དཔལ་ལྡན་ཤངས་པའི་ཆོས་སྐོར་པོད་བརྒྱད་པ།

འགྲོ་མགོན་ཤངས་པ་བཀའ་བརྒྱུད་ཀྱི་དཔེ་ཚོགས།

ངག་དབང་ཆོས་གྲགས། རྒྱལ་མཚན་འབུམ། དྷྭ་ཛ་ལཀྵ། ཁྱུང་པོ་རྣལ་འབྱོར། བཙུན་པ་རྒྱལ་མཚན་འབུམ། ཚུལ་ཁྲིམས་མགོན་པོ། རྗེ་བཙུན་རཏྣ་བཱིརྱ། བླ་མ་འགྲོ་མགོན་ཆེན་པོ། སྔགས་འཆང་པྲཉྫཱ་ཤྲཱི་ལ་དྷཱ་ཛ། འགྱུར་མེད་བདེ་ཆེན། རྗེ་བཙུན་གྲོལ་མཆོག

Nitartha international

Images scanned by BDRC

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

ཕྱག་རྒྱ་ཆེན་པོ་གའུ་མའི་དབང་བསྐུར། ངག་དབང་ཆོས་གྲགས།

[Full Size]

ཕྱག་རྒྱ་ཆེན་པོ་གའུ་མའི་དབང་བསྐུར་བཞུགས་སོ། །

[Full Size]

ན་མོ་གུ་རུ། །ཕྱག་རྒྱ་ཆེན་པོ་གའུ་མའི་དབང་བསྐུར་བར་འདོད་པས། དང་པོ་མཎྜལ་འདབ་བཞི་ཕྱོགས་ཚོན་ལ། ལྟེ་བ་སེར་པོ། དེའི་མཐར་ཅི་འབྱོར་པའི་མཆོད་གཏོར་གྱིས་བསྐོར། སློབ་དཔོན་གྱིས་བདེ་མཆོག་ལྷན་སྐྱེས་སེར་པོའམ། སྔོན་པོའི་བདག་བསྐྱེད་ཡི་གེ་བདུན་པའི་བཟླས་པ་དང་བཅས་པ་བྱ། མདུན་བསྐྱེད་ལ་དམིགས་ནས། སྭ་བྷཱ་ཝས་སྦྱངས། ཡེ་ཤེས་རང་སྣང་ལས་གྲུབ་པའི་གཞལ་ཡས་ཁང་གི་དབུས་སུ་རིན་པོ་ཆེའི་ཁྲི་སེང་གེ་བརྒྱད་ཀྱིས་བཏེགས་པའི་སྟེང་དུ་པདྨ་དང་ཉི་མའི་དཀྱིལ་འཁོར་གྱི་སྟེང་དུ། །

[Full Size]

ངོ་བོ་བླ་མ་ལ་རྣམ་པ་བདེ་མཆོག་སྐུ་མདོག་གསེར་གཙོ་མ་ལྟ་བུ་རྡོ་རྗེ་དང་དྲིལ་བུ་འཛིན་པ། མི་མགོ་དང་རུས་པའི་རྒྱན་ཆས་བརྒྱན་པ། ཡུམ་དང་གཉིས་སུ་མེད་པའི་མཁའ་འགྲོ་བཞི་དང་བཅས་པ་བསྒོམ། ཤར་དུ་དགྱེས་པ་རྡོ་རྗེའི་ལྷ་ཚོགས། ལྷོར་གསང་བ་འདུས་པ། ནུབ་ཏུ་མ་ཧཱ་མ་ཡ། བྱང་དུ་འཇིགས་བྱེད་བསྒོམ་གནས་གསུམ་བྱིན་རླབས་ཡེ་ཤེས་པ་གཞུག་དབང་ལྷ་སྤྱན་དྲངས། དབང་བསྐུར། ལྔ་ཀ་ལ་རིགས་བདག་མི་བསྐྱོད་པས་རྒྱས་གདབ། ཡང་ན་

[Full Size]

རིགས་བདག་རང་ཆས་ཅན་དུ་བསམས་ཀྱང་རུང་། མཆོད་པ་བྱིན་རླབས་ལ། ཨོཾ་སརྦ་ཏ་ཐཱ་ག་ཏ་མཎྜལ་ས་པཱ་རི་ཝཱ་ར་རེ་རེ་མགོར་སྦྱར་ནས་ཨརྒྷཾ་ནས་ཤཔྡའི་བར་གྱིས་མཆོད། དྲིལ་བསིལ་དང་། དྷརྨ་ར་་ཏ་སོགས་བརྗོད། ཨོཾ་སརྦ་ནས་ས་པཱ་རི་ཝཱ་རས་ནང་མཆོད། ཆོས་དབྱིངས་རྣམ་དག་དབྱིངས་ལས། ཐམས་ཅད་དངོས་པོའི་སོགས་རང་རང་གི་བསྟོད་པས་བསྟོད། ཡང་ན་ལྔ་ཆར་ལ། ཆོས་སྐུ་ནམ་མཁའ་བཞིན་དུ་སོགས་ཚིག་བཅད་གཅིག་གིས་བསྟོད། གཏོར་མ་བྱིན་རླབས་ལ། ཨོཾ་སརྦ་ནས་ས་པཱ་རི་ཝཱ་ར་ནས་ཨི་དཾ་བ་ལིངྟ་ཁ་ཁ་ཁཱ་ཧི་ཁཱ་ཧི། ལན་གསུམ། ཕྱི་མཆོད་ནང་མཆོད་བསྟོད་པ་བྱ། རྒྱུད་སྡེ་ལྔའི་ལྷ་ཚོགས་རྣམས། །མཆོད་སྦྱིན་གཏོར་མ་འདི་བཞེས་ལ། །བདག་དང་སེམས་ཅན་ཐམས་ཅད་ལ་མཆོག་དང་ཐུན་མོང་གི་དངོས་གྲུབ་མ་ལུས་པ་སྩལ་དུ་གསོལ། །མདུན་བསྐྱེད་ཀྱི་གཙོ་བོ་བླ་མ་དང་དབྱེར་མེད་དུ་མོས་ལ། མཎྜལ། དགའ་ཆེན་ཁྱོད་བདག་རྒྱུན་བཤགས་སོགས་ཀྱུས་བཞིན། །

[Full Size]

ཐོད་པའི་ནང་རང་ལུས་བདུད་རྩིར་བསམ་ཞིང་། ཐོག་མ་མེད་པ་ནས་ལུས་ལོངས་སྤྱོད་དགེ་རྩ་རྣམས་སྟོང་གསུམ་གསེར་གྱི་རྣམ་པར་བསྒྱུར་ཏེ་ཡིད་ཀྱིས་འབུལ། དབང་བཞི་བསྐུར་བར་གསོལ་བ་བཏབ། དབང་བཞི་བླངས་རྗེས་གཙོ་བོས་སོགས་སློབ་མ་ལ་ཇི་ལྟར་བྱ་བ་བཞིན་བྱེད། སློབ་མས་མཎྜལ་གསོལ་བཏབ་རྒྱུན་བཤགས། སློབ་མ་སྐད་ཅིག་གིས་པད་ཉིའི་སྟེང་དུ་བདེ་མཆོག་ཏུ་བསྐྱེད་ལ་ཡེ་ཤེས་དབབ། དེ་ནས་དབང་བསྐུར་བྱ་བ་ནི། སློབ་མ་རང་གི་མདུན་དུ་ཐོད་པ་ཕྱི་དཀར་ལ་ནང་དམར་བ་ཡངས་ཤིང་རྒྱ་ཆེ་བའི་ནང་དུ་རང་ལུས་ཤ་ལྔ་བདུད་རྩི་ལྔར་བསམ་ལ་འབུལ་དུ་གཞུག །སྟོང་གསུམ་འདིའང་གསེར་གྱིས་བཀང་ལ་ཡོན་དུ་འབུལ་བར་བསམ་ལ་གསོལ་བ་གདབ་པ་ནི་བླ་མ་རིན་པོ་ཆེ་བདག་ལ་བུམ་པའི་དབང་བསྐུར་དུ་གསོལ། །ཞེས་གསོལ་བ་ལན་གསུམ་གདབ་པ། བླ་མའི་སྤྱི་བོའི་ཨོཾ་དཀར་པོ་ལས་འོད་འཕྲོས་པས། སངས་རྒྱས་དང་བྱང་ཆུབ་སེམས་

[Full Size]

དཔའ་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་ཀྱི་བདུད་རྩི་དཀར་པོའི་རྣམ་པར་བྱོན། བླ་མའི་ཨོཾ་ལ་ཐིམ། ཨོཾ་ལས་ཡེ་ཤེས་ཀྱི་བདུད་རྩིའི་རྒྱུན་བྱུང་། རང་གི་སྨིན་ཕྲག་གི་ཨོཾ་ལ་ཐིམ་པས་ནད་གདོན་སྡིག་སྒྲིབ་མ་ལུས་པ་དག་པར་བསམ། བླ་མས་ཀྱང་དེ་བཞིན་དུ་བསམ། རྩ་བ་དང་བརྒྱུད་པར་བཅས་པའི་བླ་མ་རྣམས་ཀྱིས་ད་ལྟ་ཉིད་དུ་མྱུར་བ་ཉིད་དུ། འདུག་ས་འདི་ཉིད་དུ་བྱིན་གྱིས་རློབས་ཤིག །ཅེས་བརྗོད་ཅིང་ཡི་གེ་བདུན་པ་དྲིལ་བསིལ། སྐུའི་བྱིན་རླབས་ལུས་ལ་ཞུགས་ཤིང་དབང་བསྐུར་རོ། །ཡང་མཆོད་པ་སྔ་མ་ལྟར་མཆོད་ལ་གསང་དབང་དང་ཤེས་རབ་ཡེ་ཤེས་ཀྱི་དབང་གཉིས་ལ་དེ་དང་དེ་བསྐུར་དུ་གསོལ། ཞེས་གསོལ་བ་བཏབ་པས། བླ་མའི་མགྲིན་པའི་ཨཱཿདམར་པོ་དང་། །ཐུགས་ཀའི་ཧཱུྃ་སྔོན་པོ་ལས་འོད་ཟེར་གྱི་སྤྲོ་བསྡུས་སྔར་ལྟར་བླང་ངོ། །ཡི་གེ་བདུན་པ་བརྗོད་ཅིང་དྲིལ་བསིལ་བྱ། ཡང་མཆོད་པ་ཕུལ། དབང་བཞི་པ་གསོལ་བ་བཏབ་པས། བླ་མའི་གནས་གསུམ་གྱི་ཡི་གེ་གསུམ་

[Full Size]

ལས་འོད་ཟེར་འཕྲོས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ཐུགས་རྒྱུད་བསྐུལ། དེའི་ཐུགས་གཉིས་སུ་མེད་པའི་ཡེ་ཤེས་ཀྱི་བདུད་རྩི་འོད་ཀྱི་རྣམ་པར་བྱོན་ཏེ། བླ་མའི་གནས་གསུམ་གྱི་ཡི་གེ་ལ་ཐིམ། དེ་ལས་འོད་འཕྲོས་དཀར་དམར་མཐིང་གསུམ་གྱི་རྣམ་པར་གྱུར། རང་གི་གནས་གསུམ་དུ་ཐིམ་པས། སྤྱི་གཙུག་ནས་རྐང་མཐིལ་ཡན་ཆད་འོད་ཀྱིས་གང་། ལུས་ངག་ཡིད་གསུམ་གྱི་སྒྲིབ་པ་ཐམས་ཅད་དག་ནས། ལུས་ལྷའི་སྐུ་སྣང་ལ་རང་བཞིན་མེད་པའི་ངང་ལ་སེམས་མ་བཅོས་པར་བཞག་པ་ནི་བཞི་པའོ། །དྲིལ་བསིལ། ཡེ་ཤེས་རྒྱ་མཚོ་ལས། བླ་མའི་སྐུའི་དཀྱིལ་འཁོར་ལ། །དབང་བཞི་ཡོངས་སུ་རྫོགས་པར་ཞུས། །ས་ལམ་རིམ་པ་མ་ལུས་བསྒྲོད། །ཅེས་ལན་གསུམ་བརྗོད་དེ་ཕྱིའི་དབང་། །ཡང་ཤར་གྱི་དགྱེས་རྡོར་འོད་དུ་ཡལ་སོང་། །དབུས་ཀྱི་བདེ་མཆོག་ལ་ཐིམ། །དེ་

[Full Size]

བཞིན་རིམ་གྱིས་སྨིན་མཚམས་སུ་ཐིམ་པས་བུམ་དབང་། མགྲིན་པར་གསང་དབང་། སྙིང་གར་ཤེས་རབ་ཡེ་ཤེས། ལྟེ་བར་སླེབ་འོད་དུ་ཡལ་ལུས་སྟོང་སངས་སོང་སྟེ་མི་དམིགས་པའི་ངང་ལ་སེམས་མ་བཅོས་པར་བཞག་པ་ནི་བཞི་པ་སྟེ་ནང་གི་དབང་བཞིའོ། །དྲིལ་བསིལ་དབང་བཞིའི་ཟིན་བྲིས་ཡིན། །དགེ་སློང་ངག་དབང་ཆོས་གྲགས་ཀྱིས་རྫོང་དགའ་ལྡན་དུ་ཕྱག་ལེན་དུ་བཀོད་པའོ། ༈ །མཁའ་སྤྱོད་དཀར་མོ་དང་གསུམ་ཕྲུགས་ཀྱི་བྱིན་རླབས་བཞུགས་སོ། །མ་དང་མཁའ་འགྲོས་རྗེས་བཟུང་དངོས་གྲུབ་བརྙེས། །ཆོས་ཀྱི་རྒྱལ་སྲིད་མཐོན་པོར་དབང་གིས་ཕྱུག །བསྟན་པའི་རྩ་རབ་བརྟན་རྡོ་རྗེའི་སྐུ། །རྗེ་བཙུན་བླ་མའི་ཞབས་ལ་སྤྱི་བོས་འདུད། །དེ་ལ་འདིར་མེ་ཏོག་མཁའ་སྤྱོད་དཀར་དམར་ཕྲུགས་གསུམ་རྣམས་སུ་ཡོད་པ་ལས་དང་པོ་དཀར་མོའི་བྱིན་རླབས་བྱ་ཚུལ་ནི། མདུན་གྱི་སྟེགས་བུའི་སྟེང་དུ་རྡུལ་ཚོན་དཀར་པོའི་ཆོས་འབྱུང་མཐའ་མེ་རིས་དཀར་པོས་བསྐོར་བ། ཆོས་འབྱུང་གི་དབུས་སུ་ཧྲཱིཿཡིག་བྲི། ཡང་ན་

[Full Size]

ཚོན་སྤུངས་དཀར་པོ་བྱས་ཀྱང་ཆོག །མཐར་མཆོད་པ་དང་གཏོར་མ་བཤམས། དེ་ནས་སློབ་དཔོན་རང་ཉིད་ཀྱི་སྐྱབས་འགྲོ་སེམས་བསྐྱེད་སྔོན་དུ་བཏང་ལ། །རང་ཉིད་བདེ་མཆོག་ལྷན་སྐྱེས་སྔོན་པོར་སྐད་ཅིག་གིས་ལམ་གྱིས་བསྒོམ་ལ་ཡི་གེ་བདུན་པ་ཅི་རིགས་པ་བཟླས། དེ་ནས་མདུན་གྱི་ཆོས་འབྱུང་ལ་དམིགས་ནས། སུམྦྷ་ནིས་བསང་སྭ་བྷ་ཝས་སྦྱངས། སྟོང་པའི་ངང་ལས་ཆོས་འབྱུང་གི་དབུས་སུ་ཡི་གེ་ཧྲཱིཿ དཀར་པོ་གཅིག་བསམ། ཧྲཱིཿདེ་ལས་འོད་འཕྲོས་དོན་གཉིས་བྱས་ཚུར་འདུས་ཧྲཱིཿདེ་འོད་དུ་ཞུ་བ་ལས་ཇོ་མོ་མཁའ་སྤྱོད་དཀར་མོ་སྤྱན་གསུམ་ནམ་མཁའ་ལ་ཧྲིག་ཧྲིག་གཟིགས་པ་ཞལ་གཅིག་ཕྱག་གཉིས་མ། ཞལ་མཆེ་བ་གཙིགས་ཤིང་བཞད་པ། སྐུ་མདོག་དཀར་པོ་རུས་པའི་རྒྱན་ཐམས་ཅད་ཀྱིས་བརྒྱན་པ། ཕྱག་གཡས་གྲི་གུག་འཕྱར་བ། གཡོན་ཐོད་པ་ཁྲག་གིས་བཀང་བ་ཕྱིར་བསྟན་ནས་འཛིན་པ། ཞབས་གཉིས་རྒྱབ་ངོས་ནས་ཕྲག་པ་ལ་བཀལ་བ་འཛིན་པ། གཅེར་བུ་སྐྲ་གྲོལ་བ། ཐོད་སྐམ་ལྔའི་དབུ་རྒྱན་དང་། ཐོད་

[Full Size]

སྐམ་ལྔ་བཅུའི་དོ་ཤལ་བྱས་པ། སྐུ་ཤ་རྒྱས་ཤིང་ནུ་མ་འབུར་བ། གཞོན་ནུ་ལང་ཚོ་དར་ལ་བབས་པ། མེ་རིས་དཀར་པོའི་དབུས་ན་བཞུགས་པ། དེའི་གནས་གསུམ་བྱིན་གྱིས་བརླབས། སློབ་དཔོན་དང་མདུན་བསྐྱེད་ཀྱི་ཐུགས་ཀ་ནས་འོད་ཟེར་འཕྲོས་པས་འོག་མིན་ནས་རྗེ་བཙུན་མཁའ་སྤྱོད་དཀར་མོ་ལ་སངས་རྒྱས་དང་བྱང་ཆུབ་སེམས་དཔའི་ཚོགས་ཀྱིས་བསྐོར་བ་ཨོཾ་བཛྲ་ས་མཱ་ཛཿ ཛཿཧཱུྃ་བྃ་ཧོཿམདུན་བསྐྱེད་ལ་བསྟིམ། མཆོད་པ་བྱིན་རླབས་ལ། ཨོཾ་བཛྲ་ཡོ་གི་ནི་ས་པཱ་རི་ཝ་ར་ཨརྒྷཾ་ནས་ཤཔྡའི་བར་གྱིས་ཕྱི་མཆོད། ས་པཱ་རི་ཝ་རའི་མཐར་ཨོཾ་ཨཱཿཧཱུྃ་གིས་ནང་མཆོད། དཔལ་ལྡན་རྡོ་རྗེ་མཁའ་འགྲོ་མ། །མཁའ་འགྲོ་མ་ཡི་འཁོར་ལོ་བསྒྱུར། །ཡེ་ཤེས་ལྔ་དང་སྐུ་གསུམ་བརྙེས། །འགྲོ་བ་སྐྱོབས་ལ་ཕྱག་འཚལ་ལོ། །ཞེས་པས་བསྟོད། ཨོཾ་ཨཱཿཧཱུྃ་ལན་གསུམ་གྱི་གཏོར་མ་བྱིན་རླབས། བཛྲ་ཡོ་གི་ནི་ས་པཱ་རི་ཝཱ་རའི་མཐར་ཨི་དཾ་བ་ལིངྟ་ཁ་ཁ་ཁཱ་ཧི་ཁཱ་ཧི། བཏགས་པ་ལན་གསུམ་གྱིས་ཕུལ། ཕྱི་ནང་གི་

[Full Size]

མཆོད་པ་བསྟོད་པ་རྣམས་བྱ། འདོད་པའི་དོན་ལ་གསོལ་བ་གདབ། དེ་ནས་མཎྜལ་གསོལ་གདབ་རྒྱུན་བཤགས་ནས་བཟུང་གཙོ་བོས་ཇི་ལྟར་སོགས་ཀྱི་བར་སློབ་མ་ལ་བྱ་བ་བཞིན་དུ་སློབ་དཔོན་རང་གི་བདག་འཇུག་གིས་ཚུལ་དུ་བླངས། དེ་ནས་སློབ་མ་བོས། མཎྜལ་གསོལ་གདབ་རྒྱུན་བཤས། ཡེ་ཤེས་དབབ་པ་ཡན་འདྲ་བར་གསུང་འདུག །འོན་ཀྱང་འདིར་སློབ་མ་མཁའ་སྤྱོད་དཀར་མོར་བསྐྱེད་ནས་ཡེ་ཤེས་དབབ་དགོས་སམ་སྙམ། །དེ་ནས་དངོས་གཞི་ནི། མདུན་གྱི་ཆོས་འབྱུང་གི་ནང་དུ་བླ་མ་དང་ངོ་བོ་གཅིག་ལ་རྣམ་པ་ཐ་དད་པའི་མཁའ་སྤྱོད་དཀར་མོ་སྤྱན་གསུམ་ནམ་མཁའ་ལ་ཧྲིག་གེ་གཟིགས་པ་སོགས་ཀྱི་མངོན་རྟོགས་བརྗོད་དེ། དེ་ཡང་ནམ་མཁའ་ལ་བྱ་ལྡིང་བལྟར་ལིང་ལིང་བཞུགས་པ་ལ། དངོས་གཞིའི་བྱིན་རླབས་ཞུ་བའི་ཡོན་དུ་མཎྜལ་འབུལ་དུ་གཞུག །གསོལ་བ་བཏབ་པ་འདི་གསུང་བ་ཞུ། བླ་མ་རིན་པོ་ཆེ་བདག་ལ་དབང་བཞི་རྫོགས་པར་བསྐུར་དུ་གསོལ། ལན་གསུམ། བླ་མ་དང་མདུན་བསྐྱེད་ཀྱི་

[Full Size]

དཔྲལ་བའི་ཨོཾ་ལས་འོད་ཟེར་འཕྲོས། ཕྱོགས་བཅུའི་བླ་མ་ཡི་དམ་སངས་རྒྱས་བྱང་སེམས་དཔའ་བོ་དང་རྣལ་འབྱོར་མ་ཐམས་ཅད་ཀྱི་སྐུའི་བྱིན་རླབས་སྤྱན་དྲངས། དཔྲལ་བའི་ཨོཾ་ལ་ཐིམ། དེ་ལས་སྐུའི་ངོ་བོར་གྱུར་པའི་འོད་ཟེར་དཀར་པོ་དཔག་ཏུ་མེད་པ་བྱུང་། ཁྱེད་རང་རྣམས་ཀྱི་དཔྲལ་བ་ནས་ཞུགས། བུམ་པའི་དབང་ཐོབ། སྐུའི་བྱིན་རླབས་ཞུགས་པའི་མོས་པ་མཛོད། །ཌཱ་དྲིལ་དང་ཨོཾ་གསུམ་མ་བཟླ། རྩ་བ་དང་བརྒྱུད་པར་བཅས་པའི་སོགས་ཀྱང་བརྗོད། དེས་རིགས་འགྲེས་ཏེ། མགྲིན་པའི་ཨཱཿལས་འོད་ཟེར་འཕྲོས་པས་གསང་དབང་དང་། ཐུགས་ཀའི་ཧཱུྃ་ལས་འོད་ཟེར་འཕྲོས་པས་ཤེས་རབ་ཡེ་ཤེས་དང་། གནས་གསུམ་ཆར་གྱི་སྤྲོ་བསྡུས་དབང་བཞི་པ་ཐོབ། གསུང་གི་བྱིན་རླབས་སོགས་དེ་དང་དེ་རྒྱུད་ལ་ཞུགས་པའི་མོས་པ་མཛོད། རེ་རེ་ལ་སྔགས་རོལ་དང་། རྩ་བ་དང་བརྒྱུད་པར་བཅས་པའི་སོགས་བརྗོད། གཏོར་དབང་ནི་སྔར་གྱི་འབུལ་གཏོར་དེ་ཀ་ཕྱག་དུ་

[Full Size]

བཞེས་ལ། ཨོཾ་གསུམ་མ་ཚར་གཅིག་བརྗོད། དེས་རྐྱེན་བྱས་ནས་གཏོར་མ་མཁའ་སྤྱོད་མ་དཀར་མོར་གསལ་བ་དེ་ཉིད་བྱ་འཕུར་བ་བཞིན་ཡེར་གྱི་རང་རང་གི་སྤྱི་བོ་ནས་སིབ་ཀྱིས་ཐིམ་པའི་མོས་པ་གནང་། གཏོར་མ་སྤྱི་བོར་བཞག་ཅིང་། ཨོཾ་གསུམ་མའི་ཞབས་སུ། ཛཿཧཱུྃ་བཾ་ཧོཿབཏགས་པ་བརྗོད། མཁའ་སྤྱོད་དམར་མོའི་བྱིན་རླབས་ནི་འཕོ་བའི་སྒོས་བཀའ་དེ་ཀ་ཡིན་པས་སྤྲོས་པ་ལ་དགའ་ན་བསྐྱར་ནས་བྱ། བསྡུ་ན་མི་དགོས་གསུངས། ༈ མཁའ་སྤྱོད་གསུམ་ཕྲུགས་ལ། མཎྜལ་ཟླུམ་སྐོར་མུ་ཁྱུད་སྔོན་པོ་གཞི་ལྗང་ཁུའི་དབུས་སུ་འཇའ་སྐོར་ནོར་བུ་མིག་གསུམ་ལྟ་བུའི་ཚོམ་བུ་རེ་རེ་འགོད། །དེ་དག་གི་མཐར་མཆོད་གཏོར་སྔར་བཞིན། དེ་ནས་སློབ་དཔོན་གྱིས་བདག་བསྐྱེད་བདེ་མཆོག་ལྷན་སྐྱེས་སེར་པོ་ཕྱག་གཉིས་ཀྱི་རྡོ་རྗེ་དང་དྲིལ་བུ་འཛིན་པ་ལ་བྱ་ཞིང་ཡི་གེ་བདུན་པ་བཟླ། མདུན་གྱི་མཎྜལ་ལ་དམིགས་ཏེ་བསང་སྦྱངས། སྟོང་པའི་ངང་ལས་ཡེ་ཤེས་ཀྱི་སྣང་བ་ལས་གྲུབ་པའི་འཇའ་འོད་ལྔའི་ཟླུམ་སྐོར་ནོར་བུ་མིག་གསུམ་

[Full Size]

པ་ལྟ་བུའི་གཡས་ཀྱི་ཟླུམ་སྐོར་དུ་བླ་མ་འཁོར་ལོ་བདེ་མཆོག་གསེར་གཙོ་མ་ལྟ་བུ། དབུས་ཀྱི་ཟླུམ་སྐོར་དུ་མཁའ་སྤྱོད་མ་དཀར་མོ། །གཡོན་གྱི་ཟླུམ་སྐོར་དུ་ཡེ་ཤེས་མགོན་པོ་ཕྱག་དྲུག་པ་མངོན་སུམ་བཞིན་བཞུགས་པ་དེ་དང་བླ་མ་རྣམ་པ་ཐ་དད་ལ་ངོ་བོ་ཐ་མི་དད་པ། དེ་དག་གི་མཐའ་སྐོར་དང་སྟེང་གི་ནམ་མཁའ་ལ་རྩ་བརྒྱུད་ཀྱི་བླ་མ་ཡི་དམ་སངས་རྒྱས་བྱང་སེམས་སྤྲིན་ཕུང་གཏིབས་པ་བཞིན་བཞུགས་པ། དེ་ཐམས་ཅད་ཀྱི་དཔྲལ་བར་ཨོཾ་དཀར་པོ། སོགས་གནས་གསུམ་བྱིན་གྱིས་བརླབས། ཐུགས་ཀ་ནས་འོད་ཟེར་འཕྲོས་པས། ཕྱོགས་བཅུའི་བླ་མ་ཡི་དམ་སངས་རྒྱས་བྱང་སེམས་ཐམས་ཅད་འཁོར་ལོ་བདེ་མཆོག་མཁའ་སྤྱོད་མ་དཀར་མོ། །ཡེ་ཤེས་མགོན་པོ་རྣམས་ཀྱི་རྣམ་པར་སྤྱན་དྲངས་ནས་ཛཿཧཱུྃ་བཾ་ཧོཿ མདུན་བསྐྱེད་ལ་བསྟིམ། མཆོད་པ་བྱིན་རླབས་ལ། ཨོཾ་སརྦ་ཏ་ཐཱ་ག་ཏ་མཎྜལ་ལ་ས་པཱ་རི་ཝ་ར་སྔོན་དུ་འགྲོ་བའི་ཕྱི་མཆོད་ནང་མཆོད་ཕུལ། ཆོས་དབྱིངས་རྣམ་དག་

[Full Size]

དབྱིངས་ལས་སོགས་དང་། དཔལ་ལྡན་རྡོ་རྗེ་མཁའ་འགྲོ་མ་སོགས་དང་། སྲིན་པོའི་གཟུགས་ཀྱི་གདུག་པ་ཅན། །ཚར་གཅོད་སོགས་ཀྱིས་བསྟོད། གཏོར་མ་བྱིན་རླབས་ལ་མཚན་སྔགས་ཀྱི་མཐར། ཨི་དཾ་བ་ལིངྟ་སོགས་བཏགས་པ་ལན་གསུམ་གྱིས་ཕུལ། ཕྱི་ནང་གི་མཆོད། བསྟོད་པ་བྱ། དེ་ནས་མཎྜལ་དང་གསོལ་གདབ་ནས་བཟུང་འོག་ནས་འབྱུང་བ་བཞིན་བདག་འཇུག་བླངས། དེ་ནས་སློབ་མ་བོས་ལ་མཎྜལ་གསོལ་བཏབ། རྒྱུན་བཤགས་རྣམས་སྔར་བཞིན། དེ་ནས་སློབ་མའི་གཞི་ལུས་སྦྱངས་ཏེ། བདེ་མཆོག་སེར་པོ་བསྐྱེད་པ་ལ་གནས་གསུམ་བྱིན་གྱིས་རླབས། ཡེ་ཤེས་པ་ཐམས་ཅད་སྤྱན་དྲངས་ནས་བསྟིམ། ཡི་གེ་བདུན་པ་བརྗོད་ཅིང་སྤོས་རོལ་བྱ། དེ་ནས་མདུན་གྱི་མཎྜལ་ཡེ་ཤེས་ཀྱི་སྣང་བ་ལས་གྲུབ་པའི། ཞེས་པ་ནས། སངས་རྒྱས་བྱང་སེམས་སྤྲིན་ཕུང་འཐིབས་པ་བཞིན་བཞུགས་པ། ཞེས་པའི་བར་བརྗོད་དེ་མདུན་བསྐྱེད་གསོལ་བཏབ། དེ་ལ་དངོས་གཞིའི་བྱིན་རླབས་ཞུ་བའི་ཡོན་དུ་དམིགས་ཏེ་མཎྜལ་འབུལ་དུ་གཞུག །བླ་མ་རིན་པོ་ཆེ་བདག་ལ་དབང་བཞི་རྫོགས་

[Full Size]

པར་བསྐུར་དུ་གསོལ། ལན་གསུམ་བྱས། བླ་མ་འཁོར་ལོ་བདེ་མཆོག་ཏུ་གསལ་བའི་དཔྲལ་བར་སྐུའི་མཁའ་སྤྱོད་དཀར་མོ། མགྲིན་པར་གསུང་གི་མཁའ་སྤྱོད་དམར་མོ། །ཐུགས་ཀར་ཐུགས་ཀྱི་མཁའ་སྤྱོད་མ་མཐིང་ག་རྣམས་བཞུགས་པའི་མོས་པ་གནང་། དཔྲལ་བའི་མཁའ་སྤྱོད་མའི་གསང་གནས་ནས་འོད་ཟེར་དཀར་པོ་ནམ་མཁའི་ཁམས་གང་བར་སྤྲོས། དེ་དག་ཕྱི་ནང་གསང་བའི་མཆོད་པ་བསམ་གྱིས་མི་ཁྱབ་པར་གྱུར་ཏེ། སངས་རྒྱས་བྱང་སེམས་དེ་དག་ལ་ཕུལ་བས་བཟང་ལན་གྱི་ཚུལ་དུ་སྐུའི་བྱིན་རླབས་ནུས་མཐུ་ཐམས་ཅད་འོད་ཟེར་དཀར་པོའི་རྣམ་པ་བྱུང་། བླ་མ་འཁོར་ལོ་སྡོམ་པར་གསལ་བའི་དབུ་ནས་ཞུགས། སྐུའི་ནང་ཐམས་ཅད་ཁེངས་པས་བདག་གི་ལུས་ཀྱི་སྒོ་ནས་བླ་མ་ལ་བརྙས་པ་ཐུགས་འཁྲུགས་པའི་རྒྱུ་བྱས་པ་སོགས་ལུས་ཀྱི་དམ་ཚིག་ཉམས་པ་ཐམས་ཅད་མིང་ཙམ་ཡང་མེད་པར་སངས་ཀྱི་དག །སྐུའི་དམ་ཚིག་ཉམས་ཆག་ཐམས་ཅད་སྐོང་། བླ་མ་སྐུ་རྡོ་རྗེའི་

[Full Size]

ངོ་བོར་གྱུར། ཡང་མཁའ་སྤྱོད་མའི་གསང་གནས་ནས་འོད་ཟེར་དཀར་པོ་བྱུང་ཁྱེད་རང་གི་སྤྱི་བོར་ཐིམ། བུམ་པའི་དབང་ཐོབ། སྐུའི་བྱིན་རླབས་ཞུགས་པའི་མོས་པ་མཛོད། ཌཱ་དྲིལ་ཨོཾ་གསུམ་མ། ན་མོ་བུདྡྷ་ཡའི་གསོལ་གདབ་དང་བཅས་པ་རེ་བྱེད། དེས་རིགས་འགྲེས་ལ། མགྲིན་པའི་གསུང་གི་མཁའ་སྤྱོད་མ་དང་། སྙིང་གའི་མཁའ་སྤྱོད་མ་དང་། གནས་གསུམ་ཀའི་མཁའ་སྤྱོད་མའི་གསང་གནས་ནས་སྤྲོ་བསྡུ་གོང་བཞིན་བྱས་པས། གསང་དབང་། ཤེར་དབང་། དབང་བཞི་པ་རྣམས་ཐོབ། གསུང་གི་བྱིན་རླབས་སོགས་དེ་དང་དེ་རིམ་བཞིན་ཞུགས་པར་བསམ་ལ། དབང་རེ་རེ་ལ་ཌཱ་དྲིལ་ཨོཾ་གསུམ་མ་ན་མོ་བུདྡྷ་ཡའི་གསོལ་གདབ་དང་བཅས་པ་རེ་བྱེད། དེ་བླ་མ་ལ་བརྟེན་པའི་དབང་བཞི་ཡིན། ཡི་དམ་གྱི་དབང་བཞིའི་སླད་དུ། མདུན་གྱི་ཟླུམ་སྐོར་དབུས་མའི་མཁའ་སྤྱོད་དཀར་མོ་ལ་མོས་གུས་བྱས། ཁྱེད་རང་རྣམས་ཀྱི་ཡིད་ཀྱི་དབང་བཞི་བསྐུར་དུ་གསོལ་སྙམ་པ་བྱས་པས། མཁའ་སྤྱོད་དེའི་

[Full Size]

གནས་གསུམ་ནས་འོད་ཟེར་དཔག་ཏུ་མེད་པ་འཕྲོས། དེ་དག་ཕྱི་ནང་གསང་བའི་མཆོད་པར་གྱུར་ནས། བླ་མ་ཡི་དམ་སངས་རྒྱས་བྱང་སེམས་ཐམས་ཅད་ལ་ཕུལ། དེ་དག་སྐུ་གསུང་ཐུགས་ཀྱི་བྱིན་རླབས་དང་དངོས་གྲུབ་ཐམས་ཅད་བསྡུས་ནས་མཁའ་སྤྱོད་མའི་གནས་གསུམ་ནས་ཐིམ། དེའི་གསང་གནས་ནས་འོད་ཟེར་དཀར་དམར་མཐིང་གསུམ་ནམ་མཁའ་གང་བར་བྱུང་། དཀར་པོ་དེ་ཁྱེད་རང་རྣམས་ཀྱི་དཔྲལ་བ། དམར་པོ་མགྲིན་པ། སྔོན་པོ་སྙིང་ག་ནས་ཞུགས། ལུས་ངག་ཡིད་གསུམ་གྱི་དྲི་མ་དག །སྐུ་གསུང་ཐུགས་ཀྱི་བྱིན་རླབས་ཞུགས། དབང་བཞི་ཅིག་ཆར་དུ་ཐོབ་པའི་མོས་པ་མཛོད། །ཌཱ་དྲིལ་དང་ཨོཾ་གསུམ་མ་ཚར་གཅིག །ཆོས་སྐྱོང་གི་དབང་བཞིའི་སླད་དུ་ཐུགས་འདུན་འདི་བཞིན་དུ་གནང་བ་ཞུ། གཡོན་གྱི་ཟླུམ་སྐོར་གྱི་ཡེ་ཤེས་མགོན་པོའི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོ་བཀོད། མོས་གུས་བྱས་བདག་ལ་དབང་བཞི་བསྐུར་

[Full Size]

དུ་གསོལ་སྙམ་པ་བྱས་པས། མགོན་པོའི་གནས་གསུམ་ནས་འོད་ཟེར་དཔག་ཏུ་མེད་པ་འཕྲོས། དེ་དག་ཕྱི་ནང་གསང་གསུམ་གྱི་མཆོད་པར་གྱུར་ནས་མཆོད་ཡུལ་ཐམས་ཅད་ལ་མཆོད་པ་ཕུལ། དེ་དག་གི་བྱིན་རླབས་དང་དངོས་གྲུབ་ཐམས་ཅད་བསྡུས་ནས་མགོན་པོའི་གནས་གསུམ་ཆར་དུ་ཐོབ་པའི་མོས་པ་མཛོད། །ཌཱ་དྲིལ་དང་། ཨོཾ་བཛྲ་མ་ཧཱ་ཀཱ་ལ་ཀྵིཾ་ཀྵེ་ཏྲ་བིགྣན་བི་ན་ཡ་ཀ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། བརྗོད། རྗེས་གཙོ་བོས་སོགས་དང་། ཡིག་བརྒྱས་ནོངས་པ་བཟོད་གསོལ་སོགས་སྤྱི་དང་འདྲ། དེ་ལྟར་མཁའ་སྤྱོད་བྱིན་རླབས་ཆོ་ག་འདི། རང་གི་དྲན་པ་གསོ་དང་རང་ཉིད་དང་། །སྐལ་མཉམ་གཞན་ལའང་ཕན་པར་འགྱུར་སྙམ་ནས། ཡི་གེར་བྲིས་འདི་ལྷག་བསམ་དཀར་བས་ཡིན། ཞེས་པ་འདི་ནི་དགེ་སློང་ངག་དབང་ཆོས་གྲགས་ཀྱིས་ཚར་ཆེན་ཆོས་ཀྱི་རྒྱལ་པོ་ཡབ་སྲས་ཀྱི་གསུང་གི་ཟིན་ཐོ་དང་། ཇོ་བོ་རྗེས་མཛད་པའི་མཁའ་སྤྱོད་དཀར་མོའི་མངོན་རྟོགས་ཀྱི་ཡིག་སྣ་ལ་བརྟེན་ནས་མདར་གྲང་ཆེན་ཆོས་འཁོར་ཡངས་རྩེ་ར་ལྕགས་འབྲུག་ཟླ་བ་

[Full Size]

