དཔལ་ལྡན་ཤངས་པའི་ཆོས་སྐོར་པོད་ལྔ་པ།

འགྲོ་མགོན་ཤངས་པ་བཀའ་བརྒྱུད་ཀྱི་དཔེ་ཚོགས།

ཀརྨ་ངག་དབང་ཡོན་ཏན་རྒྱ་མཚོ་བློ་གྲོས་མཐའ་ཡས། ངག་དབང་ཡོན་ཏན་རྒྱ་མཚོ། ཏཱ་ར་ནཱ་ཐ། བློ་གྲོས་མཐའ་ཡས།

Nitartha international

Images scanned by BDRC

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

འཇམ་མགོན་བླ་མ་གུ་འི་མཚན་འཛིན་གྱི་སྐྱེས་རབས་གསོལ་འདེབས་ལྷ་ཡི་རྔ་བོ་ཆེའི་སྒྲ་དབྱངས།

[Full Size]

འཇམ་མགོན་བླ་མ་གུ་འི་མཚན་འཛིན་གྱི་སྐྱེས་རབས་གསོལ་འདེབས་ལྷ་ཡི་རྔ་བོ་ཆེའི་སྒྲ་དབྱངས་ཞེས་བྱ་བ་བཞུགས་སོ། །ཨོཾ་སྭ་སྟི། རིགས་རྣམས་ཀུན་བདག་རྣམ་པར་སྣང་མཛད་དང་། །རྡོ་རྗེ་ཆོས་དང་ཡུལ་འཁོར་སྐྱོང་བའི་སྲས། །ཐ་ཆུང་གཞོན་ནུ་བློ་གྲོས་མཐའ་ཡས་ལ། །གསོལ་བ་འདེབས་སོ་མཆོག་ཐུན་དངོས་གྲུབ་སྩོལ། །ཀུན་དགའ་བོ་དང་ཆོས་རྒྱལ་ཟླ་བ་བཟང་། །རྒྱལ་པོ་ཛཿདང་ཨརྱ་དེ་བའི་ཞབས། །ཤིནྟཾ་གྷ་ཟླ་གྲགས་ནག་པོ་པར། །

[Full Size]

གསོལ་བ་འདེབས་སོ༴ །འཇམ་དབྱངས་སྤྲུལ་པ་ཐོན་མི་སམྦྷོ་ཊ། །དགེ་སློང་པཱུརྞ་ལོ་ཆེན་བཻ་རོའི་ཞབས། །ཚུལ་ཁྲིམས་ཤེས་རབ་ཡེ་ཤེས་འབྱུང་གནས་ལ། །གསོལ་བ་འདེབས་སོ༴ །དབང་ཕྱུག་འབར་དང་ཟུར་ཆེན་ཤཱཀྱ་འབྱུང་། །རོང་ཟོམ་ཆོས་བཟང་ཁྱུང་པོ་རྣལ་འབྱོར་དང་། །བློ་ལྡན་ཤེས་རབ་བོན་པོ་ལྷ་འབུམ་ལ། །གསོལ་བ་འདེབས་སོ༴ །གུ་རུ་ཇོ་རྩེ་ར་ཤག་གཏེར་སྟོན་དང་། །གྲུབ་ཐོབ་དངོས་གྲུབ་ཉི་མ་སེངྒེ་དང་། །ཡེ་ཤེས་ཁྱུང་གྲགས་འགྲོ་མགོན་སྐྱེ་མེད་ཞང་། །གསོལ་བ་འདེབས་སོ༴ །ས་སྐྱ་པ་ཆེན་སྒོམ་སྡེ་སངས་རྒྱས་འབུམ། །བླ་མ་གཉན་རས་གཡག་སྡེ་པ་ཆེན་དང་། །རྡོ་རྗེ་གླིང་པ་བྲག་ཐོག་བསོད་

[Full Size]

ནམས་བཟང་། །གསོལ་བ་འདེབས་སོ༴ །གོས་ལོ་གཞོན་ནུ་ཀུན་མཁྱེན་བོ་གདོང་པ། །རིག་པའི་རལ་གྲི་པདྨ་ཀུན་སྐྱོང་གླིང་། །མཆོག་ལྡན་མགོན་པོ་བློ་གྲོས་ཐོགས་མེད་ལ། །གསོལ་བ་འདེབས་སོ༴ །ནམ་མཁའ་རིན་ཆེན་ཤེས་རབ་འོད་ཟེར་དང་། །སྒྲོལ་བའི་མགོན་པོ་རིག་འཛིན་ཆེས་གོ་ཆ། །སྣ་ཚོགས་རང་གྲོལ་ཨོ་རྒྱན་གཏེར་བདག་གླིང་། །གསོལ་བ་འདེབས་སོ༴ །བདེ་ཆེན་གླིང་པ་ཀུན་གཟིགས་བླ་མ་མཆོག །ཡོན་ཏན་ཇི་སྙེད་ཆུ་ཀླུང་ཀུན་འདུས་པའི། །ཆོས་ཀྱི་རྒྱ་མཚོ་ཆེན་པོ་གང་དེ་ལ། །གསོལ་བ་འདེབས་སོ༴ །སླར་ཡང་རྒྱལ་བའི་བསྟན་དང་གདུལ་བྱའི་དོན། །ཕྲིན་ལས་བསམ་

[Full Size]

མི་ཁྱབ་པའི་རོལ་པ་ཡིས། །སྐྱེ་བ་སྤྲུལ་སྐུའི་ངོ་མཚར་དུ་མའི་མཐར། །ཡང་དག་རྫོགས་པའི་སངས་རྒྱས་སྟོང་རྩ་ཡི། །ཐ་མར་གྱུར་པ་མོས་པ་སྣང་མཛད་ཅེས། །སངས་རྒྱས་སྟོང་གི་སྐུ་ཚེ་ཕྲིན་ལས་ཀུན། །གཅིག་བསྡུས་ཉིད་དུ་མངོན་པར་སངས་རྒྱས་ལ། །གསོལ་བ་འདེབས་སོ༴ །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །སྐྱེ་བ་འདི་ནས་བྱང་ཆུབ་སྙིང་པོའི་བར། །མགོན་མཆོག་དམ་པ་རྣམས་ཀྱིས་རྗེས་བཟུང་ནས། །ཐམས་ཅད་མཁྱེན་པའི་གོ་འཕང་མངོན་བྱེད་ཤོག །ཅེས་འཇམ་མགོན་བླ་མ་ཡོན་ཏན་རྒྱ་མཚོ་རིན་པོ་ཆེའི་སྐྱེས་རབས་གསོལ་འདེབས་ཞིག་བྲིས་ཞེས་ཀུན་གཟིགས་བླ་མ་འཇམ་དབྱངས་མཁྱེན་བརྩེའི་དབང་པོས་བཀའ་སྩལ་ཕེབས་པ་དང་། གཞན་ཡང་བློ་

[Full Size]

གསལ་ཀརྨ་རིན་ཆེན་དར་རྒྱས་སོགས་མོས་ལྡན་འགའ་ཞིག་གིས་བསྐུལ་བ་ལས། འཇམ་མགོན་བླ་མ་དེ་ཉིད་ལོ་ཆེན་བཻ་རོ་ཙ་ནའི་རྣམ་འཕྲུལ་དུ་ཨོ་རྒྱན་རྡོ་རྗེའི་ལུང་གིས་གསལ་བར་བསྟན་པ་དང་། གཏེར་ཆེན་ཆོས་ཀྱི་རྒྱལ་པོ་སྨིན་གླིང་འགྱུར་མེད་རྡོ་རྗེའི་སྐྱེ་སྤྲུལ་དུ་ངེས་པ་རྙེད་པ་བཅས་དེ་དག་གི་སྐྱེས་རབས་ཀྱི་ཕྲེང་བ་དང་མཐུན་པར་གསོལ་འདེབས་འདི་བཞིན། དཔལ་ཀརྨ་པའི་སྐྱེས་རབས་ཀྱི་ཕྲེང་བ་བཅུ་བཞི་པའི་མཚན་གྱི་བྱིན་རླབས་ཙམ་ཐོབ་པ། དཔལ་ལྡན་ཐེག་པ་མཆོག་གི་རྡོ་རྗེས་དཔལ་སྤུངས་ཐུབ་བསྟན་ཆོས་འཁོར་གླིང་གི་གནྡྷོ་ལའི་ཡང་རྩེ་རྗེ་བཙུན་སྒྲོལ་མ་དགྱེས་པའི་བསྟི་གནས་སུ་བྲིས་པ་དགེ་ལེགས་འཕེལ།། །།

འགྲོ་མགོན་ཤངས་པ་བཀའ་བརྒྱུད་ཀྱི་བླ་མ་མཆོད་པའི་ཆོ་ག་ཡིད་བཞིན་ནོར་བུ། ཀརྨ་ངག་དབང་ཡོན་ཏན་རྒྱ་མཚོ་བློ་གྲོས་མཐའ་ཡས།

[Full Size]

འགྲོ་མགོན་ཤངས་པ་བཀའ་བརྒྱུད་ཀྱི་བླ་མ་མཆོད་པའི་ཆོ་ག་ཡིད་བཞིན་ནོར་བུ་ཞེས་བྱ་བ་བཞུགས་སོ། །

[Full Size]

ན་མོ་གུ་རུ་ཛྙཱ་ན་ཌཱ་ཀི་ནཱི་ཡཻ། །རྡོ་རྗེ་འཆང་ལས་དེ་ཉིད་བརྙེས། །མི་སློབ་ཟུང་འཇུག་གྲུབ་པ་མོ། །ཡེ་ཤེས་ཌཱ་ཀི་རྣམ་གཉིས་དང་། །དབྱེར་མེད་བླ་མའི་ཞབས་ལ་འདུད། །མཆོག་དང་ཐུན་མོང་དངོས་གྲུབ་ཀུན། །བླ་མ་ཁོ་ནར་རགས་ལུས་ཕྱིར། །དེ་ཉིད་མཉེས་བྱེད་སྐལ་ལྡན་ལ། །འདོད་པའི་དོན་རྣམས་ལྷུག་པར་འཇོ། །དེ་བས་བྱ་བ་གཞན་སྤངས་ལ། །བླ་མ་མཆོད་པ་ཡང་དག་བརྩམ། །མདོ་རྒྱུད་བསྟན་བཅོས་ཐམས་ཅད་དང་། །དྲི་མེད་གདམས་པའི་ཉིང་ཁུ་ཡིན། །སྒྲུབ་པ་པོ་མོས་གུས་

[Full Size]

དང་ལྡན་ཞིང་དཀོན་མཆོག་ཀུན་འདུས་ཀྱི་ངོ་བོ་བླ་མ་ལ་ཡིད་ཆེས་པའི་སྐལ་བ་ཅན་དག་གིས་ཉམས་ལེན་སྙིང་པོར་བྱ་བ་ནི་འདི་ཡིན་ཏེ། དེའང་འབྱོར་པ་ཡོད་ན། གནས་གཙང་མར་རྒྱན་དང་ཡོ་བྱད་ཀྱི་བཀོད་པས་སྤྲས་པའི་གུང་དུ་ཚོགས་ཀྱི་རྟེན་བྲིས་སྐུ་ལ་སོགས་པ་བཞུགས་སུ་གསོལ་བའི་སྤྱན་སྔར། མཎྜལ། ཆུ་གཉིས་ཉེར་སྤྱོད་གཙོ་བོར་གྱུར་པའི་མཆོད་རྫས་ཅི་ཙམ་འབྱོར་བ་གཙང་ཞིང་དག་ལ་སེར་སྣས་མ་སྦགས་པ་དང་། ཁྱད་པར་ཅན་གྱི་དུས་མཁས་གྲུབ་ཁྱུང་པོ་རྣལ་འབྱོར་ཆོས་སྐུ་མཁའ་ཁྱབ་ཆེན་པོར་མངོན་པར་བྱང་ཆུབ་

[Full Size]

པའི་དུས་མཆོད་དགུན་ར་བའི་བཅུ་བཞི་ལྟ་བུར་ཚོགས་ཀྱི་ཡོ་བྱད་ཀྱང་རྒྱས་པར་བཤམ། འབྱོར་པས་དབེན་པའམ། སྤྲོས་མེད་ཀྱི་རྣལ་འབྱོར་ལྟ་བུར་མཎྜལ་ཉེར་སྤྱོད་ཙམ་གང་འཛོམ་གྱིས་ཀྱང་ཆོག །གཙོ་བོར་འཁོར་བ་ལས་བློ་ངེས་པར་འབྱུང་ཞིང་མཆོག་གི་དངོས་གྲུབ་དོན་དུ་གཉེར་བའི་དད་པ་དང་། བླ་མ་བརྒྱུད་པའི་རྣམ་ཐར་ལ་ཡིད་ཆེས་ཀྱི་མོས་གུས་དུང་ངེ་བའི་སྒོ་ནས། ཐོག་མར་སྐྱབས་སུ་འགྲོ་བ་ནི། མ་ནམ་མཁའ་དང་མཉམ་པའི་སེམས་ཅན་ཐམས་ཅད་སྐྱབས་ཀུན་འདུས་ཀྱི་ངོ་བོ་བླ་མ་རིན་པོ་ཆེ་ལ་སྐྱབས་སུ་མཆི་བ་ལགས་སོ། །ལན་ཁ་ཡར་བརྗོད། སེམས་བསྐྱེད་པ་ནི། སེམས་ཅན་ཐམས་ཅད་ཀྱི་དོན་དུ་ཟུང་འཇུག་རྡོ་རྗེ་འཆང་ཆེན་པོའི་གོ་འཕང་ཐོབ་པར་བྱ། དེའི་ཆེད་དུ་ཟབ་ལམ་བླ་མ་མཆོད་པ་ཉམས་སུ་བླང་བར་བགྱིའོ། །ལན་གསུམ། བགེགས་བསལ་བ་ནི། རང་ཉིད་སྐད་ཅིག་གིས་དཔལ་འཁོར་ལོ་སྡོམ་པ་ཡུམ་དང་བཅས་པའི་སྐུར་

[Full Size]

གྱུར། །ལྷ་དང་ལྷ་མིན་གསང་བ་པ། །ལུས་སྲུལ་ལ་སོགས་གང་ཅིའང་རུང་། །ལུས་ངག་སེམས་ལ་གནས་པ་ཡི། །བགེགས་ཀྱི་ཚོགས་རྣམས་ང་ལ་ཉོན། །ང་ནི་དཔལ་ལྡན་རྡོ་རྗེའི་སྟོབས། །སྲུང་བའི་འཁོར་ལོ་རབ་སྦྱོར་བས། །རྡོ་རྗེ་འབར་བའི་སྐུ་ཡིས་ནི། །ལུས་གསུམ་ལས་སྐྱེས་དགས་པར་བྱ། །གལ་ཏེ་ཁ་ཅིག་བདག་ལས་འདའ། །རྣམ་པར་བརླག་འགྱུར་གཞན་དུ་མིན། །སུམྦྷ་ནི་བརྗོད་ལ་མཚམས་རྔམ་བྱ། །སྣ་ཚོགས་འོད་ཀྱི་འཕྲོ་འདུ་ལས། །ཕྱོགས་ཀུན་རྡོ་རྗེ་འབར་བའི་གུར། །ཕྱི་རོལ་ཡེ་ཤེས་མེ་དཔུང་འབར། །རབ་བརྟན་སྲུང་བའི་འཁོར་ལོར་གྱུར། །ཨོཾ་བཛྲ་ཙཀྲ་རཀྵ་བྷྲཱུྃ་ཧཱུྃ། མཆོད་པ་བྱིན་གྱིས་བརླབ་པ་ནི། བསངས་ཆུ་ལ་དམིགས་ཏེ། ཨོཾ་བཛྲ་ཨ་མྲྀ་ཏ་

[Full Size]

ཀུཎྜ་ལཱི་ཧ་ན་ཧ་ན་ཧཱུྃ་ཕཊ། ཉེར་གཅིག་ཙམ་གྱིས་བྱིན་བརླབས་ལ་འཐོར་ཏེ་སྔགས་དེ་ཉིད་ཀྱིས་བསང་། སྭ་བྷཱ་བས་སྦྱངས། སྟོང་པའི་ངང་ལས་གནས་ཁང་བྷྲཱུྃ་ལས་རིན་པོ་ཆེ་ལས་གྲུབ་པའི་གཞལ་མེད་ཁང་བརྩེགས་མཚན་ཉིད་ཐམས་ཅད་ཡོངས་སུ་རྫོགས་པའི་དབུས་སུ་ཨོཾ་ལས་བྱུང་བའི་རིན་པོ་ཆེ་ལས་གྲུབ་པའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཧཱུྃ་ཞུ་བ་ལས་བྱུང་བའི་ལྷ་རྫས་ལས་གྲུབ་པའི་མཆོད་ཡོན། ཞབས་བསིལ། མེ་ཏོག །བདུག་སྤོས། སྣང་གསལ། དྲི་ཆབ། ཞལ་ཟས། རོལ་མོ་ལ་སོགས་པ་མཆོད་རྫས་བཟང་ཞིང་དགེ་བ་ནམ་མཁའི་ཁམས་ཐམས་ཅད་གང་བར་གྱུར། ཨོཾ་བཛྲ་ཨརྒྷཾ་སྭཱ་ཧཱ། ཨོཾ་བཛྲ་པདྱཾ་སྭཱ་ཧཱ། ཨོཾ་བཛྲ་པུཥྤེ་ཨཱཿཧཱུྃ། ཨོཾ་བཛྲ་དྷཱུ་པེ། ཨཱ་ལོ་ཀེ། གྷནྡྷེ། ནཻ་

[Full Size]

བིདྱ། ཤབྡ་ཨཱཿཧཱུྃ། ཞེས་རོལ་མོས་བྱིན་དབབ། ཚོགས་རྟེན་སྒྲུབ་པ་ནི། དག་པའི་ཞིང་ཁམས་རྒྱ་ཆེ་བཀོད་ལེགས་ཤིང་། །ངོ་མཚར་རྒྱན་བཀོད་བསམ་མི་ཁྱབ་པའི་མཁར། །རྡོ་རྗེ་ནོར་བུའི་ཁང་བརྩེགས་དཔེ་མེད་པ། །ཐར་པ་ཆེན་པོའི་གཞལ་ཡས་ཡངས་པའི་དབུས། །སེང་ཁྲི་པད་དཀར་ཟླ་བ་རྒྱས་པའི་སྟེང་། །རྩ་བའི་བླ་མ་ཡེ་ཤེས་ཌཱ་ཀི་ནཱི། །སུ་ཁ་སིདྡྷི་དཀར་ལ་དམར་བའི་མདངས། །དབུ་སྐྲ་སིལ་བུ་སྤྱན་གསུམ་ཧྲིག་གེར་གཟིགས། །ཕྱག་གཡས་བདུད་རྩིས་བཀང་བའི་ཐོད་པ་བསྣམས། །གཡོན་པས་སྐྱེ་མེད་མཚོན་པའི་ཕྱག་རྒྱ་མཛད། །རུས་པའི་རྒྱན་ལྡན་ཞབས་གཉིས་གར་སྟབས་ཚུལ། །ཡེ་ཤེས་སྐུ་ཅན་འཇའ་འོད་ཀློང་ན་བཞུགས། །

[Full Size]

དེ་ཡི་སྤྱི་བོར་དྲུག་པ་རྡོ་རྗེ་འཆང་། །རྡོ་རྗེ་བདག་མེད་ཡུམ་དང་མཉམ་པར་སྦྱོར། །གཙོ་བོའི་མཐའ་སྐོར་མདུན་སོགས་ཕྱོགས་བཞི་རུ། །རྗེ་བཙུན་མཁའ་འགྲོའི་དཔང་ཕྱུག་ནི་གུ་མ། །སྨུག་ནག་སྤྱན་གསུམ་ལྟ་སྟངས་མཁའ་ལ་གཟིགས། །ཅང་ཏེའུ་ཐོད་པ་རྡོ་རྗེའི་ཁ་ཊྭཱྃ་འཆང་། །རུས་པའི་རྒྱན་ལྡན་ཞབས་གཉིས་ཕྱེད་སྐྱིལ་བཞུགས། །རྒྱལ་སྲས་མཻ་ཏྲི་རྣལ་འབྱོར་སྤྱོད་པའི་ཆས། །རཏྣ་དེ་བཱི་གངྒཱ་དྷ་རིས་བརྟེན། །སྒྲ་གཅན་འཛིན་སྦས་འཆི་མེད་གྲུབ་པའི་ཚུལ། །བསོད་ནམས་འབྱུང་གནས་དགེ་སློང་པ་ཆེན་གཟུགས། །བར་མཚམས་པ་ཆེན་རྣལ་འབྱོར་མཁའ་འགྲོ་མའི། །ཆས་ལྡན་མཁས་གྲུབ་བརྒྱ་དང་ལྔ་བཅུ་བཞུགས། །དེ་

[Full Size]

མདུན་སྒྲུབ་བརྒྱུད་མངའ་བདག་ཁྱུང་པོ་རྗེ། །ཆོས་གོས་རྣམ་གསུམ་པ་ཞྭ་དམར་པོ་གསོལ། །ཕྱག་གཡས་ས་གནོན་གཡོན་པ་ངལ་གསོའི་སྟབས། །ཕྱེད་སྐྱིལ་རོལ་པའི་པད་ཟླའི་གདན་ལ་བཞུགས། །བཀའ་བབ་ཐུགས་སྲས་ཆེན་པོ་རྣམ་དྲུག་ནས། །རྩ་བའི་བླ་མའི་བར་དུ་རིམ་བྱོན་པའི། །བཀའ་བརྒྱུད་ནོར་བུའི་ཕྲེང་བ་འཛིན་པ་རྣམས། །ཕལ་ཆེར་གཙང་སྒོམ་ངུར་སྨྲིག་འཆང་བ་ལ། །ལ་ལ་རྣལ་འབྱོར་སྤྱོད་སོགས་མ་ངེས་ཚུལ། །གང་ལ་གང་འདུལ་མོས་པའི་དཔལ་དུ་འཆར། །ཀུན་ཀྱང་སྐྱེ་མེད་རྟོགས་པའི་གདེང་དང་ལྡན། །སྐུ་གསུང་ཐུགས་ཀྱི་གསང་བ་བསམ་མི་ཁྱབ། །ཏིང་འཛིན་སྒོ་བརྒྱར་རྟག་ཏུ་སྙོམས་པར་འཇུག །བརྟུལ་ཞུགས་

[Full Size]

ཆོ་འཕྲུལ་ཕྱོགས་མེད་ཀུན་ཏུ་གྲུབ། །མཛད་པ་ཕྲིན་ལས་ཕྱོགས་བཅུ་དུས་གསུམ་ཁྱབ། །བྱིན་རླབས་ཐུགས་རྗེའི་གཟི་བྱིན་ཚད་མེད་འབར། །སྟེང་ཕྱོགས་བླ་མ་མཐའ་སྐོར་ཡི་དམ་ལྷ། །སངས་རྒྱས་བྱང་སེམས་དཔའ་བོ་རྣལ་འབྱོར་མ། །ཆོས་སྐྱོང་དམ་ཅན་རྒྱ་མཚོའི་ཚོགས་དང་བཅས། །དཔལ་ལྡན་བླ་མའི་གསང་གསུམ་རོལ་པར་ཤར། །གང་ཞིག་བླ་མ་སངས་རྒྱས་ཡིད་བྱད་པ། །དེ་ཡི་མདུན་ན་མངོན་སུམ་བཞུགས་པར་གྱུར། །འདིར་སྤྱན་འདྲེན་བཞུགས་གསོལ་བྱ་མི་དགོས་ཀྱང་ལས་དང་པོ་པའི་བློ་དམན་རྣམས་ལ་འཆར་བདེ་བ་ལྟར་ན། སྐྱེས་མཆོག་གཉིས་མེད་ཡེ་ཤེས་སྤྱན་ཅན་རྣམས། །ཆོས་ཀྱི་སྐུ་ལ་གཤེགས་འབྱོན་མི་མངའ་ཡང་། །གཟུགས་སྐུ་བརྩེ་བ་ཆེན་པོའི་རྣམ་འཕྲུལ་གྱིས། །དད་ལྡན་

[Full Size]

མཆོད་པའི་ཞིང་དུ་གཤེགས་སུ་གསོལ། །རཏྣ་གུ་རུ་ས་པ་རི་ཝཱ་ར་བཛྲ་ས་མཱ་ཛཿ། །མགོན་པོ་འགྲོ་བའི་དོན་ལ་བྱོན་པ་ལེགས། །བདག་གིས་མཆོད་ཡོན་འདི་ཉིད་བཞེས་ནས་ཀྱང་། །ཇི་སྲིད་མཆོད་པའི་བྱ་བ་མ་རྫོགས་པར། །ཡིད་འོང་གདན་ལ་བདེ་བར་བཞུགས་སུ་གསོལ། །ཨོཾ་པྲ་ཝ་ར་སཏྐ་ར་ཨརྒྷཾ་པྲ་ཏཱིཙྪ་སྭཱ་ཧཱ། དེ་བཞིན། པདྱཾ་སྦྱར་ལ་ཆུ་གཉིས་ཕུལ། ཨོཾ་པདྨ་ཨཱ་ས་ནི་ས་མ་ཡ་སྟྭཾ། ཞེས་སྔར་བསྐྱེད་པ་དང་གཉིས་སུ་མེད་པར་གདན་ལ་བཞུགས་པར་མོས། དངོས་སུ་ཕྱག་བྱ་བའམ་ཐལ་མོ་སྦྱར་ཏེ། རྣམ་དག་སྐུ་ནི་སྐྱོན་བྲལ་འཁྲུལ་པ་མེད། །ཕུན་ཚོགས་གསུང་དབྱངས་ཤེས་བྱ་མ་ལུས་ཁྱབ། །ཟབ་དང་རྒྱ་ཆེའི་དེ་ཉིད་མཁྱེན་པའི་ཐུགས། །རྡོ་རྗེ་གསུམ་དངོས་དཔལ་ལྡན་བླ་མར་འདུད། །

[Full Size]

སྒྲིབ་གཉིས་བག་ཆགས་བཅས་པ་གཏན་ནས་སྤངས། །དག་པ་གཉིས་ལྡན་ཡོན་ཏན་ཐམས་ཅད་རྫོགས། །རང་གཞན་དོན་གྱུར་སྐུ་གཉིས་མངོན་མཛད་པ། །འཁོར་འདས་མ་ལུས་སྤྲུལ་པར་མཛད་ལ་འདུད། །གཡོ་མེད་སེམས་ཀྱིས་བསྟེན་ན་སྐད་ཅིག་ལ། །བྱིན་གྱིས་བརླབས་པས་བླ་མེད་བྱང་ཆུབ་ལམ། །ཡང་ན་འདོད་པ་མཆོག་དང་ཐར་པ་ཡི། །དམ་པ་ངེས་པར་སྦྱིན་མཛད་ཁྱོད་ལ་འདུད། །ལྷན་སྐྱེས་ཟུང་འཇུག་སྲིད་གསུམ་བདེ་ཆེན་དངོས། །དམིགས་མེད་ཐུགས་རྗེས་ཁམས་གསུམ་འགྲོ་ཀུན་སྒྲོལ། །མཁྱེན་བརྩེ་ནུས་པའི་ཡོན་ཏན་ཟད་མི་མངའ། །ཆོས་དབྱིངས་རྣམ་དག་གཡོ་མེད་ཁྱོད་ལ་འདུད། །ཉིད་ཀྱི་ཡེ་ཤེས་གཅིག་གི་རང་སྣང་ལས། །མ་ལུས་རྒྱལ་བ་སྲས་བཅས་སྤྲིན་སྤྲོ་བ། །

[Full Size]

བདེན་པ་གཉིས་ཀྱི་རྣམ་ཐར་ཚད་མི་མངའ། །སངས་རྒྱས་ཐམས་ཅད་འདུས་པའི་ངོ་བོར་འདུད། །ཁྱབ་བདག་འཁོར་ལོའི་མགོན་པོ་རྡོ་རྗེ་འཆང་། །བདག་མེད་མ་དང་རྗེ་བཙུན་བིརྺ་པ། །རྒྱལ་བ་ཀུན་བསྐྱེད་བདེ་བའི་དངོས་གྲུབ་དང་། །ས་བཅུའི་དབང་ཕྱུག་ནི་གུ་མ་ལ་འདུད། །མཻ་ཏྲི་པ་དང་བསོད་ནམས་འབྱུང་གནས་སྦས། །རཱ་ཧུ་ལ་སོགས་མཁས་གྲུབ་བརྒྱ་ལྔ་བཅུ། །ཁྱུང་པོ་རྣལ་འབྱོར་རིན་ཆེན་བརྩོན་འགྲུས་དང་། །དབོན་སྟོན་གཉན་སྟོན་ཆོས་རྗེ་སྟོན་པར་འདུད། །མཁས་གྲུབ་རྣམ་གསུམ་ཁྱུང་པོ་ཚུལ་ཁྲིམས་མགོན། །རས་ཆེན་ཤངས་དཀར་སངས་རྒྱས་དཔལ་བཟང་པོ། །ནམ་རྒྱལ་ལེགས་རྒྱལ་གྲོལ་མཆོག་ལྷ་དབང་གྲགས། །

[Full Size]

རྗེ་བཙུན་ཆེན་པོ་ཏཱ་ར་ནཱ་ཐར་འདུད། །རྒྱལ་མཚན་དཔལ་བཟང་རྡོ་རྗེ་གཞོན་ནུ་ཆེ། །ནམ་མཁའི་རྣལ་འབྱོར་བྱང་སེམས་སྦྱིན་པ་བཟང་། །གྲུབ་པའི་དབང་ཕྱུག་ཐང་སྟོང་རྒྱལ་པོ་སོགས། །རིང་བརྒྱུད་ཉེ་བརྒྱུད་བླ་མ་རྣམས་ལ་འདུད། །ཕྱི་མཆོད་འབུལ་བ་ནི། མདོག་བཟང་དབྱིབས་ལེགས་ཚིམས་པའི་དྲི་བསུང་ཅན། །མནྡཱ་ར་དང་ཨུཏྤལ་ཀུ་མུད་སོགས། །དངོས་འབྱོར་ཡིད་ཀྱིས་སྤྲུལ་པའི་མེ་ཏོག་ཀུན། །སྐྱབས་མཆོག་དཔལ་ལྡན་བླ་མའི་ཚོགས་ལ་འབུལ། །ཨོཾ་རཏྣ་གུ་རུ་ས་པ་རི་བཱ་ར་བཛྲ་པུཥྤེ་པཱུ་ཛ་མེ་གྷ་ས་མུ་དྲ་སྥ་ར་་ས་མ་ཡེ་ཧཱུྃ། །རྒྱུ་བཟང་མནམས་ན་ཞིམ་པའི་དྲི་ངད་ཅན། །ཨ་ག་རུ་དང་ཙནྡན་སྦྲུལ་སྙིང་སོགས། །དངོས་འབྱོར་ཡིད་ཀྱིས་སྤྲུལ་པའི་བདུག་སྤོས་ཀུན། །སྐྱབས་མཆོག་

[Full Size]

དཔལ་ལྡན་བླ་མའི་ཚོགས་ལ་འབུལ། །ཨོཾ་རཏྣ་གུ་རུ་ས་པ་རི་བཱ་ར་བཛྲ་དྷཱུ་པེ་པཱུ་ཛ་མེ་གྷ་ས་མུ་དྲ་སྥ་ར་ས་མ་ཡེ་ཧཱུྃ། །མུན་སེལ་དངོས་ཀུན་གསལ་བའི་གཟི་བརྗིད་ཅན། །སྒྲོན་མེ་ཉི་ཟླ་ལུས་ཀྱི་འོད་ལ་སོགས། །དངོས་འབྱོར་ཡིད་ཀྱིས་སྤྲུལ་པའི་སྣང་གསལ་ཀུན། །སྐྱབས་མཆོག་དཔལ་ལྡན་བླ་མའི་ཚོགས་ལ་འབུལ། །ཨོཾ་རཏྣ་གུ་རུ་ས་པ་རི་བཱ་ར་བཛྲ་ཨཱ་ལོ་ཀེ་པཱུ་ཛ་མེ་གྷ་ས་མུ་དྲ་སྥ་ར་་ས་མ་ཡེ་ཧཱུྃ། །དྲི་ཞིམ་བྱུག་ན་བདེ་བའི་རེག་མཆོག་ཀུན། །ག་བུར་གླ་རྩི་མནོམ་པའི་དྲི་ལ་སོགས། །དངོས་འབྱོར་ཡིད་ཀྱིས་སྤྲུལ་པའི་དྲི་མཆོག་ཀུན། །སྐྱབས་མཆོག་དཔལ་ལྡན་བླ་མའི་ཚོགས་ལ་འབུལ། །ཨོཾ་རཏྣ་གུ་རུ་ས་པ་རི་བཱ་ར་བཛྲ་གནྡྷེ་པཱུ་ཛ་མེ་གྷ་ས་མུ་དྲ་སྥ་ར་་ས་མ་ཡེ་ཧཱུྃ། །

[Full Size]

མདོག་བཟང་མྱངས་ན་བདེ་བའི་རོ་བཅུད་ཅན། །འབྲས་ཆན་ཀ་ར་རྒྱ་གཏར་ཁུ་བ་སོགས། །དངོས་འབྱོར་ཡིད་ཀྱིས་སྤྲུལ་པའི་ཞལ་ཟས་ཀུན། །སྐྱབས་མཆོག་དཔལ་ལྡན་བླ་མའི་ཚོགས་ལ་འབུལ། །ཨོཾ་རཏྣ་གུ་རུ་ས་པ་རི་བཱ་ར་ནཻ་བིདྱ་པཱུ་ཛ་མེ་གྷ་ས་མུ་དྲ་སྥ་ར་་ས་མ་ཡེ་ཧཱུྃ། །དོན་ཟབ་ཐོས་ན་སྙན་པའི་སྒྲ་དབྱངས་ཅན། །རྔ་ཆེན་དུང་དང་ཕེག་རྡོབ་རྒྱུད་མང་སོགས། །དངོས་འབྱོར་ཡིད་ཀྱིས་སྤྲུལ་པའི་སིལ་སྙན་ཀུན། །སྐྱབས་མཆོག་དཔལ་ལྡན་བླ་མའི་ཚོགས་ལ་འབུལ། །ཨོཾ་རཏྣ་གུ་རུ་ས་པ་རི་བཱ་ར་ཤབྡ་པཱུ་ཛ་མེ་གྷ་ས་མུ་དྲ་སྥ་ར་་ས་མ་ཡེ་ཧཱུྃ། །སྲབ་འཇམ་ཡངས་པ་ལྷ་ཡི་གོས། །མི་བསྐྱོད་རྡོ་རྗེའི་སྐུ་ལ་གསོལ། །མི་ཕྱེད་དད་པས་བདག་འབུལ་ན། །

[Full Size]

བདག་ཀྱང་རྡོ་རྗེའི་སྐུ་ཐོབ་ཤོག །ཨོཾ་རཏྣ་གུ་རུ་ས་པ་རི་བཱ་ར་བཛྲ་ཝསྟྲ་ཡ་ཨཱཿཧཱུྃ་སྭཱ་ཧཱ། །མགོན་ཁྱོད་བཀྲེས་སྐྱེམས་མི་མངའ་ཡང་། །འོ་ཐུག་བུར་ཁུ་བདུད་རྩིའི་ཆུ། །བཟའ་དང་བཅའ་བ་རྒྱ་ཆེན་པོ། །ཁ་དོག་དྲི་དང་རོ་ལྡན་པ། །ཐམས་ཅད་སྦྱར་བ་བཤོས་ཀྱི་མཆོག །ཀུན་བཟང་བདེ་ཆེན་བཞེས་སུ་གསོལ། ༈ །བདེ་བའི་དངོས་གྲུབ་དཀྱིལ་འཁོར་གཙོ། །བླ་མ་མཆོག་དང་ཐ་མི་དད། །བཀའ་བརྒྱུད་ཐམས་ཅད་ཁྱེད་ཀྱི་འཕྲུལ། །དེ་ཕྱིར་སྙིང་ནས་གུས་ཕྱག་འཚལ། །བདག་ནི་སྐྱབས་གནས་གཞན་ཀུན་པས། །བ་སྤུའི་ཁུང་བུ་གཅིག་ལ་ཡང་། །ལྷག་པར་ཡང་ནི་དད་ལགས་པ། །རྨོངས་པས་མ་ཡིན་རྒྱུ་དང་བཅས། །སངས་རྒྱས་ཀུན་ལས་ཆེས་ལྷག་པར། །

[Full Size]

རྒྱུད་སྡེ་ཀུན་ཏུ་རྒྱལ་བས་བསྔགས། །མདོ་སོགས་ཀུན་ཏུ་མཚུངས་པར་གསུངས། །རྒྱལ་བས་ནན་ཏན་བསྟོད་ལ་འདུད། །ཕྱོགས་བཅུའི་འདྲེན་པ་རྒྱལ་སྲས་ཀྱིས། །བྱང་སེམས་རྡོ་རྗེ་བཞིན་དུ་བལྟ། །ཐམས་ཅད་ཉིན་རེ་དུས་བཞི་རུ། །ཕྱག་འཚལ་མཆོད་ནས་འདི་སྐད་དུ། །བདག་ཅག་དེ་བཞིན་གཤེགས་ཀུན་གྱི། །ཕ་མ་སྟོན་པ་ཁྱེད་ཅེས་སྒྲོག །སྟོན་པ་རྡོ་རྗེ་འཛིན་ཁྱོད་ལ། །སྐྱོབ་པར་བཅས་པས་ཕྱག་འཚལ་ལོ། །གྲངས་མེད་བསྐལ་པར་རྒྱལ་རྣམས་ལ། །རིན་ཆེན་ཞིང་མཆོག་ཕུལ་བ་བས། །ཁྱེད་ཀྱི་སྐུ་ལ་ཏིལ་མར་གྱི། །ཐིག་པས་མཆོད་ནའང་བསོད་ནམས་མཆོག །ཅི་ཕྱིར་ཞེ་ན་སངས་རྒྱས་ཀྱི། །ཡེ་ཤེས་མ་ལུས་ཁྱོད་ལས་བྱུང་། །མཆོད་པ་ཐམས་ཅད་སྤངས་ནས་ནི། །རྗེ་

[Full Size]

བཙུན་ཁྱོད་ལ་མཆོད་ཅིང་འདུད། །རྡོ་རྗེ་གསུམ་གྱི་དངོས་གྲུབ་ཚོགས། །ཉིད་ཀྱི་སྐུ་གསུང་ཐུགས་ལ་གནས། །ཁྱོད་ནི་གང་ལའང་མི་གནས་ཏེ། །མཁའ་མཉམ་འོད་གསལ་རྨད་བྱུང་ཆེ། །རྩོད་པའི་དུས་འདིར་རྡོ་རྗེ་སེམས། །དངོས་སུ་མཐོང་བའི་སྐལ་མེད་པས། །སློབ་དཔོན་གཟུགས་ཀྱིས་སྒྲུབ་རྣམས་ལ། །བརྩེ་བས་མཆོད་པ་ལེན་ལ་འདུད། །རིགས་ལྔའི་དཀྱིལ་འཁོར་ཡེ་ཤེས་ལྔ། །འགྲོ་བ་འདུལ་ཕྱིར་ཕུང་པོ་ལྔ། །ཚད་མེད་ལྷ་མོ་བཞིའི་དཀྱིལ་འཁོར། །འབྱུང་བཞིར་སྟོན་པ་ཡ་མཚན་རྨད། །སྤྱན་སོགས་ཡང་ནི་སེམས་དཔའ་བརྒྱད། །ཚིག་སོགས་ཡང་དག་ཁྲོ་བོ་བཅུ། །གཟུགས་སོགས་ཡང་ནི་རྡོ་རྗེ་མ། །ཡེ་ཤེས་སྐུ་ལ་བདག་ཕྱག་

[Full Size]

འཚལ། །སྐྱེ་འཆི་ཅན་གྱི་སྐུའོ་ཞེས། །ལོག་པར་བཟུང་བ་གནོང་ཞིང་འགྱོད། །དེ་བས་བསམ་པ་ཐག་པས་བཤགས། །བདག་ཀྱང་ཁྱོད་ལྟར་མངོན་གྱུར་ཅིག །བྱང་ཆུབ་ཕྱོགས་ཆོས་སུམ་ཅུ་བདུན། །བཅོམ་ལྡན་སྐུ་ཡི་ཆ་ཤས་ལགས། །ཅོད་པན་རིགས་ལྔ་བ་སྤུ་རྣམས། །དགྲ་བཅོམ་ལགས་ཏེ་དེ་བས་འདུད། །འཇིག་རྟེན་ལྷ་རྣམས་ཁྱེད་ཀྱི་གདན། །སྲིད་གསུམ་བླ་མ་ཁྱེད་ཉིད་ལགས། །ཁྱེད་ནི་དཀོན་མཆོག་གསུམ་ལགས་ཤིང་། །རིན་ཆེན་གསུམ་གྱི་བྱེད་པོར་གསུངས། །གཡོ་སྒྱུ་ཚིག་ཙམ་མ་ཡིན་པར། །དེང་ནས་བྱང་ཆུབ་སྙིང་པོའི་བར། །བསམ་པ་ཐག་པས་སྐྱབས་སུ་མཆི། །ལྷག་པར་དད་པས་ཕྱག་འཚལ་ལོ། །བར་འདིར་མཎྜལ་ཚོམ་བུ་སོ་བདུན་མ་སྤྱི་མཐུན་རྒྱས་པ་

[Full Size]

དང་། བཀོད་པ་ཤིན་ཏུ་མཛེས་པའི་མཎྜལ་མཆོག །དབུས་ཀྱི་རི་རྒྱལ་གླིང་བཞི་གླིང་ཕྲན་བཅས། །གསལ་བྱེད་ཉི་མ་ཟླ་བས་བསྐོར་ཞིང་མཛེས། །ཕྱི་རོལ་ལྕགས་རི་བར་ནི་རོལ་མཚོས་བརྒྱན། །རིན་ཆེན་དཔག་བསམ་ཤིང་དང་འདོད་འཇོའི་བ། །རྒྱལ་སྲིད་སྣ་བདུན་རིན་ཆེན་གཏེར་དང་བརྒྱད། །མ་རྨོས་ལོ་ཏོག་ཡན་ལག་བརྒྱད་ལྡན་ཆུ། །ཕྱི་ནང་གསང་གསུམ་མཆོད་སྤྲིན་བསམ་མི་ཁྱབ། །དགའ་དང་སྤྲོ་བ་སྐྱེད་པའི་མཎྜལ་འདི། །དོན་གཉིས་བསྒྲུབ་པར་འདོད་པའི་རྣལ་འབྱོར་པས། །བརྩོན་པའི་སྟོབས་ཀྱིས་བླ་མ་ཡི་དམ་དང་། །རྒྱལ་བ་རྒྱ་མཚོའི་ཚོགས་ལ་དབུལ་བར་བྱ། །སངས་རྒྱས་ཀུན་གྱི་གདུང་འཛིན་རྣལ་འབྱོར་པས། །

[Full Size]

མཉེས་བྱེད་མཎྜལ་བཟང་པོ་འདི་ཕུལ་བས། །ཉེས་སྐྱོན་དྲི་མའི་ཚོགས་རྣམས་ཀུན་སྤངས་ནས། །མཆོག་དང་ཐུན་མོང་དངོས་གྲུབ་སྩལ་དུ་གསོལ། །ཞེས་མཎྜལ་བཀའ་རྒྱ་མའང་འབུལ། འཁོར་ལོ་ནོར་བུ་བཙུན་མོ་དམ་པ་དང་། །བློན་པོ་གླང་པོ་རྟ་མཆོག་དམག་དཔོན་ཏེ། །རྒྱལ་སྲིད་རིན་ཆེན་སྣ་བདུན་དཔག་མེད་ཀྱང་། །མངོན་པར་སྤྲུལ་ནས་བླ་མ་མཆོག་ལ་འབུལ། །རལ་གྲི་པགས་པ་སྐྱེད་ཚལ་ཁང་ཁྱིམ་དང་། །གཟིམས་ཆ་གོས་དང་མཆིལ་ལྷྭམ་རིན་པོ་ཆེ། །བླ་མ་དཀྱིལ་འཁོར་ལྷ་ཚོགས་བཅས་ལ་འབུལ། །བཞེས་ནས་བདག་ལ་བྱིན་གྱིས་བརླབ་ཏུ་གསོལ། །རྒྱལ་བ་རྣམས་ཀྱི་འདོད་འབྱུང་ལྷ་མོའི་ཚུལ། །གཟུགས་སྒྲ་དྲི་རོ་རེག་བྱའི་བདེ་སྟེར་མ། །

[Full Size]

མེ་ལོང་པི་ཝང་སྤོས་ཁང་བཟའ་བཏུང་སྣོད། །རས་ཕྲན་བཟང་དང་པདྨ་བྷཉྫ་ན། །ཅང་ཏེའུ་སྒྲ་སྒྲོག་ཁ་ཊྭཱྃ་ལ་བརྟེན་མ། །དཀར་སྔོ་སེར་དང་དམར་དང་ལྗང་བའི་གཟུགས། །གཟུགས་མཛེས་དབྱངས་སྙན་དྲི་ལྡན་བཅུད་ལྡན་མ། །བདེ་ལྡན་ལང་ཚོས་དྲེགས་པའི་སྨིན་ལེགས་མ། །ནམ་མཁའ་གང་བས་བླ་མ་ལྷ་ཚོགས་མཆོད། །བདེ་མཆོག་སྒྱུ་མའི་ལོངས་སྤྱོད་རྫོགས་གསལ་མ། །པི་ཝང་གླིང་བུ་རྔ་ཟླུམ་རྫ་རྔ་ཅན། །རྒོད་དང་སྒེག་དང་གླུ་ལེན་བྲོ་གར་མཁན། །མེ་ཏོག་བདུག་པ་སྣང་གསལ་དྲི་མཆོག་མ། །གཟུགས་མ་རོ་མ་རེག་མ་ཆོས་འབྱུང་མ། །བཅུ་དྲུག་དགའ་བའི་ཆ་ཤས་ཡོངས་རྫོགས་མ། །རྡོ་རྗེ་རིག་མ་

[Full Size]

དགའ་བས་རོལ་པ་འདིས། །ཧེ་རུ་ཀ་ཁྱོད་རྡོ་རྗེ་ཡིད་དགྱེས་མཛོད། །ཁྲུས་ཀྱི་རྫིང་བུ་དམ་པ་དང་། །རེག་ན་བདེ་བ་ལྷ་ཡི་གོས། །མཁའ་ལྡིང་ཁྱུ་མཆོག་རྨ་བྱ་དང་། །གླང་པོ་རྟ་སོགས་ཐེག་པའི་མཆོག །དགོས་འདོད་འབྱུང་བའི་འདོད་འཇོའི་བ། །མ་རྨོས་འཁྲུངས་པའི་ལོ་ཏོག་དང་། །དཔག་བསམ་ཤིང་དང་འབྲས་བུའི་མཆོག །བུམ་བཟང་ནམ་མཁའ་གང་བས་མཆོད། །བདག་གི་ལུས་དང་ལོངས་སྤྱོད་དང་། །དུས་གསུམ་དགེ་བ་ཀུན་ཡང་འབུལ། །གསེར་དངུལ་མུ་ཏིག་བཻ་ཌཱུརྻ། །རིན་ཆེན་ཞིང་རྣམས་བཀང་ནས་འབུལ། །དབང་སྔོན་རྡོ་རྗེ་པདྨ་དམར། །མ་རྒད་བྱེ་རུ་ཛམྦུའི་གསེར། །ཟླ་ཤེལ་རིན་ཆེན་བདུན་གྱི་རི། །ཞིང་གི་རྡུལ་

[Full Size]

སྙེད་དབུལ་བར་བགྱི། །ཨུཏྤལ་པདྨ་ཁ་དོག་ལྔ། །ཛཱ་ཏི་ཁ་དོག་རྣམ་པ་གསུམ། །མེ་ཏོག་ཀརྞི་ཀ་ར་དང་། །མཱ་ལི་ཀ་དང་ཡུ་ཐི་ཀ། མེ་ཏོག་ཀ་ར་ཝཱི་ར་ཡང་། །བསམ་གཏན་སྟོབས་ཀྱིས་ཁྱོད་ལ་འབུལ། །མི་འཇིགས་སེང་གེ་རིན་ཆེན་ཁྲི། །པདྨ་ཉི་ཟླའི་གདན་མཆོག་དང་། །རྣ་རྒྱན་དང་ནི་གདུབ་བུ་དང་། །མགུལ་རྒྱན་སོར་གདུབ་དམ་པ་དང་། །གསེར་ལས་བྱས་པའི་མཆོད་ཕྱིར་ཐོགས། །དབུ་རྒྱན་དར་དཔྱངས་དོ་ཤལ་བཅས། །རྒྱལ་མཚན་དམར་དང་དེ་བཞིན་སེར། །དཀར་དང་གནག་དང་སེར་སྐྱ་དང་། །དེ་བཞིན་གོས་ནི་སྣ་ཚོགས་དང་། །མེ་ཏོག་ཕྲེང་བ་དུ་མ་དང་། །བླ་བྲེ་དག་ལས་དར་དཔྱངས་པའི། །མདའ་དང་ཡོལ་བས་

[Full Size]

ཤིན་ཏུ་མཛེས། །དེ་བཞིན་བཟའ་བཅའ་བཏུང་བ་ཡིས། །རབ་མཉམ་བཞག་པས་མཆོད་པར་བྱ། །གསེར་ནི་བརྒྱ་སྟོང་དུ་མ་དང་། །རིན་ཆེན་རྣམ་པ་སྣ་ཚོགས་དང་། །རས་ནི་ཟུང་གྱུར་བརྒྱ་ཉིད་དང་། །གླང་པོ་རྟ་དང་ཡུལ་འཁོར་དང་། །ཆུང་མ་བཟང་དང་བུ་མོ་ཉིད། །བྲན་ཕོ་བྲན་མོ་སྲིང་མོ་དང་། །བློ་ལྡན་ཀུན་ནས་དང་བ་ཡིས། །བདག་ཉིད་ཀྱང་ནི་དབུལ་བར་བགྱི། །བདུད་རྩི་ལྔ་ཡི་བཟའ་བ་ནི། །དངོས་གྲུབ་ཀུན་གྱི་དེ་ཉིད་མཆོག །སྒྲོན་མ་ལྔ་ཡི་བཟའ་བ་ནི། །སངས་རྒྱས་ཀུན་གྱི་དམ་ཚིག་གཙོ། །ཉེས་བྲལ་ཞི་བའི་བཏུང་བ་མཆོག །སྦྲང་རྩི་བུ་རམ་འབྲུ་དང་ཤིང་། །བཅོས་པའི་མྱོས་བྱེད་རྣམ་པ་ལྔ། །ཤེས་རབ་རང་བཞིན་དབུལ་བར་བགྱི། །ཨོཾ་ཨཱཿཧཱུྃ།

[Full Size]

ཐབས་ཤེས་ལྷན་ཅིག་སྦྱོར་བ་ལས། །རང་བཞིན་སྣང་བ་ཡོངས་དག་པའི། །ཞུ་བདེས་ཁམས་གསུམ་ཀུན་ཁྱབ་པ། །གསང་བའི་མཆོད་པས་མཉེས་པར་བགྱི། ༈ །ཁོང་སྟོང་ཁྱོད་ཀྱི་སྐུ་ལ་མེད། །ཤ་དང་རུས་པ་ཁྲག་ཀྱང་མེད། །ནམ་མཁའ་ལ་ནི་འཇའ་ཚོན་ལྟར། །ཁྱེད་ཀྱི་སྐུ་ནི་སྟོན་མཛད་འདུད། །སྐུ་ལ་བསྙུན་མེད་མི་གཙང་མེད། །བཀྲེས་དང་སྐོམ་པ་འབྱུང་མེད་ཀྱང་། །ཁྱེད་ནི་འཇིག་རྟེན་རྗེས་འཇུག་ཕྱིར། །འཇིག་རྟེན་བྱ་བ་སྟོན་མཛད་འདུད། །ཆུ་ཟླ་བཞིན་དུ་གཟུང་དུ་མེད། །ཆོས་རྣམས་གང་ལའང་གནས་པ་མེད། །ང་རྒྱལ་མེད་ཅིང་མི་གནས་པ། །དམིགས་མེད་ཁྱོད་ལ་ཕྱག་འཚལ་བསྟོད། །གཤེགས་དང་བཞུགས་དང་དེ་བཞིན་

[Full Size]

གཟིམས། །སྤྱོད་ལམ་དག་ནི་ཐམས་ཅད་དུ། །རྟག་པར་མཉམ་པར་འཇོག་གྱུར་པའི། །དམིགས་མེད་ཁྱེད་ལ་ཕྱག་འཚལ་བསྟོད། །སྒྱུ་མ་ལྟ་བུའི་ཏིང་འཛིན་གྱིས། །རྫུ་འཕྲུལ་ཆེ་ལ་རྣམ་འཕྲུལ་ཅིང་། །སྣ་ཚོགས་མིན་ལ་སྙོམས་འཇུག་པའི། །དམིགས་མེད་ཁྱེད་ལ་ཕྱག་འཚལ་བསྟོད། །ཁམས་གསུམ་ལས་ནི་རྣམ་གྲོལ་ཞིང་། །ནམ་མཁའ་དང་ནི་མཉམ་གྱུར་ལ། །འདོད་པ་རྣམས་ཀྱིས་མ་གོས་པའི། །དམིགས་མེད་ཁྱོད་ལ་ཕྱག་འཚལ་ལོ། །ཕུང་པོ་རྣམས་དང་ཁམས་རྣམས་དང་། །སྐྱེ་མཆེད་རྣམས་ལ་མི་བརྟེན་ཅིང་། །ཕྱིན་ཅི་ལོག་ལས་རྣམ་གྲོལ་བའི། །དམིགས་མེད་ཁྱོད་ལ་ཕྱག་འཚལ་བསྟོད། །རྣམ་རྟོག་མེད་ཅིང་ཀུན་རྟོག་མེད། །ཐུགས་ནི་རབ་ཏུ་མི་གནས་ལ། །

[Full Size]

བསམ་གྱིས་མི་ཁྱབ་པ་ཡི་ཐུགས། །དམིགས་མེད་ཁྱེད་ལ་ཕྱག་འཚལ་བསྟོད། །ཇི་ལྟར་ནམ་མཁའ་གནས་མེད་ཅིང་། །སྤྲོས་མེད་གོས་པ་མེད་པ་ལྟར། །མཁའ་དང་མཉམ་པའི་ཐུགས་མངའ་བ། །དམིགས་མེད་ཁྱེད་ལ་ཕྱག་འཚལ་བསྟོད། །འགྲོ་བ་ཆུ་ཡི་ཟླ་བ་བཞིན་དུ་ལྟ་བ་དང་། །ཐོས་པ་བྲག་ཆ་དང་ནི་མཚུངས་པར་ཡང་དག་འཇུག །སེམས་ཀྱང་མྱ་ངན་སྨིག་རྒྱུ་ལྟ་བུར་བལྟ་བྱ་ཞིང་། །འདི་ལྟར་བཟའ་དང་བཏུང་བ་དག་ནི་ནམ་མཁའ་ལྟ་བུ་སྟེ། །དྲི་ནི་ནམ་མཁའི་མེ་ཏོག་མཚུངས་པར་གནས་པ་དང་། །ཡིད་ནི་ཉི་མ་ཟླ་བ་ལྟ་བུར་ཁྱབ་པ་ཉིད། །ཡང་དག་གནས་པ་དེ་ཡང་རི་བོ་མཆོག་དང་མཚུངས་པ་ཡིན། །གཞོན་ནུ་མ་ཡི་རྨི་ལམ་ཇི་བཞིན་རྨི་

[Full Size]

བར་བྱ། །ཐ་སྙད་དག་ནི་སྒྱུ་མ་མིག་འཕྲུལ་ལྟ་བུར་བརྗོད། །འདི་ལྟར་ཇི་བཞིན་ལྷན་སྐྱེས་བདེ་འབྱུང་དེ་བཞིན་ཏེ། །སྲིད་པའི་རང་བཞིན་བྲལ་བ་བསམ་གྱིས་མི་ཁྱབ་པ་ཡི་ཐུགས། །རྟག་ཏུ་འཆར་བ་བདེ་གཤེགས་ལམ་མཆོག་དག་གིས་མཆོད། །ཟབ་ཞི་སྤྲོས་དང་བྲལ་བ་གཉུག་མའི་དོན། །སྣང་དང་སྟོང་པ་གཉིས་དང་གཉིས་མིན་ལ། །ཨེ་མ་ཧོ་འདི་སྙམ་བྲལ་བའི་ལྟ་བ་ཅན། །བདེ་ཆེན་ལྷན་སྐྱེས་རོལ་པ་ཁྱོད་ལ་འདུད། །སྨྲ་བསམ་བརྗོད་དུ་མེད་པའི་རང་བཞིན་ལ། །བདེ་སྟོང་འཛིན་པ་མེད་པ་བདེ་བའི་ཉམས། །ཨེ་མ་ཧོ་རྩོལ་བྲལ་ལྷུག་པའི་སྒོམ་པ་ཅན། །བདེ་ཆེན་ལྷན་སྐྱེས་རོལ་པ་ཁྱེད་ལ་འདུད། །སྤང་བླང་བྱར་མེད་རང་བཞིན་འོད་གསལ་ལ། །

[Full Size]

གཟུང་འཛིན་གློ་བུར་དྲི་མ་རྣམ་དག་པ། །ཨེ་མ་ཧོ་རང་བཞིན་ལྷུན་གྲུབ་འབྲས་བུ་ཅན། །བདེ་ཆེན་ལྷན་སྐྱེས་རོལ་པ་ཁྱོད་ལ་འདུད། །ཞེས་ཕྱི་ནང་གསང་བ་དེ་ཁོ་ན་ཉིད་ཀྱི་མཆོད་བསྟོད་བྱ། དེ་ནས་བརྒྱུད་པའི་བླ་མའི་གསོལ་འདེབས་རྒྱས་བསྡུས་ཇི་ལྟར་རིགས་པ་དང་། ཁྱད་པར་གནས་སྦྱར་མ་ལུགས་གཉིས་སོགས་སྐབས་འདིར་འདོན། ལོངས་ཁྱབ་དང་ལྡན་ཞིང་རྒྱས་པར་སྤྲོ་ན། གང་གི་དྲིན་གྱིས་བདེ་ཆེན་ཉིད། །སྐད་ཅིག་ཉིད་ལ་འཆར་བ་གང་། །བླ་མ་རིན་ཆེན་ལྟ་བུའི་སྐུ། །རྡོ་རྗེ་ཅན་ཞབས་པད་ལ་འདུད། །སྟོང་ཉིད་སྙིང་རྗེ་དབྱེར་མེད་པ། །ཁ་སྦྱོར་ཡན་ལག་བདུན་ལྡན་སྐུ། །བདེ་སྟོང་ཟུང་འཇུག་རྡོ་རྗེ་འཆང་། །རིགས་ཀུན་ཁྱབ་བདག་ཞབས་ལ་འདུད། །དུས་གསུམ་སངས་རྒྱས་སྐྱེད་པའི་ཡུམ། །བརྒྱུད་

[Full Size]

འཛིན་བུ་ལ་དངོས་གྲུབ་སྟེར། །ཟག་མེད་ཡེ་ཤེས་ཌཱ་ཀི་ནི། །སུ་ཁ་སིདྡྷིའི་ཞབས་ལ་འདུད། །ལྷན་སྐྱེས་ཤེས་རབ་ཕ་རོལ་ཕྱིན། །མི་ཕྱེད་གསང་བ་ཀུན་གྱི་མཛོད། །མཁའ་འགྲོའི་དབང་ཕྱུག་ནི་གུ་མ། །རྡོ་རྗེ་བཙུན་མོའི་ཞབས་ལ་འདུད། །རི་ཁྲོད་མགོན་པོས་བྱིན་གྱིས་བརླབས། །སྙིང་པོ་དོན་གྱི་གསང་མཛོད་འཛིན། །མཚན་ཐོས་དོན་ལྡན་རྒྱལ་བའི་སྲས། །མཻ་ཏྲི་པ་ཡི་ཞབས་ལ་འདུད། །གྲུབ་མཆོག་མངའ་བདག་ཆེན་པོ་དང་། །མཁྱེན་རྟོགས་དབྱེར་མེད་རྣལ་འབྱོར་མ། །མཁའ་སྤྱོད་གསང་བའི་དབང་མོ་མཆོག །རཏྣ་དེ་བཱིའི་ཞབས་ལ་འདུད། །བྱང་ཆུབ་སེམས་ཀྱི་རྩལ་ཆེན་རྫོགས། །རྡོ་རྗེ་གདན་དུ་བསྟན་པ་སྐྱོང་། །མཐོང་ཐོས་དྲན་རེག་

[Full Size]

བདེ་ལ་བཀོད། །བསོད་ནམས་འབྱུང་གནས་ཞབས་ལ་འདུད། །ཁྱད་པར་ལྷ་བཞིས་བྱིན་གྱིས་བརླབས། །ཕྱག་རྒྱ་ཆེན་པོའི་གོ་འཕང་གྲུབ། །རྡོ་རྗེའི་ལུས་ཀྱིས་རབ་བཞུགས་པ། །རཱ་ཧུ་ལ་ཡི་ཞབས་ལ་འདུད། །བྱང་ཆུབ་སེམས་ཀྱི་མངའ་བདག་མཆོག །བོད་ཁམས་མུན་པ་གསལ་བའི་སྒྲོན། །ས་གསུམ་གྲགས་པས་ཁྱབ་པ་ཡི། །ཨ་ཏི་ཤ་ཡི་ཞབས་ལ་འདུད། །བཅོམ་ལྡན་འདས་མའི་རྗེས་སུ་བཟུང་། །ཐུབ་པའི་དབང་པོའི་རྒྱལ་སྲིད་སྐྱོང་། །སངས་རྒྱས་གཉིས་པ་ལྟ་བུར་གྲགས། །འཇིགས་མེད་འབྱུང་གནས་ཞབས་ལ་འདུད། །ནཱ་རོ་པ་ཆེན་ཐུགས་ཀྱི་སྲས། །མན་ངག་རྒྱ་མཚོའི་ཕ་མཐར་སོན། །སྐྱེ་དགུའི་

[Full Size]

མགོན་གྱུར་དྷ་ཆེན་པོ། །བྱང་ཆུབ་སེམས་དཔའི་ཞབས་ལ་འདུད། །ཐ་དད་ཡུལ་དང་དུད་འགྲོའི་སྐད། །མ་བསླབ་པ་ཡི་བསྟན་བཅོས་སོགས། །རྩ་གནས་དགོངས་པ་གཏད་པས་མཁྱེན། །ཏ་ཐཱ་ག་ཏའི་ཞབས་ལ་འདུད། །བརྟུལ་ཞུགས་སྤྱོད་པ་ཕྱོགས་མེད་གྲུབ། །མཐུ་སྟོབས་ཕྲིན་ལས་ཐོགས་པ་མེད། །མི་འཇིགས་གདེང་ལྡན་གྲུབ་པའི་རྗེ། །དོན་ཡོད་རྡོ་རྗེའི་ཞབས་ལ་འདུད། །གསུང་རབ་ཀུན་ལ་མཁྱེན་པ་རྒྱས། །གཞན་ཕན་བསམ་མི་ཁྱབ་པ་མཛད། །ངོ་མཚར་སྙན་པ་དང་ལྡན་པ། །བློ་གྲོས་བཟང་པོའི་ཞབས་ལ་འདུད། །མཁྱེན་རྟོགས་ནུས་པའི་རྩལ་ཆེན་རྫོགས། །བར་དོར་མཆོག་གི་དངོས་གྲུབ་བརྙེས། །བཻ་རོ་ཙ་ན་རཀྵ་ཊི།

[Full Size]

རྣལ་འབྱོར་དབང་པོའི་ཞབས་ལ་འདུད། །གཤིན་རྗེ་གཤེད་དང་དབྱེར་མེད་ཅིང་། །མུ་སྟེགས་ཀླ་ཀློའི་རིགས་ཀྱི་གཤེད། །བསམ་པ་ཙམ་གྱིས་ལས་རྣམས་འགྲུབ། །པདྨ་སྲུང་བའི་ཞབས་ལ་འདུད། །རྣམ་འཇོམས་དཀྱིལ་འཁོར་དངོས་སུ་སྤྲུལ། །རྡོ་རྗེ་དྲིལ་བུ་མཁའ་ལ་འཇོག །དུས་གསུམ་གཟིགས་པའི་པཎྜི་ཏ། །གཉིས་མེད་རྡོ་རྗེའི་ཞབས་ལ་འདུད། །བདེ་ཆེན་བདེ་བའི་གཟི་མདངས་ཅན། །ལྟ་བས་མི་ངོམས་སྒེག་པའི་ཉམས། །གནས་གསུམ་མཁའ་འགྲོའི་ཚོགས་ཀྱི་རྗེ། །ཀུན་ཏུ་བཟང་མོའི་ཞབས་ལ་འདུད། །ས་དང་ལམ་རྣམས་མཐར་ཕྱིན་ཏེ། །རྣལ་འབྱོར་རྟོགས་པའི་ཡེ་ཤེས་སྦར། །རྡོ་རྗེའི་གསང་

[Full Size]

བ་འཛིན་པ་མོ། །སུ་མ་ཏི་ཡི་ཞབས་ལ་འདུད། །ཡེ་ཤེས་མཁའ་ལ་རྣམ་པར་འགྲོ། །སྐལ་བ་ལྡན་རྣམས་རྗེས་སུ་འཛིན། །སྤྲུལ་སྒྱུར་སྣ་ཚོགས་གཟུགས་ཅན་མ། །ཀ་ན་ཀ་ཤྲཱིའི་ཞབས་ལ་འདུད། །ས་འོག་དཔལ་གྱི་སྒོར་བཞུད་ནས། །རལ་གྲིའི་གྲུབ་པས་ད་ལྟ་ཡང་། །ལྷ་མིན་སེམས་ཅན་དོན་མཛད་པ། །གངྒཱ་དྷ་རིས་ཞབས་ལ་འདུད། །རོལ་རྡོར་བདེ་བའི་རྡོ་རྗེ་དང་། །དྷརྨ་ཕ་ལ་འཕགས་པ་ལྷ། །བྷནྡྷ་པ་སོགས་མཁས་གྲུབ་ནི། །བརྒྱ་དང་ལྔ་བཅུའི་ཞབས་ལ་འདུད། །ལྷག་པའི་བསླབ་པ་གསུམ་གྱིས་སྤྲས། །སྣང་བ་མཐའ་ཡས་ཐུགས་ལས་སྤྲུལ། །འབྲེལ་ཚད་དོན་ལྡན་བྱང་ཆུབ་སེམས། །གླང་ཐང་པ་ཡི་ཞབས་ལ་འདུད། །

[Full Size]

ཤེས་བྱ་ཀུན་མཁྱེན་དབང་བཅུ་བརྙེས། །ཡེ་ཤེས་ཌཱ་ཀིའི་གསང་བ་འཛིན། །རྒྱུད་སྡེ་ལྔ་ཡི་ངོ་བོ་ཉིད། །ཁྱུང་པོ་རྣལ་འབྱོར་ཞབས་ལ་འདུད། །ངོ་མཚར་སྲིད་མཐའི་བྱང་ཆུབ་སེམས། །ཐོག་མེད་མཁའ་ལ་བྱ་ལྟར་ལྡིང་། །རླུང་སེམས་དབང་ཐོབ་རྨོག་ལྕོགས་པ། །རིན་ཆེན་བརྩོན་འགྲུས་ཞབས་ལ་འདུད། །ཏིང་འཛིན་སྒོ་བརྒྱར་དབང་དུ་མཛད། །ཚད་མེད་ཐུགས་རྗེས་འགྲོ་བ་འདྲེན། །སྤྱན་རས་གཟིགས་དབང་སྐྱེར་སྒང་པ། །ཆོས་ཀྱི་སེང་གེའི་ཞབས་ལ་འདུད། །སངས་རྒྱས་དགྱེས་པའི་རྡོ་རྗེའི་སྐུ། །ཡེ་ཤེས་མགོན་པོ་བྲན་དུ་ཁོལ། །ས་བཅུའི་དབང་ཕྱུག་རི་གོང་པ། །གཉན་སྟོན་ཆེན་པོའི་ཞབས་ལ་འདུད། །བདེ་

[Full Size]

སྟོང་འགྱུར་མེད་སྐུ་ལྔའི་བདག །དཔའ་བོ་མཁའ་འགྲོའི་དྲྭ་བ་སྡོམ། །རྡོ་རྗེའི་རྒྱ་བཀྲོལ་འགྲོ་བའི་མགོན། །སངས་རྒྱས་སྟོན་པའི་ཞབས་ལ་འདུད། །སངས་རྒྱས་ཞིང་སྦྱོང་འགྲོ་སྨིན་མཛད། །བླ་ན་མེད་པའི་ཆོ་འཕྲུལ་སྟོན། །མཁས་གྲུབ་གཙང་མ་ཤངས་སྟོན་རྗེ། །ཚུལ་ཁྲིམས་འབུམ་པའི་ཞབས་ལ་འདུད། །གཟུངས་དང་ཏིང་འཛིན་མངོན་ཤེས་སོགས། །བསམ་མི་ཁྱབ་པའི་རྣམ་ཐར་ཅན། །མཁས་གྲུབ་ཆེན་པོ་བསམ་ལྡིངས་པ། །གཞོན་ནུ་གྲུབ་མཆོག་ཞབས་ལ་འདུད། །མཐོང་ཐོས་དྲན་རེག་སྒྲོལ་མཛད་པའི། །རྒྱལ་སྲས་དཔའ་བོའི་སྤྱོད་པ་འཆང་། །མཁས་བཙུན་མཆོག་གྱུར་འཇག་ཆེན་པ། །རྒྱལ་མཚན་འབུམ་གྱི་ཞབས་

[Full Size]

ལ་འདུད། །བསམ་བཞིན་སྲིད་པར་སྐུ་སྤྲུལ་ནས། །འཁོར་བ་དོང་སྤྲུགས་སེམས་དཔའ་ཆེ། །ཁྱུང་པོ་གཉིས་པར་གྲགས་པ་ཡི། །ཚུལ་ཁྲིམས་མགོན་པོའི་ཞབས་ལ་འདུད། །གཟུང་འཛིན་མདུད་པ་དབྱིངས་སུ་གྲོལ། །འབྱུང་བ་བཞི་པོ་དབང་དུ་མཛད། །བརྟུལ་ཞུགས་མཐར་ཕྱིན་རས་ཆེན་པ། །སངས་རྒྱས་སེང་གེའི་ཞབས་ལ་འདུད། །མཁྱེན་པ་གཉིས་ཀྱི་རྩལ་ཆེན་རྫོགས། །སྤྱན་ལྔ་རྣམ་པར་དག་པ་འཆར། །རྒྱལ་བའི་གདུང་འཛིན་ཤངས་དཀར་བ། །རིན་ཆེན་རྒྱལ་མཚན་ཞབས་ལ་འདུད། །བདེ་སྟོང་གཟི་བརྗིད་འོད་དུ་འབར། །འཁོར་འདས་སྒྱུ་མའི་ལུས་སུ་རྟོགས། །དངོས་གྲུབ་མཆོག་བརྙེས་ལྐུགས་ལུང་པ། །སངས་རྒྱས་

[Full Size]

དཔལ་བཟང་ཞབས་ལ་འདུད། །ཅིར་སྣང་ཡེ་ཤེས་འཁོར་ལོར་དག །ལས་དང་དངོས་གྲུབ་ཐོགས་མེད་གྲུབ། །རྨད་བྱུང་མཆོག་གི་གྲུབ་པ་ཆེ། །ནམ་མཁའི་རྒྱལ་མཚན་ཞབས་ལ་འདུད། །འཁོར་འདས་གཉིས་ལ་སྤང་བླང་བྲལ། །ཆོས་ཀུན་མངོན་སངས་རྒྱས་པར་གཟིགས། །སྦས་པའི་སངས་རྒྱས་རྒྱ་སྒོམ་པ། །ལེགས་པ་རྒྱལ་མཚན་ཞབས་ལ་འདུད། །ཡེ་ཤེས་མཁའ་འགྲོས་རྗེས་སུ་བཟུང་། །མཁྱེན་ནུས་ཕྲིན་ལས་མཁའ་དང་མཉམ། །འཇམ་མགོན་གྲུབ་པའི་དཔའ་བོ་ཆེ། །ཀུན་དགའ་གྲོལ་མཆོག་ཞབས་ལ་འདུད། །སྙན་བརྒྱུད་གདམས་པའི་གཏེར་མཛོད་འཛིན། །གྲུབ་པ་བྱེ་བའི་གཙུག་གི་རྒྱན། །རྣལ་འབྱོར་དབང་ཕྱུག་བྲག་སྟོད་པ། །ལྷ་དབང་གྲགས་པའི་ཞབས་ལ་འདུད། །

[Full Size]

རྩོད་པའི་དུས་ཀྱི་རྡོ་རྗེ་འཆང་། །འཇིགས་མེད་ཤེས་བྱ་ཐམས་ཅད་མཁྱེན། །གསང་བའི་བདག་པོ་ཧེ་རུ་ཀ། ཏཱ་ར་ནཱ་ཐའི་ཞབས་ལ་འདུད། །ཡེ་ཤེས་གཅིག་གི་ངོ་བོ་ཉིད། །རྣམ་འཕྲུལ་དུ་མའི་གར་མཛད་པ། །སྟོན་འཁོར་དབྱེར་མེད་རྒྱལ་ཚབ་མཆོག །ཡེ་ཤེས་རྒྱ་མཚོའི་ཞབས་ལ་འདུད། །སྐྱེས་ཐོབ་སྦྱངས་པའི་ཡོན་ཏན་ལྡན། །གཞན་རྒྱུད་སྨིན་ཅིང་གྲོལ་ནུས་པའི། །བྱིན་རླབས་དཔལ་འབར་རྫོང་སྟེང་པ། །ཡོན་ཏན་མགོན་པོའི་ཞབས་ལ་འདུད། །དཀའ་ཐུབ་བརྟུལ་ཞུགས་མཐའ་རུ་ཕྱིན། །འཇའ་ལུས་མཁའ་སྤྱོད་གྲོང་དུ་གཤེགས། །ངོ་མཚར་རྨད་བྱུང་སྤོང་བ་པ། །མགོན་པོ་དཔལ་འབྱོར་ཞབས་ལ་འདུད། །རིམ་པ་

[Full Size]

གཉིས་ལ་བརྟན་པ་ཐོབ། །དེ་ཉིད་བཅུ་པོ་དབང་དུ་འབྱོར། །མཚན་ཉིད་ཀུན་ལྡན་སློབ་དཔོན་མཆོག། མགོན་པོ་གྲགས་པའི་ཞབས་ལ་འདུད། །ཉམས་དང་རྟོགས་པའི་རྩལ་ཆེན་རྫོགས། །སྒོམ་པའི་དྲོད་རྟགས་ཚད་ལ་ཕེབ། །ཡོན་ཏན་བསམ་ཡས་གྲུབ་པའི་དབང་། །མགོན་པོ་རྣམ་རྒྱལ་ཞབས་ལ་འདུད། །དག་པའི་ས་ལ་ལེགས་བཞུགས་ཤིང་། །སྣ་ཚོགས་སྤྲུལ་པས་འགྲོ་དོན་མཛད། །འགྲན་ཟླ་བྲལ་བའི་རིག་པ་འཛིན། །ཚེ་དབང་ནོར་བུའི་ཞབས་ལ་འདུད། །གདོད་ནས་མངོན་པར་བྱང་ཆུབ་ཀྱང་། །འགྲོ་འདྲེན་ཐུགས་རྗེ་རྒྱུན་མི་འཆད། །གངས་ཅན་མགོན་པོ་འབྲུག་པ་རྗེ། །ཕྲིན་ལས་ཤིང་རྟའི་ཞབས་ལ་འདུད། །བྱམས་ཆེན་ངུར་སྨྲིག་འཛིན་པའི་ཚུལ། །

[Full Size]

སྙིགས་དུས་འཛམ་གླིང་མཛེས་པའི་རྒྱན། །སྒྲུབ་བརྒྱུད་མངའ་བདག་འཇིག་རྟེན་མིག །བསྟན་པའི་ཉིན་བྱེད་ཞབས་ལ་འདུད། །གོང་མའི་བརྒྱུད་འཛིན་རྣམ་ཐར་སྐྱོང་། །རྟོགས་པའི་བདག་ཉིད་རྨོག་ལྕོགས་པ། །ཀུན་དགའ་དགེ་ལེགས་དཔལ་འབར་དང་། །ལྷུན་གྲུབ་རྒྱ་མཚོའི་ཞབས་ལ་འདུད། །ཆོས་བརྒྱད་རྣམ་གཡེང་རྩྭ་ལྟར་དོར། །བས་མཐར་སྒྲུབ་པའི་རྒྱལ་མཚན་བཙུགས། །འཁྲུལ་པ་ཞིག་པའི་སྐྱེས་བུ་ཆེ། །བཀའ་བརྒྱུད་བསྟན་འཛིན་ཞབས་ལ་འདུད། །འཁྲུལ་སྣང་དབུ་མའི་དབྱིངས་སུ་ཐིམ། །དག་པའི་སྣང་བ་རྒྱུན་ཆད་མེད། །སྤྲུལ་སྒྱུར་ནུས་པའི་རྣལ་འབྱོར་པ། །ཀརྨ་ལྷག་མཐོང་ཞབས་ལ་འདུད། །འབྱུང་

[Full Size]

བཞིའི་གནོད་པས་མི་བརྫི་ཞིང་། །ཡི་དམ་ལྷ་ཞལ་གྲངས་མེད་གཟིགས། །སྣང་སེམས་རང་དབང་སྒྱུར་བའི་རྗེ། །ཀརྨ་གཞན་ཕན་ཞབས་ལ་འདུད། །མདོ་རྒྱུད་ཀུན་ཏུ་ལུང་བསྟན་ཅིང་། །སྐུ་ཚེ་མཛད་ཕྲིན་མཐར་ཕྱིན་པ། །རྒྱལ་བ་གཉིས་པའི་མཛད་པ་ཅན། །བློ་གྲོས་མཐའ་ཡས་ཞབས་ལ་འདུད། །ཚུལ་ཁྲིམས་པདྨོ་འདབ་སྟོང་བཞད། །བྱམས་པའི་དྲི་བསུང་ཕྱོགས་བཅུར་འཐུལ། །བསྐྱེད་རྫོགས་འབྲས་བུ་གཡུར་དུ་ཟ། །ཞི་བའི་སྙིང་པོའི་ཞབས་ལ་འདུད། །ཚེ་གཅིག་སྒྲུབ་པའི་རྒྱལ་མཚན་གཙུག །སྒོམ་མེད་ཆེན་པོའི་རྒྱལ་སར་གཤེགས། །ངོ་མཚར་འཇའ་ལུས་སྐུ་བརྙེས་པ། །ནོར་བུ་དོན་གྲུབ་ཞབས་ལ་འདུད། །ཁ་སྐོང་ཤྭ་ལོ་ཀ་གསུམ་འདི་ཀརྨ་རང་བྱུང་ཀུན་ཁྱབ་ནས་གསོལ་

[Full Size]

བ་བཏབ་པའོ། ༈ །རྡོ་རྗེ་འཆང་དང་བདག་མེད་མ། །བིརྺ་སུ་ཁ་སིདྡྷིའི་ཞབས། །ནི་གུ་མ་དང་རྡོར་གདན་པ། །རཱ་ཧུ་ལ་ཡི་ཞབས་ལ་འདུད། །མཁས་གྲུབ་ཆེན་པོ་བརྒྱ་ལྔ་བཅུ། །ཁྱུང་པོ་རྣལ་འབྱོར་རྨོག་ལྕོགས་པ། །དབོན་སྟོན་གཉན་སྟོན་འགྲོ་བའི་མགོན། །གཙང་མ་ཤངས་སྟོན་ཞབས་ལ་འདུད། །འཇིག་རྟེན་གསུམ་པོ་སྙན་པས་ཁྱབ། །འཇིག་རྟེན་སྐྱོང་བས་ཞབས་ལ་བཏུད། །འཇིག་རྟེན་མགོན་པོ་གཉགས་སྟོན་ཆེ། །རྒྱལ་མཚན་དཔལ་བཟང་ཞབས་ལ་འདུད། །འཕྲུལ་དང་མངོན་པར་ཤེས་ལ་སོགས། །ལམ་གྱི་ཡོན་ཏན་མཐར་ཕྱིན་ཀྱང་། །སྦས་པའི་བརྟུལ་ཞུགས་ལྷུར་བཞེས་པ། །རྡོ་རྗེ་གཞོན་ནུའི་ཞབས་ལ་འདུད། །

[Full Size]

སྲིད་པའི་འཆིང་བ་རབ་ཏུ་བཅད། །སྤང་རྟོགས་ཡོན་ཏན་བསམ་མི་ཁྱབ། །དཔེ་བྲལ་ནམ་མཁའི་རྣལ་འབྱོར་པ། །ནམ་མཁའ་རྒྱལ་མཚན་ཞབས་ལ་འདུད། །ཚོགས་གཉིས་རྒྱ་མཚོའི་ཕ་མཐར་སོན། །སྟོང་ཉིད་སྙིང་རྗེ་སྩོལ་མེད་མངའ། །འགྲོ་བའི་འདྲེན་པ་བྱང་ཆུབ་སེམས། །སྦྱིན་པ་བཟང་པོའི་ཞབས་ལ་འདུད། །དཔའ་བོ་མཁའ་འགྲོའི་ཚོགས་ཀྱི་རྗེ། །གྲུབ་ཐོབ་རྒྱ་མཚོའི་འཁོར་ལོས་སྒྱུར། །ཚེ་དབང་མངའ་བརྙེས་ལྕགས་ཟམ་པ། །ཐང་སྟོང་རྒྱལ་པོའི་ཞབས་ལ་འདུད། །ཡིད་བཞིན་ནོར་བུ་ཇི་བཞིན་ཏུ། །དོན་གཉིས་འབད་མེད་ལྷུན་གྱིས་གྲུབ། །དཔལ་ལྡན་ཤངས་པའི་བཀའ་སྲོལ་འཛིན། །བརྒྱུད་པའི་བླ་མའི་ཞབས་ལ་འདུད། །ཐུབ་བསྟན་

[Full Size]

ཡོངས་སུ་རྫོགས་པའི་བདག །མཁས་དང་གྲུབ་པ་ཀུན་གྱི་གཙུག །འཕགས་པའི་ས་ལ་རབ་བཞུགས་པ། །མཁྱེན་བརྩེའི་དབང་པོའི་ཞབས་ལ་འདུད། །ཤངས་པའི་ཐུགས་སྲས་ཆེན་པོ་དྲུག །མཁས་གྲུབ་རྣམ་གསུམ་ལ་སོགས་པའི། །གདན་ས་སློབ་བརྒྱུད་ལས་བྱོན་པའི། །སྐྱེས་མཆོག་ཀུན་གྱི་ཞབས་ལ་འདུད། །འཇིགས་བྲལ་ཆེན་པོ་ཡབ་སྲས་སོགས། །ནི་དྷི་གཉིས་ཀྱིས་རྗེས་བཟུང་ཞིང་། །ཟབ་མོའི་གདམས་པ་སྤེལ་མཛད་པའི། །གྲུབ་མཆོག་རྣམས་ཀྱི་ཞབས་ལ་འདུད། །དགྱེས་པ་རྡོ་རྗེ་གསང་བ་འདུས། །སྒྱུ་འཕྲུལ་ཆེན་མོ་འཁོར་ལོ་སྡོམ། །འཇིགས་མཛད་རྡོ་རྗེའི་ངོ་བོ་ཉིད། །དཔལ་ལྡན་བླ་མའི་

[Full Size]

ཞབས་ལ་འདུད། །སངས་རྒྱས་རྡོ་རྗེ་རིན་པོ་ཆེ། །པདྨ་ལས་ཀྱི་མཁའ་འགྲོ་མ། །མྱུར་མཛད་ཡེ་ཤེས་མགོན་པོ་དང་། །དབྱེར་མེད་བླ་མའི་ཞབས་ལ་འདུད། །དཀོན་མཆོག་གསུམ་དང་རྩ་བ་གསུམ། །མ་ལུས་གཅིག་ཏུ་འདུས་པའི་དངོས། །གཅིག་ཆོག་རྒྱལ་པོ་སྐྱབས་ཀྱི་ཕུལ། །དཔལ་ལྡན་བླ་མའི་ཞབས་ལ་འདུད། །དཔལ་ལྡན་རྡོ་རྗེ་འཛིན་པ་ཉིད། །སྙིགས་དུས་སློབ་དཔོན་གཟུགས་སུ་འཕྲུལ། །བསམ་མི་ཁྱབ་པའི་མཛད་པ་ཅན། །དཔལ་ལྡན་བླ་མའི་ཞབས་ལ་འདུད། ཁམས་དབང་མོས་པའི་བྱེ་བྲག་ལྟར། །གསང་གསུམ་རྣམ་ཐར་སྣ་ཚོགས་སྟོན། །ཐབས་མཁས་ཐུགས་རྗེ་ཆེ་མངའ་བའི། །དཔལ་ལྡན་བླ་མའི་

[Full Size]

ཞབས་ལ་འདུད། །ཉེས་པའི་སྐྱོན་རྣམས་རབ་ཏུ་ཟད། །ལེགས་པའི་ཡོན་ཏན་མ་ལུས་རྫོགས། །རྒྱལ་བ་སྲས་བཅས་སྐྱེས་མཛད་པ། །དཔལ་ལྡན་བླ་མའི་ཞབས་ལ་འདུད། །མཚན་ཙམ་ཐོས་པས་ངན་འགྲོ་སྒྲོལ། །གསོལ་བ་བཏབ་པས་བྱིན་རླབས་སྩོལ། །གུས་པས་བརྟེན་ན་འདོད་རྒུ་འབྱུང་། །དཔལ་ལྡན་བླ་མའི་ཞབས་ལ་འདུད། །ཡིད་བཞིན་ནོར་བུ་ལྟ་བུ་ཡི། །རྩ་བརྒྱུད་བླ་མ་རིན་པོ་ཆེ། །འདི་ནས་བྱང་ཆུབ་སྙིང་པོའི་བར། །སྐྱབས་ཀྱི་མཆོག་ཏུ་བཟུང་བར་བགྱི། །བདག་སོགས་མཁའ་མཉམ་སེམས་ཅན་གྱིས། །རྡུལ་སྙེད་ལུས་དང་བསྟོད་པའི་ངག །ཡིད་ནི་རྩེ་གཅིག་གུས་བཏུད་དེ། །ཕྱག་འོས་ཁྱོད་ལ་

[Full Size]

ཕྱག་བགྱིའོ། །ཀུན་བཟང་རྣམ་རོལ་མཆོད་པའི་སྤྲིན། །སྒོ་གསུམ་དགེ་རྩ་དང་བཅས་པ། །ནམ་མཁའ་ལྟ་བུའི་བློས་བཟུང་སྟེ། །མཆོད་འོས་རྣམས་ལ་རྟག་ཏུ་མཆོད། །ཐོག་མེད་སྒྲིབ་པ་ཆེན་པོ་དང་། །བཅས་པའི་ཁ་ན་མ་ཐོ་སོགས། །ནོངས་པ་སྙིང་ནས་འགྱོད་བཤགས་ན། །འགྲོ་བའི་མགོན་པོས་ཚངས་པར་སྩོལ། །སྐྱེས་མཆོག་རྣམས་ཀྱི་རྣམ་པར་ཐར། །ངོ་མཚར་བླ་ན་མེད་པ་དང་། །སྲིད་ཞིའི་ལེགས་སྤྱད་ཅི་མཆིས་ལ། །དགའ་ཞིང་གུས་པས་ཡི་རང་ངོ། །རིགས་དང་མཐུན་པའི་ཆོས་སྒོ་དང་། །ཁྱད་པར་སྲས་བཅས་རྒྱལ་བ་ཀུན། །བགྲོད་པ་གཅིག་པའི་འཁོར་ལོ་ཡིས། །འཁོར་བ་དོང་ནས་སྤྲུགས་པར་གསོལ། །ཆོས་སྐུ་རྒྱུན་གྱིས་རྟག་པའི་

[Full Size]

ཕྱིར། །གཟུགས་སྐུ་འཆར་ནུབ་མི་སྟོན་པར། །མངོན་སུམ་དབང་པོའི་སྤྱོད་ཡུལ་དུ། །རྡོ་རྗེ་ལྟ་བུར་བཞུགས་སུ་གསོལ། །བསོད་ནམས་འདི་དང་འགྲོ་ཀུན་གྱི། །དགེ་རྩ་ཐུན་མོང་ཉིད་བྱས་ཏེ། །བླ་མའི་གསང་གསུམ་མཛད་པར་བཅས། །ཚེ་གཅིག་ཁོ་ནས་འགྲུབ་ཕྱིར་བསྔོ། །ཆོས་ཀྱི་རྒྱལ་པོ་སྲས་བཅས་ཀྱི། །ཐུགས་རྗེའི་ཕྱག་གིས་ཡོངས་བཟུང་སྟེ། །ལམ་གྱི་མངོན་རྟོགས་མཐར་ཕྱིན་ནས། །རང་གཞན་དོན་གཉིས་ལྷུན་གྲུབ་ཤོག །བླ་མ་ལས་གཞན་རྒྱལ་མེད་པས། །ནམ་ཡང་མི་མཉེས་མ་གྱུར་ཅིང་། །སྒོ་གསུམ་ཞབས་ཏོག་དགུ་ཕྲུག་གིས། །མཉེས་པ་ཁོ་ན་སྒྲུབ་ནུས་ཤོག །རྟག་ཏུ་དགྱེས་པས་བྱིན་རློབས་ཤིང་། །ཐུགས་ཡིད་དབྱེར་

[Full Size]

མེད་འདྲེས་ནས་སུ། །སྤང་རྟོགས་བུམ་པ་གང་བྱོ་བཞིན། །བདག་གི་རྒྱུད་ལ་འཕོ་བར་ཤོག །རྣམ་ཐར་ཇི་བཞིན་རྟོགས་པ་དང་། །གསུང་གི་གསང་བ་མ་ལུས་པ། །སྩལ་ནས་ལེགས་པར་འཛིན་ནུས་ཤིང་། །དར་རྒྱས་བྱེད་པའི་སྐལ་ལྡན་ཤོག །རྡོ་རྗེ་ཐེག་པའི་རིགས་སུ་སྐྱེ། །བླ་མས་རྗེས་བཟུང་དམ་ཚིག་འཆང་། །རྡོ་རྗེ་དྲིལ་བུ་མི་འབྲལ་བར། །ཡེ་ཤེས་ཡངས་པའི་གར་བྱེད་ཤོག །རྡོ་རྗེའི་གསང་བ་འཛིན་པ་དང་། །བླང་དོར་བྲལ་བའི་དོན་རྟོགས་ནས། །བརྟུལ་ཞུགས་ཕྱོགས་མེད་གྲུབ་པ་ཡིས། །འཇིག་རྟེན་སྒྲོན་མེ་གཅིག་གྱུར་ཤོག །གཞན་ཡང་དཔལ་དང་དབང་ཕྱུག་དང་། །ནད་མེད་པ་དང་རྡོ་རྗེའི་ཚེ། །ཆོས་མཐུན་འབྱོར་པ་རབ་རྒྱས་ཤིང་། །

[Full Size]

བསྟན་པ་ཕྱོགས་བརྒྱར་སྤེལ་བྱེད་ཤོག །ཚེ་འདིར་མཆོག་དངོས་མ་གྲུབ་ན། །འཕོས་མ་ཐག་ཏུ་བདེ་བ་ཅན། །ཁྱུང་པོ་ཡབ་སྲས་ཞབས་དྲུང་དུ། །སྐད་ཅིག་ཙམ་གྱིས་སྐྱེ་བར་ཤོག །བཟང་ངན་བར་མའི་འབྲེལ་ཐོགས་ཀུན། །སྒྲིབ་པ་གཉིས་པོ་རབ་གསལ་ནས། །སྣང་བ་མཐའ་ཡས་ཞིང་ཁམས་དེར། །སྤྲུལ་པ་དུ་མས་འདྲེན་ནུས་ཤོག །རྩ་བརྒྱུད་བླ་མའི་རྣམ་པར་ཐར། །མ་ལུས་བདག་གིས་མྱུར་འགྲུབ་སྟེ། །སྲིད་པའི་མཚོ་ལས་འགྲོ་སྒྲོལ་བའི། །དེད་དཔོན་ཁྱོད་དང་མཚུངས་པར་ཤོག །ཟབ་མོ་བླ་མའི་རིམ་པ་ཡིས། །ཚེ་གཅིག་སངས་རྒྱས་སར་སྦྱོར་བ། །རྡོ་རྗེ་འཆང་གིས་རབ་གསུངས་པའི། །བདེན་པས་སྨོན་ལམ་ཀུན་འགྲུབ་ཤོག །

[Full Size]

གཞན་ཡང་རྒྱུན་བཤགས། ཡན་ལག་བདུན་པའི་རིགས་ཇི་ལྟར་ནུས་པ་སྐབས་འདིར་བརྗོད། ཚོགས་འཁོར་བྱ་བར་སྤྲོ་ན་རྗེ་བཙུན་གྲོལ་མཆོག་གི་མཛད་པའི་བདེ་མཆོག་ལྷ་ལྔའི་ཚོགས་མཆོད་གསུང་རྒྱུན་མ་ལྟར་བྱ་བ་ལས། བྱིན་རླབས་འབེབས་པའི་ཐོག་མར། ཨོཾ་ཆོས་དབྱིངས་ཁྱབ་བརྡལ་ཆེན་པོའི་ཞིང་། །འཁོར་འདས་ཀུན་གྱི་སྙིང་པོ་ནས། །རིགས་རྣམས་ཀུན་གྱི་ཁྱབ་བདག་ལ། །དཔལ་ལྡན་བླ་མ་ཞེས་སུ་གྲགས། །རྒྱལ་བ་སྲས་བཅས་འཁོར་གྱིས་བསྐོར། །ཁྱེད་ཀྱི་རྗེས་སུ་བདག་སློབ་ཀྱིས། །བྱིན་གྱིས་བརླབ་ཕྱིར་གཤེགས་སུ་གསོལ། །ཟག་མེད་བདེ་བ་སྦྱིན་པའི་གནས། །ཙནྡན་སྨན་གྱི་ནགས་ཚལ་དུ། །རྒྱལ་ཡུམ་རྡོ་རྗེ་བདག་མེད་མ། །སུ་ཁ་སིདྡྷི་ཞེས་སུ་གྲགས། །གདན་གསུམ་ཚང་བའི་འཁོར་གྱིས་བསྐོར། །ཁྱེད་ཀྱི་རྗེས་སུ་

[Full Size]

བདག་སློབ་ཀྱིས། །བྱིན་གྱིས་བརླབ་ཕྱིར་གཤེགས་སུ་གསོལ། །ཞེས་སྦྱར། མྱུར་མཛད་ཡེ་ཤེས་ཀྱི་མགོན་པོ་ལ་གཏོར་ཆོག་བསྡུས་པ་ལྟར་གཏོར་མ་འབུལ་ཞིང་། འགྲུབ་ན་མཁའ་འགྲོ་སྡེ་ལྔ་ལའང་ཚོགས་གཏོར་ཟུར་དུ་འབུལ་ལོ། །ཚོགས་ལྷག་མ་བཅས་ཟིན་ནས། དམངས་རིགས་ཉིས་སྟོང་བྲམ་ཟེ་གཅིག་དང་མཉམ། །དེ་བཞིན་བྲམ་ཟེ་དགེ་སློང་རྡུལ་མེད་དང་། །ཡེ་ཤེས་ལྡན་རྣམས་སྟོང་ཕྲག་གཉིས་གཉིས་སུ། །བསྒྲེས་པའང་སློབ་དཔོན་གཅིག་དང་ཞིང་མཉམ་པར། །གསུངས་ཕྱིར་མགོན་པོ་རྡོ་རྗེ་སློབ་དཔོན་ཁྱོད། །ཞིང་གི་རབ་མཆོག་ཕུལ་དུ་དབྱུང་མེད་པས། །རྒྱལ་ཁྱོད་མཉེས་པར་བྱས་ན་ཀུན་མཁྱེན་མཆོག །ཡེ་ཤེས་བླ་མེད་ཐོབ་པར་ཡང་ཡང་གསུངས། །སློབ་དཔོན་རྡོ་རྗེ་སེམས་

[Full Size]

དཔའ་མཆོད་པ་དེས། །བསོད་ནམས་ཀུན་བྱས་དཀའ་ཐུབ་ཐམས་ཅད་བསྟེན། །སྡིག་འཇོམས་སྡུག་བསྔལ་ཞི་མཛད་སྲིད་པ་ཡི། །རྒྱ་མཚོའི་འཇིངས་ལས་སྒྲོལ་མཛད་ལ་ཕྱག་འཚལ། །ཁྱོད་ལ་རྗེས་མཐུན་གུས་པས་ཡོན་ཕུལ་ན། །རིམ་སོགས་གནོད་པ་མི་འབྱུང་ཕྱོགས་བཅུ་ཡི། །རྒྱལ་བ་ཀུན་ལ་ཕུལ་བར་འགྱུར་བས་ན། །དངོས་གྲུབ་མཆོག་ནི་ངེས་པར་ཐོབ་པར་གསུངས། །བདག་གིས་དུས་གསུམ་དགེ་བ་ལུས་ལོངས་སྤྱོད། །ཡོངས་སུ་གཟུང་བ་མེད་པའི་མཆོད་རྫས་དང་། །སྨོན་ལམ་སྔགས་དང་ཕྱག་རྒྱ་ཏིང་འཛིན་གྱིས། །རབ་བསྒྲུབ་ཕྱི་ནང་གསང་བའི་མཆོད་པ་འབུལ། །ཁྱོད་ལ་བརྙས་པར་བྱེད་པ་ཀུན། །རྒྱལ་པོ་མེ་དང་དུག་དང་

[Full Size]

རིམས། །ལོག་འདྲེན་རྣམས་ཀྱིས་བསད་ནས་ཀྱང་། །རྟག་ཏུ་དམྱལ་བར་འཚེད་པར་གསུངས། །ཁྱེད་ལ་བརྙས་ཤིང་སྨད་ན་ནི། །སངས་རྒྱས་ཀུན་ལ་བརྙས་ཤིང་སྨད། །གཟིམས་ཆ་སྟན་དང་ལྷྭམ་དང་གདུགས། །འགོམ་ཞིང་ཅོ་འདྲི་བྱེད་པ་ནི། །དོན་རིང་དཔལ་ཉམས་ནད་ཀྱིས་ཐེབས། །སྐུ་ཡི་གྲིབ་མ་ལ་འགོམ་པ། །མཆོད་རྟེན་བཤིག་དང་འདྲ་བར་གསུངས། །དེ་དག་བགྱིས་གང་སོ་སོར་བཤགས། །སྙིང་ནས་སློབ་དཔོན་སྦྱོང་བ་ནི། །རྨི་ལམ་དུ་ཡང་འགྲུབ་མི་འགྱུར། །སློབ་དཔོན་ཡོན་ཏན་བཟུང་བྱ་ཡི། །སྐྱོན་ནི་ནམ་ཡང་མ་ཡིན་ནོ། །ཡོན་ཏན་བཟུང་ན་དངོས་གྲུབ་སྟེ། །སྐྱོན་བརྗོད་པ་

[Full Size]

ལས་དངོས་གྲུབ་ཉམས། །བདག་གི་སྒོ་གསུམ་བག་མེད་པས། །ཉེས་པར་བགྱིས་ཀུན་མཐོལ་ལོ་བཤགས། །ཁྱེད་ཀྱི་བ་སྤུ་ཉག་རེ་ཡི། །བསོད་ནམས་ལ་ཡང་དུས་གསུམ་གྱི། །རྒྱལ་བའི་ཕྲིན་ལས་ཐམས་ཅད་ཀྱི། །ཆར་ཡང་བསྐྲུན་པར་མི་ནུས་པས། །ཉིད་དང་ཉིད་ཀྱིས་རྗེས་བཟུང་དང་། །ཉིད་ལ་མཆོད་དང་ཕྱག་འཚལ་སོགས། །བསོད་ནམས་མི་ཟད་བྱེད་པ་ལ། །ལྷག་པར་དང་བས་ཡིད་རང་ངོ། །བསྐལ་པ་བྱེ་བར་མདོ་རྒྱུད་ལ། །ཐོས་བསམ་སྒོམ་པས་རབ་སྦྱངས་ཀྱང་། །བླ་མའི་མན་ངག་མེད་པ་ཡིས། །བྱིན་རླབས་རིམ་པར་མི་རྙེད་གསུངས། །བླ་མའི་ལུང་ཐོབ་དངོས་གྲུབ་མཆོག །འབད་མེད་ཐོབ་པར་འགྱུར་བས་ན། །བདག་

[Full Size]

སོགས་འཆིང་བ་ལས་གྲོལ་ཕྱིར། །ཟབ་མོའི་འཁོར་ལོ་བསྐོར་བར་བསྐུལ། །འོད་གསལ་ལྷན་སྐྱེས་བདེ་བ་ཆེ། །ཐམས་ཅད་སྟོང་པ་བླ་མ་ཡི། །དྲིན་གྱིས་གསལ་བར་འགྱུར་བས་ན། །བདག་བྱིན་བརླབས་པ་མ་རྙེད་ན། །ངལ་བ་འབྲས་མེད་དེ་བཞིན་དུ། །བླ་མས་ཕོངས་པ་སྔགས་དང་ནི། །ཕྱག་རྒྱ་རྙེད་པར་མི་འགྱུར་བས། །མྱ་ངན་མི་འདའ་བདག་གསོལ་འདེབས། །མཐོ་རིས་གནས་སུ་ལྷ་ཡི་དབང་། །ས་སྟེང་འཁོར་ལོས་བསྒྱུར་བ་ཉིད། །ས་འོག་གདེངས་ཅན་བདག་པོའི་ཚུལ། །ཨོཾ་ཡིག་གཙང་མ་རིག་བྱེད་མཆོག །འགྲོ་བའི་བླ་མ་ཕ་མ་མྱེས། །གྲོགས་དང་མགོན་དང་བྱེད་པོ་དང་། །སྐྱོན་འཇོམས་

[Full Size]

ཡོན་ཏན་ཀུན་གྱི་གནས། །རྡོ་རྗེའི་རྣལ་འབྱོར་ཅན་ལ་འདུད། །ཀུན་འགྲོའི་ཡེ་ཤེས་བརྟན་གཡོ་ཀུན། །འགྲོ་འོང་མེད་པར་ཁྱབ་མཛད་པ། །སྐྱེས་བུ་ཁྱུ་མཆོག་ཐུབ་དབང་པོ། །དབུལ་དང་མགོན་མེད་ཐམས་ཅད་ཀྱི། །སྐྱོབ་པ་ཡིད་བཞིན་ནོར་བུ་ལ། །མི་བཟད་འཁོར་བས་འཇིགས་པ་བདག །འདི་ཕྱི་ཀུན་ཏུ་སྙིང་ཐག་པས། །སྒོ་གསུམ་དད་པས་ཁྱོད་བརྟེན་ནོ། །རྡོ་རྗེའི་རིགས་ལ་སློབ་དཔོན་བཟུང་བ་ནི། །དམ་ཚིག་ཀུན་གྱི་རྩ་བར་ཡང་ཡང་གསུངས། །མྱོས་བྱེད་དམན་པའི་མཆོད་དང་སྦྱིན་སྲེག་ནི། །མར་དང་བྲལ་ན་འབྲས་མེད་རིགས་ཀྱི་ཆོས། །བཏང་བས་མི་གནས་དོན་མེད་དེ་ལྟ་བུར། །སློབ་དཔོན་དང་བྲལ་ཆོས་ཀྱང་དོན་མི་འགྲུབ། །

[Full Size]

དེ་ཕྱིར་དམ་ཚིག་ཀུན་ལས་ཁྱད་པར་དུ། །སློབ་དཔོན་དམ་ཚིག་འབད་ནས་བཟུང་བར་བགྱི། །དུས་དང་གནས་སྐབས་དག་ནི་ཐམས་ཅད་དུ། །དཔལ་ལྡན་བླ་མའི་ཕྲིན་ལས་བསྒྲུབ་པར་ཤོག །ཁྱོད་ཉིད་གང་ལ་མཉེས་པ་དེ་སྒྲུབ་ནས། །མི་མཉེས་བྱེད་པ་ཐམས་ཅད་སྤང་བར་ཤོག །ཁྱོད་ཉིད་དགྱེས་པར་གྱུར་ན་བདག་ཅག་རྣམས། །བྱང་ཆུབ་མཆོག་ཐོབ་ལས་ཀྱང་ལྷག་པ་ཉིད། །གལ་ཏེ་ཁྱོད་མི་མཉེས་ན་ཚེ་འདི་ལ། །བྱང་ཆུབ་ཐོབ་ཀྱང་དོན་མཆོག་འགའ་མ་མཆིས། །བདག་གཞན་དུས་གསུམ་དགེ་བ་མ་ལུས་པ། །གཅིག་ཏུ་བསྡུས་པའི་སྟོབས་ལས་ཚེ་འདི་ལ། །མཆོག་གི་དངོས་གྲུབ་དམ་པ་མངོན་འགྱུར་ཞིང་། །

[Full Size]

རྟག་ཏུ་བླ་མ་མཉེས་ཤིང་མཆོད་བྱེད་ཤོག །བདག་ཅག་འཁོར་བའི་བཙོན་རར་ཆུད་རྣམས་ལ། །འདྲེན་པ་ཁྱོད་ལས་སྐྱབས་གཞན་མ་མཆིས་པས། །མོས་གུས་རྒྱུན་ཆད་མེད་པར་གསོལ་བ་འདེབས། །ཐུགས་རྗེ་གཡེལ་བ་མེད་པར་གཟིགས་སུ་གསོལ། །རྡོ་རྗེ་སློབ་དཔོན་སྐུ་དང་བདག་གི་ལུས། །དབྱེར་མེད་རྡོ་རྗེ་སྐུ་བྱིན་གྱིས་རློབས། །དཔལ་ལྡན་བླ་མས་ཅི་གསུང་སྒྲུབ་པ་དང་། །གསུང་ངག་དབྱེར་མེད་རྡོ་རྗེའི་གསུང་ཐོབ་ཤོག །ཐུགས་ཀྱི་གསང་བའི་མཛོད་ཀུན་འཛིན་པ་དང་། །ཐུགས་ཡིད་དབྱེར་མེད་འདྲེ་བར་བྱིན་གྱིས་རློབས། །བདེ་སྟོང་ཟུང་འཇུག་སྟོང་ཉིད་སྙིང་རྗེའི་ངང་། །ཐབས་ཤེས་དབྱེར་མེད་བསྐྱེད་རྫོགས་ཟུང་འཇུག་མཆོག །

[Full Size]

སྐྱེ་མེད་འོད་གསལ་མངོན་གསུམ་མཐོང་ཞིང་རྟོགས། །རྡོ་རྗེ་འཆང་དངོས་ཁྱོད་དང་མཚུངས་པར་ཤོག །བླ་མ་སངས་རྒྱས་དངོས་སུ་མཐོང་བ་དང་། །ཞི་ལྷག་དབྱེར་མེད་ཏིང་འཛིན་རབ་འབྱམས་ཅན། །སྒོ་གསུམ་སྤྱོད་པ་རྣམ་དག་དྲི་མེད་ཀྱིས། །གཟུང་འཛིན་འཁོར་བའི་གནས་ལས་གྲོལ་བར་ཤོག །བསམ་ཡས་བརྗོད་བྲལ་རླབས་ཆེན་ཐབས་མཆོག་དཔག་མེད་པས། །ད་ལྟ་ཉིད་དུ་མཆོག་གི་དངོས་གྲུབ་སྐུ་བཞིའི་བདག །ནམ་མཁའི་མཐར་ཐུག་འགྲོ་རྣམས་ཐེག་མཆོག་ལ་བཀོད་ནས། །མྱུར་དུ་ཕན་བདེས་ཞིང་ཀུན་ཁྱབ་པར་བྱིན་གྱིས་རློབས། །ཞེས་སླར་ཡང་ཡན་ལག་བདུན་པའི་སྒོ་ནས་འདོད་པའི་དོན་ལ་གསོལ་བ་ནན་ཏུ་གདབ་ཅིང་།

[Full Size]

གཞན་ཡང་། ཡིད་ལ་འདོད་རྒུ་འབྱུང་བའི་རིན་པོ་ཆེ། །མགོན་པོ་ཁྱོད་ལ་ཞུ་ཞིང་གསོལ་བ་ནི། །ཕན་བདེའི་འབྱུང་གནས་ཐུབ་བསྟན་དམ་པའི་ཆོས། །ཐོས་བསམ་སྒྲུབ་པས་རྒྱས་པར་མཛད་དུ་གསོལ། །ཐར་པའི་དེད་དཔོན་བསྟན་འཛིན་བཤེས་གཉེན་རྣམས། །སྐུ་ལ་སྙུན་མེད་ཕྲིན་ལས་རབ་རྒྱས་ཤིང་། །རྟག་ཏུ་སྡུག་བསྔལ་གྱུར་བའི་འགྲོ་བ་རྣམས། །ཐར་པའི་བདེ་ལ་འགོད་པར་མཛད་དུ་གསོལ། །དམ་ཆོས་སྒྲུབ་ལ་བརྩོན་པ་ཐམས་ཅད་ཀྱིས། །ཟབ་ལམ་བླ་མའི་མོས་གུས་མཐར་ཕྱིན་ནས། །སྤང་རྟོགས་མཐར་སོན་བླ་མའི་ས་ཐོབ་སྟེ། །གཞན་ཕན་ཚད་མེད་འགྲུབ་པར་མཛད་དུ་གསོལ། །དེ་མ་ཐོབ་ཀྱི་གནས་སྐབས་ཐམས་ཅད་

[Full Size]

དུའང་། །བླ་མ་མཆོག་གིས་རྟག་ཏུ་རྗེས་འཛིན་ཅིང་། །ལུས་དང་ལོངས་སྤྱོད་དགེ་བས་མཉེས་བྱས་ཏེ། །བརྩེ་བས་བྱིན་རླབས་འཇུག་པར་མཛད་དུ་གསོལ། །དབང་བཞི་ལེན་པ་ནི། གསོལ་བ་བཏབ་པས་འཁོར་རྣམས་འོད་དུ་ཞུ། །བླ་མའི་སྐུར་ཐིམ་གནས་གསུམ་འབྲུ་གསུམ་གསལ། །བླ་མ་ཡེ་ཤེས་མཁའ་འགྲོའི་དཔྲལ་བ་ནས། །འོད་ཟེར་དཀར་པོ་བདག་གི་དཔྲལ་བར་ཐིམ། །བུམ་པའི་དབང་ཐོབ་ལུས་ཀྱི་སྡིག་སྒྲིབ་དག །སྐུ་ཡི་བྱིན་རླབས་རྒྱུད་ལ་ཞུགས་པར་གྱུར། །བླ་མ་ཡེ་ཤེས་མཁའ་འགྲོའི་མགྲིན་པ་ནས། །འོད་ཟེར་དམར་པོ་བདག་གི་མགྲིན་པར་ཐིམ། །གསང་བའི་དབང་ཐོབ་ངག་གི་སྡིག་སྒྲིབ་དག །གསུང་གི་བྱིན་རླབས་

[Full Size]

རྒྱུད་ལ་ཞུགས་པར་གྱུར། །བླ་མ་ཡེ་ཤེས་མཁའ་འགྲོའི་ཐུགས་ཀ་ནས། །འོད་ཟེར་སྔོན་པོ་བདག་གི་སྙིང་ཁར་ཐིམ། །ཤེར་ཡེའི་དབང་ཐོབ་ཡིད་ཀྱི་སྡིག་སྒྲིབ་དག །ཐུགས་ཀྱི་བྱིན་རླབས་རྒྱུད་ལ་ཞུགས་པར་གྱུར། །སླར་ཡང་གནས་གསུམ་འོད་ཟེར་དཀར་དམར་མཐིང་། །གཅིག་ཆར་འཕྲོས་ནས་བདག་གི་གནས་གསུམ་ཐིམ། །བཞི་པའི་དབང་ཐོབ་སྒོ་གསུམ་བག་ཆགས་སྦྱངས། །ཡེ་ཤེས་རྡོ་རྗེའི་བྱིན་རླབས་ཞུགས་པར་གྱུར། །སྐྱེ་མེད་ཕྱག་རྒྱ་ཆེད་དུ་ཕྱར་མཛད་ནས། །དགྱེས་པས་དགོངས་ཏེ་ངོ་སྤྲད་སྩལ་བར་གྱུར། །ནམ་མཁའ་རིག་མེད་སྟོང་པ་ལ། །རིག་བཅས་སེམས་ཀྱི་རྩ་བ་བཅུན། །རྩ་བ་གཅུན་ལ་ལྷུག་པར་ཞོག ༈ །ཅེས་གསུངས་མཁའ་དང་

[Full Size]

རང་སེམས་དབྱེར་མེད་འདྲེས། །ནམ་མཁའ་བཞིན་ཏུ་རང་སེམས་སྐྱེ་འཇིག་དང་། །མཐའ་དབུས་ངོས་བཟུང་བྲལ་བའི་རང་བབ་ཀློད། །བསམ་མེད་ངང་དུ་ཅུང་ཟད་ཀློད་དེ་བཞག །མ་བཅོས་སོ་མ་རང་ཤར་ལྷན་ནེ་བ། །ལྷུན་གྲུབ་འབད་རྩོལ་མེད་པའི་ངང་དུ་བཏད། །དཔལ་ལྡན་བླ་མའི་སྐུ་དང་བདག་གི་ལུས། །དབྱེར་མེད་རྡོ་རྗེའི་སྐུ་རུ་བྱིན་གྱིས་རློབས། །དཔལ་ལྡན་བླ་མའི་ཅི་གསུང་བསྒྲུབ་པ་དང་། །གསུང་ངག་དབྱེར་མེད་གསུང་གི་རྡོ་རྗེར་ཤོག །ཐུགས་ཀྱི་གསང་བའི་མཛོད་ཀུན་འཛིན་པ་དང་། །ཐུགས་ཡིད་དབྱེར་མེད་འདྲེས་པར་བྱིན་གྱིས་རློབས། །བླ་མ་དགྱེས་པའི་བྱ་བ་ཀུན་བསྒྲུབས་ནས། །མཛད་པ་ཕྲིན་ལས་མཚུངས་པར་བྱིན་

[Full Size]

གྱིས་རློབས། །མགོ་བོར་བླ་མའི་ཅོད་པན་འཆང་། །ལག་ཏུ་རྡོ་རྗེ་དྲིལ་བུ་འཛིན། །ངག་ཏུ་གསང་སྔགས་རྒྱལ་པོ་བཟླ། །ཡིད་ཀྱིས་ཟུང་འཇུག་བསྒོམ་པར་ཤོག །ནོངས་པ་བཤགས་པ་ནི། ཡིག་བརྒྱ་བརྗོད་ལ། བདག་ནི་མི་ཤེས་བག་མེད་དབང་གྱུར་པས། །མ་རིག་ཉེས་པའི་ཚོགས་རྣམས་གང་བགྱིས་པ། །བརྩེ་ལྡན་ཁྱོད་ཀྱི་སྤྱན་སྔར་བཤགས་པར་བགྱི། །ཐུགས་རྗེའི་རང་བཞིན་ཅན་གྱིས་བཟོད་པར་གསོལ། །བསྡུ་རིམ་ནི། སྐྱབས་མཆོག་ཁྱེད་ནི་འགྲོ་བའི་དོན་རབ་མཛད། །ཆོས་ཀྱི་སྐུ་ལ་འགྱུར་བ་མི་མངའ་ཡང་། །གཟུགས་སྐུ་བདག་གི་ལུས་ལ་རབ་བསྐྱོད་ནས། །བརྩེ་བ་ཆེན་པོས་བྱིན་གྱིས་བརླབ་ཏུ་གསོལ། །བླ་མ་ཡེ་ཤེས་ཀྱི་མཁའ་འགྲོ་དགྱེས་པ་

[Full Size]

ཆེན་པོས་འོད་ཟེར་གྱི་གོང་བུར་ཞུ་སྟེ་རང་ལ་ཐིམ་པས་རང་གི་སྒོ་གསུམ་དང་བླ་མའི་སྐུ་གསུང་ཐུགས་སུ་དབྱེར་མེད་ཆུ་ལ་ཆུ་བཞག་པ་ལྟར་གྱུར། །ཅེས་བཟོ་མེད་ངང་དུ་ཡུན་རིང་མཉམ་པར་བཞག་ལ། ཤེས་ཤིང་སྤྲོ་ན་སྨོན་ལམ་བཀའ་རྒྱ་མ་སོགས་ཐེག་པ་ཆེན་པོའི་སྨོན་ལམ་ཇི་ལྟར་རིགས་པ་གདབ་བོ། །དེ་ནས་བཀྲ་ཤིས་བརྗོད་པ་ནི། ཡོན་ཏན་རབ་རྫོགས་གངས་ཀྱི་རི་བོ་བཞིན། །བྱིན་རླབས་ཆུ་བོས་སྐལ་ལྡན་ཚིམས་མཛད་ཅིང་། །རང་སེམས་ལྷན་ཅིག་སྐྱེས་པ་སྟོན་མཛད་པའི། །ཆོས་རྗེ་བླ་མ་མཆོག་གི་བཀྲ་ཤིས་ཤོག། སྒྲུབ་པ་པོ་ལ་བུ་བཞིན་གཟིགས་མཛད་ཅིང་། །མི་འབྲལ་ལུས་དང་གྲིབ་མ་ཇི་བཞིན་དུ། །དམ་ཚིག་ཅན་ལ་དངོས་གྲུབ་སྟེར་མཛད་པའི། །ཡི་དམ་ལྷ་ཚོགས་རྣམས་ཀྱི་བཀྲ་ཤིས་ཤོག །དམ་

[Full Size]

ཅན་སྒྲུབ་པ་པོ་ཡི་རྗེས་འབྲང་ཞིང་། །ཞི་དང་རྒྱས་དང་དབང་དང་མངོན་སྤྱོད་སོགས། །སྣ་ཚོགས་ཕྲིན་ལས་ཚུལ་བཞིན་སྒྲུབ་མཛད་པའི། །ཆོས་སྐྱོང་སྲུང་མ་རྣམས་ཀྱི་བཀྲ་ཤིས་ཤོག །སྣང་སྲིད་རང་གྲོལ་སྒྱུ་མ་རྨི་ལམ་བཞིན། །བདེ་བ་ཆེན་པོ་རྒྱུན་ཆད་མེད་པའི་ཉམས། །ཡིད་ལ་བྱར་མེད་སྟོང་གསལ་ནམ་མཁའི་ངང་། །བདེ་ཆེན་ཕྱག་རྒྱ་ཆེན་པོའི་བཀྲ་ཤིས་ཤོག །སྒྲུབ་པ་པོ་ལ་བརྟེན་ཅིང་འཕྲོག་པ་དང་། །སྐུར་པ་འདེབས་པའི་སྐྱེ་འགྲོ་གང་ཡིན་པ། །ཐམས་ཅད་བྱང་ཆུབ་ལམ་ལ་འགོད་མཛད་པའི། །མཉམ་མེད་བྱང་ཆུབ་སེམས་ཀྱི་བཀྲ་ཤིས་ཤོག །འཁོར་བ་མྱ་ངན་འདས་པ་ཐམས་ཅད་ཀྱི། །བཀྲ་ཤིས་གོ་འཕང་ཇི་སྙེད་ཡོད་པ་རྣམས། །

[Full Size]

ཕུན་སུམ་ཚོགས་པ་ཆུ་བོའི་གཞུང་བཞིན་དུ། །སྐྱེ་འགྲོ་ཡོངས་ལ་རྟག་ཏུ་བཀྲ་ཤིས་ཤོག །བསོད་ནམས་དར་རྒྱས་རི་རྒྱལ་ལྷུན་པོ་བཞིན། །སྙན་གྲགས་ཆེན་པོ་ནམ་མཁའ་བཞིན་ཏུ་ཁྱབ། །ཚེ་རིང་ནད་མེད་གཞན་དོན་ལྷུན་གྱིས་གྲུབ། །ཡོན་ཏན་རྒྱ་མཚོ་མཆོག་གི་བཀྲ་ཤིས་ཤོག །རྗེས་མཆོད་པའི་རས་མ་ཇི་ལྟར་མཆིས་པ་དག་ཀྱང་འབགས་བཙོགས་དང་བག་མེད་སྤྱོད་པའི་གནས་སུ་འདོར་བར་མི་བྱའོ། །ཡེ་ཤེས་མཁའ་འགྲོ་གཙོར་གྱུར་པའི། །ཤངས་ལུགས་བླ་མ་མཆོད་པའི་ཐབས། །བྲིས་ལས་བསོད་ནམས་གང་ཐོབ་པས། །འགྲོ་ཀུན་བླ་མ་མཆོག་ཐོབ་ཤོག །དཔལ་ལྡན་ཤངས་པ་བཀའ་བརྒྱུད་ཀྱི། །བསམ་གྱིས་མི་ཁྱབ་རྣམ་ཐར་ཚོགས། །དེ་དག་བདག་གིས་མྱུར་འགྲུབ་ནས། །འགྲོ་བ་ཡོངས་ཀྱི་དཔལ་གྱུར་ཤོག །འདི་ལ་འབྲེལ་པ་ཐོགས་ཚད་ཀྱང་། །གྲུབ་ཆེན་

[Full Size]

ཁྱུང་པོ་ཡབ་སྲས་ཀྱིས། །བདེ་བ་ཅན་དུ་ལེགས་དྲངས་ནས། །བྱང་ཆུབ་མཆོག་ཏུ་ལུང་སྟོན་ཤོག །ཅེས་པ་འདིའང་རྗེ་བཙུན་ཆོས་ཀྱི་རྒྱལ་པོ་ཐམས་ཅད་མཁྱེན་གཟིགས་འཇམ་དབྱངས་མཁྱེན་བརྩེའི་དབང་པོས་རྗེས་སུ་གནང་བ་དང་། རང་ཉིད་ཀྱི་མོས་པ་ཆེན་པོའི་བློས་མཚམས་སྦྱར་ཏེ། བརྒྱུད་པ་འདི་ཉིད་ལ་མི་ཕྱེད་དད་པའི་བག་ཆགས་ལྷན་སྐྱེས་སུ་མངའ་བ་ཀརྨ་ངག་དབང་ཡོན་ཏན་རྒྱ་མཚོ་བློ་གྲོས་མཐའ་ཡས་པའི་སྡེས་རྗེ་བཙུན་རིན་པོ་ཆེའི་གསུང་རབས་བྱིན་རླབས་ཀྱི་ཁྱད་པར་དུ་གཞིར་བཞག །ཁ་འགེངས་འོས་པ་རྣམས་གསར་དུ་སྦྱར་ཏེ་བཛྲ་ཙིཏྟ་ཀོ་ཊིའི་སྒྲུབ་གནས་སུ་རྒྱལ་བ་ལྷ་ལས་བབས་པའི་དུས་ཆེན་བྱང་ཆུབ་སྒྲུབ་པའི་འགྲུབ་སྦྱོར་དང་ལྡན་པའི་དཀར་ཕྱོགས་ཀྱི་ཚེས་ཤིན་ཏུ་དགེ་བར་ཐུན་ཁོངས་གཅིག་ཏུ་སུག་བྲིས་སུ་བགྱིས་པ་འགྲོ་མགོན་ཤངས་པ་བཀའ་བརྒྱུད་ཀྱི་བསྟན་པ་རིན་པོ་ཆེ་ས་ཆེན་ཡོངས་སུ་ཁྱབ་པའི་རྒྱུར་གྱུར་ཅིག །

ཤངས་ལུགས་མཁའ་འགྲོ་སྡེ་ལྔའི་མཆོད་གཏོར་འབུལ་བ།

[Full Size]

ཨོཾ་སྭ་སྟི། ཤངས་ལུགས་མཁའ་འགྲོ་སྡེ་ལྔའི་མཆོད་གཏོར་འབུལ་བ་དཀྱུས་མ་ཙམ་གྱི་ལག་ལེན་བྱེད་ན། ཟླུམ་གཏོར་ལྔའམ་གཅིག་ལ་ཐེབས་ཀྱུ་བཞིས་མཚན་པ་བཤམས། ཡི་དམ་ལྟར་བྱིན་བརླབས་ལ། རང་གི་མདུན་གྱི་ནམ་མཁར་ཧཱུྃ་ལས་འབྱུང་བའི་སྲུང་འཁོར་དང་། ཆོས་འབྱུང་ནམ་མཁའི་ཁམས་ཀྱི་དབུས་སུ་གཞལ་མེད་ཁང་དངོས་གྲུབ་འབྱུང་བའི་དུར་ཁྲོད་དང་བཅས་པའི་དབུས་སུ་པདྨའི་གདན་ལྔ་ཚོམ། དབུས་སུ་ཟླ་བ་ལ་ཨོཾ་ལས་སངས་རྒྱས་མཁའ་འགྲོ་མ་དཀར་མོ་རྣམ་སྣང་གི་དབུ་རྒྱན་ཅན། ཞི་བའི་

[Full Size]

ཉམས་ལྡན། ཤར་དུ་ཉི་མ་ལ་ཧཱུྃ་ལས་རྡོ་རྗེ་མཁའ་འགྲོ་མ་སྔོན་མོ་མི་བསྐྱོད་པའི་དབུ་རྒྱན་ཅན། ཁྲོ་བོའི་ཉམས་ལྡན། ལྷོ་རུ་ཟླ་བ་སེར་པོ་ལ་ཏྲཱྃ་ལས་རིན་ཆེན་མཁའ་འགྲོ་མ་སེར་མོ་རིན་ཆེན་འབྱུང་ལྡན་གྱི་དབུ་རྒྱན་ཅན། དགྱེས་པའི་ཉམས་ལྡན། ནུབ་ཏུ་ཉི་མ་དམར་པོ་ཟེར་དང་བྲལ་བ་ལ་ཧྲཱིཿལས་པདྨ་མཁའ་འགྲོ་མ་དམར་མོ་འོད་དཔག་མེད་ཀྱི་དབུ་རྒྱན་ཅན། ཆགས་པའི་ཉམས་ལྡན། བྱང་དུ་སྣ་ཚོགས་རྡོ་རྗེ་ལ་ཨ་ལས་སྣ་ཚོགས་མཁའ་འགྲོ་མ་ལྗང་གུ་དོན་གྲུབ་ཀྱི་དབུ་རྒྱན་ཅན། ཁྲོ་ཞིང་བཞད་པ་སོགས་ཉམས་སྣ་ཚོགས་པ། ཐམས་ཅད་ཀྱང་གཡས་ཅང་ཏེའུ་ཁྲོལ་ཞིང་། གཡོན་པས་ཐོད་པ་བདུད་རྩིས་གང་བ་ཐུགས་ཀར་འཛིན་པ། མི་མགོ་

[Full Size]

སྐམ་པོ་ལྔའི་དབུ་རྒྱན། རློན་པ་ལྔ་བཅུའི་དོ་ཤལ་རུས་པའི་ཕྱག་རྒྱ་ལྔ་དང་བཅས་པ། དབུ་སྐྲ་ནག་པོ་ཕྱེད་བཅིངས་སུ་གནས་པ། མཆན་ཁུང་གཡོན་དུ་ཐབས་ཀྱི་རང་བཞིན་གྱི་ཁ་ཊྭཱྃ་ག་ལ་རིམ་པ་བཞིན་དུ་འཁོར་ལོ་རྡོ་རྗེ་རིན་པོ་ཆེ་པདྨ་རལ་གྲི་རྣམས་ཀྱིས་མཚན་པ། འོད་ཟེར་སྣ་ལྔ་འབར་བའི་དབུས་ན་བཞུགས་ཤིང་། རང་མཚུངས་ཀྱི་མཁའ་འགྲོ་མ་གཙོ་མོ་འབུམ་འབུམ་དང་འཁོར་མཁའ་འགྲོ་གྲངས་མེད་པས་ཡོངས་སུ་བསྐོར་བའོ། །དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། རང་གི་སྙིང་ག་ནས་འོད་ཟེར་དཔག་ཏུ་མེད་པ་འཕྲོས། རང་བཞིན་གྱི་གནས་དང་ཕྱོགས་མཚམས་ཐམས་ཅད་ནས་གཙོ་མོ་ཡེ་ཤེས་ཀྱི་མཁའ་

[Full Size]

འགྲོ་ལྔ་ལ་འཇིག་རྟེན་དང་འཇིག་རྟེན་ལས་འདས་པའི་མཁའ་འགྲོ་གྲངས་མེད་པས་བསྐོར་བ་བཛྲ་ས་མཱ་ཛཿརྡོ་རྗེ་རྩེ་ལྔ་པའི་ཕྱག་རྒྱས་གཡབ་ཅིང་། ཨོཾ་ཤྲཱི་ཧེ་རུ་ཀ་མ་ཧཱ་བཛྲ་ཨཱ་ཀཌྜྷ་ཡ། ཨཱ་ཀཌྜྷ་ཡ། པྲ་བེ་ཤ་ཡ། པྲ་བེ་ཤ་ཡ། བནྡྷ་ཡ། བནྡྷ་ཡ། ཏོ་ཥ་ཡ། ཏོ་ཥ་ཡ། སརྦ་བཛྲ་ཌཱ་ཀི་ནི་ནཾ། ཧྲྀ་ད་ཡཾ་ཧཱུྃ་ཧཱུྃ་ཕཊ་ཕཊ། ལན་གསུམ་གྱིས་སྤྱན་དྲངས། ཛཿཧཱུྃ་བཾ་ཧོཿ ལན་ལྔ། ཨརྒྷཾ་ནས་ ཤབྡའི་བར་གྱིས་མཆོད། ཨོཾ་ཧཱུྃ་ཏྲཱཾ་ཧྲཱིཿཨཱཿ ཨོཾ་ཨཱཿཧཱུྃ། ཞེས་ནང་མཆོད་འབུལ། དཔལ་ལྡན་རྡོ་རྗེ་མཁའ་འགྲོ་མ། །མཁའ་འགྲོ་མ་ཡི་འཁོར་ལོས་སྒྱུར། །ཡེ་ཤེས་ལྔ་དང་སྐུ་གསུམ་ཉིད། །འགྲོ་བ་སྐྱོབས་ལ་ཕྱག་འཚལ་བསྟོད། །ཇི་སྙེད་རྡོ་རྗེ་མཁའ་འགྲོ་མ། །ཀུན་ཏུ་རྟོག་པའི་

[Full Size]

འཆིང་གཅོད་ཅིང་། །འཇིག་རྟེན་བྱ་བ་རབ་འཇུག་མ། །དེ་སྙེད་རྣམས་ལ་ཕྱག་འཚལ་བསྟོད། །གཏོར་ཆོག་ཙམ་ལ་བཟླས་པ་མི་དགོས་ཀྱང་། སྤྲོ་ན། སྤྱི་དྲིལ་གྱི་སྔགས་ནི། ཨོཾ་ཨཱཿཨོཾ་ཧཱུྃ་སྭཱ་ཨཱཿཧཱ་ཧཱུྃ་ཕཊ་སྭཱ་ཧཱ། ཞེས་བཟླ། དེ་ནས་གཏོར་མ་འབུལ་བ་ནི། ཨོཾ་བུདྡྷ་ཌཱ་ཀི་ནཱི་པྲ་ཏཱིཙྪ་ཨི་མཾ་བ་ལིཾ་ཨོཾ་ཕཊ། ཨོཾ་བཛྲ་ཌཱ་ཀི་ནཱི་པྲ་ཏཱིཙྪ་ཨི་མཾ་བ་ལིཾ་ཧཱུྃ་ཕཊ། ཨོཾ་རཏྣ་ཌཱ་ཀི་ནཱི་པྲ་ཏཱིཙྪ་ཨི་མཾ་བ་ལིཾ་ཏྲཱྃ་ཕཊ། ཨོཾ་པདྨ་ཌཱ་ཀི་ནཱི་པྲ་ཏཱིཙྪ་ཨི་མཾ་བ་ལིཾ་ཧྲཱིཿཕཊ། ཨོཾ་བི་ཤྭ་ཌཱ་ཀི་ནཱི་པྲ་ཏཱིཙྪ་ཨི་མཾ་བ་ལིཾ་ཨཱཿཕཊ། ཨོཾ་སརྦ་ཌཱ་ཀི་ནཱི་པྲ་ཏཱིཙྪ་ཨི་མཾ་བ་ལིཾ་ཧོཿཕཊ། ཞེས་ལན་གསུམ་སོགས་ཀྱིས་ཕུལ། རྒྱས་པར་ན་ཚིགས་བཅད་དང་བཅས་པ་དང་། བསྡུ་ན་སྔགས་ཙམ་གྱིས་ཕྱི་མཆོད་ནང་མཆོད་གསང་མཆོད་རྣམས་ཕུལ། མི་བསྐྱོད་

[Full Size]

རྡོ་རྗེ་ཡེ་ཤེས་ཆེ། །རྡོ་རྗེ་དབྱིངས་ནི་མཁའ་ཆེན་པོ། །རྡོ་རྗེ་གསུམ་མཆོག་དཀྱིལ་འཁོར་གསུམ། །རྡོ་རྗེ་མཁའ་འགྲོར་ཕྱག་འཚལ་བསྟོད། །རྣམ་པར་སྣང་མཛད་དག་པ་ཆེ། །རྡོ་རྗེ་ཞི་བ་དགའ་ཆེན་པོ། །རང་བཞིན་གྱིས་ནི་འོད་གསལ་མཆོག །སངས་རྒྱས་མཁའ་འགྲོར་ཕྱག་འཚལ་བསྟོད། །རིན་ཆེན་རྒྱལ་པོ་རབ་ཏུ་ཟབ། །རྡོ་རྗེ་ནམ་མཁའ་དྲི་མ་མེད། །རང་བཞིན་དག་པ་གོས་པ་མེད། །རིན་ཆེན་མཁའ་འགྲོར་ཕྱག་འཚལ་བསྟོད། །རྡོ་རྗེ་དཔག་མེད་རྒྱལ་པོ་ཆེ། །མི་རྟོག་ནམ་མཁའ་རྡོ་རྗེ་འཛིན། །འདོད་ཆགས་ཕ་རོལ་ཕྱིན་པ་བརྙེས། །པདྨ་མཁའ་འགྲོར་ཕྱག་འཚལ་བསྟོད། །དོན་ཡོད་རྒྱལ་པོ་རྫོགས་སངས་རྒྱས། །བསམ་

[Full Size]

པ་ཐམས་ཅད་རྫོགས་མཛད་པ། །དངོས་ཉིད་དག་པ་ཉིད་ལས་བྱུང་། །སྣ་ཚོགས་མཁའ་འགྲོར་ཕྱག་འཚལ་བསྟོད། །ཅེས་དེ་ཉིད་ལྔ་པས་བསྟོད། ཆོས་རྣམས་གཟུགས་བརྙན་ལྟ་བུ་སྟེ། །དག་ཅིང་གསལ་བ་རྙོག་པ་མེད། །གཟུང་དུ་མེད་ཅིང་བརྗོད་དུ་མེད། །རྒྱུ་དང་ལས་ལས་ཀུན་ཏུ་འབྱུང་། །ངོ་བོ་མེད་ཅིང་གནས་མེད་པ། །དེ་ལྟར་ཆོས་རྣམས་ཤེས་གྱིས་ལ། །སེམས་ཅན་དོན་ནི་བླ་མེད་བྱོས། །འོན་ཀྱང་སངས་རྒྱས་རིགས་སུ་སྐྱེ། །མཆོད་སྦྱིན་གཏོར་མ་འདི་བཞེས་ལ། །སོགས་འདོད་དོན་གསོལ་བ་བཏབ། །ཡིག་བརྒྱ། བཟོད་གསོལ། གཤེགས་གསོལ། དམ་ཚིག་པ་རང་ལ་བསྡུ། བདག་སྲུང་། སྨོན་ལམ། བཀྲིས་རྣམས་བྱའོ། །ཞེས་པའང་ཉེར་མཁོའི་ཡན་ལག་ཏུ་རིན་འབྱུང་ལས་ཟུར་དུ་བཀོལ་བ་སྟེ་གུ་

[Full Size]

ས་སོ།། །།དགེ་ལེགས་འཕེལ།། །།

དཔལ་ལྡན་ཤངས་པ་བཀའ་བརྒྱུད་ཀྱི་ངོ་མཚར་རིན་ཆེན་བརྒྱུད་པའི་རྣམ་ཐར་ལ་གསོལ་བ་འདེབས་པ་ཨུ་དུམྦ་རའི་ཕྲེང་བ། ངག་དབང་ཡོན་ཏན་རྒྱ་མཚོ།

[Full Size]

དཔལ་ལྡན་ཤངས་པ་བཀའ་བརྒྱུད་ཀྱི་ངོ་མཚར་རིན་ཆེན་བརྒྱུད་པའི་རྣམ་ཐར་ལ་གསོལ་བ་འདེབས་པ་ཨུ་དུམྦ་རའི་ཕྲེང་བ་ཞེས་བྱ་བ་བཞུགས་སོ།། །།

[Full Size]

ཁྱབ་བདག་རྡོ་རྗེ་འཆང་ཆེན་པོ་ལ་གསོལ་བ་འདེབས་པ་རྡོ་རྗེའི་སྒྲ་དབྱངས་ཞེས་བྱ་བ། རིགས་ཀུན་བདག་ཉིད་ཐོག་མ་ཐ་མ་མེད། །དངོས་གཅིག་བརྟན་གཡོ་ཀུན་ཁྱབ་ཟུང་དུ་འཇུག །རང་བཞིན་འོད་གསལ་བདེ་ཆེན་ཡེ་ཤེས་སྐུ། ཁྱབ་དག་རྡོ་རྗེ་འཆང་ལ་གསོལ་བ་འདེབས། །སྤྲོས་པ་ཀུན་བྲལ་སྟོང་ཉིད་སངས་རྒྱས་པ། །རྡོ་རྗེ་བཙུན་མོའི་བྷ་ག་གསང་བའི་དབྱིངས། །ཆོས་འབྱུང་ཐར་པ་ཆེན་པོའི་གྲོང་ཁྱེར་དུ། །གདོད་ནས་མངོན་བྱང་ཆུབ་ལ་གསོལ་བ་འདེབས། །གཉིས་མེད་གཡོ་བ་མེད་དང་རིས་མེད་དང་། །འདོད་དང་མཆོག་ཏུ་མི་འགྱུར་འདོད་ཆགས་ཆེ། །དངོས་དང་དངོས་པོ་མེད་པ་ཟད་པ་དང་། །ཡེ་ཤེས་དང་ནི་སེམས་དཔའ་ཀུན་

[Full Size]

ཏུ་བཟང་། །ཉོན་མོངས་མེད་དང་ཉོན་མོངས་ཆེན་པོ་དང་། །ལྷན་སྐྱེས་དཔལ་ལྡན་བྱང་སེམས་ཐིག་ལེ་འཛིན། །དཔལ་ལྡན་དུས་ཀྱི་འཁོར་ལོ་རྡོ་རྗེ་དང་། །ཐབས་དང་ཤེས་རབ་བདག་ཉིད་རྣལ་འབྱོར་མཚན། །རྣམ་གྲངས་དུ་མར་ལྡན་ལ་གསོལ་བ་འདེབས། །སྟོང་ཉིད་སྙིང་རྗེ་དབྱེར་མེད་མི་འགྱུར་བའི། །བདེ་བ་ཆེན་པོ་ཡོད་མེད་མཐའ་བཞི་ལས། །རྣམ་གྲོལ་བདེ་གཤེགས་ཀུན་གྱི་ངོ་བོ་ཉིད། །དོན་དམ་ཡེ་ཤེས་སྐུ་ལ་གསོལ་བ་འདེབས། །ཤེས་དང་ཤེས་བྱ་གཅིག་གྱུར་སྤྲོས་པའི་མཐའ། །ཀུན་ལས་རབ་འདས་རྒྱུ་འབྲས་མ་ལུས་པ། །ཡེ་ཤེས་གཅིག་གིས་གཅིག་ཅར་གཟིགས་གྱུར་པ། །

[Full Size]

དཔེ་བྲལ་ཆོས་ཀྱི་སྐུ་ལ༴ །སྟོང་ཉིད་སྒྲ་བརྙན་ཤར་བའི་ཉིན་མོར་བྱེད། །ངེས་པ་ལྔ་ལྡན་སྐུ་དང་ཞིང་ཁམས་ནི། །སྣང་ལ་རང་བཞིན་མ་གྲུབ་མཁའ་ལྟར་ཁྱབ། །ལོངས་སྤྱོད་ཡོངས་སུ་རྫོགས་ལ༴ །བཟོ་སྐྱེ་མཆོག་སོགས་དག་དང་མ་དག་པའི། །གཟུགས་བརྙན་པདྨ་འདབ་མ་རྒྱས་པའི་སྤྱན། །སྣ་ཚོགས་སྤྲུལ་པས་འགྲོ་བའི་དོན་མཛད་པ། །གང་ལ་གང་འདུལ་སྟོན་ལ༴ །སྣ་ཚོགས་གཟུགས་དང་རྣམ་པ་ཐམས་ཅད་གསུང་། །མི་འགྱུར་བདེ་བ་རྣམ་ཀུན་མཆོག་ལྡན་གྱི། །སྟོང་ཉིད་ཟུང་འཇུག་གསང་བ་བསམ་མི་ཁྱབ། །མི་ཟད་རྒྱུན་གྱི་འཁོར་ལོར༴ །རིགས་དྲུག་བདེན་དོན་རྣམ་པ་བཅུ་གཉིས་དང་། །དེ་ཉིད་བཅུ་དྲུག་རིགས་

[Full Size]

བརྒྱ་མཐའ་ཡས་རིགས། །གཅིག་པུའི་ཉམས་ཀྱིས་དུ་མའི་གར་མཛད་པ། །རིགས་ཀུན་ཁྱབ་བདག་དེ་ལ༴ །ཆོས་རྣམས་ཀུན་ལ་ཉེ་རིང་མེད་པར་ཁྱབ། །འགྲོ་ཁམས་ཟད་མེད་རྗེས་སུ་འཛིན་པ་ལ། །འཕེལ་འགྲིབ་མི་མངའ་རྟག་པར་བཞུགས་ནས་སུ། །རྩོལ་མེད་དོན་ཆེན་སྒྲུབ་ལ༴ །གཞི་དུས་རང་བཞིན་འོད་གསལ་ངོ་བོ་ཉིད། །ལམ་དུས་ཟག་མེད་བདེ་སྟོང་རྣལ་འབྱོར་གྱིས། །བྲལ་འབྲས་དག་པ་གཉིས་ཀྱི་མཐར་ཐུག་པ། །སྤངས་པ་ཆེན་པོ་དེ༴ །སྒྱུ་མ་རྨི་ལམ་ཕྲ་ཕབ་བརྒྱད་བཞིན་དུ། །ཇི་སྙེད་ཤེས་བྱ་རྟོག་བྲལ་མ་འཁྲུལ་གཟིགས། །ཆོས་ཅན་ཇི་བལྟ་བ་ཉིད་མངོན་གྱུར་པའི། །རྟོགས་པ་ཆེན་པོ་དེ་ལ༴ །ནམ་མཁའ་ཇི་སྲིད་འགྲོ་བ་མ་ལུས་པའི། །དོན་རྣམས་འབད་མེད་ལྷུན་གྱིས་གྲུབ་པ་ཡི། །དམིགས་མེད་ཐུགས་རྗེ་ཆད་པ་མེད་པར་འཇུག །སེམས་དཔའ་ཆེན་པོ་དེ་ལ༴ །ས་ཆུ་མེ་རླུང་ནམ་མཁའ་ཉི་ཟླ་དང་། །རྣམ་པར་

[Full Size]

ཤེས་པ་སྒྲིབ་བྲལ་དག་པ་ཡི། །མཐའ་ཡས་སྟོབས་དང་ནམ་ཡང་སྐྱོན་མེད་སོགས། །ཡོན་ཏན་བརྒྱད་ལྡན་དེ་ལ༴ །རྟག་པ་དང་ནི་མི་གདུང་རབ་ཏུ་བསིལ། །གཅིག་པུར་འགྱུར་མེད་བདེ་ལྡན་དྲི་མ་མེད། །དགའ་དང་རྟག་ཏུ་མཉམ་འཇོག་ཡིད་དང་བ། །རོ་མྱང་བརྒྱད་དང་ལྡན་ལ༴ །བསམ་གྱིས་མི་ཁྱབ་སྐུ་གསུང་ཐུགས་ལྡན་ཅིང་། །རྫུ་འཕྲུལ་མཐའ་ཡས་གནས་སྐབས་ཀུན་ཏུ་ཁྱབ། །གནས་གྱུར་དོན་སྒྲུབ་བྱང་ཆུབ་སྐྱེད་མཛད་པ། །དབང་ཕྱུག་བརྒྱད་དང་ལྡན་ལ༴ །ལོངས་སྤྱོད་རྫོགས་དང་ཁ་སྦྱོར་བདེ་བ་ཆེ། །རང་བཞིན་མ་མཆིས་སྙིང་རྗེས་ཡོངས་སུ་གང་། །སྐུ་དང་ཡེ་ཤེས་མི་འཆད་མི་འགོགས་པའི། །ཡན་ལག་བདུན་དང་ལྡན་ལ༴ །གཟུགས་ཕྲ་རེག་པ་ཡང་ཞིང་ཀུན་ཏུ་ཁྱབ། །ཡང་དག་ཐོབ་བརྙེས་རབ་གསལ་བརྟེན་དང་ལྡན། །དབང་ཕྱུག་ཆེན་པོ་འདོད་རྒུར་སྒྱུར་བར་མཛད། །ཁྱད་འཕགས་བརྒྱད་ལྡན་དེ་ལ༴ །རང་བཞིན་མེད་ཅིང་རང་རིག་འཕེལ་བ་དང་། །

[Full Size]

འགྲིབས་པ་མ་མཆིས་རྣམ་པར་མི་རྟོག་པར། །དངོས་པོ་ཀུན་གྱི་གཟུགས་བརྙེན་སྣང་བ་ཡི། །ཟབ་པའི་ཡེ་ཤེས་ལྡན་ལ༴ །བསོད་ནམས་ཡེ་ཤེས་དེ་ཡི་སྤྱོད་ཡུལ་སྣང་། །ཆོས་ཀུན་ལ་དམིགས་ཐམས་ཅད་རྣམ་པས་འཇུག །ཀུན་ནས་ཐམས་ཅད་དོན་སྤྱོད་ཕྲིན་ལས་ཏེ། །རྒྱ་ཆེའི་ཡེ་ཤེས་རྫོགས་ལ༴ །ཡུལ་དང་དུས་ལ་ཉེ་རིང་མ་མཆིས་ཤིང་། །ངོ་བོ་དབྱེར་མེད་དེ་ཉིད་ཐ་མི་དད། །ཆོས་ཀུན་མི་རྟོག་མཉམས་པ་ཉིད་གཟིགས་པས། །ཁྱབ་པའི་ཡེ་ཤེས་བརྙེས་ལ༴ །རྒྱུན་མི་འཆད་ཅིང་འགོག་པའི་ཆོས་མི་མངའ། །ཕྲ་རབ་རྡུལ་དང་འགྱུར་པ་གཏན་ནས་སྤངས། །རྒྱལ་སྲས་ཀྱིས་ཀྱང་བསམ་པའི་ཡུལ་ལས་འདས། །རྟག་པའི་ཡེ་ཤེས་ལྡན་ལ༴ །ཁ་སྦྱོར་སྐུ་དང་འགྱུར་མེད་བདེ་བའི་ཐུགས། །རྣམ་པ་སྙིང་རྗེ་རྟོག་པའི་ཉེ་སྦྱོར་ཐིམ། །རླུང་འགག་ཞུ་བདེ་མངོན་གྱུར་བྱང་ཆུབ་སེམས། །མི་འགྱུར་བདེ་བ་རྫོགས་ལ༴ །སྟོང་ཉིད་ལས་སྐྱེས་

[Full Size]

ལས་སྣང་སྡུག་བསྔལ་འགོགས། །གར་ཡང་ཕྱིན་ཅིང་གཡོ་མེད་རླུང་སེམས་གཟུགས། །ཤེས་བྱ་མི་འགལ་མཚན་དཔེ་རྫོགས་པའི་སྐུ། །རང་འདྲའི་སྤྲིན་ཕུང་འཕྲོ་ལ༴ །གཉིས་ཀ་མ་ཡིན་མི་རྟོག་ཆོས་ཀུན་གྱི། །རང་བཞིན་ལ་བཞུགས་དག་པ་རབ་འབྱམས་སྣང་། །ཀུན་ཏུ་དོན་མཛད་གོ་འཕང་མི་གཡོ་བ། །ཟུང་འཇུག་ཡན་ལག་རྫོགས་ལ༴ །ཡེ་ཤེས་གཅིག་གིས་ཆོས་ཀུན་སྒྲིབ་མེད་གཟིགས། །ཤེས་བྱ་མཉམ་ཉིད་ཇི་སྙེད་མ་འདྲེས་རྟོག །གདུལ་བྱ་འདུལ་མཁྱེན་ཀུན་ལ་རྣམ་མི་རྟོག །ཡེ་ཤེས་ལྔ་དང་ལྡན་ལ༴ །སྟོབས་བཅུ་མི་འཇིགས་བཞི་དང་མ་འདྲེས་ཆོས། །བཅོ་བརྒྱད་སྐྱེ་ལ་ཐུགས་རྗེ་ཆེན་པོ་མངའ། །ཟག་མེད་ཡེ་ཤེས་སྡེ་ཚན་ཉེར་གཅིག་སོགས། །ཆོས་སྐུའི་ཡོན་ཏན་རྫོགས་ལ༴ །མཚན་བཟང་སོ་གཉིས་དཔེ་བྱད་བརྒྱད་ཅུ་དང་། །གསུང་དབྱངས་ཡན་ལག་དྲུག་ཅུ་ལ་སོགས་པ། །གཞན་དོན་གཟུགས་སྐུ་རྣམ་པ་

[Full Size]

གཉིས་པོ་ཡི། །ཡོན་ཏན་འབྱུང་གནས་དེ་ལ༴། རྩོལ་མེད་ལྷུན་གྲུབ་རྒྱུན་གྱིས་རྟག་པ་ཡིས། །འགྲོ་ཀུན་ལམ་སྟེགས་ལ་འགོད་ལམ་དུ་གཞུག །ངེས་ལེགས་མཐར་ཕྱིན་མཛད་པའི་ཕྲིན་ལས་ནི། །གང་འདུལ་མཁའ་དང་མཉམ་ལ་གསོལ་བ་འདེབས། །བདག་ཀྱང་སྲིད་ཞིའི་མཐའ་ལ་མི་གནས་པར། །སྐུ་བཞིའི་དབང་ཕྱུག་དངོས་ཀུན་ཁྱབ་པའི་བདག །ཟུང་འཇུག་རྡོ་རྗེ་འཆང་དབང་མྱུར་འགྲུབ་ནས། །མི་ཟད་རྒྱན་གྱི་འཁོར་ལོར་རྟག་སྤྱོད་ཤོག ༈ །ཡེ་ཤེས་ཌཱ་ཀི་ནི་གུ་མ་ལ་གསོལ་བ་འདེབས་པ་ཡེ་ཤེས་སྒྲ་དབྱངས་ཞེས་བྱ་བ། རྡོ་རྗེ་བཙུན་མོ་རྒྱལ་བ་ཀུན་གྱི་ཡུམ། །སྨུག་ནག་རུས་པའི་རྒྱན་ཅན་མཁའ་ལ་སྤྱོད། །སྐལ་ལྡན་རྣམས་ལ་མཆོག་གི་དངོས་གྲུབ་བསྟེར། །རྗེ་བཙུན་ནི་གུ་མ་ལ་གསོལ་བ་འདེབས། །ཉི་མ་གུང་པའི་བྱིན་རླབས་ལས་སྤྲུལ་པའི། །ངོ་མཚར་ས་གཞི་ཀ་སྨཱི་ར་ཡི་ལྗོངས། །ཛམྦུའི་གླིང་ན་དཔེ་མེད་རབ་གྲགས་པའི། །གྲོང་ཁྱེར་

[Full Size]

མཆོག་ཏུ་འཁྲུངས་ལ༴ །རྣམ་དག་བྲམ་ཟེ་ཞི་བའི་གོ་ཆ་ཡི། །རིགས་ཀྱི་ཐིག་ལེར་ནཱ་རོ་ཏ་པ་དང་། །ཡེ་ཤེས་མཁའ་འགྲོ་དྲལ་དང་ལྕམ་མོའི་ཚུལ། །ཉི་ཟླ་ཟུང་འབྲེལ་སྨིན་ལ༴ །རྣམ་ཀུན་མཆོག་ལྡན་སྟོང་པ་ཉིད་ཀྱི་དངོས། །རྒྱལ་ཀུན་སྐྱེད་པའི་གཟུགས་སུ་སྣང་བ་མོ། །སྲིད་པའི་ཚུལ་དུ་རྣམ་པར་འཁྲུལ་པར་ཡང་། །སྲེད་ལེན་མཚམས་སྦྱོར་སྤངས་ལ༴ །གྲངས་མེད་གོང་ནས་ས་དང་ལམ་རྣམས་ཀྱི། །ཕ་རོལ་སོན་པས་རྟེན་འདིར་རང་བྱུང་གི། །གྲུབ་པའི་རྣམ་ཐར་བསམ་མི་ཁྱབ་པ་བརྙེས། །ལྷན་སྐྱེས་མཁའ་འགྲོ་མ་ལ༴ །སྦྱངས་པའི་ངལ་བ་ཆེད་དུ་མ་བརྟེན་པར། །གྲུབ་པའི་དབང་ཕྱུག་དག་གི་གསུང་སྒྲོས་ཙམ། །སྙན་ལ་སེམས་པས་ཆོས་ཀུན་ཁོང་དུ་ཚུད། །རང་གྲོལ་བདེ་བ་ཆེ་ལ༴ །རྒྱུད་དང་གདམས་པའི་ཟབ་དོན་ཕྲ་མོ་ཡིས། །གཅིག་ཤེས་ཀུན་གྲོལ་མཁྱེན་གཉིས་རྩལ་ཁ་རྒྱས། །ཆོས་ཉིད་བདེན་པ་སྒྲིབ་བྲལ་

[Full Size]

མངོན་སུམ་གཟིགས། །དཔལ་ལྡན་གྲུབ་པ་མོ་ལ༴ །སྟོང་པའི་མཁའ་ལ་ཡིད་མིག་རླུང་བཅིངས་པས། །དྷཱུ་ཏིར་དཔྱིད་ཀྱི་སྒྲུབ་བྱེད་གཟུགས་མཐོང་སྟེ། །དུ་སོགས་རྡོ་རྗེའི་གཟུགས་བརྙན་གཅིག་ཆར་བསྐྱེད། །བསྙེན་པའི་ཡན་ལག་རྫོགས་ལ༴ །སྲོག་རྩོལ་མུན་ཅན་ལྟོ་བར་འགགས་ཤིང་འབབས། །འཁོར་ལོ་དྲུག་ཏུ་སྲོག་ཐུར་མཉམ་སྦྱོར་བས། །འབྱུང་བ་དྲུག་གི་ཉི་ཟླའི་འགྲོད་པ་འགགས། །ཉེར་སྒྲུབ་ཡན་ལག་རྫོགས་ལ༴ །རྒྱ་གསུམ་ལས་འདས་དཔེ་བྲལ་ཕྱག་རྒྱ་ཆེས། །མི་འགྱུར་ལྷན་ཅིག་སྐྱེས་བདེ་རང་འོད་ཀྱི། །རྣམ་བཅུའི་སྒྱུ་ལུས་དབང་པོ་ཐམས་ཅད་པ། །སྒྲུབ་པའི་ཡན་ལག་རྫོགས་ལ༴ །ཉི་ཁྲི་ཆིག་སྟོང་དྲུག་བརྒྱའི་རླུང་འགགས་པས། །དེ་སྙེད་མི་འགྱུར་བདེ་ཐོབ་གཙུག་ཏོར་དུ། །བྱང་སེམས་བརྟན་ལས་ས་རྣམས་ཡུད་ཀྱིས་བགྲོད། །སྒྲུབ་ཆེན་ཡན་ལག་རྫོགས་ལ༴ །ཉེ་རྒྱུའི་སྤྱོད་

[Full Size]

པས་དགྱེས་རྒུར་རོལ་མཛད་པས། །རྡོ་རྗེ་འཆང་གིས་རྗེས་བཟུང་དངོས་ཉིད་དང་། །སྐལ་པ་མཉམ་ཡང་སློབ་པའི་ཟུང་འཇུག་སྐུས། །མཁའ་ཁྱབ་འགྲོ་དོན་མཛད་ལ༴ །ཆོས་རྣམས་ཐམས་ཅད་སྒྲིབ་མེད་མངོན་སུམ་གྱུར། །ཏིང་འཛིན་སྒོ་མོ་བྱེ་སྙེད་བསམ་ཡས་ཐོབ། །རྒྱལ་ཀུན་གསང་བའི་མཛོད་ལ་རང་དབང་སྒྱུར། །རྒྱལ་བ་ཀུན་ཡུམ་ཁྱེད་ལ༴ །སྟོང་ཉིད་སྙིང་རྗེ་དབྱེར་མེད་བདེ་ཆེན་སྐུ། །བདེ་གཤེགས་སྤྲུལ་པ་ཐུན་མོངས་མཆོག་གི་བདག །ས་བཅུའི་དབང་ཕྱུག་འགྲོ་བ་འདྲེན་པའི་དཔལ། །རུས་པའི་རྒྱན་ཅན་དེ་ལ༴ །འཁོར་བར་འཁྱམས་པའི་མ་རྒན་སེམས་ཅན་རྣམས། །གཏིང་མཐའ་མེད་པ་སྡུག་བསྔལ་རྒྱ་མཚོ་ནས། །ཟག་མེད་བདེ་བ་རྒྱས་པའི་ཞིང་ཁམས་སུ། །དམིགས་མེད་ཐུགས་རྗེ་ཆེན་པོས་དྲང་དུ་གསོལ། །ལམ་ཞུགས་སྐལ་ལྡན་བརྩེ་བས་རྗེས་བཟུང་ལ། །འགལ་རྐྱེན་བགེགས་དང་བར་ཆད་ཀུན་ཞི་ཞིང་། །ཉམས་དང་རྟོགས་པ་གོང་དུ་འཕེལ་བ་དང་། །

