དཔལ་ལྡན་ཤངས་པའི་ཆོས་སྐོར་པོད་བདུན་པ།

འགྲོ་མགོན་ཤངས་པ་བཀའ་བརྒྱུད་ཀྱི་དཔེ་ཚོགས།

ཐུབ་བསྟན་དགེ་འཕེལ། མཁས་བཙུན་རྒྱལ་མཚན་འབུམ། ཤཱཀྱའི་དགེ་སློང་སྤང་བ་པ། ངག་དབང་བསོད་ནམས། དཱ་རི་དྲ། རྗེ་བཙུན་བིརྦ་པ། ནི་གུ་མ། དཱི་པཾ་ཀ་ར་ཤྲཱི་ཛྙཱ། ངག་དབང་ཆོས་གྲགས། ཤཱཀྱའི་སྤྲང་པོ་རི་ཁྲོད་པ། བྱམས་པ་རིན་ཆེན་བཟང་པོ། མཁའ་སྤྱོད་རིག་འཛིན་གྲུབ་པ།

Nitartha international

Images scanned by BDRC

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

རྗེ་བཙུན་མུ་ཏིག་གི་ཕྲེང་བའི་ཞལ་གདམས་ཀྱི་རིམ་པ།

[Full Size]

རྗེ་བཙུན་མུ་ཏིག་གི་ཕྲེང་བའི་ཞལ་གདམས་ཀྱི་རིམ་པ་བཞུགས་སོ། །

[Full Size]

བླ་མ་དམ་པ་རྣམས་ལ་ཕྱག་འཚལ་ལོ། །ལུས་ངག་ཡིད་གསུམ་གུས་བཏུད་ནས། །ཡེ་ཤེས་ཌཱ་ཀི་ནི་གུ་མའི། །ཞལ་གྱི་གདམས་པ་བྲི་བར་བྱ། །དེ་ལ་རྗེ་བཙུན་མུ་ཏིག་གི་ཕྲེང་བ་བསྒོམ་པར་འདོད་པས། །དབེན་པའི་གནས་སུ་འབོལ་བའི་གདན་ལ་ལུས་རྣམ་སྣང་གི་ཆོས་བདུན་དང་ལྡན་པས་འདུག་སྟེ། སེམས་བསྐྱེད་སྔོན་ཏུ་སོང་བའི་ངོས་ནས་རང་ཉིད་དཔལ་འཁོར་ལོ་བདེ་མཆོག་ཏུ་སྐད་ཅིག་གིས་བསྐྱེད་ལ། རྩ་གསུམ་གསལ་འདབ་བོ། །དེ་ནས་གཡས་རཱ་ས་ནའི་ནང་ན་ཨ་ལི་བཅུ་དྲུག་ལྟར་ལ་བརྒྱུས་པ་ལྟར་དཀར་བྲེང་ངེ་བསམ་མོ། །

[Full Size]

གཡོན་ལ་ལའི་ནང་ན་མར། ཀཱ་ལི་སུམ་ཅུ་རྩ་གཉིས་བྱེ་རུ་བཅག་པའི་མདོག་ལྟར་དམར་བ། དེ་ཉིད་འོད་ཀྱི་རང་བཞིན་དུ་རྩ་ནང་ནས་མར་བདེ་ཕྲི་ལི་ལི་སོང་བ་དང་། ལྟེ་བའི་འོག་རྩ་གསུམ་འདོམ་པའི་སར་སླེབས་པ་དང་། གཡས་གཡོན་གྱི་རྩ་གཉིས་པོ་འདོམ་པའི་སར་ཨ་ཝ་དྷཱུ་ཏི་ཁ་གདེངས་ཡོད་པའི་ནང་ན་མར་ཁྱོགས་ཆུད་པས། ཡིག་འབྲུ་རྣམས་རྩ་གཉིས་ལས་དོན་ཏེ་ཨ་ཝ་དྷཱུ་ཏིའི་ནང་ན་ཡར་ལ་དཀར་དམར་དུ་ཕྲི་ལི་ལི་སོང་བ། །ལྟེ་བ་སྤྲུལ་པའི་འཁོར་ལོ་ན་རྩ་རིན་པོ་ཆེའི་གཞལ་ཡས་ཁང་ཞེས་པ་རྩ་མདུད་གྲུ་གསུམ་དུ་ཡོད་པ་དེ། ཆོས་

[Full Size]

འབྱུང་གྲུ་གསུམ་པ་ཕྱི་དཀར་ལ་ནང་དམར་བ་གཅིག་ཏུ་བསམ། དེར་ཡིག་འབྲུ་རྣམས་བསྐྱིལ་བ་བཞིན་དུ། ཆོས་འབྱུང་གི་ནང་དུ་དཀར་དམར་དུ་ཁྱི་ལི་ལི་འཁྱིལ་བས། ཡིག་འབྲུ་རྣམས་འོད་ཀྱི་རང་བཞིན་དུ་ཞུ་བ་དང་། འོད་ཟེར་ལས་རྗེ་བཙུན་མར་རིམ་གྱིས་བསྐྱེད་དེ། དེ་ཡང་ཞབས་ཀྱི་བོལ་མན་ཆད། པུས་མོ་དང་བརླ་གཉིས། རྐེད་པ། ཐུགས་ཁ། ཕྱག་གཉིས། མགྲིན་པ། དབུ་མ་ན་གསལ་སིང་པ་བསྐྱེད། དེ་ཡང་ཞལ་གཅིག་ཕྱག་གཉིས་མ། སྐུ་མདོག་དམར་པོ་ཞལ་ཁྲོ་འཛུམ། མཆེ་བ་ཅུང་ཟད་གཙིགས་པ། སྤྱན་གསུམ་ཧྲིག་ཧྲིག་གཟིགས་པ། ཐོད་སྐམ་ལྔའི་དབུ་རྒྱན་དང་། སྐམ་པོ་ལྔ་བཅུའི་དོ་ཤལ་ཅན། རུས་པའི་རྒྱན་ལྔས་བརྒྱན་པ། ཕྱག་གཡས་རྡོ་རྗེ་གྲི་གུག་གི་སོ་ནང་དུ་བསྟན་ནས་དཔུང་པའི་ཐད་དུ་འཛིན་པ། གཡོན་ཐོད་པ་ཁྲག་གིས་གང་བ་ཐུགས་ཀར་འཛིན་པ། མཆན་ཁུང་ན་

[Full Size]

ཁ་ཊཱྭྃ་ག་བསྣམས་པ། གཅེར་བུ་སྐྲ་གྲོལ་བ། སྐུ་ཤ་རྒྱས་ཤིང་ནུ་མ་འབུར་བ། ཞབས་གཡས་བསྐུམ་གཡོན་བརྐྱང་བས་ཆོས་འབྱུང་གི་ནང་དུ་གར་སྟབས་ཀྱིས་བཞུགས་ཤིང་། གཞོན་ནུ་ལངས་ཚོ་དར་ལ་བབས་པ། མེ་དཔུང་འབར་བའི་དབུས་ན་བཞུགས་པར་བསམ། དེ་ཡང་སྣང་ལ་རང་བཞིན་མེད་པ་མེ་ལོང་ནང་གི་གཟུགས་བརྙན་ལྟ་བུའམ། ཆུ་ནང་གི་ཟླ་བ་ལྟ་བུ་གསལ་སིང་པར་དམིགས་ལ། སྔགས་གསུམ་སྦྲེལ་གི། ཨོཾ་གཉིས་བཞག་ནས་ཅི་ཙམ་ནུས་པ་བཟླའོ། །དེ་ལས་སྐྱོ་ན་ཕྱག་གཡས་པའི་གྲི་གུག་དེ་ཇེ་དམའ་ལ་སོང་བ་ཕྱག་གཡོན་པའི་ཐོད་པའི་ནང་དུ་བཅུག་ནས། གྲི་གུག་གི་ཐོད་པའི་བདུད་རྩི་དཀྲུགས་པས་འོད་དུ་ལྟེམ་ཞུ་ནས་གྲི་གུག་ལ་ཐིམ། གྲི་གུག་འོད་དུ་ཞུ་ནས་རྗེ་བཙུན་མ་ལ་ཐིམ། རྗེ་བཙུན་མ་འོད་དུ་ཞུ་ནས་མེ་ལོང་ལ་ཧས་བཏབ་པ་བཞིན་མཐའ་ནས་དབུས་སུ་

[Full Size]

ཡལ་བ་དང་། དེའི་ངང་ནས་སྐྱེ་མེད་ཕྱག་རྒྱ་ཆེན་པོར་ལྷན་གྱིས་བཞག་གོ །དེ་ལ་ཇི་སྲིད་གནས་ཀྱི་བར་བཞག་གོ །དེ་ལ་སྐྱོ་ན་སྟོང་པའི་ངང་ལས་རྗེ་བཙུན་མར་ལངས་ལ་སྤྱོད་ལམ་བྱའོ། །རྗེས་དགེ་བའི་རྩ་བ་བྱང་ཆུབ་ཏུ་བསྔོ། །དེ་ལྟར་མ་ཆག་པ་ཉམས་སུ་བླངས་པས། །ཕྱིའི་བར་ཆད་གདོན་བགེགས། ནང་གི་བར་ཆད་འདུ་བ་རྣམ་བཞི། གསང་བའི་བར་ཆད་ཉོན་མོངས་པས་མི་ཚུགས་ཤིང་རང་གི་རྒྱུད་ལ་ཡོན་ཏན་གྱི་ཆོས་སྐྱེ་བ་དེ་གནས་པ། འཕེལ་བ་སོགས་དཔག་ཏུ་མེད་པ་འབྱུང་ངོ་། །འདིའི་བསྙེན་པ་བྱེད་ན་སྔར་བཞིན་ནོ། །རྗེ་བཙུན་མར་བསྒོམ་སྟེ། ཨོཾ་སརྦ་བུདྡྷ་ལ་སུམ་བརྒྱ། བཛྲ་བཻ་རོ་ཙ་ན་ལ་སུམ་བརྒྱ། བཛྲ་ཝརྞ་ནི་ལ་སུམ་བརྒྱ་སྟེ། དགུ་བརྒྱ་སོང་བ་དང་། ཨོཾ་གཉིས་བཞག་སྟེ་འབུམ་གྱི་བར་དུ་བསྐྱལ་ལོ། །བྱིན་རླབས་ཆེ་ཞིང་ཟབ་པས་ཤིན་ཏུ་གསང་བའོ། །ལྷ་སྐུ་ལ་བརྟེན་ནས་བོགས་འདོན་པའི་

[Full Size]

སྐབས་སུ། རང་ཉིད་ལྷར་གསལ་བའི་རྡོ་རྗེ་ནོར་བུའི་བུམ་པར་ཐིག་ལེ་དཀར་པོ་འོད་ཟེར་ཁ་དོག་ལྔ་འཕྲོ་བ་གཅིག་བསམ། དེ་ལས་འོད་ཟེར་ཁ་དོག་ལྔ་ལུས་ཀྱི་ནང་ནས་ཡར་འཕྲོས་པས་ལུས་ཐམས་ཅད་འོད་ཟེར་ཁ་དོག་ལྔས་ཁེངས་པས། ལུས་ཐམས་ཅད་འོད་ཟེར་ཁ་དོག་ལྔའི་རང་བཞིན་དུ་ལྟེམ་ལྟེམ་འདུག་པས་ཕྱི་ཤ་ཁྲག་ཐམས་ཅད་དག །ནང་གི་རྒྱུས་པ་ནང་ཁྲོལ་སོགས་དག་པས་ཉོན་མོངས་དུག་ལྔ་དག་སྟེ། འོད་ཟེར་ཁ་དོག་ལྔའི་ལུས་སེམས་ཡེ་ཤེས་ལྔའི་རང་བཞིན་དུ་གསལ་སིང་པ་ལ་སེམས་གཏད་དེ། སྔར་གྱི་ཐུན་ཞབས་ལ་མ་ཆག་པར་བསྒོམ། ལུས་ལ་ཚ་གྲང་གི་ནད་བྱུང་ན། རྡོ་རྗེ་ནོར་བུའི་བུག་པར་ཐིག་ལེ་ནག་པོ་བསྒོམ་ལ་དེ་ལས་འོད་ཟེར་ཁ་དོག་ལྔ་འཕྲོས་པས། ལུས་ཀྱི་ནང་གི་ནད་ཐམས་ཅད་བསྡུས་ཏེ། གཤང་ལམ་དང་ཆུ་ལམ་ནས་མར་སངས་སངས་འཐོན་པར་

[Full Size]

བསྒོམ་མོ། །དེས་ནད་ཐམས་ཅད་སེལ་ལོ། །འཆི་བའི་དུས་སུ་འཆི་རྟགས་ས་ཆུ་ལ་ཐིམ་པས་ལུས་ལྕི་ཐིབས་ཀྱིས་འགྲོ། དེ་དུས་ཐིག་ལེ་དཀར་པོ་འོད་ཟེར་འཕྲོ་བ་དེ། རྐང་པ་གཡས་པའི་རྒྱུ་མ་ཁུགས་ན་རྩ་མདུད་ཡོད་པས། དེའི་ནང་དུ་རང་གི་རྣམ་ཤེས་དང་གཉིས་སུ་མེད་པར་བསམ་ལ། དེ་རྩ་ནང་ནས་ཡར་རིམ་གྱི་དྲངས་ཏེ། བོལ་དང་བྱིན་པ་དང་། པུས་མོ་དང་། བརླའི་རྩ་བོ་ཆེ་ན་ཡར་རིམ་གྱིས་དྲངས་ཏེ། སྐུ་སྨད་ན་རྩ་གསུམ་འདོམ་པར་སླེབ་པ་དང་། རྩ་དབུ་མའི་ཁར་ཚུད་པས། ལྟེ་བ་སྤྲུལ་པའི་འཁོར་ལོ་མེར་གྱིས་བྱུང་བར་བསམ། ཡང་ཆུ་མེ་ལ་ཐིམ་པའི་དུས་སུ། མར་སྣ་ཤེར་བཏབ་འགྲོ། དེའི་དུས་སུ་ཐིག་ལེ་མགྲིན་པར་དྲངས་ལ་དེ་ལ་སེམས་གཏད། རླུང་རྣམ་པར་ཤེས་པ་ལ་ཐིམ་པའི་དུས་སུ། ཤེས་པ་ཕྱད་ཕྱོད་དུ་འགྲོ། དེའི་དུས་སུ་ཐིག་ལེ་རྣམ་པར་ཤེས་པ་དང་བཅས་པ་དེ་སྤྱི་བོར་དྲངས་

[Full Size]

ལ། སྤྱི་བོ་ཚངས་བུག་ནས་རྒྱངས་ཏེ་འཐོན་པ་དང་། ཐིག་ལེ་རྣམ་པར་ཤེས་པ་དང་བཅས་པ་དེ། ལྷན་སྐྱེས་ཡབ་ཡུམ་དུ་ལམ་གྱི་གྱུར་པར་བསམ། དེ་ཡང་ཤ་ཁྲག་གདོས་བཅས་མ་ཡིན་ཏེ། སྣང་ལ་རང་བཞིན་མེད་པ་མེ་ལོང་ནང་གི་གཟུགས་བརྙན་ནམ། བར་སྣང་གི་འཇའ་ཚོན་ནམ། འོད་ཟེར་ཁ་དོག་ལྔ་འཕྲོ་བའི་རང་བཞིན་ཅན་དུ་བསམ་མོ། །དེའི་ངང་ལ་མ་ཡེངས་པར་ཤི་ན་བར་དོ་མེད་པར་གཟུགས་སྐུ་ལོངས་སྤྱོད་རྫོགས་པའི་སྐུར་འགྱུར་རོ། །བླ་མ་ལ་བརྟེན་ནས་བོགས་འདོན་པའི་སྐབས་སུ། སེམས་རང་ལུས་ཡི་དམ་དུ་བསྒོམ་པའི་སྤྱི་བོར། བླ་མ་རྡོ་རྗེ་འཆང་རུས་པའི་རྒྱན་དྲུག་གིས་བརྒྱན་པ། ཡུམ་རྡོ་རྗེ་ཕག་མོ་དང་མཉམ་པར་སྦྱོར་བ། བདེ་ཞིང་འཛུམ་པའི་མདངས་དང་བཅས་པ་བསྒོམ་ལ་གསོལ་བ་བཏབ་པས་བླ་མའི་ནོར་བུ་ནས་ཐིག་ལེ་དཀར་པོ་བྱུང་། ཡུམ་གྱིས་པདྨ་ནས་

[Full Size]

ཐིག་ལེ་དམར་པོ་བྱུང་། རང་གི་ཚངས་བུག་ནས་མར་སོང་། །དཀར་པོ་གཡས་ནས་མར་སོང་། དམར་པོ་གཡོན་ནས་མར་སོང་ནས་ལྟེ་བར་འཛོམས་པ་དང་། མས་ཡར་འཁྱིལ་ཏེ། ལྟེ་བ་ཡན་ཆད་སྤྱི་གཙུག་མན་ཆད་ཐིག་ལེ་དཀར་དམར་གྱིས་གང་བས་ལུས་སེམས་ལ་ཟག་མེད་ལྷན་ཅིག་སྐྱེས་པའི་ཡེ་ཤེས་སྐྱེས་པར་བསམ་ལ། བདེ་སྟོང་གཉིས་མེད་ཀྱི་ངང་དུ་ཇི་སྲིད་གནས་ཀྱི་བར་བཞག་གོ །སེམས་འཕྲོ་ན་སྔར་ལྟར་ཉམས་སུ་བླང་ངོ་། །ཡང་ཚ་གྲང་གི་ནད་གང་བྱུང་ཡང་། བླ་མ་ཡབ་ཡུམ་སྔར་བཞིན་བསྒོམ་པའི་བྱང་སེམས་དཀར་དམར་སྤྱི་བོའི་ཚངས་བུག་ནས་མར་སོང་བས། ལུས་ཀྱི་ནད་ཚ་གྲང་དང་། སྡིག་སྒྲིབ་ཐམས་ཅད་དེད་ནས་གཤང་སྒོ་ཆེ་ཆུང་ནས་མར་ནག་ཉི་ལི་ལི་སོང་སྟེ་སྦྱོང་ཤིང་དག་པར་བསམ་མོ། །དེ་ནས་བླ་མ་ཡབ་ཡུམ་ཚངས་བུག་ནས་མར་ཐིམ་པས། ནད་ཐམས་ཅད་སངས་ཀྱིས་དག །སྐྱེ་མེད་

[Full Size]

བདེ་སྟོང་གི་ངང་ལ་ལྷན་གྱིས་བཞག་གོ །རྗེས་དགེ་བ་བྱང་ཆུབ་ཏུ་བསྔོའོ། ༈ །ཡང་སྐོམ་དུ་འཐུང་བ་བདེ་དྲོད་ཀྱི་སྐབས་སུ་ས་བོན་བསྒོམ་པ་ནི། མགྲིན་པ་ལོངས་སྤྱོད་ཀྱི་འཁོར་ལོའི་དབུས་སུ་ཨོཾ་ཡིག་སེར་པོ། དེ་བཞིན་དུ་སྙིང་གར་ཧཱུྃ་ཡིག་སྔོན་པོ། ལྟེ་བར་ཨཱཿཡིག་དམར་པོའོ། །རྨི་ལམ་རང་ཟིན་གྱི་སྐབས་སུ། རང་ཉིད་འཁོར་ལོ་བདེ་མཆོག་ཏུ་བསྒོམ། དེའི་སྤྱི་བོར་ཟླ་བའི་གདན་གྱི་སྟེང་དུ། བླ་མ་སྐུ་མདོག་དཀར་པོ་འོད་ཀྱི་རང་བཞིན་ཅན། བྱང་ཆུབ་སེམས་ཀྱི་འོད་ཀྱི་རང་བཞིན་ཅན་དུ་བསྒོམ་ལ་གསོལ་བ་གདབ། དེ་ནས་སྟེང་རླུང་ཅུང་ཟད་མནན་པས། རང་གི་སྤྱི་བོ་ནས་ཐིག་ལེ་དཀར་པོ་ཆད། སྙིང་ཁར་སླེབ་གཏི་མུག་དག །ལྟེ་བ་ནས་ཐིག་ལེ་དམར་པོ་ཆད། སྙིང་ཁར་སླེབ། འདོད་ཆགས་དག །ཞེ་སྡང་རང་དག་ཡིན། །དེ་ནས་ཐིག་ལེ་དེ་གཉིས་དབུ་མའི་ནང་དུ་

[Full Size]

འབྲོས་འདེད་ཀྱི་ཚུལ་དུ་ཁོ་རོ་རོ་འཁོར་བ་ལ་སེམས་གཏད། དེ་ལྟར་དུ་འཁོར་བ་བུམ་དབང་གི་ངོ་བོར་ཤེས་པར་བྱས་ལ། རྨི་ལམ་གྱི་འདུན་པ་མ་ཡེངས་བར་བྱའོ། །དེ་ནས་ཐིག་ལེ་དེ་གཉིས་གཅིག་ལ་གཅིག་རེད་པས་གསང་དབང་གི་ངོ་བོར་བལྟས་ལ་རྨི་ལམ་གྱི་འདུན་པ་མ་ཡེངས་པར་དྲག་ཏུ་བཟུང་བར་བྱའོ། །དེ་ནས་ཐིག་ལེ་དེ་གཉིས་དབྱེར་མེད་དུ་ཁྲུགས་ཀྱིས་འདྲེས་པ་ཤེས་རབ་ཡེ་ཤེས་ཀྱི་ངོ་བོ་ཡིན་པས། བདེ་སྟོང་གི་ངང་ལ་སེམས་མ་ཡེངས་པར་རྨི་ལམ་གྱི་འདུན་པ་ཡང་ཡང་བྱའོ། །དེ་ནས་ཐིག་ལེ་དེ་གཉིས་ཀྱང་འོད་དུ་ཡལ་སོང་བ་དེ་དབང་བཞི་པའི་ངོ་བོ་ཡིན་པས་དེའི་ངང་ལ་རྨི་ལམ་གྱིས་འདུན་པ་ཡང་ཡང་བྱ་ཞིང་གཉིད་ལོག་པས་རྨི་ལམ་ཟིན་པར་འགྱུར་རོ། །རྨི་ལམ་གྱི་སྐབས་སུ། རྟོག་མེད་ལ་བཟུང་བ་གཉིས་ཀྱི་དང་པོ་ནི། རང་ཡི་དམ་དུ་གསལ་བའི་སྤྱི་བོའི་ཧཾ་ལས་ཐིག་ལེ་དཀར་པོ་ཆད་སྙིང་གར་བྱུང་སྟེ་གཏི་

[Full Size]

མུག་དག །ལྟེ་བ་ནས་ཐིག་ལེ་དམར་པོ་ཆད་སྙིང་གར་བྱུང་འདོད་ཆགས་དག །ཞེ་སྡང་རང་དག་ཡིན། དེ་ནས་ཐིག་ལེ་དེ་གཉིས་རོ་རྐྱང་གཉིས་ནས་བརྒྱུད་ནས་ཐིག་ལེ་དཀར་པོ་སྣ་བུག་གཡས་ནས་འཐོན། དམར་པོ་གཡོན་ནས་འཐོན། སྨིན་མཚམས་སུ་ཐིག་ལེ་དེ་གཉིས་འཁོར་བ་ལ་སེམས་གཏད། དེ་ནས་ཐིག་ལེ་དཀར་པོ་ཡོངས་སུ་གྱུར་པ་ལས། བདེ་མཆོག་དཀར་པོ་དང་། དམར་པོ་ཡོངས་སུ་གྱུར་པ་ལས་ཕག་མོ་དམར་མོས་འཁྱུད་པར་བསྒོམ། དེ་ནས་གཉིད་དུ་འགྲོ་ལ་ཁད་པ་དང་ཡུམ་འོད་དུ་ཞུ་ནས་ཡབ་ལ་ཐིམ་ཡབ་ཀྱང་འོད་དུ་ཡལ་ལ་དམིགས་པ་མེད་པའི་ངང་དུ་བཞག་ལ། རྨི་ལམ་གྱི་འདུན་པ་ལ་མ་ཡེངས་པར་བྱའོ། ༈ །གཉིས་པ་ནི། རང་ཡི་དམ་དུ་གསལ་བའི་སྙིང་གར་བླ་མ་སྐུ་མདོག་དཀར་པོ་བྱང་ཆུབ་ཀྱི་སེམས་དཀར་པོའི་རང་བཞིན། འོད་ཟེར་འཕྲོ་བ་གཅིག་བསྒོམ།

[Full Size]

བླ་མའི་ཐུགས་ཀར་ཧཱུྃ་དཀར་པོ་འོད་ཟེར་འཕྲོ་བ་ཁ་དོག་དཀར་པོ་བྱང་ཆུབ་ཀྱི་སེམས་ཀྱི་རང་བཞིན་ཡིན་པ་དེ་ལས་འོད་ཟེར་འཕྲོས། བླ་མ་གསལ་བ་བྱས། བླ་མ་ལས་འོད་ཟེར་འཕྲོས། རང་ཉིད་ཡི་དམ་དུ་གནས་པ་གསལ་བར་བྱས་ལ། དེ་ནས་གཉིད་དུ་ཡུར་འགྲོ་བ་དང་། རང་ཡི་དམ་དུ་གསལ་བ་དེ་ཡང་འོད་དུ་ཞུ་ནས་བླ་མ་ལ་ཐིམ། བླ་མ་ཡང་འོད་དུ་ཞུ་ནས་ཧཱུྃ་ལ་ཐིམ། ཧཱུྃ་ཡང་འོད་དུ་ཡལ་བ་སེམས་མི་དྲག་ཙམ་གཏད་ལ་རྨི་ལམ་བཟུང་བར་བྱའོ། ༈ཡང་བདག་མེད་མས་སྦྱང་བའི་སྐབས་སུ། རང་ཡི་དམ་དུ་གསལ་བའི་མདུན་དུ་བདག་མེད་མ་སྐུ་མདོག་སྔོན་མོ་གྲི་གུག་དང་ཐོད་པ་འཛིན་པ་བདེ་བའི་རང་བཞིན་ཅན་བསྒོམ་ལ། དེའི་གསང་གསུམ་ཨོཾ་ཨཱཿསྭཱ་ཧཱ་ཞེས་པའི་བྱང་སེམས་དམར་པོའི་རང་བཞིན་དུ་བསྒོམ། རང་གི་གསང་གནས་སུ་ཧཱུྃ་སྔོན་པོ་བསྒོམ། ཧཱུྃ་ལས་འོད་ཟེར་འཕྲོས་པས་ཨོཾ་ཨཱཿསྭཱ་ཧཱ་

[Full Size]

ཞེས་པ་བྱང་ཆུབ་ཀྱི་སེམས་ཀྱི་རང་བཞིན་དུ་ཞུ་བ། འོད་ཟེར་བ་ཐག་ལྟ་བུར་དྲངས་ནས། རང་གི་གསང་གནས་ནས་ཡར་བྱུང་། ལུས་བྱང་ཆུབ་སེམས་ཀྱིས་གང་ནས་བདེ་བའི་རང་བཞིན་དུ་གྱུར། མཐར་རྗེ་བཙུན་མ་ཡང་བྱང་ཆུབ་སེམས་དམར་པོའི་རང་བཞིན་དུ་ཞུ་བ་དྲངས་ཏེ་རང་ལ་ཐིམ་པས་སྒྲིབ་གཉིས་བག་ཆགས་དང་བཅས་པ་དག་ནས། སེམས་བདེ་སྟོང་གཉིས་མེད་ཀྱི་ངང་ལ་ལྷན་གྱིས་བཞག་པར་བྱའོ། ༈ །ཡང་བདག་མེད་མ་སྦྱང་བའི་སྐབས་སུ་རང་སེམས་ཡི་དམ་དུ་གསལ་བའི་ལྟེ་བའི་རྩ་དབུ་མའི་ནང་དུ་ཆོས་འབྱུང་ཕྱི་དཀར་ལ་ནང་དམར་བ། འོད་ཀྱི་རང་བཞིན་ཅན་ཅིག་བསམ། དེའི་ནང་དུ་བདག་མེད་མའི་ས་བོན་ཨོཾ་ཨཱཿསྭཱ་ཧཱ། ཞེས་པ་ཁ་དོག་སྣ་ཚོགས་སུ་ཡོད་པ་དེ་ལ་བདག་མེད་མས་གཙོ་བྱས་པའི་ཡི་དམ་དཔག་ཏུ་མེད་པ་བྱུང་། རང་གི་སྣ་བུག་གཡས་

[Full Size]

ནས་ཐོན་ནས། འཇིག་རྟེན་གྱི་ཁམས་ཐམས་ཅད་ཡི་དམ་གྱིས་གང་། དེ་རྣམས་ཀྱང་རང་རང་གི་སྔགས་ཀྱི་སྒྲ་དི་རི་རི་སྒྲོག་ཅིང་། འོད་ཟེར་སེམས་ཅན་ཐམས་ཅད་ལ་ཕོག་པས་སེམས་ཅན་ཐམས་ཅད་ཀྱི་སྒྲིབ་པ་བག་ཆགས་དང་བཅས་པ་སྦྱངས་ནས་ཡི་དམ་དུ་གྱུར་པར་བསམ། ཡང་རང་གི་སྣ་བུག་གཡས་པ་ནས་མཆོད་པའི་ལྷ་མོ་དཔག་ཏུ་མེད་པ་བྱུང་། ཡི་དམ་དེ་ཐམས་ཅད་ལ་ཕྱི་ནང་གསང་གསུམ་གྱི་མཆོད་པས་མཉེས་པར་བསམ་ལ། ཚུར་འདུས་རང་གི་སྣ་བུག་གཡོན་ནས་ཞུགས་ཐོད་པའི་ནང་གི་ཨོཾ་ཨཱཿསྭཱ་ཧཱ་ལ་ཐིམ་ཞིང་ཨོཾ་ཨཱཿསྭཱ་ཧཱ་བདེ་བའི་རང་བཞིན་དུ་འོད་དུ་ཞུ། དེ་ཡོངས་སུ་གྱུར་པ་ལས་བདག་མེད་མ་སྣང་ལ་རང་བཞིན་མེད་པ་འོད་ཀྱི་རང་བཞིན་ཅན་ཅིག་བསྒོམ་ལ། དེ་ལ་ཡི་དམ་ཀྱི་ལྷ་ཁྱེད་ཀྱིས་བདག་གིས་བདག་འཛིན་བློས་ཐོངས་པར༴ །དགོས་མེད་རྒྱུད་ལ་སྐྱེ་བར་བྱིན༴ །ཡུལ་སྣང་

[Full Size]

གཏན་ལ་ཕེབས་པར་གསོལ་བ་གདབ། དེ་ནས་བདག་མེད་མའི་ཐུགས་ཀར་མེ་ལོང་གི་ངོས་ལྟ་བུ་དེ་ལ་གང་ལྟ་བར་འདོད་པ་དེ་བཀྲ་ལམ་མེ་ཡོད་པར་བསམ་ལ། དེ་ལ་སེམས་མི་དྲག་པར་གཏད་ནས་གཉིད་ལོག་ལ་ཡུལ་སྣང་བལྟ་བར་བྱའོ། །ཡང་ཐིག་ལེ་ཡུལ་སྣང་གསལ་བྱེད་ཀྱི་སྐབས་སུ། རང་ཡི་དམ་དུ་གསལ་བའི་ངང་ནས་སྟེང་རླུང་ཅུང་ཟད་མནན་པས། སྤྱི་བོ་ནས་ཐིག་ལེ་དཀར་པོ་ཆད། སྙིང་གར་སླེབས། གཏི་མུག་དག །འོག་རླུང་ཅུང་ཟད་འཐེན་པས་གསང་གནས་སུ་ཧཱུྃ་ཡིག་ལས་ཐིག་ལེ་སྔོན་པོ་ཆད། སྙིང་ཁར་སླེབས་པས་འདོད་ཆགས་དག །ཞེ་སྡང་རང་དག་ཡིན། ལྟེ་འོག་ནས་ཐིག་ལེ་དམར་པོ་ཆད། སྙིང་ཁར་སླེབས། དེ་རྣམས་ཡོངས་སུ་གྱུར་པ་ལས་ཐིག་ལེ་ཁ་དོག་སྣ་ཚོགས་པ་ལས་འོད་ཟེར་འཕྲོས་པས་གང་ལྟ་བར་འདོད་པའི་ཡུལ་སྣང་ལ་འོད་ཟེར་བ་ཐག་ལྟ་བུའི་

[Full Size]

སྦྲེལ་ནས་ཡོད་པར་བསམ་ལ། དེ་ལ་སེམས་མི་དྲག་ཙམ་དུ་གཏད་ལ་གཉིད་པས་ཡུལ་སྣང་བལྟ་བར་བྱའོ། ༈འོད་གསལ་གྱི་དམིགས་པའི་སྐབས་སུ་ཨ་བསྒོམ་པ་ནི་རང་གི་ལྟེ་བའི་འོག་ཏུ་དབུ་མའི་རྩ་གསུམ་འདོམ་པའི་སར་ཆོས་འབྱུང་ཕྱི་དཀར་ལ་ནང་དམར་བ་འོད་ཀྱི་རང་བཞིན་ཅན་ཅིག་བསྒོམ། དེའི་ནང་དུ་ངོ་བོ་བྱང་ཆུབ་ཀྱི་སེམས་ལ། དངུལ་ཆུའི་མདོག་ལྟ་བུ་འོད་ཟེར་འཚེར་བ་དང་བཅས་པའི་ཨ་དཀར་པོ་འོད་ཀྱི་རང་བཞིན་ཅན་བསྒོམ་ལ། དེ་དང་རང་གི་སེམས་དབྱེར་མེད་དུ་བྱས་ལ། འོད་གསལ་གྱི་འདུན་པ་དང་མ་བྲལ་བར་བྱེད་པའོ། ༈ །བདག་མེད་མ་བསྒོམ་པ་ནི་རང་གི་ཐོད་པའི་འོག་ཀླད་རྒྱའི་སྟེང་དུ་བདག་མེད་མ་སྐུ་མདོག་དཀར་མོ་འོད་ཀྱི་རང་བཞིན། དེའི་ཐུགས་ཀར་ཨ་དཀར་པོ་གོང་བཞིན་གསལ་བ་ལ་རིག་པ་གཏད། རང་སེམས་དང་དབྱེར་མེད་དུ་

[Full Size]

འདྲེས་པའི་ངང་ནས་འོད་གསལ་གྱི་འདུན་པ་ཡང་ཡང་བྱའོ། ༈ །བླ་མའི་སྐབས་སུ་རང་ཡི་དམ་དུ་གསལ་བའི་རྩ་དབུ་མའི་ནང་སྙིང་ཁ་ཆོས་ཀྱི་འཁོར་ལོའི་དབུས་སུ་རྩ་བྷ་སན་ཏ་ཁ་གྱེན་ལ་ཕྱོགས་པ། པདྨ་འདབ་མ་བཞི་པ་གྱུར་པའི་དབུས་སུ། བླ་མ་སྐུ་མདོག་དཀར་པོ་མཚོན་གང་པ་འོད་ཀྱི་རང་བཞིན་བྱང་ཆུབ་སེམས་ཀྱི་ངོ་བོར་བསམ་ལ། དེའི་ཐུགས་ཀར་ཧཱུྃ་སྔོན་པོ་འོད་ཟེར་འཚེར་བ་དང་བཅས་པ་བསམ་ལ། དེ་ནས་གཉིད་དུ་འགྲོ་བ་དང་ཧཱུྃ་གི་འོད་ཀྱིས་བླ་མ་གསལ་བར་བྱས། བླ་མ་ལས་འོད་ཟེར་བྱུང་བས་རང་ཡི་དམ་དུ་གསལ་བ་ཡང་ཆེས་གསལ་བར་བྱས་ནས་འོད་ཀྱི་འདུན་པ་ཡང་ཡང་བྱ་ཞིང་། མཐར་འོད་དུ་ཞུ་བ་བླ་མ་ལ་ཐིམ། བླ་མ་འོད་དུ་ཞུ་བ་ཧཱུྃ་ལ་ཐིམ། ཧཱུྃ་ཡང་ཞབས་ཀྱུ་ནཱ་ད་ལ་བསྡུས་པ་ནས་ནཱ་དའི་བར་བསྡུ་བའོ། །ཡང་ན་འོད་དུ་ཡལ་

[Full Size]

སོང་བའི་ངང་ནས་འོད་གསལ་གྱི་འདུན་པ་ཡེངས་མེད་དུ་བྱས་པས་འོད་གསལ་ཟིན་པར་འགྱུར་རོ། ༈ །རྩ་མདུད་གྲོལ་བ། ཐིག་ལེ་དྲངས་པ། རླུང་དབུ་མར་ཞུགས་པ། གེགས་བསལ་བ་དང་བཞི་ཡོད་པའི་དང་པོ་ནི། དབེན་པའི་གནས་སུ་བདེ་བའི་སྟན་ལ་ལུས་རྣམ་སྣང་གི་ཆོས་བདུན་བཅའ། དམིགས་པ་རྩ་གསུམ་གསལ་གདབ་ལ། རོ་རྐྱང་གཉིས་ཀྱི་མར་སྣ་དབུ་མར་ཚུད་པར་བསམ་ལ། རྐང་པ་སྐྱིལ་ཀྲུང་། ལག་པ་མཉམ་བཞག་བྱས་ལ། རོ་སྟོད་གཡས་གཡོན་དུ་དྲག་པོ་བདུན་བཅུའོ། །དེས་རྩ་མདུད་གྲོལ་བར་བྱེད། ༈ །གཉིས་པ་ཐིག་ལེ་དྲངས་པ་ནི། །ལུས་དྲངས་སིང་སྟེ་ལངས་ལ་རླུང་ལྟེ་འོག་ཏུ་བྱིར་ཏེ་མནན། གསང་གནས་ཐིག་ལེ་ཧཱུྃ་གིས་གྱེན་ལ་དྲངས། སྤྱི་བོའི་ཧཾ་ལ་བསྟིམ། དེའི་རྗེས་ནས་ཡར་མེ་མཚན་ཉིད་བཞི་ལྡན་འབར་ཏེ། རྩེ་མོ་མགྲིན་པར་ཐོན་ཙམ་ལ་སེམས་གཏད། །

[Full Size]

བཞི་པ་གེགས་བསལ་བ་ནི། །མགོ་བོ་བསྐོར་ཞིང་ཕྱོགས་བཞིར་འཕངས། །ལག་སོར་བྲང་ཁར་བསྣོལ་ནས་གཡས་གཡོན་དུ་དྲག་ཏུ་གཅུ་ཞིང་འཐེན། །ལག་པ་མདའ་འཕེན་ལྟར་བྱ་ཞིང་མདུན་དུ་སྤྲུག་པའོ། །ལག་གཉིས་པ་མནན་བྱ། རྐེད་པ་བསྐོར་ཞིང་བྱ་སྙེངས་བྱ། ལག་གཉིས་བརྐྱང་ཤིང་མགོ་བོ་རྒྱབ་ཏུ་སྒྱེད། ལངས་ལ་རྐང་པ་ཐུར་དུ་སྤྲུག་ཅིང་ཕྱོགས་བཞིར་འཕངས། དམིགས་པ་མེ་དམིགས་གསལ་བར་བསྒོམ། ནད་རྣམས་དུད་པའི་རྣམ་པར་སྤྱི་བོ་ནས་སྔོ་ཕྱུ་རུ་རུ་སོང་བར་བསམ་མོ། །རྗེས་ལ་ཀྵ་ཡིག་སྔོན་པོས་ཚངས་བུག་བཀག །ལུས་ཀྱི་བ་སྤུའི་བུ་ག་ཐམས་ཅད་ཧཱུྃ་གིས་བལྟམས་པར་བསྒོམ། དེ་ཐམས་ཅད་ལ་རླུང་བཟུང་། རྗེས་ཕྱག་རྒྱ་ཆེན་པོ་ལ་ཡུན་རིང་དུ་བཞག །དེ་རྣམས་ཀྱིས་གེགས་སེལ་ཅིང་འདྲེ་མོའི་གནོད་པ་ལ་སོགས་ཐུབ་བོ། །ནི་གུ་མའི་གཏུམ་

[Full Size]

མོ་བསྒོམ་པའི་ཞལ་གདམས་ཀུན་ལ་མེད་པའི་ཆིག་བརྒྱུད་ལགས། །ཞལ་གདམས་བཀའ་རྒྱ་མའོ། །དཔེ་འདི་གཞན་ལ་མི་བསྟན། །ཨིྀྠ། །མངྒ་ལཾ་བྷ་ཝནྟུ། །༈ སྐུ་གསུམ་ལམ་ཁྱེར་དང་། སྐུ་གསུམ་གནས་ལུགས་བཞུགས། །རྒྱ་གར་སྐད་དུ། ཀཱ་ཡ་ཏྲ་ཡ་དྷ་ན་ཀྲ་ན་མ། བོད་སྐད་དུ། སྐུ་གསུམ་རང་བཞིན་ལམ་ཁྱེར་ཞེས་བྱ་བ། དཔལ་ལྷུན་གྲུབ་འདུས་མ་བྱས་ལ་ཕྱག་འཚལ་ལོ། །རྒྱལ་བ་ལོངས་སྐུ་རྡོ་རྗེ་འཆང་ཆེན་གྱིས། །སྐྱེ་མེད་རང་སྒྲ་འདི་སྐད་ཐོས། །སྐུ་གསུམ་རང་ཤར་ཨེ་མ་ཧོ། །འཇིག་རྟེན་བྱ་བ་ཀུན་སྤངས་ནས། །རབ་ཏུ་དབེན་པའི་གནས་མཆོག་ཏུ། །དབྱར་དགུན་སྟོན་དཔྱིད་རིམ་ཤེས་པས། །སྟན་ལ་བསམ་གཏན་སྐྱིལ་ཀྲུང་བཅའ། །རང་ལུས་སྣང་སྟོང་ལྷ་སྐུ་ཡི། །སྤྱི་བོ་སྙིང་ག་བླ་མ་གསལ། །གསོལ་བ་བཏབ་ལ་མཆོད་པ་དབུལ། །བསམ་པ་ཐམས་ཅད་

[Full Size]

ཡོངས་སྤངས་ནས། །མཚན་ཉིད་ལྡན་པའི་ཐང་སྐུ་ལ། །གླང་པོ་ཆེའི་ལྟ་སྟངས་ཀྱིས། །སྐད་ཅིག་མ་ཡེངས་བལྟ་བར་བྱ། །ཡེངས་ན་ཛོ་ཀིའི་ལམ་ཉམས་འགྱུར། །ཇི་ལྟར་ཤེལ་སྒོང་དག་པ་ལ། །ཉི་མའི་འོད་ཕོག་འཇའ་ཚོན་བཞིན། །ལྷ་སྐུ་གསལ་སྟོང་རང་བཞིན་མེད། །ཟུང་འཇུག་མཐའ་བྲལ་རང་བཞིན་ནོ། །དེ་ལྟར་ཐང་སྐུ་མཁའ་ཟེར་ལ། །དུབ་པ་གསལ་ཞིང་ལྟ་བར་བྱ། །ཟླ་གསུམ་གོམས་ཤིང་བརྟན་པར་བྱ། །ཉིན་མཚན་ལྷ་སྐུ་རང་ཤར་འབྱུང་། །དེ་ནི་སྐུ་གསུམ་དབྱེར་མེད་དོ། །དེ་བརྟན་ནས་ནི་རང་ཉིད་དང་། །ཕྱི་རོལ་སྣང་བ་སྣ་ཚོགས་སེམས། །གསལ་སྟོང་བདེ་ཆེན་ལྷ་ཡི་སྐུ། །དབྱེར་མེད་སྐུ་གསུམ་རང་ཉིད་ལ། །སྤྱོད་ལམ་རྣམ་བཞིར་མ་ཡེངས་འབད། །བསྐྱེད་རྫོགས་ཟུང་འཇུག་མཐའ་བྲལ་ལས། །བཟླས་བརྗོད་སྐྱེ་མེད་རང་སྒྲར་ལྟོས། །ཟླ་དྲུག་གོམས་པའི་སྦྱོར་བ་ཡི། །སྐུ་གསུམ་འགྲུབ་

[Full Size]

འགྱུར་ཐེ་ཚོམ་མེད། །དེ་དོན་བླ་མ་མཆོག་ལ་དྲིས། །སྐུ་གསུམ་ལོ་ཟླ་བར་དོར་འགྲུབ། །རྒྱལ་བའི་དགོངས་པ་ཡང་དག་བཀའ། །ཆིག་རྒྱུད་རྡོ་རྗེའི་རྒྱས་གདབ་བོ། །སྐུ་གསུམ་ལམ་ཁྱེར་ཞེས་བྱ་བ་རྫོགས་སོ། །ཡེ་ཤེས་ཀྱི་མཁའ་འགྲོ་མ་ལ་གསེར་སྲང་ལྔ་བརྒྱ་ཕུལ་ནས་ཞུས་ཏེ། བདག་ཁྱུང་པོ་རྣལ་འབྱོར་པས་ཟླ་བ་གསུམ་གྱིས་ཉམས་སུ་མྱོང་པར་བྱས་པའོ། །ཨིྠྀ། །བདེ་ཆེན་ལྷུན་གྲུབ་འདུས་མ་བྱས་ལ་ཕྱག་འཚལ་ལོ། །དེ་ལ་སྐུ་གསུམ་གྱི་གནས་ལུགས་ལ་གསུམ་སྟེ། །གཞི་སྐུ་གསུམ་རང་གནས། ལམ་སྐུ་གསུམ་ལམ་ཁྱེར། འབྲས་བུ་སྐུ་གསུམ་ཁོ་ནར་འགྱུར་ཏེ། །དང་པོ་ནི། སེམས་ཆོས་ཉིད་སྐྱེ་མེད་སྟོང་ཉིད་ལས། འགག་མེད་སྣ་ཚོགས་སུ་ཤར་ཞིང་སྣང་བའོ། །དེ་ལྟར་སེམས་ཉིད་འོད་གསལ་བདེ་ཆེན་ཟུང་འཇུག་སྐུ་གསུམ་གདོད་མ་ནས་གནས་པ་ནི། གཞི་སྐུ་གསུམ་རང་གནས་སོ། །གཉིས་པ་

[Full Size]

ལམ་ཁྱེར་ལ་གཉིས་ཏེ། ཟབ་དོན་དུ་བསྟན་པ་དང་། དེ་ཉིད་རྒྱས་པར་བསྟན་པའོ། །དང་པོ་ནི། སེམས་བསྐྱེད་སྔོན་དུ་སོང་པས། ས་བོན་ནམ། སྐད་ཅིག་གིས་རང་ཉིད་ལྷ་སྐུ་གསལ་སྟོང་བདེ་ཆེན་གྱི་རང་བཞིན་ལ་མ་ཡེངས་པར་བལྟའོ། །དེ་ལ་གོམས་པ་དང་། སྟོང་གསལ་བདེ་ཆེན་ཟུང་འཇུག་གི་ལྷ་སྐུ་འོད་ཀྱི་རང་བཞིན་ཅན་ཉིན་མཚན་དུ་རང་ཤར་དུ་འབྱུང་ངོ་། །དེ་ནི་རྒྱལ་བ་ལོངས་སྐུ་གསུམ་ལྡན་དངོས་སོ། །དེ་ལྟར་ལྷ་སྐུ་གསལ་སྟོང་བདེ་ཆེན་བསྐྱེད་རྫོགས་ཟུང་འཇུག་དེ་ཉིད་གང་དུ་ཡང་མི་དམིགས་པའོ། །དེ་ཉིད་ཀྱི་ངང་ལ་གཟུགས་སྣང་སྟོང་། བཟླས་བརྗོད་གྲགས་སྟོང་དབྱེར་མེད་ཀྱི་རང་སྒྲར་བལྟས་ལ་བཟླས་པ་བྱའོ། །དེ་ནས་རང་གི་སེམས་ཕྱི་རོལ་དུ་ཡུལ་སྣང་སྣ་ཚོགས་སུ་ཤར་ཡང་། སྣང་བ་འདི་ཐམས་ཅད་ལྷ་སྐུ་སྣང་སྟོང་དབྱེར་མེད་བདེ་ཆེན་འོད་གསལ་གྱི་རང་བཞིན་ཅན་དུ་

[Full Size]

བལྟས་པས། སྔགས་དང་བཟླས་པ་གོང་བཞིན་བྱའོ། །དེ་ནི་རབ་ཟླ་བ་གསུམ། འབྲིང་ཚེ་ཅིག །ཐ་མ་བར་དོ་ལ་སངས་མི་རྒྱ་མི་སྲིད་དོ། །དེ་ལྟར་ཡང་། དགོངས་པ་ཀུན་ཏུ་གྲོལ་བའི་བཤད་རྒྱུད་ལས། གསལ་སྟོང་བདེ་ཆེན་ལྷ་སྐུ་ལ། །སྐུ་གསུམ་ལམ་ཁྱེར་བཟླས་བརྗོད་བྱ། །ཟླ་གསུམ་ཚེ་གཅིག་བར་མ་དོར། །རྒྱལ་བ་ལོངས་སྐུ་ཐོབ་པར་འགྱུར། །ཞེས་སོ། །གཉིས་པ་ནི། སེམས་བསྐྱེད་སྔོན་དུ་སོང་བས། མངོན་བྱང་ལྔའམ། ཆོ་ག་གསུམ་མམ། ས་བོན་ནམ། སྐད་ཅིག་གིས་རང་ཉིད་ལྷ་གསལ་སྟོང་དབྱེར་མེད་བདེ་ཆེན་འོད་ཀྱི་རང་བཞིན་ཅན། སྐུ་གསུམ་རང་ཆས་དེ་ལ་གོམས་པར་བྱས་པ་དང་། དབྱེར་མེད་བདེ་ཆེན་གྱི་ལྷ་སྐུ་འོད་ཀྱི་རང་བཞིན་ཅན་ངོས་བཟུང་གི་དྲི་མ་ཐམས་ཅད་དང་བྲལ་བ། རྐྱེན་གཞན་གྱིས་མི་འཕྲོགས་པ། ཉིན་མཚན་ཀུན་ཏུ་རང་ཤར་དུ་འབྱུང་ངོ། །དེ་ཡང་ལྷ་སྐུ་གསལ་བའི་ངོ་

[Full Size]

བོ་དེ་སྣང་བ། །དེ་སྟོང་པས་སྣང་སྟོང་ཟུང་འཇུག་ཆུ་ཟླ་ལྟ་བུའོ། །ཡང་སྟོང་པ་སྐྱེ་མེད་ལས་འགག་མེད་དུ་ལྷ་སྐུར་གསལ་བས་ན། སྟོང་གསལ་ཟུང་འཇུག་འཇའ་ཚོན་ལྟ་བུའོ། །དེ་ལྟར་གསལ་སྟོང་དང་། སྟོང་གསལ་ཟུང་འཇུག་བདེ་བར་ཤར་ན་ཟག་མེད་བདེ་བ་ཆེན་པོའི་ཡེ་ཤེས་སོ། །ཡང་ན་ལྷ་སྐུ་དེ་སྣང་ཙམ་ཉིད་ན་སྟོང་། སྟོང་ཙམ་ཉིད་ན་སྣང་བས། སྣང་སྟོང་གསལ་སྟོང་དབྱེར་མེད་བདེ་བ་ཆེན་པོའི་སྐུ་བཞི་ཡེ་ཤེས་ལྔར་ཤར་བའོ། །དེ་ཡང་གསལ་བྱེད་དམ། འཆར་བྱེད་གཞན་ལ་མི་ལྟོས་པས་རང་ཤར་དུ་ཤེས་པར་བྱའོ། །དེ་ལ་ལྷ་སྐུ་གསལ་བས་སྤྲུལ་སྐུ། ངོ་བོ་སྟོང་པས་ཆོས་སྐུ། རང་བཞིན་མེད་པས་ལོངས་སྐུ། དབྱེར་མི་ཕྱེད་པས་བདེ་བ་ཆེན་པོའི་སྐུར་ཤེས་པར་བྱའོ། །དེས་ན་ལྷ་སྐུ་གསལ་སྟོང་དབྱེར་མེད་བདེ་ཆེན་བསྐྱེད་རྫོགས་ཟུང་འཇུག །དེ་ཉིད་གང་དུའང་མི་

[Full Size]

དམིགས་པ་སྟེ། དེའི་ངང་ལས་སྔགས་སྣང་སྟོང་འཇའ་ཚོན་ལྟ་བུ། བཟླས་བརྗོད་གྲགས་སྟོང་བྲག་ཆ་ལྟ་བུ་ལ། དོན་སྐྱེ་མེད་ཀྱི་རང་སྒྲ་འགག་མེད་དུ་ཤར་བར་བལྟ་བར་བྱའོ། །དེ་ལ་སྔགས་སུ་སྣང་བ་བདེ་བས་ལོངས་སྐུ། སྣང་དུས་ན་སྟོང་པས་ཆོས་སྐུ། བྲག་ཆ་ལྟར་གསལ་བས་སྤྲུལ་སྐུ། བདེ་སྟོང་གསལ་གསུམ་དབྱེར་མི་ཕྱེད་པས་ངོ་བོ་ཉིད་ཀྱི་སྐུའོ། །དེ་བཞིན་དུ་རང་གི་སེམས་སྟོང་པ་སྐྱེ་མེད་ལས། འགག་མེད་ཡུལ་སྣ་ཚོགས་སུ་ཕྱིར་ཤར་ཅིང་། སྣང་བ་ཐམས་ཅད་ཀྱང་ལྷ་སྐུ་གསལ་སྟོང་དབྱེར་མེད་བདེ་ཆེན་གྱི་རང་བཞིན་སྐུ་གསུམ་ལམ་དུ་འཁྱེར་བར་བྱའོ། །དེར་གྲགས་པ་ཐམས་ཅད་ཀྱང་སྔགས་སྣང་སྟོང་། སྒྲ་གྲགས་སྟོང་སྐྱེ་མེད་ཀྱི་རང་སྒྲ་སྐུ་གསུམ་དུ་བལྟ་བར་བྱའོ། །དེས་རབ་ཟླ་བ་གསུམ། འབྲིང་ཟླ་བ་དྲུག །ཐ་མས་ཡང་ཚེ་གཅིག་གམ། །བར་དོའམ། ཐ་མའི་ཐ་མ་

[Full Size]

སྐྱེ་བ་གཉིས་གསུམ་ནས། སངས་མི་རྒྱ་མི་སྲིད་དོ། ཡེ་ཤེས་དགོངས་པ་བླ་ན་མེད་པའི་རྒྱུད་ལས། བདེ་སྟོང་གསལ་བའི་ཏིང་འཛིན་ནི། །སྐུ་གསུམ་ལམ་ཁྱེར་ཉིད་དུ་བཤད། །སྐྱེ་བ་འདིའམ་བར་མ་དོར། །རྒྱུད་མ་ཐག་ཏུ་བྱང་ཆུབ་ཐོབ། །ཅེས་གསུངས་སོ། །གསུམ་པ་འབྲས་བུ་སྐུ་གསུམ་ནི། །ཆོས་སྐུའི་ངོ་བོ། ལོངས་སྐུའི་རྣམ་པ། སྤྲུལ་སྐུའི་གང་འདུལ། དབྱེར་མེད་བདེ་བ་ཆེན་པོའི་ཕྲིན་ལས་ལྷུན་གྲུབ་རང་ཤར་དུ་འབྱུང་བར་འགྱུར་རོ། །དེ་ནི་རྒྱལ་བའི་བཀའ་མཁའ་འགྲོ་མའི་སྲོག་སྙིང་ལགས་སོ། །བདག་ཁྱུང་པོ་རྣལ་འབྱོར་པས་ཡེ་ཤེས་ཀྱི་ཌཱ་ཀི་མ་ལ་ཞུས། ཟླ་བ་གསུམ་གྱིས་ཉམས་སུ་མྱོང་བར་བྱས་སོ། །མདོར་ན་གཟུགས་སུ་སྣང་བ་དེ་ཐམས་ཅད་ལྷ་སྐུ་སྣང་སྟོང་དབྱེར་མེད། སྒྲ་སྣ་ཚོགས་སུ་གྲགས་པ་ཐམས་ཅད་སྔགས་ཀྱི་བཟླས་བརྗོད།

[Full Size]

གྲགས་སྟོང་དབྱེར་མེད་རང་སྒྲ། དྲན་རིག་དྲན་རྟོག་ཐམས་ཅད་གཞི་མེད་རྩ་བྲལ། སྐྱེ་མེད་ཆོས་སྐུར་ཤེས་པར་བྱའོ། །དེ་ལྟར་ཟླ་བ་གསུམ་གྱིས་སངས་མི་རྒྱ་མི་སྲིད་དོ། །མངྒ་ལཾ། །༈གསང་སྒྲུབ་ལྟེ་བ་སྤྲུལ་འཁོར་གྱི་བླ་མ་བརྒྱུད་པ་བཞུགས་སོ། །ཁྱབ་བདག་བདེ་ཆེན་དྲུག་པ་རྡོ་རྗེ་འཆང་། །ནུས་པ་མཆོག་འགྱུར་རྗེ་བཙུན་བིརྺ་པ། །ཟག་མེད་བདེ་སྟེར་མཁའ་འགྲོ་སུ་ཁ་མ། །གསོལ་བ་འདེབས་སོ་བྱིན་གྱིས་བརླབ་ཏུ་གསོལ། །སྐད་གཉིས་སྨྲ་བ་མཁས་གྲུབ་ཁྱུང་པོའི་ཞབས། །གསོལ་བ༴ །དོན་གཉིས་མཐར་ཕྱིན་རིན་ཆེན་རྨོག་ལྕོག་པ། །གསོལ་བ༴ །ཐུགས་རྗེའི་བདག་ཉིད་གྲུབ་ཐོབ་སྐྱེར་སྒང་པ། །གསོལ་བ༴ །གནས་ལུགས་དོན་རྟོགས་སངས་རྒྱས་གཉན་སྟོན་པ། །གསོལ་བ༴ །སྐྱེ་རྒུའི་འདྲེན་མཆོག་ཆོས་རྗེ་སྟོན་པའི་ཞབས། །གསོལ་བ༴ །རྟོགས་པ་མཐར་ཕྱིན་མཁས་

[Full Size]

གྲུབ་ཤངས་སྟོན་པ། །གསོལ་བ༴ །སྔགས་འཆང་རྒྱ་མཚོའི་མངའ་བདག་མཁས་བཙུན་པ། །གསོལ་བ༴ །རྒྱལ་བའི་བསྟན་འཛིན་ཆོས་རྗེ་བྱམས་པ་དཔལ། །གསོལ་བ༴ །བདེ་གཤེགས་ཀུན་དངོས་ཆོས་རྗེ་འཇག་པའི་ཞབས། །གསོལ་བ༴ །བརྒྱུད་པའི་སྲོལ་འཛིན་མཁས་གྲུབ་ཡེ་རྡོར་ཞབས། །གསོལ་བ༴ །རང་ལུས་དབྱེར་མེད་ཡི་དམ་རྣལ་འབྱོར་མ། །གསོལ་བ༴ །བར་ཆད་ཀུན་སེལ་ཆོས་སྐྱོང་ཕྱག་དྲུག་པ། །གསོལ་བ༴ །བདེ་གཤེགས་སྤྱན་སྔར་གནས་གསུམ་མཁའ་འགྲོ་ཡི། །ཐུགས་དམ་བཅས་ཤིང་དངོས་གྲུབ་མཆོག་སྩོལ་བར། །དམ་བཅས་བཞིན་དུ་རྟག་སྲུང་དངོས་གྲུབ་ནི། །རྣམ་གསུམ་ཚེ་འདི་ཉིད་ལ་འགྲུབ་པར་ཤོག །དེ་ཉིད་མ་ཐོབ་བར་དུ་ཡང་། །མཁའ་སྤྱོད་རྡོ་རྗེ་ཕག་མོ་སོགས། །རིགས་གསུམ་སྐྱེད་ང་དམ་ཚིག་ཅན། །སྐྱེ་ཞིང་སྐྱེ་བར་འགྱུར་བར་ཤོག །མྱུར་དུ་

[Full Size]

བསྐྱེད་རིམས་བརྟེན་པ་དང་། །སྔགས་ཀྱི་ནུས་པ་མཐར་ཕྱིན་ནས། །ཕྲིན་ལས་རྣམ་བཞི་འགྲུབ་པར་ནི། །སྐྱེ་ཞིང་༴ །རྫོགས་པའི་རིམ་པ་མཐར་ཕྱིན་ནས། །རླུང་སེམས་ལས་སུ་རུང་བ་དང་། །བདེ་ཆེན་སྐུ་དང་ལྡན་པར་ནི། །སྐྱེ་ཞིང་༴ །སྟོང་པ་སྙིང་རྗེ་ཆེན་པོ་དང་། །སྤྱན་ལྔ་མངོན་ཤེས་དྲུག་ལྡན་ཞིང་། །འགྲོ་དོན་རྩོལ་མེད་འགྲུབ་པར་ནི། །སྐྱེ་ཞིང་༴ །ཕྱི་ནང་བར་ཆད་ཞི་བ་དང་། །མཁའ་འགྲོ་ཆོས་སྐྱོང་འདུ་བ་དང་། །བསམ་པའི་དོན་རྣམས་འགྲུབ་པར་ནི། །སྐྱེ་ཞིང་སྐྱེ་བར་འགྱུར་བར་ཤོག །དེར་ནི་དོན་ཀུན་འགྲུབ་གྱུར་ནས། །དགའ་ཞིང་སྤྲོ་བའི་ངང་ཉིད་ནས། །དཔལ་ལྡན་བླ་མའི་ཞབས་དྲུང་དུ། །ལྷག་པའི་ལྷ་ཡིས་འཁྲིད་གྱུར་ཅིག །ས་དེར་བླ་མའི་བཀའ་དྲིན་གྱིས། །ཉེས་པ་ཐམས་ཅད་རབ་སྤངས་ཤིང་། །ཡོན་ཏན་ཀུན་གྱིས་རབ་བརྒྱན་ཏེ། །སེམས་ཅན་ཀུན་ལ་ཕན་བྱེད་ཤོག །ཆོས་དབྱིངས་

[Full Size]

གདོད་ནས་དག་པ་དང་། །རིམས་གཉིས་ཟུང་དུ་ཚུད་པ་དང་། །དཔའ་བོ་མཁའ་འགྲོའི་བྱིན་རླབས་ཀྱིས། །ཇི་ལྟར་སྨོན་པ་འགྲུབ་པར་ཤོག །ཨིྀྠ། །དཔེ་བསྡུར། ༈ ལམ་ཁྱེར་གསུམ་གྱི་བཀའ་བཞུགས། །བླ་མ་དམ་པའི་ཞབས་ལ་གུས་པས་ཕྱག་འཚལ་ལོ། །བླ་མ་དམ་པའི་དབང་བཞི་འདི་ལ་གསུམ་སྟེ། སྦྱོར་བ། དངོས་གཞི། རྗེས་སོ། དང་པོ་ནི། མཎྜལ་ལ་ཆང་དང་བདུད་རྩི་ལྔ་བྱུགས་ནས། དེ་ལ་པདྨ་འདབ་མ་བཞི་པ། ལྟེ་བ་སེར་པོ། ཤར་མཐིང་། ལྷོ་སེར། ནུབ་དམར། བྱང་དང་། གོང་རས་ལྗང་། མུ་ཁྱུད་ནག་པོ། ཁྱམས་ཕྱོགས་ཚོན་ནོ། །དེ་ལ་མེ་ཏོག་གི་ཚོམ་བུ་ལྔ་འགོད། མཆོད་གཏོར་དང་ཚོགས་བཤམ་མོ། །དེ་ནས་བདག་བསྐྱེད་སྔོན་དུ་སོང་བས་པདྨའི་ལྟེ་བར་བླ་མ་དང་བདེ་མཆོག་ཐ་མི་དད་པ་གཡས་ཌཱ་མ་རུ། གཡོན་

[Full Size]

ཐོད་པ་བསྣམས་པ། ཤར་དུ་དགྱེས་མཛད། ལྷོར་གསང་འདུས། ནུབ་ཏུ་མ་ཧཱ་མ་ཡ། བྱང་དུ་འཇིགས་བྱེད་བསྐྱེད་ལ། ཡེ་ཤེས་པ་གཞུག །གནས་གསུམ་བྱིན་གྱིས་བརླབ། དབང་བསྐུར། ཕྱི་ནང་གསང་གསུམ་གྱི་མཆོད་པ་དབུལ་ལོ། །དེ་ནས་བདག་འཇུག་ནི། སློབ་མ་ལ་ཇི་ལྟར་བསྐུར་བ་ལྟར་རང་གིས་བླང་ངོ། །དེ་ནས་དལ་འབྱོར་རྙེད་པར་དཀའ་བ་དང་། འཆི་བ་མི་རྟག་པ། འཁོར་བའི་ཉེས་དམིགས། ཐུན་མོང་དང་ཁྱད་པར་གྱི་སྐྱབས་འགྲོ། སྨོན་འཇུག་གཉིས་སུ་སེམས་བསྐྱེད་པ། དཀྱིལ་འཁོར་དུ་གཞུག་པར་གསོལ་བ་འདེབས་པ། གནང་བ་བྱིན་པ། རྟོག་པ་བསྡུ་བ། ཡན་ལག་ལྔ་བྱ་བ། སྔགས་འབྱུང་བར་དཀའ་བ་རྣམས་བཤད་དོ། །གཉིས་པ་ནི། སློབ་མའི་སྤྱི་བོར་མདུན་བསྐྱེད་བཞིན་དུ་བསྐྱེད་པའི་བླ་མའི་སྤྱི་བོ་ནས་འོད་འཕྲོས་པས། སངས་རྒྱས་དང་

[Full Size]

བྱང་ཆུབ་སེམས་དཔའ་ཐམས་ཅད་ཀྱི་བདུད་རྩི་བླ་མ་ལ་བསྟིམ་པས་ཟག་པ་མེད་པའི་བདེ་བ་རྒྱས་པར་བསམ་མོ། །ཐོད་པར་ལུས་བདུད་རྩིར་གྱུར་པ་དང་། གསེར་གྱི་མཎྜལ་ཕུལ་ལ། བུམ་པའི་དབང་བསྐུར་དུ་གསོལ། །སྐུའི་བྱིན་རླབས་དབབ་ཏུ་གསོལ། ཞེས་བརྗོད་པ་དང་། བླ་མའི་སྐུ་དང་ཟླ་བའི་གདན་ལས་ཡེ་ཤེས་ཀྱི་བདུད་རྩིའི་ཆུ་རྒྱུན་དཀར་པོ་བྱུང་ནས། སློབ་མའི་སྤྱི་བོར་ཐིམ་པས་ལུས་ཀྱི་སྡིག་སྒྲིབ་དག། སྐུའི་བྱིན་རླབས་ཞུགས། བུམ་དབང་དང་། སྤྲུལ་སྐུ་ཐོབ་པར་བསམ་མོ། ཡང་། གོང་བཞིན་མཆོད་ནས། གསང་དབང་དང་གསུང་གི་གསོལ་བ་བཏབ་པས་བླ་མའི་མགྲིན་པ་ནས་འོད་ཟེར་འཕྲོས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བདུད་རྩི་བླ་མའི་མགྲིན་པར་ཐིམ། བླ་མའི་མགྲིན་པ་ནས་གསུང་གི་བདུད་རྩི་

[Full Size]

དཀར་དམར་སློབ་མའི་ལྕེ་ཐོག་ཏུ་ཐིམ་པས། ངག་གི་དག །གསང་དབང་དང་ལོངས་སྐུ་ཐོབ་པར་བསམ་མོ། །ཡང་མཆོད་དེ་གསུམ་པ་དང་ཐུགས་ཀྱི་སློབ་མའི་གསོལ་བ་བཏབ་པས། གསུང་གི་བྱིན་རླབས་ཞུགས། ཐུགས་ཀ་ནས་འོད་ཟེར་འཕྲོས། སངས་རྒྱས་དང་བྱང་ཆུབ་སེམས་དཔའི་བདུད་རྩི་ཐིམ་པས། ཐུགས་ཀ་ནས་བདུད་རྩི་སྔོན་པོ་བྱུང་ནས། སློབ་མའི་སྙིང་ཁར་ཐིམ་པས། ཡིད་ཀྱི་དག །ཐུགས་ཀྱི་བྱིན་རླབས་ཞུགས། གསུམ་པ་དང་། ཆོས་སྐུ་ཐོབ་པར་བསམ་མོ། ཡང་མཆོད་དེ། བཞི་པའི་གསོལ་བ་བཏབ་པ་དང་། ཕྱོགས་བཞིའི་ལྷ་ཚོགས་བླ་མ་ལ་ཐིམ། ཐུགས་ཀའི་འོད་ཟེར་གྱིས། ནམ་མཁའི་སངས་རྒྱས་དང་། བྱང་ཆུབ་སེམས་དཔའ་བསྟིམ་པས། བླ་མ་འོད་དང་འོད་ཟེར་གྱི་རང་བཞིན་དུ་གྱུར་ནས། སྤྱི་བོ་ན་ཆེམ་ཆེམ་འུར་འུར་འདུག་པ་ལ།

[Full Size]

གསོལ་བ་དྲག་པོ་བཏབ་པས། སློབ་མའི་སྤྱི་བོར་ཐིམ་པས་ལུས་འོད་དུ་ཡལ་ནས་སེམས་མ་བཅོས་པར་བཞག་པས། ལུས་ངག་ཡིད་གསུམ་ཐ་དད་དུ་འཛིན་པའི་རྟོག་པ་དག །སློབ་མའི། དབང་བཞི་པ་དང་། བདེ་བ་ཆེན་པོའི་སྐུ་ཐོབ་པར་བསམ་མོ། །དེ་ལྟར་ཡང་ཡེ་ཤེས་རྒྱ་མཚོ་ལས། བླ་མའི་སྐུ་གསུང་ཐུགས་དབྱེར་མེད་ཀྱི་བྱིན་རླབས་ཞུགས། སྐུའི་དཀྱིལ་འཁོར་ལ། །དབང་བཞི་ཡོངས་སུ་རྫོགས་པར་ཞུས། །ས་ལམ་རིམ་པར་བགྲོད་པར་བྱེད། །ཅེས་གསུངས་སོ། །གསུམ་པ་ནི། ཚོགས་ལ་ལོངས་སྤྱོད། གཏོར་མ་བཏང་། བཟོད་པར་གསོལ། ཡེ་ཤེས་པ་གཤེགས། དམ་ཚིག་པ་མི་དམིགས་པར་བྱ། རྗེས་བསྔོ་བ་བྱའོ། །བླ་མ་ལམ་ཁྱེར་གྱི་དབང་བཞི་རྫོགས་སོ། ༈ ན་མོ་ཙཀྲ་སཾ་བྷ་ར། ཡི་དམ་ལམ་ཁྱེར་གྱི་དབང་འདི་ལ་གསུམ་ལས། སྦྱོར་བ། དངོས་

[Full Size]

གཞི། རྗེས་སོ། །དང་པོ་ནི། པདྨ་འདབ་མ་བཞི་པའི་ལྟེ་བ་དང་། ཤར་སྔོ། ལྷོ་སེར། ནུབ་དམར། བྱང་དང་གོང་རས་ལྗང་གུ། མུ་ཁྱུད་ནག་པོ། ཁྱམས་ཕྱོགས་ཚོན་ནོ། །དེ་ལ་མེ་ཏོག་མཆོད་གཏོར་གོང་བཞིན་ནོ། །བདག་བསྐྱེད་སྔོན་དུ་སོང་བས་མདུན་དུ་བདེ་མཆོག་ལྷན་སྐྱེས། མཁའ་འགྲོ་བཞི་བསྐྱེད་ནས་ཡེ་ཤེས་དགུག་གཞུག་སོགས་གོང་བཞིན་བྱའོ། །དེ་ནས་སློབ་མ་ལ་དལ་འབྱོར་རྙེད་དཀའ་བ་སོགས་གོང་བཞིན་བྱའོ། །གཉིས་པ་ནི། བདུད་རྩི་དང་། གསེར་གྱིས་གོང་བཞིན་མཆོད་དེ། བུམ་པའི་དབང་གིས་གསོལ་བ་བཏབ་པས། བདེ་མཆོག་གི་སྤྱི་བོར་ལྷ་ལྔ་བསྐྱེད་པ་ལ་གོང་བཞིན། སྨིན་མཚམས་ནས་བདེ་མཆོག་སྐུ་ཆུང་ལ་ཡན་ལག་དོད་པ་དཔག་ཏུ་མེད་པ་བྱུང་ནས་སློབ་མའི་སྤྱི་བོར་ཐིམ་པས་ལུས་ཀྱི་སྡིག་སྒྲིབ་དག །བུམ་དབང་དང་སྤྲུལ་སྐུ་ཐོབ་པར་བསམ་མོ། །དེ་ནས་གཉིས་པ།

[Full Size]

གསུམ་པ། བཞི་པའི་གསོལ་བ་རིམ་པ་བཞིན་བཏབ་པས། བདེ་མཆོག་གི་མགྲིན་པ། སྙིང་ཁ། ལྟེ་བ་ནས་བདེ་མཆོག་གི་སྐུ་གོང་བཞིན་དུ་བྱུང་སྟེ། སློབ་མའི་མགྲིན་པ། སྙིང་ཁ། ལྟེ་བར་ཐིམ་པས། ལུས་ངག་ཡིད་གསུམ་ཐ་དད་དུ་འཛིན་པའི་སྒྲིབ་པ་དག་ནས། གསང་དབང་། གསུམ་པ། བཞི་པ། ལོངས་སྐུ། ཆོས་སྐུ། བདེ་བ་ཆེན་པོའི་སྐུ་ཐོབ་པར་བསམ་མོ། ཡོན་དབུལ། ཚོགས་ལ་ལོངས་སྤྱད་དོ། །གསུམ་པ་རྗེས་ནི་གོང་བཞིན་ནོ། འཆུག་མེད་ལས་དབང་བར་པ་ཡི་དམ་ལམ་ཁྱེར་གྱི་དབང་བཞི་རྫོགས་སོ། །ན་མོ་གུ་རུ། དེ་ཝ་ཌཱ་ཀི་ནི། མ་ཧཱ་ཀཱ་ལ། སྣང་སེམས་ལྷ་སྐུ་སྒྱུ་མ་རྨི་ལམ་ལམ་ཁྱེར་གྱི་དབང་ནི། ཆོས་དྲུག་སྤྱིའི་དབང་བསྐུར་བཞིན་དུ་བྱའོ། །སྣང་སེམས་སྒྱུ་མ་རྨི་ལམ། སྒྱུ་ལུས་དབང་མོ་ཆེ། ལམ་ཁྱེར་གྱི་དབང་བསྐུར་རྫོགས་སོ། །དགེའོ། །

[Full Size]

དཔེ་བསྡུར། ༈ མཁའ་སྤྱོད་གསུམ་སྤྲུགས་བཞུགས་སོ། །བླ་མ་ཡི་དམ་ཌཱ་ཀི་དང་། །ཆོས་སྐྱོང་རྣམས་ཀྱི་ཞབས་བཏུད་ནས། །ཁྱད་འཕགས་ཌཱ་ཀིའི་ཞལ་གདམས་འདི། །བླ་མའི་གསུང་བཞིན་བྲི་བར་བྱ། །སེམས་བསྐྱེད་སྔོན་དུ་སོང་བས། རང་བདེ་མཆོག་ཏུ་བསྐྱེད་པའི་མདུན་གྱི་ནམ་མཁའ་ལ་འོད་ཁ་དོག་ལྔ་ལས་གྲུབ་པ། རིན་པོ་ཆེའི་དབྱིབས་ལྟ་བུ། གསལ་ཞིང་དྭངས་པ་ཅིག་བསམ། གཡས་ཀྱི་ཟླུམ་བསྐོར་གྱི་ནང་དུ་འཇའ་ཚོན། ལྟ་བུའི། བླ་མ། གཡོན་གྱི་ཟླུམ་མིག་གསུམ་པ། བསྐོར་འོད་ཀྱི་རང་བཞིན། ནང་དུ་ཆོས་སྐྱོང་། མདུན་སྟེངས་ཟླུམ་བསྐོར་ནང་དུ་མཁའ་སྤྱོད་མ་བསམ། དེ་ནས་སྨིན་མཚམས་སུ་མཁའ་སྤྱོད་མ་དཀར་མོ་གཅིག་བསམ། དེའི་གསང་གནས་ནས་འོད་ཟེར་འཕྲོས། ཟག་མེད་བདེ་བས། མེ་ཏོག་ལ་སོགས་པ་ཕྱི་བླ་མའི་ནང་གསང་གསུམ་གྱིས་མཆོད་ནས། མདུན་གྱི་ནམ་མཁའ་ལ་བཞུགས་པའི། བརྒྱུད་པའི་བླ་མ་དང་། སངས་རྒྱས་དང་བྱང་ཆུབ་

[Full Size]

སེམས་དཔའ་ཡི་དམ་གྱི་ལྷ་ཚོགས་ལ་ཕུལ་བས། དེ་རྣམས་ལས་ཡེ་ཤེས་ཀྱི་བདུད་རྩིའི་ཆུ་རྒྱུན་དཀར་པོ་བླ་མའི་སྤྱི་བོར་བབས་པས། བདག་གིས་བླ་མ་ལ་མ་གུས་པ་དང་། སྐུའི་དམ་ཚིག་ཉམས་ཆགས་ཐམས་ཅད་སངས་དག་པར་བསམ། མཁའ་སྤྱོད་མའི་གསང་གནས་ནས་འོད་ཟེར་དཀར་པོ་རང་གི་སྤྱི་བོར་བབས་པས། ནད་གདོན་དང་སྡིག་སྒྲིབ་ཐམས་ཅད་སངས་དག་པར་བསམ་ཞིང་། ཨོཾ་གསུམ་མ་བརྒྱ་ལ་སོགས་པ་བཟླས། སྒྱུ་མ་རྨི་ལམ་གྱི་བླ་མའི་སྐུ་ལ་མ་གུས་པ་ལ་སོགས་པའི། དྲན་འདུན་དྲག་པོ་བཏང་ངོ། །ཨོཾ་ཨོཾ་ཨོཾ་སརྦ་བུདྡྷ་ཌཱ་ཀི་ནཱི་ཡེ། བཛྲ་ཝརྞ་ནཱི་ཡེ། བཛྲ་བཱཻ་རོ་ཙ་ནི་ཡེ་ཧཱུྃ་ཧཱུྃ་ཧཱུྃ་ཕཊ་ཕཊ་ཕཊ་སྭཱ་ཧཱ། ཡང་། བླ་མའི་མགྲིན་པར་མཁའ་སྤྱོད་མ་དམར་མོ་གཅིག་བསམ། དེའི་གསང་གནས་ནས་འོད་ཟེར་འཕྲོས་པས་ཕྱི་ནང་གསང་གསུམ་གྱི་མཆོད་པར་གྱུར་ནས། མདུན་གྱི་ནམ་མཁའ་ལ་བཞུགས་པའི། བརྒྱུད་པའི་བླ་མ་རྣམས་དང་། སངས་

[Full Size]

རྒྱས་དང་བྱང་ཆུབ་སེམས་དཔའ་ཡི་དམ་གྱི་ལྷ་ཚོགས་ཐམས་ཅད་ལ་ཕུལ་བས། དེ་རྣམས་ལས་ཡེ་ཤེས་ཀྱི་བདུད་རྩིའི་ཆུ་རྒྱུན་དམར་པོ་བྱུང་། བླ་མའི་མགྲིན་པར་བབས། བདག་གིས་བླ་མ་ལ་མ་གུས་པ་དང་། གསུང་གི་དམ་ཚིག་ཉམས་ཆགས་ཐམས་ཅད་སངས་དག་པར་བསམ། མཁའ་ཟག་པ་མེད་པའི་བདེ་བས་རྒྱུད་གང་། སྤྱོད་མའི་གསང་གནས་བཅག་པ་ལ་སོགས། ནས་འོད་ཟེར་དམར་པོ་རང་གི་མགྲིན་པར་ཕེབས་པས། སྡིག་པ་དང་སྒྲིབ་པ་ཐམས་ཅད་སངས་དག་པར་བསམ་ཞིང་། ཨོཾ་གསུམ་མ་བརྒྱ་ལ་སོགས་པ་བཟླས། སྒྱུ་མ་རྨི་ལམ་གྱི་དྲན་བླ་མའི་གསུང་བཅག་པ་ལ་སོགས་ཀྱི་ཉམས་ཆགས་དང་། འདུན་དྲག་པོ་བཏང་ངོ་། །ཡང་། བླ་མའི་ཐུགས་ཀར་མཁའ་སྤྱོད་མ་མཐིང་ཀ་ཅིག་བསམ། དེའི་གསང་གནས་ནས་འོད་ཟེར་འཕྲོས་པས། ཕྱི་ནང་གསང་གསུམ་གྱི་མཆོད་པར་གྱུར་ནས། བརྒྱུད་པའི་བླ་མ་དང་།

[Full Size]

སངས་རྒྱས་དང་བྱང་ཆུབ་སེམས་དཔའ་ཡི་དམ་གྱི་ལྷ་ཚོགས་ཐམས་ཅད་ལ་ཕུལ་བས། དེ་རྣམས་ལས་ཡེ་ཤེས་ཀྱི་བདུད་རྩིའི་ཆུ་རྒྱུན་མཐིང་ཁ་བྱུང་། བླ་མའི་ཐུགས་ཀར་བབས་པས། ཐུགས་ཟག་པ་མེད་པའི་བདེ་བ་རྒྱས་པས། བདག་གིས་བླ་མ་ལ་མ་གུས་པ་དང་། ཐུགས་ཀྱི་དམ་ཚིག་ཉམས་ཆགས་དག་པར་བསམ། མཁའ་སྤྱོད་མའི་གསང་གནས་ནས་འོད་ཟེར་རང་གི་སྙིང་གར་ཐིམ་པས། སྡིག་སྒྲིབ་སངས་དག་པར་བསམ་ཞིང་། ཨོཾ་གསུམ་མ་བཟླས། སྒྱུ་མ་རྨི་ལམ་གྱི་དྲན་འདུན་བཏང་ངོ་། །བཟླུམ་བསྐོར་སྟེང་མའི་གནས་གསུམ་དུ། །ཨོཾ་དཔྲལ་བར་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོ་བསམ་ལ། འོད་ཁ་དོག་གསུམ་འཕྲོས། རང་བདེ་མཆོག་ཏུ་བསྐྱེད་པའི་ཐུགས་ཀ་ནས་ཕྱི་ནང་གསང་གསུམ་གྱི་མཆོད་པ་ཕུལ་ལ། ཕྱི་ནང་གསང་གསུམ་གྱི་མཆོད་པ་ཕུལ། སངས་རྒྱས་དང་བྱང་ཆུབ་སེམས་དེ་གསུམ་ལས། དཔའ་ཐམས་ཅད་

[Full Size]

ལ་ཕོག་པས། དེ་དག་གི་སྐུའི་ཡོན་ཏན་ཐམས་ཅད་བསྡུས། ཨོཾ་ལ་ཐིམ། གསུང་གི་ཨཱཿལ་ཐིམ། ཐུགས་ཀྱི་ཧཱུྃ་ལ་ཐིམ་པར་བསམ། དེ་ལ་ཡིད་ཀྱི་གསོལ་བ་བཏབ་པས་དེ་དག་ཅིག་ལ་གཅིག་འཁྲིལ་ནས། པདྨ་ནས་བྱུང་སྟེ། འོད་རང་གི་གནས་གསུམ་དུ་སོ་སོར་ཐིམ་པས་སྡིག་སྒྲིབ་ལ་སོགས་པ་དག་ནས་མི་རྟོག་པ་ལ་བཞག་པར་བྱའོ། །མཁའ་སྤྱོད་མའི། ཟླུམ་བསྐོར་གཡོན་གྱི་མགོན་པོའི་གནས་གསུམ་དུ། ཨོཾ་ཨཱཿཧཱུྃ་གསུམ་དཀར་དམར་མཐིང་གསུམ་བསམ། དེ་ལས་འོད་ཟེར་འཕྲོས་སངས་རྒྱས་བྱང་ཆུབ་སེམས་དཔའ་ཐམས་ཅད་ཀྱི་སྐུ་གསུང་ཐུགས་ཀྱི་ཡོན་ཏན་བསྡུས་མགོན་པོའི་གནས་གསུམ་དུ་ཐིམ། མགོན་པོའི་གནས་གསུམ་ནས། ཨོཾ་ཨཱཿཧཱུྃ་གསུམ་ལས་འོད་ཁ་དོག་དཀར་དམར་མཐིང་གསུམ། གསུམ་བྱུང་རང་གི་དཀར་པོ་དཔྲལ་བའི་ཨོཾ་ལ་ཐིམ། དེ་བཞིན་དུ། མགྲིན་པའི་ཨཱཿལ་དམར་པོ། ཐུགས་ཀའི་ཧཱུྃ་ལ་སྔོན་པོ། དཀར་པོ། དམར་པོ། སྔོན་པོ། གནས་གསུམ་

[Full Size]

དུ་ཐིམ། །ལུས་ངག་ཡིད་གསུམ་གྱི་སྡིག་སྒྲིབ་ཐམས་ཅད་སངས་དག་པར་བསམས་ཞིང་། ཨོཾ་གསུམ་མ་བཟླས། སྒྱུ་མ་རྨི་ལམ་གྱི་དྲན་འདུན་བཏང་ངོ། །དེ་ནས་བདེ་མཆོག་ཏུ་བསྒོམས་པའི་སྤྱི་བོར་པད་ཟླའི་གདན་ལ་བླ་མ་བསམས་ལ། གསོལ་བ་དྲག་པོ་གདབ། དེའི་རྗེས་ལ་མདུན་གྱི་བླ་མའི་སྨིན་མཚམས། མཁའ་སྤྱོད་མའི་གསང་གནས་ཀྱི་འོད་ཟེར་དཀར་པོ་དང་། སྟེང་གི་མཁའ་སྤྱོད་མའི་གསང་གནས་ཀྱི་འོད་ཟེར་དཀར་པོ་དང་། མགོན་པོའི་དཔྲལ་བའི་འོད་ཟེར་དཀར་པོ་དང་གསུམ་རང་གི་སྤྱི་བོར་འཕོག །ཡང་། གཡས་ཀྱི་བླ་མའི་མགྲིན་པའི་མཁའ་སྤྱོད་མའི་གསང་གནས་ཀྱི་འོད་ཟེར་མགོན་པོའི་མགྲིན་པའི་ཨཱཿཡིག་འོད་ཟེར་དམར་པོ་དང་གསུམ། རང་གི་མགྲིན་པར་ཕོག །ཡང་། གཡས་ཀྱི་བླ་མའི་ཐུགས་ཀའི་མཁའ་སྤྱོད་མའི་གསང་གནས་ཀྱི་འོད་

[Full Size]

ཟེར་དང་། །གཡོན་གྱི་མགོན་པོའི་ཐུགས་ཀའི་ཧཱུྃ་གི་འོད་ཟེར་དང་། སྟེང་གི་མཁའ་སྤྱོད་མའི་འོད་ཟེར་མཐིང་ཁ་གསུམ། རང་གི་སྙིང་གར་ཕོག་པས། ལུས་ངག་ཡིད་གསུམ་གྱི་སྡིག་སྒྲིབ་ནད་གདོན་ཐམས་ཅད་བཤང་ལམ་ཆུ་སོ་ནས་མར་ལ། ནུར་རུ་རུ་སོང་པས་སངས་དག་ནས། ལུས་ལྷའི་སྐུ་འོད་གསལ་དུ་སོང་བར་བསམ་ཞིང་། སྒྱུ་མ་རྨི་ལམ་གྱི་དྲན་འདུན་བཏང་། ཨོཾ་གསུམ་མ་བཟླས་པ་བྱའོ། །ལག་པ་གཡོན་པ་བཀན་ཏེ། གཡས་ཀྱིས་བཟུང་ནས། དེའི་སྟེང་དུ་ཡྃ་ལས་རླུང་། རྃ་ལས་མེ། ཀྃ་ལས་མི་མགོའི་སྒྱེད་བུ། དེའི་སྟེང་དུ་ཨཱ་ལས་ཐོད་པ་ཕྱི་དཀར་ལ་ནང་དམར་བའི་ནང་དུ། ཤ་ལྔ་བདུད་རྩི་ལྔས་གང་བར་བསམ། ཡྃ་ལས་རླུང་གཡོས། རྃ་ལས་མེ་འབར། ཐོད་པའི་རྫས་ཁོལ་བ་དང་། ཨོཾ་ཨཱཿཧཱུྃ་ཞེས་ལན་གསུམ་བརྗོད་པས་དམ་ཚིག་གི་བདུད་རྩིར་གྱུར། ལན་གཉིས་བརྗོད་པས་ཡེ་ཤེས་ཀྱི་བདུད་རྩིར་

[Full Size]

གྱུར། གསུམ་བརྗོད་པས་དམ་ཚིག་པ་དང་། ཡེ་ཤེས་པས་གཉིས་སུ་མེད་པར་བསམ། དེ་རྩ་བ་དང་བརྒྱུད་པར་བཅས་པའི་བླ་མ་རྣམས་ལ་དབུལ། དེ་ནས་ཨོཾ་གསུམ་མའི་འཇུག་ཏུ། ཨོཾ་ཨཱཿཧཱུྃ་ཞེས་བརྗོད་པས། མཁའ་སྤྱོད་མ་ལ་འཁོར་མཁའ་འགྲོ་དཔག་ཏུ་མེད་པས་བསྐོར་བའི་ལྗགས་རྡོ་རྗེའི་སྦུ་གུ་ཅན་ཟུག་ནས་སིབ་སིབ་གསོལ་བར་བསམ་ལ་དབུལ། ཆོས་སྐྱོང་ལ་རང་སྔགས་ཀྱིས་དབུལ། འགྲོ་བ་རིགས་དྲུག་ལ་ཨ་ཀཱ་རོས་དབུལ། དེ་ནས་བསྟོད་པ་དང་གཏོར་རྫོངས་བྱའོ། །དེ་ནས་མཁའ་སྤྱོད་མ་རང་གི་སྤྱི་བོའི་མདའ་གང་ཙམ་དུ་བྱོན། གསང་གནས་ནས་བྱང་སེམས་དམར་པོ་རང་གི་སྤྱི་བོར་བབས། ཁོང་པའི་ནང་ན་མར་སོང་། ནད་གདོན་སྡིག་སྒྲིབ་ཐམས་ཅད་སངས་དག་པར་བསམ། ཨོཾ་གསུམ་མ་བཟླས། སྒྱུ་མ་རྨི་ལམ་གྱི་དྲན་འདུན་བཏང་ངོ་། །མཁའ་སྤྱོད་

[Full Size]

གསུམ་སྤྲུགས་རྫོགས་སོ། །མངྒ་ལཾ། །བྷ་ཝནྟུ། །

མྱུར་མཛད་ཡེ་ཤེས་ཀྱི་མགོན་པོ་ཕྱག་དྲུག་པ་འཁོར་བཅས་ཀྱི་གཏོར་ཆོག་དང་རྗེས་གནང་རྒྱས་པ་བར་ཆད་ཀུན་སེལ། ཐུབ་བསྟན་དགེ་འཕེལ།

[Full Size]

མྱུར་མཛད་ཡེ་ཤེས་ཀྱི་མགོན་པོ་ཕྱག་དྲུག་པ་འཁོར་བཅས་ཀྱི་གཏོར་ཆོག་དང་རྗེས་གནང་རྒྱས་པ་བར་ཆད་ཀུན་སེལ་གྱི་ཕྱག་ལེན་བཞུགས་སོ།། །།

[Full Size]

རྒྱལ་ཀུན་ཐུགས་རྗེའི་མངའ་བདག་སྤྱན་རས་གཟིགས། །མྱུར་མཛད་དབང་གི་རྒྱལ་པོར་སྐུ་སྤྲུལ་ནས། །འགྲོ་བའི་དོན་བསྒྲུབ་བརྟན་གཡོ་ཀུན་གྱི་བདག །ཆོས་སྲུང་མ་ཧཱ་ཀ་ལས་འགྲོ་འདི་སྐྱོངས། །ཡིད་བཞིན་ནོར་བུ་ལྟ་བུའི་མགོན་པོ་ཡི། །བྱིན་རླབས་རྗེས་སུ་གནང་བའི་ཆོ་གའི་ཁྲིགས། །མ་ནོར་དོན་ཚང་ལག་ལེན་བཀླག་ཆོག་འདི། །གོ་བདེའི་ངག་གིས་འཆད་ལ་བདག་བློ་སྤྲོ། །དེ་ལ་འདིར་དཔལ་ཡེ་ཤེས་ཀྱི་མགོན་པོ་ཕྱག་དྲུག་པ་ལྷ་མང་གི་རྗེས་གནང་གཏོར་དབང་བར་ཆད་ཀུན་སེལ་དུ་གྲགས་པ་འདི། སྣོད་ལྡན་གྱི་སློབ་མ་ལ་ཇི་ལྟར་བྱ་བའི་ཚུལ་

[Full Size]

ལ་དོན་གསུམ་སྟེ། སྦྱོར་བ། དངོས་གཞི། རྗེས་སོ། །དང་པོ་ནི། དབེན་ཞིང་ཡིད་དང་མཐུན་པའི་གནས་སུ་བླ་མ་དང་མགོན་པོ་འཁོར་བཅས་ཀྱི་བྲིས་སྐུ་ལ་སོགས་པའི་རྟེན་ཡོད་ན་དགྲམ། དེའི་མདུན་སྟེགས་བུའི་ཁར་རྡུལ་ཚོན་གྱིས་ཆོས་འབྱུང་གྲུ་གསུམ་མཐིང་ནག་རེ་ཁཱ་རིམ་པ་གཉིས་དང་ལྡན་པ། མཐའ་མེ་རི་འབར་བས་བསྐོར་བ་ཟུར་གཅིག་རང་ལ་བསྟན་པ། དེའི་དབུས་སུ་གྲི་གུག་མཐིང་ནག་གི་ལྟེ་བ་ལ་ཧཱུྃ་ཡིག་སྔོན་པོས་མཚན་པའམ། ཡང་ན་ཧཱུྃ་ཡིག་རྐྱང་པ་བྲིས་པའམ་ཚོན་ཕུང་བཀོད་ཀྱང་ཆོག །དེ་ལྟ་བུའི་ཆོས་འབྱུང་གི་དབུས་སུ་

[Full Size]

མཉྫིའི་ཁར་གཏོར་མ་དཔལ་བཤོས་ཟུར་གསུམ་པ་མཐའ་མཐེབ་སྐྱུས་བསྐོར་བ་དེ་ལ་མདའ་རྒོད་སྒྲོ་མ་དར་ནག་གི་ཅོད་པན་ཅན་བཙུགས། །མགོན་པོའི་ཙཀླི་ཡོད་ན་ཡང་གཏོར་མ་ལ་འཛུགས་པ་ཕྱག་ལེན་ཡིན། ཆོས་འབྱུང་གི་གཡས་སུ་ཡི་དམ་གཏོར་མ་དང་། གཡོན་དུ་གཞི་བདག་གཏོར་མ་གཉིས་ཟླུམ་པོ་མཐེབ་སྐྱུས་བསྐོར་བ། མདུན་དུ་མགོན་པོ་འདི་ཉིད་ཀྱི་འབུལ་གཏོར་གྲུ་གསུམ་མཐེབ་སྐྱུས་བསྐོར་བ། གཞན་ཡང་ཆུ་གཉིས་སྔོན་དུ་འགྲོ་བའི་ཉེར་སྤྱོད་ལྔ་དང་བཅས་པ། སྒྲུབ་པ་པོ་རང་ཉིད་ཀྱི་མདུན་དུ། ནང་མཆོད། རྡོ་དྲིལ། མེ་ཏོག་ཕོར་བུ་འབྲུས་བཀང་བ་ལ་སོགས་པ་མ་ཚང་བ་མེད་པར་བཤམ། དེ་ནས་སློབ་དཔོན་གྱིས་ཀྱཻ་རྡོར་བདེ་མཆོག་གམ་སྤྱན་རས་གཟིགས་སམ་རྟ་མགྲིན་གསང་སྒྲུབ་ལ་སོགས་པ་འདི་དང་འབྲེལ་ཆགས་ཤིང་སྐབས་སུ་བབ་པའི་བདག་བསྐྱེད་བཟླས་པ་དང་བཅས་པ་སྔོན་དུ་སོང་

[Full Size]

བའི་མཐར། མདུན་གྱི་ཆོས་འབྱུང་གཏོར་མ་དང་བཅས་པ་ལ་དམིགས་ཏེ། ཨ་མྲྀ་ཏས་བསང་། སྭ་བྷཱ་ཝས་སྦྱངས། སྟོང་པའི་ངང་ལས་དུར་ཁྲོད་ཆེན་པོ་བསིལ་བ་ཚལ་གྱི་དབུས་སུ་ཆོས་འབྱུང་གྲུ་གསུམ་མཐིང་ནག་མེ་རི་འབར་བའི་ནང་དུ་སྣ་ཚོགས་པདྨ་ཉི་མ་ཚོགས་བདག་དཀར་པོ་གླང་པོ་ཆེའི་གདོང་པ་ཅན་རྣམས་བརྩེགས་པའི་སྟེང་དུ་ཧཱུྃ་ལས་གྲི་གུག་ལྟེ་བ་ལ་ཧཱུྃ་གིས་མཚན་པ། དེ་ལས་འོད་ཟེར་འཕྲོས། འཕགས་པ་མཆོད། སེམས་ཅན་གྱི་དོན་བྱས། ཚུར་འདུས་ཡོངས་སུ་གྱུར་པ་ལས། མྱུར་མཛད་ཡེ་ཤེས་ཀྱི་མགོན་པོ་སྐུ་མདོག་མཐིང་ནག་ཞལ་གཅིག་ཕྱག་དྲུག་པ། དབུ་སྐྲ་ཁམ་སེར་གྱེན་དུ་བརྫེས་པ། སྤྱན་གསུམ་དམར་ལ་ཟླུམ་པ། ཞལ་མཆེ་བ་གཙིགས་ཤིང་ལྗགས་འདྲིལ་བ། ཐོད་པ་སྐམ་པོ་ལྔས་དབུ་རྒྱན་དང་། རློན་པ་ཁྲག་

[Full Size]

འཛག་པ་ལྔ་བཅུའི་དོ་ཤལ་ཅན། ཕྱག་གཡས་ཀྱི་དང་པོ་ན་གྲི་གུག །གཉིས་པ་ན་ཐོད་ཕྲེང་། གསུམ་པ་ན་ཌཱ་མ་རུ་འཁྲོལ་བ། གཡོན་གྱི་དང་པོ་ན་ཐོད་ཁྲག །གཉིས་པ་ན་རྩེ་གསུམ། གསུམ་པ་ན་རྡོ་རྗེའི་ཞགས་པ་བསྣམས་པ། ཀླུ་བརྒྱད་ཀྱིས་བརྒྱན་ཅིང་། གླང་པོ་ཆེའི་པགས་པས་སྟོད་གཡོགས་དང་། སྟག་གི་པགས་པའི་ཤམ་ཐབས་ལ་དར་ལྗང་གུའི་སྐེ་རག་བཅིངས་པ། དཔྲལ་བར་སིནྡྷུ་རའི་ཐིག་ལེས་བྱུགས་ཤིང་། སྤྱི་བོར་མི་བསྐྱོད་པས་དབུ་བརྒྱན་པ། ཕྱག་ཞབས་ཐམས་ཅད་ལ་རུས་པའི་ཕྲེང་བ་དང་། དྲིལ་བུ་གཡེར་ཁས་བརྒྱན་པ། ཞབས་གཉིས་གྱད་ཀྱི་འདོར་སྟབས་ཀྱིས་ཡེ་ཤེས་ཀྱི་མེ་འབར་བའི་དབུས་ན་བཞུགས་པ། དེའི་གཡོན་དུ་རཀྟའི་རྒྱ་མཚོ་དམར་ལ་དྭངས་པའི་ནང་དུ་བྷྱོ་ལས་འདོད་པ་ཁམས་ཀྱི་དབང་ཕྱུག་མ་བོང་བུ་གྭ་པ་ལ་ཞོན་པ་སྐུ་མདོག་མཐིང་ནག་ཞལ་གཅིག་

[Full Size]

ཕྱག་བཞི་མ། གཡས་ཀྱི་དང་པོ་ན་རལ་གྲི། གཉིས་པ་ན་གྲི་གུག །གཡོན་གྱི་དང་པོ་ན་རྒྱལ་མཚན། གཉིས་པ་ན་ཐོད་རློན་ཁྲག་གིས་གང་བ་འཛིན་པ། མི་མགོ་སྐམ་པོ་ལྔའི་དབུ་རྒྱན་ཅན། །སྤྱན་གསུམ་དམར་ལ་ཟླུམ་པ། ཞལ་མཆེ་བ་གཙིགས་པ། སྙན་གཡས་པ་ལ་སེང་གེ་དང་གཡོན་པ་དུག་སྦྲུལ་གྱིས་བརྒྱན་པ། དབུ་སྐྲ་དང་སྨིན་མ་དམར་ལ་སེར་བ། དབུ་ལ་ཟླ་ཚེས་དང་རྨ་བྱའི་མདོངས་ཀྱིས་སྤྲས་པ། ལྟེ་བའི་ཐད་ནས་ཉི་མ་འཆར་བ། ཞིང་ཆེན་དང་གླང་པོ་ཆེའི་ཀོ་བས་སྟོད་གཡོགས་ཤིང་རེ་ལྡེའི་ཤམ་ཐབས་ལ་སྦྲུལ་ནག་གི་སྐེ་རག་བཅིངས་པ། དུར་ཁྲོད་ཀྱི་ཆས་བརྒྱད་ཀྱིས་བརྒྱན་པ། མ་མོ་དང་ཤ་ཟ་འབུམ་སྡེའི་དབུས་ན་བྷྱོའི་སྒྲ་སྒྲོགས་པ། གཙོ་བོའི་མདུན་དུ་ཀྵིཾ་ལས་གནོད་སྦྱིན་ཀྵེ་ཏྲ་པཱ་ལ་དོམ་ནག་སྨྱོན་པ་ལ་ཆིབས་པ། སྐུ་མདོག་མཐིང་

[Full Size]

ནག་ཞལ་གཅིག་ཕྱག་གཉིས་པ། གཡས་གྲི་གུག་ནམ་མཁའ་ལ་འཕྱར་བ། གཡོན་པས་ཐོད་པ་ཁྲག་གིས་གང་བ་གཙོ་བོའི་ཞལ་དུ་སྟོབ་པ། རལ་པ་གྱེན་དུ་གཟིངས་ཤིང་སྤྱན་གསུམ་དམར་ལ་ཟླུམ་པ། མགོན་པོའི་གཡས་སུ་ཛིཾ་ལས་དབང་ཕྱུག་ཛི་ན་མི་ཏྲ་སྐུ་མདོག་དམར་ནག་ཞལ་གཅིག་ཕྱག་གཉིས་པ། གཡས་ཐོད་པའི་ཌཱ་མ་རུ་འཁྲོལ་ཞིང་། གཡོན་ཐོད་ཁྲག་འཛིན་པ། མགོན་པོའི་རྒྱབ་ཏུ་ཊཱྃྭ་ལས་གཤིན་རྗེ་ཊཱ་ཀི་རཱ་ཛ་སྐུ་མདོག་སྨུག་ནག་ཞལ་གཅིག་ཕྱག་གཉིས་པ། གཡས་རྒྱུ་མའི་ཞགས་པ་འཕྱར་ཞིང་། གཡོན་སྡིག་མཛུབ་ཀྱི་རྩེ་ལས་མེ་འབར་བ། ལྷ་མོའི་གཡོན་དུ་ཧཱུྃ་ལས་བདུད་མགོན་ཏྲཀྴད་ནག་པོ། གཡས་རུ་མཚོན་དམར་པོ་འཕྱར་ཞིང་། །གཡོན་ཙནྡན་གྱི་བེང་ཤིང་བསྣམས་པ། ཟ་འོག་སྔོ་ཁྲའི་བེར་གསོལ་ཞིང་རྟ་ནག་རྟིང་དཀར་ལ་བཅིབས་པ་བཞི་ཀའང་རྔམས་ཤིང་

[Full Size]

མཆེ་བ་གཙིགས་པ། སྨ་ར་དང་སྨིན་མ་དབུ་སྐྲ་ཁམ་སེར་གྱེན་དུ་བརྫེས་པ། སྤྱན་གསུམ་དམར་ལ་གཡོ་བ་དགྲ་བགེགས་ལ་སྡང་མིག་ཏུ་གཟིགས་པ། ཁྲོ་བོའི་རྒྱན་གྱིས་མཛེས་ཤིང་ཡེ་ཤེས་ཀྱི་མེ་འབར་བའི་དབུས་ན་བཞུགས་པའོ། །དེ་དག་གི་ཕྱི་རོལ་དུ་ཕྱོགས་སྐྱོང་བ་བཅུ་དང་། ལྷ་ཆེན་པོ་བརྒྱད། ཀླུ་ཆེན་པོ་བརྒྱད། གཟའ་ཆེན་པོ་བརྒྱད། འཇིག་རྟེན་སྐྱོང་བ་བཞི། རྒྱུ་སྐར་ཉི་ཤུ་རྩ་བརྒྱད། འཇིགས་བྱེད་ཆེན་པོ་དགུ་སྟེ་གཙང་རིགས་ཀྱི་མགོན་པོ་བདུན་ཅུ་རྩ་ལྔ་འཁོར་དང་བཅས་པ་དང་། བཀའ་སྡོད་དམ་ཅན་རྒྱ་མཚོའི་ཚོགས་ཀྱིས་ས་གཞི་དང་བར་སྣང་ཐམས་ཅད་གང་བ། གཙོ་འཁོར་ཐམས་ཅད་ཀྱི་སྤྱི་བོར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོ། བདག་མདུན་གཉིས་ཀའི་ཐུགས་ཀའི་ཧཱུྃ་ལས་འོད་ཟེར་

[Full Size]

འཕྲོས་པས། ཤར་ལྷོ་བསིལ་བའི་ཚལ་གྱི་དུར་ཁྲོད་ཙནྡན་གྱི་སྡོང་པོ་རྐང་གཅིག་པའི་དྲུང་ནས། དཔལ་ནག་པོ་ཆེན་པོ་འཁོར་དང་བཅས་པ་ཨོཾ་བཛྲ་ས་མཱ་ཛཿདྲིལ་བུ་བསིལ་ཞིང་། ཧཱུྃ། དད་པ་དང་ནི་དམ་ཚིག་གིས། །ཚུར་གཤེགས་མ་ཧཱ་ཀཱ་ལའི་ཚོགས། །ཇི་ལྟར་ཁས་བླངས་དམ་བཅས་བཞིན། །གནས་འདིར་སྤྱན་འདྲེན་གཤེགས་སུ་གསོལ། །ཀྵེ་ཏྲ་པཱ་ལ་ལ་སོགས་པའི། །འཁོར་གྱི་གནོད་སྦྱིན་བཀའ་ཉན་ཚོགས། །བསྟན་པ་བསྲུང་བར་ཞལ་བཞེས་པའི། །དམ་ཅན་རྒྱ་མཚོ་གཤེགས་སུ་གསོལ། །ཨོཾ་ཤྲཱི་མ་ཧཱ་ཀཱ་ལཱ་ཡེ་མ་ཧཱ་ཀཱ་ལི་དེ་ཝཱི་ཡཀྵ་ས་པ་རི་ཝཱ་ར་ཨེ་ཧྱེ་ཧི་ཞེས་པས་སྤྱན་དྲངས་ལ། ཛཿཧཱུྃ་བྃ་ཧོཿ ཞེས་བརྗོད་པས་མདུན་བསྐྱེད་ལ་བསྟིམ། ཨོཾ་ཤྲཱི་མ་ཧཱ་ཀཱ་ལཱ་ཡ་ས་པ་རི་ཝཱ་ར་སྔོན་དུ་འགྲོ་བའི་མཐར་ཨརྒྷཾ་ནས་ཤབྡའི་བར་གྱིས་མཆོད། ཨོཾ་ཤྲཱི་མ་ཧཱ་ཀཱ་ལཱ་ཡ་ས་པ་རི་ཝ་ར་ཨོཾ་

[Full Size]

ཨཱཿཧཱུྃ་གིས་ནང་མཆོད་ཕུལ། མ་ཧཱ་ཀཱ་ལ་ཕྱག་དྲུག་འཇིགས་པའི་སྐུ། །སྐུ་ཡི་ཆ་ལུགས་མི་བཟད་འབར་བ་ལ། །དུར་ཁྲོད་ཆས་ཀྱིས་རབ་ཏུ་བརྒྱན་པའོ། །གསུང་གི་ང་རོ་མི་བཟད་འབར་བ་ལ། །ཧཱུྃ་དང་ཕཊ་ཀྱི་སྒྲ་ཡིས་སྟོང་གསུམ་ཁེངས། །རྣམ་དག་ཐུགས་ནི་མི་བཟད་འབར་བ་ལ། །སྤྲོས་དང་བྲལ་ཡང་མཚན་མ་ཅི་ཡང་སྟོན། །སྐུ་གསུང་ཐུགས་ཀྱི་སྒོ་ནས་ཁྱོད་ལ་བསྟོད། །ཅེས་པས་བསྟོད་ལ། དེ་ནས་ཡི་དམ་གྱི་གཏོར་མ་ལ་དམིགས་ཏེ། ཨོཾ་ཨཱཿཧཱུྃ་ལན་གསུམ་གྱིས་བྱིན་གྱིས་བརླབས། ཡི་དམ་གྱི་ལྷ་གང་ཡིན་གྱི་མཚན་སྔགས་ཀྱི་མཐར། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི་ལན་གསུམ་གྱིས་ཕུལ། མཚན་སྔགས་ཀྱི་མཐར། ཨརྒྷཾ་ནས་ཤཔྟའི་བར་གྱིས་མཆོད། མཚན་སྔགས་ཀྱི་མཐར་ཨོཾ་ཨཱཿཧཱུྃ་གིས་ནང་མཆོད་ཕུལ། ལྷ་རང་རང་གི་བསྟོད་པས་བསྟོད།

[Full Size]

མདུན་གྱི་ཆོས་སྐྱོང་གི་གཏོར་མ་ལ་དམིགས་ཏེ། ཨ་མྲྀ་ཏས་བསང་། སྭ་བྷཱ་ཝས་སྦྱངས། སྟོང་པའི་ངང་ལས་ཡྃ་ལས་རླུང་། རྃ་ལས་མེ། ཀྃ་ལས་མི་མགོའི་སྒྱེད་བུ་གསུམ་གྱི་སྟེང་དུ་ཨ་ལས་ཐོད་པ་ཕྱི་དཀར་ལ་ནང་དམར་བ་ཡངས་ཤིང་རྒྱ་ཆེ་བའི་ནང་དུ་ཤ་ལྔ་བདུད་རྩི་ལྔས་གང་བ་ཁ་དོག་དྲི་རོ་ནུས་པ་ཕུན་སུམ་ཚོགས་པའི་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། འབྲུ་གསུམ་ལན་གསུམ། ཨོཾ་བཛྲ་མ་ཧཱ་ཀཱ་ལ་ཀྵིཾ་ཀྵེ་ཏྲ་པཱ་ལ་བིགྷྣན་བི་ནཱ་ཡ་ཀ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི་སྭཱ་ཧཱ། །ལན་གསུམ་གྱིས་གཙོ་བོ་ལ་ཕུལ། །ཨོཾ་བཛྲ་མ་ཧཱ་ཀཱ་ལ་ཀྵིཾ་ཀྵེ་ཏྲ་བིགྷྣན་བི་ནཱ་ཡ་ཀ་རཀྨོ་བ་ལིཾ་ཏ་མཱཾ་ས་རཀྟ་རུ་དྷི་ར་ཁ་ཁ་ཁཱ་ཧི་ཁཱ་ཧི་ཧཱུྃ་ཧཱུྃ་ཕཊ་ཕཊ་སྭཱ་ཧཱ། །ལན་གསུམ་གྱིས་ལྷ་མོ་ལ་ཕུལ། དེ་ནས་ཆོས་སྐྱོང་སྤྱིའི་སྔགས་ཤཱ་ས་ན་ལན་གསུམ་གྱིས་གཙོ་འཁོར་ཐམས་ཅད་ལ་དམིགས་ནས་ཐུན་མོང་དུ་ཕུལ་ལ།

[Full Size]

དཔལ་ཡེ་ཤེས་ཀྱི་མགོན་པོ་ཕྱག་དྲུག་པ། དཔལ་ལྡན་ལྷ་མོ་རེ་མ་ཏཱི། འཁོར་གནོད་སྦྱིན་བཞི། གཙང་རིགས་ཀྱི་མགོན་པོ་བདུན་ཅུ་རྩ་ལྔ། དམ་ཅན་རྒྱ་མཚོའི་ཚོགས་དང་བཅས་པ་རྣམས་མཆོད་སྦྱིན་གྱི་གཏོར་མ་འདི་བཞེས་ལ། བདག་ཅག་དཔོན་སློབ་ཡོན་མཆོད་འཁོར་དང་བཅས་པ་རྣམས་ཀྱི་འགལ་རྐྱེན་ཕྱི་ནང་གི་བར་ཆད་ཞི་བ་དང་། བསམ་སྦྱོར་ཆོས་ལྡན་ཡིད་བཞིན་དུ་འགྲུབ་པའི་ཕྲིན་ལས་དང་སྟོང་གྲོགས་མཛད་དུ་གསོལ། ཞེས་བརྗོད། དེ་ནས་གཙོ་བོ་ལ་དམིགས་ཏེ། ཨོཾ་བཛྲ་མ་ཧཱ་ཀཱ་ལ་ཀྵིཾ་ཀྵེ་ཏྲ་པཱ་ལ་བིགྷྣན་བི་ནཱ་ཡ་ཀ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། །ཞེས་བརྒྱ་རྩ་ལ་སོགས་པ་བགྲང་། ལྷ་མོ་ལ་དམིགས་ནས། ཨོཾ་བཛྲ་ན་ར་ཀྵིཾ་ཀྵིཾ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཞེས་པ་གྲངས་ཇི་ལྟར་རིགས་པ་བཟླ། འཁོར་གནོད་སྦྱིན་རྣམས་ལ་དམིགས་ནས་རིམ་བཞིན། ཨོཾ་ཀྵེ་ཏྲ་པཱ་

[Full Size]

ལ་བིགྷྣན་ཧཱུྃ་ཕཊ། ཨོཾ་ཛཱི་ན་མི་ཏྲ་ཝཱ་ཤཾ་ཀུ་རུ་ཧཱུྃ་ཕཊ། ཨོཾ་ཊཱ་ཀི་རཱ་ཛ་ས་མ་ཡ་བྷྱོཿཧཱུྃ་ཕཊ། ཨོཾ་དུད་ཡོག་ཛ་མ་ཧཱ་ཀཱ་ལ་ཏྲག་ཤད་ཧཱུྃ་ཛཿཞེས་པ་ཉེར་གཅིག་རེ་བཟླ། གཉིས་པ་དངོས་གཞི་ནི། སློབ་མ་བོས་ལ་ཁྲུས་བྱས། ཕྱག་དང་ཡོན་ཕུལ་ཏེ་གྲལ་ལ་འཁོད་པ་ལ། འོ་སེམས་ཅན་ཐམས་ཅད་ཀྱི་དོན་དུ་སངས་རྒྱས་ཀྱི་གོ་འཕང་ཐོབ་པར་བྱ། དེའི་ཆེད་དུ་དམ་པའི་ཆོས་ཉམས་སུ་ལེན་སྙམ་པའི་བསམ་པ་དྲག་པོ་རེ་བསྐྱེད་མཛོད། དེའང་དམ་པའི་ཆོས་ཉམས་སུ་ལེན་པ་ལ་བར་ཆད་སེལ་བར་བྱེད་པའི་སྲུང་མ་ཁྱད་པར་ཅན་རེ་བསྟེན་དགོས་པ་ལ་ད་ལམ་འདིར་སྐབས་སུ་བབས་པ་ཐུགས་རྗེའི་མངའ་བདག་འཕགས་པ་སྤྱན་རས་གཟིགས་དབང་ཕྱུག་གིས་གདུལ་བྱའི་དོན་དུ་ཡིད་བཞིན་ནོར་བུ་རིན་པོ་ཆེ་དབང་གི་རྒྱལ་པོ་ལྟ་བུར་སྲུང་མའི་དབང་པོའི་སྐུར་སྤྲུལ་པ་མྱུར་མཛད་ཡེ་ཤེས་ཀྱི་མགོན་པོ་ཕྱག་དྲུག་པ་

[Full Size]

འདི་ཡིན་ལ། འདི་མཁས་གྲུབ་ཁྱུང་པོ་རྣལ་འབྱོར་གྱིས་རྒྱ་གར་དུ་མངའ་བདག་མཻ་ཏྲི་པ་ལ་གསེར་སྲང་བདུན་ཕུལ་ནས་ངེད་བོད་རྣམས་ལོངས་སྤྱོད་ཆུང་བ་ཡིན་པས་ནོར་སྒྲུབ་མཐུ་མྱུར་ལ་རྟགས་མཚན་ཆེ་བ་ཞིག་ཞུ་བྱས་པས། མཻ་ཏྲི་པའི་ཞལ་ནས། ཡིད་བཞིན་གྱི་ནོར་བུའི་མགོན་པོ་ཞེས་ཀྱང་བྱ། །མགོན་པོ་ཤིང་ཕུང་ཅན་ཞེས་ཀྱང་བྱ། ཐུགས་རྗེ་ཆེན་པོ་ནག་པོ་ཞེས་ཀྱང་བྱ། ཡེ་ཤེས་ཀྱི་མགོན་པོ་ཕྱག་དྲུག་པ་ཞེས་ཀྱང་བྱ་བ། བར་དོའི་འཇིགས་པ་ལས་སྐྱོབ། ལྷ་འདྲེ་མི་གསུམ་དབང་དུ་སྡུད། མི་ནོར་ཟས་གསུམ་ཤུགས་ལ་འབྱུང་། དགྲ་ཐམས་ཅད་བརླག་པར་བྱེད། མཆོག་དང་ཐུན་མོང་གི་དངོས་གྲུབ་ཐམས་ཅད་ལོ་ཟླས་འགྲུབ་པ་ཞིག་ཡོད་པ་དེ་སྦྱིན་གསུངས། དེ་བླ་མས་སུ་ལ་གསན་ཞུས་པས། མཻ་ཏྲི་པའི་ཞལ་ནས། ཁོ་བོས་ཤཱ་བ་རི་དབང་ཕྱུག་ལས་ཐོབ། ཤཱ་ཝ་རི་པ་དེ་དུར་ཁྲོད་

[Full Size]

ཆེན་པོ་བསིལ་བའི་ཚལ་ན་སྒྲུབ་པ་མཛད་ཀྱིན་བཞུགས་པའི་ཚེ་ནམ་མཁའ་ལ་ཌཱ་མ་རུ་དང་། དྲིལ་བུ་གཡེར་ཁའི་སྒྲ་ཆེན་པོ་གྲགས་ནས་གཟིགས་པ་དང་། ཡེ་ཤེས་ཀྱི་མགོན་པོ་འདིར་བྱོན་ནས་རིགས་ཀྱི་བུ་སྒྲུབ་ཐབས་འདི་ཟུངས་ཤིག་གསུངས་ནས་ཤཱ་ཝ་རི་པས་སྒྲུབ་ཐབས་ཡི་གེར་བཀོད་པར་ཡང་མཛད་གསུངས། ཡང་སྔོན་གྱི་དུས་ན་དུར་ཁྲོད་ཆེན་པོ་མུན་པ་མི་ཟད་པ་ཞེས་བྱ་བར་སློབ་དཔོན་དྷ་ན་སཾ་སྐྲྀ་ཏ་ཞེས་བྱ་བས་ཡེ་ཤེས་ཀྱི་མགོན་པོ་འདི་མངོན་སུམ་དུ་གཟིགས། འཁོར་གནོད་སྦྱིན་རྣམས་ཀྱིས་སྲོག་སྔགས་ཕུལ་ནས་ལས་ཐམས་ཅད་སྒྲུབ་པར་ཁས་བླངས་པའི་བླ་མ་དེས་རཱ་ཧུ་ལ་གུཔྟ་བཛྲ་ལ་གནང་། རཱ་ཧུ་ལས་བོད་དུ་གདམས་ངག་སྒོ་སྐྱེལ་མཛད་དུ་བྱོན་ནས་ཁྱུང་པོ་ལ་གནང་། ཁྱུང་པོ་ནས་རྩ་བའི་བླ་མའི་བར་དུ་བརྒྱུད་པ་མ་ཆད་པ་ལས་བྱུང་བ་ཡིན་པ་ཡིད་ཆེས་པའི་གནས་སུ་མཛད་འཚལ། །དེ་ལྟ་བུའི་

[Full Size]

ཡེ་ཤེས་ཀྱི་མགོན་པོའི་རྗེས་སུ་གནང་བ་ལ་སྔོན་འགྲོ་སློབ་དཔོན་གྱིས་བྱ་བ་རྣམས་ལེགས་པར་གྲུབ་ཟིན། དངོས་གཞི་སློབ་མ་དང་ཐུན་མོང་དུ་བྱ་བའི་རིམ་པ་ལ། ཐོག་མར་མཎྜལ་ཕུལ་ནས་སྔོན་འགྲོ་སྐྱབས་སེམས་བྱ་བ་ནི། མདུན་གྱི་ནམ་མཁར་བླ་མ་དང་དཀོན་མཆོག་རིན་པོ་ཆེ་རྣམ་པ་གསུམ་མཁའ་འགྲོ་ཆོས་སྲུང་དང་བཅས་པ་མངོན་སུམ་དུ་བཞུགས་པའི་སྤྱན་སྔར་ཁྱེད་རང་རྣམས་བྱང་ཆུབ་མ་ཐོབ་ཀྱི་བར་དུ། ཕྱོགས་བཅུ་ན་བཞུགས་པའི་སངས་རྒྱས་ལ་སྐྱབས་སུ་མཆིའོ། །ཕྱོགས་བཅུ་ན་བཞུགས་པའི་ཆོས་ལ་སྐྱབས་སུ་མཆིའོ། །ཕྱོགས་བཅུ་ན་བཞུགས་པའི་དགེ་འདུན་དང་། བླ་མ་དང་། ཡི་དམ་གྱི་ལྷ་དང་། ཡེ་ཤེས་ཀྱི་མགོན་པོ་ཕྱག་དྲུག་པའི་ལྷ་ཚོགས་འཁོར་དང་བཅས་པ་རྣམས་ལ་སྐྱབས་སུ་མཆིའོ། །ཞེས་ལན་གསུམ་བརྗོད་དུ་གཞུག །

[Full Size]

སེམས་བསྐྱེད་པ་ནི། གོང་གི་སྐྱབས་ཡུལ་དེ་རྣམས་ཀྱི་སྤྱན་སྔར་ཡན་ལག་བདུན་དང་ལྡན་པའི་སྒོ་ནས་འདིའི་རྗེས་ཟློས་མཛོད། །དཀོན་མཆོག་གསུམ་ལ་བདག་སྐྱབས་མཆི་ཞེས་པ་ནས། འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག་བར་ལན་གསུམ་བརྗོད་དུ་གཞུག །རྗེས་གནང་དངོས་ལ་མདུན་དུ་རྟེན་གསལ་བཏབ་ཅིང་ཡེ་ཤེས་པ་སྤྱན་དྲངས་པ། དབང་བཞི་བྱིན་རླབས་ཀྱི་ཚུལ་དུ་བསྐུར་བ། གཏོར་མའི་བཀའ་བསྒོ་བ། སྔགས་ཀྱི་བཟླས་ལུང་སྦྱིན་པ་དང་བཞི་ཡོད་པའི་དང་པོ་ནི། མདུན་ཕྱོགས་ཀྱི་ཆོས་འབྱུང་གཏོར་མ་དང་བཅས་པའི་གནས་འདི་ཉིད་དུ་ཡེ་ཤེས་ཀྱི་སྣང་བ་ལས་གྲུབ་པའི་དུར་ཁྲོད་ཆེན་པོ་བསིལ་བའི་ཚལ་མཚན་ཉིད་ཐམས་ཅད་ཡོངས་སུ་རྫོགས་པ་ཙནྡན་གྱི་ནགས་ཚལ་འཁྲིགས་པའི་གཞིར་ཆོས་འབྱུང་གྲུ་གསུམ་གྱི་དབུས་སུ་པདྨ་ཉི་མ་ཚོགས་

[Full Size]

ཀྱི་བདག་པོ་གན་རྐྱལ་དུ་བསྒྱེལ་བའི་སྟེང་དུ་མྱུར་མཛད་ཡེ་ཤེས་ཀྱི་མགོན་པོ་ཕྱག་དྲུག་པ་ཞེས་བྱ་བ་ནས། དམ་ཅན་རྒྱ་མཚོའི་ཚོགས་ཀྱིས་བསྐོར་བ་ཞེས་པའི་བར་མདུན་བསྐྱེད་ཀྱི་སྐབས་ཀྱི་མངོན་རྟོགས་ཇི་ལྟ་བ་བཞིན་བརྗོད་ལ། འདི་རྣམས་མངོན་སུམ་ལྟ་བུར་བཞུགས་པའི་མོས་པ་མཛོད། དེ་ནས་སློབ་དཔོན་ལ། ཀུན་མཁྱེན་ཡེ་ཤེས་ཕུང་པོ་ཅན་ཞེས་པ་ནས། བློ་མཆོག་བདག་ལ་གནང་བར་མཛོད། །ཅེས་པའི་བར་ལན་གསུམ་བརྗོད་དུ་གཞུག །ཡང་སློབ་དཔོན་ཡི་དམ་དུ་གསལ་བ་དང་། མདུན་བསྐྱེད་ཀྱི་ཆོས་སྐྱོང་འཁོར་བཅས་ཀྱི་ཐུགས་ཀ་ནས་འོད་ཟེར་འཕྲོས། ཁྱེད་རང་གི་སྐུ་ལུས་ལ་ཕོག་པས་ཚེ་འཁོར་བ་ཐོག་མེད་ནས་བསགས་པའི་ཞེས་པ་ནས། སྭ་བྷ་ཝཱས་སྟོང་པར་སྦྱངས་པའི་བར་སྤྱི་དང་འདྲ། སྟོང་པའི་ངང་ལས་དུར་ཁྲོད་ཆེན་པོ་

[Full Size]

བསིལ་བའི་ཚལ་ཞེས་པ་ནས། ཆོས་འབྱུང་གི་ནང་དུ་པདྨ་ཉི་མ་ཚོགས་བདག་གན་རྐྱལ་དུ་བསྒྱེལ་བའི་སྟེང་དུ་རང་གི་སེམས་ཉིད་ཀྱི་ངོ་བོ་ཧཱུྃ་ཡིག་མཐིང་ནག་དེ་ཡོངས་སུ་གྱུར་པ་ལས་ཁྱེད་རང་རྣམས་མྱུར་མཛད་ཡེ་ཤེས་ཀྱི་མགོན་པོ་ཕྱག་དྲུག་པ་ཞེས་པ་ནས། དམ་ཅན་རྒྱ་མཚོའི་ཚོགས་ཀྱིས་བསྐོར་བ་དང་བཅས་པའི་བར་མངོན་རྟོགས་ལྟར་བསྐྱེད། དེ་ཐམས་ཅད་ཀྱི་སོགས་གནས་གསུམ་བྱིན་གྱིས་བརླབ། སློབ་དཔོན་ལ་གུས་འདུད་བྱས་པས་སློབ་དཔོན་དང་། མདུན་བསྐྱེད་ཀྱི་ཐུགས་ཀ་ནས་འོད་དང་འོད་ཟེར་བསམ་གྱིས་མི་ཁྱབ་པ་འཕྲོས། ཤར་ལྷོ་བསིལ་བའི་ཚལ་གྱི་དུར་ཁྲོད་ཀྱི་དབུས། ཤིང་ཙནྡན་གྱི་སྡོང་པོ་རྐང་གཅིག་པའི་དྲུང་ན་མགོན་པོ་འཁོར་དང་བཅས་པ་བཞུགས་པའི་ཐུགས་ཀར་ཕོག །ཐུགས་རྗེ་དང་ཐུགས་དམ་གྱི་རྒྱུད་བསྐུལ། སྔོན་གྱི་དམ་ཚིག་རྗེས་སུ་དྲན་

[Full Size]

པས་ཡེ་ཤེས་ཀྱི་མགོན་པོ་དེ་ཉིད་ཐོགས་མེད་དུ་བཞེངས་ནས་བྱོན་པ་ལ་གཡས་ནས་དཔའ་བོ་བསམ་གྱིས་མི་ཁྱབ་པ། གཡོན་ནས་དཔའ་མོ་བསམ་གྱིས་མི་ཁྱབ་པ། མ་གཅིག་དཔལ་ལྡན་ལྷ་མོ། བཀའ་ཉན་གྱི་གནོད་སྦྱིན་ཆེན་མོ་བཞི། གཙང་རིས་ཀྱི་མགོན་པོ་དམ་ཅན་རྒྱ་མཚོའི་ཚོགས་དང་བཅས་པ་ནམ་མཁའ་ས་གཞི་བར་སྣང་ཐམས་ཅད་གང་བ་ཁྲོ་ཞིང་འཁྲུགས་ལ་དགྱེས་ཤིང་འཛུམ་པའི་མདངས་དང་ལྡན་པ། འུར་འུར་ཐིབ་ཐིབ་བྱོན་ནས་མདུན་བསྐྱེད་ཀྱི་མགོན་པོ་འཁོར་བཅས་ལ་ཐིམ་པའི་མོས་པ་མཛོད་བྱས་ལ་དྲིལ་བསིལ་དང་རོལ་ཆེན་བྱ་ཞིང་། མདུན་བསྐྱེད་ཀྱི་སྐབས་སུ་བརྗོད་པའི་སྤྱན་འདྲེན་གྱི་ཚིག་བཅད་སྔགས་དང་བཅས་པའི་རྗེས་སུ་ཀྵིཾ་ཉེར་གཅིག་དང་ཛཿཧཱུྃ་བྃ་ཧོཿཞེས་བརྗོད། དེ་ལྟར་བྱས་པས་མདུན་བསྐྱེད་ཀྱི་མགོན་པོ་དེ་ཉིད་ཡེ་ཤེས་པ་དང་

[Full Size]

དབྱེར་མེད་པའི་མྱུར་མཛད་ཀྱི་མགོན་པོ་དངོས་ཡིན་སྙམ་པའི་མོས་གུས་དང་ངེས་ཤེས་བསྐྱེད་མཛོད། གཉིས་པ་དབང་བཞི་བྱིན་རླབས་ཀྱི་ཚུལ་དུ་བསྐུར་བ་ནི། ཁྱེད་རང་མགོན་པོར་གསལ་བ་དང་མདུན་བསྐྱེད་ཀྱི་མགོན་པོ་གཉིས་ཆར་གྱི་དཔྲལ་བར་ཨོཾ་དཀར་པོ། མགྲིན་པར་ཨཿདམར་པོ། ཐུགས་ཀར་ཧཱུྃ་སྔོན་པོ་རེ་གསལ་ལ་སློབ་དཔོན་ལ་གསོལ་བ་འདེབས་པ་འདི་གསུང་བར་ཞུ། བླ་མ་རིན་པོ་ཆེ་བདག་ལ་བུམ་པའི་དབང་བསྐུར་དུ་གསོལ། །ལུས་ཀྱི་སྡིག་སྒྲིབ་དག་པར་མཛད་དུ་གསོལ། །སྐུ་ཡི་བྱིན་རླབས་ལུས་ལ་འཇུག་པར་མཛད་དུ་གསོལ། །ཚར་གཅིག །སློབ་དཔོན་གྱི་ཐུགས་ཀ་ནས་འོད་ཟེར་འཕྲོས་མདུན་བསྐྱེད་ཀྱི་མགོན་པོའི་དཔྲལ་བའི་ཨོཾ་ལ་ཕོག་པས་མགོན་པོའི་ཐུགས་རྒྱུད་བསྐུལ། ཨོཾ་དེ་ལས་མགོན་པོའི་སྐུའི་ངོ་བོར་གྱུར་པའི་འོད་ཟེར་དཀར་པོ་

[Full Size]

བསམ་གྱིས་མི་ཁྱབ་པ་འཕྲོས། ཁྱེད་རང་གི་དཔྲལ་བའི་ཨོཾ་ལ་ཐིམ་སྟེ་འོད་ཟེར་དཀར་པོ་བྱུང་བས་ལུས་ཀྱི་ནང་ཐམས་ཅད་གང་། ཚེ་འཁོར་བ་ཐོག་མ་མེད་པ་ནས། ལུས་ཀྱི་སྒོ་ནས་བསགས་པའི་ནད་གདོན་སྡིག་སྒྲིབ་ཐམས་ཅད་བྱང་ཞིང་དག །མགོན་པོའི་སྐུའི་བྱིན་རླབས་མ་ལུས་པ་ཞུགས། བུམ་པའི་དབང་ཐོབ་སྙམ་པའི་མོས་པ་མཛོད། སློབ་དཔོན་གྱིས་དྲིལ་བུ་བསིལ། ན་མོ་བུདྡྷཱ་ཡ། ན་མོ་གུ་རུ་བྷྱཿབཛྲ་ཝཱི་ར་ཝཱི་ར་ཎི་ཤྲཱི་ཡེ། བཛྲ་ཌཱ་ཀ་ཌཱ་ཀི་ནཱི། ཛོ་ཀ་ཛོ་ཀི་ནི། སརྦ་བུདྡྷ་བོ་དྷི་སཏྭ་ཤ་ར་ཾ་གཙྪ་མི་ཀྱཻ། ཕྱོགས་བཅུ་དུས་གསུམ་ན་བཞུགས་པའི་དྲིན་ཅན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱིས་བྱིན་གྱིས་རློབས་ཤིག །ཡི་དམ་དཀྱིལ་འཁོར་གྱི་ལྷ་ཚོགས་རྣམས་ཀྱིས་བྱིན་གྱིས་རློབས་ཤིག །གནས་གསུམ་

[Full Size]

གྱི་དཔའ་བོ་རྣལ་འབྱོར་མ་རྣམས་ཀྱིས་བྱིན་གྱིས་རློབས་ཤིག །མྱུར་མཛད་ཡེ་ཤེས་ཀྱི་མགོན་པོ་ཕྱག་དྲུག་པའི་ལྷ་ཚོགས་ཡེ་ཤེས་ལ་སྒྲིབ་པ་མི་མངའ། མཐུ་སྟོབས་ལ་ཐོགས་པ་མི་མངའ། ཐུགས་རྗེ་ལ་ཕྱི་ཤོལ་མི་མངའ། བྱིན་རླབས་ལ་རྒྱང་རིང་ཐུང་མི་མངའ་བ་ཁྱེད་རྣམས་ཀྱི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པའི་སྒོ་ནས་རྡོ་རྗེའི་སློབ་མ་འདིའམ་འདི་རྣམས་ལ་ཞེས་པ་སྐབས་དང་སྦྱར་ལ་དུས་ད་ལྟ་ཉིད་དུ་བྱིན་གྱིས་རློབས་ཤིག །ཅེས་དང་། ཨོཾ་བཛྲ་མ་ཧཱ་ཀཱ་ལ་ཀྵིཾ་ཀྵེ་ཏྲ་པཱ་ལ་བིགྷྣན་བི་ནཱ་ཡ་ཀ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། །མང་དུ་བརྗོད། ཡང་གསང་དབང་གི་སླད་དུ་གསོལ་བ་འདེབས་པ་འདི་གསུང་བར་ཞུ། བླ་མ་རིན་པོ་ཆེ་བདག་ལ་གསང་བའི་དབང་བསྐུར་དུ་གསོལ། །ངག་གི་སྡིག་སྒྲིབ་དག་པར་མཛད་དུ་གསོལ། །གསུང་གི་བྱིན་རླབས་ངག་ལ་འཇུག་པར་མཛད་དུ་

[Full Size]

གསོལ། །ཚར་གཅིག །སློབ་དཔོན་གྱི་ཐུགས་ཀ་ནས་འོད་ཟེར་འཕྲོས་མདུན་གྱི་མགོན་པོའི་མགྲིན་པའི་ཨཱཿལ་ཕོག་ཐུགས་རྒྱུད་བསྐུལ། ཨཱཿདེ་ལས་མགོན་པོའི་གསུང་གི་ངོ་བོར་གྱུར་པའི་འོད་ཟེར་དམར་པོ་འཕྲོས་པ་སོགས་ནས་སྔགས་བརྗོད་པའི་བར་རིགས་འགྲེ། ཡང་གསོལ་འདེབས་འདི་གསུང་བར་ཞུ། བླ་མ་རིན་པོ་ཆེ་བདག་ལ་ཤེས་རབ་ཡེ་ཤེས་ཀྱི་དབང་བསྐུར་དུ་གསོལ། །ཡིད་ཀྱི་སྡིག་སྒྲིབ་དག་པར་མཛད་དུ་གསོལ། །ཐུགས་ཀྱི་བྱིན་རླབས་ཡིད་ལ་འཇུག་པར་མཛད་དུ་གསོལ། ཚར་གཅིག །ཡང་སློབ་དཔོན་གྱི་ཐུགས་ཀ་ནས་འོད་ཟེར་འཕྲོས་མདུན་བསྐྱེད་ཀྱི་མགོན་པོའི་ཐུགས་ཀའི་ཧཱུྃ་ལ་ཕོག་པ་ནས་འོད་ཟེར་སྔོན་པོ་འཕྲོ་འདུ་སོགས་དང་། སྔགས་བརྗོད་པའི་བར་རིགས་འགྲེ། ཡང་འདི་གསུང་བར་ཞུ། བླ་མ་རིན་པོ་

[Full Size]

ཆེ་བདག་ལ་དབང་བཞི་པ་བསྐུལ་དུ་གསོལ། །སྒོ་གསུམ་གྱི་སྡིག་སྒྲིབ་དག་པར་མཛད་དུ་གསོལ། །ཡོན་ཏན་ཕྲིན་ལས་ཀྱི་བྱིན་རླབས་འཇུག་པར་མཛད་དུ་གསོལ། །ཚར་གཅིག །སློབ་དཔོན་གྱི་ཐུགས་ཀ་ནས་འོད་ཟེར་འཕྲོས་མདུན་བསྐྱེད་ཀྱི་མགོན་པོའི་གནས་གསུམ་གྱི་ཡི་གེ་གསུམ་ལ་ཕོག་པས། ཡིག་འབྲུ་གསུམ་ལས་དེ་འདྲ་བ་རེ་བྱུང་ནས་ཁྱེད་རང་གི་གནས་གསུམ་གྱི་ཡི་གེ་གསུམ་ལ་ཐིམ། ཡང་ཁྱེད་རང་གི་དཔྲལ་བའི་ཨོཾ་མགྲིན་པའི་ཨཱཿལ་ཐིམ། མགྲིན་པའི་ཨཱཿཐུགས་ཀའི་ཧཱུྃ་ལ་ཐིམ། ཐུགས་ཀའི་ཧཱུྃ་འོད་ཟེར་སྔོན་པོ་བདེ་བ་ཆེན་པོའི་རང་བཞིན་དུ་ཞུས་ནས་མགོན་པོའི་སྐུ་དང་དབྱེར་མེད་དུ་འདྲེས། དེས་ཀྱང་བརྟན་གཡོ་འཁོར་འདས་སྣོད་བཅུད་ཐམས་ཅད་ལ་ཁྱབ་པས་དེ་ཐམས་ཅད་འོད་ཟེར་སྔོན་པོ་བདེ་བ་ཆེན་པོའི་རང་བཞིན་དུ་གྱུར། དེ་ཉིད་མཐའ་ནས་རིམ་

[Full Size]