བདུན་པའི་ཚེས་ལ་སྦྱར་བ་དགེ་ལེགས་འཕེལ། ༈ །དཔལ་ལྡན་ཤངས་པ་བཀའ་བརྒྱུད་པའི་གསང་སྒྲུབ་སྐོར་གསུམ་གྱི་བྱིན་རླབས་བཞུགས། དཔལ་ལྡན་སྟོབས་བཅུའི་དབང་ཕྱུག་རིགས་བརྒྱའི་བདག །རྣམ་སྤྱོད་ཡངས་པའི་དཔལ་གྱི་མགྲིན་པ་ནས། །སྨིན་གྲོལ་རབ་སྟོན་ལེགས་བྱས་རྩ་བ་བརྟན། །དྲིན་ཅན་བླ་མའི་ཞབས་ལ་སྤྱི་བོས་འདུད། །འདིར་དཔལ་ལྡན་ཤངས་པ་བཀའ་བརྒྱུད་པ་རྣམས་ལ་གསང་སྒྲུབ་སྐོར་ལྔའམ་གསུམ་དུ་གྲགས་པ་ལས། དང་པོ་བདེ་མཆོག་གསང་སྒྲུབ་ཀྱི་བྱིན་རླབས་བྱ་ཚུལ་ནི། མཎྜལ་མུ་ཁྱུད་སྔོན་པོ་པདྨ་འདབ་བཞི། ཤར་དཀར། ལྷོ་སེར། ནུབ་དམར། བྱང་ལྗང་། ལྟེ་བར་ཚོམ་བུ་སྔོན་པོ་གཅིག་འགོད། དེའི་མཐར་མཆོད་གཏོར་བཤམས། སློབ་དཔོན་གྱིས་བདག་བསྐྱེད་བདེ་མཆོག་ལྷན་སྐྱེས་སྔོན་པོ་ལ་བྱ། སྔགས་ཡི་གེ་བདུན་པ་བཟླ། དེ་ནས་མདུན་གྱི་མཎྜལ་བསང་སྦྱངས། སྟོང་པའི་ངང་ལས་ཡེ་ཤེས་རང་སྣང་གི་གཞལ་ཡས་ཁང་གི་དབུས་སུ་ཟླ་ཉི་འཇིགས་བྱེད་དུས་མཚན་གྱི་གདན་ལ་བདེ་མཆོག་ལྷན་སྐྱེས་སྔོན་པོ་ཕྱག་གཉིས་ཀྱི་རྡོ་རྗེ་དང་དྲིལ་བུ་འཛིན་པས་ཡུམ་ཕག་མོ་དམར་མོ་ལ་འཁྱུད་

[Full Size]

པ་ཞབས་གཡས་བརྐྱང་གཡོན་བསྐུམ་དུ་བཞུགས་པ། ཕྱོགས་བཞིར་སྙིང་པོའི་རྣལ་འབྱོར་མ་བཞི་དཀྱུས་བཞིན་དུ་བསྐྱེད། གནས་གསུམ་བྱིན་རླབས། ཐུགས་ཀ་ནས་འོད་ཟེར་འཕྲོས་པས་འོག་མིན་སོགས་ནས་བདེ་མཆོག་ལྷ་ལྔའི་ཡེ་ཤེས་པ་སྤྱན་དྲངས་ཛཿཧཱུྃ་བཾ་ཧོཿས་མདུན་བསྐྱེད་ལ་བསྟིམ། མཆོད་པ་བྱིན་རླབས་ལ། ཨོཾ་ཙཀྲ་སམ་བྷ་ར་མཎྜལ་ལ་ས་པཱ་རི་ཝ་རའི་མཐར། ཨརྒྷཾ་ལ་སོགས་པས་ཕྱི་མཆོད། དེའི་མཐར། ཨོཾ་ཨཱཿཧཱུྃ་གིས་ནང་མཆོད། ཆོས་དབྱིངས་རྣམ་དག་དབྱིངས་ལས་སོགས་ཚིག་བཅད་ཀྱིས་བསྟོད། གཏོར་མ་བྱིན་རླབས་ལ། མཚན་སྔགས་ཀྱི་མཐར། ཨི་དཾ་བ་ལིངྟ་སོགས་བཏགས་པ་ལན་གསུམ་གྱིས་ཕུལ། ཕྱི་མཆོད་ནང་མཆོད། བསྟོད་པ་རྣམས་སྔར་བཞིན། འདོད་པའི་དོན་ལ་གསོལ་བ་བཏབ། དེ་ནས་མདུན་བསྐྱེད་ལ་མཎྜལ་གསོལ་བཏབ་རྒྱུན་བཤགས་རང་ཉིད་ལ་ཡེ་ཤེས་དབབ་པ་རྣམས་སྔར་བཞིན། དེ་ནས་མདུན་བསྐྱེད་དང་བླ་མ་ཐ་མི་དད་པ་དེའི་གནས་གསུམ་དུ་སྐུ་གསུང་ཐུགས་ཀྱི་བདེ་མཆོག་ལྷ་ལྔ་རེ་རེ་བཞུགས་པ་ལ་དམིགས་ནས་དབང་གི་དངོས་

[Full Size]

གཞི་ཞུ་བའི་ཡོན་དུ་མཎྜལ་འབུལ་བ་ནས་བཟུང་དབང་བཞི་པའི་བར་འོག་ནས་འབྱུང་བ་བཞིན་དུ་བདག་འཇུག་གི་ཚུལ་དུ་བླངས། དེ་ནས་སློབ་མ་གྲལ་ལ་འཁོད་པ་ལ། གང་གསན་པར་བྱ་བའི་ཆོས་ནི་བདེ་མཆོག་གསང་སྒྲུབ་ཀྱི་བྱིན་རླབས་ཡིན། དེ་ལ་སྔོན་དུ་འགྲོ་བ་སློབ་དཔོན་གྱི་བྱ་བ་བདག་བསྐྱེད་བསྒྲུབ་ཅིང་དེ་ལ་མཆོད་བསྟོད་བདག་འཇུག་བླང་བ་རྣམས་སོང་ཟིན་ནས། ད་སློབ་མ་ལ་བྱ་བའི་ངོ་སྐལ་དུ་གྱུར་པ་ལ། སློབ་དཔོན་བདེ་མཆོག་ལྷན་སྐྱེས་སུ་གསལ་བ་ལ་བྱིན་རླབས་ཀྱི་སྔོན་འགྲོའི་ཆོས་རྣམས་ཞུ་བའི་ཡོན་དུ་དམིགས་ནས་མཎྜལ་འབུལ་དུ་གཞུག །དགའ་ཆེན་ཁྱོད་བདག་སོགས་ཀྱིས་གསོལ་བ་བཏབ། དཀོན་མཆོག་གསུམ་ལ་སོགས་ཀྱི་རྒྱུན་བཤགས་བྱ། སློབ་མ་བདེ་མཆོག་ཏུ་བསྐྱེད་པ་ལ་ཡེ་ཤེས་པ་སྤྱན་དྲངས་ནས་བསྟིམ། སྤོས་རོལ་དང་སྔགས་བརྗོད། དེ་ཡེ་ཤེས་དབབ་པ་ཡིན། ད་དངོས་གཞིའི་སླད་དུ་ཐུགས་འདུན་འདི་བཞིན་དུ་གནང་བ་ཞུ། མདུན་བསྐྱེད་དང་བླ་མ་རྣམ་པ་ཐ་དད་ལ་ངོ་བོ་ཐ་མི་དད་པའི་འཁོར་ལོ་བདེ་

[Full Size]

མཆོག་ཏུ་གསལ་བའི་གནས་གསུམ་ནས་སྐུ་གསུང་ཐུགས་ཀྱི་བདེ་མཆོག་ལྷ་ལྔ་མངོན་སུམ་བཞིན་དུ་བཞུགས་པ་ལ་དམིགས་ནས་དངོས་གཞིའི་བྱིན་རླབས་ཞུ་བའི་ཡོན་དུ་མཎྜལ་འབུལ་དུ་གཞུག །གསོལ་བ་བཏབ་པ་འདི་གསུང་བ་ཞུ། བླ་མ་རིན་པོ་ཆེ་བདག་ལ་དབང་བཞི་རྫོགས་པར་བསྐུར་དུ་གསོལ། །ལན་གསུམ། དེ་ནས་ཐུགས་འདུན་འདི་བཞིན་དུ་གནང་བ་ཞུ། ཁྱེད་རང་རྣམས་བདེ་མཆོག་ཏུ་གསལ་བའི་སྤྱི་བོར་ཨོཾ་ལས་འཁོར་ལོ་དཀར་པོ་རྩིབས་བཞི་པ་རྩིབས་ཀྱི་རྩེ་ལ་རྃ་དམར་པོ་རླུང་གིས་བསྐྱོད་བཞིན་པ། འཁོར་ལོའི་ལྟེ་བར་ཟླ་ཉི་འཇིགས་བྱེད་དུས་མཚན་གྱི་གདན་དང་བཅས་པ། མགྲིན་པར་བྷྲཱུྃ་ལས་བྱུང་བའི་འཁོར་ལོ་དམར་པོ། སྙིང་གར་ཡང་བྷྲཱུྃ་ལས་བྱུང་བའི་འཁོར་ལོ་སྔོན་པོ། དེ་གཉིས་ཀའང་རྩིབས་བཞི་པ་རྩིབས་ཀྱི་རྩེ་ལ་རཾ་དམར་པོ། ལྟེ་བར་གདན་དང་བཅས་པ་སྔར་བཞིན་བསམ།

[Full Size]

ཁྱེད་རང་མདུན་བསྐྱེད་དང་བླ་མ་ཐ་མི་དད་པའི་སྤྱི་བོའི་བདེ་མཆོག་ལ་མོས་གུས་བྱས་པས། དེ་ལས་སྐུའི་བདེ་མཆོག་གི་ངོ་བོར་གྱུར་པའི་ཧཱུྃ་དཀར་པོ་དང་བཾ་དམར་པོ་ཆད། ཁྱེད་རང་གི་སྤྱི་བོའི་འཁོར་ལོའི་ལྟེ་བར་བྱོན་པས་སྐུའི་བདེ་མཆོག་ཡབ་དཀར་ཡུམ་དམར་མཚན་ཉིད་ཐམས་ཅད་ཡོངས་སུ་རྫོགས་པ། སྙིང་པོའི་རྣལ་འབྱོར་མ་བཞི་ཀའང་དཀར་མོའི་རྣམ་པ་ཅན། རྩིབས་ཀྱི་རྩེ་རླུང་གིས་བསྐྱོད་པའི་རཾ་ལས་མེ་འོད་བྱུང་བ་ཕྱི་ནང་གསང་བའི་མཆོད་པར་གྱུར་ཏེ་སྤྱི་བོའི་ལྷ་ལྔ་ལ་ཕུལ་བས། དེ་དག་གི་སྐུ་ལས་འོད་ཟེར་འཕྲོས་པས། སྐྱབས་ཡུལ་ཐམས་ཅད་ཀྱི་སྐུའི་བྱིན་རླབས་བསྡུས་སྤྱི་བོའི་ལྷ་ལྔ་ལ་ཐིམ་པས་རྐྱེན་བྱས་ཡབ་ཡུམ་སྙོམས་པར་ཞུགས། རྣལ་འབྱོར་མ་བཞི་ཀའང་ཡབ་ཀྱི་ཁ་ཊཱཾྭ་ག་དང་སྦྱར་བའི་སྦྱོར་མཚམས་ནས་བདུད་རྩིའི་རྒྱུན་དཀར་པོ་བྱུང་། ལུས་ཐམས་ཅད་གང་། བུམ་པའི་དབང་ཐོབ། སྐུའི་བྱིན་རླབས་ཞུགས་

[Full Size]

པའི་མོས་པ་མཛོད། ཡི་གེ་བདུན་པ་དང་ཌཱ་དྲིལ། དེ་བཞིན་དུ་མགྲིན་པ་དང་ཐུགས་གཉིས་ལའང་རིགས་འགྲེ། ཡང་ཁྱེད་རང་གི་གནས་གསུམ་ན་བཞུགས་པའི་བདེ་མཆོག་ལྷ་ལྔའི་སྦྱོར་མཚམས་ནས་བདུད་རྩི་དཀར་དམར་མཐིང་གསུམ་བྱུང་། ལུས་ཐམས་ཅད་ཁེངས། མཐར་སྤྱི་བོའི་ལྷ་ལྔ་མགྲིན་པའི་ལྷ་ལྔ་ལ་ཐིམ། དེ་སྙིང་གའི་དེ་ལ་ཐིམ། གནས་གསུམ་གྱི་ལྟེ་བའི་གདན་དང་འཁོར་ལོ་རྣམས་འཁོར་གྱི་རྣལ་འབྱོར་མ་བཞི་ལ་ཐིམ། དེ་ཡུམ་ལ་ཐིམ། དེ་ཇེ་ཕྲ་ཇེ་ཆུང་ནམ་མཁའ་ལ་འཇའ་ཡལ་བ་ལྟར་སོང་བའི་གནས་ལུགས་དེའི་ངང་དུ་ཅུང་ཞིག་འཇོག་པ་ཞུ། ཡི་གེ་བདུན་པ་དང་ཌཱ་དྲིལ། དེ་དབང་བཞི་པ་ཡིན་ནོ། །ཞེས་བརྡ་སྤྲད། རྗེས་གཙོ་བོས་སོགས། ཡིག་བརྒྱ་ནོངས་པ་བཟོད་གསོལ་སོགས་སྤྱི་དང་འདྲ། ༈ ཕྱག་རྡོར་གསང་སྒྲུབ་ཀྱི་བྱིན་རླབས་ནི། མཎྜལ་པདྨ་འདབ་བཞི་དབུས་སུ་ཚོམ་བུ་སྔོན་པོ་གཅིག །མཐའ་མཆོད་གཏོར་སོགས་ཀྱིས་བསྐོར་བ་སྔར་དང་འདྲ། སློབ་དཔོན་གྱིས་སྐྱབས་སེམས་སྔོན་

[Full Size]

དུ་བཏང་ནས། སྐད་ཅིག་གིས་པདྨ་དང་ཟླ་བ་བགེགས་ཀྱི་རྒྱལ་པོ་ཨ་པ་ར་ཙི་ཏའི་གདན་གྱི་སྟེང་དུ། རང་ཉིད་དཔལ་ཕྱག་ན་རྡོ་རྗེ་སྐུ་མདོག་སྔོན་པོ་ཞལ་གཅིག་ཕྱག་བཞི་པ། ཕྱག་གཡས་དང་པོས་རྡོ་རྗེ་རྩེ་ལྔ་པ་འཕྱར་ཞིང་། གཡོན་དང་པོས་སྡིགས་མཛུབ་བསྒྲེང་བ། འོག་མ་གཉིས་འབར་བའི་ཕྱག་རྒྱ་མཛད་པ། ཡེ་ཤེས་ཀྱི་མེ་འབར་བའི་དབུས་ན་བཞུགས་པར་ལམ་གྱིས་བསྒོམ། གནས་གསུམ་བྱིན་རླབས། ཡེ་ཤེས་པ་སྤྱན་དྲངས་ནས་བསྟིམ། སྙིང་གར་ཟླ་བའི་སྟེང་དུ་ཧཱུྃ་གི་མཐར་སྔགས་ཕྲེང་གིས་བསྐོར་བ། དེ་ལས་འོད་ཟེར་འཕྲོས་པས་ནད་གདོན་བགེགས་ཚར་བཅད་པར་བསམ་ལ། ཨོཾ་བཛྲ་ཧ་ལི་ཛ་ལི་ཧ་ན་ཧ་ན་སརྦ་དུཥྚཾ་ཧཱུྃ་ཕཊ། །ཉེར་གཅིག་ལ་སོགས་པ་བཟླ། དེ་ནས་མདུན་གྱི་དཀྱིལ་འཁོར་བསང་སྦྱངས། སྟོང་པའི་ངང་ལས་ཡེ་ཤེས་རང་སྣང་གི་གཞལ་ཡས་ཁང་གི་དབུས་སུ་པདྨ་དང་ཟླ་བ་སོགས་ཀྱི་གདན་ལ་ཕྱག་རྡོར་སྔར་བཞིན་བསྐྱེད། གནས་གསུམ་བྱིན་རླབས། ཡེ་ཤེས་པ་སྤྱན་དྲངས་ནས་བསྟིམ། ཨོཾ་བཛྲ་པཱ་ཎི་

[Full Size]

ས་པཱ་རི་ཝ་ར་ཨརྒྷཾ་ལ་སོགས་པ་ཕྱི་མཆོད། ཨོཾ་ཨཱཿཧཱུྃ་གིས་ནང་མཆོད། ལྕང་ལོ་ཅན་གྱི་གནས་མཆོག་དམ་པ་ན་ཞེས་སོགས་ཀྱིས་བསྟོད། གཏོར་མ་ལ་བྱིན་རླབས། བཛྲ་པཱ་ཎི་ས་པཱ་རི་ཝ་ར་ཨི་དཾ་སོགས་ལན་གསུམ། ཕྱི་ནང་བསྟོད་པ་འདོད་གསོལ་བྱ། དེ་ནས་མཎྜལ་གསོལ་བཏབ་ནས་བཟུང་། ཡེ་ཤེས་དབབ་པ། དབང་བཞི་བླངས་པ། ལྷ་བསྒོམ་པ། སྔགས་ཀྱི་བཟླས་ལུང་གི་བར་འོག་ཏུ་སློབ་མ་ལ་བྱ་བ་བཞིན། སློབ་དཔོན་གྱིས་ཀྱང་བདག་འཇུག་གི་ཚུལ་དུ་བྱ། །དེ་ནས་སློབ་མ་གྲལ་ལ་འཁོད་པ་ལ། སེམས་ཅན་ཐམས་ཅད་ཀྱི་དོན་དུ་ཞེས་སོགས་སེམས་བསྐྱེད་བརྡ་སྤྲད། གང་གསན་པར་བྱ་བའི་ཆོས་ཕྱག་རྡོར་གསང་སྒྲུབ་ལ་སློབ་དཔོན་གྱི་བྱ་བ་རྣམས་གྲུབ་ཟིན། སློབ་མའི་ངོ་སྐལ་དུ་གྱུར་པ་ལ་འཇུག་པའི་ཆོས་རྣམས་ཞུ་བའི་ཡོན་དུ་མཎྜལ། དགའ་ཆེན་ཁྱོད་བདག་སོགས་ཀྱི་གསོལ་བཏབ། དཀོན་མཆོག་གསུམ་ལ་སོགས་ཀྱི་རྒྱུན་བཤགས། སློབ་མ་ཕྱག་རྡོར་དུ་བསྐྱེད་ལ་ཡེ་ཤེས་དབབ། དེ་ནས་མདུན་བསྐྱེད་ཀྱི་ཕྱག་རྡོར་དང་བླ་མ་ཐ་མི་དད་

[Full Size]

པ་ལ་དངོས་གཞིའི་བྱིན་རླབས་ཞུ་བའི་ཡོན་དུ་མཎྜལ། བླ་མ་རིན་པོ་ཆེས་བདག་ལ་སོགས་ཀྱི་གསོལ་གདབ་ལན་གསུམ། དེ་ནས་ཐུགས་འདུན་འདི་བཞིན་དུ་གནང་བ་ཞུ། བླ་མ་དང་མདུན་བསྐྱེད་ཀྱི་ཕྱག་རྡོར་ཐ་མི་དད་པའི་དཔྲལ་བ་ནས་འོད་ཟེར་དཀར་པོ་འཕྲོས། ཕྱོགས་བཅུའི་བླ་མ་ཡི་དམ་སངས་རྒྱས་བྱང་སེམས་ཐམས་ཅད་ཀྱི་སྐུའི་བྱིན་རླབས་དང་ནུས་མཐུ་འོད་ཟེར་དཀར་པོའི་རྣམ་པར་སྤྱན་དྲངས། བླ་མའི་དཔྲལ་བའི་ཨོཾ་ལ་ཐིམ། དེ་ལས་སྐུའི་ངོ་བོར་གྱུར་པའི་འོད་ཟེར་དཀར་པོ་དཔག་ཏུ་མེད་པ་བྱུང་། ཁྱེད་རང་རྣམས་ཀྱི་དཔྲལ་བ་ནས་ཞུགས། བུམ་པའི་དབང་ཐོབ། སྐུའི་བྱིན་རླབས་ཞུགས་པའི་མོས་པ་མཛོད། །ཌཱ་དྲིལ་དང་། ཨོཾ་བཛྲ་ཧ་ལི་ཛ་ལི་སོགས་ཀྱི་མཐར། ཨ་བྷྱ་ཤ་ཡ་ཛཿཧཱུྃ་བྃ་ཧོཿཞེས་བརྗོད། དེ་བཞིན་དུ་མགྲིན་པ་ལ་གསང་དབང་དང་། །ཐུགས་ཀ་ཤེས་རབ་ཡེ་ཤེས་དང་། གསུམ་ཀའི་སྤྲོ་བསྡུ་དབང་བཞི་པ་ཐོབ་ཅིང་གསུང་ལ་སོགས་པ་དེ་དང་དེའི་བྱིན་རླབས་ཞུགས་པར་བསམ་ལ་རེ་རེ་ལ་ཌཱ་དྲིལ་དང་སྔགས་འདྲ། དེ་ལྟར་དབང་བཞི་པ་

[Full Size]

ལ་བརྟེན་ནས་སྒོ་གསུམ་གྱི་དྲི་མ་ཐམས་ཅད་དག་པས། ཁྱེད་རང་རྣམས་སྐད་ཅིག་གིས་པདྨ་དང་ཟླ་བའི་སྟེང་དུ་ཕྱག་ན་རྡོ་རྗེར་གསལ་བའི་ཐུགས་ཀར་པད་ཟླའི་སྟེང་དུ་ཧཱུྃ་བསྒོམ། སློབ་དཔོན་གྱི་ཐུགས་ཀའི་ཧཱུྃ་ལས་ཀྱང་ཧཱུྃ་ཡིག་གཉིས་པ་དང་སྔགས་ཕྲེང་འཕྲོས། ཞལ་ནས་འཐོན། ཁྱེད་རང་རྣམས་ཀྱི་ཞལ་དུ་ཞུགས། སྙིང་གའི་ཧཱུྃ་ལ་ཧཱུྃ་ཐིམ། ཧཱུྃ་གི་མཐར་སྔགས་ཕྲེང་འཁོད་པར་བསམ་ལ་སྔགས་ཀྱི་རྗེས་ཟློས་ལན་གསུམ། བཅོམ་ལྡན་བདག་ལ་དང་བཅོམ་ལྡན་འདི་ལ་སོགས་དང་། རྗེས་གཙོ་བོས་སོགས་བྱ། ༈རྣམ་འཇོམས་གསང་སྒྲུབ་ཀྱི་བྱིན་རླབས་ལ། མཎྜལ་པདྨ་འདབ་བཞིའི་སྟེང་དུ་མཉྫིའི་ཁར་བུམ་པ་བཅུད་ཀྱིས་གང་བ་དང་། མཐར་མཆོད་གཏོར་དང་། སྤྲོ་ན་བགེགས་གཏོར་བཤམས། དེ་ནས་སློབ་དཔོན་གྱིས་སྐྱབས་སེམས་ཚད་མེད་བཞི་བསྒོམ་ནས། སྭ་བྷཱ་ཝས་སྟོང་པར་སྦྱངས། སྟོང་པའི་ངང་ལས་པདྨ་དང་ཉི་མའི་སྟེང་དུ་ཧཱུྃ་ལས་རང་ཉིད་རྡོ་རྗེ་རྣམ་འཇོམས་སྐུ་མདོག་མཐིང་ག་

[Full Size]

གཡས་རྡོ་རྗེ་འཕྱར་ཞིང་། གཡོན་དྲིལ་བུ་དཀུར་བརྟེན་པ། ཞབས་གཡས་བསྐུམ་གཡོན་བརྐྱང་ཁྲོ་བོའི་རྒྱན་སྣ་ཚོགས་ཀྱིས་བརྒྱན་པ། སྤྱན་གསུམ། མཆེ་བ་གཙིགས་པ། མེ་དཔུང་འབར་བའི་དབུས་ན་བཞུགས་པ། གནས་གསུམ་བྱིན་རླབས། ཡེ་ཤེས་པ་སྤྱན་དྲངས་ནས་བསྟིམ། ན་མཿཙཎྜ་བཛྲ་ཀྲོ་དྷ་ཡ། སོགས་ཡང་སྙིང་ཉི་ཤུ་རྩ་གཅིག་ལ་སོགས་པ་བཟླས། མདུན་གྱི་མཎྜལ་ལ་དམིགས་ནས་བསང་སྦྱངས། སྟོང་པའི་ངང་ལས་ཡེ་ཤེས་པ་རང་སྣང་གི་གཞལ་ཡས་ཁང་གི་དབུས་སུ་པདྨ་དང་ཉི་མའི་གདན། དེའི་སྟེང་དུ་ཧཱུྃ། བུམ་པའི་ནང་དུ་ཡངས་པད་ཉིའི་སྟེང་དུ་ཧཱུྃ་བསམ། ཧཱུྃ་གཉིས་ཀ་ཡོངས་སུ་གྱུར་པ་ལས་མདུན་བསྐྱེད་དང་། བུམ་ནང་གཉིས་ཆར་དུ་རྡོ་རྗེ་རྣམ་འཇོམས་སྔར་བཤད་པ་བཞིན་བསྐྱེད། གནས་གསུམ་བྱིན་གྱིས་རླབས། ཡེ་ཤེས་པ་སྤྱན་དྲངས་ནས་སོ་སོ་ལ་བསྟིམ། ཨོཾ་བཛྲ་བིདྷ་ར་་ས་པཱ་རི་ཝཱ་ར་སྔོན་དུ་འགྲོ་བའི་ཕྱི་མཆོད། ཨོཾ་ཨཱཿཧཱུྃ་གིས་ནང་མཆོད། དུས་གསུམ་སངས་རྒྱས་ཐམས་ཅད་ཀྱི། །མཐུ་སྟོབས་

[Full Size]

གཅིག་ཏུ་བསྡུས་པ་ནི། །རྡོ་རྗེ་ཁྲོ་བོའི་སྐུར་སྟོན་པ། །རྣམ་པར་འཇོམས་ལ་ཕྱག་འཚལ་ལོ། །ཞེས་པས་བསྟོད། གཏོར་མ་ཡང་བྱིན་རླབས་ལ་མཚན་སྔགས་ཀྱི་མཐར། ཨི་དཾ་སོགས་ཀྱི་བཏགས་པ་ལན་གསུམ་གྱིས་ཕུལ། དེ་ནས་བུམ་ནང་གི་ལྷ་ལ་དམིགས་ནས། ན་མཿཙཎྜ་སོགས་ཀྱི་ཡང་སྙིང་བརྒྱ་ལ་སོགས་པ་བཟླ། དེའི་ཚེ་དམིགས་པ་ལ་བུམ་ནང་གི་ལྷའི་སྐུ་ལུས་ཐམས་ཅད་ལས་སྔགས་ཕྲེང་རང་སྒྲ་སྒྲོག་པ་དཔག་ཏུ་མེད་པ་འུ་རུ་རུ་འཕྲོས། བུམ་པའི་ཆུ་དང་དབྱེར་མེད་དུ་གྱུར་པར་བསམ། དེ་ནས་འཇུག་པའི་མཎྜལ་ནས་བཟུང་དབང་བཞི་པའི་བར་བདག་འཇུག་གི་ཚུལ་དུ་བླངས། དེ་ནས་སློབ་མ་བོས་ལ་ཕྱག་དང་ཡོན་ཕུལ་ནས་གྲལ་ལ་འཁོད་པ་ལ། བགེགས་གཏོར་བསྔོས་ནས་གཏོར་མ་ཕྱིར་བསྐུར་བ་དང་བགེགས་བསྐྲད། འོ་སེམས་ཅན་ཐམས་ཅད་ཀྱི་དོན་དུ་ཞེས་སོགས་དང་། འཇུག་པའི་མཎྜལ་གསོལ་བཏབ་ནས་བཟུང་། དབང་བཞི་པའི་ལྷ་སྔགས་བརྗེ་བ་མ་གཏོགས་ཕྱག་རྡོར་ཇི་ལྟ་བ་བཞིན་བྱ། དེ་ནས་ན་མཿཙཎྜ་སོགས་བརྗོད་ཅིང་བུམ་པ་ཐོགས་ལ། བུམ་ནང་གི་ལྷ་འོད་དུ་ཞུ་

[Full Size]

ནས་བུམ་ཆུ་དང་དབྱེར་མེད་པ་དེས་ལུས་ཐམས་ཅད་བཀྲུས་པས་ཁྱེད་རང་གི་མི་མཐུན་ཕྱོགས་ཐམས་ཅད་སངས་ཀྱིས་དག་པའི་མོས་པ་མཛོད། ཡང་སྙིང་བརྗོད་ཅིང་། གདོང་ལ་སོགས་པ་ཁྲུ། མཐར་ཁུ་བ་རེ་འཐུང་དུ་གཞུག །རྗེས་གཙོ་བོས་སོགས་འདྲ། འདི་འཇགས་པ་ལུང་ཙམ་ལ་བརྟེན། བྱིན་རླབས་འདི་བསམ་ལྡིང་པ་ནས་བརྒྱུད་པ་ཡིན་གསུང་། འདི་རྨི་ལམ་གྱི་ཁྲིད་ཀྱི་སྐབས་སུ་གནང་ན་འབྲེལ་ཆགས་ཏེ་རྨི་ལམ་འདི་གྲིབ་ལ་གདར་བས་དེ་སེལ་ཆོད་ཀྱི་ཐབས་སུ་འགྲོ། གསང་སྒྲུབ་བཀའ་ལྔར་བྱེད་ན། སྤྱན་རས་གཟིགས་གསང་སྒྲུབ་དང་། དབོན་སྟོན་སྐྱེར་སྒང་ནས་བརྒྱུད་པའི་རྟ་མགྲིན་གསང་སྒྲུབ་གཉིས་བསྣན་པས་སྔར་འགྲོ་བ་ཡིན་ནོ། །དེ་ལྟར་གསང་སྒྲུབ་གསུམ་གྱི་ལག་ལེན་ཁྲིགས་ཆགས་འདི་ནི། ཚར་ཆེན་ཆོས་ཀྱི་རྒྱལ་པོ་ཡབ་སྲས་ཀྱི་གསུང་རྒྱུན་གྱི་ཐོ་ཡིག་ལ་བརྟེན། དགེ་སློང་འདུལ་བ་འཛིན་པ་ངག་དབང་ཆོས་གྲགས་ཀྱིས་ལྕགས་འབྲུག་ཟླ་བ་བརྒྱད་པའི་ཡར་ཚེས་བདུན་གྱི་ཉིན་མདར་གྲངས་ཆེན་ཆོས་འཁོར་ཡང་རྩེའི་བླ་བྲང་གི་དབང་ཁང་དུ་སྦྱར་བ་དགེ་ལེགས་འཕེལ། ༈ མཁའ་འགྲོ་མ་སུ་ཁ་སིདྡྷིའི་བྱིན་རླབས་ཀྱི་བཀའ་བཞུགས། བདེ་བའི་དཔལ་རྒྱུན་མི་ནུབ་རྫོགས་ལྡན་དཔྱིད། །གྲུབ་པའི་

[Full Size]

དབང་ཕྱུག་དཔའ་བོ་མཁའ་འགྲོའི་གཙོ། །དགེ་ལེགས་རབ་ཏུ་བརྟན་པའི་དབྱངས་བདུན་འཁྲོལ། །རྗེ་བཙུན་བླ་མའི་ཞབས་སྤྱི་བོས་འདུད། །འདིར་མཁའ་འགྲོ་མ་སུ་ཁ་སིདྡྷིའི་བྱིན་རླབས་ལ། མཎྜལ་དབུས་དཀར་དམར། ཤར་སྔོ་ལྷོ་སེར་། ནུབ་དམར། བྱང་ལྗང་བའི་འདབ་མ་བཞི་མཐའ་མེ་རི་འབར་བ། དབུས་སུ་ཚོམ་བུ་དཀར་དམར་གཅིག་འགོད། མཆོད་གཏོར་སོགས་དཀྱུས་བཞིན། དེ་ནས་སྐྱབས་སེམས་ཚད་མེད་བཞི་སྔོན་དུ་བཏང་ནས། སྭ་བྷཱ་ཝས་སྟོང་པར་སྦྱངས། སྟོང་པའི་ངང་ལས་པདྨ་དང་ཟླ་བའི་སྟེང་དུ་རང་སྐད་ཅིག་གིས་མཁའ་འགྲོ་མ་སུ་ཁ་སིདྡྷི་སྐུ་མདོག་དུང་ལྟར་དཀར་བ། དབུ་སྐྲ་སིལ་བུར་འཕྱང་ཞིང་རུས་པའི་རྒྱན་གྱིས་བརྒྱན་པ། ཕྱག་གཡས་ཐོད་པ་བདུད་རྩིས་གང་བ། གཡོན་སྐྱེ་མེད་མཚོན་པའི་ཕྱག་རྒྱ་ཆེད་དུ་འཕྱར་ཙམ་མཛད་པ། ཞབས་གཉིས་གར་སྟབས་ཀྱི་རྣམ་པ་སྤྱན་གསུམ་ཧྲིག་གེ་གཟིགས་པ། ཡེ་ཤེས་ཀྱི་སྐུ་ཅན། དེའི་གནས་གསུམ་བྱིན་རླབས། ཡེ་ཤེས་པ་སྤྱན་དྲངས་བསྟིམ། ཨོཾ་སུ་ཁ་སིདྡྷི་

[Full Size]

ཧཱུྃ་ཉེར་གཅིག་ལ་སོགས་པ་བཟླ། མདུན་གྱི་མཎྜལ་བསང་སྦྱངས། སྟོང་པའི་ངང་ལས་བསྲུང་འཁོར་དུར་ཁྲོད་དང་བཅས་པའི་དབུས་སུ་ཆུད་པའི་གཞལ་ཡས་ཁང་མཚན་ཉིད་ཐམས་ཅད་ཡོངས་སུ་ཚང་བའི་དབུས་ན། པདྨ་དང་ཟླ་བའི་གདན་ལ། སུ་ཁ་སིདྡྷི་སྔར་བཞིན་བསྐྱེད། གནས་གསུམ་བྱིན་རླབས་དང་། ཡེ་ཤེས་པ་གཞུག་པ་སྔར་དང་འདྲ། མཆོད་པ་བྱིན་རླབས། ཨོཾ་སུ་ཁ་སིདྡྷི་ས་པཱ་རི་ཝ་ར་སྔོན་དུ་འགྲོ་བའི། ཨརྒྷཾ་ལ་སོགས་པས་ཕྱི་མཆོད། ཨོཾ་ཨཱཿཧཱུྃ་གིས་ནང་མཆོད། གང་གིས་དྲིན་གྱི་ཤོ་ལོ་ཀ་གཅིག་གིས་བསྟོད། གཏོར་མ་ཡང་བྱིན་རླབས་ལ་མཚན་སྔགས་ཀྱི་མཐར། ཨི་དཾ་སོགས་ཀྱི་བཏགས་པ་ལན་གསུམ་གྱིས་ཕུལ། ཕྱི་ནང་བསྟོད་པ་འདོད་གསོལ་བྱ། དེ་ནས་འཇུག་པའི་མཎྜལ་ནས་བཟུང་། དབང་བཞི་བླང་བ། ནམ་མཁའ་དང་རང་སེམས་བསྲེས་ནས་གནས་ལུགས་ཀྱི་ངང་དུ་རང་བབས་སུ་འཇོག་པའི་བར་བདག་འཇུག་གི་ཚུལ་དུ་བླངས། དེ་ནས་སློབ་མ་བོས་ལ། སེམས་ཅན་ཐམས་ཅད་ཀྱི་དོན་དུ་སོགས་དང་། གང་གསན་པར་བྱ་བའི་ཆོས་ནི། མཁས་གྲུབ་ཁྱུང་པོ་རྣལ་འབྱོར་ལ་བླ་མ་མང་དུ་བཞུགས་པའི་ནང་ནས། རྡོ་རྗེ་འཆང་

[Full Size]

ལ་ཆོས་དངོས་སུ་གསན་པའི་ཡེ་ཤེས་ཀྱི་ཊཱ་ཀི་རྣམ་པ་གཉིས་ཀྱི་ནང་མཚན། སུ་ཁ་སིདྡྷི་ས་བྱིན་རླབས་ཡིན། དེ་ལ་སློབ་དཔོན་གྱི་བྱ་བ་གྲུབ་ཟིན་སློབ་མ་ལ་བྱ་བའི་ངོས་སྐལ་དུ་གྱུར་པ་ལ། འཇུག་པའི་ཆོས་རྣམས་ཞུ་བའི་ཡོན་དུ་མཎྜལ། དགའ་ཆེན་སོགས་ཀྱིས་གསོལ་བཏབ། དཀོན་མཆོག་གསུམ་ལ་སོགས་རྒྱུན་བཤགས། སློབ་མ་སུ་ཁར་བསྐྱེད་ལ་ཡེ་ཤེས་པ་བསྟིམ་ལ། ཌཱ་དྲིལ་དང་སྔར་གྱི་སྔགས་ཀྱི་མཐར། ཨ་བེ་ཤ་ཡ་ཨ་བཏགས་པ་བརྗོད། དེ་ནས་མདུན་གྱི་གཞལ་ཡས་ཁང་གི་དབུས་ན་བླ་མ་དང་ཐ་མི་དད་པའི་སུ་ཁ་སིདྡྷི་བཞུགས་པ་ལ་དངོས་གཞིའི་བྱིན་རླབས་ཞུ་བའི་ཡོན་དུ་མཎྜལ། གང་དྲིན་ཤོ་ལོ་ཀ་གཅིག་གི་མཐར། བདག་ལ་དབང་བསྐུར་དུ་གསོལ། བཏགས་པ་ལན་གསུམ། མདུན་བསྐྱེད་ཀྱི་གནས་གསུམ་དུ་འབྲུ་གསུམ་གསོལ་བཏབ། དཔྲལ་བའི་ཨོཾ་ལས་འོད་དཀར་པོ་བྱུང་ཁྱེད་རང་གི་སྨིན་མཚམས་ནས་ཞུགས། བུམ་པའི་དབང་ཐོབ། སྐུའི་བྱིན་རླབས་ཞུགས་པའི་མོས་པ་མཛོད། །

[Full Size]

སྔགས་བཅས་པའི་ཌཱ་དྲིལ་བྱ། དེ་བཞིན་དུ་མགྲིན་པའི་ཨཱཿལས་འོད་དམར་པོ་བྱུང་། ཁྱེད་རང་གི་མགྲིན་པར་ཐིམ་པས་གསང་དབང་དང་། ཐུགས་ཀའི་ཧཱུྃ་ལས་འོད་ཟེར་སྔོན་པོ་བྱུང་། སློབ་མའི་སྙིང་གར་ཐིམ་པས་ཤེར་དབང་དང་། མདུན་བསྐྱེད་ཀྱི་གནས་ལས་འོད་ཟེར་དཀར་དམར་མཐིང་གསུམ་བྱུང་། སློབ་མའི་གནས་གསུམ་དུ་ཐིམ་པས་དབང་བཞི་པ་ཐོབ་པ་སོགས་རིགས་འགྲེ། རེ་རེ་ལ་སྔགས་དང་བཅས་པའི་ཌཱ་དྲིལ་རེ་བྱ། མཐར་སློབ་མ། ལུས་གནད་བཅས། མིག་མདུན་གྱི་བར་སྣང་སྟོང་པ་ལ་ཧ་རེ་གཏད་དུ་བཅུག །སློབ་དཔོན་མཁའ་འགྲོ་མ་སུ་ཁར་གསལ་བའི་ཕྱག་གཡོན་ཁུ་ཚུར་ལ་འཛུབ་མོ་ནམ་མཁར་བསྒྲེང་བ་སྐྱེ་མེད་མཚོན་པའི་ཕྱག་རྒྱ་ཆེད་དུ་འཕྱར་ཙམ་མཛད་དེ། ནམ་མཁའ་རིག་མེད་སྟོང་པ་ལ། །རིག་བཅས་སེམས་ཀྱི་རྩ་བ་བཅུན། །རྩ་བ་བཅུན་ལ་ལྷུག་པར་ཞོག །ཅེས་ལན་གསུམ་བརྗོད་ལ། དེའི་དོན་ནམ་མཁའ་དང་ཁྱེད་

[Full Size]

རང་གི་སེམས་དབྱེར་མེད་དུ་བསྲེས་ནས་བཞག་པའི་ཚེ་ནམ་མཁའ་ལ་སྐྱེ་འཇིགས་མེད་པ་བཞིན་དུ་རང་སེམས་ལ་སྐྱེ་འཇིགས་མེད། ནམ་མཁའ་ལ་མཐའ་དབུས་དང་ངོས་བཟུང་ཅི་ཡང་མེད་པ་བཞིན། རང་སེམས་ཀྱང་དེ་ལྟར་ཤེས་པར་བྱས་ལ་དེ་ཀའི་ངང་དུ་འཛིན་པ་མི་བྱ། བཅས་བཅོས་མི་བྱ་བ་རང་བབས་སུ། །ཅེས་བརྗོད། རྗེས་གཙོ་བོས་སོགས་དང་ཡིག་བརྒྱས་ནོངས་པ་བཟོད་གསོལ་སོགས་འདྲ། །འདི་ལ་ངེས་པར་ཚོགས་འཁོར་གཅིག་མཛད་གསུང་། མཐར་བསྔོ་བ་སྨོན་ལམ་བཀྲ་ཤིས་ཀྱི་ཕྲེང་བས་མཐའ་རྟེན་པར་བྱའོ། །ཅེས་པ་འདི་ནི་རྗེ་བཙུན་བླ་མ་རྣམས་ཀྱི་བྲན་དུ་གྱུར་པའི་དགེ་སློང་འདུལ་བ་འཛིན་པ་ངག་དབང་ཆོས་གྲགས་ཀྱིས། །ཚར་ཆེན་ཆོས་ཀྱི་རྒྱལ་པོ་ཡབ་སྲས་ཀྱི་གསུང་གི་ཟིན་ཐོ་ལ་བརྟེན་ནས་ལས་དང་པོ་པ་རྣམས་ལ་ཕན་པའི་ཕྱིར་དུ་ལྕགས་ཕོ་འབྲུག་ལོ་ཟླ་བ་བརྒྱད་པའི་ཡར་ཚེས་བརྒྱད་ཀྱི་ཉིན་མདར་གྲང་ཆེན་ཆོས་འཁོར་ཡངས་རྩེའི་བླ་བྲང་གི་དབང་ཁང་གསང་ཆེན་ཆོས་ཀྱི་སྒྲ་དབྱངས་རྒྱུན་མི་ཆད་པར་སྒྲོག་པའི་གནས་སུ་སྦྱར་བ་དགེ་ལེགས་འཕེལ། །མངྒ་ལཾ། ༈བླ་མ་དམ་པའི་ཞབས་ལ་གུས་

