཤིང་ཐུས་ལ༔ རླུང་གི་ལྷ་མོས་རླུང་གཡོབས་ཤིག༔ ཨཱོཾ་ཨགྣཱེ་ཡེ་ཧ་བྱ་ཀ་བྱ་ཆེ་གེ་མཱ་ར་ཡ་ཛྭ་ལ་རཾ༔ རླུང་གཡབ་ཀྱི་གཡབ་ཅིང་། ཨཱོཾ་ཨགྣཱེ་ཡེ་ཛྭ་ལ་རཾ་རཾ༔ ཞེས་མར་ནག་བླུགས་གཟར་བདུན་གྱིས་ཀྱང་གསོ། མེ་ཐབས་བསངས་སྦྱངས། སྟོང་པའི་ངང་ལས་རབ་འཇིགས་དྲག་པོའི་ཐབ་ཁུང་གྲུ་གསུམ་ནག་པོ་བང་རིམ་གསུམ་དང་ལྡན་ཞིང་མུ་རན་དང་ཁ་ཁྱེར་ལ་ཐོད་པའི་ཕྲེང་བ་དང་མེ་དཔུང་འབར་བས་ཀླུབས་པ་གཏིང་རབ་ཏུ་ཟབ་ལ་རྒྱ་ཁྱོན་ཆོས་ཀྱི་དབྱིངས་དང་མཉམ་པའི་དབུས་སུ་རང་ཉིད་དཔལ་ཆེན་པོ་དྲེགས་པ་ཟིལ་གནོན་གྱི་ཐུགས་ཀ་ནས་འཕྲོས་པའི་རཾ་དམར་ནག་ཡོངས་སུ་གྱུར་པ་ལས། ཧཱུྃ་ཧཱུྃ༔ མེ་ཐབ་གྲུ་གསུམ་རྒྱ་ཆེ་ཡངས་པའི་ནང་༔ མེ་ཡི་འཁོར་ལོ་རྩིབས་བརྒྱད་རཾ་གྱིས་མཚན༔ མེ་ལྷ་དམར་པོ་ཞལ་གཅིག་ཕྱག་བཞི་པ༔ མེ་ཡི་འཁོར་ལོ་མེ་ཡི་རྒྱལ་མཚན་དང་༔ འོག་མ་གཉིས་ཀྱིས་མེ་ཡི་ལྕགས་ཀྱུ་བསྣམས༔ དབང་དྲག་དཔལ་འབར་གཟི་བརྗིད་ལྡན་པར་བསྐྱེད༔ སྤྱན་འདྲེན་པ་ནི༔ ཧཱུྃ༔ དབང་དྲག་སྟོབས་ཀྱི་འཕྲིན་ལས་གར་དགུར་ལྡན༔ འབྱུང་བ་ཆེན་པོ་སྲེག་བྱེད་འབར་བའི་ལྷ༔ དད་པས་སྤྱན་འདྲེན་དྲག་པོའི་གཞལ་ཡས་འདིར༔ དམ་ཚིག་དབང་གིས་གཤེགས་ཤིག་ས་མ་ཡ༔ ཨཱོཾ་ཨགྣཱེ་ཡེ་བཛྲ་ས་མ་ཡ་ཛཿཛཿཧཱུྃ་བཾ་ཧོ༔ དམ་ཚིག་པ་དང་གཉིས་སུ་མེད་པར་གྱུར༔ ཧཱུྃ༔ གཟི་བརྗིད་འབར་བ་མེ་ཡི་ལྷ༔ དྲག་པོའི་འཕྲིན་ལས་སྒྲུབ་པའི་ཕྱིར༔ འབར་བ་མེ་ཡི་གཞལ་ཡས་འདིར༔ གཉིས་མེད་བརྟན་པར་བཞུགས་སུ་གསོལ༔ ཨཱོཾ་ཨགྣཱེ་ཡེ་དྷེ་ཝ་བཛྲ་ས་མ་ཡ་ཨ་ཝེ་ཤ་ཡ་ཏིཥྛནྟུ༔ ཞེས་པས་གདན་དབུལ༔ ཧཱུྃ༔ དྲང་སྲོང་ཆེན་པོ་མེ་ཡི་ལྷ༔ གཟི་བརྗིད་འབར་བ་ལྟ་ན་སྡུག༔ འཕྲིན་ལས་ཀུན་སྒྲུབ་ཐུགས་རྗེ་ཅན༔ གུས་པའི་ཡིད་ཀྱིས་ཕྱག་འཚལ་བསྟོད༔ ཨཱོཾ་ཨགྣཱེ་ཡེ་དྷེ་ཝ་ཨ་ལ་ལ་ཨ་ཏི་པུ་ཧོཿ ཕྱག་བྱ། ཧཱུྃ༔ དངོས་བཤམས་ཡིད་ལས་སྤྲུལ་པ་ཡི༔ རྨད་དུ་བྱུང་བའི་ཉེར་སྤྱོད་ལྔ༔ ལོག་འདྲེན་དགྲ་བགེགས་གདུག་པ་ཅན༔ བསྒྲལ་བའི་གཟུགས་ཕུང་ལས་བྱུང་བའི༔ རྔམ་བརྗིད་ནང་གི་ཉེར་སྤྱོད་ལྔ༔ རྩ་བརྒྱད་སྟོང་ལ་སྦྱར་བའི་སྨན༔ བདུད་སྡེའི་སྙིང་གི་རཀྟ་དམར༔ རྨད་བྱུང་གཏོར་མའི་རི་བོ་སྟེ༔ ནམ་མཁའ་གང་བའི་མཆོད་པ་རྣམས༔ དྲང་སྲོང་མེ་ལྷའི་ཚོགས་ལ་འབུལ༔ ཨཱོཾ་ཨགྣཱེ་ཡེ་དྷེ་ཝ་ས་པ་རི་ཝཱ་ར་ཨརྒྷཾ་ནས་ཤཔྟ་སརྦ་པཉྩ་ཨ་མྲྀ་ཏ་མ་ཧཱ་རཀྟ་བཱ་ལིངྟ་པཱུ་ཙ་ཁཱ་ཧི། ཞེས་མཆོད། བསྟོད་པ་ནི། ཧཱུྃ༔ དྲང་སྲོང་རྒྱལ་པོ་འབྱུང་བ་མེ་ཡི་ལྷ༔ སྐུ་མདོག་དམར་ནག་འཁྲུག་པ་མེ་ཡི་སྐུ༔ སྐུ་ལས་མེ་འོད་ཚ་ཚ་ཤ་ར་ར༔ དུས་མཐའི་མེ་ལྟར་འཚིག་ཅིང་ཁམས་གསུམ་གཡོ༔ དགྲ་བགེགས་བྱད་མ་སྲེག་མཛད་ལྷ་ལ་བསྟོད༔ ཅེས་བསྟོད། དེ་ནས་བྱོན་ཟན་འབུལ་བ་ནི། མེ་ལྷའི་ལྗགས་རྡོ་རྗེ་རྩེ་མོ་གཅིག་པར་རཾ་ཡིག་དམར་པོ་དང་དགང་བླུགས་ཀྱི་རྩེ་མོར་ཧཱུྃ་དམར་ནག་གཟི་བརྗིད་དང་ལྡན་པ་རེས་མཚན་པར་གྱུར་པར་བསམས་ཤིང་། ཨཱོཾ་ཨགྣཱེ་ཡེ་སྭཱ་ཧཱ༔ ཞེས་པ་བདུན་གྱིས་དགང་བའི་གཟར་བླུགས་གཉིས་ཁ་སྦྱར་བ་རྡོ་རྗེ་ཁུ་ཚུར་གྱིས་བཟུང་ནས་པུས་མོ་ལས་ཕྱིར་མི་འདའ་བར་གཡོན་དུ་བསྐོར་ཞིང་། ཨཱོཾ་ཨགྣཱེ་ཡེ་ཨ་དི་བྱ་ཨ་དི་བྱ་ཨ་བི་ཤ་ཨ་བི་ཤ་མ་ཧཱ་ཤྲཱི་ཧ་བྱ་ཀ་བྱ་བཱ་ཧ་ན་ཡེ༔ བདག་ཅག་དཔོན་སློབ་རྒྱུ་སྦྱོར་བ་སྦྱིན་པའི་བདག་པོ་མི་ནོར་འཁོར་དང་བཅས་པ་རྣམས་ལ་གནོད་ཅིང་འཚེ་བར་བྱེད་པའི་གདོན་བགེགས་ལོག་འདྲེན་བསམ་ངན་སྦྱོར་རྩུབ་འཆང་བའི་དགྲ་བོ་མི་ནོར་དང་བཅས་པ་མཱ་ར་ཡ་རྦད༔ ཅེས་ལན་གསུམ་གྱིས་ཕུལ་རྗེས༔ ཧཱུྃ། སྲེག་བྱེད་འབྱུང་བའི་ལྷ་ཁྱོད་ཀྱིས། །སྲེག་རྫས་ཡེ་ཤེས་ལྷར་འབུལ་ཞིང་། །མེ་ཡང་ཡེ་ཤེས་མེར་མཛད་ནས། །དྲག་པོའི་འཕྲིན་ལས་སྒྲུབ་པར་མཛོད། །ཅེས་བརྗོད། དེ་ནས་ཡམ་ཤིང་ལ། ཨཱོཾ་ཨགྣཱེ་ཡེ་ཛྙཱ་ན་ཡ་བདག་ཅག་དཔོན་སློབ་རྒྱུ་སྦྱོར་བ་སྦྱིན་པའི་བདག་པོ་མི་ནོར་འཁོར་དང་བཅས་པ་མཱ་ར་ཡ་རྦད༔ མར་ཁུ་ལ། ཨཱོཾ་ཨགྣཱེ་ཡེ་བདག་ཅག་དཔོན་སློབ་རྒྱུ་སྦྱོར་བ་སྦྱིན་པའི་བདག་པོ་མི་ནོར་འཁོར་དང་བཅས་པ་རྣམས་ལ་གནོད་ཅིང་འཚེ་བར་བྱེད་པའི་གདོན་བགེགས་ལོག་འདྲེན་བསམ་ངན་སྦྱོར་རྩུབ་འཆང་བའི་དགྲ་བོ་མི་ནོར་དང་བཅས་པ་མཱ་ར་ཡ་རྦད༔ རྫས་གཞན་རྣམས་ལ། ཧཱུྃ། སྲེག་བྱེད་འབར་བ་དྲག་པོ་མེ་ཡི་ལྷ། །མ་ལུས་འཁོར་དང་བཅས་པ་ཐམས་ཅད་ལ། །དགྲ་བགེགས་ལོག་པར་འདྲེན་པའི་གཟུགས་ཕུང་དང་། །དྲག་པོའི་རྫས་དང་གནད་འབེབས་གསོད་དང་མྱོས། །རབ་ཏུ་ཚ་བའི་རྫས་མཆོག་འདི་འབུལ་བས། དམིགས་པའི་དགྲ་བགེགས་གཏན་ནས་བརླག་པར་མཛོད། ཨཱོཾ་ཨགྣཱི་ཀྲོ་ཏ་དགྲ་བགེགས་གནོད་བྱེད་མཱ་ར་ཡ་ཛྭ་ལ་རཾ་རཾ་ཧཱུྃ་ཕཊ༔ ཅེས་རྩ་བའི་རྫས་ནས་ཚ་བའི་རྫས་ཀྱི་བར་རྣམས་ལ་བདུན་ནམ་ཉེར་གཅིག་སོགས་ལོང་སྐབས་དང་བསྟུན་ཏེ་འབུལ། ཧཱུྃ། ཚངས་པའི་དབང་པོ་འཇིག་རྟེན་མགོན་གྱི་སྲས། །ལས་བཞིའི་སྟོབས་ཀྱི་འཁོར་ལོས་བསྒྱུར་བའི་ལྷ༔ ཡིད་བཞིན་རེ་སྐོང་གཟི་བརྗིད་སྣང་བའི་གཏེར། །ལོག་འདྲེན་སྲེག་བྱེད་མེ་ཡི་ལྷ་ལ་བསྟོད། །ཧཱུྃ། སྲེག་བྱེད་འབྱུང་བའི་ལྷ་ཁྱོད་ཀྱིས། །སྲེག་རྫས་ཡེ་ཤེས་ལྷར་འབུལ་ཞིང་། མེ་ཡང་ཡེ་ཤེས་མེར་མཛད་ནས། །དྲག་པོའི་འཕྲིནལས་གྲུབ་པར་མཛོད། །ཅེས་བརྗོད་འཕྲིན་ལས་བཅོལ་ལོ། ཨཱོཾ་ཨགྣཱེ་ཡེ་གཙྪ་མུ༔ ཡེ་ཤེས་ཀྱི་མེ་ལྷ་ཐབ་ཀྱི་ཤར་ལྷོར་གཤེགས་ནས་དཔང་པོ་མཛད་པར་གྱུར་པར་བསམ་མོ། །འཇིག་རྟེན་ལས་འདས་པའི་མེ་ལྷ་མཆོད་པ་ནི། དམ་ཚིག་མེ་ལྷའི་ངོ་བོ་ནི། །དྲང་སྲོང་མེ་ལྷའི་ལྟོ་བའི་ཀློང་། །ཆོས་ཀྱི་དབྱིངས་དང་མཉམ་པའི་དབུས། །བྷྲཱུྃ་འཕྲོས་དབང་དྲག་རོལ་པའི་གཞལ་ཡས་ཁང་༔ དུར་ཁྲོད་ཆེན་པོ་འཁོར་ལོ་རྩིབས་བརྒྱད་དབུས༔ ཞེས་པ་ནས། བཀའ་སྲུང་དམ་ཅན་རྒྱ་མཚོར་ཕྱག་འཚལ་བསྟོད༔ ཅེས་པའི་བར་ལས་བྱང་བཞིན་བྱ། དེ་ལྟར་བསྟོད་པས་ལྷ་ཚོགས་ཐམས་ཅད་མཐུ་སྟོབ་ཀྱི་དཔུང་གཡོས་པས་སྐུ་མདོག་ཆར་སྤྲིན་ནག་པོ་རབ་ཏུ་རྒྱས་པའི་ཕུང་པོ་ལྟར་གནག་ཅིང་བཟོད་པར་དཀའ་བའི་གཟི་བརྗིད་འབར་ཞིང་འོད་དམར་ནག་ཏུ་འཕྲོ་བ་དྲག་པོས་སྒྲོལ་བའི་ལས་ལ་དཔའ་ཞིང་སྲིད་གསུམ་ལོག་འདྲེན་ཟ་བའི་ལས་ལ་བརྔམ་པའི་སྐུར་གྱུར་པར་བསམ་ཏེ། བྱོན་ཟན་འབུལ་བ་ནི། ལྷ་ཚོགས་རྣམས་ཀྱི་ལྗགས་རྡོ་རྗེ་རྩེ་མོ་གཅིག་པར་རཾ་ཡིག་དམར་པོ་དང་དགང་བླུག་གི་རྩེ་མོར་ཧཱུྃ་ཡིག་མཐིང་ནག་གཟི་བརྗིད་དང་ལྡན་པ་རེས་མཚན་པར་གྱུར་པར་བསམས་ལ། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་ཨགྣཱེ་ཡེ་ཨ་དི་བྱ་ཨ་དི་བྱ་ཨ་བི་ཤ་ཨ་བི་ཤ་མ་ཧཱ་ཤྲཱི་ཧ་བྱ་ཀ་བྱ་བཱ་ཧ་ན་ཡེ་བདག་ཅག་དཔོན་སློབ་རྒྱུ་སྦྱོར་བ་སྦྱིན་པའི་བདག་པོ་མི་ནོར་འཁོར་དང་བཅས་པ་རྣམས་ལ་གནོད་ཅིང་འཚེ་བར་བྱེད་པའི་གདོན་བགེགས་ལོག་འདྲེན་བསམ་ངན་སྦྱོར་རྩུབ་འཆང་བའི་དགྲ་བོ་མི་ནོར་དང་བཅས་པ་མཱ་ར་ཡ་རྦད༔ ཅེས་བདུན་ནམ་གསུམ་འབུལ། དེ་ནས་ལིངྒ་རྣམས་ཕྱོགས་གཅིག་ཏུ་བསྒྲལ་ལས་ཕྱག་ལེན་ལྟར་བྱ། ཐོག་མར་ཡམ་ཤིང་ལ། ཧཱུྃ། གདུག་རྩུབ་དྲག་པོའི་ཡམ་ཤིང་ལ། །དུག་ཁྲག་ཚིལ་ཆེན་འབྲུ་མར་བྱུགས། །མཐུ་ལྡན་དྲག་པོའི་ལྷར་འབུལ་ན། །དགྲ་བགེགས་དམིགས་མེད་རྒྱ་ཡིས་ཐོབ། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་ཧྱ་གྷྲཱི་ཝ་ཨགྣཱེ་ཡེ་གནོད་བྱེད་དགྲ་བགེགས་ཐམས་ཅད་མཱ་ར་ཡ་ཛྭ་ལ་རཾ་རཾ་ཧཱུྃ་ཕཊ༔ ཅེས་དང་། གོང་དུ་བསྒྲལ་བའི་ལིང་རོ་རྣམས་ལ། ཧཱུྃ། ལོག་འདྲེན་དགྲ་བགེགས་གདུག་པ་ཅན། །བསྒྲལ་བའི་ཤ་རུས་དོན་སྣོད་རྣམས། །གཏུམ་དྲག་རྔམ་པའི་ཞལ་དུ་སྟོབ། །སྲིད་གསུམ་དགྲ་བགེགས་རྡུལ་དུ་རློག །ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་ཧྱ་གྷྲཱི་ཝ་ཀྲོ་ཏི་ཨགྣཱེ་ཡེ་བདག་ཅག་དཔོན་སློབ་རྒྱུ་སྦྱོར་བ་སྦྱིན་པའི་བདག་པོ་མི་ནོར་འཁོར་དང་བཅས་པ་རྣམས་ལ་གནོད་ཅིང་འཚེ་བར་བྱེད་པའི་གདོན་བགེགས་ལོག་འདྲེན་བསམ་ངན་སྦྱོར་རྩུབ་འཆང་བའི་དགྲ་བོ་མི་ནོར་དང་བཅས་པ་མཱ་ར་ཡ་ཛྭ་ལ་རཾ་རཾ་ཧཱུྃ་ཕཊ༔ ཅེས་པའམ་ཡང་ན་ལིངྒ་རེ་རེའམ་ལྔ་བདུན་བཅུ་སོགས་ལ་དགུག་གཞུག་དེའི་མཐར་ལས་བྱང་གི་ཚོགས་ཐ་མའི་བསྒྲལ་ལས་ཀྱིས་བསྒྲལ་ལ་དེ་ཀའི་སྟབ་པས་འབུལ་ཞིང་མཐར་རྩ་སྔགས་ལས་སྔགས་ཤམ་བཅས་སྦྱར་ཡང་མཆོག་ཏུ་འགྱུར་རོ། །དྲག་པོའི་རྫས་ལ། ཧཱུྃ། ཤ་སྣ་སྟོང་སྦྱར་དྲག་པོའི་རྫས། །གདུག་པ་དུག་གིས་ངར་བཏབ་ནས། །ཟ་བྱེད་རྔམ་པའི་ཞལ་དུ་འབུལ། །བདུད་སྡེ་དཔུང་བཅས་དུས་མཐའ་བསྡུས། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་ཧྱ་གྷྲཱི་ཝ་ཀྲོ་ཏ་ཨགྣཱེ་ཡེ་བདག་ཅག་དཔོན་སློབ་རྒྱུ་སྦྱོར་བ་སྦྱིན་པའི་བདག་པོ་མི་ནོར་འཁོར་དང་བཅས་པ་རྣམས་ལ་གནོད་ཅིང་འཚེ་བར་བྱེད་པའི་གདོན་བགེགས་ལོག་འདྲེན་བསམ་ངན་སྦྱོར་རྩུབ་འཆང་བའི་དགྲ་བོ་མི་ནོར་དང་བཅས་པ་མཱ་ར་ཡ་ཛྭ་ལ་རཾ་རཾ་ཧཱུྃ་ཕཊ༔ གནད་ཀྱི་རྫས་ལ། ཧཱུྃ། གནད་དུ་འབེབས་པའི་རྫས་རྒོད་ལ། །དམིགས་བྱ་བསྟིམས་ནས་འབུལ་ལགས་ན། །སྡང་བའི་དགྲ་དང་གནོད་བའི་བགེགས། །གནད་དུ་ཕོབ་ལ་ལུས་སེམས་ཕྲོལ། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་ཧྱ་གྷྲཱི་ཝ་ཀྲོ་ཏ་ཨགྣཱེ་ཡེ་བདག་ཅག་དཔོན་སློབ་རྒྱུ་སྦྱོར་བ་སྦྱིན་པའི་བདག་པོ་མི་ནོར་འཁོར་དང་བཅས་པ་རྣམས་ལ་གནོད་ཅིང་འཚེ་བར་བྱེད་པའི་གདོན་བགེགས་ལོག་འདྲེན་བསམ་ངན་སྦྱོར་རྩུབ་འཆང་བའི་དགྲ་བོ་མི་ནོར་དང་བཅས་པ་མཱ་ར་ཡ་ཛྭ་ལ་རཾ་རཾ་ཧཱུྃ་ཕཊ༔ གསོད་པའི་རྫས་ལ། ཧཱུྃ། ཟངས་ལྕགས་རྡོ་ཕྱེ་དྲག་པོའི་རྫས། །གནོད་བྱེད་དགྲ་བགེགས་གསོད་པའི་མཚོན། །རྟ་མཆོག་རྒྱལ་པོར་འབུལ་ལགས་ན། །ལོག་འདྲེན་བདུད་སྡེ་ཆམ་ལ་ཕོབ། །ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་ཧྱ་གྷྲཱི་ཝ་ཀྲོ་ཏ་ཨགྣཱེ་ཡེ་བདག་ཅག་དཔོན་སློབ་རྒྱུ་སྦྱོར་བ་སྦྱིན་པའི་བདག་པོ་མི་ནོར་འཁོར་དང་བཅས་པ་རྣམས་ལ་གནོད་ཅིང་འཚེ་བར་བྱེད་པའི་གདོན་བགེགས་ལོག་འདྲེན་བསམ་ངན་སྦྱོར་རྩུབ་འཆང་བའི་དགྲ་བོ་མི་ནོར་དང་བཅས་པ་མཱ་ར་ཡ་ཛྭ་ལ་རཾ་རཾ་ཧཱུྃ་ཕཊ༔ མྱོས་པའི་རྫས་ལ། ཧཱུྃ། མྱོས་པར་བྱེད་པ་གདུག་པའི་རྫས། །རྟ་མཆོག་རྒྱལ་པོར་འབུལ་ལོ་བཞེས། །བསྟན་དང་བདག་ལ་འཚེ་བ་རྣམས། །མྱོས་སུ་ཆུག་ལ་དབང་པོ་དཀྲུགས། །ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་ཧྱ་གྷྲཱི་ཝ་ཀྲོ་ཏ་ཨགྣཱེ་ཡེ་བདག་ཅག་དཔོན་སློབ་རྒྱུ་སྦྱོར་བ་སྦྱིན་པའི་བདག་པོ་མི་ནོར་འཁོར་དང་བཅས་པ་རྣམས་ལ་གནོད་ཅིང་འཚེ་བར་བྱེད་པའི་གདོན་བགེགས་ལོག་འདྲེན་བསམ་ངན་སྦྱོར་རྩུབ་འཆང་བའི་དགྲ་བོ་མི་ནོར་དང་བཅས་པ་མཱ་ར་ཡ་ཛྭ་ལ་རཾ་རཾ་ཧཱུྃ་ཕཊ༔ ཚ་བའི་རྫས་ལ། ཧཱུྃ། འབར་བའི་ཤུགས་ལྡན་དྲག་པོའི་རྫས། །སྙིང་རྗེ་ཁྲོས་པའི་མགུལ་དུ་བསྟིམ། །ཞིང་བཅུ་བསྒྲུབ་པའི་མི་སྲུན་དགྲ། རིམས་ནད་ཚ་བའི་དབལ་གྱིས་གསོད། །ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་ཧྱ་གྷྲཱི་ཝ་ཀྲོ་ཏ་ཨགྣཱེ་ཡེ་བདག་ཅག་དཔོན་སློབ་རྒྱུ་སྦྱོར་བ་སྦྱིན་པའི་བདག་པོ་མི་ནོར་འཁོར་དང་བཅས་པ་རྣམས་ལ་གནོད་ཅིང་འཚེ་བར་བྱེད་པའི་གདོན་བགེགས་ལོག་འདྲེན་བསམ་ངན་སྦྱོར་རྩུབ་འཆང་བའི་དགྲ་བོ་མི་ནོར་དང་བཅས་པ་མཱ་ར་ཡ་ཛྭ་ལ་རཾ་རཾ་ཧཱུྃ་ཕཊ༔ ཅེས་སྤྱི་ཁྱབ་ཏུ་དེ་ལྟར་དང་རྒྱས་པར་ན་གཙོ་འཁོར་ཐམས་ཅད་ལ་རང་རང་གི་སྔགས་དང་བཅས་བརྒྱ་རྩ་ལ་སོགས་སྐབས་དང་སྦྱར་ཏེ་འབུལ། དེ་ནས་མར་ནག་གིས་དགང་གཟར་བཀང་སྟེ། །ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ ཨཱོཾ་ཨགྣཱེ་ཡེ་ཨ་དི་བྱ་ཨ་དི་བྱ་ཨ་བི་ཤ་ཨ་བི་ཤ་མ་ཧཱ་ཤྲཱི་ཧ་བྱ་ཀ་བྱ་བཱ་ཧ་ན་ཡེ་བདག་ཅག་དཔོན་སློབ་རྒྱུ་སྦྱོར་བ་སྦྱིན་པའི་བདག་པོ་མི་ནོར་འཁོར་དང་བཅས་པ་རྣམས་ལ་གནོད་ཅིང་འཚེ་བར་བྱེད་པའི་གདོན་བགེགས་ལོག་འདྲེན་བསམ་ངན་སྦྱོར་རྩུབ་འཆང་བའི་དགྲ་བོ་མི་ནོར་དང་བཅས་པ་མཱ་ར་ཡ་རྦད། བྱོན་སྐྱེམས་ལྟར་གཤེགས་སྐྱེམས་ཀྱང་གསུམ་མམ་བདུན་གང་བདེར་འབུལ། ཧཱུྃ། རྟ་མཆོག་དབང་གི་ལྷ་ཚོགས་ལ། །ལོག་འདྲེན་འབྱུང་པོ་བསྒྲལ་བ་ཡི། །ཕུང་ཁམས་སྐྱེ་མཆེད་ལས་བྱུང་བའི། །ཉེར་སྤྱོད་ལྔ་དང་སྨན་གཏོར་ཁྲག །རྔམ་བརྗིད་འཇིགས་པའི་མཆོད་པའི་ཚོགས། །འཇིག་རྟེན་ཁམས་ཀུན་བཀང་སྟེ་འབུལ། །ཨཱོཾ་ཧྱ་གྷྲཱི་ཝ་ས་པ་རི་ཝཱ་ར་ཨརྒྷཾ་ནས། ཤཔྟ་མ་ཧཱ་པཉྩ་ཨ་མྲྀ་ཏ་མ་ཧཱ་རཀྟ་མ་ཧཱ་བ་ལིངྟ་པཱུ་ཙ་ཁཱ་ཧི། ཞེས་པས་མཆོད། ཨཱོཾ་བཛྲ་ཏམྦུ་ལཱ་ཡེ་སྭཱ་ཧཱཿས་སོ་རྩི་དང་། ཨཱོཾ་བཛྲ་ཝསྟྲ་ཡེ་སྭཱ་ཧཱས་གོས་ཟུང་དབུལ་ཞིང་། བསྟོད་པ་ནི། ཧཱུྃ་ཧྲཱི༔ འོག་མིན་གསང་ཆེན་རོལ་པའི་མཁའ་དབྱིངས་ནས༔ ཞེས་པ་ནས། བཀའ་སྲུང་དམ་ཅན་རྒྱ་མཚོར་ཕྱག་འཚལ་བསྟོད༔ ཅེས་པའི་བར་གྱིས་བསྟོད་ཅིང་འཕྲིན་ལས་བཅོལ་བ་ནི། ཧོ་དུས་གསུམ་སངས་རྒྱས་ཀུན་གྱི་སྤྱི་གཟུགས། རིགས་དང་དཀྱིལ་འཁོར་ཀུན་གྱི་ཁྱབ་བདག །དཔལ་ཆེན་ཁྲོ་བོ་ཀུན་གྱི་སྤྱི་དཔལ། དམ་ཅན་རྒྱ་མཚོའི་ཚོགས་ཀྱི་ཡང་རྗེ། འཁོར་འདས་ཀུན་གྱི་སྤྱི་དཔལ་ཆེན་པོ་རྟ་གདོང་དབང་གི་རྒྱལ་པོ་དཔལ་དྲེགས་པ་ཟིལ་གནོན། རིགས་བདག་ཆགས་པ་དམར་པོ། འཇིགས་བྱེད་བྱ་ཁྱུང་རྒྱལ་པོ། རིགས་ལྔའི་རྟ་ཕག་ཡབ་ཡུམ། གནོད་སྦྱིན་བཛྲ་པཱ་ཎི། ལྷ་ཆེན་གུ་ལང་ནག་པོ། ཡུམ་མཆོག་ཨུ་མ་དྲག་མོ། སྲས་མཆོག་སྲིན་པོ་ཟངས་མཆེ། སྲོག་བདག་ཚངས་པ་དཀར་པོ། གཤིན་རྗེ་ཡ་མ་རཱ་ཛ། བཙན་རྒོད་ཡཾ་ཤུད་དམར་པོ། འཆི་བདག་རལ་པ་ཚར་དགུ། ཀླུ་བདུད་ནཱ་ག་རཀྴ། གཟའ་རྒོད་ཁྱབ་འཇུག་ཆེན་པོ། དམ་ཅན་མགར་བ་ནག་པོ། མ་བདུད་ནག་མོ་རེ་ཏཱི་ལ་སོགས་ཕྱི་ནང་གསང་བའི་སྡེ་བརྒྱད་དཔལ་མགོན་དམ་ཅན་སྲུང་མ་རྒྱལ་ཆེན་ལས་བྱེད་བྲན་གཡོག་སྐུ་འཁོར་དང་བཅས་པ་རྣམ་དང་། ཁྱད་པར་དུ་བཀའ་སྲུང་ལི་བྱིན་སྐུ་ལྔ། གཏེར་སྲུང་གྲི་བཙན་དམར་པོ་རོལ་བ་སྐྱ་བདུན་དང་བཅས་པ་ཁྱེད་རྣམས་ལ་འཕྲིན་ལས་གཉེན་པོ་བཅོལ་བ་ནི། སྤྱི་སྒོས་བསྟན་པའི་རཱུ་ཏྲ་ཕྱོགས་བཅུ་གང་དུ་མཆིས་ཀྱང་ཐལ་པའི་རྡུལ་དུ་རློགས་ཤིག །གནོད་བྱེད་ལོག་འདྲེན་འབྱུང་པོ་སུ་དང་གང་གིས་གནོད་ཀྱང་མིང་ཙམ་མེད་པར་མཛོད་ཅིག །བྱད་དང་རྦད་འདྲེ་རྦོད་གཏོང་བན་བོན་གང་གིས་བཏང་ཡང་རང་གཤེད་རང་ལ་ཕོབ་ཅིག །ཟ་འདྲེ་གོད་འདྲེའི་རྒྱུན་ལམ་མི་ནོར་གང་ལ་ཟུག་ཀྱང་གནོད་པའི་རྒྱུན་ལམ་ཆོད་ཅིག །མདོར་ན་གནོད་ཅིང་འཚེ་བར་བྱེད་པའི་དམ་སྲི་བདུད་སྡེ་དཔུང་དང་བཅས་པ་ཐམས་ཅད་མཐུ་སྟོབས་བསྐལ་མེ་འབར་བའི་ཀློང་དུ་བཞེས་ཤིག །ཅེས་འདོད་པའི་དོན་ལ་གསོལ་བ་གཏབ། ཡི་གེ་བརྒྱ་པས་ལྷག་ཆད་བསྐང་། བཟོད་གསོལ་ནི། ཧཱུྃ། ཏིང་འཛིན་ཉམས་དང་རྫས་མ་ཚོགས། །བཟླས་བརྗོད་མ་དག་ཆོ་ག་འཁྲུལ། །དེ་སོགས་ཉམས་པ་ཅི་མཆིས་པ། །བཟོད་པར་གསོལ་ལ་ཚངས་པར་མཛོད། །གཤེགས་གསོལ་ནི། ཧཱུྃ་ཧྲཱི༔ རྟོག་མེད་དབྱིངས་ལས་ཤར་པའི་གཙོ་དང་འཁོར༔ ནས། སླར་ཡང་བདག་ཅག་རྗེས་མཐུན་དངོས་གྲུབ་སྩོལ༔ ཅེས་ཡེ་ཤེས་པ་གཤེགས། དམ་ཚིག་པ་བསྡུ་བ་ནི། ཧཱུྃ་ཧྲཱི༔ གསང་ཆེན་རོལ་པའི་དུར་ཁྲོད་གཞལ་ཡས་ཁང་། ཞེས་པ་ནས། མངོན་རྫོགས་བརྗོད་མེད་ཟང་ཐལ་སྤྲོས་དང་བྲལ༔ སླར་ཡང་འཇིག་རྟེན་གྱི་མེ་ལྷ་ཐབ་ཀྱི་ཤར་ལྷོར་དཔང་པོར་བཞུགས་པ་བཛྲ་ས་མཱ་ཛ༔ དམ་ཚིག་པ་དང་གཉིས་སུ་མེད་པར་གྱུར་པ་ལ། ཨཱོཾ་ཨགྣཱེ་ཡེ་དྷེ་ཝ་ས་པ་རི་ཝཱ་ར་ཨརྒྷཾ་སོགས། ཤཔྟ་པཉྩ་ཨ་མྲྀ་ཏ་མ་ཧཱ་རཀྟ་བ་ལིངྟ་པཱུ་ཙ་ཁཱ་ཧི། ཅེས་མཆོད་ཅིང་། གཟི་བརྗིད་འབར་བ་མེ་ཡི་ལྷ། །རིགས་སྔགས་སྒྲུབ་པའི་དྲང་སྲོང་ཆེ། །འཇིག་རྟེན་འདས་ཀྱང་སྲིད་པ་ཡི། །རྣམ་པར་རོལ་པ་ཁྱོད་ལ་འདུད། ཅེས་བསྟོད་ཅིང་། ཧཱུྃ། དྲག་པོའི་ཤིང་དང་དགྲ་བགེགས་གཟུགས། །དྲག་རྫས་གནད་འབེབས་གསོད་དང་མྱོས། །ཚ་བའི་རྫས་རྣམས་ལས་གྲུབ་པའི། །གཏང་རག་མཆོད་པ་འབུལ་གྱིས་བཞེས། །ཨཱོཾ་ཨགྣཱེ་ཡེ་སྭཱ་ཧཱས་མར་ཁུ་དང་། ཨཱོཾ་ཨགྣཱེ་ཡེ་ཡ་ཛྙཱ་ན་ཡ་སྭཱ་ཧཱ། ཡམ་ཤིང་དང་། རྫས་གཞན་རྣམས་ལ། ཨཱོཾ་ཨགྣཱེ་ཡེ་ཀྲོ་ཏ་གནོད་བྱེད་དགྲ་བགེགས་མཱ་ར་ཡ་ཛྭ་ལ་རཾ་རཾ་ཧཱུྃ་ཕཊ༔ ཅེས་པ་རྣམས་ཀྱིས་མང་ཉུང་སྐབས་དང་བསྟུན་ཏེ་འབུལ། ཨཱོཾ་ཨགྣཱེ་ཡེ་སྭཱ་ཧཱ༔ ཨཱོཾ་ཨ་དི་བྱ་ཨ་དི་བྱ་ཨ་བི་ཤ་ཨ་བི་ཤ་མ་ཧཱ་ཤྲཱྀ་ཧ་བྱ་ཀ་བྱ་བཱ་ཧ་ན་ཡེ་སྭཱ་ཧཱ། བདག་ཅག་དཔོན་སློབ་རྒྱུ་སྦྱོར་བ་སྦྱིན་པའི་བདག་པོ་མི་ནོར་འཁོར་དང་བཅས་པ་རྣམས་ལ་གནོད་ཅིང་འཚེ་བར་བྱེད་པའི་གདོན་བགེགས་ལོག་འདྲེན་བསམ་ངན་སྦྱོར་རྩུབ་འཆང་བའི་དགྲ་བོ་མི་ནོར་དང་བཅས་པ་མཱ་ར་ཡ་རྦད། ཅེས་པས་གཤེགས་སྐྱེམས་འབུལ། ཨཱོཾ་བཛྲ་ཏམྦུ་ལཱ་ཡེ་སྭཱ་ཧཱས་སོ་རྩི་དང་། ཨཱོཾ་བཛྲ་ཝསྟྲ་ཡེ་སྭཱ་ཧཱས་གོས་ཟུང་འབུལ། དམར་གཏོར་ལ། ཨཱོཾ་ཨགྣཱེ་ཡེ་ས་པ་རི་ཝཱ་ར་མ་ཧཱ་བ་ལིངྟ་པུ་ཙ་ཁཱ་ཧི། གསུམ་མམ་བདུན་གྱིས་གཏོར་མ་འབུལ། སླར་ཡང་། ཨཱོཾ་ཨགྣཱེ་ཡེ་ཀྲོ་ཏ་རཱ་ཛ་ས་པ་རི་ཝཱ་ར་ཨརྒྷཾ་ནས། ཤཔྟ་མ་ཧཱ་པཉྩ་ཨ་མྲྀ་ཏ་མ་ཧཱ་རཀྟ་མ་ཧཱ་བ་ལིངྟ་པཱུ་ཙ་ཁཱ་ཧིས་མཆོད། ཧཱུྃ། ཤེས་རབ་ཡེ་ཤེས་འབར་བའི་མེས། །ཉོན་མོངས་བུད་ཤིང་ཀུན་བསྲེགས་ཤིང་། །དྲག་པོའི་སྟོབས་ཀྱིས་བགེགས་འཇོམས་པའི། །ཁྲོ་ཆེན་མེ་ཡི་ལྷ་ལ་བསྟོད། །ཅེས་བསྟོད་ཅིང་ཡི་གེ་བརྒྱ་པ་བརྗོད། མ་འབྱོར་བ་དང་ཉམས་པ་དང་། །གང་ཡང་བདག་བློ་གཏི་མུག་པས། །ལེགས་བྱས་འདི་ལ་ཉེས་གྱུར་གང་། མེ་ལྷ་ཁྱོད་ཀྱིས་བཟོད་པར་མཛོད། །ཅེས་ནོངས་པ་བཟོད་པས་གསོལ། འདོད་པའི་དོན་རྣམས་གང་ཡིན་པ། །མེ་ཡིས་ཁྲོ་བོས་བསྒྲུབས་ཟིན་ནས། །གནས་སུ་གཤེགས་ཏེ་འགྲོ་བའི་དོན། །བསྒྲུབ་ཕྱིར་སླར་ཡང་སྤྱོན་འཚལ་ལོ། །བཛྲ་མུཿས་ཡེ་ཤེས་པ་གཤེགས་དམ་ཚིག་པ་མེའི་རྣམ་པར་གྱུར་པར་བསམས། །བསྔོ་བ་ནི། ཧཱུྃ་ཧྲཱི༔ རྡོ་རྗེ་གསུམ་ཀྱི་གསལ་སྣང་ལྷ་རུ་བསྐྱེད༔ སོགས། སྨོན་ལམ་ནི། ཧཱུྃ་ཧྲཱི༔ ཚེ་རབས་སྔོན་ནས་བསྟེན་པའི་ཡི་དམ་ལྷ༔ སོགས་བརྗོད། བཀྲ་ཤིས་ནི། ཧཱུྃ་ཧྲཱི༔ ཆོས་དབྱིངས་ཀུན་ཁྱབ་ཡངས་པ་ཐུགས་རྗེའི་ལྷ༔ ཞེས་སོགས་ཤིས་བརྗོད་རྒྱས་པར་བྱ་ཞིང་མེ་དུག་ཁྲག་གིས་གཞིལ་བའི་ཐལ་བ་མཆོད་རྟེན་ནམ་ཐེམ་འོག་ཏུ་མནན་ཞིང་རྟ་བྲོ་བརྡུང་། ཞེས་པ་འདི་ཡང་གཡུ་སྒྲ་སྙིང་པོའི་འོད་ཟེར་ལས་གྲུབ་པའི་ཧོར་ཀྱི་པཎ་ཆེན་ངག་དབང་འཇམ་དབྱངས་བློ་ལྡན་གྱིས་པདྨ་དྲག་པོའི་སྦྱིན་སྲེག་མཛད་པ་སོར་བཞག་སྟེ་དབང་ཆེན་དྲེགས་པ་ཟིལ་གནོན་གྱི་དྲག་པོའི་སྦྱིན་སྲེག་དཔལ་ལྡན་སྟག་མོ་སྒང་དུ་ཉི་མ་གྲགས་པས་མཛད་པའོ། །མངྒ་ལཾ།། །།
བདེན་བརྗོད་གཞུང་ལ་བརྟེན་ནས་ཉི་མ་གྲགས་པས་སྦྱར་བ།