བཞིན་བསྡུས་ཏེ་དབུས་སུ་ནམ་མཁའ་ལ་དུ་བ་ཡལ་བ་ལྟར་སྔོ་ཡལ་སོང་བས་གསལ་སྟོང་ཟུང་འཇུག་བརྗོད་བྲལ་བདེ་བ་ཆེན་པོའི་ངང་དུ་ལུས་སེམས་ཁོང་གློད་དེ་ཇི་ཙམ་གནས་ཀྱི་བར་དུ་འཇོག་པར་ཞུ། སློབ་དཔོན་གྱིས་དྲིལ་བུ་གསིལ་ཞིང་། ན་མོ་བུདྡྷཱ་ཡ་ཞེས་པ་ནས་སྔགས་བརྗོད་པའི་བར་སྔ་མ་གསུམ་དང་འདྲ། གསུམ་པ་གཏོར་མའི་བཀའ་བསྒོ་བ་ནི། མདུན་གྱི་གཏོར་མ་དེ་ཉིད་སློབ་མའི་སྤྱི་བོར་སྤྱན་དྲངས་ལ་དམིགས་པ་འདི་བཞིན་དུ་མཛོད། །མདུན་གྱི་མགོན་པོ་འཁོར་བཅས་ཁྱེད་རང་གི་སྤྱི་བོར་འུར་འུར་ཆེམ་ཆེམ་བཞུགས་པའི་སྟེང་གི་ནམ་མཁའ་ལ་བརྒྱུད་པའི་བླ་མ་རྣམས་དང་། མཐའ་སྐོར་ཀུན་ཏུ་གནས་གསུམ་གྱི་དཔའ་བོ་དང་མཁའ་འགྲོ་མ་ཐམས་ཅད་སྤྲིན་ཕུང་འཐིབས་པ་ལྟར་བཞུགས་པའི་བླ་མ་རྣམས་ཀྱི་སྐུ་ལས་འོད་ཟེར་བདེ་བ་ཆེན་པོའི་རང་བཞིན་ཅན་

[Full Size]

འཕྲོས། ཁྱེད་རང་གི་ལུས་ལ་ཐིམ་པས་སྡིག་སྒྲིབ་དང་དམ་ཚིག་ཉམས་ཆགས་ཐམས་ཅད་བྱང་ཞིང་དག །མགོན་པོའི་སྐུ་ལས་མགོན་པོའི་སྐུ་ཆུང་ལ་ཡན་ལག་རགས་པ་བསམ་གྱིས་མི་ཁྱབ་པ་འཕྲོས། ཁྱེད་རང་རྣམས་ཀྱི་སྤྱི་བོ་ལ་སོགས་པ་ལུས་ཀྱི་ཆ་ཤས་ཐམས་ཅད་ནས་ཐོགས་མེད་དུ་ཞུགས། ལུས་ཀྱི་ནང་གང་། སྐུ་དགྱེས་པའི་གར་མཛད། གསུང་སྔགས་ཀྱི་སྒྲ་སྒྲོགས་ཤིང་ནད་གདོན་ཐམས་ཅད་ཞལ་དུ་དམར་འཇི་རི་རི་གསོལ་བའི་མོས་པ་མཛོད། །དེ་ལྟར་གསལ་བའི་བླ་མ་དང་མགོན་པོ་རྣམ་པ་ཐ་དད་ཀྱང་ངོ་བོ་དབྱེར་མེད་པ་ལ་མོས་གུས་ཀྱི་ཤུགས་དྲག་པོ་བསྐྱེད་ལ། རྒྱས་པ་བརྒྱུད་འདེབས་གནས་སྦྱར་མ་དབྱངས་དང་བཅས་པའམ། ཡང་ན་སངས་རྒྱས་རྡོ་རྗེ་འཆང་ལ་གསོལ་བ་འདེབས་སོ། །ཆོས་སྐུ་ཡེ་ཤེས་མཁའ་འགྲོ་མ་ལ་གསོལ་བ་འདེབས་སོ། །དཔལ་ལྡན་

[Full Size]

ཤཱ་ཝཱ་རི་དབང་ཕྱུག་ལ་གསོལ་བ་འདེབས་སོ། །བླ་མ་མགོན་པོ་དབྱེར་མེད་ལ་གསོལ་བ་འདེབས་སོ། །མྱུར་མཛད་སྤྱན་རས་གཟིགས་དབང་གིས་བྱིན་གྱིས་རློབས་ཤིག །དེ་བཞིན་དུ་མཻ་ཏྲི་པ་ནས་བཟུང་བླ་མ་བརྒྱུད་པ་གསུམ་རེའི་མཐར་བླ་མ་མགོན་པོ་དབྱེར་མེད་ཅེས་སོགས་སྦྱར། མདོར་བསྡུ་ན། བླ་མ་མགོན་པོ་དབྱེར་མེད་ལ་གསོལ་བ་འདེབས་སོ། །མགོན་པོ་བླ་མ་དབྱེར་མེད་ལ་གསོལ་བ་འདེབས་སོ། །ཕ་མཚན་ལྡན་གྱི་བླ་མ། ཕ་མཚན་ལྡན་གྱི་ཆོས་རྗེ། དུས་ངན་སྙིགས་མའི་སེམས་ཅན་ལ་ཐུགས་རྗེས་གཟིགས། སྙིགས་མ་ལྔ་བདོའི་སེམས་ཅན་ལ་ཐུགས་རྗེས་གཟིགས། ལས་ངན་འཁོར་བར་འཁྱམས་ལ་ཐུགས་རྗེས་གཟིགས། ཞེས་གསོལ་བ་བཏབ། བཀའ་བསྒོ་བ་དངོས་ནི། དཔལ་ལྡན་མ་ཧཱ་ཀཱ་ལ། མྱུར་མཛད་ཡེ་ཤེས་ཀྱི་

[Full Size]

མགོན་པོ། དཔལ་ལྡན་ལྷ་མོ་ནག་མོ། གནོད་སྦྱིན་ཀྵེ་ཏྲ་པཱ་ལ། གཤིན་རྗེ་ཊཱ་ཀི་རཱ་ཛ། བདུད་མགོན་ཏྲཀྴད་ནག་པོ། མ་གཅིག་དུས་མཚན་མཁའ་འགྲོ། གཙང་རིགས་ཀྱི་མགོན་པོ་བདུན་ཅུ་རྩ་ལྔ། དམ་ཅན་རྒྱ་མཚོའི་དམག་ཚོགས་འཁོར་དང་བཅས་པ་ཁྱེད་རྣམས། རྩ་བརྒྱུད་ཀྱི་དཔལ་ལྡན་བླ་མ་དམ་པ་རྣམས་ཀྱི་བཀའ་དང་དམ་ལས་མ་འདའ་བར་སངས་རྒྱས་ཀྱི་བསྟན་པ་སྲུངས། དཀོན་མཆོག་གི་དབུ་འཕང་བསྟོད། དགེ་འདུན་གྱི་སྡེ་སྐྱོངས། ཁྱད་པར་དུ་རྡོ་རྗེ་སློབ་མ་འདི་ཉིད་ཀྱིས་བྱང་ཆུབ་མ་ཐོབ་ཀྱི་བར་དུ་ལུས་དང་གྲིབ་མ་བཞིན་དུ་འགྲོགས་ནས་འགལ་རྐྱེན་ནད་གདོན་བར་ཆད་མི་མཐུན་པའི་ཕྱོགས་ཐམས་ཅད་ཞི་བ་དང་། མཐུན་རྐྱེན་ཚེ་དང་བསོད་ནམས་དཔལ་འབྱོར་ལུང་རྟོགས་ཡོན་ཏན་ལ་སོགས་པ་ལེགས་ཚོགས་ཀྱི་ཡོན་ཏན་ཐམས་ཅད་

[Full Size]

གོང་ནས་གོང་དུ་འཕེལ་ཞིང་རྒྱས་པར་མཛད་དུ་གསོལ། །ཞེས་དང་། གོང་གི་མགོན་པོ་འཁོར་བཅས་ཀྱི་སྔགས་ཀྱི་མཐར་ཛཿཧཱུྃ་བྃ་ཧོཿ ཞེས་བརྗོད། སྟེང་གི་བླ་མ་བརྒྱུད་པ་རྣམས་རིམ་པ་བཞིན་འོད་དུ་ཞུ་ནས་མགོན་པོ་འཁོར་བཅས་ལ་ཐིམ། འཁོར་རྣམས་ཀྱང་གཙོ་བོ་མགོན་པོ་ཉིད་ལ་ཐིམ། དེ་ཉིད་ཀྱང་འོད་ཟེར་བདེ་བ་ཆེན་པོའི་རང་བཞིན་དུ་ཞུ་ནས། ཁྱེད་རང་གི་སྤྱི་བོ་ནས་ཐིམ་པས་ལུས་ངག་ཡིད་གསུམ་དང་དབྱེར་མེད་རོ་གཅིག་ཏུ་འདྲེས་པར་བསམ་ལ་བརྗོད་བྲལ་ཕྱག་རྒྱ་ཆེན་པོའི་ངང་དུ་ཅུང་ཟད་རེ་མཉམ་པར་འཇོག་པར་ཞུ། །དེའི་ངང་ལས་མ་གཡོས་པར་སླར་ཡང་རང་ཉིད་སྣང་སྟོང་དབྱེར་མེད་ཀྱི་མགོན་པོའི་སྐུར་གསལ་ལམ་གྱིས་གྱུར་པའི་མོས་པ་མཛོད། །བཞི་པ་སྔགས་ཀྱི་རྗེས་གནང་སྦྱིན་པ་ནི། སློབ་དཔོན་ལ་

[Full Size]

གསོལ་བ་འདེབས་པ་འདི་གསུང་བར་ཞུ། །མགོན་པོ་བདག་ལ་སྩལ་ལགས་ཀྱི། །བདག་ལ་འགོ་བར་མཛད་དུ་གསོལ། །ལན་གསུམ་བྱེད་དུ་གཞུག །སློབ་དཔོན་གྱིས་ཀྱང་མདུན་བསྐྱེད་ཀྱི་མགོན་པོ་ལ་དམིགས་ནས། མགོན་པོ་འདི་ལ་སྩལ་ལགས་ཀྱི། །འདི་ལ་འགོ་བར་མཛད་དུ་གསོལ། །ལན་གསུམ། ཡང་དམིགས་པ་འདི་བཞིན་དུ་གནང་བར་ཞུ། །མདུན་གྱི་མགོན་པོ་འཁོར་བཅས་ཀྱི་ཐུགས་ཀའི་སྔགས་ཕྲེང་རྣམས་ལས་སྔགས་ཀྱི་ཕྲེང་བ་མར་མེ་གཅིག་ལས་གཉིས་ཆད་ཀྱི་རྣམ་པར་བྱོན། སོ་སོའི་ཞལ་ནས་ཐོན། ཁྱེད་རང་མགོན་པོར་གསལ་བའི་ཞལ་དུ་ཞུགས། སྙིང་གར་ཉི་མའི་དཀྱིལ་འཁོར་གྱི་དབུས་སུ་ཧཱུྃ་ཡིག་མཐིང་ནག་ཞིག་བསམ་པའི་མཐར་གཡས་སྐོར་གྱིས་འཁོད་པར་བསམ་ལ་འདིའི་རྗེས་ཟློས་གསུང་བར་ཞུ། ཨོཾ་

[Full Size]

བཛྲ་མ་ཧཱ་ཀཱ་ལ་སོགས་མགོན་པོའི་སྲོག་སྔགས་དང་། ཤཱ་ས་ན་དང་ལྷ་མོ་གནོད་སྦྱིན་བཞིའི་སྔགས་རྣམས་རིམ་བཞིན་ལན་གསུམ་རེ་སློབ་དཔོན་གྱི་ཕྲེང་བ་ལ་འཇུས་ཏེ་རྗེས་ཟློས་བྱེད་དུ་གཞུག །དེས་སྔགས་ཐམས་ཅད་ཀྱི་བཟླས་ལུང་བྱིན་པའི་མོས་པ་མཛོད། །དེ་ནས་སློབ་དཔོན་གྱིས་ཕྲེང་བའམ་མེ་ཏོག་སློབ་མའི་སྤྱི་བོར་བཞག་ནས། མྱུར་མཛད་ཡེ་ཤེས་ཀྱི་མགོན་པོ་ཕྱག་དྲུག་པ་འཁོར་དང་བཅས་པའི་ཐུགས་རྗེ་དང་ནུས་པ་སྔགས་ཀྱི་བྱིན་རླབས་ཐམས་ཅད་རྡོ་རྗེའི་སློབ་མ་འདི་རྣམས་ཀྱི་རྒྱུད་ལ་འཇུག་པར་གྱུར་ཅིག །ཅེས་བརྗོད། ད་ཁྱེད་རྣམས་ཀྱིས་འདི་ལྟ་བུའི་རྗེས་སུ་གནང་བ་ཐོབ་ནས་བླ་མ་དང་མགོན་པོ་དབྱེར་མེད་དུ་ལྟོས་ལ་གསོལ་བ་ཐོབ་ནས་ནག་རྗེན་བཏགས་ཀྱི་གཏོར་མ་དང་། སྤོས་སྦྱོར་རྒྱུན་མ་ཆད་པར་ཕུལ། བྱ་ནག་

[Full Size]

དང་ཁྱི་ནག་སོགས་ལ་རྡོ་མི་རྒྱག་པ་སོགས་བསླབ་བྱ་རྣམས་ལ་བསླབ་པར་བྱ། དེ་ལྟར་བྱས་པས་ཆོས་སྒྲུབ་པའི་འཚོ་བའི་ཡོ་བྱད་རྙེད་སླ་ཞིང་། མགོན་པོ་འདི་ངོ་བོ་སྤྱན་རས་གཟིགས་ཡིན་པས་ཐུགས་རྗེ་གཞན་ལས་མྱུར་བ་དང་སྒྲུབ་ཐག་ཉེ་བ་ཡིན། དེ་ནས་གཙོ་བོས་ཇི་ལྟར་སོགས་དང་། གཏོང་རག་གི་མཎྜལ། དེང་ནས་སོགས་སྤྱི་དང་འདྲ། གསུམ་པ་རྗེས་ནི། ཐུན་གཏོར་འབུལ། མདུན་བསྐྱེད་ལ་མཆོད་བསྟོད་སོགས་དང་། རྟེན་ཡོད་ན་བརྟན་བཞུགས་བྱ། བསྔོ་སྨོན་གྱིས་རྒྱས་གདབ། བཀྲ་ཤིས་རྒྱས་པ་བརྗོད་པར་བྱའོ། །འདིའི་བརྒྱུད་པ་ནི། རྡོ་རྗེ་འཆང་། ཡེ་ཤེས་ཀྱི་མཁའ་འགྲོ་མ། དཔལ་ཤཱ་ཝ་རི་དབང་ཕྱུག །མངའ་བདག་མཻ་ཏྲི་པ། གྲུབ་ཐོབ་རཱ་ཧུ་ལ་གུབྟ། མཁས་གྲུབ་ཁྱུང་པོ་རྣལ་འབྱོར། མཉམ་མེད་རིན་ཆེན་

[Full Size]

བརྩོན་འགྲུས། དབོན་སྟོན་སྐྱེར་སྒང་པ། གཉན་སྟོན་སྦས་པའི་རྣལ་འབྱོར། འགྲོ་མགོན་སངས་རྒྱས་སྟོན་པ། མཁས་གྲུབ་ཤངས་སྟོན་ཆེན་པོ། མཁས་བཙུན་རྒྱལ་མཚན་འབུམ་པ། ཁྱུང་པོ་ཚུལ་ཁྲིམས་མགོན་པོ། བྱ་བཏང་རི་ཁྲོད་རས་ཆེན། སྤྲུལ་སྐུ་སངས་རྒྱས་རྡོ་རྗེ། ཕ་རྒོད་ཐར་པ་དཔལ་བཟང་། དྲིན་ཆེན་སངས་རྒྱས་རྣམ་རྒྱལ། ཚར་ཆེན་ཆོས་ཀྱི་རྒྱལ་པོ། འཇམ་དབྱངས་མཁྱེན་བརྩེའི་དབང་ཕྱུག །རྗེ་བླ་མ་དབང་ཕྱུག་རབ་བརྟན། ཡང་ཚར་ཆེན་ནས། རྗེ་བདོ་མཁར་བ་མཻ་ཏྲི་དོན་གྲུབ་རྒྱལ་མཚན། སྤྱན་སྔ་བ་ཆོས་ཀྱི་རྒྱ་མཚོ། དེས་བདག་ལ་ཐུགས་བརྩེ་བ་ཆེན་པོས་གནང་བ་ལགས་སོ། །དེ་ལྟར་མྱུར་མཛད་ཡེ་ཤེས་ཀྱི་མགོན་པོ་ཕྱག་དྲུག་པ་འཁོར་བཅས་ཀྱི་རྗེས་གནང་བར་ཆད་ཀུན་སེལ་འདི་ནི་ཚར་ཆེན་

[Full Size]

ཆོས་ཀྱི་རྒྱལ་པོས་རྒྱས་པར་མཛད་པ་ལ་གཞི་བརྟེན་ཅིང་དེ་ཀ་བཞིན་འཛོལ་མེད་གཞུང་བསྲངས་ལ། འོན་ཀྱང་ལས་དང་པོ་པ་ལ་ཕན་པར་བྱ་བའི་ཕྱིར་དུ་ཚིག་གི་ཚོགས་བསྐྱུངས་ཏེ་གོ་བདེ་བཀླག་ཆོག་ཏུ་བཀོད་པ་འདི་ནི། རྗེ་བཙུན་བླ་མ་རྣམས་ཀྱི་བྲན་དུ་གྱུར་པ་དགེ་སློང་རྡོ་རྗེ་འཛིན་པ་ངག་དབང་ཆོས་གྲགས་ཀྱིས་མང་མཁར་ཐུབ་བསྟན་དགེ་འཕེལ་གྱི་ཆོས་གྲར་ཆུ་ཕོ་སྤྲེལ་ལོའི་ས་ག་ཟླ་བའི་ཡར་ཚེས་བཅུའི་ཉིན་ལེགས་པར་སྦྱར་བའི་ཡི་གེ་པ་ནི་ཆོས་གྲགས་བཟང་པོའོ། །འདིས་ཀྱང་རྒྱལ་བའི་བསྟན་པ་སྤྱི་དང་བྱེ་བྲག་ཚར་ཆེན་ཆོས་ཀྱི་རྒྱལ་པོའི་སྙན་བརྒྱུད་ཟབ་མོའི་བསྟན་པ་ཕྱོགས་ཐམས་ཅད་དུ་དར་ཞིང་རྒྱས་ལ་ཡུན་རིང་དུ་གནས་པར་གྱུར་ཅིག ༈ །བརྒྱུད་པའི་ཁ་སྐོང་ནི། མཁན་ཆེན་ངག་དབང་ཆོས་གྲགས་ནས། ངག་དབང་བསོད་ནམས་རྒྱལ་མཚན། ངག་དབང་བསྟན་པ་རབ་རྒྱས། མང་ཐོས་བསོད་

[Full Size]

ནམས་ཆོས་འཕེལ། འདྲེན་མཆོག་སངས་རྒྱས་བསྟན་པ། མཁན་ཆེན་སངས་རྒྱས་དཔལ་བཟང་། འཇམ་མགོན་བསོད་ནམས་དཔལ་བཟང་། མུས་ཆེན་ཆོས་ཉིད་ཡེ་ཤེས། །མཚུངས་མེད་ཡེ་ཤེས་རྒྱལ་མཆོག །ཡོངས་འཛིན་བློ་གྲོས་རྒྱ་མཚོ། འཇམ་དཔལ་གཞོན་ནུ་རྡོ་རྗེ་རིན་ཆེན། དེས་བདག་འཇམ་དབྱངས་མཁྱེན་བརྩེའི་དབང་པོ་ལའོ། །སརྦ་མངྒ་ལཾ། །

སེམས་འཆི་མེད་ཀྱི་ཁྲིད་ཡིག། །མཁས་བཙུན་རྒྱལ་མཚན་འབུམ་གྱིས་མཛད་པ།

[Full Size]

སེམས་འཆི་མེད་ཀྱི་ཁྲིད་ཡིག་བཞུགས། །མཁས་བཙུན་རྒྱལ་མཚན་འབུམ་གྱིས་མཛད་པ། །

[Full Size]

བླ་མ་དང་ཡི་དམ་གྱི་ལྷ་ལ་ཕྱག་འཚལ་ལོ། །གང་གིས་གང་འདུལ་མཆོག་གི་སྐུ། །ཟབ་ཅིང་རྒྱ་ཆེའི་ཆོས་འཁོར་གསུང་། །ཟག་མེད་བདེ་བ་ཆེན་པོའི་ཐུགས། །གུས་བཏུད་འཆི་མེད་ཁྲིད་རིམ་བྲི། །དེ་ལ་གསུམ་སྟེ། སྔོན་འགྲོ་དང་། དངོས་གཞི་དང་། རྗེས་སོ། དང་པོ་ལ་ལྔ་སྟེ། དང་པོ་ཁ་དོག་ལ་བསླབ་པ་ནི། །སེམས་བསྐྱེད་སྔོན་དུ་སོང་པས། རང་བདེ་མཆོག་ཡབ་ཡུམ་དུ་བསྒོམས་པའི་སྤྱི་བོར། པད་ཉིའི་སྟེང་དུ་བླ་མ་བསྒོམ། །དེ་ལ་བརྒྱུད་པའི་བླ་མ་དང་། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་བསྟིམ་ལ།

[Full Size]

བདག་འཛིན། དགོས་མེད། རང་སེམས་འཆི་མེད་རང་གྲོལ་དུ་རྟོགས་པར་མཛད་དུ་གསོལ། །ཞེས་སྙིང་ཁོང་རུས་པའི་གཏིང་ནས་གསོལ་བ་དྲག་ཏུ་བཏབ་བོ། །དེ་ནས་ཡབ་ཀྱི་ཕྱི་སྦྱང་བ་ནི། རང་ལུས་ཅེས་པ། ཡབ་ཀྱི་སྤྱི་གཙུག་ཚངས་པའི་བུ་གའི་སྟེང་དུ་ཧཱུྃ་སྔོན་པོ་མཚོན་གང་བ་སྔོ་བ། གསལ་བ། དྭངས་པ། འཚེར་བ། འོད་དང་འོད་ཟེར་གྱི་རང་བཞིན་ཅན། སྔོ་སིང་པ་ཅིག་བསམ་མོ། ཧཱུྃ་དེ་གསལ་བའི་སྟོབས་ཀྱིས་ལྷ་སྐུའང་མོག་མོག་པོ་ལྟ་བུར་སོང་བར་བསམ། ཧཱུྃ་དེ་ལས་འོད་ཟེར་སྔོན་པོ་གསལ་སིང་བ་ཞིག་བྱུང་ནས། རིམ་པ་བཞིན་བྱུང་

[Full Size]

བའི་དཔེ་ནི། རི་མགོ་ལ་ཉི་མ་ཤར་བ་ལྟ་བུའོ། །སྔོ་བའི་དཔེ་ནི་བཻ་ཌཱུརྱའམ། ཨིནྡྲ་ནཱི་ལ་ལ་རྡུལ་གྱིས་གོས་པ་ལ། སྟེང་ན་མར་ཆུ་བླུགས་པས། ཆུ་སོང་པ་དག་ཅིང་གསལ་བ། མ་སོང་བ་མོག་གེ་ཡོད་པ་ལྟར། །སྨིན་མཚམས་ཡན་ཆོད་སྔོ་སིང་ངེ་བ། འོད་ཀྱི་རང་བཞིན་ཅན་དུ་བསམ་མོ། །དེ་ལ་མི་གསལ་ན་སླར་བསྐྱར་ཞིང་གསལ་གདབ་བོ། །དེ་བཞིན་དུ་མགྲིན་པ་དང་། སྤྱན་གསུམ་དམར་ཧྲིག་པའོ། །ཐུགས་ཀ་དང་། ལྟེ་བ་དང་། ཞབས་མཐིལ་ཡན་ཆོད། ནང་སྦྱང་པ་ནི། སྤྱི་གཙུག་གི་ཧཱུྃ་དེ་སྔོ་མེར་གྱིས་ཞུ་ནས་ཚངས་བུག་ནས་མར་སོང་བས། ཤ་ཁྲག་རུས་པ་དང་བཅས་པ་ཐམས་ཅད་སྦྱངས་ནས། སྨིན་མཚམས་ཡན་ཆད་སྟོང་སངས་པ། ཁྲུ་མ་ཕུས་བཏབ་པ་ལྟ་བུར་བསམ་མོ། །དེ་བཞིན་དུ། མགྲིན་པ། རྣ་གཤོག་གི་རྩེ་མོ་ཚུན་ཆད་དུ། ཐུགས་ཀ ། ཕྱག་གཉིས་ཀྱིའང་གྲུ་མོ། ཁྲིག་

[Full Size]

མ། ཕྱག་མགོ། ཕྱག་སོར་སོར་མོའི་སྦུབས་ཐམས་ཅད་དོ། །ལྟེ་བ་དང་ཞབས་མཐིལ་ཡན་ཆད་དོ། །དེ་ནས་ཡུམ་གྱི་སྤྱི་གཙུག་ཏུ། བཾ་དམར་པོ་མཚོན་གང་བ། འོད་ཀྱི་རང་བཞིན་ཅན་དམར་སིང་ངེ་བ་ཅིག་བསམ་ལ། དེ་ལ་འོད་ཟེར་དམར་སིང་ངེ་བ་དང་། འོད་དུ་ཞུ་ནས་ཕྱི་ནང་གཉིས་སྦྱངས་པ་སྔར་དང་འདྲའོ། རིམ་པ་བཞིན་དང་སྟོང་པའི་དཔེ་སྔར་ལྟར་རོ། །དམར་བའི་དཔེ་ནི་པདྨ་རཱ་ག་ལྟ་བུའོ། །ཡང་ན་ཡབ་ཡུམ་སོ་སོ་ལ་ཕྱི་ནང་གཉིས་དུས་གཅིག་ལ་སྦྱང་ངོ་། །དེའང་ཡི་དམ་ཡབ་ཡུམ་གྱི་སྤྱི་གཙུག་ཏུ་ཧཱུྃ་དང་བཾ་ལས་འོད་ཟེར་བྱུང་ནས་ལུས་ཀྱི་ཕྱི་ནང་ཐམས་ཅད་ན་མར་སོང་པས། ཤ་ཁྲག་རུས་པ་ལ་སོགས་པའི་དྲི་མ་ཐམས་ཅད་དག་ཅིང་། ནང་སྟོང་པ། ཕྱི་གསལ་བ་ཉིད་དུ་སྦྱངས་པས། སྣང་སྟོང་ཟུང་འཇུག་འཇའ་ཚོན་ལྟ་བུ། འོད་ཀྱི་སྐུ་

[Full Size]

དེ་བདེན་བརྫུན་གང་གིས་ཀྱང་རང་བཞིན་དུ་གྲུབ་པ་མེད་བཞིན་དུ། ཡབ་ཡུམ་དེ་སྔོ་དམར་གྱི་སྐུ་མདོག་ལ་སོགས་པར་སྣང་བའོ། །གཉིས་པ་དབྱིབས་ནི། ཞལ་གཅིག་ཅེས་པ། ཡབ་ཞལ་གཅིག་ཕྱག་གཉིས་པ། སྤྱན་གསུམ་པ། མཆེ་བ་གཙིགས་པ། རལ་པའི་ཐོར་ཅོག་ནག་པོ་ཅན། གཡས་རྡོ་རྗེ། གཡོན་དྲིལ་བུ་འཛིན་པས། ཡུམ་ལ་འཁྱུད་པ། ཞབས་གཡས་བརྐྱང་། གཡོན་བསྐུམ་པ། ལང་ཚོ་བཅུ་དྲུག་ལོན་པ་ལྟ་བུ། གར་གྱི་ཉམས་དགུ་དང་ལྡན་པའོ། །ཡུམ་ཞལ་གཅིག །ཕྱག་གཉིས། སྤྱན་གསུམ་པ། གཡས་སྡིགས་མཛུབ་དང་བཅས་པའི་གྲི་གུག་འཕྱར་བ། གཡོན་ཐོད་པ་ཁྲག་གིས་གང་བ་ཡབ་ལ་སྟོབ་པ། སྐྲ་སིལ་བུར་གྲོལ་བ། ཞབས་གཡས་ཡབ་ཀྱི་གཡོན་བསྐུམ་པ་ལ་བཀལ་བ། གཡོན་དང་། ཡབ་ཀྱི་གཡས་གཤིབས་ནས་བརྐྱང་བ། སྐུ་ཤ་

[Full Size]

རྒྱས་ཤིང་ནུ་མ་འབུར་བའོ། །གསུམ་པ་རྒྱན་ནི། རྒྱན་དང་ཅེས་པ། ཡབ་ལ་ཐོད་པ་སྐམ་པོ་ལྔའི་དབུ་རྒྱན། རློན་པ་ལྔ་བཅུའི་དོ་ཤལ། སྟག་ལྤགས་ཀྱི་ཤམ་ཐབས། རུས་པའི་རྒྱན་དྲུག །དར་དཔྱངས་མཛེས་པའི་རྒྱན་དང་བཅས་པའོ། །ཡུམ་ལ་ཐོད་པ་སྐམ་པོ་ལྔའི་དབུ་རྒྱན། སྐམ་པོ་ལྔ་བཅུའི་དོ་ཤལ། རུས་པའི་རྒྱན་ལྔའོ། །གཉིས་ཀ་ཡེ་ཤེས་ཀྱི་མེ་འབར་བའི་དབུས་ན་བཞུགས་ཤིང་། གསལ་ལ་རྟོག་པ་མེད་པ་དེ། །ཟག་པ་མེད་པའི་བདེ་བ་དང་། །སྟོང་པ་ཟུང་འཇུག་ཏུ་བལྟ་བར་བྱའོ། །བཞི་པ་དབྱེར་མེད་ནི། །རང་ལུས་ཅེས་པ། རང་ལུས་སྣང་སྟོང་ལྷ་སྐུ་དེ། རང་གི་སེམས་ཤར་བ་ཡིན་ཅིང་། སེམས་དེ་ཀ་ལྷ་སྐུར་ཤར་བ་ཡིན་ཏེ། སེམས་སྤངས་པའི་ཕ་རོལ་ན་ལྷ་སྐུ་མེད། །ལྷ་སྐུ་སྤངས་པའི་ཕ་རོལ་ན་སེམས་མེད་དེ། །སེམས་དང་

[Full Size]

ལྷ་སྐུ་དབྱེར་མེད་པ། འཇའ་ཚོན་གྱི་ལྷ་སྐུ་ཁ་མིག་དང་བཅས་པ། འོད་དུ་ཡལ་ལ་ཁད་པ་འདི། །སེམས་ལྷ་སྐུར་ཤར་བ་མ་གཏོགས་པ། ཕྱི་རོལ་ན་དོན་ལོགས་སུ་གྲུབ་པ་མེད་པར་ཐག་བཅད་དོ། །ཡེ་ཤེས་རྒྱ་མཚོ་ལས། ལུས་དང་སེམས་འདི་དབྱེར་མེད་དེ། །རྟེན་དང་བརྟེན་པ་འབྱུང་ལྡོག་གིས། །ཀུན་གྱི་གནད་དུ་ཤེས་པར་བྱ། །ཅེས་སོ། །མྱོང་ལ་རང་བཞིན་མེད་པའི་དཔེ་ནི། །རྨི་ལམ་དུ། སྐྱེས་པ་དང་། བུད་མེད་དང་། དགྲ་གཉེན་ལ་སོགས་པ། སྣ་ཚོགས་དང་ཕྲད་ཅིང་བདེ་སྡུག་སྣ་ཚོགས་ཉམས་སུ་མྱོང་ཡང་། རང་གིས་ཕར་ལ་ཕྱིན་པ་མེད། དེ་རྣམས་ཀྱིས་ཚུར་ལ་ཡོངས་པ་མེད། རང་གི་སེམས་སྣ་ཚོགས་སུ་ཤར་བ་མ་གཏོགས་པ། ཕྱི་རོལ་ན་དོན་ལོགས་སུ་གྲུབ་པ་མེད་དོ། །ནི་གུ་མས། འདི་ལྟར་རྨི་ལམ་སྣ་ཚོགས་དཔེས། །སྣང་བ་སེམས་སུ་གཏན་ལ་

[Full Size]

ཕབ། །སེམས་ནི་སྒྱུ་མ་རྨི་ལམ་སྟེ། །ཅེས་པའོ། །སྣང་ལ་རང་བཞིན་མེད་པའི་དཔེ་ནི། ཆུ་ཟླ་ལྟ་བུའོ། །བརྟག་གཉིས་ལས། རྫུན་མིན་བདེན་མིན་དེ་བཞིན་དུ། །ཐམས་ཅད་ཆུ་ཡི་ཟླ་བ་ལྟར། །འདོད་པས་རྣལ་འབྱོར་མས་ཤེས་གྱིས། །ཅེས་སོ། །ལྔ་པ་ངོ་བོ། རང་བཞིན། མཚན་ཉིད་གསུམ་ལ་བསླབ་པ་ནི། རང་བཞིན་ཅེས་པ། ལྷ་སྐུ་སྣང་སྟོང་སྒྱུ་མ་ལྟ་བུ། དེ་ལ་གསུམ་ལས། ངོ་བོ་ནི་བརྗོད་བྲལ་བློ་འདས་ཏེ། བརྗོད་བྱའི་དོན་དང་། བརྗོད་བྱེད་ཀྱི་ཚིག་དང་། བརྗོད་པའི་ཚུལ་ཐམས་ཅད་དང་བྲལ་ཞིང་། བློའི་ཡུལ་ལས་འདས་པའོ། །མདོ་ལས། སྨྲ་བསམ་བརྗོད་མེད་ཤེས་རབ་ཕ་རོལ་ཕྱིན། །མ་སྐྱེས་མི་འགག་ནམ་མཁའི་ངོ་བོ་ཉིད། །སོ་སོ་རང་རིག་ཡེ་ཤེས་སྤྱོད་ཡུལ་བ། །དུས་གསུམ་རྒྱལ་བའི་ཡུམ་ལ་ཕྱག་འཚལ་ལོ། །

[Full Size]

ཅེས་སོ། །རང་བཞིན་ནི། ཟུང་འཇུག་མཐའ་བྲལ་ཏེ། །སྣང་བ་ལ་རང་བཞིན་མེད་པས་སྟོང་པ། སྟོང་པ་ལ་རང་བཞིན་མེད་པས་སྣང་བ། སྣང་བ་ལས་ཀྱང་སྟོང་པ་གཞན་མ་ཡིན། སྟོང་པ་ལས་ཀྱང་སྣང་བ་གཞན་མ་ཡིན་པས་ཟུང་འཇུག་གོ །ཟུང་དུ་འཇུག་པས་ན་མཐའ་བྲལ་ལོ། །ཤེར་སྙིང་ལས། གཟུགས་སྟོང་པའོ། །སྟོང་པ་ཉིད་གཟུགས་སོ། །གཟུགས་ལས་ཀྱང་སྟོང་པ་ཉིད་གཞན་མ་ཡིན། སྟོང་པ་ཉིད་ལས་ཀྱང་གཟུགས་གཞན་མ་ཡིན་ནོ། །ཅེས་སོ། །མཚན་ཉིད་ནི། མ་འདྲེས་ཡོངས་རྫོགས་ཏེ། སྐུ་མདོག་ཕྱག་མཚན། རྒྱན་ཆ་ལུགས། རྣམ་པ་བཞུགས་ཚུལ་དང་བཅས་པ་ཐམས་ཅད། མ་འདྲེས་ལ་ཡོངས་སུ་རྫོགས་པའོ། །ལྷ་སྐུ་ལ་མཚོན་པ་དེ་བཞིན་དུ། སྣང་སྲིད་འཁོར་འདས་ཀྱིས་བསྡུས་པའི་ཆོས་ཐམས་ཅད་ཀྱང་དེ་ལྟར་ཤེས་པར་བྱས་

[Full Size]

པས། སངས་རྒྱས་ཀྱི་ཆོས་ཐམས་ཅད་སྐད་ཅིག་གིས་ཁོང་དུ་ཆུད་པ་ཡིན་ནོ། །ཡེ་ཤེས་རྒྱ་མཚོའི་རྒྱུད་ལས། ལྷ་སྐུ་སྣང་སྟོང་སྒྱུ་མ་ཡི། །ངོ་བོ་བརྗོད་བྲལ་བློ་ལས་འདས། །རང་བཞིན་དབྱེར་མེད་མཐའ་དང་བྲལ། །མཚན་ཉིད་མ་འདྲེས་ཡོངས་སུ་རྫོགས། །དེ་ལྟར་ཆོས་རྣམས་ཐམས་ཅད་ཀུན། །མཁས་པས་ཡོངས་སུ་ཤེས་པར་བྱ། །ཅེས་དང་། ལམ་འབྲས་ལས། ལམ་དུ་འབྱུང་བ་རྣམས་ངོ་བོ་རང་བཞིན་མཚན་ཉིད་ཅེས་སོ། །དེ་ལྟར་ལྷ་སྐུ་སྣང་སྟོང་སྒྱུ་མ་ལྟ་བུའི་ངོ་བོ་དེ། འདས་པའི་སངས་རྒྱས་ཀྱིས་མ་གཟིགས། ད་ལྟར་གྱི་སངས་རྒྱས་ཀྱིས་མི་གཟིགས། མ་འོངས་པའི་སངས་རྒྱས་ཀྱིས་གཟིགས་པར་མི་འགྱུར་བ་འདི་ནི། དུས་གསུམ་སངས་རྒྱས་ཐམས་ཅད་ཀྱི་དགོངས་པ་བླ་ན་མེད་པའོ། །འོད་སྲུངས་ཀྱིས་ཞུས་པ་ལས། སེམས་ནི་དུས་གསུམ་གྱི་སངས་རྒྱས་

[Full Size]

ཀྱིས་མ་གཟིགས། མི་གཟིགས་གཟིགས་པར་མི་འགྱུར་རོ། །ཅེས་སོ། མངོན་རྟོགས་རྒྱན་ལས། ཅི་ཕྱིར་ཞེས་ན་སངས་རྒྱས་ཀྱིས། །མཁྱེན་ནས་ཆོས་རྣམས་མ་གཟིགས་ཕྱིར། །ཅེས་སོ། དངོས་གཞི་ནི། དེ་ལ་ཅེས་པ། ཡེ་ཤེས་རྒྱ་མཚོའི་རྒྱུད་ལས་གསུངས་པའི། འཆི་མེད་རྡོ་རྗེའི་ཚིག་རྐང་བཞི་ལས། དང་པོ་ནི། རང་སེམས་ལྷ་སྐུར་རྣམ་པ་གསལ་བ། ངོ་བོ་སྟོང་པ་རང་བཞིན་ཟུང་དུ་འཇུག་པ། དུས་གསུམ་གྱི་སངས་རྒྱས་ཀྱིས་མ་གཟིགས། མི་གཟིགས། གཟིགས་པར་མི་འགྱུར་བ། སྣང་བ་འགག་མེད། དོན་ལ་གྲུབ་པ་མེད་པ་འདི་ལ། ན་བ་མ་གྲུབ་སྟེ། ལུས་འབྱུང་བ་བཞི་ལས་གྲུབ་པ་འདི། སྤོང་ལེན་བྱེད་པ་ཙམ་མ་གཏོགས་པ། སེམས་ཟུང་འཇུག་མཐའ་བྲལ་དེ་ལ། ན་བྱ་དང་། ན་བྱེད་དང་། ན་ཚུལ་ཐམས་ཅད་དང་བྲལ་བར་ཐག་མ་

[Full Size]

ཆོད་ཀྱི་བར་དུ་བསྒོམ་མོ། །གཉིས་པ་ནི། སྔར་གྱི་དོན་དེ་ལ་འཆི་བ་མ་གྲུབ་སྟེ། འཆི་བ་རྣམ་རྟོག་ཡིན། རྟོག་པ་གློ་བུར་སྐྱེ་བ་འདི། སྐྱེ་འགག་ཏུ་སྣང་བ་ཙམ་མ་གཏོགས་པ། སེམས་ངོ་བོ་གང་དུ་ཡང་མ་གྲུབ་པ་འདི་ལ་འཆི་བྱ་དང་། འཆི་བྱེད་དང་། འཆི་ཚུལ་ཐམས་ཅད་དང་བྲལ་བར་ཐག་བཅད་དོ། །གསུམ་པ་ནི། སྔར་གྱི་དོན་དེ་ལ། འཁོར་བ་མ་གྲུབ་སྟེ། སྤྱིར་འཁོར་འདས་གཉིས་ལ་ལྟོས་ནས་བཞག་པ་ཡིན་པས། ལྟོས་པ་མ་གྲུབ་པས། ལྟོས་ཆོས་མི་འགྲུབ་ཅིང་། བྱེ་བྲག་ཏུ་སྟོང་པ་ཉིད་ལ། འཁོར་བྱ། འཁོར་བ་དང་། འཁྱམས་མཁན་གང་ཟག་དང་། འཁྱམས་ཚུལ་སྐྱེ་བ་ལེན་པ་ལ་སོགས་པ་མ་གྲུབ་པར་ཐག་བཅད་དོ། །བཞི་པ་ནི། སྔར་གྱི་དོན་དེ་ལ་མྱང་འདས་མ་གྲུབ་སྟེ། ཡར་

[Full Size]

སངས་རྒྱས་རྒྱུ་གཅིག་འདུག་གམ། མི་འདུག་བལྟ་ཞིང་བསམ་ལ། སངས་རྒྱས་དེ་སྐུ་བཞི་ཡེ་ཤེས་ལྔའི་བདག་ཉིད་ཅན་ཡིན་ལ། དེ་ཡང་མིང་ཙམ་མམ། བརྡའམ། ཐ་སྙད་བཏགས་པ་ཙམ་ལ། མིང་དེ་ཕྱི་དང་། ནང་དང་། བར་ན་ཡང་མེད། སློབ་དཔོན་ཏོག་རྩེ་པས། གཉིས་སུ་མེད་པ་མིང་ཙམ་སྟེ། དེ་ལ་མིང་ཡང་རྙེད་མི་འགྱུར། །གཉིས་མེད་མིང་དུ་བཟུང་པ་ལ། དེ་ལ་རྣལ་འབྱོར་པས་བཟོད་མཛོད། །ཅེས་སོ། །ཟུང་འཇུག་མཐའ་བྲལ་དེ་ལ། ཚང་རྒྱ་བྱ། རྒྱ་བྱེད་དང་། རྒྱ་ཚུལ་ཐམས་ཅད་དང་བྲལ་བར་ཐག་བཅད་ལ་བསྒོམ་མོ། །དེ་ལྟར་རྟོགས་པས་འཆི་བའི་དུས་སུ། འཕོ་བྱ་དང་། འཕོ་བྱེད་དང་། འཕོ་ཚུལ་ཐམས་ཅད་དང་བྲལ་བས། དེའི་ཚེ་རང་སེམས་འཆི་མེད་རང་གྲོལ། རང་དག །རང་སྟོང་ཞེས་བྱའོ། །རྗེས་ལ་གཉིས་ལས། དང་

[Full Size]

དང་པོ་འཆི་མེད་དུ་མ་གཏོགས་པའི་སྐྱོན་ནི། དེ་ལྟར་ཅེས་པས། རང་སེམས་འཆི་མེད་དུ་མ་གཏོགས་པར། བདེན་རྫུན་དང་། རྟག་འཛིན་དུ་བཟུང་ནས། བསྐལ་པ་གྲངས་མེད་པར་སྒྲུབས་ཀྱང་། ངལ་བ་དོན་མེད་པར་འགྱུར་ཞིང་། ལོག་པའི་ལམ་དུ་ཞུགས་པ་ཁོ་ནར་ཟད་དོ། །གཉིས་པ་རྟོགས་པའི་ཡོན་ཏན་ལ་དྲུག་ལས། དང་པོ་འཆི་ཁར་དྲན་པས་སང་རྒྱ་བ་ལ་ལྔ་སྟེ། དང་པོ་མཚམས་མེད་པ་ལྔ་བྱས་པ་ཡང་། དྲན་པས་སངས་རྒྱ་བ་ནི། གང་གི་ཅེས་པ། སྐྱེས་བུ་གང་གིས་ཕ་བསད་པ་ལ་སོགས་པ། མཚམས་མེད་པ་ལྔའི་ལས་རྫོགས་པ་ཡང་། འཆི་ཁའི་ཚེའམ། དུས་གཞན་དུ་འཆི་མེད་རྡོ་རྗེའི་ཚག་རྐང་བཞི། སྐད་ཅིག་གམ། ཡུད་ཙམ་གཅིག་ཡིད་ལ་དྲན་པའམ། རྣ་བར་ཐོས་པའམ། ལུས་ལ་རེག་པར་གྱུར་པས་ཀྱང་། གནད་གཅོད་པའི་

[Full Size]

སྡུག་བསྔལ་རང་སར་དག་ནས་བར་དོར་ལོངས་སྐུར་སངས་རྒྱ་ན། སྒྲིབ་པ་ཆུང་བ་རྣམས་སྨོས་མི་དགོས་སོ། །གཉིས་པ་མ་དྲན་ཡང་སངས་རྒྱ་བ་ནི། གལ་ཏེ། ཅེས་པ་ལུས་དྲང་སྲོང་ཆིག་ཆར་མའམ། སེམས་བརྒྱལ་བའམ། ཆང་གིས་མྱོས་པ་ལྟ་བུའི་རྐྱེན་གྱིས། འཆི་ཁར་མ་དྲན་ན་སངས་མི་རྒྱའམ་ཞེས་ན། མ་ཡིན་ཏེ། དཔེར་ན་སྒྱོགས་དང་པོ་བཅས་ནས་ཐེངས་ཅིག་རྒྱབ་པ་དེ། ཕྱིས་ནམ་དགོས་དུས་སུ་རྒྱབ་པས་ཆོག་པ་བཞིན་དུ། སྔར་དྲན་ཐོས་རེག་པའི་གནད་ཀྱིས། བར་མ་དོར་ལོངས་སྐུར་སངས་རྒྱའོ། །གསུམ་པ་མཚམས་སྦྱོར་ངན་པ་བྱུང་ཡང་སངས་རྒྱ་བ་ནི། མཚམས་སྦྱོར། ཅེས་པ། ཞེ་སྡང་ལྟ་བུའི་མཚམས་སྦྱོར་ངན་པས་ཤེས་རྒྱུད་དཀྲུགས་ནས་ཤི་ན་སངས་མི་རྒྱའམ། ཞེས་ན་མ་ཡིན་ཏེ། དཔེར་ན་གསལ་དྭངས་རྫིང་བུ་སྔོ་མེར་རེ་

[Full Size]

བ་ཅིག་ལ། རྡོ་རྒྱབ་པའི་དུས་སུ་ཆུ་ཚུབ་བྱུང་ཡང་། དར་ཅིག་ནས་དྭངས་ནས་སྔར་ལྟར་འོང་པ་བཞིན་དུ་སྔར་གྱི་གནད་ཀྱིས་བར་དོ་ལོངས་སྐུར་སངས་རྒྱའོ། །བཞི་པ་བསྒོམ་ལོང་མ་བྱུང་ཡང་སངས་རྒྱ་བ་ནི། བརྟན་པར་ཅེས་པ། དེ་བརྟན་པར་བསྒོམ་ལོང་མེད་པར། ཐོས་མ་ཐག་ཤི་ན། སངས་མི་རྒྱའམ་ཞེ་ན་མ་ཡིན་ཏེ་དཔེར་ན། ཚེས་བཅོ་ལྔའི་ཉི་མ་རྒས་པ་དང་། ཟླ་བ་ཤར་ནས་སྣང་བ་མུ་འབྱོར་བ་བཞིན་དུ། འདིའམ། འཆི་ཁར་དྲན་པའམ། ཐོས་པའི་གནད་ཀྱིས་བར་དོ་ལོངས་སྐུར་སངས་རྒྱའོ། །ལྔ་པ་ཚུལ་ཇི་ལྟར་སངས་རྒྱ་བ་ནི། རང་སེམས་ཅེས་པ། རང་སེམས་སྐྱེ་མེད་ཆོས་སྐུ་ལས། འགག་མེད་གཟུགས་སྐུ་རང་ཤར་དུ་བྱུང་ནས། འཁོར་བའི་རྒྱ་མཚོ་མ་སྟོངས་ཀྱི་བར་དུ། གང་ལ་གང་འདུལ་

[Full Size]

གྱི་གཞན་དོན་ལྷུན་གྲུབ་ཏུ་འབྱུང་ཞིང་། དེའང་ཆོས་སྐུའི་ངོ་བོ། ལོངས་སྐུའི་རྣམ་པ། སྤྲུལ་སྐུའི་ཕྲིན་ལས། ཟུང་འཇུག་བདེ་བ་ཆེན་པོ། ངོ་བོ་ཉིད་ཀྱི་སྐུར་ཤེས་པར་བྱའོ། །གཉིས་པ་འཆི་བ་རྣམ་རྟོག་ཏུ་བསྟན་པ་ནི། འཆི་ཅེས་པ། འཆི་བ་རྣམ་རྟོག་ཡིན། རྟོག་པ་སེམས་ཡིན། སེམས་ལ་ངོ་བོ་མ་གྲུབ་པས། འཆི་རྒྱུ་མེད་པར་རྟོགས་པ་ནི་དབང་པོ་རབ་ཡིན་ལ། དེའི་དོན་སྐད་ཅིག་ཙམ་རྟོགས་པས་ཀྱང་། རང་བཞིན་གྱིས་རྣམ་པར་དག་ཅིང་བདེ་སྟོང་དབྱེར་མེད་པའི་མཁའ་སྤྱོད་དུ་འགྲོའོ། །གསུམ་པ་སངས་རྒྱས་ཐམས་ཅད་འདི་ལ་བརྟེན་ནས་སངས་རྒྱ་བ་ནི། དུས་གསུམ་ཅེས་པ། དུས་གསུམ་རྒྱལ་བས་འཆི་མེད་འདི་རྟོགས་པས། སྲོད་ལ་བདུད་བརྟུལ། ཐོ་རངས་སངས་རྒྱས། གཞན་དོན་དུ་ཆོས་ཀྱི་འཁོར་ལོ་རིམ་པ་གསུམ་དུ་བསྐོར་

[Full Size]

བའོ། །བཞི་པ་དེ་དམ་པའི་དྲིན་ལས་རྙེད་པ་ནི། དེ་ཕྱིར་ཅེས་པ་དུས་གསུམ་སངས་རྒྱས་བསྐྱེད་པའི་ཡུམ་ཡིན་པ་དེའི་ཕྱིར། རྒྱལ་བ་རྫོགས་པའི་སངས་རྒྱས་ཐུགས་ཀྱི་བཅུད་དམ། ཉིང་ཁུ་ལྟ་བུ་འདི། མདོ་རྒྱུད་དུ་མར་བསྟན་ཡང་། བླ་མ་དམ་པའི་བྱིན་རླབས་ཀྱིས་འཕོ་བ་ཡི་གེ་མེད་པའི་དོན་གྱིས་ཆིག་བརྒྱུད་ཐོབ་པའི་དྲིན་མ་གཏོགས་པ། ཐོས་བསམ་ལ་སོགས་པ་ཐབས་གཞན་གང་གིས་ཀྱང་རྙེད་པར་མི་འགྱུར་རོ། །བླ་མའི་དྲིན་ལས་རྙེད་པ་དེའི་ཕྱིར། །བཀའ་ཆད་པ། དམ་ཉམས་པ། འདྲེས་ཁྱེར་བའི་བརྒྱུད་པ་སྤངས་ནས། བརྒྱུད་པ་མ་ཉམས་ཤིང་། མཚན་ཉིད་དང་ལྡན་པའི་བླ་མ་ཉམས་རྟོགས་མཆོག་ཏུ་འགྱུར་པ་བརྟེན་ནས་རང་ཡང་གུས་ཤིང་། བླ་མ་མཉེས་པ་གནད་ཡིན་ནོ། །ལྔ་པ་ཡིད་ཆེས་ལུང་གིས་བརྒྱན་པ་ནི། སྙིག་མ་ཅེས་

[Full Size]

པ། དུས་དང་། ཚེ་དང་། ལོངས་སྤྱོད་ཀྱི་སྙིགས་མ་ལ་སོགས་པ། སྙིགས་མ་ལྔ་བརྡོ་བའི་དུས་སུ། གང་ཟག་གི་ཤེས་རྒྱུད་ལོག་ལྟས་དཀྲུགས་ནས། མན་ངག་ལ་ཐེ་ཚོམ་སྐྱེས་པའི་ཚེ། ཡིད་ཆེས་བསྐྱེད་པའི་དོན་དུ། བཀའ་མདོ་རྒྱུད་ཀྱི་ལུང་དྲང་དགོས་ཏེ། བརྟག་གཉིས་ལས། ང་ལས་འགྲོ་བ་ཐམས་ཅད་བྱུང་། །ང་ལས་གནས་གསུམ་པོ་ཡང་བྱུང་། །ང་ཡིས་འདི་ཀུན་ཁྱབ་པས་ཏེ། །འགྲོ་བའི་རང་བཞིན་གཞན་མ་མཐོང་། །ཅེས་དང་། དངོས་དང་དངོས་པོ་མེད་པ་དང་། །དངོས་པོ་རྟོགས་ཕྱིར་སངས་རྒྱས་ང་། །གང་ཕྱིར་ལེ་ལོས་བསྣུན་པ་ཡི། །རྨོངས་པ་གང་གིས་ང་མི་ཤེས། །ཅེས་དང་། མཚན་བརྗོད་ལས། ཆོས་ཀུན་ངོ་བོ་ཉིད་འཆང་བ། །ཤེས་རབ་ཆེན་པོས་སྐད་ཅིག་ལ། །ཆོས་ཀུན་ཁོང་དུ་ཆུད་པ་འཆང་། །ཆོས་ཀུན་མངོན་པར་རྟོགས་པ་སྟེ། །ཅེས་

[Full Size]

དང་། སངས་རྒྱས་ཐོག་མ་ཐ་མ་མེད། །དང་པོ་སངས་རྒྱས་རྒྱུ་མེད་པ། །ཡེ་ཤེས་མིག་གཅིག་དྲི་མ་མེད། །ཡེ་ཤེས་ལུས་ཅན་དེ་བཞིན་གཤེགས། །ཅེས་སོ། །དྲུག་པ་ཉེ་བརྒྱུད་དུ་བསྟན་པ་ནི། །འཆི་མེད་ཅེས་པ། འཆི་མེད་ནི། རྡོ་རྗེ་འཆང་གི་ཆིག་བརྒྱུད་དུ། རྡོ་རྗེའི་རྒྱས་བཏབ་ཅིང་། མི་རབས་བདུན་དུ་སོང་ཙ་ན། བརྒྱུད་པ་གསུམ་པ་ཡིན་ནོ། །མདོར་ན་འཆི་མེད་རང་གྲོལ་འདི་རྣ་བར་ལན་གཅིག་ཐོས་པས། བར་དོར་རྒྱལ་བ་ལོངས་སྐུར་སངས་རྒྱ་བར། བཀའ་མདོ་རྒྱུད་ཐམས་ཅད་ནས་གསུངས་པས། འཁོར་བར་འཁྱམས་དགོས་པ་མི་དགོས། ཐེ་ཚོམ་དང་ཡིད་གཉིས་མ་ཟད། མི་ལུས་ཐོབ་པ་དོན་ཅན་དུ་སོང་པ་ཡིན་ནོ། །གསུང་ངོ་། །འཆི་མེད་ལྷ་སྐུ་ཕྱག་རྒྱ་ཆེ། །དྲན་པས་མངོན་སངས་རྒྱ་བ་འདི། །སྐལ་ལྡན་ཐུགས་ཆོངས་འགྲོ་

[Full Size]

དོན་མཛོད། །དགེ་བས་རང་གྲོལ་རྟོགས་པར་ཤོག །རང་སེམས་འཆི་མེད་རང་གྲོལ་གྱི་འགྲེལ་པ་སྔགས་འཆང་དྷྭ་ཛ་ལཀྵས་ཡི་གེར་བཀོད་པའོ། །སེམས་ཅན་ལ་ཕན་ཐོག་པར་གྱུར་ཅིག །དགེའོ། །ཤུ་བྷཾ།། །།

གསེར་ཆོས་ཕྱི་མ་བཞིའི་སྙིང་པོ་རྗེ་བཙུན་ཏཱ་ར་ནཱ་ཐའི་གསུང་ལས་བྱུང་བའོ། །ཤཱཀྱའི་དགེ་སློང་སྤང་བ་པ།

[Full Size]

གསེར་ཆོས་ཕྱི་མ་བཞིའི་སྙིང་པོ་རྗེ་བཙུན་ཏཱ་ར་ནཱ་ཐའི་གསུང་ལས་བྱུང་བའོ། །

[Full Size]

ན་མོ་མ་ཧཱ་མུ་དྲ་ཡ། །ཕྱག་ཆེན་གའུ་མར་གྲགས་པའི་སྙིང་པོ་ནི། །ཐུན་མགོར་སྐྱབས་སེམས། རང་ལྷ་སྐུ་བླ་མའི་རྣལ་འབྱོར་རྣམས་ཆོས་དྲུག་དང་མཚུངས། འཇུག་ཏུ་བསྔོ་བ་སྤྱི་དང་འདྲའོ། །ཉམས་ལེན་དང་པོ་ལ་སྔོན་འགྲོ་རང་བབས་རྣམ་གསུམ་ནི། ལུས་གནད་བཅས་རླུང་རོ་ལན་གསུམ་བསལ། དེ་ནས་ལུས་ལྷོད་དེ་བ། ངག་རླུང་རང་གར་བཞག །སེམས་མ་བཅོས་པ་ཧད་དེ། དྲན་པ་ཏུར་རེ་བྱ། ཡང་ན་ཐོལ་སྐྱེས་སྦད་གཅོད་དམ། ཡེངས་པའི་ངོ་བོ་དེ་ཀ་ལ་ཅེ་རེ་ལྟ། རྟོག་པ་རྒྱ་འབྱམས་བྱུང་ན་ཞེ་བཅད་དང་འདུན་

[Full Size]

པ་ཤུགས་ཅན་དང་། དྲན་པ་རྟག་ཏུ་བརྟན་པ་སྒྲིམས། ཐུན་མཚམས་ཀུན་ཏུ་སེམས་སྣང་དབྱེར་མེད་ལ་རང་གར་ཧད་དེ་འཇོག་པའི་སྒོམ་དང་། མ་བྲལ་བ་བྱ་བྱེད་སྤྱོད་ལམ་ཆོས་སྤྱོད་ཀུན་དང་བསྲེས་ཏེ་དྲན་འདུན་གལ་ཆེའོ། །དེ་ནས་རགས་ཕྲ་རྒྱང་རིང་ཐུང་། གྱེན་ཐུར་བར་གསུམ་མདོ་འདོན་སྔགས་བཟླ། གཏམ་སྣ་ཚོགས་སྤྱོད་ལམ་ཀུན་དང་། ཁྱད་པར་རྟོག་པ་ཆོམས་དཀའ་ཚད་ལ་རྩལ་ཕྱོགས་མེད་དུ་སྦྱང་གསུང་། གཙོ་བོར་དམིགས་རྟེན་གང་ཡང་མེད་པར་ཆེ་རེ་འཇོག །ནང་དུ་བཀུགས་ལ་སེམས་རང་ལ་ལྷན་ནེ་ལྟ། རྣམ་རྟོག་

[Full Size]

ཆེད་དུ་དགག་སྒྲུབ་མེད་པར་ངོ་མི་ཤེས་སུ་ཡེ་མ་སོང་བ་གལ་ཆེའོ། །དེ་ནས་སེམས་ཚོལ་བྱ་སྟེ། ཇི་ལྟར་སྐྱེ་འགགས་གནས་གསུམ་ངོ་བོ་གཅིག་གམ་ཐ་དད། ལུས་སམ་མིང་ངམ། སྤྱི་ཡིས་དངོས་པོ་གང་ལ་འདུག །གཅིག་གམ་ཐ་དད་དུ་འདུག །གཟུགས་སུ་འདུག་གམ། །ཤེས་པའམ། ཅང་མེད་དུ་འདུག་ཅེས་ཁ་ནང་དུ་ཕྱོགས་ལ་རང་གིས་རང་ལ་བརྡའ་སྦྱོར་རོ། །དངོས་གཞི་སྐྱོན་བཞི་རང་གྲོལ་ནི། ལར་ཕྱག་ཆེན་བྱ་བ། བཟང་བཟང་སྐད་པ། བདེ་བདེ་མོ། སྟོང་སྟོང་པོ། གསལ་གསལ་མོ་ཞིག་གི་ཆེད་འཛིན་གྱིས་ཕུང་དུ་བཏང་། དོན་མེད་དུ་རང་ཞགས་པས་བཅིང་པ་ཡིན། ད་ཐ་མལ་ཤེས་པ་ཡེངས་མེད་རྗེན་ཆེ་རེ་བ་ངོས་བཟུང་མེད་པ་གསལ་རིག་གེ་བ། སྣང་བ་ཅི་ཡང་འཆར་བ་ལ་གནས་རུང་འགྱུར་རུང་རང་སྟོང་རྩ་བྲལ་ཐལ་ལེ་བ། སོ་ཁོད་དེ་བ། ལྷུག་

[Full Size]

གེ་བ། ཡེ་རེ་བ། ཅི་སྣང་ཡང་ཆ་ལེ་བ། འདི་ཀ་བཟང་ངན་གང་གིས་ཀྱང་མ་བཅོས་པ། བཅོས་རུང་དེ་ཀ་ལས་མ་འདའ་བའི་རང་གྲོལ་འདི་ཀ་ལགས། འཁོར་འདས་སྣང་བ་ཐམས་ཅད་འདིའི་ཆོ་འཕྲུལ་ཙམ། འདི་རང་ངོ་བོ་ཡིན་མིན་ཡོད་མེད་ལས་ཡེ་ནས་འདས། འདི་ཉེ་དྲགས་ངོ་མ་ཤེས། ཟབ་དྲགས་ངོ་མ་ཟིན། སླ་དྲགས་ཡིད་མ་ཆེས། བཟང་དྲགས་བློར་མ་ཆུད་པས་འཁོར་བར་འཁྱམས་པ་ཡིན། །རྒྱུན་དུ་ངོ་ཤེས་ཀྱི་དྲན་པ་དང་མ་བྲལ་བས་ཉོན་མོངས་གང་སྐྱེར་རང་སྟོང་ཚུག་མི་ཐུབ་པར་ཝལ་ལེ་བར་ལམ་དུ་ཁྱེར་བ་གནད། ཡང་སྐབས་སུ་ཉོན་མོངས་པའི་ཡུལ་ཡིད་ལ་བྱས་ནས་ཆེད་དུ་བཅུག་ལ། དེ་ཁའི་ངོ་ལ་ཆེར་རེ་འཇོག །དགེ་མི་དགེ་ལུང་མ་བསྟན་གྱི་སེམས་ཅི་བྱུང་བ་དེ་ལྟར་དུ་སྐྱོང་ངོ་། །རྗེས་སུ་སྐུ་གསུམ་རང་ཤར་ནི། འདི་ལ་བསྒོམ་བོགས་

[Full Size]

ཐོན་ནས། སྣང་བ་ཅི་ཤར་ལ་སེམས་ཀྱི་རྩལ་གང་ཡང་ཅི་ཡང་འཆར་ཀྱང་། རྣམ་རྟོག་རང་ཁ་གདོད་མ་ནས་ཡེ་སྐྱེ་རྒྱུ་རང་མེད་པ། སེམས་དུ་རང་ངོ་ཤེས་པའི་ཐག་ཆོད་རྩལ་བྲལ་དུའང་རྟོགས་འོང་། །མཉམ་རྗེས་དབྱེར་མེད་དུ་འདྲེས། རྒྱ་མ་ཆད། ཕྱོགས་སུ་མ་ལྷུང་བའི་རྩལ་འགག་མེད་གུ་ཡངས་རྒྱ་འབྱམས་ཉམས་ལེན་གྱི་སྙིང་པོ་ཕྱོགས་མེད་དུ་ཤར་བ་དང་། སྤྱོད་ལམ་ཐོ་ཅོ་དང་། སྒོམ་ཚོགས་ཚོལ་དུ་མི་འགྲོ་བ་ཡིན། །དེ་ལ་དང་པོ་ནས་སྣང་སྟོང་དབྱེར་མེད། སྐུ་གསུམ་རང་གྲོལ་དེ་དེའི་དུས་རང་ཤར་བ་ཡིན། ཡེངས་མེད་དང་ཐག་ཆོད་ཀྱིས་སྐྱོང་བ་གལ་ཆེ། དམིགས་པ་མེད་པའི་རང་མདངས་མ་འགགས་པའི་ངང་ནས་ཐབས་ལམ་རྣམས་དང་། མོས་གུས་དང་། སྙིང་རྗེ་བོགས་འདོན། སྤྲོས་བཅས་ཀྱི་དགེ་བ་ཐམས་ཅད་སྤྲོས་མེད་རྩ་བྲལ་ངང་ནས་སྐྱེ་འགག་གནས་གསུམ་དང་བྲལ་བའི་རྩལ་

[Full Size]

རང་ཤར་དེ་ཉིད་ལ་ཆེ་རེ་འཇོག །ངོ་བོ་བརྗོད་བྲལ་བློ་འདས། རང་བཞིན་དབྱེར་མེད་ལྷན་སྐྱེས། རྣམ་པ་འགགས་མེད་རང་ཤར། མཚན་ཉིད་མ་འདྲེས་ཡོངས་རྫོགས། སྐྱེ་རྒ་ན་འཆིས་ཡེ་ནས་སྟོང་པ། དེ་བཞིན་འཁོར་འདས་བཅིངས་གྲོལ་སོགས་གཉིས་སྣང་ཐམས་ཅད་ཡེ་ནས་འཁོར་གསུམ་གྱི་སྟོང་པ་འཆི་མེད་རང་གྲོལ་གྱི་མན་ངག་ཆེན་པོའོ། །འདི་ཡང་དོན་གཉེར་སློབ་མ་འགའི་དོན་དུ་ཀུན་དགའ་སྙིང་པོ་ཏཱ་ར་ནཱ་ཐས་དབེན་གནས་བསམ་ལྡིང་སུ་བྲིས། །མངྒ་ལཾ། །༈ཨོཾ་ན་མོ་བཛྲ་ཌཱ་ཀཱི་ནི་ཡ། །རྣམ་པ་ཀུན་ལྡན་མ་ལུས་གཏན་གཡོའི་བདག །རྒྱལ་བ་ཀུན་གྱི་ཡུམ་དུ་སྐུ་སྤྲུལ་པ། །དེ་ལ་ཀུན་ནས་དང་བས་ཕྱག་འཚལ་ཏེ། །རྣམ་པ་ཀུན་ཏུ་བདེ་ཆེན་བསྒྲུབ་པར་བྱ། །འདིར་མཁའ་སྤྱོད་མ་དཀར་མོ་སྒྲུབ་ཐབས་ཉམས་སུ་ལེན་པར་

[Full Size]

འདོད་པས། བསམ་གཏན་གྱི་གནས་དང་ཁང་པ་མཚན་ཉིད་དང་ལྡན་པར་བདེ་བའི་སྟན་ལ་འདུག །ལུས་གནད་ཅི་རིགས་པར་བཅས་ལ། སྐྱབས་འགྲོ་སེམས་བསྐྱེད་ཚད་མེད་བཞི་རྣམས་སྔོན་དུ་བཏང་། སྭ་བྷཱ་ཝས་སྟོང་པར་སྦྱངས། སྟོང་པའི་ངང་ལས་རང་སྐད་ཅིག་གིས་འཁོར་ལོ་བདེ་མཆོག་དུ་གསལ་བའི་མདུན་གྱི་ནམ་མཁར་ཆོས་འབྱུང་གྲུ་གསུམ་དཀར་པོ་འོད་ཟེར་འཕྲོ་བ། བདེ་བར་རྒྱུ་ཞིང་བདེ་བར་འཆར་བ། དེའི་དབུས་སུ་ཧྲཱིཿཡིག་དཀར་པོ་ལས་འོད་ཟེར་འཕྲོས་སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས་ཚུར་འདུས་ཡོངས་སུ་གྱུར་པ་ལས་རྡོ་རྗེ་རྣལ་འབྱོར་མ་སྐུ་མདོག་སྟོན་ཟླ་ལྟར་དཀར་བ། སྒེག་ཅིང་ལངས་ཚོ་དར་ལ་བབས་པ། ནུ་འབུར་རྒྱས་པའི་སྐུ་ཡིད་ཙམ་ཁྲོ་བས་མཆེ་བའི་མྱུ་གུ་ཅུང་ཟད་གཙིགས་པ། དབུ་སྐྲ་ནག་པོ་སིལ་བུར་གྲོལ་བས་སྐུ་སྟོད་ཁྱབ་པ།

[Full Size]

དམར་ཞིང་བཀྲ་བའི་སྤྱན་གསུམ་མ། ཐོད་སྐམ་ལྔའི་དབུ་བརྒྱན་དང་། རློན་པ་ལྔ་བཅུའི་དོ་ཤལ་ཅན། ཕྱག་གཡས་གྱི་གུག་འཕྱར་སྟབས་དང་། གཡོན་ཐོད་ཁྲག་ཕྱིར་བསྟན་པས་འཛིན་པ། །ཞབས་གཉིས་རྒྱབ་ངོས་ནས་ཕྲག་པར་བཀལ་བ། སྐེད་སྐབ་ཕྲ་ཞིང་ནུ་འབུར་ལྷག་པར་རྒྱས་པའི་སྐུ་ཕྱག་རྒྱ་ལྔས་བརྒྱན་པ། མེ་རི་དཀར་པོ་རྩེ་མོ་གསུམ་པའི་དབུས་ན་བཞུགས་པའི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོ། རང་གི་སྙིང་ཁ་ནས་སྤྲུལ་པའི་མཆོད་པའི་ལྷ་མོ་རྣམས་ཀྱིས་མཆོད་པར་གྱུར། །ཨོཾ་བཛྲ་པུཥྤེ་སོགས་བརྗོད་དཔལ་ལྡན་རྡོ་རྗེ་མཁའ་འགྲོ་མ་སོགས་ཀྱིས་བསྟོད། བདག་ལ་བྱིན་གྱིས་བརླབ་ཏུ་གསོལ། །ཞེས་གསོལ་བ་བཏབ་པས། ཨོཾ་ཨཱཿཧཱུྃ་ལས་འོད་ཟེར་དཀར་དམར་མཐིང་གསུམ་

[Full Size]

འཕྲོས། ཕྱོགས་བཅུའི་སངས་རྒྱས་བྱང་ཆུབ་སེམས་དཔའ་ཐམས་ཅད་ཀྱི་སྐུ་གསུང་ཐུགས་ཀྱི་རང་བཞིན་འོད་ཟེར་དཀར་དམར་མཐིང་གསུམ་སྤྱན་དྲངས་རྗེ་བཙུན་མའི་གནས་གསུམ་གྱི་ཡི་གེ་འབྲུ་གསུམ་ལ་ཐིམ། འབྲུ་གསུམ་ལས་འོད་ཟེར་དཀར་དམར་མཐིང་གསུམ་གཅིག་ལ་གཅིག་འཁྲིལ་བའི་ཚུལ་དུ་བྱོན། །དབུ་མའི་ལམ་བརྒྱུད། བྷ་ག་ནས་ཐོན། རང་གི་གནས་གསུམ་དུ་ཐིམ། རང་གི་ལུས་ངག་ཡིད་གསུམ་རྡོ་རྗེ་རྣལ་འབྱོར་མའི་སྐུ་གསུང་ཐུགས་ཀྱི་ངོ་བོ། དེ་ལྟར་ན་རྣམ་པ་སོ་སོར་སྣང་ཡང་། འཁོར་ལོ་སྡོམ་པ་དང་རྡོ་རྗེ་རྣལ་འབྱོར་མ་ཐབས་དང་ཤེས་རབ་དབྱེར་མེད་ངོ་བོ་གཅིག་ཏུ་གྱུར། དེ་ལ་སེམས་རྩེ་གཅིག་ཏུ་གཏད་དེ། ཐམས་ཅད་སྒྱུ་མ་ལྟར་ཤེས་པའི་སྒོ་ནས་ཨོཾ་གསུམ་མ་བཟླ། དེ་ནས་མཆོད་བསྟོད་བྱས་ཏེ། རྗེ་བཙུན་རྡོ་རྗེ་རྣལ་འབྱོར་མས།

[Full Size]

བདག་ཡང་དག་པ་མཁའ་སྤྱོད་དུ་ཁྲིད་པར་མཛད་དུ་གསོལ། །ཞེས་གསོལ་བ་བཏབ་པས། འཕོ་བའི་དམིགས་པ་སྒོམ་པའམ། ཡང་ན་རྗེ་བཙུན་མ་འོད་དུ་ཞུ་སྤྱི་བོ་ནས་རང་ལ་ཐིམ་པ་ལ་ཅུང་ཟད་མཉམ་པར་བཞག །དགེ་བའི་རྩ་བ་བྱང་ཆུབ་ཏུ་བསྔོ། །བོགས་དབྱུང་བའི་རྡོ་རྗེ་འཆང་མངོན་དུ་བྱེད་པ་གདོན་མི་ཟའོ། །ཕྱག་རྒྱ་ཆེན་པོའི་སྙིང་པོ་བསྟན་པ་འདི་ཡང་དད་ལྡན་སློབ་མ་འགས་བསྐུལ་ཏེ་དགེ་སློང་སྤོང་བ་པར་རྫུ་བ་ཀུན་དགའ་སྙིང་པོ་ཏཱ་ར་ནཱ་ཐས་གྲུབ་པའི་གནས་མཆོག་བསམ་ལྡིང་སུ་སྦྱར་བ་དགེ་ལེགས་འཕེལ། ༈ བླ་མ་དང་ཡི་དམ་གྱིས་དགེ་བར་མཛོད་ཅིག །ལམ་ཁྱེར་རྣམ་གསུམ་གཅིག་ཏུ་དྲིལ་ནས་ཉམས་སུ་ལེན་པའི་ཚུལ་ནི། སྔོན་འགྲོ་དང་རྗེས་ཆོས་དྲུག་གི་སྒྱུ་ལུས་ལྟར་བྱ། དངོས་གཞི་རང་ཡི་དམ་བདེ་མཆོག་སྤྱི་བོར་བླ་མ་ཡི་དམ་དབྱེར་མེད་ཀྱི་སྐུར་མོས་ཤིང་རྣམ་

[Full Size]

པ་གསལ་བཏབ་ནས། མོས་གུས་དྲག་པོས་ཡང་ཡང་གསོལ་འདེབས་བྱ། ཡང་ན་རྣམ་པ་བླ་མས་དབུ་བརྒྱན་པའི་ཡི་དམ་དུ་སྒོམ་ཡང་རུང་ངོ་། །དེ་ནས་དངོས་དང་དྲན་ཡུལ་དུ་བྱུང་བའི་རང་གཞན་གྱིས་སྒྲ་ཟིན་མ་ཟིན་ཐམས་ཅད་ལ་བླ་མ་ཡི་དམ་དབྱེར་མེད་ཀྱི་གསུང་སྔགས་སུ་མོས། སེམས་ཀྱི་འཆར་སྒོ་ཅི་བྱུང་ཡང་བླ་མ་ཡི་དམ་དབྱེར་མེད་ཀྱི་ཐུགས་སུ་མོས་ཤིང་། སྣང་བ་ཐམས་ཅད་སེམས་དང་སེམས་སྐྱེ་འགག་གནས་པས་གདོད་མ་ནས་སྟོང་པའི་རང་ངོ་ལ་ཆེར་བལྟ་ཞིང་ཐག་ཆོད་བྱ། དེ་ཀའི་ངང་ལ་དུག་ལྔ་དང་ཐབས་ལམ་རྣམ་རྟོག་ཅི་བྱུང་རུང་། དེ་རང་གི་ངོ་བོ་ཤེས་པ་དང་མ་བྲལ་བའི་ངང་སྐྱོང་པས། མ་སྤང་རང་དག་ཅེས་བྱ་ཐུན་མཚམས་ཀུན་ཏུ་སྣང་བ་སྐུ། གྲགས་པ་གསུང་། དྲན་རྟོག་ཐུགས་སུ་ཐག་གཅོད་པ་དང་། མོས་གུས་ལྷ་སྐུ། སྣང་བ་རང་སེམས།

[Full Size]

སེམས་སྒྱུ་མ་ལྟ་བུའི་རང་བཞིན་མེད་པའམ་དྲན་འདུན་རྩ་བྲལ་ལམ། མིན་ནའང་ངོ་ཤེས་དང་མ་བྲལ་བའི་ངང་ནས་བྱ། །བླ་མས་རང་གནས་ལུགས་ཟབ་མོ་ལ་དཀྲི་བར་མཛད་པའི་བཀའ་དྲིན་དྲན་པས་བླ་མ་ཡི་དམ་རོ་གཅིག་པ་ལ་མཆོད་བསྟོད་ཡན་ལག་བདུན་པ་རྟག་ཏུ་བྱ་ཞིང་ཚོགས་གསོག །འདི་ལ་མྱོང་བ་ཅི་རིགས་བྱུང་ནས་འགྲོ་དྲུག་སྒྱུ་མར་འཆར་བྱེད་ཀྱི་སྒྱུ་ལུས། རྨི་ལམ་བཟུང་སྦྱོང་སྤེལ་སྤྲུལ་བསྒྱུར་བ་རྣམས་དང་སྦྲེལ་ནས་ཉམས་སུ་ལེན་པ་འདི་ནི་སྙིང་པོའོ། །བླ་མ་ལམ་ཁྱེར་ལ། སྣང་བ་ལ་བརྟེན་ནས་བླ་མ་ལམ་དུ་ཁྱེར་བ་དང་། དེ་བཞིན་དུ་བླ་མ་ལ་མོས་གུས། དེ་ལ་བཀའ་དྲིན། དེ་ལ་ཚོགས་གསོག །དེ་ལ་རང་ཤར་ལམ་དུ་ཁྱེར། ཡི་དམ་ལམ་ཁྱེར་ལ། སྣང་བ་ཡི་དམ། དག་སྣང་ཚོགས་གསོག །རང་ཤར་ཟུང་འཇུག་གི་ལྷ་སྐུ་དང་། སྒྱུ་མ་ལམ་ཁྱེར་ལ། སྣང་བ་རང་

[Full Size]

སེམས། སྒྱུ་མ་རྨི་ལམ། འོད་གསལ་རང་ཤར་རྣམས་ལམ་དུ་ཁྱེར་བ་ནི་དེ་ལྟར་ཤེས་པར་བྱའོ། །དེ་ལྟར་ན་སྣང་བ་བླ་མ་ཡི་དམ་དུ་ཤེས། དེ་རང་སེམས་སུ་ཤེས། དེ་སྒྱུ་མ་ལྟ་བུ་གསལ་སྟོང་བདེ་བར་རང་ཤར་རོ། །ཅེས་པ་འདི་ཡང་ཀུན་དགའ་སྙིང་པོ་ཏཱ་ར་ནཱ་ཐས་སྦྱར་བའོ། །མངྒ་ལཾ། ༈ ཨོཾ་ན་མཱ་སྨྲྀ་ཏ་བཛྲི་བྷ། །འཆི་མེད་རང་གྲོལ་སྙིང་པོ་ནི། །སྔོན་འགྲོ་དང་རྗེས་ཆོས་དྲུག་ལྟར་བྱ། །རང་སེམས་འཆི་མེད་རང་གྲོལ་རྟོགས་པར་གསོལ་བ་བཏབ། རང་བདེ་མཆོག་ལྷན་སྐྱེས་ཡབ་ཡུམ་གྱི་སྤྱི་བོར་ཧཱུྃ་སྔོན་པོ་དང་བཾ་དམར་པོ། དེ་གཉིས་ལས་འོད་ཟེར་གསལ་མདངས་འཚེར་བ་དཔེ་ཟླ་མེད་པ་བྱུང་། འོད་ཟེར་གྱིས་གང་ཕོག་པ་ཆེས་དྭངས་གསལ་དུ་གྱུར་ཅིང་། ཤ་ཁྲག་རུས་པ་སོགས་རྡུལ་ཕྲ་རགས་བྱངས། དྭངས་མའི་ལུས་མངོན་དུ་གྱུར་པར་སྒོམ་ཞིང་། དེ་གཉིས་

[Full Size]

ཀྱི་འོད་ཟེར་དེས་རིམས་པས་གཉིས་ཀའི་སྤྱི་བོ་ནས་རྐང་མཐིལ་བར་སྦྱངས། །སྐུ་མདོག་ཞལ་ཕྱག་རྒྱན་ན་བཟའ་འཇའ་ཚོན་ལྟར་གསལ་བ་ལ་སེམས་བཟུངས། འདི་སེམས་སྣང་ཁོ་ནའོ། །ཞེས་ཐག་བཅད། མཐར་རང་སེམས་ངོས་བཟུང་དང་བྲལ་བའི་རང་རིག་ཅན་གྱི་མདངས་གང་དུ་ཡང་མ་འགགས་པའི་རྩལ་ལྷ་སྐུར་སྣང་ཙམ་སྣང་དུས་ཉིད་ན་སྟོང་པ། རང་སེམས་སྐྱེ་འགགས་གནས་གསུམ་དང་བྲལ་བ་ཐུན་མཚམས་ཐམས་ཅད་དུ་སྣང་བ་ཐམས་ཅད་ལྷ་སྐུ་སྒྱུ་མ་ལྟ་བུར་ཤེས་པར་བྱ་ཞིང་། འདོད་ཡོན་ཐམས་ཅད་ལྷ་སྐུ་བདེ་བ་ཆེན་པོའི་རང་སྣང་ངོ་ཞེས་རིག་གོ །ཅེས་པ་འདིའང་དགེ་སློང་ཀུན་དགའ་སྙིང་པོ་ཏཱ་ར་ན་ཐས་སྨྲས་པ་སྟེ་ཆོས་འཁོར་ལྷ་སར་རོ། །མཧཱབྷུམིཔཏིནརཤེནྟྲཤརསཱབིཛཡཔརམབྷཉྫནཱམཧཱནཡཏེརཱཧྱཙུ་ཏྱཽཤཱཀྱབྷིཀྵུབྲིཛིཏཾཿ མངྒལནཏརཀུརུཿ ས་ཆེན་

[Full Size]

བདག་པོ་མི་དབང་མི་ཡི་དབང་། །ཕ་རོལ་གཡུལ་འཇོམས་རྣམ་པར་རྒྱལ་ཆེན་པོ། །མཚན་ལྡན་དེ་ཡིས་བཀའ་ཡིས་བསྐུལ་བ་ལས། །ཤཱཀྱའི་དགེ་སློང་སྤང་བ་པ་ཡིས་རང་ལོ་ཉི་ཤུ་པ་ལའོ། །མངྒ་ལཾ། །དཔེ་བསྡུར།། །།

དཔལ་ལྡན་ཤངས་པའི་ཆོས་སྐོར་ལས་ལུས་འཆི་མེད་ཀྱི་འཁྲུལ་འཁོར་རྩ་ཚིག་འཆི་མེད་གྲུབ་པའི་བསྡུས་དོན་གྱི་འགྲེལ་ཚུལ་དུ་བཀོད་པ་བདེ་ཆེན་མཆོག་སྦྱིན། ངག་དབང་བསོད་ནམས།

[Full Size]

དཔལ་ལྡན་ཤངས་པའི་ཆོས་སྐོར་ལས་ལུས་འཆི་མེད་ཀྱི་འཁྲུལ་འཁོར་རྩ་ཚིག་འཆི་མེད་གྲུབ་པའི་བསྡུས་དོན་གྱི་འགྲེལ་ཚུལ་དུ་བཀོད་པ་བདེ་ཆེན་མཆོག་སྦྱིན་བཞུགས་སོ།། །།

[Full Size]

ན་མོ་བུདྷཱ་ཡ། །ལུས་འཆི་མེད་ཀྱི་འཁྲུལ་འཁོར་བཤད་དེ། བླ་མ་དམ་པའི་ཞབས་ལ་ཕྱག་བཙལ་ནས། །འཆི་མེད་གྲུབ་པའི་བསྡུས་དོན་བྲི། །དང་པོ་ལངས་ལ་རླུང་རེངས་འདུལ། །འབེབས་སྟན་སྟེང་ལངས་བཞིན་པ་ལས། །ལག་མཐིལ་གྱིས་བརླ་ནས་རྐང་མགོའི་བར་བདུན་དང་། རྒྱབ་ཕྱོགས་ནས་དེ་བཞིན་ཡར་བྱུག་པ་གསུམ། ལག་པ་གཡས་གཡོན་རེ་མོས་ཀྱིས་འཕུར་བ་གསུམ་གསུམ། ཕྲག་གོང་གཉིས་གཡས་གཡོན་ཅིག་ཤོས་ཀྱིས་འཕུར་བ་གསུམ་གསུམ། ལག་པ་ཐལ་རྡེབ་ལས་མིག་འཕུར་གསུམ་དང་། མགོ་བོ་

[Full Size]

ལན་གསུམ་འཕུར། དེ་ནས་རྐང་གཡས་སར་བཙུགས་གཡོན་པའི་རྟིང་པ་གཡས་པའི་བརླ་ལ་གཏད། ལག་པ་གུང་སྲིན་བསྐུམ་པའི་བར་མཐེ་བོང་བཅུག་ཅིང་མཛུབ་མོ་དང་མཐེ་ཆུང་བསྒྲེང་བ་ལས་གཡོན་མཐིལ་གྱེན་བསྟན་ནུ་ཐད་དང་། །གཡས་པའི་མཛུབ་མོས་སྣ་བུག་བཀག་སྟེ་ལག་པ་བརྐྱང་བ་དང་ལྷན་ཅིག་གཡས་སུ་བསྐོར། གོ་བཟློག་གིས་གཡོན་དུ་བསྐོར། རྐང་པ་གཡས་པ་ལ་འབེབས་པ་སོགས་རྩ་ཚིག་གསུམ་གྱི་དང་པོ་བཞིན་ལས། ལག་གཉིས་ཀས་སྣ་བུག་བཀག་སྟེ་དེ་ནས་ཕྱོགས་སོ་སོར་བརྐྱང་། དེ་དུས་རླུང་རོ་གསུམ་

[Full Size]

སྤྲུགས་སུ་གསལ་བའོ། །དེ་རྗེས་ལག་གཉིས་སོར་མོ་དང་ལྷན་ཅིག་མདུན་དུ་ཤད་བརྐྱང་ལས་བཅངས་ཕྲག་རྡེབ་པ་དང་ལྷན་ཅིག་ཧ་སྤྲུགས་བྱ་བ་ལན་གསུམ་མཐར་འབེབས་ཆེན་ནོ། །སྐབས་འདིར་ལུས་འདུལ་བྱ་སྟེ། སེམས་སྐྱིལ་བརླ་བཞག་ལས་བུམ་ཅན། །དེ་ནས་ལག་གཉིས་བརླར་ཤུད་ཐབས་ནས་ནུ་ཐད་སླེབ་པ་དང་མདུན་དུ་ཤད་ཀྱིས་བརྐྱང་། དེ་ནས་བཅངས་ཕྲག་རྡེབ་པ་ལན་གསུམ། དེ་ཞོར་ནས་གཡས་སོར་བསྐུམ་བཞིན་དུ་བརྐྱང་ལ། གཡོན་པའི་ལག་མཐིལ་གྱིས་དཔུང་སྟེང་ནས་ལག་མགོའི་བར་སྟེང་དུ་ཤུད་ཅིང་ལག་མགོ་ནས་འོག་ཏུ་བྱུག་ཐབས་མཐར་ལག་མཐིལ་མཆན་འོག་རྡེབ་པ་ལན་གསུམ། ཡང་ལག་གཉིས་བཅངས་ཕྲག་ལན་གཅིག་མཐར་གོ་ལྡོག་གིས་གསུམ། ཡང་བཅངས་ཕྲག་ནས་ཐལ་རྡེབ་མཐར་མིག་ཕུར་ལན་གསུམ་དང་མགོ་ཕུར་གསུམ། དེ་ཞོར་ལག་མཐིལ་གྱིས་མར་

[Full Size]

གདོང་པ་ཤུད་ཐབས་ནས་གཡས་པའི་ཁུ་ཚུར་རང་ཕྱོགས་ཀྱི་ནུ་ཐད་ནས་གཡོན་པའི་བརླ་སྟེངས་སུ་འཆུན་བཙལ་ཏེ་འཇོག་པ་དང་ལྷན་ཅིག་གཡོན་པས་རང་ཕྱོགས་མཆན་འོག་གི་རྒྱབ་ཕྱོགས་ནས་གཡས་ཕྱོགས་སུ་ཐུར་དུ་འབེབས་ཏེ། གཡས་གཡོན་བརྗེ་རེས་ཚུལ་གྱིས་ལན་གསུམ། དེ་ནས་པུས་སྟེང་ནས་བྱུག་ཐབས་སོགས་ཀྱིས་བཅངས་ཕྲག་རྡེབ་པ་དང་མཉམ་དུ་རྐང་གཡས་ཤད་ཀྱིས་བརྐྱང་ལ། ལག་གཉིས་ཁུ་ཚུར་གྱིས་བརླའི་གཡས་གཡོན་ནས་རྟེན་ཐབས་བྱས་མཐར་ལག་མཐིལ་གཉིས་ཀྱིས་བརླ་སྟེང་ནས་རྐང་མགོའི་བར་བྱུག་ཅིང་དེ་ནས་པུས་མོའི་བར་ཙམ་དུ་སླེབ་པ་ཡར་བྱུག །དེ་དུས་རྐང་པ་ཅུང་ཟད་བརྐྱང་བསྐུམ་བྱས་ཆོག་ཅིང་། ལན་གསུམ་མཐར་བཅངས་ཕྲག་དང་ལྷན་ཅིག་རྐང་པ་བསྐུམ། དེ་ནས་གོ་ལྡོག་ཚུལ་གྱིས་གསུམ་མོ། །ཛ་ཧི་ཏ་ཡི་ཀརྨ་ནི། །སྟེང་

[Full Size]

འོག་ཕྱོགས་མཚམས་ཀུན་ཏུ་འཕངས། །སེམས་སྐྱིལ་ལག་གཉིས་བརླ་བཞག་པུས་མོར་ཉེ་བ་ལས་བུམ་ཅན། །དེ་ནས་ལག་གཉིས་མདུན་ཐད་ནས་མར་བཤད་ཀྱིས་བརྐྱང་བའི་ལག་སོར་ཁ་སྦུབ་པ་ལ་རེག་ཐབས་དང་ལྷན་ཅིག་ཀག་གིས་ལངས་ལ་ལག་པ་མདུན་དུ་བརྐྱང་ཕྲག་གསུམ། དེ་བཞིན་གནད་འདྲ་བས་རྒྱབ་ཏུ་གསུམ། སྟེང་དུ་གསུམ་དང་ཐད་ཀར་གསུམ་སྟེ་གཉིས་པོ་དཔུང་སྟེང་རྡེབ། ཐུར་དུ་གསུམ་ལག་པ་སྐེད་གཟེར་ལས་རྐང་པ་གཉིས་གཤིབས་ཏེ་ལངས་བཞིན་པ་ལས་གཡས་པའི་རྟིང་པ་དཔྱི་མགོར་རྡེག་ཅིང་སར་འཛུགས་པ་གསུམ། ཅུང་ཟད་རྐང་སོར་གཡས་ཕྱོགས་སུ་གཏད་པས་སྔར་ལྟར་གསུམ། དེ་ནས་ད་དུང་རྐང་པ་གཅུ་ཐབས་ཀྱིས་སྔར་བཞིན་ཏེ་བསྡོམས་པས་དགུ། གཡོན་ལ་འགྲེ། དེའི་མཐར་འབེབས་ཆེན་ནོ། །ཕྱི་ཡི་འཁྲུལ་འཁོར་རྣམ་བཞི་ལ། །ཨང་གྲོལ་རྐང་

[Full Size]

མཐེབ་བཟུང་ནས་བསྡིག །ལུས་འདུལ་སོང་མཚམས་ནས་རྐང་པ་གཉིས་གཡས་ཕྱིར་བྱས་ཏེ་བསྣོལ་ཐབས་ལས་ཙོག་པུའི་སྟབས་སུ་བྱས་པའི་ནང་ཁོངས་སུ་ལག་གཉིས་གཡས་ཕྱིར་བྱས་ཏེ་བསྣོལ་ཐབས་ཀྱིས་རྐང་མཐེབ་བཟུང་། དེ་ནས་རླུང་སྣ་བུག་གཡས་གཡོན་སོ་སོ་དང་གཉིས་ཀ་ནས་རྔུབས་ཆུང་རེ་བྱས་རྗེས་པར་རླུང་དང་ལག་ཡུ་གཉིས་ཀྱིས་ལུས་ལ་རྡེག །མཐར་ལུས་གཡས་གཅུ་གཡོན་གཅུ་ཅུང་ཟད་དང་ལྷན་ཅིག་སྒང་འདྲེན་བྱ། དེ་ལྟ་བུ་ལན་གསུམ་མཐར་འབེབས་ཆུང་ངོ་། །བྷེ་ཏ་འཕོངས་རྟིང་དྲག་ཏུ་སྤྲད། སེམས་སྐྱིལ་བརླ་བཞག་ལས་བུམ་ཅན། དེ་ནས་ཀག་གིས་ལངས་ལ་ལག་པ་གཡོན་གྱི་སོར་མོ་རྣམས་ལས་མཐེ་བོང་མ་གཏོགས་པ་གཡས་སོར་གྱིས་བཟུང་སྟེ་རྗེས་རྐང་པ་གཉིས་པུས་མོ་མ་གུག་བར་ཆུན་བཙལ་ཏེ་སྲང་བ་དང་ལྷན་ཅིག་ལག་པའི་

[Full Size]

བཅའ་ཐབས་སྔར་བཞིན་བྱས་པ་སར་བཞག་ལ་མགོ་བོ་གུག །དེ་མཐར་འཕོངས་རྟིང་སྤྲད་དེ་ས་ལ་རྡེབ་པ་ལན་གསུམ་མཐར་འབེབས་ཆེན་ནོ། །བྷནྡ་གཤང་ལམ་གྱེན་ལ་ལྡོག །སེམས་སྐྱིལ་བརླ་བཞག་ལས་བུམ་ཅན། །ཀག་གིས་ལངས་ལ་རྐང་པ་གཉིས་སར་བཙུགས་པའི་བར་དུ་བསྐུམ་ཁྲུ་ཙམ་བཞག་ལ་མགོ་བོ་བཀུག་སྟེ་ལག་གཉིས་རྐང་པའི་ནང་ནས་རྒྱབ་ཕྱོགས་སུ་འཁྱུད་དེ་ལག་སོར་གྱིས་རྐང་སོར་རྣམས་བཟུང་ལ་རོ་སྟོད་གཡས་གཡོན་དུ་ཅུང་ཟད་གཅུ། །དེ་མཐར་འགྲད་འབེབས་སོ། །ཕྱག་རྒྱ་ཆེ་ལ་ཙོག་པུ་བྱ། །སེམས་སྐྱིལ་བརླ་བཞག་ལས་བུམ་ཅན་བཟུང་། །དེ་ནས་རྐང་པ་ཕྱིའི་ཨང་གྲོལ་འདྲ་བའི་ཙོག་པུ་ལས་ལག་གཉིས་གཡས་ཕྱིར་བྱས་པའི་ལག་པ་གཉིས་ཀྱིས་ཅིག་ཤོས་ཀྱི་བར་ལྷུར་འཁྱུད་དེ་ཕྱག་ཆེན་ལ་མཉམ་བཞག་བྱ། དེ་མཐར་འབེབས་ཆུང་ངོ་། ནང་གི་འཁྲུལ་འཁོར་རྣམ་བཞི་ནི།

[Full Size]

ཨང་གྲོལ་རྐང་ངར་བཟུང་ནས་བསྡིག །སེམས་སྐྱིལ་བརླ་བཞག་ལས་རྐང་པ་ཕྱིའི་ཨང་གྲོལ་ལྟར་ལ་ལག་གཉིས་གཡས་ཕྱིར་བྱས་ཏེ་བསྣོལ་ཐབས་ཀྱི་མཐེ་བོང་གུང་མཛུབ་གསུམ་གྱིས་རྐང་པའི་ལོང་བུའི་ཐད་ནས་གཡས་འོག་ཏུ་བྱས་ཏེ་ལག་གཉིས་བརྩེགས་ཐབས་ཀྱིས་བཟུང་། དེ་ནས་རླུང་རྡུབ་ཆུང་སོགས་ཕྱིའི་ཨང་གྲོལ་ལྟར་རོ། །བྷེ་ཏ་འཕོངས་རྟིང་རེ་མོས་རྡེབ། སེམས་སྐྱིལ་བརླ་བཞག་ལས་བུམ་ཅན། །ཀག་གིས་ལངས་ལ་རྐང་པའི་མཐེ་བོང་གཉིས་ལག་གཉིས་ཀྱི་གུང་མཛུབ་ཀྱིས་བཟུང་ལ་རྐང་ལག་དྲང་པོར་བསྲང་ཞིང་མགོ་བཀུག་པས་རྒྱབ་ཤེད་གང་ཡོད་ཕྱིར་འཐེན། དེ་དག་ལ་འཕོངས་པར་ལྷན་གྱིས་བཞག་ནས་རྐང་ལག་མ་བྲལ་བས་མདུན་དུ་བསྲངས་ལ་རྒྱབ་ཤེད་འཐེན་པ་གཉིས་རེ་མོས་ཀྱིས་ལན་གསུམ་མཐར་སྒུར་འབེབས་སོ། །བྷནྡྷ་གླང་ཆེན་སྣ་

[Full Size]

ལྟར་དགུག །སེམས་སྐྱིལ་བརླ་བཞག་ལས་བུམ་ཅན། །ཀག་གིས་ལངས་ལ་རྐང་པ་གཡོན་པའི་སོར་མོ་རྣམས་གཡས་སོར་གྱིས་མནན། ལག་གཉིས་ཀྱང་རྐང་པ་བཞིན་སོར་མོ་གཞན་བཞི་དང་མཐེ་བོང་སོ་སོར་བསྣོལ་ནས་དཔུང་པ་གཡོན་ཕྱོགས་སུ་བརྐྱང་བ་མདུན་ནས་གཡས་སུ་བསྐོར་ཐབས་མཐར་རྐང་པའི་སྟེང་དུ་སོར་རྩེ་རེག་པར་བཞག་ནས་རྐང་སོར་ཅུང་ཟད་གྱེན་དུ་འཐེན། དེ་བཞིན་གོ་ལྡོག་གིས་གཅིག །དེ་ཐོག་ནས་གཡོན་དང་གཡས་གཉིས་ཀར་ལག་པ་བརྐྱང་ཐབས་མཐར་མདུན་ཐད་དྲང་པོ་ནས་རྐང་སྟེང་དུ་སྔར་ལྟར་འཇོག་ཅིང་བཟུང་། །དེ་མཐར་འབེབས་ཆེན་ནོ། །ཕྱག་རྒྱ་ཆེ་ལ་མཉམ་བཞག་བྱ། །སེམས་སྐྱིལ་བརླ་བཞག་ལས་བུམ་ཅན་བཟུང་རྗེས་ལག་གཉིས་མཉམ་བཞག །ལུས་གནད་བསྲངས་ལ་ཕྱག་ཆེན་ལ་མཉམ་པར་བཞག་པའོ། །གསང་བའི་འཁྲུལ་

[Full Size]

འཁོར་རྣམས་བཞི་ནི། །ཨང་གྲོལ་རྒྱབ་ཏུ་ལག་གཉིས་བརྩེགས། །སེམས་སྐྱིལ་བརླ་བཞག་ལས་རྐང་པ་ཕྱིའི་ཨང་གྲོལ་བཞིན། །ལག་གཉིས་རྒྱབ་ཏུ་ཁུ་ཚུར་གཡས་སྟེང་དུ་བྱས་པ་བརྩེགས། །རླུང་རྔུབ་ཆུང་གཡས་གཡོན་གཉིས་ཀ་སོ་སོ་ནས་བྱ་བ་རྣམས་ཕྱིའི་ཨང་གྲོལ་ལྟར་དང་། དེ་རྗེས་ལག་གཉིས་ཀྱིས་རྒྱབ་ཕྱོགས་ནས་འཐུར་དུ་འཕུར་ཞིང་། དེ་ཞོར་གྱེན་དུ་ཡང་འཕུར་བ་གསུམ་གསུམ་མཐར་འབེབས་ཆུང་ངོ་། །བྷེ་ཏ་འཕོངས་རྟིང་དལ་གྱིས་སྤྲད། ཕྱིའི་བྷེ་ཏ་དང་མཚུངས་ཤིང་འཕོངས་པར་རྡེབ་པ་དལ་གྱིས་འཇོག་པ་ཁྱད་པར་རོ། །བྷནྡྷ་རོ་སྟོད་གཡས་གཡོན་གཅུ། །སེམས་སྐྱིལ་བརླ་བཞག་ལས་རོ་སྟོད་གཡས་གཅུ་གཡོན་གཅུ་གསུམ་གསུམ་སྟེ་དྲུག་གོ །ཕྱག་རྒྱ་ཆེ་ལ་མཆོག་སྦྱིན་བཀན་དེ་དག་རྩ་བའི་འཁྲུལ་འཁོར་ཡིན། །རྡོར་སྐྱིལ་ལས་ལག་གཉིས་

[Full Size]

ཀྱི་མཐེ་བོང་སྲིན་ལག་ལ་གཏད་པའི་ལག་སོར་བརྐྱང་སྟེ་པུས་སྟེང་དུ་རྒྱབ་གཏད་པ་མཆོག་སྦྱིན་བཀན་པའི་རྒྱ་བཅས་ལ་བུམ་ཅན་བཟུང་ཞིང་ཕྱག་ཆེན་ངང་དུ་མཉམ་བཞག་བྱའོ། །དེ་ནས་ཡན་ལག་འཁྲུལ་འཁོར་ནི། ཁ་སྦྱོར་ཨང་གྲོལ་ལྟ་བུ་ལ། །ཐིག་ལེ་སྒྲ་གཅན་གྱེན་ལ་ལྡོག །ཁ་སྦྱོར་ཕྱིའི་ཨང་གྲོལ་ཇི་ལྟ་བ་དང་། ཐིག་ལེ་སྒྲ་གཅན་གྱེན་ལྡོག་ཕྱིའི་བྷནྡྷ་བཞིན་བཅའ་ཐབས་དང་འབེབས་ཐམས་ཅད་མཚུངས་པ། །བྱུགས་དང་སྤྲུགས་པས་དཀར་པོ་འཁྲེམས། །རྐང་པ་རྡོར་སྐྱིལ་ལས་བུམ་ཅན་བཟུང་ཞིང་། དེ་ནས་ལུས་འདུལ་ཇི་ལྟ་བ་ལས་རྐང་པ་བརྐྱང་བསྐུམ་མ་གཏོགས་པ་གོང་ལྟར་གྱི་མཐར། ལག་པ་ཁུ་ཚུར་མདུན་ཐད་དུ་བསྣོལ་ཏེ་བརྐྱང་ལ་སྐྱིལ་ཀྲུང་གཤིབས་མཐར་འབེབས་ཆུང་སྤྲུགས་སིག་དང་བཅས་པ་རླུང་བཟུང་བཞིན་དུ་གསུམ་དང་ཧ་སྒྲར་བཅས་ལན་གསུམ་སྟེ་དྲུག་གོ །བརྡུང་དང་

[Full Size]

སྤྲུགས་པས་དམར་པོ་འཁྲེམས། །སེམས་སྐྱིལ་བརླ་བཞག་ལས་བུམ་ཅན་བཟུང་ལག་གཡས་ཁུ་ཚུར་གྱིས་རྒྱབ་ནས་བརྡུངས་མཐར་སོར་མོ་དང་ལྷན་ཅིག་མདུན་དུ་ཤད་ཀྱིས་བརྐྱང་། དེ་བཞིན་གཡོན་ལ་འགྲེ། དེ་ལྟར་རེ་མོས་ཀྱིས་ལན་གསུམ་མཐར་འབེབས་ལན་དྲུག་རྩ་ཚིག་སྔ་མ་ལྟར་བྱའོ། །མགོ་བོའི་འཁྲུལ་འཁོར་རྣམ་བཞི་ལ། །མགོ་བོ་སུག་ཅིང་མིག་གཉིས་བསྐོར། །གཡས་གཡོན་བསྐོར་དང་མགོ་འཇོག་གོ །རྡོར་སྐྱིལ་བརླ་བཞག་ལས་བུམ་ཅན་བཟུང་མཐར་ལག་མཐིལ་གཉིས་ཀྱིས་གདོང་བའི་མདུན་དུ་མར་ལན་གསུམ་བྱུག །མིག་འབྲས་གྱེན་ཐུར་དུ་ལྟ་ཐེངས་རེ་བྱས་རྗེས་མིག་འབྲས་གཡས་བསྐོར་གསུམ་དང་གཡོན་བསྐོར་གསུམ་མགོ་བོ་གཡས་ནས་གཡོན་བསྐོར་གསུམ་དང་། གཡོན་ནས་གཡས་བསྐོར་གསུམ། མགོ་བོ་གཡས་

[Full Size]

གཡོན་དུ་བཅག་པ་གསུམ་གསུམ་དང་། དེ་བཞིན་རྒྱབ་མདུན་དུ་གསུམ་གསུམ་མཐར་ལག་གཡས་སྟེང་དུ་བྱས་ཏེ་བསྣོལ་ཐབས་ཀྱིས་སྐྱིལ་ཀྲུང་བཤིབ་ལ་འབེབས་ཆུང་ལན་གཅིག་གོ །རོ་སྟོད་འཁྲུལ་འཁོར་རྣམ་གསུམ་ནི། །གཅུ་དང་སྡེར་འཛིངས་སྟོད་སྨད་དོ། །སེམས་སྐྱིལ་བརླ་བཞག་ལས་བུམ་ཅན། །རོ་སྟོད་རེ་མོས་ཀྱི་གཡས་གཅུ་གསུམ་དང་གཡོན་གཅུ་གསུམ། དེ་ནས་ལག་གཉིས་ཐལ་རྡེབ་ལས་སོར་རྣམས་བསྣོལ་ཏེ་གུང་མོ་བསྒྲེང་བ་རྡོ་རྗེ་རྩེ་གཅིག་པའི་རྒྱ་ལྟར་བྱས་ལ་ལག་པ་གཡས་ཕྱོགས་སུ་ཉེ་བ་ནས་མདུན་ཐད་དུ་བརྐྱང་ལ་ནུ་སྟེངས་གཡས་སུ་བརྡུང་ཐེངས་གསུམ་དེ་བཞིན་གཡོན་ལ་འགྲེ། དེ་ནས་མདུན་ཐད་དྲང་པོ་ནས་སྙིང་གར་རྡེབ་པ་གསུམ། ཡང་ལག་པ་བཅའ་ཐབས་དེ་བཞིན་ལས་ཅུང་ཟད་དམར་བར་བྱས་ཏེ་ལྟོ་བའི་གཡས་གཡོན་དབུས་རྣམས་སུ་སྔར་ལྟར་

[Full Size]

བརྡུང་བ་གསུམ་གསུམ་མོ། །ལག་པའི་འཁྲུལ་འཁོར་རྣམ་བཞི་ནི། །དཔུང་པ་ཕྱི་དང་ནང་དུ་བསྐོར། །ཁུ་ཚུར་དང་ནི་སོར་མོ་བཅངས། །བརྐྱང་བསྐུམ་བྱ་ཞིང་སོར་རྩེ་ལྟ། །རྡོར་སྐྱིལ་བརླ་བཞག་ལས་བུམ་ཅན། །དེ་ལས་དཔུང་གཡས་ནང་སྐོར་གསུམ་དང་ཕྱི་སྐོར་གསུམ། །དེ་བཞིན་དཔུང་གཡོན་དང་། གཉིས་ཀར་ལ་འགྲེ། དེ་ནས་ལག་གཡས་ཁུ་ཚུར་བཅང་སྟེ་རང་ཕྱོགས་ནས་མགོ་བོར་བསྐོར་ཏེ་རང་ཕྱོགས་སུ་བརྐྱང་བ་ལག་མདུན་གྱེན་བསྟན་ལས་མཐེ་ཆུང་སོགས་སོར་མོ་རྣམས་རིམ་པར་བརྐྱང་བ་ལན་གསུམ་དང་། གཡོན་ལ་འགྲེའོ། །དེ་དུས་ལག་སོར་ལ་མིག་ཟུར་གྱིས་བལྟའོ། །འཕོ་བའི་འཁྲུལ་འཁོར་རྣམ་གསུམ་ལ། །མཉེད་དང་བསྐོར་དང་བརྡེག་པའོ། །སེམས་སྐྱིལ་བརླ་བཞག་ལས་ཛ་ཧི་ཏའི་ཀརྨ་ཞེས་སོགས་

[Full Size]

ཀྱི་སྐབས་བཞིན་ལངས་ལ་ཐལ་མོ་རྡེབ་ཐབས་ནས་ལག་སོར་བསྣོལ་བའི་མཐིལ་གྱིས་འཕོ་བ་ལ་གཡས་ནས་གཡོན་ཕྱོགས་སུ་བསྐོར་ཐབས་ཀྱིས་ལན་གསུམ་བྱུགས་རྗེས་འབེབས་ཆེན། དེ་ནས་ཕོ་བ་གཡས་བསྐོར་གཡོན་བསྐོར་གསུམ་གསུམ་མཐར་ཐལ་མོ་རྡེབ་ཐབས་ནས་ལག་སོར་བསྣོལ་ལ་ལག་མཐིལ་ཕྱིར་བསྟན་ཏེ་གཡས་ཕྱོགས་སུ་བརྐྱང་རྗེས་ལྟོ་བའི་གཡས་ཕྱོགས་སུ་ལན་གསུམ་བསྐོར་ཐབས་ཀྱིས་བྱུག །དེ་བཞིན་གཡོན་ལ་འགྲེ། དེ་ལྟ་བུའི་གནད་ཀྱིས་མདུན་ཐད་དྲང་པོར་གསུམ་མོ། །རྐང་པའི་འཁྲུལ་འཁོར་རྣམ་གཉིས་ལ། །ལང་དང་སྤྲུགས་དང་རེ་མོས་སྤྲུགས། །སེམས་སྐྱིལ་བརླ་བཞག་ལས་རྩ་ཚིག་གོང་མ་བཞིན་ལངས་ལ་ལག་གཉིས་སྐེད་གཟེར་གྱིས་གནས་ངོས་རྐང་རྟིང་གཡས་དཔྱི་མགོར་རྡེག་ཅིང་སར་འཇོག་པ་ལན་གསུམ་དང་། གཡོན་ལ་འགྲེ། དེ་མཐར་འབེབས་

[Full Size]

ཆེན་གྱིས་འདུག་རྗེས་ལག་གཉིས་གྲུ་མ་ཆག་པར་ཁུ་ཚུར་གྱིས་ལུས་ཀྱི་གཡས་གཡོན་གཉིས་ནས་སར་བཙུགས། རྐང་པ་གཉིས་མཐིལ་སར་འཇོག་པའི་ཚུལ་གྱིས་དཔྱི་རྟིང་སྤྲད་དེ་པུས་མོ་གྱེན་དུ་བསྟན་དེ་འདུག་མཐར་རྐང་གཡས་ཤད་ཀྱིས་བརྐྱང་ཞིང་རང་ཤུལ་དུ་འཇོག །དེ་བཞིན་གཡོན་ལ་འགྲེ། དེ་ལྟར་རེ་མོས་ཀྱིས་ལན་གསུམ་མཐར་སེམས་སྐྱིལ་སྒྲིག་ཐབས་ཀྱིས་འཕོངས་རྡེབ་པ་དང་ལྷན་ཅིག་ལག་མཉམ་བཞག་གོ །དེ་ལ་གོང་དུ་བཤད་པའི་འབེབས་ཆུང་ནི། རྐང་པ་གཉིས་བསྣོལ་ཐབས་ལས་པུས་མོ་རོང་ཙམ་དང་། །ལག་གཉིས་ཀྱང་བསྣོལ་ཐབས་ཀྱིས་མདུན་དུ་བཤད་བརྐྱང་ཁུ་ཚུར་ལས་སེམས་སྐྱིལ་སྒྲིགས་ཏེ་འཕོངས་པར་རྡེབ་པ་དང་ལག་གཉིས་རང་ཕྱོགས་སུ་ཐུར་དུ་འབེབས་པའོ། །སྒུར་འབེབས་ནི། ལངས་ལ་རོ་སྟོད་སྒུ་བས་

[Full Size]

ལག་གཉིས་མཐུར་དུ་ཤད་བརྐྱང་ཁུ་ཚུར་ཁ་སྦུབ་ཀྱི་མགོ་སྤྲད་མཐར་འབེབས་ཆུང་ལྟར་འབེབས་པའོ། །བགྲད་འབེབས་ནི། །ལངས་ལ་རྐང་པ་གཉིས་བགྲད་ཐབས་དང་ལག་གཉིས་ཁུ་ཚུར་ལས་རང་ཕྱོགས་སུ་ཤད་ཀྱིས་བརྐྱང་ལ་འབེབས་པ་དང་ལྷན་ཅིག་ལག་མགོ་སྙིང་གར་བསྣོལ་བ་སྟེ། འདི་ལ་རྡོར་འཆང་འབེབས་ཞེས་ཀྱང་བྱའོ། །འབེབས་ཆེན་ནི། ལངས་ལ་ལག་གཉིས་སོར་མོ་བརྐྱང་བ་བརླ་གཉིས་ཀྱི་ཐད་དུ་ལག་མཐིལ་ཕྱིར་བསྟན་གྱིས་ཐུར་དུ་ཤད་ཀྱིས་བརྐྱང་བ་ལས་འབེབས་པ་དང་ལྷན་ཅིག་སོར་མོ་རྩེ་སྤྲོད་ཙམ་དུ་མཉམ་བཞག་བྱ་ཞིང་ལུས་ལ་གུག་པར་བྱ་བའོ། །དེ་དག་གི་མཐར་མཚམས་འཇོག་ཚེ་ལུས་འདུལ་རེ་ཡང་མཛད་དོ། །དེ་ལྟར་གེགས་སྐྱོན་ཀུན་སེལ་ཞིང་། །དངོས་གྲུབ་སྟེར་བྱེད་འཆི་མེད་ཀྱི། །འཁྲུལ་འཁོར་ལེགས་པར་བསྟན་ཟིན་ཏོ། །འཆི་མེད་སུམ་ཅུ་

[Full Size]

པའི་རྩ་ཚིག་ཨི་ཐི། །ཞེས་པ་མཛད་བྱང་ངོ་། །གཅེས་གནད་ཟབ་མོའི་འཁྲུལ་འཁོར་ལག་ལེན་འདི། །གཅུང་པོ་ཡིད་བཞིན་ལེགས་གྲུབ་བཞེད་པ་བཞིན། །གཅེན་པོ་པདྨ་འགྱུར་མེད་རྒྱ་མཚོས་བཀོད། །གཅིག་མིན་འགྲོ་ཀུན་སངས་རྒྱས་ཐོབ་པར་ཤོག །འདི་ནི་བྱ་རྒོད་དབོན་པོ་ཀུན་དགའ་ཕུན་ཚོགས་ལས་འཁྲུལ་འཁོར་གྱི་ལག་ལེན་རྣམས་ཞིབ་མོར་ནོད་པའི་ཚེ་ཟིན་བྲིས་སུ་བཏབ་པའོ། །ཨི་ཐི། ༈ ཤངས་ཆོས་བརྒྱུད་པ་གསུམ་འདུས་ཀྱི་གསོལ་འདེབས་བཞུགས་སོ། །སྐུ་གསུམ་ཡན་ལག་བདུན་ལྡན་རྡོ་རྗེ་འཆང་། །ཡེ་ཤེས་མཁའ་འགྲོའི་དབང་མོ་ནི་གུ་མ། །མཁས་གྲུབ་ཁྱུང་པོ་རིན་ཆེན་བརྩོན་འགྲུས་དང་། །སྐྱེར་པ་སྒང་པ་རྣམས་ལ་གསོལ་བ་འདེབས། །གཉན་སྟོན་སྦས་པ་འགྲོ་མགོན་སྟོན་པའི་ཞབས། །གཙང་མ་ཤངས་

[Full Size]

སྟོན་མུས་ཆེན་རྒྱལ་མཚན་དཔལ། །རྡོ་རྗེ་གཞོན་ནུ་ནམ་མཁའི་རྣལ་འབྱོར་དང་། །སྦྱིན་པ་བཟང་པོ་རྣམས་ལ༴ །གྲུབ་པའི་འཁོར་ལོས་བསྒྱུར་བ་ཐང་སྟོང་པ། །བློ་གྲོས་རྒྱལ་མཚན་དཔལ་ལྡན་དར་པོ་དང་། །རྗེ་བཙུན་རྩེ་མོ་འཇམ་མགོན་གྲོལ་མཆོག་ཞབས། །འགྱུར་མེད་བདེ་ཆེན་རྣམས་ལ༴ །ཡང་ན། སངས་རྒྱས་སྟོན་པ་མཆོག་མཆོག་གཞོན་ནུ་གྲུབ། །བྱང་ཆུབ་ཤེས་རབ་རཱ་ག་གྲགས་པ་དང་། །གྲུབ་པའི་ས་བརྙེས་མཁས་བཙུན་གྲོ་འགྲོ་མགོན་སྟོན་པ་ནས། ས་པ། །སྤྱང་ལུང་ཆོས་རྗེ་རྣམས་ལ༴ །ཤཱཀྱའི་མཚན་མཆོག་ལྡན་པའི་པཎྜི་ཏ། །གཞོན་ནུའི་མཚན་ཅན་འཆི་མེད་གྲུབ་པའི་དབང་། །འཇམ་མགོན་གྲུབ་པའི་དཔའ་བོ་གྲོལ་མཆོག་ཞབས། །འགྱུར་མེད་བདེ་ཆེན་རྣམས་ལ༴ །ཡང་ན། རྒྱལ་མཚན་འབུམ་པ་འཇག་ཆེན་བྱམས་པ་དཔལ། །འཇམ་

[Full Size]

དབྱངས་བློ་གྲོས་ཀུན་དགའ་ཆོས་རྒྱལ་མཚན། །ཚུལ་ཁྲིམས་རྒྱལ་མཚན་མཁྱེན་རབ་ཆོས་རྗེ་དང་། །རྡོ་རིང་ཀུན་སྤངས་རྣམས་ལ༴ །ཚར་ཆེན་རྡོ་རྗེ་ང་དབང་བློ་གསལ་རྗེ། །འཇམ་དབྱངས་མཁྱེན་བརྩེ་དབང་ཕྱུག་རབ་བརྟན་ཞབས། །སྙན་བརྒྱུད་འཛིན་པ་ངག་དབང་ཆོས་ཀྱི་གྲགས། །ངག་དབང་བསོད་ནམས་རྣམས་ལ༴ །ཡི་དམ་རྒྱུད་སྡེ་ལྔ་ཡི་ལྷ་ཚོགས་དང་། །མྱུར་མཛད་ཡེ་ཤེས་འགྱུར་མེད་བདེ་ཆེན་ལས་ཀྱང་གསན། མགོན་པོ་ཕྱག་དྲུག་པ། །ཡུལ་ཆེན་ཉེར་བཞིའི་དཔའ་བོ་མཁའ་འགྲོ་དང་། །རྡོ་རྗེའི་མཆེད་ལྕམ་ཚོགས་ལ་གསོལ་བ་འདེབས། །ལམ་གྱི་རྩ་བ་ཆོས་དྲུག་ཉམས་རྟོགས་ལྡན། །སྡོང་པོ་གནས་ལུགས་ཕྱག་ཆེན་མངོན་གྱུར་ཞིང་། །ལམ་ཁྱེར་ཡལ་ག་འབྲས་བུ་འཆི་མེད་སོགས། །ཡོན་ཏན་མ་ལུས་འགྲུབ་པར་བྱིན་གྱིས་རློབས། །ལམ་མཆོག་འདི་ལ་

[Full Size]

འབད་ནས་བསྒོམས་པའི་མཐུས། །གདོད་ནས་དག་པའི་ལྷན་སྐྱེས་བདེ་བ་ཆེ། །མངོན་གྱུར་རང་དབང་བརྟན་པ་ཐོབ་གྱུར་ནས། །ས་ལམ་མ་ལུས་མྱུར་དུ་སྒྲུབ་པར་ཤོག །སྡུག་བསྔལ་བཟོད་མེད་འཁོར་བའི་འཁྲུལ་པ་ལས། །མྱུར་དུ་གྲོལ་ནས་མ་གྱུར་འགྲོ་བ་ཀུན། །བྱང་ཆུབ་ལམ་ལ་ངེས་པར་འགོད་ནུས་པའི། །རྡོ་རྗེ་འཆང་དབང་ཐོབ་པར་བྱིན་གྱིས་རློབས། །ཅེས་པ་འདི་ནི་བྱ་བྲལ་བ་ངག་དབང་བསོད་ནམས་ཀྱིས་རྒྱུན་གྱི་ཁ་འདོན་དྲན་གསོས་བགྱིས་པའོ། །སརྦ་མངྒ་ལཾ།། །།

ཤངས་པའི་གསེར་ཆོས་ལྔའི་བླ་མ་བརྒྱུད་པའི་གསོལ་འདེབས་ལམ་རིམ་གྱི་སྨོན་ལམ་དང་བཅས་པ། དཱ་རི་དྲ།

[Full Size]

ཤངས་པའི་གསེར་ཆོས་ལྔའི་བླ་མ་བརྒྱུད་པའི་གསོལ་འདེབས་ལམ་རིམ་གྱི་སྨོན་ལམ་དང་བཅས་པ་བཞུགས་སོ།། །།

[Full Size]

ན་མཿཤྲཱི་བཛྲ་གུ་རུ་ཝེ། །སྐུ་གསུམ་ཡན་ལག་བདུན་ལྡན་རྡོ་རྗེ་འཆང་། །ཟག་མེད་སྒྱུ་མའི་གར་བསྒྱུར་ནི་གུ་མ། །ཟབ་རྒྱས་ཆོས་ཀྱི་དབང་ཕྱུག་ཁྱུང་པོའི་ཞབས། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །སྒྱུ་ལུས་རྨི་ལམ་མཐར་ཕྱིན་རྨོག་ལྕོག་པ། །བྱམས་དང་སྙིང་རྗེའི་དབང་ཕྱུག་སྐྱེར་སྒང་པ། །བདེ་ཆེན་རྡོ་རྗེའི་སྐུ་བརྙེས་གཉན་སྟོན་ཞབས། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །ཆིག་བརྒྱུད་རྡོ་རྗེའི་སྒོ་འབྱེད་སྟོན་པའི་ཞབས། །ཆོས་ཉིད་གཉུག་མའི་དོན་གཟིགས་ཤངས་

[Full Size]

སྟོན་པ། །ཟབ་ལམ་རྒྱས་མཛད་མཁས་བཙུན་རྒྱལ་མཚན་འབུམ། །གསོལ་བ༴ །ཉམས་དང་རྟོགས་པའི་དབང་ཕྱུག་བྱམས་པ་དཔལ། །དམ་ཅན་བྲན་ཁོལ་བློ་གྲོས་དཔལ་བཟང་པོ། །སྒྱུ་མའི་རང་བཞིན་མཐར་ཕྱིན་ཀུན་དགའ་དཔལ། །གསོལ་བ༴ །མཁས་ཤིང་མཁས་པར་གྲགས་པ་ཆོས་རྒྱལ་དཔལ། །གྲུབ་ནས་གྲུབ་པའི་ལམ་སྟོན་འཁྲུལ་ཞིག་རྗེ། །རྒྱལ་སྲས་རྒྱལ་བའི་ཡབ་གཅིག་མཁྱེན་རབ་རྗེ། །གསོལ་བ༴ །བོད་ཡུལ་གྲུབ་པའི་གཙུག་རྒྱན་རྡོ་རིངས་པ། །རབ་འབྱམས་རྒྱལ་བ་ཀུན་

[Full Size]

དངོས་ཚར་པ་རྗེ། །སྙན་བརྒྱུད་བཀའ་བབས་འཛིན་པ་མཁྱེན་བརྩེའི་དབང་། །གསོལ་བ༴ །ཞེས་པ་ནི་འཇག་པ་ནས་བརྒྱུད་པ་དང་པོ་ཡིན་ལ། ཡང་ན་འཇག་ཆེན་སྐུའི་རྗེས་སུ། །ཕ་རྒོད་གྲུབ་པ་མཆོག་བརྙེས་བསོད་ནམས་བཟང་། །སྐལ་བཟང་སངས་རྒྱས་དང་པོ་རྡོ་རིངས་པ། །རིགས་བརྒྱའི་འཁོར་ལོས་སྒྱུར་བ་ཚར་པའི་ཞབས། །གསོལ་བ༴ །ཡང་ན་གཙང་མ་ཤངས་སྟོན་པའི་རྗེས་སུ། རྟོགས་པའི་དབང་ཕྱུག་མུས་ཆེན་རྒྱལ་མཚན་དཔལ། །གསོལ་བ༴ །དེ་སྲས་རྡོ་རྗེ་གཞོན་ནུ་གྲུབ་པའི་དབང་། །ཆོས་ཉིད་དོན་གཟིགས་ནམ་མཁའི་རྣལ་འབྱོར་པ། །འཁོར་ལོ་སྡོམ་པ་དཀོན་མཆོག་རྒྱལ་མཚན་ཞབས། །གསོལ་བ༴ །སྙན་བརྒྱུད་གདམས་པའི་གཏེར་མཛོད་སངས་རྒྱས་དཔལ། །བག་ཆགས་ལུས་ལ་དབང་ཐོབ་ཆོས་རྒྱལ་བཀྲ་ཤིས་མཚན། །གཉིས་འཛིན་

[Full Size]

འཁྲུལ་ཞིག་བྱམས་པ་ཤེར་བཟང་ཞབས། །གསོལ་བ༴ །རབ་འབྱམས་རྒྱལ་བ་ཀུན་དངོས་ཚར་པ་རྗེ། །སྙན་བརྒྱུད་བཀའ་བབས་འཛིན་པ་མཁྱེན་བརྩེའི་དབང་། །གྲུབ་གཉིས་མྱུར་སྩོལ་རྩ་བའི་བླ་མ་ལ། །གསོལ་བ༴ །ཞེས་པ་ནི་འཇག་ལུགས་ཀྱི་བཀའ་བབས་གསུམ་པ་ཡིན་ལ། བསམ་ལྡིང་པའི་གདན་རབ་ལྟར་ན། །ཆོས་རྗེ་སྟོན་པའི་རྗེས་སུ། མཁས་བཙུན་གྲུབ་པའི་ཁྱུ་མཆོག་གཞོན་ནུ་གྲུབ། །དེ་སྲས་གྲུབ་དབང་བྱང་ཆུབ་ཤེས་རབ་ཞབས། །གསོལ་བ༴ །ཡང་དགོན་རྒྱལ་བའི་རྣམ་འཕྲུལ་རྡོ་སྟོན་པ། །གསང་བདག་ཞལ་གཟིགས་བློ་གྲོས་རྒྱལ་མཚན་དང་། །ཟབ་ལམ་མཛོད་འཛིན་བློ་གྲོས་སེང་གེའི་ཞབས། །གསོལ་བ༴ །གཞོན་ནུ་བསོད་ནམས། སྤྲུལ་སྐུ་འགྲོ་བའི་དོན་མཛད་བསོད་ནམས་བློ། །འཇམ་དཔལ་ཁྲོས་པས་རྗེས་བཟུང་

[Full Size]

ཆོས་དཔལ་ཞབས། །ངེས་དོན་བསྟན་པའི་མངའ་བདག་འཁྲུལ་ཞིག་རྗེ། །གསོལ་བ༴ །ཉེ་བརྒྱུད་ནི་མཁས་གྲུབ་པའི་རྗེས་སུ། །ཐུགས་སྲས་གདམས་པའི་གཏེར་མཛོད་བསོད་ནམས་གྲགས། །དམ་ཅན་བྲན་ཁོལ་ཡོན་ཏན་མགོན་པོའི་ཞབས། །གསོལ་བ༴ །འཇམ་དཔལ་ཁྲོས་པས་རྗེས་བཟུང་ཆོས་དཔལ་ཞབས། །ངེས་དོན་བསྟན་པའི་མངའ་བདག་འཁྲུལ་ཞིག་རྗེ། །མཁྱེན་རབ་ཆོས་རྗེ་རྗེ་བཙུན་རྡོ་རིངས་པ། །གསོལ་བ༴ །ཕ་བླ་མ་མན་གོང་བཞིན། བདེ་ཆེན་པ་ནས་བརྒྱུད་པ་ལྟར་ན། མཁས་བཙུན་པའི་རྗེས་སུ། མཁས་གྲུབ་ཁྱུང་པོའི་རྣམ་འཕྲུལ་ཚུལ་ཁྲིམས་མགོན། །ལུང་རྟོགས་དབང་ཕྱུག་རི་ཁྲོད་རས་ཆེན་ཞབས། །གྲུབ་མཆོག་སྤྲུལ་སྐུ་སངས་རྒྱས་རྡོ་རྗེའི་ཞབས། །གསོལ་བ༴ །ཆོས་དྲུག་རྟོགས་པ་མཐར་ཕྱིན་ཐར་པ་སངས་རྒྱས་སེང་གེ་དཔལ་བཟང་། །

[Full Size]

ཕྱག་ཆེན་བདུད་རྩིས་མྱོས་པའི་སངས་རྒྱས་རྣམ་རྒྱལ་མཚན། །འབྲེལ་ཚད་དོན་ལྡན་ཕ་རྒོད་ཚར་པ་རྗེ། །གསོལ་བ༴ །གྲུབ་གཉིས་མྱུར་སྩོལ་རྒྱུད་སྡེ་ལྔ་ཡི་ལྷ། །བར་ཆད་ཀུན་སེལ་རྣམ་རྒྱལ་མྱུར་མཛད་ནག་པོ་ཆེ། །དག་སྣང་མཐར་ཕྱིན་རྡོ་རྗེ་མཆེད་ལྕམ་ལ། །གསོལ་བ༴ །དགོས་མེད་ཚེ་འདིའི་བྱ་བ་རྒྱབ་ཏུ་བོར། །བདག་འཛིན་གཉིས་སྣང་རྟོག་པས་མི་གཡེངས་བར། །དབང་བཞིས་རྒྱུད་སྨིན་ཟབ་མོའི་བྱིན་བརླབས་ཀྱིས། །རྒྱུད་སྦྱངས་དམ་ཚིག་ལྡན་པར་བྱིན་གྱིས་རློབས། །བསླུ་མེད་སྐྱབས་གནས་ཐུགས་རྗེའི་ཁོངས་སུ་ཚུད། །མ་རྒན་འགྲོ་ལ་བརྩེ་བས་སེམས་རྒྱུད་སྦྱངས། །བསྐྱེད་རིམས་ཟབ་མོའི་ཐ་མལ་སྣང་ཞེན་སྦྱངས། །དག་བྱེད་ལམ་མཆོག་འབྱོངས་པར་བྱིན་གྱིས་རློབས། །རང་བབ་གསུམ་གྱིས་སེམས་གྱི་གཞི་རྩ་ཆོད། །སྐྱོན་བཞི་ལས་གྲོལ་ཐ་

[Full Size]

མལ་ཤེས་པའི་དབྱིངས། །སྐུ་བཞི་རང་ཤར་བློ་འདས་ཕྱག་རྒྱ་ཆེ། །གནས་ལུགས་རང་ངོ་ཤེས་པར༴ །དོན་གྱི་ཕག་མོ་ཨ་ཐུང་ཙཎྜ་ལི། །རླུང་སྦྱོར་འཁྲུལ་འཁོར་སྦྱོར་བས་རབ་བསྐུལ་ཏེ། །ཧཾ་ཡིག་བདུད་རྩིས་མཆོད་པའི་དགའ་སྟོན་གྱིས། །བདེ་དྲོད་རྩོལ་མེད་འཆར་བར༴ །མཚན་ལྡན་བླ་མའི་མོས་གུས་འཁོར་ཡུག་ངང་། །ཅིར་སྣང་སྒྱུ་མར་ཤེས་པའི་ཏིང་འཛིན་མཆོག །སད་བཞི་སྤོང་སྟེ་རྩེ་གཅིག་སྒོམ་པའི་མཐུས། །བདེན་མེད་རང་གྲོལ་འཆར་བར། །འཕྱུགས་མེད་གནད་ཀྱིས་རང་སེམས་བསྲང་དུ་ཚུད། །མ་ཡེངས་དྲན་པས་ཉིན་མཚན་གཅིག་ཏུ་འདྲེས། །ཟིན་སྦྱངས་སྤེལ་སྤྲུལ་བསྒྱུར་བའི་ཐབས་མཁས་ཀྱིས། །ཉིང་འཁྲུལ་ལམ་དུ་ལོངས་པར༴ །མ་རིག་སྐྱོ་ཤས་ངེས་འབྱུང་ལྕག་གིས་བསྐུལ། །དུས་གནད་དམིགས་པས་གཟུང་འཛིན་འཆིང་བ་བཅད། །དམ་

[Full Size]

ཚིག་གྲོགས་ཀྱིས་གེགས་མེད་བོགས་ཐོན་ཏེ། །ཉམས་རྟོགས་འོད་གསལ་འཆར་བར༴ །ཚེ་འདིའི་ཆགས་ཞེན་འཁྲི་བ་རྦད་ཀྱིས་ཆོད། །གནད་གཅོད་ཟུག་རྔུའི་འཕྲང་ལས་རིང་དུ་བརྒལ། །མཁའ་སྤྱོད་དག་པའི་གནས་སུ་ཡུད་ཀྱིས་བགྲོད། །ཉེ་ལམ་འཕོ་བ་འབྱོངས་པར༴ །གལ་ཏེ་ལམ་གྱི་བར་དོ་ཤར་གྱུར་ན། །ཟབ་མོའི་ལམ་གྱིས་ཆགས་སྡང་མིག་སེར་སྦྱངས། །སྐུ་གསུམ་རང་ཤར་ཐག་ཆོད་གདེང་ཐོབ་ནས། །བདེ་ཆེན་ལོངས་སྐུ་ཐོབ་པར༴ །ཅིར་སྣང་འཁྲུལ་པའི་ཡོ་ལང་མ་ལུས་པ། །མོས་གུས་དག་སྣང་སྒྱུ་མའི་ལམ་ཁྱེར་གྱིས། །བླ་མ་ཡི་དམ་བདེན་མེད་རང་ཤར་ནས། །རྗེས་སྤྱོད་འཁྲུལ་པ་འཇིག་པར༴ །སྲས་བཅས་རྒྱལ་བའི་དགའ་མ་ཡིད་འོང་མ། །རྫས་སྔགས་མཆོད་པས་མཉེས་ནས་ཆེས་མྱུར་བར། །འཁྱུད་དང་ཙུམ་བྷའི་བདེ་བས་རོལ་

[Full Size]

བཞིན་དུ། །འཇའ་ལུས་མཁའ་སྤྱོད་ཐོབ་པར༴ །རང་སེམས་གསལ་སྟོང་ཟུང་འཇུག་གདོད་མའི་གཤིས། །འགག་མེད་ལྷ་སྐུ་རང་ཤར་སྒྱུ་མའི་གར། །ཟུང་འཇུག་བརྗོད་བྲལ་བློ་འདས་བདེ་ཆེན་དབྱིངས། །རང་སེམས་འཆི་མེད་རྟོགས་པར༴ །ཐུགས་རྗེས་ཁྲོས་པའི་ཟློས་གར་བདུད་ཀྱི་གཤེད། །དྲན་པས་འདོད་དགུའི་དཔལ་སྟེར་ཡིད་བཞིན་ནོར། །མྱུར་མཛད་འཁོར་བཅས་བྲན་དུ་འཁོལ་གྱུར་ཏེ། །གསང་ཆེན་བསྟན་པ་སྲུང་བར༴ །མདོར་ན་སྤྱི་བོར་བླ་མའི་ཅོད་པན་འཛིན། །ཟབ་ལམ་སྙན་བརྒྱུད་གདམས་པའི་དཔལ་གྱིས་ཕྱུག །གནས་གསུམ་མཁའ་འགྲོ་དམ་ཅན་བྲན་དུ་འཁོལ། །གྲུབ་གཉིས་འཁོར་ལོས་སྒྱུར་བར་བྱིན་གྱིས་རློབས། །སྐྱེ་དང་སྐྱེ་བར་རྡོ་རྗེ་ཐེག་པ་ཡི། །ཡང་སྙིང་སྙན་བརྒྱུད་གདམས་པའི་མཛོད་བཟུང་ནས། །ཇི་སྲིད་འཁོར་བའི་སེམས་ཅན་

[Full Size]

ཐམས་ཅད་ལ། །ཕན་བདེ་རྒྱ་ཆེར་སྤེལ་བར་བྱིན་གྱིས་རློབས། །ཅེས་བླ་མ་ཤངས་པའི་གསེར་ཆོས་རྣམ་པ་ལྔའི་བརྒྱུད་པ་རིན་པོ་ཆེ་ལ་གསོལ་བ་འདེབས་པ་ལམ་གྱི་རིམ་པའི་སྨོན་ལམ་དང་བཅས་པ་འདིའང་། མང་དུ་གསན་པ་རྒྱ་མཚོའི་མཐར་སོན་ནས་རྩེ་གཅིག་ཏུ་སྒྲུབ་པ་ལ་གཞོལ་ཞིང་། འཕགས་པ་ཐུགས་རྗེ་ཆེན་པོས་བྱིན་གྱིས་རླབས་དགེ་སློང་བཀྲ་ཤིས་དཔལ་བའི་གསུང་གིས་བསྐུལ་བའི་ངོར། ཕ་བླ་མ་ཚར་པ་ཆོས་རྗེའི་སྐུ་དྲིན་ལས་དཔལ་ལྡན་ཤངས་པ་བཀའ་བརྒྱུད་ཀྱི་སྙན་བརྒྱུད་འཛིན་པའི་བཙུན་པ་མཁྱེན་བརྩེའི་དབང་ཕྱུག་གིས་དཔལ་ཞ་ལུའི་གསེར་ཁང་གི་གཙུག་ལག་ཁང་དུ་སྦྱར་བ་བྱིན་རླབས་འཇུག་པ་གྱུར་ཅིག ༈ །ནི་གུའི་ཉམས་ལེན་གྱི་སྙིང་པོ་རྒྱུན་ཁྱེར་བཞུགས་སོ། །ན་མཿཤྲཱི་བཛྲ་གུ་ར་ཝེ། །འདིར་མཁས་གྲུབ་ཁྱུང་པོ་རྣལ་འབྱོར་

[Full Size]