[Full Size]

པས་ཕྱག་འཚལ་ལོ། །བླ་མ་ལམ་ཁྱེར་གྱི་དབང་ལ་གསུམ་སྟེ། སྦྱོར་དངོས་རྗེས་སོ། དང་པོ་ནི། མཎྜལ་ལ་ཆང་དང་བདུད་རྩི་ལྔས་བྱུགས་ནས། དེ་ལ་པདྨ་འདབ་བཞི་ལྟེ་བ་སེར། ཤར་མཐིང་། ལྷོ་སེར། ནུབ་དམར། བྱང་ལྗང་། གོང་རེ་དེ་ཉིད་ལ་མུ་ཁྱུད་ནག་པོ། ཁྱམས་ཕྱོགས་མདོག །དེ་ལ་མེ་ཏོག་གི་ཚོམ་བུ་ལྔ་བཀོད། མཆོད་གཏོར་དང་ཚོགས་བཤམས་མོ། དེ་ནས་བདག་འཇུག་སྔོན་དུ་སོང་བས། པདྨའི་ལྟེ་བར་བླ་མ་དང་བདེ་མཆོག་ཐ་དད་མེད་པ། གཡས་ཌཱ་མ་རུ་དང་། གཡོན་ཐོད་པ་བསྣམས་པའོ། ཤར་དུ་དགྱེས་མཛད། ལྷོར་གསང་འདུས། ནུབ་ཏུ་མ་ཧཱ་མ་ཡ། བྱང་དུ་འཇིགས་བྱེད་བསྐྱེད་ལ་ཡེ་ཤེས་པ་གཞུག །གནས་གསུམ་བྱིན་རླབས། དབང་བསྐུར་ཕྱི་ནང་གསང་གསུམ་གྱི་མཆོད་པ་འབུལ་ལོ། །དེ་ནས་དལ་འབྱོར་རྙེད་དཀའ་འཆི་བ་མི་རྟག་པ། འཁོར་བའི་ཉེས་དམིགས། ཐུན་མོང་དང་ཁྱད་པར་གྱི་སྐྱབས་འགྲོ། སྨོན་འཇུག་གཉིས་སུ་སེམས་བསྐྱེད་པ། དཀྱིལ་འཁོར་དུ་གཞུག་གསོལ་བ་གདབ་པ། གནང་བ་སྦྱིན་པ། རྟོག་པ་བསྡུ་བ། ཡན་ལག་ལྔ། གསང་སྔགས་འབྱུང་བ་དཀའ་བར་བཤད་པའོ། །གཉིས་པ་ནི་སྤྱི་བོར་མདུན་བསྐྱེད་བཞིན་དུ་བསྐྱེད་པའི་

[Full Size]

བླ་མའི་སྤྱི་བོ་ནས་འོད་ཟེར་འཕྲོས་པས། སངས་རྒྱས་བྱང་ཆུབ་སེམས་དཔའ་ཐམས་ཅད་ཀྱི་བདུད་རྩི་བླ་མ་ལ་བསྟིམ་པས་ཟག་པ་མེད་པའི་བདེ་བ་རྒྱས་པར་བསམ། ཐོད་པར་བདུད་རྩིར་གྱུར་པ་དང་། གསེར་གྱི་མཎྜལ་ཕུལ་ལ། བུམ་པའི་དབང་བསྐུར་དུ་གསོལ། སྐུའི་བྱིན་རླབས་གཞུག་ཏུ་གསོལ། ཞེས་བརྗོད་པ་དང་། བླ་མའི་སྐུ་དང་ཟླ་བའི་གདན་ལས། ཡེ་ཤེས་ཀྱི་བདུད་རྩིའི་ཆུ་རྒྱུན་དཀར་པོ་བྱུང་ནས་སྤྱི་བོར་ཐིམ་པས་ལུས་ཀྱི་སྡིག་སྒྲིབ་དག །སྐུའི་བྱིན་རླབས་ཞུགས། བུམ་པའི་དབང་དང་སྤྲུལ་སྐུ་ཐོབ་པར་བསམ་མོ། །ཡང་གོང་བཞིན་མཆོད་དེ་གསང་དབང་དང་གསུང་གི་གསོལ་བ་བཏབ་པས། བླ་མའི་མགྲིན་པ་ནས་འོད་ཟེར་འཕྲོས། གསུང་གི་བདུད་རྩིར་ཐིམ་པས། བདུད་རྩི་དཀར་དམར་ལྕེ་ཐོག་ཏུ་ཐིམ་པས་ངག་གི་དག །གསང་དབང་དང་ལོངས་སྐུ་ཐོབ་པར་བསམ། ཡང་མཆོད་དེ་གསུམ་པ་དང་། ཐུགས་ཀྱི་གསོལ་བ་བཏབ་པས།

[Full Size]

ཐུགས་ཀ་ནས་འོད་ཟེར་འཕྲོས། བུདྡྷ་བོ་དྷིའི་བདུད་རྩི་ཐུགས་ཀར་ཐིམ་པས། ཐུགས་ཀ་ནས་བདུད་རྩི་སྔོན་པོ་བྱུང་སྟེ་སློབ་མའི་སྙིང་གར་ཐིམ་པས་ཡིད་ཀྱི་དག །ཐུགས་ཀྱི་བྱིན་རླབས་ཞུགས། གསུམ་པ་དང་ཆོས་སྐུ་ཐོབ་པར་ལྟའོ། །དེ་ནས་བཞི་པའི་གསོལ་བ་བཏབ་པ་དང་། ཕྱོགས་བཞིའི་ལྷ་ཚོགས་བླ་མ་ལ་བསྟིམ། ཐུགས་ཀའི་འོད་ཟེར་གྱིས་ནམ་མཁའི་སངས་རྒྱས་དང་བྱང་ཆུབ་སེམས་དཔའ་བསྟིམ་པས། བླ་མ་འོད་དང་འོད་ཀྱི་རང་བཞིན་དུ་གྱུར་ནས། སྤྱི་བོ་ནས་ཆེམ་ཆེམ་འུར་འུར་འདུག་པ་ལ་གསོལ་བ་དྲག་ཏུ་བཏབ་པས། སྤྱི་བོར་ཐིམ་སྟེ་ལུས་འོད་དུ་ཡལ་ནས་སེམས་མ་བཅོས་པར་བཞག་པ་ནི། ལུས་ངག་ཡིད་གསུམ་ཐ་མལ་དུ་འཛིན་པའི་རྟོག་པ་དག་སྟེ། དབང་བཞི་པ་དང་བདེ་བ་ཆེན་པོའི་སྐུ་ཐོབ་པར་བསམ་མོ། །དེ་ལྟར་ཡེ་ཤེས་རྒྱ་མཚོ་ལས། བླ་མའི་སྐུ་ཡི་དཀྱིལ་འཁོར་ལས། དབང་བཞི་ཡོངས་སུ་རྫོགས་པར་ཞུས།

[Full Size]

ས་ལམ་རིམ་པས་བགྲོད་པར་བྱེད། །ཅེས་སོ། །གསུམ་པ་ནི་ཚོགས་ལ་ལོངས་སྤྱོད། གཏོར་མ་བཏང་། བཟོད་པར་གསོལ། ཡེ་ཤེས་པ་གཤེགས། དམ་ཚིག་པ་མི་དམིགས་པར་བྱ། རྗེས་བསྔོ་བ་བྱའོ། །བླ་མ་ལམ་ཁྱེར་རྫོགས་སོ། ༈ ན་མ་ཙཀྲ་སམྦྷ་ར་ཡི་དམ་ལམ་ཁྱེར་གྱི་དབང་འདི་ལ་གསུམ་སྟེ། སྦྱོར་བ་དངོས་གཞི་རྗེས་སོ། །དང་པོ་པདྨ་འདབ་བཞིའི་ལྟེ་བ་དང་ཤར་མཐིང་། ལྷོ་སེར། ནུབ་དམར། བྱང་དང་གོང་རས་ལྗང་ཁུ། མུ་ཁྱུད་ནག་པོ། ཁྱམས་ཕྱོགས་ཚོན། དེ་ལ་མེ་ཏོག་མཆོད་གཏོར་གོང་བཞིན་དུ་བྱས་ནས་བདག་བསྐྱེད་སྔོན་དུ་སོང་བས་མདུན་བསྐྱེད་ལ་དབང་ལེན། མདུན་དུ་བདེ་མཆོག་ལྷན་སྐྱེས་དང་མཁའ་འགྲོ་བཞི་བསྐྱེད་ནས། ཡེ་ཤེས་པ་ལ་སོགས་པ་གོང་བཞིན། དལ་འབྱོར་རྙེད་དཀའ་ལ་སོགས་པ་གོང་བཞིན་བཤད་དོ། །གཉིས་པ་ནི། ཐོད་པར་བདུད་རྩི་དང་གསེར་གྱི་གོང་བཞིན་དུ་མཆོད། སྐུའི་བྱིན་གྱིས་བརླབ་ཏུ་གསོལ། བུམ་པའི་དབང་གི་གསོལ་བ་བཏབ་པས། བདེ་མཆོག་གི་སྨིན་མཚམས་ནས་བདེ་མཆོག་སྐུ་ཆུང་ལ་ཡན་ལག་དོད་པ་དཔག་ཏུ་མེད་པ་གར་

[Full Size]

སྟབས་ལིང་ལིང་བྱུང་ནས་སྤྱི་བོར་ཐིམ་པས་ལུས་ཀྱི་སྡིག་སྒྲིབ་དག་ནས་བུམ་དབང་དང་སྤྲུལ་སྐུ་ཐོབ་པར་བསམ་མོ། །མཆོད་པ་དང་གསོལ་འདེབས་དབང་དང་ཐོབ་བྱ་ཀུན་ཤེས་པར་བྱའོ། །བཞི་པའི་བར་གསོལ་བ་རིམ་བཞིན་བཏབ་པས། བདེ་མཆོག་གི་མགྲིན་པ་སྙིང་ག །ལྟེ་བ་ནས་བདེ་མཆོག་གི་སྐུ་གོང་བཞིན་བྱུང་སྟེ། སློབ་མའི་མགྲིན་པ། སྙིང་ག །ལྟེ་བར་ཐིམ་པས། ངག་ཡིད་ཐ་དད་དུ་འཛིན་པའི་སྒྲིབ་པ་དག་ནས། དབང་གཉིས་པ། གསུམ་པ། བཞི་པ་དང་། ལོངས་སྐུ། ཆོས་སྐུ། བདེ་བ་ཆེན་པོའི་སྐུ་ཐོབ་པར་བསམ་མོ། །ཡོན་དབུལ། ཚོགས་ལ་ལོངས་སྤྱོད། གསུམ་པ་རྗེས་ནི་གོང་བཞིན་ནོ། །ཡི་དམ་ལམ་ཁྱེར་གྱི་དབང་རྫོགས་སོ། ༈ ན་མོ་གུ་རུ་དེ་ཝ་ཌཱ་ཀི་ནཱི་མ་ཧཱ་ཀཱ་ལ་ཡ། སྣང་སེམས་ལྷ་སྐུ་སྒྱུ་མའི་ལམ་ཁྱེར་གྱི་དབང་ནི། ཆོས་དྲུག་སྤྱིའི་དབང་བསྐུར་བཞིན་བྱའོ། །སྒྱུ་མ་རྨི་ལམ་དབང་བསྐུར་རྫོགས་སོ། །གའུ་མའི་འོད་གསལ་གྱི་ཟབ་ཆོས། འཆི་མེད་བར་དོའི་ཟབ་ཆོས། འཆུག་མེད་སྒྱུ་ལུས་རྨི་ལམ་

[Full Size]

གྱི་ཟབ་ཆོས། མཁའ་སྤྱོད་དམར་མོ་ལ་སོགས་པ་འཕོ་བའི་ཟབ་ཆོས་ཡིན་གསུང་སོ། །དགེའོ། ༈ །བླ་མ་དང་ཡེ་ཤེས་མཁའ་འགྲོའི་ཞབས་ལ་ཕྱག་འཚལ་ལོ། །སྒྱུ་མ་ལམ་ཁྱེར་གྱི་བྱིན་རླབས་ལ། མཎྜལ་བདེ་མཆོག་ལྷ་ལྔའི་སྐབས་བཞིན་དང་། བདག་བསྐྱེད་མདུན་བསྐྱེད་གའུ་མའི་སྐབས་བཞིན་བྱ། གསུམ་ཀ་སྟབས་གཅིག་ཏུ་བྱེད་ན་བདག་བསྐྱེད་གཅིག་པུ་དེས་ཆོག །ཕྱི་མ་གཉིས་ལ་མདུན་བསྐྱེད་བདེ་མཆོག་ལྷ་ལྔ་ལྟར། བདག་འཇུག་སློབ་མ་ལ་ཇི་ལྟར་བསྐུར་བ་བཞིན་བླངས། །སློབ་མས་མཎྜལ། སེམས་བསྐྱེད་ནས་སློབ་མ་བདེ་མཆོག་ཏུ་བསྐྱེད་ལ། ཡེ་ཤེས་དབབ་པ་རྣམ་བྱས་ནས། དེ་ནས། ཁྱེད་རང་རྣམས་འཁོར་ལོ་སྡོམ་པ་འོད་ཀྱི་རང་བཞིན་ཅན་དུ་གསལ་བའི་ལུས་ཀྱི་ནང་དྲང་པོར་རྩ་དབུ་མ་ཁ་དོག་དཀར་གསལ་འོད་ཀྱི་རང་བཞིན་ཅན་རྩ་བ་ཕྲ་བ་ལྟེ་བར་ཟུག་པའི་ནང་དུ་རཾ་དམར་པོ་རྩེ་མོ་རྒྱ་གླིང་གི་གཤམ་ཁ་ལྟར་སྦོམ་དུ་སོང་བ་ཚངས་བུ་པའི་གར་ཧར་རེ་ཡོད་པར་གསལ་བཏབ། ཚངས་བུག་གི་སྟེང་གི་ནམ་མཁར་བླ་མ་བདེ་

[Full Size]

མཆོག་ལྷ་ལྔ་བཞུགས་པའི་སྐུའི་ཆ་ཤས་ཐམས་ཅད་ལས་བདུད་རྩིའི་རྒྱུན་ཤེལ་དཀར་བཞུ་བའི་ཁུ་བ་ལྟ་བུར་བབ། ཁྱེད་རང་གི་ཚངས་བུག་ནས་ཞུགས། སྨིན་མཚམས་ཡན་ཆད་གང་བས་བུམ་པའི་དབང་ཐོབ་པའི་མོས་པ་མཛོད། བླ་མའི་མགྲིན་པ་ནས་འོད་ཟེར་དཀར་དམར་ཉི་ཟླ་འདྲེས་པ་ལྟ་བུ་འཕྲོས། ཁྱེད་རང་གི་མགྲིན་པ་ནས་ཞུགས། ལུས་ཐམས་ཅད་ཁེངས་པས་གསང་བའི་དབང་ཐོབ་པའི་མོས་པ་མཛོད། མདུན་བསྐྱེད་ཀྱི་ཡུམ་ལས་ཡུམ་དེ་འདྲ་བ་ཞིག་ཆད། ཁྱེད་རང་གི་ཡུམ་རྡོ་རྗེ་ཕག་མོ་ལ་ཐིམ། དེ་དང་སྙོམས་འཇུག་བྱས་པས་དགའ་བཞིའི་ཡེ་ཤེས་སྐྱེས་ཏེ་དབང་གསུམ་པ་ཐོབ་པར་མོས་པ་མཛོད། །སྤྱི་བོའི་ལྷ་ཚོགས་ཁྱེད་རང་ལ་ཐིམ་པས་ཇེ་གསལ་ཇེ་དྭངས་ནམ་མཁའ་ལ་འཇའ་ཡལ་བ་ལྟར་སོང་བར་བསམ་ལ་བརྗོད་མེད་དུ་མཉམ་པར་བཞག་པས་དབང་བཞི་པ་ཐོབ་པར་མོས་པ་མཛོད། །སོ་སོའི་མཐར་ཌཱ་དྲིལ་དང་ཡི་གེ་བདུན་པ་བཟླ།

[Full Size]

གསུམ་པ་རྫོགས་ནས། གཙོ་བོས་སོགས་རྗེས་ཀྱི་ཆོས་གསུམ་དང་། མཇུག་ཆོག་རྣམས་བབས་ཐོབ་ཤེས་པར་བྱའོ། ༈ །སེམས་འཆི་མེད་ཀྱི་བཀའ་ལ་སྦྱོར་དངོས་འཇུག་གསུམ་ལས། དང་པོ་ཤོམས་དང་། གཉིས་པ་བདག་བསྐྱེད་མདུན་བསྐྱེད་རྣམས་བདེ་མཆོག་ལྷ་ལྔ་ཇི་ལྟ་བ་བཞིན་བྱའོ། །གསུམ་པ་ལ་གཉིས་ལས། དང་པོ་བདག་འཇུག་ནི་སློབ་མ་ལ་ཇི་ལྟར་བསྐུར་བ་བཞིན་སློབ་དཔོན་རང་གིས་བླང་ངོ། །གཉིས་པ་ནི། མཎྜལ་ནས་སློབ་མ་བདེ་མཆོག་ཏུ་བསྐྱེད་པ་ལ་ཡེ་ཤེས་དབབ་པའི་རོལ་ཆེན་ཡན་འདྲ། སློབ་དཔོན་བདེ་མཆོག་ཏུ་གསལ་བའི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོ། ལྟེ་བར་ཧཱུྃ་ཁ་དོག་ལྔ་ལྡན་རྣམས་གསལ་བཏབ། རང་གི་ལུས་སོགས་ནས། ལན་གསུམ་མཛོད་ཀྱི་བར་སྔར་བཞིན་དང་། བླ་མ་རིན་པོ་ཆེ་བདག་ལ་དབང་བཞི་རྫོགས་པར་བསྐུར་དུ་གསོལ། ཞེས་གསོལ་བ་བཏབ་པས། བླ་མའི་དཔྲལ་བའི་ཨོཾ་ལས་འཁོར་ལོ་བདེ་མཆོག་སྐུ་མདོག་དཀར་པོ་སྐུ་ཆུང་ལ་ཡན་ལག་

[Full Size]

རགས་པ། བདེ་བ་ཆེན་པོའི་གར་ལིང་ལིང་མཛད་པ་དཔག་ཏུ་མེད་པ་བྱོན། ཁྱེད་རང་གི་སྨིན་མཚམས་ནས་ཞུགས། ལུས་ཐམས་ཅད་གང་བས་བུམ་པའི་དབང་ཐོབ་པའི་མོས་པ་མཛོད། །ཡང་མགྲིན་པའི་ཨཱཿལས་འཁོར་ལོ་བདེ་མཆོག་དམར་པོ་དང་། ཐུགས་ཀའི་ཧཱུྃ་ལས་འཁོར་ལོ་བདེ་མཆོག་སྔོན་པོ་སྤྲོ་ཚུལ་འགྲེ། ཡང་སློབ་དཔོན་གྱི་གནས་གསུམ་གྱི་ཡིག་འབྲུ་རྒྱང་སྟེ་ཆད། ཁྱེད་རང་གི་གནས་གསུམ་དུ་ལམ་མེ་ཞུགས། །སློབ་དཔོན་གྱི་ལྟེ་བའི་ཧཱུྃ་ལས་འཁོར་ལོ་བདེ་མཆོག་སྐུ་མདོག་སྣ་ཚོགས་པ་སྐུ་ཆུང་ལ་ཡན་ལག་རགས་པ། བདེ་བ་ཆེན་པོའི་གར་ལིང་ལིང་མཛད་པ་དཔག་ཏུ་མེད་པ་བྱོན། ཁྱེད་རང་གི་ལྟེ་བར་ཞུགས། ལུས་ཐམས་ཅད་གང་བས་ཚེ་ཐོག་མ་མེད་པ་ནས་བསགས་པའི་སྡིག་སྒྲིབ་ཐམས་ཅད་དག །དབང་བཞི་པ་ཐོབ། སྐུ་གསུང་ཐུགས་ཀྱི་བྱིན་རླབས་ཞུགས་པ་ཡིན་སྙམ་པ་མཛོད། སླར་ཡང་སློབ་དཔོན་གྱི་ལྟེ་བའི་

[Full Size]

ཧཱུྃ་ལས་ཧཱུྃ་ཞིག་རྒྱང་སྟེ་ཆད། ཁྱེད་རང་གི་ལྟེ་བར་ཞུགས། ཁྱེད་རང་གི་དཔྲལ་བའི་ཨོཾ་མགྲིན་པའི་ཨཱཿལ་ཐིམ། ཨཱཿཐུགས་ཀའི་ཧཱུྃ་ལ་ཐིམ། ཧཱུྃ་ལྟེ་བའི་ཧཱུྃ་ལ་ཐིམ། དེའི་རྐྱེན་གྱིས་ཁྱེད་རང་གི་ལུས་གདོས་བཅས་ཤ་ཁྲག་གི་ཕུང་པོས་གཙོས་བྱས་སྣང་སྲིད་འཁོར་འདས་ཀྱིས་བསྡུས་པའི་ཆོས་ཐམས་ཅད་འོད་དུ་ཡལ་ཏེ་སྟོང་ཉིད་དུ་ཐིམ་པས་དབང་བཞི་པ་ཐོབ་པའི་མོས་པ་མཛོད། །ཌཱ་དྲིལ་དང་ཡི་གེ་བདུན་པ་བཟླ། སྟོང་ཉིད་དེའི་ངང་ལས་ཁྱེད་རང་བདེ་མཆོག་འོད་ཀྱི་རང་བཞིན་སྒྱུ་མ་ལྟ་བུར་ལམ་གྱིས་གྱུར་པའི་མོས་པ་མཛོད། །རྗེས་ཀྱི་ཆོས་གསུམ་དང་། མཇུག་ཆོག་སྔར་བཞིན་ཤེས་པར་བྱའོ། ༈ །ལུས་འཆི་མེད་ཀྱི་བཀའ་ལ་སྦྱོར་དངོས་འཇུག་གསུམ་ལས། དང་པོ་ནི། མཎྜལ་པདྨ་འདབ་བཞི་ཕྱོགས་ཚོན་ལྟེ་བ་མཐིང་ག་དང་། འཁོར་ལོ་བདེ་མཆོག་སྐུ་མདོག་སྔོན་པོར་བསྒོམ་པའི་དེ་དང་སེམས་འཆི་མེད་གཉིས་ཀ་འདྲ་ཞིང་གཞན་ཐམས་ཅད་སྔ་མ་བཞིན་ནོ། །གཉིས་པ་བདག་བསྐྱེད་བདག་འཇུག །སློབ་མས་མཎྜལ་

[Full Size]

འབུལ་བ་ནས་ཤེར་དབང་གི་བར་སེམས་འཆི་མེད་ཇི་ལྟ་བ་བཞིན་བྱའོ། །འོན་ཀྱང་ལྟེ་བའི་ཧཱུྃ་གསལ་བཏབ་མི་དགོས། དབང་བཞི་པ་ནི། སྤྱི་བོའི་བདེ་མཆོག་དཀར་པོ་མགྲིན་པའི་བདེ་མཆོག་དམར་པོ་ལ་ཐིམ། དེ་སྙིང་གའི་བདེ་མཆོག་སྔོན་པོ་ལ་ཐིམ། དེ་ལྟེ་བར་སླེབས་པས་ལུས་འོད་དུ་ཡལ་བར་བསམ་ལ་སེམས་མ་བཅོས་པའི་ངང་དུ་མཉམ་པར་བཞག །ཡང་བླ་མའི་གནས་གསུམ་ལས་བདེ་མཆོག་དཀར་དམར་མཐིང་གསུམ་བསམ་གྱིས་མི་ཁྱབ་པ་འཕྲོས། ཁྱེད་རང་གི་ལྟེ་བར་ཐིམ་པས་དབང་བཞི་པ་ཐོབ་པའི་མོས་པ་མཛོད། །དབང་བཞི་སོ་སོའི་མཐར་ཌཱ་དྲིལ་དང་། བླ་མ་དམ་པ་རྣམས་ཀྱིས་བྱིན་གྱིས་རློབས་ཤིག །རྗེ་བཙུན་བིར་ཝ་པས་བྱིན་གྱིས་རློབས་ཤིག །དཔའ་བོ་དང་མཁའ་འགྲོ་རྣམས་ཀྱིས་བྱིན་གྱིས་ཤིག །ཅེས་བརྗོད། རྗེས་བཀྲ་ཤིས་ཀྱི་ཆོས་གསུམ་དང་། མཇུག་ཆོག་སྔར་བཞིན་ནོ། །དགེའོ། ༈ །ལུས་འཆི་མེད་ཀྱི་བཀའ་བཞུགས་སོ། །ལུས་འཆི་མེད་ཀྱི་བཀའ་ནི། མཎྜལ་པདྨ་འདབ་

[Full Size]

བཞི། ལྟེ་བ་མཐིང་ཁ ། འདབ་མ་ཕྱོགས་མདོག་བྲི། དེའི་མཐར་མཆོད་པ་དང་གཏོར་མ་གཤམས། །སློབ་དཔོན་སྟན་ལ་འཁོད་དེ། སྐྱབས་སེམས་ཚད་མེད་སྔོན་དུ་བཏང་ནས་སྭ་བྷ་ཝས་སྦྱངས། སྟོང་པའི་ངང་ལས་སྐད་ཅིག་གིས་པདྨ་ཉི་མ་འཇིགས་བྱེད་དུས་མཚན་མནན་པའི་སྟེང་དུ་རང་ཉིད་འཁོར་ལོ་བདེ་མཆོག་སྐུ་མདོག་སྔོན་པོ། མི་མགོ་དང་རུས་པའི་རྒྱན་ཅན། སྤྱན་གསུམ་དམར་བ། རྡོ་རྗེ་དྲིལ་བུ་འཛིན་པས་ཡུམ་ཕག་མོ་དམར་མོ་ལ་འཁྱུད་པ། །ཞབས་གཡས་བརྐྱང་གཡོན་བསྐུམ་པས་བཞུགས་པ། གནས་གསུམ་བྱིན་རླབས་ལ། ཡེ་ཤེས་པ་སྤྱན་དྲངས་པས་བསྟིམ། ཡི་གེ་བདུན་པ་ཅི་ནུས་བཟླ། དེ་ནས་མདུན་བསྐྱེད་ལ་དམིགས་ཏེ་སྭ་བྷ་ཝས་སྦྱངས། སྟོང་པའི་ངང་ལས་སེམས་རང་སྣང་གི་གཞལ་ཡས་ཁང་མཚན་ཉིད་ཐམས་ཅད་ཡོངས་སུ་ཚང་བ། ཕྱི་རོལ་དུར་ཁྲོད་བརྒྱད།

[Full Size]

ཡེ་ཤེས་ཀྱི་མེ་རིས་འབར་བ་དང་བཅས་པའི་གཞལ་ཡས་ཁང་གི་དབུས་སུ་པདྨ་ཉི་མ་འཇིགས་བྱེད་དུས་མཚན་གྱི་སྟེང་དུ་འཁོར་ལོ་བདེ་མཆོག་སྐུ་མདོག་སྔོན་པོ་སོགས་བདག་བསྐྱེད་ཀྱི་སྐབས་བཞིན་བསྐྱེད། འདབ་མ་བཞི་ལ་ཤར་དུ་མཁའ་འགྲོ་མ་མཐིང་ཁ། བྱང་དུ་ལཱ་མ་ལྗང་ཁུ། ནུབ་ཏུ་དུཾ་སྐྱེས་མ་དམར་མོ། ལྷོར་གཟུགས་ཅན་མ་སེར་མོ་སྟེ་བཞི་ཀའང་ཕྱག་གཡས་གྲི་གུག་དང་། གཡོན་ཐོད་ཁྲག་ཐུགས་ཁར་འཛིན་པ། གྲུ་མོ་ན་ཁ་ཊཱཾྭ་ག་བསྣམས་པ། ཞབས་བརྐྱང་བསྐུམ་སྟབས་ཀྱིས་བཞུགས་པ། ལྷ་ལྔ་ཀའི་གནས་གསུམ་བྱིན་རླབས་ལ། ཡེ་ཤེས་པའི་ལྷ་ལྔ་སྤྱན་དྲངས་ནས་མདུན་བསྐྱེད་ལ་བསྟིམ། མདུན་བསྐྱེད་མཆོད་པ་བསང་སྦྱངས་བྱིན་རླབས་ལ། ཨོཾ་སརྦ་ཏ་ཐཱ་ག་ཏ་ཤྲཱི་ཙཀྲ་སམ་བྷ་ར་མཎྜལ་ས་པཱ་རི་ཝ་རེ་སྔགས་སྔོན་དུ་འགྲོ་བའི་ཨརྒྷཾ་སོགས་ཀྱིས་མཆོད། གོང་གི་ས་པཱ་རི་ཝ་རེའི་མཐར་ཨོཾ་ཨཱཿཧཱུྃ་གི་ནང་མཆོད། ཆོས་དབྱིངས་རྣམ་དག་

[Full Size]

དབྱིངས་ལས་སོགས་ཀྱི་བསྟོད། མདུན་གྱི་གཏོར་མ་བྱིན་རླབས་ལ་གོང་གིས་ས་པཱ་རི་ཝ་རེའི་མཐར་ཨི་དཾ་བ་ལིངྟ་ཁ་ཁ་ཁཱ་ཧི་ཁཱ་ཧི། བཏགས་པ་ལན་གསུམ་གྱི་འབུལ། ཕྱི་མཆོད་ནང་མཆོད་བསྟོད་པ་རྣམས་བྱ། མདུན་གྱི་གཏོར་མ་བྱིན་རླབས་ལ་གོང་གི་ས་པཱ་རི་ཝ་རེའི་མཐར་ཨི་དཾ་བ་ལིངྟ། དཔལ་འཁོར་ལོ་བདེ་མཆོག་གི་ལྷ་ཚོགས་རྣམས་ཀྱི་མཆོད་སྦྱིན་གཏོར་མ་འདི་བཞེས་ལ་བདག་དང་སེམས་ཅན་ཐམས་ཅད་ལ་མཆོག་དང་། ཐུན་མོང་གིས་དངོས་གྲུབ་མ་ལུས་པ་སྩལ་དུ་གསོལ་བརྗོད། དེ་ནས་རང་གི་ལུས་ལོངས་སྤྱོད་ཐམས་ཅད་བློས་ལིང་གིས་བླ་མ་དང་མདུན་བསྐྱེད་ཀྱི་གཙོ་བོ་ཐ་མི་དད་པ་ལ་ཕུལ་ལ་གསོལ་བ་གདབ་པ་སོགས་འོག་ཏུ་སློབ་མ་ལ་ཇི་ལྟར་བྱ་བ་བཞིན་གྱི་དབང་བཞི་བླངས། གཙོ་བོས་ཇི་ལྟར་སོགས་ཀྱང་བརྗོད། དེ་ནས་སློབ་མ་བོས་ལ། འདིའི་སྔོན་དེ་མ་ཐག་བྱིན་རླབས་གཞན་དང་མ་འབྲེལ་ན་བགེགས་གཏོར་བཏང་ལ་སེམས་

[Full Size]

ཅན་ཐམས་ཅད་ཀྱི་དོན་དུ་ཅེས་སོགས་ཅི་དང་ཅི་འདྲ་བ་བརྡ་སྤྲད། མཎྜལ་འབུལ། དགའ་ཆེན་ཁྱོད་བདག་སོགས་ཀྱི་གསོལ་བ་བཏབ། དཀོན་མཆོག་གསུམ་ལ་སོགས་ཀྱི་རྒྱུན་བཤགས། སློབ་མ་བདེ་མཆོག་ཏུ་བསྐྱེད་ལ་ཡེ་ཤེས་པ་དབབ་ཅིང་། དྲིལ་བསིལ་ཡི་གེ་བདུན་པ་བརྗོད། དེ་ནས་ལུས་ལོངས་སྤྱོད་ཐམས་ཅད་བླ་མ་དང་མདུན་བསྐྱེད་ཀྱི་གཙོ་བོ་ཐ་མི་དད་པ་ལ་ཕུལ་བའི་མོས་པ་མཛོད་ལ། གསོལ་བ་བཏབ་པ་འདི་གསུང་བ་ཞུ། བླ་མ་རིན་པོ་ཆེ་བདག་ལ་བུམ་པའི་དབང་བསྐུར་དུ་གསོལ། ཚར་གཅིག །དེ་ནས་བླ་མ་དང་གཙོ་བོ་དབྱེར་མེད་པའི་སྤྱི་བོའི་ཨོཾ་དཀར་པོ་ལས་བདེ་མཆོག་དཀར་པོ་སྐུ་ཆུང་ལ་ཡན་ལག་དོད་པ་དཔག་ཏུ་མེད་པ་ཆད་ཅིང་གར་སྟབས་ལིང་ལིང་བཞུགས་ནས་རང་གི་སྤྱི་བོའི་ཨོཾ་ལ་ཐིམ་པས་སྤྱི་བོའི་གནས་ཐམས་ཅད་གང་། བུམ་པའི་དབང་ཐོབ། ལུས་ཀྱི་དྲི་མ་དག་པའི་མོས་པ་མཛོད། །བྱས་ལ་དྲིལ་བསིལ་ལམ་རོལ་ཆེན་བྱ་ཞིང་། བླ་མ་

[Full Size]

དམ་པ་རྣམས་ཀྱི་བྱིན་གྱིས་རློབས་ཤིག །རྗེ་བཙུན་བིར་ཝ་པའི་བྱིན་གྱིས་རློབས་ཤིག །དཔའ་བོ་དང་མཁའ་འགྲོ་མ་རྣམས་ཀྱི་བྱིན་གྱིས་རློབས་ཤིག །ཅེས་བརྗོད། དེ་བཞིན་དུ་གསང་དབང་དང་ཤེར་དབང་ལ་ཡང་ལུས་ལོངས་སྤྱོད་འབུལ་བ་དང་གསོལ་བཏབ་དམིགས་པ་རྣམས་སྔར་གྱི་འགྲོས་སྦྱར་ལ་བྱ། དབང་བཞི་པ་ལ་ལུས་ལོངས་སྤྱོད་རྣམས་དངོས་སམ་མཆོད་པས་རྣམ་པར་བསྒྱུར་ལ་ཕུལ་ནས། བླ་མ་རིན་པོ་ཆེ་བདག་ལ་དབང་བཞི་པ་བསྐུར་དུ་གསོལ། སྐུ་གསུང་ཐུགས་ཀྱི་བྱིན་རླབས་མ་ལུས་པ་གཞུག་ཏུ་ཞེས་གསོལ་བ་བཏབ། སྤྱི་བོའི་བདེ་མཆོག་དཀར་པོ་མགྲིན་པའི་བདེ་མཆོག་དམར་པོ་ལ་ཐིམ། དམར་པོ་སྙིང་ཁའི་བདེ་མཆོག་སྔོན་པོ་ལ་ཐིམ། མཐིང་ཁ་ལྟེ་བར་བྱུང་། འོད་དུ་ཡལ་སོང་སྟེ་སྟོང་པའི་ངང་ལས་སེམས་མ་བཅོས་པར་ཞོག་ཟེར་བ་བྱས་ལ་རོལ་མོ་དང་བླ་མ་དམ་པ་རྣམས་ཀྱི་ཞེས་སོགས་སྔར་བཞིན་བརྗོད། དེས་དབང་བཞི་པ་ཐོབ་པ་ཡིན་ཡང་ཟབ་ལམ་གྱི་དབང་དུ་བྱས་ན་དམིགས་

[Full Size]

པ་འདི་བཞིན་མཛོད། སློབ་དཔོན་གྱི་གནས་གསུམ་གྱི་ཡིག་འབྲུ་མཐིང་ཁར་ཡོད་པ་ལ་བདེ་མཆོག་མཐིང་ཁ་དཔག་ཏུ་མེད་པ་ཆད་ནས་ཁྱེད་རང་གི་ལྟེ་བར་ཐིམ་པས་མཐར་སྟོང་སོང་གི་འོད་དུ་ཡལ་སོང་བ་དེ་ཀའི་ངང་ལ་ཅུང་ཞིག་འཇོག་པ་ཞུ། འདི་ཡང་དབང་བཞི་པ་ལུགས་གཅིག་ཡིན་བྱ་བ་བརྗོད་རྗེས་གཙོ་བོས་སོགས། མདུན་བསྐྱེད་ལ་མཆོད་བསྟོད་ཡིག་བརྒྱ་སོགས་སྤྱི་དང་འདྲ། ༈ སེམས་འཆི་མེད་ཀྱི་དབང་ནི། མཎྜལ་པདྨ་འདབ་བཞི་ཁ་དོག་རྣམ་པ་འདི་དང་གཅིག་ཡིན། བདག་བསྐྱེད་བདེ་མཆོག་ལ་བྱ། མདུན་བསྐྱེད་ནི་ཕྱག་ཆེན་གྱི་སྐབས་བཞིན་རྒྱུད་སྡེ་ལྔའི་ལྷ་ལ་བྱ་གཞན་རྣམས་སེམས་འཆི་མེད་རང་གི་དཀྱུས་བཞིན་བྱའོ། །འདི་ཡང་དགེ་སློང་ངག་དབང་ཆོས་གྲགས་ཀྱི་སྤུ་དཀར་བླ་བྲང་རྫོང་དུ་ཕྱག་ལེན་ལ་བཀོད་པའོ། །སརྦ་མངྒ་ལཾ། ༈ ལྷ་བཞི་དྲིལ་སྒྲུབ་ཀྱི་བྱིན་རླབས་དང་ཉམས་སུ་བླང་ཚུལ་བཞུགས་སོ། །ཕན་དང་བདེ་བའི་འབྱུང་

[Full Size]

གནས་སྐྱེ་དགུའི་སྐྱབས། །འགྲོ་འདིའི་བདེ་སྐྱིད་ནམ་ཡང་ཉམས་མེད་པར། །ལྷ་གནས་ཆོ་གས་རབ་ཏུ་བསྟན་མཛད་པའི། །ཡོངས་འཛིན་བླ་མའི་ཞབས་པད་གཙུག་ན་རྒྱལ། །འདིར་ལྷ་བཞི་དྲིལ་སྒྲུབ་ཀྱི་བྱིན་རླབས་ནི། །གནས་ཁང་དབེན་པར་མདུན་གྱི་སྟེགས་བུའི་སྟེང་དུ་རྡུལ་ཚོན་གྱི་ཆོས་འབྱུང་ཕྱི་དཀར་ལ་ནང་དམར་བ་གདེངས་ཀ་ཆེ་བ་གྱེན་ལ་ཕྱོགས་པ། དེའི་དབུས་སུ་པདྨ་འདབ་མ་བཞི་པ། །ཤར་དཀར། ལྷོ་སེར། ནུབ་དམར། བྱང་ལྗང་། ལྟེ་བ་ལྗང་སེར། མཐའ་མཆོད་གཏོར་གྱིས་བསྐོར་བར་བཤམས། བགེགས་གཏོར་དེ་ཡང་ལོགས་གཅིག་ཏུ་བཤམས། དེ་ནས་སློབ་དཔོན་གྱིས་སྐྱབས་སེམས་སྔོན་དུ་འགྲོ་བས་བདག་བསྐྱེད་བདེ་མཆོག་གམ། རྡོ་རྗེ་རྣལ་འབྱོར་མ་གང་འོས་ལ་བྱ། དེ་ནས་མདུན་བསྐྱེད་ལ་དམིགས་ཏེ། བསང་སྦྱངས། སྟོང་པའི་ངང་ལས་ཆོས་འབྱུང་ཕྱི་དཀར་ལ་ནང་དམར་

