བསྟན་རྒྱས་སྨོན་ལམ།

རྨད་བྱུང་ཆེ་བ་དྲུག་ལྡན་སྔ་འགྱུར་པའི།།
རིང་ལུགས་འཛིན་མཁས་རྫོགས་ཆེན་གཡག་ཟེར་པ།།
ཐུབ་བསྟན་ལུང་རྟོགས་ནོར་བུའི་དགའ་ཚལ་ཆེའི།།
བསྟན་པ་འཕེལ་རྒྱས་ཕྱོགས་མཐར་ཁྱབ་གྱུར་ཅིག།
ཅེས་སྔ་འགྱུར་བསྟན་པ་འཛིན་པའི་བསྟི་གནས་གཡག་ཟེར་པའི་འཚོགས་འདོན་སྟབས་བདེའི་བསྟན་རྒྱས་སྨོན་ལམ་དང་འབྲེལ་བཤད་གྲྭ་གླིང་བཞིར། ཤར་ཆོས་འཁོར་གླིང་། ལྷོ་ནོར་འཕེལ་གླིང་། ནུབ་འདོད་འབྱུང་གླིང་། བྱང་ཐར་པ་གླིང་ཞེས་མཚན་གསར་བཏགས།།
ཡོངས་རྫོགས་རྒྱལ་བསྟན་ནགས་ཀླུང་འཐུག་པོ་ནས།།
སྔ་འགྱུར་གྲུབ་དབང་རྒྱལ་བ་རྫོགས་ཆེན་པའི།།
བསྟན་པའི་སྲོག་འཛིན་ཁྲི་འདུས་དར་རྒྱས་གླིང་།།
བསྟན་པ་མི་ཉམས་སྲིད་མཐར་ཡུན་གནས་ཤོག།