ཤངས་པ་གདུ་བུ་བར་གྲགས་པ་དེ་ཉིད་རྒྱ་གར་དུ་ལན་གསུམ་བལ་པོར་ལན་བཞི་སྟེ། །རྒྱ་དང་བལ་པོའི་ཡུལ་དུ་ལན་བདུན་བྱོན་ནས། །མཁས་གྲུབ་ཀྱི་བླ་མ་བརྒྱ་དང་ལྔ་བཅུ། རྩ་བའི་བླ་མ་བཞི། འགྲན་གྱི་དོ་མེད་ཡེ་ཤེས་ཀྱི་མཁའ་འགྲོ་མ་རྣམ་པ་གཉིས་རིན་ཆེན་གསེར་གྱི་ཕྱེ་མ་དང་དཀའ་སྤྱད་མོས་གུས་ཀྱིས་མཉེས་པར་བྱས་ནས། གདམས་པ་རྒྱ་མཚོ་ལྟ་བུ་སྤྱན་དྲངས་པའི་ཉིང་ཁུ་ནི། རྩ་བ་ཕྱག་རྒྱ་ཆེན་པོ། སྡོང་པོ་ནི་གུའི་ཆོས་དྲུག །ཡལ་ག་ལམ་ཁྱེར་རྣམ་གསུམ། མེ་ཏོག་མཁའ་སྤྱོད་དཀར་དམར། འབྲས་བུ་འཆི་མེད་རང་གྲོལ་རྣམས་ཡིན། །དེའི་དང་པོ་ཕྱག་རྒྱ་ཆེན་པོ་རང་བབས་གསུམ་པའམ། མཁས་གྲུབ་ཁྱུང་པོས་གདམས་པ་འདི་ལ་ཤིན་ཏུ་ཐུགས་ཙིས་ཆེ་བས་གདམས་པ་རྣམས་ཏ་ལའི་ལོ་མ་ལ་བྲིས་ཏེ། བལ་པོའི་གའུ་སྙིང་འདྲ་བ་ཅིག་ཏུ་བཅུག་ནས་

[Full Size]

སྐུའི་དྲོད་དང་མ་བྲལ་བར་བཅངས་པས་ཕྱག་རྒྱ་ཆེན་པོ་གའུ་མ་ཞེས་ཡོངས་སུ་གྲགས་པ་འདིའི་རྒྱུན་གྱི་ཉམས་ལེན་ནི་སྟན་བདེ་བ་ལ་རྣམ་སྣང་གི་ཆོས་བདུན་དང་ལྡན་པས་འདུག་སྟེ། ནམ་མཁའི་ཁམས་ཐམས་ཅད་རྩ་བརྒྱུད་ཀྱི་བླ་མ་ཡི་དམ་སངས་རྒྱས་བྱང་སེམས་སྐྱབས་གནས་དཀོན་མཆོག་ཐམས་ཅད་ཀྱིས་གང་བར་བསམ། དེ་རྣམས་ལ་བདག་དང་སེམས་ཅན་ཐམས་ཅད་སྐྱབས་མགོན་ཞུ་བའི་བསམ་པས། ངག་ཏུ། བདག་དང་འགྲོ་བ་ཁམས་གསུམ་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་དུས་འདི་ནས་བཟུང་སྟེ་ཇི་སྲིད་བྱང་ཆུབ་སྙིང་པོ་ལ་མཆིས་ཀྱི་བར་དུ་བླ་མ་ལ། སངས་རྒྱས་ལ། ཆོས་ལ། དགེ་འདུན་ལ་སྐྱབས་སུ་མཆིའོ། །ཞེས་ཅི་ནུས་བརྗོད། སེམས་ཅན་ཐམས་ཅད་ཀྱི་དོན་

[Full Size]

དུ། སངས་རྒྱས་ཀྱི་གོ་འཕང་ཐོབ་པར་བྱ། དེའི་ཆེད་དུ་ལམ་ཟབ་མོ་ཉམས་སུ་བླང་བར་བགྱིའོ། །ཞེས་ལན་གསུམ་བརྗོད། རང་ཉིད་སྐད་ཅིག་གིས་དཔལ་འཁོར་ལོ་སྡོམ་པ་སྐུ་མདོག་སྔོན་པོ་ཞལ་གཅིག་ཕྱག་གཉིས་ཀྱིས་རྡོ་རྗེ་དང་དྲིལ་བུ་འཛིན་པས་ཡུམ་ལ་འཁྱུད་པ། རྒྱན་ཆ་ལུགས་ཡོངས་སུ་རྫོགས་པ་ཞིག་ཏུ་ལམ་གྱིས་བསྒོམ་པའི་མདུན་གྱི་ནམ་མཁར་སེང་གེས་བཏེགས་པའི་རིན་པོ་ཆེའི་ཁྲི་སྣ་ཚོགས་པདྨ་དང་ཉི་མ་ཟླ་བའི་གདན་ལ། རང་གི་རྩ་བའི་བླ་མ་སྐུའི་རྣམ་པ་ཇི་ལྟ་བ་དགེས་པའི་ཞལ་འཛུམ་བག་དང་ལྡན་པ། མཚན་ཐོས་པ་ཙམ་གྱིས་ཕྱིར་མི་ལྡོག་པའི་ས་སྩོལ་ན་གསོལ་བ་བཏབ་ན་སྨོས་མི་དགོས་པ་དེའི་ཐུགས་ཀ་ནས་འོད་འཕྲོས་ཕྱོགས་བཅུའི་བླ་མ་ཡི་དམ་སྐྱབས་གནས་དཀོན་མཆོག་ཐམས་ཅད་སྤྱན་དྲངས་གཉིས་སུ་མེད་པར་ཐིམ་པས་

[Full Size]

སྐྱབས་གནས་ཀུན་འདུས་སུ་བསམ་ལ། སྙིང་དཀྱིལ་རུས་པའི་ཁོང་ནས། བླ་མ་སངས་རྒྱས་རིན་པོ་ཆེ་ལ་སྐྱབས་སུ་མཆིའོ། །བླ་མ་རིན་པོ་ཆེ་བདག་གི་སེམས་ཅན་ཐམས་ཅད་ཀྱི་དོན་དུ་བདག་འཛིན་བློས་ཐོངས་པར། དགོས་མེད་རྒྱུད་ལ་སྐྱེ་བར། སྒྱུ་ལུས་རྨི་ལམ་འབྱོངས་པར། འོད་གསལ་ཕྱག་རྒྱ་ཆེན་པོ་ད་ལྟ་ཉིད་དུ། མྱུར་བ་ཉིད་དུ། གདན་ཐོག་འདི་ཉིད་དུ་རྟོགས་པར་བྱིན་གྱིས་བརླབ་ཏུ་གསོལ། །ཞེས་ལན་བརྒྱ་སྟོང་གི་བར་དུ་བརྗོད། དེའི་ཚེ་སེམས་ཅན་ཐམས་ཅད་ཀྱང་གསོལ་བ་འདེབས། སྣོད་བཅུད་བརྟན་གཡོ་ཐམས་ཅད་ཀྱང་ཚུགས་མི་ཐུབ་པར་གཡོན་བསྐོར་དུ་བསྐོར་ཞིང་གསོལ་འདེབས་ཀྱི་སྒྲ་འུ་རུ་རུ་སྒྲོག་པར་བསམ་ལ་ལུས་སེམས་དུས་མ་ཆད་ཀྱི་བར་དུ་གསོལ་བ་འདེབས། སྤྲོ་ན་བརྒྱུད་པའི་གསོལ་འདེབས་ཀྱང་བྱ།

[Full Size]

མཐར་བླ་མའི་སྐུ་ལས་བདུད་རྩིའི་རྒྱུན་སྐྱ་ཆི་ལི་ལི་བབས། ལུས་ཐམས་ཅད་ཁེངས། དབང་བཞི་རྫོགས་པར་ཐོབ། བླ་མ་འོད་དུ་ཞུ་རང་ལ་ཐིམ་པས་བླ་མའི་སྐུ་གསུང་ཐུགས་དང་རང་གི་ལུས་ངག་ཡིད་གསུམ་དབྱེར་མེད་དུ་འདྲེས་སོང་སྙམ་དུ་རྟོགས་པ་རགས་པ་མ་ཞི་བར་ཧྲིལ་གྱིས་སྒྲིམ། དེ་ནས་དེ་ཙམ་དུའང་མི་འཛིན་པར་རང་བབས་སུ་ཆད་དེ་འཇོག །དེ་ལྟར་བཞག་པའི་ཚེ་ན། སེམས་ཀྱི་གསལ་བ་མདངས་མ་འགགས་པར་སྣ་ཚོགས་སུ་འཆར་བ་ནི། བླ་མ་སྤྲུལ་པའི་སྐུ། གསལ་བ་དེའི་ངོ་བོ་ལ་བལྟས་པས་གང་དུའང་མ་གྲུབ་ཅིང་བཙལ་བས་མ་རྙེད་པའི་སྟོང་སང་ངེ་བ་ནི་བླ་མ་ཆོས་སྐུ། སྟོང་པ་འཚོལ་མཁན་ནི་གསལ་བ། གསལ་བ་བརྩལ་བས་མ་རྙེད་པ་ནི་སྟོང་པ་དེ་གཉིས་མེ་དང་མེའི་ཚ་བ་བཞིན་དབྱེར་མེད་པའི་ཟུང་འཇུག་ནི་བླ་མ་ལོངས་སྐུ། དེ་

[Full Size]

ལྟ་བུའི་དོན་ཉམས་སུ་མྱོང་དུ་ཡོད་ལ། འདིའོ་ཞེས་བརྗོད་མི་ཤེས་པའི་བརྗོད་བྲལ་བློ་འདས་ནི། བླ་མ་ངོ་བོ་ཉིད་ཀྱི་སྐུ་སྟེ། སེམས་རིག་པ་སྐད་ཅིག་མ་གཅིག་ཉིད་བླ་མ་སྐུ་བཞིའི་ངོ་བོར་བཞུགས་པར་རང་ངོ་ཤེས་པར་བྱས་ལ་འཛིན་མེད་དུ་བསྐྱངས། རྣམ་རྟོག་ཐོལ་སྐྱེས་བྱུང་ན་རྗེས་སུ་འབྲང་བའི་འོག་འགྱུ་རྒྱ་འབྱམས་ལ་མི་གཏོང་། སྤོང་ཡང་མི་སྤོང་། རྣམ་རྟོག་ཁོ་རང་གི་སྟེང་དུ་ཆད་དེ་བཞག་པས་བརྗོད་བྲལ་བློ་འདས་སུ་ཤིག་གེ་སོང་བ་སྐུ་བཞིའི་རང་ཞལ་མཇལ་བ་ཡིན་པས་དེ་ཁོ་ན་རྒྱུན་བསྐྱངས། རང་སེམས་བླ་མ་སྐུ་བཞིར་བཞུགས་པ་ངོ་ཤེས་པས་ཉེ་དྲགས་ངོ་མ་ཤེས་པའི་སྐྱོན་ལས་གྲོལ། སེམས་དེ་ཉིད་སྐུ་བཞིའི་ངོ་བོར་བཞུགས་པ་ལུང་རིག་མན་ངག་གིས་ངེས་ཤེས་སྐྱེས་པས་བཟང་དྲགས་བློར་མ་ཆུད་པའི་སྐྱོན་ལས་གྲོལ། བཞག་ཐབས་དང་

[Full Size]

རང་བབ་གསུམ་ལ་བརྟེན་ནས། གནས་ལུགས་ཀྱི་རང་ངོ་སྤྲིན་བར་གྱི་ཉི་ཤར་བཞིན་རྗེན་ལྷང་གིས་མཐོང་བས་ཟབ་དྲགས་ངོས་མ་ཟིན་པའི་སྐྱོན་ལས་གྲོལ། བརྗོད་བྲལ་བློ་འདས་དེ་བླ་མའི་མན་ངག་གིས་རང་ངོ་ཤེས། ཐག་ཆོད་ངེས་ཤེས་སྐྱེས་པས་སླ་དྲགས་ཡིད་མ་ཆེས་པའི་སྐྱོན་ལས་གྲོལ་བ་བྱས་ཏེ་དུས་ཐམས་ཅད་དུ་རྟོག་པ་གང་ཤར་གྱི་ངོ་བོ་ལ་འཛིན་མེད་ཆེས་ཆེར་བལྟ་ཞིང་འཇོག །དེའི་ཚེ་བྱིང་འཐིབ་ན་ལུས་སེམས་ཧུར་ཕྱུང་། ལྟ་སྟངས་སོར་བཅུ་དྲུག་ཙམ་གྱི་ནམ་མཁའ་ལ་གཏད་རྒོད་ཅིང་འཕྲོ་ན་ལུས་སེམས་ཁོང་གློད། ལྟ་སྟངས་མདུན་གྱི་ས་ལ་ཕབ་ནས་སྤང་སྨད་རང་བབས་སུ་འདུག་ནས། ཐད་ཀར་ལྟ་བ་ནི་གེགས་སེལ་ཡིན། མཉམ་བཞག་དེ་ལས་ལངས་ནས། རྗེས་ཐོབ་ཐམས་ཅད་དུ་ཚོགས་དྲུག་གི་སྣང་བ་གང་ཤར་ཀྱང་སྤུ་རིས་མི་འབྱེད།

[Full Size]

གང་ཤར་དེ་ཐོག་ཏུ་འཛིན་པ་མ་ཞུགས་པ་བྱས། ཆམ་ཆམ་འཇོག །རྟོག་པ་གང་སྐྱེས་ཀྱང་དེ་ཀའི་ངོ་བོ་ལ་བལྟ་ཞིང་། འཛིན་མེད་དུ་སྐྱོང་བ་ནི་རྗེས་ཐོབ་སྣང་བ་ལམ་བྱེད་དང་། རྟོག་པ་ལམ་བྱེད་ཀྱི་ཉམས་ལེན་ཡིན་པས། དུས་རྒྱུན་དུ་མ་ཡེངས་དྲན་པའི་རྒྱལ་པོ་དང་བཅས་ཏེ་ཉམས་སུ་བླང་བར་བྱའོ། །གཉིས་པ་སྡོང་པོ་ནི་གུ་ཆོས་དྲུག་གི་ཉམས་ལེན་གྱི་སྙིང་པོ་རྒྱུན་ཁྱེར་ནི་ཐོ་རངས་ཀྱི་ཐུན་ལ་སྐྱབས་འགྲོ་སེམས་སྐྱེད་གོང་ལྟར་དང་། རང་ཐ་མལ་པའི་མདུན་གྱི་ནམ་མཁར་བླ་མ་གོང་བཞིན་བསམ་ལ། བླ་མ་རིན་པོ་ཆེ་བདག་གི་སྡིག་སྒྲིབ་དག་པར་མཛད་དུ་གསོལ། །ནད་གདོན་བར་ཆད་ཐམས་ཅད་ཞི་བར༴ །ཏིང་ངེ་འཛིན་ཁྱད་པར་ཅན་རྒྱུད་ལ་སྐྱེ་བར་མཛད་དུ་གསོལ། །ཞེས་གསོལ་བ་ཅི་ནུས་བཏབ། བླ་མ་འོད་དུ་ཞུ་རང་ལ་ཐིམ། རང་

[Full Size]

གི་མགོ་བོའི་ནང་དུ་ཆོས་འབྱུང་དཀར་པོ་ཕྱི་གསལ་ནང་གསལ་འོད་ཀྱི་རང་བཞིན་ཟུར་གསུམ་པ། རྩ་བ་ཕྲ་བ་ལྕེ་ཆུང་ལ་ཟུག་པ། གདེང་ཁ་ཆེ་བ་མགོ་བོའི་སྟེང་དུ་སླེབས་པ། ཟུར་གཅིག་སྨིན་ཕྲག །ཟུར་གཉིས་རྣ་ལྟག་གཉིས་སུ་ཟུག་པའི་ནང་དུ་ཨ་དཀར་པོ་འོད་ཀྱི་རང་བཞིན་གཅིག་བསམ། དེ་ལ་སེམས་གཏད་དེ་ངག་ཏུ་ཨ་ཨ་ཞེས་དྲངས་པས་ཨ་ལས་བདུད་རྩི་དཀར་པོ་སྐྱ་ཆིལ་ཆིལ་བབས། ཆོས་འབྱུང་གི་ནང་ཐམས་ཅད་མེར་གྱིས་ཁེངས། རྩ་བ་ནས་རྡོལ་བ་ལྟ་བུའི་ཚུལ་དུ་བབས། ལུས་ཀྱི་ནང་ཐམས་ཅད་ཁེངས་པས་ནད་གདོན་སྡིག་སྒྲིབ་དཀོར་སྐུ་གླུད་ཐམས་ཅད་ནག་འདུ་རུ་རུ་ཕྱིར་བུད། བུད་མ་ཐག་ནམ་མཁའ་ལ་དུ་བ་ཡལ་བ་བཞིན་རྗེས་མེད་དུ་སངས་སངས་སོང་། འོ་མའི་ཐབ་ཀ་ལུད་པ་བཞིན་ཆོས་འབྱུང་གི་ཁ་ནས་ཕྱིར་ལུད། ལུས་ཀྱི་ཕྱི་ནང་ཐམས་

[Full Size]

ཅད་བཀྲུས་པས་འཁོན་གྲིབ་མི་གཙང་བ་ཐམས་ཅད་སངས་སངས་དག་པར་བསམ་ལ། ཨ་བརྒྱ་སྟོང་ཅི་ནུས་བཟླས། མཐར་ཆོས་འབྱུང་ཨ་དང་བཅས་པ་འོད་དུ་ཞུ་ནས་རང་ལ་ཐིམ་པར་བསམ། དེའི་ངང་དུ་རང་གི་སྤྱི་བོར་བླ་མ་གོང་བཞིན་བསམ་ལ། བླ་མ་རིན་པོ་ཆེ་བདག་ལ་བདེ་དྲོད་ཀྱི་ཏིང་ངེ་འཛིན་ཁྱད་པར་ཅན་རྒྱུད་ལ་སྐྱེ་བར། བདག་ལ་བདེ་སྟོང་གི་ཏིང་ངེ་འཛིན་ཁྱད་པར་ཅན་རྒྱུད་ལ་སྐྱེ་བར་བྱིན་གྱིས་བརླབ་ཏུ་གསོལ། །ཅེས་བརྗོད་པའི་མཐར་བླ་མ་འོད་དུ་ཞུ་རང་ལ་ཐིམ་པའི་རྐྱེན་གྱིས་རང་ཉིད་སྐད་ཅིག་གིས་རྡོ་རྗེ་རྣལ་འབྱོར་མ་སྐུ་མདོག་དམར་མོ་ཞལ་གཅིག་ཕྱག་གཉིས་མ། གྲི་གུག་དང་ཐོད་པ་འཛིན་པ། གར་སྟབས་སུ་བཞུགས་པ་ཅིག་ཏུ་ལམ་གྱིས་བསམ། དེའི་སྐུ་ལུས་ཀྱི་ནང་ཐམས་ཅད་མེ་མ་མུར་གྱི་འོབ་ལྟ་བུ་དམར་དེང་ངེ་བ་དེའི་ལྟེ་འོག་

[Full Size]

སོར་བཞིར་ཉི་མའི་དཀྱིལ་འཁོར་མེ་ལོང་ཆུང་ངུ་ཙམ་དམར་སེར་འོད་ཀྱི་རང་བཞིན། དེའི་སྟེང་དུ་རྩ་བའི་བླ་མ་མེའི་རང་བཞིན་སངས་རྒྱས་འོད་དཔག་མེད་ཀྱི་རྣམ་པ་ཅན་ལྕགས་གོང་མེར་བསྲེགས་པ་ལྟ་བུ་དྲོད་ཀྱི་རང་བཞིན་ཅིག་སྒོམ། དེ་ལ་མོས་གུས་གདུང་པ་ཅིག་བྱས་པས། བླ་མའི་སྐུ་ལས་འོད་སྤོས་རིང་གེ་དུ་བ་ལྟ་བུ་ཞིག་སྐྱ་ནར་གྱིས་གྱེན་དུ་སོང་། སྤྱི་བོ་ཚངས་པའི་བུ་ག་རྒྱ་མཐོང་ཁ་ཕྱེ་བ་ལྟ་བུ་ནས་ཐོན། འོད་དེ་ཕྱོགས་ཐམས་ཅད་དུ་འཕྲོས་པས། སངས་རྒྱས་རྡོ་རྗེ་འཆང་ནས། མཁན་ཆེན་ཐམས་ཅད་མཁྱེན་པའི་བར་གྱི་བླ་མ་ཐམས་ཅད་སྤྲིན་འཐིབས་པ་བཞིན་བཞུགས་པར་བསམ། ཡང་ལྟེ་བའི་བླ་མ་ལས་འོད་ཁ་དོག་སྣ་ཚོགས་འཕྲོས། སྤྱི་བོ་ཚངས་པའི་བུ་ག་ནས་ཐོགས་མེད་དུ་སོང་བའི་སྣེ་ལ་ཕྱི་ནང་གསང་བ་དེ་ཁོ་ན་ཉིད་ཀྱི་མཆོད་པ་བསམ་གྱིས་མི་ཁྱབ་

[Full Size]

པ་འཕྲོས། ནམ་མཁའ་གང་བར་བཞུགས་པའི་བླ་མ་རྣམས་ལ་ཕུལ་བས། བཟང་ལན་གྱི་ཚུལ་དུ་སྐུ་ལས་བདུད་རྩི་ཁ་དོག་དམར་སེར་བཅུད་ཀྱི་རང་བཞིན་དཔག་ཏུ་མེད་པ་ཆར་བཞིན་ཏུ་བབས། རང་གི་སྤྱི་བོ་ནས་ཞུགས། ལྟེ་བའི་བླ་མའི་སྐུ་ལ་ཕོག་པས་མེ་ལ་མར་བླུགས་པ་བཞིན་ཚེག་སྒྲ་དང་བཅས་མེ་དམར་ཧུར་གྱིས་འབར། ལུས་ཀྱི་ནང་ཐམས་ཅད་མེར་གྱིས་ཁེངས་པ་ལ་སེམས་གཏད། རླུང་བུམ་པ་ཅན་ཅི་ཐུབ་འཛིན་པ་ལན་བདུན་ཙམ་མམ། ཡང་ན། རླུང་མི་འཛིན་པར་ལྟེ་བའི་བླ་མ་ལ་མོས་གུས་ཀྱི་གདུང་བ་དྲག་ཏུ་བྱས་པ་ཉིད་ཀྱིས་དྲོད་སྐྱེ་བ་ལ་ཐེ་ཚོམ་མེད་དེ། འདི་ནི་གཏུམ་མོ་ཐམས་ཅད་ཀྱི་མཐར་ཐུག་པ་བླ་མའི་གཏུམ་མོའོ། །དགོངས་མོའི་ཐུན་ལ། སྐྱབས་འགྲོ་སེམས་བསྐྱེད་སྔོན་དུ་བཏང་བའི་ང་མྱུར་དུ་འཆི་ཤི་ཙ་ན་དམ་པའི་ཆོས་

[Full Size]

མིན་པ་སུས་ཀྱང་ཕན་པར་མི་འདུག་པས། བླ་མ་ལ་གསོལ་བ་འདེབས་སོ་སྙམ་དུ་སྐྱོ་ཤས་དྲག་པོ་གདུངས་ཀྱིས་བྱས་ལ། རང་འཁོར་ལོ་སྡོམ་པ་ལྷན་ཅིག་སྐྱེས་པ་སྣང་བ་གཟུགས་སུ་གྲུབ་ལ་རེག་པ་གཟུགས་སུ་མ་གྲུབ་པ་མེ་ལོང་ནང་གི་གཟུགས་བརྙན་ལྟ་བུར་ལམ་གྱིས་གསལ་བའི་མདུན་གྱི་ནམ་མཁར་སེང་གེས་བཏེགས་པའི་རིན་པོ་ཆེའི་ཁྲི་པདྨ་དང་ཉི་ཟླའི་གདན་ལ་བླ་མ་མངོན་སུམ་བཞིན་ཏུ་བཞུགས་པར་བསམ་ལ། རིགས་དྲུག་བར་དོ་དང་བཅས་པའི་སེམས་ཅན་ཐམས་ཅད་མགྲིན་གཅིག་ཏུ་གསོལ་བ་འདེབས་པར་བསམ་ལ། བླ་མ་རིན་པོ་ཆེས་བདག་གིས་སེམས་ཅན་ཐམས་ཅད་ཀྱི་དོན་དུ། བདག་འཛིན་བློ་ཡིས་ཐོངས་བར། དགོས་མེད་རྒྱུད་ལ་སྐྱེ་བར། སྒྱུ་ལུས་རྨི་ལམ་འབྱོངས་པར། འོད་གསལ་ཕྱག་ཆེན་རྟོགས་པར། ཞེས་ལན་བརྒྱ་ཕྲག་མང་

[Full Size]

པོར་གསོལ་བ་བཏབ། བླ་མ་འོད་དུ་ཞུ། རང་ལ་ཐིམ། རང་གི་ལྟེ་འོག་སོར་བཞིར་ཆོས་འབྱུང་གྲུ་གསུམ་ཕྱི་དཀར་ལ་ནང་དམར་བ། རྩ་བ་ཕྲ་བ་ཐུར་དུ་ཟུག་པ། གདེངས་ཀ་ཆེ་བ་གྱེན་དུ་ཕྱོགས་པ་ལྟེ་འོག་སོར་བཞིར་སླེབས་པ་འོད་ཀྱི་རང་བཞིན་ཅན། དེའི་ནང་དུ་རིགས་དྲུག་གི་སེམས་ཅན་ཐམས་ཅད་ཁྲ་ཤིག་ཤིག །གུ་དིར་དིར་ཡོད་པར་བསམ་སྟེ། རྐང་པ་གཉིས་བསྣོལ། ལག་པ་གཉིས་སྦོ་ཤ་སོ་སོ་ལ་འཇུས་ཏེ་གྲུ་མོ་པུས་མོའི་ཁར་བཞག་པའི་ལུས་གནད་བཅའ། སྟེང་རླུང་རང་སོར་བཞག །འོག་རླུང་ཅུང་ཟད་འཐེན་ལ། སེམས་གཞན་ཏུ་མ་ཡེངས་པར་རིགས་དྲུག་གི་སྣང་བ་འདི་ཐམས་ཅད་རྨི་ལམ་ཡིན། སྒྱུ་མ་ཡིན། སྣང་ནི་སྣང་། བདེན་ནི་མི་བདེན་སྙམ་དུ་རྨི་ལམ་སྒྱུ་མའི་དྲན་འདུན་དྲག་པོ་ཡུན་རིང་བ་བཏང་།

[Full Size]

མཐར་ཐམས་ཅད་འཇའ་ཡལ་བ་བཞིན་སོང་བར་བསམ། འདི་ཅིག་པུས་རྨི་ལམ་ཟིན་སྤེལ་ཐམས་ཅད་འབྱུང་མོད། ཆད་དུ་ཟིན་པར་འདོད་ན། ཉལ་ཁར་བླ་མའི་རྣལ་འབྱོར་སྔར་བཞིན་སྒོམ། རང་བདེ་མཆོག་ཏུ་གསལ་བའི་སྨིན་མཚམས་ཀྱི་ཧཾ་ལས་ཐིག་ལེ་དཀར་པོ་ཅིག་ཆད་སྙིང་གར་སླེབ་པ། གསང་གནས་ཀྱི་ཨ་ལས་ཐིག་ལེ་དམར་པོ་ཆད་སྙིང་གར་སླེབ་དཀར་པོ་འཕྲོས། དམར་པོས་དེད་པའི་ཚུལ་དུ་འབྲོས་འདེད་ལ་སེམས་གཏད་ལ་རྨི་ལམ་སྒྱུ་མའི་དྲན་འདུན་དྲག་ཏུ་བཏང་། ཐིག་ལེ་གཉིས་གཅིག་ལ་གཅིག་རེག་ཙམ་བྱེད་པ་སེམས་གཏད། རྨི་ལམ་གྱི་འདུན་པ་བྱ། ཐིག་ལེ་གཉིས་གཅིག་ཏུ་འདྲེས་ནས། ཐིག་ལེ་དམར་སྐྱ་ཧྲིལ་ལི་གནས་པ་ལ་སེམས་གཏད། རྨི་ལམ་གྱི་འདུན་པ་བཏང་། དེ་ནས་ཐིག་ལེ་དེ་ཡལ་གྱིས་སོང་ནས་སྟོང་པར་བསམ་ལ་དེའི་

[Full Size]

ངང་དུ་སེམས་མ་ཡེངས་པར་བྱས་གཉིད་ལོག་པས་མི་ཟིན་མི་སྲིད། ཟིན་མ་ཐག་སད་ན་མིག་མི་འབྱེད་པར་ཙུམ། རྨི་ལམ་གྱི་འདུན་པ་བྱས་འོག་རླུང་འཐེན་ཙམ་བྱས་པས་རྨི་ལམ་མུ་འབྱོར་བར་འགྱུར་རོ། །འཕོ་བ་སྒོམ་པར་འདོད་ན། བླ་མའི་རྣལ་འབྱོར་སྔར་བཞིན་སྒོམ། བདག་འཛིན་བློས་ཐོངས་པར། དགོས་མེད་རྒྱུད་ལ་སྐྱེ་བར། ལམ་མཆོག་འཕོ་བ་འབྱོངས་བར་མཛད་དུ་གསོལ། ཞེས་གསོལ་བ་བཏབ། རང་གི་ལུས་ཀྱི་དབུས་དྲང་པོར་རྩ་དབུ་མ་དཀར་གསལ་ཡས་སྣེ་ཇེ་སྦོམ་རྒྱ་གླིང་གི་བཤང་ཁ་ལྟ་བུ་སྤྱི་བོ་ཚངས་པའི་བུ་ག་ལ་ཟུག་པ། རྒྱ་མཐོང་ཕྱེ་བ་ལྟ་བུ་སྐྱ་ཧ་རེ་བ་མར་སྣ་མདའ་སྨྱུག་འབྲིང་པོ་ཙམ་ལྟེ་འོག་སོར་བཞིར་ཆོས་འབྱུང་གྲུ་གསུམ་དཀར་པོའི་ནང་དུ་ཟུག་པ། དེའི་ནང་དུ་རང་སེམས་ཨ་དཀར་པོ་འོད་ཀྱི་རང་

[Full Size]

བཞིན་བྱ་རྒོད་ལྟར་རང་རླུང་གིས་སེམས་ཡེམ་ཡེམ་འཕུར་ལ་ཁད་ཡོད་པར་བསམ་ལ། འོག་རླུང་དྲག་ཏུ་འཐེན། ལྟེ་འོག་རྒལ་པ་ལ་ཆར་གྱི་སྦྱོར་བ་དང་མཉམ་དུ། ཕཊ་དམ། ཧིཀ་དྲག་པོ་བརྗོད་པས་ཆོས་འབྱུང་ཁ་ལྟ་བ་ནས་ཨ་དེ་རྒྱངས་ཏེ་དབུ་མ་ནས་དོན། ཚངས་བུག་ནས་ཐོགས་མེད་དུ་སོང་ནམ་མཁའ་ལ་འཇའ་ཡལ་བ་ལྟར་བསམ་ལ་རིག་པ་བརྗོད་མེད་དུ་བཞག །ཡང་ཨ་མར་བབས་ལྟེ་བར་གནས་པ་ལ་སེམས་གཏད། ཡང་འོག་རླུང་འཐེན་པ་སོགས་གོང་ལྟར་ལན་བདུན་ནམ། ཉེར་གཅིག་སོགས་གོང་བཞིན་བྱས་པའི་རྗེས་མ་ལ་ཨ་ལྟེ་བར་བབས། འཆི་མེད་ཀྱི་བདུད་རྩིར་ལྟེམ་གྱི་ཞུ་བས་ལུས་ཐམས་ཅད་ཁེངས། སྤྱི་བོ་སྣ་ཚོགས་རྡོ་རྗེས་བཀག་པར་བསམ་ལ་རླུང་བུམ་པ་ཅན་གསུམ་ཙམ་འཛིན། དེ་ལྟ་བུའི་ཚུལ་གྱིས་རབ་སྤྱི་བོ་རྡོལ་བ། འབྲིང་

[Full Size]

ཁྲག་འཛག་པ་ལྟ་བུ་མ་བྱུང་གི་བར་དུ་སྦྱངས། རྟགས་བྱུང་ནས་མ་བརྗེད་པ་ཙམ་ལས་ཆེད་དུ་སྒོམ་མི་དགོས། ནམ་ཞིག་འཆི་རྟགས་ཐམས་ཅད་ཚང་ནས་ཟློག་མི་ཐུབ་པ་དེའི་ཚེ། དངོས་པོ་གང་ལའང་ཆགས་ཞེན་མེད་པར་བྱས་ལ། བླ་མའི་རྣལ་འབྱོར་ནས་བཟུང་སྟེ་ཕཊ་འདེབས་པའི་བར་གོང་བཞིན་ལ། རང་སེམས་ཨ་དཀར་པོར་གསལ་བ་དེ་སྤྱི་བོ་ཚངས་པའི་བུ་ག་ནས་ཐོགས་མེད་དུ་ཡུད་ཀྱིས་ཐོན། ནམ་མཁའི་མཐོངས་སུ་འཇའ་ཡལ་བ་ལྟར་བསམ་ལ། སེམས་སྟོང་ཉིད་དུ་བཞག་པས་འཕོ་བར་འགྱུར་ཏེ། འཕོ་བ་ཡེ་ཤེས་སྐར་ཁུང་མ་ཞེས་བྱ་བ་བླ་མ་ཁྱུང་པོའི་ཁྱད་ཆོས་རྟགས་ཐོན་པའི་གདམས་པའོ། །དེ་ལྟར་ན་གསང་སྔགས་རྡོ་རྗེ་ཐེག་པའི་ལམ་གྱི་རྩ་བ་བདེ་སྟོང་གཉིས་མེད་ཀྱི་ཡེ་ཤེས་ཡིན་ལ། དེས་གཏུམ་མོ་སྐྱེ་བའི་ཕྱིར་གཏུམ་

[Full Size]

མོ་ལམ་གྱི་གཞུང་ཤིང་ངམ། རྨང་རྡོ་ལྟ་བུ། སྣང་བ་ཐམས་ཅད་བདེན་མེད་དུ་གཏན་ལ་འབེབས་པ་ལམ་ཐམས་ཅད་ཀྱི་བོགས་འབྱིན་ཡིན་པས་སྒྱུ་ལུས་ལམ་གྱི་བོགས་འབྱིན། ད་ལྟར་གྱི་དགེ་སྦྱོར་བར་དོར་ཟིན་མི་ཟིན་གྱི་ཚོད་རྨི་ལམ་གྱིས་ཟིན་པས་རྨི་ལམ་ལམ་གྱི་ཚོད་འཛིན། གལ་ཏེ་ལམ་གོང་མ་གསུམ་པོ་དེ་ལ་ཉམས་ལེན་ཞན་པས་ཚེ་འདིར་གྲུབ་མཐའ་མ་སྙོགས་ན། འཆི་ཁར་བཙན་ས་འཛིན་པའི་ཐབས་སུ་འཕོ་བ་ལམ་གྱི་སྐྱེལ་མ། དེ་ཡང་ངེས་ཤེས་མ་བྱུང་ན་བར་དོར་རབ་འབྲིང་ཐ་གསུམ་གང་འོས་ལ་གནད་དུ་བཏང་ནས་གྲུབ་མཐའ་སྙོགས་དགོས་པས། བར་དོ་ལམ་གྱི་འཐུད་མ། ཆོས་ཐམས་ཅད་ཀྱི་མཐར་ཐུག་གི་སྐྱེལ་གསོ་འོད་གསལ་ཆོས་ཀྱི་དབྱིངས་སུ་བྱེད་དགོས་པ། འོད་གསལ་ལམ་གྱི་མཐར་ཐུག་ཏེ་རྡོ་རྗེ་ཐེག་པའི་ལམ་ཐམས་ཅད་དྲུག་པོ་འདིར་

[Full Size]

མ་འདུས་པ་གང་ཡང་མེད་པས་ཉམས་ལེན་ལ་བརྩོན་པར་བྱའོ། །ཅེས་དགེ་བའི་བཤེས་གཉེན་རིན་ཆེན་བསོད་ནམས་མགོན་པོས་ཚོགས་ཀྱི་འཁོར་ལོ་དང་བཅས་ཏེ་གསོལ་བ་བཏབ་པའི་ངོར། སྒྱུ་ལུས་ཀྱི་བཙུན་པ་མཁྱེན་བརྩེས་ཡི་གེར་བགྱིས་པ་སྟེ། ཁྲིད་ཐོབ་པ་མ་གཏོགས་གཞན་ལ་བསྟན་ན་མྱུར་མཛད་ཡེ་ཤེས་ཀྱི་མགོན་པོས་སྡིག་པར་འགྱུར་རོ། །འདིས་ཀྱང་བསྟན་པ་དང་སེམས་ཅན་ལ་ཕན་པར་གྱུར་ཅིག ༈ །རང་སེམས་འཆི་མེད་རང་གྲོལ་གྱི་ཟིན་བྲིས་སྙིང་གི་ཐིག་ལེ་ཞེས་བྱ་བ་བཞུགས་སོ། །ན་མོ་གུ་རུ་ཤྲཱི་ཨ་མཱ་ར་ཛྙཱ་ན་མ་ཧཱ་ཡེ། །དུས་གསུམ་སངས་རྒྱས་ཐམས་ཅད་གཅིག་ཏུ་འདུས་པའི་ངོ་བོ། ཕ་བླ་མ་བློ་གསལ་རྒྱ་མཚོ་སྐུ་དྲིན་མཚུངས་པ་མ་མཆིས་པའི་ཞལ་སྔ་ནས་ཀྱི་ཞབས་ལ་ཕྱག་འཚལ་ཞིང་སྐྱབས་སུ་

[Full Size]

མཆིའོ། །བརྩེ་བ་ཆེན་པོས་དུས་ཐམས་ཅད་དུ་རྗེས་སུ་བཟུང་དུ་གསོལ། །འདིར་བླ་མ་ཤངས་པ་གདུ་གུ་བའི་མན་ངག་ཐམས་ཅད་ཀྱི་སྙིང་པོ་རང་སེམས་འཆི་མེད་རང་གྲོལ་གྱི་དོན་ཉམས་སུ་ལེན་པའི་ཚུལ་ལ། འཆི་མེད་འདི་ཉིད་གདམས་པ་ཐམས་ཅད་ཀྱི་མཐར་ཐུག་ཡིན་པའི་རྒྱུ་མཚན་གྱིས་རྡོ་རྗེ་འཆང་ཆེན་པོའི་གསུང་ཡེ་ཤེས་ཀྱི་ཌཱ་ཀིས་ཡི་གེ་བཀོད་པའི་རྡོ་རྗེའི་ཚིག་རྐང་། མཁས་གྲུབ་ཁྱུང་པོའི་ཚིགས་གསལ་ནས་བཟུང་སྟེ། མཁས་བཙུན་སངས་རྒྱས་ཀྱི་བར་གྱི་བླ་མ་བརྒྱུད་པ་རིམ་བཞིན་གྱིས་ཡི་གེ་རེ་འབྱུང་བ་ཡིན་པ་ལས། འདིར་རྡོ་རྗེའི་ཚིག་རྐང་དོན་གསུམ་སྟེ། ཀླད་གཞུང་། འཇུག་གི་དོན་ནོ། །དང་པོ་ལ་མཚན་གྱི་དོན་དང་། འགྱུར་གྱི་ཕྱག་གཉིས། དང་པོ་ལ། མཚན་དོན་དངོས་དང་། དེ་བཤད་པ་གཉིས་ཀྱི། དང་པོ་ནི།

[Full Size]

འཕགས་ཡུལ། རྒྱ་གར་སྐད་རིགས་བཞི་ལས། སཾ་ཀྲྀ་ཏའི་སྐད་དུ། ཤྲཱི་ཨ་མཱ་ར་ཛྙཱ་ན་མ་ཧཱ་ན་མཿ དེ་ཉིད་བོད་ཁ་བ་ཅན་པའི་སྐད་དུ་སྒྱུར་ན། ཤྲཱི་དཔལ། མ་ར་འཆི་བའི་བདུད་ཡིན་ལ། དེའི་གོང་དུ་ཨ་དགག་ཚིག་བཅུག་པས་འཆི་མེད། ཛྙཱ་ན་མ་ཧཱ། ཡེ་ཤེས་ཆེན་པོ། ནཱ་མ་ཞེས་བྱ་བའོ། །གཉིས་པ་ནི། དཔལ་ནི། འཁོར་བའི་སེམས་ཅན་ཐམས་ཅད་སྐྱེ་རྒ་ན་འཆིའི་སྡུག་བསྔལ་གྱི་ཆུ་བོ་ཆེན་པོ་གཞིས་ཉམས་ཐག་ཅིང་། སྦྱང་གཞི་སྡུག་བསྔལ་ཐམས་ཅད་ཀྱི་གཙོ་བོའམ། ཅིག་ཤོས་ནི་འཆི་བ་ཡིན་ལ། རང་སེམས་བརྗོད་བྲལ་དུ་རྟོགས་པ་ན། འཆི་བྱ་འཆི་བྱེད་ཐམས་ཅད་བྲལ་བར་རང་ངོ་ཤེས་པས་འཆི་བའི་སྡུག་བསྔལ་ལས་སྐྱོབ་པའི་མགོན་ནམ། དཔལ་དུ་གྱུར་པའོ། །འཆི་མེད་ནི། ཐ་མལ་པ་རྣམས་

[Full Size]

ཀྱི་འཆི་བྱ་འཆི་བྱེད་ཀྱི་རྣམ་རྟོག་རང་བཞིན་མ་གྲུབ་པར་ངོ་མ་ཤེས་ཞིང་། བདེན་པར་ཞེན་པའི་འཆི་བའི་སྡུག་བསྔལ་ཉམས་སུ་མྱོང་། འཆི་བ་འོད་གསལ་ཆོས་སྐུའི་ངང་དུ་སངས་རྒྱ་བར་མ་ནུས་པས། སླར་བར་དོ་དང་། སྐྱེ་བ་འཆི་བ་སོགས་སྡུག་བསྔལ་འཁོར་ཡུག་ལ་ལོངས་སྤྱོད་དགོས་པ་ཡིན་ལ། བླ་མ་དམ་པའི་གདམས་ངག་གིས་རང་སེམས་གསལ་སྟོང་ཟུང་འཇུག་བརྗོད་པའི་མཐའ་ཐམས་ཅད་དང་བྲལ་བ་ལྷ་སྐུ་ཕྱག་རྒྱ་ཆེན་པོར་ངོ་ཤེས། ཐག་བཅད། དེའི་རྒྱུན་བསྐྱངས་པ་ལ་བརྟེན་ནས། འཆི་མཁན། འཆི་བྱ། འཆི་བྱེད། འཆི་ཚུལ་ཐམས་ཅད་མ་གྲུབ་པའི་རང་ངོ་ཤེས་པ་ལ་བརྟེན་ནས། རྣལ་འབྱོར་པ་དངོས་གྲུབ་ལེན་པའི་དུས། གཉིད། རྨི་ལམ། འཁྲིག་པ། འཆི་བའི་དུས་དང་བཞི་ལས། གཙོ་བོ་འཆི་བའི་དུས་དེ་ཉིད་དགེ་

[Full Size]

སྦྱོར་གྱི་གསལ་འདེབས་སུ་གྱུར་ཏེ་མཆོག་གི་དངོས་གྲུབ་ཐོབ་པར་བྱེད་པའོ། །ཡེ་ཤེས་ནི་དེ་ལྟ་བུའི་རང་སེམས་ལྷ་སྐུ་ཕྱག་རྒྱ་ཆེན་པོར་ཤར་བ་དེ་ཡང་བློ་བུར་དུ་བཅོས་པ་ལྟ་བུ་མ་ཡིན་གྱི། ཡེ་གདོད་མ་ནས་རང་བཞིན་གྱིས་གྲུབ་པའི་ཤེས་པ་ཡིན་ལ། ཆེན་པོ་ནི་ཡེ་ཤེས་དེའི་གོང་ན་དེ་ལས་ལྷག་པ་གཞན་མེད་པས་སོ། །གཉིས་པ་ནི། ལོ་ཙཱ་བས་འགྱུར་གྱི་ཐོག་མར་དེ་ལྟ་བུའི་ཡེ་ཤེས་ལ་ཕྱག་འཚལ་བ་སྟེ། དཔལ་འཆི་མེད་ཡེ་ཤེས་ལ་ཕྱག་འཚལ་ལོ། །ཞེས་པའོ། །གཉིས་པ་གཞུང་གི་དོན་ལ། བརྒྱུད་པ་སྨོས་ཏེ་མདོར་བསྟན་པ། །ཉམས་ལེན་གྱི་སྒོ་ནས་རྒྱས་པར་བཤད་པ། དོན་བསྡུས་ཏེ། མཇུག་བསྡུས་པའོ། །དང་པོ་ནི། རྒྱལ་བ་ལོངས་སྐུ་རྡོ་རྗེ་འཆང་ཆེན་གྱིས། །ཞེས་པ་ནས། ཡེ་ཤེས་ལུས་ནི་རང་དགར་

[Full Size]

འབྱུང་། །ཅེས་པའི་བར་གྱིས་བསྟན་ཏེ། དེའང་ཡེ་ཤེས་ཀྱི་ཌཱ་ཀི་མས་སོ་སོ་སྐྱེ་བོའི་བླ་མ་ལྟ་བུ་བརྒྱུད་པ་གཞན་ལ་རགས་མ་ལས་པར་རྒྱལ་བ་ལོངས་སྐུ་རྡོ་རྗེ་འཆང་ཆེན་པོ་ཉིད་ལ། མངོན་སུམ་དུ་ཐོས་ཅེས་སྨོས་པས་ཁུང་བཙུན་པ་ཡིན་ལ་གང་ཐོས་ན། འཆི་མེད་ཡེ་ཤེས་རང་སྒྲ་འདི་སྐད་ཐོས་ཅེས་པས་གོང་དུ་བཤད་པ་ལྟ་བུའི་འཆི་མེད་ཡེ་ཤེས་སྟོན་པར་བྱེད་པའི་རང་སྒྲ་འདི་ལྟ་བུ་ཐོས་ཞེས་འཆད་པར་དམ་བཅའ་བ་ཡིན་གསུངས། འོ་ན་དེ་ལྟ་བུའི་གདམས་པ་འདི་ཡུལ་ཇི་ལྟ་བུ་ཞིག་ལ་སྟོན་སྙམ་ན། གང་གི་དད་ལྡན་དབང་ཐོབ་དམ་ཚིག་ཅན། །ཞེས་སྨོས་ཏེ། །དད་པ་མེད་པའི་མི་རྣམས་ལ་སོགས་གསུང་པ་ལྟར། བླ་མ་དང་གདམས་ངག་ལ་ཡིད་ཆེས་པའི་དད་པ་མེད་ན། འཛིན་པའི་ལྕགས་ཀྱུ་ཡོད་ཀྱང་བཟུང་བའི་ལུང་མེད་པ་ལྟ་བུར་སོང་ནས་བྱིན་

[Full Size]

རླབས་མི་འཇུག་ཅིང་། དེ་ལ་བརྟེན་ནས་ཉམས་རྟོགས་མི་སྐྱེ་བས། བླ་མ་དང་གདམས་ངག་ལ་ཁ་ཙམ་མ་ཡིན་པར་འགྱུར་མེད་ཀྱི་དད་པ་ཕྱིན་ཅི་མ་ལོག་པར་ཡོད་པར། དེ་ཙམ་དུ་མ་ཟད། འདི་ཉིད་སྤྱིར་རྡོ་རྗེ་ཐེག་པ། བྱེ་བྲག་རྣལ་འབྱོར་བླ་ན་མེད་པའི་རྒྱུད་ཀྱི་རྒྱལ་པོ་ཐམས་ཅད་ཀྱི་དོན་བཅུད་ཕྱུང་བའི་ལམ་གྱི་སྙིང་པོ་ཡིན་པས། སྨིན་བྱེད་ཀྱི་དབང་བསྐུར་བ་རྫོགས་པར་ཐོབ་པ། དབང་དུས་སུ་ཐོབ་པའི་རྩ་བ་དང་ཡན་ལག་གི་དམ་ཚིག་མ་ཉམས་ཤིང་སྲུང་སྡོམ་ལ་བརྩོན་པ་ཞིག་དགོས་ལ། དེ་གསུམ་དང་ལྡན་པ་ཙམ་གྱིས་རང་སེམས་གནས་ལུགས་ཕྱག་རྒྱ་ཆེན་པོ་རྗེན་པར་མི་རྟོགས་པའི་ཕྱིར། བླ་མ་མཆོག་བརྟེན་འདི་དོན་རྟོགས་པར་གྱིས། །ཅེས་གསུངས་ཏེ། འདིའི་སྐབས་ཀྱི་བླ་མ་མཆོག་ནི། དཔལ་ལྡན་

[Full Size]

ཤངས་པ་བཀའ་བརྒྱུད་ཀྱི་སྙན་བརྒྱུད་ཀྱི་གདམས་པ་ཕྱིན་ཅི་མ་ལོག་པར་ཐོབ་ཅིང་། རང་ཉིད་ཀྱི་ཉམས་སུ་བླངས་ཏེ་ཉམས་སུ་མྱོང་བ། རང་བཟོ་དང་བསྲེ་བསླད་མེད་པར་གཞན་ལ་སྟོན་ནུས་པ་དེ་ཙམ་ཞིག་ལ་ངོས་འཛིན། དེ་ལྟ་བུའི་བླ་མ་མཆོག་དེ་བསྟེན་ཚུལ་དུ་མའི་སྒོ་ནས་མཉེས་པར་བྱས་ཏེ། བརྒྱུད་པ་ཟམ་མ་ཆད་པའི་གདམས་པ་ཇི་ལྟར་བསྟན་པ་བཞིན་ཉམས་སུ་བླང་སྟེ། རང་སེམས་ལྷ་སྐུ་ཕྱག་རྒྱ་ཆེན་པོ་གདོད་ནས་བཞུགས་པ་འདི་རྟོགས་པར་བྱེད་པའོ། །འོ་ན་གང་ཟག་དེས། ལམ་དེ་ལྟ་བུ་ཉམས་སུ་བླངས་པའི་འབྲས་བུ་དུས་ནམ་གྱི་ཚེ་ཐོབ་སྙམ་ན། གང་གི་ཚེ་འདི་བློས་བཏང་ནས། །རྩེ་གཅིག་ཞག་བདུན་ལོ་ཟླ་ཡིས། །ཇི་ལྟར་ཉོན་མོངས་ལུས་འདི་ལ། །ཡེ་ཤེས་ལུས་འདི་རང་དགར་འབྱུང་། །ཅེས་གསུངས་ཏེ།

[Full Size]

སྒྲུབས་ཀྱང་འགྲུབ་པའི་ངེས་པ་མེད་ལ། གྲུབ་ཀྱང་སྒྱུར་ནས་འགྲོ་རྒྱུའི་ཚེ་འདིའི་བྱ་བ་བུན་ལོང་སྙིང་པོ་མེད་པ་ཐམས་བློས་ལིང་གི་དོར་ནས། བསམ་པ་རྩེ་གཅིག་ཏུ་ཉམས་སུ་བླངས་ན། དབང་པོ་རབ་ཞག་བདུན། འབྲིང་ཟླ་བ་གཅིག །ཐ་མའང་ལོ་གཅིག་ན་ངེས་པར་སངས་རྒྱ་ལ། ཤིན་ཏུ་ཐ་མ་ཉམས་སུ་ལེན་མ་ནུས་ཀྱང་། གདམས་པ་འདི་ཐོབ་ཕྱིན་ཆད། འཆི་ཁར་འཆི་བ་འོད་གསལ་རང་ངོ་ཤེས་ནས་ངེས་པར་སངས་རྒྱས་ཤིང་། རྒྱ་ཚུལ་ཡང་། ལས་དང་ཉོན་མོངས་པས་སྐྱེད་པས་རྣམ་སྨིན་གྱི་ལུས་བག་ཆགས་དང་བཅས་པ་དབྱིངས་སུ་དག་ནས། ཡེ་ཤེས་ཀྱི་སྐུ་ལྷ་སྐུ་ཕྱག་རྒྱ་ཆེན་པོ་སྣང་སྟོང་དབྱེར་མེད་ནམ་མཁའི་འཇའ་ཚོན་ལྟ་བུ་རང་ཤར་དུ་བྱུང་ནས་འཁོར་བ་མ་སྟོང་གི་བར་དུ་འགྲོ་བའི་དོན་བྱེད་པ་ཡིན་གསུངས། །གཉིས་

[Full Size]

པ་རྒྱས་པར་བཤད་པ་ལ་སྔོན་འགྲོ། དངོས་གཞི། རྗེས་གསུམ་ལས། དང་པོ་ནི། ཚད་མེད་སེམས་བསྐྱེད་སྔོན་འགྲོ་བས། ཅེས་པ་ནས། མ་གཟིགས་མི་གཟིགས་གཟིགས་མི་འགྱུར། །ཅེས་པའི་བར་གྱིས་སྟོན། དེ་ལ་ཐུན་མོང་དང་། ཐུན་མོང་མ་ཡིན་པའི་སྔོན་འགྲོ་གཉིས་ལས། དང་པོ་ནི། ཚད་མེད་སེམས་བསྐྱེད་སྔོན་འགྲོ་བས། །ཅེས་པ་སྟེ། དལ་འབྱོར་རྙེད་དཀའ། འཆི་བ་མི་རྟག་པ། ལས་རྒྱུ་འབྲས། འཁོར་བའི་ཉེས་དམིགས། ཐར་པའི་ཕན་ཡོན་རྣམས་མདོར་བསྡུས་གསུང་། དེ་དག་གི་དོན་དྲན་བཞིན་པས། སྐྱབས་ཡུལ་ནམ་མཁའི་ཁམས་གང་བ་མཁའ་ཁྱབ་ཏུ་བཞུགས་པ་ལ་བློ་སྙིང་བྲང་གསུམ་གཏད་དེ། སྐྱབས་འགྲོ་ཉེར་གཅིག་ཙམ་གྱི་རྗེས་སུ། སེམས་བསྐྱེད་ཀྱི་ཚིག་ལན་གསུམ་

[Full Size]

བརྗོད། རང་ཐུན་མཚམས་ཀྱི་ལྷར་ལམ་གྱིས་གསལ་བའི་སྤྱི་བོའི་གཙུག་གམ། སྤྱི་བོའི་ཐད་ཙམ་གྱི་མདུན་གྱི་ནམ་མཁར། སེང་གེ་ཆེན་པོ་བརྒྱད་ཀྱིས་བཏེགས་པའི་རིན་པོ་ཆེའི་ཁྲི་སྣ་ཚོགས་པདྨ་ཟླ་བའི་གདན་ལ། དུས་གསུམ་སངས་རྒྱས་ཐམས་ཅད་གཅིག་ཏུ་བསྡུས་པའི་བདག་ཉིད་དྲིན་ཅན་རྩ་བའི་བླ་མ་དམ་པ་དེ་ཉིད་སྐུའི་རྣམ་པར་ཇི་ལྟ་བ་སྐུ་མདོག་དཀར་ལ་དམར་བའི་མདངས་ཆགས་པ། དར་དང་ཟ་འོག་གི་ན་བཟས་ཀླུབས་པ། འོད་དང་འོད་ཟེར་གྱི་རང་བཞིན། བདག་ལ་དགྱེས་པའི་ཞལ་འཛུམ་བག་དང་བཅས་ཏེ་བཞུགས་པ། མཚན་ཐོས་པ་ཙམ་གྱིས་ཕྱིར་མི་ལྡོག་པའི་ས་སྩོལ་ནུས་ན། གསོལ་བ་བཏབ་ན་སྨོས་ཅི་དགོས་པ་ཞིག་སྒོམ་པར་བྱེད། དེའི་ཐུགས་ཀ་ནས་འོད་ཟེར་འཕྲོས། དུས་

[Full Size]

གསུམ་དང་འབྲེལ་བའི་རྩ་བརྒྱུད་ཀྱི་བླ་མ། ཡི་དམ། སངས་རྒྱས་བྱང་སེམས་མཁའ་འགྲོ་ཆོས་སྐྱོང་སྲུང་མ་མདོར་ན་སྐྱབས་གནས་དཀོན་མཆོག་ཐམས་ཅད་ནམ་མཁའི་ཁམས་གང་བར་སྤྱན་དྲངས་བླ་མ་དེ་ཉིད་ལ་སིབ་གྱིས་ཐིམ་པས་སྐྱབས་གནས་ཀུན་འདུས་བསམ། དེ་ལ་མཆོད་པ་འབུལ་བ་ནི། རང་ཉིད་ལུས་ལོངས་སྤྱོད་དུས་གསུམ་བསགས་པའི་དགེ་བའི་རྩ་བ་ཐམས་ཅད་རྒྱུར་བྱས་པ་ལས་བྱུང་བའི་ཕྱི་ནང་གསང་བ་དེ་ཁོ་ན་ཉིད་ཀྱི་མཆོད་སྤྲིན་བསམ་གྱིས་མི་ཁྱབ་པ་དང་། ཁྱད་པར་སྟོང་གསུམ་ཐམས་ཅད་འཛམ་བུ་ཆུ་བོའི་གསེར་གྱིས་ཕྱུར་བུར་བཀང་བ་ལྟོས་མེད་དུ་ལིང་གིས་ཕུལ། བླ་མ་དམ་པ་དེ་ཉིད་བརྒྱུད་པའི་བླ་མ་ཀུན་འདུས་སུ་གསལ་བས། གནས་འོག་མིན་ཆོས་ཀྱི་ཕོ་བྲང་དུ། །ཞེས་སོགས་བརྒྱུད་པའི་གསོལ་

[Full Size]

འདེབས་བྱས་པའི་རྗེས་སུ། དུས་གསུམ་སངས་རྒྱས་ཀྱི་ངོ་བོ་དཔལ་ལྡན་བླ་མ་དམ་པ་རིན་པོ་ཆེ་ལ་གསོལ་བ་འདེབས་སོ། །ཞེས་པ་ལན་གཅིག་སྣ་དྲངས། བླ་མ་རིན་པོ་ཆེ་བདག་གི་སེམས་ཅན་ཐམས་ཅད་ཀྱི་དོན་དུ་བདག་འཛིན་བློས་ཐོངས་པར། དགོས་མེད་རྒྱུད་ལ་སྐྱེ་བར། རང་སེམས་འཆི་མེད་རང་གྲོལ་དུ་རྟོགས་པར་མཛད་དུ་གསོལ། །ཞེས་སྙིང་ཁུང་རུས་པའི་གཏིང་ནས་གསོལ་བ་བརྒྱ་སྟོང་ལ་སོགས་པ། ལུས་ཀྱི་བ་སྤུ་གཡོ་བ། མིག་ནས་འཆི་མ་འཁྲུགས་པ། བློ་སྣ་བླ་མས་འཕྲོག་པ། ལུས་སེམས་ཚུགས་མི་ཐུབ་པ་སོགས་འགྱུར་བ་ཁྱད་པར་ཅན་ཞིག་མ་བྱུང་གི་བར་དུ་བཏབ། དེ་ཙམ་ནས་བླ་མ་དགེས་བཞིན་ཏུ་འོད་དུ་ཞུ། རང་གི་སྤྱི་བོ་ནས་ཐིམ་པས་ཆུ་ལ་ཆུ་དང་། མར་ལ་མར་བཞག་པ་བཞིན།

[Full Size]

བླ་མའི་སྐུ་གསུང་ཐུགས་དང་རང་གི་སྒོ་གསུམ་དབྱེར་མེད་དུ་འདྲེས་སོང་སྙམ་པའི་ངང་དུ་རིག་པ་ཧྲིལ་གྱིས་སྒྲིམས་ནས་འཇོག །སེམས་བརྗོད་མེད་དུ་གནས་པ་ན། དེ་ཙམ་དུའང་མི་འཛིན་པར། ལུས་ངག་ཁོང་ཀློད་ནས། རང་བབས་སུ་ཆམ་མེ་འཇོག་པར་བྱེད། ཐུན་དེ་ལས་ལྡང་བར་འདོད་པ་ན། སྐྱེ་བ་ཀུན་ཏུ་ཡང་དག་བླ་མ་དང་། སོགས་དགེ་བའི་རྩ་བ་ཇི་ལྟ་བར་བསྔོས། ཐུན་མཚམས་ཐམས་ཅད་དུའང་གཤིས་སྐྱེ་མེད་སྟོང་ཉིད་དུ་ཆོམ་མེ། མདངས་འགག་མེད་མོས་གུས་ལམ་མེ་བའི་ངང་ནས། བླ་མའི་ཞབས་ཏོག་སོགས་སྤྱོད་ལམ་དགེ་བས་དུས་འདའ་བར་བྱ་གསུངས། །གཉིས་པ་ཐུན་མོང་མིན་པའི་སྔོན་འགྲོ་ལ། ཁ་དོག་ལ། དབྱིབས་ལ། རྣམ་པ་ལ། དབྱེར་མེད་ལ། ངོ་བོ་རང་བཞིན་མཚན་ཉིད་ལ་བསླབ་པ་དང་།

[Full Size]

ལྔ་ལས། དང་པོ་ནི། ཆོ་ག་གསུམ་མམ་སྐད་ཅིག་གིས། རང་ལུས་ཡི་དམ་ཡབ་ཡུམ་གྱིས། །སྤྱི་གཙུག་ས་བོན་འོད་ཟེར་གྱིས། །ལུས་ཀྱི་ཕྱི་ནང་ཐམས་ཅད་ཀུན། །དག་ཅིང་སྟོང་གསལ་ཉིད་སྦྱངས་པས། །སྣང་སྟོང་འཇའ་ཚོན་འོད་ཀྱི་སྐུ། །རང་བཞིན་མེད་བཞིན་སྐུ་མདོག་དང་། །ཅེས་གསུངས་པའི་དོན། །ཡབ་ཀྱི་ཕྱི་སྦྱངས་བ་དང་ནང་སྦྱང་བ། ཡུམ་གྱི་ཕྱི་སྦྱོང་བ་དང་ནང་སྦྱོང་བ་རྣམས་ལས། དེའང་གང་སྦྱང་བའི་ཁྱད་པར་ནི། ཡི་དམ་གྱི་ལྷ་སྤྲོས་པ་ལ་དགའ་ན་ཆོ་ག་གསུམ་སྐྱེད་སོགས་བྱས་ཀྱང་རུང་མོད། བླ་མ་རྣམས་ཀྱིས་ཕྱག་ལེན་སྐད་ཅིག་གིས་སྐྱེད་པར་མཛད་པས། དེའི་ཚུལ་ནི། སྐྱབས་སེམས་བླ་མའི་རྣལ་འབྱོར་སྔོན་ཏུ་བཏང་སྟེ། བླ་མ་དང་རང་སེམས་དབྱེར་མེད་དུ་འདྲེས་པའི་འོད་གསལ་སྟོང་ཉིད་དེའི་ངང་ལས་ཆུ་ལས་

[Full Size]

ཆུ་བུར་རྡོལ་བ་བཞིན། རང་ཉིད་འཁོར་ལོ་བདེ་མཆོག་སྐུ་མདོག་སྔོན་པོ། ཡུམ་རྡོ་རྗེ་ཕག་མོ་དམར་མོ་དང་མཉམ་པར་སྦྱོར་བ། སྣང་ལ་རང་བཞིན་མེད་པ་འོད་ཀྱི་རང་བཞིན་ཞིག་ཏུ་ལམ་གྱི་བསྒོམ་པའི། རལ་པའི་ཐོར་ཚུགས་ཀྱི་མདུན་ཚོགས་མའི་སྟེང་དུ་ཧཱུྃ་སྔོན་པོ་རང་གི་མཐེབ་སོར་གྱི་ཚད་ཙམ། སྔོ་བ་ལ་བལྟས་ན་བཻ་ཌཱུརྻ་དྭངས་པའམ། སྟོན་གྱི་ནམ་མཁའ་དྭངས་པ་ལྟ་བུ། གསལ་བ་ཉི་མ་འབུམ་གྱི་འོད་ཅིག་ཅར་དུ་ཤར་བ་ལྟ་བུ་གསལ་སིང་ངེ་བ་ཞིག་སྒོམ་པར་བྱེད། དེ་ལ་མི་གནས་ན། དེའི་འོག །རང་གི་ཚོགས་མའི་ཐད། ཅུང་ཟད་མི་གསལ་བ་མུན་ནེ་ཡོད་པ་ལ་སེམས་བཟུང་། ཡང་ཧཱུྃ་ལ་བཟུང་། དེ་གཉིས་རེས་འཇོག་ཏུ་སྒོམ་པར་བྱེད། །དེ་ནས་ཡབ་ཀྱི་ཕྱི་སྦྱོང་བ་ནི། །དཔེར་ན་ནམ་ལངས་པ་ན་རི་ཀླུང་ཀུན་གསལ་གྱིས་འབྱུང་ཡང་། ཉི་མ་

[Full Size]

ཤར་བ་རྣམས་ཆེས་གསལ་ལ། མ་ཤར་བ་ཚོ་ཅུང་མུན་པ་ལྟར། རང་ཉིད་འཁོར་ལོ་བདེ་མཆོག་འོད་ཀྱི་རང་བཞིན་ཤིན་ཏུ་གསལ་བར་ཡོད་ཀྱང་། ཧཱུྃ་དེས་ཆེས་ཆེར་གསལ་བའི་དབང་གིས་རང་ཉིད་ཅུང་ཟད་མུན་ནེ་བའི་རྣམ་པར་གནས་པའི་སྤྱི་བོའི་ཧཱུྃ་དེ་ལས་འོད་སྔོན་པོ་ཉི་མ་བྱེ་བའི་གཟི་འོད་དང་ལྡན་པ་ཞིག་བུན་ནུར་ནུར་བྱུང་། རང་གི་སྨིན་མཚམས་ཡན་ཆད་ཁྱབ་པས། རི་རྩེ་ལ་ཉི་མ་ཤར་བ་ལྟར། དེ་ཡན་ཆད་སྔོ་བ་དྭངས་པ། གསལ་བ་ཉི་མ་བྱེ་བའི་གཟི་འོད་དང་ལྡན་པ། དེ་མན་ཆད་ཅུང་མི་གསལ་བ་ལ་སེམས་བཟུང་། དེ་ནས་རིམས་བཞིན་འོད་དེས་ས་ལ་ལ་འཕྲོས། མགྲིན་པ་ཡན་ཆད། ཐུགས། སྐུ་སྐེད། ཕྱལ། བརླ་གཉིས། ངར་གདོང་། ཞབས་མགོ་ཡན་ཆད་སྔོ་བ། དྭངས་པ། གསལ་

[Full Size]

བ། ཉི་མ་བྱེ་བའི་འོད་དང་ལྡན་པར་བསམ། དེས་འོད་ཀྱི་འཇིགས་བྱེད། དུས་མཚན་དང་། པད་ཉི་རྣམས་ཤིན་ཏུ་གསལ་བ་འོད་ཀྱི་རང་བཞིན་བསམ། ཡང་ཞབས་མཐིལ་ནས་ཡར་རིམས་བཞིན་སྤྱི་བོའི་བར་དུ་གསལ་བཏབ། ཡང་ཧཱུྃ་ལས་འོད་འཕྲོས་སྤྱི་བོ་ནས་རིམས་བཞིན་ཞབས་ཀྱིས་བར་དུ་གསལ་འདེབས་པར་བྱེད། །ཡབ་ཀྱི་ནང་སྦྱངས་བ་ནི། ཡང་སྤྱི་བོའི་ཧཱུྃ་ལས་འོད་སྔོན་པོ་ཉི་མ་བྱེ་བའི་གཟི་འོད་དང་ལྡན་པ་འཕྲོས། རང་གི་སྤྱི་གཙུག་ཚངས་པའི་བུ་ག་ནས་ཞུགས། །མགོ་བོའི་ནང་ཐམས་ཅད་ཁྱབ་པས་དེ་ན་ཡོད་པའི་རུས་པ། ཀླད་པ། ཤ་ཁྲག །ཆུ་སེར་ཐམས་ཅད་འོད་དེས་རེག་པ་ཙམ་གྱིས་འོད་དུ་ཡ་ལ་ལ་ཡལ་ནས་མགོ་བོའི་ནང་ཐམས་ཅད་འོད་སྔོན་པོ་གསལ་སིང་ངེ་བ། ཕྱིའི་པགས་པ་ཐམས་ཅད་ཀྱང་འོད་སྔོན་

[Full Size]

པོ་གསལ་སིང་ངེ་བ། ཕྱི་གསལ་ནང་གསལ་འོད་ཀྱི་རང་བཞིན་ཏུ་གྱུར། འོད་ཟེར་མར་བྱུང་། མགྲིན་པ། སྙིང་ཁ་ནས། རིམ་བཞིན་ལག་སོར་དང་རྐང་སོར་གྱི་བར། ཐ་ན་སྐྲ་དང་བ་སྤུའི་བུ་ག་ཚུན་ཁྱབ་པས། དེ་དག་ན་ཡོད་པའི་ཤ་རུས། དོན་སྙིང་། ནང་ཁྲོལ། ཁྲག་ཆུ་སེར། རྐང་མར་སོགས། མདོར་ན་ལུས་གདོས་བཅས་རྣམ་སྨིན་གྱི་ཕུང་པོའི་ཆ་ཤས་ཐམས་ཅད་འོད་དུ་ཡལ་ནས། རང་གི་ལུས་ཀྱི་ཕྱི་ནང་ཐམས་ཅད་འོད་ཀྱི་རང་བཞིན་དྭངས་གསལ་རྙོགས་མེད། སྒྲིབ་ཐོགས་དང་བྲལ་བ། རྣམ་པ་གཟུགས་སུ་གྲུབ་ལ། རེག་པ་རྫས་སུ་མ་གྲུབ་པ། འཇའ་ཚོན་ཤར་བ་ལྟ་བུར་བསྒོམ་པར་བྱེད། དེ་ལེགས་པོ་ཞིག་བྱུང་བ་དང་། ཡུམ་གྱི་ཕྱི་སྦྱངས་བ་ནི། ཡུམ་གྱི་སྤྱི་བོར་བཾ་ཡིག་དམར་པོ་འཐེབ་

[Full Size]

སོར་གྱི་ཚད་ཙམ་ཉི་མ་བྱེ་བའི་གཟི་འོད་དང་ལྡན་པ། དེ་ལས་འོད་དམར་པོ་ས་ལ་ལ་འཕྲོས། ཡུམ་གྱི་སྨིན་མཚམས་ཡན་ཆད་ཁྱབ་པས་འོད་ཀྱི་རང་བཞིན་དྭངས་གསལ་རྙོགས་མེད་དུ་གྱུར། དེ་ནས་རིམས་བཞིན་མགྲིན་པ། ཐུགས་ཀ ། སྐུ་སྐེད། ཕྱལ། བརླ་གཉིས། ཞབས་ངར། ཞབས་མགོའི་བར་སྦྱངས་པས། པདྨ་རཱ་གའམ། བྱེ་རུའི་ཕུང་པོ་རྡུལ་གྱིས་གཡོགས་པ་ལ་ཆུ་གཙང་མ་བྲན་པ་ལྟར། འོད་ཀྱི་གང་རེག་རྣམས་གསལ་ཞིང་། མ་རེག་པ་རྣམས་ཅུང་མུན་ནེའི་རྣམ་པར་སྒོམ། །ནང་སྦྱངས་པ་ནི། ཡང་བཾ་ལས་འོད་འཕྲོས། ཡུམ་གྱི་ཚངས་བུག་ནས་ཞུགས། དབུའི་ནང་ཁེངས། ཀླད་པ། ཁྲག་ཆུ་སེར། ཤ་རུས་ཐམས་ཅད་འོད་དུ་ཡལ། དབུ་ཐམས་ཅད་འོད་དམར་པོའི་རང་བཞིན་ཕྱི་གསལ་ནང་

[Full Size]

གསལ་དུ་བསམ། རིམས་བཞིན་མགྲིན་པ་ནས་ཞབས་སོར་གྱི་བར་ཐམས་ཅད་ཁེངས་པས། གདོས་བཅས་ཀྱི་སྣང་བ་ཐམས་ཅད་སྦྱངས་ཏེ། །འོད་དམར་པོའི་རང་བཞིན་ཡུམ་གྱི་ཡབ་མ་སྒྲིབ་པར་ཡབ་ཀྱི་སྐུ་རྒྱབ་ཚུན་མདུན་ནས་མཐོང་བ། ཡབ་ཀྱིས་ཡུམ་མ་སྒྲིབ་པར་ཡབ་ཀྱི་སྐུ་རྒྱབ་ནས་བལྟས་ན་ཡུམ་གྱིས་རྒྱབ་ཚུན་མཐོང་བ་དྭངས་གསལ་འོད་ཀྱི་རང་བཞིན་ལ་སེམས་འཛིན་པ་ནི་ཁ་དོག་ལ་བསླབ་པ་ཡིན་གསུངས། །གཉིས་པ་དབྱིབས་ལ་བསླབས་པ་ནི། ཞལ་ཕྱག་ཅེས་པས་བསྟན་ནས། ཡང་ཧཱུྃ་གི་འོད་ཀྱིས་རང་འཁོར་ལོ་བདེ་མཆོག་འོད་ཀྱི་རང་བཞིན་དུ་གསལ་བ་དེའི་སྤྱི་བོར་རལ་པའི་ཅོད་པན་གནག་ཅིང་སྣུམ་ལ་སྔོ་ཞིང་དམར་མདངས་ཆགས་པ། སྤྱན་གསུམ་དབུས་ནག་པ། མཐའ་སྐྱ་བ། སྤྱན་རྩ་

[Full Size]

དམར་ཧྲིག་གེ་བ། ཤངས་ཀྱི་གཟེངས་མཐོ་བ། སྙན་ཤལ་ཕྲག་པར་སླེབ་པ། མགུལ་པ་ལ་རི་མོ་གསུམ་ཡོད་སྙམ་པ། སྐུ་ཚོ་སྐེམས་གཞོན་ནུ་བཅུ་དྲུག་ལོན་པ་ལྟ་བུ། ཕྱག་གཉིས་གཞོན་ཤ་ཆགས་ཤིང་ཕྱག་མཐིལ་དམར་མདངས་ཡོད་སྙམ་པ། ཞབས་གཡས་བརྐྱང་པས་དུས་མཚན་མའི་སྙིང་ག་དང་། གཡོན་བསྐུམ་པས་འཇིགས་བྱེད་ནག་པོའི་མགོ་བོ་རྒྱབ་ཏུ་བལྟབ་ནས་མནན་པ། ཡུམ་གྱི་དབུ་སྐྲ་ནག་པོ་མདུད་པ་སོགས་མེད་པའི་སིལ་བུའི་སྐུ་རྒྱབ་ཁེབས་པ། སྤྱན་གསུམ་དབུས་ནག་པ། མཐའ་སྐྱ་བ། སྤྱན་རྩ་དམར་ཤིག་གེ་བ། ཤངས་ཀྱི་གཟེངས་མཐོ་བ། ཕྱག་གཡས་ཡབ་ཀྱི་ཕྲག་གོང་ན་ཡར་ཤེད་སྐྱེད་ནས་སྐྱངས་པ། གཡོན་ཡབ་ཀྱི་མགུལ་ནས་འཁྱུད་པ། ཞབས་གཡོན་དང་ལྷན་ཅིག་དུ་བརྐྱངས་པ། གཡས་

[Full Size]

ཡབ་ཀྱི་བརླའི་སྟེང་དུ་བསྐལ་བར་བསྒོམ། །གསུམ་པ་རྣམ་པ་ལ་བསླབས་པ་ནི། །རྒྱན་དང་མེ་དཔུང་བཅས། གསལ་ལ་རྟོག་པ་མེད་པ་ཡིས། །ཟག་མེད་བདེ་སྟོང་ཆེན་པོར་ལྟོས། །ཅེས་གསུངས་ཏེ། ཡབ་ཀྱི་རལ་པའི་ཐོར་ཅོག་གི་རྩེ་མོར་ཡིད་བཞིན་གྱི་ནོར་བུ། གཡོན་ཕྱོགས་སུ་ཚེས་གཅིག་གི་ཟླ་བ། སྤྱི་བོར་རུས་པའི་འཁོར་ལོ། རལ་པའི་མདུན་དུ་སྣ་ཚོགས་རྡོ་རྗེ། དཔྲལ་བར་མི་རུས་ལ་བཅོས་པའི་ཐོད་སྐམ་ལྔ། རྩེ་མོར་རིན་པོ་ཆེའི་རྩེ་བྲན་ཅུང་ཟད་དང་བཅས་པ། སྙན་གོང་གཉིས་སུ་དར་འཕྱང་བུན་ནེ་བ། སྙན་གཉིས་སུ་རུས་པའི་འཁོར་ལོའི་རྣ་བརྒྱན། མགུལ་ལ་རུས་པའི་གཞུང་གསུམ་ལ་རུས་ཕྲེང་གི་སྦྲེལ་བའི་མགུལ་རྒྱན། སྙིང་གའི་ཐད་ཀྱི་རྒྱབ་མདུན་ཏུ་རུས་པའི་འཁོར་ལོ་རྩིབས་བརྒྱད་པ་སྟེ། དེའི་

[Full Size]

བར་རུས་ཕྲེང་གིས་སྦྲེལ་བའི་མཆོད་ཕྱིར་ཐོགས་པ། དཔུང་པ་གཉིས་དང་། འཁྲིག་མ་གཉིས། ཞབས་ཀྱི་བོལ་རྣམས་སུ་རུས་པའི་གཞུང་གསུམ་རེའི་བར་རུས་རུས་ཕྲེང་གི་སྦྲེལ་ཞིང་། མཐར་རུས་མདུང་དང་བཅས་པའི་གདུ་བུ་དྲུག །སྐེད་པ་ལ་རུས་པའི་གཞུང་ལྔ། དེ་དག་གི་བར་རུས་ཕྲེང་གི་སྦྲེལ་ཞིང་། ཟ་ར་ཚགས་འཕྱང་བའི་རིང་ཤོས་བོལ་གོང་དུ་སླེབས་པའི་རྩེ་ལ་གསེར་དངུལ་གྱི་དྲིལ་བུ་གཡེར་ཁ་སིལ་སིལ་སྒྲོག་པ་དང་བཅས་པའི་འོག་པགས། དེ་ཐམས་ཅད་ཀྱང་རེ་རེ་ནས་འོད་ཀྱི་རང་བཞིན་སྐར་ཆེན་ཤར་བ་ལྟ་བུ། སྟག་ལྤགས་རློན་པ་བཤུས་མ་ཐག་ཁྲག་འཛག་བཞིན་པའི་ཤམ་ཐབས་དང་བཅས་པ། ཕྱག་གཡས་ཡེ་ཤེས་ཀྱི་རང་སྣང་ལས་གྲུབ་པའི་གསེར་གྱི་རྡོ་རྗེ་རྩེ་ལྔ་པ་དང་། གཡོན་དེའི་ཡུ་བ་བྱས་པའི་དངུལ་དཀར་གྱི་དྲིལ་

[Full Size]

བུ་འཛིན་པས་ཡུམ་ལ་འཁྱུད་པ། ཡུམ་གྱི་སྤྱི་བོར་རུས་པའི་འཁོར་ལོ་སོགས། མཆོད་ཕྱིར་ཐོགས་སྤངས་པ་མ་གཏོགས་ཡབ་དང་འདྲ་བ། ཕྱག་གཡས་པ་ཟངས་ཀྱི་གྲི་གུག་དང་། གཡོན་པས་ཟླ་བ་ལྟར་དཀར་བའི་ཐོད་པ་བདུད་རྩིའི་ཁྲག་གི་གང་བ་ཡབ་ལ་སྟོབས་པ་རྣམས། རེ་རེ་ནས་འོད་ཀྱི་རང་བཞིན་དྭངས་ཤིང་གསལ་བ་ཡབ་ཡུམ་གཉིས་ཀའི་བ་སྤུའི་བུ་ག་ནས་ཡེ་ཤེས་ཀྱི་མེ་ཁ་དོག་ལྔ་ལྡན་འུ་རུ་རུ་འབར་བ་དང་བཅས་པ་ལ་སེམས་འཛིན་པར་བྱེད། བཞི་པ་དབྱེར་མེད་ལ་བསླབ་པ་ནི། །རང་ལུས་སྣང་སྟོང་ལྷ་སྐུ་སེམས། །སེམས་ནི་སྣང་སྟོང་ལྷའི་སྐུ། །སེམས་དང་ལྷ་སྐུ། ཅེས་གསུངས་ཏེ། དེ་ལྟ་བུའི་ཁ་དོག །དབྱིབས་རྣམ་པ་དེ་ལྟ་བུ་དང་ལྡན་པའི་འཁོར་ལོ་བདེ་མཆོག་ཡབ་ཡུམ་དེ་རང་སེམས་ལས་གཞན་

[Full Size]

ཞིག་མ་ཡིན་ཏེ། སྣང་སྟོང་དབྱེར་མེད་ཀྱི་ལྷ་སྐུ་སྒྱུ་མ་ལྟ་བུ་དེར་མ་ཟད། སྣང་སྲིད་འཁོར་འདས་ཀྱིས་བསྡུས་པའི་ཆོས་ཐམས་ཅད་རང་གི་སེམས་ཉིད་དེ་དང་དེར་ཤར་བ་མ་གཏོགས། སེམས་ལས་ལོགས་སུ་གྲུབ་པ་ནི་ཅུང་ཟད་ཀྱང་མེད་ལ། སེམས་འཁྲུལ་པའི་བག་ཆགས་ཀྱི་རང་གཟུགས་རྣམ་སྨིན་གདོས་བཅས་ཀྱི་ལུས་འོད་ཀྱིས་སྦྱངས་པའི་ལྷ་སྐུ་ཕྱག་རྒྱ་ཆེན་པོ་འདི་ཀ་རང་གི་སེམས། སེམས་གསལ་སྟོང་ཟུང་འཇུག་དེ་ཀ་མདངས་འགགས་མེད་ལྷ་སྐུར་ཤར་བ་ཡིན་པའི། སེམས་སྤངས་པའི་ཕ་རོལ་ན་ལྷ་སྐུ་མེད་ལ། ལྷ་སྐུ་དེ་ཉིད་ལས་གཞན་པའི་སེམས་མེད། དེས་ན་ངོ་བོ་གང་དུ་ཡང་མ་གྲུབ་པའི་ཆ་ནི་སྟོང་ཉིད། མདངས་འགག་མེད་ལྷར་གསལ་བ་ནི་གསལ་དེ་ཉིད་དབྱེར་མེད་པ་ནི་གནས་ལུགས་ཕྱག་རྒྱ་ཆེན་པོའམ།

[Full Size]

ལྷ་སྐུ་ཕྱག་རྒྱ་ཆེན་པོ་ཞེས་བྱ་བ་ཡིན་ལ། དེའི་དཔེ་རྨི་ལམ་ཡུལ་དང་ཆུ་ཟླ་ལྟར། ཅེས་གསུངས་ཏེ། ཉམས་སུ་མྱོང་ལ་རང་བཞིན་མ་གྲུབ་པ་རྨི་ལམ་ལྟ་བུའི་དཔེ་ནི། རྨི་ལམ་དུ་དགྲ་གཉེན་ལ་སོགས་པའི་སྣང་བ་སྣ་ཚོགས་ཤར། ཤར་ཙམ་ཉིད་ན་ཕྱོགས་དེར་ཡོད་མ་མྱོང་ཡང་། འཁྲུལ་པའི་དབང་གིས་ཆགས་སྡང་བདེ་སྡུག་གིས་སྣང་བ་སྣ་ཚོགས་ལ་ལོངས་སྤྱོད་ཀྱང་། གཉིད་སད་པ་ན་ཡུལ་དེ་དག་གིས་ཚུར་ཡོང་པའམ། རང་གིས་ཕར་ཕྱིན་པ་ཅུང་ཟད་ཀྱང་མེད་ལ། ཡུལ་མ་གྲུབ་པས། དེ་ལ་ལྟོས་པའི་བདེ་སྡུག་ཅི་ཡང་གྲུབ་པ་མེད་པ་ལྟར། བླ་མའི་གདམས་ངག་གིས་ལྷ་སྐུ་ཕྱག་རྒྱ་ཆེན་པོ་དེ་ལྟ་བུ་བསྒོམ་པས། རང་ཉིད་སྣང་ལ་རང་བཞིན་མ་གྲུབ་པའི་ཡི་དམ་གྱི་ལྷར་གསལ་སིང་ངེ་བློ་ཡུལ་དུ་འཆར་བ་ནི་ཉམས་སུ་མྱོང་

[Full Size]

བ་ཡིན་ལ། ལྷ་སྐུ་དེའི་ངོ་བོ་ལ་བལྟས་པའི་ཚེ་ན། གང་དུ་ཡང་མ་གྲུབ་པའི་སྟོང་པ་ཉིད་བརྗོད་པའི་ཡུལ་ཐམས་ཅད་དང་བྲལ་བའི་རྗེན་པའི་སྐྱེ་འགག་གནས་གསུམ་དང་བྲལ་བར་གནས་པ་ཡིན་ལ། དེ་བཞིན་དུ། སྣང་ལ་རང་བཞིན་མེད་པ་ཆུ་ཟླའི་དཔེ་ནི། ནམ་མཁའ་ཡོངས་སུ་དག་པ་ལ་ཟླ་བ་ཡོད་པ། བར་སྣང་སྒྲིབ་གཡོགས་མེད་པ། ཆུ་རྩང་རྙོག་པ་མེད་པ་རྣམས་འཛོམ་པའི་ཚེ། ཟླ་བའི་གཟུགས་ཆུ་ནང་དུ་ཐོགས་མེད་དུ་འཆར་ལ། ཤར་ཙམ་ཉིད་ན་ཁོ་རང་གི་ངོ་བོ་ཡོད་མ་མྱོང་བ་ཡིན་ཏེ། ཡོད་ན། ཟླ་བ་དེ་བཟུང་དུ་འདོད་པ་ལྟ་བུ་དགོས་ཀྱང་ལག་པས་རེག་ན་ཞིག་འགྲོ་ལ། མཐར་ཆུ་དེ་ཕོ་བའི་ཚེ། ཟླ་བ་དེ་གང་དུ་སོང་མི་རྙེད་པས། སྐྱེ་འགག་གནས་གསུམ་དང་བྲལ་བ། བྲལ་བཞིན་ཏུ་རྒྱུ་རྐྱེན་རྟེན་འབྲེལ་འཚོགས་པའི་

[Full Size]

དབང་གིས་འགག་མེད་དུ་ཤར་བ་ལྟར། རང་སེམས་ལྷའི་སྐུར་བླ་མའི་མན་ངག་གིས་གསལ་བར་ཤར་ཀྱང་། དེ་ཁའི་ངོ་བོ་གང་དུ་ཡང་མ་གྲུབ་པའི་སྟོང་ཉིད་སྐྱེ་འགག་གནས་གསུམ་དང་བྲལ་བའི་སྟོང་ཉིད་དུ་བཞུགས་པ་ལ་བཞུགས་པར་ངོ་ཤེས་པར་བྱས་ཐག་བཅད། དེའི་རྒྱུན་བསྐྱང་པས། སྣང་སྟོང་དབྱེར་མེད་ལྷ་སྐུ་ཕྱག་རྒྱ་ཆེན་པོ་མངོན་ཏུ་གྱུར་པ་ཡིན་པས། གོང་དུ་བཤད་པ་ལྟར་རྣམ་པ་ལ་བསླབ་པར་ཡན་བྱས་པའི་རྗེས་སུ། དེ་ལྟར་སྣང་བའི་ལྷ་སྐུ་འདི་ཉིད། ང་རང་གི་སེམས་ལྷར་སྣང་བ་མ་གཏོགས། སེམས་ལས་ལོགས་སུ་གྲུབ་པ་ཅུང་ཟད་ཀྱང་མེད། སེམས་ཀྱི་ངོ་བོ་བརྗོད་པའི་མཐའ་ཐམས་ཅད་དང་བྲལ་བ་ཡིན་སྙམ་དུ། ལྷ་སྐུ་དེ་བཀྲི་པ་ལ་མི་ལྟ་བར། ངོ་བོའི་སྟེང་དུ་འཛིན་པར་མ་ཞུགས་པ་བྱས་ཏེ་འཇོག །ཐ་

[Full Size]

མལ་གྱི་རྣམ་རྟོག་གང་སྐྱེས་ཀྱང་དེའི་རྗེས་སུ་མི་འབྲང་བར། ཐོལ་སྐྱེས་རྦད་ཆོད་དུ་བྱས་ལ། རང་སེམས་ལྷ་སྐུར་ལྷམ་མེར་གསལ་བ་དེ་ཁའི་སྟེང་དུ་འཛིན་མེད་དུ་ཆམ་ཆམ་འཇོག་པར་བྱེད། །ལྔ་པ་ངོ་བོ་རང་བཞིན་མཚན་ཉིད་ལ་བསླབ་པ་ནི། རང་བཞིན་ཟུང་འཇུག་ཆེན་པོ་ཡིན། །ངོ་བོ་བརྗོད་བྲལ་བློ་འདས་ཏེ། །དེ་ནི་དུས་གསུམ་སངས་རྒྱས་ཀྱི། །མ་གཟིགས་མི་གཟིགས་གཟིགས་མི་འགྱུར། །ཅེས་གསུངས་ཏེ། ངོ་བོ་བརྗོད་བྲལ་བློ་འདས། རང་བཞིན་དབྱེར་མེད་མཐའ་བྲལ། མཚན་ཉིད་མ་འདྲེས་ཡོངས་རྫོགས་ཞེས་བྱ་བ་ཡིན་ཏེ། དེའང་དང་པོ་ནི། དེ་ལྟ་བུའི་ལྷ་སྐུ་ཕྱག་རྒྱ་ཆེན་པོ་དེའི་ངོ་བོ་ནི། མེད་ཅེས་བྱ་བ་ནི་མི་ནུས་ཏེ་མདངས་འགག་མེད་ལྷ་སྐུ་ཞལ་ཕྱག་གི་རྣམ་པར་གསལ་བའི་ཕྱིར། ཡོད་ཅེས་བརྗོད་མི་ནུས་ཏེ། དེའི་ངོ་བོ་གང་

[Full Size]

དུ་ཡང་མ་གྲུབ་ཅིང་། སྐྱེ་འགག་གནས་གསུམ་དང་བྲལ་བའི་ཕྱིར། དེས་ན་གཉིས་ཀ་ཡིན་ཞེས་པའམ། གཉིས་ཀ་མིན་ཞེས་པར་མི་ནུས་པས་ན་བརྗོད་པའི་མཐའ་ཐམས་ཅད་དང་བྲལ་བ། དེ་ལྟར་གང་དུ་ཡང་མ་གྲུབ་ལ། ཅིར་ཡང་འཆར་བའི་དོན་གྱིས་བློའི་ཡུལ་ཐམས་ཅད་ལས་འདས་པའོ། །གཉིས་པ་ནི། དེ་ལྟར་གང་དུ་ཡང་མ་གྲུབ་པའི་ཆ་ནས་སྟོང་པ། སྟོང་བཞིན་དུ་མདངས་འགག་མེད་ལྷ་སྐུར་གསལ་བ་མི་སྣང་བ་ཡིན་ལ། དེ་གཉིས་གཞི་ནས་ཡོད་པ་ལྟ་བུ་མིན་གྱི། སྣང་ཙམ་ནས་ཁོ་རང་གི་ངོ་བོ་འདིའོ་ཞེས་བརྗོད་མ་ཤེས་པ་སྟོང་པ། སྟོང་བཞིན་ཏུ་གསལ་ཆ་འགག་མེད་དུ་འཆར་བ་སྣང་བ། མདོར་ན་གསལ་བ་བཙལ་བས་མ་རྙེད་པ། སྟོང་པ་ཚོལ་མཁན་གསལ་བ། གསལ་

[Full Size]

བ་དང་སྟོང་པ་མེ་དང་མེའི་ཚ་བ་བཞིན་དུ་འབྱེད་མི་ཤེས་པ་ནི་སྣང་སྟོང་ངམ། གསལ་སྟོང་དབྱེར་མེད་ཡིན་ལ། གསལ་བས་སྟོང་པའི་མཐའ་དང་བྲལ། སྟོང་པའི་གསལ་བའི་མཐའ་དང་བྲལ་བ་ཡིན་གསུངས། གསུམ་པ་ནི། མ་འདྲེས་པ་ནི། ཡུམ་གྱི་སྐུ་མདོག་བརྒྱན། ཕྱག་མཚན་ནས་བཟུང་སྟེ། སྤྱན་གྱི་དཀར་ནག་དང་། དབུ་སྐྲའི་ཉག་མ་བ་སྤུ་རེ་རེ་ཚུན་ཆད་ནས་མ་འདྲེས་ལ་སོ་སོར་གསལ་བ། དཔེར་ན་འཇའ་ཚོན་ཁ་དོག་ལྔ་མ་འདྲེས་ལ་གསལ་བ་ལྟ་བུ། ཡོངས་སུ་རྫོགས་པ་ནི། ཕྱིའི་མེ་རི་ཚུན་ཆད་ཀྱི་དབྱིབས། རྒྱན་ཆ་ལུགས་ཐམས་ཅད་རྫོགས་པའོ། །མདོར་ན་རང་སེམས་ལྷ་སྐུ་ཕྱག་རྒྱ་ཆེན་པོ་སྣང་ལ་རང་བཞིན་མེད་པ་དེ་ཀའི་ངང་དུ་གློད་ནས་འཇོག་པ་ཡིན་ལ། དེ་ལྟ་བུའི་ལྷ་སྐུ་ཕྱག་རྒྱ་ཆེན་པོའམ།

[Full Size]

གནས་ལུགས་ཕྱག་རྒྱ་ཆེན་པོའམ། འཆི་མེད་རང་གྲོལ་ཞེས་བྱ་བའི་མིང་གིས་བཏགས་པའི་གསལ་སྟོང་ཟུང་འཇུག་བརྗོད་པའི་མཐའ་ཐམས་ཅད་དང་བྲལ་བ་དེའི་ངོ་བོ་ནི་འདས་མ་འོངས་ད་ལྟར་གྱི་སངས་རྒྱས་ཐམས་ཅད་ཀྱིས་མ་གཟིགས་མི་གཟིགས་གཟིགས་པར་མི་འགྱུར་ཏེ། གཟིགས་བྱ་གཟིགས་བྱེད་གཟིགས་ཚུལ་ཐམས་ཅད་དང་བྲལ་བའི་ཕྱིར་རོ། །དེ་ཡང་མ་མཁྱེན་པར་མ་གཟིགས་པ་མ་ཡིན་གྱི། མཁྱེན་པས་ཆོས་རྣམས་མ་གཟིགས་ཕྱིར། །ཅེས་དང་། མ་མཐོང་བ་ཉིད་དེ་མཐོང་བར། །ཤིན་ཏུ་ཟབ་པའི་མདོ་ལས་གསུངས། །ཅེས་གསུངས་པ་ལྟར། །གཟིགས་བྱ་གཟིགས་བྱེད་དང་བྲལ་བར་མཁྱེན་ནས་མ་གཟིགས་པ་ཡིན་གསུངས་སོ། །གཉིས་པ་དངོས་ལ། འཆི་མེད་རྡོ་རྗེའི་ཚིགས་རྐང་བཞི་ནི།

[Full Size]

དེ་ལ་ན་རྒྱུ་འཆི་རྒྱུ་དང་། །འཁོར་བ་མྱང་འདས་མ་གྲུབ་ཅིང་། །འཕོ་བྱ་འཕོ་བྱེད་བྲལ་བས་ན། །དེ་ཕྱིར་འཆི་མེད་རང་གྲོལ་ལོ། །ཅེས་པའི་ཤྭ་ལོ་ཀ་གཅིག་པོ་འདི་ཡིན་ལ། །དེའི་ཚིག་རྐང་དང་པོ་གཉིས་ཀྱིས་རྒྱས་པར་བཤད། ཕྱི་མ་གཉིས་ཀྱིས་མདོར་བསྟན་པ་ཡིན་གསུང་། དེའང་རང་སེམས་ལྷ་སྐུ་ཕྱག་རྒྱ་ཆེན་པོ་རྟོགས་པ་དེའི་ངོ་བོར། ན་རྒྱུ་མ་གྲུབ་སྟེ། ལུས་ནའམ། སེམས་ན། ལུས་ནི་བེམ་པོ་རོ་ལྟ་བུ་ན་བྱ་ན་བྱེད་དང་བྲལ། སེམས་ནི་སྐྱེ་འགག་གནས་གསུམ་དང་བྲལ་བའི་ཕྱིར། ན་བྱ། ན་བྱེད། ན་མཁན། ན་ཚུལ་ཐམས་ཅད་ཅུང་ཟད་ཀྱང་གྲུབ་པ་མེད་དེ། རྣམ་སྨིན་གདོས་བཅས་ཀྱི་ལུས་ནི་འོད་ཀྱིས་སྦྱངས་ནས་མེད། སེམས་ནི་ལྷ་སྐུ་འཁོར་ལོ་བདེ་མཆོག་ཡབ་ཡུམ་གྱི་རྣམ་པར་ཤར་བ་འདི་ཡིན། སེམས་ལས་

[Full Size]

མ་གཏོགས་པའི་ཆོས་ནི་གང་ཡང་མ་གྲུབ་པ་མེད་པས། ན་བའི་མཁན་པོ་མ་གྲུབ། དེ་མ་གྲུབ་པས། ན་བར་བྱ་བ་རང་ཉིད་མ་གྲུབ། དེ་ལ་ལྟོས་པས་ན་བར་བྱེད་པོ་མ་གྲུབ། དེས་ན་ན་བའི་ཚུལ་ཟུག་གཟེར་ལ་སོགས་པ་ཅུང་ཟད་ཀྱང་གྲུབ་པ་མེད་དོ། །དེ་ཐམས་ཅད་སེམས་ཁོ་ན་འཁྲུལ་པའི་དབང་གིས་རྣམ་པ་དེ་དང་དེར་ཤར་བ་ཙམ་ཡིན་ལ། འདིར་དེ་ལྟར་འཆར་བ་པོའི་སེམས་འཁོར་ལོ་བདེ་མཆོག་ཡབ་ཡུམ་དུ་གྲུབ་པའི་ཕྱིར། དེ་བཞིན་ཏུ། འཆི་རྒྱུ་ཡང་མ་གྲུབ་སྟེ། འཆི་བ་ཞེས་བྱ་བ་སེམས་རྣམ་རྟོག་གི་བསླད་པའི་སྐྱེ་འགག་བྱེད་པར་སྣང་བ་ཙམ་ཡིན་ལ། སེམས་དེ་ཉིད་འཁོར་ལོ་བདེ་མཆོག་ཡབ་ཡུམ་དུ་གསལ་བའི་ཚེ། དེའི་ངོ་བོ་ལ། འཆི་བྱ། འཆི་བྱེད། འཆི་མཁན། འཆི་ཚུལ་རྣམས་རྡུལ་ཙམ་ཡང་མ་གྲུབ་པའི་

[Full Size]

ཕྱིར། དེ་ཙམ་དུ་མ་ཟད་འཁོར་བ་ཞེས་བྱ་བ་ཡང་། རང་སེམས་ལས་ཉོན་གྱིས་བསླད་པའི་འཁྲུལ་པ་རྒྱ་འབྱམས་ལ་འཁོར་བ་ཞེས་བཏགས་པ་ཙམ་མ་གཏོགས། བདེན་པར་གྲུབ་པ་ཅུང་ཟད་ཀྱང་མེད་པའི་ཕྱིར། འཁྱམས་རྒྱུའི་འཁོར་བ་མ་གྲུབ། དེ་མ་གྲུབ་པས་དེ་ལས་ཐར་པའི་ཐོབ་བྱ་མྱང་འདས་ཀྱང་མ་གྲུབ་སྟེ། སངས་རྒྱས་ཞེས་བྱ་བ་རང་སེམས་བརྗོད་བྲལ་གྱི་ངོ་བོ་ལམ་གྱིས་སྦྱངས་པའི་དག་སྣང་ལ་བཏགས་པ་ཙམ་ཡིན་གྱི། དེ་ལས་གཞན་དུ་གྲུབ་པའི་ཚེ་ན། དེའི་ཁོག་པར་འཇུག་པའམ། དེ་དང་བསྲེས་པས་འདྲེས་ཐུབ་པ་ཞིག་མི་ཡོང་བས། སངས་རྒྱས་ཐོབ་པའི་ཐབས་མེད་ལ། སངས་རྒྱས་རང་སེམས་ཀྱི་སྣང་བ་ཡིན་པའི་ཕྱིར། སེམས་སྐྱེ་འགག་གནས་གསུམ་དང་བྲལ་བའི་རང་ངོ་རྗེན་པར་ཤེས་པ་ནི་གཞི་དུས་ཀྱི་

[Full Size]

སངས་རྒྱས་ངོས་ཟིན་པ། དེའི་རྒྱུན་ལྷ་སྐུ་ཕྱག་རྒྱ་ཆེན་པོའི་ངང་དུ་མ་ཡེངས་པར་སྐྱོང་བ་ནི་ལམ་དུས་ཀྱི་སངས་རྒྱས། དེ་ཉིད་གོམ་གོམ་པས་ཐ་མལ་གྱི་འཁྲུལ་སྣང་རྣམས་ཇེ་མི་གསལ། ཇེ་ནུབ་དུ་གྱུར། དག་པའི་སྣང་བ་ཇེ་གསལ་ཇེ་བརྟན་དུ་གྱུར་ནས་འབྲས་དུས་ཀྱི་སངས་རྒྱས་མངོན་དུ་བྱེད་པ་ཡིན་གསུངས། མདོར་ན། ལུས་ལ་ན་ཚ། སེམས་ལ་འཆི་བར་སྣང་བ་ལ་སོགས་པའི་སྡུག་བསྔལ། དེས་མཚོན་པའི་ཆགས་སྡང་གི་རྟོག་པ་དྲག་པོ་སྲན་མི་བཟོད་པ་སོགས་བཟང་ངན་གྱི་རྟོག་པ་ཕྲ་རགས་གང་ཤར་ཀྱང་དེའི་རྗེས་སུ་མི་འབྲང་བར། རྟོག་པ་གང་ཤར་དེ་རིགས་སེམས་ཡིན། །སེམས་ལྷ་སྐུ་ཕྱག་རྒྱ་ཆེན་པོར་ཐག་བཅད། རྣམ་པ་ལམ་གྱིས་གསལ་བ་དང་། དེ་ཁའི་ཐོག་ཏུ་འཛིན་པ་མ་ཞུགས་པར་ཆོམ་ཆོམ་འཇོག །དེས་

[Full Size]

མཚོན། མིག་གི་ཡུལ་དུ་གཟུགས་ཆེ་བ་རི་རབ་ཁང་ཁྱིམ་ལྟ་བུ་ནས། ཆུང་བ་གྲོག་བུར་ཡན་གང་མཐོང་ཀྱང་། སྣང་བ་དེ་རིགས་སེམས་དེར་སྣང་བ་མ་གཏོགས། སེམས་ལས་གཞན་དུ་གྲུབ་པ་མེད་པར་ཐག་བཅད། སེམས་ལྷ་སྐུ་ཕྱག་རྒྱ་ཆེན་པོའི་ངང་དུ་འཛིན་མེད་དུ་འཇོག །མདོར་ན་ལམ་འདི་ལ་མཉམ་རྗེས་ཀྱི་ཁྱད་པར། ལངས་མ་ལངས་ཙམ་མ་གཏོགས་ཡེ་མེད་པས། དུས་དང་རྣམ་པ་ཐམས་ཅད་དུ་ལྷ་སྐུ་ཕྱག་རྒྱ་ཆེན་པོའི་རང་ཐོག་ཏུ་འཛིན་པ་མ་ཞུགས་པར་སྐྱོང་བ་ཡིན་གསུངས། །གཉིས་པ། མདོར་བསྟན་གྱི་དོན་ནི། །དེ་ལྟར་སྣང་སྲིད་འཁོར་འདས་ཀྱི་ཆོས་ཐམས་ཅད་ལྷ་སྐུ་ཕྱག་རྒྱ་ཆེན་པོར་ཐག་ཆོད་པའི་གང་ཟག་དེ་འཆི་བའི་ཚེ་འཆི་བྱ་འཆི་བྱེད་འཆི་མཁན་ཐམས་ཅད་བརྗོད་བྲལ་དུ་ཤེས་པས། འཕོ་བྱ་འཕོ་བྱེད་ཐམས་ཅད་བྲལ་ཏེ་འཆི་བ་འོད་གསལ་

[Full Size]

ཆོས་སྐུར་སངས་རྒྱ་ངེས་པ་ཡིན་ལ། དེར་ནི་འཆི་མེད་རང་གྲོལ་ཞེས་བྱ་སྟེ། རང་སེམས་བརྗོད་བྲལ་ཟུང་འཇུག་ཏུ་བཞུགས་པ་ལ་བཞུགས་པར་ངོ་ཤེས་པས་གྲོལ་བ། དཔེར་ན་སྦྲུལ་མདུད་པ་རང་གྲོལ་བའམ། ཐག་ཁྲལ་ཐག་ཁྲར་ངོ་ཤེས་པས་སྦྲུལ་འཛིན་རང་གྲོལ་བ་བཞིན་ཏུ། ཁོ་རང་གིས་ཁོ་རང་ངོ་ཤེས་པས་གྲོལ་བ་ཡིན་གསུང་ངོ་། །གསུམ་པ་རྗེས་ལ། རང་སེམས་འཆི་མེད་རང་གྲོལ་དུ་མ་གཏོགས་པའི་སྐྱོན་དང་། རྟོགས་པའི་ཕན་ཡོན་གཉིས་ལས། དང་པོ་ནི། དེ་ལྟར་མ་རྟོགས་རྣལ་འབྱོར་པས། །བསྐལ་པར་སྒྲུབ་ཀྱང་འགྲུབ་མི་འགྱུར། །ལོག་པའི་ལམ་ཞུགས་ཁོ་ན་ཟད། །ཅེས་གསུངས་ཏེ། །རང་སེམས་ལྷ་སྐུར་ཤར་བའི་གསལ་སྟོང་ཟུང་འཇུག་དེ་ལྟར་དུ་མ་གཏོགས་པར། དུག་གསུམ་གྱི་ཀུན་ནས་སླངས་པའི་

[Full Size]

བསྐྱེད་རིམས་རྫོགས་རིམས་གང་སྒོམས་ཀྱང་། རྣམ་པ་ལྷ་དེ་དང་དེ་ལ་ངོ་བོ་ངན་སོང་སྡུག་བསྔལ་མྱོང་དགོས་པ་ཁོ་ན་འབྱུང་ཞིང་། དུག་གསུམ་གྱིས་ཀུན་ནས་མ་སླངས་ཀྱང་། བསྐྱེད་རིམས་སྐྱོང་པས་ལྷའི་གནས་ཅི་རིགས་པ་དང་། རྫོགས་རིམས་ཕྱག་ཆེན་སོགས་ཇི་ཙམ་སྒོམས་ཀྱང་གཟུགས་མེད་སྐྱེ་མཆེད་མུ་བཞི་ལ་སོགས་པར་སྐྱེ་བ་ལས། སངས་རྒྱས་ཀྱི་གོ་འཕངས་མི་ཐོབ་སྟེ། ལམ་གྱི་གནད་འཆུགས་པའི་ཕྱིར། བསྐལ་པར་འབད་ཀྱང་ངལ་བ་དོན་མེད་ཅིང་འབྲས་བུ་ལོག་པར་འབྱིན་པ་ཁོ་ན་ཡིན་གསུང་། །གཉིས་པ་རྟོགས་པའི་ཕན་ཡོན་ནི། །གང་གིས་མཚམས་མེད་ལྔ་རྫོགས་ཀྱང་། །ཅེས་པ་ནས། གསུམ་ལའོ། །ཅེས་པའི་བར་གྱིས་བསྟན་ཏེ། དེ་དག་གི་དོན་ནི་ཁུངས་བཙུན་པའི་ཡི་གེ་དང་འདྲ་བར་གསུང་ལ། རེག་པས་སངས་རྒྱ་བའི་རྒྱུ་མཚན། རང་

[Full Size]

གི་ཡི་གེ་ཙམ་ཡང་མི་ཤེས་པ་ཞིག་ལ་གཞན་གྱིས་ཆོ་ག་མཛད་ཅིང་ལྡན་པས་སྒྲུབ་པའི་སྲུང་བ་སོགས་བཏགས་པས་བར་ཆད་དེ་དང་དེ་སྲུང་ཞིང་། མཐུན་རྐྱེན་འགྲུབ་པར་མངོན་སུམ་གྱིས་གྲུབ་ལ། ཐུན་མོང་གི་དངོས་གྲུབ་སྒྲུབ་པའི་མན་ངག་ལ་ཕན་ཡོན་དེ་ཙམ་ཡོད་ན་རྒྱལ་བའི་ཐུགས་ཀྱི་བཅུད་ཕྱུང་བའི་མཆོག་གི་དངོས་གྲུབ་སྒྲུབ་པའི་མན་ངག་ལ་ཕན་ཡོན་ཅི་ཕྱིར་མི་འབྱུང་། །དེས་ན་གསེར་ལ་སོགས་པའི་གླེགས་བམ་ཆུང་ངུ་བྲིས་ཏེ་ལུས་ལ་འཆང་བ་གནད་ཡིན་གསུང་། མདོར་ན་རྡོ་རྗེ་ཐེག་པ་ཐམས་ཅད་ཀྱི་དོན་གྱི་བཅུད་ཕྱུང་བ་ནི་བསྐྱེད་རྫོགས་དབྱེར་མེད་ཀྱི་ཉམས་ལེན་གཅིག་པུ་འདི་ཡིན་པས་འབད་པས་ཉམས་སུ་ལེན་པར་བྱའོ་གསུང་། །མི་རབས་བདུན་ནས་གསུམ་ལའོ། །ཞེས་པའི་དོན་འདི་ལ། བླ་མ་ཁ་ཅིག་གི་བཞེད་པས་བདུན་

[Full Size]

ནམ་གསུམ་ཞེས། བདུན་ནི་བརྒྱུད་པ་རིན་ཆེན་བདུན་ནམ། གསུམ་ནི་རྙིང་མ་པ་བཞེད་པ་ལྟར། རྡོ་རྗེ་འཆང་རྒྱལ་བ་དགོངས་པ། ཌཱཀྐི་མས་རིག་འཛིན་བརྡ། ཁྱུང་པོ་ཡན་གང་ཟག་སྙན་བརྒྱུད་དུ་བཞེད་པ་དང་། འཇག་ཆེན་ཀུན་དགའི་བཞེད་པས། བདུན་ནས་ཞེས་པ་བརྒྱུད་པ་རིན་ཆེན་བདུན། དེ་ནས་ཤངས་སྟོན་མཁས་བཙུན་པ། འཇག་ཆེན་བྱམས་པ་བྱོན་ནས། འཇག་ཆེན་བྱམས་པ་བརྒྱུད་པ་བདུན་རྫོགས་པའི་གསུམ་པ་ཡིན་ཞིང་། ཁྱུང་པོའི་རྣམ་འཕྲུལ་ཡིན་པ་ལྟར། འཇག་ཆེན་ལུང་བསྟན་ལྟར་བཞེད་མོད། འཇག་སམ་སྤྱི་པའི་བཞེད་པས་བརྒྱུད་པ་བདུན་གྱི་བར་ཆིག་བརྒྱུད་ཁོ་ན་ཡིན་ལ། དེ་ནས་རབ་བླ་མ་ལ་ཆོས་སྐུའི་ངེས་ཤེས་སྐྱེས་པ། འབྲིང་གདམས་ངག་ལ་ཡིད་ཆེས་པ། ཐ་མ་ཉམས་ལེན་རྩེ་གཅིག་ཏུ་ནུས་པ་གསུམ་

[Full Size]

པོ་གང་རུང་ལ་བྱིན་པས་ཆོག་པར་བཤད་པར་བཞེད་ལ། མཁས་བཙུན་པའི་ཁྲིད་ཡིག་ཏུ། མི་རབས་བདུན་སོང་ནས་བརྒྱུད་པ་གསུམ་པ་ཡིན་ནོ། །ཅེས་པའང་དེའི་དོན་ཡིན་ནོ་གསུང་། མཇུག་གི་སྒོ་ནས་དོན་བསྡུ་བ་ནི། དཔལ་འཆི་མེད་ཡེ་ཤེས་ཆེན་པོ་མན་ཆད་དེ་གོ་སླའོ། །མཆོག་གི་བླ་མའི་ཐུགས་བཅུད་ཡིན་བཞིན་ནོར། །ཙིཏྟའི་གའུ་དམ་པོར་མི་འཆང་བར། །ཡི་གེའི་ངལ་བས་གཡེངས་པའི་སྙིང་མེད་པོ། །ཁྱོད་ལ་སངས་རྒྱའི་དུས་ནི་ནམ་ཞིག་ཡོང་། །འོན་ཀྱང་བརྗེད་ངས་ཆོམ་རྐུན་སྲུང་བ་དང་། །འཁྲུལ་མེད་བླ་མའི་གསུང་ལ་ཆེས་ཐུས་པས། །གང་ཟིན་བརྗེད་ཐོར་བགྱིས་པའི་དགེ་བ་འདིས། །རང་སེམས་འཆི་མེད་རང་གྲོལ་མྱུར་རྟོགས་ཤོག །དེ་སྐད་རྒྱལ་བ་ཀུན་དངོས་ཐམས་ཅད་

[Full Size]

མཁྱེན། །ཚར་ཆེན་སྐུ་དྲིན་མཉམ་མེད་ཞབས་པདྨོ། །སྤྱི་བོར་བསྟན་པའི་སྐལ་བཟང་མཁྱེན་བརྩེའི་མིང་། །དཱ་རི་དྲ་དེས་མྱུག་གི་ཆོས་སྡེར་བྲིས། །འདིས་ཀྱང་ཕ་བླ་མའི་སྙན་བརྒྱུད་ཀྱི་བསྟན་པ་ཕྱོགས་ཐམས་ཅད་དུ་དར་ཞིང་རྒྱས་པར་གྱུར་ཅིག །མངྒ་ལཾ། །ཨྀིྠ།

འཆི་མེད་གྲུབ་པའི་འགྲེལ་པ།

[Full Size]

། འཆི་མེད་གྲུབ་པའི་འགྲེལ་པ་བཞུགས་སོ།། །།

[Full Size]

རྒྱ་གར་སྐད་དུ། ཨ་མྲྀ་ཏ་སིདྡྷ་བྲྀ་ཏི་ནཱ་མ། བོད་སྐད་དུ། འཆི་མེད་གྲུབ་པའི་འགྲེལ་པ་ཞེས་བྱ་བ། སངས་རྒྱས་ལ་ཕྱག་འཚལ་ལོ། །ལྟེ་བའི་དཀྱིལ་འཁོར་པདྨ་དྲི་མ་མེད་པའི་སྟེང་ན་ཟླ་བ་རྣམ་པར་གནས། །ཁམས་གསུམ་རྣམས་ནི་དེ་ལས་སྐྱེས་ཤིང་ཆོས་ཀྱི་ལམ་ནི་རྣམ་པར་ཤར། །དེ་ཡི་དཀྱིལ་དུ་ལམ་ནི་གསུམ་པ་རྗེས་སུ་རྣམ་པར་འཛིན། །དེས་ནི་བདེ་ཆེན་འཁོར་ལོའི་བར་དུ་ཕུག་ཅིང་དག་པ་ལ་ཕྱག་འཚལ། །དམ་པ་རྣམས་ཀྱི་ཡེ་ཤེས་གསོ་ཕྱིར་འཆི་མེད་བསྒྲུབ་པ་བཤད་པར་བྱ། །དད་དང་

[Full Size]

ལྡན་ཞིང་ཞི་བ་དང་། །དེ་ཡི་འདོད་པ་བཀང་ཕྱིར་གསུངས། །བདག་གིས་རྣམ་པར་བཤད་པ་འདི། །ཡེ་ཤེས་ཅན་ཀུན་རྣམ་པར་བསྟོད། །ཡེ་ཤེས་རྣམ་པར་སྐྱེས་ནས་ནི། །ཆགས་བྲལ་རྣམས་ཀྱིས་དགང་བར་གྱིས། །ངས་ནི་རྣམ་པར་བཤད་པ་ལས། །མི་ཤེས་རྣམས་ནི་སུན་འབྱིན་བྱེད། །འོ་མ་དག་ནི་བསྲུབས་པ་ལས། །སྙིང་པོ་མར་ནི་རྣམ་པར་འབྱུང་། །ལོག་པའི་ལམ་ནི་རྨོངས་པ་རྣམས། །ཐམས་ཅད་འདི་ལས་རྣམ་པར་རྨོངས། །བསྟན་ཆོས་མ་ལུས་ཀུན་ཤེས་

[Full Size]

ཀྱང་། །འཁྲུལ་པས་ས་སྟེངས་མ་ལུས་ཁྱབ། །དེ་ནི་ཡེ་ཤེས་ལམ་རྙེད་པས། །ཟིལ་པ་ལ་ནི་ཉི་ཤར་བཞིན། །བླ་མ་ཡི་ནི་ཞལ་དག་ལས། །མཆོག་གི་དམ་པ་འདི་རྙེད་དོ། །རྒྱུད་རྣམས་ཀུན་གྱི་གསང་པའི་དོན། །དེ་ནི་རིམ་གྱིས་བཤད་པར་བྱ། །ལུས་ཀྱི་ནང་གི་སྙིང་པོ་རྣམས། །ངེས་པ་རྣམ་པ་དུ་མ་བཤད། །དེ་དང་དེ་ནི་རྣམ་གསལ་བྱ། །ཇི་ལྟར་གནས་ལུགས་བཞིན་དུ་བསྟན། །ལུས་ལ་དབུ་མ་དག་དང་ནི། །ཟླ་བ་ཉི་མ་མེ་རྣམས་དང་། །རླུང་དང་ཐིག་ལེ་དེ་ཉིད་དང་། །སེམས་ཀྱི་རང་བཞིན་གང་ཡིན་པ། །བདག་ཉིད་ཀྱིས་ནི་བཤད་པར་བྱ། །གདམས་པ་ཆེ་དང་ཕྱག་རྒྱ་ཆེ། །དབྱེ་དང་གོམས་པས་གྲུབ་པའོ། །རྣམ་གནས་པ་ཡི་འཆི་བ་མེད། །གཉིས་སུ་མེད་པ་བསམ་གཏན་དག །གྲུབ་པ་ཆེན་པོར་རྣམ་པར་ཤར། །འབྱུང་བ་ཆེ་རྣམས་ཡོངས་སུ་

[Full Size]

འགགས། །ཕྱག་རྒྱ་ཆེན་པོ་མ་ནོར་རྙེད། །གནས་པ་ཆེན་པོ་རྒྱུ་དུས་སུ། །རྣམ་པ་དུ་མ་བཤད་པ་ལས། །འགའ་ཞིག་གིས་ནི་ཤེས་པར་འགྱུར། །ལུས་ཀྱི་དེ་ཉིད་བསྡུས་ནས་ནི། །བདག་ཉིད་ཀྱིས་ནི་བཤད་པར་བྱ། །ལུས་ལ་ལྷུན་པོ་རྣམ་པར་གནས། །གླིང་རྣམས་དང་ནི་ཀུན་དང་ལྡན། །འཇིག་རྟེན་གསུམ་ཡང་དེ་ན་གནས། །ས་ནི་བཅུ་བཞིར་ཡང་དག་ལྡན། །རྒྱ་མཚོ་ཡང་ནི་ལུས་ལ་གནས། །ཞིང་དང་ཞིང་སྐྱོང་དང་ཡང་ལྡན། །བསོད་ནམས་ཡང་དག་རྟེན་ཡང་ཡོད། །གནས་དང་ལྟུང་ཡང་ཡང་དག་ལྡན། །གཟའ་དང་རྒྱུ་སྐར་དག་དང་ནི། །དྲང་སྲོང་ཐུབ་པ་རྣམས་ཀྱང་གནས། །སྐྱེ་དང་མི་རྟག་རྒྱུ་གནས་ཤིང་། །ཉི་མ་ཟླ་བ་རྣམ་པར་རྒྱུ། །རླུང་དང་ནམ་མཁའ་མེ་དང་ནི། །ས་དང་ཆུ་ཡང་རྣམ་པར་གནས། །

[Full Size]

སྡིག་པ་སྤངས་པའི་བིཥྞུ་དང་། །ཚངས་དང་དབང་ཕྱུག་ཆེན་པོ་གནས། །ཁམས་གསུམ་ཀུན་ཀྱང་ངེས་པར་ནི། །ཐམས་ཅད་ལུས་ལ་རྣམ་པར་གནས། །ལུས་ཀྱི་དེ་ཉིད་ཤེས་པ་ཡི། །དེ་ཉིད་ཐམས་ཅད་ལུས་ལ་གནས། །བསོད་ནམས་ཆེན་པོའི་བསྒོས་སྐལ་གྱིས། །མི་ཡི་ལུས་ནི་ངེས་པར་ཐོབ། །བླ་མའི་གསུང་གི་བྱིན་རླབས་ལས། །ཐར་པའི་ལམ་དུ་འགྲོ་བར་འགྱུར། །བླ་མའི་ཞབས་ལ་གུས་བཏུད་ནས། །ལུས་འདི་དེ་བཞིན་གཤེགས་རིགས་འགྱུར། །གང་གིས་འཁོར་བའི་སྐྱོན་རྣམས་ནི། །ངེས་པར་ཟད་པར་འགྱུར་བ་ཡིན། །འཆི་མེད་གྲུབ་པ་ཞེས་བྱ་བ་ལས་ལུས་ཀྱི་དབྱེ་བའོ། །ལྷུན་པོ་རྣམ་པར་འཁྱམས་པ་ཡིས། །འགྲོ་བ་ཀུན་ལ་ཁྱབ་པ་ཡིན། །དབུ་མ་དཔེ་མེད་ལ་ཞུགས་ནས། །ལྷུན་པོ་རྣམ་པར་ཕྱུག་ནས་ཀྱང་། །བསོད་ནམས་སྒོ་ནི་གཉིས་

[Full Size]

སུ་གནས། །འོག་གི་སྒོ་རུ་ཞུགས་པ་ཡི། །སྐྱེ་དང་མི་རྟག་རང་བཞིན་ནོ། །བསོད་ནམས་ཡེ་ཤེས་ལྡན་པ་ཡི། །བརྩོན་འགྲུས་སྟོབས་དང་རབ་ལྡན་པས། །ཉམས་པའི་ལམ་ནས་ཞུགས་ནས་ནི། །རྣལ་འབྱོར་ལམ་དུ་འགྲོ་བར་འགྱུར། །འདི་ནི་ལྷ་མོ་རིག་མ་ཆེ། །ལྷ་རྣམས་ཀྱིས་ཀྱང་རྙེད་པར་དཀའ། །འགྲོ་བ་ཀུན་གྱིས་མ་ཡིན་ནོ། །འཆི་བ་ངེས་པར་ཟད་པར་བྱེད། །དེ་ནི་སྐྱེ་བའི་གནས་ན་གནས། །ལྷ་མོ་ཀུན་ལ་སྟོབས་མོ་ཆེ། །སྡིག་པ་ཐམས་ཅད་འཇོམས་པའི་མགོན། །འགྲོ་བའི་ལམ་དུ་རྣམ་པར་གནས། །ཁ་གཅིག་ཨ་ཝ་དྷཱུ་ཏཱི་ཟེར། །དེ་བཞིན་ལམ་པོ་ཆེ་ཡང་ཟེར། །ཁ་གཅིག་འཛིན་པ་ཞེས་ཀྱང་ཟེར། །སུ་པོ་ཕྲ་ན་ཕྲ་གཟུགས་ཟེར། །ཁ་གཅིག་དུར་ཁྲོད་ཞེས་ཀྱང་ཟེར། །དབྱངས་ཅན་ཞེས་ཀྱང་རྣམ་པར་འདོགས། །

[Full Size]

སྣ་ཚོགས་དུ་མའི་དབྱེ་བ་ཡིས། །ཡེ་ཤེས་སྤྱན་ལྡན་རྣམས་ཀྱིས་བཏགས། །འདི་ཡི་མིང་ལ་བརྟེན་ནས་སུ། །ལུས་ནི་བརྟན་པར་འགྱུར་བ་ཡིན། །གཡས་གཡོན་གཉིས་ཀྱི་དབུས་སུ་ནི། །བདེ་ཆེན་གཅིག་པུ་འབར་བར་འགྱུར། །གསུམ་པོ་གཅིག་ཏུ་གྱུར་པ་ཡིས། །སྐྱེས་བུ་དེ་ནི་མཆོག་ཏུ་འགྱུར། །འཆི་མེད་གྲུབ་པ་ཞེས་བྱ་བ་རྩ་དབུ་མའི་དབྱེ་བའོ། །ལྷུན་པོའི་སྟེང་ན་ཟླ་བ་གནས། །བརྒྱད་གཉིས་དུས་གཉིས་དག་དང་ལྡན། །ཉིན་མོ་དང་ནི་མཚན་དག་ཏུ། །དག་པའི་ཆར་པ་འོག་ཏུ་འབབ། །དེ་ནས་བདུད་རྩི་གཉིས་སུ་འགྱུར། །དེ་ཉིད་རིམ་པ་མི་ཞེས་བྱ། །གཡོན་གྱི་ལམ་དུ་འབབ་པ་དང་། །མེ་ཡིས་མི་བསྐྱོད་རྣམ་པར་བཞུ། །ཕྲ་བའི་ལམ་དུ་སོང་ནས་ནི། །ལུས་རྣམས་ཀུན་ལ་ཁྱབ་པ་ཡིན། །དེས་ན་ཟླ་བའི་རང་བཞིན་ནོ། །གཡོན་གྱི་

[Full Size]

ལམ་དུ་རྣམ་པར་གནས། །དབང་པོ་གཉིས་སྦྱོར་དུས་སུ་ནི། །ཟླ་བའི་དཀྱིལ་འཁོར་རྣམ་པར་འཇུག །དབུ་མའི་ལམ་ནས་ཞུགས་ནས་ནི། །སྐྱེ་བའི་སྒོ་རུ་འགྲོ་བར་འགྱུར། །འཆི་མེད་གྲུབ་པ་ཞེས་བྱ་བ་ལས་ཟླ་བའི་དབྱེ་བའོ། །དབུ་མའི་རྩ་བར་རབ་ཏུ་གནས། །དེ་ནི་ཉི་མའི་དཀྱིལ་འཁོར་རོ། །དུས་ནི་བཅུ་གཉིས་ཡང་དག་རྫོགས། །མར་མེ་གསལ་བའི་འོད་ལྟ་བུ། །གཡོན་ཕྱོགས་སྟེང་དུ་དྲག་ཏུ་འཕྱུར། །རྣོན་པོའི་རང་བཞིན་ཀུན་གྱི་བདག །ལུས་རྣམས་ཀུན་ལ་མ་ལུས་ཁྱབ། །རྩ་ཡི་ལམ་ཞུགས་ནམ་མཁར་འགྲོ། །རླུང་གི་དཀྱིལ་འཁོར་འཁོར་བ་ཡིན། །ཁམས་བདུན་བསྲེག་པར་བྱེད་པ་དང་། །ལུས་ཀུན་བསྲེག་པར་བྱེད་པའོ། །དེ་ནི་ཉི་མའི་རང་བཞིན་ནོ། །གང་གི་སྦྱོར་བའི་དུས་སུ་རྒྱུ། །སྐྱེ་འགག་

[Full Size]

གཉིས་ཀྱི་རྒྱུ་ཡིན་ནོ། །གཡས་སུ་འགྲོ་བ་སྤངས་ནས་ནི། །ཉི་མ་ལྷུན་པོ་ལ་གནས་པས། །སེམས་ནི་རྣམ་པར་དབྱེ་བའོ། །ལུས་ནི་བསོད་ནམས་དུས་ཡིན་ནོ། །རྣམ་སྤངས་ལུས་ནི་ནང་དུ་ཤེས། །རང་གིས་གོམས་པར་བྱ་བ་ཡིན། །དབུ་མའི་ལུས་སུ་སྦྱོར་བ་ཆེ། །རྣལ་འབྱོར་བདེ་ཆེན་བྱ་བ་ཡིན། །དེ་ཡི་སྐད་ཅིག་སྐད་ཅིག་ལ། །སྐྱེ་དང་འགགས་པའི་དུས་ཀུན་ཏུ། །ཉི་མའི་རང་བཞིན་འབྱུང་བ་ཡིན། །ཉི་ཟླ་གཅིག་ཏུ་བསྡམ་པར་བྱ། །སྦྱོར་བ་གཅིག་ཏུ་འགྱུར་བ་ཡི། །ཕྱི་རོལ་སྐྱེ་བར་ཤེས་པར་བྱ། །སྦྱོར་བ་ནང་དུ་འབྱུང་བ་ཡིན། །འཛིན་པ་དབེན་པར་ཤེས་པར་བྱ། །ཕྱི་རོལ་ནང་དུ་མཉམ་པར་བསྡུ། །ཕྱི་རོལ་སྐྱེ་བ་བསོད་ནམས་སོ། །ནང་དུ་རྣམ་པར་གྲོལ་བར་བཤད། །ཟླ་བ་ཉི་མས་ཡོངས་བཟུང་སྟེ། །གཅིག་ཉིད་དུ་ནི་གྱུར་པའི་དུས། །གཞན་དུ་གཞན་དུ་སྦྱར་བའོ། །དེ་ནི་སྦྱོར་བ་ཡང་

[Full Size]

དག་བཤད། །ཉི་མ་མེ་དང་ར་ཧུ་དང་། །དེ་རྣམས་སྟེང་དུ་འགྲོ་བའི་ཚེ། །བདུད་རྩི་ཟླ་བ་འོག་ཏུ་འབབས། །དེ་ནི་རྣམ་པར་ཉམས་པར་འགྱུར། །དེ་རྣམས་མ་ལུས་ཐམས་ཅད་ཀྱང་། །སྟེང་དུ་རྣམ་པར་འགྲོ་འགྱུར་ཞིང་། །ཉི་ཟླ་དག་ནི་མཉམ་པ་དང་། །འདི་ནི་གྲོལ་བ་ཞེས་བཤད་དོ། །འཆི་མེད་སྒྲུབ་པ་ལས་ཉི་མའི་དབྱེ་བའོ། །དུས་ནི་བཅུ་གཉིས་ཡང་དག་ལྡན། །ཉི་མའི་དཀྱིལ་འཁོར་དབུས་སུ་ནི། །ཉིན་དང་མཚན་དུ་དེ་ན་གནས། །རིན་ཆེན་མེ་ནི་སྨིན་པར་བྱེད། །མེ་དེ་གང་ཡིན་ཉི་མ་ཡིན། །ཉི་མ་གང་ཡིན་མེ་ཡང་ཡིན། །གཅིག་ཏུ་རྣམ་པར་བསྡུ་བ་བྱ། །ཕྲ་བའི་དབྱེ་བས་ཕྱེ་བའོ། །ཇི་སྲིད་ཉི་མའི་དུས་སུ་ནི། །མེ་ནི་རྣམ་པར་གནས་བར་དུ། །དེ་སྲིད་ཐིག་ལེ་རྣམ་པར་འཕེལ། །ཐིག་ལེ་མཉམ་མེད་བུག་པ་མེད། །མེ་ཡི་འཇིག་རྟེན་སྟོབས་བསྐྱེད་དེ། །

[Full Size]

དེ་ཡི་ཚེ་ཡང་འཕེལ་བར་བྱེད། །མེ་ནི་ནད་མེད་རང་བཞིན་ནོ། །དེ་ནི་བརྟན་པར་བྱེད་པ་ཡིན། །འཆི་མེད་གྲུབ་པ་ལས་མེའི་དབྱེ་བའོ། །འགྲོ་བ་ཐམས་ཅད་རླུང་ལས་འབྱུང་། །ཡེ་ཤེས་རླུང་ཡང་དེ་བཞིན་ནོ། །དེ་ཉིད་ཀུན་གྱི་སྙིང་པོར་འགྱུར། །མགོན་པོ་རླུང་ལ་ཕྱག་འཚལ་ལོ། །གང་དག་དེ་ཡི་བཀའ་དྲིན་གྱིས། །འགྲོ་བ་རྣམས་ནི་རྣམ་པར་སྐྱོང་། །ས་ལ་སོགས་པ་བཞི་པོ་ནི། །སོ་སོ་དུ་ནི་བཟུང་བའོ། །འཇིག་རྟེན་ཀུན་དང་རྒྱ་མཚོ་དང་། །ས་རྣམས་ཀུན་ནི་མ་ལུས་དང་། །དེ་རྣམས་ཀུན་ནི་རབ་ཏུ་གནས། །ཐམས་ཅད་ལ་ནི་ཁྱབ་པའོ། །འཁོར་ལོའི་དབུས་སུ་རྣམ་པར་འཁྱམས། །གཟའ་ལ་སོགས་པ་ཐུབ་པ་བདུན། །ཁམས་གསུམ་པོ་ནི་དེ་ཡི་བཟུང་། །རླུང་ནི་ཆེན་པོ་གཅིག་ཏུ་སྟེ། །ཕྱི་རོལ་དཀྱིལ་འཁོར་ལ་སོགས་ནི། །རླུང་གི་དཀྱིལ་འཁོར་ཆེ་བ་སྟེ། །དེ་བཞིན་ལུས་

[Full Size]

ཀྱི་ནང་དུ་ཡང་། །རླུང་ནི་གཅིག་པུ་མངའ་བདག་ཡིན། །སྣ་ཚོགས་གནས་སུ་རླུང་རྣམས་འགྲོ། །སྣ་ཚོགས་དོན་གྱིས་གྲུབ་པར་བྱེད། །ལུས་ཀྱི་དེ་ཉིད་ཅི་ཡོད་པ། །རླུང་ནི་གཅིག་པུར་བཤད་པར་བྱ། །སྙིང་དུ་སྲོག་འཛིན་གནས་པའོ། །གསང་བའི་གནས་སུ་ཉི་རླུང་གནས། །མེ་ནི་ལྟེ་བར་གནས་པ་ཡིན། །སྟེང་རླུང་མགྲིན་པར་གནས་པའོ། །ལུས་ཀུན་ལ་ནི་ཁྱབ་པར་བྱེད། །འཆི་མེད་གྲུབ་པ་ལས་རླུང་གི་དབྱེ་བའོ། །འཆི་མེད་གྲུབ་པ་ཞེས་བྱ་བའི་འགྲེལ་པ་རྫོགས་སོ། །དཔལ་ལྡན་བླ་མ་ལ་གུས་ཤིང་། །དབང་རྣམས་ཀུན་གྱིས་རུང་པར་བྱས། །དམ་ཚིག་མཆོག་དང་མཉམ་སྦྱོར་བའི། །ལྷ་ལ་བྱིན་པས་མཉེས་པ་མེད། །རྒྱ་གར་ལྷོ་ཕྱོགས་ཀཱ་མ་རུའི་གྲོང་ཁྱེར་དུ་གྱད་ཀྱི་རིགས་སུ་སྐུ་འཁྲུངས་པའི། །རྣལ་འབྱོར་ཆེན་པོ་དུར་ཁྲོད་

[Full Size]

པ་ཀཱ་མ་རཱུ་པ། ཨེ་ཏེ་པ། རྒྱ་འགྲེས་པ་ཞེས་ཀྱང་གྲགས་པའི་པཎྜི་ཏ་དེ་ཉིད་ཀྱི་ཞལ་སྔ་ནས། བོད་ཀྱི་ལོ་ཙཱ་བ་རྨ་ལོ་ཙཱ་བས་ཏེ་ཏེའི་དུར་ཁྲོད་དུ་བསྒྱུར་བའོ། །རྡོ་རྗེ་འཆང་། །དབུ་བཅད་མ། །བིར་ཝ་པ། བྲམ་ཟེ་ནག་པོ། དུར་ཁྲོད་ནག་པོ། ལ་སྟོད་མགོན་པོ། སངས་རྒྱས་གཉན་སྟོན། ཆོས་རྗེ་སྟོན་པ། ཤངས་སྟོན་པ། མཁས་བཙུན་པ། མདོར་བན་རིན་ཆེན་བཟང་པོས་བྲིས། །མངྒ་ལཾ། །ཤུབྷཾ། ༈ ལུས་འཆི་མེད་ཀྱི་དབང་ཆོག་བཞུགས་སོ། །ན་མོ་གུ་རུ། མཎྜལ་དཔེ་ཆུང་ལྟར་བྲིས་ལ། དགུག་གཞུག་དང་མཆོད་པ། སྐུ་གསུང་ཐུགས་རྒྱས་གདབ། དེ་ནས་འཆི་བ་མི་རྟག་པ། ལས་རྒྱུ་འབྲས། འཁོར་བའི་ཉེས་པ་བཤད་པ། སངས་རྒྱས་ཆོས་ངང་འཕགས་པའི་ཚོགས་

[Full Size]

རྣམས་ལ། །ཞེས་པའི་ཚིག་གི་སྐྱབས་འགྲོ་དང་། སྨོན་འཇུག་གི་ཆོ་ག་བྱ། བདག་འཇུག་གནང་བ་བྱིན་པ། སྡིག་བཤགས་སམ། རྗེས་སུ་ཡི་རང་རྣམས་སྐབས་དང་སྦྱར་ལ་བྱའོ། །དངོས་གཞི་ནི། མཎྜལ་གྱི་ལྟེ་བ་ལ། འཁོར་ལོ་བདེ་མཆོག་སྐུ་མདོག་སྔོན་པོ། མི་མགོ་དང་རུས་པའི་རྒྱན་ཅན། སྤྱན་དམར་བ། རྡོ་རྗེ་དྲིལ་བུ་འཛིན་པས་ཡུམ་དང་གཉིས་སུ་མེད་པར་བསྒོམ། ཕྱོགས་བཞིར་ལྷ་མོ་བཞི་བསམ། དེ་ནས་རང་གི་ལུས་ལོངས་སྤྱོད་ལྟོས་པ་མེད་པར་ཕུལ་ནས། བླ་མ་རིན་པོ་ཆེ་བདག་ལ་བུམ་པའི་དབང་བསྐུར་དུ་གསོལ། །སྐུའི་བྱིན་རླབས་མ་ལུས་པ་གཞུག་ཏུ་གསོལ། །ཞེས་གསོལ་བ་བཏབ་པས། བླ་མའི་སྤྱི་བོའི་ཨོཾ་དཀར་པོ་ལས། བདེ་མཆོག་དཀར་པོ་སྐུ་ཆུང་ལ་ཡན་ལག་དོད་པ་དཔག་ཏུ་མེད་པ་

[Full Size]

ཆད་ཅིང་། གར་སྟབས་ལིང་ལིང་པ་བྱུང་ནས། རང་གི་སྤྱི་བོའི་ཨོཾ་ལ་ཐིམ་པས། མགྲིན་པ་ཡན་ཆད་བདེ་མཆོག་དཀར་པོས་གང་། བུམ་པའི་དབང་ཐོབ། ལུས་ཀྱི་དྲི་མ་དག་པར་བསམ། བླ་མས་ཀྱང་དེ་བཞིན་དུ་བསམ་ཞིང་། གུ་གུལ་གྱི་དུད་པ་དང་། རོལ་མོའི་སྒྲ་དང་བཅས་པས་རྩ་བ་དང་བརྒྱུད་པར་བཅས་པའི་བླ་མ་རྣམས་ཀྱིས་བྱིན་གྱིས་བརློབས་ཤིག །རྗེ་བཙུན་བིར་ཝ་པས་བྱིན་གྱིས་རློབས་ཤིག །དཔའ་བོ་མཁའ་འགྲོ་མ་རྣམས་ཀྱིས་བྱིན་གྱིས་རློབས་ཤིག །ཅེས་བརྗོད་ལ་སྐུའི་བྱིན་རླབས་དབབ། ཡང་། རང་གི་ལུས་དང་ལོངས་སྤྱོད་ཕུལ་ནས། གཉིས་པ་དང་གསུམ་པ་སྔར་བཞིན་བླང་། གསང་དབང་དང་། ཤེས་རབ་ཡེ་ཤེས་ཀྱི་དབང་བསྐུར་དུ་གསོལ། གསུང་དང་། ཐུགས་ཀྱི་བྱིན་རླབས་མ་ལུས་པ་གཞུག་ཏུ་

[Full Size]