[Full Size]

བ། དེའི་དབུས་སུ་པདྨ་འདབ་མ་བཞི་པ། ཤར་དཀར་སོགས། དེའི་དབུས་སུ་ཟླ་བའི་གདན་གྱི་སྟེང་དུ་རང་གི་རྩ་བའི་བླ་མ་རྣམ་པ་རྡོ་རྗེ་འཆང་སྐུ་མདོག་གསེར་བཙོ་མ་ལྟ་བུ་ཞལ་གཅིག་ཕྱག་གཉིས་གཡས་ཡིད་བཞིན་གྱི་ནོར་བུ་དང་གཡོན་གསེར་གྱི་དྲིལ་བུ་གཡེར་ཁ་བསྣམས་པ། ཞབས་རྡོ་རྗེ་སྐྱིལ་ཀྲུང་གིས་བཞུགས་པ། རྩ་བརྒྱུད་ཀྱི་བླ་མ་ཐམས་ཅད་ཀྱི་ངོ་བོར་གྱུར་པ། རིན་པོ་ཆེའི་རྒྱན་དཔག་ཏུ་མེད་པས་སྤྲས་པ། མདུན་གྱི་པད་འདབ་ལ་ཉི་གདན་གྱི་སྟེང་དུ་གམ་ལས་ཚོགས་བདག་མགོ་གཡས་སུ་བསྟན་པ། དེའི་སྟེང་དུ་ཧཱུྃ་ལས་གྲི་གུག་ཡུ་བ་ལ་ཧཱུྃ་གིས་མཚན་པ་དེ་ལས་འོད་ཟེར་འཕྲོས་གདུག་པ་ཅན་རྣམས་ཚར་བཅད། ཚུར་འདུས་ཡོངས་སུ་གྱུར་པ་ལས། ཡེ་ཤེས་ཀྱི་མགོན་པོ་སྐུ་མདོག་མཐིང་ནག་ཞལ་གཅིག་ཕྱག་དྲུག་པ། ཕྱག་གཡས་དང་པོ་གྲི་གུག །གཉིས་པ་ན་ཐོད་ཕྲེང་། གསུམ་པ་ན་ཌཱ་མ་རུ་འཁྲོལ་བ། གཡོན་གྱི་དང་པོ་ན་ཐོད་

[Full Size]

ཁྲག །གཉིས་པ་ན་རྩེ་གསུམ། གསུམ་པ་ན་རྡོ་རྗེ་ཞགས་པ་བསྣམས་པ། རྒྱན་ཆ་ལུགས་ཡོངས་སུ་རྫོགས་པ། ཞབས་གཉིས་གྱད་ཀྱི་དོར་སྟབས་ཀྱིས་ཡེ་ཤེས་ཀྱི་མེ་འབར་བའི་དབུས་ན་བཞུགས་པའོ། །གཡས་ཀྱི་པད་འདབ་ལ་ཉི་མ་དང་། འཇིགས་བྱེད་དུས་མཚན་གྱི་སྟེང་དུ་ཡི་གེ་ཧྲཱིཿདམར་པོ་ཡོངས་སུ་གྱུར་པ་ལས་རྗེ་བཙུན་རྡོ་རྗེ་རྣལ་འབྱོར་མ། སྐུ་མདོག་དམར་མོ་དབུ་སྐྲ་དཔུང་པ་གཡོན་པའི་སྟེང་ན་དམར་སི་ལེ་ཡོད་པ། ལོ་བཅུ་དྲུག་ལོན་པའི་རྣམ་པ་ཅན། སྤྱན་གསུམ་དང་ལྡན་པ། ཞལ་འཛུམ་ཁྲོའི་རྣམ་པ་ཅན། །མཆེ་བ་ནས་ཙམ་བྱུང་བ། སྤྱན་གསུམ་གཡོན་གྱིས་ཕྱོགས་བཅུ་དུས་གསུམ་གྱི་སངས་རྒྱས་ཐམས་ཅད་ནམ་མཁའ་ལ་གཟིགས་པ། ཕྱག་གཡས་ཀྱིས་གྲི་གུག་དཔྱི་གཡས་ཀྱི་སྟེང་ན་ནར་རེ་བརྐྱང་བ། གཡོན་ནམ་མཁའ་ལ་སངས་རྒྱས་ཐམས་ཅད་ཀྱི་བདུད་རྩི་ཐོད་པའི་

[Full Size]

ན་མར་གསོལ་བ། སྤྱི་བོར་རུས་པའི་འཁོར་ལོ་དང་རྣམ་སྣང་གིས་བརྒྱན་པ་ཐོད་པ་སྐམ་པོ་ལྔའི་དབུ་རྒྱན་དང་། མི་མགོ་ལྔ་བཅུའི་ཕྲེང་བ། །རུས་པའི་རྣ་ཆ་མགུལ་རྒྱན་ཕྱག་གདུབ་ཞབས་གདུབ། ཞབས་གཡས་བརྐྱང་བས་མ་ཧཱ་དེ་ཝ་མནན་པ། གཡོན་བསྐུམ་པས་ཨུ་མ་དེ་ཝ་མནན་པ། མཆན་ཁུང་གཡོན་ན་ཁ་ཊཾཱྭ་བསྣམས་པ་གཅིག་ཏུ་བསྐྱེད། རྒྱབ་ཀྱི་པད་འདབ་ལ་ཟླ་གདན་གྱི་སྟེང་དུ་ཧྲཱིཿདཀར་པོ་ཡོངས་སུ་གྱུར་པ་ལས། སྤྱན་རས་གཟིགས་སྐུ་མདོག་དཀར་པོ་གངས་ལ་ཉི་མ་ཤར་བ་ལྟ་བུ་ཞལ་གཅིག་ཕྱག་གཉིས་པ་གཡས་སྐྱབས་སྦྱིན་དང་བཅས་པས་བདུད་རྩིས་གང་བའི་རིལ་བ་བསྣམས་པ། གཡོན་པདྨ་དཀར་པོའི་ཡུ་བ་ཐུགས་ཀར་བཟུང་ནས་འདབ་མ་སྙན་གྱི་ཐད་ཀར་ཁ་བྱེ་བ། དབུ་སྐྲ་དཔུང་པའི་སྟེང་ན་སིལ་ལེ་ཡོད་པ། ཞབས་གཡས་བརྐྱང་གཡོན་བསྐུམ་པ་འོད་དཔག་མེད་ཀྱི་དབུ་བརྒྱན་པ་ཅིག་ཏུ་བསྒོམ། གཡོན་ངོས་ཀྱི་པད་འདབ་ལ་ཟླ་བའི་སྟེང་དུ་ཏཾ་ཡོངས་སུ་གྱུར་པ་ལས་རྗེ་བཙུན་མ་སྒྲོལ་མ་སྐུ་མདོག་ལྗང་ཁུ་ལང་ཚོ་དར་ལ་བབས་པ་ལོ་བཅུ་དྲུག་

[Full Size]

ལོན་པ་ལྟ་བུ་ཞབས་གཡོན་བསྐུམ་པ། ཕྱག་གཡས་སྐྱབས་སྦྱིན་གཡོན་ཨུཏྤ་ལའི་ཡུ་བ་ཐུགས་ཀར་བཟུང་བ། །སྤྱི་བོར་དོན་ཡོད་གྲུབ་པས་དབུ་བརྒྱན་པ་ཅིག་ཏུ་སྒོམ། དེ་ཐམས་ཅད་ཀྱི་གནས་གསུམ་ཡི་གེ་གསུམ་འགོད། དེ་ནས་བླ་མའི་ཐུགས་ཀའི་ཧཱུྃ་ལས་འོད་འཕྲོས་པས། རྩ་བརྒྱུད་ཀྱི་བླ་མ་ཡི་དམ་སངས་རྒྱས་བྱང་སེམས་དཔའ་བོ་མཁའ་འགྲོ་ཆོས་སྐྱོང་ཐམས་ཅད་སྤྱན་དྲངས་ནས་དབུས་ཀྱི་བླ་མ་ལ་ཐིམ་པས། བླ་མ་དེ་ཉིད་སྐྱབས་གནས་ཀུན་འདུས་སུ་གྱུར། མགོན་པོའི་ཐུགས་ཀའི་ཧཱུྃ་ལས་འོད་འཕྲོས་པས། ཤར་ལྷོ་ནས་ཡེ་ཤེས་པ་སྤྱན་དྲངས་ལ་བསྟིམ། དེ་བཞིན་དུ་རྗེ་བཙུན་མ་དང་། སྤྱན་རས་གཟིགས་དང་། སྒྲོལ་མ་ཡང་། ཡེ་ཤེས་པ་སྤྱན་དྲངས་ལ་མདུན་བསྐྱེད་ཀྱི་ལྷ་དེ་དང་དེ་ལ་ཐིམ་པར་བསམ། དེ་ནས་མཆོད་པ་བྱིན་རླབས་ལ། ཨོཾ་གུ་རུ་བུདྡྷ་བོ་དྷི་ས་ཏྭ་ས་པཱ་རི་ཝ་རའི་མཐར་ཨརྒྷཾ་ལ་སོགས་པ་ཕྱི་མཆོད། སྔགས་ཀྱི་

[Full Size]

མཐར་ཨོཾ་ཨཱཿཧཱུྃ་གིས་ནང་མཆོད། གང་གི་དྲིན་གྱིས་བདེ་ཆེན་ཉིད་སོགས་དང་། སྲིན་པོའི་གཟུགས་ཀྱི་སོགས་དང་། དཔལ་ལྡན་རྡོ་རྗེ་མཁའ་འགྲོ་མ་སོགས་དང་། སྐྱོན་གྱིས་མ་གོས་སོགས་དང་། ལྷ་དང་ལྷ་མིན་ཅོད་པན་གྱིས་ཞེས་སོགས་ཀྱི་བསྟོད། དེ་ནས་མཎྜལ་དང་ཀུན་མཁྱེན་ཡེ་ཤེས་སོགས་ཀྱིས་གསོལ་བཏབ། དཀོན་མཆོག་གསུམ་ལ་སོགས་ཀྱི་རྒྱུན་བཤགས་སྔོན་དུ་བཏང་ནས། འོག་ཏུ་སློབ་མ་ལ་ཇི་ལྟར་བྱ་བའི་དབང་དེ་ཉིད་རང་གིས་བླང་བ་ནི་བདག་འཇུག་གོ། །དེ་ནས་སློབ་མ་གྲལ་ལ་འཁོད་པ་ལ་བགེགས་གཏོར་བཏང་ལ་བགེགས་བསྐྲད། སེམས་ཅན་ཐམས་ཀྱི་ཞེས་སོགས་སེམས་བསྐྱེད་གསལ་བཏབ་ལ། གང་གསན་པར་བྱ་བའི་ཆོས་ནི། དཔལ་ལྡན་ཤངས་པ་བཀའ་བརྒྱུད་པ་རྣམས་ལ་ཐུགས་ཉམས་སུ་བཞེས་པའི་ཆོས་ལྷ་བཞི་དྲིལ་སྒྲུབ་བྱ་བ་ཤིན་ཏུ་ཟབ་པ་དེ་ཡིན། དེའི་བྱིན་རླབས་ཀྱི་བཀའ་ཞུ་བའི་ཡོན་དུ་མཎྜལ་འབུལ་དུ་གཞུག །གསོལ་བཏབ་དང་རྒྱུན་བཤགས་སྔར་བཤད་པ་བཞིན་བྱ། དངོས་གཞིའི་སླད་དུ་ཁྱེད་རང་རྣམས་ཐུགས་འདུན་

[Full Size]

འདི་བཞིན་གནང་བ་ཞུ། མདུན་བསྐྱེད་ཀྱི་ཆོས་འབྱུང་གི་ནང་གི་ལྷ་དང་བཅས་པ་ཁྱེད་རང་རྣམས་ཀྱི་སྤྱི་གཙུག་ཏུ་ཡེར་གྱིས་བྱོན་པའི་དབུས་སུ་ཟླ་བའི་སྟེང་དུ་རང་གི་རྩ་བའི་བླ་མ་རྡོ་རྗེ་འཆང་ཆེན་པོ་ཞེས་སོགས་སྔར་བཞིན་བརྗོད། མདུན་གྱི་པད་འདབ་ལ་ཉི་གདན་གྱི་སྟེང་དུ་ཚོགས་བདག་མགོ་གཡས་སུ་བསྟན་པ། དེའི་སྟེང་དུ་ཡེ་ཤེས་ཀྱི་མགོན་པོ། གཡས་ཀྱི་པད་འདབ་ལ་འཇིགས་བྱེད་དུས་མཚན་གྱི་སྟེང་དུ་རྗེ་བཙུན་རྡོ་རྗེ་རྣལ་འབྱོར་མ། རྒྱབ་ཀྱི་པད་འདབ་ལ་ཟླ་བའི་སྟེང་དུ་སྤྱན་རས་གཟིགས་དབང་ཕྱུག །གཡོན་ངོས་ཀྱི་འདབ་མ་ལ་ཟླ་བའི་སྟེང་དུ་རྗེ་བཙུན་མ་སྒྲོལ་མ་འདི་རྣམས་ཀྱི་སྐུ་མདོག་ཕྱག་མཚན་བཞུགས་ཚུལ་རྣམས་སྔར་མདུན་བསྐྱེད་ཀྱི་སྐབས་བཞིན་གསལ་བཏབ། ཧཱུྃ་དང་ཧྲཱིཿལ་སོགས་པ་འདིར་མི་དགོས། དེ་ནས་དབུས་ཀྱི་བླ་མ་དེ་ཉིད་སྐྱབས་གནས་ཀུན་འདུས་ཀྱི་ངོ་བོར་བསྒོམ་ལ་འདི་གསུང་བ་ཞུ། ན་མོ་

[Full Size]

བུདྡྷ་ཡ། ན་མོ་དྷརྨ་ཡ། ན་མོ་སང་གྷ་ཡ། ཞེས་གསོལ་བཏབ། མགོན་པོའི་ཐུགས་ཀའི་ཧཱུྃ་ལས་འོད་ཟེར་དམར་པོ་མེ་འོད་ལྟ་བུ་འཕྲོས། དགྲ་བགེགས་གདུག་པ་ཅན་ཐམས་ཅད་ཚར་བཅད་ནད་གདོན་ཐམས་ཅད་ཞལ་དུ་དམར་འཇིར་འཇིར་གསོལ་བར་བསམ། ཨོཾ་བཛྲ་མ་ཧཱ་ཀཱ་ལ་ཀྵིཾ་ཀྵེ་ཊ་བིག་ནན་བི་ན་ཡ་ཀ་ཧཱུྃ་ཧཱུྃ་ཕཊ་ཕཊ་སྭཱཱ་ཧཱ། ཇི་ལྟར་རིག་པས་བརྗོད་དུ་གཞུག །དེ་ནས་གཡས་ཀྱི་རྗེ་བཙུན་མའི་ཐུགས་ཀའི་སྔགས་ཕྲེང་ལས་བདུད་རྩིའི་རྒྱུན་དམར་པོ་བབས་གསང་གནས་ནས་ཐོན། ཁྱེད་རང་གི་ཚངས་བུག་ནས་ཞུགས། ལུས་ལ་བདེ་ཆེན་གྱི་ཡེ་ཤེས་སྐྱེས་པར་མོས་ལ་སྔགས་འདི་གསུང་བ་ཞུ། ཨོཾ་བཛྲ་ན་ར་ཀྲིཾ་ཀྲིཾ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཅེས་པའམ་ཡང་ན་ཨོཾ་གསུམ་མ་ཚར་གསུམ་རེ་རྗེས་ཟློས་བྱེད་དུ་གཞུག །རྒྱུན་གྱི་ཐུགས་དམ་ལ་ཚར་ཅི་མང་བཟླ་བ་ཡིན། དེ་ནས་རྒྱབ་ཀྱི་པད་འདབ་ལ་བཞུགས་པའི་སྤྱན་རས་གཟིགས་ཀྱི་ཕྱག་གཡས་པའི་རིལ་བ་ནས་བདུད་རྩིའི་

[Full Size]

རྒྱུན་དཀར་པོ་བབས། ཁྱེད་རང་གི་ཚངས་བུག་ནས་ཞུགས་སྡིག་སྒྲིབ་དག །བདེ་བ་ཆེན་པོ་སྐྱེས་པར་བསམ་ནས་འདི་གསུང་བ་ཞུ། ཨོཾ་བཛྲ་རཀྵ་རཀྵ་ས་མན་ཏ་ཧཱུྃ་ཕཊ། ཅེས་པའམ་ཡང་ན་ཡི་གེ་དྲུག་པ་ཅི་རིགས་བཟླ་རུ་གཞུག །དེ་ནས་གཡོན་ངོས་ཀྱི་སྒྲོལ་མའི་ཞབས་གཡས་པའི་མཐེ་བོང་ལས་བདུད་རྩིའི་རྒྱུན་བབས། ཁྱེད་རང་གི་ལུས་ཐམས་ཅད་ལ་ཐིམ་པས་ནད་གདོན་སྡིག་སྒྲིབ་ཐམས་ཅད་དག །བདེ་བ་ཆེན་པོ་སྐྱེས་པར་བསམ་ནས། ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ཞེས་ལན་གསུམ་ལ་སོགས་པ་བརྗོད་དུ་གཞུག །དེ་ནས་པད་འདབ་ལ་བཞུགས་པའི་ལྷ་བཞི་དབུས་ཀྱི་བླ་མ་ལ་སིབ་ཐིམ། བླ་མའི་ཐུགས་ཀ་ནས་འོད་འཕྲོས་བརྒྱུད་པའི་བླ་མ་རྣམས་དང་སངས་རྒྱས་བྱང་སེམས། གསང་སྔགས་ཕྱི་ནང་གི་ལྷ་ཚོགས་ཐམས་ཅད་སྤྱན་དྲངས་བླ་མ་ལ་ཐིམ་པས་བླ་མ་སྐྱབས་གནས་ཀུན་འདུས་པ་འོད་དང་འོད་ཟེར་གྱི་རང་བཞིན་སྣང་ལ་རང་བཞིན་མེད་

[Full Size]

པར་གྱུར་པ་ལ་གསོལ་བཏབ་འདི་གསུང་བ་ཞུ། ན་མོ་བུདྡྷ་ཡ་ཞེས་སོགས་སྔར་ལྟར་བརྗོད་དུ་གཞུག །དེ་ནས་ཁྱེད་རང་གི་ལྟེ་བའི་གཏུམ་མོ་ཨ་ཐུང་ལས་མེ་སྦར་རྩ་དབུ་མའི་ནང་ན་ཡར་སོང་ཚངས་བུག་ནས་འཐོན་པའི་པདྨའི་ལྟེ་བ་ན་བཞུགས་པའི་བླ་མའི་སྐུ་ལ་ཕོག་པས་སྐུའི་ནང་གི་ལྷ་རྣམས་བདེ་བ་ཆེན་པོའི་ངོ་བོར་མེར་ཞུ། བདུད་རྩིའི་རྒྱུན་ཁྱེད་རང་གི་ཚངས་བུག་ནས་ཞུགས་སྨིན་མཚམས་ཡན་ཆད་གང་། བླ་མའི་སྐུའི་བྱིན་རླབས་ཐོབ། ལུས་ཀྱི་དྲི་མ་དག །བུམ་པའི་དབང་ཐོབ་སྙམ་པའི་མོས་པ་མཛོད། །ཌཱ་དྲིལ་དང་། ན་མོ་བུདྡྷ་ཡ་སོགས་ཀྱི་མཐར་ཨ་བེ་ཤ་ཡ་ཨ་བརྗོད། དེ་བཞིན་དུ་ཡང་བདུད་རྩིའི་རྒྱུན་ཚངས་བུག་ནས་ཞུགས། མགྲིན་པ་དང་སྙིང་གར་སླེབས་པ་ན་གསུང་དང་ཐུགས་ཀྱི་བྱིན་རླབས་ཐོབ་སྙམ་པ་དང་། ངག་དང་ཡིད་ཀྱི་སྒྲིབ་པ་དག་སྙམ་པ་དང་། གསང་དབང་ཤེས་རབ་ཡེ་ཤེས་ཀྱི་དབང་ཐོབ་སྙམ་པའི་མོས་པ་བྱེད་དུ་གཞུག །དེ་གཉིས་རེ་རེ་ལ་ཡང་ཌཱ་དྲིལ་དང་

[Full Size]

ན་མོ་བུདྡྷ་ཡ་སོགས་སྔར་བཞིན། ཡང་བླ་མའི་སྐུ་ལས་བདུད་རྩིའི་རྒྱུན་བབས་པ་ཁྱེད་རང་གི་ཚངས་བུག་ནས་ཞུགས་ལྟེ་བར་སླེབས་པ་བླ་མའི་སྐུ་གསུང་ཐུགས་ཀྱི་བྱིན་རླབས་ཐོབ། རང་གི་ལུས་ངག་ཡིད་གསུམ་གྱི་སྡིག་སྒྲིབ་དག་ནས་དབང་བཞི་པ་ཐོབ་སྙམ་པའི་མོས་པ་བྱེད་དུ་གཞུག་ཅིང་ཌཱ་དྲིལ་སྔར་བཞིན། དེ་ནས་ཆོས་འབྱུང་ཉིད་ནམ་མཁའ་ལ་འཇའ་ཡལ་བ་ལྟར་སོང་། བླ་མ་གདན་དང་བཅས་པ་འོད་དུ་མེར་ཞུ་ཁྱེད་རང་གི་སྤྱི་བོ་ནས་ཞུགས་མར་ཐིམ་པས། བླ་མའི་སྐུ་གསུང་ཐུགས་དང་ཁྱེད་རང་གི་ལུས་ངག་ཡིད་གསུམ་དབྱེར་མེད་དུ་གྱུར་ཏེ་གསལ་སྟོང་ཟུང་འཇུག་སྤྲོས་པའི་མཐའ་ཐམས་ཅད་དང་བྲལ་བ་དབྱིངས་རིག་དབྱེར་མེད་ནམ་མཁའ་ལྟ་བུའི་ངང་དུ་འཇོག་པར་ཞུ། །འདི་ནི་དོ་ཧ་ལས། ནམ་མཁའི་རང་བཞིན་ཉིད་དུ་དེ་བསམ་བྱ། ཞེས་དང་། དཔལ་ལྡན་ཞི་བ་ལྷས། ཐམས་ཅད་ནམ་མཁའ་འདྲ་བ་ནི། བདག་འདྲས་ཡོངས་སུ་བཟུང་བར་བགྱི། །ཞེས་

[Full Size]

གསུང་པ་སོགས་མདོ་རྒྱུད་བསྟན་བཅོས་ཐམས་ཅད་ཀྱི་དགོངས་དོན་གྱི་བལྟ་བ་འདི་ཡིན་ནོ། །རྗེས་གཙོ་བོས་སོགས་དཀྱུས་བཞིན་བྱ། དེ་ལྟར་བླ་མ་ལ་ཐོག་མར་བྱིན་རླབས་ཐོབ་ནས་ལྷ་བཞིའི་དྲིལ་སྒྲུབ་འདི་རྒྱུན་དུ་ཉམས་སུ་ལེན་ན། རང་ཐ་མལ་དུ་གནས་པའི་ལྷར་བསྒོམས་ཀྱང་རུང་། སྐྱབས་སེམས་སྔོན་དུ་བཏང་ནས་རང་གི་སྤྱི་བོའི་གཙུག་ཏུ་ཆོས་འབྱུང་ཕྱི་དཀར་ལ་ནང་དམར་བ་བདེ་བར་ཤར་ཞིང་བདེ་བར་གནས་པ་འོད་ཀྱི་རང་བཞིན་ཅན་རྩ་བ་ཕྲ་བ་རང་གི་ཚངས་བུག་ཏུ་ཟུག་པ། གདེངས་ཀ་ཆེ་བ་གྱེན་དུ་ཕྱོགས་པ་དེའི་ནང་དུ་པདྨ་འདབ་མ་བཞི་པའི་ལྟེ་བ་ལ་བླ་མ་རྡོ་རྗེ་འཆང་སྔར་བཤད་པ་བཞིན་དང་། ཕྱོགས་ཀྱི་འདབ་མ་བཞི་ལ་རང་རང་གི་གདན་གྱི་སྟེང་དུ་ས་བོན་ཧཱུྃ་སོགས་ལས་ལྷ་བཞི་བསྐྱེད། སོ་སོའི་ཡེ་ཤེས་པ་སྤྱན་དྲངས་ནས་བསྟིམ་པ་རྣམས་མདུན་བསྐྱེད་བཞིན་བྱ། དེ་ནས་བླ་མ་སྐྱབས་གནས་ཀུན་འདུས་སུ་བསྒོམ་ལ་ན་མོ་བུདྡྷ་ཡ་སོགས་

[Full Size]

ཀྱི་གསོལ་བཏབ་ནས་བཟུང་ལྷ་བཞི་སོ་སོའི་སྔགས་ཅི་ནུས་བཟླས་ལ་དབང་བཞི་བླངས། མཐར་བལྟ་བའི་ངང་དུ་འཇོག །བསྔོ་སྨོན་གྱི་རྒྱས་འདེབས་དང་བཀྲ་ཤིས་ཀྱི་ཕྲེང་བས་མཐའ་བརྟེན་པར་བྱའོ། །ཞེས་པ་འདི་ནི་དགེ་སློང་འདུལ་བ་འཛིན་པ་ངག་དབང་ཆོས་གྲགས་ཀྱིས་ལྕགས་ཕོ་འབྲུག་ལོ་ཟླ་བ་བདུན་པའི་ནང་དུ་སྔོན་གྱི་ཡིག་རྙིང་ལ་བརྟེན་ནས་མདར་གྲང་ཆེན་དུ་ཕྱག་ལེན་ལ་བཀོད་པའོ། །

འཁོར་ལོ་སྡོམ་པ་ལྷ་ལྔའི་མངོན་རྟོགས། རྒྱལ་མཚན་འབུམ།

[Full Size]

འཁོར་ལོ་སྡོམ་པ་ལྷ་ལྔའི་མངོན་རྟོགས་བཞུགས་སོ། །

[Full Size]

བླ་མ་དམ་པའི་ཞབས་བཏུད་ནས། །བཅོམ་ལྡན་བདེ་མཆོག་ལྷ་ལྔ་ཡི། །མངོན་རྟོགས་བླ་མའི་གསུང་བཞིན་དུ། །རང་སེམས་གསལ་འདེབས་དོན་དུ་བྲི། །དེ་ལ་བདེ་མཆོག་ལྷ་ལྔ་བསྒོམ་པར་འདོད་པས། །བླ་མ་དང་དཀོན་མཆོག་གསུམ་ལ་སྐྱབས་སུ་སོང་ནས། སེམས་ཅན་ཐམས་ཅད་ཀྱི་དོན་དུ་སངས་རྒྱས་ཐོབ་པར་བྱ། དེའི་དོན་དུ་ཧེ་རུ་ཀ་བསྒོམ་སྙམ་དུ་བྱང་ཆུབ་མཆོག་ཏུ་སེམས་བསྐྱེད་ལ། སྐད་ཅིག་གིས་མདུན་

[Full Size]

གྱི་ནམ་མཁར་རིགས་ལྔའི་ལྷ་ཚོགས་སྤྱན་དྲངས་ལ། བདག་གི་སྡིག་སྒྲིབ་སྦྱོང་དུ་གསོལ། །ཞེས་གསོལ་བ་བཏབ་པས། རིགས་ལྔའི་ཐུགས་ཀ་ནས་ལྷ་མོ་བདུད་རྩིའི་བུམ་ཆུ་ཐོགས་པས། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུྃ། ཞེས་པའི་ཁྲུས་བྱས་པས། རང་གི་སྡིག་སྒྲིབ་ཐམས་ཅད་དག་ནས་ལུས་ཤེལ་སྒོང་ལྟ་བུར་གྱུར་པར་བསམ་མོ། །བདུད་རྩི་རིལ་བུ་ལྕེ་ཐོག་ཏུ་བཞག་

[Full Size]

ནས། ཨོཾ་ཨ་མྲྀ་ཏ་ཝཀ་རཀྵ་ཧཱུྃ་ཕཊ། ཅེས་བརྗོད་དོ། །སེམས་རིག་སྟོང་འཛིན་མེད་དུ་བཞག་པར་བྱའོ། །དེ་ནས་རང་སྐད་ཅིག་གིས་གཙོ་བོ་བདེ་མཆོག་ཡབ་ཡུམ་གྱི་ཐུགས་ཀར་པདྨ་ཉི་མའི་སྟེང་དུ་ཧཱུྃ་བསམ་ནས། རྡོ་རྗེ་ཐོད་སྦྱོར་གྱི་ཕྱག་རྒྱ་དང་། །ཨོཾ་བཛྲ་རཀྵ་རཀྵ་ཧཱུྃ་ཕཊ། ཅེས་བརྗོད་པས། ཐུགས་ཀའི་ཧཱུྃ་ལས་རཾ་ཅིག་དབུ་མ་ནས་མདུན་དུ་ཆད་པ་ལས། ཉི་མའི་དཀྱིལ་འཁོར་གྱི་སྟོང་གསུམ་ཙམ་དུ་གྱུར། ཡང་ཧཱུྃ་གཅིག་ཉི་མའི་སྟེང་དུ་ཆད་པ་ལས། རྡོ་རྗེ་རྒྱ་གྲཾ་ལྟེ་བ་མཐིང་ག །ཤར་གྱི་རྭ་གསུམ་དཀར། ལྷོའི་རྭ་གསུམ་སེར། ནུབ་ཀྱི་རྭ་གསུམ་དམར། བྱང་གི་རྭ་གསུམ་ལྗང་གུའོ། །དེ་ཉིད་རྒྱ་ཆེ་བས་ས་གཞི། དཔངས་མཐོ་བས་རྩིགས་པ། རྡོ་རྗེའི་རྭ་རྣམས་སྟེང་དུ་འདུག་པས་བླ་རེའོ། །རྡོ་རྗེའི་སྟེང་དང་ཕྱོགས་བཞི་ནས་ཧཱུྃ་ཁ་དོག་ལྔ་འཕྲོས་པ་ལས། རྡོ་རྗེ་རྩེ་དགུ་པ། བདུན་པ། ལྔ་

[Full Size]

པ། གསུམ་པ། གཅིག་པ། སྲན་ཙམ། ནས་ཙམ་ཡན་ཆད་ཀྱིས་རྡོ་རྗེའི་བར་རྣམས་གཏམས་པ་དང་། འོག་གི་ཉི་མ་ལས་མེ་འབར་བས། ཕྱི་རྡོ་རྗེའི་རྭ་རྣམས་ཁྲོ་ཆུ་ལྟར་ཞུ་ནས། སྲིད་པའི་རླུང་གིས་ཀྱང་མི་ཐར་བའི་བསྲུང་བའི་འཁོར་ལོ་སྟོང་གསུམ་ཙམ་དུ་གྱུར་པར་བལྟའོ། །དེས་བདུད་བཞི་བཅོམ་སྟེ། ཤར་གྱི་རྭས་ལྷའི་བདུད་བཅོམ། ལྷོའི་ཕུང་པོའི། ནུབ་ཀྱིས་ཉོན་མོངས་པའི་བྱང་གིས་འཆི་བདག་གི་བདུད་བཅོམ་པའོ། །ཡང་དྲྭ་གུར་ཁ་དོག་ལྔ་ཕུང་པོའོ། །དེ་རིགས་ལྔས་ལྷའི་བུའི། །དེས་ཡེ་ཤེས་ལྔ་ཉོན་མོངས་པའི། དྲྭ་གུར་ནང་སྟོང་པས་འཆི་བདག་གི་བདུད་བཅོམ། རང་གི་ས་བོན་གྱི་འོད་ཟེར་གྱིས་བླ་མ་དང་། ཡི་དམ། དྲྭ་གུར་གྱི་ནང་དུ་དཔང་པོར་སྐད་ཅིག་གིས་སྤྱན་དྲངས་ལ་བཞུགས་པར་བལྟས་ལ་སྐྱབས་འགྲོ་ལན་གསུམ་བྱའོ། །སེམས་ཅན་ཐམས་ཅད་བདེ་བ་དང་ཕྲད་པར་འདོད་པའི་

[Full Size]

བྱམས་པ་སྡུག་བསྔལ་ལས་སྐྱོབ་པར་འདོད་པའི་སྙིང་རྗེ། ཧེ་རུ་ཀའི་གོ་འཕང་ལ་བཀོད་པའི་བྱང་ཆུབ་ཀྱི་སེམས་བསྒོམས་པས། བཅོམ་ལྡན་འདས་ཐུགས་རྗེའི་དབང་གིས་མདུན་དུ་བྱོན་ཏེ། དེའི་འོད་ཟེར་རང་གི་ལུས་ལ་ཕོག་པས། ཕུང་པོ་ཁམས། སྐྱེ་མཆེད། ནད་གདོན་སྡིག་སྒྲིབ་ཐམས་ཅད་དག་ནས་མེ་ལོང་གསལ་བ་ལ་གཟུགས་བརྙན་ཤར་བ་ལྟར་མདུན་གྱི་ལྷ་དང་རང་ཉིད་དབྱེར་མེད་པའི་བདེ་མཆོག་གི་སྐུར་འགྱུར་པའོ། །རང་ཧེ་རུ་ཀར་གསལ་བའི་ཐུགས་ཀའི་ཧཱུྃ་ལས་འོད་ཟེར་འཕྲོས་པས། འོག་མིན་ནས་ལྷ་ལྔའི་དཀྱིལ་འཁོར་བླ་མ་དང་བཅས་པ་ལ་སངས་རྒྱས་བྱང་ཆུབ་སེམས་དཔའ་དཔག་ཏུ་མེད་པས་བསྐོར་བ་སྤྱན་དྲངས་ནས། རང་གི་གནས་གསུམ་དུ་ཐལ་མོ་སྦྱར་ཏེ། ཨོཾ་ན་མ་ཏེ་ཧཱུྃ། ཨོཾ་ན་མོ་མི་ཧཱུྃ། ཨོཾ་ན་མོ་ན་མ་ཧཱུྃ། ཞེས་པས་ཕྱག་བྱའོ། །དང་པོ་ནི། སྙིང་གའི་ཧཱུྃ་ལས་མེ་ཏོག་མ་སེར་མོ། །དྲི་ཆབ་མ་དཀར་མོ། །བདུག་

[Full Size]

སྤོས་མ་སྔོན་མོ། །མར་མེ་མ་དམར་མོ། ཞལ་ཟས་མ་དཀར་སེར་དཔག་ཏུ་མེད་པས་མཆོད་དེ། །གཉིས་པ་ཧཱུྃ་ལས་ཌཱ་ཀི་མ་མཐིང་ག །ལཱ་མ་ལྗང་གུ། ཁཎྜ་རོ་ཧི་དམར་མོ། རཱུ་པ་ནི་སེར་མོ་དང་བཞི་གཡས་ཤ་ལྔ། གཡོན་བདུད་རྩི་ལྔ་ཐོགས་པ་དཔག་ཏུ་མེད་པས་མཆོད་དོ། །གསུམ་པ་ནི། བདེ་བ་རྒྱས་པའི་ལྷ་མོ་བཞི་ཡབ་ཡུམ་ལ་ཐིམ་པའི་སྙོམས་འཇུག་གི་བདེ་བས་མཆོད་དེ། །བཞི་པ་ནི། མཆོད་བྱ་མཆོད་བྱེད་མཆོད་པ་རྣམས་རང་བཞིན་མེད་པར་ཤེས་པར་བྱའོ། །ལྔ་པ་ནི། སྔར་བྱས་པའི་སྡིག་པ་ལ་འགྱོད་པ་བསྐྱེད། ཕྱིས་མི་བྱེད་པར་བསྡོམས། དེ་ལྟའི་རང་བཞིན་མེད་པར་བཤགས་སོ། །སྤྱིར་བསྟན་པ་དང་། སྔགས་ཕྱི་ནང་། ཁྱད་པར་དུ་བདེ་མཆོག་གི་སྒོར་ཞུགས་པ་ལ་ཡི་རང་བའོ། །སངས་རྒྱས་གཙོ་བོ་ཡབ་ཡུམ། ཆོས་སྔགས་གྲགས་སྟོང་། དགེ་འདུན་

[Full Size]

ལྷ་མོ་བཞི་ལ་སྐྱབས་སུ་འགྲོ་བའོ། ལམ་གྱི་དམ་པ་མཆོག །བདེ་བའི་མཆོག་འདི་རང་གི་རྒྱུད་ལ་བརྟན་པའོ། །དགེ་བའི་རྩ་བ་དེ་རྣམས་སེམས་ཅན་གྱི་དོན་བྱང་ཆུབ་ཆེན་པོར་བསྔོ་བར་བྱའོ། །དེ་ནས་དཀོན་མཆོག་གསུམ་ལ་བདག་སྐྱབས་མཆི། །སྡིག་པ་ཐམས་ཅད་སོ་སོར་བཤགས། །འགྲོ་བའི་དགེ་ལ་རྗེས་ཡི་རངས། །སངས་རྒྱས་བྱང་ཆུབ་ཡིད་ཀྱིས་བཟུང་། །སངས་རྒྱས་ཆོས་དང་ཚོགས་མཆོག་ལ། །བྱང་ཆུབ་བར་དུ་སྐྱབས་སུ་མཆི། །བྱང་ཆུབ་སེམས་སུ་འདི་བགྱིད་དེ། །བདག་དང་གཞན་དོན་རབ་བསྒྲུབ་ཕྱིར། །བདག་ནི་བྱང་ཆུབ་སེམས་མཆོག་བསྐྱེད། །ཨེ་མ་ཧོ། །སེམས་ཅན་ཀུན་གྱི་མགྲོན་དུ་གཉེར། །བྱང་ཆུབ་སྤྱོད་མཆོག་མཛད་བཞིན་སྤྱད། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ཅེས་ལན་གསུམ་བརྗོད་དོ། །སེམས་ཅན་ཐམས་ཅད་བདེ་བ་དང་ཕྲད་པར་འདོད་པའི་བྱམས་པ། །

[Full Size]

སྡུག་བསྔལ་ལས་སྐྱོབས་པའི་སྙིང་རྗེ། །བདེ་བ་དམ་པ་དང་མི་འབྲལ་བ་ལ་སྤྲོ་བའི་དགའ་བ། ཀུན་ལ་སེམས་མཉམ་པའི་བཏང་སྙོམས། ཨོཾ་སྭ་བྷཱ་ཝ་ཤུདྡྷ་སརྦ་དྷརྨ་སྭ་བྷཱ་ཝ་ཤུདྡྷོ་྅ཧཾ། གིས་ཆོས་ཐམས་ཅད་སྒྱུ་མ་ལྟ་བུར་བསམ། ཨོཾ་ཤཱུ་ནྱཱ་ཏཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ་གིས་ཆོས་ཐམས་ཅད་སྟོང་པ་ཉིད་དུ་བསྒོམ་མོ། །སྟོང་པའི་ངང་ལས་རླུང་གི་དཀྱིལ་འཁོར་ཟླ་གཾ། དེའི་སྟེང་དུ་རཾ་ལས་མེའི་དཀྱིལ་འཁོར་གྲུ་གསུམ། དེའི་སྟེང་དུ་བྃ་ལས་ཆུའི་དཀྱིལ་འཁོར་ཟླུམ་པོ། །དེའི་སྟེང་དུ་ལཾ་ལས་སའི་དཀྱིལ་འཁོར་གྲུ་བཞི། དེའི་སྟེང་དུ་སུམ་ལས་རིའི་རྒྱལ་པོ་རི་རབ་གྲུ་བཞི། རིན་པོ་ཆེ་སྣ་བཞི་ལས་གྲུབ་པ། ལྕོག་བརྒྱད་ཀྱིས་རྣམ་པར་མཛེས་པའོ། །རི་རབ་དེའི་སྟེང་དུ་ཧཱུྃ་ལས་བྱུང་བའི་སྣ་ཚོགས་རྡོ་རྗེའོ། །དེའི་སྟེང་དུ་པཾ་ལས་སྣ་ཚོགས་པདྨ་འདབ་བརྒྱད། ལྟེ་བ་དང་གེ་སར་དུ་ལྡན་པའོ། །དེའི་དབུས་སུ་པཾ་ལས་པདྨ། རཾ་

[Full Size]