[Full Size]

ལམ་ལྔ་ས་བཅུ་མཐར་ཕྱིན་བྱིན་གྱིས་རློབས། ༈ །ཡེ་ཤེས་ཌཱ་ཀི་སུ་ལ་སིདྡྷི་ལ་གསོལ་བ་འདེབས་པ་བདེ་ཆེན་སྒྲ་དབྱངས་ཞེས་བྱ་བ། ཟག་མེད་ལྷན་ཅིག་སྐྱེས་པའི་བདེ་སྟེར་མ། །བཅུ་དྲུག་ལང་ཚོས་གང་བའི་གཟི་མདངས་ཅན། །གནས་གསུམ་མཁའ་འགྲོ་ཡོངས་ཀྱི་ཚོགས་རྗེ་མོ། །བདེ་བའི་དངོས་གྲུབ་ཞབས་ལ་གསོལ་བ་འདེབས། །ཁ་ཆེའི་ཡུལ་དུ་ཁྱིམ་བདག་དབུལ་པོ་ཡི། །ཚུལ་དུ་བསྟན་ནས་ལམ་གྱི་རྟོགས་པ་སྦྱོང་། །དད་དང་སྙིང་རྗེ་ཆེན་པོའི་རྩལ་རྫོགས་པས། །ཆགས་མེད་སྦྱིན་པར་བརྩོན་ལ༴ །བསྐལ་པ་གངྒའི་བྱེ་སྙེད་སྔ་རོལ་ནས། །བསོད་ནམས་ཡེ་ཤེས་ཚོགས་ཆེན་མཐར་ཕྱིན་པའི། །སྦྱངས་པ་མངོན་གྱུར་ལས་འཕྲོ་སད་པའི་རྐྱེན། །ཁྱིམ་གྱིས་ཐུགས་དབྱུང་གྱུར་ལ༴། གསང་ཆེན་འབྱུང་གནས་ནུབ་ཕྱོགས་ཨོ་རྒྱན་ཡུལ། །ཕོ་སྐྱེས་དཔའ་བོ་མོ་སྐྱེས་དཔའ་མོ་ཡི། །འདུ་བའི་དབུས་སུ་ཕེབས་པ་ཙམ་གྱིས་ནི། །རིགས་ཀྱི་ནུས་པ་སད་

[Full Size]

ལ༴ །རོ་ལྡན་ཆང་ཚོང་སྤྱོད་པའི་སྒྱུ་ཐབས་སྟོན། །འབྲས་ཆང་ཉེས་བསིང་རྣལ་འབྱོར་མ་ལ་བསྐུར། །ཨ་བ་དྷུ་ཏི་ནགས་ཁྲོད་སྤྱོད་པ་དང་། །དད་པས་ཉེ་མཚམས་སྦྱར་ལ༴ །རྗེ་བཙུན་བེ་རཱུ་པ་ཡིས་རྗེས་སུ་བཟུང་། །གསང་སྒྲུབ་བཞི་རྫོགས་དབང་བསྐུར་སྐད་ཅིག་ལ། །དྲུག་ཅུ་རྩ་གཅིག་ལོན་པའི་རྣམ་སྨིན་ལུས། །བཅུ་དྲུག་ན་ཚོད་གྱུར་ལ༴ །ནང་གི་ལམ་ནས་རྡོ་རྗེའི་ས་ཆེན་རྣམས། །ཡུད་ཙམ་གཅིག་ལ་མངོན་ཏུ་བགྲོད་མཛད་ནས། །ཟག་མེད་འཇའ་ལུས་རྡོ་རྗེའི་སྐུ་རུ་བཞེངས། །མཁའ་སྤྱོད་དབང་ཕྱུག་མ་ལ༴ །ལྷན་ཅིག་སྐྱེས་དངོས་རྡོ་རྗེ་བདག་མེད་མར། །དངོས་སུ་གྱུར་ནས་འཁོར་བ་ཇི་སྲིད་བཞུགས། །ཁམས་གསུམ་འགྲོ་ལ་གཟིགས་པ་དུས་དྲུག་འཇུག །བཅོམ་ལྡན་འདས་མ་ཁྱོད་ལ༴ །གསོལ་བ་འདེབས་ལ་དངོས་སུ་བྱིན་རློབས་ཤིང་། །བརྒྱུད་འཛིན་བུ་རྣམས་འབྲལ་མེད་ཐུགས་རྗེས་བཟུང་། །

[Full Size]

མཆོག་ཐུན་དངོས་གྲུབ་ལོ་ཟླ་ཙམ་གྱིས་སྟེར། །ཐུགས་རྗེ་ཆེ་མངའ་ཁྱོད་ལ༴ །ཤེས་རབ་ཕར་ཕྱིན་རྡོ་རྗེ་རྣལ་འབྱོར་མ། །འགྲོ་བའི་དོན་དུ་གཟུགས་ཀྱི་སྐུར་སྣང་བས། །བལྟ་བས་མི་ངོམས་མཛེས་སྐུའི་མེ་ཏོག་ནི། །མཚན་དཔེའི་ཟེའུ་འབྲུ་ཆགས་ལ༴ །སྟོང་ཉིད་རང་བཞིན་ཆོས་སྒོ་མཐའ་ཡས་རྣམས། །འགྲོ་བའི་བསམ་པ་ཇི་བཞིན་སྟོན་པའི་གསུང་། །གཞོམ་མེད་སྒྲ་བསྙན་རྣམ་པ་ཐམས་ཅད་པ། །ཚངས་དབྱངས་དྲུག་ཅུ་ལྡན་ལ༴ །བདེ་སྟོང་དབྱེར་མེད་ནམ་མཁའི་རྡོ་རྗེའི་དངོས། །བརྟན་གཡོ་ཀུན་ཁྱབ་ལྷན་སྐྱེས་ཟག་པ་མེད། །འོད་གསལ་ཕྱག་རྒྱ་ཆེན་པོའི་ཐུགས་མཆོག་ནི། །ཆོས་ཀུན་འབྱུང་གནས་གྱུར་ལ༴ །བྲལ་སྨིན་ཡོན་ཏན་བྱ་བའི་བདག་ཉིད་ཅན། །བསམ་གྱིས་མི་ཁྱབ་རྣམ་པར་ཐར་པ་འཆང་། །མཚན་ཙམ་ཐོས་པས་ཟག་མེད་བདེ་སྟེར་མ། །ཡིད་བཞིན་ནོར་མཆོག་དེ་ལ༴ །རྒྱལ་བ་སེམས་དཔའ་ཀུན་དང་བདེ་

[Full Size]

སྦྱོར་མཛད། །འབྱུང་བཞེས་གར་ཁྱབ་དེ་སྙེད་རྣམ་པར་འཕྲུལ། །བུམ་བཟང་ནོར་བུ་དཔག་བསམ་ཤིང་བཞིན་དུ། །ཕྲིན་ལས་ལྷུན་གྱིས་གྲུབ་ལ༴ །ཐུགས་རྗེ་ཉེ་རིང་མི་མངའ་ཀུན་ལ་སྙོམས། །སྐལ་པ་ལྡན་རྣམས་མཁའ་སྤྱོད་ལམ་སྣ་འདྲེན། །བྱམས་པའི་བཞིན་རས་སྙིང་རྗེའི་འཛུམ་བག་ཅན། །སྐྱེ་དགུའི་གཉེན་གཅིག་མ་ལ་གསོལ་བ་འདེབས། །བརྒྱུད་འཛིན་གསོལ་བ་འདེབས་པའི་བུ་རྣམས་ལ། །བརྩེ་བའི་ཞལ་སྟོན་དགྱེས་པའི་ལུང་མཆོག་སྩོལ། །རྡོ་རྗེའི་ཡེ་ཤེས་ཆེན་པོའི་དབང་སྐུར་ལ། །ཉིད་དང་དབྱེ་བ་མེད་པར་བྱིན་གྱིས་རློབས། ༈ །མངའ་བདག་མཻ་ཏྲི་པ་ཆེན་པོ་ལ་གསོལ་བ་འདེབས་པ་བྱམས་པའི་སྒྲ་དབྱངས་ཞེས་བྱ་བ། ཆེ་བའི་ཡོན་ཏན་ནམ་མཁའི་མཐའ་དང་མཉམ། །སྙན་པའི་གྲགས་པས་འཕགས་བོད་ཀུན་ཏུ་ཁྱབ། །ཕྱག་རྒྱ་ཆེ་བརྙེས་ཇོ་བོ་མེ་དྲི་པ། །གཉིས་མེད་རྡོ་རྗེའི་ཞབས་ལ་གསོལ་བ་འདེབས། །བྲམ་ཟེའི་རིགས་

[Full Size]

ལས་མུ་སྟེགས་པཎྜི་ཏ། །ནཱ་རོ་ཏཱ་པ་མཇལ་ཏེ་ནང་པར་གྱུར། །དབང་དང་གདམས་ངག་ཅི་རིགས་གསན་པ་ཡིས། །སྔོན་སྦྱངས་ལས་འཕྲོ་སད་ལ༴ །ན་ལནྚེ་རུ་བསྟན་ལ་རབ་ཏུ་བྱུང་། །རྩོད་དུས་ཀུན་མཁྱེན་རིན་འབྱུང་ཞི་བ་སོགས། །མཁས་གྲུབ་མང་བསྟེན་རྩོད་བྲལ་པ་ཆེན་ཏུ། །གྲགས་པའི་བ་དན་བསྒྲེངས་ལ༴ །རྣམ་གནོན་ཚུལ་གྱི་གཙུག་ལག་ཁང་དུ་བཞུགས། །བཤད་སྒྲུབ་སྤེལ་མར་མཛད་ཚེ་རྒྱལ་བའི་ཡུམ། །རྡོ་རྗེ་རྣལ་འབྱོར་མ་ཡིས་ཞལ་གཟིགས་ཤིང་། །ལུང་བསྟན་བྱིན་གྱིས་བརླབས་ལ༴ །ཏིང་འཛིན་གྲོགས་སུ་འགྲོ་བའི་དུས་མཁྱེན་ནས། །ནང་གི་ཀུན་སྤྱོད་གསང་ཞིང་སྤྱད་པ་ལ། །གླགས་ལྟའི་སྣང་ངོ་ཆང་དང་བུད་མེད་དག །འོ་མ་དྲིལ་བུར་བསྒྱུར་ལ༴ །དགེ་འདུན་རྣམས་ཀྱིས་གནས་ནས་དབྱུང་བའི་ཚེ། །ཆུ་བོ་གངྒཱར་ལྤགས་གདན་བཏིང་ནས་བཞུད། །གཞན་ཡང་ཐུན་མོངས་ཐུན་མོངས་མ་

[Full Size]

ཡིན་པའི། །ནུས་པ་དཔག་མེད་བརྙེས་ལ༴ །ད་རུང་དེ་ཁོ་ན་ཉིད་མ་རྟོགས་པས། །ཡི་དམ་ལུང་བཞིན་དཔལ་གྱི་རི་བོའི་ངོགས། །རྒྱལ་བུ་ས་ཀ་ར་དང་ལྷན་ཅིག་ཏུ། །གྲུབ་བརྙེས་བླ་མ་ཚོལ་ལ༴ །ངལ་དུབ་ཐང་ཆད་ཉོན་མོངས་ཉམ་ཐག་ཀྱང་། །ཡིད་ཀྱི་རེ་བ་རྫོགས་པར་མ་གྱུར་ནས། །ཟླ་བ་དྲུག་ཏུ་རྩེ་གཅིག་གསོལ་བཏབ་པས། །འདོད་པའི་དོན་གྲུབ་གྱུར་ལ༴ །བཙུན་མོ་ཟུང་གིས་ཞབས་བརྟེན་རི་ཁྲོད་མགོན། །མངོན་སུམ་མཇལ་ནས་ཟབ་མོའི་བརྡའ་བསྟན་ཅིང་། །དབང་དང་གདམས་པས་རྗེས་བཟུང་གནས་ལུགས་དོན། །འཆད་པར་རྗེས་སུ་གནང་ལ༴ །དོན་དམ་ཇི་བཞིན་གཟིགས་པའི་ཡེ་ཤེས་སྐྱེས། །དཔའ་བོ་མཁའ་འགྲོ་མཐའ་ཡས་གཙོ་བོར་གྱུར། །དབུས་འགྱུར་འཆང་དུ་ཡིད་ལ་མི་བྱེད་པ། །རྒྱ་ཆེར་འཆད་ཅིང་སྤེལ་ལ༴ །བསིལ་བ་ཚལ་དུ་གྲོང་འཇུག་རོལ་རྩེད་སྒྱུར། །ནག་པོ་ཆེན་པོས་བཞེད་པ་མཐའ་

[Full Size]

དག་སྒྲུབ། །ལྟ་སྟངས་གྲུབ་ཅིང་སྐུ་ལུས་སྣ་ཚོགས་སྤྲུལ། །བས་མཐའ་ནགས་ཁྲོད་འཛིན་ལ༴ །གངྒཱ་དྷ་རི་རདྣ་དི་བཱི་དང་། །སློབ་དཔོན་ཆེ་བཞི་ལ་སོགས་རྒྱ་བོད་ཀྱི། །གདུལ་བྱ་སྐལ་ལྡན་དུ་མ་སྨིན་མཛད་ནས། །ཟག་མེད་དབྱིངས་སུ་གཤེགས་ལ༴ །བར་དོར་ཕྱག་རྒྱ་ཆེན་པོ་མཆོག་གྲུབ་ཅིང་། །ཡེ་ཤེས་སྐུ་མཆོག་མཁའ་ཁྱབ་ཉིད་དུ་བཞུགས། །བྱང་ཕྱོགས་རྒྱུད་དུ་སྙིང་པོའི་ཕྲིན་ལས་རྒྱུན། །ཐུབ་བསྟན་ཇི་སྲིད་འབབས་ལ༴། མངའ་བདག་རྒྱལ་སྲས་མཻ་ཏྲི་གུཔྟ་ཡིས། །མོས་པའི་བུ་ལ་ཐུགས་རྗེས་བརྩོན་དགོངས་ཏེ། །བསམ་གྱིས་མི་ཁྱབ་ལྷན་སྐྱེས་ཕྱག་རྒྱ་ཆེ། །གཉུག་མའི་དེ་ཉིད་རྟོགས་པར་བྱིན་གྱིས་རློབས། ༈ །དཔལ་རྡོ་རྗེ་གདན་པ་ཆེན་པོ་ལ་གསོལ་བ་འདེབས་པ་རང་བྱུང་སྒྲ་དབྱངས་ཞེས་བྱ་བ། །ཉི་མ་ལྟ་བུ་འགྲོ་བློའི་མུན་པ་སེལ། །ཟླ་བ་ལྟ་བུ་མཁྱེན་བརྩེའི་དཀྱིལ་འཁོར་རྒྱས། །ཐུབ་བསྟན་མངའ་བདག་རྡོ་རྗེ་གདན་

[Full Size]

པ་ཆེ། །བསོད་ནམས་འབྱུང་གནས་ཞབས་ལ༴ །སྟོབས་འབྱོར་ཕུལ་བྱུང་འཕགས་ཡུལ་མ་ལ་བར། །མི་དགེའི་ལས་དང་ངང་གིས་མི་འགྲོགས་ཤིང་། །གཙང་སྦྲའི་ཀུན་སྤྱོད་ལྷུར་ལེན་བྲམ་ཟེའི་ཁྱིམ། །བྱིན་རླབས་དགེ་མཚན་ཤར་ལ༴ །བསྟན་པའི་དཔལ་དུ་བསམ་བཞིན་སྲིད་པ་བཟུང་། །རིགས་གཟུགས་ལོངས་སྤྱོད་ཕུན་སུམ་ཚོགས་པ་ལ། །མ་ཆགས་སྐྱེ་བས་ཐོབ་པའི་བློ་གྲོས་ནི། །དོན་གཉིས་སྒྲུབ་པར་ཕྱོགས་ལ༴ །སྲིད་པའི་བདེ་འབྱོར་རྨི་ལམ་ལྟར་གཟིགས་ནས། །ངེས་འབྱུང་བློ་ཤུགས་དུས་མཐའི་མེ་ལྟར་འབར། །ན་ལནྡ་རུ་བསྟན་ལ་རབ་ཏུ་བྱུང་། །ལེགས་པའི་དོན་ཀུན་གྲུབ་ལ༴ །སྔོན་སྦྱངས་སྟོབས་ཀྱིས་རང་བཞིན་ཉེས་པའི་དྲི། །གཏན་ནས་བྲལ་བས་བཅས་པའི་ལྟུང་བ་དང་། །རྨི་ལམ་དུ་ཡང་འགྲོགས་པར་མི་མཛད་པ། །དོན་གྱི་དགྲ་བཅོམ་ཆེན་པོར༴ །འཕགས་ཡུལ་ཤར་ནུབ་དབུས་ཀྱི་པཎྜིཏ། །གྲུབ་པ་རྣལ་འབྱོར་ཚོགས་

[Full Size]

ཀྱི་ཐུགས་བཅུད་བཞེས། །ཐོས་པའི་རྒྱ་མཚོར་རྣམ་དཔྱོད་ནོར་བུས་གཏམས། །དགོས་དགུའི་འབྱུང་གནས་གྱུར་ལ༴ །བཅུ་ཕྲག་རིག་པའི་གནས་ལ་འགྲན་ཟླ་བྲལ། །ཁྱད་པར་གསང་སྔགས་ཕྱི་ནང་ཆོས་ཚུལ་ལ། །ཆགས་ཐོགས་ཀུན་སྤངས་ཐམས་ཅད་གཟིགས་པ་བརྙེས། །མཁྱེན་རབ་དབང་ཕྱུག་ཁྱེད་ལ༴ །སྐལ་བཟང་བྱེ་བས་ཕ་ཕོག་ཐོབ་གྱུར་ཀྱང་། །གཏིང་མཐའ་མི་མངོན་གདམས་ངག་ནོར་བུའི་མཛོད། །མཁས་གྲུབ་ཀླུ་དབང་ཀུན་ལས་བསྡུས་པ་བཞིན། །གཞན་ཕྱིར་འཛིན་པར་མཛད་ལ༴ །སྐལ་བཟང་རྒྱལ་བའི་འབྱུང་གནས་མ་ག་དྷར། །ཐུབ་བསྟན་འཛིན་མཛད་རིག་གྲོལ་སྤོབས་པ་ཅན། །རྒྱུ་སྐར་དབུས་སུ་ཟླ་བའི་དཀྱིལ་འཁོར་བཞིན། །ཚོགས་ཀྱི་འདྲེན་པར་གྱུར་ལ༴ །སྙིང་པོ་བྱང་ཆུབ་ཆེན་པོའི་སེངྒེའི་ཁྲིད། །འཇིགས་མེད་ཆོས་ཀྱི་དབང་ཕྱུག་གོ་འཕང་བརྙེས། །རྒྱལ་བས་

[Full Size]

ལུང་བསྟན་རྡོ་རྗེ་གདན་པ་ཞེས། །གྲགས་པས་འཇིག་རྟེན་ཁྱབ་ལ༴ །རྒྱལ་བ་སྲས་དང་བཅས་པའི་འགྲོད་གཅིག་ལམ། །བྱང་ཆུབ་ཐུགས་མཆོག་ལྷུན་པོ་ལྟར་བརྟན་ཅིང་། །བསིལ་ཟེར་བཞིན་དུ་ཕྱོགས་རིས་མེད་ཁྱབ་པས། །རྒྱལ་སྲས་ཐུ་བོར་གྱུར་ལ༴ །རིན་ཆེན་རྒྱ་མཚོ་ལ་སོགས་ཐུན་མིན་དང་། །ཐུན་མོང་གསང་བའི་མཛོད་ལ་མངའ་བརྙེས་པས། །གྲུབ་གཉིས་ནོར་བུའི་དཔལ་ལ་རང་དབང་སྒྱུར། །རྡོ་རྗེ་འཛིན་རྒྱལ་ཁྱེད་ལ༴ །མཉམ་མེད་བྱང་ཆུབ་སེམས་ཀྱི་ཕྲིན་ལས་ཀྱིས། །ཕྱོགས་རིས་མེད་པའི་གདུལ་བྱ་ཡོངས་སུ་འདུལ། །བཞུགས་ཡུལ་སྣོད་བཅུད་ཤིན་ཏུ་བཀྲ་ཤིས་མཛད། །མཐོང་ཐོས་དད་པའི་ས་ལ་བཀོད་པ་ཡི། །འབྲེལ་ཚད་དོན་དང་ལྡན་ལ༴ །ཐུབ་དབང་རྒྱལ་སར་ཐུབ་པའི་མཛད་པ་སྐྱོང་། །འཕགས་བོད་མཁས་གྲུབ་ཀུན་གྱི་གཙུག་གི་རྒྱན། །འཇིག་རྟེན་ལྷ་དང་བཅས་པས་ཕྱག་བྱས་པ། །

[Full Size]

མི་ཡི་སེངྒེ་ཁྱོད་ལ༴ །བདག་ཀྱང་ཚུལ་གནས་ཐོས་བསམ་སྒོམ་མཐར་སོན། །བྱང་ཆུབ་སེམས་འབྱོངས་འགྲོ་དོན་ཕྱོགས་མེད་འགྲུབ། །ཐུབ་པའི་བསྟན་པ་ཉིན་མོར་བྱེད་ནུས་པ། །སྐྱེས་མཆོག་རྣམས་ཀྱི་རྣམ་མཐར་མྱུར་འགྲུབ་ཤོག ༈ །འཇིགས་བྲལ་གྱི་སློབ་དཔོན་ཆེན་པོ་ཨཱ་བྷ་ཡཱ་ཀ་ར་གུཔྟ་ལ་གསོལ་བ་འདེབས་པ་ཞི་བའི་སྒྲ་དབྱངས་ཞེས་བྱ་བ། ཛམྦུའི་གླིང་དུ་ཉི་ཟླ་ལྟ་བུར་གྲགས། །རྡོ་རྗེ་གདན་དུ་སངས་རྒྱས་ཕྲིན་ལས་མཛད། །རྩོད་པའི་དུས་ཀྱི་ཐམས་ཅད་མཁྱེན་པ་མཆོག །འཇིགས་མེད་འབྱུང་གནས་ཞབས་ལ་གསོལ་བ་འདེབས། །ལྷོ་ཕྱོགས་ཛ་རི་ཁཎྜར་རྒྱལ་རིགས་སུ། །སྐུ་འཁྲུངས་གཞོན་ནུའི་དུས་ནས་སྒྲ་ཚད་དང་། །རིག་བྱེད་ཡན་ལག་དང་བཅས་མུར་འདུག་གི། །རྒྱུད་གཞུང་ཕ་རོལ་སོན་ལ༴ །སྐྱེད་མོས་ཚལ་དུ་རྡོ་རྗེ་རྣལ་འབྱོར་མ། །མཛེས་མའི་གཟུགས་ཀྱིས་བསྐུལ་ཏེ་བྷངྒ་ལར། །བྱོན་ནས་མདོ་སྔགས་

[Full Size]

ཀུན་ལ་མཁས་པར་སྦྱངས། །སྡེ་སྣོད་འཛིན་པར་གྱུར་ལ༴ །རབ་ཏུ་བྱུང་སྟེ་འདུལ་འཛིན་སློབ་དཔོན་མཛད། །དབང་དང་གདམས་ངག་འཕགས་ཡུལ་ཀུན་ཏུ་བཙལ། །ཆོས་ཚུལ་ཀུན་དང་ཁྱད་པར་སྔགས་རྒྱུད་ལ། །མཁྱེན་རབ་ཤིན་ཏུ་རྒྱས་དེར༴ །དཔལ་ལྡན་སོ་སོའི་པ་ཡིས་རྗེས་སུ་བཟུང་། །རྡོ་རྗེ་ཕག་མོས་འཆད་རྩོམ་མཛད་པར་བསྐུལ། །དུར་ཁྲོད་ཀུན་ཏུ་བསྒོམས་པས་ཏིང་འཛིན་བརྙེས། །བྱང་སེམས་ནུས་པ་ཅན༴། རྒྱུད་ནས་བཤད་པའི་ལས་ཚོགས་རབ་འབྱམས་དང་། །བདེན་སྟོབས་གྲུབ་ཅིང་བརྟག་པའི་རིག་པ་ཡིས། །དབུལ་པོའི་ཐབ་ཀྱི་འོག་ནས་གཏེར་འདོན་སོགས། །ངོ་མཚར་མཐའ་ཡས་སྟོན་ལ༴ །རྡོ་རྗེ་གདན་དང་དཔལ་གྱི་ན་ལེནྜ། །ཀྲ་མ་ཤཱི་ལ་རྣམས་སུ་མཁན་པོ་མཛད། །ཆོས་ཀྱི་འཁོར་ལོ་རྟག་ཏུ་བསྐོར་བ་ཡིས། །རིགས་ཅན་གདུལ་བྱ་འདུལ༴ །བརྒྱད་སྟོང་འགྲེལ་པ་རྩོམ་

[Full Size]

ཚེ་ཕྱོགས་བཅུ་ཡི། །སངས་རྒྱས་རྣམས་ཀྱིས་མགྲིན་གཅིག་ཤིས་པ་བརྗོད། །རྡོར་ཕྲེང་རྩོམ་ཚེ་མེ་ཏོག་ཆར་ཆེན་བབས། །ཕག་མོ་སྐུ་ལ་ཞུགས་དེར༴ །སྙེམ་རྩོམ་ཚེ་ཐོག་མཐའ་བར་གསུམ་དུ། །བདེ་དགྱེས་དུས་འཁོར་གསུམ་གྱིས་བཀྲ་ཤིས་སྩལ། །དེ་བཞིན་དོན་ལྡན་ལེགས་པར་བཤེད་པའི་གཏེར། །བསྟན་བཅོས་མཐའ་ཡས་བརྩམས་ལ༴ །སྲས་བཅས་རྒྱལ་བ་རྣམས་ཀྱི་དགོངས་ཟབ་དོན། །ཕྱིར་རབས་འགྲོ་ལ་ངག་ལོན་བཞག་པ་བཞིན། །ཕྱིན་ཆད་བསྟན་ལ་འབྱུང་བར་དཀའ་བས་ན། །ལུང་བསྟན་དོན་ཡོད་མཛད་ལ༴ །ནུབ་ཕྱོགས་ཡུལ་དུ་གཙུག་ལག་ཁང་བཞེངས་ཚེ། །ལྷུང་བཟེད་ནམ་མཁར་བཟེད་པ་བཟའ་བཏུང་གིས། །གང་ཞིང་མཐུན་རྐྱེན་གནོད་གནས་དབང་པོས་སྦྱར། །བཞེད་རྒུ་བསམ་པས་འགྲུབ་ལ༴ །ཐེག་ཆེན་པ་རྣམས་གཙུག་གི་ནོར་བུ་སྟེ། །ཉན་ཐོས་པས་ཀྱང་འདུལ་

[Full Size]

འཛིན་ཆེ་ཞེས་བསྔགས། །རྒྱལ་བའི་བསྟན་ལ་དག་ཐེར་ཆེན་མོ་མཛད། །སྙན་གྲགས་ཕྱོགས་བཅུར་ཁྱབ་ལ༴ །མཁྱེན་རབ་ཐུགས་རྗེ་དབང་ཕྱུག་ནུས་པའི་མཐུ། །ཕུན་སུམ་ཚོགས་པས་ཡོངས་རྫོགས་ཐུབ་པའི་བསྟན། །འཛིན་སྐྱོང་སྤེལ་ལ་ཛམ་གླིང་རྒྱན་རྣམས་དང་། །རྣམ་ཐར་མཚུངས་པར་གྱུར་ལ༴ །དུས་སྐབས་དེ་ཡི་རྒྱ་བོད་མཁས་གྲུབ་ཚོགས། །སློབ་མར་གྱུར་སོགས་མཛད་པ་མཐར་ཕྱིན་ནས། །ཞི་བའི་གནས་གཤེགས་བར་དོར་ཕྱག་རྒྱ་ཆེ། །མཆོག་གི་དངོས་གྲུབ་བརྙེས་ལ༴ །གསོལ་བཏབ་དགེ་བས་ཁྱོད་འདྲའི་བཤེས་གཉེན་གྱིས། །སྐྱེ་ཀུན་རྗེས་བཟུང་སྤངས་རྟོགས་ནོར་བུའི་མཛོད། །རང་དབང་སྤྱོད་ནས་ཐུབ་བསྟན་རིན་པོ་ཆེ། །དར་རྒྱས་ཡུན་རིང་གནས་པའི་བྱེད་པོར་ཤོག ༈ །གྲུབ་ཆེན་རཱ་ཧུ་ལ་གུཔྟ་བཛྲ་ལ་གསོལ་བ་འདེབས་པ་རིན་ཆེན་སྒྲ་དབྱངས་ཞེས་བྱ་བ། །ཚོགས་གསུམ་རིན་ཆེན་རྡུལ་མང་བརྩེགས་པ་ལས། །ཡོན་ཏན་

[Full Size]

ལྷུན་པོ་གླིང་བཞིའི་དབུས་ན་མཐོ། །གྲུབ་པ་ལྷ་མཆོག་བྱེ་བས་བསྟན་གྱུར་པ། །སྒྲག་ཅན་འཛིན་སྦས་ཞབས་ལ་གསོལ་བ་འདེབས། །འཕགས་པའི་ལྷོ་ཕྱོགས་ཨེ་ལ་བྷི་ཤའི་ཡུལ། །རྡོ་རྗེ་མཁའ་འགྲོའི་ས་གཞི་ཁྱད་པར་ཅན། །གྲོང་ཁྱེར་བྷི་ར་ཛི་རུ་རྒྱལ་རིགས་ནི། །ས་ལ་ལྟ་བུར་འཁྲུངས་ལ༴ །དེ་ཚེ་འོད་དང་སྒྲ་སྙན་དྲི་བཟང་བཅས། །སྤྲུལ་པའི་ལྷ་བཞིས་ཡེ་ཤེས་སྣང་བ་བསྟན། །ངོ་མཚར་དགེ་བའི་མཚན་མ་ལས་བརྩམས་ཏེ། །དེ་བ་ས་ཏྭར་གྲགས་ལ༴ །དགུང་ལོ་ཉི་ཤུའི་བར་དུ་དམ་ཆོས་སྦྱངས། །ཉེར་གཅིག་དུས་སུ་རྡོ་རྗེ་ཚེར་མ་ཡི། །ཟུག་རྔུས་གདུང་ཚེ་རྣལ་འབྱོར་དབང་ཕྱུག་དང་། །ལྷ་བཞིས་བྱིན་བརླབས་སྔོན་གྱི་ལས་ངན་རྣམས། །བསྙུན་གྱིས་ཟད་ནས་ཚེ་འདིར་མཁའ་སྤྱོད་དུ། །འགྲོ་བའི་ལུང་བསྟན་ཐོབ་ལ༴ །རང་བྱུང་སྒྲོལ་མའི་སྤྱན་སྔར་ཞག་ལྔའི་བར། །སྨྱུང་བར་གནས་ཚེ་ཕ་མས་ལྕགས་སུ་

[Full Size]

གཅུག །རྡོ་རྗེ་རྣལ་འབྱོར་མ་ཡིས་ལེགས་བཀྲོལ་ནས། །ལུང་བསྟན་བྱིན་གྱིས་བརླབས་ལ༴ །རྣམ་གནོན་ཚུལ་གྱིས་བསྔགས་པའི་གཙུག་ལག་ཏུ། །ཡོངས་རྫོགས་ཐུབ་པའི་བསླབ་གཞི་ལེགས་པར་བླངས། །པཎྜི་ཏ་དང་གྲུབ་ཐོབ་དུ་མ་ལས། །མདོ་རྒྱུད་རྫོགས་པར་གསན་ལ༴ །ཟབ་མོ་སྔགས་ཀྱི་དོན་ལ་མཉམ་གཞག་ཚེ། །བླ་མས་ཨ་བ་དྷཱུ་ཏིའི་སྤྱོད་པ་ལ། །གནས་པར་བསྐུལ་ཡང་མཁས་པའི་བསྙེམས་པ་ཡིས། །རེ་ཞིག་བཤོལ་བས་ཕྱིས་སུ་རྩེ་གཅིག་ཏུ། །བསྒྲུབས་ཀྱང་མ་གྲུབ་གུ་་ཨཱ་ཀ་རའི། །བཀའ་བཞིན་ལྗགས་དང་ཡན་ལག་སྤུ་གྲི་ཡིས། །བཅད་པའི་མོད་ལ་ལྷ་བཞིས་ཞལ་གཟིགས་ཤིང་། །སྐུ་ལུས་སོར་ཆུད་གྱུར་ལ༴ །སྤྱན་རས་གཟིགས་དབང་རྡོ་རྗེ་རྣལ་འབྱོར་མ། །རྗེ་བཙུན་སྒྲོལ་མ་མྱུར་མཛད་ཡེ་ཤེས་མགོན། །ནམ་བཞེད་དུས་ན་དངོས་སུ་ཆོས་གསུང་ཞིང་། །བྱིན་རླབས་དངོས་གྲུབ་སྩལ་ལ༴ །ཛྙ་ན་

[Full Size]

སཱ་ག་ར་ཡི་བཀའ་བཞིན་དུ། །ཞག་བདུན་ཆུར་ཕྱིང་སྲིན་བུ་པད་པ་ཡིས། །སྐུ་ཡི་ཁྲག་འཇིབ་གྲོང་ལ་ཉེ་བ་ཡིས། །ལས་སྒྲིབ་རྩད་ནས་ཟད་ལ༴ །གྲུབ་ཐོབ་རྣལ་འབྱོར་རྣམས་ཀྱི་བཀས་བསྐུལ་ཏེ། །རྫུ་འཕྲུལ་མཐུ་ཡིས་གངས་ཅན་ལྗོངས་སུ་ཕེབས། །མཁས་གྲུབ་ཁྱུང་པོའི་སྤྱན་སྔར་ཡ་མཚན་པའི། །ཆོ་འཕྲུལ་ཐོག་དྲངས་བྱིན་རླབས་ལྷ་བཞི་སོགས། །ཟབ་མོའི་གདམས་ངག་བཀའ་དང་ལག་ལེན་བཅས། །དུ་མ་སྩལ་ཞིང་སྤྲུལ་པའི་དཀྱིལ་འཁོར་དུ། །སྐལ་ལྡན་འགའ་ཞིག་བཅུག་ནས་འཕགས་ཡུལ་དུ། །ཡུད་ཀྱིས་གཤེགས་པར་མཛད་ལ༴ །ལྷོ་ཕྱོགས་རབ་བརྟན་རྡོ་རྗེའི་ས་གཞི་རུ། །གཡེངས་སྤངས་སྒྲུབ་པའི་ས་སྡེ་བཙུགས་པ་ཡིས། །ཕྱག་རྒྱ་ཆེན་པོ་མཆོག་གི་དངོས་གྲུབ་དང་། །འཆི་མེད་རིག་འཛིན་བརྙེས་ལ༴ །རི་བོ་ནག་པོ་ཞེས་གྲགས་ཤིང་གི་རིའི། །ཁོང་གསེང་ཉིད་དུ་འཇའ་ལུས་རྡོ་རྗེར་བཞུགས། །

[Full Size]

སྦྱངས་པའི་མཐར་སོན་ངོ་མཚར་རྨད་བྱུང་བ། །གྲུབ་པའི་དབང་ཕྱུག་མཆོག་ལ་གསོལ་བ་འདེབས། །བདག་ཀྱང་སྒྲིབ་གཉིས་དྲི་མ་ཀུན་ཟད་ནས། །ཡེ་ཤེས་ཉི་མ་ཁོང་ནས་ཤར་བ་ཡིས། །གློ་བུར་མ་རིག་འཁྲུལ་པའི་མུན་ཁང་བཅོམ། །རྡོ་རྗེའི་རིག་འཛིན་ཚེ་འདིར་འགྲུབ་གྱུར་ཅིག ༈ །མཁས་གྲུབ་ཁྱུང་པོ་རྣལ་འབྱོར་ལ་གསོལ་བ་འདེབས་པ་མོས་གུས་ཀྱི་སྒྲ་དབྱངས་ཞེས་བྱ་བ། །དགེ་ལེགས་ཀུན་འབྱུང་ཐུབ་པའི་བསྟན་པ་ལ། །དུས་གསུམ་འགྲན་ཟླ་བྲལ་བའི་མཁས་གྲུབ་ཆེ། །མཐར་ཐུག་ལྔ་ལྡན་ངོ་མཚར་སྤྲུལ་པའི་སྐུ། །ཁྱུང་པོ་རྣལ་འབྱོར་ཞབས་ལ་གསོལ་བ་འདེབས། །གདོད་ནས་བྱང་ཆུབ་ཆེན་པོ་མངོན་མཛད་ཀྱང་། །ཐུགས་རྗེ་རྒྱུན་མི་འཆད་པས་གདུལ་བྱའི་ངོར། །རྣམ་འཕྲུལ་མཁའ་དང་ཆོས་དབྱིངས་ཁྱབ་པར་སྟོན། །སྐུ་གསུམ་ཡོངས་རྫོགས་ཁྱེད་ལ༴ །བོད་ཡུལ་ས་ཡི་ཐིག་ལེ་དབུ་རུའི་ལྗོངས། །སྙེ་མོའི་གནས་སུ་སྤྲུལ་པའི་མཚན་དཔེ་ཉིད། །

[Full Size]

གསལ་བའི་མོད་ལ་གྲུབ་ཐོབ་ཨ་མོ་གྷས། །བྱིན་རླབས་ལུང་བསྟན་མཛད་ལ༴ །འདི་ནི་སྤྲུལ་པའི་སྐུ་སྟེ་རྒྱ་གར་བགྲོད། །པཎྜི་ཏ་དང་གྲུབ་ཐོབ་ཐམས་ཅད་ཀྱི། །ཐུགས་བཅུད་བསྡུས་ནས་འགྲོ་རྣམས་སྨིན་གྲོལ་བྱེད། །སྣ་ཚོགས་སྤྲུལ་པས་གདུལ་བྱ་འདུལ་བར་འགྱུར། །ཐེག་ཆེན་སྙིང་པོ་མཐའ་བྲལ་ཆོས་སྒྲ་སྒྲོགས། །མཐར་ཐུག་གསང་སྔགས་བདེ་སྟོང་དབྱེར་མེད་ཀྱི། །སེང་གེའི་ང་རོ་ཕྱོགས་བཅུར་སྒྲོགས་པར་འགྱུར། །དེ་ཡི་ལུས་ནི་བདེ་མཆོག་འཁོར་ལོ་སྟེ། །གསུང་ནི་མ་ཧཱ་མ་ཡའི་བདག་ཉིད་འགྱུར། །ཐུགས་ནི་དཔལ་ལྡན་དགྱེས་པ་རྡོ་རྗེ་སྟེ། །སྤྲུལ་པའི་གནས་མཆོག་གསང་བ་འདུས་པ་ལ། །གསང་གནས་བདེ་སྐྱོང་གཤིན་རྗེ་གཤེད་དུ་འགྱུར། །དཀྱིལ་འཁོར་དེ་རྣམས་ལུས་ལ་བཀོད་ནས་ཀྱང་། །གདུལ་བྱ་རྣམས་ལ་དངོས་སུ་སྟོན་པར་བྱེད། །གཞན་ཡང་ཡི་དམ་སྣ་ཚོགས་གཟུགས་བཟུང་ནས། །གདུལ་དཀའི་སྐྱེ་བོ་དཔག་

[Full Size]

མེད་འདུལ་བར་བྱེད། །ལོ་ནི་བརྒྱ་དང་ལྔ་བཅུ་འཚོ་བར་འགྱུར། །དེ་ཡི་མཐར་ནི་མཛད་པ་བརྟུལ་བའི་ཚེ། །ལྟས་དང་རྫུ་འཕྲུལ་སྣ་ཚོགས་སྟོན་པར་འགྱུར། །དེ་ནས་ཞིང་ཁམས་རྣམ་དག་བདེ་བ་ཅན། །རྒྱལ་བ་ཀུན་བསྔགས་ཞིང་དེར་སངས་རྒྱས་ནས། །ཐེག་ཆེན་ཆོས་ཀྱི་འཁོར་ལོ་བསྐོར་བར་འགྱུར། །ཕྱི་རབས་དད་ལྡན་གདུལ་བྱ་ཐམས་ཅད་ཀུན། །རྒྱལ་བའི་ཞིང་དེར་བགྲོད་པར་ཐེ་ཚོམ་མེད། །དེ་སྐད་གསུངས་ནས་བླ་མ་གྲུབ་ཐོབ་དེ། །མཁའ་ལ་བྱ་བཞིན་གཤེགས་ལ༴ །ཀུན་བཟང་རིག་སྣང་འོད་ཀྱི་རྒྱལ་པོ་ཡིས། །བྱིན་རླབས་ངོ་མཚར་ཁྱུང་ཆེན་གདུང་ལས་གྲོལ། །ཡིག་རྩིས་སེམས་ཕྱོགས་བོན་ལ་མཁས་ཤིང་གྲུབ། །དེ་འདུལ་གདུལ་བྱ་བསྐྱངས་ལ༴ །འབྱུང་གནས་སེང་གེ་སྐོར་ནི་རུ་པ་ལས། །རྫོགས་ཆེན་སྡེ་གསུམ་ཕྱག་ཆེན་གཞུང་གདམས་གསན། །སོ་སོའི་བསྟན་ལ་སྟོན་པ་གཉིས་པར་གྱུར། །སྐྱེས་ཐོབ་རྩལ་ཆེན་རྫོགས་ལ༴། སྔོན་སྦྱངས་

[Full Size]

སྟོབས་ཀྱིས་འཕགས་པའི་ཡུལ་དུ་བགྲོད། །རྡོ་རྗེ་གདན་དུ་སངས་རྒྱས་གཉིས་པ་མཇལ། །སྡེ་སྣོད་གསུམ་དང་རྒྱུད་སྡེ་བཞི་ལ་སོགས། །ཡོངས་རྫོགས་ཐུགས་སུ་ཆུད་ལ༴། ཁྱོད་ནི་སྔོན་ཚེ་རྒྱལ་བས་ལུང་བསྟན་པའི། །ཉན་ཐོས་རྫུ་འཕྲུལ་ཆེ་སྟེ་བདག་ལ་སོགས། །རྒྱ་གར་མཁས་པས་མཁན་པོ་མི་ནུས་ཞེས། །བསམ་ཡས་ཡུལ་དུ་བསྔགས་ལ༴ །གང་གིས་ལུང་བསྟན་ཇི་བཞིན་བསིལ་ལྡན་ལྗོངས། །སྣང་བ་མཐའ་ཡས་སྒྱུ་འཕྲུལ་གླང་ཐང་པས། །ཚངས་སྤྱོད་ཐར་པའི་རྒྱལ་མཚན་བསླངས་པར་མཛད། །ཐུབ་དབང་གཉིས་པར་གྱུར་ལ༴། དཀོན་པའི་རིན་ཆེན་གསེར་ཕྱེ་ཕོངས་མེད་ཁྱེར། །གཅེས་པའི་སྲོག་ལ་མ་བལྟས་དཀའ་སྤྱད་ནས། །རྒྱ་དང་བལ་པོའི་ཡུལ་དུ་ལན་བདུན་བྱོན། །སེམས་དཔའ་ཆེན་པོ་ཁྱོད་ལ༴ །རྒྱ་གར་མཁས་པ་བརྒྱ་དང་ལྔ་བཅུ་བསྟན། །ཁྱད་པར་མཁས་ཤིང་གྲུབ་ཐོབ་ལྔ་བཅུ་དང་། །རྩ་བའི་བླ་མ་ཁྱད་འཕགས་

[Full Size]

རྣམ་པ་བཞི། །ལོངས་སྐུ་དྲུག་པ་རྡོ་རྗེ་འཆང་ཆེན་ལ། །དངོས་སུ་ཆོས་གསན་ཡེ་ཤེས་མཁའ་འགྲོ་གཉིས། །མཉེས་པར་མཛད་ནས་མཐར་ཐུག་གདམས་ངག་ཞུས། །སྒྲོ་འདོགས་ཆོས་ནས་རྩེ་གཅིག་བསྒྲུབས་པ་ཡིས། །མཆོག་ཐུན་དངོས་གྲུབ་བརྙེས་ལ༴ །སོ་ས་གླིང་མཆོག་སེང་ལྡེང་ནགས་གསེབ་ཏུ། །རྒྱལ་ཡུམ་རྡོ་རྗེ་བཙུན་མོ་ནི་གུ་མས། །ཆིག་བརྒྱུད་རྡོ་རྗེ་འཆང་གི་གསང་མཛོད་གཏད། །ས་བཅུའི་དབང་ཕྱུག་གྱུར་ལ༴ །བདེ་སྦྱིན་སྨན་གྱི་ཚལ་དུ་བདག་མེད་མ། །སུ་ཁ་སིདྡྷིས་དབང་བསྐུར་ལུང་བསྟན་ཅིང་། །གདམས་པའི་བདུད་རྩིས་ཐུན་མིན་བྱིན་གྱིས་བརླབས། །དྲུག་པའི་རྒྱལ་ཚབ་གྱུར་ལ༴ །གཉིས་མེད་རྡོ་རྗེས་སྤྲུལ་པའི་དཀྱིལ་འཁོར་དུ། །དབང་བསྐུར་ལུང་ནོད་མངའ་བདག་མཻ་དྲི་པར། །ཕྱག་རྒྱ་ཆེ་དང་མགོན་པོའི་གདམས་པ་གསན། །ཆོས་སྐྱོང་བྲན་དུ་ཁོལ་ལ༴ །རྡོ་རྗེ་གདན་དུ་དུས་མཆོད་ཆེན་མོ་མཛད། །ངོ་མཚར་མཚན་ལྟས་ཞག་བཅུ་

[Full Size]

སྦྲེལ་མར་བྱུང་། །ལྷ་མི་མཁས་གྲུབ་ཀུན་གྱིས་མགྲིན་གཅིག་བསྔགས། །ས་གསུམ་འགྲན་ཟླ་བྲལ་ལ༴ །བླ་མ་ཡི་དམ་མཁའ་འགྲོ་ཆོས་སྐྱོང་ཀུན། །མྱུར་མཛད་ཡེ་ཤེས་མགོན་པོར་འདུས་པ་ཉིད། །སྐྱེ་དང་བརྒྱུད་པར་བཅས་པའི་ལྷ་སྐལ་དུ། །དངོས་སུ་ཞལ་བཞེས་ཁྱོད་ལ༴ །ལྷ་བཞིས་རྗེས་བཟུང་གྲུབ་ཆེན་རཱ་ཧུ་ལ། །གདམས་ངག་སྒོ་སྐྱེལ་ཕེབ་ནས་རྒྱུད་སྒྲུབ་ཐབས། །མན་ངག་ལས་ཚོགས་བརྗོད་ལས་འདས་པ་གསན། །ཡ་མཚན་རྫུ་འཕྲུལ་སྟོན་ལ༴ །སྤྲུལ་པའི་དཀྱིལ་འཁོར་དུ་མར་དབང་བསྐུར་མཛད། །དགྲ་བགེགས་གཡུལ་ངོ་སྤྲུལ་པའི་དམག་གིས་བཟློག །འཇམ་དཔལ་དབྱངས་ཀྱིས་དམིགས་པའི་སྒྲོམ་བུ་གསུངས། །ནད་གདོན་དངོས་སུ་འདོན་ལ༴ །གཤིན་རྗེའི་ཕོ་ཉ་ལྷ་ཡི་བུ་མོར་སྤྲུལ། །རྟག་འཛིན་ཅན་རྣམས་སྐྱོ་དང་སྤྲོ་བ་སྐྱེད། །རི་བྲག་ཟང་ཐལ་གཅིག་དང་དུ་མ་སོགས། །སྒྱུ་མའི་ཆོ་འཕྲུལ་སྟོན་

[Full Size]

ལ༴ །བླ་མ་ཌཱ་ཀིའི་ལུང་བཞིན་ཤངས་སུ་ཕེབས། །ཞང་ཞང་ཐོག་དྲངས་དགོན་གནས་བརྒྱ་རྩ་བཏབ། །ཉན་བཤད་སྒོམ་སྒྲུབ་ས་སྟེང་ཁྱབ་པར་མཛད། །བསྟན་པའི་སྒྲོན་མེར་གྱུར་ལ༴ །སྐུ་ལུས་དགྱེས་རྡོར་སྤྲུལ་པའི་ལྷ་དགུ་ལ། །གནས་ལྔ་རྒྱུད་སྡེ་ལྔ་པོ་དངོས་སུ་གྲུབ། །ཆོས་ཁྲི་བརྒྱ་རྩ་བརྒྱད་དུ་དེ་སྙེད་ཀྱི། །སྤྲུལ་པས་ཆོས་སྟོན་མཛད་ལ༴ །རྒྱལ་ཆེན་རིས་བཞིའི་ལྷ་ཡིས་གསོལ་བཏབ་པས། །ཟླ་བདུན་ཏིང་འཛིན་ཟས་ཀྱི་འཚོ་བ་བཅས། །ཏཱ་ལ་སྲིད་ཀྱི་ནམ་མཁར་སྐྱིལ་ཀྲུང་བཞུགས། །ཐེག་ཆེན་ཆོས་འཁོར་བསྐོར་ལ༴ །བླ་མའི་དགོངས་རྫོགས་ལྷ་ཚིམས་མི་རྣམས་གྲོལ། །སངས་རྒྱས་བསྟན་ལ་བྱ་བ་བྱས་སོ་ཞེས། །མེ་ཏོག་ཆར་ཕབ་ཨ་ལ་ལ་ཡི་སྒྲས། །ལྷ་རྣམས་ཆེད་དུ་བརྗོད་ལ༴ །བཤད་གྲ་ཆེན་མོའི་ཕྲག་དོག་སྤྲུལ་པས་གཞིལ། །མུ་གེའི་དུས་སུ་སྔ་དྲོ་ཐང་ཆེན་ལ། །ས་བོན་བཏབ་པ་ཕྱི་དྲོ་འབྲས་བུར་སྨིན། །སྐྱེ་དགུ་

[Full Size]

འཚོ་བར་མཛད་ལ༴ །འོག་མིན་བདེ་བ་ཅན་དང་པོ་ཏ་ལར། །ཡུམ་ཆེན་འོད་དཔག་མེད་མགོན་ཐུགས་རྗེ་ཆེས། །སྐྱེ་མེད་རྣམ་གསུམ་ཚེ་སྒྲུབ་བདུད་རྩི་བུམ། །སྙིང་རྗེ་མཁའ་ཁྱབ་སྩལ་ལ༴ །ལྕང་ལོ་ཅན་དང་ཨོ་རྒྱན་གནས་སུ་ཕེབ། །གསང་བདག་རྣལ་འབྱོར་མ་ཡིས་དབང་བསྐུར་ཞིང་། །གསང་རྒྱུད་འབར་དང་འདུ་བའི་གདམས་ངག་གནང་། །ཏིང་འཛིན་འདོད་རྒུར་སྒྱུར་ལ༴ །ཐང་ལྷ་ཤཾ་པོ་མ་དྲོས་པ་ལ་སོགས། །མཐུ་ལྡན་ཆེ་དགུས་སྲོག་གི་སྙིང་པོ་ཕུལ། །དབང་བསྐུར་དམ་བཏགས་བསྟན་པ་སྲུང་བར་བསྐོས། །ཧེ་རུ་ཀ་དཔལ་མཆོག་ལ༴ །སློབ་མ་དབུས་གཙང་ཁམས་གསུམ་ས་གཞི་ལ། །རྨེའུ་སྟོན་དྲི་མེད་ཤེས་རབ་སྡོང་པོ་སྐྱེས། །གཡོར་པོ་རྒྱ་མོ་ཕན་སེམས་ཡལ་ག་བརྐྱངས། །དངུལ་སྟོན་རིན་དབང་སྙིང་རྗེའི་ལོ་འདབ་རྒྱས། །ལ་སྟོད་དཀོན་མཁར་བྱམས་པའི་མེ་ཏོག་བཀྲ། །ཞང་སྒོམ་ཆོས་

[Full Size]

སེང་འོད་གསལ་སྙིང་པོ་ལྕི། །རྨོག་ལྕོག་སྒྱུ་ལུས་རྨི་ལམ་འབྲས་བུ་སྨིན། །བླ་མ་་ཌཱ་ཀིས་ལུང་བསྟན་རང་མཉམ་གྱི། །སློབ་མའི་མཐར་ཐུག་དྲུག་གིས་གཙོར་མཛད་པའི། །ཚོགས་པའི་མཐར་ཐུག་ཁྲི་ཕྲག་བཅོ་བརྒྱད་ལ། །ལོ་གྲངས་དུ་མར་ཆོས་བསྟན་སྨིན་མཛད་ནས། །སྐུ་ཚེའི་མཐར་ཐུག་བརྒྱ་དང་ལྔ་བཅུའི་མཐར། །རྒྱལ་ཆེན་སྡེ་བཞི་དྲི་ཟའི་རྒྱལ་པོ་སོགས། །འཇིག་རྟེན་ཆེ་དགུས་མྱ་ངན་མི་འདའ་བར། །གསོལ་བཏབ་གྱུར་ལ་ཐུགས་རྗེས་རྩེར་དགོངས་ནས། །ཆོས་གསུང་ལུང་བསྟན་མཛད་ལ༴ །འོད་དཔག་མེད་པས་བདེ་ཆེན་ཞིང་བཀོད་བསྟན། །ཁྱོད་ནི་སྐྱེ་མཐའི་བྱང་ཆུབ་སེམས་དཔའ་སྟེ། །བདེ་བ་ཅན་དུ་མངོན་པར་བྱང་ཆུབ་འགྱུར། །གང་ཞིག་ཁྱོད་ཀྱི་རྗེས་སུ་སློབ་པ་དང་། །འོད་དཔག་མེད་པའི་མཚན་ཐོས་དེ་དག་ཀྱང་། །བདེ་བ་ཅན་དུ་རྫུ་འཕྲུལ་ཆེན་པོས་སྐྱེ། །བརྒྱུད་འཛིན་རྣམ་གསུམ་མངོན་དགའ་ལ་སོགས་སུ། །

[Full Size]

བྱང་ཆུབ་ལུང་བསྟན་ཐོབ་ལ༴ །བདག་གི་བཀའ་བབས་གདམས་ངག་གནད་འདི་ལྟ། །གང་ནའང་མེད་པས་དབང་པོ་རབ་འབྲིང་ཐ། །རྣམ་སྨིན་བག་ཆགས་བར་དོར་འཚང་རྒྱ་ཞེས། །ངེས་པར་ཞལ་གྱིས་བཞེས་ལ༴ །ང་ལ་དད་རྣམས་བདེ་བ་ཅན་ཞིང་དུ། །གསོལ་བ་ཐོབ་དང་དེར་སྐྱེ་ཐེ་ཚོམ་མེད། །གསུངས་ནས་སྐུ་ལུས་བཀོད་པ་དུ་མ་བསྟན། །དབང་བཅུའི་བདག་ཉིད་ཁྱེད་ལ༴ །རྒྱུད་སྡེ་ལྔ་དང་བྱིན་རླབས་ལྷ་བཞི་སོགས། །སོ་སོའི་སྐུར་དངོས་བཞེངས་ནས་དམ་ཆོས་གསུངས། །འཇའ་འོད་རོལ་མོའི་སྒྲ་ཡིས་གནམ་ས་གང་། །མེ་ཏོག་ཆར་ཆེན་བབས་ལ༴ །ངོ་མཚར་ལྟས་བཅས་བདེ་བ་ཅན་དུ་གཤེགས། །སྐུ་དང་རིང་བསྲེལ་བཀྲ་ཤིས་འཁྱིལ་པ་སོགས། །དད་ལྡན་འདྲེན་ཕྱིར་གདུང་རིགས་དཔག་མེད་སྤྲུལ། །གྲོལ་བ་བཞི་ལྡན་ཁྱོད་ལ༴ །བདུན་ཕྲག་གསུམ་ལ་ཡ་མཚན་ལྟས་བཟང་སྤྲེལ། །

[Full Size]

མཐོང་གྲོལ་སྐུ་འབུམ་ལྷ་སྐུ་མཁའ་འགྲོ་མས། །དངོས་སུ་མཆོད་ཅིང་ཕྱོགས་བཞིར་འོད་ཟེར་ཤར། །སངས་རྒྱས་དངོས་དང་མཚུངས་ལ་གསོལ་བ་འདེབས། །བསམ་མི་ཁྱབ་པའི་རྣམ་མཐར་རྒྱ་མཚོ་ལས། །གསོལ་འདེབས་ཆུ་ཐིགས་དད་པས་བླངས་པའི་མཐུས། །བདག་དང་འབྲེལ་བཅས་རྗེས་བཟུང་བྱིན་རློབས་ནས། །ཁྱོད་ཀྱི་རྣམ་ཐར་ཚེ་འདིར་མངོན་བྱེད་ཤོག །རྗེ་བཙུན་ཁྱུང་པོ་བསླུ་མེད་སྐྱབས་ཀྱི་མཆོག །འགྲོ་ཀུན་སྤྱི་གཙུག་པད་ཟླའི་གདན་བཞུགས་ལ། །ཐུགས་རྗེ་རྒྱུན་ཆད་མེད་པའི་བཀའ་དྲིན་གྱིས། །མཆོག་དང་ཐུན་མོང་དངོས་གྲུབ་སྩལ་དུ་གསོལ། ༈ །མཉམ་མེད་རྨོག་ལྕོགས་པ་ལ་གསོལ་བ་འདེབས་པ་ངོ་མཚར་ཀྱི་སྒྲ་དབྱངས་ཞེས་བྱ་བ། །དོན་གཉིས་ལྷུན་གྱིས་གྲུབ་པ་རྒྱལ་བའི་སྲས། །ཡེ་ཤེས་ཌཱ་ཀིས་ལུང་བསྟན་རྩོད་མེད་ཀྱི། །གྲུབ་པའི་དབང་ཕྱུག་དཔལ་ལྡན་རྨོག་ལྕོགས་པ། །རིན་ཆེན་བརྩོན་འགྲུས་ཞབས་

[Full Size]

ལ་གསོལ་བ་འདེབས། །ཤངས་ཀྱི་ལྷ་ཕུར་ཤེའུའི་རིགས་སུ་འཁྲུངས། །ཆོས་སྒོར་ཞུགས་ནས་བླ་མ་ཚུལ་བཞིན་བསྟེན། །སྒྲོ་འདོགས་ཆོད་ནས་ཉམས་སུ་བཞེས་པ་ཡིས། །ངེས་ཤེས་ཐག་ཆོད་འཁྲུངས་ལ༴ །ཐོས་པ་སྣུམ་དྲེད་ཁྱེར་བའི་གང་ཟག་གིས། །རྐྱེན་བྱས་གདམས་ངག་ཚོལ་བར་དམ་བཅས་ཏེ། །ཁམས་པ་ཨ་སེང་སྤྱན་སྔར་རྒྱུད་རྒྱལ་གྱི། །བསྐྱེད་རྫོགས་ཟབ་མོ་གསན་ལ༴ །བུར་སྒོམ་ཞབས་ལས་རྗེ་བཙུན་རས་ཆུང་པའི། །བསྐྱེད་རྫོགས་ཞུས་ནས་སྒྲུབ་ལ་གཞོལ་བའི་ཚེ། །དགྲ་ལ་རྟགས་བསྟན་རྗེ་བཙུན་རྣལ་འབྱོར་མའི། །ཞལ་གཟིགས་ཏིང་འཛིན་བརྙེས་ལ༴ །དཀོན་མཁར་གཡོར་པོ་རྡོ་རྗེ་རྒྱལ་སོགས་ལས། །ཕར་ཕྱིན་གཙོར་གྱུར་གཞུང་གདམས་དུ་མ་གསན། །ཁྱད་པར་གྲུབ་ཆེན་ཁྱུང་པོས་རྗེས་སུ་བཟུང་། །མཉེས་པ་དགུ་ཕྲུགས་བསྒྲུབས་ལ༴ །གསེར་གྱི་ཡོན་ཕུལ་རྩ་བའི་བླ་མ་བཞིའི། །གདམས་

[Full Size]

ངག་ལྷག་མ་མེད་པར་གནང་ནས་ཀྱང་། །ཆིག་བརྒྱུད་བཀའ་བབས་རྟག་ཏུ་བླ་མའི་སྐུ། །རྒྱུད་སྡེའི་ལྷ་རུ་གཟིགས་ལ༴ །སྒྱུ་མ་ལྟ་བུའི་ཏིང་འཛིན་མངོན་དུ་གྱུར། །གཅིག་ཤེས་ཀུན་གྲོལ་མཁྱེན་རབ་རྩལ་ཁ་རྒྱས། །གདུག་པའི་འབྱུང་པོ་མཐའ་དག་བཏུལ་ནས་ཀྱང་། །འགྲོ་མང་བདེར་བཀོད་མཛད་ལ༴ །མི་འཁྲུགས་པ་དང་ཡེ་ཤེས་ཌཱ་ཀི་གཉིས། །ཨིནྡྲ་བོ་དྷི་རྡོ་རྗེ་རྣལ་འབྱོར་མ། །ཁྱད་པར་ཧེ་རུ་ཀ་ཡི་ཞལ་གཟིགས་ཤིང་། །ཟབ་རྒྱས་དམ་ཆོས་གསན་ལ༴ །མཉམ་མེད་དྭགས་པོའི་སྤྱན་སྔར་བྱོན་པའི་ཚེ། །སྐྱེ་བ་དུ་མའི་བུ་གསུངས་དགྱེས་བརྩེར་མཛད། །གཅེར་མཐོང་ཆོས་སྐུ་རྗེན་པར་ངོ་སྤྲད་པས། །རྟོག་གྲོལ་དུས་མཉམ་གྱུར་ལ༴ །ཕྱག་རྒྱ་ཆེན་པོའི་བཀའ་བབས་བརྒྱུད་པ་གཏད། །ཏིང་འཛིན་རྩལ་རྫོགས་དེ་ནས་ཇི་སྲིད་བར། །ཚེ་འདིའི་རྣམ་རྟོག་སྐྱེ་བར་མ་མྱོང་གསུངས། །སྲིད་ཐའི་བྱང་སེམས་ཁྱོད་ལ༴ །རྨོག་ལྕོགས་བྲག་ཏུ་

[Full Size]

ལོ་གྲངས་བཅུ་གཉིས་པར། །མི་ཟས་སྤངས་ནས་རྩེ་གཅིག་སྒྲུབ་པའི་ཚེ། །མི་གཡོ་ལྷ་བཞི་ཡེ་ཤེས་མགོན་པོ་དང་། །ཌཱ་ཀི་དངོས་སུ་བྱོན་ལ༴ །ཤངས་པའི་དུས་མཆོད་མཛད་ཚེ་བླ་མ་དང་། །འོད་དཔག་མེད་བྱོན་དབུ་མའི་བདུད་རྩི་གནང་། །རྡུལ་གཅིག་སྟེང་ན་རྡུལ་སྙེད་སངས་རྒྱས་ཀྱི། །ཞིང་ཁམས་མངོན་སུམ་གཟིགས་ལ༴ །ཟད་པར་ཟིལ་གནོན་གཞན་གྱིས་མཐོང་བར་སྤྲུལ། །ནམ་མཁར་སྐྱིལ་ཀྲུང་བཞུགས་པས་སྐལ་ལྡན་རྣམས། །དད་ཅིང་རྗེས་བཟུང་གདུལ་བྱ་དཔག་མེད་འདུས། །ཀུན་ཀྱང་སྨིན་གྲོལ་མཛད་ལ༴ །མཚན་དང་གསུང་ཐོས་བཞུགས་གནས་མཇལ་བ་དང་། །དད་ཅིང་མོས་པ་ཙམ་གྱིས་ཏིང་ངེ་འཛིན། །རྒྱུད་ལ་སྐྱེས་ནས་གྲོལ་བ་ཚད་མེད་བྱུང་། །འབྲེལ་ཚད་དོན་ལྡན་ཁྱོད་ལ༴ །དབང་བསྐུར་མཛད་ཚེ་སྐུ་ཡི་གནས་ལྔ་དང་། །རྡུལ་ཚོན་དཀྱིལ་འཁོར་རྒྱུད་སྡེ་ལྔ་ཡི་ལྷར། །དངོས་སུ་གྱུར་པ་

[Full Size]

སྐལ་ལྡན་ཀུན་གྱིས་མཐོང་། །བྱིན་རླབས་འབྱུང་གནས་ཁྱོད་ལ༴ །བདེ་ལྡན་ཞིང་ནས་རྒྱལ་བའི་རིམ་གྲོ་པ། །སྤྱན་འདྲེན་ཕེབ་ཀྱང་ཞལ་བཞེས་མ་གནང་བར། །ལོ་གསུམ་བརྟན་བཞུགས་ཆོས་ཀྱི་འཁོར་ལོ་བསྐོར། །བུ་སློབ་སྐྱོང་བར་མཛད་ལ༴ །ང་ནི་འདི་ནས་ཤར་ཕྱོགས་མངོན་དགའི་ཞིང་། །འོད་འཕྲོ་ཅན་དུ་མངོན་པར་སངས་རྒྱས་ནས། །ཐེག་ཆེན་འབའ་ཞིག་སྟོན་པར་འགྱུར་རོ་ཞེས། །སེང་གེའི་སྒྲ་ཆེན་བསྒྲགས་ལ༴ །བརྒྱུད་འཛིན་ཐམས་ཅད་ཞིང་དེར་གསོལ་བ་ཐོབ། །རྣམ་དག་ཞིང་མཆོག་དེ་རུ་སྐྱེའོ་གསུངས། །ངོ་མཚར་ཆོ་འཕྲུལ་དཔག་ཏུ་མེད་པ་བསྟན། །འོད་འཕྲོའི་ཞིང་དུ་གཤེགས་ལ༴ །སླར་ཡང་རྫུ་འཕྲུལ་འོད་ཀྱི་ལམ་ལ་བྱོན། །བརྒྱུད་པའི་དབང་ཞུ་འགྲོ་བའི་མགོན་ལ་བཀོན། །ཤེས་རབ་རས་པར་རིགས་བརྒྱུད་མི་འཆད་པའི། །གོ་ས་གཏད་པར་མཛད་ལ་གསོལ་བ་འདེབས། །ཆོས་ཀྱི་རྒྱལ་པོ་རྗེ་བཙུན་རྨོག་ལྕོགས་པ། །

[Full Size]

གསོལ་བ་འདེབས་ལ་ཐུགས་རྗེས་བརྩེར་དགོངས་ཏེ། །སྐུ་གསུང་ཐུགས་ཀྱིས་བྱིན་གྱིས་བརླབས་པ་དང་། །འོད་འཕྲོ་ཅན་གྱི་ཞིང་དུ་འདྲེན་དུ་གསོལ། ༈ །དབོན་སྟོན་སྐྱེར་སྒང་པ་ཆེན་པོ་ལ་གསོལ་བ་འདེབས་པ་དད་པའི་སྒྲ་དབྱངས་ཞེས་བྱ་བ། །བྱམས་པའི་སྤྲིན་ཆེན་འོད་གསལ་མཁའ་ལ་འཁྲིགས། །སྙིང་རྗེའི་ཆར་རྒྱུན་གདུལ་བྱའི་ཞིང་སར་འབེབས། །གྲུབ་གཉིས་འབྲས་བུ་སྨིན་མཛད་སྐྱེར་སྒང་པ། །ཆོས་ཀྱི་སེངྒེ་ཞབས་ལ༴ །འཕགས་པའི་ཡུལ་དུ་ཤེས་རབ་གོ་ཆ་སོགས། །ཡོངས་སུ་གྲགས་དང་སྦས་པའི་རྣལ་འབྱོར་པ། །དུ་མར་སྤྲུལ་ནས་གདུལ་བྱ་དཔག་མེད་འདུལ། །ཐུགས་རྗེའི་མངའ་བདག་ཁྱེད་ལ༴ །ཙཱི་ནའི་ཡུལ་དུ་ལོག་སྤྱོད་ཆོས་ལ་བཀོད། །ཕྲ་མེན་སྤྲེའུར་རང་གི་རིགས་མཐུན་གྱིས། །རྒྱུ་འབྲས་སྟོང་ཉིད་སྙིང་རྗེའི་ཆོས་བསྟན་མཛད། །གང་འདུལ་སྤྲུལ་པ་འགྱེད་ལ༴། སྐྱེ་བ་ཀུན་ཏུ་སྤྱན་རས་གཟིགས་དབང་གིས། །

[Full Size]

རྗེས་སུ་བཟུང་ནས་དོན་གཉིས་ལྷུན་གྱིས་གྲུབ། །གངས་ལྗོངས་འདིར་ཡང་སྣ་ཚོགས་སྤྲུལ་པའི་སྐུས། །འཕགས་པའི་ཕྲིན་ལས་བསྒྲུབས་ལ༴ །དབུ་རུར་འགྲོ་བའི་མགོན་འཁྲུངས་སྐྱེར་སྒང་དུ། །ཀུན་མཁྱེན་འབལ་ལས་རང་བྱུང་མདོ་ཕྱོགས་དང་། །ཀླུ་སྦུགས་རྣམས་སུ་གྲུབ་ཐོབ་ལྕེ་སྒོམ་ལས། །འཕགས་པའི་སྨིན་གྲོལ་གསན་ལ༴ །མི་ལོ་ཕྱེད་བཞིར་དཀའ་སྤྱད་དྲག་པོ་ཡིས། །སྒྲུབ་པ་མཛད་པས་ཐུགས་རྗེ་ཆེན་པོ་དང་། །གཤིན་རྗེ་གཤེད་པོས་ཞལ་བསྟན་བྱིན་གྱིས་བརླབས། །རྟག་ཏུ་འབྲལ་བ་མེད་ལ༴ །ཚ་སྒོམ་སྤེན་ཕུག་པ་ལས་རས་ཆུང་དང་། །ཇོ་བོ་བརྒྱུད་པའི་གདམས་ངག་རྫོགས་པར་གསན། །རྐྱེན་ལ་བརྟེན་ནས་རང་སེམས་ཆོས་ཀྱི་སྐུ། །སྐྱེ་མེད་མངོན་སུམ་རྟོགས་ལ༴ །རྗེ་བཙུན་རྨོག་ལྕོགས་པ་དང་མཇལ་བའི་ཚེ། །ཡེ་ཤེས་མགོན་པོས་བསུ་ཞིང་བྲན་དུ་ཁོལ། །ཆིག་བརྒྱུད་བཀའ་གཏད་སྣང་བའི་བདེན་འཛིན་

[Full Size]

ཞིག །ཏིང་འཛིན་རྩལ་ཆེན་རྫོགས་ལ༴ །སྤྱན་རས་གཟིགས་ཀྱིས་དམ་ཆོས་རྟག་ཏུ་སྩལ། །རྒྱུད་སྡེ་ལྔ་ཡིས་མན་ངག་ཟབ་དོན་གནང་། །གྲུབ་ཐོབ་ཌཱ་ཀི་དུ་མས་གདམས་པ་དང་། །རྗེས་སུ་བསྟན་པར་མཛད་ལ༴ །སྐྱེར་སྒང་ཆོས་ཀྱི་གདན་སར་ཕེབ་པའི་ཚེ། །ཡེ་ཤེས་མགོན་པོའི་འཁོར་རྣམས་དངོས་སུ་འོང་། །བླ་མའི་གདན་སར་མཆོད་འབུལ་སྐྱེལ་པ་ཡི། །ཞབས་ཏོག་གུས་པས་བསྒྲུབས་ལ༴ །མངོན་པར་ཤེས་པས་རིས་མེད་འགྲོ་བ་འདུལ། །ཝ་རུ་་ཡིས་ཀླུ་ཡི་ནོར་བུ་ཕུལ། །འཁོར་གསུམ་ཡོངས་སུ་དག་པ་ལན་གསུམ་གྱིས། །བླ་མ་མཉེས་པ་བསྒྲུབས་ལ༴ །ཨོ་རྒྱན་གནས་སུ་པདྨ་ཐོད་ཕྲེང་ལས། །དབང་ཆེན་རྟ་མགྲིན་དབང་དང་སྒྲུབ་ཐབས་གསན། །པདྨའི་བཀའ་བཞིན་སྙེ་མོ་ཞུ་ཡས་ལས། །གདམས་ངག་རྫོགས་པར་མཛད་ལ༴ །ཌཱ་ཀི་སྤྲིན་ལྟར་འདུ་བའི་ཞང་སྒོམ་སོགས། །གྲུབ་ཐོབ་རྣམས་ཀྱི་

[Full Size]

གདམས་པའི་ཟབ་བཅུད་བཞེས། །ཏིང་འཛིན་གཟུངས་ཆུ་ཙམ་གྱིས་ཉམ་ཐག་པའི། །འགྲོ་བ་དཔག་མེད་སྐྱོང་ལ༴ །བཅུ་གཅིག་ཞལ་གྱི་འོད་ཟེར་འཕྲོ་འདུ་ཡིས། །རང་གཞན་ནད་གདོན་སྒྲིབ་དག་ཏིང་འཛིན་སྐྱེས། །དམ་པས་ཞི་བྱེད་དགྱེས་རྡོར་ཡབ་ཡུམ་གྱིས། །དབྱངས་གསལ་བཤགས་པ་བསྟན་ལ༴ །སྙིགས་དུས་ཁྱེད་ཀྱིས་བསྟན་པའི་སྒྲུབ་ལུགས་འདི། །དར་ཞིང་ཞལ་མཐོང་བརྒྱུད་མར་འབྱུང་ངོ་ཞེས། །ཐུགས་རྗེ་ཆེན་པོས་གདུལ་བྱ་འདུལ་བར་བསྐུལ། །འགྲོ་དོན་ནམ་མཁའ་མཉམ་ལ༴ །འདི་ནས་བདེ་ཅན་ཞིང་དུ་བརྫུས་ཏེ་འཁྲུངས། །རྒྱལ་ལས་ཆོས་གསན་སླར་ཡང་ཨོ་རྒྱན་དུ། །སྔགས་ཀྱི་སྤྱོད་པས་རྡོ་རྗེ་འཛིན་གྱི་སར། །འགྲོ་མང་བཀོད་པར་མཛད་ལ༴ །དེ་ནས་མངོན་དགའི་ཞིང་དུ་མི་བསྐྱོད་དྲུང་། །ཚངས་སྤྱོད་མཐར་ཕྱིན་བེ་ཌཱུརྻ་སྣང་གི། །འཇིག་རྟེན་ཁམས་སུ་མངོན་པར་སངས་རྒྱས་ནས། །བརྒྱུད་འཛིན་ཞིང་དེར་འདྲེན་ལ༴

[Full Size]

དེ་བཞིན་གཤེགས་པ་དྲི་མེད་ནམ་མཁའི་དཔལ། །སྐུ་ཚེ་ལོ་སྟོང་འདུས་པ་འབུམ་ཕྲག་དགུ། །དམ་ཆོས་ལྔ་ཁྲི་དྲུག་སྟོང་གནས་འགྱུར་ཞེས། །མི་འཇིགས་ཞལ་གྱིས་ཞེས་ལ༴ །ཁོ་བོ་མཐོང་ཐོས་དྲན་རེག་དོན་དང་ལྡན། །གསོལ་བ་འདེབས་རྣམས་ཤར་ཕྱོགས་དག་པའི་ཞིང་། །སར་གནས་སེམས་དཔའ་འབའ་ཞིག་འགྱུར་ཅེས་གསུངས། །ཆོས་དབྱིངས་སྙོམས་པར་ཞུགས་ལ་གསོལ་བ་འདེབས། །སྤྱན་རས་གཟིགས་དངོས་དབོན་སྟོན་ཐུགས་རྗེ་ཅན། །བདག་སོགས་ལས་ངན་གྱུར་པའི་གདུལ་བྱ་རྣམས། །ཐུགས་རྗེའི་ལྕགས་ཀྱུས་མྱུར་དུ་བཟུང་ནས་ཀྱང་། །རང་གཞན་དོན་གཉིས་འགྲུབ་པར་བྱིན་གྱིས་རློབས། ༈ །སངས་རྒྱས་གཉན་སྟོན་ཆེན་པོ་ལ་གསོལ་བ་འདེབས་པ་བྱིན་རླབས་ཀྱི་སྒྲ་དབྱངས་ཞེས་བྱ་བ། །ལེགས་པའི་ཡོན་ཏན་མ་ལུས་རབ་ཏུ་རྫོགས། །རྡོ་རྗེ་འཆང་དབང་བཤེས་གཉེན་གཟུགས་སུ་སྟོན། །སྦས་པའི་སངས་རྒྱས་

[Full Size]

གཉེན་སྟོན་རི་གོང་པ། །ཆོས་ཀྱི་ཤེས་རབ་ཞབས་ལ༴ །ཡོལ་མདར་སཱ་ལ་ལྟ་བུའི་རིགས་སུ་འཁྲུངས། །རང་བྱུང་མ་བཅོས་ཞེན་བྲལ་བློ་དང་ལྡན། །ལུས་དང་ལོངས་སྤྱོད་གང་ལའང་མ་ཆགས་པར། །སྦྱིན་པའི་ཕར་ཕྱིན་རྫོགས་ལ༴ །ངེས་འབྱུང་དྲག་པོས་བསྟན་ལ་རབ་ཏུ་བྱུང་། །ཆོས་འདུལ་དབུ་ཚད་ཕར་ཕྱིན་མཁས་པར་སྦྱངས། །ལྷག་པའི་བསླབ་པ་སྤྱན་གྱི་འབྲས་ལྟར་བསྲུངས། །ཚུལ་ཁྲིམས་ཕར་ཕྱིན་རྫོགས་ལ༴ །ནད་གདོན་རྐྱེན་ངན་དག་ལ་མི་ཞུམ་པར། །དམ་ཆོས་ཕྱིར་དུ་དཀའ་བ་ཆེན་པོ་སྤྱད། །གནོད་ལན་ཀུན་ཀྱང་ཕན་པས་བླན་པ་ཡི། །བཟོད་པའི་ཕར་ཕྱིན་རྫོགས་ལ༴ །ཐོས་པའི་སྒྲོན་མེས་ཕྱི་ཡི་སྒྲོ་འདོགས་བཅད། །བསམ་བྱུང་ཤེས་རབ་ནན་ཏན་དཔག་མེད་མཛད། །ཡེངས་མེད་བསྒྲུབས་པས་འབྲས་བུ་མངོན་དུ་གྱུར། །བརྩོན་འགྲུས་ཕར་ཕྱིན་རྫོགས་ལ༴ །དབོན་སྟོན་ཐུགས་རྗེ་ཆེན་པོས་རྗེས་སུ་བཟུང་། །ཆིག་

[Full Size]

བརྒྱུད་མཁའ་འགྲོའི་གསང་ཚིག་རྫོགས་པར་གནང་། །སྣང་གྲགས་ཆོས་ཀུན་བདེན་མེད་འཇའ་ལྟར་གཟིགས། །སྒྱུ་མ་རང་ཤར་འཁྲུངས་ལ༴ །དགྱེས་རྡོར་ཕག་མོ་སྤྱན་རས་གཟིགས་དབང་དང་། །ཨཱརྱ་ཏཱ་རེས་ཆོས་ཀྱི་བདུད་རྩི་སྩལ། །ཁྱད་པར་སུ་ཁ་སིདྡྷིས་ངོ་སྤྲད་པས། །རྟོགས་པ་ནམ་མཁའ་མཉམ་ལ༴ །ཡེ་ཤེས་མགོན་པོས་བཀའ་བཞིན་ཕྲིན་ལས་སྒྲུབ། །བ་རུ་་ཡིས་བྲན་དང་འབངས་སུ་བྱས། །སྣང་སྲིད་ལྷ་འདྲེ་ཆེ་དགུས་དབང་ཞུས་ཏེ། །དེ་དག་ཆོས་སུ་བཀོད་ལ༴ །ཉིན་མཚན་སྒྱུ་མ་རྨི་ལམ་ལྷ་ཡི་སྐུ། །རང་ཤར་བདེ་སྟོང་གཉིས་མེད་ཡེ་ཤེས་དང་། །འདིར་སྣང་འཁྲུལ་པའི་རྟོག་པ་ཡོངས་སུ་ནུབ། །བསམ་གཏན་ཕར་ཕྱིན་རྫོགས་ལ༴ །དུར་ཁྲོད་ནག་པོའི་བཀའ་བཞིན་ལ་སྟོད་པ། །འཕགས་པའི་ཡུལ་ནས་རྫུ་འཕྲུལ་སྟོབས་ཀྱིས་ཕེབས། །འཆི་མེད་འཁྲུལ་འཁོར་གསན་པས་གསང་བའི་བགེགས། །

[Full Size]

དབྱིངས་སུ་གྲོལ་བར་བསྟན་ལ༴ །བླ་མའི་བཀའ་བཞིན་རི་གོང་དབེན་གནས་སུ། །སྦས་པའི་རྣལ་འབྱོར་ཚུལ་གྱིས་སྐལ་ལྡན་རྣམས། །རྗེས་བཟུང་ཕྱོགས་བཅུའི་རྒྱལ་བའི་ཞིང་ཁམས་ཉུལ། །ས་བཅུའི་དབང་ཕྱུག་ཁྱེད་ལ༴ །གྲུབ་ཆེན་བརྒྱད་ཅུ་ལ་སོགས་དངོས་སུ་བྱོན། །ཞག་གསུམ་བཞུགས་ནས་དབང་དང་དམ་ཆོས་གནང་། །ལུང་བསྟན་གསུང་ཞིང་མཁའ་ལ་གྱ་གྱུར་གཤེགས། །རྒྱལ་སྲས་ཐུ་བོ་ཁྱེད་ལ༴ །སྐྱེ་མེད་དགོངས་པ་མཉམ་རྗེས་ཁོར་ཡུག་དང་། །ཆོས་རྣམས་མ་འདྲེས་ཆུ་ཟླ་ལྟ་བུར་གཟིགས། །དབང་ཐོབ་མངོན་པར་ཤེས་པ་དྲུག་པོ་འཆང་། །ཤེས་རབ་ཕར་ཕྱིན་རྫོགས་ལ༴ །ཐོག་མངའ་བཅུ་གསུམ་སྐུ་ལ་བབས་པའི་ཚེ། །གནམ་ལྕགས་འབར་པ་མེ་ཏོག་རྒྱན་བཞིན་གྱུར། །ཌཱ་ཀིའི་སུན་མ་བཟློག་ནས་རྡོ་རྗེའི་སྐུར། །བྱིན་རླབས་གདུལ་བྱ་འདུལ་ལ༴ །ལྷ་མོ་གནོད་སྦྱིན་དག་གིས་བསྐུལ་བ་བཞིན། །

[Full Size]

བཟོ་རྒྱུ་བསྡོགས་ཚེ་ཡེ་ཤེས་མགོན་པོ་ཡི། །སྤྲུལ་པས་བཞེངས་ནས་དེ་ལ་དངོས་སུ་ཐིམ། །རང་བྱོན་མགོན་པོ་བསྐྲུན་ལ༴ རྡོ་རྗེ་འཆང་ཆེན་ཁྱོད་ལ་ཚད་མེད་ཀྱི། །མོས་གུས་སྐྱེས་པ་དེ་ནི་མངོན་འཚང་རྒྱ། །བདག་ཀྱང་ཕྱི་བཞིན་བྱིན་གྱིས་རློབ་པོ་ཞེས། །སུ་ཁས་མངོན་སུམ་གསུངས་ལ༴ །ཁྱེད་ཉིད་གང་གིས་མཐོང་ཐོས་དྲན་པས་ཀྱང་། །དེ་དག་ནམ་ཡང་ལོག་པར་མི་ལྟུང་ཞིང་། །གདུལ་བྱའི་སྲས་སུ་སྐྱེ་བར་བླ་མ་ལྷས། །ལུང་བསྟན་ཡང་ཡང་མཛད་ལ་གསོལ་བ་འདེབས། །ཞིང་འདིའི་གདུལ་བྱ་རེ་ཞིག་རྫོགས་པའི་ཚེ། །ཤར་ཕྱོགས་མེ་ཏོག་བཀྲམ་པའི་ཞིང་དུ་གཤེགས། །རྒྱལ་བ་པདྨོའི་དཔལ་དུ་སངས་རྒྱས་ནས། །ཆོས་ཀྱི་འཁོར་ལོ་བསྐོར་ལ་གསོལ་བ་འདེབས། །འཇིག་རྟེན་མཁྱེན་པ་རྒྱལ་བ་གཉན་སྟོན་པས། །སྒྲིབ་མེད་སངས་རྒྱས་སྤྱན་གྱིས་འདིར་གཟིགས་ལ། །ལས་ངན་ལུས་ངན་གནས་ངན་

[Full Size]

འཁྱམས་པ་ཡི། །བདག་སོགས་སེམས་ཅན་སྨིན་གྲོལ་མཛད་དུ་གསོལ། ༈ །འགྲོ་མགོན་ཆོས་རྗེ་སྟོན་པ་ལ་གསོལ་བ་འདེབས་པ་སེང་གེའི་སྒྲ་དབྱངས་ཞེས་བྱ་བ་ཡིད་བཞིན་ནོར་བུ་ལྟ་བུར་དགོས་འདོད་འབྱུང་། །མཚན་ཐོས་ཙམ་གྱིས་ངན་འགྲོའི་འཇིགས་ལས་སྐྱོབ། །འགྲོ་བའི་མགོན་པོ་སྟོན་པ་ཆོས་ཀྱི་རྗེ། །བརྩོན་འགྲུས་སེང་གེའི་ཞབས་ལ་གསོལ་བ་འདེབས། །ཡ་ངལ་དཀར་པོ་གཤེན་བོན་གྲུབ་པའི་བརྒྱུད། །མཁའ་རེག་རྩ་ཡི་སིལ་མར་མཚན་དཔེ་གསལ། །སྤྱོད་ལམ་ཀུན་ཏུ་ཆོས་ཀྱི་སྣང་བ་མཆེད། །སྔོན་སྦྱངས་བག་ཆགས་སད་ལ༴ །དགུང་ལོ་དགུ་པར་མ་གཅིག་སྤྲུལ་པའི་སྐུ། །བྱོན་ནས་གཅོད་ཀྱི་ཆོས་དབང་སེམས་ལ་བསྐུར། །ཞལ་གདམས་ཆིག་བརྒྱུད་གནང་ཞིང་ལུང་བསྟན་མཛད། །མཁའ་འགྲོའི་སྲས་གཅིག་གྱུར་ལ༴ །འཁོར་བ་བརྩོན་ཁང་དམྱལ་མེའི་འོབ་ལྟར་གཟིགས། །དགོས་མེད་སྐྱོ་ཤས་དྲག་པོས་རབ་ཏུ་བྱུང་། །ཡོངས་འཛིན་

[Full Size]

དུ་མ་བསྟེན་ནས་མདོ་རྒྱུད་སྦྱངས། །སྨྲ་བའི་སེང་གེར་གྱུར་ལ༴ །གྲུབ་ཐོབ་བཟང་ཡུལ་པ་ཡི་ཞལ་སྔ་ནས། །གྲུབ་པའི་རྒྱལ་མོས་བརྒྱུད་པ་བདུན་པ་རུ། །ཚེ་དཔག་མེད་སྤྲུལ་འབྱུང་བར་ལུང་བསྟན་པར། །ངོས་བཟུང་ཆིག་བརྒྱུད་གནང་ལ༴ །སངས་རྒྱས་གཉན་སྟོན་སྤྱན་སྔར་བྱོན་པའི་ཚེ། །དཔའ་བོ་ཌཱ་ཀི་དུ་མས་བསུ་བ་མཛད། །ཆོས་འབྲེལ་ཐོག་མ་ལུས་གསུམ་གདམས་ངག་གནང་། །བླ་མ་སངས་རྒྱས་མཐོང་ལ༴ །སྒྱུ་མ་རྨི་ལམ་སྦྱང་སྤྲུལ་སྤེལ་བ་རྣམས། །དུས་གཅིག་གྲུབ་ནས་ཏིང་འཛིན་རྩལ་ཆེན་རྫོགས། །སྣང་བའི་བདེན་འཛིན་མཐའ་དག་ཧྲུལ་གྱིས་འཇིག །འཁྲུལ་ཞིག་ཆེན་པོ་ཁྱོད་ལ༴ །རྡོ་རྗེ་འཆང་ནས་རིན་ཆེན་བརྒྱུད་པ་ཡིས། །རིམ་པར་ལུང་བསྟན་དེ་དག་གདུལ་བྱ་ཀུན། །ཁྱེད་ཀྱིས་འདུལ་ཞེས་སྙན་བརྒྱུད་གསེར་ཆོས་བཀའ། །ཡོངས་རྫོགས་སྐལ་ལྡན་གྱུར་ལ༴ །ཉིན་མོ་བློ་འདས་བརྗོད་བྲལ་

[Full Size]

ཕྱག་རྒྱ་ཆེ། །མཚན་སྣང་མཚན་ཉིད་སུམ་ལྡན་ལྷུན་གྲུབ་ཀྱི། །འོད་གསལ་རང་ཤར་ཟུང་འཇུག་རང་བཞིན་འཆར། །རྒྱལ་བ་སྐུ་གསུམ་རྫོགས་ལ༴ །སྐུ་ལ་གྲིབ་མ་མི་མངའ་སེམས་ཅན་གྱི། །བསམ་རྒྱུད་སྐྱེ་བ་དུས་གསུམ་ས་ལེར་མཁྱེན། །དགོངས་པ་གཏད་པས་མཛེ་གདོན་གཅོང་ནད་སོགས། །མོད་ལ་ཞི་བར་མཛད་དེར༴ །དབང་བསྐུར་དུས་སུ་དཔའ་བོ་མཁའ་འགྲོ་ཡིས། །དཀྱིལ་འཁོར་བཞེངས་ཤིང་སོ་སོའི་སྐུ་རུ་བསྟན། །མཚན་ཐོས་ལམ་ཞུགས་ཞལ་མཇལ་ཙམ་གྱིས་ཀྱང་། །ཏིང་འཛིན་མཆོག་སྐྱེད་མཛད་ལ༴། བསམ་གཏན་བྲག་ཏུ་མཁའ་འགྲོ་ནི་གུ་མས། །མུ་ཏིག་ཕྲེང་བ་བརྒྱ་རྩ་བརྒྱད་གནང་སྟེ། །སྦས་པའི་གྲུབ་ཐོབ་དེ་མཚུངས་འབྱུང་བ་ཡིས། །ལུང་བཞིན་སྨིན་གྲོལ་མཛད་ལ༴ །བླ་མའི་བཀའ་བཞིན་དབང་པོ་མཆོག་དམན་དང་། །བཟང་ངན་རྒན་གཞོན་ཕྱོགས་དང་རིས་

[Full Size]

མེད་པར། །ཉམས་ཁྲིད་ཐེགས་པས་མཚན་གྱི་སྙན་པ་ནི། །རྒྱ་མཚོའི་ཕ་མཐར་ཁྱབ་ལ༴ །ཛམ་བུའི་གླིང་གི་ཡུལ་ཆེན་དྲུག་པོ་དང་། །གླིང་ཕྲན་ཚུན་ཆད་གྲུབ་ཐོབ་སློབ་མས་ཁྱབ། །སྐལ་ལྡན་འབུམ་ཕྲག་དུ་མ་སྨིན་མཛད་པའི། །རྣམ་ཐར་བསམ་མི་ཁྱབ་ལ༴ །རིགས་དྲུག་ཁྱབ་བདག་ཡབ་ཡུམ་ལུང་བསྟན་ལྟར། །རིན་ཆེན་བདུན་པའི་ཕྲེང་བར་བྱོན་ནས་ཀྱང་། །རྡོ་རྗེའི་རྒྱ་བཀྲོལ་ཐུབ་བསྟན་ཇི་སྲིད་བར། །ཐར་པའི་ཁ་ལོ་བསྒྱུར་ལ༴ །རྟག་འཛིན་ཅན་རྣམས་ལོངས་མེད་བསྐུལ་བའི་སླད། །འགྲོ་དོན་མཐར་ཕྱིན་འཇའ་འོད་མེ་ཏོག་ཆར། །ས་གཡོ་སྤོས་ངད་བཅས་ཏེ་ཤར་ཕྱོགས་ཞིང་། །མེ་ཏོག་བཀྲམ་པར་གཤེགས་ལ༴ །ལྷ་མིའི་མཆོད་པའི་རྟེན་དུ་ངོ་མཚར་བའི། །གདུང་རིགས་ལྷ་སྐུ་རིང་བསྲེལ་དཔག་མེད་སྤྲུལ། །སྲིད་མཐའི་བར་དུ་དད་ལྡན་བསོད་ནམས་ཞིང་། །མི་ཉམས་རྒྱས་

[Full Size]

པར་མཛད་ལ་གསོལ་བ་འདེབས། །ས་གསུམ་འགྲན་ཟླ་བྲལ་བ་ཆོས་ཀྱི་རྗེ། །དག་པའི་ཞིང་ནས་ཡེ་ཤེས་སྤྱན་གྱིས་གཟིགས། །གསོལ་འདེབས་བུ་ལ་ཐུགས་རྗེའི་ཤུགས་བསྐྱེད་ལ། །ཚེ་གཅིག་མངོན་འཚང་རྒྱ་བར་བྱིན་གྱིས་རློབས། ༈ །མཁས་གྲུབ་གཙང་མ་ཤངས་སྟོན་ལ་གསོལ་བ་འདེབས་པ་དཔལ་གྱི་སྒྲ་དབྱངས་ཞེས་བྱ་བ། །མཚན་དཔེའི་མེ་ཏོག་བསླབ་གསུམ་དྲི་ངད་འཕྲོ། །མཁྱེན་བརྩེའི་ཟེའུ་འབྲུ་དྲི་མེད་མཛེས་པའི་སྐུ། །མཐོང་ཐོས་དྲན་པས་གདུང་སེལ་ཤངས་སྟོན་པ། །མཁས་གྲུབ་ཆོས་རྗེའི་ཞབས་ལ་གསོལ་བ་འདེབས། །དལ་འབྱོར་སྡོང་པོ་ཚུལ་ཁྲིམས་ལོ་འདབ་རྒྱས། །ཐོས་བསམ་གཞི་བརྟན་ཏིང་འཛིན་པདྨོ་འཛུམ། །ཉམས་རྟོགས་འབྲས་བུའི་རོ་བཅུད་གཡུར་དུ་ཟ། །གཙང་མ་ཤངས་སྟོན་ཞབས་ལ༴ །ཤངས་ཀྱི་ཡུལ་དང་རྭ་རིགས་ཡབ་ཡུམ་ལ། །བཀྲ་ཤིས་དགེ་བའི་ལྟས་བཅས་སྐུ་འཁྲུངས་ནས། །ངེས་འབྱུང་མོས་

[Full Size]

གུས་སྙིང་རྗེ་ཚད་མེད་པས། །བྱིས་པའི་སྤྱོད་ལས་འདས་ལ༴ །རྙོགས་པ་མེད་པའི་ཚུལ་ཁྲིམས་རྒྱལ་མཚན་འཛིན། །བསླབ་པ་ཕྲ་མོ་དག་ཀྱང་སྲོག་བཞིན་བསྲུང་། །འཆད་རྩོད་རྩོམ་ལ་འགྲན་པའི་ཟླ་དང་བྲལ། །ཐོས་བསམ་རྒྱ་ཆེར་མཛད་ལ༴ །ལོངས་སྤྱོད་མཐའ་དག་ཆོས་ཀྱི་ཕྱོགས་སུ་བཏང་། །ཀྱལ་ཀའི་ཕྱིར་ཡང་བླ་མའི་གསུང་མི་གཅོག །ཚེ་འདིའི་འདུན་གྲོས་ཐམས་ཅད་ལིངས་ཀྱིས་བོར། །རྩེ་གཅིག་སྒྲུབ་པར་གཞོལ་ལ༴ །རི་གོང་ཆོས་རྗེ་སངས་རྒྱས་སྟོན་པའི་ཞལ། །མཐོང་བ་ཙམ་གྱིས་བཅོས་མིན་མོས་གུས་དང་། །ཏིང་འཛིན་མཆོག་སྐྱེས་བདུན་ཕྲག་ཞག་གི་ཁོངས། །ཆོས་དྲུག་ཡོན་ཏན་རྫོགས་ལ༴ །ཆིག་བརྒྱུད་བདུད་རྩི་ཐོག་མར་གསོལ་བ་ཡི། །སྐལ་ལྡན་ལུང་བསྟན་འཁོར་གྱི་དང་པོ་ཞེས། །འགྲན་ཟླ་བྲལ་བའི་ཐུགས་སྲས་དམ་པར་མཛད། །མཁས་གྲུབ་རྩོད་མེད་གྱུར་ལ༴ །

[Full Size]

འདི་དང་ཕྱི་མར་འགྲོ་དོན་དཔག་མེད་འབྱུང་། །བདེ་བ་ཅན་དུ་བཅུ་བཞིའི་ས་ཐོབ་ཅིང་། །བརྒྱུད་འཛིན་དང་བཅས་དག་པ་མཁའ་སྤྱོད་དུ། །འགྲོ་བའི་ལུང་བསྟན་བརྙེས་ལ༴ །རྡོ་རྗེ་ཕག་མོས་དབང་བཞིའི་ངོ་སྤྲོད་སྩལ། །ཨ་ཏིའི་ཁྲིད་གསན་ལྟ་སྟངས་བཅས་མ་ཐག །རིག་པ་ཚད་ཕེབ་འོད་གསལ་རྒྱ་འབྱམས་ཤར། །འཁྲུལ་སྣང་དབྱིངས་སུ་ནུབ་ལ༴ །བགེགས་སྐྱོན་མཐའ་དག་བདེ་བ་ཆེན་པོར་གྲོལ། །ཕྱི་ནང་སྣང་སྲིད་དག་པ་རབ་འབྱམས་གཟིགས། །སྒྲོལ་མས་བྱིན་བརླབས་མཉམ་རྗེས་འཁོར་ཡུག་འདྲེས། །ཌཱ་ཀི་དངོས་སུ་འདུ་ལ༴ །ཕྱིར་མི་ལྡོག་པའི་རྟགས་ཀུན་གསལ་བར་མངའ། །སྐུ་ལ་འབུ་སྲིན་དྲི་མེད་གཟི་མདངས་ལྡན། །ཞལ་རས་མཐོང་བ་ཙམ་གྱིས་སྣང་བ་འགྱུར། །ཐུགས་རྗེ་ཆེ་དངོས་ཁྱེད་ལ༴ །ནད་གདོན་མཐའ་དག་ཞལ་ཆབ་ཙམ་གྱིས་སེལ། །མཐོང་ཐོས་འབྲེལ་བའི་དད་ལྡན་རིས་མེད་ལ། །

[Full Size]

སྒྱུ་མ་འོད་གསལ་ལ་སོགས་ཏིང་ངེ་འཛིན། །ཚེགས་མེད་འཆར་བར་མཛད་ལ༴ །ཡོན་ཏན་མ་ལུས་སྦས་པའི་ཚུལ་དུ་བཞུགས། །བཞུགས་གདན་ན་བཟའ་ཕྲུགས་གཅིག་མ་གཏོགས་པ། །བདག་གིར་བཟུང་བའི་ཡོ་བྱད་ཀུན་སྤངས་ལ། །ཞེན་ལོག་མཐར་ཕྱིན་ཁྱེད་ལ༴ །འགྲོ་དོན་རྒྱ་ཆེར་མཛད་ནས་ཌཱ་ཀི་ཡི། །བསུ་བ་མཁའ་དབྱིངས་ཁྱབ་སོགས་ངོ་མཚར་བའི། །ཆོ་འཕྲུལ་བསྟན་ནས་དག་པའི་ཞིང་དུ་གཤེགས། །སྐུ་གདུང་རྒྱས་པར་མཛད་ལ་གསོལ་བ་འདེབས། །དཔལ་ལྡན་བླ་མའི་ཐུགས་རྗེའི་ལྕགས་ཀྱུ་ཡིས། །བདག་སོགས་འཁོར་བའི་འདམ་ལས་མྱུར་དྲངས་ཏེ། །ཚེ་འདིར་བསམ་དོན་ཆོས་བཞིན་འགྲུབ་པ་དང་། །ཕྱི་མར་སྐུ་གསུམ་གོ་འཕང་ཐོབ་མཛད་གསོལ། ༈ །མཁས་གྲུབ་བསམ་སྡིངས་པ་གཞོན་ནུ་གྲུབ་ལ་གསོལ་བ་འདེབས་པ་སྙན་པའི་སྒྲ་དབྱངས་ཞེས་བྱ་བ། །དྲི་མེད་རྣམ་ཐར་འགྱུར་མེད་རྟོགས་པའི་མཆོག །

[Full Size]

གཡེལ་མེད་ཐུགས་རྗེ་ཐོགས་མེད་མངོན་པར་ཤེས། །དོན་ལྡན་ཕྲིན་ལས་བདག་ཉིད་བསམ་སྡིངས་པ། །གཞོན་ནུ་གྲུབ་མཆོག་ཞབས་ལ་གསོལ་བ་འདེབས། །བསྔགས་འོད་ཡོན་ཏན་བརྒྱ་ལྡན་ཉང་སྨད་དུ། །ཁྱིམ་བདག་དྲྭ་མར་མཁའ་འགྲོའི་ལྷུམས་སུ་ཞུགས། །བལྟམས་ནས་དགུང་ལོ་བཞི་པར་གྲུབ་པའི་གནས། །གཟིགས་ཚེ་ཏིང་འཛིན་བརྙེས་ལ༴ །སྣར་ཐང་ཆོས་གྲྭར་མཚིམས་ལས་རབ་ཏུ་འབྱུང་། །མདོ་རྒྱུད་བསྟན་བཅོས་མན་ངག་ཀུན་ལ་སྦྱངས། །བཙུན་མཁས་ཤེས་རབ་ཟབ་མོའི་ཕ་རོལ་ཕྱིན། །རྣམ་སྤྱོད་འགྲན་ཟླ་བྲལ་ལ༴ །འཁོར་དང་ལོངས་སྤྱོད་ཚེ་འདིའི་དཔལ་འབྱོར་ཀུན། །མཆིལ་མའི་ཐལ་བ་ལྟ་བུར་རིང་དུ་བོར། །དཀའ་ཐུབ་དྲག་པོས་དགེ་སྦྱོར་དཔག་མེད་མཛད། །བྱ་བཏང་རྒྱལ་པོ་ཁྱེད་ལ༴ །མཚན་ལྡན་མཁས་གྲུབ་བརྒྱད་ཅུ་རྩ་གསུམ་བསྟེན། །ཐུགས་ཡིད་གཅིག་འདྲེས་ཐུགས་བཅུད་རྫོགས་པར་བཞེས། །

[Full Size]

ཀུན་གྱིས་གཟེངས་བསྟོད་ལུང་བསྟན་རྗེས་གནང་ཐོབ། །རྒྱལ་ཚབ་དབང་བརྙེས་གྱུར་ལ༴ །སངས་རྒྱས་སྟོན་པའི་དྲུང་དུ་ཕེབ་པའི་ལམ། །གསོལ་བ་བཏབ་པས་སྒྱུ་ལུས་རྨི་ལམ་གྱི། །ཏིང་འཛིན་རང་འཁྲུངས་ཞལ་རས་མཐོང་ཙམ་གྱིས། །རྟོག་ཚོགས་ཆོས་སྐུར་གྲོལ་ལ༴ །ཆིག་བརྒྱུད་ཐོག་དྲངས་ཟབ་ཆོས་མ་ལུས་པ། །བུམ་པ་གང་བྱོར་སྩལ་ཏེ་ང་ཡིས་ཆོས། །བདག་པོར་འཕྲོད་པས་འགྲོ་དོན་མཛོད་ཅིག་ཅེས། །གནང་བ་ལན་གསུམ་ཐོབ་ལ༴ །བཟོད་མེད་སྙིང་རྗེས་རང་བདེ་རིང་སྤངས་ནས། །ཡེངས་མེད་བརྩོན་པས་ཆོས་སྐུའི་ངང་དུ་འབྱམས། །འཁྲུལ་པའི་སྣང་བ་ནམ་ཡང་མི་མངའ་བ། །འོད་གསལ་ཁོར་ཡུག་གྱུར་ལ༴ །རྫོགས་པ་ཆེ་དང་གསུང་ངག་རིན་པོ་ཆེའི། །དགོངས་ཉམས་མཐར་ཕྱིན་སངས་རྒྱས་ཞིང་ཁམས་དང་། །འགྲོ་དྲུག་གནས་རྣམས་མ་བསྒྲིབས་ས་ལེར་གཟིགས། །ཡེ་ཤེས་སྤྱན་དང་

[Full Size]

ལྡན་ལ༴ །གཉན་ཁྲོད་དུ་མར་ལུས་སྲོག་ཐེད་ལ་བོར། །སྟོང་ཉིད་སྙིང་རྗེའི་བརྟུལ་ཞུགས་རླབས་ཆེན་གྱིས། །རང་སྣང་དབང་འདུས་གཞན་སྣང་ཟིལ་གྱིས་མནན། །སྤྱོད་ཡུལ་མཐར་ཕྱིན་ཁྱེད་ལ༴ །བླ་མའི་སྤྱན་སྔར་སྨོན་ལམ་མཛད་པའི་ཚེ། །བཀའ་བརྒྱུད་བླ་མ་བྱོན་ནས་བྱིན་གྱིས་བརླབས། །སྣང་སེམས་སྐུ་དང་ཞིང་ཁམས་ཡེ་ཤེས་ལས། །ནམ་ཡང་གཡོ་བ་མེད་ལ༴ །མཐོང་ཐོས་དྲན་རེག་གདུལ་བྱ་ཚད་མེད་པ། །ཐར་པའི་གྲོང་དུ་བཀོད་ནས་ངོ་མཚར་ལྟས། །བསམ་མི་ཁྱབ་བཅས་བདེ་བ་ཅན་དུ་གཤེགས། །རྣམ་འཕྲུལ་མཁའ་མཉམ་བསྟན་ལ༴ །ཆོས་ཀྱི་རྒྱལ་པོ་མཁས་གྲུབ་རིན་པོ་ཆེ། །དག་པའི་ཞིང་ནས་བརྩེ་བས་གཟིགས་མཛོད་ལ། །འགྲོ་ཀུན་སྲིད་པའི་མྱ་ངན་ལས་བསྒྲལ་ཞིང་། །སྒྲུབ་བརྒྱུད་བསྟན་པ་རྒྱས་པའི་དགེ་ལེགས་སྩོལ། ༈ །མཁས་བཙུན་འཇག་ཆེན་རྒྱལ་མཚན་འབུམ་ལ་གསོལ་བ་འདེབས་པ་རྣམ་གྲོལ་སྒྲ་དབྱངས་ཞེས་བྱ་བ། །

[Full Size]

སྨོན་ལམ་རྒྱ་མཚོ་དྲི་མེད་གཏིང་མཐའ་བྲལ། །རྨད་བྱུང་ཡོན་ཏན་རིན་ཆེན་གཏེར་གྱིས་གང་། །མཁས་བཙུན་སངས་རྒྱས་དཔལ་ལྡན་འཇག་ཆེན་པ། །རྒྱལ་མཚན་འབུམ་པའི་ཞབས་ལ་གསོལ་བ་འདེབས། །གྲུབ་རིགས་ཐིག་ལེ་སྤྲུལ་པའི་སྐུ་རུ་བསྟན། །མ་བསླབ་ཡི་གེ་རང་བརྡོལ་བློ་རྩལ་རྒྱས། །གཟིགས་པ་ཙམ་གྱིས་ཆོས་ཀུན་ཐུགས་ལ་འཁྲུངས། །གང་འདུལ་སྒྱུ་འཕྲུལ་སྟོན་ལ༴ །བསླབ་གཞི་ཀུན་བླངས་སྤང་བྱ་མཐའ་དག་སྤངས། །ངེས་འབྱུང་ཚུལ་ཁྲིམས་འཆལ་མེད་ཕ་རོལ་སོན། །ཐོས་པའི་བདུད་རྩི་ངོམས་པ་མེད་པར་གསོལ། །འཆད་མཁས་གྲགས་པས་ཁྱབ་ལ༴ །རྒྱུན་གཅོད་མཛད་ཚེ་མཁའ་འགྲོས་བྱིན་གྱིས་བརླབས། །བཏུང་བ་ཕལ་པ་རོ་ལྡན་བདུད་རྩིར་གྱུར། །ནག་པོ་ཆེན་པོས་ཞལ་བསྟན་བར་ཆད་བསལ། །རང་བཞིན་རྣལ་འབྱོར་གྱུར་ལ༴ །གཙང་མ་ཤངས་སྟོན་ཆེན་པོས་རྗེས་སུ་བཟུང་། །ཆོས་དང་

[Full Size]

བཀའ་ལུང་མཐའ་དག་རྫོགས་པར་སྩལ། །ཉམས་རྟོགས་ངེས་ཤེས་དབྱར་གྱི་ལྗོངས་ལྟར་འཁྲུངས། །རྒྱལ་བའི་གདུང་འཛིན་ཁྱེད་ལ༴ །གཉན་ཁྲོད་དུ་མར་སྤྱོད་ཡུལ་མཐར་ཕྱིན་མཛད། །དབྱེན་པ་རྣམས་སུ་ཡེངས་མེད་སྒྲུབ་ལ་བརྩོན། །བླ་མ་ཡི་དམ་རྣམས་ཀྱིས་ཞལ་བསྟན་ཅིང་། །ཌཱ་ཀིའི་ལུང་བསྟན་ཐོབ་ལ༴ །འོད་གསལ་མདངས་ལས་འཁོར་འདས་ཞིང་ཀུན་གཟིགས། །བླ་མ་རིན་ཆེན་སྣ་ལྔའི་དབང་ཞུ་དང་། །དཔེ་རྣམས་སྩལ་ནས་སྙན་བརྒྱུད་བདག་པོར་བསྐོས། །འགྲོ་དོན་རྗེས་སུ་གནང་ལ༴ །ཞལ་མཐོང་ཙམ་གྱིས་གཞན་སྣང་འགྱུར་བ་དང་། །དགོངས་པ་གཏད་པས་ནད་གདོན་མཐའ་དག་ཞི། །ཆོས་འདོད་ཙམ་ལ་ཏིང་འཛིན་སྐྱེད་པར་ནུས། །སྣང་སེམས་དབང་དུ་མཛད་ལ༴ །ལན་རེ་ཡི་དམ་ལྷ་ཡི་སྐུ་རུ་བཞེངས། །སྐབས་སུ་དཔའ་བོ་ཌཱ་ཀིས་ཞབས་ཏོག་སྒྲུབ། །འབྱུང་པོ་ཆེ་དགུས་འདུད་ཅིང་ཅི་བཅོལ་ཉན། །གྲུབ་པའི་སྤྱི་རྗེ་ཁྱོད་ལ༴ །རྩ་

[Full Size]

གསུམ་གནང་བ་ཇི་བཞིན་གདམས་ངག་རྣམས། །ཡི་གེར་བཀོད་པས་ཐུབ་བསྟན་ཇི་སྲིད་པར། །སྒྲུབ་བརྒྱུད་སྙིང་པོ་རྒྱུན་མི་ཆད་མཛད་པ། །བཀའ་དྲིན་བསམ་ལས་འདས་ལ༴ །སྐལ་ལྡན་བྱེ་བ་སྙེད་ཀྱི་དོན་མཛད་ནས། །སྐུ་ལུས་བཀོད་པ་དུ་མས་ཆོས་བསྟན་སོགས། །བདེ་ལྡན་ཞིང་དུ་ཆོ་འཕྲུལ་ཆེན་པོས་གཤེགས། །རིང་བསྲེལ་དཔག་མེད་སྤྲུལ་ལ་གསོལ་བ་འདེབས། །རྨུ་རྒོད་བདག་སོགས་སྙིགས་མར་ཆུད་པ་རྣམས། །མཁས་བཙུན་སངས་རྒྱས་ཆེན་པོས་བྱིན་རློབས་ལ། །རང་སེམས་ཆོས་སྐུ་མངོན་སུམ་རྟོགས་པ་དང་། །བསམ་དོན་ཆོས་བཞིན་འགྲུབ་པར་མཛད་དུ་གསོལ། །དེ་ནས་འཇག་བསམ་གཉིས་ཀྱི་གདན་སློབ་བརྒྱུད་པ་ནི་མཐའ་ཡས་པས་འབྲི་བར་རྡོ་མི་ཐོགས་ཀྱང་རང་ལུགས་བརྒྱུད་པར་ཤིན་ཏུ་གལ་ཆེ་བ་ནི། །ཁྱུང་པོ་ཚུལ་ཁྲིམས་མགོན་པོ་ལ་གསོལ་བ་འདེབས་པ་པདྨའི་སྒྲ་དབྱངས་ཞེས་བྱ་བ། །སྤྲོས་བྲལ་མཁའ་ལ་ཐུགས་རྗེའི་དཀྱིལ་འཁོར་རྒྱས། །བྱིན་རླབས་འོད་ཀྱིས་སྐྱེ་དགུའི་

[Full Size]

མུན་པ་སེལ། །ཡེ་ཤེས་སྣང་བ་སྐྱེད་མཛད་སྤྲུལ་པའི་སྐུ། །ཚུལ་ཁྲིམས་མགོན་པོའི་ཞབས་ལ་གསོལ་བ་འདེབས། །སྐྱེ་འགགས་གནས་བྲལ་ཆོས་སྐུའི་མཁའ་དབྱིངས་ལས། །ངེས་པ་ལྔ་ལྡན་ལོངས་སྤྱོད་སྤྲིན་དུ་སྣང་། །སྣ་ཚོགས་གང་འདུལ་སྤྲུལ་པའི་སྒྱུ་འཕྲུལ་གྱིས། །མཁའ་ཁྱབ་གདུལ་བྱ་འདུལ་ལ༴ །སྲིད་པའི་རྩ་བ་བྱང་ཆུབ་སྙིང་པོར་བཅད། །ཞིང་ཁམས་རྒྱ་མཚོར་རྒྱལ་བའི་ཕྲིན་ལས་ཀྱིས། །ཡོངས་སུ་ཁྱབ་ཀྱང་ཁྱད་པར་དག་པའི་ཞིང་། །བདེ་བ་ཅན་དུ་བཞུགས་ལ༴ །གཞན་སྣང་རྒྱལ་སྲས་སྙིང་སྟོབས་ཆེན་པོ་ཡི། །ངང་ཚུལ་བཟུང་ནས་རྒྱལ་བའི་ཆོས་འཛིན་ཅིང་། །ཞིང་ཁམས་ཡོངས་སྦྱོང་འགྲོ་མང་སྨིན་པ་སོགས། །རྣམ་ཐར་བསམ་མི་ཁྱབ་ལ༴ །རྙོགས་པ་ལྔ་དང་ལྡན་པའི་འཇིག་རྟེན་ལ། །སྙིང་རྗེའི་སྟོབས་ཅན་ལྷག་པར་བརྩེ་བས་ན། །མི་མཇེད་འཛམ་གླིང་བྱང་ཕྱོགས་བསིལ་ལྡན་དུ། །བསམ་བཞིན་སྲིད་པར་རོལ་ལ༴ །

[Full Size]

སྤང་རྟོགས་ཕ་མཐར་སོན་པས་རང་གི་དོན། །ཆེད་དུ་བྱ་བ་རྡུལ་ཙམ་མ་དམིགས་ཀྱང་། །གདུལ་བྱ་ཐར་པའི་ལམ་དུ་དཀྲི་བའི་ཕྱིར། །བསྟན་པར་རིམ་འཇུག་མཛད་ལ༴ །གསང་གསུམ་རྡུལ་བྲལ་གསེར་གྱི་ལྷུན་པོ་ལ། །ཆོས་ཀྱི་བླ་གོས་ཐུན་མཚམས་དམར་འོད་འཁྱུད། །ལྷག་པའི་བསླབ་པ་ཉི་ཟླའི་དཀྱིལ་འཁོར་གྱིས། །ཁམས་གསུམ་མུན་པ་སེལ་ལ༴ །ཐོས་པའི་ཆུ་གཏེར་མཁྱེན་རབ་ནོར་བུས་གཏམས། །རྨད་བྱུང་བསམ་པའི་རླབས་ཕྲེང་ཀུན་ཏུ་གཡོ། །སྒོམ་པ་རིན་ཆེན་རི་དབང་ལྷུན་མཐོ་བས། །གླིང་བཞིའི་རྒྱན་དུ་གྱུར་ལ༴ །ཙང་མ་ཤངས་སྟོན་ཚུལ་ཁྲིམས་འབུམ་པའི་ཞབས། །བསྙེན་པའི་ཚུལ་མཛད་སྙན་བརྒྱུད་བདུད་རྩིས་བཅུད། །ཐུགས་སུ་བསྐྱིལ་ནས་སྒོམ་པའི་རོ་མྱང་བས། །རྟོགས་གྲོལ་དུས་མཉམ་གྱུར་ལ༴ །སངས་རྒྱས་བྱང་སེམས་རྣམས་ཀྱིས་ལུང་བསྟན་ཅིང་། །གྲུབ་པ་རྣལ་འབྱོར་ཡོངས་

[Full Size]

ཀྱི་བྱིན་གྱིས་བརླབས། །གནས་གསུམ་མཁའ་འགྲོའི་ཚོགས་ཀྱི་རྗེ་བོ་མཛད། །གདུལ་བཞིའི་ཆོ་འཕྲུལ་སྟོན་ལ༴ །རྡུལ་གཅིག་སྟེང་ན་རྡུལ་སྙེད་ཞིང་ཁམས་གཟིགས། །དེ་སྙེད་རྣམས་སུ་རྣམ་འཕྲུལ་མཐའ་ཡས་སྤྲོ། །རང་རང་སྐད་དུ་ཆོས་སྒོ་བསམ་ཡས་སྟོན། །སངས་རྒྱས་ཕྲིན་ལས་མཛད་ལ༴ །རྒྱལ་འཕགས་རྣམས་དང་བཀའ་ཡི་བགྲོ་བ་མཛད། །མཆོག་གྲུབ་རྣམས་དང་ཉམས་ཀྱི་གླེང་མོ་འཆད། །མཁའ་འགྲོ་རྣམས་དང་གསང་བའི་བརྟུལ་ཞུགས་སྤྱོད། །ངོ་མཚར་བསམ་མི་ཁྱབ་ལ༴། མཐོང་ཐོས་དྲན་དང་ཆ་ཤས་རེག་པ་ཡང་། །རྣམ་གྲོལ་གཏན་གྱི་བདེ་བར་དབུགས་དབྱུང་སྩལ། །མི་མིན་མི་སྲུན་གདུག་པའི་སེམས་ཞི་ནས། །བྱང་སེམས་མྱུ་གུ་བསྐྲུན་ལ༴ །འཕགས་བོད་མཁས་བཙུན་གྲུབ་པ་མ་ལུས་པའི། །རྣམ་ཐར་སྙིང་པོ་གཅིག་ཏུ་བསྡུས་པ་བཞིན། །འཇིག་རྟེན་གསུམ་ན་འགྲན་གྱི་ཟླ་མེད་པས། །ཁྱུང་པོ་གསུམ་པར་གྲགས་ལ༴ །སྐལ་ལྡན་རྣམས་

[Full Size]

ལ་གསང་བའི་མཛོད་ཁང་སྩལ། །བདེ་ལྡན་ཞིང་དུ་ཆོ་འཕྲུལ་ཆེན་པོས་གཤེགས། །སླར་ཡང་བསམ་མི་ཁྱབ་པའི་རྣམ་རོལ་གྱིས། །གདུལ་བྱ་འདུལ་བར་མཛད་ལ་གསོལ་བ་འདེབས། །བདག་སོགས་སྐྱེ་དགུའི་ལུས་ངག་ཡིད་གསུམ་ལ། །གསང་བ་གསུམ་གྱི་བྱིན་རླབས་རབ་ཞུགས་ཏེ། །མི་ཟད་རྒྱུན་གྱི་འཁོར་ལོའི་རྣམ་ཐར་སྤྲིན། །ཆོས་དབྱིངས་ཀུན་ཁྱབ་ཁྱོད་དང་མཚུངས་པར་ཤོག ༈ །བྱ་བྲལ་རི་ཁྲོད་རས་ཆེན་ལ་གསོལ་བ་འདེབས་པ་གསང་བའི་སྒྲ་དབྱངས་ཞེས་བྱ་བ། །གངས་དཀར་ཁྲོད་དུ་གདོང་ལྔའི་དབང་པོ་བཞིན། །བས་མཐའ་དབྱེན་པའི་གནས་སུ་ལྟོས་མེད་བཞིས། །བསྙེངས་བྲལ་བརྟུལ་ཞུགས་སྤྱོད་པའི་བྱ་བྲལ་བ། །རི་ཁྲོད་རས་ཆེན་ཞབས་ལ་གསོལ་བ་འདེབས། །སྙིང་པོའི་རིགས་མཆོག་ཡོངས་སུ་སད་པ་ལས། །འདིར་སྣང་བདེ་འབྱོར་རྨི་ལམ་རྒྱལ་སྲིད་ལ། །ཆུ་ཤིང་ལྟ་བུར་སྙིང་པོ་མེད་གཟིགས་

[Full Size]

ནས། །དལ་འབྱོར་དོན་ཡོད་མཛད་ལ༴ །འཁོར་བའི་གནས་རིས་མཐོ་དམན་གང་དུ་ཡང་། །སྡུག་བསྔལ་རང་བཞིན་ཤ་བཙོན་ཁང་བུ་ལྟར། །ལྟར་སྣང་བདེ་བའང་སྡུག་བསྔལ་རྒྱུར་གཟིགས་ནས། །ངེས་འབྱུང་ཁོང་ནས་བརྡོལ་ལ༴ །ལྷ་མིའི་དབང་ཕྱུག་མཆོག་གི་དཔལ་འབྱོར་ཡང་། །མི་རྟག་འགྱུར་བ་གློག་གི་གར་མཁན་བཞིན། །ཕ་རོལ་རྗེས་འབྲངས་ཏིལ་ཙམ་མེད་གཟིགས་ནས། །ཞེན་ལོག་མཐའ་རུ་ཕྱིན་ལ༴ །རྙེད་བཀུར་གྲགས་སོགས་ཆོས་བརྒྱད་བསླུ་བྲིང་རྣམས། །སྲིན་མོའི་གླིང་བཞིན་ཐར་པའི་སྲོག་གཅོད་དུ། །མཁྱེན་ནས་རྨི་ལམ་དུ་ཡང་དོར་མཛད་པས། །འཁོར་བར་ཕྱི་ཕྱག་འཚལ་ལ༴ །ཆེད་དུ་བཅོས་དང་གཞན་གྱིས་བསྐུལ་མིན་པར། །མཆོག་ལ་དད་གུས་དམན་ལ་སྙིང་རྗེའི་ཤུགས། །འཕེལ་འགྲིབ་མི་མང་འདུས་མཐའི་མེ་བཞིན་འབར། །རྒྱལ་སྲས་སེམས་དཔའ་ཆེན་པོར༴ །བཤེས་གཉེན་བསྟེན་སོགས་ཆོས་བཞིན་བསྒྲུབ་

[Full Size]

པའི་བློ། །པདྨོའི་མཚོ་ལ་དང་མོ་འཇུག་པ་བཞིན། །སྐྱེས་བུ་དམ་པའི་རྣམ་ཐར་ཡོངས་རྫོགས་པས། །དགོངས་སྤྱོད་དྲི་མ་མེད་ལ༴ །ཁྱད་པར་ཁྱུང་པོ་གསུམ་པའི་ཞབས་པདྨོ། །མི་ཕྱེད་གུས་པས་གཙུག་གི་རྒྱན་དུ་བཀོད། །མཉེས་པ་རྣམ་དགུའི་ཟབ་གསང་བཅུད་ནོས་ཏེ། །རྒྱལ་བའི་གདུང་འཛིན་གྱུར་ལ༴ །མཆོག་གི་ཙཎྜ་ལཱི་ཡི་གཟི་བརྗིད་འབར། །འཁོར་འདས་ཆོས་ཀུན་སྒྱུ་མའི་ལུས་སུ་རྟོགས། །འོད་གསལ་ཕྱག་རྒྱ་ཆེན་པོར་སྙོམས་པར་འཇུག །ཉིད་འཁྲུལ་ལྷ་སྐུར་ཤར་ལ༴ །འགྱུར་མེད་བདེ་དང་སྟོང་པའི་རོས་མྱོས་ཏེ། །སྣང་སྲིད་ཟིལ་གནོན་བརྟུལ་ཞུགས་གར་བརྒྱ་ཡིས། །འཁྲུལ་པའི་སྣང་བ་དབྱིངས་སུ་བཅིལ་མཛད་པས། །སྐལ་ལྡན་སྤྲོ་བསྐྱེད་ལ༴ །སྙིགས་དུས་ཆོས་མིན་རྣམ་དཔྱོད་བདུད་རིས་ཀྱི། །སྡོང་ཟླར་བཅས་པས་འགྲོ་མང་བསླུས་གཟིགས་ནས། །ཆོས་ལྟར་བཅོས་པའི་གཞན་དབང་མ་ཤོར་བར། །ཡང་དག་ཆོས་

[Full Size]

མཐར་ཕྱིན་ལ༴ །དྭངས་མའི་སྐུ་ལ་རས་དཀར་བླ་གོས་འཁྱུད། །དོ་ཧའི་གླུ་དབྱངས་དཔལ་གྱི་མགུར་ནས་ལེན། །དགོངས་པའི་དྲོད་གཏད་ལས་ཅན་ཤེས་རྒྱུད་དུ། །རྡོ་རྗེའི་ཡེ་ཤེས་འབེབས་ལ༴ །རྣལ་འབྱོར་དབང་ཕྱུག་ཐུགས་རྗེའི་སྟོབས་སྐྱེད་ལ། །བདག་བློ་ཆོས་མིན་གཡང་ས་ལས་སྒྲོལ་ཏེ། །སྲིད་ལ་ངེས་འབྱུང་བྱང་ཆུབ་ཁང་བཟང་དུ། །ཆོས་ཀྱི་རྒྱལ་པོའི་དཔལ་བརྙེས་བྱིན་གྱིས་རློབས། ༈ །མཁྱེན་ལྡན་ཤངས་པ་དཀར་པོ་ལ་གསོལ་བ་འདེབས་པ་རྣམ་དག་སྒྲ་དབྱངས་ཞེས་བྱ་བ། །དྲི་མེད་མཁྱེན་རབ་ནམ་མཁའི་ཁྱོན་ལྟར་ཡངས། །དམིགས་མེད་བརྩེ་བའི་ཐུགས་རྗེ་གཏིང་མཐའ་བྲལ། །ཕྲིན་ལས་བསམ་མི་ཁྱབ་པའི་ཤངས་དཀར་བ། །རིན་ཆེན་རྒྱལ་མཚན་ཞབས་ལ་གསོལ་བ་འདེབས། །རྟག་ཆད་མཐའ་ལས་རྣམ་གྲོལ་ཆོས་ཀྱི་དབྱིངས། །འགྱུར་བ་མེད་ལས་ཐུགས་རྗེ་ཆེན་པོའི་རྩལ། །མོས་པ་སྣ་ཚོགས་གཟུགས་སུ་རྣམ་འཕྲུལ་པས། །དུས་གསུམ་གདུལ་བྱ་འདུལ་ལ༴ །སྤྲིན་

[Full Size]

ཚོགས་ནམ་མཁའི་ཀློང་དུ་གཅིག་པ་བཞིན། །བརྒྱུད་འཛིན་གཟུགས་སྐུའི་རྣམ་འགྱུར་དུ་མ་ཡང་། །ཡེ་ཤེས་ཌཱ་ཀིའི་དབྱིངས་སུ་རོ་གཅིག་ཕྱིར། །བསམ་བཞིན་སྲིད་པ་བཟུང་ལ༴ །མཐོ་རིས་འབྱོར་པའི་ལང་ཚོས་མཛེས་པའི་སྐུ། །འདམ་གྱི་ཁྲོད་དུ་སྐྱེས་པའི་པདྨ་བཞིན། །སྲིད་ན་སྲིད་པའི་སྐྱོན་གྱིས་མ་གོས་པས། །ལྷར་བཅས་ངོ་མཚར་སྐྱེད་ལ༴ །རང་བཞིན་གྱིས་གྲུབ་སྤོབས་པའི་ཆུ་གཏེར་དུ། །སྦྱོར་བྱུང་ཐོས་པའི་ཆུ་ཀླུང་བྱེ་བ་སྡུད། །ཡོན་ཏན་ཀུན་གཞི་ལྷག་པའི་ཚུལ་ཁྲིམས་ཀྱི། །གྲོང་ཁྱེར་ཉམས་དགར་འཛེགས་ལ༴། རིས་མེད་ཚད་མའི་སྐྱེས་བུའི་ཞབས་བསྟེན་ནས། །གདམས་ངག་བདུད་རྩིའི་བཅུད་གསོལ་ཁྱད་པར་དུ། །མཁའ་འགྲོའི་དབང་ཕྱུག་རི་ཁྲོད་རས་ཆེན་ལས། །དོན་བརྒྱུད་རྟོགས་པ་བརྙེས་ལ༴ །རྡོ་རྗེ་འཆང་གི་དགོངས་པའི་བཅུད་ཟབ་མོ། །ཡེ་ཤེས་མཁའ་འགྲོའི་གསང་ཚིག་མ་བསླད་པ། །ཐབས་ལམ་ཆོས་དྲུག་

[Full Size]

གྲོལ་ལམ་ཕྱག་རྒྱ་ཆེ། །བརྩོན་པས་ཉམས་སུ་བཞེས་ལ༴ །རོ་རྐྱང་ཉི་ཟླའི་བགྲོད་པ་ཀུན་འདར་མར། །བཙན་ཐབས་སྦྱོར་བས་ཡོངས་སུ་བཅིངས་ནས་སུ། །མ་དག་ལས་རླུང་ཟག་པའི་གྲོང་ཁྱེར་ཀྱི། །འཁྲུལ་འཁོར་བཅོམ་པར་མཛད་ལ༴ །ཞུ་བདེ་འགྱུར་བ་མེད་ལ་བརྟན་པ་ཐོབ། །སྣང་གྲགས་རྟོག་ཚོགས་ཆུ་ཟླ་ལྟ་བུར་གཟིགས། །དཔའ་བོ་རྣལ་འབྱོར་མ་དང་སྐལ་མཉམ་གྱུར། །བདེ་ཆེན་ཡེ་ཤེས་བརྙེས་ལ༴ །སྤྲིན་བྲལ་མཁའ་ལ་ཉིན་བྱེད་དབང་པོ་བཞིན། །རྣམ་དག་སེམས་ལ་ཡེ་ཤེས་ཉི་མ་ཤར། །ཇི་ལྟ་ཇི་སྙེད་མཁྱེན་པའི་སྣང་བ་རྒྱས། །ཆོས་ཉིད་བདེན་པ་གཟིགས་ལ༴ །ཆུ་ཀླུང་རྒྱུན་ཆད་མེད་པར་འབབས་པ་བཞིན། །བརྟན་ཐོབ་སེམས་ལ་མཉམ་རྗེས་རིས་མ་ཆད། །བདེ་གསལ་མི་རྟོག་འཕེལ་གྲིབ་མེད་པར་མྱོང་། །ཉམས་རྟོགས་མཐའ་རུ་ཕྱིན་ལ༴ །རི་རྒྱལ་ལྷུན་པོ་གཡོ་འགུལ་མེད་པ་བཞིན། །འཁྲུལ་རྟོག་རྐྱེན་གྱིས་ནམ་ཡང་

[Full Size]

གཡོ་བ་མེད། །གཞན་ཏུ་མི་ཚོལ་སངས་རྒྱས་རང་ལས་རྙེད། །འབྲས་བུ་མངོན་གྱུར་ཁྱེད་ལ༴ །རང་དོན་ཟུང་འཇུག་གྲུབ་པའི་རྒྱལ་སར་གཤེགས། །གཞན་དོན་གང་འདུལ་ཕྲིན་ལས་བསམ་ཡས་ཀྱིས། །སྐལ་དམན་ཚར་བཅད་སྐལ་ལྡན་རྗེས་སུ་བཟུང་། །བཀའ་བརྒྱུད་རྒྱལ་རབས་སྤེལ་ལ༴ །ཐར་པའི་ལམ་སྟོན་དགེ་བའི་བཤེས་དང་མཇལ། །ལམ་མཆོག་རྡོ་རྗེ་ཐེག་པའི་གསང་བར་སྤྱོད། །ལམ་གྱི་མངོན་རྟོགས་རྩོལ་མེད་རྒྱུད་ལ་སྐྱེས། །ལམ་གསང་མཐའ་རུ་ཕྱིན་པར་བྱིན་གྱིས་རློབས། ༈ །མཉམ་མེད་སངས་རྒྱས་དཔལ་བཟང་ལ་གསོལ་བ་འདེབས་པ་བདུད་རྩིའི་སྒྲ་དབྱངས་ཞེས་བྱ་བ། །སངས་རྒྱས་བསྟན་པ་ཡོངས་ཀྱི་དཔལ་དུ་ཤར། །ཁྱད་པར་བཀའ་བརྒྱུད་བསྟན་པའི་མངའ་བདག་མཆོག །འགྲན་ཟླ་ཀུན་བྲལ་མཉམ་མེད་ལྐུགས་ལུང་པ། །སངས་རྒྱས་དཔལ་བཟང་ཞབས་ལ་གསོལ་བ་འདེབས། །དག་པའི་སར་གནས་དབང་ཆེན་ཐོབ་པ་ཡི། །

[Full Size]

གཟུགས་སྐུའི་ཟླ་གཞོན་གདུལ་བྱའི་ཆུ་སྣོད་དུ། །རྣམ་པར་གསལ་ནས་བསྟན་དང་འགྲོ་དོན་གྱི། །སྒྱུ་འཕྲུལ་ཅི་ཡང་སྟོན་ལ༴ །སྨོན་ལམ་མཐུ་ཅན་སྲིད་བདེའི་སླུ་བྲིད་ཀྱིས། །མི་གཡེང་བཟང་པོ་སྤྱོད་པ་ཆོས་ཉིད་ཕྱིར། །དཔལ་འབྱོར་མཆིལ་མའི་ཐལ་བ་རིང་དུ་བཏང་། །གཏན་བདེའི་འདུན་མ་བརྩམས་ལ༴ །ཆོས་མིན་ཆོས་ལྟར་བཅོས་པས་སྐྱེ་བོ་རྣམས། །འཕྲལ་ཡུན་ངན་འགྲོའི་རྒྱུ་རུ་སྦྱོར་གཟིགས་ནས། །སྟོན་པའི་བསྟན་པ་ཡང་དག་སྙིང་པོའི་ཚུལ། །འཆུག་མེད་བཙལ་བར་མཛད་ལ༴ །འཇིགས་སྐྱོབ་ལེགས་སྨོན་ཙམ་མིན་ཁམས་གསུམ་ལས། །ངེས་པར་འབྱུང་བའི་ཚུལ་ཁྲིམས་ཡིད་བཞིན་ནོར། །ལྷག་བསམ་བྱང་སེམས་རྒྱལ་མཚན་རྩེར་བཀོད་པས། །ཕན་བདེའི་འབྱུང་གནས་གྱུར་ལ༴ །ཤེས་པའི་དོན་རྟོགས་ཤེས་བྱའི་ཆོས་ཀུན་མཁྱེན། །སྐྱེ་མེད་དོན་གཟིགས་འགག་མེད་བརྩེ་བ་ཤར། །ནང་གི་ལམ་བགྲོད་ཕྱི་རུ་ནུས་པའི་མཐུས། །

[Full Size]

སྣ་ཚོགས་གདུལ་བྱ་འདུལ་ལ༴ །མཁས་གྲུབ་ཀུན་ལས་མདོ་སྔགས་གདམས་པའི་བཅུད། །ངོམས་མེད་བཞེས་ཀྱང་སྔོན་འབྲེལ་བླ་མའི་མཆོག །མཁྱེན་ལྡན་ཤངས་པ་དཀར་པོས་རྗེས་བཟུང་ཞིང་། །ལས་འཕྲོ་སད་པར་མཛད་ལ༴ །སྙན་བརྒྱུད་ནོར་བུའི་མཛོད་ཆེན་རང་ནོར་བཞིན། །ལོངས་སུ་སྤྱད་པས་ཉམས་དང་རྟོགས་པའི་དཔྱིད། །དབྱར་གྱི་སྨན་ལྗོངས་ལྟ་བུར་རྒྱས་པ་ཡིས། །རིན་ཆེན་བརྒྱུད་པ་ཟིན་ལ༴ །མ་དག་རྩ་ཡི་མདུད་པ་མཐའ་དག་གྲོལ། །གཟུང་འཛིན་རྒྱུ་བ་དབུ་མའི་སྦུབས་སུ་ཐིམ། །འཕོ་བཅས་ཐིག་ལེ་འགྱུར་མེད་བདེ་བར་གྲུབ། །གྲུབ་པའི་སྤྱི་རྗེར་གྱུར་ལ༴ །བློས་བྱས་རྩོལ་བའི་འཛིན་སྟངས་དབྱིངས་སུ་ཡལ། །ཐ་མལ་ཞེན་པའི་འཁྲུལ་རྟོག་རང་སར་དག །ཅིར་སྣང་དག་པ་རབ་འབྱམས་ཆེན་པོའི་ངང་། །ཡེ་ཤེས་འཁོར་ལོར་ཤར་ལ༴ །ཀུན་རྫོབ་ལས་སྣང་སྒྱུ་མའི་དཔེ་ལྟར་

[Full Size]

གཟིགས། །དོན་དམ་ཆོས་སྐུའི་དགོངས་པ་མངོན་དུ་གྱུར། །ཟུང་འཇུག་བདེ་ཆེན་ཡེ་ཤེས་གར་གྱིས་རོལ། །བརྟན་གཡོ་བྱིན་གྱིས་བརླབས་ལ༴ །གང་འབྲེལ་བློ་སྣ་དམ་པའི་ཆོས་ལ་སྒྱུར། །སྐལ་ལྡན་ཚེ་གཅིག་སངས་རྒྱས་ས་ལ་སྐྱེལ། །མི་མིན་གདུག་པའི་སེམས་ཀྱང་ཞི་བར་མཛད། །སྣང་བ་དབང་སྒྱུར་དེ་ལ༴ །གསང་བའི་བརྟུལ་ཞུགས་ཕྱོགས་མེད་གྲུབ་པ་ཡིས། །ཕྱོགས་ལས་རྣམ་རྒྱལ་སྤྱོད་པ་མཐར་ཕྱིན་ཅིང་། །རྡོ་རྗེའི་ལམ་ནས་མི་སློབ་བཟུང་འཇུག་གི། །གོ་འཕང་མངོན་ཏུ་མཛད་ལ༴ །ཕྱི་རུ་ཆོས་བརྒྱད་འཁྲུལ་པའི་རྫུན་ཕུག་ཞིག །ནང་དུ་ཞུ་བདེ་འགྱུར་མེད་འོད་འབར་ཞིང་། །གསང་བ་བློ་བྲལ་ཆོས་སྐུ་རྗེན་པར་མཐོང་། །མཉམ་མེད་སངས་རྒྱས་རྣམ་ཐར་མྱུར་འགྲུབ་ཤོག ༈ །ཁྱུང་པོ་ཚུལ་ཁྲིམས་མགོན་པོ་ནས་འདི་བར་བླ་མ་བཞིའི་རྣམ་ཐར་ཞིབ་པར་མ་མཇལ་བས་སྤྱི་བསྟོད་ཙམ་དུ་བགྱིས་པའོ། །རྟོགས་ལྡན་ནམ་མཁའ་རྒྱལ་མཚན་ལ་གསོལ་བ་འདེབས་པ་ཟག་མེད་སྒྲ་དབྱངས་

[Full Size]

ཞེས་བྱ་བ། །ནམ་མཁའི་དབྱིངས་སུ་ཉི་མའི་དཀྱིལ་འཁོར་བཞིན། །གངས་ཅན་ལྗོངས་སུ་བཀའ་བརྒྱུད་རིན་པོ་ཆེའི། །བསྟན་པའི་རྒྱལ་མཚན་འཛིན་ལ་མཚུངས་བྲལ་བ། །ནམ་མཁའ་རྒྱལ་མཚན་ཞབས་ལ་གསོལ་བ་འདེབས། །སྤྲོས་པའི་འཆིང་གྲོལ་སྲེད་ལེན་མཚམས་སྦྱོར་ནི། །གདོད་ནས་སྤངས་ཀྱང་སློབ་པའི་ལམ་རྣམས་སུ། །ཐུགས་བསྐྱེད་སྨོན་ལམ་མཐུ་ལས་གཞན་སྣང་དུ། །རྣམ་འཕྲུལ་ཅི་ཡང་སྟོན་ལ༴ །མཁས་གྲུབ་སྐྱེས་མཆོག་དུ་མ་བྱུང་བའི་ཡུལ། །སངས་རྒྱས་གཉིས་པ་པདྨས་བྱིན་བརླབས་པའི། །གནས་མཆོག་ཁྱད་འཕགས་ཤངས་ཕུའི་དགོན་གསར་དུ། །བསམ་བཞིན་སྲིད་པ་བཟུང་ལ༴ །རྣམ་དག་རྗེའུའི་རིགས་དང་ཞང་གི་རུས། །གཟིགས་པས་དགོངས་ཏེ་ལྷུམས་སུ་ཞུགས་པའི་ཚེ། །ངོ་མཚར་དགེ་མཚན་དུ་མས་ཡབ་ཡུམ་གྱི། །ལུས་སེམས་བྱིན་གྱིས་བརླབས་ལ༴ །མཛེས་སྐུ་དཔག་

[Full Size]

བསམ་གསར་པའི་མྱུ་གུ་ལ། །སྐྱེས་ཐོབ་དགེ་བའི་དྲི་བསུང་ཅི་ཡང་འཕྲོ། །མཐོ་རིས་འབྱོར་པའི་ཁོ་ལག་ཡོངས་རྫོགས་ཤིང་། །བསླབ་གསུམ་མེ་ཏོག་འཛུམ་ལ༴ །དྲན་དང་ཤེས་བཞིན་རྟག་ཏུ་བག་ཡོད་པས། །བཅས་དང་རང་བཞིན་ཁ་ན་མ་ཐོ་བའི། །ཉེས་པའི་དྲི་མས་རྡུལ་ཙམ་མ་གོས་པས། །བཙུན་པའི་དཔེ་རུ་གྱུར་ལ༴ །ནགས་ཀྱི་རིན་ཆེན་ཕྱོགས་ལས་རྣམ་རྒྱལ་སོགས། །མཁས་གྲུབ་དུ་མའི་ཞབས་རྡུལ་སྤྱི་བོས་བསྙེན། །མོས་གུས་ཤེར་བརྩོན་ཉམས་བཞེས་ནན་ཆགས་ཀྱིས། །ཀུན་གྱི་ཐུགས་སྲས་གྱུར་ལ༴ །ཐེག་པ་གསུམ་དང་རྒྱུད་སྡེ་བཞིས་བསྡུས་པའི། །བཀའ་དང་བསྟན་བཅོས་ཚིག་དོན་ཐུགས་སུ་ཆུད། །འཆད་རྩོད་རྩོམ་ལ་མི་འཇིགས་སྤོབས་པ་བརྙེས། །འགྲན་ཟླ་ཀུན་དང་བྲལ་ལ༴ །གྲུབ་བརྙེས་སངས་རྒྱས་མཚན་ཅན་ཐུགས་ཀྱི་བཅུད། །རྫོགས་པར་བཞེས་ནས་དཀའ་བ་ཁྱད་བསད་དེ། །དབེན་པ་བསྟེན་པས་བསྐྱེད་དང་

[Full Size]

རྫོགས་པ་ཡི། །ཏིང་འཛིན་དབང་ཐོབ་གྱུར་ལ༴ །བདེ་དྲོད་རང་འབར་བྱང་སེམས་འཛག་མེད་བརྟན། །སྣང་བ་བདེན་མེད་འོད་གསལ་ཁོར་ཡུག་ཤར། །རྨི་ལམ་རྩལ་འབྱོངས་དག་པའི་ཞིང་ཀུན་བགྲོད། །སྤྱན་དང་མངོན་ཤེས་མངའ་ལ༴ །མཉམ་བཞག་འོད་གསལ་ཆོས་སྐུ་མངོན་ཏུ་གྱུར། །རྗེས་ཐོབ་རྩོལ་མེད་སྙིང་རྗེའི་ནུས་པ་ཡིས། །མི་དང་མི་མ་ཡིན་ཀུན་རྒྱུད་དུལ་ཞིང་། །སྣང་བ་དབང་དུ་སྒྱུར་ལ༴ དུས་འཁོར་ཕག་མོ་སྤྱན་གཟིགས་ཞི་དྲག་སོགས། །ལྷག་པའི་ལྷ་ཞལ་གཞན་ལ་སྟོན་ནུས་ཤིང་། །མཁའ་འགྲོ་ཆོས་སྐྱོང་སྲུང་མ་སྤྲིན་ལྟར་དུ། །ཅི་བཅོལ་ཕྲིན་ལས་གྲུབ་ལ༴ །ཞལ་ཆབ་ཁྲུས་ཆུའི་ཟེགས་མས་ནད་གདོན་འབྱིན། །དགོངས་པ་གཏོད་པ་ཙམ་གྱིས་བར་ཆད་སེལ། །བྱ་བ་ལས་ཀྱི་འཁོར་ལོས་སངས་རྒྱས་ཀྱི། །བསྟན་པ་དར་རྒྱས་མཛད་ལ༴ །ཉིན་གཅིག་ཐོས་པས་ཡིད་ཆེས་ཁོང་ནས་ཤར། །རྣལ་འབྱོར་ཟླ་དུས་

[Full Size]

གྲུབ་ཐོབ་ལོ་དུས་ཐེབས། །ཚེ་གཅིག་སངས་རྒྱས་ཐོབ་པའི་བཤད་སྒྲུབ་ཀྱི། །སྙན་པས་ས་སྟེང་ཁྱབ་ལ༴ །མདོ་རྒྱུད་དགོངས་པ་ཐོགས་མེད་འཆད་ནུས་ཤིང་། །རིམ་གཉིས་རྩལ་རྫོགས་སྤྱན་དང་མངོན་ཤེས་སོགས། །ལུང་རྟོགས་ཡོན་ཏན་ལྡན་པའི་བུ་སློབ་ནི། །བགྲང་ཡས་བསྐྲུན་པར་མཛད་ལ༴ །ཡར་ངོའི་ཚེས་བཅུར་དྲི་བཟང་ངད་འཐུལ་ཞིང་། །སྒྲ་འོད་ལ་སོགས་ངོ་མཚར་ལྟས་དང་བཅས། །འོད་གསལ་ཆོས་ཀྱི་དབྱིངས་སུ་སྙོམས་ཞུགས་ཏེ། །སྤྲུལ་པའི་སྤྲིན་ཆེན་སྤྲོ་ལ་གསོལ་བ་འདེབས། །དཔལ་ལྡན་བླ་མ་གང་དུ་འཚང་རྒྱ་བའི། །མངོན་དགའི་ཞིང་སྐྱེས་ཐེག་ཆེན་བདུད་རྩི་མྱང་། །མཐོང་ཐོས་དྲན་རེག་འགྲོ་བ་མ་ལུས་ཀུན། །ཞིང་དེའི་གདུལ་བྱར་ཡོངས་སུ་སྨིན་བྱེད་ཤོག ༈ །མུས་ཆེན་རྒྱལ་མཚན་དཔལ་བཟང་ལ་གསོལ་བ་འདེབས་པ་འོད་གསལ་སྒྲ་དབྱངས་ཞེས་བྱ་བ། །ནམ་མཁའ་བཞིན་དུ་ཕྲིན་ལས་རྒྱ་ཆེ་ཞིང་། །ཉི་ཟླ་ལྟ་བུར་

[Full Size]

གྲགས་པ་རྣམ་པར་གསལ། །རྒྱ་མཚོ་ཇི་བཞིན་ཡོན་ཏན་མཐའ་དང་བྲལ། །རྒྱལ་བ་མུས་པ་ཆེན་པོར་གསོལ་བ་འདེབས། །སྤྱན་རས་གཟིགས་དབང་འགྲོ་བའི་དོན་དུ་འཕྲུལ། །གཉགས་རིགས་གྲུབ་ཐོབ་བརྒྱུད་པའི་སྲས་སུ་འཁྲུངས། །མེ་ཏོག་ཆར་འབེབས་ས་གཞི་རྣམ་དྲུག་གཡོས། །འཇིག་རྟེན་མགོན་པོ་ཁྱེད་ལ༴ །ཁྲོ་ཕུ་སེམས་དཔའ་ཆེན་པོས་བྱིན་བརླབས་ཤིང་། །འགྲོ་བའི་དཔལ་མགོན་འགྱུར་བར་ལུང་དུ་བསྟན། །གཞོན་ནུ་ཉིད་ནས་འཕགས་པའི་རྣམ་ཐར་གྱིས། །འགྲོ་ཀུན་དགའ་བ་སྐྱེད་ལ༴ །འཇམ་དབྱངས་རིན་ཆེན་རྒྱལ་མཚན་ལ་སོགས་པ། །དམ་པ་དུ་མའི་ཞབས་རྡུལ་སྤྱི་བོར་བླངས། །རིག་པའི་གནས་དང་སྡེ་སྣོད་རྒྱུད་མན་ངག །མི་འཕྲོག་སྤོབས་པ་བརྙེས་ལ༴ །མཐའ་གོང་དཔལ་གྱི་གནས་སུ་སྒྲུབ་ལ་གཞོལ། །རིམ་གཉིས་བྱང་ཆུབ་སེམས་ལ་བརྟན་པ་ཐོབ། །ཆེ་བའི་ཡོན་ཏན་སྙན་པའི་གྲགས་པ་ཡིས། །

[Full Size]

ནོར་འཛིན་ཁྱོན་ཀུན་ཁྱབ་ལ༴ །ཧོར་གྱི་རྒྱལ་པོས་ཕོ་བྲང་ཏཱའི་ཏུར་དུ། །སྤྱན་དྲངས་འགྲོ་ཕན་བསམ་ལས་འདས་པར་མཛད། །ཆུ་དབར་སྤྲུལ་པའི་གནས་སུ་དཀའ་ཐུབ་ཀྱིས། །སྤངས་རྟོགས་མཐའ་རུ་ཕྱིན་ལ༴ །མཁས་གྲུབ་ཤངས་སྟོན་སྤྱན་སྔར་བྱོན་པའི་ཚེ། །མགོན་པོའི་ལུང་བཞིན་གདམས་ངག་ཟབ་ཆོས་རྣམས། །དགྱེས་བཞིན་རྫོགས་པར་གནང་བས་གྲུབ་པ་ཡི། །གོ་འཕང་མཐོན་པོར་གཤེགས་ལ༴ །ཧོར་རྒྱལ་གན་པ་ཆེན་པོས་སྤྱན་དྲངས་ཏེ། །ཧོར་སོགས་ཡུ་གུར་མི་ཉག་ལ་སོགས་པའི། །སྐད་རིགས་མི་གཅིག་སྐྱེ་བོ་མཐའ་ཡས་པ། །ཐར་པའི་གནས་སུ་བཀོད་ལ༴ །ལྷ་དབང་ཀླུ་དབང་མི་དབང་འཁོར་དང་བཅས། །མཁས་དང་གྲུབ་པ་ཡོངས་ཀྱིས་མགྲིན་གཅིག་བརྒྱུད། །རྐང་གཉིས་གཙོ་བོ་འཇིག་རྟེན་གསུམ་པོ་ཡི། །གཙུག་གི་ནོར་བུར་གྱུར་ལ༴ །སྤྱན་རས་གཟིགས་སོགས་རྒྱལ་བ་སྲས་བཅས་ཀྱིས། །མདུན་བདར་

[Full Size]

སྣང་མཐའི་སྤྱན་སྔར་བྱོན་པའི་ཚེ། །གངས་ཅན་བདེ་ལེགས་རྫོགས་ལྡན་བཞིན་ཏུ་རྒྱས། །ཐུགས་རྗེ་ཆེན་པོ་ཁྱེད་ལ༴ །གཉགས་སྟོན་ཆོས་རྗེ་རྒྱལ་མཚན་དཔལ་བཟང་པོས། །མོས་པའི་བུ་ལ་བརྩེ་བས་རབ་དགོངས་ཏེ། །བདག་དང་བདག་འདྲའི་སྡུག་བསྔལ་ལུས་ཅན་རྣམས། །རྣམ་གྲོལ་ས་ལ་བདེ་བླག་འགོད་དུ་གསོལ། ༈ །མཁས་གྲུབ་རྡོ་རྗེ་གཞོན་ནུ་ལ་གསོལ་བ་འདེབས་པ་གཉུག་མའི་སྒྲ་དབྱངས་ཞེས་བྱ་བ། །དལ་འབྱོར་རྟེན་ལ་བསླབ་གསུམ་རྒྱན་གྱིས་སྤྲས། །ཐོས་བསམ་སྒོམ་པའི་ནོར་མཆོག་ཟད་མི་ཤེས། །སྐལ་ལྡན་གདུལ་བྱར་ཚེ་གཅིག་སངས་རྒྱས་སྟེར། །རྡོ་རྗེ་གཞོན་ནུའི་ཞབས་ལ་གསོལ་བ་འདེབས། །དབང་པོ་རབ་ཀྱི་རིགས་མཆོག་ཡོངས་སུ་སད། །བཤེས་གཉེན་མང་བསྟེན་གཞུང་ལུགས་དུ་མར་སྦྱངས། །ཁྱད་པར་རྒྱལ་བ་མུས་པ་ཆེན་པོ་ཡིས། །སྙན་བརྒྱུད་བདག་པོར་བསྐོས་ལ༴། བཤུལ་རིང་

[Full Size]

ལམ་དུ་འཕུར་པའི་ཚུལ་ལྟར་བགྲོད། །གྲང་བས་མི་བརྫི་ཉི་མའི་དཀྱིལ་འཁོར་བཞིན། །བདེ་དྲོད་རང་འབར་མཁའ་ལ་འཕག་གཡོ་སྒྱུར། །ཐབས་ལམ་མཐར་ཐུག་འབྱོངས་ལ༴ །སྒྱུ་མ་རྨི་ལམ་ཏིང་འཛིན་མཐར་ཕྱིན་ཅིང་། །སྤྱན་དང་མངོན་པར་ཤེས་པའི་རྣམ་ཐར་འཆང་། །ལྷ་མིའི་དབང་པོས་བཏུད་ཀྱང་ལྟོས་པ་བྲལ། །ཆོས་བརྒྱད་འཆིང་བ་གྲོལ་ལ༴ །ནང་གི་ཡོན་ཏན་བློ་ཡི་ར་བ་ལས། །འདས་ཀྱང་ཕྱི་ཚུལ་སྦས་པའི་བརྟུལ་ཞུགས་ཀྱིས། །སྒྲུབ་པའི་རྒྱལ་མཚན་གཡེལ་བ་མེད་པར་བཙུགས། །གྲུབ་མཆོག་ཆོས་ཀྱི་རྗེ་ལ༴ །བགྲང་བྱ་དུ་མར་བགྲེས་ཚུལ་མི་མངའ་བར། །ཤིན་ཏུ་ཟོ་བདོག་བདེ་ཞིང་གཟི་མདངས་གསལ། །དངས་མ་བཞི་ཡི་མཉན་ལྕུགས་མཆོག་ལྡན་པ། །འཆི་མེད་གྲུབ་པའི་རྗེ་ལ༴ །ངོ་མཚར་རྨད་བྱུང་སྐྱེས་མཆོག་རྡོ་རྗེའི་མཚན། །བྱིན་རླབས་ཐུགས་རྗེ་བདག་སོགས་འགྲོ་རྒྱུད་ལ། །ཞུགས་ནས་ཚེ་དང་

[Full Size]

སྒྲུབ་པ་མཐར་ཕྱིན་ཅིང་། །གྲུབ་པ་མཆོག་གི་གོ་འཕང་ལ་འགོད་ཤོག ༈ །མུས་ཆེན་ནམ་མཁའི་རྣལ་འབྱོར་ལ་གསོལ་བ་འདེབས་པ་ཟུང་འཇུག་སྒྲ་དབྱངས་ཞེས་བྱ་བ། །སྐྱེས་མཆོག་དག་པའི་ཞིང་དུ་མངོན་སངས་རྒྱས། །རྒྱལ་སྲས་རྣམས་ལ་ཐེག་ཆེན་ཆོས་སྒྲ་སྒྲོག །མ་དག་ཞིང་དུ་སྤྲུལ་པས་གཞན་དོན་མཛད། །ནམ་མཁའ་རྒྱལ་མཚན་ཞབས་ལ་གསོལ་བ་འདེབས། །འཕགས་ཡུལ་པན་ཆེན་ཉི་མའི་སྙིང་པོའི་ཞབས། །ཐུགས་རྗེ་ཆེ་དང་ཕྱག་ན་རྡོ་རྗེ་ཡིས། །བྱིན་རླབས་གྲུབ་པ་ཡབ་ཡུམ་ལྷུམས་སུ་འཕོས། །དགེ་བའི་ལྟས་བཅས་འཁྲུངས་ལ༴ །བྱིས་པའི་ཚུལ་བསྟན་མངོན་ཤེས་ཐོགས་མེད་མངའ། །འཇིག་རྟེན་བྱ་བ་ཀུན་ལ་ཞེན་པ་ལོག །དད་དང་ཤེས་རབ་སྙིང་རྗེའི་རྩལ་རྒྱས་ཤིང་། །ཐར་པའི་རིགས་མཆོག་སད་ལ༴ །རྒྱལ་སྲས་ཐོགས་མེད་ཞབས་སོགས་དགེ་བའི་བཤེས། །དུ་མ་བསྟེན་ནས་རྗོད་བྱེད་སྡེ་སྣོད་གསུམ། །མཁས་པར་སྦྱངས་ཤིང་