རྟ་མགྲིན་དྲེགས་པ་ཟིལ་གནོན་གྱི་བདེན་བརྗོད་གཞུང་ལ་བརྟེན་ནས་ཉི་མ་གྲགས་པས་སྦྱར་བ་བཞུགས། །ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷི་ཧཱུྃ་ཕཊ༔ རྩ་བསྙེན་བརྒྱ་རྩ་འཟླས། བདག་ཉིད་སྐད་ཅིག་གི་དབང་ཆེན་དྲེགས་པ་ཟིལ་གནོན་ཡབ་ཡུམ་གཟི་བརྗིད་ཀྱི་འོད་ཟེར་དང་མེ་དཔུང་ཉི་མ་འབུམ་ལྟར་འབར་ཞིང་གསལ་ལ་དངས་པ། བརྟན་ལ་སྒེག་པ། དཔའ་ལ་འཁྲུག་པ། གཏུམ་ལ་བརྔམ་པ་ཅིག་ཏུ་གསལ་བའི་མདུན་དུ་བྱད་མ་དགྲ་བགེགས་ཀྱི་ལས་ངན་གྱི་རྣམ་སྨིན་ལས་གྲུབ་པའི་གནམ་ལྕགས་ཀྱི་ཁང་སྒྲོམ་མེ་འབར་ཞིང་སྒོ་མེད་པ་ཚ་ལ་རྩུབ་ཅིང་འཇིགས་སུ་རུང་བ་སྐྱི་བུང་ཞིང་ཡ་ང་བའི་ནང་དུ། བྱད་མ་དགྲ་བགེགས་ཆེ་གེ་དེ་ཉིད་ཀྱི་ལྷན་ཅིག་སྐྱེས་པའི་ལྷ་དང་ལྷན་ཅིག་སྐྱེས་པའི་འདྲེ་གཉིས་དུག་གསུམ་མེ་ལྟར་འབར་ཞིང་དུག་ལྔ་ཆུ་ལྟར་ཁོལ་བའི་སྦལ་པ་དཀར་ནག་ལྟོ་སྦྱོར་གྱི་ལྟོ་བ་ཚ་གྲང་འཁྲུག་པའི་ཀློང་དུ་ནྲི་ལས་བྱད་མ་དགྲ་བགེགས་གཟུགས་བྱད་ངན་ཅིང་མྱ་ངན་གྱི་འོ་དོད་ཙེར་ཙེར་འབོད་པ་གཅིག་ཏུ་གྱུར། འགུགས་པའི་ཕྱག་རྒྱ་བཅས། ན་མོ་སངས་རྒྱས་ཆོས་དང་དགེ་འདུན་གསུམ་གྱི་བཀའ་བདེན་པ། བླ་མ་ཡི་དམ་མཁའ་འགྲོ་གསུམ་གྱི་བཀའ་བདེན་པ། ཆོས་སྐུ་ལོངས་སྐུ་སྤྲུལ་སྐུ་གསུམ་གྱི་བཀའ་བདེན་པ། ངོ་བོ་རང་བཞིན་ཐུགས་རྗེ་གསུམ་གྱི་བཀའ༴ གཞི་དང་ལམ་དང་འབྲས་བུ་གསུམ་གྱི་བཀའ༴ ལྟ་བ་སྒོམ་པ་སྤྱོད་པ་གསུམ་གྱི་བཀའ༴ སྔགས་དང་ཕྱག་རྒྱ་ཏིང་ངེ་འཛིན་གསུམ་གྱི་བཀའ༴ ཆོས་ཉིད་དེ་བཞིན་ཉིད་རང་བཞིན་གྱི་རྣམ་པར་དག་པ་དང་། ཆོས་ཅན་རྒྱུ་འབྲས་བསླུ་བ་མེད་པའི་བཀའ༴ དཔལ་ཆེན་པོ་ཁྲག་འཐུང་གི་རྒྱལ་པོ་སྟོབས་ལྡན་གྱི་དབང་ཕྱུག་དྲེགས་པ་ཟིལ་གནོན་ཡབ་ཡུམ་གྱི་བཀའ་བདེན་པ། སྤྲུལ་པའི་རྟ་ཕག་སྐུ་ལྔ་ཡབ་ཡུམ་འཇིགས་བྱེད་བྱ་ཁྱུང་འབར་བ་རིགས་བདག་ཨ་མི་དྷེ་ཝ་དང་བཅས་པའི་བཀའ༴ ལྷ་ཆེན་མ་ཧཱ་དྷེ་ཝ་ཡུམ་ལྷ་མོ་ཨུ་མ་དྷེ་ཝི་སྤྲུལ་པའི་སྲས་མཆོག་སྲིན་པོ་ཟངས་མཆེ་གནོད་སྦྱིན་ལག་ན་རྡོ་རྗེ་སྐུ་འཁོར་དང་བཅས་པའི་བཀའ༴ རྒྱལ་པོ་ལི་བྱིན་ཧ་ར་ལ་སོགས་རྒྱལ་འགོང་གི་ལྷ་མ་སྲིན་སྡེ་བརྒྱད་ཀྱི་བཀའ༴ ཀླུ་བདུད་ནཱ་ག་རཀྴ་ལ་སོགས་འཕེན་པོ་ཀླུའི་ལྷ་མ་སྲིན་སྡེ་བརྒྱད་ཀྱི་བཀའ༴ གཤིན་རྗེ་བྷེ་ཝ་ས་ཏ་ལ་སོགས་འཆི་བདག་གཤིན་རྗེའི་ལྷ་མ་སྲིན་སྡེ་བརྒྱད་ཀྱི་བཀའ༴ གཟའ་བདུད་ཆེན་པོ་རཱ་ཧུ་ལ་ལ་སོགས་དྲག་པོ་གཟའ་ཡི་ལྷ་མ་སྲིན་སྡེ་བརྒྱད་ཀྱི་བཀའ༴ བཙན་རྒོད་རྡོ་རྗེ་དྲག་རྩལ་ལ་སོགས་དམར་པོ་བཙན་གྱི་ལྷ་མ་སྲིན་སྡེ་བརྒྱད་ཀྱི་བཀའ་བདེན་པ། དམ་ཅན་མགར་བ་ནག་པོ་ལ་སོགས་ཐེའུ་རང་སྟོང་སྡེའི་ལྷ་མ་སྲིན་སྡེ་བརྒྱད་ཀྱི་བཀའ༴ བདུད་རྗེ་ནག་པོ་ལ་སོགས་ནག་པོ་བདུད་ཀྱི་ལྷ་མ་སྲིན་སྡེ་བརྒྱད་ཀྱི་བཀའ༴ ལྷ་མོ་ནག་མོ་ལ་སོགས་ནད་བདག་མ་མོའི་ལྷ་མ་སྲིན་སྡེ་བརྒྱད་ཀྱི་བཀའ༴ རྒྱལ་ཆེན་སྡེ་བཞི། མགུར་ལྷ་དགེ་བསྙེན། དཔལ་མགོན་བསྟན་མ། ཡུལ་རི་འདི་ཡི་གཞི་བདག །གནས་རི་འདི་ཡི་སྲུང་མ་དང་བཅས་པའི་བཀའི་བདེན་པའི་མཐུ་དང་ནུས་པ་ལ་བརྟེན་ནས། སངས་རྒྱས་ཀྱི་བསྟན་དགྲ། སེམས་ཅན་གྱི་སྤྱི་དགྲ། བླ་མའི་སྐུ་དགྲ། རྣལ་འབྱོར་གྱི་སྒོས་དགྲ། སྔ་དགྲ་དར་བ། ཕྱི་དགྲ་སེམས་པ། ད་དགྲ་བསྡོ་བ། གཟུགས་ཅན་གྱི་དགྲ། གཟུགས་མེད་ཀྱི་བགེགས། བར་ཆད་ཀྱི་རྐྱེན། ལྷས་གཉའ་ནས་ཇག་པ་བརྩམས་པ་ལྷས་འོག་ནས་རྐུན་མ་བརྩམས་པ། འགྲོ་ལམ་དུ་རྩང་འཛུགས་པ། ཟ་ལམ་དུ་དུག་གཡོ་བ་དོ་བསྡོ་ཞིང་ཕོད་བཙུགས་པ་འགྲས་འཛིན་ཅིང་ཡ་བོ་ཚོལ་བ་བཀའ་དང་དམ་ལས་འདས་ཤིང་རིགས་ལ་བསྙེགས་པ། ཁྱད་པར་དུ་ཉི་མ་ཕྱོགས་བཞི་མཚམས་བརྒྱད་སྟེང་འོག་གཉིས་དང་བཅས་པ་ནས། གཟུགས་ཅན་མི་གཟུགས་མེད་ལྷ་འདྲེའི་བྱད་ཁ་ཕུར་ཁ་གཏད་ཁ་ཁྲམ་ཁ་སྟོན་པའི་སྡེ་བརྒྱད་བན་བོན་ངན་པ་བྱད་མ་ལྷ་སྲུང་དང་བཅས་པ་ཐམས་ཅད་སྐད་ཅིག་རང་དབང་མེད་པར་བྱིའུ་ཁྲས་བཤུར་བའམ། ཉ་མོ་སྲམ་གྱིས་དེད་པའམ་ཉེས་ཅན་བཙོན་དུ་འཁྲིད་པ་ལྟར་གཟུགས་ལིངྒ་འདི་ལ་ཁུག །གསུམ། དེ་ནས་བསད་ལས་ལྟར་རྒྱས་གདབ་པའམ། ཛཿཧཱུྃ་བཾ་ཧོཿས་བསྟིམ། ཅེས་པ་འདི་ཡང་འཕོ་ལུང་སྐུ་སྐྱེ་ཀརྨ་རིག་འཛིན་པས་འདོད་ནས་བསྐུལ་ངོར་རིག་འཛིན་འཕྲིན་ལས་རྒྱ་མཚོས་གནས་མཆོག་ཆེན་པོ་ཀོ་ས་ལའམ། ཀློང་ཐང་སྒྲོལ་མར་སྦྱར་བའི་ཡི་གེ་པ་ནི་བྱམས་མེ་དགེ་བཤེས་སོ། །མངྒ་ལཾ། །
གཏོར་ཟློག་གི་འཕྱོང་།
རྟ་མགྲིན་དྲེགས་པ་ཟིལ་གནོན་གྱི་གཏོར་ཟློག་གི་འཕྱོང་བཞུགས། །དབང་ཆེན་དྲེགས་པ་ཟིལ་གནོན་གྱི་ལྷ་ཚོགས་རྣམས་ལ་ཕྱག་འཚལ་ལོ༔ གཙོ་བོའི་བཟློག་པའི་འཇུག་ཏུ༔ ན་མོ་དཀོན་མཆོག་གསུམ་དང་རྩ་བ་གསུམ་གྱི་བདེན་པས་གནོད་བྱེད་དགྲ་བགེགས་ཐམས་ཅད་གཟུགས་ལིངྒ་འདི་ལ་ཁུག །གསུམ༔ ཨོཾ་བུདྡྷ་བཛྲ་རརྣ་པདྨ་ཀརྨ་ཀྲོ་ཏ་ཧྱ་གྷྲཱི་ཝ་ཧཱུྃ་སརྦ་ས་མ་ཡ་བྷྱོ་བྷྱོ་ཛ་ཛ༔ དགྲ་བགེགས་བྱད་མ་ལྷ་སྲུང་དང་བཅས་པ་ཐམསཅ་ཐུམ་རི་ལི་ལི་ཁུག་ཁུག་ནྲྀ་ཏྲི་མཱ་ར་ཡ་ཚིནྡྷ་ཚིནྡྷ་བྷནྡྷ་བྷནྡྷ་ཛཿཧཱུྃ་བཾ་ཧོཿ གསུམ༔ བཛྲ་ཨཾ་གུ་ཤ་ཡ་ཛ༔ བཛྲ་པཱ་ཤ་ཧཱུྃ༔ བཛྲ་སྥོ་ཊ་བཾ༔ བཛྲ་གྷནྡེ་ཧོ༔ བཛྲ་ཨ་ཝེ་ཤ་ཡ་ཨ་ཨཱ༔ འདི་ཐམས་ཅད་ལ་འགྲེ། ལིངྒ་བསྒྲལ་ཞིང་། ཧཱུྃ་བྷྱོ༔ དཔལ་ཆེན་འབར་བ་དབང་དྲག་ཁྲོས་པའི་ལྷ༔ སྤྲུལ་པ་ཡང་སྤྲུལ་བཀའ་ཉན་བྲན་གཡོག་འབུམ༔ ཁྲག་འཐུང་རྔམ་བརྗིད་འབར་བའི་ཏིང་འཛིན་གྱིས༔ རྣོ་ངར་གདུག་པའི་མཚོན་གྱི་ཆར་ཕོབ་ལ༔ གནོད་པར་གྱུར་ན་འགོ་བའི་ལྷ་ཡང་རུང་༔ སྡང་བར་གྱུར་ན་བྱམས་དང་ཉེ་རིང་མེད༔ གནོད་བྱེད་དགྲ་བགེགས་ཐམས་ཅད་རྡུལ་དུ་རློག༔ ཨཱོཾ་བྷུདྡྷ་བཛྲ་རཏྣ་པདྨ་ཀརྨ་ཀྲོ་ཏ་ཧྱ་གྷྲཱི་ཝ་ཧཱུྃ་ཏྲི་ས་མ་ཡ་ཧཱུྃ་ཧཱུྃ་དགྲ་བགེགས་བྱད་མ་ལྷ་སྲུང་དང་བཅས་པའི་སྲོག་ལ་ཏྲི་དུ་ཛ་ཏྲི་དུ་ཛ་ནྲི་ཏྲི་མཱ་ར་ཡ་རྦད་རྦད་རྦད༔ ཏྲག་རཀྴ་མཱ་ར་ཡ་རྦད་ཆོད་ཐུམ་རིལ་རྦད༔ དུམ་བུར་གཏུབས་གཏུབས་སྙིང་ལ་ཡཾ་ཡཾ་མར་ཐུར་མཱ་ར་ཡ་བྷྱོ་ནན༔ དགྲ་བགེགས་བྱད་མ་ལྷ་སྲུང་དང་བཅས་པ་ཏྲི་དུ་ཛ་ཏྲི་དུ་ཛ་ནྲྀ་ཏྲི་མཱ་ར་ཡ་རྦད་རྦད༔ བྱད་གཏད་ཁྲམ་གསུམ་ཐམས་ཅད་ས་ཐུན་ཡ་བྷྱོ་ཟློག༔ ཨཱོཾ་བིརྱ་དགྲ་བགེགས་བྱད་མའི་སྙིང་ལ་རྦད༔ ཁྲི་འཕོ་དགྲ་བགེགས་བྱད་མའི་སྙིང་ལ་རྦད༔ དམ་ལིང་དགྲ་བགེགས་བྱད་མའི་སྙིང་ལ་རྦད༔ པྲ་ཧ་ར་ན་དགྲ་བགེགས་བྱད་མའི་སྙིང་ལ་རྦད༔ གསུམ། ལིང་རོ་བསྟབ་ཅིང་། ཧཱུྃ༔ ཕྱེས་ཤིག་ཕྱེས་ཤིག་ལྷ་ཚོགས་ཞལ་ཕྱེས་ཤིག༔ དབང་ཆེན་ཁྲོ་བོའི་ལྷ་ཚོགས་ཞལ་ཕྱེས་ཤིག༔ དམ་ཉམས་དགྲ་བགེགས་བསྒྲལ་བའི་ལྔ་ཕུང་འདི༔ ལྷག་མ་མེད་པར་བཞེས་ཤིག་ཁ་རཾ་ཁཱ་ཧི༔ ཨཱོཾ་བྷུདྡྷ་རཏྣ་པདྨ་ཀརྨ་ཀྲོ་ཏ་ཧྱ་གྷྲཱི་ཝ་ཧཱུྃ་དགྲ་བགེགས་བྱད་མ་ལྷ་སྲུང་དང་བཅས་པའི་མཾ་ས་ཙིཏྟ་རཀྟ་གོ་རོ་ཙ་ན་བྷ་སུ་ཏ་ཀེང་ནི་རི་ཏི་བྷ་ལིངྟ་ཁཱ་ཧི་ཁཱ་ཧི༔ གསུམ། བཟློག་པའི་མཇུག་ཏུ། ཨཱོཾ་བྷུདྡྷ་རཏྣ་པདྨ་ཀརྨ་ཀྲོ་ཏ་ཧྱ་གྷྲཱི་ཝ་ཧཱུྃ་ཏྲི་ས་མ་ཡཱ་ཧཱུྃ་ཧཱུྃ༔ དགྲ་བགེགས་བྱད་མ་རྦོད་གཏོང་གཏད་ཁྲམ་དང་བཅས་པ་ཏྲི་དུ་ཛ་བྷྱོ་ཟློག༔ ཏྲི་དུ་ཛ་བྷྱོ་ཟློག༔ མཱ་ར་ཡ་ཏྲག་རཀྴ་བྱད་གཏད་ཁྲམ་གསུམ་ཐམས་ཅད་ས་ཐུན་ཡ་བྷྱོ་ཟློག༔ ཨཱོཾ་བིརྱ་དགྲ་བགེགས་བྱད་མ་ཐམས་ཅད་བྷྱོ་ཟློག༔ ཁྲི་འཕོ་དགྲ་བགེགས་བྱད་མ་ཐམས་ཅད་བྷྱོ་ཟློག༔ དམ་ལིང་དགྲ་བགེགས་བྱད་མ་ཐམས་ཅད་བྷྱོ་ཟློག༔ པྲ་ཧ་ར་ན་དགྲ་བགེགས་བྱད་མ་ཐམས་ཅད་བྷྱོ་ཟློག༔ གཟུགས་ཅན་མིའི་བྱད་གཏད་ཁྲམ་གསུམ་ཐམས་ཅད་བྷྱོ་ཟློག༔ གཟུགས་མེད་ལྷ་འདྲེའི་བྱད་གཏད་ཁྲམ་གསུམ་ཐམས་ཅད་བྷྱོ་ཟློག༔ ཉི་མ་ཕྱོགས་བཞི་མཚམས་བརྒྱད་སྟེང་འོག་གཉིས་དང་བཅས་པའི་དགྲ་བགེགས་བྱད་མ་ཐམས་ཅད་བྷྱོ་ཟློག༔ གསུམ། ༈ ན་མོ་དཀོན་མཆོག་གསུམ་དང་རྩ་བ་གསུམ་གྱི་བདེན་པས་གནོད་བྱེད་དགྲ་བགེགས་ཐམས་ཅད་གཟུགས་ལིངྒ་འདིའི་ནང་དུ་ཁུག །གསུམ། ཨཱོཾ་མ་ཧཱ་དྷེ་ཝ་ཧཱུྃ་ཿསརྦ་ས་མ་ཡ་བྷྱོ་བྷྱོ་ཛཿཛ༔ དགྲ་བགེགས་བྱད་མ་ལྷ་སྲུང་དང་བཅས་པ་ཐམས་ཅད་ཐུམ་རི་ལི་ལི་ཁུག་ཁུག་ནྲི་ཏྲི་མཱ་ར་ཡ་ཚིནྡྷ་ཚིནྡྷ་བྷནྡྷ་བྷནྡྷ་ཛཿཧཱུྃ་བཾ་ཧོ༔ གསུམ། བཛྲ་ཨངྒུ་ཤ་ཡ་ཛ༔ སོགསརྒྱས་གདབ། ལིངྒ་བསྒྲལ་ཞིང་། ཧཱུྃ་བྷྱོ༔ མ་ཧཱ་དྷེ་ཝ་ཆེན་པོ་ཁྲོས་པའི་ལྷ༔ སྤྲུལ་པ་ཡང་སྤྲུལ་བཀའ་ཉན་བྲན་གཡོག་འབུམ༔ ཁྲག་འཐུང་རྔམ་བརྗིད་འབར་བའི་ཏིང་འཛིན་གྱིས༔ རྣོ་ངར་གདུག་པའི་མཚོན་གྱི་ཆར་ཕོབ་ལ༔ གནོད་པར་གྱུར་ན་འགོ་བའི་ལྷ་ཡང་རུང་༔ སྡང་བར་གྱུར་ན་བྱམས་དང་ཉེ་རིང་མེད༔ གནོད་བྱེད་དགྲ་བགེགས་ཐམས་ཅད་རྡུལ་དུ་རློག༔ ཨཱོཾ་མ་ཧཱ་དྷེ་ཝ་ཧཱུྃ་༔ ཏྲི་ས་མ་ཡ་ཧཱུྃ་ཧཱུྃ་དགྲ་བགེགས་བྱད་མ་ལྷ་སྲུང་དང་བཅས་པའི་སྲོག་ལ་ཏྲི་དུ་ཛ་ཏྲི་དུ་ཛ་ནྲི་ཏྲི་མཱ་ར་ཡ་རྦད་རྦད༔ ཏྲག་རཀྴ་མཱ་ར་ཡ་རྦད་ཆོད་ཐུམ་རིལ་རྦད༔ དུམ་བུར་གཏུབས་གཏུབས་སྙིང་ལ་ཡཾ་ཡཾ་མར་ཐུར་མཱ་ར་ཡ་བྷྱོ་ནན༔ དགྲ་བགེགས་བྱད་མ་ལྷ་སྲུང་དང་བཅས་པ་ཏྲི་དུ་ཛ་ཏྲི་དུ་ཛ་ནྲི་ཏྲི་མཱ་ར་ཡ་རྦད་རྦད༔ བྱད་གཏད་ཁྲམ་གསུམ་ཐམས་ཅད་ས་ཐུན་ཡ་བྷྱོ་ཟློག༔ ཨཱོཾ་བིརྱ་དགྲ་བགེགས་བྱད་མའི་སྙིང་ལ་རྦད༔ ཁྲི་འཕོ་དགྲ་བགེགས་བྱད་མའི་སྙིང་ལ་རྦད༔ དམ་ལིང་དགྲ་བགེགས་བྱད་མའི་སྙིང་ལ་རྦད༔ པྲ་ཧ་ར་ན་དགྲ་བགེགས་བྱད་མའི་སྙིང་ལ་རྦད༔ ལིང་རོ་བསྟབ་ཅིང་། ཧཱུྃ༔ ཕྱེས་ཤིག་ཕྱེས་ཤིག་ལྷ་ཚོགས་ཞལ་ཕྱེས་ཤིག༔ མ་ཧཱ་དྷེ་ཝའི་ལྷ་ཚོགས་ཞལ་ཕྱེས་ཤིག༔ དམ་ཉམས་དགྲ་བགེགས་བསྒྲལ་བའི་ལྔ་ཕུང་འདི༔ ལྷག་མ་མེད་པར་བཞེས་ཤིག་ཁ་རཾ་ཁཱ་ཧི༔ ཨཱོཾ་མ་ཧཱ་དྷེ་ཝ་ཧཱུྃ༔ དགྲ་བགེགས་བྱད་མ་ལྷ་སྲུང་དང་བཅས་པའི་མཾ་ས་ཙིཏྟ་རཀྟ་གོ་རོ་ཙ་ན་བྷ་སུ་ཏ་ཀེང་ནི་རི་ཏི་བྷ་ལིངྟ་ཁཱ་ཧི་ཁཱ་ཧི༔ གསུམ། བཟློག་པའི་མཇུག་ཏུ། ཨཱོཾ་མ་ཧཱ་དྷེ་ཝ་ཧཱུྃ༔ ཏྲི་ས་མ་ཡ་ཧཱུྃ་ཧཱུྃ་དགྲ་བགེགས་བྱད་མ་རྦོད་གཏོང་གཏད་ཁྲམ་དང་བཅས་པ་ཏྲི་དུ་ཛ་བྷྱོ་ཟློག༔ ཏྲི་དུ་ཛ་བྷྱོ་ཟློག༔ མཱ་ར་ཡ་ཏྲག་རཀྴ་བྱད་གཏད་ཁྲམ་གསུམ་ཐམས་ཅད་ས་ཐུན་ཡ་བྷྱོ་ཟློག༔ ཨཱོཾབིརྱ་དགྲ་བགེགས་བྱད་མ་ཐམས་ཅད་བྷྱོ་ཟློག༔ ཁྲི་འཕོ་དགྲ་བགེགས་བྱད་མ་ཐམས་ཅད་བྷྱོ་ཟློག༔ དམ་ལིང་དགྲ་བགེགས་བྱད་མ་ཐམས་ཅད་བྷྱོ་ཟློག༔ པྲ་ཧ་ར་ན་དགྲ་བགེགས་བྱད་མ་ཐམས་ཅད་བྷྱོ་ཟློག༔ གཟུགས་ཅན་མིའི་བྱད་གཏད་ཁྲམ་གསུམ་ཐམས་ཅད་བྷྱོ་ཟློག༔ གཟུགས་མེད་ལྷ་འདྲེའི་བྱད་གཏད་ཁྲམ་གསུམ་ཐམས་ཅད་བྷྱོ་ཟློག༔ ཉི་མ་ཕྱོགས་བཞི་མཚམས་བརྒྱད་སྟེང་འོག་གཉིས་དང་བཅས་པའི་དགྲ་བགེགས་བྱད་མ་ཐམས་ཅད་བྷྱོ་ཟློག༔ གསུམ། ༈ ན་མོ་དཀོན་མཆོག་གསུམ་དང་རྩ་བ་གསུམ་གྱི་བདེན་པས་གནོད་བྱེད་དགྲ་བགེགས་ཐམས་ཅད་གཟུགས་ལིངྒ་འདིའི་ནང་དུ་ཁུག །གསུམ། ཨཱོཾ་ཨུ་མ་དྷེ་ཝི་ཧཱུྃ༔ སརྦ་ས་མ་ཡ་བྷྱོ་བྷྱོ་ཛཿཛཿདགྲ་བགེགས་བྱད་མ་ལྷ་སྲུང་དང་བཅས་པ་ཐམས་ཅད་ཐུམ་རི་ལི་ལི་ཁུག་ཁུག་ནྲི་ཏྲི་མཱ་ར་ཡ་ཚིནྡྷ་ཚིནྡྷ་བྷནྡྷ་བྷནྡྷ་ཛཿཧཱུྃ་བཾ་ཧོ༔ གསུམ། ཨཱོཾ་བཛྲ་ཨངྐུ་ཤ་ཡ་ཛ༔ བཛྲ་པཱ་ཤ་ཧཱུྃ༔ བཛྲ་སྥོ་ཊ་བཾ༔ བཛྲ་གྷནྜེ་ཧོ༔ བཛྲ་ཨ་ཝེ་ཤ་ཡ་ཨ་ཨཱ༔ རྒྱ་འདེབས་ཐུན་ཐོགས། ཧཱུྃ་བྷྱོ༔ ཨུ་མ་དྲག་མོ་ཆེན་མོ་ཁྲོས་པའི་སྐུ༔ སྤྲུལ་པ་ཡང་སྤྲུལ་བཀའ་ཉན་བྲན་གཡོག་འབུམ༔ ཁྲག་འཐུང་རྔམ་བརྗིད་འབར་བའི་ཏིང་འཛིན་གྱིས༔ རྣོ་ངར་གདུག་པའི་མཚོན་གྱི་ཆར་ཕོབ་ལ༔ གནོད་པར་གྱུར་ན་འགོ་བའི་ལྷ་ཡང་རུང་༔ སྡང་བར་གྱུར་ན་བྱམས་དང་ཉེ་རིང་མེད༔ གནོད་བྱེད་དགྲ་བགེགས་ཐམས་ཅད་རྡུལ་དུ་རློག༔ ཨཱོཾ་ཨུ་མ་དྷེ་ཝི་ཧཱུྃཿཏྲི་ས་མ་ཡ་ཧཱུྃ་ཧཱུྃ་དགྲ་བགེགས་བྱད་མ་ལྷ་སྲུང་དང་བཅས་པའི་སྲོག་ལ་ཏྲི་དུ་ཛ་ཏྲི་དུ་ཛ་ནྲི་ཏྲི་མཱ་ར་ཡ་རྦད་རྦད༔ ཏྲག་རཀྴ་མཱ་ར་ཡ་རྦད་ཆོད་ཐུམ་རིལ་རྦད༔ དུམ་བུར་གཏུབས་གཏུབས་སྙིང་ལ་ཡཾ་ཡཾ་མར་ཐུར་མཱ་ར་ཡ་བྷྱོ་ནན༔ དགྲ་བགེགས་བྱད་མ་ལྷ་སྲུང་དང་བཅས་པ་ཏྲི་དུ་ཛ་ཏྲི་དུ་ཛ་ནྲི་ཏྲི་མཱ་ར་ཡ་རྦད་རྦད༔ བྱད་གཏད་ཁྲམ་གསུམ་ཐམས་ཅད་ས་ཐུན་ཡ་བྷྱོ་ཟློག༔ ཨཱོཾ་བིརྱ་དགྲ་བགེགས་བྱད་མའི་སྙིང་ལ་རྦད༔ ཁྲི་འཕོ་དགྲ་བགེགས་བྱད་མའི་སྙིང་ལ་རྦད༔ དམ་ལིང་དགྲ་བགེགས་བྱད་མའི་སྙིང་ལ་རྦད༔ པྲ་ཧ་ར་ན་དགྲ་བགེགས་བྱད་མའི་སྙིང་ལ་རྦད༔ གསུམ། ལིང་རོ་བསྟབ་ཅིང་། ཧཱུྃ༔ ཕྱེས་ཤིག་ཕྱེས་ཤིག་ལྷ་ཚོགས་ཞལ་ཕྱེས་ཤིག༔ ཨུ་མ་དྲག་མོའི་ལྷ་ཚོགས་ཞལ་ཕྱེས་ཤིག༔ དམ་ཉམས་དགྲ་བགེགས་བསྒྲལ་བའི་ལྔ་ཕུང་འདི༔ ལྷག་མ་མེད་པར་བཞེས་ཤིག་ཁ་རཾ་ཁཱ་ཧི༔ ཨཱོཾ་ཨུ་མ་དྷེ་ཝི་ཧཱུྃ༔ དགྲ་བགེགས་བྱད་མ་ལྷ་སྲུང་དང་བཅས་པའི་མཾ་ས་ཙིཏྟ་རཀྟ་གོ་རོ་ཙ་ན་བྷ་སུ་ཏ་ཀེང་ནི་རི་ཏི་བྷ་ལིངྟ་ཁཱ་ཧི་ཁཱ་ཧི༔ གསུམ། བཟློག་པའི་མཇུག་ཏུ། ཨཱོཾ་ཨུ་མ་དྷེ་ཝི་ཧཱུྃ༔ ཏྲི་ས་མ་ཡ་ཧཱུྃ་ཧཱུྃ༔ དགྲ་དགེགས་བྱད་མ་རྦོད་གཏོང་གཏད་ཁྲམ་དང་བཅས་པའི་ཏྲི་དུ་ཛ་བྷྱོ་ཟློག༔ ཏྲི་དུ་ཛ་བྷྱོ་ཟློག༔ མཱ་ར་ཡ་ཏྲག་རཀྴ་བྱད་གཏད་ཁྲམ་གསུམ་ཐམས་ཅད་ས་ཐུན་ཡ་བྷྱོ་ཟློག༔ ཨཱོཾ་བིརྱ་དགྲ་བགེགས་བྱད་མ་ཐམས་ཅད་བྷྱོ་ཟློག༔ ཁྲི་འཕོ་དགྲ་བགེགས་བྱད་མ་ཐམས་ཅད་བྷྱོ་ཟློག༔ དམ་ལིང་དགྲ་བགེགས་བྱད་མ་ཐམས་ཅད་བྷྱོ་ཟློག༔ པྲ་ཧ་ར་ན་དགྲ་བགེགས་བྱད་མ་ཐམས་ཅད་བྷྱོ་ཟློག༔ གཟུགས་ཅན་མིའི་བྱད་གཏད་ཁྲམ་གསུམ་ཐམས་ཅད་བྷྱོ་ཟློག༔ གཟུགས་མེད་ལྷ་འདྲེའི་བྱད་གཏད་ཁྲམ་གསུམ་ཐམས་ཅད་བྷྱོ་ཟློག༔ ཉི་མ་ཕྱོགས་བཞི་མཚམས་བརྒྱད་སྟེང་འོག་གཉིས་དང་བཅས་པའི་དགྲ་བགེགས་བྱད་མ་ཐམས་ཅད་བྷྱོ་ཟློག༔ གསུམ། ༈ ན་མོ་དཀོན་མཆོག་གསུམ་དང་རྩ་བ་གསུམ་གྱི་བདེན་པས་གནོད་བྱེད་དགྲ་བགེགས་ཐམས་ཅད་གཟུགས་ལིངྒ་འདིའི་ནང་དུ་ཁུག །གསུམ། ཧཱུྃ་ཛ་ལ་རཀྴ་ཧཱུྃ༔ སརྦ་ས་མ་ཡ་བྷྱོ་བྷྱོ་ཛཿཛཿདགྲ་བགེགས་བྱད་མ་ལྷ་སྲུང་དང་བཅས་པ་ཐམས་ཅད་ཐུམ་རི་ལི་ལི་ཁུག་ཁུག་ནྲི་ཏྲི་མཱ་ར་ཡ་ཚིནྡྷ་ཚིནྡྷ་བྷནྡྷ་བྷནྡྷ་ཛཿཧཱུྃ་བཾ་ཧོ༔ གསུམ། བཛྲ་ཨངྒུ་ཤ་ཡ་ཛཿ བཛྲ་པཱ་ཤ་ཧཱུྃ༔ བཛྲ་སྥོ་ཊ་བཾཿ བཛྲ་གྷནྡེ་ཧོཿ བཛྲ་ཨ་ཝེ་ཤ་ཡ་ཨ་ཨཱཿ རྒྱས་འདེབས། ཐུན་ཐོགས། ཧཱུྃ༔ ཛ་ལ་རཀྴ་ཆེན་པོ་ཁྲོས་པའི་སྐུ༔ སྤྲུལ་པ་ཡང་སྤྲུལ་བཀའ་ཉན་བྲན་གཡོག་འབུམ༔ ཁྲག་འཐུང་རྔམ་བརྗིད་འབར་བའི་ཏིང་འཛིན་གྱིས༔ རྣོ་ངར་གདུག་པའི་མཚོན་གྱི་ཆར་ཕོབ་ལ༔ གནོད་པར་གྱུར་ན་འགོ་པའི་ལྷ་ཡང་རུང་༔ སྡང་བར་གྱུར་ན་བྱམས་དང་ཉེ་རིང་མེད༔ གནོད་བྱེད་དགྲ་བགེགས་ཐམས་ཅད་རྡུལ་དུ་རློག༔ ཧཱུྃ་ཛ་ལ་རཀྴ་ཧཱུྃ༔ ཏྲི་ས་མ་ཡ་ཧཱུྃ་ཧཱུྃ་དགྲ་བགེགས་བྱད་མ་ལྷ་སྲུང་དང་བཅས་པའི་སྲོག་ལ་ཏྲི་དུ་ཛ་ཏྲི་དུ་ཛ་ནྲི་ཏྲི་མཱ་ར་ཡ་རྦད་རྦད༔ ཏྲག་རཀྴ་མཱ་ར་ཡ་རྦད་ཆོད་ཐུམ་རིལ་རྦད༔ དུམ་བུར་གཏུབས་གཏུབས་སྙིང་ལ་ཡཾ་ཡཾ་མར་ཐུར་མཱ་ར་ཡ་བྷྱོ་ནན༔ དགྲ་བགེགས་བྱད་མ་ལྷ་སྲུང་དང་བཅས་པ་ཏྲི་དུ་ཛ་ཏྲི་དུ་ཛ་ནྲི་ཏྲི་མཱ་ར་ཡ་རྦད་རྦད༔ བྱད་གཏད་ཁྲམ་གསུམ་ཐམས་ཅད་ས་ཐུན་ཡ་བྷྱོ་ཟློག༔ ཨཱོཾ་བིརྱ་དགྲ་བགེགས་བྱད་མའི་སྙིང་ལ་རྦད༔ ཁྲི་འཕོ་དགྲ་བགེགས་བྱད་མའི་སྙིང་ལ་རྦད༔ དམ་ལིང་དགྲ་བགེགས་བྱད་མའི་སྙིང་ལ་རྦད༔ པྲ་ཧ་ར་ན་དགྲ་བགེགས་བྱད་མའི་སྙིང་ལ་རྦད༔ གསུམ། ལིང་རོ་བསྟབ་ཅིང་། ཧཱུྃ༔ ཕྱེས་ཤིག་ཕྱེས་ཤིག་ལྷ་ཚོགས་ཞལ་ཕྱེས་ཤིག༔ རཀྴ་ཛ་ལའི་ལྷ་ཚོགས་ཞལ་ཕྱེས་ཤིག༔ དམ་ཉམས་དགྲ་བགེགས་བསྒྲལ་བའི་ལྔ་ཕུང་འདི༔ ལྷག་མ་མེད་པར་བཞེས་ཤིག་ཁ་རཾ་ཁཱ་ཧི༔ ཧཱུྃ་ཛ་ལ་རཀྴ་ཧཱུྃཿདགྲ་བགེགས་བྱད་མ་ལྷ་སྲུང་དང་བཅས་པའི་མཾ་ས་ཙིཏྟ་རཀྟ་གོ་རོ་ཙ་ན་བྷ་སུ་ཏ་ཀེང་ནི་རི་ཏི་བྷ་ལིངྟ་ཁཱ་ཧི་ཁཱ་ཧི༔ གསུམ། བཟློག་པའི་མཇུག་ཏུ། ཧཱུྃ་ཛ་ལ་རཀྴ་ཧཱུྃ་ཏྲི་ས་མ་ཡཱ་ཧཱུྃ་ཧཱུྃ་དགྲ་བགེགས་བྱད་མ་རྦོད་གཏོང་གཏད་ཁྲམ་དང་བཅས་པ་ཏྲི་དུ་ཛ་བྷྱོ་ཟློག༔ ཏྲི་དུ་ཛ་བྷྱོ་ཟློག༔ མཱ་ར་ཡ་ཏྲག་རཀྴ་བྱད་གཏད་ཁྲཾ་གསུམ་ཐམས་ཅད་ས་ཐུན་ཡ་བྷྱོ་ཟློག༔ ཨཱོཾ་བིརྱ་དགྲ་བགེགས་བྱད་མ་ཐམས་ཅད་བྷྱོ་ཟློག༔ ཁྲི་འཕོ་དགྲ་བགེགས་བྱད་མ་ཐམས་ཅད་བྷྱོ་ཟློག༔ དམ་ལིང་དགྲ་བགེགས་བྱད་མ་ཐམས་ཅད་བྷྱོ་ཟློག༔ པྲ་ཧ་ར་ན་དགྲ་བགེགས་བྱད་མ་ཐམས་ཅད་བྷྱོ་ཟློག༔ གཟུགས་ཅན་མིའི་བྱད་གཏད་ཁྲམ་གསུམ་ཐམས་ཅད་བྷྱོ་ཟློག༔ གཟུགས་མེད་ལྷ་འདྲེའི་བྱད་གཏད་ཁྲམ་གསུམ་ཐམས་ཅད་བྷྱོ་ཟློག༔ ཉི་མ་ཕྱོགས་བཞི་མཚམས་བརྒྱད་སྟེང་འོག་གཉིས་དང་བཅས་པའི་དགྲ་བགེགས་བྱད་མ་ཐམས་ཅད་བྷྱོ་ཟློག༔ གསུམ། ༈ ན་མོ་དཀོན་མཆོག་གསུམ་དང་རྩ་བ་གསུམ་གྱི་བདེན་པས་གནོད་བྱེད་དགྲ་བགེགས་ཐམས་ཅད་གཟུགས་ལིངྒ་འདིའི་ནང་དུ་ཁུག །གསུམ། ཨཱོཾ་བཛྲ་པཱ་ཎི་ཧཱུྃཿསརྦ་ས་མ་ཡ་བྷྱོ་བྷྱོ་ཛཿཛ༔ དགྲ་བགེགས་བྱད་མ་ལྷ་སྲུང་དང་བཅས་པ་ཐམས་ཅད་ཐུམ་རི་ལི་ལི་ཁུག་ཁུག་ནྲི་ཏྲི་མཱ་ར་ཡ་ཚིནྡྷ་ཚིནྡྷ་བྷནྡྷ་བྷནྡྷ་ཛཿཧཱུྃ་བཾ་ཧོ༔ གསུམ། བཛྲ་ཨངྒུ་ཤ་ཡ་ཛ༔ བཛྲ་པཱ་ཤ་ཧཱུྃ༔ བཛྲ་སྥོ་ཊ་བྃ༔ བཛྲ་གྷནྡེེ་ཧོ༔ བཛྲ་ཨ་ཝེ་ཤ་ཡ་ཨ་ཨཱ༔ རྒྱས་འདེབས། ཐུན་ཐོགས། ཧཱུྃ༔ ཁྲོ་བོ་བཛྲ་པཱ་ཎི་ཁྲོས་པའི་སྐུ༔ སྤྲུལ་པ་ཡང་སྤྲུལ་བཀའ་ཉན་བྲན་གཡོག་འབུམ༔ ཁྲག་འཐུང་རྔམ་བརྗིད་འབར་བའི་ཏིང་འཛིན་གྱིས༔ རྣོ་ངར་གདུག་པའི་མཚོན་གྱི་ཆར་ཕོབ་ལ༔ གནོད་པར་གྱུར་ན་འགོ་བའི་ལྷ་ཡང་རུང་༔ སྡང་བར་གྱུར་ན་བྱམས་དང་ཉེ་རིང་མེད༔ གནོད་བྱེད་དགྲ་བགེགས་ཐམས་ཅད་རྡུལ་དུ་རློག༔ ཨཱོཾ་བཛྲ་པཱ་ཎི་ཧཱུྃ༔ ཏྲི་ས་མ་ཡ་ཧཱུྃ་ཧཱུྃ་དགྲ་བགེགས་བྱད་མ་ལྷ་སྲུང་དང་བཅས་པའི་སྲོག་ལ་ཏྲི་དུ་ཛ་ཏྲི་དུ་ཛ་ནྲི་ཏྲི་མཱ་ར་ཡ་རྦད་རྦད༔ ཏྲག་རཀྴ་མཱ་ར་ཡ་རྦད་ཆོད་ཐུམ་རིལ་རྦད༔ དུམ་བུར་གཏུབས་གཏུབས་སྙིང་ལ་ཡཾ་ཡཾ་མར་ཐུར་མཱ་ར་ཡ་བྷྱོ་ནན༔ དགྲ་བགེགས་བྱད་མ་ལྷ་སྲུང་དང་བཅས་པ་ཏྲི་དུ་ཛ་ཏྲི་དུ་ཛ་ནྲི་ཏྲི་མཱ་ར་ཡ་རྦད་རྦད༔ བྱད་གཏད་ཁྲམ་གསུམ་ཐམས་ཅད་ས་ཐུན་ཡ་བྷྱོ་ཟློག༔ ཨཱོཾ་བིརྱ་དགྲ་བགེགས་བྱད་མའི་སྙིང་ལ་རྦད༔ ཁྲི་འཕོ་དགྲ་བགེགས་བྱད་མའི་སྙིང་ལ་རྦད༔ དམ་ལིང་དགྲ་བགེགས་བྱད་མའི་སྙིང་ལ་རྦད༔ པྲ་ཧ་ར་ན་དགྲ་བགེགས་བྱད་མའི་སྙིང་ལ་རྦད༔ གསུམ། ལིང་རོ་བསྟབ་ཅིང་། ཧཱུྃ༔ ཕྱེས་ཤིག་ཕྱེས་ཤིག་ལྷ་ཚོགས་ཞལ་ཕྱེས་ཤིག༔ བཛྲ་པཱ་ཎིའི་ལྷ་ཚོགས་ཞལ་ཕྱེས་ཤིག༔ དམ་ཉམས་དགྲ་བགེགས་བསྒྲལ་བའི་ལྔ་ཕུང་འདི༔ ལྷག་མ་མེད་པར་བཞེས་ཤིག་ཁ་རཾ་ཁཱ་ཧི༔ ཨཱོཾ་བཛྲ་པཱ་ཎི་ཧཱུྃ༔ དགྲ་བགེགས་བྱད་མ་ལྷ་སྲུང་དང་བཅས་པའི་མཾ་ས་ཙིཏྟ་རཀྟ་གོ་རོ་ཙ་ན་བྷ་སུ་ཏ་ཀེང་ནི་རི་ཏི་བྷ་ལིངྟ་ཁཱ་ཧི་ཁཱ་ཧི༔ གསུམ། བཟློག་པའི་མཇུག་ཏུ། ཨཱོཾ་བཛྲ་པཱ་ཎི་ཧཱུྃ༔ ཏྲི་ས་མ་ཡ་ཧཱུྃ་ཧཱུྃ༔ དགྲ་བགེགས་བྱད་མ་རྦོད་གཏོང་གཏད་ཁྲམ་དང་བཅས་པ་ཏྲི་དུ་ཛ་བྷྱོ་ཟློག༔ ཏྲི་དུ་ཛ་བྷྱོ་ཟློག༔ མཱ་ར་ཡ་ཏྲག་རཀྴ་བྱད་གཏད་ཁྲམ་གསུམ་ཐམས་ཅད་ས་ཐུན་ཡ་བྷྱོ་ཟློག༔ ཨཱོཾ་བིརྱ་དགྲ་བགེགས་བྱད་མ་ཐམས་ཅད་བྷྱོ་ཟློག༔ ཁྲི་འཕོ་དགྲ་བགེགས་བྱད་མ་ཐམས་ཅད་བྷྱོ་ཟློག༔ དམ་ལིང་དགྲ་བགེགས་བྱད་མ་ཐམས་ཅད་བྷྱོ་ཟློག༔ པྲ་ཧ་ར་ན་དགྲ་བགེགས་བྱད་མ་ཐམས་ཅད་བྷྱོ་ཟློག༔ གཟུགས་ཅན་མིའི་བྱད་གཏད་ཁྲམ་གསུམ་ཐམས་ཅད་བྷྱོ་ཟློག༔ གཟུགས་མེད་ལྷ་འདྲེའི་བྱད་གཏད་ཁྲམ་གསུམ་ཐམས་ཅད་བྷྱོ་ཟློག༔ ཉི་མ་ཕྱོགས་བཞི་མཚམས་བརྒྱད་སྟེང་འོག་གཉིས་དང་བཅས་པའི་དགྲ་བགེགས་བྱད་མ་ཐམས་ཅད་བྷྱོ་ཟློག༔ གསུམ། ༈ ན་མོ་དཀོན་མཆོག་གསུམ་དང་རྩ་བ་གསུམ་གྱི་བདེན་པས་གནོད་བྱེད་དགྲ་བགེགས་ཐམས་ཅད་གཟུགས་ལིངྒ་འདིའི་ནང་དུ་ཁུག །གསུམ། ཨཱོཾ་མ་ཧཱ་རཱ་ཛ་ཧཱུྃ༔ སརྦ་ས་མ་ཡ་བྷྱོ་བྷྱོ་ཛཿཛཿདགྲ་བགེགས་བྱད་མ་ལྷ་སྲུང་དང་བཅས་པ་ཐམས་ཅད་ཐུམ་རི་ལི་ལི་ཁུག་ཁུག་ནྲི་ཏྲི་མཱ་ར་ཡ་ཚིནྡྷ་ཚིནྡྷ་བྷནྡྷ་བྷནྡྷ་ཛཿཧཱུྃ་བཾ་ཧོ༔ གསུམ། བཛྲ་ཨངྒུ་ཤ་ཡ་ཛ༔ བཛྲ་པཱ་ཤ་ཧཱུྃ༔ བཛྲ་སྥོ་ཊ་བཾ༔ བཛྲ་གྷནྡེ་ཧོ༔ བཛྲ་ཨ་ཝེ་ཤ་ཡ་ཨ་ཨཱ༔ རྒྱས་འདེབས། ཐུན་ཐོགས། ཧཱུྃ༔ ཆོས་སྐྱོང་རྒྱལ་པོ་ཆེན་པོ་ཁྲོས་པའི་སྐུ༔ སྤྲུལ་པ་ཡང་སྤྲུལ་བཀའ་ཉན་བྲན་གཡོག་འབུམ༔ ཁྲག་འཐུང་རྔམ་བརྗིད་འབར་བའི་ཏིང་འཛིན་གྱིས༔ རྣོ་ངར་གདུག་པའི་མཚོན་གྱི་ཆར་ཕོབ་ལ༔ གནོད་པར་གྱུར་ན་འགོ་བའི་ལྷ་ཡང་རུང་༔ སྡང་བར་གྱུར་ན་བྱམས་དང་ཉེ་རིང་མེད༔ གནོད་བྱེད་དགྲ་བགེགས་ཐམས་ཅད་རྡུལ་དུ་རློག༔ ཨཱོཾ་མ་ཧཱ་རཱ་ཛ་ཧཱུྃ༔ ཏྲི་ས་མ་ཡ་ཧཱུྃ་ཧཱུྃ་དགྲ་བགེགས་བྱད་མ་ལྷ་སྲུང་དང་བཅས་པའི་སྲོག་ལ་ཏྲི་དུ་ཛ་ཏྲི་དུ་ཛ་ནྲི་ཏྲི་མཱ་ར་ཡ་རྦད་རྦད༔ ཏྲག་རཀྴ་མཱ་ར་ཡ་རྦད་ཆོད་ཐུམ་རིལ་རྦད༔ དུམ་བུར་གཏུབས་གཏུབས་སྙིང་ལ་ཡཾ་ཡཾ་མར་ཐུར་མཱ་ར་ཡ་བྷྱོ་ནན༔ དགྲ་བགེགས་བྱད་མ་ལྷ་སྲུང་དང་བཅས་པ་ཏྲི་དུ་ཛ་ཏྲི་དུ་ཛ་ནྲི་ཏྲི་མཱ་ར་ཡ་རྦད་རྦད༔ བྱད་གཏད་ཁྲམ་གསུམ་ཐམས་ཅད་ས་ཐུན་ཡ་བྷྱོ་ཟློག༔ ཨཱོཾ་བིརྱ་དགྲ་བགེགས་བྱད་མའི་སྙིང་ལ་རྦད༔ ཁྲི་འཕོ་དགྲ་བགེགས་བྱད་མའི་སྙིང་རྦད༔ དམ་ལིང་དགྲ་བགེགས་བྱད་མའི་སྙིང་ལ་རྦད༔ པྲ་ཧ་ར་ན་དགྲ་བགེགས་བྱད་མའི་སྙིང་ལ་རྦད༔ གསུམ། ལིང་རོ་བསྟབ་ཅིང་། ཧཱུྃ༔ ཕྱེས་ཤིག་ཕྱེས་ཤིག་ལྷ་ཚོགས་ཞལ་ཕྱེས་ཤིག༔ ཆོས་སྐྱོང་རྒྱལ་པོའི་ལྷ་ཚོགས་ཞལ་ཕྱེས་ཤིག༔ དམ་ཉམས་དགྲ་བགེགས་བསྒྲལ་བའི་ལྔ་ཕུང་འདི༔ ལྷག་མ་མེད་པར་བཞེས་ཤིག་ཁ་རཾ་ཁཱ་ཧི༔ ཨཱོཾ་མ་ཧཱ་རཱ་ཛ་ཧཱུྃ༔ དགྲ་བགེགས་བྱད་མ་ལྷ་སྲུང་དང་བཅས་པའི་མཾ་ས་ཙིཏྟ་རཀྟ་གོ་རོ་ཙ་ན་བྷ་སུ་ཏ་ཀེང་ནི་རི་ཏི་བྷ་ལིངྟ་ཁཱ་ཧི་ཁཱ་ཧི༔ གསུམ། བཟློག་པའི་མཇུག་ཏུ། ཨཱོཾ་མ་ཧཱ་རཱ་ཛ་ཧཱུྃ༔ ཏྲི་ས་མ་ཡ་ཧཱུྃ་ཧཱུྃ༔ དགྲ་བགེགས་བྱད་མ་རྦོད་གཏོང་གཏད་ཁྲམ་དང་བཅས་པ་ཏྲི་དུ་ཛ་བྷྱོ་ཟློག༔ ཏྲི་དུ་ཛ་བྷྱོ་ཟློག༔ མཱ་ར་ཡ་ཏྲག་རཀྴ་བྱད་གཏད་ཁྲམ་གསུམ་ཐམས་ཅད་ས་ཐུན་ཡ་བྷྱོ་ཟློག༔ ཨཱོཾ་བིརྱ་དགྲ་བགེགས་བྱད་མ་ཐམས་ཅད་བྷྱོ་ཟློག༔ ཁྲི་འཕོ་དགྲ་བགེགས་བྱད་མ་ཐམས་ཅད་བྷྱོ་ཟློག༔ དམ་ལིང་དགྲ་བགེགས་བྱད་མ་ཐམས་ཅད་བྷྱོ་ཟློག༔ པྲ་ཧ་ར་ན་དགྲ་བགེགས་བྱད་མ་ཐམས་ཅད་བྷྱོ་ཟློག༔ གཟུགས་ཅན་མིའི་བྱད་གཏད་ཁྲམ་གསུམ་ཐམས་ཅད་བྷྱོ་ཟློག༔ གཟུགས་མེད་ལྷ་འདྲེའི་བྱད་གཏད་ཁྲམ་གསུམ་ཐམས་ཅད་བྷྱོ་ཟློག༔ ཉི་མ་ཕྱོགས་བཞི་མཚམས་བརྒྱད་སྟེང་འོག་གཉིས་དང་བཅས་པའི་དགྲ་བགེགས་བྱད་མ་ཐམས་ཅད་བྷྱོ་ཟློག༔ གསུམ། ༈ ན་མོ་དཀོན་མཆོག་གསུམ་དང་རྩ་བ་གསུམ་གྱི་བདེན་པས་གནོད་བྱེད་དགྲ་བགེགས་ཐམས་ཅད་གཟུགས་ལིངྒ་འདིའི་ནང་དུ་ཁུག །ཨཱོཾ་ནཱ་ག་རཱ་ཛ་ཧཱུྃ༔ སརྦ་ས་མ་ཡ་བྷྱོ་བྷྱོ་ཛཿཛ༔ དགྲ་བགེགས་བྱད་མ་ལྷ་སྲུང་དང་བཅས་པ་ཐམས་ཅད་ཐུམ་རི་ལི་ལི་ཁུག་ཁུག་ནྲི་ཏྲི་མཱ་ར་ཡ་ཚིནྡྷ་ཚིནྡྷ་བྷནྡྷ་བྷནྡྷ་ཛཿཧཱུྃ་བཾ་ཧོ༔ གསུམ། བཛྲ་ཨངྒུ་ཤ་ཡ་ཛ༔ བཛྲ་པཱ་ཤ་ཧཱུྃ༔ བཛྲ་སྥོ་ཊ་བཾ༔ བཛྲ་གྷནྡེེ་ཧོ༔ བཛྲ་ཨ་ཝེ་ཤ་ཡ་ཨ་ཨཱ༔ རྒྱས་འདེབས། ཐུན་ཐོགས། ཧཱུྃ༔ ཀླུ་སྲིན་རྒྱལ་པོ་ཆེན་པོ་ཁྲོས་པའི་སྐུ༔ སྤྲུལ་པ་ཡང་སྤྲུལ་བཀའ་ཉན་བྲན་གཡོག་འབུམ༔ ཁྲག་འཐུང་རྔམ་བརྗིད་འབར་བའི་ཏིང་འཛིན་གྱིས༔ རྣོ་ངར་གདུག་པའི་མཚོན་གྱི་ཆར་ཕོབ་ལ༔ གནོད་པར་གྱུར་ན་འགོ་བའི་ལྷ་ཡང་རུང་༔ སྡང་བར་གྱུར་ན་བྱམས་དང་ཉེ་རིང་མེད༔ གནོད་བྱེད་དགྲ་བགེགས་ཐམས་ཅད་རྡུལ་དུ་རློག༔ ཨཱོཾ་ནཱ་ག་རཱ་ཛ་ཧཱུྃ༔ ཏྲི་ས་མ་ཡ་ཧཱུྃ་ཧཱུྃ་དགྲ་བགེགས་བྱད་མ་ལྷ་སྲུང་དང་བཅས་པའི་སྲོག་ལ་ཏྲི་དུ་ཛཿཏྲི་དུ་ཛཿནྲི་ཏྲི་མཱ་ར་ཡ་རྦད་རྦད༔ ཏྲག་རཀྴ་མཱ་ར་ཡ་རྦད་ཆོད་ཐུམ་རིལ་རྦད༔ དུམ་བུར་གཏུབས་གཏུབས་སྙིང་ལ་ཡཾ་ཡཾ་མར་ཐུར་མཱ་ར་ཡ་བྷྱོ་ནན༔ དགྲ་བགེགས་བྱད་མ་ལྷ་སྲུང་དང་བཅས་པ་ཏྲི་དུ་ཛཿཏྲི་དུ་ཛཿནྲི་ཏྲི་མཱ་ར་ཡ་རྦད་རྦད༔ བྱད་གཏད་ཁྲམ་གསུམ་ཐམས་ཅད་ས་ཐུན་ཡ་བྷྱོ་ཟློག༔ ཨོཾ་བིརྱ་དགྲ་བགེགས་བྱད་མའི་སྙིང་ལ་རྦད༔ ཁྲི་ཕོ་དགྲ་བགེགས་བྱད་མའི་སྙིང་ལ་རྦད༔ དམ་ལིང་དགྲ་བགེགས་བྱད་མའི་སྙིང་ལ་རྦད༔ པྲ་ཧཱ་ར་ན་དགྲ་བགེགས་བྱད་མའི་སྙིང་ལ་རྦད༔ གསུམ། ལིང་རོ་བསྟབ་ཅིང་། ཧཱུྃ༔ ཕྱེས་ཤིག་ཕྱེས་ཤིག་ལྷ་ཚོགས་ཞལ་ཕྱེས་ཤིག༔ ནཱ་ག་རཱ་ཛའི་ལྷ་ཚོགས་ཞལ་ཕྱེས་ཤིག༔ དམ་ཉམས་དགྲ་བགེགས་བསྒྲལ་བའི་ལྔ་ཕུང་འདི༔ ལྷག་མ་མེད་པར་བཞེས་ཤིག་ཁ་རཾ་ཁཱ་ཧི༔ ཨཱོཾ་ནཱ་ག་རཱ་ཛ་ཧཱུྃ༔ དགྲ་བགེགས་བྱད་མ་ལྷ་སྲུང་དང་བཅས་པའི་མཾ་ས་ཙིཏྟ་རཀྟ་གོ་རོ་ཙ་ན་བྷ་སུ་ཏ་ཀེང་ནི་རི་ཏི་བྷ་ལིངྟ་ཁཱ་ཧི་ཁཱ་ཧི༔ གསུམ། བཟློག་པའི་མཇུག་ཏུ། ཨཱོཾ་ནཱ་ག་རཱ་ཛ་ཧཱུྃ༔ ཏྲི་ས་མ་ཡ་ཧཱུྃ་ཧཱུྃ༔ དགྲ་བགེགས་བྱད་མ་རྦོད་གཏོང་གཏད་ཁྲམ་དང་བཅས་པ་ཏྲི་དུ་ཛ་བྷྱོ་ཟློག༔ ཏྲི་དུ་ཛ་བྷྱོ་ཟློག༔ མཱ་ར་ཡ་ཏྲག་རཀྴ་བྱད་གཏད་ཁྲཾ་གསུམ་ཐམས་ཅད་ས་ཐུན་ཡ་བྷྱོ་ཟློག༔ ཨཱོཾ་བིརྱ་དགྲ་བགེགས་བྱད་མ་ཐམས་ཅད་བྷྱོ་ཟློག༔ ཁྲི་འཕོ་དགྲ་བགེགས་བྱད་མ་ཐམས་ཅད་བྷྱོ་ཟློག༔ དམ་ལིང་དགྲ་བགེགས་བྱད་མ་ཐམས་ཅད་བྷྱོ་ཟློག༔ པྲ་ཧ་ར་ན་དགྲ་བགེགས་བྱད་མ་ཐམས་ཅད་བྷྱོ་ཟློག༔ གཟུགས་ཅན་མིའི་བྱད་གཏད་ཁྲམ་གསུམ་ཐམས་ཅད་བྷྱོ་ཟློག༔ གཟུགས་མེད་ལྷ་འདྲེའི་བྱད་གཏད་ཁྲམ་གསུམ་ཐམས་ཅད་བྷྱོ་ཟློག༔ ཉི་མ་ཕྱོགས་བཞི་མཚམས་བརྒྱད་སྟེང་འོག་གཉིས་དང་བཅས་པའི་དགྲ་བགེགས་བྱད་མ་ཐམས་ཅད་བྷྱོ་ཟློག༔ གསུམ། ༈ ན་མོ་དཀོན་མཆོག་གསུམ་དང་རྩ་བ་གསུམ་གྱི་བདེན་པས་གནོད་བྱེད་དགྲ་བགེགས་ཐམས་ཅད་གཟུགས་ལིངྒ་འདིའི་ནང་དུ་ཁུག །གསུམ། ཨཱོཾ་ཡ་མ་རཱ་ཛ་ནྡེེ་སརྦ་ས་མ་ཡ་བྷྱོ་བྷྱོ་ཛཿཛ༔ དགྲ་བགེགས་བྱད་མ་ལྷ་སྲུང་དང་བཅས་པ་ཐམས་ཅད་ཐུམ་རི་ལི་ལི་ཁུག་ཁུག་ནྲི་ཏྲི་མཱ་ར་ཡ་ཚིནྡྷ་ཚིནྡྷ་བྷནྡྷ་བྷནྡྷ་ཛཿཧཱུྃ་བཾ་ཧོ༔ གསུམ། བཛྲ་ཨངྒུ་ཤ་ཡ་ཛ༔ བཛྲ་པཱ་ཤ་ཧཱུྃ༔ བཛྲ་སྥོ་ཊ་བ༔ བཛྲ་གྷནྡེེ་ཧོ༔ བཛྲ་ཨ་ཝེ་ཤ་ཡ་ཨ་ཨཱ༔ རྒྱས་འདེབས། ཐུན་ཐོགས། ཧཱུྃ༔ གཤིན་རྗེ་མི་ཟན་ཆེན་པོ་ཁྲོས་པའི་སྐུ༔ སྤྲུལ་པ་ཡང་སྤྲུལ་བཀའ་ཉན་བྲན་གཡོག་འབུམ༔ ཁྲག་འཐུང་རྔམ་བརྗིད་འབར་བའི་ཏིང་འཛིན་གྱིས༔ རྣོ་ངར་གདུག་པའི་མཚོན་གྱི་ཆར་ཕོབ་ལ༔ གནོད་པར་གྱུར་ན་འགོ་བའི་ལྷ་ཡང་རུང་༔ སྡང་བར་གྱུར་ན་བྱམས་དང་ཉེ་རིང་མེད༔ གནོད་བྱེད་དགྲ་བགེགས་ཐམས་ཅད་རྡུལ་དུ་རློག༔ ཨཱོཾ་ཡ་མ་རཱ་ཛ་ཧཱུྃ༔ ཏྲི་ས་མ་ཡ་ཧཱུྃ་ཧཱུྃ་དགྲ་བགེགས་བྱད་མ་ལྷ་སྲུང་དང་བཅས་པའི་སྲོག་ལ་ཏྲི་དུ་ཛ་ཏྲི་དུ་ཛ་ནྲི་ཏྲི་མཱར་ཡ་རྦད་རྦད༔ ཏྲག་རཀྴ་མཱ་ར་ཡ་རྦད་ཆོད་ཐུམ་རིལ་རྦད༔ དུམ་བུར་གཏུབས་གཏུབས་སྙིང་ལ་ཡཾ་ཡཾ་མར་ཐུར་མཱ་ར་ཡ་བྷྱོ་ནན༔ དགྲ་བགེགས་བྱད་མ་ལྷ་སྲུང་དང་བཅས་པ་ཏྲི་དུ་ཛ་ཏྲི་དུ་ཛ་ནྲི་ཏྲི་མཱ་ར་ཡ་རྦད་རྦད༔ བྱད་གཏད་ཁྲམ་གསུམ་ཐམས་ཅད་ས་ཐུན་ཡ་བྷྱོ་ཟློག༔ ཨཱོཾ་བིརྱ་དགྲ་བགེགས་བྱད་མའི་སྙིང་ལ་རྦད༔ ཁྲི་འཕོ་དགྲ་བགེགས་བྱད་མའི་སྙིང་ལ་རྦད༔ དམ་ལིང་དགྲ་བགེགས་བྱད་མའི་སྙིང་ལ་རྦད༔ པྲ་ཧ་ར་ན་དགྲ་བགེགས་བྱད་མའི་སྙིང་ལ་རྦད༔ གསུམ། ལིང་རོ་བསྟབ་ཅིང་། ཧཱུྃ༔ ཕྱེས་ཤིག་ཕྱེས་ཤིག་ལྷ་ཚོགས་ཞལ་ཕྱེས་ཤིག༔ མི་གཟན་གཤིན་རྗེའི་ལྷ་ཚོགས་ཞལ་ཕྱེས་ཤིག༔ དམ་ཉམས་དགྲ་བགེགས་བསྒྲལ་བའི་ལྔ་ཕུང་འདི༔ ལྷག་མ་མེད་པར་བཞེས་ཤིག་ཁ་རཾ་ཁཱ་ཧི༔ ཨཱོཾ་ཡ་མ་རཱ་ཛ་ཧཱུྃ༔ དགྲ་བགེགས་བྱད་མ་ལྷ་སྲུང་དང་བཅས་པའི་མཾ་ས་ཙིཏྟ་རཀྟ་གོ་རོ་ཙ་ན་བྷ་སུ་ཏ་ཀེང་ནི་རི་ཏི་བྷ་ལིངྟ་ཁཱ་ཧི་ཁཱ་ཧི༔ གསུམ། བཟློག་པའི་མཇུག་ཏུ། ཨཱོཾ་ཡ་མ་རཱ་ཛ་ཧཱུྃ༔ ཏྲི་ས་མ་ཡ་ཧཱུྃ་ཧཱུྃ༔ དགྲ་བགེགས་བྱད་མ་རྦོད་གཏོང་གཏད་ཁྲམ་དང་བཅས་པ་ཏྲི་དུ་ཛ་བྷྱོ་ཟློག༔ ཏྲི་དུ་ཛ་བྷྱོ་ཟློག༔ མཱ་ར་ཡ་ཏྲག་རཀྴ་བྱད་གཏད་ཁྲཾ་གསུམ་ཐམས་ཅད་ས་ཐུན་ཡ་བྷྱོ་ཟློག༔ ཨཱོཾ་བིརྱ་དགྲ་བགེགས་བྱད་མ་ཐམས་ཅད་བྷྱོ་ཟློག༔ ཁྲི་འཕོ་དགྲ་བགེགས་བྱད་མ་ཐམས་ཅད་བྷྱོ་ཟློག༔ དམ་ལིང་དགྲ་བགེགས་བྱད་མ་ཐམས་ཅད་བྷྱོ་ཟློག༔ པྲ་ཧ་ར་ན་དགྲ་བགེགས་བྱད་མ་ཐམས་ཅད་བྷྱོ་ཟློག༔ གཟུགས་ཅན་མིའི་བྱད་གཏད་ཁྲམ་གསུམ་ཐམས་ཅད་བྷྱོ་ཟློག༔ གཟུགས་མེད་ལྷ་འདྲེའི་བྱད་གཏད་ཁྲམ་གསུམ་ཐམས་ཅད་བྷྱོ་ཟློག༔ ཉི་མ་ཕྱོགས་བཞི་མཚམས་བརྒྱད་སྟེང་འོག་གཉིས་དང་བཅས་པའི་དགྲ་བགེགས་བྱད་མ་ཐམས་ཅད་བྷྱོ་ཟློག༔ གསུམ། ༈ ན་མོ་དཀོན་མཆོག་གསུམ་དང་རྩ་བ་གསུམ་གྱི་བདེན་པས་གནོད་བྱེད་དགྲ་བགེགས་ཐམས་ཅད་གཟུགས་ལིངྒ་འདིའི་ནང་དུ་ཁུག །གསུམ། ཨཱོཾ་མ་ཧཱ་རཱ་ཛ་རཱ་ཧུ་ལ་ཧཱུྃ༔ སརྦ་ས་མ་ཡ་བྷྱོ་བྷྱོ་ཛཿཛ༔ དགྲ་བགེགས་བྱད་མ་ལྷ་སྲུང་དང་བཅས་པ་ཐམས་ཅད་ཐུམ་རི་ལི་ལི་ཁུག་ཁུག་ནྲི་ཏྲི་མཱ་ར་ཡ་ཚིནྡྷ་ཚིནྡྷ་བྷནྡྷ་བྷནྡྷ་ཛཿཧཱུྃ་བཾ་ཧོ༔ གསུམ། བཛྲ་ཨངྒུ་ཤ་ཡ་ཛ༔ བཛྲ་པཱ་ཤ་ཧཱུྃ༔ བཛྲ་སྥོ་ཊ་བཾ༔ བཛྲ་གྷནྜེ་ཧོ༔ བཛྲ་ཨ་ཝེ་ཤ་ཡ་ཨ་ཨཱ༔ རྒྱས་འདེབས། ཐུན་ཐོགས། ཧཱུྃ༔ གཟའ་བདུད་རྒྱལ་པོ་ཆེན་པོ་ཁྲོས་པའི་སྐུ༔ སྤྲུལ་པ་ཡང་སྤྲུལ་བཀའ་ཉན་བྲན་གཡོག་འབུམ༔ ཁྲག་འཐུང་རྔམ་བརྗིད་འབར་བའི་ཏིང་འཛིན་གྱིས༔ རྣོ་ངར་གདུག་པའི་མཚོན་གྱི་ཆར་ཕོབ་ལ༔ གནོད་པར་གྱུར་ན་འགོ་བའི་ལྷ་ཡང་རུང་༔ སྡང་བར་གྱུར་ན་བྱམས་དང་ཉེ་རིང་མེད༔ གནོད་བྱེད་དགྲ་བགེགས་ཐམས་ཅད་རྡུལ་དུ་རློག༔ ཨཱོཾ་མ་ཧཱ་རཱ་ཛ་རཱ་ཧུ་ལ་ཧཱུྃ༔ ཏྲི་ས་མ་ཡ་ཧཱུྃ་ཧཱུྃ༔ དགྲ་བགེགས་བྱད་མ་ལྷ་སྲུང་དང་བཅས་པའི་སྲོག་ལ་ཏྲི་དུ་ཛ་ཏྲི་དུ་ཛ་ནྲི་ཏྲི་མཱ་ར་ཡ་རྦད་རྦད༔ ཏྲག་རཀྴ་མཱ་ར་ཡ་རྦད་ཆོད་ཐུམ་རིལ་རྦད༔ དུམ་བུར་གཏུབས་གཏུབས་སྙིང་ལ་ཡཾ་ཡཾ་མར་ཐུར་མཱ་ར་ཡ་བྷྱོ་ནན༔ དགྲ་བགེགས་བྱད་མ་ལྷ་སྲུང་དང་བཅས་པ་ཏྲི་དུ་ཛ་ཏྲི་དུ་ཛ་ནྲི་ཏྲི་མཱ་ར་ཡ་རྦད་རྦད༔ བྱད་གཏད་ཁྲམ་གསུམ་ཐམས་ཅད་ས་ཐུན་ཡ་བྷྱོ་ཟློག༔ ཨཱོཾ་བིརྱ་དགྲ་བགེགས་བྱད་མའི་སྙིང་ལ་རྦད༔ ཁྲི་འཕོ་དགྲ་བགེགས་བྱད་མའི་སྙིང་ལ་རྦད༔ དམ་ལིང་དགྲ་བགེགས་བྱད་མའི་སྙིང་ལ་རྦད༔ པྲ་ཧ་ར་ན་དགྲ་བགེགས་བྱད་མའི་སྙིང་ལ་རྦད༔ གསུམ། ལིང་རོ་བསྟབ་ཅིང་། ཧཱུྃ༔ ཕྱེས་ཤིག་ཕྱེས་ཤིག་ལྷ་ཚོགས་ཞལ་ཕྱེས་ཤིག༔ གཟའ་བདུད་རྒྱལ་པོའི་ལྷ་ཚོགས་ཞལ་ཕྱེས་ཤིག༔ དམ་ཉམས་དགྲ་བགེགས་བསྒྲལ་བའི་ལྔ་ཕུང་འདི༔ ལྷག་མ་མེད་པར་བཞེས་ཤིག་ཁ་རཾ་ཁཱ་ཧི༔ ཨཱོཾ་མ་ཧཱ་ར་ཛ་རཱ་ཧུ་ལ་ཧཱུྃ༔ དགྲ་བགེགས་བྱད་མ་ལྷ་སྲུང་དང་བཅས་པའི་མཾ་ས་ཙིཏྟ་རཀྟ་གོ་རོ་ཙ་ན་བྷ་སུ་ཏ་ཀེང་ནི་རི་ཏི་བྷ་ལིངྟ་ཁཱ་ཧི་ཁཱ་ཧི༔ གསུམ། བཟློག་པའི་མཇུག་ཏུ། ཨཱོཾ་མ་ཧཱ་རཱ་ཛ་རཱ་ཧུ་ལ་ཧཱུྃ༔ ཏྲི་ས་མ་ཡ་ཧཱུྃ་ཧཱུྃ༔ དགྲ་བགེགས་བྱད་མ་རྦོད་གཏོང་གཏད་ཁྲམ་དང་བཅས་པ་ཏྲི་དུ་ཛ་བྷྱོ་ཟློག༔ ཏྲི་དུ་ཛ་བྷྱོ་ཟློག༔ མཱ་ར་ཡ་ཏྲག་རཀྴ་བྱད་གཏད་ཁྲམ་གསུམ་ཐམས་ཅད་ས་ཐུན་ཡ་བྷྱོ་ཟློག༔ ཨཱོཾ་བིརྱ་དགྲ་བགེགས་བྱད་མ་ཐམས་ཅད་བྷྱོ་ཟློག༔ ཁྲི་འཕོ་དགྲ་བགེགས་བྱད་མ་ཐམས་ཅད་བྷྱོ་ཟློག༔ དམ་ལིང་དགྲ་བགེགས་བྱད་མ་ཐམས་ཅད་བྷྱོ་ཟློག༔ པྲ་ཧ་ར་ན་དགྲ་བགེགས་བྱད་མ་ཐམས་ཅད་བྷྱོ་ཟློག༔ གཟུགས་ཅན་མིའི་བྱད་གཏད་ཁྲམ་གསུམ་ཐམས་ཅད་བྷྱོ་ཟློག༔ གཟུགས་མེད་ལྷ་འདྲེའི་བྱད་གཏད་ཁྲམ་གསུམ་ཐམས་ཅད་བྷྱོ་ཟློག༔ ཉི་མ་ཕྱོགས་བཞི་མཚམས་བརྒྱད་སྟེང་འོག་གཉིས་དང་བཅས་པའི་དགྲ་བགེགས་བྱད་མ་ཐམས་ཅད་བྷྱོ་ཟློག༔ གསུམ། ༈ ན་མོ་དཀོན་མཆོག་གསུམ་དང་རྩ་བ་གསུམ་གྱི་བདེན་པས་གནོད་བྱེད་དགྲ་བགེགས་ཐམས་ཅད་གཟུགས་ལིངྒ་འདིའི་ནང་དུ་ཁུག །ཨཱོཾ་མ་ཧཱ་རཱ་ཛ་པྲ་ན་ཧཱུྃ༔ སརྦ་ས་མ་ཡ་བྷྱོ་བྷྱོ་ཛཿཛཿདགྲ་བགེགས་བྱད་མ་ལྷ་སྲུང་དང་བཅས་པ་ཐམས་ཅད་ཐུམ་རི་ལི་ལི་ཁུག་ཁུག་ནྲི་ཏྲི་མཱ་ར་ཡ་ཚིནྡྷ་ཚིནྡྷ་བྷནྡྷ་བྷནྡྷ་ཛཿཧཱུྃ་བཾ་ཧོ༔ གསུམ། བཛྲ་ཨངྒུ་ཤ་ཡ་ཛ༔ བཛྲ་པཱ་ཤ་ཧཱུྃ༔ བཛྲ་སྥོ་ཊ་བཾ༔ བཛྲ་གྷནྡེེ་ཧོ༔ བཛྲ་ཨ་ཝེ་ཤ་ཡ་ཨ་ཨཱ༔ རྒྱས་འདེབས། ཐུན་ཐོགས། ཧཱུྃ༔ བཙན་རྒོད་དྲག་རྩལ་རྒྱལ་པོ་ཁྲོས་པའི་སྐུ༔ སྤྲུལ་པ་ཡང་སྤྲུལ་བཀའ་ཉན་བྲན་གཡོག་འབུམ༔ ཁྲག་འཐུང་རྔམ་བརྗིད་འབར་བའི་ཏིང་འཛིན་གྱིས༔ རྣོ་ངར་གདུག་པའི་མཚོན་གྱི་ཆར་ཕོབ་ལ༔ གནོད་པར་གྱུར་ན་འགོ་བའི་ལྷ་ཡང་རུང་༔ སྡང་བར་གྱུར་ན་བྱམས་དང་ཉེ་རིང་མེད༔ གནོད་བྱེད་དགྲ་བགེགས་ཐམས་ཅད་རྡུལ་དུ་རློག༔ ཨཱོཾ་མ་ཧཱ་རཱ་ཛ་པྲ་ན་ཧཱུྃ༔ ཏྲི་ས་མ་ཡ་ཧཱུྃ་ཧཱུྃ་དགྲ་བགེགས་བྱད་མ་ལྷ་སྲུང་དང་བཅས་པའི་སྲོག་ལ་ཏྲི་དུ་ཛཿཏྲི་དུ་ཛཿནྲི་ཏྲི་མཱ་ར་ཡ་རྦད་རྦད༔ ཏྲག་རཀྴ་མཱ་ར་ཡ་རྦད་ཆོད་ཐུམ་རིལ་རྦད༔ དུམ་བུར་གཏུབས་གཏུབས་སྙིང་ལ་ཡཾ་ཡཾ་མར་ཐུར་མཱ་ར་ཡ་བྷྱོ་ནན༔ དགྲ་བགེས་བྱད་མ་ལྷ་སྲུང་དང་བཅས་པ་ཏྲི་དུ་ཛཿཏྲི་དུ་ཛཿནྲི་ཏྲི་མཱ་ར་ཡ་རྦད་རྦད༔ བྱད་གཏད་ཁྲམ་གསུམ་ཐམས་ཅད་ས་ཐུན་ཡ་བྷྱོ་ཟློག༔ ཨོཾ་བིརྱ་དགྲ་བགེགས་བྱད་མའི་སྙིང་ལ་རྦད༔ ཁྲི་ཕོ་དགྲ་བགེགས་བྱད་མའི་སྙིང་ལ་རྦད༔ དམ་ལིང་དགྲ་བགེགས་བྱད་མའི་སྙིང་ལ་རྦད༔ པྲ་ཧཱ་ར་ན་དགྲ་བགེགས་བྱད་མའི་སྙིང་ལ་རྦད༔ གསུམ། ལིང་རོ་བསྟབ་ཅིང་། ཧཱུྃ༔ ཕྱེས་ཤིག་ཕྱེས་ཤིག་ལྷ་ཚོགས་ཞལ་ཕྱེས་ཤིག༔ བཙན་རྒོད་རྒྱལ་པོའི་ལྷ་ཚོགས་ཞལ་ཕྱེས་ཤིག༔ དམ་ཉམས་དགྲ་བགེགས་བསྒྲལ་བའི་ལྔ་ཕུང་འདི༔ ལྷག་མ་མེད་པར་བཞེས་ཤིག་ཁ་རཾ་ཁཱ་ཧི༔ ཨཱོཾ་མ་ཧཱ་རཱ་ཛ་པྲ་ན་ཧཱུྃ༔ དགྲ་བགེགས་བྱད་མ་ལྷ་སྲུང་དང་བཅས་པའི་མཾ་ས་ཙིཏྟ་རཀྟ་གོ་རོ་ཙ་ན་བྷ་སུ་ཏ་ཀེང་ནི་རི་ཏི་བྷ་ལིངྟ་ཁཱ་ཧི་ཁཱ་ཧི༔ གསུམ། བཟློག་པའི་མཇུག་ཏུ། ཨཱོཾ་མ་ཧཱ་རཱ་ཛ་པྲ་ན་ཧཱུྃ༔ ཏྲི་ས་མ་ཡ་ཧཱུྃ་ཧཱུྃ༔ དགྲ་བགེགས་བྱད་མ་རྦོད་གཏོང་གཏད་ཁྲམ་དང་བཅས་པ་ཏྲི་དུ་ཛ་བྷྱོ་ཟློག༔ ཏྲི་དུ་ཛ་བྷྱོ་ཟློག༔ མཱ་ར་ཡ་ཏྲག་རཀྴ་བྱད་གཏད་ཁྲཾ་གསུམ་ཐམས་ཅད་ས་ཐུན་ཡ་བྷྱོ་ཟློག༔ ཨཱོཾ་བིརྱ་དགྲ་བགེགས་བྱད་མ་ཐམས་ཅད་བྷྱོ་ཟློག༔ ཁྲི་འཕོ་དགྲ་བགེགས་བྱད་མ་ཐམས་ཅད་བྷྱོ་ཟློག༔ དམ་ལིང་དགྲ་བགེགས་བྱད་མ་ཐམས་ཅད་བྷྱོ་ཟློག༔ པྲ་ཧ་ར་ན་དགྲ་བགེགས་བྱད་མ་ཐམས་ཅད་བྷྱོ་ཟློག༔ གཟུགས་ཅན་མིའི་བྱད་གཏད་ཁྲམ་གསུམ་ཐམས་ཅད་བྷྱོ་ཟློག༔ གཟུགས་མེད་ལྷ་འདྲེའི་བྱད་གཏད་ཁྲམ་གསུམ་ཐམས་ཅད་བྷྱོ་ཟློག༔ ཉི་མ་ཕྱོགས་བཞི་མཚམས་བརྒྱད་སྟེང་འོག་གཉིས་དང་བཅས་པའི་དགྲ་བགེགས་བྱད་མ་ཐམས་ཅད་བྷྱོ་ཟློག༔ གསུམ། ༈ ན་མོ་དཀོན་མཆོག་གསུམ་དང་རྩ་བ་གསུམ་གྱི་བདེན་པས་གནོད་བྱེད་དགྲ་བགེགས་ཐམས་ཅད་གཟུགས་ལིངྒ་འདིའི་ནང་དུ་ཁུག །ཨཱོཾ་མ་ཧཱ་རཱ་ཛ་བཛྲ་ས་དུ་ཧཱུྃ༔ སརྦ་ས་མ་ཡ་བྷྱོ་བྷྱོ་ཛཿཛ༔ དགྲ་བགེགས་བྱད་མ་ལྷ་སྲུང་དང་བཅས་པ་ཐམས་ཅད་ཐུམ་རི་ལི་ལི་ཁུག་ཁུག་ནྲི་ཏྲི་མཱ་ར་ཡ་ཚིནྡྷ་ཚིནྡྷ་བྷནྡྷ་བྷནྡྷ་ཛཿཧཱུྃ་བཾ་ཧོ༔ གསུམ། བཛྲ་ཨངྒུ་ཤ་ཡ་ཛ༔ བཛྲ་པཱ་ཤ་ཧཱུྃ༔ བཛྲ་སྥོ་ཊ་བཾ༔ བཛྲ་གྷནྡེེ་ཧོ༔ བཛྲ་ཨ་ཝེ་ཤ་ཡ་ཨ་ཨཱ༔ རྒྱས་འདེབས། ཐུན་ཐོགས། ཧཱུྃ༔ དམ་ཅན་རྒྱལ་པོ་རྡོར་ལེགས་ཁྲོས་པའི་སྐུ༔ སྤྲུལ་པ་ཡང་སྤྲུལ་བཀའ་ཉན་བྲན་གཡོག་འབུམ༔ ཁྲག་འཐུང་རྔམ་བརྗིད་འབར་བའི་ཏིང་འཛིན་གྱིས༔ རྣོ་ངར་གདུག་པའི་མཚོན་གྱི་ཆར་ཕོབ་ལ༔ གནོད་པར་གྱུར་ན་འགོ་བའི་ལྷ་ཡང་རུང་༔ སྡང་བར་གྱུར་ན་བྱམས་དང་ཉེ་རིང་མེད༔ གནོད་བྱེད་དགྲ་བགེགས་ཐམས་ཅད་རྡུལ་དུ་རློག༔ ཨཱོཾ་མ་ཧཱ་རཱ་ཛ་བཛྲ་ས་དུ་ཧཱུྃ༔ ཏྲི་ས་མ་ཡ་ཧཱུྃ་ཧཱུྃ་དགྲ་བགེགས་བྱད་མ་ལྷ་སྲུང་དང་བཅས་པའི་སྲོག་ལ་ཏྲི་དུ་ཛཿཏྲི་དུ་ཛཿནྲི་ཏྲི་མཱ་ར་ཡ་རྦད་རྦད༔ ཏྲག་རཀྴ་མཱ་ར་ཡ་རྦད་ཆོད་ཐུམ་རིལ་རྦད༔ དུམ་བུར་གཏུབས་གཏུབས་སྙིང་ལ་ཡཾ་ཡཾ་མར་ཐུར་མཱ་ར་ཡ་བྷྱོ་ནན༔ དགྲ་བགེགས་བྱད་མ་ལྷ་སྲུང་དང་བཅས་པ་ཏྲི་དུ་ཛཿཏྲི་དུ་ཛཿནྲི་ཏྲི་མཱ་ར་ཡ་རྦད་རྦད༔ བྱད་གཏད་ཁྲམ་གསུམ་ཐམས་ཅད་ས་ཐུན་ཡ་བྷྱོ་ཟློག༔ ཨོཾ་བིརྱ་དགྲ་བགེགས་བྱད་མའི་སྙིང་ལ་རྦད༔ ཁྲི་ཕོ་དགྲ་བགེགས་བྱད་མའི་སྙིང་ལ་རྦད༔ དམ་ལིང་དགྲ་བགེགས་བྱད་མའི་སྙིང་ལ་རྦད༔ པྲ་ཧཱ་ར་ན་དགྲ་བགེགས་བྱད་མའི་སྙིང་ལ་རྦད༔ གསུམ། ལིང་རོ་བསྟབ་ཅིང་། ཧཱུྃ༔ ཕྱེས་ཤིག་ཕྱེས་ཤིག་ལྷ་ཚོགས་ཞལ་ཕྱེས་ཤིག༔ དམ་ཅན་རྡོར་ལེགས་ལྷ་ཚོགས་ཞལ་ཕྱེས་ཤིག༔ དམ་ཉམས་དགྲ་བགེགས་བསྒྲལ་བའི་ལྔ་ཕུང་འདི༔ ལྷག་མ་མེད་པར་བཞེས་ཤིག་ཁ་རཾ་ཁཱ་ཧི༔ ཨཱོཾ་མ་ཧཱ་རཱ་ཛ་བཛྲ་ས་དུ་ཧཱུྃ༔ དགྲ་བགེགས་བྱད་མ་ལྷ་སྲུང་དང་བཅས་པའི་མཾ་ས་ཙིཏྟ་རཀྟ་གོ་རོ་ཙ་ན་བྷ་སུ་ཏ་ཀེང་ནི་རི་ཏི་བྷ་ལིངྟ་ཁཱ་ཧི་ཁཱ་ཧི༔ གསུམ། བཟློག་པའི་མཇུག་ཏུ། ཨཱོཾ་མ་ཧཱ་རཱ་ཛ་བཛྲ་ས་དུ་ཧཱུྃ༔ ཏྲི་ས་མ་ཡ་ཧཱུྃ་ཧཱུྃ༔ དགྲ་བགེགས་བྱད་མ་རྦོད་གཏོང་གཏད་ཁྲམ་དང་བཅས་པ་ཏྲི་དུ་ཛ་བྷྱོ་ཟློག༔ ཏྲི་དུ་ཛ་བྷྱོ་ཟློག༔ མཱ་ར་ཡ་ཏྲག་རཀྴ་བྱད་གཏད་ཁྲཾ་གསུམ་ཐམས་ཅད་ས་ཐུན་ཡ་བྷྱོ་ཟློག༔ ཨཱོཾ་བིརྱ་དགྲ་བགེགས་བྱད་མ་ཐམས་ཅད་བྷྱོ་ཟློག༔ ཁྲི་འཕོ་དགྲ་བགེགས་བྱད་མ་ཐམས་ཅད་བྷྱོ་ཟློག༔ དམ་ལིང་དགྲ་བགེགས་བྱད་མ་ཐམས་ཅད་བྷྱོ་ཟློག༔ པྲ་ཧ་ར་ན་དགྲ་བགེགས་བྱད་མ་ཐམས་ཅད་བྷྱོ་ཟློག༔ གཟུགས་ཅན་མིའི་བྱད་གཏད་ཁྲམ་གསུམ་ཐམས་ཅད་བྷྱོ་ཟློག༔ གཟུགས་མེད་ལྷ་འདྲེའི་བྱད་གཏད་ཁྲམ་གསུམ་ཐམས་ཅད་བྷྱོ་ཟློག༔ ཉི་མ་ཕྱོགས་བཞི་མཚམས་བརྒྱད་སྟེང་འོག་གཉིས་དང་བཅས་པའི་དགྲ་བགེགས་བྱད་མ་ཐམས་ཅད་བྷྱོ་ཟློག༔ གསུམ། ༈ ན་མོ་དཀོན་མཆོག་གསུམ་དང་རྩ་བ་གསུམ་གྱི་བདེན་པས་གནོད་བྱེད་དགྲ་བགེགས་ཐམས་ཅད་གཟུགས་ལིངྒ་འདིའི་ནང་དུ་ཁུག །ཨཱོཾ་མ་ཧཱ་རཱ་ཛ་དུ་ན་ཧཱུྃ༔ སརྦ་ས་མ་ཡ་བྷྱོ་བྷྱོ་ཛཿཛཿདགྲ་བགེགས་བྱད་མ་ལྷ་སྲུང་དང་བཅས་པ་ཐམས་ཅད་ཐུམ་རི་ལི་ལི་ཁུག་ཁུག་ནྲི་ཏྲི་མཱ་ར་ཡ་ཚིནྡྷ་ཚིནྡྷ་བྷནྡྷ་བྷནྡྷ་ཛཿཧཱུྃ་བཾ་ཧོ༔ གསུམ། བཛྲ་ཨངྒུ་ཤ་ཡ་ཛ༔ བཛྲ་པཱ་ཤ་ཧཱུྃ༔ བཛྲ་སྥོ་ཊ་བཾ༔ བཛྲ་གྷནྜེ་ཧོ༔ བཛྲ་ཨ་ཝེ་ཤ་ཡ་ཨ་ཨཱ༔ རྒྱས་འདེབས། ཐུན་ཐོགས། ཧཱུྃ༔ འཆོར་མེད་བདུད་ཀྱི་རྒྱལ་པོ་ཁྲོས་པའི་སྐུ༔ སྤྲུལ་པ་ཡང་སྤྲུལ་བཀའ་ཉན་བྲན་གཡོག་འབུམ༔ ཁྲག་འཐུང་རྔམ་བརྗིད་འབར་བའི་ཏིང་འཛིན་གྱིས༔ རྣོ་ངར་གདུག་པའི་མཚོན་གྱི་ཆར་ཕོབ་ལ༔ གནོད་པར་གྱུར་ན་འགོ་བའི་ལྷ་ཡང་རུང་༔ སྡང་བར་གྱུར་ན་བྱམས་དང་ཉེ་རིང་མེད༔ གནོད་བྱེད་དགྲ་བགེགས་ཐམས་ཅད་རྡུལ་དུ་རློག༔ ཨཱོཾ་མ་ཧཱ་རཱ་ཛ་དུ་ན་ཧཱུྃ༔ ཏྲི་ས་མ་ཡ་ཧཱུྃ་ཧཱུྃ་དགྲ་བགེགས་བྱད་མ་ལྷ་སྲུང་དང་བཅས་པའི་སྲོག་ལ་ཏྲི་དུ་ཛཿཏྲི་དུ་ཛཿནྲི་ཏྲི་མཱ་ར་ཡ་རྦད་རྦད༔ ཏྲག་རཀྴ་མཱ་ར་ཡ་རྦད་ཆོད་ཐུམ་རིལ་རྦད༔ དུམ་བུར་གཏུབས་གཏུབས་སྙིང་ལ་ཡཾ་ཡཾ་མར་ཐུར་མཱ་ར་ཡ་བྷྱོ་ནན༔ དགྲ་བགེས་བྱད་མ་ལྷ་སྲུང་དང་བཅས་པ་ཏྲི་དུ་ཛཿཏྲི་དུ་ཛཿནྲི་ཏྲི་མཱ་ར་ཡ་རྦད་རྦད༔ བྱད་གཏད་ཁྲམ་གསུམ་ཐམས་ཅད་ས་ཐུན་ཡ་བྷྱོ་ཟློག༔ ཨོཾ་བིརྱ་དགྲ་བགེགས་བྱད་མའི་སྙིང་ལ་རྦད༔ ཁྲི་ཕོ་དགྲ་བགེགས་བྱད་མའི་སྙིང་ལ་རྦད༔ དམ་ལིང་དགྲ་བགེགས་བྱད་མའི་སྙིང་ལ་རྦད༔ པྲ་ཧཱ་ར་ན་དགྲ་བགེགས་བྱད་མའི་སྙིང་ལ་རྦད༔ གསུམ། ལིང་རོ་བསྟབ་ཅིང་། ཧཱུྃ༔ ཕྱེས་ཤིག་ཕྱེས་ཤིག་ལྷ་ཚོགས་ཞལ་ཕྱེས་ཤིག༔ འཆོར་མེད་བདུད་ཀྱི་ལྷ་ཚོགས་ཞལ་ཕྱེས་ཤིག༔ དམ་ཉམས་དགྲ་བགེགས་བསྒྲལ་བའི་ལྔ་ཕུང་འདི༔ ལྷག་མ་མེད་པར་བཞེས་ཤིག་ཁ་རཾ་ཁཱ་ཧི༔ ཨཱོཾ་མ་ཧཱ་རཱ་ཛ་དུ་ན་ཧཱུྃ༔ དགྲ་བགེགས་བྱད་མ་ལྷ་སྲུང་དང་བཅས་པའི་མཾ་ས་ཙིཏྟ་རཀྟ་གོ་རོ་ཙ་ན་བྷ་སུ་ཏ་ཀེང་ནི་རི་ཏི་བྷ་ལིངྟ་ཁཱ་ཧི་ཁཱ་ཧི༔ གསུམ། བཟློག་པའི་མཇུག་ཏུ། ཨཱོཾ་མ་ཧཱ་རཱ་ཛ་དུ་ན་ཧཱུྃ༔ ཏྲི་ས་མ་ཡ་ཧཱུྃ་ཧཱུྃ༔ དགྲ་བགེགས་བྱད་མ་རྦོད་གཏོང་གཏད་ཁྲམ་དང་བཅས་པ་ཏྲི་དུ་ཛ་བྷྱོ་ཟློག༔ ཏྲི་དུ་ཛ་བྷྱོ་ཟློག༔ མཱ་ར་ཡ་ཏྲག་རཀྴ་བྱད་གཏད་ཁྲཾ་གསུམ་ཐམས་ཅད་ས་ཐུན་ཡ་བྷྱོ་ཟློག༔ ཨཱོཾ་བིརྱ་དགྲ་བགེགས་བྱད་མ་ཐམས་ཅད་བྷྱོ་ཟློག༔ ཁྲི་འཕོ་དགྲ་བགེགས་བྱད་མ་ཐམས་ཅད་བྷྱོ་ཟློག༔ དམ་ལིང་དགྲ་བགེགས་བྱད་མ་ཐམས་ཅད་བྷྱོ་ཟློག༔ པྲ་ཧ་ར་ན་དགྲ་བགེགས་བྱད་མ་ཐམས་ཅད་བྷྱོ་ཟློག༔ གཟུགས་ཅན་མིའི་བྱད་གཏད་ཁྲམ་གསུམ་ཐམས་ཅད་བྷྱོ་ཟློག༔ གཟུགས་མེད་ལྷ་འདྲེའི་བྱད་གཏད་ཁྲམ་གསུམ་ཐམས་ཅད་བྷྱོ་ཟློག༔ ཉི་མ་ཕྱོགས་བཞི་མཚམས་བརྒྱད་སྟེང་འོག་གཉིས་དང་བཅས་པའི་དགྲ་བགེགས་བྱད་མ་ཐམས་ཅད་བྷྱོ་ཟློག༔ གསུམ། ༈ ན་མོ་དཀོན་མཆོག་གསུམ་དང་རྩ་བ་གསུམ་གྱི་བདེན་པས་གནོད་བྱེད་དགྲ་བགེགས་ཐམས་ཅད་གཟུགས་ལིངྒ་འདིའི་ནང་དུ་ཁུག །ཨཱོཾ་མ་ཧཱ་ཀཱ་ལི་ནི་ཧཱུྃ༔ སརྦ་ས་མ་ཡ་བྷྱོ་བྷྱོ་ཛཿཛ༔ དགྲ་བགེགས་བྱད་མ་ལྷ་སྲུང་དང་བཅས་པ་ཐམས་ཅད་ཐུམ་རི་ལི་ལི་ཁུག་ཁུག་ནྲི་ཏྲི་མཱ་ར་ཡ་ཚིནྡྷ་ཚིནྡྷ་བྷནྡྷ་བྷནྡྷ་ཛཿཧཱུྃ་བཾ་ཧོ༔ གསུམ། བཛྲ་ཨངྒུ་ཤ་ཡ་ཛ༔ བཛྲ་པཱ་ཤ་ཧཱུྃ༔ བཛྲ་སྥོ་ཊ་བཾ༔ བཛྲ་གྷནྡེེ་ཧོ༔ བཛྲ་ཨ་ཝེ་ཤ་ཡ་ཨ་ཨཱ༔ རྒྱས་འདེབས། ཐུན་ཐོགས། ཧཱུྃ༔ ཤ་ཟ་མཁའ་འགྲོ་ཆེན་མོ་ཁྲོས་པའི་སྐུ༔ སྤྲུལ་པ་ཡང་སྤྲུལ་བཀའ་ཉན་བྲན་གཡོག་འབུམ༔ ཁྲག་འཐུང་རྔམ་བརྗིད་འབར་བའི་ཏིང་འཛིན་གྱིས༔ རྣོ་ངར་གདུག་པའི་མཚོན་གྱི་ཆར་ཕོབ་ལ༔ གནོད་པར་གྱུར་ན་འགོ་བའི་ལྷ་ཡང་རུང་༔ སྡང་བར་གྱུར་ན་བྱམས་དང་ཉེ་རིང་མེད༔ གནོད་བྱེད་དགྲ་བགེགས་ཐམས་ཅད་རྡུལ་དུ་རློག༔ ཨཱོཾ་མ་ཧཱ་ཀཱ་ལི་ནི་ཧཱུྃ༔ ཏྲི་ས་མ་ཡ་ཧཱུྃ་ཧཱུྃ༔ དགྲ་བགེགས་བྱད་མ་ལྷ་སྲུང་དང་བཅས་པའི་སྲོག་ལ་ཏྲི་དུ་ཛཿཏྲི་དུ་ཛཿནྲི་ཏྲི་མཱ་ར་ཡ་རྦད་རྦད༔ ཏྲག་རཀྴ་མཱ་ར་ཡ་རྦད་ཆོད་ཐུམ་རིལ་རྦད༔ དུམ་བུར་གཏུབས་གཏུབས་སྙིང་ལ་ཡཾ་ཡཾ་མར་ཐུར་མཱ་ར་ཡ་བྷྱོ་ནན༔ དགྲ་བགེས་བྱད་མ་ལྷ་སྲུང་དང་བཅས་པ་ཏྲི་དུ་ཛཿཏྲི་དུ་ཛཿནྲི་ཏྲི་མཱ་ར་ཡ་རྦད་རྦད༔ བྱད་གཏད་ཁྲམ་གསུམ་ཐམས་ཅད་ས་ཐུན་ཡ་བྷྱོ་ཟློག༔ ཨོཾ་བིརྱ་དགྲ་བགེགས་བྱད་མའི་སྙིང་ལ་རྦད༔ ཁྲི་ཕོ་དགྲ་བགེགས་བྱད་མའི་སྙིང་ལ་རྦད༔ དམ་ལིང་དགྲ་བགེགས་བྱད་མའི་སྙིང་ལ་རྦད༔ པྲ་ཧཱ་ར་ན་དགྲ་བགེགས་བྱད་མའི་སྙིང་ལ་རྦད༔ གསུམ། ལིང་རོ་བསྟབ་ཅིང་། ཧཱུྃ༔ ཕྱེས་ཤིག་ཕྱེས་ཤིག་ལྷ་ཚོགས་ཞལ་ཕྱེས་ཤིག༔ ཤ་ཟ་མཁའ་འགྲོའི་ལྷ་ཚོགས་ཞལ་ཕྱེས་ཤིག༔ དམ་ཉམས་དགྲ་བགེགས་བསྒྲལ་བའི་ལྔ་ཕུང་འདི༔ ལྷག་མ་མེད་པར་བཞེས་ཤིག་ཁ་རཾ་ཁཱ་ཧི༔ ཨཱོཾ་མ་ཧཱ་ཀཱ་ལི་ནི་ཧཱུྃ༔ དགྲ་བགེགས་བྱད་མ་ལྷ་སྲུང་དང་བཅས་པའི་མཾ་ས་ཙིཏྟ་རཀྟ་གོ་རོ་ཙ་ན་བྷ་སུ་ཏ་ཀེང་ནི་རི་ཏི་བྷ་ལིངྟ་ཁཱ་ཧི་ཁཱ་ཧི༔ གསུམ། བཟློག་པའི་མཇུག་ཏུ། ཨཱོཾ་མ་ཧཱ་ཀཱ་ལི་ནི་ཧཱུྃ༔ ཏྲི་ས་མ་ཡ་ཧཱུྃ་ཧཱུྃ༔ དགྲ་བགེགས་བྱད་མ་རྦོད་གཏོང་གཏད་ཁྲམ་དང་བཅས་པ་ཏྲི་དུ་ཛ་བྷྱོ་ཟློག༔ ཏྲི་དུ་ཛ་བྷྱོ་ཟློག༔ མཱ་ར་ཡ་ཏྲག་རཀྴ་བྱད་གཏད་ཁྲཾ་གསུམ་ཐམས་ཅད་ས་ཐུན་ཡ་བྷྱོ་ཟློག༔ ཨཱོཾ་བིརྱ་དགྲ་བགེགས་བྱད་མ་ཐམས་ཅད་བྷྱོ་ཟློག༔ ཁྲི་འཕོ་དགྲ་བགེགས་བྱད་མ་ཐམས་ཅད་བྷྱོ་ཟློག༔ དམ་ལིང་དགྲ་བགེགས་བྱད་མ་ཐམས་ཅད་བྷྱོ་ཟློག༔ པྲ་ཧ་ར་ན་དགྲ་བགེགས་བྱད་མ་ཐམས་ཅད་བྷྱོ་ཟློག༔ གཟུགས་ཅན་མིའི་བྱད་གཏད་ཁྲམ་གསུམ་མས་ཅད་བྷྱོ་ཟློག༔ གཟུགས་མེད་ལྷ་འདྲེའི་བྱད་གཏད་ཁྲམ་གསུམ་ཐམས་ཅད་བྷྱོ་ཟློག༔ ཉི་མ་ཕྱོགས་བཞི་མཚམས་བརྒྱད་སྟེང་འོག་གཉིས་དང་བཅས་པའི་དགྲ་བགེགས་བྱད་མ་ཐམས་ཅད་བྷྱོ་ཟློག༔ སྔགས་ཀྱི་མདེའུ་ལྟར་ཞུས་ཤིང་གཏེར་ཚག་ཡོད་མེད་མཚམས་ཀྱི་ཤན་འབྱེད་དཔྱད་བཟོད་མི་བཟོད་སྣ་ཚོགས་ཅི་རིགས་པ་འདུག་པ་རྣམས་བཅོས་ཤིང་གཏན་ཏུ་ཕབ་ཡོད་པས་དཔེ་གཅོད་མཁན་རྣམས་ཀྱིས་སྔགས་འབྲུ་ལེན་བྱས་ན་ལེགས་པར་སྣང་། །སརྦ་མངྒ་ལཾ།། །།