ལས་ཉི་མ་དང་འཇིགས་བྱེད་དུས་མཚན་ནོ། །དེའི་སྟེང་དུ་རང་སེམས་ཧཱུྃ་དུ་གྱུར་པ་ལས། འོད་ཟེར་སྣ་ཚོགས་འཕྲོས་པས་དོན་གཉིས་བྱས། །ཚུར་འདུས་པ་ལས། བདག་ཉིད་དཔལ་ཧེ་རུ་ཀ་སྐུ་མདོག་སྔོན་པོ་ཞལ་གཅིག་ཕྱག་གཉིས། གཡས་རྡོ་རྗེ། གཡོན་དྲིལ་བུ་རྣམས་པས་ཡུམ་ལ་འཁྱུད་པ། སྟག་གི་ཤམ་ཐབས་ཅན། ཞབས་གཡས་བརྐྱང་བས་བཞུགས་པའོ། །དེའི་ཡུམ་རྗེ་བཙུན་མ་སྐུ་མདོག་དམར་བ། ཞལ་གཅིག་ཕྱག་གཉིས་པ། གཡས་གྲི་གུག་འཕྱར་བ། གཡོན་ཐོད་ཁྲག་སྟོབས་པ། ལང་ཚོ་མཛེས་ཤིང་སྒེག་པ། བདེ་བའི་ཉམས་དང་ལྡན་པས་ཡབ་ལ་འཁྲིལ་བའོ། །དེ་ལྟར་ཡབ་ཡུམ་གཉིས་ཀ་སྤྱན་གསུམ་པ། མཆེ་བ་གཙིགས་པ། ཐོར་གཙུག་ལ་ཉི་ཟླས་མཛེས་པའོ། །ཐོད་པ་སྐམ་པོ་ལྔས་བརྒྱན་པ། འཁོར་ལོ་དང་། རྣ་རྒྱན་དང་། མགུལ་རྒྱན་དང་། སེ་མོ་དོ་དང་། དཔུང་རྒྱན་དང་། ཕྱག་

[Full Size]

གདུབ་དང་། དོ་ཤལ་དང་། སྐེ་རག་དང་། ཕྱག་རྒྱ་དྲུག་གམ་ལྔས་བརྒྱན་པ། མི་མགོ་སྐམ་རློན་ལྔ་བཅུའི་དོ་ཤལ་ཅན། མཚན་དཔེས་བརྒྱན་པ། གར་གྱི་ཉམས་དགུ་དང་ལྡན་ཞིང་། འོད་དང་འོད་ཟེར་གྱི་རང་བཞིན་ཅན། མེ་དཔུང་གི་ཀློང་ན་བཞུགས་པར་བལྟའོ། །ཤར་གྱི་པད་འདབ་ལ་མཁའ་འགྲོ་མ་མཐིང་ག །བྱང་དུ་ལཱ་མ་ལྗང་གུ། །ནུབ་ཏུ་དུམ་སྐྱེས་མ་དམར་མོ། ལྷོར་གཟུགས་ཅན་མ་སེར་མོ། དེ་རྣམས་ཀྱང་ཞལ་གཅིག་ཕྱག་གཉིས་སྤྱན་གསུམ་མ། སྐྲ་གྲོལ་བ། མཆེ་བ་གཙིགས་པ། གཡས་གྲི་གུག །གཡོན་ཐོད་པ་དང་ཁ་ཊཱཾྭ་ག་བསྣམས་པའོ། །དེ་ཡང་གཅེར་བུ་རུས་པ་དང་། མི་མགོས་བརྒྱན་པ། རོའི་སྟེང་དུ་ཞབས་གཡས་བརྐྱང་བས་བཞུགས་པའོ། །སྙིང་་གའི་ཧཱུྃ་གི་འོད་ཟེར་གྱིས་འོག་མིན་ནས། ལྷ་ལྔའི་ཡེ་ཤེས་པ་སྤྱན་དྲངས་ལ་མཆོད་དོ། །ཛཿཧཱུྃ་བཾ་

[Full Size]

ཧོཿས་བསྟིམ་མོ། །ཡབ་ཀྱི་དཔྲལ་བར་པད་ཟླའི་སྟེང་དུ་ཨོཾ་དཀར་པོ། མགྲིན་པར་པད་ཟླའི་སྟེང་དུ་ཨཱཿདམར་པོ། སྙིང་གར་པད་ཟླའི་སྟེང་དུ་ཧཱུྃ་སྔོན་པོ་བསམ་མོ། །ཡང་ཧཱུྃ་གི་འོད་ཟེར་གྱིས་རིག་ལྔ་སྤྱན་དྲངས་ལ་མཆོད་དེ། །བྱང་ཆུབ་རྡོ་རྗེ་སངས་རྒྱས་ལ། །ཅི་ལྟར་མཆོད་ཅིང་གསོལ་བ་ལྟར། །བདག་ཀྱང་རབ་ཏུ་སྐྱོབ་པའི་ཕྱིར། །ནམ་མཁའི་རྡོ་རྗེ་དེང་དག་སྩོལ། ཨོཾ་སརྦ་ཏ་ཐཱ་ག་ཏ་ཨ་བྷི་ཥིཉྩ་ཏུ་མཾ། ཞེས་གསོལ་བ་བཏབ་པ་དང་། གཙོ་བོའི་ཐུགས་ཀ་ནས་ཡུམ་ལྔས་བདུད་རྩིའི་བུམ་པ་ཐོགས་ནས། ཧཱུྃ། ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ཤྲཱི་ས་མ་ཡེ་ཧཱུྃ། །ཞེས་དབང་བསྐུར་བས། ལུས་ངག་ཡིད་གསུམ་གྱི་སྡིག་སྒྲིབ་དག་སྟེ། །དབང་བཞི་ཐོབ་ནས་ཆུ་ལྷག་མ་ཡར་ལུད་པ་ལས། མི་

[Full Size]

བསྐྱོད་པས་དབུ་བརྒྱན་པར་བསམ་མོ། །རྡོ་རྗེ་ཕག་མོ་དང་མཁའ་འགྲོ་མ་ལ་རྣམ་པར་སྣང་མཛད། ལཱ་མ་ལ་དོན་ཡོད་གྲུབ་པ། དུཾ་སྐྱེས་མ་ལ་འོད་དཔག་མེད། །གཟུགས་ཅན་མ་ལ་རིན་ཆེན་འབྱུང་ལྡན་གྱིས་དབུ་བརྒྱན་ནོ། །དེ་ནས་ཀ་པཱ་ལར་མ་ད་ན་བླུགས་ལ་ཤ་ལྔ་བདུད་རྩི་ལྔར་སྦྱང་ངོ་། །ཡང་ན་ཀ་པཱ་ལར་ལྷ་ལྔ་བསྐྱེད་ལ་བཟླས་པ་བྱས་པས། ཡབ་ཡུམ་གྱི་སྦྱོར་མཚམས་ནས་བདུད་རྩི་བབས་པས། ཐོད་པ་ཁེངས་ནས་ཡབ་ཡུམ་ཀྱང་ཞུ་སྟེ་ཐིམ་པས་དེ་ལྷ་ཚོགས་རྡོ་རྗེ་འཆང་། ནི་གུ་མ། བླ་མ་ཤངས་པ། རྨོག་ལྕོག་པ། སྐྱེར་སྒང་པ། སངས་རྒྱས་གཉན་སྟོན། སངས་རྒྱས་སྟོན་པ། མཁས་གྲུབ་ཞང་སྟོན། མཁས་གྲུབ་ཚུལ་ཁྲིམས་མགོན་པོ། །ཆོས་རྗེ་ཁམས་པའོ། །རྣམས་མཆོད་ནས། ལྕེ་ཐོག་ཏུ་བཞག་པས། བདེ་སྟོང་གཉིས་སུ་མེད་པར་བསྒོམ་མོ། །བསྐྱེད་པའི་རིམ་པའོ། །དེ་ནས་ལུས་གནད་ཙོག་

[Full Size]

པུར་བྱས་ལ། ལུས་ཡི་དམ་དུ་བསྐྱེད་པའི་རྩ་དབུ་མ་ཕྱི་དཀར་ལ་ནང་དམར་བ། ཡར་སྣེ་ཚངས་བུག །མར་སྣ་གསང་གནས་སོ། །རྩ་རོ་རྐྱང་གཉིས་ཡར་སྣེ་སྣ་སྒོ་གཉིས། མར་སྣ་ལྟེ་འོག་སོར་བཞིར་ཟུག་པའོ། །སྤྱི་བོ་བདེ་ཆེན་གྱི་འཁོར་ལོ་རྩ་འདབ་སུམ་ཅུ་རྩ་གཉིས་ཀྱི་ལྟེ་བར་ཧཾ་དཀར་པོའོ། །མགྲིན་པ་ལོངས་སྤྱོད་ཀྱི་འཁོར་ལོ་རྩ་འདབ་བཅུ་དྲུག་གི་ལྟེ་བར་ཨོཾ་སེར་པོ། སྙིང་ག་ཆོས་ཀྱི་འཁོར་ལོ་རྩ་འདབ་བརྒྱད་ཀྱི་ལྟེ་བར་ཧཱུྃ་སྔོན་པོ། །ལྟེ་བར་སྤྲུལ་པའི་འཁོར་ལོ་རྩ་འདབ་དྲུག་ཅུ་རྩ་བཞིའི་ལྟེ་བར་ཨཱཿདཀར་པོ། དེས་རྩ་དབུ་མའི་ནང་ལྟེ་འོག་སོར་བཞིར་ཨཱཿདམར་པོ་མཚལ་ཤད་ལྟ་བུ་ཅིག་བསམ་ནས་སྲོག་རྩོལ་གྱི་སྦྱོར་བས། རླུང་གཉིས་ཁ་སྦྱར་བས། ཨཱཿལས་ཡེ་ཤེས་ཀྱི་མེ་འབར་ཏེ། དབུ་མ་ན་ཡར་སོང་བས། ལྟེ་བ་ལ་སོགས་པའི་ཡི་གེ་རྣམས་རིམས་གྱིས་བསྲེགས་ཏེ། སྤྱི་བོའི་

[Full Size]

ཧཾ་ལ་མེ་ཕོག་པས་བདུད་རྩི་བབས་ནས། སྤྱི་བོ། མགྲིན་པ། སྙིང་ག །ལྟེ་བའི་རྩ་འདབ་རྣམས་ཁེངས་པས། ཡི་གེ་རྣམས་གསོལ་ནས། འབར་འཛགས་ལ་རྩེ་གཅིག་ཏུ་འབད་པས། དྲོད། བདེ་བ། གསལ་བ། མི་རྟོག་པ་དང་གསུམ་འཆར་བར་འགྱུར་རོ། །རྫོགས་པའི་རིམ་པའོ། །དེས་ན་དབུགས་ཕྱིར་འགྲོ་དེ་ཧཱུྃ་མང་པོའི་ཐུགས་རྡོ་རྗེ་དཔག་ཏུ་མེད་པར་གྱུར་ནས། རང་དང་སེམས་ཅན་གྱི་དོན་བྱས་པ་ནི་ཐུགས་ཀྱི་གསང་བའོ། །རླུང་ནང་དུ་འཇུག་པ་ནི། ཨོཾ་མང་པོའམ། སྐུ་རྡོ་རྗེར་གྱུར་ནས་རང་དང་སེམས་ཅན་གྱི་དོན་བྱས་པ་ནི་སྐུའི་གསང་བ་བསམ་གྱིས་མི་ཁྱབ་པའོ། རླུང་ནང་དུ་གནས་པ་ཨར་གྱུར་པའམ། གསུང་རྡོ་རྗེ་དཔག་ཏུ་མེད་པས་རང་གཞན་གྱི་དོན་བྱས་པ་ནི་གསུང་གི་གསང་བ་བསམ་གྱིས་མི་ཁྱབ་པའོ། །དེ་ལྟར་རླུང་འགྲོ་འོང་གནས་གསུམ་རྡོ་རྗེའི་བཟླས་པ་ཡི་གེ་ཨར་འདུས་པ་ནས། ཨཱ་གསལ་ལ་རྟོག་མེད་བདེ་བ་ཆེན་པོའི་རང་བཞིན་ལ་སེམས་རྩེ་གཅིག་ཏུ་གནས་པར་

[Full Size]

བྱའོ། །རྡོ་རྗེའི་བཟླས་པའོ། །དེ་ནས་གཙོ་བོའི་ཐུགས་ཀར་པད་ཉིའི་སྟེང་དུ་ཧཱུྃ་ལས་ཡི་གེ་བདུན་པས་བསྐོར་བའོ། །ཡུམ་གྱི་ཐུགས་ཀར་པད་ཉིའི་སྟེང་དུ་བྃ་ལས་བཻ་རོ་ཙ་ནས་བསྐོར་བར་བསམ། དེ་ལྟར་ས་བོན་དང་ཡི་གེ་མི་འཁོར་བ་ལས་གསལ་བར་བལྟས་ནས། ཡིད་ཀྱི་བཟླས་པ་བྱས་པའི་རྐྱེན་གྱིས་ཡིག་འབྲུ་ལས་འོད་བྱུང་ནས་ཁོང་པའི་ནང་ཁེངས་པས་སྡིག་སྒྲིབ་ཐམས་ཅད་སངས་ཀྱིས་དག་པར་བསམ། བསམ་གཏན་གྱི་བཟླས་པའོ། །དེ་ནས་རང་ཉིད་ཡུམ་གྱི་ཐུགས་ཀའི་ས་བོན་ལ་སྙིང་པོ་དང་ཉེ་བའི་སྙིང་པོས་བསྐོར་བ་ལ་དམིགས་ནས། བཟླས་པ་བྱས་པས། ཡབ་ཀྱི་ཐུགས་ཀའི་སྔགས་རྣམས་དབུ་མར་བརྒྱུད། རྡོ་རྗེ་ནས་ཡུམ་གྱི་པདྨ་དང་དབུ་མ་ནས་ཡར་སོང་། ཡུམ་གྱི་ཐུགས་ཀའི་སྔགས་དང་བཅས་ཏེ་ཞལ་ནས་གསང་གནས་སུ་འཁོར་བར་བསམ་མོ། །

[Full Size]

དེ་ལྟར་སྔགས་འཁོར་བ་དང་དེའི་འོད་ཟེར་རྣམས་བདེ་བའི་རང་བཞིན་དུ་བསམ་ལ་བཟླས་པ་བྱའོ། །ཨོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧཱུྃ་ཧཱུྃ་ཕཊ། ཌཱ་ཀི་ནི་བཛྲ་ཛྭ་ལ་སཾ་བ་ར་སྭཱ་ཧཱ། སྙིང་པོའོ། ཨོཾ་ཧྲི་ཧ་ཧ་ཧཱུྃ་ཧཱུྃ་ཕཊ། ཉེ་སྙིང་ངོ། ཨོཾ་བཛྲ་བཻ་རོ་ཙ་ན་ཡཻ་ཧཱུྃ་ཧཱུྃ་ཕཊ་སྭཱ་ཧཱ། སྙིང་པོའོ། ཨོཾ་སརྦ་བུདྡྷ་ཌཱ་ཀི་ནི་ཡཻ་བཛྲ་ཝརྞ་ནི་ཡེ་ཧཱུྃ་ཧཱུྃ་ཕཊ་སྭཱ་ཧཱ། ཉེ་སྙིང་ངོ་། ཨོཾ་ཌཱ་ཀི་ནི་ཡེ་ཧཱུྃ་ཧཱུྃ་ཕཊ། ཨོཾ་ལཱ་མེ་ཡཻ་ཧཱུྃ་ཧཱུྃ་ཕཊ། ཨོཾ་ཁཎྜ་རོ་ཧི་ཧཱུྃ་ཧཱུྃ་ཕཊ། ཨོཾ་རཱུ་པ་ནི་ཡེ་ཧཱུྃ་ཧཱུྃ་ཕཊ། ལྷ་མོ་བཞིའོ། །ཕྲེང་བའི་བཟླས་པའོ། །དེ་ནས་ཐུན་མཚམས་སུ་གཏོར་མ་གཏོང་བར་འདོད་པས། སུམྦྷ་ནིས་བསང་། སྭ་བྷཱ་ཝས་སྦྱངས། སྟོང་པའི་ངང་ལས་ཡཾ་ལས་རླུང་གི་དཀྱིལ་འཁོར། རཾ་ལས་མེའི་དཀྱིལ་འཁོར། ཀཾ་ལས་མི་མགོ། ཨཱཿལས་ཐོད་པའི་ནང་དུ་པདྨ་འདབ་

[Full Size]

མ་བརྒྱད་པའི་དབུས་དང་། ཕྱོགས་བཞིར། གོ་ཀུ་ད་ཧ་ན་སྟེ་ཤ་ལྔ་རི་རབ་ཙམ་མོ། །དབུས་དང་ཕྱོགས་བཞིར། བི་མུ་ཤཱུ་མ། ར་སྟེ་བདུད་རྩི་ལྔའི་རྒྱ་མཚོའོ། །ཨོཾ་ཧཱུྃ་ཏྲཱཾཿཧྲཱིཿཨ་སྟེ་རིགས་ལྔའི་ས་བོན་ལྔའོ། །དེའི་སྟེང་དུ་ཟླ་བའི་ཡི་གེ་གསུམ་དང་བཅས་པ་དང་། དེའི་སྟེང་དུ་ཧཱུྃ་ལས་བྱུང་བའི་ཁ་ཊཱཾྭ་ག་དཀར་པོ་མགོ་བོ་། ཐུར་དུ་བལྟ་བ་བདུད་རྩིའི་རང་བཞིན་ཧཱུྃ་གིས་མཚན་པར་བལྟའོ། །དེ་ནས་ཡྃ་ལས་རླུང་གཡོས། རྃ་ལས་མེ་འབར་ཏེ། རྫས་རྣམས་ཁོལ་བ་དང་། ཡི་གེ་གསུམ་བརྗོད་པ་དང་། ཧཱུྃ་གིས་སྦྱངས། ཨཱཿས་དག་པར་བྱས། ཨོཾ་གྱི་སྤེལ་ནས། ཁ་ཊཱཾྭ་ག་ཧཱུྃ་གི་འོད་ཟེར་གྱིས་ཡེ་ཤེས་ཀྱི་བདུད་རྩི་བཀུག་ནས། ཁ་ཊཱཾྭ་ག་ལ་ཐིམ་པ་དང་། དེ་ཉིད་ཀྱིས་དཀྲུགས་པས། ཟླ་བ་དང་བཅས་པ་ཞུ་ནས་གཉིས་སུ་མེད་པར་བསམ་མོ། །དེ་ནས་མདུན་དུ་དམ་ཚིག་གི་ཙཀྲ་དང་། འགྲོ་དྲུག་

[Full Size]

གི་སེམས་ཅན་ཐམས་ཅད་དཔའ་བོ་དང་། དཔའ་མོར་བསྐྱེད་ནས། རྐང་པ་གཡས་པས་གཡོན་པའི་མཐེ་བོང་མནན་ཏེ། འབར་བའི་ཕྱག་རྒྱ་ཕེཾ་གྱི་སྒྲ་དང་། ཧཱུྃ་འོད་ཟེར་དང་ལྡན་པས། ངག་ཏུ། ཨོཾ་བཛྲ་ཨ་ར་ལི་ཧོ། ཛཿཧཱུྃ་བྃ་ཧོཿབཛྲ་ཌཱ་ཀི་ནི་ས་མ་ཡ་སྟཾྭ། ཏྲི་ཤ་ཧོཿཡེ་ཤེས་པ་བསྟིམ་ལ་མཆོད་དེ། དེ་ནས་ལྷ་ཚོགས་ལྗགས་རྡོ་རྗེའི་སྦུ་གུ་ཅན་རྣམས་ཀྱིས་གསོལ་བར་བསམ་ནས། ཨོཾ་བཛྲ་ཌཱ་ཀི་ཨི་དཾ་བྷ་ལིང་གྲི་ཧྣ་ཧཱུྃ་ཧཱུྃ་ཕཊ། ཨོཾ་ཧྲཱི་ཧ་ཧ་ཧཱུྃ་ཧཱུྃ་ཕཊ། ཨོཾ་བཛྲ་བཻ་རོ་ཙ་ཎི་ཡེ་ཧཱུྃ་ཧཱུྃ་ཕཊ་སྭཱ་ཧཱ། །ཨོཾ་ཌཱ་ཀི་ནི་ཡེ་ཧཱུྃ་ཧཱུྃ་ཕཊ། ཨོཾ་ལཱ་མེ་ཡེ་ཧཱུྃ་ཧཱུྃ་ཕཊ། ཨོཾ་ཁཎྜ་རོ་ཧི་ནི་ཡེ་ཧཱུྃ་ཧཱུྃ་ཕཊ། ཨོཾ་རཱུ་པ་ནི་ཡེ་ཧཱུྃ་ཧཱུྃ་ཕཊ། ཨི་དཾ་བྷ་ལིང་ཏ་ཁ་ཁ་ཁཱ་ཧི་ཁཱ་ཧི། ཞེས་ལན་གསུམ་མམ་ལྔས་དབུལ་ལོ། །དེ་ནས་དུར་ཁྲོད་ན་གནས་པ་དང་། འབྱུང་པོའི་ཚོགས་

[Full Size]

ཐམས་ཅད་ལ་འབུལ་ཏེ། ཨོཾ་ཁ་ཁ་ཁཱ་ཧི་ཁཱ་ཧི། སརྦ་ཡཀྵ་རཀྵ་བྷཱུ་ཏ་པྲེ་ཏ་བི་ཤཉྩ་ཨུད་མ་ཏ་ཨ་པ་སྨ་ར། ཌཱ་ཀ་ཌཱ་ཀི་ནྱ་དྷ་ཡ། ཨི་མཾ་བྷ་ལིཾ་གྲིཧྣ་ཏུ། ས་མ་ཡ་རཀྵནྟུ། གནོད་སྦྱིན་སྲིན་པོ་འབྱུང་པོ་ཡི་དྭགས་ཤ་ཟ་སྨྱོ་བྱེད་བརྗེད་བྱེད་མཁའ་འགྲོ་མ་ལ་སོགས་པ་བདེ་ལེགས་ཐམས་ཅད་བཞེས་སུ་གསོལ་ཟོ་ཅིག་ཟོ་ཅིག་དམ་ཚིག་བསྲུང་དུ་གསོལ་མ་མ་སརྦ་སིདྡྷི་མེ་པྲ་ཡ་ཙྪན་དུ་ཡ་ཐེ་བཾ་ཡ་ཐེཥྚན་པུཉྩ་ཐཱ་པི་པཱ་ཐཱ་ཛཱི་ག་ཐཱ། མ་ཏི་ཀྲ་མ་ཐཱ་མ་མ་སརྦ་ཀར་ཏ་དངོས་གྲུབ་བདག་ལ་སྩལ་དུ་གསོལ། ཅི་ལྟ་བ་བཞིན་དུ་ཅི་ལྟར་འདོད་པ་། གསོལ་ཅིག་འཐུང་ཅིག་དགོངས་ཤིག །མ་མདའ་བར་ཡ་སད་སུ་ཁཾ་བི་ཤུདྡྷ་ཡེ་སྭཱ་ཧཱ། ཡི་ཀ་བྷ་ཝ་ན་ཏུ་ཧཱུྃ་ཧཱུྃ་ཕཊ་སྭཱ་ཧཱ། ཅེས་ག་ལན་གསུམ་ཕུལ་བས། མཉེས་པར་བསམ་མོ། །བདག་གི་དགོས་འདོད་ཐམས་ཅད་རྣམ་པར་དག་པའི་གྲོགས་མཛད་དུ་

[Full Size]

གསོལ། །བཅོམ་ལྡན་མགོན་པོ་དཔའ་བོ་དབང་ཕྱུག་ནི། །བསྐལ་པའི་མེ་དཔུང་ལྟ་བུར་རབ་ཏུ་འབར། །རལ་པའི་ཅོད་པན་དབུ་ཡི་རྒྱན་དུ་བྱས། །མཆེ་བ་རབ་གཙིགས་དྲག་ཤུལ་འཇིགས་པའི་ཞལ། །སྐུ་ལ་གཟི་བརྗིད་སྤྱན་སྟོང་ལྡན་པ་པོ། །དགྲ་སྟྭ་ཞགས་པ་ཁ་ཊཱཾྭ་མདུད་བསྣམས་ཤིང་། །རབ་འཇིགས་སྟག་གི་པགས་པ་སྐུ་ལ་གསོལ། །སྐུ་ཆེན་དུད་ཀས་བགེགས་འདུལ་མཛད་ལ་འདུད། །བཅོམ་ལྡན་རྣམ་ཀུན་རྡོ་རྗེ་ཕག་མོ་ནི། །འཇིག་རྟེན་གསུམ་སོགས་ཕྱོགས་གཞན་རྒོལ་བས་མི་ཐུབ་ཅིང་། །འབྱུང་པོའི་འཇིགས་པ་མ་ལུས་རྡོ་རྗེ་ཆེན་མོས་འཇོམས། །རྡོ་རྗེ་གདན་བཞུགས་ཚངས་སོགས་དབང་བྱེད་ལས་རྒྱལ་ཞིང་། །རྡོ་རྗེ་ཕག་མོ་ཁྲོ་མོའི་གཟུགས་ཅན་དྲག་སྐེམས་མ། །རྨུགས་བྱེད་རེངས་བྱེད་རྨོངས་བྱེད་ལས་ནི་རྣམ་རྒྱལ་ཞིང་། །བདུད་ཀྱི་འཇིགས་པ་ལ་སོགས་སྐེམས་ཤིང་ཕམ་པར་མཛད་པ་

[Full Size]

མོ། །རྣལ་འབྱོར་ཆེན་མོ་འདོད་པའི་དབང་ཕྱུག་མ་ལ་འདུད། །ཅེས་པས་བསྟོད་དོ། །བཅོམ་ལྡན་བདེ་མཆོག་འཁོར་དང་བཅས། །ཁྱེད་ལ་མཆོད་ཅིང་བསྟོད་པ་འདིས། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང་། །དཔལ་དང་གྲགས་དང་སྐལབ་བཟང་། །ལོངས་སྤྱོད་རྒྱ་ཆེ་ཀུན་ཐོབ་ཅིང་། །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་བསྲུང་། །དངོས་གྲུབ་ཅན་གྱིས་སྡོང་གྲོགས་མཛོད། །དུས་མིན་འཆི་དང་ནད་རྣམས་དང་། །གདོན་དང་གེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང་། །འབྲུ་དང་ཆོས་རྣམས་འཕེལ་བར་ཤོག །བདེ་ལེགས་ཐམས་ཅད་འབྱུང་བ་དང་། །ཡིད་ལ་འདོད་པ་ཀུན་འགྲུབ་ཤོག །ཅེས་པས་ཕྲིས་གཞོལ་ལོ། །གང་ཡང་

[Full Size]

བདག་བློ་གཏི་མུག་པས་སོགས། ཅེས་པས་བཟོད་པར་གསོལ། ཨོཾ་ཁྱེད་ཀྱིས་སེམས་སོགས་ཨོཾ་བཛྲ་མུཿཅེས་པས་གཤེགས་སུ་གསོལ། དགེ་བའི་ཚོགས་རྣམས་བསགས་པ་ཀུན་སོགས། ཅེས་པས་བསྔོ་བ་བྱའོ། །ལེགས་པའི་ཡོན་ཏན་རབ་རྫོགས་པ་སོགས་ཅེས་པས་བཀྲ་ཤིས་བརྗོད་དོ། །མངོན་རྟོགས་མུ་ཏིག་ཕྲེང་བ་འདི། །བློ་དམན་བདེ་བླག་རྟོགས་བྱའི་ཕྱིར། །བླ་མའི་གསུང་བཞིན་གནང་བར་ཞུས། །བློ་ལ་འཛིན་རྒྱུ་དགུད་དུ་བཀོད། །བཤད་པ་གོང་མའི་མངོན་རྟོགས་ལྟར། །དགེ་བས་འགྲོ་དོན་འབྱུང་བར་ཤོག །ལྷ་ལྔའི་མངོན་པར་རྟོགས་པ། །སྔགས་འཆང་རྒྱལ་མཚན་འབུམ་གྱི་ཡི་གེར་བཀོད་པའོ། །རྫོགས་སོ། །འདི་བྲིས་དགེ་བ་དྲི་མེད་དཀར་བ་དེས། ནམ་མཁའི་མཐའ་ཁྱབ་གྱུར་པའི་སེམས་ཅན་རྣམས། །འཁོར་ལོ་སྡོམ་པའི་གོ་འཕང་མྱུར་ཐོབ་ཤོག། །།

བདེ་མཆོག་ལྷ་ལྔའི་དབང་བཞིའི་འགྲིགས། དྷྭ་ཛ་ལཀྵ།

[Full Size]

བདེ་མཆོག་ལྷ་ལྔའི་དབང་བཞིའི་འགྲིགས་བཞུགས་སོ།། །།

[Full Size]

བླ་མ་ཡི་དམ་དབྱེར་མེད་ལ། །གུས་བཏུད་ཏིང་འཛིན་དབང་བསྐུར་བྲི། །གང་ཞིག་དཔལ་འཁོར་ལོ་སྡོམ་པའི་དབང་བསྐུར་བར་འདོད་པས། །ཡིད་དང་མཐུན་པའི་གནས་བསྟར་བ་ལེགས་པར་བྱས་པའི་མཎྜལ་གྱི་ས་གཞི་ལ། བ་ཡི་རྣམ་ལྔ་དང་། དྲི་བཟང་དང་། བདུད་རྩིས་བྱུགས་ལ། པདྨ་འདབ་བཞི་ཕྱོགས་ཚོན། ལྟེ་བ་དང་ལྔ་ལ་མེ་ཏོག་གི་ཚོམ་བུ་བཀོད། །ཆུ་གསུམ་དང་། མཆོད་པ་ལྔ་

[Full Size]

དང་། ནང་མཆོད་དང་། གཏོར་མ་ལྔ་བཤམ་མོ། །དེ་ནས་རང་ཉིད་ལྷའི་མངོན་རྟོགས་བསྒོམ་ཞིང་བཟླས་པ་བྱ། མཆོད་པ་བསང་སྦྱངས་བྱིན་གྱིས་བརླབས་སོ། །དེ་ནས་མཎྜལ་གཞལ་ཡས་ཁང་གྲུ་བཞི་སྒོ་བཞིར་བསམ་པའི་དབུས་སུ། པདྨ་འདབ་བཞི་ལྟེ་བར་ཧཱུྃ། ལཾ་མཾ་སཾ་ཏཾ་ལས་འོད་ཟེར་འཕྲོས་ཏེ། ཁམས་གསུམ་གྱི་སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས་ནས། འོད་ཟེར་ཚུར་

[Full Size]

འདུས། ས་བོན་ལ་ཐིམ་པ་ལས། འཁོར་ལོ་བདེ་མཆོག་སྐུ་མདོག་སྔོན་པོ་ཞལ་གཅིག་ཕྱག་གཉིས་པ། རྡོ་རྗེ་དྲིལ་བུ་འཛིན་པས་ཡུམ་རྡོ་རྗེ་ཕག་མོ་ལ་འཁྱུད་པ། ཤར་དུ་མཁའ་འགྲོ་མ་མཐིང་ག །བྱང་དུ་ལཱ་མ་ལྗང་གུ། ནུབ་ཏུ་ཁཎྜ་རོ་ཧི་དམར་མོ། ལྷོར་གཟུགས་ཅན་མ་སེར་མོར་བསྐྱེད་ལ། མ་ལུས་ཅེས་པ་ནས། སྤྱན་དྲངས་ནས། བསྟོད་པའི་བར་དུ། མཆོད་ཕྲེང་ལྟར་བྱ། གཏོར་མ་འབུལ། བདག་འཇུག་བླང་ངོ་། དེ་ནས་སློབ་མ་མཚན་ཉིད་དང་ལྡན་པ་གྲལ་ལ་འཁོད་པ་ལ། བགེགས་གཏོར་བཏང་། དལ་འབྱོར་རྙེད་པར་དཀའ་བ་ནས། ཡེ་ཤེས་དབབ་པའི་བར་སྔོན་འགྲོ་ལྟར་བྱའོ། །དེ་ནས་སློབ་མའི་སྤྱི་བོར་པྃ་ལས་པདྨ། རྃ་ལས་ཉི་མའི་དཀྱིལ་འཁོར་དང་། འཇིགས་བྱེད་དང་དུས་མཚན་གྱི་སྟེང་དུ་ཧཱུྃ་མཐིང་ག །མགྲིན་པར་པྃ་ལས་པདྨ་དམར་པོ་འདབ་མ་བཞིའི་སྟེང་དུ་ཨཱཿདམར་པོ་འབུར་སྐྱེས་

[Full Size]

ཅིག་བསམ། སྙིང་གར་པད་ཉི་དང་འཇིགས་བྱེད་དུས་མཚན་གྱི་སྟེང་དུ་ཧཱུྃ་མཐིང་ག །ལྟེ་བར་ཆོས་འབྱུང་གྲུ་གསུམ་དམར་པོའི་ནང་དུ་བཾ་དམར་པོ་ཅིག་བསམ་མོ། །དེ་ནས་སྤྱི་བོའི་ཧཱུྃ་ལས་འོད་ཟེར་ཕར་འཕྲོས། ཁམས་གསུམ་གྱི་སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས་ནས། བཅོམ་ལྡན་འདས་འཁོར་ལོ་བདེ་མཆོག་གི་གོ་འཕང་ལ་བཀོད། འོད་ཟེར་ཚུར་འདུས་ཧཱུྃ་ལ་ཐིམ། ཧཱུྃ་དེ་ཡོངས་སུ་འགྱུར་པ་ལས། ཧེ་རུ་ཀ་བླ་མ་དང་གཉིས་སུ་མེད་པའི་རང་བཞིན་རྒྱན་ཆ་ལུགས་དང་ལྡན་པ་ཡབ་ཡུམ་གྱི་རྣམ་པ་ཅན་ལ། ཌཱ་ཀི་བཞི་གཡོན་སྐོར་དུ་ཀོ་རོ་རོ་བསྐོར་བ་བྱེད་པ་ལ་ཤེས་པ་གཏད་དོ། །དེ་ནས་ངོ་བོ་ནི་བླ་མ། རྣམ་པ་ནི་ཡི་དམ་སྐུའི་ངོ་བོ་ལྷ་ལྔ་ལ། རང་གི་ལུས་ལོངས་སྤྱོད་དང་། དུས་གསུམ་དུ་བསགས་པའི་དགེ་བའི་རྩ་བ་ཐམས་ཅད་དང་། ཕྱི་ནང་གསང་གསུམ་གྱིས་མཆོད་ལ། བླ་མ་

[Full Size]

རིན་པོ་ཆེས་བདག་ལ་དབང་བཞི་རྫོགས་པར་བསྐུར་དུ་གསོལ། ཅེས་གསོལ་བ་བཏབ་པས། དེའི་ཐུགས་ཀའི་ཧཱུྃ་ལས་བདུད་རྩིའི་ཆུ་རྒྱུན་ནམ་འོད་ཟེར་དཀར་པོ་བྱུང་བས་རང་གི་སྤྱི་བོ་བདེ་ཆེན་གྱི་འཁོར་ལོ་འོད་ཀྱིས་ཁྱབ་པས་ལུས་ཀྱི་སྡིག་སྒྲིབ་དག །བུམ་པའི་དབང་ཐོབ། དེ་ནས་མགྲིན་པ་ལོངས་སྤྱོད་ཀྱི་འཁོར་ལོ་འོད་ཀྱིས་ཁྱབ་པས། ངག་གི་སྡིག་སྒྲིབ་དག །གསང་བའི་དབང་ཐོབ། དེ་ནས་ཆོས་ཀྱི་འཁོར་ལོ་འོད་ཀྱིས་ཁྱབ་པས། ཡིད་ཀྱི་སྡིག་སྒྲིབ་དག །ཤེས་རབ་ཡེ་ཤེས་ཀྱི་དབང་ཐོབ། དེ་ནས་ལྟེ་བ་སྤྲུལ་པའི་འཁོར་ལོ་འོད་ཀྱིས་ཁྱབ་པས། ལུས་ངག་ཡིད་གསུམ་གྱི་སྡིག་སྒྲིབ་དག །དབང་བཞི་པ་ཐོབ་པར་བསམ། བུམ་པའི་དབང་བཞིའོ། །དེ་ནས་སྤྱི་བོའི་ལྷ་མོ་བཞི་ཡུམ་ལ་ཐིམ། ཡུམ་ཡབ་ལ་ཐིམ། ཡབ་འོད་དུ་ཞུ་ཞིང་། སྤྱི་བོ་ཚངས་པའི་བུ་ག་ནས་མར་ཞུགས་ནས། མགྲིན་པའི་ཨཱཿལ་

[Full Size]

མ་ཐིམ་པར་བསམ་མོ། །དེ་ནས་བླ་མ་ཡི་དམ་གྱི་གསུང་གིས་ངོ་བོ་ཨཱཿདེ་ལ་སྔ་མ་ལྟར་མཆོད་ལ། བདག་ལ་གསང་བའི་དབང་བསྐུར་དུ་གསོལ། ཅེས་གསོལ་བ་བཏབ་པས། ཨཱཿལས་འོད་ཟེར་དཀར་ལ་དམར་བའི་མདངས་ཆགས་པ་བདེ་ཕྲི་ལི་ལི་བྱུང་ནས། མགྲིན་པ་ལོངས་སྤྱོད་ཀྱི་འཁོར་ལོ་འོད་ཀྱིས་ཁྱབ་པས། ངག་གི་སྡིག་སྒྲིབ་དག །གསང་བའི་དབང་ཐོབ་པར་བསམ་མོ། །དེ་ནས་མགྲིན་པའི་པདྨ་འོད་དུ་ཞུ་ཨཱཿལ་ཐིམ། ཨཱཿའོད་དུ་ཞུ་ཞིང་སྙིང་གའི་ཧཱུྃ་ལ་ཐིམ། ཧཱུྃ་ཡོངས་སུ་གྱུར་པ་ལས་བཅོམ་ལྡན་འདས་བདེ་མཆོག་ལྷ་ལྔའི་དཀྱིལ་འཁོར་དུ་གྱུར་པར་བསམ། དེ་ཡང་རྩ་བའི་མཁའ་འགྲོ་མ་བཞི་གཙོ་བོ་ལ་བསྐོར་བ་བྱེད་པ་ལ་ཤེས་པ་གཏད་དོ། །དེ་ནས་བླ་མ་ཡི་དམ་གྱི་ཐུགས་ཀྱི་ངོ་བོ་ལྷ་ལྔ་ལ་སྔར་ལྟར་མཆོད་ལ། བདག་ལ་ཤེས་རབ་ཡེ་ཤེས་ཀྱི་དབང་བསྐུར་དུ་གསོལ། །

[Full Size]

ཅེས་གསོལ་བ་བཏབ་པས། གཙོ་བོའི་ཐུགས་ཀ་ནས་འོད་ཟེར་སྔོན་པོ་བྱུང་ནས། སྙིང་ག་ཆོས་ཀྱི་འཁོར་ལོ་འོད་ཀྱིས་ཁྱབ་པས། །ཡིད་ཀྱི་སྡིག་སྒྲིབ་དག །ཤེས་རབ་ཡེ་ཤེས་ཀྱི་དབང་ཐོབ་པར་བསམ། དེ་ནས་སྙིང་གའི་ལྷ་མོ་བཞི་ཡུམ་ལ་ཐིམ། ཡུམ་ཡབ་ལ་ཐིམ། ཡབ་འོད་དུ་ཞུ། །ལྟེ་བ་ཆོས་འབྱུང་གི་བཾ་ལ་ཐིམ། བཾ་དེ་ཡོངས་སུ་གྱུར་པ་ལས་རྗེ་བཙུན་མ་ཞལ་གཅིག་ཕྱག་གཉིས་མ་ཕྱག་གཡས་ན་ཅང་ཏེའུ་སྒྲ་དང་བཅས་པ། གཡོན་ན་ཐོད་པ་བསྣམས་པ། སྐུ་མདོག་དམར་མོ་རུས་པའི་རྒྱན་ཆ་ཅན། ཁྲོ་བ། འཛུམ་པ། སྒེག་པ། གར་བྱེད་པ་དེ་ལ་ཤེས་པ་གཏད་དོ། །དེ་ནས་བླ་མ་ཡི་དམ་གྱི་སྐུ་གསུང་ཐུགས་ཀྱི་ངོ་བོ་རྗེ་བཙུན་བླ་མ་ལ་སྔར་ལྟར་མཆོད་ལ། བླ་མ་རིན་པོ་ཆེ་བདག་ལ་དབང་བཞི་བསྐུར་དུ་གསོལ། ཅེས་གསོལ་བ་བཏབ་པས། རྣལ་འབྱོར་མའི་སྣ་བུག་གཡས་ནས་ཨཱ་ལི་བྱུང་། གཡོན་ནས་