[Full Size]

བརྗོད་བྱ་བསླབ་གསུམ་གྱིས། །ཐུགས་རྒྱུད་ཡོངས་སུ་གཏམས་ལ༴ །ཁྱད་པར་མུས་ཆེན་རྗེ་དང་གཞོན་ནུ་བར། །ཉམས་ཁྲིད་གསན་ནས་རྩེ་གཅིག་བསྒོམས་པ་ཡིས། །བདེ་དྲོད་རང་འབར་སྒྱུ་མ་རང་ཤར་སོགས། །ཐབས་ལམ་ཡོན་ཏན་རྫོགས་ལ༴ །ཉིན་མཚན་གཡེལ་བ་མེད་པར་སྒྲུབ་ལ་བརྩོན། །ཟག་མེད་བསམ་གཏན་ཟས་ལ་ལོངས་སུ་སྤྱོད། །ཏིང་འཛིན་སྒོ་བརྒྱར་སྙོམས་པར་འཇུག་ཅིང་ལྡང་། །ཚོགས་ཆེན་བླ་མེད་སྤེལ་ལ༴ །བདེ་གཤེགས་ཡི་དམ་མཁའ་འགྲོས་རྗེས་སུ་བཟུང་། །ཆགས་ཐོག་སྤངས་པའི་མངོན་ཤེས་སྤྱན་དང་ལྡན། །བར་དོའི་འགྲོ་བ་མཐའ་དག་རབ་གཟིགས་ནས། །རྣམ་ཀུན་ཐུགས་རྗེས་འཛིན་ལ༴ །ནད་པ་རྣམས་ལ་སྨན་པའི་རྒྱལ་པོ་བཞིན། །འཇིགས་པས་ཉེན་རྣམས་དྲན་པ་ཙམ་གྱིས་སྐྱོབ། །བྱང་ཆུབ་སེམས་ཀྱི་ཕྲིན་ལས་མཐའ་ཡས་པས། །སྐྱེ་དགུའི་མགོན་ཏུ་གྱུར་ལ༴ །མཐོང་ཐོས་

[Full Size]

དྲན་རེག་ཕྱིར་མི་ལྡོག་ལ་བཀོད། །སྐྱེ་འཆིའི་མཚན་མ་སྤངས་ཀྱང་གདུལ་བྱའི་ངོར། །སངས་རྒྱས་ཞིང་ཁམས་མང་པོར་དུས་གཅིག་ཏུ། །གཤེགས་པའི་ཆོ་འཕྲུལ་བསྟན་ལ༴ །དད་ལྡན་དོན་ཏུ་རིང་བསྲེལ་དཔག་མེད་སྤྲུལ། །ལྷ་མི་ཀུན་གྱིས་སྲིད་མཐའི་བར་དུ་མཆོད། །ངོ་མཚར་མཚན་མ་རྒྱུན་ཆད་མི་མངའ་བ། །བྱིན་རླབས་བསམ་ལས་འདས་ལ༴ །རྗེ་བཙུན་མཉམ་མེད་ནམ་མཁའི་རྣལ་འབྱོར་པས། །གསོལ་འདེབས་བུ་ལ་ཐུགས་རྗེའི་རྩལ་སྤྲུགས་ཏེ། །དམ་ཆོས་སྒྲུབ་པའི་འགལ་རྐྱེན་ཞི་བ་དང་། །མཐུན་རྐྱེན་ཡིད་བཞིན་འགྲུབ་པར་བྱིན་གྱིས་རློབས། ༈ །གྲུབ་ཆེན་ཐང་སྟོང་རྒྱལ་པོ་ལ་གསོལ་བ་འདེབས་པ་གྲུབ་པའི་སྒྲ་དབྱངས་ཞེས་བྱ་བ། །ཐུགས་རྗེ་ཆེ་དང་དབང་ཆེན་རྟ་མགྲིན་རྒྱལ། །དབྱེར་མེད་གཅིག་བསྡུས་མཚོ་སྐྱེས་རྡོ་རྗེ་འཆང་། །སྙིགས་འགྲོའི་སྐྱབས་སུ་སྤྲུལ་པའི་སྒྱུ་འཕྲུལ་སྟོན། །ཐང་སྟོང་རྒྱལ་པོའི་

[Full Size]

ཞབས་ལ་གསོལ་བ་འདེབས། །དུས་གསུམ་སངས་རྒྱས་ཀུན་མཁྱེན་དོལ་ཕོ་པ། །གདུལ་དཀའ་འདུལ་ཕྱིར་གྲུབ་པའི་སྐུར་བཞེངས་པ། །ཡེ་ཤེས་ཌཱ་ཀི་ཡོངས་ཀྱི་མིང་གཅིག་པོ། །མཚན་མཆོག་ལྔ་དང་ལྡན་ལ༴ །ལ་སྟོད་བྱང་དུ་རྡོ་རྗེའི་མཚན་དཔེ་གསལ། །འཕགས་པས་བསྐུལ་ཏེ་ཁྱིམ་སྤངས་རབ་ཏུ་བྱུང་། །དབུ་སྐྲ་བསིལ་ཚེ་འཇའ་འོད་མེ་ཏོག་ཁེངས། །བརྩོན་འགྲུས་བཟང་པོའི་ཞབས་ལ༴ །གཞུང་ལུགས་སྦྱོང་ཚེ་ཏིང་འཛིན་ངང་དུ་འབྱམས། །མ་བསླབ་པར་ཡང་ཆོས་ཀུན་ཐུགས་སུ་ཆུད། །ཐོག་མ་ཉིད་ནས་རྫུ་འཕྲུལ་དཔག་མེད་བསྟན། །རང་བྱུང་གྲུབ་པ་ཆེན་པོར༴ །སངས་རྒྱས་བྱང་སེམས་རྣལ་འབྱོར་ཕོ་མོ་དང་། །དགེ་སྦྱོང་རིགས་ངན་ཀུ་སུ་ལུ་པའི་ཚུལ། །ཡང་དག་བླ་མ་ལྔ་བརྒྱ་ཕྲག་གཅིག་ལས། །ཆོས་སྒོ་ཚད་མེད་གསན་ལ༴ །ཐར་པ་གླིང་དུ་ཐུགས་དམ་མཛད་པའི་ཚེ། །རྡོ་རྗེ་འཆང་ཆེན་རིགས་ལྔ་སེམས་དཔའ་

[Full Size]

བརྒྱད། །ཁྲོ་བཅུ་ལྷ་མོའི་ཚོགས་བཅས་དངོས་སུ་མཇལ། །ལམ་ཟབ་ལ་སོགས་ཟབ་ཆོས་དུ་མ་གསན། །སྒྲིབ་གཉིས་མུན་པ་བྲལ་ལ༴ །ཐུགས་རྗེ་ཕྱོགས་མེད་ཤེས་བྱ་ཐམས་ཅད་མཁྱེན། །རང་སྣང་དབང་སྒྱུར་ལས་བཞིར་མངའ་དབང་བརྙེས། །རྟོགས་པས་རྒྱུད་གྲོལ་བརྟུལ་ཞུགས་མཐའ་རུ་ཕྱིན། །ཆོས་བརྒྱད་ཟིལ་གྱིས་མནན་ལ༴ །གནས་ཆེན་རྣམས་སུ་སྨོན་ལམ་དུ་མ་མཛད། །སྔོན་བྱོན་གྲུབ་ཐོབ་ཡི་དམ་ལྷ་ཚོགས་མཇལ། །དུར་ཁྲོད་རྣམས་སུ་དཔའ་བོ་མཁའ་འགྲོ་དང་། །ཚོགས་ཀྱི་འདུ་བར་རོལ་ལ༴ །ཁ་བ་ཅན་པའི་མི་དང་མི་མ་ཡིན། །གཅན་གཟན་ནད་པ་འོན་ལོང་ཉམ་ཐག་སོགས། །ཁྱོད་སྐུ་མཐོང་ཐོས་དྲན་པས་གནས་སྐབས་སུ། །འཇིགས་པ་ཀུན་ཞི་མཐར་ཐུག་མངོན་མཐོ་དང་། །ངེས་ལེགས་ཐོབ་ཅིང་ཐེག་ཆེན་དམ་ཆོས་དར། །ཁྱད་པར་མཐའ་འཁོབ་ཀླ་གློ་ཐུལ་ཅིག་ཅེས། །སྤྱན་རས་གཟིགས་

[Full Size]

དང་རྗེ་བཙུན་སྒྲོལ་མ་ཡིས། །ཡང་ཡང་གསུང་གིས་བསྐུལ་ལ༴ །བཅོམ་ལྡན་འདས་ཀྱིས་ཆོས་སྒོ་མཐའ་ཡས་སྩལ། །ཡན་ལག་འབྱུང་ལས་ཤེས་རབ་ཕར་ཕྱིན་གསན། །ཧེ་རུ་ཀ་དང་རྣལ་འབྱོར་མ་དཔལ་གྱིས། །དབང་བསྐུར་རྒྱུད་རྣམས་གཏད་ལ༴ །དུར་ཁྲོད་ཆེན་པོ་ཀེང་རུས་མེ་འབར་དུ། །དཔལ་ཆེན་བི་རཱུ་པ་ཡིས་རྗེས་སུ་བཟུང་། །ལམ་འབྲས་ཡོངས་རྫོགས་དམ་རྫས་བདུད་རྩི་གནང་། །ཟག་པ་རྒྱུན་ཆད་གྱུར་ལ༴ །ཡེ་ཤེས་མཁའ་འགྲོ་ནི་གུ་ལན་གསུམ་དུ། །བྱོན་ནས་དབང་དང་གདམས་ངག་རྫོགས་པར་གནང་། །རྫུ་འཕྲུལ་མངོན་ཤེས་བསམ་མི་ཁྱབ་པར་འཁྲུངས། །གདམས་ངག་ཡི་གེར་བཀོད་ལ་གསོལ་བ་འདེབས། །ཟངས་གླིང་ཡུལ་དུ་གྲུབ་ཆེན་ཤ་བ་རི། །ངོ་སྤྲད་བྱིན་བརླབས་རྡོ་ལ་མེ་འབར་དུ། །བྲམ་ཟེ་མཆོག་སྲེད་ཞབས་ཀྱིས་ནག་པོ་ཆེ། །སྲུང་མར་དངོས་སུ་གཏད་ལ༴ །སྲིན་ཡུལ་ཟངས་མདོག་

[Full Size]

དཔལ་གྱི་རི་བོའི་རྩེར། །བླ་མ་སྐུ་གསུམ་ཁྱད་པར་ཨོ་རྒྱན་རྗེས། །སྒྲུབ་ཆེན་བརྒྱད་སོགས་དབང་ཆོས་མཐའ་ཡས་པ། །གནང་ནས་ལུང་བསྟན་མཛད་ལ༴ །རྡོ་རྗེ་སེམས་དཔས་ཨ་ཏི་ཡོ་ག་སྩལ། །མཁའ་འགྲོས་བསྐུལ་ཏེ་བོད་ཀྱི་གདུལ་བྱར་གཟིགས། །ཀླ་ཀློའི་ཡུལ་བྱོན་རྫུ་འཕྲུལ་ཚད་མེད་པས། །བཏུལ་ནས་ཆོས་སུ་བཀོད་ལ༴ །རྒྱ་བལ་ཁ་ཆེ་ལི་དང་ཨོ་རྒྱན་ཡུལ། །རྒྱ་ཧོར་ཟླ་བ་ནས་གླིང་ཀ་ལིངྒ། །པྲི་ཡངྐུ་སོགས་འཛམ་གླིང་གླིང་ཕྲན་བཅས། །མཐའ་དག་རྫུ་འཕྲུལ་ཆེན་པོའི་ཞབས་ཀྱིས་གཅགས། །སྐལ་པར་ལྡན་རྣམས་དངོས་སུ་གྲོལ་བར་མཛད། །གཞན་དག་མ་འོངས་པ་ན་རང་ཉིད་ཀྱི། །གདུལ་བྱར་སྨིན་ཕྱིར་ཐབས་མཁས་སྣ་ཚོགས་པས། །ས་སྟེང་ཆོས་ཀྱིས་བཀང་ལ༴ །སྣོད་ལྡན་རྒན་གཞོན་མེད་པ་མཁའ་སྤྱོད་བཀོད། །གཅན་གཟན་རྣམས་ཀྱང་གུས་པས་ཞབས་ཏོག་སྒྲུབ། །

[Full Size]

ལྷ་སྲིན་སྡེ་བརྒྱད་བཏུལ་ནས་དམ་ལ་བཞག །འབྱུང་བཞིང་རང་དབང་སྒྱུར་ལ༴ །ཆུ་ཀླུང་དུ་མ་ལྕགས་ཀྱི་ཟམ་པས་སྦྲེལ། །མཐོང་གྲོལ་བཀྲ་ཤིས་སྒོ་མང་མཆོད་རྟེན་དང་། །རིན་ཆེན་གར་ལུགས་སྐུ་བརྙེན་དུ་མ་སོགས། །རྟེན་གསུམ་དཔག་ཡས་བཞེངས་ལ༴ །མཐའ་དམག་ཁ་གནོན་ས་ཡི་མེ་བཙའ་གདབ། །འབྱུང་བཞིའི་གཉེན་པོར་རྟེན་མཆོག་ཀུན་ཏུ་བཀོད། །སྨོན་ལམ་མཛད་པས་ནད་དང་མུ་གེ་ཡི། །འཇིགས་ལས་ཡུན་རིང་བསྐྱབས་ལ༴ །སྨན་གྱི་བླ་མས་བདུད་རྩི་འཆི་སོས་དང་། །ཚེ་དཔག་མེད་ཀྱིས་ཚེ་ཡི་རིལ་བུ་གནང་། །འགྲོ་བ་མཐའ་དག་ནད་གདོན་དུས་མིན་གྱི། །འཆི་བའི་འཇིགས་པ་འཕྲོག་ལ༴ །འཐའ་ཁོབ་ཀ་མ་ཏ་རུ་སྐུ་ལུས་ཀྱི། །བཀོད་པ་བསྟན་ཚེ་སྡིག་སྤྱོད་རྒྱལ་བློན་གྱིས། །མེས་བསྲེགས་ཆུ་ཡིས་མ་ཚུགས་དེ་དག་ཀུན། །དད་ཅིང་ཆོས་སུ་བཀོད་ལ༴ །མཆོག་གི་བུ་དྲུག་ཉེ་བའི་སྲས་མཆོག་བརྒྱད། །

[Full Size]

ཡེ་ཤེས་ཌཱ་ཀི་ལྔ་དང་སྦས་ཚུལ་གྱི། །མཁའ་འགྲོ་བཅུ་དྲུག་དམ་ཚིག་ཌཱ་ཀི་ནི། །བཅོ་བརྒྱད་རིག་འཛིན་ཕོ་མོ་སུམ་ཅུ་བདུན། །ལས་ཅན་ང་བརྒྱད་མི་ལྡོག་ལྔ་བརྒྱ་ཕྲག །གཞན་དོན་ནུས་པ་བྱེ་བ་ཁྲི་བརྒྱད་སོགས། །སྨིན་གྲོལ་མཛད་ནས་གདམས་ངག་སྐབས་བརྒྱད་བསྡུས། །རྒྱལ་ཚབ་མངའ་གསོལ་མཛད་ལ༴ །སྐུ་དངོས་བགྲང་བྱ་བརྒྱ་དང་ཉེར་བརྒྱད་མཐར། །ཆོ་འཕྲུལ་ཟླ་བའི་ཚེས་བཞིར་འོད་ཕུང་དུ། །ནམ་མཁར་གཤེགས་ཚེ་ཐུགས་སྲས་གདུང་དབྱངས་ཀྱིས། །མདུན་མཁར་གཟུགས་སྐུར་བསྟན་ལ༴ །སླར་ཡང་གསོལ་བ་བཏབ་ཚེ་ཁྲུ་གང་སྐུ། །སྒྲུབ་པའི་གནས་བྱོན་འོད་གསལ་ཞག་བདུན་བཞུགས། །ངོ་མཚར་གདུང་རྟེན་ལྷ་མིའི་མཆོད་ཡུལ་དུ། །གཡོ་མེད་བརྟན་པར་བཞུགས་ལ༴ །སླད་ནས་གདུལ་བྱ་སྐལ་ལྡན་རྣམས་ཀྱི་ངོར། །ཉེ་རིང་གང་དུའང་བྱོན་ནས་བྱིན་གྱིས་བརླབས། །བོད་

[Full Size]

ཡུལ་བདེ་བའི་ཕྲིན་ལས་རྒྱུན་ཆད་མེད། །བཀའ་དྲིན་བསམ་ལས་འདས་ལ༴ །སྤྱན་རས་གཟིགས་དབང་གྲུབ་ཆེན་ཆོས་ཀྱི་རྗེ། །ཁྱེད་ཀྱི་ཐུགས་རྗེ་སྐྱོ་དུབ་མ་མཆིས་པས། །བདག་སོགས་སྐལ་མེད་དུས་མཐར་སྐྱེས་པ་ལ། །ཞལ་སྟོན་བྱིན་གྱིས་བརླབ་པར་མཛད་དུ་གསོལ། །གྲུབ་མཆོག་ཁྱེད་ཀྱི་སྐུ་ཚེ་གདུལ་བྱའི་ཞིང་། །རྣམ་ཐར་སྨོན་ལམ་མཛད་སྟོབས་ཅི་འདྲ་བ། །དེ་འདྲ་ཁོ་ནར་བདག་གིས་མྱུར་འགྲུབ་སྟེ། །ནམ་མཁའ་མཉམ་པའི་འགྲོ་ཀུན་སྒྲོལ་བྱེད་ཤོག ༈ །རྒྱ་སྒོམ་ལེགས་པ་རྒྱལ་མཚན་ལ་གསོལ་བ་འདེབས་པ་ལྷན་སྐྱེས་སྒྲ་དབྱངས་ཞེས་བྱ་བ། །ཡེ་ཤེས་མཁའ་ལ་གཉུག་མའི་གར་སྟབས་སྒྱུར། །མི་ཤིགས་འོད་གསལ་བདེ་བའི་གཟི་མདངས་འབར། །གྲུབ་པ་མཆོག་གི་ཕྱག་བྱས་རྒྱ་སྒོམ་པ། །ལེགས་པ་རྒྱལ་མཚན་ཞབས་ལ་གསོལ་བ་འདེབས། །འཁོར་བའི་འདུ་འཛི་བརྩོན་ར་བཞིན་ཏུ་བོར། །ངེས་ལེགས་བསྟན་

[Full Size]

ལ་རྣམ་དག་ཚངས་པར་སྤྱོད། །སྔོན་སྦྱངས་ལས་འཕྲོ་དཀར་པོའི་ཆོས་ལ་སད། །སྐྱེས་བུ་ཆེན་པོའི་ཞབས་ལ༴ །མཁས་ཤིང་དངོས་གྲུབ་བརྙེས་པའི་དགེ་བའི་བཤེས། །མང་དུ་བསྟན་ནས་མདོ་སྔགས་ཆོས་སྤྱི་དང་། །བྱེ་བྲག་དཔལ་ལྡན་ཤངས་པ་བཀའ་བརྒྱུད་ཀྱི། །རིང་ལུགས་རྫོགས་པར་གསན་ལ༴ །གྲུབ་དབང་ནམ་མཁའི་མཚན་གྱིས་རྗེས་སུ་བཟུང་། །སྒྲུབ་ལ་བརྩོན་པ་ཉིན་མཚན་གཡེལ་མེད་མཛད། །ཉམས་རྟོགས་ཡོན་ཏན་ཡར་ངོའི་ཟླ་བཞིན་རྒྱས། །རྣལ་འབྱོར་དབང་ཕྱུག་ཁྱོད་ལ༴ །བྱང་ཆུབ་སེམས་མཆོག་གཉིས་ལ་ཁྱོད་ཀྱི་ཐུགས། །རྟག་ཏུ་གཞོལ་བས་ཉི་ཚེའི་ཕྲིན་ལས་ལ། །མ་བཀོལ་བར་ཡང་ཚར་གཅོད་རྗེས་འཛིན་སོགས། །ཡེ་ཤེས་མགོན་པོས་སྒྲུབ་ལ༴ །བཀོད་པ་ལུས་ཀྱི་སྤྲུལ་བསྒྱུར་ལ་སོགས་པ། །རྣམ་ཐར་བསམ་མི་ཁྱབ་ལ་མངའ་མཛད་ཀྱང་། །རྟག་ཏུ་

[Full Size]

ཐ་མལ་བརྟུལ་ཞུགས་ལྷུར་མཛད་པ། །སྦས་པའི་སངས་རྒྱས་ཁྱེད་ལ༴ །འཇམ་མགོན་གྲུབ་པའི་དཔའ་བོ་རྒྱལ་ཚབ་ཏུ། །མངའ་ཆེན་གསོལ་བས་བཀའ་བརྒྱུད་གྲུབ་པའི་ཀླུང་། །ཐུབ་བསྟན་ཇི་སྲིད་མི་མཉམས་འབབས་པ་ཡི། །ཕྲིན་ལས་རྨད་དུ་བྱུང་ལ༴ །གཞན་དོན་དགོངས་ཚེ་གདུང་གི་ཆ་ཤས་ལས། །སྤྲུལ་པའི་རིང་བསྲེལ་ཟད་མེད་འཕེལ་བས་ཀྱང་། །སྐལ་ལྡན་དུ་མ་ཐར་པའི་གནས་སུ་བཀོད། །མཛད་པ་མཐར་ཕྱིན་ཁྱེད་ལ༴ །གསོལ་བཏབ་དགེ་བས་བདག་སོགས་འགྲོ་རྒྱུད་ཀྱི། །སྒྲིབ་གཉིས་དྲི་མ་གཏན་ནས་བྱང་བ་དང་། །ལྷན་སྐྱེས་འོད་གསལ་གཉུག་མ་ཆོས་སྐུའི་ཞལ། །གཅེར་མཐོང་སྐུ་གསུམ་རང་ཤར་ཉིད་གྱུར་ཅིག ༈ །རྗེ་བཙུན་ཀུན་དགའ་འགྲོལ་མཆོག་ལ་གསོལ་བ་འདེབས་པ་སྨིན་གྲོལ་སྒྲ་དབྱངས་ཞེས་བྱ་བ། །རྒྱལ་བས་ལུང་བསྟན་སྤྱོད་འཆང་གྲུབ་པའི་དབང་། །གངས་ཅན་སྙིང་པོའི་བསྟན་པ་སྤེལ་བའི་ཕྱིར། །འཇམ་མགོན་གྲུབ་པའི་

[Full Size]

དཔའ་བོའི་སྐུར་བསྟན་པ། །ཀུན་དགའ་འགྲོལ་མཆོག་ཞབས་ལ་གསོལ་བ་འདེབས། །སྤྲུལ་པའི་ཟླ་ཞལ་གློ་བོ་སྨོན་ཐང་དུ། །འཆར་ཚེ་སྐབས་གསུམ་གྲོང་ནས་འོང་འདྲ་བའི། །པདྨའི་སྡོང་པོ་ཁ་དོག་དྲི་བསྲུངས་ཅན། །དཔྱིད་ཀྱི་དཔལ་བཞིན་བཞེད་ལ༴ །མཚན་དཔེའི་མེ་ཏོག་འབྱུང་འཁྲུགས་རིག་པ་ཡིས། །གཙེས་པའི་ཚེ་ན་ཐུབ་བསྟན་ཉི་གཞོན་དང་། །འགྲོགས་པའི་མོད་ལ་བགེགས་ཀྱི་གཡུལ་ལས་རྒྱལ། །ཆོས་དོན་ངང་གིས་འབྱོར་ལ༴ །ཡུལ་དབུས་རིག་གྲོལ་གཉིས་ལྡན་པདྨོའི་མཚོར། །ལྡོག་མེད་ངང་པ་བཞིན་དུ་དགའ་བས་ཞུགས། །ན་ཚོད་ཕྲ་ཡང་སྙིང་སྟོབས་སྤྱོད་པ་སྒོམ། །སེམས་ཀྱི་མདུད་གྲོལ་མཆོག་ལ༴ །སྔོན་སྦྱངས་སྟོབས་སད་སྡེ་སྣོད་རྩོལ་མེད་མཁྱེན། །དབྱངས་ཅན་མགྲིན་པར་ཞུགས་པའི་བརྗོད་པ་སོགས། །མཁས་ཚུལ་གསུམ་གྱི་རྣམ་དཔྱོད་ངར་བབས་པས། །བློ་གསལ་ཡིད་དབང་འཕྲོག་

[Full Size]

ལ༴ །གཙུག་རྒྱན་ནོར་བུས་ལུང་བསྟན་དབུགས་དབྱུང་མཛད། །རིན་ཆེན་རྣམ་བཞིས་གདམས་པའི་གནད་རྣམས་གནང་། །པ་ཆེན་གཉིས་ཀྱི་ཐེ་ཚོམ་དྲྭ་བ་བསལ། །བཞེད་དགོངས་ལྷུན་གྱིས་གྲུབ་ལ༴ །བྱ་བཏང་གཉིས་ཀྱིས་རྟོགས་པའི་བོགས་འདོན་མཛད། །དག་གི་དབང་པོས་ཐ་སྙད་སྤྲོ་བ་བསྐྱེད། །ཁྱད་པར་རྡོ་རྗེ་འཆང་དངོས་རྒྱ་སྒོམ་རྗེས། །ཐུགས་ཀྱི་བང་མཛོད་གཏད་ལ༴ །ཕྱི་ཚུལ་དྲི་མེད་སོ་ཐར་བསླབ་པས་བསྡམས། །ནང་དུ་བྱང་ཆུབ་སེམས་ལ་རང་དབང་འབྱོར། །གསང་བ་སྔགས་ཀྱི་བརྟུལ་ཞུགས་འཆང་རྣམས་ཀྱི། །འཁོར་ལོས་སྒྱུར་བ་མཆོག་ལ༴ །གསང་བདག་གཤིན་རྗེ་གཤེད་པོས་བར་ཆད་བསལ། །དགྱེས་མཛད་ཡབ་ཡུམ་འཁོར་ལོ་སྡོམ་པ་དང་། །རྡོ་རྗེ་རྣལ་འབྱོར་མ་སོགས་ལྷག་པའི་ལྷས། །བྱིན་བརླབས་རྗེས་སུ་བཟུང་ལ༴ །མཁའ་སྤྱོད་དབང་ཕྱུག་རྗེ་བཙུན་ནི་གུ་མས། །ཆོས་དྲུག་ཡེ་ཤེས་མགོན་པོ་ལ་སོགས་པ། །སྩལ་བས་

[Full Size]

འོད་གསལ་མཐའ་དབུས་མེད་པར་རྟོགས། །ངོ་མཚར་ཉེ་བརྒྱུད་ཐོབ་ལ༴ །སོ་ས་གླིང་དུ་མཁའ་འགྲོ་ཆེན་མོ་དང་། །ཚོགས་ཀྱི་འདུ་བར་སྤྱོད་ཅིང་བྱང་ཆུབ་དུ། །ལུང་བསྟན་མཉམ་རྗེས་འདྲེས་པའི་རྟོགས་པ་སྤེལ། །མཁའ་འགྲོས་བུ་བཞིན་སྐྱོང་ལ༴ །མི་ཏྲ་ཛོ་གིས་སྙིང་པོ་དོན་གསུམ་གནང་། །ལེགས་ལྡན་འབྱེད་ཀྱིས་བརྡ་ཡི་ཆོས་དབང་བསྐུར། །སྟོབས་འཕྲོག་དབང་པོ་རྣམ་ཐོས་སྲས་ལ་སོགས། །ཆོས་སྐྱོང་བྲན་དུ་ཁོལ་ལ༴ །གང་སྣང་སྒྱུ་མའི་རྣམ་རོལ་དུ་ཤར་ནས། །འཛིན་མེད་རང་ཤར་མ་བཅོས་ཞེན་བྲལ་བློས། །མ་ཆགས་བུ་ཆུང་སྤྱོད་པའི་ངང་ཚུལ་གྱིས། །བྱས་ཚད་ཆོས་སུ་འགྲོ་ལ༴ །མཐོང་ཐོས་དྲན་རེག་ངན་འགྲོའི་གནས་སྤོང་བའི། །འབྲེལ་ཚད་དོན་དང་ལྡན་པའི་སྐྱེས་བུ་ཞེས། །བསླུ་མེད་རྡོ་རྗེའི་གསུང་གིས་ཞལ་འཆེས་པ། །སྐྱེ་དགུའི་མགོན་པོར་གྱུར་ལ༴ །གངས་ཅན་གདམས་པའི་ཆུ་ཀླུང་

[Full Size]

མཐའ་དག་བསྡུས། །ནི་གུའི་ཁྲིད་སྲོལ་བརྒྱ་ཕྲག་ལྷག་པས་མཚོན། །གཞན་ཕན་ནམ་མཁའི་མཐར་ཁྱབ་སྤེལ་མཛད་ནས། །མཁའ་སྤྱོད་གྲོང་དུ་གཤེགས་ལ༴ །སླར་ཡང་འཕགས་བོད་ཨོ་རྒྱན་འགྲོ་ལྡིང་སོགས། །མ་ངེས་གནས་སུ་གང་ལ་གང་འདུལ་གྱི། །སྤྲུལ་པ་དུ་མས་གདུལ་བྱའི་ཞིང་སྦྱངས་ནས། །བླ་མེད་བྱང་ཆུབ་བརྙེས་ལ༴། སྐྱེ་ཀུན་གྲུབ་པའི་དཔའ་བོས་རྗེས་བཟུང་སྟེ། །གསང་གསུམ་མི་ཟད་རྒྱན་གྱི་འཁོར་ལོ་ཡིས། །རབ་འབྱམས་རྣམ་ཐར་རྒྱ་ཚོའི་སྤྲིན་བཀོད་པ། །རྗེ་བཙུན་ཁྱེད་དང་མཚུངས་པར་མཛད་དུ་གསོལ། ༈ །ཆོས་སྐུ་ལྷ་དབང་གྲགས་པ་ལ་གསོལ་བ་འདེབས་པ་ཟབ་མོའི་སྒྲ་དབྱངས་ཞེས་བྱ་བ། །དཔལ་ལྡན་ཁྱབ་བདག་འགྱུར་མེད་རྡོ་རྗེའི་སྐུ། །གཞོམ་མེད་སྒྲ་དབྱངས་བརྗོད་བྲལ་རྡོ་རྗེའི་གསུང་། །བདེ་ཆེན་ཟུང་འཇུག་མཉམ་ཉིད་རྡོ་རྗེའི་ཐུགས། །ལྷ་དབང་གྲགས་པའི་ཞབས་ལ་གསོལ་བ་འདེབས། །ཤློ་ཀ་འདི་རྗེ་བཙུན་

[Full Size]

རིན་པོ་ཆེའི་གསུང་ངོ་། །རྡོ་རྗེའི་ལུས་ལ་སྐྱོན་བྲལ་ལང་ཚོས་བརྒྱན། །ཟབ་ལམ་ཡོན་ཏན་ཀུན་སྐྱེད་དཔལ་གྱིས་འབྱོར། །བརྟུལ་ཞུགས་སྤྱོད་ལ་བསྙེངས་པ་མེད་པའི་བློ། །སྐྱེས་ཐོབ་རྩལ་ཆེན་རྫོགས་ལ༴ །རྡོ་རྗེའི་རིགས་མཆོག་ཐོག་མ་ཉིད་ནས་སད། །གཉིས་འཛིན་བླང་དོར་བྲལ་ཡང་ལྟར་སྣང་གི། །འཁོར་བ་སྒྱུ་མ་ལྟ་བུར་ངེས་འབྱུང་གིས། །བློ་སྣ་ཆོས་སུ་བསྐུལ་ལ༴ །རྡོ་རྗེའི་སློབ་དཔོན་སེམས་ཀྱི་མདུད་གྲོལ་མཆོག །གཙུག་ཏུ་བསྙེན་ནས་མཉེས་པ་རྣམ་གསུམ་བསྒྲུབས། །གསང་བ་གསུམ་གྱི་བྱིན་རླབས་ཡོངས་རྫོགས་ཐོབ། །དམ་པའི་ཐུགས་ཟིན་གྱུར་ལ༴ །རྡོ་རྗེ་ཐེག་པའི་ཡང་བཅུད་རིམ་གཉིས་ལ། །འབད་རྩོལ་ཆེན་པོས་སྒྲུབ་པ་མཐའ་རུ་བསྐྱལ། །སྒོམ་བྱུང་སྟོབས་ལས་མཁྱེན་རབ་ཆགས་ཐོགས་མེད། །སྤྱན་དང་མངོན་ཤེས་མངའ་ལ༴ །མོས་གུས་སྟོབས་ཀྱིས་ཅི་སྣང་བླ་མར་གཟིགས། །

[Full Size]

གཏུམ་མོ་མཐར་ཕྱིན་བདེ་དྲོད་མེ་ལྟར་འབར། །སྒྱུ་ལུས་དབང་ཐོབ་སྣ་ཚོགས་སྤྲུལ་བསྒྱུར་ནུས། །དག་སྣང་རབ་ཏུ་འབྱམས་ལ༴ །གཟུང་འཛིན་རླུང་སེམས་ཨ་བ་དྷཱུ་ཏིར་ཐིམ། །འཁོར་འདས་མ་ལུས་ཆོས་སྐུ་རྗེན་པར་ཤར། །རེ་དོགས་སྙེམས་འཕྲིག་སྤང་བླང་རྡུལ་ཙམ་མེད། །བྱ་བཏང་རྒྱལ་པོ་ཁྱེད་ལ༴ །རྡོ་རྗེའི་ཡེ་ཤེས་ཆེ་ལ་དབང་འབྱོར་པས། །སྐལ་ལྡན་རྣམས་ལ་བྱིན་རླབས་དངོས་སུ་འབེབས། །རྟོགས་པའི་སྟོབས་ཀྱིས་གཞན་སྣང་ཟིལ་གྱིས་གནོན། །རྣལ་འབྱོར་དབང་ཕྱུག་ཁྱེད་ལ༴ །ཉིན་སྣང་སྒྱུ་མ་རྨི་ལམ་ལྟ་བུར་གཟིགས། །མཚན་སྣང་རྣམ་དག་འོད་གསལ་ཆེན་པོར་འབྱམས། །ཀུན་ཀྱང་ཟུང་འཇུག་བདེ་ཆེན་ཐིག་ལེར་ཤར། །ཉམས་རྟོགས་མཐའ་རུ་ཕྱིན་ལ༴ །ཡེ་ཤེས་མཁའ་འགྲོ་རྣམས་ཀྱིས་བྱིན་གྱིས་བརླབས། །ཕོ་ཉ་གསུམ་འདུས་ཚོགས་ཀྱི་འཁོར་ལོར་སྤྱོད། །ཟོལ་མེད་གྲུབ་པ་ཆེན་པོའི་རྒྱལ་ཐབས་

[Full Size]

བསྐྱང་། །རྗེ་བཙུན་བྲག་སྟོད་པ་ལ༴ །རྣམ་གྲོལ་བདུད་རྩི་བགོ་བཤར་སྩལ་བ་ཡིས། །གྲུབ་པའི་རྒྱལ་སྲིད་སྐྱོང་བའི་ཉེ་དབང་ཚོགས། །སྒྲོལ་བའི་མགོན་གྱུར་རྗེ་བཙུན་ལྷ་ཡི་དབང་། །མངའ་གསོལ་དོན་ཆེན་མཛད་ལ༴ །ངོ་མཚར་བཀའ་བརྒྱུད་གསེར་གྱི་ཕྲེང་བ་བཟུང་། །བྱིན་རླབས་ཆུ་རྒྱུན་མི་ཟད་གཏེར་གྱུར་བས། །ཤངས་པའི་བསྟན་ལ་བྱ་བ་རླབས་ཆེན་མཛད། །འགྲན་བྲལ་སྐྱེས་མཆོག་ཁྱེད་ལ༴ །འཁྲུལ་མེད་དམ་པ་བསྟེན་ཅིང་བྱིན་རླབས་ཞུགས། །གསང་བའི་ལམ་ཆོག་མཐར་ཕྱིན་དངོས་གྲུབ་ཐོབ། །ཟབ་མོའི་རིང་ལུགས་རྒྱུན་མི་ཆད་སྤེལ་བ། །ཁྱོད་ཀྱི་རྣམ་ཐར་འགྲུབ་པར་བྱིན་གྱིས་རློབས། །འདིར་ཇོ་ནང་རྗེ་བཙུན་རིན་པོ་ཆེའི་གསོལ་འདེབ་ཞལ་གསུང་མཁའ་གེངས་བཅས་སྦྱར་རོ། ༈ །ན་མོ་གུ་རུ་བྷྱཿ ། དཔལ་ལྡན་བླ་མ་དམ་པའི་རྣམ་པར་ཐར་པ་དད་པའི་ལྗོན་ཤིང་ཞེས་བྱ་བ། །བླ་མ་དམ་པ་རྣམས་ལ་ཕྱག་འཚལ་ལོ། །ལྷག་པའི་ལྷ་མཆོག་འཇམ་དབྱངས་གྲུབ་པའི་མགོན། །

[Full Size]

ཀུན་དགའི་དམ་ཆོས་སྙིང་པོའི་དོན་སྟོན་པ། །གང་དེའི་ངོ་མཚར་མཛད་པའི་ཚོགས་རྣམས་ལ། །མཆོག་ཏུ་དང་བའི་ཡིད་ཀྱིས་ཕྱག་འཚལ་ལོ། །དཔག་ཡས་ཚོགས་གཉིས་ཡུན་རིང་གོམས་པའི་མཐུས། །བོད་ཡུལ་དབུས་ཀྱི་ས་ཡི་ཐིག་ལེ་མཆོག །ཆོས་བཟང་ལྷ་ཡི་མདུན་ས་དང་མཚུངས་པར། །སྐྱེ་བའི་ཆོ་འཕྲུལ་སྟོན་ལ་མགོས༴ །འཇམ་པའི་རྡོ་རྗེའི་རྣམ་འཕྲུལ་རྡོ་རྗེའི་མཚན། །སྐད་གཉིས་སྨྲ་བའི་རིགས་སུ་ཉེར་བལྟམས་པ། །ཀུན་བཟང་གྲུབ་པའི་དབང་པོས་ལུང་བསྟན་བཞིན། །རྣམ་འདྲེན་མཆོག་ཏུ་འཁྲུངས་ལ་མགོས༴ །འདུ་བ་རྣམ་བཞིའི་ཁྲུགས་པའི་ཉེར་འཚེ་ཡིས། །རྣམ་པར་གཙེས་པའི་ཚེ་ན་གྲུབ་པའི་མགོན། །འབར་བའི་མགོན་པོ་དངོས་སུ་བྱོན་ནས་ཀྱང་། །ཕྱི་ནང་བར་ཆད་བསལ་ལ་མགོས༴ །དེ་ཚེ་རླུང་སེམས་དྷཱུ་ཏིར་ཚུད་པ་ཡིས། །རྒྱལ་བ་སྲས་བཅས་དཔག་ཡས་མཁའ་ལ་གཟིགས། །རྡོ་རྗེ་ཐེག་པའི་བག་ཆགས་ཡོངས་སད་ནས། །

[Full Size]

དང་བ་སྟོབས་སུ་གྱུར་ལ༴ །གཞན་གྱིས་མ་བསྟན་ཡོངས་སུ་མ་བསྐུལ་བར། །འགྲོ་བ་ཀུན་ལ་སྙིང་རྗེའི་འཇུག་པ་རྒྱས། །ཐེག་མཆོག་ལྷ་དང་རིག་སྔགས་དམ་ཆོས་ཚུལ། །ངང་གིས་ཡོངས་སུ་མཁྱེན་ལ༴ །ཡི་གེའི་ཕྱི་མོ་ལ་སོགས་རང་མཁྱེན་ཅིང་། །སྐྱེས་རབས་གླེང་བཞི་ལ་སོགས་གཏམ་མང་རྣམས། །འབད་རྩོལ་མེད་པར་ཐོས་པ་ཙམ་གྱིས་ཆུབ། །འཁོར་མང་དགའ་བ་སྐྱེད་ལ༴ །དགྱེས་པའི་རྡོ་རྗེ་རྡོ་རྗེ་རྣལ་འབྱོར་མ། །མི་གཡོ་སྒྲོལ་མ་འཇམ་པའི་དབྱངས་སོགས་ཀྱི། །སྒྲུབ་ཐབས་དུ་མ་ལོ་བདུན་ལོན་ཚེ་གསུངས། །བློ་གསལ་ཀུན་གྱི་གཙོ་བོར་མགོས༴ །མཁས་མཆོག་བྱམས་པའི་གསུང་ངག་ཉེར་བསྟེན་ཏེ། །སྡེ་སྣོད་གསུམ་དང་དེ་ཡི་དགོངས་འགྲེལ་དང་། །སྒྲ་ཚད་རིག་པའི་གནས་ལྔ་ཀུན་ལ་སྦྱངས། །མཚུངས་མེད་སྨྲ་བའི་སེང་གེར༴ །ཀུན་དགའི་མཚན་ཅན་བླ་མ་ཆོས་རྗེ་ཡི། །ཞབས་པད་ཉེར་བསྟེན་སྡོམ་

[Full Size]

གསུམ་རིམ་པས་ནོས། །དཔག་ཡས་རྒྱུད་སྡེའི་དབང་ལུང་མན་ངག་གིས། །ཐུགས་རྒྱུད་ཡོངས་སུ་གང་ལ༴ །དཀྱིལ་འཁོར་རྒྱ་མཚོའི་བསྙེན་སྒྲུབ་མཐར་ཕྱིན་ཅིང་། །གསང་སྔགས་རྒྱ་མཚོའི་རྫོགས་རིམ་ཉམས་ལེན་གནད། །རྩེ་གཅིག་བསྒྲུབ་ལ་ཉིན་མཚན་ལྷུར་མཛད་པས། །རྒྱལ་བ་དགྱེས་པའི་ལམ་སྟོན་ལ༴ །མདོ་རྒྱུད་དགོངས་པ་ཇི་བཞིན་ལེགས་མཁྱེན་ནས། །འཆད་དང་རྩོད་དང་རྩོམ་པའི་ཚུལ་ལུགས་ལ། །སྲིད་གསུམ་འདི་ན་གྲན་པའི་ཟླ་བྲལ་བ། །ཡོན་ཏན་རྒྱ་མཚོ་ཁྱོད་ལ༴ །རྒྱུད་སྡེ་རྒྱ་མཚོའི་ཚོགས་ལ་དབང་འབྱོར་ཞིང་། །འཕགས་པའི་ཡུལ་དང་གངས་རིའི་ཁྲོད་ཀུན་གྱི། །མཁས་གྲུབ་བྱེ་བའི་བཞེད་སྲོལ་ཇི་བཞིན་དུ། །མ་འདྲེས་ཐུགས་སུ་ཆུད་ལ༴ །སྒྱུ་མ་ལྟ་བུའི་ཏིང་འཛིན་མངོན་བརྙེས་པས། །རྨི་ལམ་མཚན་མའི་ཚུལ་དུ་བར་ཆད་བགེགས། །རྣམ་པར་བཏུལ་ནས་སྟོང་ཉིད་ཟབ་མོའི་དོན། །མངོན་དུ་གྱུར་པ་གང་དེར༴

[Full Size]

འཕགས་ཡུལ་མཁས་གྲུབ་ཞལ་ལུང་བདུད་རྩིའི་བཅུད། །སངས་རྒྱས་སྦས་པའི་ཞབས་སོགས་བླ་མ་ལས། །ལེགས་པར་གསན་ནས་ཐུན་མོང་མ་ཡིན་པའི། །ཟབ་དོན་རྒྱ་མཚོའི་བདག་པོར༴ །དཔག་མེད་སྐྱེས་རབས་ཕྲེང་བར་མངོན་འབྲེལ་བའི། །གདོད་མའི་མགོན་པོ་རྡོ་རྗེ་སློབ་དཔོན་མཆོག །བརྒྱུད་པ་ཀུན་འདུས་རྩ་བའི་བླ་མ་དང་། །ཐུགས་ཡིད་དབྱེར་མེད་འདྲེས་ལ༴ །གང་ལས་མཐར་ཐུག་དེ་ཉིད་ནོད་པའི་ཚེ། །གནས་ལུགས་གདོད་མ་རང་བཞིན་ལྷན་ཅིག་སྐྱེས། །ཆོས་ཀུན་ངོ་བོ་ཆོས་སྐུ་མངོན་གྱུར་ཏེ། །སྲིད་ཞིའི་མགོན་པོར་གྱུར་ལ༴ །ཟབ་ཅིང་རྒྱ་ཆེ་དཔག་ཡས་དམ་ཆོས་སྟོན། །མཐའ་དག་གཅིག་གྱུར་དོན་གྱི་བརྒྱུད་པ་བརྙེས། །རྫོགས་རིམ་ཟབ་མོའི་ཡེ་ཤེས་མངོན་གྱུར་པ། །བདེ་ཆེན་དང་པོའི་རྒྱལ་བར༴ །འཕགས་ཡུལ་ཤིང་རྟ་ཆེན་པོ་བཅུ་དྲུག་དང་། །གྲུབ་ཐོབ་འཁོར་ལོས་སྒྱུར་བ་བགྲང་ཡས་ཀྱི། །

[Full Size]

བཀའ་བབས་བྱིན་གྱིས་བརླབས་པའི་རྟགས་མཚན་ཐོབ། །ཆོས་ཀྱི་རྒྱལ་པོ་བླ་མར༴ །རྡོ་རྗེ་ཐེག་པའི་འཕགས་ལམ་རྗེས་མཐུན་ནས། །བཅུ་གཉིས་རྡོ་རྗེའི་གནས་པ་མངོན་གྱུར་ཏེ། །རྩོད་པའི་དུས་འདིར་རྡོ་རྗེ་འཆང་དབང་གི། །གདུང་འཚོབ་གྱུར་པ་གང་དེར༴ །སྐྱེ་བ་ཀུན་ཏུ་རྗེས་བཟུང་ཡི་དམ་ལྷ། །འཁོར་ལོ་སྡོམ་པའི་བསྙེན་བསྒྲུབ་ལ་བརྩོན་ཚེ། །བདག་ཉིད་ཧེ་རུ་ཀར་གྱུར་མཚན་མ་གཟིགས། །ཡ་མཚན་དཔག་ཡས་མངའ་ལ༴ །སྒྲོལ་མའི་དབང་བཞི་ནོད་ཚེ་རང་གི་ལུས། །མཁའ་འགྲོའི་ཚོགས་ཀྱིས་ཡོངས་སྦྱངས་བྱིན་བརླབས་ཏེ། །མཐའ་དག་རྒྱུད་ཀྱི་གླེགས་བམ་རྣམ་པར་གྱུར། །གསང་སྔགས་བསྟན་པའི་བདག་པོར༴ །རྣལ་འབྱོར་ནམ་མཁའི་དཀྱིལ་འཁོར་མངོན་གཟིགས་ཤིང་། །འཕགས་པ་ལྷ་ཡིས་ཐེ་ཚོམ་དྲ་བ་བསལ། །ཞི་བ་ལྷས་ཀྱང་འདུས་པའི་རྒྱུད་དོན་བསྟན། །ཆོས་རྒྱུད་ཏིང་འཛིན་བརྙེས་ལ། །ཡན་

[Full Size]

ལག་དྲུག་གི་རྣལ་འབྱོར་མཉམ་བཞག་པས། །ཐོག་མར་དགེ་བའི་རྟགས་རྣམས་མཐར་ཕྱིན་ཞིང་། །སྲོག་འཛིན་རྟགས་སྣང་དུ་མ་མངོན་གྱུར་པ། །བཅོས་མིན་ཡེ་ཤེས་གཟིགས་ལ༴ །དཔལ་ལྡན་གསང་འདུས་དོན་ལ་མཉམ་བཞག་པས། །འཇམ་དབྱངས་ཐུགས་རྗེས་ཆོས་ཀུན་དེ་ཉིད་གཟིགས། །ཁྲོ་རྒྱལ་གཤིན་རྗེ་གཤེད་པོས་བྱིན་བརླབས་པས། །མཐུ་སྟོབས་དབང་ཕྱུག་གྱུར་ལ༴ །རྣལ་འབྱོར་གསང་མཐའི་དོན་ལ་མཉམ་གཞག་ཚེ། །རང་ལུས་ལྷ་སྐུའི་གསལ་སྣང་ཆེར་བརྟན་ཞིང་། །གནས་གསུམ་ཕོ་ཉའི་འདུ་བ་ལེགས་ཐོབ་པ། །ལྷན་སྐྱེས་བདེ་ཆེན་ཐོབ་ལ༴ །རྣམ་དག་ཐུགས་མངའ་ཁྱོད་ཀྱི་མནལ་ལམ་དུ། །མདའ་བསྣུན་ཤཱ་བ་རི་དང་ལཱུ་ཡི་པ། །དྲིལ་བུ་འབར་འཛིན་ཞི་བ་སྦས་པ་སོགས། །གྲུབ་མཆོག་དུ་མས་ཞལ་བསྟན༴ །དེ་དག་རྣམས་ལ་ཐེ་ཚོམ་གཅོད་མཛད་ཅིང་། །རྒྱུད་སྡེའི་དགོངས་དོན་རྣམ་པར་

[Full Size]

འགྲེལ་བའི་ཚེ། །དཔའ་བོ་མཁའ་འགྲོ་དཔག་ཡས་བརྡ་ཐབས་ཀྱིས། །ཟབ་དོན་ངོ་སྤྲོད་བརྙེས་ལ་མགོས་ཕྱག་འཚལ། །དགའ་ལྡན་གནས་ནས་ཤཱཀྱའི་མཚན་ལྡན་པས། །ཞལ་བསྟན་མི་ཕམ་མགོན་པོས་བདག་ཉིད་ལ། །དངོས་སུ་བྱིན་གྱིས་བརླབས་པའི་མཚན་མ་ཐོབ། །ཆོས་འབྱོར་རྒྱུན་མི་འཆད་ལ༴། པདྨ་འབྱུང་གནས་ཟླ་འོད་གཞོན་ནུ་དང་། །བརྟོན་པ་བཞི་ལྡན་ལ་སོགས་མཆོག་རྣམས་དང་། །དམ་པ་ཆོས་ཀྱི་བཀའ་མཆིས་ཡོངས་ཐོབ་པ། །བཤེས་གཉེན་མཆོག་གིས་རྗེས་བཟུང་མགོས༴ །ཐོས་བསམ་མཐར་ཕྱིན་རྩེ་གཅིག་སྒྲུབ་ལ་དགྱེས། །ས་སྟེང་ཆོས་ཀྱི་འཁོར་ལོས་ཁྱབ་མཛད་པ། །ཡ་མཚན་མཚུངས་མེད་བླ་མ་རིན་ཆེན་ལ། །མཆོག་ཏུ་གུས་པའི་ཡིད་ཀྱིས་མགོས་ཕྱག་འཚལ། །ཅེས་པ་འདི་ཡན་ཆད་སློབ་མའི་ངོར་ཏཱ་ར་ནཱ་ཐས་སྨྲས་པའོ། །རྗེ་བཙུན་རིན་པོ་ཆེའི་རྣམ་ཐར་གསོལ་འདེབས་ཁ་སྐོང་དད་པའི་མེ་ཏོག་ཅེས་བྱ་བ། །རྒྱལ་བ་ཀུན་གྱི་ཡབ་གྱུར་རྒྱལ་བའི་སྲས། །

[Full Size]

སྲིད་ཞི་ཀུན་སྤངས་སྲིད་ཞི་ཀུན་གྱི་བདག །དཔལ་ལྡན་འཁོར་ལོ་སྡོམ་པ་བླ་མའི་ཚུལ། །སྒྲོལ་བའི་མགོན་པོའི་ཞབས་ལ་གསོལ་བ་འདེབས། །སྔོན་ཚེ་རྒྱལ་པོའི་ཕོ་བྲང་མཉན་ལྡན་དུ། །གྱད་ཀྱི་གཙོ་བོར་སྟོབས་མཐའ་ཡས་པར་གྱུར། །རྣམ་གཟིགས་དྲུང་དུ་བྱང་ཆུབ་ཐུགས་བསྐྱེད་ནས། །ངེས་པའི་ཡ་མཚན་ཐོབ་ལ་མགོས་ཕྱག་འཚལ། །དེ་ནས་སངས་རྒྱས་ཀུན་དང་རྟག་ཏུ་འགྲོགས། །བྱང་ཆུབ་སྤྱོད་པ་ཁྱད་པར་ཅན་རྣམས་བསྟན། །རྣམ་འཕྲུལ་དཔག་ཏུ་མེད་པས་གདུལ་བྱའི་ཁམས། །ཡོངས་སུ་སྨིན་པར་མཛད་ལ་མགོས༴ །ཤཱཀ་ཐུབ་སྤྱན་སྔར་བྱང་སེམས་ལྔ་བརྒྱའི་དབུས། །བློ་གྲོས་ཤིན་ཏུ་རྣམ་པར་དག་པར་གྱུར། །ངེས་དོན་སྙིང་པོའི་བསྟན་པ་ཕྱོགས་མེད་དུ། །འཛིན་པའི་གོ་ཆ་བཞེས་ལ༴ །གྲུབ་པ་རིག་འཛིན་དྲང་སྲོང་པཎྜི་ཏ། །རྒྱལ་བློན་བྲམ་ཟེ་ཁྱིམ་

[Full Size]

བདག་ཐ་མལ་པ། །སྣ་ཚོགས་གཟུགས་ཀྱིས་སངས་རྒྱས་བསྟན་སྐྱོང་ཞིང་། །འཁོར་བ་དོང་ནས་སྤྲུགས་ལ༴ །ཤར་ཕྱོགས་མྱ་ངན་བྲལ་བར་དེ་བཞིན་གཤེགས། །ཙམྦྷ་ཀ་དྲུང་འཁོར་ལོས་སྒྱུར་བའི་རྒྱལ། །རི་བོའི་རྩེ་སོགས་སྐུ་ཡི་བཀོད་པ་བརྒྱད། །གཅིག་ཆར་སྟོན་པར་མཛད་ལ༴ །དེ་བཞིན་འཇིག་རྟེན་གཞན་དང་བོད་ཡུལ་འདིར། །སྤྲུལ་མང་དུས་གཅིག་སྟོན་ལས་འདྲེན་པའི་གཙོ། །ཨོ་རྒྱན་དཔའ་བོ་བིཥྣུ་རཱ་ཛཱ་ཉིད། །སྤྲུལ་གཞིའི་ཚུལ་དུ་སྟོན་ལ༴ །ཧེ་རུ་ཀ་ཡིས་གསང་བའི་མཛོད་གཏད་ཅིང་། །ཐུབ་པས་ཆོས་ཀུན་བདག་པོར་རྗེས་སུ་གནང་། །ཉེ་སྲས་བརྒྱད་ཀྱིས་མདོ་རྒྱུད་མ་ལུས་པའི། །འབྱུང་གནས་བྱིན་གྱིས་བརླབས་ལ༴ །སྤྱན་རས་གཟིགས་ཀྱིས་འགྲོ་འདུལ་སེམས་དཔར་བསྔགས། །ནམ་མཁའི་སྙིང་པོས་ལྷག་པའི་བསླབ་པ་བྱིན། །རྗེ་བཙུན་སྒྲོལ་མས་རྟག་ཏུ་ཞལ་སྟོན་ཅིང་། །ལུང་བསྟན་

[Full Size]

ཡེ་ཤེས་སྤོར་ལ༴ །པདྨཱ་ཀ་རས་ཁྲག་འཐུང་དལ་དུ་བཅུག །མཚོ་རྒྱལ་མ་ཡིས་ཟབ་མོའི་བརྡ་དབང་བསྐུར། །ཌོམྦི་ཧེ་རུས་གནས་གསུམ་མཁའ་འགྲོ་མའི། །བདག་པོར་མངའ་གསོལ་མཛད་ལ༴ །ཙཱནྡྲ་གོ་མཱིས་ཏིང་འཛིན་ངོ་སྤྲད་མཛད། །བསྙུན་གྱི་ཟུག་རྔུ་འཕགས་པས་དངོས་སུ་བཀྲུས། །དབྱངས་ཅན་ལྷ་མོས་ངག་གི་དབང་ཕྱུག་སྩལ། །བསམ་ཡས་ཡེ་ཤེས་ཡངས་པར་མགོས༴ །གྲུབ་ཆེན་བརྒྱད་ཅུ་ལོ་ཙཱ་རྣལ་འབྱོར་ཚོགས། །གསོལ་བ་བཏབ་རེས་དངོས་སུ་ཆོས་གསུངས་ཤིང་། །ཨ་བྷ་ཡ་ཡིས་རྒྱུད་སྡེ་རབ་འབྱམས་ཀྱི། །དཀྱིལ་འཁོར་ཆེན་པོར་གཅུག་ལ༴ །གསང་བ་ཡེ་ཤེས་གསང་བའི་དབང་བཞི་བསྐུར། །ཌཱ་ཀིས་སྨན་མཆོག་རྣམ་རྒྱལ་དངོས་སུ་སྩལ། །དེ་བཱི་ཀོ་ཌིར་མཁའ་འགྲོས་བཀའ་མཆིད་ཀྱིས། །ཆོས་དྲུག་ཐང་མར་བརྡལ་ལ༴ །ལཱུ་ཡི་པཱ་དས་བདེ་ཆེན་ངོ་སྤྲོད་མཛད། །འཁོར་ལོ་གསུམ་དུ་

[Full Size]

ཚོགས་ཀྱི་འདུ་བ་རོལ། །ཆགས་ཆེན་ལམ་ལས་མཐོང་ཐོས་དྲན་རེག་ཀུན། །རྣམ་གྲོལ་ལུང་བསྟན་ཐོབ་ལ༴ །ཨོ་ཌཱི་ཡ་ན་ཟངས་མདོག་དཔལ་གྱི་རི། །ཤམྦྷ་ལ་རུ་རྫུ་འཕྲུལ་ཞབས་ཀྱིས་བགྲོད། །ཨིཎྜ་བོ་དྷི་པད་འབྱུང་རིགས་ལྡན་ཆེའི། །ཞལ་ལུང་བདུད་རྩི་གསོལ་ལ༴ །རྡོ་རྗེ་ཕག་མོ་དུས་འཁོར་གསང་འདུས་ཀྱིས། །འོད་ཟེར་ཆེན་པོའི་དབང་བསྐུར་རྒྱུད་སྡེའི་དོན། །རྣམ་པར་འགྲེལ་ལ་ལེགས་སོའི་དབུགས་དབྱུང་སྩལ། །གསང་བདག་རྡོ་རྗེ་ཆོས་ལ༴ །འཇམ་དཔལ་དམར་ནག་རྡོ་རྗེ་འཇིག་བྱེད་ཀྱིས། །དབང་བསྐུར་བདུད་སྡེ་འཇོམས་པའི་ལུང་བསྟན་ཐོབ། །བླ་མ་གྲུབ་ཆེན་བརྒྱད་ཀྱིས་བྱིན་བརླབས་པས། །ཆོས་ཀྱི་གཏིང་སླེབ་གྱུར་ལ༴ །ཡེ་ཤེས་ཕེབ་པས་སྣང་གྲག་རྟོག་ཚོགས་ཀུན། །དག་པའི་སྣང་བར་རྒྱ་འབྱམས་རྡོ་རྗེའི་གླུས། །ལས་ཅན་འཁོར་ཚོགས་རྟོགས་གྲོལ་དུས་མཉམ་གྱི། །ཡེ་ཤེས་སད་པར་མཛད་ལ༴ །དབང་བསྐུར་སྒྲུབ་མཆོད་ཆོས་འཁོར་

[Full Size]

བསྐོར་ལ་སོགས། །མཛད་ཆེན་སྟོན་ཚེ་འཇའ་འོད་མེ་ཏོག་ཆར། །མཁའ་འགྲོ་བརྡ་གླུ་དྲི་བཟང་ངད་པས་ཁྱབ། །སྤྲུལ་བསྒྱུར་ཆོ་འཕྲུལ་སྟོན་ལ༴ །རིང་ལུགས་ཉམས་པ་གསོས་ཤིང་འཁྲུལ་པ་བསལ། །སྔོན་མེད་ཤིང་རྟགས་ར་དུ་དྲངས་ལ་སོགས། །ངེས་དོན་སྙིང་པོ་རྡོ་རྗེ་ཐེག་མཆོག་གི། །བསྟན་པ་རྨངས་ནས་གསོས་ལ༴ །ཀུན་མཁྱེན་ཆོས་རྗེས་བདེ་བ་ཅན་ཞིང་བསྟན། །ཕྱིར་མི་ལྡོག་པའི་ཆོས་ཀྱི་རྒྱལ་སྲིད་ཕོག །བུ་སྟོན་ཆེན་པོས་ཆོས་ཀྱི་ཅོད་པན་བཅིངས། །ཐུབ་བསྟན་མངའ་བདག་གྱུར་ལ༴ །བླ་མ་རྣམས་དང་རིས་མེད་མཁས་གྲུབ་ཚོགས། །གྲུབ་མཐར་དགྱེས་པའི་ལེགས་སོའི་ཤིས་བརྗོད་ལྡིར། །སྐྱེ་བ་གསུམ་ནས་མངོན་པར་འཚང་རྒྱ་ཞེས། །སེང་གེའི་སྒྲ་ཆེན་བསྒྲགས་ལ༴ །སངས་རྒྱས་ཞལ་མཐོང་མཐུ་ཆེན་ཆོས་སྐྱོང་རྣམས། །འབངས་སུ་མཆི་ཞིང་སྲོག་གི་སྙིང་པོ་ཕུལ། །མ་ཧཱ་ཀཱ་ལ་ལྕམ་དྲལ་སྡེ་འཁོར་བཅས། །

[Full Size]

ཅི་བཅོལ་བཀའ་བཞིན་སྒྲུབ་ལ༴ །ཚེ་འདིར་ལྟ་བའི་སྒོ་ནས་བྱ་བ་མཛད། །ཕྱི་མར་མདོ་སྒྱུ་སེམས་སོགས་འགྲོ་ལྡིང་དུ། །དངོས་སུ་སྤེལ་ནས་པདྨ་ཐོད་ཕྲེང་གི། །ཕྲིན་ལས་འཁོར་ལོས་སྒྱུར་ལ༴ །ཕག་མོ་སྒྲོལ་མ་སྤྱོད་འཆང་པདྨ་བདེས། །བསྐུལ་ཞིང་དཔའ་བོ་ཌཱ་ཀིས་གླུ་གར་གདུགས། །ཌཱ་དྲིལ་བདེ་སྐྱོང་བདུད་རྩིས་ཡོངས་མཆོད་དེ། །ཞིང་ཁམས་མཐའ་ཡས་གཤེགས་ལ༴ །བདུད་ཀྱི་གནས་གཡོ་འཇིག་རྟེན་རབ་འབྱམས་སུ། །ངོ་མཚར་ལྟས་སོགས་ཏིང་འཛིན་ས་བརྙེས་ཤིང་། །རིག་མའི་སྐྱེས་བུ་གྲུབ་པའི་དགེ་མཚན་གྱིས། །ཀུན་ཏུ་ཁྱབ་པར་མཛད་ལ༴། ཨཽ་ཌཱི་ཡ་ནར་བཱིརྻ་རཱ་ཛ་དང་། །འགྲོ་ལྡིང་གནས་སུ་བདེ་བའི་མགོན་པོའི་ཚུལ། །བཻ་ཌཱུརྻ་སྣང་བདེ་བ་ཅན་ཞིང་དུ། །ས་བཅུའི་དབང་ཕྱུག་སྟོན་ལ༴ །ངོ་བོ་ལྷན་ཅིག་སྐྱེས་པའི་དྲྭ་བར་སྡོམ། །ཐུན་མོང་སྣང་ངོར་འཇིག་རྟེན་འོད་ལྡན་དུ། །བདེ་གཤེགས་ནམ་མཁའི་ཐིག་ལེར་འཚང་རྒྱ་སོགས། །

[Full Size]

རྣམ་འཕྲུལ་བསམ་མི་ཁྱབ་ལ་མགོས་ཕྱག་འཚལ། །འཕགས་པའི་ཡུལ་དུ་འཇིགས་འབྱུང་སྦས་པ་བཞིན། །ཁྱོད་འདྲའི་གང་ཟག་ཕྱིས་ནས་མ་བྱོན་པའི། །དྲུག་པའི་རྒྱལ་ཚབ་ཉིད་དུ་ངེས་པ་རྙེད། །བླ་མེད་ཧེ་རུ་ཀ་དཔལ་བླ་མ་རྗེར། །གུས་པའི་ཕྱག་འཚལ་ངོ་མཚར་མཆོད་སྤྲིན་འབུལ། །ཉེས་བྱས་ཀུན་བཤགས་དགེ་ལ་རྗེས་ཡི་རང་། །ཆོས་འཁོར་བསྐོར་ཞིང་རྟག་ཏུ་བཞུགས་གསོལ་འདེབས། །དགེ་ཀུན་ཁྱོད་ཀྱི་གོ་འཕང་ཐོབ་ཕྱིར་བསྔོ། །ཀུན་དགའ་སྙིང་པོའི་སྐུ་གསུང་ཐུགས་ཡོན་ཏན། །རྣམ་ཐར་ཕྲིན་ལས་ཅི་འདྲར་བདག་གྱུར་ཏེ། །ཕྱོགས་ལས་རྣམ་རྒྱལ་གསུང་རབ་ཕྱོགས་བཅུར་སྤེལ། །འགྲོ་ཀུན་མཁའ་འགྲོ་དྲྭ་བར་སྡོམ་བྱེད་ཤོག །འདི་ཕྱི་བར་དོ་རྨི་ལམ་དག་ཏུ་ཡང་། །ཏཱ་ར་ནཱ་ཐ་ཉིད་དང་མི་འབྲལ་བར། །གསང་བའི་མཛོད་ཐོབ་བརྟུལ་ཞུགས་ཕྱོགས་མེད་གྲུབ། །ཁ་སྦྱོར་བདེ་ཆེན་རོལ་པར་ཚང་རྒྱ་ཤོག །རྟག་ཏུ་

[Full Size]

རྗེ་བཙུན་མཉེས་པའི་བྱ་བ་སྒྲུབ། །བྱིན་རླབས་རྒྱུད་ལ་ཞུགས་ནས་རྗེ་ཉིད་དང་། །རྣམ་དབྱེར་མེད་པའི་ཕྲིན་ལས་རབ་འབྱམས་ཀྱིས། །མཁའ་ཁྱབ་ཛམ་གླིང་བཀྲ་ཤིས་དཔལ་འབར་ཤོག །ཅེས་རྣམ་ཐར་གསོལ་འདེབས་དད་པའི་ལྗོན་ཤིང་གི་ཁ་སྐོང་དམ་པ་སྔ་མས་མཛད་པ་འགའ་ཞིག་རྒྱས་བསྡུས་མ་འཚམས་པ་དང་ལུང་རྒྱུན་མ་བཞུགས་པས། །རང་གཞན་དད་པའི་གསོལ་འདེབས་ཀྱི་ཚུལ་དུ་ཀརྨ་ངག་དབང་ཡོན་ཏན་རྒྱ་མཚོས་དཔལ་སྤུངས་ཡང་ཁྲོད་དུ་བྲིས་པ་དགེ་ལེགས་འཕེལ། །རྗེ་བཙུན་དཔལ་ལྡན་བླ་མ་ཀརྨ་གཞན་ཕན་འོད་ཟེར་ལ་གསོལ་བ་འདེབས་པ་དགེ་ལེགས་སྒྲ་དབྱངས་ཞེས་བྱ་བ། །གསང་བ་བསམ་མི་ཁྱབ་པའི་རྣམ་ཐར་འཆང་། །ཐ་མལ་སྣང་ངོར་སྦས་པའི་བརྟུལ་ཞུགས་ཅན། །འབྲེལ་ཚད་དོན་ལྡན་གྲུབ་པའི་དབང་ཕྱུག་མཆོག །གཞན་ཕན་འོད་ཟེར་ཞབས་ལ་གསོལ་བ་འདེབས། །ཞེན་ལོག་ངེས་འབྱུང་བཅོས་མིན་ནང་ནས་བརྡོལ། །ཤཱཀྱའི་བསྟན་ལ་རྣམ་དག་ཚངས་པར་སྤྱོད། །རྗེ་བཙུན་སྨྲ་བའི་སེང་གེས་བྱིན་བརླབས་པས། །འབྲི་

[Full Size]

ཀློག་རང་བརྡོལ་མཁྱེན་ལ་གསོལ་བ་འདེབས། །མ་བསྒྲུབས་པར་ཡང་དམར་ནག་མེ་ཕྲེང་ཅན། །ཞལ་བསྟན་ཕྱི་ནང་བར་དུ་གཅོད་པ་བསལ། །མཚན་ལྡན་ཡོངས་འཛིན་དུ་མའི་ཞལ་སྒོ་འགྲིམས། །ཆོས་ཀྱི་བདུད་རྩི་བཞེས་ལ༴ །དབོན་སྟོན་དངོས་བྱོན་སྦས་པའི་རྣལ་འབྱོར་པ། །ཀརྨ་ལྷག་མཐོང་ཞབས་ལས་ཤངས་ཆོས་སོགས། །གདམས་ངག་བཅུད་གསོལ་རྗེ་བཙུན་རྨོག་ལྕོགས་པའི། །རྣམ་རོལ་ཞལ་གྱིས་བཞེས་ལ༴ །བློ་སྦྱོང་མཛད་ཚེ་ལོ་གསུམ་ཤིག་ནད་ཀྱིས། །གཙེས་ཀྱང་སྟོང་ཉིད་སྙིང་རྗེའི་དབྱིངས་སུ་དེངས། །དཀའ་སྤྱད་བརྩོན་འགྲུབ་བསམ་གྱིས་མི་ཁྱབ་པས། །གདམས་ངག་ཉམས་བཞེས་མཛད་ལ༴ །གཏུམ་མོ་སྒྱུ་ལུས་རྨི་ལམ་འོད་གསལ་གྱི། །ཏིང་འཛིན་མཐར་ཐུག་བརྙེས་པས་རླུང་སྦྱོར་གྱིས། །ནད་གདོན་དངོས་སུ་འདོན་སོགས་ཕྱི་ཡི་རྟགས། །བསྙོན་མེད་མངོན་སུམ་སྟོན་ལ༴ །ཆོས་བརྒྱད་དྲི་

[Full Size]

མ་རྨི་ལམ་དུ་ཡང་སྤངས། །ངོ་སྲུང་མཐུན་འཇུག་ནམ་ཡང་མི་མངའ་ཞིང་། །འདིར་ལྟོས་བྱ་བཞག་སློགས་རུལ་བཞིན་ཏུ་དོར། །བྱ་བཏང་རྒྱལ་པོ་ཁྱེད་ལ༴ །ཐོགས་བཅས་ཐོགས་མེད་ཡ་ང་སྐྱུགས་བྲོ་ལ། །བདག་འཛིན་བློས་བཏང་རོ་སྙོམས་ཟློག་སྒོམ་གྱིས། །ཐུགས་དམ་བོགས་ཐོན་བརྟུལ་ཞུགས་རྩལ་ཆེན་རྫོགས། །རྣལ་འབྱོར་དབང་ཕྱུག་ཁྱོད་ལ༴ །ཉམས་དང་རྟོགས་པ་བསམ་མི་ཁྱབ་པ་འཁྲུངས། །གྲུབ་པ་ལྷ་དང་མཁའ་འགྲོས་ཞལ་བསྟན་ཅིང་། །ཆོས་སྲུང་དམ་ཅན་ཚོགས་ཀྱིས་ཕྲིན་ལས་སྒྲུབ། །གོང་མའི་བརྒྱུད་པ་ཟིན་ལ༴ །མི་སྣང་ལ་སོགས་སྤྲུལ་བསྒྱུར་ཆོ་འཕྲུལ་མངའ། །འབྱུང་འགྱུར་གནས་སོགས་ལྐོག་གྱུར་དངོས་སུ་མཁྱེན། །དག་པའི་སྣང་ངོར་མར་པ་ལོ་ཙཱ་སོགས། །སྤྲུལ་པའི་གཟུགས་སུ་སྟོན་ལ༴ །མ་ངེས་ཐོད་རྒལ་སྤྱོད་པ་སྣ་ཚོགས་པས། །རྐྱེན་སྣང་གང་བྱུང་ཐད་ཀའི་ལམ་དུ་གཅོད། །སྣང་སེམས་དབང་དུ་འདུས་

[Full Size]

པའི་རྣལ་འབྱོར་པ། །ཀརྨ་མ་ིའི་ཞབས་ལ༴ །སྐལ་ལྡན་གདུལ་བྱ་རྣམས་ལ་སྒྲུབ་བརྒྱུད་སྤེལ། །བཟང་ངན་འབྲེལ་ཚད་ཕྱིར་མི་ལྡོག་པ་ཡི། །ཕྲིན་ལས་མཐར་ཕྱིན་འོད་གསལ་ཆེན་པོར་བཞུགས། །ཡེ་ཤེས་སྐུ་མཆོག་ཁྱེད་ལ༴ །དྲན་མཆོག་དཔལ་ལྡན་བླ་མ་རིན་པོ་ཆེ། །སྙིང་གི་ཟེའུ་འབྲུ་ཚངས་པའི་འཁོར་ལོའི་དབུས། །ཐུགས་རྗེ་གཡེལ་བ་མེད་པར་རྟག་བཞུགས་ལ། །སྐུ་གསུང་ཐུགས་ཀྱིས་བྱིན་གྱིས་བརླབ་ཏུ་གསོལ། ༈ །ཐམས་ཅད་མཁྱེན་པ་འཇམ་དབྱངས་མཁྱེན་བརྩེའི་དབང་པོ་ལ་གསོལ་བ་འདེབས་པ་བཀྲ་ཤིས་འཁྱིལ་པའི་སྒྲ་དབྱངས་ཞེས་བྱ་བ། །ཇི་ལྟ་ཇི་སྙེད་ཤེས་བྱ་ཐམས་ཅད་མཁྱེན། །དམིགས་མེད་ཐུགས་རྗེས་འགྲོ་ལ་བུ་ལྟར་དགོངས། །འཁོར་བ་དོང་སྤྲུགས་ནུས་པའི་ཆོས་ཀྱི་རྒྱལ། །མཁྱེན་བརྩེའི་དབང་པོའི་ཞབས་ལ་གསོལ་བ་འདེབས། །རྒྱལ་བའི་ཡབ་གཅིག་རྗེ་བཙུན་འཇམ་པའི་དབྱངས། །གང་འདུལ་རྣམ་རོལ་ཆོས་དབྱིངས་ཁྱབ་པ་ལས། །

[Full Size]

སྙིགས་དུས་བསྟན་འགྲོ་སྐྱོབས་པའི་དཔལ་མགོན་ཏུ། །བསམ་བཞིན་སྐྱེ་བ་བཞེས་ལ༴ །མདོ་སྨད་སྡེ་བཞི་དགེ་བཅུའི་སྨན་གྱི་ལྗོངས། །ཕྲིན་ལས་འགྲོ་འདུལ་སྤྲུལ་པའི་གནས་ཀྱི་ཆར། །རྣམ་དག་རིགས་སོགས་མཆོག་གི་གཟིགས་པ་ལྔས། །སྤྲུལ་པའི་སྐུ་རུ་བསྟན་ལ༴ །ཡེ་ཤེས་བརྙེས་པའི་རྣམ་འདྲེན་མཆོག་རྣམས་ཀྱིས། །དམ་པའི་སྐྱེས་བུར་མགྲིན་གཅིག་ལུང་བསྟན་ཅིང་། །ཕལ་པའི་སྤྱོད་ལས་འདས་ཕྱིར་ལྷ་མི་ཀུན། །འགྲོ་བའི་མགོན་དུ་བསྔགས་ལ༴ །དབུས་གཙང་བོད་ཆེན་ཀུན་ཏུ་ཞབས་ཀྱིས་གཅགས། །མཉེས་པ་གསུམ་གྱིས་ཡོངས་འཛིན་བརྒྱ་ལྷག་བསྟན། །སྐྱོ་ངལ་མེད་པར་དམ་ཆོས་ཡོངས་སུ་ཚོལ། །ཐུགས་བསྐྱེད་དཔག་ཡས་ཁྱོད་ལ༴ །ས་ཆེན་ཕུག་ཏུ་ཐུགས་དམ་མཛད་པའི་ཚེ། །ལྷག་པའི་ལྷ་ཡི་ཕྱག་རྒྱ་ཐུགས་ཀར་ཐིམ། །སྤོབས་པའི་གཏེར་ཆེན་བརྒྱད་པོ་ཡོངས་སུ་གྲོལ། །མཁྱེན་གཉིས་རྩལ་ཆེན་རྫོགས་ལ༴ །སྒྲ་ཚད་བཟོ་གསོ་

[Full Size]

གྲངས་གནས་ཚིག་རྒྱན་སོགས། །གནས་ལྔ་རིག་པ་ཡན་ལག་དང་བཅས་པར། །ཕུལ་དུ་སོན་པས་གངས་ཅན་འཛིན་མའི་ཁོངས། །མཁས་པའི་སྙན་པས་ཁྱབ་ལ༴ །འདུལ་མངོན་དབུ་མ་ཕར་ཕྱིན་གསང་སྔགས་ཀྱི། །རྒྱུད་ཀུན་གཟིགས་པ་ཙམ་གྱིས་གཏིང་སླེབ་ཅིང་། །མི་བརྗེད་གཟུངས་ཐོབ་བརྟན་པའི་འཁོར་ལོའི་ཚུལ། །མ་སྦས་གསལ་བར་སྟོན་ལ༴ །དྲི་མེད་ཚུལ་ཁྲིམས་ནོར་བུའི་རྒྱན་ཆས་སྒེག །ཏིང་འཛིན་འཛུམ་དཀར་སྐལ་ལྡན་ཡིད་དབང་འགུགས། །ཤེས་རབ་རོལ་སྒེགས་ས་གསུམ་དཔྱིད་དུ་གཡོ། །བསླབ་གསུམ་དབང་ཕྱུག་ཞབས་ལ༴ །ཟབ་རྒྱས་གནས་ལ་ཆོས་སྤྱན་རྡུལ་དང་བྲལ། །འཆད་རྩོད་རྩོམ་ལ་ཆགས་དང་ཐོགས་པ་མེད། །མཛད་སྤྱོད་ཀུན་ལ་འཁྲུལ་པའི་དྲི་མ་ཟད། །ལྷ་མི་ཡིད་ཆེས་སྐྱེད་ལ༴ །ནང་གི་ཡོན་ཏན་རྒྱ་མཚོ་གཏེར་བཞིན་སྦེད། །གཞན་གྱི་ཡོན་ཏན་ཕྲ་མོར་བསྔགས་ཤིང་

[Full Size]

འདུད། །བསྟན་འགྲོའི་དོན་དུ་གཅེས་དགུའི་བདོག་པ་ཡང་། །ཙྭ་བཞིན་གཏོང་བར་མཛད་ལ༴ །གཟུངས་དང་ཏིང་འཛིན་མངོན་ཤེས་རྒྱ་མཚོ་མངའ། །འཇིག་རྟེན་གསུམ་གྱིས་མཆོད་འོས་ཉིད་གྱུར་ཀྱང་། །ཁེངས་དྲེགས་མི་མངའ་དམ་ཆོས་ཚིག་གཅིག་ཕྱིར། །དཀའ་ཆེན་དང་དུ་བཞེས་ལ༴ །ལྟར་སྣང་ཆོས་ལ་བརྙད་པའི་འཛིན་སྐྱོང་སོགས། །འཇིག་རྟེན་བྱ་བཞག་གང་ལའང་ལྟོས་མེད་པས། །འཇིགས་མེད་སེང་གེ་ལྟ་བུར་ཀུན་བཟང་སྤྱོད། །ས་སྟེང་འགྲན་ཟླ་བྲལ་ལ༴ །སྒྲུབ་བརྒྱུད་ཤིང་རྟ་ཆེ་བརྒྱད་རིང་ལུགས་ཀྱི། །གཞུང་གདམས་མན་ངག་ཆུ་ཀླུང་མ་ལུས་པ། །ཐུགས་མཚོར་བསྐྱིལ་ནས་སྨིན་གྲོལ་རྒྱུན་འདེབས་པས། །བསྟན་པའི་སྲོག་རྩ་མཐུད་ལ༴ །ཐུབ་བསྟན་ཡོངས་སུ་རྫོགས་པའི་ཤིང་རྟ་ཆེ། །གདུལ་བྱ་རིས་སུ་མ་ཆད་འདུལ་བའི་གཉེན། །ཕྱོགས་སུ་མ་ལྷུང་གྲུབ་མཐའ་མཐའ་དག་གི། །གཙུག་གི་ནོར་བུར་

[Full Size]

གྱུར་ལ༴ །ཕྲིན་ལས་ཐམས་ཅད་གཞན་ཕན་འབའ་ཞིག་སྒྲུབ། །འབྲེལ་ཚད་དོན་ལྡན་ངོ་མཚར་ལྟས་མང་མངའ། །བསོད་ནམས་ཚོགས་ཆེན་བསམ་མི་ཁྱབ་པ་བསྐྲུན། །ས་བཅུའི་དབང་ཕྱུག་ཁྱོད་ལ༴ །ཨོ་རྒྱན་ཡབ་ཡུམ་དྲི་མེད་བཤེས་གཉེན་ཞབས། །ཆོས་རྒྱལ་མེས་དབོན་ཆོས་དབང་ཀུན་མཁྱེན་སོགས། །དགུ་ལྡན་བརྒྱུད་པའི་བླ་མ་ཡི་དམ་ལྷས། །བྱིན་བརླབས་དངོས་གྲུབ་སྩལ་ལ༴ །ཁྱད་པར་སློབ་དཔོན་འཇམ་དཔལ་བཤེས་གཉེན་གྱིས། །མདོ་རྒྱུད་གསང་མཛོད་སྩལ་ནས་ཡེ་ཤེས་སྐུར། །བྱིན་གྱིས་བརླབས་པས་ཉིད་དང་དབྱེར་མེད་པའི། །མཁྱེན་རྟོགས་རྫོགས་པར་སད་ལ༴ །བརྩེ་བ་ཆེན་པོ་ཁུ་དཔོན་བརྒྱུད་བཅས་ཀྱིས། །དབང་བསྐུར་རྒྱུད་གཏད་གཞན་ཡང་འཕགས་བོད་ཀྱི། །མཁས་གྲུབ་དུ་མས་དངོས་ཉམས་རྨི་ལམ་དུ། །ཡང་ཡང་རྗེས་སུ་བཟུང་ལ༴ །འདུས་པའི་དལ་དུ་ཞུགས་ཚེ་སོ་སྟོན་མཆོག །ཡེ་དབང་མཐུ་

[Full Size]

ཡིས་སྙིགས་མའི་ཕུང་ཁམས་སྦྱངས། །རྡོ་རྗེ་སེམས་དཔའི་གསང་བ་གསུམ་དུ་གྱུར། །རིགས་ཀུན་ཁྱབ་བདག་མཆོག་ལ༴ །རྒྱལ་ཡུམ་རྡོ་རྗེ་བཙུན་མོས་རྗེས་སུ་བཟུང་། །སྣང་སྲིད་དག་པ་རབ་འབྱམས་འཁོར་ལོར་ཤར། །རྡོ་རྗེ་ལུས་ཀྱི་དཀྱིལ་འཁོར་གསལ་བར་གཟིགས། །གྲུབ་པའི་ཁྱུ་མཆོག་ཁྱོད་ལ༴ ཕྱི་ནང་གནས་གསུམ་མཁའ་འགྲོའི་འདུ་བ་ཐོབ། །འབར་བ་གསུམ་གྱི་ཡེ་ཤེས་གོང་དུ་འཕེལ། །སྤྱོད་པ་གསུམ་གྱི་རྟེན་འབྲེལ་མཐར་ཕྱིན་པའི། །རྣལ་འབྱོར་དབང་ཕྱུག་ཆེན་པོར་གསོལ་བ་འདེབས། །སྐྱེས་རབས་དུ་མའི་ལས་ཀྱི་འཕྲོ་སད་དེ། །མདོ་རྒྱུད་བཀའ་ལུང་དཀོན་པའི་བུ་སྟ་ཀ། རྟེན་མཆོག་དམ་རྫས་ཆུ་ཀླུང་བྱེ་བ་སྙེད། །རྣམ་ཐར་རྒྱ་མཚོར་བསྐྱིལ་ལ༴ །བརྒྱུད་པ་དྲུག་ལྡན་ས་དང་དགོངས་པའི་གཏེར། །དག་སྣང་སྙན་བརྒྱུད་རྗེས་དྲན་ཡང་གཏེར་བཅས། །བཀའ་བབས་རིན་ཆེན་རྣམ་བདུན་རྒྱལ་སྲིད་བརྙེས། །ཆོས་ཀྱི་འཁོར་ལོས་སྒྱུར་ལ༴ །རང་སྣང་དབང་འདུས་གཞན་སྣང་ཟིལ་གྱིས་མནན། །མ་འབད་པར་ཡང་ཕྲིན་ལས་རྣམ་བཞི་འགྲུབ། །ཌཱ་ཀི་ཆོས་སྲུང་མཐུ་ལྡན་དྲེགས་པ་ཡིས། །ཅི་བཅོལ་བཀའ་བཞིན་སྒྲུབ་ལ༴ །ཟབ་རྒྱས་ཆོས་ཀྱི་

[Full Size]

འཁོར་ལོ་གྲངས་མེད་པས། །སྐལ་ལྡན་བྱེ་སྙེད་སྨིན་ཅིང་གྲོལ་བར་མཛད། །བསམ་གྱིས་མི་ཁྱབ་འཕགས་པའི་རྣམ་ཐར་འཆང་། །ཐུགས་རྗེའི་བདག་ཉིད་ཁྱེད་ལ༴ །མི་ཕྱེད་གུས་པས་རྩེ་གཅིག་གསོལ་བཏབ་མཐུས། །སྐྱེ་བ་འདི་བཟུང་བྱང་ཆུབ་མ་ཐོབ་པར། །དཔལ་ལྡན་བླ་མ་ཆོག་དང་མི་འབྲལ་བར། །རྗེས་སུ་བཟུང་ནས་རྣམ་ཐར་མངོན་བྱེད་ཤོག །མཉེས་པ་གསུམ་གྱིས་ཚུལ་བཞིན་བསྟེན་ནས་ཀྱང་། །ཐུགས་ཀྱི་བཅུད་ཐོབ་ཉམས་ལེན་མཐའ་རུ་ཕྱིན། །ས་དང་ལམ་གྱི་ཡོན་ཏན་ཡོངས་རྫོགས་ཏེ། །རྡོ་རྗེ་འཆང་དབང་གོ་འཕང་འགྲུབ་གྱུར་ཅིག །ཆོས་བཞིན་སྒྲུབ་ལ་བར་ཆད་མི་འབྱུང་ཞིང་། །ལུང་རྟོགས་ཆོས་ལ་རང་དབང་ཐོབ་པ་ཡིས། །ཐུབ་དབང་བསྟན་པ་འཛམ་གླིང་ཀུན་ཏུ་སྤེལ། །ཆོས་ཀྱི་རྒྱལ་པོ་ཁྱེད་དང་མཚུངས་པར་ཤོག ༈ །དཔལ་ལྡན་བླ་མ་ལ་གསོལ་བ་འདེབས་པ་ཀུན་ཏུ་བཟང་པོའི་སྒྲ་དབྱངས་ཞེས་བྱ་བ། །ཀརྨ་བཀའ་བརྒྱུད་བསྟན་པའི་

[Full Size]

སྣང་བྱེད་མཆོག །ངག་གི་དབང་ཕྱུག་ཡོན་ཏན་རྒྱ་ཆེའི་མཚོ། །དགེ་ལེགས་ཕྲིན་ལས་རླབས་ཕྲེང་ཀུན་ཏུ་ཁྱབ། །དཔལ་ལྡན་བཟང་པོའི་ཞབས་ལ་གསོལ་བ་འདེབས། །ཚར་གཅོད་རྗེས་འཛིན་ཀུན་ཤེས་ཡན་ལག་བཅས། །བཅུ་ཕྲག་རིག་པའི་གནས་ལ་ཐོས་བསམ་དང་། །སྒོམ་པའི་བློ་གྲོས་ཆགས་ཐོགས་བྲལ་བ་ཡིས། །རྣམ་དཔྱོད་མཐའ་ཡས་ལྡན་ལ༴ །པདྨ་དབང་ཆེན་སོགས་ཀྱིས་རྗེས་སུ་བཟུང་། །གར་གྱི་དབང་ཕྱུག་ཐུགས་རྗེའི་རིག་སྔགས་འཆང་། །ཕྲིན་ལས་འགྲོ་བ་འདུལ་བའི་རྩལ་མངའ་བ། །དཔལ་ལྡན་བླ་མ་མཆོག་ལ༴ །གྲུབ་རིགས་འཛིན་པ་ཁྱུང་གི་གདུང་ལས་གྲོལ། །སྦྱངས་པའི་ལས་འཕྲོ་དཀར་པོའི་ཆོས་ལ་སད། །འཁོར་ལོ་གཉིས་ཀྱི་མཐུན་རྐྱེན་ངང་གིས་ཚོགས། །ངོ་མཚར་རྨད་དུ་བྱུང་ལ༴ །གཞན་གནོད་གཞིར་བཅས་སྤོང་བས་རྒྱུད་བསྡམས་ཤིང་། །གཞན་ཕན་གཞིར་བཅས་བསླབ་པའི་གནས་ལ་གཞོལ། །རིམ་གཉིས་

[Full Size]

མངོན་རྟོགས་ཅི་ཡང་གསལ་བ་ཡི། །སུམ་ལྡན་རྡོ་རྗེ་འཛིན་པར༴ །མཁས་གྲུབ་དེད་དཔོན་ཡོངས་འཛིན་དུ་མ་བསྟེན། མདོ་སྔགས་རྒྱ་མཚོར་ལྷག་བསམ་བརྩོན་པས་ཞུགས། །གཞུང་གདམས་མན་ངག་ནོར་བུའི་སྐྱེས་བཟང་གིས། །སྐལ་ལྡན་དབུལ་བ་སེལ་ལ༴ །ཨོ་རྒྱན་དུས་གསུམ་མཁྱེན་པའི་རྡོ་རྗེའི་བཀས། །གཏེར་འབྱིན་གྲུབ་པའི་འཁོར་ལོས་སྒྱུར་རྣམས་ཀྱིས། །རྣམ་སྣང་བཻ་རོ་ཙ་ནའི་རྣམ་འཕྲུལ་དུ། །ལུང་བསྟན་མངའ་གསོལ་མཛད་ལ༴ །རྒྱལ་བ་ཡབ་སྲས་མཆོག་གླིང་མཁྱེན་བརྩེའི་དབང་། །མཆོག་གཟིགས་རྣམས་ཀྱིས་ཏཱ་ར་ནཱ་ཐ་དང་། །འགྱུར་མེད་རྡོ་རྗེའི་སྤྲུལ་པར་ཞལ་བཞེས་ཤིང་། །ཡོངས་འཛིན་མཆོག་ཏུ་བཀུར་ལ༴ །རྒྱལ་བསྟན་རིས་མེད་སྐྱོང་བའི་དག་སྣང་དང་། །འགྲོ་ཕན་རིས་མེད་སྒྲུབ་པའི་ལྷག་བསམ་སྟེ། །གང་བྱུང་ཐད་ཀར་ཁྱེར་བའི་སྤྱོད་ཚུལ་གྱིས། །དམ་པའི་རྣམ་ཐར་འཛིན་ལ༴ །

[Full Size]

ཙཱ་འདྲ་རིན་ཆེན་བྲག་གི་དབེན་གནས་སུ། །ཚེ་གཅིག་སྒྲུབ་པའི་རྒྱལ་མཚན་བཙུགས་ནས་སུ། །འཆད་རྩོམ་བཀའ་བབས་བསྟན་ལ་བྱ་བ་མཛད། །དོན་གཉིས་ལྷུན་གྱིས་གྲུབ་ལ༴ །རྡོ་རྗེའི་ལུང་གིས་གསལ་བར་བསྔགས་པའི་དོན། །ཧེ་རུ་ཀ་ཡི་སྐུ་གསུང་ཐུགས་ཀྱི་རྟེན། །བསྟན་པ་ཇི་སྲིད་བར་དུ་འགྲོ་ཕན་གྱི། །བཙས་སུ་བསྒྲུབས་པར་མཛད་ལ༴ །མོས་པའི་སྟོབས་དང་རྟེན་འབྲེལ་བསླུ་མེད་མཐུས། །དཔལ་ལྡན་བླ་མ་མཆོག་དང་མི་འབྲལ་ཞིང་། །མཁའ་སྤྱོད་གྲོང་ཁྱེར་ཆེན་པོར་ལྷན་ཅིག་འཚོགས། །རྡོ་རྗེ་སེམས་དཔའི་གནས་མཆོག་ཐོབ་གྱུར་ཅིག །གང་གི་གསང་གསུམ་རྡོ་རྗེ་ལྟར་བརྟན་ཅིང་། །ཟབ་རྒྱས་ཆོས་རྔ་རྟག་ཏུ་སྒྲོགས་པ་ཡིས། །བདག་སོགས་ལེགས་པའི་ལམ་ཀུན་མཐར་ཕྱིན་ཅིང་། །བསམ་དོམ་ལྷུན་གྲུབ་དགེ་ལེགས་དཔལ་འབར་ཤོག །བསྔགས་འོས་ཀྱི་ཡོན་ཏན་ཆ་ཤས་ཕྲ་མོས་ཀྱང་མགོས་ཤིང་རང་ཉིད་ལ་བསྟོད་པ་ན་རབས་བླུན་པོའི་ལུགས་སུ་གྱུར་ཀྱང་། །སྒྲུབ་བརྩོན་བླ་མ་དམ་པ་པདྨ་ནོར་བུས་ནན་ཏན་

[Full Size]

ཆེན་པོས་བསྐུལ་ངོ་མ་ལྡོག་ཙམ་དུ་འདུ་གསུམ་པ་ཡོན་ཏན་རྒྱ་མཚོས་སུག་བྲིས་སུ་བསྟན་པ་དགེ་ལེགས་འཕེལ། ༈ །དེ་དག་ཐམས་ཅད་ཀྱི་གཞུག་ཏུ་སྤྱིར་སྨོན་ལམ་བྱ་བ་དོན་ཀུན་འགྲུབ་པའི་སྒྲ་དབྱངས་ཞེས་བྱ་བ། །སངས་རྒྱས་ཀུན་དངོས་དཔལ་ལྡན་བླ་མ་རྣམས། །དམིགས་མེད་ཐུགས་རྗེ་ཆེན་པོས་འདིར་གཤེགས་ལ། །མདུན་གྱི་ནམ་མཁར་པད་ཟླའི་གདན་ལ་བཞུགས། །དད་ལྡན་མོས་པའི་བུ་ལ་རྗེས་སུ་དགོངས། །བདག་སོགས་འགྲོ་ཀུན་ཞིང་རྡུལ་གྲངས་སྙེད་ཀྱི། །སྒོ་གསུམ་གུས་པས་བཏུད་དེ་ཕྱག་བགྱིའོ། །དབྱངས་ཀྱི་ཡན་ལག་རྒྱ་མཚོའི་སྒྲ་དབྱངས་ཀྱིས། །རྣམ་པ་ཀུན་ཏུ་བསྟོད་ཅིང་གསོལ་བ་འདེབས། །ལུས་དང་ལོངས་སྤྱོད་དངོས་འབྱོར་ཡིད་ལས་བྱུང་། །ཀུན་བཟང་མཆོད་པའི་སྤྲིན་ཕུང་རྒྱ་མཚོས་མཆོད། །ཐོག་མེད་ནས་བསགས་བཅས་དང་རང་བཞིན་གྱི། །སྡིག་སྒྲིབ་ཉེས་ལྟུང་འགྱོད་པས་བཤགས་ཞིང་བསྡམ། །འཁོར་འདས་ཀུན་གྱི་ཟག་བཅས་ཟག་མེད་ཀྱི། །དགེ་བ་ཀུན་ལ་སྙིང་ནས་རྗེས་ཡི་རང་། །

[Full Size]

དབང་པོར་འཚམས་པའི་ཐེག་གསུམ་ཆོས་འཁོར་ནི། །འགྲོ་ཁམས་ཇི་སྲིད་བར་དུ་བསྐོར་བར་བསྐུལ། །དམིགས་མེད་ཐུགས་རྗེ་རྒྱུན་ཆད་མེད་པའི་ངང་། །གཟུགས་སྐུ་རྡོ་རྗེ་ལྟ་བུར་རྟག་བརྟན་གསོལ། །འདིས་མཚོན་དུས་གསུམ་ལེགས་སྤྱད་ཅི་མཆིས་པ། །བདག་དང་ཕ་མ་མཁའ་མཉམ་འགྲོ་བ་ཀུན། །དཔལ་ལྡན་བླ་མ་དམ་པའི་སྐུ་གསུང་ཐུགས། །ཡོན་ཏན་ཕྲིན་ལས་མྱུར་དུ་འགྲུབ་ཕྱིར་བསྔོ། །བླ་མ་རྣམས་ཀྱིས་ཐུགས་རྗེས་རྗེས་སུ་བཟུང་། །མ་གུས་ལོག་ལྟ་སྐད་ཅིག་མི་འབྱུང་ཞིང་། །ཞབས་ཏོག་དགུ་ཕྲུགས་སྒོ་ནས་མཉེས་པ་གསུམ། །མཐར་ཕྱིན་ཐུགས་ཡིད་གཅིག་ཏུ་འདྲེ་བར་ཤོག །ཚེ་རབས་ཀུན་ཏུ་རྗེ་བཙུན་ཁྱེད་རྣམས་དང་། །སྐད་ཅིག་ཙམ་ཡང་འབྲལ་བ་མ་མཆིས་པར། །ཅི་མཛད་ལེགས་མཐོང་ཅི་གསུང་ཚད་མར་འཛིན། །བླ་མའི་གསང་བ་གསུམ་དང་དབྱེར་མེད་ཤོག །སྙིང་ནས་དད་ཅིང་གསོལ་བ་བཏབ་པའི་མཐུས། །རྡོ་རྗེ་འཆང་ནས་ཙ་བའི་

[Full Size]

བླ་མའི་བར། །དམ་པ་རྣམས་ཀྱི་རྣམ་ཐར་ཅི་མཆིས་པ། །ཐམས་ཅད་བདག་ཉིད་ཁོ་ནས་འགྲུབ་གྱུར་ཅིག །སོ་སྐྱེའི་ཚིག་གི་མགལ་དུམ་ལ། །བྱིན་རླབས་གཟི་བརྗིད་ལྡན་མིན་ཀྱང་། །མོས་པ་ཁོ་ནས་སྦྱར་བའི་དགེས། །བླ་མ་རྣམས་དང་དབྱེར་མེད་ཤོག །བདག་རྒྱུད་ཡོན་ཏན་མི་ལྡན་ཀྱང་། །མཚན་ལྡན་བླ་མས་རྗེས་བཟུང་བས། །བཀའ་བརྒྱུད་འདི་འདྲའི་བྱིན་རླབས་ཐོབ། །བསྟན་འགྲོར་ཕན་འདོད་ལྷག་བསམ་མངའ། །སྐལ་བཟང་འདུ་ཤེས་གསུམ་པའི་སྡེ། །ངག་དབང་ཡོན་ཏན་རྒྱ་མཚོ་ཡིས། །ཙཱ་འདྲ་རིན་ཆེན་བྲག་མགུལ་དུ། །རྒྱལ་བ་ལྷ་ལས་བབས་པའི་དུས། །སྒྲ་དབྱངས་ཡན་ལག་རྒྱ་མཚོ་ཡི། །གསོལ་འདེབས་རྒྱུད་མངས་སྦྲེངས་པ་འདི། །ས་གསུམ་སྐྱེ་དགུའི་རྣ་བ་རུ། །འབབས་ནས་དབྱངས་སུ་ལེན་པར་ཤོག །དགེ་ལེགས་འཕེལ།། །།

དཔལ་ལྡན་ཤངས་པ་བཀའ་བརྒྱུད་ཀྱི་དོ་ཧ་རྡོ་རྗེའི་ཚིག་རྐང་དང་མགུར་དབྱངས་ཕྱོགས་གཅིག་ཏུ་བསྒྲིགས་པ་ཐོས་པ་དོན་ལྡན་བྱིན་རླབས་རྒྱ་མཚོ། ཀརྨ་ངག་དབང་ཡོན་ཏན་རྒྱ་མཚོ་བློ་གྲོས་མཐའ་ཡས།

[Full Size]

དཔལ་ལྡན་ཤངས་པ་བཀའ་བརྒྱུད་ཀྱི་དོ་ཧ་རྡོ་རྗེའི་ཚིག་རྐང་དང་མགུར་དབྱངས་ཕྱོགས་གཅིག་ཏུ་བསྒྲིགས་པ་ཐོས་པ་དོན་ལྡན་བྱིན་རླབས་རྒྱ་མཚོ་ཞེས་བྱ་བ་བཞུགས་སོ། །

[Full Size]

དཔལ་རྡོ་རྗེ་འཆང་གི་རྒྱལ་ཚབས་བཅུ་པའི་དབང་ཕྱུག་རྩོད་པ་མེད་པའི་གྲུབ་ཐོབ་ཀྱི་ཕྲེང་བ་བར་མ་ཆད་དུ་བྱོན་པ་འགྲོ་མགོན་ཤངས་པ་བཀའ་བརྒྱུད་ཅེས་འཇིག་རྟེན་གསུམ་ན་ཡོངས་སུ་གྲགས་ཤིང་ཁྱད་པར་དུ་འཕགས་པའི་ཆེ་བའི་ཡོན་ཏན་ངོ་མཚར་དུ་མས་བརྒྱན་པ་དེ་དག་གི་ཞབས་ཀྱི་པདྨོ་ལ་གུས་པས་ཕྱག་འཚལ་ལོ། །རིགས་ཐམས་ཅད་ཀྱི་ཁྱབ་བདག་དྲུག་པ་རྡོ་རྗེ་འཆང་གིས་རྡོ་རྗེ་མི་ཤིགས་པ་

[Full Size]

ནཱ་དའི་རང་སྒྲས་རྡོ་རྗེ་གསང་བའི་རྒྱུད་ཟབ་མོ་གདམས་ངག་དམར་ཁྲིད་ཀྱི་ཚིག་རྐང་དུ་རྩལ་བ་ནས་བཟུང་སྟེ། །བཀའ་བརྒྱུད་རིན་ཆེན་ཕྲེང་བ་རིམ་པར་བྱོན་པ་རྣམས་ཀྱིས་གནས་ལུགས་ཆོས་སྐུའི་རྒྱལ་ས་ཟིན་དེ་ཉམས་དང་རྟོགས་པའི་གཟི་བྱིན་རབ་དུ་འབར་བ་ལས་དགོངས་པ་ཟབ་མོའི་ཉམས་སྐྱུག་དོ་ཧ་རྡོ་རྗེའི་དབྱངས་ཀྱི་གད་མོ་མཁའ་ཁྱབ་ཏུ་སྒྲོགས་པ་རྣམས་ཀྱི་ནང་ནས། རྣལ་འབྱོར་པ་རྣམས་ལ་དད་གུས་ཀྱི་གསོས་སྦྱིན་པ་དང་། །

[Full Size]

ཞེན་ལོག་ངེས་འབྱུང་གི་སྐུ་ལ་ལྕག་འདེབས་པ་དང་། ཉམས་མྱོང་གོང་ནས་གོང་དུ་སྤེལ་བ་དང་། རྟོགས་པའི་ཡེ་ཤེས་ལ་དཔའ་ཚན་སྐྱེད་པ་དང་། །དཔའ་བོ་ཌཱ་ཀི་རྣམས་དགྱེས་པ་བསྐྱེད་པ་དང་། གེགས་དང་བར་ཆད་ཀྱི་འཕྲང་ལས་སྒྲོལ་བ་དང་། །མི་དང་མི་མ་ཡིན་པའི་འགྲོ་བ་མཐའ་ཡས་པ་ཆོས་ཀྱི་སྦྱིན་པ་བླ་ན་མེད་པས་ཚིམས་པར་བྱ་བའི་སླད་དུ་ཅུང་ཟད་ཅིག་གུས་པས་བསྒྲག་པར་བྱ་བ་ལས། །ཐོག་མར་སྔོན་འགྲོ་ཆོས་སྤྱོད་ཀྱི་རིམ་པ་དང་ཏིང་ངེ་འཛིན་གསལ་འདེབས་པ་ལ་འཇུག་པར་ཞུ། ཞེས་བསྐུལ་ཏེ། མ་ནམ་མཁའ་དང་མཉམ་པའི་སེམས་ཅན་ཐམས་ཅད་སྐྱབས་ཀུན་འདུས་ཀྱི་ངོ་བོ་བླ་མ་རིན་པོ་ཆེ་ལ་སྐྱབས་སུ་མཆི་བ་ལགས་སོ། །ལན་གསུམ། སེམས་ཅན་ཐམས་ཅད་ཀྱི་དོན་ཏུ་ཟུང་འཇུག་རྡོ་རྗེ་འཆང་ཆེན་པོའི་གོ་འཕང་ཐོབ་པར་བྱ། དེའི་ཆེད་དུ་དོ་ཧ་རྡོ་རྗེའི་དབྱངས་ཀྱི་བཟླས་རིམ་ལ་འཇུག་པར་བགྱིའོ། །ལན་གསུམ་གྱིས་སྐྱབས་འགྲོ་སེམས་བསྐྱེད་བྱ། མགུར་ལེན་པ་པོ་རྣམས་ཐ་མལ་གྱི་རྟོག་པ་སྤངས་ཏེ་རྣལ་འབྱོར་གྱི་རིམ་པ་ལ་གནས་དགོས་པས་དེ་གསལ་

[Full Size]

གདབ་པའི་ཕྱིར། །སྣོད་བཅུད་དག་པ་མཁའ་སྤྱོད་ཀྱི་ཞིང་ཁམས། །གནས་ཁང་ཐར་པ་ཆེན་པོའི་གཞལ་མེད་ཁང་། ཕྱི་ནང་ཀུན་ཏུ་རྒྱན་དང་བཀོད་པ་དང་མཆོད་པའི་ཡོ་བྱད་དཔག་ཏུ་མེད་པ་དང་ལྡན་པ། ཚོགས་ཀྱི་འདུས་པ་དཔལ་ཧེ་རུ་ཀ་ལྷ་ལྔའི་དཀྱིལ་འཁོར་དུ་གྱུར་པའི་ཐུགས་ཀ་ནས་སངས་རྒྱས་ཀྱི་ཞིང་ཁམས་ཐམས་ཅད་སྣང་བའི་འོད་ཟེར་ཆེན་པོ་འཕྲོས་པས་བསྐུལ་ཏེ། བླ་མ་རྒྱལ་བ་སྲས་དང་བཅས་པའི་ཡེ་ཤེས་ཀྱི་འཁོར་ལོ་མདུན་གྱི་ནམ་མཁའ་གང་བར་སྤྱན་དྲངས། བཛྲ་ས་མཱ་ཛཿབླ་མ་རྒྱལ་བ་སྲས་དང་བཅས། །ཡི་དམ་དཔའ་བོ་རྣལ་འབྱོར་མ། །མཁའ་ཁྱབ་ཆོས་སྐུའི་རོལ་པ་ལ། །གཤེགས་བཞུགས་མཚན་མ་མི་མངའ་ཡང་། །གང་འདུལ་ཡེ་ཤེས་སྒྱུ་མའི་འཕྲུལ། །མོས་པའི་ཡིད་མཁར་མངོན་གསལ་ཏེ། །དོན་མཛད་བར་དུ་བརྟན་པར་བཞུགས། །ཚོགས་ཀྱི་དཀྱིལ་འཁོར་བྱིན་གྱིས་རློབས། །པདྨ་ཀ་མ་ལཱ་ཡ་སྟྭཾ། །བཀོད་པ་ཤིན་ཏུ་མཛེས་

[Full Size]

པའི་སོགས་མཎྜལ་བཀའ་རྒྱ་མ་ཕུལ། དཀོན་མཆོག་གསུམ་ལ་བདག་སྐྱབས་མཆི་སོགས་ཀྱིས་རྒྱུན་བཤགས་བྱ། །དེའང་མོས་གུས་གསོལ་འདེབས་དང་བཅས་ཏེ་མགུར་གྱི་སྣ་འདྲེན། །ཉམས་རྟོགས་དཔའ་ངར་དང་བཅས་ཏེ་མགུར་གྱི་གཞུང་བསྲང་། དགའ་སྤྲོའི་ཤིས་བརྗོད་དང་བཅས་ཏེ་མགུར་གྱི་མཇུག་སྡུད་པ་བཀའ་བརྒྱུད་རིན་པོ་ཆེའི་ཕྱག་བཞེས་ལགས་པས། ཐོག་མར་རྩ་བརྒྱུད་བླ་མ་རྒྱལ་བ་སྲས་དང་བཅས་པ་ལ་མི་ཕྱེད་དད་པའི་གདུང་ཤུགས་དྲག་པོས་ཐ་མལ་གྱི་སྣང་བ་འཕྲོག །བློ་སྣ་བཙན་ཐབས་སུ་སྒྱུར། རྟོགས་པའི་ཡེ་ཤེས་གོང་དུ་སྤོར་བར་ནུས་པའི་གསོལ་འདེབས་ཀྱི་མགུར་གྲ་ལེགས་པར་བསྒྲིག་པར་ཞུ། ན་མོ་གུ་རུ། རིགས་ཀུན་གྱི་ཁྱབ་བདག་རྡོ་རྗེ་འཆང་། །ཕ་དྲིན་ཆེན་བླ་མ་ལ་གསོལ་བ་འདེབས། །དྲྭ་བ་སྡོམ་མཛད་བདེ་བའི་མཆོག །དཔལ་ཧེ་རུ་ཀ་ལ་གསོལ་བ་འདེབས། །དབྱིངས་བདེ་སྟོང་ཟག་མེད་དཀྱིལ་འཁོར་ན། །ཡེ་ཤེས་མཁའ་འགྲོ་ནི་གུ་ལ་གསོལ་བ་འདེབས། །

[Full Size]

གནས་མཁའ་སྤྱོད་ལོངས་སྐུའི་ཞིང་ཁམས་ན། །ཡུམ་སུ་ཁ་སིདྡྷི་ལ་གསོལ་བ་འདེབས། །གནས་གང་འདུལ་སྤྲུལ་པའི་ཕོ་བྲང་ན། །མཁས་གྲུབ་བརྒྱ་དང་ལྔ་བཅུ་ལ་གསོལ་བ་འདེབས། །རྒྱུད་མཐར་ཐུག་ལྔ་ལྡན་ཌཱ་ཀིའི་སྲས། །མཁས་གྲུབ་ཁྱུང་པོ་རྣལ་འབྱོར་ལ་གསོལ་བ་འདེབས། །སྲིད་མཐའ་མའི་བྱང་སེམས་གཅིག་བརྒྱུད་འཛིན། །རྗེ་རྨོག་ལྕོགས་པ་ལ་གསོལ་བ་འདེབས། །ལྷ་སྤྱན་རས་གཟིགས་དབང་གཙང་སྒོམ་གཟུགས། །རྗེ་སྐྱེར་སྒང་པ་ལ་གསོལ་བ་འདེབས། །རིགས་དྲུག་པའི་ཁྱབ་བདག་སྦས་པའི་ཚུལ། །རྗེ་གཉན་སྟོན་ཆེན་པོ་ལ་གསོལ་བ་འདེབས། །བརྒྱུད་རིན་ཆེན་བདུན་གྱི་རྣམ་ཐར་རྫོགས། །རྗེ་སངས་རྒྱས་སྟོན་པ་ལ་གསོལ་བ་འདེབས། །བཀའ་བརྒྱུད་པའི་ཆུ་ཀླུང་འབབས་པའི་གཞི། །རྗེ་མཁས་གྲུབ་རྣམ་གསུམ་ལ་གསོལ་བ་འདེབས། །ངོ་མཚར་བའི་རྣམ་ཐར་ཕྲིན་ལས་ཅན། །དཔལ་འཇག་བསམ་བརྒྱུད་པ་ལ་གསོལ་

[Full Size]

བ་འདེབས། །རྗེ་ཚུལ་ཁྲིམས་མགོན་དང་རི་ཁྲོད་པ། །ཤངས་དཀར་རིན་ཆེན་རྒྱལ་མཚན་ལ་གསོལ་བ་འདེབས། །རྗེ་ལྐུགས་ལུང་པ་དང་ནམ་རྒྱལ་བ། །རྒྱ་སྒོམ་ལེགས་པ་རྒྱལ་མཚན་ལ་གསོལ་བ་འདེབས། །མཁའ་འགྲོའི་རྗེས་བཟུང་འཆི་མེད་འགྲུབ། །རྗེ་ཐང་སྟོང་རྒྱལ་པོ་ལ་གསོལ་བ་འདེབས། །བརྟུལ་ཞུགས་སྤྱོད་པས་འགྲོ་བ་འདུལ། །དཔལ་ལྡན་ཀུན་དགའ་གྲོལ་མཆོག་ལ་གསོལ་བ་འདེབས། །དོན་ཆོས་སྐུའི་དགོངས་པ་མངོན་དུ་གྱུར། །རྗེ་བྲག་སྟོད་པ་ལ་གསོལ་བ་འདེབས། །ཧེ་རུ་ཀ་དཔལ་གསང་བའི་བདག །རྗེ་བཙུན་ཏཱ་ར་ནཱ་ཐ་ལ་གསོལ་བ་འདེབས། །དཔལ་ཤངས་པའི་བཀའ་བརྒྱུད་འཛིན་མཛད་པའི། །སྐྱེས་མཆོག་རིམ་བྱོན་རྣམས་ལ་གསོལ་བ་འདེབས། །གནས་མི་ཤིགས་འཁོར་ལོ་ལྔ་ཡི་དབུས། །ཡི་དམ་རྒྱུད་སྡེ་ལྔ་ལ་གསོལ་བ་འདེབས། །ལུས་དྭངས་མ་འོད་ལྔའི་ཐིག་ལེ་རུ། །ཡེ་ཤེས་མཁའ་འགྲོ་ཡབ་ཡུམ་ལ་གསོལ་བ་འདེབས། །

[Full Size]

གནས་སྙིང་རྗེ་རྣམ་རོལ་དུར་ཁྲོད་ནས། །མྱུར་མཛད་ཡེ་ཤེས་མགོན་པོ་ལ་གསོལ་བ་འདེབས། །ཕྱི་ཐ་སྙད་འཁྲུལ་པའི་སྣང་བ་ཞིག །ནང་ཀུན་རྫོབ་དོན་དམ་དབྱེར་མེད་རྟོགས། །བར་ཆོས་སྐུའི་རང་ཞལ་མངོན་གྱུར་ནས། ཁམས་གསུམ་གྱི་འཁོར་བ་དོང་སྤྲུགས་ཤོག །རིགས་ཐམས་ཅད་ཀྱི་ཁྱབ་བདག་རྒྱལ་བ་དྲུག་པ་རྡོ་རྗེ་འཆང་ཆེན་པོས་རང་སྣང་ཡེ་ཤེས་ཀྱི་མཁའ་འགྲོ་ལ་སྐྱེ་མེད་གཉུག་མའི་རང་སྒྲས་འཁོར་འདས་ཕྱག་རྒྱ་ཆེན་པོའི་རང་བཞིན་དུ་ངོ་སྤྲོད་པའི་གནས་ལུགས་རྡོ་རྗེའི་ཚིགས་རྐང་འདི་གསུངས་སོ། །བདེ་ཆེན་ལྷུན་གྲུབ་འདུས་མ་བྱས། །ལོངས་སྐུ་རྡོ་རྗེ་འཆང་ཆེན་གྱིས། །སྐྱེ་མེད་རང་སྒྲ་འདི་སྐད་ཐོས། །ཐ་མལ་ཤེས་པ་ཨེ་མ་ཧོ། །སྔོན་འགྲོ་རང་བབ་རྣམ་པ་གསུམ། །དངོས་གཞི་སྐྱོན་བཞི་རང་སར་གྲོལ། །མཐར་ཐུག་སྐུ་བཞི་རང་ཤར་རོ། །སྔོན་འགྲོའི་དམ་ཚིག་གསང་བའི་རྡོ་རྗེའོ། །བོགས་འདོན་སྙིང་རྗེ་གསོལ་འདེབས་སོ། །ལམ་ཁྱེར་ཅིར་སྣང་དེ་

[Full Size]

ཉིད་དོ། །མངོན་གྱུར་བསྒོམ་མེད་ཡེངས་མེད་དོ། །བསྲེ་བ་རྟོག་མེད་ལམ་ཁྱེར་རོ། །འོད་གསལ་ལྟ་སྟངས་བོགས་འདོན་ནོ། །སད་རྗེས་གསལ་ལ་རྟོག་མེད་བསྲེ། །ཉིན་མཚན་བར་དོའི་འོད་གསལ་ནི། །སྐུ་གསུམ་དབྱེར་མེད་རང་ཤར་ལྟོས། །གང་གིས་མི་ཤེས་རྒྱུད་དུ་སྦས་པའི་དོན། །མཐར་ཐུག་ཚིག་གཅིག་གྲོལ་བ་འདི་ཡིན་ཏེ། །བསྒོམ་མེད་ཡེངས་མེད་གོམས་ཤིང་བརྟན་པ་ལས། །ས་ལམ་རིམ་པ་དུས་འདིར་བགྲོད་བྱེད་པའི། །ཡིད་ལ་མི་བྱེད་སྒྲིབ་གཉིས་རང་སར་དག །སྐུ་གསུམ་རང་ཤར་འབྲས་བུ་ལྷུན་གྱིས་གྲུབ། །མདོ་རྒྱུད་ཀུན་ཏུ་བསྟན་ཀྱང་རང་བཞིན་གབ། །བླ་མའི་བྱིན་རླབས་ཞལ་ལས་ཤེས་པར་བྱ། །ཆོས་སྐུའི་ནམ་མཁར་རྟོག་པའི་སྤྲིན་ཚོགས་ལས། །དུག་ལྔའི་གློག་འགྱུ་ཡེ་ཤེས་ཆེན་པོར་ལྟོས། །ཡིད་ལ་མི་བྱེད་རེ་དོགས་ཀུན་བྲལ་བའི། །ཐ་མལ་ཤེས་པ་ཁྱོད་ལ་ཕྱག་འཚལ་ལོ། །ཞེས་རྡོ་རྗེའི་ཚིག་འདི་ཉིད་མཁས་གྲུབ་ཁྱུང་པོ་རྣལ་འབྱོར་

[Full Size]

གྱིས་ཡེ་ཤེས་ཀྱི་མཁའ་འགྲོ་མ་ལ་གསེར་སྲང་ལྔ་བརྒྱ་ཕུལ་ནས་ཞུས་ཏེ་མགུལ་གྱི་གའུ་ཙིཏྟ་འདྲ་བའི་ནང་དུ་མི་འབྲལ་བར་བཅངས་པའོ། །ཡེ་ཤེས་ཀྱི་མཁའ་འགྲོ་ནི་གུཔྟ་ཞེས་བྱ་བ་དཔལ་ནཱ་རོ་ཏཱ་པའི་ལྕམ་མོ་རང་བྱུང་གི་རྣལ་འབྱོར་མ་ས་བཅུའི་དབང་ཕྱུག་རྒྱལ་བ་རྡོ་རྗེ་འཆང་དངོས་ཀྱིས་རྗེས་སུ་བཟུང་བ་དེ་ཉིད་ཀྱིས་རང་གྲོལ་ཕྱག་རྒྱ་ཆེན་པོ་རྡོ་རྗེའི་ཚིགས་རྐང་འདི་གསུངས་སོ། །ཡིད་བཞིན་ནོར་བུ་ལྟ་བུ་ཡི། །སེམས་ཉིད་ཁྱོད་ལ་ཕྱག་འཚལ་ལོ། །རྫོགས་པའི་སངས་རྒྱས་ཐོབ་འདོད་པས། །ཐ་མལ་རྣམ་རྟོག་དག་བྱའི་ཕྱིར། །རང་ལུས་ལྷར་གསལ་བླ་མ་ལ། །ལྷག་བསམ་དག་པའི་མོས་གུས་བྱ། །བླ་མ་ཡི་དམ་མི་བསམ་ཞིང་། །དངོས་དང་དངོས་མེད་ལ་སོགས་པ། །གང་ཡང་ཡིད་ལ་མི་བྱ་བར། །མ་བཅོས་གཉུག་མའི་ངང་ལ་བཞག། རང་སེམས་མ་བཅོས་ཆོས་ཀྱི་སྐུ། །དེ་ལ་མ་ཡེངས་བསྒོམ་པའི་གནད། །མཐའ་བྲལ་ཆེན་

[Full Size]

པོར་རྟོགས་པར་བྱ། །འཁོར་བའི་རྒྱ་མཚོར་སྐྱུར་བྱེད་པའི། །ཆགས་སྡང་རྟོག་པ་སྣ་ཚོགས་འདི། །སྐྱེ་མེད་མཚོན་ཆ་རྣོན་པོ་ཡིས། །རང་བཞིན་མེད་པར་བཅད་པར་བྱ། །སྡོང་པོའི་རྩ་བ་བཅད་གྱུར་ན། །ཡལ་ག་སྐྱེ་བར་མི་འགྱུར་རོ། །ཇི་ལྟར་དྭངས་པའི་རྒྱ་མཚོ་ལས། །ཆུ་བུར་བྱུང་ཞིང་ཆུ་ལ་ཐིམ། །དེ་བཞིན་རྣམ་པར་རྟོག་པ་ཡང་། །ཆོས་ཉིད་མིན་པ་གཞན་མེད་ཀྱི། །སྐྱོན་དུ་མ་བལྟ་གློད་ལ་ཞོག །གང་ཤར་གང་སྐྱེས་དེ་ཉིད་ལ། །དེར་འཛིན་མེད་པས་རང་སར་གྲོལ། །སྣང་གྲགས་ཆོས་རྣམས་རང་གི་སེམས། །སེམས་ལས་མ་གཏོགས་ཆོས་གཞན་མེད། །སེམས་ནི་སྐྱེ་འགགས་སྤྲོས་དང་བྲལ། །སེམས་ཀྱི་དེ་ཉིད་ཤེས་པ་དེས། །འདོད་ཡོན་ལྔ་ལ་སྤྱད་གྱུར་ཀྱང་། །ཆོས་ཉིད་ངང་ལས་གཡོས་པ་མེད། །དཔེར་ན་གསེར་གླིང་ཕྱིན་པ་ཡིས། །ས་རྡོ་བཙལ་ཡང་མི་རྙེད་ལྟར། །མཉམ་ཉིད་ཆོས་དབྱིངས་ཆེན་པོ་ལ། །སྤང་

[Full Size]

བླང་མཉམ་བཞག་རྗེས་ཐོབ་མེད། །གང་གི་ཚེ་ན་མངོན་དུ་འགྱུར། །དེ་ཚེ་ལྷུན་གྱིས་གྲུབ་པར་གྱུར། །འགྲོ་བའི་རེ་བ་སྐོང་མཛད་པའི། །ཡིད་བཞིན་ནོར་བུ་ལྟ་བུར་འགྱུར། །གང་ཟག་དབང་པོ་རབ་འབྲིང་གསུམ། །བློ་ཡི་རིམ་པས་ཤེས་པར་བྱ། །ཞེས་གསུངས་སོ། །ཡེ་ཤེས་ཀྱི་མཁའ་འགྲོ་སུ་ཁ་སིདྡྷི་ཞེས་དཔལ་ཆེན་བིརྺ་པས་སྤྲུལ་པའི་དཀྱིལ་འཁོར་དུ་དབང་རྫོགས་པར་བསྐུར་བས་ནུབ་གཅིག་ལས་བརྒྱད་པའི་རྟོགས་པ་མངོན་དུ་གྱུར་ནས་རྡོ་རྗེ་འཆང་དངོས་སུ་མཇལ་ཏེ་བཅོམ་ལྡན་འདས་བདག་མེད་མ་དང་དབྱེར་མེད་པ་དེ་ཉིད་ཀྱིས་སྐལ་ལྡན་རྣམས་ལ་གདམས་པའི་སྙིང་པོ་སྩལ་བ། །ཚོགས་དྲུག་ཡུལ་དུ་མ་སྤྱད་པའི། །དྲན་མེད་མྱ་ངན་འདས་པའི་ལམ། །རྣམ་པར་མི་རྟོག་ཆོས་ཀྱི་དབྱིངས། །ཡིད་དང་བྲལ་བས་ཕྱག་རྒྱ་ཆེ། །མ་སྒོམས་མ་སྒོམས་བློ་མ་སྒོམས། །བློས་སྒོམ་རྟོག་པའི་འཁྲུལ་འཁོར་ཡིན། །རྟོག་

[Full Size]

པས་འཁོར་བར་བཅིངས་པ་སྟེ། །བློ་དང་བྲལ་བ་བསྒོམ་དུ་མེད། །ནམ་མཁའ་རིག་མེད་སྟོང་པ་ལ། །རིག་བཅས་སེམས་ཀྱི་རྩ་བ་གཅུན། །རྩ་བ་གཅུན་ལ་ལྷུག་པར་ཞོག །ཅེས་གསུངས་སོ། ༈ །གྲུབ་པའི་དབང་ཕྱུག་ཆེན་པོ་དཔལ་ཤ་བ་རི་པས་དངོས་སུ་རྗེས་སུ་བཟུང་ཞིང་བར་དོར་ཕྱག་རྒྱ་ཆེན་པོ་མཆོག་གྲུབ་པར་ལུང་བསྟན་པ། དཔའ་བོ་དང་མཁའ་འགྲོ་མ་མཐའ་ཡས་པའི་གཙོ་བོ་སྙིང་པོ་དོན་གྱི་གནས་ལུགས་ཡིད་ལ་མི་བྱེད་པའི་གདམས་ངག་གི་བདག་པོ། རྒྱལ་བ་མཻ་ཏྲི་པ་གཉིས་མེད་རྡོ་རྗེ་ཉིད་བི་ཀྲ་མ་ལ་ཤཱི་ལར་སྦས་པའི་ཚུལ་དུ་བཞུགས་པའི་ཚེ་ཆང་དང་ཕྱག་རྒྱ་བརྟེན་པ་དགེ་འདུན་གྱིས་མཐོང་སྟེ་གནས་ནས་དབྱུང་བ་ན། ཆུ་བོ་གངྒཱ་ལ་ཁྲི་སྙན་སཱ་ལའི་ལྤགས་གདན་བཏིང་། སྦ་བེར་གྱིས་སྐྱ་བ་མཛད་ནས་གཤེགས་ཏེ་མགུར་འདི་བཞེངས་སོ། །བླ་མ་རྗེ་བཙུན་བརྟེན་ན་བདེ། །

[Full Size]

གདམས་ངག་བདུད་རྩི་འཐུངས་ན་བདེ། །དེ་ཉིད་ཉམས་སུ་མྱོང་ན་བདེ། །ཉམས་མྱོང་ཅི་ཡང་མེད་ན་བདེ། །རེ་དོགས་མེད་པའི་ལྟ་བ་བདེ། །ལྷུན་གྱིས་གྲུབ་ན་ཡོངས་ཀྱང་བདེ། །གཉིས་འཛིན་མེད་པའི་བསྒོམ་པ་བདེ། །གཟའ་གཏད་མེད་ན་ཡོངས་ཀྱང་བདེ། །བླང་དོར་མེད་པའི་སྤྱོད་པ་བདེ། །ཉམ་ང་མེད་ན་ཡོངས་ཀྱང་བདེ། །སེམས་ཀྱིས་སེམས་ལ་བལྟས་ན་བདེ། །རེ་དོགས་གོལ་ས་བཅད་ན་བདེ། །རི་ཁྲོད་དགོན་པ་འགྲིམས་ན་བདེ། །རེ་དོགས་མེད་པའི་ལྟ་བ་བདེ། །ཡུལ་དང་གཉེན་འདུན་བཞག་ན་བདེ། །བསོད་སྙོམས་ཟས་ལ་བསྟེན་ན་བདེ། །བདེ་ཆེན་ཟས་སུ་ཟོས་ན་བདེ། །འོད་གསལ་གོས་སུ་གོན་ན་བདེ། །ཕོ་ཉ་ལམ་དུ་ཁྱེར་ན་བདེ། །དམིགས་པ་སྣ་རྩེར་གཏད་ན་བདེ། །ཞེས་གསུངས་ནས་ཆུ་ལ་ཐད་ཀར་ཐོགས་མེད་དུ་གཤེགས་པས་ཐམས་

[Full Size]

ཅད་ཀྱིས་གྲུབ་པ་ཐོབ་པར་ཤེས་ནས་འགྱོད་ཅིང་ཕྱི་ནས་ཕར་ལ་ཕྱག་བྱས་སོ། །བླ་མ་མངའ་བདག་ཆེན་པོ་དེ་ཉིད་ལྷོ་ཕྱོགས་དཔལ་གྱི་རི་ལ་རྗེ་བཙུན་རི་ཁྲོད་པའི་ཞབས་ཀྱི་རྡུལ་ལ་རེག་ནས། ཕྱག་རྒྱ་ཆེན་པོའི་དབང་བསྐུར་མཛད་པའི་དུས་སུ། དངོས་པོའི་གནས་ལུགས་གཏན་ལ་དབབ་པའི་ཆེད་དུ་རྡོ་རྗེའི་གླུ་བླངས་པའོ། །ཧཱུྃ་ཧཱུཾ། འཁོར་དང་མྱ་ངན་འདས་པ་དབྱེར་མི་ཕྱེད། །ཆུ་དང་རླབས་བཞིན་དུ་ནི་གནས་པ་ཡིན། །སངས་རྒྱས་སེམས་ཅན་གཉིས་སུ་མེད་པ་སྟེ། །དུག་ལ་སྔགས་ཀྱིས་བཏབ་པའི་ཁྱད་པར་བཞིན། །སེམས་ཉིད་གཅིག་ལ་སྣ་ཚོགས་སྣང་བ་སྟེ། །ཤེལ་ཉིད་རྐྱེན་གྱིས་ཁ་དོག་བསྒྱུར་བ་བཞིན། །དངོས་པོ་སྣ་ཚོགས་ཤར་ཡང་རང་སེམས་ཏེ། །ཆུ་རྣམས་ཐམས་ཅད་རྒྱ་མཚོར་ལན་ཚྭའི་རོ། །དངོས་དང་དངོས་མེད་སྤངས་ན་གདོད་མའི་སེམས། །དཔེར་ན་བར་སྣང་བྱ་ཡི་རྗེས་བཞིན་གནས། །ལོ་སྟོང་

[Full Size]

ལོན་པའི་མུན་པ་འཐུག་པོ་ལ། །སྒྲོན་མེ་ཆུང་དུ་གཅིག་གིས་སེལ་བ་ལྟར། །འཁོར་བའི་རབ་རིབ་ཆགས་སྡང་འཐུག་པོ་ཡང་། །རང་སེམས་རྟོགས་པའི་སྐད་ཅིག་གཅིག་ལ་ཞི། །རྣལ་འབྱོར་ཐབས་དང་ཤེས་རབ་ཟུང་འཇུག་པས། །འཁོར་བར་སྡུག་བསྔལ་རྦ་རླབས་རྟོག་པ་ཞི། །ནོར་བུ་ཆུ་དྭངས་རྙོག་གསེབ་བཅུག་པ་བཞིན། །ཁྱབ་དང་གཟུགས་ཅན་མ་ཡིན་འགྲོ་འོང་མེད། །ཕྱག་རྒྱ་ཆེན་པོའི་རྟོགས་པ་སྐྱེས་མ་ཐག །ཁྱབ་ཅིང་རྒྱ་ཆེ་ནམ་མཁའ་ལྟ་བུའི་སེམས། །གསལ་ལ་མི་རྟོག་ནམ་མཁའ་ལྟ་བུ་སྟེ། །སྣང་ཡང་རང་བཞིན་མེད་པ་ཆུ་ཟླ་འདྲ། །འཇའ་ཚོན་ལྟ་བུ་གསལ་ལ་འཛིན་པ་མེད། །གཞོན་ནུའི་བདེ་བ་བཞིན་ཏུ་སྨྲ་མི་གཏུབ། །ཕྱོགས་སུ་མི་གནས་མཐའ་རྣམས་ཀུན་དང་བྲལ། །ཕྱོགས་ཀྱིས་མ་གོས་གང་གི་དྲི་མ་མེད། །ཤེལ་སྒོང་འདམས་ན་དྲི་མ་མེད་པ་བཞིན། །རེ་དོགས་མེད་པའི་སེམས་ནི་

[Full Size]

སེང་གེ་འདྲ། །ཆུ་བོ་ལྟ་བུ་ཆད་མེད་བདེ་ཆེན་སེམས། །ཉི་ཟླའི་འོད་བཞིན་ཕྱོགས་ཆ་བྲལ་བ་སྟེ། །ཨེ་མ་རང་བྱུང་འདི་ནི་ངོ་མཚར་ཆེ། །གཉུག་མ་ཉིད་དུ་ཞོག་ཅིག་རྣལ་འབྱོར་པ། །འདི་ལ་ཅིས་ཀྱང་བཅོས་པར་མ་བྱེད་ཅིག །མ་བཅོས་པ་ནི་ཆོས་ཀྱི་སྐུ་ཉིད་དོ། །བཅོས་པའི་སྐྱོན་གྱིས་འཕགས་ལམ་མཐོང་མི་འགྱུར། །དེ་ཕྱིར་སེམས་ཀྱི་གླང་པོ་ཡན་དུ་ཆུག །དེ་ལྟར་ཤེས་ན་རྣལ་འབྱོར་སྙིང་པོ་སྟེ། །བསྒྲུབ་དུ་མེད་པར་འབྲས་བུ་སངས་རྒྱས་ཐོབ། །བྱས་པ་མེད་པར་དཀའ་བའི་ལས་རྣམས་ཟིན། །བསྒྲུབ་པ་མེད་པར་རང་ལ་དངོས་གྲུབ་ཐོབ། །བསྒོམ་པ་མེད་པར་དོན་གྱི་འབྲས་བུ་རྙེད། །སྲིད་གསུམ་ཐམས་ཅད་ཡེ་ནས་གྲོལ་བ་སྟེ། །འདི་ལ་དགག་དང་བསྒྲུབ་པ་བྱ་མི་དགོས། །ལྟ་བ་གཏན་ལ་ཕབ་པ་རྡོ་རྗེའི་མགུར་རོ། །ཨེ་མ་ཧོ། གནས་ལུགས་གཉུག་མ་བསྒོམ་པར་འདོད་པ་ན། །ཚེས་གྲངས་གཟའ་དང་རྒྱུ་སྐར་བརྩི་མི་དགོས་

[Full Size]

དུས་ཀྱི་རྒྱལ་པོ་དྲན་པའི་ཚེ་ན་ཡིན། །རི་ཁྲོད་དགོན་པ་ཆེད་དུ་མི་བཙལ་ཏེ། །རང་ལུས་རི་བོ་འདི་ནི་དགོན་པའི་མཆོག །གཡེང་བ་རྣམས་ཀྱང་ཆེད་དུ་མི་སྤངས་ཏེ། །སྣ་ཚོགས་སེམས་སུ་ཤེས་པས་གྲོགས་སུ་འཆར། །ནགས་ལ་མེ་མཆེད་རྩྭ་རྣམས་ཇི་བཞིན་ནོ། །མཚམས་ཡང་མི་བཅད་ཐོ་ཡང་མི་བརྩིགས་སྟེ། །སྨྲ་བཅད་བྱས་ན་མཚམས་ཀྱི་མཆོག་ཏུ་འགྱུར། །རས་བལ་འདབ་མ་བཞིན་ཏུ་གློད་ལ་ཞོག །བྱ་བ་ཐོང་ལ་སེམས་ཀྱི་རྟེན་མ་བཅའ། །ཤེས་པ་ཆེད་དུ་མ་འགུགས་ཡན་པར་ཐོངས། །བྱིང་རྒོད་བྱུང་ན་དེ་ཀ་རང་ལ་ལྟོས། །སེམས་ལ་གནོད་པའི་ལས་རྣམས་ཁད་ཀྱིས་སྤོངས། །ཞེ་འདོད་བྱུང་ན་བདུད་དུ་ཤེས་པར་བྱ། །མ་བཅོས་བཞག་པའི་སེམས་ནི་སངས་རྒྱས་ཡིན། །འགྲོ་འཆག་ཉལ་འདུག་ཐམས་ཅད་ལྷུག་པར་ཞོག །རྣམ་རྟོག་ཀུན་གྱི་རྩ་བ་སེམས་ཡིན་ཕྱིར། །སེམས་མེད་ཕྱིར་ན་རྣམ་རྟོག་ཡོད་མ་ཡིན། །

[Full Size]

ལྷུན་གྱིས་གྲུབ་པའི་རྟེན་གཅིག་སྐྱེས་ཙམ་ན། །རྣལ་འབྱོར་པ་ལ་ཞེ་འདོད་འབྱུང་མི་སྲིད། །དེ་ཕྱིར་རྟོགས་པའི་རྣལ་འབྱོར་བློ་རེ་བདེ། །གཟའ་གཏད་མེད་པའི་ལམ་གཅིག་རྙེད་ཙམ་ན། །རྣལ་འབྱོར་པ་ལ་ཕྱོགས་ཆ་འབྱུང་མི་སྲིད། །ཕྱོགས་རིས་མེད་པའི་ཤེས་པ་ཉམས་རེ་དགའ། །བཅོས་མ་མེད་པའི་རྒྱུན་གཅིག་སྐྱེས་ཙམ་ན། །རྣལ་འབྱོར་པ་ལ་བླང་དོར་འབྱུང་མི་སྲིད། །དགག་བསྒྲུབ་སྤོང་ལེན་མེད་པ་དང་རེ་སྤྲོ། །མཉམ་ཉིད་བྱང་ཆུབ་སེམས་གཅིག་སྐྱེས་ཙམ་ན། །རྣལ་འབྱོར་པ་ལ་བདག་གཞན་འབྱུང་མི་སྲིད། །བདག་དང་གཞན་དུ་མཉམ་པ་ཁོད་རེ་སྙོམས། །སྲིད་གསུམ་ཡེ་ནས་གྲོལ་བའི་ངང་ལ་ཞོག །བསྒོམ་པ་གཏན་ལ་དབབ་པ་རྡོ་རྗེའི་གླུའོ། །ཨིྀྠ། ཨེ་མ་ཧོ། སེམས་ཀྱི་བག་དང་ལྡན་པ་སྤྱོད་པའི་མཆོག །བག་མེད་མི་བྱ་དྲན་དང་ཤེས་བཞིན་བསྟན། །སྤྱོད་པ་གང་བྱེད་ཚད་དུ་མི་བཟུང་སྟེ། །གང་ཡང་སྤྱོད་པ་བྱིས་པ་ལྟ་བུར་གྱིས། །

[Full Size]

མ་བཅོས་སྤྱོད་པ་བུ་ཆུང་ལྟ་བུར་ཞོག །ཉམ་ང་མེད་པ་སེང་གེ་ལྟ་བུར་སྤྱོད། །ཐེ་ཚོམ་མེད་པ་གླང་ཆེན་ཆུར་ཞུགས་བཞིན། །གཙང་སྨེ་མེད་པ་ཁྱི་ཕག་ལྟ་བུར་རོལ། །གནས་ཀྱི་རོ་སྙོམས་བུང་བ་ལྟ་བུར་སྤྱོད། །རང་བྱུང་མི་དགག་སྨྱོན་པ་ལྟ་བུར་ཞོག །གཟའ་གཏད་མེད་པ་ཤ་ཟ་ལྟ་བུར་འཁྲུངས། །ཀུན་ཏུ་རྒྱུ་བས་འབྱུང་བ་རླུང་བཞིན་དུ། །ཞེན་པ་མེད་པར་འགྲོ་བ་འདི་ནི་མཆོག །གང་ལྟར་མྱོང་བ་སྐྱེ་མེད་རྒྱ་ཡིས་གདབ། །སྤྱོད་པ་གཏན་ལ་དབབ་པ་རྡོ་རྗེའི་གླུའོ། །རེ་དོགས་མེད་པ་སེམས་ཉིད་གཉུག་མ་དེས། །དྲན་པ་མེད་པས་བརྗོད་མེད་ཏིང་འཛིན་ཐོབ། །སྐྱེ་བ་མེད་པས་འགྱུར་མེད་ལྟ་བ་ཐོབ། །འཛིན་པ་མེད་པས་ཕྱོགས་མེད་སྤྱོད་པ་ཐོབ། །རྐྱེན་དང་བྲལ་བས་བློ་འདས་འབྲས་བུ་ཐོབ། །བྱས་པ་མེད་པས་དཀའ་བའི་ལས་རྣམས་ཟིན། །བསགས་པ་མེད་པར་ཟད་མེད་

[Full Size]

གཏེར་རྣམས་སོགས། །འདུས་པ་མེད་པར་འབྲལ་མེད་གྲོགས་དང་མཇལ། །བུམ་པ་བཟང་དང་དཔག་བསམ་ནོར་བུ་ལྟར། །འབྲས་བུ་རང་བྱུང་འདི་ནི་ངོ་མཚར་ཆེ། །འབྲས་བུ་གཏན་ལ་དབབ་པ་རྡོ་རྗེའི་གླུའོ། །འཕགས་ཡུལ་ལྷོ་ཕྱོགས་སུ་སྐུ་འཁྲུངས་ཤིང་རྡོ་རྗེ་རྣལ་འབྱོར་མ་སོགས་ཁྱད་པར་ལྷ་བཞིས་དངོས་སུ་རྗེས་སུ་བཟུང་ཞིང་བྱིན་གྱིས་བརླབས། འཆི་མེད་རྡོ་རྗེའི་སྐུ་བརྙེས་ནས་བོད་དུ་ཕེབ་ཅིང་རྫུ་འཕྲུལ་གྱིས་སླར་རྒྱ་གར་དུ་གཤེགས་ཏེ་རི་ནག་པོ་ཞེས་བྱ་བ་ཤིང་གི་རིའི་ཁོང་གསེངས་སུ་དངོས་སུ་བཞུགས་ནས་འགྲོ་བའི་དོན་མཛད་པ་གྲུབ་བརྙེས་རྣལ་འབྱོར་གྱི་དབང་ཕྱུག་སྒྲ་གཅན་འཛིན་སྦས་པའི་རྡོ་རྗེའི་ཞལ་སྔ་ནས་བསམ་གྱིས་མི་ཁྱབ་པ་ཉམས་སུ་ལེན་པར་ཞལ་གྱི་གདམས་པ་འདི་གསུངས་སོ། །བླ་མ་རྣམས་ལ་ཕྱག་འཚལ་ལོ། །དགོངས་པ་མདོར་བསྡུས་རྣལ་འབྱོར་གྱི། །ཚད་མེད་བཞི་ཡི་ཉམས་ལེན་ནི་

[Full Size]

བསམ་གྱིས་མི་ཁྱབ་བཤད་པར་བྱ། །རྒྱུ་འབྲས་སྟོང་པའི་རང་བཞིན་ལ། །དངོས་མེད་གཟུགས་དང་གཉིས་མེད་སྒྲ། །དམིགས་མེད་འབྲས་བུ་འབད་མེད་འགྱུར། །དཔེར་ན་འབྲུག་མེད་ཆར་བཞིན་ནོ། །དེ་ཕྱིར་རང་བཞིན་བདག་མེད་ཀྱི། །བརྟུལ་ཞུགས་སྐལ་ལྡན་རྣལ་འབྱོར་པ། །སྣང་ཞིང་སྲིད་པ་སྣ་ཚོགས་འདི། །དངོས་མེད་སྟོང་པ་བདག་མེད་དེ། །ངོ་བོ་ཉིད་ཀྱི་རྣམ་པར་དག །དེ་ལྟ་བུ་ཡི་སྙིང་རྗེ་ལ། །སངས་རྒྱས་སེམས་ཅན་གཉིས་སུ་མེད། །མི་བསྒོམ་མི་རྟོག་རང་བཞིན་གསལ། །མཐའ་དབུས་བྲལ་བ་དབུ་མའི་དོན། །དེ་ལྟར་སེམས་ཀྱི་རང་བཞིན་བསྒོམ། །མ་རྟོགས་པ་ཡི་སེམས་ཅན་ལ། །ནད་འདོན་སྙིང་རྗེ་བསྒོམ་པར་བྱ། །བདག་གི་མདུན་དུ་གང་ཞིག་ཀྱང་། །མཉམ་པར་བཞག་སྟེ་མཉམ་པར་བསྒོམ། །དེ་ལ་རྣམ་པ་ཐམས་ཅད་ཀྱིས། །གཉིས་མེད་དོན་ནི་འགྲུབ་འགྱུར་རོ། །བསྒོམ་

[Full Size]

པའི་སྙན་བརྒྱུད་གདམས་ངག་ནི། །སངས་རྒྱས་ཐམས་ཅད་འདུས་པའི་སྐུ། །ཀུན་གྱི་སེམས་ཉིད་ཧཱུྃ་ཡིག་དཀར། །བདག་དང་གཞན་གྱི་སྙིང་ཁར་བསྒོམ། །ཉི་མའི་གདན་སྟེང་ཐིག་ལེར་བསྒོམ། །དེ་ཉིད་ཀྱིས་ནི་འགྲོ་འདུལ་བ། །ཉོན་མོངས་ཐམས་ཅད་སྦྱངས་པར་བསམ། །དེ་ནི་གཉིས་མེད་དོན་ཡིན་ཏེ། །ལྷ་ཡི་དེ་ཉིད་རང་བཞིན་མེད། །དེ་ལྟར་སྙིང་རྗེ་བསྒོམས་བྱས་ནས། །བསམ་མི་ཁྱབ་པའི་བྱམས་པ་ནི། །ཕན་ཕྱིར་འདི་ལྟར་བསམ་པར་བྱ། །རྣལ་འབྱོར་བདག་ཉིད་སྙིང་ཁ་རུ། །པདྨ་འདབ་བརྒྱད་སྲན་མའི་ཚད། །དེ་ནས་འོད་གསལ་དཀར་དམར་དེ། །བར་དུ་མེ་ལྷའི་ཨོཾ་ཡིག་ནི། །དངོས་པོའི་རྣལ་འབྱོར་གང་ཡང་མེད། །དེ་ལ་ཅི་ཡང་བསམ་མི་བྱ། །གང་ཞིག་སྒོམ་པའི་རྣལ་འབྱོར་དེ། །གཉིས་མེད་ཡེ་ཤེས་འགྲུབ་འགྱུར་རོ། །གསལ་རིག་མེད་པ་ཆོས་ཀྱི་སྐུ། །དེ་ལྟར་ཕྲ་བའི་རྣལ་འབྱོར་ལ། །མངོན་

[Full Size]

ཤེས་ཤར་ཏེ་གཉིས་མེད་རྟོགས། །དགའ་བའི་རང་བཞིན་འབྱུང་གྱུར་ལ། །བཏང་སྙོམས་འབྲས་བུ་ཐོབ་པའོ། །ཁ་ཅིག་ལྷ་བཞི་བསྒོམ་སྟེ་གནས། ཁ་ཅིག་ངག་གི་འདོན་པར་བརྟེན། །གཉིས་མེད་བསྒོམ་པ་མི་ཤེས་སོ། །ཞལ་ནས་ཞལ་དུ་བརྒྱུད་པ་ཡི། །ཞལ་གདམས་གཞན་ལ་ཕན་ཕྱིར་ནི། །རཱ་ཧུ་ལས་ནི་བཤད་པར་བྱ། །ཞེས་གསུངས་སོ། །འཆི་མེད་གྲུབ་པ་རཱ་ཧུ་ལ་གུཔྟ་དེ་ཉིད་བླ་མ་གྲུབ་ཐོབ་རྣམས་ཀྱིས་ལུང་བསྟན་པ་ལྟར། འཕགས་ཡུལ་དུ་ཉི་མ་ཤར་བ་ལ་རྫུ་འཕྲུལ་གྱིས་ཕེབ་པས་བོད་ཡུལ་དུ་ནམ་ལངས་མ་ཐག་པར་མཁས་གྲུབ་ཁྱུང་པོ་རྣལ་འབྱོར་འཕེན་ཡུལ་འཇོག་པོར་ཐུགས་དམ་ལ་བཞུགས་པའི་སར་ཕེབ་ཅིང་རྫུ་འཕྲུལ་གྱི་བཀོད་པ་བསྟན། ཟླ་བ་བཅུ་གཅིག་བཞུགས་ནས་ཐུན་མོང་དང་ཐུན་མོང་མིན་པའི་གདམས་ངག་དུ་མ་གནང་སྟེ་རྒྱ་གར་དུ་སླར་ཕེབ་པའི་ཚེ།

[Full Size]

བླ་མ་ཤངས་པ་ཉིད་མང་ཡུལ་བར་དུ་གཤེགས་སྐྱེལ་འབྱོན་པ་ན་ཞལ་གདམས་རྡོ་རྗེའི་ཚིགས་དྲུག་མ་འདི་སྩལ་ཏོ། །སྡུག་བསྔལ་རྩ་བར་གྱུར་པ། །བདག་ཏུ་འཛིན་པ་ཡིན་གྱིས། །ཕྱོགས་རིས་ཞེ་འདོད་སྤོངས་ལ། །མཉམ་ཉིད་དོན་ལ་ཞོག་ཅིག །ཚེ་འདི་མི་རྟག་འགྱུར་ཞིང་། །ཕྱི་མ་མི་འཆད་སྐྱེ་བས། །རྒྱུ་འབྲས་ཚུལ་བཞིན་སྲུངས་ལ། །དམ་ཚིག་བརྩོན་པར་གྱིས་ཤིག །གནས་ལུགས་ཟུང་འཇུག་ཡིན་པས། །འཇའ་ཚོན་ལྟ་བུའི་ལུས་འདི། །སྣང་ལ་རང་བཞིན་མེད་པར། །རྟག་ཏུ་དྲན་པར་གྱིས་ཤིག །ཚེ་འདིར་དགོས་འདོད་འབྱུང་ཞིང་། །ཕྱི་མ་ལམ་སྣ་འདྲེན་པས། །བླ་མ་སངས་རྒྱས་ལྟ་བུ། །རྟག་ཏུ་དྲན་པར་གྱིས་ཤིག །བརྟན་པ་མ་ཐོབ་བར་དུ། །འདུ་འཛིའི་གཡེང་བ་རྒོད་པས། །རི་དྭགས་སྨས་མ་བཞིན་དུ། །གཅིག་པུར་ཉམས་སུ་ལོངས་ཤིག །རྩོད་ལྡན་དུས་ཀྱི་སེམས་ཅན། །

[Full Size]

ང་རྒྱལ་ཕྲག་དོག་ཆེ་བས། །བུམ་ནང་མར་མེ་བཞིན་དུ། །ཡོན་ཏན་སེམས་ལ་སྦོས་ཤིག །ཅེས་གསུངས་ནས་ནམ་མཁའི་ལམ་ལ་གྱ་གྱུར་བཞུད་པའི་ཚུལ་གྱིས་སྐད་ཅིག་གིས་རྡོ་རྗེ་གདན་གྱི་ཚོགས་དཔོན་ལ་ཕེབས་སོ། ༈ །ན་མོ་གུ་རུ། སངས་རྒྱས་ཀྱི་ཞིང་ཁམས་ཀུན་ཏུ་མཚན་གྱིས་སྙན་པས་ཡོངས་སུ་ཁྱབ་ཅིང་། ཞབས་སེན་ནོར་བུའི་མེ་ལོང་ལ་ལྷ་དང་བཅས་པའི་འཇིག་རྟེན་གསུམ་གྱི་གཙུག་གི་ཕུད་བུས་བཏུད་པ། གངས་ཅན་གྱི་ལྗོངས་ན་འགྲན་པའི་ཟླ་ཐམས་ཅད་དང་བྲལ་བའི་མཁས་གྲུབ་ཆེན་པོ་ཁྱུང་པོ་རྣལ་འབྱོར་ཚུལ་ཁྲིམས་མགོན་པོ་དེ་ཉིད་ཀྱི་རྣམ་པར་ཐར་པའི་སྙིང་པོ་མདོར་བསྡུས་པ་ཚིགས་སུ་བཅད་དེ་བཀའ་སྩལ་པ་ནི། །བླ་མ་ཡི་དམ་མཁའ་འགྲོ་ཆོས་སྐྱོང་ལ། །ཁྱུང་པོ་རྣལ་འབྱོར་བདག་གིས་གུས་བཏུད་ནས། །ཕྱི་རབས་བརྒྱུད་འཛིན་རྣམས་ལ་ཕན་པའི་

[Full Size]

ཕྱིར། །རྣམ་ཐར་ཟུར་ཙམ་བཤད་ཀྱི་གུས་པས་ཉོན། །བན་ཆུང་བདག་གི་སྐྱེ་ས་གངས་དཀར་མདའ། །གཉེ་མོ་ར་མང་རྗེ་རིགས་ཁྱུང་པོ་ཡིན། །ཕ་རུ་སྨོས་པ་ཁྱུང་རྒྱལ་སྟག་སྐྱེས་དང་། །མ་རུ་སྨོས་པ་མགོ་བཟའ་བཀྲ་ཤིས་སྐྱིད། །དེ་ཡི་རུམ་དུ་བདག་ཉིད་ཞུགས་པའི་ཚེ། །ཕ་མ་ཡུལ་མི་བདེ་སྐྱིད་ལྡན་པར་གྱུར། །སྟག་གི་ལོ་ལ་མ་ཡི་རུམ་ནས་བཙས། །དེ་ཚེ་རྒྱ་གར་གྲུབ་ཐོབ་ཨ་མོ་གྷས། །འདི་ནི་སྤྲུལ་པའི་སྐུ་སྟེ་རྒྱ་གར་བགྲོད། །པཎྜི་ཏ་དང་གྲུབ་ཐོབ་ཐམས་ཅད་ཀྱི། །ཐུགས་བཅུད་བསྡུས་ནས་འགྲོ་རྣམས་སྨིན་གྲོལ་བྱེད། །སྣ་ཚོགས་སྤྲུལ་པས་གདུལ་བྱ་འདུལ་བར་འགྱུར། །ཐེག་ཆེན་སྙིང་པོ་མཐའ་བྲལ་ཆོས་སྒྲ་སྒྲོགས། །མཐར་ཐུག་གསང་སྔགས་བདེ་སྟོང་དབྱེར་མེད་ཀྱི། །སེང་གེའི་ང་རོ་ཕྱོགས་བཅུར་སྒྲོགས་པར་འགྱུར། །དེ་ཡི་ལུས་ནི་བདེ་མཆོག་འཁོར་ལོ་སྟེ། །གསུང་

[Full Size]

ནི་མ་ཧཱ་མཱ་ཡཱའི་བདག་ཉིད་འགྱུར། །ཐུགས་ནི་དཔལ་ལྡན་དགྱེས་པ་རྡོ་རྗེ་སྟེ། །སྤྲུལ་པའི་གནས་མཆོག་གསང་བ་འདུས་པ་ལ། །གསང་གནས་བདེ་སྐྱོང་གཤིན་རྗེའི་གཤེད་དུ་འགྱུར། །དཀྱིལ་འཁོར་དེ་རྣམས་ལུས་ལ་བཀོད་ནས་ཀྱང་། །གདུལ་བྱ་རྣམས་ལ་དངོས་སུ་སྟོན་པར་བྱེད། །གཞན་ཡང་ཡི་དམ་སྣ་ཚོགས་གཟུགས་བསྒྱུར་ནས། །གདུལ་དཀའ་སྐྱེ་བོ་དཔག་མེད་འདུལ་བར་བྱེད། །ལོ་ནི་བརྒྱ་དང་ལྔ་བཅུ་འཚོ་བར་འགྱུར། །དེ་ཡི་མཐར་ནི་མཛད་པ་བརྡུལ་བའི་ཚེ། །ལྟས་དང་རྫུ་འཕྲུལ་སྣ་ཚོགས་སྟོན་པར་འགྱུར། །དེ་ནས་ཞིང་ཁམས་རྣམ་དག་བདེ་བ་ཅན། །རྒྱལ་བ་ཀུན་བསྔགས་ཞིང་དེར་སངས་རྒྱས་ནས། །ཐེག་ཆེན་ཆོས་ཀྱི་འཁོར་ལོ་བསྐོར་བར་འགྱུར། །ཕྱི་རབས་དད་ལྡན་གདུལ་བྱ་ཐམས་ཅད་ཀུན། །རྒྱལ་བའི་ཞིང་དེར་བགྲོད་པར་ཐེ་ཚོམ་

[Full Size]

མེད། །དེ་སྐད་གསུངས་ནས་བླ་མ་གྲུབ་ཐོབ་དེ། །མཁའ་ལ་བྱ་བཞིན་རྒྱ་གར་ཡུལ་དུ་གཤེགས། །ལོ་ལྔ་ལོན་ནས་ཕ་མས་ལུང་བསྟན་བཤད། །ལོ་བཅུ་ལོན་ནས་ཡིག་རྩིས་མཁས་པར་ཤེས། །བཅུ་གཉིས་ལོན་ཚེ་ཕ་མེས་བག་ཆགས་ཀྱིས། །སེམས་ཕྱོགས་བོན་བསླབ་རྫོགས་ཆེན་ཕྱག་ཆེན་བསླབ། །དེ་ནས་རིན་ཆེན་གསེར་ཕྱེ་ཕོངས་མེད་ཁྱེར། །གཅེས་པའི་སྲོག་ལ་མ་བལྟས་དཀའ་སྤྱད་ནས། །རྒྱ་དང་བལ་པོའི་ཡུལ་དུ་ལན་བདུན་ཕྱིན། །རྒྱ་གར་མཁས་པ་བརྒྱ་དང་ལྔ་བཅུ་བསྟེན། །ཁྱད་པར་མཁས་ཤིང་གྲུབ་ཐོབ་ལྔ་བཅུ་དང་། །རྩ་བའི་བླ་མ་ཁྱད་འཕགས་རྣམ་བཞི་བསྟེན། །ལོངས་སྐུ་དྲུག་པ་རྡོ་རྗེ་འཆང་ཆེན་ལ། །དངོས་སུ་ཆོས་གསན་ཡེ་ཤེས་མཁའ་འགྲོ་གཉིས། །མཉེས་པར་བྱས་ནས་མཐར་ཐུག་གདམས་ངག་ཞུས། །སྒྲོ་འདོགས་ཆོད་ནས་རྩེ་གཅིག་བསྒྲུབས་པ་ཡིས། །