གསོལ། ཞེས་པས། བླ་མའི་མགྲིན་པའི་ཨཱཿདམར་པོ་དང་། ཐུགས་ཀའི་ཧཱུྃ་མཐིང་ག་ལས། །བདེ་མཆོག་དམར་པོ་དང་། སྔོན་པོ་སྔར་ལྟར་བྱུང་། རང་གི་མགྲིན་པ་དང་། སྙིང་གར་ཨཱཿདང་ཧཱུྃ་ལ་ཐིམ་པས། སྙིང་ཁ་དང་ལྟེ་བ་ཡན་ཆད་བདེ་མཆོག་དམར་པོ་དང་། སྔོན་པོས་གང་། ངག་དང་། ཡིད་ཀྱི་དྲི་མ་དག །བླ་མས་ཀྱང་སྔར་བཞིན་སྐུ་གསུང་ཐུགས་ཀྱི་བྱིན་རླབས་དབབ། བཞི་པ་ནི་མཆོད་པ་ཕུལ་ནས། བདག་ལ་བཞི་པའི་དབང་བསྐུར་དུ་གསོལ། སྐུ་གསུང་ཐུགས་ཀྱི་བྱིན་རླབས་གཞུག་ཏུ་གསོལ། །ཞེས་པས། སྤྱི་བོའི་བདེ་མཆོག་དཀར་པོ་མགྲིན་པའི་དམར་པོ་ལ་ཐིམ། དམར་པོ་སྙིང་གའི་མཐིང་ཀ་ལ་ཐིམ། མཐིང་ཀ་ལྟེ་བར་བྱུང་། འོད་དུ་ཡལ་སོང་པ་ལ། སྟོང་པའི་ངང་ལ་སེམས་མ་

[Full Size]

བཅོས་པར་བཞག་པ་ནི་བཞི་པའོ། །ཡང་གཉིས་པ་ནི། བླ་མའི་གནས་གསུམ་གྱི་ཡིག་འབྲུ་མཐིང་ག་ལས། བདེ་མཆོག་མཐིང་ག་སྐུ་ཆུང་ལ་ཡན་ལག་དོད་པ་དཔག་ཏུ་མེད་པ་ཆད་ནས་གནས་གསུམ་དུ་ཐིམ་པས་བུམ་དབང་། གཉིས་པ་དང་གསུམ་པའོ། །ལྟེ་བ་ནས་མཐིང་ཀ་དཔག་ཏུ་མེད་པ་ཆད་ནས། ལྟེ་བར་ཐིམ་པས། མཐར་འོད་དུ་ཡལ་བའི་ངང་ལ་བཞག་པ་ནི། བཞི་པའོ། །འདི་ཟབ་ལམ་ཡིན་གསུང་ངོ་། གྲོང་པས་མ་གོས་མི་དགོས་གཉིས། །དབང་གིས་སྨིན་བྱས་དམ་ཚིག་ལྡན། །དཀའ་ཐུབ་དྲག་པོས་མཉེས་བྱས་ཏེ། །ཅེས་པ་ལ་སོགས་པ་བཤད་པ་ཞིབ་རྒྱས་གསུངས་སོ། །བརྒྱུད་པ་ནི། རྡོ་རྗེ་འཆང་། བིར་ཝ་པ། བྲམ་ཟེ་ནག་པོ། དུར་ཁྲོད་ནག་པོ། ལ་སྟོད་མགོན་པོ། གཉན་སྟོན་པ། སྤྲུལ་སྐུའི་བར་

[Full Size]

རོ། །མངྒ་ལཾ། །རང་སེམས་འཆི་མེད་རང་གྲོལ་གྱི་དབང་ཆོག་བཞུགས། །བླ་མ་དམ་པའི་ཞབས་བཏུད་ནས། །འཆི་མེད་རང་གྲོལ་དབང་བསྐུར་བཤད། །འདི་ལ་གསུམ། སྦྱོར་བ་དང་། དངོས་གཞི་དང་། རྗེས་ཆོས་སོ། །དང་པོ་ནི། མཎྜལ་བདག་བསྐྱེད་མདུན་བསྐྱེད་ལ་སོགས་པའི་སྔོན་འགྲོ་རྣམས་གོང་བཞིན་བྱའོ། །གཉིས་པ་ནི། བདེ་མཆོག་གི་སྨིན་འཚམས་སུ་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོ། ལྟེ་བར་ཧཱུྃ་སྣ་ཚོགས་ཀྱི་མདོག་ཅན་ནོ། །དེ་ནས་གོང་བཞིན་མཆོད་དེ། བུམ་དབང་གིས་གསོལ་བ་གདབ་པས། ལྷན་སྐྱེས་ཀྱི་ཨོཾ་ལས་བདེ་མཆོག་དཀར་པོ་སྐུ་ཆུང་ལ་ཡན་ལག་དོད་པ་དཔག་ཏུ་མེད་པ་གར་སྟབས་སུ་ལིང་

[Full Size]

ལིང་བྱུང་ནས། སློབ་མའི་སྤྱི་བོ་བདེ་ཆེན་ཁེངས་ནས། ལུས་ཀྱི་སྡིག་སྒྲིབ་དག །སྐུའི་བྱིན་རླབས་ཞུགས། བུམ་དབང་དང་སྤྲུལ་སྐུ་ཐོབ་པར་བསམ་མོ། ཨ་ལས་བདེ་མཆོག་དམར་པོ་མགྲིན་པར་བསྟིམ་པ་ནི་གསང་དབང་ངོ་། ཧཱུྃ་ལས་བདེ་མཆོག་མཐིང་ཁ་སྙིང་གར་བསྟིམ་པ་ནི་གསུམ་པའོ། །ཧཱུྃ་སྣ་ཚོགས་མདོག་ཅན་ལས་བདེ་མཆོག་སྣ་ཚོགས་མདོག་ཅན་བྱུང་ནས་ལྟེ་བར་ཐིམ་པ་ནི་བཞི་པའོ། །དེ་ནས་སྤྱི་བོའི་ལྷ་ཚོགས་མགྲིན་པར་ཐིམ། མགྲིན་པ་ནས་སྙིང་གར། སྙིང་ཁའི་ལྟེ་བར་ཐིམ་པས། འོད་དུ་ཡལ་ནས་སེམས་མ་བཅོས་པར་བཞག་པ་ནི་བཞི་པའོ། །དག་བྱ་དང་། ཐོབ་བྱ་ལ་སོགས་པ་ནི་གོང་བཞིན་དུ་ཤེས་པར་བྱའོ། །གསུམ་པ་རྗེས་ནི་གོང་བཞིན་ནོ། །ཁྱད་འཕགས་རང་སེམས་འཆི་མེད་རང་གྲོལ་གྱི་དབང་བཞི་རྫོགས་སོ། །

[Full Size]

མངྒ་ལཾ། །ཤུབྷཾ། ༈ ཆོས་རྗེ་སྟོན་པའི་འཆི་མེད་ཡོད། །རྒྱལ་བ་དུས་གསུམ་སངས་རྒྱས་ཀྱི། །འཆི་མེད་ཡེ་ཤེས་ཁྱོད་ལ་འདུད། །སེམས་བསྐྱེད་བླ་མའི་རྣལ་འབྱོར་དང་། །ལྡན་པས་གསོལ་བ་གདབ་བྱས་ནས། །རང་ལུས་སྣང་སྟོང་ལྷ་སྐུ་སེམས། །སེམས་དང་ལྷ་སྐུ་དབྱེར་མེད་པའི། །ངོ་བོ་སྟོང་ཉིད་སངས་རྒྱས་ཀྱིས། །མ་གཟིགས་མི་གཟིགས་གཟིགས་མི་འགྱུར། །དེ་ལ་ན་རྒྱུ་འཆི་རྒྱུ་དང་། །འཁོར་བར་མྱང་འདས་དགག་སྒྲུབ་བྲལ། །དེ་དོན་སྐད་ཅིག་རྟོགས་པའམ། །དྲན་ཐོས་རེག་པར་གྱུར་པ་དེ། །མཚམས་སྦྱོར་ངན་ཞིང་དྲན་ཉམས་ཀྱང་། །གནད་གཅོད་སྡུག་བསྔལ་རང་དག་ནས། །བར་དོ་དང་པོའི་འོད་གསལ་དང་། །ལོངས་སྐུ་དབྱེར་མེད་སྤྲུལ་སྐུ་ཡི། །གཞན་

[Full Size]

དོན་ལྷུན་གྲུབ་རྒྱུན་ཆད་མེད། །རྒྱལ་བའི་དགོངས་པ་འཆི་མེད་འདི། །སློབ་མ་མཆོག་གི་དོན་དུ་བཀོད། །དགེ་དེས་མཁའ་མཉམ་སེམས་ཅན་རྣམས། །འཆི་མེད་ཡེ་ཤེས་དོན་རྟོགས་ཤོག །རང་སེམས་འཆི་མེད་རང་གྲོལ་རྗེ་བཙུན་བིར་ཡ་སིང་ཧའི་བུ་དམ་པ་སློབ་མ་ཡང་རབ་ཀྱི་དོན་དུ་བཀོད་པ་འདི་རྫོགས་སོ། །ནས་ཁལ་ལྔ་བརྒྱ། གསེར་ཞོ་བདུན། མཛོ་ཅིག །མིན་རས་ཀྱི་ན་བཟའ་ཕྲུག་ཅིག་ཕུལ་ནས་ཞུས་ཏེ་ཉམས་སུ་མྱོང་བར་བྱས་སོ། །དགེའོ། མཁས་གྲུབ་ཆོས་རྗེའི་དྲུང་དུ། འཆི་མེད་ཀྱི་གནད་ཡིག་ཅིག་ཐུགས་ལ་འདོགས་པར་ཞུས་པས། གདམས་པ་འདིའི་གནད་ཉམས་སུ་བླངས་ན། མདོ་རྒྱུད་མན་ངག་ཐམས་ཅད་འདིའི་གནད་ཡིག་དུ་ཡོད། །ཉམས་ལེན་ལ་འབད་པ་ཐོན། ཚིག་དོན་ལ་བཞིག་པ་ཆུག་ལ་མ་བརྗེད་

[Full Size]

པ་གྱིས། །གནད་ཡིག་འདི་ཆེ་བ་ལགས་གསུང་ངོ་། །ཨྀིྠཿ ༈ རྡོ་སྟོན་འཆི་མེད་ཡོད། །ན་མོ་གུ་རུ། འཁྲུལ་སྣང་འདི་ལ་སྐྱེ་རྒ་ན་འཆི་དང་། །འཁོར་བ་མྱང་འདས་སྤང་བླང་སྣ་ཚོགས་རྣམས། །བླ་མ་དམ་པའི་དྲིན་གྱིས་འདི་ལྟར་གོང་། །ཐ་སྙད་ཙམ་དུ་ཡིད་འབྱུང་སྐྱེ་བའི་རྒྱུ། །ཞེན་ཆགས་འཁྲི་བ་བཅད་ནས་དམ་པ་བརྟེན། །དོན་ལ་སེམས་ཉིད་ཡེ་སྟོང་རྩད་ཆོད་ནས། །སེམས་ཀྱི་འཆར་སྒོ་ལྷ་སྐུའི་ལམ་ཁྱེར་འདི། །འཇའ་འོད་ལྟ་བུ་སྣང་སྟོང་ཟུང་འཇུག་པ། །བླ་མེད་ཐེག་པའི་ཁྱད་ཆོས་འཆི་མེད་ཡིན། །རིག་སྟོང་ཟུང་འཇུག་དབྱེར་མེད་གཞི་ཡི་གནད། །བསྐྱེད་རྫོགས་ཟུང་འཇུག་ལམ་གྱིས་གོམས་པར་སྦྱང་། །སྐུ་གཉིས་ཟུང་འཇུག་འབྲས་བུ་མངོན་དུ་འགྱུར། །འཆི་མེད་

[Full Size]

རང་གྲོལ་བླ་མའི་གདམས་པ་འདི། །རྡོ་སྟོན་མཁས་པས་ཉམས་སུ་མྱོང་བར་བྱས། །མེ་མོ་སྦྲུལ་ལ་སྲིན་པོ་རིའི་དབེན་གནས་སུ་མཁས་གྲུབ་ཆོས་རྗེ་ལ། ཉེ་བར་མཁོ་བའི་དངོས་པོ་འགའ་ཞིག་ཕུལ་ཞིང་ཞུས་ཏེ། ཉམས་སུ་མྱོང་བར་བྱས་པའོ། །ཨྀིྠཿ དགེའོ། ༈ མཁའ་སྤྱོད་དམར་མོའི་འཕོ་བ་བཞུགས་སོ། །ན་མོ་གུ་ར་བེ། །འཕོ་བའི་དབང་ལ། མདུན་བསྐྱེད་གཞལ་ཡས་ཁང་གི་ནང་དུ་ཆོས་འབྱུང་གྲུ་གསུམ་གཉིས་བརྩེགས་ཀྱི་ནང་དུ་རྡོ་རྗེ་རྣལ་འབྱོར་མ་བསྐྱེད། སློབ་མ་སེང་ཁྲིའི་སྟེང་དུ་བདེ་མཆོག་ཏུ་གསལ། ཡེ་ཤེས་དབབས། དངོས་གཞི་ལ། མཁའ་སྤྱོད་མ་མར་མེ་གཅིག་ལས་གཉིས་ཆད་ཀྱི་ཚུལ་དུ་མདུན་གྱི་ནམ་མཁར་སྤྱན་དྲངས། དབང་བཞི་ལ་ཌཱ་དྲིལ་དང་ཨོཾ་གསུམ་མ། འཕོ་

[Full Size]

བའི་ཁྱད་པར་གྱི་བྱིན་རླབས་ལ། མདུན་བསྐྱེད་ཀྱི་རྣལ་འབྱོར་མ་བྱོན་ནས། སློབ་མ་བདེ་མཆོག་ཏུ་གསལ་བའི་དཔུང་པ་གཉིས་ཀྱི་སྟེང་དུ་ཞབས་བཞག །གསང་གནས་པདྨ་དམར་པོ་ཁ་བྱེ་བ་ལྟ་བུ་ཚངས་བུག་ཏུ་སྤྲད་པའི་རྣལ་འབྱོར་མ་གསལ་བཏབ། ལྟེ་བའི་རང་སེམས་ཨ་དཀར་པོ་འཕུར་ལ་ཁད་པ་རྒོད་ཀྱི་ཐོ་འཕྲུ་ལྟ་བུ་རང་རླུང་གིས་ཡེམ་ཡེམ་དུ་བསྐྱོད་བཞིན་པ་དེས་གྱེན་དུ་བལྟས་པས་ཚངས་བུག་སྐྱ་ཧར་རེ་བ་དེ་ནས་རྡོ་རྗེ་རྣལ་འབྱོར་མའི་གསང་གནས་མཐོང་ནས་དེར་འགྲོ་བའི་འདུན་པ་དྲག་པོས། རྗེ་བཙུན་རྡོ་རྗེ་རྣལ་འབྱོར་མས་བདག་དག་པ་མཁའ་སྤྱོད་ཀྱི་གནས་སུ་འཁྲིད་དུ་གསོལ། །ལན་གསུམ། ཐུགས་ཀ་ནས་འོད་ཟེར་དཀར་པོ་བ་ཐག་བརྐྱངས་པ་ལྟར་ནར་གྱིས་བྱོན། སྤྱི་བོ་ནས་ཞུགས་ཏེ་ལྟེ་བའི་ཨ་ལ་

[Full Size]

རེག་པས། ཁབ་ལེན་ལྕགས་ལ་བཙུག་པ་ལྟར་འཐེན་ནས་ལུས་ཀྱི་དབུས་ནས་ཡར་ཡེ་རེ་རེ་སོང་། ཚངས་བུག་ནས་ཐོན། བྷ་ག་ནས་ཞུགས། ཐུགས་ཀར་སླེབས་པ་ཙམ་ནས་ཏོག་སྒྲ་དང་བཅས། རྡོ་རྗེ་རྣལ་འབྱོར་མ་ནམ་མཁའ་ལ་ཡེད་ཀྱིས་བྱོན། བློས་འཁྱུད་ཚད་དུ་བྱོན་པ་དང་། དག་པ་མཁའ་སྤྱོད་དུ་ཕེབས་པར་བསམ། རྣལ་འབྱོར་མ་འཇའ་ཡལ་བ་ལྟར་བསམ་ལ་རིག་པ་བརྗོད་མེད་དུ་འཇོག །ཌཱ་དྲིལ་དང་ཨོཾ་གསུམ་མ་བྱ། ཡང་ནམ་མཁའ་ལས་སྤྲིན་རྡོལ་བ་བཞིན་རྡོ་རྗེ་རྣལ་འབྱོར་མ་ལམ་གྱིས་བྱོན། མར་བབས་དཔུང་པའི་སྟེང་དུ་ཞབས་བཞག་པའི་ཐུགས་ནས་རང་སེམས་ཨ་ཆད་དེ་ལྟེ་བར་སླེབས། ཡང་གསོལ་འདེབས་སོགས་གོང་བཞིན་ཏེ་དྲིལ་བས་ཚར་གསུམ་མཛད། མཐར་རྡོ་རྗེ་རྣལ་འབྱོར་མ་འོད་དུ་ཞུ། སྤྱི་བོ་ནས་ཐིམ་པས་སྤྱི་

[Full Size]

བོ་སྲ་ཞིང་མཁྲེགས་པ་རྡོ་རྗེའི་རང་བཞིན་དུ་བསམ། རྗེས་འདྲའོ། །འདིའི་ཉམས་ལེན་ཁྲིད་ཀྱི་དམིགས་པ་ལ། སྔོན་འགྲོ་སྤྱི་ལྟར་དང་། དངོས་གཞི་འདིའི་ཁྱད་པར་གྱི་དམིགས་པ་ཇི་ལྟ་བའོ། །སརྦ་མངྒ་ལཾ། ༈ མཁའ་སྤྱོད་དམར་མོའི་འཕོ་བ་བཞུགས་སོ། །ན་མོ་གུ་རུ། འཕོ་བའི་དབང་ལ། མདུན་བསྐྱེད་གཞལ་ཡས་ཁང་གི་ནང་དུ་ཆོས་འབྱུང་གྲུ་གསུམ་གཉིས་བརྩེགས་ཀྱི་ནང་དུ་རྡོ་རྗེ་རྣལ་འབྱོར་མ་བསྐྱེད། སློབ་མ་སེང་ཁྲིའི་སྟེང་དུ་བདེ་མཆོག་ཏུ་བསྐྱེད། ཡེ་ཤེས་དབབ། དངོས་གཞི་ལ། མཁའ་སྤྱོད་མ་མར་མེ་གཅིག་ལས་གཉིས་ཆད་ཀྱིས་ཚུལ་དུ་མདུན་གྱི་ནམ་མཁར་སྤྱན་དྲངས། དབང་བཞི་ལ་ཌཱ་དྲིལ་དང་ཨོཾ་གསུམ་མ། འཕོ་བའི་ཁྱད་པར་གྱི་བྱིན་རླབས་ལ་མདུན་བསྐྱེད་ཀྱི་རྣལ་

[Full Size]

འབྱོར་མ་བྱོན། སློབ་མ་བདེ་མཆོག་ཏུ་གསལ་བའི་དཔུང་པ་གཉིས་ཀྱི་སྟེང་དུ་ཞབས་བཞག །གསང་གནས་པདྨ་དམར་པོ་ཁ་ཕྱེ་བ་ལྟ་བུ་ཚངས་བུག་དང་སྤྲད་པའི་རྣམ་པར་གསལ་བཏབ། ལྟེ་བར་རང་སེམས་ཨ་དཀར་པོ་འཕུར་ལ་ཁད་པ་རྒོད་ཀྱི་ཐོ་ཐུང་ལྟ་བུ་རང་རླུང་གི་ཡེམ་ཡེམ་བསྐྱེད་བཞིན་པ་དེས་གྱེན་དུ་བལྟས་པས་ཚངས་བུག་སྐྱ་ཧ་རེ་བ་ནས་རྡོ་རྗེ་རྣལ་འབྱོར་མའི་གསང་གནས་མཐོང་། །དེར་འགྲོ་བའི་འདུན་པ་དྲག་པོས། རྗེ་བཙུན་རྡོ་རྗེ་རྣལ་འབྱོར་མས་བདག་དག་པ་མཁའ་སྤྱོད་ཀྱི་གནས་སུ་ཁྲིད་དུ་གསོལ། ལན་གསུམ། ཐུགས་ཀ་ནས་འོད་ཟེར་དཀར་པོ་བ་ཐག་བརྐྱང་པ་ལྟ་བུ་ནར་གྱིས་བྱོན། སྤྱི་བོ་ནས་ཞུགས་ལྟེ་བའི་ཨ་ལ་རེག་པས་ཁབ་ལེན་ལ་ལྕགས་འཇུས་པ་ལྟར་འཐེན། ལུས་ཀྱི་དབུས་ན་ཡར་ཡེ་རེ་རེ་སོང་། ཚངས་བུག་ནས་འཐོན།

[Full Size]

བྷ་ག་ནས་ཞུགས། ཐུགས་ཀར་སླེབས་པ་ཙམ་ལ་ཏོག་སྒྲ་དང་བཅས། རྡོ་རྗེ་རྣལ་འབྱོར་མ་ནམ་མཁའ་ལ་ཡེད་ཀྱིས་བྱོན། །བློས་འཁྱུད་ཚད་དུ་བྱོན་པ་དང་། དག་པ་མཁའ་སྤྱོད་དུ་ཕེབས་པར་བསམ། རྣལ་འབྱོར་མ་འཇའ་ཡལ་བ་ལྟར་བསམ་ལ་རིག་པ་བརྗོད་མེད་དུ་འཇོག །ཌཱ་དྲིལ་རོལ་ཆེན་ཨོཾ་གསུམ་མ། ཡང་ནམ་མཁའ་ལ་སྤྲིན་རྡོལ་བ་བཞིན་རྡོ་རྗེ་རྣལ་འབྱོར་མ་ལམ་གྱིས་བྱོན། མར་བབས་དཔུང་པའི་སྟེང་དུ་ཞབས་བཞག་པའི་རང་སེམས་ཨ་ཆད་ལྟེ་བར་སླེབས། ཡང་གསོལ་འདེབས་སོགས་གོང་བཞིན་ཏེ་དྲིལ་བས་ཚར་གསུམ་མཛད། མཐར་རྡོ་རྗེ་རྣལ་འབྱོར་མ་འོད་དུ་ཞུ། སྤྱི་བོ་ནས་ཐིམ་པས་སྤྱི་བོ་སྲ་ཞིང་འཁྲེགས་པ་རྡོ་རྗེའི་རང་བཞིན་དུ་བསམ། །རྗེས་འདྲའོ། ཉམས་ལེན་སྐབས། སྔོན་འགྲོ་སྤྱི་ལྟར།

[Full Size]

དངོས་གཞི་འདིའི་ཁྱད་པར་གྱི་དམིགས་པ་ཇི་ལྟ་བའོ། །མངྒ་ལཾ།། །།

སུ་ཁ་སིདྡྷིའི་ཆོས་དྲུག །

[Full Size]

སུ་ཁ་སིདྡྷིའི་ཆོས་དྲུག་བཞུགས་པ་ལགས་སོ།། །།

[Full Size]

གུ་རུ་བཛྲ་ཡོ་གི་ནཱི། རྗེ་བཙུན་མ་འདི་ཉམས་སུ་ལེན་པར་འདོད་པས། དབེན་པའི་གནས་སུ་མཎྜལ་ལ་བའི་རྣམ་ལྔ་དང་། བདུད་རྩི་ལྔ་དང་། ཆང་གིས་བྱུག་ལ་པདྨ་འདབ་བཞི་བྲི། ཤར་སྔོ་སྐྱ་ལ་ཧ་སྔོ། ལྷོ་དམར་པོ་ལ་རི་དམར། ནུབ་དཀར་པོ་ལ་ནི་དཀར། བྱང་སེར་པོ་ལ་ས་སེར་པོ་བྲི། དབུས་ཀྱི་ལྟེ་བ་ནག་པོ་ལ་ཧཱུྃ། ཟེའུ་འབྲུ་སྣ་ཚོགས་པ་བྱ། གོང་རས་ལྗང་ཁུ་ལ་མུ་ཁྱུད་ནག་པོ་བྱའོ། །དེ་ཡང་ངོ་བོ་ལྷ་མོ་ལ་རྣམ་པ་ཡིག་འབྲུ་རྣམས་དམ་ཚིག་པར་བསྐྱེད་དོ། །དེ་ནས་མཎྜལ་ཅིག་ལ་ཆང་གིས་བྱུགས་

[Full Size]

ཏེ། རང་བྱུང་གི་མེ་ཏོག་དང་། སིནྡྷུ་ར་བྱུགས། དེ་ལ་པདྨ་འདབ་བཞི་བྲི། ལྟེ་བར་ཧཱུྃ་དང་བྃ་འདབ་མ་བཞི་ལ་ཡི་གེ་གོང་བཞིན་བྲི། དབུས་ཀྱི་ཧཱུྃ་བིར་ཝ་པ་དང་ཐ་མི་དད་པར་བསམ། བཾ་རྗེ་བཙུན་མར་བསྐྱེད། ཡི་གེ་ལྷ་མོ་བཞི་ཡེ་ཤེས་པར་བསྐྱེད། དར་མཆིན་ཁས་གུར་དུ་བྱས་ལ་མིས་མ་མཐོང་པར་བྱའོ། །མཎྜལ་ཕྱོགས་བཞིར་གཏོར་མ་བཞི་འཛིན་གཏོར་དུ་བྱས་ལ། ཐུན་མཚམས་སུ་གཏོར་མ་བཏང་། ཕྱི་ནང་གསང་གསུམ་གྱི་མཆོད་པས་མཆོད། ལག་མཆོད་བྱ། རྐང་པ་བརྒྱད་

[Full Size]

པས་བསྟོད། བཤགས་པ་རྣམས་བྱ། རྒྱུན་དུ་ཚོགས་འཁོར་བྱ། དེ་ནི་མདུན་བསྐྱེད་དོ། །བདག་བསྐྱེད་ནི་རང་སྐད་ཅིག་གིས་རྗེ་བཙུན་མར་བསྐྱེད་པའི་རྩ་དབུ་མ་གསལ་གདབ། དེའི་ལྟེ་བའི་ནང་དུ་པདྨ་འདབ་བཞིའི་ལྟེ་བ་ནག་པོ་ལ། རྣམ་པར་ཤེས་པའི་རང་བཞིན་ཨ་དཀར་པོ་འོད་འཕྲོ་བ། མདུན་དུ་པདྨ་དང་ཧ་སྔོ་སྐྱ། གཡས་སུ་པདྨ་དང་རི་དམར་བ། རྒྱབ་ཏུ་པདྨ་དང་ནི་དཀར་བ། གཡོན་དུ་པདྨ་དང་ས་སེར་བ། གོང་རས་ལྗང་གུ། མུ་ཁྱུད་ནག་པོར་བསམ། དེ་ཡང་ཡིག་འབྲུ་བཞི་ལྷ་མོ། གཡས་གྲི་གུག །གཡོན་ཐོད་ཁྲག་བསྣམས་པའོ། །རུས་པ་དང་མི་མགོས་བརྒྱན་པའི་ངོ་བོ་ལ། རྣམ་པ་ཡིག་འབྲུ་བཞི་བསྒོམ་མོ། །དེ་ནས་སྤྱི་བོའི་ཚངས་བུག་གི་སྟེང་དུ། དམ་པ་རྒྱ་གར་ཕྱག་ན་སྦའི་གླིང་བུ་བསྣམས་པ་ཅིག་

[Full Size]

བསྒོམ། དེའི་སྟེང་དུ་ཧཱུྃ་ལས་བིར་ཝ་པ་བསྐྱེད། དེའི་གཡོན་དུ་ཧཾ་ལས་སུ་ཁ་མ་ཧཱ་སིདྡྷི་བསྐྱེད། དེའི་སྟེང་གི་ནམ་མཁའ་ལ་སངས་རྒྱས་དང་། བྱང་ཆུབ་སེམས་དཔའ། དཔའ་བོ་དང་དཔའ་མོར་བཅས་པ་རྣམས། ཏིལ་གྱི་གོང་བུ་ཁ་བྱེ་བ་བཞིན་དུ་བསམས་ནས། ངག་ཏུ་རྗེ་བཙུན་བིར་ཝ་པ་ཧཱུྃ། སུ་ཁ་མ་ཧཱ་སིདྡྷི་ཧཾ། ཞེས་རིང་པོ་བརྗོད་ལ་གསོལ་བ་བཏབ་པས། སངས་རྒྱས་དང་བྱང་ཆུབ་སེམས་དཔའ་དང་། བིར་ཝ་པ་དང་། སུ་ཁ་མ་ཧཱ་སིདྡྷི་རྣམས་ཀྱི་ཐུགས་ཀ་ནས། ཨོཾ་ཨཱཿཧཱུྃ་གསུམ་མུ་ཏིག་ལྟར་ལ་བརྒྱུས་པ་བཞིན་དུ་སྐྲིག་སྐྲིག་བྱུང་། དམ་པའི་གླིང་བུ་ནས་དབུ་མ་ན་མར་སོང་ནས། ལྟེ་བའི་ཡིག་འབྲུ་ལ་སིབ་སིབ་ཐིམ་པས། མི་ཉན་པ་དང་འཕྲོག་པར་བྱེད་པའི་ཉམས་ཆགས་ནུས་པ་ཐམས་

[Full Size]

ཅད་སྨད་པར་བསྒོམས་ནས་ངག་ཏུ། བླ་མ་ཡི་དམ་མཁའ་འགྲོ་གསུམ་ལ་སྐྱབས་སུ་མཆིའོ། །ཞེས་མང་དུ་བརྗོད་པས་བདག་མཁའ་འགྲོའི་དབང་དུ་མི་འགྲོ་ཞིང་། མཁའ་འགྲོ་བདག་གི་དབང་དུ་འགྲོ་བའི་གནད་དོ། །དེ་ནས་ཡི་གེ་བཞི་བཟླས་པའི་བསྐོར་ལ་གཉིས་ཏེ། མཆོག་དང་ཐུན་མོང་ངོ་། །དང་པོ་ལ་ཆོས་དྲུག་ལས་ཐབས་ལམ་ནི། ལྟེ་བའི་ཨ་ལས་ཁ་དོག་དམར་ལ་རེག་བྱ་ཚ་བའི་འོད་ཟེར་འཕྲོས། པདྨ་བཞིའི་ཡི་གེ་ལ་ཕོག །དེ་དག་ཀྱང་དྲོད་ཀྱི་རང་བཞིན་དུ་གྱུར། །ཡིག་འབྲུ་ལྔ་ལས་འོད་འཕྲོས། པདྨ་དྲོད་དུ་གྱུར། དེས་ཁོག་པ་ཐམས་ཅད་འོད་ཟེར་ཚ་བའི་རང་བཞིན་གྱིས་ཁེངས་པར་བསྒོམ། དེ་ནས་ངག་ཏུ་ཧ་རི་ནི་ས་ཞེས་གོང་པས་ཐོས་ཙམ་བཟླས་པ་དང་། ཡིག་འབྲུ་རྣམས་མི་འཁོར་བར་པདྨ་བོན་སྐོར་དུ་མྱུར་བར་སྒོ་རོ་འཁོར་བ་ལ་དམིགས་

[Full Size]

པ་དྲག་པོ་གཏད། དེ་ཡང་ཨའི་འོད་ཟེར་ཡིག་འབྲུ་པདྨ་ཁོང་པ་དང་བཅས་པ། རེག་མི་བཟོད་པ་མགར་གྱི་སོལ་མེ་བཞིན་དུ་བསམས་པ་དང་། ཡིག་འབྲུ་མི་འཁོར་བར། པདྨ་མྱུར་དུ་འཁོར་བ་ལ་དམིགས་པ་རྩེ་གཅིག་ཏུ་གཏད། །སྐབས་སུ་རླུང་གཉིས་ཁ་སྦྱར་ལ་བསྒོམ། དེས་ལུས་མེའི་གོང་བུར་འགྱུར་རོ། །གཉིས་པ་སྒྱུ་ལུས་རྨི་ལམ་ལ། དང་པོ་སྒྱུ་མ་རང་ཤར་ནི། ལྟེ་བའི་པད་འདབ་བཞི་ཡིག་འབྲུ་དང་བཅས་པའི་འོག་ཏུ། ཆོས་འབྱུང་གྲུ་གསུམ་ནང་དུ་འགྲོ་དྲུག་གི་སེམས་ཅན་བསམས། དེ་ནས་སྐྱབས་འགྲོ་གོང་བཞིན་དུ་བྱས་ནས། བཟླས་པ་བྱ་བ་ནི། པད་འདབ་བཞིའི་ལྟེ་བའི་ཨ་ལས་འོད་འཕྲོས་ཡིག་འབྲུ་བཞི་ལ་ཐིམ། ཉམས་ཆགས་ནུས་པ་སྨད་ནས་ཡི་གེ་མི་གཡོ་བར། པདྨ་མྱུར་དུ་སྒོ་རོ་རོ་འཁོར་བ་

[Full Size]

ལ་དམིགས་པ་གཏད་ནས། ལུས་མི་གནས་སྒུལ་བསྐྱོད། ངག་མི་གནས་བཟླས་པ། སེམས་མི་གནས་སྒྱུ་མ་ཡིན། རྨི་ལམ་ཡིན་སྙམ་པའི་འདུན་པ་རྩེ་གཅིག་ཏུ་གཏད། དེ་ལྟར་ཨ་དང་ཡིག་འབྲུ་བཞི་ལས་འོད་འཕྲོས། པདྨའི་ནང་གི་ཡིག་འབྲུ་དང་། ཆོས་འབྱུང་ནང་གི་རིགས་དྲུག་ལ་ཕོག །འོད་དུ་གྱུར་པར་བསམས་ནས། འོག་རླུང་བསྐུམ་བྱས་ཏེ། སྒྱུ་མ་རྨི་ལམ་ཡིད་ལ་བསམ་ཞིང་ངག་དུ་བརྗོད་ལ། སྤྱོད་ལམ་ཐམས་ཅད་དུ་དེ་ལས་མི་འདའ་བར་བྱའོ། །དེས་སྒྱུ་མ་རང་ཤར་དུ་བྱུང་ནས། ཆགས་སྡང་ཐམས་ཅད་རང་གྲོལ་ལ་འགྲོའོ། །དེ་ལྟར་ཉམས་སུ་བླངས་པས་དགེ་སྦྱོར་མ་སྐྱེས་པ་སྐྱེ། སྐྱེས་པ་བོགས་ཐོན་ནས་མཐར་ཕྱིན་པར་འགྱུར། དགེ་སྦྱོར་བོགས་འདོན་ལ་འདི་ལས་ཆེ་བ་མེད་གསུང་ངོ་། །གསུམ་པ། ནུབ་མོ་རྨི་

[Full Size]

ལམ་འཛིན་པ་ནི། སྐྱབས་འགྲོ་གོང་བཞིན་བྱས་ལ་བཟླས་པ་བྱེད་པའི་ཚེ། ཨའི་འོད་ཀྱིས་བསྲེགས་པ་དང་། པདྨ་འཁོར་བ་ལ་དམིགས་པ་རྩེ་གཅིག་ཏུ་གཏད་ནས། སྒྱུ་མ་རྨི་ལམ་གྱི་དྲན་འདུན་དྲག་པོ་རྩེ་གཅིག་ཏུ་བཏང་། དེ་ནས་གཉིད་དུ་འགྲོ་ཁར་ཡིག་འབྲུ་བཞི་ཨ་ལ་ཐིམ། ཨ་འོད་དུ་ཡལ་སོང་པ་ལ་གཉིད་ལོག་པས་རྨི་ལམ་མི་ཟིན་མི་སྲིད་དོ། །བཞི་པ་འོད་གསལ་ནི། ཉིན་པར་བཟླས་པ་བྱེད་པའི་ཚེ། ཨའི་འོད་ཀྱིས་ཡིག་འབྲུ་འོད་དུ་གྱུར། ཨ་དང་ཡིག་འབྲུ་པདྨའི་འོད་ཀྱིས་ཁོང་པ་ཁེངས་པར་བསམས། དེ་ནས་ལྟེ་བའི་རྣམ་པར་ཤེས་པའི་རང་བཞིན་གྱི་ཡི་གེ་ཨ་དཀར་པོ་སྐྱེ་བ་མེད་པ་དེ་ལ། ཉིན་པར་མ་ཡེངས་པར་སེམས་གཏད། དེ་ནས་ནུབ་མོ་ཡང་དམིགས་པ་དྲག་ཏུ་གཏད་པས། གསལ་ལ་རྟོག་

[Full Size]

མེད་དུ་བསྒོམ། གཉིད་དུ་འགྲོ་ཁར་ཡིག་འབྲུ་བཞི་ཨ་ལ་ཐིམ། ཨ་འོད་ཀྱི་རང་བཞིན་ལ་དམིགས་པ་རྩེ་གཅིག་ཏུ་གཏད་ནས། གཉིད་དང་རྨི་ལམ་བར་དུ་རྟོག་པ་མ་ཚུད་པར་ཉམས་སུ་བླངས་པས། འོད་གསལ་མི་འཆར་མི་སྲིད་དོ། །ཤར་ནས་མཆོར་མི་སྲིད་གསུང་ངོ་། །ལྔ་པ་བར་དོ་ནི། ལྟེ་བའི་ཨ་ལས་འོད་འཕྲོས། ཡིག་འབྲུ་བཞི་ངོ་བོ་ཡིག་འབྲུ་ལ་རྣམ་པ་ལྷ་ཞལ་གཅིག་ཕྱག་གཉིས་པ། གཡས་གྲི་གུག་གཡོན་ཐོད་ཁྲག་བསྣམས་པའི་སྐུ་ལ་ཕོག་པས་འོད་དུ་གྱུར་པར་བསམས་ནས། གསལ་ལ་རྟོག་མེད་རང་ཤར་དེ་ལ་མ་ཡེངས་པར་བྱས་ནས། རེས་བཟླས་པ་བྱ། རེས་གསལ་ལ་རྟོག་མེད་ཀྱི་ངང་ལ་བཞག་པར་བྱ། ཅིར་སྣང་ཅིར་གྲགས་ཐམས་ཅད་བར་དོར་ལམ་དུ་འཁྱེར་བར་བྱའོ། །དེས་རྨི་ལམ་དུ་ལྷ་སྐུ་རང་ཤར་དུ་མི་འབྱུང་མི་སྲིད་དོ། །

[Full Size]

དེ་བྱུང་བ་དང་བར་དོར་ལོངས་སྤྱོད་རྫོགས་པའི་སྐུར་སངས་མི་རྒྱ་མི་སྲིད་དོ། །དྲུག་པ་འཕོ་བ་ནི། སྐྱབས་འགྲོ་དང་བཟླས་པ་བདེ་བ་བསྡུ་བ་རྣམས་བྱས་པའི་རྗེས་ལ། སྤྱི་བོར་བུག་པ་འཕང་ལོ་ཙམ་གཅིག་བསམ། དེ་ནས་ཡིག་འབྲུ་བཞི་རྣམ་པར་ཤེས་པའི་ངོ་བོ་ཨ་དཀར་པོ་དེ་ལ་ཐིམ། ཨ་དེ་འཕིར་ལ་ཁད་འདུག་པ་དང་། སྐར་མདའ་ཆད་པ་བཞིན་ཚངས་བུག་ནས་ཡར་རྒྱངས་སོང་ནས། ནམ་མཁའ་ལ་འོད་དུ་ཡང་སོང་པར་བསམ། དེ་འདྲ་བ་ཉི་ཤུ་རྩ་གཅིག་རེ་ལ་ཐུན་རེར་བྱས་ལ་བསྒོམ། ནམ་འཆི་བའི་དུས་སུ་སེང་གེའི་ཉལ་ཐབས་བྱས་ནས་གོང་བཞིན་དུ་འཕོས་པས། མཁའ་སྤྱོད་དུ་མི་འགྲོ་མི་སྲིད་དོ། །སྡིག་པོ་ཆེ་བཙན་ཐབས་སུ་སངས་རྒྱ་བའི་གནད་དོ། །གཉིས་པ་ཐུན་མོང་ནི། སྐྱབས་སུ་འགྲོ་བ་གོང་

[Full Size]

བཞིན་བྱས་ལ། བཟླས་པ་བྱ་བ་ནི། ལྟེ་བའི་པདྨ་འདབ་བཞི་དང་། །ལྟེ་བའི་ཡི་གེ་ལས་འོད་འཕྲོས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་དབང་གི་ཕྲིན་ལས་བཀུག་ནས་ཡི་གེ་རྣམས་ལ་བསྟིམ། ཡང་འོད་འཕྲོ་མཁའ་འགྲོ་སྡེ་ལྔ་དང་། རྒྱལ་པོ་ཆེན་པོ་བཞི། ཕྱོགས་སྐྱོང་བཅུའི་དབང་གི་ནུས་པ་ཐམས་ཅད་བསྟིམ། ཡང་འོད་འཕྲོས་འཇིག་རྟེན་གྱི་འདོད་ཡོན་ལྔ་བསྡུས་ལ་བསྟིམ། དེ་ནས་ཡིག་འབྲུ་རྣམས་ནུས་པ་དང་ལྡན་པ་དེ་ལས་འོད་དམར་པོ་འཕྲོས། བསྒྲུབ་བྱ་བཀུག་ལ་ཡིག་འབྲུ་བཞི་ལ་བསྟིམ་མོ། །དེ་ནས་པདྨའི་ལྟེ་བའི་ཨ་ལས་འོད་ཟེར་འཕྲོས། ངོ་བོ་ལྷ་མོ། རྣམ་པ་ཡིག་འབྲུའི་གསང་གནས་སུ་ཕོག་པས། འཁྲོག་པའི་ནུས་པ་བཅག་ནས་བདེ་ཕྲིལ་ཕྲིལ། འོད་དུ་ལྟེམ་ལྟེམ་འདུག་པར་བསམས། དེ་ཡང་ཡི་གེ་མི་འཁོར་

[Full Size]

བར་པདྨ་གཡས་བསྐོར་དུ་མྱུར་བར་འཁོར་བར་བསམ་ལ། ལུས་མི་གནས་སྒུལ་བསྐྱོད། ངག་མི་གནས་བཟླས་པ་བྱ། ཡིད་མི་གནས་ཆོས་ཉིད་དང་བྱམས་ཆགས་ཀྱི་འདུན་པ་ལ་མཉམ་པར་བཞག་པའོ། །དེ་ནས་འཕྲོ་གཅོད་པ་དང་། ལྟེ་བའི་ཨ་ལས་འོད་འཕྲོས། ལྷའི་བུ་མོ་ནམ་མཁའི་ཁམས་ཁེངས་པའི་གསང་གནས་སུ་ཕོག་པས་བདེ་བས་བརྒྱལ་ནས། གསང་གནས་ནས་བྱང་སེམས་བདེ་བའི་རང་བཞིན་དམར་ན་ར་ར་བྱུང་ནས་ཚངས་བུག་ན་མར་བྱུང་། ལྟེ་བའི་པད་འདབ་བཞིའི་ཡིག་འབྲུ་ལྔ་ལ་ཐིམ་པ་དང་། བདེ་ཕྲིལ་ཕྲིལ་བྱུང་བར་བསམས་ནས། འོག་རླུང་བསྐུམ་བྱས་པ་དང་བདེ་ཕྲི་ལི་ལི་བྱུང་བར་བསམ། དེ་བཞིན་དྲི་ཟ་དང་བྲམ་ཟེ་དང་གདོལ་པ་དང་ཀླུ་ལ་སོགས་པའི་བདེ་བ་དྲུག་པོ་བཀུག་ལ་བསྟིམ་མོ། །

[Full Size]

དེ་ནས་ཡིག་འབྲུ་བཞི་ཨ་ལ་ཐིམ། ཨ་དེ་དབུ་མ་ནས་སྤྱི་བོ་ན་ཡར་རྒྱངས་སོང་པར་བསམས་ལ། ཨ་དེ་འོད་དུ་ཡལ་སོང་པ་དང་ལུས་ཀྱི་འཁྲུལ་འཁོར་དང་ལྡན་པར་རྫོགས་རིམ་བསྒོམ་པར་བྱའོ། །དེ་ནས་བསྙེན་པ་འབུམ་ཚོ་གསུམ་སོང་ནས་ཉེ་སྒྲུབ་ལ་འཇུག་པ་ནི། རང་རྗེ་བཙུན་མར་བསམས་ལ་སྐྱབས་སུ་འགྲོ་བ་དང་། བཟླས་པ་དང་བདེ་བ་བསྡུ་བ་རྣམས་བྱས་ལ། སྒྲུབ་བྱ་གང་ཡིན་མདུན་དུ་བསམ་པའམ། ཡོད་ནའི་ཆོས་འབྱུང་ནང་དུ་པད་འདབ་བཞི་ཡི་གེ་དང་བཅས་པ་རང་ཇི་ལྟར་བསྒོམས་པ་བཞིན་བསམ་ནས། ངག་ཏུ་ཧ་རི་ནི་ས་དགའ་ཞེས་བརྗོད་པ་དང་། ཡི་གེ་བཞི་ལས་འོད་དམར་པོ་འཕྲོས་རྩ་བོ་ཆེ་དང་རྩ་ཕྲན་ཐམས་ཅད་ན་ཡར་སོང་པ་དང་། བདེ་བས་བརྒྱལ་ནས་བདེ་ཕྲིལ་ཕྲིལ། དམར་ལྟེམ་ལྟེམ་པའི་གསང་གནས་ནས་འབྱུང་

[Full Size]

བཞིའི་དྭངས་མ་བྱང་སེམས་དམར་བ་ཐེམ་བུ་བཏང་བ་བཞིན་ན་ར་ར་བྱུང་ནས། རང་རྗེ་བཙུན་མར་བསམས་པའི་མཐེ་བོང་གཡས་པའི་འོག་དུ་ཧྲིལ་ཧྲིལ་བྱུང་པར་བསམས་ནས། ལུས་མི་གནས་སྒུལ་བསྐྱོད། ངག་མི་གནས་བཟླས་པ། སེམས་མི་གནས་ཆོས་ཉིད་དང་བྱམས་ཆགས་ལ་མཉམ་པར་བཞག །དེ་ནས་སྒྲུབ་བྱ་དང་རང་གཉིས་འོད་ཟེར་དམར་པོའི་འོད་དཀྲུག་དཀྲུག་འདུག་པར་བསམ་ལ། སྒྲུབ་བྱ་གསང་གནས་སུ་བསྟིམ་མོ། །དེ་ནི་བིར་ཝ་པའི་མུ་ཏྲ་དགུག་པའི་ལས་སྦྱོར་ཡིན་ནོ། །ཞལ་གདམས་ཡི་གེར་བཀོད་པ་ལ། །དཔའ་བོ་མཁའ་འགྲོས་བཟོད་པར་གསོལ། །ཨྀིྠཿ

འཆི་མེད་གྲུབ་པའི་འཁྲུལ་འཁོར་སུམ་ཅུ་རྩ་གཉིས་ཀྱི་ལག་ལེན་གསལ་བྱེད་ཉི་མ། རྗེ་བཙུན་བིརྦ་པ།

[Full Size]

འཆི་མེད་གྲུབ་པའི་འཁྲུལ་འཁོར་སུམ་ཅུ་རྩ་གཉིས་ཀྱི་ལག་ལེན་གསལ་བྱེད་ཉི་མ་བཞུགས་སོ། །

[Full Size]

བླ་མ་དམ་པའི་ཞབས་ལ་གུས་པས་ཕྱག་འཚལ་ལོ། །བདེ་ཆེན་རྒྱལ་པོ་ལྷུན་གྲུབ་འདུས་མ་བྱས། །ལོངས་སྤྱོད་རྫོགས་སྐུ་རྡོ་རྗེ་འཆང་ཆེན་དང་། །ནུས་པ་མཐར་ཕྱིན་རྟོགས་པ་མཆོག་གྱུར་པའི། །རྣལ་འབྱོར་དབང་ཕྱུག་དཔལ་ལྡན་བིར་ཝ་པ། །དངོས་གྲུབ་ཀུན་བརྙེས་ལུས་སེམས་འཆི་མེད་གྱུར། །ཀུན་གྱིས་མཆོད་བསྟོད་བྲམ་ཟེ་ནག་པོ་དང་། །ཡི་དམ་མཁའ་འགྲོས་བར་དོར་སངས་རྒྱ་བར། །དངོས་སུ་ལུང་བསྟན་དུར་ཁྲོད་ནག་པོ་དང་། །བདེ་ཆེན་ཕྱག་རྒྱས་ཉོན་མོངས་རྩ་མདུད་

[Full Size]

བཀྲོལ། །ཟག་མེད་རབ་རྒྱས་ལ་སྟོད་མགོན་པོ་དང་། །གང་ལ་ཐོགས་མེད་གནམ་ལྕགས་འབར་བ་ཡང་། །མེ་ཏོག་རྒྱན་གྱུར་སངས་རྒྱས་གཉན་སྟོན་དང་། །དུས་གསུམ་སངས་རྒྱས་བླ་མའི་ཞབས་པད་ལ། །ལུས་ངག་ཡིད་གསུམ་དང་ཞིང་གུས་བཏུད་ནས། །བརྗོད་བྱའི་སྙིང་པོ་ལུས་སེམས་འཆི་མེད་ཀྱི། །སངས་རྒྱས་ཚེ་འདིར་ངེས་པར་འགྲུབ་བྱེད་ཅིང་། །ཉེས་སྐྱོན་ཀུན་སེལ་ཡོན་ཏན་རབ་རྫོགས་པའི། །འཆི་མེད་གྲུབ་པའི་འཁྲུལ་འཁོར་བདུད་རྩི་འདི། །སློབ་མ་ལུས་སེམས་གཉིས་ནད་དང་ཉོན་མོངས་རྣམས་ཞི་བར་བྱེད་པ།

[Full Size]

མཆོག་གིས་གསོལ་བ་བཏབ་པའི་ངོར། །དབྲི་བསྣན་མེད་པར་བླ་མའི་གསུང་བཞིན་བྲི། །དེ་ལ་རྗེ་བཙུན་བིར་ཝ་པའི། །ཐུན་མོང་མ་ཡིན་གདམས་པའི་མཆོག །ཕྱག་འཆི་མེད་རྩ་བ་ལས། རྒྱ་ཆེན་པོ་རྣམ་བཤད་པ། །རྒྱུད་སྡེ་བཞི། རྣམས་ཀུན་ཏུ་སྦས་པའི་དོན། །མི་ནི་དབང་ཐོབ་པ། གང་གིས་ཐོབ་པ་འཆི་མེད་འདི། ཡི། །ལྷ་ཀླུ་གནོད་སྦྱིན། རྣམས་ཀུན་གྱིས་མཆོད་ཅིང་བསྟོད། པར་འགྱུར། །སྐྱེ་བ་བྱེ་བ་སྟོང་དག་ཏུ། །ལེགས་ལས་བསོད་ནམས། རྒྱ་ཆེན་རྣམས་བྱས་པས། །དེ་འཆི་མེད། ཐོས་འཁོར་བའི་རྒྱ་མཚོ་ལས། མྱ་ངན་འདས་ཀྱི་སྐམ་པ་ཉིད། །ཕ་རོལ་དུ་ནི་རྣལ་འབྱོར་འགྲོ། །ཆོས་དང་ལོངས་སྤྱོད་སྤྲུལ་པ་དང་། །སྐུ་གསུམ་དབྱེར་མེད། བདེ་ཆེན་ཚེ་འདིར་ཐོབ་པར་འགྱུར། །གང་ཟག་གང་ཞིག་དད་དང་བརྩོན་འགྲུས་ལྡན། །བློ་ལྡན་དབང་བཞི། རྫོགས་པར་ལེགས་ཐོབ་ཅིང་། །

[Full Size]

ཁྱད་པར་འདིར་ནི་འཆི་མེད་ཀྱི། དབང་ཐོབ་པས། །གསང་སྔགས་ཀྱི་ཉིང་ཁུ། །ལམ་འཆི་མེད། འདི་ལ་ནི་འབད་བརྩོན་པས། པར་བྱ། །འཆི་མེད་གྲུབ་པའི་འཁྲུལ་འཁོར་ལ། གསུམ་སྟེ། །སྔོན་རླུང་རེངས་འདུལ་བ་གཅིག་འགྲོ་རྩ་བཅུ་གཉིས། བ་ཡན་ལག་གོ །བཅུ་དགུ། །འཁྲུལ་འཁོར་སོ་གཉིས་པོ་ཀུན་གྱི་དང་པོ། ཀུན་གྱི་སྔོན་འགྲོ་བའི། །རླུང་རེངས་འདུལ་བ་འདི་བཞིན་བྱ། །ཕྱི་ཁྲུས་དང་། ནང་བདུད་རྩིའི་མི་བསྐྱོད་པ། ཁྲུས་བྱས་ལ། །སྟན་ལ་གར་སྟབས་ལངས་བྱས་ནས། །རྐང་པ། གཡོན་པའི་བརླ་ལ་གཡས་པ་ཡི། །རྐང་པའི་མཐིལ་ནི་སྦྱར་བྱས་ཏེ། །དེ་བཞིན་གཡས་ལའང་ཤེས་པར་བྱ། །དེ་ནས་ཞུན་ཆེན་དང་འབྲུ་མར་ལ་སོགས་པ། །རང་གི་ལག་པའི་མཐིལ་གཡས་གཡོན་དུ་བླུག་བྱས་ནས། །རླུང་གཉིས་ཁ་སྦྱོར། གི་སྦྱོར་བ་ལེགས་ལྡན་པ། །སྤྱི་བོའི་

[Full Size]

གཙུག་ནས་རྐང་མཐིལ་གཉིས་ཀྱི། བར། །ལུས་ཀུན་ལ་ནི་ཁྱབ་པར་བྱུག །རྩ་ཁྱད་པར་དུ། རྣམས་འདུས་པར་ནན་ཏན་བསྐྱེད། ལ་བྱུག་གོ་དེ་ཡང་རླུང་གཉིས་སྦྱར་བས། །ཤུགས་དང་ལྡན་པ་ཤིན་ཏུ་གཅེས། །རང་གི་ལག་པས། ལུས་ཀུན་ལ། མ་ཁྱབ་ན། །ཕྱག་རྒྱ་མ། ལ་སོགས་པས་ཁྱབ་པར། །བྱུག་པར་བྱ། །དེས་འཁྲུལ་འཁོར། །ནི་རླུང་རེངས་གཞིལ་བ་སྟེ། །ལུས་ཕན་ཡོན་ནི། མཉེན་ཞིང་བལ་ལྟ་བུར་ཡང་། བ་དང་། ཟས་ཅི་ཟོས། རྣམས་འཇུ་ཞིང་དྭངས་ཟས་དང་ཁམས། སྙིགས་འབྱེད། པ་དང་། །ལུས་ཀྱི་མདངས་མེ་ཏོག་ལྟར། གསལ་བ་དང་། ཐིག་ལེ་འཕེལ། བ་དང་། རྩ་རླུང་ཐིག་ལེའི་ཟུག་རྣམས་སེལ། །མདོར་ན། །བགེགས་རྣམས་ཐམས་ཅད་རང་དག་ཏུ་འགྲོ་བར། འགྱུར། །རླུང་རེངས་གཞིལ་བའི། །སྟོབས་ཀྱི་འཁྲུལ་འཁོར་འདི་ཡི་ནི། །སྟེང་དུ་ལྷའི་འཇིག་རྟེན་ཐམས་ཅད། བསྐྲག་པར་བྱེད། །རྐང་

[Full Size]

པ་འོག་ཏུ་བརྐྱང་པ་ཡི། །ཀླུ་དང་ས་བདག་ལ་སོགས། རྣམས་ཀུན་ཀྱང་བསྐྲག་པར་བྱེད། །ལག་པ་བརྐྱང་བསྐུམ་འདི་ཡིས་ནི། །ཕྱོགས་བཞི་དག་ཀྱང་གཡོ་བར་བྱེད། པ་དང་གནོད་བྱེད་ཐམས་ཅད་བསྐྲད་ཅིང་བསྲུང་བར་འགྱུར་རོ། །འདི་ནི་རྫ་ཧི་ཏའི་སྐར་མའོ། །དེ་ནས་གཉིས་པ། རྩ་བའི་འཁྲུལ་འཁོར་བཤད། པ་ནི། །ཨང་གྲོལ་ལས་ཀྱི་ཕྱག་རྒྱ་དང་། གཅིག །བེ་ཏ་ཆོས་ཀྱི་ཕྱག་རྒྱ་སྟེ། དང་གཉིས། །བྷན་དྷ་དམ་ཚིག་ཕྱག་གསུམ་མོ། རྒྱ་དང་། །ཕྱག་རྒྱ་ཆེ་དང་རྣམ་བཞིའོ། །དེ་ལ་ཕྱི་དང་། ནང་དང་། གསང་བ་དང་། གསུམ་སྟེ། ཕྱག་རྒྱ་ཆེ་དང་བཞི། །རེ་རེ་ལའང་བཞི་བཞིར་དྲིལ་བས་བཅུ་གཉིས་སུ། འདོད། །དང་པོ་ཕྱིའི་འཁྲུལ་འཁོར་གྱིས། །ཨང་དང་པོ། གྲོལ་ལས་ཀྱི་ཕྱག་རྒྱ་ནི། །བདེ་བའི་སྟན་ལ་སྒལ་ཚིགས་བསྲང་། ནས་རྐང་པ། །གཡོན་པའི་རྟིང་པས་གཤང་

[Full Size]

ལམ་དགག །ཅིང་རྡོ་རྗེའི། །རྩ་བ་དམ་དུ་མནན་པར་བྱ། ས་པའི། །རྩ་སྒོ་གཉིས་ནི་རྟིང་པས་དམ་དུ་བསྡམ། ཞིང་གནོན་རེས་ནས། །རྐང་གཡས་བསྟན་ལ། ཅུང་ཟད་བརྐྱང་བྱས་པའི། །མཐེབ་ཆེན་ལག་པ་གཡས་ཀྱི་འཐེབ་མཛུབ་གུང་གསུམ། ཀྱིས་བཟུང་། ནས་རྐང་གཡས། །ཅུང་ཟད་གྱེན་དུ་བཀན་པར་བྱ། །དེ་ནས། ལག་པ་གཡོན་པས་རྐང་གཡས། བོལ་གོང་ནས། །བཟུང་ལ་རླུང་ལན་གསུམ། རོ་དྲག་ཏུ་འབུད། དེ་ལྟར་བྱས་པས། །ཁམས་འདུས་མི་འབྱུང་དགོས་པ་ཡོད། །གཡས་གཡོན་རོ་རྐྱང་། གཉིས་ནས་རླུང་བར་དུ། རྔུབས་ནས། །དབུ་མའི་སྒོ་རུ་བཙུད་བྱས་པས། །ཉོན་མོངས་པའི། །ཞེན་པ་དང་ནི་གདུང་བ་སྤོང་། །གང་ཞེ་ན། དགོས་པ་རྩ་གསུམ་དབང་དུ་སྡུད། །གསུམ་པོ་གཅིག་དབུ་མར་ཏུ་གྱུར་པ་ཡི། །ཕྱག་རྒྱ་ཆེན་པོ་འགྲུབ་པར་འགྱུར་རོ། །དེ་ལྟར་འཁྲུལ་འཁོར་

[Full Size]

ཐམས་ཅད་ལ། །རླུང་རོ་ཕྱིར་འབུད་ནང་དུ་རྔུབས་གཉིས་ལ། །མཁས་པས་དབང་གིས་ཤེས་པར་བགྱི། །ས་ཤིག །དེ་ནས་མགྲིན་པ་དགུག་བྱས་ལ། །སྟེང་འོག་རླུང་གཉིས་ཁ་སྦྱར་ནས། །ཡར་ལ་ཐེན་པ་དྲག་ཏུ་བསྡིག །ཇི་སྲིད་རླུང་། ཐུབ་ཚད་བར་དུའོ། །ཉི་ཟླ་གཉིས་ནི་བཅག་པར་ཞེས་ཀྱང་། བྱ། །སྒོ་དགུ་དག་པའི་སྦྱོར་ཞེས་ཀྱང་བྱ། བའོ། །བེ་ཕྱིའི། ཏ་ཆོས་ཀྱི་ཕྱག་རྒྱ་ནི། །ལུས་བསྒྱུར་རྐང་གཉིས་སྟན་ལ། །གཤིབས་པའི་བར། དུ་རང་གི། སོར་ལྔ་དག་གི་ཚད་ཙམ་བཞག །ནས། །རྐང་པའི་བྲང་པ་གཉིས་དང་། སོར་མོ་རྣམས། །ས་ལ་སྙོམས་ཤིང་བརྟན་པར་གཟུགས། །ཐབས་དེ་ནས་ལག་གཡས། དང་། ལག་གཡོན། ཤེས་རབ་ཚུལ་གྱི་ནི། །ལག་པས་ལིང་ག་བསྡམ་པར་བྱ། སྟེ་ཚུལ་ཇི་ལྟར་ན། །གཡོན་ལག་པ། པས་གཡས་པའི་མཐེབ་ཆེན་མནན། །རྐང་ལག་བར་དུ་མཐོ་གཉིས་ཀྱི་བར་དུ་རང་གི།

[Full Size]

གསུམ་མོ། །དེ་ནས་ལག་གཉིས་བར་དུ། མགོ་བོ་དགུག་བྱ་སྟེ། །འཕོངས། །ཡར་ལ་དལ་བུས་ཐེན་ནས་ནི། །འཕོངས་དང་བརླ་ཤ་གཉིས་བྱིན་པ་དང་། རྟིང་པ། ལ། རྐང་པ་ས་ལ། །བརྟན་པར་འཕོངས་བྱིན་རྟིང་མ། །དྲག་ཏུ་བརྡབ་པར་བྱ། །ཇི་སྲིད་ཐུབ་ཚད་བར་དུ་སྤྲུག །རྩ་བ་ལས། །རླུང་གི་རླུང་ནི་བཤིག་པར་བྱེད། །རླུང་གིས་རླུང་ལ་བསྣུན་པར་བྱེད། །རླུང་གིས་རླུང་ནི་གསད་པར་བྱེད། །རླུང་གིས་ཡོངས་ལ་ཁྱབ་པ་ཡི། །རླུང་གིས་དངོས་གྲུབ་ཐམས་ཅད་འབྱིན། །རླུང་གིས་ལུས་སེམས་གཉིས། འཆི་བ་མེད་པར་འགྱུར། །དེས་ན་འཆི་མེད་གྲུབ་པ་ཞེས། །བིར་ཝ་པ་ཡིས་གསུངས་པ་ཡིན། །བྷན་དྷ་དམ་ཚིག་ཕྱག་རྒྱ་ཡི། །རྐང་གཉིས་ཀྱི། པའི་བར་དུ་ཁྲུ་གང་གཞལ། །དེ་ནས། །ལག་གཉིས་རྐང་པའི་ནང་ནས་ཕྱིར། །འཁྱུད་པས་རྐང་པའི་མཐེབ་ཆེན་གཉིས། །ལག་པའི་གུང་མཛུབ་མཐེ་བོས་གསུམ་གྱི། བཟུང་ནས། །ལངས་ནས་མགོ་

[Full Size]

བོ་གསང་གནས་ཐད་དཀར། དགུག་བྱ་སྟེ། །ལུས་པོ་དྲག་ཏུ་གཡས་གཡོན་དུ། བཅུད་ལ་བོར། །འོག་རླུང་དྲག་ཏུ་བསྐུམ་པས། །བཤང་ལམ་འཁོར་ལོ་གྱེན་ལ་བཟློག །དེ་ནས། །རྩ་དང་ཐིག་ལེ་གྱེན་ཤུགས་ཀྱི་ལ་ཕྱོགས། ནས་སྟེང་དུ་འགྲོ། །ནད་རླུང་སོགས། རྣམས་ཐམས་ཅད་བཅོམ་ནས་ནི། །མཐར་ཐུག །ཕྱག་རྒྱ་ཆེན་པོའི་དོན་ཡང་རྫོགས། པར་འགྱུར་རོ། །དཔེར་ན། ཇི་ལྟར་བར་སྣང་ནམ་མཁའ་ལ། །སྤྲིན་ཚོགས་འབར་བ་འཁྲིགས་པ་དེ། །རླུང་གི་ཤུགས་ཀྱིས་རང་བཞིན་མེད་པར། གཏོར་བ་ལྟར། །དེ་ལྟར་དེ་ལྟར་འབྱུང་བཞིས་བསྡུས་པའི། ལུས་འདི་དག་ཀྱང་ནི། །སྤྲིན་འདུ་བའི། །ནད་ཀྱིས་ཡོངས་སུ་གོས་གྱུར་ཀྱང་། །འཁྲུལ་འཁོར། །ཐབས་ཀྱི་རླུང་གིས་ནད་གདོན་ཐམས་ཅད། གཞོམ་པར་བྱ། །ཕྱིའི། །ཕྱག་རྒྱ་ཆེན་པོ་བསྟན་པ་ནི། །རྐང་པ་ཅུང་ཟད་བསྣོལ་བྱས་ནས། །སྒལ་ཚིགས་བསྲངས་

[Full Size]

ལ་ཙོག་བུ་ཅུང་ཟད། བྱ། །ལག་གཉིས་པུས་མོའི་སྟེང་དུ་བསྣོལ། བའི། །མཐེབ་ཆེན་གཉིས་ཀྱི། སྦོ་ཤ་འི་རྩ། གཡས་གཡོན་གཉིས། མནན། ནས། །རླུང་གི་བག་ཙམ་བཟུང་བར་བྱ། །འཁྲུལ་འཁོར་གྱི། དབང་པོ་ངལ་ཞིང་ངུབ་པའི་ཚེ། །རྩེ་གཅིག་ཡེངས་མེད་དུ། སེམས་བསྒོམ་མེད། ཀྱི་ངང་དུ་བཞག །ཡིད་ལ་མི་བྱེད་ཕྱག་རྒྱ་ཆེ། ན་བོ་དེ་ནི། །འཁྲུལ་འཁོར། །འདི་ཡི་སྟོབས་ཀྱིས་འབྱུང་བར་འགྱུར། །གསུམ་གསུམ་རེ། །ཨང་གྲོལ་དགུ་ལ་བེ་ཏ་རེ་རེ་རེ་གསུམ། །བྷན་དྷ་གཅིག་སྟེང་རླུང་ཐེབས་བཅུ་གསུམ་གསད་པ་ཉིད། ཏུ་ཤེས་པར་བྱ། །དེ་ལྟར་རྩེ་གཅིག་ཉམས་སུ་བླངས་པས། །རཊ་པ་ཉོན་མོངས་རླུང་རྣམས། ཐུལ་ཏེ། །ལས་ཀྱི་རླུང་རྣམས་ཡེ་ཤེས་ཀྱི་རླུང་གིས། གསོད་པ་ཡིས། །ཕྱིས་ནད་གདོན་གྱིས། མི་ཚུགས་སྔར་བྱུང་པ་ཐམས་ཅད། འཇོམས་པར་བྱེད། །ལུས་ཤིང་བལ་ལྟར། ཡང་མདངས་མེ་ཏོག་ལྟར། གསལ་ཟོ་མདོག་ཤིན་ཏུ་བདེ། །ཐིག་ལེ་འཕེལ་

[Full Size]

བས་ལུས་སྟོབས་རྒྱས། །ཕྲ་རླུང་ཐམས་ཅད། རང་གནས་སུ། དག་པ་ཡིས། །ཡེ་ཤེས་རླུང་རྒྱས་པས། ཟག་མེད་ཀྱི། །བདེ་བ་ཕྱོགས་མེད་རྒྱས་པར་འགྱུར་རོ། །ལུས་ནི་འཆི་མེད་ཉི་ཟླ་བཞིན། དུ་འགྱུར། །སེམས་ནི་འཆི་མེད་ཕྱག་རྒྱ་ཆེ། བློས་མ་བྱས་པའི་རང་ཤར། །དེ། འདི་ལས་འབྱུང་གི་ཐབས་གཞན་གང་། གྱིས་མིན་ནོ། ཞག་དང་། །ལོ་ཟླས་བོགས་ཐོན་ནས་སངས་རྒྱ་བ། བར་བྱེད་པ། །མཚན་ཆགས་ལམ་ས་མུ་དྲ། ལྡན་རྩ་བརྟེན་ན། ལས་རྟོགས་མྱུར་དུ། པར་བྱའོ། །ཡང་ན་འོག་རླུང་འབྱེད་འཛུམ་གྱི། གནད་ཀྱིས་སོ། །འཆི་མེད་འཁྲུལ་འཁོར། ལག་སྣེ་དང་། བཅུད་ཐམས་ཅད་བསྡུས་པ། །རླུང་ཐེབས་བཅུ་གསུམ་གསད་པ་འདི། ཡིན་ནོ། །བྲམ་ཟེ་ནག་པོའི་ཁྱད་ཆོས་ཏེ། །དེ་བླ་མ། ཉིད་མཚན་ལྡན་ལྔ་བཅུར་བཅས། ནས། །ལུས་དང་སེམས་གཉིས།

[Full Size]

འཆི་མེད་གྱུར་ནས་ཀྱང་། །མཐར་ཐུགས་བདེ་སྟོང་དབྱེར་མེད་མཆོག །རྟོགས་ནས་ཀྱང་། །དག་པ་མཁའ་སྤྱོད་གནས་སུ་གཤེགས། །དེ་རྣམས་ཕྱི་ཡི་འཁྲུལ་འཁོར་རོ། བཞི་ཡིན་ནོ། །དེ་ནས་གཉིས་པ། ནང་གི་འཁྲུལ་འཁོར་བཞི། བཤད། །ཨང་གྲོལ་ལས་ཀྱི་ཕྱག་རྒྱ་ལ། སྐྱིལ་ཀྲུང་སྒལ་ཚིགས་བསྲང་། །ལག་གཉིས་བསྣོལ་ལ་ངར་རྐང་པའི། གདོང་ངམ། །ཡང་ན་བོལ་གོང་དག་ནས་བཟུང་། །ཕྱིའི་ཨང་གྲོལ། །གོང་བཞིན་དྲག་ཏུ་བརྡིག་པར་བྱ། །བེ་ཏ་ཆོས་ཀྱི་ཕྱག་རྒྱ་ནི། །རྐང་མཐིལ་གཉིས་གཤིབས་རྟིང་པ་གཉིས། ས་ལ་བཞག །པུས་མོ་ཙོག་པུ་ཅུང་ཟད་བྱ། །རྐང་པའི་བར་དུ་ལག་གཉིས་བརྐྱང་། བརྐྱང་ནས་ལག་པའི། །མཐེབ་འཛུབ་གུང་གསུམ་གྱི། རྐང་འཐེབ་གཉིས་བཟུང་ནས། །རྟིང་པ་གཉིས་པོ། སྤྲད་ནས་མ་བྲལ་བར། །རྐེད་པ་གཉིས་ལ། །འཕོངས་དང་རྟིང་པ་གཉིས་པོ། རེ་མོས་ཀྱིས། །ས་ནས་བཏེག་ལ་ས་ལ། བརྡབ་པར་

[Full Size]

བྱ། །སྔགས་དང་ཕ་རོལ་ཕྱིན་པ་ཡི། །ལམ་མཆོག་ཆིག་རྫོགས་དག་ཏུ་འདོད། །དུར་ཁྲོད་ནག་པོའི་མུ་དྲ་ཡིས། །དེ་ཉིད་འོ། གཅིག་པུ་ཉམས་བླངས་པས། །ལུས་ཐམས་ཅད། སེམས་གྲུབ་པར། བླ་མ། འཆི་མེད་གྱུར་ནས་ལམ་མཆོག་ཆིག་རྫོགས། ཀྱང་། །སློབ་མའི་ཚོགས་བཅས་མཁའ་ལ་གཤེགས། །དུས་དེར་གཉིས། བཅུ་གསུམ་ས་ཐོབ་གྱུར། །བྷན་དྷ་དམ་ཚིག་ཕྱག་རྒྱ་ནི། །ལངས་ལ་རྐང་གཡོན་དག་པའི། གཡས་པར་གྱུར་རོ། པས་མནན། །ཅུང་ཟད་བསྣོལ་ལ་པར་གྱུར་རོ། །རྐང་མཐིལ་གཉིས། སྟན་ལས། པ་གཉིས། ས་ལ་མཉམ་བཞག་བརྟན་བྱས་ནས། །ནས། རོ་སྟོད་གླང་ཆེན་སྣ་ལྟར་དགུག །ལག་གཉིས་པོ། བསྣོལ་ལ་རྐང་པ་ཡི། །མཐེབ་ཆེན་གཉིས་པོ་བཟུང་བྱས་ནས། །འོག་རླུང་དྲག་ཏུ་བསྐུམ་ལ་འཐུར་དུ། གྱེན་དུ།

[Full Size]

གདོན། །ཕྱག་རྒྱ་ཆེ་ལ་སྒལ་ཚིགས་བསྲང་། །སྐྱིལ་ཀྲུང་ལྟེ་འོག་མཉམ་བཞག་གི ། ཕྱག་རྒྱ་ངང་པའི་གཤོགས་པ་ལྟར། །དཔུང་པ་གཉིས་ནོ། ནི་བརྐྱང་བྱས་ནས། །རླུང་ནི་རྡོ་རྗེ། བག་ཏུ་ལག་པ། ཙམ་བཟུང་བྱས་ཏེ། །ཡིད་ལ་མི་བྱེད་ངང་ལ་བཞག །ནང་གི་ཕྱག་རྒྱ་རྣམ་བཞིའོ། །ད་ནས་གསང་བ་བཤད་པར་བྱ། །ཨང་གྲོལ་སྐྱིལ་ཀྲུང་ལུས་བསྲངས་ནས། །ལག་ཕྱག་རྒྱ་ཆེན་པོའི། དེ་རྣམས། གཉིས་བརྐྱང་ལ་རྒྱབ་ཏུ་བསྣོལ། འི་ཕྱག་རྒྱ། གཡོན་པའི་ལས་ཀྱི་ཕྱག་རྒྱ་ལ། སྟེང་དུ་གཡས་བཞག་སྟེ། །གོང་བཞིན་དྲག་ཏུ་བརྡིགས་པར་བྱའོ། །བེ་ཏ་ཆོས་ཀྱི་ཏེ་ལག་མཐིལ། ཕྱག་རྒྱ་ནི། །ཕྱི་དང་ལུས་གནད་འདྲ་བ་ལས། །ཅུང་ཟད་ཐེན་ཞིང་ཕྱི་ནང་གི་ཨང་གྲོལ། ཆུང་ངུ་འོ། བརྡབ། །དེ་ཡང་དལ་ཞིང་བརྟན་པར་བྱ། །འི་བྷེ་ཏ། བྷན་དྷ་དམ་ཚིག་ཕྱག་རྒྱ་ནི། །གྱེན་དུ། མར་ལ། སྐྱིལ་ཀྲུང་ས་རྐང་གཉིས་ལག་གཉིས།

[Full Size]

གནོན་ཕྱག་རྒྱ་བྱ། །རོ་སྟོད་གཡས་གཡོན་དྲག་ཏུ་བཅུད། །ཨོག་མས་བྲང་རུས་ནོན་པོ་གཅེས། །དེར་རྗེས་ཕྱག་རྒྱ་ཆེན་པོ་ནི། །ལུས་བསྲང་རྡོ་རྗེའི་སྐྱིལ་ཀྲུང་བྱ། །པུས་མོའི་སྟེང་དུ་ལག་པ་གཉིས། །མཆོག་སྦྱིན་ཕྱག་རྒྱ་སོ། ཅུང་ཟད་བཀན། །དམིགས་མེད་རང་ཤར་ཕྱག་རྒྱ་ཆེ། ས་ལ། ཡིད་ལ་མི་བྱེད་དོན་རྟོགས་འགྱུར། །གསང་བའི་ཕྱག་རྒྱ་རྣམ་བཞིར་འདོད། །ཕྱི་ལ། སློབ་མ་བྱས་པས། གཞན་ལ་མ་ལྟོས་པའི། ནང་གསང་གསུམ་འཁྲུལ་འཁོར་ལ། །རླུང་རོ་དེ་རྣམས། དྲག་ཏུ་འབུད་པར་བྱ། །རླུང་གསུམ་རྡུབས་ནས་འོག་རླུང་བསྡམ། །ཀུན་གྱི་གནད་དུ་ཤེས་པར་བྱ། །ཁྱད་པར་ཨང་གྲོལ་རྣམ་གསུམ་ལ། །སྒལ་དེ་ནས། ནང་དུ། ཚིགས་དྲང་པོར་པ་ནི། འཁྲུལ་འཁོར། བསྲངས་བྱས་ཕྱི་ནང་གསང་བའི། ནས། །རྒྱ་མཚོ་རི་རབ་ངོས་ལ་སྦྱར། །

[Full Size]

ཨོག་མས་བྲང་རུས་ནོན་བྱས་ནས། །དལ་ལ་དྲག་ཏུ་བརྡིག་པར་བྱ། །ཚངས་པའི་གནས་ནི་གཡོ་བའི་འགྱུར། །དེ་ནས་ཡན་ལག་འཁྲུལ་འཁོར་རྣམས། ལེགས་པར་བཤད་སོས་དལ། ཀྱིས་གུས་པས་འོ། བཟུང་། སྤྱི་གཙུག །ཁ་སྦྱོར་སེམས་དཔའི་སྐྱིལ། གསུམ་པ། ཀྲུང་ལ། ཨང་གྲོལ་བཞིན་དུ་དྲག་ཏུ་བརྡིག། དེས་ནི་ཀུ་ད་རྒྱས་པར་འགྱུར། །བཤང་ལམ་འཁོར་ལོ་གྱེན་དུ་བཟློག །ཐིག་ལེ་སྒྲ་གཅན་ཕྱིའི། གྱེན་དུ་བསླང་། །རྩ་རྣམས་ཐམས་ཅད་རབ་ཏུ་གཡོ། འོག་རླུང་གྱེན་དུ་དྲངས་ཏེ་བསུས་པ་སྒལ་པ་ལ་སྦྱར། ལྕེ་མིག་གྱེན་ལ་བཟློག །དེ་ནས་རླུང་སྒྲ་དང་བཅས་པའི་ཐིག་ལེ་ན་ར་ར་དྲངས་པས་ཐིག་ལེ་རང་བཞིན་གྱིས་གྱེན་དུ་འདྲོངས། །དེས་སྨད་ཀྱི་རྩ་རྣམས་སྟོངས་ནས་སྟོད་ཀྱི་རྩ་རྣམས་ཐིག་ལེས་ཁྱབ་པའོ། །མཆོག་གི་རྩ་ནི་གྱེན་དུའོ། །རྩ་ཨ་ཝ་དྷུ་ཏི་ཐིག་ལེས་རྒྱས་པས་བདེ་བ་གྱེན་དུ་འཕེལ་བའོ། །ལུས་ངག་ཡིད་གསུམ་སྦྱོར་བ་ཡི། །སྐུ་གསུང་ཐུགས་ནི་ཐིག་ལེ་གྱེན་དུ་འདྲོངས་པས་བདེ་བ་རྒྱས་རང་དང་མུར། གྱི་བརྩོན་འགྲུས་དྲག་པོ་ཡི།

[Full Size]

ནས་མཆོག་ཐུན་མོང་གི་སིདྷི། སྒྲུབ་པ་ཡིན། །གོམ་པ་བརྟན་པར་གྱུར་པ་ཡིས། །རང་གི་མེ་ནི་གསལ་བའོ། །ཕྱག་རྒྱ་འདི་ཡིས་ཐམས་ཅད་དུ། །རྣལ་འབྱོར་པ་ནི་ངེས་པར་ཕྱག་རྒྱ་ལམ་དུ་བསློང་པ་དེ་ལ། འགྲོ། ཡེ་ཤེས་ཀྱི། བདེ་བ་ཐིག་ལེ། ར་བྱས་པ། ལས་ཀྱི། འི་བདེ་བ། མཁའ་སྤྱོད་ཀྱི་གནས། འདི་ནི་ཁ་སྦྱོར་སྦྱོར་བ་སྟེ། །རྩ་བའི་སྡོམ་པར་འདོད་པའོ། །བར་འགྱུར་རོ། འདི་ནི་རླུང་གི་སྦྱོར་བ་ཡིན། །མཁས་པ་རྣམས་ཀྱི་འདི་ཐབས་ཤེས་གཉིས། ས་བདེ་སྟོང་གཉིས་སུ་མེད་པའི་ཡེ་ཤེས། །ཉན་ཐོས་ཀྱི་དབང་དུ་བྱས་ན་ཐིག་ལེ་མ་ཤོར་ནས་སོ་ཐར་བྱང་སེམས་ཀྱི་འདི་ལ་བརྟེན་ནས། གཞན་དོན་སངས་རྒྱས་འདོད་པས་སེམས་བསྐྱེད། །སྔགས་ཀྱི་ཐིག་ལེ་འཕེལ་བས་བདེ་བ་རྒྱས་དེའི་རང་བཞིན་སྟོང་པར་ཤེས་པས་བདེ་སྟོང་གཉིས་སུ་མེད་པའི་ཡེ་ཤེས་སྐྱེ་བར་བྱེད་པས་ན་ནང་གི་དམ་ཚིག་གོ །བསྒྲུབ་བོ། །ཐིག་ལེ་དཀར་བ་དགྲམ་པ་ནི། །རྡོ་རྗེ་སྐྱིལ་ཀྲུང་སྒལ་ཚིག་བསྲང་། །སྤྱི་བོའི་གཙུག་ལྡོག་ནས་རྩ་ལ།

[Full Size]

ནས་རྐང་མཐིལ་བར། །ལག་པ་གཉིས་ཀྱིས་བསྲུབ་ཅིང་མཉེ། །རྗེས་ལ་རོ་སྟེ། དྲག་ཏུ་སྤྲུག །རྩ་རྣམས་ཐིག་ལེས་ཁྱབ་པར་འགྱུར། །རླུང་སྦྱོར་ལྡན་པས་རླུང་དང་བསྲེ། ཡེ་ཤེས་དེའི། ཆེན་པོར་བསྐྱལ་བར་བྱ། །ཐིག་ལེ་དམར་བ་དགྲམ་པ་ནི། །སྐྱིལ་ཀྲུང་གང་བདེ་སྒལ་ཚིག་བསྲངས། །ལག་གཉིས་ཁུ་ཚུར་རྐེད་པ་བརྡུང་། །མདུན་དུ་ལག །དང་སྣ་ཁྲག་བཅད་ཅིང་ལུས་ལ། གཉིས་རྡོར་སྐྱིལ་སེམས་སྐྱིལ་གཉིས། དྲག་དུ་སྤྲུག །བརྡུང་དང་། རྒྱབ་ནས། སྤྲུག་པ་རེ་མོས་བྱ། །རྗེས་ལ་རོ་སྟོད་དྲག་ཏུ་སྤྲུག། ཆོད་དང་། སོར་མོ་བརྐྱང་བ། དཔེར་ན་གཡས་ཀྱི་ཁུ་ཚུར་གྱིས་རྒྱབ་ནས་རྐེད་པ། དུས་གཅིག་ཏུ་གཡོན་སོར་མོ་བརྐྱང་བ་མདུན་དུ། བྱེད་པ་དེ་བཞིན་དུ་གཡས་གཡོན་གཉིས། །སྣ་ཁྲག །ཁྲེམས་པ་དུས་ཅིག་འབྱུང་། །དེས་དཀར་དམར་ཆ་སྙོམས་ལུས་ལ་ཁྲེམས་པ་དང་། །བཅུ་གསུམ་ས་མཆོག་ཐིག་ལེ་དམར་བ་ལུས་ལ། རྡོ་རྗེ་འཛིན་པའི།

[Full Size]

ཐོབ་པར་འགྱུར། །མགོ་བོའི་འཁྲུལ་འཁོར་རྣམ་བཞི་ནི། །རྡོ་རྗེ་སྐྱིལ་ཀྲུང་ས་གནོན་མཐུན། །དང་པོ་ལག་གཉིས་མགོ་བོ་དང་། །བྱད་དང་ལྟག་པ་བསྲུབ་ཅིང་མཉེ། མགོ་ནད་སྐྲ་དཀར་རྐང་པ་སྙེར་ལག་གཉིས། བྱ་བར་ཐམས་ཅད། མ་པ། སེལ། །མགོ་བོའི་རྩ་མདུད་ཁུང་། གྲོལ་བར་བྱེད། དེས། གཉིས་པ་མིག་གི་འཁྲུལ་འཁོར་ནི། །སྡང་མིག་བལྟ་ཞིང་དྲག་ཏུ་བགྲད། །གཡས་གཡོན་སྟེང་འོག་ཀུན་ཏུ་བལྟ། །དྲག་ཏུ་བསྐོར་ཞིང་ལག་མཐིལ་བསུབ། །མིག་ནད་སེལ་ཞིང་རྩ་མདུད་གྲོལ། ཆུ་བུར་རབ་རིབ་དག་ནས་ནི། །ཡེ་ཤེས་སྤྱན་དང་ལྡན་པར་ལྟོ་སྟོང་། གཉིས་ཨ་ཧས་བཏན་ནས་མིག་གཉིས། དང་ཁྱད་པར་སྐྱ་རིབ་ལ་སོགས་པ། ཐམས་ཅད། འགྱུར། །གསུམ་པ་ལག་གཉིས་ས་གནོན་བྱ། །ཕྱོགས་བཞིར་གཡོ་ཞིང་དྲག་ཏུ་བསྐོར། རྗེས་ལ་ལག་མཐིལ་མིག་མགོ་དང་སོར། རྗེས་ལ། ནས་གཉིས་ཀྱི།

[Full Size]

བསྡམས་ནས། །སྟེང་རླུང་དྲག་ཏུ་བསྡམས་བྱས་པས། །མགོ་རླུང་ཟིབ་དང་འཐོམ་པ་དང་། །མགྲིན་པའི་ནད་སེལ་རྩ་མདུད་གྲོལ། །གཉིས། གསུང་དབྱངས་དྲུག་ཅུ་ཐོབ་པར་འགྱུར། །བཞི་པ་ས་གནོན་བ་ཕྱག་རྒྱ་ལ། །མདུན་དང་གཡས་གཡོན་རྩངས་པ་ཡིས། །རླུང་རྡུབ་མགོ་ལྟར་གསུམ་གསུམ་བྱ། །རྒྱབ་ཏུ་སྐྱེད་སྐྱེད་ལན་གསུམ་མོ། །སྐེ་ཡི་ནད་སེལ་རྩ་མདུད་འགྲོལ། དང་། དུ། རོ་སྟོད་པའི། ཁུག་ཁུག་པར་ཡོན་ཡོན་པ། འཁྲུལ་འཁོར་ཡང་། རྣམ་པ། གསུམ་ནི། །སེམས་དཔའི་སྐྱིལ་ཀྲུང་བྱ་བར། འཐུན། །དང་པོ་ས་གནོན་ཕྱག་རྒྱ་བྱ། །གཡས་ནས་གཡོན་དུ་དྲག་ཏུ་འཐེན། །གཡོན་ནས་གཡས་སུའང་དེ་བཞིན་ནོ། །གཡས་གསུམ་ཀར། གཡོན་གསུམ་གསུམ་སྐྱེད་ཅིང་གདེང་། །གཉིས་པ་སྟོད་ཀྱི་སྡེར་འཛིངས་ནི། །གུང་མོ་གཉིས་བརྐྱང་གཞན་རྣམས་བསྣོལ། །ལག་པ་དྲག་ཏུ་ལག་སོར། སོར་མོ། ལ། མདུན་དུ།

[Full Size]

བརྐྱང་བྱས་ནས། །ནུ་མ་གཡས་གཡོན་དེ་ཡི་དབུས། །གསུམ་གསུམ་ལན་དགུ་བརྡེག་པར་བྱ། །གསུམ་པ་སྨད་ཀྱི་སྡེར་འཛིངས་ནི། །ལག་ཚུར་བསྐུམ་པ། པ་གཉིས་དང་། རྣམས་སུ། བསྐུམ་ལ་དྲག་ཏུ་བརྐྱང་། །པུས་མོ་གཡས་གཡོན་དེ་ཡི་དབུས། །གསུམ་གསུམ་ལན་དགུ་ཕྱག་རྒྱ་གོང་ལ་ཚུར། བཅུ་ཞིང་བརྡེག། དེ་གསུམ་ཕར། ནས། སྟོད་ཀྱི་རྩ་མདུད་གྲོལ། གསུམ་དུ། རོ་སྟོད་ནད་རྣམས་བརྡེག་པ་རེ་རེ་ལ་ཡང་ཕྱི་ནང་། སེལ་བར་བྱེད། །ཁྱད་པར་སྙིང་རླུང་ལ་སོགས་པའི། །ཁམས་འདུས་ཐམས་ཅད་འདི་ཡིས་སེལ། །རླུང་ནི་དྲག་ཏུ་འབུད་པ་གཅེས། །ལག་པའི་འཁྲུལ་འཁོར་རྣམ་བཞི་ནི། །རྡོ་རྗེ་སྐྱིལ་ཀྲུང་སྒལ་ཚིགས་བསྲང་། །དང་པོ་དཔུང་པ་གཡས་གཡོན་གཉིས། །རེས་མོས་ཕྱི་དང་ནང་དུ་བསྐོར། །དེ་ནས་གཡས་བ་འཐུན། དབྱུག་པ་བཞིན་དུ།

[Full Size]

གཡོན་ཕྱི་ནང་དུ། །དུས་ཅིག་དྲག་ཏུ་བསྐོར་བར་བྱ། །སོག་པའི་ནད་སེལ་རྩ་མདུད་གྲོལ། །གཉིས་པ་ལག་གཉིས་རེ་མོས་ཀྱིས། གཉིས། རྡོ་རྗེ་ཁུ་ཚུར་བཅངས་བྱས་ནས། །ཚུར་བསྐུམ་ཕར་ལ་དྲག་ཏུ་བརྐྱང་། །གསུམ་པ་ལག་གཉིས་སོར་མོ་རྣམས། །ཚུར་བསྐུམ་ཕར་ལ་བརྐྱང་བྱས་ནས། །དུས་ཅིག་དྲག་ཏུ་སྤྲུག་སོར་མོ་ཡང་། པར་བས། བྱ། །བཞི་པ་ལག་གཡས་བརྐྱང་ནས་ནི། །མགོ་བོ་དཔུང་པ་དག་ལ་སྦྱར། །སོར་ལྔ་དྲག་ཏུ་ལག་གཉིས། བརྐྱང་བྱས་ནས། །མིག་གཉིས་དྲག་ཏུ་གཏད་པ་གཅེས། །དེ་བཞིན་གཡོན་གཡོན། གཡས་པའི། ལའང་ཤེས་པར་བྱ། །ལག་པའི་ནད་དེ་ལ། སེལ་རྩ་མདུད་འགྲོལ། །དྲ་བས་འབྲེལ་ཞིང་འཁོར་ལོ་འབྱུང་། །ཕོ་བའི་འཁྲུལ་འཁོར་རྣམ་གསུམ་ནི། །དང་པོ་སུ་ར་དགང་པ་ཡི། །ཡན་ལག་འདི་ལྟར་ཤེས་པར་བྱ། །

[Full Size]

རྐང་གཉིས་གཤིབས་ནས་དྲང་པོར་ལངས། །ལག་མཐིལ་གཉིས་ཀྱིས་ཕོ་བ་དང་། །བསུས་པ་དྲག་ཏུ་བསུག་ཅིང་མཉེ། །གཉིས་པ་ཕོ་བའི་འཁྲུལ་འཁོར་ནི། སོར་མོ་ཕན་ཚུན་བསྣོལ་བའི། །སྐྱིལ་ཀྲུང་ས་གནོན་སྒལ་ཚིགས་བསྲང་། །རྒྱ་མཚོ་རི་རབ་ངོས་ལ་སྦྱར། །གཡས་གཡོན་བསྐོར་ཞིང་དྲག་ཏུ་སྤྲུག །གསུམ་པ་སྐྱིལ་ཀྲུང་སྒལ་ཚིགས་བསྲང་། །ལག་གཉིས་སོར་མོ་ཕྱིར་བསྣོལ། བསུས་པ། དུ། རྒྱུ་ཞབས་གཡས་གཡོན་དབུས་གསུམ་དུ། ཏེ། །སྤྱི་བོར་བཏེག་ནས་ཕོ་བ་ལ། །ལག་མཐིལ་གཉིས་པོ་དྲག་ཏུ་བརྡེག །རླུང་གིས་དགང་པ་ཤིན་ཏུ་གཅེས། །འཁྲུལ་འཁོར་དེ་གསུམ་ཕོ་བ་ཡི། །རྩ་མདུད་གྲོལ་ཞིང་ནད་རྣམས་སེལ། །ཁྱད་པར་ཕོ་གླང་ལ་སོགས་པའི། །མ་ཞུའི་ནད་རྣམས་སེལ་བར་འགྱུར། །རྐང་པའི་

[Full Size]

འཁྲུལ་འཁོར་རྣམ་གཉིས་ལ། །དང་པོ་ལངས་ལ་རྐང་པ་གཉིས། །རེ་མོས་དྲུག་ཏུ་སྤྲུག་པར་བྱ། །གཉིས་པ་སྟན་ལ་འདུག་བྱས་ནས། །རྐང་གཉིས་རེ་མོས་དྲག་ཏུ་བརྐྱང་། །མཐེ་བོང་བསྐུམ་པ་ཤིན་ཏུ་གཅེས། །རྐང་པའི་ནད་སེལ་རྩ་མདུད་གྲོལ། །འཁོར་ལོའི་མཚན་དང་རུས་སྦལ་ཞབས། །ཆུ་དང་མཁའ་ལ་བྱ་བཞིན་འགྱུར། །དེ་ལྟར་སྔོན་འགྲོ་རྩ་བ་དང་། །ཡན་ལག་བཅས་པའི་འཁྲུལ་འཁོར་ལ། །དང་པོ་སེམས་བསྐྱེད་གསོལ་བཏབ་ནས། །རླུང་རོ་དྲག་ཏུ་ཕྱིར་ཕུང་ཏེ། །འཁྲུལ་འཁོར་བཅས་ལ་སྲོག་སེམས་མ་བསྐྱེད་པར་གསོལ་བ་མི་གདབ། །གསོལ་བ་མི་བཏབ་པར་རླུང་མི་འབུད། །རླུང་མ་བུད་པར་འཁྲུལ་འཁོར་མི་བཅའ། །འཁྲུལ་འཁོར་མ་བཅས་པར་རླུང་མི་བཟུང་། །རླུང་མ་བཟུང་བར་འཁྲུལ་འཁོར་མི་བྱ། །གསུང་ངོ་། །རྩོལ་དང་། །དབུ་མར་དྲག་རྔུབས་བས་འོག་རླུང་བསྡམ། །སྟེང་འོག་རླུང་གཉིས་ཁ་སྦྱར་ནས། །དལ་ལ་

[Full Size]

སྙོམས་ཤིང་དྲག་པ་གཅེས། །ཀུན་གྱི་གནད་དུ་ཤེས་པར་བྱ། །དེ་རྣམས་རྗེ་བཙུན་བིར་ཝ་པའི། །ཀུན་ལས་ཁྱད་འཕགས་གདམས་པའོ། །གང་གིས་འཆི་མེད་འཁྲུལ་འཁོར་འདི། །བརྩོན་འགྲུས་དྲག་པོས་ཉམས་བླངས་ན། །བཞི་བརྒྱ་རྩ་བཞིའི་ནད་རྣམས་དད་གུས་བརྩོན་ལྡན། སེལ། །ལས་ངན་འབྱུང་པོའི་གདོན་ཚོགས་འཇོམས། །རྒ་ཤིས་ཟིལ་གྱི་མི་རླུང་ཡོགས། ནོན་ཅིང་། །སྐྲ་དཀར་གཉེན་མ་མི་འབྱུང་སྟེ། སྡིག་སྒྲིབ་དང་། ཤ་འཁྲེགས་ལུས་ཡང་དབང་པོ་རྣོ། །ལྟ་བས་མི་ངོམས་གཟི་བརྗིད་ཆེ། །མཚན་ལྡན་ལྔ་བརྒྱ་བརྟེན་གྱུར་ཀྱང་། །འདོད་རྐང་ལྟར། ཤིང་བལ་ལྟར། མིག་གི་བཞིན། པའི་ལུས་ཞགས་པས་འཛག་བདེ་མི་འཆིང་མུ་དྲ་ནུབ་རེ་ལ། ཞིང་། ཐ་མལ་གྱི། ལང་ཚོ་བཅུ་དྲུག་ལོན་པ་ལྟ་བུར་འགྱུར། །སེང་གེའི་རྩལ་དང་གླང་

[Full Size]

ཆེན་སྟོབས། །རྟ་མཆོག་བང་དང་མཉམ་པ་དང་། །ས་དང་མཁའ་ལ་བྱ་བཞིན་འགྲོ། །ཉོན་མོངས་རྩ་མདུད་གྲོལ་གྱུར་ནས། །རྩ་རྣམས་དབུ་མར་ཐིམ་པར་འགྱུར། །ལས་བྲག་དང་ཆུ་དང་། ཀྱི་རླུང་རྣམས་དག་ནས་ནི། །ཡེ་ཤེས་ཆེན་པོའི་རླུང་དུ་འགྱུར། །ཟག་བཅས་ཐིག་ལེ་དག་གྱུར་ནས། །ཟག་མེད་ཡེ་ཤེས་རྒྱས་པར་འགྱུར། ལུས་ནི་འོད་ལུས་འཆི་བ་མེད། །སེམས་ནི་འཆི་མེད་ཕྱག་རྒྱ་ཆེ། །འདི་ལས་འབྱུང་བས་བིར་ཝ་པས། །འཆི་མེད་འཁྲུལ་འཁོར་མདོར་ན། ཞེས་སུ་གསུངས། །མཐར་ཐུག་རྣལ་འབྱོར་བླ་མེད་ཀྱི། །དགོངས་པ་རྗེ་བཙུན། མཆོག་ལུས་སེམས་གཉིས། གྱུར་མངོན་སུམ་ལམ། །རྡོ་རྗེའི་ལུས་ཐེག་པའི། ལ་གནད་བསྣུན་པས། །རྩ་རླུང་ཐིག་ལེ་དབང་འདུས་ནས། །སངས་རྒྱས་བྱང་གསང་སྔགས། །ཆུབ་ས་དེ། སེམས་དཔའ་རྣམས། །བུ་ལྟར་

[Full Size]

དགོངས་ཤིང་བྱིན་གྱིས་རློབས། །སྐུ་དང་ཞིང་ཁམས་ཐམས་ཅད་མཐོང་། །དག་སྣང་ཕྱོགས་མེད་འཆར་བར་འགྱུར། །དཔའ་བོ་མཁའ་འགྲོ་པ་དང་སངས་རྒྱས་ཀྱི། ཆོས་བ་དང་མ་དག་པ་རང་སར་དག་ནས། སྐྱོང་རྣམས། །པདྨའི་འབྱུང་གནས་ཁྱད་པར་དུ། ཉམས་དགའ་བར། །ངང་པའི་ཚོགས་འདུ་ཇི་བཞིན་ནོ། །ལྷ་ཀླུ་གནོད་སྦྱིན་དྲི་དཔེར་ན། ཟ་དང་། རྒྱལ་རྒྱས་ཤིང་། པོ་བཙུན་མོ་རྒྱལ་བ་དེ། སྲིད་དང་། རང་བཞིན་གྱི། སྟག་དང་སེང་གེ་དུག་སྦྲུལ་སོགས། །སྲོག་ཆགས་གཏུམ་པོ་ཐམས་ཅད་དང་། །ཁམས་གསུམ་དབང་བསྒྱུར་མཆོད་བསྟོད་བྱེད། །བདུད་དང་མུ་སྟེགས་ཀུན་བཏུལ་ནས། །བཅུ་མ་རུངས་པ། གསུམ་ས་རྣམས་མདོར་ན། ཐམས་ཅད་ལ། ཞིང་དེ་རྣམས་ཀྱིས། པར་འགྱུར། རྫོགས་པར་འགྱུར། །གང་འདུལ་རང་ཤར་རྡོ་རྗེ་འཛིན་པའི་དེས་འཁོར་བ་མ་སྟོང་བར་དུ། །

[Full Size]

གཟུགས་སྐུ་ཡི། །གཞན་དོན་ལྷུན་གྲུབ་རྒྱུན་ཆད་མེད། །འདི་ཡི་སྟོབས་ཀྱིས་འབྱུང་བར་འགྱུར། །དེ་སྐད་རྗེ་བཙུན་ཆེན་པོ་གཉིས་པོ། གསུང་། ཁྱད་འཕགས་འཆི་མེད་པ་དེ་འཆི་མེད་འཁྲུལ་འཁོར། འཁྲུལ་འཁོར་འདི། །སྣོད་ལྡན་བིར་ཝ་པ། སློབ་མ་དེས་བྲམ་ཟེ་ནག་པོ། དུར་ཁྲོད་ནག་པོ། ལ་སྟོད་མགོན་པོ། གཉན་སྟོན། སངས་རྒྱས་སྟོན་པ། དེ་ནས་མང་དུ་འཕེལ་ལོ། །རྣམ་གཉིས་ཀྱིས། །པཱུ་ཛ་བརྒྱ་རྩ་ཨ་དང་མོ། མཎྜལ་ཕུལ། །ཉམས་ལེན་ལོ་གསུམ་དམ་བཅས་ནས། །ལུས་སྲོག་ཕུལ་ནས་གསོལ་བཏབ་ངོར། །ལྷག་ཆད་བརྒྱད་དང་གསེར་གྱི། མེད་པར་ཡི་གེར་བཀོད། །དེ་ལ་མཁའ་འགྲོས་བཟོད་པར་གཏོར་མེད་དུ། མཛོད། དགེ་འཁྲུལ་འཁོར་སུམ་ཅུ་རྩ་གཉིས། དེས་རྡོ་རྗེ་འཛིན་ཐོབ་བླ་མའི་ཕྱག་ལེན་ལྟར། དཔའ་བོ། ཤོག །མ་རྣམས། རྗེ་བཙུན་བིར་ཝ་པས་མཛད་པའི་འཆི་མེད་གྲུབ་པའི་འཁྲུལ་འཁོར་སུམ་ཅུ་རྩ་གཉིས་

[Full Size]

ཀྱི་ལག་ལེན་གསལ་བྱེད་ཉི་མ་ཞེས་བྱ་བ་བླ་མའི་ཕྱག་ལེན་ལྟར་ཤཱཀྱའི་དགེ་སློང་རྡོ་རྗེ་འཛིན་པ་བིརྱ་སིང་ཧས་ལྷག་ཆད་མེད་པར་ཡི་གེར་བཀོད་པ་འདི་ཡོངས་སུ་རྫོགས་སོ། །མངྒ་ལཾ། །ན་རོ་དྲུག་སྐོར་འཁྲུལ་འཁོར་ནི། །རྐེད་པ་གཡས་བརྩོན་འགྲུས་སེང་གེ ། བསྐོར་གཡོན་བསྐོར་གྱི། །ལྟེ་བའི་རྩ་མདུད་གྲོལ་བ་ཡིན། །མགྲིན་པ་བསྐོར་ཞིང་དགྱེ་སྒུ་བྱ། །སྤྱི་བོ་མགྲིན་པའི་རྩ་མདུད་གྲོལ། །རྐང་ལག་བརྐྱང་བསྐུམ་བྱས་པ་ཡིན། །ཡན་ལག་རྩ་མདུད་རང་སར་གྲོལ། །རོ་སྟོད་གཡས་གཡོན་གཅུས་པ་ཡི། །སྟོད་ཀྱི་རྩ་མདུད་གྲོལ་བར་བྱེད། །གྱེན་དུ་འཕང་ཞིང་འོག་ཏུ་སྡེབ། །ཚིགས་རྣམས་ཀུན་གྱི་རྩ་མདུད་གྲོལ། །ལུས་སྤྲུག་ཕུར་སུབ་བྱས་པ་ཡི། །རྩ་རྣམས་ཐམས་ཅད་གྲོལ་བའོ། །ཞེས་པ་ལྟར་འཁྲུལ་འཁོར་གྱི་གནད་འདི་ཆུན་ཆེ་བར་གསུངས་སོ། །ཤུབྷཾམསྟུསརྦཛགཏཱཾ།

འཆུག་མེད་ལམ་ཁྱེར་གསུམ་གྱི་ཁྲིད་ཡིག

[Full Size]

འཆུག་མེད་ལམ་ཁྱེར་གསུམ་གྱི་ཁྲིད་ཡིག་བཞུགས་སོ། །

[Full Size]

བླ་མ་དམ་པ་རྣམས་ལ་ཕྱག་འཚལ་ལོ། །དུས་གསུམ་སངས་རྒྱས་ངོ་བོ་ཉིད། །བླ་མའི་སྐུ་གསུང་ཐུགས་ལ་འདུད། །འཆུག་མེད་ལམ་ཁྱེར་རྣམ་གསུམ་གྱིས། །ཁྲིད་རིམ་ཅུང་ཟད་བྲི་བར་བྱ། །དེ་ལ་གསུམ་སྟེ། སྣང་བ་ལ་བརྟེན་བླ་མ་དང་། ཡི་དམ་དང་། སྒྱུ་མ་ལམ་ཁྱེར་རོ། །དང་པོ་དགོངས་པ་དམ་པའི་རྒྱུད་ལས། །སྣང་བ་བླ་མ་ཡི་དམ་དང་། །སྒྱུ་མ་ལམ་དུ་འཁྱེར་བར་བྱ། །ཚེ་འདིར་སྐུ་གསུམ་མངོན་གྱུར་ནས། །དོན་གཉིས་ཕུན་སུམ་ཚོགས་པར་འགྱུར། །ཅེས་སོ། ལ་བཞི། བླ་མའི་སྐུའི། །གསུང་གི། ཐུགས་ཀྱི། དབྱེར་མེད་ལམ་ཁྱེར་རོ། །དང་པོ་ལ་བཞི་ལས། དང་

[Full Size]

པོ་སྤྱི་བོར་བླ་མ་བསྒོམ་ཞིང་། གསོལ་བ་གདབ་པ་ནི། རང་ལུས་ཅེས་པ་ཚེ་གཅིག་ལ་སངས་རྒྱས་པ་ལ། བླ་མའི་མོས་གུས་དགོས་ཏེ། ཡེ་ཤེས་མངོན་འབྱུང་ལས། ས་དང་ལམ་གྱི་རིམ་པ་རྣམས། །བླ་མའི་མོས་གུས་ལོ་ཟླས་བགྲོད། །བླ་མའི་སྣང་བ་མ་བྲལ་ན། །སངས་རྒྱས་རྣམས་དང་འབྲལ་མེད་གནས། །ཅེས་པ་ལ་སོགས་པ་མདོ་རྒྱུད་ཀྱི་ལུང་དང་། །ལོ་རྒྱུས་བཤད་ལ། ངེས་ཤེས་བསྐྱེད་དུ་གཞུག་གོ །དེ་ནས་བྱང་ཆུབ་ཏུ་སེམས་བསྐྱེད་པ་དང་། མི་རྟག་སྐྱོ་ཤས་སྔོན་དུ་འགྲོ་བས། རང་ལུས་བདེ་མཆོག་ཏུ་བསྒོམས་པའི་སྤྱི་གཙུག་

[Full Size]

ཏུ། སེང་གེ་དང་རིན་པོ་ཆེའི་ཁྲི་དང་པདྨ་དང་ཟླ་བའི་སྟེང་དུ། རྩ་བའི་བླ་མ་མཚན་དང་དཔེ་བྱད་ཀྱིས་བརྒྱན་པ། ཞལ་འཛུམ་པའི་མདངས་དང་ལྡན་པ། འོད་དང་འོད་ཟེར་གྱི་རང་བཞིན་ཅན། སྐུ་ལྟ་བས་ཆོག་མི་ཤེས་པ། ཉི་མ་འབུམ་གྱི་གཟི་བརྗིད་ཅན། མཚན་ཐོས་པས་ཕྱིར་མི་ལྡོག་པའི་ས་ཐོབ་པ། གསོལ་བ་བཏབ་ན་བྱིན་རླབས་འབྱུང་བ་ལ་སྨོས་མི་དགོས་པ་གཅིག་བསམ་མོ། །དེའི་ཐུགས་ཀ་ནས་འོད་ཟེར་འཕྲོས་པས། བརྒྱུད་པའི་བླ་མ་དང་། སངས་རྒྱས་དང་བྱང་ཆུབ་སེམས་དཔའ། ཡི་དམ་ལྷ་ཚོགས། མཁའ་འགྲོ་ཆོས་སྐྱོང་། ཆོས་འབྲེལ་ཡོད་ཚད་དེ་ལ་བསྟིམ་ནས། བླ་མ་དེ་དུས་གསུམ་སངས་རྒྱས་ཐམས་ཅད་ཀྱི་ངོ་བོར་བསྒོམས་པའི་བླ་མའི་རྣལ་འབྱོར་རྫོགས་པར་བྱས་ལ། དེ་ནས་སེམས་ཅན་ཐམས་ཅད་ཁམས་གསུམ་དུ་འཁོར་ཞིང་རིགས་

[Full Size]

དྲུག་ཏུ་འཁྱམས་ནས། སྡུག་བསྔལ་སྣ་ཚོགས་ལ་སྤྱོད་པ་འདི་རྣམས་ལ། སྙིང་རྗེ་ཆེན་པོས་ཀུན་ནས་བསླང་ནས། སྡུག་བསྔལ་གྱི་སར་མི་གཞག་པར། སངས་རྒྱས་ཀྱི་ས་ལ་དགོད་པར་བྱ་བའི་ཕྱིར། རང་ལ་གནོད་བྱེད་ཀྱི་གཙོ་བྱས་པའི་ནམ་མཁའ་དང་མཉམ་པའི་འགྲོ་བ་ཀུན་དང་ཐབས་གཅིག་ཏུ། ཀུ་དི་རི་རི་གསོལ་བ་འདེབས་པར་བསམ་ལ། བླ་མ་རིན་པོ་ཆེ། བདག་འཛིན། དགོས་མེད། ཅིར་སྣང་བླ་མར་འཆར་བར་བྱིན་གྱིས་བརླབ་ཏུ་གསོལ། ཞེས་སྙིང་ཁོང་རུས་པའི་གཏིང་ནས་གསོལ་བ་དྲག་པོ་གདབ་བོ། །གཉིས་པ་རིམ་པ་བཞིན་དུ་བསླབ་པ་ནི། དེ་ཡི་ཅེས་པ། དེ་ལྟར་གསོལ་བ་བཏབ་པས་སྣང་བ་བདེན་མེད་དུ་ཕྱམ་གྱིས་སོང་ཞིང་། མོས་གུས་སྐྱེས་པ་དང་། ཕྱི་རོལ་སྣོད་བཅུད་ཀྱིས་བསྡུས་པའི་སྣང་

[Full Size]

བ་སྣ་ཚོགས་ཐམས་ཅད་རིམ་པ་བཞིན་བླ་མའི་སྐུར་བལྟ་བར་བྱ་སྟེ། དེའང་རང་གི་ཐོ་ཕྱི་ཉེ་འཁོར་ཙམ་གྱི་སེམས་ཅན་དང་། འབྱུང་བཞི་ཕྲ་རགས་ཅི་སྣང་བ་དང་། ཅི་ཤར་བ་ཐམས་ཅད། བླ་མའི་སྐུ་རུ་ལམ་ལམ་བྱུང་བར་བསམ་མོ། །དེ་བཞིན་དུ་གཙང་ཙམ་དང་། དབུས་དང་། འཛམ་བུ་གླིང་དང་། གླིང་བཞི་དང་། སྟོང་སྤྱི་ཕུད་དང་། སྟོང་གཉིས་པ། བར་མ་དང་། སྟོང་གསུམ་དང་། ནམ་མཁས་ཁྱབ་པ་ཐམས་ཅད་དོ། །གསུམ་པ་སྤྱོད་ལམ་ཐམས་ཅད་དུ་བསླབ་པ་ནི། །སྤྱོད་ལམ་ཅེས། འགྲོ་འཆག་ཉལ་འདུག་ཐམས་ཅད་དུ། ཐ་མལ་གྱི་བསམ་པ་ཐམས་ཅད་སྤངས་ནས། སྐད་ཅིག་ཀྱང་འབྲལ་མེད་དུ་སྣང་བ་ཐམས་ཅད་བླ་མ་རུ་ལམ་དུ་འཁྱེར་ཞིང་། གདུང་བའི་སེམས་ཀྱི་མོས་གུས་ཚད་བཟུང་མེད་པའི་གསོལ་བ་རྒྱུན་ཆད་མེད་པར་བཏབ་པས། ཅིར་སྣང་

[Full Size]

ཐམས་ཅད་བླ་མའི་སྐུ་རུ་ལམ་པའམ། སྐུ་གསལ་རྗེན་པ་ཅིག་ཤར་ན། རང་སེམས་བླ་མར་ཤར་བ་ཡིན་པས། བར་དོ་ཚུན་ལ་སངས་རྒྱ་བས། བླ་མའི་ལམ་ཁྱེར་མཆོག་ཏུ་འགྱུར་པའོ། །བཞི་པ་དྲིན་བསམ་ཞིང་ཡན་ལག་བདུན་པ་འབུལ་བ་ནི། དེ་ལྟར། ཅེས་པ་སྣང་བ་བླ་མར་ཤར་བ་དེ་བརྟན་པར་གྱུར་པ་དང་། བླ་མ་དམ་པ་འདི་ཉིད་ཀྱིས་བཟོད་པར་དཀའ་བ་འཁོར་བ་སྡུག་བསྔལ་གྱི་རྒྱ་མཚོ་ཆེན་པོ་ལས་བསྒྲལ་ཞིང་། བསྐལ་པ་གྲངས་མེད་པར་ཚོགས་བསགས་ཀྱང་ཐོབ་པར་དཀའ་བའི་སངས་རྒྱས་ཚེ་འདིར་ཐོབ་པར་བྱས་པ་བླ་མའི་དྲིན་ཡིན་པས། བཀའ་དྲིན་རེ་ཆེ་ན་སྙམ་དུ་བསམ་ཞིང་། འབྲལ་མེད་དུ་གསོལ་བ་གདབ་བོ། །བཟང་སྤྱོད་དམ། རྡོ་རྗེ་མགུར་ནས་གསུངས་པའམ། བླ་མ་རྣམས་ལ་སྒོ་གསུམ་གུས་པས་ཕྱག་འཚལ་ལོ། །ཕྱི་ནང་གསང་གསུམ་

[Full Size]

གྱི་མཆོད་པ་འབུལ་ལོ། །ཅེས་པ་ལ་སོགས་པའི་ཡན་ལག་བདུན་པ་འབུལ་ལོ། །གསུང་ནི། སྒྲ་རྣམས། ཅེས་པ་ཟིན་པ་སེམས་ཅན་དང་། མ་ཟིན་པ་ས་ཆུ་ལ་སོགས་པ་འབྱུང་བའི་སྒྲ་རྣམས་གྲགས་སྟོང་ཡིན། གྲགས་སྟོང་བླ་མའི་གསུང་ཡིན། །གསུང་སྐྱེ་མེད་ཀྱི་རང་སྒྲར་བསྒོམ་མོ། །ཐུགས་ནི་དྲན་རྟོག། ཅེས་པ་རང་གི་ཡིད་ལ་དྲན་པ་དང་། རྟོག་པའི་རི་མོ་ཅི་བྱུང་བ་ཐམས་ཅད་སྐྱེ་འགག་གནས་གསུམ་དང་བྲལ་བ་བླ་མའི་ཐུགས་ཡིན། ཐུགས་གཉིས་སུ་མེད་པའི་ཡེ་ཤེས་ཡིན། ཡེ་ཤེས་མཁྱེན་པ་གཉིས་ལྡན་ཏེ། རྣམ་པར་མི་རྟོག་པ་ཇི་ལྟ་བ་མཁྱེན་པ། སྣ་ཚོགས་སུ་སྣང་ཞིང་གསལ་བ་མཁྱེན་པ་ཇི་སྙེད་པ་མཁྱེན་པའི་ཡེ་ཤེས་སོ། །དབྱེར་མེད་ནི། དེ་ལྟར་ཅེས་པ། ཁྱད་པར་འཕགས་པའི་ལམ་ཁྱེར་གསུམ་པོ་དེ་བསྒོམས་པས། དུས་ཉིན་མཚན་དང་མཉམ་རྗེས་ཐམས་ཅད་དུ་ཅིར་སྣང་ཐམས་ཅད་བླ་

[Full Size]

མའི་སྐུ་གསུང་ཐུགས་སུ་ཤེས། བླ་མ་དེ་ཉིད་ཕྱི་རོལ་ན་མེད། རང་གི་སེམས་ཤར་བ་ཡིན། སེམས་སྤངས་པའི་ཕ་རོལ་ན་བླ་མ་མེད། བླ་མ་སྤངས་པའི་ཕ་རོལ་ན་སེམས་མེད་དོ། །སེམས་དང་བླ་མ་དབྱེར་མེད་པའི་གསལ་སྟོང་བདེ་ཆེན་རང་ཤར་དུ་འབྱུང་ཞིང་། གསལ་བ་སྤྲུལ་སྐུ། སྟོང་པ་ཆོས་སྐུ། བདེ་བ་ལོངས་སྐུའོ། །མདོར་ན་སྣང་བ་ལ་བརྟེན་ནས་བླ་མ་ལམ་ཁྱེར། བླ་མ་ལ་བརྟེན་ནས་མོས་གུས། མོས་གུས་ལ་བརྟེན་ནས་བཀའ་དྲིན། བཀའ་དྲིན་ལ་བརྟེན་པའི་ཚོགས་གསོག །ཚོགས་གསོག་ལ་བརྟེན་ནས་རང་ཤར་ལམ་དུ་ཁྱེར་རོ། །ཡང་། སྣང་བ་ཐམས་ཅད་བླ་མར་ཤེས། བླ་མ་སེམས་སུ་ཤེས། སེམས་གསལ་སྟོང་བདེ་ཆེན་སྐུ་གསུམ་དུ་ཤེས་པའོ། །གཉིས་པ་སྣང་བ་ལ་བརྟེན་ནས་ཡི་དམ་ལམ་དུ་ཁྱེར་བ་ལ་གསུམ། སྐུ་

[Full Size]

གསུང་ཐུགས་སོ། །དང་པོ་ལ་བཞི་ལས། དང་པོ་རང་ལུས་ཡི་དམ་དུ་བསྒོམ་པ་ནི། ཐ་མལ། ཅེས་པ་ལུས་ཡི་དམ་དུ་བསྒོམས་པའི་སྤྱི་བོར་བླ་མ་བསྒོམ་ལ། བདག་འཛིན། དགོས་མེད། ཅིར་སྣང་ཡི་དམ་དུ་འཆར་བར་གསོལ་བ་གདབ་བོ། །རང་ལུས་བདེ་མཆོག་ལྷ་སྐུ་སྣང་སྟོང་དབྱེར་མེད་པ། གསལ་ལ་རྟོག་པ་མེད་པ་ཅིག་ཏུ་ལམ་མེ་བསྒོམ་མོ། །གཉིས་པ་རིམ་པ་བཞིན་བསླབ་པ་ནི། དེ་ནས། ཅེས་པ་ཆགས་པ་སྐྱེ་བའི་ཡུལ་ཡིད་དུ་འོང་བ། སྡང་པ་སྐྱེ་བའི་ཡུལ་ཡིད་དུ་མི་འོང་བ། རྨོང་པ་སྐྱེ་བའི་ཡུལ་ཤེས་བྱ་ཤེས་དཀའ་བའི་ཕྱི་རོལ་གྱི་ཡུལ་སྣང་སྣ་ཚོགས་སུ་སྣང་བ་ཀུན་རིམ་པ་བཞིན་དུ་ལྷ་སྐུར་ཤེས་པར་བྱ་སྟེ། དེའང་རང་གི་ཉེ་འཁོར་ཙམ་གྱི་སེམས་ཅན་དང་། འབྱུང་བཞི་ཕྲ་རགས་ཅི་སྣང་དང་། ཅི་ཤར་ཐམས་ཅད་ལྷ་སྐུར་ལམ་ལམ་བྱུང་པར་བསམ་མོ། །དེ་བཞིན་དུ་

[Full Size]

གཙང་ཙམ་ནས། ནམ་མཁས་ཁྱབ་ཚད་ཀྱི་བར་རིམ་པ་བཞིན་དུ་བསྒོམ་ཞིང་། དད་གུས་དང་ལྡན་པས་ཡན་ལག་བདུན་པ་དབུལ་ལོ། །གསུམ་པ་སྐུ་གསུམ་ཚང་བ་ནི། ཅིར་སྣང་། ཅེས་པས་ཅིར་སྣང་ཐམས་ཅད་ལྷ་སྐུ་སྒྱུ་མ་ལྟ་བུར་ཤེས། སྒྱུ་མ་དེ་རང་གི་སེམས་སུ་ཤེས། སེམས་སྤངས་པའི་ཕ་རོལ་ན་ལྷ་སྐུ་མེད། ལྷ་སྐུ་སྤངས་པའི་ཕ་རོལ་ན་སེམས་མེད། སེམས་དང་ལྷ་སྐུ་དབྱེར་མེད་པའི་གསལ་སྟོང་བདེ་ཆེན་གྱི་ལྷ་སྐུ་དེ། སྔར་ལྟར་སྐུ་གསུམ་ལམ་ཁྱེར་རོ། །ཡང་། ལྷ་སྐུ་སྐྱེ་འགག་གནས་གསུམ་དང་བྲལ་བ་དེ་སྐུ་གསུམ་དུ་ལམ་མེ། གཉིས་མེད་རྣམ་རྒྱལ་ལས། སྐྱེ་བ་མེད་པ་ཆོས་ཀྱི་སྐུ། །འགག་པ་མེད་པ་ལོངས་སྤྱོད་རྫོགས། །གནས་པ་མེད་པ་སྤྲུལ་པའི་སྐུ། །དབྱེར་མེད་ཚུལ་འདི་བསྟན་པའོ། །ཅེས་སོ། །

[Full Size]

འབྲས་བུ་ནི། ཐ་མལ་གྱི་བསམ་པ་ཐམས་ཅད་སྤངས་ནས། འབྲལ་མེད་ལྷ་སྐུ་ཟླ་དྲུག་བསྒོམས་ན། སྐྱེ་བ་འདིའམ་བར་དོ་ཚུན་ཆོད་ལ་རྒྱལ་བ་ལོངས་སྐུ་ཐོབ་བོ། །བཞི་པ་བསྐྱེད་རྫོགས་གཉིས་ཚང་བ་ནི། སྣང་བའི། ཅེས་པ་སྐུ་མདོག་ཕྱག་མཚན་ལ་སོགས་པ་སྣང་བའམ། གསལ་བའི་ཆ་དེ་བསྐྱེད་རིམ་ཡིན། སྣང་ཡང་དོན་ལ་གྲུབ་པ་མེད་པའམ། འཛིན་མེད་ཀྱི་ཆ་དེ་རྫོགས་རིམ་ཡིན་ལ། སྣང་བ་ལས་སྟོང་པ་ལོགས་ན་མེད། སྟོང་པ་ལས་སྣང་བ་ལོག་ན་མེད་པས་ཟུང་འཇུག །ཟུང་དུ་འཇུག་པ་ལས་མཐའ་དང་བྲལ་ལོ། ལྷ་སྐུ་ལ་མཚོན་པ་དེ་བཞིན་དུ། སྣང་སྲིད་འཁོར་འདས་ཀྱིས་བསྡུས་པའི་ཆོས་ཐམས་ཅད་ཀྱང་། སྣང་སྟོང་ཟུང་འཇུག་མཐའ་བྲལ་དུ་ཤེས་པར་བྱའོ། །ཡེ་ཤེས་མངོན་འབྱུང་ལས། ཐ་མལ་དག་བྱེད་ལྷའི་སྐུ། །

[Full Size]

སྣང་བའི་ཆ་ལ་བསྐྱེད་པ་དང་། །སྟོང་པའི་ཆ་ལ་རྫོགས་རིམ་སྟེ། །དབྱེར་མེད་ཚུལ་འདི་བསྟན་པའོ། །ཅེས་སོ། །གསུང་ནི་རང་དང་། ཅེས་པས་རང་དང་སྣང་བ་ཐམས་ཅད་ལྷར་བལྟས་ནས། སེམས་ཅན་དང་འབྱུང་བའི་སྒྲ་གྲགས་ཚད་ཡི་གེ་བདུན་པ་ལྟ་བུའི་སྔགས་སུ་བལྟ། སྔགས་རྣམས་གྲགས་སྟོང་ཡིན་པས། བདེན་པའི་རང་བཞིན་དུ་གྲུབ་པ་མེད་དེ། བྲག་ཆ་ལྟ་བུ། སྒྲ་གྲག་པ་གསལ་བ་དེ་ཡེ་ཤེས། སྟོང་པ་དེ་དབྱིངས། དེ་གཉིས་དབྱེར་མེད་ཟུང་འཇུག་གོ །སྔགས་ཡང་དག་པའི་རྒྱུད་ལས། གྲགས་ཚད་སྔགས་སུ་མ་ཤེས་ན། །བསྐལ་པར་བསྒོམས་ཀྱང་དོན་མེད་འགྱུར། །དབྱིངས་དང་ཡེ་ཤེས་དབྱེར་མེད་ཀྱི། །བཟླས་པས་ཚེ་འདིར་སངས་རྒྱས་འགྱུར། །ཅེས་པའོ། གྲགས་སྟོང་དུ་ཤེས་པས། སྒྲ་སྙན་

[Full Size]

པ་ལ་ཆགས། མི་སྙན་པ་ལ་སྡང་། དེ་གཉིས་གནས་ལུགས་ཀྱི་དོན་མ་ཡིན་པས། གཏི་མུག་སྟེ། ཆགས་སྡང་རྨོངས་གསུམ་ལས་གྲོལ་བར་འགྱུར་རོ། །འབྲས་བུ་ནི། གང་ལ་གང་གིས་འདུལ་བ་དེ་ལ། དེའི་རྣམ་པར་སྟོན་པའི་སྤྲུལ་སྐུ་ཐོབ་པར་འགྱུར་རོ། །ཐུགས་ནི། དྲན་རྟོག །ཅེས་པ། སེམས་ཅན་དང་། རྫས་ལ་འདོད་ཅིང་ཞེན་པའི་འདོད་ཆགས། ཀུན་ལ་མནར་སེམས་ཀྱིས་བསྡུས་པའི་ཞེ་སྡང་། ཤེས་བྱའི་གནས་ལ་བླང་དོར་གྱི་ཆ་མི་ཕྱེད་པའི་གཏི་མུག་སྟེ། དུག་གསུམ་མ་འགག་རང་ཤར་དུ་ཡོད་པ་ལ། དེ་གཉེན་པོས་སྤངས་པ་ཡང་མེད། རང་རྒྱུད་པའི་འཛིན་པས་ཀྱང་མ་གོས་པ་དེ་ལ། བཟོ་མི་བྱེད། རྗེས་སུ་མི་འབྲེང་བར། རང་ལུགས་སུ་གློད་ནས་འཛིན་མེད་དུ་བཞག་ནས་ཉམས་སུ་བླངས་པས། དུག་གསུམ་མ་སྤངས་གནས་སུ་དག་ནས།

[Full Size]

འདོད་ཆགས་བདེ་བ་ཡིན། བདེ་བ་ལོངས་སྤྱོད་རྫོགས་པའི་སྐུ། ཞེ་སྡང་གསལ་བ་ཡིན། གསལ་བ་སྤྲུལ་པའི་སྐུ། གཏི་མུག་མི་རྟོག་པ་ཡིན། མི་རྟོག་པ་ཆོས་ཀྱི་སྐུར་ཤེས་པས་དུག་གསུམ་ལས་གྲོལ་བར་ཐེ་ཚོམ་མེད་དོ། །དགོངས་པ་དམ་པའི་རྒྱུད་ལས། དུག་གསུམ་མ་འགགས་རང་ཤར་ལས། །མ་སྤངས་སྐུ་གསུམ་ཤེས་པས་གྲོལ། །རང་ཤར་རང་གྲོལ་ཤེས་གྱུར་ན། །ལོ་ཟླས་གྲོལ་བར་ཐེ་ཚོམ་མེད། །ཞེས་གསུངས་སོ། །ཡང་དུག་གསུམ་སྐྱེས་པའི་དུས་སུ། །གླང་པོ་ཆེའི་ལྟ་སྟངས་བྱས་ནས། དེའི་ངོ་ལ་ཆེར་བལྟས་པས། དེས་ཟུངས་མ་ཐུབ་པར་རང་སྟོང་ངམ། རང་བཞིན་མེད་པར་འགྱུར་རོ། །མདོར་ན་དུག་གསུམ་ལ་སོགས་པ། དྲན་སྣང་རྟོག་པའི་རི་མོ་ཅི་བྱུང་ཡང་། སྐྱེ་འགག་གནས་གསུམ་གྱིས་སྟོང་པ། ཡི་དམ་གྱི་ཐུགས་ཡིན་

[Full Size]

ནོ། །ཐུགས་གཉིས་སུ་མེད་པའི་ཡེ་ཤེས་མཁྱེན་པ་གཉིས་ལྡན་ནོ། །འབྲས་བུ་དག་པ་གཉིས་ལྡན་ཆོས་སྐུ་ཐོབ་བོ། །མདོར་ན་སྣང་བ་ལ་བརྟེན་ནས་ཡི་དམ་ལམ་ཁྱེར། ཡི་དམ་ལ་བརྟེན་ནས་དག་སྣང་། དག་སྣང་ལ་བརྟེན་ནས་ཚོགས་གསོག །ཚོགས་གསོག་ལ་བརྟེན་ནས་རང་ཤར། རང་ཤར་ལ་བརྟེན་ནས་ལྷ་སྐུ་ཕྱག་རྒྱ་ཆེན་པོ་ལམ་ཁྱེར་རོ། །ཡང་། སྣང་བ་ཐམས་ཅད་ལྷར་ཤེས། ལྷ་སེམས་སུ་ཤེས། སེམས་གསལ་སྟོང་བདེ་ཆེན་སྐུ་གསུམ་དུ་ཤེས་པའོ། །གསུམ་པ་སྣང་བ་ལ་བརྟེན་ནས་སྒྱུ་མ་ལམ་དུ་ཁྱེར་བ་ལ་གསུམ་ལས། དང་པོ་སྣང་བ་སེམས་སུ་སྒྲུབ་པ་ནི། དེ་ནས། ཅེས་པ་རང་ལུས་ཡི་དམ་དུ་བསྒོམས་པའི་སྤྱི་བོར་བླ་མ་བསྒོམས་ལ། བདག་འཛིན། དགོས་མེད། སྣང་བ་རང་སེམས་དང་། འོག་མ་ལ་ཅིར་སྣང་སྒྱུ་མ་རྨི་ལམ་དུ་འཆར་བར་

[Full Size]

གསོལ་བ་གདབ་བོ། །དཔེར་ན་རྨི་ལམ་དུ་སྐྱེས་པ་དང་བུད་མེད། དགྲ་གཉེན་ལ་སོགས་པ་སྣ་ཚོགས་དང་ཕྲད་ཅིང་བདེ་སྡུག་སྣ་ཚོགས་ཉམས་སུ་མྱོང་ཡང་། རང་གིས་ཕར་ཕྱིན་པ་མེད། །དེ་རྣམས་ཀྱིས་ཚུར་འོངས་པ་མེད། རང་གི་སེམས་སྣ་ཚོགས་སུ་ཤར་བ་མ་གཏོགས་པ་ཕྱི་རོལ་ན་དོན་ལོགས་སུ་གྲུབ་པ་མེད་པ་ལྟར། སྣོད་བཅུད་ལ་སོགས་པ་སྣང་སྲིད་འཁོར་འདས་ཀྱིས་བསྡུས་པའི་ཆོས་ཐམས་ཅད་རང་གི་བློས་བཀོད། བློ་ལ་ཤར་བ་མ་གཏོགས་པ་ཕྱི་རོལ་ན་དོན་ལོགས་སུ་གྲུབ་པ་མེད་ཅིང་། སྣང་བ་ཐམས་ཅད་རང་གི་སེམས་ལས་ཤར་བར་ཐག་བཅད་ཅིང་བསྒོམ་མོ། །རྡོ་རྗེ་མགུར་ལས། རིན་ཆེན་སེམས་ལས་ཕྱིར་གྱུར་པའི། །སངས་རྒྱས་མེད་ཅིང་གང་ཟག་མེད། །རྣམ་པར་ཤེས་པའི་གནས་དོན་རྣམས། །ཕྱི་རོལ་གྱུར་པ་ཅུང་

[Full Size]

ཟད་མེད། །ཅེས་པ་དང་། ལང་ཀར་གཤེགས་པ་ལས། །བག་ཆགས་ཀྱིས་ནི་དཀྲུགས་པའི་སེམས། །དོན་དུ་སྣང་བ་རབ་ཏུ་འབྱུང་། །དོན་ཡོད་མ་ཡིན་ཀུན་རྟོག་ཉིད། །ཕྱི་རོལ་དོན་མཐོང་ལོག་པ་ཡིན། །ཅེས་སོ། །གཉིས་པ་སེམས་སྒྱུ་མ་རྨི་ལམ་དུ་བསྒོམ་པ་ནི། སེམས་ནི། ཅེས་པ་སྒྱུ་མ་རྨི་ལམ་ལྟ་བུའོ། །བཟུང་། ཅེས་པ་སྒྱུ་ལུས་དབང་པོ་ཐ་མ་ལ། རྨི་ལམ་རང་ཟིན། འཆུག་མེད་གསུམ་མོ། །སྦྱང་། ཅེས་པ་སེམས་ཀྱིས་ལུས། ལུས་ཀྱིས་སེམས། བདག་མེད་མས་འདུན་པས་སྦྱང་པའོ། །སྤེལ། ཅེས་པ་ཐུག་ཕྲད་དང་། གང་འདུལ་ལོ། །དང་པོ་ལ་བཞི། འབྱུང་བཞི་ཕྲ་བ། རགས་པ། སེམས་ཅན་ཕྲ་བ། རགས་པའོ། །གང་འདུལ་ལ་གཉིས། འཇིག་རྟེན་པའི་དང་། འདས་པའི་གང་འདུལ་ལོ། །སྤྲུལ། ཅེས་པ་ཐུག་ཕྲད་

[Full Size]

ལ་སོགས་པ་བཞིན་ནོ། །སྒྱུར་བ་རྣམས། ཅེས་པ། འབྱུང་པ་ཕྲ་རགས། སེམས་ཅན་ཕྲ་རགས། ལྷ་སྐུ་སྣ་ཚོགས། སྣང་སྟོང་ཞེན་བྲལ་དུ་བསྒྱུར་བའོ། །ཉིན་པར་ཅེས་པ། ཉིན་པར་སྤྱོད་ལམ་ཐམས་ཅད་དུ་ཐ་མལ་གྱི་བསམ་པ་ཐམས་ཅད་སྤངས་ནས། ང་གཉིད་དུ་སོང་འདུག །ཅིར་སྣང་ཐམས་ཅད་རྨི་ལམ། སྒྱུ་མ་ལྟ་བུ་ཡིན་སྙམ་པའི་འདུན་པས། སྐད་ཅིག་ཀྱང་མ་ཡེངས་པར་ཉམས་སུ་བླངས་པས། རྨི་ལམ་ཟིན་པའི་དུས་སུ་སྒྱུ་མ་རང་ཤར་དུ་འབྱུང་ཞིང་། དེས་ཉིན་པར་ཡང་ཐག་བཅད་དོ། །དེ་རྣམས་སྔར་ཆོས་དྲུག་ཐོབ་ན་ས་བཅད་ཙམ་བསྟན། མ་ཐོབ་ན་སྒྱུ་ལུས་སྤྱིའི་དབང་བསྐུར་ནས། ཆོས་དྲུག་བཞིན་དུ་རྒྱས་པར་བསྒོམ་མོ། །གསུམ་པ་སྒྱུ་མ་རང་ཤར་དུ་འབྱུང་བ་ནི། སྒྱུ་འཛིན། ཅེས་པ་སྒྱུ་འཛིན་དང་བྲལ་བའི་འོད་

[Full Size]

གསལ་ནི། མོས་གུས་དང་ལྟ་སྟངས་གཉིས་ལས་འཆར་ཏེ། གསོལ་བ་དྲག་པོ་བཏབ་ཅིང་། མིག་གླང་པོ་ཆེའི་ལྟ་སྟངས་དང་མ་བྲལ་བས། སེམས་གསལ་སྟོང་འཛིན་མེད་ཀྱི་རྩིས་མ་ཤོར་བར་བྱས་པས། སྣང་བ་མ་འགགས་ལ་འཛིན་པ་མ་ཞུགས་པའི་བདེ་བ། གསལ་བ། མི་རྟོག་པ་དང་། བརྗོད་བྲལ་ནི། དེ་གསུམ་དབྱེར་མེད་དུ་འཆར་རོ། །དེ་རིམ་པ་བཞིན། ལོངས་སྐུ། སྤྲུལ་སྐུ། ཆོས་སྐུ། དབྱེར་མེད་བདེ་ཆེན་ནཾ་ངོ་བོ་ཉིད་ཀྱི་སྐུ་སྟེ། ཉིན་ཚན་ཀུན་ཏུ་སྐུ་བཞི་རང་ཤར་དུ་འབྱུང་བ་ནི། འོད་གསལ་ཕྱག་རྒྱ་ཆེན་པོ་ཡིན་ནོ། །མདོར་ན་སྣང་བ་ལ་བརྟེན་ནས་རང་སེམས་ལམ་དུ་འཁྱེར། རང་སེམས་ལ་བརྟེན་ནས་སྒྱུ་མ། སྒྱུ་མ་ལ་བརྟེན་ནས་རྨི་ལམ། རྨི་ལམ་ལ་བརྟེན་ནས་འོད་གསལ་རང་ཤར་ལམ་ཁྱེར་རོ། །ཡང་སྣང་བ་ཐམས་ཅད་སྒྱུ་མར་ཤེས། སྒྱུ་མ་སེམས་སུ་

[Full Size]

ཤེས། སེམས་གསལ་སྟོང་བདེ་ཆེན་སྐུ་གསུམ་དུ་ཤེས་པའོ། །ལམ་ཁྱེར་གསུམ་གྱི་འཇུག་སྡུད་ནི། ཇི་ལྟར་འདུག་ཀྱང་བླ་མའི་སྣང་བ་དང་མི་འབྲལ་བ་དང་། མོས་གུས་རྒྱུན་ཆད་མེད་པར་གསོལ་བ་གདབ་ཅིང་། རང་ལུས་དང་སྣང་བ་ཐམས་ཅད་སྣང་སྟོང་ལྷ་སྐུ། ངག་གི་བཟླས་པ་དང་སྒྲ་གྲགས་ཚད་ཐམས་ཅད་གྲགས་སྟོང་། སེམས་ཀྱི་དྲན་རྟོག་ཐམས་ཅད་རང་ཤར་རང་གྲོལ་དེར་འཛིན་དང་བྲལ་བར་རྩེ་གཅིག་ཏུ་ཉམས་སུ་བླངས་པས། ཟླ་བའམ་ལོ་ཙམ་གྱི་སྣང་བ་ཐམས་ཅད་བླ་མ་ཡི་དམ་སྒྱུ་མར་འཆར་ཞིང་། ཚེ་གཅིག་ལུས་གཅིག་ལ་སངས་རྒྱས་པའི་འབྲས་བུ་མངོན་དུ་འགྱུར་རོ། །དེས་ན་གསང་སྔགས་རྡོ་རྗེ་ཐེག་པ་འདི། ད་ལྟ་འཕྲལ་རང་ལ་ཡོན་ཏན་ཐམས་ཅད་མངོན་སུམ་དུ་འཆར་ཞིང་ལམ་མྱུར་བས། མངོན་སུམ་ལམ་པ་ཞེས་

[Full Size]