[Full Size]

ཀཱ་ལི་བྱུང་ནས། སྨིན་མཚམས་སུ་གཡུང་དྲུང་རིས་དམར་པོ་ཅིག་ཏུ་གྱུར་ནས་དེ་དྲག་ཏུ་འཁོར་བར་བསམ་མོ། །དེ་ནས་རྣལ་འབྱོར་མ་འོད་དུ་ཞུ་ནས་རང་ལ་ཐིམ། རང་ཡང་འོད་ཀྱི་ཕུང་པོ་ལྟ་བུར་སྟོང་སངས་ཀྱིས་སོང་ནས། ཆོས་ཐམས་ཅད་ཀྱི་གནས་ལུགས་སྤྲིན་མེད་པའི་ནམ་མཁའ་ལྟ་བུ་དར་ཅིག་བསྒོམ་དུ་གཞུག་གོ། །དེ་ལུས་ངག་ཡིད་གསུམ་ཐ་དད་ཀྱི་སྡིག་སྒྲིབ་དག །དབང་བཞི་པ་ཐོབ་པར་བསམ་མོ། །དེ་ནས་ཆོས་སྐུ་ལ་ལོངས་སྐུར་ལྟ་བའི་ཚུལ་གྱིས་སྒྱུ་མ་ལྟ་བུའི་སྐུ། །སྣང་ལ་ཞེན་པ་མེད་པར་མེ་ལོང་ནང་གི་གཟུགས་བརྙེན་ལྟ་བུར་བསྒོམ་མོ། །དེ་ལྟར་སྤྱི་བོའི་བླ་མ་ལ་སེམས་གཏད་ནས་བསྒོམ་པས་དྲོད་སྐྱེ། དགའ་བའི་དབང་དུ་བྱས་ན་ཉམས་སུ་མྱོང་བའི་དགའ་བའོ། །མགྲིན་པའི་ཨཱཿལ་ཤེས་པ་གཏད་པའི་དུས་སུ། ལུས་སེམས་ལ་བདེ་བ་སྐྱེ། དེས་གསང་

[Full Size]

བའི་དབང་གི་ངོ་སྤྲོད། དགའ་བའི་དབང་དུ་བྱས་ན་མཆོག་དགའོ། །སྙིང་གའི་ལྷ་ཚོགས་ལ་ཤེས་པ་གཏད་པའི་དུས་སུ། ལུས་སེམས་ལ་མི་རྟོག་པ་སྐྱེ། དེས་ཤེས་རབ་ཡེ་ཤེས་ཀྱི་དབང་གི་ངོ་སྤྲད་དོ། །དགའ་བའི་དབང་དུ་བྱས་ན་དགའ་བྲལ་གྱི་དགའ་བའོ། །ཆོས་འབྱུང་གི་རྣལ་འབྱོར་མ་ལ་ཤེས་པ་གཏད་པའི་དུས་སུ། ལུས་སེམས་ལ་བདེ་དྲོད་མི་རྟོག་པ་གསུམ་སྐྱེ། དབང་གསུམ་པའི་ངོ་བོ་གཅིག་ཏུ་འདུས་པ་དེ་དབང་བཞི་པའི་ངོ་སྤྲོད། དགའ་བའི་དབང་དུ་བྱས་ན་ལྷན་ཅིག་སྐྱེས་པའི་དགའ་བའོ། །དེ་ནས་སློབ་མ་ལ་མཆོད་པ་རྣམ་ལྔ་ཚར་གཅིག་དབུལ་ལོ། །དབང་གི་ཕན་ཡོན་ནི། དབང་མ་ཐོབ་པ་དང་། ཐོབ་ནས་ཉམས་པ་གསོ་བ་དང་། སྡིག་པ་ཐམས་ཅད་མྱུར་དུ་ཟད་ནས། དཔལ་བདེ་བ་ཆེན་པོའི་སྐུ་མངོན་སུམ་དུ་མཐོང་བར་འགྱུར་རོ། །ལྷན་ཅིག་སྐྱེས་པའི་ཡེ་ཤེས་རྒྱུད་ལ་སྐྱེས་ནས། བཅུ་བཞི་བདེ་བ་ཆེན་པོའི་ས་ཐོབ་པར་

[Full Size]

འགྱུར་རོ། །དེ་ཡང་དབང་ལ་གསུམ་སྟེ། མ་སྨིན་པར་སྨིན་པར་བྱེད་པ་གཞིའི་དབང་། སྨིན་པ་གྲོལ་བར་བྱེད་པ་ལམ་གྱི་དབང་། གྲོལ་བ་མཐར་ཕྱིན་པ་འབྲས་བུའི་དབང་སྟེ། །དེ་ཡང་རྡོ་རྗེའི་སྒོའི་རྒྱུད་ལས། གཞི་ནི་དབང་ལ་བརྟེན་པ་དང་། །རྒྱུ་ནི་དབང་གིས་བསྐྱེད་པ་དང་། །ལམ་ནི་དབང་གིས་བགྲོད་པ་དང་། །འབྲས་བུ་དབང་དུ་གནས་པའོ། །མ་སྨིན་སྨིན་པར་བྱ་བ་དང་། །སྨིན་པ་རྣམ་པར་གྲོལ་བའི་ཕྱིར། །དབང་བསྐུར་ཞེས་ནི་གྲགས་པ་ཡིན། །ཅེས་སོ། དེ་ནས་ཚོགས་ལ་ལོངས་སྤྱོད་པ་ལ་སོགས་པའོ། །བདག་འཇུག་དང་། ཁྲིད་དང་། ཉམས་ལེན་རྒྱུན་པ་ལ་སྔོན་འགྲོ་དང་། རྗེས་ཀྱི་བཤད་པ་སྤངས་ནས། སློབ་མའི་སྤྱི་བོར་ཅེས་པ། རང་གི་སྤྱི་བོར་ཅེས་པར་བསྒྱུར་ནས། མེ་ལོང་ནང་གི་གཟུགས་བརྙན་ལྟ་བུར་བསྒོམ། ཞེས་པའི་བར་བླང་ངོ་། །ཚེ་འདས་ཀྱི་
དོན་དུ་བྱེད་ན། རྟེན་བསྐྱེད་ནས་རྣམ་ཤེས་བསྟིམ་པ་ཙམ་མམ། ཡང་ན་ཉེ་བའི་སྲས་བརྒྱད་ལ་གསོལ་བ་བཏབ་པའི་བར་དུ། ཀུན་རིག་ལྟར་བྱས་པ་ལ་དབང་བཞི་བསྐུར་རོ། །འདོད་ཡོན་དང་། བྱང་བུ་བསྲེགས་པ་དང་། ལམ་སྦྱངས་བསྟན་ནང་གི་ལུགས་ལྟར་བྱའོ། །དེ་ལྟར་བདེ་མཆོག་ལྷ་ལྔའི་དབང་བཞི། དབང་བཞི་ལུས་ལ་བསྒྲིགས་པའི་གཞུང་དང་། འཁྲུགས་བསྡེབས་དྷྭ་ཛ་ལཀྵས་བཀོད། །དགེ་བས་བདེ་མཆོག་གོ་འཕང་ཐོབ་པར་ཤོག །ཤཱུབྷཾ་

དཔལ་འཁོར་ལོ་སྡོམ་པའི་ཏིང་འཛིན་གྱི་དབང་བསྐུར། ཁྱུང་པོ་རྣལ་འབྱོར།

[Full Size]

དཔལ་འཁོར་ལོ་སྡོམ་པའི་ཏིང་འཛིན་གྱི་དབང་བསྐུར་བཞུགས་པ་དགེ་ལེགས་འཕེལ། །རྒྱ་གར་སྐད་དུ། ཤྲཱི་ཙཀྲ་སཾ་བྷ་ར་མཎྜལ་ལ་བི་དྷི་ནཱ་མ། བོད་སྐད་དུ། དཔལ་འཁོར་ལོ་སྡོམ་པའི་དཀྱིལ་འཁོར་གྱི་ཆོ་ག་ཞེས་བྱ་བ། དཔལ་འཁོར་ལོ་སྡོམ་པ་ལ་ཕྱག་འཚལ་ལོ། །གང་ཞིག་ཏིང་ངེ་འཛིན་གྱི་དབང་

[Full Size]

བསྐུར་བར་འདོད་པས། ཐོག་མ་ཁོ་ནར་ཡིད་འཇུག་པའི་གནས་བསྟར་བ་ལེགས་པར་བྱའོ། །དེར་བཅོམ་ལྡན་འདས་བདེ་མཆོག་གི་བྲིས་སྐུ་དང་བླུག་མ་ལ་སོགས་པ་ལེགས་པར་བཀྲམ་མོ། །དེ་ནས་གཞི་ལ་སོགས་ལ་ཕྱག་དར་བྱ་ཡོལ་བ་དང་བླ་བྲེ་བཀྲམ་པར་པའི་རྣམ་ལྔ་དང་། དྲི་ཆང་ལ་སོགས་པས་ལེགས་པར་བྱུག་གོ། །དེ་ལ་ལྷ་དྲུག་ཅུ་རྩ་གཉིས་ཀྱི་མཎྜལ་ལཾ། ལྷ་བཅུ་གསུམ་མམ། །ལྷ་ལྔའི་རྟེན་མཎྜལ་བྱས་ཏེ། དེ་བཟང་དང་བདུད་རྩི་ལྔ་ཡང་པདྨ་འདབ་བཞི་ཕྱོགས་ཚོན། ལྟེ་བ་དང་ལྔ་ལ་མེ་ཏོག་གི་ཚོམ་བུ་དགོད། དེ་ལ་ལྷ་ལྔ་བསྐྱེད་མཆོད་པ་ལྔ་དང་གཏོར་མ་རྒྱ་ཆེན་པོ་བཤམ་མོ། །དེ་ནས་སློབ་ཤར་མཐིང་ག་བྱང་ལྗང་གུ་ནུབ་དམར་པོ་ལྷོ་སེར་པོ་མ་མཚན་ལྟེ་བར་ཧཱུྃ་ཉིད་དང་ལྡན་པ་གྲལ་ལ་འཁོད་དུ་ལྔ་ལ་སོགས་གཞུག་གོ། །ཉམས་པ་ཡིན་ན་ཧེ་རུ་ཀའི་ཡི་གེ་བརྒྱ་པའམ། རྡོ་རྗེ་སེམས་དཔའ་ཡི་གེ་བརྒྱ་པ་གང་རུང་

[Full Size]

བཟླས་པ་བྱེད་དུ་གཞུག །དེ་ལ་འཆི་བ་མི་རྟག་པ་ནས་སྨོན་འཇུག་གི་སེམས་གཉིས་བསྐྱེད། བསླབ་བྱ་དང་བཅས་པ་དང་དཀྱིལ་འཁོར་དུ་གཞུག་པ་ལ་སོགས་པ་བྱའོ། །དལ་འབྱོར་རྙེད་པར་དཀའ་བ་དང་སྐྱབས་འགྲོ་ཐུན་མོང་དང་ཁྱད་པར་ཅན་ཡིན་ནོ། །གནང་བ་སྦྱིན་པ་རྟོགས་པ་བསྡུ་བ། ལམ་ཡན་ལག་ལྔ་གསང་སྔགས་འབྱུང་བར་དཀོན་པ། དམ་ཚིག་གསུམ་སྦྱིན་དེ་ནས་རང་ཉིད་བསྐྱེད་པའི་རིམ་པའི་རྣལ་འབྱོར་དུ་ཞུགས་ཏེ། སྒྲུབ་པ་པོ་རང་གི་ཐུགས་ཀར་པྃ་ལས་པདྨ། རྃ་ལས་ཉི་མའི་དཀྱིལ་འཁོར་གྱི་སྟེང་དུ་ཧཱུྃ་སྔོན་པོ་ཅིག་བསམ། དེ་ལ་ཡི་གེ་བདུན་པས་བསྐོར་བར་བསམ་ཞིང་བསྙེན་པ་ཅི་རིགས་ཤིག་བསྐྱལ་བར་བྱའོ། །དེ་ནས་མཎྜལ་གྱིས་དབུས་ཀྱི་ཧཱུྃ་ལས་འོད་འཕྲོས་ཏེ། ཁམས་གསུམ་གྱི་སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས་ནས། འོད་ཟེར་ཚུར་འདུས་ཧཱུྃ་ལ་ཐིམ་པ་ལས། དྲུག་ཅུ་རྩ་གཉིས་སམ། བཅུ་གསུམ་

[Full Size]

མམ། ལྷ་ལྔའི་དཀྱིལ་འཁོར་དུ་བསྐྱེད་དོ། །དེ་ལས་ཡེ་ཤེས་སེམས་དཔའ་ལ་སོགས་པ་གཞུང་བཞིན་བྱའོ། །དེ་ནས་ཨོཾ་ཧྲཱིཿཧ་ཧ་ཧཱུྃ་ཧཱུྃ་ཕཊ། །ཅེས་པའི་སྔགས་ཀྱིས་མཆོད་པ་རྣམ་ལྔ་འབུལ་ལོ། །དེ་ནས་ཆང་བྱིན་གྱིས་རླབས་པ་ནི། ཀ་པཱ་ལིའི་ནང་དུ། བདེ་མཆོག་ཡབ་ཡུམ་ལྷན་སྐྱེས་ཀྱི་ཚུལ་དུ་སྐད་ཅིག་གིས་བསྐྱེད་ལ། སྔགས་བཟླས་པས་ཡབ་ཡུམ་གྱི་སྦྱོར་མཚམས་ནས་ཐིག་ལེ་བྱང་ཆུབ་ཀྱི་སེམས་བདུད་རྩིའི་རང་བཞིན་ཕྱི་ཡི་དང་དུ་བབས་པས སྐུ་གསུང་ཐུགས་བྱིན་རླབས་དབང་བསྐུར་རྒྱས་གདབ་ནང་གི་མཆོད་པ་བཟོད་ཞལ་དུ་འབུལ། གསང་མཆོད་ཕུལ་ནས་བསྟོད་པ་བྱའོ། ཐོད་པའི་ཆང་ཡེ་ཤེས་ཀྱི་བདུད་རྩི་དཀར་དམར་གྱིས་བདུད་རྩིར་གྱུར། དེ་ནས་ཡབ་ཡུམ་བདེ་བའི་ངོ་བོར་ཞུ་ནས་ཐོད་པ་ལྟེམ་གྱིས་ཁེངས་པར་བསམ་མོ། །དེ་ནས་ཚོགས་ཀྱི་ཡོ་བྱད་དང་། མཆོད་རྫས་ཐམས་གཉིས་ཀྱང་

[Full Size]

ཅད་ལ་གཏོར་བས་ཐམས་ཅད་བདུད་རྩིར་བྱིན་གྱིས་རླབས་པར་བྱའོ། །དེ་ནས་སློབ་མའི་སྤྱི་བོར་པྃ་ལས་པདྨ། རྃ་ལས་ཉི་མའི་དཀྱིལ་འཁོར་གྱི་སྟེང་དུ་ཧཱུྃ་བསམ། མགྲིན་པའི་པྃ་ལས་པདྨ་དམར་པོ་འདབ་མ་བཞི་པའི་དཀྱིལ་འཁོར་དུ་ཨཱཿ དམར་པོ་འཇིགས་བྱེད་དང་དུས་མཚན། འབུར་སྐྱེས་ཅིག་སྙིང་གར་ཡང་པད་ཉིའི་སྟེང་དུ་ཧཱུྃ་ཅིག་བསམ། ལྟེ་བར་ཆོས་འབྱུང་གི་ནང་དུ་པཾ་དམར་པོ་ཅིག་བསམ་དུ་གཞུག་གོ། །དེ་ལས་སྤྱི་བོའི་ཧཱུྃ་ལས་དང་འཇིགས་བྱེད་དུས་མཚན་གྱི་འོད་ཟེར་འཕྲོས་པས་དམར་བའི་ཁམས་གསུམ་གྱི་སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས་ནས། བཅོམ་ལྡན་འདས་འཁོར་ལོ་བདེ་མཆོག་གི་གོ་འཕང་ལ་བཀོད། འོད་ཟེར་ཚུར་འདུས་ནས་ཧཱུྃ་ལ་ཐིམ་ཧཱུྃ་ཡོངས་སུ་འགྱུར་པ་ལས་ཧེ་རུ་ཀ་བླ་མ་དང་གཉིས་སུ་མེད་པའི་རང་བཞིན་རྒྱན་ཆ་ལུགས་དང་ལྡན་

[Full Size]

པ་ཡབ་ཡུམ་གྱི་རྣམ་པ་ཅན་དུ་བསྒོམ་མོ། དེའི་ཐུགས་ཀའི་ས་བོན་གྱི་ཡི་གེ་ཧཱུྃ་ལས་འོད་ཟེར་བྱུང་བས་རང་གི་སྤྱི་བོ་བདེ་བ་ཆེན་པོ་འོད་ཀྱིས་ཁྱབ་པས་ལུས་ཀྱི་ཌཱ་ཀི་མ་བཞིས་བསྐོར་བ་སྡིག་སྒྲིབ་དག་པར་བསམ་མོ། །དེ་ནས་མགྲིན་པ་ལོངས་སྤྱོད་ཀྱི་འཁོར་ལོ་འོད་ཀྱིས་ཁྱབ་པས། ངག་གི་སྡིག་སྒྲིབ་དག་པར་བསམ། དེ་ནས་སྙིང་བུམ་པའི་དབང་ངོ་། ག་ཆོས་ཀྱི་འཁོར་ལོ་འོད་ཀྱིས་ཁྱབ་པ་ཡིད་ཀྱི་སྡིག་སྒྲིབ་དག་པར་བསམ། དེ་ནས་ལྟེ་བ་གསང་དབང་ཐོབ་སྤྲུལ་པའི་འཁོར་ལོ་འོད་ཀྱིས་ཁྱབ་ལུས་ངག་ཡིད་གསུམ་གྱི་སྡིག་སྒྲིབ་དག་པར་ཤེས་རབ་ཡེ་ཤེས་ཀྱི་དབང་ཐོབ་བསམ། དེ་ནས་སྙིང་གའི་ཧཱུྃ་ཡོངས་སུ་གྱུར་པ་ལས། བཅོམ་ལྡན་འདས་བདེ་མཆོག་དབང་བཞི་པ་ཐོབ་ལྷ་ལྔའི་དཀྱིལ་འཁོར་རོ། །དེ་ཡང་རྩ་བའི་མཁའ་འགྲོ་མ་བཞིས་གཙོ་བོ་ལ་བསྐོར་བ་བྱེད་པ་ལ་ཤེས་པ་

[Full Size]

གཏད་དོ། །དེའི་གཙོ་བོའི་ཐུགས་ཀ་ནས་འོད་ཟེར་བྱུང་བས་ཆོས་འབྱུང་ནང་གི་གི་པཾ་ལ་ཕོག་པ་དང་། པཾ་ཡོངས་སུ་གྱུར་པ་ལས་རྗེ་བཙུན་མ་ཞལ་གཅིག་ཕྱག་གཉིས་མ། གཡས་ན་ཅང་ཏེའུ་སྒྲ་དང་བཅས་པ་བསྣམས་པ། གཡོན་ན་ཐོད་པ་བསྣམས་པ། སྐུ་མདོག་དམར་མོ་རུས་པའི་རྒྱན་ཆ་ཅན་ཁྲོ་བ་འཛུམ་པ་སྒེག་པ་གར་བྱེད་པ་དེ་ལ་ཤེས་པ་གཏད་དོ། །དེ་ནས་སྤྱི་བོའི་བླ་མ་འོད་དུ་ཞུ་ནས་སྙིང་གའི་བཅོམ་ལྡན་འདས་ལ་ཐིམ། བཅོམ་ལྡན་འདས་འོད་དུ་ཞུ་ལྟེ་བའི་རྣལ་འབྱོར་ལ་ཐིམ། རྣལ་འབྱོར་མའི་སྣ་བུག་གཡས་ནས་ཨཱ་ལི་བྱུང་། གཡོན་ནས་ཀཱ་ལྔས་བརྒྱན་པ་ལི་བྱུང་། སྨིན་མཚམས་སུ་གཡུ་དྲུང་དམར་པོ་ཅིག་ཏུ་གྱུར་ནས་འཁོར་བར་བསམ་མོ། །དེ་ནས་རྣལ་འབྱོར་མ་འོད་དུ་ཞུ་ནས་རང་ལ་ཐིམ། རང་གི་ཕུང་པོ་ཡང་འོད་ཕུང་ལྟ་བུ་ལ་སྟོང་སངས་དྲག་ཏུ་ཀྱིས་སོང་ནས་ཆོས་ཐམས་

[Full Size]

ཅད་ཀྱི་གནས་ལུགས་སྤྲིན་མེད་པའི་ནམ་མཁའ་ལྟ་བུ་ལ་དར་ཅིག་བསྒོམ་དུ་གཞུག་གོ། །དེ་ལྟར་སྤྱི་བོའི་བླ་མ་ལ་སེམས་གཏད་ནས་བསྒོམ་པས་དྲོད་སྐྱེའོ། །དེ་བུམ་པའི་དབང་གི་ངོ་སྤྲོད་དོ། །དགའ་བའི་དབང་དུ་བྱས་ན་ཉམས་སུ་མྱོང་བའི་དགའ་བའོ། །སྙིང་གའི་ལྷ་ཚོགས་ལ་ཤེས་པ་གཏད་པའི་དུས་སུ་ལུས་སེམས་ལ་བདེ་བ་སྐྱེས་པ་དེ་གསང་བའི་དབང་གི་ངོ་སྤྲོད་དོ། །དགའ་བའི་དབང་དུ་བྱས་ན་མཆོག་དགའོ། །ཆོས་འབྱུང་གི་རྣལ་འབྱོར་མ་ལ་ཤེས་པ་གཏད་པའི་དུས་སུ། ལུས་སེམས་ལ་མི་རྟོག་པ་སྐྱེ། དེ་ཤེས་རབ་ཡེ་ཤེས་ཀྱི་དབང་གི་ངོ་སྤྲོད་དོ། །དགའ་བའི་དབང་དུ་བྱས་ན་དགའ་བྲལ་གྱི་དགའ་བའོ། །དབང་གསུམ་པོ་ངོ་བོ་གཅིག་ཏུ་འདུག་པ་དེ་དབང་བཞི་པའི་ངོ་སྤྲོད་དོ། །དགའ་བའི་དབང་དུ་བྱས་ན་ལྷན་ཅིག་སྐྱེས་པའི་དགའ་བའོ། །དེ་ནས་ཆོས་སྐུ་སྐྱེ་མེད་ལོངས་སྐུའི་འགག་མེད་ཚུལ་གྱི་སྒྱུ་

[Full Size]

མ་ལྟ་བུའི་ལྷ་སྐུ་སྣང་ལ་ཞེན་པ་མེད་པ་མེ་ལོང་ནང་གི་གཟུགས་བརྙན་ལྟ་བུར་བསྒོམ་དུ་གཞུག །དེ་ལ་མཆོད་པ་ལྔ་ཚན་གཅིག་ཏུ་འབུལ་དུ་གཞུག་གོ། །རང་བཞིན་མེད་པ་སྣང་སྟོང་ཙམ་དུ་ཡང་། གསལ་ལ་འཛིན་པ་མེད་པ་ལྡང་བའི་ཚུལ་གྱིས་སློབ་མ་མཎྜལ་གྱི་སྟེང་གི་ཡེ་ཤེས་སེམས་དཔའ་གཤེགས་དམ་ཚིག་གི་ས་སློབ་མའི་སྙིང་ཁར་བསྡུའོ། །དེས་ནི་དབང་བཞི་པ་ཐོབ། སྡིག་པ་ཐམས་ཅད་མྱུར་དུ་ཟད་ནས། དཔལ་བདེ་བ་ཆེན་པོའི་སྐུ་མངོན་སུམ་དུ་མཐོང་བར་འགྱུར་རོ། །ལྷན་ཅིག་སྐྱེས་ནས་ཉམས་པ་གསོས་པའི་ཡེ་ཤེས་རྒྱུད་ལ་སྐྱེས་ནས་ཚེ་འདི་ཉིད་དུ་བཅུ་འཁོར་དང་བཅས་པ་བཞི་བདེ་བ་ཆེན་པོའི་ས་ཐོབ་སྣང་སྟོང་བདེ་སྟོང་དབྱེར་མེད་ཀྱི་སེམས་ཉིད་པར་འགྱུར་རོ། །དེ་ནས་གཏོར་མ་བཏང་། ཚོགས་ལ་ལོངས་སྤྱོད་ཡི་གེ་བརྒྱ་པ་བཟླས་བཟོད་པར་གསོལ་སྨོན་ལམ་གདབ་ཕྱི་མ་བསྔོ་བ་བྱའོ། བདེ་མཆོག་ལྷ་ལྔའི་

[Full Size]

ཏིང་ངེ་འཛིན་གྱི་དབང་བསྐུར་བའི་ཆོ་ག་ཡེ་ཤེས་ཀྱི་མཁའ་འགྲོ་མ་ནི་གུ་མས། སྡོམ་པ་རྒྱ་མཚོའི་རྒྱུད་ནས་ཕྱུང་པའོ། །བདག་ཁྱུང་པོ་རྣལ་འབྱོར་པས། མཁའ་འགྲོ་མ་དེ་ལ་གསེར་སྲང་ལྔ་བརྒྱ་ཕུལ་ནས་དེ་ཉིད་མཉེས་པར་བྱས་ནས་ཞུས་ཏེ། ལོཙྪ་བ་གླན་དར་མ་བློ་གྲོས་ཀྱིས་བསྒྱུར་བའོ། །མངྒ་ལཾ།། །།

ཁྱུང་པོ་རྣལ་འབྱོར་གྱི་ལུགས་ཀྱི་བདེ་མཆོག་ལྷ་ལྔའི་མངོན་རྟོགས། ཚུལ་ཁྲིམས་མགོན་པོ།

[Full Size]

ཁྱུང་པོ་རྣལ་འབྱོར་གྱི་ལུགས་ཀྱི་བདེ་མཆོག་ལྷ་ལྔའི་མངོན་རྟོགས་བཞུགས་སོ།། །།

[Full Size]

ན་མོ་གུ་རུ། བླ་མ་དམ་པའི་ཞབས་བཏུད་ནས། །བཅོམ་ལྡན་བདེ་མཆོག་ལྷ་ལྔ་ཡི། །མངོན་རྟོགས་ཌཱ་ཀིས་གསུང་བཞིན་དུ། །རང་སེམས་གསལ་འདེབས་དོན་དུ་བྲི། །དེ་ལ་དཔལ་བདེ་མཆོག་གི་སྒྲུབ་ཐབས་འདི་ལ་དོན་ལྔ་སྟེ། །གང་གིས་བསྒྲུབ་པའི་གང་ཟག །གང་དུ་བསྒྲུབ་པའི་གནས། །གང་དང་འགྲོགས་པའི་གྲོགས། །གང་དགོས་སྒྲུབ་པའི་རྫས། །ཇི་ལྟར་སྒྲུབ་པའི་ཐབས་སོ། །དང་པོ་ལ་གཉིས་ཏེ། །གང་ལ་བརྟེན་པ་

[Full Size]

དང་། གང་གིས་བསྒྲུབ་པའོ། །དང་པོ་ནི། བླ་མ་དམ་ཚིག་བཞི་དང་ལྡན་པ་དགོས་ཏེ། །བླ་མ་བརྒྱུད་པ་དང་ལྡན་ཞིང་ཡང་དག་པའི་དོན་རྟོགས་པ། དམ་ཚིག་དང་ལྡན་ཞིང་བྱིན་རླབས་འབྱུང་བ། རྒྱུད་སྡེ་ལ་མཁས་ཤིང་ཆོ་གའི་ཁ་སྐོང་ཤེས་པ། སྙིང་རྗེ་ཆེ་ཞིང་ཆགས་པ་མེད་པའོ། །གཉིས་པ་སློབ་མའང་མཚན་ཉིད་བཞི་ལྡན་ཏེ། །དད་པ་བརྩོན་འགྲུས་དང་ལྡན་པ། རྒྱུད་གཞན་དང་འདིའི་དབང་བསྐུར་དང་

[Full Size]

ལྡན་པ། སྙིང་རྗེ་དང་ཤེས་རབ་དང་ལྡན་པ། རྗེས་གནང་དང་སྒྲུབ་ཐབས་སུ་མཁས་པར་བསྟན་པའོ། །གཉིས་པ་ལ་གསུམ་སྟེ། རྒྱུད་སྡེ་དང་མཐུན་པ། བར་ཆད་ལས་དབེན་པ། བཀྲ་ཤིས་པའི་གནས་སོ། །དང་པོ་ནི། རྡོ་རྗེ་གདན་གྱི་ཕྱོགས་མཚམས་ཀྱི་དུར་ཁྲོད་ཆེན་པོ་བརྒྱད་དམ། གནས་ཉི་ཤུ་རྩ་བཞིའམ། སུམ་ཅུ་རྩ་གཉིས་ལ་སོགས་པའོ། །གཉིས་པ་ལ་གསུམ་སྟེ། མི་ཡིས་དབེན་པ། གདོན་གྱིས་དབེན་པ། འབྱུང་བཞིས་དབེན་པའོ། །དང་པོ་ནི། ཆོམ་རྐུན་དང་། མིའི་འདུ་འཛི་སྣ་ཚོགས་ཀྱི་བར་ཆད་མེད་པའོ། །གཉིས་པ་ནི། ཀླུ་དང་། ས་བདག །རྒྱལ་བསེན་དམ་སྲིད་ལ་སོགས་གདོན་གདུག་པ་ཅན་གྱིས་དབེན་པའོ། །གསུམ་པ་ནི། འབྱུང་བཞིས་དགེ་སྦྱོར་དང་། སྲོག་གི་བར་ཆད་དུ་འགྲོ་བས་དབེན་པའོ། །བཞི་པ་ནི། སངས་རྒྱས་དང་གྲུབ་

[Full Size]

ཐོབ་རྣམས་ཀྱི་བཞུགས་གནས་ཏེ། མདོར་ན་ཉམས་དགའ། བཀྲ་ཤིས་པའི་གནས་སོ། །གསུམ་པ་ལ་གཉིས་ཏེ། ཐུན་མོང་དང་། ཁྱད་པར་རོ། །དང་པོ་ལ་གསུམ་སྟེ། བཟང་བ། མཐུན་པ། ཤེས་པའོ། །དང་པོ་ནི། གྲོགས་མི་གཤིས་བཟང་བ། བརྟན་པ། འདུལ་བའོ། །གཉིས་པ་ནི། ལྷ་དང་། བླ་མ། ལྟ་སྤྱོད་ཐམས་ཅད་མཐུན་པའོ། །གསུམ་པ་ནི། སྒྲུབ་ཐབས་དུ་མ་དང་། སྨན་དཔྱད་ལ་སོགས་པའི་རིགས་བྱེད། འདི་ཉིད་ཀྱི་ལག་ལེན་ལ་མཁས་པར་བྱའོ། །གཉིས་པ་ལ་བཞི་སྟེ། ལྷན་སྐྱེས། ཞིང་སྐྱེས། སྔགས་སྐྱེས། མཐར་སྐྱེས་པའོ། །དང་པོ། སྐྱེ་བ་སྔ་མ་ཡང་སྔགས་གཞན་དང་འདི་ཉིད་ལྷན་ཅིག་བསྒྲུབ་པས། འདིར་ཡང་ལྷ་དང་། བླ་མ་གཅིག་པས་མཚུངས་ལྡན་དུ་བསྒྲུབ་པའོ། །གཉིས་པ་ནི། སྔ་མ་དང་། འདིར་ཕ་མ་གཉིས་ཀྱིས་སྔགས་གྲུབ་པ་ལས་

[Full Size]

སྐྱེས་པའི་བུ་མོ་སྔགས་གཞན་དང་། འདི་ཉིད་ལས་རྒྱུད་སྦྱངས་ཤིང་འདོད་འདུན་དང་ལྡན་པ་དད་པ་ཅན་ནོ། །གསུམ་པ་ནི། ཞིང་དང་ཉེ་བའི་ཞིང་ལ་སོགས་པར་སྐྱེས་པ། ཌཱ་ཀིའི་རིགས་ཀྱི་བུ་མོས་གྲོགས་བྱེད་པའོ། །བཞི་པ་ནི། ཡེ་ཤེས་ཀྱི་མཁའ་འགྲོས་རིགས་མ་ངེས་པའི་བུད་མེད་ཀྱི་གཟུགས་བཟུང་ནས། བས་མཐའ་ལ་སོགས་པར་བདག་གིས་སྒྲུབ་གྲོགས་བྱས་ནས། གྲོལ་བར་བྱེད་པའོ། །བཞི་པ་ལ་གསུམ་སྟེ། རྟེན་རྫས། མཆོད་རྫས། འཚོ་བའི་རྫས་སོ། །དང་པོ་ནི། བདེ་མཆོག་གི་དཀྱིལ་འཁོར་གྱི་དམ་ཚིག་པ་རབ་གནས་བྱས་པའོ། །གཉིས་པ་ནི། ཕྱི་ནང་གསང་གསུམ་གྱི་མཆོད་པའི་མཆོད་རྫས་རྣམས་སོ། །གསུམ་པ་ནི། བསྒྲུབ་པ་ལ་ཞུགས་ནས། མ་ཐོན་གྱི་བར་གྱི་ཟས་གོས་དང་། སྨན་ལ་སོགས་པའི་མཐུན་རྫས་གཉིས་ལྡན་དུ་བསགས་པའོ། །ལྔ་པ་ལ་གཉིས། དངོས་གྲུབ་བསྒྲུབ་པ་དང་།

[Full Size]

དང་པོ་ལ་གཉིས་ཏེ། འབྱོར་པའི་ཚོགས་བསགས་པ་དང་། གདམས་པའི་ཚོགས་བསགས་པའོ། །དང་པོ་ལ་གཉིས་ཏེ། ཕར་ཕྱིན་དང་། གསང་སྔགས་སོ། །དང་པོ་ལ་གཉིས་ཏེ། རྟེན་གོང་མ་དང་། །རྟེན་འོག་མའོ། །དང་པོ་བསྒྲུབ་པ་ལ་འཇུག་པའི་གོང་དུ། དཀོན་མཆོག་གསུམ་ལ་མཆོད་པ། བླ་མ་དང་། དགེ་འདུན་དང་། ཕ་མ་ལ་བསྙེན་བཀུར་བྱ། རྒྱལ་པོ་ལ་གསེར་དངུལ། བྲམ་ཟེ་ལ་ཚངས་སྐུད་དོ། །གཉིས་པ་ནི། རྒྱུད་ཚོད་དང་མཐུན་པའི་ཟང་ཟིང་གི་སྦྱིན་པ་དང་། མི་འཇིགས་པ་དང་། ཆོས་དང་། བྱམས་པའི་སྦྱིན་པའོ། །གཉིས་པ་ནི། བསྒྲུབ་པ་ལ་འཇུག་པའི་ཚེ། རབ་ཀྱི་དབང་བསྐུར། འབྲིང་ཚོགས་འཁོར། ཐ་མ་དཔའ་བོའི་སྟོན་མོ་བྱའོ། །གཉིས་པ་གདམས་པའི་ཚོགས་བསགས་པ་ནི་དྲུག །བསྲུང་བའི་འཁོར་ལོ་བྱ་བ། རྟེན་དཔང་པོར་བཞུགས་

[Full Size]

པ། སེམས་གསུམ་ལྷར་བསྐྱེད་པ། འདུན་རྣམ་དག་བྱ་བ། ཚད་མེད་པ་བཞི་བསྒོམ་པ། བཏང་སྙོམས་ཡེ་ཤེས་སོ། །དང་པོ་ལ་གཉིས་ཏེ། བདག་བསྲུང་བ་དང་། གནས་བསྲུང་བའོ། །དང་པོ་ལ་གསུམ། ལུས་བསྲུང་བ་དང་། ངག་བསྲུང་བ་དང་། ཡིད་བསྲུང་བའོ། །དང་པོ་ནི། ཐོ་རངས་ནམ་གྱི་ཆ་བརྒྱད་ལ་ལངས་ཏེ། ནམ་མཁར་རིགས་ལྔའི་ལྷ་ཚོགས་ལ་གསོལ་བ་བཏབ་པས། ཐུགས་ཀ་ནས་ལྷ་མོ་བདུད་རྩིའི་བུམ་པ་ཐོགས་པས་དབང་བཞིས་ཁྲུས་བྱས་པ་དང་། རང་གི་སྡིག་སྒྲིབ་ཐམས་ཅད་དག་ནས་ལུས་ཤེལ་སྒོང་ལྟར་གྱུར་པར་བསམ་ལ་ཁྲུས་བྱའོ། །གཉིས་པ་ནི། བདུད་རྩི་རིལ་བུ་ལྕེ་ཐོག་ཏུ་བཞག་ནས། ཨོཾ་ཨ་མྲྀ་ཝཱ་ཀ་རཀྵ་རཀྵ་ཧཱུྃ་ཕཊ། ཅེས་པས་ངག་དག་པའོ། །གསུམ་པ་ནི། སེམས་རིག་སྟོང་འཛིན་མེད་དུ་བཞག་པའོ། །གཉིས་པ་ནི། རང་སྐད་ཅིག་གིས་གཙོ་

[Full Size]

བོ་ཡབ་ཡུམ་གྱི་ཐུགས་ཀར་པད་ཉིའི་སྟེང་དུ་ཧཱུྃ་བསམ་ཞིང་རྡོ་རྗེ་ཐོད་སྦྱོར་གྱི་ཕྱག་རྒྱ། ཨོཾ་བཛྲ་རཀྵ་རཀྵ་ཧཱུྃ་ཧཱུྃ་ཧཱུྃ་ཞེས་པས་ཐུགས་ཀའི་ཧཱུྃ་ལས་རཾ་ཅིག་དབུ་མ་ནས་མདུན་དུ་ཆད་པ་ལས་ཉི་མའི་དཀྱིལ་འཁོར་སྟོང་གསུམ་ཙམ་དུ་གྱུར། ཡང་ཧཱུྃ་ཅིག་ཉི་མའི་སྟེང་དུ་ཆད་པ་ལས། རྡོ་རྗེ་རྒྱ་གྲམ་ལྟེ་བ་མཐིང་ག །ཤར་གྱི་རྭ་དཀར། ལྷོ་སེར། ནུབ་དམར། བྱང་ལྗང་བ། རྒྱ་ཆེ་བས་ས་གཞི། འཕངས་མཐོ་བ་རྡོ་རྗེའི་རྭ་རྣམས་སྟེང་དུ་འདུ་བས་བླ་རེའོ། །རྡོ་རྗེའི་སྟེང་དང་ཕྱོགས་བཞི་ནས་ཧཱུྃ་ཁ་དོག་ལྔ་འཕྲོས་པས། རྡོ་རྗེ་རྩེ་དགུ་པ་དང་། བདུན་པ་དང་། ལྔ་པ་དང་། གསུམ་པ། རྩེ་གཅིག་པ། སྲན་མ་དང་། ནས་ཙམ་ཡན་ཆད་ཀྱིས་གཏམས་པ་དང་། འོག་གི་ཉི་མ་ལ་མེ་འབར་བས། ཕྱིའི་རྡོ་རྗེ་རྣམས་ཁྲོ་ཆུ་ལྟར་ཞུ་ནས་སྲིད་པའི་རླུང་གིས་ཀྱང་མི་

[Full Size]

ཐར་བའི་བསྲུང་འཁོར་སྟོང་གསུམ་ཙམ་དུ་གྱུར་པར་བལྟའོ། །དེས་བདུད་བཞི་བཅོམ་སྟེ། ཤར་གྱི་རྭས་ལྷ། ལྷོའི་ཕུང་པོའི། །ནུབ་ཀྱི་ཉོན་མོངས་པའི། བྱང་གིས་འཆི་བདག་གི་བདུད་བཅོམ། ཡང་དྲྭ་གུར་ཁ་དོག་ལྔས་ཕུང་པོའི། དེ་རིགས་ལྔ་ལྷའི་བུའི། དེ་ཡེ་ཤེས་ལྔས་ཉོན་མོངས་པའི། དྲྭ་གུར་སྟོང་པས་འཆི་བདག་གི་བདུད་བཅོམ་མོ། །གཉིས་པ་ནི། རང་གི་ས་བོན་གྱི་འོད་ཀྱིས། བླ་མ་ཡི་དམ་དྲྭ་གུར་གྱི་ནང་དུ་བཞུགས་པར་བལྟ་ལ་སྐྱབས་འགྲོ་བྱའོ། །གསུམ་པ་ནི། སེམས་ཅན་ཐམས་ཅད་བདེ་བ་དང་ཕྲད་པར་འདོད་པའི་བྱམས་པ་དང་། སྡུག་བསྔལ་ལས་སྐྱོབ་པའི་སྙིང་རྗེ་བདེ་བ་དང་ལྡན། སྡུག་བསྔལ་དང་བྲལ་བའི་དགའ་བ། ཧེ་རུ་ཀའི་འགོ་འཕང་ལ་འགོད་པར་འདོད་པའི་བྱང་ཆུབ་ཀྱི་སེམས་བསྒོམ་ལ། བཅོམ་ལྡན་འདས་ཐུགས་རྗེའི་དབང་གིས་མདུན་