[Full Size]

མཆོག་དང་ཐུན་མོང་དངོས་གྲུབ་རྣམ་གཉིས་ཐོབ། །རྣམ་ཐར་མདོར་བསྟན་ཡིན་གྱི་གུས་པས་ཉོན། །དེ་ལྟར་ཇི་སྐད་བཀའ་སྩལ་བའི་མཁས་གྲུབ་ཤངས་པ་གདུ་གུ་པ་དེ་ཉིད་ཐོག་མར་བོན་ལ་མཁས་ཤིང་དངོས་གྲུབ་བརྙེས། དེ་ནས་འབྱུང་གནས་སེང་གེ་ལས་རྫོགས་ཆེན་སྡེ་གསུམ། །སྐོར་ནི་རུ་པ་ལས་ཕྱག་རྒྱ་ཆེན་པོའི་རྒྱུད་རྒྱ་གཞུང་སོགས་གཞུང་གདམས་མང་དུ་གསན་ཅིང་ཐམས་ཅད་ལ་མཁས་པའི་ཕུལ་དུ་གྱུར་ཀྱང་། སྔོན་གྱི་ལས་འཕྲོ་སད་དེ་དགུང་ལོ་ལྔ་བཅུ་པ་ལ་རྒྱ་གར་དུ་ཕེབ། མཁས་གྲུབ་བརྒྱ་དང་ལྔ་བཅུ། །རྩ་བའི་བླ་མ་རྣམ་བཞི། ཡེ་ཤེས་མཁའ་འགྲོ་རྣམ་པ་གཉིས་སོགས་ལས་ཐེག་པ་ཆེ་ཆུང་ཐུན་མོང་ཐུང་མོང་མ་ཡིན་པའི་ཆོས་སྒོ་བསམ་གྱི་མི་ཁྱབ་པ་གསན་ཅིང་དེ་དག་ལ་མཁས་པར་སྦྱངས། མཆོག་ཐུན་མོང་གི་དངོས་གྲུབ་རྫོགས་པར་ཐོབ་པ་ལས། ཐོག་མར་ཁྱད་

[Full Size]

འཕགས་བླ་མ་རྣམ་བཞིའི་ཡ་གྱལ་རྡོ་རྗེ་གདན་པ་པུཎྱཱ་ཀ་ར་གུཔྟ་དང་མཇལ་བའི་ཚུལ་མགུར་དུ་བཞེངས་པ། །ཁོ་བོ་ཁྱུང་པོ་རྣལ་འབྱོར་གྱིས། །འཁོར་བའི་སྡུག་བསྔལ་མ་བཟོད་པར། །འཇིགས་སྐྲག་ཆེན་པོ་གཏིང་ནས་སྐྱེས། །འཁོར་བ་མཐའ་མེད་འདི་འདྲ་བ། །སྐྱེ་འཆིའི་སྡུག་བསྔལ་དཔག་ཏུ་མེད། །ངན་སོང་སྡུག་བསྔལ་བསམ་མི་ཁྱབ། །འཆི་བས་མི་འཇིགས་སྐྱེ་བས་འཇིགས། །སྐྱེ་བ་ལས་ཀྱི་རྗེས་སུ་འབྲངས། །རང་དབང་མེད་པར་འཁོར་བར་འཁྱམས། །བདག་དང་སེམས་ཅན་ཐམས་ཅད་ཀྱང་། །ཅིས་ཀྱང་མི་ཕན་འཆི་ངོ་ཤེས། །ནམ་ཡང་འཆི་བ་འདི་འདྲ་ལ། །ཆོས་ཕྱིར་སྲོག་ནི་བཏང་སྙམ་ནས། །ལུས་དང་སྲོག་ལ་མ་བལྟས་ཏེ། །བལ་ཡུལ་ཙམ་ལ་མ་ལྟོས་པར། །སངས་རྒྱས་སྟོང་གི་འབྱུང་གནས་ས། །སྟོན་པ་མངོན་པར་སངས་རྒྱས་པའི། །རྡོ་རྗེ་གདན་དུ་ཚངས་

[Full Size]

ཀྱིས་ཕྱིན། །རྒྱལ་བ་ཐུབ་པ་ཆེན་པོ་ཡིས། །སངས་རྒྱས་གཉིས་པར་ལུང་བསྟན་པའི། །དཔལ་ལྡན་རྡོ་རྗེ་གདན་པ་དང་། །དངོས་སུ་ཞལ་མཇལ་དཀོན་པ་ཡི། །གུ་ལང་གསེར་སྲང་ལྔ་བརྒྱ་ཕུལ། །སངས་རྒྱས་དངོས་དང་མཇལ་སྙམ་ནས། །བ་སྤུ་ལྡང་ཞིང་མཆི་མ་འཁྲུགས། །མོས་གུས་ཆེན་པོ་གཏིང་ནས་སྐྱེས། །གུས་པས་ཐལ་སྦྱར་འདི་སྐད་ཞུས། །བསྟན་པའི་རྩ་བ་དགེ་སློང་གི། །མཁན་པོ་མཛད་ནས་འདུལ་བ་ཞུ། །བྱང་ཆུབ་ཆེན་པོར་སེམས་བསྐྱེད་ནས། །ཐེག་པ་ཆེན་པོའི་ཆོས་རྣམས་ཞུ། །སྨིན་བྱེད་གསང་སྔགས་དབང་བསྐུར་ནས། །གྲོལ་བར་བྱེད་པའི་བསྐྱེད་རྫོགས་ཞུ། །དེ་སྐད་བདག་གི་གསོལ་བཏབ་པས། །དཔལ་ལྡན་རྡོ་རྗེ་གདན་པ་ཡིས། །དགྱེས་པའི་འཛུམ་བསྟན་འདི་སྐད་གསུངས། །སྲིན་པོ་གདོང་དམར་མཐའ་འཁོབ་ཡུལ། །ལོག་ལྟས་རྒྱུད་དཀྲུགས་

[Full Size]

ཐེ་ཚོམ་ཅན། །སྣ་ཚོགས་ཆོས་ཚོལ་སྒྲུབ་མི་ནུས། །རང་མ་སྨིན་པར་གཞན་དོན་བྱེད། །གཅིག་ལ་གཅིག་སྨྲ་ཕྲག་དོག་ཅན། །མི་ནག་ཆོས་ཀྱི་ལོ་རྒྱུས་མཁན། །དེ་ལྟ་བུ་ཡི་རྒྱལ་ཁམས་ན། །དད་ལྡན་སྐྱེ་འཆིས་འཇིགས་པ་ཡི། །སྙིང་སྟོབས་ལྡན་པའི་སྐྱེས་བུ་ཁྱོད། །མ་ནོར་དམ་ཆོས་ཚོལ་བའི་ཕྱིར། །སྲོག་ལ་མི་ཕོངས་དཀའ་སྤྱད་ནས། །རྒྱ་གར་ཡུལ་རྣམས་བགྲོད་བྱེད་པའི། །སྐལ་ལྡན་ཁྱུང་པོ་རྣལ་འབྱོར་ཁྱོད། །སྔོན་ཚེ་བྱང་ཕྱོགས་གངས་ཅན་དུ། །ཉན་ཐོས་རྫུ་འཕྲུལ་དཔག་མེད་ལྡན། །རྫུ་འཕྲུལ་ཆེན་པོ་ཞེས་བྱར་གྱུར། །དེ་ཚེ་ལོག་ལྟ་མུ་སྟེགས་དང་། །ལྷ་ཀླུ་གནོད་སྦྱིན་འབྱུང་པོ་དང་། །སྐྱེ་བོའི་ཚོགས་རྣམས་འདུལ་བར་བྱེད། །ཁྱོད་ནི་ཉན་ཐོས་ཚོགས་བསྐོར་ནས། །མཁའ་ལ་བྱ་བཞིན་རྣམ་པར་རྒྱུ། །རི་དང་ཆུ་ལ་ཐོགས་མེད་ཅིང་། །གཅིག་དང་དུ་མར་སྣང་བ་སོགས། །སྤྲུལ་པ་སྣ་ཚོགས་

[Full Size]

གཟུགས་འཆང་བའི། །དགྲ་བཅོམ་ཆེན་པོ་ཉིད་གྱུར་པས། །བདག་དང་རྒྱ་གར་མཁས་རྣམས་ཀྱིས། །ཁྱེད་ཀྱི་མཁན་པོ་བྱེད་མི་ནུས། །བྱང་ཕྱོགས་ཁ་བ་ཅན་ལྗོངས་སུ། །གླང་རི་འོད་ལྡན་གསེར་མདོག་ཅན། །སངས་རྒྱས་སྣང་བ་མཐའ་ཡས་ཀྱི། །སྤྲུལ་པ་བཞུགས་ཀྱི་དེར་སོང་ལ། །བསྙེན་པར་རྫོགས་པའི་མཁན་པོ་ཞུས། །ཡུལ་དབུས་མ་ག་རྡོ་རྗེ་གདན། །གནས་མཆོག་འདི་དང་གཞན་རྣམས་སུ། །ཁྱོད་ཀྱིས་ཇི་སྐད་ཞུས་པ་ཡི། །འདུལ་བ་ཕར་ཕྱིན་གསང་སྔགས་རྣམས། །ཇི་ལྟར་འདོད་བཞིན་བསྟན་པར་བྱའོ། །ཞེས་གསུངས་ནས་དགེ་ཚུལ་གྱི་མཁན་པོ་མཛད། མཚན་ཚུལ་ཁྲིམས་མགོན་དུ་གསོལ་བས་བླ་མ་རྡོ་རྗེ་གདན་པ་ཤངས་ཁྲག་ཤོར་ནས། ཁྱུང་པོ་རྣལ་འབྱོར་ལས་སྤོ་མ་ནུས་སོ། །དེའི་དུས་སུ་བླ་མའི་ཞལ་ནས། ཁྱུང་པོ་ཛོ་ཀི་མ་ཧཱ་ཕ་ལ་ཕ་ལ་གསུངས་ནས།

[Full Size]

ཐོག་མར་འདུལ་བ་ལུང་དང་། བསྟན་བཅོས་མདོ་རྩ་གསུངས། དེ་ནས་མདོ་སྔགས་ཀྱི་གཞུང་གདམས་ཐམས་ཅད་རིམ་པར་གནང་། ཐམས་ཅད་ལས་ཁྱད་པར་དུ་འཕགས་པ་རིན་ཆེན་རྒྱ་མཚོའི་རྩ་བཤད་ཀྱི་རྒྱུད་རྣམས་ལ་བརྟེན་པའི་རྒྱུད་སྡེ་ལྔ་དཀྱིལ་འཁོར་གཅིག་དུ་སྒྲུབ་པའི་དབང་དང་གདམས་ངག་གསན་པའི་ཚུལ་ཡང་འདི་ལྟར་གསུངས་སོ། །དེ་ལ་རྒྱུད་སྡེ་ཆེན་པོ་ལྔའི། །དབང་དང་རྒྱུད་དང་སྒྲུབ་པའི་ཐབས། །གདམས་པའི་མཆོག་གི་ཁྱད་པར་ནི། །བདེ་བ་མཆོག་གི་གྲོལ་རྒྱུད་ལས། །རྒྱུ་ལམ་འབྲས་བུ་བསྟན་པ་ཡང་། །བདེ་བ་ཆེན་པོ་གྲུབ་པས་ན། །བྱང་ཆུབ་སེམས་ཀྱི་རྡོ་རྗེ་ནི། །བདེ་བ་སྒྲུབ་པ་ཉིད་ཡིན་ཏེ། །དཔལ་ལྡན་གསང་བ་འདུས་པ་དང་། །སྙིང་པོ་མ་ཧཱ་མཱ་ཡཱ་དང་། །ཡང་སྙིང་དགྱེས་པ་རྡོ་རྗེ་དང་། །དགའ་ཆེན་ཟ་ནུས་སྒྱུ་འཕྲུལ་ཆེ། །དཔལ་ལྡན་འཁོར་ལོ་སྡོམ་པ་དང་། །དྲག་པོ་རྡོ་རྗེ་འཇིགས་བྱེད་རྣམས། །

[Full Size]

མཐར་ཐུག་སྟོན་པ་ལྔ་པོ་ལ། །ཐབས་དང་ཤེས་རབ་གཉིས་ཀྱི་རྒྱུད། །ཟུང་དུ་འཇུག་པ་ཉིད་ཡིན་པས། །དང་པོ་སྨིན་ལམ་དབང་ལ་ཡང་། །ཕྱི་ནང་གསང་བ་ཉིད་ཡིན་ནོ། །ལམ་ལ་རིམ་པ་གཉིས་ཡིན་ཏེ། །བསྐྱེད་རིམ་དང་ནི་རྫོགས་རིམ་མོ། །བསྐྱེད་པ་སྣང་དང་རྫོགས་པ་སྟོང་། །དབྱེར་མེད་ཟུང་འཇུག་ཆུ་ཟླ་བཞིན། །རྫོགས་པ་རང་ལུས་གཞན་ལུས་དང་། །ཟུང་འཇུག་བདེ་སྟོང་དབྱེར་མེད་དོ། །འབྲས་བུ་མཆོག་དང་ཐུན་མོང་ངོ། །ཐུན་མོང་ལས་བརྒྱད་གྲུབ་ཆེན་བརྒྱད། །མཆོག་ལ་སྐུ་བཞི་མཛད་པར་བཅས། །ལྷུན་གྲུབ་གང་འདུལ་རང་ཤར་རོ། །གང་ཟག་སྦྱངས་པའི་ལས་ཅན་གྱིས། །རྩེ་གཅིག་མ་ཡེངས་འབད་གྱུར་ན། །དམ་ཚིག་ལྡན་པས་ངེས་པར་ཐོབ། །རང་ལུས་ཐབས་ལྡན་ལམ་དང་ནི། །གཞན་ལུས་ལས་ཀྱི་ཕྱག་རྒྱའོ། །འདོད་ཡོན་ལམ་ཁྱེར་གནད་མཆོག་འདི། །བརྒྱུད་

[Full Size]

པ་མཆོག་གི་རིམ་པ་ཡང་། །སངས་རྒྱས་ལུང་བསྟན་ཐོབ་པ་ཡི། །སློབ་དཔོན་འཕགས་པ་ཀླུ་སྒྲུབ་དང་། །འོད་གསལ་བསྟེན་པས་གྲུབ་པ་བརྙེས། །ཀཾ་པ་ལ་ཞེས་བྱ་བ་དང་། །ཕྱག་རྒྱ་ཁྱི་རུ་སྤྲུལ་བྱེད་པའི། །ཀུ་ཀུ་རི་པ་ཆེན་པོ་དང་། །ཉ་ལྟོ་གསོལ་ཞིང་གྲུབ་པ་ཐོབ། །ལོ་ཧི་པ་ཞེས་གྲགས་པ་དང་། །ལྷག་པའི་ལྷ་ཡིས་བྱིན་རླབས་པ། །དཔལ་འཛིན་ཧ་རི་ཀེ་ལ་དང་། །དེ་དག་རྣམས་ལས་རིམ་བརྒྱུད་པ། །ཌོམྦྷི་པ་དང་ཀུ་སུ་ལུ། །མ་ཧཱ་བཛྲས་ལེགས་བསྡུས་ཏེ། །དཔལ་ལྡན་ཡེ་ཤེས་སྡེ་ཞེས་པ། །བཻ་རོ་ཙ་ན་རཀྵི་ཏ། །སུ་མ་ཏི་ཞེས་རྣལ་འབྱོར་དང་། །ཏ་ཐཱ་ག་ཏ་རཀྵི་ཏ། །ཨ་མོ་གྷ་ནི་བཛྲ་དང་། །དཔལ་ལྡན་རྡོ་རྗེ་གདན་པ་རྣམས། །རིམ་གྱིས་བདག་ལ་བརྒྱུད་པའོ། །ཞེས་སོགས་གསུངས་སོ། །དེ་ནས་རྗེ་བཙུན་ཤྲཱི་ཛྙཱ་ན་དང་། བཻ་རོ་ཙ་ན་རཀྵི་ཏ། ཌཱ་ཀི་མ་ཀ་ན་ཀ་ཤྲཱི་སོགས་ལས་མདོ་དང་མཚན་ཉིད། གསང་སྔགས་

[Full Size]

ཕྱི་ནང་གི་རྒྱུད་སྒྲུབ་ཐབས་གདམས་ངག་དཔག་ཏུ་མེད་པ་ཞུས་ཤིང་བོད་དུ་ཕེབ་ཁར་རི་མ་ལ་ཡའི་རྩེར་བླ་མ་རྡོ་རྗེ་གདན་པ་ལ་གསེར་སྤང་བཅུ་གསུམ་ཕུལ་ནས་ཚེས་བཅུའི་མཆོད་པ་མཛད་པའི་ཚེ་ལྟས་དང་ལུང་བསྟན་བྱུང་བའི་ཚུལ་གྱི་ཚིགས་བཅད་འདི་གསུངས་སོ། །མཁའ་ལས་མེ་ཏོག་ཆར་བཞིན་བབས། །དཔའ་བོ་མཁའ་འགྲོས་བར་སྣང་ཁེངས། །སྒྲ་དང་འོད་དང་འཇའ་ཚོན་འཁྲུགས། །ལྷ་རྣམས་མཆོད་པ་འབུལ་བའི་ཚེ། །རྡོ་རྗེ་གདན་པས་འདི་སྐད་གསུངས། །རིགས་ཀྱི་བུ་ཁྱོད་བོད་དུ་སོང་། །གདུལ་བྱ་ཁ་བ་ཅན་ལྗོངས་ཀྱི། །སེམས་ཅན་མང་པོ་གྲོལ་བྱེད་ཅིང་། །ཕྱི་མའི་ཚེ་ན་ཆོས་འདི་རྣམས། །ཁྱོད་ཀྱིས་རྒྱུད་འཛིན་རྣལ་འབྱོར་པ། །གཅིག་གིས་ངར་བར་བྱེད་པར་འགྱུར། །ཆོས་འདི་རྣམས་ཀྱི་བཀའ་ཐོབ་ཅིང་། །ཕན་སེམས་ལྡན་པ་དེ་ཡིས་ནི། །གང་བྱུང་རྒྱལ་སྲས་མ་ནོར་སྟོན། །

[Full Size]

རབ་ཏུ་མི་གནས་ས་ལ་སྦྱོར། །རིམ་གྱིས་དོན་རྟོགས་མང་དུ་འབྱུང་། །གྲུབ་མཐའ་གཞུང་ཆེན་བཞི་ཉིད་ལས། །མཚན་ཉིད་ཐེག་དང་རྡོ་རྗེ་ཐེག །ཁྱད་པར་རྣམ་པར་འབྱེད་པ་ཡིན། །རྒྱུ་དང་འབྲས་བུའི་ལམ་བྱེད་པ། །མངོན་སུམ་རྗེས་དཔག་རིམ་པ་ཡིས། །གཏན་ཚིགས་ཆེན་པོ་བཞི་ལ་ནི། །མཚན་ཉིད་གསུམ་གྱིས་གཏན་ལ་འབེབས། །དེ་ནི་རྩོད་པའི་ལམ་རིམ་མོ། །ཕ་རོལ་ཕྱིན་དང་གསང་བསྔགས། །བྱང་ཆུབ་ཕྱོགས་ཆོས་སུམ་ཅུ་བདུན། །ཐུན་མོང་ལམ་ལྔ་ཁྱད་པར་གཉིས། །ཞར་སྤྱད་དོན་བསྡུས་ལམ་བྱེད་པ། །སྒྲུབ་པའི་རིམ་པ་ཞེས་བྱའོ། །དེ་དག་ལམ་རིམ་གཉིས་པའོ། །དེ་ཉིད་མཐོང་ལམ་ཞེས་བྱ་དང་། །ལྟ་བ་ངན་པས་མ་གོས་པའི། །ཡེ་ཤེས་མངོན་དུ་བྱེད་པའི་ལམ། །མཐའ་དང་བྲལ་བའི་ལམ་ཉིད་ནི། །ཟུང་དུ་འཇུག་པར་སྟོན་པ་དང་། །དབུ་མ་ཆེན་པོ་ཉིད་དུ་འཇུག་

[Full Size]

ཞི་གནས་ལྷག་མཐོང་ཏིང་ངེ་འཛིན། །གོང་ནས་གོང་དུ་ལམ་སྦྱོང་བ། །སེམས་ཀྱི་ལམ་མཆོག་ཞེས་བྱར་བསྟན། །ང་དང་འདྲ་བར་ཁྱོད་ཀྱིས་རྟོགས། །རྒྱལ་བའི་ལུང་བསྟན་བདག་གིས་ཐོབ། །ཁྱོད་ཀྱང་འདི་ནས་སངས་རྒྱས་ཤིང་། །བདེ་བ་ཅན་དུ་འགྲོ་བར་འགྱུར། །རྩོད་ལྡན་གདུལ་དཀའི་སེམས་ཅན་ལ། །སྐྱོ་བ་མ་བྱེད་བྱང་སེམས་སྒོམས། །བདེ་མཆོག་རང་བྱོན་དཀྱིལ་འཁོར་གྱི། །ས་རུ་གདུལ་བྱ་ཁྲི་ཕྲག་འབྱུང་། །ཞེས་ལུང་བསྟན་ཏོ། །དེ་ནས་བོད་ཡུལ་དུ་བྱོན་ནས་འགྲོ་དོན་ཐོག་གཅིག་མཛད་གུ་ལང་གི་གསེར་ཁ་བརྡོལ་བ་ཐུག་ནས་གསེར་མང་པོ་ཕྱག་ཏུ་འབྱོར་བ་བསྣམས་ནས་སླར་ཡང་བལ་པོ་དང་རྒྱ་གར་དུ་གཤེགས་ཏེ་རྡོ་རྗེ་གདན་པ་དང་། རྒྱལ་བ་མཻ་ཏྲི་པ་དང་། དྷ་བྱང་ཆུབ་སེམས་དཔའ། རྗེ་བཙུན་རིན་ཆེན་ལྷ་མོ། སུ་མ་ཏི་ཀཱིརྟི། བལ་པོ་ཕམ་མཐིང་པ་ཆེན་པོ་སོགས་མཁས་ཤིང་

[Full Size]

དངོས་གྲུབ་བརྙེས་པ་དུ་མ་ལས་སྔར་མ་གསན་པའི་ཟབ་ཆོས་དང་མྱུར་མཛད་ཡེ་ཤེས་མགོན་པོའི་སྐོར་སོགས་གདམས་ངག་དཔག་ཏུ་མེད་པ་གསན། དེ་དག་གིས་ཐུགས་མ་ཚིམས་པར་གསེར་སྲང་ལྔ་བརྒྱ་ཁྱེར་ནས་རྒྱ་གར་ཤར་ནུབ་ལྷོ་བྱང་ཀུན་ཏུ་རྒྱུ་ཞིང་། གྲུབ་ཐོབ་ཀྱི་བླ་མ་སངས་རྒྱས་དངོས་མཇལ་བ་སུ་ཡོད་དྲིས་པས། པཎྜི་ཏ་དང་གྲུབ་ཐོབ་རྣམས་མཐུན་པར། ན་རོ་པཎྜི་ཏ་ཡི་ལྕམ་མོ་ཡེ་ཤེས་ཀྱི་མཁའ་འགྲོ་ནི་གུ་མ་ཞེས་བྱ་བ་དག་པའི་ས་གསུམ་ལ་གནས་པ་རྡོ་རྗེ་འཆང་ཆེན་པོ་ལ་དངོས་སུ་ཆོས་ཞུ་ནུས་པ་གཅིག་ཡོད་ཟེར་བས། དེ་གནས་གང་ན་བཞུགས་བྱས་པས། སྣང་བ་དག་ན་གར་ཡང་ཞལ་མཐོང་། སྣང་བ་མ་དག་ན་གར་ཡང་བཙལ་བས་མི་རྙེད་དེ་དག་པའི་ས་ལ་གནས་པ་དང་། འཇའ་ལུས་སུ་གྱུར་བའི་ཕྱིར་རོ། །འོན་ཀྱང་དུར་ཁྲོད་ཆེན་པོ་སོ་ས་གླིང་གི་ནགས་གསེབ་ན། ཌཱ་ཀི་མའི་ཚོགས་འཁོར་གྱི་

[Full Size]

དཔོན་ལ་རེས་འགའ་འབྱོན་ཟེར་བས། ཌཱ་ཀི་མའི་མཚན་ཐོས་པ་ཙམ་གྱིས་མཆི་མ་འཁྲུག་ཅིང་བ་སྤུ་ལྡང་བའི་མོས་གུས་སྐྱེས་ནས། དུས་དེར་དུར་ཁྲོད་སོ་ས་གླིང་གི་ནགས་གསེབ་ནས་ཡར་ལ། ན་མོ་བུདྡྷའི་གསོལ་བ་འདེབས་ཀྱིན་ཕྱིན་པ་དང་། ཤིང་ཏཱ་ལ་བདུན་སྲིད་ཙམ་གྱི་ནམ་མཁའ་ལ་མཁའ་འགྲོ་མ་སྐུ་མདོག་སྨུག་ནག་དུ་ཡོད་པ། རུས་པས་བརྒྱན་པ་ཕྱག་ན་ཁ་ཊྭཱཾ་ག་དང་ཐོད་པ་བསྣམས་པ་གཅིག་དང་དུ་མ་ལ་སོགས་པའི་གཟུགས་སྣ་ཚོགས་སྔོན་ཅིང་། གར་བསྒྱུར་བ་མཐོང་ནས་འདི་ཌཱ་ཀི་ནྀ་གུ་མ་ཡིན་པར་འདུག་སྙམས་ནས་ཕྱག་འཚལ། བསྐོར་བ་དུ་མ་བྱས་ནས། ཡང་དག་པའི་གདམས་པ་ཞུ་འཚལ་བྱས་པས། ང་ཤཱ་ཟའི་ཌཱ་ཀི་མ་ཡིན། ངའི་འཁོར་རྣམས་བྱུང་ན་ཟར་འོང་བས་མྱུར་བར་བྲོས་ཤིག་གསུངས་སོ། །དེ་ནས་ཡང་ཕྱག་དང་བསྐོར་

[Full Size]

བ་བྱས་ནས་གསང་སྔགས་ཀྱི་གདམས་པ་ཞུ་བྱས་པས། ཐེག་པ་ཆེན་པོ་གསང་སྔགས་ཞུ་བ་ལ་གསེར་དགོས་པ་ཡིན། གསེར་ཡོད་ན་བྱ་ཡི་གསུངས་ནས། གསེར་སྲང་ལྔ་བརྒྱ་ཕུལ་བ་དང་། ནགས་གསེབ་ཏུ་གཏོར་རོ། །དེར་འདིར་ངེས་པར་ཤ་ཟའི་མཁའ་འགྲོ་མ་ཡིན་ནམ་གསེར་ལ་ཡང་ཕོངས་པ་མི་འདུག་སྙམས་པ་དང་། མཁའ་འགྲོ་མ་དེས་སྤྱན་ནམ་མཁའ་ལ་ཧྲིག་ཧྲིག་གཟིགས་པ་དང་། འཁོར་ཌཱ་ཀི་མ་དཔག་ཏུ་མེད་པ་ནམ་མཁའ་ལས་བྱུང་སྟེ། འགའ་ཞིག་གིས་གཞལ་ཡས་ཁང་སུམ་རིམ་སྐད་ཅིག་ལ་བཞེངས། འགའ་ཞིག་གིས་རྡུལ་ཚོན་གྱི་དཀྱིལ་འཁོར་བཞེངས། འགའ་ཞིག་གིས་ཚོགས་ཀྱི་ཡོ་བྱད་བསགས་ནས། ཚེས་བཅོ་ལྔའི་ནམ་སྲོད་ལ་སྒྱུ་ལུས་རྨི་ལམ་གྱི་དབང་བསྐུར་མཛད་ནས་དབང་ཐོན་པ་དང་བོད་ཀྱི་བན་ཆུང་ཡར་འདོངས་དང་གསུངས་ནས། དཔག་ཚད་གསུམ་ཌཱ་ཀི་མའི་རྫུ་

[Full Size]

འཕྲུལ་ལ་བརྟེན་ནས་ཡུད་ཙམ་གྱིས་བགྲོད་པ་དང་། གསེར་གྱི་རི་མི་ཆེ་བ་ཙམ་གཅིག་གི་སྟེང་གི་ནམ་མཁའ་ལ། །ཌཱ་ཀི་མའི་ཚོགས་ཀྱིས་བསྐོར་ནས་གར་བསྒྱུར་ཞིང་འདུག་གོ། །རི་དེའི་ཕྱོགས་བཞི་ནས་མར་གསེར་གྱི་ཆུ་རྒྱུན་བཞི་འབབ་ཅིང་འདུག་ནས། གསེར་གྱི་རི་འདི་ལྟ་བུ་རྒྱ་གར་ན་ཡོད་དམ། མཁའ་འགྲོ་མས་སྤྲུལ་པ་ཡིན་ཞུས་པས་འདི་གསུངས་སོ། །འཁོར་བའི་རྒྱ་མཚོར་བསྒྱུར་བ་ཡི། །ཆགས་སྡང་རྟོག་པ་སྣ་ཚོགས་འདི། །རང་བཞིན་མེད་པར་རྟོགས་ཙམ་ན། །ཐམས་ཅད་གསེར་གླིང་ཡིན་ནོ་བུ། །སྒྱུ་མ་ལྟ་བུའི་ཆོས་རྣམས་ལ། །སྒྱུ་མ་ལྟ་བུར་བསྒོམ་བྱས་ན། །སྒྱུ་མ་ལྟ་བུར་མངོན་སངས་རྒྱ། །མོས་གུས་སྟོབས་ལས་འབྱུང་བར་འགྱུར། །ཅེས་གསུངས་ནས་རྒྱུད་སྡེ་ལྔའི་དབང་དང་རྒྱུད་སྒྲུབ་ཐབས་གདམས་ངག་དཔག་ཏུ་མེད་པ་དང་། ཁྱད་པར་ཆོས་དྲུག་གི་ཁྲིད་རྨི་ལམ་

[Full Size]

དུ་ལན་གཅིག །དངོས་སུ་ལན་གསུམ་གནང་ནས་བརྒྱུད་པ་བདུན་གྱི་བར་དུ་ཆིག་བརྒྱུད་ཀྱི་རྒྱས་བཏབ། དེ་ནས་ཀྱང་རིམ་པར་བྱིན་གྱིས་རློབ་ཅིང་ལུང་བསྟན་པར་ཞལ་གྱིས་བཞེས་སོ། །དེ་ནས་སླར་ཡང་གསེར་སྲང་ལྔ་བརྒྱ་ཁྱེར་ནས་རྒྱ་གར་ནུབ་ཕྱོགས་སུ་ཕྱིན་ཏེ། སངས་རྒྱས་དངོས་དང་མཇལ་བའི་བླ་མ་སུ་ཡོད་དྲིས་པས། པཎྜི་ཏ་རོལ་པའི་རྡོ་རྗེ་དང་། ཨཱརྻ་དེ་ཝ་དང་། ཌཱ་ཀི་མ་སུ་མ་ཏི་ལ་སོགས་པ་གྲུབ་ཐོབ་བཅུ་གསུམ་གྱི་ཞལ་ནས། ངེད་རྣམས་ཀྱིས་དབང་བསྐུར་ལ་གདམས་ངག་བསྟན་ནས་དེའི་རྗེས་ལ་ལུང་སྟོན་པར་འགྱུར་རོ་གསུངས་པས། གསེར་སྲང་ལྔ་བརྒྱ་ཕུལ་ནས་དབང་དང་གདམས་པ་མང་པོ་ཞུས་སོ། །ཁོང་རྣམས་ཀྱི་ཞལ་ནས་ངེད་བཅུ་པོ་འདི་ཡི་རྩ་བའི་བླ་མ་ཡིན། ཁྱད་པར་དུ་པཎྜི་ཏ་ཨཱརྻ་དེ་བ་ལ་བདག་མེད་མའི་ནང་ཁྲིད་བསྟན་པས་ཟླ་བ་བདུན་ལ་ས་བརྒྱད་

[Full Size]

ཀྱི་རྟོགས་པ་ལ་འགོད་པའི་ཡེ་ཤེས་ཀྱི་ཌཱ་ཀི་མ་སུ་ཁ་སིདྡྷི་ཞེས་བྱ་བ། རྡོ་རྗེ་འཆང་དང་བདག་མེད་མ་ལས་དངོས་སུ་ཆོས་གསན་པ་གཅིག་ཡོད་ཀྱི། དེས་ཁྱོད་ལ་བྱིན་གྱིས་རློབས་ཅིང་གདམས་པ་སྟོན་པར་འགྱུར་རོ་ཞེས་ལུང་བསྟན་ཏོ། །དེ་གང་དུ་བཞུགས་ཞུས་པས། ཌཱ་ཀི་མ་དེ་སྣང་བ་དག་ན་གར་ཡང་ཞལ་མཐོང་ལ། སྣང་བ་མ་དག་ན་བཙལ་པས་མི་རྙེད་དེ། རེས་འགའ་ནི་བདེ་བ་སྦྱིན་པའི་གནས་ཙནྡན་སྨན་གྱི་ནགས་ཚལ་ཞེས་བྱ་བར་ཚེས་བཅུའི་དུས་སུ་ཌཱ་ཀི་མ་རྣམས་ཀྱི་ཚོགས་དཔོན་མཛད་ཅིང་ཆོས་སྟོན་པ་དང་། ཡང་ན་གསུང་གི་སྒོ་ནས་ཆོས་སྔོན་པར་འགྱུར་རོ། །དེར་སོང་ལ་གསོལ་བ་ཐོབ་ཅིག །དབང་བཞི་རྫོགས་སུ་བསྐུར་ནས་གདམས་ངག་དང་རྗེས་སུ་བསྟན་པ་མཐའ་དག་སྟོན་པར་འགྱུར་རོ། །ཞེས་གསུངས་པས་གསེར་སྲང་ལྔ་བརྒྱ་པོ་དེ་ཁྱེར་ནས། བདེ་བ་སྦྱིན་པའི་ནགས་

[Full Size]

གསེབ་ནས་ཡར་ལ་ན་མོ་བུདྡྷ་ཡའི་གསོལ་བ་འདེབས་ཤིང་ཕྱིན་པ་ན། ཙནྡན་གྱི་ནགས་དེའི་སྟེང་གི་ནམ་མཁའ་ལ་ཌཱ་ཀི་མ་སྐུ་མདོག་དཀར་མོ་དབུ་སྐྲ་སིལ་བུས་སྐུ་རྒྱབ་ནོན་པ། ཕྱག་གཉིས་སྐྱེ་མེད་མཚོན་པའི་ཕྱག་རྒྱ་མཛད་པ། ཌཱ་ཀི་མའི་ཚོགས་ཀྱིས་བསྐོར་ནས་འཇའ་འོད་འཁྱིལ་པའི་དབུས་ན་བཞུགས་པ་མཐོང་ངོ་། །དེ་མཐོང་བ་དང་ལུས་ལ་བ་སྤུ་ལྡང་ཞིང་མཆིམ་འཁྲུགས་ལ། ས་དང་པོ་ལྟ་བུའི་དགའ་བ་སྐྱེས་ནས་ཟག་མེད་ཀྱི་བདེ་བའི་ཉམས་དང་ལྡན་པར་གྱུར་ཏོ། །དེ་ནས་མེ་ཏོག་ཨུཏྤ་ལ་དང་། པདྨ་དང་། ཀུ་མུ་ཏ་ལ་སོགས་པ་མང་པོ་གཏོར་ནས་ཕྱག་དང་བསྐོར་བ་བརྒྱ་སྟོང་དུ་མ་བྱས་ཏེ་གདམས་ངག་ཞུ་འཚལ་བྱས་པས། ཌཱ་ཀི་མའི་ཞལ་ནས་འདི་གསུངས་སོ། །བིརྺ་པ་དང་བདག་མེད་མ། །རྡོ་རྗེ་འཆང་ལས་དངོས་སུ་ཐོས། །གསང་སྔགས་མངོན་སུམ་ལམ་པ་ཡི། །སྨིན་པར་བྱེད་པའི་

[Full Size]

དབང་བཞི་དང་། །གྲོལ་བའི་བསྐྱེད་རྫོགས་སྟོན་པ་ལ། །དཀོན་པའི་རིན་ཆེན་གསེར་ཕྱེ་ཕུལ། །གུས་པའི་ཐལ་སྦྱོར་རྐྱང་ཕྱག་འཚོལ། །དམའ་བའི་ཞབས་མཐིལ་གཙུག་གིས་ལོངས། །དུས་འདིར་བདག་གིས་གྲོལ་བར་བྱ། །དེ་རིང་རྙེད་པ་མཆོག་རྙེད་དོ། །རིགས་ཀྱི་བུ་ཁྱོད་ཨེ་མ་ཧོ། །རིགས་ཀྱི་བུ་ཁྱོད་ཨེ་མ་ཧོ། །རིགས་ཀྱི་བུ་ཁྱོད་ཨེ་མ་ཧོ། །ཁྱོད་ཀྱི་སློབ་མ་ཡང་སློབ་དང་། །ཕྱི་རབས་བརྒྱུད་འཛིན་ཐམས་ཅད་ལ། །ང་ཡིས་དངོས་སུ་བྱིན་གྱིས་རློབས། །དག་པ་མཁའ་སྤྱོད་གནས་སུ་འགྲོ། །ཞེས་གསུངས་ནས། དང་པོ་སྤྲུལ་པའི་དཀྱིལ་འཁོར་དུ་དབང་བཞི་རྫོགས་སུ་བསྐུར་ནས་གསང་སྒྲུབ་ལྟེ་བ་སྤྲུལ་འཁོར་གྱི་བསྐྱེད་རྫོགས་ཉམས་ལེན་གྱི་གནད་དང་བཅས་པ་ཐམས་ཅད་མ་ལུས་པར་གསུངས་སོ། །དེ་ལ་ཡེ་ཤེས་ཀྱི་ཌཱ་ཀི་མ་སུ་ཁ་སིདྡྷི་འདི་དང་པོ་དྲིན་ཆེ་སྟེ། །

[Full Size]

སྤྲུལ་པའི་དཀྱིལ་འཁོར་དུ་དབང་བཞི་རྫོགས་སུ་བསྐུར། བར་དུ་དྲིན་ཆེ་སྟེ་ལྷའི་བུ་མོ་དང་དབྱེར་མེད་དུ་གསང་ཡུམ་མཛད། ཐ་མར་དྲིན་ཆེ་སྟེ་གདམས་ངག་ཐམས་ཅད་རྫོགས་པར་གནང་ནས། བདག་ཉིད་བདེ་བ་ཅན་དུ་བཅུ་བཞིའི་ས་ཐོབ་པར་ལུང་བསྟན། སློབ་མ་ཡང་སློབ་བརྒྱུད་འཛིན་དང་བཅས་པ་ཐམས་ཅད་ལ་ཐུགས་རྗེས་བཟུང་ནས། དག་པ་བདེ་སྟོང་གི་མཁའ་སྤྱོད་དུ་འགྲོ་བར་ལུང་བསྟན་པར་མཛད་དོ། །དེས་ན་བདག་གི་བརྒྱུད་འཛིན་ཐམས་ཅད་ཀྱང་ཀུན་ལས་ཁྱད་པར་འཕགས་པས་ན། བསགས་པ་ཡང་རབ་འབའ་ཞིག་འབྱུང་བར་འགྱུར་རོ། །ཞེས་པའང་གསུངས་སོ། །དེ་ནས་ཀུན་ཏུ་བཟང་མོ་སོགས་མཁའ་འགྲོའི་དབང་ཕྱུག་རྣམས་དང་། བདེ་བའི་རྡོ་རྗེ། རོལ་པའི་རྡོ་རྗེ། །ཨ་ཏ་ཡ་བཛྲ་སོགས་མཁས་གྲུབ་རྣལ་འབྱོར་གྱི་དབང་ཕྱུག་མཐའ་ཡས་པ་རྣམས་ལས་རྒྱུད་དང་གདམས་ངག་གི་སྤྲོས་

[Full Size]

པ་བཅད་ཅིང་གསེར་གྱི་མེ་ཏོག་གིས་མཉེས་པར་མཛད། རྡོ་རྗེ་གདན་དུ་དུས་མཆོད་ཆེན་པོ་མཛད་པའི་ཚེ་ངོ་མཚར་གྱི་ལྟས་རྒྱ་ཆེན་པོ་བྱུང་བས་འཕགས་ཡུལ་པ་མཆོག་དམན་མཐའ་དག་མགྲིན་གཅིག་ཏུ་བསྔགས་པ་བརྗོད། བོད་ཡུལ་དུ་སངས་རྒྱས་སྣང་བ་མཐའ་ཡས་ཀྱི་རྣམ་འཕྲུལ་དགེ་བའི་བཤེས་གཉེན་གླང་རི་ཐང་པ་ལས་བསྙེན་རྫོགས་མཛད་ནས་འཕན་ཡུལ་འཇོག་པོ་རིར་ཐུགས་དམ་ལ་བཞུགས་པའི་སྐབས། འཆི་མེད་གྲུབ་པ་རཱ་ཧུ་ལ་གུཔྟ་རྫུ་འཕྲུལ་གྱིས་ཕེབ་སྟེ་གདམས་ངག་མཐའ་ཡས་པ་གནང་བ་ལས། ཕྲན་ཚེགས་ཉེར་མཁོའི་མན་ངག་རྣམ་པ་བརྒྱད་དགོས་པའི་དབང་གིས་ཕྱིས་ཚོགས་གྲལ་ཞིག་ལ་མགུར་དུ་བཞེངས་པ་ནི། །གཟུང་འཛིན་གྱི་རྣམ་རྟོག་འདི་ཐོ་ཅོ་ཆེ། །ཐིམ་པ་རྣམ་གསུམ་གྱི་གདམས་པ་བདོག །གཟུང་འཛིན་གྱི་གཡུལ་ངོ་དེ་ནས་བཟློག །ཁྱེད་གཟུང་

[Full Size]

འཛིན་ཀུན་ཇི་ལྟར་དགྱེས་དགྱེས་མཛོད། །ལྷ་ཆེན་དཔེ་དཀར་འདི་ཐོ་ཅོ་ཆེ། །ཐི་གུ་རྣམ་གསུམ་གྱི་གདམས་པ་བདོག །ལྷ་ཆེན་གྱི་གཡུལ་ངོ་དེ་ནས་བཟློག །ཁྱེད་ལྷ་ཆེན་ཀུན་ཇི་ལྟར་དགྱེས་དགྱེས་མཛོད། །ཀླུ་བདུད་ནག་པོ་འདི་ཐོ་ཅོ་ཆེ། །ཐོད་པ་ཁ་སྦྱོར་གྱི་གདམས་པ་བདོག། ཀླུ་བདུད་ཀྱི་གཡུལ་ངོ་དེ་ནས་བཟློག །ཁྱེད་ཀླུ་བདུད་ཀུན་ཇི་ལྟར་དགྱེས་དགྱེས་མཛོད། །མཚན་མོའི་འབྱུང་པོ་འདི་ཐོ་ཅོ་ཆེ། །བདུད་རྩི་ཐིག་ལེའི་གདམས་པ་བདོག །འབྱུང་པོའི་གཡུལ་ངོ་དེ་ནས་བཟློག །ཁྱེད་འབྱུང་པོ་ཀུན་ཇི་ལྟར་དགྱེས་དགྱེས་མཛོད། །བྱད་སྟེམས་ནག་པོ་འདི་ཐོ་ཅོ་ཆེ། །རྡོ་ལེབ་ནག་པོའི་གདམས་པ་བདོག །བྱད་སྟེམས་གྱི་གཡུལ་ངོ་དེ་ནས་བཟློག །ཁྱེད་བྱད་སྟེམས་ཀུན་ཇི་ལྟར་དགྱེས་དགྱེས་མཛོད། །འཆི་བདག་ནག་པོ་འདི་ཐོ་ཅོ་ཆེ། །ཀེང་རུས་ཏར་ཡི་གདམས་པ་བདོག །

[Full Size]

འཆི་བདག་གི་གཡུལ་ངོ་དེ་ནས་བཟློག །ཁྱེད་འཆི་བདག་ཀུན་ཇི་ལྟར་དགྱེས་དགྱེས་མཛོད། །གཟའ་བདུད་ནག་པོ་འདི་ཐོ་ཅོ་ཆེ། །རུས་སྦལ་འཁོར་ལོའི་གདམས་པ་བདོག། གཟའ་བདུད་ཀྱི་གཡུལ་ངོ་དེ་ནས་བཟློག །ཁྱེད་ཁྱབ་འཇུག་ཀུན་ཇི་ལྟར་དགྱེས་དགྱེས་མཛོད། །སྔར་ངག་ལ་བྱིན་གྱིས་མ་བརླབས་པས། །སྔགས་བཟླས་པ་རྣམས་ལ་ནུས་མ་བྱུང་། །དཔལ་ཨཱ་ལི་ཀཱ་ལིའི་གདམས་པ་བདོག །སྔགས་མི་འགྲུབ་སྙམ་པའི་དོགས་པ་མེད། །ཅེས་སོ། །དེ་ནས་དཔོན་སློབ་སུམ་སྟོང་གིས་ཤངས་སུ་བྱོན་ཏེ་ཞང་ཞོང་གིས་སྣ་དྲངས་པའི་དགོན་གནས་བརྒྱ་དང་རྩ་བརྒྱད་ལོ་གསུམ་གྱི་ནང་དུ་བཏབ། ཆོས་ཀྱི་འཁོར་ལོ་ཆེན་པོ་བསྐོར་བ་ལ་དབུས་གཙང་ཁམས་གསུམ་གྱི་གྲྭ་པ་ཁྲི་ཚོ་ལྔ་འདུས་པའི་དུས་སུ་ཕལ་ཆེར་གཡེང་བ་ཤས་ཆེ་བས་ཉན་བཤད་དང་སྒོམ་སྒྲུབ་ལ་གཡེལ་པའི་དུས་སུ། །

[Full Size]

ཐམས་ཅད་ལྡད་མོ་ལ་ཁྲིད་ནས་སུམ་ཅུ་རྩ་གསུམ་ལྷ་དང་ལྷ་མོ་མང་པོའི་རྩེད་འཇོ་སྤྲུལ་ནས་བསྟན་པས་དགའ་ཞིང་ཆགས། ཡང་གཤིན་རྗེའི་སྐྱེས་བུ་འཇིགས་སུ་རུང་བ་དུ་མས་གསོད་གཅོད་ཀྱི་ལས་བྱེད་པར་སྤྲུལ་པས་སྡངས་སྐྲག་བརྒྱལ་བར་གྱུར་པའི་ཚེ་ངོ་སྤྲོད་ཀྱི་མགུར་དུ་བཞེངས་པ་ནི། །ཆགས་སྡང་ཡུལ་རྣམས་ཐམས་ཅད་ཀྱང་། །རང་གི་སེམས་ལས་བྱུང་བ་སྡེ། །རྣལ་འབྱོར་པ་ཡི་སྣང་བ་ལ། །ཤ་ཟ་ལ་སོགས་གཤིན་རྗེའི་གཟུགས། །མཚོན་ཆ་སྣ་ཚོགས་ལག་ན་ཐོགས། །ཚེ་སྲོག་དུས་འདིར་སྡུད་བྱེད་ཀྱང་། །སྒྱུ་མར་ཤེས་པས་གྲོལ་བར་འགྱུར། །ལྷ་མོ་མཛེས་མ་རྒྱན་གྱིས་བརྒྱན། །གླུ་ལེན་སྙན་པའི་སྒྲ་སྒྲོག་ཅིང་། །ཡིད་འོང་མང་པོས་མཐའ་བསྐོར་ཡང་། །རང་སྣང་སྒྱུ་མར་ཐག་ཆོད་ན། །དེ་དག་གིས་ཀྱང་འཆིང་མི་ནུས། །ཅེས་པ་ལ་སོགས་པའི་ཆོས་དང་། བར་དོའི་ཆོས་

[Full Size]

བསྟན་པས་ཐམས་ཅད་ཉན་བཤད་དང་། སྒོམ་སྒྲུབ་ལ་བརྩོན་པར་གྱུར་ཏོ། །ལན་གཅིག་རོང་པོ་དགེ་བཤེས་དཀོན་མཆོག་རྒྱལ་གྱིས་འབུལ་བ་ཆེན་པོ་ཕུལ་ནས་ཁྱེད་རྒྱ་གར་དུ་ལན་གསུམ་བྱོན། རྩ་བའི་བླ་མ་རྣམ་བཞི་སོགས་མཁས་གྲུབ་བརྒྱ་དང་ལྔ་བཅུ་བརྟེན་ནས་གྲུབ་ཐོབ་ཏུ་གྱུར་ནས་སྣང་བ་རང་བཞིན་མེད་པར་རྟོགས་པ་ཡིན་ཟེར་བས། བྲག་འདི་ལ་ཕར་ཐལ་ཚུར་ཐལ་འགའ་རེ་གྱིས་ལ། ནམ་མཁའ་ལ་སྐྱིལ་ཀྲུང་གྱིས་ལ་འདུག་དང་ཟེར་བ་ལ། བྲག་རི་དེ་ལ་ཟང་ཐལ་དུ་ཕྱིན། ནམ་མཁའ་ལ་སྐྱིལ་ཀྲུང་བཅས་ནས་གཅིག་དང་དུ་མར་སྣང་བ་ལ་སོགས་པའི་རྫུ་འཕྲུལ་འགའ་རེ་བསྟན་པས། རོང་པོ་དང་གྲ་བ་ཐམས་ཅད་ཤིན་ཏུ་དད་དེ། དེ་ལྟ་བུའི་ཡོན་ཏན་དེ་གདམས་ངག་གང་བསྒོམས་པ་ལས་བྱུང་བ་ཡིན་ཟེར་བ་ལ་འདི་གསུངས་སོ། །ཆོས་རྣམས་སྒྱུ་མ་ལྟ་བུ་ལ། །

[Full Size]

སྒྱུ་མ་ལྟ་བུར་ཉམས་བླངས་པས། །སྒྱུ་མ་ལྟ་བུར་མངོན་སངས་རྒྱས། །སྣང་ཡང་བདེན་མེད་ཆོས་རྣམས་ལ། །བྱིས་པས་བདེན་པར་བཟུང་བས་འཁྲུལ། །མེད་བཞིན་སྣང་བ་ཨེ་མ་ཧོ། །ལ་སོགས་པའི་ཆོས་བཤད་པས་དད་དེ་ཟླ་བ་བཅུ་གཅིག་ན་རོང་པོས་ཡི་དམ་ལྷའི་ཞལ་མཐོང་ནས་སྣང་བ་བདེན་མེད་དུ་རྟོགས་སོ། །ཡང་ཉེ་གནས་རིན་ཆེན་རྡོ་རྗེས་ཐ་མལ་རང་རྒྱུད་བཟུང་ནས་ལོག་ལྟ་ཅུང་ཟད་རེ་ཤོར་བ་མཁྱེན་ནས་ཡི་གེ་བརྒྱ་པ་དང་དག་བྱེད་ཨའི་སྟོང་ར་ཞག་བདུན་བསྒོམ་དུ་བཅུག་ནས་གཟིམ་ཆུང་དུ་བྱུང་བ་དང་། སྐུ་ལུས་དགྱེས་རྡོར་མཚོན་ཆ་ཅན་ལྷ་བཅུ་གསུམ་དུ་སྤྲུལ་ནས་བསྟན་པས་དེར་མཐོང་། ཡང་གནས་ལྔར་རྒྱུད་སྡེ་ལྔའི་དཀྱིལ་འཁོར་བཀོད་པས་ཀྱང་ཇི་ལྟ་བར་མཐོང་། ཕྱིར་སོང་པས་ཆོས་ཁྲི་བརྒྱ་རྩ་བརྒྱད་དུ་ཆོས་བསྟན་པ་མཐོང་ནས་ཆེད་དུ་བརྗོད་པ། སྐུ་ལུས་སྤྲུལ་པའི་ལྷ་དགུ་ལ། །

[Full Size]

གནས་ལྔར་རྒྱུད་སྡེ་ལྔ་ཡི་ལྷ། །བརྒྱ་རྩ་བརྒྱད་ཀྱི་ཆོས་ཁྲི་ལ། །བལྟ་བས་མི་ངོམས་སྐུ་ལུས་རེ། །མཐའ་བྲལ་ཐེག་ཆེན་ཆོས་སྒྲ་སྒྲོག །སྣ་ཚོགས་སྤྲུལ་པ་ཕྱོགས་བཅུར་སྔོན། །རྒྱལ་བ་རྒྱ་མཚོའི་ཐུགས་སྤྲུལ་པའི། །བླ་མ་སངས་རྒྱས་ཁྱེད་ལ་བསྟོད། །མ་རིག་འཁྲུལ་པའི་སེམས་ཅན་རྣམས། །ཡང་དག་ལམ་ལ་གཟུང་དུ་གསོལ། །ཞེས་ཁོས་བསྟོད་པ་བྱས་སོ། །དེ་ནས་ལོག་ལྟ་སྐད་ཅིག་མ་སྐྱེས་པར། ཅི་གསུངས་ཉན་པའི་ཉེ་གནས་སུ་གྱུར་ཏོ། །སྐབས་ཤིག་བྱམས་པའི་ཆོས་ལྔ་དང་། །གསང་བ་སྤྱི་རྒྱུད་བཤད་པའི་འཚོ་བ་འདྲེན་པ་ལ། དབུས་གཙང་ཁམས་གསུམ་གྱི་གྲྭ་པ་རྣམས་མ་འཆམས་པར། དམ་སེལ་དུ་འགྲོ་བར་བྱུང་བ་དང་། རྒྱལ་ཆེན་རིགས་བཞིའི་ལྷ་ཚོགས་རྣམས་བྱུང་ནས་འདི་སྐད་ཞུས་སོ། །ཐར་མེད་གནས་སུ་

[Full Size]

སྐྱེ་བ་དང་། །ཐར་པའི་གནས་གཅོད་བྱེད་པ་ནི། །མི་མཐུན་དག་ལས་འབྱུང་བར་འགྱུར། །དེ་ཕྱིར་དམ་ཚིག་སྨོས་ཅི་དགོས། །མཐུན་པའི་དཀའ་ཐུབ་དག་ལ་ནི། །ཚེ་གཅིག་སངས་རྒྱས་རྙེད་མི་དཀའ། །དེ་ཕྱིར་འདིར་འཚོགས་ལྷ་རྣམས་ཀྱིས། །ཆོས་གསུང་ཚེ་ན་བསྙེན་བཀུར་བྱ། །ཏ་ལ་བདུན་སྲིད་གཅིག་ཀྱང་རུང་། །མཁའ་ལ་ཆོས་ཆར་དབབ་དུ་གསོལ། །ཆོས་ཀྱི་དུང་ཆེན་བསྒྲག་དུ་གསོལ། །ཆོས་ཀྱི་བ་དན་བསྒྲེང་དུ་གསོལ། །ཅེས་གསོལ་བ་བཏབ་པས། ཟླ་བ་བདུན་མི་ཟས་མི་ཟ་བར་དམ་བཅས་ནས་ནམ་མཁའ་ལ་ཤིང་ཏ་ལ་གཅིག་གི་ཚད་ཙམ་ལ་བཞུགས་ཏེ་ཟླ་བ་བདུན་གྱི་བར་དུ་བྱམས་པའི་ཆོས་ལྔ་དང་། གསང་བ་སྤྱི་རྒྱུད་ཚར་བར་བྱས་པས། དབུ་མའི་ལྟ་བ་ཁོང་དུ་ཆུད་པ་མང་དུ་བྱུང་བ་དང་། ལྷ་རྣམས་ཀྱིས་མགྲིན་གཅིག་ཏུ་འདི་

[Full Size]

སྐད་ཅེས་བརྗོད་པར་གྱུར་ཏོ། །བླ་མ་རྡོ་རྗེ་གདན་པའི་ཐུགས་དགོངས་རྫོགས་པར་གྱུར་ཏོ། །ལྷ་རྣམས་ཚིམས་པར་གྱུར་ཏོ། །མི་རྣམས་གྲོལ་བར་གྱུར་ཏོ། །སངས་རྒྱས་ཀྱི་བསྟན་པ་ལ་བྱ་བ་ཆེན་པོ་བྱས་པར་གྱུར་ཏོ། །ཨ་ལ་ལ་ཞེས་ལན་གསུམ་བརྗོད་ཅིང་། མེ་ཏོག་གི་ཆར་ཆེན་པོ་ཕབ་སྟེ་མི་སྣང་བར་གྱུར་ཏོ། །ལན་གཅིག་སངས་རྒྱས་འོད་དཔག་མེད་ཀྱིས་བདེ་ཆེན་ཞིང་གི་བཀོད་པ་རྣམས་བསྟན་ནས་འདི་སྐད་གསུངས་སོ། ཁྱོད་ཀྱི་སྐྱེ་བ་ཐ་མ་སྟེ། །བདེ་བ་ཅན་གྱི་ཞིང་ཁམས་སུ། །སྡེ་དང་བཅས་པའི་བདུད་བཏུལ་ནས། །མངོན་པར་བྱང་ཆུབ་འཁོར་ལོ་བསྐོར། །གང་གིས་ཁྱོད་ཀྱི་རྗེས་སློབ་ཅིང་། །འོད་དཔག་མཚན་ཙམ་ཐོས་པས་ཀྱང་། །བདེ་བ་ཅན་གྱི་ཞིང་ཁམས་སུ། །རྫུ་འཕྲུལ་ཆེན་པོས་སྐྱེ་བར་འགྱུར། །ཁྱོད་ཀྱི་བརྒྱུད་འཛིན་རྣམ་པ་གསུམ། །

[Full Size]

མངོན་དགའ་དང་ནི་བདེ་བ་ཅན། །དག་པའི་ཞིང་ནས་ཞིང་དུ་འགྲོ། །དེར་ནི་མངོན་པར་བྱང་ཆུབ་འགྱུར། །ཞེས་པ་ལ་སོགས་པའི་ལུང་བསྟན་མང་དུ་མཛད་དོ། །ཡང་ཐུགས་རྗེ་ཆེན་པོ་གཙོ་འཁོར་གསུམ་གྱི་འོད་ཟེར་ལས་ཆོས་ཀྱི་སྒྲ་གསན་པ་ནི། །ཆོས་རྣམས་རང་བཞིན་སྐྱེ་མེད་ལས། །འགགས་མེད་སྙིང་རྗེ་མ་ཤར་ན། །འགྲོ་དྲུག་སེམས་ཅན་མ་རྒན་རྣམས། །སྨིན་ཅིང་གྲོལ་བར་མི་ནུས་པས། །འགྲོ་འཆག་ཉལ་འདུག་ཐམས་ཅད་དུ། །མ་ཡི་དྲིན་དང་སྡུག་བསྔལ་རྣམས། །མ་ཡེངས་དྲན་པའི་ལྕགས་ཀྱུས་ཟུངས། །ཚད་མེད་སྙིང་རྗེ་ཆེན་པོ་བསྐྱེད། །བྱམས་པའི་གངས་རི་ཆེན་པོ་ལས། །སྙིང་རྗེའི་ཆུ་རྒྱུན་བསིལ་བ་ཡིས། །ཉོན་མོངས་མེ་དཔུང་ཞི་བར་མཛོད། །ང་ནི་སྙིང་རྗེ་ཆེན་པོའི་སྐུ། །ཞེས་སོགས་སྙིང་རྗེ་མཁའ་ཁྱབ་ཀྱི་ཏིང་ངེ་འཛིན་གསུངས་སོ། །ཡང་ཨོ་རྒྱན་

[Full Size]

ཏུ་ཕེབས་ནས་རྗེ་བཙུན་མ་ལྷ་ལྔའི་དཀྱིལ་འཁོར་དུ་དབང་ཞུས་པ་དང་། ཌཱ་ཀི་མ་སེང་གེའི་གདོང་པ་ཅན་ལ་ཌཱ་ཀི་མ་སྡེ་བཞིས་བསྐོར་ནས་རྡོ་རྗེའི་གླུ་འདི་ལྟར་བླངས་སོ། །རྡོ་རྗེ་མཁའ་འགྲོས་བར་ཆད་སྲུང་། །རིན་ཆེན་མཁའ་འགྲོས་མི་ནོར་སྤེལ། །པདྨ་མཁའ་འགྲོས་བུད་མེད་སྡུད། །ཕྲིན་ལས་མཁའ་འགྲོས་ལས་ཀུན་སྒྲུབ། །འདོད་སྲེད་ཆགས་པའི་དབང་སོང་བས། །བདག་ཉིད་མཁའ་འགྲོའི་དབང་དུ་སོང་། །ཕྱི་རོལ་མི་འདོད་གང་ཡང་འབྱུང་། །ཌཱ་ཀི་རང་གི་སེམས་སུ་ཤེས། །སེམས་ཀྱི་དེ་ཉིད་ཤེས་པ་དང་། །སེམས་ཉིད་མི་རྟོག་རྡོ་རྗེ་སྟེ། །རྡོ་རྗེ་ཌཱ་ཀིས་བར་ཆད་སྲུང་། །ཆོག་ཤེས་དགོས་མེད་རིན་ཆེན་གཏེར། །རིན་ཆེན་མཁའ་འགྲོས་དགོས་འདོད་སྒྲུབ། །ཆགས་བྲལ་མི་རྟོག་པདྨ་སྟེ། །པདྨ་ཌཱ་ཀིས་མུ་དྲ་སྡུད། །སྐྱེ་

[Full Size]

འགགས་མེད་པ་ཀརྨ་སྡེ། །ལས་ཀྱི་ཌཱ་ཀིས་ཕྲིན་ལས་སྒྲུབ། །དེ་ལྟར་མ་ཤེས་རྣལ་འབྱོར་པས། །བསྐལ་པར་བསྒྲུབ་ཀྱང་འགྲུབ་མི་འགྱུར། །དེ་ཕྱིར་མཁའ་འགྲོ་རང་སེམས་སུ། །ཤེས་པ་གནད་ཀྱི་མཆོག་ཡིན་ནོ། །ཞེས་པ་ལ་སོགས་འཆར་བ་རྣམ་པ་གསུམ་དང་། །འདུ་བ་རྣམ་གསུམ་གྱི་གདམས་ངག་རྣམས་གསུངས་སོ། །དེ་ནས་བླ་མ་ལྷ་དང་མཁའ་འགྲོ་རྣམས་ཀྱིས་ལུང་བསྟན་པ་ལྟར་ཚོགས་པའི་མཐར་ཐུག་ཁྲི་ཚོ་བརྒྱད་ལ་ལོ་དུ་མར་ཆོས་བསྟན། སློབ་མའི་མཐར་ཐུག་དྲུག་པོ་ལ་གདམས་ངག་མ་ལུས་པ་ཚར། སྐུ་ཚེའི་མཐར་ཐུག་བརྒྱ་དང་ལྔ་བཅུ་ལ་བབས་ནས། ཞིང་ཁམས་མཐར་ཐུག་བདེ་བ་ཅན་དུ་གཤེགས་པར་དགོངས་པའི་ཚེ་རྒྱལ་ཆེན་བཞི་དང་ཀླུ་རྒྱལ་མ་དྲོས་པ། དྲི་ཟའི་རྒྱལ་པོ་ཟུར་ཕུད་ལྔ་པ་སོགས་ལྷ་ཀླུ་མི་མིན་དཔག་ཏུ་མེད་པ་འདུས་

[Full Size]

མཆོད་སྤྲིན་བསམ་གྱིས་མི་ཁྱབ་པས་མཆོད་ཅིང་མྱ་ངན་ལས་མི་འདའ་བར་གསོལ་བ་བཏབ་པ་ལ་བཀའ་སྩལ་པ་ནི། །བླ་མ་ཡི་དམ་ལུང་བསྟན་པའི། །མཐར་ཐུག་གསུམ་གྱི་དུས་ལ་བབས། །ད་ནི་ཞིང་ཁམས་མཐར་ཐུག་པའི། །བདེ་བ་ཅན་གྱི་ཞིང་དུ་འགྲོ། །དག་པའི་ལོངས་སྤྱོད་དཔག་ཏུ་མེད། །འཇིག་རྟེན་གསེར་དངུལ་དགོས་པ་མེད། །ཁྱེད་རྣམས་ང་ལ་དད་གྱུར་ན། །བདེ་བ་ཅན་དུ་གསོལ་བ་ཐོབ། །ཞིང་དེར་སྐྱེ་བར་ཐེ་ཚོམ་མེད། །རྡུལ་གཅིག་སྟེང་ན་རྡུལ་སྙེད་ཞིང་། །བསམ་གྱིས་མི་ཁྱབ་རྫོགས་པར་སྣང་། །ཞིང་དག་སྟོན་པ་འཁོར་དང་ཆོས། །དཔག་ཏུ་མེད་པ་འོད་དཔག་ཞིང་། །རྣམ་པར་དག་པ་བདེ་བ་ཅན། །དེ་ཕྱིར་ཐེ་ཚོམ་མ་བྱེད་པར། །ཞིང་དེར་སྐྱེ་བའི་སྨོན་ལམ་ཐོབ། །ཞེས་པ་ལ་སོགས་པའི་ཆོས་བཤད་ནས་

[Full Size]

ཚིམ་པར་མཛད་དོ། །དེ་ནས་ཚེས་བཅུ་བཞི་ལ་ཚོགས་སུ་ཕེབ་སྟེ་ནམ་མཁའ་ལ་སྐུ་ལུས་ཀྱི་བཀོད་པ་མང་པོ་བསྟན་ཏེ་འདི་སྐད་གསུངས་སོ། །ཀྱེ་མ་འདུས་བྱས་མི་རྟག་སྟེ། །ནམ་མཁའི་སྤྲིན་བཞིན་འདུས་ཤིང་གྱེས། །བདེན་མེད་སྒྱུ་མའི་ཆོས་རྣམས་ལ། །བདེན་པར་བཟུང་བས་བསླུས་པ་ཡིན། །ང་ཡི་ལུས་ནི་རྒྱལ་བའི་སྐུ། །སྐྱེ་འཆི་ཅན་དུ་མ་ལྔ་ཞིག །ང་ཡི་ངག་ནི་རྒྱལ་བའི་གསུང་། །བརྗོད་བྲལ་སྐྱེ་མེད་རང་སྒྲ་སྒྲོག །ང་ཡི་སེམས་ནི་རྒྱལ་བའི་ཐུགས། །རྟོག་བྲལ་མཁྱེན་པའི་ཡེ་ཤེས་ལྡན། །ཅེས་གསུངས་པ་དང་། ནམ་མཁའ་ཐམས་ཅད་འཇའ་དང་རོལ་མོའི་སྒྲས་གང་ཞིང་མེ་ཏོག་གི་ཆར་ཆེན་པོ་བབ་པར་གྱུར་ཏོ། ༈ །མཁས་གྲུབ་ཁྱུང་པོ་རྣལ་འབྱོར་གྱི་གདམས་ངག་ཡོངས་སུ་རྫོགས་པའི་ཐུགས་སྲས་ཆེན་པོ་རྣམ་པ་དྲུག་གི་ཡ་གྱལ་གཅིག་

[Full Size]

བརྒྱུད་ཀྱི་བཀའ་བབས་འཛིན་པའི་ཕྱི་བུ་གཅིག་པུ་པ། རྨོག་ལྕོག་པ་རིན་ཆེན་བརྩོན་འགྲུས་ཞེས་བྱ་བ་སྐུ་ཚེ་དེ་ཉིད་བརྗེས་མ་ཐག་པར་ཤར་ཕྱོགས་འོད་འཕྲོ་ཅན་གྱི་ཞིང་ཁམས་སུ་མངོན་པར་རྫོགས་པར་འཚང་རྒྱ་བར་འགྱུར་བ་སྐྱེ་བ་གཅིག་གིས་ཐོགས་པའི་བྱང་ཆུབ་སེམས་དཔའ་ཆེན་པོ་དེ་ཉིད། ཐ་སྙད་བཤད་པའི་ཆོས་ལ་སྙིང་པོ་མེད་པར་གཟིགས་ནས། ཁམས་པ་ཨ་སེང་དང་། བུར་སྒོམ་ནག་པོ་སོགས་གྲུབ་ཐོབ་ཀྱི་བླ་མ་གདམས་ངག་ཆེ་ཚད་ལ་གཏུགས་ཤིང་ཉམས་ལེན་མཛད་ཀྱང་ཐུགས་དམ་མཐར་ཕྱིན་པ་མ་བྱུང་། རེ་ཞིག་གི་ཚེ་མཁས་གྲུབ་ཁྱུང་པོ་རྣལ་འབྱོར་གྱིས་རྗེས་སུ་བཟུང་སྟེ་གདམས་ངག་རྫོགས་པར་གནང་། དང་པོར་སྡིངས་མར་ལོ་གཉིས་བསྒོམས་པས་སྒྱུ་ལུས་རྨི་ལམ་འོད་གསལ་གྱི་རྟོགས་པ་མཐར་ཕྱིན་པ་འཁྲུངས། ཤངས་པ་

[Full Size]

སྐུ་གཤེགས་པས་བླ་མ་དྭགས་པོ་ལྷ་རྗེའི་སྤྱན་སྔར་དགེ་སྦྱོར་དོགས་གཅོད་ལ་བྱོན་པས་སྐྱེ་བ་དུ་མའི་དཔོན་སློབ་ཡིན་གསུངས་ནས་ཤིན་ཏུ་དགྱེས་པས་གདམས་ངག་མང་པོ་གནང་། དེར་ཕྱག་རྒྱ་ཆེན་པོའི་ལྟ་བ་ལ་སྒྲོ་འདོགས་ཆོད། ཉམས་རྟོགས་ཀྱི་རྩལ་ཕྱོགས་མེད་དུ་རྒྱས། རྨི་ལམ་སྤྲུལ་བསྒྱུར་གྱི་སྐབས་སུ་རྡོ་རྗེའི་མགུར་འདི་གསུངས་སོ། །སྐྱེ་མེད་ཀློང་ནས་འགགས་མེད་འཕྱོ། །བསམ་པ་ཙམ་གྱིས་ཐོགས་པ་མེད། །གང་གིས་བསླུར་མེད་སྒྱུ་མའི་ལུས། །རྣལ་འབྱོར་རིག་པའི་ཀློང་ནས་ཤར། །ཚེ་འདིའི་རྣམ་རྟོག་ཡལ་ནས་ཐལ། །རྣམ་སྨིན་གྱི་ལུས་ལ་རྒྱལ་བའི་སྐུ། །ངོ་སྤྲོད་ཀྱི་རྗེ་བཙུན་རིན་པོ་ཆེ། །ཡིད་ཀྱི་ལུས་ལ་ཆོས་ཀྱི་སྐུ། །ངོ་སྤྲོད་ཀྱི་རྗེ་བཙུན་རིན་པོ་ཆེ། །བག་ཆགས་ཀྱི་ལུས་ལ་རྒྱལ་བའི་སྐུ། །ངོ་སྤྲོད་ཀྱི་རྗེ་བཙུན་རིན་པོ་ཆེ། །

[Full Size]

ཞེས་བྱ་བ་ལ་སོགས་གསུངས་ཤིང་དེ་ནས་བཟུང་ཚེ་འདིའི་རྣམ་རྟོག་སྐྱེ་མ་མྱོང་གསུངས་སོ། །དེ་ནས་བླ་མ་རྣམས་ཀྱི་གསུང་བཞིན་རི་དང་མ་བྲལ་བར་བྱས་ནས་ཡང་ན་ཤི་བ་དང་ཡང་ན་སངས་རྒྱ་བ་གཅིག་ལ་གཏད་དགོས་དགོངས་ནས་རྨོག་ལྕོག་གི་བྲག་ཏུ་གསོལ་ཟས་ཉུངས་མ་ཙམ་ལ་བརྟེན་ནས་ལོ་བཅུ་གཉིས་སུ་བཞུགས་པའི་ཚེ་སུ་ཁ་སིདྡྷི་བྱོན་ནས་འདི་གསུངས་སོ། །ཆོས་ཉིད་མངོན་ཏུ་མ་གྱུར་ཚེ། །མི་ཟས་འཚོ་བས་ཉམས་མྱོང་འགྲིབ། །ལྟོ་གོས་འཁྲི་བ་བཅད་ནས་ཀྱང་། །རྣམ་རྟོག་ཏིང་འཛིན་ཟས་སུ་ཟོ། །ཅེས་ལན་གསུམ་གསུངས་པས་ལྟོ་གོས་འཁྲི་བ་ཆོད། །ཏིང་ངེ་འཛིན་བསམ་གྱིས་མི་ཁྱབ་པ་འཁྲུངས། དེ་རྣམས་ཀྱི་ཚེ་རྡོ་རྗེའི་མགུར་མང་དུ་བཞེངས་པ་ལས་རྒྱལ་སྲིད་སྣ་བདུན་རང་ལ་ཚང་བའི་མགུར་ནི། །ལས་སུ་དགྲ་བཏུལ་གཉེན་

[Full Size]

བསྐྱངས་ཀྱང་། །དགྲ་ལ་ཐུབ་པའི་དུས་ཀྱང་མེད། །གཉེན་ལ་མགུ་བའི་དུས་ཀྱང་མེད། །ད་དགྲ་མེད་གཉེན་མེད་བྱེད་ལས་ཆེ། །ལས་སུ་ལྷ་བརྟེན་འདྲེ་བསྐྲད་ཀྱང་། །ལྷ་ལ་མགུ་བའི་དུས་ཀྱང་མེད། །འདྲེ་ལ་འགྲོ་བའི་དུས་ཀྱང་མེད། །ལྷ་མེད་འདྲེ་མེད་བྱེད་ལས་ཆེ། །སྟོང་པ་ཉིད་ཀྱི་རྗེས་འབྲང་ཡང་། །སྟོང་ཉིད་ཀྱི་ལྟ་ལ་ཐུག་མཐའ་མེད། །གཅིག་པུ་རྩ་བ་གཅོད་ལས་ཆེ། །མི་ཆོས་ཀྱི་ཕྱོགས་ཀྱི་ཐ་མ་ལ། །ལྷ་ཆོས་ཀྱི་ཕྱོགས་སུ་རབ་གཅིག་བྱུང་། །ཡང་དག་དོན་ལ་མི་ལྟ་བར། །ཆེད་དུ་སྒྱུ་མའི་ནོར་ཚོལ་འཁྲུལ། །སེམས་ལ་གང་ཕན་མི་ལྟ་བར། །ཐ་སྙད་ཚིག་ཕྱིར་འབྲངས་ཏེ་འཁྲུལ། །དམན་པའི་ཆ་ལུགས་མི་འཛིན་པར། །ཆེ་བཙུན་གྱི་འགྱིང་ར་བྱས་ལས་ཆེ། །ཕྱོགས་མེད་ལྡོམ་བུ་མི་བྱེད་པར། །ལུང་སྟོང་གི་གྲོག་ཚང་བཤིགས་ཏེ་འཁྲུལ། །

[Full Size]

གཅིག་པུར་ཉམས་སུ་མི་ལེན་པར། །མང་པོའི་དཔོན་པོ་བྱས་ལས་ཆེ། །དལ་འབྱོར་མི་ལུས་ཁེབས་ལྡན་འདི། །དོན་མེད་ཕྱལ་པར་ཟད་དུ་འཕོང་། །རང་སེམས་ནོར་བུ་རིན་ཆེན་འདི། །འཁོར་བའི་འདམ་དུ་བྱིང་དུ་འཕོང་། །བླ་མའི་གདམས་ངག་བདུད་རྩི་འདི། །གཡེང་བའི་དབང་དུ་བཏང་སྟེ་འཕོང་། །ཟུང་འཇུག་གསལ་བའི་སྒྲོན་མེ་འདི། །རྣམ་རྟོག་རླུང་གིས་བསྐྱོད་དུ་འཕོང་། །སྐྱོད་པ་རོ་སྙོམས་བདེ་ཆེན་འདི། །ཆོས་བརྒྱད་བདུད་ཀྱིས་ནོན་དུ་འཕོང་། །རང་ལུས་རྒྱལ་བའི་ཞིང་ཁམས་འདི། །ཐ་མལ་ལས་ལ་བསྐོལ་དུ་འཕོང་། །རྣལ་འབྱོར་པ་ཡི་བདེ་སྐྱིད་འདི། །ཚོགས་དྲུག་གི་སྣང་བ་གྲོགས་སུ་ཤར། །འཁོར་འདས་ལ་ཉམ་ང་མ་མཆིས་པས། །རང་སེམས་རྒྱལ་པོ་ཡིན་ནོ་སེམས། །རང་སེམས་རྟོགས་པའི་རྒྱལ་པོ་ལ། །

[Full Size]

རིན་ཆེན་བདུན་གྱི་རྒྱན་ཡང་ཐོགས། །བདག་ཐ་སྙད་ཀྱི་ཚིག་ཕྱིར་མི་འབྲངས་པར། །ཟབ་མོའི་དོན་ལ་མོས་པར་བྱས། །ངེས་ཤེས་བློ་ཡི་གཏིང་ནས་སྐྱེས། །དེ་བློན་པོ་གྲོས་ཀྱི་ཕུལ་དུ་བྱུང་། །བླ་མ་དམ་པའི་ཞལ་སྔ་ནས། །གདམས་ངག་ཟབ་མོ་དེ་རང་སྟོན། །རྗེ་ནཱ་རོ་པ་ཡི་བུ་བརྒྱུད་ལ། །རྒྱུད་ལུང་སྒྲོ་འདོགས་ཆོད་ཅིག་གསུངས། །མན་ངག་ཆེ་དགུ་བཏུས་བཏུས་ནས། །འཁོར་འདས་ཀྱི་རྩ་བ་བཅད་ལགས་པས། །མ་རིག་པ་སྐྱེ་མེད་དུ་ཡལ་ནས་ཐལ། །རྟ་མཆོག་གིས་དུག་ལྔ་དབྱིངས་སུ་བསྐྱལ། །ལར་མང་པོ་འཚོགས་པའི་འདུ་འཛི་འདི། །གཡེང་བར་འདུག་པས་རི་ཁྲོད་འགྲིམས། །བསྐྱེད་རྫོགས་གཉིས་ལ་གཞི་བྱས་ནས། །རང་གི་སེམས་ཀྱི་རྩལ་ཡང་སྦྱངས། །ཁྱུང་ཕྲུག་མཁའ་ལ་གཤེགས་དང་འདྲ། །དེ་གར་འགྱུར་འཁོར་ལོ་རིན་པོ་ཆེ། །ཚོགས་

[Full Size]

དྲུག་གི་སྣང་བ་ཧད་པོར་ཐལ། །དེ་ལྟའི་དོན་ལ་ཆོག་ཤེས་པས། །ལོངས་སྤྱོད་ཆེ་ལ་དགའ་རྒྱུ་མེད། །བསྟོད་སྨད་ཚིག་གིས་སྙན་སྡུག་མེད། །འཆི་བདག་བདུད་ཀྱི་ཆོ་འཕྲུལ་ཡང་། །རང་སྣང་ཡིན་པས་འཇིགས་རྒྱུ་མེད། །སེམས་ཉིད་རྟག་ཆད་གཉིས་དང་བྲལ། །སྐྱེ་ཤི་གཉིས་ལ་སྐྲག་རྒྱུ་མེད། །དེ་དམག་དཔོན་གྱིས་ལོག་རྟོག་ཆོམས་སམ་སེམས། །དེ་ལྟར་རྟོགས་པའི་རྣལ་འབྱོར་པས། །སེམས་ཉིད་གདོད་ནས་དག་པ་ལ། །སྣང་བ་སློབ་དཔོན་དུ་འཆར་ཀྱིན་གདའ། །དེ་གླང་པོས་དམག་དཔུང་བསྐྱོད་དང་འདྲ། །ཞེ་འདོད་དྲན་མེད་ངང་ཡལ་ཐལ། །མཁའ་ལ་བྱ་འཕུར་རྟེན་མ་མཆིས། །ཚོགས་དྲུག་སྐྱེས་ན་བློ་བུར་བ། །འཛིན་པ་མེད་པར་གྲོགས་སུ་ཤར། །བཀག་པ་མེད་པར་གཟིགས་མོར་ཆེ། །དེ་བཙུན་མོ་མཛེས་མའི་བརྒྱན་

[Full Size]

ཡང་བཏགས། །དེ་ལྟར་རྟོགས་པའི་རྣལ་འབྱོར་པས། །ཁྱབ་པ་ནམ་མཁའ་ལྟ་བུ་ལ། །སེམས་ཀྱི་ཁྱིམ་ལ་ཡངས་དོག་མེད། །ངོས་གཟུང་མེད་འདྲའི་བར་སྣང་ལ། །འོད་གསལ་སྒོ་ལ་ཡངས་དོག་མེད། །དབྱིངས་དང་ཡེ་ཤེས་དབྱེར་མེད་པས། །སྐུ་གསུམ་གྱི་རྒྱུན་ལ་ཡངས་དོག་མེད། །འབད་མེད་ཉི་མ་ལྟ་བུ་ལ། །ཉི་ཟེར་འཆར་བ་ཕྱོགས་རིས་མེད། །དེ་ནོར་བུས་དགོས་འདོད་རེ་བ་སྐོང་། །རིན་ཆེན་བདུན་གྱི་ནོར་མཆོག་འདི། །རྣལ་འབྱོར་པ་ཡི་རྒྱན་དུ་ཆེ། །ལུས་དང་བྲལ་ཡང་འདི་མི་འབྲལ། །ནོར་གྱི་དམ་པ་ཡིན་ནམ་སེམས། །རྒྱལ་པོའི་ལོངས་སྤྱོད་ལ་སྨོན་རྒྱུ་མེད། །མཁས་པའི་ཐ་སྙད་ལ་དགའ་རྒྱུ་མེད། །དེ་ཤོབ་བེ་ཡིན་ན་འགུམ་པ་ལགས། །ཞེས་གསུངས་སོ། །ཡང་ཉམས་མྱོང་བློ་བློ་དྲུག་གི་མགུར་ནི། །དང་པོར་སྒྲོ་འདོགས་ཆོད་ནས་ཀྱང་། །

[Full Size]

ད་རུང་སྐབས་སུ་ཐེ་ཚོམ་བྱུང་། །བལྟ་བས་ཀྱང་རྣལ་འབྱོར་བསླུ་བསླུ་འདྲ། །ད་སྤྲོས་བྲལ་གྱི་སེམས་དང་མི་འབྲལ་འཚལ། །དང་པོ་སྐྱེ་མེད་རྟོགས་ནས་ཀྱང་། །ད་རུང་སྐབས་སུ་སྙེམ་བྱེད་བྱུང་། །བསྒོམ་པས་ཀྱང་རྣལ་འབྱོར་བསླུ་བསླུ་འདྲ། །ད་མ་ཡེངས་སེམས་དང་མི་འབྲལ་འཚལ། །དང་པོ་འཛིན་མེད་དུ་བྱས་ནས་ཀྱང་། །ད་རུང་སྐབས་སུ་ཆགས་ཞེན་བྱུང་། །སྤྱོད་པས་ཀྱང་རྣལ་འབྱོར་བསླུ་བསླུ་འདྲ། །ད་འཛིན་མེད་ཀྱི་སེམས་དང་མི་འབྲལ་འཚལ། །དང་པོར་རྩེ་གཅིག་ཏུ་གནས་ནས་ཀྱང་། །ད་རུང་སྐབས་སུ་རེ་དོགས་བྱུང་། །འབྲས་བུས་ཀྱང་རྣལ་འབྱོར་བསླུ་བསླུ་འདྲ། །ད་ལྷུན་གྲུབ་ཀྱི་སེམས་དང་མི་འབྲལ་འཚལ། །དང་པོར་ཐོད་རྒལ་བྱུང་ནས་ཀྱང་། །ད་རུང་སྐབས་སུ་ཉམ་ང་བྱུང་། །ཆོས་བརྒྱད་

[Full Size]

ཀྱིས་རྣལ་འབྱོར་བསླུ་བསླུ་འདྲ། །ད་སྨྱོན་པའི་སེམས་དང་མི་འབྲལ་འཚལ། །དང་པོར་གཉེན་འདུན་སྤངས་ནས་ཀྱང་། །ད་རུང་སྐབས་སུ་ངོ་སྲུང་བྱུང་། །ད་ཡང་ངོ་སྲུང་མི་བགྱིད་འཚལ། །དང་པོར་དད་པ་སྐྱེས་ནས་ཀྱང་། །ད་རུང་སྐབས་སུ་བཏང་སྙོམས་བྱུང་། །ལེ་ལོས་ཀྱང་རྣལ་འབྱོར་བསླུ་བསླུ་འདྲ། །ང་བརྩོན་འགྲུས་དང་རྣལ་འབྱོར་མི་འབྲལ་འཚལ། །ལྷ་གཅིག་དཀོན་མཆོག་གསུམ་པོ་ལ། །དད་གུས་ཀྱི་སྐྱོ་ངལ་མི་བགྱིད་འཚལ། །ཕ་གཅིག་བླ་མ་དམ་པ་ལ། །མོས་གུས་རྒྱུན་ཆད་མེད་པར་འཚལ། །གདམས་ངག་ཐུགས་ཀྱི་ཉིང་ཁུ་ལ། །ཚིག་ཚོགས་ཀྱི་ལྷད་ཀྱིས་མ་བསླང་འཚལ། །ལར་མཁས་པ་བས་ཀྱང་སྒྲུབ་པ་གཅེས། །གཅིག་པུར་སྡོད་ལ་ཉམས་སུ་ལོངས། །འཁོར་བའི་སྐྱོན་གྱིས་སུན་ཕྱུང་ལ། །ཆོས་མྱ་ངན་

[Full Size]

འདས་ལ་མོས་པ་དཀའ། །རྒྱུ་འབྲས་ཆོས་ལ་ཡིད་ཆེས་ནས། །སྐྱོ་ངལ་མེད་པའི་དད་པ་དཀའ། །ན་བ་ཚ་བ་ཀུན་སྤངས་ནས། །བཀོལ་དུ་གདུབ་པའི་མི་ལུས་དཀའ། །ལུང་རིག་མན་ངག་དང་ལྡན་པའི། །ཐུགས་རྗེ་ཅན་གྱི་བླ་མ་དཀའ། །འདུ་འཛི་གཡེང་བ་ཀུན་སྤངས་ནས། །ཉམས་སུ་ལེན་པའི་སློབ་མ་དཀའ། །ཆགས་སྡང་ཞེ་སྡང་ཀུན་སྤངས་ནས། །གཞན་དོན་བྱེད་པའི་སྙིང་རྗེ་དཀའ། །གཟུང་འཛིན་རྣམ་རྟོག་དང་བྲལ་བའི། །རྩེ་གཅིག་གནས་པའི་བསམ་གཏན་དཀའ། །དཀའ་བ་རྣམ་བརྒྱད་གདམས་ངག་འདི། །ཆོས་བྱེད་རྣམས་ལ་འདི་ཚོ་གཅེས། །འདི་ཚོ་འཛོམ་པ་བརྒྱ་ལ་འགའ། །དེ་ཕྱིར་བྱང་ཆུབ་ཐོབ་པ་དཀའ། །ད་སྒྲོ་འདོགས་སེམས་ལ་ཆོད་པ་ལ། །མཐའ་བྲལ་གྱི་ལྟ་བ་མི་ཟེར་རམ། །དེ་ལུང་རིག་

[Full Size]

དང་འབྲེལ་བ་རྒྱན་དུ་ཆེ། །རྣམ་རྟོག་ཆོས་སྐུར་ཤར་བ་ལ། །རང་བྱུང་བསྒོམ་པ་མི་ཟེར་རམ། །དེ་ཉམས་མྱོང་དང་འབྲེལ་བ་གནད་དུ་ཆེ། །ཚོགས་དྲུག་རང་སར་གྲོལ་བ་ལ། །ཆགས་མེད་ཀྱི་སྤྱོད་པ་མི་ཟེར་རམ། །དུས་ཚོད་དང་འབྲེལ་བ་རྒྱན་དུ་ཆེ། །སྟོང་ཉིད་ཀྱི་ཉམས་མྱོང་དང་འབྲེལ་བ་ལ། །སྙན་བརྒྱུད་ཀྱི་གདམས་ངག་མི་ཟེར་རམ། །དེ་དབང་དང་འབྲེལ་བ་རྒྱན་དུ་ཆེ། །སྟོང་ཉིད་ཀྱི་གསལ་སྣང་སྐྱེ་བ་ལ། །ས་ལམ་གྱི་རིམ་པ་མི་ཟེར་རམ། །དེ་ལམ་རྟགས་དང་འབྲེལ་བ་རྒྱན་དུ་ཆེ། །རང་སེམས་ཟད་སར་སྐྱལ་བ་ལ། །ཚེ་གཅིག་སངས་རྒྱས་མི་ཟེར་རམ། །དེ་སྐུ་བཞི་དང་འབྲེལ་བ་རྒྱན་དུ་ཆེ། །མཚན་ཉིད་གསུམ་ལྡན་གྱི་གང་ཟག་ལ། །བརྒྱུད་ལྡན་གྱི་བླ་མ་མི་ཟེར་རམ། །དེ་གདམས་ངག་དང་འབྲེལ་བ་རྒྱན་དུ་ཆེ། །དད་ལྡན་ཤེས་རབ་ཆེ་བ་

[Full Size]

ལ། །སྣོད་ལྡན་གྱི་སློབ་མ་མི་ཟེར་རམ། །དེ་མོས་གུས་དང་འབྲེལ་བ་རྒྱན་དུ་ཆེ། །བླ་མ་རིན་ཆེན་གྱི་རི་བོ་ལ། །གདམས་ངག་དམ་པའི་ཆུ་མིག་བདོག །དད་པ་སྐྱོ་ངལ་མེད་པས་འཐུང་ནུས་ན། །ཉེས་སྐྱོན་ཀུན་ལས་ཐར་བར་ངེས། །འདུས་བྱས་ལུས་ཀྱི་བུམ་ནང་ན། །ལྷན་ཅིག་སྐྱེས་པའི་སྒྲོན་མེ་བདོག །ཏིང་ངེ་འཛིན་ཐོབ་པས་ཆོག་ཤེས་ན། །ཕྱི་ནང་ཆོས་སྐུར་གསལ་བར་ངེས། །རང་ལུས་སྒྱུ་མའི་རི་བོ་ལ། །རྣམ་པར་ཤེས་པའི་སེང་ཕྲུག་རྩེ། །ཚོགས་དྲུག་ཞེན་མེད་དུ་སྦྱོང་ཤེས་ན། །འཁོར་འདས་ཟིལ་གྱིས་ནོན་པར་ངེས། །མ་རིག་པ་ཡི་ཚང་ནང་ན། །རྣམ་པར་ཤེས་པའི་ཁྱུང་ཕྲུག་བདོག །ཐབས་ཤེས་ཀྱི་གཤོག་པ་སྦྱོར་ནུས་ན། །འགྲོ་དྲུག་མཁའ་ལ་འཕུར་བར་ངེས། །བློ་བློ་ཕྱི་ཡི་ཡུལ་ལ་ལྟོས། །ཕྱི་ཡི་ཡུལ་

[Full Size]

ལ་བལྟས་ཙམ་ན། །མེ་ལོང་ནང་གི་གཟུགས་བརྙན་བཞིན། །སྣང་ལ་རང་བཞིན་མེད་པར་གདའོ། །བློ་བློ་ནང་གི་སེམས་ལ་ལྟོས། །ནང་གི་སེམས་ལ་བལྟས་ཙམ་ན། །མར་མེ་རླུང་གིས་མ་བསྐྱོད་བཞིན། །གསལ་ལ་རྟོག་པ་མེད་པར་གདའ། །བློ་བློ་ཕྱི་ནང་མཚམས་སུ་ལྟོས། །ཕྱི་ནང་མཚམས་སུ་བལྟས་ཙམ་ན། །མཁའ་ལ་ཉི་ཤར་ཇི་བཞིན་དུ། །མཚན་མ་རང་སར་གྲོལ་ནས་གདའོ། །བློ་བློ་ཐབས་ལམ་ཟབ་མོ་བསྒོམས། །ཐབས་ལམ་ཟབ་མོ་བསྒོམས་ཙམ་ན། །དེད་དཔོན་བཟང་པོས་བྱེད་པ་བཞིན། །སེམས་འདོད་པའི་གནས་སུ་སྐྱོལ་གྱིན་གདའོ། །བློ་བློ་ཕྱག་རྒྱ་ཆེན་པོ་བསྒོམས། །ཕྱག་རྒྱ་ཆེན་པོ་བསྒོམས་ཙམ་ན། །ནགས་ལ་མེ་ལྕེ་མཆེད་པ་བཞིན། །ཅིར་སྣང་གྲོགས་སུ་འཆར་གྱིན་གདའོ། །བློ་བློ་ཕྱོགས་མེད་ལྡོམ་བུ་གྱིས། །

[Full Size]

ཕྱོགས་མེད་ལྡོམ་བུ་བྱས་ཙམ་ན། །མཚོ་ལ་ཁ་བ་བབ་པ་བཞིན། །རྣམ་རྟོག་ཐད་ཀར་ཆོད་ཀྱིན་གདའོ། །ཞེས་གསུངས་སོ། །རྗེ་ཉིད་ལ་དྭགས་པོའི་སློབ་མ་བཅུ་གསུམ་གྱིས་རྣམ་རྟོག་གིས་མི་གནོད་པའི་ཕྱག་རྒྱ་ཆེན་པོ་ཞུ་ཟེར་བ་ལ་འདི་གསུངས་སོ། །སྐྱེ་འགགས་མེད་པའི་ཆོས་ཉིད་ལ། །རྣམ་རྟོག་བྱ་བ་ཅི་ལ་ཟེར། །མི་རྟོག་པ་དང་རྟོག་པ་གཉིས། །ཆུ་དང་ཆུ་བུར་ལྟ་བུར་ལྟོས། །ཞེས་སོགས་གསུངས་པས། །ཁོང་རྣམས་ཀྱིས་རྣམ་རྟོག་གཞི་མེད་རྩ་བྲལ་དུ་རྟོགས། གློ་བོའི་དགེ་བཤེས་ཞིག་གིས་ཡི་དམ་གང་བསྒྲུབ་ཀྱང་ཞལ་མཐོང་བའི་ཐབས་ཤིག་ཞུ་ཟེར་བ་ལ་འདི་གསུངས་སོ། །འཇིག་རྟེན་བྱ་བ་བློས་ཐོངས་ལ། །ཡིད་གཉིས་ཐེ་ཚོམ་མེད་པ་ཡིས། །ལྷ་སྐུ་གསལ་ལ་རྟོག་མེད་བསྒོམ། །འཛད་མེད་ཀྱི་ལོང་གཏམ་མ་བྱེད་

[Full Size]

པར། །གྲགས་སྟོང་སྔགས་ཀྱི་བཟླས་བརྗོད་གྱིས། །དེ་ལྟར་བྱས་ན་ལྷ་ཡི་སྐུ། །མྱུར་དུ་མཐོང་བར་ཐེ་ཚོམ་མེད། །ཅེས་གསུངས་པས་ཁོང་ཤིན་ཏུ་ངེས་ཤེས་སྐྱེས། ཟླ་བ་གསུམ་དུ་བསྒྲུབ་པས་སྒྲོལ་མའི་ཞལ་མཐོང་ངོ་། །ཡང་རྣམ་ཐར་ཞལ་གསུངས་མ་ལས། དབྱར་གཅིག་མུ་གེ་ཆེན་པོ་བྱུང་བ་དང་། ཡུལ་མི་ལྟོག་པོ་རྣམས་གྲོས་བྱས་ཏེ། བླ་མ་ལ་བཀའ་ཕབ་ཞུ་དགོས་ཟེར་ནས། ང་ཡི་འབུལ་སྐྱེལ་དང་གྲྭ་པ་བཅོམ་པས། མགོན་གཡག་གིས་གྲོང་ལ་བལྟས། གྲྭ་པ་རྣམས་ནི་སེར་དམག་བྱེད་པར་འདུག་ནས། ཉིན་གཅིག་མང་བཀོལ་གྱིས་བྱས་པས་ཐམས་ཅད་འདུས་པ་དང་། དང་པོའི་བེར་དུག་དེ་གྱོན། །ཆོས་ཁུག་དེ་རྒྱབ་ཏུ་ཁུར་ནས་འདི་སྐད་ཅེས་སྨས་སོ། །ལམ་མཁན་བླ་མ་རྗེ་ལ་ཞུས་པས། །ལམ་རྒྱུས་མཁས་པའི་ཚད་གཅིག་

[Full Size]

བྱུང་། །བློ་ཕུག་དམ་པའི་ཆོས་ལ་གཏད་པས། །གྲོས་མགོ་ཐོན་པའི་ཚད་གཅིག་བྱུང་། །སྒྲོ་འདོགས་རང་གི་སེམས་ལ་བཅད་པས། །ངེས་ཤེས་སྐྱེས་པའི་ཚད་གཅིག་བྱུང་། །ཅི་བྱེད་དམ་པའི་ཆོས་དང་བསྟུན་པས། །དགེ་སྦྱོར་འཕེལ་བའི་ཚད་གཅིག་བྱུང་། །རྒྱལ་ཁ་འགྲོ་བ་གཞན་ལ་བྱིན་པས། །བློ་སྣ་འབྱོངས་པའི་ཚད་གཅིག་བྱུང་། །གཞན་སེམས་མ་བཟུང་རང་སེམས་བཟུང་བས། །ངོ་སྲུང་ཆུང་བའི་ཚད་གཅིག་བྱུང་། །གང་དུ་བསྡད་ཀྱང་མགྲོན་པོ་བགྱིས་པས། །ཆགས་ཞེན་ཆུང་བའི་ཚད་གཅིག་བྱུང་། །ཕམ་ཁ་ལྟོ་རྒྱབ་གཉིས་ལ་བསྐུར་བས། །ལུས་སེམས་དལ་བའི་ཚད་གཅིག་བྱུང་། །མགུར་དེ་བླངས་ནས་རི་ཁྲོད་ལ་བྲོས་པས། །གྲྭ་པ་རྣམས་ཀྱིས་སེར་དམག་བཤོལ། །མགོན་གཡག་ཀྱང་ཡར་བྱུང་བ་དང་། །ཐུགས་རྗེ་ཆེན་པོའི་

[Full Size]

ཞལ་ནས། །ཞེ་སྡང་མེ་དཔུང་ཆེན་པོ་དེ། །བྱམས་པའི་ཆུ་ཡིས་བསིལ་བར་བྱས། །ཤིན་ཏུ་ལེགས་སོ་རྣལ་འབྱོར་པ། །འཁོར་འདས་ཆགས་སྡང་རྩ་བ་ཡིན། །ཆགས་ཞེན་སྐྱུངས་ཤིག་རྣལ་འབྱོར་པ། །གསུངས་སོ། །དེ་ནས་རྟའི་ཟླ་བ་ལ་མཚམས་བྱས་ནས་མི་ཟས་མ་ཟོས། །དབང་བསྐུར་མ་བྱས་པས་འོད་གསལ་གྱི་སྣང་བ་མཆེད་ནས། གྲྭ་པ་ཐམས་ཅད་ཀྱི་བྱེད་སྤྱོད་དང་། །ཚེ་སྟོད་སྨད་ཀྱི་ལེགས་ཉེས་ཐམས་ཅད་ཤེས་པར་བྱུང་སྟེ། །སྙིང་རྗེ་དང་ཤ་ཚས་གང་ལ་གང་ལེགས་ཀྱི་གྲོས་གདབ་པས་ཕལ་ཆེར་ངེས་ཤེས་སྐྱེས་ནས་དགེ་སྦྱོར་མཐར་ཕྱིན་པ་བྱུང་བ་ལ། ངོམ་ཤོད་བླ་མཆོད་ལ་སོགས་པ་མི་ཉན་པ་མང་པོ་བྱུང་སྟེ་ཁོ་ཡུལ་དུ་ཕྱིན་པས་ཁྱིམ་ཐབ་ཏུ་སོང་ནས་ང་འཆི་ཀ་ལ་མི་འཕྲད་པར་འདུག་པས་ཡུལ་དུ་མ་འགྲོ་བྱས་པས་མ་ཉན་པ་ལ་ཡི་མུག་ནས་ཁོའི་

[Full Size]

ལག་པ་ནས་བཟུང་ནས་མགུར་འདི་བླངས་སོ། །སངས་རྒྱས་སེམས་ཅན་གྱི་མེས་པོ་ཡིན། །དམ་ཆོས་སེམས་ཅན་གྱི་སྤྱི་ནོར་ཡིན། །མི་དད་ལྡན་བགོ་བཤའ་བྱེད་ཙ་ན། །ནོར་སྐལ་ཆད་པའི་སྙིང་མེད་པོ། །དུས་གསུམ་སངས་རྒྱས་ཀྱི་རྩ་བདེ། །བརྒྱུད་ལྡན་གྱི་བླ་མ་ཡིན་པར་ངེས། །འདི་ཕྱིའི་དགོས་འདོད་སྒྲུབ་མཁན་ལ། །མོས་གུས་མེད་པའི་སྙིང་མེད་པོ། །ཚེས་ཡོངས་སུ་གཏུགས་པའི་ལྷག་མ་ལ། །ཡེངས་མེད་བརྩོན་འགྲུས་མི་རྩོམ་པར། །མགུ་བ་མེད་པའི་ཕན་སེམས་ཀྱིས། །ཚེ་དོན་མེད་དུ་སྐྱེལ་བའི་སྙིང་མེད་པོ། །རིག་པ་ཤིང་ཁའི་བྱི་ཆུང་ལ། །འཆི་བདག་བདུད་ཀྱི་བསྐུལ་མ་འོང་། །སྔར་བསགས་ལས་ཀྱི་སྟེང་དུ་འགྲོ། །སྡིག་པ་བྱེད་པའི་སྙིང་མེད་པོ། །ཕུང་པོ་ཟག་བཅས་སྡུག་བསྔལ་སྣོད། །

[Full Size]

སྐྱེ་རྒས་ན་འཆི་ཀུན་གྱི་གནས། །ལུས་རྫ་གོག་བཞིན་དུ་འདོར་བ་ལ། །རྟག་དུ་རེ་བའི་སྙིང་མེད་པོ། །ཟས་ནོར་སྒྱུ་མའི་རང་བཞིན་ལ། །རང་གཞན་དོན་དུ་མི་སྤྱོད་པར། །སྔར་འདྲིས་སེར་སྣའི་གར་སྦྱིན་གྱིས། །འབྲལ་མི་ཕོད་པའི་སྙིང་མེད་པོ། །རྣམ་རྟོག་གདོན་གྱི་སུན་མ་ལ། །ཆོས་ཉིད་བསྐུལ་མ་མི་ལྟ་བར། །ལུས་སེམས་བྲལ་གྱིས་དོགས་པ་ཡིས། །སེམས་འཕྲིག་གཙུམ་བྱེད་པའི་སྙིང་མེད་པོ། །ལས་རྣམས་འགྲུབ་པའི་གསང་སྔགས་ལ། །མ་ཡེངས་ཐུན་བཞིར་མི་བསྒོམ་པར། །འཛད་པ་མེད་པའི་ལོང་གཏམ་ལ། །དུས་འདའ་རུ་འཇུག་པའི་སྙིང་མེད་པོ། །སེམས་ཉིད་ཡིད་བཞིན་ནོར་བུ་ལ། །སྐུ་གསུམ་འབྲལ་མེད་མི་བསྒོམ་པར། །རི་དྭགས་སྨིག་རྒྱུ་སྙེགས་པ་བཞིན། །ཚིག་ཕྱིར་འབྲེང་བའི་སྙིང་མེད་པོ། །ཆོས་ཉིད་གཏན་

[Full Size]

ཡུལ་མི་འཛིན་པར། །བདག་འཛིན་མེལ་ཚེ་བྱེད་བྱེད་པོ། །རིགས་དྲུག་གི་གྲོང་ཁྱེར་སྒྱུ་མར་བཟུང་། །ཚེ་ཐུག་མེད་དུ་འཁྱམས་པའི་སྙིང་མེད་པོ། །ཞེས་གསུངས་སོ། །ལྟ་སྒོམ་སྤྱོད་འབྲས་ཀྱི་རྡོ་རྗེའི་མགུར། །སྐྱེ་འགགས་མེད་པའི་དོན་རྟོགས་ན། །ལྟ་བ་ཀུན་མཐོ་རུང་མ་མཐོ་རུང་། །གཟའ་གཏད་མེད་པའི་ངང་དུ་ཞོག་གཉིས་འཛིན་མེད་ན་ལྟ་བ་ཡིན། །སྐུ་གསུམ་འབྲལ་མེད་དོན་རྟོགས་ན། །གནས་པ་ཀུན་བརྟན་རུང་མ་བརྟན་རུང་། །འབད་པ་མེད་པའི་ངང་དུ་ཞོག །གསལ་ལ་མ་ཡེངས་སྒོམ་པ་ཡིན། །འགྲོ་འཆག་ཉལ་འདུག་མ་ཡེངས་ན། །སྤྱོད་པ་ཀུན་རྩིང་རུང་མ་རྩིང་རུང་། །ཉམ་ང་མེད་པའི་ངང་དུ་ཞོག །ཆགས་ཞེན་མེད་ན་སྤྱོད་པ་ཡིན། །གསལ་ལ་དངོས་མེད་དོན་རྟོགས་ན། །ཉམས་མྱོང་འབར་རུང་མ་འབར་

[Full Size]

རུང་། །བརྗོད་དུ་མེད་པའི་ངང་དུ་ཞོག །ངེས་ཤེས་ཡོད་ན་ཉམས་མྱོང་ཡིན། །རེ་དོགས་མེད་པའི་དོན་རྟོགས་ན། །ཆོས་སྐུ་ཐོབ་རུང་མ་ཐོབ་རུང་། །ཞེ་འདོད་མེད་པའི་ངང་དུ་ཞོག །གདོད་ནས་གྲུབ་པ་འབྲས་བུ་ཡིན། །ཞེས་གསུངས་སོ། །སེམས་འཆི་མེད་རྡོ་རྗེའི་མགུར། །མདོ་རྒྱུད་མན་ངག་ཉམས་མྱོང་གིས། །མ་བསྒོམས་སངས་རྒྱས་འཆི་མེད་གནང་། །འདི་ལྟར་རྣམ་སྨིན་ལུས་འདི་ལ། །ཡེ་ཤེས་ལུས་ནི་རང་དགར་འབྱུང་། །རྣམ་སྨིན་ལུས་ལ་ལྷ་ཡི་སྐུ། །གསལ་ལ་དེར་འཛིན་མེད་པར་བསྒོམ། །དེ་ཉིད་སེམས་དང་དབྱེར་མེད་དེ། །སེམས་ལ་ངོ་བོ་མ་གྲུབ་པས། །དེ་ལ་འཆི་རྒྱུ་ག་ལ་ཡོད། །འཆི་བ་ཞེས་བྱ་རྣམ་རྟོག་ཡིན། །རྟོག་ཚོགས་འཁོར་འདས་ཆོས་མ་གྲུབ། །འཕོ་བྱ་འཕོ་བྱེད་རང་སར་གྲོལ། །རྣམ་ཤེས་གང་ལ་དོན་པ་དོན། །

[Full Size]

འཆི་མེད་མཐའ་བྲལ་འབྲས་བུའི་མཆོག །དྲན་པས་མངོན་སངས་རྒྱ་བ་ནི། །ཌཱ་ཀིའི་སྲོག་སྙིང་སྲོག་ལྟར་འཆང་། །རང་སེམས་འཆི་མེད་རང་གྲོལ་རྗེ་བཙུན་རཏྣ་བཱིརྱ་པས་མཛད་པ་རྫོགས་སོ། །བླ་མ་ཤངས་པ་ལ་གསེར་སྲང་ལྔ་བཅུ་ཕུལ་ནས་ཞུས་ཏེ་ཉམས་སུ་མྱོང་བར་བྱས་སོ། ཨྀྀྀིྠ། མྱ་ངན་ལས་འདའ་ཀར་འབྲོང་བུ་བཙན་རྒོད་ལ་ཞལ་ཆེམས་སུ་གདམས་པ། །བུ་ཐ་སྙད་ཀྱི་སྒྲོ་འདོགས་གཅོད་པ་ན། །ཐ་སྙད་ཀྱི་ཆོས་ལ་དགོས་པ་མེད། །བསླབ་པ་དཀའ་ལ་བརྗེད་པ་སྐྱེན། །ཆོས་ཀྱི་སྒོ་མོ་བརྒྱད་ཁྲི་བཞི་སྟོང་ཡང་། །སེམས་ཉིད་ཀྱི་སྟེང་དུ་གཞོལ་ཞིང་འབབ། །ཆོས་ཇི་ལྟར་བསམ་ཀྱང་གནས་ལུགས་དང་། །མ་བཅོས་གཉུག་མའི་ངང་ལ་ཞོག །སྣང་བ་སེམས་སུ་ཤེས་པར་གྱིས། །སེམས་ཀྱི་རང་བཞིན་སྐྱེ་བ་མེད། །སྐྱེ་མེད་

[Full Size]

རྟོགས་ན་འོད་གསལ་དང་། །བློ་སྣ་དེ་ལ་འགྲོ་ཚད་ཐོང་། །རྒྱུ་རྐྱེན་རྟེན་འབྲེལ་མི་བསླུ་བས། །བུ་ཡི་དོན་གཅིག་འགྲུབ་དེ་མཆི། །ཞེས་གསུངས་སོ། ༈ །སྐྱེས་རབས་ཀུན་ཏུ་འཕགས་མཆོག་ཐུགས་རྗེ་ཆེན་པོས་རྗེས་སུ་བཟུང་ཞིང་སྐུ་ཚེ་འདིར་ཡང་བརྩོན་འགྲུས་དྲག་པོས་བསྒྲུབས་པས་མཚམས་སྦྱར་ཏེ་འཕགས་པ་ཉིད་དང་དབྱེར་མེད་པའི་མཆོག་གྲུབ་པ། བྱང་ཆུབ་ཀྱི་སེམས་རིན་པོ་ཆེ་རྣམ་པ་གཉིས་རྩོལ་མེད་ཆུ་བོའི་རྒྱུན་ལྟ་བུ་མངའ་བ། རྗེ་བཙུན་རྨོག་ལྕོག་པ་ལས་མཁའ་འགྲོའི་ཆིག་བརྒྱུད་ཐོབ་ཅིང་ཤར་ཕྱོགས་བཻ་ཌཱུརྻ་སྣང་བའི་ཞིང་ཁམས་སུ་དེ་བཞིན་གཤེགས་པ་དྲི་མེད་ནམ་མཁའི་དཔལ་ཞེས་བྱ་བར་འཚང་རྒྱ་བར་འགྱུར་པའི་སྐྱེས་མཐའི་བྱང་སེམས་དབོན་སྟོན་སྐྱེར་སྒང་པ་ཆོས་ཀྱི་སེང་གེ་ལ་རྒྱལ་བ་སྲས་བཅས་ཀྱི་ཆོས་

[Full Size]

སྒོ་མཐའ་ཡས་པ་སྩལ་བ་ལས་མཚོན་པ་ཙམ་ནི། རྗེ་བཙུན་སྒྲོལ་མའི་ཞལ་ནས། སྒྱུ་ལུས་བདེན་མེད་གནང་ཡིན་ཨ་འཐས་ཤིག །རྨི་ལམ་འདུན་པའི་གནད་ཡིན་ལམ་དུ་ཁྱེར། །འོད་གསལ་མོས་གུས་གནད་ཡིན་གསོལ་བ་ཐོབ། །གཞན་དོན་སྙིང་རྗེའི་གནད་ཡིན་ཕྱོགས་འཛིན་སྤོངས། །ཞེས་དང་། །གཉིས་འཛིན་སྤངས་ན་འདོད་ཆགས་ངང་གིས་ཞི། །ཕ་མར་ཤེས་པས་ཞེ་སྡང་རང་སར་གྲོལ། །གསལ་ལ་རྟོག་མེད་གཏི་མུག་དབྱིངས་སུ་ཐིམ། །འགགས་མེད་དུག་གསུམ་རང་སར་འཆིང་བྱེད་འདི། །དེར་འཛིན་མེད་པས་རང་སར་གྲོལ་བར་ངེས། །ཉོན་མོངས་རང་ཤར་རང་གྲོལ་ཉིད་དུ་ལྟོས། །ཞེས་གསུངས། །ཐུགས་རྗེ་ཆེན་པོའི་ཞལ་ནས། །འདུ་འཛི་གཡེང་བ་བདུད་ཀྱི་བར་ཆད་ཡིན། །

[Full Size]

ཆགས་སྡང་སྣ་ཚོགས་གྲོགས་སུ་མི་འཆར་བས། །རྐྱེན་ངན་དབེན་པའི་དགོན་པ་རྟག་ཏུ་བསྟེན། །ཚེ་ལ་ལོང་མེད་འཆི་བ་བསམ་པར་རིགས། །ཞེས་གསུངས། །རྒྱུད་སྡེ་ལྔའི་ལྷ་ཚོགས་ཀྱི་ཞལ་ནས། །དབང་བཞི་མ་རྫོགས་སྨིན་པར་ག་ལ་ནུས། །དབྱེར་མེད་བསྐྱེད་རིམ་མ་བསྒོམ་གྲོལ་མི་སྲིད། །ཐོབ་འདོད་རེ་བས་འབྲས་བུ་མི་འབྱིན་པས། །རང་གྲོལ་རང་ཤར་སྐུ་གསུམ་དབྱེར་མེད་ལྟོས། །ཞེས་གསུངས། །བླ་མ་རྨོག་ལྕོག་པ་ཞི་བར་གཤེགས་པའི་ཚེ། །རྗེ་བཙུན་མའི་ཞལ་ནས། ནམ་མཁའ་འདི་ལ་སྐྱེ་འཆི་མེད་པ་ལྟར། །བླ་མ་ལ་ཡང་སྐྱེ་འཆི་ག་ལ་ཡོད། །མོས་གུས་སྟོབས་ཀྱིས་འབྲལ་མེད་གནས་པ་ཡིན། །མྱ་ངན་མ་བྱེད་རྒྱུན་དུ་གསོལ་བ་ཐོབ། །ཅེས་གསུངས་སོ། །རང་སེམས་བླ་མར་ངོ་སྤྲོད་པའི་རྡོ་རྗེའི་མགུར་བཞེངས་པ་

[Full Size]

ནི། གུ་རུ་བོ་དྷི་ཙིཏྟ་ན་མཱ་མི། །བླ་མ་མཉམ་མེད་སེམས་ཉིད་ངོ་སྤྲོད་པའི། །རང་དོན་མཐར་ཕྱིན་གཞན་དོན་ནང་དུ་ལོན། །ཕྱོགས་མེད་མཁྱེན་པའི་ཐུགས་རྗེ་ཀུན་ལ་སྙོམས། །བླ་མ་དྲིན་ཅན་རྣམས་ལ་ཕྱག་འཚལ་ལོ། །ཡིན་ལུགས་མཚོན་པའི་བླ་མ་ཁྱེད་རྣམས་ལགས། །གནས་ལུགས་ཤར་བའི་བླ་མ་ནང་ན་བཞུགས། །རང་སེམས་བླ་མའི་མཚན་ཉིད་འདི་ལྟར་ལགས། །རྒྱུ་ལས་མ་བྱུང་རང་བཞིན་ལྷུན་གྱིས་གྲུབ། །རྐྱེན་གྱིས་མི་འཇིག་གཉེན་པོ་ཀུན་དང་བྲལ། །འགྲོ་འོང་མི་བདོག་དུས་གསུམ་འཕོ་འགྱུར་མེད། །དངོས་དང་དངོས་མེད་བརྗོད་པའི་མཐའ་ལས་འདས། །དབང་པོ་ལྔ་ལ་མཐོང་བའི་དངོས་པོ་མེད། །མེད་བཞིན་སྣ་ཚོགས་འཆར་བའི་བྱུང་ཁུངས་ཡིན། །བལྟས་ཤིང་བཅོས་

[Full Size]

ཀྱང་འདི་ཞེས་ངོས་བཟུང་མེད། །མ་བཙལ་བཞག་ཀྱང་རང་བཞིན་ཅིར་ཡང་འཆར། །དགེ་སྡིག་ལས་ཀྱི་དབང་དུ་དེ་མི་འགྱུར། །ཀུན་ལས་འཕགས་ཤིང་གང་ལའང་ཞེན་པ་མེད། །ཀུན་དང་བྲལ་བས་ཀུན་གྱི་དངོས་གཞི་ཡིན། །བློ་དང་བྲལ་བས་དོན་མེད་བློ་ལ་གསལ། །ཕྱོགས་མེད་དེ་ལ་ཕྱོགས་མེད་སྣ་ཚོགས་འབྱུང་། །བྱུང་ཡང་གང་གི་ཕྱོགས་སུ་ངེས་པ་མེད། །དེ་ལྟར་འདི་ཞེས་ཁོ་ནར་མ་གྱུར་པའི། །ཇི་བཞིན་དེ་ཉིད་རང་གི་བླ་མ་ཡིན། །བླ་མའི་རྣམ་ཐར་བཤད་ན་འདི་ལྟར་བདོག། བླ་མ་དེ་ལ་ཉེ་རིང་མི་བདོག་པས། །དེས་མ་ཁྱབ་པའི་སེམས་ཅན་གཅིག་ཀྱང་མེད། །བླ་མ་དེ་ཉིད་སྨོན་ལམ་དག་པའི་ཕྱིར། །ཀུན་ཀྱང་དེ་ཡི་རིགས་སུ་མ་གྱུར་མེད། །བླ་མ་དེ་ཉིད་ཐུགས་རྗེ་ཆེ་བའི་ཕྱིར། །ཡེ་སངས་རྒྱས་ལ་མ་བཀོད་གཅིག་ཀྱང་མེད། །བླ་མ་དེ་ཉིད་

[Full Size]

མཛད་པ་སྟོབས་ཆེ་བས། །འཁོར་འདས་ཀུན་ལ་འཇུག་ཅིང་རང་དབང་སྒྱུར། །བླ་མ་དེ་ལ་འཕོ་འགྱུར་མི་བདོག་པས། །ལོག་པར་བལྟས་ཀྱང་དོན་དེ་གནས་པ་ཡིན། །བླ་མ་དེ་དང་སྐད་ཅིག་འབྲལ་མ་མྱོང་། །འགྲོགས་ཡུན་རིང་སྟེ་སུས་ཀྱང་ཞལ་མཐོང་དཀའ། །བླ་མ་དེ་ལ་འདས་གྲོངས་མི་མངའ་བས། །གཏན་གྱི་བྱ་ར་ཟིན་པ་ངོ་མཚར་ཆེ། །དེ་ལྟ་བུ་ཡི་རང་སེམས་བླ་མ་ལ། །རང་ངོ་རང་གིས་ཤེས་པའི་ཞལ་རས་བལྟ། །ཐེ་ཚོམ་སོམ་ཉི་བྲལ་བའི་གསོལ་བ་གདབ། །མ་བཅོས་རང་སར་འཇོག་པའི་མོས་གུས་བྱ། །རྒྱུན་དུ་ངང་ལ་གནས་པའི་ཞབས་ཏོག་བྱ། །གསལ་སྟོང་ཆེད་འཛིན་མེད་པའི་ཞལ་ཟས་དྲངས། །དྲན་ཡེངས་དབྱེར་མེད་རྟོགས་པའི་ཞལ་སྐྱེམས་དྲངས། །སྣང་གྲགས་སྒྱུ་མར་ཤེས་པའི་ན་བཟའ་

[Full Size]

གསོལ། །ཟག་མེད་བདེ་བའི་འབོལ་སྟན་འོག་ཏུ་བཏིང་། །མ་བཙལ་ཡེ་ནས་ཡིན་པའི་དབུ་ཞྭ་གསོལ། །ཅི་ཤར་ཆེད་འཛིན་མེད་པའི་ཟང་ཟིང་ཕུལ། །ཀུན་མཁྱེན་བདག་འཛིན་མེད་པའི་གཟིམ་ཁང་དུ། །འཁོར་འདས་དབྱེ་བསྲི་མེད་པའི་འཁོར་གྱིས་བསྐོར། །དུས་གསུམ་རྒྱུན་ཆད་མེད་པར་བཞུགས་ནས་ཀྱང་། །རང་སྣང་ལྷུག་པའི་གདམས་ངག་རྒྱུན་དུ་གསུང་། །ངོ་མཚར་ཆེའོ་རང་སེམས་བླ་མ་ཉིད། །སླར་ཡང་ཐུགས་རྗེས་བཟུང་བ་བཀའ་དྲིན་ཆེ། །ཚེ་སྔོན་སྦྱངས་པའི་རྣལ་འབྱོར་ལས་འཕྲོ་ཆེ། །དེ་ཡང་ཐུགས་རྗེས་མི་གཏོང་ངོ་མཚར་ཆེ། །བླ་མ་དེ་ལ་བསྟེན་ལུགས་དེ་བྱས་པས། །བླ་མའི་བྱིན་རླབས་འདི་ལྟར་འབྱུང་གིན་གདའ། །འཁོར་བའི་འདམ་ནས་མ་བྲོས་པ་རུ་ཐར། །སངས་རྒྱས་ས་རུ་མ་ཕྱིན་པ་རུ་སླེབ། །འཁོར་

[Full Size]

འདས་གཉིས་ལ་བཟང་ངན་མེད་པར་གོ། །སངས་རྒྱས་སེམས་ཅན་རྟོགས་མ་རྟོགས་ཀྱི་ཁྱད། །སེམས་ཀྱི་མཚན་ཉིད་མ་ནོར་རྟོགས་གྱུར་ཅིང་། །ཐག་ཆོད་མངོན་དུ་གྱུར་ན་སངས་རྒྱས་ཟེར། །དེ་ཡི་ཡོན་ཏན་བརྗོད་པའི་མཐའ་ལས་འདས། །གཞན་དུ་བླ་མ་བསྟེན་ཡང་འདི་ལྟར་འབྱུང་། །སེམས་ཉིད་ཇི་བཞིན་པ་རུ་མ་རྟོགས་པས། །དེ་མ་ཡིན་ལ་དེར་འཛིན་ཤེས་པ་ཞུགས། །རྗེས་ཕྱིར་འབྲངས་པས་སྡུག་བསྔལ་ལས་ལ་སྤྱོད། །དེ་ལ་སེམས་ཅན་ཞེས་སུ་བཏགས་པ་ཡིན། །ད་ནི་རང་གི་བྱ་ར་རང་གིས་བྱེད། །འཁོར་བའི་རྗེས་ཕྱིར་མ་འབྲངས་སྔ་མ་སུན། །མྱ་ངན་འདས་པ་མི་བསྒྲུབ་རྩོལ་བ་ཆེ། །སེམས་ཉིད་རང་ས་བཟུང་ནས་རང་གར་སྡོད། །འདི་ཞེས་ངོས་བཟུང་མེད་པའི་སེམས་ཉིད་འདི། །

[Full Size]

མ་ལ་མ་གོ་འདི་ཡིས་སྦྱངས་ནས་བྱུང་། །ད་ཡང་མཚན་ཉིད་གོ་བ་འདི་ཡིས་འཚེངས། །འཚེངས་ལུགས་ཇི་བཞིན་བསྟན་ན་འདི་ལྟར་ལགས། །སྟོང་ཉིད་རང་ཆས་ཆོས་སྐུ་བཙལ་མི་དགོས། །ཅིར་སྣང་རང་ཤར་གཟུགས་སྐུ་དགག་མ་དགོས། །སེམས་ཉིད་རང་འགྲོས་སྐུ་གསུམ་བཅོས་མི་དགོས། །འཁོར་བའི་གཞི་རྩ་ཆོད་པས་དོར་མི་དགོས། །རང་སེམས་སངས་རྒྱས་ཡིན་པས་རེ་མི་དགོས། །ཡེ་ནས་ཡིན་པས་བློ་ཡིས་བསྒོམ་མི་དགོས། །ཁྱེད་ཀྱང་འདི་ལྟར་མཛད་ན་མི་ལེགས་སམ། །མ་ཡེངས་སེམས་ལ་ལྟ་བའི་རྟོགས་ལྡན་རྣམས། །ལྟ་བའི་བློ་དང་བྲལ་ན་ཅིས་མི་རུང་། །མ་བྲལ་རྒྱུན་དུ་སྒོམ་པའི་སྒོམ་ཆེན་པ། །སྒོམ་མཁན་རང་ཐོག་གྲོལ་ན་ཅིས་མི་རུང་། །རྟག་ཏུ་བྱང་ཆུབ་སྒྲུབ་པའི་སྒྲུབ་པ་པོ། །མ་བསྒོམ་ལྷུན་གྲུབ་

[Full Size]

གོ་ན་ཅིས་མི་རུང་། །བཅོས་མེད་བྱ་ར་བྱེད་པའི་རྣལ་འབྱོར་པ། །རང་སེམས་གཏན་ལ་ཕབ་ན་ཅིས་མི་རུང་། །མཚན་ལྡན་བླ་མ་མང་དུ་བསྟེན་ལགས་ཀྱང་། །བླ་མ་རེ་ལ་གསུང་སྒྲོས་རེ་རེ་འབྱུང་། །དེ་རྣམས་རྩ་བ་སེམས་ལ་ཐུག་ནས་འདུག །དེ་ནས་རང་སེམས་བླ་མ་དེ་ཉིད་ལ། །ཞལ་ལྟ་གསུང་ཉན་གདམས་ངག་མང་དུ་ཞུས། །དྲིན་ཆེའི་བླ་མ་བདུན་ལ་གསོལ་བ་བཏབ། །བསྟོད་པ་ཕུལ་ཞིང་བྱིན་རླབས་ཞུས་པ་ཡིས། །རང་སེམས་བླ་མ་ཡིན་པའི་རྟོགས་པ་ཞིག །ནང་ནས་ཤར་བས་གོ་ལུགས་ཡི་གེར་བཀོད། །འགལ་དང་འཁྲུལ་པར་མཐོང་ལགས་ན། །ཚིག་ལ་མ་བལྟ་དོན་ལ་ལྟོས། །སྨྱོན་པས་མུ་ཅོར་སྨྲས་པ་ཡིན། །གང་ལའང་བཟོད་པར་མི་གསོལ་ལོ། །བཟོད་གསོལ་འབུལ་བའི་ཡོན་

[Full Size]

མ་མཆིས། །ཞེས་གསུངས་སོ། །རང་སེམས་བླ་མ་ཞེས་བྱ་བ་རིན་པོ་ཆེ་སྐྱེར་སྒང་པས་མཛད་པ་ཨིྀྠ། །སེམས་འཆི་མེད་དུ་ངོ་སྤྲོད་པའི་རྡོ་རྗེའི་མགུར། །ན་མོ་གུ་རུ། །ཉིན་པར་སྣང་སྟོང་ལྷ་ཡི་སྐུ། །ན་དང་འཆི་བ་མེད་པར་རྟོགས། །འཆི་ཁར་སྤྱན་ཙམ་གསལ་བས་ཀྱང་། །གནད་གཅོད་རང་དག་ལོངས་སྐུ་ཐོབ། །བརྒྱ་ལ་གསལ་བར་མ་གྱུར་ཀྱང་། །གསལ་དྭངས་རྫིང་བུར་རྡོ་བརྒྱབ་བཞིན། །སྔར་གྱི་གནད་ཀྱིས་བར་མ་དོར། །བདེ་ཆེན་ལོངས་སྐུ་རང་ཤར་འབྱུང་། །འཁོར་བ་སྟོང་པར་མ་གྱུར་ཚེ། །གཞན་དོན་དཔག་མེད་ལྷུན་གྲུབ་འབྱུང་། །རང་སེམས་འཆི་མེད་རང་གྲོལ་རྗེ་བཙུན་དྷརྨ་སིང་ཧས་མཛད་པའོ། །མཉམ་མེད་རིན་ཆེན་ལ་གསེར་སྲང་བརྒྱ་དང་། འབྲི་སུམ་ཅུ། བེར་ཐུལ་གཅིག་རྣམས་ཕུལ་ནས་ཞུས་ཏེ་

[Full Size]

ཉམས་སུ་མྱོང་བར་བྱས་སོ། ༈ །དབོན་སྟོན་སྐྱེར་སྒང་པ་ཆེན་པོས་ཆིག་བརྒྱུད་གསང་བའི་མཛོད་གཏད་ཅིང་མཁས་པ་དང་གྲུབ་པའི་མངོན་རྟོགས་མཐར་ཕྱིན་པ། ས་ལམ་གྱི་ཡོན་ཏན་རྫོགས་པས་སྐུ་ཚེ་གཅིག་གིས་ཟུང་འཇུག་ཆེན་པོའི་རྒྱལ་སར་རང་དབང་དུ་སྒྱུར་བ་སྐུ་ཚེ་དེ་ཉིད་ཀྱི་ཕྱི་མར་ཤར་ཕྱོགས་སངས་རྒྱས་ཀྱི་ཞིང་ཁམས་མེ་ཏོག་བཀྲམ་པར་རྒྱལ་བ་པདྨའི་དཔལ་ཞེས་བྱ་བར་འཚང་རྒྱ་བར་འགྱུར་བའི་སྲིད་མཐའི་བྱང་སེམས་རི་གོང་པ་ཆེན་པོ་སངས་རྒྱས་སྟོན་པ་ཆོས་ཀྱི་ཤེས་རབ་ལ་བུ་སློབ་རྣམས་ཀྱིས་གསོལ་བ་བཏབ་པས་མཚམས་སྦྱར་ཏེ་ཚེས་བཅུའི་ཚོགས་འཁོར་གྱི་སྐབས་སུ་རྡོ་རྗེའི་མགུར་བཞེངས་པ་ནི། །ཆོས་དབྱིངས་མཁའ་ལ་སངས་རྒྱས་སྲས། །སྐྱེད་མཛད་བདེ་སྟེར་ནི་གུ་དང་། །དབང་བཞིས་སྨིན་བྱས་བསླབ་

[Full Size]

གསུམ་ལྡན། །བླ་མ་མཆོག་བསྟེན་དེ་ཉིད་མཁྱེན། །རྗེ་བཙུན་རཏྣ་བཱིརྱ་དང་། །སྣང་གྲགས་སྒྱུ་མར་མཁྱེན་མཛད་པའི། །ཞེན་མེད་ལྷ་སྐུས་འགྲོ་དོན་མཛད། །སྐུ་གསུམ་ངོ་བོ་ཆོས་ཀྱི་རྗེ། །མཉམ་མེད་སྐྱེར་པ་སྒང་པ་ལ། །སྐྱོ་ངལ་མེད་པའི་དད་པ་ཡིས། །འདུ་འབྲལ་མེད་པར་གསོལ་བ་འདེབས། །འདིར་ཚོགས་དད་ལྡན་སྐྱེས་བུ་ཀུན། །དབྱངས་འདི་ལ་དར་ཅིག་གསན་པར་ཞུ། །བརྒྱུད་ལྡན་བླ་མ་དམ་པ་དེ། །དུས་གསུམ་སངས་རྒྱས་ཡིན་པར་ངེས། །བླ་མ་ཆོས་སྐུར་རྟོགས་པ་དེས། །མདོ་རྒྱུད་དོན་ལ་མ་རྨོངས་ཤིང་། །ལུས་གསུམ་གནས་ལུགས་འདི་ལྟར་རྟོགས། །ད་ལྟ་རྣམ་པར་སྨིན་པའི་ལུས། །བསྐྱེད་པ་ཡིད་ཀྱིས་བསྐྱེད་པ་ཡིན། །འདི་ལ་བརྟེན་ནས་བག་ཆགས་སོགས། །འཁོར་བ་བདེ་

[Full Size]

སྡུག་ཙམ་དུ་སྣང་། །སྔ་མ་ལ་ལྟོས་འབྲས་བུ་ལ། །ཕྱི་མ་ལ་ལྟོས་རྒྱུ་རུ་གསུངས། །ཉིན་མོའི་བག་ཆགས་རླན་གྱིས་ནི། །སྐྱོན་ཡོན་སྣ་ཚོགས་རྨི་བ་དེ། །བག་ཆགས་ལུས་སུ་བཏགས་པ་ཡིན། །བར་དོ་ཡིད་ཀྱི་ལུས་པོ་དེ། །ཐོགས་མེད་དབང་པོ་ཀུན་ཚང་ནས། །སྔ་མ་འདྲ་བའི་ལུས་སུ་སྣང་། །ལས་ཀྱི་རྗེས་སུ་འབྲང་བར་བྱེད། །རང་བཞིན་རྟོགས་ན་བདེ་ཆེན་སྐུ། །མ་རྟོགས་སྲིད་པའི་རྗེས་སུ་འཇུག །འཁོར་བ་ཁྲག་གི་རྒྱ་མཚོ་འདིར། །དེ་སྔ་ཆགས་སྡང་རླབས་ཀྱིས་བསྐྱོད། །ཨ་འཐས་ཞེན་པའི་སྐྱེས་བུ་དེ། །སྡུག་བསྔལ་ཉམ་ཐག་དོན་རེ་ཆུང་། །འབྱུང་བཞིས་བསྡུས་པའི་རྣམ་སྨིན་ལུས། །རྣམ་སྨིན་ལུས་ལ་ལེན་ལུགས་མང་། །མ་རྟོགས་རིགས་དྲུག་འཁོར་མར་ལེན། །

[Full Size]

ང་དག་པའི་སྒྱུ་ལུས་འདི་ལྟར་ལེན། །རྣམ་སྨིན་ལུས་ལ་རྒྱལ་བའི་སྐུ། །བསམ་པ་ཙམ་གྱིས་དོན་རྣམས་འགྲུབ། །དམིགས་མེད་ཀྱི་སྒྱུ་ལུས་འཁྱམས་པོ་ཡིན། །རང་སེམས་བླ་མས་དེ་སྐད་གསུངས། །ཡིད་ཀྱི་ལུས་ལ་རྒྱལ་བའི་སྐུ། །བསམ་པ་ཙམ་གྱིས་དོན་རྣམས་འགྲུབ། །དམིགས་མེད་ཀྱི་སྒྱུ་ལུས་འཁྱམས་པོ་ཡིན། །རང་སེམས་བླ་མས་དེ་སྐད་གསུངས། །བག་ཆགས་ལུས་ལ་རྒྱལ་བའི་སྐུ། །བསམ་པ་ཙམ་གྱིས་དོན་རྣམས་འགྲུབ། །དམིགས་མེད་ཀྱི་སྒྱུ་ལུས་འཁྱམས་པོ་ཡིན། །རང་སེམས་བླ་མས་དེ་སྐད་གསུངས། །དེ་ལྟར་ཉམས་སུ་བླངས་པ་ལས། །འབྲས་བུ་སྐུ་གསུམ་འདི་ལྟར་འཆར། །ཆོས་སྐུ་སྤྲོས་བྲལ་གཉུག་མའི་དོན། །ངོ་བོ་ངོས་བཟུང་ཀུན་དང་བྲལ། །

[Full Size]

མཚན་ཉིད་བློ་ཡི་ཡུལ་ལས་འདས། །ཆོས་སྐུའི་ངོ་བོ་དེ་ལྟར་ལགས། །མཁའ་ལྟར་དག་པའི་ཆོས་སྐུ་ལས། །གཟུགས་སྐུ་རྣམ་པ་གཉིས་པོ་དེ། །དཔག་བསམ་ཤིང་དང་ནོར་བུ་ལྟར། །ཇི་སྲིད་འཁོར་བ་མ་སྟོངས་བར། །དེ་སྲིད་གཞན་དོན་རྒྱུན་མི་འཆད། །ས་བཅུའི་བྱང་ཆུབ་སེམས་དཔའ་ལ། །མཚན་དཔེས་བརྒྱན་པའི་ལོངས་སྐུར་སྣང་། །སོ་སོ་སྐྱེ་བོ་ལ་སོགས་དང་། །གདུལ་བྱ་མ་དག་ཉན་ཐོས་ལ། །གང་འདུལ་སྤྲུལ་སྐུའི་སྣང་བ་འཆར། །དེ་གསུམ་དབྱེར་མེད་ཟུང་འཇུག་ལ། །བདེ་ཆེན་སྐུ་ཞེས་གསུངས་པ་ཡིན། །ཡེ་ཤེས་མཁའ་འགྲོ་ནི་གུ་མའི། །སྨིན་གྲོལ་སྒྱུ་ལུས་གདམས་ངག་ཡོད། །གྲངས་མེད་གསུམ་བྲལ་བློ་རེ་བདེ། །དགྱེས་རྡོར་བདེ་མཆོག་ལ་སོགས་པའི། །ཡི་དམ་ལྷ་ཡི་

[Full Size]

ལུང་བསྟན་ཡོད། །གདམས་འདིའི་གནད་རྣམས་མ་ལུས་ཡོད། །ཐེ་ཚོམ་མེད་པས་བློ་རེ་བདེ། །གསང་སྒྲུབ་ལྟེ་བའི་སྤྲུལ་འཁོར་དང་། །སྦྱིན་པ་རྣམ་བཞིས་འགྲོ་དོན་བྱེད། །ལོག་འཚོ་མི་དགོས་བློ་རེ་བདེ། །འཁོར་ལོ་བཅིང་གྲོལ་ཤིང་རྟ་ཅན། །བུམ་པ་ཅན་གྱི་གདམས་པ་ཡོད། །སྐད་ཅིག་མ་རེ་བསྒོམ་པས་ཀྱང་། །བདེ་དྲོད་རྒྱུན་ཆད་མེད་པར་འབར། །བདེ་སྟོང་ལྡན་པས་བློ་རེ་བདེ། །ཡེ་ཤེས་སྐར་ཁུང་འཕོ་བ་ཡོད། །སྡིག་ཅན་གྱིས་འཆི་ཁར་དྲན་ཙམ་ན། །མཁའ་སྤྱོད་འགྲོ་བས་བློ་རེ་བདེ། །ཆོས་སྐྱོང་ཡེ་ཤེས་མགོན་པོ་དང་། །ལས་མགོན་ཀྵེ་ཏྲ་པཱ་ལ་ཡོད། །སངས་རྒྱས་བསྟན་པ་སྲུང་བའི་ཕྱིར། །བྲན་བཞིན་ཉན་པས་བློ་རེ་བདེ། །དུས་ཁྱད་པར་ཅན་ཚེས་བཅུ་ཡར་གྱི་ངོ་། །མཁའ་འགྲོ་འདུ་བའི་ཚོགས་

[Full Size]

གྲལ་དུ། །སྙིང་དང་འདྲ་བའི་བུ་སློབ་ཀྱིས། །གསོལ་བ་བཏབ་ནས་ཞུས་པའི་ངོར། །བདེ་ཐོབ་ཡངས་པའི་དབྱངས་འདི་བླངས། །འདི་ལ་མཁའ་འགྲོའི་བྱིན་རླབས་ཆགས། །དབྱངས་འདི་ཐོས་པར་གྱུར་པ་རྣམས། །བླ་མ་ཆོས་སྐུར་རྟོགས་པ་དང་། །ལྷ་སྐུ་ཕྱག་རྒྱ་ཆེན་པོ་རྣམས། །འབད་རྩོལ་མེད་པར་རྟོགས་པར་ཤོག །དུས་གསུམ་བསགས་པའི་དགེ་བ་རྣམས། །ཐམས་ཅད་བྱང་ཆུབ་ཆེན་པོར་བསྔོ། །ཞེས་གསུངས་སོ། །ཡོན་སྒོམ་ཚོང་འདུས་ལ་སྐྱེལ་ཐུང་མཛད་པའི་དུས་འགྲོ་ཆོས་ཞིག་གནང་བ་ཞུ་ཞུས་པས་འདི་གསུངས་སོ། །རྒྱལ་བའི་དགོངས་པ་རིན་ཆེན་མཛོད། །མ་རིག་མུན་སེལ་སྒྲོན་མའི་འོད། །རྣམ་དག་དོན་གཉིས་ལྷུན་གྲུབ་པའི། །ཆོས་རྗེའི་ཐུགས་ཀྱིས་བཀྲ་ཤིས་ཤོག །

[Full Size]

རྣམ་སྨིན་ལུས་ལ་འོད་གསལ་དང་། །ལྷ་སྐུ་འདྲེས་པའི་སེམས་དེ་ལ། །ན་རྒྱུ་འཆི་རྒྱུ་མེད་པར་ཤེས། །དེ་ཡི་དབུགས་ཆད་འཆི་བའི་ཚེ། །གནད་གཅོད་སྡུག་བསྔལ་རང་དག་ནས། །འོད་གསལ་ལྷ་སྐུ་འདྲེས་གྱུར་ཏེ། །བསྒོམ་བྱ་སྒོམ་བྱེད་རང་སར་གྲོལ། །སྐྱེ་མེད་འོད་གསལ་ནམ་མཁའ་ལ། །རང་ཤར་གཟུགས་སྐུ་རྣམ་གཉིས་ཀྱིས། །འཁོར་བའི་རྒྱ་མཚོ་མ་སྟོངས་པར། །གཞན་དོན་ལྷུན་གྲུབ་རྒྱུན་ཆད་མེད། །འཆི་བྲོད་གདམས་པ་དེ་ལྟར་ལགས། །ཡེ་ཤེས་མགོན་པོ་ཕྱག་དྲུག་པ། །བྲན་བཞིན་ཉན་པའི་བཀའ་བསྒོ་བྱས། །བུ་གཙང་དུད་བཞུད་པའི་རྫོང་བ་མཛོད། །ཚད་མེད་བཞི་དང་སེམས་བསྐྱེད་ལ། །ནན་ཏན་མཛད་ཅིང་ཅི་བདེར་བཞུད། །བདག་ཕ་ཡང་མྱུར་དུ་མཇལ་བར་ཞུ། །བཀྲ་ཤིས་པའི་མཆོད་དབྱངས་

[Full Size]

དེ་ལ་མཛད། །ཅེས་སོ། །དགེ་སློང་གཞོན་ནུ་སེང་གེས་གསོལ་བ་བཏབ་པའི་ངོར་རྣམ་པར་ཐར་པ་གསལ་བར་གསུངས་པའི་མཇུག་སྡོམ་དུ་རྡོ་རྗེའི་ཞལ་ཆེམས་སྩལ་བ་ནི། །བདག་གི་སློབ་མ་ཡང་སློབ་དང་། །འབྲེལ་པར་གྱུར་པ་ཐམས་ཅད་ཀུན། །ལོག་པའི་བསམ་པ་སྤངས་བྱས་ནས། །འབྲལ་བ་མེད་པའི་མོས་གུས་གྱིས། །ང་ཡི་ལུས་དང་རྒྱལ་བའི་སྐུ། །ཐ་དད་མ་ཡིན་རྣལ་འབྱོར་པ། །བདག་གི་ངག་དང་རྒྱལ་བའི་གསུང་། །དབྱེ་བ་མེད་དོ་རྣལ་འབྱོར་པ། །ཁོ་བོའི་སེམས་དང་རྒྱལ་བའི་ཐུགས། །གཉིས་མེད་གཅིག་དུ་རྟོགས་པར་གྱིས། །འབྲས་བུ་རང་ཤར་ལྷ་སྐུ་དང་། །སྐུ་གསུམ་དབྱེར་མེད་བདེ་ཆེན་ཡིན། །ལར་ཚད་མེད་མོས་གུས་མ་སྐྱེས་ན། །བླ་མའི་ཡོན་ཏན་

[Full Size]

མཐོང་མི་འགྱུར། །མོས་གུས་མཐར་ཐུག་སྐྱེས་གྱུར་ན། །བླ་མ་དུས་གསུམ་སངས་རྒྱས་ཀྱི། །སྐུ་གསུང་ཐུགས་ཉིད་མི་ཟད་པ། །རྒྱན་གྱི་འཁོར་ལོས་སེམས་ཅན་རྣམས། །སྨིན་ཅིང་གྲོལ་བར་བྱེད་པ་ཡིན། །ཕྲིན་ལས་ཕུན་སུམ་ཚོགས་པར་རྟོགས། །བླ་མ་དམ་པ་དེ་ཉིད་ཀྱི། །རྣམ་པར་ཐར་པ་གང་ལ་ཡང་། །དག་པའི་སྣང་བ་མ་གཏོགས་པ། །ལོག་རྟོག་སྐད་ཅིག་སྐྱེ་མི་འགྱུར། །བླ་མ་ཆོས་སྐུར་མ་རྟོགས་ཚེ། །སྒྲུབ་པ་མཆོག་ལ་འབད་པར་གྱིས། །དེ་ཡི་ཡོན་ཏན་རྫོགས་པར་འཆར། །རྣམ་ཐར་མཐར་ཐུག་མོས་གུས་ཡིན། །དག་སྣང་སྐྱེད་ཅིག་བུ་སློབ་ཀུན། །ཅེས་གསུངས་སོ། །སེམས་འཆི་མེད་དུ་སྟོན་པའི་རྡོ་རྗེའི་གསུང་ནི། །རང་གྲོལ་བདེ་ཆེན་འདུས་མ་བྱས། །དྷརྨ་སིཾ་ཧའི་ཞབས་ལ་

[Full Size]

འདུད། །རྣམ་སྨིན་ལུས་ལ་འོད་གསལ་དང་། །ལྷ་སྐུ་འདྲེས་པའི་སེམས་དེ་ལ། །ན་རྒྱུ་འཆི་རྒྱུ་མེད་པར་རྟོགས། །འཁོར་འདས་སྤང་བླང་རང་གྲོལ་ལོ། །དེ་ལྟར་སྐད་ཅིག་ཙམ་ཤེས་ཤིང་། །དབུགས་ཆད་དུས་སུ་གནད་གཅོད་སོགས། །སྡུག་བསྔལ་ཐམས་ཅད་རང་དག་ནས། །འོད་གསལ་ལྷ་སྐུ་དང་འདྲེས་ཏེ། །སྐྱེ་ཤི་མེད་ཅིང་དགག་སྒྲུབ་མེད། །རྟོགས་བྱ་རྟོགས་བྱེད་ཐམས་ཅད་བྲལ། །བསྒོམ་བྱ་སྒོམ་བྱེད་རང་གྲོལ་ཏེ། །གཟུགས་སྐུ་གཉིས་ཀྱིས་ཇི་སྲིད་དུ། །འཁོར་བའི་རྒྱ་མཚོ་མ་སྟོངས་པར། །དེ་སྲིད་གཞན་དོན་ལྷུན་གྲུབ་ནི། །རྒྱུན་ཆད་མེད་པར་འབྱུང་བར་འགྱུར། །ལོ་ཟླ་ཙམ་གྱིས་འཚང་རྒྱ་བའི། །གདམས་པ་བླ་མ་སྐྱེར་སྒང་པའི། །དྲིན་གྱིས་ཇི་ལྟ་བ་བཞིན་རྟོགས། །

[Full Size]

ཚེ་འདི་བློས་བཏང་རྣལ་འབྱོར་གྱིས། །ཞག་བདུན་བསྒོམས་པས་གྲོལ་བར་འགྱུར། །རང་སེམས་འཆི་མེད་རང་གྲོལ་རྗེ་བཙུན་དྷརྨ་པྲཛྙཱས་མཛད་པ་རྫོགས་སོ། །དཔལ་ལྡན་སྐྱེར་སྒང་པ་ལ་གསེར་ཞོ་བཅུ། །བེར་ཐུལ་གཅིག་ཕུལ་ནས་ཞུས་ཏེ་ཉམས་སུ་མྱོང་བར་བྱས་སོ། །བླ་མ་གསུམ་གྱིས་མཛད་པའི་རང་སེམས་འཆི་མེད་རང་གྲོལ་གྱི་མན་ངག་ཟབ་མོ་ཡང་དག་པ་ཨིྀྠ། ༈ །རྡོ་རྗེ་འཆང་ནས་རིམ་པར་བྱོན་པའི་བརྒྱུད་པ་རིན་ཆེན་བདུན་པ་ཆིག་བརྒྱུད་རྡོ་རྗེའི་རྒྱ་བཀྲོལ་བ་པོར་ཡེ་ཤེས་མཁའ་འགྲོས་ལུང་བསྟན་པ་བརྙེས་ཤིང་། ལྷ་དང་བཅས་པའི་འཇིག་རྟེན་ཀུན་ན་ཡོངས་སུ་ཁྱབ་པའི་ཕྲིན་ལས་ཅན་འགྲོ་མགོན་སངས་རྒྱས་སྟོན་པ་བརྩོན་འགྲུས་སེང་གེས་རང་གིས་རང་ལ་བརྩོན་འགྲུས་བསྐུལ་བའི་ལྕག་བཏབ་པ་ནི། །བྱིན་རླབས་

[Full Size]

ཐུགས་རྗེའི་བདག་ཉིད་ཅན། །བླ་མ་སངས་རྒྱས་ཞབས་ལ་འདུད། །བརྩོན་འགྲུས་ཆུང་ལ་ཐེ་ཚོམ་ཆེ། །ལུས་སེམས་གཉིས་ལ་གྲོས་ཤིག་འདེབས། །ཚེ་ཐུང་གི་བྱ་བཞག་ཟིན་མེད་ལ། །ཡེངས་པ་མེད་པ་མཐོང་ཙམ་ན། །གཏན་གྱི་སོ་ནམ་སྒོམ་སྒྲུབ་ལ། །ཡེངས་ནས་འདུག་གོ་སྒོམ་ཆེན་པ། །བླ་མའི་བྱིན་རླབས་སྤྲིན་ཕུང་ལ། །མོས་གུས་ཀྱིས་ཐུགས་རྗེ་མ་བསྐུལ་ན། །ཉམས་རྟོགས་ཀྱི་ཆར་རྒྱུན་མི་འབབ་པས། །གསོལ་བ་ཐོབ་ཅིག་རྣལ་འབྱོར་པ། །ཡི་དམ་དངོས་གྲུབ་སྤྲིན་ཕུང་ལ། །བསྙེན་སྒྲུབ་ཀྱིས་ཐུགས་རྗེ་མ་བསྐུལ་ན། །མཆོག་ཐུན་མོང་གི་དངོས་གྲུབ་མི་འབབ་པས། །བསྒོམ་བཟླས་ལ་འབུངས་ཤིག་རྣལ་འབྱོར་པ། །ཆོས་སྐྱོང་ཕྲིན་ལས་ཀྱིས་སྤྲིན་ཕུང་ལ། །གཏོར་ཚོགས་ཀྱི་ཐུགས་རྗེ་

[Full Size]

མ་བསྐུལ་ན། །ཕྲིན་ལས་ཀྱི་ཆར་རྒྱུན་མི་འབབ་པས། །གཏོར་ཚོགས་འབུངས་ཤིག་རྣལ་འབྱོར་པ། །གསོལ་འདེབས་བསྐྱེད་རྫོགས་ཉམས་ལེན་ཚེ། །རྣམ་རྟོག་དབང་དུ་མ་ཤོར་བར། །ཐོབ་འདོད་རེ་བ་སྤངས་བྱས་ནས། །ཡེངས་མེད་སྒོམས་ཤིག་རྣལ་འབྱོར་པ། །གཞན་དོན་རྩ་བ་སྙིང་རྗེ་ཡིན། །རང་བདེ་མ་བསམ་གཞན་བདེ་སོམས། །སེམས་ཅན་བློས་སྤང་མ་བྱེད་པར། །ཕན་སེམས་སྐྱེད་ཅིག་རྣལ་འབྱོར་པ། །ཞེས་གསུངས་སོ། །བུ་སློབ་དད་ལྡན་རྣམས་ལ་གདམས་པ་དགོས་པ་བཅུ་གཉིས་ཀྱི་རྡོ་རྗེའི་མགུར་ནི། །རྗེ་བླ་མ་རྣམས་ལ་ཕྱག་འཚལ་ལོ། །དགོས་བཀའ་དྲིན་ཅན་ལ་གསོལ་བ་འདེབས། །དེ་ལ་གོང་མའི་བསྟོད་པ་མཛོད། །འདི་ལ་དར་ཅིག་གསན་པར་ཞུ། །སྐྱེ་འཆིས་འཇིགས་པའི་

[Full Size]

དད་པ་ལ། །བརྒྱུད་པར་ལྡན་པའི་བླ་མ་དགོས། །ཐེ་ཚོམ་མེད་པའི་གདམས་ངག་ལ། །ཡེངས་པ་མེད་པའི་བརྩོན་འགྲུས་དགོས། །ཚེ་ཐུང་བསྡད་ལོང་མེད་པ་ལ། །བློ་སྣ་རྩབ་རྩུབ་མེད་པ་དགོས། །དབེན་པའི་རི་ཁྲོད་འགྲིམས་པ་ལ། །རྒྱུན་དུ་བསྲིང་བའི་སྡུག་བསྲན་དགོས། །ཅིར་སྣང་བསྒོམ་དུ་འཆར་བ་ལ། །གསེར་འགྱུར་རྩི་ཡི་གདམས་ངག་དགོས། །སྤྱོད་པ་མ་བཅོས་རང་བྱུང་ལ། །ཆོས་བརྒྱད་རང་སར་གྲོལ་བ་དགོས། །འབྲས་བུ་རང་ཤར་ལྷུན་གྲུབ་ལ། །རེ་དོགས་རང་སར་གྲོལ་བ་དགོས། །ཚེ་གཅིག་སངས་རྒྱས་བསྒྲུབ་པ་ལ། །མོས་གུས་རྒྱུན་ཆད་མེད་པ་དགོས། །བླ་མ་ཆོས་སྐུར་མཐོང་བ་ལ། །ལོག་ལྟ་རང་སར་གྲོལ་བ་དགོས། །གཞན་སྣང་ཐུལ་བའི་

[Full Size]

འགྲོ་དོན་ལ། །ཚད་མེད་སྙིང་རྗེ་ཆེན་པོ་དགོས། །དགོས་པ་བཅུ་གཉིས་དབྱངས་ཆུང་འདི། །སྒྲུབ་པ་བྱེད་པའི་མཐུན་རྐྱེན་ཡིན། །ཅེས་གསུངས་སོ། །འགྲོ་མགོན་སངས་རྒྱས་སྟོན་པ་ཤར་ཕྱོགས་སངས་རྒྱས་ཀྱིས་ཞིང་མེ་ཏོག་བཀྲམ་པར་གཤེགས་པའི་ཚུལ་སྟོན་པར་བཞེད་པའི་ཚེ་སློབ་མ་རྣམས་ལ་ཞལ་གདམས་སྙིང་པོར་དྲིལ་ནས་གསུངས་པ། །བླ་མ་ཡི་དམ་མཁའ་འགྲོ་ཆོས་སྐྱོང་གིས། །ཚད་མེད་ཐུགས་རྗེས་བུ་བཞིན་སྐྱོང་བར་མཛོད། །དད་གུས་ལྡན་པ་དབུས་གཙང་ཁམས་གསུམ་གྱི། །གྲྭ་པ་རྣམས་ཀྱིས་ཉམས་ལེན་འདི་བཞིན་མཛོད། །ཟིན་མེད་འཇིག་རྟེན་བྱ་བ་བློ་ཡིས་ཐོངས། །མགུ་བ་མེད་པའི་སེམས་འཛིན་གདུང་སེམས་སྐྱུངས། །དགེ་སྦྱོར་དུས་འདའ་ལོང་གཏམ་འཛད་མེད་ཤོལ། །སྔ་ཕྱིའི་

[Full Size]

རྗེས་བསྙག་རེ་དོགས་རྟོག་པ་སྤོངས། །ཚེ་ལ་ལོང་མེད་ཐ་སྙད་ཐུག་པ་མེད། །རི་དྭགས་སྨིག་སྒྱུས་མི་ངོམས་བདུད་རྩི་འཐུང་། །རང་དོན་མ་གྲུབ་གཞན་དོན་མི་འབྱུང་བས། །ཐོག་མར་རང་དོན་སྒྲུབ་པ་རྩེ་གཅིག་གྱིས། །སྐྱེ་བ་འདི་ཕྱིའི་གཞན་དོན་ལྷུན་གྲུབ་ཀྱིས། །འགྲོ་བ་ཀུན་ལ་ཚད་མེད་སྙིང་རྗེ་བསྐྱེད། །རང་འདོད་འཁྲི་སེམས་སྐད་ཅིག་མེད་པ་ཡིས། །ཅི་བྱེད་སེམས་ཅན་དོན་དུ་སེམས་བསྐྱེད་བྱ། །འཆི་བ་མི་རྟག་རྒྱུན་ཆད་མེད་པར་སོམས། །ཅིས་ཀྱང་དགོས་མེད་ཚེ་འདི་བློས་ཐོངས་འགྱུར། །དོན་གཉིས་ལོ་ཟླས་འགྲུབ་ཀྱིས་རང་ལུས་འདི། །སྣང་སྟོང་ཞེན་བྲལ་ལྷ་སྐུ་འབྲལ་མེད་སྒོམས། །ཉམས་རྟོགས་རྩོལ་མེད་འཆར་གྱིས་བླ་མ་ལ། །གདུང་ཤུགས་ལྡན་པས་འབྲལ་མེད་གསོལ་བ་ཐོབ། །

[Full Size]

འདི་དང་འཆི་ཀ་བར་དོ་ཕྱི་མའི་ཚེ། །བར་ཆད་བསྲུང་ཕྱིར་མཁའ་འགྲོ་ཆོས་སྐྱོང་བསྟེན། །རང་སེམས་ཕྱིར་གྱུར་སངས་རྒྱས་སེམས་ཅན་མེད། །ཅི་ཕྱིར་ཅི་སྣང་སེམས་སུ་ཤེས་པར་གྱིས། །སེམས་འདི་སྣང་སྟོང་ལྷ་སྐུ་སྒྱུ་མ་སྟེ། །སྒྱུ་འཛིན་བྲལ་བ་འོད་གསལ་ཕྱག་རྒྱ་ཆེ། །དགག་སྒྲུབ་སྐྱེ་འཆི་ཡོད་མེད་བློ་ལས་འདས། །སྒོམ་མེད་ཡིད་ལ་བྱར་མེད་འཁོར་འདས་བྲལ། །ལས་དང་ལས་རྣམས་སྨིན་ཅིང་རང་སར་གྲོལ། །གཉིས་འཛིན་བྲལ་བ་ཟུང་འཇུག་ཆེན་པོར་ལྟོས། །ཨེ་མ་མ་བཅོས་ཐ་མལ་ཤེས་པ་འདི། །ཀུན་ལ་ཡོད་ཀྱང་མ་ཤེས་དྲིན་གྱི་རྟོགས། །ད་ནི་འདྲི་བར་མི་བྱ་ཐག་ཆོད་ངེས་ཤེས་སྐྱེས། །ལྷུན་གྲུབ་རྣམ་གསུམ་དབྱེར་མེད་མངོན་གྱུར་ཏོ། །ཞེས་གསུངས་སོ། །སེམས་འཆི་མེད་ཀྱི་ཞལ་གདམས་གནང་བ་ནི། །