བྱ་སྟེ། གདམས་པ་གཞན་ཀུན་ལས་མཆོག་ཏུ་གྱུར་པའོ། །བདེ་བ་མྱུ་གུའི་རྒྱུད་ལས། ཉིན་པར་སྐུ་གསུམ་རང་ཤར་འབྱུང་། །མཚན་མོ་སྐུ་གསུམ་རང་ཤར་འབྱུང་། །གསང་སྔགས་མངོན་སུམ་ལམ་པ་སྟེ། །ཕར་ཕྱིན་བྱ་སྤྱོད་ཀུན་ལས་འཕགས། །ཞེས་གསུངས་སོ། །སྣང་བ་ཐམས་ཅད་བླ་མ། ཡི་དམ་སྒྱུ་མར་ཤེས། དེ་གསུམ་སེམས་སུ་ཤེས། སེམས་གསལ་སྟོང་བདེ་ཆེན་སྐུ་གསུམ་དུ་ཤེས་པར་འགྱུར་རོ། །རྒྱལ་བའི་ཐུགས་བཅུད་མན་ངག་གིས། །ཡང་སྙིང་ལམ་ཁྱེར་རྣམ་གསུམ་གྱི། །འགྲེལ་པ་ཚིག་དོན་གསལ་བ་འདི། །སྔགས་འཆང་དྷྭ་ཛ་ལཀྵ་ཡིས། །གཞན་ཕན་བློས་བཀོད་ནོངས་མཆིས་ན། །བླ་མ་ཆོས་བདག་མཁའ་འགྲོ་ལ། །བཟོད་གསོལ་ལྷག་བསམ་དགེ་བ་དེས། །ལུས་ཅན་ཀུན་མཁྱེན་མྱུར་ཐོབ་ཤོག །འགྲོ་བ་སེམས་ཅན་ལ་ཕན་ཐོག་པར་

[Full Size]

གྱུར་ཅིག །དགེའོ། ༈ ཁྱད་འཕགས་འཆར་སྒོ་ངོས་འཛིན་བཞུགས་སོ། །སངས་རྒྱས་ཐམས་ཅད་འདུས་པའི་སྐུ། །གསལ་སྟོང་སྤྲོས་བྲལ་བདེ་ཆེན་ངང་། །གདུལ་བྱའི་རེ་འདོད་སྐོང་མཛད་པའི། །བཀའ་དྲིན་ཅན་གྱི་ཞབས་བཏུད་ནས། །རང་བཞིན་གསལ་འདེབས་དོན་དུ་ཡང་། །ཁྱད་འཕགས་འཆར་སྒོ་ངོས་འཛིན་བྲིས། །འོད་གསལ་ལ་བཞི་སྟེ། གསལ་བའི་འཆར་སྒོ་དང་། མི་རྟོག་པའི་དང་། བདེ་བའི་དང་། ཟུང་དུ་འཇུག་པའི་འཆར་སྒོའོ། །དང་པོ་ནི། གཉིད་དུ་སོང་བ་ཡིན་བྱས་པས་རང་གི་མདུན་ཕར་གྱི་དངོས་པོ་ཐམས་ཅད་གསལ་སིང་ངེ་བ་གསལ་བ་དང་། ཡང་ཟླ་བ་གཅིག་ཤར་འདུག་སྙམ་པ་དཀར་ལམ་མེ་བ་དང་། ཡང་ཟླ་བ་ཤར་འདུག་པ་ལ་དཀར་ཞིང་དྭངས་པ་དང་། ཡང་ཉི་ཟླ་ཤར་

[Full Size]

བྱུང་སྙམ་པ་ལ་འོད་ཟེར་གསལ་སིང་བ། མིག་ལྟར་མི་བཟོད་པ། ཡང་རང་གི་སྙིང་ཁ་ནས་མར་མེ་འབར་བ་ལྟ་བུ་དང་། ཡང་དམར་སྐྱེམ་མེ་བ། འོད་དེས་མི་གསལ་བ་སྲིན་བུ་མེ་ཁྱེར་ལྟ་བུ་དང་། ཡང་རང་གི་ཁང་པ་ན་མར་མེ་གསལ་པོ་སྟོང་འདུག་སྙམ་པ་དང་། ཡང་མེ་ལྕེ་ལྷབ་ལྷབ་འབར་གྱི་འདུག་སྙམ་པ་དང་། སྔས་ཁ་ན་ཕར་མར་མེ་གསལ་པོ་ཀོང་བུ་དང་། སྣུམ་དང་སྡོང་བུར་བཅས་པ་གསལ་སིང་སིང་མཐོང་བ་དང་། ཡང་ཉིན་པར་དུས་སུ་དངོས་པོ་ཕྲན་ཚེགས་གཏོར་བ་ལ་བརྟེན་ནས་རྨི་ལམ་གྱི་དུས་སུ་ཞེ་སྡང་སྐྱེས་པ་ལ་བརྟེན་ནས། རྟོག་པ་གསལ་ལ་རགས་པ་དང་། ཡང་གཉིད་ཅིག་ཀྱང་མེད་པར་ཁམས་དྭངས་པ་དང་། ཤ་རྩ་དཀར་ལ་དྭངས་པ་འོངས་པས། དེ་ལ་རླུང་དུ་འཛིན་པ་འོད་གསལ་ཁམས་འདུས་སུ་འཛིན་པ་ཡོད། ངོ་མ་ཤེས་ན་གང་དུ་

[Full Size]

བཟུང་པ་དེར་འགྱུར་ནས་འགྲོའོ། །བླ་མ་དམ་པས་ཟིན་ནས་འོད་གསལ་དུ་བསྒྱུར་ན་འགྱུར་གསུངས་སོ། །གཉིས་པ་ལ་བཞི་སྟེ། རླུང་སེམས་དབུ་མར་འཛུད་པ་དང་། རྩ་མདུད་གྲོལ་བ་དང་། རྣམ་ཤེས་མཐའ་ཡས་པ་དང་། མི་རྟོག་པར་སོང་པའོ། །དང་པོ་ནི། གཉིད་དུ་འགྲོ་བའམ། སོང་ཙ་ན་རྣ་བ་ཟི་རོང་རོང་པའམ། ཐིབས་ཐིབས་སོང་བ་དང་། ནག་ཡོར་ཡོར་འབྱུང་བ་དང་། རྩིར་རྩིར་ནོན་པ་དེ་ལ་ང་འདྲེས་ནོན་འདུག་སྙམ་ནས་སྔགས་བཟླས། ལྷ་བསྒོམ་ཀྱང་ཐུར་འགྲོ་བ་འོངས་པས། དེ་ལ་བླ་མས་ངོ་སྤྲད་པའི་འོད་གསལ་དེར་འདུག་སྙམ་པ་བྱས་ལ་སྟེང་རླུང་བཟུང་། མི་རྟོག་པ་ལ་བཞག་པས་རླུང་དབུ་མར་ཚུད་ནས་འོད་གསལ་འབའ་ཞིག་ཏུ་འགྲོ་བ་ཡིན་གསུངས་སོ། །གཉིས་པ་ནི། གཉིད་དུ་ལྷན་སོང་བ་དང་འདར་ཡེད་ཡེད་ལ་

[Full Size]

ཡན་ལག་ཕྲས་སོང་ནས་འདོམ་གང་ཙམ་འཕར་ནས་འགྲོ། དར་གཅིག་བརྒྱལ་སོང་བས། དེའི་དུས་སུ་མི་འགུལ་བ་དར་གཅིག་བཞག་པས་རྩ་མདུད་གྲོལ་ནས་དེང་ཕྱིན་ཆད་བསྒོམ་མི་དགོས་པར་འོད་གསལ་འབའ་ཞིག་ཏུ་འགྲོ། དོན་འགྲུབ་པ་ཡིན་གསུངས་སོ། །དེའང་དྲང་སོང་ངམ། བརྒྱལ་ན་ནོར་ནས་འགྲོ་བས་བྱེ་བྲག་ཕྱེད་པ་གལ་ཆེ་གསུངས་སོ། །གསུམ་པ་ནི། རང་གི་རྣམ་ཤེས་འདི་ནམ་མཁའ་ལ་སྐྲ་ཡས་གྱེས་པ་དང་། སེམས་ཉིད་ནང་དུ་བསྡུས་པས་མི་འདུས་པ་འབྱུང་བས། དེ་ལ་གཅོད་ཀྱི་དབྱིངས་རིག་བསྲེས། ཆོས་སྐུ་མི་རྟོག་པའི་ངང་ལ་བཞག་པས་འོད་གསལ་འབའ་ཞིག་ཏུ་འགྲོ་གསུངས་སོ། །བཞི་པ་ནི། ཐོ་རངས་སམ་ནམ་ཞོག་སྡངས་པ་དང་གསལ་བ་འདྲེས་པ་འདར་ཡེད་ཡེད་པ་ཡོད་པས། དེ་ལ་གླང་པོ་ཆེའི་ལྟ་སྟངས་ཀྱིས་མིག་ཅེར་བལྟས་ནས་བཞག་པས། གསལ་སྟོང་སྤྲོས་པ་ཐམས་ཅད་དང་བྲལ་བར་ལྷན་གྱིས་རྟོགས་པར་འགྱུར་

[Full Size]

རོ། །གསུམ་པ་ལ་གཉིས་ཏེ། ཟག་བཅས་ཟག་མེད་དོ། །དང་པོ་ཐོ་རངས་ལྟ་བུ་ལུས་བདེ་ཕྲིལ་ལེ་བ་ལ་ཤེས་པ་གསལ་བའོ། །གཉིས་པ་ནི། མཚན་མོ་གཉིད་ཀྱི་དུས་སུ་ཡང་འཛིན་མེད་ཀྱི་བདེ་གསལ་འབའ་ཞིག་ཏུ་འཆར་ལ། ཉིན་པར་ཡང་འཛིན་མེད་ཀྱི་བདེ་གསལ་འབའ་ཞིག་ཏུ་འཆར་རོ། །བཞི་པ་ནི། ཉིན་མཚན་ཐམས་ཅད་གསལ་སྟོང་བདེ་ཆེན་ཟུང་འཇུག་རྒྱུན་ཆད་མེད་པར་འཆར་བར་འགྱུར། །དེ་ལྟར་ཉིན་མཚན་ཐམས་ཅད་དུ་གསལ་ལ་མི་རྟོག་པའི་ངང་དུ་མ་ཡེངས་པར་བསྒོམས་པས། ལོའམ་ཟླ་བ་ཙམ་གྱི་རྡོ་རྗེ་འཆང་གི་གོ་འཕང་ཐོབ་པ་ཡིན་གསུངས་སོ། །ཁྱད་འཕགས་འཆར་སྒོ་ངོས་འཛིན་ནི། །སངས་རྒྱས་སྟོན་པའི་གསུང་བཞིན་བཀོད། །དགེ་བ་འདི་ཡིས་སེམས་ཅན་རྣམས། །རྡོ་རྗེ་འཛིན་པའི་ས་ཐོབ་ཤོག །འོད་གསལ་འཆར་སྒོ་ངོས་འཛིན་ཞེས་བྱ་བ་འདི་རེ་ཞིག་

[Full Size]

རྫོགས་སོ། །མངྒ་ལཾ།། །།

བླ་མའི་ཞལ་ཤེས་འོད་གསལ་འཆར་སྒོ་ངོས་འཛིན།

[Full Size]

བླ་མའི་ཞལ་ཤེས་འོད་གསལ་འཆར་སྒོ་ངོས་འཛིན་བཞུགས་སོ། །

[Full Size]

བླ་མ་ཡི་དམ་ཌཱ་ཀི་ཡི། །ཞབས་ལ་གུས་པས་བཏུད་བྱས་ནས། །འོད་གསལ་འཆར་སྒོ་ངོས་བཟུང་བ། །མདོ་རྒྱུད་བླ་མའི་གསུང་བཞིན་བྲི། །དེ་ལ་གཉིད་ཀྱི་གཏི་མུག་འོད་གསལ་གྱིས་སྦྱངས་པར་བྱ་སྟེ། དགྱེས་རྡོར་ལས། གཉིད་ནི་སྤོང་བར་མི་བྱ་སྟེ། །དབང་པོ་རྣམས་ནི་དགག་མི་བྱ། །ཞེས་གསུངས་སོ། །དེ་ཡང་ཆོས་ཐམས་ཅད་རང་བཞིན་གྱིས་འོད་གསལ་བ། གདོད་མ་ནས་དག་པ་སྟེ༴ མ་ཧཱ་མ་ཡ་ལས། ཆོས་རྣམས་རང་བཞིན་འོད་གསལ་བ། །གདོད་ནས་དག་ཅིང་རྙོག་པ་མེད། །

[Full Size]

འདའ་ཀ་ཡེ་ཤེས་ལས། ཆོས་རྣམས་རང་བཞིན་འོད་གསལ་བས། །དངོས་པོ་མེད་པའི་འདུ་ཤེས་བསྒོམ། །བརྒྱད་སྟོང་པ་ལས། སེམས་ནི་སེམས་མ་མཆིས་ཏེ། སེམས་ཀྱི་རང་བཞིན་འོད་གསལ་བའོ། །ཞེས་པས། རང་བཞིན་གནས་པའི་འོད་གསལ་ལོ། །དེ་ཉིད་ཇི་ལྟར་ཉམས་སུ་བླང་བ་ནི་བླ་མས་སེམས་རང་བཞིན་གྱི་འོད་གསལ་དུ་ངོ་སྤྲད་པ་དེ་རྟག་ཏུ་ཉམས་སུ་བླང་བར་བྱ་སྟེ། བདག་མེད་འདྲིས་པའི་མདོ་ལས། །བྱང་ཆུབ་སེམས་ནི་འོད་གསལ་བ། །རྣལ་འབྱོར་པས་ནི་རྟག་ཏུ་

[Full Size]

བསྒོམ། །ཞེས་སོ། །དེ་ལྟར་འོད་གསལ་བསྒོམ་པས་རྒྱལ་བའི་སྐུ་འགྲུབ་སྟེ། །ཏིང་འཛིན་རྒྱལ་པོ་ལས། ཇི་ལྟར་ལྷའི་སྐུ་འདི་ནི། །འོད་གསལ་བསམ་དུ་མེད་པར་འགྲུབ། །ཅེས་པས། དེ་ཡང་གནས་དབེན་པར་སྐྱོ་ཤས་དང་། །མོས་གུས་དང་། གནད་དགུ་ས་ཉམས་སུ་བླང་པས། ཇི་ལྟ་བ་བཞིན་འཆར་ཏེ། རིན་ཆེན་རྒྱ་མཚོའི་རྒྱུད་ཕྱི་མ་ལས། །བླ་མའི་བྱིན་རླབས་འོད་གསལ་ནི། །ཐོ་རངས་ཚེའམ་དུས་གཞན་དུ། །གསལ་སྟོང་བདེ་ཆེན་དབྱེར་མེད་པའི། །འཆར་སྒོ་དམ་པའི་ཞལ་ལ་དྲིས། །ཅེས་པ་ལ་བཞི་སྟེ། གསལ་བའི་འོད་གསལ་དང་། །མི་རྟོག་པའི་དང་། བདེ་བའི་དང་། དབྱེར་མེད་པའི་འོད་གསལ་ལོ། །དེ་ཡང་འོད་གསལ་ངོས་ཟིན་མ་ཟིན་དང་། གོམས་ཁྱད་མ་གཏོགས་པ་ཀུན་ལ་འཆར་

[Full Size]

ཁྱད་པར་ཐོ་རངས་ཉི་ཤར་གྱི་དུས་སུ་ངོས་བཟུང་པ་སླ་སྟེ། གཉིད་དུ་སོང་བྱས་པས་ཉེ་འཁོར་གྱི་བྱ་བྱེད་ཐམས་ཅད་མཐོང་བ་དང་། སྒྲ་གྲགས་ཚད་ཐམས་ཅད་གསལ་པོར་ཐོས་པའོ། །གཉིད་དུ་མ་སོང་བྱས་པས་སད་རྒྱུ་འབྱུང་ངོ། །ནང་ནས་ཕྱིའི་ཡུལ་ཁམས་རྒྱ་ཆེན་པོ་གསལ་བ་དང་། ཞིང་ཁམས་གསལ་བ་ལ་སོགས་ཡུལ་སྣང་བསྟན་ལ་ཕེབས་པར་འགྱུར་རོ། །དེ་བཞིན་དུ་ཉི་ཟླའི་ཟེར་ལྟ་བུ་ཤར་བ་དང་། ཟླ་བའི་འོད་སྐྱ་འོད་དེ་བ་ལྟ་བུ་དང་། ཉི་མའི་མདངས་ཤར་བ་ལྟ་བུ་གསལ་བའམ། དེ་ཉི་མ་ཤིན་ཏུ་གསལ་ཞིང་དྲོ་བ་དང་། གངས་རིའི་མདངས་ལྟ་བུ་དང་། ཤེལ་གྱི་རི་རྩར་འདུག་སྙམ་པ་དང་། སྙིང་ག་ནས་འོད་མར་མེ་ལྟ་བུ་དང་། འོད་ལྔའམ། དཀར་པོ་མར་མེའི་ཕྲེང་བ་ལྟ་བུ་དང་།

[Full Size]

མར་མེ་གཅིག་ཏུ་གྱུར་པས་གསལ་བར་གྱུར་པ་དང་། ཁོང་པའི་ནང་འོད་ཀྱིས་ཁེངས་པ་དང་། དཀར་ཁུང་ནས་འོད་འབྱུང་བ་དང་། ཕྱི་རོལ་གྱི་ཕྱོགས་བཞི་གང་རུང་བ་ནས་སྐྱ་སེང་སེང་འབྱུང་བ་དང་། འོད་ཀྱི་གློག་འཁྱུག་པ་དང་། སྲིན་བུ་མེ་ཁྱེར་ལྟ་བུ་དང་། ཐིག་ལེ་འཕོ་བ་ཉི་ཟླ་སྒྲ་དང་འོད་དང་བཅས་ནས་མདུན་དུ་འབྱུང་བ་དང་། སྲོག་ཆགས་གང་ཡང་རུང་བ་དང་། ས་རྡོ་རི་བྲག་རྩི་ཤིང་གང་ཡང་རུང་བ་ལས་མེ་འབར་ནས་འོད་དུ་གྱུར་པ་དང་། སྐྱེས་པ་དང་། བུད་མེད་ཀྱིས་མུན་ཁུང་དུ་སྒྲོན་མེ་བཏེགས་པ་དང་། རིའམ་ཁང་པ་ལ་སོགས་པ་འོད་ཕུང་གཅིག་ཏུ་གྱུར་པ་དང་། མེ་ལོང་ལ་སོགས་པ་རིན་པོ་ཆེ་ལས་འོད་འཕྲོ་བ་དང་། ཆུ་ཆེན་པོའི་དཀྱིལ་ལམ། རྦ་ཀློང་འོད་དུ་སྣང་བ་ལ་སོགས་པ་

[Full Size]

དཔག་ཏུ་མེད་པ་འབྱུང་ངོ་། །དངོས་པོ་ཕྲ་མོ་ཁྱེར་བ་ལ་སོགས་པ་ཆགས་སྡང་གི་ཡུལ་བག་ཙམ་ལ་ཞེ་སྡང་རགས་པ་གསལ་ལ་དྭངས་པ་ཉིན་པར་བས་བདུན་འགྱུར་གྱིས་ཆེ་བ་བྱུང་བ་ནི་ཞེ་སྡང་དང་འདྲེས་པའི་འོད་གསལ་ཏེ། གསེར་དང་གཡའ་ལྟ་བུར་འཆར་རོ། །ཡང་འགའ་ཞིག་ལ་གཏི་མུག་གམ་འོད་གསལ་དུ་སངས་ནས། ཉིན་མཚན་ཀུན་ཏུ་གཉིད་མེད་ལ་ཁམས་བཟང་བ། ཤ་དཀར་ལ་དྭངས་པ་འབྱུང་ངོ་། །དེ་ལ་རང་དང་གཞན་གྱི་རླུང་དང་གདོན་ལ་སོགས་པར་བཟུང་བས། དེར་འགྱུར་ཞིང་ཁམས་འདུས་སུ་འགྲོའོ། །དེ་ཡང་བླ་མས་ངོ་སྤྲད་ནས་ངེས་ཤེས་སྐྱེས་ན་གསལ་བའི་འོད་གསལ་དུ་འཆར་རོ། །མདོར་ན་གཉིད་ཁུང་དུ་གྲོགས་པོ་ལ་སོགས་པས་མདོ་འདོན་པ་དང་།

[Full Size]

སྔགས་བཟླས་པ་དང་། གཏམ་སྣ་ཚོགས་ལབ་པ་དང་། འདབ་ཆགས་རྣམས་ཀྱིས་སྐད་སྣ་ཚོགས་འབྱིན་པ་ཇི་ལྟ་བ་བཞིན་དུ་ཐོས་ཏེ། དེ་ཉིན་པར་གཉིད་དུ་མ་སོང་བ་ལས་བདུན་འགྱུར་གྱིས་གསལ་ཞིང་དྭངས་པ་འབྱུང་ངོ་། །དེ་ལ་གསལ་བ་མཐར་ཐུག་གི་དཔེ་ནི་སྟོན་ཀའི་ནམ་མཁའ་དྭངས་པ་ལ། ཉི་མ་ཤར་བའི་མདངས་ཕོག་པ་ལྟར། སྣང་བ་ཐམས་ཅད་ཇེ་གསལ་ཇེ་གསལ་ལ། གསལ་སྟོང་འཛིན་མེད་འབའ་ཞིག་ཏུ་འཆར་བར་འགྱུར་རོ། །དེ་ལྟར་ཡང་ཏིང་ངེ་འཛིན་དམ་པའི་རྒྱུད་ལས། གསལ་བའི་འོད་གསལ་དུ་མ་འཆར། དེ་ཡང་དཔག་ཏུ་མེད་པ་འབྱུང་། །ཞེས་སོ། །གཉིས་པ་མི་རྟོག་པ་ལ་ལྔ་སྟེ། རླུང་སེམས་དབུ་མར་འཇུག་པའི་འོད་གསལ་དང་། རྩ་མདུད་འགྲོལ་བའི་འོད་གསལ་དང་། རྣམ་ཤེས་མཐའ་

[Full Size]

ཡས་པའི་འོད་གསལ་དང་། གཉིད་དང་གཏི་མུག་འདྲེས་པའི་འོད་གསལ་དང་། མི་རྟོག་པ་གནས་ལུགས་ཕྱག་རྒྱ་ཆེན་པོའི་འོད་གསལ་ལོ། །དང་པོ་ནི། མི་ནག་པོ་དང་། རླུང་འཚུབ་དང་། རི་ལ་སོགས་པས་མནན་པ་དང་། གོས་ལ་སོགས་པས་ཁ་བསུབས་པ་ལྟ་བུ་ཐིབས་ཐིབས་པ་དང་། འཆི་བར་འདུག་སྙམ་པ་དང་། རྣ་བ་ཟི་རོང་རོང་པ་འབྱུང་ངོ་། །དེ་གདོན་ལ་སོགས་པ་ཡིན་ན་དམིགས་པ་གང་རུང་བས་སེལ་ལོ། །འོད་གསལ་ཡིན་ན། དེ་རྣམས་སྒོམས་ཀྱིན་ཆེར་འགྲོ་བས། དེ་ལ་བླ་མས་ངོ་སྤྲད་པའི་འོད་གསལ་དུ་འདུག་སྙམ་དུ་བསམ་ནས་འདི་མ་ཡལ་བ་བྱ་དགོས་སྙམ་པའི་འདུན་པ་བཏང་ནས་འོད་གསལ་ལ་མཉམ་པར་བཞག་པས་སྟོབས་ཆེན་པོ་འབྱུང་བར་འགྱུར་རོ། །

[Full Size]

གཉིས་པ་ནི། རྩ་མདུད་གྲོལ་བས་འདར་ཡེད་ཡེད་པ་དང་། ལུས་འདུག་པ་ནས་འཕར་བ་འབྱུང་བས། དེའི་དུས་སུ་རླུང་དང་འོད་གསལ་འདྲེས་པས། ཉིན་མཚན་དབྱེར་མེད་ཀྱི་འོད་གསལ་འཆར་བར་འགྱུར་རོ། །གསུམ་པ་ནི། ལུས་སེམས་གཉིས་ནམ་མཁའ་ལ་གནས་ནས་ལུས་སེམས་བྲལ་བ་ཡིན་སྙམ་པའི་སྣང་བ་བྱུང་ནས། ད་ནི་སེམས་འདི་ཡང་ནམ་མཁའ་ལྟར་མཐའ་ཡས་འགྲོ་བར་འདུག་སྙམ་ནས་སྡངས་སྐྲག་ཆེན་པོ་འབྱུང་ངོ་། །དེའི་དུས་སུ་མལ་ཆེན་པོ་བྱས། རྐང་རྐྱང་ལག་རྐྱང་བྱས་ལ་ཉལ་བས། སེམས་དང་ནམ་མཁའ་བསྲེས་ལ། ནམ་མཁས་གར་ཁྱབ་ཏུ་རིག་པས་ཁྱབ་པར་བསམས་ནས། རིག་སྟོང་དབྱེར་མེད་དུ་བཞག་པས། ལུས་སེམས་དང་། ནམ་མཁའི་འཛིན་པ་ཐམས་ཅད་དང་བྲལ་ནས། བསམ་གྱིས་མི་ཁྱབ་

[Full Size]

པའི་འོད་གསལ་འཆར་རོ། །ཅི་ཡང་མི་འདུག་པ་ཅི་ཡང་མེད་པའི་འོད་གསལ་འཆར་རོ། །དེའི་ངང་ལ་འཁྲུལ་ན། སྙིང་གར་མེ་ལྕེ་སོར་བཞི་པའམ། སྨིན་ཕྲག་གི་ཐིག་ལེའམ། ལྟེ་འོག་ཏུ་རྗེ་བཙུན་མ་གར་སྟབས་སུ་ལིང་ངེ་བསམ་མོ། །བཞི་པ་ནི། གཉིད་སོང་མ་སོང་གི་ཡང་རྟོག་པ་མེད་པར་མཚན་མོ་ཐལ་གྱིས་དེ་ཀར་འགྲོའོ། །ལྔ་པ་ནི། རྨི་ལམ་ཟིན་པ་ནས། འོད་གསལ་བསྒོམས་པའི་འོད་གསལ་ཤར་བར་ཤེས་པའམ། ཉིན་པར་དུ་བྱས་ནས་འོད་གསལ་ཕྱག་རྒྱ་ཆེན་པོ་བསྒོམས་པའི་དུས་དེར། ལུས་ཀྱིས་ས་གནོན་མཉམ་བཞག་གི་ཕྱག་རྒྱ་བྱ་བ་དང་། གླང་ཆེན་ལྟ་སྟངས་བྱ་དགོས་སྙམ་པའི་འདུན་པས་རླུང་བག་ཙམ་བཟུང་བ་དང་། མཚན་ཐམས་ཅད་འོད་གསལ་ཕྱག་ཆེན་དུ་འཆར་རོ། །དེ་ཡང་

[Full Size]

རྟོག་པ་ཐམས་ཅད་དང་བྲལ་བའི་འོད་གསལ་བརྗོད་མེད། ཅི་ཡང་མི་རྟོག་པ་འབའ་ཞིག་དུ་འཆར་བར་འགྱུར་རོ། །གསུམ་པ་བདེ་བའི་འོད་གསལ་ལ་གསུམ་སྟེ། ཟག་བཅས་བདེ་བའི་འོད་གསལ་དང་། འདྲེས་པའི་འོད་གསལ་དང་། ཟག་མེད་ཀྱིའོ། །དང་པོ་རང་ཉིད་བདེ་བ་རྒྱས་པའི་སྟོབས་ཀྱིས། ཉིན་པར་དང་། མཚན་མོ་གཉིད་ཀྱི་དུས་སུ་བུད་མེད་ཀྱི་གསང་གནས་སམ། བརླ་ཤའམ། གཞན་ཡང་ཆགས་པ་སྤྱོད་པ་མཐོང་བའམ། རང་ལུས་རེག་པའམ། སྦྱོར་བ་བྱས་པའམ། ཡི་དམ་ཡབ་ཡུམ་གསལ་པོར་བསྒོམ་པའི་གསང་གནས་ལ་དམིགས་པ་གཏད་པ་ལ་སོགས་པས་རྐྱེན་བྱས་ཏེ། བདེ་བ་ཆེན་པོ་སྐྱེས་ནས་ཐིག་ལེ་འཆོར་ལ་ཁད་པ་བྱུང་བའི་དུས་སུ། སྟེང་རླུང་ཅུང་ཟད་མར་ལ་སྡིགས་ལ། དེ་ནས་འོག་རླུང་བསྐུལ་བྱས་

[Full Size]

ནས་ཐིག་ལེ་དྲངས་པས་ལུས་སེམས་དང་སྣང་བ་ཐམས་ཅད་བདེ་བར་ཤར་ནས། ལུས་འགུལ་མི་ཕོད་པ་དང་། ཤ་བཅད་ཀྱང་བདེ་བར་འཆར་བར་འགྱུར་བས། དེའི་དུས་སུ་བདེ་བ་མི་རྟོག་པར་བཙུད་པས། ཟག་བཅས་བདེ་བའི་འོད་གསལ་འཆར་རོ། །གཉིས་པ་ནི། བདེ་བ་རྒྱས་ལ་བདེ་བའི་འཛིན་པ་མེད་པའི་འོད་གསལ་ནི། ཟག་བཅས་ཟག་མེད་འདྲེས་པའི་འོད་གསལ་ལོ། །གསུམ་པ་ཉིན་པར་བདེ་བ་རྒྱས་པ་སྟེ། སྟོང་པར་རྒྱས་གདབ་ཅིང་བསྒོམ་པའི་སྟོབས་ཀྱིས། མཚན་མོ་དང་སྔ་དྲོ་གཉིད་དུ་འགྲོ་བའི་ཚེ་ན། བདེ་བ་དེ་ལ་སེམས་གཏད་ནས་གཉིད་ལོག་པ་དང་། དང་པོ་ལུས་བདེ། དེ་ནས་སེམས་བདེ། དེ་ནས་སྣང་བ་ཐམས་ཅད་བདེ་ཆེན་ཤ་སྟག་ཏུ་འཆར་བར་འགྱུར་རོ། །དེས་ཉིན་མཚན་

[Full Size]

ཀུན་ཏུ་སྣང་སེམས་ཐམས་ཅད་བདེ་བར་ཤར་ནས། སྤྱིར་ཆགས་སྡང་ཐམས་ཅད་རང་དག་རང་གྲོལ་དུ་འགྲོ་ལ། ཁྱད་པར་དུ་ཕོ་མོའི་ཆགས་སྡང་མིག་སེར་ཕྲག་དོག་ཐམས་ཅད་དང་བྲལ་བར་འགྱུར་རོ། །དེ་ནི་བདེ་བ་རྒྱས་ཤིང་མ་ཉམས་པ་ལས་འབྱུང་ངོ་། །དེ་ཡང་ཟག་བཅས་མ་ཉམས་པས་འོད་གསལ་ཕྱོགས་མེད་དུ་འཆར་བ་ནི་འབྲས་བུའོ། །བཞི་པ་ནི། གོང་ལྟར། བདེ་བ། གསལ་བ། མི་རྟོག་པ་གསུམ་རེས་འགའ་གང་ཤས་ཆེ་བར་འཆར་ཏེ། འོད་གསལ་ཕྱག་རྒྱ་ཆེན་པོ་ནི། གསལ་ལ་འཛིན་པ་མེད་པ་འདི་ཁོ་ནར་འདུག་སྙམ་པ་དང་། དེ་བཞིན་བདེ་ལ་ཞེན་པ་མེད་པ་འདི་ཁོ་ནར་འདུག་སྙམ་པ་དང་། མི་རྟོག་པ་གསལ་བར་འཆར་བར་འདུག་སྙམ་པ་འབྱུང་ངོ་། །དེ་ནི་གསལ་བ་སྤྲུལ་སྐུ། མི་རྟོག་པ་ཆོས་སྐུ། བདེ་བ་ལོངས་

[Full Size]

སྐུ་ཡིན་ཡང་ཟུང་དུ་མ་ཚུད་དེ། འབྲས་བུ་མངོན་དུ་འགྱུར་པའི་འོད་གསལ། ཟུང་འཇུག་ཕྱག་རྒྱ་ཆེན་པོ་ནི། ལུས་བདེ་སྟོང་། སྣང་བ་ཐམས་ཅད་སྣང་སྟོང་། སེམས་རིག་སྟོང་ཟུང་འཇུག་ཏུ་འཆར་རོ། །ཟུང་འཇུག་གསུམ་པོ་དེ་ཐ་དད་མ་ཡིན་ཏེ། དུས་གསུམ་སྐད་ཅིག་མའམ། དུས་ཐམས་ཅད་དུ་གསལ་ལ་རྟོག་པ་མེད་པ། བདེ་ལ་ཞེན་པ་མེད་པ། སྣང་ལ་འཛིན་པ་མེད་པ་གསུམ། དབྱེར་མེད་ཟུང་འཇུག་རྣམ་པ་མཆོག་ལྡན་གྱི་འོད་གསལ་ཕྱག་རྒྱ་ཆེན་པོ་འཆར་བར་འགྱུར་རོ། །དེས་ནི་ཡོད་མེད། བཟང་ངན། མཐའ་དབུས། སྐྱེ་འཆི། དགག་བསྒྲུབ་ལ་སོགས་པའི་བསམ་བརྗོད་ཐམས་ཅད་དང་བྲལ་བར་རྟོགས་པར་བྱའོ། །དེའང་མདོ་རྒྱུད་མ་ལུས་པའི་གསུང་རྣམས་ཇི་ལྟ་བ་བཞིན་བལྟ་

[Full Size]

བར་བྱའོ། །དད་ལྡན་ཤེས་རབ་མོས་གུས་ཉམས་མྱོང་ལྡན། །བཤེས་གཉེན་དམ་པས་བསྐུལ་ཕྱིར་ཡི་གེར་བཀོད། །དེ་ལ་གནས་གསུམ་མཁའ་འགྲོས་བཟོད་པར་མཛོད། །འདི་དོན་མངོན་འགྱུར་གཞན་དོན་ལྷུན་གྲུབ་ཤོག །དགེའོ། །

[Full Size]

འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོ་བཞུགས་སོ། །

[Full Size]

རྒྱ་གར་སྐད་དུ། ཨཱརྱ་བྷ་དྲ་ཙརྱ་པྲ་ཎི་དྷཱ་ན་རཱ་ཛ། བོད་སྐད་དུ། འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོ། འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །ཇི་སྙེད་སུ་དག་ཕྱོགས་བཅུའི་འཇིག་རྟེན་ན། །དུས་གསུམ་གཤེགས་པ་མི་ཡི་སེང་གེ་ཀུན། །བདག་གིས་མ་ལུས་དེ་དག་ཐམས་ཅད་ལ། །ལུས་དང་ངག་ཡིད་དང་བས་ཕྱག་བགྱིའོ། །བཟང་པོ་སྤྱོད་པའི་སྨོན་ལམ་སྟོབས་དག་གིས། །

[Full Size]

རྒྱལ་བ་ཐམས་ཅད་ཡིད་ཀྱི་མངོན་སུམ་དུ། །ཞིང་གི་རྡུལ་སྙེད་ལུས་རབ་བཏུད་པ་ཡིས། །རྒྱལ་བ་ཀུན་ལ་རབ་ཏུ་ཕྱག་འཚལ་ལོ། །རྡུལ་གཅིག་སྟེང་ན་རྡུལ་སྙེད་སངས་རྒྱས་རྣམས། །སངས་རྒྱས་སྲས་ཀྱི་དབུས་ན་བཞུགས་པ་དག །དེ་ལྟར་ཆོས་ཀྱི་དབྱིངས་རྣམས་མ་ལུས་པ། །ཐམས་ཅད་རྒྱལ་བ་བདག་གིས་གང་བར་མོས། །དེ་དག་བསྔགས་པ་མི་ཟད་རྒྱ་མཚོ་རྣམས། །དབྱངས་ཀྱི་ཡན་ལག་རྒྱ་མཚོའི་སྒྲ་ཀུན་གྱིས། །

[Full Size]

རྒྱལ་བ་ཀུན་གྱི་ཡོན་ཏན་རབ་བརྗོད་ཅིང་། །བདེ་བར་གཤེགས་པ་ཐམས་ཅད་བདག་གིས་བསྟོད། །མེ་ཏོག་དམ་པ་ཕྲེང་བ་དམ་པ་དང་། །སིལ་སྙན་རྣམས་དང་བྱུག་པ་གདུགས་མཆོག་དང་། །མར་མེ་མཆོག་དང་བདུག་སྤོས་དམ་པ་ཡིས། །རྒྱལ་བ་དེ་དག་ལ་ནི་མཆོད་པར་བགྱི། །ན་བཟའ་དམ་པ་རྣམས་དང་དྲི་མཆོག་དང་། །ཕྱེ་མ་ཕུར་མ་རི་རབ་མཉམ་པ་དང་། །བཀོད་པ་ཁྱད་པར་འཕགས་པའི་མཆོག་ཀུན་གྱིས། །རྒྱལ་བ་དེ་དག་ལ་ནི་མཆོད་པར་བགྱི། །མཆོད་པ་གང་རྣམས་བླ་མེད་རྒྱ་ཆེ་བ། །དེ་དག་རྒྱལ་བ་ཐམས་ཅད་ལ་ཡང་མོས། །བཟང་པོ་སྤྱོད་ལ་དད་པའི་སྟོབས་དག་གིས། །རྒྱལ་བ་ཀུན་ལ་ཕྱག་འཚལ་མཆོད་པར་བགྱི། །འདོད་ཆགས་ཞེ་སྡང་གཏི་མུག་དབང་གིས་ནི། །ལུས་དང་ངག་དང་དེ་བཞིན་ཡིད་ཀྱིས་ཀྱང་། །སྡིག་པ་བདག་གིས་བགྱིས་པ་ཅི་མཆིས་པ། །དེ་དག་

[Full Size]

ཐམས་ཅད་བདག་གིས་སོ་སོར་བཤགས། །ཕྱོགས་བཅུའི་རྒྱལ་བ་ཀུན་དང་སངས་རྒྱས་སྲས། །རང་རྒྱལ་རྣམས་དང་སློབ་དང་མི་སློབ་དང་། །འགྲོ་བ་ཀུན་གྱི་བསོད་ནམས་གང་ལ་ཡང་། །དེ་དག་ཀུན་གྱི་རྗེས་སུ་བདག་ཡི་རང་། །གང་རྣམས་ཕྱོགས་བཅུའི་འཇིག་རྟེན་སྒྲོན་མ་རྣམས། །བྱང་ཆུབ་རིམ་པར་སངས་རྒྱས་མ་ཆགས་བརྙེས། །མགོན་པོ་དེ་དག་བདག་གིས་ཐམས་ཅད་ལ། །འཁོར་ལོ་བླ་ན་མེད་པ་བསྐོར་བར་བསྐུལ། །མྱ་ངན་འདའ་སྟོན་གང་བཞེད་དེ་དག་ལ། །འགྲོ་བ་ཀུན་ལ་ཕན་ཞིང་བདེ་བའི་ཕྱིར། །བསྐལ་པ་ཞིང་གི་རྡུལ་སྙེད་བཞུགས་པར་ཡང་། །བདག་གིས་ཐལ་མོ་རབ་སྦྱར་གསོལ་བར་བགྱི། །ཕྱག་འཚལ་བ་དང་མཆོད་ཅིང་བཤགས་པ་དང་། །རྗེས་སུ་ཡི་རང་བསྐུལ་ཞིང་གསོལ་བ་ཡི། །དགེ་བ་ཅུང་ཟད་བདག་གིས་ཅི་བསགས་པ། །ཐམས་ཅད་བདག་གིས་བྱང་ཆུབ་

[Full Size]

ཕྱིར་བསྔོའོ། །འདས་པའི་སངས་རྒྱས་རྣམས་དང་ཕྱོགས་བཅུ་ཡི། །འཇིག་རྟེན་དག་ན་གང་བཞུགས་མཆོད་པར་གྱུར། །གང་ཡང་མ་བྱོན་དེ་དག་རབ་མྱུར་བར། །བསམ་རྫོགས་བྱང་ཆུབ་རིམ་པར་སངས་རྒྱས་སྤྱོན། །ཕྱོགས་བཅུ་ག་ལའི་ཞིང་རྣམས་ཇི་སྙེད་པ། །དེ་དག་རྒྱ་ཆེར་ཡོངས་སུ་དག་པར་གྱུར། །བྱང་ཆུབ་ཤིང་དབང་དྲུང་གཤེགས་རྒྱལ་བ་དང་། །སངས་རྒྱས་སྲས་ཀྱིས་རབ་ཏུ་གང་བར་ཤོག །ཕྱོགས་བཅུའི་སེམས་ཅན་གང་རྣམས་ཇི་སྙེད་པ། །དེ་དག་རྟག་ཏུ་ནད་མེད་བདེ་བར་གྱུར། །འགྲོ་བ་ཀུན་གྱི་ཆོས་ཀྱི་དོན་རྣམས་ནི། །མཐུན་པར་གྱུར་ཅིང་རེ་བའང་འགྲུབ་པར་ཤོག །བྱང་ཆུབ་སྤྱོད་པ་དག་ནི་བདག་སྤྱོད་ཅིང་། །འགྲོ་བ་ཀུན་ཏུ་སྐྱེ་བ་དྲན་པར་གྱུར། །ཚེ་རབས་ཀུན་ཏུ་འཆི་འཕོ་སྐྱེ་བ་ན། །རྟག་ཏུ་བདག་ནི་རབ་ཏུ་འབྱུང་བར་ཤོག །རྒྱལ་བ་ཀུན་གྱི་རྗེས་སུ་སློབ་གྱུར་ཏེ། །བཟང་པོ་སྤྱོད་པ་

[Full Size]

ཡོངས་སུ་རྫོགས་བྱེད་ཅིང་། །ཚུལ་ཁྲིམས་སྤྱོད་པ་དྲི་མེད་ཡོངས་དག་པ། །རྟག་ཏུ་མ་ཉམས་སྐྱོན་མེད་སྤྱོད་པར་ཤོག །ལྷ་ཡི་སྐད་དང་ཀླུ་དང་གནོད་སྦྱིན་སྐད། །གྲུལ་བུམ་དག་དང་མི་ཡི་སྐད་རྣམས་དང་། །འགྲོ་བ་ཀུན་གྱི་སྒྲ་རྣམས་ཇི་ཙམ་པར། །ཐམས་ཅད་སྐད་དུ་བདག་གིས་ཆོས་བསྟན་ཏོ། །དེས་ཤིང་ཕ་རོལ་ཕྱིན་ལ་རབ་བརྩོན་ཏེ། །བྱང་ཆུབ་སེམས་ནི་ནམ་ཡང་བརྗེད་མ་གྱུར། །སྡིག་པ་གང་རྣམས་སྒྲིབ་པར་གྱུར་པ་དག །དེ་དག་མ་ལུས་ཡོངས་སུ་བྱང་བར་ཤོག །ལས་དང་ཉོན་མོངས་བདུད་ཀྱི་ལས་རྣམས་ལས། །གྲོལ་ཞིང་འཇིག་རྟེན་འགྲོ་བ་རྣམས་སུ་ཡང་། །ཇི་ལྟར་པདྨོ་ཆུས་མི་ཆགས་པ་བཞིན། །ཉི་ཟླ་ནམ་མཁར་ཐོགས་པ་མེད་ལྟར་སྤྱད། །ཞིང་གི་ཁྱོན་དང་ཕྱོགས་རྣམས་ཇི་ཙམ་པར། །ངན་སོང་སྡུག་བསྔལ་རབ་ཏུ་ཞི་བར་བྱེད། །བདེ་བ་དག་ལ་འགྲོ་བ་ཀུན་

[Full Size]

འགོད་ཅིང་། །འགྲོ་བ་ཐམས་ཅད་ལ་ནི་ཕན་པར་སྤྱད། །བྱང་ཆུབ་སྤྱོད་པ་ཡོངས་སུ་རྫོགས་བྱེད་ཅིང་། །སེམས་ཅན་དག་གི་སྤྱོད་དང་མཐུན་པར་འཇུག །བཟང་པོ་སྤྱོད་པ་དག་ནི་རབ་སྟོན་ཅིང་། །མ་འོངས་བསྐལ་པ་ཀུན་ཏུ་སྤྱོད་པར་གྱུར། །བདག་གི་སྤྱོད་དང་མཚུངས་པར་གང་སྤྱོད་པ། །དེ་དག་དང་ནི་རྟག་ཏུ་འགྲོགས་པར་ཤོག །ལུས་དང་ངག་རྣམས་དང་ནི་སེམས་ཀྱིས་ཀྱང་། །སྤྱོད་པ་དག་དང་སྨོན་ལམ་གཅིག་ཏུ་སྤྱད། །བདག་ལ་ཕན་པར་འདོད་པའི་གྲོགས་པོ་དག །བཟང་པོ་སྤྱོད་པ་རབ་ཏུ་སྟོན་པ་རྣམས། །དེ་དག་དང་ཡང་རྟག་ཏུ་ཕྲད་པར་ཤོག །དེ་དག་བདག་གིས་ནམ་ཡང་ཡིད་མི་དབྱུང་། །སངས་རྒྱས་སྲས་ཀྱིས་བསྐོར་བའི་མགོན་པོ་རྣམས། །མངོན་སུམ་རྟག་ཏུ་བདག་གིས་རྒྱལ་བ་བལྟ། །མ་འོངས་བསྐལ་པ་ཀུན་ཏུ་མི་སྐྱོ་བར། །དེ་དག་ལ་ཡང་མཆོད་པ་རྒྱ་ཆེར་བགྱི། །རྒྱལ་བ་རྣམས་ཀྱི་དམ་པའི་ཆོས་འཛིན་ཅིང་། །

[Full Size]

བྱང་ཆུབ་སྤྱོད་པ་ཀུན་ཏུ་སྣང་བར་བྱེད། །བཟང་པོ་སྤྱོད་པ་རྣམ་པར་སྦྱོང་བ་ཡང་། །མ་འོངས་བསྐལ་པ་ཀུན་ཏུ་སྤྱད་པར་བགྱི། །སྲིད་པ་ཐམས་ཅད་དུ་ཡང་འཁོར་བ་ན། །བསོད་ནམས་ཡེ་ཤེས་དག་ནི་མི་ཟད་བརྙེས། །ཐབས་དང་ཤེས་རབ་ཏིང་འཛིན་རྣམ་ཐར་དང་། །ཡོན་ཏན་ཀུན་གྱི་མི་ཟད་མཛོད་དུ་གྱུར། །རྡུལ་གཅིག་སྟེང་ན་རྡུལ་སྙེད་ཞིང་རྣམས་ཏེ། །ཞིང་དེར་བསམ་གྱིས་མི་ཁྱབ་སངས་རྒྱས་རྣམས། །སངས་རྒྱས་སྲས་ཀྱི་དབུས་ན་བཞུགས་པ་ལ། །བྱང་ཆུབ་སྤྱད་པ་སྤྱོད་ཅིང་བལྟ་བར་བགྱི། །དེ་ལྟར་མ་ལུས་ཐམས་ཅད་ཕྱོགས་སུ་ཡང་། །སྐྲ་ཙམ་ཁྱོན་ལ་དུས་གསུམ་ཚད་སྙེད་ཀྱི། །སངས་རྒྱས་རྒྱ་མཚོ་ཞིང་རྣམས་རྒྱ་མཚོ་དང་། །བསྐལ་པ་རྒྱ་མཚོར་སྤྱོད་ཅིང་རབ་ཏུ་འཇུག །གསུང་གཅིག་ཡན་ལག་རྒྱ་མཚོའི་སྒྲ་སྐད་ཀྱིས། །རྒྱལ་བ་ཀུན་དབྱངས་ཡན་ལག་རྣམ་དག་པ། །འགྲོ་བ་ཀུན་གྱི་བསམ་པ་ཇི་བཞིན་དབྱངས། །

[Full Size]

སངས་རྒྱས་གསུང་ལ་རྟག་ཏུ་འཇུག་པར་བགྱི། །དུས་གསུམ་གཤེགས་པའི་རྒྱལ་བ་ཐམས་ཅད་དག །འཁོར་ལོའི་ཚུལ་རྣམས་རབ་ཏུ་བསྐོར་བ་ཡི། །དེ་དག་གི་ཡང་གསུང་དབྱངས་མི་ཟད་ལ། །བློ་ཡི་སྟོབས་ཀྱིས་བདག་ཀྱང་རབ་ཏུ་འཇུག །མ་འོངས་བསྐལ་པ་ཐམས་ཅད་འཇུག་པར་ཡང་། །སྐད་ཅིག་གཅིག་གིས་བདག་ཀྱང་འཇུག་པར་བགྱི། །གང་ཡང་བསྐལ་པ་དུས་གསུམ་ཚད་དེ་དག །སྐད་ཅིག་ཆ་ཤས་ཀྱིས་ནི་ཞུགས་པར་སྤྱད། །དུས་གསུམ་གཤེགས་པ་མི་ཡི་སེང་གེ་གང་། །དེ་དག་སྐད་ཅིག་གཅིག་ལ་བདག་གིས་བལྟ། །རྟག་ཏུ་དེ་དག་གི་ནི་སྤྱོད་ཡུལ་ལ། །སྒྱུ་མར་གྱུར་པའི་རྣམ་ཐར་སྟོབས་ཀྱིས་འཇུག །གང་ཡང་དུས་གསུམ་དག་གི་ཞིང་བཀོད་པ། །དེ་དག་རྡུལ་གཅིག་སྟེང་དུ་མངོན་པར་བསྒྲུབ། །དེ་ལྟར་མ་ལུས་ཕྱོགས་རྣམས་ཐམས་ཅད་དུ། །རྒྱལ་བ་དག་གི་ཞིང་རྣམས་བཀོད་ལ་འཇུག །གང་ཡང་མ་བྱོན་

[Full Size]

འཇིག་རྟེན་སྒྲོན་མ་རྣམས། །བྱང་ཆུབ་རིམ་པར་འཚང་རྒྱ་འཁོར་ལོ་བསྐོར། །མྱ་ངན་འདས་པ་རབ་ཏུ་ཞི་མཐའ་སྟོན། །མགོན་པོ་ཀུན་གྱི་དྲུང་དུ་བདག་མཆིའོ། །ཀུན་ཏུ་མྱུར་བའི་རྫུ་འཕྲུལ་སྟོབས་རྣམས་དང་། །ཀུན་ནས་སྒོ་ཡི་ཐེག་པའི་སྟོབས་དག་དང་། །ཀུན་ཏུ་ཡོན་ཏན་སྤྱོད་པའི་སྟོབས་རྣམས་དང་། །ཀུན་ཏུ་ཁྱབ་པ་བྱམས་པ་དག་གི་སྟོབས། །ཀུན་ནས་དགེ་བའི་བསོད་ནམས་སྟོབས་དག་དང་། །ཆགས་པ་མེད་པར་གྱུར་པའི་ཡེ་ཤེས་སྟོབས། །ཤེས་རབ་ཐབས་དང་ཏིང་འཛིན་སྟོབས་དག་གིས། །བྱང་ཆུབ་སྟོབས་རྣམས་ཡང་དག་སྒྲུབ་པར་བྱེད། །ལས་ཀྱི་སྟོབས་རྣམས་ཡོངས་སུ་དག་བྱེད་ཅིང་། །ཉོན་མོངས་སྟོབས་རྣམས་ཀུན་ཏུ་འཇོམས་པར་བྱེད། །བདུད་ཀྱི་སྟོབས་རྣམས་སྟོབས་མེད་རབ་བྱེད་ཅིང་། །བཟང་པོ་སྤྱོད་པའི་སྟོབས་ནི་རྫོགས་པར་བགྱི། །ཞིང་རྣམས་རྒྱ་མཚོ་རྣམ་པར་དག་

[Full Size]

བྱེད་ཅིང་། །སེམས་ཅན་རྒྱ་མཚོ་དག་ནི་རྣམ་པར་དགྲོལ། །ཆོས་རྣམས་རྒྱ་མཚོ་རབ་ཏུ་མཐོང་བྱེད་ཅིང་། །ཡེ་ཤེས་རྒྱ་མཚོ་རབ་ཏུ་རྟོགས་པར་བྱེད། །སྤྱོད་པ་རྒྱ་མཚོ་རྣམ་པར་དག་བྱེད་ཅིང་། །སྨོན་ལམ་རྒྱ་མཚོ་ཡོངས་སུ་རྫོགས་པར་བྱེད། །སངས་རྒྱས་རྒྱ་མཚོ་རབ་ཏུ་མཆོད་བྱེད་ཅིང་། །བསྐལ་པ་རྒྱ་མཚོར་མི་སྐྱོ་སྤྱད་པར་བགྱི། །གང་ཡང་དུས་གསུམ་གཤེགས་པའི་རྒྱལ་བ་ཡི། །བྱང་ཆུབ་སྤྱོད་པའི་སྨོན་ལམ་བྱེ་བྲག་རྣམས། །བཟང་པོ་སྤྱོད་པས་བྱང་ཆུབ་སངས་རྒྱས་ནས། །དེ་ཀུན་བདག་གིས་མ་ལུས་རྫོགས་པར་བགྱི། །རྒྱལ་བ་ཀུན་གྱི་སྲས་ཀྱི་ཐུ་བོ་པ། །གང་གི་མིང་ནི་ཀུན་ཏུ་བཟང་ཞེས་བྱ། །མཁས་པ་དེ་དང་མཚུངས་པར་སྤྱད་པའི་ཕྱིར། །དགེ་བ་འདི་དག་ཐམས་ཅད་རབ་ཏུ་བསྔོ། །ལུས་དང་ངག་དང་ཡིད་ཀྱང་རྣམ་དག་ཅིང་། །སྤྱོད་པ་རྣམ་དག་ཞིང་རྣམས་ཡོངས་དག་པ། །བསྔོ་བ་བཟང་པོ་མཁས་པ་ཅི་འདྲ་བ། །དེ་འདྲར་བདག་

[Full Size]

ཀྱང་དེ་དང་མཚུངས་པར་ཤོག །ཀུན་ནས་དགེ་བ་བཟང་པོ་སྤྱད་པའི་ཕྱིར། །འཇམ་དཔལ་གྱི་ནི་སྨོན་ལམ་སྤྱད་པར་བགྱི། །མ་འོངས་བསྐལ་པ་ཀུན་ཏུ་མི་སྐྱོ་བར། །དེ་ཡི་བྱ་བ་མ་ལུས་རྫོགས་པར་བགྱི། །སྤྱོད་པ་དག་ནི་ཚད་ཡོད་མ་གྱུར་ཅིག །ཡོན་ཏན་རྣམས་ཀྱང་ཚད་བཟུང་མེད་པར་ཤོག །སྤྱོད་པ་ཚད་མེད་པ་ལ་གནས་ནས་ཀྱང་། །དེ་དག་འཕྲུལ་པ་ཐམས་ཅད་འཚལ་བར་བགྱི། །ནམ་མཁའི་མཐར་ཐུག་གྱུར་པ་ཇི་ཙམ་པར། །སེམས་ཅན་མ་ལུས་མཐའ་ཡང་དེ་བཞིན་ཏེ། །ཇི་ཙམ་ལས་དང་ཉོན་མོངས་མཐར་གྱུར་པ། །བདག་གི་སྨོན་ལམ་མཐའ་ཡང་དེ་ཙམ་མོ། །གང་ཡང་ཕྱོགས་བཅུའི་ཞིང་རྣམས་མཐའ་ཡས་པ། །རིན་ཆེན་བརྒྱན་ཏེ་རྒྱལ་བ་རྣམས་ལ་ཕུལ། །ལྷ་དང་མི་ཡི་བདེ་བའི་མཆོག་རྣམས་ཀྱང་། །ཞིང་གི་རྡུལ་སྙེད་བསྐལ་པར་ཕུལ་བ་བས། །གང་གིས་བསྔོ་བའི་རྒྱལ་པོ་འདི་ཐོས་ནས། །བྱང་ཆུབ་

[Full Size]

མཆོག་གི་རྗེས་སུ་རབ་མོས་ཤིང་། །ལན་ཅིག་ཙམ་ཡང་དད་པ་བསྐྱེད་པ་ན། །བསོད་ནམས་དམ་པའི་མཆོག་ཏུ་འདི་འགྱུར་རོ། །གང་གིས་བཟང་སྤྱོད་སྨོན་ལམ་འདི་བཏབ་པས། །དེས་ནི་ངན་སོང་ཐམས་ཅད་སྤོང་བར་འགྱུར། །དེས་ནི་གྲོགས་པོ་ངན་པ་སྤངས་པ་ཡིན། །སྣང་བ་མཐའ་ཡས་དེ་ཡང་དེས་མྱུར་མཐོང་། །དེ་དག་རྙེད་པ་རབ་རྙེད་བདེ་བར་འཚོ། །མི་ཚེ་འདིར་ཡང་དེ་དག་ལེགས་པར་འོང་། །ཀུན་ཏུ་བཟང་པོ་དེ་ཡང་ཅི་འདྲ་བར། །དེ་དག་རིང་པོར་མི་ཐོགས་དེ་བཞིན་འགྱུར། །མཚམས་མེད་ལྔ་པོ་དག་གི་སྡིག་པ་རྣམས། །གང་གིས་མི་ཤེས་དབང་གིས་བྱས་པ་དག །དེ་ཡིས་བཟང་པོ་སྤྱོད་པ་འདི་བརྗོད་ན། །མྱུར་དུ་མ་ལུས་ཡོངས་སུ་བྱང་བར་འགྱུར། །ཡེ་ཤེས་དང་ནི་གཟུགས་དང་མཚན་རྣམས་དང་། །རིགས་དང་ཁ་དོག་རྣམས་དང་ལྡན་པར་འགྱུར། །བདུད་དང་མུ་སྟེགས་མང་པོས་དེ་མི་ཐུབ། །

[Full Size]

འཇིག་རྟེན་གསུམ་པོ་ཀུན་ནའང་མཆོད་པར་འགྱུར། །བྱང་ཆུབ་ཤིང་དབང་དྲུང་དུ་དེ་མྱུར་འགྲོ། །སོང་ནས་སེམས་ཅན་ཕན་ཕྱིར་དེར་འདུག་སྟེ། །བྱང་ཆུབ་སངས་རྒྱས་འཁོར་ལོ་རབ་ཏུ་བསྐོར། །བདུད་རྣམས་སྡེ་དང་བཅས་པ་ཐམས་ཅད་བཏུལ། །གང་ཡང་བཟང་པོ་སྤྱོད་པའི་སྨོན་ལམ་འདི། །འཆང་བ་དང་ནི་སྟོན་ཏམ་ཀློག་ན་ཡང་། །དེ་ཡི་རྣམ་པར་སྨིན་པའང་སངས་རྒྱས་མཁྱེན། །བྱང་ཆུབ་མཆོག་ལ་སོམ་ཉི་མ་བྱེད་ཅིག །འཇམ་དཔལ་དཔའ་བོས་ཇི་ལྟར་མཁྱེན་པ་དང་། །ཀུན་ཏུ་བཟང་པོ་དེ་ཡང་དེ་བཞིན་ཏེ། །དེ་དག་ཀུན་གྱི་རྗེས་སུ་བདག་སློབ་ཕྱིར། །དགེ་བ་འདི་དག་ཐམས་ཅད་རབ་ཏུ་བསྔོ། །དུས་གསུམ་གཤེགས་པའི་རྒྱལ་བ་ཐམས་ཅད་ཀྱིས། །བསྔོ་བ་གང་ལ་མཆོག་ཏུ་བསྔགས་པ་དེས། །བདག་གི་དགེ་བའི་རྩ་བ་འདི་ཀུན་ཀྱང་། །བཟང་པོ་སྤྱོད་

[Full Size]

ཕྱིར་རབ་ཏུ་བསྔོ་བར་བགྱི། །བདག་ནི་འཆི་བའི་དུས་བྱེད་གྱུར་པ་ན། །སྒྲིབ་པ་ཐམས་ཅད་དག་ནི་ཕྱིར་བསལ་ཏེ། །མངོན་སུམ་སྣང་བ་མཐའ་ཡས་དེ་མཐོང་ནས། །བདེ་བ་ཅན་གྱི་ཞིང་དེར་རབ་ཏུ་འགྲོ། །དེར་སོང་ནས་ནི་སྨོན་ལམ་འདི་དག་ཀྱང་། །ཐམས་ཅད་མ་ལུས་མངོན་དུ་འགྱུར་བར་ཤོག །དེ་དག་མ་ལུས་བདག་གིས་ཡོངས་སུ་བཀང་། །འཇིག་རྟེན་ཇི་སྲིད་སེམས་ཅན་ཕན་པར་བགྱི། །རྒྱལ་བའི་དཀྱིལ་འཁོར་བཟང་ཞིང་དགའ་བ་དེར། །པདྨོ་དམ་པ་ཤིན་ཏུ་མཛེས་ལས་སྐྱེས། །སྣང་བ་མཐའ་ཡས་རྒྱལ་བས་མངོན་སུམ་དུ། །ལུང་བསྟན་པ་ཡང་བདག་གིས་དེར་ཐོབ་ཤོག །དེར་ནི་བདག་གིས་ལུང་བསྟན་རབ་ཐོབ་ནས། །སྤྲུལ་པ་མང་པོ་བྱེ་བ་ཕྲག་བརྒྱ་ཡིས། །བློ་ཡི་སྟོབས་ཀྱིས་ཕྱོགས་བཅུ་རྣམས་སུ་ཡང་། །སེམས་ཅན་རྣམས་ལ་ཕན་པ་མང་པོ་བགྱི། །བཟང་པོ་སྤྱོད་པའི་སྨོན་ལམ་བཏོན་པ་ཡི། །དགེ་

[Full Size]

བ་ཅུང་ཟད་བདག་གིས་ཅི་བསགས་པ། །དེས་ནི་འགྲོ་བའི་སྨོན་ལམ་དགེ་བ་རྣམས། །སྐད་ཅིག་གཅིག་གིས་ཐམས་ཅད་འབྱོར་བར་ཤོག །གང་ཡང་བཟང་པོ་སྤྱོད་པ་འདི་བསྔོས་པས། །བསོད་ནམས་མཐའ་ཡས་དམ་པ་གང་ཐོབ་དེས། །འགྲོ་བ་སྡུག་བསྔལ་ཆུ་བོར་བྱིང་བ་རྣམས། །འོད་དཔག་མེད་པའི་གནས་རབ་ཐོབ་པར་ཤོག །སྨོན་ལམ་རྒྱལ་པོ་འདི་དག་མཆོག་གི་གཙོ། །མཐའ་ཡས་འགྲོ་བ་ཀུན་ལ་ཕན་བྱེད་ཅིང་། །ཀུན་ཏུ་བཟང་པོས་བརྒྱན་པའི་གཞུང་གྲུབ་སྟེ། །ངན་སོང་གནས་རྣམས་མ་ལུས་སྟོངས་པར་ཤོག །འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོ་རྫོགས་སོ། །རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ལོ་ཆེན་བཻ་རོ་ཙ་ནས་ཞུས་ཆེན་མཛད་དོ། །སངས་རྒྱས་སྐུ་གསུམ་བརྙེས་པའི་བྱིན་རླབས་དང་། །ཆོས་ཉིད་མི་འགྱུར་བདེན་པའི་བྱིན་རླབས་དང་། །དགེ་འདུན་

[Full Size]

མི་ཕྱེད་འདུན་པའི་བྱིན་རླབས་ཀྱིས། །ཇི་ལྟར་བསྔོས་བཞིན་སྨོན་ལམ་འགྲུབ་པར་ཤོག །

དཔལ་འཁོར་ལོ་སྡོམ་པ་མྱུར་དུ་སྒྲུབ་པའི་ཐབས།

[Full Size]

དཔལ་འཁོར་ལོ་སྡོམ་པ་མྱུར་དུ་སྒྲུབ་པའི་ཐབས་བཞུགས་སོ། །

[Full Size]

རྒྱ་གར་སྐད་དུ། ཤྲི་ཙ་ཀྲ་སམ་བྷ་ར་སརྷ་ན་མཿ བོད་སྐད་དུ། དཔལ་འཁོར་ལོ་སྡོམ་པ་མྱུར་དུ་སྒྲུབ་པ་ཞེས་བྱ་བའི་ཐབས། །དཔལ་བདེ་ཆེན་ཡེ་ཤེས་ལ་ཕྱག་འཚལ་ལོ། །སེམས་བསྐྱེད་ཚད་མེད་སྔོན་འགྲོ་བས། །ཆོས་རྣམས་སྟོང་པ་ཉིད་དུ་བསྒོམ། །སྟོང་པའི་ངང་ལས་རང་ཉིད་ཀྱི། །སྤྱི་གཙུག་ཡི་གེ་ཧཱུྃ་དཀར་ལ། །འཁོར་ལོ་དཀར་པོ་རྩིབས་བཞིར་གྱུར། །དེའི་ལྟེ་བར་ཉི་ཟླའི་སྟེང་། །ཧཱུྃ་དཀར་བྃ་ལས་འོད་ཕྲོས་པས། །སྲིད་གསུམ་བདེ་ཆེན་གོ་

[Full Size]

འཕང་བཀོད། །ཚུར་འདུས་ཡབ་དཀར་ཡུམ་དམར་བ། །བདེ་ཆེན་ལྷོ་ནུབ་སྐུ་མདོག་དཀར། །གྲི་གུག་ཐོད་ཁྲག་བསྣམས་པ་བཞི། །རྩིབས་ཀྱི་སྟེང་དུ་བསམ་པར་བྱ། །འཁོར་ལོ་རྩིབས་ཀྱི་རཾ་བཞི་ལས། །ཡེ་ཤེས་མེ་དཔུང་འབར་བ་ཡིས། །གསང་བ་ཁོ་ན་ཉིད་མཆོད་པས། །ཡབ་ཡུམ་སྙོམས་འཇུག་སྦྱོར་འཚམས་ནས། །བྱང་སེམས་དཀར་ལ་དམར་མདངས་ཆགས། །ཆུ་རྒྱུན་རང་གི་སྤྱི་གཙུག་ཟུག །འཁོར་བཞི་ཁ་ཊཱཾྭ་སྙོམས་འཇུག་པས། །

[Full Size]

གསང་གནས་བྱང་སེམས་རྒྱུན་རྣམས་བབས། །སྤྱི་གཙུག་གཅིག་ཏུ་གྱུར་པས་ནི། །གནས་བཞིར་བབས་པས་སྡིག་སྒྲིབ་དག །འཁོར་ལོ་མྱུར་འཁོར་ནད་གདོན་རྣམས། །བཅད་དང་བསྟུབས་དང་མེ་དཔུང་བསྲེགས། །རླུང་གི་རང་བཞིན་མེད་པར་རྟོགས། །ཆུ་རྒྱུན་འཁོར་ལོ་མེ་དཔུང་རླུང་། །དེ་ལ་མ་ཡེངས་གསང་སྔགས་བཟླས། །དམིགས་པ་སྟོད་ན་རྨི་ལམ་འབྱོངས། །ལོངས་སྤྱོད་རྫོགས་སྐུ་རང་ཤར་འབྱུང་། །དེ་ནི་སྐུ་ཡི་འཁོར་ལོའོ། །དེ་ནས་མགྲིན་པའི་བྷྲཱུྃ་དམར་ལས། །འཁོར་ལོ་དམར་དང་པད་ཉི་ཡིས། །སྟེང་དུ་བྃ་དེ་དམར་པོ་ལས། །འོད་འཕྲོས་གོང་བཞིན་སྤྲོ་བར་བྱ། །དབུས་སུ་བདེ་མཆོག་ཡབ་ཡུམ་ནི། །པདྨ་ར་གའི་མདོག་འདྲ་བ། །རུས་པའི་ཐོད་པ་སྐམ་རློན་བརྒྱན། །གར་དགུའི་ཉམས་དང་ལྡན་པའོ། །ཕྱོགས་བཞིར་ལྷ་མོ་གྲི་ཐོད་ཅན། །མདོག་དམར་ཁ་ཊཱཾྭ་བཅས་པའོ། །རྩིབས་ཀྱི་རཾ་ལས་གོང་བཞིན་དུ། །

[Full Size]

ཡེ་ཤེས་མེ་འབར་མཆོད་པས་མཉེས། །གཙོ་འཁོར་ཡབ་ཡུམ་སྦྱོར་འཚམས་ནས། །བྱང་སེམས་དམར་བའི་ཆུ་རྒྱུན་བྱུང་། །མགྲིན་པ་ཡན་ཆད་ཁེངས་པ་ཡིས། །ནད་གདོན་སྡིག་སྒྲིབ་དག་པར་བསམ། །ཆུ་རྒྱུན་འཁོར་ལོ་མེ་དཔུང་རླུང་། །སྙིང་པོ་བཟླས་པ་ཁྱད་པར་མེད། །འབར་བ་མེའི་འོབས་ལྟར་བསམ། །གསུང་གི་འཁོར་ལོ་དམར་པོའོ། །ཐུགས་ཀའི་འཁོར་ལོ་སྔོན་པོ་ནི། །སྙིང་གར་བྷྲཱུྃ་སྔོན་བཻ་ཌུར་མདོག །རྣོ་ངར་ལྡན་པའི་འཁོར་ལོ་བསམ། །ཉི་ཟླ་འཇིགས་བྱེད་དུས་མཚན་སྟེང་། །ཧཱུྃ་དང་རྡོ་རྗེའི་སྤྲོ་བསྡུ་ལས། །བདེ་མཆོག་སྔོན་པོ་ཡུམ་དམར་ཞིང་། །དྲག་པོའི་རང་བཞིན་འཁོར་བཅས་སྒོམ། །རྩིབས་ལ་མེ་དཔུང་སྔོ་ནག་འབར། །ཡབ་ཡུམ་སྙོམས་འཇུག་རྒྱུད་བསྐུལ་ནས། །ཟག་མེད་བདེ་བ་ཆེར་བརྒྱས་ཞིང་། །ཧཱུྃ་ཕཊཿགད་མོ་འབྲུག་སྟོང་སྒྲོག །སྦྱོར་འཚམས་བྱང་སེམས་མཐིང་ཤུན་མདོག །སྙིང་ག་ཡན་ཆད་ཁེངས་པ་ཡིས། །སེམས་ཀྱི་ནད་གདོན་

[Full Size]

སྡིག་སྒྲིབ་དག །ཁྱད་པར་གདོན་དང་ཞེ་སྡང་རྣམས། །འཁོར་ལོས་བསྟུབས་ཤིང་མེ་དཔུང་བསྲེག །ཡེ་ཤེས་རླུང་གིས་དྭངས་པར་བྱས། །བྱང་སེམས་ཆུ་རྒྱུན་དྲག་པོ་ཡིས། །སྡིག་སྒྲིབ་ཐལ་བའི་དྲི་མ་བཀྲུ། །གཏི་མུག་ཚད་ནད་ཞི་བ་ལ། །སྤྱི་གཙུག་སྐུ་ཡི་འཁོར་ལོ་བསྐོར། །དབང་དང་འདོད་ཆགས་གྲང་ནད་ལ། །མགྲིན་པ་གསུང་གི་འཁོར་ལོ་བསྐོར། །གདོན་བགེགས་ཞེ་སྡང་བད་ཀན་ལ། །སྙིང་ཁ་ཐུགས་ཀྱི་འཁོར་ལོ་བསྐོར། །སྦོད་གཏོང་ངན་པ་བཟློག་པ་ལ། །ས་བོན་ལྕགས་ཀྱུ་ཞགས་པ་ཡིས། །གནོད་བྱེད་བཀུག་ལ་འཁོར་ལོས་བསྟུབས། །མེས་བསྲེག་རླུང་གིས་གཏོར་བར་བྱ། །ལྷ་རྣམས་ཞལ་ནི་ཕྱིར་བསྟན་ལ། །སྙིང་པོའི་རྗེས་སུ་མཱ་ར་ཡ། །བཏགས་ལ་བཟླས་པས་དམ་ཉམས་བསྒྲོལ། །སྐུ་གསུང་ཐུགས་ཀྱི་འཁོར་ལོ་ལ། །བསྙེན་པ་འབུམ་ཕྲག་བདུན་བདུན་གྱིས། །ས་རྣམས་གཡོ་ཞིང་ལས་རྣམས་འགྲུབ། །བཅུ་བཞིའི་ས་རྣམས་རྫོགས་པ་ཡིས། །ཉེ་བར་འགྲུབ་པ་འདི་ལ་འབད། །མཁའ་འགྲོའི་སྲོག་སྙིང་

[Full Size]

ཁྱོད་ལ་གཏད། །མ་སྤེལ་ཙིཏྟའི་ཕོ་བྲང་དུ། །རང་སྲོག་བླ་མ་གཅེས་པར་བཟུང་། །རང་ཉིད་བྱིན་རློབས་སྤྱི་བོར་བསྒོམ། །ས་བཅུ་ལམ་ལྔའི་རིམ་པ་རྣམས། །མོས་གུས་སྟོབས་ཀྱི་བགྲོད་པར་བྱ། །འདི་ནི་གསང་སྔགས་མཐར་ཐུག་མཆོག །བཅོམ་ལྡན་འདས་དཔལ་བདེ་མཆོག་གི་སྐུ་གསུང་ཐུགས་ཀྱི་སྒྲུབ་ཐབས། ཡེ་ཤེས་ཀྱི་ཌཱ་ཀི་མ་ནི་གུ་མས་མཛད་པའོ། །ཁྱུང་པོ་རྣལ་འབྱོར་པས་སེང་ལྡེང་གྱི་ནགས་སྲེབ་ཏུ། མཁའ་འགྲོ་མའི་ཞལ་གདམས་རྣམས། ཏ་ལའི་ལོ་མ་ལ་བརྗེད་ཐོར་བྲིས་ནས་གའུར་བལྟམས་ཏེ། །ལུས་དང་མ་བྲལ་བར་བྱས་སོ། །འགྲོ་དོན་རྒྱ་ཆེན་བརྩོལ་མེད་ལྷུན་གྲུབ་ཤོག །བདེ་མཆོག་དཀར་དམར་མཐིང་གསུམ་གྱི་བསྒྲུབ་པ་ཨྀིྠ། །ཆོས་དྲུག་པོ་འདི་རྒྱས་བསྡུས་གསུམ་ཀའི་ཐུན་མོང་ངོ་། །དེར་མ་ཟད་ཐོས་བསམ་སྒོམ་གསུམ་གང་ལ་ཡང་། །དྲུག་པོ་འདི་དང་མ་བྲལ་བ་ཅིག་དགོས་གསུངས་སོ། །སརྦ་མངྒ་ལཾ། །བྷ་ཝནྟུ། །

བདེ་མཆོག་མཁའ་སྤྱོད་རིག་འཛིན།

[Full Size]

བདེ་མཆོག་མཁའ་སྤྱོད་རིག་འཛིན་བཞུགས་སོ། །

[Full Size]

ཤྲཱི་ཧེ་རུ་ཀ་ན་མོ། འཁོར་ལོ་བདེ་མཆོག་བསྒོམ་པར་འདོད་པས། དང་པོ་སྟན་བདེ་བ་ལ་རྡོ་རྗེ་སྐྱིལ་ཀྲུང་བྱ། ལག་པ་མཉམ་བཞག་བྱས་ལ། ལུས་དྲང་པོར་འདུག་སྟེ། མིག་སྣའི་རྩེ་མོར་བལྟ། ལྕེའི་རྩེ་མོ་ཡ་སོའི་རྩར་རླན་ཏེ། ལྟེ་འོག་ཏུ་གཉེན་འདུན་འཁོར་དང་སྡེ་རིགས་དང་ཁང་ཁྱིམ་ཡུལ་གཞིས་ལ་སོགས་པ་ཕྱི་ནང་གི་དངོས་པོ་ཐམས་ཅད་ལ་ཆགས་པ་དང་ཞེན་པ་ཐམས་ཅད་སྤང་ངོ་། །དེ་ནས་ཁམས་གསུམ་གྱི་སེམས་ཅན་ཐམས་ཅད་འཁོར་བ་སྡུག་བསྔལ་གྱི་

[Full Size]

རྒྱ་མཚོ་ཆེན་པོ་ལས་བསྒྲལ་ལ་ཐར་པ་བླ་ན་མེད་པ་ཡང་དག་པར་རྫོགས་པར་སངས་རྒྱས་ཐོབ་པར་བྱ་བའི་ཕྱིར། བདེ་མཆོག་འཁོར་ལོ་རང་བྱིན་གྱིས་བརླབ་པར་བསྒོམ་པར་བྱ་སྙམ་དུ་སེམས་བསྐྱེད་པར་བྱའོ། །དེ་ནས་ཨོཾ་སྭ་བྷཱ་ཝ་ཤུདྷ་སརྦ་དྷརྨ་སྭ་བྷཱ་ཝ་ཤུདྷོཉཧཾ། ཞེས་བྱ་བའི་སྔགས་ཡིད་ཀྱིས་བརྗོད་པའི་དོན་དྲན་པས་སྣང་སྲིད་འཁོར་འདས་ཀྱི་ཆོས་ཐམས་ཅད་སྣང་ལ་རང་བཞིན་མེད་པ་སྒྱུ་མ་ལྟ་བུར་བསྒོམ་མོ། །དེ་ནས་སྐད་ཅིག་གིས་བཅོམ་ལྡན་འདས་དཔལ་བདེ་

[Full Size]

མཆོག་འཁོར་ལོ་སྐུ་མདོག་སྔོན་པོ་ཞལ་གཅིག་ཕྱག་གཉིས་གཡས་རྡོ་རྗེ་གཡོན་དྲིལ་བུ་གཟུང་ནས་ཡུམ་རྡོ་རྗེ་ཕག་མོ་ལ་འཁྱུད་པའོ། །དཔྲལ་བ་ན་ཕར་ལ་ཐོད་པ་ལྔའི་ཕྲེང་བའི་གོང་འོག་གཉིས་སུ་རྡོ་རྗེའི་ཕྲེང་བས་བཅིངས་པ། རལ་པའི་ཅོད་པན་ལ་སྣ་ཚོགས་རྡོ་རྗེའི་རྒྱ་གྲམ་དང་། དེའི་འོག་ཏུ་ཐུབ་པ་མི་བསྐྱོད་སྤྲུལ་སྐུ་པ་སྐུ་མདོག་སྔོན་པོའི་སྤྱི་བོར་རིན་པོ་ཆེ་དང་དབང་གི་རྒྱལ་པོའི་གདན་པདྨ་ར་ག་དམར་པོས་བརྒྱན་པ། རལ་པའི་ཅོད་པན་གྱི་གཡོན་གྱི་ཆར་ཟླ་བ་ཕྱེད་པས་མཚན་པའོ། །སྤྱི་བོར་རུས་པའི་འཁོར་ལོ་རྣ་བརྒྱན་དང་མགུལ་རྒྱན་དང་ལག་རྒྱན་དང་དོ་ཤལ་དང་སེ་མོ་དོ་དང་མི་སྐྲའི་ཚངས་སྐུད་དང་སྐུ་ལ་ཐལ་བས་བྱུགས་པ་སྟེ། ཕྱག་རྒྱ་དྲུག་གི་བརྒྱན་པའོ། །ཐོད་རློན་ལྔ་བཅུའི་དོ་ཤལ་དང་སྟག་གི་པགས་པའི་ཤམ་ཐབས་ཅན་ནོ། །ཞབས་གཡས་བརྐྱང་པས་འདོད་པའི་ལྷ་མོ་དུས་མཚན་དམར་མོ་གཡས་གྲི་གུག་གཡོན་ཐོད་པ་བསྣམས་པའི་སྙིང་གར་

[Full Size]

མནན་པ། ཞབས་གཡོན་བསྐུམ་པས་འདོད་པའི་ལྷ་འཇིགས་བྱེད་ནག་པོ་ཕྱག་གཡས་རྡེའུ་ཆུང་གཡོན་པར་རྩེ་གསུམ་བསྣམས་པའི་སྐེ་བཏབ་ནས་རྣ་བ་གཡོན་གྱི་སྟེང་དུ་མནན་པའོ། །ཡུམ་རྡོ་རྗེ་ཕག་མོ་ཞལ་གཅིག་ཕྱག་གཉིས་མ་གཡས་རྡོ་རྗེ་བཅས་པའི་སྡིགས་འཛུབ་བརྐྱངས་པ། གཡོན་དུ་ཐོད་པ་བདུད་བཞིའི་ཁྲག་གིས་བཀང་བ་བསྣམས་ནས་ཡབ་ལ་འཁྱུད་པའི་ཚུལ་གྱིས་ཞལ་དུ་སྟོབ་པ། ཐོད་པ་ཅུང་ཟད་སྐམ་པོ་ལྔ་བཅུའི་དོ་ཤལ་ཅན། དཔྲལ་བར་ཐོད་པ་ལྔའི་ཕྲེང་བའི་གོང་འོག་གཉིས་སུ་རྡོ་རྗེ་ཕྲེང་བས་བཅིངས་པའོ། །སྤྱི་བོར་རྣམ་པར་སྣང་མཛད་ཀྱི་ཅོད་པན་ཅན། སྡོང་པོ་ལ་འཛེག་པ་སྟར་བྱིན་པ་གཉིས་འཁྱུད་པ། སྐྲ་གྲོལ་བ་གཅེར་བུ་ཕྱག་རྒྱ་ལྔས་རྣམ་པར་བརྒྱན་པའོ། །དེ་ལྟར་ཡབ་ཡུམ་གཉིས་སྣང་ལ་རང་བཞིན་མེད་པ། གསལ་ལ་རྟོག་པ་མེད་པའི་ཟུང་འཇུག་འོད་ཀྱི་རང་བཞིན་དེ་ལ་རྩ་གཅིག་ཏུ་བསྒོམ་མོ།

[Full Size]

དེ་ལྟར་བསྒོམས་པས་སྐྱོ་ན་ནས་ཡབ་ཡུམ་གཉིས་སྙོམས་འཇུག་བྱས་པས་དེའི་སྟོབས་ཀྱིས་བྱང་སེམས་ནོར་བུའི་བུམ་པར་ཕྱིན་པའི་ནང་དུ་སྣང་སྲིད་ཐིག་ལེ་དེ་ལ་ཐམས་ཅད་བསྡུའོ། །དེ་ནས་རང་ཉིད་བདེ་མཆོག་ཏུ་གནས་པའི་སྙིང་ཁར་ཧཱུྃ་བསམ། ཡུམ་རྡོ་རྗེ་ཕག་མོ་ཡང་རང་གི་ལུས་ལ་གྲིབ་མ་ཞ་བའི་ཚུལ་དུ་བསྡུའོ། །རང་ཉིད་བདེ་མཆོག་ཀྱང་སྐུ་སྟོད་དང་། སྐུ་སྨད་ནས་འདུས་ནས་ཐུགས་ཀའི་ཧཱུྃ་ལ་བསྡུ། ཧཱུྃ་ཡང་ཨུ་ལ་བསྡུ། ཨུ་ཧཱ་ལ་བསྡུ། ཧ་མགོ་ལ་བསྡུ། མགོ་ཟླ་ཕྱེད་ལ་བསྡུ། དེ་ཐིག་ལེ་ལ་བསྡུ། ཐིག་ལེ་ཡང་ཇེ་ཆུང་ཇེ་ཕྲལ་ནཱ་ད་སྐྲའི་རྩེ་མོ་བརྒྱར་བཤགས་པའི་ཚད་ཙམ་དུ་བསམ། དེ་ནས་ནད་དེ་ཡང་མི་དམིགས་པར་བྱ་སྟེ། ཡོད་མེད་ཀྱི་མཐའ་ཐམས་ཅད་དང་བྲལ་བར་བསྒོམ་པར་བྱའོ། །དེ་ལས་ཅུང་ཟད་སེམས་འཕྲོ་ན་གོང་ལྟར་ཡང་ཡང་བསྡུ་ཞིང་བསྒོམ་མོ། །དེ་ལས་རྣམ་རྟོག་མི་འཕྲོ་ན་དེ་ཉིད་རང་ལ་བློ་གཏད་དེ་རྟོག་མེད་དེ་ཁོ་ན་ལྟར་བསྒོམ་མོ། །རྟག་ཏུ་འདི་བསྐྱེད་རྫོགས་བསྒོམ་པའི་རྣལ་འབྱོར་པ་ལ་ཕྱག་དང་སྐོར་བ་

[Full Size]

དང་། བཟླས་བརྗོད་གཏོར་མ་ལ་སོགས་བྱ་མི་དགོས་སོ། །རྣམ་རྟོག་ཤས་ཆེ་ན་བག་ཙམ་བྱས་བྱའང་འགལ་བ་མེད་དོ། །རྟག་ཏུ་འདི་བསྒོམས་པས་ནི། །ཐེག་པ་གོང་འོག་གི་སྡོམ་པ་ཉམས་པ་ཡང་སྐོངས་སོ། །འདི་ལྟར་བསྒོམས་པས་དང་པོར་ལུས་ཡང་ཞིང་ཟོ་མདོག་བདེ་བ་དང་ཤིག་དང་ནང་གི་སྲིན་བུ་མེད་པ་དང་དྲི་མ་མེད་པ་དང་ལྷ་མིག་ལ་སོགས་མངོན་ཤེས་དྲུག་ཀྱང་འབྱུང་ངོ་། །དེ་ནས་ལུས་ཡང་བརྩིག་པ་དང་ས་ཆུ་མེ་རླུང་ལ་ཐོག་སྡུག་མེད་པ་དང་ལུས་འཇའ་ཚོན་ལྟ་བུར་གྱུར་ནས་ཚེ་འདི་ཉིད་ལ་ཕྱག་རྒྱ་ཆེན་པོ་བདེ་སྟོང་དབྱེར་མེད་མཐར་ཕྱིན་པའི་མཆོག་གི་དངོས་གྲུབ་མཁའ་སྤྱོད་དཔལ་བདེ་མཆོག་ཐོབ་པར་འགྱུར་རོ། །དེ་ཡང་རྣམ་རྟོག་ཤས་ཆེས་ནས་སྔགས་བཟློས་ན། རང་ཉིད་བདེ་མཆོག་ཏུ་བསྒོམས་པའི་ཐུགས་ཀར་པདྨ་ཉི་མའི་དབུས་སུ་ཧཱུྃ་སྔོན་པོ་ཅིག་བསམས་ལ། དེའི་མཐའ་མ་ན་ཕར་ལ་ཨོཾ་ཧྲཱིཿཧ་ཧ་ཧཱུྃ་ཧཱུྃ་ཕཊ། ཅེས་པའི་སྔགས་ཀྱིས་

[Full Size]

གཡོན་བསྐོར་དུ་བསྐོར་བ་དེ་ལ་དམིགས་ཏེ་བཟླས་བརྗོད་བྱའོ། །གཏོར་མ་འབུལ་ན་གཏོར་མ་ཡི་གེ་གསུམ་གྱི་བཟླས་བརྗོད་ཀྱིས་བདུད་རྩིར་སྦྱངས་ལ། གཏོར་མའི་སྟེང་དུ་རང་དང་འདྲ་བའི་བདེ་མཆོག་སྐད་ཅིག་གིས་བལྟ་སྟེ། ཉེ་སྙིང་ལ་བྷ་ལིངྟ་ཁ་ཁ་ཁཱ་ཧི་ཁཱ་ཧི་བཏགས་ལ་ལན་བདུན་བརྗོད་པས་དབུལ་ལོ། །དེ་ནས་བདེ་མཆོག་རང་ལ་བསྡུའོ། །སེ་གོལ་གདབ་གཏོར་མ་བཏང་བར་བྱའོ། །བདེ་མཆོག་མཁའ་སྤྱོད་རིག་འཛིན་རྫོགས་སོ། །བརྒྱུད་པ་ནི་རྡོ་རྗེ་འཆང་ཕྱག་ན་རྡོ་རྗེ་སློབ་དཔོན་ཀླུ་སྒྲུབ་སློབ་དཔོན་རྡོ་རྗེ་དྲིལ་བུ་པ་འདི་སྒོམ་པས་མཁའ་སྤྱོད་དུ་གཤེགས་པ་ཡིན་གསུང་པཎྜི་ཏ་དགའ་རབ་རྡོ་རྗེ། བླ་མ་རྡོ་རྗེ་གདན་པ། ཤངས་པ་ཆེན་པོ། དེ་མན་སྤྱི་དང་མཐུན་ནོ། །

ཁྱུང་པོ་རྣལ་འབྱོར་གྱི་ལུགས་ཀྱི་བདེ་མཆོག་ལྷ་ལྔའི་མངོན་རྟོགས།

[Full Size]

ཁྱུང་པོ་རྣལ་འབྱོར་གྱི་ལུགས་ཀྱི་བདེ་མཆོག་ལྷ་ལྔའི་མངོན་རྟོགས་བཞུགས། །

[Full Size]

ན་མོ་གུ་རུ། བླ་མ་དམ་པའི་ཞབས་བཏུད་ནས། །བཅོམ་ལྡན་བདེ་མཆོག་ལྷ་ལྔ་ཡི། །མངོན་རྟོགས་ཌཱ་ཀིས་གསུང་བཞིན་དུ། །རང་སེམས་གསལ་འདེབས་དོན་དུ་བྲི། །དེ་ལ་དཔལ་བདེ་མཆོག་གི་སྒྲུབ་ཐབས་འདི་ལ་དོན་ལྔ་སྟེ། གང་གིས་བསྒྲུབ་པའི་གང་ཟག །གང་དང་འགྲོགས་པའི་གྲོགས། གང་དགོས་སྒྲུབ་པའི་རྫས། །ཇི་ལྟར་སྒྲུབ་པའི་ཐབས་སོ། །དང་པོ་ལ་གཉིས་ཏེ། གང་ལ་བརྟེན་པ་དང་། གང་གིས་བསྒྲུབ་པའོ། །དང་པོ་ནི།

[Full Size]

བླ་མ་དམ་ཚིག་བཞི་དང་ལྡན་པ་དགོས་ཏེ། བླ་མ་བརྒྱུད་པ་དང་ལྡན་ཞིང་ཡང་དག་པའི་དོན་རྟོགས་པ། དམ་ཚིག་དང་ལྡན་ཞིང་བྱིན་རླབས་འབྱུང་བ། རྒྱུད་སྡེ་ལ་མཁས་ཤིང་ཆོ་གའི་ཁ་སྐོང་ཤེས་པ། སྙིང་རྗེ་ཆེ་ཞིང་ཆགས་པ་མེད་པའོ། །གཉིས་པ་སློབ་མའང་མཚན་ཉིད་བཞི་ལྡན་ཏེ། །དད་པ་བརྩོན་འགྲུས་དང་ལྡན་པ། རྒྱུད་གཞན་དང་འདིའི་དབང་བསྐུར་དང་ལྡན་པ། སྙིང་རྗེ་དང་ཤེས་རབ་དང་ལྡན་པ། རྗེས་གནང་དང་སྒྲུབ་ཐབས་

[Full Size]

སུ་མཁས་པར་བསྟན་པའོ། །གཉིས་པ་ལ་གསུམ་སྟེ། རྒྱུད་སྡེ་དང་མཐུན་པ། བར་ཆད་ལས་དབེན་པ། བཀྲ་ཤིས་པའི་གནས་སོ། །དང་པོ་ནི། རྡོ་རྗེ་གདན་གྱི་ཕྱོགས་མཚམས་ཀྱི་དུར་ཁྲོད་ཆེན་པོ་བརྒྱད་དམ། གནས་ཉི་ཤུ་རྩ་བཞིའམ། སུམ་ཅུ་རྩ་གཉིས་ལ་སོགས་པའོ། །གཉིས་པ་ལ་གསུམ་སྟེ། མི་ཡིས་དབེན་པ། གདོན་གྱིས་དབེན་པ། འབྱུང་བཞིས་དབེན་པའོ། །དང་པོ་ནི། ཆོམ་རྐུན་དང་། མིའི་འདུ་འཛི་སྣ་ཚོགས་ཀྱི་བར་ཆད་མེད་པའོ། །གཉིས་པ་ནི། ཀླུ་དང་ས་བདག་རྒྱལ་སྲིན་དམ་སྲི་ལ་སོགས་གདོན་གདུག་པ་ཅན་གྱིས་དབེན་པའོ། །གསུམ་པ་ནི། འབྱུང་བཞིས་དགེ་སྦྱོར་དང་། སྲོག་གི་བར་ཆད་དུ་འགྲོ་བས་དབེན་པའོ། །བཞི་པ་ནི། སངས་རྒྱས་དང་གྲུབ་ཐོབ་རྣམས་ཀྱི་བཞུགས་གནས་ཏེ། མདོར་ན་ཉམས་དགའ་བཀྲ་ཤིས་པའི་གནས་སོ། །གསུམ་པ་ལ་གཉིས་ཏེ། ཐུན་མོང་དང་ཁྱད་པར་རོ། །

[Full Size]

དང་པོ་ལ་གསུམ་སྟེ། བཟང་བ། མཐུན་པ། ཤེས་པའོ། །དང་པོ་ནི། གྲོགས་མི་གཤིས་བཟང་བ། བརྟན་པ། འདུལ་བའོ། །གཉིས་པ་ནི། ལྷ་དང་བླ་མ་ལྟ་སྤྱོད་ཐམས་ཅད་མཐུན་པའོ། །གསུམ་པ་ནི། སྒྲུབ་ཐབས་དུ་མ་དང་། སྨན་དཔྱད་ལ་སོགས་པའི་རིགས་བྱེད། འདི་ཉིད་ཀྱི་ལག་ལེན་ལ་མཁས་པར་བྱའོ། །གཉིས་པ་ལ་བཞི་སྟེ། ལྷན་སྐྱེས། ཞིང་སྐྱེས། སྔགས་སྐྱེས། མཐར་སྐྱེས་པའོ། དང་པོ། སྐྱེ་བ་སྔ་མ་ཡང་སྔགས་གཞན་དང་འདི་ཉིད་ལྷན་ཅིག་བསྒྲུབ་པས་འདིར་ཡང་ལྷ་དང་བླ་མ་གཅིག་པས་མཚུངས་ལྡན་དུ་བསྒྲུབ་པའོ། །གཉིས་པ་ནི། སྔ་མ་དང་། འདིར་ཕ་མ་གཉིས་ཀྱིས་སྔགས་གྲུབ་པ་ལས་སྐྱེས་པའི་བུ་མོ་སྔགས་གཞན་དང་། འདི་ཉིད་ལས་རྒྱུད་སྦྱངས་ཤིང་འདོད་འདུན་དང་ལྡན་པ་དད་པ་ཅན་ནོ། །གསུམ་པ་ནི། ཞིང་དང་། ཉེ་བའི་ཞིང་

[Full Size]

ལ་སོགས་པར་སྐྱེས་པ། ཌཱ་ཀིའི་རིགས་བུ་མོས་གྲོགས་བྱེད་པའོ། །བཞི་པ་ནི། ཡེ་ཤེས་ཀྱི་མཁའ་འགྲོས་རིགས་མ་ངེས་པའི་བུད་མེད་ཀྱི་གཟུགས་བཟུང་ནས། བས་མཐའ་ལ་སོགས་པར་བདག་གིས་སྒྲུབ་གྲོགས་བྱས་ནས་གྲོལ་བར་བྱེད་པའོ། །བཞི་པ་ལ་གསུམ་སྟེ། རྟེན་རྫས། མཆོད་རྫས། འཚོ་བའི་རྫས་སོ། །དང་པོ་ནི། བདེ་མཆོག་གི་དཀྱིལ་འཁོར་གྱི་དམ་ཚིག་པ་རབ་གནས་བྱས་པའོ། །གཉིས་པ་ནི། ཕྱི་ནང་གསང་གསུམ་གྱི་མཆོད་པའི་མཆོད་རྫས་རྣམས་སོ། །གསུམ་པ་ནི། བསྒྲུབ་པ་ལ་ཞུགས་ནས། མ་ཐོན་གྱི་བར་གྱི་ཟས་གོས་དང་། སྨན་ལ་སོགས་པའི་མཐུན་རྫས་གཉིས་ལྡན་དུ་བསགས་པའོ། །ལྔ་པ་ལ་གཉིས། དངོས་གྲུབ་བསྒྲུབ་པ་དང་། དང་པོ་ལ་གཉིས་ཏེ། འབྱོར་པའི་ཚོགས་བསགས་པ་དང་། གདམས་པའི་ཚོགས་བསགས་པའོ། །དང་པོ་ལ་གཉིས་ཏེ། ཕར་ཕྱིན་དང་། གསང་སྔགས་སོ། །དང་པོ་ལ་གཉིས་

[Full Size]

ཏེ། རྟེན་གོང་མ་དང་། རྟེན་འོག་མའོ། །དང་པོ་བསྒྲུབ་པ་ལ་འཇུག་པའི་གོང་དུ། དཀོན་མཆོག་གསུམ་ལ་མཆོད་པ་བླ་མ་དང་། དགེ་འདུན་དང་། ཕ་མ་ལ་བསྙེན་བཀུར་བྱ། རྒྱལ་པོ་ལ་གསེར་དངུལ་བྲམ་ཟེ་ལ་ཚངས་སྐུད་དོ། །གཉིས་པ་ནི། རྒྱུད་ཚོད་དང་མཐུན་པའི་ཟང་ཟིང་གི་སྦྱིན་པ་དང་། མི་འཇིགས་པ་དང་ཆོས་དང་བྱམས་པའི་སྦྱིན་པའོ། །གཉིས་པ་ནི། བསྒྲུབ་པ་ལ་འཇུག་པའི་ཚེ། རབ་ཀྱི་དབང་བསྐུར་འབྲིང་ཚོགས་འཁོར། ཐ་མ་དཔའ་བོའི་སྟོན་མོ་བྱའོ། །གཉིས་པ་གདམས་པའི་ཚོགས་བསགས་པ་ནི་དྲུག །བསྲུང་བའི་འཁོར་ལོ་བྱ་བ། རྟེན་དཔང་པོར་བཞུགས་པ། སེམས་གསུམ་ལྷར་བསྐྱེད་པ། འདུན་རྣམ་དག་བྱ་བ། ཚད་མེད་པ་བཞི་བསྒོམ་པ། བཏང་སྙོམས་ཡེ་ཤེས་སོ། །དང་པོ་ལ་གཉིས་ཏེ། བདག་བསྲུང་བ་དང་། གནས་

[Full Size]

བསྲུང་བའོ། །དང་པོ་ལ་གསུམ། ལུས་བསྲུང་བ་དང་། ངག་བསྲུང་བ་དང་། ཡིད་བསྲུང་བའོ། །དང་པོ་ནི། ཐོ་རངས་ནམ་གྱི་ཆ་བརྒྱད་ལ་ལངས་ཏེ། ནམ་མཁར་རིགས་ལྔའི་ལྷ་ཚོགས་ལ་གསོལ་བ་བཏབ་པས། ཐུགས་ཀ་ནས་ལྷ་མོ་བདུད་རྩིའི་བུམ་པ་ཐོགས་པས་དབང་བཞིས་ཁྲུས་བྱས་པ་དང་། རང་གི་སྡིག་སྒྲིབ་ཐམས་ཅད་དག་ནས་ལུས་ཤེལ་སྒོང་ལྟར་གྱུར་པར་བསམ་ལ་ཁྲུས་བྱའོ། །གཉིས་པ་ནི། བདུད་རྩིའི་རིལ་བུ་ལྕེ་ཐོག་ཏུ་བཞག་ནས། ཨོཾ་ཨ་མྲྀ་ཝཱ་ཀ་རཀྵ་རཀྵ་ཧཱུྃ་ཕཊ། ཅེས་པས་ངག་དག་པའོ། །གསུམ་པ་ནི། སེམས་རིག་སྟོང་འཛིན་མེད་དུ་བཞག་པའོ། །གཉིས་པ་ནི། རང་སྐད་ཅིག་གིས་གཙོ་བོ་ཡབ་ཡུམ་གྱི་ཐུགས་ཀར་པད་ཉིའི་སྟེང་དུ་ཧཱུྃ་བསམ་ཞིང་རྡོ་རྗེ་ཐོད་སྦྱོར་གྱི་ཕྱག་རྒྱ། ཨོཾ་བཛྲ་རཀྵ་རཀྵ་ཧཱུྃ་ཧཱུྃ་ཧཱུྃ་ཞེས་པས། ཐུགས་ཀའི་ཧཱུྃ་ལས་རཾ་ཅིག་དབུ་མ་ནས་མདུན་དུ་ཆད་པ་ལས་ཉི་མའི་

[Full Size]

དཀྱིལ་འཁོར་སྟོང་གསུམ་ཙམ་དུ་གྱུར། །ཡང་ཧཱུྃ་ཅིག་ཉི་མའི་སྟེང་དུ་ཆད་པ་ལས། རྡོ་རྗེ་རྒྱ་གྲམ་ལྟེ་བ་མཐིང་ག་ཤར་གྱི་རྭ་དཀར། ལྷོ་སེར། ནུབ་དམར། བྱང་ལྗང་བ། རྒྱ་ཆེ་བས་ས་གཞི། འཕངས་མཐོ་བ་རྡོ་རྗེའི་རྭ་རྣམས་སྟེང་དུ་འདུ་བས་བླ་རེའོ། །རྡོ་རྗེའི་སྟེང་དང་ཕྱོགས་བཞི་ནས་ཧཱུྃ་ཁ་དོག་ལྔ་འཕྲོས་པས། རྡོ་རྗེ་རྩེ་དགུ་པ་དང་། བདུན་པ་དང་། ལྔ་པ་དང་། གསུམ་པ། རྩེ་གཅིག་པ་སྲན་མ་དང་། ནས་ཙམ་ཡན་ཆད་ཀྱིས་གཏམས་པ་དང་། འོག་གི་ཉི་མ་ལ་མེ་འབར་བས། ཕྱིའི་རྡོ་རྗེ་རྣམས་ཁྲོ་ཆུ་ལྟར་ཞུ་ནས་སྲིད་པའི་རླུང་གིས་ཀྱང་མི་ཐར་བའི་བསྲུང་འཁོར་སྟོང་གསུམ་ཙམ་དུ་གྱུར་པར་བལྟའོ། །དེས་བདུད་བཞི་བཅོམ་སྟེ། ཤར་གྱི་རྭས་ལྷ། །ལྷོའི་ཕུང་པོའི། ནུབ་ཀྱིས་ཉོན་མོངས་པའི། བྱང་གིས་འཆི་བདག་གི་བདུད་བཅོམ། ཡང་དྲྭ་གུར་ཁ་དོག་ལྔས་ཕུང་པོའི། དེ་རིགས་ལྷ་

[Full Size]

ལྔའི་བུའི། དེས་ཡེ་ཤེས་ལྔས་ཉོན་མོངས་པའི། །དྲྭ་གུར་སྟོང་པས་འཆི་བདག་གི་བདུད་བཅོམ་མོ། །གཉིས་པ་ནི། རང་གི་ས་བོན་གྱི་འོད་ཀྱིས་བླ་མ་ཡི་དམ་དྲྭ་གུར་གྱི་ནང་དུ་བཞུགས་པར་བལྟ་ལ་སྐྱབས་འགྲོ་བྱའོ། །གསུམ་པ་ནི། སེམས་ཅན་ཐམས་ཅད་བདེ་བ་དང་ཕྲད་པར་འདོད་པའི་བྱམས་པ་དང་། སྡུག་བསྔལ་ལས་སྐྱོབ་པའི་སྙིང་རྗེ་བདེ་བ་དང་ལྡན་སྡུག་བསྔལ་དང་བྲལ་བའི་དགའ་བ། ཧེ་རུ་ཀའི་གོ་འཕང་ལ་འགོད་པར་འདོད་པའི་བྱང་ཆུབ་ཀྱི་སེམས་བསྒོམ་ལ། བཅོམ་ལྡན་འདས་ཐུགས་རྗེའི་དབང་གིས་མདུན་དུ་བྱོན་ཏེ། དེའི་འོད་ཟེར་བདག་གི་ལུས་ལ་ཕོག་པས་ཕུང་པོ་དང་། ཁམས་སྐྱེ་མཆེད་ཀྱིས་ནད་གདོན་སྡིག་སྒྲིབ་ཐམས་ཅད་དག་ནས། མེ་ལོང་གསལ་བ་ལ་གཟུགས་བརྙན་ཤར་བ་ལྟར་མདུན་གྱི་ལྷ་དང་རང་ཉིད་དབྱེར་མེད་པའི་བདེ་མཆོག་གི་སྐུར་གྱུར་པ་ནི། བསྲུང་བ་ནི། ཚོགས་བསགས་པ་

[Full Size]

རྣམས་ཀྱི་ནང་ནས་མཆོག་ཏུ་གྱུར་པའོ། །བཞི་པ་ལ་བདུན་ཏེ། རྟེན་སྤྱན་དྲངས་པ། མཆོད་པ་འབུལ་བ། སྡིག་པ་བཤགས་པ། རྗེས་སུ་ཡི་རང་བ། སྐྱབས་སུ་འགྲོ་བ། ལམ་མཆོག་བརྟེན་པ། བསྔོ་བ་བྱའོ། །དང་པོ་ནི། ཧེ་རུ་ཀར་གསལ་བའི་ཐུགས་ཀའི་ཧཱུྃ་ལས་འོད་ཟེར་འཕྲོས་པས། འོག་མིན་ནས་ལྷ་ལྔའི་དཀྱིལ་འཁོར་བླ་མ་དང་སངས་རྒྱས་བྱང་ཆུབ་སེམས་དཔའ་དཔག་ཏུ་མེད་པས་བསྐོར་བ་སྤྱན་དྲངས་ལ། རང་གི་གནས་གསུམ་དུ་ཐལ་མོ་སྦྱར་ཏེ། ཨོཾ་ན་མཿཏེ་ཧཱུྃ། ཨོཾ་ན་མཿམི་ཧཱུྃ། ཨོཾ་ན་མཿན་མ་ཧཱུྃ། ཞེས་པས་རྟེན་གྱི་ཞབས་ལ་གཏུགས་པའི་ཕྱག་བྱ། གཉིས་པ་ལ་བཞི། ཕྱི་མཆོད། ནང་མཆོད། གསང་མཆོད། དེ་ཁོ་ནའོ། དང་པོ་ནི། སྙིང་གའི་ཧཱུྃ་ལས་མེ་ཏོག་མ་སེར་མོ། ཡོན་ཆབ་མ་དཀར་མོ། བདུག་སྤོས་མ་སྔོན་མོ། མར་མེ་མ་དམར་

[Full Size]

སྐྱ། ཞལ་ཟས་མ་དཀར་མོ་དཔག་ཏུ་མེད་པས་མཆོད་དོ། །གཉིས་པ་ནི། ཧཱུྃ་ལས་ཌཱ་ཀི་མ་མཐིང་ག་ལཱ་མ་ལྗང་གུ་ཁཎྜ་རོ་ཧི་དམར་མོ། རཱུ་པི་ནི་སེར་མོ་རྣམས་ཤ་ལྔ་བདུད་རྩི་ལྔ་ཐོགས་པ་དཔག་ཏུ་མེད་པས་མཆོད་དོ། །གསུམ་པ་ནི། བདེ་བ་རྒྱས་པའི་ལྷ་མོ་ཡུམ་བཞི་ལ་ཐིམ་པའི་སྙོམས་འཇུག་གི་བདེ་བས་མཆོད་པའོ། །བཞི་པ་ནི། མཆོད་བྱ་མཆོད་བྱེད་མཆོད་པ་རྣམས་རང་བཞིན་མེད་པར་ཤེས་པར་བྱའོ། །དེ་རྣམས་ཀྱང་དབང་བཞིའི་ཚུལ་དུ་མཆོད་དེ། །བུམ་དབང་ལ་སོགས་པ་བཞིས་མཆོད་པའི་རིམ་པ་བཞིན་ནོ། །གསུམ་པ་ནི། སྔར་བྱས་པའི་སྡིག་ལ་འགྱོད། ཕྱིས་མི་བྱེད་པའི་སྡོམ་སེམས། ད་ལྟར་གྱི་ལ་རང་བཞིན་མེད་པར་བཤགས་པར་བྱའོ། །བཞི་པ་ནི། སྤྱིར་བསྟན་པ་དང་སྔགས་ཕྱི་ནང་། ཁྱད་པར་བདེ་མཆོག་གི་བསྒྲུབ་སྒོར་ཞུགས་པ་ལ་རྗེས་སུ་ཡི་རང་བའོ། །ལྔ་པ་ནི། སངས་རྒྱས་གཙོ་བོ་ཡབ་ཡུམ།

[Full Size]

ཆོས་སྔགས་གྲགས་སྟོང་། ལྷ་མོ་བཞི་དགེ་འདུན་ལ་སྐྱབས་འགྲོ་བྱའོ། །དྲུག་པ་ནི། ལམ་རྣམས་ཀྱི་རབ་མཆོག་བདེ་བའི་མཆོག་འདི་རང་གི་རྒྱུད་ལ་བརྟེན་པའོ། །བདུན་པ་ནི། དགེ་བའི་རྩ་བ་རྣམས་སེམས་ཅན་གྱི་དོན་དུ་བྱང་ཆུབ་ཆེན་པོར་བསྔོ་བའོ། །དེ་ནས། དཀོན་མཆོག་གསུམ་ལ་བདག་སྐྱབས་མཆི། །སྡིག་པ་ཐམས་ཅད་སོ་སོར་བཤགས། །འགྲོ་བའི་དགེ་ལ་རྗེས་ཡི་རངས། །སངས་རྒྱས་བྱང་ཆུབ་ཡིད་ཀྱིས་བཟུང་། །སངས་རྒྱས་ཆོས་དང་ཚོགས་མཆོག་ལ། །བྱང་ཆུབ་བར་དུ་སྐྱབས་སུ་མཆི། །བྱང་ཆུབ་སེམས་སུ་བདག་བགྱིད་དེ། །བདག་དང་གཞན་དོན་རབ་སྒྲུབ་ཕྱིར། །བདག་གིས་བྱང་ཆུབ་མཆོག་སེམས་བསྐྱེད། །ཨེ་མ་ཧོ་སེམས་ཅན་ཀུན་མགྲོན་གཉེར། །བྱང་ཆུབ་སྤྱོད་མཆོག་མཛད་བཞིན་སྤྱད། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ཅེས་བྱའོ། །

[Full Size]

ལྔ་པ་ནི། ཚད་མེད་པ་བཞིའི་འོད་ཟེར་འཕྲོས་ནས། སེམས་ཅན་ཐམས་ཅད་བདེ་བ་དང་ལྡན་པར་འདོད་པའི་བྱམས་པ། སྡུག་བསྔལ་ལས་སྐྱོབ་པར་འདོད་པའི་སྙིང་རྗེ། །བདེ་བ་དང་མི་འབྲལ་བའི་སྤྲོ་དགའ། ཀུན་ལ་སེམས་བཏང་སྙོམས་བསྒོམ་པར་བྱའོ། །དྲུག་པ་བཏང་སྙོམས་ཡེ་ཤེས་ཀྱི་ཚོགས་ལ་བཞི། བཏང་སྙོམས་སྟོང་ཉིད་དང་ཤེས་རབ་ཀྱིས་མཆོད་པ་མན་ངག་གིས་བཞག་པ་སྔགས་བརྗོད་པས་གྲུབ་པ་ནི། ཨོཾ་སྭ་བྷཱ་ཝ་ཤུདྡྷ་སརྦ་དྷརྨ་སྭ་བྷཱ་ཝ་ཤུདྡྷོ་྅ཧཾ། །ཕྱི་བཟུང་བའི་ཡུལ་ལམ། ཆོས་ཐམས་ཅད་སྒྱུ་མ་ལྟ་བུར་བསམ་མོ། ཨོཾ་ཤུ་ནྱཱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། །ཞེས་པས་ནང་འཛིན་བྱེད་ཀྱི་སེམས་སམ། ཆོས་ཐམས་ཅད་སྟོང་པ་ཉིད་དུ་བསམ། གཉིས་པ་འབྲས་བུ་བསྒྲུབ་པ་ལ་གཉིས། རྟེན་དང་བརྟེན་པའོ། །དང་པོ་ནི། སྟོང་པའི་ངང་ལས་པཾ་ལས་རླུང་གི་དཀྱིལ་འཁོར་ཟླ་གམ། རཾ་ལས་མེའི་དཀྱིལ་འཁོར་

[Full Size]

གྲུ་གསུམ། བཾ་ལས་ཆུའི་དཀྱིལ་འཁོར་ཟླུམ་པོ། ལཾ་ལས་སའི་དཀྱིལ་འཁོར་གྲུ་བཞི། སུམ་ལས་རིའི་རྒྱལ་པོ་རི་རབ་གྲུ་བཞི། རིན་ཆེན་བཞི་ལས་གྲུབ་པ་ལྕོག་བརྒྱད་ཀྱིས་རྣམ་པར་མཛེས་པའོ། །གཉིས་པ་ལ་བཞི་སྟེ། བསྐྱེད་རིམ་བཟླས་པ་གཏོར་མའོ། །དང་པོ་ལ་བཞི་སྟེ། དམ་ཚིག་པ་བསྐྱེད་པ་དང་། ཡེ་ཤེས་པ་གཞུག་ཅིང་བྱིན་གྱིས་བརླབ་པ། དབང་བསྐུར་རྒྱས་གདབ་པ། བདུད་རྩི་མཆོད་ཅིང་མྱོང་བའོ། །དང་པོ་ནི། རི་རབ་ཀྱི་སྟེང་དུ་ཧཱུྃ་ལས་བྱུང་བའི་སྣ་ཚོགས་རྡོ་རྗེ། དེའི་སྟེང་དུ་སྣ་ཚོགས་པདྨ་འདབ་བརྒྱད་ལྟེ་བ་དང་། གེ་སར་དུ་ལྡན་པའོ། །དེའི་དབུས་སུ་པཾ་ལས་པདྨ་རྃ་ལས་ཉི་མ། འཇིགས་བྱེད་དུས་མཚན་ནོ། །དེའི་སྟེང་དུ་རང་གི་སེམས་ཧཱུྃ་དུ་གྱུར་པ་ལས་འོད་ཟེར་སྣ་ཚོགས་འཕྲོས་པས། དོན་གཉིས་བྱས་ཚུར་འདུས་པ་ལས། རང་ཉིད་དཔལ་ཧེ་རུ་

[Full Size]

ཀ་སྐུ་མདོག་སྔོན་པོ་ཞལ་གཅིག་ཕྱག་གཉིས་པ། གཡས་རྡོ་རྗེ་གཡོན་པས་དྲིལ་བུ་འཛིན་པ་ཡུམ་ལ་འཁྱུད་པ། སྟག་གི་པགས་པའི་ཤམ་ཐབས་ཅན། ཞབས་གཡས་བརྐྱང་པས་བཞུགས་པའོ། །དེའི་ཡུམ་རྗེ་བཙུན་མ་སྐུ་མདོག་དམར་མོ་ཞལ་གཅིག་ཕྱག་གཉིས་མ་གཡས་པས་གྲི་གུག་འཕྱར་བ། གཡོན་པས་ཐོད་ཁྲག་སྟོབས་པ་ལང་ཚོ་ལྡན་པས་མཛེས་ཤིང་སྒེག་པ། བདེ་བའི་ཉམས་དང་ལྡན་པས་ཡབ་ལ་འཁྲིལ་བ། ཡབ་ཡུམ་གཉིས་ཀ་སྤྱན་གསུམ་གསུམ་པ། མཆེ་བ་གཙིགས་པ། ཐོར་གཙུག་ཉི་ཟླས་མཛེས་པའོ། །ཐོད་པ་སྐམ་པོ་ལྔས་དབུ་བརྒྱན་པ། འཁོར་ལོ་དང་། རྣ་རྒྱན་དང་། སེ་མོ་དོ། དཔུང་རྒྱན། ཕྱག་གདུབ། དོ་ཤལ། སྐེ་རགས། ཕྱག་རྒྱ་དྲུག་གམ། ལྔས་བརྒྱན་པ། མི་མགོའི་དོ་ཤལ་ཅན། མཚན་དཔེས་བརྒྱན་པ། གར་གྱི་ཉམས་དགུ་དང་ལྡན་

[Full Size]

པ། འོད་དང་འོད་ཟེར་གྱི་རང་བཞིན་ཅན། མེ་དཔུང་གི་ཀློང་ན་བཞུགས་པའོ། ཤར་གྱི་པད་འདབ་ལ་མཁའ་འགྲོ་མ་མཐིང་ག །བྱང་དུ་ལཱ་མ་ལྗང་གུ། ནུབ་ཏུ་དུམ་སྐྱེས་མ་དམར་མོ། ལྷོར་གཟུགས་ཅན་མ་སེར་མོ། དེ་རྣམས་ཞལ་གཅིག་ཕྱག་གཉིས་མ། གྲི་གུག་དང་ཐོད་པ་དང་། ཁ་ཊཾྭཱ་ག་འཛིན་པ། སྤྱན་གསུམ་པ། སྐྲ་གྲོལ་བ། མཆེ་བ་གཙིགས་པ་གཅེར་བུ་རུས་པ་དང་། མི་མགོས་བརྒྱན་པ་རོའི་སྟེང་ན་ཞབས་གཡས་བརྐྱང་བས་བཞུགས་པའོ། །གཉིས་པ་ནི། སྙིང་གའི་ཧཱུྃ་གི་འོད་ཀྱིས་འོག་མིན་ནས་ཡེ་ཤེས་པ་ལྷ་ལྔ་སྤྱན་དྲངས་ལ། མཆོད་ཅིང་། ཛཿཧཱུྃ་བཾ་ཧོཿས་དགུག་གཞུག་བཅིངས། དགྱེས་པར་བསྟིམ་མོ། །གསུམ་པ་ནི། ཡབ་ཀྱི་དཔྲལ་བར་པད་ཟླའི་སྟེང་དུ་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཉི་མ་ལ་ཧཱུྃ་སྔོན་པོ་བསམ་མོ། །བཞི་པ་ནི། ཧཱུྃ་གི་འོད་ཟེར་གྱིས་རིགས་ལྔ་སྤྱན་དྲངས་

[Full Size]

ལ་མཆོད། །བྱང་ཆུབ་རྡོ་རྗེ་སངས་རྒྱས་ལ། །མཆོད་ཅིང་ཅི་ལྟར་གསོལ་བ་ལྟར། །བདག་ཀྱང་སྐྱོབ་པའི་དོན་གྱི་ཕྱིར། །ནམ་མཁའི་རྡོ་རྗེ་དེང་བདག་སྩོལ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥཉྩ་ཏུ་མཾ། །ཞེས་གསོལ་བ་བཏབ་པ་དང་། གཙོ་བོའི་ཐུགས་ཀ་ནས་ཡུམ་ལྔས་བདུད་རྩིའི་བུམ་པ་ཐོགས་ནས། ཧཱུྃ་ཅི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་དབང་བསྐུར་རོ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ཤྲཱི་ས་མ་ཡེ་ཧཱུྃ། ཞེས་དབང་བསྐུར་བས་ལུས་ངག་ཡིད་གསུམ་གྱི་སྡིག་སྒྲིབ་དག། དབང་བཞི་ཐོབ་ཆུ་ལྷག་མ་ཡར་ལུད་པ་ལས་མི་བསྐྱོད་པས་དབུ་བརྒྱན་པའོ། །ལྔ་པ་ནི། ཀ་པཱ་ལར་མ་ད་ན་བླུགས། །ཤ་ལྔ་བདུད་རྩི་ལྔར་སྦྱངས། ཀ་པཱ་ལར་ལྷ་ལྔ་བསྐྱེད། བཟླས་པ་བྱས་པས་ཡབ་ཡུམ་གྱི་སྦྱོར་མཚམས་ནས་བདུད་རྩི་བབས་པས་ཐོད་པ་ཁེངས་ནས། ཡབ་ཡུམ་ཡང་

[Full Size]

ཞུ་ནས་ཐིམ་པས། དེས་ལྷ་ཚོགས་རྣམས་མཆོད་ནས། ལྕེ་ཐོག་ཏུ་བཞག་པས་བདེ་སྟོང་གཉིས་སུ་མེད་པར་བསྒོམ། གཉིས་པ་རྫོགས་རིམ་ནི། ལུས་གནད་ཙོག་པུ་བྱས་ལག་པས་པུས་འཁྱུད་བསྡམས། སྒལ་ཚིགས་བསྲང་། མགྲིན་པ་ཅུང་ཟད་དགུག །ལུས་ཡི་དམ་དུ་གསལ་བའི་རྩ་གསུམ། འཁོར་ལོ་བཞི་ཡི་ཡི་གེ་དང་བཅས་པ་གསལ་བར་བལྟ་སྟེ། རྩ་དབུ་མ་ཕྱི་དཀར་ལ་ནང་དམར་བ། ཡར་རྩེ་ཚངས་བུག །མར་སྣེ་གསང་གནས་སུ་ཟུག་པ། རྩ་རོ་རྐྱང་གཉིས་ཡར་རྩེ་སྣ་བུག །མར་རྩེ་ལྟེ་འོག་སོར་བཞིར་ཟུག་པ། སྤྱི་བོ་བདེ་ཆེན་གྱི་འཁོར་ལོ་རྩ་འདབས་སུམ་ཅུ་རྩ་བཞིའི་ལྟེ་བར་ཧཾ་དཀར་པོ། མགྲིན་པར་རྩ་འདབ་ཅུ་དྲུག་གི་ལྟེ་བར་ཨོཾ་སེར་པོ། སྙིང་གར་རྩ་འདབ་བརྒྱད་ཀྱི་ལྟེ་བར་ཧཱུྃ་སྔོན་པོ། ལྟེ་བར་རྩ་འདབ་དྲུག་ཅུ་རྩ་བཞིའི་ལྟེ་བར་ཨཱཿདཀར་པོ། རྩ་དབུ་མའི་ནང་ལྟེ་འོག་སོར་བཞིར་ཨཱཿདམར་

[Full Size]

པོ་མཚལ་ཤད་ལྟ་བུ་ཅིག་བསམ། སྲོག་རྩོལ་གྱི་སྦྱོར་བས། རླུང་གཉིས་ཁ་སྦྱར་ནས་ཨཱཿལས་ཡེ་ཤེས་ཀྱི་མེ་འབར་ཏེ། དབུ་མ་ན་ཡར་སོང་བས། ལྟེ་བ་ལ་སོགས་པའི་ཡི་གེ་རྣམས་རིམ་གྱིས་བསྲེགས་ཏེ། སྤྱི་བོའི་ཧཾ་ལས་མེ་ཕོག་པས་བདུད་རྩི་བབས་ནས། སྤྱི་བོ་མགྲིན་པ་སྙིང་ག་ལྟེ་བའི་རྩ་འདབ་རྣམས་ཁེངས་པས་ཡི་གེ་རྣམས་གསོས་ནས། དྲོད་དང་། བདེ་བ། གསལ་བ། མི་རྟོག་པ་འཆར་བར་འགྱུར་རོ། །དེ་ལྟར་མེ་སྦར། བདུད་རྩི་འཛག་པའི་འབར་འཛག་ལ་རྩེ་གཅིག་ཏུ་འབད་པས་དུ་བ་ལ་སོགས་པའི་རྟགས་ལྔ་རྙེད་ནས། སྤྲིན་མེད་པའི་ནམ་མཁའ་ལྟ་བུའི་ཆོས་ཉིད་མངོན་དུ་འགྱུར་རོ། །དེ་ནས་ཡས་བརྟན་པའི་དགའ་བ་བཞི་གསལ་བ། མས་བརྟན་གྱི་དགའ་བ་བཞི་བརྟེན་པར་བྱེད་པའོ། །བཞི་པ་ངོ་བོ་ཉིད་ཀྱི་རྫོགས་རིམ་ནི། སྣང་སྟོང་། རིག་སྟོང་། དབྱེར་མེད་མཐའ་བྲལ་ཟུང་འཇུག་གོ །གསུམ་པ་བཟླས་པ་ལ་

[Full Size]

གཉིས། རང་དོན་དང་། གཞན་དོན་ནོ། དང་པོ་ལ་གསུམ། རྡོ་རྗེའི་བཟླས་པ། བསམ་གཏན་གྱི། ཕྲེང་བའི་བཟླས་པའོ། །དང་པོ་ནི། རླུང་ཕྱིར་འགྲོ་བ་དེ་ཧཱུྃ་མང་པོའམ། ཐུགས་རྡོ་རྗེ་དཔག་ཏུ་མེད་པར་གྱུར་ནས། རང་གཞན་གྱི་དོན་བྱས་པ་ནི་ཐུགས་ཀྱི་གསང་བའོ། །རླུང་ནང་དུ་འཇུག་པ་ཨོཾ་མང་པོའམ། སྐུ་རྡོ་རྗེར་གྱུར་ནས་རང་གཞན་གྱི་དོན་བྱས་པ་ནི་སྐུའི་གསང་བའོ། །རླུང་བར་དུ་གནས་པ་ཨཱ་མང་པོར་གྱུར་པའམ། གསུང་རྡོ་རྗེ་དཔག་ཏུ་མེད་པས་རང་གཞན་གྱི་དོན་བྱས་པ་ནི། གསུང་གི་གསང་བ་བསམ་གྱིས་མི་ཁྱབ་པའོ། །དེ་ལྟར་རླུང་འགྲོ་འོང་གནས་གསུམ་སྟེ། རྡོ་རྗེའི་བཟླས་པ་ཡི་གེ་ཨཱར་འདུས་པས་ན། ཨཱ་གསལ་ལ་རྟོག་མེད་བདེ་བ་ཆེན་པོའི་རང་བཞིན་ལ་སེམས་རྩེ་གཅིག་ཏུ་གནས་པར་བྱའོ། དེ་མ་ཡེངས་པ་ཟླ་བ་གཉིས་ཕྱག་རྒྱ་ཆེན་

[Full Size]

པོ་མཆོག་གི་དངོས་གྲུབ་ཐོབ་པར་འགྱུར་རོ། །གཉིས་པ་ནི། གཙོ་བོའི་ཐུགས་ཀར་པད་ཉིའི་སྟེང་དུ་ཧཱུྃ་ལ་ཡི་གེ་བདུན་པས་བསྐོར་བའོ། །ཡུམ་གྱི་ཐུགས་ཀར་པད་ཉིའི་སྟེང་དུ་བྃ་ལ་བཻ་རོ་ཙ་ནས་བསྐོར་བར་བསམ། དེ་ལྟར་ས་བོན་ཡི་གེ་མི་འཁོར་བ་ལ་གསལ་བར་བལྟས་ནས། ཡིད་ཀྱིས་བཟླས་པ་བྱས་པའི་རྐྱེན་གྱིས་ཡིག་འབྲུ་ལས་འོད་ཟེར་བྱུང་ནས་ཁོང་པའི་ནང་ཁེངས། སྡིག་སྒྲིབ་ཐམས་ཅད་སངས་སངས་དག་པར་བསམ་མོ། མ་ཡེངས་པ་ཟླ་བ་གསུམ་གྱིས་འགྲུབ་པར་འགྱུར་རོ། །གཉིས་པ་ནི། རང་ཉིད་ཡབ་ཡུམ་གྱི་ཐུགས་ཀའི་ས་བོན། སྙིང་པོ་དང་ཉེ་སྙིང་གིས་བསྐོར་བ་ལ་དམིགས་ནས་བཟླས་པ་བྱས་པས། ཡབ་ཀྱི་ཐུགས་ཀའི་སྔགས་རྣམས་དབུ་མ་ནས་བརྒྱུད་དེ་རྡོ་རྗེ་ནས་ཡུམ་གྱི་པདྨ་དང་དབུ་མ་ནས་ཡར་སོང་། ཡུམ་གྱི་ཐུགས་ཀའི་སྔགས་རྣམས་དང་བཅས་ཏེ་ཞལ་དང་གསང་གནས་སུ་འཁོར་བར་བསམ་མོ། །

[Full Size]

སྔགས་འཁོར་བ་དང་། འོད་ཟེར་རྣམས་བདེ་བའི་རང་བཞིན་དུ་བསམ་ལ་བཟླས་པ་བྱའོ། །ཨོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧཱུྃ་ཧཱུྃ་ཕཊ། ཌཱ་ཀི་ནི་ཛྲྭ་ལ་སཾ་བ་ར་སྭཱ་ཧཱ། །སྙིང་པོའོ། །ཨོཾ་ཧྲཱི་ཧ་ཧ་ཧཱུྃ་ཧཱུྃ་ཕཊ། ཨོཾ་ཌཱ་ཀི་ནི་ཡེ་ཧཱུྃ་ཧཱུྃ་ཕཊ། ཨོཾ་ལ་མ་ཡེ་ཧཱུྃ་ཧཱུྃ་ཕཊ། ཨོཾ་ཁཎྜ་རོ་ཧི་ཡཻ་ཧཱུྃ་ཧཱུྃ་ཕཊ། ཨོཾ་རུ་པི་ནི་ཡེ་ཧཱུྃ་ཧཱུྃ་ཕཊ། ལྷ་མོ་བཞིའོ། གཉིས་པ་ལ་བཞི་སྟེ། ཞི་བ། རྒྱས་པ། དབང་། དྲག་པོའི་བཟླས་པའོ། །དང་པོ་ལ། སྔགས་ཕྲེང་ལྷ་སྐུ་འོད་ཟེར་གྱི་སྤྲོ་བསྡུ་ཐམས་ཅད་དཀར་པོ་བྱའོ། །སྔགས་ཀྱི་ཤམ་བུ་ལ། ཤིནྟཾ་ཀུ་རུ་སྭཱ་ཧཱ་བཏགས་སོ། །སྒྲ་ལ་ཡམས་ནད་ཞི་བར་གྱུར་ཅིག་བྱའོ། །རྒྱས་པ་ལ་སེར་པོའི་སྤྲོ་བསྡུ་དང་། པུཥྚིང་ཀུ་རུ་ཨོཾ་དང་། མི་ནོར་ཟས་ལ་སོགས་པ་རྒྱས་པར་གྱུར་ཅིག་གོ །དབང་ལ་དམར་པོའི་སྤྲོ་བསྡུ་དང་། ཨ་ཀརྵ་ཡ་ཛ་ཛ་དང་། སྒྲ་ལ་སྣང་སྲིད་ཁམས་གསུམ་ཐམས་ཅད་

[Full Size]

དབང་དུ་གྱུར་ཅིག་པའོ། །དྲག་པོ་ལ་མཐིང་གའི་སྤྲོ་བསྡུ་དང་། མཱ་ར་ཡ་ཕཊ་དང་། སྒྲ་ལ་དགྲ་བགེགས་ཐམས་ཅད་རྡུལ་དུ་རློག་ཅིག་པའོ། །དེ་ལྟར་འཕྲིན་ལས་བཞི་ཀ་དུས་ཚོད་དང་། འདུག་སྟངས་དང་། ཁ་ལ་ལྟ་ཕྱོགས། དབྱིབས། ཁ་དོག་བསམ་པ། རླུང་སྦྱོར། ཕྲེང་བ། སོར་མོའི་བརྡ། ལྟ་སྟངས་ལྷ་མོ་བཞི་པོ་རྣམས་ཞིབ་པར་ཤེས་པར་བྱའོ། །བཞི་པ་ལ་དྲུག་སྟེ། གཏོར་མ་སྦྱང་བ། མགྲོན་ལ་འབུལ་བ། འཕྲིན་ལས་གཞོལ་བ། ཟོད་པར་གསོལ་བ། བཀྲ་ཤིས་བརྗོད་པ། གཤེགས་སུ་གསོལ་བའོ། །དང་པོ་ནི། སུམྦྷ་ནིས་བསང་། སྭཱ་བྷཱ་ཝས་སྦྱངས། སྟོང་པའི་ངང་ལས། ཡཾ་ལས་རླུང་གི་དཀྱིལ་འཁོར། རཾ་ལས་མེ། ཀཾ་ལས་མི་མགོ །ཨ་ལས་ཐོད་པའི་ནང་དུ་པདྨ་འདབ་མ་བརྒྱད་པའི་དབུས་དང་། ཕྱོགས་བཞིར་ན་གོ་ཀུ་ད་ཧ་ལས་ཤ་ལྔ་རི་རབ་ཙམ་མོ། །དེ་རྣམས་ཀྱི་སྟེང་དུ་དབུས་དང་ལྔར།

[Full Size]

བི་མུ་ཤུ་ར་མ་ལས་བདུད་རྩིའི་རྒྱ་མཚོའོ། །ཨོཾ་ཧཱུྃ་ཏྲཾ་ཧྲཱིཿཨཱ་སྟེ་ས་བོན་ལྔའོ། །དེའི་སྟེང་དུ་ཡི་གེ་གསུམ་དང་བཅས་པའོ། །ཧཱུྃ་ལས་བྱུང་བའི་ཁ་ཊཱཾྭ་ག་དཀར་པོ་མགོ་བོ་ཐུར་དུ་བལྟ་བ། བདུད་རྩིའི་རང་བཞིན་ཅན་ཧཱུྃ་གིས་མཚན་པར་བལྟའོ། །དེ་ནས་ཡཾ་ལས་རླུང་གཡོས། རཾ་ལས་མེ་སྦར་བས་རྫས་རྣམས་ཁོལ་བ་དང་། ཡི་གེ་གསུམ་བརྗོད་པས་ཧཱུྃ་གིས་སྦྱངས། ཨཱཿཡིག་དག་པར་བྱས། ཨོཾ་གྱིས་སྤེལ་ནས། ཁ་ཊཱཾྭ་ག་དང་། ཧཱུྃ་གི་འོད་ཟེར་གྱིས་ཡེ་ཤེས་ཀྱི་བདུད་རྩི་བཀུག་ལ་ཁ་ཊཱཾྭ་ག་ལ་ཐིམ་པ་དང་། དེས་དཀྲུགས་པ་དང་ཟླ་བ་དང་བཅས་པ་ཞུ་ནས་གཉིས་སུ་མེད་པར་བསམ། གཉིས་པ་ནི། མདུན་དུ་དམ་ཚིག་གི་ཙ་ཀྲ། འགྲོ་དྲུག་གི་སེམས་ཅན། དཔའ་བོ་དང་། དཔའ་མོ་བསྐྱེད་ནས།

[Full Size]

རྐང་པ་གཡས་པས། གཡོན་པའི་མཐེ་བོང་མནན་ཏེ། འབར་བའི་ཕྱག་རྒྱ་ཧཱུྃ་གི་འོད་ཟེར་དང་། ངག་ཏུ། ཨོཾ་བཛྲ་ཨ་ར་ལི་ཧོ། ཛཿཧཱུྃ་བྃ་ཧོཿབཛྲ་ཌཱ་ཀི་ནི་ས་མ་ཡ་སྟཾྭ། ཏྲི་ཤྱ་ཧོས་ཡེ་ཤེས་པ་བསྟིམ་ལ་མཆོད་དོ། །དེ་ནས་ལྷ་ཚོགས་རྡོ་རྗེའི་སྦུ་གུ་ཅན་རྣམས་ཀྱིས་གསོལ་བར་བསམ་ལ། ཨོཾ་བཛྲ་ཌཱ་ཀི་ནི་ཨི་མཾ་བ་ལིང་ཧཱུྃ་ཧཱུྃ་ཕཊ། ཨོཾ་ཧྲཱི་ཧ་ཧ་ཧཱུྃ་ཕཊ། ཨོཾ་བཛྲ་བཻ་རོ་ཙ་ན་ཡེ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཨོཾ་ཌཱ་ཀི་ནི་ཡེ་ལ་སོགས་པའི་མཐར། ཨི་དཾ་བ་ལིང་ཁ་ཁ་ཁཱ་ཧི་ཁཱ་ཧི། ཞེས་གསུམ་མཾ་ལྔས་འབུལ་ལོ། །དེ་ནས་དུར་ཁྲོད་ན་གནས་པ་དང་། འབྱུང་པོའི་ཚོགས་ཐམས་ཅད་ལ་འབུལ་ཏེ། ཨོཾ་ཁ་ཁ། ཁཱ་ཧི་ཁཱ་ཧི། སརྦ་ཡཀྵ་རཀྵ་སརྦ་བྷུ་ཏ། པྲེ་ཏ་བིཤྩ་ཨུད་མནྟེ། ཨུ་པ་སྨཱ་ར་ཌཱ་ཀི་ནྱ་དྷ་ཡ། ཨི་དཾ་བ་ལིང་། གྲིྷཧྣ་དུ། ས་མ་ཡ། རཀྵནྟུ། མ་མ་སརྦ་སིདྷི་མེ་པྲ་ཡད་ཙྪན་དྷུ། ཡ་ཐེ་བཾ། མ་ཐེ་སྟཾྭ། བྷུད་ཛ་ཛ།

[Full Size]

པི་པ་ཐཱ། ཛི་གྲ་ཐཱ་མ་ཐཱི་ཀྲ། མ་ཐཱ། མ་མ་སརྦ་ཀར་ཐཱ་ཡཱ། སད་སུ་ཁཾ། བི་བྴུད་རྡ་ཡེ་སྭཱ་ཧཱ། །ཡི་ག་བྷ་ཝན་ཏུ། ཧཱུྃ་ཧཱུྃ་ཕཊ་སྭཱ་ཧཱ། །ཞེས་པས་ཕུལ་བས་མཉེས་པར་བསམ་མོ། །གསུམ་པ་ནི། རྐང་པ་བརྒྱད་ཀྱི་བསྟོད་པས་འཕྲིན་ལས་བཅོལ་ཏེ། བཅོམ་ལྡན་བདེ་མཆོག་འཁོར་བཅས་ཁྱེད་ལ་བསྟོད་པ་ཡིས། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང་། །ཞེས་པ་ལ་སོགས་པ་བྱའོ། །བཞི་པ་ནི། ཡི་གེ་བརྒྱ་པས་བཟོད་པར་གསོལ། །ལྔ་པ་བཀྲིས་བྱ། དྲུག་པ། ཁྱེད་ཀྱིས། ཞེས་དང་། བཛྲ་མུཾཿ གཤེགས་སུ་གསོལ། སྨོན་ལམ་དང་བསྔོ་བ་བྱའོ། །དེ་ལྟར་གདན་བཞིའི་བཤད་རྒྱུད་ལས། དངོས་གྲུབ་འདོད་པའི་རྣལ་འབྱོར་པ། །ནན་ཏན་དུ་ནི་གཏོར་མ་སྦྱིན། །ཞེས་པས། ཐུན་མཚམས་སུ་གཏོར་

[Full Size]

མ་ལ་བརྩོན་པར་བྱའོ། །དཔལ་ལྷ་ལྔའི་མངོན་པར་རྟོགས་པ་ཡེ་ཤེས་ཀྱི་ཌཱ་ཀི་མའི་གསུང་ཇི་ལྟ་བ་བཞིན་དཀོད་པའོ། །ཁྱུང་པོ་རྣལ་འབྱོར་པའི་ལུགས་སོ། །འདིའི་བརྒྱུད་པ་ནི། རྡོ་རྗེ་འཆང་། ཌཱ་ཀི་ནི་གུ་མ། ཁྱུང་པོ་རྣལ་འབྱོར། རྨོག་ལྕོག་པ། སྐྱེར་སྒང་པ། སངས་རྒྱས་གཉན་སྟོན་པ། མཁས་གྲུབ་ཤངས་སྟོན་མཁས་གྲུབ་རྒྱལ་མཚན་འབུམ། བྱམས་དཔལ་བཟང་པོ། ཆོས་རྗེ་བློ་གྲོས་དཔལ་བཟང་པོ། རྟོགས་ལྡན་རིན་ཆེན་དཀོན་མཆོག་རྒྱལ་མཚན་ནོ།། །།

བདེ་མཆོག་ལྷ་ལྔའི་མཆོད་ཁྲིགས།

[Full Size]

བདེ་མཆོག་ལྷ་ལྔའི་མཆོད་ཁྲིགས་བཞུགས་སོ། །

[Full Size]