[Full Size]

དུ་བྱོན་ཏེ། དེའི་འོད་ཟེར་བདག་གི་ལུས་ལ་ཕོག་པས་ཕུང་པོ་དང་། ཁམས་སྐྱེ་མཆེད་ཀྱིས་ནད་གདོན་སྡིག་སྒྲིབ་ཐམས་ཅད་དག་ནས། མེ་ལོང་གསལ་བ་ལ་གཟུགས་བརྙན་ཤར་བ་ལྟར་མདུན་གྱི་ལྷ་དང་རང་ཉིད་དབྱེར་མེད་པའི་བདེ་མཆོག་གི་སྐུར་གྱུར་པ་ནི། བསྲུང་བ་ནི། ཚོགས་བསགས་པ་རྣམས་ཀྱི་ནང་ནས་མཆོག་ཏུ་གྱུར་པའོ། །བཞི་པ་ལ་བདུན་ཏེ། རྟེན་སྤྱན་དྲངས་པས། མཆོད་པ་འབུལ་བ། སྡིག་པ་བཤགས་པ། རྗེས་སུ་ཡི་རང་བ། སྐྱབས་སུ་འགྲོ་བ། ལམ་མཆོག་བརྟེན་པ། བསྔོ་བ་བྱའོ། །དང་པོ་ནི། ཧེ་རུ་ཀར་གསལ་བའི་ཐུགས་ཀའི་ཧཱུྃ་ལས་འོད་ཟེར་འཕྲོས་པས། འོག་མིན་ནས་ལྷ་ལྔའི་དཀྱིལ་འཁོར་བླ་མ་དང་། སངས་རྒྱས་བྱང་ཆུབ་སེམས་དཔའ་དཔག་ཏུ་མེད་པས་བསྐོར་བ་སྤྱན་དྲངས་ལ། རང་གི་གནས་གསུམ་དུ་

[Full Size]

ཐལ་མོ་སྦྱར་ཏེ། །ཨོཾ་ན་མ་ཏེ་ཧཱུྃ། ཨོཾ་ན་མཿམི་ཧཱུྃ། ཨོཾ་ན་མོཿན་མ་ཧཱུྃ། ཞེས་པས་རྟེན་གྱི་ཞབས་གཏུགས་པའི་ཕྱག་བྱ། གཉིས་པ་ལ་བཞི། ཕྱི་མཆོད། ནང་མཆོད། གསང་མཆོད། དེ་ཁོ་ནའོ། །དང་པོ་ནི། སྙིང་གའི་ཧཱུྃ་ལས་མེ་ཏོག་མ་སེར་མོ། །ཡོན་ཆབ་མ་དཀར་མོ། །བདུག་སྤོས་མ་སྔོན་མོ། །མར་མེ་མ་དམར་སྐྱ། ཞལ་ཟས་མ་དཀར་མོ་དཔག་ཏུ་མེད་པས་མཆོད་དོ། །གཉིས་པ་ནི། ཧཱུྃ་ལས་ཌཱ་ཀི་མ་མཐིང་ག་ལཱ་མ་ལྗང་གུ། ཁཎྜ་རོ་ཧི་དམར་མོ། །རཱུ་པི་ནི་སེར་མོ་རྣམས་ཤ་ལྔ་བདུད་རྩི་ལྔ་ཐོགས་པ་དཔག་ཏུ་མེད་པས་མཆོད་དོ། །གསུམ་པ་ནི། བདེ་བ་རྒྱས་པའི་ལྷ་མོ་ཡུམ་བཞི་ལ་ཐིམ་པའི་སྙོམས་འཇུག་གི་བདེ་བས་མཆོད་པའོ། །བཞི་པ་ནི། མཆོད་བྱ། མཆོད་བྱེད། མཆོད་པ་རྣམས་རང་བཞིན་མེད་པར་ཤེས་པར་བྱའོ། །དེ་རྣམས་ཀྱང་

[Full Size]

དབང་བཞིའི་ཚུལ་དུ་མཆོད་དེ། བུམ་དབང་ལ་སོགས་པ་བཞིས་མཆོད་པའི་རིམ་པ་བཞིན་ནོ། །གསུམ་པ་ནི། སྔར་བྱས་པའི་སྡིག་ལ་འགྱོད། ཕྱིས་མི་བྱེད་པའི་སྡོམ་སེམས། ད་ལྟར་གྱི་ལས་རང་བཞིན་མེད་པར་བཤགས་པར་བྱའོ། །བཞི་པ་ནི། སྤྱིར་བསྟན་པ་དང་། སྔགས་ཕྱི་ནང་། ཁྱད་པར་བདེ་མཆོག་གི་བསྒྲུབ་སྒོར་ཞུགས་པ་ལ་རྗེས་སུ་ཡིད་རང་བའོ། །ལྔ་པ་ནི། སངས་རྒྱས་གཙོ་བོ་ཡབ་ཡུམ། ཆོས་སྔགས་གྲགས་སྟོང་། ལྷ་མོ་བཞི། དགེ་འདུན་ལ་སྐྱབས་འགྲོ་བྱའོ། །དྲུག་པ་ནི། ལམ་རྣམས་ཀྱི་རབ་མཆོག་བདེ་བའི་མཆོག་འདི་རང་གི་རྒྱུད་ལ་བརྟེན་པའོ། །བདུན་པ་ནི། དགེ་བའི་རྩ་བ་རྣམས་སེམས་ཅན་གྱི་དོན་དུ་བྱང་ཆུབ་ཆེན་པོར་བསྔོ་བའོ། །དེ་ནས། དཀོན་མཆོག་གསུམ་ལ་བདག་སྐྱབས་མཆི། །

[Full Size]

སྡིག་པ་ཐམས་ཅད་སོ་སོར་བཤགས། །འགྲོ་བའི་དགེ་ལ་རྗེས་ཡི་རང་། །སངས་རྒྱས་བྱང་ཆུབ་ཡིད་ཀྱིས་བཟུང་། །སངས་རྒྱས་ཆོས་དང་ཚོགས་མཆོག་ལ། །བྱང་ཆུབ་བར་དུ་སྐྱབས་སུ་མཆི། །བྱང་ཆུབ་སེམས་སུ་བདག་བགྱིད་དེ། །བདག་དང་གཞན་དོན་རབ་སྒྲུབ་ཕྱིར། །བདག་གིས་བྱང་ཆུབ་མཆོག་སེམས་བསྐྱེད། །ཨེ་མ་ཧོ་སེམས་ཅན་ཀུན་མགྲོན་གཉེར། །བྱང་ཆུབ་སྤྱོད་མཆོག་མཛད་བཞིན་སྤྱད། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ཅེས་བྱའོ། །ལྔ་པ་ནི། ཚད་མེད་པ་བཞིའི་འོད་ཟེར་འཕྲོས་ནས། སེམས་ཅན་ཐམས་ཅད་བདེ་བ་དང་ལྡན་པར་འདོད་པའི་བྱམས་པ། སྡུག་བསྔལ་ལས་སྐྱོབ་པར་འདོད་པའི་སྙིང་རྗེ། བདེ་བ་དང་མི་འབྲལ་བའི་སྤྲོ་དགའ། ཀུན་ལ་སེམས་བཏང་སྙོམས་བསྒོམ་པར་བྱའོ། །དྲུག་པ་བཏང་སྙོམས་ཡེ་

[Full Size]

ཤེས་ཀྱི་ཚོགས་ལ་བཞི། བཏང་སྙོམས་སྟོང་ཉིད་དང་ཤེས་རབ་ཀྱིས་མཆོད་པ་མན་ངག་གིས་བཞག་པ་སྔགས་བརྗོད་པས་གྲུབ་པ་ནི། ཨོཾ་སྭ་བྷཱ་ཝ་ཤུདྡྷ་སརྦ་དྷརྨ་སྭ་བྷཱ་ཝ་ཤུདྡྷོ྅ཧཾ། ཕྱི་བཟུང་བའི་ཡུལ་ལམ། ཆོས་ཐམས་ཅད་སྒྱུ་མ་ལྟ་བུར་བསམ་མོ། །ཨོཾ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཞེས་པ་ནས་འཛིན་བྱེད་ཀྱི་སེམས་སམ། ཆོས་ཐམས་ཅད་སྟོང་པ་ཉིད་དུ་བསམ། གཉིས་པ་འབྲས་བུ་བསྒྲུབ་པ་ལ་གཉིས། རྟེན་དང་། བརྟེན་པའོ། །དང་པོ་ནི། སྟོང་པའི་ངང་ལས་པཾ་ལས་རླུང་གི་དཀྱིལ་འཁོར་ཟླ་གམ་རཾ་ལས་མེའི་དཀྱིལ་འཁོར་གྲུ་གསུམ། བཾ་ལས་ཆུའི་དཀྱིལ་འཁོར་ཟླུ་པོ། ལཾ་ལས་སའི་དཀྱིལ་འཁོར་གྲུ་བཞི། སུཾ་ལས་རིའི་རྒྱལ་པོ་རི་རབ་གྲུ་བཞི། རིན་ཆེན་བཞི་ལས་གྲུབ་པ་ལྕོགས་

[Full Size]

བརྒྱད་ཀྱིས་རྣམ་པར་མཛེས་པའོ། །གཉིས་པ་ལ་བཞི་སྟེ། བསྐྱེད་རིམ་བཟླས་པ་གཏོར་མའོ། །དང་པོ་ལ་བཞི་སྟེ། དམ་ཚིག་པ་བསྐྱེད་པ་དང་། ཡེ་ཤེས་པ་གཞུག་ཅིང་བྱིན་གྱིས་བརླབ་པ་དང་། དབང་བསྐུར་རྒྱས་གདབ་པ། བདུད་རྩི་མཆོད་ཅིང་མྱོང་བའོ། །དང་པོ་ནི། རི་རབ་ཀྱི་སྟེང་དུ་ཧཱུྃ་ལས་བྱུང་བའི་སྣ་ཚོགས་རྡོ་རྗེ། དེའི་སྟེང་དུ་སྣ་ཚོགས་པདྨ་འདབ་བརྒྱད་ལྟེ་བ་དང་། གེ་སར་དུ་ལྡན་པའོ། །དེའི་དབུས་སུ་བྃ་ལས་པདྨ། རྃ་ལས་ཉི་མ། འཇིགས་བྱེད་དུས་མཚན་ནོ། །དེའི་སྟེང་དུ་རང་གི་སེམས་ཧཱུྃ་དུ་གྱུར་པ་ལས་འོད་ཟེར་སྣ་ཚོགས་འཕྲོས་པས། དོན་གཉིས་བྱས་ཚུར་འདུས་པ་ལས། རང་ཉིད་དཔལ་ཧེ་རུ་ཀ་སྐུ་མདོག་སྔོན་པོ་ཞལ་གཅིག་ཕྱག་གཉིས་པ། གཡས་རྡོ་རྗེ། གཡོན་པས་དྲིལ་བུ་འཛིན་པ་ཡུམ་ལ་འཁྱུད་པ། །

[Full Size]

སྟག་གི་པགས་པའི་ཤམ་ཐབས་ཅན། ཞབས་གཡས་བརྐྱང་བས་བཞུགས་པའོ། །དེའི་ཡུམ་རྗེ་བཙུན་མ་སྐུ་མདོག་དམར་མོ་ཞལ་གཅིག་ཕྱག་གཉིས་མ་གཡས་པས་གྲི་གུག་འཕྱར་བ། གཡོན་པས་ཐོད་ཁྲག་སྟོབས་པ་ལང་ཚོ་ལྡན་པས་མཛེས་ཤིང་སྒེག་པ། བདེ་བའི་ཉམས་དང་ལྡན་པས་ཡབ་ལ་འཁྲིལ་བ། ཡབ་ཡུམ་གཉིས་ཀ་སྤྱན་གསུམ་གསུམ་པ། མཆེ་བ་གཙིགས་པ། ཐོར་གཙུག་ཉི་ཟླས་མཛེས་པའོ། །ཐོད་པ་སྐམ་པོ་ལྔས་དབུ་བརྒྱན་པ། འཁོར་ལོ་དང་། རྣ་རྒྱན་དང་། སེ་མོ་དོ། དཔུང་རྒྱན། ཕྱག་གདུབ། དོ་ཤལ། སྐེ་རགས། ཕྱག་རྒྱ་དྲུག་གམ། ལྔས་བརྒྱན་པ། མིའམ་གོའི་དོ་ཤལ་ཅན། །མཚན་དཔེས་བརྒྱན་པ། གར་གྱི་ཉམས་དགུ་དང་ལྡན་པ། འོད་དང་འོད་ཟེར་གྱི་རང་བཞིན་ཅན། མེ་དཔུང་གི་ཀློང་ན་བཞུགས་པའོ། །ཤར་གྱི་པད་འདབ་ལ་

[Full Size]

མཁའ་འགྲོ་མ་མཐིང་ག །བྱང་དུ་ལཱ་མ་ལྗང་གུ། ནུབ་ཏུ་དུམ་སྐྱེས་མ་དམར་མོ། ལྷོར་གཟུགས་ཅན་མ་སེར་མོ། །དེ་རྣམས་ཞལ་གཅིག་ཕྱག་གཉིས་མ། གྲི་གུག་དང་ཐོད་པ་དང་། ཁ་ཊཱཾྭ་ག་འཛིན་པ། སྤྱན་གསུམ་པ། སྐྲ་གྲོལ་བ། མཆེ་བ་གཙིགས་པ་གཅེར་བུ་རུས་པ་དང་། །མི་མགོས་བརྒྱན་པ། རོའི་སྟེང་ན་ཞབས་གཡས་བརྐྱང་བས་བཞུགས་པའོ། །གཉིས་པ་ནི། སྙིང་གའི་ཧཱུྃ་གི་འོད་ཀྱིས་འོག་མིན་ནས་ཡེ་ཤེས་པ་ལྷ་ལྔ་སྤྱན་དྲངས་ལ། མཆོད་ཅིང་། ཛཿཧཱུྃ་བྃ་ཧོཿས་དགུག་གཞུག་བཅིངས་དགྱེས་པར་བསྟིམ་མོ། །གསུམ་པ་ནི། ཡབ་ཀྱི་དཔྲལ་བར་པད་ཟླའི་སྟེང་དུ་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཉི་མ་ལ་ཧཱུྃ་སྔོན་པོ་བསམ་མོ། བཞི་པ་ནི། ཧཱུྃ་གི་འོད་ཟེར་གྱིས་རིགས་ལྔ་སྤྱན་དྲངས་ལ་མཆོད། བྱང་ཆུབ་རྡོ་རྗེ་སངས་རྒྱས་ལ། །མཆོད་ཅིང་ཅི་ལྟར་གསོལ་བ་ལྟར། །བདག་ཀྱང་སྐྱོབ་

[Full Size]

པའི་དོན་གྱི་ཕྱིར། །ནམ་མཁའི་རྡོ་རྗེ་དེང་བདག་སྩོལ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥིཉྩ་ཏུ་མཾ། ཞེས་གསོལ་བ་བཏབ་པ་དང་། །གཙོ་བོའི་ཐུགས་ཀ་ནས་ཡུམ་ལྔས་བདུད་རྩིའི་བུམ་པ་ཐོག་ནས། ཧཱུྃ་ཅི་ལྟར་བལྟམ་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་དབང་བསྐུར་རོ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡེ་ཧཱུྃ། ཞེས་དབང་བསྐུར་བས་ལུས་ངག་ཡིད་གསུམ་གྱི་སྡིག་སྒྲིབ་དག །དབང་བཞི་ཐོབ། ཆུ་ལྷག་མ་ཡར་ལུད་པ་ལས་མི་བསྐྱོད་པས་དབུ་བརྒྱན་པའོ། །ལྔ་པ་ནི། ཀ་པཱ་ལར་མ་ད་ན་བླུག་ཤ་ལྔ་བདུད་རྩི་ལྔར་སྦྱངས། ཀ་པཱ་ལར་ལྷ་ལྔ་བསྐྱེད། བཟླས་པ་བྱས་པས་ཡབ་ཡུམ་གྱི་སྦྱོར་མཚམས་ནས་བདུད་རྩི་བབས་པས་ཐོད་པ་ཁེངས་ནས། ཡབ་ཡུམ་ཡང་ཞུ་ནས་ཐིམ་པས། དེས་ལྷ་ཚོགས་རྣམས་མཆོད་

[Full Size]

ནས། ལྕེ་ཐོག་ཏུ་བཞག་པས་བདེ་སྟོང་གཉིས་སུ་མེད་པར་བསྒོམ། གཉིས་པ་རྫོགས་རིམ་ནི། ལུས་གནད་ཙོག་པུ་བྱས་ལག་པས་པུས་འཁྱུད་བསྡམས། སྒལ་ཚིགས་བསྲང་། མགྲིན་པ་ཅུང་ཟད་དགུག །ལུས་ཡི་དམ་དུ་གསལ་བའི་རྩ་གསུམ་འཁོར་ལོ་བཞི་ཡི་གེ་དང་བཅས་པ་གསལ་བར་བལྟ་སྟེ། རྩ་དབུ་མ་ཕྱི་དཀར་ལ་ནང་དམར་བ། ཡར་རྩེ་ཚངས་བུག །མར་སྣེ་གསང་གནས་སུ་ཟུག་པ། རྩ་རོ་རྐྱང་གཉིས། ཡར་རྩེ་སྣ་བུག །མར་རྩེ་ལྟེ་འོག་སོར་བཞིར་ཟུགས་པ། སྤྱི་བོ་བདེ་ཆེན་གྱི་འཁོར་ལོ་རྩ་འདབ་སུམ་ཅུ་རྩ་བཞིའི་ལྟེ་བར་ཧཾ་དཀར་པོ། མགྲིན་པར་རྩ་འདབ་བཅུ་དྲུག་གི་ལྟེ་བར་ཨོཾ་སེར་པོ། །སྙིང་གར་རྩ་འདབ་བརྒྱད་ཀྱི་ལྟེ་བར་ཧཱུྃ་སྔོན་པོ། ལྟེ་བར་རྩ་འདབ་དྲུག་ཅུ་རྩ་བཞིའི་ལྟེ་བར་ཨཱཿདཀར་པོ། རྩ་དབུ་མའི་ནང་ལྟེ་འོག་སོར་བཞིར་ཨཱཿདམར་པོ་མཚལ་ཤད་ལྟ་བུ་ཅིག་

[Full Size]

བསམ། སྲོག་རྩོལ་གྱི་སྦྱོར་བས། རླུང་གཉིས་ཁ་སྦྱར་ནས་ཨཱཿལས་ཡེ་ཤེས་ཀྱི་མེ་འབར་ཏེ། དབུ་མ་ནས་ཡར་སོང་བས་ལྟེ་བ་ལ་སོགས་པའི་ཡི་གེ་རྣམས་རིམ་གྱིས་བསྲེགས་ཏེ། སྤྱི་བོའི་ཧཾ་ལས་མེ་ཕོག་པས་བདུད་རྩི་བབས་ནས། སྤྱི་བོ་མགྲིན་པ་སྙིང་ག་ལྟེ་བའི་རྩ་འདབ་རྣམས་ཁེངས་པས་ཡི་གེ་རྣམས་གསོས་ནས། དྲོད་དང་། བདེ་བ། གསལ་བ། མི་རྟོག་པ་འཆར་བར་འགྱུར་རོ། །དེ་ལྟར་མེ་སྦར། བདུད་རྩི་འཛག་པའི་བར་འཛག་ལ་རྩེ་གཅིག་ཏུ་འབད་པས་དུ་བ་ལ་སོགས་པའི་རྟགས་ལྔ་རྙེད་ནས། སྤྲིན་མེད་པའི་ནམ་མཁའ་ལྟ་བུའི་ཆོས་ཉིད་མངོན་དུ་འགྱུར་རོ། །དེ་ནས་ཡས་བརྟན་པའི་དགའ་བ་བཞི་གསལ་བ། མས་བརྟན་གྱི་དགའ་བ་བཞི་བརྟེན་པར་བྱེད་པའོ། །བཞི་པ་ངོ་བོ་ཉིད་ཀྱི་རྫོགས་རིམ་ནི། སྣང་སྟོང་། རིག་སྟོང་། དབྱེར་

[Full Size]

མེད་མཐའ་བྲལ་ཟུང་འཇུག་གོ། །གསུམ་པ་བཟླས་པ་ལ་གཉིས། རང་དོན་དང་། གཞན་དོན་ནོ། །དང་པོ་ལ་གསུམ། རྡོ་རྗེའི་བཟླས་པ། བསམ་གཏན་གྱི་ཕྲེང་བའི་བཟླས་པའོ། །དང་པོ་ནི། རླུང་ཕྱིར་འགྲོ་བ་དེ་ཧཱུྃ་མང་པོའམ། ཐུགས་རྡོ་རྗེ་དཔག་ཏུ་མེད་པར་གྱུར་ནས། རང་གཞན་གྱི་དོན་བྱས་པ་ནི་ཐུགས་ཀྱི་གསང་བའོ། །རླུང་ནང་དུ་འཇུག་པ་ཨོཾ་མང་པོའམ། །སྐུ་རྡོ་རྗེར་གྱུར་ནས་རང་གཞན་གྱི་དོན་བྱས་པ་ནི་སྐུའི་གསང་བའོ། །རླུང་བར་དུ་གནས་པ་ཨཱཿམང་པོར་གྱུར་པའམ། གསུང་རྡོ་རྗེ་དཔག་ཏུ་མེད་པས་རང་གཞན་གྱི་དོན་བྱས་པ་ནི། གསུང་གི་གསང་བ་བསམ་གྱིས་མི་ཁྱབ་པའོ། །དེ་ལྟར་རླུང་འགྲོ་འོང་གནས་གསུམ་སྟེ། རྡོ་རྗེའི་བཟླས་པ་ཡི་གེ་ཨཱར་འདུས་པས་ན། ཨཱ་གསལ་རྟོག་མེད་བདེ་བ་ཆེན་པོའི་རང་བཞིན་ལ་སེམས་རྩེ་གཅིག་ཏུ་གནས་པར་བྱའོ། །དེ་མ་

[Full Size]

ཡེངས་པ་ཟླ་བ་གཉིས་ཀྱིས་ཕྱག་རྒྱ་ཆེན་པོ་མཆོག་གི་དངོས་གྲུབ་ཐོབ་པར་འགྱུར་རོ། །གཉིས་པ་ནི། གཙོ་བོའི་ཐུགས་ཀར་པད་ཉིའི་སྟེང་དུ་ཧཱུྃ་ལ་ཡི་གེ་བདུན་པས་བསྐོར་བའོ། །ཡུམ་གྱི་ཐུགས་ཀར་པད་ཉིའི་སྟེང་དུ་བྃ་ལ་བཻ་རོ་ཙ་ནས་བསྐོར་བར་བསམ། དེ་ལྟར་ས་བོན་ཡི་གེ་མི་འཁོར་བ་ལ་གསལ་བར་བལྟས་ནས། ཡིད་ཀྱིས་བཟླས་པ་བྱས་པའི་རྐྱེན་གྱིས་ཡིག་འབྲུ་ལས་འོད་ཟེར་བྱུང་ནས་ཁོང་པའི་ནང་ཁེངས། སྡིག་སྒྲིབ་ཐམས་ཅད་སངས་སངས་དག་པར་བསམ་མོ། །མ་ཡེངས་པ་ཟླ་བ་གསུམ་གྱིས་འགྲུབ་པར་འགྱུར་རོ། །གཉིས་པ་ནི། རང་ཉིད་ཡབ་ཡུམ་གྱི་ཐུགས་ཀའི་ས་བོན་སྙིང་པོ་དང་ཉེ་སྙིང་གིས་བསྐོར་བ་ལ་དམིགས་ནས་བཟླས་པ་བྱས་པས། ཡབ་ཀྱི་ཐུགས་ཀའི་སྔགས་རྣམས་དབུ་མ་ནས་བརྒྱུད་དེ་རྡོ་རྗེ་ནས་ཡུམ་གྱི་པདྨ་དང་དབུ་མ་ནས་ཡར་སོང་། ཡུམ་གྱི་

[Full Size]

། ཐུགས་ཀའི་སྔགས་རྣམས་དང་བཅས་ཏེ་ཞལ་དང་གསང་གནས་སུ་འཁོར་བར་བསམ་མོ། །སྔགས་འཁོར་བ་དང་། འོད་ཟེར་རྣམས་བདེ་བའི་རང་བཞིན་དུ་བསམ་ལ་བཟླས་པ་བྱའོ། །ཨོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧཱུྃ་ཧཱུྃ་ཕཊ། ཌཱ་ཀི་ནི་ཛྭ་ལ་སཾ་བྷ་ར་སྭཱ་ཧཱ། །སྙིང་པོའོ། །ཨོཾ་ཧྲཱི་ཧ་ཧ་ཧཱུྃ་ཧཱུྃ་ཕཊ། ཨོཾ་ཌཱ་ཀི་ནི་ཡེ་ཧཱུྃ་ཧཱུྃ་ཕཊ། ཨོཾ་ལ་མཻ་ཡེ་ཧཱུྃ་ཧཱུྃ་ཕཊ། ཨོཾ་ཁཎྜ་རོ་ཧི་ཡེ་ཧཱུྃ་ཧཱུྃ་ཕཊ། ཨོཾ་རཱུ་པི་ནི་ཡེ་ཧཱུྃ་ཧཱུྃ་ཕཊ། ལྷ་མོ་བཞིའོ། །གཉིས་པ་ལ་བཞི་སྟེ། ཞི་བ། རྒྱས་པ། དབང་། དྲག་པོའི་བཟླས་པ་བྱའོ། །དང་པོ་ལ། སྔགས་ཕྲེང་ལྷ་སྐུ་འོད་ཟེར་གྱི་སྤྲོ་བསྡུ་ཐམས་ཅད་དཀར་པོ་བྱའོ། །སྔགས་ཀྱི་ཤམ་བུ་ལ། ཤིནྟིིང་་ཀུ་རུ་སྭཱ་ཧཱ་བཏགས་སོ། །སྒྲ་ལ་ཡཾ་ནད་ཐམས་ཅད་ཞི་བར་གྱུར་ཅིག་བྱའོ། །རྒྱས་པ་ལ་སེར་པོའི་སྤྲོ་བསྡུ་དང་། པུཥྚིང་ཀུ་རུ་ཨོཾ་དང་། མི་ནོར་ཟས་ལ་སོགས་པ་རྒྱས་པར་གྱུར་ཅིག་གོ། །དབང་

[Full Size]

ལ་དམར་པོའི་སྤྲོ་བསྡུ་དང་། ཨ་ཀརྵ་ཡ་ཛ་ཛ་དང་། སྒྲ་ལ་སྣང་སྲིད་ཁམས་གསུམ་ཐམས་ཅད་དབང་དུ་གྱུར་ཅིག་པའོ། །དྲག་པོ་ལ་མཐིང་གའི་སྤྲོ་བསྡུ་དང་། མཱ་ར་ཡཱ་ཕཊ་དང་། སྒྲ་ལ་དགྲ་བགེགས་ཐམས་ཅད་རྡུལ་དུ་རློག་ཅིག་པའོ། །དེ་ལྟར་འཕྲིན་ལས་བཞི་ཀ་དུས་ཚོད་དང་། འདུག་སྟངས་དང་། ཁ་ལྟ་ཕྱོགས། དབྱིབས་ཁ་དོག་བསམ་པ། རླུང་སྦྱོར། ཕྲེང་བ། སོར་མོའི་བརྡ། ལྟ་སྟངས་ལྷ་མོ་བཞི་པོ་རྣམས་ཞིབ་པར་ཤེས་པར་བྱའོ། །བཞི་པ་ལ་དྲུག་སྟེ། གཏོར་མ་སྦྱངས་བ། མགྲོན་ལ་འབུལ་བ། འཕྲིན་ལས་གཞོལ་བ། བཟོད་པར་གསོལ་བ། བཀྲ་ཤིས་བརྗོད་པ། གཤེགས་སུ་གསོལ་བའོ། །དང་པོ་ནི། །སུམ་བྷ་ནིས་བསང་། སྭ་བྷཱ་ཝས་སྦྱངས། སྟོང་པའི་ངང་ལས། ཡཾ་ལས་རླུང་གི་དཀྱིལ་འཁོར། རྃ་ལས་མེ། ཀཾ་ལས་མི་མགོ།

[Full Size]

ཨ་ལས་ཐོད་པའི་ནང་དུ་པདྨ་འདབ་མ་བརྒྱད་པའི་དབུས་དང་། ཕྱོགས་བཞིར། ན་གོ་ཀུ་ད་ཧ་ལས་ཤ་ལྔ་རི་རབ་ཙམ་མོ། །དེ་རྣམས་ཀྱི་སྟེང་དུ་དབུས་དང་ལྔར། བི་མུ་ཤུ་ར་མ་ལས་བདུད་རྩིའི་རྒྱ་མཚོའོ། །ཨོཾ་ཧཱུྃ་ཏྲཱཾ་ཧྲཱིཿཨཱ་སྟེ་ས་བོན་ལྔའོ། །དེའི་སྟེང་དུ་ཡི་གེ་གསུམ་དང་བཅས་པའོ། །ཧཱུྃ་ལས་བྱུང་བའི་ཁ་ཊཱྭཾཾ་ག་དཀར་པོ་མགོ་བོ་ཐུར་དུ་བལྟ་བ། བདུད་རྩིའི་རང་བཞིན་ཅན་ཧཱུྃ་གིས་མཚན་པར་བལྟའོ། །དེ་ནས་ཡྃ་ལས་རླུང་གཡོས། རྃ་ལས་མེ་འབར་བས་རྫས་རྣམས་ཁོལ་བ་དང་། ཡི་གེ་གསུམ་བརྗོད་པས་ཧཱུྃ་གིས་སྦྱངས། ཨཱཿཡིས་དག་པར་བྱས། ཨོཾ་གྱིས་སྤེལ་ནས། ཁ་ཊཱཾྭ་ག་དང་། ཧཱུྃ་གི་འོད་ཟེར་གྱིས་ཡེ་ཤེས་ཀྱི་བདུད་རྩི་བཀུག་ལ་ཁ་ཊཱཾྭ་ག་ལ་ཐིམ་པ་དང་། དེས་དཀྲུགས་པ་དང་ཟླ་བ་དང་བཅས་པ་ཞུ་ནས་གཉིས་སུ་མེད་པར་བསམ། གཉིས་པ་ནི། མདུན་དུ་

[Full Size]

དམ་ཚིག་གི་ཙཀྲ། འགྲོ་དྲུག་གི་སེམས་ཅན། །དཔའ་བོ་དང་། དཔའ་མོ་བསྐྱེད་ནས། རྐང་པ་གཡས་པས། གཡོན་པའི་མཐེ་བོང་མནན་ཏེ། འབར་བའི་ཕྱག་རྒྱ་ཧཱུྃ་གི་འོད་ཟེར་དང་། ངག་ཏུ། ཨོཾ་བཛྲ་ཨ་ར་ལི་ཧོ། ཛཿཧཱུྃ་བྃ་ཧོཿབཛྲ་ཌཱ་ཀི་ནི་ས་མ་ཡ་སྟཾྭ། ཏྲི་ཤྱ་ཧོས་ཡེ་ཤེས་པ་བསྟིམ་ལ་མཆོད་དེ། །དེ་ནས་ལྷ་ཚོགས་རྡོ་རྗེའི་སྦུ་གུ་ཅན་རྣམས་ཀྱིས་གསོལ་བར་བསམ་ལ། ཨོཾ་བཛྲ་ཌཱ་ཀི་ནི་ཨི་མཾ་བ་ལིང་ཧཱུྃ་ཧཱུྃ་ཕཊ། ཨོཾ་ཧྲཱི་ཧ་ཧ་ཧཱུྃ་ཕཊ། ཨོཾ་བཛྲ་བཻ་རོ་ཙ་ནི་ཡེ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཨོཾ་ཌཱ་ཀི་ནི་ཡེ་ལ་སོགས་པའི་མཐར། ཨི་དཾ་བ་ལིང་ཁ་ཁ་ཁཱ་ཧི་ཁཱ་ཧི། ཞེས་གསུམ་མམ་ལྔས་འབུལ་ལོ། །དེ་ནས་དུར་ཁྲོད་ན་གནས་པ་དང་། འབྱུང་པོའི་ཚོགས་ཐམས་ཅད་ལ་འབུལ་ཏེ། ཨོཾ་ཁ་ཁ་ཁཱ་ཧི་ཁཱ་ཧི་སརྦ་ཡཀྵ་རཀྵ་སརྦ་བྷུ་ཏ་པྲེ་ཏ་བྷི་ཤྩ་ཨུད་མནྟེ་ཨུ་པ་སྨ་ར་ཌཱ་ཀི་ནྱ་

[Full Size]

དྷ་ཡ་ཨི་དཾ་བ་ལིང་གྷྲིཧྣ་དུ་ས་མ་ཡ་རཀྵནྟུ་མ་མ་སརྦ་སིདྷི་མེ་པྲ་ཡད་ཙྪནྟུ་ཡ་ཐེ་བཾ་མ་ཐེ་སྟཾྭ་བྷུད་ཛ་ཐ་པི་པ་ཐཱ་ཛི་གྲ་ཐཱ་མ་ཐཱི་ཀྲ་མ་ཐཱ་མ་མ་སརྦ་ཀ་ར་ཐཱ་ཡཱ་སད་སུ་ཁཾ་བི་ཤུད་དྷ་ཡེ་སྭཱ་ཧཱ་ཡི་ག་བྷ་ཝ་ན་ཏུ་ཧཱུྃ་ཧཱུྃ་ཕཊ་སྭཱ་ཧཱ། ཞེས་པས་ཕུལ་བས་མཉེས་པར་བསམ་མོ། །གསུམ་པ་ནི། རྐང་པ་བརྒྱད་ཀྱི་བསྟོད་པས་འཕྲིན་ལས་བཅོལ་ཏེ། བཅོམ་ལྡན་བདེ་མཆོག་འཁོར་བཅས་ཁྱེད་ལ་བསྟོད་པ་ཡིས། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དད་དབང་ཕྱུག་དང་། །ཞེས་པ་ལ་སོགས་པ་བྱའོ། །བཞི་པ་ནི། ཡི་གེ་བརྒྱ་པ་བཟོད་པར་གསོལ། །ལྔ་པ་བཀྲ་ཤིས་བྱ། དྲུག་པ། ཁྱེད་ཀྱིས་ཞེས་དང་། བཛྲ་མུཿགཤེགས་སུ་གསོལ། སྨོན་ལམ་དང་བསྔོ་བ་བྱའོ། །དེ་ལྟར་གདན་བཞིའི་བཤད་རྒྱུད་ལས། དངོས་གྲུབ་འདོད་པའི་རྣལ་འབྱོར་པ། ནན་ཏན་དུ་ནི་གཏོར་མ་སྦྱིན། །ཞེས་པས། ཐུན་

[Full Size]

མཚམས་སུ་གཏོར་མ་ལ་བརྩོན་པར་བྱའོ། །དཔལ་ལྷ་ལྔའི་མངོན་པར་རྟོགས་པ་ཡེ་ཤེས་ཀྱི་ཌཱ་ཀི་མའི་གསུང་ཇི་ལྟ་བ་བཞིན་བཀོད་པའོ། །ཁྱུང་པོ་རྣལ་འབྱོར་པའི་ལུགས་སོ། །འདིའི་བརྒྱུད་པ་ནི། རྡོ་རྗེ་འཆང་ཌཱ་ཀི་ནི་གུ་མ། ཁྱུང་པོ་རྣལ་འབྱོར། རྨོག་ལྕོག་པ། སྐྱེར་སྒང་པ། སངས་རྒྱས་གཉན་སྟོན། སངས་རྒྱས་སྟོན་པ། མཁས་གྲུབ་ཤངས་སྟོན། མཁས་གྲུབ་རྒྱལ་མཚན་འབུམ། བྱམས་དཔལ་བཟང་པོ། ཆོས་རྗེ་བློ་གྲོས་དཔལ་བཟང་པོ། རྟོགས་ལྡན་རིན་ཆེན་དཀོན་མཆོག་རྒྱལ་མཚན་ནོ། བདེ་མཆོག་ལྷ་ལྔའི་མཆོད་ཁྲིགས་བཞུགས་སོ། །བླ་མ་དང་དཔལ་འཁོར་ལོ་སྡོམ་པ་ལ་ཕྱག་འཚལ་ལོ། །འཁོར་ལོ་སྡོམ་པའི་ཚོགས་མཆོད་བྱེད་པར་འདོད་པས། །ཆུ་གསུམ་དང་། མཆོད་པ་ལྔ་དང་ནང་མཆོད་དང་། གཏོར་མ་ལྔ་བཤམ་མོ། །དེ་ནས་རང་ཉིད་ལྷའི་མངོན་རྟོགས་བསྒོམས་ཞིང་བཟླས་པ་བྱ། །མཆོད་པ་བསང་སྦྱངས་བྱིན་གྱིས་

[Full Size]

རླབས་སོ། །དེ་ནས་མཎྜལ་གཞལ་ཡས་ཁང་གྲུ་བཞི་སྒོ་བཞི་བསམ་པའི་དབུས། །པད་མ་འདབ་མ་བཞི་པའི་ལྟེ་བ་ལ་ཧཱུྃ། འདབ་མ་ལ། ལྃ་མྃ་སྃ་ཏྃ་ལས་འོད་ཟེར་འཕྲོས་ཏེ། ཁམས་གསུམ་གྱིས་སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས་ནས་འོད་ཟེར་ཚུར་འདུས་ས་བོན་ལ་ཐིམ་པ་ལས། བདེ་མཆོག་སྐུ་མདོག་སྔོན་པོ་ཞལ་གཅིག་ཕྱག་གཉིས་པ། རྡོ་རྗེ་དང་དྲིལ་བུ་འཛིན་པས། ཡུམ་རྡོ་རྗེ་ཕག་མོ་ལ་འཁྱུད་པ། ཤར་དུ་མཁའ་འགྲོ་མ་མཐིང་ཁ། བྱང་དུ་ལཱ་མ་ལྗང་ཁུ། ནུབ་ཏུ་ཁཎྜ་རོ་ཧི་དམར་མོ། ལྷོར་གཟུགས་ཅན་མ་སེར་མོ་བསྐྱེད་ལ། །རང་གི་ཐུགས་ཁའི་ས་བོན་དམ་ཚིག་པའི་ས་བོན་གཉིས་ལས་འོད་ཟེར་འཕྲོས་པས། འོག་མིན་ནས་བླ་མ་དཀྱིལ་འཁོར་ལྷ་ཚོགས་སངས་རྒྱས་བྱང་ཆུབ་སེམས་དཔའ་དཔག་ཏུ་མེད་པ་སྤྱན་དྲངས་ཏེ། ༈ ཧཱུྃ་མ་ལུས་སེམས་ཅན་ཀུན་གྱིས་

[Full Size]

