ཁམས་འདུས་གླུ་ཐུང་།

མཐོན་པོའི་ཨ་སྔོན་གནམ་ནས་འཕུར་བའི་ལྷ་བྱ་ཁྲུང་ཁྲུང་དཀར་མོ་ལགས།།
གང་ཁྱེད་གཤོག་ཡངས་དཀར་པོ་བརྐྱངས་ནས་ཤར་གྱི་ཕྱོགས་སུ་འཕུར་བའི་དུས།།
ཤར་གྱི་ཆུ་འཛིན་དཀར་པོའི་བང་རིམ་འཇའ་འོད་འཁྲིགས་པའི་འོག་ཤེད་ན།།
ང་ཡི་སྙིང་གི་དྭངས་བཅུད་བཞུགས་པ་དེ་ལ་ཁྱེད་ཀྱིས་འཕྲིན་འདི་གསོལ།།
འདི་ན་ཤུགས་དྲག་ལས་ཀྱིས་མནར་བའི་སྐྱབས་མེད་གདུང་བས་རབ་གཟིར་བས།།
གང་ཁྱེད་འབོད་པའི་སྨྲེ་སྔགས་རིང་པོ་མགྲིན་པའི་དབྱངས་ཀྱིས་བསྐུལ་ལགས་ན།།
ཁྱེད་ཀྱི་འཕྲིན་ལན་ཟེར་མ་རླུང་དང་ནམ་མཁའི་སྤྲིན་དང་གཙང་རྒྱས་ཆབ།།
དབྱར་གྱི་རྔ་དང་དཔྱིད་ཀྱི་རྒྱལ་མོ་ཉི་གཞོན་བཅས་ལ་བསྐུར་རོགས་མཛོད།།