བླ་མ་དང་དཔལ་འཁོར་ལོ་སྡོམ་པ་ལ་ཕྱག་འཚལ་ལོ། །འཁོར་ལོ་སྡོམ་པའི་ཚོགས་མཆོད་བྱེད་པར་འདོད་པས། ཆུ་གསུམ་དང་། མཆོད་པ་ལྔ་དང་ནང་མཆོད་དང་། གཏོར་མ་ལྔ་བཤམ་མོ། དེ་ནས་རང་ཉིད་ལྷའི་མངོན་རྟོགས་བསྒོམ་ཞིང་བཟླས་པ་བྱ། མཆོད་པ་བསང་སྦྱངས་བྱིན་གྱིས་རླབས་སོ། །དེ་ནས་མཎྜལ་གཞལ་ཡས་ཁང་གྲུ་བཞི་སྒོ་བཞི་བསམ་པའི་དབུས། པདྨ་འདབ་མ་བཞི་པའི་ལྟེ་བ་ལ་ཧཱུྃ། འདབ་མ་ལ། ལྃ་མྃ་ཏྃ།

[Full Size]

ལས་འོད་ཟེར་འཕྲོས་ཏེ། ཁམས་གསུམ་གྱིས་སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས་ནས་འོད་ཟེར་ཚུར་འདུས་ས་བོན་ལ་ཐིམ་པ་ལས། བདེ་མཆོག་སྐུ་མདོག་སྔོན་པོ་ཞལ་གཅིག་ཕྱག་གཉིས་པ། རྡོ་རྗེ་དང་དྲིལ་བུ་འཛིན་པས། ཡུམ་རྡོ་རྗེ་ཕག་མོ་ལ་འཁྱུད་པ། ཤར་དུ་མཁའ་འགྲོ་མ་འཐིང་ཁ། བྱང་དུ་ལཱ་མ་ལྗང་ཁུ། ནུབ་དུ་ཁཎྜ་རོ་ཧི་དམར་མོ། ལྷོར་གཟུགས་ཅན་མ་སེར་མོ་བསྐྱེད་ལ། རང་གི་ཐུགས་

[Full Size]

ཁའི་ས་བོན་དམ་ཚིག་པའི་ས་བོན་གཉིས་ལས་འོད་ཟེར་འཕྲོས་པས། འོག་མིན་ནས་བླ་མ་དཀྱིལ་འཁོར་ལྷ་ཚོགས་སངས་རྒྱས་བྱང་ཆུབ་སེམས་དཔའ་དཔག་ཏུ་མེད་པ་སྤྱན་དྲངས་ཏེ། ༈ ཧཱུྃ། མ་ལུས་སེམས་ཅན་ཀུན་གྱིས་མགོན་གྱུར་ཅིང་། །བདུད་སྡེ་དཔུང་བཅས་མི་ཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པའི། །བཅོམ་ལྡན་བདེ་མཆོག་འཁོར་བཅས་གཤེགས་སུ་གསོལ། །ཨོཾ་ཨེ་ཧྱེ་ཧི་བྷ་ག་ཝ་ན། མ་ཧཱ་ཀ་རུ་ཎི་ཀ་ས་པ་རི་ཝ་རེ་ས་མ་ཡེ་ཛཿཧཱུྃ་བྃ་ཧོཿས་དམ་ཚིག་པ་ལ་བསྟིམ་ནས། གནས་གསུམ་དུ་ཐལ་མོ་སྦྱར་ཏེ། ཨོཾ་ན་མ་ཏེ་ཧཱུྃ། ཨོཾ་ན་མ་མི་ཧཱུྃ། ཨོཾ་ན་མོ་ན་མ་ཧཱུྃ། ཞེས་པས་རྟེན་གྱི་ཞབས་ལ་ཐུག་པའི་ཕྱག་བྱའོ། ཧཱུྃ་རྣམ་དག་དྲི་མེད་སྦྱར་བའི་ཆུ། །དྭངས་ནས་སྐྱོན་མེད་ཡིད་དུ་འོངས། འགྲོ་བའི་ཉོན་མོངས་དག་བྱའི་ཕྱིར། །

[Full Size]

བཅོམ་ལྡན་མཆོད་ཡོན་བཞེས་སུ་གསོལ། །ཨོཾ་སརྦ་ཏ་ཐཱ་ག་ཏ་ཨརྒྷཾ་པྲ་ཏིཙྪ་ཡེ་སྭཱ་ཧཱ། །དུང་ཆོས་ཀྱིས་ཕྱག་རྒྱས་ལྷ་མོ་མཆོད་ཡོན་ཐོགས་པས་མཆོད་ནས། ཧཱུྃ་ཡིད་འོངས་དཀྱིལ་འཁོར་བྱོན་པ་ལེགས། །བདག་ཅག་བསོད་ནམས་བསྐལ་བར་ལྡན། །ཞབས་བསིལ་དམ་པ་འདི་དག་ཀྱང་། །འགྲོ་བའི་དོན་དུ་བཞེས་སུ་གསོལ། །ཨོཾ་སརྦ་ཏ་ཐཱ་ག་ཏ་པྲ་ཝ་ར་སད་ཀ་ར་པྲ་ཏིཙྪ་ཧཱུྃ་གིས་ལྷ་མོ་བདུད་རྩིའི་བུམ་ཆུ་ཐོགས་པས་ཕྱག་དང་ཞབས་བསིལ་ལོ། །ཧཱུྃ་བཅོམ་ལྡན་ཆོས་ཉིད་ལ་བཞུགས་ཀྱང་། །འགྲོ་བའི་དུག་གསུམ་དག་བྱའི་ཕྱིར། །ཞབས་བསིལ་དམ་པ་འདི་འབུལ་གྱིས། །ངན་འགྲོའི་འཆིང་བ་ལས་གྲོལ་མཛོད། །ཨོཾ་སརྦ་ཏ་ཐཱ་ག་ཏ་ནི་རི་ཏི་ཁཾ་རཾ་སྭཱ་ཧཱ། །ཞེས་བུམ་ཆུས་ཞབས་བསིལ་ལོ། །བདག་དང་འགྲོ་ལ་ཐུགས་བརྩེའི་

[Full Size]

ཕྱིར། །ཉིད་ཀྱིས་རྫུ་འཕྲུལ་མཐུ་ཡི་ནི། །ཇི་སྲིད་མཆོད་པ་བདག་བགྱིད་ན། །དེ་སྲིད་བཅོམ་ལྡན་བཞུགས་སུ་གསོལ། །ཨོཾ་སརྦ་ཏ་ཐཱ་ག་ཏ་པད་མ་ཀ་མ་ལཱ་ཡེ་སྟྃྭ། །ཞེས་པས་རང་རང་གིས་གདན་ལ་བཞུགས་པར་བསམ་མོ། །མཆོད་པ་ནི། ཧཱུྃ་མེ་ཏོག་བདུག་སྤོས་མར་མེ་དྲི། །ལྷ་བཤོས་བསིལ་། སྙན་མཆོད་སྤྲིན་འདི། །དཀྱིལ་འཁོར་ལྷ་ཚོགས་རྣམས་ལ་འབུལ། །ཐུགས་རྗེས་དགོངས་ལ་བཞེས་སུ་གསོལ། །ཨོཾ་སརྦ་ཏ་ཐཱ་ག་ཏ་པཱུ་ཙ་མེ་གྷ་ས་མུ་ཏྲ་སྥ་ར་་ས་མ་ཡེ་ཧཱུྃ། །ཞེས་པའམ། ཨོཾ་ཧྲཱིཿཧ་ཧ་ཧཱུྃ་ཧཱུྃ་ཕཊ། །ཨོཾ་བཛྲ་པུཥྤེ་ཨཱཿཧཱུྃ་གིས་མེ་ཏོག །དེ་བཞིན་དུ་དྷུ་པེ། ཨ་ལོ་ཀེ། གནྡྷེ། ནཻ་ཝི་ཏྱེ། བཛྲ་ཤཔྟ་ཨཱཿཧཱུྃ་གིས་མཆོད་དོ། གཟུགས་སྒྲ་དྲི་རོ་རེག་བྱ་དང་། །འདོད་ཡོན་ལྔའི་མཆོད་སྤྲིན་འདི། །དཀྱིལ་འཁོར་ལྷ་ཚོགས་རྣམས་ལ་འབུལ། །ཐུགས་རྗེས་དགོངས་ལ་བཞེས་

[Full Size]

སུ་གསོལ། །ཨོཾ་སརྦ་ཏ་ཐཱ་ག་ཏ་པཉྩ་པཱུ་ཛ་མེ་གྷ་ས་མུ་ཏྲ་སྥ་ར་་ས་མ་ཡེ་ཧཱུྃ། །ཞེས་པའི་ལྷ་མོ་བཞིའི་སྔགས་དང་ཕྱག་རྒྱས་མཆོད། །ཧཱུྃ་འཁོར་ལོ་རིན་ཆེན་གླང་པོ་རྟ། །བཙུན་མོ་དམག་དཔོན་བློན་པོ་དང་། །ཉེ་བའི་རིན་ཆེན་སྣ་བདུན་བཅས། །དཀྱིལ་འཁོར་ལྷ་ཚོགས་རྣམས་ལ་འབུལ། །ཨོཾ་སརྦ་ཏ་ཐཱ་ག་ཏ་རཏྣ་པཱུ་ཛ་མེ་གྷ་ས་མུ་ཏྲ་སྥ་ར་་ས་མ་ཡེ་ཧཱུྃ། །ཞེས་པའི་རིན་ཆེན་སྣ་བདུན་གྱིས་སྔགས་དང་ཕྱག་རྒྱས་མཆོད་པ་ནི་ཕྱི་མཆོད་དོ། །ཧཱུྃ་མཁའ་འགྲོ་ལཱ་མ་དུམ་སྐྱེས་དང་། །གཟུགས་ཅན་མ་དང་མཁའ་འགྲོ་བཞིས། །ཤ་ལྔ་བདུད་རྩི་ཐོགས་ནས་ཀྱང་། །དཀྱིལ་འཁོར་ལྷ་ཚོགས་རབ་ཏུ་མཆོད། །ཨོཾ་སརྦ་ཏ་ཐཱ་ག་ཏ་ཙཀྲ་པཱུ་ཛ་མེ་གྷ་ས་མུ་ཏྲ་སྥ་ར་་ས་མ་ཡེ་ཧཱུྃ། །ཞེས་པ་དང་། ཨོཾ་བཛྲ་ཨ་མྲྀ་ཏ་ཧཱུྃ་གིས་ནང་མཆོད་དོ། །ཧཱུྃ་བདེ་བའི་རང་བཞིན་

[Full Size]

ལྷ་མོ་བཞི། །ལང་འཚོ་བཅུ་དྲུག་ལྟ་བུར་མཛེས། །གཉིས་སུ་མེད་པའི་མཆོད་པ་ཡིས། །ཟག་མེད་བདེ་བས་གཙོ་ལ་མཆོད། །ཨོཾ་སརྦ་ཏ་ཐཱ་ག་ཏ་མ་ཧཱ་པཱུ་ཙ་མེ་གྷ་ས་མུ་ཏྲ་སྥ་ར་་ས་མ་ཡ་ཧཱུྃ། །ཞེས་པས་གཉིས་སུ་མེད་པའི་ཕྱག་རྒྱ་བྱའོ། །གསང་མཆོད་དོ། །མཆོད་བྱའི་ཡུལ། མཆོད་པ། མཆོད་བྱེད་རྣམས་རང་བཞིན་མེད་པར་ཤེས་པར་བྱ་སྟེ། དེ་ཁོ་ན་ཉིད་ཀྱིས་མཆོད་པའོ། །བསྟོད་པ་ནི། སངས་ཐམས་ཅད་འདུས་པའི་སྐུ། །རྡོ་རྗེ་འཛིན་པའི་ངོ་བོ་ཉིད། །དཀོན་མཆོག་གསུམ་གྱིས་རྩ་བ་སྟེ། །བླ་མ་རྣམས་ལ་ཕྱག་འཚལ་ལོ། །བླ་མའི་སྐུ་ནི་རྡོ་རྗེའི་སྐུ། །མཛེས་ཤིང་བལྟ་བས་ཆོག་མི་ཤེས། །བསམ་གྱིས་མི་ཁྱབ་ཡོན་ཏན་ལྡན། །བླ་མའི་སྐུ་ལ་ཕྱག་འཚལ་ལོ། །བླ་མའི་གསུང་ནི་ཚངས་པའི་དབྱངས། །འགག་མེད་སེང་གེའི་སྒྲ་དང་ལྡན། །མུ་སྟེགས་ལོག་ལྟ་འཇོམས་མཛད་པའི། །བླ་མའི་གསུང་ལ་ཕྱག་འཚལ་ལོ། །

[Full Size]

བླ་མའི་ཐུགས་ནི་ནམ་མཁའ་འདྲ། །བདེ་གསལ་མི་རྟོག་ངང་ཚུལ་ཅན། །རྣམ་ཐར་གསུམ་ལ་ལེགས་སྤྱོད་པ། །བླ་མའི་ཐུགས་ལ་ཕྱག་འཚལ་ལོ། །བཅོམ་ལྡན་མགོན་པོ་དཔའ་བོའི་དབང་ཕྱུག་ནི། །སྐལ་པའི་མེ་དཔུང་ལྟ་བུར་རབ་ཏུ་འབར། །རལ་པའི་ཅོད་པ་དབུའི་དོན་དུ་བྱས། །མཆེ་བ་རབ་གཙིག་དྲག་ཤུལ་འཇིགས་པའི་ཞལ། །སྐུ་ལ་གཟི་བརྗིད་ཕྱག་སྟོང་ལྡན་པ་པོ། །དགྲ་སྟྭ་ཞགས་པ་ཁ་ཊཱཾྭ་མདུང་བསྣམས་ཞིང་། །རབ་བརྗིད་སྟག་གི་པགས་པ་སྐུ་ལ་གསོལ། །སྐུ་ཆེན་དུད་ཁ་བགེགས་མཐར་མཛད་ལ་འདུད། །བཅོམ་ལྡན་རྣམ་ཀུན་རྡོ་རྗེ་ཕག་མོ་ནི། །འཇིག་རྟེན་གསུམ་སོགས་ཕྱོགས་གཞན་རྒོལ་བས་མི་ཐུབ་ཅིང་། །འབྱུང་པོའི་འཇིགས་པ་མ་ལུས་རྡོ་རྗེ་ཆེན་པོས་འཇོམས། །རྡོ་རྗེ་གདན་བཞུགས་ཚངས་སོགས་དབང་བྱེད་ལས་རྒྱལ་ཞིང་། །རྡོ་རྗེ་ཕག་མོ་ཁྲོ་མོའི་གཟུགས་ཅན་དྲག་

[Full Size]

གཉེན་མ། །རྨུགས་བྱེད་རྨོངས་བྱེད་རིངས་བྱེད་ལས་ནི་རྣམ་རྒྱལ་ཞིང་། །བདུད་ཀྱི་འཇིགས་པ་མ་ལུས་སྐེམ་ཞིང་ཕམ་པར་མཛད་པ་མོ། །རྣལ་འབྱོར་ཆེན་མོ་འདོད་པའི་དབང་ཕྱུག་མ་ལ་འདུད། །ཧཱུྃ་སྐུ་མདོག་སྔོན་པོ་ཨུཏྤལ་འདྲ། །ཞལ་གཅིག་ཕྱག་གཉིས་མཚན་དཔེས་བརྒྱན། །ཡུམ་དང་གཉིས་མེད་གར་དགུའི་མཛེས། །བཅོམ་ལྡན་བདེ་བའི་མཆོག་ལ་བསྟོད། །ཆོས་དབྱིངས་རྣམ་དག་སྐྱེ་མེད་ལས། །འགག་མེད་ཐུགས་རྗེ་ཆེན་པོ་ཡིས། །གང་འདུལ་གཟུགས་སྐུ་སྒྱུ་མར་སྟོན། །ཕག་མོའི་སྐུ་ལ་ཕྱག་འཚལ་ལོ། །འབྱུང་བ་བཞི་པོ་རྣམ་དག་ཅིང་། །ཡེ་ཤེས་བཞི་ཡི་ངོ་བོ་ཉིད། །མཁའ་འགྲོ་ལཱ་མ་དུམ་སྐྱེས་དང་། །གཟུགས་ཅན་མ་ལ་ཕྱག་འཚལ་ལོ། །ཧཱུྃ་ཆོས་ཉིད་རྣམ་དག་ནམ་མཁའི་མདོག །སྣང་སྟོང་བདེ་ཆེན་མཚན་དཔེས་བརྒྱན། །གར་གྱིས་ཉམས་ལྡན་ལོངས་སྤྱོད་རྫོགས། །མགོན་པོ་ཁྱོད་ལ་ཕྱག་འཚལ་ལོ། །ལྟེ་བའི་དབུས་ནས་འབྱུང་

[Full Size]

ཞིང་འཕྲོ། །ཆོས་དང་ལོངས་སྤྱོད་རྫོགས་པར་ལྡན། །མཁའ་འགྲོ་མ་རྣམས་བསྡུད་མཛད་མ། །རྗེ་བཙུན་མ་ལ་ཕྱག་འཚལ་ལོ། །ལུས་རྗེས་དྲན་པའི་ངོ་བོ་ཉིད། །མ་མ་ཀི་ནི་ཆུ་ཡི་ཁམས། །རྡོ་རྗེ་རིགས་ཀྱིས་མཁའ་འགྲོ་ཡུམ། །མཁའ་འགྲོ་མ་ལ་ཕྱག་འཚལ་ལོ། །ཚོར་བ་རྗེས་དྲན་ངོ་བོ་ཉིད། །སྒྲོལ་མ་ཞེས་བྱ་རླུང་གིས་ཁམས། །ལས་ཀྱི་རིགས་ཀྱིས་མཁའ་འགྲོ་ཡུམ། །ལཱ་མ་དེ་ལ་ཕྱག་འཚལ་ལོ། །ཆོས་རྗེས་དྲན་པའི་ངོ་བོ་ཉིད། །གོས་དཀར་མོ་ནི་མེའི་ཁམས། །པདྨ་རིགས་ཀྱིས་མཁའ་འགྲོ་ཡུམ། །དུམ་སྐྱེས་མ་ལ་ཕྱག་འཚལ་ལོ། །སེམས་རྗེས་དྲན་པའི་ངོ་བོ་ཉིད། །སྤྱན་དེ་ཕྲ་བའི་བདག་ཉིད་ཅན། །རིན་ཆེན་རིགས་ཀྱི་མཁའ་འགྲོ་ཡུམ། །གཟུགས་ཅན་མ་ལ་ཕྱག་འཚལ་ལོ། །གཏོར་མ་བྱིན་གྱིས་རླབས་ནས། དང་པོ་ཤྲཱི་མ་ཧཱ་

[Full Size]

གུ་རུ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། །བླ་མ་རྣམས་ལ། གཉིས་པ་ན་ལྷ་ལྔ་ལ། །གསུམ་པ་ཆོས་སྐྱོངས་ལ། བཞི་པ་གཞི་བདག་ལ། ལྔ་པ་གནོད་བྱེད་ལ་སྦྱིན་ནོ། །དེ་ནས་ཚོགས་རྣམས་གཏོར་མ་ལྟར་བྱིན་གྱིས་རླབས་ལ། །ཕུད་བླ་མ་དང་དཀོན་མཆོག་ལ་ཕུལ་ནས། །འདུ་ཤེས་གསུམ་དང་ལྡན་པའི་ལག་པས་ཀ་པཱ་ལ་བཟུང་ནས། ཀྱཻ་གཟིགས་ཤིག་མཛེས་པ་དམ་པའི་ཆོས། །འདི་ལ་རྣམ་རྟོག་བྱར་མི་རུང་། །བྲམ་ཟེ་ཁྱི་དང་གདོལ་པ་གསུམ། །རང་བཞིན་གཅིག་ཏུ་དགོངས་ཏེ་རོལ། །ཅེས་པས་དྲོང་། །ལེན་པ་པོས་ཀྱང་། །པད་བསྐོར་བྱས་ནས། བདེ་བར་གཤེགས་པ་ཆོས་ཀྱིས་མཆོག །འདོད་ཆགས་དྲི་མ་དང་བྲལ་བས། །བཟུང་འཛིན་རྣམ་པར་གྲོལ་བ་ཡིས། །དེ་ཁོ་ན་ཉིད་ལ་བདག་ཕྱག་འཚལ་ལོ། །ཨ་ཧོ་སུ་ཁཾ། །ཞེས་པས་བླངས་ལ། འདུ་ཤེས་གསུམ་དང་མ་བྲལ་བས་ཚོགས་ལ་ཚིམ་པར་

[Full Size]

རོལ་ལོ། །དེ་ནས་ལྷག་མ་རྣམས་བསྡུས་ཏེ། །ཁ་མྱོས་བྱེད་ཀྱིས་བཀང་ནས་འབར་བའི་ཕྱག་རྒྱ་དང་བཅས་པས་ཁ་ཕྲུ་བཏབ་ལ། ཨོཾ་སརྦ་ཁ་ཁ་ཁཱ་ཧི་ཁཱ་ཧི་ཨུཙྪ་ཏི་བ་ལིཾང་ཏ་ཨུ་ཚ་ཏི་བྷིཀྵ་བྷ་བྷྱཿསྭཱ་ཧཱ། །ཞེས་བརྗོད་ལ་འབྱུང་པོ་བྲན་རྣམས་ལ་སྦྱིན་ནོ། །དེ་ལྟར་ཡང་གདན་བཞིའི་རྒྱུད་ལས། །ཡེ་ཤེས་སྤྱན་གྱིས་དཔའ་འདོད་པས། །ལྷག་མའི་གཏོར་མ་སྦྱིན་པར་བྱ། །ཞེས་སོ། །དེ་ནས་མདུན་བསྐྱེད་ཀྱི་དཀྱིལ་འཁོར་ལ་མཆོད་ཅིང་བསྟོད་ལ། །བཅུ་བཞི་པའི་གཤེགས་པ་དང་། །ཡི་གེ་བརྒྱ་པ་བརྗོད་ལ། གང་ཡང་བདག་བློ་གཏི་མུག་པས། །ལེགས་བྱས་འདི་ལ་ཉེས་གྱུར་གང་། །གང་ཕྱིར་ལུས་ཅན་བསྐྱབ་གྱུར་པ། །དེ་ཀུན་མགོན་པོས་བཟོད་པར་མཛོད། །གཙོ་བོས་ནུས་པ་མ་མཆིས་དང་། །ལྷག་པ་དང་ནི་མ་ཚངས་བ། །འདིར་ནི་བྱ་བ་གང་

[Full Size]

བགྱིས་པ། །དེ་ཀུན་མགོན་ཁྱོད་བཟོད་པར་གསོལ། །ཅེས་སོ། བསྔོ་བ་ནི། དགེ་བའི་ཚོགས་རྣམས་བསགས་པ་ཀུན། །བདག་གིས་ཡོངས་སུ་བཟུང་མེད་པར། །སེམས་ཅན་མ་ལུས་ཀུན་དོན་དུ། །ཆོས་དབྱིངས་བླ་ན་མེད་པར་བསྔོ། །ཞེས་ལན་གསུམ་བརྗོད། ལེགས་པའི་ཡོན་ཏན་རབ་རྫོགས་པའི། །བླ་མ་ཡི་དམ་བཀྲ་ཤིས་ཤོག །འཕྲིན་ལས་ཐམས་ཅད་བསྒྲུབ་མཛད་པའི། །མཁའ་འགྲོ་ཆོས་སྐྱོངས་བཀྲ་ཤིས་ཤོག །ཅེས་པས་བཀྲ་ཤིས་བརྗོད་དོ། །རྡོ་རྗེ་བསྡུ་བས་དཀྱིལ་འཁོར་གཤེགས་སུ་གསོལ་བ་ནི། །ཨོཾ་ཁྱེད་ཀྱི་སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་ནས་ཀྱང་། །སླར་ཡང་འབྱོན་པར་མཛད་དུ་གསོལ། །ཅེས་བརྗོད་དོ། །བཅོམ་ལྡན་བདེ་མཆོག་ལྷ་ལྔ་ཡིས། །མཆོད་ཁྲིགས་བླ་མའི་ཕྱག་ལེན་ལྟར། །ཚུལ་ཁྲིམས་མགོན་པོས་ཡི་གེར་བཀོད་པ་འདི་ཡོངས་སུ་རྫོགས་སོ། །མངྒ་ལཾ། བྷ་ཝན་ཏུ། །

འཁོར་ལོ་སྡོམ་པ་ལྷ་ལྔའི་མངོན་རྟོགས།

[Full Size]

འཁོར་ལོ་སྡོམ་པ་ལྷ་ལྔའི་མངོན་རྟོགས་བཞུགས་སོ། །

[Full Size]

བླ་མ་དམ་པའི་ཞབས་བཏུད་ནས། །བཅོམ་ལྡན་བདེ་མཆོག་ལྷ་ལྔ་ཡི། །མངོན་རྟོགས་བླ་མའི་གསུང་བཞིན་དུ། །རང་སེམས་གསལ་འདེབས་དོན་དུ་བྲི། །དེ་ལ་བདེ་མཆོག་ལྷ་ལྔ་བསྒོམ་པར་འདོད་པས། །བླ་མ་དང་དཀོན་མཆོག་གསུམ་ལ་སྐྱབས་སུ་སོང་ནས། སེམས་ཅན་ཐམས་ཅད་ཀྱི་དོན་དུ་སངས་རྒྱས་ཐོབ་པར་བྱ། །དེའི་དོན་དུ་ཧེ་རུ་ཀ་བསྒོམ་སྙམ་དུ་བྱང་ཆུབ་མཆོག་ཏུ་

[Full Size]

སེམས་བསྐྱེད་ལ། །སྐད་ཅིག་གིས་མདུན་གྱི་ནམ་མཁར་རིགས་ལྔའི་ལྷ་ཚོགས་སྤྱན་དྲངས་ལ། །བདག་གི་སྡིག་སྒྲིབ་སྦྱོང་དུ་གསོལ། །ཞེས་གསོལ་བ་བཏབ་པས། རིགས་ལྔའི་ཐུགས་ཀ་ནས་ལྷ་མོ་བདུད་རྩིའི་བུམ་ཆུ་ཐོགས་པས། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུྃ། ཞེས་པའི་ཁྲུས་བྱས་པས། རང་གི་སྡིག་སྒྲིབ་ཐམས་ཅད་དག་ནས་ཤེལ་སྒོང་ལྟ་བུར་གྱུར་པར་བསམ་མོ། །

[Full Size]

བདུད་རྩི་རིལ་བུ་ལྕེ་ཐོག་ཏུ་བཞག་ནས། ཨོཾ་ཨ་མྲྀ་ཏ་ཝཱ་ཀ་རཀྵ་ཧཱུྃ་ཕཊ། །ཅེས་བརྗོད་དོ། །སེམས་རིག་སྟོང་འཛིན་མེད་དུ་བཞག་པར་བྱའོ། །དེ་ནས་རང་སྐད་ཅིག་གིས་གཙོ་བོ་བདེ་མཆོག་ཡབ་ཡུམ་གྱི་ཐུགས་ཀར་པདྨ་ཉི་མའི་སྟེང་དུ་ཧཱུྃ་བསམ་ནས། །རྡོ་རྗེ་ཐོད་སྦྱོར་གྱི་ཕྱག་རྒྱ་དང་། ཨོཾ་བཛྲ་རཀྵ་རཀྵ་ཧཱུྃ་ཕཊ། །ཅེས་བརྗོད་པས། ཐུགས་ཀའི་ཧཱུྃ་ལས་རཾ་ཅིག་དབུ་མ་ནས་མདུན་དུ་ཆད་པ་ལས། ཉི་མའི་དཀྱིལ་འཁོར་སྟོང་གསུམ་ཙམ་དུ་གྱུར། །ཡང་ཧཱུྃ་ཅིག་ཉི་མའི་སྟེང་དུ་ཆད་པ་ལས། རྡོ་རྗེ་རྒྱ་གྲམ་ལྟེ་བ་མཐིང་ག །ཤར་གྱི་རྭ་གསུམ་དཀར། ལྷོའི་རྭ་གསུམ་སེར། ནུབ་ཀྱི་རྭ་གསུམ་དམར། བྱང་གི་རྭ་གསུམ་ལྗང་གུའོ། །དེ་ཉིད་རྒྱ་ཆེ་བས་ས་གཞི། །དཔངས་མཐོ་བས་རྩིག་པ། །རྡོ་རྗེ་རྭ་རྣམས་སྟེང་དུ་འདུག་པས་བླ་རེའོ། །

[Full Size]

རྡོ་རྗེའི་སྟེང་དང་ཕྱོགས་བཞི་ནས་ཧཱུྃ་ཁ་དོག་ལྔ་འཕྲོས་པ་ལས། རྡོ་རྗེ་རྩེ་དགུ་པ། བདུན་པ། ལྔ་པ། གསུམ་པ། གཅིག་པ། སྲན་ཙམ། ནས་ཙམ། ཡན་ཆད་ཀྱིས་རྡོ་རྗེའི་བར་རྣམས་གཏམས་པ་དང་། འོག་གི་ཉི་མ་ལས་མེ་འབར་བས། ཕྱི་རྡོ་རྗེའི་རྭ་རྣམས་ཁྲོ་ཆུ་ལྟར་ཞུ་ནས། སྲིད་པའི་རླུང་གིས་ཀྱང་མི་ཐར་བའི་བསྲུང་བའི་འཁོར་ལོ་སྟོང་གསུམ་ཙམ་དུ་གྱུར་པར་བལྟའོ། །དེས་བདུད་བཞི་བཅོམ་སྟེ། ཤར་གྱི་རྭས་ལྷའི་བདུད་བཅོམ། ལྷོའི་ཕུང་པོའི། ནུབ་ཀྱིས་ཉོན་མོངས་པའི་བྱང་གིས་འཆི་བདག་གི་བདུད་བཅོམ་པའོ། །ཡང་དྲྭ་གུར་ཁ་དོག་ལྔ་ཕུང་པོའོ། །དེ་རིགས་ལྔས་ལྷའི་བུའི། དེས་ཡེ་ཤེས་ལྔ་ཉོན་མོངས་པའི། དྲྭ་གུར་ནང་སྟོང་པས་འཆི་བདག་གི་བདུད་བཅོམ། རང་གི་ས་བོན་གྱི་འོད་ཟེར་གྱིས་བླ་མ་དང་ཡི་དམ་དྲྭ་གུར་གྱི་ནང་དུ་དཔང་

[Full Size]

པོར་སྐད་ཅིག་གིས་སྤྱན་དྲངས་ལ་བཞུགས་པས་བལྟས་ལ་སྐྱབས་འགྲོ་ལན་གསུམ་བྱའོ། །སེམས་ཅན་ཐམས་ཅད་བདེ་བ་ཕྲད་པར་འདོད་པའི་བྱམས་པ། སྡུག་བསྔལ་ལས་སྐྱོབ་པར་འདོད་པའི་བྱམས་པ། སྡུག་བསྔལ་ལས་སྐྱོབ་པར་འདོད་པའི་སྙིང་རྗེ། ཧེ་རུ་ཀའི་གོ་འཕང་ལ་བཀོད་པའི་བྱང་ཆུབ་ཀྱི་སེམས་བསྒོམ་པས། བཅོམ་ལྡན་འདས་ཐུགས་རྗེའི་དབང་གིས་མདུན་དུ་བྱོན་ཏེ། །དེའི་འོད་ཟེར་རང་གི་ལུས་ལ་ཕོག་པས། ཕུང་པོ་ཁམས། སྐྱེ་མཆེད། ནད་གདོན་སྡིག་སྒྲིབ་ཐམས་ཅད་དག་ནས་མེ་ལོང་གསལ་བ་ལ་གཟུགས་བརྙན་ཤར་བ་ལྟར་མདུན་གྱི་ལྷ་དང་རང་ཉིད་དབྱེར་མེད་པའི་བདེ་མཆོག་གི་སྐུར་གྱུར་པའོ། རང་ཧེ་རུ་ཀར་གསལ་བའི་ཐུགས་ཀའི་ཧཱུྃ་ལས་འོད་ཟེར་འཕྲོས་པས། འོག་མིན་ནས་ལྷ་ལྔའི་དཀྱིལ་འཁོར་བླ་མ་དང་བཅས་པ་ལ་སངས་རྒྱས་དང་བྱང་ཆུབ་

[Full Size]

སེམས་དཔའ་དཔག་ཏུ་མེད་པས་བསྐོར་བ་སྤྱན་དྲངས་ནས། རང་གི་གནས་གསུམ་དུ་ཐལ་མོ་སྦྱར་ཏེ། ཨོཾ་ན་མ་ཏེ་ཧཱུྃ། ཨོཾ་ན་མོ་མི་ཧཱུྃ། ཨོཾ་ན་མོ་ན་མ་ཧཱུྃ། ཞེས་པས་ཕྱག་བྱའོ། །དང་པོ་ནི། སྙིང་གའི་ཧཱུྃ་ལས་མེ་ཏོག་མ་སེར་མོ། དྲི་ཆབ་མ་དཀར་མོ། བདུག་སྤོས་མ་སྔོན་མོ། མར་མེ་མ་དམར་མོ། ཞལ་ཟས་མ་དཀར་སེར་དཔག་ཏུ་མེད་པས་མཆོད་དོ། །གཉིས་པ་ཧཱུྃ་ལས་ཌཱ་ཀི་མ་མཐིང་ག །ལཱ་མ་ལྗང་གུ། ཁཎྜ་རོ་ཧི་དམར་མོ། རཱུ་པ་ནི་སེར་མོ་དང་བཞི། གཡས་ཤ་ལྔ། གཡོན་བདུད་རྩི་ལྔ། ཐོགས་པ་དཔག་ཏུ་མེད་པས་མཆོད་དོ། །གསུམ་པ་ནི། བདེ་བ་རྒྱས་པའི་ལྷ་མོ་བཞི་ཡབ་ཡུམ་ལ་ཐིམ་པའི་སྙོམས་འཇུག་གི་བདེ་བས་མཆོད་དོ། །བཞི་པ་ནི། མཆོད་བྱ་མཆོད་བྱེད་མཆོད་པ་རྣམས་རང་བཞིན་མེད་པར་ཤེས་པར་བྱའོ། །

[Full Size]

ལྔ་པ་ནི། སྔར་བྱས་པའི་སྡིག་པ་ལ་འགྱོད་པ་བསྐྱེད། ཕྱིས་མི་བྱེད་པར་བསྡོམས། ད་ལྟའི་རང་བཞིན་མེད་པར་བཤགས་སོ། །སྤྱིར་བསྟན་པ་དང་། སྔགས་ཕྱི་ནང་། ཁྱད་པར་དུ་བདེ་མཆོག་གི་སྒོར་ཞུགས་པ་ལ་ཡིད་རང་བའོ། སངས་རྒྱས་གཙོ་བོ་ཡབ་ཡུམ། ཆོས་སྔགས་གྲགས་སྟོང་། དགེ་འདུན་ལྷ་མོ་བཞི་ལ་སྐྱབས་སུ་འགྲོ་བའོ། ལམ་གྱི་དམ་པ་མཆོག །བདེ་བའི་མཆོག་འདི་རང་གི་རྒྱུད་ལ་བརྟེན་པའོ། དགེ་བའི་རྩ་བ་དེ་རྣམས་སེམས་ཅན་གྱི་དོན་བྱང་ཆུབ་ཆེན་པོར་བསྔོ་བར་བྱའོ། །དེ་ནས། དཀོན་མཆོག་གསུམ་ལ་བདག་སྐྱབས་མཆི། །སྡིག་པ་ཐམས་ཅད་སོ་སོར་བཤགས། །འགྲོ་བའི་དགེ་ལ་རྗེས་ཡི་རངས། །སངས་རྒྱས་བྱང་ཆུབ་ཡིད་ཀྱིས་བཟུང་། །སངས་ཆོས་དང་ཚོགས་མཆོག་ལ། །བྱང་ཆུབ་བར་དུ་སྐྱབས་སུ་མཆི། །བྱང་ཆུབ་སེམས་སུ་འདི་བགྱིད་

[Full Size]

དེ། །བདག་དང་གཞན་དོན་རབ་བསྒྲུབ་ཕྱིར། །བདག་ནི་བྱང་ཆུབ་སེམས་མཆོག་བསྐྱེད། །ཨེ་མ་ཧོ། །སེམས་ཅན་ཀུན་གྱི་མགྲོན་དུ་གཉེར། །བྱང་ཆུབ་སྤྱོད་མཆོག་མཛད་བཞིན་སྤྱད། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ཅེས་ལན་གསུམ་བརྗོད་དོ། །སེམས་ཅན་ཐམས་ཅད་བདེ་བ་དང་ཕྲད་པར་འདོད་པའི་བྱམས་པ། སྡུག་བསྔལ་ལས་སྐྱོབ་པའི་སྙིང་རྗེ། །བདེ་བ་དམ་པ་དང་མི་འབྲལ་བ་ལ་སྤྲོ་བའི་དགའ་བ། ཀུན་ལ་སེམས་མཉམ་པའི་བཏང་སྙོམས། ཨོཾ་སྭ་བྷཱ་ཝ་ཤུདྷོ་སརྦ་དྷརྨཱ་སྭ་བྷཱ་ཝ་ཤུདྷོ྅ཧཾ་གིས་ཆོས་ཐམས་ཅད་སྒྱུ་མ་ལྟ་བུར་བསམ། ཨོཾ་ཤཱུ་ནྱཱ་ཏཱ་ཛྙཱ་ན་བཛྲ་སྭ་བྷཱ་ཨཱཏྨ་ཀོ྅ཧཾ་གིས་ཆོས་ཐམས་ཅད་སྟོང་པ་ཉིད་དུ་བསྒོམ་མོ། །སྟོང་པའི་ངང་ལས་རླུང་གི་དཀྱིལ་

[Full Size]

འཁོར་ཟླ་གམ། དེའི་སྟེང་དུ་རཾ་ལས་མེའི་དཀྱིལ་འཁོར་གྲུ་གསུམ། དེའི་སྟེང་དུ་བཾ་ལས་ཆུའི་དཀྱིལ་འཁོར་ཟླུམ་པོ། དེའི་སྟེང་དུ་ལཾ་ལས་སའི་དཀྱིལ་འཁོར་གྲུ་བཞི། དེའི་སྟེང་སུམ་ལས་རིའི་རྒྱལ་པོ་རི་རབ་གྲུ་བཞི། རིན་པོ་ཆེ་སྣ་བཞི་ལས་གྲུབ་པ། ལྕོག་བརྒྱད་ཀྱིས་རྣམས་པར་མཛེས་པའོ། །རི་རབ་དེའི་སྟེང་དུ་ཧཱུྃ་ལས་བྱུང་བའི་སྣ་ཚོགས་རྡོ་རྗེའོ། །དེའི་སྟེང་དུ་པཾ་ལས་སྣ་ཚོགས་པདྨ་འདབ་བརྒྱད། ལྟེ་བ་དང་གེ་སར་དུ་ལྡན་པའོ། །དེའི་དབུས་སུ་པཾ་ལས་པདྨ། རཾ་ལས་ཉི་མ་དང་འཇིགས་བྱེད་དུས་མཚན་ནོ། །དེའི་སྟེང་དུ་རང་སེམས་ཧཱུྃ་དུ་གྱུར་པ་ལས། འོད་ཟེར་སྣ་ཚོགས་འཕྲོས་པས་དོན་གཉིས་བྱས། ཚུར་འདུས་པ་ལས། བདག་ཉིད་དཔལ་ཧེ་རུ་ཀ་སྐུ་མདོག་སྔོན་པོ་ཞལ་གཅིག་ཕྱག་གཉིས། གཡས་རྡོ་རྗེ། གཡོན་དྲིལ་བུ་བསྣམས་པས་ཡུམ་ལ་འཁྱུད་པ། སྟག་གི་

[Full Size]

ཤམ་ཐབས་ཅན། ཞབས་གཡས་བརྐྱང་པས་བཞུགས་པའོ། །དེའི་ཡུམ་རྗེ་བཙུན་མ་སྐུ་མདོག་དམར་བ། ཞལ་གཅིག་ཕྱག་གཉིས་པ། གཡས་གྲི་གུག་འཕྱར་བ། གཡོན་ཐོད་ཁྲག་སྟོབས་པ། ལང་ཚོ་མཛེས་ཤིང་སྒེག་པ། བདེ་བའི་ཉམས་དང་ལྡན་པས་ཡབ་ལ་འཁྲིལ་བའོ། །དེ་ལྟར་ཡབ་ཡུམ་གཉིས་ཀ་སྤྱན་གསུམ་པ། མཆེ་བ་གཙིགས་པ། ཐོར་གཙུག་ལ་ཉི་ཟླས་མཛེས་པའོ། །ཐོད་པ་སྐམ་པོ་ལྔས་བརྒྱན་པ། འཁོར་ལོ་དང་། རྣ་རྒྱན་དང་། མགུལ་རྒྱན་དང་། སེ་མོ་དོ་དང་། དཔུང་རྒྱན་དང་། ཕྱག་གདུབ་དང་། དོ་ཤལ་དང་། སྐེ་རགས་དང་། ཕྱག་རྒྱ་དྲུག་གམ་ལྔས་བརྒྱན་པ། མི་མགོ་སྐམ་རློན་ལྔ་བཅུའི་དོ་ཤལ་ཅན། མཚན་དཔེས་བརྒྱན་པ། གར་གྱི་ཉམས་དགུ་དང་ལྡན་ཞིང་། འོད་དང་འོད་ཟེར་གྱི་

[Full Size]

རང་བཞིན་ཅན། མེ་དཔུང་གི་ཀློང་ན་བཞུགས་པར་བལྟའོ། ཤར་གྱི་པད་འདབ་ལ་མཁའ་འགྲོ་མ་མཐིང་ག །བྱང་དུ་ལཱ་མ་ལྗང་གུ། ནུབ་ཏུ་དུམ་སྐྱེས་མ་དམར་མོ་ལྷོར་གཟུགས་ཅན་མ་སེར་མོ། དེ་རྣམས་ཀྱང་ཞལ་གཅིག་ཕྱག་གཉིས་སྤྱན་གསུམ་མ། །སྐྲ་གྲོལ་བ། མཆེ་བ་གཙིགས་པ། གཡས་གྲི་གུག །གཡོན་པ་དང་ཁ་ཊཱཾྭ་ག་བསྣམས་པའོ། །དེ་ཡང་གཅེར་བུ་རུས་པ་དང་། མི་མགོས་བརྒྱན་པ། རོའི་སྟེང་དུ་ཞབས་གཡས་བརྐྱང་པས་བཞུགས་པའོ། །སྙིང་གའི་ཧཱུྃ་གི་འོད་ཟེར་གྱིས་འོག་མིན་ནས། ལྷ་ལྔའི་ཡེ་ཤེས་པ་སྤྱན་དྲངས་ལ་མཆོད་དེ། ཛཿཧཱུྃ་བྃ་ཧོཿས་བསྟིམ་མོ། ཡབ་ཀྱི་དཔྲལ་བར་པད་ཟླའི་སྟེང་དུ་ཨོཾ་དཀར་པོ། མགྲིན་པར་པད་ཟླའི་སྟེང་དུ་ཨཱཿདམར་པོ། སྙིང་གར་པད་ཟླའི་སྟེང་དུ་ཧཱུྃ་སྔོན་པོ་བསམ་མོ། ཡང་ཧཱུྃ་གི་འོད་ཟེར་གྱི་རིགས་ལྔ་སྤྱན་

[Full Size]

དྲངས་ལ་མཆོད་དེ། བྱང་ཆུབ་རྡོ་རྗེ་སངས་རྒྱས་ལ། །ཅི་ལྟར་མཆོད་ཅིང་གསོལ་བ་ལྟར། །བདག་ཀྱང་རབ་ཏུ་སྐྱོབ་པའི་ཕྱིར། །ནམ་མཁའི་རྡོ་རྗེ་དེང་བདག་སྩོལ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེཉྩ་ཏུ་མཾ། ཞེས་གསོལ་བ་བཏབ་པ་དང་། གཙོ་བོའི་ཐུགས་ཀ་ནས་ཡུམ་ལྔས་བདུད་རྩིའི་བུམ་པ་ཐོགས་ནས། ཧཱུྃ་ཅི་ལྟར་བལྟམས་པ་ཙམ་གྱིས་ནི། ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་སྐུ་ཁྲུས་གསོལ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ཤྲཱི་ས་མ་ཡེ་ཧཱུྃ། ཞེས་དབང་བསྐུར་པས། ལུས་ངག་ཡིད་གསུམ་གྱི་སྡིག་སྒྲིབ་དག་སྟེ། དབང་བཞི་ཐོབ་ནས་ཆུ་ལྷག་མ་ཡར་ལུད་པ་ལས། མི་བསྐྱོད་པས་དབུ་བརྒྱན་པར་བསམ་མོ། །རྡོ་རྗེ་ཕག་མོ་དང་མཁའ་འགྲོ་མ་ལ་རྣམ་པར་སྣང་

[Full Size]

མཛད། །ལྔ་མ་ལ་དོན་ཡོད་གྲུབ་པ། དུམ་སྐྱེས་མ་ལ་འོད་དཔག་མེད། གཟུགས་ཅན་མ་ལ་རིན་ཆེན་འབྱུང་ལྡན་གྱིས་དབུ་བརྒྱན་ནོ། དེ་ནས་ཀ་པཱ་ལར་མ་ད་ན་བླུགས་ལ་ཤ་ལྔ་བདུད་རྩི་ལྔར་སྦྱང་ངོ་། །ཡང་ན་ཀ་པཱ་ལར་ལྷ་ལྔ་བསྐྱེད་ལ་བཟླས་པ་བྱས་པས། ཡབ་ཡུམ་གྱི་སྦྱོར་མཚམས་ནས་བདུད་རྩི་བབས་པས། ཐོད་པ་ཁེངས་ནས་ཡབ་ཡུམ་ཀྱང་ཞུ་སྟེ་ཐིམ་པས་དེས་ལྷ་ཚོགས། རྡོ་རྗེ་འཆང་། ནི་གུ་མ། བླ་མ་ཤངས་པ། རྨོག་ལྕོག་པ། སྐྱེར་སྒང་པ། སངས་རྒྱས་གཉན་སྟོན། སངས་རྒྱས་སྟོན་པ། མཁས་གྲུབ་ཞང་སྟོན། མཁས་གྲུབ་ཚུལ་ཁྲིམས་མགོན་པོ། ཆོས་རྗེ་ཁམས་པའོ། །རྣམས་མཆོད་ནས་ལྕེ་ཐོག་ཏུ་བཞག་པས། བདེ་སྟོང་གཉིས་སུ་མེད་པར་བསྒོམ་མོ། བསྐྱེད་པའི་རིམ་པའོ། །དེ་ནས་ལུས་གནད་ཙོག་པུར་བྱས་ལ། ལུས་ཡི་དམ་དུ་བསྐྱེད་པའི་རྩ་དབུ་མ་ཕྱི་དཀར་ལ་ནང་དམར་བ། ཡར་

[Full Size]

སྣེ་ཚངས་བུག །མར་སྣ་གསང་གནས་སོ། །རྩ་རོ་རྐྱང་གཉིས་ཡར་སྣེ་སྣ་སྒོ་གཉིས། མར་སྣ་ལྟེ་འོག་སོར་བཞིར་ཟུག་པའོ། སྤྱི་བོ་བདེ་ཆེན་གྱི་འཁོར་ལོ་རྩ་འདབ་སུམ་ཅུ་རྩ་གཉིས་ཀྱི་ལྟེ་བར་ཧཾ་དཀར་པོའོ། །མགྲིན་པ་ལོངས་སྤྱོད་ཀྱི་འཁོར་ལོ་རྩ་འདབ་བཅུ་དྲུག་གི་ལྟེ་བར་ཨོཾ་སེར་པོ། སྙིང་ག་ཆོས་ཀྱི་འཁོར་ལོ་རྩ་འདབ་བརྒྱད་ཀྱི་ལྟེ་བར་ཧཱུྃ་སྔོན་པོ། ལྟེ་བ་སྤྲུལ་པའི་འཁོར་ལོ་རྩ་འདབ་དྲུག་ཅུ་རྩ་བཞིའི་ལྟེ་བར་ཨཱཿདཀར་པོ། དེས་དབུ་མའི་ནང་ལྟེ་འོག་སོར་བཞིར་ཨཱཿདམར་པོ་མཚལ་ཤད་ལྟ་བུ་ཅིག་བསམ་ནས་སྲོག་རྩོལ་གྱི་སྦྱོར་བས། རླུང་གཉིས་ཁ་སྦྱར་བས། ཨཱཿལས་ཡེ་ཤེས་ཀྱི་མེ་འབར་ཏེ། དབུ་མ་ན་ཡར་སོང་བས། ལྟེ་བ་ལ་སོགས་པའི་ཡི་གེ་རྣམས་རིམ་གྱི་བསྲེགས་ཏེ། སྤྱི་བོའི་ཧཾ་

[Full Size]

ལ་མེ་ཕོག་པས་བདུད་རྩི་བབས་ནས། སྤྱི་བོ། མགྲིན་པ། སྙིང་ག །ལྟེ་བའི་རྩ་འདབ་རྣམས་ཁེངས་པས། ཡི་གེ་རྣམས་གསོས་ནས་འབར་འཛག་ལ་རྩེ་གཅིག་ཏུ་འབད་པས། དྲོད། བདེ་བ། གསལ་བ། མི་རྟོག་པ་དང་གསུམ་འཆར་བར་འགྱུར་རོ། །རྫོགས་པའི་རིམ་པའོ། །དེས་ན་དབུགས་ཕྱིར་འགྲོ་དེ་ཧཱུྃ་མང་པོའི་ཐུགས་རྡོ་རྗེ་དཔག་ཏུ་མེད་པར་གྱུར་ནས། རང་དང་སེམས་ཅན་གྱི་དོན་བྱས་པ་ནི་ཐུགས་ཀྱི་གསང་བའོ། །རླུང་ནང་དུ་འཇུག་པ་ནི། ཨོཾ་མང་པོའི་སྐུ་རྡོ་རྗེ་འགྱུར་ནས་རང་དང་སེམས་ཅན་གྱི་དོན་བྱས་པ་ནི་སྐུའི་གསང་བ་བསམ་གྱིས་མི་ཁྱབ་པའོ། །རླུང་ནང་དུ་གནས་པ་ཨར་གྱུར་པའམ། གསུང་རྡོ་རྗེ་དཔག་ཏུ་མེད་པས་རང་གཞན་གྱི་དོན་བྱས་པ་ནི་གསུང་གི་གསང་བ་བསམ་གྱིས་མི་ཁྱབ་པའོ། །དེ་ལྟར་རླུང་འགྲོ་འོང་གནས་

[Full Size]

གསུམ་རྡོ་རྗེའི་བཟླས་པ་ཡི་གེ་ཨར་འདུས་པ་ནས་ཨཱ་གསལ་ལ་རྟོག་མེད་བདེ་བ་ཆེན་པོའི་རང་བཞིན་ལ་སེམས་རྩེ་གཅིག་ཏུ་གནས་པར་བྱའོ། །རྡོ་རྗེའི་བཟླས་པའོ། །དེ་ནས་གཙོ་བོའི་ཐུགས་ཀར་པད་ཉིའི་སྟེང་དུ་ཧཱུྃ་ལས་ཡི་གེ་བདུན་པས་བསྐོར་བའོ། །ཡུམ་གྱི་ཐུགས་ཀར་པད་ཉིའི་སྟེང་དུ་བྃ་ལས་བཻ་རོ་ཙ་ནས་བསྐོར་བར་བསམ། དེ་ལྟར་ས་བོན་དང་ཡི་གེ་མི་འཁོར་བ་ལ་གསལ་བར་བལྟས་ནས། ཡིད་ཀྱིས་བཟླས་པ་བྱས་པའི་རྐྱེན་གྱིས་ཡིག་འབྲུ་ལས་འོད་བྱུང་ནས་ཁོང་པའི་ནང་ཁེངས་པས་སྡིག་སྒྲིབ་ཐམས་ཅད་སངས་ཀྱིས་དག་པར་བསམ། བསམ་གཏན་གྱིས་བཟླས་པའོ། །དེ་ནས་རང་ཉིད་ཡུམ་གྱི་ཐུགས་ཀའི་ས་བོན་ལ་སྙིང་པོ་དང་ཉེ་བའི་སྙིང་པོས་བསྐོར་བ་ལ་དམིགས་ནས། བཟླས་པ་བྱས་པས། ཡབ་ཀྱི་ཐུགས་

[Full Size]

ཀའི་སྔགས་རྣམས་དབུ་མར་བརྒྱུད། རྡོ་རྗེ་ནས་ཡུམ་གྱི་པདྨ་དབུ་མ་ནས་ཡར་སོང་། ཡུམ་གྱི་ཐུགས་ཀའི་སྔགས་དང་བཅས་ཏེ་ཞལ་ནས་གསང་གནས་སུ་འཁོར་བར་བསམ་མོ། །དེ་ལྟར་སྔགས་འཁོར་བ་དང་དེའི་འོད་ཟེར་རྣམས་བདེ་བའི་རང་བཞིན་དུ་བསམ་ལ་བཟླས་པ་བྱའོ། །ཨོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧཱུྃ་ཧཱུྃ་ཕཊ། །ཌཱ་ཀི་ནི་ཛྭ་ལ་སཾ་བ་ར་སྭཱ་ཧཱ། །སྙིང་པོའོ། །ཨོཾ་ཧྲཱི་ཧ་ཧ་ཧཱུྃ་ཧཱུྃ་ཕཊ། །ཉེ་སྙིང་ངོ་། །ཨོཾ་བཛྲ་བཻ་རོ་ཙ་ན་ཡཻ་ཧཱུྃ་ཧཱུྃ་ཕཊ་སྭཱ་ཧཱ། །སྙིང་པོའོ། །ཨོཾ་སརྦ་བུདྷ་ཌཱ་ཀི་ནི་ཡཻ། བཛྲ་ཝརྞ་ནི་ཡེ་ཧཱུྃ་ཧཱུྃ་ཕཊ་སྭཱ་ཧཱ། །ཉེ་སྙིང་ངོ། །ཨོཾ་ཌཱ་ཀི་ནི་ཡེ་ཧཱུྃ་ཧཱུྃ་ཕཊ། །ཨོཾ་ལ་མ་ཡཻ་ཧཱུྃ་ཧཱུྃ་ཕཊ། །ཨོཾ་ཁཎྜ་རོ་ཧི་ཧཱུྃ་ཧཱུྃ་ཕཊ། །ཨོཾ་རཱུ་པ་ནི་ཡེ་ཧཱུྃ་ཧཱུྃ་ཕཊ། །ལྷ་མོ་བཞིའོ། །ཕྲེང་བའི་བཟླས་པའོ། །དེ་ནས་ཐུན་མཚམས་སུ་གཏོར་མ་གཏང་བར་འདོད་པས། སུམ་བྷ་ནིས་བསང་། སྭཱ་བྷཱ་ཝས་སྟོང་པར་

[Full Size]

སྦྱངས། སྟོང་པའི་ངང་ལས་ཡྃ་ལས་རླུང་གི་དཀྱིལ་འཁོར། རཾ་ལས་མེའི་དཀྱིལ་འཁོར། ཀཾ་ལས་མི་མགོ །ཨཱ་ལས་ཐོད་པའི་ནང་དུ་པདྨ་འདབ་མ་བརྒྱད་པའི་དབུས་དང་ཕྱོགས་བཞིར། གོ་ཀུ་ད་ཧ་ན་སྟེ་ཤ་ལྔ་རི་རབ་ཙམ་མོ། །དབུས་དང་ཕྱོགས་བཞིར། བི་མུ་ཤུ་མ་ར་སྟེ་བདུད་རྩི་ལྔའི་རྒྱ་མཚོའོ། །ཨོཾ་ཧཱུྃ་ཏྲཱཾཿཧྲཱི་ཨཱ་སྟེ་རིགས་ལྔའི་ས་བོན་ལྔའོ། །དེའི་སྟེང་དུ་ཟླ་བའི་ཡི་གེ་གསུམ་དང་བཅས་པ་དང་། དེའི་སྟེང་དུ་ཧཱུྃ་ལས་བྱུང་བའི་ཁ་ཊཱཾྭ་ག་དཀར་པོ་མགོ་བོ་ཐུར་དུ་བལྟ་བ་བདུད་རྩིའི་རང་བཞིན་ཧཱུྃ་གིས་མཚན་པར་བལྟའོ། །དེ་ནས་ཡྃ་ལས་རླུང་གཡོས། རྃ་ལས་མེ་འབར་ཏེ། རྫས་རྣམས་ཁོལ་བ་དང་། ཡི་གེ་གསུམ་བརྗོད་པ་དང་། ཧཱུྃ་གིས་སྦྱངས། ཨཱཿས་དག་པར་བྱས། ཨོཾ་གྱིས་སྤེལ་ནས། ཁ་ཊཱཾྭ་ག་

[Full Size]

ཧཱུྃ་གི་འོད་ཟེར་གྱིས་ཡེ་ཤེས་བདུད་རྩི་བཀུག་ནས། ཁ་ཊཱཾྭ་ག་ལ་ཐིམ་པ་དང་། དེ་ཉིད་ཀྱིས་དཀྲུགས་པས། ཟླ་བ་དང་བཅས་པ་ཞུ་ནས་གཉིས་སུ་མེད་པར་བསམ་མོ། །དེ་ནས་མདུན་དུ་དམ་ཚིག་གི་ཙཀྲ་དང་། འགྲོ་དྲུག་གི་སེམས་ཅན་ཐམས་ཅད་དཔའ་བོ་དང་། དཔའ་མོར་བསྐྱེད་ནས། རྐང་པ་གཡས་པས་གཡོན་པའི་མཐེ་བོང་མནན་ཏེ། འབར་བའི་ཕྱག་རྒྱ་ཕཻཾ་གྱི་སྒྲ་དང་། ཧཱུྃ་འོད་ཟེར་དང་ལྡན་པས། ངག་ཏུ། ཨོཾ་བཛྲ་ཨ་ར་ལི་ཧོ། ཛཿཧཱུྃ་བྃ་ཧོཿ བཛྲ་ཌཱ་ཀི་ནི་ས་མ་ཡ་སྟྃྭ། ཏྲི་ཤ་ཧོཿ ཡེ་ཤེས་པ་བསྟིམ་ལ་མཆོད་དོ། །དེ་ནས་ལྷ་ཚོགས་རྡོ་རྗེའི་སྦུ་གུ་ཅན་རྣམས་ཀྱིས་གསོལ་བར་བསམ་ནས། ཨོཾ་བཛྲ་ཌཱ་ཀི་ནི་ཨེ་དཾ་བྷ་ལིང་གྲྀཧྣ་གྲྀཧྣ་ཧཱུྃ་ཧཱུྃ་ཕཊ། ཨོཾ་ཧྲཱི་ཧ་ཧ་ཧཱུྃ་ཧཱུྃ་ཕཊ། ཨོཾ་བཛྲ་བཻ་རོ་ཙ་ནི་ཡེ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་ཌཱ་ཀི་ནི་ཡེ་ཧཱུྃ་ཧཱུྃ་ཕཊ། ཨོཾ་ལཱ་མ་ཡེ་ཧཱུྃ་ཧཱུྃ་ཕཊ། །ཨོཾ་

[Full Size]

ཁཎྜ་རོ་ཧི་ནི་ཡེ་ཧཱུྃ་ཧཱུྃ་ཕཊ། །ཨོཾ་རཱུ་པ་ནི་ཡེ་ཧཱུྃ་ཧཱུྃ་ཕཊ། །ཨི་དཾ་བྷ་ལིང་ཏ་ཁ་ཁ་ཁཱ་ཧི་ཁཱ་ཧི། ཞེས་ལན་གསུམ་མམ་ལྔས་དབུལ་ལོ། །དེ་ནས་དུར་ཁྲོད་ན་གནས་པ་དང་། །འབྱུང་པོའི་ཚོགས་ཐམས་ཅད་འབུལ་ཏེ། ཨོཾ་ཁ་ཁ་ཁཱ་ཧི་ཟོ་ཅིག་ཁཱ་ཧི། ཟོ་ཅིག། སརྦ། ཐམས་ཅད་ཡཀྵ། གནོད་སྦྱིན་རཀྵ། སྲིན་པོ་བྷུ་ཏ། འབྱུང་པོ། པྲེ་ཏ། ཡི་དྭགས། བི་ཤཉྩ། ཤ་ཟ་ཨུད་མ་ཏ། སྨྱོ་བྱེད་ཨ་པ་སྨ་ར། བརྗེད་བྱེད་ཌཱ་ཀ་ཌཱ་ཀི་མཁའ་འགྲོ་མ་ལ་སོགས་པ། ནྱ་དྷ་ཡ། ཨི་མཾ་བདེ་ལེགས་ཐམས་ཅད། བྷ་ལིཾ། ཟོ་ཟོ་གྲིཧྣ་ཏུ། བཞེས་སུ་གསོལ། ས་མ་ཡ་དམ་ཚིག་བསྲུང་དུ་གསོལ། རཀྵནྟུ། མ་མ་སརྦ་སིདྷི། དངོས་གྲུབ་བདག་ལ་སྩོལ་དུ་གསོལ། མེ་པྲ་ཡཙྪན་དུ། ཡ་ཐེ་བཾ། ཅི་ལྟ་བ་བཞིན་དུ། ཡ་ཐེཥྚན། ཅི་ལྟར་འདོད་པ་པུཉྩ་ཐཱ། གསོལ་ཅིག །པི་པཱ་ཐཱ། འཐུངས་ཤིག །

[Full Size]

ཛཱི་ག་ཐཱ། དགོངས་ཤིག །མ་ཏི་ཀྲ་མ་ཐཱ། མ་འདའ་བར། མ་མ་སརྦ་བདག་གི་དགོས་འདོད་ཐམས་ཅད། ཀར་ཏ་ཡ་སད་སུ་ཁཾ། བི་ཤུདྷ་ཡེ་རྣམ་པར་དག་པའི། སྭཱ་ཧཱ། ཡི་ཀ་བྷ་གྲོགས་མཛད་དུ་གསོལ། ཝན་ཏུ་ཧཱུྃ་ཧཱུྃ་ཕཊ་སྭཱ་ཧཱ། ཅེས་ལན་གསུམ་ཕུལ་བས་མཉེས་པར་བསམ་མོ། །བཅོམ་ལྡན་མགོན་པོ་དཔའ་བོ་དབང་ཕྱུག་ནི། །བསྐལ་པའི་མེ་དཔུང་ལྟ་བུ་རབ་ཏུ་འབར། །རལ་པའི་ཅོད་པན་དབུ་ཡི་རྒྱན་དུ་བྱས། །མཆེ་བ་རབ་གཙིགས་དྲག་ཤུལ་འཇིགས་པའི་ཞལ། །སྐུ་ལ་གཟི་བརྗིད་སྤྱན་སྟོང་ལྡན་པ་པོ། །དགྲ་སྟྭ་ཞགས་པ་ཁ་ཊཱཾྭ་མདུང་བསྣམས་ཤིང་། །རབ་འཇིགས་སྟག་གི་པགས་པ་སྐུ་ལ་གསོལ། །སྐུ་ཆེན་དུང་ཀས་བགེགས་འདུལ་མཛད་ལ་འདུད། །བཅོམ་ལྡན་རྣམ་ཀུན་རྡོ་རྗེ་ཕག་མོ་ནི། །འཇིག་རྟེན་གསུམ་སོགས་ཕྱོགས་

[Full Size]

གཞན་རྒོལ་བས་མི་ཐུབ་ཅིང་། །འབྱུང་པོའི་འཇིགས་པ་མ་ལུས་རྡོ་རྗེ་ཆེན་མོས་འཇོམས། །རྡོ་རྗེ་གདན་བཞུགས་ཚངས་སོགས་དབང་བྱེད་ལས་རྒྱལ་ཞིང་། །རྡོ་རྗེ་ཕག་མོ་ཁྲོ་མོའི་གཟུགས་ཅན་དྲག་སྙོམས་མ། །རྨུགས་བྱེད་རེངས་བྱེད་རྨོངས་བྱེད་ལས་འདི་རྣམ་རྒྱལ་ཞིང་། །བདུད་ཀྱི་འཇིགས་པ་ལ་སོགས་སྐེམས་ཤིང་ཕམ་པར་མཛད་པ་མོ། །རྣལ་འབྱོར་ཆེན་མོ་འདོད་པའི་དབང་ཕྱུག་མ་ལ་འདུད། །ཅེས་པས་བསྟོད་དོ། །བཅོམ་ལྡན་བདེ་མཆོག་འཁོར་དང་བཅས། །ཁྱོད་ལ་མཆོད་ཅིང་བསྟོད་པ་འདིས། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང་། །དཔལ་དང་གྲགས་དང་སྐལ་བ་བཟང་། །ལོངས་སྤྱོད་རྒྱ་ཆེ་ཀུན་ཐོབ་ཅིང་། །ཞི་དང་རྒྱས་ལ་སོགས་པ་ཡི། །ལས་ཀྱི་

[Full Size]

དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་བསྲུང་། །དངོས་གྲུབ་ཅན་གྱིས་སྟོང་གྲོགས་མཛོད། །དུས་མིན་འཆི་དང་ནད་རྣམས་དང་། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང་། །འབྲུ་དང་ཆོས་རྣམས་འཕེལ་བར་ཤོག །བདེ་ལེགས་ཐམས་ཅད་འབྱུང་བ་དང་། །ཡིད་ལ་འདོད་པ་ཀུན་འགྲུབ་ཤོག །ཅེས་པས་འཕྲིན་ལས་གཞོལ་ལོ། །གང་ཡང་བདག་བློ་གཏི་མུག་པས། །ལེགས་བྱས་འདི་ལ་ཉམས་གྱུར་གང་། །གང་ཕྱིར་ལུས་ཅན་སྐྱབས་གྱུར་པ། །དེ་ཀུན་མགོན་ཁྱེད་བཟོད་པར་གསོལ། །ཅེས་པས་བཟོད་པར་གསོལ། །ཨོཾ། ཁྱེད་ཀྱིས་སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་

[Full Size]

དུ་གཤེགས་ནས་ཀྱང་། །སླར་ཡང་འབྱོན་པར་མཛད་དུ་གསོལ། །ཨོཾ་བཛྲ་མུཾཿ ཅེས་པས་གཤེགས་སུ་གསོལ། །དགེ་བའི་ཚོགས་རྣམས་བསགས་པ་ཀུན། །བདག་གི་ཡོངས་སུ་བཟུང་མེད་པར། །སེམས་ཅན་མ་ལུས་ཀུན་དོན་དུ། །ཆོས་དབྱིངས་བླ་ན་མེད་པར་བསྔོ། །ཅེས་པས་བསྔོ་བ་བྱའོ། །ལེགས་པའི་ཡོན་ཏན་རབ་རྫོགས་པ། །བླ་མ་ཡི་དམ་བཀྲ་ཤིས་ཤོག །འཕྲིན་ལས་ཐམས་ཅད་བསྒྲུབ་མཛད་པའི། །ཆོས་སྐྱོང་རྣམས་ཀྱི་བཀྲ་ཤིས་ཤོག །ཅེས་པས་བཀྲ་ཤིས་བརྗོད་དོ། །མངོན་རྟོགས་མུ་ཏིག་ཕྲེང་བ་འདི། །བློ་དམན་བདེ་བླག་རྟོགས་བྱའི་ཕྱིར། །བླ་མའི་གསུང་བཞིན་གནང་བར་ཞུས། །བློ་ལ་འཛིན་རྒྱུ་གུད་དུ་བཀོད། །བཤད་པ་གོང་མའི་མངོན་རྟོགས་ལྟ། །དགེ་བས་འགྲོ་དོན་འབྱུང་བར་ཤོག །ལྷ་ལྔའི་མངོན་པར་རྟོགས་པ། སྔགས་

[Full Size]

འཆང་རྒྱལ་མཚན་འབུམ་གྱིས་ཡི་གེར་བཀོད་པའོ། །རྫོགས་སོ། །འདི་བྲིས་དགེ་བ་དྲི་མེད་དཀར་བ་དེས། །ནམ་མཁའི་མཐའ་ཁྱབ་གྱུར་པའི་སེམས་ཅན་རྣམས། །འཁོར་ལོ་སྡོམ་པའི་གོ་འཕང་མྱུར་ཐོབ་ཤོག །

དཔལ་འཁོར་ལོ་སྡོམ་པའི་ཏིང་འཛིན་གྱི་དབང་བསྐུར། ནི་གུ་མ།

[Full Size]

དཔལ་འཁོར་ལོ་སྡོམ་པའི་ཏིང་འཛིན་གྱི་དབང་བསྐུར་བཞུགས་པ་དགེ་ལེགས་འཕེལ། །

[Full Size]

རྒྱ་གར་སྐད་དུ། ཤྲཱི་ཙཀྲ་སཾ་བྷ་ར་མཎྜལ་བི་དྷི་ནཱ་མ། བོད་སྐད་དུ། དཔལ་འཁོར་ལོ་སྡོམ་པའི་དཀྱིལ་འཁོར་གྱི་ག་ཆོ་ག་ཞེས་བྱ་བ། དཔལ་འཁོར་ལོ་སྡོམ་པ་ལ་ཕྱག་འཚལ་ལོ། །གང་ཞིག་ཏིང་ངེ་འཛིན་གྱི་དབང་བསྐུར་བར་འདོད་པས། ཐོག་མ་ཁོ་ནར་ཡིད་འཇུག་པའི་གནས་བསྟར་བ་ལེགས་པར་བྱའོ། ཡོལ་བ་དང་བླ་བྲེ་བཀྲམ་པར། དེར་བཅོམ་ལྡན་འདས་བདེ་མཆོག་གི་བྲི། ལ་ཕྱག་དར་བྱ་

[Full Size]

སྐུ་ལ་སོགས་པ་ལེགས་པར་བཀྲམ་མོ། །དེ་ནས་གཞི་ལ་སོགས་པའི་རྣམ་ལྔ་དང་དྲི་ཆང་ལ་དང་བླུག་མ་སོགས་པས་ལེགས་པར་བྱུག་གོ །དེ་ལ་ལྷ་དྲུག་ཅུ་རྩ་གཉིས་ཀྱི་མཎྜལ་བཟང་དང་། དང་བདུད་རྩི་ལྔ་ལམ། ལྷ་བཅུ་གསུམ་མམ། ལྷ་ལྔའི་མཎྜལ་བྱས་ཏེ། དེ་ཡང་པདྨ་འདབ་བཞི་ཕྱོགས་ཚོན། ཤར་མཐིང་ག །བྱང་ལྗང་གུ། ནུབ་དམར། ལྷོ་སེར་པོ། རྟེན་ལྟེ་བ་དང་ལྔ་ལ་མེ་

[Full Size]

ཏོག་གི་ཚོམ་བུ་བཀོད། །དེ་ལ་ལྷ་ལྔ་བསྐྱེད། མཆོད་པ་ལྔ་དང་གཏོར་མ་རྒྱ་ཆེན་པོ་བཤམ་མོ། །དེ་ནས་སློབ་མ་མཚན་ཉིད་དང་ལྡན་པ། ལྟེ་བར་ཧཱུྃ་གྲལ་ལ་འཁོད་དུ་གཞུག་གོ །ཉམས་པ་ལྔ་ལ་སོགས་ཡིན་ན་ཧེ་རུ་ཀའི་ཡི་གེ་བརྒྱ་པའམ། རྡོ་རྗེ་སེམས་དཔའི་ཡི་གེ་བརྒྱ་པ་གང་རུང་བཟླས་པ་བྱེད་དུ་གཞུག །དེ་ལ་འཆི་བ་མི་རྟག་པ་ནས་སྨོན་འཇུག་གི་སེམས་གཉིས་བསྐྱེད། བསླབ་བྱ་དང་བཅས་པ་དང་དཀྱིལ་འཁོར་དུ་གཞུག་པ་ལ་སོགས་དལ་འབྱོར་རྙེད་པར་དང་། སྐྱབས་འགྲོ་ཐུན་མོང་དང་ཁྱད་པར་ཅན་ཡིན་ནོ། གནང་བ་སྦྱིན་པ། རྟོག་པ་བསྡུ་བ། ལམ་ཡན་ལག་ལྔ། གསང་སྔགས་འབྱུང་བར་དཀོན་པ། དམ་ཚིག་གསུམ་སྦྱིན། པ་བྱའོ། །དེ་ནས་རང་ཉིད་བསྐྱེད་པའི་རིམ་པའི་རྣལ་འབྱོར་དུ་ཞུགས་ཏེ། སྒྲུབ་པ་པོ་རང་གི་ཐུགས་ཀར་པྃ་ལས་པདྨ། རཾ་ལས་ཉི་མའི་དཀྱིལ་འཁོར་གྱི་སྟེང་དུ་ཧཱུྃ་

[Full Size]

སྔོན་པོ་ཅིག་བསམ། དེ་ལ་ཡི་གེ་བདུན་པས་བསྐོར་བར་བསམ་ཞིང་བསྙེན་པ་ཅི་རིགས་ཤིག་བསྐྱལ་བར་བྱའོ། །དེ་ནས་མཎྜལ་གྱི་དབུས་ཀྱི་ཧཱུྃ་ལས་འོད་འཕྲོས་ཏེ། ཁམས་གསུམ་གྱི་སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས་ནས་འོད་ཟེར་ཚུར་འདུས་ཧཱུྃ་ལ་ཐིམ་པ་ལས། དྲུག་ཅུ་རྩ་གཉིས་སམ། བཅུ་གསུམ་མམ། ལྷ་ལྔའི་དཀྱིལ་འཁོར་དུ་བསྐྱེད་དོ། །དེ་ལས་ཡེ་ཤེས་སེམས་དཔའ་ལ་སོགས་པ་གཞུང་བཞིན་བྱའོ། །དེ་ནས། ཨོཾ་ཧྲཱི་ཧ་ཧ་ཧཱུྃ་ཧཱུྃ་ཕཊ། །ཅེས་པའི་སྔགས་ཀྱིས་མཆོད་པ་རྣམ་ལྔ་འབུལ་ལོ། །དེ་ནས་ཆང་བྱིན་གྱི་རློབས་པ་ནི། ཀ་པཱ་ལའི་ནང་དུ་བདེ་མཆོག་ཡབ་ཡུམ་ལྷན་སྐྱེས་ཀྱི་ཚུལ་ཕྱི་ཡི་དང་སྐུ་གསུང་ཐུགས་བྱིན་གྱིས་རླབས། དབང་བསྐུར། རྒྱས་གདབ། ནང་གི་མཆོད་པ་བཟེད་ཞལ་དུ་འབུལ། གསང་མཆོད་ཕུལ་ནས་བསྟོད་པ་བྱའོ། །དུ་སྐད་ཅིག་གིས་བསྐྱེད་ལ། སྔགས་བཟླས་པས་ཡབ་ཡུམ་གྱི་

[Full Size]

སྦྱོར་མཚམས་ནས་ཐིག་ལེ་བྱང་ཆུབ་ཀྱི་སེམས་བདུད་རྩིའི་རང་བཞིན་དུ་བབས་པས་ཐོད་པའི་ཆང་བདུད་རྩིར་གྱུར། དེ་ནས་ཡབ་ཡུམ་གཉིས་ཀྱང་བདེ་བའི་ངོ་བོར་ཞུ་ནས་ཐོད་པ་ལྟེམ་གྱི་ཁེངས་པར་བསམ་མོ། །དེ་ནས་ཚོགས་ཀྱི་ཡོ་བྱད་དང་། མཆོད་རྫས་ཐམས་ཅད་ལ་གཏོར་བས་ཐམས་ཅད་བདུད་རྩིར་བྱིན་གྱིས་རླབས་པར་ཡེ་ཤེས་ཀྱི་བདུད་རྩི་དཀར་དམར་གྱིས་བྱའོ། །དེ་ནས་སློབ་མའི་སྤྱི་བོར་པམ་ལས་པདྨ། རཾ་ལས་ཉི་མའི་དཀྱིལ་འཁོར་གྱི་སྟེང་དུ་ཧཱུྃ་བསམ། མགྲིན་པར་པཾ་ལས་པདྨ་དམར་པོ་འདབ་མ་བཞི་པའི་དཀྱིལ་འཁོར་དུ་ཨཱཿདམར་པོ་འཇིགས་བྱེད་དང་དུས་མཚན་འབུར་སྐྱེས་ཅིག །སྙིང་གར་ཡང་པད་ཉིའི་སྟེང་དུ་ཧཱུྃ་ཅིག་བསམ། དང་འཇིགས་བྱེད་དུས་མཚན་གྱི་ལྟེ་བར་ཆོས་འབྱུང་གི་ནང་དུ་བཾ་དམར་པོ་ཅིག་བསམ་དུ་གཞུག་གོ །དམར་བའི་

[Full Size]

དེ་ལས་སྤྱི་བོའི་ཧཱུྃ་ལས་འོད་ཟེར་འཕྲོས་པས་ཁམས་གསུམ་གྱི་སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས་ནས་བཅོམ་ལྡན་འདས་འཁོར་ལོ་བདེ་མཆོག་གི་གོ་འཕང་ལ་བཀོད། འོད་ཟེར་ཚུར་འདུས་ནས་ཧཱུྃ་ལ་ཐིམ། ཧཱུྃ་ཡོངས་སུ་འགྱུར་པ་ལས་ཧེ་རུ་ཀ་བླ་མ་དང་གཉིས་སུ་ཌཱ་ཀི་མས་བཞིས་བསྐོར་བ། མེད་པའི་རང་བཞིན་རྒྱན་ཆ་ལུགས་དང་ལྡན་པ་ཡབ་ཡུམ་གྱི་རྣམ་པ་ཅན་དུ་བསྒོམ་མོ། །དེའི་ཐུགས་ཀའི་ས་བོན་གྱི་ཡི་གེ་ཧཱུྃ་ལས་འོད་ཟེར་བྱུང་བས་རང་གི་སྤྱི་བོ་བདེ་བ་ཆེན་པོ་འོད་ཀྱིས་ཁྱབ་པས་ལུས་ཀྱི་སྡིག་སྒྲིབ་དག་པར་བསམ་མོ། དེ་ནས་ལྷ་མོ་བཞིས་བསྐོར་བ་བྱེད་མགྲིན་པ་ལོངས་སྤྱོད་ཀྱི་འཁོར་ལོ་འོད་ཀྱིས་ཁྱབ་པས། བུམ་པའི་དབང་ངོ་། ངག་གི་སྡིག་སྒྲིབ་དག་པར་བསམ། གསང་དབང་ཐོབ་དེ་ནས་སྙིང་ག་ཆོས་ཀྱི་འཁོར་ལོ་འོད་ཀྱིས་ཁྱབ། ཡིད་ཀྱི་སྡིག་སྒྲིབ་དག་

[Full Size]

པར་བསམ། དེ་ནས་ལྟེ་བ་སྤྲུལ་པའི་འཁོར་ལོ་འོད་ཀྱིས་ཁྱབ་ལུས་ངག་ཡིད་གསུམ་གྱི་སྡིག་སྒྲིབ་དག་པར་བསམ། དེ་ནས་སྙིང་གའི་ཧཱུྃ་ཤེས་རབ་ཡེ་ཤེས་ཀྱི་དབང་ཐོབ་ཡོངས་སུ་འགྱུར་པ་ལས་བཅོམ་ལྡན་འདས་བདེ་མཆོག་ལྷ་ལྔའི་དཀྱིལ་དབང་བཞི་པ་ཐོབ་འཁོར་རོ། །དེ་ཡང་རྩ་བའི་མཁའ་འགྲོ་མ་བཞིས་གཙོ་བོ་ལ་བསྐོར་བ་བྱེད་པ་ལ་ཤེས་པ་གཏད་དོ། །དེའི་ཐུགས་ཀ་ནས་འོད་ཟེར་བྱུང་བས་ཆོས་འབྱུང་ནང་གི་པཾ་ལ་ཕོག་པ་དང་། པཾ་ཡོངས་སུ་གྱུར་པ་ལས་རྗེ་བཙུན་མ་ཞལ་གཅིག་ཕྱག་གཉིས་མ། གཡས་ན་ཅང་ཏེའུ་སྒྲ་དང་བཅས་པ་བསྣམས་པ། གཡོན་ན་ཐོད་པ་བསྣམས་པ། སྐུ་མདོག་དམར་མོ་རུས་པའི་རྒྱན་ཆ་ཅན་ཁྲོ་བ་འཛུམ་པ་སྒེག་པ་གར་བྱེད་པ་དེ་ལ་ཤེས་པ་གཏད་དོ། །དེ་ནས་སྤྱི་བོའི་བླ་མ་འོད་ཞུ་ནས་སྙིང་གའི་བཅོམ་ལྡན་འདས་ལྔས་བརྒྱན་པ།

[Full Size]

ལ་ཐིམ། བཅོམ་ལྡན་འདས་འོད་དུ་ཞུ་ལྟེ་བའི་རྣལ་འབྱོར་ལ་རྣལ་འབྱོར་མའི་སྣ་བུག་གཡས་ནས་ཨཱ་ལི་བྱུང་། གཡོན་པ་ཀཱ་ལི་བྱུང་། སྨིན་མཚམས་སུ་གཡུང་དྲུང་དམར་པོ་གཅིག་ཏུ་གྱུར་ནས་འཁོར་བར་བསམ་མོ། །དེ་ནས་རྣལ་འབྱོར་མ་འོད་དུ་ཞུ་ནས་རང་ལ་ཐིམ། རང་གི་ཕུང་པོ་ཡང་འོད་ཕུང་ལྟ་བུ་ལ་སྟོང་སངས་ཀྱིས་སོང་ནས་དྲག་ཏུ་ཆོས་ཐམས་ཅད་ཀྱི་གནས་ལུགས་སྤྲིན་མེད་པའི་ནམ་མཁའ་ལྟ་བུ་ལ་དར་ཅིག་བསྒོམ་དུ་གཞུག་གོ །དེ་ལྟར་སྤྱི་བོའི་བླ་མ་ལ་སེམས་གཏད་ནས་བསྒོམ་པས་དྲོད་སྐྱེའོ། །དེ་བུམ་པའི་དབང་གི་ངོ་སྤྲོད་དོ། །དགའ་བའི་དབང་དུ་བྱས་ན་ཉམས་སུ་མྱོང་བའི་དགའ་བའོ། །སྙིང་གའི་ལྷ་ཚོགས་ལ་ཤེས་པ་གཏད་པའི་དུས་སུ་ལུས་སེམས་ལ་བདེ་བ་སྐྱེས་པ་དེ། གསང་བའི་དབང་གི་ངོ་སྤྲོད་དོ། །དགའ་བའི་དབང་དུ་བྱས་ན་མཆོག་དགའོ། །

[Full Size]

ཆོས་འབྱུང་གི་རྣལ་འབྱོར་མ་ལ་ཤེས་པ་གཏད་པའི་དུས་སུ། ལུས་སེམས་ལ་མི་རྟོག་སྐྱེ། དེ་ཤེས་རབ་ཡེ་ཤེས་ཀྱི་དབང་གི་ངོ་སྤྲོད་དོ། །དགའ་བའི་དབང་དུ་བྱས་ན་དགའ་བྲལ་གྱི་དགའ་བའོ། །དབང་གསུམ་པོ་ངོ་བོ་གཅིག་ཏུ་འདུག་པ་དེ་དབང་བཞི་པའི་ངོ་སྤྲོད་དོ། །དགའ་བའི་དབང་དུ་བྱས་ན་ལྷན་ཅིག་སྐྱེས་པའི་དགའ་བའོ། །དེ་ནས་ཆོས་སྐུ་ལ་ལོངས་སྐུའི་ཚུལ་གྱི་སྒྱུ་མ་ལྟ་བུའི་ལྷ་སྐུ་སྣང་ལ་ཞེན་པ་མེད་པ་མེ་ལོང་ནང་གི་གཟུགས་བརྙན་ལྟ་བུར་བསྒོམ་དུ་གཞུག །དེ་ལ་མཆོད་པ་ལྔ་ཚན་ཅིག་ཏུ་འབུལ་དུ་གཞུག་གོ །སྐྱེ་མེད་འགག་མེད་མཎྜལ་གྱི་སྟེང་རང་བཞིན་མེད་པ་སྣང་སྟོང་ཙམ་དུ་ཡང་། གསལ་འཛིན་མེད་པ། ལྗང་བའི་ཚུལ་གྱིས། སློབ་མ། གི་ཡེ་ཤེས་སེམས་དཔའ་གཤེགས་དམ་ཚིག་པ་སློབ་མའི་སྙིང་ཁར་བསྡུའོ། །དེས་ནི་དབང་བཞི་པ་ཐོབ། སྡིག་པ་ཐམས་ཅད་མྱུར་དུ་ཟད་ནས་དཔལ་བདེ་བ་ནས་ཉམས་གསོས་

[Full Size]

ཆེན་པོ[འཁོར་དང་བཅས་པ། ]འི་སྐུ་མངོན་སུམ་དུ་མཐོང་བར་འགྱུར་རོ། །ལྷན་ཅིག་[སྣང་སྟོང་ བདེ་སྟོང་ དབྱེར་མེད་ཀྱི་སེམས་ཉིད། ]སྐྱེས་པའི་ཡེ་ཤེས་རྒྱུད་ལ་སྐྱེས་ནས་ཚེ་འདི་ཉིད་དུ་བཅུ་བཞི་བདེ་བ་ཆེན་པོའི་ས་ཐོབ་པར་འགྱུར་རོ། །དེ་ནས་གཏོར་མ་བཏང་། ཚོགས་ལ་ལོངས་སྤྱད། ཡི་གེ་བརྒྱ་པ་བཟླས[བཟོད་པར་གསོལ། སྨོན་ལམ་གདབ། ཕྱི་མ། ]། བསྔོ་བ་བྱའོ། །བདེ་མཆོག་ལྷ་ལྔའི་ཏིང་ངེ་འཛིན་གྱི་དབང་བསྐུར་བའི་ཆོ་ག་ཡེ་ཤེས་ཀྱི་མཁའ་འགྲོ་མ་ནི་གུ་མས། སྡོམ་པ་རྒྱ་མཚོའི་རྒྱུད་ནས་ཕྱུངས་བའོ། །བདག་ཁྱུང་པོ་རྣལ་འབྱོར་པས་མཁའ་འགྲོ་མ་[གསེར་སྲང་ལྔ་བརྒྱ་ཕུལ་ནས་]དེ་ཉིད་མཉེས་པར་བྱས་ནས་ཞུས་ཏེ། ལོཙྪ་བ་གླན་དར་མ་བློ་གྲོས་ཀྱིས་བསྒྱུར་བའོ། །མངྒ་ལཾ། །

བདེ་མཆོག་ལྷ་ལྔའི་དབང་བཞིའི་འགྲིགས།

[Full Size]

བདེ་མཆོག་ལྷ་ལྔའི་དབང་བཞིའི་འགྲིགས་བཞུགས་སོ། །

[Full Size]

བླ་མ་ཡི་དམ་དབྱེར་མེད་ལ། །གུས་བཏུད་ཏིང་འཛིན་དབང་བསྐུར་བྲི། །གང་ཞིག་དཔལ་འཁོར་ལོ་སྡོམ་པའི་དབང་བསྐུར་བར་འདོད་པས། །ཡིད་དང་མཐུན་པའི་གནས་བསྟར་བ་ལེགས་པར་བྱས་པའི་མཎྜལ་གྱི་ས་གཞི་ལ། བ་ཡི་རྣམ་ལྔ་དང་། དྲི་བཟང་དང་། བདུད་རྩིས་བྱུགས་ལ། པདྨ་འདབ་བཞི་ཕྱོགས་ཚོན། ལྟེ་བ་དང་ལྔ་ལ་མེ་ཏོག་གི་ཚོམ་བུ་བཀོད། ཆུ་

[Full Size]

གསུམ་དང་། མཆོད་པ་ལྔ་དང་། ནང་མཆོད་དང་། གཏོར་མ་ལྔ་བཤམ་མོ། དེ་ནས་རང་ཉིད་ལྷའི་མངོན་རྟོགས་བསྒོམ་ཞིང་བཟླས་པ་བྱ། མཆོད་པ་བསང་སྦྱངས་བྱིན་གྱིས་བརླབས་སོ། །དེ་ནས་མཎྜལ་གཞལ་ཡས་ཁང་གྲུ་བཞི་སྒོ་བཞིར་བསམ་པའི་དབུས་སུ། པདྨ་འདབ་བཞིའི་ལྟེ་བར་ཧཱུྃ་ལཾ་མཾ་པཾ་ཏཾ་ལས་འོད་ཟེར་འཕྲོས་ཏེ།

[Full Size]

ཁམས་གསུམ་གྱི་སེམས་ཅན་ཐམས་ཅད་ཀྱི་སྡིག་སྒྲིབ་སྦྱང་ནས། འོད་ཟེར་ཚུར་འདུས། ས་བོན་ལ་ཐིམ་པ་ལས། འཁོར་ལོ་བདེ་མཆོག་སྐུ་མདོག་སྔོན་པོ་ཞལ་གཅིག་ཕྱག་གཉིས་པ། རྡོ་རྗེ་དྲིལ་བུ་འཛིན་པས་ཡུམ་རྡོ་རྗེ་ཕག་མོ་ལ་འཁྱུད་པ། ཤར་དུ་མཁའ་འགྲོ་མ་མཐིང་ག །བྱང་དུ་ལཱ་མ་ལྗང་གུ། ནུབ་ཏུ་ཁཎྜ་རོ་ཧི་དམར་མོ། ལྷོར་གཟུགས་ཅན་མ་སེར་མོར་བསྐྱེད་ལ། མ་ལུས་ཅེས་པ་ནས། སྤྱན་དྲངས་ནས། བསྟོད་པའི་བར་དུ། མཆོད་ཕྲེང་ལྟར་བྱ། གཏོར་མ་འབུལ། བདག་འཇུག་བླང་ངོ་། དེ་ནས་སློབ་མ་མཚན་ཉིད་དང་ལྡན་པ་གྲལ་ལ་འཁོད་པ་ལ། བགེགས་

[Full Size]

གཏོར་བཏང་། དལ་འབྱོར་རྙེད་པར་དཀའ་བ་ནས། ཡེ་ཤེས་དབབ་པའི་བར་སྔོན་འགྲོ་ལྟར་བྱའོ། །དེ་ནས་སློབ་མའི་སྤྱི་བོར་པཾ་ལས་པདྨ། རཾ་ལས་ཉི་མའི་དཀྱིལ་འཁོར་དང་། འཇིགས་བྱེད་དང་དུས་མཚན་གྱི་སྟེང་དུ་ཧཱུྃ་མཐིང་ག །མགྲིན་པར་པཾ་ལས་པདྨ་དམར་པོ་འདབ་མ་བཞིའི་སྟེང་དུ་ཨཱཿདམར་པོ་འབུར་སྐྱེས་ཅིག་བསམ། སྙིང་གར་པད་ཉི་དང་འཇིགས་བྱེད་དུས་མཚན་གྱི་སྟེང་དུ་ཧཱུྃ་མཐིང་ག །ལྟེ་བར་ཆོས་འབྱུང་གྲུ་གསུམ་དམར་པོའི་ནང་དུ་བཾ་དམར་པོ་ཅིག་བསམ་མོ། །དེ་ནས་སྤྱི་བོའི་ཧཱུྃ་ལས་འོད་ཟེར་ཕར་འཕྲོས། ཁམས་གསུམ་གྱི་སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས་ནས། བཅོམ་ལྡན་འདས་འཁོར་ལོ་བདེ་མཆོག་གི་གོ་འཕང་ལ་བཀོད། འོད་ཟེར་ཚུར་འདུས་ཧཱུྃ་ལ་ཐིམ། ཧཱུྃ་དེ་ཡོངས་སུ་འགྱུར་

[Full Size]

པ་ལས། ཧེ་རུ་ཀ་བླ་མ་དང་གཉིས་སུ་མེད་པའི་རང་བཞིན་རྒྱན་ཆ་ལུགས་དང་ལྡན་པ་ཡབ་ཡུམ་གྱི་རྣམ་པ་ཅན་ལ། ཌཱ་ཀི་བཞི་གཡོན་སྐོར་དུ་ཀོ་རོ་རོ་བསྐོར་བ་བྱེད་པ་ལ་ཤེས་པ་གཏད་དོ། །དེ་ནས་ངོ་བོ་ནི་བླ་མ། རྣམ་པ་ནི་ཡི་དམ། སྐུའི་ངོ་བོ་ལྷ་ལྔ་ལ། རང་གི་ལུས་ལོངས་སྤྱོད་དང་། དུས་གསུམ་དུ་བསགས་པའི་དགེ་བའི་རྩ་བ་ཐམས་ཅད་དང་། ཕྱི་ནང་གསང་གསུམ་གྱིས་མཆོད་ལ། བླ་མ་རིན་པོ་ཆེས་བདག་ལ་དབང་བཞི་རྫོགས་པར་བསྐུར་དུ་གསོལ། །ཅེས་གསོལ་བ་བཏབ་པས། དེའི་ཐུགས་ཀའི་ཧཱུྃ་ལས་བདུད་རྩིའི་ཆུ་རྒྱུན་ནམ་འོད་ཟེར་དཀར་པོ་བྱུང་བས་རང་གི་སྤྱི་བོ་བདེ་ཆེན་འོད་ཀྱིས་ཁྱབ་པས་ལུས་ཀྱི་སྡིག་སྒྲིབ་དག །བུམ་པའི་དབང་ཐོབ། དེ་ནས་མགྲིན་པ་ལོངས་སྤྱོད་ཀྱི་འཁོར་ལོ་འོད་ཀྱིས་ཁྱབ་པས། ངག་གི་སྡིག་སྒྲིབ་དག །གསང་བའི་

[Full Size]

དབང་ཐོབ། དེ་ནས་ཆོས་ཀྱི་འཁོར་ལོ་འོད་ཀྱིས་ཁྱབ་པས། ཡིད་ཀྱི་སྡིག་སྒྲིབ་དག །ཤེས་རབ་ཡེ་ཤེས་ཀྱི་དབང་ཐོབ། དེ་ནས་ལྟེ་བ་སྤྲུལ་པའི་འཁོར་ལོ་འོད་ཀྱིས་ཁྱབ་པས། ལུས་ངག་ཡིད་གསུམ་གྱི་སྡིག་སྒྲིབ་དག། དབང་བཞི་པ་ཐོབ་པར་བསམ། བུམ་པའི་དབང་བཞིའོ། །དེ་ནས་སྤྱི་བོའི་ལྷ་མོ་བཞི་ཡུམ་ལ་ཐིམ། ཡུམ་ཡབ་ལ་ཐིམ། ཡབ་འོད་དུ་ཞུ་ཞིང་། སྤྱི་བོ་ཚངས་པའི་བུ་ག་ནས་མར་ཞུགས་ནས། མགྲིན་པའི་ཨཱཿལ་ཐིམ་པར་བསམ་མོ། །དེ་ནས་བླ་མ་ཡི་དམ་གྱི་གསུང་གིས་ངོ་བོ་ཨཱཿདེ་ལ་སྔ་མ་ལྟར་མཆོད་ལ། བདག་ལ་གསང་བའི་དབང་བསྐུར་དུ་གསོལ། ཅེས་གསོལ་བ་བཏབ་པས། ཨཱ་ལས་འོད་ཟེར་དཀར་ལ་དམར་བའི་མདངས་ཆགས་པ་བདེ་ཕྲི་ལི་ལི་བྱུང་ནས། མགྲིན་

[Full Size]

པ་ལོངས་སྤྱོད་ཀྱི་འཁོར་ལོ་འོད་ཀྱིས་ཁྱབ་པས་ངག་གི་སྡིག་སྒྲིབ་དག །གསང་བའི་དབང་ཐོབ་པར་བསམ་མོ། །དེ་ནས་མགྲིན་པའི་པདྨ་འོད་དུ་ཞུ་ཨཱཿལ་ཐིམ། ཨཱཿའོད་དུ་ཞུ་ཞིང་སྙིང་གའི་ཧཱུྃ་ལ་ཐིམ། ཧཱུྃ་ཡོངས་སུ་འགྱུར་པ་ལས་བཅོམ་ལྡན་འདས་བདེ་མཆོག་ལྷ་ལྔའི་དཀྱིལ་འཁོར་དུ་གྱུར་པར་བསམ། དེ་ཡང་རྩ་བའི་མཁའ་འགྲོ་མ་བཞི་གཙོ་བོ་ལ་བསྐོར་བ་བྱེད་པ་ལ་ཤེས་པ་གཏད་དོ། །དེ་ནས་བླ་མ་ཡི་དམ་གྱི་ཐུགས་ཀྱི་ངོ་བོ་ལྷ་ལྔ་ལ་སྔར་ལྟར་མཆོད་ལ། བདག་ལ་ཤེས་རབ་ཡེ་ཤེས་ཀྱི་དབང་བསྐུར་དུ་གསོལ། ཅེས་གསོལ་བ་བཏབ་པས། གཙོ་བོའི་ཐུགས་ཀ་ནས་འོད་ཟེར་སྔོན་པོ་བྱུང་ནས། སྙིང་ག་ཆོས་ཀྱི་འཁོར་ལོ་འོད་ཀྱིས་ཁྱབ་པས། ཡིད་ཀྱི་སྡིག་སྒྲིབ་དག །ཤེས་རབ་ཡེ་ཤེས་ཀྱི་དབང་ཐོབ་

[Full Size]

པར་བསམ་མོ། །དེ་ནས་སྙིང་གའི་ལྷ་མོ་བཞི་ཡུམ་ལ་ཐིམ་ཡུམ་ཡབ་ལ་ཐིམ། ཡབ་འོད་དུ་ཞུ། ལྟེ་བ་ཆོས་འབྱུང་གི་བྃ་ལ་ཐིམ། བཾ་དེ་ཡོངས་སུ་གྱུར་པ་ལས། རྗེ་བཙུན་མ་ཞལ་གཅིག་ཕྱག་གཉིས་མ་ཕྱག་གཡས་ན་ཅང་ཏེའུ་སྒྲ་དང་བཅས་པ། གཡོན་ན་ཐོད་པ་བསྣམས་པ། སྐུ་མདོག་དམར་མོ་རུས་པའི་རྒྱན་ཆ་ཅན། ཁྲོ་བ། འཛུམ་པ། སྒེག་པ། གར་བྱེད་པ་དེ་ལ་ཤེས་པ་གཏད་དོ། །དེ་ནས་བླ་མ་ཡི་དམ་གྱི་སྐུ་གསུང་ཐུགས་ཀྱི་ངོ་བོ་རྗེ་བཙུན་བླ་མ་ལ་སྔར་ལྟར་མཆོད་ལ། བླ་མ་རིན་པོ་ཆེ་བདག་ལ་དབང་བཞི་བསྐུར་དུ་གསོལ། ཅེས་གསོལ་བ་བཏབ་པས། རྣལ་འབྱོར་མའི་སྣ་བུག་གཡས་ནས་ཨཱ་ལི་བྱུང་། གཡོན་ནས་ཀཱ་ལི་བྱུང་ནས། སྨིན་མཚམས་སུ་གཡུང་དྲུང་རིས་དམར་པོ་གཅིག་ཏུ་གྱུར་ནས་དེ་དྲག་ཏུ་

[Full Size]

འཁོར་བར་བསམ་མོ། །དེ་ནས་རྣལ་འབྱོར་མ་འོད་དུ་ཞུ་ནས་རང་ལ་ཐིམ། རང་ཡང་འོད་ཀྱི་ཕུང་པོ་ལྟ་བུར་སྟོང་སངས་ཀྱིས་སངས་ནས། ཆོས་ཐམས་ཅད་ཀྱི་གནས་ལུགས་སྤྲིན་མེད་པའི་ནམ་མཁའ་ལྟ་བུར་དར་ཅིག་བསྒོམ་དུ་གཞུག་གོ །དེས་ལུས་ངག་ཡིད་གསུམ་ཐ་དད་ཀྱི་སྡིག་སྒྲིབ་དག །དབང་བཞི་པ་ཐོབ་པར་བསམ་མོ། །དེ་ནས་ཆོས་སྐུ་ལ་ལོངས་སྐུར་ལྟ་བའི་ཚུལ་གྱིས་སྒྱུ་མ་ལྟ་བུའི་སྐུ། སྣང་ལ་ཞེན་པ་མེད་པར་མེ་ལོང་ནང་གི་གཟུགས་བརྙན་ལྟ་བུར་བསྒོམ་མོ། །དེ་ལྟར་སྤྱི་བོའི་བླ་མ་ལ་སེམས་གཏད་ནས་བསྒོམ་པས་དྲོད་སྐྱེས། དགའ་བའི་དབང་དུ་བྱས་ན་ཉམས་སུ་མྱོང་བའི་དགའ་བའོ། །མགྲིན་པའི་ཨཱཿལ་ཤེས་པ་གཏད་པའི་དུས་སུ། །ལུས་སེམས་ལ་བདེ་བ་སྐྱེ། དེས་གསང་བའི་དབང་གི་ངོ་སྤྲོད། དགའ་བའི་དབང་དུ་བྱས་ན་མཆོག་དགའོ། །

[Full Size]

སྙིང་གའི་ལྷ་ཚོགས་ལ་ཤེས་པ་གཏད་པའི་དུས་སུ། ལུས་སེམས་ལ་མི་རྟོག་པ་སྐྱེ། དེས་ཤེས་རབ་ཡེ་ཤེས་ཀྱི་དབང་གི་ངོ་སྤྲད་དོ། །དགའ་བའི་དབང་དུ་བྱས་ན་དགའ་བྲལ་གྱི་དགའ་བའོ། །ཆོས་འབྱུང་གི་རྣལ་འབྱོར་མ་ལ་ཤེས་པ་གཏད་པའི་དུས་སུ། ལུས་སེམས་ལ་བདེ་དྲོད་མི་རྟོག་པ་གསུམ་སྐྱེ། དབང་གསུམ་པའི་ངོ་བོ་གཅིག་ཏུ་འདུས་པ་དེ་དབང་བཞི་པའི་ངོ་སྤྲད། །དགའ་བའི་དབང་དུ་བྱས་ན་ལྷན་ཅིག་སྐྱེས་པའི་དགའ་བའོ། །དེ་ནས་སློབ་མ་ལ་མཆོད་པ་རྣམ་ལྔ་ཚར་གཅིག་དབུལ་ལོ། །དབང་གི་ཕན་ཡོན་ནི། དབང་མ་ཐོབ་པ་ཐོབ་པ་དང་། ཐོབ་ནས་ཉམས་པ་གསོ་བ་དང་། སྡིག་པ་ཐམས་ཅད་མྱུར་དུ་ཟད་ནས། དཔལ་བདེ་བ་ཆེན་པོའི་སྐུ་མངོན་སུམ་དུ་མཐོང་བར་འགྱུར་རོ། །ལྷན་

[Full Size]

ཅིག་སྐྱེས་པའི་ཡེ་ཤེས་རྒྱུད་ལ་སྐྱེས་ནས། བཅུ་བཞི་བདེ་བ་ཆེན་པོའི་ས་ཐོབ་པར་འགྱུར་རོ། །དེ་ཡང་དབང་ལ་གསུམ་སྟེ། མ་སྨིན་པ་སྨིན་པར་བྱེད་པ་གཞིའི་དབང་། སྨིན་པ་གྲོལ་བར་བྱེད་པ་ལམ་གྱི་དབང་། གྲོལ་བ་མཐར་ཕྱིན་པ་འབྲས་བུའི་དབང་སྟེ། དེ་ཡང་རྡོ་རྗེའི་སྒོའི་རྒྱུད་ལས། གཞི་ནི་དབང་ལ་བརྟེན་པ་དང་། །རྒྱུ་ནི་དབང་གིས་བསྐྱེད་པ་དང་། །ལམ་ནི་དབང་གིས་བགྲོད་པ་དང་། །འབྲས་བུ་དབང་དུ་གནས་པའོ། །མ་སྨིན་སྨིན་པར་བྱ་བ་དང་། །སྨིན་པར་རྣམ་པར་གྲོལ་བའི་ཕྱིར། །དབང་བསྐུར་ཞེས་ནི་གྲགས་པ་ཡིན། །ཅེས་སོ། །དེ་ནས་ཚོགས་ལ་ལོངས་སྤྱོད་པ་ལ་སོགས་པའོ། །བདག་འཇུག་དང་། །ཁྲིད་དང་། ཉམས་ལེན་རྒྱུན་པ་ལ་སྔོན་འགྲོ་དང་། རྗེས་ཀྱི་བཤད་པ་སྤངས་ནས། སློབ་མའི་སྤྱི་བོར་ཅེས་པ།

[Full Size]

རང་གི་སྤྱི་བོར་ཅེས་པར་བསྒྱུར་ནས། མེ་ལོང་ནང་གི་གཟུགས་བརྙན་ལྟ་བུར་བསྒོམ། ཞེས་པའི་བར་བླང་ངོ། །ཚེ་འདས་ཀྱི་དོན་དུ་བྱེད་ན། རྟེན་བསྐྱེད་ནས་རྣམ་ཤེས་བསྟིམ་པ་ཙམ་མཾ། ཡང་ན་ཉེ་བའི་སྲས་བརྒྱད་ལ་གསོལ་བ་བཏབ་པའི་བར་དུ། ཀུན་རིག་ལྟར་བྱས་པ་ལ་དབང་བཞི་བསྐུར་རོ། །འདོད་ཡོན་དང་། བྱང་བུ་བསྲེགས་པ་དང་། ལམ་སྦྱངས་བསྟན་ནང་གི་ལུགས་ལྟར་བྱའོ། །དེ་ལྟར་བདེ་མཆོག །ལྷ་ལྔའི་དབང་བཞི། དབང་བཞི་ལུས་ལ་བསྒྲིགས་པའི་གཞུང་། །འཁྲུགས་བསྡེབས་དྷྭ་ཛ་ཡཀྵས་བཀོད། །དགེ་བས་བདེ་མཆོག་གོ་འཕང་ཐོབ་པར་ཤོག །ཤུ་བྷཾ། །

མཁའ་སྤྱོད་མ་དཀར་མོའི་སྒྲུབ་སྐོར་ཚང་མ། དཱི་པཾ་ཀ་ར་ཤྲཱི་ཛྙཱ།

[Full Size]

མཁའ་སྤྱོད་མ་དཀར་མོའི་སྒྲུབ་སྐོར་ཚང་མ་བཞུགས། །

[Full Size]

ན་མོ་གུ་རུ། མཁའ་སྤྱོད་མའི་དབང་ནི། །དཀྱིལ་འཁོར་ཆོས་འབྱུང་དཀར་པོ་རྐྱང་པའི་སྟེང་དུ་གཏོར་མ་གཅིག་མཁའ་སྤྱོད་མར་བསྐྱེད་ལ། སྐྱབས་སུ་འགྲོ་བ་དང་། །སེམས་བསྐྱེད་པ་སོགས་སྔོན་དུ་འགྲོ་བའི་ཆོས་རྣམས་བྱས་ལ། ལུས་དང་ལོངས་སྤྱོད་ཕུལ་ལ། དབང་བཞི་རྫོགས་སུ་བསྐུར་བར་གསོལ་བ་གདབ། མཁའ་སྤྱོད་མའི་སྐུ་གསུང་ཐུགས་ལས། འོད་ཟེར་

[Full Size]

དཀར་དམར་མཐིང་གསུམ་འཕྲོས། སངས་རྒྱས་བྱང་ཆུབ་སེམས་དཔའ་ཐམས་ཅད་མཆོད་པས། སྐུ་གསུང་ཐུགས་ཀྱི་ཡོན་ཏན་ཐམས་ཅད་འོད་ཟེར་དཀར་དམར་མཐིང་གསུམ་དུ་བྱོན་ནས། གནས་གསུམ་དུ་ཐིམ་ནས། མཁའ་སྤྱོད་མའི་སྨིན་མཚམས་ནས་འོད་ཟེར་དཀར་པོ་བྱུང་། རང་གི་སྨིན་མཚམས་སུ་ཐིམ། ལུས་ཀྱི་དྲི་མ་དག །བུམ་པའི་དབང་ཐོབ། དེ་བཞིན་དམར་བས་

[Full Size]

ངག་གི་སྡིག་པ་དག །གསང་བའི་དབང་ཐོབ། མཐིང་ཀས་ཡིད་ཀྱིས་སྡིག་པ་དག །ཤེས་རབ་ཡེ་ཤེས་ཀྱི་དབང་ཐོབ། དེ་ནས་སེམས་མ་བཅོས་པའི་ངང་ལ་དར་ཅིག་བཞག་པ་ནི་དབང་བཞི་པའོ། །དེ་ནས་གཏོར་མ་སློབ་མའི་སྤྱི་བོར་བཞག་པས་མཁའ་སྤྱོད་མ་ཐིམ་པར་བསམ། དེ་ནས་ཚོགས་ལ་རོལ་ལོ། རྗེས་ཀྱི་ཆོས་རྣམས་བྱའོ། །རྒྱ་གར་སྐད་དུ། བཛྲ་ཧྲཱི་ཡོ་གི་ནཱི། བོད་སྐད་དུ། རྡོ་རྗེ་རྣལ་འབྱོར་མའི་སྒྲུབ་ཐབས། རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། དོན་མེད་བདག་ལ་གནོད་པའི་བྱ་བ་ཀུན་སྤངས་ནས། །མཁའ་དབྱིངས་དག་ནས་ཧྲཱི་ཡིག་འཕྲོ་འདུ་ལས། །གར་གྱི་ཉམས་ངལ་བ་པའི་སྒོ་གསུམ་གྱི་སྤྱོད་པས། འཇིག་རྟེན་གྱི་ལྡན་ཕྱག་གཡས་རྡོ་རྗེ་གྲི་གུག །སེམས་བསྐྱེད་སྔོན་དུ་སོང་ནས་གཡོན་ཐོད་པ་ལས་འོད་བསྣམས། །མཁའ་སྤྱོད་མ། དགུ་དང་ཟླ་བའི་མདོག་འདྲ་འོད་ཟེར་

[Full Size]

སྣ་ཚོགས་འཕྲོས། །སྐུ་གསུང་ཐུགས་ཀྱི་སྙིང་པོ་མཆོད་བྱས་ནས། །སྒྲིབ་ཚོགས་དག་ནས་མཁའ་དབྱིངས་དག་ཏུ་འགྲོ། །མཁའ་སྤྱོད་དཀར་མོའི་སྒྲུབ་ཐབས། པཎྜི་ཏ་དཱི་པཾ་ཀ་ར་ཤྲཱི་ཛྙཱ་ནས་མཛད་པ་རྫོགས་སོ། །བླ་མ་དམ་པ་རྣམས་ལ་ཕྱག་འཚལ་ལོ། །རྟེན་གྱི་གང་ཟག་མཁའ་སྤྱོད་དཀར་མོ་བསྒོམ་པར་མར་མེ་མཛད་ཡེ་ཤེས་དཔལ། འདོད་པས། སེམས་ཅན་ཐམས་ཅད་ལ་དམིགས་པའི་བྱམས་པ་དང་། སྙིང་རྗེ་བྱང་ཆུབ་ཀྱི་སེམས་སྔོན་དུ་བཏང་ནས། རང་ཡི་དམ་གྱི་ལྷར་སྐད་ཅིག་མར་བསམ་པའི་མདུན་གྱི་ནམ་མཁའ་ལ་ཧྲཱིཿདཀར་པོ་གཅིག་བསམ། ཧྲཱིཿདེ་འོད་དུ་ཞུ་བ་ལས། ཇོ་མོ་མཁའ་སྤྱོད་མ་དཀར་མོ། སྤྱན་གསུམ་ནམ་མཁའ་ལ་ཧྲིག་ཧྲིག་པ། ཞལ་གཅིག་ཕྱག་གཉིས་པ། ཞལ་མཆེ་བ་གཙིགས་ཤིང་བཞད་པ་སྐུ་མདོག་དཀར་

[Full Size]

མོ། རུས་པའི་རྒྱན་ཐམས་ཅད་ཀྱིས་བརྒྱན་པ། ཕྱག་གཡས་གྲི་གུག་འཕྱར་བ། གཡོན་ཐོད་པ་ཁྲག་གིས་བཀང་བ་ཕྱིར་བསྟན་ནས་འཛིན་པ། ཞབས་གཉིས་རྒྱབ་ངོས་ནས་ཕྲག་པ་ལ་བཀལ་བ། གཅེར་བུ་སྐྲ་གྲོལ་བ། ཐོད་སྐམ་ལྔའི་དབུ་རྒྱན་དང་། ཐོད་སྐམ་ལྔ་བཅུའི་དོ་ཤལ་བྱས་པ། སྐུ་ཤ་རྒྱས་ཤིང་ནུ་མ་འབུར་བ། གཞོན་ནུ་ལང་ཚོ་དར་ལ་བབ་པ། མེ་རི་དཀར་པོའི་དབུས་ན་བཞུགས་པ་ཅིག་ཏུ་བསམ་ནས། དེ་ལ་དམིགས་ནས་རང་གི་སྔགས་གསུམ་སྦྲེལ་བཟླས་པ་དང་། དེའི་སྤྱི་བོ་སྙིང་ག་མགྲིན་པ་གསུམ་ནས། འོད་ཁ་དོག་གསུམ་གཅིག་ལ་གཅིག་འཁྲིལ་བའི་ཚུལ་དུ་ཐུགས་ཀ་ནས་བྱུང་སྟེ། རང་གི་སྤྱི་གཙུག་ནས་བྱུང་བས། ལུས་གང་སྟེ་སྡིག་སྒྲིབ་ལ་སོགས་པ་དག་ནས། འོད་ཡར་འཁྱིལ་བ་དང་། བདེ་སིང་བ་ཅིག་

[Full Size]

བསྒོམ། འཇུག་མི་དམིགས་པར་བསྒོམ། དགེ་བ་བསྔོ་བར་བྱའོ། །དཔལ་ལྡན་ཨ་ཏི་ཤའི་ལུགས་སོ། །མངྒ་ལཾ།། །།ན་མོ་གུ་རུ། ཡང་ལུགས་གཅིག་ལ། གཞན་གོང་དང་འདྲ་བ་ལ། མདུན་དུ་ཧྲཱིཿཚེག་དྲག་དང་བཅས་པ་ཅིག་བསམ། དེ་འོད་དུ་ཞུ་བ་ལས། ཇོ་མོ་མཁའ་སྤྱོད་མ་སྔར་དང་འདྲ་བ་ཅིག་བསྐྱེད་པའི་སྤྱི་བོར་ཨོཾ་དཀར་པོ། མགྲིན་པར་ཨཱཿདམར་པོ། སྙིང་གར་ཧཱུྃ་སྔོན་པོ་རྣམས་རིམ་པ་བཞིན་དུ་བསམ་ལ། དེ་ལས་འོད་ཁ་དོག་གསུམ་འཕྲོས་པས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕོག་པས། དེ་དག་གི་སྐུའི་ཡོན་ཏན་ཐམས་ཅད་དཀར་དམར་སྔོ། བསྡུས་པ། རྗེ་བཙུན་མའི་སྤྱི་བོའི་ཨོཾ་ལ་ཐིམ། གསུང་གི་ཨཱཿལ་ཐིམ།

[Full Size]

ཐུགས་ཀྱི་ཧཱུྃ་ལ་ཐིམ་པར་བསམས་ལ། དེ་ལ་ཡིད་ཀྱིས་མཆོད་ནས་གསོལ་བ་བཏབ་པས། འོད་ཁ་དོག་གསུམ་རྗེ་བཙུན་མའི་གནས་ཨོཾ་གསུམ་མའི་སྔགས་བཟློས་པ་ལ་ཟེར་གསུང་། གསུམ་ནས། གཅིག་ལ་གཅིག་འཁྲིལ་ནས་ཨོཾ་ཨཱཿཧཱུྃ་གསུམ་གྱི་དཀར་དམར་མཐིང་ཀའི་བྱུང་། རྗེ་བཙུན་མའི་སྐུའི་དབྱིབས་བརྒྱུད། པདྨ་ནས་བྱུང་སྟེ་འོད་ཁ་དོག་གསུམ་རང་གི་གནས་གསུམ་དུ་སོ་སོར་ཐིམ་པས་སྡིག་སྒྲིབ་དང་། ནད་གདོན་དང་། བར་དུ་གཅོད་པ་ལ་སོགས་པ་དག་ནས། མི་རྟོག་པ་ཕྱག་རྒྱ་ཆེན་པོའི་ངང་དུ་བཞག་པར་བྱའོ། །འཕྲོ་གཅོད་ཙ་ན། མདུན་གྱི་ཇོ་མོ་རང་གི་སྤྱི་བོར་བྱོན་པར་བསམ་ལ། མ་རྡོ་རྗེ་རྣལ་འབྱོར་མས། བདག་ཡང་དག་པ་མཁའ་སྤྱོད་ཀྱི་གནས་སུ་འཁྲིད་དུ་གསོལ། ཞེས་གསོལ་བ་བཏབ་པས། ཇོ་མོ་འོད་དུ་ཞུ་ནས་རང་གི་སྤྱི་

[Full Size]

བོར་ཐིམ་པས། ལུས་ཀྱི་ནང་བདུད་རྩིས་ཁེངས་པ་དང་། སྐུ་གསུང་ཐུགས་རྡོ་རྗེས་བྱིན་གྱིས་རླབས་པ་ཡིན་སྙམ་དུ་མོས་པ་བྱའོ། །སྐབས་འགའ་ཞིག་ཏུ་རང་གི་སྤྱི་བོར་རྗེ་བཙུན་མ་སྔ་མ་བཞིན་བསམས་ནས། རང་གི་རིག་པ་ལྟེ་བ་ནས་དྲངས་ཏེ་ཚངས་བུག་ནས་བཏོན། ཇོ་མོའི་པདྨ་ན་ཡར་ཞུགས་ནས། རིག་པ་ཐུགས་ཀར་ཞུགས་ནས་མཁའ་སྤྱོད་དུ་འགྲོ་བར་བྱའོ། །སྦྱོར་རྗེས་གཉིས་སྔ་མ་ལྟར་རོ། །ཁྱུང་པོ་རྣལ་འབྱོར་པའི་ལུགས་སོ། །ཤུབྷཾ། །ན་མོ་གུ་རུ། འདི་ལ་གསུམ་དུ་གསུངས་པ་ལས། སྐུ་བསྒོམ་པ་སྔོན་དུ་སོང་ནས། གཉིས་པ་ལུས་བྱིན་གྱིས་རླབས་པ་ནི། རྗེ་བཙུན་མ་སྔར་བཞིན་དུ་བསྒོམས་ལ། རང་གི་སྤྱི་བོར་བྱོན་པར་བསམ་སྟེ། དེའི་པདྨ་ནས་བྱང་སེམས་འོད་དམར་པོའི་ཚུལ་དུ་འཕྲོས་

[Full Size]

ཏེ་བྱུང་བ་དང་། རང་གི་སྤྱི་བོའི་ཚངས་བུག་ན་མར་སོང་སྟེ། ལུས་ཐམས་ཅད་འོད་ཀྱི་རང་བཞིན་དུ་དམར་ལྡེམ་ལྡེམ་དུ་འདུག་པ་དང་། རང་གི་རྒྱུད་ལ་བདེ་བ་ཁྱད་པར་ཅན་སིང་སིང་པ་སྐྱེས་པར་བསམ། དེ་ནས་ལུས་འོད་ཀྱི་རང་བཞིན་དེ་མེ་ལོང་གི་རླངས་བཞིན་མཐའ་ནས་བསྡུས་ནས་དབུས་སུ་ཡལ་བ་དང་། སྟོང་པ་ཉིད་དེའི་ངང་ལ་ལྷོད་ཀྱིས་གློད་ལ། རིག་པ་དྭངས་སིང་ངེ་བཞག་གོ །གསུམ་པ་གསང་བ་བྱིན་གྱི་རླབས་པ་ནི། རང་ལ་ཉོན་མོངས་པ་འདོད་ཆགས་དྲག་པོ་སྐྱེས་ནས། རྡོ་རྗེ་ནོར་བུའི་རྩེ་མོར་རྗེ་བཙུན་མ་སྔར་དང་འདྲ་བ་བསམས་ལ། དེ་འོད་དུ་ལྟེམ་གྱི་ཞུ་བ་དང་། འོད་དེ་གསང་བའི་རྡོ་རྗེ་ནས་ཡར་ཞུགས་ཏེ་སོང་། ལུས་ཐམས་ཅད་འོད་ཀྱིས་མེར་ཁེངས་པ་དང་། ཉོན་མོངས་པ་འདོད་ཆགས་སངས་ཀྱིས་དག་པས་ལུས་འོད་

[Full Size]

ཀྱི་རང་བཞིན་དུ་ལྡེམ་ལྡེམ་འདུག་པར་བསམ། དེ་ནས་འོད་མེ་ལོང་གི་རླངས་བཞིན་དུ་མཐའ་ནས་འདུས་ནས་དབུས་སུ་ཡལ་བ་དང་། སྟོང་པ་ཉིད་དེའི་ངང་དུ་རིག་པ་མ་བཅོས་པར་ལྷོད་ཀྱིས་གློད་ལ་རིག་པ་དྭངས་སིང་དེ་བཞག་གོ །སྦྱོར་རྗེས་གཉིས་སྔར་དང་འདྲའོ། །ན་མོ་གུ་རུ། མཁའ་སྤྱོད་མ་དཀར་མོ་ལ་བརྟེན་ནས་དམ་ཚིག་གསོ་བའི་ཐབས་ནི། བྱང་ཆུབ་ཀྱི་སེམས་སྔོན་དུ་སོང་བས། རང་གི་མདུན་དུ་པདྨ་དང་ཟླ་བའི་གདན་ལ། རང་གི་རྩ་བའི་བླ་མ་གང་ཡིན་པ་དེ། འཛུམ་མུལ་ལེ། མདངས་ཡལ་ལེ། འོད་ལམ་མེ་བཞུགས་པར་བསམ་ལ། དེ་ལ་བློས་སྤྲུལ་པའི་པཱུ་ཛ་དཔག་ཏུ་མེད་པ་དབུལ། རྫས་རིམ་པར་བཤམས་པའི་པཱུ་ཛ་འབུལ། བླ་མ་ལ་དད་གུས་གདུང་གདུང་པ་བསྒོམས་ལ།

[Full Size]

གསོལ་བ་དྲག་པོ་བཏབ། རང་གི་རྩ་བའི་བླ་མ་ལ་མ་གུས་པ་ལ་སོགས་པའི་དམ་ཚིག་དང་མི་མཐུན་པ་ཐམས་ཅད་མིང་རུས་ནས་བཏོན་ལ་བཤགས་པ་བྱའོ། །དེ་ནས་བླ་མའི་སྨིན་མཚམས་སུ་མཁའ་སྤྱོད་མ་དཀར་མོ་ཅིག་བསམ། དེའི་གསང་གནས་ནས་འོད་དཀར་པོ་འཕྲོས་པས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་འཕོག །དེའི་སྨིན་མཚམས་ནས་ཡེ་ཤེས་ཀྱི་བདུད་རྩི་བྱུང་སྟེ། བླ་མའི་སྤྱོ་བོ་ནས་མར་བབས་པས། སྐུ་གསུང་ཐུགས་མཉེས་པའི་པཱུ་ཛ་ཕུལ་བས་བཟང་ལན་དུ་སངས་རྒྱས་བྱང་ཆུབ་སེམས་དཔའི། བླ་མ་ལ་ཟག་མེད་ཀྱི་བདེ་བ་སྐྱེས་པར་བསམ། དེ་ནས་མཁའ་སྤྱོད་མའི་གསང་གནས་ནས། འོད་ཟེར་དཀར་ནར་གྱིས་བྱུང་སྟེ། བདག་གི་སྨིན་ཕྲག་ན་ཕར་སོང་པས། བདག་གིས་བླ་མའི་སྐུ་ལ་མ་གུས་པ་བྱས་པའི་སྡིག་སྒྲིབ་ཐམས་ཅད་

[Full Size]

སངས་ཀྱིས་དག་པར་བསམས་ལ། །སྐུ་གསུང་ཐུགས་ཀྱི་སྔགས་བརྒྱ་རྩ་བརྒྱད་བཟླས་ལ། ལྷ་སྨིན་ཕྲག་ཏུ་ཐིམ་པར་བསམ་མོ། །དེ་བཞིན་དུ་གསུང་དང་ཐུགས་གཉིས་ལ་ཡང་སྔར་བཞིན་བྱ་སྟེ། མཁའ་སྤྱོད་མ་དམར་མོ་དང་སྔོན་མོ་བསྒོམ། འོད་ཟེར་ཡང་དེ་དང་འདྲ། སྔགས་བཟླས། གསུང་དང་ཐུགས་མ་དད་པའི་སྒྲིབ་པ་དག་པར་བསམ། ཐ་མ་ལྷ་ཐུགས་ཀར་ཐིམ་པ་དང་། ལྷ་སྐུ་ཕྱག་རྒྱ་ཆེན་པོའི་ངང་དུ་སིང་གིས་བཞག །རྗེས་ལ་དགེ་བ་བྱང་ཆུབ་ཏུ་བསྔོའོ། །ན་མོ་གུ་རུ། གཏོར་མ་བྱེད་པར་འདོད་ན། བྱང་ཆུབ་ཏུ་སེམས་བསྐྱེད་ལ། རང་གི་ལག་པ་གཡོན་པ་བཀན་ཏེ། གཡས་པའི་མཐེབ་སྲིན་གྱིས་བཟུང་ལ། དེ་ནས་ལག་པའི་མཐིལ་དུ་ཨ་དཀར་པོ་བསམ། དེ་གྱུར་

[Full Size]

པ་ལས་ཐོད་པ་ཕྱི་དཀར་ལ་ནང་དམར་བ། ཡངས་ཤིང་རྒྱ་ཆེ་བ་ཅིག་གི་ནང་དུ། ས་བོན་ཤ་ལྔ་བདུད་རྩི་ལྔར་བསམས་ལ། ཨོཾ་ཨཱཿཧཱུྃ་ལན་གསུམ་བརྗོད་པས། དམ་ཚིག་གི་བདུད་རྩིར་གྱུར། ཡང་བརྗོད་པས་ཡེ་ཤེས་ཀྱི་བདུད་རྩིར་གྱུར་པར་བསམས་ལ། དེ་ནས་མདུན་གྱི་ནམ་མཁའ་ལ་ཇོ་མོ་མཁའ་སྤྱོད་མ་ལ། འཁོར་ཡེ་ཤེས་ཀྱི་ཌཱ་ཀི་མ་དཔག་ཏུ་མེད་པས་བསྐོར་བར་བསམས་ལ། དེ་ལ་སྐུ་གསུང་ཐུགས་ཀྱི་སྔགས་ལ། ཨོཾ་ཨཱཿཧཱུྃ་ལ་ཧཱུྃ་རིང་བཏགས་ལ་ཕུལ་བས། ཇོ་མོ་འཁོར་དང་བཅས་པས་ལྗགས་རྡོ་རྗེའི་སྦུ་གུ་ཅན་བཙུགས་ནས་གསོལ་བས། ཟག་པ་མེད་པའི་བདེ་བ་སྐྱེས་ནས་དགྱེས་པར་བསམ། དེ་བཞིན་དུ་ཆོས་སྐྱོང་དང་། ཡི་དྭགས་ལ་ཡང་དབུལ། ལྷ་མི་དམིགས་པར་བསམ། རྗེས་ལ་དགེ་བ་བྱང་ཆུབ་ཏུ་བསྔོའོ། གདམས་ངག་

[Full Size]

འདི་དུས་གཅིག་ལ་སློབ་མ་གཅིག་ལས་མང་བ་ལ་སྦྱིན་དུ་མི་རུང་ངོ་། །མང་ག་ལཾ། །ན་མོ་གུ་རུ། རྗེ་བཙུན་མ་འདི་ཉམས་སུ་ལེན་པར་འདོད་པའི་རྣལ་འབྱོར་པས། མཁའ་སྤྱོད་ཀྱི་རིལ་བུ་སྒྲུབ་པར་བྱ་སྟེ། དེ་ལ་གཉིས། རྫས་བསགས་པ་དང་། རིལ་བུ་སྒྲུབ་པའོ། །དང་པོ་ནི། ལྷ་བསྙེན་ཐོན་མ་ཐོག་གི་དུས་སུ་བྲེགས་པའི་ཞབས་གཡས་པའི་སེན་མོ་དང་གཅིག །ཕྱག་གཡོན་མའི་སེན་མོ་གཉིས། བུད་མེད་སྟག་ལོ་མ་ཅིག་གི་ཡོད་ན་རང་བྱུང་གི་ཁྲག །མེད་ན་རུས་པའམ། སེན་མོ་དང་གསུམ། མཚལ་དང་བཞི། སིནྡྷུ་ར་དང་ལྔ། དེ་ཚོ་བླ་མ་དེ་དང་ཆོས་འབྲེལ་མེད་པའི་བུ་མོ་གྲོང་པའི་ཆོས་ཀྱིས་གང་རུང་ཅིག་མ་གོས་པ་རྣམ་ཤེས་དྭངས་ཤིང་སྐྱེ་མེད་གཙང་

[Full Size]

མ་གཅིག་གིས་ཞིབ་དུ་བཏགས། དེ་རྣམས་ཡོད་ན་རང་བྱུང་གི་ཁྲག་གིས་མགོ་བསྡུ་བའམ། མེད་ན་ཆང་དང་བསྲེས་ལ་རིལ་བུ་བྱ། དེ་ཐོད་པ་མཚན་ལྡན་ནམ། པདྨའི་སྣོད་དུ་བཅུག་ལ། མེ་ལོང་གཙང་མ་གས་ཆག་མེད་པས་ཁ་བཅད་དོ། །དེ་ནས་རང་གི་གནས་དབེན་ཞིང་ཉམས་དགའ་བ་གཅིག་ཏུ། བའི་རྣམ་ལྔ་དང་། དྲི་བཟང་གི་ཆུས་གཞན་གྱི་མ་མཐོང་བ་གལ་ཆེ་གསུང་། བྱུགས་ཏེ། པཱུ་ཛ་ལྔ་དབུལ། མཎྜལ་པདྨ་འདབ་བརྒྱད་དཀར་པོ་བྱས་ལ། ལྟེ་བར་དར་དམར་པོའི་གདན་ལ་གོང་གི་པདྨའི་སྣོད་བཞག་གོ །གཉིས་པ་སྒྲུབ་པ་བྱ་བ་ནི། རང་བདེ་བའི་སྟན་ལ་འདུག་སྟེ། བྱང་ཆུབ་ཀྱི་སེམས་སྔོན་དུ་སོང་བས་རང་རྗེ་བཙུན་མར་བསྒོམ། མདུན་གྱི་མེ་ལོང་གི་སྟེང་དུ། ཡི་གེ་

[Full Size]

ཧྲཱིཿདཀར་པོ་ཚེགས་དྲག་དང་བཅས་པ་ཅིག་བསམ། དེ་ལ་ཨོཾ་གསུམ་མའི་སྔགས་ཀྱིས་དཀར་རཾ་མེ་བསྐོར་བར་བསམས་ལ། བསྙེན་པ་འབུམ་བྱ། དེ་ལ་རྟགས་མ་བྱུང་ན་འབུམ་དུ་བསྐྱར། མཚམས་དང་སྨྲ་བཅད་དམ་དུ་བྱ། དེ་ལ་མ་བྱུང་ན་ཡང་འབུམ་དུ་བསྐྱར་ཏེ། དེ་ལ་རྟགས་པ་མི་ཡོང་མི་སྲིད་དོ། རྟགས་ནི་རིལ་བུ་ཁོལ་བ་དང་། བླ་མའི་ཞབས་རང་གི་མགོ་ཐོག་ཏུ་འཇོག་པ་འོང་ངོ་། །དེ་ལྟ་བུ་བྱུང་བ་དང་རིལ་བུ་དར་ཟབ་ཀྱིས་དྲིལ་ལ་པདྨའི་སྣོད་དུ་བཞུགས། པདྨའི་སྣོད་དེ་ཡང་དར་ཟབ་ལ་སོགས་ཀྱིས་དྲིལ་ལ། རྟེན་གྱི་གྲལ་ལ་གཞུག་སྟེ། པཱུ་ཙ་དང་བསྙེན་པ་ཡང་མ་ཆད་པར་བྱའོ། །དེ་ནི་རིལ་བུ་བསྒྲུབ་པའོ། །

[Full Size]

ན་མོ་གུ་རུ། རྗེ་བཙུན་མ་འདི་ལ་འཕོ་བ་བྱེད་པར་འདོད་པས། ཉམས་ལེན་རྒྱུན་མ་ཆད་པར་བྱས་པའི་རྣལ་འབྱོར་པས། འཆི་ལྟས་རྣམས་བྱུང་བ་དང་། འཆི་བ་བསླུ་བའི་ཆོ་ག་རྣམས་བྱས་ཏེ། དེས་མ་ལྷུས་པར་འཆི་བར་ངོ་ཤེས་པའི་དུས་སུ། རང་གི་ལུས་ལོངས་སྤྱོད་དང་། དུས་གསུམ་དུ་བསགས་པའི་དགེ་བ་ཐམས་ཅད་ལ་མ་ཆགས་པ་དང་། ཞེན་པ་མེད་པར་བླ་མ་དང་དཀོན་མཆོག་ལ་དབུལ། ངན་སོང་སྡུག་བསྔལ་བ་རྣམས་ལ་སྙིང་རྗེའི་བསམ་པས་སྦྱིན་པ་བཏང་། བྱམས་པ་དང་སྙིང་རྗེ་བྱང་ཆུབ་ཀྱི་སེམས་བསྒོམ་ཞིང་། སངས་རྒྱས་ནས་སེམས་ཅན་དོན་དཔག་ཏུ་མེད་པ་འབྱུང་བར་གསོལ་བ་གདབ། དེ་ཐམས་ཅད་རང་གི་སེམས་སུ་ཤེས་པར་བྱ། སེམས་སྐྱེ་མེད་ཆོས་ཀྱི་སྐུ་རུ་ཤེས་པར་བྱ། དངོས་པོ་སྣང་གྲགས་ཀྱི་

[Full Size]

ཆོས་ཐམས་ཅད་སྒྱུ་མ་ལྟ་བུར་ཤེས་པར་བྱ་སྟེ། ཞེན་པའི་བློ་ཐམས་ཅད་དང་བྲལ་བར་བྱས་ལ། འདུ་འཛི་དང་གཡེང་བ་ཕྱིར་བསྐྱེད་ལ། རང་གི་བླ་མ་ལ་གསོལ་བ་གདབ། གྲོགས་གོ་ཆོད་པ་ཅིག་ཚགས་བྱས་ལ། རང་ཤེས་ཐད་ཀར་འདུག་ན་རྒྱབ་འབོལ་ལ་བརྟེན་ནས། ཙོག་པུར་བསྡད། ཤེས་ཆུང་ན་སྔས་བག་མཐོ་བ་བྱས་ལ་སེང་གེའི་ཉལ་ཐབས་བྱ། གོང་དུ་སྒྲུབས་པའི་རིལ་བུ་ལྕེ་ཐོག་ཏུ་བཞག །ལག་མཐིལ་གཡོན་དུ་བྱིན་གྱི་རླབས་པའི་སིནྡྷུ་ར་བླུག་ལ་དེང་དེང་བྱ། མདུན་གྱི་ནམ་མཁའ་ལ་མཁའ་སྤྱོད་མ་སྔར་བཞིན་བསྒོམ། དེ་ལ་གསོལ་བ་གདབ། མོས་གུས་བྱ། དེ་ནས་རང་གི་རྡོ་རྗེ་ནོར་བུའི་རྩེ་མོ་ལ་ཧཱུྃ་སྔོན་པོ་མགོ་གྱེན་དུ་བསྟན་པ་ཅིག་བསམ། ལྟེ་བར་རྣམ་ཤེས་ཀྱི་ངོ་བོ་ཨ་དཀར་

[Full Size]

པོ་འོད་ཀྱི་རང་བཞིན་ཅན་ཡར་ལ་ཁད་པ་ཅིག་བསམ། དེ་ནས་ཨོཾ་གསུམ་མའི་སྔགས་བརྗོད་ཅིང་། རྒྱུ་ཞབས་འུབས་ཀྱི་ཐེན་ལ། ལུས་ཤེད་དང་སྦྱར་ལ་རན་ཙམ་བཟུང་ལ། ཧཱུྃ་དེས་ནོར་བུ་ནང་དུ་བཟློག་སྟེ་ཐེན་པས་ལྟེ་བར་སླེབས་པ་དང་༴ ཧཱུྃ་དེས་ལྟེ་བའི་རྣམ་ཤེས་ཀྱི་ངོ་བོ་ཨ་དཀར་པོ་དེ་དེང་གིས་འཕུལ་ནས་རྩ་དབུ་མའི་ནང་ཡར་སྐར་མདའ་ཆད་པ་ལྟར་རྒྱང་གི་སོང་ནས། སྤྱི་བོའི་ཚངས་བུག་ནས་དོན་ནས། རྗེ་བཙུན་མའི་པདྨར་ཚངས་ཀྱིས་སོང་བ་དང་། པདྨ་བཙུམ་བྱས་པས་ཨ་དེ་ཐུགས་ཀར་ཡེར་གྱི་བྱུང་བ་དེ་ལ། སེམས་མ་ཡེངས་པར་ལྷན་ནེ་གནས་པར་བྱའོ། །མཁའ་སྤྱོད་ཀྱི་གནས་དེ་ཉིད་ཡིན་པས། གཞན་དུ་འགྲོ་ས་མེད་དོ་གསུངས། དེ་ལྟར་གནས་པས་ལུས་རྙིང་པ་བོར་ནས་སེམས་མཁའ་སྤྱོད་དུ་འགྲོ་

[Full Size]

བ་ཞེས་བྱའོ། །དེ་ནི་འཕོ་བའི་གདམས་ངག་ཞེས་བྱའོ། །རྗེ་བཙུན་མ་འདི་ལ་ཡི་དམ་མ་ཆག་པར་བྱས་ཤིང་། དུས་ཡར་གྱི་ཚེས་བཅུ། མར་གྱི་ཚེ་བཅུ་ལ་པཱུ་ཛ་སྤྱི་དང་མཐུན་པར་བྱས་ཤིང་། གསོལ་བ་བཏབ་ན་མཁའ་སྤྱོད་དུ་ངེས་པར་འགྲོ་བ་ཡིན་ནོ་གསུང་ངོ་། །མཁའ་སྤྱོད་དཀར་མོའི་སྒྲུབ་ཐབས་ལས་ཚོགས་དང་བཅས་པ་རྫོགས་སོ། །ཤུ་བྷཾ། །རྒྱ་གར་སྐད་དུ། བཛྲ་ཡོ་གི་ནི་ལྟ་བ། བོད་སྐད་དུ། རྡོ་རྗེ་མཁའ་འགྲོ་མ་ལ་བསྟོད་པ། རྡོ་རྗེ་མཁའ་སྤྱོད་མ་ལ་ཕྱག་འཚལ་ལོ། །ཧྲཱིཿལས་གྲུབ་པའི་མཁའ་སྤྱོད་ནི། །ཉོན་མོངས་གདུང་བ་སེལ་བའི་ཕྱིར། །མཁའ་ལ་དྲི་མེད་ཟླ་བའི་སྟེང་། །ལང་ཚོ་ཤིན་ཏུ་མཛེས་པ་ལ། །བཅུ་དྲུག་ལོ་ལོན་ལྟ་བུའི་ཚུལ། །

[Full Size]