བསད་ལིང་གི་ཟིན་བྲིས།
དྲེགས་པ་ཟིལ་གནོན་གྱི་ཡི་གེ་སུ་ལའང་མ་སྟོན་སྐུངས་ཤིག་བསད་ལིང་གི་ཟིན་བྲིས་སོ། །དབང་ཆེན་དྲེགས་པ་ཟིལ་གནོན་གྱི་ལྷ་ཚོགས་རྣམས་ལ་ཕྱག་འཚལ་ལོ། །དབང་ཐོབ་དམ་ཚིག་དང་ལྡན་ཅིང་བསྙེན་བསྒྲུབ་སོང་བའི་རྣལ་འབྱོར་པས་ཞིང་བཅུ་ཚང་བའི་དགྲ་བོ་བསྒྲལ་བའི་ཕྱིར་དུ་བསད་ལིང་བྲི་བ་ནི་སྡེ་བརྒྱད་སྤྱི་དང་ཁྱད་པར་དྲང་སྲོང་གི་རྒྱུ་བ་དང་བསྟུན་པར་ཁ་ཕྱོགས་ཏེ། དུག་ཤོག་ངོས་ལ་གྲི་ཁྲག་དུག་ཆུས་སྦྲུས་པ་བྱུགས་པའི་སྟེང་དུ་ལིངྒ་ལྟོ་བ་དགྲ་བོ་མང་ཉུང་དང་བསྟུན་པར་བྲིས་པའི་རྐང་ལག་ལྕགས་སུ་བཅུག་པའི་མགོ་བོ་རྣམས་ནས་སྡིག་པས་ཟ་བར་བྲི། སྤྱི་བོར་རྡོ་རྗེ་རྒྱ་གྲམ་གྱི་ལྟེ་བར་ཏྲིག་ལམ་ནན་བྲི། དཔྲལ་བར་རུས་དང་གྷརྦ་མིག་ལོང་ཁ་ལ་བདུད་དང་ལོང་། རྣ་བ་ལ་འོན་མགྲིན་པར་རྫི་རྫི་རྐང་ཞབས་སུ་ཡང་ཨ་ཙ་ཨ་ཙ་ཚིགས་མགོ་བཞི་ལ་ཛ་ཧཱུྃ་བཾ་ཧོ། མཚན་མ་ལ་ཕཊ་འབྲས་བུ་ལ་ཚ་ཚ་བླ་དག་ལ་གླ་བ་བྲི། སྙིང་གར་ནྲི་ལ་ཛས་བསྐོར་བའི་མཐར་སརྦ་ས་མ་ཡ་བྷྱོ་བྷྱོ་ཛ་ཛ་དམ་ཉམས་དགྲ་བོ་ཆེ་གེ་ཕོ་རྒྱུད་མོ་རྒྱུད་མི་ནོར་འཁོར་དང་བཅས་ཐམས་ཅད་ཐུམ་རི་ལི་ལི་ཁུག་ཁུག་ནྲི་མ་ར་ཡ་ཚིནྡྷ་ཚིནྡྷ་བྷནྡྷ་བྷནྡྷ་ཛ་ཧཱུྃ་བཾ་ཧོ་ནྲི་ས་མ་ཡ་ཧཱུྃ་ཧཱུྃ་དགྲ་བོ་ཆེ་གེ་མི་ནོར་འཁོར་དང་བཅས་པའི་བླ་སྲོག་རྣམ་ཤེས་དང་བཅས་པ་ཏྲི་དུ་ཛ་ཛ་ནྲི་མ་ར་ཡ་རྦད་རྦད་ཏྲག་རགྴ་མ་ར་ཡ་རྦད་ཆོད་ཐུམ་རིལ་དུམ་བུར་གཏུབ་གཏུབ་སྙིང་རྩ་ལ་ཡཾ་ཡཾ་མར་ཐུར་མ་ར་ཡ་བྷྱོ་ནན་དགྲ་བོ་མི་ནོར་འཁོར་དང་བཅས་པ་ཐམས་ཅད་ཏྲི་དུ་ཛ་ཏྲི་དུ་ཛ་ནྲི་མཱ་ར་ཡ་རྦད་རྦད༔ དགྲ་བོ་ཆེ་གེ་མི་ནོར་འཁོར་དང་བཅས་པ་ཐམས་ཅད་ས་ཐུན་ཡ་བྷྱོ་བཟློག །ཨོཾ་བིརྱ་དགྲ་བོ་ཆེ་གེ་མི་ནོར་འཁོར་དང་བཅས་པའི་སྙིང་ལ་རྦད་རྦད། ཁྲི་འཕོ་དགྲ་བོ་ཆེ་གེ་མི་ནོར་འཁོར་དང་བཅས་པའི་སྙིང་ལ་རྦད་རྦད། དམ་ལིང་དགྲ་བོ་ཆེ་གེ་མི་ནོར༴ པྲ་ཧ་ར་ན་དགྲ་བོ་ཆེ་གེ་མི་ནོར་འཁོར་དང་བཅས་པའི་སྲོག་རྩ་སྙིང་རྩ་ཁྲག་རྩ་ལ་འདུས་འདུས་ཆོད་ཆོད་གཏུབ་གཏུབ་ཨ་ཀར་ཤ་ཡ་ཛ་ཧཱུྃ་བཾ་ཧོ་ཆུམ་ཆུམ་ཧུར་ཧུར་ཐུམ་ཐུམ་སྙིང་རྩ་ལ་བྲིང་བྲིང་ནག་པོའི་སྲོག་ལ་ཛ་ཛ། ནག་པོ་དགྲ་བོའི་སྲོག་དབུགས་ཆོད་ཆོད་ནྲི་ཤ་ཀུ་རུ་ཤ་ཀྲུམ་མཱ་ར་ཡ་ཛ་དགྲ་བོའི་སྙིང་ཁྲག་འཇིབ་འཇིབ། སྲོག་ཁྲག་འཐུང་འཐུང་མ་ར་ཡ་སོད་སོད་མིང་པས་སོད་ཅིག་ཤན་པ་ནག་པོས་གཏུབ་གཏུབ། བདུད་རྗེ་ནག་པོས་སོད་སོད། ཨེ་ཨེ་འབྱུང་བ་ནམ་མཁའི་དགྲ་བོའི་སྲོག་ཆོད་ཆོད། ཡམ་ཡམ་འབྱུང་བ་རླུང་གི་དགྲ་བོའི༴ ཁམ་ཁམ་འབྱུང་བ་ཆུའི་དགྲ་བོའི༴ ལམ་ལམ་འབྱུང་བ་སའི་དགྲ་བོའི༴ རཾ་རཾ་འབྱུང་བ་མེའི་དགྲ་བོའི༴ མདའ་གྲི་མདུང་གྲི་ཆུ་གྲི་རྦབ་གྲི་ལྕེབ་གྲི་སྨྱོ་གྲི་ནད་རིགས་བཞི་བརྒྱ་རྩ་བཞིའི་གྲིར་དམ་ཉམས་པའི་དགྲ་བོ་ཆེ་གེ་བུ་ཕོ་རྒྱུད་བུ་མོ་མོ་རྒྱུད་མི་ནོར་འཁོར་བཅས་ཐམས་ཅད་སོད་སོད། ཚེ་བཏུང་སྲོག་ཆོད་སྙིང་ཕྱུང་མགོ་བོ་ཁོས་བདུན་རྒྱུད་རྩད་ནས་ཆོད་མ་ར་ཡ་སོད་སོད་རྦད་རྦད། ལིངྒའི་གཡས་སུ་ལོ་དང་ཟླ་བ་ལ་དགྲ་དར་བ་ཐམས་ཅད་མ་ར་ཡ་རྦད་རྦད། གཡོན་དུ་ཞག་ཟ་མ་ལ་དགྲ་དར་བ་ཐམས་ཅད་མ་ར་ཡ་རྦད་རྦད། མདུན་དུ་སྲོག་ལུས་དབང་ཐང་རླུང་རྟ་ལ་དགྲ་དར་བ་ཐམས་ཅད་མ་ར་ཡ་རྦད་རྦད། སྤྱི་བོར་མགོ་ཐོག་ཏུ་བབ་པའི་དགྲ་དར༴ དེ་རྣམས་ཀྱི་མཐའ་སྐོར་དུ་སྔ་དགྲ་ལག་ཏུ་བླངས་པའི་དགྲ་བོ་ཐམས་ཅད་མ་ར་ཡ༴ ཕྱི་དགྲ་ཡིད་ལ་སེམས་པའི་དགྲ་བོ་ཐམས་ཅད༴ ད་དགྲ་ཐད་དུ་ལང་པའི་དགྲ་བོ་ཐམས་ཅད༴ ཟ་ལམ་དུ་དུག་གཡོ་བའི་དགྲ་བོ་ཐམས་ཅད༴ འགྲོ་ལམ་དུ་རྩང་འཛུག་པའི་དགྲ་བོ་ཐམས་ཅད༴ མདའ་རྩེ་མདུང་རྩེ་སྟོན་པའི་དགྲ་བོ༴ རྒྱབ་ནས་ཁྱིི་བཞིན་ཟུག་པའི་དགྲ་བོ༴ སྔོན་དགུ་ཁྲམ་ལ་འདེབས་པའི་དགྲ་བོ་ཐམས་ཅད༴ གསོད་དགོས་གཅོད་དགོས་ཟེར་བའི་དགྲ་བོ་ཐམས་ཅད༴ བཟང་དུ་མི་སྟེར་བའི་དགྲ་བོ་ཐམས་ཅད༴ ཕྱོགས་བཞི་མཚམས་བརྒྱད་ནས་ལང་པའི་དགྲ་བོ་ཐམས་ཅད༴ མི་ཁ་བྲམ་གྱོད་ངན་པ་སྟེར་བའི་དགྲ་བོ་ཐམས་ཅད༴ སྤར་ཁ་བརྒྱད་ཀྱི་སྟེང་ནས་ལང་པའི་དགྲ་བོ༴ སྨེ་བ་དགུའི་སྟེང་ནས་ལང་བའི་དགྲ་བོ༴ ལོ་སྐོར་བཅུ་གཉིས་ཀྱི་སྟེང་ནས་ལང་བའི་དགྲ་བོ་ཐམས་ཅད༴ ལོ་རྒན་དྲུག་ཅུའི་སྟེང་ནས་ལང་༴ གཟའ་བརྒྱད་ཀྱི་སྟེང་ནས༴ ཀླུ་བརྒྱད་ཀྱི་སྟེང་༴ རྒྱུ་སྐར་ཉེར་བརྒྱད་ཀྱི་སྟེང་ནས༴ སྔོན་སྒུག་ཕྱི་དེད་དགྲ་རྐུན་ཇག་གསུམ་བྱེད་མཁན་ཐམས་ཅད་ཀྱི་སྲོག་རྩ་སྙིང་རྩ་ཁྲག་རྩ་ལ་ཏྲི་དུ་ཛ་བྷྱོ་བཟློག་ཏྲི་དུ་ཛ་བྷྱོ་བཟློག་མ་ར་ཡ་ཏྲག་རཀྴ་ས་ཐུན་ཡ་བྷྱོ་བཟློག །ཨོཾ་བིདྱ་དགྲ་བོ་ཐམས་ཅད་བྷྱོ་བཟློག །ཁྲི་འཕོ་དགྲ་བོ་ཐམས་ཅད༴ དམ་ལིང་དགྲ་བོ༴ པྲ་ཧ་ར་དགྲ་བོ༴ དགྲ་བོ་མེ་ཁམས་པའི་སྲོག་ལུས་དབང་ཐང་རླུང་རྟ་སྨེ་མདངས་བཅས་པ་ཐམས་ཅད་ནན། དགྲ་བོ་ས་ཁམས་པའི་སྲོག་ལུས་སྨེ་བ་དབང་ཐང་རླུང་རྟ་ཐམས་ཅད་ནན། དགྲ་བོ་ལྕགས་ཁམས་པའི་སྲོག་ལུས་སྨེ་བ་དབང་ཐང་རླུང་རྟ་ཐམས་ཅད་ནན། དགྲ་བོ་ཆུ་ཁམས་པའི་སྲོག་ལུས་སྨེ་བ་རླུང་རྟ་དབང་༴ དགྲ་བོ་ས་ཁམས་པའི་སྲོག་ལུས༴ དགྲ་བོ་ཤིང་ཁམས་པའི་སྲོག་ལུས་དབང་རླུང་༴ དགྲ་བོ་ས་ཁམས་པའི་སྲོག་ལུས༴ བརྒྱ་ཁ་མང་གིས་བརྗོད་པ་ངན་པ་གཏོང་བའི་དགྲ་བོ་ཐམས་ཅད་མཱ་ར་ཡ་རྦད་ནན། སྟོང་མིག་མང་གི་ལྟར་མི་བཟོད་པའི་དགྲ་བོ་ཐམས་ཅད་མ་ར་ཡ་རྦད་ནན། བྱམས་པ་གཉེན་གྱིས་བསམ་ངན་སྦྱོར་རྩུབ་འཆང་བའི་དགྲ་བོ་ཐམས་ཅད་མ་ར་ཡ་རྦད་ནན། ཕོའི་མདའ་གྲལ་ནས་གླེང་གཞི་ངན་པ་གཏོང་བའི་དགྲ་བོ་ཐམས་ཅད་མ་ར་ཡ༴ མོ་ཡི་ཆང་གྲལ་ནས་གླེང་གཞི་དང་སྨྲ་བརྗོད་ངན་པ་གཏོང་བའི་དགྲ་བོ་ཐམས་ཅད༴ ཚིག་ངན་མདའ་ལྟར་འཕེན་པ་སྦྱོར་རྩུབ་བལ་ལྟར་གཡམ་པའི་དགྲ་བོ་ཐམས་ཅད༴ མགར་བའི་སོལ་མལ་གཉན་པའི་གྲུ་ལམ་མི་མང་བསྒྲོད་ལམ་ནས་སྨྲ་བརྗོད་དང་གླེང་གཞི་ངན་པ་བྱེད་པའི་དགྲ་བོ་ཐམས་ཅད༴ ཕོ་མོ་འདུས་པའི་ཆང་གྲལ་ནས་སྨྲ་བརྗོད་དང་གླེང་གཞི་ངན་པ་བྱེད་པའི་དགྲ་བོ་ཐམས་ཅད་མ་ར་ཡ༴ དམ་ཉམས་དགྲ་བོའི་མ་རིག་པ་ནན། འདུ་ཤེས་ནན། འདུ་བྱེད༴ རྣམ་པར་ཤེས་པ༴ ཚོར་བ༴ སྲེད་པ༴ ལེན་པ༴ སྲིད་པ༴ སྐྱེ་མཆེད་བཅུ་གཉིས༴ སྐྱེ་བ༴ རེག་པ༴ རྒ་ཤི༴ སྐྱེ་མཆེད་དྲུག་ནན། རྣམ་ཤེས་ཚོགས་བརྒྱད༴ དབང་པོ་སྒོ་ལྔ༴ དགྲ་བོ་མི་ནོར་འཁོར་དང་བཅས་པའི་ཤ་ལ་ཟོ་ཁྲག་ལ་འཐུང་རུས་ལ་འཆོ་ཀླད་གཟེར་ཀླད་ལ་ཐོང་། སྙིང་གཟེར་སྙིང་ལ་ཐོང་བྱད་མ་ངན་པ་གདོང་ལ་ཁོབ་སྐྲ་དང་སྨིན་མ་ཕྱིས་ལག་གཉིས་བྲང་ལ་བརྡུང་རྐང་ཞབས་དཔྱི་ལ་སྦྱོར། འདུ་བའི་ནད་རྫིང་གི་ཆར་ཕོབ་གྲི་ཐབ་སྣ་ཚོགས་ཀྱིས་སོད། ཚ་བའི་དབལ་དང་གྲང་བའི་དབལ་ཐོང་། ལྷའི་དལ་ཁ་ཕོབ། བདུད་ཀྱི་ཆོ་འཕྲུལ་ཐོང་། བཙན་གྱི་ཇག་པ་རྒྱུག །ཀླུའི་མཛེ་ནད་སྣ་ཚོགས་ཐོང་། དམུའི་རྡོ་ཆར་ཕོབ་ཐེའུ་རང་གི་སྣ་ཁྲིད་གྱིས། ལས་ཀྱི་ཐོག་ཡོལ་ཐོང་། སྒྱུ་ལུས་ཀྱི་མངའ་ཕུང་ཤིག །རྣམ་ཤེས་ཀྱི་མར་མེ་སོད། སྣང་སྲིད་ཀྱི་ལྷ་མ་སྲིན་སྡེ་བརྒྱད་རྣམས་ལ་གཏོད། སྲོག་ཆོད། ཚེ་བཏུང་། མ་ཤོར་ཅིག །ཁུག་ཅིག་གསོད་ཅིག །མཱ་ར་ཡ་རྦད་རྦད། ཛ་ཁྲམ་གྱིས་བསྐོར་ལྷ་དབྱེ་གང་ལ་དམིགས་བཞིན་གཞུང་ལྟར་ལས་ལ་སྦྱར། ལས་སྦྱོར་འདིའི་དུས་འགུག་སྔགས་དང་བསད་སྔགས་སོར་འདོན། ཨྠིྀ། ལིང་སྣོད་ཀྱི་ཐོད་པ་གང་ཡིན་པ་དེ་ཡི་དཔྲལ་བར་དགྲ་བོ་མི་ནོར་འཁོར་བཅས་པ་ཐམས་ཅད་ས་ཐུན་ས་ཐུན་རིམ་པ་དགུའི་དོང་དུ་ནོན་མ་སྡང་ཤིག་བྲུབ་བྲུབ་ནོན་ནོན་སོད་སོད་སྟམ་བྷ་ཡ་ནན། ཅེས་བྲིས་པའི་ཕྱོགས་མཚམས་རྣམས་སུ་མཚོན་ཆ་སྣ་ཚོགས་བྲི། འགྲམ་པ་གཡས་ལ་ཕྱོགས་བཞི་མཚམས་བརྒྱད་ཀྱི་ཕོ་རིགས་ཀྱི་དགྲ་བོ་ཐམས་ཅད་རྦད་རྦད་ནོན་བྲུབ་བྲི། མ་འགྲམ་ལ་ཕོ་རིགས་ཐམས་ཅད་ཀྱི་དགྲ་བོ་ཐམས་ཅད་རྦད་རྦད་ནོན་བྲུབ་བྲི། མ་འགྲམ་ལ་ཕོ་རིགས་ཀྱི་དགྲ་བོ་ཐམས་ཅད་ཀྱི་སྲོག་ལུས་དབང་ཐང་རླུང་རྟ་སྨེ་བ་ཐམས་ཅད་ནོན་རྦད་བྲུབ་བྱ་བ་བྲི། འགྲམ་པ་གཡོན་ལ་ཕྱོགས་བཞི་མཚམས་བརྒྱད་ཀྱི་མོ་རིགས་ཀྱི་དགྲ་བོ་ཐམས་ཅད་རྦད་རྦད་ནོན་བྲུབ་བྲི། མ་འགྲམ་གཡོན་ལ་མོ་རིགས་ཀྱི་དགྲ་བོ་ཐམས་ཅད་ཀྱི་སྲོག་ལུས་དབང་རླུང་རྟ་སྨེ་བ་ཐམས་ཅད་རྦད་རྦད་ནོན་བྲུབ་བྲི། མཆུ་ལ་རྡོ་རྗེ་རྒྱ་གྲམ་དང་ཁ་ཐམས་ཅད་སོད་བྱ་བ་ཕྱོགས་མཚམས་རྣམས་སུ་བཞིར་བྲི༔ ལྟག་ཁུང་ལ་གླིང་བཞི་དབུས་སུ་སྟམ་བྷ་ཡ་ནན་རྦད་རྦད་བྲི། ཁ་ལིང་རྐྱང་པ་བྱེད་ན་ལྟག་ཁུང་དུ་ཐུན་རྫས་མི་ཁའི་རྫས་ལྷ་དབྱེའི་རྫས་དང་ཕོ་རོག་འུག་པའི་ཤ་ཁྲག་ཚིལ་སྤུ་བཅུག་ཕུང་རེས་བསྡམས་པ་ཡུག་སའི་སྐྲ་སྐུད་ཀྱིས་དམ་དུ་བཅིངས་མཚོན་ཆའི་རི་མོས་རྒྱས་གདབ་ཐོད་པའི་ཁ་མཐུར་བསྟན་ཏེ་སྔགས་དམིགས་རབ་ཏུ་གཟིར་ཏེ་གཞུང་ལྟར་མནན་པར་བྱའོ། །བླ་མ་སློབ་དཔོན་གྱི་བཀའི་གནང་བ་མ་ཐོབ་པར་དཔེ་འདི་བརྐུ་བ་དང་བྲི་ཁྱེར་བྱས་ན་དམ་ཚིག་ལ་མ་བརྩིས་པ་ཡིན་པས་བཀའི་སྲུང་མས་སྙིང་ཁྲག་འཇིབ་ས་མ་ཡ་ས་མ་ཡ་ས་མ་ཡ་དཔལ་གདོང་ཞེས་ཆུ་མོ་བྱ་ལོ་སྨིན་དྲུག་གི་ཉ་བའི་ཚེས་ལ་དཔལ་ལྡན་སྟག་མོ་སྒང་དུ་སྔགས་པ་ཁྲག་འཐུང་རྡོ་རྗེས་སྦྱར་བའོ། །མངྒ་ལམ།། །།
དྲེགས་ཟིལ་བསད་བཟློག་གི་ལིངྒ་འབྲི་ཐབས།
དབང་ཆེན་དྲེགས་པ་ཟིལ་གནོན་གྱི་ཡིག་ཆུང་ཕྲན་བུ་ཡོད། བསད་བཟློག་དྲི་ལིང་སྤྱིའི་ཟིན་བྲིས་ཆེན་མོ། དབང་ཆེན་དྲེགས་པ་ཟིལ་ནོན་གྱི་ལྷ་ཚོགས་རྣམས་ལ་ཕྱག་འཚལ་ལོ། །བླ་མའི་སྐུ་དགྲ་དང་སངས་རྒྱས་བསྟན་དགྲ་བསྒྲལ་བའི་ཕྱིར་དུ་དབང་ཆེན་དྲེགས་པ་ཟིལ་གནོན་གྱི་བསད་ལིང་བྲི་བའི་རིམ་པ་ནི། དུག་ཤོག་ངོས་ལ་གྲི་ཁྲག་གིས་ཕུང་གསུམ་བདུད་ཀྱི་ཉི་མ་ལ་བབས་པའི་ཚེ་དྲང་སྲོང་རྒྱུ་བ་དང་བསྟུན་པར་ཁ་ཕྱོགས་ཏེ་དགྲ་བོ་མང་ཉུང་གི་ཚོད་དང་བསྟུན་པས་ལིངྒ་ལྟོ་བ་ཆེ་ཆུང་དེར་མཐུན་གྱི་རྐང་ལག་བཞིའི་མགོ་བོ་ནས་སྡིག་པས་ཟ་བ་ལྕགས་སུ་བཅུག་པར་བྲིས་པའི་སྤྱི་བོར་རྡོ་རྗེ་རྒྱ་གྲམ་དང་ཏྲིག་ལམ་ནན་བྱ་བ་བྲི། དཔྲལ་བར་རུས་དང་གྷརྦ་རུས་མ་ངེས་ན་དཔྲལ་བར་ཛ་གརྦ་བྲི་མིག་ལ་ལོང་ལོང་། ཁ་ལ་བདུད་པོ་ང་ལོང་། རྣ་བ་ལ་འོན་འོན་མགྲིན་པར་རྫི་རྫི་དཔུང་པ་གཉིས་ལ་ཡུམ་ཤེས་སུ། རྐང་ངར་བཞི་ལ་ན་ཏྲི་རྦད་ནན། རྐང་ཞབས་སུ་བླ་དག་དང་ཡམ་ཨ་ཙ་ཨ་ཙ་ཡན་ལག་ཀྱི་ཚིགས་མགོ་བཞི་ལ་ཛཿཧཱུྃ་བཾ་ཧོ། ཕོ་མཚན་མགོ་ལ་ཕཊ་འབྲས་བུ་གཉིས་ལ་ཚ་ཚ་ཕོ་རིགས་ཀྱི་བླ་དག་ར་མོ་རིགས་ཀྱི་བླ་ལ་ཉའམ་གླ་བ་བྲི་སྙིང་ཁར་ནྲི་དང་ཏྲི་ལ་ཛ་ཁྲམ་གྱིས་བསྐོར་བའི་ཐ་མ་ནས་གཡས་སུ་བསྐོར་སྟེ་སརྦ་ས་མ་ཡ་བྷྱོ་བྷྱོ་ཛཿཛཿདགྲ་སྲི་བྱད་མ་ལྷ་བསྲུང་དང་བཅས་པ་ཐམས་ཅད་ཐུམ་རི་ལི་ལི་ཁུག་ཁུག་ཪྣྲི་ཏྲི་མ་ར་ཡ་ཚིནྡྷ་ཚིནྡྷ་བྷནྡྷ་བྷནྡྷ་ཛ་ཧཱུྃ་བཾ་ཧོ༔ ནྲི་ཏྲི་ས་མ་ཡ་ཧཱུྃ་ཧཱུྃ་དགྲ་སྲི་བྱད་མ་ཆེ་གེ་ལྷ་བསྲུང་དང་བཅས་པ་ཐམས་ཅད་ཀྱི་སྲོག་ལ་ཏྲི་དུ་ཛཿཏྲི་དུ་ཛཿ ཏྲི་དུ་ཛ༔ ནྲི་ཏྲིི་མ་ར་ཡ་རྦད་རྦད། ཏྲག་རགྴ་མ་ར་ཡ་རྦད་ཆོད་ཐུམ་རིལ་རྦད་དུམ་བུར་གཏུབ་གཏུབ་སྙིང་རྩ་ལ་ཡོམ་ཡོམ་མར་ཐུར་མ་ར་ཡ་བྷྱོ་ནན༔ དགྲ་སྲི་བྱད་མ་ཆེ་གེ་ལྷ་སྲུང་དང་བཅས་པ་ཐམས་ཅད་ཏྲི་དུ་ཛ་ཏྲི་དུ་ཛ༔ ནྲི་ཏྲི་མ་ར་ཡ་རྦད་རྦད། དགྲ་སྲི་བྱད་གཏད་ཁྲམ་གསུམ་ལྷ་སྲུང་དང་བཅས་པ་ཐམས་ཅད་ས་ཐུན་ཡ་བྷྱོ་བཟློག །ཨོཾ་བིདྱ་དགྲ་སྲི་བྱད་མ་ཐམས་ཅད་ཆེ་གེ་ལྷ་སྲུང་དང་བཅས་པ་ཐམས་ཅད་ཀྱི་སྙིང་ལ་རྦད། ཁྲི་འཕོ་དགྲ་སྲི་བྱད་མ་ཆེ་གེ་ལྷ་སྲུང་དང་བཅས༴ དམ་ལིང་དགྲ་སྲི་བྱད་མ་ཆེ་གེ༴ པྲ་ཧ་ར་ན་དགྲ་སྲི་བྱད་མ་ཆེ་གེ་དགྲ་སྲི་བྱད་མ་ཆེ་གེ་ལྷ་སྲུང་དང་བཅས་པའི་བླ་སྲོག་རྣམ་ཤེས་ཐམས་ཅད་ཛ་ཧཱུྃ་བཾ་ཧོ༔ བླ་ཤ་རེ་མ་ཏི་འགྲིམ་འགྲིམ་ཤ་མ་རུ་ཏི་ཐུལ་ཐུལ་མྱོག་མྱོག་ཡེད་ཡེད་ཤ་མ་རུ་ཏི་ཁུག་ཁུག་ལིང་མྱོག་ལིང་ཤ་ཐུམ་ཛཿཧཱུྃ་བཾ་ཧོ༔ ཐུམ་རིལ་ཧཱུྃ་རིལ་ནྲི་མྱོག་སྒྲིག་དགྲ་སྲི་བྱད་མ་ཆེ་གེ་ལྷ་སྲུང་དང་བཅས་པ་ཝག་སྟམ་བྷ་ཡ་ནན་བྷིག་ནན་དགྲ་ཐུམ་དེ་ཤྭ་དེ་ཤམ་བྷུར་གྲུབ་བྷི་ཤ་ཙཀྲ་ཧ་ལ་ཧ་ལ་ཧལ་ཏ་ཧལ་ཏ་ཧཱུྃ་ཡལ་ཡ་སྒྲིབ་ཧྲིང་དགྲ་སྲི་བྱད་མ་ཆེ་གེ་ལྷ་སྲུང་དང་ཐམས་ཅད་སྟམ་བྷ་ཡ་རགྴ་ནན་ཧཱུྃ་ཧཱུྃ་ལམ་ལམ་ཧཱུྃ་ལམ་ཐུམ་ལམ་དགྲ་སྲི་བྱད་མ་ཆེ་གེ་ལྷ་སྲུང་ཐམས་ཅད་མ་ར་ཡ་རྦད་ནན་ཆིངས་ཤིག །ཏདྱ་ཐ་དུ་ཤན་དུ་ཤན་རགྴ་རགྴ་དགྲ་སྲི་བྱད་མ་ཆེ་གེ་ལྷ་སྲུང་ཐམས་ཅད་ཀྱི་སྙིང་རྩ་སྲོག་རྩ་ཁྲག་རྩ་ལ་འདུས་འདུས། དགྲ་སྲི་བྱད་མ་ལྷ་སྲུང་ཐམས་ཅད་ཀྱི་སྙིང་རྩ་སྲོག་རྩ་ཁྲག་རྩ་ལ་འཇིབ་འཇིབ། དགྲ་སྲི་བྱད་མ་ལྷ་སྲུང་ཐམས་ཅད་ཀྱི་སྙིང་རྩ་སྲོག་རྩ་ཁྲག་རྩ་ཆོད་ཆོད་མ་ར་ཡ་རྦད་སོད། མཚམས་ལ་སྦྱོར་དགྲ་བོ་ཆེ་གེའི་སྲོག་རྩ་སྙིང་རྩ་ཁྲག་རྩ་ལ་འདུས་འདུས་ཆོད་ཆོད་གཏུབ་གཏུབ། ཅེས་བྲི་ལིངྒའི་གཡས་སུ་ལོ་དང་ཟླ་བ་ལ་དར་བའི་དགྲ་སྲི་བྱད་མ་ལྷ་སྲུང་ཐམས་ཅད་མཱ་ར་ཡ་རྦད་ནན་སོད་ཅིག་ཆིངས་ཤིག་བྲི། གཡོན་ཞག་དང་ཟ་མ་དར་བའི་དགྲ་སྲི་བྱད་མ་ལྷ་སྲུང་ཐམས་ཅད་མཱ་ར་ཡ་རྦད་ནན་ཆིངས་ཤིག་སོད་ཅིག་བྲི། མདུན་དུ་སྲོག་ལུས་དབང་ཐང་རླུང་རྟ་ལ་དར་བའི་དགྲ་སྲི་བྱད་མ་ལྷ་སྲུང་ཆེ་གེ་མོ་ཨ་ཀར་ཤ་ཡ་ཛཿཧཱུྃ། བཾ་ཧོཿཆུམ་ཆུམ་ཧུར་ཧུར་ཐུམ་ཐུམ་ནག་པོའི་དགྲ་བོའི་སྙིང་རྩ་ལ་བྲིང་བྲིང་ནག་པོ་དགྲ་བོའི་སྲོག་རྩ་ལ་ཛ་ཛ་ནག་པོ་དགྲ་བོའི་སྲོག་དབུགས་ཆོད་ཆོད་ནྲི་ཤ་ཀུ་རུ་ཪྣྲི་ཤ་ཀུ་རུ་ཤ་ཀྲུམ་མཱ་ར་ཡ་ཛ༔ དགྲ་བོའི་སྙིང་ཁྲག་འཇིབ་འཇིབ་སྲོག་ཁུག་འཐུང་འཐུང་མཱ་ར་ཡ་སོད་སོད། ལིང་བས་སོད་ཅིག །ཤན་པ་ནག་པོས་གཏུབ་གཏུབ་བདུད་རྗེ་ནག་པོས་སོད་སོད། ཨཻ་འབྱུང་བ་ནམ་མཁའི་དགྲ་བོའི་སྲོག་ཆོད་ཆོད། ཡམ་ཡམ་འབྱུང་བ་རླུང་གི་དགྲ་བོའི༴ ཁམ་ཁམ་འབྱུང་བ་ཆུའི་དགྲ་བོའི༴ ལམ་ལམ་འབྱུང་བ་སའི༴ རམ་རམ་འབྱུང་བ་མེའི༴ མདའ་གྲིར་དགྲ་བོ་སོད་ཅིག །མདུང་གྲིར་དགྲ་བོ་སོད༴ ཆུ་གྲིར་དགྲ་བོ༴ རྦབ་གྲིར༴ ལྕེབ་གྲིར༴ སྨྱོ་གྲིར༴ ནད་རིགས་བཞི་བརྒྱ་རྩ་བཞིའི་གྲིར་དགྲ་བོ་ཆེ་གེ་བུ་ཕོ་རྒྱུད་བུ་མོ་མོ་རྒྱུད་བུ་ཆུང་ཚ་རྒྱུད་མི་ནོར་འཁོར་དང་བཅས་པ་སོད་སོད་ཐལ་བའི་རྡུལ་ཕྲན་བཞིན་དུ་རློགས། །མཱ་ར་ཡ་མཱ་ར་ཡ་ཧཱུྃ་ཧཱུྃ་བྷྱོ་བྷྱོ་ཛ་ཛ་མ་ར་ཡ་ཕཊ་ཕཊ། ཚེ་བཏུང་སྲོག་ཆོད་སྙིང་ཕྱུང་། མགོ་བོ་ཁོས་བདུན་རྒྱུད་རྩད་ནས་ཆོད་ཅིག །ཐམས་ཅད་མཱ་ར་ཡ་རྦད་ནན་ཆིངས་ཤིག་སོད་ཅིག་སྤྱི་བོར་མགོ་ཐོག་ཏུ་ཕབ་པས་དགྲ་སྲི་ཐམས་ཅད་བྱད་མ་ལྷ་སྲུང་ཐམས་ཅད་མ་ར་ཡ་རྦད་ནན་ཆིངས་ཤིག་སོད་ཅིག་བྲི། དེ་ནས་གཡས་བསྐོར་དུ་སྔ་དགྲ་ལག་ཏུ་བླངས་པའི་དགྲ་སྲི་བྱད་མ་ལྷ་སྲུང་ཐམས་ཅད་མཱ་ར་ཡ་རྦད་ནན་ཆིངས་ཤིག་སོད་ཅིག །ཕྱི་དགྲ་ཡིད་ལ་བཤམས་པའི་དགྲ་སྲི་བྱད་མ་ལྷ་སྲུང་ཐམས་ཅད་མ་ར་ཡ་རྦད་ནན་ཆིངས་ཤིག་སོད་ཅིག །ད་དགྲ་ཐད་དུ་ལང་བའི་དགྲ་སྲི་༴ ཟ་ལམ་དུ་དུག་གཡོ་བ་འགྲོ་ལམ་དུ་རྩང་འཛུག་པ་མདའ་རྩེ་སྟོན་པའི་དགྲ་སྲི་བྱད་མ༴ རྒྱབ་ནས་ཁྱི་བཞིན་འབྲེང་བ་སྔོན་ནས་སྤྱང་བཞིན་སྒུག་པ་ཟུར་ནས་གསོད་དགོས་གཅོད་དགོས་ཟེར་བའི་དགྲ་སྲི༴ བཟང་དུ་མི་སྟེར་བའི་དགྲ་སྲི༴ ཉི་མ་ཕྱོགས་བཞི་མཚམས་བརྒྱད་ནས་བན་བོན་གྱི་བྱད་ཀ་ཕུར་ཀ་གཏད་ཀ་ཁྲམ་ཁ་ཟེར་ཁ་མུ་སྟེགས་ཀྱི་ངན་མཐུ་ནག་པོ་ལ་སོགས་གཏོང་བའི་དགྲ་སྲི་བྱད་མ་ལྷ་སྲུང་དང་བཅས་པ་ཐམས་ཅད་མཱ་ར་ཡ་རྦད་ནན་ཆིངས་ཤིག་ཅིག་སོད་ཅིག་བྷྱོ་བཟློག་ཅིག་བྲུབ་ཅིག །གནོད་ཅིང་འཚེ་བའི་མོ་ངན་པ་རྨི་ལམ་ངན་པ་ཆགས་ཆེ་བ་ཉམས་ང་བ་བཀའ་ཡི་ལྷ་སྲིན་སྡེ་བརྒྱད་ཀྱི་བྱད་ཟོར་རྦོད་གཏོང་ལོ་སྐོར་ལོ་ཀག་ཟླ་ཀག་ཞག་ཀག་ཟ་མའི་སྐག་དགྲ་འདྲེ་བྱུར་གསུམ་མི་ཁ་བྲམ་གྱོད་ངན་པ་གཏོང་བའི་དགྲ་སྲི་བྱད་མ་ལྷ་སྲུང་དང་བཅས་པ་ཐམས་ཅད་མ་ར་ཡ་རྦད་ནན་ཆིངས་ཤིག་སོད་ཅིག་བྷྱོ་བཟློག་བྲུབ་ཅིག །སྤར་ཁ་བརྒྱད་ཀྱི་སྟེང་ནས་ལངས་པའི་དགྲ་སྲི༴ སྨེ་བ་དགུའི་སྟེང་ནས་ལངས་པའི་དགྲ་སྲི༴ གཟའ་བརྒྱད་ཀྱི་སྟེང་ནས་ལངས་པའི་དགྲ་སྲི༴ ཀླུ་བརྒྱད་ཀྱི་སྟེང་ནས༴ ལོ་སྐོར་བཅུ་གཉིས་སྟེང་ནས་ལངས༴ ལོ་རྒན་དྲུག་ཅུའི་སྟེང་༴ རྒྱུ་སྐར་ཉེར་བརྒྱད་ཀྱི་སྟེང་ནས་ལངས་པའི་དགྲ་སྲི་བྱད་མ་ལྷ་སྲུང་དང་བཅས་པ་ཐམས་ཅད་མ་ར་ཡ་རྦད་ནན་ཆིངས་ཤིག་སོད་ཅིག་བྷྱོ་བཟློག་བྲུབ་ཅིག །དགྲ་སྲི་བྱད་མ་ལྷ་སྲུང་བྱད་གཏད་རྦོད་གཏོང་ཁྲམ་ཁ་ཐམས་ཅད་ཏྲི་དུ་ཛཿབྷྱོ་བཟློག་ཏྲི་དུ་ཛ་བྷྱོ་བཟློག་མ་ར་ཡ་ཏྲག་རགྴ་བྱད་གཏད་ཁྲམ་གསུམ་ཐམས་ཅད་ས་ཐུན་ཡ་བྷྱོ་བཟློག །ཨོཾ་བིདྱ་དགྲ་བགེགས་བྱད་མ་ཐམས་ཅད་བྷྱོ་བཟློག །ཁྲི་འཕོ༴ དམ་ལིང་༴ པྲ་ཧ་ར་ན༴ གཟུགས་ཅན་མི་ཡི་བྱད་གཏད་ཁྲམ་གསུམ་ཐམས་ཅད་བྷྱོ་བཟློག །གཟུགས་མེད་ལྷ་འདྲེའི་བྱད༴ ཉི་མ་ཕྱོགས་བཞི་མཚམས་བརྒྱད་སྟེང་འོག་གཉིས་དང་བཅས་པའི་བྱད་མ༴ བསོ་ཨ་ཡ་རཾ་རཾ་བྲུཾ་བྲུཾ་གཡུང་དྲུང་རྀ་རྀ་ཙཀྲ་རྀ་རྀ་བྲུཾ་བྲུཾ་རཏྣ་རཾ་རཾ་བསོ་རཾ་བཟློག་ཁྲོ་ཏ་ཏྲི་རྩེ་བཟློག་ཀྲོ་ཏ་ཁྱེར་ཡ་རཾ་ཡ་རཾ་ཡ་རཾ་ཏ་རཾ་ཏ་རཾ་ར་ཙ་རཾ་རཾ་ན་ག་ཧཱུྃ་བཟློག །དུ་ར་དྷེ་ཝ་བཟློག་བྱད་མ་རང་གཤེད་རང་ལ་ཕོབ་སྲིད་པའི་རྒྱལ་མོའི་སྙིང་ལ་ཐུན་བྷྱོ༔ ཨེ་ཀ་ཡ་མ་དུ་རུ་ཙཀྲས་བཟློག༔ སརྦ་ཙིཏྟ་གཟེར་ཐུམ་བིག་ནན་ཏྲི་ནན་རྦད་ཡ་བཟློག་ཡ་གནོད་བྱེད་རྦད་འདྲེ་རྦོད་གཏོང་ལྷ་སྲུང་དང་བཅས་པའི་སྲོག་ལ་མཱ་ར་ཡ་ཧཱུྃ་ཧཱུྃ་ཕཊ་ཕཊ་དགྲ་བོ་སོད་སོད་དུམ་པྲ་དུམ་ཀེ་མི་དུམ་ཨ་ཨ་ཡང་ཡང་རཾ་རཾ་བཾ་བཾ་ལཾ་ལཾ་དགྲ་བོ་དགྲ་སྲི་སྟྭཾ་བྷ་ཡ་ནན་མཱ་ར་ཡ་ནན། མོ་ཁ་ཡ་ནན། དེ་ཤ་ཡ་ནན། ཨོཾ་ལཾ་ཡཾ་ལཾ་ཧཱུྃ་ལཾ་བསྐལ་པ་སྟོང་གི་བར་དུ་དགྲ་སྲི་བྱད་མ་ལྡང་ནོན་ཅིག་ཁུག་ཅིག་བྲུབ་ཅིག །དགྲ་སྲི་ཐུམ་རིལ་ཪྣྲི་མྱོག་ཁུག་ཁུག་ཛ་ཛ་སྒྲིབ་སྒྲིབ་ཝཀྐཱ་སྟྭཾ་བྷ་ཡ་ནན་བསྟན་དགྲ་དམ་སྲི་བྱད་མ་ལྷ་སྲུང་དང་བཅས་པ་བིག་ནན་ཐམས་ཅད་དེ་ཤམ་དེ་ཤྭ་བྷུར་འགྲུབ་བྷི་ཤ་ཙཀྲ་ཧ་ལ་ཧ་ལ་ཏབ་ཏ་ཧལ་ཏ་ཧཱུྃ་ས་མ་ཡ་སྒྲིབ་ཧྲིང་སྲི་བྱད་མ་ལྷ་སྲུང་དང་བཅས་པ་སྟཾ་བྷ་ཡ་རགྴ་ནན་ཧཱུྃ་ཧཱུྃ་ལཾ་ལཾ་ཧཱུྃ་ལཾ་ཧཱུྃ་ལཾ་དགྲ་བོ་སྟྭཾ་བྷ་ཡ་ནན་མཱ་ར་ཡ་བུར་འདྲ་ནན་ཝི་ཏྲི་ར་ཨ་ན་ནན་ཀྱི་ཧྲི་ཀྲི་སྟཾ་བྷ་ཡ་རགྴ་རྦད་སོད་མ་ར་ཡ་རྦད་ནན་དགྲ་བོ་སྟཾ་བྷ་ཡ་ནན་མ་ར་ཡ་བླང་ཆིངས་ཤིག་ཛཿསོད། ཨོཾ་རུ་རུ་རག་མོ་ཡག་ཤ་ད་ཙ་སྙིང་ལ་རྦད་ཐུམ་རིལ་ཁ་ཐུམ་ཡགྴ་དགྲ་བོ་བྱད་མ་མེ་ཁམས་པའི་སྲོག་ལུས་དབང་ཐང་སྨེ་བ་རླུང་རྟ་ཐམས་ཅད་ནན། དགྲ་བོ་བྱད་མ་ས་ཁམས་པའི༴ དགྲ་བོ་བྱད་མ་ལྕགས་ཁམས་པའི༴ དགྲ་བོ་བྱད་མ་ས་ཁམས་པའི༴ དགྲ་བོ་བྱད་མ་ཆུ་ཁམས་པའི༴ དགྲ་བོ་བྱད་མ་ཆུ་ཁམས་པའི༴ དགྲ་བོ་བྱད་མ་ཤིང་ཁམས་པའི༴ དགྲ་བོ་བྱད་མ་ས་ཁམས་པའི་སྲོག་ལུས་དབང་ཐང་སྨེ་བ་རླུང་རྟ་དང་བཅས་པ་ཐམས་ཅད་ནན་སྐབས་སུ་བབ་པར་མིར་བསྟིམ། བཟང་དུ་མི་སྟེར་བའི་དགྲ་སྲི་བྱད་མ་ཐམས་ཅད་མཱ་ར་ཡ་རྦད་ནན་ཆིངས་ཤིག་སོད་སོད་གནོད་ཅིང་འཚེ་བའི་དགྲ་སྲི་བྱད་མ་ཐམས་ཅད་མཱ་ར་ཡ་རྦད་ནན་ཆིངས་ཤིག་སོད་སོད། ཁྲམ་ལ་འདེབས་དགོས་ཟེར་བའི་དགྲ་སྲི་བྱད་མ་ཐམས་ཅད་མཱ་ར་ཡ་རྦད་ནན་ཆིངས་ཤིག༴ བརྒྱ་ཁ་མང་གི་སྨྲ་བརྗོད་ངན་པ་གཏོང་བའི་དགྲ་བོ་ཐམས་ཅད་མཱ་ར་ཡ་རྦད་ནན་ཆིངས༴ སྟོང་མིག་མང་གི་ལྟར་མི་བཟོད་པའི་དགྲ་བོ་ཐམས་ཅད༴ བྱམས་པ་གཉེན་གྱི་བརྗོད་ཚིག་དང་བསམ་སྦྱོར་ངན་པ་འཆང་བའི་དགྲ་བོ་ཐམས་ཅད༴ སྒྲོག་ཏུ་བཅུག་པར་བྱེད་པའི་དགྲ་བོ་ཐམས་ཅད༴ ཕོ་བརྒྱའི་མདའ་གྲལ་ནས་གླེང་གཞི་དང་བསམ་སྦྱོར་ངན་པ་བྱེད་པའི་དགྲ་བོ༴ མོ་བརྒྱའི་འཕང་གྲལ་ནས་གླེང་གཞི་དང་བསམ་སྦྱོར་ངན་པ་ཤོམ་པའི་དགྲ་བོ༴ བསམ་སྦྱོར་དང་ཚིག་ངན་མདའ་ལྟར་འཕེན་པའི་དགྲ་བོ༴ སྦྱོར་རྩུབ་བལ་ལྟར་གཡིངས་པའི་དགྲ་བོ༴ གཉན་པའི་གྲུ་ཟམ་དང་ལམ་ནས་བསམ་སྦྱོང་ངན་པ་དང་ཚིག་ངན་བརྗོད་པའི་དགྲ་བོ༴ མགར་ཚང་དང་ཕོའི་འཚོགས་གྲལ་ནས་སྨྲ་བརྗོད་སྤྱད་ངན་པ་དང་བསམ་སྦྱོར་ངན་པ་ཤོམ་པའི་དགྲ་བོ༴ ཕོ་མོ་འདས་པའི་ཆང་གྲལ་ནས་བསམ་སྦྱོར་དང་སྨྲ་བརྗོད་གཏོང་བའི་དགྲ་བོ༴ ཆེ་སྲི་ཆུང་སྲི་རྒན་སྲི་གཞོན་སྲི་དར་སྲི་ཕོ་སྲི་མོ་སྲི་གོད་སྲི་ངན་པ་ཐམས་ཅད་མཱ་ར་ཡ་རྦད་ནན་ཆིངས་ཤིག་སོད་སོད། དཀར་འདྲེ་དབུལ་འདྲེ་བང་འདྲེ་ཐབ་འདྲེ་ངན་པ་ཐམས་ཅད་མཱ་ར་ཡ་རྦད་ནན་ཆིངས་ཤིག །དགྲ་བོ་བྱད་མའི་མ་རིག་པ་ནན་འདུ་ཤེས་ནན་འདུ་བྱེེད་ནན། རྣམ་པར་ཤེས་པ་ནན། ཚོར་བ་ནན། སྲེད་པ༴ ལེན་པ༴ སྲིད་པ༴ སྐྱེ་མཆེད་བཅུ་གཉིས་ནན། སྐྱེ་བ་ནན། རེག་པ་ནན། རྒ་ཤི༴ གཟུགས་ནན༴ སྐྱེ་མཆེད་དྲུག༴ རྣམ་པར་ཤེས་པ་ཚོགས་བརྒྱད༴ དབང་པོ་སྒོ་ལྔ༴ དགྲ་བོ་བྱད་མ་ཐམས་ཅད་ཀྱི་ཤ་ལ་ཟོ་ཁྲག་ལ་འཐུང་རུས་ལ་འཆོ་ཀླད་གཟེར་ཀླད་ལ་ཐོང་ཞིག །སྙིང་གཟེར་སྙིང་ལ་ཐོང་༴ བྱད་ངན་གདོང་ལ་སྐུམས་ཤིག་སྐྲ་དང་སྨིན་མ་ཕྱིས་ཤིག །ལག་གཉིས་བྲང་ལ་རྡུངས་ཤིག །རྐང་ཞབས་སྤྱི་ལ་སྐུམས་ཤིག །འདུ་བས་ནད་རིགས་ཀྱི་ཆར་པ་ཕོབ་ཅིག །གྲི་ཐབ་སྣ་ཚོགས་ཀྱིས་སོད་ཅིག །ཚ་བའི་དབལ་དང་གྲང་པའི་དབལ་ཐོང་ཞིག །ལྷའི་དལ་ཁ་ཕོབ༴ བདུད་ཀྱི་ཆོ་འཕྲུལ་ཐོང་ཞིག་མ་མོའི་ཁྲག་ནད་ཐོང་༴ བཙན་གྱི་ཇག་པ་རྒྱུག་ཅིག་ཀླུའི་མཛེ་ནད་སྣ་ཚོགས་ཐོང་ཞིག །དམུའི་རྡོ་ཆར་ཕོབ༴ ཐེའུ་རང་ཀྱི་སྣ་ཁྲིད་གྱིས༴ ལས་ཀྱི་ཐོག་ཡོལ་གྱིས༴ སྒྱུ་མའི་མངའ་ཕུང་ཤིག་ཅིག །རྣམ་ཤེས་ཀྱི་མར་མེ་སོད་ཅིག །ས་བདག་ཀླུ་བདུད་ནག་པོའི་ཚོགས་ཁྱོད་རྣམས་ལ་གཏད་དོ། སྲོག་ཆོད་ཚེ་བཏུང་། མ་ཤོར་ཅིག །ཁུག་ཅིག་དཾ་དཾ་ཛཿཛཿམ་ར་ཡ་རྦད་རྦད་ནན་ནན་སོད་སོད། མཐའ་ཛཿཁྲམ་འཐུག་པོས་བསྐོར། ལིང་རྐྱང་བྱེད་དམ་ལས་སྦྱོར་བྱེད་བཏུན་ཟུར་གསུམ་ལྟེབ་ཞིང་ཡུག་ས་མའི་སྐྲ་ཤད་རྐུད་པས་རྒྱ་གྲམ་དུ་བཅིངས་ནས་བན་བོན་སོགས་གང་ལ་དམིགས་པའི་སྣོད་དུ་བསྡམས་ཤིང་གཞུང་བཞིན་མནན་པར་བྱའོ། །ཅེས་ལིངྒའི་ཡིག་ཆང་འདི་བླ་མའི་བཀའི་གནང་བ་ཐོབ་ན་མ་རྟོགས་སློབ་བུ་མཐོ་དམན་སུས་ཁུར་ཞིང་དཔེ་བཅད་པ་དང་རྐུ་བ་སོགས་བྱས་ན་ཞིང་བཅུ་ཚང་བའི་དམ་ཉམས་ཡིན་པས་ཀུན་གྱིས་གོ་བར་གྱིས་ཤིག་བཀའི་སྲུང་མ་རྣམས་ཀྱིས་བྱ་ར་མཛོད། ས་མ་ཡ་ན་ར་ཀན། དམ་ཚིག་རྒྱ་རྒྱ་རྒྱ། ཁྲག་འཐུང་རྡོ་རྗེ་དྲག་རྩལ་གྱིས་དཔལ་ལྡན་སྟག་མོ་སྒང་དུ་སྦྱར། ཅི་ཕྱིར་དབང་ཆེན་དྲག་པོའི་ཐོག །གནམ་ལྕགས་ཟེགས་མ་ཕྱོགས་བཅུར་འཐོར། །འཐོར་ཚེ་དགྲ་བགེགས་སྲོག་གི་ཚོགས། །མཚོན་འདིས་ཐལ་བར་བརླག་པ་མཚར། །མཚར་འདི་བསྟན་པའི་ལྕགས་རི་མཆོག །མཆོག་འདིས་བདེ་ལེགས་ཐམས་ཅད་སྩོལ། །གཙང་མའི་གནས་མཆོག་རི་མོའི་མགུལ་ནས་ཉམས་དགའ་དལ་གཏམ་དུ་བརྗོད་པའོ། །རྟ་མགྲིན་དྲེགས་པ་ཟིན་གནོན་ལས་བཟློག་ལིང་གྱི་ཟིན་བྲིས། དབང་ཆེན་དྲེགས་པ་ཟིལ་གནོན་གྱི་ལྷ་ཚོགས་རྣམས་ལ་ཕྱག་འཚལ་ལོ། །ཆོས་བཞིན་སྤྱོད་པའི་གང་ཟག་ལ་ལོག་རྟོགས་མཁན་གྱི་དགྲ་བོའི་བྱད་གཏད་སོགས་ཀྱིས་རྦོད་གཏོང་འཚེ་ན་དུག་ཤོག་ངོས་ལ་ཐུན་རྫས་སྣ་ཚོགས་ལྷ་དབྱེ་བའི་རྫས་ཀྱི་ཁུ་བ་དུག་ཁྲག་དང་བཅས་པ་བྱུགས་པའི་ངོས་ལིངྒ་བྱད་མ་མང་ཉུང་གི་སྐབས་ལྟར་ལྟོ་བ་བསྟུན་ཞིང་བྲིས་པའི་དཔྲལ་བར། ཨ་འུ་ཤད་ཀུད་ཀེག་བྲི། མིག་ལ་མུན་འཐིབ་བྲི། ཁ་ལ་བདུད་པོ་ང་ལོང་བྲི། མགྲིན་པར་གུ་སྐུག་བྲི། སྤྱི་བོར་ཐུམ་ལཾ་ནན་བྲི་རྣ་བར་འུག་འོན་བྲི། དཔུང་མགོ་གཡས་ལ་ཏྲི་མ་གཡོན་ལ་ཤ་ར། དཔུང་པ་གཡས་ལ་ཛ་རྦད། གཡོན་ལ་གྷ་ལག་ངར་གཡས་ལ་ཁམ་གཡོན་ལ་ཛ་ཧ་ལག་མགོ་གཡས་ལ་ཛཿགཡོན་ལ་ཧཱུྃ་རྐང་མགོ་གཡས་ལ་བམ་གཡོན་ལ་ཧོཿབྲི། བརླ་གཡས་ལ་རྦད་ཤད་གཡོན་ལ་ཡ་ཏྲི་རྐང་ངར་གཡས་ལ་ཏྲི་རྦད་ཏྲི་གཡོན་ལ་ཧཱུྃ་རྦད་ཛ། རྐང་ཞབས་གཉིས་ལ་ཡཾ་གསང་གནས་ལ་གཞུང་བའི་བླ་དག་རྒྱུག་ཆོད་མགོ་ལ་ཕཊ་ཅེས་གནད་ཡིག་རྣམས་བཀོད། སྙིང་ཁར་ཪྣྲི་ལྟེ་བ་ཨེ་ཞབས་སུ་ཐུམ་གཡས་གཡོན་གཉིས་ནས་ཛ་ལྟེར་ཏྲི་ཡ་མཁལ་ཁུང་གཡས་ལ་ཛ་གཡོན་ལ་ནུར་བྲི། དེ་རྣམས་ཀྱི་མཐའ་མ་ནས་སརྦ་ས་མ་ཡ་བྷྱོ་བྷྱོ་ཛ་ཛ་བྱད་མ་ཆེ་གེ་ལྷ་སྲུང་འཁོར་དང་བཅས་པའི་བླ་སྲོག་རྣམས་དང་བཅས་པ་ཐམས་ཅད་ཐུམ་ཐུམ་རི་ལི་ལི་ཁུག་ཁུག་ཪྣྲི་མཱ་ར་ཡ་ཚིནྡྷ་ཚིནྡྷ་བྷནྡྷ་བྷནྡྷ་ཛ་ཧཱུྃ་བཾ་ཧོ་ཪྣྲི་ས་མ་ཡ་ཧཱུྃ་ཧཱུྃ་བྱད་མ་བྱད་ཕུར་གཏད་ཁྲམ་སྟོན་པའི་བྱད་མ་ལྷ་སྲུང་ཐམས་ཅད་ཀྱི་སྲོག་རྩ་སྙིང་རྩ་ཁྲག་རྩ་ལ་ཏྲི་དུ་ཛ་ཏྲི་དུ་ཛ་བྷྱོ་བཟློག་ཏྲི་དུ་ཛ་བྷྱོ་བཟློག་མཱ་ར་ཡ་ཏྲག་རགྴ་ས་ཐུན་ཡ་བྷྱོ་བཟློག་མཱ་ར་ཡ་ཏྲག་རགྴ་ས་ཐུན་ཡ་བྷྱོ་བཟློག །ཨོཾ་བིདྱ་བྱད་མ་ལྷ་སྲུང་ཐམས་ཅད་བྷྱོ་བཟློག །ཁྲི་འཕོ་བྱད་མ་ལྷ་སྲུང་༴ དམ་ལིང་༴ པྲ་ཧ་ར་ན༴ བྱད་མ་མེ་ཁམས་པའི་སྲོག་ལུས་དབང་ཐང་རླུང་རྟ་སྨེ་བ་ཐམས་ཅད་ནན། བྱད་མ་ས་ཁམས་པའི༴ བྱད་མ་ལྕགས་ཁམས་པའི༴ བྱད་མ་ས་ཁམས༴ བྱད་མ་ཆུ་ཁམས་པའི་སྲོག་ལུས༴ བྱད་མ་ས༴ བྱད་མ་ཤིང་༴ བྱད་མ་ས༴ ཕོའི་མདའ་ཟོར་མོའི་དམོད་ཟོར་སྟོང་གི་བྲམ་ཆུ་ངན་པའི་རྦོད་གཏོང་རྦད་འདྲེ་ཐམས་ཅད་བྷྱོ་བཟློག །དགྲ་བོ་བྱད་མའི་མ་རིག་པ་ནན། འདུ་ཤེས༴ འདུ་བྱེད༴ རྣམ་པར་ཤེས་པ༴ ཚོར་བ༴ སྲེད་པ༴ ལེན་པ༴ སྲིད་པ༴ སྐྱེ་མཆེད་བཅུ་གཉིས༴ སྐྱེ་བ༴ རེག་པ༴ རྒ་ཤི༴ སྐྱེ་མཆེད་དྲུག༴ རྣམ་ཤེས་ཚོགས་བརྒྱད༴ དབང་པོ་སྒོ་ལྔ༴ བྱད་མ་མི་ནོར་འཁོར་དང་བཅས་པའི་ཤ་ལ་ཟོ་ཁྲག་ལ་འཐུང་རུས་པ་འཆོ། ཀླད་ལ་ཀླད་གཟེར་ཐོང་སྙིང་ལ་སྙིང་གཟེར་ཐོང་། བྱད་མ་ངན་པ་གདོང་ལ་ཁོབ། སྐྲ་དང་སྨིན་མ་ཕྱིས་ལག་གཉིས་བྲང་ལ་བརྡུང་རྐང་གཉིས་སྤྱི་ལ་སྦྱོར། འདུ་བའི་ནད་རིགས་སྣ་ཚོགས་ཆར་ཕོབ། ཚ་བའི་དབལ་དང་གྲང་བའི་དབལ་ཟོར། ལྷའི་དལ་ཁ་ཕོབ་མགོན་སྐྱོབས་བྱེད་པའི་ལྷ་དང་ཕྲོལ། བདུད་ཀྱི་ཆོ་འཕྲུལ་དུ་ཐོང་། ལྷན་ཅིག་སྐྱེས་པའི་བདུད་དང་སྤྲོད། བཙན་གྱི་ཇག་པ་རྒྱུག །མེ་རུ་རྩེས་སྲོག་ཆོད། ཀླུའི་མཛེ་ནད་སྣ་ཚོགས་ཐོང་། ན་ག་ནག་པོ་ཁ་ཐམ། དམུའི་རྡོ་ཆར་ཕོབ། ཐུད་ཁས་བྱད་མ་བཟློག །ཐེའུ་རང་གིས་སྣ་ཁྲིད་གྱིིས། ཆོ་འཕྲུལ་ལྟས་ངན་ཆར་ལྟར་ཕོབ། ལས་ཀྱི་ཐོག་ཡོལ་གྱིས། ལས་དབང་བཙན་ཞེས་ཐ་སྙད་དུ་མ་འདོག །རྒྱུ་ལུས་ཀྱི་ལྔ་ཕུང་ཤིག །འབྱུང་བཞིའི་གཡོས་ཀྱིས་སོད། སེམས་ཀྱི་མར་མེ་སོད། ཁའི་དབུགས་ལོང་། ཁོང་པའི་སྲོག་ཆོད། སྣང་སྲིད་ཀྱི་ལྷ་སྲིན་སྡེ་བརྒྱད་ལ་བྱད་མ་ལྷ་སྲུང་མི་ནོར་འཁོར་དང་བཅས་པ་གཏད་དོ་མ་ཤོར་ཅིག་སོད་ཅིག་མཱ་ར་ཡ་རྦད་ཅེས་ཛ་ཁྲམ་གྱིས་བསྐོར་བནྡྷེ་བོན་པོ་གང་ལ་དམིགས་པའི་ལིང་སྣོད་སོགས་གཞུང་ལྟར་ལས་ལ་སྦྱར། ལས་སྦྱོར་འདིའི་དུས་བཟློག་སྔགས་སོར་འདོན། ལིང་སྣོད་ཀྱི་ཐོད་པ་གང་ཡིན་པ་དེ་ཡི་དཔྲལ་བར་བྱད་མ་ལྷ་སྲུང་འཁོར་དང་བཅས་པ་ཐམས་ཅད་ས་ཐུན་ས་ཐུན་གི་རི་རབ་ནག་པོའི་འོག་ཏུ་ནོན་ཅིག་བྲུབ་བྲུབ་སྟམ་བྷ་ཡ་ནན་ནན་བྲི། དེ་ཡི་མཐར་བྱད་མ་བྷྱོ་བཟློག་ཅི་ཤོང་བྲི། འགྲམ་ངོས་གཡས་ལ་ཕྱོགས་བཞི་མཚམས་བརྒྱད་ཀྱི་བནྡྷེའི་བྱད་ཟོར་ཕུར་ཁ་གཏད་ཁྲམ་ཐམས་ཅད་བྷྱོ་བྷྱོ་བཟློག་བཟློག་ནོན་བྲུབ་བྲི། མ་འགྲམ་གཡས་ལ་ཕྲ་མེན་སེལ་དང་ཕུད་ཤིག་གི་གནོད་པ་ཐམས་ཅད་བྷྱོ་བྷྱོ་བཟློག་བཟློག །འགྲམ་པ་གཡོན་ལ་ཕྱོགས་བཞི་མཚམས་བརྒྱད་ཀྱི་བོན་པོའི་བྱད་ཟོར་ཕུར་ཁ་གཏད་ཁྲམ་ཐམས་ཅད༴ མ་འགྲམས་གཡོན་ལ་མུ་སྟེགས་གི་ངན་མཐུ་འབྱུང་བཞིའི་ལས་སྦྱོར་བརྩམ་པ་ཐམས་ཅད༴ མཆུ་ལ་བཟླ་རྡོ་རྗེ་རྒྱ་གྲམ་དང་ཁ་ཐམ་ནན་བྱ་བ་ཕྱོགས་མཚམས་རྣམས་སུ་བྲི། ལྟག་པ་ན་གླིང་བཞིའི་རི་མོ་དང་སྟམ་བྷ་ཡ་ནན་ནན་བྷྱོ་བཟློག་བྱ་བ་བྲི་ཁ་ལིང་རྐྱང་པ་བྱེད་ན་རྟག་པར་ཐུན་དང་རྫས་ངན་སྣ་ཚོགས་ལྷ་དབྱེ་བའི་རྫས་ངན་དང་ཤ་ཁྲག་སོགས་བཀང་། བྱད་མའི་སྐྲ་གོས་ཕུང་རེས་དྲིལ་ཞིང་ཁྱི་སྤུ་ར་བལ་གྱི་སྐུད་པས་དམ་དུ་བཅིང་རྡོ་རྗེའི་རྒྱ་གྲམ་གྱི་ཐེའུ་ཡིས་མནན་ཏེ་ཁ་མཐུར་དུ་བསྟན་ཏེ་མནན་པ་བྱའོ། །དཔེ་འདི་སུ་ལ་འང་མ་སྟོན་ལི་བྱིན་ཧ་རས་སྲུངས་ཤིག་ས་མ་ཡ། སྔགས་ནག་ཁྲག་འཐུང་རྡོ་རྗེས་དཔལ་ལྡན་སྟག་མོ་སྒང་དུ་དཔལ་གདོང་ཞེས་ཆུ་མོ་བྱའི་ལོ་སྨིན་དྲུག་གིས་ཉ་བའི་གྲལ་ཚེས་ལྔ་ལ་སྦྱར་བའོ། །
དྲེགས་པ་ཟིལ་གནོན་གྱི་ཆད་ཐོའི་ཟུར་རྒྱན།
དྲེགས་པ་ཟིལ་གནོན་གྱི་ཆད་ཐོའི་ཟུར་བརྒྱན། གཟུང་འཛིན་གྱིས་བསྡུས་པའི་ཆོས་ཐམས་ཅད་སྟོང་ཞིང་བདག་མེད་པ་ཅིག་ཏུ་གྱུར་པའི་ངང་ལས། བཾ་དཀར་པོ་ཡོངས་སུ་གྱུར་པ་ལས་ཡན་ལག་བརྒྱད་ལྡན་གྱི་རྒྱ་མཚོ་ཆེན་པོ་མུ་མཐའ་མེད་པར་འཁྱིལ་པའི་ཀློང་དུ་པདྨ་གེ་སར་གྱི་སྡོང་པོ་མེ་ཏོག་དང་ལོ་འདབ་རབ་ཏུ་རྒྱས་པའི་དབུས་སུ། པདྨ་ཉི་ཟླའི་སྟེང་དུ་རྡོ་རྗེ་རྩེ་ལྔ་པ་ཧྲཱིཿཡིག་གིས་མཚན་པའི་འཕྲོ་འདུ་ཡོངས་སུ་གྱུར་པ་ལས་རྒྱལ་བ་ཀུན་འདུས་ཀྱི་སྤྱི་དཔལ་ཨོ་རྒྱན་གྱི་སློབ་དཔོན་ཆེན་པོ་པདྨ་འོད་འབར་ལ་རྩ་གསུམ་རྒྱལ་བ་རྒྱ་མཚོ་ཆོས་སྐྱོང་སྲུང་མ་དཔལ་མགོན་དགེ་བསྙེན་བསྟན་མ་ཕྱི་ནང་གསང་བའི་སྡེ་བརྒྱད་ཡུལ་ལྷ་གཞི་བདག་གི་ཚོགས་དང་བཅས་པས་བསྐོར་བར་གསལ་བའི་ཡེ་ཤེས་དང་འཇིག་རྟེན་གྱི་མགྲོན་རིགས་ཐམས་ཅད་རང་རང་གི་གནས་གསུམ་གྱི་འོད་ཟེར་གྱིས་བསྐྱེད་པའི་གནས་འདིར་དམ་ཚིག་དབང་གིས་བཛྲ་ས་མ་ཡཱ་ཛ༔ ཧཱུྃ་སྔོན་གྱི་བསྐལ་པའི་དང་པོ་ལ༔ སོགས། སྤྱན་འདྲེན་སྔགས་འཁོར་གྱི་འདུ་འཕྲོ་སྒྱུར། མགྲོན་འོག་མ་རྣམས་ཏིང་ངེ་འཛིན་གྱིས་ནན་གྱིས་བཀུག །བཛྲ་གུ་རུ་བརྒྱ་རྩ་བགྲང་། ཨཱོཾ་སྭཱ་བྷཱ་ཝས་སྦྱངས། སྟོང་པ་ཉིད་དུ་གྱུར། །སྟོང་པའི་ངང་ལས་རིན་པོ་ཆེ་ཡི་སྣོད་ཡངས་ཤིང་རྒྱ་ཆེ་བའི་ནང་དུ་དཀར་དམར་གྱི་གཏོར་མ་སྡེ་བརྒྱད་ཀྱི་བཤོས་བུ་འདོད་ཡོན་གྱི་ལོངས་སྤྱོད་གཟུགས་སྒྲ་དྲི་རོ་རེག་བྱ་ཀུན་བཟང་མཆོད་པའི་སྤྲིན་གྱི་ཕུང་པོ་བསམ་གྱིས་མི་ཁྱབ་པར་གྱུར། ཨཱོཾ་ཨ་ཀ་རོས་བྱིན་གྱིས་བརླབ། གསུམ། དེ་ནས་འཛམ་གླིང་གི་གཟུགས་མེད་རྣམས་ཀྱི་སྤྱི་བོར་རྡོ་རྗེའི་ཆར་ཕབ་འདོད་ཡོན་གྱི་གཏོར་མ་ཕུལ་བ་བཞེས་ནས་ལས་བསྒྲུབ་པར་བསམས་ཤིང་། ཧཱུྃ། ཉོན་ཅིག་ལྷ་སྲིན་སྡེ་བརྒྱད་ནས་གྱེར། ༈ རྔ་བརྡུང་ན་སྤྱན་འདྲེན་ལ་ཞི་བའི་འུར་བརྡུང་དལ་པོའི་མཐར་སུམ་བརྡུང་དལ་པོ་ཉིས་བརྩེགས། ཆད་ཐོའི་མཚམས་རྣམས་སུ་མཆོད་དོ་བཞེས་ཤིག་སྲུང་མ་རྣམས། །བཅོལ་པའི་འཕྲིན་ལས་གྲུབ་པར་མཛོད། །ཅེས་པ་འདི་ལྟར་དལ་པོ་ཚགས་ཡོད་ལགས། །ཅེས་པ་འདི་ཡང་རི་ཞིང་ཞབས་དྲུང་ཕྱག་ལེན་བདེ་ཕྱིར་ཉི་མ་གྲགས་པས་བྲིས། །མངྒ་ལཾ།། །།
ཆོས་སྐྱོང་ལ་གཏོར་མ་འབུལ་ཐབས་ཀྱི་རིམ་པ།
རྟ་མགྲིན་ལས་ཆོས་སྐྱོང་ལ་གཏོར་མ་འབུལ་ཐབས་ཀྱི་རིམ་པ་བཞུགས། །ཨོཾ་བཛྲ་ཀྲོ་ཏ་ཧྱ་གྷྲི་ཝ་དྷཀྐི་ནི་བྷ་ར་ཧི་སརྦ་སིདྷི་ཧཱུྃ་ཕཊ༔ བདག་ཉིད་སྐད་ཅིག་གིས་རྟ་མཆོག་ཧེ་རུ་ཀར་གསལ་བའི་མདུན་དུ་ཆོས་སྐྱོང་རྒྱལ་པོ་ཆེན་པོ་སྐུ་ལྔ་འཁོར་དང་བཅས་པ་གསལ་བའི་གནས་གསུམ་ལས་འོད་ཟེར་འཕྲོས་པས་རང་རང་གི་གནས་ནས་བསྐྱེད་པའི་གནས་འདིར་དམ་ཚིག་དབང་གིས་བཛྲ་ས་མ་ཡ་ཛཿཛ༔ རོལ་མོ་སྣ་ཚོགས་སྒྲོག་སྤོས་དཀར་དང་གསུར་ཆེན་གྱིས་བདུགས་ནས་འདི་སྐད་དོ། ཧཱུྃ༔ དད་པ་དང་ནི་དམ་ཚིག་གིས༔ ཤེལ་གྱི་སྐུ་མཁར་རྩེ་དགུ་ནས༔ ཚངས་པ་དཀར་པོ་གཤེགས་སུ་གསོལ༔ རྒྱལ་ཆེན་སྡེ་བཞི་གཤེགས་སུ་གསོལ༔ དགྱེས་སྡེ་ཡུམ་རྣམས་གཤེགས༴ ཕྱི་ནང་བཀའ་བློན་གཤེགས་སུ༴ གཉེར་འཛིན་ཕྱག་ཚངས་གཤེགས༴ དགྲ་ལྷ་སྤྲུལ་འཁོར་གཤེགས་སུ༴ ལྷ་སྲིན་སྡེ་བརྒྱད་གཤེགས་སུ༴ བཙན་རྒོད་འབུམ་སྡེ་གཤེགས་སུ༴ ཆོས་རྒྱལ་འཁོར་བཅས་གཤེགས་སུ༴ གཡས་གཡོན་རུ་འདྲེན་གཤེགས་སུ༴ སྔོན་གྱི་ཤུལ་མཚོན་གཤེགས་སུ༴ སླད་ཀྱི་རྗེས་འབྲང་གཤེགས༴ སྐུ་ཡི་སྐྱོ་རོགས་ཚོགས་རྣམས་གཤེགས་སུ་གསོལ༔ བཛྲ་ཀྲོ་ཏ་ས་མ་ཡ་མ་ཧཱ་རཱ་ཛ་སརྦ་ས་མ་ཡ་ཛཿཧཱུྃ་བཾ་ཧོ༔ གཏོར་མ་འབུལ་བ་ནི། ཧཱུྃ་ཧཱུྃ་ཨཱོཾ་གྷྲིགྴྭ་གྷྲཱིགྴྭ་བྷ་ལིངྟ་ཁ་ཁ་ཁཱ་ཧི་ཁཱ་ཧི༔ ར་ཙ་སུ་ཏྲི་ཏྲི་ལ་ཀང་ཀ་ནི་བྷ་ལིངྟ་ཏ་ཁ་ཁ་ཁཱ་ཧི་ཁཱ་ཧི༔ ཧུ་ར་བྷ་མོ་མུ་ཏྲ་ལ་ཏི་ཧ་ཡག་བྷ་ཡཱ་ཀྲོ་ཏི་ནཱ་ག་ཧུར་ཧུར་ཛཿཛཿཨ་ཡ་མ་དུ་རུ་ཙ་ཤ་ན་བྷ་ལིངྟ་ཨ་མྲྀ་ཏ་རཀྟ་སརྦ་པཱུ་ཙ་ས་མ་ཡ་ཁ་ཁ་ཁཱ་ཧི་ཁཱ་ཧི༔ བདུན་ནམ་གསུམ་གྱིས་འབུལ༔ ཧཱུྃ་བྷྱོ༔ ཆོས་སྐྱོང་ཁྱོད་ལ་མཐུ་མེད་མི་སྲིད་ཀྱིས༔ ཤ་ཁྲག་དམར་གྱི་གཏོར་མ་འདི་བཞེས་ལ༔ ཞིང་བཅུའི་དགྲ་བོ་མ་ག །ཏོང་ཤོར་ར་རེ༔ རྣལ་འབྱོར་བདག་ལ་དམ་མེད་མི་སྲིད་ཀྱིས༔ སྙིང་ནས་འབོད་པ་དགོངས་ལ་ལས་མཛོད་ཅིག༔ བམ་རི་ཐོད་མཁར་རྟ་མཆོག་ཧེ་རུ་ཀར༔ བསྟན་པ་བསྲུང་བར་དམ་མནོས་ཁྱོད་མ་བཀྲལ༔ བསྙེན་ཅིང་བསྒྲུབ་པའི་དམ་བཅའ་ངས་མི་གཡེལ༔ ལྕང་ལོ་ཅན་དུ་རྡོ་རྗེ་འཛིན་པའི་དྲུང་༔ བཤད་སྒྲུབ་སྐྱོང་བར་དམ་མནོས་ཁྱོད་མ་ཉམས༔ ཕྱི་ནང་བརྟེན་འཆང་མཆོད་བསྟོད་ངས་མི་གཡེལ༔ ཆོས་འཁོར་ཆེན་པོར་བདག་ཉིད་པདྨ་ཡིས༔ རྡོ་རྗེ་མགོར་བཞག་དམ་ཉམས་སྒྲོལ་བར་ཆད༔ བོད་ཁམས་མཐའ་དམག་འཁྲུག་རྩོད་བཟློག་པར་མནོས༔ རྗེས་འཇུག་དམ་ཚིག་ལྡན་པས་གསོལ་མཆོད་རྦད༔ ངང་མ་རིང་ལ་དགྲ་བོའི་སྲོག་རྩ་ཆོད༔ ལས་མ་འགྱངས་ལ་བསད་རྟགས་དོན་སྙིང་སྤྲོད༔ དུས་ལ་བབ་པོ་སྲོག་བདག་འབུམ་གྱི་སྡེ༔ ནུས་མཐུའི་དྲག་རྩལ་སྟོན་ཅིང་ས་མ་ཡཱ༔ ཅེས་ཕུད་དང་གཏོར་མས་མཆོད། །མངྒ་ལཾ།། །།
སྒོ་དབྱེ་བཞེངས་གསོལ་འཕྲིན་ལས་མྱུར་མགྱོགས།
རྟ་མགྲིན་དྲེགས་པ་ཟིལ་གནོད་ལས། སྒོ་དབྱེ་བཞེངས་གསོལ་འཕྲིན་ལས་མྱུར་མགྱོགས་ཞེས་བྱ་བ་བཞུགས། རྒྱལ་རྣམས་མ་ལུས་ཡེ་ཤེས་པད་འབྱུང་གིས། །ཐུགས་བཅུད་དབང་ཆེན་གདམས་ཟབ་རིན་ཆེན་གཏེར། །གཏད་རྒྱས་བཏབ་ལ་ལས་འཕྲོས་བསྟན་འགྲོའི་དོན། །འདྲེན་མཛད་འགྲོ་འདུལ་གླིང་པ་སྤྱི་བོས་མཆོད། །ཅེས་མཆོད་པར་བརྗོད་ནས། །སྐབས་འདིར་དབང་ཆེན་ཁྲོ་བོའི་རྒྱལ་པོ་དྲེགས་པ་ཟིལ་གནོན་གྱི་གཏོར་བཟློག་གི་ཕྲིན་ལས་བརྩམ་པའི་དུས་སུ་གཏོར་ཟོར་འཕེན་པར་ཕྱོགས་པའི་ཚེ། ཕོ་བྲང་ནང་སྒོ་དབྱེ་ཐབས་གཞུང་དུ་གསེར་སྐྱེམ་དང་འབྲེལ་བའི་ཚིག་ཟིན་ཙམ་ལས་གསལ་ཁ་མ་མཆིས་པར་སྤྲོས་བཅས་སྐབས་ཅུང་ཟད་རྒྱས་པར་བྱ་འདོད་ན་མཆེད་ལྕམ་གྲལ་ལས་བཞེངས་ཤིང་རྔམ་པའི་གར་སྟབས་བསྒྱུར་ཏེ་རོལ་མོ་དབྱངས་དང་བཅས། ཧཱུྃ། དབང་ཆེན་རྟ་གདོང་པདྨ་ཧེ་རུ་ཀའི། །ཕོ་བྲང་ཤར་གྱི་སྒོ་སྐྱོང་ཡུལ་འཁོར་སྲུང་། །ཞི་བའི་ལས་མཛད་དྲི་ཟའི་རྒྱལ་པོ་ཆེ། །དབང་དྲག་འབར་བའི་ཕོ་བྲང་ཤར་སྒོ་ཕྱེས། །འཕྲིན་ལས་ཐོགས་པ་མེད་པའི་གར་སྒྱུར་ལ། །སྡང་བྱེད་དགྲ་གདོན་བྱད་ཟོར་ཐན་ལྟས་ནད། །མི་མཐུན་འཚེ་བར་གྱུར་པའི་ཕྱོགས་རྣམས་ཀུན། །ཞི་ཞིང་རྒྱུན་ལམ་གཅོད་པའི་འཕྲིན་ལས་མཛོད། །ཧཱུྃ། དབང་ཆེན་རྟ་གདོང་པདྨ་ཧེ་རུ་ཀའི། །ཕོ་བྲང་ལྷོ་ཡི་སྒོ་སྐྱོང་འཕགས་སྐྱེས་པོ། །རྒྱས་པའི་ལས་མཛད་གྲུལ་བུམ་རྒྱལ་པོ་ཆེ། །དབང་དྲག་འབར་བའི་ཕོ་བྲང་ལྷོ་སྒོ་ཕྱེས། །འཕྲིན་ལས་རབ་འབྱམས་རོལ་པའི་གར་སྒྱུར་ལ། །ཚེ་བསོད་དབང་ཐང་ལུང་རྟོགས་ཡོན་ཏན་དཔལ། །སྙན་གྲགས་གཟི་བརྗིད་མཐུ་སྟོབས་མ་ལུས་པ། །རྒྱས་ཤིང་བླ་ནས་བླར་འཕེལ་འཕྲིན་ལས་མཛོད། །ཧཱུྃ། དབང་ཆེན་རྟ་གདོང་པདྨ་ཧེ་རུ་ཀའི། །ཕོ་བྲང་ནུབ་ཀྱི་སྒོ་སྐྱོང་སྤྱན་མི་བཟང་། །དབང་གི་ལས་མཛད་ཀླུ་དབང་རྒྱལ་པོ་ཆེ། །དབང་དྲག་འབར་བའི་ཕོ་བྲང་ནུབ་སྒོ་ཕྱེས། །འཕྲིན་ལས་མྱུར་མགྱོགས་ཤུགས་ཀྱིས་གར་སྒྱུར་ལ། །སྲིད་གསུམ་དཔལ་དང་འབྱོར་བའི་ཡོན་ཏན་སྟོབས། །ཁྱད་པར་ཕ་རོལ་རྒོལ་པའི་ཚེ་བསོད་དབང་། །རང་དབང་མེད་པར་དབང་སྡུད་འཕྲིན་ལས་མཛོད། །ཧཱུྃ། དབང་ཆེན་རྟ་གདོང་པདྨ་ཧེ་རུ་ཀའི། །ཕོ་བྲང་བྱང་གི་སྒོ་སྐྱོང་རྣམ་ཐོས་སྲས། །དྲག་པོའི་ལས་མཛད་གནོད་སྦྱིན་རྒྱལ་པོ་ཆེ། །དབང་དྲག་འབར་བའི་ཕོ་བྲང་བྱང་སྒོ་ཕྱེས། །འཕྲིན་ལས་དྲག་རྩལ་སྟོབས་ཀྱིས་གར་སྒྱུར་ལ། །སྡང་བྱེད་དགྲ་སྡེ་གནོད་བྱེད་བགེགས་ཀྱི་དཔུང་། །ལོག་འདྲེན་ཕས་རྒོལ་མ་ལུས་ཆམ་ལ་ཕོབ། །ཐལ་བར་བརླག་ཅིང་གཡུལ་ལས་རྒྱལ་བར་མཛོད། །ཕྱོགས་བཞི་ནས་མདོས་ཐག་དཔལ་འབར་གྱིས་བཅད། ༈ དེ་ནས་གདུང་བའི་ཤུགས་ཕྱུངས་ཏེ་ལྷ་ཚོགས་རྣམས་ལ་བཞེངས་གསོལ་ནི། ཧཱུྃ། སངས་རྒྱས་ཀུན་འདུས་པདྨ་དབང་གི་ལྷ། རབ་འཇིགས་ཁྲོས་པའི་སྐུར་སྟོན་ཁྲོ་བོའི་རྒྱལ། །རྟ་གདོང་དབང་ཆེན་དྲེགས་པ་ཟིལ་གནོན་དཔལ། །གར་དགུ་རོལ་པའི་མཐུ་སྟོབས་གཟི་བརྗིད་བསྐྱེད། །རབ་འབར་མེ་རླུང་དམར་ནག་འཁྲུག་པའི་ཀློང་། །རབ་འཇིགས་གནམ་ལྕགས་པུ་རི་འབར་བའི་མཁར། །རབ་འཁྲུག་སྡེ་བརྒྱད་དྲེགས་པའི་འཁོར་གྱི་དབུས། །རབ་འབྱམས་རོལ་པའི་ལྷ་མཆོག་ཁྲོ་བོའི་རྒྱལ། །སྐྱེད་ཅིག་གཟི་བརྗིད་མཐུ་སྟོབས་ནུས་པ་བསྐྱེད། །ཕྱུངས་ཤིག་དྲག་རྩལ་འབར་བའི་མྱུར་མགྱོགས་ཕྱུངས། །བསྐུལ་ལོ་ཐུགས་དམ་དམ་ཚིག་རྗེས་སུ་བསྐུལ། །བཞེངས་ཤིག་འཕྲིན་ལས་མཛད་ཕྱིར་དབྱིངས་ནས་བཞེངས། །མ་རུངས་ནག་པོའི་བདུད་ཚོགས་ཁ་དར་ན། །དམ་ལྡན་རྣལ་འབྱོར་ཉམ་ཐག་ཡ་རེ་ང་། །དེ་ཕྱིར་གདུང་བའི་ཤུགས་ཀྱིས་སྐྱབས་བཅོལ་ན། །མ་གཡེལ་དྲག་པོའི་འཕྲིན་ལས་མཛད་དུ་གསོལ། །ཁྲོ་རྒྱལ་ཆེན་པོའི་སྟེང་ཕྱོགས་ནམ་མཁའ་ནས། །ཨ་མི་དྷེ་ཝ་བྱ་ཁྱུང་གྷ་རུ་ཎ། །ཐུགས་རྗེ་ཟླ་མེད་ཡེ་ཤེས་ལྷ་མཆོག་བཞེངས། །བསྒྲལ་འདྲེན་འཕྲིན་ལས་མ་གཡེལ་དུས་ལ་བབས། །ཁྲོ་རྒྱལ་གནས་ལྔ་སྤྲུལ་པའི་ཕོ་བྲང་ནས། །རྟ་གདོང་འབར་བ་རིགས་ལྔ་ཡབ་དང་ཡུམ། །དུག་ལྔ་ཡེ་ཤེས་དབྱིངས་སུ་སྦྱོར་ཕྱིར་བཞེངས། །འཕྲིན་ལས་རྣམ་བཞི་མ་གཡེལ་ཐོགས་མེད་མཛོད། །སྐུ་ཡི་གཡས་གཡོན་མདུན་རྒྱབ་ད་ལ་ནས། །ཡབ་ཡུམ་སྲས་གསུམ་བཛྲ་པཱ་ཎི་སོགས། །ལས་མཛད་བཀའ་སྡོད་འབར་བའི་ལྷ་རྣམས་བཞེངས། །དབང་དང་དྲག་པོའི་འཕྲིན་ལས་མྱུར་མགྱོགས་མཛོད། །ཕྱི་རོལ་ཤ་ཁྲག་རྒྱ་མཚོའི་ཀློང་དཀྱིལ་ནས། །དྲེགས་པ་སྡེ་བརྒྱད་སྣང་སྲིད་ལྷ་སྲིན་སྡེ། །རང་རང་སྤྲུལ་འཁོར་མ་ལུས་ད་བཞེངས་ཤིག །དགྲ་གདོན་ཐལ་བའི་རྡུལ་ཕྲན་བཞིན་དུ་རློགས། །གཞན་ཡང་གཙང་རིས་དཔལ་མགོན་མགུར་ལྷ་དང་། །དགེ་བསྙེན་བསྟན་མ་ཡུལ་གཞིས་སྐྱོང་བ་རྣམས། །དྲག་པོའི་དམག་གི་དཔུང་ལ་སྐུ་བཞེངས་ཤིག །ལོག་འདྲེན་སྡེ་ཚོགས་རྨེག་མེད་ཆམ་ལ་ཕོབ། །བརྔམ་པའི་ཤུགས་ཕྱུངས་མགྱོགས་པའི་རྟ་ལ་ཞོན། །རྣོ་ངར་མཚོན་ཐོགས་འཇིགས་པའི་ཀི་བསོ་ཐོབ། །དྲག་རྩལ་ཐོགས་མེད་མྱུར་མགྱོགས་བང་གིས་རྒྱུག །དབང་དྲག་ལྷ་ཚོགས་དབྱིངས་ནས་བཞེངས་ཤིག་སྐྱོད། །བཀའ་སྡོད་ཕོ་ཉའི་ཚོགས་རྣམས་མདུན་ནས་རྒྱུག །ཕོ་རྒྱུད་མགོན་པོའི་དམག་དཔུང་གཡས་ནས་ཆོས། །མོ་རྒྱུད་མ་མོའི་སྡེ་ཚོགས་གཡོན་ནས་ཆོས། །དམ་ཅན་རྒྱ་མཚོའི་སྤྲུལ་འཁོར་ཕྱི་ནས་ཆོས། །མ་གཡེལ་མ་འགྱངས་དྲག་པོའི་དམག་དཔུང་བསྐྱེད། །དགྲ་བོ་མི་ནོར་ནད་མཚོན་དུག་གིས་སོད། །ཐལ་བར་རློག་ལ་དམིགས་མེད་རྒྱ་ཡིས་ཐོབ། །ཞིང་ཁང་བྲན་གཡོག་ཁ་ཕུང་རྗེས་མེད་ཐོང་། །དུས་ལ་བབ་པོ་དབང་དྲག་འཕྲིན་ལས་མཛོད། །ཅེས་བརྗོད་དེ་ནས་གཞུང་ལྟར་སྤྱད་པར་བྱའོ། །དེ་ལྟར་དྲེགས་པ་ཟིལ་གནོན་གྱི་གཏོར་ཟློག་འཕེན་སྐབས་སྒོ་དབྱེ་བཞེངས་གསོལ་གསལ་ཁ་མ་མཆིས་པར་འདི་ལྟ་བུ་ཞིག་གྱིས་ཞེས་བླ་མ་བསོད་ནམས་བཀྲ་ཤིས་ཁུ་དབོན་གྱི་གསུང་དང་ཉེ་བར་བློ་གསལ་པདྨ་འཕྲིན་ལས་པས་ཀྱང་དེ་ལྟར་གྲུབ་ན་ལེགས་ཞེས་བསྐུལ་བ་ལ་བརྟེན་ནས། རྒྱལ་ཆེན་གྱི་སྒོ་དབྱེ་གཞུང་དང་མཐུན་པ་དང་བཞེངས་གསོལ་བཅས་པ་རིག་འཛིན་དམ་པའི་རྗེས་ཞུགས་ཨོ་རྒྱན་བསྟན་འཛིན་གྲགས་པས་ཤར་སྟག་མོ་སྒང་གི་ཆོས་གྲྭར་སྦྱར་བ་ཛ་ཡན་ཏུ། །མངྒ་ལཾ།། །།