[Full Size]

རྒྱལ་བ་དུས་གསུམ་སངས་རྒྱས་ཀྱི། །འཆི་མེད་ཡེ་ཤེས་ཁྱོད་ལ་འདུད། །སེམས་བསྐྱེད་བླ་མའི་རྣལ་འབྱོར་དང་། །ལྡན་པས་གསོལ་བ་བཏབ་བྱས་ནས། །རང་ལུས་སྣང་སྟོང་ལྷ་སྐུ་སེམས། །སེམས་དང་ལྷ་སྐུ་དབྱེར་མེད་པའི། །ངོ་བོ་སྟོང་ཉིད་སངས་རྒྱས་ཀྱིས། །མ་གཟིགས་མི་གཟིགས་གཟིགས་མི་འགྱུར། །དེ་ལ་ན་རྒྱུ་འཆི་རྒྱུ་དང་། །འཁོར་བ་མྱང་འདས་དགག་སྒྲུབ་བྲལ། །དེ་དོན་སྐད་ཅིག་རྟོགས་པའམ། །དྲན་ཐོས་རིག་པར་གྱུར་པ་དེ། །མཚམས་སྦྱོར་ངན་ཞིང་དྲན་ཉམས་ཀྱང་། །གནད་གཅོད་སྡུག་བསྔལ་རང་དག་ནས། །བར་དོ་དང་པོ་འོད་གསལ་དང་། །ལོངས་སྐུ་དབྱེར་མེད་སྤྲུལ་སྐུ་ཡི། །གཞན་དོན་ལྷུན་གྲུབ་རྒྱུན་ཆད་མེད། །རྒྱལ་བའི་དགོངས་པ་འཆི་མེད་འདི། །སློབ་མ་མཆོག་གི་

[Full Size]

དོན་དུ་བཀོད། །དགེ་དེས་མཁའ་མཉམ་སེམས་ཅན་རྣམས། །འཆི་མེད་ཡེ་ཤེས་དོན་རྟོགས་ཤོག །རང་སེམས་འཆི་མེད་རང་གྲོལ་རྗེ་བཙུན་བཱིརྻ་སིང་ཧས། །བུ་དམ་པ་སློབ་མ་ཡང་རབ་ཀྱི་དོན་དུ་ཡི་གེར་བཀོད་པ་འདི་རྫོགས་སོ། །ནས་ཁལ་ལྔ་བརྒྱ། །གསེར་ཞོ་བདུན། །མཛོ་གཅིག །མོན་རས་ཀྱི་ན་བཟའ་ཕྲུགས་གཅིག་ཕུལ་ནས་ཞུས་ཏེ་ཉམས་སུ་བླངས་པར་བྱས་སོ། ༈ །མཁས་གྲུབ་གཙང་མ་ཤངས་སྟོན་ཅེས་འཇིག་རྟེན་གསུམ་ན་སྙན་པར་གྲགས་ཤིང་མཐོང་ཐོས་དྲན་རེག་ཐམས་ཅད་རྣམ་པར་གྲོལ་བའི་དཔལ་ལ་སྦྱོར་བར་མཛད་པ་དེ་ཉིད་ཀྱིས། །མཁས་བཙུན་འཇག་ཆེན་རྒྱལ་མཚན་འབུམ་ལ་ཞལ་གདམས་སུ་སྩལ་བ་ནི། །ཉེས་སྐྱོན་མ་གོས་ཡེ་ཤེས་ལྡན། །མཐོང་ཐོས་དྲན་པས་སྡུག་བསྔལ་སེལ། །རང་སེམས་

[Full Size]

ཆོས་སྐུར་ངོ་སྤྲོད་པའི། །བླ་མ་རྗེ་ལ་ཕྱག་འཚལ་ལོ། །སེམས་ཅན་དོན་ཀུན་བསྒྲུབ་པའི་ཕྱིར། །སངས་རྒྱས་ཐོབ་པར་འདོད་པ་ཡིས། །དགེ་བའི་ཚོགས་རྣམས་བསགས་བྱས་ཏེ། །བྱང་ཆུབ་མཆོག་ཏུ་སེམས་བསྐྱེད་བགྱི། །རྟག་འཛིན་འདུ་ཤེས་ལྡོག་པ་དང་། །དགེ་ལ་བརྩོན་པས་འཇུག་པ་དང་། །ཆགས་སྡང་བློ་དང་བྲལ་བའི་ཕྱིར། །འཆི་བ་མི་རྟག་ཡང་ཡང་བསྒོམ། །བཟོད་མེད་འཁོར་བའི་སྡུག་བསྔལ་བསམ། །བདེ་དང་སྡུག་བསྔལ་འབྱུང་བའི་རྒྱུ། །དགེ་སྡིག་གཉིས་ལ་བླང་དོར་བྱ། །འབྲས་བུ་མི་བསླུ་འབྱུང་བར་འགྱུར། །ཐ་མལ་ལུས་ཞེན་ཟློག་པའི་ཐབས། །སྣང་ལ་རང་བཞིན་མེད་པ་ཡི། །ལྷ་སྐུ་གསལ་ལ་རྟོག་མེད་བསྒོམ། །རྒྱལ་བ་ལོངས་སྐུ་རང་ཤར་འབྱུང་། །དངོས་གྲུབ་མ་

[Full Size]

ལུས་སྟེར་བའི་དཔལ། །འཇིགས་པ་ཀུན་ལས་སྐྱོབས་པའི་མགོན། །དཔལ་མགོན་བླ་མ་དམ་པ་ལ། །འབྲལ་བ་མེད་པར་མོས་གུས་བྱ། །རྒྱུན་ཆད་མེད་པར་གསོལ་བ་གདབ། །ཅིར་སྣང་རྨི་ལམ་སྒྱུ་མར་བསྒོམ། །དད་འདུན་གཉིས་ཀྱིས་ལམ་ཁྱེར་བྱ། །ཆགས་སྡང་རང་སར་གྲོལ་ནས་མཆི། །ཞེན་མེད་སྒྱུ་མ་རང་ཤར་འབྱུང་། །སྒྱུ་འཛིན་བློ་དང་བྲལ་བའི་ཕྱིར། །མ་བཅོས་གཉུག་མའི་ངང་ལ་བཞག །གཟུང་འཛིན་རྟོག་པ་རང་སར་གྲོལ། །གསལ་སྟོང་འཛིན་མེད་རང་ཤར་འབྱུང་། །ཤེས་བྱ་གཤིས་ཀྱི་གནས་ལུགས་ལ། །སྐྱོན་དང་ཡོན་ཏན་མེད་པའི་ཕྱིར། །དེ་ཉིད་རྟོགས་པའི་རྣལ་འབྱོར་པས། །བླང་དོར་མེད་པའི་དོན་ལ་སྤྱོད། །སྣང་བ་རྟེན་ཅིང་འབྲེལ་འབྱུང་འདི། །སྐྱེ་མེད་ཡུམ་གྱི་ངང་

[Full Size]

དུ་རྫོགས། །གསལ་སྟོང་འཛིན་མེད་བདེ་བར་ཤར། །འབྲས་བུ་སྐུ་བཞི་ལྷུན་གྱིས་གྲུབ། །དེ་ལས་བྱུང་བའི་དགེ་བ་དེས། །འགྲོ་བ་ཀུན་དང་ཐུན་མོང་དུ། །དམིགས་མེད་བྱང་ཆུབ་ཆེན་པོར་བསྔོ། །ཐེག་ཆེན་ཆོས་ཀྱི་ཁྱད་ཆོས་ཡིན། །བླ་མ་ཤངས་སྟོན་རིན་པོ་ཆེས། །སློབ་དཔོན་རྒྱལ་མཚན་འབུམ་ལ་གསུངས་པ་རྫོགས་སོ། ༈ །ཡེ་ཤེས་ཀྱི་མཁའ་འགྲོ་ནི་གུ་མས་མངོན་སུམ་དུ་རྗེས་སུ་བཟུང་བའི་འགྲན་ཟླ་དང་བྲལ་བའི་གྲུབ་ཐོབ་ཆེན་པོ་ཤངས་ཆོས་ཉེ་བརྒྱུད་ཀྱི་བཀའ་བབས་ཐང་སྟོང་རྒྱལ་པོ་གཙང་རྒྱས་སྡེ་ཐང་ན་གསང་སྤྱོད་ལ་བཞུགས་པའི་སྐབས་ཡེ་ཤེས་ཀྱི་མཁའ་འགྲོ་མ་སྡེ་ལྔས་ཕྲིན་ལས་ཅི་བཞེད་སྒྲུབ་པར་ཞལ་གྱིས་འཆེས་ཤིང་དོན་དང་མཐུན་པའི་མཚན་གསོལ་བ་ནི། །རྒྱས་སྡེ་

[Full Size]

ཐང་ན་བཞུགས་པ་ཡི། །ཡ་མཚན་ཆེ་བའི་མི་འདི་ལ། །འདིར་འཚོགས་བུ་མོ་རྣམ་ལྔ་ཡིས། །དོན་དང་མཐུན་པའི་མིང་རེ་འདོགས། །ཁྱབ་གདལ་ཆེན་པོའི་ཐང་ཆེན་ན། །སྟོང་ཉིད་རྟོགས་པའི་རྣལ་འབྱོར་པ། །འཇིགས་མེད་རྒྱལ་པོ་ལྟ་བུར་བཞུགས། །དེ་ཕྱིར་ཐང་སྟོང་རྒྱལ་པོར་ཐོགས། །མཉམ་ཉིད་སྤྲོས་བྲལ་ལུང་པ་ན། །སྣང་སྟོང་དབྱེར་མེད་ལྟ་བ་ཅན། །སྤང་བླང་བྲལ་བའི་སྨྱོན་པ་ལ། །ལུང་སྟོང་སྨྱོན་པ་ཞེས་སུ་ཐོགས། །རོ་བརྒྱ་ལྡན་པའི་ཟས་སྐོམ་དང་། །མི་གཙང་ངན་སྐྱུགས་གང་བྱུང་ལ། །ཕན་གནོད་བྲལ་བའི་བཅུད་ལེན་མཁན། །ཟས་རྣམས་བཅུད་ལེན་མཁན་དུ་ཐོགས། །སྣ་ཚོགས་རྐྱེན་རྣམས་གང་བྱུང་ཡང་། །རྨི་ལམ་བྲག་ཆ་ལྟར་རྟོགས་ནས། །ཆོས་བརྒྱད་ཟིལ་གནོན་རོ་སྙོམས་པ། །

[Full Size]

རྐྱེན་རྣམས་རོ་སྙོམས་མཁན་དུ་ཐོགས། །འཁོར་འདས་ཆོས་རྣམས་ཐམས་ཅད་ཀུན། །སྣང་ཡང་ཆུ་ནང་ཟླ་བ་ལྟར། །རྐྱགས་གཏད་མེད་པར་རབ་མཁྱེན་པའི། །ཆོས་རྣམས་རྐྱགས་གཏད་མེད་པར་ཐོགས། །འགྲན་ཟླ་བྲལ་བའི་རྣལ་འབྱོར་པ། །ཚད་མེད་ཕྲིན་ལས་རྒྱས་བྱའི་ཕྱིར། །བདེ་བའི་ཐང་ལ་འགྲོ་བ་རྣམས། །ད་ལྟ་འདྲེན་པའི་དུས་ལ་བབས། །ཞེས་ཆེད་དུ་བརྗོད་དོ། །རྗེ་དེ་ཉིད་ཀྱིས་མཁས་བཙུན་བདེ་ལེགས་པ་ལ་རང་གྲོལ་ཕྱག་རྒྱ་ཆེན་པོའི་ཞལ་གདམས་རྡོ་རྗེའི་དབྱངས་སུ་བསྙད་པ་ནི། །བུ་ཉོན་དང་མཁས་བཙུན་བདེ་ལེགས་དཔལ། །སྔར་ཡང་གཏི་མུག་མུན་པས་འགྲིབས། །ཆོས་བྱ་སྙམ་ངང་ལ་ཆོས་བརྒྱད་འདྲེས། །ཕྱི་མའི་འདུན་མ་སྒྲུབ་པ་ལ། །

[Full Size]

ལག་ལེན་བསམ་པ་འདི་ཚོ་འཚལ། །ཚེ་འདིའི་འདུན་མ་ལིངས་ཀྱིས་བསྐྱུར། །ཆོས་བརྒྱད་ཞེན་པ་ཆམ་གྱིས་ཐོངས། །སེམས་འཛིན་ངོ་བསྲུང་ཆམ་གྱིས་གྲོལ། །ཉེ་རིང་འབྲེལ་ཐག་རྦད་ཀྱིས་ཆོད། །བདག་འཛིན་སྲིད་པའི་ཕུར་པ་ཐོན། །རེ་དོགས་བསམ་པ་ལྷོད་ཀྱིས་གློད། །ལྟོ་གོས་གཉིས་ཀྱི་འཁྲི་བ་ཆོད། །ཆེ་འདོད་མ་བྱེད་དམན་ས་ཟུང་། །ངེས་འབྱུང་སྡུག་བསྔལ་དང་དུ་ལོངས། །ཆགས་སྡང་འགྲན་སེམས་རྒྱངས་ལ་དོར། །གཡོ་སྒྱུ་བསམ་ངན་ཡུལ་ནས་ཐོན། །ཟ་འདོད་ཚུལ་འཆོས་རང་སར་ཞོག །སྡོམ་གསུམ་དམ་ཚིག་དྲང་པོར་སྲུངས། །ང་རྒྱལ་རློམ་སེམས་ཁོང་ཁྲོ་ཐོན། །ཀུན་གྱིས་བརྙས་ཀྱང་བཟོད་པ་སྒོམས། །ཐ་མལ་དགྲ་རྒོད་ཡན་པར་ཐོན། །ཞེ་སྡང་རང་རྒྱུད་ནང་དུ་ཐུལ། །

[Full Size]

གསོག་འཇོག་སེར་སྣའི་བསམ་པ་སྤོངས། །བྱམས་སེམས་སྙིང་རྗེ་རྒྱུད་ལ་རྟེན། །ལྷ་ཆོས་མི་ཆོས་ཐམས་ཅད་ལ། །རང་གི་སེམས་འདི་དཔང་དུ་ཚུགས། །ད་ལེན་འདུན་མ་མ་བསྒྲུབ་ན། །ཕྱིས་ནས་རེ་ཡང་རེ་ཐག་ཆད། །གཉུག་མའི་ངང་དུ་ལྷོད་ཀྱིས་གློད། །འཁྲུལ་པའི་གཞི་རྩ་རྩད་ནས་ཆོད། །ཡེངས་མེད་རང་གི་སེམས་ལ་ལྟོས། །བརྗེད་མེད་དྲན་པ་ཙིར་གྱིས་ཟུངས། །རང་ངོ་རང་གིས་མ་ཤེས་ན། །སྡུག་བཙིར་བྱས་ཀྱང་ཉོན་རེ་མོངས། །གཉིད་དུས་འོད་གསལ་མ་ཟིན་ན། །སེམས་ངོ་འཕྲོད་ཀྱང་དོན་རེ་ཆུང་། །བར་དོར་འོད་གསལ་མ་ཟིན་ན། །གནད་གཅོད་སྡུག་བསྔལ་ཤ་རེ་གཡའ། །རང་སེམས་རང་དབང་མ་ཐོབ་ན། །བསྐལ་པར་བསྒོམ་ཀྱང་ཐང་རེ་ཆར། །རྣམ་

[Full Size]

རྟོག་སྔ་མ་འགགས་པའི་རྗེས། །ཕྱི་མ་མ་སྐྱེས་ཧད་དེ་བ། །གསལ་ལ་རྟོག་པ་མེད་པའི་ངང་། །རྟེན་མེད་གཞི་རྩ་བྲལ་བ་ཡི། །ད་ལྟའི་ཤེས་པ་སོ་མ་འདི། །རང་སེམས་ཆོས་སྐུ་སྤྲོས་བྲལ་ཡིན། །ཅིར་སྣང་ཐམས་ཅད་རང་གི་སེམས། །རང་སེམས་སྤྲོས་བྲལ་ཆོས་ཀྱི་སྐུ། །དེས་ན་རྣམ་རྟོག་ཆོས་སྐུའི་རྩལ། །སྣང་བ་མི་འགེགས་སྟོང་པར་གྲུབ། །གང་སྐྱེས་གང་ཤར་དྲན་པས་ཟུང་། །ལྷོད་ཀྱིས་གློད་ལ་ཆམ་གྱིས་ཐོངས། །རང་ངོ་ཤེས་ན་ཡང་ཡང་མཐུད། །མ་བཅོས་མ་ཡེངས་རང་སར་ཞོག །འགྲོ་འོང་སྐྱེ་འགགས་གནས་གསུམ་བྲལ། །འདི་ནི་ཕྱག་རྒྱ་ཆེན་པོ་ཡིན། །ཡེངས་མེད་ལམ་དུ་ཁྱེར་བ་གཅེས། །རྩོལ་མེད་ལྷུག་པར་སྐྱོང་བ་གཅེས། །དེ་ལྟར་ཉམས་སུ་ལོངས་པ་གྱིས། །ང་ཕྱོགས་མེད་རྒྱལ་ཁམས་

[Full Size]

བསྐོར་བ་ཡིན། །ཞེན་པ་བྲལ་བའི་རྣལ་འབྱོར་དང་། །གླིང་བཞི་བསྐོར་བའི་ཉི་མ་གཉིས། །སོས་དལ་སྡོད་ལོང་མེད་དོ་ཨང་། །ཞེས་གསུངས་སོ། །སེམས་འཆི་མེད་རང་གྲོལ་གྱི་རྡོ་རྗེའི་མགུར། །རྗེ་བཙུན་བླ་མ་སངས་རྒྱས་ལ། །སྒོ་གསུམ་གུས་པས་གསོལ་བ་འདེབས། །འཆི་བ་ལྟར་སྣང་རྣམ་རྟོག་འདི། །རང་བཞིན་མ་གྲུབ་གཉུག་མའི་འགྲོས། །འཆི་བར་བཏགས་པའི་ལུས་དང་སེམས། །འཆི་མེད་རང་གྲོལ་ཕྱག་རྒྱ་ཆེ། །རྣམ་སྨིན་བེམ་པོ་འཆི་བ་མེད། །བག་ཆགས་རྨི་ལམ་ཇི་ལྟར་འཆི། །སེམས་ཉིད་རང་གདངས་ལྷ་ཡི་སྐུ། །གསལ་སྟོང་འཛིན་མེད་ཆུ་ཟླ་འདྲ། །གཤིས་ལུགས་སྟོང་པ་སྤྲོས་བྲལ་ལ། །ན་བ་མེད་ཅིང་འཆི་བ་མེད། །མྱང་འདས་མེད་ཅིང་འཁོར་བ་མེད། །

[Full Size]

ཐམས་ཅད་རང་སེམས་འཁྲུལ་པའི་རྩལ། །རྩལ་སྣང་གསལ་ལ་འགགས་པ་མེད། །འགགས་མེད་སྐྱེ་མེད་དབྱིངས་སུ་ཐིམ། །སྐྱེ་འགག་གནས་གསུམ་བྲལ་བ་ཡི། །འཆི་མེད་ཡེ་ཤེས་ངོ་མཚར་ཆེ། །མྱོང་བ་འཛིན་མེད་ངང་དུ་བཞག །སྤྱོད་ལམ་ཀུན་དང་བསྲེས་ལ་བསྒོམ། །དེ་ལྟར་ཡུན་རིང་སུས་གོམས་པ། །འཆི་བ་ཆོས་སྐུའི་དབྱིངས་སུ་ཐིམ། །བར་དོ་རྒྱལ་བ་ལོངས་སྐུ་འགྲུབ། །སྤྲུལ་པས་འགྲོ་བ་འདྲེན་པར་བྱེད། །སྐལ་ལྡན་རྣམས་ཀྱིས་ཉམས་སུ་ལོངས། །རྗེ་གྲུབ་ཐོབ་ཆེན་པོའི་འཆི་མེད་རང་གྲོལ་རྡོ་རྗེའི་གསུང་ཨིྀྠ། ༈ །ཡེ་ཤེས་ཀྱི་མཁའ་འགྲོ་ནི་གུ་མས་རྗེས་སུ་བཟུང་བའི་ཤིན་ཏུ་ཉེ་བརྒྱུད་ཀྱི་བཀའ་བབས་འཇམ་མགོན་གྲུབ་པའི་དཔའ་བོ་དཔལ་ལྡན་ཀུན་དགའ་གྲོལ་མཆོག་བློ་གསལ་རྒྱ་མཚོའི་སྡེའི་ཞལ་

[Full Size]

སྔ་ནས་སྩལ་བའི་ནི་གུའི་རྒྱབ་ཆོས་གླུའི་ཕྲེང་བ་ལས། ཆོས་ཀྱི་ཁུངས་དང་འབྲེལ་པར་བརྗོད་པའི་རྡོ་རྗེའི་མགུར། །ཤྲཱི་བཛྲ་དྷ་ར་སཱ་དྷུ་པཱ་ད་པྲ་་མྱཾ། །རྗེ་བཀའ་བརྒྱུད་ཀྱི་དགུང་གནམ་མཐོན་པོ་ལ། །ཕ་གྲུབ་ཐོབ་ཀྱི་བླ་མ་རྒྱུ་སྐར་ཙམ། །དབྱིངས་འགགས་མེད་ཀྱི་ཉི་ཟླ་འོད་པོ་ཆེ། །དེ་ནཱ་རོ་དང་ནི་གུ་མ་ལགས་སམ། །ཁོང་ལྕམ་སྲིང་གི་སྒྲུབ་བརྒྱུད་ཆུ་བོའི་རྒྱུན། །དུས་ད་ལྟའི་སྐལ་ལྡན་ཡོངས་ཀྱི་སྒོམ། །ཡིད་ཚིམ་པ་སྟེར་བའི་སྨན་ཆབ་དེ། །ཆོས་ནཱ་རོ་དང་ནི་གུ་མ་ལགས་སམ། །ལུགས་རྣམ་གཉིས་ཀྱི་བཀའ་སྲོལ་སྐྱོང་བའི་རྗེ། །དཔལ་འགྲན་ཟླ་བྲལ་བ་སྤྲུལ་པའི་སྐུ། །ངེད་རྟོགས་ལྡན་མང་པོའི་གཙུག་རྒྱན་གཅིག །མགོན་དྭགས་ཤངས་ཀྱི་བཀའ་བརྒྱུད་རྣམ་གཉིས་ལགས། །སྔོན་ཏི་ལླི་དང་ནཱ་རོས་སྣ་དྲངས་ནས། །མར་

[Full Size]

པ་དང་མི་ལས་རྗེས་བསྐྱངས་ཏེ། །གནད་ཟབ་མོ་ནཱ་རོ་ཆོས་དྲུག་ལ། །རྟགས་མངོན་གྱུར་གྲུབ་ཐོབ་གྲངས་ལས་འདས། །དུས་དེང་སང་ཚོང་དུས་འོ་མའི་དཔེ། །ཚིག་མ་ངེས་སྨྱོན་པའི་བླབ་ཅོལ་བཞིན། །དོན་མི་འདྲ་རང་བློའི་ལམ་འདྲེན་པས། །མི་ཁོ་བོའི་སེམས་རྩ་ཅུང་མ་ཚིམ། །ལྕམ་མཁའ་འགྲོའི་གསང་ཚིག་སྙིང་པོའི་བཅུད། །ཚིག་མ་བཅོས་ཐེམས་ཡིག་རྡོ་རྗེའི་མདུད། །དོན་སྙིང་ལ་འབབ་པ་དངོས་པོའི་གཤིས། །སྤྲང་ཡིད་བདེའི་ཐར་ལམ་གསོས་སུ་ཤར། །མིང་རྗེས་འབྲང་བའི་བློ་ཡོད་ན། །སྡུག་བཙིར་ལ་སྒོམ་དུ་མི་འཛིན་ཞིང་། །ཁོང་ཡུས་ལ་སྒྲུབ་པར་མི་འཇོག་པའི། །གུ་ཡངས་ཀྱི་སྙིང་གཏམ་གླུ་རུ་ལེན། །དངོས་གྲུབ་ཀྱི་རྩ་བ་བླ་མ་སྐད། །བླ་མ་དེ་སངས་རྒྱས་དངོས་བྱོན་སྐད། །ཅི་མཛད་ལེགས་པར་བལྟ་དགོས་

[Full Size]

སྐད། །མཛེས་མཛེས་སུ་སྨྲས་ཀྱང་སྒྲ་སྐད་ལགས། །དངོས་གྲུབ་ལ་ཐོབ་རུང་མ་ཐོབ་རུང་། །སངས་རྒྱས་དང་སེམས་ཅན་ཅི་ཡིན་རུང་། །མཛད་པ་ལ་ལེགས་ཉེས་ཅི་སྟོན་རུང་། །མི་ང་ལ་སྙེམས་འཕྲིགས་རྡུལ་ཙམ་མེད། །ཡ་ཀི་ཤེད་འོག་མིན་ཕོ་བྲང་ན། །ཆོས་སྐུ་ལ་རྡོ་རྗེ་འཆང་ཆེན་ཅེས། །མཐིང་ཀ་ལ་འོད་ཟེར་ལྷམ་མེ་བ། །སེམས་བློ་ཆུང་གི་འདྲེན་པ་ཡ་རེ་ཆ། །མ་གི་ཤེད་ཤངས་ཕུའི་རྨོག་ལྕོག་གི། །ཕོ་བྲང་དེ་སྤང་པོའི་སྤྱིལ་བུ་ན། །མི་གཟུགས་ལ་ཞུ་བདེའི་འོད་འབར་བ། །རྒྱ་སྒོམ་རྡོ་རྗེ་འཆང་ཆེན་དེ་ན་བཞུགས། །ཁྱོད་གདོད་མའི་གཞི་ལ་དབྱེར་མེད་ཀྱང་། །འཕྲལ་སྦས་པའི་བརྟུལ་ཞུགས་སྒྲིབ་གཡོགས་མཁན། །མི་སྐལ་ལྡན་གྱིས་ཅེར་མཐོང་མ་ལགས་སམ། །བུམ་ནང་གི་མར་མེ་

[Full Size]

ཇི་བཞིན་སྣང་། །བདག་སྔ་མའི་ལས་འཕྲོ་མི་དམན་པས། །ཆུང་ཆུང་ནས་སྒྱུ་མའི་རང་རྩལ་རྫོགས། །མ་མཁའ་འགྲོའི་ཞལ་བཟང་མཐོང་ན་ཡང་། །སེམས་མ་ཚིམས་སྒྱུ་མའི་རང་སྣང་ཙམ། །ཕ་ལེགས་རྒྱལ་ཞལ་བུམ་རྙེད་ཙ་ན། །བློ་ཁུ་འཕྲིགས་ཐམས་ཅད་རང་སར་གྲོལ། །ཡིད་ཐེ་ཚོམ་སྤངས་པའི་ངེས་ཤེས་གཅིག །དུས་དེ་ཚེ་འཕོ་འགྱུར་མེད་པར་སྐྱེས། །མཉམ་བཞག་དང་རྗེས་ཐོབ་ཀྱི་འཛིན་པ་ཡལ། །ཐུན་མཚམས་དང་ཐུན་ཚོད་ཀྱི་སྣང་བ་བརྗེད། །འདི་ཡིན་དང་འདི་མིན་གྱི་དགག་སྒྲུབ་ཞིག །རང་གཞན་དང་ཕྱོགས་ཆའི་ཉེ་རིང་སྟོར། །ཀུན་ཁྱབ་ཀྱི་གསལ་སྟོང་འོད་པོ་ཆེ། །རང་རིག་མེ་ལོང་ལ་ཤར་ཙམ་ན། །ཚིག་ཐ་སྙད་ཚིག་གི་འབྱེད་འགྲེལ་དེ། །ནམ་དགོས་དུས་སླེབ་པའི་སྤོབས་པ་ཐོབ། །རྗེ་མཁྱེན་པ་ཅན་

[Full Size]

གཅིག་མ་ལགས་པ། །མི་བླུན་པོ་མཁས་པར་ཅི་ལ་གཏོང་། །ཁྱོད་བྱིན་རླབས་ཅན་གཅིག་མ་ལགས་པ། །སྐྱེས་གྲོལ་གྱི་རང་མཚན་ཅི་ལ་སྟོན། །ད་དུས་གསུམ་གྱི་སངས་རྒྱས་བྱོན་ལགས་ཀྱང་། །ཞུ་དག་གི་སྤྲོས་པ་མི་བདོག་པས། །བློ་དྲན་པ་རང་ཤར་ནམ་མཁའ་ལ། །བྱ་ལམ་རྗེས་མེད་ཀྱི་ངང་ལ་བཞུད། །སྒོམ་བྱས་ཀྱང་ཕ་ཡི་རང་སྣང་ཙམ། །རེས་འཇོག་མེད་པའི་རྣལ་འབྱོར་ལ། །སལ་ལེ་དང་སིང་ངེར་འཇོག་ལགས་པས། །མཐོར་གཏོང་དང་དམར་གཏོང་ཁྱོད་རང་ཤེས། །གསོལ་འདེབས་ཀྱི་དབྱངས་རྟ་སྙན་ན་ཡང་། །ཡིད་གཉིས་ཀྱི་འཕྱང་མོར་སྤྱོད་པས་ན། །བློ་ཕར་བལྟས་ན་ཆུང་འཕྱོན་མའི་གླུས། །མི་ཤེས་ལྡན་སྙིང་ཁོང་འདྲེན་ལགས་སམ། །ཚིག་མུ་ཅོར་སྨྲ་བའི་དུ་ལབ་ལ། །

[Full Size]

གཟུགས་མེད་ཀྱི་ལྷ་འདྲེ་སྙིང་རྩ་འདར། །ཕ་དྲན་པའི་ཡུས་ཆེན་རྒྱང་འབོད་ལ། །ཁྱེད་དབྱིངས་ནས་ཐུགས་རྗེ་ཅིས་མི་གཡོ། །ཕ་བདག་དང་བདག་གིར་བྱས་པའི་བུ། །ཡིད་གཅིག་ཏུ་འདྲེས་པའི་སྤུན་གྲོགས་ལ། །རེ་ས་དང་ལྟོས་ས་མ་མཆིས་པས། །རྗེ་ཁྱེད་རང་གི་རྣམ་ཐར་འཁྱོངས་པར་ཤོག། མོས་གུས་ཉག་གཅིག་དྲན་པ་ལམ་རྫོགས་ཀྱི་བླ་མའི་རྣལ་འབྱོར་དང་རྗེས་སུ་བཟུང་བའི་རྒྱབ་ཆོས་གླུར་བླངས་པ་ཨིྀྠ། །སྐྱབས་ཟུར་འཚོལ་མེད་པའི་རྒྱ་སྒོམ་ལ། །བློ་རྩེ་གཉིས་མེད་པར་སྐྱབས་སུ་མཆི། །ཕ་ནོར་པ་མེད་པའི་བླ་མ་རྗེ། །བདག་བུ་གཅིག་པའི་བློ་སྣ་ཆོས་ལ་སྒྱུར། །ལས་འཇིག་རྟེན་པའི་བསམ་སྦྱོར་ལྷུར་བླངས་ནས། །ལུས་བཙུན་བཙུན་བྱས་ཀྱང་སེམས་ཀྱིས་ཁྲེལ། །མིང་ཆོས་པར་བཏགས་པ་བསྙོན་དོར་མཁན། །

[Full Size]

འདི་ཐུགས་རྗེས་གཟིགས་དང་བླ་མའི་གཙོ། །གནས་འཁོར་བའི་རང་མཚང་གོ་བཞིན་ཡང་། །སེམས་གཡེང་གཡེང་དགོས་མེད་གྱི་ནར་སྤྱོད། །ཡིད་ནེམ་ནུར་རི་ཁྲོད་ཕྱི་ཤོལ་ལུས། །འདི་བློས་བཏང་ལགས་སམ་མཁྱེན་པས་གཟིགས། །གཤིས་ཐག་ཆོད་གྱོང་པོའི་འདུག་ཚུགས་ལ། །འཕྲལ་ཅོལ་ཆུང་ཀུན་གྱི་ངོ་མ་ཡོགས། །རང་རང་གིས་བསླུས་པའི་མགོ་འཁོར་ལ། །ཡབ་བརྩེ་བའི་སྤྱན་ཆབ་མི་བསྐྲུན་ནམ། །ཆོས་གོ་རིག་ཤེས་པའི་རྫུན་སོབ་ལ། །ཡིད་བདེ་མོར་སེམས་པའི་ཅོལ་ཆུང་པོ། །སྒོམ་ཁ་ལྟར་སོང་བའི་མདོ་མེད་ལ། །ཕ་ཐུགས་ཀྱིས་བརྣག་པ་མི་གནང་ངམ། །ལས་འཆར་སྒོའི་བློ་ལ་ཟད་པ་མེད། །གཤིས་འཁོར་བའི་འདམ་ལ་ཆོད་པ་མེད། །དུས་ད་ལྟའི་

[Full Size]

ཡིད་ཤེས་ངོས་བཟུང་མེད། །འདི་མེད་ལྟའི་གླུ་དབྱངས་རིང་མོར་གདའ། །ཧེ་བན་གཟུགས་ཐོ་ཡོར་མིག་འཕྲུལ་ལ། །སྤྱང་གླེན་གྱི་རྟོག་དཔྱོད་གཏོང་བ་འཁྲུལ། །བཙུན་ཚུགས་མཛེས་ཆོས་འཇའ་སྣང་ལ། །ཞེན་རྟོག་གི་ལེགས་ཉེས་དཔྱོད་པ་དམན། །འཁོར་བ་ངན་སྐྱུགས་ཀྱི་ཁྲོན་པ་ལ། །དྲི་ཞིམ་གྱི་འཛིན་བློས་རེག་པས་ཕུང་། །སེམས་ངེས་མེད་ཀྱི་འཆར་སྒོ་རྒྱ་འབྱམས་ལ། །ཡིན་མིན་གྱི་སོ་འཕྲང་འཛུགས་པ་སྨྱོ། །དྲན་པ་ཉག་གཅིག་གི་ཡིད་ཤེས་ལ། །ཆོས་མིན་གྱི་བྱར་བྱེད་པ་རྩིང་། །གང་བྱས་སྒྱུ་མའི་མེ་ལོང་ལ། །བདེན་རྫུན་གྱི་ཞལ་ལྕེས་གཡེང་བ་བརྫུན། །ཅི་བྱས་ཐར་པའི་སོ་ནམ་ལ། །རྟོག་དཔྱོད་ཀྱི་ཐན་པས་བསྲེགས་པ་ཕམ། །ངས་ཤེས་པ་ཙམ་ལ་མ་བཞག་སྟེ། །སྒོམ་མིང་སྟོང་དུ་སྐད་ཅིག་བཞག་པ་མེད། །

[Full Size]

ད་ཤི་ཡང་ལེགས་ལ་གསོན་ཡང་རུང་། །འདུན་མ་དགེ་མཐར་ཕྱིན་པ་གོ། །ཞེས་དྲན་བསྐུལ་གྱི་ལྕག་འདེབས་ཐོལ་སྐྱེས་ལས་བརྩམས་པའི་རྒྱང་གླུར་སྨྲས་པ་ཨིྀྠ། །དབྱིངས་ཆོས་སྐུ་རྟག་བརྟན་གཡུང་དྲུང་ལ། །མདངས་འགགས་མེད་ཀུན་སྣང་ཡི་གེའི་དངོས། །དབྱངས་གཞོམ་མེད་ནཱ་དའི་རང་སྒྲ་གཅིག །ཡིད་འགྱུ་སྟོང་ཨ་ཡི་ངོ་བོར་ཤར། །ཨེ་ཆོས་ཀྱི་འབྱུང་གནས་སེང་གེའི་ཁྲིར། །དོན་སྟོང་ཆེན་ཡིག་ལྔའི་ཕོ་བྲང་ན། །ཝྃ་བདེ་ཆེན་འོད་གསལ་འདུས་མ་བྱས། །ནང་ཐིག་ལེ་ཡིག་དྲུག་འདུས་པའི་ལྷ། །མིང་བདེ་གཤེགས་སྙིང་པོར་གྲགས་པ་གཅིག །ཡོངས་སེམས་ཅན་ཀུན་ལ་ཁྱབ་པའི་བདག །རང་རྣལ་འབྱོར་ཡིད་བདེ་དམ་པའི་དཔལ། །དུས་འགྱུར་བ་མེད་པའི་དཀྱིལ་འཁོར་ལས། །ཆབ་

[Full Size]

དག་པ་བདུད་རྩིའི་ཆར་རྒྱུན་གྱིས། །བློ་ཀུན་རྟོག་གི་རི་མོ་བག་ལ་ཉལ། །ལས་ཉོན་མོངས་ཀུན་འབྱུང་བཀྲུས་ནས་ཀྱང་། །སེམས་རང་རིག་རང་གསལ་འོད་པོ་ཆེ། །ཡིད་ཕར་བལྟས་ཆོས་སྐུ་ཉག་གཅིག་ལ། །བློ་ཚུར་གཞལ་དྲན་པའི་རྒྱུན་ལམ་ཆད། །ཡིད་ཧད་དེ་ཆད་དེ་ཝལ་ལེ་བ། །དེང་ཡིད་ཀྱི་རི་མོ་ཡལ་ནས་ཐལ། །ལུས་ཤ་ཁྲག་དྲི་མེད་གཞའ་འདྲའི་སྐུ། །ངག་སྨྲ་བསམ་བརྗོད་འདས་ལྐུགས་པའི་ཚུལ། །ཡིད་བྱ་ལམ་རྗེས་བྲལ་ནམ་མཁའི་ངང་། །དོན་འཆར་སྒོ་དང་པོའི་ཡེ་ཤེས་ཡིན། །གཞི་མ་རིག་མུན་པའི་ཁང་ཆུང་བརྡིབས། །ལས་ཉོན་མོངས་དྲི་མའི་བག་ཆགས་གཏོར། །མིང་སོ་སོ་སྐྱེ་བོའི་ཡུལ་ལས་འདས། །སྒོམ་བློ་འདས་ཆེན་པོའི་ལམ་དང་མཇལ། །ཆོས་བརྒྱད་ཁྲི་བཞི་སྟོང་ཨར་

[Full Size]

བསྡུས་ནས། །ལྷ་ཤཱཀྱ་མུ་ནེས་གསུངས་ལགས་ཀྱང་། །གནད་དྲིལ་དོན་འདི་ལྟར་མ་ཤེས་ན། །ཚིག་ཡི་གེ་བཟླས་ཀྱང་བརྗོད་པ་ཡིན། །ཅེས་དག་བྱེད་སྟོང་རའི་སྐབས་ལས་བསྒྲགས་པའི་གླུ་ཨིྀྠ། །སྒྲིབ་མེད་ཀྱི་རང་གཟུགས་ལྷ་རུ་ཤར། །ལྷ་རྣལ་འབྱོར་མ་དཔལ་མཁའ་འགྲོའི་གཙོ། །ཉམས་བདེ་སྟོང་མྱོས་པའི་ལང་ཚོ་མ། །སེམས་བདག་པོའི་པང་པར་ཅུད་ཀྱིས་བྱུང་། །ཕྱི་སྣང་བ་ལྷ་ཡི་གཞལ་ཡས་ལ། །ནང་དར་དམར་གུར་ཁྱིམ་སྲབ་ལ་དྭངས། །ལོགས་མེ་དཔུང་འབར་བའི་ཐིག་ལེ་བཞི། །གནད་ལྟེ་བའི་འཁོར་ལོ་མགལ་མེ་བཞིན། །རཾ་སུམ་མདོར་འཕྲོས་པའི་མེ་ལྕེ་ཡིས། །གློག་དབུ་མའི་རྒྱུ་ལམ་ཡངས་པོ་ནས། །སྟེང་དཀར་གསལ་སྤྱི་བོའི་

[Full Size]

རྒྱ་མཐོངས་ལས། །དཔེ་སྐར་མདའ་མཁའ་ལ་བགྲོད་པ་བཞིན། །རྗེ་བླ་མའི་སྐུ་ལས་བདུད་རྩིའི་ཆབ། །སྒོ་ཚངས་པའི་ལམ་ནས་རབ་ཞུགས་ཏེ། །ལམ་དབང་བཞིའི་རྟེན་འབྲེལ་བསྒྲིག་བཞིན་ཏུ། །བླ་མ་དང་རང་སེམས་དབྱེར་མ་ཤེས། །གཏུམ་མོ་ལས་བརྩམས་པའི་གླུ་ཨིྀྠ། །བློ་ཅིར་སྣང་དང་ཅི་ཤར་སྒྱུ་མའི་ཉམས། །འོལ་ཐོལ་སྐྱེས་ཀྱི་དྲན་པ་བྱང་ཆུབ་ལམ། །གནད་གཟེར་བུ་འདེབས་པ་བླ་མའི་གསུང་། །འདི་བརྗེད་པ་མེད་པའི་གཟུངས་སུ་འཛིན། །འཛིན་བཅས་ཀྱི་དྲན་ཤེས་གསར་བུའི་སྒོམ། །སྒོམ་ཡིད་དཔྱོད་ཀྱི་ལམ་མཁན་གནས་སྐབས་ཀྱི་ཆོས། །ཆོས་ཡིན་ལུགས་ཀྱི་བྱར་མེ་དགུ་ཡང་གཅིག །གཅིག་ཤེས་ཀུན་གྲོལ་ངོ་མཚར་རྨད། །སྒྱུ་ལུས་སྐབས་ཨིྀྠ། །རྨི་ལམ་གྱི་

[Full Size]

འཆར་སྒོ་ཉམས་ཀྱི་སྣེ། །འདུན་པ་ཡི་ཡིད་ཤེས་མཚམས་སྦྱོར་གྱི་ངག །ཐིག་ལེའི་བཞི་འགྲོས་རྟེན་འབྲེལ་གྱི་གནད། །མ་ཡེ་ཤེས་མཁའ་འགྲོའི་གསང་བའི་གཏམ། །སེམས་འཁྱམས་པོ་ལ་གཏད་སོ་མ་དམིགས་ཕྱིར། །སྟེང་དགའ་ལྡན་དུ་འགྲོ་བ་ཐག་མི་རུང་། །ཡིད་ཀུན་སྣང་ལ་མི་འཆར་མེད་པའི་དཔེ། །འཕྲལ་གང་དགོས་སུ་བདེ་བསྒྱུར་རྣལ་འབྱོར་པའི་ཉམས། །ཉམས་བྱུང་རྒྱལ་ལ་དགག་སྒྲུབ་མི་བགྱིད་པར། །དུས་རྒྱུན་མི་འཆད་དྲན་པའི་ཁ་ལོ་བསྒྱུར། །རྨི་ལམ་གྱི་སྐབས་ཨིྀྠ། །གཞི་འོད་གསལ་འགྱུར་མེད་རྟག་པའི་སྐུ། །ལམ་འོད་གསལ་འགགས་མེད་བདེ་བའི་ཆ། །མཐར་འབྲས་བུ་མངོན་གྱུར་རྫོགས་སངས་རྒྱས། །གནད་གཞི་ལམ་འབྲས་བུའི་མཚམས་སྦྱོར་ལགས། །

[Full Size]

ལམ་འཕོ་བ་མ་བསྒོམ་སངས་རྒྱས་ལ། །ཡིད་ཨར་ལ་གཏད་པའི་དྲན་པའི་མངའ། །སྒོ་ཚངས་པའི་ལམ་ནས་རྒྱངས་བཏོན་ཏེ། །བློ་མ་ཡེངས་ཆོས་སྐུར་ལྷན་གྱིས་འཇོག །དུས་ད་ལྟའི་ལས་སྣང་ཇི་སྙེད་པ། །གཤིས་མ་གྲུབ་ཆུ་ནང་ཟླ་བ་བཞིན། །དོན་འདི་ཡང་ངེས་ཤེས་སྐྱེས་པ་ན། །ཕྱིས་བར་དོ་རྒྱལ་བ་ལོངས་སྐུ་འགྲུབ། །བར་དོའི་སྐབས་ཨིྀྠ། ༈ །གནས་གསར་བ་འཇམ་པའི་དབྱངས་མཁྱེན་བརྩེའི་དབང་ཕྱུག་བསྟན་པའི་རྒྱལ་མཚན་དཔལ་བཟང་པོའི་གསུང་མགུར་དཔལ་ལྡན་ཤངས་པའི་གསེར་ཆོས་ཀྱི་ལམ་རིམ་སྙིང་པོར་དྲིལ་བའི་གསོལ་འདེབས་སྙིང་གི་བདུད་རྩི་ཞེས་བྱ་བ། །ན་མོ་གུ་རུ་བེ། །རྗེ་རྒྱལ་བ་ཀུན་དངོས་རྡོ་རྗེ་འཆང་། །ཆོས་སྒྲུབ་བརྒྱུད་ཡོངས་ཀྱི་གཙུག་རྒྱན་མཆོག །ཕ་འབྲེལ་ཚད་

[Full Size]

དོན་ལྡན་དཀར་རྩི་བ། །བུ་ཕ་དང་མཉམ་པར་བྱིན་གྱིས་རློབས། །ཐ་མལ་གྱི་ཤེས་པ་སོ་མ་འདི། །སྐྱོན་བཞི་ཡི་དབང་དུ་མ་སོང་བར། །རང་ངོ་བོ་རྗེན་པར་མཐོང་བ་ཡིས། །གཞི་ཕྱག་ཆེན་རྟོགས་པར་བྱིན་གྱིས་རློབས། །འོག་ལྟེ་བའི་ཨ་ཐུང་འོད་འབར་ལ། །སྲོག་རྩོལ་གྱི་རླུང་གིས་བསྲུབས་པ་ལས། །གཟུང་འཛིན་གྱི་བུད་ཤིང་སྲེག་བྱེད་པའི། །ལམ་གཏུམ་མོ་འབྱོང་བར་བྱིན་གྱིས་རློབས། །སྣང་སྲིད་དང་འཁོར་འདས་གཉིས་སྣང་ཀུན། །མེད་བཞིན་དུ་དུ་མར་འཆར་བ་ཡི། །རང་སྟོང་གི་རང་མཚངས་རྟོགས་བྱེད་པའི། །ལམ་སྒྱུ་ལུས་འབྱོང་བར་བྱིན་གྱིས་རློབས། །ཉིང་འཁྲུལ་གྱི་བག་ཆགས་ཚན་པོ་ཆེ། །ཤར་ཙམ་ནས་རང་ངོ་ཤེས་པ་དང་། །བདེན་མེད་ཀྱི་རྩལ་སྣང་འབར་བ་ཡི། །

[Full Size]

ལམ་རྨི་ལམ་འབྱོང་བར་བྱིན་གྱིས་རློབས། །མ་རིག་བག་ཆགས་ཨ་འཐས་ཀུན། །སྟོང་ཉིད་ཀྱི་དབྱིངས་སུ་ཐིམ་པ་ལས། །འགགས་མེད་ཀྱི་སྟོང་གཟུགས་འོད་པོ་ཆེ། །ལམ་འོད་གསལ་འབྱོང་པར་བྱིན་གྱིས་རློབས། །འཁྲུལ་སྣང་གི་ལུས་གསུམ་རྒྱལ་བའི་སྐུར། །གདོད་མ་ནས་བཞུགས་པར་ངོ་ཤེས་པས། །གཉིས་སྣང་གི་འཇིགས་སྐྲག་རང་སར་གྲོལ། །ལམ་བར་དོ་འབྱོང་བར་བྱིན་གྱིས་རློབས། །ཚེ་འདི་ཡི་ཞེན་པས་མ་བཅིངས་བཞིན། །འཆི་བ་ལ་འཇིགས་པས་མི་སུན་པར། །ཆོས་དབྱིངས་ཀྱི་ནམ་མཁར་ཐོགས་མེད་བགྲོད། །ལམ་འཕོ་བ་འབྱོང་བར་བྱིན་གྱིས་རློབས། །སྣང་སྲིད་ཀུན་བླ་མའི་རོལ་པ་ལས། །སྤང་བླང་གི་སྤྲོ་བསྡུ་མི་དགོས་པར། །རྩོལ་མེད་ཀྱི་གདུང་ཤུགས་དྲག་པོ་ཡིས། །ལམ་བླ་མས་བགྲོད་

[Full Size]

པར་བྱིན་གྱིས་རློབས། །འཁོར་འདས་ཀུན་རྒྱལ་བའི་དཀྱིལ་འཁོར་ལ། །ཐ་མལ་གྱི་འཛིན་པས་མ་བཅིངས་པར། །ཡུལ་གང་ཤར་ལྷ་སྐུའི་ཡེ་ཤེས་སུ། །ལམ་ཡི་དམ་གྱིས་བགྲོད་པར་བྱིན་གྱིས་རློབས། །ཅིར་སྣང་ཀུན་བདེན་མེད་སྒྱུ་མ་ལ། །ཨ་འཐས་ཀྱི་རྟོག་པས་མ་བཅིངས་ཤིང་། །སྒྱུ་འཛིན་གྱི་ཞེན་པས་མ་གོས་པར། །ལམ་སྒྱུ་མས་བགྲོད་པར་བྱིན་གྱིས་རློབས། །རང་སེམས་འདི་སྟོང་ཉིད་རྣལ་འབྱོར་མ། །རང་རྩལ་དུ་ཕག་མོ་སྒྱུ་མའི་གར། །རྫས་གསང་སྔགས་ཚོགས་ཀྱིས་མཉེས་བྱས་ནས། །གཤིས་མཁའ་སྤྱོད་འགྲུབ་པར་བྱིན་གྱིས་རློབས། །མཆོག་ཡན་ལག་ལྔ་བསྡུའི་སྦྱོར་བ་ཡིས། །མ་དག་པའི་མངལ་སྒོ་སྦྱང་བྱས་ཏེ། །སྟོང་ཉིད་ཀྱི་བྷ་གར་རྩེ་བས་རོལ། །ལམ་ཟུང་

[Full Size]

འཇུག་རྟོགས་པར་བྱིན་གྱིས་རློབས། །རྣམ་ཤེས་ཀྱི་བཞོན་པ་ལས་ཀྱི་རླུང་། །འཁྲུལ་འཁོར་གྱི་སྦྱོར་བས་བཅིངས་པ་ལས། །དོན་རྩ་རླུང་ཐིག་ལེ་དབང་འདུས་ནས། །ལུས་འཆི་མེད་འགྲུབ་པར་བྱིན་གྱིས་རློབས། །མ་བཅོས་པའི་ཤེས་པ་སྒྱུ་མའི་སྐུ། །ཡབ་ཡུམ་གྱི་རོལ་གར་བདེ་ཆེན་གྱི་ངང་། །མ་ཡེངས་པའི་རང་ངོ་བསྐྱངས་པ་ལས། །སེམས་འཕྱུགས་མེད་འགྲུབ་པར་བྱིན་གྱིས་རློབས། །དཔལ་ཡེ་ཤེས་མགོན་པོ་སྤྱན་རས་གཟིགས། །རྟེན་ཕྱི་ནང་གསང་བས་མཆོད་ཅིང་བརྟེན། །ལམ་བསྐྱེད་རྫོགས་བཟླས་པས་དབང་འདུས་ནས། །ལས་གང་བརྩམ་འགྲུབ་པར་བྱིན་གྱིས་རློབས། །དོན་མཁའ་འགྲོའི་སྙིང་གཏམ་རྡོ་རྗེའི་ཚིག །ཆོས་ཟབ་མོའི་གསེར་ཆོས་རྣམ་པ་ལྔ། །ལན་བརྒྱ་ཕྲག་བཤད་སྒྲུབ་དཔལ་འབྱོར་གྱིས། །བུ་སྣོད་ལྡན་སྨིན་པར་བྱིན་

[Full Size]

གྱིས་རློབས། །དུས་འདི་ནས་སངས་རྒྱས་མ་ཐོབ་པར། །རྗེ་ཁྱེད་དང་ནམ་ཡང་མི་འབྲལ་ཞིང་། །ཐུགས་ཅི་མཉེས་བྱ་བ་སྒྲུབ་བཞིན་དུ། །ལམ་འདི་ཉིད་བསྒོམ་པར་བྱིན་གྱིས་རློབས། །མི་བདག་ཅག་ལྟོས་པར་བཅས་པ་ལ། །རྗེ་ཁྱེད་ཀྱི་ཐུགས་རྗེས་བྱིན་བརླབས་ནས། །གཤིས་རང་བཞིན་འོད་གསལ་ཆོས་ཀྱི་སྐུ། །དཔལ་བདེ་མཆོག་འགྲུབ་པར་བྱིན་གྱིས་རློབས། །ཞེས་བླ་མ་ཤངས་པའི་གསེར་ཆོས་ཀྱི་སྨོན་ལམ་ཤུགས་འབྱུང་གླུར་བླངས་པ་ཨིྀྠ། ༈ འཕགས་ཡུལ་གྱི་གྲུབ་པའི་དབང་ཕྱུག་རྣམས་དང་སྤང་རྟོགས་དབྱེ་བ་མེད་ཅིང་རྩོད་པའི་དུས་ཀྱི་རྡོ་རྗེ་འཆང་ཆེན་པོ། དཔལ་དེ་བཱི་ཀོ་ཊིར་ཡེ་ཤེས་མཁའ་འགྲོས་གསང་བའི་མཛོད་གཏད་པས་ཟབ་ལམ་ཤིན་ཏུ་ཉེ་བརྒྱུད་ཀྱི་བཀའ་བབས་ཤིང་རྟ་ཆེན་པོ་ཀུན་དགའ་སྙིང་པོའམ་

[Full Size]

མཚན་ཡོངས་སུ་གྲགས་པ་རྗེ་བཙུན་ཐམས་ཅད་མཁྱེན་པ་ཏཱ་ར་ནཱ་ཐས་རྡོ་རྗེའི་དོ་ཧ་ཇི་སྙེད་ཅིག་སྩལ་བ་ལས། དགུང་ལོ་ཉེར་གསུམ་པར་བསམ་སྡིངས་སུ་བཞུགས་པའི་ཚེ་རང་ལ་སྐུལ་པའི་གྲོས་འདེབས་སུ་གསུངས་པ་ནི། ཨོཾ་སྭ་སྟི། །སྐྱབས་གནས་རིན་ཆེན་གསུམ་ལ་གུས་བཏུད་ནས། །རང་གི་སེམས་ལ་ཤར་བའི་ཚིག་འདི་སྨྲ། །དབེན་པའི་རི་བོར་མཉམ་བཞག་བྱེད་དོ་སྐད། །གཞན་གྱི་མིག་ངོར་ཕོ་ཚུགས་བཟང་ན་ཡང་། །བརྟགས་ན་སེམས་དང་ཆོས་སུ་མ་འདྲེས་པ། །འདི་འདྲ་དམ་ཆོས་གཤའ་མ་ག་ལ་ཡིན། །ད་ནི་སྙིང་ནས་སྒྲུབ་པ་བྱེད་རེ་རན། །ཚེ་འདིའི་འདུན་མ་སྐྱུངས་དང་སྙིང་མེད་པོ། །ཐོས་བསམ་ལྟ་རྟོག་ཆོས་བཤད་རེམ་ན་ཡང་། །རྐྱེན་ངན་བག་རེའི་སྟེང་དུ་དམ་ཆོས་འདོར། །མཁས་པར་གྲགས་ཀྱང་

[Full Size]

མི་ཚེ་སྟོང་ཟད་མཁན། །འདི་འདྲ་བཤེས་གཉེན་དམ་པ་ག་ལ་ཡིན། །ད་ནི་རང་གི་སེམས་རྒྱུད་འདུལ་རེ་རན། །མཛུབ་མོ་ནང་དུ་ཁུག་དང་སྙིང་མེད་པོ། །འཁོར་བའི་གནས་ཚུལ་འཕྲལ་འཕྲལ་མཐོང་ན་ཡང་། །ཡིད་ཆེས་ཅུང་ཟད་མེད་པའི་ཚོད་མེད་པོ། །ཕ་རོལ་འགྲོ་ཚེ་གདིང་དྲོད་མི་གདའ་ནའང་། །བསམ་མནོ་མི་གཏོང་སྨྱོན་པ་རྒྱ་ཡན་མཁན། །ད་ནི་ཕྱི་མའི་གྲབས་ཤོམས་བྱེད་རེ་རན། །བློ་ཁ་ཆོས་ལ་སྒྱུར་དང་སྙིང་མེད་པོ། །མཁོས་ཀ་འདི་ལས་མེད་ཀྱང་ཆགས་སྡང་ཅན། །ཡོན་ཏན་འདི་ལ་ང་རྒྱལ་རི་རབ་ཙམ། །མགུ་མཁན་སུ་ཡང་མེད་ཀྱང་མཐུན་འཇུག་མཁན། །བྱས་པ་ཆུང་ལ་རེ་བ་ཆེ་བ་ཁྱོད། །ད་ནི་འཇིག་རྟེན་ཆོས་བརྒྱད་སྤོང་རེ་རན། །གང་ཤར་རོ་སྙོམས་གྱིས་དང་སྙིང་མེད་པོ། །ཆོས་ཕྱིར་གཉིད་

[Full Size]

ཐུམ་རེ་ཡང་གཅོག་མི་ནུས། །ད་ལོ་ད་བཟོད་བྱེད་སྙམས་ངང་རིང་པོ། །མྱོང་རྟགས་འཕྲལ་ལ་དགོས་པའི་སྟོང་ཡུས་ཅན། །ཟས་ནོར་སྙན་གྲགས་འདོད་པའི་བློ་མ་ཁུགས། །ད་ནི་འདུན་མ་ཆིག་འགྲིལ་བྱེད་རེ་རན། །གཏིང་ནས་རེ་དོགས་སྐྱུངས་དང་སྙིང་མེད་པོ། །གཞོན་ནུའི་དུས་ནས་ལང་ཚོ་ཡོལ་ཞིང་ཉམས། །འཁོར་འདབས་ཀུན་གྱིས་ཕན་ལན་གནོད་པས་འཇལ། །ད་དུས་སུན་པ་མེད་པའི་བློ་རྒྱ་ཅན། །མི་ཤེས་བཞིན་དུ་ཚེ་འདིའི་འདུན་གྲབས་བྱེད། །ད་ནི་སྙིང་ནས་བྱ་བཏང་བྱེད་རེ་རན། །ཕྱོགས་མེད་རང་བློ་སྦྱོངས་དང་སྙིང་མེད་པོ། །བླ་མའི་མིང་ཅན་རྣམས་ཀྱང་ཆོས་མི་བྱེད། །སློབ་མ་རྣམས་ཀྱང་དམ་ཚིག་སྲུང་མཁན་མེད། །སྐྱེ་བོ་ཀུན་ཀྱང་ངོ་ཚ་ཁྲེལ་གཞུང་མེད། །སངས་རྒྱས་བསྟན་པ་ཉམས་པའི་དུས་ངན་འདིར། །གཞན་

[Full Size]

ལ་ཕན་ཐབས་ཇི་ཙམ་བྱས་ན་ཡང་། །ཕལ་ཆེར་མི་ཕན་རང་ལ་གནོད་པར་འདུག །རང་ཉིད་ཆོས་ལ་བརྟན་པ་ཐོབ་ཕན་ཆད། །གཞན་དོན་རྒྱུན་མི་ཆད་པ་འབྱུང་བས་ན། །རེ་ཞིག་ཚེ་འདི་ཁོང་ལ་གཅགས་པ་ཡི། །གཞན་དོན་ལྟར་སྣང་བོར་ལ་རང་དོན་མཆོག །དམ་པའི་ཆོས་ལ་སྒྲིལ་བའི་དུས་སུ་གདའ། །དེ་ལྟར་ལགས་པས་ད་དུང་བསམ་མནོ་ཐོང་། །ཞེས་གསུངས་སོ། །བུ་སློབ་ཀྱི་མཆོག་གྱུར་གངས་དཀར་བ་དད་ཅན་ཉི་མ་རྣམ་རྒྱལ་ལ་ངོ་སྤྲོད་ཀྱི་སྙིང་པོ་གནང་བ། རྗེ་རྡོ་རྗེ་འཆང་ཆེན་གྲུབ་ཐོབ་ཚུལ། །མཚན་ཐོས་པ་ཙམ་གྱིས་དོན་ཆེན་ལྡན། །བདག་བུ་སློབ་ཀྱི་བློ་སྣ་ཆོས་ལ་སྒྱུར། །ཁྱེད་ཐུགས་རྗེའི་གཏེར་ལ་གསོལ་བ་འདེབས། །དུས་ད་རེས་མི་ལུས་ཐོབ་པ་དང་། །མཚན་ལྡན་གྱི་རྗེ་དང་མཇལ་སྐབས་

[Full Size]

འདིར། །ཉམས་ལེན་ལ་འབད་འབུངས་མ་བཏོན་ན། །མི་ཚེ་དོན་མེད་དུ་འགྲོ་ཉེན་གདའ། །ཉམས་ལེན་གྱི་རྒྱལ་པོ་མོས་གུས་ཡིན། །མཐུན་རྐྱེན་གྱི་རྒྱལ་པོ་ངེས་འབྱུང་ཡིན། །བྱ་བྱེད་ཀྱི་རྒྱལ་པོ་བྱར་མེད་ཡིན། །མཉམ་གཞག་གི་རྒྱལ་པོ་རང་ཤར་ཡིན། །རྒྱལ་པོ་བཞི་ལྡན་གྱི་གདམས་ངག་འདི། །མཚན་ལྡན་བླ་མའི་གསུང་ངག་ཡིན། །གྲུབ་ཐོབ་ཡོངས་ཀྱི་ཐུགས་བཅུད་ཡིན། །ཏཱ་ར་ནཱ་ཐའི་ཉམས་མྱོང་ཡིན། །མཚན་བཅས་ཀྱི་ཉམས་ལེན་ཕྱོགས་རེ་བ། །སྡུག་དུས་མི་ཕན་པའི་སྐྱིད་ཆོས་དེ། །ཐབས་མཁས་ཀྱི་བཀྲི་ཚུལ་ཡིན་མོད་ཀྱང་། །སངས་རྒྱས་ལག་བཅངས་སུ་གཏོད་མི་ཐུབ། །རང་ཞལ་རྗེན་པར་ལྟ་བ་ལ། །མཚན་ལྡན་རྗེ་ལ་མོས་གུས་དགོས། །བླ་མ་སངས་རྒྱས་སྐད་པའི་ཁ་སྙན་དང་། །ཅི་མཛད་

[Full Size]

ལེགས་པར་ལྟ་དགོས་ཀྱི་སྡུག་ཞེན་ཅན། །མ་བྱས་བསམ་བྱུང་ཙམ་གྱི་མོས་གུས་དེ། །ཁོག་ཞེ་ནས་ལྟེམ་འགྱད་ལོག་གེ་བ། །ཆོས་རང་གིས་བྱེད་སྙམ་ཚུགས་བཟང་ཡང་། །དེ་སྒྲ་སྐད་ཙམ་ལས་དོན་མི་མཐོང་། །སངས་རྒྱས་དང་སེམས་ཅན་གྱི་འཐེན་ཕྱོགས་མེད། །ཐུགས་ཆོས་སྐུ་སྐྱེ་མེད་ཉག་གཅིག་ལ། །མཛད་སྤྱོད་ཉེས་ནའང་ཉེས་གོ་ཆོད། །ཕྱོགས་མེད་ཀྱི་འགྲོ་དོན་རྒྱ་རེ་ཆེ། །བྱིན་རླབས་ཞུགས་རུང་མ་ཞུགས་རུང་། །དངོས་གྲུབ་ཐོབ་རུང་མ་ཐོབ་རུང་། །སྐྱབས་གནས་གཞན་ན་མེད་དོ་ཞེས། །བློ་ཐག་ཆོད་ལ་གསོལ་བ་ཐོབ། །ཐུགས་ཡིད་དབྱེར་མེད་དུ་མཉམ་པར་ཞོག །སྒོམ་མི་སྐྱེ་བའི་རང་དབང་ག་ལ་ཡོད། །ཟས་གོས་འཛོམ་པའི་སྐྱིད་འདོད་དེ། །དགེ་སྦྱོར་འཆག་ལ་གཡེང་བ་ཆེ། །

[Full Size]

མཐུན་རྐྱེན་དུ་མིང་བཏགས་རྣམ་གཡེང་དེ། །རྣལ་འབྱོར་པ་ལ་དགོས་པ་མེད། །ཡིད་ངེས་འབྱུང་སྐྱོ་ཤས་དྲག་པོ་དེ། །རང་གཅིག་པུར་སྡོད་ན་སྐྱོ་རོགས་ཡིན། །ལུས་ན་ཚ་བྱུང་ན་ནད་གཡོག་ཡིན། །ཟས་གོས་དྲན་པའི་རྣམ་གཡེང་ལ། །གདོང་ཟློག་བྱེད་པའི་མཐུན་རྐྱེན་ཡིན། །སྔར་མ་བྱས་པ་ཅིག་མེད་པ་ལ། །བྱས་ཚད་འཁོར་བའི་གཡོས་སུ་སོང་། །ད་བྱར་མེད་ཀྱི་ངང་དུ་ལྷོད་དེ་ཞོག །གཏན་གྱི་བཙན་ས་ཟིན་ཏེ་མཆིས། །བློས་བྱས་ཀྱི་དགེ་སྦྱོར་བརྩོན་ན་ཡང་། །འགྱུར་མེད་ཀྱི་གཏན་ས་ཟིན་པ་མེད། །དབྱིངས་འཕོ་འགྱུར་མེད་པའི་གནད་ཀ་དེས། །རང་བབས་སུ་བཞག་ན་འགྱུར་མེད་ཐོབ། །རང་ཤར་ལ་བཟོ་བཅོས་མི་འཚལ་ཏེ། །བཅོས་མིན་ལ་ངོ་ཤེས་གལ་རེ་ཆེ། །སེམས་རྣམ་རྟོག་མེད་པར་རང་གསལ་ན། །

[Full Size]

གསལ་བ་གསལ་ཞིང་སྟོང་པ་དེ། །རང་ངོ་ཤེས་ན་ཆོས་སྐུར་འདུག །རང་གིས་རང་ངོ་ཤེས་དུས་ན། །རྟོག་པའི་ཆོ་འཕྲུལ་ཅི་ཆེ་ཡང་། །བདེ་སྡུག་གི་འཆར་སྒོ་གང་མང་ཡང་། །ཐམས་ཅད་ཆོས་སྐུའི་ཡོ་ལངས་ཡིན། །རྟོག་པ་དང་མི་རྟོག་ཁྱད་པར་མེད། །གནས་པ་དང་འགྱུ་བའི་རང་མཚང་ཞིག །ཆབ་རོམ་ཆུ་རུ་ཞུ་བ་ལྟར། །གང་སྣང་རང་སེམས་སུ་ལྷང་ངེ་བ། །སྣང་དུས་ནས་རྗེས་མེད་ཡུལ་ཡུལ་པོ། །སྟོང་ཙམ་གྱི་འཆར་སྒོ་མ་འགགས་པ། །ཡ་ཀི་སངས་རྒྱས་ཀྱི་སྐུ་གསུམ་ནས། །མ་ཀི་དམྱལ་ཁམས་ཡན་ཆད་ཀུན། །ཐམས་ཅད་མི་འཆར་བྱ་བ་མེད། །ཅི་ལྟར་ཤར་ཡང་སྤྲོས་དང་བྲལ། །ངག་བརྗོད་པ་ཀུན་གྱི་ཡུལ་ལས་འདས། །སེམས་རང་རིག་བདེ་བ་ཆེན་པོར་མྱོང་། །སླར་སྤྲོས་བཅས་

[Full Size]

ཀྱི་དགེ་བ་གོང་འཕེལ་བྱ། །ཐམས་ཅད་ཕྱག་ཆེན་གྱི་ཡོ་ལངས་ཡིན། །ཐབས་ཤེས་རབ་ཚོགས་གཉིས་རྫོགས་པ་ལས། །སངས་རྒྱས་ཀྱི་དགོངས་པ་རྟོགས་པ་ཡིན། །དེ་ཉམས་སུ་བླངས་ན་བདུད་རྩི་འདྲ། །ཁ་ལྟར་ཤོར་ན་སྟོང་ཤོབ་ཡིན། །རྒྱུད་ཐོག་ཏུ་ཉམས་སུ་ལོངས་པ་ཅིག་འཚལ། །ཉམས་ལེན་ལ་རང་བྱན་ཚུད་པ་ཅིག་ཞུ། །ཞེས་གསུངས་སོ། །ཡང་ངེས་འབྱུང་སྐུལ་བའི་ལྕག་འདེབས་ཞལ་གདམས་སུ་སྩལ་བ། ན་མོ་གུ་རུ་བྷྱྷྱཿ ཕ་རྡོ་རྗེ་འཆང་ལ་ཕྱག་འཚལ་ནས། །འདིར་སྙིང་གཏམ་ཚིག་གསུམ་སྨྲ་བ་ནི། །ཚེ་འདིའི་སྣང་བ་ནི་འཇའ་ཚོན་དང་འདྲ། །འདི་ཡི་རྗེས་འདེད་མི་འཚལ་ལོ། །སྣང་བ་འདི་རང་སེམས་ཀྱི་བྱེད་པ་གཅིག་ལགས། །ཐ་དད་དུ་འཛིན་ཞེན་མི་འཚལ་ལོ། །རིག་པ་ཞེན་མེད་དུ་མ་ཤར་ན། །

[Full Size]

སྒོམ་བྱས་ཚད་བཟང་རྫུར་འགྲོ་ཉེན་གདའ། །རང་སེམས་ཚིར་གྱིས་མ་བཟུང་ན། །དོན་མེད་ཀྱི་ལས་ལ་ཟད་ཉེན་གདའ། །རང་དོན་ལ་ཧྲིལ་གྱིས་མ་སྒྲིལ་ན། །གཞན་དོན་ལྟར་སྣང་གི་མགོ་བསྐོར་ཡོང་། །ད་རེས་ཙམ་མ་གཏོགས་མི་ལུས་ནི། །ཡང་ཡང་དུ་ཐོབ་པ་ཤིན་ཏུ་དཀའ། །ངན་སོང་གསུམ་དུ་སྐྱེས་ཙ་ན། །དམ་ཆོས་ཀྱི་སྐལ་པ་ནི་གཅིག་ཀྱང་མེད། །ད་རེས་རྡོག་སྣ་གཅིག་འདྲེད་ན་ནི། །དམྱལ་བའི་གཏིང་རྡོ་གཅིག་བྱེད་བྱེད་འདྲ། །ཕྱི་མ་ལ་ཕན་པའི་དགེ་བ་དང་། །ཉམས་ལེན་བྱས་རྗེས་ནི་འདི་ཀར་གདའ། །སྡིག་པ་དང་ཉེས་ལྟུང་ནི་ཆར་ལྟར་འབབ། །དོན་འདི་ལྟར་བསམས་ལ་ཆོས་ལ་འབུངས། །རྒས་པའི་སྡུག་བསྔལ་ཡང་མྱུར་དུ་འོང་། །ན་ཚ་དང་མི་འདོད་པ་བྱུང་ཙ་ན། །སྡུག་

[Full Size]

བསྔལ་གྱིས་གཟིར་བའི་ཤེས་པ་དེ། །ཆོས་ཀྱིས་ལམ་དུ་ལོངས་དཀའ་བས། །སྐྱིད་དུས་ནས་ཆོས་ལ་འབུངས་བ་ཞུ། །རེ་ཞིག་རང་ཅག་ཚོའི་མི་ཚེ་ལ། །རྒྱལ་ཁམས་ཡུལ་ཕྱོགས་ཀྱི་དར་རྒུད་དང་། །ཡར་བླ་མ་སློབ་དཔོན་གྱི་གནས་ལུགས་དང་། །གྲྭ་རོགས་དང་གྲོགས་མཆེད་ཀྱི་འབྱུང་ལུགས་དང་། །ཕ་མ་དང་དགྲ་གཉེན་གྱི་གནས་ལུགས་སོགས། །ཐམས་ཅད་མི་རྟག་པའི་རང་འཚང་སྟོན། །འཕྲལ་ལོ་དང་ཟླ་བ་ཞག་རེ་ལ། །མི་རྟག་པ་སྟོན་པའི་སློབ་དཔོན་ཀུན། །སྐྱོ་བ་སྐྱེད་བྱེད་ཀུན་གམ་ན་འདུག །ནམ་ཡང་ཚེ་འདིའི་བྱ་བ་ཀུན། །ཇི་ལྟར་བྱས་ཀྱང་འདོར་བ་ལ། །བུ་བྱ་བ་བཏང་ལ་སྒྲུབ་པ་འཚལ། །ལུས་མི་རྟག་ཤ་རུས་འགྱེས་འགྱེས་འདྲ། །གཅེས་གཅེས་མོར་བྱས་པའི་ལུས་འདི་ཡང་། །ཐ་མ་རུས་པའི་ཕུང་པོར་གདའོ། །

[Full Size]

རང་སེར་སྣས་འབད་འབུངས་བསགས་པ་ཡི། །ནོར་ཀུན་ཡང་སུས་ཐོབ་དང་བགོ་བཤར་བྱེད། །ད་ལྟ་ཟས་གོས་ཀྱིས་འབྱོར་པ་ཡང་། །རོ་ཤུན་དང་རོ་ཟས་ཁམ་གཅིག་ཡིན། །ཁོང་ཁ་དྲག་དཔུང་པ་འཛོམ་པ་ཡང་། །དུས་ངེས་མེད་འཆི་བ་བྱུང་བའི་ཚེ། །ནོར་མངའ་ཐང་ལོངས་སྤྱོད་ཀུན་བོར་ནས། །སླར་ངན་སོང་གསུམ་དུ་འགྲིམ་པ་མཐོང་། །ལར་མི་རྟག་འདུས་བྱས་སྤྱི་ལུགས་ཡིན། །དོན་འདི་ལ་བསམས་ནས་ཆོས་ལ་འབུངས། །བྱམས་སྙིང་རྗེ་ཕྱོགས་མེད་དུ་སྦྱོང་བ་དང་། །འཕྲལ་གང་ཤར་ལ་ཞེན་མེད་དུ་སྐྱོང་བ་དང་། །ཚེ་འདི་དང་ཕྱི་མ་བར་དོ་གསུམ། །དུས་གནས་སྐབས་ཀུན་ཏུ་རིན་པོ་ཆེ། །ཕ་བླ་མར་ཡིད་ཆེས་བློས་ཁེལ་གྱི། །སྙིང་ཐག་པས་གསོལ་བ་འདེབས་པར་འཚལ། །ལར་ནམ་

[Full Size]

ཡང་བསླུ་བ་མེད་པར་ངེས། །ངེས་འབྱུང་དང་སྙིང་རྗེ་མོས་གུས་དང་། །ཞེན་མེད་ཡེངས་མེད་དུ་སྐྱོང་བ་སྟེ། །དོན་བཞི་པོ་འདི་ལ་འབད་གྱུར་ན། །འདུན་མ་རྩེ་ལ་ཕྱིན་པ་ཡིན། །ཅེས་སོ། །དར་ཡུལ་བྲག་ནག་ཏུ་རྒྱལ་བཟང་རྟོགས་ལྡན་རིན་ཆེན་བཀྲ་ཤིས་ཀྱིས་ཞལ་གྱི་གདམས་པ་ཞུས་པ་ལ་འདི་གསུངས་སོ། །བླ་མ་རྣམས་ལ་ཕྱག་འཚལ་ལོ། །བུ་སྣང་བ་སེམས་ལ་ཁྱད་པར་མེད། །གང་ཤར་བཟོ་བཅོས་མེད་པར་ཞོག །སྙིང་རྗེ་དང་སྟོང་ཉིད་འགྲོ་ལྡོག་གཅིག །སྙིང་རྗེ་འཛིན་པར་མ་ཤོར་ཞིང་། །སྟོང་ཉིད་ཆད་སྟོང་དུ་མ་ལུས་པའི། །ཟུང་འཇུག་ཉམས་ལེན་གལ་རེ་ཆེ། །ལས་འབྲས་ཀྱི་བླང་དོར་ཕྱིན་ཅི་ལོག །ཅིས་ཀྱང་དགོས་མེད་ཀྱི་ངེས་འབྱུང་སྟོར། །གཞན་ཕན་མཁའ་ཁྱབ་ཀྱི་སེམས་བྲལ་བའི། །

[Full Size]

སྟོད་སྐད་རྦད་ཁམས་ཀྱི་ཕྱག་ཆེན་དང་། །མུ་སྟེགས་པའི་ལུགས་ཀྱི་རྩ་རླུང་ལ། །བློ་རྩེ་གཏོད་པའི་སྒོམ་ཆེན་དེ། །བློ་ཆུང་གི་མགོ་བསྐོར་མཁས་སྲིད་ཀྱང་། །སངས་རྒྱས་དགྱེས་པའི་ལམ་ལས་གོལ། །བུ་སངས་རྒྱས་གསུང་བཞིན་བསྒྲུབ་གྱུར་ན། །སངས་རྒྱས་ཐོབ་པའི་རྒྱུ་ཡིན་པས། །བཟང་འདོད་ཀྱི་ཙབ་ཙོབ་མ་མང་བར། །ལུས་ངག་ཡིད་གསུམ་ཆོས་དང་བསྟུན། །ལྟ་བ་མཐོ་ལ་ཡངས་པ་དང་། །སྤྱོད་པ་ཞིབ་ཏིག་སྐབས་སུ་བབ། །སྒོམ་པ་ཡེངས་མེད་རྒྱུན་ཆད་མེད། །དེ་གསུམ་འཛོམ་ན་འབྲས་བུ་སྨིན། །བཟའ་བཏུང་དོན་གཉེར་གྱི་ཁ་སྦྱང་ཅན། །རྒྱལ་ཁམས་བསྐོར་བའི་ཟོག་པོ་ལ། །སྒོམ་ཆེན་གྱི་དྲི་ཡང་མི་ཡོང་བས། །དབེན་པའི་རི་ལ་ཚུགས་པར་འཚལ། །ལོང་གཏམ་ལ་ཆགས་

[Full Size]

ཤིང་ཞེན་པ་དེས། །ངག་གི་བདེན་ཚིག་ག་ལ་འགྲུབ། །ནུས་ན་གསང་སྔགས་ཀྱི་བཟླས་བརྗོད་གྱིས། །མིན་ནའང་སྨྲ་བ་བཅད་ན་ལེགས། །མཐུན་འཇུག་དང་མི་དགེའི་ངོས་སྲུང་གིས། །སེམས་བཞག་ཀྱང་ཆགས་སྡང་འཕེལ་བའི་ངང་། །འདི་སྤངས་ཀྱང་སྤངས་པ་དཀའ་བའི་ཕྱིར། །རྦད་ཀྱིས་ཆོད་ལ་རྒྱངས་ཀྱིས་བསྐྱུར། །ཉམས་མྱོང་ཅུང་ཟད་སྐྱེས་སྐབས་སུ། །བཟང་འཛིན་སྐྱེས་ན་བདུད་ཀྱིས་ཁྱེར། །དཔེ་རི་ལ་འཛེགས་པས་གཡང་ལ་ལྷུང་། །མཐོ་རུ་སོང་གིན་སྒྲིམ་པ་གཅེས། །བླ་མའི་ཞལ་ལུང་གི་གདམས་ངག་རྣམས། །ཆུད་ཟོས་མེད་པར་ཉམས་སུ་ལོངས། །ཧམ་པ་དང་འུད་གོག་མ་ཆེ་བར། །རྩེ་གཅིག་ཏུ་བསྒོམས་ན་འཚེང་བ་ཡིན། །ཅེས་སོ། །ལ་སྟོད་སྤ་ལུང་གི་རྣལ་འབྱོར་པ་འགའ་ཞིག་གིས་གདམས་ངག་

[Full Size]

ཞུས་པ་ལ་འདི་གསུངས་སོ། །ན་མོ་གུ་རུ། །ཕ་གཅིག་ཆོག་རྒྱལ་པོ་བླ་མ་ལ། །དུས་རྒྱུན་ཆད་མེད་པར་གསོལ་བ་འདེབས། །བདག་བུ་སློབ་ཀྱི་བློ་སྣ་ཆོས་ལ་བར། །སེམས་མཁའ་ཁྱབ་རྟོགས་པར་བྱིན་གྱིས་རློབས། །དུས་ད་རེས་མཐུན་རྐྱེན་ཀུན་འཛོམ་ཞིང་། །མཚན་ལྡན་རྗེ་དང་མཇལ་བ་དང་། །གདམས་ངག་ཟབ་དགུ་ཐོབ་དུས་འདིར། །དོན་མེད་དུ་མ་ལུས་པ་ཅིས་ཀྱང་འཚལ། །ལུས་ཤ་ཁྲག་འདུས་པའི་ཕུང་པོ་ལ། །རྟག་འཛིན་གྱི་ཡིད་བརྟན་མི་རུང་བས། །དགེ་སྦྱོར་ཕྱི་ཤོལ་མ་བྱེད་པར། །འཕྲལ་འཕྲལ་དུ་ལག་ལེན་ལ་ཐེབས་པར་མཛོད། །ཉམས་སུ་མ་མྱོང་བའི་སྟོང་ཤོབ་ཅན། །སྟོང་ཉིད་ཀྱི་རྦད་གོག་ཁར་ཁྱེར་ནས། །ནག་པོ་ཁ་འབྱམས་སུ་སོང་ཉེན་བདོག །ལས་འབྲས་ལ་ཞིབ་ཏིག་གལ་རེ་ཆེ། །

[Full Size]

མོས་གུས་གདུང་བ་རྒྱུན་ཆད་མེད། །བླ་མའི་གསོལ་འདེབས་ལ་ནན་ཏན་མཛོད། །དེ་ལའང་བདེན་ཞེན་མི་འཚལ་ཏེ། །བླ་མའང་རང་སེམས་ལས་ལོགས་ན་མེད། །རང་ངོ་མ་ཤེས་པས་འཁོར་བར་འཁྱམས། །ཚུགས་མེད་ཀྱི་སྙིང་རྗེ་གལ་རེ་ཆེ། །བདེན་མེད་ཀྱི་འཁྲུལ་པས་བསླུས་པ་ཡི། །བདེ་སྡུག་ཀུན་རྨི་ལམ་ལྟ་བུར་ལྟོས། །རང་སེམས་ཐ་མལ་གྱི་ཤེས་པ་འདི། །བཅས་བཅོས་མི་དགོས་ཆོས་སྐུ་ཡིན། །རྣམ་རྟོག་གི་འཆར་སྒོ་ཅི་ཤར་ཡང་། །ཆུ་དང་རླབས་བཞིན་གོ་བར་གྱིས། །སྤྱོད་པ་ཞིབ་རྩིང་ཅི་ལྟར་ཡང་། །ངོ་ལྐོག་གི་རྫུན་རི་བ་མི་འཚལ་ཏེ། །དེ་ཡང་ཆོས་དང་མཐུན་པ་གཅེས། །ཆོས་འགལ་གྱི་སྒོམ་ཆེན་ཕཊ་ཚར་རེ། །སྒོམ་པ་འཁོར་ཡུག་རྒྱུན་ཆགས་དེ། །བྱར་མེད་ལས་མེད་གལ་རེ་ཆེ། །དེ་ཡང་རྩོལ་མེད་

[Full Size]

ཀྱི་དྲན་པས་བཟུང་། །མུ་ཐོམ་དུ་ལུས་ན་ཐེ་ལེ་ལེ། །འབྲས་བུ་རང་སེམས་སངས་རྒྱས་འདི། །གཞི་ཐོག་ཏུ་ཟོབ་སྟོང་མ་ལས་ཤིང་། །རེ་དོགས་ཀྱི་གཡང་སར་མ་ལྷུང་བ། །ཐག་ཆོད་ཀྱི་ཤེས་པའི་ངེས་ཤེས་དགོས། །གང་སྣང་ཐམས་ཅད་ཆོས་སྐུ་ལ། །ཕྱོགས་འཛིན་གྱི་དབྱེ་བ་མེད་ལགས་མོད། །གཅམ་བུའི་དག་སྣང་འདིས་རང་ཚུགས་སྐྱེལ། །བླ་མའི་བརྒྱུད་པ་ཟིན་པར་མཛོད། །ཅེས་སོ། །རེ་ཞིག་གཙང་གཡོ་རུ་ན་བཞུགས་པའི་སྐབས་སྣང་བ་ཐམས་ཅད་ངོ་སྤྲོད་ཀྱི་སློབ་དཔོན་ཏུ་ཤར་བས་རྡོ་རྗེའི་གླུ་འདི་ལྟར་གསུངས་སོ། །ཨོཾ་སྭ་སྟི། །བདག་ཕྱོགས་རིས་བྲལ་བའི་རྣལ་འབྱོར་པ། །དུས་མེ་ཏོག་ལྡན་པ་ཁྱུ་མཆོག་ལོ། །ཡུལ་བཀྲ་ཤིས་འཕེལ་བའི་གཡོ་རུ་ན། །རྗེ་བླ་མའི་བཀའ་དྲིན་སྙིང་ལ་དྲན། །སྔོན་

[Full Size]

འཁོར་བ་ཐོག་མ་མེད་པ་ནས། །མཐར་ད་ལྟའི་བར་དུ་འཁྱམས་པ་ལགས། །ལར་འཁོར་བ་གཏིང་མཐའ་མེད་པ་འདིར། །སེམས་ཅན་སངས་རྒྱས་སུ་གཏོང་བའི་རིན་པོ་ཆེ། །འགྲོ་དྲུག་ཕ་མ་དྲིན་ཆེ་ཡང་། །འཁོར་བར་བསྐྱུར་རོགས་གཅིག་མ་ལགས་པ། །གཏན་གྱི་འདུན་གྲོས་ལ་སྦྱོར་མཁན་མེད། །སྙིང་གི་འདུན་གྲོས་དེ་རྗེ་ལ་ཞུས། །ལུས་ཤ་ཁྲག་འདུས་པའི་ཕུང་པོ་འདི། །ནམ་འཇིག་ལ་ངེས་པ་ཅུང་ཟད་མེད། །ཤི་རྗེས་སུ་བྲོད་པའི་གདེང་མེད་ཀུན། །རིག་པ་འདི་ནང་དུ་འགུགས་པར་ཞུ། །ང་འཆི་བས་འཇིགས་ནས་བླ་མ་བཙལ། །ཉམས་ལེན་ཀུན་རྡོ་རུས་ཐུག་པར་འབད། །ད་ཙམ་ནས་ཤི་ཡང་བློ་རེ་བདེ། །བློ་བདེ་ཚགས་སུ་ཚུད་པ་གཅིག་མི་དགོས་སམ། །ནམ་ཟླ་དུས་བཞིའི་འགྱུར་བ་འདི་དང་གཅིག །

[Full Size]

མཐོ་དམན་འབྱོར་རྒུད་ཀྱི་རི་མོ་འདི་དང་གཉིས། །རྒྱལ་ཁམས་ཡུལ་ཕྱོགས་ཀྱི་འགྱུར་ཚབས་འདི་དང་གསུམ། །འདུས་བྱས་མི་རྟག་པ་སྟོན་པའི་སློབ་དཔོན་གཅིག་གདའ། །བྱས་ཀྱང་ཟིན་མེད་ཀྱི་ཞིང་ལས་འདི་དང་གཅིག །བསྐྱངས་ཀྱང་དྲིན་མེད་ལོག་སྒྲུབ་ཀྱི་སྤྱོད་པ་དང་གཉིས། །འཐུངས་ཀྱང་ངོམས་མེད་ཀྱི་ལན་ཚྭའི་ཆུ་དང་གསུམ། །ལས་དོན་མེད་དུ་སྟོན་པའི་སློབ་དཔོན་གཅིག་གདའ། །གྲོང་ཁྱེར་འདུ་འཛིའི་ལང་ལོང་འདི་དང་གཅིག །བྲེལ་ལ་དོན་ཆུང་སྦྲང་བུའི་སྤྱོད་པ་འདི་དང་གཉིས། །སྤྲིན་དཀར་བན་བུན་གྱི་འགྱེད་འཁོར་འདི་དང་གསུམ། །འཁོར་བ་གཏེད་མེད་དུ་སྟོན་པའི་ངོ་སྤྲོད་གཅིག་གདའ། །སྣང་ལ་གཟུགས་མེད་ཀྱི་འཇའ་ཚོན་འདི་དང་གཅིག །ལྷང་ལྷང་དམིགས་མེད་ཀྱི་བྲག་ཆ་

[Full Size]

འདི་དང་གཉིས། །མེད་ཀྱང་དགའ་སྡུག་འཆར་བའི་རྨི་ལམ་དང་གསུམ། །སྣང་བ་རང་སེམས་སུ་སྟོན་པའི་སློབ་དཔོན་གཅིག་གདའ། །ཕྱི་སྣང་བ་སྒྱུ་མའི་འཁྲུལ་འཁོར་དང་གཅིག །ནང་རིག་པ་སེམས་ཀྱི་འཆར་སྒོ་དང་གཉིས། །དབྱིངས་ངོས་གཟུང་བྲལ་བའི་སྟོང་ཉིད་དང་གསུམ། །ཆུ་ལ་ཆུ་བཞག་བཞིན་དུ་དབྱེར་མེད་གཅིག་གདའ། །ལར་ཉམས་མྱོང་ཅུང་ཟད་གཅིག་སྐྱེས་ཙ་ན། །སྣང་བ་གང་ཤར་ཅི་ཤར་ངོ་སྤྲོད་དུ་འདུག །སྒོ་གསུམ་བྱ་བ་ཅི་བྱས་བོགས་འདོན་དུ་གདའ། །དོན་འདི་ལ་བསམ་ན་ཨ་ལ་ལ། །ད་ཡང་མི་ཚེའི་ལྷག་མ་ཅུང་ཟད་འདི། །ཉམས་ལེན་སྒྲུབ་པ་ལ་སྐྱེལ་བ་དང་། །དབེན་པའི་རི་ཁྲོད་ཟིན་པ་དང་། །གང་ཤར་ལམ་དུ་ལོངས་པ་རུ། །དྲིན་ཆེན་བླ་མ་རིན་ཆེན་གྱིས། །སྔར་ཚད་

[Full Size]

གཟུང་མེད་པར་བྱིན་བརླབས་མོད། །ད་ཡང་བྱིན་གྱིས་བརླབ་ཏུ་གསོལ། །སྐྱབས་གཞན་ན་མེད་དོ་ཆོས་ཀྱི་རྗེ། །ཏཱ་ར་ནཱ་ཐས་རྒྱལ་ཁམས་ཀྱི་འགྱུར་ལུགས་འདྲ་མཐོང་བས། །སེམས་ལ་ངོ་སྤྲོད་པ་ལྟར་གྱུར་པའི་སྐབས་ཤིག་ཏུ་གླུར་བླངས་པའོ། །ཡར་འབྲོག་སྟག་ལུང་དུ་ཚོགས་ཀྱི་འཁོར་ལོ་མཛད་པའི་ཚེ་རྡོ་རྗེ་ནཱ་དའི་རང་སྒྲ་བསྒྲགས་པ་ནི། །ན་མོ་མ་ཧཱ་མུ་དྲཱ་ཡ། །དབྱིངས་བདེ་བ་ཆེན་པོའི་ནམ་མཁའ་ལ། །རིག་པ་ཡེ་ཤེས་ཕྱོགས་མེད་ཀྱི་རྩལ། །མཁྱེན་བརྩེ་ནུས་པའི་གཟའ་སྐར་བཀྲ། །རྗེ་དཔལ་ལྡན་བླ་མ་རྡོ་རྗེ་འཆང་། །སྤྲང་གུས་པས་ཁྱེད་ལ་གསོལ་བ་འདེབས། །ལར་བྱིན་གྱིས་རློབས་ཤིག་ཐུགས་རྗེ་ཅན། །ཡ་གི་ཤེད་དག་པའི་ཞིང་ཁམས་ན། །སྐུ་མི་འགྱུར་བདེ་བ་ཆེན་པོའི་ཐུགས། །ཁོང་རྡོ་རྗེ་འཆང་ཞེས་

[Full Size]

གྲགས་པ་དེ། །ཡོངས་དཀྱིལ་འཁོར་གྱི་གཙོ་བོ་ཡིན་ནོ་སྐད། །དེ་གཞན་ན་ཡོད་པ་མ་ཡིན་ཏེ། །ཕ་རྩ་བའི་བླ་མ་གཅིག་པུ་ལགས། །རྗེ་ཁྱེད་ཀྱི་ཐུགས་རྗེའི་བཀའ་དྲིན་གྱིས། །མི་ང་ཡང་བརྟན་པ་ཅུང་ཟད་ཟིན། །གཞི་མ་བཅོས་གཉུག་མའི་གནས་ལུགས་ལ། །ཐག་ཆོད་ཀྱི་གདེངས་འདི་ཉམས་སུ་དགའ། །སེམས་གསལ་ལ་དྭངས་པའི་རང་སྣང་ལ། །མི་འཆར་བྱ་བ་ནི་གཅིག་ཀྱང་མེད། །དེ་ཤར་ཙམ་ཉིད་ནས་གྲོལ་བ་འདི། །རང་གྲོལ་གྱི་རྣལ་འབྱོར་མ་ལགས་སམ། །ཡོངས་རང་ངོ་ཤེས་པའི་ཡེངས་མེད་འདི། །ཞི་གནས་ཀྱི་སྒོམ་ཞེས་བྱ་བ་ལགས། །རང་བཞིན་མ་རྙེད་པའི་རྩ་བྲལ་འདི། །ལྷག་མཐོང་ཤེས་རབ་མ་ལགས་སམ། །རྗེ་རང་སེམས་དང་དབྱེར་མེད་དུ་ཤེས་ཙ་ན། །ཆོས་སྐུ་ཞལ་མཇལ་ལ་དཀའ་རྒྱུ་མེད། །

[Full Size]

རང་ཞལ་མཐོང་བའི་རྣལ་འབྱོར་ལ། །འདུ་འབྲལ་མེད་པའི་མོས་གུས་སྐྱེས། །བདག་དལ་འབྱོར་མི་ལུས་ཐོབ་པ་དང་། །སྤྱིར་དུ་ཆོས་དང་མཇལ་བ་དང་། །སྒོས་སུ་གསང་སྔགས་ཐོབ་པ་དང་། །ཡང་སྒོས་ཟབ་དོན་རིག་པ་འདི། །སྔོན་ཅུང་ཟད་བསོད་ནམས་བསགས་པའི་རྟགས། །བློ་ཅུང་ཟད་ཆོས་ལ་སོང་བ་དང་། །རྗེ་མཚན་ལྡན་བླ་མས་བསྐྱངས་པ་དང་། །ཆོས་མདོ་རྒྱུད་ལ་ངེས་པ་རྙེད་པ་དང་། །འཕྲལ་ཆགས་སྡང་ཕྱོགས་རིས་མེད་པ་འདི། །ཡུལ་གང་དུ་བསྡད་ཀྱང་སྐྱིད་པར་གདའ། །ཚེ་འདིར་ལྟས་ཀྱི་བདེ་བའི་མགོ་བསྐོར་དང་། །གཏམ་སྙན་གྱི་ཕྱེ་འཐོར་མ་བླངས་ཤིང་། །དབང་ཐང་ལ་སྨོན་སེམས་མ་བྱས་པས། །དུས་ནམ་ཡང་བློ་སེམས་བདེ་མོར་བྱུང་། །ཕྱི་ཆོས་སུ་བརྫུས་པའི་འཇིག་རྟེན་

[Full Size]

དང་། །ངན་ཁོང་དུ་བཟུང་བའི་ངག་སྙན་དང་། །ཕུག་རང་འདོད་ཁ་རྒྱལ་གྱི་གཞན་དོན་བྱེད། །དོན་འདི་གསུམ་སྤངས་པས་ཆོས་སུ་སོང་། །ཚུལ་འདི་ཡང་དཔལ་ལྡན་བླ་མའི་དྲིན། །ད་དུང་ཡང་གསོལ་བ་འདེབས་ལགས་པས། །བྱིན་གྱིས་རློབས་ཤིག་ཐུགས་རྗེ་ཅན། །རྗེ་ཁྱེད་ཀྱི་ཐུགས་རྗེའི་བྱིན་རླབས་ཀྱིས། །དེང་ཕྱོགས་དུས་གནས་སྐབས་ཐམས་ཅད་དུ། །བཀྲ་ཤིས་ཕུན་སུམ་ཚོགས་པར་ཤོག །ཅེས་སོ། །དཔལ་ལྡན་ཤངས་པའི་གསེར་ཆོས་ཀྱི་ལམ་རིམ་དང་འབྲེལ་བའི་ཞལ་གདམས་བདུད་རྩིའི་སྙིང་པོ་ཞེས་བྱ་བ་ནི། །ན་མོ་གུ་རུ་བེ། །དབྱིངས་སྐྱེ་བ་མེད་པའི་ནམ་མཁའ་ལ། །གདངས་འགགས་པ་མེད་པའི་དཀྱིལ་འཁོར་རྒྱས། །ཐུགས་རྗེའི་འོད་བརྒྱ་འགྱེད་པ་ཡི། །ཕ་བླ་མ་རྡོ་རྗེ་འཆང་ལ་འདུད། །

[Full Size]

རྗེ་དེ་ཉིད་ཀྱི་ཐུགས་རྗེའི་ཆར་སྤྲིན་ལས། །ཆོས་གདམས་ངག་གི་ཆར་རྒྱུན་ཕབ་པ་དེ། །མི་ཁོ་བོའི་སེམས་ཀྱི་ཞིང་སར་བབས། །འབྲས་བུ་ཉམས་རྟོགས་ཀྱི་ལོ་ཏོག་རྒྱས། །ཁྱེད་སྐལ་ལྡན་ཡོད་ན་འདི་ལས་ལོང་། །དཔལ་རྡོ་རྗེ་འཆང་ཆེན་སྐད་པ་དེས། །རྒྱུད་མཐའ་ཡས་གསུངས་པའི་སྙིང་པོ་ལྔ། །ཟབ་དགུ་བསྡུས་པའི་ཉེ་ལམ་ཞིག །མིང་ནི་གུ་ཆོས་དྲུག་ཞེས་བྱ་བ། །མ་མཁའ་འགྲོ་ཀུན་གྱི་གསང་ཚིག་དེ། །ངེས་གསང་བདུད་རྩིའི་སྙིང་པོ་དེ། །ཕ་བླ་མའི་ཞལ་གྱི་བདུད་རྩི་དེ། །དུས་དེ་རིང་རྒྱལ་ཁམས་ཀྱི་རྣལ་འབྱོར་པ། །ཕྱོགས་མེད་ཀྱི་ལྡུམ་བུར་སྤྱོད་པ་ཞིག །ངེས་མེད་ཀྱི་ཚུལ་ལ་སྤྱོད་བཞིན་དུ། །གནས་རི་གོང་དཔལ་གྱི་གཞལ་ཡས་འདིར། །དོན་སྙིང་པོ་རྡོ་རྗེའི་གླུ་རུ་ལེན། །གནས་སྤྱི་བོ་བདེ་

[Full Size]

ཆེན་གྱི་འཁོར་ལོ་ལས། །བརྡ་སྐྱེ་མེད་མཚོན་པ་ཨ་ཡི་བརྡ། །འཕྲུལ་བདུད་རྩི་འབབ་པ་དམིགས་པའི་གནད། །ཉམས་སྡིག་སྒྲིབ་དག་པའི་ངེས་ཤེས་ཅན། །མིང་ཡང་དག་བྱེད་སྟོང་ར་ཟེར། །འདི་སྔོན་འགྲོ་ལ་གནད་དུ་ཆེ་བ་ཞིག་གདའ། །རྟེན་རྡོ་རྗེའི་ལུས་ལ་རྩ་ཐིག་གི་འགྲོས། །གཞི་གནད་དུ་ཆེ་བ་འཁོར་ལོ་བཞི། །འཕྲལ་འབར་འཛག་རང་ལུས་དགའ་བཞིའི་འགྲོས། །འདི་རྒྱུད་སྡེའི་ངེས་གསང་གནད་དུ་ཆེ། །རྐྱེན་ཐབས་དང་ཤེས་རབ་འཛོམ་པ་ལས། །གཞི་རང་སེམས་གཉུག་མར་ངོ་སྤྲོད་པ། །རྟེན་ཐིག་ལེ་དབབ་ལྡོག་དགའ་བཞིའི་འགྲོས། །དེ་ཡིན་ནི་ལས་ཀྱི་གཏུམ་མོ་ཡིན། །ཟེར་ནི་གཞན་ལུས་ཀྱི་གདམས་པ་ཟེར། །འདོད་ཡོན་ལམ་འཁྱེར་ལ་གནད་དུ་ཆེ། །མི་ཁོ་བོས་བདེ་སྟོང་དབྱེར་མེད་དུ་བསྒོམས། །ཁྱེད་འདིར་

[Full Size]

འདུས་ཀྱང་བདེ་སྟོང་དབྱེར་མེད་སྒྲུབས། །ཚེ་གཅིག་གིས་སངས་རྒྱས་སྒྲུབ་འདོད་ན། །ལམ་གཞན་ལ་མེད་དོ་སྐལ་ལྡན་ཀུན། །བདེ་དྲོད་རང་འབར་གཅིག་མཛད་དེ་འཚལ། །ཕྱི་སྣང་བ་སྒྱུ་མའི་ལམ་ཁྱེར་དེ། །ལུས་བྱས་ཀྱང་སེམས་ཀྱི་རང་སྣང་ཙམ། །རང་སྣང་ལྷ་སྐུ་རང་ཤར་ལ། །སྒྱུ་མ་ལྟར་རང་བཞིན་མེད་པ་ཞིག །སྒྱུ་ལུས་ཀྱི་གདམས་པའི་སྙིང་པོའི་དོན། །མི་ངས་ཀྱང་འདི་ལ་ཉམས་ལེན་བྱས། །ཆགས་སྡང་གི་སྣང་བ་རང་སར་དག །ཨ་འཐས་སྦྲུལ་གྱི་མདུད་པ་ཞིག །ཁྱེད་འདིར་འདུས་ཀྱང་ཨ་འཐས་བཤིག་པ་གཅིག་འཚལ། །འཕྲལ་འདུན་པ་སྒྱུར་བའི་གནད་ཀ་ལས། །རིག་པའི་རང་རྩལ་ཕྱོགས་མེད་ཀྱི་གདངས། །དངོས་འཛིན་གྱི་འཆིང་བ་འགྲོལ་བ་ལ། །ངེས་མེད་དུ་སྦྱོང་བ་གནད་དུ་ཆེ། །

[Full Size]

མིང་ཡང་རྨི་ལམ་གྱི་གདམས་ངག་ཟེར། །སྒྱུ་ལུས་པ་རྣམས་ལ་མཁོ་བ་ལགས། །གཞི་གདོད་མའི་རང་ཞལ་ལྟ་བ་དང་། །རྐྱེན་མོས་གུས་གདུང་བའི་ཤུགས་དྲག་དང་། །གནད་རླུང་སེམས་འདུས་པའི་རྟེན་འབྲེལ་ལས། །སེམས་རྡོ་རྗེའི་རང་བཞིན་འོད་གསལ་ཆེ། །དུས་ཉིན་པར་རྩོལ་བ་བསྐྱེད་བསྐྱེད་ནས། །མཚན་མོ་རང་ཤར་གྱི་གསལ་སྣང་ཅན། །གསལ་ཙམ་ཉིད་ནས་སྟོང་པར་ཤར། །གསལ་སྟོང་དབྱེར་མེད་ཀྱི་འོད་གསལ་ཟེར། །ཞུ་བདེ་དང་གཉུག་མ་འདྲེས་པ་ལས། །ཉམས་བདེ་ཙམ་ཉིད་ནས་རང་དག་གཅིག །བདེ་སྟོང་དབྱེར་མེད་ཀྱི་འོད་གསལ་ཡིན། །སེམས་རང་བཞིན་གདོད་ནས་དག་པ་ལ། །སྒྲིབ་གཉིས་བརྫུན་གྱི་སྟོང་ཟོབ་ཡལ། །དག་པ་གཉིས་ལྡན་གྱི་འོད་གསལ་ཡིན། །འོད་གསལ་ལམ་གྱི་འབྲས་བུ་དེ། །རྗེ་རྡོ་

[Full Size]

རྗེ་འཆང་ཆེན་གྱི་སྤྱན་སྔ་རུ། །གདམས་ངག་རྣམས་ཕུ་ཐག་ཆད་པར་ཞུས། །ཞུས་པ་ཙམ་ལ་ཡང་མ་བཞག་པར། །རང་སེམས་དང་འདྲེས་པའི་ཉམས་ལེན་བྱས། །བན་བུན་ཉམས་ཀྱི་འཆར་སྒོ་དག །འགྱུར་མེད་རྟོགས་པའི་གཏན་ཡུལ་ཟིན། །ཁྱེད་འདིར་འདུས་ཀྱང་འོད་གསལ་རྩེ་གཅིག་ཏུ་སྒོམས། །ངོ་མཚར་རླུང་སེམས་འཕྲུལ་གྱི་གནད། །སེམས་རྩེ་གཅིག་གྱེན་དུ་འཕང་བ་དང་། །ཅིར་སྣང་ལ་བར་དོའི་འདུན་པ་སྦྱོངས། །གང་ཤར་ལ་དག་སྣང་ལམ་ཁྱེར་བྱ། །འཕོ་བ་དང་བར་དོའི་གདམས་ངག་ཟེར། །ལས་དང་པོ་པ་ལ་གནད་དུ་ཆེ། །སེམས་མ་བཅོས་གཉུག་མའི་རང་ངོ་ལ། །གང་ཤར་རྗེན་ཆེར་གྱི་ངང་ལ་ཞོག །སྒོ་གསུམ་མ་བཅོས་སོ་མའི་ངང་། །རང་བབས་ལྷུག་པའི་གདམས་པ་ཟེར། །

[Full Size]

སལ་ལེ་དང་སིང་ངེའི་ངང་དུ་སྒོམས། །ལྷོད་དེ་དང་ཤིགས་སེའི་རྒྱ་ཡན་གྱི་ངང་། །སེམས་གང་ཤར་ངོ་ཤེས་ཀྱི་རྣལ་འབྱོར་པ། །ཤར་ཙམ་ཉིད་ནས་རང་སར་གྲོལ། །མིང་ཡང་རང་གྲོལ་གྱི་གདམས་ངག་ཟེར། །གསལ་བ་དང་སྟོང་པ་ཟུང་འཇུག་གསུམ། །སེམས་གནས་སམ་འགྱུའམ་ཅི་ལྟར་རུང་། །གདོད་ནས་རང་གནས་ཀྱི་ངོ་ཤེས་ལ། །སྐུ་གསུམ་རང་ཤར་གྱི་གདམས་ངག་ཟེར། །འགྱུ་བ་འགྱུ་སྟོང་གི་ངང་དུ་ཐིམ། །མཉམ་རྗེས་ཀྱི་ས་མཚམས་ཞིག་ནས་ཐལ། །མདོ་རྒྱུད་ཀྱི་མཁྱེན་རྒྱ་ཅན་མང་ལགས་ཤིང་། །གདམས་ངག་གྱི་བདག་པོ་མང་མོད་ཀྱང་། །དོན་འདི་ལས་མེད་ཅེས་བྱ་བ་ཉུང་། །རང་གྲོལ་ཕྱག་ཆེན་གྱི་རྣལ་འབྱོར་འདི། །མདོ་རྒྱུད་ཀྱི་སྙིང་པོར་ལགས་པར་འཁུམས། །མི་ཁོ་བོས་དེ་ལྟར་ཉམས་སུ་བླངས། །

[Full Size]

ཁྱེད་འདིར་འདུས་ཀྱང་དེ་ལྟར་ཉམས་ལེན་མཛོད། །རང་ཤར་ཕྱོགས་མེད་ཀྱི་དག་སྣང་གཅིག །གང་སྣང་མོས་གུས་ཀྱི་ལམ་ཁྱེར་ལ། །མོས་གུས་ཀྱི་རྩ་བ་བླ་མར་ཤར། །བླ་མ་ཡི་དམ་དབྱེར་མེད་ཀྱི་ངང་། །ཡི་དམ་དེ་སྒྱུ་མར་རང་ཤར་གཅིག །རང་ཤར་མ་བཅོས་ལྷུག་པའི་གདངས། །ཡིན་ནི་དག་སྣང་ཕྱོགས་མེད་ཀྱི་ཁྲིད། །ཟེར་ནི་ལམ་ཁྱེར་རྣམ་གསུམ་ཟེར། །མི་ཁོ་བོས་ཀྱང་དག་སྣང་ཕྱོགས་མེད་དུ་སྦྱངས། །ཁྱེད་འདིར་འདུས་ཀྱང་དག་སྣང་ཕྱོགས་མེད་དུ་སྦྱོངས། །ཐབས་འགགས་མེད་ཀྱི་གནད་དེ་དག་སྣང་ལ་གདའ། །སེམས་གསལ་སྟོང་ལྷ་སྐུའི་སྣང་ཆ་དང་། །རང་རིག་པ་འགྱུར་མེད་བདེ་བའི་ངང་། །དེ་དང་པོ་ཉིད་ནས་སྐྱེ་བ་མེད། །གང་མ་སྐྱེས་པ་ལ་འགག་པ་མེད། །སེམས་སྐྱེ་འཆི་མེད་པའི་རང་

[Full Size]

བཞིན་དེ། །འཕྲལ་དྲིན་ཅན་གྱི་བླ་མས་ངོ་སྤྲོད་པ། །མིང་ཡང་རང་སེམས་འཆི་མེད་ཟེར། །བསྐྱེད་རྫོགས་སྙིང་པོར་དྲིལ་བ་གཅིག་ན་གདའ། །རླུང་དང་རྣམ་རྟོག་སེམས་གསུམ་པོ། །དབྱིངས་སུ་བསྡོམས་པ་ཉམས་ལེན་གྱི་གནད། །འཁྲུལ་འཁོར་གྱི་ཁ་བསྒྱུར་ཉམས་ལེན་གྱི་རྩལ། །གཞན་ལུས་ལ་ཐོགས་པ་མེད་པ་ཡི། །ཐིག་ལེ་འཛག་མེད་ཀྱི་རང་གྲོལ་ལས། །དགའ་བཞི་དབྱིངས་སུ་ངོ་སྤྲོད་པ། །མིང་ནི་རང་ལུས་འཆི་མེད་ཟེར། །རླུང་སེམས་རང་དབང་དུ་ཆུབ་ཅིག་རྣལ་འབྱོར་པ། །འཕྲལ་ཕྲིན་ལས་རྣམ་བཞིའི་སྒྲུབ་པའི་གནད། །ཕ་དྲིན་ཅན་རྩ་བའི་བླ་མ་དང་། །མྱུར་མཛད་ཡེ་ཤེས་མགོན་པོ་གཉིས། །མཚན་ཐ་དད་དོན་ལ་ཁྱད་པར་མེད། །མོས་གུས་ཉག་གཅིག་གི་རྣལ་འབྱོར་ལས། །དངོས་གྲུབ་རྣམ་གཉིས་ཀྱི་ཀློང་བརྡོལ་

[Full Size]

ནས། །འགྲོ་དོན་ལྷུན་གྲུབ་དུ་འཆར་བ་ལགས། །དབྱངས་མཆོད་པ་འབུལ་ལོ་མཚན་ལྡན་རྗེ། །དཔལ་རྡོ་རྗེ་འཆང་ཆེན་ནས་བརྩམས་ཏེ། །ཕ་རྩ་བའི་བླ་མ་ཐམས་ཅད་ལ། །ཉམས་དབྱངས་ཀྱི་གླུ་འདི་མཆོད་པ་འབུལ། །ཁྱེད་འདིར་འདུས་ཀྱི་སྐལ་ལྡན་ཕོ་མོ་ལ། །ངེས་གསང་བདུད་རྩིའི་རོ་མཆོག་འདི། །དགའ་སྟོན་གྱི་ཚུལ་དུ་བྱིན་པ་ལགས། །བདག་ཕྱོགས་རིས་མེད་པའི་རྒྱལ་ཁམས་པ། །རོ་སྙོམས་ཀྱི་རྣལ་འབྱོར་གུ་ཡངས་པོར། །ཆོས་བརྒྱད་ཀྱི་དགྲ་མཁར་ཞིག་པ་ཞིག །གཉུག་མའི་གཏན་ས་ཟིན་པ་ཞིག །དངོས་ཀུན་གྱི་རང་ཞལ་ལྟ་བ་པོ། །ཆོས་ཐ་སྙད་ཚིག་ལ་མ་རྨོངས་ཀྱང་། །མཁས་འདོད་ཀྱི་བཟང་འཛིན་དབྱིངས་སུ་གྲོལ། །འཕྲལ་ལུས་སེམས་ཐ་མལ་དུ་སྣང་བ་ཙམ། །དྲིན་ཅན་གྱི་མཁན་

[Full Size]

པོས་གནང་བའི་མིང་། །ཀུན་དགའ་སྙིང་པོ་ཞེས་བྱ་ཡིན། །རང་སེམས་ཀྱི་རང་བཞིན་ངོ་སྤྲོད་པ། །མི་སངས་རྒྱས་སུ་གཏོང་བའི་བཀའ་དྲིན་ཅན། །ཕ་བླ་མས་བཀའ་དྲིན་སྩལ་བ་ནི། །མིང་ཏཱ་ར་ནཱ་ཐ་ཞེས་བྱ་ཡིན། །དེང་སྙིང་གཏམ་གྱི་ཚུལ་དུ་སྨྲས་པ་ཡིན། །ཅེས་པའང་རང་ལོ་ཉེར་ལྔ་པ་ལ་རི་གོང་དཔལ་གྱི་མགོན་པོའི་གནས་རང་བྱུང་མགོན་པོའི་དྲུང་དུ་ཚོགས་ཀྱི་འཁོར་ལོའི་ཚེ་གླུར་བླངས་པ་ཨིྀྠ། །རྗེ་བཙུན་ཐམས་ཅད་མཁྱེན་པ་ཉིད་མཆོག་གི་གྲུབ་པ་མངོན་ཏུ་གྱུར་ནས་ཤུགས་འབྱུངས་གི་སྤྱོད་པས་འགྲོ་བ་ཚད་མེད་པ་འདུལ་བའི་ཚེ་རྟགས་བདུན་བཀྲ་ཤིས་ཀྱི་རྡོ་རྗེའི་མགུར་དབྱངས་གསུངས་པ་ནི། །ན་མོ་གུ་རུ། བདེ་ཆེན་ཆོས་སྐུའི་རང་ཉམས་ལས། །ཕྱོགས་མེད་ཀྱི་ཐུགས་རྗེའི་འགྲོ་དོན་ཤར། །ཕ་རྡོ་རྗེ་འཆང་གི་ཞབས་ལ་འདུད། །

[Full Size]

བདག་འདིར་ཚོགས་ལ་བྱིན་གྱིས་བརླབ་ཏུ་གསོལ། །གཞན་དོན་ཕྱོགས་མེད་དུ་འཕེལ་བ་འདི། །སེམས་སྟོང་ཉིད་སྙིང་རྗེར་ཤར་བའི་རྟགས། །གནས་ལུགས་ཀྱི་རང་ངོ་འཕྲོད་པ་འདི། །མོས་གུས་ཚད་དུ་ཕྱིན་པའི་རྟགས། །ནམ་ཡང་ཡེངས་པ་མེད་པ་འདི། །རྩ་བྲལ་གྱི་གནས་ལུགས་རྟོགས་པའི་རྟགས། །རྣམ་རྟོག་གི་སྐྱེ་ཐག་ཆོད་པ་འདི། །རྟོག་མེད་ཀྱི་གནས་ལུགས་རྟོགས་པའི་རྟགས། །བདེ་སྟོང་གི་ཉམས་མྱོང་རྒྱུན་ཆད་མེད། །རྩ་ཐིག་རླུང་གསུམ་དུལ་བའི་རྟགས། །སྤྱོད་པ་གཟའ་གཏད་དང་བྲལ་བ་འདི། །ཆོས་བརྒྱད་ཀྱི་རླུང་དམར་ཞི་བའི་རྟགས། །ཐོབ་འདོད་ཀྱི་རེ་དོགས་ཞིག་པ་འདི། །རང་སེམས་སངས་རྒྱས་སུ་ངེས་པའི་རྟགས། །རྟགས་འདི་བདུན་ཚང་བའི་རྣལ་འབྱོར་པ། །སེམས་བདེ་ཞིང་སྐྱིད་པའི་

[Full Size]

རང་སོ་ཟིན། །བློ་མི་བདེ་མི་གདའ་བདེ་མོར་གདའ། །སླར་བདེ་ཞིང་སྐྱིད་པའི་བཀྲ་ཤིས་ཤོག །ཅེས་གསུངས་སོ། ༈ །གྲུབ་ཆེན་ཐང་སྟོང་རྒྱལ་པོའི་དབོན་ལོ་ཆེན་འགྱུར་མེད་བདེ་ཆེན་གྱི་གསུང་མགུར་ཆོས་དྲུག་གི་གསོལ་འདེབས་བདེ་ཆེན་ཆར་འབེབས་ཞེས་བྱ་བ། ན་མཿཤྲཱི་ཛྙཱ་ན་ཌཱ་ཀི་ནི་གུཔྟཱ་ཡཻ། །མཁའ་སྤྱོད་ཀྱི་གཙོ་མོ་ཐུགས་རྗེ་ཅན། །ཡེ་ཤེས་ཀྱི་གཙོ་མོ་ནི་གུ་མ། །བུ་གདུང་བས་གསོལ་བ་འདི་འདེབས་ན། །སྤྲོས་བྲལ་གྱི་དབྱིངས་ནས་དགོངས་སུ་གསོལ། །གསང་ཆེན་གྱི་དཀྱིལ་འཁོར་སྟོན་མཁས་མས། །དགའ་བཞི་ཡི་དབང་བསྐུར་ད་སྩོལ་ཅིག །སྐྱེ་མེད་ཀྱི་སྒོ་མོ་འབྱེད་མཁས་མས། །དག་བྱེད་ཀྱིས་སྡིག་སྒྲིབ་ད་སྦྱོངས་ཤིག །ཨ་ཤད་ཀྱི་གཏུམ་མོ་སྤྲོ་མཁས་མས། །སྙིགས་མ་ཡི་ཕུང་ཁམས་ད་སྲེགས་

[Full Size]

ཤིག །ཧཾ་ཡིག་གི་བདེ་ཆེན་འཇོ་མཁས་མས། །ལྷན་སྐྱེས་ཀྱི་ཡེ་ཤེས་ད་སྩོལ་ཅིག །སྒྱུ་མ་ཡི་རང་ཉམས་སྟོན་མཁས་མས། །ཆགས་སྡང་གི་བདེན་འཛིན་ད་ཤིགས་ཤིག །རྨི་ལམ་གྱི་དུས་ན་སྤྲུལ་བསྒྱུར་མས། །ཉིང་འཁྲུལ་གྱི་འཆིང་བ་ད་ཆོད་ཅིག །ལྷུན་གྲུབ་ཀྱི་འོད་གསལ་འཆར་མཛད་མས། །གཏི་མུག་གི་མུན་པ་ད་སོལ་ཅིག །འདའ་ཀ་ཡི་དུས་སུ་ཡང་འདྲེན་མས། །མཁའ་སྤྱོད་ཀྱི་གནས་སུ་ད་ཁྲིད་ཅིག །བར་དོ་ཡི་འཁྲུལ་སྣང་འཇོམས་མཛད་མས། །གཞོམ་མེད་ཀྱི་ལོངས་སྐུ་ད་སྩོལ་ཅིག །ཅེས་ཆོས་སྨྲ་བ་འགྱུར་མེད་བདེ་ཆེན་གྱི་གསོལ་བ་བཏབ་པའོ། ༈ །རྡོ་རྗེ་བཙུན་མོས་རྗེས་སུ་བཟུང་བ་ཉམས་རྟོགས་མཁྱེན་རབ་ཀྱི་རྩ་ཁ་བྱེ་བ་ཞྭ་ལུ་པ་རིན་ཆེན་བློ་གསལ་བསྟན་སྐྱོང་གི་གསུང་མགུར་ཕྱག་རྒྱ་ཆེན་པོ་

[Full Size]

གྭའུ་མའི་དྲན་ཐོའི་ཉམས་གླུ་ཡིད་བཞིན་ནོར་བུ་ཞེས་བྱ་བ། །མ་མཁའ་འགྲོའི་གཙོ་མོ་ནི་གུ་མའི། །ཐུགས་བདུད་རྩིའི་ཡང་ཞུན་ཏཱ་ལའི་འདབ། །ཚིག་ཡི་གེར་བཏབ་ནས་གྭའུར་བཅུག །རྗེ་ཁྱུང་པོའི་མགུལ་ལ་མཛེས་སོ་སྐད། །མགོན་དེ་དང་དབྱེར་མེད་ཆོས་ཀྱི་རྗེ། །ཕ་མཐུ་སྟོབས་ཞབས་ཀྱི་བཀའ་དྲིན་ལས། །ཆོས་ཕྱག་རྒྱ་ཆེན་པོ་གྭའུ་མའི། །ཁྲིད་དམིགས་རིམ་ཐོབ་པའི་དྲན་ཐོ་བརྗོད། །ལམ་སྔོན་འགྲོ་རང་བབས་རྣམ་གསུམ་དང་། །དོན་དངོས་གཞི་སྐྱོན་ཚོགས་བཞི་ལས་གྲོལ། །མཐར་སྐུ་བཞིའི་རང་ཞལ་ལྷུན་གྲུབ་པ། །དེ་ལམ་བཟང་འདི་ཡི་ཁྱད་ཆོས་ཉིད། །ཨ་ཧོ། །མ་བཅོས་འཕྲོ་བཅད་དང་ཞེ་བཅད་སྒྲིམ་ཞིང་གློད། །མཐོ་དམན་ཉེ་རིང་དང་ཆོས་སྤྱོད་སྔགས་དང་སྒྲ། །སྤྱོད་ལམ་ངེས་མེད་ཞི་གནས་སེམས་འཛིན་ཡིན། །

[Full Size]

ངོ་བོ་སྐྱེ་འགགས་དང་ཡུལ་སྣང་རྣམ་རྟོག་འཚོལ། །དེ་གཉིས་ཡོད་མེད་ཀྱི་ཁྱད་ཚོལ་གཉིས་རེ་དྲུག །རང་བཞིན་ཆོས་དབྱིངས་སུ་སེམས་ཐག་བཅད་དེ་བདུན། །ལྷག་མཐོང་ངོ་སྤྲད་དེ་ཙིཏྟའི་དཀྱིལ་དུ་ཞོག །རང་བབ་རྣམ་གསུམ་ལ་སྒོམ་ཚུལ་བཅོ་བརྒྱད་ཡོད། །ཀྱེ་ཧོ། །ཉེ་དྲགས་ནས་དེ་ཀོ་ངོ་མ་ཤེས། །ཟབ་དྲག་ནས་དེ་ཉིད་ངོས་མ་ཟིན། །སླ་དྲགས་ནས་དེ་ལ་ཡིད་མ་ཆེས། །བཟང་དྲག་ནས་དེ་བློར་མ་ཤོང་འདུག །ད་ཆོས་སྐུ་ལོངས་སྐུ་སྤྲུལ་སྐུ་གསུམ། །སེམས་གསལ་སྟོང་ཟུང་འཇུག་སྦུབས་ནས་ཐོན། །དེ་དབྱེར་མེད་ངོ་བོ་ཉིད་ཀྱི་སྐུ། །རང་རིག་སྟོང་སེམས་ཀྱི་རྩལ་དུ་རྫོགས། །མདངས་མོས་གུས་སྙིང་རྗེ་ཐབས་དང་གསུམ། །ཐབས་རླུང་དང་བསྐྱེད་རིམ་ཟུང་འཇུག་བསྲེ། །བོགས་རྒྱངས་ཀྱིས་ཐོན་

[Full Size]

པའི་ལག་ཆ་ཡིན། །གེགས་བྱུང་ན་སེལ་ཐབས་གཉིས་པོ་ཤོག །ཕ་བླ་མའི་མན་ངག་ཡིད་བཞིན་ནོར། །སེམས་བརྗེད་ངས་རྐུན་པོས་འཕྲོག་དོགས་ནས། །དཔལ་ཞྭ་ལུ་རི་ཕུག་ཡང་དབེན་དུ། །བན་བློ་གསལ་བསྟན་སྐྱོང་ཞེས་པས་སྨྲས། །ཕྱག་རྒྱ་ཆེན་པོ་གྭའུ་མའི་དྲན་ཐོའི་ཉམས་གླུའོ། ༈ །རྩོད་དུས་ཤིན་ཏུ་སྙིགས་མའི་སྐབས་སུ་ཨུ་དུམྦ་ར་ལྟར་དཀོན་ལ་དོན་ཆེ་བ་ངོ་མཚར་སྤྲུལ་པའི་སྐྱེས་མཆོག་བཀའ་བབས་བདུན་གྱི་མངའ་བདག་འགྲན་ཟླ་དང་བྲལ་བའི་རྣམ་པར་ཐར་པ་རྨད་དུ་བྱུང་བས་གངས་ཅན་གྱི་ཁོར་ཡུག་ན་ཡོངས་སུ་གྲགས་པའི་མཚན་འཇམ་དབྱངས་མཁྱེན་བརྩེའི་དབང་པོའི་དགོངས་ཀློང་ཡེ་ཤེས་ཀྱི་གཏེར་མཛོད་ནས་ཤུགས་འབྱུང་དུ་བརྡོལ་བའི་རྡོ་རྗེའི་གླུ་ཟབ་ཅིང་རྒྱ་ཆེ་བ་ལས་སྐབས་སུ་བབས་པ་གྲུབ་པའི་དབང་ཕྱུག་བརྩོན་

[Full Size]

འགྲུས་བཟང་པོའི་ནང་གི་རྣམ་པར་ཐར་པ་ལ་བསྔགས་པའི་རྡོ་རྗེའི་ཐོལ་གླུ་རིག་པ་འཛིན་པའི་མེ་ཏོག་ཅེས་བྱ་བ། ཨ་ཧོ། །སྲིད་གསུམ་དུས་གཅིག་ཟ་བའི་ཙཎྜཱ་ལིར། །ཧཾ་ཡིག་བདུད་རྩིའི་བགོ་བཤར་སྦྱིན་པ་ཡིས། །འབར་འཛག་དབུ་མར་ཐིམ་པའི་ཡེ་ཤེས་སྐུ། །བདེ་སྟོང་གཏུམ་མོའི་ཕ་རོལ་ཕྱིན་ལ་འདུད། །དཀར་དམར་ཐིག་ལེའི་འབྲོས་འདེད་ལ་གོམས་པས། །འཕོ་མེད་དགའ་བས་ཚིམས་པའི་ཚུལ་ཁྲིམས་ཀྱིས། །ཉིང་འཁྲུལ་རང་སར་དག་པའི་ནཱ་དའི་གསུང་། །གསལ་སྟོང་རྨི་ལམ་ཕ་རོལ་ཕྱིན་ལ་འདུད། །རབ་ཞི་སྐྱེ་མེད་བདུད་རྩིའི་རླབས་འཐུངས་པས། །ཟབ་མོའི་དོན་ལ་བཟོད་པའི་པདྨོ་ནི། །ཟླ་བྲལ་མཚར་སྡུག་རྫོགས་པའི་རྡོ་རྗེའི་ཐུགས། །རིག་སྟོང་འོད་གསལ་ཕ་རོལ་ཕྱིན་ལ་འདུད། །ཆོས་ཀུན་

[Full Size]

བདེན་མེད་གོམས་པའི་བློ་གྲོས་དང་། །གཅིག་ཏུ་འཛའ་བའི་བརྩོན་འགྲུས་བརྩམས་པ་ཡིས། །ཉེ་འཁོན་ལས་འདས་ལྷུན་གྲུབ་ཡོན་ཏན་དབྱིངས། །སྣང་སྟོང་སྒྱུ་ལུས་ཕ་རོལ་ཕྱིན་ལ་འདུད། །དོན་དམ་འགྲོ་འོང་སྲེད་ལེན་མ་མཆིས་ཀྱང་། །ཀུན་རྫོབ་སྲོག་རྩོལ་སྦྱོར་བའི་བསམ་གཏན་གྱིས། །འཕྱུགས་མེད་མཁའ་སྤྱོད་གྲུབ་པའི་ཕྲིན་ལས་ཅན། །ཚོར་སྟོང་འཕོ་བའི་ཕ་རོལ་ཕྱིན་ལ་འདུད། །བར་སྲིད་འཁྲུལ་པའི་སྣང་ཆ་ཇི་སྙེད་ཀུན། །ལྷ་སྔགས་ཆོས་སྐུར་རྟོགས་པའི་ཤེས་རབ་ཀྱིས། །ཟུང་འཇུག་ལོངས་སྤྱོད་རྫོགས་སྐུར་ལྡང་ནུས་པའི། །མྱོང་སྟོང་བར་དོའི་ཕ་རོལ་ཕྱིན་ལ་འདུད། །མདོར་ན་ངེས་དོན་ཕ་རོལ་ཕྱིན་དྲུག་དང་། །དབྱེར་མེད་རྡོ་རྗེའི་ཆོས་དྲུག་ལ་གོམས་པས། །སྐུ་གསུང་ཐུགས་ཡོན་ཕྲིན་ལས་མི་ཟད་པ། །རྟག་པ་

[Full Size]

དམ་པའི་ཕ་རོལ་ཕྱིན་ལ་འདུད། །དེ་ལྟར་གུས་པའི་ཉི་གཞོན་བཅུད་གཡོ་བས། །རིག་འཛིན་དགྱེས་པའི་ཚིག་སྦྱོར་ཨུཏྤ་ལ། །འཛུམ་བཅས་རོལ་འདིས་མགོན་པོ་ཁྱོད་ཉིད་དང་། །དབྱེར་མེད་གྲུབ་པའི་རྣམ་ཐར་འཛིན་པར་ཤོག །ཞེས་བསིལ་ལྗོངས་གྲུབ་རིགས་རྒྱ་མཚོའི་ཁྱུ་མཆོག་པདྨའི་རྣམ་འཕྲུལ་ཐང་སྟོང་པའི་ནང་གི་རྣམ་པར་ཐར་པ་ལ་ཡེ་ཤེས་ཀྱི་ཌཱཀྐི་ནི་གུ་མས་བཀྲལ་བའི་རྡོ་རྗེའི་ཆོས་དྲུག་གི་སྒོ་ནས་བསྔགས་པའི་གླུ་དབྱངས་འདིའང་རྗེ་དེ་ཉིད་ཀྱིས་བྱིན་གྱིས་བརླབས་པའི་གནས་ཤྲཱི་ཛ་ལ་སརྦ་ཏའི་ལྕགས་ཟམ་དང་ཉེ་བའི་གནས་ལོ་ཧའི་ཏའི་ཕུང་པོ་དལ་གྱིས་འབབས་པ་རྐང་འཐུང་གི་ལང་ཚོས་བཀྲ་བའི་གཟིངས་ཀྱི་འཁྲུལ་འཁོར་ལ་བརྟེན་ནས་བརྒལ་བའི་ལམ་བར་ཁོ་ན་བྲིས་ཏེ་གསོལ་བ་བཏབ་པའོ། །ཟབ་དོན་བསྡུས་

[Full Size]

པའི་རྡོ་རྗེའི་ཐོལ་གླུ་ངེས་དོན་ཐེམ་སྐས་ཞེས་བྱ་བ། ཨེ་མ་ཧོ། །གཟུང་འཛིན་ལས་འདས་གདོད་མའི་དེ་བཞིན་ཉིད། །སྤྲོས་པ་ཀུན་བྲལ་འོད་གསལ་གཉུག་མའི་གཤིས། །འགྱུར་མེད་བདེ་བ་ཆེན་པོས་རབ་འཁྱུད་པའི། །རྣམ་པ་ཀུན་གྱི་མཆོག་ལྡན་སྙིང་གར་རོལ། །སྦས་དོན་གསང་བའི་དེ་ཉིད་སྟོན་པ་ཡི། །གྲུབ་པའི་རིག་འཛིན་རྣམས་ཀྱི་དགོངས་པའི་བཅུད། །རབ་མཐོང་མིན་ཀྱང་གང་ཤར་རྡོ་རྗེའི་གླུས། །ཟབ་མོ་དགའ་བའི་ཆུ་རྒྱུན་དེང་འདིར་འབེབས། །རྡོ་རྗེའི་ལུས་ཀྱི་གནས་ལུགས་ངེས་པའི་དོན། །ཀུན་ཏུ་རྟོགས་ནས་གནད་དུ་བསྣུན་པ་ཡིས། །བདེ་སྟོང་ཡེ་ཤེས་སྐྱེ་བར་རབ་གཟིགས་ནས། །ཐབས་ལམ་ཟབ་མོ་རྫོགས་པའི་རིམ་པ་བསྟན། །དེ་ལ་བཀོད་པ་རྩ་དང་གཡོ་བ་རླུང་། །ཐིག་ལེ་བྱང་ཆུབ་སེམས་མཆོག་

[Full Size]

རྣམ་པ་གསུམ། །ཆགས་གནས་འཇིགས་གསུམ་མཛད་པ་རྫོགས་པའི་གར། །རང་བཞིན་ཡེ་ཤེས་ཆེན་པོའི་རྟེན་དུ་གནས། །རྩ་གསུམ་འཁོར་ལོ་རྣམ་པ་བཞི་ལྡན་པའི། །མདུད་པ་ཀུན་ན་ཐབས་ཤེས་མ་ནིང་གི། །ཡི་གེ་གསུམ་དང་སྲོག་རྩོལ་མཉམ་པའི་རླུང་། །དེ་བཞིན་བདེ་སྟོང་འཁྲིལ་སྦྱོར་ཐིག་ལེ་སྟེ། །གསུམ་ཚན་རིམ་པས་བདེ་གསལ་མི་རྟོག་ཀྱི། །ཆོས་ཉིད་བསྐྱེད་དང་སྐུ་གསུམ་རྟེན་འབྲེལ་འགྲུབ། །རྡོ་རྗེའི་ཆོས་དང་ལྡན་པ་རྩ་ཡི་ལམ། །གཅུད་ཅིང་འཁྲུལ་འཁོར་བྱ་བ་རྩ་ཡི་གནད། །སྲོག་རྩོལ་བུམ་པར་བསྐྱིལ་བ་རླུང་གི་ལམ། །སྦྱོར་བ་བཞི་ལྡན་རླུང་གི་གནད་མཆོག་ཡིན། །ཨ་ཧཾ་ཞུ་བདེའི་འབྲོས་འདེད་ཐིག་ལེའི་ལམ། །འཁོར་ལོ་བཞི་རུ་བཅིངས་པ་ཐིག་ལེའི་གནད། །སྣང་སྟོང་ལྷ་སྐུར་ལྟ་བ་

[Full Size]

སྒྱུ་ལུས་ལམ། །ཞེན་མེད་སྤྲུལ་པར་ལྡང་བ་སྒྱུ་ལུས་གནད། །ཉལ་ཁར་འདུན་པས་གཅུན་པ་རྨི་ལམ་ལམ། །ཉལ་སློང་སྐྱེ་མེད་ལ་གཞོལ་རྨི་ལམ་གནད། །སྣོད་བཅུད་དྭངས་མར་བསྡུ་བ་འོད་གསལ་ལམ། །རླུང་སེམས་མཉམ་པར་འཆིང་བ་འོད་གསལ་གནད། །ཆོས་ཉིད་རྣམ་གསུམ་དྲན་པ་བར་དོའི་ལམ། །རྟག་ཏུ་འཁྲུལ་པར་བལྟ་བ་བར་དོའི་གནད། །ཚངས་བུག་དྭངས་མ་འཕོ་བ་འཕོ་བའི་ལམ། །རླུང་སེམས་བསྡུ་ཞིང་བཀག་པ་འཕོ་བའི་གནད། །དེ་ལྟར་རྩ་བ་ཡན་ལག་རིམ་པ་ཡིས། །ཟབ་མོ་རྫོགས་པའི་དོན་རྣམས་བསྡུས་པ་སྟེ། །གཞན་དུ་རླུང་ལ་གནད་དུ་བསྣུན་པ་ཡིས། །གསལ་བའི་ཉམས་དང་ཐིག་ལེ་བདེ་བ་ཉིད། །འཐོབ་བྱེད་སོ་སོར་དབྱེ་བས་རབ་ཏུ་བསྟན། །མི་རྟོག་མཚན་མ་མེད་པའི་རྫོགས་རིམ་ནི། །

[Full Size]

གདོད་ནས་མ་སྐྱེས་མཁའ་འདྲའི་འོད་གསལ་དོན། །ཆོས་དང་གང་ཟག་བདག་གིས་མ་བཅིངས་པ། །སྟོང་པ་ཉིད་ཀྱི་མཆོག་ཏུ་རྣམ་པར་གནས། །དེ་ཕྱིར་ཕྱག་རྒྱ་ཆེན་པོ་བློ་ཡུལ་ལས། །འདས་པའི་ཡིད་ལ་མི་བྱེད་སྙིང་པོའི་དོན། །རབ་ཀྱི་དམ་པས་ངོ་སྤྲོད་དེ་མ་ཐག །གཅེར་མཐོང་སྐྱེས་ནས་རང་བཞིན་ངང་གིས་གྲོལ། །གཞན་དག་མྱོང་བ་གང་སྐྱེས་དེར་བསྟུན་ནས། །རླུང་སེམས་ཐིག་ལེའི་གནད་ཀྱིས་གཅུན་པ་ཡིས། །བརྟེན་པ་འོད་གསལ་བསམ་མི་ཁྱབ་པར་འཆར། །དེ་སྐད་དུ་ཡང་རྗེ་བཙུན་ཏེ་ལོ་པས། །བློ་དམན་སྐྱེ་བོ་དོན་ལ་མི་གནས་ན། །རླུང་གི་གནད་བཟུང་རིག་པ་གཅུད་ལ་བོར། །ལྟ་སྟངས་དང་ནི་སེམས་འཛིན་དུ་མ་ཡིས། །རིག་པ་ངང་ལ་མི་གནས་བར་དུ་གཅུན། །དཔེར་ན་

[Full Size]

ནམ་མཁའི་དཀྱིལ་ནི་བརྟག་བྱས་ནས། །མཐའ་དང་དབུས་སུ་འཛིན་པ་འགགས་པར་འགྱུར། །དེ་བཞིན་སེམས་ཀྱིས་སེམས་ལ་བརྟག་བྱས་ན། །རྣམ་རྟོག་ཚོགས་འགགས་ཐོག་མེད་གནས་འགྱུར་ནས། །བླ་མེད་བྱང་ཆུབ་སེམས་ཀྱི་རང་བཞིན་མཐོང་། །ཞེས་གསུངས་དེ་ཕྱིར་ཟབ་མོའི་གསང་ལམ་གྱི། །ཐབས་ལ་བརྟེན་ནས་གནད་ཀྱིས་གཅུན་པ་ཡིས། །བརྩོན་འགྲུས་དག་དང་དབང་པོའི་བགོ་སྐལ་ལས། །དུས་གསུམ་སྒྲོལ་བ་སྙིང་པོའི་དོན་མཆོག་གོ། །རིག་འཛིན་ཌཱ་ཀྐིའི་ཞལ་ལུང་ངེས་པའི་དོན། །རང་གི་རྒྱུད་ལ་མྱོང་བ་མ་སྐྱེས་ཤིང་། །མོས་པས་སྤྱོད་པའི་གྲལ་མཐར་ལྷུང་གྱུར་ཕྱིར། །འདི་ལྟར་སྨྲ་བར་འོས་མིན་དེ་ལྟ་ནའང་། །གང་ཤར་རྡོ་རྗེའི་རོལ་མོར་འཁྲོལ་བ་ལ། །ཉེས་པའི་ཚོགས་ཀུན་རྩ་གསུམ་དཀྱིལ་

[Full Size]

འཁོར་ལ། །མི་འཆབ་མཐོལ་ཞིང་དགེ་ཚོགས་གང་མཆིས་དེས། །འགྲོ་ཀུན་ཕྱག་རྒྱ་ཆེ་ལ་གནས་པར་ཤོག །གྲགས་སྟོང་རྡོ་རྗེའི་ཐོལ་གླུ་སྒྱུ་མའི་མཆོད་སྤྲིན་ཞེས་བྱ་བ། ཨ་ཧོ། །ཚོགས་བརྒྱད་འཁྲུལ་པ་ཟད་པ་ཡི། །གཞི་གྲོལ་ཀ་དག་དཔལ་གྱི་རི། །འོད་གསལ་སྒྱུ་མར་རོལ་པའི་གར། །རིག་འཛིན་མཁའ་འགྲོའི་ཚོམ་བུར་འདུད། །ཡང་གྲགས་སྟོང་གླུ་ཡི་མཆོད་པ་ཡིས། །དཔའ་བོ་ཌཱ་ཀི་དགྱེས་ཕྱིར་ལེན། །རྩ་དག་པ་རབ་འབྱམས་ཀྱི་མགྲིན་པ་ནས། །སྣང་སྟོང་བསྐྱེད་རིམ་གྱི་གླུ་བླངས་པས། །ཀུན་བརྟག་འཁྲུལ་པའི་ཕུང་ཁམས་ཚོགས། །གདན་གསུམ་ལྷ་ཡི་སྐུ་རུ་ཐིམ། །རླུང་དབུ་མར་རོལ་པའི་མགྲིན་པ་ནས། །གསལ་སྟོང་བཟླས་བརྗོད་ཀྱི་གླུ་བླངས་པས། །སྒྲ་ཚིག་རང་མཚན་

[Full Size]

ཞེན་པ་ཀུན། །ལུང་དང་རྟོགས་པའི་ངང་དུ་ཐིམ། །ཐིག་ལེ་བདེ་ཆེན་གྱི་མགྲིན་པ་ནས། །བདེ་སྟོང་དགའ་བཞི་ཡི་གླུ་བླངས་པས། །ཐ་མལ་ཉོན་མོངས་ཀྱི་འཆིང་བ་ཀུན། །ཟུང་འཇུག་འོད་གསལ་ངང་དུ་ཐིམ། །རང་རིག་བརྗོད་མེད་ཀྱི་མགྲིན་པ་ནས། །ངང་གཞག་ལྷུན་འབྱམས་ཀྱི་གླུ་བླངས་པས། །སྣ་ཚོགས་གཟུང་འཛིན་གྱི་རྟོག་པ་ཀུན། །ཤར་གྲོལ་དུས་མཉམ་གྱི་ངང་དུ་ཐིམ། །ཀ་ཏི་ཤེལ་སྤུག་གི་མགྲིན་པ་ནས། །འཇའ་ཟེར་ཐིག་ལེ་ཡི་གླུ་བླངས་པས། །ཕུང་ཁམས་གདོས་བཅས་ཀྱི་མཚན་མ་ཀུན། །ཆོས་ཟད་བློ་འདས་ཀྱི་ངང་དུ་ཐིམ། །སྒོ་གསུམ་ཆ་སྙོམས་ཀྱི་མགྲིན་པ་ནས། །བསྐྱེད་རྫོགས་རྫོགས་ཆེན་གྱི་གླུ་བླངས་པས། །འཁོར་འདས་གཉིས་འཛིན་གྱི་རྟོག་ཚོགས་ཀུན། །བྱར་མེད་འབྲས་བུའི་ཀློང་དུ་

[Full Size]

ཐིམ། །ཆོས་དྲེད་སྐལ་དམན་གྱི་མགྲིན་པ་ནས། །སྣ་ཚོགས་གྲགས་སྟོང་གི་གླུ་བླངས་པས། །བྱེད་སྙམ་བསྒྲུབ་འདོད་ཀྱི་དམ་ཆོས་ཀུན། །ལེ་ལོ་ཕྱི་བཤོལ་གྱི་ངང་དུ་ཐིམ། །དེ་ངེས་དོན་གླུ་ཡི་མཆོད་པ་ཡིན། །རང་རྒྱུད་ལ་སྐྱོ་བའི་གདུང་དབྱངས་ཡིན། །དགེ་བ་དེས་མ་རྟོགས་འགྲོ་བའི་ཁམས། །རང་རིག་གི་ངོ་བོར་ལྷུན་གྲུབ་ཤོག །ཅེས་གསུངས་སོ། ༈ །ཚད་མའི་སྐྱེས་བུ་རྣམས་ཀྱིས་རྒྱལ་བས་ལུང་བསྟན་པར་བསྔགས་པ་འཇམ་མགོན་རྡོ་རྗེ་འཆང་ཀརྨ་ངག་དབང་ཡོན་ཏན་རྒྱ་མཚོའི་གསུང་ཟབ་ལམ་ནི་གུ་ཆོས་དྲུག་སོགས་དཔལ་ལྡན་ཤངས་པའི་གསེར་ཆོས་ཀྱི་རྡོ་རྗེའི་གནས་ངེས་པའི་མགྲིན་གླུ་ཀ་ལ་པིངྐའི་སྒྲ་དབྱངས་ཞེས་བྱ་བ། །རྡོ་རྗེ་འཆང་ཆེན་ནས་བརྩམས་ཏེ་བརྒྱུད་པ་རིན་པོ་ཆེ་རྣམ་བདུན། །

[Full Size]

མི་མིན་མི་ཡི་ཚུལ་བཟུང་རྒྱུན་མཐའི་བྱང་སེམས་ཀྱི་གསེར་ཕྲེང་། །སངས་རྒྱས་རྗེན་པར་སྩོལ་བའི་དཔལ་ལྡན་རྩ་བ་ཡི་བླ་མ། །ཞབས་ཀྱི་པད་མོར་འདུད་དེ་ཉམས་རྟོགས་གོང་འཕེལ་དུ་མཛོད་ཅིག །ཨེ་མ། །སྙིང་པོའི་ལམ་འདིར་ཁོ་བོ་སྐལ་བ་ནི་བཟང་ལྡན། །རྡོ་རྗེ་འཆང་གི་ཞལ་ལུང་ཡེ་ཤེས་ཌཱ་ཀི་ཡི་གསང་ཚིག །གྲུབ་ཐོབ་བརྒྱུད་པའི་ཉམས་མྱོང་རྩ་བའི་བླ་མ་ཡི་ཕ་ཕོགས། །སྙིང་གི་ནོར་བུར་བཅངས་པས་བློ་ཡི་གཏད་སོ་འདྲ་བདོག་གོ། །གངས་ཅན་བོད་ཀྱི་ཡུལ་འདིར་ཆོས་རྒྱལ་ལོ་པ་གྱི་དྲིན་ལས། །མདོ་སྔགས་ཆོས་ཀྱི་རིན་ཆེན་ཀུན་ལ་ཐང་མ་རུ་བརྡལ་ཡང་། །གྲུབ་ཐོབ་བར་མ་ཆད་ཅིང་མྱོང་རྟགས་མངོན་སུམ་དུ་ཐོན་པ། །མཁས་གྲུབ་ཁྱུང་པོའི་གསེར་ཆོས་ཡིད་བཞིན་ནོར་བུ་ལས་ལྷག་གོ། །མཐར་ཐུག་རྣམ་ལྔ་སྟོན་མཛད་སུ་ཁ་སིདྡྷི་དང་ནི་གུ། །

[Full Size]

གསང་བའི་ལམ་མཆོག་སྣང་བྱེད་ཡེ་ཤེས་དཀྱིལ་འཁོར་ནི་ལྔ་ལྡན། །བཤད་སྒྲུབ་བཀའ་སྲོལ་འཛིན་པ་སར་གནས་བྱང་སེམས་ཀྱི་གདུང་བརྒྱུད། །མ་བསྒྲུབས་བྱིན་རླབས་སྒོ་འཆར་བསྒྲུབ་ན་གྲུབ་པ་ལྟ་ཅི་སྨོས། །མཁའ་ལྡིང་ཁྱུང་ཆེན་ཞེས་པའི་མིང་གི་མངོན་བརྗོད་ཙམ་ཁོ་ནས། །བྱ་བྲན་གཞན་གྱི་གནས་ལུགས་ཇི་མི་སྙམ་པ་ཡི་སེམས་ཐོབ། །ཁྱུང་པོའི་གསེར་ཆོས་ཞེས་པའི་མཚན་གྱི་གཟི་བརྗིད་ཀྱི་བྲིལ་གྱིས། །རང་རྟོག་ཡི་གེ་རིས་ལ་གུས་པ་ལྷོད་པོ་རུ་བྱེད་དོ། །ཁ་ནག་ཡིག་ནག་སྤྲད་པའི་བསྙེན་སྒྲུབ་བཟླས་བརྗོད་ནི་བྱེ་བས། །ཆོས་འདི་ཡུད་ཙམ་བསྒོམ་པའི་ཉམས་མྱོང་རྟག་ཚད་ལ་མི་ཉེ། །རྟོག་གེའི་རིག་པའི་འཁོར་ལོ་ལོ་དང་ཟླ་བ་རུ་བསྐོར་ཡང་། །དོན་འདི་ཉམས་སུ་བླངས་པའི་ཤེས་

[Full Size]

རབ་ཆ་ཤས་སུ་མི་ཕྱིན། །དེང་སང་དུས་ཀྱི་དབང་གིས་རྩེ་གཅིག་སྒོམ་ནུས་མཁན་དཀོན་ཀྱང་། །ཡིད་གཉིས་ཐེ་ཚོམ་མེད་པའི་ཆོས་ལ་ངེས་ཤེས་ནི་ཆེན་པོས། །སྤང་བླང་རེས་འཇོག་མེད་པར་རྒྱུན་གྱི་ཉམས་ལེན་ཙམ་འབད་ན། །རིང་མིན་མཆོག་དངོས་གྲུབ་པ་ཡེ་ཤེས་མཁའ་འགྲོ་ཡི་ཐ་ཚིག །སྒྲུབ་ལ་སྙིང་རུས་ཆུང་བས་ཉམས་རྟོགས་རྩལ་ཁ་ནི་མ་རྫོགས། །ཅོལ་ཆུང་རྣམ་པར་གཡེང་བས་དྲོད་ཚད་མངོན་སུམ་འདྲ་དབེན་ཀྱང་། །དཀར་པོའི་ལས་ཀྱི་འཕྲོ་ཡིས་ཆོས་འདིར་ཡིད་ཆེས་ནི་གདེང་ཁེལ། །སྙིང་དང་སྲོག་ལྟར་གཅེས་པའི་མོས་པ་ལྷན་སྐྱེས་སུ་འདུག་གོ། །གསེར་ཆོས་རིན་ཆེན་མཛོད་ལས་རྒྱུད་ཆེན་སྡེ་ལྔ་ཡི་ཡང་བཅུད། །མཚན་གྱི་གྲགས་པ་གསལ་ལྡན་རྩ་བ་ནི་གུ་ཡི་ཆོས་དྲུག །སྟན་ཐོག་གཅིག་

[Full Size]

གི་སྟེང་དུ་ཉམས་རྟོགས་མྱུ་གུ་ནི་འཁྲུངས་པ། །ཚེ་ལུས་གཅིག་གི་ཁོངས་སུ་མཆོག་གི་འབྲས་སྟེར་འདི་རྨད་དོ། །གདོད་ནས་སྐྱེ་མེད་ཡིག་འབྲུ་འཁོར་འདས་ཆོས་ཀུན་གྱི་སྒོ་མོ། །བདེ་ཆེན་འཁོར་ལོར་ཤར་བའི་དག་བྱེད་བདུད་རྩི་ཡི་ཁྲུས་ཀྱིས། །སྡིག་སྒྲིབ་ནད་གདོན་བཀྲུས་ལས་སྟོང་གསལ་རྗེན་པ་ཡི་ཉམས་ལྡན། །དག་བྱེད་སྟོང་རའི་ཐབས་འདི་གནད་དུ་ཕྱིན་པ་ཡི་སྔོན་འགྲོ། །ཚེ་གཅིག་སངས་རྒྱས་སྒྲུབ་ན་བདེ་སྟོང་ཟུང་འཇུག་ལས་གཞན་པའི། །ཐབས་ལམ་ཡོད་པ་མ་ཡིན་དེ་རྒྱུ་རང་ལུས་ནི་ཐབས་ལྡན། །རྩ་རྒོད་རླུང་རྒོད་འདུལ་ལ་གཏུམ་མོ་མེ་རྒོད་ཉིད་མྱུར་བས། །བདུན་ཕྲག་གསུམ་གྱི་ཞག་ནས་རས་དཀར་བླ་གོས་ཀྱིས་འཁྱོངས་སོ། །རྟེན་གཞི་རྡོ་རྗེའི་ལུས་ལ་རྩ་གསུམ་འཁོར་ལོ་བཞིའི་སྟོང་རར། །

[Full Size]

སྦྱོར་བ་བཞི་དང་ལྡན་པའི་བུམ་ཅན་ཚད་ལྡན་ཏུ་ཁེགས་པས། །ཨ་ཧཾ་འབར་འཛག་འཕྲུལ་ལས་སྐད་ཅིག་དགའ་བ་བཞིས་བརྒྱན་པ། །ཐབས་ལམ་བདེ་དྲོད་རང་འབར་འཕགས་བོད་གྲུབ་ཐོབ་ཀྱི་སྙིང་ནོར། །གཏུམ་མོ་ཟས་སུ་ཟོས་པས་བདེ་སྟོང་གཞོན་ཤ་ནི་ཆགས་ལ། །གཏུམ་མོ་གོས་སུ་གྱོན་པས་བདེ་དྲོད་བཟོད་མེད་དུ་འབར་བ། །གདན་བཏིང་རྟ་རུ་ཞོན་པས་བརྟན་ཅིང་གང་འདོད་དུ་ཕྱིན་པ། །ཐུན་མོང་ཙམ་དང་མི་མཉམ་བླ་མེད་རྒྱུད་རྒྱལ་གྱི་དགོངས་པ། །མོས་གུས་བླ་མའི་ལམ་ལས་ཅིར་སྣང་བདེན་མེད་དུ་ཤར་ཞིང་། །སྣང་སྟོང་ལྷ་སྐུ་རང་ཤར་ཅིར་སྣང་སྒྱུ་མ་རུ་མཐོང་བ། །སྒྱུ་ལུས་སྙིང་པོ་ཡིན་ཀྱང་ཉམས་འོག་ཆུད་པ་ནི་དཀོན་འདུག། བླ་མ་གྲུབ་པའི་དབང་པོས་ཐུགས་ཉམས་མཐིལ་ཕྱིན་ཏུ་མྱོང་སོང་། །སད་པའི་རྐྱེན་

[Full Size]

བཞི་བྲལ་བས་འགྲོ་དྲུག་སྒྱུ་མ་རུ་འཆར་བྱེད། །འདུན་པ་བརྒྱད་གསུམ་སྦྲགས་ཤིང་ནད་གདོན་སྒྱུ་མ་ལྟར་ཤེས་པས། །ཡོན་ཏན་ཚོགས་དྲུག་འཆར་ཞིང་ཨ་འཐས་སྦྲུལ་མདུད་ཉིད་བཀྲོལ་བ། །དང་པོའི་ལས་ཅན་རྣམས་ལ་སྙིང་གི་བདུད་རྩི་རུ་འདུག་གོ། །ཉིང་འཁྲུལ་སྣང་བ་རང་ཟིན་དབང་བཞི་ཐིག་ལེ་ཡི་གདམས་ངག། མ་ཟིན་འཆུག་མེད་གནད་དགུས་འཁྲུལ་པ་ཐུག་ཕྲད་དུ་བཟུང་ནས། །སྦྱོང་སྤེལ་སྒྱུར་བའི་གནད་ཀྱིས་རང་རྩལ་ཕྱོགས་མེད་དུ་སྦྱངས་པས། །ཡུལ་སྣང་གཏན་ལ་ཕེབ་ཅིང་རྨི་ལམ་རྣམ་ཐར་ཡང་འབྱོངས་ཏེ། །རྩོལ་མེད་ལྷ་སྐུ་རང་ཤར་མཐར་ཐུག་འོད་གསལ་དུ་བསྟིམས་ལས། །ཉིང་འཁྲུལ་བཙན་ཐབས་གཅོད་པའི་གདམས་ངག་ཟབ་དགུ་ཡི་ཡང་རྩེ། །བླུན་པོ་བ་གླང་རྫི་ཡང་སངས་རྒྱས་

[Full Size]

ཉིན་རྒྱུགས་སུ་བཏང་འདིར། །བླ་མ་སངས་རྒྱས་དྲིན་ལས་འབྲེལ་པ་གཡར་ཁྲལ་ཙམ་བཞག་གོ། །མི་རྟག་སྐྱོ་ཤས་སྤྱོད་ལམ་དམ་རྫས་ཐབས་ལམ་དང་གསོལ་འདེབས། །རྩ་བ་ཡལ་ག་ལོ་མ་མེ་ཏོག་འཁྲི་ཤིང་ནི་རྒྱས་ལས། །སྲབ་མཐུག་འོད་གསལ་འབྲས་བུ་བཟུང་ཞིང་སྐུ་གསུམ་དུ་ཁྱེར་ཏེ། །གསལ་སྟོང་མཉམ་གཞག་རྗེས་ཐོབ་ཉིན་མཚན་བདེ་སྟོང་དག་བསྲེས་པས། །གཏི་མུག་གཉིད་ཀྱི་མུན་ཁང་འོད་གསལ་སྒྲོན་མེ་ཡིས་བཅོམ་སྟེ། །རླུང་སེམས་འདུས་པའི་རྟེན་འབྲེལ་ཁྱད་པར་བླ་མ་ཡི་བྱིན་གྱིས། །བདེ་གསལ་སྟོང་པ་དབྱེར་མེད་ཟབ་ཞི་སྤྲོས་བྲལ་གྱི་འོད་གསལ། །ཁོར་མོ་ཡུག་གི་སྦུབས་སུ་གཉིས་སྣང་བར་ལག་འདྲ་འགྱེས་སོ། །ཆོས་སྐུ་དེ་བཞིན་ཉིད་དེ་ལོངས་སྐུ་ཟུང་འཇུག་གི་ཡི་དམ། །བྱིན་རླབས་བླ་