མཁའ་སྤྱོད་མ་ལ་ཕྱག་འཚལ་ལོ། །མཁའ་ལ་སྤྱོད་ཕྱིར་ཞབས་གཉིས་ནི། །རྒྱབ་ནས་ཕྲག་པ་གཉིས་ལ་བཀལ། །མཁའ་སྤྱོད་མ་ལ༴ །འགྲོ་རྣམས་མཁའ་སྤྱོད་འདྲེན་པའི་ཕྱིར། །བྷ་ག་རྒྱས་ཤིང་ཤིན་ཏུ་ཡངས། །མཁའ་སྤྱོད༴ །མ་རིག་རྩད་ནས་གཅོད་པའི་ཕྱིར། །ཕྱག་གཡས་གྲི་གུག་མཁའ་ལ་འཕྱར། །མཁའ་སྤྱོད༴ །གཉིས་མེད་བདུད་རྩི་འཛག་པའི་ཕྱིར། །ཕྱག་གཡོན་ཐོད་པ་མཁའ་ལ་འཛིན། །མཁའ་སྤྱོད༴ །འགྲོ་བའི་དོན་ལ་དགྱེས་པའི་ཕྱིར། །ཞལ་ནི་འཛུམ་ཁྲོ་དག་དང་ལྡན། །མཁའ་སྤྱོད༴ །ཕྱོགས་བཅུའི་སངས་རྒྱས་གཟིགས་པའི་ཕྱིར། །སྤྱན་གསུམ་མཁའ་ལ་དྲག་ཏུ་གཟིགས། །མཁའ་སྤྱོད༴ །སྐུ་ལྔ་ཡོངས་སུ་རྫོགས་པའི་ཕྱིར། །དབུ་ལ་ཐོད་པ་

[Full Size]

ལྔ་ཡིས་བརྒྱན། །མཁའ་སྤྱོད༴ །ཆོས་ཉིད་འགྱུར་བ་མེད་པའི་ཕྱིར། །དབུ་སྐྲ་མཐོན་མཐིང་ཤིན་ཏུ་གནག །མཁའ་སྤྱོད༴ །ཉོན་མོངས་བག་ཆགས་བསྙིལ་བའི་ཕྱིར། །རུས་བཅས་ལྕང་ལོ་སྐེད་སོར་སླེབ། །མཁའ་སྤྱོད༴ །ཡོན་ཏན་མ་ལུས་རྒྱས་པའི་ཕྱིར། །དབུ་སྐྲ་སྙན་རྒྱན་དཔུང་རྒྱན་དང་། །མགུལ་རྒྱན་དོ་ཤལ་དོ་ཤལ་ཕྱེད། །ཕྱག་གདུབ་ཞབས་གདུབ་རྒྱན་རྣམས་ནི། །རིན་པོ་ཆེ་ཡིས་རབ་ཏུ་སྤྲས། །མཁའ་སྤྱོད༴ །རྣམ་རྟོག་སྤངས་ཕྱིར་མི་མགོའི་ཕྲེང་། །བརྒྱ་ཕྱེད་དག་གི་ག་ཤ་བྱས། །མཁའ་སྤྱོད༴ །ཆགས་ཤིང་བདེ་བ་རྒྱས་པའི་ཕྱིར། །སྐུ་ཤ་རྒྱས་ཤིང་ནུ་མ་འབུར། །མཁའ་སྤྱོད༴ །སྒེག་པའི་ཉམས་དང་ལྡན་པའི་ཕྱིར། །འགྱིང་ཚུལ་དར་གྱི་ཅོད་པན་

[Full Size]

མཛེས། །མཁའ་སྤྱོད༴ །ཐབས་ཤེས་གཉིས་སུ་མེད་པའི་ཕྱིར། །སྐུ་སྨད་རུས་པའི་རྒྱན་དང་བཅས། །མཁའ་སྤྱོད༴ །འཁོར་བའི་སྐྱོན་གྱིས་མ་གོས་ཕྱིར། །སྟོན་ཟླའི་མདོག་ཅན་འོད་ཟེར་འཕྲོས། །མཁའ་སྤྱོད༴ །མ་རིག་གཉིད་ལས་སད་པའི་ཕྱིར། །གྲགས་སྟོང་ཧཱུྃ་དང་ཕཊ་སྒྲ་སྒྲོག །མཁའ་སྤྱོད་གསུང་ལ་ཕྱག་འཚལ་ལོ། །བདེ་དང་སྟོང་པ་ལྷན་ཅིག་སྐྱེས། །གཉིས་སུ་མེད་པ་ཟུང་འཇུག་ཕྱིར། །མཁའ་སྤྱོད་ཐུགས་ལ་ཕྱག་འཚལ་ལོ། །ཉོན་མོངས་བུད་ཤིང་བསྲེག་པའི་ཕྱིར། །མེ་རི་དཀར་པོའི་གསེབ་ན་བཞུགས། །མཁའ་སྤྱོད་མ་ལ་ཕྱག་འཚལ་ལོ། །སྣང་ཡང་བདེན་པས་སྟོང་པའི་ཕྱིར། །འཇའ་འོད་ཚོགས་ཀྱི་ཀུན་ནས་བསྐོར། །མཁའ་སྤྱོད༴ །དད་བརྩོན་དམ་ཚིག་ལྡན་པ་ཡིས༴

[Full Size]

མཆོད་བསྟོད་གསོལ་བ་བཏབ་གྱུར་ན། །ཡང་དག་མཁའ་སྤྱོད་གནས་སུ་ནི། །འདྲེན་མཛད་ཁྱོད་ལ་ཕྱག་འཚལ་ལོ། །མཁའ་སྤྱོད་མ་དཀར་མོའི་བསྟོད་པ། དཱི་པཾ་ཀ་ར་ཤྲཱི་ཛྙཱ་ནས་མཛད་པའོ། །པཎྜི་ཏ་དེ་ཉིད་དང་། ལོ་ཙཱ་བ་རིན་ཆེན་བཟང་པོས་མཐོན་མཐིང་དུ་སྦྱར་བའོ། །མངྒ་ལཾ། །ཤུ་བྷཾ། །

ནི་གུ་ཆོས་དྲུག་གདན་ཐོག་གཅིག་མ་མཁས་གྲུབ་ངག་དབང་ཆོས་གྲགས་ཀྱིས་མཛད་པ། ངག་དབང་ཆོས་གྲགས།

[Full Size]

ནི་གུ་ཆོས་དྲུག་གདན་ཐོག་གཅིག་མ་མཁས་གྲུབ་ངག་དབང་ཆོས་གྲགས་ཀྱིས་མཛད་པ་བཞུགས་སོ། །

[Full Size]

ཌཀྐིའི་སྡེ་དཔོན་འཆི་མེད་རིག་འཛིན་བརྙེས། །ས་སྟེང་འགྲོ་འདིར་མཁའ་འགྲོ་ནི་གུར་གྲགས། །ཁྱབ་བདག་རྒྱལ་དབང་མཆོག་དང་མ་གཉིས་པའི། །རྣལ་འབྱོར་དབང་མོ་གང་དེས་བདག་ལ་སྐྱོངས། །འགྲན་བྲལ་གྲུབ་མཆོག་ཐང་སྟོང་རྒྱལ་པོ་དང་། །ཐུགས་སྲས་བརྒྱུད་འཛིན་བློ་གྲོས་རྒྱལ་མཚན་དཔལ། །འཇིག་རྟེན་མིག་གྱུར་འགྱུར་མེད་

[Full Size]

བདེ་ཆེན་ལ། །བྱང་ཆུབ་བར་དུ་འདུད་དོ་ཐུགས་རྗེས་སྐྱོངས། །རྣམ་འདྲེན་མཆོག་གི་གསུང་གི་བདུད་རྩིའི་རྒྱུན། །རང་གི་ཡིད་ལ་ཡུན་རིང་བསྒོམ་པའི་དོན། །རྒྱུན་གྱི་ཉམས་ལེན་སྙིང་པོར་གནད་དྲིལ་ཏེ། །སྐལ་ལྡན་སློབ་མའི་དོན་དུ་འདིར་འགོད་བྱ། །མདུན་གྱི་ནམ་མཁར་སེང་གེས་བཏེག་པའི་རིན་པོ་ཆེའི་ཁྲིའི་སྟེང་དུ་སྣ་ཚོགས་པདྨ་ཟླ་བ་ཉི་མའི་

[Full Size]

གདན་ལ་རྩ་བའི་བླ་མ་རྡོ་རྗེ་འཆང་གི་རྣམ་པ་སྐུ་མདོག་དག་བྱེད་ཨའི་སྟོང་ར་དང་འབྲེལ་བ་སྐབས་འདིར་དཀར་པོ། ཐབས་ལམ་མན་ཕལ་ཆེར་སྔོན་པོ་བྱ། བྱིན་རླབས་ཀྱི་གཟི་འོད་འབར་བ་ལ་ནི་གུ་བརྒྱུད་པའི་བླ་མ་རྣམས་དང་། སངས་རྒྱས་བྱང་སེམས་ཀྱི་ཚོགས་ཀྱིས་བསྐོར་བ་མངོན་སུམ་ལྟ་བུར་བསམས་ནས། བདག་དང་སེམས་ཅན་ཐམས་ཅད་སྒོ་གསུམ་གུས་པའི་སྒོ་ནས་དཀོན་མཆོག་གསུམ་ལ་སྐྱབས་སུ་འགྲོ་བར་བསམས་ལ། མ་ནམ་མཁའ་དང་མཉམ་པའི་སེམས་ཅན་ཐམས་ཅད་བླ་མ་སངས་རྒྱས་རིན་པོ་ཆེ་ལ་སྐྱབས་སུ་མཆིའོ། །ཞེས་པ་ཉེར་གཅིག་གམ་བརྒྱ་རྩ་ལ་སོགས་པ་ཇི་ལྟར་རིགས་པ་དང་། སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་ཞེས་སོགས་ཚད་མེད་བསྒོམ།

[Full Size]

བླ་མ་སངས་རྒྱས་རིན་པོ་ཆེ་ལ་གསོལ་བ་འདེབས་སོ་ཞེས་པ་ཚར་ཅི་མང་དང་། སྤྲོ་ན། སངས་རྒྱས་རྡོ་རྗེ་འཆང་ཆེན་ལ་གསོལ་བ་འདེབས་སོ་ཞེས་པ་ནས། དྲིན་ཅན་རྩ་བའི་བླ་མ་ལ་གསོལ་བ་འདེབས་སོ་ཞེས་པའི་བར་དཀྱུས་མ་བཞིན་དང་། རེས་འགའ་གདངས་དང་བཅས་བརྒྱུད་འདེབས་ཀྱང་བྱ། བླ་མ་རིན་པོ་ཆེ་བདག་གི་ནད་གདོན་ཞི་བར་མཛད་དུ་གསོལ། སྡིག་སྒྲིབ་འདག་པར་མཛད༴ །ཏིང་ངེ་འཛིན་ཁྱད་པར་ཅན་རྒྱུད་ལ་སྐྱེ་བར་བྱིན་གྱིས་བརླབ་ཏུ་གསོལ། ཞེས་པ་འདི་ཚར་གཅིག་གམ་གསུམ་གང་རུང་དུ་ངེས་པར་བྱ། ཡང་བླ་མ་རིན་པོ་ཆེ་བདག་ལ་ཏིང་ངེ་འཛིན་གྱི་དབང་སྐུར་བ་སྩལ་དུ་གསོལ། །ཞེས་གསོལ་བ་བཏབ་པས། བླ་མའི་དཔྲལ་བའི་ཨོཾ་ལས་འོད་ཟེར་དཀར་པོ་འཕྲོས། བདག་གི་དཔྲལ་བར་ཐིམ་

[Full Size]

པས་ལུས་ཀྱི་སྡིག་སྒྲིབ་དག །བུམ་དབང་ཐོབ་སྐུའི་བྱིན་རླབས་ཞུགས། མགྲིན་པའི་ཨཱཿདང་ཐུགས་ཀའི་ཧཱུྃ་ལས་གསང་དང་ཤེས་རབ་དབང་སྔར་བཞིན། བླ་མ་བརྒྱུད་པ་དང་བཅས་པ་དང་སངས་རྒྱས་བྱང་སེམས་རྣམས་འོད་དུ་ཞུ་ནས་བདག་གི་ལུས་ངག་ཡིད་གསུམ་ལ་ཐིམ་པས་སྒོ་གསུམ་གྱི་སྡིག་སྒྲིབ་དག །དབང་བཞི་པ་ཐོབ། སྐུ་བཞིའི་རྟོགས་པ་སྔོན་དུ་བྱས་པ་ཡིན་སྙམ་དུ་བསམ། དེ་ནས་རང་གི་ཐོད་པ་དུང་ཁང་གི་ནང་དུ་ཀླད་པ་རྣམས་ཡེ་མི་དམིགས་པར་ཆོས་འབྱུང་གི་རྣམ་པ་ཅན། རྩ་བ་ཕྲ་བ་མགྲིན་པར་ཟུག་པ། ཟུར་གཅིག་སྨིན་མཚམས་དང་། ཟུར་གཉིས་རྣ་ལྟག་གཡས་གཡོན་གྱི་གོང་ཙམ་དུ་བསྟན་པ་ཕྱི་དཀར་ལ་ནང་དམར་བ་སྟོང་སེང་ངེ་བ་དེའི་ནང་དུ་སེམས་ཀྱི་ངོ་བོ་ཨ་དཀར་པོ་ཨའི་སྒྲ་སྒྲོག་བཞིན་ཅིག་བསམ། ཨ་ཨ་

[Full Size]

ཞེས་བརྗོད་པས། ཨ་ལས་བདུད་རྩིའི་རྒྱུན་དཀར་ལ་དྭངས་པ་བྱུང་། ཆོས་འབྱུང་གི་ནང་ཁེངས་པས་ཁ་ནས་ལུད། ལུས་ཀྱི་ཕྱི་ནང་ཐམས་ཅད་བཀྲུས་པས་ལུས་ཀྱི་བཤང་གཅིའི་ལམ་དང་། བ་སྤུའི་བུ་ག་ནས་ནད་གདོན་སྡིག་སྒྲིབ་ཐམས་ཅད་ནག་བུན་བུན་ཐོན་འགྲོ་བར་བསམས་ལ་ཨ་བརྒྱ་སྟོང་ལ་སོགས་པ་བཟླ། མཐར་ཨ་ཉིད་ཀྱང་བདུད་རྩིར་ཞུ་སྟེ་ལུས་ཀྱི་ནང་ཐམས་ཅད་གང་བར་བསམ། རང་གི་སྤྱི་བོར་བླ་མ་རྡོ་རྗེ་འཆང་བསྒོམས་ལ། བླ་མ་རིན་པོ་ཆེ་བདག་ལ་བདེ་དྲོད་ཀྱི་ཏིང་ངེ་འཛིན་སྐྱེ་བར་མཛད་དུ་གསོལ། བདག་ལ་བདེ་སྟོང་གི་ཡེ་ཤེས་སྐྱེ་བར༴ །ཞེས་གསོལ་བ་བཏབ། སྤྲོ་ན་དབང་བཞི་བླང་། དེ་མིན་རང་ལ་སྟིམ། དེ་ནས་རྗེ་བཙུན་རྡོ་རྗེ་རྣལ་འབྱོར་མ་སྐུ་མདོག་དམར་མོ་གྲི་གུག་དང་ཐོད་ཁྲག་

[Full Size]

འཛིན་པ། ཐོད་སྐམ་ལྔའི་དབུ་རྒྱན་དང་། ལྔ་བཅུའི་དོ་ཤལ། རུས་པའི་རྒྱན་ཆ་ལྔ་དང་ལྡན་པར་གསལ་བའི་ལུས་གནད་ཙོག་བུ་ལ་མེ་ཐབ་དྲུག་ཆིངས་ཀྱི་ཕྱག་རྒྱ་བྱས་ལ། ལུས་ཀྱི་ནང་ཐམས་ཅད་རྫ་གསར་མེས་བསྲེགས་པ་ལྟ་བུ་ཁོག་སྟོང་དེའི་ལྟེ་བ་ནས་བཟུང་། རྩ་དབུ་མ་ཁ་དོག་དམར་གསལ་སྦོམ་ཕྲ་སྦ་ལྕག་འབྲིང་པོ་ཙམ་གཡས་ན་ཡར་རོ་མ་དམར་མོ། གཡོན་ན་ཡར་རྐྱང་མ་དཀར་མོ་གཉིས་ཀྱང་གྲོ་སོག་འབྲིང་པོ་ཙམ། རྩ་གསུམ་གྱི་ཡས་སྣེ་སྤྱི་གཙུག་ཏུ་ཟུག་པའི་ཡས་སྣེར་ཧཾ་དཀར་པོ་མགོ་ཐུར་བསྟན་ཁམས་དྭངས་མས་གང་བ་དབུ་མའི་མས་སྣེར་ཉི་མའི་དལ་སྲན་མ་ཕྱེད་ཀས་ཙམ་གྱི་སྟེང་དུ་རཾ་ལས་མེ་གླ་བའི་རིལ་མ་ཙམ་རིལ་བ་ཅིག་བསྒོམ། སུམ་མདོའི་མེ་དང་། བཤང་སྒོར་རླུང་གི་དལ་གཞུའི་དབྱིབས་ཅན་ཡང་གསལ་

[Full Size]

བཏབ་ནས་རླུང་རོ་རྣམས་ཕྱིར་སོང་བ་ཅིག་བུས། འོག་སྒོ་ཕྱེ་ནས་གྱེན་དུ་བསྐྱོད་ཙམ་བྱས་པས་སུམ་མདོའི་མེ་སྦར་ཏེ། དབུ་མའི་མས་སྣེའི་ཉི་མ་དང་མེ་གླ་བའི་རིལ་མ་ཙམ་ལ་ཐུག་པས། མེ་དེ་ལས་མེ་ལྕེ་ཕྲ་མོ་ཅིག་དབུ་མའི་ནང་ནས་ཡར་སོང་། རྩེ་མོ་སྙིང་གར་སླེབས་པས་དེའི་དྲོད་ཀྱིས་སྤྱི་གཙུག་གི་ཧཾ་ལས་བདུད་རྩིའི་རྒྱུན་ཐིག་ལེ་བྱུང་སྟེ། དབུ་མའི་ནང་བརྒྱུད་སྙིང་གི་མེ་ལྕེའི་རྩེ་མོར་སོར་སྒྲ་དང་བཅས་ཏེ་བབས་པར་བསམ། རླུང་བུམ་པ་ཅན་བཟུང་མི་ཐུབ་ན་དལ་བུས་བཏང་། གཏུམ་མོའི་དམིགས་པ་རྒྱུན་དུ་འདི་ཙམ་གྱིས་ཆོག་ལ། དགུན་གྲང་བའི་དུས་སུ་ལུས་གནད་སྔར་བཞིན་ལ། རྗེ་བཙུན་མར་གསལ་བའི་སྐུ་ལུས་ཀྱི་ནང་ཁོག་པ་སྟོང་རྫ་གསར་པ་མེས་བསྲེག་པ་ལྟར། ཁོག་དམར་ལ་རེག་

[Full Size]

བྱ་ཚ་བ་སྟོང་སང་ངེ་བ་དེའི་ལྟེ་བ་དང་། ལྟེ་བའི་གཡས་གཡོན་མཁལ་ཁུང་གཉིས་དང་། ལྟེ་བའི་རྒྱབ་ཀྱི་ཐད་ཀྱི་སྒལ་ཚིགས་པ་དང་བཞིར་མེ་དམར་རིལ་བ་ཆེ་ཆུང་བྱའི་སྒོ་ང་ཙམ་དྲོད་ཀྱི་རང་བཞིན་འབར་ལ་ཁད་པ་རེ་བསྒོམས་ལ་རླུང་བུམ་ཅན་བཟུང་། རླུང་མ་བཏང་གི་བར་ལ་དམིགས་པ་རྩེ་གཅིག་ཏུ་གཏད། ཡང་སྤྱི་བོ་པད་ཟླའི་སྟེང་དུ་བླ་མ་རྡོ་རྗེ་འཆང་བྱིན་རླབས་ཀྱི་གཟི་འོད་འབར་བ་བསྒོམས་ལ། བླ་མ་རིན་པོ་ཆེ་བདག་འཛིན་བློས་ཐོངས་པར་མཛད་དུ་གསོལ། །དགོས་མེད་རྒྱུད་ལ་སྐྱེ་བར༴ །སྒྱུ་ལུས་རྨི་ལམ་འབྱོངས་པར༴ །ཞེས་གསོལ་བ་བཏབ། བླ་མ་རང་ལ་བསྟིམ་པས་རང་ཉིད་བདེ་མཆོག་ལྷན་སྐྱེས་སྐུ་མདོག་དཀར་པོ་ཕྱག་གཉིས་ཀྱི་རྡོ་རྗེ་དང་དྲིལ་བུ་ཐུགས་ཀར་བསྣོལ་ནས་འཛིན་པ། རལ་པའི་ཐོར་ཅོག་དང་། རུས་པའི་

[Full Size]

རྒྱན་ཆ་དྲུག་དང་ལྡན་པ། ཞབས་གཡས་བརྐྱང་གཡོན་བསྐུམ་པ་སྣང་ལ་རང་བཞིན་མེད་པའི་སྐུ་ཅན་དུ་གྱུར། དེ་ལ་སེམས་ཅུང་ཟད་གཏད་ལ། སྐུ་མདོག་ཕྱག་མཚན། རྒྱན་ཆ་ལུགས་རྣམ་པ་བཞུགས་ཚུལ་དང་ལྡན་པ་འདི་རང་གི་བློས་བཀོད་པ་མ་གཏོགས། ཕྱི་རོལ་ན་དོན་ལོགས་སུ་གྲུབ་པ་གཅིག་ཀྱང་མེད། སྣང་ནི་སྣང་། བདེན་ནི་མི་བདེན་སྒྱུ་མ་ཡིན་སྙམ་དུ་བསམ། དེ་བཞིན་དུ་ཕྱི་རོལ་གྱི་དགྲ་སྡང་བ། གཉེན་བྱམས་པ། རང་ཕྱོགས་གཞན་ཕྱོགས། རི་རྡོ་ཁང་པ། རྩི་ཤིང་ནགས་ཚལ་ལ་སོགས་པ་འདི་རྣམས་རང་གི་བློས་བཀོད་པ་མ་གཏོགས་ཕྱི་རོལ་ཏུ་དོན་ལོགས་སུ་གྲུབ་པ་གཅིག་ཀྱང་མེད། སྣང་ནི་སྣང་བདེན་ནི་མི་བདེན་རྨི་ལམ་སྒྱུ་མ་ཡིན་སྙམ་དུ་བསྒོམ།

[Full Size]

ཡང་རང་གི་ལྟེ་འོག་ཏུ་ཆོས་འབྱུང་ཕྱི་དཀར་ལ་ནང་དམར་བ་རྩ་བ་ཕྲ་བ་གསང་གནས་སུ་ཟུག་པ། གདེངས་ཁ་ཆེ་ལ་གྱེན་ལ་བསྟན་པ། རྒྱ་ཁྱོན་དང་ལྡན་པ་ཞིག་བསྒོམ། དེའི་ནང་དུ་འོག་ཏུ་དམྱལ་བ་ནས་བཟུང་རིགས་དྲུག་གི་སེམས་ཅན་ཐམས་ཅད་མས་རིམ་བཞིན་དུ་གནས་པ་རང་རང་གི་བདེ་སྡུག་གི་སྣ་ཚོགས་ལ་ལོངས་སྤྱོད་པའི་རྫི་བིར་བིར་བ་གཅིག་བསམ་ལ། ཨ་འདི་ཐམས་ཅད་ནི་སྣང་ནི་སྣང་བདེན་ནི་མི་བདེན། རྨི་ལམ་ཡིན་སྒྱུ་མ་ཡིན་སྙམ་དུ་བསམ། སྒྱུ་མའི་དམིགས་པ་རྒྱུན་དུ་འདི་ཙམ་གྱིས་ཆོག །སྐབས་སུ་རང་ལ་གནོད་པའི་གདོན་རྣམས་བཀུག་ལ། འོག་ནས་རླུང་རྩ་ཐེན་ཙམ་བྱས་པས། རླུང་དང་བསྡོངས་ནས་ཆོས་འབྱུང་གི་ནང་དུ་བཅུག་ནས་སྒྱུ་མར་བསྒོམས་པས། གནོད་བྱེད་དེའི་

[Full Size]

གདུག་རྩུབ་དང་དེའི་སྡིག་སྒྲིབ་ཞི་ནས་བདེན་མེད་ཆམ་སོང་བར་བསམ། ཡང་རླུང་དང་བསྡོངས་ནས་ཕྱིར་བཏོན་ལ་གཏོར་མའམ་ཆངས་བུ་གཅིག་སྦྱིན་ལ་བུ་ལོན་ཁྱེར་ལན་ཆགས་བྱང་བར་གྱུར་ཅིག །ཅེས་སྨོན་ལམ་བཏབ་ལ་ཕྱིའི་རྒྱ་མཚོའི་མཐར་སོང་བར་བསམ། ཡང་འདི་ལྟར་བསམ་སྟེ། སྔར་སྐྱེས་ཟིན་པའི་སེམས་ཅན་ལ་མ་ཤི་བ་གཅིག་ཀྱང་མེད། མ་འོངས་པ་ན་སྐྱེས་པ་ཐམས་ཅད་འཆི་བར་འགྱུར། ད་ལྟ་སྐྱེས་ནས་ས་སྟེང་ན་གནས་པ་ཐམས་ཅད་ཀྱང་ངེས་པར་འཆི་བས་བདག་ཀྱང་མྱུར་དུ་འཆི། གང་གིས་ཀྱང་དགོས་པ་མེད་ཅི་བྱེད་སྙམ་པ་དང་། རང་ལས་རྒན་པ་དང་། གཞོན་པ་ན་ཟླ་ཁྱིམ་མཚེས། རྒྱལ་ཁམས་ཀྱི་མི་ཐམས་ཅད་ཤི་ནས་མེད་པར་འགྲོ་བ་ཡིན། ཚེ་འདིའི་བྱ་བ་ཅི་བྱེད་དོན་མི་འདུག །ཆོས་རྣམ་

[Full Size]

དག་ཅིག་བྱའོ་སྙམ་པ་སྙིང་གི་དཀྱིལ་དུ་བསྒོམས་ལ། རང་གི་སྤྱི་བོར་པད་ཟླའི་གདན་ལ་བླ་མ་རྡོ་རྗེ་འཆང་འོད་དཔག་མེད་སྐུ་མདོག་དམར་པོ་ཕྱག་གཡས་པདྨ་དང་། གཡོན་དེས་ཡུ་བ་བྱས་པའི་དྲིལ་བུ་ཐུགས་ཀར་བསྣོལ་ནས་འཛིན་པ་བྱིན་རླབས་ཀྱི་གཟི་འོད་འབར་བ་ཅིག་བསྒོམས་ལ་ཁྱེད་ཤེས་ཁྱེད་མཁྱེན་སྙམ་པ་དང་། བླ་མ་རིན་པོ་ཆེ་བདག་འཛིན་བློས་ཐོངས་པར་མཛད་དུ་གསོལ། དགོས་མེད་རྒྱུད་ལ་སྐྱེ་བར༴ རྨི་ལམ་ཟིན་པར༴ ཅེས་གསོལ་བ་བཏབ་བླ་མ་རང་ལ་བསྟིམ། རང་བདེ་མཆོག་ལྷན་སྐྱེས་སྔར་བཞིན་དུ་གྱུར་པའི་སྤྱི་བོ་ནས་ཐིག་ལེ་དཀར་པོ་སྲན་མ་ཅིག་བྱུང་། དབུ་མའི་ནང་བརྒྱུད་སྙིང་གར་སླེབས། གསང་གནས་ནས་ཡར་ཐིག་ལེ་དམར་པོ་ཅིག་བྱུང་། སྙིང་གར་སླེབས་དེར་ཐིག་ལེ་གཉིས་

[Full Size]

པོ་གཡས་ཕྱོགས་སུ་ཁྲ་འཁོར་བ་འགྲོས་འདེད་ཀྱིས་འཁོར་བ་སེམས་གཏད། འདི་རྨི་ལམ་ཡིན། སྒྱུ་མ་ཡིན་སྙམ་པ་དང་། མཐར་དེ་གཉིས་གཅིག་ཏུ་འདྲེས་ཏེ་འཁོར་བས་ཇེ་ཕྲ་ཇེ་ཕྲ་ལ་རང་ཡལ་དུ་སོང་བར་བསམས་ལ་འཛིན་མེད་དུ་བཞག །ཉིན་མོ་ཡང་རྒྱུན་གྱི་ཆག་མེད་དུ་བསྒོམ། ཁྱད་པར་ཐོ་རངས་གཉིད་སད་མཚམས་ལ་བླ་མ་ལ་གསོལ་བ་དྲག་ཏུ་བཏབ་ཅིང་། འདི་བསྒོམས་ལ་གཉིད་ཐུམ་ཆུང་ངུ་རེ་ལོག་ལ། ཡང་སད་པ་ན་སྔར་བཞིན་གཉིད་འཕྲན་བུ་བཀུག །དེ་ལྟར་ཡང་བྱས་པ་རྨི་ལམ་ཟིན་ནོ། །དེ་ནས་རང་རང་གི་གནས་ཁང་དང་གྲོགས་པོ་ཀུན་ཀྱང་རྨི་ལམ་ཡིན། སྒྱུ་མ་ཡིན་སྙམ་པ་དང་། ང་གཉིད་དུ་སོང་རྨི་ལམ་གང་སྦྱངས་སྦྱངས་ཡིན་བསམ་པའི་ཡིད་ཀྱིས་རང་གི་ལུས་དེ་མཁར་གྱི་རྩེར་ཕྱིན་

[Full Size]

ལ་གཡང་ལ་ཆེད་བཏང་བ་ལ་བར་སྣང་ལ་ཡལ་སོང་བ་བསྒོམས། འདི་རྨི་ལམ་ཡིན་སྙམ་དུ་བསམ། ཡང་སྣང་བ་འདི་རྨི་ལམ་གྱི་སྣང་བར་འདུག །ལུས་འདི་ཡིད་ཀྱི་ལུས་སུ་འདུག །རྨི་ལམ་དང་ཡིད་ལུས་ལ་གང་སྦྱངས་སྦྱངས་ཡིན་བདེན་པར་གྲུབ་པ་མེད་སྙམ་དུ་བསམ་ལ། གྱང་དང་རི་ལ་སོགས་ལ་ལུས་འདི་ཕར་ཐལ་ཚུལ་ཐལ་དུ་སྦྱངས་ཡང་སྣང་བ་འདི་ལམ་དུ་འདུག །རྨི་ལམ་ཇི་ལྟར་སྤེལ་སྤེལ་དང་། གང་སྤྲུལ་སྤྲུལ་ཡིན་སྙམ་དུ་བསམས་ལ་རང་གི་གནས་ཁང་དེའམ། མདུན་དུ་སྣང་བའི་དངོས་པོ་གང་མཐོང་བ་གཅིག་ལ་བཅུ། བཅུ་ལ་བརྒྱ་ལ་སོགས་པ་སྤེལ་ལ་འདི་རྨི་ལམ་ཡིན་སྙམ་དུ་བསྒོམ། དེ་བཞིན་དུ་བྱི་བ་འདུལ་བ་ལ་རང་བྱི་ལ་དང་། བྱིའུ་ལ་ཁྲ་དང་། ཁྱི་ལ་སྤྱང་ཀི། །སྤྱང་ཀི་ལ་སྟག །སྟག་ལ་སེང་གེ།

[Full Size]

མི་འདུལ་བ་ལ་སྲིན་པོ་ལ་སོགས་པར་བློས་སྤྲུལ་ཞིང་སྤེལ་ནས་དེད་པ་དང་། ཟ་བ་ལ་སོགས་པ་བྱེད་ཅིང་རྨི་ལམ་ཡིན་སྙམ་དུ་བསམ། དེ་བཞིན་དུ་ཀླུ་འདུལ་བ་ལ་ཁྱུང་། རྒྱལ་པོ་འདུལ་བ་ལ་རྟ་མགྲིན། ཀླུ་བདུད་དང་ཀླུ་སྲིན་ལ་སྤྱན་རས་གཟིགས་སེང་གེ་སྒྲ། སྲིན་པོ་དང་གནོད་སྦྱིན་ལ་སོགས་པ་ལ་རང་ཕྱག་ན་རྡོ་རྗེ་ལ་སོགས་པར་བློས་སྤྲུལ་ཞིང་། སྤེལ་ནས་ཕྱག་མཚན་གྱིས་ལུས་དུམ་བུར་གཏུབ་ཅིང་ཚར་བཅད་པས། ཁོའི་སྲོག་སྔགས་ཕུལ་བར་བསམ་ལ། འདུལ་བྱ་འདུལ་བྱེད་ཐམས་ཅད་སེམས་སྣང་རྨི་ལམ་གྱི་རོལ་རྩེད་དུ་འདུག་སྙམ་བསྒོམ། སྦྱང་སྤེལ་འདི་རྣམས་ནི་གདན་ཐོག་གཅིག་ཏུ་ཐུན་གྱི་ཉམས་ལེན་ལ་འཆག་མེད་དང་། འགྲོ་འཆག་བཟའ་བཏུང་ལ་སོགས་པའི་གནད་སྐབས་ཀུན་ཏུ་ཡང་དྲན་

[Full Size]

པའི་རྩིས་ཟིན་པར་བྱས་ལ་ཡང་ཡང་བསྒོམ། གཉིད་དུས་རྨི་ལམ་ཟིན་པ་ན་ལས་དང་པོ་པས་དེ་མ་ཐག་སྦྱོང་སྤེལ་གྱི་བརྩལ་རྩོལ་མི་བྱ་བར། ཨ་འདི་རྨི་ལམ་དུ་འདུག་ཆོས་ཐམས་ཅད་འདི་དང་འདྲ། རྨི་ལམ་གྱི་སྣང་བ་ལ་བདེན་པར་མ་གྲུབ་པས་བདེ་སྡུག་དང་ཆགས་སྡང་བྱེད་པ་རང་འཁྲུལ་པ་ཡིན་སྙམ་པ་དང་། དེའི་ངང་ནས་སད་འབྱམས་དང་འཁྲུལ་འབྱམས་སུ་མ་ཤོར་ན། རང་གང་ཉམས་ལེན་བྱེད་པའི་ཡི་དམ་གྱི་ལྷའི་སྐུ་ཅིག་ཏུ་གསལ་ལམ་གྱི་བསྒོམས་ལ། ཞལ་ཕྱག་རྣམས་གསལ་ཨེ་ཐེབས་བལྟ། རྨི་ལམ་དུ་རང་ལྷར་སྒོམ་ཐུབ་ན་བར་དོར་ལྷ་སྐུ་འཚང་རྒྱ་བའི་ས་བོན་ཐེབས་པ་ཡིན་པས་འདི་ཕན་ཡོན་ཆེ་བར་བཤད། ནི་གུ་མས་སྒྱུ་མ་ལམ་རིམ་ལས། རྨི་ལམ་ཟིན་ནས་ལྷ་ཡི་སྐུ། རང་ཤར་ཡུད་ཙམ་བྱུང་གྱུར་ན། བར་དོ་ཟིན་པར་ཐེ་ཚོམ་མེད།

[Full Size]

ཅེས་གསུངས་སོ། །རྨི་ལམ་རྒྱུན་དུ་ཡང་ཡང་ཟིན་ཅིང་ཅུང་ཟད་བརྟན་པར་གྱུར་ན་ཉིན་མོ་བསྒོམས་པའི་རྨི་ལམ་སྤྱོད་སྤེལ་ལ་སོགས་པ་རྨི་ལམ་ཟིན་པའི་དུས་དེར་ཡང་བྱ་ཞིང་། ཡུལ་སྣང་བལྟ་བ་ཇི་ལྟར་འཚམ་པར་བྱའོ། །རྨི་ལམ་ཟིན་ནས་གཉིད་སད་པ་དང་སྔར་གྱི་རྨི་ལམ་གྱི་སྣང་བ་དང་སད་པའི་སྣང་བ་གཉིས་ཁྱད་པར་མི་འདུག །གཉིས་ཀ་རང་གི་སེམས་སྣང་ཡིན་པར་ནི་མཚུངས། རྨི་ལམ་གྱི་སྣང་བ་ནི་རྒྱུ་གཉིད་ཀྱིས་བསླད་པའི་བག་ཆགས་འཁྲུལ་པ་ཡིན། སད་པའི་གནས་སྐབས་ཀྱི་སྣང་བ་ནི། རྒྱུ་ཐོག་མ་མེད་པ་ནས་བག་ཆགས་ཀྱིས་བསླད་པའི་སེམས་ཉིད་གཟུང་འཛིན་གྱི་འཁྲུལ་པ་ཡིན། འབྲས་བུ་ཡང་གཉིས་ཀས་ཆགས་སྡང་བདེ་སྡུག་སྐྱེས་པའི་དོན་བྱེད་ནུས་པར་མཚུངས་པས་ཁྱད་པར་ཅི་ཡང་མི་

[Full Size]

འདུག་སྙམ་དུ་ད་ལྟར་གྱི་སྣང་བ་ཐམས་ཅད་དང་བསྲེས་ནས་བཞག །ནི་གུ་མས། གཉིད་ལོག་སད་པར་གྱུར་པ་དེས། སྔར་གྱི་རྨི་ལམ་ཟིན་པ་དང་། །སད་པའི་འཁྲུལ་སྣང་ཁྱད་མེད་བསྒོམ། །ཞེས་གསུངས་སོ། །བཞི་པ་འོད་གསལ་ནི། སྔར་གྱི་སྦྱོང་སྤེལ་གྱིས་རྗེས་དེ་མ་ཐག་རང་གི་སྤྱི་བོར་པད་ཟླའི་གདན་ལ་བླ་མ་རྡོ་རྗེ་འཆང་སྔར་བཞིན་བསྒོམས་ལ། སྐྱབས་གནས་བསྟིམ། སྐུ་བཞི་ཡེ་ཤེས་ལྔ་དང་ལྡན་པ་བྱིན་རླབས་ཀྱི་བདག་ཉིད་ཡིན་སྙམ་དུ་བསྒོམ་ནས། བསྟོད་པ་དང་གསོལ་བཏབ་ཅི་ནུས་པ་དང་། བླ་མ་རིན་པོ་ཆེ་བདག་འཛིན་བློས་ཐོངས་པར་མཛད་དུ་གསོལ། །དགོས་མེད༴ །འོད་གསལ་འབྱོངས་པར༴ །ཞེས་གསོལ་བ་བཏབ་ལ་དབང་བཞི་བླང་བའམ་ཡང་ན་རང་ལ་སྟིམ་པ་ཙམ་བྱ། རང་བདེ་མཆོག་

[Full Size]

ལྷན་སྐྱེས་སྔར་བཞིན་དུ་གསལ་བའི་གསང་གནས་བཟུང་། ཚངས་བུག་གི་བར་དུ་རྩ་དབུ་མ་ཁོག་དམར་གསལ་སྦུབས་སྟོང་ཕྲུ་མ་ཕུས་བཏབ་པ་ལྟ་བུ་གསལ་བཏབ། ལྟེ་འོག་སོར་བཞིར་དབུ་མའི་ནང་དུ་རང་གི་སེམས་ཀྱི་ངོ་བོ་ཨ་དཀར་ལ་འཚེར་བ་གསལ་དྭངས་པ་འོད་ཀྱི་རང་བཞིན་ཅན་ཅིག་བསམ་ལ། ཨའི་རང་བཞིན་སྐྱེ་མེད་དུ་ཤེས་པར་བྱས་ལ། གསལ་སྟོང་འཛིན་མེད་དུ་མཉམ་པར་བཞག །ཡང་རང་གི་ཀླད་རྒྱ་དང་ཐོད་པའི་བར་དུ་བདག་མེད་དཀར་མོ་གྲི་གུག་དང་ཐོད་པ་འཛིན་པ་ཆུང་ངུ་ཞིག་ཐུགས་ཀར་ཨ་དཀར་པོ་དེ་ལས་འོད་འཕྲོས་ཀླད་པ་ཐམས་ཅད་མི་དམིགས་པར་གཙང་སིང་སྟེ་སྦྱངས། ཐོད་པ་དུང་ཁང་གི་གཞལ་ཡས་ཁང་འོད་ཀྱི་རང་

[Full Size]

བཞིན་ཁ་དོག་དཀར་པོ་སྐྱ་ལྡེམ་མེ་བ་ལ་སེམས་གཏད། ཡང་རང་བདེ་མཆོག་ལྷན་སྐྱེས་སུ་གསལ་བའི་ཐུགས་ཀར་བླ་མ་རྡོ་རྗེ་འཆང་དང་དྲིལ་བུ་ཐུགས་ཀར་བསྣོལ་ནས་འཛིན་པ་དངུལ་ཆུ་དྭངས་མའི་མདོག་ཅན་ཐིག་ལེའི་ངོ་བོ་ཡིན་པ་ལ་བདེ་བའི་རང་བཞིན་ཅན། དེའི་ཐུགས་ཀར་ཧཱུྃ་དཀར་པོ་དེ་ལས་འོད་ཟེར་འཕྲོས་པས་བླ་མའི་སྐུ་གསལ་སིང་ངེ་བྱས། བླ་མ་ལས་འོད་འཕྲོས་པས། རང་ཉིད་ཡི་དམ་གྱི་སྐུར་གནས་པ་གསལ་སིང་ངེ་བྱས་པར་བསམས་ལ་དམིགས་པ་གཏད། རྒྱུན་དུ་འོད་གསལ་གྱི་དམིགས་པ་གསུམ་ཆར་ཐུབ་ན་རབ་འབྲིང་ན་ཐོག་མཐའ་གཉིས་སམ། ཡང་ན་ཨ་ལ་སེམས་བཟུང་བའི་དམིགས་པ་དེས་ཆོག །འཕོ་བ་ནི་རང་ལྷན་སྐྱེས་སུ་གསལ་བའི་སྤྱི་བོར་སེང་གེས་བཏེག་པའི་རིན་པོ་ཆེའི་ཁྲིའི་སྟེང་དུ་པདྨ་

[Full Size]

དང་ཟླ་བའི་གདན་ལ། བླ་མ་རྡོ་རྗེ་འཆང་སྔར་བཞིན་བསྒོམས་ལ་ཁྱེད་ཤེས་ཁྱེད་མཁྱེན་སྙམ་པ་དང་། རང་གི་ལུས་ལོངས་སྤྱོད་ཐམས་ཅད་ཀྱང་མཆོད་པའི་སྤྲིན་ཚོགས་བསམ་གྱིས་མི་ཁྱབ་པར་བློས་སྤྲུལ་ནས་ཕུལ་བར་བསམ། བླ་མ་རིན་པོ་ཆེ་བདག་འཛིན་བློས་ཐོངས་པར། །དགོས་མེད༴ །ལམ་མཆོག་འཕོ་བ་འབྱོངས༴ ཞེས་གསོལ་བ་བཏབ། རང་གི་སྙིང་གི་དབུས་སུ་རང་གི་སེམས་ཉིད་ཨ་དཀར་པོ་ཅིག་ཏུ་བསམ་ལ། ཡར་བླ་མ་ལ་མོས་གུས་བྱས་པས་སྤྱི་གཙུག་གི་བུ་ག་ཁ་ཕྱེ་བ་ལྟར་བསམ་ལ། རིགས་ཀྱི་བུ་ཡར་ལ་ཤོག་གསུང་བའི་སྣང་བ་བྱུང་བས་རང་སེམས་ཨ་དེ་དབུ་མའི་ནང་ན་ཡར་བྱ་འཕུར་བ་བཞིན་སོང་ནས་བླ་མའི་ཐུགས་ཀར་ཐིམ། བླ་མ་དང་རང་སེམས་འདྲེས་པའི་

[Full Size]

ངང་ལ་འཛིན་མེད་དུ་བཞག །ནམ་ཞིག་ལས་ལ་སྦྱར་བ་ན། རང་སེམས་བླ་མའི་ཐུགས་ཀར་ཐིམ་མ་ཐག །བླ་མ་མཁའ་དབྱིངས་མཐོན་པོར་ཡུད་ཙམ་གྱིས་བྱོན་ནས་འོག་མིན་དུ་སླེབས་སོ་སྙམ་པ་དང་། རང་སེམས་བརྗོད་བྲལ་གྱི་ངང་དུ་འཇོག་པ་ཡིན་གསུང་། ད་ལྟ་རྒྱུན་དུ་མི་དགོས། སླར་ཡང་རང་སེམས་ཨ་དེ་ཐུགས་ཀ་ནས་ཐོན་སྤྱི་གཙུག་ནས་མར་དབུ་མའི་ནང་བརྒྱུད། རང་གི་སྙིང་གར་སླེབས་སྤྱི་གཙུག་གི་བུ་ག་ཆུ་ཤུའི་ཁ་ཚངས་བཞིན་བཀག་སྟེ་བསྲ་ཞིང་བརྟན་པར་བསམ་ཞིང་སྤྱི་བོའི་བླ་མ་རང་ལ་སྟིམ་པའམ། མི་དམིགས་པ་གང་བདེ་བྱ། བར་དོའི་ཉམས་ལེན་ནི། ཡང་སྤྱི་བོར་བླ་མ་སྔར་བཞིན་བསྒོམ་ལ། བདག་འཛིན་བློས༴ དགོས་མེད༴ བར་དོ་རྒྱལ་བ་རིགས་ལྔར་འཚང་རྒྱ་བར༴ ཞེས་གསོལ་བ་བཏབ། བླ་མ་རང་ལ་ཐིམ་ནས། ཨ་པ་ང་ཤི་འདུག །ངའི་ལུས་འདི་བར་དོའི་

[Full Size]

ཡིད་ལུས་སུ་འདུག །ཟས་གོས་གནས་ཁང་ལ་སོགས་པ་འདི་ཐམས་ཅད་བར་དོའི་སྣང་བར་འདུག་གོ་སྙམ་པ་དང་། སྣང་བ་ཐམས་ཅད་བདེན་མེད་རྨི་ལམ་སྒྱུ་མ་ཡིན་སྙམ་དུ་བསྒོམ། རང་གི་མདུན་དུ་ཆོས་འབྱུང་གྲུ་གསུམ་མཐིང་ནག་གི་ནང་དུ་རང་སེམས་ཧཱུྃ་དུ་བསྒོམ། དེ་ལས་འོད་ཁ་དོག་ལྔ་འཕྲོས་པས་འདས་མ་འོངས་ད་ལྟ་དུས་གསུམ་གྱིས་བསྡུས་པའི་སྐྱེ་གནས་བཞི་ལས་ཚོགས་དང་དྲི་མ་སྦྱངས། ཧཱུྃ་དེ་ཡོངས་སུ་གྱུར་པ་ལས་རང་བདེ་མཆོག་ཡབ་ཡུམ་དང་། ཆགས་སྡང་གི་ཡུལ་ཕོ་མོར་སྣང་བ་ཐམས་ཅད་ཀྱང་བདེ་མཆོག་དང་རྡོ་རྗེ་ཕག་མོའི་སྐུར་གྱུར། སྒྲ་ཐམས་ཅད་སྔགས་ཀྱི་སྒྲ་དང་། དྲན་རྟོག་ཐམས་ཅད་གསལ་སྟོང་འཛིན་མེད་ཀྱི་ངང་དུ་དར་

[Full Size]

གཅིག་བཞག །བསྔོ་བ་སྨོན་ལམ་གྱི་རྒྱས་འདེབས་ཅི་ཤེས་བྱ། དེ་ལྟར་ཆོས་དྲུག་ལ་ཆིག་དྲིལ་བྱས་ཏེ་དྲན་འདུན་དྲག་པོས་ཉམས་སུ་བླངས་ན་རབ་ཚེ་འདིར་སངས་རྒྱས་ཏེ་འཁོར་བ་མ་སྟོངས་ཀྱི་བར་དུ་སེམས་ཅན་སྨིན་ཅིང་གྲོལ་བར་འགྱུར་རོ། །རྗེས་ངས་ལེ་ལོའི་དབང་དུ་མ་བཏང་བར། །དད་དང་ངེས་འབྱུང་དྲག་པོས་རྒྱུད་བསྐུལ་ནས། །ཉམས་ལེན་འདི་ལ་སྙིང་ནས་འབུངས་གྱུར་ན། །སྐྱེ་བ་བསྟན་གྱི་དོན་ཆེན་འགྲུབ་པར་དགའ། །ཅེས་པ་འདི་ནི་རྗེ་བླ་མ་རྣམས་ཀྱི་བྲན་གྱུར་པ་དགེ་སློང་རྡོ་རྗེ་འཛིན་པ་ངག་དབང་ཆོས་གྲགས་ཀྱིས། དབོན་པོ་པདྨ་གར་གྱི་དབང་ཕྱུག་གིས་ནན་དུ་བསྐུལ་བའི་ངོར། གྲུབ་ཆེན་ཁྲིད་ཡིག་སྙིང་པོ་ཀུན་འདུས་ཀྱི་དགོངས་པ་བཞིན། ལྕག་ཕོ་སྤྲེའུ་ལོ་མང་མཁར་

[Full Size]

དགོན་གསར་གྱི་གཙུག་ལག་ཁང་དུ་སྦྱར་བའི་ཡི་གེ་པ་ནི་ཆོས་གྲགས་བཟང་པོའོ། །འདིས་ཀྱང་རང་གཞན་གྱི་འགྲོ་བ་མང་པོ་ལ་ཕན་ཐོགས་ཏེ་བསམས་པའི་དོན་ཐམས་ཅད་འགྲུབ་ཅིང་བཀྲ་ཤིས་པར་གྱུར་ཅིག །

ཆོས་དྲུག་གི་ཚིག་གསལ་དང་། ཐེམས་ཡིག་དང་། གཞི་ལམ་འབྲས་བུའི་རྣམ་བཞག་དང་། ཁྱད་འཕགས་ཀྱི་གདམས་པ་བཅོ་ལྔ། སྒྱུ་ལུས་དྲུག་ལྡན་རྣམས།

[Full Size]

ཆོས་དྲུག་གི་ཚིག་གསལ་དང་། ཐེམས་ཡིག་དང་། གཞི་ལམ་འབྲས་བུའི་རྣམ་བཞག་དང་། ཁྱད་འཕགས་ཀྱི་གདམས་པ་བཅོ་ལྔ། སྒྱུ་ལུས་དྲུག་ལྡན་རྣམས་བཞུགས། །

[Full Size]

བླ་མ་དམ་པའི་ཞབས་པད་ལ། །གུས་བཏུད་ཆོས་དྲུག་རྡོ་རྗེ་ཚིག །མ་ནོར་མཁའ་འགྲོའི་གསུངས་བཞིན་ཏུ། །གཞན་ལ་ཕན་ཕྱིར་འདིར་འགོད་བྱ། །དེའང་རྡོ་རྗེ་འཆང་གིས་ཡེ་ཤེས་ཀྱི་ཌཱ་ཀི་མ་ལ་གསུངས་པའི་སྙན་བརྒྱུད་ཞལ་གྱི་གདམས་པ་འདི་ལ་དྲུག་སྟེ། །ཐབས་ལམ་བདེ་དྲོད་རང་འབར། སྒྱུ་ལུས་ཆགས་སྡང་རང་གྲོལ། རྨི་ལམ་ཉིང་འཁྲུལ་རང་དག །

[Full Size]

འོད་གསལ་གཏི་མུག་རང་སངས། འཕོ་བ་མ་བསྒོམས་སངས་རྒྱས། བར་དོ་རྒྱལ་བ་ལོངས་སྐུའོ། །དང་པོ་ཐབས་ལམ་ལ་གསུམ་སྟེ། སྔོན་འགྲོ། དངོས་གཞི། རྗེས་སོ། དང་པོ་གསུམ་སྟེ། དག་བྱེད་ཨའི་སྟོང་ར། སྟོང་ར་ནད་གདོན་སེལ་བྱེད། རྟགས་གསུམ་སྟོང་རའི་ཁྱད་པར་རོ། །གཉིས་པ་དངོས་གཞི་ལ་ལྔ་སྟེ། ལུས་གནད་མེའི་སྟོང་ར། གཏུམ་མོ་ཟས་སུ་ཟ་བ།

[Full Size]

གཏུམ་མོ་གོས་སུ་གྱོན་པ། གདན་དུ་གདིང་བ། སྲིད་པའི་དབང་ཞུ་བའོ། །གསུམ་པ་རྗེས་ལ་གཉིས་ཏེ། གེགས་རང་གྲོལ་རླུང་རྟར་ཞོན་པའོ། །གཉིས་པ་སྒྱུ་ལུས་ལ་གསུམ་སྟེ། དབང་པོ་རབ་གྲོགས་སུ་བླ་མ་དམ་པ་བསྟེན་པ། འབྲིང་ཚིག་གཞན་གྱིས་བར་མ་ཆོད་པར་འཁྲིད་པ། ཐ་མ་མལ་གཅིག་ཏུ་ཏིང་ངེ་འཛིན་བསྐྱེད་པའོ། །དང་པོ་དབང་པོ་རབ་ལ་གཉིས་ཏེ། གསོལ་འདེབས་ལམ་འཁྱེར། ཅིར་སྣང་བདེན་མེད་ལམ་འཁྱེར་རོ། །གཉིས་པ་དབང་འབྲིང་ལ་ཡང་གཉིས་ཏེ། རང་ལུས་སྣང་སྟོང་ལྷ་སྐུ་དང་། ཅིར་སྣང་སྒྱུ་མའི་ལམ་འཁྱེར་རོ། །གསུམ་པ་དབང་པོ་ཐ་མ་ལ་བཞི་སྟེ། འགྲོ་དྲུག་སྒྱུ་མར་འཆར་བྱེད། ནད་གདོན་སྒྱུ་མའི་ལམ་འཁྱེར། འཆར་བྱེད་ཡོན་ཏན་ཚོགས་དྲུག །ཞེན་མེད་སྒྱུ་མ་རང་ཤར་རོ། །གསུམ་པ་

[Full Size]

རྨི་ལམ་ལ་དྲུག་སྟེ། རྨི་ལམ་བཟུང་བ་དང་། སྦྱང་བ། སྤེལ་བ། སྤྲུལ་པ། བསྒྱུར་བ། ཡུལ་སྣང་ངོ་། །དང་པོ་རྨི་ལམ་བཟུང་བ་ལ་གཉིས་ཏེ། རང་ཟིན་པ་དང་། འཆུག་མེད་དོ། དང་པོ་ནི་ཐིག་ལེ་དབང་བཞིའི་གནད་དོ། །གཉིས་པ་གནད་འཆུག་མེད་ལ་དགུ་སྟེ། དུས་ཀྱི་གནད་གསུམ། ལུས་ཀྱི་གནད་གསུམ། དམིགས་པའི་གནད་གསུམ་མོ། །གཉིས་པ་སྦྱང་བ་ལ་བཞི་སྟེ། སེམས་ཀྱིས་ལུས་སྦྱང་བ། ལུས་ཀྱིས་སེམས་སྦྱང་བ། བདག་མེད་མས་སྦྱང་བ། འདུན་པས་སྦྱང་བའོ། །གསུམ་པ་སྤེལ་བ་ལ་གཉིས་ཏེ། ཐུག་ཕྲད་དུ་སྤེལ་བ་དང་། གང་འདུལ་དུ་སྤེལ་བའོ༴ །དང་པོ་ལ་བཞི་སྟེ། འབྱུང་བ་ཕྲ་བ་ལ་སྤེལ་བ་དང་། རགས་པ་ལ་སྤེལ་བ། སེམས་ཅན་ཕྲ་བ་ལ་སྤེལ་བ། རགས་པ་

[Full Size]

ལ་སྤེལ་བའོ། །གཉིས་པ་གང་འདུལ་ལ་གཉིས་ཏེ། འཇིག་རྟེན་པའི་གང་འདུལ། འདས་པའི་གང་འདུལ་ལོ། །བཞི་པ་སྤྲུལ་པ་ཡང་དེ་བཞིན་ནོ། །ལྔ་པ་བསྒྱུར་བ་ལ་བཞི་སྟེ། འབྱུང་བཞི་ཕྲ་རགས་སུ་བསྒྱུར་བ་དང་། སེམས་ཅན་ཕྲ་རགས་སུ་བསྒྱུར་བ། སྣང་སྟོང་ཞེན་བྲལ་དུ་བསྒྱུར་བའོ། །དྲུག་པ་ཡུལ་སྣང་ལ་བཞི་སྟེ། །དབང་པོ་རབ་དམིགས་བྱེད་གསལ་མཁྱེན། འབྲིང་གང་བསམ་གསལ་མཐོང་། ཐ་མ་ཡིད་ལུས་མཁའ་ལྡིང་། དམན་པ་དམིགས་པའི་ཡུལ་སྣང་ངོ་། །དེ་ལ་གསུམ་སྟེ་བདག་མེད་མ་ཡུལ་སྣང་འཆར་བྱེད། ཨ་ཡུལ་སྣང་རང་གསལ། ཐིག་ལེ་ཡུལ་སྣང་གསལ་བྱེད་དོ། །བཞི་པ་འོད་གསལ་གསུམ་སྟེ། སྔོན་འགྲོ། དངོས་གཞི། རྗེས་སོ། །དང་པོ་ལ་བཞི་སྟེ།

[Full Size]

རྩ་བ་མི་རྟག་སྐྱོ་ཤས། ཡལ་ག་སྤྱོད་ལམ་དམ་རྫས། ལོ་འདབ་ཐབས་ལམ་རང་མདངས། མེ་ཏོག་གསོལ་འདེབས་འཆར་བྱེད་དོ། །གཉིས་པ་ལ་བཞི་སྟེ། འོད་གསལ་བཟུང་བ། ལམ་འཁྱེར་བསྲེ་བ། མཐར་ཐུག་གི་འོད་གསལ་ལོ། །དང་པོ་ལ་དགུ་སྟེ། དུས་ཀྱི་གནད་གསུམ། ལུས་ཀྱི་གནད་གསུམ། དམིགས་པའི་གནད་གསུམ་མོ། །གཉིས་པ་ལ་གཉིས་ཏེ། ཉིན་པར་སྐུ་གསུམ་ལམ་འཁྱེར། མཚན་མོ་སྐུ་གསུམ་རང་ཤར་རོ། །གསུམ་པ་ལ་བཞི་སྟེ། གསལ་སྟོང་བདེ་ཆེན་དུ་བསྲེ་བ། ཉིན་མཚན་དབྱེར་མེད་དུ་བསྲེ་བ། ལྟ་སྟངས་ཀྱིས་མཉམ་རྗེས་སུ་བསྲེ་བ། ཤེས་རབ་བདེ་སྟོང་དུ་བསྲེ་བའོ། །བཞི་པ་མཐར་ཐུག་ལ་ལྔ་སྟེ། གསལ་སྟོང་

[Full Size]

རང་ཤར་གྱི་འོད་གསལ། །བདེ་སྟོང་རང་ཤར་གྱི་འོད་གསལ། །ཟབ་ཞི་སྤྲོས་བྲལ་གྱི་འོད་གསལ། །དབྱེར་མེད་མཐར་ཐུག་གི་འོད་གསལ། །དག་པ་གཉིས་ལྡན་གྱི་འོད་གསལ་ལོ། །གསུམ་པ་རྗེས་ལ་ལྔ་སྟེ། དམ་ཚིག་སྤྱི་དང་བྱེ་བྲག །གེགས་སེལ་ཉེས་སྐྱོན་རང་གྲོལ། བོགས་འདོན་ཐེ་ཚོམ་གཅོད་བྱེད། ཁྱད་འཕགས་འཆར་སྒོ་ངོས་འཛིན། ཉམས་རྟོགས་ཉིན་མཚན་ཁྱད་པར་རོ། །ལྔ་པ་འཕོ་བ་ལ་བཞི་སྟེ། ཆོས་སྐུ་དེ་བཞིན་ཉིད་ཀྱི་འཕོ་བ་དང་། གཟུགས་སྐུ་ཟུང་འཇུག་གི་འཕོ་བ་དང་། །བྱིན་རླབས་བླ་མའི་འཕོ་བ་དང་། །འཆུག་མེད་མཁའ་སྤྱོད་ཀྱི་འཕོ་བའོ། །དྲུག་པ་བར་དོ་ལ་བཞི་ལས། རབ་བར་དོ་དང་པོའི་འོད་གསལ་ལོ། །འབྲིང་རྒྱལ་བ་ལོངས་སྐུ། ཐ་མ་སྤྲུལ་སྐུ་འགག་མེད་རང་ཤར། སྤྱི་གནད་འཆུག་མེད་ལམ་འཁྱེར་རོ། །ལམ་ལྔ་ས་

[Full Size]

བཅུའི་རིམ་པ་རྣམས། མདོ་དང་རྒྱུད་ལས་གསུངས་པ་ལྟར། །རང་གིས་ཉམས་སུ་མྱོང་བྱས་ནས། །ཡིད་ཆེས་ལུང་གིས་བརྒྱན་པར་བྱའོ། །ཆོས་དྲུག་རྡོ་རྗེའི་ཚིག་རྐང་ལས་ཅུང་ཞིག་གསལ་བར་ཁྱུང་པོ་རྣལ་འབྱོར་པས་བྱས་པའོ། ༈ །རྡོ་རྗེ་འཆང་གིས་གསུང་པ་ཡི། །ཆོས་དྲུག་བྱེ་བྲག་ཐེམ་ཡིག་འདི། །སྔོན་འགྲོ་དག་བྱེད་སྟོང་ར་ལ། །གསོལ་འདེབས་གསུམ་ལ་དམིགས་པ་གསུམ། །ཐབས་ལམ་བདེ་དྲོད་རང་འབར་ལ། །གསོལ་འདེབས་གཉིས་ལ་དམིགས་པ་ལྔ། །དབང་པོ་རབ་དང་འབྲིང་པོ་ལ། །གསོལ་འདེབས་ལྔ་ལ་འདུན་པ་གསུམ། །སྒྱུ་ལུས་དབང་པོ་ཐ་མ་ལ། །གསོལ་འདེབས་གསུམ་ལ་འདུན་པ་གསུམ། །རྨི་ལམ་འཛིན་པར་བྱེད་པ་ལ། །གསོལ་འདེབས་

[Full Size]

གསུམ་ལ་འདུན་པ་གསུམ། །རྨི་ལམ་སྦྱང་བའི་ཆོས་བཞི་ལ། །གསོལ་འདེབས་བཞི་ལ་དམིགས་པ་བཞི། །རྨི་ལམ་སྤེལ་བའི་ཆོས་དྲུག་ལ། །གསོལ་འདེབས་བཞི་ལ་འདུན་པ་དྲུག །རྨི་ལམ་འཁྲུལ་པའི་ཆོས་དྲུག་ལ། །གསོལ་འདེབས་འདུན་པ་དེ་བཞིན་ནོ། །རྨི་ལམ་བསྒྱུར་བའི་ཆོས་བཞི་ལ། །གསོལ་འདེབས་བཞི་ལ་འདུན་པ་བཞི། །སྒྱུ་ལུས་སྟན་ཐོག་གཅིག་མ་ལ། །གསོལ་འདེབས་བརྒྱད་ལ་འདུན་པ་བརྒྱད། །ཡུལ་སྣང་དམིགས་པ་རྣམ་གསུམ་ལ། །གསོལ་འདེབས་གསུམ་ལ་དམིགས་པ་གསུམ། །ཁྱད་འཕགས་འོད་གསལ་ཆོས་བཞི་ལ། །གསོལ་འདེབས་གསུམ་ལ་དམིགས་པ་བཞི། །འཕོ་བ་མ་བསྒོམས་སངས་རྒྱས་ལ། །གསོལ་འདེབས་གསུམ་ལ་དམིགས་པ་བཞི། །བར་དོ་

[Full Size]

ལོངས་སྤྱོད་རྫོགས་སྐུ་ལ། །གསོལ་འདེབས་གསུམ་ལ་དམིགས་པ་བཞི། །གསོལ་འདེབས་དམིགས་པའི་ཐེམ་ཡིག་འདི། །འཆུག་མེད་གནད་དུ་ཤེས་པར་བྱ། །ལོངས་སྐུ་རྡོ་རྗེ་འཆང་ཆེན་གྱིས། །ཌཱ་ཀི་མ་ལ་གསུངས་པ་ཡི། །སྙན་བརྒྱུད་ཆིག་བརྒྱུད་ཆོས་དྲུག་ལ། །མ་འོངས་དུས་སུ་བསྲེ་སླད་བྱས། །དེ་དུས་ཁྲིད་ལུགས་སྣ་ཚོགས་འབྱུང་། །དད་ལྡན་ཐེ་ཚོམ་སྤང་བའི་ཕྱིར། །འཆུག་མེད་གནད་ཀྱི་ཐེམས་ཡིག་བཀོད། །གནས་གསུམ་མཁའ་འགྲོས་བཟོད་པར་མཛོད། །ཆོས་དྲུག་རྡོ་རྗེ་ཚིག་རྐང་གི་ཐེམས་ཡིག་དང་བཅས་པ་ཌཱ་ཀི་ནི་གུ་མས་ཇི་ལྟར་གསུངས་པ་བཞིན་དུ། བདག་ཁྱུང་པོ་རྣལ་འབྱོར་པས་ཡི་གེར་བཀོད་པའོ། །རྫོགས་སོ། ༈ །གཞི་ལམ་འབྲས་བུ་གསུམ་ནི།

[Full Size]

བཞི་དབང་བཞི་རྫོགས། །ལམ་བསྐྱེད་རྫོགས་ཟུང་འཇུག །འབྲས་བུ་སྐུ་གསུམ་བདེ་ཆེན། །འཕྲིན་ལས་ལྷུན་གྲུབ་ཕྱོགས་མེད་རང་ཤར་རོ། །གནད་དྲུག་ནི། ཐབས་ལམ་རྩོལ་བའི་གནད། སྒྱུ་ལུས་བདེ་ཆེན་གྱི་གནད། རྨི་ལམ་འདུན་པའི་གནད། འོད་གསལ་མོས་གུས་ཀྱི་གནད། འཕོ་བ་དམིགས་པ་རྩེ་གཅིག་གི་གནད། བར་དོ་སྐྱོ་ཤས་ཀྱི་གནད་དོ། གེགས་དྲུག་ནི། ཐབས་ལམ་ལ་དྲོད། སྒྱུ་ལུས་ལ་འཐས། རྨི་ལམ་ལ་འབྱམས། འོད་གསལ་ལ་བརྡུགས། ཆོས་དྲུག་གི་འཕོ་བ་ལ་སྩོལ་བ་འཕྲོས། བར་དོ་ལ་བདེན་ཞེན་དུ། འཁྲུལ་གཉིས་སུ་གོལ། པའོ། །མོས་གུས། ལྟ་སྒོམ་སྤྱོད་འབྲས་ནི། ལྟ་བ་ཕྱོགས་རྟོག་པ་སྣ་ཚོགས། མེད་མཐའ་ཐ་མལ་དུ། བྲལ། སྒོམ་པ་གསལ་སྟོང་འཛིན་མེད།

[Full Size]

སྤྱོད་པ་བླང་དོར་རང་གྲོལ། འབྲས་བུ་སྐུ་གསུམ་རང་ཤར། འཕྲིན་ལས་ཕྱོགས་མེད་ལྷུན་གྲུབ་བོ། །ཡང་གཞི་ལམ་འབྲས་གསུམ་ནི། བྱིན་རླབས་དབང་གི་གཞི། གཏུམ་མོ་ལམ་གྱི་བོགས་འདོན། །རྨི་ལམ་གྱི་ཚོད་འཛིན། འོད་གསལ་འབྲས་བུ་འཆར་བའོ། །གཞི་ལམ་འབྲས་བུའི་སྐུ་གསུམ་ནི། །གཞི་སྐུ་གསུམ་རང་གནས། ལམ་སྐུ་གསུམ་ལམ་འཁྱེར། འབྲས་བུ་སྐུ་གསུམ་མངོན་གྱུར། འཕྲིན་ལས་ལྷུན་གྲུབ་ཕྱོགས་མེད་དོ། །ཌཱ་ཀི་མས་སེང་ལྡེང་ནགས་ཀྱི་ནམ་མཁའ་ནས་གསུངས་པ་རྫོགས་སོ། །རྡོ་རྗེ་འཆང་གི་ནི་གུ་མ་ལ་གསུངས། དེས་ཁྱུང་པོ་རྣལ་འབྱོར་ལ། དེས་རྨོག་ལྕོག་པ། དེས་སྐྱེར་སྒང་པ་ལ། དེས་སངས་རྒྱས་སྟོན་པ་ལ། དེས་ཤངས་སྟོན་ལ། དེས་ཡོན་ཏན་རྒྱ་མཚོ་ལ། དེས་བྱམས་པ་དཔལ་བ། དེས་བློ་གྲོས་དཔལ་བ་ལ།

[Full Size]

དེས་ཀུན་དགའ་དཔལ་བཟང་ལ། དེས་རྩ་བའི་བླ་མ་མཁས་གྲུབ་དཀོན་མཆོག་ལེགས་པ་ལ། དེས་བདག་ལའོ། ༈ །ན་མོ་གུ་རུ། རྒྱ་གར་མཁའ་འགྲོའི་ཁྱད་འཕགས་ཀྱི་གདམས་པ་བཅོ་ལྔ་ནི། སྔོན་འགྲོ་དག་བྱེད་སྟོང་ར། ཐབས་ལམ་བདེ་དྲོད་རང་འབར། སྒྱུ་ནི་གུ་མ་སུ་ཀ་སིདྷི། སྦས་པའི་རྣལ་འབྱོར། རཱ་ཧཱུ་ལ་དང་། རྡོ་རྗེ་གདན་པ་རྣམས་ཀྱི། ལུས་ཆགས་སྡང་རང་གྲོལ། རྨི་ལམ་འཁྲུལ་པ་རང་དག། ཁྱད་འཕགས་འཁོར་བ་རྣམ་དྲུག །བསྲེ་འཕོ་ཤེས་རབ་རྣམ་བཞི། འཆུག་མེད་ལམ་ཁྱེར་རྣམ་གསུམ། དག་སྣང་ལྷ་སྐུ་རང་ཤར། ཡུལ་སྣང་གང་བསམ་གསལ་མཐོང་། འོད་གསལ་གཏི་མུག་རང་སངས། འཕོ་བ་མ་སྒོམས་སངས་རྒྱས། བར་དོ་ལོངས་སྤྱོད་རྫོགས་སྐུ། ཀུན་རྫོབ་སྒྱུ་མ་རྨི་ལམ། ཡང་ལོག་གཉིས་ཀྱི། དོན་དམ་ཕན་མེད། པར་ཡང་གྲུབ།

[Full Size]

གནོད་མེད། གཞན་དོན་གཟུགས་སྐུ་རང་ཤར་རོ། དུ་འབྱུང་བ་གང་ལ་གང་འདུལ་དུ་གཞན་དོན་བྱེད་པའོ། །རང་རྒྱུད་དྲི་མ་ཉམས་ཆགས་འདག་པར་ཡང་གྲུབ་པ། དུ་འདི་ནི་སྟོང་རའི་མཚན་ཉིད་ཡིན། བདེ་དྲོད་རང་བཞིན་སྟོང་ཀྱི་ཉོན་མོངས་པའི། དང་དམ་ཚིག །དཀོར་སྐུ་གླུད་སྐུར་པ་བཏབ་པ་གྲིབ་ལ་སོགས་པ་ཐམས་ཅད། བ་སྟོང་པར་འཆར། གསལ་བར་འཆར། གསལ་འཆར། །འདི་ནི་ཐབས་ལམ་མཚན་ཉིད་ཡིན། །སྣང་ཡང་རང་བཞིན་མ་གྲུབ་པ། །འདི་ནི་སྒྱུ་མའི་མཚན་ཉིད་ཡིན། གཉིས་འཁྲུལ་བདེན་སྒྱུ་ལུས་འོད་གསལ་སྐྱེ་བའི། མེད་བདེ་བར་སྣང་བ་འདི་སྣ་ཚོགས་སུ། འཆར། །འདི་ནི་རྨི་ལམ་མཚན་ཉིད་ཉིན་པར་དང་ནུབ་མོ། །ལ་དེ་རྨི་ལམ་ཟིན་པས། ཡིན། །

[Full Size]

དག་པ་གསུམ་ལྡན་མ་དག་སྤངས། །འདི་ནི་འཁོར་བའི་མཚན་ཉིད་ཡིན། །སྒྱུ་མ་རྨི་ལམ་འོད་གསལ་བསྲེ། །ཉིན་པར་དང་མཚན་མོ་བར་དོ་གསུམ། ཉིན་པར་དང་མཚན་མོ་བར་དོ་གསུམ་གྱི་སྣང་བ་ལས་རྟེན་ནས། ཉིན་བར། དང་གཉིས། འདི་ནི་བསྲེ་འཕོའི་མཚན་ཉིད་ཡིན། །བླ་མ་ཡི་དམ་སྒྱུ་ལུས་གསུམ། །འབྲལ་བ་མེད་པར་ལམ་དུ་འཁྱེར། སྣང་སྟོང་བདེ་སྟོང་དབྱེར་མེད་མཆོག །འདི་ནི་ལྷ་སྐུའི་མཚན་ཉིད་ཡིན། །གང་བསམ་ཞིང་ཁམས་ཇི་བཞིན། པ་དབྱེར་མེད་པ་ཅི་ཡང་མཁྱེན་པའི་ཡེ་ཤེས་དང་ལྡན་པ། མཐོང་། །དབང་པོ་རབ་འབྲིང་གིས་ཉིན་པར་དང་ནུབ་མོ། ལྟ་བ་དུ་མ་ནོར་བར། འདི་ནི་ཡུལ་སྣང་མཚན་ཉིད་ཡིན། །གསལ་སྟོང་འཛིན་མེད་བདེ་བ་ཆེ། །འདི་ནི་འོད་གསལ་མཚན་ཉིད་ཡིན། །

[Full Size]

འཆི་ཁར་དྲན་པས་མངོན་སངས་རྒྱས། །འདི་ནི་འཕོ་བའི་མཚན་ཉིད་ཡིན། །སྣང་སྟོང་ཞེན་བྲལ་བདེ་ཆེན་སྡིག་པོ་ཆེ་མཚམས་མེད་པ་བྱས་པས་ཀྱང་། ཙམ་གྱི། ཀྱང་། བར་བ། སྐུ། །འདི་ནི་ལོངས་སྐུའི་མཚན་བ་དང་། པ་དབྱེར་མེད་ཅིང་དྲི་མ་ཐམས་ཅད་དང་བྲལ་བ། ཉིད་ཡིན། །སྣ་ཚོགས་སྣང་ཡང་རང་བཞིན་མེད། །འདི་ནི་ཀུན་རྫོབ་མཚན་ཉིད་ཡིན། །ཕན་གནོད་སྤང་ཐོབ་མ་གྲུབ་པ། །ཡང་ལོག་གི་ཀུན་རྫོབ་གཉིས། འདི་ནི་དོན་དམ་མཚན་ཉིད་ཡིན། །གང་འདུལ་གཞན་དོན་ལྷུན་གྱིས་གྲུབ། །འདི་ནི་གཟུགས་སྐུའི་མཚན་ཉིད་དོ། །དོན་དམ་པའི་བདེན་པ་དེ་སངས་རྒྱས་ཀྱི་སྐུ་མ་ཡིན། ལམ་མ་ཡིན། འབྲས་བུ་མ་ཡིན། དུས་གསུམ་གྱི་སངས་རྒྱས་ཀྱིས་མ་གཟིགས། མི་གཟིགས། གཟིགས་པར་མི་འགྱུར་རོ། །མ་རྟོགས་མི་རྟོག །རྟོགས་པར་མི་འགྱུར་བའི་ཡུལ་ཡིན་ནོ། །

[Full Size]

ཁྱད་འཕགས་བཅོ་ལྔ་པ་ཞེས་བྱ་བ། བདག་ཁྱུང་པོ་རྣལ་འབྱོར་པའི་ལུགས་རྒྱས་པའོ། ༈ ན་མོ་གུ་རུ། དོན་དམ་མ་གཏོགས་པའི་ཆོས་བཅུ་བཞི་པོ་དེ་དག་རེ་རེ་ལ་ཡང་ཆོས་དྲུག་གིས་ཁྱད་པར་འཕགས་ཏེ། དེ་ཡང་དང་པོར་ཆོས་དྲུག་པོ་འདི་རྒྱས་བསྡུས་གསུམ་ཀའི་ཐུན་མོང་ངོ་། དེར་མ་ཟད་ཐོས་བསམ་སྒོམ་གསུམ་གང་ལ་ཡང་ཆོས་དྲུག་པོ་དང་མ་བྲལ་བ་ཅིག་དགོས་སོ། །བྱང་ཆུབ་མཆོག་ཏུ་སེམས་མ་བསྐྱེད་ན་ཐེག་པ་ཆེན་པོར་མི་འགྲོ་བས་ཅི་བྱེད་སེམས་ཅན་གྱི་དོན་བྱ། །ལུས་ལྷར་མ་བསྐྱེད་ན་ལུས་ཐ་མལ་ལས་མི་འགྱུར་ཞིང་། ལོངས་སྤྱོད་རྫོགས་པའི་སྐུ་མི་འགྲུབ་པས། ལུས་ཡི་དམ་དུ་བསྐྱེད་དོ། །བླ་མ་ལ་གསོལ་བ་མ་བཏབ་ན་བྱིན་རླབས་མི་འབྱུང་ཞིང་། ཐེག་པ་ཆེན་པོ་གསང་སྔགས་ཀྱི་བྱིན་རླབས་ཁྱད་པར་དུ་འཕགས་པ་

[Full Size]

ཡིན་པས་ཇི་ལྟར་འདུག་ཀྱང་བླ་མའི་སྣང་བ་མི་འབྲལ་བར་བྱའོ། །ཕྱག་རྒྱ་ཆེན་པོ་མ་བསྒོམས་ན་སངས་མི་རྒྱ་བས། སྣང་སྲིད་རང་གྲོལ་དུ་རྟོགས་པར་བྱའོ། །རྗེས་སུ་ཡི་རང་མ་བསྒོམས་ན་དགེ་བའི་ལོ་ཐོག་ཕྲག་དོག་གི་སེར་བས་འཇོམས་པས། རང་གཞན་ཐམས་ཅད་དགེ་བའི་རྩ་བ་ལ་ཡི་རང་བ་བསྒོམ་མོ། །དགེ་བའི་རྩ་བ་མ་བསྔོས་ན་མི་འཕེལ་ཞིང་འཛད་པས་དམིགས་མེད་ཀྱི་སྙིང་རྗེ་ཆེན་པོས་སེམས་ཅན་གྱི་དོན་དུ་བསྔོ་བར་བྱའོ། །སྒྱུ་ལུས་དྲུག་ལྡན་ཞེས་བྱ་བ་བདག་ཁྱུང་པོ་རྣལ་འབྱོར་པའི་ལུགས་སོ། །ཨིྠྀ། །

ནི་གུ་ཆོས་དྲུག་གི་ཁྲིད།

[Full Size]

ནི་གུ་ཆོས་དྲུག་གི་ཁྲིད། །

[Full Size]

ནཻ་གུ་ཆོས་དྲུག་གི་ཁྲིད་ནི། སྐྱབས་སེམས་སྔོན་དུ་སོང་ནས། སྤྱི་བོར་པད་ཟླའི་སྟེང་དུ་བླ་མ་བསྒོམ་ལ། བླ་མ་རིན་པོ་ཆེ་བདག་གི་ནད་གདོན་ཞི་བར༴ །སྡིག་སྒྲིབ་དག༴ ཏིང་ངེ་འཛིན་ཁྱད་པར་ཅན་རྒྱུད་ལ་སྐྱེ༴ །རང་གི་མགོ་ནང་དུ་ཆོས་འབྱུང་དཀར་སངས་པའི་སྟེང་ཐད་དུ་ཨ་དཀར་པོ་ལས་བདུད་རྩི་བྱུང་ལུས་ཁེངས་སྡིག་སྒྲིབ་བག་ཆགས་

[Full Size]

དུད་ཁུའི་རྣམ་པར་ཕྱིར་སྦྱངས་ནས། ལུས་ཤེལ་གོང་ལྟར་གྱུར། ནད་ཚད་པ་ལ་བདུད་རྩི་བསིལ་བ་གྲང་ལ་དམར། རླུང་ལ་དམར་སེར་ཚ་གྲང་སྙོམས་པས་སྦྱང་། གདོན་ལ་ཁྲོ་ཆུ་ཁོལ་མ་ལྟ་བུ། རྟགས་རྣམས་དངོས་དང་རྨི་ལམ་དུ་འཆར། གཏུམ་མོའི་སྔོན་འགྲོ་མེའི་སྟོང་ར། ལུས་མེ་ཐབ་དྲུག་ཆིངས་སུ་བྱ་ཞིང་། རྡོ་རྗེ་རྣལ་འབྱོར་མར་གསལ་བའི་ནང་དར་

[Full Size]

དམར་རྐྱལ་པ་ལྟར་སྲབ་དྭངས་ཀྱི་མཁལ་རྩ་གཡས་གཡོན་མདུན་རྒྱབ་ཏུ་མེ་གོང་བསམ། བླ་མ་རིན་པོ་ཆེ་བདག་ལ་སེམས་ཅན་གྱི་དོན་དུ་བདེ་དྲོད་ཀྱི་ཏིང་ངེ་འཛིན་བདེ་སྟོང་གི་ཏིང་ངེ་འཛིན་སྐྱེ་བར་མཛད༴ །འཇམ་རླུང་བཟུང་ལ་ཕོ་སྐོར་བྱས་པས་མེ་གོང་འཐབས། མེ་སྟག་དམར་སྐྱ་ཐོར་ཐོར་བར་བསམས། གཏུམ་མོ་ཟས་ཟ་རྩ་གསུམ་འདུས་མདོར་རམ་ཡིག་མེ་རླུང་གི་བསྐུལ་ཏེ། དབུ་མ་ཇེ་ཡངས་མེས་ཁེངས་པར་བསམ་ལ། ལུས་དཀྲུག་འཁོར། རྩུབ་ཤིང་མའི་འཁྲུལ་འཁོར། ངག་ལྟེ་འོག་གི་རླུང་ཁ་སྦྱར། སེམས་མེ་འབར་བ་ལ་རྩེ་གཅིག་གཏད་དོ། །གོས་གྱོན་འཐིལ་མེའི་ལུས་འགེབས། སྟན་འདིང་ཁྱི་ཉལ་སྒོར་མོར་ཉལ། རྟ་ཞོན་མཆན་འོག་ནས་རླུང་གི་ལྷ་མོས་འདེགས་པར་བསམས་ལ། རླུང་

[Full Size]

ཁུག་པ་ཉེར་གཅིག་སྦྱངས། སྲིད་པའི་དབང་སྤྱི་བོའི་བླ་མའི་སྐུ་ལུས་བདུད་རྩི་དཀར་ཆིལ་གྱིས་བྱུང་ནས་རང་གི་སྤྱི་མགྲིན་སྙིང་ཁ། ལྟེ་གསང་གང་དབང་བཞི་བསྐུར་བར་མོས། གེགས་སྟོད་ལ་ནོར་བུ་མིག་གསུམ་གང་ན་སར་བསྒོམ་ལུས་འཁྲོལ་ཚགས་སུ་ལྟར་ཡང་བསམ་ལ་རླུང་འབུད། ནད་རླངས་ཀྱི་རྣམ་པར་ཕྱིར་ཐོན་ཧ་དྲག་པོ་དང་། ཁུ་ཚུར་ཕྱིར་བསྟན། ནུ་མའི་སྟེང་ཐད་དུ་རྡེག །སྨད་ལ་རྡོ་རྗེའི་བུ་གར་རཀྟའི་ངོ་བོ་པདྨ་དམར་པོའི་རྩ་བ་ཕྲ་བ་བུ་གའི་ནང་ནས་ཡར་ཆུད་པར་བསྒོམ་ལ། རྐང་མཐིལ་སྤྲད་ནས་རྡོ་རྗེ་གཙུག་ཏོར་གྱི་ཕྱག་རྒྱ་སྤྱི་བོར་བསྒྱུར་བས་དམིགས་པ་ནོར་བུ་རྒྱུ་མ་མདོག་ཏུ་གྱེན་ལ་བྱུང་བས་ཧཱུྃ་ཡིག་དམར་ལ་དྭངས་པ་ཅིག་དབུ་མའི་ལམ་ནས་ཚངས་བུག་བར་དུ་བྱོན་པ་ལ་ཤེས་པ་གཏད།

[Full Size]

འཛག་པ་དྲུག་ཀ་འདིས་ཆོད་ཞལ་ཤེས་བྲིས་པ་ཡིན། སྒྱུ་ལུས་ལ་སྐྱོ་ཤས་བསྐྱེད་དེ་རང་བདེ་མཆོག་ལྷན་སྐྱེས་སུ་བསྒོམ་པའི་སྤྱི་བོའི་བླ་མ་ཀུན་འདུས། བླ་མ་རིན་པོ་ཆེ་བདག་འཛིན༴ །དགོས་མེད༴ །སྒྱུ་ལུས་རྨི་ལམ་འབྱོངས༴ །བླ་མ་རང་ལ་སྟིམ་རྗེས་ཅིར་སྣང་སྒྱུ་མར་ཤར་བའི་འཆར་སྒོ་དང་མ་བྲལ། རྗེས་ཐོབ་སྐྱོང་བ་ནི་དབང་པོ་རབ་འབྲིང་། རང་ཉིད་བདེ་མཆོག་གི་མཚོན་པའི་སྣང་དམིགས་སྒྱུ་མ་རྨི་ལམ་དུ་ཐག་རྦད་བཅད། ནང་ཡིད་དང་ངག་མཚུངས་པར་སྒྱུ་མ་རྨི་ལམ་ཅེས་བརྗོད། ཐ་མས་འགྲོ་འདུག །འཕོ་སྐྱས་བློ་སྣ་ལོང་གཏམ་གྱི་སད་བཞི་སྤངས་ནས། ལྟོ་བར་ཆོས་འབྱུང་ནང་དུ་འགྲོ་བ་རིགས་དྲུག་ལ་སྙིང་རྗེ་བསྐྱེད། འོག་རླུང་བསྐུམས། སྟེང་རླུང་མདུན་པས་མནོས་ཅིང་བདེ་དྲོད། རྨི་ལམ་རང་

[Full Size]

བཞིན་ཟིན་སྦྱོང་སྤེལ་ཡུལ་སྣང་རང་ཤར་ཏེ་ཡོན་ཏན་དྲུག་འཆར། ནད་སྒྱུ་མར་ཐག་བཅད། གདོན་ཆོས་འབྱུང་དུ་བཀུག་ལ་དཀྲུག་འཁོར་བྱས་པས་འཐུལ་འགྲོ་ཞིང་། ཞེན་མེད་སྒྱུ་མའི་རང་ཉམས་རྩིས་བཟུང་། རྨི་ལམ་ལ་བླ་མ་རིན་པོ་ཆེ་བདག་འཛིན༴ །དགོས་མེད༴ །རྨི་ལམ་ཟིན་པར༴ །སྤྱི་བོའི་ཧཾ་ལས་ཐིག་ལེ་དཀར་པོ། གསང་གནས་ཀྱི་ཧཱུྃ་ལས་ཐིག་ལེ་དམར་པོ། སྙིང་གར་འཁོར་བ་བུམ་དབང་། རེག་པ་གསང་དབང་། རེག་བདེ་ཤེས་རབ་ཡེ་ཤེས། གཅིག་ལ་གཅིག་ཐིམ་པ། དབང་བཞི་པར་མོས་ཤིང་། གནད་འཆུག་མེད་དགུ་ལ། དུས་ཐོ་རངས་ནམ་ལངས་ཉི་ཤར། ལུས་སྐྱིལ་ཀྲུང་ཙོག་པུ། སེང་གེའི་ཉལ་སྟབས་དམིགས་པ་རྟོག་བྱས། གཉིས་རྟོག་མེད་ཅིག་གི༴ །

[Full Size]

ཐིག་ལེ་དཀར་དམར་སྣ་སྒོ་གཡས་གཡོན་ནས་འཐོན། སྨིན་མཚམས་སུ་བདེ་མཆོག་ཡབ་ཡུམ་གསལ་བ་འོད་དུ་ཡལ་བ་དང་སྙིང་གར་བླ་མའི་ཐུགས་ཀར་ཧཱུྃ་བསམ་པའི་བླ་མ་ཧཱུྃ་འོད་དུ་ཡལ་བ་དེ་ཉིད་རྨི་ལམ་ཅེས་པས་འདུན་པ་རྐྱང་གྲིལ་བྱས་ལ་བཟུང་། སྦྱང་བ་རྨི་ལམ་འབྱོངས་པར་མཛད་དུ་གསོལ། ཅེས་གསོལ་བ་བཏབ། གཡང་ཟ་ལ་བདེ་མཆོག་གི་སྦྱོང་བ་སེམས་ཀྱི་ལུས། སྒོ་དགུའི་ཐིག་ལེ་ནང་དུ་འདུས་ནས་ཡལ་སེང་བ་ལུས་ཀྱིས་སེམས། མདུན་དུ་བདག་མེད་མའི་པདྨ་ལས་ཨ་ཕྲེང་དང་། བདག་མེད་མ་འོད་དུ་རྡོ་རྗེ་ནོར་བུའི་ནང་ནས་འདྲེན་ལ། བདག་མེད་མའི་མདུན་ཀྱང་རྩེ་གཅིག་འདུན་པས་སྦྱངས་པའོ། །སྤེལ་ནུས་པར་མཛད་དུ་གསོལ། ཅེས་བྱས་ལ། བྱི་བ། བྱི་ལ། བྱིའུ། ཁྲ། ཁྱི། སྤྱང་ཁུ། སྟག །

[Full Size]

སེང་གེ། མི་སྲིན་པོ་སོགས་དང་། ཀླུ་ལ་ཁྱུང་། གཟའ་ལ་ཕྱག་ན་རྡོ་རྗེ། རྒྱལ་འགོང་ལ་རྟ་མགྲིན། ཀུན་ཁྱབ་ཏུ་རྡོ་རྗེ་འཇིགས་བྱེད་ལྟ་བུར་སྤྲུལ་ནས་ཕྱག་མཚན་གྱིས་བརྡུང་བ། མེ་དཔུང་གིས་བསྲེགས་པར་མོས་པས་འདུལ། སྤྲུལ་ནུས་པར་གསོལ་བ་བཏབ་རྗེས། གང་སྤྲུལ་གོང་བཞིན་བསྒྱུར་ནུས་པར་གསོལ་བ་བཏབ་པ་དང་། འབྱུང་བཞི་སེམས་ཅན་ཕྲ་རགས། ལྷ་སྐུ་སྣ་ཚོགས་ཞལ་ཕྱག་མང་ཉུང་རྣམས་སྣང་སྟོང་ཞེན་བྲལ་དུ་བསྒྱུར། ཡུལ་སྣང་གཏན་ལ་ཕེབས་པར་གསོལ་བ་བཏབ་ནས། དམིགས་མེད་གསལ་མཁྱེན་གང་བསམ་གསལ་མཐོང་། ཡིད་ལུས་མཁའ་ལྡིང་གི། དམན་པའི་ཡུལ་སྣང་ལ་ལྟེ་བར་ཆོས་འབྱུང་ནང་དུ། ཐོད་པའི་ནང་། ཨོཾ་ཨཱཿསྭཱ་ཧཱ་ལས་

[Full Size]

བདག་མེད་མ་མན་ཤེལ་ལས་དྭངས་པ་ལས་འོད་ཟེར་སྣ་ལྔའི་རྩེར་ལྷ་ཚོགས་རང་རང་གི་སྔགས་སྒྲ་སྒྲོག་པ་ཕྱི་ནང་གསང་བའི་མཆོད་པས་མ་དག་སྣོད་བཅུད་སྦྱངས་ཤིང་། ཁྲིག་མེར་གྱི་གང་བའི་བདག་མེད་མའི་ཐུགས་ཀར་གང་། ལྟ་འདོད་པའི་ཡུལ་འགོད་པའམ། བདག་མེད་མ་ཨར་བསམ་བསམ་པའི་འོད་ཀྱི་ཡུལ་སྣང་བལྟ་བའམ། ཨ་ཐིག་ལེར་བསམ་པའི་འོད་ཟེར་ཡུལ་སྣང་གང་ལྟར་སྤྲོ་བའོ། །འོད་གསལ་ལ་ཡང་སྔར་ལྟར་སྐྱོ་ཤས་ཆེར་བསྐྱེད། དམ་རྫས་དང་ཁ་ཟས་སྣུམ་པ། སྤྱོད་ལམ་དལ་ཞིང་རྡུལ་ཐོན་གྱི་ལས་སྤོངས། ཤ་ཆེན་དང་ཚིལ་ཆེན་བསྲེག །ཚོགས་དང་གཏོར་མ་བཟང་དུ་བཤམས། བླ་མ་སངས་རྒྱས་དངོས་མཐོང་གི་བློས་གསལ་འཛིན་པར་གསོལ་བ་བཏབ། རང་ལུས་རྩ་

[Full Size]

དབུ་མ་དྭངས་གསལ་བསྒོམ་པའི་ལྟེ་བའི་ཨ་ལ་མ་ཡེངས་པར་སེམས་འཇོག་ཀླད་རྒྱའི་སྟེང་དུ་བདག་མེད་མའི་ཐུགས་ཀའི་ཨ་འོད་ཀྱི། ཀླད་པ་གཏི་མུག་གི་རང་བཞིན་སྦྱངས། ཐོད་པ་དུང་ཁང་གི་གཞལ་མེད་ཁང་། སྙིང་དབུས་སུ་གསལ་དྭངས་ཐིག་ལེའི་ནང་དུ་བླ་མ་དང་ཐུགས་ཀར་ཧཱུྃ་ཡང་ཐིག་ལེའི་རང་བཞིན་ཅན་ལ་ཡིད་རྩེ་ཏུ་གཏོད་ཅིང་ཉིན་མཚན་སྐུ་གསུམ་ལམ་ཁྱེར་ངང་ནས་གསལ་སྟོང་དབྱེར་མེད་དུ་ལྟ་སྟངས་ཀྱི་མཉམ་རྗེས་བསྲེ་བ། སྣང་སྟོང་བདེ་སྟོང་གསལ་སྟོང་རིག་སྟོང་ཟབ་ཞི་སྤྲོས་བྲལ་དག་པ་གཉིས་ལྡན་དུ་ངེས་ཤེས་ལྷག་པར་བསྐྱེད་ཅིང་ངོ་སྤྲོད། དམ་ཚིག་སྤྱི་དང་བྱེ་བྲག་ལ་མནན་སྦྱོར་བྱ། གེགས་སེལ་ངེས་སྐྱོན་རང་གྲོལ་བོགས་འདོན་ཐེ་ཚོམ་རྩ་བ་བཅད་དོ། །

[Full Size]

ཉམས་རྟོགས་ཉིན་མཚན་ཁྱད་པར་རྣམས་ཀྱི་ཤན་ཕྱེད་པར་བྱ་བ་གཅེས་སོ། །འཕོ་བ་ཐེབས་པར་མཛད་དུ་གསོལ་ཅེས་གསོལ་བ་ཕུར་ཚུགས་སུ་བཏབ་ལ་རང་ལུས་དར་སྔོན་གྱི་གུར་ཁྱིམ་ལྟར་སྣང་བའི་ལྟེ་བར་འགྲོ་དྲུག་སྐྱེ་སྒོ་གཅོད་པའི་ཆོས་འབྱུང་ཟུར་དྲུག་པའི་སྨད་ཟུར་འཐུར་བསྟན་ངན་སོང་གསུམ་ལམ་བསྒྲོགས་གཅོད་དེ་ཟུར་མདུན་དང་མཁལ་རྩ་གཡས་གཡོན་ལ་གཏད་པའི་ནང་ནས་ཡར་རྩ་དབུ་མ་རྒྱ་མཐོང་ཐལ་ལེ་བ། ལྟེ་བར་ཨ་དཀར་པོ་འོད་འཕིར་བ། ལྟོ་བ་རྒལ་པ་ལ་བཅར་རྒྱབ་པས་ཨ་དཀར་མདའ་ལྟར་དབུ་མའི་གཞུང་ལམ་ནས་སོང་། སྤྱི་བོའི་རྒྱ་མཐོང་ནས་འཐོན་ཏེ་འོད་དུ་ཡལ་ཡལ་བ་ཆོས་སྐུ་དེ་བཞིན་ཉིད། བདེ་ཀྱེ་སོགས་ཡི་དམ་གང་མོས་ལ་སྟིམ་ན་ཟུང་འཇུག་ཡི་དམ། མཁའ་སྤྱོད་དཀར་དམར་གང་རུང་

[Full Size]

གི་གསང་སྒོར་ཞུགས་ན་འཆུག་མེད་མཁའ་སྤྱོད། བླ་མའི་ཐུགས་ཁར་འཕོས་ན་བྱིན་རླབས་བླ་མའི་འཕོ་བའོ། །བླ་མ་ལ་བར་དོ་ལོངས་སྐུ་འགྲུབ་པར་གསོལ་བ་བཏབ་ནས་རབ་བར་དོ་དང་པོའི་འོད་གསལ་རང་ཤར། རང་བཞིན་མའི་ངང་དུ་བུ་བསྒོམ་པའི་འོད་གསལ་མ་བུ་ཞལ་མཇལ་སྔར་འདྲིས་པའི་མི་དང་འཕྲད་པ་ལྟར། ངོ་ཤེས་དྲན་པའི་ཡེ་ཤེས་ཐོབ་པ་ཡིན་ལ། འབྲིང་ལུས་ལྷ། ངག་སྔགས། སེམས་སྐྱེ་མེད་ཕྱག་རྒྱ་ཆེན་པོའི་རང་རྩལ་གྱི་གཤིན་རྗེའི་གཟུགས། རྒྱོབ་གསོད་འབྱུང་བཞི་ལོག་པའི་སྒྲ་བར་དོར་སྐྱེ་བའི་སྡངས་སྐྲག་དེར་འཛིན་མེད་པར་གྲོལ་ལ། ཐ་མལ་གྱི་སྣོད་བཅུད་གཞལ་ཡས་ཁང་། ནང་བཅུད་ཡི་དམ་ལྷ་མོས་ནས་མདུན་དུ་ཆོས་འབྱུང་སྔོན་པོ་ཅིག་བསྒོམ༴

[Full Size]

འདི་མ་རྟོགས་པ་ལ་མིའི་མངལ་འོག་མིན་ཆོས་ཀྱི་ཕོ་བྲང་ཡིན་ཨང་སྙམ་དུ་བསམ། དེའི་དབུས་སུ་ཧཱུྃ་སྔོན་པོ་འོད་ཟེར་ལྔ་ལྡན་འཕྲོས་པའི་སྐྱེ་གནས་ལྔའི་འདས་པའི་མངལ་སྒོ་དག །ད་ལྟ་བའི་མངལ་སྒོ་སྦྱངས། མ་འོངས་པའི་མངལ་སྒོ་བཀག་པར་བསམ་ལ། ཧཱུྃ་ལས་རང་བདེ་མཆོག་དེའི་སྤྱི་བོར་རྗེ་བཙུན་མ། དེའི་སྤྱི་བོར་བླ་མ་བཞུགས་པའི་བླ་མ་འོད་ཟེར་བདེ་བའི་རང་བཞིན་ཅན་རྗེ་བཙུན་མ་ལ། དེ་ལས་འོད་ཟེར་བདེ་བའི་རང་བཞིན་ཅན་རང་ལ་ཕོག །ཕོ་ཞེ་སྡང་སྐྱེ་བའི་ཡུལ་ཆོས་འབྱུང་གཡས་ཟུར་དུ་བདེ་མཆོག་ཡབ་རྐྱང་། མོ་འདོད་ཆགས་སྐྱེ་བའི་ཡུལ་ཆོས་འབྱུང་གཡོན་ཟུར་དུ་རྡོ་རྗེ་རྣལ་འབྱོར་མ་ཡུམ་རྐྱང་དུ་བསྒོམ་ལ་ཡིད་ཀྱི་སྤྲུལ་པའི་མཆོད་པ་ཕུལ་ཞིང་སྦྱངས་པས་བར་དོ་ལོངས་སྐུར་སངས་རྒྱ་བ་

[Full Size]

ཉིད་དོ། །ཟབ་ཁྲིད་ཀུན་ལས་ཕུལ་བྱུང་བའི། །དགའ་སྟེར་ནཻ་གུ་ཆོས་དྲུག་ཁྲིད། །གྲོལ་མཆོག་རང་གི་ཉམས་ལེན་ཚུལ། །ཡི་གེར་གསལ་བ་བཀོད་འདིའོ། །བསམ་སྡིངས་གཞོན་ནུ་གྲུབ་ཀྱི་ཁྲིད་ལས་བསྡུས་སོ། ༈ཕྱག་རྒྱ་ཆེན་པོ་གའུ་མའི་ཁྲིད། །ཕྱག་རྒྱ་ཆེན་པོ་གའུ་མའི་ཁྲིད། །སྐྱབས་སེམས་སྔོན་དུ་སོང་ནས། སྔོན་འགྲོ་རང་བབས་རྣམ་གསུམ་ནི། །ལུས་ཀྱི་བྱ་བ་མ་ཡེངས་པར། །རྐང་པ་སྐྱིལ་ཀྲུང་སྒལ་ཚིགས་བསྲང་། །ལག་པ་པུས་གོང་དུ་བཞག་ལ་འབོལ་ལེ་སྡོད། ངག་ཀྱང་སྨྲ་བརྗོད་སྤངས་ལ་མཆུ་འབྱེད་འཛུམ་མི་བྱེད། ཡིད་དུས་གསུམ་རྟོག་པའི་རྒྱུ་ཕྲེང་བཅད། མི་མནོ། མི་བསམ། མི་སྤྲོ། གཉུག་མའི་རང་སོ་བཟུང་ལ་བསྒོ་འདོད་རྟོག་པས་མ་སྤངས་

[Full Size]

པར་འཇོག་ཅིང་། མདུན་རྒྱབ་སྟེང་འོག་གཡས་གཡོན་ཐམས་ཅད་དུ་ལྟ་སྟངས་བསྒྱུར་ཞིང་རྩོལ་མེད་དུ་ཧད་དེ། །མདོ་འདོན་སྔགས་བཟླ། གཏམ་སྨྲ་བ་ཀུན་ལའང་དེ་ཆད་དེ་ཁའི་ངང་ནས་བྱེད། རིག་པ་བྱིངས་ན་མིག་གི་ལྟ་སྟངས་བསྟོད། རྒོད་ན་ཕབ། ཡང་ཡང་བླ་མས་བསྒོམ་བལྟ་བྱ་ཞིང་། དངོས་གཞི་སྐྱོན་བཞི་རང་གྲོལ། རྒྱུན་དུ་འགྲོགས་ཀྱང་ཞལ་མ་མཇལ། ཉེ་དྲགས་པས་ངོས་མ་ཟིན། བཟང་དྲགས་པས་བློར་མི་ཚུད། ཟབ་དྲགས་པས་ཡིད་མ་ཆེས་པའི་མཚང་གཏོལ་ནས་ངོ་སྤྲོད་དོ། །རྗེས་མཐར་སྐུ་བཞི་རང་ཤར། སེམས་མི་རྟོག་པ་ཆོས་སྐུ། རང་རིག་པ་ལོངས་སྐུ། སྣ་ཚོགས་སུ་འཆར་བ་སྤྲུལ་སྐུ། དབྱེར་མེད་ངོ་བོ་ཉིད་སྐུ། སྙིང་རྗེ། བསྐྱེད་རིམ། རླུང་།

[Full Size]

མོས་གུས་ཀྱི་བོགས་འདོན་པ་ཉིད་དོ། །གའུ་མའི་ནང་ནས་བྱུང་བའི་དཔེ། །ཀུན་སྣང་ཏ་ལའི་འདབ་བྲིས་པའི། །བེ་བུམ་དགའ་མོའི་མདུད་གྲོལ་མཆོག །དེང་འདིར་ཡི་གེའི་སྣང་བར་བཀོད། །བསམ་སྡིངས་པ་གཞོན་ནུ་གྲུབ་ཀྱི་ཁྲིད་ལ་བསྡུས་སོ། ༈ །ལམ་ཁྱེར་གྱི་ཁྲིད། ལམ་ཁྱེར་གྱི་ཁྲིད་ནི། སྐྱབས་སེམས་སྔོན་དུ་སོང་ནས། རང་གི་སྤྱི་བོར་པད་ཟླའི་སྟེང་དུ་བླ་མ་བསྒོམ་སྟེ། དེའང་སྐུའི་རྣམ་པ་ཇི་ལྟ་བ། གསུང་གི་ང་རོ་ཇི་ལྟ་བ། ཐུགས་ཀྱི་མཁྱེན་དགོངས་ཇི་ལྟ་བར་གསལ་བཏབ་ནས་གདུང་ཤུགས་དྲག་པོས། ཕར་ལ་སྟིམ་ཕོད་པ་དང་། ཚུར་ལ་འཕྲོག་ནུས་པའི་བློ་སྣ་རྩེ་ཡམ་ཡམ་པས། གཟུགས་སྣང་བླ་མའི་སྐུ། སྒྲ་བརྗོད་བླ་མའི་གསུང་། དྲན་རིག་བླ་

[Full Size]

མའི་ཐུགས་སུ་ཐག་རྦད་རྦད་བཅད་ནས་མཚན་ལྡན་བླ་མ་དག་པ་འདིས་བདག་བཟོད་དཀའི་འཁོར་བ་ལས་བདག་བསྒྲལ་བས་བཀའ་དྲིན་འཁོར་བ་མེད་སྙམ་པའི་ལུས་བ་སྤུ་གཡོ་བ། མིག་མཆི་མ་འཁྲུག་པའི་མོས་གུས་སྟོབས་སུ་སྦྱར་ཏེ། ཕྱག་འཚལ་ལོ༴ ཆོས་འཁོར་བསྐོར་ཞིང་མྱ་ངན་མི་འདའ་བར་གསོལ་བ་འདེབས། དགེ་བ་བླ་མས་རྗེས་སུ་འཛིན་པའི་རྒྱུར་ཅིག་བརྗོད། དེ་བཞིན་དུ་ཅིར་སྣང་ཡི་དམ། ཅིར་སྣང་སྒྱུ་མར་བསྒོམ་སྟེ། ལམ་ཁྱེར་གོང་བཞིན་ཉམས་སུ་ལེན་པའོ། །ལམ་ཁྱེར་རྣམ་པ་ཀུན་འདུས་པའི། །དགའ་བློ་རང་གྲོལ་མཆོག་གི་འཁྲིད། །ཉུང་གསལ་ཡི་གེས་མཚོན་པ་ཡང་། །སྐལ་ལྡན་ཐར་ལམ་བསྒྱུར་བྱེད་ཡིན། །བསམ་སྡིངས་གཞོན་ནུ་ལྷུན་གྲུབ་ཀྱི་ཁྲིད་ལས་བསྡུས་པའོ། ༈ །སེམས་འཆི་མེད་ཀྱི་ཁྲིད། སེམས་འཆི་མེད་

[Full Size]

ཀྱི་ཁྲིད་ནི། སྐྱབས་སེམས་སྔོན་དུ་སོང་ནས། རང་བདེ་མཆོག་ལྷན་སྐྱེས་ཡབ་ཡུམ་དུ་གསལ་བའི་ཡབ་ཀྱི་ཚོགས་ཀྱི་སྟེང་དུ་ཧཱུྃ་སྔོན་པོ་དང་། ཡུམ་གྱི་འཚོག་མར་བཾ། ཡིག་འབྲུ་གཉིས་སྔོ་བ་དང་དམར་བའི་མདངས་ཀྱི་ལྷའི་སྐུ་ཡང་མོག་མོག་པོར་སྣང་བ་ལ་ཡིད་གཏད་དེ། ཡི་གེ་གཉིས་ལས་འོད་ཟེར་སྔོ་དམར་བདེ་བའི་རང་བཞིན་ཅན། གངས་རིའི་རྩེ་ལ་ཉི་མ་ཤར་བའི་དཔེས། འོད་ཀྱི་གང་ཕོག་རྣམས་བཻ་ཌཱུརྱ་དང་པདྨ་ར་ག་ལ་འཇིམ་པས་གེས་པ་ཆུས་དཀྲུས་པ་ལྟར་ཕྱི་གསལ་ནང་གསལ་ཉིད་དུ་གྱུར་ཏེ། ཡབ་ཀྱི་རལ་པའི་རྩེའི་ཡིད་བཞིན་ནོར་བུ། གཡོན་ངོས་ཀྱི་ཚེས་གཅིག་གི་ཟླ་བ་འཚོག་མའི་གོང་མཚམས་རལ་པ་ལ་བརྟེན་སྣ་ཚོགས་རྡོ་རྗེ་རལ་པ་ནག་པོ་རུས་པའི་

[Full Size]

འཁོར་ལོ་དང་འཕྱང་འཕྲུལ་ཐོད་སྐམ་ལྔའི་དབུ་རྒྱན་གྱི་བར་རྡོ་རྗེ་འཕྲེང་ཉལ་དཔའ་བོའི་དར་དཔྱངས། སྤྱན་གསུམ་དམར་ཞིང་དབུས་སྔོ་མཐའ་སྐྱ་བ་ཤངས་ཟེངས་མཐོ་བ། དཔྲལ་བའི་དབྱེས་མཐོ་བ། ཞལ་འཛུམ་དང་སྙན་ཤལ་རིང་བ། བཞད་པའི་ཞལ་གཡས་ཚེམས་དང་། མཆེ་བའི་རྩེ་སྔོན་ཙམ། མགྲིན་པ་ཟླུམ་པ། སྐུ་སྟོད་རྒྱས་པ། ཕྱག་གཉིས་ཀྱི་རྡོ་རྗེ་དྲིལ་བུ་འཛིན་པས་ཡུམ་ལ་འཁྱུད་པ། རུས་པའི་མགུལ་རྒྱན་སྙན་ཆ་སེ་མོ་དོ། དཔུང་རྒྱན་ཕྱག་གདུག་སྐེ་རགས་ཞབས་གདུབ་ཐམས་ཅད་དཀར་ཆབ་སེ་བ། སྟག་ལྤགས་རྒྱབ་ཏུ་གྲོལ་བ། ཞབས་གཡས་བསྐུམ་གཡོན་བརྐྱང་བས། པད་ཉིད་འཇིགས་བྱེད་དུས་མཚན་མནན་པ་ཡབ་ཡུམ་འཛུམ་ཁྲོ་ཧུར་བག་ཅན། དབུ་སྐྲ་ནག་པོ་སིལ་བུར་བཤིག་

[Full Size]

པ་གྲི་ཐོད་འཛིན་པས་ཡབ་ཀྱི་མགུལ་ནས་འཁྱུད་པ། རུས་རྒྱན་དཀར་ཁྲམ་མེ་བ། ནུ་འབུར་རྒྱས་པ། ཞབས་གཡས་རྐྱང་གཡོན་བསྐུམ་པས་ཡབ་དང་མཉམ་པར་སྦྱོར་བའི་འོད་སྔོ་དམར་གྱི་གའུ་ཞལ་སྦྱོར་དུ་གསལ་བཏབ་ནས། རང་སེམས་འཆི་མེད། སྐྱེ་འཆིའི་དྲི་མས་མ་གོས་པ་ལ་ཡིད་ཆེས་བསྐྱེད་དེ། ལྷའི་སྐུ་སྣང་ལ་རང་བཞིན་མེད་པ་ལ་སེམས་མཉམ་པར་འཇོག་པའོ། །སེམས་ཀྱི་རང་བབས་མ་བཅོས་པ། །ཀུན་ནས་དགའ་སྤྲོར་སྣང་བའི་ཡིད། །རྣམ་གྲོལ་མཆོག་གི་རང་ཞལ་འདི། །འཕོ་བྱེད་བྲལ་བའི་ཡི་གེ་ཡིན། །བསམ་སྡིངས་པ་གཞོན་ནུ་གྲུབ་ཀྱི་ཁྲིད་ལས་བསྡུས་པ་ཡིན། ༈ སུ་ཁ་ཆོས་དྲུག་གི་ཁྲིད། སུ་ཁ་ཆོས་དྲུག་ཁྲིད་ནི། སྐྱབས་སེམས་སྔོན་དུ་སོང་ནས། གཏུམ་མོ་ལ་མེ་ཐབ་དྲུག་

[Full Size]

བཅིངས་བྱས་ལ་རང་གི་ལྟེ་བར་པདྨ་འདབ་བཞི་ཡི་གེ་ལྔ་དང་བཅས་གསལ་བཏབ་རྗེས་བཤངས་སྒོའི་རླུང་གི་ལྟེ་བའི་མེ་སྦར་ཏེ་དབུས་ཀྱི་ཨ་དང་ཕྱོགས་ཀྱི་ཧ་རི་ནི་སའི་ཡི་གེ་བཞི་མེས་དམར་འཚེར་འབར་མེ་འོད་ཀྱི་ལུས་ནང་གང་བ་ལ་ཤེས་པ་གཏད་དེ། ཡིད་ཀྱི་ཧ་རི་ནི་ས་ཅེས་བཟླ། རླུང་ཁ་སྦྱར་བཟུང་། སྒྱུ་ལུས་ནི་ལྟེ་བའི་པདྨའི་འོག་ཏུ་ཆོས་འབྱུང་ནང་རིགས་དྲུག་སེམས་ཅན་བསམ་ལ་སྙིང་རྗེ་བསྒོམ། ཡིག་འབྲུའི་འོད་ཀྱི་སེམས་ཅན་རྣམས་ཀྱི་སྡིག་སྒྲིབ་སྦྱངས། འོད་རང་གི་ཚང་བུག་ནས་ཐོན། ལྷའི་བུ་མོ་དཀར་དྭངས་དྲི་ཟའི་སྔོ་སངས། བྲམ་ཟེའི་སེར་སྐྱ། མིའི་དཀར་དམར། ཀླུའི་དཀར་སེར། གདོལ་པའི་སྨུག་ནག་རྣམས། མིག་ལ་ཀྲི་ཀ ། མཆུ་ལ་ཆག་ག །ལྟེ་བ་མན་སྨད་གོས་བྲལ་བའི་གསང་སྒོའི་པདྨ་རྒྱས་པ།

[Full Size]

ཟེའུ་རྒོད་པའི་ལས་བྱང་སེམས་བདེ་བའི་རྒྱུན་དྲངས་སྤྱི་བོ་ནས་ཞུགས་ལུས་ནང་གང་། བདེ་བ་སྐྱེས་པར་མོས་ཤིང་སྒྱུ་མའི་རང་བབས་བསྐྱང་། རྨི་ལམ། ལྟེ་བའི་པདྨ་བདེ་དྲོད་ཀྱི་རང་ཉམས། ཡི་གེ་འཁོར་བ་ལ་ཤེས་པ་གཏད་ནས་རྨི་ལམ་ཡིན་སྙམ། བཟུང་སྤེལ་སྤྲུལ་བསྒྱུར་ཡང་ཡང་བྱ། སྤྲུལ་སྣང་ཨའི་འོད་ལམ་ལ་ཕྱིན་པས་གང་འདོད་ཇི་ལྟ་བར་མཐོང་། འོད་གསལ་ལ་རང་སེམས་ཨ་ལ་བཟོ་མེད་གསལ་བཞག་པས་འཆར༴འཕོ་བ་པད་འདབ་ཀྱི་ཡི་གེ་བཞི་འབྱུང་བ་བཞིར་བསམ་ལ། འབྱུང་བ་བསྡུད་པའི་རིམ་པས་ཨ་ལ་བསྡུ་ལ་སྤྱི་བོ་ནས་རྒྱངས་འཐོན་སྐྱེ་མེད་དུ་ཡལ་བར་བསམ་མོ། །བར་དོ་ད་ལྟ་ནས་སྣང་བ་ལྷ། གྲགས་པ་སྔགས། དྲན་རྟོག་ཆོས་ཉིད་དུ་འཁྱེར་བ་ཉིད་

[Full Size]

ཡིན་ནོ། །སུ་ཁ་མཁའ་འགྲོ་ཀུན་གྱི་གཙོ། །དགའ་བཞིའི་ལྷན་སྐྱེས་སྩོལ་མཛད་པའི། །རྣམ་གྲོལ་མཆོག་གི་ཆོས་དྲུག་གི། ཡི་གེ་ལྷག་ཆད་མེད་འདིའོ། །མཁྱེན་རབ་རྗེའི་ཁྲིད་ལས་བསྡུས་སོ། ༈ །བདག་མེད་མའི་ནང་ཁྲིད། བདག་མེད་མ་ཡི་ནང་ཁྲིད་ནི། །སྐྱབས་སེམས་སྔོན་དུ་སོང་ནས། རང་བདག་མེད་མའི་སྐུར་གསལ་བའི་སྒལ་ཚིགས་ཉེར་གཅིག་ལ་བདག་མེད་མ་མཚོན་གང་རེ་བཞུགས་པའི་ལུས་ཀྱི་དབུས་སུ་རྩ་གསུམ་ཤིང་སྡོང་ལ་འཁྲིལ་ཤིང་ཚུལ་དུ་རོ་རྐྱང་གཉིས་དབུ་མ་བསྟེན་པར་བསྒོམ། ལྟེ་བར་པད་འདབ་བཞི་མདུན་སྔོ་སྐྱ། གཡས་དམར། གཡོན་སེར། ལྟེ་བ་ལྗང་ཁུ་ལ་ཧ་རི་ནི་ས་ཨའི་ཡི་གེ་འཁོད་པ་ལ་སྤྱི་བོར་སློབ་དཔོན་བིར་ཝ་པ་དང་དབྱེར་མེད། དགྱེས་མཛད་རྡོ་རྗེ་ཧེ་རུ་ཀཿ ཞལ་

[Full Size]

གཅིག་ཕྱག་གཉིས་པ་གར་གྱི་ཉམས་ལྡན་མདུན་གྱི་ནམ་ཁར་དམ་པ་རྒྱ་གར་སྐུ་སྨད་ལ་དར་གྱི་ཐུལ་པ་བསྣམས། ཕྱག་ན་སྦའི་གླིང་བུ་འཛིན་པ་ཞལ་རང་ལ་བསྟན་པ་གཅིག་བསྒོམ་ལ། བིར་ཝ་པ་ཧཱུྃ་སུ་ཁ་མ་ཨཱཿདམ་པ་རྒྱ་གར་ཨོཾ་ཞེས་རྩེ་གཅིག་ཏུ་གསོལ་བ་བཏབ་མཐར་ཨཱཿ ལྟེ་བ་ན་གནས་པ་ལས་ཨའི་མདའ་གཅིག་འཆད། རྩ་དབུ་མའི་གཞུང་ལ་བརྟེན་རླུང་སེམས་གཉིས་ཀྱི་ལྕག་གིས་བསྐུལ་ནས་གྱེན་ལ་བྱོན་པར་བསམ། ལུས་གཡས་གཡོན་རེ་མོས་སུ་གཅུ་ཞིང་། རྐང་པ་སྐྱིལ་ཀྲུང་། ལག་པ་གཉིས་རླར་བཞག །མིག་འབྲས་ཀྱང་གྱེན་ལ་རིམ་གྱིས་བཀོད། དེའི་ཚེ་རོ་རྐྱང་གིས་ཞགས་པས་དབུ་མའི་ལམ་བཅུ་ན་ནས་ཨཱཿ སྤྱི་བོར་རྒྱངས་ཐོན་ཏེ་སུ་ཁ་མ་སིདྷི་དང་དབྱེར་མེད་པའི་བདག་མེད་

[Full Size]

མ་བདེ་བ་རྒྱས་མར་གྱུར་ནས་ནག་པོ་བིར་ཝ་པ་ལ་དཀྱུད་ཀྱི་འཁྱུད་ནས་མཉམ་པར་སྦྱར་བའི་བྱང་ཆུབ་སེམས་ཀྱི་ཆུ་རྒྱུན་སྒལ་ཚིགས་ལ་བརྒྱུད་བདག་མེད་མ་ཉེར་གཅིག་གིས་སྐུ་གང་མཐར། ལྟེ་བ་ལུས་ཀྱི་ཞིང་ས་ན་ལུས་མ་ལུས་པ་ཁྱབ་པར་བསམ་ལ། བཞིན་ལ་ངར་བླུད། མིག་རྩ་སྤངས་བསྟོད། ཤེས་པ་ལ། ཕྲོག་ཕྱུང་ལ། ནམ་མཁའ་རིག་མེད་སྟོང་པ་ལ། །རིག་བཅས་སེམས་ཀྱི་རྩ་བ་གཅུན། །རྩ་བ་གཅུན་ལ་ལྷུག་པར་བཞག །ལྷུག་པར་བཞག་པས་རང་སོ་ཟིན། །ཅེས་པའི་གནད་ཉིད་དོ། །དགྱེས་རྡོར་ཀུན་ཏུ་དབྱེར་མིན་ལ། །སུ་ཁ་དགའ་བཞིའི་མདུད་གྲོལ་མཆོག །བདེ་ཆེན་འཁོར་ལོའི་རྒྱན་གྱུར་ཚུལ། །ཡི་གེའི་སྣང་བར་འཕོས་འདྲ་འདིའོ། །ཁྱུང་པོའི་ཡིག་རྙིང་ལས་བསྡུས་སོ། །

[Full Size]

སྨར་ཁྲིད་སྐྱེར་སྒང་པའི་ལུགས་ཀྱི་ཁྲིད། སྨར་ཁྲིད་སྐྱེར་སྒང་པའི་ལུགས་ཀྱི་ཁྲིད་ནི། སྐྱབས་སེམས་སྔོན་དུ་སོང་ནས། རང་གི་སེམས་འདས་པ་དང་མ་འོངས་མཐར་མ་ལྷུང་བའི་ད་ལྟའི་ཤེས་པ་གསལ་ཙམ་ཉིད། པད་ཟླའི་སྟེང་དུ་ཧྲཱིཿལས་ཕྱག་མཚན་ཨུཏྤལ་ཧྲཱིཿས་མཚན་པ་ལས། རང་ཉིད་འཕགས་པའི་སྐུ་ཞལ་གཅིག་ཕྱག་བཞི་པ་སྐུ་མདོག་དཀར་ལ་དམར་བའི་མདངས་ཅན་ཕྱག་དང་པོ་མཉམ་སྦྱོར། གཡས་མུ་ཏིག་གི་ཕྲེང་བ། གཡོན་ཨུཏྤལ་དཀར་པོ། རྡོ་རྗེ་སྐྱིལ་ཀྲུང་རལ་པའི་ཅོད་པན་ཅན། དར་ལེབ་རྒན་གྱིས་བཅིངས་པ་དར་དང་རིན་པོ་ཆེའི་རྒྱན་ཅན། སྤྱན་འདེམ་གང་ལས་མི་རིང་བ་གཟིགས་ཤིང་། ཞལ་འཛུམ་བག་དང་ལྡན་པ་བླ་མ་འོད་དཔག་མེད་དབུ་

[Full Size]

བརྒྱན་པར་གསལ་བཏབ་ནས། ཡི་གེ་དྲུག་པ་བཟླ། མཐར་ཆོས་ཉིད་དོན་གྱི་ལྷ་ཐུགས་རྗེ་ཆེན་པོའི་རང་ཞལ་གཤིས་སྐྱེ་མེད། མདངས་སྙིང་རྗེར་ལམ་མེ་བའི་ངང་ལ་འཇོག་ཅིང་། ཟས་གོས་འདུག་པ། ཉལ་བའི་རྣལ་འབྱོར་ཐམས་ཅད་ཀྱང་འཆར་བ་ཉིད་ཡིན། བར་དོ་གཟུགས་སྒྲ་ལྷ་དང་སྔགས་སུ་ཤེས། སེམས་གཞི་མེད་རྩ་བྲལ་དུ་གོ་བའི་གདེངས་དང་ལྡན་པའི་ཉམས་ལེན་གནད་སྟོང་ཉིད་དོ། །དམར་ཁྲིད་སྐྱེར་སྒང་བཞེད་པ་ཀུན། །སྙིང་པོ་དགའ་མགུའི་བློས་སྡོམས་ནས། །གྲོལ་མཆོག་ཉམས་ལེན་ཇི་བཞིན་ཡང་། །ཡི་གེར་བཀོད་པ་འདི་ཉིད་ལགས། །ཆོས་སྐུ་ཤཱཀྱ་རིན་ཆེན་གྱི་ཁྲིད་ཡིག་ལས་བཏུས་སོ། །

ཕྱག་ཆེན་གའུ་མའི་ཁྲིད་ཡིག

[Full Size]

ཕྱག་ཆེན་གའུ་མའི་ཁྲིད་ཡིག་བཞུགས་སོ། །

[Full Size]

བླ་མ་ཡི་དམ་ཌཱ་ཀི་རྣམས་ལ་ན་མོ། ཡི་ཤེས་ཀྱི་ཌཱ་ཀི་ནཻ་གུ་མའི་ཕྱག་རྒྱ་ཆེན་པོ་ལ་གསུམ་སྟེ། སྔོན་འགྲོ་རང་བབས་རྣམ་གསུམ། དངོས་གཞི་སྐྱོན་བཞི་རང་གྲོལ། འབྲས་བུ་སྐུ་བཞི་རང་ཤར་རོ། །ཆོས་དྲུག་སྔོན་དུ་མ་སོང་ན། སྟོང་ར་དང་བླ་མའི་རྣལ་འབྱོར་སྟོན་ནོ། །དང་པོ་ནི། དབེན་པའི་གནས་སུ་ལུས་གནད་ལེགས་པར་བྱ། །

[Full Size]

ཅེས་པས། བདེ་བའི་སྟན་ལ་རྐང་པ་སྐྱིལ་ཀྲུང་། ལག་པ་ས་གནོན་སྒལ་ཚིགས་དྲང་པོར་བསྲང་། དཔུང་པ་རྒོད་གཤོག་པ་བཞིན་གདེང་། འཇིང་པ་དྲང་ལ་གུག་པ། ལྕེ་རྐན་ལ་སྦྱར། མིག་སྣ་རྩེར་གཏད་ལ། ལུས་ཡ་ཡོ་དང་དགྱེ་སྒུ་ལ་སོགས་མེད་པར་རྣམ་པར་སྣང་མཛད་ཀྱི་ཆོས་དྲུག་གམ་བདུན་ནོ། །སེམས་བསྐྱེད། ཅེས་པ་སེམས་ཅན་

[Full Size]

ཐམས་ཅད་ཀྱི་དོན་དུ་སངས་རྒྱས་ཐོབ་པར་བྱ། དེའི་ཆེད་དུ་ཐེག་པ་ཆེན་པོའི་ཆོས་ཉམས་སུ་བླང་སྙམ་དུ་བྱའོ། །ལུས་ཡི་དམ་དུ་བསྒོམ། ཅེས་པ་འཆི་བ་མི་རྟག་པ་བསྒོམས་ནས། རང་བདེ་མཆོག་ཏུའོ། །སྤྱི་བོའི་བླ་མ་ལ། ཅེས་པ་རང་གི་སྤྱི་གཙུག་ཏུ་པདྨ་དང་ཉི་མའི་གདན་གྱི་སྟེང་དུ། རང་གི་རྩ་བའི་བླ་མ་འོད་དང་འོད་ཟེར་གྱི་རང་བཞིན་ཅན་བསམ། དེའི་ཐུགས་ཀ་ནས་འོད་ཟེར་འཕྲོས་པས། བརྒྱུད་པའི་བླ་མ་ཡི་དམ་ལྷ་ཚོགས། སངས་རྒྱས་དང་བྱང་ཆུབ་སེམས་དཔའ་ཆོས་འབྲེལ་ཡོད་ཚད་བསྟིམ་ལ། བླ་མ་དེ་དུས་གསུམ་སངས་རྒྱས་ཐམས་ཅད་ཀྱི་ངོ་བོར་བསྒོམས་ལ། བདག་ལ་གནོད་བྱེད་ཀྱིས་གཙོ་བྱས་པའི་ནམ་མཁའ་དང་མཉམ་པའི་སེམས་ཅན་ཐམས་ཅད།

[Full Size]

ལུས་གུས་པས་ཐལ་མོ་སྦྱར། ངག་གུས་པས་གསོལ་བ་འདེབས། ཡིད་གུས་པས་མོས་གུས་རྒྱུན་ཆད་མེད་པར་བྱེད་པར་བསམས་ནས། བླ་མ་རིན་པོ་ཆེ་བདག་འཛིན་བློས་ཐོངས་པར། དགོས་མེད་རྒྱུད་ལ་སྐྱེ་བར། འོད་གསལ་ཕྱག་རྒྱ་ཆེན་པོ་རྟོགས་པར་མཛད་དུ་གསོལ། །ཞེས་སྙིང་ཁོང་རུས་པའི་གཏིང་ནས་གསོལ་བ་དྲག་པོ་བཏབ་པའི་རྗེས་ལ། ཅེས་པ། འཇིག་རྟེན་གྱི་ཞིང་ལས་དང་། ཚོང་ལས་དང་། འགྲོ་འདུག་ལ་སོགས་བལྟ་ཅི་སྨོས། ཕྱག་དང་བསྐོར་བ་ལ་སོགས་པའང་རེ་ཤིག་ལ་དོར་ལ། ལུས་ཉྭ་བཞི་དང་རྩ་བཞི་གློད་ལ། ཅེས་པ་སོགས་མ་ཕོན་ཐག་བཅད་པ་ལྟར། རྩོལ་མེད་ཀྱི་ངང་ལ་བཞག་པ་ནི། ལུས་རང་བབས་སོ། །འཇིག་རྟེན་གྱི་ལོང་གཏམ་དང་༴

[Full Size]

བརྫུན་དང་ཕྲ་མ་ལ་སོགས་ལྟ་ཅི་སྨོས། མདོ་དང་སྔགས་བཟླས་པ་ལ་སོགས་པའང་རེ་ཞིག་ལ་དོར་ལ། མཆུ་འཇེད་འཛུམས་ཀྱི་རྩོལ་བ་མེད་ཅིང་། ངག་སྨྲ་བརྗོད་དང་བྲལ་བ། ཅེས་པ་ངག་གི་རྩོལ་སྒྲུབ་གང་ཡང་མི་བྱ་བ་ནི། ངག་རང་བབས་སོ། །མིག་གི་ལྟ་སྟངས་ཀྱིས། ཅེས་པ་མིག་གླང་པོ་ཆེའི་ལྟ་སྟངས་དང་བྲལ་བ་སྟེ། གླང་པོ་ཆེ་མིག་འཛུམས་པ་བུལ་བའམ། འཛུམ་མི་ཤེས་པར་ཧད་དེ་འདུག་པ་ལྟར། མིག་གི་འབྲས་བུ་གཡས་གཡོན་ལ་སོགས་པ་གང་དུ་ཡང་མི་གཡོ་བར། མདུན་གྱི་དངོས་པོ་ཕྲ་རགས་གང་རུང་ལ་གཅེར་གྱིས་བལྟས་ལ། སྤུ་རིས་ལ་སོགས་པ་བརྟག །དཔྱད་མེད་པར་སེམས་མི་ཡེངས་པའི་རྟེན་ཙམ་དུ་ཧད་དེ་བཞག་གོ །ཡུམ་ལས། གླང་པོ་ཆེའི་ལྟ་

[Full Size]

སྟངས་ཀྱིས་བལྟ་བར་འདོད་པའི་བྱང་ཆུབ་སེམས་དཔའ་སེམས་དཔའ་ཆེན་པོས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་པར་བྱའོ། །ཅེས་དང་། ས་ར་ཧས། མིག་ནི་མི་འཛུམས་ཡིད་ནི་གང་དགར་བཞག །ཅེས་དང་། ལྷན་ཅིག་སྐྱེས་པ་ཚིག་གིས་མི་མཚོན་ཏེ། སློབ་དཔོན་མན་ངག་མིག་གིས་མཐོང་བར་འགྱུར། ཅེས་དང་། དུས་འཁོར་མན་ངག་གི་རྒྱུད་ལས། ཧར་བསྒོམ་ཆེན་པོའི་མན་ངག་ཡིན། ཅེས་དང་། དམ་པ་རིན་པོ་ཆེས། ལྟ་སྟངས་ཀྱིས་རིག་པ་བསྟོད་ལ་མནན་ན་ཕྲ་རགས་ཀྱི་རྟོག་པ་འགག །ཅེས་སོ། །ཡིད་བསྒོམ་འདོད་ཀྱི་རྟོག་པ་དང་བྲལ་ཏེ། ཅེས་པ། འདས་པའི་རྗེས་མི་གཅོད། མ་འོངས་པའི་སྔོན་མི་བསུ། ད་ལྟར་གྱི་བློ་ལ་

[Full Size]

ལས་མི་གཞོལ། ཐ་ན་སྔོན་འགྲོ་བསྒོམ་པ་ཡིན་སྙམ་པའི་རྟོག་པ་ཡང་མི་བྱ་བར། ཅེས་པ་རང་བབས་རྣམ་གསུམ་གྱི་སྟེང་དུ་བཟོ་མེད་དུ་ལྷོད་ཀྱིས་གློད། འཛིན་མེད་དུ་ཤིགས་ཀྱི་བཤིག་ལ་བཅས་བཅོས་གང་ཡང་མེད་པའོ། །ཧད་དེ། ཅེས་པ་མིག་མི་འཛུམ་པས་ནའོ། །ཕྱད་དེ། ཅེས་པ་ཡིད་གང་ལའང་འཛིན་པ་མེད་པའོ། །ལྷོག་མེད་ཀྱི་ངང་དུ་ལས་པ་ནི། སེམས་རང་བབས་སོ། །སྡུད་པ་ལས། འདུ་ཤེས་རྣམ་པར་བཤིག་ནས་སྤོང་བ་ཕ་རོལ་འགྲོ། །ཅེས་དང་། མ་གཅིག་ལབས་ཀྱི་སྒྲོན་མའི་ཞལ་ནས། ལུས་གནད་ཉྭ་བཞི་གློད་པ་གཅེས། །ངག་གནད་ལྐུགས་པར་སྡོད་པ་གཅེས། །སེམས་གནད་འདུ་ཤེས་བཤིག་པ་གཅེས། །ཅེས་སོ། །དམིགས་པ་དང་པོའོ། །དེ་ལྟ་བུའི་ངང་ལས། ལྷ་འདོད་

[Full Size]

ཆགས་སྐྱེས་པ་བཞིན་དུ་ཧད་དེ་ལུས་པ་དེ། སྔོན་འགྲོ་དང་པོའི་ཚད་ཡིན་ཏེ། ཐ་མལ་གྱི་ཤེས་པ་ཞེས་ཀྱང་བྱ། །དང་པོའི་སེམས་ཞེས་ཀྱང་བྱ་སྟེ། ཆད་པ་ངལ་བསོ་བ་ལ་སོགས་པའི་དུས་སུ་སེམས་ཅན་ཀུན་ལ་འཆར་ཏེ། ངོས་མི་ཟིན་པས་འཁོར་བར་འཁྱམས་པ་ཡིན་གསུང་ངོ་། །ད་ནི་དུས་ཐམས་ཅད་དུ་ངོས་ཟིན་པར་བྱས་ཏེ། ཟན་ཟ་བ་ལ་སོགས་པའམ། ཕྲེང་བ་ལྟ་བུ་ལག་ཏུ་ཅི་བྱུང་ལ་གླང་པོ་ཆེའི་ལྟ་སྟངས་ཀྱི། ཅེས་པ་གཅེར་གྱིས་བལྟས་ལ། ཧད་དེ་ལུས་པ་དེ་ལ་བཞག་གོ །དེ་བཞིན་དུ་གཡས། ཅེས་པ། གཉིས་པ་གཡས་ལ་བསླབ་པ་ནི། བྲམ་ཟེ་ཆེན་པོ་ས་ར་ཧས། མདུན་དང་རྒྱབ་དང་ཕྱོགས་བཅུ་རུ། །གང་གང་མཐོང་བ་དེ་དེ་ཉིད། །ཅེས་

[Full Size]

པས་གཡས་ཕྱོགས་སུ་ལྟ་སྟངས་བྱས་ལ། རང་བབས་གསུམ་གྱི་སྟེང་དུ་སྔར་བཞིན་འཇོག་པའོ། །དེ་ལྟར་གང་ལ་བལྟས་ཀྱང་དང་པོ་མིག་སྦྲིད་ཆིལ་བ་ལྟ་བུ། གསལ་སྟོང་འཛིན་མེད་དུ་ཕྱམ་སོང་པ་ངའི་སྔོན་འགྲོ་རང་ཤར་འདུག་སྙམ་དུ་ངོས་བཟུང་ལ་ཧད་དེ་བཞག་གོ །ལུས་ཁུངས་མ་བྲིས་པ་རྣམས་ས་ར་ཧས་གསུངས་པའོ། །གཡོན་ནམ། ཅེས་པ་གསུམ་པ་གཡོན་ལ་བསླབ་པ་ནི། གཡོན་ཕྱོགས་སུ་ལྟ་སྟངས་བྱས་ལ་སྔར་བཞིན་འཇོག་པའོ། །ནམ་མཁའ་ལ་སོགས་པ། ཅེས་པ། བཞི་པ་ནམ་མཁའ་ལ་བསློབ་པ་ནི། མདུན་གྱི་སྨིན་མཚམས་ཀྱི་ཐད་ཀའི་བར་སྣང་སྟོང་པའི་དཀྱིལ་དུ་ལྟ་སྟངས་ཀྱིས་ཧད་དེ་བལྟས་ལ། ཡིད་ནི། རང་ཚུ་ཁ་ནག་འདུག་པར་མི་བསམ། ཡུལ་ཕ་ཀ་ན་

[Full Size]

ཡོད་པར་མི་དཔྱད། རྟེན་ཅི་ལ་ཡང་མི་བཅའ། ངོས་གང་དུ་ཡང་མི་བཟུང་། སེམས་དང་ནམ་མཁའ་བསྲེས་ནས། སྟོང་སང་ངེ་བའི་ངང་ལ་ཧད་དེ་ཕྱད་དེ་བཞག་པས། ཤེས་པ་གསལ་ལ་མི་རྟོག་པ། ནམ་མཁའི་དབྱིངས་ཡོངས་སུ་དག་པ་ལྟ་བུ། རང་རིག་རང་གསལ་དུ་རྗེན་ལྷང་གིས་འབྱུང་ངོ་། །སེམས་ནི་ནམ་མཁའ་ལྟ་བུར་བཟུང་བྱས་ཏེ། །ནམ་མཁའི་རང་བཞིན་དུ་ནི་སེམས་ཉིད་བཟུང་བར་བྱ། །ཅེས་དང་། གདོད་ནས་དག་པ་ནམ་མཁའི་རང་བཞིན་ལ། །བལྟས་ཤིང་བལྟས་ཤིང་མཐོང་བ་འགག་པར་འགྱུར། །ཅེས་དང་། བྱང་ཆུབ་སེམས་འགྲེལ་ལས། དམིགས་པ་མེད་པའི་སེམས་སུ་ནི། །གནས་པ་ནམ་མཁའི་མཚན་ཉིད་ཡིན། །ནམ་མཁའ་བསྒོམ་པ་དེ་

[Full Size]

ཉིད་ཡིན། །སྟོང་ཉིད་བསྒོམ་པར་བཞེད་པ་ཡིན། །ཅེས་སོ། །ཐག་ཉེ་རིང་ཅེས། ལྔ་པ་ཐག་ཉེ་བའམ་འཐུར་ལ་བསླབ་པ་ནི། ཅེས་པ་ཅུང་ཟད་འཕྲོ་བའམ། རྒོད་ན་ལྟ་སྟངས་དམའ་བར་བྱས་ཏེ། རང་བབས་གསུམ་གྱི་སྟེང་ནས་སྤྱིལ་བུའམ་མཐའ་མའམ། ལུང་པའི་སྲོལ་ལྟ་བུ་དམའ་སར་བལྟ་ཞིང་འཇོག་པའོ། །དྲུག་པ་ཐག་རིང་པའམ། གྱེན་ལ་བསླབ་པ་ནི། བྱིང་བའམ། རྨུགས་པ་ལྟ་བུ་བྱུང་ན། ལྟ་སྟངས་མཐོ་བར་བྱ་སྟེ། རིག་པ་ལ་ངར་བླུད་ནས་རིའི་རྩེའམ། ནམ་མཁའི་མཐོང་ལྟ་བུ་མཐོ་སར་བལྟ་ཞིང་འཇོག་པའོ། །བྱིང་རྒོད་ཀྱི་དགྲ་མེད་ན་ཐད་ཀ་གཙོ་ཆེར་བལྟ་སྟེ། འདི་གཉིས་གེགས་སེལ་ལྟ་བུ་ཡིན་ནོ། །དེ་ལྟར་གང་ལ་བལྟས་ཀྱང་དང་པོ་མིག་སྦྲིད་ཆིལ་བ་ལྟ་བུ།