གཏེར་གསར་སྤྱི་འགྲོས་ཀྱི་ཟོར་བསྐུལ།
གཏེར་གསར་སྤྱི་འགྲོས་ཀྱི་ཟོར་བསྐུལ་རིག་འཛིན་པས་སྦྱར་བ་བཞུགས་སོ། །གཏོར་ཟོར་སོགས་ཟོར་སྣ་ཐམས་ཅད་ཐོགས་ལྟ་བའི་གདེངས་བསྐྱེད་རིམ་དྲག་ཏུ་གཟིར་དམིགས་པ་གནད་དུ་བསྣུན་ཅིང་བརྔམ་པའི་སྟབས་ཀྱིས་འདི་སྐད་དོ༔ ཧཱུྃ༔ བྷྱོ༔ ཚངས་པ་ལ་སོགས་ལྷ་ཆེན་བརྒྱད། །ཉི་ཟླ་ལ་སོགས་གཟའ་ཆེན་བརྒྱད། །དགའ་བོ་ལ་སོགས་ཀླུ་ཆེན་བརྒྱད། །སྣང་སྲིད་ལྷ་སྲིད་སྡེ་བརྒྱད་དང་། །ལོ་ཟླ་ཞག་དུས་གཟའ་སྐར་བདག །ཡུལ་རིའི་གཞི་བདག་གཉན་པོ་རྣམས། །ཀོ་ལོང་རུ་ང་མ་མཛད་པར། །ཟོར་ལམ་ཕྱེ་ལ་དམག་དཔུང་བསྐྱེད། །རུ་མཚོན་ཕྱོར་ལ་འཕྲིན་ལས་སྒྲུབས། །དགྲ་བགེགས་བྱད་མ་ལྷ་སྲུང་རྣམས། །མྱུར་དུ་ཟློག་ལ་རྡུལ་དུ་རློག །ཧཱུྃ། ལྷུན་གྲུབ་འོད་གསལ་འདུས་མ་བྱས། །ཆོས་སྐུ་ཀུན་ཁྱབ་རྡོ་རྗེའི་དབྱིངས། །སྟོང་ཆེན་ཐིག་ལེ་ཉག་ཅིག་ལ། །བཞེངས་བཞུད་མཚན་མ་མི་མངའ་ཡང་། །ཆོས་ཀུན་གནས་ལུགས་སྤྲོས་མེད་དབྱིངས། །མ་རྟོགས་འཁྲུལ་པའི་གཟུང་འཛིན་ལས། །རྟེན་འབྲེལ་སྒྱུ་མའི་སྣང་བརྙན་དུ། །རྣམ་པར་ཤར་བའི་དགྲ་བགེགས་བྱུར། །ལོག་པར་འདྲེན་པའི་བདུད་དཔུང་རྣམས། །ཐུགས་རྗེའི་སྟོབས་ཀྱིས་འདུལ་བའི་ཕྱིར། །ཆོས་དབྱིངས་དྲག་པོའི་གཞལ་ཡས་ནས། །དབང་དྲག་ཁྲོས་པ་ཁྲོ་བོའི་རྒྱལ། །ཆེ་བའི་ཆེ་མཆོག་འབར་བའི་སྐུ། །ཁྲག་འཐུང་རྒྱལ་པོ་ཧེ་རུ་ཀཿ གདུལ་དཀའ་འདུལ་མཛད་གར་དགུར་ལྡན། །ཁྲོ་བོ་ཁྲོ་མོ་སྐུ་ལ་རྫོགས། །སྐུ་ལ་རྫོགས་ཤིང་སྐུ་ལས་འཕྲོ། །ཁྲོ་ཚོགས་ཕོ་ཉས་སྟོང་གསུམ་འགེངས། །མ་ཚོགས་ཁྲོ་མོས་སྲིད་གསུམ་གཡོ། །སྤྲུལ་པ་ཡང་སྤྲུལ་ཕྱོགས་བཅུར་ཁྱབ། །བཞེངས་ཤིག་བཞེངས་ཤིག་སྐུ་བཞེངས་ཤིག །དབང་དྲག་འཕྲིན་ལས་དུས་ལ་བབས། །བསྟན་དགྲ་བར་ཆད་རྡུལ་དུ་རློག །སྤྱི་གཙུག་སྟེང་གི་ནམ་མཁའ་ནས། །དྲིན་ཅན་མཚུངས་མེད་རྡོ་རྗེ་འཛིན། །དཔལ་ལྡན་རྩ་བའི་བླ་མ་ལ། །ཕྱོགས་བཅུ་དུས་བཞིའི་རྒྱལ་བ་དང་། །དགུ་ལྡན་བརྒྱུད་པའི་བླ་མས་སྐོར། །མི་མངོན་དབྱིངས་ནས་སྐུ་བཞེངས་ཤིག །ཐུགས་དམ་བསྐུལ་ལོ་འགྲོ་དྲུག་སྒྲོལ། །ཞི་བདེ་བྱང་ཆུབ་ལམ་ལ་སྦྱོར། །དཔལ་མགོན་བདུན་ཅུ་ནག་པོ་སྟོང་། །མགོན་པོ་ཕོ་རྒྱུད་གཡས་ནས་བཞེངས། །དམག་དཔུང་སྐྱེད་ཅིག་དགྲ་ལ་ཆོས། །དགྲ་གདོན་ཕོ་རྒྱུད་རྡུལ་དུ་རློག །མ་མོ་མཁའ་འགྲོ་བྱེ་བ་འབུམ། །ལྷ་མོ་མོ་རྒྱུད་གཡོན་ནས་བཞེངས། །དམག་དཔུང་སྐྱེད་ཅིག་དགྲ་ལ་ཆོས། །དགྲ་གདོན་མོ་བརྒྱུད་རྡུལ་དུ་རློག །རྒྱུད་སྡེ་བཞི་དྲུག་དཔལ་ཆེན་དགུ། ཡི་དམ་རྒྱ་མཚོ་རྒྱབ་ནས་བཞེངས། །དམག་དཔུང་སྐྱེད་ཅིག་དགྲ་ལ་ཆོས། །ཞིང་བཅུའི་དགྲ་གདོན་རྡུལ་དུ་རློག །སྣང་སྲིད་ལྷ་སྲིན་སྡེ་བརྒྱད་དང་། །མཆོད་བསྟོད་བསྟེན་པའི་སྲུང་མའི་ཚོགས། །ཕོ་ཉ་ཤ་ཟ་འབུམ་སྡེ་རྣམས། །མདུན་ནས་སྐྱོད་ཅིག་རུ་མཚོན་ཕྱོར། །སྒོས་དགྲ་ཐལ་བ་རྡུལ་བཞིན་རློག །ཧཱུྃ་བྷྱོ། མཆོག་གསུམ་མཁའ་འགྲོ་ཆོས་སྐྱོང་དགོངས། །ད་དུས་བསྐལ་པའི་ཡང་མཐའ་འདིར། །སངས་རྒྱས་བསྟན་པ་ལྷག་ལ་ཉེ། །དགྲ་གདོན་བུ་ཡུག་རླུང་ལྟར་འཚུབ། །ནད་མཚོན་མུ་གེའི་བསྐལ་པ་དར། །མཆོག་གསུམ་བསྟན་པའི་དབུ་འཕང་དམའ། །ཆོས་མཛད་རྣལ་འབྱོར་སྐྱབས་མགོན་བྲལ། །ཀྱེ་མ་བསྟན་པའི་གཞུག་གཉེར་འདིར། །དབྱིངས་ན་བཞུགས་པའི་རྒྱལ་བ་རྣམས། །ཐུགས་རྗེ་མ་གཡེལ་ཐུགས་བསྐྱེད་དགོངས། །བརྟེན་ཅིང་བསྒྲུབ་པའི་རྩ་བ་གསུམ། །མོས་འདུན་གཏད་པ་སུན་མ་ཕྱུང་། །བསྙེན་སྒྲུབ་བརྩམས་པ་ཡིད་མ་གཅོད། །མཆོད་གཏོར་ཕུལ་བའི་ཆོས་སྐྱོང་རྣམས། །གསོལ་མཆོད་བྱས་པ་ཆུད་མ་གསོན། །སྣང་སྲིད་ལྷ་སྲིན་སྡེ་བརྒྱད་རྣམས། །རྒྱལ་བ་རྣམས་ཀྱིས་བཀའ་བསྒོས་ལྟར། །དམ་ཚིག་དྲན་པས་འཕྲིན་ལས་མཛོད། །མངོན་སྤྱོད་དྲག་པོའི་དུས་ལ་བབས། །ཉམས་པའི་དགྲ་བགེགས་བྱད་མ་འདིས། །བླ་མའི་སྐུ་དང་བསྟན་ལ་བསྡོས། །སྡིག་ལྟུང་མི་དགེ་མཚམས་མེད་སྤྱད། །ད་ལྟ་བདག་གི་དགྲ་རུ་ལངས། །རྣལ་འབྱོར་བདག་ལ་ལྷ་མེད་ཟེར། །རྩ་གསུམ་སྲུང་མར་མཐུ་མེད་ཟེར། །དེ་ཕྱིར་བསྒྲལ་བའི་ཞིང་བཅུ་འདི། །མཐུ་སྟོབས་དྲག་པོས་མ་བསྒྲལ་ན། །རྗེས་འཇུག་རྣལ་འབྱོར་སུ་ལ་རེ། །སངས་རྒྱས་བསྟན་པ་མི་འཇིག་གམ། །དེ་ཕྱིར་ཐུགས་རྗེའི་ཤུགས་ཕྱུངས་ཤིག །དེ་ཕྱིར་ནུས་པའི་སྟོབས་སྐྱེད་ཅིག །༈ ཧཱུྃ་བྷྱོ། ད་ནི་ཟོར་འཕེན་དགྲ་འཕེན། །ད་ནི་ཟོར་འཕེན་བགེགས་ལ་འཕེན། །ང་ནི་ཁྲག་འཐུང་ཁྲོ་བོའི་རྒྱལ། །ང་ནི་ཁྲག་འཐུང་ཁྲོ་མོའི་གཙོ་མོ་བརྒྱུད་ལ་ཞལ་བསྒྱུར། འཁོར་འདས་སྐྱེ་འགྲོ་ང་ཡི་དབང་། །ཐམས་ཅད་མ་ལུས་ང་ཡི་བྲན། །ཟ་གསོད་བརྔམ་པའི་ཕོ་ཉ་ནི། །སྤྲུལ་པ་འབུམ་འབུམ་གྲངས་མེད་འཕྲོ། །དམག་ཚོགས་ལས་ལ་ཉེར་རེ་རེ། །དགྲ་བགེགས་ཆམ་ལ་ད་ཕོབ་ཅིག །སྡེ་བརྒྱད་ལས་ལ་ཤ་ར་ར། །དོན་སྙིང་དམར་པོ་ཁྱེར་ལ་ཤོག །རྣོ་ངར་མཚོན་ཆ་ཟངས་སེ་ཟང་། །མཚོན་གྱི་གྲུ་གུ་དགྲ་ལ་གཡོས། །ནད་ཀྱི་ན་བུན་ཐུ་ལུ་ལུ། །བཞི་བརྒྱ་རྩ་བཞིས་དགྲ་སྲོག་ཆོད། །མཚོན་གྱི་ཆར་པ་སི་ལི་ལི། །དམ་ཉམས་དགྲ་བགེགས་སྟེང་དུ་ཕོབ། །ཀི་སྒྲ་མང་པོ་དི་རི་རི། །གོ་ཐོབ་མགྱོགས་པའི་རྟ་ལ་ཞོན། །བསོ་སྒྲ་མང་པོ་ཀྱུ་རུ་རུ། །མྱུར་མགྱོགས་བང་རྩལ་ལྡན་པས་རྒྱུག །རྒྱོབ་སོད་སྒྲ་སྐད་ལྷངས་སེ་ལྷང་། །ད་སོད་ད་གཏུབས་རྡུལ་དུ་རློགས། །མེ་རླུང་འཚུབ་མ་འུ་རུ་རུ། །སྲེགས་ཤིག་ཐལ་བ་རླུང་གིས་གཏོར། །མགྱོགས་པའི་རྟ་རྒྱུག་སྤྲེངས་སེ་སྤྲེང་། །སྟོང་གསུམ་བང་གིས་སྐོར་ལ་སྒྲོལ། །ཤྭ་ཐོགས་རྩིས་མཁན་ཐ་ར་ར། །རྩིས་ལ་མ་ནོར་དགྲ་བགེགས་ཐོབ། །ཁྲམ་ཐོགས་བདུད་པོ་ཡེ་རེ་རེ། །མ་འགྱངས་ཁྲམ་ལ་དགྲ་བགེགས་ཐོབ། །སྲོག་གཅོད་བཤན་པ་སྤུངས་སེ་སྤུང་། །སྙིང་རྗེ་མེད་པར་མྱུར་དུ་སྒྲོལ། །ཤ་ཟ་ཁྲག་འཐུང་འཇིབས་སེ་འཇིབ། །རྡུལ་ཙམ་མ་ལུས་ད་ཟོ་ཅིག །ཚ་བའི་མེ་ཟོར་ཐོ་རོ་རོ། །མཐུ་སྟོབས་མེ་ཐུན་འབར་བས་སྲེགས། །གྲང་བའི་ཆུ་ཟོར་ཆི་ལི་ལི། །ཐར་མེད་རྒྱ་མཚོའི་ཀློང་དུ་བསྟིམ། །གཡབ་པའི་རླུང་ཟོར་ཚུབས་སེ་ཚུབ། །སྤུ་གྲི་རླུང་གི་འཁོར་ལོར་བསྐྱོན། །ཀོང་གི་ས་ཟོར་ཐིབས་སེ་ཐིབ། །རི་རབ་གླིང་དགུའི་འོག་ཏུ་གནོན། །སྔགས་ཀྱི་གཏོར་ཟོར་ཆེམས་སེ་ཆེམ། །ནད་གདོན་ཐན་ངན་ཆར་པ་ཕོབ། །འཕེན་པའི་རྡོ་ཟོར་ཧྲི་ལི་ལི། །རྫ་ལྟར་ཉིལ་ལ་དགྲ་བགེགས་རློག །བསད་པའི་མཚོན་ཟོར་ཟངས་སེ་ཟང་། །སྣ་ཚོགས་མཚོན་ཆར་དགྲ་ལ་ཕོབ། །དྲག་པོའི་ཡུངས་ཟོར་ཐོ་རོ་རོ། །སེར་ཆེན་ལྟར་འདྲིལ་དགྲ་བགེགས་སྒྲོལ། །ནམ་མཁའི་སྒོང་ཟོར་ཡ་ལ་ལ། །སྐྱེ་མེད་དབྱིངས་ལ་རྣམ་ཤེས་སྦྱོར། །རྣོ་བའི་མདའ་ཟོར་ཀྱུ་རུ་རུ། །བུ་ཡུག་ལྟར་འཚུབ་དགྲ་བགེགས་སྒྲོལ། །ཁྲག་ཟོར་ནད་དུ་ཆི་ལི་ལི། །དམར་ཡམས་ནད་ཀྱིས་ད་སོད་ཅིག །འཚེ་ཟོར་མདུང་ལྟར་ཟངས་སེ་ཟང་། །དགྲ་བགེགས་དོན་སྙིང་ཚལ་པར་ཁོས། །ཕོ་རྒྱུད་རྩད་ནས་ཆོད་ལ་ཤོག །སྟེང་གི་ཁྱོ་ལ་ཟོར་འདི་ཡ། །མོ་རྒྱུད་མངལ་ནས་སྐོམས་ལ་ཤོག །འོག་གི་ཆུང་མར་ཟོར་འདི་ཡ། །འཕེན་པོ་དྲུང་ནས་ཕྱུངས་ལ་ཤོག །ཕ་ཚན་སྡེ་ལ་ཟོར་འདི་ཡ། །རྨངས་པོ་རྩད་ནས་ཆོད་ལ་ཤོག །མཆན་གྱི་བུ་ལ་ཟོར་འདི་ཡ། །འདུ་བ་རྣམ་བཞི་ཁོང་ནས་སློངས། །སྲོག་གི་རྩ་ལ་ཟོར་འདི་ཡ། །ཕུང་ཐབས་སྣ་དགུས་རྗེས་མེད་ཐོང་། །སྒོ་ཡི་ནོར་ལ་ཟོར་འདི་ཡ། །ནད་གདོན་བར་ཆད་དམག་སྒར་ཐོབ། །ལྟས་ངན་ཆོ་འཕྲུལ་སྣ་ཚོགས་ཐོང་། །ཁ་ཕུང་རྗེས་མེད་རྡུལ་དུ་རློག །བཅོལ་བའི་འཕྲིན་ལས་གྲུབ་པར་མཛོད། །ཅེས་བརྗོད་ཟོར་སྣ་ཐམས་ཅད་དགྲ་ཕྱོགས་ལ་གཏད། བཞེས་འདྲེན་སྟངས་སྟབས་བསྒྱུར། །མངྒ་ལཾ།། །།
གསེར་སྐྱེམས་མཆོད་པ་འདོད་དོན་ལྷུན་གྲུབ།
གསེར་སྐྱེམས་མཆོད་པ་འདོད་དོན་ལྷུན་གྲུབ་ཀུན་བཟང་ཐེག་མཆོག་རྒྱ་མཚོས་མཛད་པ་བཞུགས། །གསེར་སྐྱེམས་ནི། རཾ་ཡཾ་ཁཾ་གིས་གསེར་སྐྱེམས་ཀྱི་མ་དག་པ་རྣམས་སྦྱངས། སྟོང་པའི་ངང་ལས་བྷྲུྃ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་གསེར་སྐྱེམས་ཀྱི་མཆོད་པ་གཟུགས་སྒྲ་དྲི་རོ་རེག་བྱ་འདོད་པའི་ཡོན་ཏན་ལྔ་དང་ལྡན་པ་བླ་མ་ཡི་དམ་མཁའ་འགྲོ་ཆོས་སྐྱོང་སྡེ་བརྒྱད་ཡུལ་ལྷ་ག །ཞི་བདག་རིགས་དྲུག་གི་སེམས་ཅན་དང་བཅས་པའི་ཡར་གནས་ཀྱི་ཐུགས་དམ་སྐོང་ཞིང་མར་གནས་རྣམས་ཀྱི་དབང་པོ་ཚིམ་པའི་ནུས་པ་དང་ལྡན་པར་གྱུར། ཨཱོཾ་ཨཱཿཧཱུྃ། གསེར་སྐྱེམས་ཐོགས་ལ། གསེར་སྐྱེམས་ཀྱི་མཆོད་པ་འདོད་པའི་ཡོན་ཏན་ལྔ་དང་ལྡན་པ་དཔལ་ཀུན་ཏུ་བཟང་པོའི་མཆོད་པའི་སྤྲིན་ཀྱི་ཕུང་པོ་ཟད་མི་ཤེས་པ་འདི་ཉིད་རིག་འཛིན་རྩ་བརྒྱུད་ཀྱི་བླ་མ་དམ་པ་གནས་གསུམ་གྱི་དཔའ་བོ་དང་མཁའ་འགྲོའི་ཚོགས་རྣམས་ལ་མགྲོན་ནོ། བསྔོའོ། དགྱེས་པ་ཆེན་པོས་བཞེས་ནས་དེང་འདིར་བསྲུང་ཟློག་བསད་མནན་བསྲེག་འཕང་སོགས་མངོན་སྤྱོད་དྲག་པོའི་འཕྲིན་ལས་ད་ལྟ་ཉིད་དུ་འགྲུབ་པའི་མཐུ་དཔུང་སྐྱེད་ཅིང་སྡོང་གྲོགས་མཛད་དུ་གསོལ་ལོ། ༈ ཁྱད་པར་དུས་གསུམ་སངས་རྒྱས་ཐམས་ཅད་འདུས་པའི་སྤྱི་གཟུགས་བཅོམ་ལྡན་འདས་བདེ་མཆོག་དབང་གི་འཁོར་ལོ་རིག་འཛིན་ཐོད་པ་རྩལ་ཡབ་ཡུམ། ཆེ་མཆོག་ཡོན་ཏན། འཇམ་དཔལ་སྐུ། པདྨ་གསུང་། ཡང་དག་ཐུགས། ཕུར་པ་འཕྲིན་ལས། མ་མོ་རྦོད་གཏོང་། འཇིག་རྟེན་མཆོད་བསྟོད། དམོད་པ་དྲག་སྔགས་ལ་སོགས་ཡི་དམ་དཀྱིལ་འཁོར་གྱི་ལྷ་ཚོགས་འཁོར་དང་བཅས་པ་རྣམས་ལ་མགྲོན་ནོ། བསྔོའོ། དགྱེས་པ་ཆེན་པོས་བཞེས་ནས་དེང་འདིར་བསྲུང་བཟློག་བསད་མནན་བསྲེགས་འཕང་སོགས་མངོན་སྤྱོད་དྲག་པོའི་འཕྲིན་ལས་ད་ལྟ་ཉིད་དུ་འགྲུབ་པའི་མཐུ་དཔུང་བསྐྱེད་ཅིང་སྡོང་གྲོགས་མཛད་དུ་གསོལ། ༈ ཁྱད་པར་བཅོམ་ལྡན་འདས་རྟ་གདོང་ཁྲོས་པའི་རྒྱལ་པོ་དབང་ཆེན་དྲེགས་པ་ཟིལ་གནོན་གྱི་ལྷ་ཚོགས་འཁོར་དང་བཅས་པ་རྣམས་ལ་མགྲོན་ནོ། བསྔོའོ། དགྱེས་པ་ཆེན་པོས་བཞེས་ནས་དེང་འདིར་བསྲུང་བཟློག་བསད་མནན་བསྲེགས་འཕང་སོགས་མངོན་སྤྱོད་དྲག་པོའི་འཕྲིན་ལས་ད་ལྟ་ཉིད་དུ་འགྲུབ་པའི་མཐུ་དཔུང་བསྐྱེད་ཅིང་སྡོང་གྲོགས་མཛད་དུ་གསོལ། ༈ ཁྱད་པར་རབ་འབྱམས་རྒྱལ་བ་ཀུན་འདུས་དབང་དྲག་པདྨའི་ལྷ་ཚོགས་འཁོར་དང་བཅས་པ་རྣམས་ལ་མགྲོན་ནོ། བསྔོའོ། དགྱེས་པ་ཆེན་པོས་བཞེས་ནས་དེང་འདིར་བསྲུང་བཟློག་བསད་མནན་བསྲེགས་འཕང་སོགས་མངོན་སྤྱོད་དྲག་པོའི་འཕྲིན་ལས་ད་ལྟ་ཉིད་དུ་འགྲུབ་པའི་མཐུ་པུང་བསྐྱེད་ཅིང་སྡོང་གྲོགས་མཛད་དུ་གསོལ། ༈ ཁྱད་པར་དུས་གསུམ་རྒྱལ་བའི་ཡུམ་མཆོག་བཅོམ་ལྡན་འདས་རྡོ་རྗེ་ཕག་མོ་ཁྲོས་མ་ནག་མོ། བདེ་ཆེན་དཀར་མོ། དོན་གྲུབ་སེར་མོ། དམར་མོ་སྒྲ་སྒྲོག །སྣ་ཚོགས་མཐར་ཕྱིན་མ་སོགས་མཁའ་འགྲོ་རྒྱ་མཚོའི་དཀྱིལ་འཁོར་གྱི་ལྷ་ཚོགས་འཁོར་དང་བཅས་པ་རྣམས་ལ་མགྲོན་ནོ། བསྔོའོ། དགྱེས་པ་ཆེན་པོས་བཞེས་ནས་དེང་འདིར་བསྲུང་བཟློག་བསད་མནན་བསྲེགས་འཕང་སོགས་མངོན་སྤྱོད་དྲག་པོའི་འཕྲིན་ལས་ད་ལྟ་ཉིད་དུ་འགྲུབ་པའི་མཐུ་པུང་བསྐྱེད་ཅིང་སྡོང་གྲོགས་མཛད་དུ་གསོལ། ༈ ཁྱད་པར་མཁའ་འགྲོ་ཀུན་གྱི་གཙོ་མོ་བདུད་འདུལ་སེང་གེའི་གདོང་པ་ཅན་གྱི་ལྷ་ཚོགས་འཁོར་དང་བཅས་པ་རྣམས་ལ་མགྲོན་ནོ། བསྔོའོ། དགྱེས་པ་ཆེན་པོས་བཞེས་ནས་དེང་འདིར་བསྲུང་བཟློག་བསད་མནན་བསྲེགས་འཕང་སོགས་མངོན་སྤྱོད་དྲག་པོའི་འཕྲིན་ལས་ད་ལྟ་ཉིད་དུ་འགྲུབ་པའི་མཐུ་དཔུང་བསྐྱེད་ཅིང་སྡོང་གྲོགས་མཛད་དུ་གསོལ། ༈ དེ་རྣམས་ཀྱི་དཀྱིལ་འཁོར་གང་ཡིན་འབྱིན་འཇུག་བྱས་མཐར། ༈ བསྟན་སྲུང་རྒྱ་མཚོའི་སྡེ་དཔོན་ས་བཅུའི་དབང་ཕྱུག་དཔལ་ཡེ་ཤེས་ཀྱི་མགོན་པོ་མ་ཧཱ་ཀ་ལ་ཕྱག་བཞི་པ་སོགས་དྲེགས་པ་ཕོ་བརྒྱུད་ཀྱི་སྲུང་མ་གཙོ་འཁོར་སྤྲུལ་པ་ཡང་སྤྲུལ་དང་བཅས་པ་རྣམས་ལ་མགྲོན་ནོ། བསྔོའོ། ༈ དཔལ་ལྡན་ལྷ་མོ་རེ་མ་ཏི་འདོད་པ་ཁམས་ཀྱི་དབང་ཕྱུག་དུད་པའི་སོལ་བ་མ་དམག་ཟོར་ཀྱི་རྒྱལ་མོ། སྔགས་སྲུང་ཨེ་ཀ་ཛ་ཊི་སོགས་དྲེགས་པ་མོ་བརྒྱུད་ཀྱི་སྲུང་མ་གཙོ་འཁོར་སྤྲུལ་པ་ཡང་སྤྲུལ་དང་བཅས་པ་རྣམས་ལ་མགྲོན་ནོ། བསྔོའོ། དཔལ་མགོན་མ་ནིང་ནག་པོ་སོགས་དྲེགས་པ་གཉིས་མེད་ཀྱི་སྲུང་མ་གཙོ་འཁོར་སྤྲུལ་པ་ཡང་སྤྲུལ་དང་བཅས་པ་རྣམས་ལ་མགྲོན་ནོ། བསྔོའོ། འཇིག་རྟེན་ཁམས་ན་དྲག་རྩལ་ཆེ་བ་ཁྱབ་འཇུག་ཆེན་པོ་རཱ་ཧུ་ལ། གསང་སྔགས་གཏེར་ཀྱི་སྲུང་མ་དམ་ཅན་སྐྱེས་བུ་ཆེན་པོ། སྤྲུལ་པའི་ཆོས་རྒྱལ་སྐུ་ལྔ་སོགས་བསྟན་པ་བསྲུང་བའི་དམ་ཅན་ཆོས་སྐྱོང་རྣམས་ལ་མགྲོན་ནོ། བསྔོའོ། བྱེ་བྲག་ཏུ་སྟེང་གི་ནམ་མཁའ་ན་རྒྱུ་བ་གཟའ་རྒྱུ་སྐར། བར་སྣང་ལ་འཕྱོ་བ་གཉེན་རིགས་སྡེ་བཞི། ས་གཞི་ལ་དབང་བ་ས་བདག་རྗེ་བློན། ལོ་ཟླ་ཞག་དུས་ཚེས་གྲངས་དུས་ཚོད་ལ་དབང་བའི་ལྷ་ཀླུ་འབྱུང་པོ། སྲིད་པ་ཆགས་པའི་ལྷ་དགུ། རྗེ་ཡི་མགུར་ལྷ། འབངས་ཀྱི་སྲོག་ལྷ། བསྟན་མ་བཅུ་གཉིས། ཡུལ་ཕྱོགས་ས་ཕྱོགས་འདི་དག་གི་ཡུལ་ལྷ་གཞི་བདག །མདོར་ན་སྒོ་སྐས་ལམ་འཕྲང་ལ་གནས་པའི་མི་མ་ཡིན་རྣམས་ལ་མགྲོན་ནོ། བསྔོའོ། རྣལ་འབྱོར་པ་བདག་གིས་མདོས་ཟོར་བསད་མནན་བསྲེགས་འཕང་སོགས་མངོན་སྤྱོད་དྲག་པོའི་འཕྲིན་ལས་རྩོམ་པ་ལ་རུ་ང་ཕྲག་དོག་མ་བྱེད་ཀུ་རེ་དང་ཀྱལ་ཁ་མ་བྱེད། ཞི་བ་བྱང་ཆུབ་ཀྱི་སེམས་དང་ལྡན་པས་སྡོང་གྲོགས་དང་དཔུང་གཉེན་གཡེལ་བ་མེད་པར་མཛོད་ཅིག །རིགས་དྲུག་གི་སེམས་ཅན་རྣམས་དང་བགེགས་རིགས་ལན་ཆགས་ཀྱི་སྡེ་ཚོགས་རྣམས་ལ་མགྲོན་ནོ། བསྔོའོ། སོ་སོར་ཡིད་ལ་གང་འདོད་པའི་ལོངས་སྤྱོད་མི་འཛད་པའི་གཏེར་དུ་གྱུར་ནས་ཕམ་རྒྱལ་དང་ཉེ་རིང་མེད་པར་ཐོབ་ནས་ལན་ཆགས་དང་བུ་ལོན་ཐམས་ཅད་བྱང་ཞིང་འཁོར་ནས་ཕན་བདེ་ལེགས་ཚོགས་འབྱུང་བའི་གཞི་དམ་པར་གྱུར་ཅིག །དེ་ནས་གསེར་སྐྱེམས་མཆོད་པའམ་དཀར་གཏོར་དང་སྲིད་པ་ཧུའི་ཕྱག་རྒྱའི་ཙཀླི་བཙུགས་ན་དེའི་རྒྱབ་ཡིག་ཀློག་ནས་གསེར་སྐྱེམས་མཆོད།། །།
དབང་ཆེན་དྲེགས་པ་ཟིལ་གནོན་གྱི་བསྙེན་སྒྲུབ་ལ་མཁོ་བའི་ཡི་གེ་སྒྲོན་མའི་སྣང་བ།
དབང་ཆེན་དྲེགས་པ་ཟིལ་གནོན་གྱི་བསྙེན་སྒྲུབ་ལ་མཁོ་བའི་ཡི་གེ་སྒྲོན་མའི་སྣང་བ་ཞེས་བྱ་བ་བཞུགས་སོ། །བླ་མ་དང་དབང་ཆེན་རྟ་མགྲིན་དབྱེར་མ་མཆིས་པའི་ཞབས་ལ་གུས་པས་ཕྱག་འཚལ་ལོ། །འདི་ཉིད་བསྒྲུབ་པར་བྱ་བ་ལ། དང་པོ་དབང་ཐོབ་ཅིང་དམ་ཚིག་དང་ལྡན་པའི་རྣལ་འབྱོར་པས་དབེན་པའི་གནས་སུ་སྒྲུབ་པའི་དཀྱིལ་འཁོར་རྡུལ་མཚོན་རས་བྲིས་གང་ཡང་རུང་ཞིང་། སྒྲུབ་གཏོར་བླ་རྡོ་རྫས་ལྡན་དར་གུར་ཕུབ་པ། སྨན་རཀ་མཆོད་པ་ཕྱི་ནང་སོགས་དཔེའུ་རིས་དང་མཐོང་བ་བརྒྱུད་པའི་ལག་ལེན་རྣམ་པར་དག་པ་ལས་ཤེས་དགོས། བསྐྱེད་རིམ་རྣམ་པ་གསལ་ཕྱིར་རྟ་མགྲིན་གཙོ་འཁོར་གྱི་བྲིས་སྐུ་ཆ་ཚད་རབ་གནས་ལྡན་པ་ཡོད་ན་བཀྲམ། བསྐང་བའི་རྫས་དངོས་སམ་བྲིས་འབུར་གང་རུང་བཤམས། མི་འབྱོར་བ་ངེས་པ་ཅན་མིན་ཕྱིར་བཅའ་གཞི་ཕྲ་མོ་ཙམ་ཡང་གཞུང་བཤད་ལྟར་བྱ་དགོས་ཤིང་། དེ་དག་ལ་དགོས་ཆེད་དུ་མ་ཡོད་པའི་ཕྱིར་རོ། །དེ་ཡང་རྒྱུད་ལས། དབང་དྲག་ལས་ཀྱི་སྣོད་ལྡན་གྱི༔ སྐལ་པར་ལྡན་པ་གང་དག་གིས༔ རབ་ཏུ་འཇིགས་པའི་དུར་ཁྲོད་དང་༔ ཚང་ཚིང་འཁྲིགས་ཤིང་རྩུབ་པའི་ལུང་༔ ཞེས་སོགས་དང་། ཡང་ན་དབང་གི་དཔལ་གྱིས་རྒྱན༔ གནམ་ས་ཟླ་གམ་དབྱིབས་ཅན་དང་༔ ཆུ་བོ་དབང་གི་རྒྱུན་ལམ་ལྡན༔ ཤིན་ཏུ་དབེན་པའི་བས་མཐའ་ན༔ ཁྲོ་བོ་ཆེན་པོའི་ཏིང་འཛིན་གྱིས༔ གཉུག་མར་གནས་ལས་ས་བླངས་ཏེ༔ སྟེགས་བུ་འདོམ་གང་གྲུ་བཞི་བཅད༔ ཞེས་དཀྱིལ་འཁོར་གྱི་རྒྱ་དང་། འདོམ་ཕྱེད་དབང་ཆེན་ས་ལས་འཐོན༔ ཞེས་དབང་གི་ཚད་དོ། །དེ་ལྟར་བཅའ་གཞི་རྣམས་ལེགས་པར་གྲུབ་ནས། བསྙེན་ཡིག་སྤྱི་འགྲོས་ལྟར་ཤེས་པའི་དབང་དུ་བྱས་ནས། ལས་བྱང་གཞུང་བསྲང་ཞིང་། །རང་དང་དཀྱིལ་འཁོར་སྒྲུབ་རྫས་གཏོར་མ་སོགས་གྱེར་ཚིག་གིས་སོ་སོར་གསལ། དེའང་ཕྱི་གཟུང་བའི་ཡུལ་དང་། ནང་འཛིན་པའི་སེམས་གཉིས་ཀྱིས་བསྡུས་པའི་ཆོས་རྣམས་རང་བཞིན་རྣམ་པར་དག་པའི་ངང་ལས། དེ་ལྟར་མ་རྟོགས་པའི་འཁྲུལ་པའི་འགྲོ་བ་རྣམས་ལ་རྒྱུའི་སེམས་ཉིད་གནམ་ལྕགས་ཀྱི་གྲི་གུག་ཧཱུྃ་ཡིག་དམར་པོའི་མཚན་པར་བསྒོམ་པའི་ཧཱུྃ་ལས་ཨེ་མཐིང་ནག་ལས་ནམ་མཁའ། ཡཾ་ལྗང་གུ་ལས་རླུང་དཀྱིལ་བཾ་དཀར་པོ་ལས་ཁྲག་ཞག་གི་རྒྱ་མཚོ། ལཾ་སེར་པོ་ལས་ཤ་ཆེན་གྱི་ས་གཞི་ཀེཾ་དཀར་པོ་ལས་གནམ་ལྕགས་ཨུརྨོའི་གཞལ་ཡས་གྲུ་བཞི་སྒོ་བཞི་པ། ཕྱི་མཆོད་རྟེན་ལྟ་བུ་བང་རིམ་དགུ་པ། ནང་ཡངས་ཤིང་རྒྱ་ཆེ་བར་རཾ་ཡིག་དམར་ནག་རབ་ཏུ་འཁྲུགས་པ་ལས་བསྐལ་པ་འཇིགས་དུས་ཀྱི་མེ་ལྟར་འབར་བའི་ཀློང་དུ། བྷྲཱུྃ་ལས་ཆོས་ཀྱི་དབྱིངས་ཆེན་པོར་ལྷ་གནས་འཁོར་ལོ་རྩིབས་བརྒྱད་པའི་དབུས་ཆོས་འབྱུང་ཟུར་གསུམ་ཟླ་གམ་དམར་པོའི་སྟེང་པདྨ་ཉི་ཟླ་དྲེགས་པ་ཕོ་མོ་བསྒྲལ་བའི་གདན་གྱི་སྟེང་དུ་རྒྱུ་ཡི་ས་བོན་སེམས་ཉིད་རྡོ་རྗེ་ཧཱུྃ་ཡིག་གིས་མཚན་པ་དེ་ཉིད་སྐར་མདའ་ལྷུང་བའམ་ཁྲ་གཟན་ལ་འཇུམ་པ་ལྟར་བབ་པ་ལས་འོད་ཟེར་དཀར་དམར་མཐིང་གསུམ་གྱི་འཕྲོ་འདུས་རིམ་བཞིན་སངས་རྒྱས་དང་བྱང་སེམས་རྒྱལ་བ་ཞི་ཁྲོ་སྤྲུལ་འཁོར་དང་བཅས་པར་མཉེས་མཆོད་ཕུལ། བྱིན་བརླབས་ནུས་སྟོབས་ཐམས་ཅད་འོད་ཀྱི་རྣམ་པར་བསྡུས་འགྲོ་བ་སེམས་ཅན་རྣམས་ཀྱི་ལས་ཉོན་བག་ཆགས་སྦྱངས། དགྲ་བགེགས་ཐམས་ཅད་ཚར་བཅད་ཐམས་ཅད་དཔལ་ཆེན་པོའི་གོ་འཕང་ལ་བཀོད། ནུས་སྟོབས་དང་བཅུད་ཐམས་ཅད་འོད་ཀྱི་རྣམ་པར་བསྡུས་ཏེ་རྡོ་རྗེ་ཧཱུྃ་དང་བཅས་པ་ལ་ཐིམ་པས། རང་གི་སྒོ་གསུམ་གྱི་སྒྲིབ་པ་བག་ཆགས་སྦྱངས་བུམ་པ་གསང་བ་ཤེས་རབ་ཡེ་ཤེས་སྟེ་དབང་བཞིའི་རྟོགས་པ་མངོན་དུ་གྱུར་ནས། སྲིད་ཞིའི་ཡོན་ཏན་སྟོབས་རྩལ་ནུས་པ་རབ་ཏུ་རྒྱས་ནས་སྐད་ཅིག་གིས་གནས་འགྱུར་བ་ལས་དབང་ཆེན་ཁྲོ་བོའི་རྒྱལ་པོ་དྲེགས་པ་ཟིལ་གནོན་ཡབ་ཡུམ་གནས་ལྔའི་རྟ་ཕག་རིགས་ལྔ་ཡབ་ཡུམ་རིགས་བདག་དང་ཁྱུང་ཆེན་འབར་བ། ཡབ་ཡུམ་སྲས་གསུམ་ཕྱག་རྡོར། འཁོར་ལོའི་རྩིབས་སྟེང་སྡེ་བརྒྱད་དྲེགས་པའི་ཚོགས་གནམ་ལྕགས་པུ་རི་འབར་བའི་སྒོ་སྲུང་རྒྱལ་ཆེན་སྡེ་བཞི། དཔལ་མགོན་བདུན་ཅུ་དྲེགས་ཚོགས་སྤྲུལ་འཁོར་ཉི་རྡུལ་འཚུབས་པ་བཞིན་གསལ་ཞིང་དབྱིངས་ནས་གཟུགས་སྐུར་བཞེངས་པ་དབང་དྲག་འབར་བའི་ལྷ་ཚོགས་ཡེ་ཤེས་པ་སྤྱན་དྲངས། བདག་མདུན་རྣམས་ལ་ཐིམ། ཕྱག་མཆོད་བསྟོད་པ་དང་བཅས་ཚིག་ཕྱིར་སེམས་གཞོལ་བས་གསལ་བཏབ། དེ་ཡང་རྒྱུད་ལས༔ རྒྱུ་རྐྱེན་དམིགས་མེད་ངོ་བོས་སྟོང་༔ དམིགས་པའི་དབྱིངས་ཟད་འཛིན་མེད་གྲོལ༔ རང་གྲོལ་རང་ཤར་རང་གསལ་ལྡན༔ ཞེས་དང་། ནམ་མཁའི་ཁམས་ནས་འཇའ་ཤར་ལྟར༔ གསལ་བའི་ཕྱག་རྒྱའི་འཁོར་ལོ་བསྒྱུར༔ རྒྱ་མཚོ་ཆེན་པོ་ཟླ་བ་བཞིན༔ རྟོག་པ་བྲལ་བའི་དབྱིངས་སུ་བསྟིམ༔ མེ་ལོང་གཟུགས་ཀྱི་སྣང་བ་ལྟར༔ ཡི་དམ་ལྷ་སྐུ་ཕྱག་རྒྱ་ཆེ༔ ཞེས་དང་སྟོང་ཞིང་སྙིང་རྗེའི་ཆོ་འཕྲུལ་ལས༔ ལྷག་པའི་ལྷ་མཆོག་ལྷ་ཡི་ལྷ༔ ཉོན་མོངས་རྒོལ་བ་འཇོམས་པ་པོ༔ ཡེ་ཤེས་མེ་ཡིས་མུན་པ་བསལ༔ གཅིག་ཏུ་མ་ངེས་དུ་མ་དང་༔ དུ་མ་ཐིག་ལེ་གཅིག་གི་ངང་༔ རྣམ་པར་བསྐྱེད་ཅིང་རྣམ་པར་གསལ༔ རྣམ་དག་སྒྱུ་མ་དམིགས་སུ་མེད༔ ང་མེད་ངར་འཛིན་རང་གྲོལ་འབར༔ དག་པ་རང་གྲོལ་དག་པའི་མཆོག༔ ཅེས་སོ། །མི་རྟོག་པའི་ཤེས་རབ་ཀྱིས་དངོས་པོ་འཛིན་པའི་རྟོག་པ་འཇོམས་ཤིང་འཆིང་བ་ཀུན་དང་བྲལ་ཞིང་། དྲེགས་པ་ཆེན་པོ་རྣམས་འདུལ་བའི་ཕྱིར་ཕྱག་རྒྱ་ཆེན་པོ་ཁྲོ་བོ་སྟེ་སྐུ་གསུམ་དབྱེར་མེད་པ་སྟོབས་བཅུ་དང་ལྡན་པ་ནི་གནས་དང་གནས་མ་ཡིན་པ་མཁྱེན་པའི་སྟོབས༔ ལས་བདག་གིར་བྱ་བ་དང་། བསམ་བསྟན་དང་༔ སྙོམས་འཇུག་དང་༔ ཉོན་མོངས་པ་ཅན་དང་༔ དབང་པོ་མཆོག་དམན་དང་༔ མོས་པ་སྣ་ཚོགས་དང་༔ ཁམས་སྣ་ཚོགས་དང་༔ ཐམས་ཅད་དུ་འགྲོ་བའི་ལམ་དང་༔ སྔོན་གནས་རྗེས་དྲན་དང་༔ འཆི་འཕོ་སྐྱེ་བ་དང་༔ ཟག་པ་ཟད་པའི་སྟོབས་དང་བཅུའོ༔ ཕ་རོལ་ཏུ་ཕྱིན་པ་དྲུག་རྫོགས་པས་དབང་བཅུ་དང་ལྡན་པ་ནི། ཚེ་དང་། སེམས་དང་། ཡོ་བྱད་དང་། ལས་དང་། སྐྱེ་བ་དང་། མོས་པ་དང་། སྨོན་ལམ་དང་། རྫུ་འཕྲུལ་དང་། ཡེ་ཤེས་དང་། ཆོས་ལ་དབང་བ་སྟེ། མདོར་ན་སངས་རྒྱས་རྣམས་ཀྱི་ཆེ་བའི་ཡོན་ཏན་དུ་མ་ཡོངས་སུ་རྫོགས་པས་གང་འདུལ་འཕྲིན་ལས་བསམ་གྱིས་མི་ཁྱབ་པའི་རང་བཞིན་ཅན་ནོ། །དེ་ལྟར་རྣམ་པ་གསལ་བ། རྣམ་དག་དྲན་པ། ང་རྒྱལ་བརྟན་པ། བསྐྱེད་རྫོགས་ཟུང་དུ་འཇུག་གལ་ཆེ་ཞིང་། བློ་རབ་ཀྱིས་ནི་སྣང་བའི་ངོ་བོ་བསྐྱེད་རིམ་གྱི་ཆ། སེམས་སྟོང་པའི་རང་མདངས་ཡེ་རྫོགས་རྟོགས་པས། སྣང་སྟོང་ཡ་བྲལ་དུ་མ་གྱུར་ན། བསྐྱེད་རྫོགས་ལྷན་ཅིག་པའི་ཕྱིར་བསྐྱེད་ནི་བསྐྱེད་རྒྱུ་མེད་པ་ལ་སྐྱེས་པའི་ཡེ་ཤེས་ཡེ་གསལ་ཆེན་པོ། རྫོགས་ནི་རྫོགས་རྒྱུ་མེད་དེ་ངོ་བོ་ཆོས་ཉིད་ཡེ་སྟོང་གདལ་ཁྱབ། གཉིས་མེད་ལྷུན་གྲུབ་ཏུ་རྟོགས་པས་ཡེ་རྫོགས་ཆེན་པོའོ། །བློ་འབྲིང་གིས་ནི་གོང་གི་ཡེ་རྫོགས་ཀྱི་རྩལ་མ་འབྱོངས་ནའང་ཡིན་ལུགས་ཕྱོགས་རྟོགས་ཙམ་གྱིས་ནི། སྣང་སྟོང་སྒྱུ་མ་ལྟ་བུའི་ངང་ནས་སྣང་སྟོང་སྒྱུ་མ་ལྟ་བུའི་ལྷར་གསལ་བ་དེའང་རང་གི་རྣམ་པར་རྟོག་པའི་འཕྲོ་འདུ་ཁོ་ན་སྟེ། དེའང་སེམས་ཀྱི་ཆོ་འཕྲུལ་ལས་བྱུང་ཞིང་། སེམས་ཉིད་སྐྱེ་འགགས་གནས་གསུམ་འགྲོ་འོང་གི་མཐའ་ཐམས་ཅད་བྲལ་བ་བསམ་བརྗོད་ཀྱི་ཡུལ་ལས་འདས་པར་ཐག་ཆོད་པས། བསྐྱེད་རྫོགས་ཟུང་འབྲེལ་དུ་འགྱུར་ཞིང་། སྒྲུབ་ཐབས་ལས། གཙོ་འཁོར་ཀུན་གྱི་གནས་གསུམ་འབྲུ་གསུམ་དང་༔ ཁྱད་པར་རང་རང་སྲོག་སྙིང་ས་བོན་རྣམས༔ ཉི་དཀྱིལ་སྟེང་འཁོད་སྔགས་འབྲུའི་འཁོར་ལོ་འཁོར༔ སོགས་སྒྲུབ་ཐབས་ཀྱི་དམིགས་པའི་འཕྲོ་འདུ་གསལ་སྣང་ལ་ནན་ཏན་བསླབ་ཅིང་སྣང་བ་སྐུ། གྲགས་པ་གསུང་། དྲན་རྟོགས་ཐུགས་རྡོ་རྗེ་གསུམ་དབང་ཆེན་ལྷའི་དཀྱིལ་འཁོར་དུ་ཡུལ་གསུམ་གསལ་བར་མ་གྱུར་བར་དུ་འབད་དགོས་པ་ནི། སྒྲུབ་པའི་དངོས་གཞི་ཏིང་འཛིན་ཁོ་ན་གཙོ་ཆེ་བའོ། །དང་པོ་འཇུག་དུས་དགོང་ཐུན་ནས་དབུ་འཛུགས། །དེ་ནས་ཉིན་གཉིས་པ་ནས་བཟུང་སྟེ་མཐར་མ་ཐོན་གྱི་བར་དུ་ཐུན་གྲངས་གང་ལ་བཞག་པ་དེ་མ་གཏོགས་བྲེལ་གཡེང་དང་བསྟུན་པའི་ཐུན་གྲངས་མང་ཉུང་སྣ་ཚོགས་མི་བྱེད། ཐུན་དྲུག་གམ། བཞིའམ། གཉིས་གང་མོས་བསྒྲིགས་མ་བབས། སྒྲུབ་ཐབས་རིམ་པ་གསུམ་པའི་ཟིན་བྲིས་ལ་ལྟ་རྟོག་ཞིབ་ཏུ་བྱའོ། །དགོང་ཐུན་ནམ་སྲོད་ཐུན་གྱི་མཐར་བཀའ་གཏེར་སྲུང་མཆོད། ཚོགས་དང་བསྐང་བ་ལྷག་མ་ཆད་མདོ་བསྟན་སྐྱོང་བྲོ་བརྡུང་རྫོགས་རིམ་བསྔོ་སྨོན་ཤིས་བརྗོད་མཐའ་རྒྱས་བྱའོ། །ཐེ་ཚོམ་དང་བྲལ་བར་བྱ་ཞིང་བརྩོན་འགྲུས་ཀྱི་རྩལ་འདོན་ཞིང་འབད་ན་ངེས་པར་འགྲུབ་བོ། །ཐུན་མཐའ་རྣམས་སུ། ཧཱུྃ་ཧྲཱི༔ དགོངས་ཤིག་ཐུགས་རྗེ་ཆེ་མངའ་བཅོམ་ལྡན་འདས༔ སོགས། དངོས་གྲུབ་བསྐུར་ཚིག་དང་ཡིད་ཀྱིས་དངོས་གྲུབ་བླངས་པའི་དམིགས་པ་བྱེད། དེ་ནས་སྒྲུབ་ཐབས་ནས་གསུངས་པའི། འབུམ་ཚོ་དགུ་ལ་ཁ་བསྐང་བའི་ཕྱིར་འབུམ་ཚོ་གཅིག་བཅས་ཁྱོན་བསྡོམས་འབུམ་ཚོ་བཅུ་ནི་ངེས་པར་མ་ཚར་ན་བསྙེན་གྲངས་མི་ཐེམ། རྟགས་ནི་དངོས་སམ་རྨི་ལམ་དུ་ཞལ་མཇལ་གསུང་ཐོས་རྣམ་དག་ཡིན་ངེས་བྱུང་ན་དང་། གཞན་ཡང་དགེ་བའི་ལྟས་སྣ་ཚོགས་པ་འབྱུང་ངོ་། །གང་ལའང་རེ་དོགས་མ་ཞུགས་པ་གལ་ཆེ། བསྙེན་པ་གོང་མ་ཐེམས་ནས་ཡབ་ཡུམ་སྲས་གསུམ་བསྙེན་པ་ལ་འཇུག་སྟེ་ཐུན་མགོ་རྣམས་སུ་སྒྲུབ་གཞུང་གོང་བསྙེན་བརྒྱ་རྩ་དམིགས་པ་དང་བཅས། དེ་ནས་མཆོད་བསྟོད་བྱས་ནས་ཡབ་ཡུམ་སྲས་གསུམ་བསྙེན་པ་གྲངས་གཞུང་ལས་ཉིས་འགྱུར་ཙམ་ལེགས། དེ་ལས་མང་ཡང་བཟང་ངོ་། །དེ་ནས་ཕྱི་རིམ་བཀའ་འཁོར་སྡེ་བརྒྱད་རྣམས་བསྙེན་པར་བྱའོ། །རང་རང་གི་སྲོག་ཡིག །ཚང་པ་ལ་ཨ། ཀླུ་ལ་ན། གཤིན་རྗེ་ལ་ཡ། གཟའ་ལ་ཤ །བཙན་ལ་ཙ། ཐེའུ་རང་ལ་རུ། བདུད་ལ་དུ། མ་མོ་ལ་མ། དམིགས་པའི་འཕྲོ་འདུ་རང་གཞུང་ལྟར། གྲངས་ཀྱི་རིམ་པ་གཞུང་ལྷག་ཙམ་མོ། །དེ་དག་གི་རྟགས་མངོན་དུ་གྱུར་ན་བསྙེན་སྒྲུབ་ཐེམས་ཤིང་། གང་ཡང་ལས་སུ་རུང་བའི་བསྙེན་པ་ནི་དེ་ཙམ་མོ། །སྒྲུབ་པ་གོང་འོག་བར་གསུམ་རྟགས་ཐོན་དུས་སྒྲུབ་གཏོར་བླ་རྡོ་དང་བཅས་པ་དབང་བཞི་ལེན་པ་ཐོ་རེངས་ཀྱི་དུས་ལ་སྦྱར། ལར་སྒྲུབ་པའི་གཙོ་བོ་ནི་ཏིང་ངེ་འཛིན་ཀློང་དུ་གྱུར་ན་གྲུབ་བོ། །དེ་ནས་ཐང་ལྷོད་དང་བྲལ་བས་བསྙེན་སྒྲུབ་སྤྱིའི་དམ་ཚིག་ལས་མ་འགལ་བར་དགོས། སྒྲུབ་པ་གསུམ་ཀ་ལ་ལས་བཞིའི་སྔགས་ཤམ་འོད་ཟེར་སྤྲོ་བསྡུ་ཟིན་རིས་ལྟར་གནད་དུ་བསྣུན། བསྙེན་པའི་གྲངས་དབང་པོ་ཡང་རབ་དང་ལས་རུང་ཙམ་ལ་དགོངས་པ་ནི་གཏེར་གཞུང་ལྟར་ཡིན་ལ། དེ་ཡང་སྤྱི་ཁྱབ་ལ་གཞུང་གི་རྩ་བསྙེན་བྱེ་བ་གསུམ་སོང་ནས་རྩ་བསྙེན་ཐུན་ཆུང་རེའི་མཐར་ཡབ་ཡུམ་སྲས་གསུམ་བསྙེན་པ་བཏང་བ་ལན་གསུམ་བསྐྱལ་དགོས་གསུངས་ཤིང་། དེ་ཡང་ལེགས་པ་ཡིན་ཏེ་གསང་སྔགས་སྤྱི་འགྲོས་བསྙེན་བསྒྲུབ་སྤྱིའི་མཚན་ཉིད་དེ་བསྐལ་པ་རྫོགས་ལྡན་ནས་གཉིས་ལྡན་སོགས་རིམ་བཞིན་གཉིས་འགྱུར་དུ་གསུངས་པ་དེར་ཡང་མ་ཟད། ཡིག་འབྲུ་ཉི་ཤུ་སུམ་ཅུ་ལ༔ བྱེ་བ་ལ་སོགས་བཟླས་པ་བྱ༔ ལྔ་བཅུ་བདུན་ཅུའི་ཡིག་འབྲུ་ལ༔ བདུན་འབུམ་ལ་སོགས་བཟླས་པ་བྱ༔ ཡིག་འབྲུ་བརྒྱ་ལ་སོགས་པ་ལ༔ སུམ་འབུམ་ལ་སོགས་བཟླས་པ་བྱ༔ ཞེས་གསུངས་པ་ལྟར། གྲངས་བསྙེན་མང་ཉུང་རང་གི་བློ་ཡི་ཟོལ་བྲལ་རྟགས་ངེས་ན་དེ་ཀའོ། །རྗེས་སྒྲུབ་པའི་ཤུལ་མི་མངོན་པར་བྱ༔ མཚན་རྟགས་བཟང་པོ་མི་བཤད། གསང་བར་འོས་པ་རྣམས་ཕྱར་གཡེང་མི་བྱ༔ སྒྲུབ་རྟེན་བླ་རྡོ་་སྐུ་ཙག་ལི་སྙིང་པོ་གསེར་ཡིག་ཅན་རྩེ་སོར་བཞི་པ་ཕོ་རྒྱུད་སྲུང་རྫས་སྟག་ཐོད་མ་རྙེད་ན་སྲེ་མོང་། ཀླུ་གཉེན་སྲུང་རྫས་ལྟོ་འཕྱེ་ཞེས་པ་མ་རྙེད་ན་བྱི་བ་སྔོན་མོའི་ལྤགས་པ། མོ་རྒྱུད་སྲུང་རྫས་དར་ལེ་བརྒན་གྱིས་དྲིལ། སྡེ་བརྒྱད་སྲུང་རྫས་ཤིང་ལྤགས་ཀྱི་ཁུག་མ་ཟུར་གསུམ་པའི་ནང་དུ་བཅུག་ལ། སྒྲུབ་དུས་གཏོར་མ་ལ་འཛུགས་ཤིང་སྒྲུབ་པ་ཐོན་ནས་རང་གི་ལུས་ལ་བཅང་། རྒྱུད་ལས༔ ལྟ་བ་གྱད་ཀྱི་རྟོགས་པ་ཡི༔ མན་ངག་སྒོམ་པའི་འཕྲང་བསལ་ནས༔ སྤྱོད་པ་ཤན་འབྱེད་རོ་སྙོམས་ཀྱིས༔ མཐར་ཕྱིན་དོན་ལ་རྩེ་གཅིག་སྤྱོད༔ ཅེས་མན་ངག་གསང་ཆེན་སྙིང་པོ་རྫོགས་རིམ་སངས་རྒྱས་སྣང་བ་མཐའ་ཡས་གར་ཀྱི་དབང་པོའི་དགོངས་པ༔ ལྟ་བའི་ཁྲིད་རིམ་བླ་ན་མེད་པ་ཡང་། རྒྱུད་ལྡན་བླ་མའི་ཞལ་ནས་ཐོས་པར་བྱ་ཞིང་། ཞི་ལྷག་ཟུང་འཇུག་གི་ངང་ནས་སྔོན་འགྲོས་རྒྱུད་སྦྱངས་ཤིང་དངོས་གཞི་དུག་ལྔ་རང་གྲོལ་རྣམ་དག་ཚོགས་བརྒྱད་ཕུང་པོ་ལྔ་རྣམས་དག་པའི་རང་བཞིན་དུ་སྦྱངས་ཕྱིར་ལྷ་བསྐྱེད་པ་ནས་བཟླས་པ་བྱ་བ་རྗེས་ནས་སྤྱོད་པ་སྤངས་བླང་འཛིན་མེད་ཚོགས་དྲུག་རང་གྲོལ་དུ་སྤྱད་པར་བྱ་བ་ནི་མཆོག་གི་གོ་འཕང་སྒྲུབ་པ་བླ་ན་མེད་པར་ཡིད་བཞིན་ཀྱི་ནོར་བུ་དབང་གི་རྒྱལ་པོ་ལས་ཀྱང་ཆེས་ཆེར་འཕགས་པའི་ཟབ་གསང་དམ་པའོ། །ཞེས་དབང་ཆེན་རྟ་མགྲིན་དྲེགས་པ་ཟིལ་གནོན་གྱི་བསྙེན་སྒྲུབ་ཀྱི་ཡི་གེ་ཞིག་དགོས་ཞེས་མདོ་སྨད་ཕྱོགས་རྒྱ་ཕག་དགོན་བཀྲ་ཤིས་གནས་རྫོང་ནས། ཕྲིན་ལས་རྒྱ་མཚོས་ནན་གྱིས་བསྐུལ་བའི་ངོར་མ་ལྡོག་ཙམ་དུ། ཐེག་མཆོག་བསྟན་པའི་རྒྱལ་མཚན་གྱིས་བྲིས་པའོ།། །།
རྟ་མགྲིན་དྲེགས་པ་ཟིལ་གནོན་གྱི་སྒྲུབ་ཐབས་རིམ་པ་གསུམ་གྱི་ཟིན་བྲིས་ཡིད་བཞིན་དབང་གི་རྒྱལ་པོ།
རྟ་མགྲིན་དྲེགས་པ་ཟིལ་གནོན་གྱི་སྒྲུབ་ཐབས་རིམ་པ་གསུམ་གྱི་ཟིན་བྲིས་ཡིད་བཞིན་དབང་གི་རྒྱལ་པོ་ཞེས་བྱ་བ་བཞུགས་སོ། །ཁྱབ་བདག་སྟོན་པ་རྒྱལ་བ་ཀུན་གྱི་ཡབ། །ཀུན་བཟང་པད་འབྱུང་དབང་ཆེན་ཧེ་རུ་ཀ། །སྒྱུ་འཕྲུལ་རྡོ་རྗེའི་གར་གྱིས་སྲིད་བཅུད་ཀུན། །གདོད་མའི་དབྱིངས་སུ་སྒྲོལ་མཛད་དེ་ལ་འདུད། །དེ་ཡང་དབང་ཆེན་དྲེགས་པ་ཟིལ་གནོན་གྱི་སྒྲུབ་ཐབས་ཅི་ལྟར་ཉམས་སུ་བླང་བའི་ཚུལ་ལ། ཐོག་མར་དགེ་བའི་རྒྱབ་དཔུང་ཚྭ་ཚྭ་གསུང་སྒྲོགས་སྲོག་བསླུ་ཚེ་ཐར་སྦྱིན་གཏོང་སོགས་གང་འགྲུབ་དང་དལ་འབྱོར་རྙེད་དཀའ་སྐྱབས་སེམས་སོགས་རྒྱུད་དང་འདྲེས་ངེས་རྣམས་བྱ། དེ་ནས་དགོང་ཐུན་ནས་དབུ་བརྩམས་གཞི་བདག་རྣམས་ལ་དཀར་གཏོར་འབུལ་ཞིང་བར་ཆད་མི་འབྱུང་བའི་ཕྲིན་ལས་བཅོལ། བགེགས་ལ་གཏོར་མ་སྦྱིན་ཞིང་བསྲུང་བའི་འཁོར་ལོ་རྡོ་རྗེའི་རྭ་གུར་མེ་མཚོན་གྱིས་མཚམས་བཏེགས་པར་བཅིངས་ལ་བསྙེན་སྒྲུབ་མ་ཚར་བར་མི་བསྡུ་ཞིང་ཐུན་མགོ་ཐམས་ཅད་དུའང་ལས་བྱང་གི་མཚམས་གཅོད་ཀྱི་ཚིག་འདོན་ཅིང་གསལ་འདེབས་རེ་བྱེད། སྒོ་དྲུང་ཐོ་དཀར་པོ་བརྩེགས་པ་རྒྱལ་ཆེན་བཞིར་མོས་ནས་གཏོར་མ་འབུལ་འཕྲིན་ལས་བཅོལ་སྒྲུབ་ཁོག་གང་རུང་ནས་ལེན་ཏེ་བྱ། གནས་གསར་པ་ཡིན་ན་གོང་ནས་ས་ཆོག་སོགས་དགོས་ཤིང་འདིར་རྙིང་པའི་དབང་དུ་བྱས་ནས་ས་ཆོག་དོར་བའོ། །དེ་ནས་གང་དུ་སྒྲུབ་པའི་གནས་དེར་གདན་ནང་ཚངས་ཀྱི་འོག་ཏུ་འབྲས་སམ་ས་དཀར་གྱི་གཡུང་དྲུང་གཡས་སྐོར་དུ་བྲིས་པའི་ཁར་འཁོད་རང་ཁ་གང་དུ་བལྟ་བ་དང་ཁ་སྤྲོད་ཀྱི་ཚུལ་དུ་སྟེགས་ནག་པོ་ལ་དུག་ཁྲག་གིས་ཆག་ཆག་གདབ་པའི་ཁར་ཐིག་ཚོན་བྱིན་རླབས་དང་ལྡན་པའི་དཀྱིལ་འཁོར་ཆོས་འབྱུང་ཟླ་གམ་རྩིབས་བརྒྱད་རྡོ་ར་མེ་རི་རྣམས་བྲི་བའམ་ཡང་ན་སྟེགས་ཁེབས་ལྡན་གྱི་སྟེང་དུ་རས་བྲིས་སམ་ཚོམ་བུ་བཀྲམ་པའི་དབུས་སུ་ཁྲིའུ་ཁར་སྒྲུབ་གཏོར་རྩེར་གཙོ་བོའི་སྐུ་ཡོད་ན་དང་། བླ་རྡོ་འཛུགས་ཤིང་དར་ཚོན་དམར་ནག་གི་གུར་ཕུབ། །མཆོད་གཏོར་སྒྲུབ་གཏོར་གཉིས་གཞུང་ལས་གཅིག་རང་གིས་ཆོག་པར་སྣང་ཡང་། ད་ལྟའི་ཕྱག་བཞེས་མཐོང་རྒྱུད་ལ་མཐའ་བསྐོར་དུའང་མཆོད་གཏོར་དང་སྨན་རག་བདུག་སྤོས་ཡོན་ཆབ་ཞལ་ཟས་མར་མེ་མེ་ཏོག་རོལ་མོ་སོགས་དང་བཀའ་གཏེར་སྲུང་མའི་གཏོར་མ་གཞན་ཡང་སྤྱན་གཟིགས་ཀྱི་བྱེ་བྲག་ཀྱང་ཅི་འབྱོར་བཀྲམ་སྲོལ་སྣང་བས་དེ་ལྟར་བྱེད། ཐོར་ཐུན་སོགས་ཐུན་ཐམས་ཅད་ཀྱི་མགོར་ངག་ནུས་བསྐྱེད་བྱེད་འགྱུར་སྔགས་ཕྲེང་བ་བྱིན་རླབས་རྣམས་རྒྱས་བསྡུས་ཅི་རིགས་བྱ། ཆོ་གའི་བཏང་ཚུལ་ཚིག་བདུན་གསོལ་འདེབས་སྔོན་འགྲོ་ཆོས་སྤྱོད་དཀར་བགེགས་བཀའ་བསྒོ་མཚམས་གཅོད་སྐྱབས་སེམས་མཆོད་པ་བྱིན་རླབས་བྱིན་འབེབས་རྣམས་དམིགས་པ་སྤྱི་ལྟར་ལ། མཆོད་དམིགས་ཅུང་ཟད་མི་འདྲ་བ་ནི། རཾ་ཕྱི་སྣོད་སོགས་ཨོཾ་ཨཱཿཧཱུྃ་གི་བར་ནི་གཏོར་མ་སོགས། མཆོད་རྫས་ཐམས་ཅད་བྱིན་གྱིས་རླབས་པ་དང་། བདུད་རྩི་ལ་རང་ཉིད་ལྷ་ཡི་ཐུགས་ཀ་ནས་བཾ་གཅིག་འཕྲོས་པས་མཚན་ལྡན་བྷནྡྷ་ཕྱི་དཀར་ལ་ནང་དམར་གྱི་དབུས་སུ་བཾ་ལས་བདུད་རྩིའི་ལྷ་མོ་ལི་ཁྲིའི་མདོག་ཅན་ཞལ་གཅིག་ཕྱག་གཉིས་མའི་ཐུགས་ཀར་ཟླ་སྟེང་བཾ་ཡིག་བདུད་རྩིའི་མཚན་པ་རང་གི་ཕྱག་ཐལ་སྦྱར་མཁའ་གསང་མཉམ་སྦྱོར་གྱི་གཡས་ལ་ཨཱོཾ་ཧཱུྃ་ཏྲཱཾ་ཧྲཱིཿཨཱཿ གཡོན་དུ་མུཾ་ལཾ་མཾ་པཾ་ཏཾ༔ ལྔ་རྣམས་གསལ་བ་ལས་འོད་ཟེར་འཕྲོས་པས་སངས་རྒྱས་ཐམས་ཅད་རྒྱལ་བ་རིགས་ལྔའི་རང་བཞིན་གྱི་ཐུགས་རྗེ་དང་བདུད་རྩི་འོད་ཟེར་ཡེ་ཤེས་ཀྱི་རྣམ་པར་སྤྱན་དྲངས་ནས་ལྷ་མོ་དང་ཕྱག་གི་ཡི་གེ་ལ་ཐིམ། ཡིག་འབྲུ་རྣམས་རིགས་ལྔ་ཡབ་ཡུམ་དུ་གྱུར་པའི་སྦྱོར་མཚམས་དང་ལྷ་མོའི་ཐུགས་ཀར་ཐོན་ནས། བདུད་རྩི་ཀ་པ་ལར་བབ་པར་བསམ་ཞིང་། །སརྦ་ཛྙཱ་ན་པཉྩ་སིདྡྷི་མཾ༔ ཅི་མང་བཟླས་མཐར་ལྷ་རྣམས་འོད་དུ་ཞུ་ནས་ཐིམ་པས་བདུད་རྩིའི་རྒྱ་མཚོར་བསམ། རཀྟ་ཨ་ལས་བྷནྡྷ་ལྕང་ལོའི་སྣོད་ཡངས་པའི་དབུས་སུ་ར་ལས་རཀྟའི་ལྷ་མོ་དམར་མོ་སོགས་མཆོད་པ་བྱིན་རླབས་གཞུང་གི་ཚིག་དོན་བརླབས། དེ་ནས་དངོས་གཞི་ནི། ཏིང་འཛིན་རྣམ་གསུམ་གྱི་ངང་ནས་གོང་གི་མཚམས་གཅོད་སྲུང་འཁོར་སྤྱི་འགྲོས་དེ་ཡངས་ཤིང་རྒྱ་ཆེ་བ་གཅིག་ཏུ་གསལ་བའི་ནང་དུ་ལས་བྱང་གཞུང་ལྟར་བདག་བསྐྱེད་དང་མདུན་བསྐྱེད་གཉིས་ལས་བྱང་གཅིག་གི་ཁོང་ནས་བསྐྱེད་པ་བླ་མེད་ཀྱི་སྒྲུབ་ཐབས་སྤྱི་ཁྱབ་ལྟར་ལ་བདག་མདུན་འདྲ་བ་བར་སྣང་མཁའ་རླུང་ཆུ་བོའི་སྟེང་རི་རབ་ནག་པོ་བང་རིམ་དགུ་པའི་བང་རིམ་ལྔ་པ་དེའི་དཀྱིལ། དབུས་སུ་རཾ་འཕྲོས་འོད་དུ་ཞུ་བ་ལས་བསྐལ་མེ་དམར་ནག་འཁྲུགས་པའི་ཀློང་དུ་བྷྲཱུྃ་འཕྲོས་དབང་དྲག་འབར་བའི་ཞིང་ཁམས་དུར་ཁྲོད་རོལ་པའི་རྒྱན་བཀོད་རྫོགས་པའི་དབུས་སུ་འཁོར་ལོ་རྩིབས་བརྒྱད་ཆོས་འབྱུང་ཟླ་གམ་ཏི་ར་པདྨའི་སྟེང་དུ་རྡོ་རྗེ་ཧཱུྃ་ཡིག་སོགས། ལྷ་བསྐྱེད་གཞུང་ལ་བང་རིམ་ལྔ་པའི་ཕོ་བྲང་ཕྱོགས་བཞིའི་སྒོ་སྲུང་རྒྱལ་ཆེན་བཞི་དཔུང་བཅས་གསུངས་པ་སོགས་གཞུང་ཚིག་ལྟར་བསྒོམ་ཞིང་། སྤྱན་འདྲེན་བཞུག་གསོལ་ཕྱག་མཆོད་བསྟོད་པ་རྣམས་བདག་མདུན་ལྷན་ཅིག་ཏུ་དམིགས་རིམ་ཚིག་དོན་བདེ་ཞིང་བོན་གྱེར་དུ་མ་ཤོར་བར་བྱ། བཟླས་པ་ནི། ལྷ་ཚོགས་བདག་མདུན་གྱི་གཙོ་འཁོར་ཐམས་ཅད་ཀྱི་གནས་གསུམ་དུ་ཨཱོཾ་དཀར་ཨཱཿ་དམར་ཧཱུྃ་མཐིང་གསལ་ཞིང་རང་སྲོག་ས་བོན་གྱི་སྟེང་དུ་གནས་གསུམ་ཧཱུྃ་ཡིག་བསྒོམ་མོ། །གཙོ་བོའི་གནས་ལྔར་རྟ་ཕག་རིགས་ལྔ་བསྒོམ་པའི་ཐུགས་ཀར་ཉི་དཀྱིལ་གྱི་སྟེང་དུ་རིགས་བཞི་དང་རང་མདོག་ཧཱུྃ་ཡིག་དང་ཐུགས་ཀར་ཐུགས་ཀྱི་རྟ་ཕག་ཡབ་ཡུམ་མཐིང་ནག་གསལ་བའི་ཐུགས་ཀར་ཉི་མའི་དཀྱིལ་འཁོར་གྱི་དབུས་སུ་ཧཱུྃ་ཡིག་དམར་པོའི་མཐའ་སྐོར་དུ། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་དྷཀྐི་ནི་བྷ་ར་ཧི་སརྦ་སིདྡྷིི་ཧཱུྃ་ཕཊ༔ ཅེས་པའི་སྔགས་འབྲུ་རྣམས་རང་རང་ལས་རང་སྒྲ་དི་རི་རི་ཡབ་ཐམས་ཅད་ཀྱི་ཐུགས་ཀར་གཡས་སུ་འཁོར་སྔགས་འབྲུ་རྣམས་བརྟེན་པའི་མེ་འགལ་གྱི་བ་དག་དམར་པོ་ལྟ་བུའི་ཕྲེང་ཐག་གཡོན་དུ་འཁོར། ཡུམ་ཐམས་ཅད་ལ་ཉི་མའི་དཀྱིལ་འཁོར་ཀྱི་སྟེང་དུ་ས་བོན་ཧྲཱིཿལས་སྔགས་འབྲུ་གཡོན་བསྐོར་དང་ཕྲེང་ཐག་གཡས་སུ་འཁོར་བའི་སྟོབས་ཀྱིས་འོད་ཟེར་དམར་པོ་ཁ་དོག་ལྔ་ཡི་ཟེར་མདངས་ཀུན་ཚྭ་ལ་མྱུར་བས་འཁོར་འདས་ཐམས་ཅད་ལ་ཁྱབ་པར་རྒྱལ་བ་སྲས་བཅས་སྐྱབས་གནས་མཆོད་འོས་རྣམས་ལ་མཉེས་པའི་མཆོད་སྤྲིན་དཔག་ཏུ་མེད་པ་ཕུལ་ཞིང་། རྩ་གསུམ་ལྷ་ཚོགས་ཁྲོ་བོ་ཁྲོ་མོ་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ཀྱི་བྱིན་རླབས་ནུས་སྟོབས་ཐམས་ཅད་བསྡུས་ནས་བདག་མདུན་ལ་ཐིམ་པས་ནུས་སྟོབས་གཟི་བརྗིད་ཐམས་ཅད་ཆེས་ཆེར་རྒྱས་ཏེ་ཡེ་ཤེས་ཀྱི་མེ་རི་མེ་དཔུང་མུ་མཐའ་མེད་པར་ཕྱོགས་བཅུར་ཁྱབ་པར་འབར་བར་བསྒོམ་པ་དང་། སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས་དབང་ཆེན་ཡབ་ཡུམ་གྱི་གོ་འཕང་ལ་བཀོད། ཕྱི་སྣོད་དག་པ་རྫོགས་ལྡན་མེ་རི་འབར་བའི་ཞིང་ཁམས་ནང་བཅུད་ཐམས་ཅད་ཁྲོ་བོ་ཁྲོ་མོའི་རང་བཞིན་དུ་གྱུར་པ་རྣམས་ཀྱི་ཞལ་ནས་སྔགས་སྒྲ་བུང་བ་ཚང་ཞིག་པ་ལྟར་འུ་རུ་རུ་བཟླས་པར་བསམ་སྟེ་སྔགས་བཟླས། ཁྱད་པར་ཡབ་ཀྱི་ཐུགས་ཀའི་སྔགས་འཁོར་ལས་ཡེ་ཤེས་ལྔའི་རང་མདངས་ལས་འོད་ཟེར་ཁ་དོག་ལྔ་ལྡན་རྩ་དབུ་མའི་ལམ་རྒྱུད་ནས་ཡབ་ཀྱི་རྡོ་རྗེ་ལས་ཐོན་ཡུམ་གྱི་བྷ་ག་ལ་གྱེན་ལ་འཕར་ཡུམ་ཐམས་ཅད་ཀྱི་ཐུགས་ཀར་སྔགས་འབྲུ་ས་བོན་ཧྲཱིཿཡིག་དང་བཅས་པ་རྣམས་ལ་ཐིམ་པས་ཡབ་ཡུམ་ཐམས་ཅད་བདེ་སྟོང་གི་ཡེ་ཤེས་རབ་ཏུ་རྒྱས་ཏེ་རྟ་སྐད་དང་ཕག་ཞལ་སྒྲ་ཡིས་སྲིད་གསུམ་རབ་ཏུ་གཡོས་པས་ཁམས་གསུམ་གྱི་ཆེ་བཙན་དྲེགས་པ་ཅན་རྣམས་ཀྱིས་གདུག་རྩུབ་ནུས་སྟོབས་ཐམས་ཅད་མུན་ཁང་སྒྲོན་མེ་བཏེགས་པ་ལྟར་སོང་ནས་རང་དབང་མེད་པར་དབང་དུ་བསྡུས་ཤིང་བྲན་དུ་བཀོལ་ནས་བཀའ་ཉན་ལས་བྱེད་དུ་གྱུར་པར་བསམ་སྟེ་སྔགས་བཟླས། ཡང་རང་ལས་སྤྲུལ་པ་ཡང་སྤྲུལ་ཁྲོ་མཚོན་མེ་ལྕེ་གློག་ལྟར་འཁྱུགས་པ་མགར་ཀྱི་ཚྭ་ཚྭ་ལྟ་བུར་འཕྲོས་པས་འཇིག་རྟེན་གྱི་ཁམས་ཐམས་ཅད་ཁྱབ། སྟེང་འོག་བར་གསུམ་གྱི་གདོན་བགེགས་ལྷ་སྲིན་འབྱུང་པོ་ཐམས་ཅད་ལ་ཕོག་པས་བརྒྱལ་རེངས་མྱོས་བུན་ཐལ་བའི་རྡུལ་དུ་བརླག །ལུས་ངག་ཡིད་གསུམ་གྱི་མཐུ་སྟོབས་ནུས་པ་ཐམས་ཅད་མར་ལ་ལྕགས་སྲེག་རེག་པ་བཞིན་དུ་བྱས་ནས་གདུག་རྩུབ་རྣམས་ཞི། དེ་དག་གིས་རང་དབང་མེད་པར་སྲོག་སྙིང་ཡིག་འབྲུའི་རྣམ་པར་ཕུལ་བ་རྣམས་ཧཱུྃ་གི་ཉི་གདན་ལ་བསྟིམས་ཤིང་དབང་དུ་བསྡུས་ནས་རྗེ་འབངས་ཇི་བཞིན་བཀོལ། ཡང་ཁྲོ་མཚོན་མེ་དཔུང་གོང་ལྟར་འཕྲོས་པས་དགྲ་བགེགས་བྱད་མ་ལྷ་སྲུང་གནོད་བྱེད་ཐམས་ཅད་བསྐྲད་གཟིར་མནན་སྲེག་བཅད་གཏུབས་ཏེ་ཤ་ཟོས་ཁྲག་འཐུང་རུས་མུར་དོན་སྙིང་རྣམས་རོལ་ཏེ་ཐལ་བའི་རྡུལ་དུ་བརླགས་པར་བསམ་པ་དང་། སྲུང་བའི་གཞལ་ཡས་རི་རབ་ནག་པོ་མེ་འབར་བ་བང་རིམ་དགུ་པ་ཤིན་ཏུ་རྒྱ་ཆེ་ཞིང་དཔངས་མཐོ་བ་ཅིས་ཀྱང་མི་ཤིགས་པ་རྡོ་རྗེའི་ཕོ་བྲང་ཡངས་པའི་ཀློང་དུ་བསྲུང་བྱ་ཐམས་ཅད་ཁྲོ་བོ་ཁྲོ་མོའི་རང་བཞིན་དུ་ཡོམ་ཡོམ་ཤིག་ཤིག་སྔགས་ཀྱི་སྒྲ་བུང་དི་རི་རི་བསྒོམ་ཞིང་། རྩ་བསྙེན་འབུམ་ཚོ་དགུ་གཞུང་ནས་གསུངས་ཀྱང་བྱེ་བ་ས་ཡ་སོགས་རྟགས་དང་བསྟུན་ཏེ་བཟློག་བསད་གཙོ་བོར་བྱེད་ན་བསྲུང་བའི་ཕྱི་རོལ་དུ་འཁོར་ལོ་རྩིབས་སྟོང་གཉིས་གཡས་གཡོན་དུ་འཁོར་བའི་བར་དུ་གནོད་བྱེད་རྣམས་གཏུབ་པར་བསམ་པ་རིགས་མཐུན་ནས་འབྱུང་བས་བསྒོམ་མི་བསྒོམ་གང་འདོད་བྱ་ཆོག །ནང་སྒྲུབ་ནི། ལྷ་ཆེན་ཡབ་ཡུམ་སྲས་གསུམ་གྱི་ཐུགས་ཀར་ཉི་གདན་གྱི་སྟེང་དུ། ལྷ་ཆེན་ཧཱུྃ། ཨུ་མ་ཧྲཱི༔ རཀྴ་ཛ་ལར་ཛ༔ ཡབ་སྲས་གཉིས་ལ་གཡས་བསྐོར་དང་། ཡུམ་ལ་གཡོན་བསྐོར་དུ། ཨཱོཾ་མ་ཧཱ་དྷེ་ཝ་ཧཱུྃ་ཨུ་མ་དྷེ་ཝི་ཧྲཱིཿཧྲིང་ཧྲིང་ཛ་ཛ༔ སརྦ་ལོ་ཀ་སྡུས་སྡུས་ཝ་ཤང་ཀུ་རུ་ས་མ་ཡ་རཀྴ་ཀརྨ་ཧཱུྃ་ཕཊ་སྭཱ་ཧཱ༔ ཞེས་པའི་སྔགས་ཀྱིས་བསྐོར་བར་བསམ་ཞིང་གཙོ་བོའི་ཐུགས་ཀའི་འོད་ཀྱིས་ཡབ་ཡུམ་སྲས་གསུམ་གྱི་ཐུགས་ཀར་ཕོག །ལྷ་ཆེན་ཡབ་ཡུམ་གྱི་ས་བོན་སྔགས་ཕྲེང་ལས་འོད་ཟེར་གྱི་ཚོགས་ལྕགས་ཀྱུ་ཞགས་པ་ལྕགས་སྒྲོགས་དྲིལ་བུའི་རྣམ་པར་འཕྲོས་པས་ཁམས་གསུམ་དང་སྲིད་གསུམ་གྱི་ལྷ་འདྲེ་མི་གསུམ་ཟས་ནོར་ལོངས་སྤྱོད་ཐམས་ཅད་རང་དབང་མེད་པར་བདག་གི་སྤྱོད་ཡུལ་དུ་བཀུག་ནས་དབང་དུ་བསྡུས་ཤིང་མཐར་སྲོག་བཅུད་ལུས་ངག་ཡིད་གསུམ་ཐམས་ཅད་འོད་དམར་པོར་ཞུ་ནས་རང་ཉིད་དྲེགས་པ་ཟིལ་གནོན་གྱི་ཐུགས་ཀར་ཐིམ་པར་བསམ་པ་དང་། རཀྴ་ཛ་ལའི་ཐུགས་ཀར་ས་བོན་སྔགས་ཕྲེང་དང་སྐུ་ལས་སྤྲུལ་པའི་ཕོ་ཉ་ཁྲོ་གཏུམ་དྲག་རྩལ་ཅན་འབུམ་ཕྲག་མང་པོ་འཕྲོས་པས་དགྲ་བགེགས་ཐམས་ཅད་སྐད་ཅིག་ཙམ་གྱིས་མིང་ཡང་མི་གྲགས་པར་བསད་བཅད་གཏུབ་ནས་ཤ་ཟོས་ཁྲག་འཐུང་རུས་པ་མུར་ཏེ་ཐལ་བའི་རྡུལ་ཕྲན་བཞིན་དུ་བརླག་པར་བསྒོམ་ནས་སྔགས་འབུམ་སོགས་བཟླའོ། །གསང་སྒྲུབ་ནི། ཕྱི་རིམ་རྩིབས་སྟེང་བསྐྱེད་པའི་རྣམས་ལྷ་ཀྱི་ཐུགས་ཀར་ཉི་དཀྱིལ་སྟེང་དུ། ཚང་པ་ལ་ཨ། གཤིན་རྗེ་ལ་ཡ། མ་མོ་ལ་མ། བདུད་ལ་དུ། དམ་ཅན་ལ་རུ། བཙན་ལ་ཙ། གཟའ་ལ་ཤ། ཀླུ་ལ་ན་རྣམས་སྐུ་མདོག་དང་མཐུན་པ་གསལ་བའི་མཐར། ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་མ་ཧཱ་དྷེ་ཝ་ཧྲཱི༔ ཛ༔ ཨ༔ ཡ༔ དུ༔ རུ༔ ཙ༔ ཤ༔ ན༔ བཛྲ་ས་མ་ཡ་ཛཿཛ༔ སརྦ་ཧཱུྃ་ཧཱུྃ་ཕཊ༔ ཀྱིས་བསྐོར་བར་གསལ་ནས་རང་ཉིད་དབང་ཆེན་ལྷ་ཚོགས་ཡབ་ཡུམ་སྲས་གསུམ་དང་བཅས་པའི་ཐུགས་ཀ་ནས་འཕྲོས་པའི་འོད་ཀྱིས་སྡེ་བརྒྱད་རྣམས་བསྐུལ། མ་མོ་མ་གཏོགས་པའི་ཐམས་ཅད་ཀྱི་ཐུགས་ཀར་སྔགས་ཕྲེང་གཡས་དང་ཕྲེང་ཐག་གཡོན་དུ་འཁོར། མ་མོ་ལ་སྔགས་ཕྲེང་གཡོན་དང་། ཕྲེང་ཐག་གཡས་སུ་འཁོར་བ་རྣམས་ལས་འོད་ཟེར་གྱི་ཚོགས་སྤྲུལ་པ་ཡང་སྤྲུལ་གྱི་ཕོ་ཉ་དང་། མཚོན་ཆ་མེ་དཔུང་འཕྲོས་པས་སྡེ་བརྒྱད་རང་རང་གི་སྡེ་ཚོགས་དྲེགས་པ་ཅན་རྣམས་ལ་ཕོག་པས་བརྒྱལ་རེངས་མྱོས་བུན་ནས་གདུག་རྩུབ་རྣམས་མུན་པ་ཉི་མས་བཅོམ་པ་ལྟར་བྱས། སྲོག་སྙིང་ཡིག་འབྲུའི་རྣམ་པར་འཕྲོག་ཅིང་རྩིབས་སྟེང་བསྐྱེད་པ་རྣམས་ཀྱི་ཐུགས་ཀར་བསྡུས། དེ་དག་གི་སྲོག་སྙིང་དང་འཁོར་ཚོགས་ཀྱི་སྲོག་སྙིང་བཅས་ཀུན་འདུས་ཀྱི་ངོ་བོ། ཨ༔ ཡ༔ མ༔ དུ༔ རུ༔ ཙ༔ ཤ༔ ན༔ མདོང་གསོལ་དུ་ཕུལ་བ་རང་ཉིད་ཁྲོ་བོའི་རྒྱལ་པོའི་དབང་དུ་རང་དབང་མེད་པར་བསྡུས་ནས་ཉི་གདན་ལ་བསྟིམས་པས་བཀའ་ཉན་བྲན་ཁོལ་དུ་ཁས་བླངས་ནམ་ཡང་མི་འདའ་བའི་དམ་བཅས་བྲོ་བོར་ཆད་ཐོ་སྤྱི་བོར་རྡོ་རྗེའི་ཆར་ཕབ་པས་རྒྱས་གདབ་པར་བསམས་ཏེ་སྔགས་ཁྲི་ཕྲག་གསུམ་སོགས་བཟླའོ། །ཉམས་བྱིང་འཐིབ་སྒྲུབ་རྫས་ལ་བག་རྡུལ་ཆགས་པ་སོགས་མི་མཐུན་པའི་རྨི་ལྟས་བྱུང་དུས་དང་ཐུན་འཇུག་རྣམས་སུ་བདག་མདུན་རྣམས་ཀྱི་རྟ་ཕག་རིགས་ལྔའི་ཐུགས་དང་ལྷ་ཚོགས་རྣམས་ཀྱི་སྐུ་ལས་ཁྲོ་ཚོགས་དང་ཧཱུྃ་ཡིག་དཀར་དམར་མཐིང་གསུམ་སེར་ལྗང་གུ་དཔག་མེད་ཐོག་ལྟར་འཕྲོས་པས་སྟོང་གསུམ་འཇིག་རྟེན་གྱི་ཁམས་ཐམས་ཅད་གང་ཞིང་ཧཱུྃ་ཡིག་རྣམས་ཁྲོ་བོ་ཁྲོ་མོ་ལྕགས་སྡིག་མཚོན་ཆ་མེ་དཔུང་དུ་གྱུར་ནས་སྣང་སྲིད་ཐམས་ཅད་ཤིག་ཤིག་ཡོམ་ཡོམ་འུར་འུར་དྲག་པོའི་ཧཱུྃ་སྒྲ་དྲག་དུ་སྒྲོགས་པས་བདུད་བགེགས་བར་ཆད་ཐམས་ཅད་དགྲ་བགེགས་དམ་སྲི་རྒྱ་འདྲེ་མ་ལུས་རྡུལ་ཕྲན་ཕྱེ་མར་འཐག །ལྷ་སྲིན་སྡེ་བརྒྱད་ཀུན་འབོགས་བརྒྱལ་བྲན་དུ་བཀོལ་སྲོག་སྙིང་ཕུལ་བ་དང་། མཐུ་ནུས་རྣམས་ཚུར་བསྡུས། སྟེང་འོག་བར་མཚམས་ཐམས་ཅད་ཁྲོ་མཚོན་མེ་དཔུང་གི་བསྲུང་བའི་འཁོར་ལོའི་གོ་བསྒོས་པར་བསམ་ཞིང་ཧཱུྃ་གི་སྣང་གླུ་ལེན་ཏེ་གུ་གུལ་གྱིས་བདུག་པ་སོགས་བྱའོ། །སྒྲུབ་པ་གང་ལྟར་ཡང་སྔ་དྲོ་ཞི་བ། ཉིན་གུང་རྒྱས་པ། དགོང་མོ་དབང་། སྲོད་ལ་དྲག་པོ། ཡང་ན་ཐུན་མཚམས་རྣམས་སུ་ལས་བཞིའི་སྔགས་དམིགས་ནི་ཞི་བར་ལྷ་ཚོགས་སྐུ་མདོག་རྒྱན་དང་ན་བཟའ་ཕོ་བྲང་ཞིང་ཁམས་ཐམས་ཅད་དཀར་པོ་གསལ་མདངས་དང་ལྡན་པར་བསྐྱེད་པའི་ཐུགས་ཀར་ཟླ་བའི་དཀྱིལ་འཁོར་གྱི་སྟེང་དུ་ས་བོན་གྱི་མཐར་ཕྱི་ནང་གསང་བ་གང་ཡིན་གྱི་མཐར་སྔགས་ཤམ་དུ། ཨོཾ་ནད་གདོན་སྡིག་སྒྲིབ་ཐམས་ཅད་ཤཱན་ཏིང་ཀུ་རུ་ཡེ་སྭཱ་ཧཱ༔ ཞེས་པ་གཡས་སུ་འཁོར་བ་ལས་འོད་ཟེར་དཀར་པོ་མཁའ་ཁྱབ་ཏུ་འཕྲོས་འཕགས་པ་མཆོད་སེམས་ཅན་གྱི་ནད་གདོན་སྡིག་སྒྲིབ་བར་ཆད་ཞི་ཞིང་བྱང་བར་བྱས་ནས་སངས་རྒྱས་ཀྱི་སར་བཀོད་འོད་ཟེར་ཚུར་འདུས་རང་ལ་ཐིམ་པས་ནད་གདོན་སྡིག་སྒྲིབ་བག་ཆགས་བར་ཆད་སོགས་མི་མཐུན་ཕྱོགས་ཀུན་བ་མོར་ཉི་ཟེར་ཕོག་པ་ལྟར་རབ་ཏུ་བྱང་ཞིང་དག་པའི་འདུན་པ་མ་ཡེངས་རྩེ་གཅིག་གི་ངང་ནས་བརྒྱ་སྟོང་ཉེར་གཅིག་སོགས་བཟླས། དེ་བཞིན་དུ་རྒྱས་པར་ཟླ་སྟེང་ས་བོན་སོ་སོའི་མཐར་སྔགས་ཀྱི་ཤམ་བུར། སྭཱ་ཚེ་བསོད་དཔལ་འབྱོར་ཐམས་ཅད་པུཥྟིཾ་ཀུ་རུ་ཡེ་སྭཱ་ཧཱ༔ དང་འོད་ཟེར་སེར་པོའི་འཕྲོ་འདུས་ཚེ་བསོད་དཔལ་འབྱོར་རྒྱས་པར་བསམ་ཞིང་གྲངས་གོང་ལྟར་རོ། །དེ་ལྟར་དབང་དྲག་པོ་གཉིས་ལ་སྐུ་མདོག་དམར་པོ་དང་ལྗང་གུ་བསྒྱུར། ཐུགས་ཀར་ཉི་མའི་སྟེང་དུ་ས་བོན་མཐར་སྔགས་ཀྱི་ཤམ་བུར་དབང་ལ། ཧཱ་ལྷ་འདྲེ་མི་གསུམ་ཐམས་ཅད་ཝ་ཤང་ཀུ་རུ་ཡེ་སྭཱ་ཧཱ༔ དང་དྲག་པོར། ཧཱུྃ། གནོད་བྱེད་དགྲ་བགེགས་ཐམས་ཅད་མཱ་ར་ཡ་ཕཊ༔ ཀྱིས་བསྐོར་བར་བསྒོམ་ཞིང་འོད་ཟེར་དམར་པོ་དང་ལྗང་གུ་མཁའ་ཁྱབ་ཏུ་འཕྲོས། རྒྱལ་བ་མཆོད་སེམས་ཅན་གྱི་དོན་བྱས་འོད་ཟེར་ཚུར་འདུས་རང་ལ་ཐིམ་པས་དངོས་གྲུབ་ཐོབ་ནུས་སྟོབས་གཟི་བརྗིད་འབར། སླར་འཕྲོས་པའི་འོད་ཀྱིས་ཁམས་གསུམ་དབང་དུ་བསྡུས་པ་དང་། དགྲ་བགེགས་ཚར་གཅོད་པ་སོགས་ཀྱི་དམིགས་པ་སོ་སོར་བསྒྱུར་ཞིང་གྲངས་གོང་ལྟར་འཚམས་པར་བཟླ། འདི་སྐབས་རྣམས་སུ་བདག་བསྐྱེད་ཀྱི་འོད་ཟེར་འཕྲོས་པ་དང་དུས་མཉམ་དུ་མཆན་མདུན་བསྐྱེད་ལས་ཀྱང་འོད་ཟེར་སྤྲོ་བསྡུ་མེ་ལོང་དང་བྱད་བཞིན་བསྒོམ་པ་དང་། མདུན་བསྐྱེད་ཀྱིས་བསྐྱེད་བསྐུལ་བ་རྣམས་དམིགས་རིམ་བློ་མཐུན་དུ་བསྒྱུར་ཤེས་པར་བྱ་ཞིང་། ལྟས་ལེགས་པའི་སྐབས་སུ་ཏིང་ངེ་འཛིན་གྱིས། སྒྲུབ་རྫས་ལྷག་པའི་ལྷར་གསལ་བ་ལ་དབང་བཞི་ཡིད་ཀྱིས་ལེན་པ་རྣམས་བྱ། ལར་བཟང་རྟོག་དང་ངན་རྟོག་ཐམས་ཅད་རང་གི་སེམས་ཉིད་ཀྱི་སྣང་འཛིན་མ་དག་གི་རོལ་པ་ཡིན་པས་རེ་དོགས་ཀྱི་འཛིན་པ་བྲལ་བའི་ངང་ནས་ལྷ་དང་རང་སེམས་དབྱེར་མེད་ཀྱི་ངང་ནས་བསྒྲུབ་པར་བྱའོ། །ཕྱི་ནང་གསང་གསུམ་གྱི་འཛབ་མཚམས་སུ་མཐོང་བརྒྱུད་ལྟར་མཆོད་བསྟོད་བྱ་ཞིང་མཐར། ཧཱུྃ་ཧྲཱི༔ དགོངས་ཤིག་ཐུགས་རྗེ་ཆེ་མངའ་བཅོམ་ལྡན་འདས༔ སོགས་ཀྱིས་དབང་དང་དངོས་གྲུབ་ཡིད་ལེན་གྱི་རྗེས་སུ་ཆོས་སྐྱོང་གི་གཏོར་ཚོགས་བསྐང་བཤགས་ལྷག་མ་ཆོས་སྐྱོང་བསྐུལ་བ་ཆད་ཐོ་བསྟན་མ་བྲོ་བརྡུང་སོགས་ཕྱག་བཞེས་ལྟར་གཏོང་ངོ་། ༈ དེ་ནས་མཚམས་སང་གྲོལ་རྒྱུའི་དེ་རིང་ནས་དངོས་གྲུབ་ཀྱི་རྫས་དང་མཆོད་པ་གསར་པ་བཟང་དུ་བཤམས་ཤིང་རྙིང་པ་རྣམས་གསོ་བ་དང་བཅས་ཐུན་མཐའ་རྣམས་སུ་དངོས་གྲུབ་བསྡུ་རིམ་གྱི་དམིགས་པ་ཟབ་མོ་དང་བཅས། སྔགས་མཐར་སརྦ་སིདྡྷི་ཕ་ལ་ཧཱུྃ༔ ཞེས་བཟླས་ཤིང་མཆོད་བསྟོད་དངོས་གྲུབ་ཡིད་ལེན་སོགས་སྔར་དང་འདྲ། གྲོལ་རྒྱུའི་སྔ་ཐུན་ལ་འཛབ་ཕྱི་ནང་གསང་བ་དངོས་གྲུབ་ལས་བཞིའི་མཆོད་བསྟོད་དབང་བཞི་ཡིད་ལེན་ཆོས་སྐྱོང་མཆོད་པ་ཚོགས་བསྐང་བཅས་བཏང་ངོ་། ལྷག་མའི་གོང་དུ་བགེགས་བསྐྲད་བསྲུང་འཁོར་མཆོད་བསྟོད་ནོངས་བཤགས་དང་དངོས་གྲུབ་བསྐུལ་ཚིག་འདོན་ཞིང་སྒྲུབ་རྫས་གནས་གསུམ་དུ་རེག་ཅིང་དབང་བཞི་ལེན། སྒྲུབ་རྫས་འདིར་ཚིག་འགའ་ཆད་སོང་བ་འདྲ་། མཆན། །
དགྲ་ཆོས་མཐོང་བ་དོན་གསལ།
དགྲ་ཆོས་མཐོང་བ་དོན་གསལ་ཞེས་བྱ་བ་བཞུགས་སོ། །རྩ་གསུམ་ལྷ་ལ་གུས་པས་འདུད། །གང་དག་དགྲ་ཇག་ཆོམ་རྐུན་གྱིས། །འཇིགས་པ་ཀུན་ལས་རྣམ་རྒྱལ་ཕྱིར། །འཕྲིན་བཅོལ་དགྲ་གྲུབ་མགོ་གནོན་བསྟན། །དེ་ལ་དང་པོར་རྟ་མགྲིན་སྔགས་བདག་མ་གང་རུང་ལ་བརྟེན་པའི་མཆོད་ཚོགས་བཀའ་གཏེར་སྲུང་མ་སྤྱི་དང་། ཁྱད་པར་མགོན་པོ་ལྷ་མོ་དམ་ཅན་རྒྱལ་བཙན་གཉིས་བཅས་ཡུལ་ལྷའི་གསོལ་ཁ་གང་འོས་གཏོར་ཚོགས་རྒྱ་ཆེན་དང་དགྲ་ལྷའི་དཀར་གཏོར་སོགས་བཤམས། དེ་འོག་འབྲུ་ནག་གསུམ་གྱི་ཕྱེ་མ་ཁྲག་སྣས་སྦྲུས་པའི་དམར་གཏོར་ཟུར་གསུམ་ཁྲམ་རིས་ཅན་རྩང་དང་འཚེ་ཡུང་གིས་བརྒྱན་པ། དེའི་མདུན་འོག་བྲུབ་ཁུང་ངམ་ལྕགས་བྷན་ཟུར་གསུམ་ནང་དུ་ཉ་བོ་དང་ཕུར་བུ་དར་གྱི་ཅོད་པཎ་ཅན་དང་གསེར་སྐྱེམས་ཇ་ཆང་ཕུད་རྒོད་སོགས་འདུ་བྱས་ལ། དངོས་གཞི་ལས་ཀྱི་གཞུང་བསྲང་། སྲུང་མའི་བསྐང་གསོལ་བཅས་གྲུབ་ནས་བསྒྲལ་ལས་མགོར་སླེབས་པ་དང་། དྲག་གཏོར་བྱིན་བརླབ་རྒྱས་པས་དམར་གཏོར་ལ་ཆབ་དང་སྨན་རག་སྦྲེང་ཞིང་འདི་སྐད་དོ། །ཧཱུྃ། རྩ་གསུམ་རབ་འབྱམས་ཐུགས་རྗེའི་བདག་ཉིད་ཅན། །མཐུ་ལྡན་དམ་ཅན་སྲུང་མ་རྒྱ་མཚོའི་ཚོགས། །མྱུར་མགྱོགས་སྟོབས་ཀྱིས་མགོན་དང་གྲོགས་ལ་སྤྱོན། །དགྲ་སྡང་ལོག་འདྲེན་ཆམ་ལ་འབེབས་ཕྱིར་གཤེགས། །ད་དུས་ངན་པའི་བདག་ཅག་ཡོན་མཆོད་ཀྱི། །ཚེ་བསོད་དབང་ཐང་དཔལ་འབྱོར་ལེགས་ཚོགས་ལ། །བར་གཅོད་བྱས་དང་བྱེད་པར་བརྩམ་པ་དང་། །ད་དགྲ་དངོས་སུ་བརྡོ་དང་ཕྱི་དགྲ་སེམས། །ངོས་ནས་སྤྲེལ་ལྟར་འཛེག་ཅིང་ལྐོག་ནས་བརྣག །དགྲ་གྱོད་བྱུར་གྱི་སྣ་འདྲེན་ཕུགས་སྡོད་པའི། །གཟུགས་ཅན་གཟུགས་མེད་གནོད་བྱེད་རིགས་གྱུར་དང་། །བརྟེན་ཅིང་མཆོད་པའི་སྲུང་མ་མཐུ་རྩལ་ཅན། །སྤྱི་དང་ཁྱད་པར་ཕོ་རྒྱུད་དྲེགས་པའི་གཙོ། །ཡེ་ཤེས་མགོན་པོ་ཡབ་ཡུམ་གཙོ་འཁོར་དང་། །མོ་རྒྱུད་གཙོར་གྱུར་སྔགས་ཀྱི་བདག་མོ་ནི། །དམག་གི་རྒྱལ་མོ་འཁོར་བཅས་རྡོ་རྗེ་ལེགས། །སྤྲུལ་པའི་ཆོས་རྒྱལ་སྐུ་ལྔ་གྲི་བཙན་དང་། །ཡུལ་ལྷ་ཟོ་དོར་དགྲ་ལྷ་མཆེད་དགུ་སོགས། །རབ་འཇིགས་རྔམས་པའི་དགྲ་ཡུལ་དམག་དཔུང་ཆོས། །དགྲ་བོའི་ཡུལ་མཁར་བཤིག་ལ་མི་ནོར་ཕུང་། །སྲ་བའི་གོ་ཆ་ཧྲལ་ལ་རྣོ་བའི་མཚོན། །ཆོག་ལ་དཔའ་རྩལ་ནུས་པ་ཉམས་པར་གྱིས། །བླ་སྲོག་རྣམ་ཤེས་ཁུག་ལ་ད་སྒྲོལ་ཅིག །ཅེས་བསྐུལ་སྐབས་རང་ཉིད་ཡི་དམ་རྟ་མགྲིན་བྱས་ཚེ་གཙོ་བོ་དང་ལྷ་མོར་ཡང་དག་ཧེ་རུ་ཀར་བསྐྱེད་པའི་མདུན་དུ་སྲུང་མ་རྣམས་རང་རང་སོ་སོའི་གནས་ནས་སྐུར་བཞེངས་ཏེ་བཀའ་སྡོད་ཀྱི་ཚུལ་དུ་འཁོད་པར་བསམས་ལ། མཐར་དགྲ་བོའི་ཡུལ་དུ་དམག་ལ་ཆས་ཏེ་དགྲ་བོའི་མཁར་བཤིག་མི་ནོར་ཕུང་བརླག་བཏང་རྗེས་བླ་ཚེ་སྲོག་དབུགས་བསྡུས་འགུགས་ཚུལ་གྱི་ཉ་བོར་ཧོམ་བསྐྱེད་དགུག་བསྟིམ་བདེན་བརྗོད་རྒྱས་པར་ཚར་གསུམ་གྱིས་རུ་པ་དེ་ཉིད་དགྲ་བོ་དངོས་སུ་དམིགས། སླར་ཡང་གདུལ་བྱ་ཞི་བ་སྙིང་རྗེས་མ་ཐུལ་བ་རྣམས་དཔལ་ཆེན་པོའི་ཁྲོ་གཏུམ་དྲག་པོའི་ཚུལ་གྱིས་བསྒྲལ་འདྲེན་མོས་པས་ལས་བྱང་བསྒྲལ་ལས་ཀྱིས་བསྒྲལ་ལ་ལིང་རོ་ཆ་གསུམ་དུ་བགོས་ལ་ཆ་གཅིག་དཀྱིལ་འཁོར་དུ་འབུལ་ཆ་གཅིག་དུམ་བུར་གཏུབས་ཏེ་ལོགས་སུ་བཞག །ཆ་གཅིག་མནན་པ་བྱའམ་མི་བྱེད་ཚེ་ཆ་གཉིས་ལས་མི་དགོས་སོ། །དེ་ལྟར་དཔལ་ཆེན་ཁྲོ་བོའི་ལྷ་ཚོགས་ཀྱི་ཞལ་དུ་དགྲ་བོའི་ཤ་ཁྲག་བསྟབས་པས་དགྱེས་པ་བསྐྱེད་དེ་གཟི་བྱིན་རབ་ཏུ་འབར་བ། སྲུང་མ་རྣམས་ཀྱང་དགྲ་ཤ་གསེར་སྐྱེམས་ཀྱི་མཆོད་པས་མཉེས་ཏེ་འགོ་ཞིང་སྡོང་གྲོགས་ཕྲིན་ལས་སྒྲུབ་པ་ལ་ཐོགས་པ་མེད་པར་གྱུར་པར་བསམ་ཞིང་འདི་སྐད་དོ། །ཧཱུྃ༔ བརྟེན་ཅིང་མཆོད་པའི་སྲུང་མ་ནི། །ཕོ་རྒྱུད་དྲེགས་ཚོགས་ཡོངས་ཀྱི་རྗེ། །ཡེ་ཤེས་མགོན་པོ་གཟའ་བདུད་ཆེ། །རྡོ་རྗེ་ལེགས་པ་རྒྱལ་པོ་བཙན། །ཁྱེད་རྣམས་དགྲ་བོའི་ཤ་ཁྲག་དང་། །གསེར་སྐྱེམས་ཕུད་རྒོད་འདི་བཞེས་ལ། །སྡང་དགྲ་གནོད་བྱེད་སྔོན་བྱུང་བའི། །ར་མདའ་མཛོད་ལ་ཕྱིས་འབྱུང་བའི། །དགྲ་རྐུན་ཇག་པའི་ཁ་ཁོག་ཅིག །ད་དགྲ་ཐལ་བའི་རྡུལ་བཞིན་རློག །མ་གཡེལ་མ་གཡེལ་སྲུང་མ་རྣམས། །ཧཱུྃ། བརྟེན་ཅིང་མཆོད་པའི་སྲུང་མ་ནི། །མོ་རྒྱུད་དྲེགས་ཚོགས་ཡོངས་ཀྱི་རྗེ། །དཔལ་ལྡན་སྔགས་ཀྱི་སྲུང་མ་ཆེ། །དྲེགས་པ་བདུན་དང་མ་མོ་ནི། །བྱེ་བ་ས་ཡའི་འཁོར་དང་བཅས། །བཀའ་སྡོད་དམ་ཅན་རྒྱ་མཚོའི་ཚོགས། །ཁྱེད་རྣམས་དགྲ་བོའི་ཤ་ཁྲག་དང་། །གསེར་སྐྱེམས་ཕུད་རྒོད་འདི་བཞེས་ལ། །སྡང་དགྲ་གནོད་བྱེད་སྔོན་བྱུང་གི། ར་འདའ་མཛོད་ལ་ཕྱིས་འབྱུང་བའི། །དགྲ་རྐུན་ཇག་པའི་ཁ་ཁོག་ཅིག །ད་དགྲ་ཐལ་བའི་རྡུལ་བཞིན་རློག །མ་གཡེལ་མ་གཡེལ་སྲུང་མ་རྣམས། །བདག་ཅག་ཡོན་མཆོད་འཁོར་བཅས་ཀྱི། །མི་ནོར་ལོངས་སྤྱོད་མངའ་ཐང་ལ། །བསྲུང་ཞིང་སྐྱོབ་པར་མཛད་པ་དང་། །གཞིས་སུ་སྡོད་ཚེ་ལེགས་ཚོགས་སྤེལ། །བྱེས་སུ་འགྲོ་ན་དཔུང་གཉེན་མཛོད། །སྔོན་ནས་བསུས་ལ་རྒྱབ་ནས་སྐྱོར། །ལམ་འཕྲང་ཆུ་དང་ཁ་ཆར་ཆེ། །ངལ་དུབ་ཀུན་ལས་རྒྱལ་བ་དང་། །ན་ཚ་ཤི་ཆད་མི་ཕྱུགས་ལ། །མ་གཏོང་དགྲ་ཇག་ཆོམ་རྐུན་ཚོགས། །ཉིན་ལ་འཇབ་ན་འུག་པ་ལྟར། །མཚན་ལ་འཇབ་ན་ཞ་རེངས་ཐོང་། །ཉིན་མཚན་མེལ་ཚེ་མ་གཡེལ་མཛོད། །དམག་ལ་འགྲོ་ན་དམག་དཔོན་མཛོད། །ཇག་ལ་འགྲོ་ན་ཇག་དཔོན་མཛོད། །ཚོང་ལ་འགྲོ་ན་ཚོང་དཔོན་མཛོད། །མི་ཁ་གླེང་གཞི་མེད་པར་མཛོད། །ཁ་མཆུ་གྱོད་ཉེས་མེད་པར་མཛོད། །དཔའ་བའི་སྐྱེས་བུ་རྩལ་ལྡན་དང་། །སྲ་བའི་གོ་ཆ་བཙན་པོ་དང་། །རྣོ་བའི་མཚོན་ཆ་འཁོར་གསུམ་ལ། །སྲུང་མ་དགྲ་ལྷ་འབྲལ་མེད་དུ། །བརྟན་པར་བཞུགས་ལ་མགོན་སྐྱོབ་མཛོད། །རིན་ཆེན་འབྲུ་ནོར་ལོངས་སྤྱོད་ཀྱི། །བང་མཛོད་ཁང་གཞིས་རྣམས་ལ་ཡང་། །ནོར་ལྷ་གཡང་འཛིན་བསྲུང་མ་མཛོད། །ཕྱི་ཡི་དབུལ་འདྲེ་ནང་མ་གཏོང་། །ནང་གི་གཡང་ནོར་ཕྱིར་མ་གཏོང་། །འགོ་ཞིང་སྡོང་གྲོགས་གཉེན་པོ་མཛོད། ཅེས་ཕུད་དང་འབྲུ་སྣ་མཆོད་ལ་རྟ་མགྲིན་ཡིན་ན་བཟློག་པ་འདོན་མངའ་གསོལ་ལྷག་མ་སྲུང་མའི་ཕྲིན་བཅོལ་གཏོར་འབུལ་བྱ་ཞིང་ཆད་ཐོའི་མགོར་སྡེ་བརྒྱད་གསེར་སྐྱེམས་དང་ཆད་ཐོ་གྱེར། དམར་གཏོར་དེ་ཉིད་དྲག་པོའི་རྫས་སྣ་ཚོགས་སུ་བསམ་ལ་འདི་ལྟར་རོ། ཧཱུྃ། ད་ནི་ཟོར་འཕེན་དགྲ་ལ་འཕེན། །མ་གཡེལ་བསྐྱོད་ཅིག་སྲུང་མ་རྣམས། །རྣལ་འབྱོར་བདག་གི་རྒྱབ་དཔུང་མཛོད། །དྲག་པོ་དཔལ་གྱི་གཏོར་མ་འདི། །སྔ་དགྲ་ལག་གིས་བརྡར་བ་ཡི། །ཉམས་པ་དགྲ་བོའི་སྟེང་དུ་འཕེན། །དམིགས་མེད་ཐལ་བའི་རྡུལ་དུ་རློགས། །ད་དགྲ་དངོས་སུ་བསྡོ་བ་ཡི། །ཉམས་པ་དགྲ་བོའི་སྟེང་དུ་འཕེན། །དམིགས་མེད་ཐལ་བའི་རྡུལ་དུ་རློག །ཕྱི་དགྲ་ཡིད་ལ་བསམ་པ་ཡི། །སྡང་བྱེད་དགྲ་བོའི་སྟེང་དུ་འཕེན། །དམིགས་མེད་ཐལ་བའི་རྡུལ་བཞིན་རློག །གཏོར་ཟོར་དྲག་པོ་རི་རབ་འདི། །འཕངས་པ་ཙམ་གྱིས་སྲིད་གསུམ་གཡོ། །སྡང་བྱེད་དགྲ་བོ་ཅིས་མི་ཐུལ། །ཡི་དམ་གང་ཡིན་གྱི་བཟློག་སྔགས་མཐར། བྷྱོ་ཟློག །ཅེས་དགྲ་ཕྱོགས་སུ་འཕངས་ལ་སྐྱེས་པ་རྣམས་ཀྱིས་གྲི་མདུང་མདའ་སྒྱོགས་སོགས་ཀྱིས་བརྡེག་ལ་ཀི་བསོ་སྒྲོགས་ལ་ལྷ་རྒྱལ་འཐེན། བུད་མེད་རྣམས་ཀྱིས་གཡབ་མོ་དང་ཀུས་འདེབས་བསྟན་མ་སྐྱོང་ངོ་། །དེ་ནས་ལིང་རོ་དུམ་གཅིག་རེ་ནག་དྲིལ་ཆས་དང་བཅས་ལྕགས་སྣོད་དུ་བཞག་ལ་དགུག་གཞུག་དྲག་པོའི་མཐར་ཕྱག་རྒྱ་བཞིའི་རྒྱས་བཏབ་ལ་ཚོན་སྐུད་སྔོ་དམར་གྱིས་རྒྱ་གྲམ་དུ་བཅིངས་དམིགས་པ་ནི་ཉམས་པའི་དགྲ་བོ་སྔ་དགྲ་བྱས་ཤིང་། ད་དགྲ་བརྡོ་བ་ཕྱི་དགྲ་ཡིད་ལ་བསམ་པ་ཐམས་ཅད་ཀྱི་བླ་ཚེ་རྣམ་ཤེས་ཏྲི་དམར་སེར་གྱི་རྣམ་པར་བཀུག་ལ། མཚན་མ་རྫས་ཀྱི་རྟེན་རུ་པ་ལིང་རོ་ལ་ཐིམ་པས་ལུས་ངག་ཡིད་གསུམ་གྲུ་གུས་ཚུལ་གྱིས་བྱད་དུ་བཅུག་སྟེ་མནན་པར་བསམ། སྔ་དགྲ་ལག་གི་བརྡར་བ་ཐམས་ཅད་སྟཾ་བྷ་ཡ་ནན། ཕྱི་དགྲ་ཡིད་ལ་བསམ་པ་ཐམས་ཅད་སྟཾ་བྷ་ཡ་ནན། ད་དགྲ་དངོས་སུ་བསྡོ་བ་ཐམས་ཅད་སྟཾ་བྷ་ཡ་ནན། ཉི་མ་ཕྱོགས་བཞི་མཚམས་བརྒྱད་ནས་སྡང་བའི་དགྲ་ཐམས་ཅད་ཀྱི་ལུས་ངག་ཡིད་གསུམ་སྟཾ་བྷ་ཡ་ནན། མཱ་ར་ཡ་ནན། ཅེས་ལན་དགུ་བགྲང་ལ་ཐེམ་འོག་ཕྱུགས་ལྷས་སོགས་གང་རུང་དུ་དོང་གྲུ་གསུམ་པ་གཏིང་རིང་བ་བྲུས་པའི་ནང་དུ་འཕངས་རོ་གཡམ་རྡོ་རྗེ་རྒྱ་གྲམ་བྲིས་པས་བཀབ་འབྱུང་བ་བཞིས་རྒྱས་གདབ་རྟ་བྲོ་བརྡུང་ནས་ཆོ་གའི་མཇུག་སྐྱོང་ངོ་། །མནན་པ་ནི་ཤིན་ཏུ་གཉན་པས་དགྲ་གྱོད་བྱུར་ཁ་ཆེ་ན་མ་གཏོགས་ནམ་ཐོད་ཐོད་དུ་བྱ་མི་རུང་བའི་ཁེ་ཉེས་ཆེ་ལ། གཞན་བསྐུལ་དང་ཟོར་འཕེན་ནི་གཞུང་དངོས་ལ་དགག་བྱ་མེད་དོ། །ཅེས་འདི་གང་ཤར་རིག་པའི་རྩལ་ཉིད་ལས། །བཅོས་སུ་མ་ཡིན་གཞན་ནས་བསྒྲིགས་པ་མིན། །རྨོངས་པའི་ཚིག་དང་མཁས་པ་མཐུན་པ་མིན། །བླུན་པོའི་གཏམ་དང་དྲུང་པོ་མཚུངས་པ་མིན། །མིན་པ་གསུམ་གྱི་ཚིགས་བཅད་འདི་ཁོ་ན། །དབུ་མཛད་བློ་བཟང་ཐུགས་དམ་གང་གྱུར་ཅིག །སྔགས་པའི་སྔགས་ཆོག་མདོས་གཏོར་ངས་མི་ཤེས། །ར་བཤའ་རྔ་བརྡུང་གྲོང་སྔགས་ངས་མི་ཤེས། །ཟན་ལ་གྲི་འཛུགས་ཧཱུྃ་ཕཊ་ངས་མི་ཤེས། །དགྲ་བོར་དུག་ལྔ་ལས་གཞན་ངས་མི་ཤེས། །དུག་ལྔ་རང་གྲོལ་ཐབས་ལས་ངས་མི་ཤེས། །སྙིང་རྗེས་དགྲ་བོ་འདུལ་ལས་ངས་མི་ཤེས། །མི་ཤེས་དྲུག་གིས་སྦྱར་བྱང་འདི་བཀོད་པས། །འགྲོ་ཀུན་ཉོན་མོངས་བདུད་དགྲ་ཞི་བར་ཤོག །ཅེས་པའང་ཨོ་རྒྱན་པདྨའི་རྗེས་བཟུང་ལྷ་རིགས་ཉི་སྤྲུལ་པས་གང་ཤར་སྨྲས་པའི་ཡི་གེ་པ་ནི་རིག་འཛིན་དངོས་གྲུབ་རྒྱ་མཚོས་སོ། །མངྒ་ལཾ།། །།
ཧོམ་སྐྱེད་དང་འགུགས་པ།
བདག་ཉིད་སྐད་ཅིག་གིས་དཔལ་ཆེན་པོར་གསལ་བའི་མདུན་དུ། ཨེ་ལས་གནམ་ལྕགས་ཀྱི་ཁང་སྒྲོམ་ཟུར་གསུམ་མཚན་ཉིད་དང་ལྡན་པའི་ནང་དུ། ནྲི་ཡིག་ཡོངས་སུ་གྱུར་པ་ལས། དམ་ཉམས་པའི་དགྲ་བོ་དེ་ཉིད་ཉམ་ཐག་པའི་གཟུགས་ཅན་སྐྱ་ལ་ཧམ་པ་སྔོ་ལ་རིད་པ། མྱ་ངན་གྱི་ཕྱག་རྒྱ་བཅས་ཤིང་འོ་དོད་ཀྱི་སྨྲེ་ངག་འདོན་པ་མགོན་སྐྱོབས་ཐམས་ཅད་དང་བྲལ་ཞིང་འདར་ཕྲི་ལི་ལི་བྱེད་པ་ཅིག་ཏུ་གྱུར། ༈ ན་མོ་རིག་འཛིན་རྩ་བརྒྱུད་ཀྱི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་། སངས་རྒྱས་ཀྱི་བཀའ་བདེན་པ་དང་། ཆོས་ཀྱི་བཀའ་བདེན་པ་དང་། དགེ་འདུན་གྱི་བཀའ་བདེན་པ་དང་། གསང་སྔགས་དང་། རིགས་སྔགས་དང་། གཟུངས་སྔགས་དང་། སྙིང་པོ་དང་། ཕྱག་རྒྱ་དང་། ཏིང་ངེ་འཛིན་གྱི་བདེན་པ་དང་། ཆོས་ཉིད་རང་བཞིན་གྱི་རྣམ་པར་དག་པ་དང་། ཆོས་ཅན་རྒྱུ་འབྲས་བསླུ་བ་མེད་པའི་བདེན་པ་དང་། ཁྱད་པར་དུ་ཡི་དམ་རྩ་གསུམ་རྒྱལ་བ་རྒྱ་མཚོ་ཆོས་སྐྱོང་སྲུང་མའི་ཚོགས་དང་བཅས་པ་རྣམས་ཀྱི་བདེན་པ་དང་། བདེན་པ་ཆེན་པོའི་མཐུ་ལ་བསྟེན་ནས་བསྟན་དང་འགྲོ་བའི་སྤྱི་དགྲ། ཁྱད་པར་རིག་པ་འཛིན་པ་བདག་ཅག་དཔོན་སློབ་ཡོན་མཆོད་འཁོར་དང་བཅས་པ་ལ། གནོད་ཅིང་འཚེ་བར་བྱེད་པའི་དམ་ཉམས་པའི་དགྲ་བོ། སྔ་དགྲ་ལག་གིས་བརྡར་བ། ཕྱི་དགྲ་ཡིད་ལ་སེམས་པ། ད་དགྲ་དངོས་སུ་བརྡོ་བའི་བཀའ་འདས་དམ་ཉམས་མི་བསྲུན་ལོག་འདྲེན་ཐམས་ཅད་ཀྱི་བླ་སྲོག་རྣམ་པར་ཤེས་པ་བྱ་སྤུ་རླུང་གིས་ཁྱེར་བ་བཞིན་དུ་དམིགས་པའི་རྟེན་འདི་ལ་ཁུག་ཅིག །
འགུགས་བསད་བཟློག་པའི་སྔགས་བྱང་།
འགུགས་བསད་བཟློག་པའི་སྔགས་བྱང་བཞུགས་སོ། །ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་བཛྲ་པཱ་ཎི་ངྷཀྐི་ནི་བྷ་ར་ཧི་ཧཱུྃ་མ་ཧཱ་ངྷེ་ཝ་ཧྲཱིཿཨུ་མ་ངྷེ་ཝི་ཛ་ལ་རཀྴ་ཨ་ཡ་མ་དུ་རུ་ཙ་ཤ་ན་སརྦ་ས་མ་ཡ་བྷྱོ་བྷྱོ་ཛཿཛཿ་དགྲ་བགེགས་ཆེ་གེ་བྱད་མ་ལྷ་སྲུང་དང་བཅས་པ་ཐམས་ཅད་ཐུམ་རི་ལི་ལི་ཁུག་ཁུག་ནྲི་ཏྲི་མཱ་ར་ཡ་ཚིནྡྷ་ཚིནྡྷ་བྷནྡྷ་བྷནྡྷ་ཛཿཧཱུྃ་བཾ་ཧོ༔ འགུགས་སྔགས་ཀྱི་མདེའུ་ཐུང་༔ ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་བཛྲ་པཱ་ཎི་ངྷཀྐི་ནི་བྷ་ར་ཧི་ཧཱུྃ་མ་ཧཱ་དྷེ་ཝ་ཧྲཱིཿཨུ་མ་ངྷེ་ཝི་ཛ་ལ་རཀྴ་ཨ་ཡ་མ་དུ་རུ་ཙ་ཤ་ན་ཏྲི་ས་མ་ཡ་ཧཱུྃ་ཧཱུྃ༔ དགྲ་བགེགས་ཆེ་གེའི་སྲོག་ལ་ཏྲི་དུ་ཛ་ཏྲི་དུ་ཛ་ནྲི་ཏྲི་མཱ་ར་ཡ་རྦད་རྦད༔ ཏྲག་རཀྴ་མཱ་ར་ཡ་རྦད་ཆོད་ཐུམ་རིལ་རྦད༔ དུམ་བུར་གཏུབས་གཏུབས་སྙིང་ལ་ཡཾ་ཡཾ་མར་ཐུར་མ་ར་ཡ་བྷྱོ་ནན༔ དགྲ་བགེགས་བྱད་མ་བན་བོན་བྱད་གཏད་མཁན་ལྷ་སྲུང་ཞེས་མིང་བལྟེམས་པའི་མཐའ་ཏྲི་དུ་ཛ་ཏྲི་དུ་ཛ་ནྲི་ཏྲི་མཱ་ར་ཡ་རྦད་རྦད༔ བྱད་གཏད་ཁྲམ་གསུམ་ཐམས་ཅད་ས་ཐུན་ཡ་བྷྱོ་ཟློག༔ ཨཱོཾ་བྷིརྱ་དགྲ་བགེགས་བྱད་མ་སོགས་ཀྱི་སྙིང་ལ་རྦད༔ ཁྲི་འཕོ་དགྲ་བགེགས་བྱད་མའི་སྙིང་ལ་རྦད༔ དམ་ལིང་དགྲ་བགེགས་བྱད་མའི་སྙིང་ལ་རྦད༔ པྲ་ཧ་ར་ན་དགྲ་བགེགས་བྱད་མའི་སྙིང་ལ་རྦད༔ བསད་པའི་སྔགས་ཀྱི་མདེའུ་ཐུང་༔ ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་བཛྲ་པཱ་ཎི་ངྷཀྐི་ནི་བྷ་ར་ཧི་ཧཱུྃ་མ་ཧཱ་དྷེ་ཝ་ཧྲཱིཿཨུ་མ་ངྷེ་ཝི་ཛ་ལ་རཀྴ་ཨ་ཡ་མ་དུ་རུ་ཙ་ཤ་ན་ཏྲི་ས་མ་ཡ་ཧཱུྃ་ཧཱུྃ༔ དགྲ་བགེགས་བྱད་མ་རྦོད་གཏོང་གཏད་ཁྲམ་དང་བཅས་པ་ཏྲི་དུ་ཛ་བྷྱོ་ཟློག༔ ཏྲི་དུ་ཛ་བྷྱོ་ཟློག །༔ མཱ་ར་ཡ་ཏྲག་རཀྴ་བྱད་གཏད་ཁྲམ་གསུམ་ཐམས་ཅད་ས་ཐུན་ཡ་བྷྱོ་ཟློག༔ ཨཱོཾ་བྷིརྱ་དགྲ་བགེགས་བྱད་མ་ཐམས་ཅད་བྷྱོ་ཟློག༔ ཁྲི་འཕོ་དགྲ་བགེགས་བྱད་མ་ཐམས་ཅད་བྷྱོ་ཟློག༔ དམ་ལིང་དགྲ་བགེགས་བྱད་མ་ཐམས་ཅད་བྷྱོ་ཟློག༔ པྲ་ཧ་ར་ན་དགྲ་བགེགས་བྱད་མ་ཐམས་ཅད་བྷྱོ་ཟློག །༔ གཟུགས་ཅན་མིའི་བྱད་གཏད་ཁྲམ་གསུམ་ཐམས་ཅད་བྷྱོ་ཟློག༔ གཟུགས་མེད་ལྷ་འདྲེའི་བྱད་གཏད་ཁྲམ་གསུམ་ཐམས་ཅད་བྷྱོ་ཟློག༔ ཉི་མ་ཕྱོགས་བཞི་མཚམས་བརྒྱད་སྟེང་འོག་གཉིས་དང་བཅས་པའི་དགྲ་བགེགས་བྱད་མ་ཐམས་ཅད་བྷྱོ་ཟློག༔ བཟློག་པའི་སྔགས་ཀྱི་མདེའུ༔ མངྒ་ལཾ། །ཨཱོཾ་མ་ཧཱ་ངྷེ་ཝ་ཧཱུྃ་ཨུ་མ་ངྷེ་ཝི་ཧྲཱི༔ ཧྲིང་ཧྲིང་ཛ༔ ཛ༔ སརྦ་ལོ་ཀ་སྡུས་སྡུས་ཝ་ཤང་ཀུ་རུ་ས་མ་ཡ་རཀྴ་ཀརྨ་ཧཱུྃ་ཕཊ་སྭཱ་ཧཱ༔ ཨཱོཾ་བཛྲ་ཀྲོ་ཏ་ཧྱ་གྷྲཱི་ཝ་མ་ཧཱ་ངྷེ་ཝ་ཧྲཱི༔ ཛ་ཨ་ཡ་མ་དུ་རུ་ཙ་ཤ་ན་བཛྲ་ས་མ་ཡ་ཛ༔ ཛ༔ སརྦ་ཧཱུྃ་ཧཱུྃ་ཕཊ༔ སརྦ་མངྒ་ལཾ། །འགུགས་བསད་བཟློག་པའི་སྔགས་བྱང་ཡིན།། །