[Full Size]

མའི་སྟོབས་དང་འཆུག་མེད་མཁའ་སྤྱོད་ཀྱི་གོང་འཕོས། །དབང་པོའི་རིམ་དང་མཐུན་པར་འདའ་ཀའི་མཚམས་སྦྱོར་འདྲ་བགྱིད་པ། །ད་ལྟའི་སྔགས་སྤྱོད་ཀུན་གྱི་བསྐྱེད་རྫོགས་གྲུབ་མཐའ་ནི་འདིའོ། །འོད་གསལ་ཆོས་ཀྱི་སྐུ་དང་རྒྱལ་བ་ལོངས་སྤྱོད་ནི་རྫོགས་པ། །སྤྲུལ་སྐུ་འགགས་མེད་རང་ཤར་སྤྱི་གནད་འཆུག་མེད་དང་བཅས་པས། །བར་དོ་གསུམ་ལས་གྲོལ་བྱེད་དབང་པོའི་རིམ་པ་དང་མཐུན་པར། །དལ་དུས་གྲབས་སུ་བཙུད་པས་བྲེལ་དུས་སླེབ་པར་ནི་འགྱུར་རོ། །སྔོན་འགྲོ་རང་བབ་གསུམ་གྱིས་ཞི་ལྷག་ཏིང་འཛིན་ནི་བསྐྱེད་ནས། །དངོས་གཞི་ངོ་སྤྲོད་ཟབ་མོས་སྐྱོན་བཞི་རང་གྲོལ་དུ་བཏང་སྟེ། །རྗེས་ཤེས་གསལ་སྟོང་ཟུང་འཇུག་སྐུ་གསུམ་རང་ཤར་དུ་ཤེས་པ། །ཕྱག་རྒྱ་ཆེན་པོའི་ལམ་འདི་ཆོས་ཀྱི་སྡོང་པོ་ཉིད་ཡིན་ནོ། །

[Full Size]

ཡེ་ཤེས་ཌཱ་ཀི་རྣམ་གཉིས་མཻ་ཏྲི་གུཔྟ་ཡི་ཞལ་ལུང་། །བཟོ་མེད་རང་བབ་ངོ་བོ་གླང་ཆེན་ལྟ་སྟངས་དང་འགྲོགས་པས། །ངོས་བཟུང་ཀུན་དང་བྲལ་བའི་ཐ་མལ་ཤེས་པ་ནི་སོ་མ། །སྐུ་གསུམ་རྗེན་པར་འཆར་བས་སངས་རྒྱས་སྦར་བཅངས་སུ་རྙེད་དོ། །ཅིར་སྣང་བླ་མར་ཤེས་པའི་མོས་གུས་ཕྱོགས་མེད་ནི་དང་པོ། །སྣང་གྲགས་ལྷ་སྔགས་རང་བཞིན་དག་སྣང་ཕྱོགས་མེད་ནི་གཉིས་པ། །སྣང་སེམས་སྒྱུ་མ་རྨི་ལམ་བདེན་མེད་ལམ་ཁྱེར་ནི་གསུམ་པ། །ཡལ་གར་མཚན་ཏུ་གསོལ་ཡང་མདོ་སྔགས་ཆོས་ཀུན་གྱི་སྙིང་པོ། །ཟླ་བ་ལི་ཁྲིའི་མདངས་ཅན་རྡོ་རྗེ་རྣལ་འབྱོར་མའི་ཏིང་འཛིན། །ཁྱད་འཕགས་གསོལ་འདེབས་ཤུགས་ཀྱིས་སྙིང་རྗེའི་ཆུ་རྒྱུན་ནི་བསྐུལ་ཞིང་། །འཁོར་ལོ་བཞི་ཡི་མར་མེས་ཆགས་གྲོལ་བདེ་སྟོང་ལ་བསླབ་པས། །མཁའ་སྤྱོད་མེ་ཏོག་

[Full Size]

ཚལ་དུ་ལྷན་སྐྱེས་མཛེས་མ་ཡིས་བསུའོ། །རང་སེམས་སྐྱེ་བ་མེད་པས་འགགས་ཤིང་འཆི་བ་ཡང་མེད་ལ། །ལུས་ཉིད་བེམ་པོའི་རང་བཞིན་འཆི་བའི་གདགས་གཞི་ཙམ་མ་གྲུབ། །རླུང་སེམས་དབྱིངས་སུ་བསྡོམས་ཤིང་འཁྲུལ་འཁོར་ཁ་ལོ་འདྲ་བསྒྱུར་བས། །འཛག་མེད་དགའ་བཞིའི་ཡོ་ལང་འབྲས་བུ་ཐང་བརྡལ་དུ་སྤྱད་ཆོག། བླ་མ་མགོན་པོ་དབྱེར་མེད་སྐུ་ལྔའི་འཕྲུལ་ཆེན་ནི་བསྒྱུར་བས། །ལས་བཞི་མཆོག་གི་དངོས་གྲུབ་ལོ་ཟླའི་ཤས་ཙམ་གྱིས་སྟེར་བ། །ལྷག་པར་བར་དོའི་འཇིགས་སྐྱོབས་མྱུར་མཛད་སྤྱན་རས་ནི་གཟིགས་དབང་། །མོས་གུས་སྙིང་རྗེའི་ཕྱག་རྒྱས་གཏན་གྱི་སྙིང་ནོར་དུ་བཅངས་ཡོད། །སངས་རྒྱས་ཐུབ་པའི་བསྟན་པ་དྲང་ངེས་རང་ཐད་དུ་བདེན་ཅིང་། །གྲུབ་ཐོབ་བརྒྱུད་པའི་གདམས་

[Full Size]

ངག་ཆེ་བཤད་རང་ས་ན་ཡོད་ཀྱང་། །གཞན་ལ་མཚན་ཙམ་དཀོན་པ་མཁས་གྲུབ་ཁྱུང་པོ་ཡི་གསེར་ཆོས། །བདུད་རྩིའི་བཅུད་ལ་འཐུང་ཚོ་ཆང་ལ་འགྲམ་ཆུ་འདྲ་མི་ལྡངས། །བྱེད་ལུགས་ཟོམ་ཟོམ་ངང་ལ་བསམ་ལུགས་དོན་ཐོག་ཏུ་བཅར་བ། །སྣང་ལུགས་ཀླད་མེད་འདྲ་ལ་ཡིན་ལུགས་གཅིག་ཐོག་ཏུ་གྲིམས་པ། །ཟེར་ལུགས་བཅོས་མ་ཉིད་ལ་བྱུང་ལུགས་རང་བཞིན་གྱི་བབ་གཤིས། །བཏང་སྙོམས་སྡོད་པར་མ་ནུས་སྤྲང་པོ་བློ་གྲོས་ཀྱི་སུག་རྗེས། །སྐྱེ་དང་ཚེ་རབས་ཀུན་ཏུ་གསེར་ཆོས་ཡིད་བཞིན་གྱི་ནོར་བུ། །སྙིང་གི་དཔལ་བེར་བཅངས་ཏེ་ཟུང་འཇུག་རྡོ་རྗེ་ཡི་རྒྱལ་སར། །མཁའ་ཁྱབ་འགྲོ་བ་སྒྲོལ་བའི་སྐྱོབ་པ་གཉིས་མེད་ནི་གཟིགས་པ། །རྩ་བརྒྱུད་བླ་མའི་ཐུགས་རྗེས་མྱུར་དུ་འགྲུབ་པ་རུ་མཛོད་ཅིག །ཅེས་པའང་

[Full Size]

ཀུན་མཁྱེན་མ་ཧཱ་གུ་རུའི་དོན་ཆེན་རྡོ་རྗེའི་ལྗགས་བརྒྱངས་པས་མོས་པའི་མྱུ་གུ་བསྲོས་པ་ལས་སྨྲ་བའི་པདྨོ་དབང་མེད་དུ་ཁ་བྱེ་སྟེ་དབེན་པའི་སྐྱེད་ཚལ་དེ་བཱི་ཀོ་་ཌི་ཙཱ་འདྲ་རིན་ཆེན་བྲག་གི་གཡོན་མགུལ་དུ། །པདྨའི་འབངས་སྤོང་བ་པའི་གཟུགས་བརྙན་ཡོན་ཏན་རྒྱ་མཚོ་བློ་གྲོས་མཐའ་ཡས་པའི་སྡེས་ཟབ་དོན་བུང་བའི་མགྲིན་གླུ་ཅུང་ཟད་ཅིག་བླངས་པ་དགེ། ༈ །དེ་ལྟར་མགུར་རྣམས་མོས་གུས་ཀྱི་ཤུགས་དང་ཉམས་རྟོགས་ཀྱི་རྩལ་བསྐྱེད་དེ་ལེགས་པར་བླངས་པའི་མཐར་ཚོགས་ཀྱི་ཡོ་བྱད་ཅི་ལྟར་འབྱོར་པ་བཤམས་ལ། བྱིན་རླབས་ནས་ལྷག་མའི་བར་བདེ་མཆོག་ལྷ་ལྔའི་ཆོ་ག་ལྟ་བུ་བཏང་། ཚོགས་མགྲོན་ལ་ནོངས་བཤགས་བཟོད་གསོལ་དང་རྟེན་ཡོད་ན་བརྟན་བཞུགས་བྱ། བསྔོ་བ་ཁྱུང་པོས་མཛད་པའི་བཀའ་རྒྱ་མར་གྲགས་པ་ནི། སྐུ་གསུམ་མཁྱེན་བཅུ་ཆོས་ཀྱི་རྗེ་སོགས། བཀྲ་

[Full Size]

ཤིས་བཀའ་རྒྱ་མ་བརྗོད་ལ་ཕྱོགས་དུས་ཡུལ་ཁམས་ཐམས་ཅད་དགེ་ལེགས་དཔལ་གྱིས་ཁྱབ་པར་བྱའོ། །བཀའ་བརྒྱུད་རིན་པོ་ཆེའི་ཕྱག་སྲོལ་ལ་རྡོ་རྗེའི་མགུར་ལེན་པ་ཤིན་ཏུ་གལ་པོ་ཆེ་མཛད་ཅིང་དར་སྲོལ་ཆེ་ཡང་། ཤངས་པ་བཀའ་བརྒྱུད་པའི་རིང་ལུགས་ཕྱོགས་འདིར་དར་སྲོལ་ཆུང་བས་གྲུབ་ཐོབ་བརྒྱུད་པ་རྣམས་ཀྱི་གསུང་མགུར་དཔེ་ཙམ་ཡང་ཉིན་མོའི་སྐར་མའི་རྗེས་སུ་སོང་བས། རྣམ་ཐར་སོགས་ལས་བྱུང་བ་གཙོ་བོར་བྱས། བརྒྱུད་པ་ཕྱི་མ་ཅི་རིགས་པའི་གསུང་གིས་ཀྱང་ཁ་བསྐངས་ཏེ་བརྒྱུད་པ་འདིའི་ཟབ་ཆོས་ཀྱི་བདུད་རྩིའི་བཅུད་མཆོག་ཇི་སྙེད་སྔོན་དགེ་བའི་གསེར་སྣོད་དུ་འཁྱིལ་བ། ཀརྨ་ངག་དབང་ཡོན་ཏན་རྒྱ་མཚོ་བློ་གྲོས་མཐའ་ཡས་པའི་སྡེས་དཔལ་དེ་བཱི་ཀོ་ཊི་ཙཱ་འདྲ་རིན་ཆེན་བྲག་གི་དབེན་ཁྲོད་དུ་འདུ་བགྱིས་པ་དཔལ་ལྡན་ཤངས་པ་བཀའ་བརྒྱུད་ཀྱི་རིང་ལུགས་དྲི་མ་མེད་པ་ཕྱོགས་དུས་ཀུན་ཏུ་དར་ཞིང་རྒྱས་པའི་རྒྱུར་གྱུར་ཅིག །དགེ་ལེགས་འཕེལ། ༈ཁྱབ་བདག་རྡོ་རྗེ་འཆང་དང་ཌཱ་ཀི་ནཱི། །གྲུབ་ཐོབ་བརྒྱུད་པ་

[Full Size]

རིམ་པར་བྱོན་རྣམས་ཀྱི། །རང་བྱུང་རང་ཤར་མི་ཤིགས་ནཱ་དའི་སྒྲ། །ཐོས་པ་དོན་ལྡན་བྱིན་རླབས་ཀུན་འབྱུང་ཕྱིར། །རིམ་གཉིས་ཏིང་འཛིན་ལ་གནས་རྣལ་འབྱོར་རམ། །དད་མོས་རྩེ་གཅིག་ལྡན་པའི་གང་ཟག་གིས། །རྡོ་རྗེའི་དོ་ཧ་དབྱངས་སུ་ལེན་པ་དེར། །བཀའ་བརྒྱུད་བླ་མའི་བྱིན་རླབས་སྤྲིན་ཕུང་འཁྲིགས། །ཡི་དམ་ལྷ་ཚོགས་དངོས་གྲུབ་ཆར་རྒྱུན་འབེབས། །མཁའ་འགྲོ་ཆོས་སྐྱོང་གེགས་སེལ་ཕྲིན་ལས་སྒྲུབ། །དཀར་ཕྱོགས་སྐྱོང་རྣམས་དགྱེས་ཤིང་གཟི་མདངས་སྐྱེད། །ནག་ཕྱོགས་དཔའ་ཞུམ་བྱང་སེམས་བདུད་རྩིས་བརླན། །ཉམས་ཀྱི་རྩལ་སྐྱེད་རྟོགས་པའི་བོགས་བཏོན་ཅིང་། །དད་ལྡན་རྣམས་ལ་ཐར་པའི་ས་བོན་བསྐྲུན། །དེ་ལྟར་དོན་ཆེན་འབྲས་བཟང་སྨིན་པའི་ཕྱིར། །ཚར་དུ་དངར་བའི་ནོར་བུའི་ཕྲེང་བ་རྣམས། །དད་བློ་གསེར་གྱི་སྐུད་པར་ལེགས་བརྒྱུས་པ། །གཅིག་ལས་དུ་མར་འཕེལ་བའི་སྤར་ཉིད་གང་། །བྱེད་པོ་རང་གི་ལྷག་བསམ་དག་པས་བསྐྲུན། །དགེ་བས་བདག་

[Full Size]

གཞན་འབྲེལ་ཐོགས་གཙོར་གྱུར་པའི། །ལུས་ཅན་ཀུན་གྱི་ཐོགས་མེད་སྒྲིབ་པ་བྲལ། །བྱང་ཆུབ་སེམས་མཆོག་རྣམ་གཉིས་རྩོལ་མེད་དུ། །རྒྱུད་ལ་སྐྱེས་ནས་གནས་ལུགས་མངོན་ཏུ་གྱུར། །གྲུབ་ཐོབ་བརྒྱུད་པའི་རྣམ་ཐར་ཡོངས་རྫོགས་ནས། །བདེ་ཅན་ཞིང་དུ་པདྨོར་བརྫུས་ཏེ་སྐྱེས། །འོད་དཔག་མེད་ལས་ལུང་བསྟན་མཆོག་ཐོབ་སྟེ། །ས་ལམ་མྱུར་བགྲོད་ཕྲིན་ལས་ཚད་མེད་པས། །མཁའ་མཉམ་འགྲོ་ཀུན་བྱང་ཆུབ་སར་འགོད་པ། །རྒྱལ་མཆོག་སྣང་མཐའ་ཡས་དང་མཚུངས་པར་ཤོག །ཐུགས་བསྐྱེད་རླབས་ཆེ་སྨོན་ལམ་མཐུ་བཙན་པའི། །བླ་མ་རྒྱལ་བ་སྲས་དང་བཅས་པ་ཡིས། །འདིར་བཏབ་སྨོན་བཞིན་འགྲུབ་པར་བྱིན་གྱིས་རློབས། །ཅེས་སྤར་བྱང་སྨོན་ཚིག་བཀྲ་ཤིས་པའི་རྟགས་ཀྱི་གྲངས་ལྡན་འདིའང་རྣམ་དཀའ་བགྱི་བའི་བྱེད་པོ་ཀུ་སཱ་ལི་བློ་གྲོས་མཐའ་ཡས་ཀྱིས་བརྗོད་པ་དགེ་ལེགས་འཕེལ།། །།

ཤངས་ལུགས་རྒྱུད་སྡེ་ལྔའི་བརྒྱུད་པའི་གསོལ་འདེབས། ཏཱ་ར་ནཱ་ཐ།

[Full Size]

ཤངས་ལུགས་རྒྱུད་སྡེ་ལྔའི་བརྒྱུད་པའི་གསོལ་འདེབས་བཞུགས་སོ།། །།

[Full Size]

རྒྱལ་བ་ཀུན་གྱི་བདག་པོ་རྡོ་རྗེ་འཆང་། །དཀྱིལ་འཁོར་འཁོར་ལོའི་ཡུམ་གཅིག་བདག་མེད་མ། །གྲུབ་པའི་དབང་ཕྱུག་ཌོཾ་བྷི་ཧེ་རུ་ཀ། དེ་ཡིས་རྗེས་བཟུང་ངོ་མཚར་རྡོ་རྗེ་དང་། །གསང་སྤྱོད་མཐར་ཕྱིན་གརྦ་རི་པའི་ཞབས། །རིག་པའི་གནས་ལྔ་མཁྱེན་པ་རྒྱལ་བ་དཔལ། །མཁའ་འགྲོ་མ་མགོན་རྒྱལ་དཀའ་ཟླ་བའི་ཞབས། །རྩོད་དུས་ཀུན་མཁྱེན་རཏྣ་ཨཱ་ཀ་ར། །བློ་

[Full Size]

གྲོས་མི་ཟད་རྡོ་རྗེ་གདན་པ་སྟེ། །དགྱེས་མཛད་བརྒྱུད་པ་རྣམས་ལ་གསོལ་བ་འདེབས། །གསང་བའི་བདག་པོ་ཕྱག་ན་རྡོ་རྗེ་དང་། །ཨུ་རྒྱན་གནས་ཀྱི་ཀླུ་ཡི་རྣལ་འབྱོར་མ། །རྒྱལ་རིགས་སྐལ་ལྡན་བི་སུ་ཀལྤའི་ཞབས། །རྟོགས་པ་དོན་གྱི་མངའ་བདག་ས་ར་ཧ། །རབ་དགའི་ས་གྲུབ་སློབ་དཔོན་ཀླུ་གྲུབ་ཞབས། །འོད་གསལ་སྒྱུ་མའི་གར་མཛད་འཕགས་པ་ལྷ། །

[Full Size]

བཅུད་ལེན་གྲུབ་པའི་དབང་ཕྱུག་བཀྲ་ཤིས་མ། །གདོལ་པའི་རིགས་ལས་གྲུབ་བརྙེས་མ་ཏངྒི། །མཁའ་འགྲོས་བྱིན་བརླབས་ཤར་ཕྱོགས་ཏིལླི་པ། །བླ་མས་བྱིན་བརླབས་མཆོག་བརྙེས་ནཱ་རོ་པ། །སློབ་དཔོན་ཏ་ཐཱ་ག་ཏ་རཀྵི་ཏ། །གསང་འདུས་བླ་མ་རྣམས་ལ་གསོལ་བ་འདེབས། །རྒྱལ་བའི་ཡུམ་གཅིག་རྡོ་རྗེ་རྣལ་འབྱོར་མ། །དཀའ་བ་སྤྱད་པས་གྲུབ་བརྙེས་ལཱུ་ཧི་པ། །ཆང་ཚོང་མཁའ་འགྲོས་རྗེས་བཟུང་ཌིངྒི་པ། །བུད་མེད་གསུམ་བཅས་གྲུབ་བརྙེས་དྲིལ་བུ་པ། །སྒྱུ་མའི་དོན་གཟིགས་གཱ་ཡ་ལ་པའི་ཞབས། །ཡེ་ཤེས་མཆོག་གིས་རྣམ་རོལ་འབར་བ་འཛིན། །རིག་པའི་བརྟུལ་ཞུགས་སྤྱོད་མཛད་ནག་པོ་པ། །མངོན་ཤེས་དྲུག་ལྡན་དགེ་བའི་མགོན་པོ་དང་། །གྲུབ་ཆེན་ཏེ་ལོ་པ་དང་

[Full Size]

ནཱ་རོ་པ། །མཁས་པ་བློ་གྲོས་བཟང་པོའི་ཞལ་སྔ་ནས། །བདེ་མཆོག་བླ་མ་རྣམས་ལ་གསོལ་བ་འདེབས། །ཟག་མེད་བདེ་སྟེར་རྣམ་ལྔའི་མཁའ་འགྲོ་མ། །འབྱུང་པོ་འདུལ་མཛད་ཀུ་ཀུ་རི་པའི་ཞབས། །འོད་གསལ་རྡོ་རྗེའི་རྣམ་རོལ་པདྨ་པ། །མ་རྒྱུད་རྒྱ་མཚོའི་མཐར་སོན་ཞི་བ་བཟང་། །ཤཱནྟི་པ་དང་རྡོ་རྗེ་གདན་པ་སྟེ། །སྒྱུ་འཕྲུལ་བླ་མ་རྣམས་ལ་གསོལ་བ་འདེབས། །རྣལ་འབྱོར་མ་དཔལ་སྐལ་པ་བཟང་མོའི་ཞབས། །མངོན་སྤྱོད་དྲག་པོའི་ལས་མཛད་ལ་ལི་ཏ། །མི་བདག་ཨིནྡྲི་བྷཱུ་ཏི་ཆུང་བ་དང་། །སྒྱུ་འཕྲུལ་མ་ཧེའི་ཞལ་ཅན་དཔལ་འཛིན་དང་། །བདེ་ཆེན་རང་བཞིན་རྣམ་སྣང་སྲུང་བའི་ཞབས། །ནུས་མཐུས་བསྟན་པ་སྐྱོང་མཛད་པདྨ་སྲུང་། །འཇིགས་བྱེད་བླ་མ་རྣམས་ལ་

[Full Size]

གསོལ་བ་འདེབས། །རྡོ་རྗེ་འཆང་ཆེན་རྡོ་རྗེ་སྙིང་པོའི་ཞབས། །ཡེ་ཤེས་མཁའ་འགྲོ་ཨིནྡྲ་བྷཱུ་ཏི་དང་། །ལྷ་ལྕམ་དཔལ་མོ་ས་མནྟ་བཛྲ། །ཛ་ཡ་དེ་ཝ་རྡོ་རྗེ་གདན་པ་དང་། །རྡོ་རྗེ་འཆང་ཆེན་བློ་གྲོས་རིན་ཆེན་དང་། །ཤ་ཝ་རི་པ་མངའ་བདག་མི་ཏྲིའི་ཞབས། །མན་ངག་རྒྱ་མཚོའི་མཐར་སོན་དྷ་ཆེན་པོ། །རྡོ་རྗེ་འཆང་ཆེན་གྲུབ་པའི་དཔའ་བོ་དང་། །རཏྣ་ཀ་ར་ཨ་ཏ་ཡ་བཛྲ། །སྒྲ་གཅན་འཛིན་སྦས་རྡོ་རྗེའི་ཞལ་སྔ་ནས། །ཉེ་བརྒྱུད་བླ་མ་རྣམས་ལ་གསོལ་བ་འདེབས། །རྒྱུད་སྡེ་ལྔའི་བརྒྱུད་པའི་བླ་མ་རྒྱ་གར་བ་རྣམས་ལ་གསོལ་བ་འདེབས་པ་སྟེ། བརྒྱུད་པའི་ཁྱད་པར་གཞན་མན་ངག་གཙོ་བོར་གྱུར་པ་ལ་ཁོ་བོས་བཀའ་བབས་བརྒྱུད་འདེབས་སུ་སྦྱར་ཟིན་ལ། འདི་ནི་གཞུང་གི་བརྒྱུད་པ་གཙོ་ཆེ་བ་ཡིན་ཏེ་ཏཱ་ར་ནཱ་ཐས་སོ།། །།

ཤངས་ལུགས་རྒྱུད་སྡེ་ལྔའི་བརྒྱུད་པའི་གསོལ་འདེབས་ཀྱི་ཁ་སྐོང་ཨིནྡྲ་ནཱི་ལའི་ངོ་ཤལ། བློ་གྲོས་མཐའ་ཡས།

[Full Size]

ཤངས་ལུགས་རྒྱུད་སྡེ་ལྔའི་བརྒྱུད་པའི་གསོལ་འདེབས་ཀྱི་ཁ་སྐོང་ཨིནྡྲ་ནཱི་ལའི་ངོ་ཤལ་ཞེ་བྱ་བ་བཞུགས་སོ།། །།

[Full Size]

མཐར་ཐུག་སྟོན་པ་རྣམ་ལྔའི་དཀྱིལ་འཁོར་དང་། །དབྱེར་མེད་མཁས་གྲུབ་ཁྱུང་པོ་རྣལ་འབྱོར་ཞབས། །རིན་ཆེན་བརྩོན་འགྲུས་དབོན་སྟོན་སྐྱེར་སྒང་པ། །གཉན་སྟོན་ཆོས་རྗེ་སངས་རྒྱས་སྟོན་པ་མཆོག །རིན་ཆེན་རྒྱུད་པ་ལྔ་ལ་གསོལ་བ་འདེབས། །མཁས་གྲུབ་ཁྱུང་པོ་སྣེ་སྟོན་ཡོན་ཚུལ་དང་། །རྡོ་རྗེ་ཚུལ་ཁྲིམས་སྟེང་བ་ཚུལ་ཁྲིམས་བསྟན། །བླ་མ་བསོད་མཛེས་ཡོན་ཏན་རྒྱལ་བའི་

[Full Size]

མཚན། །འདྲེན་མཆོག་རིན་ཆེན་བསྟན་པ་རྒྱས་པ་སོགས། །བཀའ་བབས་རིམ་བརྒྱུད་རྣམས་ལ་གསོལ་བ་འདེབས། །མཁས་བཙུན་སངས་རྒྱས་འཇག་ཆེན་བྱམས་པ་དཔལ། །ཆོས་དཔལ་བཟང་པོ་འཁྲུལ་ཞིག་ཚུལ་རྒྱན་དང་། །མཁྱེན་རབ་མཆོག་གྲུབ་ཀུན་བཟང་ཆོས་ཉིད་སོགས། །བསྟན་པའི་སྲོལ་འཛིན་རྣམས་ལ་གསོལ་བ་འདེབས། །གཙང་མ་ཤངས་སྟོན་ཁྱུང་པོ་ཚུལ་ཁྲིམས་

[Full Size]

མགོན། །རི་ཁྲོད་རས་ཆེན་ཤངས་དཀར་རིན་རྒྱལ་བ། །སངས་རྒྱས་དཔལ་བཟང་ནམ་མཁའ་རྒྱལ་མཚན་དང་། །རྒྱ་སྒོམ་ལེགས་རྒྱལ་སེམས་ཀྱི་མདུད་གྲོལ་མཆོག །ལྷ་དབང་གྲགས་པ་ཀུན་དགའ་རྒྱལ་མཚན་ཏེ། །ཁྱད་འཕགས་རྩ་བའི་བརྒྱུད་པར་གསོལ་བ་འདེབས། །རྒྱུད་སྲོལ་ཀུན་འདུས་གསང་བདག་སྒྲོལ་བའི་མགོན། །ཡེ་ཤེས་རྒྱ་མཚོ་བློ་གྲོས་རྣམ་པར་རྒྱལ། །རིན་ཆེན་མཉམ་བཞག་ཡེ་ཤེས་རྒྱལ་མཚན་དང་། །སྦྱིན་པའི་མཚན་ཅན་རྣམ་རྒྱལ་དོན་ཀུན་གྲུབ། །ཚེ་དབང་ཀུན་ཁྱབ་ཕྲིན་ལས་རབ་རྒྱས་མཆོག །འོད་གསལ་འགྱུར་མེད་བློ་གྲོས་མཐའ་ཡས་ཞབས། །སྒྲུབ་བརྒྱུད་བསྟན་འཛིན་ནོར་བུ་དོན་ཀུན་གྲུབ། །འཁོར་ལོའི་མགོན་པོ་རྩ་བའི་བླ་མ་སོགས། །སྨིན་གྲོལ་གདམས་པའི་བཀའ་སྲོལ་ནུབ་མེད་དུ། །འཛིན་

[Full Size]

མཛད་དམ་པ་རྣམས་ལ་གསོལ་བ་འདེབས། །དགྱེས་རྡོར་གསང་འདུས་བདེ་མཆོག་སྒྱུ་མ་ཆེ། །འཇིགས་མཛད་ཡེ་ཤེས་རྣམ་ལྔའི་དཀྱིལ་འཁོར་བ། །མཁའ་འགྲོ་སྡེ་ལྔ་མྱུར་མཛད་མགོན་པོ་སོགས། །ཟུང་འཇུག་སྙིང་པོའི་ལྷ་ལ་གསོལ་བ་འདེབས། །སྨིན་བྱེད་དབང་བཞིའི་རིགས་ཀྱི་གསོས་ཐེབས་ནས། །དམ་ཚིག་རྣམ་དག་མཐུན་རྐྱེན་གེགས་མེད་ཚོགས། །བསྐྱེད་རིམ་བརྟན་ཐོབ་རྫོགས་རིམ་མཐའ་རུ་ཕྱིན། །མི་སློབ་ཟུང་འཇུག་ཚེ་འདིར་མངོན་བྱེད་ཤོག །དེ་མ་ཐོབ་པའི་ཚེ་རབས་ཐམས་ཅད་དུ། །བླ་མ་ལྷག་པའི་ལྷ་དང་མི་འབྲལ་ཞིང་། །དཀའ་བ་མེད་པར་རྡོ་རྗེ་ས་ལམ་བགྲོད། །དངོས་གྲུབ་རྣམ་གཉིས་བདེ་བླག་འགྲུབ་གྱུར་ཅིག །རྩ་བརྒྱུད་བླ་མ་ཡི་དམ་མཁའ་འགྲོ་ཡི། །བྱིན་རླབས་

[Full Size]

བདག་གི་རྒྱུད་ལ་རབ་ཞུགས་ཏེ། །མཁའ་མཉམ་འགྲོ་ཀུན་སྐུ་གསུང་ཐུགས་ཡོན་ཏན། །ཕྲིན་ལས་འཁོར་ལོར་མྱུར་དུ་འགོད་ནུས་ཤོག །ཅེས་ཤངས་ལུགས་རྒྱུད་སྡེ་ལྔའི་བརྒྱུད་པའི་གསོལ་འདེབས་ཁ་སྐོང་འདིའང་བློ་གྲོས་མཐའ་ཡས་ཀྱིས་བགྱིས་པ་དགེ་ལེགས་འཕེལ།། །།

རྒྱུད་སྡེ་ལྔའི་དཀྱིལ་འཁོར་སྒྲུབ་པའི་ཐབས། ཏཱ་ར་ནཱ་ཐ།

[Full Size]

རྒྱུད་སྡེ་ལྔའི་དཀྱིལ་འཁོར་སྒྲུབ་པའི་ཐབས་བཞུགས་སོ། །

[Full Size]

ཨོཾ་ན་མོ་གུ་རུ་ཧེ་བཛྲ་གུཧྱ་ས་མཱ་ཡ་ཛཿ ཙཀྲ་སཾ་བྷ་ར་མ་ཧཱ་མཱ་ཡཱ་བཛྲ་བྷཻ་ར་བ་མ་ཧཱ་ཀཱ་ལ་མཎྜ་ལེ་བྷྱཿ མཐར་ཐུག་སྟོན་པ་རྣམ་པ་ལྔའི་དཀྱིལ་འཁོར་ལྷ་ལ་ཕྱག་འཚལ་ལོ། །དེ་ཡི་སྒྲུབ་ཐབས་མན་ངག་བཞིན། །གསལ་པོར་འགོད་ལ་སྤྲོ་བ་སྐྱེས། །དགྱེས་མཛད་རྡོ་རྗེ་དྲག་པོ་གདན་ཅན་གྱི་བསྐྱེད་པའི་རིམ་པ་ལ་གཞི་བྱས་ནས་རྒྱུད་སྡེ་ལྔའི་

[Full Size]

དཀྱིལ་འཁོར་གྱི་སྒྲུབ་ཐབས་ཉམས་སུ་ལེན་པའི་ཚུལ་ནི་འདི་ཡིན་ཏེ། སྐྱབས་འགྲོ་ནི། བདག་དང་འགྲོ་བ་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་དུས་འདི་ནས་བཟུང་སྟེ་ཇི་སྲིད་བྱང་ཆུབ་སྙིང་པོ་ལ་མཆིས་ཀྱི་བར་དུ། ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ཐམས་ཅད་

[Full Size]

གཅིག་ཏུ་བསྡུས་པའི་ངོ་བོ། །ཆོས་ཀྱི་ཕུང་པོ་སྟོང་ཕྲག་བརྒྱད་ཅུའི་རྩ་བཞི་འབྱུང་གནས། །འཕགས་པའི་དགེ་འདུན་ཐམས་ཅད་ཀྱི་མངའ་བདག །རྗེ་བཙུན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ལ་སྐྱབས་སུ་མཆིའོ། །ཡི་དམ་དཀྱིལ་འཁོར་གྱི་ལྷ་ཚོགས་རྣམས་ལ་སྐྱབས་སུ་མཆིའོ། །རྫོགས་པའི་སངས་རྒྱས་བཅོམ་ལྡན་འདས་རྣམས་ལ་སྐྱབས་སུ་མཆིའོ། །དམ་པའི་ཆོས་རྣམས་ལ་སྐྱབས་སུ་མཆིའོ། །འཕགས་པའི་དགེ་འདུན་རྣམས་ལ་སྐྱབས་སུ་མཆིའོ། །མཁའ་འགྲོ་ཆོས་སྐྱོང་སྲུང་མ་ཡེ་ཤེས་ཀྱི་སྤྱན་དང་ལྡན་པ་རྣམས་ལ་སྐྱབས་སུ་མཆིའོ། །ལན་གསུམ་མམ་བདུན་ནམ་ཉེར་གཅིག །སེམས་བསྐྱེད་ནི། སེམས་ཅན་ཐམས་ཅད་ཀྱི་དོན་དུ་རྣམ་པ་ཐམས་ཅད་མཁྱེན་པ་རྫོགས་པའི་སངས་རྒྱས་ཀྱི་གོ་འཕང་འཐོབ་པར་བྱ། དེའི་ཆེད་དུ་བཅོམ་

[Full Size]

ལྡན་འདས་ཡི་དམ་རྒྱུད་སྡེ་ལྔ་ཡི་བསྒོམ་བཟླས་ལ་འཇུག་པར་བགྱིའོ། །ལན་གསུམ། རྡོ་རྗེ་སེམས་དཔའི་བསྒོམ་བཟླས་ནི། རང་གི་སྤྱི་བོར་པདྨ་དང་ཟླ་བའི་གདན་གྱི་སྟེང་དུ་བཅོམ་ལྡན་འདས་དཔལ་རྡོ་རྗེ་སེམས་དཔའ་ཧེ་རུ་ཀ་སྐུ་མདོག་དཀར་པོ་ཞལ་གཅིག་ཕྱག་གཉིས་རྡོ་རྗེ་དང་དྲིལ་བུ་འཛིན་པས་ཡུམ་ལ་འཁྱུད་པ། རུས་པའི་རྒྱན་དྲུག་གིས་བརྒྱན་པ། ཞབས་རྡོ་རྗེའི་དཀྱིལ་མོ་ཀྲུང་དུ་བཞུགས་པ། དེའི་པང་ན་ཡུམ་རྡོ་རྗེ་སྙེམས་མ་དཀར་མོ་གྲི་གུག་དང་ཐོད་པ་འཛིན་པས་ཡབ་ལ་འཁྱུད་པ། ཕྱག་རྒྱ་ལྔས་བརྒྱན་པ། ཡབ་ཀྱི་ཐུགས་ཀར་ཟླ་བའི་དཀྱིལ་འཁོར་གྱི་སྟེང་དུ་ཧཱུྃ་དཀར་པོ་དེ་ལས་འོད་ཟེར་འཕྲོས། དེ་བཞིན་གཤེགས་པ་ཐམས་ཅད་ཀྱི་ཐུགས་ཀྱི་སྙིང་པོ་ཡེ་ཤེས་ཀྱི་བདུད་རྩི་སྤྱན་དྲངས་ནས་ཧཱུྃ་ལ་ཐིམ། བཅོམ་

[Full Size]

ལྡན་འདས་བདག་དང་སེམས་ཅན་ཐམས་ཅད་ཀྱི་འཁོར་བ་ཐོག་མ་མེད་པ་ནས་བསགས་པའི་སྡིག་སྒྲིབ་ཉེས་ལྟུང་དྲི་མའི་ཚོགས་ཐམས་ཅད་བྱང་ཞིང་དག་པར་མཛད་དུ་གསོལ། ཨོཾ་ཤྲཱི་བཛྲ་ཧེ་རུ་ཀ་ས་མ་ཡ། མ་ནུ་པཱ་ལ་ཡ། བཛྲ་ཧེ་རུ་ཀ་ཏེྭ་ནོ་པ་ཏིཥྛ། དྲྀཌྷོ་མེ་བྷ་ཝ། སུ་ཏོ་ཥྱོ་མེ་བྷ་ཝ། ཨ་ནུ་རཀྟོ་མེ་བྷ་ཝ། སུ་པོ་ཥྱོ་མེ་བྷ་ཝ། སརྦ་སིདྡྷི་མྨེ་པྲ་ཡ་ཙྪ། སརྦ་ཀརྨ་སུ་ཙ་མེ་ཙིཏྟཾ་ཤྲེ་ཡཿ ཀུ་རུ་ཧཱུྃ། ཧ་ཧ་ཧ་ཧ་ཧོཿ བྷ་ག་ཝཱན། བཛྲ་ཧེ་རུ་ཀ་མཱ་མེ་མུཉྩ། ཧེ་རུ་ཀོ་བྷ་ཝ་མ་ཧཱ་ས་མ་ཡ་ས་ཏྭ་ཨཱཿཧཱུྃ་ཕཊ། ཅེས་ཅི་ལྟར་རིགས་པ་བཟླས་པའི་མཐར། །མགོན་པོ་བདག་ནི་མི་ཤེས་རྨོངས་པ་སྟེ། །དམ་ཚིག་ལ་ནི་འགལ་ཞིང་ཉམས། །བླ་མ་མགོན་པོས་སྐྱབས་མཛོད་ཅིག །གཙོ་བོ་རྡོ་རྗེ་འཛིན་པ་སྟེ། །ཐུགས་རྗེ་ཆེན་པོའི་བདག་ཉིད་ཅན། །འགྲོ་བའི་གཙོ་ལ་བདག་སྐྱབས་

[Full Size]

མཆི། །སྐུ་གསུང་ཐུགས་རྩ་བ་དང་ཡན་ལག་གི་དམ་ཚིག་ཉམས་པ་ཐམས་ཅད་མཐོལ་ལོ་བཤགས་སོ། །སྡིག་སྒྲིབ་ཉེས་ལྟུང་དྲི་མའི་ཚོགས་ཐམས་ཅད་བྱང་ཞིང་དག་པར་བྱིན་གྱིས་བརླབ་ཏུ་གསོལ། །རྡོ་རྗེ་སེམས་དཔའ་ཡབ་ཡུམ་འོད་དུ་ཞུ་ནས་རང་ལ་ཐིམ་པར་བསམ་མོ། །ཨོཾ་ཤཱུནྱ་ཏཱ་ཛྙཱན་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། སྟོང་པའི་ངང་ལས་ཧཱུྃ་ལས་རྡོ་རྗེ་ཧཱུྃ་གིས་མཚན་པ། དེ་ལས་འོད་ཟེར་སྣ་ལྔ་འཕྲོས་འགྲོ་བའི་སྡིག་སྒྲིབ་སྦྱངས། ཚུར་འདུས་རང་གི་སྙིང་གར་ཐིམ་ནས་ཞུ་བའི་ཐིག་ལེ་ལས། བདག་ཉིད་དགྱེས་མཛད་རྡོ་རྗེ་ཕྱག་གཉིས་པ་ཤེས་རབ་མ་དང་བཅས་པ་ཚངས་པ་དང་དབང་ཕྱུག་གི་གདན་ལ་གནས་པའི་སྙིང་གར་ཉི་མ་ལ་ཧཱུྃ་དེ་ལས་ཁྲོ་བོ་བཅུ་སྤྲོས་ཕྱོགས་བཅུར་འཁོད་པ་ནི། ཤར་དུ་གཤིན་རྗེ་གཤེད་ནག་པོ་ཐོ་བ་འཛིན་

[Full Size]

པ། ལྷོར་ཤེས་རབ་མཐར་བྱེད་དཀར་པོ་བེ་ཅོན་འཛིན་པ། ནུབ་ཏུ་པདྨ་མཐར་བྱེད་དམར་པོ་པདྨ་འཛིན་པ། བྱང་དུ་བགེགས་མཐར་བྱེད་ནག་པོ་རྡོ་རྗེ་གདེངས་པ་འཛིན་པ། ཤར་ལྷོར་གཏུམ་པོ་ནག་པོ་རལ་གྲི་འཛིན་པ། ལྷོ་ནུབ་ཏུ་འདོད་རྒྱལ་སྔོ་དམར་ལྕགས་ཀྱུ་འཛིན་པ། ནུབ་བྱང་དུ་བེ་ཅོན་སྔོན་པོ་དབྱུག་པ་འཛིན་པ། བྱང་ཤར་དུ་སྟོབས་པོ་ཆེ་ནག་པོ་ཏྲི་ཤུལ་འཛིན་པ། སྟེང་དུ་གཙུག་ཏོར་འཁོར་ལོས་སྒྱུར་བ་སེར་པོ་འཁོར་ལོ་འཛིན་པ། འོག་ཏུ་གནོད་མཛེས་ནག་པོ་གཏུན་ཤིང་འཛིན་པ། མི་གཡོ་འདོད་རྒྱལ་གནོད་མཛེས་རྣམས་རོལ་པའི་ཁྲོ་བོ། གཞན་རྣམས་ཤིན་ཏུ་ཁྲོས་པ། ཐམས་ཅད་ཀྱང་སྟག་ལྤགས་ཀྱི་ཤམ་ཐབས་དང་རིན་པོ་ཆེའི་རྒྱན་དང་ལྡན་པ། ཁྲོ་བོའི་མཚན་ཉིད་ཐམས་ཅད་རྫོགས་པ་མེ་དཔུང་དང་བཅས་

[Full Size]

པའོ། །ཁྲོ་བོ་བཅུ་ལས་ཁྲོ་བོ་བཅུ་ལྕགས་ཀྱུ་དང་ཞགས་པ་ཐོགས་པ་ཕྱོགས་བཅུར་སྤྲོས། ཕྱོགས་བཅུའི་བགེགས་རྣམས་ཀྱི་ཡན་ལག་ལྔ་ཞགས་པས་བཅིངས། ལྕགས་ཀྱུས་སྙིང་གར་བཏབ་སྟེ་བཀུག་པར་གྱུར། ཨོཾ་ཡ་མཱནྟ་ཀྲྀ་ཏ་ཧཱུྃ། ཨོཾ་པྲཛྙཱ་ནྟ་ཀྲྀ་ཏ་ཧཱུྃ། ཨོཾ་པདྨཱ་ནྟ་ཀྲི་ཏ་ཧཱུྃ། ཨོཾ་བིགྷྣཱནྟ་ཀྲྀ་ཏ་ཧཱུྃ། ཨོཾ་ཨཱརྱ་ཨ་ཙ་ལ་ཧཱུྃ། ཨོཾ་ཊཀྐི་རཱ་ཛ་ཧཱུྃ། ཨོཾ་ནཱི་ལ་དཎྜ་ཧཱུྃ། ཨོཾ་མ་ཧཱ་བ་ལ་ཧཱུྃ། ཨོཾ་ཙཀྲ་ཝཱ་རྟི་ཧཱུྃ། ཨོཾ་སུམྦྷ་རཱ་ཛ་ཧཱུྃ། ཨོཾ་སུམྦྷ་ནི་སུམྦྷ་ཧཱུྃ། གྲྀ་ཧྞ་གྲྀ་ཧྞ་ཧཱུྃ། གྲྀ་ཧྞ་པཱ་ཡ་གྲྀ་ཧྞ་པཱ་ཡ་ཧཱུྃ། ཨཱ་ན་ཡ་ཧོ་བྷ་ག་ཝཱན་བི་དྱཱ་རཱ་ཛ་ཧཱུྃ་ཕཊ་སྭཱ་ཧཱ། ཡང་ཧཱུྃ་ལས་ཕུར་བུ་དང་ཐོ་བ་བཅུ་སྤྲོས། ཡང་སྤྲུལ་ཁྲོ་བོ་རྣམས་ཀྱི་ལག་པ་གཡས་གཡོན་དུ་གཏད། བགེགས་རྣམས་ཀྱི་སྤྱི་བོར་ཕུར་བུས་བཏབ་

[Full Size]

ཅིང་ཐོ་བས་བརྡུངས་པས། ལུས་གཡོ་འགུལ་མེད། ངག་རླུང་རྒྱུ་བ་མེད། སེམས་འོད་གསལ་དུ་ཐིམ་ཞིང་ལྷག་མ་རྣམས་རྡོ་རྗེའི་མེ་འོད་དང་སྔགས་ཀྱི་སྒྲས་འཁོར་ཡུག་ཆེན་པོའི་ཕྱི་རོལ་དུ་བསྐྲད་པར་གྱུར། ཨོཾ་གྷ་གྷ་གྷཱ་ཏ་ཡ་གྷཱ་ཏ་ཡ། སརྦ་དུཥྚཱན་ཕཊ། ཀཱི་ལཱ་ཡ་ཀཱི་ལཱ་ཡ་སརྦ་པཱ་པཾ་ཕཊ། ཧཱུྃ་ཧཱུྃ་ཧཱུྃ་བཛྲ་ཀཱི་ལ་བཛྲ་དྷ་རོ་ཨཛྙ་པ་ཡ་ཏི་སརྦ་བིགྷྣཱན་ཀཱ་ཡ་ཝཱ་ཀ་ཙིཏྟ་བཛྲ་ཀཱི་ལ་ཡ་ཧཱུྃ་ཕཊ། ཨོཾ་བཛྲ་མུངྒ་ར་བཛྲ་ཀཱི་ལ་ཨཱ་ཀོ་ཊ་ཡ་ཧཱུྃ་ཧཱུྃ་ཕཊ། རང་ཉིད་མི་བསྐྱོད་པ་སྔོན་པོ་རྡོ་རྗེ་དང་དྲིལ་བུ་འཛིན་པས་མཱ་མ་ཀཱི་ལ་འཁྱུད་པ། རླུང་ཁ་སྦྱར་བྱ། རྩ་གསུམ་གསལ་བཏབ་ནས། ཨ་ཝ་དྷཱུ་ཏི་རབ་ཏུ་རྒྱས་པའི་ནང་གི་སྙིང་གར་ཧཱུྃ་མཐིང་ནག །ཨོཾ་བཛྲ་རཀྵ་རཀྵ་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། སྙིང་གའི་ཧཱུྃ་ལས་རཾ་ཆད་དེ་འོག་ཏུ་ཉི་མར་གྱུར། ཡང་ཧཱུྃ་གཅིག་ཆད་དེ། དེའི་

[Full Size]

སྟེང་དུ་སྣ་ཚོགས་རྡོ་རྗེར་གྱུར་པ་ནི། ཤར་གྱི་རྭ་གསུམ་དཀར་པོ། ལྷོའི་རྭ་གསུམ་སེར་པོ། ནུབ་ཀྱི་རྭ་གསུམ་དམར་པོ། བྱང་གི་རྭ་གསུམ་ལྗང་གུ། ལྟེ་བ་མཐིང་ནག་ལ་ཧཱུྃ་གིས་མཚན་པ། སྣ་ཚོགས་རྡོ་རྗེ་དེ་ཉིད་རྒྱ་ཆེ་ཞིང་རྔམས་ལ་འཐུག་པར་གྱུར་པས་རྡོ་རྗེ་ས་གཞི། ཁོར་ཡུག་ཏུ་འཕྲོས་པ་དཔངས་མཐོ་བས་རྭ་བ། རྩེ་མོ་རྣམས་སྟེང་དུ་འདུས་པར་གུར་དང་བླ་བྲེ། ཨོཾ་བཛྲ་རཀྵ་རཀྵ་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། ཕྱོགས་བཞིར་དམིགས་ནས་ཧཱུྃ་བཞི་པ་ལན་གཅིག་བརྗོད། སྙིང་གའི་ཧཱུྃ་གིས་འོད་ཟེར་གྱི་སྣེ་ལ་རྡོ་རྗེ་རྩེ་གཅིག་པ་ནས་རྩེ་དགུ་པའི་བར་གྱི་རྡོ་རྗེ་རྣམས་འཕྲོས་ཏེ་གོ་མཚམས་མེད་པར་གཏམས། ཡང་རཀྵའི་སྔགས་བརྗོད་པས། འོག་གི་ཉི་མ་ལས་ཡེ་ཤེས་ལྔའི་རང་བཞིན་གྱི་མེ་འབར་བས། ཕྱི་ངོས་ཀྱི་རྡོ་རྗེ་རྣམས་ཁྲོ་ཆུ་ལྟར་ཞུ་ནས།

[Full Size]

མེ་ལོང་གི་ངོས་བཞིན་དུ་གྱུར་པས་བསྐལ་པའི་རླུང་གིས་ཀྱང་མི་ཐར་ཞིང་བར་དུ་གཅོད་པ་གང་གིས་ཀྱང་མི་ཚུགས་པའི་བསྲུང་འཁོར་ཡེ་ཤེས་ཀྱི་མེ་འབར་བས་དཔག་ཚད་བྱེ་བ་ཙམ་དུ་ཁྱབ་པར་གྱུར། བཛྲ་རཀྵའི་སྔགས་ལན་གསུམ་བརྗོད། སྲུང་བའི་འཁོར་ལོའི་ནང་དུ་བླ་མ་ཡི་དམ་སངས་རྒྱས་བྱང་སེམས་དཔའ་བོ་མཁའ་འགྲོ་སྤྲིན་ཕུང་འཁྲིགས་པ་བཞིན་བཞུགས་པར་གྱུར། །བླ་མ་དཀོན་མཆོག་རྣམ་པ་གསུམ། །བླ་མ་ཡི་དམ་མཁའ་འགྲོའི་ཚོགས། །ཁྲོ་བོ་ཆོས་སྐྱོང་བཅས་པ་ལ། །རྟག་ཏུ་གུས་པས་སྐྱབས་སུ་མཆི། །ལན་གསུམ། བླ་མ་ཡི་དམ་འཁོར་བཅས་ཀྱིས། །རིགས་ཀྱི་བུ་ཁྱོད་ཀྱིས་སེམས་ཅན་གྱི་དོན་དུ་རྒྱུད་སྡེ་ལྔའི་ལྷ་ཚོགས་བསྒྲུབ་པ་ནི་ཤིན་ཏུ་ལེགས་སོ། །རིགས་ཀྱི་བུ་ཁྱོད་ཀྱི་བར་ཆད་ང་ཡིས་བསྲུང་ཞིང་བྱིན་གྱིས་བརླབ་པར་བྱའོ། །ཞེས་གསུངས་ནས་བུམ་པའི་

[Full Size]

ཆུས་དབང་བསྐུར་བས་སྡིག་སྒྲིབ་མི་མཐུན་པའི་ཕྱོགས་ཐམས་ཅད་བཀྲུས་པར་གྱུར། །མདུན་གྱི་ནམ་མཁར་བཅོམ་ལྡན་འདས་དགྱེས་མཛད་རྡོ་རྗེ་ལ་སོགས་པ་བྱོན་ནས་རང་དང་དབྱེར་མེད་དུ་གྱུར། ཨོཾ་ཨཥྚཱ་ན་ནཱ་ཡ། པིཾ་གོརྡྷ་ཀེ་ཤ་ཝརྟྨ་ནེ། ཙ་ཏུརྦིཾ་ཤ་ཏི་ནེ་ཏྲཱ་ཡ། ཥོ་ཌ་ཤ་བྷུ་ཛཱ་ཡ། ཀྲྀཥྞ་ཛི་མཱུ་ཏ་ཝ་པུ་ཥེ། ཀ་པཱ་ལ་མ་ལཱ་ཨ་ནེ་ཀནྡྷ་རི་ེ། ཨདྷྨ་ཏ་ཀྲུ་ར་ཙིཏྟ་ཡ། ཨརྡྷེ་ནྡུ་དཾཥྚི་ེ། ཨོཾ་མཱ་ར་ཡ་མཱ་ར་ཡ། ཀཱ་ར་ཡ་ཀཱ་ར་ཡ། གརྫ་ཡ་གརྫ་ཡ། ཏརྫ་ཡ་ཏརྫ་ཡ། ཤོ་ཥ་ཡ་ཤོ་ཥ་ཡ། སཔྟ་སཱ་ག་རཱ་ན། བན་དྷ་བན་དྷ། ནཱ་ག་ཨཥྚ་ཀཱན། གྲྀ་ཧྞ་གྲྀ་ཧྞ། ཤཱ་ཏྲུཾ། ཧ་ཧཱ། ཧི་ཧཱི། ཧུ་ཧཱུ། ཧེ་ཧཻ། ཧོ་ཧཽ། ཧཾ་ཧཿཕཊ་སྭཱ་ཧཱ། ཨོཾ་ཨཱཿབཛྲ་དྷྲྀཀ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་ཨཱཿཧྲཱིཿཧཱུྃ་ཕཊ་སྭཱ་ཧཱ། ཨོཾ་དེ་བ་པི་ཙུ་བཛྲ་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧཱུྃ་ཧཱུྃ་ཕཊ་

[Full Size]

ཌཱ་ཀི་ནཱི་ཛྭ་ལ་སམྤ་རཾ་སྭཱ་ཧཱ། ཨོཾ་ཧྲཱིཿཥྚིཿབི་ཀྲྀ་ཏཱ་ན་ན་ཧཱུྃ་ཕཊ། ཞེས་རྩ་སྔགས་ཀྱིས་ཁ་བཀྲུས་ལ་བདུད་རྩི་མྱང་། ནམ་མཁའ་དང་མཉམ་པའི་སེམས་ཅན་ཐམས་ཅད་བདག་གི་ཕ་མ་ཡིན། ཕ་མ་འདི་རྣམས་སྡུག་བསྔལ་བ་སྙིང་རེ་རྗེ། ད་ནི་བདག་གིས་བདེ་བ་དང་བདེ་བའི་རྒྱུ་དང་ལྡན་པར་བྱ། སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་བར་བྱ། རྒྱུད་སྡེ་ལྔའི་དཀྱིལ་འཁོར་གྱི་ལྷ་ཚོགས་རྣམས་ཀྱི་གོ་འཕང་ལ་བཞག་པར་བྱ། དེའི་ཕྱིར་དུ་བདག་གིས་རྒྱུད་སྡེ་ལྔའི་དཀྱིལ་འཁོར་བསྒྲུབ་པར་བགྱིའོ། །དེ་ནས་རང་སྐད་ཅིག་གིས་དགྱེས་མཛད་རྡོ་རྗེ་ཕྱག་གཉིས་པ་ཤེས་རབ་མ་དང་བཅས་པར་གསལ་བའི་སྙིང་གར་རཾ་ལས་ཉི་མའི་སྟེང་དུ་ཧཱུྃ། དེ་ལས་འོད་ཟེར་སྣ་ལྔ་འཕྲོས་པས། རང་གི་ལུས་ཀྱི་ནང་ཐམས་ཅད་སྦྱངས། ཡེ་ཤེས་ལྔ་ཡི་རང་བཞིན་དུ་གྱུར། ཡང་འཕྲོས་པས་ཤ་ཁྲག་ལ་སོགས་པ་བར་གྱི་

[Full Size]

དངོས་པོ་རྣམས་ཀྱང་སྦྱངས་ཏེ་ཡེ་ཤེས་ལྔའི་ངོ་བོར་གྱུར། ཡང་འཕྲོས་པ་བ་སྤུའི་བུ་ག་ནས་ཕྱིར་སོང་སྟེ་རང་བཞིན་གྱི་གནས་ནས་དཀྱིལ་འཁོར་ལྔའི་ལྷ་ཚོགས་བླ་མས་དབུ་བརྒྱན་པ་སངས་རྒྱས་བྱང་ཆུབ་སེམས་དཔའི་ཚོགས་དང་བཅས་པ་མདུན་གྱི་ནམ་མཁར་སྤྱན་དྲངས། །བླ་མ་རྣམས་དང་ཡི་དམ་ལྷ། །སངས་རྒྱས་བྱང་ཆུབ་སེམས་དཔའ་དང་། །དཔའ་བོ་མཁའ་འགྲོ་ཆོས་སྐྱོང་སོགས། །བདག་གི་གནས་འདིར་གཤེགས་སུ་གསོལ། །ཨོཾ་བྷ་ག་ཝཱན་མ་ཧཱ་ཀཱ་རུ་ཎི་ཀཱ་ཧེ་བཛྲ་གུ་ཧྱ་ས་མ་ཛ༔ ཙཀྲ་སམྦ་ར་མ་ཧཱ་མཱ་ཡཱ་བཛྲ་བྷེ་ར་བ་མཎྜ་ལ་ས་པ་རི་བཱ་ར་བཛྲ་ས་མཱ་ཛཿརང་གི་ལུས་ཞིང་གི་རྡུལ་སྙེད་དུ་སྤྲུལ། །སངས་རྒྱས་ཐམས་ཅད་འདུས་པའི་སྐུ། །སོགས་ཤློ་ཀ་གཅིག །བཅོམ་ལྡན་དགྱེས་མཛད་དཀྱིལ་འཁོར་དང་། །གསང་འདུས་མ་ཧཱ་མཱ་ཡཱ་དང་། །བདེ་མཆོག་འཁོར་

[Full Size]

ལོ་འཇིགས་བྱེད་དེ། །ཡི་དམ་ལྷ་ལ་ཕྱག་འཚལ་ལོ། །སངས་རྒྱས་ཆོས་དང་དགེ་འདུན་དང་། །དཔའ་བོ་དཔའ་མོ་མཁའ་འགྲོ་དང་། །ཆོས་སྐྱོང་ཚོགས་དང་བཅས་པ་ལ། །བདག་སོགས་གུས་པས་ཕྱག་འཚལ་ལོ། །ཨོཾ་བྷ་ག་ཝཱན་མ་ཧཱ་ཀཱ་རུ་ཎི་ཀཱ་ཧེ་བཛྲ་གུ་ཧྱ་ས་མཱ་ཛཿ ཙཀྲ་སམྦ་ར་མ་ཧཱ་མཱ་ཡཱ་བཛྲ་བྷཻ་ར་བ་མཎྜལ་ས་པཱ་རི་བཱ་ར་ཨརྒྷཾ་སྭཱ་ཧཱ། དེ་བཞིན་ཏུ། པཱ་དྱཾ་སྟེ་ཆུ་གཉིས་ཕུལ། ཨོཾ་བཛྲ་པུཥྤེ་ཨཱཿཧཱུྃ་ནས་ཤཔྡའི་བར་འབུལ། །དཀར་མོ་རི་དྭགས་མཚན་མ་འཛིན། །ཆོམ་རྐུན་བདུད་ལས་རྒྱལ་བའི་སྣོད། །རོ་ལངས་མ་ནི་ཆུ་ལག་མ། །གྷསྨ་རཱི་ནི་སྨན་འཛིན་ཅིང་། །པུཀྐ་སཱི་ནི་རྡོ་རྗེའི་ལག །དེ་བཞིན་རི་ཁྲོད་མི་རོ་འཛིན། །གདོལ་པ་མོ་ནི་ཅང་ཏེའུ་བརྡུང་། །འདི་རྣམས་ཀྱིས་ནི་གཙོ་བོར་མཆོད། །འདོད་ཆགས་ཆེན་པོ་རྗེས་ཆགས་པས། །གཡུང་མོའི་སྐུ་ལ་འཁྱུད་པ་ཉིད། །དེ་ནས་རྒྱུན་བཤགས་ནི། །

[Full Size]

བདག་གིས་སྡིག་པ་བགྱིས་པ་དང་། །བགྱིད་དུ་སྩལ་དང་ཡི་རང་བ། །སངས་རྒྱས་སྤྱན་སྔར་མཆིས་ནས་སུ། །མ་ལུས་སོ་སོར་བཤགས་པར་བགྱི། །སངས་རྒྱས་བྱང་ཆུབ་སེམས་དཔའ་དང་། །རང་རྒྱལ་དགྲ་བཅོམ་འགྲོ་རྣམས་ཀྱིས། །བསྒོམ་དང་བཟླས་བརྗོད་བསོད་ནམས་ཀྱི། །ཚོགས་ལ་བདག་ནི་ཡི་རང་ངོ། །བླ་མ་རྒྱུད་སྡེའི་ལྷ་རྣམས་ཀྱིས། །སེམས་ཅན་རྒྱུད་ལ་གང་འཚམ་པའི། །གང་འདུལ་དེ་ལ་དེར་བསྟན་ནས། །ཆོས་ཀྱི་འཁོར་ལོ་བསྐོར་དུ་གསོལ། །བླ་མ་ཡི་དམ་ལྷ་ཚོགས་ཀྱིས། །མཁའ་དང་མཉམ་པའི་སེམས་ཅན་རྣམས། །སངས་རྒྱས་དག་ལ་མ་འཁོད་པར། །དེ་སྲིད་དུ་ནི་བཞུགས་སུ་གསོལ། །སེམས་བསྐྱེད་མངོན་པར་སངས་རྒྱས་ནས། །ཆོས་ཀྱི་འཁོར་ལོ་བསྐོར་བ་དང་། །བྱང་ཆུབ་སེམས་དཔའི་ཚོགས་ཀྱི་

[Full Size]

མཆོག། དེ་ལ་བདག་ནི་སྐྱབས་སུ་མཆི། །སངས་རྒྱས་འབྱུང་བ་ཇི་ལྟ་བར། །སྐལ་ལྡན་བྱང་ཆུབ་སེམས་དཔའ་ཡིས། །བྱང་ཆུབ་སེམས་ནི་བསྐྱེད་པ་ལྟར། །དེ་བཞིན་བདག་གིས་སེམས་བསྐྱེད་དོ། །བདག་གི་དགེ་བའི་ལས་ནི་འདི་དག་གིས། །འཇིག་རྟེན་འདིར་ནི་མྱུར་དུ་སངས་རྒྱས་ཤོག །འགྲོ་ལ་ཕན་ཕྱིར་ཆོས་ཀྱང་སྟོན་བགྱིད་ཅིང་། །སེམས་ཅན་སྡུག་བསྔལ་གཟིར་ལས་སྒྲོལ་བར་ཤོག །བླ་མ་ཡི་དམ་སངས་རྒྱས་ལ། །བདག་གི་ལུས་ངག་ཡིད་གསུམ་ནི། །ལྟོས་མེད་སེམས་ཅན་དོན་དུ་འབུལ། །ཁྱོད་ཀྱི་སྐུ་གསུམ་འགྲུབ་པར་ཤོག །དེ་ནས་སྲས་བཅས་སངས་རྒྱས་ཐམས་ཅད་དང་། །དཔའ་བོ་རྣལ་འབྱོར་མ་རྣམས་ཀུན། །ཐམས་ཅད་བདག་ལ་དགོངས་སུ་གསོལ། །རིག་པ་འཛིན་པ་བདག་གིས་ནི། །དུས་ནི་འདི་ནས་བཟུང་ནས་སུ། །

[Full Size]

ཇི་སྲིད་བྱང་ཆུབ་སྙིང་པོའི་བར། །ཇི་ལྟར་དུས་གསུམ་མགོན་པོ་རྣམས། །བྱང་ཆུབ་ཏུ་ནི་ངེས་མཛད་པའི། །བྱང་ཆུབ་སེམས་ནི་བླ་ན་མེད། །དམ་པ་བདག་གིས་བསྐྱེད་པར་བགྱི། །ཚུལ་ཁྲིམས་ཀྱི་ནི་བསླབ་པ་དང་། །དགེ་བའི་ཆོས་ནི་སྡུད་པ་དང་། །སེམས་ཅན་དོན་བྱེད་ཚུལ་ཁྲིམས་གསུམ། །སོ་སོར་བརྟན་པོར་བཟུང་བར་བགྱི། །སངས་རྒྱས་ཆོས་དང་དགེ་འདུན་ཏེ། །བླ་ན་མེད་པའི་དཀོན་མཆོག་གསུམ། །སངས་རྒྱས་རྣལ་འབྱོར་ལས་སྐྱེས་པའི། །སྡོམ་པ་དེང་ནས་བརྟན་པོར་བཟུང་། །རྡོ་རྗེའི་རིགས་མཆོག་ཆེན་པོ་ལ། །རྡོ་རྗེ་དྲིལ་བུ་ཕྱག་རྒྱ་ཡང་། །ཡང་དག་ཉིད་དུ་བཟུང་བར་བགྱི། །སློབ་དཔོན་དག་ཀྱང་བཟུང་བར་བགྱི། །རིན་ཆེན་རིགས་མཆོག་ཆེན་པོ་ཡི། །དམ་ཚིག་ཡིད་དུ་འོང་བ་ལ། །ཉིན་རེ་བཞིན་ཡང་དུས་དྲུག་ཏུ། །སྦྱིན་པ་རྣམ་བཞི་རྟག་ཏུ་

[Full Size]

སྦྱིན། །བྱང་ཆུབ་ཆེན་པོ་ལས་བྱུང་བའི། །པདྨའི་རིགས་ཆེན་དག་པ་ལ། །ཕྱི་ནང་གསང་བའི་ཐེག་པ་གསུམ། །དམ་པའི་ཆོས་ནི་མ་ལུས་བཟུང་། །ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་ཅད་ལྡན་པར་ནི། །ཡང་དག་ཉིད་དུ་བཟུང་བར་བགྱི། །མཆོད་པའི་ལས་ཀྱང་ཅི་ནུས་བགྱི། །བྱང་ཆུབ་སེམས་ནི་བླ་མེད་མཆོག །དམ་པ་བདག་གིས་བསྐྱེད་བགྱིས་ནས། །སེམས་ཅན་ཀུན་གྱི་དོན་གྱི་ཕྱིར། །བདག་གིས་སྡོམ་པ་མ་ལུས་བཟུང་། །མ་བསྒྲལ་བ་རྣམས་བདག་གིས་བསྒྲལ། །མ་གྲོལ་བ་རྣམས་བདག་གིས་དགྲོལ། །དབུགས་མ་ཕྱིན་པ་དབུགས་དབྱུང་ཞིང་། །སེམས་ཅན་མྱ་ངན་འདས་ལ་འགོད། །ཅེས་པའི་རིགས་ལྔའི་སྡོམ་པ་བཟུང་བ་ཡང་བྱའོ། །སེམས་ཅན་ཐམས་ཅད་བདེ་བ་དང་སོགས་ཚད་མེད་བཞི་བསྒོམ། ཨོཾ་སྭ་བྷཱ་ཝ་ཤུདྡྷཿསརྦ་དྷརྨཱཿ སྭ་བྷཱ་ཝ་ཤུདྡྷོ་྅ཧཾ། ཨོཾ་ཤཱུནྱ་ཏཱ་ཛྙཱ་ན་བཛྲ་སྭ་བྷཱ་

[Full Size]

ཝ་ཨཱཏྨ་ཀོ྅་ཧཾ། སྟོང་པའི་ངང་ལས་རཾ་ལས་ཉི་མ་ལ་ཧཱུྃ་ལས་སྣ་ཚོགས་རྡོ་རྗེ། དེ་ལས་རྡོ་རྗེའི་ས་གཞི་རྭ་བ་དྲྭ་བ་གུར་བླ་བྲེ་མེ་རི་དང་བཅས་པའི་དབུས་སུ། ཨ་ལས་ཆོས་འབྱུང་གྲུ་གསུམ་ཕྱི་དཀར་ལ་ནང་དམར་བ་གདེངས་ཀ་ཆེ་བ་གྱེན་དུ་ཕྱོགས་ཤིང་། །རྩ་བ་ཕྲ་བ་ཐུར་དུ་ཟུག་པའི་ནང་དུ། ཡཾ་ལས་རླུང་གི་དཀྱིལ་འཁོར་སྔོན་པོ་ཟླ་གཾ་ཡཾ་དང་བ་དན་གྱིས་མཚན་པ། དེའི་སྟེང་དུ་རཾ་ལས་མེའི་དཀྱིལ་འཁོར་དམར་པོ་གྲུ་གསུམ་རཾ་དང་འབར་བས་མཚན་པ། །དེའི་སྟེང་དུ་བཾ་ལས་ཆུའི་དཀྱིལ་འཁོར་དཀར་པོ་ཟླུམ་པོ་བཾ་དང་བུམ་པས་མཚན་པ། །དེའི་སྟེང་དུ་ལཾ་ལས་སའི་དཀྱིལ་འཁོར་སེར་པོ་གྲུ་བཞི་ལཾ་དང་རྡོ་རྗེས་མཚན་པ། དེའི་སྟེང་དུ་བྷྲཱུྃ་ལས་འཁོར་ལོ་སེར་པོ་རྩིབས་བཅུ་དྲུག་པ་ལྟེ་བ་ལ་བྷྲཱུྃ་གྱིས་མཚན་པ། དེ་རྣམས་གཅིག་ཏུ་འདྲེས་པ་ལས་པད་ཉི་སྣ་

[Full Size]

ཚོགས་རྡོ་རྗེ་དང་བཅས་པའི་སྟེང་དུ། །རིན་པོ་ཆེ་སྣ་ཚོགས་ལས་གྲུབ་པའི་གཞལ་ཡས་ཁང་གྲུ་བཞི་སྒོ་བཞི་པ། ཕྱི་ནས་རིམ་པ་བཞིན་དུ་དཀར་སེར་དམར་ལྗང་སྔོ་བའི་རྩིག་པ་རིམ་པ་ལྔ་དང་ལྡན་པ། དེའི་སྟེང་དུ་རིན་པོ་ཆེའི་ཕ་གུ་ལས་དྲྭ་བ་དང་དྲྭ་བ་ཕྱེད་པ་ལ་སོགས་པ་དུ་མ་དཔྱངས་པ། དེའི་སྟེང་དུ་བྱ་འདབ་ལས་ཐུར་དུ་འཕྱང་བའི་ཤར་བུའི་ཕྲེང་བ་དང་། སྟེང་དུ་མདའ་ཡབ་མཆོད་རྟེན་གྱི་དབྱིབས་ཅན་གྱིས་བསྐོར་བའི་བར་བར་ན་གདུགས་དང་རྒྱལ་མཚན་དང་བ་དན་ལ་སོགས་པས་བརྒྱན་པ། ནང་ཀ་བ་བརྒྱད་དང་ལྡན་པ། སྟེང་རྡོ་རྗེའི་གདུང་བཞི་མིག་མང་རིས་སུ་བྲེས་ཤིང་མཛེས་པར་ཕུབ་པ། དབུས་ཕྱུར་བུར་གྱུར་པའི་རྩེ་མོར་རྡོ་རྗེ་རིན་པོ་ཆེའི་ཏོག་གིས་སྤྲས་པ། རྩིག་པའི་ཕྱི་རོལ་འགྲམ་སྟེགས་མཆོད་པའི་སྣམ་བུ་དམར་པོ་ལ་བུད་མེད་སྒྱུ་མའི་མཛེས་

[Full Size]

སྡུག་གིས་སྒེག་པའི་གཟུངས་མ་རྣམས་ཀྱིས་མཆོད་རྫས་དུ་མ་ཐོགས་ནས་དཀྱིལ་འཁོར་གྱི་ལྷ་ཚོགས་རྣམས་ལ་མཆོད་པ། ཟུར་བཞིར་ཟླ་ཕྱེད་ནོར་བུ་དང་། སྒོ་འཁྱུད་ཀྱི་མཚམས་སུ་ཟླ་ཕྱེད་རྡོ་རྗེས་བརྒྱན་པ། སྒོ་བཞིའི་མདུན་དུ་རྒྱན་དང་བཅས་པའི་ཀ་བས་བཏེགས་པའི་རྟ་བབས་མཆོད་རྟེན་གྱི་རྣམ་པ་ཅན་རྒྱན་ཐམས་ཅད་ཀྱིས་བརྒྱན་པ། རྟ་བབས་ཀྱི་རྩེ་མོར་པདྨ་ལ་གནས་པའི་ཆོས་འཁོར། སྟེང་དུ་གདུགས་དཀར་པོ། གཡས་གཡོན་དུ་རི་དྭགས་ཕོ་མོ་དང་བཅས་པ། གཞན་ཡང་རྒྱན་སྣ་ཚོགས་ཀྱིས་སྤྲས་པའི་གཞལ་ཡས་ཁང་གླང་རྒྱབ་ཀྱི་ནང་དེ་བཞིན་གཤེགས་པ་ལྔས་མཛེས་པ། སྒོ་བཞིའི་ཕྱི་རོལ་དུ་རིན་པོ་ཆེའི་ཐེམ་སྐས་དང་། དེའི་ཕ་རོལ་དུ་བབ་ཞོན་གྱི་རྟ་བབས་དང་བཅས་པའོ། །དེའི་ཕྱི་རོལ་དུ་དུར་ཁྲོད་ཆེན་

[Full Size]

པོ་བརྒྱད་ནི། ཤར་དུ་གཏུམ་དྲག །ལྷོར་འཇིགས་བྱེད་ཐོད་པ་ཅན། །ནུབ་ཏུ་འུར་འུར་འབར་བ། །བྱང་དུ་ཚང་ཚིང་འཁྲིགས་པ། ཤར་ལྷོར་དབང་ཕྱུག་ནགས་ཚལ། ལྷོ་ནུབ་ཏུ་མུན་པ་མི་ཟད་པ། ནུབ་བྱང་དུ་ཅ་ཅོ་སྒྲོག་པ། བྱང་ཤར་དུ་ཧ་ཧ་རྒོད་པའོ། །ཤིང་ཆེན་པོ་བརྒྱད་ནི། ཧ་ར་ཙུ་ཏ་ཨ་ཤོ་ཀ། ཨ་ཤྭད་ཐ་དང་ཀ་རཉྫ། །ཛ་ལ་ཏི་དང་པར་ཏི་པ། །བྷེ་ཏ་དང་ནི་བྷ་ཊའོ། །རྩ་བར་ཕྱོགས་སྐྱོང་བརྒྱད་གནས་པ། །ཤར་དུ་བརྒྱ་བྱིན་ལྷོར་གཤིན་རྗེ། །ཆུ་ལྷ་ནུབ་དང་གནོད་སྦྱིན་བྱང་། །བྱང་ཤར་འབྱུང་པོ་ཤར་ལྷོ་མེ། །ལྷོ་ནུབ་སྲིན་པོ་ནུབ་བྱང་རླུང་། །མཁའ་ལ་ལྷ་ཆེན་བརྒྱད་གནས་པ། །ཤར་དུ་དབང་པོ་ལྷོར་ཚངས་པ། །ཁྱབ་འཇུག་ནུབ་དང་དབང་ཕྱུག་བྱང་། །བྱང་ཤར་ལ་སོགས་མཚམས་བཞི་རུ། །གདོང་དྲུག་ཚོགས་ཀྱི་བདག་པོ་དང་། །བྷྲྀཾ་གི་རི་ཏི་ལེགས་

[Full Size]

ལྡན་ནག། ཆུ་ལ་ཀླུ་ཆེན་བརྒྱད་གནས་པ། །འཇོག་པོ་དུང་སྐྱོང་རིགས་ལྡན་དང་། །མཐའ་ཡས་པད་ཆེན་དགའ་བོ་དང་། །ནོར་རྒྱས་བུ་དང་པདྨའོ། །ཤིང་གི་ཡལ་ག་ལ་གནས་པའི་ཞིང་སྐྱོང་རྣམས་ཕྱོགས་སྐྱོང་སོ་སོའི་མདོག་དང་མཚུངས་ཤིང་སོ་སོའི་བཞོན་པའི་གདོང་པ་ཅན་གྲི་གུག་དང་ཐོད་པ་གཏོར་མས་གང་བ་འཛིན་པའོ། །སྤྲིན་ཆེན་པོ་བརྒྱད་ནི། སྒྲོག་བྱེད་སེར་པོ། ལྡོག་བྱེད་སྔོན་པོ། འཇིགས་བྱེད་དཀར་པོ། འཁོར་བྱེད་སེར་པོ། འཐུག་པོ་དཀར་པོ། འགེངས་བྱེད་དམར་པོ། ཆར་འབེབས་ནག་པོ། གཏུམ་པོ་ལྗང་གུའོ། །གཞན་ཡང་རི་བརྒྱད། །མཆོད་རྟེན་བརྒྱད། ཆུ་བརྒྱད། དྲག་ཏུ་འབར་བའི་མེ་བརྒྱད་དང་བཅས་པ། གཞན་ཡང་རོ་དང་རོ་ལངས་དང་ཤ་ཟ་དང་འབྱུང་པོ་དང་སྲིན་པོ་དང་། བྱ་དང་གཅན་

[Full Size]

གཟན་དང་། དཔའ་བོ་དང་རྣལ་འབྱོར་མ་གྲུབ་པ་ཐོབ་པ་དང་། གྲུབ་པའི་རྫས་དང་མཆོད་རྫས་ཐམས་ཅད་ཀྱིས་གང་བ་དངོས་གྲུབ་འབྱུང་བའི་དུར་ཁྲོད། དེ་རྣམས་ཀྱིས་ཡོངས་སུ་བསྐོར་བའི་གཞལ་ཡས་ཁང་གི་ལྷ་སྣམ་ཤར་དཀར། ལྷོ་སེར། ནུབ་དམར། བྱང་ལྗང་། དབུས་སྔོ་བའི་ལྟེ་བར་སྣ་ཚོགས་པདྨ་འདབ་མ་བརྒྱད་པ། ཕྱོགས་བཞི་དམར་བ། མེ་དང་རླུང་སེར་བ། བདེན་བྲལ་ལྗང་བ། དབང་ལྡན་སྔོ་བ། འཐའ་མ་རྡོ་རྗེ་ནག་པོའི་མུ་ཁྱུད་ཀྱིས་བསྐོར་བ། ལྟེ་བར་ཉི་མའི་གདན་ལ་བདུད་བཞིའི་ངོ་བོ་ཚངས་པ་སེར་པོ། དབང་པོ་ཁམ་སེར། ཉེ་དབང་ལྗང་གུ། དྲག་པོ་ཐལ་ཀར་རྣམས་གན་རྐྱལ་དུ་བཀྲམ་པ། འདབ་མ་བརྒྱད་ལ། ཤར་དུ་ཚངས་པ། ལྷོ་རུ་བརྒྱ་བྱིན། ནུབ་ཏུ་ཉེ་དབང་། །བྱང་དུ་དྲག་པོ།

[Full Size]

བྱང་ཤར་དུ་གཤིན་རྗེ་སྔོན་པོ། ཤར་ལྷོར་གནོད་སྦྱིན་སེར་པོ། ལྷོ་ནུབ་ཏུ་སྲིན་པོ་སྨུག་ནག །ནུབ་བྱང་དུ་ལྷ་མིན་ཐགས་བཟང་རིས་ལྗང་གུ་རྣམས་གན་རྐྱལ་དུ་གནས་པའི་སྙིང་གར་ཟླ་བའི་དཀྱིལ་འཁོར་རེ་རེ། །སྒོ་བཞིར་ཉི་མའི་དཀྱིལ་འཁོར་ལ་ཡི་དྭགས་ཀྱི་གདན་རེ་རེའོ། །དབུས་སུ་རང་སེམས་ཧཱུྃ་དང་ཨཾ་ནག་པོ། དེའི་འོག་ཏུ་མཚན་བཟང་པོ་སུམ་ཅུ་རྩ་གཉིས་ཀྱི་ངོ་བོ་ཨ་ཨཱ་ ཨི་ཨཱི་ ཨུ་ཨཱུ་ རྀ་རཱྀ་ ལྀ་ལཱྀ་ ཨེ་ཨཱཻ་ཨོ་ཨཽ་ ཨཾ་ཨཿ ཕྲག་གཉིས་ཞུ་བ་ལས་བྱུང་བའི་ཟླ་བའི་དཀྱིལ་འཁོར་མེ་ལོང་ལྟ་བུའི་ཡེ་ཤེས། དེའི་སྟེང་དུ་དཔེ་བྱེད་བཟང་པོ་བརྒྱད་ཅུའི་ངོ་བོ། ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ་ཀྵ། ཌ་ཌྷ་ད་དྷ་ལ་ཡ། ཕྲག་

[Full Size]

གཉིས་ཞུ་བ་ལས་བྱུང་བའི་ཉི་མའི་དཀྱིལ་འཁོར་མཉམ་པ་ཉིད་ཀྱི་ཡེ་ཤེས། དེ་གཉིས་ཀྱི་བར་དུ་ཡི་གེ་གཉིས་ཞུགས་ཏེ། ཧཱུྃ་ལས་རྡོ་རྗེ་ཧཱུྃ་གིས་མཚན་པ་དང་ཨཾ་ལས་གྲི་གུག་ཨཾ་གིས་མཚན་པར་གྱུར་པ་ནི་སོ་སོར་ཀུན་ཏུ་རྟོག་པའི་ཡེ་ཤེས། དེ་ལས་འོད་འཕྲོས་སེམས་ཅན་གྱི་དོན་བྱས། ཚུར་འདུས་ཐམས་ཅད་གཅིག་ཏུ་འདྲེས་པ་བྱ་བ་ནན་ཏན་གྱི་ཡེ་ཤེས། དེ་ལས་སྐུ་ཡོངས་སུ་རྫོགས་པ་ཆོས་ཀྱི་དབྱིངས་ཀྱི་ཡེ་ཤེས་ཀྱི་ངོ་བོ་བཅོམ་ལྡན་འདས་དགྱེས་མཛད་རྒྱུ་རྡོ་རྗེ་འཛིན་པ་སྐུ་མདོག་མཐིང་ནག །ཞལ་བརྒྱད་པ། སྤྱན་ཉི་ཤུ་རྩ་བཞི་ཕྱེ་བ། ཕྱག་བཅུ་དྲུག་པ། ཞབས་བཞི་པ། ཞལ་ནས་ཧཱུྃ་སྤྲོ་བ། ལྷ་དང་ལྷ་མིན་ཐམས་ཅད་སྡིག་པར་མཛད་པ། འཇིགས་པའང་འཇིགས་པ། དྲག་པོ་ཆེན་པོ་རྩ་བའི་ཞལ་ནག་པོ། གཡས་དཀར་བ་གཡོན་དམར་བ་

[Full Size]

སྟེང་ཞལ་དུ་བའི་མདོག་ཅན། །ལྷག་མ་ཞལ་བཞི་ནག་པ། །དབུ་སྐྲ་སེར་པོ་འབར་ཞིང་འཁྱིལ་བ། སྤྱི་བོར་སྣ་ཚོགས་རྡོ་རྗེས་མཚན་པ། ཐོད་སྐམ་ལྔ་ལྔའི་དབུ་རྒྱན་ཅན་སྨིན་མ་ཡོན་པོ་དང་བཅས་ཤིང་། ཁྲོ་གཉེར་ལྡན་པ། མཆེ་བ་གཙིགས་པ། བནྡྷུ་ལྟར་དམར་བའི་སྤྱན་གསུམ་གསུམ་དང་ལྡན་པ། ཕྱག་བཅུ་དྲུག་གི་དང་པོ་གཉིས་ཀྱིས་རྡོ་རྗེ་དང་དྲིལ་བུ་འཛིན་པས་ཡུམ་ལ་འཁྱུད་ཅིང་། གཡས་ཀྱི་གཉིས་པ་ན་རལ་གྲི། གསུམ་པ་ན་མདའ། བཞི་པ་ན་འཁོར་ལོ། ལྔ་པ་ན་བཤོར། དྲུག་པ་ན་དབྱུག་པ། བདུན་པ་ན་རྩེ་གསུམ། བརྒྱད་པ་ན་ལྕགས་ཀྱུ། གཡོན་གྱི་གཉིས་པ་ན་པདྨ། གསུམ་པ་ན་གཞུ། བཞི་པ་ན་ཁ་ཊྭཱཾ་ག །ལྔ་པ་ན་ཐོད་པ། དྲུག་པ་ན་རིན་པོ་ཆེ། བདུན་པ་ནི་སྡིགས་མཛུབ། བརྒྱད་པ་ན་

[Full Size]

ཞགས་པ་བསྣམས་པ། སྐུ་ལ་རུས་པའི་ཕྱག་རྒྱ་དྲུག་དང་ལྡན་པ། ཁྲག་འཛག་མི་མགོ་ལྔ་བཅུའི་དོ་ཤལ་ཅན། གཅེར་བུ་ཞབས་མདུན་མ་གཉིས་གཡས་བརྐྱང་གི་སྟབས་དང་། རྒྱབ་མ་གཉིས་སྐྱིལ་ཀྲུང་ཕྱེད་པའི་སྟབས་ཀྱི་ཚངས་པ་དང་། དབང་པོ་དང་། དྲག་པོ་དང་། ཉེ་དབང་རྣམས་མཉམ་པར་མནན་པ། སྒེག་པ་དཔའ་བ་མི་སྡུག་པ། །རྒོད་དང་དྲག་ཤུལ་འཇིགས་སུ་རུང་། །སྙིང་རྗེ་རྔམས་དང་ཞི་བ་སྟེ། །གར་དགུའི་རོ་དང་ལྡན་པ་ཉིད། །དེ་ལ་འཁྱུད་པའི་བདག་མེད་མ་ནག་མོ་དྲག་མོ་ཆེན་མོ་ལྷ་མོའི་ཆ་བྱེད་རྫོགས་པ། ཕྱག་བཞིའི་དང་པོ་གཉིས་གྲི་གུག་དང་ཐོད་པ་འཛིན་པ། འོག་མ་གཉིས་ཀྱིས་མདའ་དང་གཞུ་བསྣམས་པ། གཅེར་བུ་ཕྱག་རྒྱ་ལྔ་དང་མགོ་བོ་སྐམ་པོ་ལྔའི་ཕྲེང་བ་ཅན། གཡོན་བརྐྱང་གི་སྟབས་ཀྱིས་རྗེས་སུ་

[Full Size]

ཆགས་པ། ལྷག་མ་བཅོམ་ལྡན་འདས་དང་མཚུངས་པ། གཉིས་ཀའང་མེ་དཔུང་འབར་བའི་དབུས་ན་བཞུགས་ཤིང་ནམ་མཁའི་མཐའ་ཀླས་པར་འོད་ཀྱིས་ཁྱབ་པར་མཛད་པ་འབར་བའི་ཕྲེང་བ་འཁྲུགས་པའོ། །ཡབ་ཀྱི་གསང་གནས་མི་དམིགས་པའི་ངང་ལས་ཧཱུྃ་ལས་རྡོ་རྗེ་སྔོན་པོ་རྩེ་ལྔ་པ་ལྟེ་བ་ལ་ཧཱུྃ་གིས་མཚན་པ། ཨོཾ་བཛྲ་མ་ཧཱ་དེྭ་ཥ་ཙ་ཏུ་ར་ཨཱ་ནནྡ་དཱ་ཡ་ཀ་ཁ་ཁ་མུ་ཁ་ཨེ་ཀ་ར་སོ་ནཱ་ཐ་ཧཱུྃ་ཧཱུྃ་ཧཱུྃ་ཀཱརྻ་ཀུ་རུ་ཥྭ་མེ། ཡུམ་གྱི་མཁའ་ཨ་ལས་པདྨ་དམར་པོ་འདབ་མ་བརྒྱད་པ་ལྟེ་བར་ཨཾ་གིས་མཚན་པ། ཨོཾ་པདྨ་སུ་ཁ་དྷ་ར་མ་ཧཱ་རཱ་ག་སུ་ཁཾ་ད་ད་ཙ་ཏུར་ཨ་ནནྡ་བྷ་ག་བི་ཤྭ་ཧཱུྃ་ཧཱུྃ་ཧཱུྃ་ཀཱརྻཾ་ཀུ་རུ་ཥྭ་མེ། ཡབ་ཡུམ་སྙོམས་པར་ཞུགས་པའི་དགའ་བའི་སྒྲས་ཕྱོགས་བཅུའི་སངས་རྒྱས་སྲས་དང་བཅས་པ་སྤྱན་དྲངས་ཡབ་ཀྱི་ཞལ་ནས་ཞུགས་ནས་ཐུགས་ཀར་རྗེས་སུ་ཆགས་པའི་མེས་ཞུ།

[Full Size]

རྡོ་རྗེའི་ལམ་ནས་ཡུམ་གྱི་པདྨར་བབས་པས་ཐིག་ལེ་ཆ་བཅུ་གཉིས་སུ་གྱུར། མཁའ་ནང་ནས་ཕྱིར་སྤྲོས་ཏེ་སོ་སོའི་གདན་ལ་འཁོད་པ་ཉི་ཟླ་ཁ་སྦྱོར་བཅུ་གཉིས་སུ་གྱུར། དེ་རྣམས་ཀྱི་བར་དུ་གཾ་ཙཾ་བཾ་གྷཾ་བཾ་ཤཾ་ལཾ་ཌཾ་ཛཿཧཱུྃ་བཾ་ཧོ་རྣམས་སུ་གྱུར། དེ་རྣམས་ཡོངས་སུ་གྱུར་པ་ལས་གྲི་གུག་དང་ཅང་ཏེའུ་རལ་གྲི་དང་ཐོད་པ་རིན་པོ་ཆེ་དང་རྡོ་རྗེ་རླུང་རས་དང་ཐོད་པ་ལྕགས་ཀྱུ་དང་ཞགས་པ་ལྕགས་སྒྲོག་དང་དྲིལ་བུ་རྣམས་ས་བོན་དེ་རྣམས་ཀྱིས་མཚན་པ། ཟླ་ཉི་སོ་སོ་དང་གཅིག་ཏུ་འདྲེས་པ་ཡོངས་སུ་གྱུར་པ་ལས། ཤར་དུ་གཽ་རཱི་ནག་མོ་གཡས་གཉིས་གྲི་གུག་དང་མདའ། གཡོན་གཉིས་ཐོད་པ་དང་གཞུ་འཛིན་པ། ལྷོར་ཙཽ་རཱི་དམར་མོ་གཡས་གཉིས་ཌཱ་མ་རུ་དང་འཁོར་ལོ། །གཡོན་གཉིས་ཐོད་པ་དང་ལྕགས་ཀྱུ་འཛིན་པ། ནུབ་ཏུ་བཻ་ཏཱ་ལི་སེར་མོ་གཡས་གཉིས་རལ་གྲི་དང་ཆང་བུམ།

[Full Size]

གཡོན་གཉིས་དུང་ཆོས་དང་ཐོད་པ་འཛིན་པ། བྱང་དུ་གྷསྨ་རཱི་ལྗང་གུ་གཡས་གཉིས་ཐོད་ཞགས་དང་སྐྱབས་སྦྱིན། གཡོན་གཉིས་དགྲ་སྟྭ་དང་མེ་ཐབ་འཛིན་པ། བྱང་ཤར་དུ་པུཀྐ་སཱི་སྔོན་མོ་གཡས་གཉིས་རྡོ་རྗེ་དང་མཆོག་སྦྱིན། གཡོན་གཉིས་དཔག་བསམ་ཤིང་གི་ལྕུག་མ་དང་ཐོད་པ་འཛིན་པ། ཤར་ལྷོར་ཤ་བ་རཱི་དཀར་མོ་གཡས་གཉིས་རྡོ་རྗེ་དང་ཁ་ཊྭྃ་ག །གཡོན་གཉིས་ཐོད་པ་དང་ཞགས་པ་འཛིན་པ། ལྷོ་ནུབ་ཏུ་ཙནྜ་ལཱི་སྔོན་མོ་གཡས་གཉིས་རླུང་རས་དང་ཐོད་པ། གཡོན་གཉིས་བ་དན་དང་པདྨ་འཛིན་པ། ནུབ་བྱང་དུ་ཌོཾ་བི་ནཱི་སྣ་ཚོགས་མདོག་གཡས་གཉིས་ཐོད་པ་དང་བཤོར། །གཡོན་གཉིས་མདུང་རྩེ་གསུམ་དང་སའི་དཀྱིལ་འཁོར་འཛིན་པ། ཤར་སྒོར་སྟག་གདོང་མ་ནག་མོ་ཞལ་བཞི་ནག་སེར་དམར་བའི་སྟེང་ན་རྟ་གདོང་ལྗང་གུ་རྩ་ཕྱག་

[Full Size]

གཉིས་ཀྱིས་གླིང་བུ། ཐ་མ་གཉིས་ཀྱིས་རྡོ་རྗེ་དང་ལྕགས་ཀྱུ་འཛིན་པ། ལྷོ་སྒོར་ཕག་གདོང་མ་སེར་མོ་ཞལ་བཞི་སེར་སྔོ་དཀར་བའི་སྟེང་ན་ཕག་གདོང་དམར་མོ་རྩ་ཕྱག་གཉིས་ཀྱིས་པི་ཝང་། ཐ་མ་གཉིས་ཀྱིས་རིན་པོ་ཆེ་དང་ཞགས་པ་འཛིན་པ། ནུབ་སྒོར་ཁྱི་གདོང་མ་དམར་མོ་ཞལ་བཞི་དམར་སྔོ་དཀར་བའི་སྟེང་ན་ཁྱི་གདོང་སེར་མོ་རྩ་ཕྱག་གཉིས་ཀྱིས་རྔ་བོ་ཆེ། ཐ་མ་གཉིས་ཀྱིས་པདྨ་དང་ལྕགས་སྒྲོག་འཛིན་པ། བྱང་སྒོར་སེང་གདོང་མ་ལྗང་གུ་ཞལ་བཞི་ལྗང་ནག་དམར་བའི་སྟེང་ན་སེང་གདོང་དཀར་མོ་རྩ་ཕྱག་གཉིས་ཀྱིས་རྫ་རྔ། ཐ་མ་གཉིས་ཀྱིས་རལ་གྲི་དང་དྲིལ་བུ་འཛིན་པ། ལྷ་མོ་ཐམས་ཅད་ཀྱང་སྤྱན་གསུམ་གསུམ་དང་ལྡན་ཞིང་། དབུ་སྐྲ་དམར་སེར་གྱེན་དུ་བརྫེས་པ། ཐོད་སྐམ་ལྔ་ལྔས་དབུར་བརྒྱན་ཅིང་། སྐམ་པོ་ལྔ་བཅུའི་ཕྲེང་

[Full Size]

བ་དང་། རུས་པའི་ཕྱག་རྒྱ་ལྔས་བརྒྱན་པ། གཡོན་བརྐྱངས་པའི་སྟབས་ཀྱིས་ཡེ་ཤེས་ཀྱི་མེ་འབར་བའི་དབུས་ན་བཞུགས་པའོ། །སྒོ་མ་རྣམས་ནི་སྦོམ་ཐུང་ཆེར་ཁྲོས་ཤིང་སྟག་གི་པགས་པས་ཤམ་ཐབས་ཅན་ནོ། །དེ་ནས་གཙོ་བོའི་དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། གཙུག་ཏོར་དང་ལྟེ་བར་ཧོཿདམར་པོ་རེས་མཚན་པར་གྱུར། ཡབ་ཡུམ་སྙོམས་པར་ཞུགས་རྗེས་སུ་ཆགས་པའི་མེས་འོད་དུ་ཞུ་ནས་བདུད་བཞིའི་སྟེང་དུ། བདེ་བ་ཆེན་པོའི་ངོ་བོ་རྡོ་རྗེ་སེམས་དཔའི་རང་བཞིན་ཐིག་ལེ་གཉིས་སུ་གྱུར། དེ་ནས་ཚད་མེད་པ་བཞིའི་ངོ་བོར་གྱུར་པའི་ལྷ་མོ་བཞིའི་སྙན་པའི་དབྱངས་ཀྱིས་འགྲོ་བའི་དོན་ལ་བསྐུལ་བ་ནི། པུཀྐ་སཱིས། རྗེ་བཙུན་སྙིང་རྗེའི་ཡིད་བཞེངས་ཤིག །པུཀྐ་སཱི་ནི་བདག་ལ་སྐྱོབས། །སྟོང་པའི་རང་བཞིན་ཉིད་སྤོངས་

[Full Size]

ལ། །བདག་ལ་བདེ་ཆེན་སྦྱོར་བཞེད་མཛོད། །ཤ་བ་རཱིས། ཁྱོད་མེད་ན་ནི་བདག་འགུམ་པས། །དགྱེས་མཛད་རྡོ་རྗེ་ཁྱོད་བཞེངས་ཤིག །སྟོང་པའི་རང་བཞིན་ཉིད་སྤོངས་ལ། །རི་ཁྲོད་མ་འབྲས་གྲུབ་པར་མཛོད། །ཙཎྜ་ལཱིས། དགའ་གཙོ་འཇིག་རྟེན་དོན་གཉེར་བ། །སྟོང་པ་ཉིད་ལ་བཞུགས་སམ་ཅི། །ཁྱོད་མེད་ཕྱོགས་ནི་མི་འཚལ་བས། །གདོལ་པ་མོ་བདག་ཞུ་བ་བགྱིད། །ཌོཾ་བི་ནཱིས། བདག་གིས་ཉིད་ཀྱི་ཐུགས་འཚལ་གྱི། །མིག་འཕྲུལ་མངའ་བ་ཁྱོད་བཞེངས་ཤིག །གཡུང་མོ་བདག་ཉིད་དྲན་ཉམས་པས། །སྙིང་རྗེ་རྒྱུན་ཆད་མ་མཛད་ཅིག །ཅེས་བསྐུལ་བས་ཐིག་ལེ་གཉིས་པོ་གཅིག་ཏུ་འདྲེས་ཏེ་ཉི་ཟླ་ཁ་སྦྱོར་གྱི་དབུས་སུ་ཧཱུྃ་དང་ཨཾ་ལས་རྡོ་རྗེ་དང་གྲི་གུག་ཧཱུྃ་དང་ཨཾ་གིས་མཚན་པ། དེ་ཡོངས་སུ་གྱུར་པ་ལས་འབྲས་བུ་རྡོ་རྗེ་འཛིན་པ་དགྱེས་མཛད་

[Full Size]

རྡོ་རྗེ་སྐུ་མདོག་མཐིང་ནག་སོགས་རྒྱུ་རྡོ་རྗེ་འཛིན་པ་ཡུམ་བཅས་ལྟར་གསལ་བཏབ་བོ། །དེ་ལྟར་བདག་ཉིད་དགྱེས་མཛད་དུ་གྱུར་པའི་སྐུ་ལ་རྩ་གསུམ་འཁོར་ལོ་བཞི་ཡོངས་སུ་རྫོགས་པ། སྙིང་ག་ཆོས་ཀྱི་འཁོར་ལོ་སྔོན་པོ་རྩིབས་བརྒྱད་པའི་སྟེང་དུ་དགྱེས་མཛད་རྡོ་རྗེའི་ཐུགས་ཀྱི་སྣང་ཆ་གཞལ་ཡས་ཁང་མཚན་ཉིད་ཐམས་ཅད་ཡོངས་སུ་རྫོགས་པ། པདྨ་འདབ་བརྒྱད་དང་བཅས་པའི་ལྟེ་བ་ལ་ཉི་མའི་སྟེང་དུ་བདུད་བཞིའི་གདན། འདབ་མ་རྣམས་ལ་ཤར་དུ་ཚངས་པ། ལྷོར་དབང་པོ། ནུབ་ཏུ་ཉེ་དབང་། བྱང་དུ་དྲག་པོ། བྱང་ཤར་དུ་གཤིན་རྗེ། ཤར་ལྷོར་ནོར་བདག །ལྷོ་ནུབ་ཏུ་སྲིན་པོ། ནུབ་བྱང་དུ་ཐགས་བཟང་རིས། དབུས་ཀྱི་གདན་གྱི་སྟེང་དུ་བཅོམ་ལྡན་འདས་དགྱེས་མཛད་རྡོ་རྗེ་སྐུ་མདོག་མཐིང་ནག །ཞལ་བརྒྱད་པ། སྤྱན་ཉི་ཤུ་རྩ་བཞི་

[Full Size]

ཕྱེ་བ། ཕྱག་བཅུ་དྲུག་པ། ཞབས་བཞི་པ། ཞལ་ནས་ཧཱུྃ་སྤྲོ་བ། ལྷ་དང་ལྷ་མིན་ཐམས་ཅད་སྡིགས་པར་མཛད་པ། འཇིགས་པའང་འཇིགས་པ། དྲག་པོ་ཆེན་པོ་རྩ་བའི་ཞལ་ནག་པོ། གཡས་དཀར་བ་གཡོན་དམར་བ་སྟེང་ཞལ་དུ་བའི་མདོག་ཅན། ལྷག་མ་ཞལ་བཞི་ནག་པ། དབུ་སྐྲ་སེར་པོ་འབར་ཞིང་འཁྱིལ་བ། སྤྱི་བོར་སྣ་ཚོགས་རྡོ་རྗེས་མཚན་པ། ཐོད་སྐམ་ལྔ་ལྔའི་དབུ་རྒྱན་ཅན་སྨིན་མ་ཡོན་པོ་དང་བཅས་ཤིང་། ཁྲོ་གཉེར་དང་ལྡན་པ། མཆེ་བ་གཙིགས་པ། བནྡྷུ་ལྟར་དམར་བའི་སྤྱན་གསུམ་གསུམ་དང་ལྡན་པ། ཕྱག་བཅུ་དྲུག་གིས་ཐོད་པ་བཅུ་དྲུག་བཟུང་བའི་གཡས་པ་བརྒྱད་ན། གླང་པོ་ཆེ། རྟ། བོང་བུ། གླང་། རྔ་མོ། མི། ཤ་ར་བྷ། བྱི་ལ་རྣམས་སོ། །གཡོན་པ་བརྒྱད་ན། སའི་ལྷ་མོ། ཆུ་

[Full Size]

ལྷ། མེ་ལྷ། །རླུང་ལྷ། ཟླ་བ། ཉི་མ། གཤིན་རྗེ། གནོད་སྦྱིན་རྣམས་སོ། །སྐུ་ལ་རུས་པའི་ཕྱག་རྒྱ་དྲུག་དང་ལྡན་པ། ཁྲག་འཛག་མི་མགོ་ལྔ་བཅུའི་དོ་ཤལ་ཅན། གཅེར་བུ་ཞབས་མདུན་མ་གཉིས་གཡས་བརྐྱང་གི་སྟབས་དང་། རྒྱབ་མ་གཉིས་སྐྱིལ་ཀྲུང་ཕྱེད་པའི་སྟབས་ཀྱིས་ཚངས་པ་དང་། དབང་པོ་དང་། དྲག་པོ་དང་། ཉེ་དབང་རྣམས་མཉམ་པར་མནན་པ། གར་དགུའི་ཉམས་ཀྱིས་རོལ་པ། དེ་ལ་འཁྱུད་པའི་བདག་མེད་མ་ནག་མོ་དྲག་མོ་ཆེན་མོ་ལྷ་མོའི་ཆ་བྱད་རྫོགས་པ། ཕྱག་གཉིས་གྲི་གུག་དང་ཐོད་པ་འཛིན་པ། གཅེར་བུ་ཕྱག་རྒྱ་ལྔ་དང་། མགོ་བོ་སྐམ་པོའི་ཕྲེང་བ་ཅན། གཡོན་བརྐྱང་གི་སྟབས་ཀྱིས་རྗེས་སུ་ཆགས་པ། ལྷག་མ་བཅོམ་ལྡན་འདས་དང་མཚུངས་ཤིང་། གཉིས་ཀའང་མེ་དཔུང་

[Full Size]

འབར་བའི་དབུས་ན་བཞུགས་པའོ། །ཤར་དུ་གཽ་རཱི་ནག་མོ་གཡས་གྲི་གུག་གཡོན་ཉ་རོ་ཧི་ཏ་འཛིན་པ། ལྷོར་ཆོམ་རྐུན་མ་དམར་མོ་གཡས་ཌཱ་མ་རུ་གཡོན་ཕག་པ་འཛིན་པ། ནུབ་ཏུ་རོ་ལངས་མ་སེར་མོ་གཡས་རུ་སྦལ་གཡོན་ཐོད་པ་འཛིན་པ། བྱང་དུ་ཟ་ནུས་མ་ལྗང་གུ་གཡས་སྦྲུལ་གཡོན་ཐོད་པ་འཛིན་པ། བྱང་ཤར་དུ་སྦོས་མོ་སྔོན་མོ་གཡས་སེང་གེ་གཡོན་དགྲ་སྟྭ་འཛིན་པ། ཤར་ལྷོར་རི་ཁྲོད་མ་དཀར་མོ་གཡས་དགེ་སློང་གཡོན་གསིལ་བྱེད་འཛིན་པ། ལྷོ་ནུབ་ཏུ་གདོལ་པ་མོ་སྔོན་མོ་གཡས་འཁོར་ལོ་གཡོན་ཐོད་པ་འཛིན་པ། ནུབ་བྱང་དུ་གཡུང་མོ་ཁ་དོག་སྣ་ཚོགས་པ་གཡས་རྡོ་རྗེ་གཡོན་སྡིགས་མཛུབ་མཛད་པ། ཐམས་ཅད་ཀྱང་དབུ་སྐྲ་སེར་པོ་གྱེན་དུ་བརྫེས་པ། སྤྱན་དམར་པོ་གསུམ་གསུམ་དང་ལྡན་པ། གཅེར་བུ་ཕྱག་རྒྱ་ལྔ་ལྡན། གཡོན་བརྐྱང་

[Full Size]

བའི་སྐྱིལ་ཀྲུང་ཕྱེད་པའི་གར་གྱིས་མེ་དཔུང་འབར་བའི་དབུས་ན་བཞུགས་པའོ། །སྤྱི་བོ་བདེ་བ་ཆེན་པོའི་འཁོར་ལོ་དཀར་པོ་འདབ་མ་སོ་གཉིས་པའི་སྟེང་དུ། དགྱེས་མཛད་རྡོ་རྗེའི་སྐུའི་སྣང་ཆ་གཞལ་ཡས་ཁང་མཚན་ཉིད་ཐམས་ཅད་ཡོངས་སུ་རྫོགས་པ། དབུས་ལེ་ཚེ་དགུ་པ་སྣམ་བུ་རིམ་པ་གཉིས་དང་བཅས་པ། དབུས་དང་ཁྲོ་བཅུའི་གནས་སུ་ཉི་གདན། ཤར་ཕྱོགས་པ་རྣམས་ལ་ཟླ་བ། མཱ་མ་ཀི་ཀཱ་རྡོ་རྗེ། གཞན་ལྷོ་ཕྱོགས་པ་རྣམས་ལ་རིན་པོ་ཆེ། ནུབ་ཕྱོགས་པ་རྣམས་པདྨ་དམར་པོ། བྱང་ཕྱོགས་པ་རྣམས་ལ་སྣ་ཚོགས་རྡོ་རྗེའི་གདན། དབུས་སུ་མི་བསྐྱོད་པ་སྔོན་པོ་སྔོ་དཀར་དམར་བའི་ཞལ་གསུམ་ཕྱག་དྲུག་གི་གཡས་པ་རྣམས་ཀྱིས་རྡོ་རྗེ་འཁོར་ལོ་པདྨ། གཡོན་པ་རྣམས་ཀྱིས་དྲིལ་བུ་རིན་ཆེན་རལ་གྲི་འཛིན་པ། རྡོ་རྗེའི་སྐྱིལ་མོ་ཀྲུང་

[Full Size]

གིས་བཞུགས་པ། དར་དང་རིན་པོ་ཆེས་བརྒྱན་པ། ཕྱག་དང་པོ་གཉིས་འཁྱུད་རྒྱས་ཡུམ་རེག་བྱ་རྡོ་རྗེ་མ་རང་དང་འདྲ་བ་པདྨའི་སྐྱིལ་ཀྲུང་གིས་བཞུགས་པ་དང་མཉམ་པར་སྦྱོར་བ། རེ་མིག་རྣམས་ལ་ཤར་དུ་རྣམ་སྣང་དཀར་པོ་དཀར་ནག་དམར་བའི་ཞལ་གསུམ་ཕྱག་དྲུག་གི་གཡས་པ་རྣམས་ཀྱིས་འཁོར་ལོ་རྡོ་རྗེ་པད་དཀར། །གཡོན་པ་རྣམས་ཀྱིས་དྲིལ་བུ་ནོར་བུ་རལ་གྲི་འཛིན་པ། ལྷོར་རིན་འབྱུང་སེར་པོ་སེར་ནག་དཀར་བའི་ཞལ་གསུམ་ཕྱག་དྲུག་གི་གཡས་པ་རྣམས་ཀྱིས་ནོར་བུ་རྡོ་རྗེ་འཁོར་ལོ། །གཡོན་པ་རྣམས་ཀྱིས་དྲིལ་བུ་པད་སེར་རལ་གྲི་འཛིན་པ། ནུབ་ཏུ་འོད་དཔག་མེད་དམར་པོ་དམར་ནག་དཀར་བའི་ཞལ་གསུམ་ཕྱག་དྲུག་གི་གཡོན་གྱི་དང་པོ་དྲིལ་བུ་དཀུར་བསྟེན་པས་པདྨ་དམར་པོའི་སྡོང་བུ་འཛིན་པ་གཡས་ཀྱི་དང་པོས་ཁ་འབྱེད་པ། ལྷག་

[Full Size]

མ་གཡས་གཉིས་ཀྱིས་རྡོ་རྗེ་དང་འཁོར་ལོ། གཡོན་གཉིས་ཀྱིས་རིན་པོ་ཆེ་དང་རལ་གྲི་འཛིན་པ། བྱང་དུ་དོན་གྲུབ་ལྗང་གུ་ལྗག་ནག་དཀར་བའི་ཞལ་གསུམ་ཕྱག་དྲུག་གི་གཡས་པ་རྣམས་ཀྱིས་རལ་གྲི་སྣ་ཚོགས་རྡོ་རྗེ་འཁོར་ལོ། །གཡོན་པ་རྣམས་ཀྱིས་དྲིལ་བུ་པད་ལྗང་ནོར་བུ་འཛིན་པ། ཤར་ལྷོར་སྤྱན་མ་དཀར་མོ་དཀར་ནག་དམར་བའི་ཞལ་གསུམ་ཕྱག་དྲུག་གི་གཡས་པ་རྣམས་ཀྱིས་འཁོར་ལོ་རྡོ་རྗེ་ཨུཏྤལ་དཀར་པོ། གཡོན་པ་རྣམས་ཀྱིས་དྲིལ་བུ་རིན་ཆེན་རལ་གྲི་འཛིན་པ། ལྷོ་ནུབ་ཏུ་མཱ་མ་ཀི་སྔོན་མོ་སྡེ་དཀར་དམར་བའི་ཞལ་གསུམ་ཕྱག་དྲུག་གི་གཡས་པ་རྣམས་ཀྱིས་རྡོ་རྗེ་འཁོར་ལོ་ཨུཏྤལ་སྔོ་དམར། གཡོན་པ་རྣམས་ཀྱིས་དྲིལ་བུ་རིན་ཆེན་རལ་གྲི་འཛིན་པ། ནུབ་བྱང་དུ་གོས་དཀར་མོ་དམར་མོ་དམར་ནག་དཀར་བའི་ཞལ་གསུམ་

[Full Size]

ཕྱག་དྲུག་གི་གཡོན་གྱི་དང་པོ་དྲིལ་བུ་དཀུར་བསྟེན་པས་ཨུཏྤལ་དམར་པོའི་སྡོང་བུ་འཛིན་པ་གཡས་ཀྱི་དང་པོས་ཁ་བྱེད་པ། ལྷག་མ་གཡས་གཉིས་ཀྱིས་རྡོ་རྗེ་དང་འཁོར་ལོ། །གཡོན་གཉིས་ཀྱིས་རིན་པོ་ཆེ་དང་རལ་གྲི་འཛིན་པ། བྱང་ཤར་དུ་སྒྲོལ་མ་ལྗང་གུ་ལྗང་ནག་དཀར་བའི་ཞལ་གསུམ་ཕྱག་དྲུག་གི་གཡས་པ་རྣམས་ཀྱིས་སྣ་ཚོགས་རྡོ་རྗེ་འཁོར་ལོ་ཨུཏྤལ་སྔོན་པོ་རྡོ་རྗེས་མཚན་པ། གཡོན་པ་རྣམས་ཀྱིས་དྲིལ་བུ་རིན་ཆེན་རལ་གྲི་འཛིན་པ། རིམ་པ་གཉིས་པའི་ཤར་ལྷོར་གཟུགས་རྡོ་རྗེ་མ་དཀར་མོ་སངས་རྒྱས་སྤྱན་མ་དང་འདྲ་བ་ལས། ཕྱག་དང་པོ་གཉིས་ཀྱིས་མེ་ལོང་དམར་པོ་འཛིན་པ། ལྷོ་ནུབ་ཏུ་སྒྲ་རྡོ་རྗེ་མ་སྔོན་མོ་མཱ་མ་ཀི་དང་འདྲ་བ་ལས། ཕྱག་དང་པོ་གཉིས་ཀྱིས་པི་ཝང་སྔོན་པོ་འཛིན་པ། ནུབ་བྱང་དུ་དྲི་རྡོ་རྗེ་མ་དམར་མོ་འོད་དཔག་མེད་དང་འདྲ་བ་ལས།

[Full Size]

ཕྱག་དང་པོ་གཉིས་ཀྱིས་དྲིའི་དུང་ཆོས་འཛིན་པ། བྱང་ཤར་དུ་རོ་རྡོ་རྗེ་མ་ལྗང་གུ་སྒྲོལ་མ་དང་འདྲ་བ་ལས། ཕྱག་དང་པོ་གཉིས་ཀྱིས་རོ་དྲུག་གིས་གང་བའི་སྣོད་འཛིན་པ། རིམ་པ་གསུམ་པའི་ལྷ་སྣམ་ལ། ཤར་སྒོའི་གཡས་སུ་བྱམས་པ་རྣམ་སྣང་འདྲ་བ་ལས། གཡས་ཀྱི་དང་པོས་ཀླུ་ཤིང་གི་ཡལ་ག་མེ་ཏོག་དང་བཅས་པ་འཁོར་ལོས་མཚན་པ་འཛིན་པ། ཤར་སྒོའི་གཡོན་དུ་སའི་སྙིང་པོ་རྣམ་སྣང་དང་འདྲ་བ། ལྷོ་སྒོའི་གཡས་སུ་ཕྱག་ན་རྡོ་རྗེ་དང་གཡོན་དུ་ནམ་མཁའི་སྙིང་པོ་གཉིས་ཀའང་རིན་ཆེན་འབྱུང་ལྡན་ལྟ་བུ། ནུབ་སྒོའི་གཡས་སུ་འཇིག་རྟེན་དབང་ཕྱུག་དང་། གཡོན་དུ་འཇམ་དཔལ་འོད་དཔག་མེད་དང་འདྲ་བ། བྱང་སྒོའི་གཡས་སུ་སྒྲིབ་པ་རྣམ་སེལ་དང་། གཡོན་དུ་ཀུན་ཏུ་བཟང་པོ་དོན་གྲུབ་ལྟ་བུ། ལྷ་ཡབ་རྣམས་

[Full Size]

ཐམས་ཅད་རལ་པའི་ཐོར་ཚུགས་དང་མཚན་དང་དཔེ་བྱད་རྫོགས་པ། ཡུམ་རྣམས་དབུ་སྐྲ་ཕྱེད་བཅིངས་སུ་བྱས་པ། སྒེག་ཅིང་འཛུམ་བག་དང་ལྡན་པ། ཟུར་གྱིས་ལྟ་བ་ལ་སོགས་པའི་རྣམ་འགྱུར་གྱིས་མཛེས་པ། འདོད་པའི་ཡོན་ཏན་ལྔའི་དགའ་བས་རོལ་པ། དེ་བཞིན་གཤེགས་པ་རྣམས་རྡོ་རྗེའི་སྐྱིལ་ཀྲུང་དང་། གཞན་རྣམས་སེམས་དཔའི་སྐྱིལ་ཀྲུང་གིས་བཞུགས་པ། ཐམས་ཅད་དར་གྱིན་བཟའ་དང་རིན་པོ་ཆེས་བརྒྱན་པའོ། །ཤར་སྒོར་གཤིན་རྗེ་མཐར་བྱེད་ནག་པོ་ནག་དཀར་དམར་བའི་ཞལ་གསུམ་ཕྱག་དྲུག་གི་གཡས་པ་རྣམས་ཀྱིས་ཐོ་བ་འཁོར་ལོ་རྡོ་རྗེ། གཡོན་ཐུགས་ཀར་ཞགས་པ་དང་བཅས་པའི་སྡིགས་མཛུབ་དྲིལ་བུ་དགྲ་སྟྭ་འཛིན་པ། ལྷོ་སྒོར་ཤེས་རབ་མཐར་བྱེད་དཀར་པོ་དཀར་ནག་དམར་བའི་ཞལ་གསུམ་ཕྱག་དྲུག་གི་གཡས་

[Full Size]

པ་རྣམས་ཀྱིས་རྡོ་རྗེ་དབྱུག་པ་རལ་གྲི། གཡོན་ཐུགས་ཀར་ཞགས་པ་དང་བཅས་པའི་སྡིགས་མཛུབ་དྲིལ་བུ་དགྲ་སྟྭ་འཛིན་པ། ནུབ་སྒོར་རྟ་མགྲིན་དམར་པོ་དམར་ནག་དཀར་བའི་ཞལ་གསུམ་ཕྱག་དྲུག་གི་གཡས་པ་རྣམས་ཀྱིས་པདྨ་རལ་གྲི་གཏུན་ཤིང་། གཡོན་སྙེམས་པ་དང་བཅས་པས་དྲིལ་བུ་དགྲ་སྟྭ་ཞགས་པ་འཛིན་པ། བྱང་སྒོར་བགེགས་མཐར་བྱེད་ལྗང་གུ་ལྗང་ནག་དཀར་བའི་ཞལ་གསུམ་ཕྱག་དྲུག་གི་གཡས་པ་རྣམས་ཀྱིས་སྣ་ཚོགས་རྡོ་རྗེ་འཁོར་ལོ་གཏུན་ཤིང་། གཡོན་ཐུགས་ཀར་ཞགས་པ་དང་བཅས་པའི་སྡིགས་མཛུབ་དྲིལ་བུ་དགྲ་སྟྭ་འཛིན་པ། ཤར་ལྷོའི་གྲྭར་མི་གཡོ་བ་ནག་པོ་ནག་དཀར་དམར་བའི་ཞལ་གསུམ་ཕྱག་དྲུག་གི་གཡས་པ་རྣམས་ཀྱིས་རལ་གྲི་རྡོ་རྗེ་འཁོར་ལོ། །གཡོན་སྡིགས་མཛུབ་དགྲ་སྟྭ་ཞགས་པ། ལྷོ་ནུབ་ཀྱི་གྲྭར་འདོད་རྒྱལ་སྔོན་པོ་རིན་འབྱུང་གི་དབུ་

[Full Size]

རྒྱན་ཅན། སྔོ་དཀར་དམར་བའི་ཞལ་གསུམ་ཕྱག་དྲུག་གི་དང་པོ་གཉིས་ཧཱུྃ་མཛད་ཀྱི་ཕྱག་རྒྱ་ཅན། ལྷག་མ་གཡས་རྡོ་རྗེ་དང་རལ་གྲི། གཡོན་ཞགས་པ་དང་ལྕགས་ཀྱུ། ནུབ་བྱང་གི་གྲྭར་དབྱུག་སྔོན་ཅན་སྔོན་པོ་འོད་དཔག་མེད་ཀྱི་དབུ་རྒྱན་ཅན། སྔོ་དཀར་དམར་བའི་ཞལ་གསུམ་ཕྱག་དྲུག་གི་གཡས་པ་རྣམས་ཀྱིས་རྡོ་རྗེས་མཚན་པའི་དབྱུག་པ་སྔོན་པོ་རལ་གྲི་འཁོར་ལོ། །གཡོན་ཐུགས་ཀར་ཞགས་པ་དང་བཅས་པའི་སྡིགས་མཛུབ་པདྨ་དགྲ་སྟྭ། བྱང་ཤར་གྱི་གྲྭར་སྟོབས་པོ་ཆེ་སྔོན་པོ་དོན་གྲུབ་ཀྱི་དབུ་རྒྱན་ཅན། ནག་དཀར་དམར་བའི་ཞལ་གསུམ་ཕྱག་དྲུག་གི་གཡས་པ་རྣམས་ཀྱིས་རྡོ་རྗེས་མཚན་པའི་དབྱུག་པ་ནག་པོ་རལ་གྲི་འཁོར་ལོ། །གཡོན་ཐུགས་ཀར་སྡིགས་མཛུབ་དང་བཅས་པའི་ཞགས་པ་རྩེ་གསུམ་དགྲ་སྟྭ། སྟེང་གི་ཡ་ཕུགས་ཀྱི་ནང་དུ་གཙུག་གཏོར་འཁོར་ལོས་སྒྱུར་བ་སྔོན་པོ་མི་བསྐྱོད་པའི་དབུ་རྒྱན་

[Full Size]

ཅན། སྔོ་དཀར་དམར་བའི་ཞལ་གསུམ་ཕྱག་དྲུག་གི་དང་པོ་གཉིས་གཙུག་ཏོར་གྱི་ཕྱག་རྒྱ། ལྷག་མ་གཡས་རྡོ་རྗེ་དང་པདྨ། གཡོན་སྡིགས་མཛུབ་དང་རལ་གྲི། འོག་ཏུ་ས་གཞིའི་ནང་དུ་གནོད་མཛེས་ནག་པོ་མི་བསྐྱོད་པའི་དབུ་རྒྱན་ཅན། ནག་དཀར་དམར་བའི་ཞལ་གསུམ་ཕྱག་དྲུག་གི་གཡས་པ་རྣམས་ཀྱིས་རྡོ་རྗེ་འཁོར་ལོ་རིན་ཆེན། གཡོན་ཐུགས་ཀར་ཞགས་པ་དང་བཅས་པའི་སྡིགས་མཛུབ་པདྨ་རལ་གྲི། ཁྲོ་བོ་ཐམས་ཅད་ཀྱང་སྟོབས་ཆེན་ཕ་རོལ་གནོན་པ། སྤྱན་གསུམ་གསུམ་དང་ལྡན་ཞིང་མཆེ་བ་གཙིགས་པ། སྟག་གི་པགས་པའི་ཤམ་ཐབས་ཅན་ཀླུ་ཆེན་པོ་བརྒྱད་ཀྱིས་བརྒྱན་པ། གཡོན་བརྐྱང་གི་སྟབས་ཀྱིས་པད་ཉི་ལ་བཞུགས་པ། དུས་མཐའི་མེ་ལྟ་བུའི་མེ་སྟག་འབར་བ་དང་བཅས་པས་གདུག་པ་ཅན་ཚར་གཅོད་པའོ། །མགྲིན་པ་ལོངས་སྤྱོད་ཀྱི་འཁོར་ལོ་

[Full Size]

དམར་པོ་འདབ་མ་བཅུ་དྲུག་པའི་སྟེང་དུ། དགྱེས་མཛད་རྡོ་རྗེའི་གསུང་གི་སྣང་ཆ་གཞལ་ཡས་ཁང་མཚན་ཉིད་ཐམས་ཅད་ཡོངས་སུ་རྫོགས་པ། དབུས་སུ་པདྨ་དམར་པོ་འདབ་མ་བརྒྱད་པ་ལ་སྒྱུ་འཕྲུལ་ཆེན་མོ་ལྷ་ལྔར་གྱུར་པ་ནི། དབུས་ཀྱི་གདན་གྱི་སྟེང་དུ་དཔལ་ཧེ་རུ་ཀ་སྔོན་པོ་སྔོ་སེར་དམར་ལྗང་བའི་ཞལ་ཕྱག་དང་པོ་གཉིས་ཐོད་པ་དང་ཁ་ཊྭཱྃ་ག་བསྣམས་པས། རང་དང་འདྲ་བའི་ཡུམ་སངས་རྒྱས་མཁའ་འགྲོ་མ་དམར་མོ་དམར་སེར་དཀར་ལྗང་བའི་ཞལ་ཅན་ལ་འཁྱུད་པ། འོག་མ་གཉིས་ཀྱིས་མདའ་གཞུ། ཁྲོ་ཆགས་སྒེག་ལ་འཇིགས་པའང་འཇིགས་པར་མཛད་པ། སྤྱན་གསུམ་གསུམ་དམར་ཞིང་གཡོ་བ། སྐྲ་སེར་གྱེན་བརྫེས་ཐོད་སྐམ་ལྔའི་དབུ་རྒྱན་དང་། རློན་པ་ལྔ་བཅུའི་དོ་ཤལ། ཕྱག་རྒྱ་ལྔ་དང་གར་དགུས་རོལ་པ། ཐལ་ཆེན་གྱིས་བྱུགས་

[Full Size]

ཤིང་མི་ལྤགས་ཀྱིས་སྟོད་གཡོགས་ཅན་གཡོན་བརྐྱང་བའི་གར་སྟབས་ཀྱིས་ཉི་མའི་སྟེང་དུ་མི་རོའི་སྙིང་གར་གནན་པ་མེ་དཔུང་གི་དབུས་ན་བཞུགས་པའོ། །ཤར་དུ་མཁའ་འགྲོ་མ་སྔོན་མོ། སྔོ་སེར་དཀར་ལྗང་བའི་ཞལ། ཕྱག་བཞིས་རྡོ་རྗེ་དྲིལ་བུ་ཁ་ཊྭཱཾ་ག་ཐོད་པ་བསྣམས་པ། ལྷོར་རིན་ཆེན་མཁའ་འགྲོ་མ་སེར་མོ་སེར་སྔོ་དཀར་ལྗང་བའི་ཞལ། ཕྱག་བཞིས་རིན་ཆེན་ཅེ་སྤྱང་བ་དན་མདུང་རྩེ་གསུམ་བསྣམས་པ། ནུབ་ཏུ་པདྨ་མཁའ་འགྲོ་མ་དཀར་དམར་དཀར་སེར་ལྗང་སྔོ་བའི་ཞལ། ཕྱག་བཞིས་པདྨ་ཐོད་པ་གཞུ་དང་མདའ་བསྣམས་པ། བྱང་དུ་སྣ་ཚོགས་མཁའ་འགྲོ་མ་ལྗང་གུ་ལྗང་སེར་དཀར་སྔོ་བའི་ཞལ། ཕྱག་བཞིས་རལ་གྲི་ཞགས་པ་ཀ་པཱ་ལ་ཌཱ་མ་རུ་བསྣམས་པ། ལྷ་མོ་ལྔ་ནི་ཐལ་བ་དང་བྲལ་བ། ལྷག་མ་གཙོ་མོ་དང་མཚུངས་པ།

[Full Size]

མཚམས་ཀྱི་འདབ་མ་བཞིས་བདུད་རྩིས་གང་བའི་བུམ་པ་བཞིའོ། །ལྟེ་བར་སྤྲུལ་པའི་འཁོར་ལོ་སེར་པོ་རྩ་འདབ་དྲུག་ཅུ་རྩ་བཞིའི་སྟེང་དུ། དགྱེས་མཛད་རྡོ་རྗེའི་ཡོན་ཏན་གྱི་སྣང་ཆ་གཞལ་ཡས་ཁང་མཚན་ཉིད་ཐམས་ཅད་ཡོངས་སུ་རྫོགས་པ། ནང་གི་ལྷ་སྣམ་ཤར་དཀར། བྱང་ལྗང་། ནུབ་དམར། ལྷོ་སེར། དབུས་སྔོ་བའི་སྟེང་དུ། སྐུའི་འཁོར་ལོ་དཀར་པོ་འཁོར་ལོའི་མུ་ཁྱུད་ཅན། དེའི་ལྟེ་བར་གསུང་གི་འཁོར་ལོ་དམར་པོ་པདྨའི་མུ་ཁྱུད་ཅན། དེའི་ལྟེ་བར་ཐུགས་ཀྱི་འཁོར་ལོ་སྔོན་པོ་རྡོ་རྗེའི་མུ་ཁྱུད་ཅན། གསུམ་ཀའང་རྩིབས་བརྒྱད་དང་ལྡན་པ། དབུས་སུ་བདེ་ཆེན་འཁོར་ལོ་པདྨ་འདབ་བརྒྱད་མུ་ཁྱུད་ལ་གྲི་གུག་གི་ཕྲེང་བ་ཅན། སྒོ་མཚམས་བརྒྱད་དུ་རོའི་གདན། སྣ་ཚོགས་པདྨའི་ལྟེ་བར་ཉི་མ་ལ་འཇིགས་བྱེད་དང་དུས་མཚན་མའི་གདན། དབུས་ཀྱི་གདན་གྱི་སྟེང་དུ་

[Full Size]

འཁོར་ལོ་བདེ་མཆོག་སྐུ་མདོག་མཐིང་ནག་ཞལ་བཞི་ཕྱག་བཅུ་གཉིས་པ། རྩ་བའི་ཞལ་མཐིང་ག །གཡོན་ལྗང་། རྒྱབ་དམར། གཡས་སེར་བ། ཞལ་རེ་རེ་ལ་དམར་ཞིང་གཡོ་བའི་སྤྱན་གསུམ་གསུམ་དང་ལྡན་ཞིང་། མཆེ་བ་གཙིགས་པ། ཕྱག་དང་པོ་གཉིས་ཀྱིས་རྡོ་རྗེ་དང་དྲིལ་བུ་འཛིན་པས་ཡུམ་ལ་འཁྱུད་པ། དེའི་འོག་མ་གཉིས་ཀྱིས་གླང་པོ་ཆེའི་ལྤགས་རློན་སྟོད་གཡོགས་སུ་གྱོན་པ། ལྷག་མ་གཉིས་རྣམས་ཀྱིས་ཌཱ་མ་རུ་དགྲ་སྟྭ་རྩེ་གསུམ་གྲི་གུག །གཡོན་པ་རྣམས་ཀྱིས་ཁ་ཊྭཱཾ་ག་ཐོད་པ་ཞགས་པ་ཚངས་པའི་མགོ་བོ་བསྣམས་པ། ཞབས་གཡས་བརྐྱང་བས་དུས་མཚན་མ་དམར་མོ་དང་། གཡོན་བསྐུམ་པས་འཇིགས་བྱེད་ནག་པོ་མནན་པ། རལ་པའི་ཐོར་ཚུགས་ལ་སྣ་ཚོགས་རྡོ་རྗེ་དང་། ཟླ་བ་ཕྱེད་པ་དང་། ཐོད་སྐམ་ལྔ་ལྔས་དབུར་བརྒྱན་ཅིང་།

[Full Size]

མི་མགོ་རློན་པ་ལྔ་བཅུའི་དོ་ཤལ་ཅན། སྟག་ལྤགས་ཀྱི་ཤམ་ཐབས་གྲོལ་ཞིང་ཕྱག་རྒྱ་དྲུག་གིས་བརྒྱན་པ། གར་གྱི་ཉམས་དགུ་དང་ལྡན་པ། ཡུམ་རྡོ་རྗེ་ཕག་མོ་དམར་མོ་ཕྱག་གཡས་རྡོ་རྗེ་གྲི་གུག་དང་བཅས་པའི་སྡིག་མཛུབ། གཡོན་ཁྲག་ཆེན་གྱིས་གང་བའི་ཐོད་པ་ཡབ་ལ་སྟོབ་པའི་ཚུལ་གྱིས་འཁྱུད་པ། སྤྱན་གསུམ་དྲག་མོ་བསྐལ་པའི་མེ་ལྟར་གཟི་བརྗིད་འབར་བ། གཅེར་བུ་སྐྲ་གྲོལ་ཞིང་ཕྱག་རྒྱ་ལྔ་དང་མགོ་ཕྲེང་གིས་བརྒྱན་པ། བྱིན་པ་གཉིས་ཀྱིས་ཡབ་ལ་འཁྱུད་པ། ཁྲག་ལ་དགྱེས་ཤིང་ཟླ་མཚན་དང་བཅས་པ་མེ་དཔུང་འབར་བའི་དབུས་ན་བཞུགས་པ། འདབ་མ་རྣམས་ལ་ཤར་དུ་མཁའ་འགྲོ་མ་ནག་མོ། བྱང་དུ་ལཱ་མ་ལྗང་གུ། ནུབ་ཏུ་དུམ་སྐྱེས་མ་དམར་མོ། །ལྷོར་གཟུགས་ཅན་མ་སེར་མོ། །དམ་ཚིག་གི་འཁོར་ལོའི་ཤར་སྒོར་ཁྭ་གདོང་མ་སྔོན་མོ། །བྱང་སྒོར་

[Full Size]

འུག་གདོང་མ་ལྗང་གུ། ནུབ་སྒོར་ཁྱི་གདོང་མ་དམར་མོ། ལྷོ་སྒོར་ཕག་གདོང་མ་སེར་མོ། ཤར་ལྷོར་གཤིན་རྗེ་བརྟན་མ་གཡས་སྔོ་གཡོན་སེར་བ། ལྷོ་ནུབ་ཏུ་གཤིན་རྗེ་ཕོ་ཉ་མོ་གཡས་སེར་གཡོན་དམར་བ། ནུབ་བྱང་དུ་གཤིན་རྗེ་མཆེ་བ་མ་གཡས་དམར་གཡོན་ལྗང་བ། བྱང་ཤར་དུ་གཤིན་རྗེ་འཛོམས་མ་གཡས་ལྗང་གཡོན་སྔོ་བ། ཐམས་ཅད་ཀྱང་ཕྱག་བཞིའི་དང་པོ་གཉིས་ཀྱིས་གྲི་གུག་དང་ཐོད་པ། འོག་མ་གཉིས་ཀྱིས་ཌཱ་མ་རུ་དང་ཁ་ཊྭཱཾ་ག་བསྣམས་པ། གཡས་བརྐྱང་གི་སྟབས་ཀྱིས་བཞུགས་པ་སྟེ། སྒོ་མཚམས་མ་བརྒྱད་ནི་རོའི་གདན་དང་བཅས་པ། བདེ་ཆེན་འཁོར་ལོའི་མཚམས་ཀྱི་འདབ་མ་ལ་བུམ་པ་བདུད་རྩི་ལྔས་གང་བའི་སྟེང་དུ་ཐོད་པ་བདུད་རྩི་ལྔས་གང་བའོ། །ཐུགས་ཀྱི་འཁོར་ལོའི་ཤར་ཕྱོགས་སུ་པུལླི་ར་མ་ལ་ཡར་ཁཎྜ་ཀ་པཱ་ལ་དང་རབ་ཏུ་གཏུམ་མོ། །བྱང་

[Full Size]

ཕྱོགས་ཛ་ལནྡྷ་རར་མ་ཧཱ་ཀཾ་ཀ་ལ་དང་གཏུམ་པའི་མིག་ཅན་མ། ནུབ་ཕྱོགས་ཨོ་ཌི་ཡ་ནར་ཀཾ་ཀ་ལ་དང་འོད་ལྡན་མ། ལྷོ་ཕྱོགས་ཨརྦུ་ཏར་མཆེ་བ་རྣམ་པར་གཙིགས་པ་དང་སྣ་ཆེན་མ། ཤར་ལྷོར་གོ་ད་ཝ་རིར་སུ་ར་བཻ་རི་དང་བརྟན་པའི་བློ་ཅན་མ། ལྷོ་ནུབ་རསྨི་ཤྭ་རར་འོད་དཔག་མེད་དང་མིའུ་ཐུང་མ། ནུབ་བྱང་དེ་བཱི་ཀོ་ཊར་རྡོ་རྗེའི་འོད་དང་ལངྐའི་དབང་ཕྱུག་མ། བྱང་ཤར་མ་ལ་བར་རྡོ་རྗེའི་སྐུ་དང་ཤིང་གྲིབ་མ་སྟེ་ཐུགས་ཀྱི་གསང་བ་བསམ་གྱིས་མི་ཁྱབ་པའི་ངོ་བོ་ཁ་དོག་ནག་པོའོ། །གསུང་གི་འཁོར་ལོའི་ཤར་ཕྱོགས་ཀཱ་མ་རཱུ་པར་ཨཾ་ཀུ་རི་དང་ཨེ་ར་བ་ཏི། བྱང་ཕྱོགས་ཨོ་ཏྲེར་རྡོ་རྗེ་རལ་པ་ཅན་དང་འཇིགས་བྱེད་ཆེན་མོ། ནུབ་ཕྱོགས་ཏྲི་ཤ་ཀུ་ནེར་དཔའ་བོ་ཆེན་པོ་དང་རླུང་གི་ཤུགས་ཅན་མ། ལྷོ་ཕྱོགས་ཀོ་ས་ལ་ལར་རྡོ་རྗེ་ཧཱུྃ་མཛད་དང་ཆང་འཐུང་མ། ཤར་ལྷོར་ཀ་ལིང་ཀར་རབ་ཏུ་བཟང་པོ་དང་ཤྱཱ་མ་

[Full Size]

དེ་བཱི། ལྷོ་ནུབ་ཏུ་ལཾ་པ་ཀར་རྡོ་རྗེ་བཟང་པོ་དང་ཤིན་ཏུ་བཟང་མོ། ནུབ་བྱང་ཀཉྩི་ར་འཇིགས་བྱེད་ཆེན་པོ་དང་རྟ་རྣམ། བྱང་ཤར་ཧི་མ་ལར་མིག་མི་བཟང་དང་ཁྭ་གཱ་ན་སྟེ་གསུང་གི་གསང་བ་བསམ་གྱིས་མི་ཁྱབ་པའི་ངོ་བོ་ཁ་དོག་དམར་པོའོ། །སྐུའི་འཁོར་ལོའི་ཤར་ཕྱོགས་པྲེ་ཏ་པུ་རིར་སྟོབས་པོ་ཆེ་དང་འཁོར་ལོའི་ཤུགས་ཅན་མ། བྱང་ཕྱོགས་གྲྀ་ཧ་དེ་བར་རིན་ཆེན་རྡོ་རྗེ་དང་ཁཎྜ་རོ་ཧཱི། ནུབ་ཕྱོགས་སཽ་རཥྚར་རྟ་མགྲིན་དང་ཤོཎྜི་ནཱི། ལྷོ་ཕྱོགས་སུ་ཝརྞ་དྭཱི་པར་ནམ་མཁའི་སྙིང་པོ་དང་འཁོར་ལོའི་གོ་ཆ་མ། ཤར་ལྷོ་ན་གར་དཔལ་ཧེ་རུ་ཀ་དང་ཤིན་ཏུ་དཔའ་མོ། ལྷོ་ནུབ་སིནྡྷུར་པདྨ་གར་གྱི་དབང་ཕྱུག་དང་སྟོབས་ཆེན་མ། ནུབ་བྱང་མ་རུང་རྣམ་པར་སྣང་མཛད་དང་འཁོར་ལོས་སྒྱུར་མ། བྱང་ཤར་ཀུ་ལུ་ཏར་རྡོ་རྗེ་སེམས་དཔའ་དང་བརྩོན་འགྲུས་ཆེན་མོ་སྟེ། སྐུའི་

[Full Size]

གསང་བ་བསམ་གྱིས་མི་ཁྱབ་པའི་ངོ་བོ་ཁ་དོག་དཀར་པོའོ། །དཔའ་བོ་ཉི་ཤུ་རྩ་བཞི་པོ་རྣམས་དཔལ་ཧེ་རུ་ཀའི་རིགས་ལས་བྱུང་བ་ཧེ་རུ་ཀ་དང་རྣམ་པ་མཚུངས་པ་སྟེ། ཞལ་གཅིག་ཕྱག་དང་པོ་གཉིས་རྡོ་རྗེ་དང་དྲིལ་བུ་འཛིན་པས་རང་རང་གི་ཡུམ་ལ་འཁྱུད་པ། འོག་མ་གཉིས་ཀྱིས་ཌཱ་མ་རུ་དང་ཁ་ཊྭཱཾ་ག་འཛིན་པ། རྣལ་འབྱོར་མ་ཉི་ཤུ་རྩ་བཞི་ནི་རྡོ་རྗེའི་ཕག་མོའི་རིགས་ལས་བྱུང་བ་ཕག་མོ་དང་རྣམ་པ་མཚུངས་པ་སྟེ། ཕྱག་གཡས་གྲི་གུག་དང་གཡོན་ཐོད་པ་བསྣམས་པའོ། །གསང་གནས་བདེ་སྐྱོང་གི་འཁོར་ལོ་ལྗང་གུ་རྩ་འདབ་སུམ་ཅུ་རྩ་གཉིས་ཀྱི་སྟེང་དུ་དགྱེས་མཛད་རྡོ་རྗེའི་ཕྲིན་ལས་ཀྱི་སྣང་ཆ་གཞལ་ཡས་ཁང་མཚན་ཉིད་ཐམས་ཅད་ཡོངས་སུ་རྫོགས་པ། དབུས་ཀྱི་ལྟེ་བ་ལ་སྣ་ཚོགས་རྡོ་རྗེ། སྟེང་ཐོག་རེའུ་མིག་དགུར་ཕུབས་པ། དབུས་ཀྱི་གདན་གྱི་སྟེང་དུ་བཅོམ་ལྡན་འདས་དཔལ་རྡོ་རྗེ་འཇིགས་

[Full Size]

བྱེད་ཆེན་པོ་སྐུ་མདོག་མཐིང་ནག་ཞལ་དགུ་ཕྱག་སུམ་ཅུ་སོ་བཞི། ཞབས་བཅུ་དྲུག་པ། རྩ་ཞལ་ནག་པོ་མ་ཧེའི་གདོང་ཅན་ཤིན་ཏུ་ཁྲོས་པ། ཕེཾ་ཀ་རའི་སྒྲ་ཆེན་པོ་འབྲུག་ལྟར་སྒྲོག་པ། དེའི་སྟེང་ན་སྲིན་པོའི་ཞལ་དམར་པོ་བཞད་ཅིང་མཆེ་བ་གཙིགས་པ། དེའི་སྟེང་ན་འཇམ་དཔལ་གྱི་ཞལ་སེར་པོ་འཛུམ་ཞིང་ཅུང་ཟད་ཁྲོས་པ། གཞོན་ནུའི་རྒྱན་ཅན། རྭའི་གཡས་ཕྱོགས་ཀྱི་ཞལ་དང་པོ་སྔོན་པོ། གཉིས་པ་དམར་པོ། གསུམ་པ་སེར་པོ་སྟེ་མངའ་བདག་གི་ཞལ་གསུམ་ཤིན་ཏུ་ཁྲོས་པ། རྭའི་གཡོན་ཕྱོགས་ཀྱི་ཞལ་དང་པོ་དཀར་པོ། གཉིས་པ་དུད་ཁ། གསུམ་པ་ནག་པོ་སྟེ་ཞལ་གསུམ་ཀའང་གཙིགས་པའོ། །ཁྲོ་ཞལ་རྣམས་སྨིན་མ་དང་སྨ་ར་དབུ་སྐྲ་དམར་སེར་གྱེན་དུ་བརྫེས་པ། གཡས་པའི་ཕྱག་བཅུ་དྲུག་གིས་རིམ་པ་བཞིན་དུ། གྲི་གུག་

[Full Size]

འཕང་མདུང་གཏུན་ཤིང་ཆུ་གྲི་རྡོ་རྗེ་རྩེ་གཅིག་པ་དགྲ་སྟྭ་མདུང་མདའ་ལྕགས་ཀྱུ་དབྱུག་པ་ཁ་ཊྭཱཾ་ག་འཁོར་ལོ་རྡོ་རྗེ་རྩེ་ལྔ་པ་རྡོ་རྗེ་ཐོ་བ་རལ་གྲི་རྔེའུ་ཆུང་བསྣམས་པ། གཡོན་པའི་ཕྱག་བཅུ་དྲུག་གིས་རིམ་པ་བཞིན་དུ། ཐོད་ཁྲག་ཚངས་པའི་མགོ་བོ་ཕུབ་ཟླུམ་རྐང་པ་རྡོ་རྗེའི་ཞགས་པ་གཞུ་རྒྱུ་མ་རྡོ་རྗེ་དྲིལ་བུ་ལག་པ་རོ་རས་སྐྱེས་བུ་གསལ་ཤིང་ལ་བཙུགས་པ་མེ་ཐབ་ཐོད་ཚལ་སྡིགས་མཛུབ་འཕན་རྩེ་གསུམ་པ་རླུང་རས་བསྣམས་པ། ཕྱག་ཐ་མ་གཉིས་ཀྱིས་གླང་པོ་ཆེའི་པགས་པ་རློན་པ་ཁྲག་དང་བཅས་པ་འཛིན་པ། ཕྱག་དང་པོ་གཉིས་ཕྱག་མཚན་ཐུགས་ཀར་སྟེང་འོག་ཏུ་འཛིན་ཅིང་འཇིག་རྟེན་དང་འཇིག་རྟེན་ལས་འདས་པའི་ལྷ་ལ་སྡིགས་མཛུབ་མཛད་པའོ། །ཞབས་བཅུ་དྲུག་གི་གཡས་བརྒྱད་བསྐུམ་པས་རིམ་པ་བཞིན་དུ་མི་དང་མ་ཧེ་དང་གླང་དང་བོང་བུ་དང་རྔ་མོ་དང་ཁྱི་དང་ལུག་དང་ཝ་རྣམས་

[Full Size]

མནན་པ། གཡོན་བརྒྱད་བརྐྱང་བས་རིམ་པ་བཞིན་དུ་བྱ་རྒོད་དང་འུག་པ་དང་ཁྲ་དང་བྱ་རོག་དང་ནེ་ཙོ་དང་ཁྱུང་དང་རི་སྐེག་དང་བཞད་རྣམས་མནན་པ། དེ་རྣམས་ཀྱི་འོག་ཏུ་ཚངས་པ་སེར་པོ། དབང་པོ་དཀར་པོ། ཉེ་དབང་སྔོན་པོ། དྲག་པོ་ནག་པོ་རྣམས་བསྒྱེལ་ཞིང་ཁ་སྦུབ་ཏུ་མནན་པ། དབུ་རེ་རེ་ལ་ཐོད་པ་སྐམ་པོ་ལྔ་ལྔས་དབུ་བརྒྱན་ཅིང་། རློན་པ་ཁྲག་འཛག་པ་ལྔ་བཅུའི་དོ་ཤལ་དང་། རུས་པའི་རྒྱན་དྲུག་དང་། སྦྲུལ་གྱིས་བརྒྱན་པ། ཐལ་ཆེན་གྱི་ཚོམ་བུ། རཀྟའི་ཐིག་ལེ། ཞག་གི་ཟོ་རིས་རྣམས་ཀྱིས་མཚན་པ། གར་དགུའི་རོ་དང་ལྡན་པ། དེའི་པང་ན་ཡུམ་རྡོ་རྗེ་ཕག་མོ་སྐུ་མདོག་དམར་མོ་ཕྱག་གཡས་རྡོ་རྗེ་དང་བཅས་པས་སྡིགས་མཛུབ་བསྒྲེང་བ། གཡོན་ཁྲག་ཆེན་གྱིས་གང་བའི་ཐོད་པ་ཡབ་ལ་སྟོབ་པའི་ཚུལ་གྱིས་འཁྱུད་པ། སྤྱན་

[Full Size]

གསུམ་དྲག་མོ་བསྐལ་པའི་མེ་ལྟར་གཟི་བརྗིད་འབར་བ། གཅེར་བུ་སྐྲ་སེར་འཁྱིལ་བ། ཕྱག་རྒྱ་ལྔ་དང་རློན་བྲལ་གྱི་མགོ་ཕྲེང་གིས་ཅོད་པན་དང་དོ་ཤལ་དུ་བརྒྱན་པ། གཡས་བརྐྱང་བའི་སྟབས་ཀྱིས་ཡབ་ལ་འཁྲིལ་བ། ཁྲོ་མོའི་ཆ་ལུགས་རྫོགས་པ། འོད་ཀྱིས་ནམ་མཁའི་མཐར་ཁྱབ་པའི་ཡེ་ཤེས་ཀྱི་མེ་འབར་བའི་དབུས་ན་ཡབ་ཡུམ་སྙོམས་པར་ཞུགས་པའི་ཚུལ་གྱིས་གནས་པའོ། །ཤར་དུ་གཏི་མུག་གཤིན་རྗེ་གཤེད་དཀར་པོ་དཀར་ནག་དམར་བའི་ཞལ་གསུམ་ཕྱག་དྲུག་གི་དང་པོ་གཉིས་ཀྱིས་གྲི་གུག་དང་ཐོད་པ་འཛིན་པས་རང་འོད་ཀྱི་ཡུམ་ལ་འཁྱུད་ཅིང་། ལྷག་མ་གཡས་གཉིས་འཁོར་ལོ་དང་རལ་གྲི། གཡོན་གཉིས་རིན་པོ་ཆེ་དང་པདྨ་འཛིན་པ། ལྷོར་སེར་སྣ་གཤིན་རྗེ་གཤེད་སེར་པོ་སེར་ནག་དཀར་བའི་ཞལ་གསུམ་ཕྱག་དྲུག་གི་དང་པོ་གཉིས་ཀྱིས་གྲི་གུག་དང་ཐོད་པ་འཛིན་པས་རང་འོད་ཀྱི་ཡུམ་ལ་འཁྱུད་པ།

[Full Size]

ལྷག་མ་གཡས་གཉིས་རིན་པོ་ཆེ་དང་རལ་གྲི། གཡོན་གཉིས་འཁོར་ལོ་དང་པདྨ་འཛིན་པ། ནུབ་ཏུ་འདོད་ཆགས་གཤིན་རྗེ་གཤེད་དམར་པོ་དམར་ནག་དཀར་བའི་ཞལ་གསུམ་ཕྱག་དྲུག་གི་དང་པོ་གཉིས་ཀྱིས་གྲི་གུག་དང་ཐོད་པ་འཛིན་པས་རང་འོད་ཀྱི་ཡུམ་ལ་འཁྱུད་པ། ལྷག་མ་གཡས་གཉིས་པདྨ་དང་རལ་གྲི། གཡོན་གཉིས་རིན་པོ་ཆེ་དང་འཁོར་ལོ་འཛིན་པ། བྱང་དུ་ཕྲག་དོག་གཤིན་རྗེ་གཤེད་ལྗང་གུ་ལྗང་ནག་དཀར་བའི་ཞལ་གསུམ་ཕྱག་དྲུག་གི་དང་པོ་གཉིས་ཀྱིས་གྲི་གུག་དང་ཐོད་པ་འཛིན་པས་རང་འོད་ཀྱི་ཡུམ་ལ་འཁྱུད་པ། ལྷག་མ་གཡས་གཉིས་རལ་གྲི་དང་འཁོར་ལོ། གཡོན་གཉིས་རིན་པོ་ཆེ་དང་པདྨ་འཛིན་པ། ཤར་ལྷོར་ཙར་ཙི་ཀཱ་དཀར་མོ་གཏི་མུག་གཤིན་རྗེ་གཤེད་ལྟ་བུ། ལྷོ་ནུབ་ཏུ་ཕག་མོ་སེར་མོ་དབུའི་སྟེང་དུ་ཕག་ཞལ་གྱེན་དུ་ལྟ་བ་དང་བཅས་པ་སེར་

[Full Size]

སྣ་གཤིན་རྗེ་གཤེད་ལྟ་བུ། ནུབ་བྱང་དུ་དབྱངས་ཅན་མ་དམར་མོ་འདོད་ཆགས་གཤིན་རྗེ་གཤེད་ལྟ་བུ། བྱང་ཤར་དུ་གཽ་རི་ལྗང་གུ་ཕྲག་དོག་གཤིན་རྗེ་གཤེད་ལྟ་བུ། དེ་ལྟར་ལྷ་མོ་བཞི་པོ་རང་སྣང་གི་ཐབས་ལ་འཁྱུད་པའོ། །ཤར་སྒོར་ཐོ་བ་གཤིན་རྗེ་གཤེད་ནག་པོ་ནག་དཀར་དམར་བའི་ཞལ་གསུམ་ཕྱག་དྲུག་གི་དང་པོ་གཉིས་ཀྱིས་གྲི་གུག་དང་ཐོད་པ་འཛིན་པས་རང་འོད་ཀྱི་ཡུམ་ལ་འཁྱུད་པ། ལྷག་མ་གཡས་གཉིས་ཐོ་བ་དང་རལ་གྲི། གཡོན་གཉིས་འཁོར་ལོ་དང་པདྨ་འཛིན་པ། ལྷོ་སྒོར་དབྱུག་པ་གཤིན་རྗེ་གཤེད་དཀར་པོ་དཀར་ནག་དམར་བའི་ཞལ་གསུམ་ཕྱག་དྲུག་གི་དང་པོ་གཉིས་ཀྱིས་གྲི་གུག་དང་ཐོད་པ་འཛིན་པས་རང་འོད་ཀྱི་ཡུམ་ལ་འཁྱུད་པ། ལྷག་མ་གཡས་གཉིས་དབྱུག་པ་དང་རལ་གྲི། གཡོན་གཉིས་པདྨ་དང་འཁོར་ལོ་འཛིན་པ། ནུབ་སྒོར་པདྨ་གཤིན་རྗེ་གཤེད་དམར་པོ་

[Full Size]

དམར་ནག་དཀར་བའི་ཞལ་གསུམ་ཕྱག་དྲུག་གི་དང་པོ་གཉིས་ཀྱིས་གྲི་གུག་དང་ཐོད་པ་འཛིན་པས་རང་འོད་ཀྱི་ཡུམ་ལ་འཁྱུད་པ། ལྷག་མ་གཡས་གཉིས་པདྨ་དང་རལ་གྲི། གཡོན་གཉིས་འཁོར་ལོ་དང་རིན་པོ་ཆེ་འཛིན་པ། བྱང་སྒོར་རལ་གྲི་གཤིན་རྗེ་གཤེད་ལྗང་གུ་ལྗང་ནག་དཀར་བའི་ཞལ་གསུམ་ཕྱག་དྲུག་གི་དང་པོ་གཉིས་ཀྱིས་གྲི་གུག་ཐོད་པ་འཛིན་པས་རང་འོད་ཀྱི་ཡུམ་ལ་འཁྱུད་པ། ལྷག་མ་གཡས་གཉིས་རལ་གྲི་དང་འཁོར་ལོ། །གཡོན་གཉིས་རིན་པོ་ཆེ་དང་པདྨ་འཛིན་པ། འཁོར་རྣམས་ཐམས་ཅད་རྒྱན་དང་ཆ་ལུགས་བཅོམ་ལྡན་འདས་དང་མཚུངས་པ་སྟེ། འོན་ཀྱང་ལྷ་མོ་བཞི་ནི་བུད་མེད་སྒྱུ་མའི་ང་རྒྱལ་གྱིས་འགྱིང་བ། བཅོམ་ལྡན་འདས་མ་དང་མཚུངས་པ་ལས་གཡོན་བརྐྱང་གི་སྟབས་ཅན་ནོ། །ཕྱིའི་གྲྭ་བཞིར་ཀ་པཱ་ལ་བདུད་རྩིས་གང་བ་བཞི་དང་བཅས་པའོ། །

[Full Size]

རང་དགྱེས་མཛད་རྡོ་རྗེ་མཚོན་ཆ་ཅན་གྱི་ཐུགས་ཀར་པད་ཉི་ལ་ཧཱུྃ། ལྷ་མོ་བཅུ་གསུམ་གྱི་ཐུགས་ཀར་པད་ཟླ་ལ། ཨཾ་གཾ་ཙཾ་བཾ་གྷཾ་པཾ་ཤཾ་ལཾ་ཌཾ་ཛཿཧཱུྃ་བཾ་ཧོཿརྣམས་འཁོད་པར་གྱུར། སྙིང་གའི་ས་བོན་གྱི་འོད་ཟེར་གྱིས་དགྱེས་མཛད་མཚོན་ཆ་ཅན་ལྷ་བཅུ་གསུམ་རྒྱུད་སྡེ་ལྔའི་དཀྱིལ་འཁོར་གྱི་ལྷ་ཚོགས་དང་བཅས་པ་ཨོཾ་བཛྲ་ས་མཱ་ཛཿ ཤར་ཕྱོགས་ཀྱི་དུར་ཁྲོད་ཆེན་པོའི་ཐད་ཀྱི་སྟེང་གི་ནམ་མཁར་བཞུགས། ཨོཾ་བྷ་ག་ཝཱན་མ་ཧཱ་ཀཱ་རུ་ཎི་ཀཱ་ཧེ་བཛྲ་གུ་ཧྱ་ས་མཱ་ཛཿ ཙཀྲ་སམྦ་ར་མ་ཧཱ་མཱ་ཡཱ་བཛྲ་བྷེ་ར་བ་མཎྜལ་ས་པཱ་རི་བཱ་ར་ཨརྒྷཾ་པྲ་ཏཱི་ཙྪ་སྭཱ་ཧཱ། དེ་བཞིན་ཏུ་པདྱཾ་དང་། ཨོཾ་བཛྲ་པུཥྤེ་ཨཱཿཧཱུྃ། ནས་ ཤཔྡ་ཨཱཿཧཱུྃ། ཞེས་ཆུ་གཉིས་སྔོན་དུ་འགྲོ་བའི་ཉེར་སྤྱོད་ཀྱིས་ཡང་དག་པར་མཆོད་པ་ནི་ཕྱི་མཆོད་དོ། །སྤྲོ་ན་འོག་ནས་འབྱུང་བ་ལྟར་ནང་མཆོད་བྱིན་གྱིས་བརླབས་ལ་འབུལ། བསྡུ་ན། དགྱེས་མཛད་ལ་ཨོཾ་དེ་བ་པི་ཙུ་སོགས་སྙིང་པོ་ལན་གཉིས་དང་། གཙོ་བོ་གཞན་བཞིའི་ཨོཾ་ཨཿབཛྲ་དྷྲྀཀ་དང་

[Full Size]