[Full Size]

གསལ་སྟོང་འཛིན་མེད་ལ་ཕྱམ་སོང་བ་དང་། ངའི་སྔོན་འགྲོ་རང་ཤར་ནས་འདུག་སྙམ་དུ་ངོས་བཟུང་ལ་ཧད་དེ་བཞག་གོ །བདུན་པ་རླུང་ལ་བསླབ་པ་ནི། འཆི་མེད་འགྲེལ་པ་ལ། རླུང་གི་རལ་གྲི་བཟུང་ནས་ནི། །འགྲོ་དང་འོང་བའི་དབུགས་གཅོད་ཅིང་། །ལམ་གཉིས་རྣམ་པར་བཅོམ་ནས་ནི། །ས་སྟེང་དགའ་དང་བདེ་བ་རྒྱས། །ཅེས་དང་། སེམས་ཉིད་ངལ་གསོ་ལས། རླུང་ནི་གར་འགྲོ་དེར་སེམས་འགྲོ། །དེ་ལུས་ཁྱིམ་ནང་བརྩོན་བཟུང་ནས། །ཡིད་ཀྱི་སྐྱེས་བུ་གསད་བྱས་ན། །དེ་མེད་སེམས་ནི་གང་དུ་འགྲོ། །ཅེས་དང་། ཕྱག་རྒྱ་ཆེན་པོ་ཐིག་ལེ་ལས། རྣལ་འབྱོར་པས་ནི་རླུང་བསྒོམས་ན། །དངོས་གྲུབ་མྱུར་དུ་ཐོབ་པར་འགྱུར། །ཅེས་སོ། །དེའང་

[Full Size]

རླུང་གཞོན་པ་དང་འདྲ། རྟོག་པ་སྐྱེས་བུ་དང་འདྲ་ལ། རྟ་བཟུང་བས་སྐྱེས་བུ་ཟིན་པ་ལྟར། རླུང་བཟུང་བས་ཡིད་ཟིན་པར་འགྱུར་རོ། །དེ་ལ་གསུམ་ལས། དང་པོ་ནི། ལྷ་སྐུ་གསལ་སྟོང་རླུང་དང་བསྲེ། །རྣམ་རྟོག་མ་རིག་འགག་པར་འགྱུར། །དེ་ལ་རང་བབས་གསུམ་གྱི་མཉམ་བཞག་གི་སྟེང་ནས། རང་ལུས་ལྷ་སྐུར་གསལ་བའི་ངང་ནས་རླུང་སྣ་སྒོར་རྟེན་ཙམ་བྱས་ཏེ་འཇམ་རླུང་བག་ཙམ་བཟུང་བས། སེམས་གནས་པ་ནི། བསྐྱེད་རིམ་དང་རླུང་བསྲེ་བ་སྟེ། རྟོག་པ་ཐམས་ཅད་རང་འགག་ལ་འགག་པར་འགྱུར་རོ། །གཉིས་པ་ནི། ཐ་མལ་ཤེས་པ་རླུང་དང་བསྲེ། །ཉམས་མྱོང་ཡར་ངོ་བཞིན་དུ་འགྱུར། །དེ་ལ་རང་བབས་གསུམ་གྱི་སྟེང་ནས་སེམས་མ་བཅོས་ཐ་མལ་གྱི་ཤེས་པ་འོད་

[Full Size]

གསལ་བའི་ངང་ནས། རླུང་སྔར་བཞིན་བཟུང་བས། སྣང་སེམས་དབྱེར་མེད་གསལ་ལ་རྟོག་མེད་དུ་འཆར་བ་ནི། ཕྱག་རྒྱ་ཆེན་པོ་དང་རླུང་དང་བསྲེ་བ་སྟེ། རྟོགས་པ་ཟླ་བ་ཡར་གྱི་ངོ་བཞིན་དུ་འཕེལ་བར་འགྱུར་རོ། །གསུམ་པ་ནི། འོད་གསལ་ལྷ་སྐུ་རླུང་དང་བསྲེ། །མཐར་ཐུག་འབྲས་བུ་མྱུར་ཐོབ་འགྱུར། །དེ་ལ་རང་བབས་གསུམ་གྱི་སྟེང་ནས། ལྷ་སྐུ་དང་ཕྱག་རྒྱ་ཆེན་པོ་གཉིས་ཀའི་ངང་ནས་རླུང་སྔར་བཞིན་བཟུང་བས། ཡུལ་སྣང་སྟོང་ཟུང་འཇུག །ལུས་བདེ་སྟོང་ཟུང་འཇུག །སེམས་གསལ་སྟོང་ཟུང་འཇུག་ཏུ་འཆར་ཏེ། དེ་ལ་མ་ཡེངས་པར་ཉམས་སུ་ལེན་པ་ནི། རབ་ཟུང་འཇུག་རླུང་དང་བསྲེ་བའོ། །དེས་རབ་ཟླ་བ་གཅིག །འབྲིང་ཟླ་བ་གསུམ། ཐ་མ་

[Full Size]

ཟླ་བ་དྲུག །ཤིན་ཏུ་ཐ་མས་ཟླ་བ་བདུན་གྱིས་སངས་མི་རྒྱ་མི་སྲིད་དོ། །ཡང་ན། ལྷ་སྐུ་ཤེས་པ་རླུང་དང་བསྲེ། །རྟོག་པ་ཐམས་ཅད་འགག་པར་འགྱུར། །ཐ་མལ་ཤེས་པ་རླུང་དང་བསྲེ། །རྟོགས་པ་ཡར་ངོ་བཞིན་དུ་འཕེལ། །ཟུང་འཇུག་ཤེས་པ་རླུང་དང་བསྲེ། །ལོ་ཟླས་སངས་རྒྱས་མངོན་དུ་བྱེད། །ཅེས་བླ་མའི་གསུངས་སོ། །འོག་གི་རླུང་ལ་བསླབ་པ་གོང་དུ་བླངས་པའོ། །བརྒྱད་པ་སྤྱོད་ལམ་ལ་བསླབ་པ་ནི། གཡས་གཡོན་ལ་སོགས་པ་ལ་བལྟ་ཞིང་བསླབ་པ་དེར་མ་ཟད་ཅེས་པ་དྲག་ལས་དང་རྒྱང་མིག་ཕྱོགས་བཞིར་གཏད་པ་ལ་སོགས་པ་སྤང་སྟེ། དལ་བུས་བག་དང་ལྡན་པ། འདོམ་གང་ཙམ་ལ་བལྟ་ཞིང་། ཧད་དེ་ཆད་དེ་བ་གཅེས་པ་གསལ་སྟོང་འཛིན་མེད་ཉིད་ཀྱི་ངང་

[Full Size]

ནས་ཕྱམ་ཕྱམ་འགྲོ་བ་དང་། འཆག་པ་ཆེ་ཆུང་དུ་རྩ་ཆུ་འཆག་པའི་ཚེ། ཅེས་པ་གསལ་སྟོང་འཛིན་མེད་ཀྱི་ངང་ནས་འཆག །མ་སྲིད་བརྒྱས་མཐའ་མ་བསྐོར་ཡང་། ཉམས་ང་བག་ཚ་དང་བྲལ་བར་བྱ་སྟེ། ཅེས་པ། ཡ་ང་དང་ཞུམ་པ་ལ་སོགས་མེད་པར་ཧད་དེ་ཕྱད་དེ་བ་ལ་བཞག །དེ་བཞིན་དུ་ཉལ་བ། ལངས་པ། འདུག་པ། སྤྱོད་ལམ་རྣམ་བཞི་གང་གི་དུས་སུ་ཡང་གསལ་སྟོང་འཛིན་མེད་ཀྱི་ངང་ལས་མ་ཡེངས་པར་གནས་པར་བྱས་ཏེ། སྡུད་པ་ལས། འགྲོ་འཆག་ཉལ་དང་འདུག་པར་ཤེས་བཞིན་རབ་ཏུ་ལྡན། །གཉའ་ཤིང་གང་ཙམ་བལྟ་ཞིང་འགྲོ་ལ་སེམས་འཁྲུལ་མེད། །ཅེས་སོ། །བརྟག་གཉིས་ལས། བཟའ་དང་བཏུང་དང་བླུགས་པ་དང་། །

[Full Size]

ཉལ་དང་ལོག་དང་སེམས་པ་ན། །ཕྱག་རྒྱ་ཆེན་པོ་མངོན་འདོད་པས། །དེ་ནས་མངོན་དུ་འགྲོ་བར་འགྱུར། །ཅེས་སོ། །མདོར་ན་གཏམ་སྨྲ་བ། ཅེས་པ། དགུ་པ་གཏམ་སྣ་ཚོགས་ལ་བསླབ་པ་ནི། སྔར་གྱི་ངང་ནས་མི་མང་པོའི་གསེབ་ཏུ་རང་ཡང་གཏམ་དོ་གལ་ཆུང་ངེ་བ་སྨྲ་བའམ། གཞན་ལོང་གཏམ་ངེས་མེད་སྣ་ཚོགས་གཏོང་བའི་སར་བསྡད་ལ་བསྲེའོ། །མདོ་འདོན་པ་ཅེས་པ། བཅུ་པ་མདོ་སྣ་ཚོགས་ལ་བསླབ་པ་ནི། སྔར་གྱི་ངང་ནས། ཤེས་རབ་སྙིང་པོའམ། མཚན་བརྗོད་ལ་སོགས་པ་མདོ་རིང་པའམ། ཐུང་པ་བློ་ལ་བྱང་བ་འདོན་ཅིང་བསྲེའོ། །སྔགས་བཟླས་པ། ཅེས་པ། བཅུ་གཅིག་པ་སྔགས་སྣ་ཚོགས་ལ་བསླབ་པ་ནི། རང་བབས་གསུམ་གྱི་སྟེང་དུ་ཞོགས་ཚད་བཞག །དེ་ནས་མིག་གླང་པོ་ཆེའི་ལྟ་

[Full Size]

སྟངས་དང་མ་བྲལ་བ། གསལ་སྟོང་འཛིན་མེད་ཀྱི་རྩི་མ་ཤོར་བའི་ངང་ལས། མ་ཎི་པདྨེ་ལ་སོགས་རྐང་ཐུང་པའམ། རིང་བ་བཟླས་ཤིང་བསྲེ་བའོ། །ཉན་བཤད་ལ་སོགས་པ། ཅེས་པ། བཅུ་གཉིས་པ་ཆོས་ཉན་བཤད་རྣམ་རྟོག་དང་བསྲེ་བ་ནི། གསལ་སྟོང་འཛིན་མེད་ཀྱི་ངང་ནས་ཆོས་ཉན་ཅིང་བཤད་དོ། །ཡང་རང་བབས་གསུམ་གྱི་སྟེང་ནས། རྣམ་རྟོག་འགྱུར་བཅུག་པས། དེ་ཀའི་ངོ་བོ་ལ་གཅེར་བལྟས་པས། རྟོག་པ་ཟུངས་མ་ཐུབ་པར་རང་སྟོང་དུ་ལྷང་གིས་འཆར་རོ། །ཡང་། རང་ལུགས་སུ་བཞག་ཅིང་བསྒོམ་མོ། །རྟོག་པ་འགྱུས་པ་དེ་ཚུར་བཀུག་ནས་སྤོང་བ་ལྟ་བུ་མ་ཡིན་ལ། དེ་ཉིད་ལམ་དུ་འཁྱེར་བ་སྟེ། རྟོག་པ་ཏོལ་སྐྱེས་པའི་ཚེ། དེའི་རང་བཞིན་ཤེས་པར་

[Full Size]

བྱས་ནས་དེ་ལ་བཟོ་མི་བྱེད། རྗེས་སུ་མི་འབྲེང་པར་གནས་རུང་འགྱུས་རུང་། དེ་ཉིད་རང་སྟོང་ཆོས་སྐུའི་རྩིས་ཟིན་པར་བྱའོ། །མཚན་བརྗོད་ལས། སེམས་ཀྱི་སྐད་ཅིག་དོན་ཀུན་རིག །ཅེས་དང་། སེམས་ཉིད་ངལ་བསོ་ལས། གང་སྐྱེས་གཉུག་མ་ཉིད་ཡིན་ཕྱིར། །གང་ཤར་དྲན་པས་མ་བརྗེད་ན། །དེ་ཤར་སྟོང་པ་ཉིད་དག་ཏུ། །རྣལ་འབྱོར་རྒྱལ་པོ་གདོན་མི་ཟ། །ཅེས་དང་། དབུ་མ་ལས། གང་གིས་དངོས་གཅིག་དེ་བཞིན་ཉིད་མཐོང་བ། །དེ་ཡི་དངོས་ཀུན་དེ་བཞིན་ཉིད་དུ་མཐོང་། །ཅེས་དང་། ཡུམ་ལས། གཟུགས་ཀྱིས་དེ་བཞིན་ཉིད་ཤེས་ན། ཆོས་ཐམས་ཅད་ཀྱི་མདོ་དང་རྒྱས་པ་ཤེས་པར་འགྱུར་རོ། །ཅེས་དང་། ཡུམ་ལས། བྱང་ཆུབ་སེམས་དཔའ་རྣམས་ཀྱིས་ཉོན་མོངས་པ་

[Full Size]

པ་ནི་རྣམ་པར་རྟོག་པའོ། །སྤང་བྱ་ནི་རྣམ་པར་རྟོག་པའོ། །ཅེས་པས། ཉོན་མོངས་པ་གཉེན་པོས་སྤངས་པའང་མེད། ཉོན་མོངས་པ་རང་བརྒྱུད་པའི་དྲི་མས་ཀྱང་མ་གོས་པའི་འཛིན་མེད་དེ་ལ། ཉོན་མོངས་པའི་ཡེ་ཤེས་སམ། རྣམ་རྟོག་ཆོས་སྐུའི་ལམ་ཁྱེར་ཞེས་བྱའོ། །རྣམ་རྟོག་དང་ཆོས་སྐུའི་བར་ན་ངོ་ཤེས་མ་ཤེས་སམ། རིག་མ་རིག །རྟོགས་མ་རྟོགས་ཀྱི་ཁྱད་ཙམ་ལས་མེད་དོ། གང་མ་སྤངས་ཤིང་གོས་མེད་ཡེ་ཤེས་ལྡན། ཅེས་དང་། རྡོ་རྗེའི་ཚིག་རྐང་ལས། ཆོས་སྐུའི་ནམ་མཁར་རྟོགས་པའི་སྤྲིན་ཚོགས་ལས། །དུག་ལྔའི་གློག་འགྱུ་ཡེ་ཤེས་ཆེན་པོར་བལྟོས། ཅེས་སོ། །ཏོལ་སྐྱེས་ཀྱི་ཤེས་པ་ངོས་བཟུང་ནས། །འབྲལ་མེད་དུ་སྐྱོང་ཞིང་གོམས་འདྲིས་བྱེད་པ་ཡིན་ནོ་གསུང་ངོ་། །མདོར་ན་

[Full Size]

ཉིན་མཚན་མཉམ་རྗེས་ཐམས་ཅད་ཀྱི་དུས་སུ། གསལ་སྟོང་འཛིན་མེད་ཀྱི་ངང་ལས། ཧད་དེ་ཆད་དེ་བ་དེ་ལ་མ་ཡེངས་པར་བྱའོ། །དེ་ནས་ངོ་སྤྲད་པ་ནི། དེ་ལྟ་བུའི་སྔོན་འགྲོ་རྣམས་ཐེམས་པའི་དུས་སུ། གཏོར་ཚོགས་བཟང་པོ་དང་། ཅེས་པ། དཀོན་མཆོག་གི་རྟེན་གྱི་དྲུང་དུ་ཆུ་གསུམ་སྔོན་དུ་འགྲོ་བའི་མཆོད་པ་ལྔ་དང་། རྒྱན་བཟང་པོ་མདའ་དར་དང་བཅས་པའི་གཏོར་མ་ལྔ་དང་། ཚོགས་ཀྱི་ཡོ་བྱད་བཟང་པོ་དང་བཅས་པ་བཤམ་མོ། །དེ་ནས་སློབ་དཔོན་ལྷའི་རྣལ་འབྱོར་ལ་ཞུགས་ཤིང་། བཟླས་པ་དང་། མདུན་བསྐྱེད་ཀྱི་མཆོད་པ་དང་། གཏོར་མ་བཏང་ངོ་། །དེ་ནས་མདུན་གྱི་ནམ་མཁའི་གནས་སུ་རིན་པོ་ཆེའི་ཁྲི་སེང་གེ་བརྒྱད་ཀྱིས་བཏེགས་པའི་སྟེང་དུ་པདྨ་དང་ཉི་ཟླའི་གདན་ལ་

[Full Size]

རྩ་བའི་བླ་མ་སྐུ་ལྟ་བས་ཆོག་མི་ཤེས་པ་ཅིག་བསམ་མོ། །དེ་ལ་བརྒྱུད་པའི་བླ་མ་རྣམས་དང་། སངས་རྒྱས་དང་བྱང་ཆུབ་སེམས་དཔའ་ལ་སོགས་དཔག་ཏུ་མེད་པས་བསྐོར་བ། སྤྲིན་ཕུང་གཏིབས་པ་ལྟར་བཞུགས་པར་བསམ་མོ། དེ་དག་ལ་བློས་དངོས་སུ་བཤམས་པའི་མཆོད་པ་ལྔ་དང་། གསེར་གྱི་མཎྜལ་ཕུལ་ལ་ཅེས་པ། དད་གུས་བྱ་ཞིང་། སྙིམ་པ་མེ་ཏོག་དང་བཅས་པས་ཐལ་མོ་སྦྱར་ཏེ། ངག་ཏུ་རྩ་བ་དང་བརྒྱུད་པའི་བླ་མ་རྣམས་དང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་། ཡི་དམ་ལྷ་ཚོགས་རྣམས་ཀྱིས། བདག་ལ་ཕྱག་རྒྱ་ཆེན་པོའི་དོན་ངོ་འཕྲོད་ཅིང་། རྟོགས་པ་ཁྱད་པར་ཅན་རྒྱུད་ལ་སྐྱེ་བར་བྱིན་གྱིས་བརླབ་ཏུ་གསོལ། ཡེ་ཤེས་པའི་ཆོས་སྐྱོང་བའི་

[Full Size]

སྲུང་མ་རྣམས་ཀྱིས་བདག་ཕྱག་རྒྱ་ཆེན་པོ་ཞུ་བ་དང་། ཉམས་སུ་ལེན་པ་ལ་བར་དུ་གཅོད་པ་ཐམས་ཅད་མི་འབྱུང་བར་མཛད་དུ་གསོལ། ཞེས་གསོལ་བ་ལན་གསུམ་འདེབས་པ་དང་། ལུས་རྣམ་པར་སྣང་མཛད་ཀྱི་ཆོས་དྲུག་བཅས་ནས། རང་བབས་གསུམ་གྱི་སྟེང་དུ་འཇོག་ཏུ་བཞུག་གོ །རྐུན་བུའི་ངོ་སྤྲོད་ཞེས་པ། སྔོན་འགྲོ་རང་བབས་རྣམ་གསུམ་ཟེར་ཡང་། དངོས་གཞི་རང་ཡིན་ཏེ། རང་སེམས་སྐྱེ་མེད་འདི་ཀ་ཕྱག་རྒྱ་ཆེན་པོ་ཡིན་ནོ། །ཞེས་དང་པོ་རང་ནས་བསྟན་ན། གོ་བར་སོང་ནས་ཡིད་ཆེས་མི་ཆུད་པས། འདི་སྔོན་འགྲོ་ཡིན། དངོས་གཞི་ཟབ་མོ་ཅིག་ད་བཟོད་ཡོད་པ་སྐད་དུ་བྱས་ནས་རང་བབས་གསུམ་གྱི་སྟེང་དུ་བཅུག་པས། གོ་ཡུལ་དུ་མ་ལས་མར་རིག་པ་གསལ་སྟོང་འཛིན་

[Full Size]

མེད་དུ་འཆར་རོ། །དང་པོ་ནས་འདི་ཡིན་མི་ཟེར་བས་གསང་ནས་རྐུ་ཐབས་སུ་ངོ་སྤྲོད་པའོ། །དེ་ལུང་སྦྱོར་དང་ལྡན་པས་ཡིད་ཆེས་པར་བྱས་ཏེ། དེ་ལྟར་རང་བབས་གསུམ་གྱི་སྟེང་དུ་བཟོ་མེད་དུ་རང་སར་གློད་བཞག་པས། ཕ་ཀར་སྣང་བ་མ་འགགས་ལ། ཚུ་ཀར་འཛིན་པ་མ་ཞུགས་པའི་གསལ་སྟོང་འཛིན་མེད་དུ་རྗེན་ལྷང་གིས་འཆར་རོ། །ནཻ་གུ་མས། དེ་ཕྱིར་སྣང་བ་སྣ་ཚོགས་ལ། །སྒོ་ལྔའི་རྣམ་ཤེས་གསལ་དྭངས་ལ། །ཡིད་ཀྱི་འཛིན་པ་མ་ཞུགས་པ། །དེ་ནི་གསལ་སྟོང་དབྱེར་མེད་པ། །ཞེན་མེད་སྒྱུ་མ་རང་ཤར་རོ། །ཅེས་སོ། །དེ་ནས་གཡས་གཡོན་ལ་སོགས་པ་ཐམས་ཅད་ལ་བསླབས་ནས། ཅིར་སྣང་ཐམས་ཅད་གསལ་སྟོང་འཛིན་མེད་དུ་འཆར་དུ་འཇུག་པའོ།

[Full Size]

དེ་ལ་ཐ་མལ་གྱི་ཤེས་པ་ཞེས་བྱ་སྟེ། ཐ་མལ་ཤེས་པ་སྙིང་གི་དབུས་སུ་སད། །ད་ནི་སུ་ལའང་དྲི་བར་མི་བྱའོ། །ཅེས་དང་། ཏོག་རྩེ་པས། ཐ་མལ་ཤེས་པ་སྙིང་གི་དབུས་སུ་སད། །ཚོགས་དྲུག་དག་ན་བདེ་ཆེན་རྒྱུན་ཆད་མེད། །བྱས་པ་ཐམས་ཅད་དོན་མེད་སྡུག་བསྔལ་རྒྱུ། །བསྒོམ་དུ་མེད་དོ་གཉུག་མའི་ངང་ལ་གཞོག །དེ་ལ་བླུན་སྐད་དུ་ཐ་མལ་ཤེས་པ། ཆོས་སྐད་དུ་རྣམ་པར་མི་རྟོག་པའི་ཏིང་ངེ་འཛིན་ཏེ། སམ་བུ་ཏྲ་ལས། མི་རྟོག་ཏིང་འཛིན་ལ་གནས་ན། མཁའ་བཞིན་བྱེད་པ་མེད་པར་གནས། ཅེས་སོ། །དེ་ལ་སྐུ་གསུམ་རང་ཤར་ཏེ། །ཡེ་ཤེས་དགོངས་པའི་རྒྱུད་ལས། སྣ་ཚོགས་གསལ་བ་སྤྲུལ་པའི་སྐུ། །བདེ་བར་ཤར་བ་ལོངས་སྤྱོད་རྫོགས། །དབྱེར་མེད་བདེ་བ་

[Full Size]

ཆེན་པོའི་སྐུ། །ཅེས་དང་། དམ་ཚིག་བཀོད་པ་ལས། ཆོས་རྣམས་གསལ་བ་སྤྲུལ་པའི་སྐུ། །དེ་ལ་མི་རྟོག་ཆོས་ཀྱི་སྐུ། །རྟོག་བྲལ་བདེ་ཕྱིར་ལོངས་སྤྱོད་རྫོགས། །བྱང་ཆུབ་ཚུལ་འདི་བསྟན་པའོ། །ཅེས་སོ། །དེ་ལ་ལྷན་ཅིག་སྐྱེས་པ་སྟེ། བླ་མའི་ལུང་ལ་བསྟན་ཏེ་གུས་འབད་ན། །ལྷན་ཅིག་སྐྱེས་པ་འབྱུང་བར་ཐེ་ཚོམ་མེད། །ཁ་དོག་ཡོན་ཏན་ཡི་གེ་དཔེ་དང་བྲལ། །སྨྲ་རུ་མི་བཏུབ་བདག་གིས་གྱི་ན་མཚོན། །གཞོན་ནུ་མའི་བདེ་བ་སྙིང་ལ་ཞེན་པ་བཞིན། །དབང་ཕྱུག་དམ་པ་དེ་ནི་སུ་ལའང་བསྟན་ནུས་སམ། །དེ་ལ་གསུམ། སྣང་བའམ། སྟོང་པའམ། སྐྱེ་མེད་ཀྱི་ལྷན་སྐྱེས་ཏེ། ལྷན་ཅིག་སྐྱེས་པ་རྣམ་གསུམ་གྱིས། །གང་ལ་དེ་སྐྱེས་གང་དུ་ནུབ། །

[Full Size]

གང་དུ་གནས་འགྱུར་གསལ་བར་མི་ཤེས་སོ། །རྩ་བ་བྲལ་བ་དེ་ཉིད་གང་སེམས་པ། །བླ་མའི་མན་ངག་ཐོབ་པ་དེས་ཆོག་གོ །ཅེས་སོ། །དེ་ལ་དྲན་མེད་དམ། ཡིད་ལ་བྱར་མེད་དེ། །ཡུམ་ལས། གང་དྲན་པ་མེད་ཅིང་ཡིད་ལ་བྱར་མེད་པ་དེ་ནི༴ སངས་རྒྱས་རྗེས་སུ་དྲན་པའོ། །ཆོས་དང་། དགེ་འདུན་ལ་ཡང་འདྲེའོ། །དེ་ལ་སེམས་ཉིད་སྐྱེ་བ་མེད་པ་ཆོས་ཀྱི་སྐུ་སྟེ། བསམ་མི་ཁྱབ་ཀྱི་རྒྱུད་ལས། སེམས་ཉིད་ལྷན་ཅིག་སྐྱེས་པ་ཆོས་ཀྱི་སྐུ། །སྣང་བ་ལྷན་ཅིག་སྐྱེས་པ་ཆོས་སྐུའི་འོད༴ སྣང་སེམས་དབྱེར་མེད་ལྷན་ཅིག་སྐྱེས་པའོ། །ཅེས་སོ། །དེ་ལ་འོད་གསལ་ཏེ། བརྒྱད་སྟོང་པ་ལས། སེམས་ནི་སེམས་མཆིས་ཏེ། སེམས་ཀྱི་རང་བཞིན་འོད་གསལ་བའོ། །ཅེས་སོ། །དེ་ལ་ཕྱག་རྒྱ་ཆེན་པོ་སྟེ། །མ་གཅིག་

[Full Size]

ལབ་སྒྲོན་གྱིས། རྣམ་རྟོག་རང་གཟུགས་ཤོར་བ་ལ། །ཕྱག་ཆེན་མིང་དུ་བཏགས་པ་ཡིན། །ཅེས་སོ། །དེ་ལ་བསལ་བཞག་མེད་པ་སྟེ། །ནམ་མཁའ་རིན་པོ་ཆེའི་མདོ་ལས། འདི་ལ་གསལ་བྱ་ཅི་ཡང་མེད། །བཞག་པར་བྱ་བ་ཅུང་ཟད་མེད། །ཡང་དག་ཉིད་ལ་ཡང་བདག་བལྟ། །ཡང་དག་མཐོང་ན་རྣམ་པར་གྲོལ། །ཅེས་སོ། །དེ་ལ་སྒོམ་མེད་དེ། །བརྟག་གཉིས་ལས། །གང་ཕྱིར་ཡིད་ཀྱིས་མི་བསྒོམ་པར། །འགྲོ་བ་ཐམས་ཅད་བསྒོམ་པར་བྱ། །ཐམས་ཅད་ཆོས་ནི་ཡོངས་ཤེས་ན། །སྒོམ་པ་ཉིད་ནི་བསྒོམ་པ་མིན། །ཅེས་སོ། །དེ་ལ་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། མདོ་ལས། སྨྲ་བསམ་བརྗོད་མེད་ཤེས་རབ་ཕ་རོལ་ཕྱིན། །མ་སྐྱེས་མི་འགག་

[Full Size]

ནམ་མཁའི་ངོ་བོ་ཉིད། །སོ་སོ་རང་རིག་ཡེ་ཤེས་སྤྱོད་ཡུལ་བ། །དུས་གསུམ་རྒྱལ་བའི་ཡུམ་ལ་ཕྱག་འཚལ་ལོ། །ཅེས་དང་། ཀླུ་སྒྲུབ་ཀྱིས། གང་ཡང་མི་རྟོག་ཅིར་ཡང་མ་སེམས་ཅིག །བཅས་བཅོས་མ་བྱེད་རང་བཞིན་ལྷུག་པར་བཞོག །མ་བཅོས་པ་ནི་རང་བཞིན་སྐྱེ་མེད་མཛོད། །ཤེས་རབ་ཕ་རོལ་ཕྱིན་པ་གཉིས་མེད་ལམ། །དུས་གསུམ་སངས་རྒྱས་ཀུན་གྱི་གཤེགས་ཤུལ་ཡིན། །ཅེས་སོ། །དེ་ལ་དམིགས་མེད་དེ། །གང་ལ་དམིགས་ཀྱང་དམིགས་པ་དེ་ཡིས་ཐར་པ་སྒྲིབ། །བཟང་པོར་བཏགས་ཀྱང་དེ་ཡི་ནད་ཀྱིས་དམན་པར་ལྷུང་། །དམན་པའི་ལམ་ལ་བཏགས་ན་རྣམ་སྨིན་རྒྱུན་མི་འཆད། །བཏགས་པ་མེད་པའི་སེམས་ནི་ནམ་མཁའ་ལྟ་བུར་གནས། །

[Full Size]

ནམ་མཁའ་གནས་པ་མེད་པ་དེ་ཉིད་ཐ་སྙད་བྲལ། །བྲལ་བའི་སེམས་ལ་བཏགས་དང་དཔྱད་པ་མི་དགོས་ཀྱི། །རང་བཞིན་བཞག་པ་ཇི་ལྟ་བུ་ཉིད་དེ་བཞིན་ཉིད། །འབྲས་བུས་ཐོགས་པ་མེད་པ་གདོད་ནས་རང་ལ་གནས། །དེ་ཕྱིར་རེ་དང་དོགས་པའི་གཉེན་པོས་འཆིང་མི་དགོས། །ཅེས་སོ། །དེ་ལ་རྟེན་མེད་དམ། །རྩ་བྲལ་ཏེ། ཨརྱ་དེ་ཝས། དེ་དག་རིག་པ་བློ་བརྟེན་དང་། །བྲལ་བའི་ཉམས་ནི་སྐྱེ་བར་འགྱུར། །སུ་ཀ་སིདྷིས༴རིག་པ་རྟེན་མེད་དུ་ཞོག་དང་རྣལ་འབྱོར་པ། །ཅེས་དང་། གང་ཚེ་འདི་ལ་རྩ་བ་མེད་པར་རྟོགས་པ་ནི། །ད་ལྟ་ཉིད་དུ་གཉིས་མེད་ངེས་པར་འགྱུར་བ་ཡིན། །ཅེས་སོ། །སམ་བྷུ་ཏྲ་ལས། འདི་ནི་གཉིས་སུ་མེད་པར་བརྗོད། །

[Full Size]

འདི་ནི་བྱང་ཆུབ་སེམས་མཆོག་ཉིད། །རྡོ་རྗེ་རྡོ་རྗེ་སེམས་དཔའ་དཔལ། །རྫོགས་པའི་སངས་རྒྱས་བྱང་ཆུབ་ཉིད། །འདི་ནི་ཤེས་རབ་ཕ་རོལ་ཕྱིན། །ཕ་རོལ་ཕྱིན་པ་ཀུན་གྱི་དངོས། །མཉམ་ཉིད་བསམ་བྱ་ཉིད་གསུངས་པ། །སངས་རྒྱས་ཀུན་མཆོག་བསྒོམ་པའོ། །ཞེས་པ་ལ་སོགས་པ་མིང་གི་རྣམ་གྲངས་མཐའ་ཡས་པར་ཤེས་པར་བྱའོ། །དེ་ལ་ཕྱི་ཡུལ་གྱི་ཉེས་པས་མི་དགོས་པ་ནི་ཡུལ་རྣམས་བརྟེན་པས་ཡུལ་གྱིས་མི་དགོས་ཏེ། ཨུཏྤལ་འདབ་མ་ཆུ་ཡིས་མི་དགོས་ཤིང་། །ཅེས་སོ། །ནང་དུ་རྟོགས་པས་མི་གནོད་པ་ནི། གང་ལྟར་རྩ་བ་རྣལ་འབྱོར་སྐྱབས་སུ་འགྲོ། །དུག་གི་སྔགས་ཅན་དུག་གིས་ག་ལ་ཚུགས། །ཅེས་སོ། །མཚན་མ་མེད་པའི་དཔེ། གཟིངས་ཐོག་ནས་བྱ་འཕུར་བ་ལྟ་བུར་

[Full Size]

བསྟན་པ་ནི། །ཡུལ་ཉིད་རྣམ་པར་དག་སྟེ་བསྟེན་བྱ་མིན། །སྟོང་པ་འབའ་ཞིག་གིས་ནི་དཔྱད་པར་བྱ། །ཇི་ལྟར་གཟིངས་ལ་འཕུར་བའི་བྱ་རོག་བཞིན། །སྐོར་ཞིང་སྐོར་ཞིང་སླར་ཡང་དེ་རུ་འབབས། །ཅེས་སོ། །དེ་ཉིད་རྟོགས་པའི་དཔེ། ཆུ་དང་རླབས་ལྟ་བུ་ནི། གང་ཞིག་སེམས་ལ་རྣམ་འཕྲོས་པ། །དེ་སྲིད་མགོན་པོའི་རང་བཞིན་ཏེ། ཆུ་དང་རླབས་དག་གཞན་ཡིན་ནམ། །སྲིད་དང་མཉམ་ཉིད་ནམ་མཁའི་རང་བཞིན་ནོ། །ཅེས་སོ། །ཆོས་སྐུ་ལ་ཆོས་སྐུ་ཐིམ་པའི་དཔེ་ཉི་ཟེར་གྱི་རྡུལ་ལྟ་བུ་སྟེ། གང་ཞིག་རྟེན་དེ་གང་ཐོབ་པ། །དགོངས་པ་གང་ཡིན་དམ་པར་སྐྱོལ་བ་ན། །ཉི་ཟེར་ལྐུགས་པ་རྡུལ་བཞིན་བརླག །སྙིང་ག་ཉིད་དུ་ནུབ་པར་འགྱུར་བ་ཡིན། །ཅེས་སོ། །རོ་གཅིག་པའི་དཔེ། །

[Full Size]

ཆུ་ལ་ཆུ་བཞག་པ་ལྟ་བུ་ནི། ཇི་ལྟར་ཆུ་ལ་ཆུ་བཞག་ན། །དེ་སྙེད་ཆུ་རུ་རོ་མཉམ་འགྱུར། །སྐྱོན་དང་ཡོན་ཏན་རྣམ་ལྡན་སེམས། །མགོ་བོས་གང་ཡང་མཚོན་མི་འགྱུར། །ཅེས་སོ། །ཐུག་ཕྲད་ཀྱི་དཔེ། ནགས་ལ་མེ་མཆོད་པ་ལྟ་བུ་ནི། །རྨོངས་པ་དག་ལ་གཉེན་པོ་གང་ཡང་མེད། །ནགས་ལ་མཆེད་པའི་མེ་ལྕེ་བཞིན། །གདོང་དུ་བབ་པའི་འདི་ལྟར་སྣང་བ་ཀུན། །ཁྱོད་ཀྱི་རྩ་བ་སྟོང་པ་ཉིད་དུ་ལྷན་ཅིག་བྱོས། །ཅེས་སོ། །ཐིམ་པའི་དཔེ། ལན་ཚྭ་ཆུ་རུ་ཞུ་བ་ལྟ་བུ་ནི། ཇི་ལྟར་ལན་ཚྭ་ཆུ་ལ་ཐིམ་པ་བཞིན། །དེ་ལྟར་སེམས་ནི་རང་བཞིན་ལ་ཐིམ་འགྱུར། །དེ་ཚེ་བདག་དང་གཞན་ནི་མཉམ་པར་མཐོང་། །འབད་དེ་བསམ་གཏན་བྱས་པ་ཅི་བྱར་ཡོད། །ཅེས་སོ། །སྣང་སྟོང་རོ་གཅིག་པའི་དཔེ། ཆུ་དང་མར་མེ་ལྟ་བུར་

[Full Size]

བསྟན་པ་ནི། །རྦ་རླབས་མེད་པའི་དབང་ཕྱུག་མཆོག །རྙོག་པ་མེད་པའི་བསམ་གཏན་འགྱུར། །ཆུ་དང་མར་མེ་རང་གསལ་གཅིག་ཏུ་ཞོག །འགྲོ་འོང་ང་ཡི་མི་ལེན་མི་འདོར་རོ། །ཅེས་སོ། །ཕྱག་རྒྱ་ཆེན་པོའི་རྩིས་ཟིན་ན། །དྲན་རྟོག་ཐམས་ཅད་དྲན་མེད་ཀྱི་ལོངས་སྤྱོད་དང་གསོལ་འདེབས་ཡིན་ཏེ། ཁོ་ན་ཉིད་ལ་གཉེན་པོ་མེད་ཀྱི་རང་སར་ཞོག །རྣམ་རྟོག་ཇི་སྙེད་ཤར་ཀྱང་གཉུག་མ་ཉིད་ལ་ཤར། །དྲན་པ་རང་སར་གྲོལ་ན་དྲན་མེད་ལྷུག་པ་ཉིད། །གང་ཡང་ལོངས་སྤྱོད་སྣང་བར་ཤེས་ཤིང་དྲན་མེད་གསོས། །ཅེས་དང་། སམ་བྷུ་ཏྲ་ལ། གཟུགས་རྣམས་སྣ་ཚོགས་བལྟ་བ་དང་། །སྒྲ་ནི་རྒྱས་པར་ཉན་པ་དང་། །སྨྲ་བ་དང་ནི་རྒོད་པ་དང་། །ལས་དེ་རྣམས་ནི་བྱེད་པ་ན། །སེམས་ནི་གཞན་དུ་མི་འགྲོ་

[Full Size]

བས། །དེ་ཉིད་རིག་པའི་རྣལ་འབྱོར་ལ། །རྣལ་འབྱོར་རྒྱུན་དུ་སྐྱེ་བར་འགྱུར། །ཅེས་དང་། དབང་པོ་གང་དང་གང་ལམ་ཉིད། །དེ་དང་དེའི་ངོ་བོར་འགྱུར། །མཉམ་པར་མ་བཞག་རྣལ་འབྱོར་པ། །རྟག་པར་ཤིན་ཏུ་མཉམ་བཞག་ཉིད། །ཅེས་དང་། ལྕེ་སྒོམ་གྱིས། ཇི་ལྟར་རྩྭ་ཤིང་ཕུང་པོ་མེ་འབར་བ། །རླུང་གིས་བསྐྱོད་ན་རབ་ཏུ་ཆེར་འབར་ལྟར། །རྟོགས་པའི་ཡེ་ཤེས་དངོས་རྣམས་འཇོམས་པ་ལ། །ཉོན་མོངས་རྣམ་རྟོག་ཡེ་ཤེས་འཕེལ་བའི་གྲོགས། །ཅེས་སོ། །ལུང་དེ་རྣམས་གང་ཟག་གི་དབང་པོ་དང་བསྟུན་ནས་རྒྱས་བསྡུས་སྐབས་དང་སྦྱར་ནས་བཤད་པར་བྱའོ། །ཡང་ན་སྔོན་འགྲོའི་སྐབས་སུ་དོན་རྒྱུད་ལ་བསྐྱེད་དུ་འཇུག་པ་ནི། །རྐུན་བུའི་ངོ་སྤྲོད་དོ། །དངོས་གཞི་སྐབས་སུ་མདོ་རྒྱུད་ཀྱི་

[Full Size]

ལུང་ལ་བརྟེན་ནས་ཐག་ཆོད་ངེས་ཤེས་བསྐྱེད་པ་ནི། ལུང་སྦྱོར་དང་ལྡན་པས་ཡིད་ཆེས་བསྐྱེད་པར་བྱའོ། །ནཻ་གུ་མ་སྔོན་འགྲོ་ལ་གཙོ་བོར་བྱེད་ཅེས་པ། འདིའི་ལུགས་ཀྱི་སྔོན་འགྲོ་རང་ལ་སྐྱེ་དགོས། མ་སྐྱེས་ན་ངོ་མི་འཕྲོད་སྤྲད་ཀྱང་གོ་བ་ལས་མི་འོང་། དེས་ན་གནས་པ་ལ་གཙོ་ཆེར་ངོ་སྤྲད་པ་ནི། །གནས་པ་བྱུང་ན་འོད་གསལ་ངོས་ཟིན། དེ་ཟིན་པས་སྣང་ཐོག་ཏུ་རྐྱེན་དང་བསྲེ་ཤེས། དེ་ལ་བརྟེན་ནས་ཉམས་རྟོགས་ཐམས་ཅད་འཆར་རོ། སློབ་དཔོན་ཞི་བ་ལྷས། ཞི་གནས་རབ་ཏུ་ལྡན་པའི་ལྷག་མཐོང་གིས། །ཉོན་མོངས་རྣམ་པར་སྤོང་བ་ཤེས་བྱ་སྟེ། །ཐོག་མར་ཞི་གནས་བཙལ་བྱ་དེ་ཡང་ནི། །འཇིག་རྟེན་ཆགས་པ་མེད་ལ་མངོན་དགས་འགྲུབ། །ཅེས་སོ། །བླ་མ་སངས་རྒྱས་སྟོན་

[Full Size]

པའི་གསུང་ནས། སྤྲོས་བཅས་བསྐལ་པར་བསྒོམས་པ་བས། གནས་པ་ཡུད་ཙམ་ཅིག་དགའ། དེ་བྱུང་ན་ཡོན་ཏན་ཐམས་ཅད་འཆར། སྤྲོས་བཅས་ལོ་ཟླ་བས། སྟོང་ཉིད་གོ་བའང་དགའ་གསུང་ངོ་། །དེ་ནས་ཇི་ལྟར་གཅིག་ནས་གནས་པ་ཞིག་ནས་ཡོན་ཏན་འཆར་རོ། །དམ་པ་རྒྱ་གར་གྱིས། རྣལ་འབྱོར་གྱིས་བསྒོམ་པ་བཤིག་ན་བཟང་། གནས་པ་བཤིག་ན་རྟོགས་པ་འཆར། །ཅེས་སོ། །དེའི་དུས་སུ་བློ་ཆོད་ཆེར་བཏགས་ཐག་བཅད་ངེས་ཤེས་བསྐྱེད་ཅིང་། ཡིད་ཆེས་པ་དེ་སྐྱོང་བ་ཡིན་ནོ། །གསུང་ངོ་། །དེའི་ངང་ནས་ལས་རྒྱུ་འབྲས་ཁྱད་དུ་མི་གསོད་དེ། ཀླུ་སྒྲུབ་ཀྱིས། ཆོས་རྣམས་སྟོང་པ་འདི་ཤེས་ནས། །ལས་དང་རྒྱུ་འབྲས་བརྟེན་པ་ནི། །ངོ་མཚར་བས་ཀྱང་འདི་ངོ་མཚར། །རྨད་བྱུང་བས་ཀྱང་

[Full Size]

འདི་རྨད་བྱུང་། །ཅེས་སོ། །མཻ་ཏྲི་པ་དངོས་གཞི་ལ་གཙོ་བོར་བྱེད། ཅེས་པ་སྐྱོན་བཞི་རང་གྲོལ་ལོ། །སུ་ཀ་སིདྷི་རྗེས་ལ་གཙོ་བོར་བྱེད་ཅེས་པ། སྐུ་བཞི་རང་ཤར་རོ། །དེ་གསུམ་ཀ་དོན་ལ་འདྲའོ། །གཉིས་པ་དངོས་གཞི་སྐྱོན་བཞི་དང་བྲལ་བར་བྱ་སྟེ། ཅེས་པ། དང་པོ་ཉེ་དྲགས་པ་མ་མཐོང་བའི་སྐྱོན་ནི། སེམས་སྟོང་པ་ཆོས་སྐུ་དང་འདུ་འབྲལ་མེད་ཀྱང་། ཅེས་པ། དུས་གསུམ་རྒྱུན་ཆད་མེད་པར་རང་ལ་གནས། གཏན་དུ་འགྲོགས་ཀྱང་ཞལ་མ་མཇལ། ཧ་རེ་ལོང་དང་། ཅེ་རེ་ལོང་དུ་སོང་ནས་མ་མཐོང་ངོ་། གང་མ་མཐོང་ན། རང་ངོ་མ་མཐོང་ངོ་། །གང་གིས་མ་མཐོང་ན། རང་གིས་མ་མཐོང་། ཇི་ལྟར་མ་མཐོང་ན། གཉིས་འཛིན་གྱི་དྲི་མ་དང་བཅས་པའི་ཚུལ་གྱིས་མ་

[Full Size]

མཐོང་ངོ་། །དེས་ཅི་དང་འདྲ་བར་མ་མཐོང་ན། མིག་གིས་མིག་མ་མཐོང་པའམ། རྨུས་ལོང་ལ་གཟུགས་བསྟན་པ་བཞིན་ནོ། །རྒྱུད་བླ་མ་ལས། ཕྲ་ཕྱིར་ཐོས་པའི་ཡུལ་མིན་ཕྱིར། །དོན་དམ་ཡིན་ཕྱིར་བསམ་པའི་མིན། །ཆོས་ཉིད་ཟབ་ཕྱིར་འཇིག་རྟེན་པའི། །བསྒོམ་པ་ལ་སོགས་ཡུལ་མ་ཡིན། །གང་ཕྱིར་གཟུགས་ལ་རྨུས་ལོང་བཞིན། །བྱིས་པས་དེ་མངོན་མཐོང་མ་གྱུར། །ཅེས་སོ། །དེས་ན་ཐག་ཉེ་དྲགས་པས་མ་མཐོང་བའི་སྐྱོན་གྱིས་འཁོར་བར་འཁྱམས། ཅེས་པ། ད་ནི་བླ་མའི་བྱིན་རླབས་དང་། ཐབས་ཁྱད་པར་ཅན་རང་བབས་རྣམ་གསུམ་ལ་བརྟེན་ནས། ཐ་མལ་གྱི་ཤེས་པ་གསལ་སྟོང་འཛིན་མེད་དེ་ཉིད། དགེ་སྡིག་ལུང་མ་བསྟན་གྱི་དྲི་མས་མ་གོས་ཤིང་། ཡུལ་དང་ཡུལ་

[Full Size]

ཅན་གཉིས་སུ་མེད་པའི་ཚུལ་དུ། རང་སྟོང་དུ་མཐོང་ཞིང་ངོ་ཤེས་པས། མ་མཐོང་བའི་སྐྱོན་ལས་གྲོལ་ལོ། །རྒྱན་སྟུག་པོ་བཀོད་པ་ལས། རིག་པ་གསལ་སྟོང་ཀུན་གཞི་སྟེ། །ལུང་མ་བསྟན་དུ་གྲགས་པའོ། །ཅེས་དང་། ཏིལློ་པས། ཀྱཻ་ཧོ་འདི་ནི་རང་རིག་ཡེ་ཤེས་ཏེ། །ངག་གི་ལམ་འདས་བློ་ཡི་སྤྱོད་ཡུལ་མིན། །ཏིལླི་ངས་ནི་ཅི་ཡང་བསྟན་དུ་མེད། །རང་གིས་རང་ཉིད་མཚོན་ཏེ་ཤེས་པར་བྱོས། །ཅེས་སོ། །གཉིས་པ་ཟབ་དྲགས་པས་ངོས་མ་ཟིན་པའི་སྐྱོན་ནི། ཕྱག་རྒྱ་ཆེན་པོ་རང་ལ་ཤར་ཀྱང་། ཕྱོགས་གང་ན་ཡང་དཔེས་མཚོན་པར་མི་ནུས་ཤིང་། ཅེས་པ༴ དཔེ་དང་བྲལ་ཞིང་། ཁ་དོག་ཡོན་ཏན་ཡི་གེ་དཔེ་དང་བྲལ། །ཅེས་དང་། སྡུད་པ་ལས། ནམ་མཁའ་མཐོང་

[Full Size]

ཞེས་སེམས་ཅན་ཚིག་ཏུ་རབ་བརྗོད་པ། །ནམ་མཁའ་ཇི་ལྟར་མཐོང་སྟེ་དོན་དེ་བརྟག་པར་གྱིས། །དེ་ལྟར་ཆོས་མཐོང་པ་ཡང་དེ་བཞིན་གཤེགས་པས་བསྟན། །མཐོང་བ་དཔེ་གཞན་གྱིས་ནི་སྙད་པར་ནུས་མ་ཡིན། །ཅེས་སོ། །བློའི་ཡུལ་ལས་འདས་ཏེ། ཟབ་དྲགས་པས་ཅེས་པས། ཐ་མལ་གྱི་ཤེས་པ་ཡིད་ལ་མི་བྱེད་པ་སྟེ། རླུང་སེམས་དབུ་མར་འཇུག་པ་དང་། ཆད་པ་ངལ་བསོ་བ་ལ་སོགས་པའི་དུས་སུ་སེམས་ཅན་ཐམས་ཅད་ལ་འཆར་ཏེ། ཐབས་ཁྱད་པར་ཅན་རང་བབས་རྣམ་གསུམ་དང་མ་འབྲེལ་བས། རྣམ་རྟོག་རྐུན་བུས་ཁྱེར་ཏེ། ཡེངས་མེད་ཀྱི་བྱ་ར་བ་དང་བྲལ། ངོས་མ་ཟིན་པའི་སྐྱོན་གྱིས་འཁོར་བར་འཁྱམས་སོང་། །ད་ནི་ཅིར་སྣང་ཐམས་ཅད་ལ་ལྟ་སྟངས་ཀྱིས་

[Full Size]

གཅེར་གྱིས་བལྟས་ལ། ངའི་སྔོན་འགྲོ་རང་ཤར་ནས་འདུག་སྙམ་དུ་ལམ་གྱིས་ངོས་བཟུང་ཞིང་། ངོ་ཤེས་ཀྱི་དྲན་པ་རྒྱུན་དང་བཅས་པས། ངོས་མ་ཟིན་པའི་སྐྱོན་ལས་གྲོལ་ཏེ། རང་ཤར་ངོས་བཟུང་བྱ་ཅེས་སོ། །གསུམ་པ་སླ་དྲགས་ཡིད་མ་ཆེས་པའི་སྐྱོན་ནི། རང་བབས་སུ་ནམ་བཞག་ཀྱང་འཆར་ཏེ། སླ་དྲགས་པས་ཅེས་པ་དེ་ལས་མེད་ན་བལྟ་སླ་སྟེ་སྙམ་དུ་ཡིད་མ་ཆེས་པར། ཅེས་པ་ཡིད་ལ་བྱར་མེད་འདིས་བསྒོམ་གྱི་གོ་རང་ཆོད་དམ་སྙམ་དུ་ཐེ་ཚོམ་བྱེད་ཅིང་། ཅེས་པ་ངོ་སྤྲད་ཀྱང་མ་བསྒོམས་ན། གོ་བར་སོང་ནས་ཡིད་མ་ཆེས་པས། ཡེངས་མེད་དུ་བསྒོམ་པ་དང་བྲལ་བའི་སྐྱོན་གྱིས་འཁོར་བར་འཁྱམས་སོ། །ད་ནི་བླ་མ་དང་གདམས་ངག་ལ་ཚད་མར་བྱས་ནས་

[Full Size]

གསོལ་བ་གདབ་ཅིང་། སྣང་བ་གང་ཤར་ལ་རང་ཐོག་ཏུ་གློད་ནས་འཛིན་མེད་དུ་བཞག་ཅིང་། ཡེངས་མེད་དུ་བསྒོམས་པས། ཐ་མལ་ངེས་པ་རང་རོ་ཤེས་ཤིང་། ངེས་ཤེས་ནང་ནས་སྐྱེས་ཏེ་ཡིད་ཆེས་པས། ཡིད་མ་ཆེས་པའི་སྐྱོན་ལས་གྲོལ་ཏེ་ཡེངས་མེད་ཆུ་བོ་བརྟེན་ཅེས་སོ། །བཞི་པ་བཟང་དྲགས་པས་བློར་མ་ཤོང་བའི་སྐྱོན་ནི། གསལ་སྟོང་བདེ་སྐུ་གསུམ་རང་ལ་ཤར་ཀྱང་བཟང་དྲགས་པས། ཅེས་པ་ད་ལྟ་འབྲས་བུའི་དུས་མ་ཡིན་སྙམ་དུ་བློར་མ་ཤོང་ངེས་ཤེས་མ་སྐྱེས་པས། རྟོགས་པ་ཐག་ཆོད་དང་བྲལ་བའི་སྐྱོན་གྱིས་འཁོར་བར་འཁྱམས་སོ། །ད་ནི་བཀའ་མདོ་རྒྱུད་དང་། བསྟན་བཅོས་ཀྱི་ལུང་ལ་བསྟེན་ནས། ཐ་མལ་གྱི་ཤེས་པ་འདི་ཉིད་རང་སེམས་སྐྱེ་མེད་ཆོས་སྐུ་བཅིངས་གྲོལ་མེད་པར་

[Full Size]

ཐག་བཅད་ཅིང་ངེས་ཤེས་བསྐྱེད་པས། བློར་མ་ཤོང་བའི་སྐྱོན་ལས་གྲོལ་ཏེ། ཐག་བཅད་ངེས་ཤེས་བསྐྱེད་ཅེས་སོ། །ཡང་ཉེ་དྲགས་པས་ངོ་མ་ཤེས། ཟབ་དྲགས་པས་ངོས་མ་ཟིན། སླ་དྲགས་པས་ཡིད་མ་ཆེས། བཟང་དྲགས་པས་བློར་མ་ཤོང་བའི་སྐྱོན་བཞི་ལས། ད་ནི་མོས་གུས་དང་། རང་བབས་གསུམ་ལ་བརྟེན་ནས། རང་སེམས་ཆོས་སྐུར་ངོ་ཤེས། ངའི་སྔོན་འགྲོ་རང་ཤར་ནས་འདུག་སྙམ་དུ་ལམ་གྱིས་ངོས་བཟུང་། ཡེངས་མེད་བསྒོམས་པས་ཡིད་ཆེས། མདོ་རྒྱུད་ཀྱི་ལུང་ལ་བརྟེན་ནས་ཐག་བཅད་ངེས་ཤེས་བསྐྱེད་པས། བློར་མ་ཤོང་པའི་སྐྱོན་བཞི་ལས་གྲོལ་ལོ། །གསུམ་པ་རང་ཤར་དུ་བཞག་པའི་དུས་སུ་ཁ་དོག་དང་དབྱིབས་ལ་སོགས་པ་གང་

[Full Size]

དུ་ཡང་མ་གྲུབ་པས། ཆོས་སྐུ་རང་ཤར་མཐར་ཐུག་གོ །ཡེ་ཤེས་ནི་ཆོས་ཀྱི་དབྱིངས་ཀྱི་ཡེ་ཤེས་སོ། །སྟོང་པ་སྣ་ཚོགས་སུ་ཤར་བས་སྤྲུལ་སྐུ་རང་ཤར་རོ། །ཡེ་ཤེས་ནི་མེ་ལོང་ལྟ་བུའོ། །བར་གྱི་བདེ་བས་ལོངས་སྐུ་རང་ཤར་མཐར་ཐུག་གོ །ཡེ་ཤེས་ནི་སོ་སོར་རྟོག་པའོ། །དེ་གསུམ་རང་བཞིན་གྱིས་དབྱེར་མི་ཕྱེད་པས་བདེ་བ་ཆེན་པོའི་འབྲས་བུ་སྐུ་བཞི་རང་ཤར་མཐར་ཐུག་གོ །ཡེ་ཤེས་ནི་མཉམ་པ་ཉིད་དོ། །སྐུ་བཞིས་ཕྲིན་ལས་ལྷུན་གྲུབ་ཏུ་འབྱུང་བས། བྱ་བ་གྲུབ་པའི་ཡེ་ཤེས་སོ། །དེ་ཉིད་ལ་རྟོག་མེད་ཀྱི་ཆ་དེ་ཇི་ལྟ་བའི་ཡེ་ཤེས། མི་རྟོག་པ་སྣ་ཚོགས་སུ་སྣང་བ་དེ་ཇི་སྙེད་པ་མཁྱེན་པའི་ཡེ་ཤེས་སོ། །དབྱེར་མི་ཕྱེད་པས་དབྱིངས་དང་ཡེ་ཤེས་གཉིས་སུ་མེད་པ་ཞེས་བྱའོ། །ཅེས་པ་གསལ་སྟོང་

[Full Size]

འཛིན་མེད་ལ་སྐུ་བཞི་ཡེ་ཤེས་ལྔ་མཁྱེན་པ་གཉིས་ཚང་བ་ཡིན་ནོ། །བོགས་འདོན་པ་ནི། །ཅེས་པ་ལ་གསུམ་ལས། དང་པོ་ཐག་བཅོད་ངེས་ཤེས་བསྐྱེད་པ་ནི། སྡུད་པ་ལས། དེ་དག་དགེ་བའི་རྩ་བ་ཇི་སྲིད་མ་རྫོགས་པར། དེ་སྲིད་སྟོང་ཉིད་དམ་པ་དེ་ནི་ཐོབ་མི་བྱེད། ཅེས་སོ། །ཚོགས་བསག་ཅིང་དེ་རྣམས་ལ་ཅེས་པ། དུས་གསུམ་སངས་རྒྱས་བྱོན་ཀྱང་དེ་ལས་ལྷག་པར་བསྟན་དུ་མེད་པར་ཐག་བཅད་ངེས་ཤེས་བསྐྱེད་ཅིང་གསལ་སྟོང་འཛིན་མེད་ཀྱི་ངང་ལ་ཧད་དེ་བཞག་གོ །མི་གསེབ་དང་འགྲོ་འདུག་གི་དུས་སུ་མོས་གུས་གདུངས་གདུངས་པ་བྱས་ལ་ཧད་དེ་བཞག །གསུམ་པ་སྙིང་རྗེ་ཚད་མེད་པ་ནི། སྙིང་རྗེ་ལ་ཡང་དེ་ཉིད་ཀྱི་ངང་ལས་འཁོར་འདས་ཐམས་ཅད་སྟོང་ཞིང་བདག་མེད་པ་

[Full Size]

ཅིག་ཡིན་པ་ལ། ང་བདག་ཏུ་བཟུང་ནས་འཁོར་བར་འཁྱམས་པ་སྙིང་རེ་རྗེ་སྙམ་དུ་བསྒོམ་ཞིང་ཧད་དེ་བཞག་གོ །དེ་ནས་སྔོན་འགྲོའི་དམ་ཚིག་གི་གསང་བའི་རྡོ་རྗེ། ཅེས་པ་ནས་ཐ་མལ་ཤེས་པ་ཁྱོད་ལ་ཕྱག་འཚལ་ལོ། །རང་ཤར་ཕྱག་རྒྱ་ཆེན་པོ་རྫོགས་སོ། །ཅེས་པའི་བར་དུ་རྡོ་རྗེ་ཚིག་རྐང་བཤད་པར་བྱའོ། །ཆོས་ཀྱི་ཆོས་ཉིད་ལ་རང་ཤར་ངོས་བཟུང་བྱ། ཐག་ཆོད་ངེས་ཤེས་བསྐྱེད། ཡེངས་མེད་ཆུ་བོ་བརྟེན། ཚད་མེད་གཉིས་ལ་འབད། ཡར་ངོ་བཞིན་དུ་འགྱུར། ལོ་ཟླས་མཐར་ཕྱིན་ནོ། །དམ་ཚིག་ལ་ཡིད་གཉིས་སྤང་བར་བྱའོ། །ལྷ་སྐུ་གསལ་སྟོང་རླུང་དང་བསྲེ། །རྣམ་རྟོག་མ་རིག་འགག་པར་འགྱུར། །ཐ་མལ་ཤེས་པ་རླུང་དང་བསྲེ། །ཉམས་མྱོང་ཡར་ངོ་བཞིན་དུ་འགྱུར། །

[Full Size]

འོད་གསལ་ལྷ་སྐུ་རླུང་དང་བསྲེ། མཐར་ཐུག་འབྲས་བུ་མྱུར་ཐོབ་འགྱུར། །སྔོན་འགྲོ་དངོས་གཞི་རྗེས་དག་ལ། །དང་པོའི་ཚད་དང་དེ་ཉིད་བརྟན་ཚད་དང་། །དངོས་གཞིའི་ཚད་དང་དེ་ཉིད་བརྟན་ཚད་དང་། །རྗེས་ཀྱི་ཚད་དང་དེ་ཉིད་བརྟན་ཚད་དམ་པའི་ཞལ་ལས་དྲིས། ཅེས་པ། སྔོན་འགྲོའི་ཚད་མ་བཅོས་ཐ་མལ་གྱི་ཤེས་པ་རང་ཤར། དེ་བརྟན་པའི་ཚད་ལུས་ངག་གི་བྱ་བས་མི་འཕྲོག་པའོ། །དངོས་གཞིའི་ཚད། སྣང་སེམས་དབྱེར་མེད་ཡིད་ལ་མི་བྱེད་པ་རང་ཤར། དེ་བརྟེན་པའི་ཚད་མཉམ་རྗེས་དང་བྲལ་བའི་ཁོར་མའོ། །རྗེས་ཀྱི་ཚད། སྐྱེ་མེད་ལས་སྙིང་རྗེ་རང་ཤར། དེ་བརྟེན་པའི་ཚད་སྟོང་ཉིད་སྙིང་རྗེ་དབྱེར་མེད་ལས་མི་གཡོ་བའོ། །འབྲས་བུའི་ཚད། བློ་འདས་ཟུང་འཇུག་རང་ཤར། དེ་མཐར་

[Full Size]

ཕྱིན་པའི་ཚེ། ཕྲིན་ལས་ཕྱོགས་མེད་ལྷུན་གྲུབ་རང་ཤར་རོ། །ཉིན་མཚན་བར་དོའི་འོད་གསལ་མ་བུར་བཅས། །སྐུ་གསུམ་དབྱེར་མེད་རང་ཤར་ཆེན་པོར་ལྟོས། །མདོ་རྒྱུད་ཀུན་ཏུ་བསྟན་ཡང་རང་བཞིན་གང་། །དེ་ཕྱིར་བླ་མའི་དྲིན་ལས་རྟོགས་པར་གྱིས། །ཡིད་ལ་མི་བྱེད་རེ་དོགས་ཀུན་བྲལ་བའི། །ཐ་མལ་ཤེས་པ་ཁྱོད་ལ་ཕྱག་འཚལ་ལོ། །མི་རབས་བདུན་དུ་རྒྱལ་བརྒྱུད་པིར་གྱི་ཁ། །རྡོ་རྗེ་རྒྱ་ཡིས་བཏབ་བོ་ས་མ་ཡ། །མ་ཧཱ་མུ་དྲ་རྫོགས་སོ། །ཕྱག་རྒྱ་ཆེན་པོ་ཐིག་ལེ་ལས། །ཕྱག་ནི་སྟོང་པའི་ཡེ་ཤེས་ཏེ། །རྒྱ་ནི་འཁོར་བའི་ཆོས་ལས་གྲོལ། །ཆེན་པོ་ཟུང་དུ་འཇུག་པ་སྟེ། །ཕྱག་རྒྱ་ཆེན་པོ་ཞེས་བརྗོད་དོ། །ཅེས་སོ། །ཡེ་ཤེས་ཀྱི་ཌཱ་ཀི་མ་དེ་ཉིད་ལ། གསེར་སྲང་ལྔ་བརྒྱ་ཕུལ་ནས་ཞུས་ཏེ། ལོ་ཙཱ་བ་གླན་དར་

[Full Size]

མ་བློ་གྲོས་ཀྱི་བསྒྱུར་ནས། བདག་ཁྱུང་པོ་རྣལ་འབྱོར་པས་ཉམས་སུ་མྱོང་བར་བྱས་སོ། །རྡོ་རྗེ་ནཻ་གུའི་ཞལ་གསུངས་ལ། ཚིག་ལྷད་མ་ཞུགས་མཁའ་འགྲོ་འདུ། །ངེས་ཤེས་སྐྱེ་ཞིང་བྱིན་རླབས་འཇུག །བརྒྱུད་པའི་བྱིན་རླབས་ལུང་སྦྱོར་གྱིས། །ཡིད་ཆེས་བསྐྱེད་པའི་མཆན་ཆུང་འདི། །མཁས་གྲུབ་ཆོས་རྗེའི་གསུང་བཞིན་དུ། །སྔགས་འཆང་དྷྭ་ཛ་ལཀྵས་བཀོད། །མཆན་དཀྱུས་མ་འཇུག་དེ་ལྟར་མཛོད། །དགེ་བས་ལུང་ཅན་བླ་མ་ཡི། །བྱིན་རླབས་རབ་ཞུགས་གནས་ལུགས་ཀྱི། །དོན་རྟོགས་སྐུ་བཞིའི་དཔལ་སྤྱོད་ཅིང་། །འགྲོ་དོན་རྩོལ་མེད་ལྷུན་གྲུབ་ཤོག །རང་གི་སློབ་མས་འདིའི་ཁྲིད་ཐོབ་པ་མ་གཏོགས་པ་ལ། དཔེ་མ་སྟོན་ཅིག །ཆོས་བདག་མཁའ་འགྲོའི་བཀའ་རྒྱ་

[Full Size]

ཡོད་པ་ཡིན་ནོ། །འགྲོ་དོན་དཔག་མེད་འགྲུབ་པར་གྱུར་ཅིག །མངྒ་ལཾ།། །།

གཞན་དོན་ཕུན་སུམ་ཚོགས་པའི་རྟེན་འབྲེལ།

[Full Size]

གཞན་དོན་ཕུན་སུམ་ཚོགས་པའི་རྟེན་འབྲེལ་ལོ། །བླ་མ་དམ་པ་རྣམས་ལ་ཕྱག་འཚལ་ལོ། །གཞན་དོན་མི་འགྲུབ་མི་སྲིད་པའི་རྟེན་འབྲེལ་ནི། །སེམས་བསྐྱེད་སྔོན་དུ་སོང་བས་རང་ཡི་དམ་གྱི་སྤྱི་བོར་རྩ་བའི་བླ་མ་བསྒོམས། དེའི་ཐུགས་ཀ་ནས་འོད་འཕྲོས་པས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་། ཡི་དམ་གྱི་ལྷ་ཚོགས་དང་། ཡེ་ཤེས་ཀྱི་ཆོས་སྐྱོང་དང་བཅས་པ་ཐམས་ཅད་བླ་མ་དེ་ལ་བསྟིམ་མོ། དེ་ནས་སྙིང་ཁོང་རུས་པའི་གཏིང་ནས་གསོལ་བ་གདབ་པར་བྱ་སྟེ། བླ་མ་སངས་རྒྱས་རིན་པོ་ཆེ། བདག་གི་སྐྱེ་བ་འདི་དང་སྐྱེ་བ་གཞན་དག་ཏུ། གཞན་དོན་འབའ་ཞིག་འགྲུབ་པར་མཛད་དུ་གསོལ། །ཅེས་ལན་གསུམ་བརྗོད་དོ། །དེ་ནས་སེམས་ཅན་ཐམས་ཅད་ལ་སྙིང་རྗེ་ཆེན་པོ་བསྒོམས་

[Full Size]

པའི་རྐྱེན་གྱིས། སྤྱི་བོའི་བླ་མ་དེ་རང་ལ་ཐིམ་པ་དང་། རང་ཉིད་ཐུགས་རྗེ་ཆེན་པོ་ཤིན་ཏུ་ཆེ་བར་བསྒོམས་ནས། སེམས་ཅན་ཐམས་ཅད་ལ་སྙིང་རྗེ་ཆེན་པོ་གདུངས་གདུངས་པ་བསྒོམས་ལ་སྨོན་ལམ་བཏབ་པར་བྱ་སྟེ། བདག་གིས་དགེ་བའི་རྩ་བ་འདིས། སྐྱེ་བ་འདི་དང་སྐྱེ་བ་གཞན་དག་ཏུ། །གཞན་དོན་འབའ་ཞིག་འགྲུབ་པར་གྱུར་ཅིག །བདག་གི་ལུས་ཀྱིས་སེམས་ཅན་ཐམས་ཅད་སྨིན་ཅིང་གྲོལ་བར་བྱེད་པར་གྱུར་ཅིག །ངག་གིས་སེམས་ཅན་ཐམས་ཅད་སྨིན་ཅིང་གྲོལ་བར་བྱེད་པར་གྱུར་ཅིག །ཡིད་ཀྱིས་སེམས་ཅན་ཐམས་ཅད་སྨིན་ཅིང་གྲོལ་བར་བྱེད་པར་གྱུར་ཅིག །ལུས་ངག་ཡིད་གསུམ་གྱིས་འཁོར་བའི་རྒྱ་མཚོ་ཆེན་པོ་འདི་སྟོངས་པར་མ་གྱུར་གྱི་བར་དུ། སེམས་ཅན་ཐམས་ཅད་སྨིན་ཅིང་གྲོལ་བར་བྱེད་པར་གྱུར་ཅིག །

[Full Size]

ཅེས་ལན་གསུམ་བརྗོད་དོ། །ཡང་ན་པདྨ་དྲྭ་བའི་རྒྱུད་ལས་གསུངས་པ་བཞིན་དུ། བདག་ནི་སེམས་ཅན་ཐམས་ཅད་ཀྱི། །མགོན་སྐྱབས་རེ་གནས་གྱུར་ནས་ཀྱང་། །སེམས་ཅན་ཀུན་གྱི་རེ་འདོད་ཀུན། །ཚུལ་བཞིན་དུ་ནི་བསྐོངས་གྱུར་ཅིག །ཅེས་ལན་གསུམ་མམ། ལྔ་བརྗོད་པར་བྱའོ། །འདི་ལ་ཡོན་ཏན་དཔག་ཏུ་མེད་པ་ཡོད་དོ། །འདི་དང་ཕྱི་མར་གཞན་དོན་མི་འབྱུང་མི་སྲིད་དོ་གསུངས་སོ། །གཞན་དོན་ཕུན་སུམ་ཚོགས་པ་འབྱུང་བའི་རྟེན་འབྲེལ་རྫོགས་སོ། །མངྒ་ལཾ། །ཤུབྷཾ། །

མཁའ་སྤྱོད་མའི་བཀའ་བྱེད་ལུགས།

[Full Size]

མཁའ་སྤྱོད་མའི་བཀའ་བྱེད་ལུགས་བཞུགས་སོ། །རྗེ་བཙུན་རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །མཁའ་སྤྱོད་མའི་དབང་བསྐུར་བར་འདོད་པས། མཎྜལ་པདྨ་འདབ་བརྒྱད་ཀྱིས་སྟེང་དུ། ཆོས་འབྱུང་དཀར་པོ་རྐྱང་པ། དེའི་སྟེང་དུ་གཏོར་མ་མཁའ་སྤྱོད་མར་བསྐྱེད་ལ། སྐྱབས་སུ་འགྲོ་བ་ནས་ལམ་ཡན་ལག་ལྔ་རྫོགས་པ་ལ་སོགས་པའི་བར་དུ་ཅི་རིགས་པར་བྱའོ། །དེ་ནས་ལུས་དང་ལོངས་སྤྱོད་ཐམས་ཅད་ལྟོས་པ་མེད་པར་ཕུལ་ནས། དབང་བཞི་རྫོགས་སུ་བསྐུར་དུ་གསོལ། །ཞེས་གསོལ་བ་བཏབ། མཁའ་སྤྱོད་མའི་སྐུ་གསུང་ཐུགས་ལས་འོད་ཟེར་དཀར་དམར་མཐིང་གསུམ་འཕྲོས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་མཆོད། སྐུ་གསུང་ཐུགས་ཀྱིས་

[Full Size]

ཡོན་ཏན་ཐམས་ཅད་འོད་ཟེར་དཀར་དམར་མཐིང་གསུམ་འཕྲོས། མཁའ་སྤྱོད་མའི་སྤྱི་བོར་ཐིམ་པ་དང་། མཁའ་སྤྱོད་མའི་སྨིན་མཚམས་ནས་འོད་དཀར་པོ་བྱོན། རང་གི་སྨིན་མཚམས་སུ་ཕོག །ལུས་ཀྱི་བསགས་པའི་སྡིག་སྒྲིབ་དག །བུམ་པའི་དབང་ཐོབ་པར་བསམ། དེ་བཞིན་དུ་དམར་པོ་མགྲིན་པར། ངག་གི་སྒྲིབ་པ་དག །གསང་དབང་སློབ་དཔོན་གྱི་ཨོཾ་གསུམ་མ་བརྗོད། ཐོབ། མཐིང་ཁ་སྙིང་ཁར་ཕོག་པ་དང་ཡིད་ཀྱིས་སྡིག་སྒྲིབ་དག །ཤེས་རབ་ཡེ་ཤེས་ཀྱི་དབང་ཐོབ་པར་བསམ་མོ། །དེ་ནས་སེམས་མ་བཅོས་པ་ཕྱག་རྒྱ་ཆེན་པོར་བཞག་གོ །དེས་ལུས་ངག་ཡིད་གསུམ་ཐ་དད་དུ་འཛིན་པ་དག་ནས་དབང་བཞི་པ་ཐོབ་པའོ། །དེ་ནས་གཏོར་མ་སློབ་མའི་སྤྱི་བོར་བཞག་པ་དང་། རྗེ་བཙུན་མ་རྒྱུད་ལ་བསྟིམས་ཀྱིས་ཐིམ་པར་བསམ་མོ། །

[Full Size]

དེ་ནས་ཚོགས་ལ་རོལ། མཇུག་དགེ་བ་རྫོགས་པའི་བྱང་ཆུབ་ཏུ་བསྔོའོ། །འདིའི་རྒྱུད་པ་ནི། རྡོ་རྗེ་འཆང་། ཡེ་ཤེས་ཀྱི་མཁའ་འགྲོ་མ་ནཻ་གུ་མ། ཁྱུང་པོ་རྣལ་འབྱོར་པ། རྨོག་ལྕོག་པ། སྐྱེར་སྒང་པ། སངས་རྒྱས་གཉན་སྟོན། སངས་རྒྱས་སྟོན་པ། མཁས་གྲུབ་ཤངས་སྟོན། དེ་ལས་རྩ་བའི་བླ་མ་ལ་ཐུགས་གིས་བར་རིམ་པར་བརྒྱུད་པའོ། ཨྀིྠཿ ཤུ་བྷཾ། །

ཤངས་པའི་ཚེ་སྒྲུབ།

[Full Size]

ཤངས་པའི་ཚེ་སྒྲུབ་བཞུགས། ན་མོ་གུ་རུ། མགོན་པོ་ཚེ་དཔག་མེད་བསྒྲུབ་པར་འདོད་པས། །དང་པོ་སྐྱབས་འགྲོ་སེམས་བསྐྱེད་བྱས་ལ། །རང་ཉིད་ཚེ་དཔག་མེད་སྐུ་མདོག་དམར་པོ་ཞབས་གཉིས་སྐྱིལ་ཀྲུང་། ཕྱག་གཉིས་ཐུགས་ཀར་པདྨ་རཱ་གའི་བུམ་པ་འཆི་མེད་ཚེ་ཡི་བདུད་རྩིས་གང་བ་བསྣམས་པ། །རིན་པོ་ཆེ་སྣ་ཚོགས་པས་བརྒྱན་པ། འོད་དང་འོད་ཀྱི་རང་བཞིན་དུ་བསྒོམ། ནང་རྩ་གསུམ་འཁོར་ལོ་བཞི་ཐམས་ཅད་དམར་སང་སང་བསམ། དེ་ནས་རང་གི་ཀླད་རྒྱའི་སྟེང་ཐོད་པའི་འོག་ཏུ་ཧཾ་དཀར་པོ་མགོ་མཐུར་དུ་བསྟན་པར་བསྒོམ། །གསང་གནས་སུ་ཧྲཱིཿདམར་པོ་གཅིག་བསམ། དེ་ནས་སྟེང་འོག་གི་རླུང་ཁ་སྦྱར་བསྒོམ་པས། །ཧྲཱིཿལས་མེ་འབར་སྤྱི་བོའི་ཧཾ་ལ་ཕོག་པས། །དེ་ལས། དེའི་རྒྱུན་བབས་

[Full Size]

སྤྱི་བོའི་རྩ་འདབ་སུམ་ཅུ་རྩ་གཉིས་བདེ་ཁྲིལ་གྱིས་ཁེངས། དེ་བཞིན་དུ། བཅུ་དྲུག །བརྒྱད། དྲུག་ཅུ་རྩ་བཞི་རིམ་གྱིས་ཁེངས་པར་བསམ་ཞིང་རླུང་བཟུང་། སྐབས་སུ་འོག་རླུང་འཐེན་ཙམ་བྱས་པས་ལུས་བདེ་ཁྲིལ་སོང་བར་བསྒོམ་པས་ཡས་བསྟན་པའི་དགའ་བ་བཞིའོ། །ཡང་འོག་རླུང་ནར་གྱིས་འཐེན་པས། གསང་གནས་ནས་ཐིག་ལེ་ཡར་ལ་སྐྱ་ཆིལ་གྱིས། འོང་བས་ལྟེ་བའི་རྩ་འདབ་མེར་གྱིས་ཁེངས། དེ་བཞིན་དུ་སྙིང་ཁ། མགྲིན་པ་སྤྱི་བོའི་བར་དུ་ཁེངས་པར་བསམ་ཞིང་རླུང་བཟུང་བའོ། །དེ་ནིས་མས་བསྟན་པའི་དགའ་བ་བཞིའོ། །དྲོད་དང་བདེ་བའི་རང་བཞིན་ཀུན། །སྟེང་འོག་རླུང་གིས་ཅིག་བྱ། །ཅེས་གསུངས་པས། དྲོད་འདོད་ན་སྟེང་རླུང་མནན་ཅིང་བསྒོམ། བདེ་བ་འདོད་ན་འོག་རླུང་འཐེན་ཅིང་། བསྒོམ་གསུངས། དེ་ནས་ལུས་སྐྱིལ་ཀྲུང་

[Full Size]

བཅའ། །གླིང་བཞི་བསྡུ། རྒྱ་མཚོ་རི་རབ་སྦྱར། ནོར་བུའི་རྩེ་མོར་ཧྲཱིཿདམར་པོ་མགོ་ཕྱིར་ཉུག་གེ་བསམ། ངག་ཏུ་ཧྲཱིཿཞེས་བརྗོད་ཅིང་འོག་རླུང་དྲག་ཏུ་འཐེན་པས། ཧྲཱིས་ནོར་བུ་རྒྱུ་མ་ལོག་པ་སྟར་སོང་སྟེ། གསང་གནས་ནས་ཐིག་ལེ་བདེ་བ་དང་བཅས་པ། ལྟེ་བ་དང་སྙིང་ག་དང་མགྲིན་པ་དང་། སྤྱི་བོའི་རྩ་འདབ་ཐམས་ཅད་སྐྱ་ཆིལ་གྱིས་གང་བར་བསམ་མོ། །འདི་ལ་གནད་དུ་བསྣུན་པས། སྦ་བ་སྦུབས་སུ་ནུབ་པར་འགྱུར་རོ། ༈ །བཅོམ་ལྡན་བདེ་ཆེན་ཚེ་དཔག་མེད་ལ་ཕྱག་འཚལ་ལོ། །བདེ་ཆེན་ལོངས་སྐུ་སྒྲུབ་པའི་ཐབས། ཌཱ་ཀའི་སྲོག་སྙིང་བསྒྲུབ་པ་འདི། །བླ་མའི་གསུང་ལས་ལྷག་ཆད་མེད་པ་རུ། འཆི་མེད་ཚེ་སྒྲུབ་བསྟན་པར་བྱ། །འཆི་རྟགས་བྱུང་ན། བླ་མ་ལ་གུས་སྙིང་རྗེ་དང་ལྡན་པས། །

[Full Size]

པདྨའི་རིགས་ལས་བྱུང་བའི་ཡུམ། །དཀར་དམར་ལུས་ཤན་བོང་དང་སྙོམས་པ། །རྐང་མགོ་ལག་མགོ་ཆུང་ཞིང་མཐིལ་དམར་བ། །ཐེག་ཆེན་ཁ་དོག །ཆོས་མོས་རྣལ་འབྱོར་པ་ལ་དང་། །བཅུ་དྲུག་ལ་སོགས་ན་ཚོད་གཞོན་པ་ལ། །ཕྱི་ནང་ཆོས་བཤད་རང་གི་དབང་བསྐུར་ཏེ། །དཔའ་བོ་མཁའ་འགྲོའི་མངོན་པར་རྟོགས་པ་བསྒོམ། །ཧྲཱིཿབྷྲུྃ་བཛྲ་ཨཱ་ཡུ་ཥེ་སྭཱ་ཧཱ། །ཞེས་བསྙེན་པ་བྱ། །དེ་ནས་ཡབ་ཀྱི་སྤྱི་བོར་ཨཱཿ མགྲིན་པར་ཧྲཱིཿ སྙིང་ཁར་བྷྲུྃ་བསམ། །དེ་ནས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ཚེའི་རང་བཞིན་ཡུམ་ལ་བསྡུ། ཡུམ་ཀྱི་བདེ་བ་ཚེའི་རང་བཞིན་དེ་ཡབ་ཀྱི་ནོར་བུའི་ཧཱུྃ་དང་རླུང་གིས་བསྡུ་བར་བྱའོ། །དེ་ལྟ་བུའི་མཚན་ལྡན་མ་རྙེད་ན་འོད་རིག་ལ་སྦྱར་བར་བྱའོ། །

[Full Size]

དེ་ལྟ་བུའི་གདམས་པ་འདི། །ཇོ་བོ་ནཱ་རོ་པས་ཡེ་ཤེས་ཀྱི་མཁའ་འགྲོ་ནི་གུ་མ། །དེས་ཁྱུང་པོ་རྣལ་འབྱོར། རཏྣ་བྷི་རྱ་ལ་སོགས་བདུན། སྐུ་ཞང་པ། བརྩོན་འགྲུས་བསམ་གཏན། ཤཱི་ལ་ནཱ་ཐ། རྩ་བའི་བླ་མ་དེས་བདག་ལའོ། །ཤུ་བྷཾ། །

བླ་མ་ཤངས་པའི་རླུང་གི་བསྐོར་རྣམས། བྱམས་པ་རིན་ཆེན་བཟང་པོ།

[Full Size]

བླ་མ་ཤངས་པའི་རླུང་གི་བསྐོར་རྣམས་བཞུགས་ལགས་སོ། །

[Full Size]

བླ་མ་ཞོང་ཞོང་པའི་རླུང་ཤིང་རྟ་ཅན་ནི། བླ་མ་དམ་པ་རྣམས་ལ་ཕྱག་འཚལ་ལོ། །དང་པོ་རྗེ་བཙུན་བྷི་ཏ་ཀར་མ་ལས་བདག་གིས་ཐོས་པའི་དོན་རླུང་འབྱུང་འཇུག་གི་གནས་ཡོངས་སུ་སྨིན་པར་བྱ་བ་ནི། དུས་ཀྱི་འཁོར་ལོ་ལས། ཚེས་གཅིག་སྔ་དྲོ་ཟླ་བ་སྟེ། །ཉི་ཤུ་གཉིས་ལ་ཆ་སྙོམས་པ། །སྟོང་ཡེ་ཤེས་ལེའུ། པའི་སྲོད་ལ་ཉི་མ་རྒྱུ། །ཚེས་བརྒྱད་ཐོ་རངས་རླུང་

[Full Size]

ཉིད་དོ། །ཞེས་འབྱུང་བའི་ཕྱིར་རོ། །ཆུའི་རླུང་བཟུང་པར་འདོད་ན། དང་པོ་དཀར་པོའི་ཚེས་གཅིག་གི་སྔ་དྲོ་ནས་བརྩིས་པར་བྱའོ། །ཚད་པ་ཤས་ཆེ་བས། མེའི་རླུང་བཅིང་བར་འདོད་ན། ནག་པོའི་ངོ་བོ་བཅོ་ལྔའི་སྲོད་ནས་བཟུང་པར་བྱའོ། །གྲང་བ་ཤས་ཆེ་བས། ཆ་མཉམ་པའི་རླུང་ནི། ཆ་སྙོམས་པའམ་འདུས་པ་ཤས་ཆེ་བ། ཉི་ཤུ་རྩ་གཉིས་ཀྱི་ཉི་མ་ཕྱེད་པའི་དུས་ནའོ། །

[Full Size]

རླུང་ཆེན་པོ་བཟུང་བ་ནི། དཀར་པོའི་བརྒྱད་ཀྱི་ཐོ་རངས་ནའོ། །དེ་ཡང་ཉམས་སུ་བླང་པའི་དོན་ནི་དྲུག་སྟེ། རླུང་བཟུང་པ་རླུང་ཤས་ཁྱད་པར་དུ་ཆེ་བ། དང་། །སྦྱང་བ་དང་། འཕེལ་བར་བྱ་བ་དང་། དབང་དུ་གྱུར་པར་བྱ་བ་དང་། །རྒྱས་གདབ་བ་དང་། །ཟུང་དུ་འཇུག་པའོ། །དང་པོ་བཟུང་བ་ནི། རྐྱེན་འཚོགས་པས་བཟུང་བ་དང་། །ཤེས་པའི་སྟོབས་ཀྱིས་བཟུང་པའོ། །དང་པོ་རྐྱེན་འཚོགས་པས་བཟུང་བ་ནི། །བདུད་རྩི་རྣམ་པ་ལྔ་དང་། །བའི་འོ་མ་ཤིན་ཏུ་དུ་བས་ལུས་སྦྱངས་ཏེ། ཨ་རུ་ར་མུར་བས་ཞག་ལྔའམ། བདུན་དུ་ཅི་བདེར་གནས་པར་བྱའོ། །དེ་ནས་ཤིང་གི་ཁྲི་རྟའི་དབྱིབས་ལྟ་བུ་ཁྲུ་དོའི་ཚད་བྱས་ལ། དེ་ལ་སྲད་བུ་དང་ལྡན་པའི་གཞུ་གཉིས་བཅིངས་ཏེ། དེ་ལ་གང་བསྒྲུབ་པར་བྱ་བའི་དངོས་པོ་རྐང་པ་རེག་པ་ཙམ་དུ་བྱས་ལ།

[Full Size]

གཞུའི་སྲད་བུ་འཕྲེང་ཞིང་། །ཕྱོགས་ཀུན་ཏུ་རོལ་མོ་དཀྲོལ་ཏེ། ཤེས་པ་ནམ་མཁའ་ལ་གཏད་ལ་འོག་སྒོ་བསྡམ་པར་བྱའོ། །དེ་དག་གིས་འོག་གི་རླུང་དབང་དུ་འགྱུར་རོ། །དེ་ནས་ལུས་བྱ་ཁྭ་ཏའི་རྣམ་པ་ལྟར་དུ་བྱས་ལ། འོག་ཏུ་སྲད་བུ་དང་ལྡན་པའི་གཞུ་གཅིག་གྱེན་དུ་བལྟ་བའི་ཚུལ་གྱིས་བཞག་ལུས་ཙོག་པུར་འདུག་ལ་བསྐུམ་པ་ལ་རྐང་པ་ཤ་ལ་རེག་པ་བྱ། སྟེ། མཐེ་བོང་གཉིས་རེག་པ་ཙམ་བྱས་ལ། རླུང་གི་དཀྱིལ་འཁོར་གྱིས་འདེགས་པར་བསམ་ཞིང་། །འོག་སྒོ་བསྡམས་ལ། དབང་པོའི་ཚོགས་བདུག་པས་བདུག་པར་བྱའོ། །རོལ་མོ་རབ་ཏུ་བརྒྱན་ལ་ཧཾ་བསྲོ་བར་བྱའོ། །འདི་དག་གིས་ནི་སྟེང་གི་རླུང་ཟིན་པར་འགྱུར་རོ། །དེ་ནས་སྨིན་མཚམས་དང་གསང་བའི་རྡོ་རྗེའི་རྩ་བར། ཧཾ་དཀར་པོ། ཨ་དམར་པོ།

[Full Size]

བསམ་སྟེ། སྟེང་དང་འོག་གི་སྒོ་གཉིས་ཀ་གོ་རིམས་ཀྱིས་མཐར་ནུས་ཚད་དུ་བསྡམས་ཏེ་གནས་པར་བྱའོ། །དེ་ནས་བདེ་བ་ཤས་ཆེ་ན་འོག་གི་རླུང་སྒོ་སློད་ལ། སྟོང་པ་ཤས་ཆེ་ན་སྟེང་སྒོ་སློད་པར་བྱའོ། །མཉམ་ན་ཟུང་དུ་ཞུགས་པར་མནན་ལ་ཤེས་པ་ཡན་མན་དུ་གཏད་ལ་རེ་མོས་བྱའོ། །ཨ་ཝ་དྷུ་ཏིར་ཤེས་པ་ཡར་འགྲོ་མར་འགྲོ་བྱས་ལ་ཡི་གེ་གཉིས་བལྟ་རེས་བྱའོ། །དེ་ནས་རླུང་གི་སྟོབས་ཀྱིས་བདེ་བ་ལུས་ལ་འཕེལ་བས། ལུས་འཕར་བ་དང་། འཕགས་པ་དང་། རྒྱུག་པ་དང་། འཆོང་བ་དང་། ངག་མུ་ཅོར་སྣ་ཚོགས་པ་དང་། ང་རོ་སྒྲོག་པ་དང་། ཡིད་གཟའ་གཏད་མེད་པ་དག་འབྱུང་སྟེ། དེ་དག་བག་ཡོངས་སུ་བཏང་ན་ཤིན་ཏུ་ཕན་པར་འགྱུར་ཏེ། དེ་དག་བཟློག་པར་འདོད་ན། ལོག་གནོན་བདུན་རླུང་རྒོད་ཞི་བར་འགྱུར་རོ། །རླུང་གི་སྣའི་རྩེ་

[Full Size]

མོ་ན་གནས་པ། ཁབ་ཤིན་ཏུ་རྣོ་བ་སྣའི་རྩེ་མོར་བསྣུན་ཏེ། ཁྲག་ཐིག་གཅིག་དབྱུང་པར་བྱའོ། །སྤྱི་གཙུག་དང་སྙིང་གར་བདུད་རྩི་དང་མའི་ཚིལ་བུས་བྱུགས་ཏེ། གཡེར་མ་སྲིན་མ་ཞུགས་པས་མཉེ་བར་བྱའོ། །ནང་པར་ལྟོ་སྟོང་ལ་ཆུ་ཤིན་ཏུ་དུ་བའི་ནང་དུ་ཏ་ཁུའི་ཕྱེ་མ་རླུང་སྨྱོ་ཞི་བར་འགྱུར་རོ། ཁྱོར་རེ་བཏབ་ཁྱབ་བྱེད་གྱེན་དུ་ལོག་པ་ཞི་བར་འདོད་ན། ལ་བཏུང་བར་བྱའོ། །ཚིགས་པ་ཇི་ཕོ་དང་མེ་ཏོག་ཐུར། སྙེད་པ་དག་ལ་འབྲུ་མར་དང་། གཡེར་མ་སྲིན་གྱིས་མ་་ཁྱེར་བའམ། ཕྱེ་མ་བསྲེས་ལ་བྱུག་པར་ཤ་འབྲས་བར་དུ་ཞུགས་པ་ནི། བྱའོ། །ཤེས་པ་འོག་གི་སྒོར་ཡཾ་སྔོན་པོ་ལ་གཏད་པར་བྱའོ། །འདི་དག་གིས་ནི་རླུང་རྒོད་ཀྱི་དུག་དང་། རླུང་སྨྱོ་དང་། རླུང་སྦུགས་ཀྱི་སྦྱོར་བ་ནི། གྱེན་དུ་བདུད་གྱེན་དུ་རྒྱུག །ཁྱབ་བྱེད་དུ་ལོག་པ་

[Full Size]

དང་། །རླུང་ཤ་འཐས་བར་དུ་ཞུགས་པ་དང་། རྩུབ་མའི་སྦྱོར་བ་ཞི་བར་འགྱུར་རོ། །རླུང་འཁྱིམས་ན་ཤེས་པ་ཚངས་པའི་བུ་གར་ལུས་བཀྲང་པ། ཕྱུང་སྟེ། སྟེང་གི་རླུང་མགྲིན་ཆུ་གྲང་མོ་གདབ། སྦྱང་བར་བྱའོ། །མགྲིན་པར། རླུང་སྟེང་འོག་ཏུ་རྒྱུ་བ་ནི་འབྱུང་བའི་སྒོ་གཉིས་སུ་གཏད་དོ། །ཤེས་པའི་སྟོབས་ཀྱིས་བཟུང་བ་ནི། །དང་པོ་རླུང་དྲང་པར་ཚངས་པའི་བུ་ག་དང་འོག་སྒོ། བྱའོ། །གཉིས་པ་རྡོ་རྗེ་བཟླས་པ་བྱའོ། །ཡས་མར་གྱི་རླུང་གཅིག་ཏུ་བརྩི། གསུམ་པ་འཐོན་པར་བྱའོ། །བཞི་པ་མནན་པར་བྱའོ། །ལྔ་པ་གཟུང་ཨོཾ་འཕྲོ་བ། ཨ་གནས་པ། ཧཱུྃ་བསྡུ་བའི། བར་བྱའོ། །ཕྱེད་ཕྱིར་འཐོན་ལ་ནང་དུ་རྔུབ། སྟོང་སྒོ་བཅད། དྲུག་པ་ཤེས་པ་མགྲིན་པར་ཡིག་འབྲུ་ལ་གཏད། ལྟེ་བར་གཏད་པ་དང་། །དེ་ཡང་ཡིག་འབྲུ་ལ་གཏད་པ་དང་། །ཚོགས་དྲུག་དགག་པ་དང་། སྟེང་སྒོ་

[Full Size]

བཅད་པ་དང་། །རྡོ་རྗེ་སྐྱིལ་མོ་ཀྲུང་བཅའ་བ་དང་། །ལུས་ཆ་བསྒྲིམ་པ་དང་། །འོག་སྒོ་དྲང་པར་བྱ་སྟེ། འདི་དག་གིས་ནི་གོང་བཞིན་དུ་འགྱུར་རོ། །འདི་དག་སྦྱང་བར་བྱ་བ་ནི། །སྤྱི་གཙུག་ལྟེ་བ་ནས་སོར་ཡར་ལ་འཐོན། བཞི་བཅལ་བར་ཡན་ཆོད་དུ་རྩ་ཁ་དོག་དམར་བ་སྦོམ་ཕྲ་གྲོ་སོག་གི་སྦུ་གུ་ཙམ་པ། ཡར་རྩེ་མར་རྩེ། རྩེ་མོ་དང་རྩ་བ་གཅིག་ཏུ་འདུས་པ། སྲད་བུ་དཔྱངས་ལ་བཏགས་པ་ལྟ་བུའི་རྣམ་པར་བསྒོམ་པར་བྱའོ། །དེ་ནས་དབུགས་ནང་དུ་འདྲེན་པའི་ཚུལ་གྱིས་ཨེ་ཝཾ་གཉིས་གཡས་དང་གཡོན་དུ་གོ་རིམས་ཀྱི་མདོར་དབབ་པར་བྱའོ། །དེ་ནས་འོག་གི་སྒོ་བསྡམ་ཞིང་ཧཱུྃ་དང་ལྡན་པའི་དཀར་དམར། རྩོལ་བ་དག་གི། ཨ་ཝ་དྷུ་ཏཱིར་ཆུད་དེ་སྤྱི་གཙུག་ཏུ་དྲང་པར་བྱའོ། །ཨེ་ཝཾ་ཆ་མཉམ་དུ་ཡར་དྲངས་ཏེ།

[Full Size]

དེ་ལ་གོམས་པར་བསྒོམས་པ་དང་། །ལུས་རྐྱལ་དྲོད་འོ་མས་གང་པ་སྙམ་བྱེད་པའི་བདེ་བས་གང་པ་དང་། །ལུས་ཡང་པས་ཏེ་ཆུ་ལ་མི་བྱིང་པ་སྙམ་པ་དང་། །མཐོང་བ་དག་ལ་ཡང་སྐད་ཅིག་མ་གཅིག་གིས་ཕྱིན་སྙམ་པ་དང་། བཟོ་མདོག་བདེ་བ་སྟེ། བདག་གི་ལུས་ལ་གྲིབ་མ་མེད་དོ་སྙམ་པ་དང་། །འགྲོ་བའི་དུས་སུ་ས་ལ་མི་རེག་གོ་སྙམ་པ་འབྱུང་ངོ། །དེ་དག་གིས་དུས་སུ་རླུང་འཕེལ་བར་བྱ་བ་ནི། བདེ་བ་དང་བཅས་པར་བྱ་བ་སྟེ། དེ་ཡང་ལས་ཀྱི་ཕྱག་རྒྱ་དང་དབང་གསུམ་པའི་ཉམས་སུ་མྱོང་བས་ངེས་པར་བྱ་སྟེ། ལུས་ཁོང་སྟོང་དུ་བསྒོམས་ལ། ལྟེ་བའི་ཐད་ཀར་རླུང་གི་འཁོར་ལོ་རྩིབས་བརྒྱད་པ་རྒྱ་ཆེ་བའི་རྣམ་པ་བསམས་ཏེ། ལྟེ་བ་ལ་ཨེ་ཝཾ་བསམ་ལ། གྲུ་གསུམ་ཐིག་ལེ་ཅན། འཁོར་ལོ། ནམ་མཁའ་ལྟར་རྒྱ་ཆེ་བར་བསྐྱེད་

[Full Size]

པ་དང་། །འཁོར་ལོ་ལྟར་ཐོག་མེད་པར་བསྐོར་བ་དང་། །མདའ་ལྟར་ཐག་སྲིང་པར་བྱའོ། །དེ་ནས་བདག་གཞན་དུ་མཉམ་པའི་ཉམས་སུ་མྱོང་བ་སྐྱེས་པ་དང་། །ཡིད་ལ། དབང་དུ་གྱུར་གསོར་གྱི་འབིགས་པ་ལྟར། པར་བྱ་བ་ནི། དབང་པོ་ཕྱིར་ལྟ་བའི་དུས་སུ། བདེ་བ་དང་གཉིས་སུ་མེད་པར་བསྒོམ་པར་བྱ་སྟེ། དེ་ལ་དང་པོ་སྦྱོར་བའི་དོན་དང་། །གཉིས་པ་ཡི་གེའི་དོན་བསྒོམ་པར་བྱའོ། །དེ་ནི་གདམས་ངག་ལས་ཤེས་པར་བྱའོ། །དེ་ནས་རྒྱས་གདབ་པར་བྱ་བ་ནི། རང་ལས་ཤེས་ཨེ་ཝཾ་པ་རྣམ་པ་གསུམ་ལས། དེ་ལས་གཞན་པའི་ཤེས་པ་མི་སྐྱེ་སྟེ། དེ་བདག་ཉིད་རྣམ་པ་གསུམ་རོ་མཉམ་པར་བྱའོ། །དེ་ཡང་བདེ་བར་རོ་མཉམ་པ་ནི། མཚན་དང་ལྡན་པའི་ཕྱག་རྒྱ་གུར་གུམ་ཆུས་

[Full Size]

ལེགས་པར་བྱུགས་ཏེ། དངུལ་ཆུ་གཡའ་ཕྱུང་པ་དག་བྷ་གའི་ནང་ཐིག་པ་གཉིས་བླུག་སྟེ། ཕྱག་རྒྱ་དེ་དག་ཆང་གིས་ལུས་སྦྲིད་པར་བ་བེའུའི་ཚེམ་བུ་དང་། བའི་འོ་མས་ཆུ་བྱས་དེ་ཚ་བ་གསུམ་གྱི་ཕྱེ་མའི་ནང་དུ་བརྐོའོ། བྱས་ལ། སྟེང་གི་རླུང་ཙོག་ཙོག་པུར་འདུག་པ། གནོན་དུ་གཞུག་གོ །དེ་ནས་བསྲུབ་པ་དང་བསྲུབ་པའི་སྦྱོར་བ་ལས་བྱང་ཆུབ་ཀྱི་སེམས་གནས་འཕགས་པའི་ཚོགས་བྱེད་པ་དང་། །འགྲོ་ན་བུའི་རྒྱལ་པོའི་ནང་དུ། དངུལ་ལེགས་པར་བླུག་ལ། རྐང་མཐིལ་གྱི་དྲེག་པས་བཅད་དེ། ཚེས་བཅུ་བཞིའི་ཆུ་ལ་ཕོ་ལ་ཁར་གང་བྱུང་བ། ནུབ་མོ་སྙོམས་པར་ཞུགས་པའི་བྱང་ཆུབ་ཀྱི་སེམས་ཀྱིས་བྱུགས་ཏེ། ལྕེའི་འོག་ཏུ་བཅུག་ལ། བྱང་ཆུབ་ཀྱི་སེམས་ནོར་བུའི་ནང་དུ་ལྷགས་པ་དང་། །འོག་གི་སྒོ་བསྡམས་ལ། སྟེང་གི་རླུང་མནན་

[Full Size]

པར་བྱའོ། །དེར་བདེ་བ་ཇི་ལྟ་བ་སྐྱེས་པ་དེ་དག་ཡིད་རང་ལ་དྲན་པར་བྱས་ལ། དབུགས་རེ་རེ་ལ་ཧཱུྃ་ཧཱུྃ་དགུ་དགུ་བསྲིངས་པའི་དབུགས་ཀྱིས་རབ་ཏུ་དྲངས་པར་བྱའོ། །དེ་ནས་ཤེས་པ་ལྟེ་བར་གཏད། ཧྲིཾ་གིས་དྲངས་པར་བྱའོ། །སྙིང་གར་གཏད་ལ་ཨུཥྞིཥ་དགུ་བྱའོ། །མགྲིན་པར་གཏད་ལ་སྟག་མོའི་སྐྱུགས་སྟངས་བྱའོ། །ཤེས་པ་སྨིན་མཚམས་སུ་གཏད་ལ་སེང་གེའི་རྔུར་བསྟངས་བྱའོ། །སྤྱི་གཙུག་དུ་གཏད་ལ་རྩ་རྣམ་པ་གསུམ་གྱི་སྦྱོར་བའོ། །དེ་དག་ཏུ་སྐྱེས་པའི་བདེ་བ་དང་། །སྣང་གྲགས་འོག་སྒོ་བསྡམས་ལ་གྱེན་ལ་སྦྲེང་རྩ་ནང་དུ་བཟློག །ཐ་མི་དད་པ་གཉིས་པར་སྦྱོར་བ་ནི་བདེ་བར་རོ་མཉམ་པའོ། །དེ་ནས་སྟོང་པར་རོ་མཉམ་པ་ནི། །དེ་ནས་ཚོགས་དྲུག་དང་སྟེང་གི་སྒོ་བཅད་ལ།

[Full Size]

ཡི་གེ་ཧཱུྃ་རྡོ་རྗེ་རྩེ་གཅིག་པའི་དབྱིབས་ཅན་གྱིས། རླུང་ཁྲིད་དེ། མདའ་ལྟར་འཕང་། ཐག་བསྲིངས་ལ་གཏད་དོ། །ཐིག་ལེ་གྲུ་གསུམ། དེའི་དུས་སུ་མར་གྱིས་བཀུ་བ་ལན་མང་དུ་བྱའོ། །དེ་ནས་ཤེས་པ་མི་རྟོག་པ་ཁྱད་པར་ཅན་སྐྱེས་པ་དང་། །སྣང་འཁོར་ལོ་བཞིའི་ཚོགས་ལ། གྲགས་ཀྱི་ཆོས་ཐམས་ཅད་དེ་ལྟར་གཉིས་མེད་དུ་བྱའོ། །དེ་ནས་རྣམ་པར་རྟོག་པ་རྩ་དབུ་མར་འཛུད་པ་ནི། རྡོ་རྗེ་སྐྱིལ་མོ་ཀྲུང་བཅས་ལ་རྡོ་རྗེ་བསྡམས་པ་སྤྲུག་སྟེ། ལུས་ཆ་སྒྲིམས་ནས། མིག་བཙུམས་ལ་འགྱུར་བའི་ལྟ་སྟངས་ཅུང་ཞིག་བྱས་ཏེ། རྩ་གསུམ་སྲད་བུ་བཅངས་ལ་བཏང་པ་ལྟ་བུའི་ནང་དུ། བཾ་ཧཾ་ཨེའི་མིག་གྱེན་ལ་བཟློག །རྣམ་པ་དཀར་བ་དང་། །སྔོ་བ་དང་། །དམར་བའི་རྣམ་པ་དེ་དག །རླུང་ནང་དུ་དྲངས་པའི་ཚུལ་གྱིས་རྩ་གསུམ་འདུས་པའི་

[Full Size]

མདོ་རུ་ཕྱིན་པར་བྱའོ། །དེ་ནས་ཡི་གེ་གསུམ་རྩ་དབུ་མར་ཚུད་དེ། འོག་གི་སྒོ་བསྡམས་ལ། རྡོ་རྗེ་བསྡམས་པ་ཐུར་ལ་སྤུབ་སྟེ། མིག་གྱེན་ལ་ཟློག་ལ་ཧཱུྃ་དང་ལྡན་པའི་རླུང་གིས་སྤྱི་གཙུག་ཏུ་དྲང་པར་བྱའོ། །དེ་ལྟར་ལན་མང་དུ་ཤིན་ཏུ་སྦྱང་པར་བྱའོ། །དེ་ལ་གོམས་པ་དང་མདོ་གཉིས་སུ་ཨེ་ཝཾ་བཀོད་དེ། རྩ་དབུ་མར་ཤེས་པ་ཡར་འགྲོ་མར་འགྲོ་བྱའོ། །དེ་ལ་གོམས་པ་ལས་རྟགས་རྣམ་པ་བརྒྱད་འབྱུང་མདོར་སྤྱི་བོར་སྟེ། ལུས་ཤིང་བལ་རླུང་གི་ཁྱེར་བ་ལྟ་བུ་དང་། །ཉམས་ཤེལ་གྱི་སྣོད་ཆུས་བཀང་བ་ལྟ་བུའམ། བསྐྱོད་པ་ལྟ་བུ་དང་། །འགྲོ་བའི་དུས་སུ་རྐང་པ་ས་ལ་མི་རེག་པ་སྙམ་པ་དང་། །ཤེས་པ་ཕྱི་ནང་མེད་པར་ཤེལ་དག་པ་ལྟ་བུ་དང་། །གང་ལྟར་ཡང་འགྱུར་བ་སྟོབས་པོ་ཆེའི་ལུས་ལྟ་བུ།

[Full Size]

རབ་ཏུ་དགའ་ཞིང་སྤྲོ་བ་རོལ་མོའི་རྣམ་པ་ལྟ་བུ་དང་། །ཟོ་མདོག་རབ་ཏུ་བདེ་བ་འབྱུང་སྟེ། འདི་དག་གི་དུས་སུ་དབང་པོའི་ཚོགས་དང་། །བ་སྤུའི་བུ་ག་ཐམས་ཅད་དུ་རླུང་གང་དུ་གཏད་པར་འབྱུང་བར་འགྱུར་རོ། །དེ་ནས་རླུང་ཟུང་དུ་ཞུགས་པར་བྱ་བ་ནི། དེའི་དུས་སུ་ཉམས་སུ་མྱོང་བ་སྐྱེས་པ་དང་། །སྣང་གྲགས་ཀྱི་ཆོས་ཐམས་ཅད་གཉིས་ཐ་མི་དད་པར་བྱའོ། །དེ་ནས་དེ་དག་གིས་དུས་སུ་ཤེས་པ་མི་གསལ། ལས་ཀྱི་ཕྱག་རྒྱ་ལས་མཆོག་གི་དབང་པོ་སྒོ་ཕྱེ་ལ་ཅེས་པས། དེ་ནས་མྱོང་བའི་རྟོགས་པ་དང་། །སྣང་བ་ཐ་མི་དད་པར་རོ་མཉམ་མོ། །བདེ་བ་ཤས་ཆེ་ན་སྟེང་འོག་བསྡམས་ལ་ཤེས་པ་ནང་དུ་གཏད་ལ། དམིགས་པ་གང་ཡང་མི་གཏད་དོ། །དེས་སྐྱེ་མེད་དུ་རོ་མཉམ་མོ། །དེ་ནས་གཉིས་མེད་ཡིད་

[Full Size]

ལ་མི་བྱེད་པར་རོ་མཉམ་པ་ནི། ཕྱག་རྒྱ་ཆེན་པོ་སྟེ་གཞན་ལ་གསལ་ལོ། །བླ་མ་ཤངས་པ་གདུ་གུ་པའི་གདམས་པ་རྫོགས་སོ། །ཨྀིྠ། ༈ བླ་མ་ཞང་ཞོང་པའི་རླུང་ཤིང་རྟ་ཅན་ནི། །བླ་མ་དམ་པའི་ཞབས་ལ་གུས་བཏུད་ནས། །མན་ངག་རིམ་པ་བྲི་བར་བྱ། །རླུང་ཤིང་རྟ་ཅན་ཞེས་བྱ་བ། བླ་མ་དམ་པ་ཨ་དྭ་ཡ་བཛྲ་ནས་བརྒྱུད་པའི་གདམས་ངག་འདི་ལ་གདོན་གཉིས་ཏེ། ལས་དང་པོ་པ་ཆོ་གས་རྒྱུད་སྨིན་པར་བྱ་ཞིང་། །སྣོད་དུ་རུང་བའི་ཕྱིར་རླུང་སེམས་བཙན་ཐབས་སུ་བཟུང་བའི་གདམས་ངག་དང་། །དངོས་གཞི་གཉིས་སོ། །དང་པོ་རྟེན་གྱི་གང་ཟག་དབང་བཞི་ལེགས་པར་ཐོབ་ཅིང་། །དམ་ཚིག་མ་ཉམས་པས། བླ་མ་མཉེས་པར་བྱས་ནས། ལན་མང་དུ་གསོལ་བ་བཏབ་ལ་

[Full Size]

ཞུ་བར་བྱའོ། །དེ་ལྟ་བུའི་སློབ་མ་དེ། བླ་མ་དམ་པ་མཚན་ཉིད་བཞི་དང་ལྡན་པས་རྗེས་སུ་འཛིན་པར་འདོད་ནས་འདི་ལྟར་བྱ་སྟེ། དང་པོ་ཟླ་བ་ཡར་གྱི་ངོ་ཚེས་གྲངས་དང་། །སྐར་མ་དང་། །དུས་ཚོད་བཟང་པོའི་ཚེས། དཀོན་མཆོག་ལ་མཆོད་པ་རྒྱ་ཆེན་པོ་དང་། །ཚོགས་ཀྱི་འཁོར་ལོ་དང་། །གཏོར་མ་ལ་སོགས་པ་བཟང་པོ་བཤམས་ལ། ཤིང་ཁྲུ་དོ་སོར་བཞི་བཞི་ཙམ་པ་གཅིག་ལ་ཁྲི་གཉིས་བྱས་ལ། དེའི་སྟེང་ན་ཕར་ཤིང་ཁྲུ་དོ་ལྷག་པ་གཅིག་བཏང་ལ། ཤིང་རྐང་གཉིས་ཀྱི་འོག་ནས་ཡར་ལ་གཞུ་སྲད་བུ་དང་བཅས་པ་གཉིས་བཅིངས་ལ། དེ་ལ་སློབ་མ་བསྐྱོན་ལ་གདམས་ངག་བསྟན་པར་བྱ་སྟེ། སློབ་མའི་སྟེང་རླུང་འོག་རླུང་སྡོམ་དུ་བཅུག་ལ་རྐང་པའི་མཐེ་བོང་གཉིས་ཀྱི་བར་དུ་གཞུའི་ཆངས་ཟུངས་རེག་ཙམ་

[Full Size]

དུ་བྱས་ལ། ལག་པ་གཉིས་བསྣོལ་ལ་རང་གི་ལུས་ཀྱི་ནང་ཁོང་སྟོང་དུ་ཡོད་པའི་དཀྱིལ་དྲང་པོ་ན་ཡར་ལ། རྩ་ཨ་ཝ་དྷུ་ཏཱི་ཡོད་པའི་ནང་ན་ཡར་ལ། རང་གི་ཤེས་པ་གཞུའི་སྦྲེང་སྒྲས་རྐྱེན་བྱས་ནས། ཕྱུ་རུ་རུ་སོང་ནས་མདའ་ལྟར་འཕང་བ་དང་། །འདར་བ་ལ་སོགས་པ་འབྱུང་སྟེ། དུས་དེ་ཙ་ན། རང་གིས་གམ་དུ་བསྡད་དེ་ཚོད་བཟུང་། རོལ་མོ་རྣམ་པ་སྣ་ཚོགས་པའི་སྒྲ་བརྡུང་། །གུ་གུལ་གྱི་དུད་པས་བགེགས་བསྐྲད། བླ་མ་ལ་ཡང་གསོལ་བ་གདབ་སོ། །དེ་ལྟར་བྱས་པས་ཤེས་པ་ཡར་ལ་འཕྱོ་ན་གཅོད་པ་ལ་སོགས་པ་བྱའོ། །དེ་ནས་མ་བྱུང་ན་ཤེས་པ་སྒྲིམ་དུ་བཅུག་ལ་དད་གུས་བསྐྱེད་ལ། ལག་པ་གཉིས་སྤྱི་བོའི་སྟེང་དུ་རྙོགས་ཚད་དུ་ཐལ་མོ་སྦྱོར་དུ་བཅུག་ལ། འོག་ཏུ་རླུང་གི་དཀྱིལ་འཁོར་

[Full Size]

གཞུའི་དབྱིབས་ཅན་བསམས་ལ། རང་གི་གསང་བའི་རྡོ་རྗེ་མདའ་རུ་བསམ་ལ། གཞུའི་སྦྲེང་སྒྲས་རང་གི་ཤེས་པ་ཨ་ཝ་དྷུ་ཏཱི་ནས་ཡར་ལ་བཏོན་ལ། ཉི་ཟླའི་བར་དུ་འཕང་ངོ་། །དེས་ངེས་པར་འབྱུང་ངོ་། །ད་ནི་བསྒོམས་པའི་དངོས་གཞི་ལ་བཞི་སྟེ། སྦྱོར་བ་དོན་གྱི་གདམས་ངག །ཡི་གེ་དོན་གྱི་གདམས་ངག །དེ་ཁོ་ན་ཉིད་ཀྱི་གདམས་ངག །ཕྱག་རྒྱ་ཆེན་པོའི་གདམས་ངག་གོ །དེ་ལ་དང་པོ་སྦྱོར་བ་དོན་གྱི་གདམས་ངག་ནི། དོན་ལ་བསྐྱེད་རིམས་ཡིན་གསུང་སྟེ། རང་ཉིད་དང་པོ་དབང་བསྐུར་བའི་དུས་ཉིད་ནས། སེམས་དཔའ་གསུམ་བརྩེགས་སུ་ཡོད་པའི་རང་གི་འོག་སྒོའི་ཐད་ཀའི། ལྟེ་བའི་ཐད་ཀ་ནས་ཡེ་ཤེས་སེམས་དཔའ་སྔ་མ་ལྟར། རྩ་ཨ་ཝ་དྷུ་ཏཱིའི་ནང་ན་ཡར་ལ་ཕྱུ་རུ་རུ་བསྟོན་ལ། སྟེང་ན་

[Full Size]

ཡར་ཉི་ཟླ་ཐུག་པར་མདའ་ལྟར་འཕངས་ལ་བཏང་། །ནམ་མཁའ་ལྟར་རྒྱ་བསྐྱེད་དེ། དེ་ཐམས་ཅད་ལྷ་ཡེ་ཤེས་སེམས་དཔར་བྱས་ལ་དེ་ལ་ཤེས་པ་གཏད། དབུགས་ཀྱི་མི་ཐུབ་པ་འདྲ་ན་ཡར་མར་ལ་ཞུགས་པར་བསམ་མོ། །གཉིས་པ་ཡི་གེ་དོན་གྱི་གདམས་ངག་ནི། ཡང་རང་གི་ལྟེ་བ་ན་ཡར་ལ། ཨོཾ་ཨཱཿཧཱུྃ་གསུམ་གྱི་བར་དུ༴ རང་གི་ཡི་དམ་གྱི་སྔགས་སྔ་མ་ལྟར་ཕྱུ་རུ་རུ་སོང་བར་བསམས་ལ། མདའ་ལྟར་འཕངས་ཏེ་གྱེན་ལ་ཉི་ཟླ་ལ་ཐུག་པར་འཕངས་པར་བསམ། ནམ་མཁའ་ལྟར་རྒྱ་བསྐྱེད་པ་སྟེ། ཐམས་ཅད་སྔགས་སུ་བསམ་མོ། ཡང་སྔ་མ་ལྟར་ཐམས་ཅད་རང་ལ་ཐིམ་པར་བསམ་མོ། །གསུམ་དེ་ཁོ་ན་ཉིད་ཀྱི་གདམས་ངག་ནི། ཡང་རང་གི་ལྟེ་བ་ནས་སྟོང་པར་སོང་

[Full Size]

བར་བསམ་སྟེ། ཡང་ཤེས་པ་མདའ་ལྟར་འཕང་། །ནམ་མཁའ་ལྟར་རྒྱ་བསྐྱེད་དེ་ཐམས་ཅད་སྟོང་པར་བསམ་མོ། །བཞི་པ་ནི། དེ་ཐམས་ཅད་ཟུང་འཇུག་སྟེ། ལྷ་ཡང་ཡིན། སྔགས་ཡང་ཡིན། སྟོང་པ་ཡང་ཡིན་ཏེ། གཉུག་མ་རང་བཞིན་མེད་པའི་གནས་ལུགས་དེ་ལ་ཤེས་པ་མ་བཅོས་པར་འཇོག་པའོ། །དེ་ལྟར་དུ་བཞི་ཅར་བསྒོམས་པས། འཇོག་ཁར་སེམས་དཔའ་གསུམ་རྩེགས་སུ་ཡོད་པའི་ཏིང་ངེ་འཛིན་སེམས་དཔའ་ཀླུ་སྒྲུབ་ལྟར། ཧཱུྃ་དུ་ཡོད་པ་ལ་སྔགས་ཀྱིས་བསྐོར་ནས་ཡོད་པར་བསམ་མོ། །བྱིང་རྒོད་བྱུང་ན་མདའ་ལྟར་འཕང་བ་དང་། །ནམ་མཁའ་ལྟར་རྒྱ་བསྐྱེད་པ་སྟེང་འོག་ཏུ་བྱའོ། །མ་ལེགས་རན་ཙམ་ན། མཁའ་འགྲོས་བཟོད་པར་མཛོད། །དེའི་དགེ་བ་བྱང་ཆུབ་ཏུ་བསྔོ།

[Full Size]

བླ་མ་དམ་པ་ཁྱུང་པོ་རྣལ་འབྱོར་པའི་གསུང་བཞིན་དུ་ལེགས་པར་བྲིས་པའོ། །རྫོགས་སོ། །ལྟ་བ་མ་བཅོས། བསྒོམ་པ་མི་རྟོག །གྲོགས་སྟོང་གསལ། ཐབས་མ་ཡེངས་པའོ། ༈ །བླ་མ་ཞོང་ཞོང་པའི་རླུང་བུམ་པ་ཅན་ནི། བླ་མ་དམ་པ་རྣམས་ལ་གུས་བཏུས་ནས། །ཐབས་ལམ་ཟབ་དོན་བྲི་བར་བྱ། །བླ་མ་ར་ཧུ་ལའི་རླུང་བུམ་པ་ཅན་འདི་ལ་གསུམ་སྟེ། སྣང་བ་བུམ་པ། དབྱིབས་བུམ་པ། དམིགས་རྟེན་བུམ་པའོ། །དང་པོ་ནི། ནམ་མཁའ་སྟོང་པ་འདིའོ། །གཉིས་པ་ནི། སེམས་བསྐྱེད་སྔོན་དུ་སོང་བས་ལུས་ལྷར་བསྐྱེད་ལ། རྐང་པ་རེ་མིག་བཞིན་དུ་བསྣོལ། ལག་པ་གཉིས་ཀྱིས་པུས་མོ་བསྡམ། སྒལ་ཚིགས་དྲང་པོར་བསྲང་། །མགྲིན་པ་ཅུང་ཟད་དགུག་གོ །དེ་ལྟར་བྱས་པས་

[Full Size]

ལུས་ཀྱི་དབྱིབས་བུམ་པ་ལྟར་གནས་པའོ། །གསུམ་པ་ནི། རང་གི་ལྟེ་བར་བུམ་པ་སྔོན་པོ་ཆེ་ཆུང་ཅི་རིགས་པ་ཅིག་བསམ། རྩ་ཨ་ཝ་དྷུ་ཏཱི་དང་། ལ་ལ་ནཱ་དང་། ར་ས་ནཱ་གསུམ་བུམ་པའི་ནང་དུ་ཚུད་པར་བསྒོམས་ནས། རླུང་རོ་ལན་གསུམ་ཕྱིར་བུས་ལ། སྣ་ནས་རླུང་དལ་བུས་རྔུབས་ལ་སྟེང་འོག་གི་རླུང་དྲག་པོ་བཟུང་བ་དང་། ལ་ལ་ནཱ་དང་། །ར་ས་ནཱ་གཉིས་ན་མར་རླུང་སྔོ་ན་ར་ར་བུམ་པའི་ནང་དུ་སོང་བ་དང་། །བུམ་པ་སྔོ་ལྡི་རི་རི་སོང་སྟེ། བུམ་པ་ཇེ་ཆེ་ཇེ་ཆེ་མཐར་ལུས་དང་བཅས་པ་འོད་དུ་ཡལ་སྟོང་སངས་ཀྱིས་སོང་པའི་ངང་དུ་བཞག་གོ །དེ་འདྲ་བ་ཅི་ནུས་སུ་བསྒོམས་ལ། སྐབས་སུ་ལུས་གཡས་གཡོན་དུ་གཅུ་བ་དང་། །ཡར་དྲག་པོ་འཐེན་པ་གཉིས་ཐེབས་བྱའོ། །འཕོ་བ་བྱེད་ན་ཨ་འཕང་ངོ་། །ཞེས་པའི་དོན་ནི་

[Full Size]

བུམ་པའི་ཁར་ཨ་དཀར་པོ་ཅིག་བསམ་ནས། སྟེང་འོག་གི་རླུང་བཟུང་སྟེ། སྐེག་པ་ཉེག་ཉེག་བྱས་པ་དང་། །ཨ་དེ་རང་དབང་མེད་པར་དབུ་མའི་ནང་ནས་ཚངས་བུག་ཡར་རྒྱངས་ཀྱི་སོང་བ་དང་། །ཕྱག་རྒྱ་ཆེན་པོའི་ངང་དུ་བཞག་སྟེ་ནུས་ཚད་དུ་བསྒོམ་མོ། །རྗེས་ལ་སྤྱི་བོར་ཨ་བསམས་ནས། དེ་ལྟེ་བའི་བུམ་པའི་ནང་དུ་དབབ་པར་བྱའོ། །བུམ་པ་ཅན་གྱི་གདམས་པ་རྫོགས་སོ། །ན་མོ་གུ་རུ། དམིགས་རྟེན་བུམ་པ་ནི། ལྟེ་བར་བུམ་པ་སྔོན་པོ་འཐེབ་གང་པ་ཅིག་གི་ནང་དུ་ཧཱུྃ་སྔོན་པོ་གཅིག་བསམ། དེ་ནས་བསུས་པ་སྒལ་ཚིགས་ལ་བཅར་བྱས་ལ། རླུང་མས་ཡར་འཐེན་པ་དང་། བུམ་པའི་ཞབས་ཀྱི་བུག་པ་ལྔ་ན་ཡར་ལ་རླུང་ཁ་དོག་ལྔ་བྱུང་བས། རླུང་གི་བུམ་པའི་ནང་གི་

[Full Size]

ཧཱུྃ་སྤྱི་བོར་རྒྱངས་ཀྱིས་ཕུལ་བ་དང་། །སྟོང་སང་གིས་སོང་སྟེ་ཕྱག་རྒྱ་ཆེན་པོའི་ངང་ལ་བཞག་པར་བྱའོ། །རླུང་བུམ་པ་ཅན་གྱི་ཞལ་གདམས་སོ། །ན་མོ་གུ་རུ། སེམས་བསྐྱེད་སྔོན་དུ་སོང་བས་ལུས་གནད་བུམ་པ་ཅན་ལྟར་བྱས་ལ། རང་གི་གསང་བའི་རྡོ་རྗེའི་རྩེ་མོར་ཧཱུྃ་དཀར་པོ་ཅིག་བསམ། ལུས་དབྱིབས་བུམ་པ་ལྟ་བུ་སྟོང་པ་ལ། རྩ་ཨ་ཝ་དྷུ་ཏཱི་ཀ་བ་བཞིན་དུ་ནང་ན་ཡར་ཐད་དཀར་དྲང་ཏིག་གེ་བསྒོམ། དེ་ནས་བསུས་པ་སྒལ་པ་ལ་བཅར་ཏེ། འོག་རླུང་ནར་གྱིས་དྲངས་པ་དང་། །ཧཱུྃ་གིས་རྡོ་རྗེ་ནོར་བུ་སྒྱུ་མ་ལྡོག་པ་བཞིན་དུ་བྱས་ཏེ་བྱུང་བས། སྤྱི་བོ་ཚངས་བུག་ཏུ་ནར་གྱིས་དྲང་པ་དང་། །མགོ་ཕྱིར་སྐྱེད་བྱས་པས་ཧཱུྃ་དེ་ཚངས་བུག་ནས་ཕྱིར་རྒྱངས་ཀྱིས་སོང་བ་དང་། ཕྱག་རྒྱ་ཆེན་པོའི་ངང་ལ་

[Full Size]

ལྷན་གྱིས་བཞག །དེ་ནུས་ཚད་དུ་བསྒོམ་མོ། འཇོག་ཙ་ན་ཧཱུྃ་ལྟེ་བར་དབབ། རྗེས་ལ་བསྔོ་བ་བྱའོ། །བླ་མ་ཤངས་པའི་ཁོང་སྟོང་གི་སྦྱོར་བ་ཞེས་བྱའོ། །ན་མོ་གུ་རུ། སྔོན་འགྲོ་ལུས་གནད་གོང་བཞིན་བྱས་ལ། བསུས་པ་སྒལ་པ་ལ་སྦྱར་བས། རྡོ་རྗེ་ནོར་བུ་མས་ཡར་ལྡོག་ནས་བྱུང་བ་དང་། དེས་སྙིང་གར་སླེབ་པས་ཐིག་ལེ་དཀར་པོར་གྱུར། དེ་ལ་སེམས་དར་ཅིག་གཏད་ལ་བསྒོམ། དེ་ནས་ཡང་ཐིག་ལེ་དང་བཅས་ཏེ་ཡར་དྲངས་ཏེ་ཚངས་བུག་ཏུ་ལྷན་གྱིས་བྱུང་བ་དང་། ཐིག་ལེ་ཚངས་བུག་ནས་ཕྱིར་དོན་ཏེ། སྤྱི་བོར་ཧཱུྃ་དཀར་པོ་ཅིག་ཏུ་གྱུར་པར་བསམས་ལ། དེ་ལ་སེམས་དར་ཅིག་གཏད་ལ་བསྒོམ་པར་བྱའོ། །འཇོག་ཙ་ན་སྤྱི་བོའི་ཧཱུྃ་མར་ཕབ་སྟེ། ལྟེ་བར་བྱུང་བ་དང་། །

[Full Size]

བདེ་སིང་བ་ལ་སེམས་གཏད་ལ་བཞག་གོ །དགེ་བ་བསྔོ་བར་བྱའོ། །བུམ་པ་ཅན་གྱི་ཆ་ལག་བླ་མ་ར་ཧཱུ་ལ་པའི་གདམས་སོ། །ཨྀིྠཿ བླ་མ་ཞོང་ཞོང་པའི་རླུང་ཕྱག་རྒྱ་བཅིངས་གྲོལ་ནི། །འཁོར་ལོ་བཅིང་གྲོལ་བཅིང་པའི་གདམས་པ་ནི། །དམིགས་པ་སྤྲུལ་པའི་འཁོར་ལོ་ལུས་ལ་ཁ་བཅིང་། །ལུས་ཀྱི་འཁྲུལ་འཁོར་གྱིས་ལུས་བསྒྲིམ། ལྟོ་བ་སྒལ་ཚིགས་ལ་བཅར། །སྟེང་འོག་གི་རླུང་བཟུང་། དམིགས་པ་རླུང་དྷུ་ཏཱི་ན་ཡར་དྲང་། །ཤེས་པ་སྨིན་ཕྲག་དུ་མི་རྟོག་པ་ལ་གཏད་ལ་བཞག །དེ་ལ་ཡོན་ཏན་དྲུག་འབྱུང་སྟེ། ལུས་བདེ་བ་དང་། །སེམས་མི་རྟོག་པ་དང་། །ལུས་ཡངས་བ་དང་། །འགྲོ་བ་མགྱོགས་པ་དང་། །ལུས་གྲིམས་པ་དང་། །ལུས་ལ་ཟག་པ་ཆེ་ཆུང་མི་འབྱུང་བ་ལ་སོགས་པ་ཡོན་ཏན་མང་དུ་འབྱུང་གསུང་ངོ། །འཁོར་ལོ་

[Full Size]

གྲོལ་བའི་གདམས་པ་ནི། དཔེར་ན་གདུགས་ལྟ་བུ་སྟེ། དེ་ཡང་ཨ་ཝ་དྷུ་ཏཱི་གདུགས་ཀྱི་ཡུ་བ་ལྟ་བུ། བདེ་ཆེན་ནི་རྩིབ་མ་ལྟ་བུ། ཧཾ་ནི་ཏོག་ལྟ་བུ་སྟེ། འཁོར་ལོ་བཅིངས་པའི་གདམས་པས་སྤྲུལ་པའི་འཁོར་ལོ་བཅིངས། འདོད་ཆགས་ཆུང་དུ་སོང་ནས། ཧང་གི་གཟེར་དུ་སོང་ནས། དེ་བཏེག་པས་འཁོར་ལོ་གོང་མ་གཉིས་གྲོལ་ནས་འགྲོ། དེར་ཧཾ་ལས་བདེ་བ་བབས་ནས་འཁོར་ལོ་ཁེངས་ནས་བདེ་སྟོང་གི་ཉམས་ལྟ་བུ་བྱུང་ཡང་། རླུང་བཅིངས་པས་མི་འཆོར་གསུང་ངོ་། ཨྀིྠ། །གསང་སྔགས་ཐབས་ཀྱི་ལམ་མཆོག་གིས། །རྣལ་འབྱོར་ལུས་རྒྱ་གྲོལ་བྱེད་ཅིང་། །བདེ་སྟོང་ཉམས་མྱོང་མཆོག་འཆང་པ། །བླ་མའི་བྱིན་རླབས་ཡིན་པར་གོ །འདི་རྣམས་ཀྱི་རྒྱུད་པ་ནི། རྡོ་རྗེ་འཆང་། ནཻ་གུ་མ་ནས་སྟོན་པ་ཡན། དེ་ནས་སྤྲུལ་སྐུ་རིན་བློ། བླ་མ་མགྲན་པ།

[Full Size]

བླ་མ་ཀུན་དགའ་གྲགས། ཆོས་རྗེ་བློ་བཟང་པ། སྒྲུབ་ཆེན་སངས་དར། མཉམ་མེད་སངས་རྒྱས། མཁས་གྲུབ་ནམ་རྒྱལ། དེས་བདག་བྱམས་པ་རིན་ཆེན་བཟང་པོ། ཡང་མཉམ་མེད་སངས་རྒྱས། ཤཱཀྱ་རིན་ཆེན། སྤྲུལ་སྐུ་ངག་དབང་། དེས་བདག་ལའོ། །

ཆོས་དྲུག་གི་ཞལ་ཤེས་གནད་ཀྱི་ལྡེ་མིག །ཤཱཀྱའི་སྤྲང་པོ་རི་ཁྲོད་པ།

[Full Size]

ཆོས་དྲུག་གི་ཞལ་ཤེས་གནད་ཀྱི་ལྡེ་མིག་བཞུགས་སོ། །

[Full Size]

བླ་མ་དང་འཇམ་པའི་དབྱངས་ལ་ཕྱག་འཚལ་ལོ། །དཔལ་རྡོ་རྗེ་འཆང་གིས་ནི་གུ་མ་ལ་གསུངས་པའི་ཆོས་དྲུག་རྡོ་རྗེའི་ཚིག་རྐང་གི་དོན། ཞལ་གྱི་གདམས་པ་ཅུང་ཟད་ཅིག་བྲི་བར་བྱའོ། །དེ་ལ་ཆོས་དྲུག་གི་གནད་དྲུག་ནི། གཏུམ་མོ་འབད་རྩོལ་གྱི་གནད། སྒྱུ་ལུས་བདེན་མེད་ཀྱི་གནད། རྨི་ལམ་འདུན་པའི་གནད། འོད་གསལ་མོས་གུས་ཀྱི་གནད། འཕོ་བ་མ་

[Full Size]

ཆགས་པའི་གནད། བར་དོ་མ་འཁྲུལ་པའི་གནད་དོ། །དེ་ལ་གེགས་དྲུག་ནི། གཏུམ་མོ་ལ་འདྲེད་པ། སྒྱུ་ལུས་ལ་འཐས་པ། རྨི་ལམ་ལ་འབྱམས་པ། འོད་གསལ་ལ་སྡུགས་པ། འཕོ་བ་ལ་འཕྲོས་པ། བར་དོ་ལ་འཁྲུལ་པའོ། །གཏུམ་མོ་ལམ་གྱི་གཞུང་ཞིང་། རྨི་ལམ་ལམ་གྱི་ཚོད་འཛིན། འོད་གསལ་འབྲས་བུ་འཆར་བྱེད་དོ། །ཅེས་

[Full Size]

གསུངས་སོ། །སྐྱོན་གྱི་གནད་ཤེས་པར་བྱའོ། །སྤྱིར་གསོལ་འདེབས་ལ་མང་དུ་གསུངས་ཀྱང་། །ཁྱད་པར་དུ་འདི་ལྟར་གདབ་སོ། །དེ་ལ་བླ་མའི་རྣལ་འབྱོར་རྫོགས་པར་བསྒོམས་ལ་སེམས་ཅན་ཐམས་ཅད་ཀྱི་དོན་དུ་གསོལ་བ་གདབ། ཁྱད་པར་དུ་བདེ་དྲོད་འབར་བར་བྱིན་གྱིས་བརླབ་ཏུ་གསོལ། །སྒྱུ་ལུས་འབྱོངས་པར༴ རྨི་ལམ་ཟིན་པར༴ འོད་གསལ་འཆར་བར༴ བདག་འཛིན་ཐོངས་པར༴ དགོས་མེད་རྒྱུད་ལ་སྐྱེ་བར་བྱིན་གྱིས་བརླབ་ཏུ་གསོལ། ཅེས་པས་གསོལ་བ་འདེབས་པའོ། །དེ་ནས་སྦྱོར་བའི་སྐབས་སུ་སྟོང་ར་སྒོམ་པ་ཞལ་ལས་ཤེས་པ་ནི། འཁྲུལ་འཁོར་སྐྱིལ་ཀྲུང་བཅའ། ལག་མཉམ་བཞག་གམ་ས་གནོན་གང་བདེ་བྱ། སྐེད་པ་དྲང་པོར་བསྲང་། ཨོས་ཀོས་ཨོལ་མདུད་མནན། །ཐོང་ཁ་

[Full Size]

ཡངས་པར་བཞག །མིག་སྣ་རྩེར་ཕབ་ལ། དམིགས་པ་ནི། རང་རྗེ་བཙུན་མར་བསྒོམས་པའི་ཕྱི་ཡི་དམ་གྱི་རྣམ་པ་ལ། ནང་ཕྲུ་མ་ཕུས་བཏབ་བཞིན་སྲབ་སང་ངེ་བ། སོར་མོའི་རྩེ་མོ་རྣ་མཆོག་གི་ཏོར་ཏོ་ཚུན་ཆད་སྦུ་གུ་སྲབ་སང་ཡོད་པར་བསམ། དེའི་སྟོང་པའི་ངང་ལྟེ་འོག་ཏུ་རིག་པ་ཁབ་མིག་ཏུ་སྐུད་པ་འཛུད་པ་བཞིན་གཏད་ལ་མ་ཡེངས་པར་བསྒོམ་མོ། །དེ་ལ་ཡོན་ཏན་མང་དུ་ཡོད་པས་ཡུན་རིང་དུ་བྱའོ། །དེ་ལ་གོམས་ན་རྩའི་སྟོང་ར་བསྒོམས་ཏེ། ལུས་གནད་འདྲ། དམིགས་པའི་སྟོང་རའི་ནང་དུ། རྩ་དབུ་མ་གྲོ་སོག་གི་སྦུ་གུ་ཙམ་ཏིལ་གྱི་མར་མེ་ལྟར་གསལ། རྒྱ་སྐེགས་ཀྱི་མེ་ཏོག་ལྟར་དམར། ཆུ་ཤིང་གི་སྡོང་པོ་ལྟར་དྲང་། པདྨའི་རྣལ་མ་ལྟར་ཕྲ་བའི་དབུ་མ་ཆོས་

[Full Size]

བཞི་དང་ལྡན་པ་ཡར་རྩེ་སྤྱི་གཙུག་ཏུ་ཟུག་པ། མར་རྩེ་གསང་གནས་སུ་ཟུག་པ་ཅིག་བསམ། དེ་ཇེ་ཆེ་ཇེ་ཆེ་ལ་སོང་ནས་མདའ་སྙུག་ཙམ། ཨུ་བྷི་ཙམ། ཞོ་དོ་ཙམ། དེ་ནས་ལུས་ཐམས་ཅད་དབུ་མའི་རང་བཞིན་སྲབ་སང་བའི་ལྟེ་འོག་ཏུ་རིག་པ་ཧྲིལ་གཏད་ལ་བསྒོམ། དེས་ནི་རླུང་སེམས་གང་དུ་ཟིན་ཀྱང་དབུ་མའི་ཡོན་ཏན་བསྐྱེད་པ་ལས་སྐྱོན་གང་ཡང་མི་འབྱུང་བས། རྩའི་སྟོང་ར་གནད་ཆེ་བ་ཡིན་པས། སློབ་མ་སྙིང་འདྲ་མ་གཏོགས་པ་མི་སྟེར་བའི་བཀའ་རྒྱ་ངེས་པ་ཅན་ཡིན་ནོ། །སྟོང་ར་འདི་ཉིད་ཀྱིས་གེགས་སེལ་ཅིང་ཡོན་ཏན་མྱུར་དུ་སྐྱེ་བའི་སྟོང་ར་ཡིན་ནོ། །གསང་ངོ་། །རྩ་ལམ་སྦྱངས་ནས། རླུང་ལམ་སྦྱང་བ་ལ། ལུས་གནད་འདྲ། རླུང་རོ་ལན་གསུམ་འབུད། དེས་ན་འོག་རླུང་སོར་བཞག །སྟེང་རླུང་འཇམ་ལ་རིང་བར་