ཨོཾ་ཨཱཿཧྲཱིཿདང་ ཨོཾ་ཧྲཱིཿཧ་ཧ་དང་ ཨོཾ་ཧྲཱིཿཥྚི་སོགས་སྙིང་པོ་ལན་རེ་བརྗོད་ལ། མཐར་འབྲུ་གསུམ་བཏགས་པས་ནང་མཆོད་འབུལ། ཨོཾ་སརྦ་ཏ་ཐཱ་ག་ཏ་ཨ་ནུ་རཱ་ག་་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། ཞེས་གསང་བའི་མཆོད་པ་འབུལ། དེ་ཐམས་ཅད་ཀྱང་སྒྱུ་མ་ལྟར་རང་བཞིན་མེད་པར་ཤེས་པར་བྱས་ནས་ཅུང་ཟད་མཉམ་པར་བཞག། ཨོཾ་བཛྲ་གཽ་རཱི་ཨཱ་ཀརྵ་ཡ་ཛཿ ཨོཾ་བཛྲ་ཙཽ་རཱི་པྲ་བེ་ཤ་ཡ་ཧཱུྃ། ཨོཾ་བཛྲ་བེ་ཏཱ་ལི་བནྡྷ་བཾ། ཨོཾ་བཛྲ་གྷསྨ་རཱི་ཝ་ཤཾ་ཀུ་རུ་ཧོཿ ཛཿཧཱུྃ་བཾ་ཧོཿ ལན་ལྔ། ཡེ་ཤེས་སེམས་དཔའ་དང་དམ་ཚིག་སེམས་དཔའ་རོ་གཅིག་ཏུ་གྱུར། དགྱེས་མཛད་རྡོ་རྗེའི་ལྷ་ཐམས་ཅད་ཀྱི་མིག་ཏུ་མོཾ་ལས་གཏི་མུག་རྡོ་རྗེ་མ་དཀར་མོ། རྣ་བར་དྭེཾ་ལས་ཞེ་སྡང་རྡོ་རྗེ་མ་དམར་མོ། སྣ་ལ་མཾ་ལས་སེར་སྣ་རྡོ་རྗེ་མ་སེར་མོ། ཁ་ལ་རཾ་ལས་འདོད་ཆགས་རྡོ་རྗེ་མ་དམར་མོ། དཔྲལ་བར་ཨིཾ་ལས་ཕྲག་དོག་རྡོ་རྗེ་མ་ལྗང་གུ། ལྟེ་བར་ནོཾ་ལས་བདག་མེད་རྣལ་

[Full Size]

འབྱོར་མ་ནག་མོ། དེ་རྣམས་ལས་འོད་ཟེར་འཕྲོས། སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས། རྡོ་རྗེ་མ་དྲུག་གི་གོ་འཕང་ལ་བཀོད། སླར་འདུས་ཏེ་སྐྱེ་མཆེད་ཀྱི་ལྷ་རྣམས་ལ་ཐིམ། ལྷ་ཐམས་ཅད་ཀྱི་དཔྲལ་བར་ཨོཾ་དཀར་པོ་དེ་ལས་འོད་ཟེར་འཕྲོས། སེམས་ཅན་རྣམས་ཀྱི་ལུས་ཀྱི་སྡིག་སྒྲིབ་སྦྱངས། སངས་རྒྱས་ཐམས་ཅད་ཀྱི་སྐུའི་བྱིན་རླབས་བསྐུལ་ཞིང་བསྡུས་ཏེ། ཨོཾ་ལ་ཐིམ་པ་ལས་སྐུ་རྡོ་རྗེ་མ་དཀར་མོ། མགྲིན་པར་ཨཱཿདམར་པོ་དེ་ལས་འོད་ཟེར་འཕྲོས། སེམས་ཅན་རྣམས་ཀྱི་ངག་གི་སྡིག་སྒྲིབ་སྦྱངས། སངས་རྒྱས་ཐམས་ཅད་ཀྱི་གསུང་གི་བྱིན་རླབས་བསྐུལ་ཞིང་བསྡུས་ཏེ། ཨཱཿལ་ཐིམ་པ་ལས་གསུང་རྡོ་རྗེ་མ་དམར་མོ། ཐུགས་ཀར་ཧཱུྃ་སྔོན་པོ་དེ་ལས་འོད་ཟེར་འཕྲོས། སེམས་ཅན་རྣམས་ཀྱི་ཡིད་ཀྱི་སྡིག་སྒྲིབ་སྦྱངས། སངས་རྒྱས་ཐམས་ཅད་ཀྱི་ཐུགས་ཀྱི་

[Full Size]

བྱིན་རླབས་བསྐུལ་ཞིང་བསྡུས་ཏེ་ཧཱུྃ་ལ་ཐིམ་པ་ལས་ཐུགས་རྡོ་རྗེ་མ་སྔོན་མོ། ལྷ་མོ་དེ་ཐམས་ཅད་ཞལ་གཅིག་ཕྱག་གཉིས་སྤྱན་གསུམ་མ། གྲི་གུག་ཐོད་པ་ཁ་ཊྭཱཾ་ག་བསྣམས་པ། རུས་པ་དང་མི་མགོའི་ཕྲེང་བས་བརྒྱན་པའོ། །རང་གི་ཐུགས་ཀ་ནས་འོད་ཟེར་སྣ་ལྔ་པ་འཕྲོས། དབང་གི་ལྷ་རྒྱལ་བ་ཡབ་ཡུམ། བྱང་ཆུབ་སེམས་དཔའ་ཡབ་ཡུམ། ཁྲོ་བོ་རིག་མ་དང་བཅས་པ་ཨོཾ་བཛྲ་ས་མཱ་ཛཿགོང་བཞིན་མཆོད་པ་གསུམ་གྱིས་མཆོད། །ཞེ་སྡང་རྡོ་རྗེར་ཕྱག་འཚལ་བསྟོད། །གཏི་མུག་རྡོ་རྗེར་ཕྱག་འཚལ་བསྟོད། །སེར་སྣ་རྡོ་རྗེ་བདག་ལ་སྩོལ། །འདོད་ཆགས་རྡོ་རྗེ་བདག་ལ་སྐྱོབས། །ཕྲག་དོག་རྡོ་རྗེ་ང་རྒྱལ་ཏེ། །སྒྱུ་འཕྲུལ་རྡོ་རྗེ་མགོན་པོ་ཁྱོད། །ལས་རྣམས་ཐམས་ཅད་སྒྲུབ་བྱེད་པ། །ཐམས་ཅད་རྡོ་རྗེ་བདག་མགུར་འགྱུར། །བཅོམ་ལྡན་དེ་བཞིན་གཤེགས་པ་ཀུན། །བཅོམ་ལྡན་བདག་ཉིད་ཆེན་པོ་རྣམས། །

[Full Size]

ཐུགས་རྗེའི་བདག་ཉིད་ཅན་རྣམས་ཀྱིས། །ཁྱེད་ཀྱིས་བདག་ལ་དབང་བསྐུར་སྩོལ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥིཉྩ་ཏུ་མཱཾ། ཅེས་གསོལ་བ་བཏབ་པས། སངས་རྒྱས་རྣམས་ཀྱིས་ཐུགས་ཀ་ནས་ཕྱུང་བའི་སྤྱན་མ་དང་། མཱ་མ་ཀཱི་དང་གོས་དཀར་མོ་དང་། སྒྲོལ་མ་རྣམས་ཀྱིས་བྱང་ཆུབ་སེམས་ཀྱིས་གང་བའི་བུམ་པས་དབང་བསྐུར། ཁྲོ་བོ་རྣམས་ཀྱིས་བསྲུང་བའི་ལས་མཛད། བྱང་ཆུབ་སེམས་དཔའ་རྣམས་ཀྱིས་རྡོ་རྗེའི་གླུ་བླང་། རྡོ་རྗེ་མ་རྣམས་ཀྱིས་མཆོད་དེ། །དབང་བསྐུར་རྡོ་རྗེ་ཆེན་པོ་ནི། །ཁམས་གསུམ་ཀུན་གྱིས་ཕྱག་བྱས་པ། །སངས་རྒྱས་ཀུན་གྱི་གསང་གསུམ་གྱི། །གནས་ལས་བྱུང་བ་སྦྱིན་པར་བྱ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲི་ཡེ་ཧཱུྃ། ཞེས་གསུང་ཞིང་དཀྱིལ་འཁོར་གྱི་ལྷ་ཐམས་ཅད་ལ་དབང་བསྐུར། ཆུའི་ལྷག་མ་སྤྱི་བོར་འཁྱིལ་བ་ལས་གཙོ་བོ་ཡབ་ཡུམ་དང་། གཽ་རཱི་དང་།

[Full Size]

པུཀྐ་སཱི་ལ་མི་བསྐྱོད་པ། ཙཽ་རཱི་དང་ཤ་བ་རཱི་ལ་རྣམ་པར་སྣང་མཛད། བཻ་ཏཱ་ལི་དང་ཙཎྜ་ལཱི་ལ་རིན་ཆེན་འབྱུང་ལྡན། གྷསྨ་རཱི་དང་ཌོཾ་བི་ནཱི་ལ་འོད་དཔག་མེད་རྣམས་ཀྱིས་དབུ་བརྒྱན། སྒོམ་བཞི་ལ་དོན་གྲུབ་ཀྱིས་དབུ་བརྒྱན། དེ་ནས་བདུད་རྩི་བྱིན་གྱིས་བརླབས་པ་ནི། ཨོཾ་ཨཱཿབིགྷྣཱནྟ་ཀྲྀ་ཏ་ཧཱུྃ་གིས་བསང་། སྭ་བྷཱ་བས་སྦྱང་། སྟོང་པའི་དང་ལས་ཡཾ་ལས་རླུང་གི་དཀྱིལ་ཟླ་གམ་ཡཾ་དང་བ་དན་གྱིས་མཚན་པའི་སྟེང་དུ། རཾ་ལས་མེའི་དཀྱིལ་འཁོར་གྲུ་གསུམ་རཾ་གྱིས་མཚན་པ། དེའི་སྟེང་དུ་ཀཾ་གསུམ་ལས་མི་མགོའི་སྒྱེད་བུ་གསུམ་གྱི་སྟེང་དུ། ཨ་ལས་ཐོད་པ་དཀར་པོ་སྟོང་གསུམ་གྱི་ཁྱོན་ཙམ་གྱི་ནང་དུ། པདྨ་འདབ་བརྒྱད་ཀྱི་ལྟེ་བར་ཧཱུྃ་ལས་སྣབས་དང་མཆིལ་མ། ཤར་དུ་བྷྲཱུྃ་ལས་དྲི་ཆེན། ལྷོར་ཨཾ་ལས་རཀྟ། ནུབ་ཏུ་ཛྲིཾ་ལས་བྱང་ཆུབ་ཀྱི་སེམས། བྱང་དུ་ཁཾ་ལས་དྲི་ཆུ། དབུས་སུ་ན་ལས་

[Full Size]

མིའི་ཤ། བྱང་ཤར་དུ་གཾ་ལས་བ་གླང་གི་ཤ། ཤར་ལྷོར་ནཱཾ་ལས་གླང་པོ་ཆེའི་ཤ། ལྷོ་ནུབ་ཏུ་ཧཾ་ལས་རྟའི་ཤ། ནུབ་བྱང་དུ་ཥཾ་ལས་ཅེ་སྤྱང་གི་ཤ་རྣམས་ཀྱིས་གང་བ། སྟེང་དུ་ཨོཾ་ཨཱཿཧཱུྃ་ཐུགས་ཀའི་ཧཱུྃ་ལས་འོད་འཕྲོས་སྣ་བུག་ནས་ཐོན། རླུང་གི་བ་དན་ལ་ཕོག །ཡཾ་ལས་རླུང་གཡོས། རཾ་ལས་མེ་འབར། ཐོད་པའི་རྫས་རྣམས་བསྐོལ། ཞུ་ཞིང་གྱེན་དུ་ལུད་པ་མི་གཙང་བ་རྣམས་ཕྱིར་ཕྱུང་། སྟེང་གི་ཨཱཿ ཟླ་བའི་དཀྱིལ་འཁོར་ཧཱུྃ་རྡོ་རྗེར་གྱུར་པ་ཨོཾ་དང་བཅས་ཏེ་ཐོད་པར་ལྷུང་བས་རྫས་རྣམས་ལན་བདུན་དུ་དཀྲུགས་ཤིང་སྦྱང་། ཡང་རྡོ་རྗེ་འགྲེང་བུར་གནས་པའི་ལྟེ་བར་ཨཱཿལས་བྱུང་བའི་ཟླ་བ་ལ་ཧཱུྃ་དང་རྩེ་མོ་ལ་ཨོཾ་གྱིས་མཚན་པ། དེ་ལས་འོད་འཕྲོས་སངས་རྒྱས་ཐམས་ཅད་ཀྱི་ཐུགས་ཀ་ནས་ཡེ་ཤེས་ཀྱི་བདུད་རྩི་དཔག་ཏུ་མེད་པ་སྤྱན་དྲངས། དམ་ཚིག་གི་བདུད་རྩི་དང་འདྲེས། ཨོཾ་ཨཱཿཧཱུྃ་ལན་གསུམ་དང་ཧ་ཧོ་ཧྲཱིཿ

[Full Size]

ཁ་དོག་དྲི་རོ་ནུས་པ་ཕུན་སུམ་ཚོགས་པར་གྱུར། ལྷ་ཐམས་ཅད་ཀྱི་ལྗགས་ཧཱུྃ་ལས་བྱུང་བའི་རྡོ་རྗེའི་སྦུ་གུས་བདུད་རྩི་དྲངས་ཤིང་གསོལ་བས་ཚིམ་ཤིང་མཉེས་པར་གྱུར། ཨོཾ་སརྦ་ཏ་ཐཱ་ག་ཏ་ཨ་མྲྀ་ཏ་བཛྲ་སྭ་བྷཱ་ཝ་ཨཏྨ་ཀོ྅་ཧཾ། དེ་ནས་སྔར་བཞིན་ཨརྒྷཾ་ལ་སོགས་པས་མཆོད། ཨོཾ་སརྦ་ཏ་ཐཱ་ག་ཏ་པཱུ་ཛ་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། །ལྷ་མོའི་འཁོར་གྱིས་བཅོམ་ལྡན་བསྐོར། །རྒྱུ་དང་མི་རྒྱུ་ཁྱོད་ཀྱི་ཐུགས། །སེམས་ཅན་ཀུན་གྱི་དོན་མཛད་རྣམས། །བཅོམ་ལྡན་མཆོག་ཏུ་དགྱེས་རྡོ་རྗེ། །ཞལ་མཛེས་ཐུགས་ཀྱི་དགོངས་པ་འགྲུབ། །ཐུགས་དགྱེས་མཛོད་ཅིག་དགྱེས་རྡོ་རྗེ། །ཨོཾ་སརྦ་ཏ་ཐཱ་ག་ཏ་སྟུ་ཏི་ར་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། །ཧཱུྃ་མི་བསྐྱོད་རྡོ་རྗེ་ཡེ་ཤེས་ཆེ། །རྡོ་རྗེ་དབྱིངས་ནི་མཁའ་ཆེན་པོ། །རྡོ་རྗེ་གསུམ་མཆོག་དཀྱིལ་འཁོར་གསུམ། །རྡོ་རྗེ་དབྱིངས་ལ་ཕྱག་འཚལ་ལོ། །ཐམས་ཅད་དངོས་པོ་རང་བཞིན་མཆོག །

[Full Size]

གདོད་ནས་ཐམས་ཅད་རང་བཞིན་གནས། །ཐབས་དང་ཤེས་རབ་གཉིས་མེད་པའི། །ཀྱཻ་རྡོ་རྗེར་བདག་ཕྱག་འཚལ། །མཆེ་བ་གཙིགས་ཤིང་འཇིགས་པ་ཆེ། །སྔགས་ཀྱི་མེ་ཏོག་ཕྲེང་བས་བརྒྱན། །ཤ་ཆེན་རབ་ཏུ་གསོལ་མཛད་པ། །ཧེ་རུ་ཀ་དཔལ་བདག་ཕྱག་འཚལ། །བཅོམ་ལྡན་མགོན་པོ་དཔའ་བོའི་དབང་ཕྱུག་ནི། །བསྐལ་པའི་མེ་དཔུང་ལྟ་བུ་རབ་ཏུ་འབར། །རལ་པའི་ཅོད་པན་དབུ་ཡི་རྒྱན་དུ་བཅིངས། །མཆེ་བ་རབ་གཙིགས་དྲག་ཤུལ་འཇིགས་པའི་ཞལ། །སྐུ་ལ་གཟི་བརྗིད་ཕྱག་སྟོང་ལྡན་པ་པོ། །དགྲ་སྟྭ་ཞགས་པ་ཁ་ཊྭཱཾ་མདུང་བསྣམས་ཤིང་། །རབ་འཇིགས་སྟག་གི་པགས་པ་སྐུ་ལ་གསོལ། །སྐུ་ཆེན་དུད་ཁ་བགེགས་མཐར་མཛད་ལ་འདུད། །དུས་གསུམ་རྒྱལ་བ་ཐམས་ཅད་ཀྱི། །བཀའ་ཡི་འཁོར་ལོ་རབ་ཏུ་བསྐོར། །བདུད་དང་མུ་སྟེགས་ལྷ་མིན་བཅོམ། །གཤིན་རྗེ་འཇོམས་ལ་ཕྱག་འཚལ་

[Full Size]

ལོ། །དེ་ནས་བཟླས་པའི་དམིགས་པ་གསལ་བཏབ་ལ་སྔགས་འདི་རྣམས་བཟླ་བར་བྱ་སྟེ། ཨོཾ་ཨཥྚཱ་ན་ནཱ་ཡ། པིཾ་གོརྡྷ་ཀེ་ཤ་ཝརྟྨ་ནེ། ཙ་ཏུརྦིཾ་ཤ་ཏི་ནི་ཏྲཱ་ཡ། ཥོ་ཌ་ཤ་བྷུ་ཛ་ཡ། ཀྲྀཥྞ་ཛི་མཱུ་ཏ་ཝ་པུ་ཥེ། ཀ་པཱ་ལ་མཱ་ལ་ཨ་ནེ་ཀནྡྷཱ་རི་ེ། ཨདྷྨ་ཏ་ཀྲུ་ར་ཙིཏྟཱ་ཡ། ཨརྡྷེནྡུ་དཾཥྚི་ི། ཨོཾ་མཱ་ར་ཡ་མཱ་ར་ཡ། ཀ་ར་ཡ་ཀ་ར་ཡ། གརྫ་ཡ་གརྫ་ཡ། ཏརྫ་ཡ་ཏརྫ་ཡ། ཤོ་ཥ་ཡ་ཤོ་ཥ་ཡ། སཔྟ་སཱ་ག་རཱ་ན། བན་དྷ་བན་དྷ། ནཱ་ག་ཨཥྚ་ཀཱ་ན། གྲྀ་ཧྞ་གྲྀ་ཧྞ། ཤཱ་ཏྲུཾ། ཧ་ཧཱ། ཧི་ཧཱི། ཧུ་ཧཱུ། ཧེ་ཧཻ། ཧོ་ཧཽ། ཧཾ་ཧཿ ཕཊ་སྭཱ་ཧཱ། རྩ་བའི་སྔགས་སོ། །ཨོཾ་དེ་ཝ་པི་པུ་བཛྲ་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་བཛྲ་ཀརྟ་རི་ཧེ་བཛྲ་ཡ་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་ཨཾ་སྭཱ་ཧཱ། དེ་ནི་མཚོན་ཆ་ཅན་གྱིའོ། །ཨོཾ་ཨཱཿབཛྲ་དྷྲྀཀ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་ཨཱཿསྤརྴ་བཛྲ་ཧཱུྃ། ཨོཾ་ཨཱཿཛི་ན་ཛི་ཀ་ཧཱུྃ། ཨོཾ་ཨཱཿརཏྣ་དྷྲིཀ་ཧཱུྃ། ཨོཾ་ཨཱཿཨཱ་རོ་ལི་ཀ་ཧཱུྃ།

[Full Size]

ཨོཾ་ཨཱཿཔྲཛྙཱ་དྷྲྀཀ་ཧཱུྃ། ཨོཾ་ཨཱཿམོ་ཧཱ་རཱ་ཏི་ཧཱུྃ། ཨོཾ་ཨཱཿདེྭ་ཥ་རཱ་ཏི་ཧཱུྃ། ཨོཾ་ཨཱཿརཱ་ག་རཱ་ཏི་ཧཱུྃ། ཨོཾ་ཨཱཿབཛྲ་རཱ་ཏི་ཧཱུྃ། ཨོཾ་ཨཱཿརཱུ་པ་བཛྲཱ་ཧཱུྃ། ཨོཾ་ཨཱཿཤཔྡ་བཛྲ་ཧཱུྃ། ཨོཾ་ཨཱཿགནྡྷ་བཛྲཱ་ཧཱུྃ། ཨོཾ་ཨཱཿར་ས་བཛྲཱ་ཧཱུྃ། ཨོཾ་ཨཱཿམེཾ་ཧཱུྃ། ཨོཾ་ཨཱཿཐླྷིཾ་ཧཱུཾ། ཨོཾ་ཨཱཿཧཱུཾ་ཧཱུཾ། ཨོཾ་ཨཱཿཨཾ་ཧཱུྃ། ཨོཾ་ཨཱཿཧྲཱིཿཧཱུཾ། ཨོཾ་ཨཱཿཨོཾ་ཧཱུྃ། ཨོཾ་ཨཱཿམཾ་ཧཱུྃ། ཨོཾ་ཨཱཿསཾ་ཧཱུྃ། ཨོཾ་ཨཱཿཡ་མཱནྟ་ཀྲྀ་ཏ་ཧཱུྃ། ཨོཾ་ཨཱཿཔྲཛྙཱནྟ་ཀྲྀ་ཏ་ཧཱུྃ། ཨོཾ་ཨཱཿཔདྨཱནྟ་ཀྲྀ་ཏ་ཧཱུྃ། ཨོཾ་ཨཱཿབིགྷྣཱནྟ་ཀྲྀ་ཏ་ཧཱུྃ། ཨོཾ་ཨཱཿཨཱརྱ་ཨ་ཙ་ལ་ཧཱུྃ། ཨོཾ་ཨཱཿཌཱཀྐི་རཱ་ཛཱ་ཧཱུྃ། ཨོཾ་ཨཱཿནཱི་ལ་དཎྜ་ཧཱུྃ། ཨོཾ་ཨཱཿ མ་ཧཱ་བཱ་ལ་ཧཱུྃ། ཨོཾ་ཨཱཿཙཀྲ་ཝརྟི་ཧཱུྃ། ཨོཾ་ཨཱཿསུཾ་བྷ་རཱ་ཛཱ་ཧཱུྃ། དེ་ནི་གསང་བ་འདུས་པའི་འོ། །ཨོཾ་ཨཱཿཧྲཱིཿཧཱུྃ་ཕཊ་སྭཱ་ཧཱ། ཨོཾ་བུདྡྷ་ཌཱ་ཀི་ནཱི་ཨཱཿཧྲཱིཿཧཱུྃ། ཨོཾ་བཛྲ་ཌཱ་ཀི་ནཱི་ཨཱཿཧྲཱིཿཧཱུྃཿཧཱུྃ། ཨོཾ་རཏྣ་ཌཱ་ཀི་ནཱི་ཨཱཿཧྲཱིཿཧཱུྃ། ཨོཾ་པདྨ་ཌཱ་ཀི་ནཱི་ཨཱཿཧྲཱིཿཧཱུྃ། ཨོཾ་བི་ཤྭ་ཌཱ་ཀི་

[Full Size]

ནཱི་ཨཱཿཧྲཱིཿཧཱུྃ། དེ་ནི་མ་ཧཱ་མ་ཡའིའོ། །ཨོཾ་དེ་བ་པི་ཙུ་བཛྲ་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་ཨཱཿཨཾ་ཧཱུྃ་སྭཱ་ཧཱ། ཨོཾ་ཨཱཿགཾ་ཧཱུྃ་སྭཱ་ཧཱ། ཨོཾ་ཨཱཿཙཾ་ཧཱུཾ་སྭཱ་ཧཱ། ཨོཾ་ཨཱཿབཾ་ཧཱུྃ་སྭཱ་ཧཱ། ཨོཾ་ཨཱཿགྷཾ་ཧཱུྃ་སྭཱ་ཧཱ། ཨོཾ་ཨཱཿཔཾ་ཧཱུྃ་སྭཱ་ཧཱ། ཨོཾ་ཨཱཿཤཾ་ཧཱུྃ་སྭཱ་ཧཱ། ཨོཾ་ཨཱཿལཾ་ཧཱུཾ་སྭཱ་ཧཱ། ཨོཾ་ཨཱཿཌཾ་ཧཱུྃ་སྭཱ་ཧཱ། དེ་ནི་མཚོ་སྐྱེས་ལྷ་དགུའི་ཡིན་ནོ། །ཨོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧཱུྃ་ཧཱུྃ་ཕཊ་ཌཱ་ཀི་ནཱི་ཛཱ་ལ་སཾ་བྷ་རཾ་སྭཱ་ཧཱ། ཨོཾ་བཛྲ་བཻ་རོ་ཙ་ནཱི་ཡེ་ཧཱུཾ་ཧཱུཾ་ཕཊ། ཨོཾ་ཧྲཱིཿཧ་ཧ་ཧཱུྃ་ཧཱུྃ་ཕཊ། ཨོཾ་སརྦ་བུདྡྷ་ཌཱ་ཀི་ནི་ཡཻ་བཛྲ་ཝརྞ་ནཱི་ཡཻ་ཧཱུྃ་ཧཱུྃ་ཕཊ་སྭཱ་ཧཱ། མཱཾ་ལཱཾ་པཱཾ་ཏཱཾ་པུ་ཛ་ཨོ་ཨ་གོ་ར་དེ་མ། ཀ་ཨོ་ཏྲི་ཀོྭ་ཀ་མ་ཀ་ཧི། པྲེ་གྲི་སཽ་སུ་ན་སི་མ་ཀུ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཞེས་བདེ་མཆོག་གི་སྔགས་ཕྲེང་བསྡུས་པའོ། །རྒྱས་པར་གཞན་དུ་ཤེས་པར་བྱའོ། །ཨོཾ་ཨཱཿདྷཱིཿསྭཱ་ཧཱ། ཨོཾ་ཡ་མཱནྟ་ཀ་ཧཱུྃ་ཕཊ། ཨོཾ་ཧྲཱིཿཥྚྲིཿབཾ་ཀྲྀ་ཏཱ་ན་ན་ཧཱུྃ་ཕཊ། ཨོཾ་བཛྲ་བཻ་རོ་ཙ་ནཱི་ཡེ་ཧཱུྃ་ཧཱུྃ་ཕཊ། ཨོཾ་ཨཱཿཛི་ན་ཛི་ཀ་ཧཱུྃ། ཨོཾ་

[Full Size]

ཨཱཿརཏྣ་དྷྲྀཀ་ཧཱུྃ། ཨོཾ་ཨཱཿཨ་རོ་ལིཀ་ཧཱུྃ། ཨོཾ་ཨཱཿཔྲཛྙཱ་དྷྲྀཀ་ཧཱུྃ། ཨོཾ་ཨཱཿམོ་ཧ་ར་ཏི་ཧཱུྃ། ཨོཾ་ཨཱཿདྭེ་ཥ་རཱ་ཏི་ཧཱུྃ། ཨོཾ་ཨཱཿརཱ་ག་རཱ་ཏི་ཧཱུཾ། ཨོཾ་ཨཱཿབཛྲ་རཱ་ཏི་ཧཱུྃ། ཨོཾ་ཨཱཿམུངྒ་ར་དྷྲྀཀ་ཧཱུྃ། ཨོཾ་ཨཱཿདཎྜ་དྷྲྀཀ་ཧཱུྃ། ཨོཾ་ཨཱཿཔདྨ་དྷྲྀཀ་ཧཱུྃ། ཨོཾ་ཨཱཿཁཌྒ་དྷྲྀཀ་ཧཱུྃ། ཨོཾ་ཨཱཿ་ཧཱུྃ། ཨོཾ་ཨཱཿཡོ་ཧཱུྃ། ཨོཾ་ཨཱཿནི་ཧཱུྃ། ཨོཾ་ཨཱཿར་ཧཱུྃ། ཅེས་པ་ནི་རྡོ་རྗེ་འཇིགས་བྱེད་ཀྱི་ལྷ་ཚོགས་ཀྱི་ཡིན་ནོ། །རྒྱས་པར་ན་མཚོན་ཆ་ཅན་ལ། ཕྲེང་བའི་སྔགས་འདི་དག་བཟླ་བར་བྱའོ། །ཨོཾ་ཧྲཱིཿསྭཱ་ཧཱ། ཨོཾ་བཛྲ་གུ་ཧྱེ་སིདྡྷི་པ་ར་མ་ཡོ་གེ་ཤྭ་རི་ཀ་པཱ་ལ་མཱ་ལ་དྷ་རི་ཎི་རུ་དྷི་ར་པྲི་ཡེ་ཤྨ་ཤྭ་ན་བཱ་སི་ནཱི་ཧཱུྃ་ཕཊ་སྭཱ་ཧཱ། ཨོཾ་བཛྲ་ཙཎྜེ་ཤྭ་རི། ཁ་ཊཱྭངྒི་མ་ཧཱ་བཛྲི་ཱི་ཀ་པཱ་ལ་མཱ་ལ། མུ་ཀུ་ཊོ་ཨཱ་ཀཌྜྷ། སརྦ་དུཥྚ་ད་པ་མཱ་ཀྚ། རུ་ལུ་རུ་ལུ་བྷྱོ་ཧཱུྃ་ཕཊ། ཨོཾ་བཛྲ་པ་ར་ཛི་ཏེ་པ་ར་མ་གུ་ཧྱེ་ཀ་པཱ་ལ་མཱ་ལཱ་ནི་བྷཱུ་ཏེ་སརྦ་དུཥྚ་མོ་ཧ་ནི་པྲི་ཡེ་ཨེ་ཧྱེ་ཧི་བྷ་ག་བ་ཏི་བཛྲ་གུ་ཧྱེ་ཤྭ་རཱི།

[Full Size]

བ་ཧུ་བི་དྷ་བེ་ཤ་དྷ་ར་ི། སརྦ་དུཥྚ་ནི་བཱ་ར་ཎི་ཧཱུྃ་ཕཊ། ཨོཾ་བཛྲ་བེ་ཏཱ་ལི་ཁ་ཁ་ཁཱ་ཧི་ཁཱ་ཧི། སརྦ་དུཥྚ་བི་ཀྲྀ་ཏེ་བེ་ཥ་དྷ་རི་ི། བི་ཀྲྀ་ཏཱ་ལངྐ་ར་བྷཱུ་ཥེ་ཏེ་ཧ་ན་ཧ་ན། ད་ཧ་ད་ཧ། པ་ཙ་པ་ཙ། མཱ་བི་ལམྦ་མཱ་བི་ལམྦ། ས་མ་ཡ་མ་ནུ་སྨ་ར་པྲ་བེ་ཤ་ཡ་མཎྜལ་མ་དྷྱེ། ཨུཏྠཱ་བ་ཡ་སརྦ་ཧཱུཾ་ཧཱུྃ་ཕཊ། ཨོཾ་ཨེ་ཧྱེ་ཧི་བྷ་ག་བ་ཏི་བཛྲ་གུཧྱེ་ཤྭ་རི་བ་ཧུ་བི་དྷ་བེ་ཤ་དྷ་རི་ི། སརྦ་ཏ་ཐཱ་ག་ཏ་དུཥྚེ་ས་མཱ་ཡ་མ་ནུ་སྨ་ར་ཧ་ན་ཧ་ན། རངྒ་རངྒ། རངྒ་པཱ་ཡ་རངྒ་པཱ་ཡ། པཱུ་ར་ཡ་པཱུ་ར་ཡ། ཨཱ་བི་ཤ་ཨཱ་བི་ཤ། སརྦ་བྷུ་ཏ་ནརྟ་ནརྟ། ནརྟཱ་པ་ཡ་ནརྟཱ་པ་ཡ། ཧཿཧ་ཧ་ཧ་ཧ་ཧཱུྃ་ཧཱུྃ་ཧཱུྃ་ཕཊ། ཨོཾ་བཛྲ་ཤཱུ་ལ་ཨ་གྲཾ་བྷིནྡ་བྷིནྡ་སརྦ་དུཥྚ་ཧྲྀ་ད་ཡཾ། ཨཱ་ཀརྵ་ཡ་ཨཱ་ཀརྵ་ཡ། ཧ་ན་ཧ་ན། ད་ཧ་ད་ཧ། ནིརྨ་ཐ་ནིརྨ་ཐ། མཱ་ར་ཡ་མཱ་ར་ཡ། མཱ་བི་ལམྦ་མཱ་བི་ལམྦ། ས་མ་ཡ་མ་ནུ་སྨ་ར་ཧཱུྃ་ཕཊ། ཨོཾ་བཛྲ་མ་ཧེ་ཤྭ་རི།

[Full Size]

ཧཾ་ཧཾ་ཧཾ་ཧཾ་ཧཿ རུ་ལུ་རུ་ལུ། བྷྱོ་ཧཱུྃ་ཕཊ། བྷཀྵ་ལ་སརྦ་དུཥྚ་ན་ནིརྨ་ཐ་ཧྲྀ་ད་ཡཾ་ཧཱུྃ་ཕཊ་སྭཱ་ཧཱ། ཨོཾ་སུམྦྷ་ནི་དཱིཔྟ་ས་མ་ཡ་བཛྲ་ཧཱུྃ་ཕཊ། ཨོཾ་བཛྲ་བ་ཌ་བཱ་མུ་ཁི་ཡོ་གེ་ཤོྭ་རཱི་ཧཱིཿ ཧི་ཧི་ཧི་ཧི་ཧཱུྃ་ཛཿ ཨོཾ་བཛྲ་བཱ་རཱ་ཧཱི་མུ་ཁཱི་ཏྲི་བཾ་བ་ཧཱུྃ། ཨོཾ་ཙནྡྲ་སཱུརྱ་ཧུ་ཏཱ་ཤ་ནི་སིཾ་ཧ་ནི་རྣཱ་དེ་སིཾ་ཧ་བཀྟྲེ་སིཾ་ཧི་ནི་ཊཱཾ་ཊཱཾ་པཾ། ཨོཾ་བཛྲ་དྷཱ་རུ་ཛཱི་བ་ནི་མ་ཧཱ་ཡཀྵི་ཱི་ཤྭ་ནི་རཱུ་པི་ནཱི་མ་ཧཱ་པྲཱ་ལ་ཡ་ནིརྣཱ་དེ་ཀཱ་མ་རཱུ་པི་ནཱི་ཏྲཱཾ་ཏྲ་ཊ་ཊ་ཧོ། ཐུན་མཚམས་སུ་གཏོར་མ་འབུལ་བར་འདོད་ན། གཏོར་མ་ནང་མཆོད་ལྟར་བྱིན་གྱིས་བརླབས་ལ། རྒྱུད་སྡེ་ལྔའི་དཀྱིལ་འཁོར་གྱི་ལྷ་ཚོགས་འཁོར་དང་བཅས་པ་ཐམས་ཅད་མདུན་གྱི་ནམ་མཁར་སྐད་ཅིག་ཙམ་གྱིས་གྲུབ་པར་གྱུར། བཟླས་པའི་སྐབས་སུ་བསྟན་པ་ལྟར་སྔགས་རེ་རེའི་མཐར། ཨ་ཀཱ་རོ་སྦྱར་བ་གཙོ་བོ་རྣམས་ལ་ལན་བདུན་བདུན། འཁོར་རྣམས་ལ་རེ་རེ་ཕུལ་ལ། གོང་དུ་ཡེ་ཤེས་པ་ལ་མཆོད་པ་འབུལ་བ་ལྟར་ཕྱི་ནང་གསང་བས་མཆོད། རང་རང་གི་བསྟོད་པས་ཀྱང་བདག་བསྐྱེད་ལྟར་བསྟོད། །མཆོད་སྦྱིན་

[Full Size]

གཏོར་མ་འདི་བཞེས་ལ་ཞེས་སོགས་ཀྱིས་འདོད་དོན་གསོལ་བ་བཏབ། མྱུར་མཛད་ཡེ་ཤེས་མགོན་པོ་ལ་བར་འདིར་གཏོར་མ་འབུལ། དེ་ནས་སྤྱི་གཏོར་ནི། །གཞལ་ཡས་ཁང་ཐད་ཆོས་འབྱུང་ལ། །པཾ་ལས་པདྨ་འདབ་བརྒྱད་སྔོ། །ལྟེ་བར་བཅོམ་ལྡན་ཐུགས་རྡོ་རྗེ། །ཨིཾ་ཡཾ་བཱཾ་ཡཾ་བྷཾ་རཾ་ནཾ་པཱཾ་རྣམས་ལས། །ཤར་དུ་བརྒྱ་བྱིན་ལྷོར་གཤིན་རྗེ། །ཆུ་ལྷ་ནུབ་དང་གནོད་སྦྱིན་བྱང་། །བྱང་ཤར་འབྱུང་པོ་ཤར་ལྷོ་མེ། །ལྷོ་ནུབ་སྲིན་པོ་ནུབ་བྱང་རླུང་། །མི་དང་གནོད་སྦྱིན་སོགས་ཀྱིས་བསྐོར། །གཞལ་ཡས་ཁང་སྟེང་ཆོས་འབྱུང་ལ། །པཾ་ལས་པདྨ་འདབ་བརྒྱད་དཀར། །ལྟེ་བར་བཅོམ་ལྡན་སྐུ་རྡོ་རྗེ། །ཤཱཾ་ཨོཾ་བིཾ་རུཾ་ཀཾ་གཾ་བྷྲིཾ་ཀཾ་རྣམས་ལས། །ཤར་དུ་དབང་པོ་ལྷོར་ཚངས་པ། །ཁྱབ་འཇུག་ནུབ་དང་དབང་ཕྱུག་བྱང་། །བྱང་ཤར་ལ་སོགས་མཚམས་བཞི་རུ། །གདོང་དྲུག་ཚོགས་ཀྱི་བདག་པོ་དང་། །བྷྲྀཾ་གི་རི་ཏི་ལེགས་ལྡན་ནག །འདོད་པའི་ལྷ་

[Full Size]

ལ་སོགས་པས་བསྐོར། །གཞལ་ཡས་ཁང་འོག་ཆོས་འབྱུང་ལ། །པཾ་ལས་པདྨ་འདབ་བརྒྱད་དམར། །ལྟེ་བར་བཅོམ་ལྡན་གསུང་རྡོ་རྗེ། །ཕཾ་ཕིཾ་ཕུཾ་ཕེཾ་ཕོཾ་ཕཱུཾ་ཕཱིཾ་ཕཻཾ་རྣམས་ལས། །ཤར་དུ་དགའ་བོ་དུང་སྐྱོང་ལྷོ། །ནུབ་ཏུ་མཐའ་ཡས་བྱང་རིགས་ལྡན། །བྱང་ཤར་པད་ཆེན་འཇོག་པོ་མེ། །སྲིན་པོར་ནོར་རྒྱས་པདྨ་རླུང་། །དམྱལ་བ་ཡི་དྭགས་དུད་འགྲོས་བསྐོར། །འབྱུང་པོའི་གཙོ་བོ་ཉེར་བཞི་པོ། །རང་རང་བུ་སྨད་གཡོག་འཁོར་བཅས། །མཁའ་དབྱིངས་གང་བའི་འབྱུང་པོ་རྣམས། །ཛཿཧཱུྃ་བཾ་ཧོཿགཉིས་མེད་ཐིམ། །ཐམས་ཅད་རང་མདོག་ཐིག་ལེར་ཞུ། །དབུས་མའི་ཐམས་ཅད་མི་བསྐྱོད་པ། །སྟེང་གི་ཐམས་ཅད་རྣམ་སྣང་མཛད། །འོག་མའི་ཐམས་ཅད་འོད་དཔག་མེད། །རང་སྣང་ཤེས་རབ་དམ་པས་འཁྱུད། །རྡོ་རྗེ་དྲིལ་བུ་འཛིན་པ་དང་། །གཡས་བརྐྱང་བཞུགས་ཤིང་དུར་ཁྲོད་བརྒྱན། །

[Full Size]

སྙིང་གའི་ས་བོན་འོད་ཟེར་གྱིས། །ཡེ་ཤེས་འཁོར་ལོ་སྤྱན་དྲངས་གྱུར། །གཽ་རི་ཛཿ ཙཽ་རཱི་ཧཱུྃ། བེ་ཏཱ་ལཱི་བཾ། གྷསྨ་རཱི་ཧོཿ མིག་ཏུ་མོཾ་ལས་གཏི་མུག་རྡོ་རྗེ་མ། །ཞེས་པ་ནས། ཤྲི་ཡེ་ཧཱུྃ། དབང་བསྐུར། ཆུའི་ལྷག་མ་སྤྱི་བོར་འཁྱིལ་བ་ལས། ས་སྤྱོད་ཀྱི་རིགས་ལ་མི་བསྐྱོད་པ། མཁའ་སྤྱོད་ཀྱི་རིགས་ལ་རྣམ་སྣང་། ས་འོག་སྤྱོད་པའི་རིགས་ལ་འོད་དཔག་མེད་པས་དབུ་བརྒྱན་ཏེ་ཐམས་ཅད་ཀྱང་ཆགས་བྲལ་གྱི་ཆ་བྱད་ཅན་ནོ། །ཨོཾ་ཨི་ན་ད། ཛ་མ་ཛ་ལ། ཛཀྵ་བྷུ་ཏ། བ་ཧྣི་བཱ་ཨུ། རཀྑ། ཙནྡ། སུཛྫ། མཱ་ཏ་བཔྤ་ཏ་ལ། པ་ཏཱ་ལ། ཨཏྛ་ས་པྤ་སྭཱ་ཧཱ། ཨི་དམ་བ་ལིཾ་བྷུཾ་ཛ། ཛི་གྷ། ཕུལླ་དྷུ་པ་མཾ་ས་བིཾ་གྷ། ཨཾ་བ། སཔྤ། ཀཛྫ་མཱ་ཏ་ཁཎྜ་ཁུ་ཎི་ཕེ་ཌ་ག་ཏ། ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཱཾ་ཨཱ་དྱ་ནུཏྤནྣ་ཏྭཱ་ཏ་ཨོཾ་ཨཱཿཧཱུྃ་ཕཊ་སྭཱ་ཧཱ། ཞེས་ལན་གསུམ་གྱིས་འབུལ། ཨོཾ་

[Full Size]

བཛྲ་ཨརྒྷཾ་སྭཱ་ཧཱ། དེ་བཞིན་པཱ་དྱཾ་དང་། བཛྲ་པུཥྤེ་ཨཱཿཧཱུྃ། ལ་སོགས་པས་མཆོད། ཨོཾ་ཨཱཿཧཱུྃ་གིས་ནང་མཆོད་ཕུལ། །མི་བསྐྱོད་པ་ནི་ཡེ་ཤེས་ཆེ། །རྡོ་རྗེ་དབྱིངས་ནི་མཁའ་ཆེན་པོ། །རྡོ་རྗེ་གསུམ་མཆོག་དཀྱིལ་འཁོར་གསུམ། །རྡོ་རྗེ་མཁའ་འགྲོར་ཕྱག་འཚལ་བསྟོད། །རྣམ་པར་སྣང་མཛད་རབ་ཏུ་དག །རྡོ་རྗེ་ཞི་བ་དགའ་ཆེན་པོ། །རང་བཞིན་གྱིས་ནི་འོད་གསལ་མཆོག །སངས་རྒྱས་མཁའ་འགྲོར། །རིན་ཆེན་རྒྱལ་པོ་རབ་ཏུ་ཟབ། །མི་རྟོག་ནམ་མཁའ་དྲི་མེ་མེད། །དངོས་འཛིན་དག་པས་གོས་པ་མེད། །རིན་ཆེན་མཁའ་འགྲོར། །རྡོ་རྗེ་མི་འཆི་འདོད་ཆགས་ཆེ། །མི་རྟོག་ནམ་མཁའ་རྡོ་རྗེ་འཛིན། །འདོད་ཆགས་ཕ་རོལ་ཕྱིན་པ་བརྙེས། །པདྨ་མཁའ་འགྲོར། །རྡོ་རྗེ་དག་པ་དོན་མི་ཟ། །བསམ་པ་ཐམས་ཅད་རྫོགས་མཛད་པ། །སངས་རྒྱས་ངོ་བོ་ཉིད་ལས་བྱུང་། །སྣ་ཚོགས་མཁའ་འགྲོར་

[Full Size]

ཕྱག་འཚལ་བསྟོད། །བླ་མ་ཡི་དམ་མཁའ་འགྲོ་དང་། །སངས་རྒྱས་བྱང་སེམས་ཆོས་སྐྱོང་ལ། །བདུད་རྩི་འབར་བའི་གཏོར་མ་དང་། །ཕྱི་ནང་གསང་བའི་མཆོད་པ་འབུལ། །རྣལ་འབྱོར་བདག་ཅག་འཁོར་བཅས་དང་། །མཐའ་ཡས་སེམས་ཅན་མ་ལུས་ལ། །མཆོག་དང་ཐུན་མོང་དངོས་གྲུབ་སྩོལ། །ཡོན་ཏན་ཕྲིན་ལས་རྒྱས་པར་ཤོག །ཀོལླ་ཨི་རེྛ་ཨ་བོལླ། །མུམྨ་ཎི་རེཀཀྐོ་ལ། །གྷ་་ཨི་ཀི་པཾ་ཊ་ཧོ་བཛྫ་ཨི། །ཀ་རུ་ེ་ཀ་ཨ་ཨི་་རོ་ལ། །ཏ་ཧིཾ་བ་ལ་ཁཱཛྫ་ཨི། །གཱ་ཌེཾ་མ་ཨ་ཱ་བིཛྫ་ཨ་ཨི། ཧ་ལེ་ཀཱ་ལི་ཉྫ་ར་པ་ཎི་ཨ་ཨི། །དུནྡུ་ར་བཛྫ་ཨ་ཨི། །ཙ་ཨུ་ས་མ་ཀསྠུ་རི་སིཧླཱ། །ཀསྤུར་ལཱ་ཨི་ཨ་ཨི། །མ་ལཱ་ཨི་ཨིནྡྷ་་སཱ་ལི་ཛཾ་ཨ་ཨི། །ཏ་ཧིཾ་བྷ་རུ་ཁཱ་ཨི་ཨ་ཨི། །ཕྲེངྑ་་ཁེ་ཊ་ཀ་རནྟེ། །ཤུདྡྷ་ཨ་ཤུདྡྷ་་མ་་ཨ་ཨི། །ནི་རངྴུ་ཨངྒེ་ཙ་ཌཱ་བི་ཨ་ཨི། །ཏ་ཧིཾ་ཛ་ས་ར་བ་ཨཔྤ་པ་ཎི་ཨ་ཨི། །

[Full Size]

མ་ལ་ཨ་ཛེ་ཀུནྟུ་རུ་བཱ་ཌཱ་ཨི། །ཌིཎྜི་མ་ཏ་ཧེཾ་་བཛྫ་ཨ་ཨི། །ཞེས་རྡོ་རྗེའི་གླུ་བླངས། །ཨོཾ་ཕུན་སུམ་ཚོགས་པ་མངའ་བ་གསེར་གྱི་རི་མོ་འདྲ། །སོགས་ཤློ་ཀ་གསུམ་གྱི་བཀྲ་ཤིས་བརྗོད། །སྐྱེ་ཞིང་སྐྱེ་བར་རིགས་མཆོག་ཏུ། །སྐྱེ་ཞིང་ཁེང་མེད་དམ་ཚིག་ལྡན། །དགྱེས་མཛད་རྡོ་རྗེ་སྟོན་པ་དང་། །བརྩེ་ལྡན་བླ་མར་གུས་འགྱུར་ཤོག །སྐྱེ་ཞིང་སྐྱེ་བ་ཐམས་ཅད་དུ། །ལག་པ་རྡོ་རྗེ་དྲིལ་བུ་འཁྲོལ། །ཟབ་མོའི་ཆོས་ནི་ཀློག་པ་དང་། །བཙུན་མོའི་ཁུ་བ་ལེན་པར་ཤོག །སེམས་ཅན་ཐམས་ཅད་བདེ་གྱུར་ཅིག །སེམས་ཅན་ཐམས་ཅད་སྐྱོན་མེད་པར། །གང་གི་ལམ་ནས་འགྲོ་བ་ཡི། །ལམ་དེ་མྱུར་དུ་གྲུབ་གྱུར་ཅིག །མ་བསྒྲལ་བ་རྣམས་བདག་གིས་སྒྲོལ། །མ་གྲོལ་བ་རྣམས་བདག་གིས་དགྲོལ། །རྣལ་འབྱོར་གཙུག་ལག་བསྟན་བཅོས་ལ། །ད་ལྟ་ཉིད་དུ་གནས་པར་ཤོག །ཅེས་སྨོན་ལམ་བཏབ། ཡི་གེ་བརྒྱ་པས་ཉམས་ཆགས་བསྐང་། །

[Full Size]

མ་འབྱོར་བ་དང་ཉམས་པ་དང་། །གང་ཡང་བདག་རྨོངས་བློ་ཡིས་ནི། །བགྱིས་པ་དང་ནི་བགྱིད་སྩལ་བ། །དེ་ཡང་མགོན་པོས་བཟོད་པར་མཛོད། །ལྷག་པ་དང་ནི་ཆད་པ་དང་། །ཆོ་གའི་ཡན་ལག་ཉམས་པ་དང་། །བདག་གིས་བརྗེད་ངེས་ཅི་མཆིས་པ། །དེ་ཡང་མགོན་པོས་བཟོད་པར་མཛོད། །བག་མེད་སྤྱོད་པ་མ་དག་པས། །རྒྱུད་ལས་གསུངས་པའི་ཆོ་ག་བཞིན། །མ་ལྕོགས་འཁྲུལ་པ་ཅི་མཆིས་པ། །དེ་ཡང་མགོན་པོས་བཟོད་པར་མཛོད། །ཅེས་བཟོད་པར་གསོལ་ལ། །ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་ནས་ཀྱང་། །སླར་ཡང་འབྱོན་པར་མཛད་དུ་གསོལ། །ཞེས་སྙན་མནན། འཇིག་རྟེན་ལས་འདས་པའི་དཀྱིལ་འཁོར་རྣམས་བདག་ཉིད་ལ་ཐིམ། ཨོཾ་མུཿ གཙྪ་

[Full Size]

གཙྪ་སྭ་བྷཱ་ཝཱ་ནཱཾ། ཞེས་འཇིག་རྟེན་པ་རྣམས་རང་བཞིན་གྱི་གནས་སུ་གཤེགས། བདག་ཉིད་ཀྱི་ལུས་ཀྱི་དཀྱིལ་འཁོར་དང་སྒོམ་པའི་དཀྱིལ་འཁོར་ཡང་སྐད་ཅིག་གིས་མི་སྣང་བར་གྱུར་ཏེ་འོད་གསལ་བའི་ངོ་བོའོ། །སྟོང་པའི་ངང་ལས་བདག་ཉིད་དགྱེས་མཛད་རྡོ་རྗེ་ཕྱག་གཉིས་པར་གྱུར། དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། སྣང་བ་ཐམས་ཅད་ལྷའི་འཁོར་ལོར་གྱུར། སླར་ཡང་སྨོན་ལམ་བཏབ་སྟེ་ཐུན་མཚམས་ལ་འཇུག་གོ། །དེ་ལྟར་དགྱེས་མཛད་ལྷ་བཅུ་གསུམ་མ་ལ་བརྟེན་ནས་རྒྱུད་སྡེ་ལྔའི་དཀྱིལ་འཁོར་རྫོགས་པའི་རྣལ་འབྱོར་གྱིས་ཆབ་གཅིག་ཏུ་བསྒོམ་པའི་ཚུལ་ལ་ལུགས་གཞན་གྱི་བསྲེ་བསླད་མེད་པར་བཤད་ཟིན་ཏོ། །གྲུབ་ཆེན་བྱེ་བའི་ཐུགས་ཀྱི་བཅུད། །རྡོ་རྗེ་འཆང་གི་ལམ་བཟང་མཆོག །ཁྱུང་པོའི་མཚན་འཆང་གྲུབ་བརྙེས་དེའི། །དགོངས་པ་ཇི་བཞིན་གསལ་བར་བཀོད། །ཅེས་པ་དཔལ་རྒྱུད་སྡེ་ལྔའི་སྒྲུབ་ཐབས་ངག་འདོན་འདི་

[Full Size]

ཡང་ཏཱ་ར་ནཱ་ཐས་སྦྱར་བའོ།། །།ཤུ་བྷ་མསྟུ་སརྦ་ཛ་ག་ཏཾ།

དཔལ་རྒྱུད་སྡེ་ལྔའི་དཀྱིལ་འཁོར་གྱི་ཆོ་ག་དོན་གསལ་རྒྱས་བྱེད།

[Full Size]

དཔལ་རྒྱུད་སྡེ་ལྔའི་དཀྱིལ་འཁོར་གྱི་ཆོ་ག་དོན་གསལ་རྒྱས་བྱེད་ཅེས་བྱ་བ་བཞུགས་སོ། །

[Full Size]

ཨོཾ་སྭ་སྟི། །དཔལ་རྒྱུད་སྡེ་ལྔའི་དཀྱིལ་འཁོར་གྱི་ཆོ་ག་དོན་གསལ་རྒྱས་བྱེད་ཅེས་བྱ་བ། བླ་མ་དང་ལྷག་པའི་ལྷ་ལ་ཕྱག་འཚལ་ལོ། །དཔལ་ལྡན་རྡོ་རྗེ་འཛིན་པའི་ཞབས་ལ་གུས་འདུད་ན། །དངོས་གྲུབ་འབྲས་བུ་ཡང་དག་འབྱིན་པ་དང་། །མཐའ་དག་བགེགས་ཀྱི་ཚོགས་རྣམས་ཉེར་བཅོམ་ནས། །འགྲོ་ལ་ལྷག་པར་དགེ་བ་ཉིད་དུ་མཛོད། །རྡོ་རྗེའི་གསུང་གི་བྱིན་གྱིས་བརླབས་

[Full Size]

ནས་ཀྱང་། །བདག་གི་ངག་ཚིག་ཤིན་ཏུ་དྲི་མེད་པ། །གཞན་ལ་ཕན་པའི་བདུད་རྩིས་ཉེར་བསྒྲུབས་ནས། །མཐའ་ཡས་སྐྱེ་བོའི་དོན་ཆེན་གྲུབ་པར་མཛོད། །འདིར་རྒྱུད་སྡེ་ལྔའི་དཀྱིལ་འཁོར་གྱི་ཆོ་ག་ནི། སློབ་མ་རྗེས་བཟུང་དང་། བསྙེན་པ་དང་། ས་ཆོག་དང་། ལྷག་གནས་དང་། དཀྱིལ་འཁོར་ཞག་གི་ཆོ་ག་དང་། བསྒྲུབ་ཅིང་མཆོད་པ་དང་། བདག་ཉིད་འཇུག་ཅིང་དབང་བླང་བ་དང་། སློབ་མ་དཀྱིལ་འཁོར་དུ་འཇུག་པ་དང་།

[Full Size]

སློབ་མའི་དབང་བསྐུར་བ་དང་། སློབ་དཔོན་གྱི་དབང་བསྐུར་བ་དང་། དབང་གོང་མ་རྣམས་སྦྱིན་པ་དང་། དཀྱིལ་འཁོར་ཉེར་བསྡུའི་ཆོ་ག་སྟེ་དོན་བཅུ་གཉིས་ཀྱིས་རྟོགས་པར་བྱའོ། །དེའི་དང་པོ་ནི། དེང་སང་ལག་ལེན་མཛད་པ་མ་མཐོང་ལ། གཉིས་པ་ནི་སྤྱི་དང་མཐུན་ཏེ། དེ་དག་གི་རྣམ་པར་བཞག་པ་ཤེས་པར་འདོད་ན། རྡོ་རྗེ་གདན་པའི་དཀྱིལ་མཆོག་མན་ཆད་དང་བཅས་པར་བལྟའོ། །གསུམ་པ་ལ། ས་བརྟག་པ་དང་། མངོན་པ་ལས་བསླང་བ་ཡང་སྤྱི་དང་འདྲ་མོད་ཀྱི། ད་ལྟར་མི་བྱེད་པར་སྣང་ངོ་། །མི་སྣང་བ་ལས་བསླང་བ་ལ་གསུམ་ལས། དང་པོ་ཕྱོགས་སྐྱོང་ལས་བསླང་བ་ནི། གཏོར་མ་དང་མཆོད་པ་བཤམ། ཨ་མྲྀ་ཏས་བསང་། སྭ་བྷཱ་ཝས་སྦྱང་། སྟོང་པའི་ངང་ལས་ཨ་ལས་བྱུང་བའི་རིན་པོ་ཆེའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ། ཨོཾ་ཨཱཿཧཱུྃ་ཞུ་བ་ལས་བྱུང་བའི་ལྷ་རྫས་ལས་གྲུབ་པའི་མཆོད་ཡོན། ཞབས་བསིལ། མེ་ཏོག། བདུག་སྤོས། མར་མེ། དྲི་ཆབ། ཞལ་

[Full Size]

ཟས། རོལ་མོ་ལ་སོགས་པ་མཆོད་རྫས་རྣམས་དྭངས་ཤིང་ཐོག་པ་མེད་པ་ནམ་མཁའི་མཐའ་ཀླས་པར་གྱུར། ཨོཾ་བཛྲ་ཨརྒྷཾ་སྭཱ་ཧཱ། པཱདྱཾ། ཨོཾ་བཛྲ་པུཥྤེ་ཨཱཿཧཱུྃ། དྷུ་པེ། ཨཱ་ལོ་ཀེ། གནྡྷེ། ནཻ་ཝི་དྱཾ། ཤཔྡ་ཨཱཿཧཱུྃ། གཏོར་མ་བསང་སྦྱང་། །སྟོང་པའི་ངང་ལས་ཨ་ལས་ཀ་པཱ་ལ་ཡངས་ཤིང་རྒྱ་ཆེ་བའི་ནང་དུ། ཧཱུྃ་ཞུ་བ་ལས་བྱུང་བའི་གཏོར་མ་ཡེ་ཤེས་ཀྱི་རང་བཞིན་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ་ཧ་ཧོ་ཧྲཱི༔ ལན་གསུམ་གྱིས་བྱིན་གྱིས་བརླབ། རང་གི་སྙིང་ག་ནས་འོད་ཟེར་འཕྲོས། ཕྱོགས་སྐྱོང་བ་བཅུ་སྲིད་པ་གསུམ་གྱི་འབྱུང་པོའི་ཚོགས་དང་བཅས་པ་བཛྲ་ས་མཱ་ཛ༔ ཨོཾ་ཨིནྡྲཱ་ཡ། ཨགྣེ་ཡ། ཡ་མཱ་ཡ། ནི་རི་ཏཱ་ཡ། ཝཱ་རུ་ཱ་ཡ། ཝཱ་ཡ་ཝེ། ཀུ་བེ་རཱ་ཡ། ཨཱི་ཤ་ནཱ་ཡ། ཨཱུརྡྷཾ། བྲ་ཧྨ་ཡ། སཱུརྻ། གྲ་ཧ་ཨ་དྷི་

[Full Size]

པ་ཏ་ཡེ། ཙནྡྲ་ནཀྵ་ཏྲ་ཨ་དྷི་པ་ཏ་ཡེ། ཨ་དྷོ་པྲི་ཐཱི་ཝེ་བྷྱཿ ཨ་སུ་རེ་བྷྱ། ནཱ་གེ་བྷྱ། ས་པ་རི་ཝཱ་ར་ཨརྒྷཾ་པྲ་ཏཱི་ཙྪ་སྭཱ་ཧཱ། ཐོག་མར་མཆོད་ཡོན་དང་། ཞབས་བསིལ་ཕུལ། དེ་ནས་ནམ་མཁའ་མཛོད་ཀྱི་སྔགས་སྦྱར་བ་ལན་གསུམ་གྱིས་གཏོར་མ་ཕུལ། དེ་ནས་པུཥྤེ་སོགས་ཀྱི་ཉེར་སྤྱོད་ལྔས་མཆོད། དབང་པོ་རྡོ་རྗེ་འཆང་བའི་ལྷ། །ལྷ་ཡི་རྒྱལ་པོ་གདོན་གྱི་བདག །ཤར་ཕྱོགས་གདོན་གྱི་ཚོགས་བཅས་ལ། །མཆོད་ཅིང་བསྟོད་དེ་ཕྱག་ཀྱང་འཚལ། །མེ་སྟེ་བསྲེག་བྱ་ཟ་བའི་ལྷ། །དྲང་སྲོང་རྒྱལ་པོ༴ །ཤར་ལྷོ༴ །མཆོད་ཅིང་༴ །གཤིན་རྗེ་བེ་ཅོན་འཆང་བའི་ལྷ། །མ་མོའི༴ །ལྷོ་ཕྱོགས༴ །མཆོད་ཅིང་༴ །བདེན་དང་བྲལ་བ་ལེགས་ལྡན་ལྷ། །སྲིན་པོའི༴ །ལྷོ་ནུབ༴ །མཆོད་ཅིང་༴ །ཞགས་པ་ཐོགས་པ་ཆུ་ཡི་ལྷ། །ཀླུ་ཡི༴ །ནུབ་ཕྱོགས༴ །མཆོད་ཅིང་༴ །རླུང་སྟེ་སྲོག་ཀྱང་འཛིན་པའི་ལྷ། །

[Full Size]

རིག་འཛིན༴ །ནུབ་བྱང་༴ །མཆོད་ཅིང་༴ །གནོད་སྦྱིན་ལག་ན་དབྱུག་ཏོ་འཛིན། །ནོར་སྐྱོང་༴ །བྱང་ཕྱོགས༴ །མཆོད་ཅིང་༴ །དབང་དང་ལྡན་པ་འདྲེན་པའི་ལྷ། །འབྱུང་པོའི༴ །བྱང་ཤར༴ །མཆོད་ཅིང་༴ །སྟེང་གི་ཚངས་པ་ཆེན་པོ་དང་། །ཉི་མ་ཟླ་བ་གཟའ་ཆེན་པོ། །གཟའ་དང་རྒྱུ་སྐར་བཅས་པ་ལ། །མཆོད་ཅིང་༴ །འོག་གི་ཀླུ་སྟེ་ས་ཡི་བདག །ས་འཛིན་ལག་པ་ཆེན་པོ་དང་། །དམ་ཚིག་ཤེས་པའི་ཚོགས་བཅས་ལ། །མཆོད་ཅིང་བསྟོད་དེ་ཕྱག་ཀྱང་འཚལ། །ཅེས་བསྟོད། ཤར་ཕྱོགས་རྡོ་རྗེ་ཅན་གྱི་ལྷ་ཚོགས་འཁོར་དང་བཅས། །གཏོར་མ་ཕུལ་བ་འདི་དག་བཞེས་སུ་གསོལ། །མེ་དང་གཤིན་རྗེ་བདེན་བྲལ་སྲིན་པོའི་བདག །ཆུ་བདག་རླུང་བདག་ནོར་གྱི་བདག་པོ་དང་། །དབང་ལྡན་ལྷ་སྟེ་འབྱུང་པོའི་བདག་པོ་དང་། །སྟེང་གི་ཉི་ཟླ་

[Full Size]

ཚངས་པ་ཆེན་པོ་དང་། །ལྷ་རྣམས་ཀུན་དང་གང་དག་ས་སྟེང་ཀླུ། །རི་ཡི་ལྷ་དང་གཙང་མའི་ཚོགས་བཅས་ལ། །ས་སོ་སོ་སོར་གཏོར་མ་ཕུལ་བ་རྣམས། །རབ་ཏུ་དགྱེས་པའི་ཡིད་ཀྱིས་བཞེས་ནས་སུ། །རང་རང་ཕྱོགས་སུ་ལེགས་པར་བཞུགས་ནས་ཀྱང་། །རང་གི་བུ་སྨད་མཛའ་བཤེས་གཉེན་འདུན་བཅས། །ནང་མི་དམག་དང་དཔུང་བཅས་ཐབས་ཅིག་ཏུ། །ཕྲེང་བ་མེ་ཏོག་དྲི་དང་བདུག་པར་བཅས། །བསྟོད་དང་གཏོར་མ་མར་མེ་གུས་འབུལ་ན། །འདི་དག་གསོལ་ཞིང་ལེགས་པར་བསྣམས་ནས་ཀྱང་། །བདག་གི་ལས་ཀྱི་འབྲས་བུ་མཆིས་པར་མཛོ། །ཅེས་ཕྲིན་ལས་བཅོལ། །མཐར་སའི་ཕྱོགས་འདིར་བདག་དཀྱིལ་འཁོར་གྱི་ལས་བརྩམ་ན། སའི་ཕྱོགས་འདི་བདག་ལ་སྩོལ་ཞིང་ཕན་པ་དང་བདེ་བའི་སེམས་ཀྱི་སྟོང་གྲོགས་ཁྱད་པར་ཅན་མཛད་དུ་གསོལ། །གང་དག་

[Full Size]

སྡང་བ་དང་གདུག་པའི་སེམས་དང་ལྡན་པ་ལོག་པར་ལྟ་བའི་བགེགས་དང་། ལོག་པར་འདྲེན་པ་ཐམས་ཅད་སའི་ཕྱོགས་འདིར་མ་གནས་པར་གཞན་དུ་སོང་ཞིག །ཅེས་བརྗོད་ལ་ཚམས་རྔམས་དང་རོལ་མོའི་སྒྲ་དང་བཅས་གཏོར་མ་ཕྱིར་དོར་རོ། །གཉིས་པ་ནི། གཏོར་མ་གཉིས་པ་ཞིག་བཤམས་ལ། གོང་བཞིན་བྱིན་གྱིས་བརླབས་ནས། རང་གི་སྙིང་ག་ནས་འོད་ཟེར་འཕྲོས། གནས་བདག་གཞི་བདག་གྲོང་བདག་གཉུག་མར་གནས་པ་ལྷ་ཀླུ་གནོད་སྦྱིན་སྲིན་པོ་འབྱུང་པོའི་ཚོགས་དང་བཅས་པ་བཛྲ་ས་མཱ་ཛཿ ཨ་ཀཱ་རོ་ལན་གསུམ་གྱིས་ཕུལ། ཨརྒྷཾ་ནས་ཤཔྡའི་བར་གྱིས་མཆོད། གང་དག་འདིར་གནས་ལྷ་དང་ཀླུ། །གནོད་སྦྱིན་སྲིན་པོ་གཞན་དག་ལ། །ས་འདི་བདག་གིས་བླང་བར་གྱིས། །དཀྱིལ་འཁོར་དོན་དུ་ཁྱོད་ཀྱིས་སྩོལ། །ཅེས་ལན་གསུམ་གསོལ་བ་བཏབ་པས་གནང་བ་བྱིན་པར་བསམ། གཙྪ་གཙྪ་སྭ་བྷཱ་ཝ་ནཾ། ཞེས་རང་གནས་སུ་

[Full Size]

གཤེགས་པར་བསམ་ལ། གཏོར་མ་བཏང་ངོ། །གསུམ་པ་སའི་ལྷ་མོ་ལ་བླང་བ་ནི། དཀྱིལ་འཁོར་གྱིས་གཞི་དེ་ཉིད་དུ་མཎྜལ་འབྱུང་གིས་བྱུགས་པའི་དབུས་སུ་དྲི་བཟང་གི་ཐིག་ལེ་བྱས་ལ། མདུན་དུ་མཆོད་གཏོར་གསུམ་བཤམ། གོང་བཞིན་བྱིན་གྱིས་བརླབ། རང་གི་སྙིང་ག་ནས་འོད་ཟེར་འཕྲོས། །ས་འོག་ནས་སའི་ལྷ་མོ་འཁོར་དང་བཅས་པ་བཛྲ་ས་མཱ་ཛཿ ཧཱུྃ་དབང་ཆེན་གསེར་གྱི་ས་གཞི་ལ་གནས་པའི། །སངས་རྒྱས་རྣམས་ཀྱིས་ཚོགས་གཉིས་དབང་བསྐུར་བ། །གསེར་མདོག་གསེར་གྱི་བུམ་པ་ཕྱག་ན་བསྣམས། །ས་འདིར་བདག་ཅག་ཚོགས་གཉིས་རྫོགས་པའི་ཕྱིར། །དཔང་མཛོད་ཐུགས་རྗེའི་བདག་ཉིད་ས་ཡི་ལྷ། །བྱང་ཆུབ་ཤིང་དྲུང་ཤཱཀྱ་ཐུབ་པ་ཡི། །སྤྱན་སྔར་ཐུགས་དམ་གང་བཞེས་དེ་དགོངས་ཏེ། །འདིར་བྱོན་བདག་ལ་བརྩེར་དགོངས་མཆོད་པ་བཞེས། །ཨོཾ་པྲྀ་ཐི་ཝི་དེ་ཝི་ཨ་ཀརྵ་ཡ་ཛཿ དྲིའི་ཐིག་ལེའི་སྟེང་དུ་བྱོན་པར་གྱུར། །ཧཱུྃ་ལྷ་མོ་ཆེན་མོ་

[Full Size]

འདིར་བྱོན་ལེགས། །བདག་ཅག་བསོད་ནམས་སྐལ་བར་ལྡན། །བདག་གི་མཆོད་ཡོན་བཞེས་ནས་ཀྱང་། །འདི་ཉིད་དུ་ནི་བཞུགས་སུ་གསོལ། །ཨོཾ་པྲྀ་ཐི་ཝི་བྷྱཿག་ག་ན་ས་མ་ཡེ་ཧཱུྃ། ཞེས་མཆོད་ཡོན་ཕུལ། ཇི་ལྟར་བལྟམས་པ་སོགས་ཀྱིས་ཁྲུས་གསོལ། བདག་དང་འགྲོ་ལ་ཐུགས་བརྩེའི་ཕྱིར། །ཉིད་ཀྱི་རྫུ་འཕྲུལ་མཐུ་ཡིས་ནི། །ཇི་སྲིད་མཆོད་པ་བདག་བགྱིད་ན། །དེ་སྲིད་ལྷ་མོ་བཞུགས་སུ་གསོལ། །ཨོཾ་པྲྀ་ཐི་ཝི་བྷྱཿ པདྨ་ཀ་མ་ལ་ཡེ་སྟྭཾ། ཅེས་གདན་ཕུལ། ཨོཾ་པྲྀ་ཐི་ཝི་བྷྱཿ ཞེས་པ་ཐམས་ཅད་ལ་སྦྱར་ནས། ཨརྒྷཾ་ནས་ཤཔྡའི་བར་གྱིས་མཆོད། གཏོར་མ་ཨ་ཀཱ་རོ་དང་ནམ་མཁའ་མཛོད་ཀྱི་སྔགས་རྒྱས་རྒྱ་ཆེར་སྤེལ། ཨོཾ་པྲྀ་ཐི་ཝི་བྷྱཿ ན་མཿ སརྦ་ནས་ག་ག་ན་ཁཾ་གྲྀཧྣེ་དཾ་བ་ལིཾ་དྱེ་སྭཱ་ཧཱ། ལན་གསུམ་གྱིས་ཕུལ། ཁྱོད་ནི་ས་འཛིན་ལྷ་མོ་སྟེ། །སྐུ་ཕྱེད་ཐོན་པ་གསེར་གྱི་མདོག །རིན་ཆེན་སྣ་ཚོགས་རྒྱན་གྱིས་བརྒྱན། །ས་

[Full Size]

འོག་ལྷ་མོ་ཁྱོད་ལ་བསྟོད། །ཧཱུྃ་ས་ལ་རྒྱུ་བའི་ལྷ་ཀུན་དང་། །གང་ཡང་ས་ལ་རྟེན་པ་རྣམས། །སེམས་ཅན་ཀུན་ལ་དགེ་དོན་དུ། །བྱམས་པའི་སེམས་ཀྱིས་གནང་བར་མཛོད། །ཅེས་བསྟོད་ཅིང་གསོལ་བ་བཏབ། །ཨོཾ་མ་མ་རིན་ཆེན་སྣ་ཚོགས་འཛིན། །དཔལ་ལྡན་ཧེ་རུ་ཀ་མཆོད་མ། །ལྷ་མོ་ཁྱོད་ནི་དཔང་མཛོད་ཅིག །ས་འདིར་དཀྱིལ་འཁོར་བྲི་བར་བྱ། །ལན་གསུམ་གསོལ་བ་བཏབ་པས་གནང་བ་བྱིན་པར་མོས་ལ། སའི་ལྷ་མོ་སླར་ཡང་ས་དེ་ཉིད་ལ་ཐིམ། །ས་སྦྱང་བ་ནི། ལག་པ་གཡས་པ་ས་ལ་རེག་ལ། ཨོཾ་བྷུ་ཁཾ། ནམ་མཁའི་རང་བཞིན་དུ་གྱུར། ཧཱུྃ་ལཾ་ཧཱུྃ། རྡོ་རྗེའི་རང་བཞིན་དུ་གྱུར། ཡུངས་ཆུ་དང་ཐལ་བ་གཏོར་ལ། ཨོཾ་ཧ་ན་ཧ་ན་བཛྲ་ཀྲོ་དྷ་ཧཱུྃ་ཕཊ། ཅེས་ལན་མང་དུ་བརྗོད། ཨོཾ་མེ་དྷི་ནི་བཛྲི་བྷ་ཝ་བྷནྡྷ་ཧཱུྃ། ཞེས་བརྗོད། ས་བཟུང་བ་ནི། སློབ་དཔོན་གྱིས་དཀྱིལ་འཁོར་གྱི་ས་གཞིའི་གནས་སུ་འདུག་ལ། རྡོ་རྗེ་འཆང་ཆེན་པོའི་ང་རྒྱལ་ལ་གནས་པར་བྱ། ཕྱོགས་

[Full Size]

བཞིར་རྣམ་སྣང་ལ་སོགས་པའི་ང་རྒྱལ་འཛིན་པའི་སློབ་མ་བཞི་གནས་ཏེ། ནམ་མཁའ་མཛོད་ཀྱི་སྔགས་རྒྱས་མཆོད་པ་དཔག་ཏུ་མེད་པ་སྤྲུལ། ཨརྒྷཾ་ནས་ཤཔྡའི་བར་གྱིས་སློབ་དཔོན་ལ་མཆོད། །མི་བསྐྱོད་རྡོ་རྗེ་ཡེ་ཤེས་ཆེ་སོགས་ཀྱིས་བསྟོད། ཤར་མས། །དེ་བཞིན་གཤེགས་པ་ཀུན་ཞི་བ། །དེ་བཞིན་གཤེགས་པ་ཀུན་གྱི་གནས། །ཆོས་ཀུན་བདག་མེད་པ་ཡི་མཆོག །དཀྱིལ་འཁོར་དམ་པ་བཤད་དུ་གསོལ། །ལྷོ་མས། མཚན་རྣམས་ཐམས་ཅད་ཡང་དག་རྫོགས། །མཚན་མིན་ཐམས་ཅད་ཡང་དག་སྤངས། །ཀུན་ཏུ་བཟང་པོ་སྐུ་ཡི་མཆོག །དཀྱིལ་འཁོར་དམ་པ་བཤད་དུ་གསོལ། །ནུབ་མས། །ཞི་བའི་ཆོས་ནི་མཆོག་ལས་བྱུང་། །ཡེ་ཤེས་སྤྱོད་པ་རྣམ་སྦྱོང་བ། །ཀུན་ཏུ་བཟང་པོ་གསུང་གི་མཆོག །དཀྱིལ་འཁོར་དམ་པ་བཤད་དུ་གསོལ། །བྱང་མས། །སེམས་ཅན་ཀུན་གྱི་སེམས་ཆེན་པོ། །རང་བཞིན་

[Full Size]

དག་ཅིང་དྲི་མ་མེད། །ཀུན་བཟང་ཐུགས་མཆོག་ཁ་ལོ་བསྒྱུར། །དཀྱིལ་འཁོར་དམ་པ་བཤད་དུ་གསོལ། །ཞེས་གསོལ་བ་བཏབ། དེ་ནས་སློབ་དཔོན་གྱིས་སེམས་ཅན་རྣམས་ལ་སྙིང་རྗེ་ཆེན་པོའི་སེམས་བསྐྱེད་དེ། སྐྱབས་འགྲོ་ནས་བརྩམས་བཟླས་པའི་མཐར་ཐུགས་སྒྲུབ་ཐབས་སུ་ཇི་སྐད་བཤད་པ་བཞིན་བསྒོམས་པར་བྱའོ། །བདག་ཉིད་ཀྱི་ལུས་ཀྱི་དཀྱིལ་འཁོར་དང་ནས་ལྷའི་འཁོར་ལོར་གྱུར། །བགེགས་གཏོར་གོང་བཞིན་བྱིན་གྱིས་བརླབས་ནས། ཨ་ཀཱ་རོ་ལན་གསུམ་གྱིས་བསྔོས་ཏེ་ཕྱིར་དོར། །ཧཱུྃ་དཀྱིལ་འཁོར་ཆེན་པོའི་ས་གཞི་ལ་གནས་པའི། །ལྷ་ལ་སོགས་པའི་བགེགས་ཚོགས་ཀུན་ཉོན་ཅིག །གནས་འདིར་བདེ་གཤེགས་ཕོ་བྲང་བདག་འབྲི་ཡི། །བགེགས་ཀྱི་ཚོགས་རིགས་གང་ཡིན་བྱེར་བར་གྱིས། །དེ་ཡང་ས་ཕྱོགས་བཟང་པོ་དྲི་མ་མེད་པ་ནམ་མཁའ་ལྟར་ཡངས་པ་འདིར། །བདག་རྡོ་རྗེ་འཛིན་པ་མིང་འདི་ཞེས་བགྱི་བའི་སེམས་ཅན་

[Full Size]

ཐམས་ཅད་ཀྱི་དོན་དུ། དཔལ་རྒྱུད་སྡེ་ཆེན་པོ་ལྔའི་དཀྱིལ་འཁོར་འབྲི་བར་བྱེད་ན། ཁྱེད་ཅག་འདི་ན་གནས་པའི་ལྷ་དང་། །ཀླུ་དང་། གནོད་སྦྱིན་དང་། དྲི་ཟ་དང་། འབྱུང་པོ་དང་། ཤ་ཟ་དང་། སྲིན་པོ་ལ་སོགས་པའི་གདོན་བགེགས་གང་དག་གནས་པ་དེ་ཐམས་ཅད་མྱུར་དུ་དེངས་ཤིག །གང་དག་མི་འགྲོ་བར་གྱུར་པ་དེ་ཐམས་ཅད་དཔལ་ཧེ་རུ་ཀའི་ཡེ་ཤེས་ཀྱི་རྡོ་རྗེ་རབ་ཏུ་འབར་བས་མགོ་བོ་ཨརྫ་ཀའི་དོག་པ་བཞིན་དུ་ཚལ་པ་བརྒྱར་འགས་པར་གྱུར་ཏ་རེ། ཞེས་ལན་གསུམ་བརྗོད་དེ། རོལ་མོའི་སྒྲ་དང་བཅས་པས་ཡུངས་ཀར་གཏོར་ལ་བགེགས་བསྐྲད། ཨོཾ་སུམྦྷ་ནི་སུམྦྷ་ཧཱུྃ་ཧཱུྃ་ཕཊ། ཨོཾ་གྲྀཧྣ་གྲྀཧྣ་ཧཱུཾ་ཧཱུྃ་ཕཊ། ཨོཾ་གྲྀཧྞ་པཱ་ཡ་གྲྀཧྞ་པཱ་ཡ་ཧཱུྃ་ཧཱུྃ་ཕཊ། ཨོཾ་ཨཱ་ན་ཡ་ཧོ་བྷ་ག་ཝན་བིདྱ་རཱ་ཛ་ཧཱུྃ་ཧཱུྃ་ཕཊ། ཅེས་པ་དང་ཧཱུཾ་གླུར་ལེན་ཅིང་དཀྱིལ་འཁོར་ལ་གཡས་བསྐོར་དུ་ལན་གསུམ་བསྐོར།

[Full Size]

ཨོཾ་ཡ་མཱནྟ་ཀྲྀ་ཏ་ཧཱུྃ་ཧཱུྃ། ཞེས་སོགས་ཁྲོ་བོ་བཅུའི་སྔགས་བརྗོད་ཅིང་ཕུར་བུ་བཅུ་ཁྲོ་བོ་བཅུའི་རང་བཞིན་རྣམས་གནས་འདི་ཉིད་དུ་གདོད་ནས་གྲུབ་པའི་ཁྲོ་བོ་བཅུ་སྐད་ཅིག་གིས་བྱོན་པར་གྱུར་པ་རྣམས་ཀྱི་ཕྱག་གཡོན་པ་རྣམས་སུ་ཕུར་བུ་རེ་རེ་གཏད། ཨོཾ་གྷ་གྷ་གྷཱ་ཏ་ཡ་གྷཱ་ཏ་ཡ་སརྦ་དུཥྚཾ་ཕཊ། ཀཱི་ལ་ཡ་ཀཱི་ལ་ཡ་སརྦ་པཱ་པཾ་ཕཊ། ཧཱུྃ་ཧཱུྃ་ཧཱུྃ། བཛྲ་ཀཱི་ལ་ཡ། བཛྲ་དྷ་རོ་ཨཛྙ་པ་ཡ་ཏི། སརྦ་བིགྷྣཱན་ཀཱ་ཡ་ཝཱ་ཀ་ཙིཏྟ་བཛྲ་ཀཱི་ལ་ཡ་ཧཱུྃ་ཕཊ། ཅེས་ལན་བཅུ་བཟླས་ཤིང་ཕུར་བུ་བཏབ་ལ། ཕྱོགས་བཅུའི་བགེགས་ཐམས་ཅད་ཚར་བཅད་པར་བསམ། ཨོཾ་བཛྲ་མུངྒ་ར་བཛྲ་ཀཱི་ལི་ཡ་ཨཱ་ཀོ་ཊ་ཡ་ཧཱུྃ་ཕཊ། ཅེས་ཕུར་བུས་བརྡུང་བར་བྱའོ། །ཕུར་བུ་རྣམས་ལ་སོ་སོར་མཆོད་གཏོར་རེ་རེ་བཤམས་པའམ། ཐུན་མོང་དུ་གཅིག་བཤམས། གོང་བཞིན་བྱིན་གྱིས་བརླབས་ནས། ཨོཾ་ཡ་མཱནྟ་ཀྲྀ་ཏ་སོགས་ཀྱི་མཐར། ཨརྒྷཾ་ནས་ཤཔྡའི་བར་སྦྱར་བས་མཆོད། ཡང་ན་གོང་གི་སྔགས་རྣམས་ཀྱི་

[Full Size]

མཐར་ཨི་དམ་བ་ལིཾ་གྲྀཧྞ་གྲྀཧྞ་ཧཱུྃ་ཧཱུྃ་ཧཱུྃ་ཕཊ་ཁ་ཁ་ཁཱ་ཧི་ཁཱ་ཧི་ཞེས་པས་གཏོར་མ་ཕུལ། དཀྱིལ་འཁོར་ཆེན་པོའི་བྱ་བ་མཐར་མ་ཕྱིན་གྱི་བར་དུ་བར་ཆད་ཐམས་ཅད་བསྲུང་དུ་གསོལ། །ཞེས་གསོལ་བ་བཏབ། མཆོད་གཏོར་དེ་བསྡུས་ལ་བདུག་སྤོས་ལ་སོགས་པའི་མཆོད་པ་རྒྱུན་མི་འཆད་པར་བྱའོ། །རྡོ་རྗེ་གདན་པའི་དཀྱིལ་ཆོག་ལྟར་ནས་ཆོ་ག་ཕལ་ཆེ་བ་ཕྲེང་བ་སོགས་དཀྱིལ་འཁོར་གྱི་ཆོ་ག་སྤྱི་དང་མཐུན་ཤས་ཆེ་ནའང་། གྲུབ་ཆེན་ཁྱུང་པོའི་མན་ངག་ཐུན་མོང་མ་ཡིན་པ་དཀྱིལ་འཁོར་གྱི་ཆོ་ག་དངུལ་གདོང་མ་ཡིན་པས་འདིར་དེའི་ལུགས་བཞིན་དུ་བཤད་པ་ཡིན་ནོ། །བཞི་པ་ལ་གསུམ། ལྷག་གནས་ཀྱི་སྔོན་འགྲོ་དང་། ལྷག་གནས་དངོས། མཇུག་གི་བྱ་བའོ། །དང་པོ་ནི། གོང་དུ་བཤད་པ་ལྟར། ཕྱོགས་སྐྱོང་གི་གཏོར་མ་བཏང་ཞིང་བགེགས་བསྐྲད། མཆོད་པ་བསང་སྦྱང་བྱིན་རླབས་ཀྱང་གོང་བཞིན་ལས། ཤཔྡའི་མཐར་ཨོཾ་བཛྲ་གཎྜེ་ར་ཎི་ཏ་ལ་སོགས་པས་རོལ་མོ་བྱིན་དབབ། སྒྲུབ་ཐབས་བཞིན་བདུད་རྩི་བྱིན་རླབས་

[Full Size]

ཐོག་མར་བྱ། དེ་ནས་སྐྱབས་འགྲོ་ནས་བཟླས་པའི་བར་མངོན་རྟོགས་བཞིན་ལས། བདུད་རྩི་མྱང་བའི་སྐབས་བྱིན་རླབས་ལུས་དཀྱིལ་གཙོ་བསྡུས་སྐབས་སུ་བསྟན་པ་དེས་ཆོག །གོང་བཞིན་བདག་བསྐྱེད་ཀྱི་དཀྱིལ་འཁོར་བསྡུས་ནས། ཐུན་མཚམས་ཀྱི་ལྷ་སྐུར་ལངས་སོ། །གཉིས་པ་ལ། སའི་ལྷ་མོ་ལྷག་གནས། ལྷ་ལྷག་གནས། བུམ་པ་ལྷག་གནས། སློབ་མ་ལྷག་གནས་ཏེ་བཞི་ལས། དང་པོ་ནི། དཀྱིལ་འཁོར་གྱི་གཞིར། དྲིའི་མཎྜལ་དྲི་བཟང་གི་ཚོམ་བུ་ཅན་མཆོད་གཏོར་དང་བཅས་པ་བཤམས། །མཆོད་གཏོར་གོང་བཞིན་བྱིན་གྱིས་བརླབས། ཨ་མྲྀ་ཏས་བསང་། སྭ་བྷཱ་ཝས་སྦྱང་། སྟོང་པའི་ངང་ལས། པདྨ་དང་ཟླ་བའི་གདན་ལ་བཾ་ལས་སའི་ལྷ་མོ་གསེར་གྱི་མདོག་ཅན་ཞི་བའི་ཉམས་དང་ལྡན་པ་བདུད་རྩིས་གང་བའི་གསེར་གྱི་བུམ་པ་ཐུགས་ཀར་བསྣམས་པ། དར་དང་རིན་པོ་ཆེས་བརྒྱན་པ། དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། རང་

[Full Size]

གི་སྙིང་ག་ནས་འོད་ཟེར་འཕྲོས། ས་འོག་ནས་སའི་ལྷ་མོ་འཁོར་དང་བཅས་པ་བཛྲ་ས་མཱ་ཛཿ ཛཿཧཱུྃ་བྃ་ཧོཿ གཉིས་སུ་མེད་པར་ཐིམ། རང་གི་སྙིང་ག་ནས་འོད་ཟེར་འཕྲོས། དབང་གི་ལྷ་རིགས་ལྔ་འཁོར་བཅས་བཛྲ་ས་མཱ་ཛཿ ཨརྒྷཾ་ནས་ཤཔྡའི་བར་གྱིས་མཆོད། དེ་བཞིན་གཤེགས་པ་ཐམས་ཅད་ཀྱིས་འདི་ལ་མངོན་པར་དབང་བསྐུར་དུ་གསོལ། །ཞེས་གསོལ་བ་བཏབ་པས། ཨོཾ་བཛྲཱི་བྷ་ཝ་ཨ་བྷི་ཥིཉྩ་ཧཱུྃ། ཞེས་དབང་བསྐུར། སྐུ་གང་དྲི་མ་དག་ཆུ་ལྷག་མ་ཡར་ལུད་པ་ལས། རིན་ཆེན་འབྱུང་ལྡན་གྱིས་དབུ་བརྒྱན། གོང་བཞིན་གཏོར་མ་ཕུལ་ལ་མཆོད་བསྟོད་བྱ། མཐར། སྐྱོབ་པ་སངས་རྒྱས་ཐམས་ཅད་ཀྱི། །སྤྱོད་པའི་ཚུལ་དང་ཁྱད་པར་གྱི། །ས་དང་ཕ་རོལ་ཕྱིན་པ་ལ། །ལྷ་མོ་ཁྱོད་ནི་དཔང་དུ་གྱུར། །ཤཱཀྱ་སེང་གེ་སྐྱོབ་པ་ཡིས། །ཇི་ལྟར་

[Full Size]

བདུད་ཀྱི་སྡེ་བཅོམ་པ། །དེ་བཞིན་བདག་གིས་བདུད་སྡེ་ལས། །རྒྱལ་བར་བྱས་ཏེ་དཀྱིལ་འཁོར་འདྲི། །ལན་གསུམ་གསོལ་བ་བཏབ། སའི་ལྷ་མོ་སླར་ཡང་ས་དེ་ཉིད་ལ་ཐིམ། གཉིས་པ་ནི། གང་དུ་དཀྱིལ་འཁོར་བྱ་བའི་ས་གཞིར། སྐྱ་ཐིག་ཙམ་བཏབ་ལ། ལྷ་སོ་སོའི་གནས་སུ་དྲི་བཟང་གི་ཐིག་ལེས་ཚོམ་བུ་བཀོད། ལྷ་གྲངས་དང་མཉམ་པའི་མཆོད་པ་བཤམས་པའམ། བསྡུ་ན་ལྷ་ཐམས་ཅད་གཤེགས་པ་གཤེགས་མ་སེམས་དཔའ་སེམས་མ་ཁྲོ་བོ་ཁྲོ་མོ་རྣམས་སུ་འདུ་བས། མཆོད་པ་ཐམས་ཅད་སུམ་ཅུ་རྩ་བདུན་བཤམས་པའི་ལག་ལེན་ཡོད་པས་ཡུལ་དུས་ཀྱི་སྤྱོད་པས་དེང་སང་དེ་ལྟར་བྱ་མོད་ཀྱི། མཆོད་པ་ནི་ལྷག་པར་མང་བ་ཉིད་མཆོག་གོ། །འཇིག་རྟེན་ལས་འདས་པ་དང་། འཇིག་རྟེན་པའི་གཏོར་མ་གཉིས་བཤམས། མྱུར་མཛད་ཡེ་ཤེས་ཀྱི་མགོན་པོ་ལ་འབུལ་རྒྱུའི་གཏོར་མ་ཆེ་བ་གཉིས་ལོགས་སུ་བཤམ། ཚོམ་བུ་བསང་སྦྱང་། སྟོང་པའི་ངང་ལས། །རཾ་ལས་ཉི་མ་ལས་ཧཱུྃ་ལས་སྣ་ཚོགས་རྡོ་རྗེ་ཞེས་པ་ནས་བ་དན་ལ་སོགས་པས་བརྒྱན་པ། །རྩིག་པའི་ཕྱི་རོལ་འགྲམ་

[Full Size]

སྟེགས་ཞེས་པ་ནས་དེ་རྣམས་ཀྱིས་ཡོངས་སུ་བསྐོར་བའི་གཞལ་ཡས་ཁང་ཤར་དཀར། ལྷོ་སེར། ནུབ་དམར། བྱང་ལྗང་། དབུས་སྔོ་བའི་སྟེང་དུ། མཚན་ཉིད་ཐམས་ཅད་ཡོངས་སུ་རྫོགས་པའི་གཞལ་མེད་ཁང་དབུས་གཙང་ཁང་ཕྱུར་བུ་དང་བཅས་པ་ལྔ་ཚོམས་སུ་གནས་པ། རྟ་བབས་དང་བྲལ་བ་རྣམས་སོ། །དེ་རྣམས་ཀྱི་སྟེང་གི་ནམ་མཁའ་ལ། སྣ་ཚོགས་པདྨ་འདབ་མ་བརྒྱད་པ་ནས་ཟླ་བའི་དཀྱིལ་འཁོར་རེ་རེ། དབུས་ཀྱི་གདན་གྱི་སྟེང་དུ། བཅོམ་ལྡན་འདས་དགྱེས་མཛད་རྡོ་རྗེ་སྐུ་མདོག་མཐིང་ནག་ནས་འོད་ཀྱིས་ཁྱབ་པར་མཛད་པའོ། །ཞེས་པའི་བར་གཙོ་བོ་མཚོན་ཆ་ཅན་སྒྲུབས་ཐབས་བཞིན་བསྐྱེད། འདབ་མ་བརྒྱད་ལ་ཤར་དུ་གཽ་རཱི་ནག་མོ། ནས་སའི་དཀྱིལ་འཁོར་འཛིན་པ། ལྷ་མོ་ཐམས་ཅད་ཀྱང་སྤྱན་གསུམ་གསུམ་ནས་དབུས་ན་བཞུགས་པའོ། །ནང་གི་གཞལ་ཡས་ཁང་

[Full Size]

དབུས་མའི་ལྷ་སྣམ་ཤར་དཀར། ལྷོ་སེར། ནུབ་དམར། བྱང་ལྗང་། དབུས་སྔོ་བའི་སྟེང་དུ། སྣ་ཚོགས་པདྨ་འདབ་མ་བརྒྱད་དང་བཅས་པའི་ལྟེ་བ་ལ་ནས་གར་གྱི་མེ་དཔུང་འབར་བའི་དབུས་ན་བཞུགས་པའོ། །གཞལ་ཡས་ཁང་ཤར་མའི་ནང་ལེའུ་ཚེ་དགུ་པ་ནས་གདུག་པ་ཅན་ཚར་གཅོད་པའོ། །གཞལ་ཡས་ཁང་ལྷོ་མའི་ནང་གི་ལྷ་སྣམ་ནས་གྲི་གུག་ཐོད་པ་བསྣམ་པའོ་འི་བར། གཞལ་ཡས་ཁང་ནུབ་མའི་དབུས་སུ། པདྨ་དམར་པོ་ནས་གང་བའི་བུམ་པ་བཞིའོ། །གཞལ་ཡས་ཁང་བྱང་མའི་དབུས་ཀྱི་ལྟེ་བ་ལ་སྣ་ཚོགས་རྡོ་རྗེ་ནས་གང་བ་བཞི་དང་བཅས་པའོ། །ཕྱིའི་གཞལ་ཡས་ཁང་གི་ཤར་སྒོར་རྟ་གདོང་མ་ནས་དྲིལ་བུ་འཛིན་པ། སྒོ་སྐྱོང་མ་བཞི་ཆར་ཡང་སྤྱན་གསུམ་དང་ལྡན་ཞིང་། སྟག་གི་པགས་པའི་ཤམ་ཐབས་ཅན། དབུ་སྐྲ་དམར་སེར་ནས་དབུས་ན་བཞུགས་

[Full Size]

པའོ། །ཞེས་དམ་ཚིག་པ་བསྐྱེད། རང་གི་སྙིང་ག་ནས་འོད་ཟེར་གྱི་ཚོགས་དཔག་ཏུ་མེད་པ་སྤྲོས། སྤྲུལ་གཞི་བླ་མ་དང་དབྱེར་མེད་པའི་གཞིའི་དཀྱིལ་འཁོར་དགྱེས་མཛད་ལྷ་བཅུ་གསུམ་གྱི་བདག་ཉིད་ཅན་དང་། རྒྱུད་སྡེ་ལྔའི་དཀྱིལ་འཁོར་གྱི་ལྷ་ཚོགས་ཨོཾ་བཛྲ་ས་མཱ་ཛཿ ཤར་ཕྱོགས་ཀྱི་ནས་ ཨཏྨ་ཀོ་྅་ཧཾ། །མི་བསྐྱོད་རྡོ་རྗེ་ཡེ་ཤེས་སོགས་ཀྱིས་བསྟོད། ཨོཾ་བཛྲ་གཽ་རཱི་ནས་གཅིག་ཏུ་གྱུར། མཆོད་པ་རྣམས་གོང་བཞིན་བྱིན་གྱིས་བརླབ། སོ་སོའི་ཕྱག་རྒྱ་དང་བཅས་ཏེ། །དྲི་མེད་ཡིད་དུ་འོང་བ་ཡི། །ལྷ་རྫས་དམ་པའི་མཆོད་ཡོན་འདི། །བཅོམ་ལྡན་འཁོར་དང་བཅས་ལ་འབུལ། །བཞེས་ནས་བདག་ལ་དགྱེས་པར་མཛོད། །ཨོཾ་ཤྲཱི་ཧེ་བཛྲ་གུ་ཧྱ་ས་མཱ་ཛ་ཙ་ཀྲ་སམྦ་ར་མ་ཧཱ་མ་ཡཱ་བཛྲ་བྷཻ་ར་ཝ་ས་པ་རི་ཝ་རེ་བྷྱཿགུ་རུ་བུདྡྷ་བོ་དྷི་ས་ཏྭ་མཎྜལ་དེ་ཝཱི་བྷྱཿ མ་ཧཱ་ཤྨ་ཤཱ་ན་ཝ་སི་སརྦ་ཝཱི་ར་ཝཱི་རེ་ཱི་ས་

[Full Size]

པ་རི་ཝཱ་རེ་བྷྱཿ ཨརྒྷཾ་པྲ་ཏཱིཙྪ་སྭཱ་ཧཱ། །དེ་བཞིན་དུ་སྦྱར་ཏེ། མཆོད་ཡོན་ཞེས་པའི་གནས་སུ། ཞབས་བསིལ། ཨརྒྷཾ་ཞེས་པའི་གནས་སུ་པཱདྱཾ་ཞེས་པ་སྦྱར། ཆུ་གཉིས་འབུལ་བའམ། ཆུ་བཞི་འབུལ་བ་ལྟར་ན། ཐོག་མར་ཞབས་བསིལ་འདི། གོང་གི་མཚན་སྔགས་ཀྱི་མཐར། ཨོཾ་ནཱི་རི་ཏི་ཧཱུྃ་ཁཾ་སྭཱ་ཧཱ། དེ་བཞིན་དུ། ཞལ་བསིལ་དང་། ཨོཾ་ནཻ་ཝི་ཏེ་ཧཱུྃ་ཁཾ་སྭཱ་ཧཱ། འཐོར་འཐུང་འདི། །སརྦ་སཾ་ཤོ་དྷ་ནི་སྭཱ་ཧཱ། མཆོད་ཡོན་འདི། །ཛཿཧཱུྃ་བཾ་ཧོཿཁཾ་རཾ་མ་ཧཱ་ཨརྒྷཾ་པྲ་ཏཱིཙྪ་་སྭཱ་ཧཱ། ཞེས་འབུལ། །མེ་ཏོག་བཟང་པོ་མཛེས་ཤིང་གཙང་། །གཙང་མའི་གནས་སྐྱེས་འདི་རྣམས་ནི། །བདག་གིས་གུས་པས་འབུལ་ལགས་ཀྱི། །སོ་སོར་བཞེས་ཏེ་རབ་དགྱེས་མཛོད། །གོང་གི་མཚན་སྔགས་ཀྱི་མཐར། བཛྲ་པུཥྤེ་ཨཱཿཧཱུྃ། དེ་བཞིན་དུ། ཡིད་དགའ་སྙིང་པོ་རོ་མཆོག་ལྡན། །བདུག་པ་བླ་མེད་དྲི་མཆོག་འདི། །བདག་གིས་གུས་པས་འབུལ་ལགས་ཀྱི། །སོ་སོར་

[Full Size]

བཞེས་ཏེ་དགྱེས་པར་མཛོད། །དྷུ་པེ༴ །སྲིན་པོ་འཇོམས་ཤིང་དག་བྱེད་ལ། །དགྱེས་ཤིང་མུན་སེལ་མར་མེ་འདི། །བདག་གིས༴ །སོ་སོར༴ །ཨཱ་ལོ་ཀེ༴ །གཙང་ཞིང་གཙང་ལ་དགེ་བའི་དྲི། །སྐྱེ་གནས་གཙང་མར་ལྡན་དྲི་རྣམས། །བདག་གིས༴ །སོ་སོར༴ །གནྡྷེ༴ །སྨན་རྣམས་བཅུད་གཙང་ཡི་གར་འོང་། །སྔགས་ཀྱི་ཞལ་ཟས་མཆོག་འདི་དག །བདག་གིས༴ །སོ་སོར༴ །ནཻ་ཝིདྱ༴ །པ་ཊ་ཧ་དང་ཅང་ཏེའུ་སོགས། །དུང་དང་རྔ་སོགས་སྒྲ་དབྱངས་རྣམས། །ཡིད་འཕྲོག་སིལ་སྙན་སྣ་ཚོགས་པ། །འབུལ་གྱི་ཡང་དག་བཞེས་སུ་གསོལ། །ཤཔྡ༴ གོས་ཟུང་བསང་སྦྱང་༴ སྟོང་པའི་ངང་ལས། བྷྲཱུྃ་ལས་བྱུང་བའི་ལྷ་རྫས་ཀྱི་ན་བཟའ་བཟང་ཞིང་རྒྱ་ཆེ་བ་ནམ་མཁའི་མཐའ་ཀླས་པར་གྱུར། །ཁ་དོག་བཟང་ཞིང་དྲི་ཞིམ་རེག་ན་བདེ། །

[Full Size]

སྲབ་འཇམ་ཡང་མཛེས་ལྷ་ལས་བྱུང་བ་ཡི། །ན་བཟའ་མཆོག་འདི་རྡོ་རྗེའི་སྐུ་ལ་འབུལ། །བགྲེས་པ་མེད་པ་རྡོ་རྗེའི་སྐུ་ཐོབ་ཤོག །གོང་གི་མཚན་སྔགས་ཀྱི་མཐར། བཛྲ་ཝསྟྲཱ་ཡ་ཨཱཿཧཱུྃ། རང་གི་སྙིང་ག་ནས་ཨ་ཨཱ། ཨི་ཨཱི། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཱཻ། ཨོ་ཨཽ། ཨཾ་ཨཿ ཞེས་པ་རྣམས་ཡོངས་སུ་གྱུར་པ་ལས། མཆོད་པའི་ལྷ་མོ་བཅུ་དྲུག་ནམ་མཁའ་གང་བར་གྱུར། ཨོཾ་ཝི་ཎི་བཛྲཱི་ཧཱུྃ་ཧཱུྃ་ཕཊ། དེ་བཞིན་དུ་ཝཾ་སེ། མྲྀ་ཏཾ་གི། མུ་ར་ཛེ། ཧཱ་སྱ། ལཱ་སྱ། གཱིརྟི། ནིརྟི། པཥྤེ། དྷུ་པེ། ཨཱ་ལོ་ཀེ། གནྡྷེ། རཱུ་པ། ར་ས། སྤརྴེ། ཨོཾ་དྷརྨ་དྷཱ་ཏུ་བཛྲཱི་ཧཱུྃ་ཧཱུྃ་ཕཊ། དེ་བཞིན་དུ་རྒྱལ་སྲིད་སྣ་བདུན་དང་། འདོད་ཡོན་སྣ་ལྔ་སོགས་ཀྱང་སྤྱི་དང་མཐུན་པར་འབུལ། སླར་ཡང་ནང་ཆོད་བྱིན་གྱིས་བརླབ་སྟེ། ཕྱོགས་བཅུ་དུས་གསུམ་གྱི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ངོ་བོར་གྱུར་པ་

[Full Size]

དཔལ་ལྡན་བླ་མ་དམ་པའི་ཞལ་དུ་ཨོཾ་ཨཱཿཧཱུྃ། སྤྲོས་པ་ལ་དགའ་ན། ཁོ་བོས་བརྒྱུད་འདེབས་ལོགས་སུ་སྦྱར་བ་ལྟར། རྒྱུད་སྡེ་ལྔ་སོ་སོའི་བླ་མ་བརྒྱུད་པ་རྣམས་ལ་འབུལ་ལོ། །བསྡུ་ན། རྡོ་རྗེ་འཆང་། བློ་གྲོས་རིན་ཆེན། འཕགས་པ་ཀླུ་སྒྲུབ། གྲུབ་པའི་དཔའ་པོ། ཤ་བ་རི། གུ་་སཱ་ག་ར་རྣམས་ཀྱི་ཞལ་དུ་མཆོད་པ་དམ་པ་འབུལ་ལོ་ཨོཾ་ཨཱཿཧཱུྃ། མཻ་ཏྲི་པ། མི་མཉམ་རྡོ་རྗེ། མཉམ་པའི་རྡོ་རྗེ། རིན་ཆེན་ལྷ་མོ། དྷ་བྱང་ཆུབ་སེམས་དཔའ། རྡོ་རྗེ་གདན་པ། གྲུབ་ཆེན་ཁྱུང་པོ་རྣལ་འབྱོར། མཉམ་མེད་རིན་ཆེན་བརྩོན་འགྲུས། དབོན་སྟོན་སྐྱེར་སྒང་པ་ཆེན་པོ། གཉན་སྟོན་སྦས་པའི་རྣལ་འབྱོར། འགྲོ་མགོན་སངས་རྒྱས་སྟོན་པ་རྣམས་ཀྱི་ཞལ་དུ་ཨོཾ་ཨཱཿཧཱུྃ། མཚུངས་མེད་རྒྱལ་མཚན་འབུམ། འཇག་ཆེན་བྱམས་པ་དཔལ། འཇམ་དབྱངས་

[Full Size]

ཆོས་དཔལ་བཟང་པོ། འཁྲུལ་ཞིག་ཚུལ་ཁྲིམས་རྒྱལ་མཚན། རིན་ཆེན་མཁྱེན་རབ་མཆོག་གྲུབ། ཀུན་བཟང་ཆོས་ཀྱི་ཉི་མ་རྣམས་ཀྱི་ཞལ་དུ་ཨོཾ་ཨཱཿཧཱུྃ། ཡེ་ཤེས་ཀྱི་མཁའ་འགྲོ་མ། །ཨ་ཏྭ་ཡ་བཛྲ། རཱ་ཧུ་ལ་གུཔྟ་བཛྲ་རྣམས་ཀྱི་ཞལ་དུ་ཨོཾ་ཨཱཿཧཱུྃ། གྲུབ་ཆེན་ཁྱུང་པོ་རྣལ་འབྱོར། སྣེའུ་སྟོན་པ་ཡོན་ཏན་ཚུལ་ཁྲིམས། བྲག་ནག་པ་རྡོ་རྗེ་ཚུལ་ཁྲིམས། བླ་མ་སྟེང་པ་བ་ཚུལ་ཁྲིམས་བསྟན་པ། བླ་མ་བསོད་ནམས་མཛེས། བླ་མ་ཡོན་ཏན་རྒྱལ་མཚན། རིན་པོ་ཆེ་བསྟན་པ་རྒྱས་པ་རྣམས་ཀྱི་ཞལ་དུ་ཨོཾ་ཨཱཿཧཱུྃ། མཁས་གྲུབ་ཤངས་སྟོན་ཆོས་རྗེ། ཁྱུང་པོ་ཚུལ་ཁྲིམས་མགོན་པོ། བྱ་བྲལ་རི་ཁྲོད་རས་ཆེན། ཤངས་དཀར་བ་རིན་ཆེན་རྒྱལ་མཚན། མཉམ་མེད་སངས་རྒྱས་དཔལ་བཟང་། གྲུབ་ཆེན་

[Full Size]

ནམ་མཁའ་རྒྱལ་མཚན། རྒྱ་སྒོམ་ལེགས་པ་རྒྱལ་མཚན། རྗེ་བཙུན་ཀུན་དགའ་གྲོལ་མཆོག །རྡོ་རྗེ་འཆང་ལྷ་དབང་གྲགས་པ་དང་། འཇམ་དབྱངས་ཀུན་དགའ་རྒྱལ་མཚན་རྣམས་ཀྱི་ཞལ་དུ་ཨོཾ་ཨཱཿཧཱུྃ། རྗེ་བཙུན་ཏཱ་ར་ནཱ་ཐ། རྒྱལ་ཚབ་ཡེ་ཤེས་རྒྱ་མཚོ། ཆོས་རྗེ་བློ་གྲོས་རྣམ་རྒྱལ། རིན་ཆེན་མཉམ་བཞག །ཡེ་ཤེས་རྒྱལ་མཚན། བླ་མ་སྦྱིན་པའི་མཚན་ཅན། ཆོས་རྗེ་རྣམ་རྒྱལ་དོན་གྲུབ། ལོ་ཆེན་ཚེ་དབང་ཀུན་ཁྱབ། ངེས་དོན་ཕྲིན་ལས་རབ་རྒྱས། ཀརྨ་འོད་གསལ་འགྱུར་མེད། དྲིན་ཅན་རྩ་བའི་བླ་མ་རྣམས་ཀྱི་ཞལ་དུ་ཨོཾ་ཨཱཿཧཱུྃ། ཨོཾ་དེ་ཝ་པི་ཙུ་བཛྲ་ཧཱུྃ་ཧཱུྃ་ཕཊ། ཨོཾ་ཨཱཿཧཱུྃ། དེ་བཞིན་ཏུ་སྦྱར་ཏེ། ཨོཾ་ཧྲཱིཿསྭཱ་ཧཱ། ཨོཾ་ཨཱཿབཛྲ་དྷྲྀཀ་ཧཱུྃ་ཕཊ་སྭཱ་ཧཱ། ཨོཾ་ཧྲཱིཿཧ་ཧ་ཧཱུྃ་ཧཱུྃ་ཕཊ། ཨོཾ་བཛྲ་བཻ་

[Full Size]

རོ་ཙ་ནཱི་ཡེ་ཧཱུྃ་ཧཱུྃ་ཕཊ། ཨོཾ་ཨཱཿཧྲཱིཿཧཱུྃ་ཧཱུྃ་ཕཊ་སྭཱ་ཧཱ། ཨོཾ་ཡ་མཱནྟ་ཀ་ཧཱུྃ་ཕཊ། ཅེས་པ་རྣམས་ལ་འབྲུ་གསུམ་བཏགས། གཾ་ཙཾ་བཾ་གྷཾ་པཾ་ཤཾ་ལཾ་ཌཾ་ཨོཾ་ཨཱཿཧཱུྃ། བྷྲཱུྃ་སྭཱ་ཨཱཿཧཱ་ལཱཾ་མཱཾ་པཱཾ་ཏཱཾ་ཐླྷིཾ་ཨོཾ་ཛྲི་ཁཾ་གཾ་ཨོཾ་སྐཾ་སཾ་ཛཿཧཱུྃ་བཾ་ཧོཿ ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཨོཾ་ཨཱཿཧཱུྃ། མཱཾ་ཏཱཾ་པཱཾ་ལཱཾ། པུ་ཛ་ཨོ་ཨ། གོ་ར་དེ་མ། ཀ་ཨོ་ཏྲི་ཀོ། ཀ་ལ་ཀ་ཧི། པྲེ་གྲྀ་སོ་སུ། ན་སི་མ་ཀུ་ཨོཾ་ཨཱཿཧཱུྃ། ཨོཾ་ཧཱུྃ་ཏྲཱྃ་ཧྲཱིཿཨཱཿཨོཾ་ཨཱཿཧཱུྃ། ཡཀྵེ་མ་མེ་ད། ཛ་ས་དོ་རུ། ཡཙྪ་ནི་ར། ཎ་ཡོ་ནི་ར་ཨོཾ་ཨཱཿཧཱུྃ། གཾ་ཙཾ་བཾ་གྷཾ་པཾ་ཤཾ་ལཾ་ཌཾ་ཛཿཧཱུྃ་བཾ་ཧོཿ ཨོཾ་ཨཱཿཧཱུྃ། ཨོཾ་གུ་རུ་བུདྡྷ་བོ་དྷི་ས་ཏྭ་ས་པ་རི་ཝཱ་ར་ཨོཾ་ཨཱཿཧཱུྃ། ཨོཾ་ཀྵིཾ་ཀྵེ་ཏྲ་བིགྷྲྣཱན་བི་ནཱ་ཡ་ཀ་ཧཱུྃ་ཧཱུྃ་ཕཊ། ནག་པོ་ཆེན་པོ་འཁོར་དང་བཅས་པའི་ཞལ་དུ་ཨོཾ་ཨཱཿཧཱུྃ། ཨོཾ་ཧཱུྃ་ཏྲྃ་ཧྲཱིཿཨཱཿ མཁའ་འགྲོ་སྡེ་ལྔའི་ཚོགས་ཀྱི་ཞལ་དུ་ཨོཾ་ཨཱཿཧཱུྃ། གཞན་ཡང་

[Full Size]

གནས་གསུམ་གྱི་དཔའ་བོ་མཁའ་འགྲོ་མ་རྣམས་དང་། ཕྱོགས་སྐྱོང་བ་བཅུ། ལྷ་ཆེན་པོ་བརྒྱད། ཀླུ་ཆེན་པོ་བརྒྱད། བཟའ་ཆེན་པོ་བརྒྱད། འཇིགས་བྱེད་ཆེན་པོ་དགུ། རྒྱུ་སྐར་ཉི་ཤུ་རྩ་བརྒྱད། རྒྱལ་པོ་ཆེན་པོ་སྡེ་བཞི། ལྷ་སྲིན་སྡེ་བརྒྱད་སྲིད་པ་གསུམ་གྱི་འབྱུང་པོའི་ཚོགས་དང་བཅས་པའི་ཞལ་དུ་ཨོཾ་ཨཱཿཧཱུྃ། གནས་བདག་གཞི་བདག་གྲོང་བདག་གཉུག་མར་གནས་པ་འགྲོ་བ་རིགས་དྲུག་དང་བཅས་པ་ལ་མཆོད་པ་འབུལ་ལོ། །ཨོཾ་ཨཱཿཧཱུྃ། རང་གིས་ཀྱང་འབྲུ་གསུམ་གྱིས་བདུད་རྩི་མྱང་། ཨོཾ་སརྦ་ཏ་ཐཱ་ག་ཏ་ཨ་ནུ་རཱ་ག་་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། ཞེས་ལྷ་ཐམས་ཅད་བདེ་སྟོང་གིས་མཉེས་པར་བསམ། དེ་ཐམས་ཅད་ཀྱང་འཁོར་གསུམ་མི་དམིགས་པས་རྒྱས་ཐེབས་པ་དེ་ཁོ་ན་ཉིད་ཀྱི་མཆོད་པས་མཆོད། བསྟོད་པ་བསྡུས་པ་ལ་སྤྲོ་ན་མངོན་རྟོགས་བཞིན་བྱ།

[Full Size]

ལོང་ཡོད་ཅིང་ཤེས་ན་བཻ་རོ་ཙ་ན་རཀྵི་ཏས་ཕྱོགས་གཅིག་ཏུ་བསྡུས་པའི་རྒྱས་པ་འདི་ཉིད་བྱ་སྟེ། དེ་ཡང་འདི་ལྟར། །ཧཱུྃ་ཁྱོད་ནི་རྣལ་འབྱོར་མ་སོགས་ཡོངས་སུ་བསྐོར། །ཉིད་ཀྱི་ཐུགས་ཀྱི་དགོངས་པ་ཡོངས་སུ་བསྒྲུབ། །ཁྱོད་ནི་རྒྱུ་དང་མི་རྒྱུ་འཁོར་བ་ཀུན་སྒྲུབ་པ། །སྙིང་རྗེའི་ཐུགས་ཀྱིས་སེམས་ཅན་བྱང་ཆུབ་ཏུ། །ཀུན་རྫོབ་སྒྱུ་མས་བྱང་ཆུབ་སྒྲུབ་པའི་ཡིད། །དགེས་མཛད་རྡོ་རྗེ་དཔལ་ཆེན་ཧེ་རུ་ཀ་ལ་བསྟོད། །ཧཱུྃ་དགྱེས་མཛད་རྡོ་རྗེ་བཅོམ་ལྡན་འདས། །བདག་མེད་མ་དང་ཡང་དག་རོལ། །ཐབས་དང་ཤེས་རབ་གཉིས་མེད་པའི། །ཧེ་རུ་ཀ་ལ་བདག་ཕྱག་འཚལ། །གཽ་རཱི་ཙཽ་རཱི་བེ་ཏཱ་ལི། །གྷསྨ་རཱི་ལ་ཕྱག་འཚལ་ལོ། །པུཀྐ་ཤ་རཱི་ཙཎྜ་ལཱི། །ཌོཾམྦི་ནཱི་ལ་བདག་ཕྱག་འཚལ། །ཤར་སྒོར་རྟ་གདོང་ལྷོ་སྒོ་ཡི། །ཕག་གདོང་ཅན་ལ་ཕྱག་འཚལ་ལོ། །ནུབ་སྒོར་ཁྱི་གདོང་བྱང་སྒོ་ཡི། །སེང་གདོང་ཅན་ལ་ཕྱག་འཚལ་ལོ། །དེ་ལྟར་

[Full Size]

གཙོ་བོ་ལྷ་མོར་བཅས། །དཀྱིལ་འཁོར་ལྷ་ཚོགས་ཐམས་ཅད་ལ། །བདག་གིས་གུས་པས་བསྟོད་བྱས་པས། །ཧེ་རུ་ཀ་དཔལ་མྱུར་ཐོབ་ཤོག །ཧཱུྃ་ཐམས་ཅད་དངོས་པོའི་རང་བཞིན་མཆོག །གདོད་ནས་ཐམས་ཅད་རང་བཞིན་གནས། །ཐབས་དང་ཤེས་རབ་གཉིས་མེད་པའི། །དགྱེས་མཛད་རྡོ་རྗེར་བདག་ཕྱག་འཚལ། །བདག་མེད་མ་ཡིས་མགུལ་ནས་འཁྱུད། །དབུ་སྐྲ་སེར་པོ་གྱེན་དུ་འབར། །ཞལ་བརྒྱད་པོ་ལ་སྤྱན་གསུམ་པོ། །མགོན་པོ་དེ་ལ་གུ་ཕྱག་འཚལ། །སྤྱི་བོ་དང་སྟེང་ནག་པོ་མཛེས། །དཀར་དང་དམར་བ་གཡས་དང་གཡོན། །གང་གི་ལྷག་པའི་ཞལ་རྣམས་ཀྱི། །ནག་པོ་དེ་ལ་བདག་ཕྱག་འཚལ། །གླང་པོ་རྟ་བོང་གླང་རྔ་མང་། །སྐྱེས་པ་ཁྱི་དང་མ་ཧེ་ཅན། །གཡས་པའི་ཕྱག་བརྒྱད་ལ་གནས་པའི། །ཐོད་པ་འཛིན་ལ་བདག་ཕྱག་

[Full Size]

འཚལ། །ས་དང་ཆུ་དང་རླུང་དང་མེ། །ཟླ་ཉི་གཤིན་རྗེ་གསང་བ་པ། །གཡོན་པའི་ཕྱག་བརྒྱད་ལ་གནས་པའི། །ཐོད་པ་འཛིན་ལ་ཕྱག་འཚལ་ལོ། །ཞབས་བཞི་ཡིས་ནི་བདུད་བཞི་པོ། །མཉམ་པར་མནན་ཅིང་གཅེར་བུ་ཉིད། །ཉི་མར་ཞབས་གཡས་བརྐྱངས་དང་སྔོ། །གར་མཛད་དེ་ལ་བདག་ཕྱག་འཚལ། །འཁོར་ལོ་བཞི་ཡི་བདག་ཉིད་མཛེས། །འཇིག་པའི་མགོ་བོས་རྣམ་པར་བརྒྱན། །དེ་བཞིན་གཤེགས་པ་རྣམ་དག་པའི། །ཕྱག་རྒྱ་ལྔ་ཡིས་རྣམ་པར་བརྒྱན། །སྣ་ཚོགས་རྡོ་རྗེ་སྤྱི་བོར་འཛིན། །དཔྲལ་བར་རིགས་ཀྱི་བདག་པོ་ཉིད། །དམ་པའི་དགའ་བ་ཡང་དག་ཐོབ། །བདེ་ཆེན་དེ་ལ་བདག་ཕྱག་འཚལ། །བུད་མེད་སྐྱེས་འདུལ་འགྲོར་གཟིགས་ནས། །བདག་མེད་རྣལ་འབྱོར་མ་ཉིད་གྱུར། །ཕྱག་འོས་ཐུབ་པའི་ཕ་རོལ་ཕྱིན། །སྒྱུ་མའི་རྒྱ་ལ་ཕྱག་འཚལ་ལོ། །གཾ་ལས་སྐྱེས་

[Full Size]

པའི་གཽ་རཱི་ཤར། །ཡན་ལག་ནག་ཅིང་གཡོན་ན་ཉ། །གཡས་པ་ན་ནི་གྲི་གུག་འཛིན། །ཚངས་པ་མནན་ལ་བདག་ཕྱག་འཚལ། །ཙཾ་ལས་བྱུང་བའི་ཆོམ་རྐུན་མ། །བཙོད་ཀྱི་ཁ་དོག་ལྷོ་ཕྱོགས་སུ། །ཕྱག་ན་ཕག་དང་ཅང་ཏེའུ་བསྣམས། །དབང་པོ་མནན་ལ་བདག་ཕྱག་འཚལ། །བཾ་ལས་སྐྱེས་པའི་སེར་མོ་ནུབ། །རོ་ལངས་མ་ནི་ཉེ་དབང་མནན། །ཕྱག་གཡོན་ལྷུང་བཟེད་གཡས་པ་ན། །རུས་སྦལ་འཛིན་ལ་བདག་ཕྱག་འཚལ། །གྷསྨ་རཱི་ནི་བྱང་གི་སྒོར། །ལྗང་གུ་གྷཾ་ལས་བྱུང་བ་ཡི། །ཕྱག་གཉིས་སྦྲུལ་དང་ཐོད་པས་བྲེལ། །དྲག་པོ་མནན་ལ་བདག་ཕྱག་འཚལ། །གཤིན་རྗེ་མནན་ཅིང་བཾ་ལས་བྱུང་། །གཡོན་ན་དགྲ་སྟྭ་སེང་གེ་གཡས། །དབང་ལྡན་དུ་ནི་འཇིགས་གཟུགས་མ། །ཕྱག་འཚལ་པུཀྐ་སཱི་སྔོ་ལ། །རི་ཁྲོད་མ་དཀར་ཤཾ་ལས་བྱུང་། །མེ་རུ་གནོད་

[Full Size]

སྦྱིན་སྟེང་དུ་གནས། །གཡོན་ན་བསིལ་བྱེད་གཡས་པ་ན། །དགེ་སློང་འཛིན་ལ་བདག་ཕྱག་འཚལ། །གཏུམ་མོ་ནམ་མཁའི་སྔོ་བསངས་མ། །སྲིན་པོར་ལཾ་ལས་བྱུང་བ་ཡི། །གཡོན་ན་ཐོད་པ་འཁོར་ལོ་གཡས། །ཕྱག་འཚལ་སྲིན་པོ་མནན་པ་ལའོ། །ཌཾ་ལས་འཁྲུངས་པའི་གཡུངས་མོ་ནི། །རླུང་མཚམས་ཐགས་བཟང་རིས་སྟེང་གཤེགས། །ཕྱག་གཡོན་སྡིགས་མཛུབ་གཡས་རྡོ་རྗེ། །སྣ་ཚོགས་མདོག་ལ་བདག་ཕྱག་འཚལ། །སྐྱིལ་ཀྲུང་ཕྱེད་པའི་གར་གྱིས་བཞུགས། །ཕྱག་རྒྱ་ལྔ་ཡི་རྣམ་པར་བརྒྱན། །གཅེར་བུ་སྤྱན་གསུམ་ཐམས་ཅད་ལ། །བདག་ནི་གུས་པར་ཕྱག་འཚལ་ལོ། །ཕུང་པོ་ཁམས་ནི་རྣམ་དག་པ། །བྱང་ཆུབ་སེམས་ལས་བྱུང་བ་ཡི། །བདེ་རབ་སྟེར་འདི་ཐམས་ཅད་ལ། །དངོས་པོ་ཀུན་གྱིས་ཕྱག་འཚལ་ལོ། །ཉིད་ཀྱི་གཡས་པའི་ཕྱག་བཟུང་བའི། །

[Full Size]

ཕྱག་མཚན་ས་བོན་ལས་བྱུང་བ། །བདེ་ཆེན་འདོད་པ་ཐམས་ཅད་ལ། །རྟག་ཏུ་ཡང་དག་ཕྱག་འཚལ་ལོ། །གང་ཞིག་ཉི་ཟླ་ཁ་སྦྱོར་ས་བོན་གནས། །གཉིས་ལས་སྐྱེས་པའི་གཙོ་བོ་རིག་མར་བཅས། །ཉིད་ཀྱི་ཉིད་ཀྱིས་དཀྱིལ་འཁོར་འདི་ལ་ནི། །འཇིག་རྟེན་གསུམ་པོ་སྤྲུལ་པར་མཛད་དང་ལྡན། །ཉིད་ལ་འདི་དག་ཐམས་ཅད་མ་ལུས་པ། །བཞི་བའི་བདེ་སྩོལ་རིག་མ་སྡུད་མཛད་པ། །ཤེས་རབ་ཆགས་པའི་བདུད་རྩིའི་རོ་ཉིད་ཀྱི། །གནས་སུ་ཞི་བ་དེ་ལ་ཕྱག་འཚལ་ལོ། །མཁའ་འགྲོ་མ་གཙོ་ཀྱེ་རྡོ་རྗེ། །ལྷ་མོ་འཁོར་ལོར་བཅས་བསྟོད་པས། །བདག་གིས་བསོད་ནམས་གང་ཐོབ་པ། །དེས་ནི་འཇིག་རྟེན་བདེ་མཚུངས་ཤོག ༈ །ཧཱུྃ་མི་བསྐྱོད་རྡོ་རྗེ་ཡེ་ཤེས་ཆེ། །རྡོ་རྗེ་དབྱིངས་ནི་མཁའ་ཆེན་པོ། །རྡོ་རྗེ་གསུམ་མཆོག་དཀྱིལ་འཁོར་གསུམ། །རྡོ་རྗེ་

[Full Size]

དབྱིངས་ལ་ཕྱག་འཚལ་ལོ། །རྣམ་པར་སྣང་མཛད་དག་པ་ཆེ། །རྡོ་རྗེ་ཞི་བ་དགའ་བ་ཆེ། །རང་བཞིན་འོད་གསལ་མཆོག་གི་མཆོག །སྟོན་པ་རྡོ་རྗེ་ཕྱག་འཚལ་ལོ། །རིན་ཆེན་རྒྱལ་པོ་རབ་ཏུ་ཟབ། །རྡོ་རྗེ་ནམ་མཁའ་དྲི་མ་མེད། །རང་བཞིན་དག་པ་གོས་པ་མེད། །རྡོ་རྗེ་སྐུ་ལ་ཕྱག་འཚལ་ལོ། །རྡོ་རྗེ་དཔག་མེད་རྒྱལ་པོ་ཆེ། །མི་རྟོག་ནམ་མཁའ་རྡོ་རྗེ་འཛིན། །འདོད་ཆགས་ཕ་རོལ་ཕྱིན་པ་བརྙེས། །རྡོ་རྗེ་གསུང་ལ་ཕྱག་འཚལ་ལོ། །དོན་ཡོད་རྡོ་རྗེ་རྫོགས་སངས་རྒྱས། །བསམ་པ་ཐམས་ཅད་རྫོགས་མཛད་པ། །དག་པ་ངོ་བོ་ཉིད་ལས་བྱུང་། །རྡོ་རྗེ་སེམས་དཔར་ཕྱག་འཚལ་ལོ། ༈ །ཨོཾ་བཅོམ་ལྡན་མགོན་པོ་དཔའ་བོའི་དབང་ཕྱུག་ནི། །བསྐལ་བའི་མེ་དཔུང་ལྟ་བུར་རབ་ཏུ་འབར། །རལ་པའི་ཅོད་པན་དབུ་ཡི་རྒྱན་དུ་བཅིངས། །མཆེ་

[Full Size]

བ་རབ་གཙིགས་དྲག་ཤུལ་འཇིགས་པའི་ཞལ། །སྐུ་ལ་གཟི་བརྗིད་ཕྱག་སྟོང་ལྡན་པ་པོ། །དགྲ་སྟྭ་ཞགས་པ་ཁ་ཊྭཱྃ་མདུང་བསྣམས་ཤིང་། །རབ་འཇིགས་སྟག་གི་པགས་པ་སྐུ་ལ་གསོལ། །སྐུ་ཆེན་དུད་ཁ་བགེགས་མཐར་མཛད་ལ་འདུད། །བཅོམ་ལྡན་རྣམ་ཀུན་རྡོ་རྗེ་ཕག་མོ་ཆེན་མོ་ནི། །འཇིག་རྟེན་གསུམ་སོགས་ཕྱོགས་གཞན་རྒོལ་བས་མི་ཐུབ་ཅིང་། །འབྱུང་པོའི་འཇིགས་པ་མ་ལུས་རྡོ་རྗེ་ཆེན་པོས་འཇོམས། །རྡོ་རྗེའི་གདན་བཞུགས་ཚངས་སོགས་དབང་བྱེད་ལས་རྒྱལ་ཞིང་། །རྡོ་རྗེ་ཕག་མོ་ཁྲོས་མོའི་གཟུགས་ཅན་དྲག་སྙེམས་པས། །རྨུགས་བྱེད་རེངས་བྱེད་རྨོངས་བྱེད་ལས་ནི་རྣམ་རྒྱལ་ཞིང་། །བདུད་ཀྱི་འཇིགས་པ་ལ་སོགས་སྐེམ་ཞིང་ཕམ་པར་མཛད་པ་མོ། །རྣལ་འབྱོར་ཆེན་མོ་འདོད་པའི་དབང་མ་ལ་འདུད། །སྐྱེ་མེད་

[Full Size]

ངང་ལས་ཐུགས་རྗེ་ཆེན་པོ་ཡི། །ཀེང་རུས་འཇིགས་སུ་རུང་བའི་རི་སྟེངས་སུ། །བདུད་འདུལ་ཧཱུྃ་ལས་ཁྲོ་བོའི་སྐུར་སྤྲུལ་པ། །བཅོམ་ལྡན་བདེ་བའི་མཆོག་ལ་ཕྱག་འཚལ་ལོ། །དག་པ་ཆོས་སྐུའི་སྤྲུལ་པ་ནི། །དམིགས་པ་མེད་པའི་ཐུགས་རྗེ་ཡིས། །གཟུགས་སྐུ་སྒྱུ་མ་ལྟར་སྟོན་པ། །ཕག་མོའི་སྐུ་ལ་ཕྱག་འཚལ་ལོ། །འབྱུང་བ་བཞི་པོ་རྣམ་དག་ཅིང་། །ཡེ་ཤེས་བཞི་ཡི་ངོ་བོ་ཉིད། །མཁའ་འགྲོ་མ་དང་ལཱ་མ་དང་། །དུ་མ་སྐྱེས་མ་དང་གཟུགས་ཅན་མ། །འགྲོ་བའི་དོན་དུ་སྐུ་སྤྲུལ་པ། །མཁའ་འགྲོ་བཞི་ལ་ཕྱག་འཚལ་ལོ། །རབ་གཏུམ་མ་དང་གཏུམ་མིག་མ། །འོད་ལྡན་སྣ་ཆེན་བརྟན་པའི་བློ། །མི་ཐུང་ལངྐའི་དབང་ཕྱུག་མ། །ཤིང་གྲིབ་མ་ལ་ཕྱག་འཚལ་ལོ། །ས་སྲུང་མ་དང་འཇིགས་བྱེད་ཆེ། །རླུང་ཤུགས་ཆང་འཐུང་ལྗང་ལྷ་མོ། །ཤིན་ཏུ་བཟང་དང་རྟ་རྣ་མོ། །

[Full Size]

བྱ་གདོང་མ་ལ་ཕྱག་འཚལ་ལོ། །འཁོར་ཤུགས་ཁཎྜ་རོ་ཧི་དང་། །ཆང་འཐུང་གོ་ཆ་རབ་དཔའ་མོ། །སྟོབས་ཆེན་འཁོར་ལོས་སྒྱུར་མ་དང་། །བརྩོན་ཆེན་མ་ལ་ཕྱག་འཚལ་ལོ། །ཐོད་པའི་དུམ་བུ་ཀེང་རུས་ཅན། །ཀེང་རུས་མཆེ་བ་གཙིགས་ལྷའི་སྒྲ། །འོད་དཔག་མེད་དང་རྡོ་རྗེའི་འོད། །རྡོ་རྗེའི་སྐུ་ལ་ཕྱག་འཚལ་ལོ། །མྱུ་གུ་ཅན་དང་རལ་པ་ཅན། །དཔལ་ཆེན་ཧཱུྃ་མཛད་རབ་བཟང་དང་། །རྡོ་རྗེ་བཟང་དང་འཇིགས་བྱེད་དང་། །མིག་མི་བཟང་ལ་ཕྱག་འཚལ་ལོ། །སྟོབས་ཆེན་རྡོ་རྗེ་རིན་ཆེན་དང་། །རྟ་མགྲིན་མཁའ་སྙིང་ཧེ་རུ་ཀ །པདྨ་གར་དབང་རྣམ་སྣང་དང་། །རྡོ་རྗེ་སེམས་དཔར་ཕྱག་འཚལ་ལོ། །ཕྱོགས་བཞིའི་སྒོ་རྣམས་སྐྱོང་མཛད་མ། །ཁྭ་གདོང་མ་དང་འུག་གདོང་མ། །དེ་བཞིན་ཁྱི་ཡི་གདོང་མ་དང་། །ཕག་

[Full Size]

གདོང་རྣམས་ལ་ཕྱག་འཚལ་ལོ། །གཟུགས་གཉིས་ཀྱིས་ནི་ཡིད་འཕྲོག་མ། །བརྟན་མ་མོ་དང་ཕོ་ཉ་མོ། །མཆེ་བ་གཙིགས་དང་འཇོམས་མ་དང་། །གཤིན་རྗེ་བཞི་ལ་ཕྱག་འཚལ་ལོ། ༈ །ཧཱུྃ་སྒྱུ་འཕྲུལ་ཆེན་མོ་ཧེ་རུ་ཀ །ཡང་དག་སྤྲུལ་པ་སྟོན་མཛད་ཅིང་། །སྐུ་གསུམ་ཡེ་ཤེས་རོ་གཅིག་པ། །སྒྱུ་འཕྲུལ་རྒྱལ་པོ་ལ་ཕྱག་འཚལ། །མཆེ་བ་གཙིགས་ཤིང་འཇིགས་པ་ཆེ། །སྔགས་ཀྱི་མེ་ཏོག་ཕྲེང་བས་བརྒྱན། །ཤ་ཆེན་རབ་ཏུ་གསོལ་མཛད་པ། །ཧེ་རུ་ཀ་དཔལ་བདག་ཕྱག་འཚལ། །དཔལ་ལྡན་རྡོ་རྗེ་མཁའ་འགྲོ་མ། །མཁའ་འགྲོ་མ་ཡི་འཁོར་ལོས་སྒྱུར། །ཡེ་ཤེས་ལྔ་དང་སྐུ་གསུང་ཐུགས། །འགྲོ་བ་སྐྱོབ་ལ་ཕྱག་འཚལ་ལོ། །ཇི་སྙེད་རྡོ་རྗེ་མཁའ་འགྲོ་མ། །ཀུན་ཏུ་རྟོག་པའི་འཆིང་གཅོད་ཅིང་། །འཇིག་རྟེན་བྱ་བ་རབ་

[Full Size]

འཇུག་མ། །དེ་སྙེད་རྣམས་ལ་བདག་ཕྱག་འཚལ། ༈ །དུས་གསུམ་རྒྱལ་བ་ཐམས་ཅད་ཀྱིས། །བཀའ་ཡི་འཁོར་ལོ་རབ་ཏུ་བསྐོར། །བདུད་དང་མུ་སྟེགས་ལྷ་མིན་བཅོམ། །གཤིན་རྗེ་འཇོམས་ལ་ཕྱག་འཚལ་ལོ། །ཆོས་ཉིད་ལས་བཞེངས་ཡེ་ཤེས་སྐུ། །དང་པོའི་སངས་རྒྱས་འཇམ་པའི་དཔལ། །མངོན་བྱང་ཡེ་ཤེས་ལོངས་སྤྱོད་རྫོགས། །ཡ་མཱནྟ་ཀར་ཕྱག་འཚལ་བསྟོད། །སངས་རྒྱས་ཐམས་ཅད་གཅིག་བསྡུས་པ། །རྡོ་རྗེ་སེམས་དཔའ་རིགས་ཀྱི་གཙོ། །ཞེ་སྡང་འཇོམས་མཛད་གཤིན་རྗེ་གཤེད། །ཁྲོ་རྒྱལ་ཁྱོད་ལ་ཕྱག་འཚལ་ལོ། །གཤིན་རྗེ་གཤེད་པོ་རབ་འཇིགས་པ། །གཏི་མུག་རྡོ་རྗེའི་ངོ་བོ་ཁྱོད། །སྟོན་པ་སངས་རྒྱས་ཀུན་རང་བཞིན། །རྡོ་རྗེའི་སྐུ་ལ་ཕྱག་འཚལ་བསྟོད། །གཤིན་རྗེ་

[Full Size]

གཤེད་པོ་རབ་འཇིགས་པ། །ཕྲ་མ་རྡོ་རྗེའི་ངོ་བོ་ཉིད། །རྡོ་རྗེའི་ཐུགས་དང་རབ་མཚུངས་པ། །རྡོ་རྗེ་རིན་ཆེན་ཕྱག་འཚལ་བསྟོད། །གཤིན་རྗེ་གཤེད་པོ་རབ་འཇིགས་པ། །འདོད་ཆགས་རྡོ་རྗེ་ངོ་བོ་ཁྱོད། །རྡོ་རྗེའི་གསུང་དང་རབ་ཏུ་མཚུངས། །རྡོ་རྗེའི་གསུང་ལ་ཕྱག་འཚལ་བསྟོད། །ཕྲ་དོག་རྡོ་རྗེའི་རང་བཞིན་ཁྱོད། །གཤིན་རྗེ་གཤེད་པོ་ལས་ཀུན་བྱེད། །རྡོ་རྗེའི་སྐུ་དང་རབ་ཏུ་མཚུངས། །ཕྱག་ན་རལ་གྲི་ཕྱག་འཚལ་བསྟོད། །སངས་རྒྱས་ཀུན་གྱི་ངོ་བོ་ཁྱོད། །སངས་རྒྱས་ཐམས་ཅད་གཅིག་བསྡུས་པ། །སངས་རྒྱས་ཀུན་མཆོག་གཙོ་བོའི་གཙོ། །དཀྱིལ་འཁོར་གཙོ་ལ་ཕྱག་འཚལ་བསྟོད། །གཏོར་མ་གཉིས་ནང་མཆོད་ལྟར་བྱིན་གྱིས་བརླབས་ཏེ། སོ་སོའི་སྔགས་ཀྱི་མཐར་གཏོར་མ་འབུལ་བ་ནས་བརྩམས། གཙྪ་སྭ་བྷཱ་ཝཱ་ནཱཾ་ཞེས་པའི་བར་སྒྲུབ་ཐབས་བཞིན་གཏོར་མ་འབུལ། མཐར་སྤོས་དང་བཅས་

[Full Size]

པའི་རྡོ་དྲིལ་འཛིན་པས། །རྡོ་རྗེ་སློབ་དཔོན་བློ་གྲོས་ཆེ། །སེམས་ཅན་དོན་རྣམས་བྱ་བ་དང་། །རྒྱུད་སྡེ་ལྔའི་སོགས་མི་དགོས། །མཆན། སངས་རྒྱས་ཐུགས་དམ་བསྐུལ་བའི་ཕྱིར། །དཀྱིལ་འཁོར་གཙོ་བོ་རིག་མར་བཅས། །གང་ཡང་ཕྱོགས་བཅུའི་དཔའ་བོ་དང་། །རིག་པའི་ལྷ་མོ་རྫུ་འཕྲུལ་ཅན། །བྱང་ཆུབ་སེམས་དཔའ་ལ་སོགས་ཀུན། །མ་ལུས་བདག་ལ་དགོངས་སུ་གསོལ། །བདག་ལ་བརྩེ་བར་དགོངས་ནས་ཀྱང་། །སློབ་མ་རྣམས་ལ་ཕན་པ་དང་། །བདེ་རྣམས་ལ་ཡང་ཕན་པའི་ཕྱིར། །སང་ནི་དཀྱིལ་འཁོར་འདྲི་བར་འཚལ། །བཅོམ་ལྡན་བདག་ནི་གུས་པ་ལ། །དེ་བས་གནང་བ་མཛད་པར་རིགས། །སངས་རྒྱས་འཇིག་རྟེན་མགོན་བརྩེ་དང་། །བྱང་ཆུབ་སེམས་དཔའ་དགྲ་བཅོམ་དང་། །གསང་སྔགས་ལྷ་གཞན་གང་ལགས་

[Full Size]

དང་། །འཇིག་རྟེན་སྐྱོང་བའི་ལྷ་རྣམས་ནི། །གང་ཡང་འབྱུང་པོ་མཐུ་ཆེན་དང་། །གང་དག་ལྷ་ཡི་སྤྱན་མངའ་བ། །སེམས་ཅན་བསྟན་ལ་དགའ་བ་རྣམས། །བདག་ལ་དགོངས་པར་མཛད་དུ་གསོལ། །རྡོ་རྗེ་འཛིན་པ་འདི་བཞེས་པས། །སང་ནི་དཀྱིལ་འཁོར་བཟང་པོའི་མིང་། །རྒྱུད་སྡེ་ལྔའི་དཀྱིལ་འཁོར་ནི། །ཆོ་ག་བཞིན་དུ་འདྲི་ལགས་ན། །བདག་དང་སློབ་མར་བཅས་པ་ལ། །ཐུགས་ནི་བརྩེ་བར་དགོངས་ནས་སུ། །ཚོགས་པ་ཐམས་ཅད་དཀྱིལ་འཁོར་དུ། །བྱིན་གྱིས་བརླབས་པར་མཛད་དུ་གསོལ། །ཞེས་ལན་གསུམ་གསོལ་བ་བཏབ། །གསུམ་པ་ནི། རབ་ཏུ་ལྷ་གྲངས་དང་མཉམ་པའི་བུམ་པ་དགོས་པ་ཡིན་མོད་ཀྱང་། དེ་ཙམ་གྲུབ་དཀའ་བས། ད་ལྟར་ཕྱག་བཞེས་ལ་ལྷ་བུམ་ལྔ། དབུས་ཀྱི་བུམ་པའི་སྟེང་དུ་རྣམ་རྒྱལ་ཆེན་པོ་ཐོད་པའམ་དུང་ཆོས། ལས་ཐམས་ཅད་པའི་བུམ་པ་སྟེ། བུམ་པ་ལྷག་གནས་ཀྱི་གཞི་མདུན་དུ་

[Full Size]

བསྡུ་བ་ཁོ་ན་ཕྱག་ལེན་དུ་མཛད། དེའང་ཚོམ་བུའམ་དཀྱིལ་འཁོར་སོ་སོའི་དབུས་ཀྱི་སྟེང་དུ་མཉྫི་སོགས་ལ་བུམ་པ་ལྔ་བཀོད། ལས་བུམ་གཞི་དཀྱིལ་གྱི་བྱང་སྒོའི་ཚོམ་བུའི་སྟེང་དུ་བཀོད། མཆོད་པ་དང་གཏོར་མ་བུམ་པ་རེ་རེ་བཞིན་དུ་བཤམས་པའམ་བསྡུ་ན་ཐུན་མོང་དུ་བཤམས་ཀྱང་རུང་། བུམ་པ་བསྐྱེད་མཆོག་གི་ཚུལ། ས་བོན་གྱི་དཀྱིལ་འཁོར་བསྐྱེད་ནས། གཙོ་བོའི་སྙིང་པོ་བརྗོད་པ་ཙམ་གྱིས་ལྷ་རྣམས་སྐད་ཅིག་གིས་བསྐྱེད་པ་རྡོ་རྗེ་གདན་པའི་ལུགས་དང་། སྲུང་འཁོར་ཆོས་འབྱུང་འབྱུང་བཞི་གཞལ་ཡས་ཁང་དུ་མངོན་བྱང་ལྔ་ལས་གཙོ་བོ་ལྔ་བསྐྱེད་ནས། འཁོར་རྣམས་མཁའ་སྤྲོ་བྱེད་པ་དྷཱ་བྱང་ཆུབ་སེམས་དཔའི་ལུགས། ལྷ་ཐམས་ཅད་རྡོ་རྗེ་ཆོ་ག་གསུམ་བསྐྱེད་པ་བཻ་རོ་ཙ་ན་རཀྵི་ཏའི་ལུགས། སྐད་ཅིག་གིས་བསྐྱེད་པའི་རཱ་ཧུ་ལ་དང་། སུ་མ་ཏི་ཆེན་པོའི་ལུགས་ཡིན་པར་བཤད་པ་ལས། དིང་སང་ལག་ལེན་བདེ་བའི་ཕྱིར་ཕྱི་མ་མཛད་ལ། ཐམས་ཅད་ཀྱང་བུམ་པ་གཞལ་ཡས་ཁང་དུ་བསྐྱེད་པར་ནི་མཐུན་ནོ། །དེ་ཡང་འདི་ལྟར། བུམ་པ་རྣམས་བསང་སྦྱང་། སྟོང་པའི་ངང་ལས།

[Full Size]

པད་ཟླའི་གདན་ལ་བྷྲཱུྃ་ལས་བུམ་པ་བྷྲཱུྃ་གྱིས་མཚན་པ་ལས་འོད་འཕྲོས། སངས་རྒྱས་རྣམས་མཆོད་ཅིང་ཐུགས་རྒྱུད་བསྐུལ། །སེམས་ཅན་ཐམས་ཅད་ཀྱི་དོན་བྱས། སླར་འདུས་ཏེ་ཐིམ་པ་ཡོངས་སུ་གྱུར་པ་ལས། ཐམས་ཅད་གཞལ་ཡས་ཁང་གྲུ་བཞི་སྒོ་བཞི་རྟ་བབས་བཞིས་བརྒྱན་པ། མཚན་ཉིད་ཐམས་ཅད་ཡོངས་སུ་རྫོགས་པར་གྱུར། རྣམ་རྒྱལ་ཆེན་པོ་དང་དབུས་ཀྱི་བུམ་པ་གཞལ་ཡས་ཁང་ནང་གི་ལྷ་སྣམ་ཤར་དཀར། ལྷོ་སེར། ནས་ ལྗང་གུ་རྣམས་གན་རྐྱལ་དུ་མནན་པའི་སྙིང་གར་ཟླ་བའི་དཀྱིལ་འཁོར་རེ་རེ། རྣམ་རྒྱལ་ཆེན་པོའི་སྒོ་བཞིར་ཉི་མའི་གདན། དབུས་ཀྱི་གདན་གྱི་སྟེང་དུ། བཅོམ་ལྡན་འདས་དགྱེས་མཛད་ནས་སའི་དཀྱིལ་འཁོར་འཛིན་པའི་བར་ལྷ་སྟ་གོན་བཞིན། ཤར་སྒོར་རྟ་གདོང་མ་ནས། ཤམ་ཐབས་ཅན་ནོའི་བར་

[Full Size]

མཚོན་ཆ་ཅན་གྱི་བར་སྒྲུབ་ཐབས་བཞིན། །གཞལ་ཡས་ཁང་དབུས་མའི་ནས་གང་བ་བཞི་དང་བཅས་པ་སོ་སོའི་བར་དཀྱིལ་འཁོར་ལྔ་པོ་ལྷ་སྟ་གོན་གྱི་སྐབས་བཞིན་ཇི་ལྟ་བ་བཞིན་དུ་བསྐྱེད། ལས་ཐམས་ཅད་པའི་གཞལ་ཡས་ཁང་པར་པདྨ་དང་ཟླ་བ་ཉི་མ་བརྩེགས་པའི་གདན་ལ། བདུད་རྩི་འཁྱིལ་བ་སྐུ་མདོག་ལྗང་ནག་དཀར་བའི་ཞལ་གསུམ་ཕྱག་དྲུག་པ། དང་པོ་གཉིས་ཀྱི་རང་སྣང་གི་ཡུམ་ལ་འཁྱུད་པ། ལྷག་མ་གཡས་གཉིས་ཀྱིས་རྡོ་རྗེ་ནག་པོ་རྭ་གདེངས་པ་དང་རལ་གྲི། གཡོན་གཉིས་ཀྱིས་རིན་པོ་ཆེ་དང་པདྨ་འཛིན་པ། །སྟག་ལྤགས་ཀྱི་ཤམ་ཐབས་དང་སྦྲུལ་གྱིས་བརྒྱན་པ། ཁྲོ་བོའི་མཚན་ཉིད་ཐམས་ཅད་ཡོངས་སུ་རྫོགས་པའོ། །སྙིང་གའི་ས་བོན་གྱི་འོད་ཟེར་གྱིས། དགྱེས་མཛད་མཚོན་ཆ་ཅན་ལྷ་བཅུ་གསུམ་རྒྱུད་སྡེ་ལྔའི་དཀྱིལ་འཁོར་གྱི་ལྷ་ཚོགས། བདུད་རྩི་

[Full Size]

འཁྱིལ་བ་དང་བཅས་པ་བཛྲ་ས་མཱ་ཛཿ ཤར་ཕྱོགས་ཀྱི་ནས་ སྤྱི་བོར་འཁྱིལ་བ་ལས། གཙོ་བོ་དྲུག་ལ་མི་བསྐྱོད་པ་དང་། འཁོར་རྣམས་ལ་གཙོ་བོ་དང་། བདུད་རྩི་འཁྱིལ་བ་ལ་དོན་ཡོད་གྲུབ་པ་རྣམས་ཀྱིས་དབུ་བརྒྱན། དེ་ནས་བུམ་བཟླས་བྱ་སྟེ། གཟུངས་ཐག་ནས་བཟུང་ལ། གཙོ་བོ་དྲུག་གི་སྔགས་བརྒྱ་རྩ་རེ་དང་། ལྷ་གཞན་རྣམས་ལའང་ཉེར་གཅིག་ཙམ་རེ་བཟླ་བར་བཤད་ནའང་། བདུན་བདུན་ནམ་གསུམ་གསུམ་ཙམ་ཅི་རིགས་པར་བཟླས། ལས་བུམ་ལ་དམིགས་ཏེ། ཨོཾ་ཨཱཿབིགྷྣཱནྟ་ཀྲྀ་ཏ་ཧཱུྃ་ཕཊ། ཅེས་པ་བརྒྱ་རྩ་དང་། ན་མཿ ས་མནྟ་ཀཱ་ཡ་ཝཱ་ཀ་ཙིཏྟ་བཛྲཱ་ནཱཾ། ན་མོ་མ་ཧཱ་བཛྲ་ཀྲོ་དྷཱ་ཡ། མ་ཧཱ་དཾཥྚྱོཌྐ་ཊ་བྷཱི་ཥ་་བྷཻ་ར་ཝ་ར་ཡ། ཨ་སི་མུ་ས་ལ། པར་ཤུ། པཱ་ཤ་ཧསྟ་ཡ། ཨོཾ་ཨ་མྲྀ་ཏ་ཀུཎྜ་ལི་ཁ་ཁ་ཁཱ་ཧི་ཁཱ་ཧི། ཧུ་ལུ་ཧུ་ལུ། ཏིཥྛ་ཏིཥྛ། བནྡྷ་བནྡྷ། ཧ་ན་ཧ་ན། ད་ཧ་ད་ཧ། གརྫ་གརྫ། བི་སྦོ་ཊ་ཡ་བི་སྦོ་ཊ་

[Full Size]

ཡ། སརྦ་བིགྷྣན་བི་ནཱ་ཡ་ཀ །མ་ཧཱ་ག་་པ་ཏི། ཛཱི་ཝི་ཏཱནྟ་ཀཱ་ར་ཡ། ཧཱུྃ་ཧཱུྃ་ཕཊ་སྭཱ་ཧཱ། ཞེས་པའང་ཉེར་གཅིག་སོགས་བཟླའོ། །ཐམས་ཅད་ཀྱི་ཐུན་མོང་དུ། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཧཱུྃ་ཞེས་པ་དང་། གཙུག་གཏོར་རྣམ་རྒྱལ་གྱི་གཟུངས་ཡང་ཅི་རིགས་སུ་བཟླས་ཏེ་གཟུངས་ཐག་བསྡུའོ། །དེ་ནས་མཆོད་པ་གོང་བཞིན་བྱིན་གྱིས་བརླབ། མཆོད་བསྟོད་དང་། འཇིག་རྟེན་ལས་འདས་པའི་གཏོར་མ་འབུལ་ཚུལ་ལྷ་སྟ་གོན་གྱི་སྐབས་བཞིན་ལ་འཇིག་རྟེན་པའི་གཏོར་ཆོག་མི་དགོས། བདག་དང་སློབ་མར་བཅས་པའི་སེམས་ཅན་ལ་གེགས་མེད་ཅིང་དངོས་གྲུབ་སྩལ་དུ་གསོལ། །ཡིག་བརྒྱ་ལན་བདུན་གྱི་མཐར་མ་འབྱོར་བ་དང་སོགས་ཀྱིས་བཟོད་པར་གསོལ། །རྡོ་རྗེ་པང་དུ་བཞག་པའམ་གཡས་པར་མེ་ཏོག་དང་ལྷན་ཅིག་བཟུང་ཀྱང་རུང་། གཡོན་པས་དྲི་ཆབ་ཀྱིས་གང་བའི་དུང་ཆོས་བླང་། པད་སྐོར་རེ་སྔོན་དུ་འགྲོ་བས། བུམ་པ་རེ་རེ་བཞིན་གཡས་སུ་བསྐོར་ཏེ། ཨ་ཁཾ་ཝཱི་ར་ཧཱུྃ། ལན་བདུན་གྱིས་བུམ་པ་

[Full Size]

རེ་རེར་དྲི་བཟང་གི་ཆུ་ཐིགས་རེ་དང་། མེ་ཏོག་རེ་འབུལ། རབ་ཏུ་དགྱེས་པའི་ཐུགས་ཅན་གྱིས་ཡེ་ཤེས་པ་རྣམས་སྟེང་གི་ནམ་མཁའ་ལ་བཞུགས་པར་གྱུར། ཨརྒྷཾ་ནས་ཤཔྡའི་བར་གྱིས་ཕྱི་མཆོད་དང་། འབྲུ་གསུམ་ལན་བདུན་གྱི་ནང་མཆོད། ཨ་ནུ་རཱ་ག་ས་གསང་མཆོད་ཕུལ། དེ་ཉིད་ལྔ་པ་དང་། ཁྲོ་བོ་ཞེ་སྡང་གནས་ལས་སྐྱེས། །གསོད་གཅོད་དོན་དུ་གཉེར་མཛད་ནས། །དངོས་གྲུབ་ཐམས་ཅད་ཐོབ་སྟེར་བ། །བདུད་རྩི་འཁྱིལ་བ་ལ་ཕྱག་འཚལ། །ཞེས་པས་བསྟོད། སླར་ཡང་དུང་ཆོས་ཀྱི་དྲི་ཚབ་བུམ་པ་སོ་སོར་བླུག །ནམ་མཁར་བཞུགས་པའི་ཡེ་ཤེས་པའི་ལྷ་ཚོགས་ཤིན་ཏུ་དགྱེས་པའི་ཐུགས་ཀ་ནས། བདུད་རྩིས་ཆུ་རྒྱུན་བྱུང་སྟེ། བུམ་ནང་གི་ལྷ་རྣམས་སྤྱི་བོ་ནས་ཞུགས་ཤིང་ཐིམ་པས། གཞལ་ཡས་ཁང་རྣམས་བུམ་པ་རྣམས་སུ་གྱུར། དམ་ཚིག་པ་དེ་རྣམས་འོད་དུ་ཞུ་བ་ལས།

[Full Size]

རྣམ་རྒྱལ་ཆེན་པོ་དང་རྣམ་རྒྱལ་རྣམས་སུ་སྔགས་ཀྱི་རྣམ་པའི་བདུད་རྩིས་ཡོངས་སུ་གང་བ་དང་། ལས་ཐམས་ཅད་པར་ཆུའི་རྡུལ་ཕྲ་རབ་རེ་རེ་ནས་ལྷ་སྐུ་ཕྲ་མོ་རེ་རེར་གྱུར། དེ་ནས་བུམ་པ་རྣམས་རོལ་མོ་དང་བཅས་སྟེགས་བུར་སྤྱན་དྲངས་སོ། །ཡང་དམ་ཡེ་མ་ཕྱེ་བར་མཆོད་ཡོན་ཕུལ་བས་ལྷ་རྣམས་ཡབ་ཡུམ་སྙོམས་པར་ཞུགས་པས། བྱང་ཆུབ་ཀྱི་སེམས་ཀྱིས་བུམ་པ་གང་། ཡེ་ཤེས་པ་གཤེགས་ནས་དམ་ཚིག་པ་ཞུ་བར་བྱེད་པའི་ལུགས་ཀྱང་ཡོད་ལ། ཡང་དམ་ཡེ་དབྱེར་མེད་ཀྱི་ལྷ་རྣམས་བྱང་ཆུབ་ཀྱི་སེམས་སུ་ཞུ་བ་སྟེ། གསུམ་པོ་འདི་བུམ་དབང་དང་། གསང་དབང་དང་། ཤེས་རབ་ཡེ་ཤེས་ཀྱི་དབང་གསུམ་དང་རྗེས་སུ་འབྲེལ་བའི་བུམ་པའི་སྒྲུབ་ལུགས་ཡིན་པས། དངོས་གཞི་ནུབ་གསུམ་ལ་དབང་བཞི་རྫོགས་པར་བྱེད་ན། སྟ་གོན་གྱི་སྐབས་དཀྱུས་བཞིན་དང་། གསང་དབང་གི་ཉིན་མོ་གཉིས་པ་དང་། ཤེར་དབང་གི་ཉིན་གསུམ་པ་ལྟར་སྒྲུབ། དབང་རྫོགས་པར་

[Full Size]

བྱེད་ན་གསུམ་པ་ལྟར་སྒྲུབ་དགོས་ཞེས་གསུང་པའི་དགོངས་དོན་ཡང་དེ་ཡིན་ལ། དེང་སང་དབང་བཞི་ནུབ་གཅིག་ལ་བསྐུར་བ་དང་ལེན་པ་ལྟར་ན། བུམ་དབང་མ་གཏོགས་པ་ལ་བུམ་པའི་བྱ་བ་མེད་པའི་ཕྱིར་དཀྱུས་ལྟར་བྱའོ། །བཞི་པ་ནི། །ཐུན་མོང་བསླབ་བྱ་སྤྲོ་བ་བསྐྱེད། །གསོལ་བཏབ་གནང་བ་སྦྱིན་པ་དང་། །རྟོག་པ་བསྡུ་ཞིང་སྡོམ་གསུམ་བརྟན། །རྒྱུན་བཤགས་དྲིས་ལན་སྡོམ་པ་བསྒྲགས། །སྡོམ་སྦྱིན་སྒོ་གསུམ་བྱིན་གྱིས་བརླབས། །སོ་ཤིང་དོར་ལ་སྲུང་སྐུད་གདགས། །ཁྱོར་ཆུ་ཀུ་ཤ་གཟེངས་བསྟོད་དང་། །རྨི་ལམ་བསྟན་པ་ཞེས་བྱ་བ། །བཅུ་བདུན་སློབ་མ་སྟ་གོན་ཆོས། །ཤེས་སོ། །དེ་ཡང་དང་པོ་ནི། སློབ་མ་རྣམས་ཁྲུས་བྱས་གྲལ་ལ་འཁོད། མེ་ཏོག་བཀྱེ་བསྡུ་བྱས་པ་ལ། སེམས་བསྐྱེད་གསལ་བཏབ། ཆོས་འདིའི་བྱུང་ཚུལ་དང་། ཆེ་བ་ཅི་རིགས་པར་བརྗོད་ནས། །སྡོམ་པ་གསུམ་ལ་གནས་པར་བྱ། །སོ་སོར་ཐར་དང་བྱང་ཆུབ་སེམས། །རིག་འཛིན་ནང་གི་སྡོམ་པའོ། །ཞེས་བྱ་བ་ཡིན་པས། སོ་སོ་ཐར་པའི་སྡོམ་པ་དང་། བྱང་

[Full Size]

ཆུབ་སེམས་དཔའི་སྡོམ་པ་ལ་ཡང་དག་པར་གནས་པ་ལ་དབང་བསྐུར་བར་བཤད་པ་ཡིན་པས། སོ་སོའི་ཆོ་གས་ལེགས་པར་བླངས་ཤིང་མཉམས་པ་ཡིན་ན་ལེགས། དེ་ལྟར་མ་ཡིན་ཀྱང་དཀོན་མཆོག་གསུམ་ལ་ཡང་དག་པར་སྐྱབས་སུ་སོང་། མི་དགེ་བ་བཅུའི་ལས་ལམ་སྤངས་པའི་ཆོས་དགེ་བ་བཅུ་ལ་གནས་པས་སོ་ཐར་སྡོམ་པའི་དགོས་པ་ཚང་། སེམས་ཅན་ཐམས་ཅད་འཁོར་བ་ལས་བསྒྲལ་བའི་ཕྱིར་སངས་རྒྱས་ཐོབ་འདོད་ཐུན་མོངས་མ་ཡིན་པ་དང་། དེ་ཐོབ་པའི་ཕྱིར་ཕར་ཕྱིན་དྲུག་སོགས་བྱང་ཆུབ་སེམས་དཔའི་སྤྱོད་པ་ཁྱད་པར་ཅན་སློབ་མའི་བསམ་པ་རྣམ་དག་བསྐྱེད་པས་སེམས་བསྐྱེད་བླངས་པའི་དགོས་ནུས་ཀྱང་གྲུབ་པ་ཡིན་པའི་ཕྱིར། དེ་རྣམས་ཀྱི་བསམ་པ་རྣམ་དག་བསྐྱེད་དགོས་སོ་ཞེས་གདམས། སྔར་སྡོམ་པ་

[Full Size]

གཉིས་པོ་ཕོག་ཟིན་པ་ཡིན་ན། འདི་མ་བརྗོད་ཀྱང་ཆོག །གཉིས་པ་ནི། །སྔགས་ཀྱི་དངོས་གྲུབ་དོན་གཉེར་གང་། །དཀྱིལ་འཁོར་འདི་འདྲར་གཞུག་བྱ་སྟེ། །བསོད་ནམས་འདོད་པས་དེ་ལས་གཞན། །འཇིག་རྟེན་འདི་ཡི་བསམ་པ་སྤངས། །དད་པ་ཆེན་པོ་ལྡན་པ་དག །འཇིག་རྟེན་ཕ་རོལ་ལ་དམིགས་ནས། །བློ་ལྡན་དཀྱིལ་འཁོར་གཞུག་བྱ་སྟེ། །བདག་དོན་འདི་འབྲས་གཉེར་མི་བྱ། །གལ་ཏེ་འདི་འབྲས་དོན་གཉེར་ན། །གཞན་དོན་སངས་རྒྱས་འགྲུབ་མི་འགྱུར། །གཞན་དོན་ཕ་རོལ་ལ་དམིགས་ན། །འབད་པ་མེད་པར་འདི་འབྲས་འགྲུབ། །ཅེས་བརྗོད་ལ་དོན་བཤད། གསུམ་པ་ནི། འདིའི་རྗེས་ཟློས་བྱ་སྟེ། །དགའ་ཆེན་ཁྱོད་བདག་སྟོན་པ་སྟེ། །སློབ་དཔོན་ཁྱོད་ནི་དགོངས་སུ་གསོལ། །བྱང་ཆུབ་ཆེན་པོའི་ཚུལ་བསྟན་པ། །མགོན་པོ་ཆེན་པོ་བདག་འཚལ་ལོ། །སངས་རྒྱས་

[Full Size]

ཆོས་དང་དགེ་འདུན་ཏེ། །སྐྱབས་གསུམ་དག་ཀྱང་བདག་ལ་སྩོལ། །བྱང་ཆུབ་སེམས་ཀྱང་བདག་ལ་སྩོལ། །དམ་ཚིག་དེ་ཉིད་བདག་ལ་སྩོལ། །ཐར་པ་ཆེན་པོའི་གྲོང་མཆོག་ཏུ། །མགོན་པོས་བདག་ནི་གཞུག་ཏུ་གསོལ། །ཞེས་ལན་གསུམ། བཞི་པ་ནི། །བུ་ཚུར་ཐེག་པ་ཆེན་པོ་ཡི། །ཁྱོད་ནི་ཚུལ་ཆེན་སྣོད་ཡིན་ཏེ། །གསང་སྔགས་སྤྱོད་ཚུལ་ཆོ་ག་མཆོག །ཁྱོད་ལ་ཡང་དག་བསྟན་པར་བྱ། །རྫོགས་པའི་སངས་རྒྱས་གང་འདས་དང་། །དེ་བཞིན་གང་དག་མ་བྱོན་པ། །ད་ལྟར་བྱུང་བའི་རྫོགས་སངས་རྒྱས། །འགྲོ་ལ་ཕན་ཕྱིར་བཞུགས་པ་ཀུན། །དེ་དག་ཀུན་གྱིས་གསང་སྔགས་ཀྱི། །ཆོ་ག་བཟང་པོ་འདི་མཁྱེན་ཏེ། །དཔའ་བོས་བྱང་ཆུབ་ཤིང་དྲུང་དུ། །ཐམས་ཅད་མཁྱེན་པ་མཚན་མེད་བརྙེས། །གསང་སྔགས་སྦྱོར་བ་མཉམ་མེད་དེའི། །ཡེ་ཤེས་

[Full Size]

མཉམ་མེད་ཐོབ་པས་ན། །སྐྱོབ་པ་དཔལ་ལྡན་ཧེ་རུ་ཀས། །བསྡུད་སྡེ་ཤིན་ཏུ་མི་བཟད་པའི། །དཔུང་ཆེན་དག་ཀྱང་དེ་ཡིས་བཅོམ། །དེ་བས་ཀུན་མཁྱེན་ཐོབ་བྱའི་ཕྱིར། །བུ་ཡིས་བློ་གྲོས་འདི་གྱིས་ཤིག །ཅེས་བརྗོད་ལ་དོན་བཤད། ལྔ་པ་ནི། །རྟོག་པ་ཐམས་ཅད་ལེགས་པར་བསྡུས་ནས་ནི། །ཤིན་ཏུ་བསམ་པ་བཟང་དང་ལྡན་པས་ཉོན། །བརྗེད་ངེས་བློ་ལ་རྡོ་རྗེ་སེམས་དཔའ་སོགས། །བདེ་བར་གཤེགས་པ་རྣམས་ཀྱིས་བྱིན་མི་རློབས། །ཅེས་བརྗོད། དྲུག་པ་ནི། །བཅོམ་ལྡན་དཀྱིལ་འཁོར་དེས་གསུངས་ཆོས། །དེ་བསྒྲུབ་ལྷ་མོར་བཅས་པ་ཡི། །སངས་རྒྱས་ཆོས་དང་དགེ་འདུན་ཏེ། །མཆོག་གསུམ་དེ་ལ་སྐྱབས་སུ་མཆི། །དཔའ་བོ་དཔའ་མོ་དབང་ལྷ་མོ། །བྱང་ཆུབ་སེམས་དཔའ་བདག་ཉིད་ཆེ། །ཁྱད་པར་དུ་ཡང་སློབ་དཔོན་ལ། །

[Full Size]

རྟག་པར་བདག་ནི་སྐྱབས་སུ་མཆི། །བདག་ནི་དུས་འདི་ནས་བཟུང་སྟེ། །སྡོམ་གསུམ་ལྡན་པ་རང་ཉིད་བསྒྲུབ། །གཞན་ལ་སྨན་པས་ཆོས་ཀྱང་སྟོན། །འཁོར་དང་ལྡན་པ་སྟོན་པར་བགྱི། །ཅེས་ལན་གསུམ་རྗེས་ཟློས་བྱའོ། །བདུན་པ་ནི། སྒྲུབ་ཐབས་བསྟན་རྒྱས་དང་། དཀྱིལ་ཆོག་དངུལ་གདོང་མའི་དངོས་གཞིའི་སྐབས་ན་རྒྱུན་བཤགས་མི་འདྲ་བར་ཡོད་ཅིང་། རྡོ་རྗེ་གདན་པས་དབང་མེད་བདག་གི་སོགས་ཀུན་སྙིང་གི་གཞུང་ལྟར་མཛད་པས། རྒྱུན་བཤགས་ཀྱི་རིགས་རྣམས་འདམ་ཀ་ཡིན་ཀྱང་། དངུལ་གདོང་མར་འདི་སྐབས་སུ། ཡན་ལག་ལྔ། བདུན་གང་རུང་བྱེད་པར་གསུངས་པ་ཉིད་འཇུག་པ་བདེ་བའི་ཕྱིར་སྔ་ཕྱི་ཐམས་ཅད་དུ་སྦྱར་ན་ལེགས་པས་ཡན་ལག་བདུན་པ་ལྟར་ན་སྒྲུབ་ཐབས་ཀྱི་ཚོགས་ཞིང་གི་སྐབས་ལྟར་བྱ་ཞིང་། ལྔ་པ་ལའང་བསྐུལ་བ་གསོལ་འདེབས། བདག་འབུལ་གསུམ་གྱི་ཚིགས་བཅད་དོར་བ་ཉིད་དོ། །བརྒྱད་པ་ནི། །དེ་བཞིན་གཤེགས་པ་ཐམས་ཅད་ཀྱི། །གསང་བ་

[Full Size]

ཆེན་པོ་རིགས་དག་པའི། །གསང་བ་ཡོངས་སུ་འཛིན་པར་ནི། །བདག་ཉིད་ཆེན་པོ་ཁྱོད་འདོད་དམ། །ཞེས་དྲིས་པ་ལ། །བདག་ཉིད་ཆེན་པོ་བདག་འཚལ་ལགས། །ཞེས་འདོན་པ་སྤོས་ཏེ་ལན་བཏབ། དགུ་པ་ནི། །སངས་རྒྱས་ཆོས་དང་དགེ་འདུན་ཏེ། །དཀོན་མཆོག་གསུམ་ལ་སྐྱབས་སུ་སོང་། །འདི་ནི་སངས་རྒྱས་རིགས་དག་པའི། །སྡོམ་པ་བརྟན་པོར་གྱུར་པའོ། །རྡོ་རྗེ་དྲིལ་བུའི་ཕྱག་རྒྱ་ནི། །བློ་ཆེན་ཁྱོད་ཀྱིས་བཟུང་བར་བྱ། །བྱང་ཆུབ་སེམས་གང་དེ་རྡོ་རྗེ། །ཤེས་རབ་དྲིལ་བུ་ཞེས་བསྒྲགས་སོ། །སློབ་དཔོན་ཁྱོད་ཀྱིས་བཟུང་བྱ་སྟེ། །བླ་མ་སངས་རྒྱས་ཀུན་དང་མཉམ། །འདི་ནི་རྡོ་རྗེའི་རིགས་དག་པའི། །དམ་ཚིག་སྡོམ་པ་ཡིན་པར་བཤད། །རིན་ཆེན་རིགས་མཆོག་ཆེན་པོ་ཡི། །དམ་ཚིག་ཡིད་དུ་འོང་བ་ལ། །ཉིན་དང་མཚན་མོ་ལན་གསུམ་

[Full Size]

དུ། །ཟང་ཟིང་མི་འཇིགས་ཆོས་དང་བྱམས། །སྦྱིན་པ་རྣམ་བཞི་རྟག་ཏུ་བྱིན། །ཕྱི་ནང་གསང་བའི་ཐེག་པ་གསུམ། །དམ་ཆོས་ཁྱོད་ཀྱིས་བཟུང་བར་བྱ། །འདི་ནི་པདྨའི་རིགས་དག་པའི། །དམ་ཚིག་ཡིད་དུ་འོང་བའོ། །ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་ཅད་ལྡན་པར་ནི། །ཡང་དག་ཉིད་དུ་བཟུང་བར་བགྱི། །མཆོད་པའི་ལས་ཀྱང་ཅི་ནུས་བགྱི། །དེ་ལས་གཞན་ཡང་བཅུ་བཞི་ནི། །ཕས་ཕམ་པར་ནི་རབ་ཏུ་བཤད། །སྤངས་ཤིང་དོར་བར་མི་བྱ་སྟེ། །རྩ་བའི་ལྟུང་བ་ཞེས་བཤད་དོ། །ཉིན་དང་མཚན་མོ་ལན་གསུམ་དུ། །ཉིན་རེ་བཞིན་ཡང་བཟླས་པར་བྱ། །གང་ཚེ་ཉམས་གྱུར་རྣལ་འབྱོར་པ། །ཁ་ན་མ་ཐོ་སྦོམ་པོར་འགྱུར། །ཁྱོད་ཀྱིས་སྲོག་ཆགས་བསད་མི་བྱ། །མ་བྱིན་པ་ཡང་བླང་མི་བྱ། །འདོད་ལ་

[Full Size]

ལོག་པར་མི་སྤྱད་ཅིང་། །བརྫུན་དུ་སྨྲ་བར་མི་བྱའོ། །ཕུང་ཁྲོལ་ཀུན་གྱི་རྩ་བ་ཡིན། །ཆང་ནི་རྣམ་པར་སྤང་བར་བྱ། །སེམས་ཅན་འདུལ་ཕྱིར་མ་གཏོགས་པ། །བྱ་བ་མ་ཡིན་ཐམས་ཅད་སྤང་། །དམ་པ་ཉེ་བར་བསྟེན་བྱ་ཞིང་། །རྣལ་འབྱོར་པ་རྣམས་བསྙེན་བཀུར་བྱ། །ལུས་ཀྱི་ལས་ནི་རྣམ་གསུམ་དང་། །ངག་གི་རྣམ་པ་བཞི་དག་དང་། །ཡིད་ཀྱི་རྣམ་པ་གསུམ་དག་ནི། །ཅི་ནུས་པར་ནི་རྗེས་སུ་བསྲུང་། །ཐེག་པ་དམན་ལ་འདོད་མི་བྱ། །སེམས་ཅན་དོན་ལ་རྒྱབ་མི་ཕྱོགས། །འཁོར་བ་དག་ཀྱང་ཡོངས་མི་སྤང་། །རྟག་ཏུ་མྱ་ངན་ཡོངས་མི་འདའ། །ལྷ་དང་ལྷ་མིན་གསང་བ་པ། །ཁྱོད་ཀྱིས་བརྙས་པར་མི་བྱ་སྟེ། །ཕྱག་རྒྱ་བཞོན་པ་མཚོན་ཆ་དང་། །མཚན་མ་འགོང་བར་མི་བྱའོ། །འདི་དག་དམ་ཚིག་ཡིན་པར་ནི། །ཁྱོད་ཀྱིས་རྟག་ཏུ་

[Full Size]

བསྲུང་བར་བྱ། །རྗེས་མཐུན་སྡོམ་པ་རྒྱ་ཆེར་ནི། །གསང་བའི་རྒྱུད་ལས་ཡང་དག་བཤད། །ཅེས་ལན་གསུམ། བཅུ་པ་ནི། །སློབ་དཔོན་འདིར་ནི་བདག་ལ་གསོན། །གཙོ་བོས་ཇི་ལྟར་བཀའ་སྩལ་པ། །དེ་ལྟར་བདག་གིས་བགྱིད་པར་འཚལ། །ཞེས་ལན་གསུམ་བརྗོད་པས་ཁས་བླངས་ལ། སླར་ཡང་སྡོམ་པ་བཟུང་བ་ནི། ཇི་ལྟར་དུས་གསུམ་མགོན་པོ་རྣམས། །བྱང་ཆུབ་ཏུ་ནི་ངེས་མཛད་པའི། །བྱང་ཆུབ་སེམས་ནི་བླ་ན་མེད་ཞེས་པ་ནས། །སེམས་ཅན་མྱ་ངན་འདས་ལ་འགོད། །ཅེས་ལན་གསུམ། བཅུ་གཅིག་པ་ནི། སློབ་མ་སྐད་ཅིག་གིས་རྡོ་རྗེ་སེམས་དཔའི་སྐུར་གྱུར་པའི་དཔྲལ་བར་ཟླ་བ་ལ་ཨོཾ་ལས་འཁོར་ལོར་ཨོཾ་གྱིས་མཚན་པ་ལས་སྐུ་རྡོ་རྗེ་སྐུ་མདོག་དཀར་པོ་འཁོར་ལོ་དང་དྲིལ་བུ་འཛིན་པ། མགྲིན་པར་སྣ་ཚོགས་པདྨ་ལ་ཨ་ལས་པདྨ་དམར་པོ་ཨཱཿས་

[Full Size]

མཚན་པ་ལས་གསུང་རྡོ་རྗེ་སྐུ་མདོག་དམར་པོ་པདྨ་དང་དྲིལ་བུ་འཛིན་པ། སྙིང་གར་ཉི་མའི་དཀྱིལ་འཁོར་ལ་ཧཱུྃ་ལས་རྡོ་རྗེར་ཧཱུྃ་གིས་མཚན་པ་ལས་ཐུགས་རྡོ་རྗེ་སྐུ་མདོག་མཐིང་ག་རྡོ་རྗེ་དང་དྲིལ་བུ་འཛིན་པ་རྣམས་སུ་གྱུར། སློབ་མའི་གནས་གསུམ་དུ་བདུད་རྩི་ལྔ་དང་དྲི་བཟང་སྦྱར་བའི་ཐིག་ལེ་བྱ། སློབ་དཔོན་གྱི་ཐུགས་ཀ་ནས་འོད་ཟེར་འཕྲོས། སངས་རྒྱས་བྱང་སེམས་ཐམས་ཅད་སྐུ་གསུང་ཐུགས་རྡོ་རྗེའི་རྣམ་པར་སྤྱན་དྲངས། སློབ་མའི་གནས་གསུམ་དུ་བསྟིམ། མཆོད་པ་རྣམ་ལྔ་བྱིན་གྱིས་བརླབས་ཏེ། སོ་སོའི་སྔགས་དང་ཕྱག་རྒྱས་ཕུལ་བའི་མཐར། །དུས་འདི་ནས་ནི་བཟུང་ནས་སུ། །འཁོར་བའི་ཉེས་པ་མ་གོས་པར། །མཆོད་པ་ཀུན་དང་ལྡན་པ་ཡི། །དུས་ཀུན་དུ་ནི་དགེ་བར་མནོས། །ཞེས་བརྗོད། ཡང་སློབ་མ་རྣམས་ཀྱིས་རང་གི་གནས་གསུམ་གྱི་རྡོ་རྗེ་གསུམ་ལ་གསོལ་བ་འདེབས་པ་འདིའི་རྗེས་ཟློས་བྱེད་དུ་འཇུག་སྟེ། །ཨོཾ་སྐུ་ནི་རྡོ་རྗེ་སྐུ་ཡི་མཆོག །

[Full Size]

ཡེ་ཤེས་དང་ལྡན་གཏི་མུག་སེལ། །བཅོམ་ལྡན་གཙོ་བོ་སྐུ་རྡོ་རྗེ། །སྐུ་ཡི་རྡོ་རྗེར་ཕྱག་འཚལ་ལོ། །ཞེས་གསོལ་བ་བཏབ་པས། །སྐུ་རྡོ་རྗེ་སློབ་མའི་ལུས་ལ་ཐིམ་པས། ལུས་སྐུ་རྡོ་རྗེའི་ངོ་བོར་གྱུར་པར་མོས་ལ། ཨོཾ་སརྦ་ཏ་ཐཱ་ག་ཏ་ཀཱ་ཡ་བཛྲ་སྭ་བྷཱ་ཝ་ཨཏྨ་ཀོ྅་ཧཾ། ཞེས་ང་རྒྱལ་འཛིན་དུ་འཇུག །དེ་བཞིན་དུ། །གསུང་གི་རྡོ་རྗེ་གསུང་གི་མཆོག །སོ་སོར་རྟོག་པས་འདོད་ཆགས་འཇོམས། །བཅོམ་ལྡན་གཙོ་བོ་གསུང་རྡོ་རྗེ། །གསུང་གི་རྡོ་རྗེར་ཕྱག་འཚལ་ལོ། །ཞེས་གསོལ་བ་བཏབ་པས། གསུང་རྡོ་རྗེ་སློབ་མའི་ངག་ལ་ཐིམ་པས། །ངག་གསུང་རྡོ་རྗེའི་ངོ་བོར་གྱུར་པར་མོས་ལ། ཨོཾ་སརྦ་ཏ་ཐཱ་ག་ཏ་ཝཱ་ཀ་བཛྲ་སྭ་བྷཱ་ཝ་ཨཏྨ་ཀོ྅་ཧཾ། དེ་བཞིན་དུ། །ཐུགས་ཀྱི་རྡོ་རྗེ་ཐུགས་དམ་བསྐུལ། །དག་པའི་རང་བཞིན་ཞེ་སྡང་སྦྱོང་། །བཅོམ་ལྡན་གཙོ་བོ་ཐུགས་རྡོ་རྗེ། །

[Full Size]

ཐུགས་ཀྱི་རྡོ་རྗེར་ཕྱག་འཚལ་ལོ། །ཞེས་གསོལ་བ་བཏབ་པས། ཐུགས་རྡོ་རྗེ་སློབ་མའི་ཡིད་ལ་ཐིམ་པས། ཡིད་ཐུགས་རྡོ་རྗེའི་ངོ་བོར་གྱུར་པར་མོས་ལ། ཨོཾ་སརྦ་ཏ་ཐཱ་ག་ཏ་ཙིཏྟ་བཛྲ་སྭ་བྷཱ་ཝ་ཨཏྨ་ཀོ྅་ཧཾ། ཨོཾ་སུ་པྲ་ཏིཥྛ་བཛྲེ་སྭཱ་ཧཱ། །ཞེས་མེ་ཏོག་འཐོར་ཅིང་བརྟན་པར་ཡང་བྱའོ། །བཅུ་གཉིས་པ་ནི། བ་ལྕིའི་མཎྜལ་ཐིག་བཞིས་ལེའུ་ཚེ་དགུར་བགོས་པ་ཞིག་བྱས་ལ། བྱང་ཆུབ་ཀྱི་ཤིང་དུ་མོས་པའི་སོ་ཤིང་ཨཱ་ཁཾ་ཝི་ར་ཧཱུྃ་ཞེས་བརྗོད་པས་སློབ་མའི་ལག་ཏུ་གཏད་ལ། འཆའ་བའི་ཚུལ་བགྱིས་པས་སྡིག་སྒྲིབ་ཐམས་ཅད་སྐྱུགས་པར་བསམ་ཞིང་། ཨོཾ་ཨཱཿཁཾ་ཝཱི་ར་ཧཱུྃ་ཞེས་སོ་ཤིང་གི་རྭ་བར་འདོར་དུ་གཞུག་གོ། །ལྟས་བརྟག་པ་སྤྱི་དང་འདྲ། བཅུ་གསུམ་པ་ནི། ཧཱུྃ་ལས་བྱུང་བའི་སྲུང་སྐུད་མདུད་པ་གསུམ་ལ་ཨོཾ་ཨཱཿཧཱུྃ་ཡོངས་སུ་གྱུར་པ་ལས། སྐུ་གསུང་ཐུགས་རྡོ་རྗེའི་ལྷ་གསུམ། སློབ་དཔོན་གྱི་སྙིང་གའི་ཧཱུྃ་ལས་འོད་འཕྲོས། སངས་རྒྱས་ཐམས་ཅད་ཀྱི་ཐུགས་ཀ་ནས། ཡེ་ཤེས་

[Full Size]

ཀྱི་སྲད་བུ་རྡོ་རྗེ་གསུམ་དང་བཅས་པ་བཛྲ་ས་མཱ་ཛཿ ཛཿཧཱུྃ་བཾ་ཧོཿ ལྷ་གསུམ་ཞུ་བ་ལས་མདུད་པའི་རྣམ་པར་གྱུར། སྐྱེས་པའི་དཔུང་པ་གཡོན་དང་། བུད་མེད་ཀྱི་གཡས་དང་། བྱིས་པའི་མགུལ་དུ་གདགས་སོ། །བཅུ་བཞི་པ་ནི། །ཨོཾ་ཧྲཱིཿབི་ཤུདྡྷ་དྷརྨ་སརྦ་པ་པཾ་ནི་ཤྩ་ཨ་སྱ་ཤོ་དྷ་ཡ་སརྦ་བི་ཀཝཱན་ཨ་པཱ་ན་ཡ་ཧཱུྃ། ཞེས་ལན་གསུམ་གྱིས་ཁྱོར་ཆུ་བྱིན། བཅོ་ལྔ་པ་ནི། དྷཱིཿལས་བྱུང་བའི་ཀུ་ཤ། ཨོཾ་ཨཱཿབཛྲ་ཧྷྲྀཀ་ཧཱུྃ་ཞེས། ལག་པ་གཡས་སུ་བྱིན་ཏེ་སྔས་ཀྱི་དོན་དང་། ཧཱ་ལས་བྱུང་བའི་ཀུ་ཤ་ཨོཾ་ཨཱཿཁཾ་ཝཱི་ར་ཧཱུྃ་ཞེས། ལག་པ་གཡོན་དུ་སྦྱིན་ཏེ་སྟན་གྱི་དོན་ཏོ། །བཅུ་དྲུག་པ་ནི། །འཇིག་རྟེན་དུ་ནི་ཀུན་མཁྱེན་རྣམས། །ཨུ་དུམ་ཝ་རའི་མེ་ཏོག་བཞིན། །བརྒྱ་ལམ་ན་ནི་རེས་འགའ་ཞིག །འབྱུང་འགྱུར་ཡང་ནི་མི་འབྱུང་ངོ་། །གསང་སྔགས་སྤྱོད་པའི་ཚུལ་འབྱུང་བ། །དེ་བས་ཀྱང་

[Full Size]

ཀྱང་ནི་དཀོན་པ་སྟེ། །གཉིས་མེད་ཟབ་མོའི་སྤྱོད་ཚུལ་ནི། །སེམས་ཅན་ཐམས་ཅད་སངས་རྒྱས་བྱེད། །གང་གི་བསྐལ་པ་གྲངས་མེད་དུ། །འཚམས་མེད་སྡིག་པ་བྱས་པ་ཡང་། །དེ་ཀུན་གྱིས་ནི་དཀྱིལ་འཁོར་འདི། །མཐོང་བས་སྡིག་པ་བྱང་འགྱུར་ན། །གྲགས་པ་མཐའ་ཡས་སྔགས་སྤྱོད་པའི། །ཚུལ་ལ་གནས་ན་སྨོས་ཅི་དགོས། །གང་གི་བསྐལ་པ་བྱེ་བ་རུ། །བསོད་ནམས་ཡེ་ཤེས་ཚོགས་བསགས་ཀྱང་། །འདི་ནི་མཐོང་བ་ཤིན་ཏུ་དཀའ། །ལམ་མཆོག་འདི་ནི་དཔལ་དང་ལྡན། །ཐམས་ཅད་དེ་བཞིན་གཤེགས་ཉིད་འགྱུར། །ཐེག་མཆོག་འདི་ལ་དགའ་བར་གྱིས། །ཤེས་བརྗོད་ལ་དོན་བཤད། བཅུ་བདུན་པ་ནི། ནངས་པར་དཀྱིལ་འཁོར་ཆེན་པོ་མཐོང་བར་འགྱུར་བས་དགའ་བ་རྒྱ་ཆེན་པོ་གྱིས་ལ། ཀུ་ཤའི་གདན་ལ་སེང་གེའི་ཉལ་སྟབས་དང་དགེ་བའི་སེམས་ཀྱིས་ཉོལ་ཤིག །རྨི་

[Full Size]

ལམ་ཅི་མཐོང་བ་དེ་ཡང་ནངས་པར་ང་ལ་ལེགས་པར་སྨྲོས་ཤིག །ཅེས་བརྗོད་ལ་སློབ་མ་རྣམས་རང་གནས་སུ་བཏང་ངོ་། །གསུམ་པ་ནི། སྟ་གོན་གྱི་དཀྱིལ་འཁོར་ནམ་མཁར་བཏེགས་པར་མོས་ལ། གཙོ་བོ་རྣམས་ཀྱི་སྙིང་པོའི་མཐར། ཨོཾ་བཛྲ་བེ་ག་ཨ་ཀྲ་མ་ཧོ་ཞེས་པའི་སྔགས་དང་ཕྱག་རྒྱ་ལྷ་གྲངས་དང་མཉམ་པར་སྦྱར་བས་ནམ་མཁར་བཞུགས་པར་བསམ་ལ། ལས་ཐམས་ཅད་པའི་སྔགས་དང་བུམ་ཆུས་མཐའ་ནས་བསྐོར་ཏེ་ཕྱོགས་གཅིངས་པར་བསམ། ཨརྒྷཾ་ནས་ཤཔྡའི་བར་གྱིས་མཆོད། ཐུན་མོང་དུ་འབྲུ་གསུམ་གྱིས་ནང་མཆོད་ཕུལ། ཨ་ནུ་རཱ་གའི་སྔགས་ཀྱིས་གསང་མཆོད་ཀྱང་ཕུལ། མངོན་རྟོགས་ལྟར་བསྟོད་པས་བསྟོད། སྐབས་འདིར་རྡོ་རྗེ་གདན་པའི་དཀྱིལ་ཆོག་དང་། དངུལ་གདོང་མ་གཉིས་ཆར་ན། གསོལ་གདབ་རྒྱས་པར་བྱེད་པར་བཤད་ནའང་། སྔར་གོང་དུ་སྙན་མནན་པ་བྱས་ཟིན་ན་ལན་གཉིས་སུ་མི་དགོས་པས། གོང་དུ་བྱེད་པ་དང་། འདིར་བྱེད་པར་འདམ་ཀར་དགོངས་པ་ཡིན་ནོ། །འོན་ཀྱང་དངུལ་གདོང་མ་ལས་བྱུང་བའི་གསོལ་བཏབ་བསྡུས་པ་འདི་བྱ་སྟེ། བདུག་

[Full Size]

སྤོས་འཐུལ་བཞིན་དུ་སྤོས་ཕོར་ཐོགས་ནས། །མ་ལུས་ཕྱོགས་བཅུར་བཞུགས་པ་ཡི། །སངས་རྒྱས་བདག་ལ་དགོངས་སུ་གསོལ། །བདག་མིང་འདི་ཞེས་བགྱི་བ་ཡིས། །རྡོ་རྗེ་ཅན་གྱི་དཀྱིལ་འཁོར་འབྲི། །སངས་རྒྱས་ལ་སོགས་ཀུན་འབྱོན་འཚལ། །དངོས་གྲུབ་འདིར་ནི་ཡང་དག་སྩོལ། །ཞེས་ལན་གསུམ། འདིར་མཆོད་པ་རྒྱུན་མི་ཆད་པར་འབུལ་ན། ལྷགས་གནས་ཀྱི་ནངས་པར་བྱ་བ་ཡིན་ནའང་། མཆོད་པ་དེ་བཞིན་མི་འགྲུབ་ན་ལྷག་གནས་ཀྱི་འཇུག་ཉིད་དུ་བྱེད་པ་དེང་སང་གི་ལག་ལེན་ཉིད་ལེགས་སོ། །ལྔ་པ་ལ་ཐིག་གདབ་པ། ཚོན་གྱིས་འདྲི་བ། རྒྱན་དགོད་པའོ། །དང་པོ་ལ། ལས་ཐིག་གདབ་པ་དང་། ཡེ་ཤེས་ཀྱི་ཐིག་གིས་བྱིན་གྱིས་བརླབས་པའི་ལུགས་ཀྱང་ཡོད་མོད་ཀྱི། དཀྱིལ་ཆོག་གཉིས་ཆར་གྱི་དགོངས་པ་ཡེ་ཤེས་ཀྱི་ཐིག་གདབ་པའི་རྗེས་སུ་ལས་ཐིག་གི་ཆ་འབྱེད་པ་ཉིད་ཡིན་ནོ། །དེ་ཡང་འདི་ལྟར་ཐིག་སྐུད་བསང་སྦྱང་། སྟོང་པའི་ངང་ལས། ཐིག་སྐུད་ཀྱི་གནས་དང་ནམ་མཁའི་ལྷ་ཚོགས་རྣམས་

[Full Size]

ཀྱི་ཐུགས་ཀར་བྷྲཱུྃ་ཨཱཾཿཛིཾ་ཁཾ་ཧཱུྃ་ལས་འོད་འཕྲོས། འཕགས་པ་མཆོད། སེམས་ཅན་གྱི་དོན་བྱས་ཏེ་ཐིམ། ཧཱུྃ་ལས་ཐིག་སྐུད་ནག་པོ་མི་བསྐྱོད་པ་སྐུ་མདོག་ནག་པོ་རྡོ་རྗེ་དང་དྲིལ་བུ་འཛིན་པ་ལ། ཡུམ་མ་མ་ཀིས་འཁྱུད་པ། བྷྲཱུཾ་ལས་ཐིག་སྐུད་དཀར་པོ་རྣཾ་སྣང་དཀར་པོ་འཁོར་ལོ་དང་དྲིལ་བུ་འཛིན་པ་ལ། ཡུམ་སངས་རྒྱས་སྤྱན་མས་འཁྱུད་པ། ཨཾཿལས་ཐིག་སྐུད་སེར་པོ་རིན་ཆེན་འབྱུང་ལྡན་སེར་པོ་ནོར་བུ་དང་དྲིལ་བུ་འཛིན་པ། ཡུཾ་རིན་ཆེན་སྒྲོལ་མས་འཁྱུད་པ། ཛིཾ་ལས་ཐིག་སྐུད་དམར་པོ་འོད་དཔག་མེད་དམར་པོ་པདྨ་དང་དྲིལ་བུ་འཛིན་པ་ལ། ཡུཾ་གོས་དཀོར་མོས༴ །ཁཾ་ལས་ཐིག་སྐུད་ལྗང་གུ་དོན་ཡོད་གྲུབ་པ་ལྗང་གུ་རལ་གྲི་དང་དྲིལ་བུ་འཛིན་པ་ལ། ཡུམ་དམ་ཚིག་སྒྲོལ་མས༴ །ཡབ་ལྔ་རྡོ་རྗེའི་སྐྱིལ་ཀྲུང་གིས་བཞུགས་ཤིང་། ཡུམ་ལྔ་ཡབ་དང་མཚུངས་པ་ལས་པདྨའི་སྐྱིལ་ཀྲུང་ཅན། །ཐམས་ཅད་

[Full Size]

ཀྱང་དར་དང་རིན་པོ་ཆེའི་རྒྱན་གྱིས་བརྒྱན་པའོ། །དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། ཨརྒྷཾ་ནས་ཤཔྡའི་བར་ལན་གཉིས་ཀྱིས་མཆོད། དེ་ཉིད་ལྔ་པ་ཚར་གཅིག་གིས་བསྟོད། ལྷ་ལྔ་ཞུ་བ་ལས་བྱུང་བའི་ཐིག་སྐུད་དུ་གྱུར། ཐིག་སྐུད་སྒྲིལ་བཞིན་དུ། ཨོཾ་ཨ་ནྱོ་ནྱ། ཨ་ནུ་ག་ཏ། སརྦ་དྷརྨ་པ་ར་སྥ་ར། ཨ་ནུ་པྲ་པྲྀྚ་སརྦ་དྷརྨ་ཨཱདྱནྟ། ཨ་ནུ་པྲ་པྲྀྚ་སརྦ་དྷརྨ་ཧཱུྃ། ཞེས་ལན་མང་དུ་བཟླས་ལ། ཛཿ ཞེས་བརྗོད་པས་ནམ་མཁའི་ལྷ་རྣམས་ཀྱི་ཐུགས་ཀ་ནས་ཡེ་ཤེས་ཀྱི་ཐིག་སྐུད་སྤྱན་དྲངས་ཏེ་ཐིག་སྐུད་ལ་ཐིམ། ཛཿཧཱུྃ་བཾ་ཧོཿ ཞེས་ལན་ལྔ་བརྗོད། སློབ་དཔོན་ནུབ་དང་སློབ་མ་ཤར་དུ་གནས། ཛྫ་ཛྫ་ཛྫ། ཞེས་ཐིག་སྐུད་གཏད་ཅིང་ཐིག་སྣ་དྲངས། ཨོཾ་བཛྲ་ས་མ་ཡ་སཱུ་ཏྲ་མ་ཏི་ཀྲ་མ་ཧཱུྃ། ཞེས་ལན་མང་དུ་བཟླས་ལ། སློབ་དཔོན་གྱི་རྡོ་རྗེ་དང་བཅས་པའི་ལག་གཡས་ཀྱིས་སྟེང་དང་འོག་ཏུ་ཐིག་བཏབ་པས། སེམས་ཅན་དོན་དུ་ཁྱེད་རྣམས་

[Full Size]

ཀྱིས། །དུས་ཡིན་དེ་རིང་འདིར་སྦྱོན་ཅིག །ཅེས་པའི་སྒྲ་བྱུང་ནས་སངས་རྒྱས་ཐམས་ཅད་སྤྱན་དྲངས་ནས་ཐིག་ལ་ཐིམ། ཞེས་པ་ཐིག་ཆེན་བརྒྱད་ཀ་ལ་སྦྱར་ལ། །ཤར་ནུབ་ཁ་བལྟས་ཚངས་ཐིག་དང་པོ་བཏབ། །ལྷོ་བྱང་ཁ་བལྟས་གཉིས་པ་བཏབ་པར་བྱ། །མེ་དང་དབང་ལྡན་ནས་ནི་ཤར་ཐིག་བཏབ། །རླུང་དང་སྲིན་པོ་ནས་ནི་ནུབ་ཐིག་བཏབ། །རླུང་དང་དབང་ལྡན་ནས་ནི་བྱང་ཐིག་བཏབ། །མེར་གནས་སྲིན་པོ་ནས་ནི་ལྷོ་ཐིག་བཏབ། །མེ་རླུང་གཉིས་ནས་ལོགས་ཐིག་དང་པོ་བཏང་། །སྲིན་དབང་གནས་པས་ལོགས་ཐིག་གཉིས་པ་བཏབ། །གཉིས་གཉིས་སྦྱར་བའི་དང་པོ་སློབ་དཔོན་གནས། །ཕྱི་མ་སློབ་མའི་གནས་སུ་ཤེས་པར་བྱ། །གཡས་སྐོར་དང་ནི་རྒྱབ་འགྲོས་བྱེད་པ་དང་། །ཕྱོགས་རྣམས་མ་འཁྲུལ་བ་ནི་ངེས་པར་བྱ། །དེ་མ་ཐག་ཡེ་ཐིག་ལ་གོང་བཞིན་མཆོད་བསྟོད་བྱ་སྟེ། །ཡེ་ཤེས་པ་གཤེགས། ཐིག་སྐུད་དེ་ཉིད་ཀྱི་ལས་ཐིག་གདབ་པར་བྱ་སྟེ། དབུས་སུ་ཕུར་བུ་བཏབ་ལ། དེ་ཉིད་དུ་ཕྱུང་སྟེ་ཕུར་ཁུང་

[Full Size]

བྱའོ། །བྱ་རྗེས་བཙལ་ལ་ལས་ཐིག་གིས་ཐིག་ཆེན་བརྒྱད་རློན་ཐིག་ཏུ་བཏབ། དེ་ནས་སྐམ་ཐིག་ཐིག་རིང་དུ་བཏབ་ན་ལེགས་ཤིང་། མིན་ནའང་ཆ་བཅུ་དྲུག་ཏུ་བགོ་བའི་བར་སྐམ་ཐིག་ཏུ་བཏབ། དེ་ཕྱིན་ཆད་ཐིག་ཐུང་དུ་བཏབ་པས་རུང་ངོ། །དེ་ཡང་། ལྟེ་བ་ནས་རྩ་ཐིག་གི་བར་ཉིས་འགྱུར་དུ་བྱ་རྗེས་བྱས་ལ། རྟ་བབས་ཀྱི་རྩེ་མོའི་ལོགས་ཐིག་བྱའོ། །དེ་ཉིད་ལོགས་གཏུབ་གསུམ་བྱས་ལ་ཆ་བཅུ་དྲུག་ཏུ་བགོའོ། །དེ་ལ་ཐོག་མར་གཞི་དཀྱིལ་གྱི་ཐིག་བྱས་ལ། དེའི་འོག་ཏུ་དབུས་ཀྱི་ཕོ་བྲང་ལྔ་པོའི་ཐིག་གདབ་བོ། །འདི་ལ་རྟ་བབས་ནི་སྣམ་བུ་བཅུ་གཅིག་སྒོ་ཚད་གསུམ་མའམ། ཡང་ན་སྒོ་ཚད་གཉིས་མ་རྟ་བབས་རྒྱན་ལྡན་དུ་གྲགས་པ་བྱ་ཡི། སྒོ་ཚད་གཅིག་མ་དང་། སྣམ་བུ་བཞི་མ་ནི་བརྒྱུད་པ་འདིའི་ལུགས་ལ་ནམ་ཡང་མེད་དོ། །སྣམ་བུ་བཅུ་གཅིག་མ་ལ་ཡང་གཉིས་མཉམ་དགུ་མཉམ་ཁོ་ན་མཛད་ཀྱིན་སྣང་ལ། སློབ་དཔོན་གཞན་རྣམས་ཀྱི་བཞེད་པ་རྟ་བབས་རྒྱན་ཅན་ཡིན་ཅིང་། རྡོ་རྗེ་གདན་པའི་བཞེད་པ་ནི་བཅུ་གཅིག་མའོ། །ཞེས་གསུངས་ལ། ཨ་དྷ་ཡཱ་ཀ་རའི་བཞེད་པ་

[Full Size]

སྣམ་བུ་བཅུ་གཅིག་མ་ཡང་རྡོ་རྗེ་གདན་པ་ཆེ་ཆུང་ནས་བརྒྱུད་པའི་མན་ངག་ཡིན་པར་ཕྲེང་བ་ཉིད་ནས་བཤད་པ་སོགས་གུང་མཐུན་ནོ། །གཞི་དཀྱིལ་གྱི་ནང་དུ་རྡོ་རྗེའི་རྭ་བ་ཟླུམ་པོ་ལིང་ཚེ་དགུ་དང་བཅས་པ་བྱེད་པ་རྡོ་རྗེ་གདན་པའི་དཀྱིལ་ཆོག་ལས་གསལ་ཞིང་། དངུལ་གདོང་མ་ལས་ནི། རྡོ་རྗེའི་རྭ་བ་དང་། དུར་ཁྲོད་བརྒྱད་མེ་རི་དང་བཅས་པ་ཡང་འདྲི་བར་མཛད་པ་ནི། གཞི་དཀྱིལ་མེད་པར་ཁྱམས་ལིང་ཚེ་དགུ་པའི་ནང་དུ་དཀྱིལ་འཁོར་ལྔ་པོ་རྟ་བབས་ཅན་རེ་མཛད་པའི་ལུགས་སུ་མངོན་ནོ། །འོན་ཀྱང་དེང་སང་ལག་ལེན་ལ། གཞི་དཀྱིལ་གྱི་ནང་དུ། རྡོ་རྗེའི་ཕྲེང་བའང་མི་བྱེད་པ་ཤས་ཆེ་བར་ལག་ལེན་གདམ་པ་ཡིན་པར་ཤེས་པར་བྱའོ། །གང་ནའང་གཞི་དཀྱིལ་གྱི་རྩ་ཐིག་ནང་དུ་ཆ་ཆུང་གཉིས་དེའི་ལྷ་སྣམ་གྱི་སར་འཇོག་པ་རྡོ་རྗེའི་རྭ་བ་ཡོད་པའི་ལུགས་དང་། ལྷ་སྣམ་ཅུང་ཟད་ཡོད་ཀྱང་ནང་གི་དཀྱིལ་འཁོར་གྱི་ཕ་གུ་དྲྭ་ཕྱེད་ཤར་བུ་མདའ་ཡབ་རྣམས་ཀྱིས་སྒྲིབ་པའི་ཕྱིར། ནང་མའི་མདའ་ཡབ་དང་བཅས་རྩ་ཐིག་གི་བར་དུ་མ་འབྲེལ་ཙམ་གྱི་བར་སྣང་མ་གཏོགས་མེད་པར་བྱེད་པ་རྡོ་རྗེའི་ཕྲེང་བ་མི་བྱེད་པའི་ལུགས་

[Full Size]

གཉིས་ཤེས་པར་བྱས་ནས། ཐིག་བཞིས་དབུས་ཀྱི་ལིང་ཚེ་དགུ་བགོས་ལ། དབུས་དང་ཕྱོགས་བཞིར་དཀྱིལ་འཁོར་ལྔ་སོ་སོའི་ཐིག་རྣམས་བཏབ་བོ། །དེ་ཡང་འདི་ལྟར། དབུས་སུ་མཚན་མ་ལེགས་བཏབ་ནས། །ཤར་ནུབ་ཚངས་ཐིག་དྲང་པོར་བཏབ། །རིམ་པར་བྱ་རྗེས་བཙལ་ནས་ནི། །ཚངས་ཐིག་གཉིས་ལ་ཟུར་ཐིག་གཉིས། །ལོགས་གཏུབ་གསུམ་གྱི་ཆ་བཅུ་དྲུག །རྟ་བབས་སྒོ་ཚད་གསུམ་མ་ལ། །ཕྱི་རུ་ཆ་ཆེན་རེ་རེ་བསྣན། །འདིར་ནི་ཐུན་མོང་མིན་པའི་ཕྱིར། །སྒོ་ཚད་གཉིས་མའི་དབང་དུ་བྱ། །དང་པོ་གཉིས་པ་ཆ་ཆེན་བཞིར་བགོ། །གསུམ་པའི་ནང་དུ་ཆ་ཆུང་གཅིག །བཞི་པ་རང་སར་བཞག་པར་བྱ། །ལྔ་པ་དབུས་དོར་མཐའ་གཉིས་གདབ། །དྲུག་པ་ཕྱེད་གདབ་ཕྱི་མ་གདབ། །བདུན་པ་བརྒྱད་པ་ཆ་བཞིར་བགོ། །གསུམ་པའི་ཕྱེད་དུ་གདབ་བྱ་བ། །འདི་ནི་བདུན་པ་བརྒྱད་པ་ལ། །ཐིག་ཐུང་གདབ་པར་བྱ་བ་ཉིད། །བཅུ་གཅིག་རྩ་བའི་ཐིག་ཡིན་ཏེ། །ཐིག་ཆེན་བརྒྱད་ཀྱི་ལོགས་ཐིག་གོ། །བཅུ་བདུན་པ་ནི་མདའ་ཡབ་ཐིག །དེ་གཉིས་ཟུར་ནས་ཟུར་དུའོ། །རྩ་བའི་ཐིག་ལས་ཕྱི་རོལ་དུ། །ཟུར་ནས་ངོས་སུ་ཐིག་ལྔ་ལས། །དང་པོ་གསུམ་པར་རེག་པར་བྱ། །ལྷག་མ་བཞི་ནི་དགུ་པར་རེག །ཚངས་ཐིག་ངོས་ལས་ཐིག་གཉིས་པ། །

[Full Size]

རྩ་ཐིག་ནས་ནི་བཅུ་བཞིའི་བར། །དེ་ནས་ངོས་སུ་བཞི་པའི་བར། །སྟེང་དུ་བཅོ་ལྔ་པ་ལ་རེག །རྩེ་ནས་རྩེ་རུ་བཅོ་ལྔ་པ། །ཚངས་ལས་གསུམ་པ་བཅུ་གཉིས་ནས། །བཅུ་གསུམ་པ་ཡི་བར་དུའོ། །དེ་ནས་ངོས་སུ་ལྔ་ཡའི་བར། །སྟེང་དུ་བཅུ་དྲུག་པ་ལ་རེག །རྩེ་ནས་རྩེ་རུ་བཅུ་དྲུག་པ། །ཚངས་ལས་དྲུག་བདུན་བརྒྱད་དགུ་རྣམས། །བཅུ་གཉིས་བཅུ་བདུན་བར་དུའོ། །རྟ་བབས་རྒྱན་ལྡན་ཞེས་བྱ་བ། །སྒོ་ཚད་གཉིས་མ་ཡིན་པར་བཤད། །པདྨ་ཟླ་བ་གདུང་སྣམ་དང་། །ཉི་མ་པདྨ་བྲེ་གདན་དང་། །བྲེ་དང་པདྨ་ཞེས་བྱ་བརྒྱད། །རྟ་བབས་སྣམ་བུའི་གྲངས་སུ་འདོད། །ཚངས་ལས་གཡས་གཡོན་དང་པོའི་ཐིག །བཅུ་དགུ་པ་དང་འཛོམ་ས་ནས། །ཆ་ཆུང་གཉིས་གཉིས་གཡས་གཡོན་བསྐོར། །དེ་ཡི་སྣེ་ནས་ཆ་ཆུང་རེ། །བསྐོར་ཏེ་མདའ་ཡབ་ལ་རེག་བྱ། །དེ་ནང་ཆ་ཆུང་ཕྱེད་ཀྱིས་བསྐོར། །གླང་རྒྱབ་དབུས་བསྣོལ་མིག་གསུམ་འགྲུབ། །སྣམ་བུ་དང་པོའི་འོག་གི་ནི། །གདུང་སྣ་དགུ་པའི་གཡས་གཡོན་དུ། །ཆ་ཆུང་ར་རེས་རིང་བའོ། །ཚངས་ལས་བརྒྱད་ནས་དགུ་པའི་བར། །པད་སྣམ་དང་པོ་བཅད་པར་བྱ། །སྣམ་བུ་

[Full Size]

གཉིས་པ་དྲུག་སྟེང་བཅད། །སྣམ་བུ་གསུམ་པ་བརྒྱད་པའོ། །འདི་ལ་སྟེང་དང་འོག་དག་ཏུ། །ཅུང་ཟད་བཞག་ནས་དབུས་སུ་གཅོད། །བཞི་པ་བཞི་ནས་བཅད་པར་བྱ། །ལྔ་པ་དྲུག་ནས་ལྔ་ཡི་བར། །དྲུག་པ་གཉིས་ནས་གསུམ་གྱི་བར། །སྟེང་དུ་རྒྱས་པའི་ཚུལ་གྱི་བཅད། །བདུན་པ་གཉིས་པའི་སྟེང་ནས་བཅད། །བརྒྱད་པ་གསུམ་ནས་གཉིས་སུ་བཅད། །དང་པོ་ལྔ་པ་བརྒྱད་པ་གསུམ། །པདྨ་ཡིན་ནོ་ཐམས་ཅད་ལ། །འོག་ཏུ་ཆ་ཆུང་གསུམ་ཆའི་གདུང་། །སྟེང་དུའང་པད་ཁེབས་དེ་དང་མཉམ། །ནང་དུ་བསྐོར་ཐིག་ལ་རེག་གདག །གསུམ་པ་ལ་ཡང་སྟེང་འོག་ཏུ། །གདུང་ཁེབས་གདུང་གདན་གཉིས་ཀྱི་ཐིག །གདབ་བོ་ཞེང་དུ་ཐིག་གཉིས་སོ། །སོ་གསུམ་གཉིས་ནས་གཉིས་ཀྱི་བར། །སུམ་ཅུ་གསུམ་ནས་གསུམ་གྱི་བར། །ཉེར་དགུའང་གསུམ་ནས་གསུམ་པར་རོ། །ཉེར་བརྒྱད་ལྔ་ནས་ལྔ་ཡི་བར། །ཉེར་ལྔ་དྲུག་ནས་དྲུག་གི་བར། །ཉེར་བཞི་ཉེར་གཅིག་གཉིས་པོ་ནི། །བདུན་དང་བརྒྱད་ཀྱི་དབུས་སུ་བཟུང་། །ཉི་ཤུ་པ་ནི་བརྒྱད་པར་རེག །དེ་རྗེས་པདྨ་ཕྱི་མ་ནི། །

[Full Size]

གཉིས་ཀྱི་པད་ཁེབས་རྩེ་མོ་ལ། །ཁ་པད་ཟེའུ་འབྲུའི་རྣམ་པ་འབྲི། །གདུང་གདན་གྱི་ནི་ནང་ཐིག་དང་། །ཚངས་ལས་གཉིས་པ་འཛོམ་ས་ནས། །ཆ་ཆུང་དྲུག་གི་ནང་རྭ་བསྐོར། །གདུང་ཁེབས་ཀྱི་ནི་ནང་ཐིག་དང་། །ཚངས་ཕྱིར་བཞི་པ་འཛོམ་པ་ནས། །སྔ་མའི་ཚད་ཀྱི་ཕྱི་རྭ་བསྐོར། །སྦགས་རྭ་ལ་སོགས་འདིར་མི་བཞེད། །དབུས་ཀྱི་རྡོ་རྗེའི་རྭ་རྩེ་ནི། །དཀྱུས་སུ་ཆ་ཆེན་གཅིག་ཡིན་ལ། །ཚངས་ལས་གཡས་གཡོན་ཆ་ཆུང་ནི། །ཕྱེད་དང་གཉིས་གཉིས་རྩ་བའི་ཞེང་། །རྩེ་མོའི་ཚད་ལ་ངེས་པ་མེད། །འོན་ཀྱང་རྣོན་པོར་བྱའོ་གསུང་། །དབུས་ཀྱི་རྭ་རྩེའི་ཕྱི་རོལ་དུ། །ཁྱམས་ཐིག་པད་ཐིག་དུར་ཁྲོད་ཐིག །རྡོ་རྗེའི་ཐིག་དང་འོད་ཐིག་སྟེ། །སྐོར་ཐིག་ལྔ་པོ་རིམ་བཞིན་བསྐོར། །དེ་རྣམས་ཚད་ནི་སྤྱི་དང་འདྲ། །རྩ་བའི་ཐིག་གི་ནང་ངོས་སུ། །ཆ་ཆུང་རེ་རེ་ཡོང་བོར་བ། །ནང་གི་ཐིག་ཏུ་འགྱུར་བ་སྟེ། །ཚང་ལས་གཡས་གཡོན་ཆ་ཆུང་ལྔ། །བོར་བར་ཐིག་དང་དྲུག་པར་ཐིག །བསྣོལ་མར་བཏབ་པས་ནང་གི་ནི། །དཀྱིལ་འཁོར་ལྔ་ཡི་ས་ཆ་འབྱུང་། །

[Full Size]

ཕྱོགས་བཞིའི་དཀྱིལ་འཁོར་བཞི་པོ་ལ། །ཆ་ཆུང་ཕྱེད་རེ་གཡས་གཡོན་ཕྲི། །ནང་གི་དཀྱིལ་འཁོར་ལྔ་པོ་ནི། །རེ་རེ་ལ་ཡང་ཚངས་ཟུར་གྱིས། །ཐིག་བཞི་བཏབ་ནས་དེ་རྗེས་ལ། །ཟུར་ཐིག་སྟེང་ནས་གསུམ་གཏུབས་ཀྱི། །ཆ་ནི་གསུམ་གསུམ་བགོ་བར་བྱ། །དེ་ལའང་གཉིས་གཉིས་ཕྱེ་ནས་ནི། །ལྔ་པ་དབུས་དོར་མཐའ་གཉིས་གདབ། །དྲུག་པ་ཕྱེད་གདབ་ཕྱི་མ་གདབ། །དང་པོ་ཕྱེད་གདབ་ཕྱི་མ་གདབ། །གཉིས་པའི་ནང་དུ་ཆ་ཆུང་གཅིག །བཏབ་པས་སྒོ་ཁང་འགྲུབ་པར་འགྱུར། །ཀ་བ་ཀ་རྒྱན་མུན་སྣམ་རྣམས། །དཀྱིལ་འཁོར་ནང་མ་རྣམས་ལ་མེད། །དེ་དག་མེད་ཕྱིར་རྟ་བབས་མེད། །དེ་རྣམས་སྤྱི་ཡི་མཚན་ཉིད་དོ། །དབུས་མ་དང་ནི་ནུབ་མ་ལ། །ལྷ་སྣམ་མི་འཇོག་ཟླུམ་ཐི་བསྐོར། །འདབ་བརྒྱད་པདྨའི་བཅུས་ཐིག་བཏབ། །ནུབ་མ་ལ་ནི་འོད་ཟེར་གྱི། །པ་ཊའི་ནང་དུ་རྡོ་རྗེའི་ཕྲེང་། །དེ་གཉིས་ཆ་ཆུང་རེ་རེའོ། །པདྨ་འང་མཉམ་གསུམ་བྱ་བ་ཡིན། །དབུས་ཀྱི་པདྨ་འདབ་བརྒྱད་ནི། །ལྟེ་བ་གཡས་གཡོན་ཆ་ཆེན་ནི། །

[Full Size]

ཕྱེད་དང་གཉིས་ཀྱི་མཚམས་ནས་བསྐོར། །དེ་ནས་ཟེའུ་འབྲུ་ཆ་ཆུང་གཅིག །དེ་ཡི་ཕྱི་རོལ་གཡས་གཡོན་དུ། །ཆ་ཆུང་བརྒྱད་ཀྱིས་འདབ་མ་བསྐོར། །ཕྱི་རུ་ཆ་ཆུང་གཅིག་འབྱུང་བ། །རྡོ་རྗེའི་ཕྲེང་བའི་ཐིག་ཡིན་ནོ། །འདི་ནི་ལྟེ་བ་ཆ་ཆེན་གསུམ། །འདབ་མ་ཆ་ཆེན་གཉིས་པའི་ལུགས། །གཞན་ལ་ཡོངས་སུ་གྲགས་ནའང་། །འདི་ཉིད་ཀྱི་ནི་རང་ལུགས་སོ། །དཀྱིལ་འཁོར་ཤར་དང་བྱང་མ་ལ། །རྩིག་པའི་ནང་དུ་ཆ་ཆེན་རེ། །ལྷ་རྣམ་ཚུལ་དུ་བཞག་ནས་ནི། །དབུས་སུ་ཟླུམ་བསྐོར་རེའུ་མིག་དགུ། །སྤྱི་དང་མཐུན་པར་གདབ་པ་ཡིན། །དེ་ཡང་བཞི་པ་ལ་རེག་པར། །རྡོ་རྗེའི་ཕྱི་ཐིག་བསྐོར་ནས་ནི། །དེ་ནང་ཆ་ཆུང་གཅིག་ཀྱང་བསྐོར། །ཚངས་ལས་གཡས་གཡོན་གསུམ་པ་དང་། །བཞི་པའི་གདུང་ཐིག་བསྣོལ་མར་གདབ། །དེས་ནི་རེའུ་མིག་དགུ་པར་འགྱུར། །ཤར་མ་ལས་ནི་འོད་ཟེར་གྱི། །ཕྲེང་བའི་དོན་དུ་རྡོ་རྗེའི་ཐིག །ཆ་ཆུང་གཅིག་པ་གཉིས་སུ་བགོ། །བྱང་མའི་ཕྱོགས་བཞིའི་རེ་མིག་ཏུ། །རྡོ་རྗེའི་རྭ་ཐིག་སྤྱི་དང་འདྲ། །ལྷོ་མའི་ནང་དུ་གདབ་བྱ་

[Full Size]

བ། །ལྟེ་བ་ནས་བཟུང་རྩ་ཐིག་བར། །ཆ་ཆུང་བཅུ་དྲུག་ལེགས་བགོས་ནས། །གཉིས་པའི་སྟེང་ནས་བསྐོར་བ་དང་། །ལྔ་དྲུག་བར་དང་དགུ་པ་དང་། །བཅུ་གཉིས་བཅུ་གསུམ་བར་དང་ནི། །བཅུ་དྲུག་པ་ནས་བསྐོར་ཏེ་ལྔ། །གཙོར་གནས་དང་ནི་འཁོར་ལོ་བཞིའི། །ཕྱི་ཐིག་ཡིན་པར་ཤེས་བྱ་སྟེ། །ཚངས་ཐིག་སྟེང་ནས་བསྐོར་བར་བྱ། །དང་པོའི་ཕྱི་དང་གཞན་རྣམས་ཀྱི། །ནང་དུ་ཆ་ཆུང་ཕྱེད་རེ་བསྐོར། །གེ་སར་དང་ནི་ཕྲེང་བའི་ཐིག། སྐོར་ཐིག་ལྔ་ཡི་བར་དག་ཏུ། །དང་པོར་གདབ་བརྒྱད་བཅུས་ཐིག་གདབ། །ཕྱི་རོལ་གྱི་ནི་བར་སྟོང་གསུམ། །འཁོར་ལོའི་རྩིབས་ཀྱི་ས་ཡིན་ཏེ། །དེ་ཡང་རྩིབས་དང་རྩིབ་ཅན་གཉིས། །གསུམ་གཉིས་གསུམ་ཆའོ་རྩེ་མོ་ནི། །རྩ་བའི་ཞེང་ལས་གཡས་གཡོན་དུ། །ཆ་ཆུང་རེ་རེས་ཕྲི་བར་བྱ། །ལྟེ་བའི་ཕྱོགས་ནི་རྩིབས་ཅན་ཏེ། །མུ་ཁྱུད་ཕྱོགས་ནི་རྩེ་མོའོ། །རྩིབས་རྣམས་ཀྱི་ནི་བར་བར་དུ། །ཞེང་དུ་ཆ་ཆུང་རེ་རེ་ཡི། །ཀ་བའི་ཐིག་ནི་གདབ་བྱ་སྟེ། །མུ་ཁྱུད་ནས་ནི་མུ་ཁྱུད་བར། །སྐོར་ཐིག་རྣམས་ལ་རིམ་པ་བཞིན། །ལྟེ་བ་འདབ་མ་འདབ་ཤུན་དང་། །

[Full Size]

མུ་ཁྱུད་རྩིབས་དང་མུ་ཁྱུད་དང་། །སླར་ཡང་རྩིབས་དང་མུ་ཁྱུད་ནི། །ལན་གཉིས་སུ་ནི་བརྗོད་པ་ཡིན། །འདིར་ནི་དེ་ཙམ་གྱིས་ཆོག་ལ། །ནང་གི་ཆ་ཤས་དབྱེ་བ་ཞིབ་མོ་དག་ནི། རྡུལ་ཚོན་གྱི་དཀྱིལ་འཁོར་ལ་བྲི་བར་དཀའ་ཞིང་། དེ་བཞིན་ཏུ་ཐིག་གདབ་པའང་དཀའོ། །དེའི་ཕྱིར་མི་མཁོ་བོས་མ་བྲིས་སོ། །གང་དག་བྲི་བའི་ལས་ཤིན་ཏུ་མཁས་པའམ། དཀྱིལ་འཁོར་གྱི་ཚད་པོར་འབྲི་བ་དང་། རས་བྲིས་ལ་སོགས་པ་དག་ལ་ནི། ནང་གི་ཆ་དབྱེ་བ་ཤིན་ཏུ་ཕྲ་བ་དག་ཀྱང་ཤེས་དགོས་ཏེ། འོན་ཀྱང་སོ་སོའི་དཀྱིལ་འཁོར་གྱི་ཆོ་ག་ལས་འབྱུང་བ་རྣམས་ཀྱིས་རིགས་འགྲེ་བའི་ཕྱིར་འདིར་མ་སྨོས་སོ། །དགྱེས་མཛད་དང་སྡོམ་པའི་དབུས་ཀྱི་པདྨའི་ཆ་ཚང་ནི་ལུགས་འདིའི་ཐུན་མོང་མ་ཡིན་པ་ཡིན་ཅིང་། ཀ་བ་ཀ་རྒྱན་རྩིགས་པའི་ཐིག་ལ་རེག་པ་ནི། རྒྱ་བལ་བོད་གསུམ་གྱི་སྔགས་པ་རྙིང་པ་གཞན་མང་པོ་ཞིག་ལ་ཡང་ཡོད་དོ། །དེ་བཞིན་ཏུ་རྟ་བབས་རྒྱན་ལྡན་ཡང་སྟེ། འདི་ནི་ཕྱིས་ཀྱི་རྒྱ་གར་བ་མང་པོ་ལ་ཡང་སྣང་ངོ་། །གཞན་ཡང་རྟ་བབ་ཚད་ཅན་དང་། ཚད་མེད་དུ་

[Full Size]

འདོད་པ་སྔོན་དུས་ཀྱི་རྡོ་རྗེ་འཛིན་པ་རྣམས་ལའང་ཅི་རིགས་སུ་ཡོད་ཅིང་། འཕགས་པའི་ཡུལ་དུ་ནི། སྔོན་ནི་ཚད་མེད་དུ་འདོད་པ་མང་ཞིང་། ཕྱིས་ནི་ཚད་ཅན་དུ་འདོད་པ་མང་སྟེ། དེ་ཡང་སྒོ་ཚད་གསུམ་མར་འདོད་པ་མང་ངོ། །འདིར་རྟ་བབས་སྣམ་བུ་བཅུ་གཅིག་མར་བྱེད་པའི་ཚེ་ཡང་། ཀ་བ་ཀ་ཆུང་བདུན་པ་དང་། མུན་སྣམ་འཁོར་མོ་དང་། ཟླ་ཕྱེད་རྡོ་རྗེ་ཡང་མུན་སྣམ་ལ་གནས་པ་དང་། འདོད་སྣམ་ཀ་བ་ལ་ཐུག་པ་ཙམ་བྱེད་པ་སོགས་གོང་དང་འདྲ་བར་བྱའོ། །ཞོར་ལ་འོངས་བ་སྟེ་སྤྲོས་པས་ཆོག་གོ། །གཉིས་པ་ནི། རྡུལ་ཚོན་རྣམས་བསང་སྦྱང་། ཐིག་སྐུད་ཞེས་པའི་གནས་སུ་རྡུལ་ཚོན་ཞེས་པ་མ་གཏོགས། མཆོད་བསྟོད། རིགས་ལྔ་ཞུ་བས་རྡུལ་ཚོན་དུ་བསྒྱུར་བའི་བར་ཐིག་སྐུད་སྐབས་དང་འདྲ། ཡི་གེ་འབྲུ་གསུམ་ལན་མང་དུ་བརྗོད་ཅིང་མཉེ། ཛཿཞེས་པ་ནས། ཛཿཧཱུྃ་བཾ་ཧོཿཞེས་པའི་བར་ཡང་གོང་བཞིན་ལས་འདོན་པ་སྤོ། ཨོཾ་བཛྲ་ཙི་ཏྲ་ས་མ་ཡ་ཧཱུྃ། ཞེས་ལན་མང་དུ་བཟླ། ཕུར་ཁུང་བཀང་། དབང་

[Full Size]

ལྡན་གྱི་རྩིག་པ་མཛུབ་གང་ཙམ་དུ་བྲིས་ཏེ། །འདི་ནི་ཆོས་དབྱིངས་དག་པ་སྟེ། །སེམས་ཅན་ཁམས་ནི་རབ་སྒྲོལ་བྱེད། །དཔལ་ལྡན་ཁྲག་འཐུང་རྒྱལ་པོ་ཉིད། །དེ་བཞིན་གཤེགས་པ་ཀུན་གྱི་གནས། །ཉེས་པ་ཀུན་ལས་རྣམ་གྲོལ་བ། །ཚོན་གྱི་ལས་ནི་ཡང་དག་བརྩམ། །ཞེས་བརྗོད། ཐོད་པ་སོགས་ཀྱིས་བཀབ་སྟེ། རྡོ་རྗེས་མནན། ཕྱིས་སྦྲེལ་རན་པ་ན་སྤྲེལ་ཏེ་ཚོན་སྣམ་བཀྲ་རྟག་གོ། །རྡུལ་ཚོན་རྣམས་གཡས་བསྐོར་དུ་དགྱེའོ། །དེ་ལ་ཚོན་གྱི་མཚན་ཉིད་ནི། །རྩིག་པ་ཁ་དོག་ལྔ་ཕྱི་ནང་མཐུན་པར་ནང་ནས་རིམ་བཞིན་སྔོ་ལྗང་དམར་སེར་དཀར་བའོ། །གཞལ་ཡས་ཁང་གི་ལྷ་སྣམ་རྣམས་ཐམས་ཅད་མཐུན་པར། ཤར་དཀར། ལྷོ་སེར། ནུབ་དམར། བྱང་ལྗང་བ་མངོན་རྟོགས་ལྟར་དགྱེས་མཛད་ཐོད་པ་ཅན་ལ་ལྷོ་དམར་ནུབ་སེར་བ། མ་ཧཱ་མཱ་ཡཱ་ལ་ཤར་སྔོ་ནུབ་དཀར་བ་མཛད་པའི་ལུགས་ཀྱང་ཡོད་པ་ཤིན་ཏུ་ལེགས་པར་ཡང་མངོན་ནོ། །འདོད་སྣམ་དམར་པོ། ཕ་གུ་སེར་པོ།

[Full Size]

དྲྭ་ཕྱེད་ཀྱི་གཞི་ནག་པོ། །དྲྭ་ཕྱེད་དཀར་པོ། དེ་ཡང་ཁ་ཕྱིར་བསྟན་པ་དང་། མེ་ཏོག་ཕྲེང་བ་དང་། དར་དཔྱངས་སོགས་མཛེས་ཚོན། ཤར་བུ་སྔོན་པོ། མདའ་ཡབ་དཀར་པོ། མུན་སྣམ་ནག་པོ། ཀ་བ་ནང་མ་སེར་པོ། ཕྱི་མ་དཀར་པོ། ཀ་རྒྱན་གླང་པོ་ཆེ་མནན་པའི་སེང་གེ་དང་། དེའི་ཕྱི་རུ། །གདུང་སྣ་ལས་དཔྱངས་པའི་དར་དཔྱངས་མཛེས་ཚོན། །གླང་རྒྱབ་ཕྱོགས་མདོག །རྟ་བབས་སྣམ་བུ་བཅུ་གཅིག་ལྟར་ན། གསེར་སྣམ་སེར་པོ། ཤར་བུ་སྔོན་པོ། རིན་ཆེན་དམར་པོ། རྨིག་པ་ལྗང་གུ། མུན་པ་ནག་པོ། ཝ་རན་མཛེས་ཚོན། རྡོ་རྗེའི་རྭ་ཕྱོགས་མདོག །ཁྱམས་ལྗང་སེར། པདྨ་རྣམས་སྣ་ཚོགས་ཀྱི་མདོག །དུར་ཁྲོད་ཀྱི་གཞི་ནག་པོ་ལ་མེ་རི་རྣམས་ཁ་དོག་རྣམ་ལྔའི་རིམ་པས་འདྲིའོ། །ནང་གི་གཞལ་ཡས་ཁང་རྣམས་ལ་རྟ་བབས་མེད་པས་ཀ་བ་ཀ་རྒྱན་མུན་སྣམ་ཡང་མེད་པས་དེའི་ཕྱིར་འདོད་སྣམ་སྒོ་ཁྱུད་ཀྱི་རྩིག་པ་ལ་རེག་པ་དང་། ཕ་གུ་དྲྭ་ཕྱེད་ཤར་བུ་མདའ་ཡབ་རྣམས་ཀྱང་སྒོ་ལོགས་

[Full Size]

ཀྱི་རྩིག་པ་ལ་རེག་པའོ། །དེ་ནས་དགྱེས་མཛད་ཐོད་པ་ཅན་ལ་རྩིག་པ་ལ་རེག་པའི་རྡོ་རྗེའི་ཕྲེང་བ་དང་གོང་རས་ནག་པོ། པད་འདབ་ཕྱོགས་བཞི་དམར་ལ་མེ་རླུང་སེར། །བདེན་བྲལ་ལྗང་ལ་དབང་ལྡན་སྔོ། །ཟེའུ་འབྲུ་ཁྲ་བོ་ལྟེ་བ་མཐིང་བ། །ལྷ་སྣམ་གྱི་གྲུ་ཆད་ཕྱོགས་མདོག །གསང་བ་འདུས་པ་ལ། ལྷ་སྣམ་དང་། རིམ་པ་གཉིས་པའི་གྲུ་ཆད་རྣམས་ཕྱོགས་མདོག །དེ་གཉིས་ཀྱི་བར་རཱེ་ཁ་ནག་པོས་བཅད། དེ་ལ་མ་རེག་ཙམ་རྡོ་རྗེ་ནག་པོའི་ཕྲེང་བ་ཟླུམ་པོ་ནང་ལིང་ཚེ་དགུ་ལྟེ་བ་མཐིང་ག །རེ་མིག་ཕྱོགས་མདོག །ཀ་བའི་མཚན་མ་ཕྱོགས་མདོག །གདུང་ཕྱི་ནང་རྣམས་ནག་པོ་ལ་རྡོ་རྗེ་དམར་པོའི་ཕྲེང་བ་རྣམས་སོ། །འཁོར་ལོ་བདེ་མཆོག་ལ། སྒོའི་རྩིག་པ་ལ་མ་རེག་ཙམ་ནས་སྐུ་འཁོར་མུ་ཁྱུད་བྲི་སྟེ། སྐུ་འཁོར་དཀར་པོ། རྩིབས་བར་གྱི་ཀ་བ་དང་མུ་ཁྱུད་ལ་འཁོར་ལོའི་ཕྲེང་བ། གསུང་འཁོར་དམར་པོ་ཀ་བ་དང་མུ་ཁྱུད་ལ་པདྨས་མཚན་པ། ཐུགས་འཁོར་སྔོན་པོ་ཀ་བ་དང་མུ་ཁྱུད་ལ་རྡོ་རྗེས་མཚན་པ། བདེ་

[Full Size]

ཆེན་འཁོར་ལོའི་མུ་ཁྱུད་སེར་པོ་ལ་གྲི་གུག་ལྗང་གུས་མཚན་པ། སྣ་ཚོགས་པདྨ་གོང་དང་འདྲ་བ། ལྷ་རྣམས་ཀྱི་གྲུ་ཆད་དང་སྐུ་འཁོར་གྱི་རྩིབས་བར་ཕྱོགས་མདོག །གསུང་འཁོར་གྱི་རྩིབས་བར་དཀར་པོ། ཐུགས་འཁོར་གྱི་རྩིབས་བར་དམར་པོ། བདེ་ཆེན་འཁོར་ལོའི་གོང་རས་མཐིང་ག །མ་ཧཱ་མཱ་ཡཱ་ཡང་དགྱེས་མཛད་དང་འདྲ་བ་ལས། ལྷ་སྣམ་བཞག་པ་དང་། རྡོ་རྗེའི་ཕྲེང་བ་མེད་པའོ། །རྡོ་རྗེ་འཇིགས་བྱེད་ཀྱི་དཀྱིལ་འཁོར་ལ། སྒོའི་རྩིག་པ་ལ་མ་རེག་ཙམ་དུ་རྡོ་རྗེའི་གདུང་ཟླུམ་པོ་དང་། དབུས་སུའང་རྡོ་རྗེའི་གདུང་ཟླུམ་པོ། བར་བར་དུ་གདུང་ཐུང་བརྒྱད་ཀྱི་རེའུ་མིག་བརྒྱད་དུ་བྱས་པ། ལྟེ་བ་མཐིང་ག་གཞན་རྣམས་ཕྱོགས་མདོག །ཕྱོགས་ཀྱི་རེའུ་མིག་གི་ནང་དུ། སྣ་ཚོགས་རྡོ་རྗེའི་རྭ་རྣམས་ཀྱང་ཕྱོགས་མདོག །གདུང་ཐམས་ཅད་ནག་པོ་ལ་རྡོ་རྗེ་སྔོ་སྐྱས་མཚན་པ་འབྲིའོ། །ད་ནི་ལྷའི་མཚན་མ་ལ་སོགས་རྣམས་བཤད་པར་བྱ་སྟེ། དཀྱིལ་འཁོར་དབུས་མའི་ལྟེ་བ་ལ་ཉི་གདན་གྱི་སྟེང་དུ། སྣ་ཚོགས་རྡོ་རྗེས་མཚན་པའི་ཐོད་པ་དང་གྲི་གུག་གོ། །འདབ་མ་བརྒྱད་ལ་ཉི་མའམ་ཟླ་བའི་གདན་ལ།

[Full Size]

བྱང་ཤར་ནས་གཡས་བསྐོར་གྱིས། སེང་གེ། གྲི་གུག །དགེ་སློང་། ཌཱ་མ་རུ། འཁོར་ལོ། རུས་སྦལ། རྡོ་རྗེ་སྦྲུལ་རྣམས་ལྷའི་སྐུ་མདོག་དང་མཐུན་པར་བྲི། དཀྱིལ་འཁོར་ཤར་མའི་རེའུ་མིག་དགུའི་དབུས་སུ། ཉི་གདན་ལ་རྡོ་རྗེ་སྔོན་པོ། ལྷ་གནས་གཞན་རྣམས་སུ་ནུས་ཤིང་སྤྲོ་ན་མངོན་རྟོགས་བཞིན་ལྷའི་གདན་འདྲི་བ་ཡིན་ནའང་། བསྡུ་ན་སྒོ་སྐྱོང་བཞི་མ་གཏོགས་པ་ལ་མཚན་མ་ཁོ་ན་བྲིས་ཀྱང་ཆོག་སྟེ། རེའུ་མིག་བརྒྱད་ལ་གཡས་བསྐོར་གྱི་འཁོར་ལོ་དང་། མིག་འབྲས་དང་། རིན་པོ་ཆེ་དང་། རྡོ་རྗེ་སྔོན་པོ་དང་། པདྨ་དང་། ཡང་པདྨ་དང་། སྣ་ཚོགས་རྡོ་རྗེ་དང་། ཨུཏྤལ་སྔོན་པོ་རྣམས་འབྲི། རིམ་པ་གཉིས་པའི་གྲྭ་བཞིར། མེ་ལོང་། པི་ཝཾ། དྲིའི་དུང་ཆོས། རོ་མཆོག་གིས་གང་བའི་སྣོད་རྣམས་བྲི། དེ་བཞིན་དུ་ཤར་སྒོའི་གཡས་ནས་བརྩམས་ཏེ་རིམ་པས། འཁོར་ལོས་མཚན་པའི་ཀླུ་ཤིང་གི་མེ་ཏོག་དང་། རིན་པོ་ཆེ་དང་། ཡང་རིན་པོ་ཆེ་དང་། པདྨ་དང་། ཡང་པདྨ་དང་། སྣ་

[Full Size]

ཚོགས་རྡོ་རྗེ་དང་། ཡང་སྣ་ཚོགས་རྡོ་རྗེ་རྣམས་འབྲི། ཤར་སྒོར་ཐོ་བ། ལྷོ་སྒོར་དབྱུགས་པ་དཀར་པོ། ནུབ་སྒོར་པདྨ་དམར་པོ། བྱང་སྒོར་རྡོ་རྗེ་ནག་པོ་རྭ་གདེངས་པ། ཤར་ལྷོར་རལ་གྲི། ལྷོ་ནུབ་ཏུ་ལྕགས་ཀྱུ། ནུབ་བྱང་དུ་བེ་ཅོན་ནག་པོ། བྱང་ཤར་དུ་རྡོ་རྗེ་རྩེ་གསུམ། ཤར་གྱི་གླིང་རྒྱབ་ཀྱི་ནང་དུ་འཁོར་ལོ། །ནུབ་གླིང་གླང་རྒྱབ་ཀྱི་ནང་དུ། གཏུན་ཤིན་རྣམས་ཁ་དོག་དམིགས་གསལ་མེད་པ་རྣམས་སྐུ་མདོག་དང་མཐུན་པར་འདྲིའོ། །དཀྱིལ་འཁོར་ལྷོ་མའི་བདེ་ཆེན་འཁོར་ལོའི་དབུས་སུ་རྡོ་རྗེ་དང་གྲི་གུག །ཕྱོགས་ཀྱི་འདབ་མ་བཞི་ལ་ཁ་ཊྭཱཾ་ག །མཚམས་ཀྱི་འདབ་མ་བཞི་ལ་བུམ་ཐོད། ཐུགས་འཁོར་གྱི་རྩིབས་བརྒྱད་ལ་རྡོ་རྗེ། གསུང་འཁོར་གྱི་བརྒྱད་ལ་པདྨ། སྐུ་འཁོར་གྱི་བརྒྱད་ལ་འཁོར་ལོ། །སྒོ་མཚམས་བརྒྱད་ལ་གྲི་གུག་རྣམས་ཉི་མའི་གདན་ལ་ལྷའི་སྐུ་མདོག་དང་མཚུངས་པ་འབྲིའོ། །དཀྱིལ་འཁོར་ནུབ་མའི་ལྟེ་བ་ལ་ཐོད་པ་དང་ཁ་ཊྭཱྃ་ག །ཕྱོགས་ཀྱི་འདབ་མ་བཞི་ལ་གཡས་བསྐོར་གྱི་རྡོ་རྗེ། ནོར་བུ། པདྨ། རལ་གྲི། མཚམ་བཞིར་བུམ་

[Full Size]

ཐོད། གཞལ་ཡས་ཁང་བྱང་མའི་ལྟེ་བར་རྡོ་རྗེའམ་གྲི་གུག་གམ་རལ་གྲི་གང་རུང་། རེའུ་མིག་བརྒྱད་ལ། ཤར་ནས་གཡས་བསྐོར་གྱིས་འཁོར་ལོ་དང་། ཡང་འཁོར་ལོ་དང་། ནོར་བུ་དང་། ཡང་ནོར་བུ་དང་། པདྨ་དང་། ཡང་པདྨ་དང་། རལ་གྲི་དང་། ཡང་རལ་གྲི་དང་། ལྷ་སྣམ་གཏོན་ན། རིམ་པ་གཉིས་པའི་གྲྭ་བཞིར་པདྨ་ལ་གནས་པའི་ཐོད་པ་ཁྲག་གང་། ཤར་གྱི་ལྷ་སྣམ་ལ། གྲི་གུག །འཕང་མདུང་། གཏུན་ཤིང་། ཆུ་གྲི། རྡོ་རྗེ་རྩེ་གཅིག་པ། ལྕགས་ཀྱུ། ལྷོའི་ལྷ་སྣམ་ལ། སྟྭ་རེ། མདའ། དབྱུག་པ། ཁ་ཊྭཱཾ་ག །འཁོར་ལོ། །ཞགས་པ། ནུབ་ཀྱི་ལྷ་སྣམ་ལ། རྡོ་རྗེ། ཅང་ཏེའུ། ཕུབ། གཞུ། དྲིལ་བུ། རླུང་རས། བྱང་གི་ལྷ་སྣམ་ལ་སྡིགས་མཛུབ། འཕན་རྩེ་གསུམ་པ། གླང་པགས། ཐོ་བ། མདུང་རིངས། མེ་ཐབ་རྣམས་འགོད་པའི་ལུགས་ཀྱང་ཡོད། ལྷ་སྣམ་མ་བཏོན་ན་དེ་དག་འགོད་མི་དགོས་ཤིང་། ཐོད་པ་བཞི་ཡང་གྲུ་ཆད་བཞི་ལ་བྲིའོ། །ཤར་སྒོར་ཐོ་བ། ལྷོ་སྒོར་བེ་ཅོན།

[Full Size]

ནུབ་སྒོར་པདྨ། བྱང་སྒོར་རལ་གྲི་སྟེ། དེ་རྣམས་ལྷའི་སྐུ་མདོག་དང་མཐུན་པ་རེའུ་མིག་བརྒྱད་ཀྱི་ཤར་དང་། ཤར་ལྷོར་ཟླ་གདན་དང་། གཞན་རྣམས་ཉི་གདན་ལ་བྲིའོ། །ཕྱི་ནང་གི་དཀྱིལ་འཁོར་ཐམས་ཅད་ལ་བཀྲ་ཤིས་ཀྱི་བུམ་པ་བརྒྱད་འདྲི་ཞིང་། གཞི་དཀྱིལ་གྱི་གྲྭ་བཞི་པོ་ལ་མཆོད་པ་སྣ་ཚོགས་མཛེས་ཚོན་དུ་འདྲི་བར་བཤད་པ་ལ། དེང་སང་ལག་ལེན་ནི། བུམ་པ་ལས་ཐོན་པའི་མེ་ཏོག་ཟླུམ་འཛིངས་པདྨ་བརྒྱད་བརྒྱད་ཡོད་པ་ལ་མཚན་མ་བརྒྱད་བརྒྱད་འཁོད་པའམ། པདྨ་འདབ་བརྒྱད་ཀྱི་ལྟེ་བར་བུམ་པ་བཟང་པོ་རེ་རེ། འདབ་མ་བརྒྱད་ལ་འཁོར་ལོ་རིན་པོ་ཆེ་སོགས་བརྒྱད་དམ། སྒེག་སོགས་བརྒྱད་དམ། དངོས་གྲུབ་བརྒྱད་ལ་སོགས་པ་ཇི་ལྟར་བདེ་བར་འགོད་དོ། །བུམ་པ་ཐམས་ཅད་དང་། རྟ་བབས་ཀྱི་རྩེ་མོའི་རི་དྭགས་ནི་སེར་པོའོ། །གདུགས་རྣམས་དཀར་པོ། གཞན་རྒྱན་རྣམས་མཛེས་ཚོན་དུ་བྱ། གཞི་དཀྱིལ་གྱི་སྒོ་བཞིར་ཡང་ཉི་མའི་གདན་ལ་ལྕགས་ཀྱུ་ཞགས་པ་ལྕགས་སྒྲོག་དྲིལ་བུ་རྣམས་འདྲི་བར་དེ་ཁོ་ན་ཉིད་རིག་པ་དག་འདོམ་པར་མཛད་ལ། ནམ་མཁར་

[Full Size]

བཞུགས་པའི་དགྱེས་མཛད་ལྷ་དགུའི་མཚན་མ་ནི་འགོད་དགོས་པ་མ་ཡིན་ཏེ། ཐོད་པ་ཅན་ལྷ་དགུ་དང་དོན་གཅིག་པའི་ཕྱིར་ཅེས་གསུངས་སོ། །རྟ་བབས་སྒོ་ཚད་གཉིས་མ་ལྟར་ན། པདྨའི་སྣམ་བུ་དབུས་སྔོན་པོ་དང་ལྗང་གུ་སྤེལ་མར་བྱ་ཞིང་། པདྨ་ཕྱི་མ་གཉིས་ཀྱི་ཁ་བང་ཁྲ་བོ། ཟླ་བ་དཀར་པོ། ཉི་མ་དམར་པོ། བྲེ་གདན་དམར་པོ། བྲེ་དཀར་པོ། གདུང་གདན་དང་གདུང་ཁེབས་དམར་སེར། གདུང་སྣམས་དངོས་དང་། པདྨ་གསུམ་གྱི་འོག་གི་གདུང་དང་། སྟེང་གི་པད་ཁེབས་རྣམས་ནི་གསེར་མདོག་སྟེ་འདི་ལ་རྟ་བབས་ཀྱི་རྩེ་མོའི་པདྨ་འཁོར་ལོ་གདུགས་རི་དྭགས་རྣམས་ལ་ཚད་ངེས་པ་མེད་དོ། །གདུང་ཁེབས་དང་། པདྨ་སྣམ་བུ་གཉིས་པའི་ཁ་བད་ཀྱི་སྟེང་གི་གཡས་གཡོན་དུ་དྲིལ་བུའི་རྣམ་པའི་མཆོད་རྟེན་གྷ་ཊིར་སེར་པོ་དང་བཅས་པ་རེ་བྱ། གླང་རྒྱབ་ཀྱི་ཕྱི་ངོས་རྩ་བར་ཆུ་སྲིན་དང་། རྩེ་མོར་མཁའ་ལྡིང་གི་གདོང་དང་། ཕྱི་སྐོར་དུ་གསེར་གྱི་པ་ཏྲས་བསྐོར་བ། ནང་དུ་དྲྭ་ཕྱེད་སོགས་དཔྱངས་ཤིང་། གླང་རྒྱབ་ཀྱི་ནང་

[Full Size]

གི་རྩེར་དེ་བཞིན་གཤེགས་པ་རིགས་བཞིའི་ཕྱག་མཚན་ཕྲ་མོ་རེ་འདྲི་ཞིང་། རྟ་བབས་ཀྱི་སྣམ་བུ་ཐམས་ཅད་ལ་མ་ངེས་པའི་རྒྱན་སྣ་ཚོགས་པའོ། །ཕྱི་ནང་གི་གཞལ་ཡས་ཁང་ཐམས་ཅད་ཀྱི་སྣོད་དང་སྒོ་མཁྱུད་ཀྱི་མཚམས་སུ་ཟླ་ཕྱེད་རྡོ་རྗེ་དང་། འདོད་སྣམ་གྱི་སྟེང་དུ་ལྷ་མོའི་མཚན་མ་མེ་ཏོག་བཅུ་དྲུག་བཅུ་དྲུག་དང་། ཟུར་བཞིར་ཟླ་ཕྱེད་ནོར་བུའོ། །དེ་ལྟར་ལེགས་པར་ཚར་བ་དང་། །ཚོན་གྱི་ལྷག་མ་རྣམས་མཆོད་བསྟོད་ཡེ་ཤེས་པ་གཤེགས་པ་རྣམས་བྱ་སྟེ། ཇི་ལྟར་བདེ་བར་བཞག་གོ། །གསུམ་པ་ནི། དེ་མ་ཐག་ཏུ་ལས་ཐམས་ཅད་པའི་བུམ་ཆུས་དཀྱིལ་འཁོར་དང་ཡོ་བྱད་ཐམས་ཅད་བསང་སྦྱང་ལ། ས་རྒྱན་གནམ་རྒྱན་སོགས་ཇི་ལྟར་མཛེས་པར་བཤམ། ཁྱད་པར་རྒྱལ་མཚན་བརྒྱད་བཤམས་པ་ནི། ཤར་དུ་དཀར་པོ། མེར་ལེབ་རྒན། ལྷོར་ནག་པོ། ལྷོ་ནུབ་ཏུ་དུད་ཁ། ནུབ་ཏུ་དམར་པོ། རླུང་དུ་ཁྲ་བོ། བྱང་དུ་སེར་པོ། བྱང་ཤར་དུ་ལྗང་སེར་རྣམས་སོ། །མཆོད་པ་སྟ་གོན་གྱི་དུས་ལས་མི་ཉུང་བར་བཤམས་ཤིང་

[Full Size]

མང་པོ་ལ་ནི་ཚད་མེད་དོ། །བཅུད་སྣ་ཚོགས་ཀྱིས་གང་བའི་བུམ་པ་བརྒྱད་ཀྱང་ཕྱོགས་མཚམས་བརྒྱད་དུ་དགོད། ནང་གཏོར་ཡི་དམ་གཏོར་མ་ལྔ་དང་། ཆོས་སྐྱོང་སྲུང་མའི་གཏོར་མ་བཞི་ངེས་པར་དགོས་ཤིང་། རྒྱས་པ་ལ་སྤྲོ་བས་ལྷག་པོར་ཕྱོགས་སྐྱོང་བཅུའི་གཏོར་མ་བཅུ་དང་། རྒྱལ་པོ་ཆེན་པོ་བཞི་ལ་བཞི་སྟེ། གཏོར་མ་བཅུ་བཞི་བྱེད་ཚུལ་བརྒྱུད་པ་འདི་ཉིད་ཀྱི་ཡིག་རྙིང་དང་། བླ་མའི་མན་ངག་ལས་འབྱུང་བ་རྣམས་དེང་སང་ལག་ལེན་ལ་བྱེད་པ་ཉུང་བས་རེ་ཞིག་བཞག་གོ། །དྲུག་པ་ལ། དཀྱིལ་འཁོར་བསྒྲུབ་པའི་སྔོན་དུ་བྱ་བ་དང་། དཀྱིལ་འཁོར་སྒྲུབ་པ་དངོས་དང་། མཆོད་ཅིང་བསྟོད་པ་དང་། གཏོར་མ་འབུལ་བ་སྟེ་བཞི་ལས། དང་པོ་ནི། སྔོན་འགྲོ་གཏོར་མ་དང་། ཕྱི་རོལ་གཏོར་མ་དང་། འོག་ཏུ་དགོས་པའི་ཡོ་བྱད་ཐམས་ཅད་ཚོགས་པར་བྱས་ལ། གོང་བཞིན་སྔོན་འགྲོ་གཏོར་མ་བཏང་། དཀྱིལ་འཁོར་དང་ཡོ་བྱད་ཐམས་ཅད་ལ་བགེགས་སྦྱང་བ་བྱ་སྟེ། ཞི་བས་སྦྱང་བ། ཞི་དྲག་ཕྱེད་མས་སྦྱང་བ།

[Full Size]

དཀྱིལ་འཁོར་ལ་སྦྱང་བ་ནི། བགེགས་གཏོར་རྣམས་བཤམས། བསང་སྦྱང་། འབྲུ་གསུམ་གྱིས་བྱིན་གྱིས་བརླབས། གཏོར་མའམ་མཐེབ་ཀྱུ་གསུམ་གྱི་རིམ་གྱིས་བསྐོར། ལ། ཨོཾ་སརྦ་བིགྷྣཱན་བྷྱཿ ན་མཿ སརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷྱཿ སརྦ་ཐཱ་ཁཾ་ཨུངྒ་ཏེ་སྥ་ར་་ཨི་མཾ་ག་ག་ན་ཁཾ་གྲྀཧྞ་དཾ་བ་ལིཾ་ཏེ་སྭཱ་ཧཱ། ཅེས་ལན་གསུམ། འདིར་བགེགས་ཀྱི་ཚོགས་གང་ཡིན་པ་དེ་ཐམས་ཅད། མཆོད་སྦྱིན་གྱི་གཏོར་མ་རྒྱ་ཆེན་པོ་འདིས་ཚིམ་ནས། ཕན་པ་དང་བདེ་བའི་སེམས་དང་ལྡན་པས་གཞན་དུ་དེངས་ཤིག །ཞི་བས་བས་སྦྱང་བའོ། །ཨོཾ་སུམྦྷ་སོགས་ལན་གསུམ་བཟླས་ཤིང་རྡོ་རྗེ་གསོར་ལ། ཏིང་ལོའམ་ཆང་བུ་བསྐོར། འདིར་བགེགས་ཀྱི་ཚོགས་གང་ཡིན་པ་དེ་ཐམས་ཅད། གཏོར་མས་ལམ་བརྔན། ཏིང་ལོ་ལམ་སྒྲོན། ཆང་བུ་ལམ་རྒྱགས་ཀྱི་ཚུལ་དུ་ཁྱེར་ལ། ས་ཡི་ཕྱོགས་འདིར་མ་གནས་པར་གཞན་དུ་སོང་ཤིག །ཅེས་པ་ནི། ཞི་དྲག་ཕྱེད་མས་སྦྱང་བའོ། །

[Full Size]

ཧཱུྃ་མཛད་ཀྱི་ཕྱག་རྒྱ་བྱས་ནས་བདེན་སྟོབས་བརྗོད་ལ། མཐར་དྲག་པོའི་མཚམས་རྔམས་རོལ་ཆེན་དང་བཅས་པས་སྐྲོད་པ་ནི། འདི་ལྟར།

[Full Size]

དྲག་པོས་སྦྱང་བ་རྣམས་སྤྱི་དང་མཐུན་པར་བྱ། འོག་སློབ་མ་དབང་བསྐུར་གྱི་སྐབས་སུ་འབྱུང་བ་ལྟར་ཏིལ་གྱིས་སྦྱང་བས་བྱུར་བསལ། ལས་ཐམས་ཅད་པའི་བུམ་པས་ཁྲུས་གསོལ་རྒྱས་བསྡུས་གང་རུང་ཞིག་བྱ། དེ་ནས་བདུད་རྩི་འཁྱིལ་བའི་སྔགས་དྲག་ཏུ་བཟླ་ཞིང་། ཧཱུྃ་ཞེས་བརྗོད་པས་བསྲུང་བའི་འཁོར་ལོ་སྐད་ཅིག་གིས་གསལ་བཏབ། གོང་བཞིན་མཆོད་པ་བྱིན་རླབས་བྱ། སྐྱབས་འགྲོ་ནས་བཟླས་པའི་བར་དང་། དེ་རྗེས་བདག་བསྐྱེད། ཉེར་བསྡུ་རྣམས་སྒྲུབས་ཐབས་ནས་འབྱུང་བ་ལྟར་བདག་བསྐྱེད་རྫོགས་པར་བསྒོམ་མོ། །གཉིས་པ་ལ། དཀྱིལ་འཁོར་བསྐྱེད་པ་དང་། གཟེངས་བསྟོད་པ། གནས་ལྔར་བསྒྲུབ་པ། ལྷག་པའི་ལྷར་བསྒྲུབ་པ། ཡེ་ཤེས་ཀྱི་ལྷར་བསྒྲུབ་པ། ཏིང་ངེ་འཛིན་གསུམ་བསྒྲུབ་པ་སྟེ་དྲུག་གོ། །དང་པོ་ནི། དེ་ནས་མདུན་བསྐྱེད་བསང་སྦྱང་། སྟོང་པའི་ངང་ལས། རཾ་ལས་ཉི་མ་ནས་ཟླ་བའི་དཀྱིལ་འཁོར་གྱི་གདན་རེ་རེ་ཞེས་པའི་བར་ལྷ་སྟ་གོན་བཞིན། ལྷའི་མཚན་མ་རྣམས་ཡོངས་སུ་གྱུར་པ་ལས། དབུས་སུ་

[Full Size]

དེ་ནས་མདུན་བསྐྱེད་ཀྱི་དཀྱིལ་འཁོར་ལ་སྦྱང་བ་ནི། །བགེགས་གཏོར་རྣམས་བཤམས། བསང་སྦྱང་། འབྲུ་གསུམ་གྱིས་བྱིན་གྱིས་བརླབས། གཏོར་མའམ་མཐེབ་ཀྱུ་གསུམ་པོ་རིམ་གྱིས་བསྐོར་ལ། ཨོཾ་སརྦ་བིགྷྣཱན་བྷྱཿ ན་མཿ སརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷྱཿ སརྦ་ཐཱ་ཁཾ་ཨུངྒ་ཏེ་སྥ་ར་་ཨི་མཾ་ག་ག་ན་ཁཾ་གྲྀཧྞེ་དཾ་བ་ལིཾ་ཏེ་སྭཱ་ཧཱ། ཅེས་ལན་གསུམ། འདིར་བགེགས་ཀྱི་ཚོགས་གང་ཡིན་པ་དེ་ཐམས་ཅད། མཆོད་སྦྱིན་གྱི་གཏོར་མ་རྒྱ་ཆེན་པོ་འདིས་ཚིམ་ནས། ཕན་པ་དང་བདེ་བའི་སེམས་དང་ལྡན་པས་གཞན་དུ་དེངས་ཤིག །ཞི་བས་སྦྱང་བའོ། །ཨོཾ་སུམྦྷ་སོགས་ལན་གསུམ་བཟླས་ཤིང་རྡོ་རྗེ་གསོར་ལ། ཏིང་ལོའམ་ཆང་བུ་བསྐོར། འདིར་བགེགས་ཀྱི་ཚོགས་གང་ཡིན་པ་དེ་ཐམས་ཅད། གཏོར་མས་ལམ་བརྔན། ཏིང་ལོ་ལམ་སྒྲོན། ཆང་བུ་ལམ་རྒྱགས་ཀྱི་ཚུལ་དུ་ཁྱེར་ལ། ས་ཡི་ཕྱོགས་འདིར་མ་གནས་པར་གཞན་དུ་སོང་ཤིག །

[Full Size]

ཅེས་པ་ནི། ཞི་དྲག་ཕྱེད་མས་སྦྱང་བའོ། །ཧཱུྃ་མཛད་ཀྱི་ཕྱག་རྒྱ་བྱས་ནས་བདེན་སྟོབས་བརྗོད་ལ། མཐར་དྲག་པོའི་ཚམས་རྔམས་རོལ་ཆེན་དང་བཅས་པས་སྐྲོད་པ་ནི། འདི་ལྟར། ན་མོ། །རྗེ་བཙུན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་། ཡི་དམ་རྒྱལ་བའི་དཀྱིལ་འཁོར་གྱི་ལྷ་ཚོགས་རྣམས་ཀྱི༴དཔལ་མགོན་དམ་པ་ཆོས་སྐྱོང་བའི་སྲུང་མ་ཡེ་ཤེས་ཀྱི་སྤྱན་དང་ལྡན་པ་རྣམས་ཀྱི༴ སངས་རྒྱས་ཀྱི༴ །ཆོས་ཀྱི༴ དགེ་འདུན་གྱི་བཀའ་བདེན་པ་དང་། ཆོས་ཀྱི་དབྱིངས་རྣམ་པར་དག་ཅིང་བསམ་གྱིས་མི་ཁྱབ་པའི་བདེན་པ་དང་། ཀུན་རྫོབ་རྒྱུ་འབྲས་བསླུ་བ་མེད་པའི་བདེན་པ་དང་། བདེན་པ་ཆེན་པོའི་བྱིན་གྱིས་བརླབ་ཀྱིས། འདིར་དཀྱིལ་འཁོར་ཆེན་པོ་སྒྲུབ་ཅིང་མཆོད་པ་དང་། དབང་གི་ལས་རིམ་ལ་འཇུག་པ་ལ། བར་དུ་གཅོད་པར་བྱེད་པའི་འབྱུང་པོ་

[Full Size]

གདོན་བགེགས་ཀྱི་རིགས་གང་ཡིན་པ་དེ་དག །དེང་དཔལ་ཧེ་རུ་ཀའི་བཀའ་ཐོས་པས། སའི་ཕྱོགས་འདིར་མ་གནས་པར་མྱུར་བ་ཉིད་དུ་སོང་ཤིག །གང་དག་མི་འགྲོ་བ་དེ་དག་ཐམས་ཅད། དུས་གསུམ་གྱི་སངས་རྒྱས་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་ལས་བྱུང་བའི་ཁྲོ་བོའི་རྡོ་རྗེ་དང་རྡོ་རྗེ་ཁ་ཊྭཱཾ་ག་འབར་ཞིང་རབ་ཏུ་འབར་བ་འདིས་ཁྱེད་རྣམས་ཀྱི་མགོ་བོ་ཚལ་པ་བརྒྱར་འགས་པར་བྱའོ། །ཅེས་དང་། སུམྦྷ་བཟླས་པས་བགེགས་བསྐྲད་ཅིང་གཏོར་མ་ཕྱི་རོལ་དུ་དོར་ཏེ། དྲག་པོས་སྦྱང་བའོ། །བསྡུས་པ་མོས་ན། བཀའ་བསྒོ་བ་ཡིད་ཀྱིས་བྱས་ནས་སྔགས་ཙམ་བརྗོད་དོ། །བདག་གཞན་སེམས་ཅན་ཐམས་ཅད་ཀྱི་འཁོར་བ་ཐོག་མ་མེད་པ་ནས་བསགས་པའི་སྡིག་སྒྲིབ་ཐམས་ཅད་སྙིང་གར་ཡི་གེ་བཾ་གྱི་རྣམ་པར་གནས་པ། ལྟེ་བའི་གཏུམ་མོ་འབར་བའི་འོད་ཟེར་

[Full Size]

གྱིས་དེང་སྟེ། སྣ་སྒོར་སྡིག་པ་རྭ་ཅན་གྱི་རྣམ་པར་གྱུར་པ་མདུན་གྱི་ཏིལ་ལ་ཐིམ། བསང་སྦྱང་། འབར་བའི་མེའི་ནང་དུ་ཁྲོ་བོ་རྡོ་རྗེ་མཁའ་འགྲོ་རྡོ་རྗེ་དང་དྲིལ་བུ་འཛིན་པ་ཞལ་གདངས་པའོ། །ཨོཾ་བཛྲ་ཌཱ་ཀ་ཁ་ཁ་ཁཱ་ཧི་ཁཱ་ཧི། སརྦ་པཱ་པཾ་ད་ཧ་ན་བྷསྨི་ཀུ་རུཾ་སྭཱ་ཧཱ། ལན་གསུམ་བརྗོད། ལས་ཀྱི་རྡོ་རྗེས་ཏིལ་གཡས་གཡོན་དུ་བསྐོར་ནས། གཡས་སུ་མེ་དང་གཡོན་དུ་ཆུ་དོར་བས། །རྡོ་རྗེ་མཁའ་འགྲོའི་ཞལ་དུ་གསོལ་བ་དང་། །རྒྱ་མཚོ་ཆེན་པོར་སྐྱུར་བར་བསམ། མཐར་མེ་ཡང་ཆུ་ནང་དུ་ལྡུགས་སོ། །སྡིག་པ་སྦྱང་བའོ། །དེ་ནས་མེ་ལོང་བསྟན་ཏེ། ལས་བུམ་བླངས་ནས་ཁྲུས་གསོལ་བྱ་སྟེ། ཇི་ལྟར་བལྟམས་པ་ནས། ཤྲཱི་ཡེ་ཧཱུྃ། འདི་ནི་ཁྲུས་མཆོག་སོགས་དང་། དེ་བཞིན་གཤེགས་དང་སོགས་ཀྱི་རོལ་ཆེན་དང་བཅས་པས་ཀྱང་ཁྲུས་གསོལ། དེ་དག་སྐུ་ལ་ནས། ཨོཾ་ཧཱུྃ་ཏྲཱྃ་ཧྲཱིཿ ཨཱཿཀཱ་ཡ་བི་ཤོ་དྷ་ན་ཡེ་སྭཱ་ཧཱ། ཅེས་སྐུ་ཕྱིས་

[Full Size]

ཕུལ། སྤྲོ་ན་དྲིའི་བྱུག་པ་དང་། སྟོང་གསུམ་ཀུན་ཏུ་སོགས། དེ་ནས་དེ་ལ། སྣ་ཚོགས་དབང་པོའི། ལྷག་བསམ་དག་པའི། སྲབ་འཇམ་ཡངས་པ། སོགས། གོས་དང་རྒྱན་ཡང་འབུལ་ཏེ་དྲི་མ་སྦྱང་བའོ། །ན་མཿ ས་མནྟ་ཀཱ་ཡ་ཝཱ་ཀ་ཙིཏྟ་བཛྲཱ་ནཱཾ། ན་མོ་མ་ཧཱ་བཛྲ་ཀྲོ་དྷཱ་ཡ་མ་ཧཱ་དཾཥྚྭོཏྐ་ཊ་བྷི་ཥ་ཎ་བྷཻ་ར་ཝ་ར་ཡ། ཨ་སི་མུ་ས་ལ། པར་ཤུ། པཱ་ཤ་ཧསྟ་ཡ། ཨོཾ་ཨ་མྲྀ་ཏ་ཀུཎྜ་ལི་ཁ་ཁ་ཁཱ་ཧི་ཁཱ་ཧི། ཧུ་ལུ་ཧུ་ལུ། ཏིཥྛ་ཏིཥྛ། བྷནྡྷ་བྷནྡྷ། ཧ་ན་ཧ་ན། ད་ཧ་ད་ཧ། གརྫ་གརྫ། བི་སྥོ་ཊ་ཡ་བི་སྥོ་ཊ་ཡ། སརྦ་བིགྷྣན་བི་ནཱ་ཡ་ཀ །མ་ཧཱ་ག་ཎ་པ་ཏི། ཛི་ཝི་ཏཱནྟ་ཀཱ་ར་ཡ་ཧཱུྃ་ཧཱུྃ་ཕཊ་སྭཱ་ཧཱ། །

[Full Size]

དགྱེས་མཛད་ནས་ཁྱབ་པར་མཛད་པའོ། །དེ་བཞིན་དུ། འདབ་མ་བརྒྱད་ལ་ནས་དབུས་ན་བཞུགས་པའི་བར་ཕྱི་ནང་གི་དཀྱིལ་འཁོར་མཐའ་དག་བསྐྱེད་ཚུལ་ཡང་ལྷ་སྟ་གོན་བཞིན་ནོ། །གཉིས་པ་ནི། དེ་ནས་ནམ་མཁར་བཞུགས་པའི་སྟ་གོན་གྱི་ལྷ་རྣམས་གསལ་བར་བལྟས་ཏེ། བདུག་སྤོས་འཐུལ་བཞིན་དུ། །དེང་བདག་སྐྱེ་བ་འབྲས་བུར་བཅས། །བདག་གིས་གསོན་པའང་འབྲས་བུར་བཅས། །ལྷ་དང་དམ་ཚིག་མནོས་པར་ནི། །འགྱུར་བ་འདི་ལ་ཐེ་ཚོམ་མེད། །འདི་ནི་བདག་ཉིད་དམ་པ་སྟེ། །ལྷ་དང་སྐལ་བ་མཉམ་པར་འགྱུར། །བདག་གིས་མཆོད་པ་བླ་མེད་འདིས། །སངས་རྒྱས་ཐམས་ཅད་སྤྱན་འདྲེན་པས། །དེང་བདག་འདུས་པའི་མཆོག་ཡིན་ནོ། །ཅེས་ཉེ་བར་སྙན་གསན་ཕབ། །གསུམ་པ་ནི། ཨོཾ་ཧྲཱིཿསྭཱ་ཧཱ་དང་གཙོ་བོ་ལྔའི་སྙིང་པོ་བརྗོད། རང་གི་གནས་ལྔར་རྒྱུད་སྡེ་ལྔའི་དཀྱིལ་འཁོར་སྐད་ཅིག་

[Full Size]

གིས་སླར་ཡང་གྲུབ་པར་གྱུར། སླར་ཡང་སྙིང་པོ་དྲུག་ཚར་གཅིག་བརྗོད། ཨོཾ་ཨ་ཨཱ་ཨི་ཨཱི་ཨུ་ཨཱུ་རྀ་རཱྀ་ལྀ་ལཱྀ་ཨེ་ཨཻ་ཨོ་ཨཽ་ཨཾ་ཨཿ ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཐ་ཌ་ཌྷ་། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ་ཀྵ་ཧཱུྃ་ཕཊ་སྭཱ་ཧཱ། །བདག་ཉིད་ཀྱི་ལུས་ཀྱི་དཀྱིལ་འཁོར་ལྔ་དང་། མདུན་བསྐྱེད་རྒྱུད་སྡེ་ལྔའི་དཀྱིལ་འཁོར་གྱི་ལྷ་ཚོགས་རང་བཞིན་མཉམ་པ་ཉིད་ཀྱི་ངོ་བོས་རྣམ་པར་དག་པའི་ཕྱིར་རྣམ་པ་ཐ་དད་ཀྱང་ངོ་བོ་གཅིག་པ་ཡིན་ནོ། །རྡོ་རྗེ་རྩེ་ལྔ་པའི་ཕྱག་རྒྱ་གནས་ལྔར་གཏུགས་ལ། ཨོཾ་བཛྲ་མ་ཧཱ་ས་མ་ཡ་སྟྭཾ། སླར་ཡང་གཏུགས་ལ། ཨོཾ་ས་མ་ཡ་ས་ཏྭ་ཨ་དྷི་ཏིཥྛ་སྭ་མཾ། བཞི་པ་ནི། ཨཱ་ཁཾ་ཝཱི་ར་ཧཱུྃ། ཞེས་དཀྱིལ་འཁོར་གྱི་ཤར་སྒོ་ནས་ཞུགས་ཏེ། གཙོ་བོའི་དྲུང་དུ་བདག་ཉིད་གནས་པར་གྱུར། ཨོཾ་ཨཱཿཧཱུྃ། གཞལ་ཡས་ཁང་ས་གསུམ་རྣམ་པར་དག་

[Full Size]

པའི་ང་བོར་གྱུར། ཨོཾ་ཨཱཿཧཱུྃ། ལྷ་ཚོགས་རྣམས་སེམས་ཅན་གྱི་ཁམས་ཐམས་ཅད་རྣམ་པར་དག་པའི་བདག་ཉིད་དུ་གྱུར། ལྔ་པ་ནི། རང་གི་སྙིང་ག་ནས་འོད་ཟེར་འཕྲོས་པས། སྟ་གོན་གྱི་དཀྱིལ་འཁོར་རྟེན་དང་བརྟེན་པར་བཅས་པ་ཐམས་ཅད་ཨོཾ་བཛྲ་ས་མཱ་ཛཿབདུད་རྩི་འཁྱིལ་བའི་སྔགས་ལན་གསུམ་བཟླས་ཤིས་རྡོ་རྗེ་གསོར་བས་བགེགས་བསྐྲད། སྒོ་དབྱེ། མཚམས་བཅིངས་པར་བསམ། རྡོ་རྗེའི་གུར་ནང་གི་ནམ་མཁའ་ལ་དགྱེས་པས་བཞུགས་པར་གྱུར། ཨརྒྷཾ་སོགས་དང་། གཙོ་བོའི་སྙིང་པོ་རྣམས་ཀྱི་མཐར་འབྲུ་གསུམ་སྦྱར་བ་དང་། ཨ་ནུ་རཱ་ག་རྣམས་ཀྱིས་མཆོད། དེ་ཉིད་ལྔ་པས་བསྟོད། པདྨ་ཀ་མ་ལ་ཡ་སྟྭཾ་གྱིས་གདན་ཕུལ། རྩ་སྔགས་རྣམས་དང་། མཚོན་ཆ་ཅན་གྱི་ལྷ་མོ་བརྒྱད་པོའི་སྔགས་བོར་བའི་སྔགས་ཐམས་ཅད་ལ་རེ་རེ་བཞིན་དུ་ཨཱ་བེ་ཤ་ཡ་ཛཿཧཱུྃ་བཾ་ཧོཿ ཞེས་བརྟགས་ལ་རྟེན་ལ་དབབ་སྟེ་དམ་ཡེ་གཉིས་མེད་དུ་བསྲེ། སྙིང་གའི་ས་བོན་གྱི་འོད་ཟེར་

[Full Size]

གྱིས་དགྱེས་མཛད་མཚོན་ཆ་ཅན་ལྷ་བཅུ་གསུམ་རྒྱུད་སྡེ་ལྔའི་ལྷ་ཚོགས་དང་བཅས་པ་ཨོཾ་བཛྲ་ས་མཱ་ཛཿ ནས་འཁོར་རྣམས་ལ་གཙོ་བོས་དབུ་བརྒྱན་གྱི་བར་དུ་བུམ་བསྐྱེད་ཀྱི་སྐབས་དང་འདྲ་བར་བྱ། དྲུག་པ་ནི། སླར་ཡང་གོང་བཞིན་མཆོད་བསྟོད་བྱས་ལ། བདག་ཉིད་རང་སྣང་གི་རིག་མ་དང་བཅས་པ་དཀྱིལ་འཁོར་གྱི་གཙོ་བོ་ཡབ་ཡུམ་རྣམས་དང་གཉིས་སུ་མེད་པར་གྱུར། ཡབ་ཀྱི་གསང་གནས་ནས་རྡོ་རྗེའི་ལམ་ནས་ཡུམ་གྱི་པདྨར་བབས་ཀྱི་བར་མཚོན་ཆ་ཅན་གྱི་སྒྲུབ་ཐབས་བཞིན། བྱང་ཆུབ་ཀྱི་སེམས་ཀྱི་འོད་ཟེར་གྱི་དཀྱིལ་འཁོར་གྱི་འཁོར་ལོའི་ལྷ་ཚོགས་ཚད་མེད་ཅིང་གྲངས་མེད་པར་གྱུར། མཁའ་ནང་ནས་ཕྱིར་སྤྲོས་ནམ་མཁའི་དབྱིངས་ཐམས་ཅད་ཡོངས་སུ་གང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་སྣ་ཚོགས་པའི་མཆོད་པས་མཉེས་པར་བྱས། སེམས་ཅན་ཐམས་ཅད་ལ་བྱང་ཆུབ་

[Full Size]

ཀྱི་སེམས་ཀྱི་འོད་ཟེར་གྱིས་དབང་བསྐུར། སྡིག་སྒྲིབ་ཐམས་ཅད་སྦྱངས། །རྡོ་རྗེ་འཆང་ཆེན་པོའི་གོ་འཕང་ལ་བཀོད། དེ་རྣམས་དང་སྔོན་ནས་གྲུབ་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་སྤྲུལ་པའི་ལྷ་ཚོགས་རྣམས་དང་གཅིག་ཏུ་འདྲེས། ཐམས་ཅད་སླར་འདུས། བྱང་ཆུབ་ཀྱི་སེམས་སུ་ཞུ་བ་དཀྱིལ་འཁོར་གྱི་ལྷ་ཚོགས་རྣམས་ལ་ཐིམ་པར་གྱུར། མདུན་བསྐྱེད་ཀྱི་བཟླས་པ་ཅི་རིགས་པ་བྱ་སྟེ། གཙོ་བོ་དྲུག་གི་སྙིང་པོ་བརྒྱ་རྩ་རེ། རྩ་སྔགས་ཉེ་སྙིང་སོགས་ཚར་རེ། །འཁོར་རྣམས་ཀྱི་སྔགས་གསུམ་གསུམ་བཟླ་བའི་ལག་ལེན་ཡོད་དོ། །གསུམ་པ་མཆོད་ཅིང་བསྟོད་པ་ནི། དེ་ནས་མཆོད་པ་བྱིན་རླབས་ནས་བསྟོད་པའི་བར་ནི་གོང་ལྷ་སྟ་གོན་གྱི་སྐབས་སུ་བཤད་པ་བཞིན་བྱའོ། །དེར་མ་ཟད་མཆོད་པ་འབུལ་བའི་ཚིགས་བཅད། སྔགས་དང་ཕྱག་རྒྱ་ཇི་ཙམ་ཤེས་པ་དེ་ཐམས་ཅད་ཀྱིས་འཚམ་པར་མཆོད་དེ་མཆོད་པའི་ཁྱད་པར་རྒྱས་པ་ཉིད་མཆོག་གོ། །བཞི་པ་གཏོར་མ་འབུལ་བ་ནི། དེ་ནས་གཏོར་མ་རྣམས་བྱིན་གྱིས་

[Full Size]

བརླབ་པ་དང་། འཇིག་རྟེན་ལས་འདས་པའི་གཏོར་མ་འབུལ་ཚུལ་སྒྲུབ་ཐབས་བཞིན་ཏེ། ཅུང་ཟད་ཁྱད་པར་ཡོད་པ་སྟ་གོན་གྱི་སྐབས་བཞིན་ནོ། །གཏོར་མ་གཉིས་པ་མྱུར་མཛད་ཡེ་ཤེས་མགོན་པོ་ལ་གཏོར་ཆོག་ལྟར་འབུལ། གསུམ་པ་མཁའ་འགྲོ་སྡེ་ལྔ་ལ་འབུལ་སྟེ། ཨོཾ་ཤྲཱི་ཧེ་རུ་ཀ་མ་ཧཱ་བཛྲ་ཨཱ་ཀྚེ་ཨཱ་ཀྚེ། པྲ་བེ་ཤ་ཡ། པྲ་བེ་ཤ་ཡ། བནྡྷ་ཡ་བནྡྷ་ཡ། སརྦ་བཛྲ་ཌཱ་ཀི་ནཱི་ནཾ་ཧྲི་ད་ཡཾ་ཧཱུྃ་ཧཱུྃ་ཕཊ་ཅེས་ལན་གསུམ་གྱིས་སྤྱན་དྲངས། ཨོཾ་བུདྡྷ་ཌཱ་ཀི་ནཱི་པྲ་ཏཱིཙྪ་ཨི་མཾ་བ་ལིཾ་ཨོཾ་ཕཊ། ཨོཾ་བཛྲ་ཌཱ་ཀི་ནཱི་པྲ་ཏཱིཙྪ་ཨི་མཾ་བ་ལིཾ་ཧཱུྃ་ཕཊ། ཨོཾ་རཏྣ་ཌཱ་ཀི་ནཱི་པྲ་ཏཱིཙྪ་ཨི་མཾ་བ་ལིཾ་ཏྲཱཾ་ཕཊ། ཨོཾ་པདྨ་ཌཱ་ཀི་ནཱི་པྲ་ཏཱིཙྪ་ཨི་མཾ་བ་ལིཾ་ཧྲཱི་ཕཊ། ཨོཾ་ཀརྨ་ཌཱ་ཀི་ནཱི་པྲ་ཏཱིཙྪ་ཨི་མཾ་བ་ལིཾ་ཨཱཿཕཊ། ཨོཾ་སརྦ་ཌཱ་ཀི་ནཱི་པྲ་ཏཱིཙྪ་ཨི་མཾ་བ་ལིཾ་ཧོཿཕཊ། ཞེས་ལན་ལྔས་ཕུལ། ཨརྒྷཾ་ནས་ཤཔྡའི་བར་དང་འབྲུ་གསུམ་གྱིས་མཆོད། དེ་ཉིད་ལྔ་པ་མཁའ་འགྲོ་སྤྱི་གཏོར་ལྟར་འདོན་པ་སྤོས་པས་བསྟོད། གཏོར་མ་ཐ་མ་འབྱུང་པོ་ཐམས་ཅད་པའི་གཏོར་མ་ཡང་སྒྲུབ་ཐབས་ནས་འབྱུང་བ་

[Full Size]

བཞིན་ནོ། །འོན་ཀྱང་འདིར་གཤེགས་གསོལ་མི་བྱ། ཕྱོགས་སྐྱོང་དང་ནག་པོ་ཆེན་པོ་དུར་ཁྲོད་དང་། མཁའ་འགྲོ་སྡེ་ལྔ་ཁྱམས་ལ་བཞུགས་པར་བསམ། ཕྱི་རོལ་གཏོར་མ་ནི། མདོར་བསྡུས་པའི་ཚེ། མཁའ་འགྲོ་སྤྱི་གཏོར་དང་། འབྲིང་ལ་མོས་པའི་ཚེ་དགྱེས་མཛད་རྡོ་རྗེ་ནས་འབྱུང་བའི་འབྱུང་པོ་ཐམས་ཅད་པའི་གཏོར་མ་དང་། རྒྱས་པ་ལ་མོས་པའི་ཚེ། ཕྱོགས་བཞི་དང་། སྟེང་སྟེ་ལྔར་གཏོར་མ་ཆེ་བ་རེ་མཆོད་པ་དང་བཅས་པ་རེ་འབུལ་དགོས་ལ། ཐམས་ཅད་ལའང་མཆོད་པ་བྱིན་རླབས་དང་། གཏོར་མ་བྱིན་རླབས་རྣམས་གོང་ས་ཆོག་གི་སྐབས་དང་འདྲ། ཤར་དུ་ཕྱོགས་སྐྱོང་ལ་གཏོར་མ་འབུལ་བ་ཡང་གོང་ས་ཆོག་གི་སྐབས་བཞིན། ལྷོ་རུ། ཕཻཾ་བཛྲ་ཨཱ་རལླི་ཧོཿཛ་ཧཱུྃ་བྃ་ཧོཿདྲྀ་ཤྱ་ཧོ། །ཞེས་འབྱུང་པོ་ཐམས་ཅད་སྤྱན་དྲངས། ཨོཾ་ཁ་ཁ་ཁཱ་ཧི་ཁཱ་ཧི། སརྦ་ཡཀྵ་རཀྵ་ས་བྷཱུ་ཏ་པྲེ་ཏ་པི་ཤཱ་ཙ། ཨུནྨཱ་ད། ཨ་པསྨཱ་ར། ཌཱ་ཀ་ཌཱ་ཀི་ནྱཱ་ད་ཡ། ཨི་དཾ་བ་ལིཾ་གྲྀ་ཧྞཱནྟུ། ས་མ་ཡ་རཀྵནྟུ། མ་མ་སརྦ་སིདྡྷི་མྨེ་པྲ་

[Full Size]

ཡཙྪ་ནྟུ། ཡ་ཐཻ་བཾ། ཡ་ཐཻཥྚཾ་བྷུཉྫ་ཐ། པི་བ་ཐ། ཛི་གྷྲ་ཐ། མཱ་ཏི་ཀྲ་མ་ཐ། མ་མ་སརྦ་ཀཱ་རཱ་ཏ་ཡ། སཏྶུ་ཁཾ་བི་ཤུདྡྷ། ས་ཧཱ་ཡི་ཀཱ་བྷ་ཝནྟུ་ཧཱུྃ་ཧཱུྃ་ཕཊ་སྭཱ་ཧཱ། །ཞེས་ལན་གསུམ་གྱིས་ཕུལ། ནུབ་ཏུ་མཁའ་འགྲོ་སྡེ་ལྔའི་གཏོར་མ་སྔར་བཤད་པ་ལྟར་འབུལ། བྱང་དུ་རང་གི་སྙིང་གའི་འོད་ཟེར་གྱིས། ཕྱོགས་སྐྱོང་བ་བཅུ་སྲིད་པ་གསུམ་གྱི་འབྱུང་པོའི་ཚོགས་དང་བཅས་པ་བཛྲ་ས་མཱ་ཛཿ ཨོཾ་བྷུ་ཛ་ར་ཱཾ། ཡ་པ་ཏཱ་ལ་ཙ་རཱ་ཱཾ། མན་ཁེ་ཙ་རཱ་ཱཾ། ཏ་པཱུརྦ་ཨ་དྷི་ག་ཏཱ་ནཱཾ། ཀ་དཀྵི་་ཨ་དྷི་ག་ཏཱ་ནཱཾ། ཧཱུྃ་པཤྩི་མ་ཨ་དྷི་ག་ཏཱ་ནཱཾ། ཕཊ་ཨུཏྟ་ར་་ཨ་དྷི་ག་ཏཱ་ནཱཾ། ཨོཾ་ཨི་ཧྲཱི་ཡ་བིཀྵོ་ཏྲྀ་ཏ་ཨི་ན་ཨཱན་དེ་ཧཱུྃ་ཕཊ། སརྦ་བྷཱུ་ཏེ་བྷྱོ་ཧ་ཧ་ཧ་ཧི་ཧི་ཧི་ཧཱུྃ་ཧཱུྃ་ཧཱུྃ་ཕཻཾ་ཕཻཾ་ཕཻཾ་ཕཊ་སྭཱ་ཧཱ། ཞེས་ལན་གསུམ་གྱིས་ཕུལ། སོ་སོའི་མཐར་ཨརྒྷཾ་ལ་སོགས་པས་ཕྱི་མཆོད་དང་། འབྲུ་གསུམ་གྱིས་ནང་མཆོད་དང་། །དམ་ཚིག་

[Full Size]

ལྡན་ཞིང་འཇིག་རྟེན་སྐྱོང་། །སྲིད་པ་གསུམ་ན་གང་གནས་པ། །འགྲོ་བའི་དོན་ཀུན་སྤྱོད་པ་ལ། །མཆོད་ཅིང་བསྟོད་དེ་ཕྱག་ཀྱང་འཚལ། །ཞེས་བསྟོད། །མཆོད་སྦྱིན་གཏོར་མ་འདི་བཞེས་ལ། །སོགས་འདོད་དོན་གསོལ་བ་བཏབ་པ་རྣམས་ཐམས་ཅད་ལ་སྦྱོར། སྟེང་ཕྱོགས་སུ་སྒྲུབ་ཐབས་ནས་འབྱུང་བ་ལྟར་སྤྱི་གཏོར་རྒྱས་པར་འབུལ་བ་ལས། ཐམས་ཅད་རང་མདོག་ཐིག་ལེར་ཞུ། ཞེས་པ་ནས་གཡས་བརྐྱང་བཞུགས་ཤིང་དུར་ཁྲོད་བརྒྱན། ཅེས་པའི་བར་དོར། གཙོ་བོ་ལྔའི་རྩ་སྔགས་དང་། བདུད་རྩི་འཁྱིལ་བའི་སྔགས་དྲག་ཏུ་བཟླས། ཡུངས་ཀར་གཏོར་ཞིང་བགེགས་བསྐྲད་ལ་མཚམས་བཅད། སླར་ནང་དུ་འོང་མ་ཐག་ལས་བུམ་གྱི་ཆུས་ཁྲུས་བྱས་ལ་ཁ་བཤལ། དཀྱིལ་འཁོར་ལ་ལན་གསུམ་དུ་བསྐོར་བ་བྱས་ཏེ། ཨོཾ་བཛྲ་ཨུཏྒྷཱ་ཊ་ཡ་ས་མ་ཡ་པྲ་བེ་ཤ་ཡ་ཧཱུྃ་ཞེས་ཧཱུྃ་མཛད་ཀྱི་ཕྱག་རྒྱ་དྲལ་བས་ཕྱོགས་བཞིའི་སྒོ་དབྱེ། །ཨོཾ་མཆོག་ཏུ་བདེ་བའི་སེམས་ནི་རོལ་པར་ལྡན། །

[Full Size]

སྒེག་པའི་ཕྱག་གིས་བཅོམ་ལྡན་འདས་ལ་འདུད། །ཛཿཧཱུྃ་བྃ་ཧོཿརབ་ཏུ་གྲུབ་པར་མཛོད། །མགོན་པོ་སྙིམ་པའི་མེ་ཏོག་བཞེས་སུ་གསོལ། །ཧོ་ཞེས་མེ་ཏོག་ཕུལ། ས་མ་ཡ་པྲ་བེ་ཤ་ཡ་ཧཱུྃ་ཞེས་པས་མགོ་བོར་མེ་ཏོག་བཅིངས་ལ། བདག་ཅག་འཁོར་དང་བཅས་པ་ལ་བར་ཆད་ཞི་བར་མཛོད། །ཅེས་གསོལ་བ་དྲག་ཏུ་བཏབ། བདུན་པ་ནི། འོག་ནས་ཇི་ལྟར་འབྱུང་བའི་སློབ་མ་ལ་དབང་བསྐུར་བའི་ཆོ་ག་ཉིད་ཚིག་གི་ཁ་བསྒྱུར་ཕྲན་བུའི་འདོར་ལེན་ཕྱེད་པར་བྱས་ལ་བདག་འཇུག་རྫོགས་པར་བླང་ངོ་། །བརྒྱད་པ་ནི། ཐོག་མར་དཀྱིལ་འཁོར་དུ་འཇུག་པའི་དོན་དུ་མཎྜལ་ཕུལ་ལ། །དགའ་ཆེན་ཁྱོད་བདག་སྟོན་པ་སྟེ། །ཞེས་ལན་གསུམ། །སངས་རྒྱས་ཀུན་གྱི་རང་བཞིན་སྐུ། །སློབ་དཔོན་ཁྱོད་ལ་སྐྱབས་སུ་མཆི། །གཙོ་བོ་ལྷ་མོར་བཅས་པ་ཡི། །ལྷ་རྣམས་ལ་ཡང་ཕྱག་འཚལ་ལོ། །ཐར་པ་ཆེན་པོའི་གྲོང་མཆོག་ཏུ། །མགོན་པོས་བདག་ནི་འཇུག་པར་

[Full Size]

འཚལ། །རྒྱལ་བ་མི་གནས་མྱ་ངན་འདས། །བཅོམ་ལྡན་ཁྱོད་སྐུ་བདག་ལ་སྟོན། །ཅེས་ལན་གསུམ། གནང་བ་སྦྱིན་པ་ནི། །དེ་བཞིན་གཤེགས་པ་ཀུན་གྱི་གནས། །ཧེ་རུ་ཀ་དཔལ་གྲོང་ཁྱེར་མཆོག །སྙིང་པོའི་དཀྱིལ་འཁོར་འདི་རུ་ནི། །བདག་གིས་སློབ་མ་གཞུག་པར་བྱ། །ལན་གསུམ། ཨོཾ་ན་མ་སྟེ་ཧཱུྃ། ན་མཿམེ་ཧཱུྃ། ན་མོ་ན་མཿཧཱུྃ། ཕྱོགས་བཞི་ནས་ཕྱག་བྱ། བདུན་རྣམ་དག་བྱའོ། །རིགས་ཀྱི་བུ་ཁྱོད་གང་ལ་དགའ། །སྐལ་བ་བཟང་ལ་བདག་དགའོ། །སྐལ་བཟང་དེས་ཁྱོད་ཅི་ཞིག་བྱེད། །སངས་རྒྱས་མཆོག་འདོད་དམ་ཚིག་ཡིན། །ཨོཾ་ཙཀྵུ་བནྡྷ་ཝ་རཱ་མ་ན་ཡ་ཧཱུྃ། ཨོཾ་ཨཱཿཁཾ་ཝཱི་ར་ཧཱུྃ། སྙིང་གར་ཀུན་རྫོབ་བྱང་ཆུབ་སེམས་ཀྱི་ངོ་བོ་ཟླ་བའི་དཀྱིལ་འཁོར་གྱི་སྟེང་དུ། དོན་དམ་བྱང་ཆུབ་སེམས་ཀྱི་ངོ་བོ་རྡོ་རྗེ་དཀར་པོ་རྩེ་ལྔ་པ་འོད་ཟེར་འཕྲོ་བ།

[Full Size]

ཨོཾ་སརྦ་ཡོ་ག་ཙིཏྟ་ཨཏྤཱ་ད་ཡ་མི། སུ་ར་ཏེ་ས་མ་ཡ་སྟྭཾ། བཛྲ་ཡོ་ག་བོ་དྷི་ཙིཏྟ་ཡ་ཐཱ་སུ་ཁཾ། ཛཿཧཱུྃ་བྃ་ཧོཿ ཞེས་པའམ། ཨཱཿཁཾ་ཝཱི་ར་ཧཱུྃ་ཞེས་པས་ཡོལ་བའི་ནང་དུ་བཅུག་པར་བསམ། ལྷའི་དམ་ཚིག་སྒྲགས་པ་ནི་རྡོ་རྗེ་མགོ་བོར་བཞག་ལ། །འདི་ནི་དམ་ཚིག་རྡོ་རྗེ་སྟེ། ཁྱོད་ཀྱིས་སྤྱི་བོར་བཞག་པ་ཡིས། །སངས་རྒྱས་སྐུ་རུ་ཁྱོད་འགྲུབ་ཅིང་། །མི་ཕྱེད་ཡེ་ཤེས་མཆོག་ཏུ་འགྱུར། །ཡང་སྙིང་གར་རྡོ་རྗེ་བཞག་ལ། །ཧེ་རུ་ཀ་དཔལ་དེང་ཁྱོད་ཀྱི། །སྙིང་ལ་ཡང་དག་ཞུགས་པར་མཛད། །གལ་ཏེ་ཚུལ་འདི་སྨྲས་ན་ནི། །དེ་མ་ཐག་ཏུ་དྲལ་ཏེ་གཤེགས། །མནའ་ཆུ་བླུད་པ་ནི། །འདི་ནི་ཁྱོད་ཀྱི་དམྱལ་བའི་ཆུ། །དམ་ཚིག་འདས་ན་བསྲེག་པར་བྱེད། །དམ་ཚིག་བསྲུང་ན་ན་དངོས་གྲུབ་ནི། །རྡོ་རྗེ་བདུད་རྩིའི་ཆུ་འདིས་འགྲུབ། །ཨོཾ་སརྦ་པཉྩ་ཨ་མྲྀ་ཏ་ཨུ་ད་ཀ་ཋ་ཋ་ཋ། སློབ་དཔོན་གྱིས་དམ་ཚིག་བསྒྲགས་པ་ནི།

[Full Size]

རྡོ་རྗེ་སྤྱི་བོར་བཞག་ལ། །དེང་ནས་བཟུང་སྟེ་བུ་ཁྱོད་ཀྱི། །ཧེ་རུ་ཀ་དཔལ་ང་ཡིན་གྱི། །ང་ཡིས་ཇི་ལྟར་བཀའ་སྩལ་པ། །གུས་པའི་ཚུལ་གྱིས་ཉན་པར་བྱོས། །གལ་ཏེ་ང་ལ་བརྙེས་པ་ན། །སངས་རྒྱས་ཐམས་ཅད་བརྙེས་པས་ན། །མི་བདེ་མ་སྤངས་དུས་བྱས་ནས། །སེམས་ཅན་དམྱལ་བར་གྱུར་ཏ་རེ། །ཡེ་ཤེས་དབབ་པའི་དོན་དུ་མཎྜལ་ཕུལ་ལ། །དེ་བཞིན་གཤེགས་པ་ཐམས་ཅད་ཀྱི། །བྱིན་གྱིས་བརླབས་པའི་ཡེ་ཤེས་དེ། །རྡོ་རྗེ་སེམས་དཔའ་བདག་ལ་དེང་། །སློབ་དཔོན་ཁྱོད་ཀྱིས་དབབ་ཏུ་གསོལ། །ལན་གསུམ། དང་པོའི་རྡོ་རྗེའི་ཕྱག་རྒྱ་སྙིང་གར་གཏད་ལ། །འདི་ནི་ཡེ་ཤེས་རྡོ་རྗེ་སྟེ། །རྡོ་རྗེ་སེམས་དཔའ་ཡིན་པར་བསྒྲགས། །རྡོ་རྗེ་ཡེ་ཤེས་བླ་མེད་ནི། །དེ་རིང་ཉིད་དུ་དབབ་པར་ཤོག །སློབ་མས་ལྷ་ལ་གསོལ་བ་གདབ་པ་ནི། །དཔའ་བོ་དང་རྣལ་འབྱོར་མ་རྣམས་ཀྱིས་བྱིན་གྱིས་རློབས་ལ།

[Full Size]

བདག་ལ་དཔལ་ཧེ་རུ་ཀ་དབབ་ཏུ་གསོལ། །ལན་གསུམ། ཁྱེད་རང་འོད་དཔག་མེད་དམར་པོ་ཞལ་གཅིག་ཕྱག་གཉིས་པདྨ་དང་དྲིལ་བུ་འཛིན་པ། གཡས་བརྐྱང་གི་སྟབས་ཀྱིས་བཞུགས་པའི་རྐང་མཐིལ་དུ། ཛྷཻཾ་ལྗང་ནག་རླུང་གི་རང་བཞིན། ལྟེ་བར་རཾ་དམར་པོ་མེ་དྲག་ཏུ་འབར་བ། སྙིང་གར་ཧཱུྃ་ཡིག་སྔོན་པོ་འོད་ཟེར་ལྔ་འཕྲོ་བ་ས་ཁམས་ཀྱི་རང་བཞིན། སྤྱི་བོར་བཾ་ལས་བདུད་རྩིའི་དཀྱིལ་འཁོར་དཀར་པོ་ཟླུམ་པོ་དབུས་སུ་མཾ་ཡིག་དང་། འོག་ཏུ་ཧཾ་ཡིག་དཀར་པོ་མགོ་མཐུར་དུ་བསྟན་པས་མཚན་པ། སྐབས་འདིར་སྤྲོ་ན། འབྱུང་བཞིའི་དཀྱིལ་འཁོར་ལ་ཡི་གེ་རྣམས་ཀྱིས་མཚན་པར་བསྒོམ་པ་དང་། ཤིན་ཏུ་བསྡུ་ན། སྤྱི་བོར་ཡང་ཡི་གེ་གསུམ་ཁོ་ནས་ཆོག་པར་བཞེད་དོ། །ཛྷཻཾ་ལས་འོད་ཟེར་གྱི་ཚོགས་འཕྲོས། བྱིན་པ་ནས་བརྒྱུད། བརླའི་རྩ་བོ་ཆེ་ནས་ཞུགས། སུམ་མདོར་གཅིག་ཏུ་འདྲེས། ལྟེ་

[Full Size]

བའི་རཾ་ལ་ཕོག་པས། མེ་ལྕེ་དྲག་ཏུ་འབར་ཏེ། སྙིང་གའི་ཧཱུྃ་བསྲེགས། སྤྱི་བོའི་ཧཾ་ལ་ཕོག་པས། བདུད་རྩིའི་བདེ་བ་ཆེན་པོའི་རྒྱུན་སྐྱ་ཆིལ་ཆིལ་བབས་པས། སྙིང་ག་དང་ལྟེ་བའི་ཡི་གེ་ལ་ཕོག་ཅིང་། ལུས་ཐམས་ཅད་དུ་ཁྱབ་པས། གཟུང་འཛིན་གྱི་སྣང་བ་དབྱིངས་སུ་ནུབ་ཅིང་། བདེ་སྟོང་གི་ཡེ་ཤེས་ལྷང་གི་སྐྱེས། སློབ་དཔོན་གྱི་ཐུགས་ཀའི་འོད་ཟེར་གྱིས། སངས་རྒྱས་དང་བྱང་ཆུབ་སེམས་དཔའ་དཔའ་བོ་དང་རྣལ་འབྱོར་མ་ཁྲོ་བོ་དང་ཁྲོ་མོ་ཐམས་ཅད་བ་སྤུའི་བུ་ག་ནས་སིབ་སིབ་ཐིམ་པར་གྱུར། ཨོཾ་ཨཱ་བེ་ཤ་ཡ་ཨཱ་བེ་ཤ་ཡ། སྟམྦྷ་ཡ། ར་ར་ར་ར། ཙཱ་ལ་ཡ་ཙཱ་ལ་ཡ། ཧ་ལེ་ཡ། ཧཱུྃ་ཡ་ཧཾ་ཧཱུྃ་ཛྙཻཾ་སྭཱ་ཧཱ། ཞེས་དྲག་ཏུ་བཟླ། གུ་གུལ་དང་། ཚིལ་ཆེན་བྱི་ལ་ནག་པོའི་བྲུན། ཟླ་མཚན་གྱིས་བགོས་པའི་རས་རྣམས་རོ་སོལ་གྱི་མེ་ལ་བསྲེགས་པའི་

[Full Size]

དུད་པས་བདུག །རོལ་མོ་སྣ་ཚོགས་བྱ། ཨ་ཁཾ། །ཡང་དག་པ་ཡི་དཀྱིལ་འཁོར་འདིར། །བདག་གིས་སློབ་མ་གཞུག་པར་བགྱི། །ལྷ་ཡི་རིགས་ཀྱི་རིམ་པ་དང་། །དངོས་གྲུབ་བསོད་ནམས་དེ་བཞིན་ཤོག །ཅེས་བདེན་པའི་སྟོབས་བརྗོད་དོ། །སྔོན་ནས་བསྒྲུབས་པའི་ཡི་དམ་ལྷ། །གང་ཡིན་དེ་རིང་བདག་གི་ནི། །རིགས་དང་མཐུན་པའི་དངོས་གྲུབ་དང་། །ལྷ་དང་མ་ནོར་མཇལ་བར་ཤོག །ཨོཾ་པྲ་ཏཱིཙྪ་བཛྲ་ཧོཿ ཞེས་པས་མེ་ཏོག་དོར། །སངས་རྒྱས་ཀུན་གྱིས་བྱིན་བརླབས་པའི། །མེ་ཏོག་རྣམ་པར་སྣང་མཛད་འདི། །སྟོབས་ཆེན་ཁྱོད་ཀྱིས་རབ་བཅིངས་པས། །རིགས་ཀྱི་བདག་པོར་དབང་བསྐུར་རོ། །ཨོཾ་པྲ་ཏཱིཙྪ་གྲྀཧྞ་སྟྭཾ། ས་མ་ཡ་མཱཾ་སྭཱ་ཧཱ། རྡོ་རྗེས་མིག་དབྱེ་སྟེ། །ཧེ་རུ་ཀ་དཔལ་དེང་ཁྱོད་ཀྱི། །མིག་འབྱེད་པར་ནི་བརྩོན་པར་མཛད། །རྡོ་རྗེའི་མིག་ནི་བླ་ན་མེད། །ཕྱེ་

[Full Size]

བས་ཐམས་ཅད་མཐོང་བར་ཤོག །ཨོཾ་བཛྲ་ནཻ་ཏྲ་ཨ་པ་ཧ་ར་ཕ་ཊ་ལཾ་ཧྲཱིཿཨཱཿ བཛྲ་ཙཀྵུཿ པྲ་བེ་ཤ་ཡ་ཧཱུྃ་ཞེས་བརྗོད། ཧེ་བཛྲ་པ་ཤྱ་ཧྲཱིཿ ཞེས་པས་གདོང་གཡོགས་བཀྲོལ་ནས། ལྷ་ངོ་བསྟན་པ་ནི། །དཀྱིལ་འཁོར་བཟང་པོ་འདི་ལ་ལྟོས། །མཐོང་ནས་དད་པ་རབ་ཏུ་བསྐྱེད། །ཁྱོད་ནི་རྣལ་འབྱོར་མ་རིགས་སྐྱེས། །སྔགས་དང་ཕྱག་རྒྱའི་བྱིན་རླབས་ཀྱིས། །འགྲོ་དོན་ཕུན་སུམ་ཚོགས་ཀུན་དང་། །དངོས་གྲུབ་ཐམས་ཅད་མངོན་དུ་འགྱུར། །དམ་ཚིག་ཐམས་ཅད་སྲུང་བ་དང་། །གསང་སྔགས་ལ་ཡང་བརྩོན་པར་བགྱི། །ཅེས་བརྗོད་ལ། དཀྱིལ་འཁོར་གྱི་སྟེང་གི་ནམ་མཁའ་ལ་བརྒྱུད་པའི་བླ་མ་ཐམས་ཅད། དུར་ཁྲོད་རྣམས་སུ་ཆོས་སྐྱོང་བའི་སྲུང་མ་དང་བཅས་པ་ཐམས་ཅད་བཞུགས་པར་མོས། དགུ་པ་ནི། །སྦྱང་བ་གཉིས་ནི་སྔོན་འགྲོ་ཡིན། །ཆུ་ཅོད་རྡོར་དྲིལ་མིང་དང་

[Full Size]

ལྔ། །དངོས་གཞི་ཉིད་དེ་ཆུ་དབང་ལ། །བསང་སྦྱང་ལྷར་བསྐྱེད་བྱིན་གྱིས་བརླབས། །ཡེ་ཤེས་དབང་ལྷ་སྤྱན་འདྲེན་མཆོད། །དབང་བསྐུར་བཟླས་པ་མཆོད་བསྟོད་བྱ། །གསོལ་བཏབ་ཤིས་བརྗོད་ཆུ་དབང་བསྐུར། །སླར་ཡང་མཆོད་བསྟོད་དག་པ་བརྗོད། །དབང་ལྷ་སྤྱན་འདྲེན་མ་གཏོགས་པ། །འོག་མ་རྣམས་ཀྱང་ཕལ་ཆེར་འདྲ། །ཅེས་བྱ་སྟེ། དེ་ཡང་རྡོ་རྗེ་སློབ་མའི་དབང་བསྐུར་བའི་དོན་དུ་མཎྜལ་ཕུལ། །ཧེ་རུ་ཀ་དཔལ་དབང་བསྐུར་བ། །འགྲོ་བ་སྐྱོབ་པའི་གཟི་བརྗིད་ཅན། །ཡོན་ཏན་འབྱུང་གནས་ཇི་ལྟར་སྩོལ། །དེ་བཞིན་བདག་ལའང་དེང་སྩོལ་ཅིག། བདག་གཞན་ངན་འགྲོ་ལས་སྒྲོལ་ཞིང་། །ཐར་པ་ཆེན་པོའི་གྲོང་མཆོག་ཏུ། །གནས་ནས་འགྲོ་བ་སྒྲོལ་བྱེད་པ། །ཡེ་ཤེས་དབང་མཆོག་བདག་ལ་སྩོལ། །ཞེས་ལན་གསུམ། ཨོ་སུམྦྷ་ནི་སུམྦྷ་ཧཱུྃ་ཧཱུྃ་ཕཊ། །ཨོཾ་གྲྀཧྞ་གྲྀཧྞ་ཧཱུྃ་ཧཱུྃ་ཕཊ། ཨོཾ་གྲྀཧྞཱ་པ་ཡ་གྲྀཧྞཱ་པ་ཡ་ཧཱུྃ་ཧཱུྃ་ཕཊ། ཨོཾ་ཨཱ་ན་ཡ་ཧོ། བྷ་ག་ཝཱ་ན་བིདྱཱ་རཱ་ཛ་ཧཱུྃ་ཧཱུྃ་ཕཊ། རོལ་མོ་དྲག་ཏུ་བྱའོ། །

[Full Size]

ཨོཾ་བཛྲ་ཌཱ་ཀ་ཁ་ཁ་ཁཱ་ཧི་ཁཱ་ཧི་སརྦ་པཱ་པཾ་ད་ཧ་ན་བྷསྨི་ཀུ་རུ་སྭཱ་ཧཱ། ཞེས་པའམ། ཨོཾ་སརྦ་པཱ་པཾ་སརྦ་བིད་ཤཱནྟིཾ་ཀུ་རུ་སྭཱ་ཧཱ། དེ་ནས་ཆུ་དབང་བསྐུར་བ་ནི། བདག་དང་དབང་རྫས་གཉིས་ཀ་ཨ་མྲྀ་ཏས་བསང་། སྭ་བྷཱ་བས་སྦྱང་། སློབ་མ་དང་དབང་རྫས་རྣམ་རྒྱལ་བུམ་ཆུ། སྟོང་པའི་ངང་ལས། པདྨ་དང་ཉི་མའི་གདན་ལ། ཧཱུྃ་ལས་རྡོ་རྗེ་ཧཱུྃ་གིས་མཚན་པ་ལས། གཉིས་ཀའང་མི་བསྐྱོད་པ་སྐུ་མདོག་སྔོན་པོ་ཞལ་གཅིག་ཕྱག་གཉིས་གཡས་རྡོ་རྗེ་དང་གཡོན་དེས་ཡུ་བ་བྱས་པའི་དྲིལ་བུ་འཛིན་པ། ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་པ། སྟག་ལྤགས་ཀྱི་ཤམ་ཐབས་དང་། ཐོད་པའི་ཕྲེང་བ་དང་། རུས་པའི་རྒྱན་དྲུག་གིས་བརྒྱན་པ། ཡུམ་མཱ་མ་ཀི་སྔོན་མོ་གྲི་གུག་དང་ཐོད་པ་འཛིན་པ་དང་མཉམ་པར་སྦྱོར་བ། དཔྲལ་བར་ཨོཾ། མགྲིན་པར་ཨཱཿ ཐུགས་ཀར་

[Full Size]

ཧཱུྃ། སློབ་དཔོན་གྱི་ཐུགས་ཀ་ནས་འོད་ཟེར་འཕྲོས། སངས་རྒྱས་བྱང་ཆུབ་སེམས་དཔའ་ཐམས་ཅད་མི་བསྐྱོད་པ་ཡབ་ཡུམ་གྱི་རྣམ་པར་བཛྲ་ས་མཱ་ཛཿ ཨོཾ་བཛྲ་ཨཾ་གུ་ཤ་ཛཿ ཨོཾ་བཛྲ་པཱ་ཤ་ཧཱུྃ། ཨོཾ་བཛྲ་སྥོ་ཊ་བཾ། ཨོཾ་བཛྲ་གྷཱཎྜཱེ་ཧོཿ ཛཿཧཱུྃ་བཾ་ཧོཿ གཉིས་ཀ་དང་གཉིས་སུ་མེད་པར་ཐིམ། སླར་ཡང་སློབ་དཔོན་གྱི་ཐུགས་ཀ་ནས་འོད་ཟེར་འཕྲོས། དབང་གི་ལྷ་སངས་རྒྱས་དང་བྱང་ཆུབ་སེམས་དཔའ་རིགས་པའི་ལྷ་མོ་ཁྲོ་བོའི་ཚོགས་དང་བཅས་པ་བཛྲ་ས་མཱ་ཛཿ ཨོཾ་བཛྲ་པུཥྤེ་ཨཱཿཧཱུྃ། སོགས་ཉེར་སྤྱོད་ལྔ་ཕུལ་ལ། དེ་བཞིན་གཤེགས་པ་རྣམས་ཀྱིས་འདི་ལ་མངོན་པར་དབང་བསྐུར་བ་སྩལ་དུ་གསོལ། །ཞེས་གསོལ་བ་བཏབ་པས། ཨོཾ་བཛྲི་བྷ་ཝ་ཨ་བྷི་ཥིཉྩ་ཧཱུྃ། ཞེས་དབང་རྫས་ལ་དབང་བསྐུར། སྐུ་གང་དྲི་མ་དག །ཆུའི་ལྷག་མ་ཡར་ལུད་པ་ལས་མི་

[Full Size]

བསྐྱོད་པས་དབུ་བརྒྱན། ཨོཾ་ཨཱཿབཛྲ་དྷྲྀ་ཀ་ཧཱུྃ་ཕཊ་སྭཱ་ཧཱ། ཞེས་མང་དུ་བཟླས་ལ་མེ་ཏོག་ལ་སོགས་པས་མཆོད། མི་བསྐྱོད་པ་ནི་ཡེ་ཤེས་ཆེ། །སོགས་ཤློ་ཀ་གཅིག་གིས་བསྟོད། ནམ་མཁར་བཞུགས་པའི་དབང་གི་ལྷ་དཀྱིལ་འཁོར་དང་བཅས་པ་རྣམས་ལ་གསོལ་བ་བཏབ་པར་མོས་ཏེ། །བྱང་ཆུབ་རྡོ་རྗེ་སངས་རྒྱས་ལ། །མཆོད་ན་ཇི་ལྟར་སྩལ་བ་ལྟར། །བདག་ཀྱང་རབ་ཏུ་བསྒྲལ་བའི་ཕྱིར། །ནམ་མཁའི་རྡོ་རྗེ་དེང་བདག་སྩོལ། །ཞེས་ལན་གསུམ་གསོལ་བ་བཏབ། །སློབ་དཔོན་གྱིས་སོ་སོའི་བུམ་པ་མང་དུ་ཡོད་ན། རང་སྔགས་ཀྱི་བུམ་པ་སོ་སོའི་བུམ་ཆུ་བུམ་པའམ། ཀ་པཱ་ལར་བསྡུས། རྣམ་རྒྱལ་བུམ་པ་གཅིག་ཁོ་ན་ཡིན་ན། དེ་ཉིད་ཐོགས་ཏེ། །ཨོཾ་ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ། །འཇིག་རྟེན་གསུམ་གྱི་མགོན་པོ་དྲི་མ་གསུམ་སྤངས་པ། །སངས་རྒྱས་པདྨ་རྒྱས་པ་འདབ་

[Full Size]

འདྲའི་སྤྱན་མངའ་བ། །འདི་ནི་འཇིག་རྟེན་དགེ་བའི་བཀྲ་ཤིས་དང་པོའོ། །དེ་ཡི་ཉེ་བར་བསྟན་པའི་མཆོག་རབ་མི་གཡོ་བ། །འཇིག་རྟེན་གསུམ་ན་གྲགས་ཤིང་ལྷ་དང་མིས་མཆོད་པ། །ཆོས་ཀྱི་དམ་པ་སྐྱེ་རྒུ་རྣམས་ལ་ཞི་བྱེད་པ། །འདི་ནི་འཇིག་རྟེན་དགེ་བའི་བཀྲ་ཤིས་གཉིས་པའོ། །དགེ་འདུན་དམ་པ་ཆོས་ལྡན་ཐོས་པའི་བཀྲ་ཤིས་ཕྱུག །མི་དང་ལྷ་དང་ལྷ་མ་ཡིན་གྱིས་མཆོད་པའི་གནས། །ཚོགས་ཀྱི་མཆོག་རབ་ངོ་ཚ་ཤེས་དང་དཔལ་གྱི་གཞི། །འདི་ནི་འཇིག་རྟེན་དགེ་བའི་བཀྲ་ཤིས་གསུམ་པའོ། །བཀྲ་ཤིས་གང་ཞིག་སེམས་ཅན་ཀུན་གྱི་སྙིང་ལ་གནས། །ཀུན་གྱི་བདག་ཉིད་རིགས་ཀུན་གྱི་ནི་བདག་པོ་མཆོག །སེམས་ཅན་མ་ལུས་བསྐྱེད་བྱེད་བདེ་བ་ཆེན་པོ་སྟེ། །དེ་ཡིས་དེང་ཁྱོད་དབང་བསྐུར་མཆོག་ལ་བཀྲ་ཤིས་ཤོག །ཉིན་མོ་བདེ་ལེགས་

[Full Size]

མཚན་བདེ་ལེགས་སོགས་བྱ། །ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་སྐུ་ཁྲུས་གསོལ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུྃ། ལས་བུམ་གྱིས་ཁྲུས་བྱ། དེ་ནས་རྣམ་རྒྱལ་བུམ་པ་ཐོགས་ལ། །ཀུན་གཞི་རྣམ་ཤེས་རྣམ་དག་ཅིང་། །མེ་ལོང་ཡེ་ཤེས་ངོ་བོ་ཉིད། །བཅོམ་ལྡན་མི་བསྐྱོད་པ་ཡིས་ནི། །ཡེ་ཤེས་ཆུ་རྒྱུན་དབང་བསྐུར་རོ། །ཨོཾ་སརྦ་ཏ་ཐཱ་ག་ཏ་བཛྲ་ཨ་བྷི་ཥེ་ཀ་ཏ་ས་མ་ཡ་ཤྲི་ཡེ་ཧཱུྃ། །དབང་བསྐུར་རྡོ་རྗེ་ཆེན་པོ་ནི། །ཁམས་གསུམ་ཀུན་གྱིས་ཕྱག་བྱས་པ། །སངས་རྒྱས་ཀུན་གྱི་གསང་གསུམ་གྱི། །གནས་ལས་བྱུང་བ་སྦྱིན་པར་བྱ། །གཙོ་བོ་རྣམས་ཀྱི་སྙིང་པོ་བརྗོད་ལ། ཨོཾ་བཛྲཱི་བྷ་ཝ་ཨ་བྷི་ཥིཉྩ་ཧཱུྃ། ཞེས་རེ་རེ་ལ་བཏགས། ཐམས་ཅད་ཀྱི་མཇུག་ཏུ། བརྟན་པར་བྱ་བའི་ཕྱིར། ཨོཾ་

[Full Size]