མགོན་གྱུར་ཅིང་། །བདུད་སྡེ་དཔུང་བཅས་མི་ཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པའི། །བཅོམ་ལྡན་བདེ་མཆོག་འཁོར་བཅས་གཤེགས་སུ་གསོལ། །ཨོཾ་ཨེ་ཧྱེ་ཧི་བྷ་ག་ཝཱ་ན། མ་ཧཱ་ཀ་རུ་ཎི་ཀ་ས་པ་རི་ཝ་རེ་ས་མ་ཡེ་ཛཿཧཱུྃ་བྃ་ཧོཿས་དམ་ཚིག་པ་ལ་བསྟིམས་ནས། གནས་གསུམ་དུ་ཐལ་མོ་སྦྱར་ཏེ། ཨོཾ་ན་མ་ཏེ་ཧཱུྃ། ཨོཾ་ན་མ་མི་ཧཱུྃ། ཨོཾ་ན་མོ་ན་མ་ཧཱུྃ། ཞེས་པས་རྟེན་གྱི་ཞབས་ལ་ཐུག་པའི་ཕྱག་བྱའོ། ༈ །ཧཱུྃ་རྣམ་དག་དྲི་མེད་སྦྱར་བའི་ཆུ། །དྭངས་ནས་སྐྱོན་མེད་ཡིད་དུ་འོངས། །འགྲོ་བའི་ཉོན་མོངས་དག་བྱའི་ཕྱིར། །བཅོམ་ལྡན་མཆོད་ཡོན་བཞེས་སུ་གསོལ། །ཨོཾ་སརྦ་ཏ་ཐཱ་ག་ཏ་ཨརྒྷཾ་པྲ་ཏིཙྪ་ཡེ་སྭཱ་ཧཱ། །དུང་ཆོས་ཀྱིས་ཕྱག་རྒྱས་ལྷ་མོ་མཆོད་ཡོན་ཐོགས་པས་མཆོད་ནས། ༈ ཧཱུྃ་ཡིད་འོངས་དཀྱིལ་འཁོར་བྱོན་པ་ལེགས། །བདག་

[Full Size]

ཅག་བསོད་ནམས་བསྐལ་བར་ལྡན། །ཞབས་བསིལ་དམ་པ་འདི་དག་ཀྱང་། །འགྲོ་བའི་དོན་དུ་བཞེས་སུ་གསོལ། །ཨོཾ་སརྦ་ཏ་ཐཱ་ག་ཏ་པྲ་ཝ་ར་སད་ཀ་ར་པྲ་ཏིཙྪ་ཧཱུྃ་གིས་ལྷ་མོ་བདུད་རྩིའི་བུམ་ཆུ་ཐོགས་པས་ཕྱག་དང་ཞབས་བསིལ་ལོ། །ཧཱུྃ་བཅོམ་ལྡན་ཆོས་ཉིད་ལ་བཞུགས་ཀྱང་། །འགྲོ་བའི་དུག་གསུམ་དག་བྱའི་ཕྱིར། །ཞབས་བསིལ་དམ་པ་འདི་འབུལ་གྱིས། །ངན་འགྲོའི་འཆིང་བ་ལས་གྲོལ་མཛོད། །ཨོཾ་སརྦ་ཏ་ཐཱ་ག་ཏ་ནི་རི་ཏི་ཁཾ་རཾ་སྭཱ་ཧཱ། །ཞེས་བུམ་ཆུས་ཞབས་བསིལ་ལོ། །བདག་དང་འགྲོ་ལ་ཐུགས་བརྩེའི་ཕྱིར། །ཉིད་ཀྱིས་རྫུ་འཕྲུལ་མཐུ་ཡི་ནི། །ཇི་སྲིད་མཆོད་པ་བདག་བགྱིད་ན། །དེ་སྲིད་བཅོམ་ལྡན་བཞུགས་སུ་གསོལ། །ཨོཾ་སརྦ་ཏ་ཐཱ་ག་ཏ་པདྨ་ཀ་མ་ལ་ཡེ་སྟཾྭ། ཞེས་པས་རང་རང་གིས་གདན་ལ་བཞུགས་པར་བསམ་མོ། །མཆོད་པ་ནི། ཧཱུྃ་མེ་ཏོག་བདུག་སྤོས་མར་མེ་

[Full Size]

དྲི། །ལྷ་བཤོས་སིལ་སྙན་མཆོད་སྤྲིན་འདི། །དཀྱིལ་འཁོར་ལྷ་ཚོགས་རྣམས་ལ་འབུལ། །ཐུགས་རྗེས་དགོངས་ལ་བཞེས་སུ་གསོལ། །ཨོཾ་སརྦ་ཏ་ཐཱ་ག་ཏ་པཱུཙྪ་མེ་གྷ་ས་མུ་ཏྲ་སྦ་ར་་ས་མ་ཡེ་ཧཱུྃ། ཞེས་པའམ། ཨོཾ་ཧྲཱིཿཧ་ཧ་ཧཱུྃ་ཧཱུྃ་ཕཊ། ཨོཾ་བཛྲ་པུཥྤེ་ཨཱཿཧཱུྃ་གིས་མེ་ཏོག །དེ་བཞིན་དུ། དྷུ་པེ་ཨ་ལོ་ཀེ་གྷནྡྷེ་ནཻ་ཝི་ཏྱེ་བཛྲ་ཤཔྡ་ཨཱཿཧཱུྃ་གིས་མཆོད་དོ། །གཟུགས་སྒྲ་དྲི་རོ་རེག་བྱ་དང་། །འདོད་ཡོན་ལྔའི་མཆོད་སྤྲིན་འདི། །དཀྱིལ་འཁོར་ལྷ་ཚོགས་རྣམས་ལ་འབུལ། །ཐུགས་རྗེས་དགོངས་ལ་བཞེས་སུ་གསོལ། །ཨོཾ་སརྦ་ཏ་ཐཱ་ག་ཏ་པཉྩ་པཱུ་ཛ་མེ་གྷ་ས་མུ་ཏྲ་སྥ་ར་་ས་མ་ཡེ་ཧཱུྃ། ཞེས་པའམ་ལྷ་མོ་བཞིའི་སྔགས་དང་ཕྱག་རྒྱས་མཆོད། །ཧཱུྃ་འཁོར་ལོ་རིན་ཆེན་གླང་པོ་རྟ། །བཙུན་མོ་དམག་དཔོན་བློན་པོ་དང་། །ཉེ་བའི་རིན་ཆེན་སྣ་བདུན་

[Full Size]

བཅས། །དཀྱིལ་འཁོར་ལྷ་ཚོགས་རྣམས་ལ་འབུལ། །ཨོཾ་སརྦ་ཏ་ཐཱ་ག་ཏ་རངྣ་སུ་པཱུ་ཛ་མེ་གྷ་ས་མུ་ཏྲ་སྥ་ར་་ས་མེ་ཡེ་ཧཱུྃ། །ཞེས་པའམ་རིན་ཆེན་སྣ་བདུན་གྱིས་སྔགས་དང་ཕྱག་རྒྱས་མཆོད་པ་ནི་ཕྱི་མཆོད་དོ། །ཧཱུྃ་མཁའ་འགྲོ་ལཱ་མ་དུམ་སྐྱེས་དང་། །གཟུགས་ཅན་མ་དང་མཁའ་འགྲོ་བཞིས། །ཤ་ལྔ་བདུད་རྩི་ཐོགས་ནས་ཀྱང་། །དཀྱིལ་འཁོར་ལྷ་ཚོགས་རབ་ཏུ་མཆོད། །ཨོཾ་སརྦ་ཏ་ཐཱ་ག་ཏ་ཙཀྲ་པཱུ་ཛ་མེ་གྷ་ས་མུ་དྲ་སྥ་ར་་ས་མ་ཡེ་ཧཱུྃ་ཞེས་པ་དང་། ཨོཾ་བཛྲ་ཨ་མྲྀ་ཏ་ཧཱུྃ་གིས་ནང་མཆོད་དོ། །ཧཱུྃ་བདེ་བའི་རང་བཞིན་ལྷ་མོ་བཞི། །ལང་ཚོ་བཅུ་དྲུག་ལྟ་བུར་མཛེས། །གཉིས་སུ་མེད་པའི་མཆོད་པ་ཡིས། །ཟག་མེད་བདེ་བས་གཙོ་ལ་མཆོད། །ཨོཾ་སརྦ་ཏ་ཐཱ་ག་ཏ་མ་ཧཱ་པཱུ་ཙ་མེ་གྷ་ས་མུ་དྲ་སྥ་ར་་ས་མ་ཡེ་ཧཱུྃ། ཞེས་པས་གཉིས་སུ་མེད་པའི་ཕྱག་རྒྱ་བྱའོ། །གསང་མཆོད་དོ། །མཆོད་

[Full Size]

བྱའི་ཡུལ། མཆོད་པ། མཆོད་བྱེད་རྣམས་རང་བཞིན་མེད་པར་ཤེས་པར་བྱས་ཏེ། །དེ་ཁོ་ན་ཉིད་ཀྱིས་མཆོད་པའོ། །བསྟོད་པ་ནི། སངས་རྒྱས་ཐམས་ཅད་འདུས་པའི་སྐུ། །རྡོ་རྗེ་འཛིན་པའི་ངོ་བོ་ཉིད། །དཀོན་མཆོག་གསུམ་གྱི་རྩ་བ་སྟེ། །བླ་མ་རྣམས་ལ་ཕྱག་འཚལ་ལོ། །བླ་མའི་སྐུ་ནི་རྡོ་རྗེའི་སྐུ། །མཛེས་ཤིང་ལྟ་བས་ཆོག་མི་ཤེས། །བསམ་གྱིས་མི་ཁྱབ་ཡོན་ཏན་ལྡན། །བླ་མའི་སྐུ་ལ་ཕྱག་འཚལ་ལོ། །བླ་མའི་གསུང་ནི་ཚངས་པའི་དབྱངས། །འགག་མེད་སེང་གེའི་སྒྲ་དང་ལྡན། །མུ་སྟེགས་ལོག་ལྟ་འཇོམས་མཛད་པའི། །བླ་མའི་གསུང་ལ་ཕྱག་འཚལ་ལོ། །བླ་མའི་ཐུགས་ནི་ནམ་མཁའ་འདྲ། །བདེ་གསལ་མི་རྟོག་ངང་ཚུལ་ཅན། །རྣམ་ཐར་གསུམ་ལ་ལེགས་སྤྱོད་པ། །བླ་མའི་ཐུགས་ལ་ཕྱག་འཚལ་ལོ། །བཅོམ་ལྡན་མགོན་པོ་དཔའ་བོའི་དབང་ཕྱུག་

[Full Size]

ནི། །སྐལ་པའི་མེ་དཔུང་ལྟ་བུར་རབ་ཏུ་འབར། །རལ་པའི་ཅོད་པ་དབུའི་དོན་དུ་བྱས། །མཆེ་བ་རབ་རྩིགས་དྲག་ཤུལ་འཇིགས་པའི་ཞལ། །སྐུ་ལ་གཟི་བརྗིད་ཕྱག་སྟོང་ལྡན་པ་པོ། །དགྲ་སྟྭ་ཞགས་པ་ཁ་ཊཱཾྭ་མདུང་བསྣམས་ཞིང་། །རབ་བརྗིད་སྟག་གི་པགས་པ་སྐུ་ལ་གསོལ། །སྐུ་ཆེན་དུད་ཁ་བགེགས་མཐར་མཛད་ལ་འདུད། །བཅོམ་ལྡན་རྣམ་ཀུན་རྡོ་རྗེ་ཕག་མོ་ནི། །འཇིག་རྟེན་གསུམ་སོགས་ཕྱོགས་གཞན་རྒོལ་བས་མི་ཐུབ་ཅིང་། །འབྱུང་པོའི་འཇིགས་པ་མ་ལུས་རྡོ་རྗེ་ཆེན་པོས་འཇོམས། །རྡོ་རྗེ་གདན་བཞུགས་ཚངས་སོགས་དབང་བྱེད་ལས་རྒྱལ་ཞིང་། །རྡོ་རྗེ་ཕག་མོ་ཁྲོ་མོའི་གཟུགས་ཅན་དྲག་གཉེན་མ། །རྨུགས་བྱེད་རྨོང་བྱེད་རེངས་བྱེད་ལས་ནི་རྣམ་རྒྱལ་ཤིང་། །བདུད་ཀྱི་འཇིགས་པ་མ་ལུས་སྐེམ་ཞིང་ཕམ་པར་མཛད་པ་མོ། །རྣལ་འབྱོར་ཆེན་མོ་འདོད་པའི་དབང་ཕྱུག་མ་ལ་འདུད། །ཧཱུྃ་སྐུ་མདོག་

[Full Size]

སྔོན་པོ་ཨུཏྤལ་འདྲ། །ཞལ་གཅིག་ཕྱག་གཉིས་མཚན་དཔེས་བརྒྱན། །ཡུམ་དང་གཉིས་མེད་གར་དགུའི་མཛེས། །བཅོམ་ལྡན་བདེ་བའི་མཆོག་ལ་བསྟོད། །ཆོས་དབྱིངས་རྣམ་དག་སྐྱེ་མེད་ལས། །འགག་མེད། ཐུགས་རྗེ་ཆེན་པོ་ཡིས། །གང་འདུལ་གཟུགས་སྐུ་སྒྱུ་མར་སྟོན། །ཕག་མོའི་སྐུ་ལ་ཕྱག་འཚལ་ལོ། །འབྱུང་བ་བཞི་པོ་རྣམ་དག་ཅིང་། །ཡེ་ཤེས་བཞི་ཡི་ངོ་བོ་ཉིད། །མཁའ་འགྲོ་ལཱ་མ་དུམ་སྐྱེས་དང་། །གཟུགས་ཅན་མ་ལ་ཕྱག་འཚལ་ལོ། །ཧཱུྃ་ཆོས་ཉིད་རྣམ་དག་ནམ་མཁའི་མདོག །སྣང་སྟོང་བདེ་ཆེན་མཚན་དཔེས་བརྒྱན། །གར་གྱིས་ཉམས་ལྡན་ལོངས་སྤྱོད་རྫོགས། །མགོན་པོ་ཁྱོད་ལ་ཕྱག་འཚལ་ལོ། །ལྟེ་བའི་དབུས་ནས་འབྱུང་ཞིང་འཕྲོ། །ཆོས་དང་ལོངས་སྤྱོད་རྫོགས་པར་ལྡན། །མཁའ་འགྲོ་མ་རྣམས་བསྡུད་མཛད་མ། །རྗེ་བཙུན་མ་ལ་ཕྱག་འཚལ་

[Full Size]

ལོ། །ལུས་རྗེས་དྲན་པའི་ངོ་བོ་ཉིད། །མ་མ་ཀི་ནི་ཆུའི་ཁམས། །རྡོ་རྗེ་རིགས་ཀྱིས་མཁའ་འགྲོ་ཡུམ། །མཁའ་འགྲོ་མ་ལ་ཕྱག་འཚལ་ལོ། །ཚོར་བ་རྗེས་དྲན་ངོ་བོ་ཉིད། །སྒྲོལ་མ་ཞེས་བྱ་རླུང་གིས་ཁམས། །ལས་ཀྱི་རིགས་ཀྱིས་མཁའ་འགྲོ་ཡུམ། །ལཱ་མ་དེ་ལ་ཕྱག་འཚལ་ལོ། །ཆོས་རྗེས་དྲན་པའི་ངོ་བོ་ཉིད། །གོས་དཀར་མོ་ནི་མེའི་ཁམས། །པདྨ་རིགས་ཀྱིས་མཁའ་འགྲོ་ཡུམ། །དུམ་སྐྱེས་མ་ལ་ཕྱག་འཚལ་ལོ། །སེམས་རྗེས་དྲན་པའི་ངོ་བོ་ཉིད། །སྤྱན་དེ་ཕྲ་བའི་བདག་ཉིད་ཅན། །རིན་ཆེན་རིགས་ཀྱི་མཁའ་འགྲོ་ཡུམ། །གཟུགས་ཅན་མ་ལ་ཕྱག་འཚལ་ལོ། །གཏོར་མ་བྱིན་གྱིས་རླབས་ནས། །དང་པོ། ཤྲཱི་མ་ཧཱ་གུ་རུ་བ་ལིངྟ་ཁ་ཁ་ཁཱ་ཧི་ཁཱ་ཧི། །བླ་མ་རྣམས་ལ། གཉིས་པ་ན་ལྷ་ལྔ་ལ། །གསུམ་པ་ཆོས་སྐྱོངས་ལ། བཞི་པ་གཞི་བདག་ལ། །ལྔ་པ་གནོད་བྱེད་ལ་སྦྱིན་ནོ། །དེ་ནས་ཚོགས་རྣམས་གཏོར་མ་

[Full Size]

ལྟར་བྱིན་རླབས་ལ། །ཕུད་བླ་མ་དང་དཀོན་མཆོག་ལ་ཕུལ་ནས། །འདུ་ཤེས་གསུམ་དང་ལྡན་པའི་ལག་པས་ཀ་པཱ་ལ་བཟུང་ནས། ཀྱཻ་གཟིགས་ཤིག་མཛེས་པ་དམ་པའི་ཆོས། །འདི་ལ་རྣམ་རྟོག་བྱར་མི་རུང་། །བྲམ་ཟེ་ཁྱི་དང་གདོལ་པ་གསུམ། །རང་བཞིན་གཅིག་ཏུ་དགོངས་ཏེ་རོལ། །ཅེས་པས་དྲངས། ལེན་པ་པོས་ཀྱང་། པད་བསྐོར་བྱས་ནས། བདེ་བར་གཤེགས་པ་ཆོས་ཀྱིས་མཆོག །འདོད་ཆགས་དྲི་མ་དང་བྲལ་བས། །བཟུང་འཛིན་རྣམ་པར་གྲོལ་བ་ཡིས། །དེ་ཁོ་ན་ཉིད་ལ་བདག་ཕྱག་འཚལ། །ཨ་ཧོ་སུ་ཁཾ། ཞེས་པས་བླངས་ལ། །འདུ་ཤེས་གསུམ་དང་མ་བྲལ་བས་ཚོགས་ལ་ཚིམ་པར་རོལ་ལོ། །དེ་ནས་ལྷག་མ་རྣམས་བསྡུས་ཏེ། ཁ་མྱོས་བྱེད་ཀྱིས་བཀང་ནས་འབར་བའི་ཕྱག་རྒྱ་དང་བཅས་པས་ཁ་ཕྲུ་བཏབ་ལ། །ཨོཾ་སརྦ་ཁ་ཁ་ཁཱ་ཧི་ཁཱ་ཧི་ཨུ་ཙྪ་ཏི་བ་ལིངྟ་ཨུ་ཚ་ཏི་བྷིཀྵ་བྷ་བྷྱཿསྭཱ་ཧཱ། །ཞེས་བརྗོད་ལ་

[Full Size]

འབྱུང་པོ་བྲན་རྣམས་ལ་སྦྱིན་ནོ། །དེ་ལྟར་ཡང་གདན་བཞིའི་རྒྱུད་ལས། །ཡེ་ཤེས་སྤྱན་གྱིས་དཔའ་འདོད་པས། །ལྷག་མའི་གཏོར་མ་སྦྱིན་པར་བྱ། །ཞེས་སོ། །དེ་ནས་མདུན་བསྐྱེད་ཀྱི་དཀྱིལ་འཁོར་ལ་མཆོད་ཅིང་བསྟོད་ལ། །བཅུ་བཞི་པའི་གཤེགས་པ་དང་། །ཡི་གེ་བརྒྱ་པ་བརྗོད་ལ། །གང་ཡང་བདག་བློ་གཏི་མུག་པས། །ལེགས་བྱས་འདི་ལ་ཉེས་གྱུར་གང་། །གང་ཕྱིར་ལུས་ཅན་སྐྱབས་གྱུར་པ། །དེ་ཀུན་མགོན་པོས་བཟོད་པར་མཛོད། །གཙོ་བོ་ནུས་པ་མ་མཆིས་དང་། །ལྷག་པ་དང་ནི་མ་ཚང་བ། །འདིར་ནི་བྱ་བ་གང་བགྱིས་པ། །དེ་ཀུན་མགོན་ཁྱོད་བཟོད་པར་གསོལ། །ཅེས་སོ། །བསྔོ་བ་ནི། དགེ་བའི་ཚོགས་རྣམས་བསགས་པ་ཀུན། །བདག་གིས་ཡོངས་སུ་བཟུང་མེད་པར། །སེམས་ཅན་མ་ལུས་ཀུན་དོན་དུ། །ཆོས་དབྱིངས་བླ་ན་མེད་པར་བསྔོ། །ཞེས་ལན་གསུམ་བརྗོད། ལེགས་པའི་ཡོན་ཏན་རབ་རྫོགས་པའི། །བླ་མ་ཡི་དམ་བཀྲ་ཤིས་ཤོག །ཕྲིན་

[Full Size]

ལས་ཐམས་ཅད་བསྒྲུབ་མཛད་པའི། །མཁའ་འགྲོ་ཆོས་སྐྱོང་བཀྲ་ཤིས་ཤོག །ཅེས་པས་བཀྲ་ཤིས་བརྗོད་དོ། །རྡོ་རྗེ་བསྡུ་བས་དཀྱིལ་འཁོར་གཤེགས་སུ་གསོལ་བ་ནི། །ཨོཾ་ཁྱེད་ཀྱི་སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་ནས་ཀྱང་། །སླར་ཡང་འབྱོན་པར་མཛད་དུ་གསོལ། །ཅེས་བརྗོད་དོ། །བཅོམ་ལྡན་བདེ་མཆོག་ལྷ་ལྔ་ཡིས། །མཆོད་ཁྲིགས་བླ་མའི་ཕྱག་ལེན་ལྟར། །ཚུལ་ཁྲིམས་མགོན་པོས་ཡི་གེར་བཀོད་པ་འདི་ཡོངས་སུ་རྫོགས་སོ། །ཨིྀྠ། །མངྒ་ལཾ།། །།

ཕྱག་རྒྱ་ཆེན་པོ་གའུ་མའི་བཀའ་དུག་ལྔ་ལམ་ཁྱེར་གྱི་བཀའ།

[Full Size]

ཕྱག་རྒྱ་ཆེན་པོ་གའུ་མའི་བཀའ་དུག་ལྔ་ལམ་ཁྱེར་གྱི་བཀའ་ཡོད།། །།

[Full Size]

བླ་མ་རྣམས་ལ་ཕྱག་འཚལ་ལོ། །མཎྜལ་འདབ་བཞི་ཕྱོགས་མཚོན་ལ་ལྟེ་བ་སེར་པོ། །མཐའ་མ་ཅི་འབྱོར་བའི་མཆོད་གཏོར་གྱིས་བསྐོར་ལ། །དབུས་སུ་རིན་པོ་ཆེའི་ཁྲི་སེང་གེ་བརྒྱད་ཀྱིས་བཏེགས་པ། །པདྨ་དང་ཉི་མའི་དཀྱིལ་འཁོར་གྱི་སྟེང་དུ། །ངོ་བོ་བླ་མ་ལ་རྣམ་པ་བདེ་མཆོག་སྐུ་མདོག་གསེར་གཙོ་མའི་མདོ་ལྟ་བུ། །རྡོ་རྗེ་དང་དྲིལ་བུ་འཛིན་པ། །མི་མགོ་དང་རུས་པའི་རྒྱན་ཅན། །ཡུམ་དང་གཉིས་སུ་

[Full Size]

མེད་པ། །མཁའ་འགྲོ་མ་བཞི་དང་བཅས་པའོ། །ཤར་དུ་དགྱེས་པ་རྡོ་རྗེའི་ལྷ་ཚོགས། །ལྷོར་གསང་འདུས། །ནུབ་ཏུ་མ་ཧཱ་མ་ཡ། བྱང་དུ་འཇིགས་བྱེད་བསྒོམས་ལ། །བདག་འཇུག་བླང་། །སྔོན་འགྲོ་རྒྱས་བསྡུས་ཅི་རིགས་སུ་སྔོན་དུ་སོང་བས། །སློབ་མ་ལ་ཡང་གོང་ལྟར་བསྒོམས་དུ་བཅུག་ལ། །དབང་བསྐུར་དངོས་ནི་སློབ་མ་རང་རང་གི་མདུན་དུ། །ཐོད་པ་ཕྱི་དཀར་ལ་ནང་དམར་བ་

[Full Size]

ཡངས་ཤིང་རྒྱ་ཆེ་བའི་ནང་དུ། །རང་གི་ལུས་ཤ་ལྔ་བདུད་རྩི་ལྔར་བསམ་ལ་དབུལ། །ཡང་སྟོང་གསུམ་འདི་རིན་པོ་ཆེ་གསེར་གྱིས་ཕྱུར་གྱིས་བཀང་ནས་ཡོན་དུ་ཕུལ་བར་བསམ་ལ། །གསོལ་བ་གདབ་པ་ནི། །བླ་མ་རིན་པོ་ཆེ་བདག་ལ་བུམ་པའི་དབང་བསྐུར་དུ་གསོལ། །སྐུའི་བྱིན་རླབས་མ་ལུས་པ་གཞུག་ཏུ་གསོལ། །ཞེས་གསོལ་བ་བཏབ་པས། དབུས་ཀྱི་བདེ་མཆོག་བླ་མའི་ངོ་བོ་ཅན་གྱི་སྤྱི་བོའི་ཨོཾ་དཀར་པོ་ལས་འོད་འཕྲོས། སངས་རྒྱས་དང་བྱང་ཆུབ་སེམས་དཔའི་ཐུགས་གཉིས་སུ་མེད་པའི་ཡེ་ཤེས་ཀྱི་བདུད་རྩི་ཆུ་རྒྱུན་ནམ། །འོད་དཀར་པོའི་རྣམ་པར་བྱོན་ཏེ། བླ་མའི་ཨོཾ་ལ་ཐིམ། ཨོཾ་ལས་ཡེ་ཤེས་ཀྱི་བདུད་རྩིའི་ཆུ་རྒྱུན་བྱུང་བས། རང་གི་སྨིན་ཕྲག་གི་ཨོཾ་ལ་ཐིམ་པས། ལུས་ཀྱི་ནད་གདོན་སྡིག་སྒྲིབ་མ་ལུས་པར་སངས་

[Full Size]

དག་པར་བསམ། །བླ་མས་ཀྱང་དེ་བཞིན་དུ་བསམ་ཞིང་། རྩ་བ་དང་བརྒྱུད་པའི་བླ་མ་རྣམས་ཀྱི་མཚན་བརྗོད་ཅིང་། བྱིན་གྱིས་རློབས་ཤིག །ད་ལྟ་ཉིད་དུ། མྱུར་བ་ཉིད་དུ། འདུག་ས་འདི་ཉིད་དུ་བྱིན་གྱིས་རློབས་ཤིག་ཅེས་བརྗོད་ཅིང་། རོལ་མོའི་སྒྲ། གུ་གུལ་གྱི་དུད་པ་དང་བཅས་པས། ཡེ་ཤེས་དབབ་སྟེ། སྐུའི་བྱིན་རླབས་ལུས་ལ་ཞུགས་ཅིང་བུམ་པའི་དབང་བསྐུར་རོ། །ཡང་མཆོད་པ་སྔར་བཞིན་ཕུལ་ལ། གསང་བ་དང་། ཤེས་རབ་ཡེ་ཤེས་ཀྱིས་དབང་བསྐུར་དུ་གསོལ་ཞེས་གསོལ་བ་བཏབ་པས། བླ་མའི་མགྲིན་པའི་ཨཱཿདམར་པོ་དང་། ཐུགས་ཁའི་ཧཱུྃ་ལ་མཐིང་ཀ་ལས། འོད་ཟེར་གྱི་སྤྲོ་བསྡུ་སྔ་མ་དང་ལྡན་པས། གཉིས་པ་དང་གསུམ་པའོ། །སླར་ཡང་མཆོད་པ་སྔར་བཞིན་ཕུལ་ནས། བཞི་པ་བསྐུར་དུ་གསོལ་ཞེས་གསོལ་བཏབ་

[Full Size]

པས། །བླ་མའི་གནས་གསུམ་གྱི་ཡི་གེ་གསུམ་ལས་འོད་ཟེར་འཕྲོས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ཐུགས་རྒྱུད་བསྐུར་་དེ་དག་གི་ཐུགས་གཉིས་སུ་མེད་པའི་ཡེ་ཤེས་ཀྱི་བདུད་རྩི་འོད་ཟེར་གྱི་རྣམ་པར་བྱོན་ནས། བླ་མའི་གནས་གསུམ་གྱི་ཡི་གེ་གསུམ་ལ་ཐིམ། དེ་ལས་འོད་ཟེར་དཀར་དམར་མཐིང་གསུམ་འཇའ་ཚོན་གྱི་རྣམ་པར་བྱོན་ནས། རང་གི་གནས་གསུམ་དུ་ཐིམ་པས། ལུས་ཀྱི་སྤྱི་བོའི་གཙུག་ནས་རྐང་པའི་མཐིལ་ཡན་ཆད་འོད་ཀྱིས་གང་། ལུས་ངག་ཡིད་གསུམ་གྱི་ནད་གདོན་སྡིག་སྒྲིབ་མ་ལུས་པར་སངས་དག་ནས། ལུས་ལྷའི་སྐུ་སྣང་ལ་རང་བཞིན་མེད་པའི་ངང་ལ་སེམས་མ་བཅོས་པར་བཞག་པ་ནི། བཞི་པའོ། །ཡེ་ཤེས་རྒྱ་མཚོའི་རྒྱུད་ལས། བླ་མའི་སྐུ་ཡི་དཀྱིལ་འཁོར་ལས། དབང་བཞི་ཡོངས་སུ་རྫོགས་པར་བླང་། ས་ལམ་རིམ་པ་མ་ལུས་བསྒྲོད། ཅེས་ལེན་

[Full Size]

གསུམ་བརྗོད། དེའི་ཕྱིར་དབང་བཞིའོ། །ཡང་ཤར་གྱི་དགྱེས་རྡོར་འོད་ཀྱི་རྣམ་པ་དེ། དབུས་ཀྱི་བདེ་མཆོག་ལ་ཐིམ། དེ་བཞིན་དུ་རིམ་གྱིས་ཐིམ་ནས། བདེ་མཆོག་འོད་དུ་ལྟེམ་ལྟེམ་འདུག་པ་དེ་རང་གི་སྤྱི་གཙུག་ཏུ་ཐིམ་པས། །སྨིན་མཚམས་སུ་སླེབས་པས་བུམ་དབང་། མགྲིན་པར་སླེབས་པས་གཉིས་པ། སྙིང་གས་གསུམ་པ། ལྟེ་བར་བྱུང་འོད་དུ་ཡལ་སོང་། །ལུས་སྟོང་སང་སོང་སྟེ། དེ་མི་དམིགས་པའི་ངང་ལ་སེམས་མ་བཅོས་པ་བཞག་པ་ནི་ནང་གི་དབང་བཞི་པའོ། །རྫོགས་སོ། །ཡང་གཉིས་པ་ནི། བླ་མའི་གནས་གསུམ་གྱི་ཡིག་འབྲུ་མཐིང་ཀ་ཡོད་པ་ལས། བདེ་མཆོག་སྐུ་ཆུང་ལ་ཡན་ལག་དོད་པ་མཐིང་ཀ་དཔག་ཏུ་མེད་པ་ཆད་ནས། གནས་གསུམ་དུ་ཐིམ་པས་དབང་གསུམ། ལྟེ་བ་ནས་མཐིང་ཀ་དཔག་ཏུ་མེད་

[Full Size]

པ་ཆད་ནས་ལྟེ་བར་ཐིམ་པས། མཐར་སྟོང་སངས་ཀྱི་འོད་དུ་ཡལ་བའི་ངང་ལ་བཞག་པ་ནི་བཞི་པའོ། །འདི་ཟབ་ལམ་ཡིན་གསུང་ངོ་། །དགེའོ། །ན་མོ་གུ་རུ། །བླ་མ་དམ་པའི་ཞབས་བཏུད་ནས། །དུག་ལྔ་ལམ་ཁྱེར་དབང་བསྐུར་བྲི། །དེ་ལ་སྦྱོར་བ། །དངོས་གཞི། རྗེས་གསུམ་ལས། སྦྱོར་བ་ནི། གནས་ཁང་བརྐྱང་ནུལ་དང་རྟེན་ལ་སོགས་པ་བཀྲམ། མཎྜལ་འདབ་བཞི་ཕྱོགས་མཚོན་ལ། །ལྟེ་བ་དཀར་པོ། །མཐའ་མ་ཅི་འབྱོར་པའི་མཆོད་གཏོར་གྱིས་བསྐོར་ལ། དབུས་སུ་སེང་གེ་རིན་པོ་ཆེའི་ཁྲི་པདྨ་དང་། ཉི་ཟླའི་སྟེང་དུ་ངོ་བོ་བླ་མ་ལ་རྣམ་པ་ཧེ་རུ་ཀ་སྐུ་མདོག་དཀར་པོ་རྡོ་རྗེ་དང་དྲིལ་བུ་འཛིན་པས། ཡུམ་ཕག་མོ་ལ་འཁྱུད་པ། མི་མགོ་དང་རུས་པའི་རྒྱན་ཅན་གར་དགུའི་ཉམས་དང་ལྡན་པ། ཕྱོགས་བཞིར་བདེ་ཆེན་གྱི་ལྷ་མོ་གྲི་ཐོད་ཅན་བཞི་བསྐྱེད། ཤར་དུ་དགྱེས་

[Full Size]

མཛད། །ལྷོར་གསང་འདུས། ནུབ་ཏུ་མ་ཧཱ་མ་ཡ། བྱང་དུ་འཇིགས་བྱེད་ལྷ་ཚོགས་བསྐྱེད། སློབ་དཔོན་གྱིས་བདག་བསྐྱེད་བསྒོམ། བཟླས་པ་བྱ། མདུན་བསྐྱེད་བསྒོམས། མཆོད་གཏོར་དབུལ། བདག་འཇུག་བླང་ངོ། །སློབ་མས་ཁྲུས་བྱས། མཎྜལ་དབུལ། སྔོན་འགྲོ་རྒྱས་བསྡུས་སྐབས་དང་སྦྱར་བ་བྱས་ལ། །སློབ་མའི་སྤྱི་བོར་གོང་ལྟར་བསྒོམ་དུ་བཅུག །དངོས་གཞི་དབང་བསྐུར་བ་ནི། །གསེར་གྱི་མཎྜལ་དང་། རང་གི་མདུན་དུ་ཐོད་པ་ཕྱི་དཀར་ལ་ནང་དམར་བ་ཡངས་ཤིང་རྒྱ་ཆེ་བའི་ནང་དུ། རང་གི་རྣམ་སྨིན་གྱི་ལུས་འདི་ཤ་ལྔ་བདུད་རྩི་ལྔར་བྱིན་གྱིས་བརླབས་ལ་དབུལ་ལོ། །སྟོང་གསུམ་རིན་ཆེན་གསེར་གྱི་ཕྱུར་ཏེ་བཀང་ལ་ཡོན་དུ་དབུལ་བར་བསམ་མོ། །དེ་ནས་གསོལ་བ་གདབ་པ་ནི། བླ་མ་རིན་པོ་ཆེ། བདག་ལ་བུམ་པའི་

[Full Size]

དབང་བསྐུར་དུ་གསོལ། སྐུ་ཡི་བྱིན་རླབས་མ་ལུས་པ་གཞུག་ཏུ་གསོལ། །ཅེས་གསོལ་བ་བཏབ་པས། དབུས་ཀྱི་བདེ་མཆོག་བླ་མའི་ངོ་བོ་ཅན་གྱིས་སྤྱི་བོའི་ཨོཾ་དཀར་པོ་ལས་འོད་འཕྲོས། སངས་རྒྱས་དང་བྱང་ཆུབ་སེམས་དཔའི་ཡེ་ཤེས་ཀྱི་བདུད་རྩི་འོད་དཀར་པོའི་རྣམ་པར་བྱོན་ཏེ་བླ་མའི་ཨོཾ་ལ་ཐིམ། ཨོཾ་ལས་ཡེ་ཤེས་ཀྱི་བདུད་རྩིའི་ཆུ་རྒྱུན་བྱུང་བས། །རང་གི་སྨིན་ཕྲག་གི་ཨོཾ་ལ་ཐིམ་པས་ལུས་ཀྱི་ནད་གདོན་སྡིག་སྒྲིབ་སངས་དག་པར་བསམ། བླ་མས་ཀྱང་དེ་བཞིན་བསམས་ཤིང་། བརྒྱུད་པའི་བླ་མ་རྣམས་ཀྱི་མཚན་ནས་བརྗོད་ཅིང་ད་ལྟ་ཉིད་དུ། མྱུར་བ་ཉིད་དུ་བྱིན་གྱི་རློབས་ཤིག །ཅེས་རོལ་མོའི་སྒྲ་དང་། གུ་གུལ་དུད་པས་ཡེ་ཤེས་དབབ་བོ། །སྐུའི་བྱིན་རླབས་ཞུགས། བུམ་དབང་ཐོབ། ཡང་སྔ་མ་ལྟར་མཆོད། གསང་དབང་དང་། །ཐུགས་གཉིས་སུ་མེད་པའི་

[Full Size]

ཤེས་རབ་ཡེ་ཤེས་བསྐུར་དུ་གསོལ། །ཞེས་གསོལ་བཏབ་པས། བླ་མའི་མགྲིན་པའི་ཨཱ་དང་། །ཐུགས་ཀའི་ཧཱུྃ་མཐིང་གའི་འོད་ཟེར་གྱི་སྤྲོ་བསྡུ་སྔ་མ་ལྟ་བུ་དང་ལྡན་པས། །གཉིས་པ་དང་། གསུམ་པ་བླང་ངོ། །ཡང་མཆོད་དེ། །བཞི་པའི་གསོལ་བ་བཏབ་པས། བླ་མའི་གནས་གསུམ་གྱི་ཡི་གེ་ལས་འོད་ཟེར་སྤྲོ་བསྡུ་བྱས། རང་གི་གནས་གསུམ་དུ་ཐིམ། །ལུས་ཐམས་ཅད་འོད་ཀྱིས་གང་། ལུས་ངག་ཡིད་གསུམ་གྱི་ནད་གདོན་སྡིག་སྒྲིབ་མ་ལུས་པ་དག །ལུས་ལྷའི་སྐུ་སྣང་ལ་རང་བཞིན་མེད་པའི་ངང་ལ་སེམས་མ་བཅོས་པར་བཞག་པ་ནི་བཞི་པའོ། །ཡེ་ཤེས་རྒྱ་མཚོའི་རྒྱུད་ལས། བླ་མའི་སྐུའི་དཀྱིལ་འཁོར་ལས། །དབང་བཞི་ཡོངས་སུ་རྫོགས་པར་བླང་། ས་ལམ་རིམ་པ་མ་ལུས་བགྲོད། །ཅེས་ལན་གསུམ་བརྗོད། དེ་ནི་

[Full Size]

ཕྱིའི་དབང་བཞིའོ། །ཡང་ཤར་གྱི་དགྱེས་མཛད་འོད་ཀྱི་རྣམ་པ་དེ། །དབུས་ཀྱི་བདེ་མཆོག་ལ་ཐིམ། དེ་བཞིན་དུ་རིམ་གྱིས་ཐིམ། །བདེ་མཆོག་འོད་དུ་ལྟེམ་ལྟེམ་འདུག་པ་དེ་སྤྱི་གཙུག་ཏུ་ཐིམ་སྨིན་མཚམས་སུ་སླེབ་བུམ་དབང་ཐོབ། མགྲིན་པར་སླེབས་པས་གཉིས་པ། སྙིང་གར་སླེབ་པས་གསུམ་པ། ལྟེ་བར་སླེབས་པས་འདུས་འདུ་ཡལ། །སྟོང་སངས་པ་ཆོས་ཉིད་སྤྲིན་མེད་པའི་ནམ་མཁའ་ལྟ་བུ་མི་དམིགས་པའི་ངང་ལས་སེམས་མ་བཅོས་པར་བཞག་པ་ནི་བཞི་པ་སྟེ། ནང་གི་དབང་བཞིའོ། །ཟབ་ལམ་ནི། བླ་མའི་གནས་གསུམ་ནས་འོད་ཟེར་འཕྲོས། སྤྲོ་བསྡུ་བྱས། སྤྱིར་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་སྐུའི་ཡོན་ཏན་བསྡུས། ཁྱད་པར་བདེ་མཆོག་སྐུ་ཆུང་ལ་ཡན་ལག་དོད་པ་དཔག་ཏུ་མེད་པ་

[Full Size]

བླ་མའི་སྨིན་མཚམས་ནས་བྱུང་། རང་གི་སྨིན་ཕྲག་ཏུ་ཐིམ། སྐུའི་བྱིན་རླབས་ཞུགས། །ལུས་ཀྱི་དག །བུམ་དབང་ཐོབ། དེ་བཞིན་དུ་དམར་དཀར་སེར་ལྗང་གནས་གསུམ་དུ་ཐིམ། གཉིས་པ་གསུམ་པ་བཞི་པ་ཐོབ། སྐུ་གསུང་ཐུགས་ཡོན་ཏན་ཕྲིན་ལས་ཀྱི་བྱིན་རློབས་ཞུགས། སྒོ་གསུམ་ཐ་དད་ཀྱི་སྡིག་སྒྲིབ་མཐའ་དག །བཅུ་བཞི་བདེ་བ་ཆེན་པོ་ངོ་བོ་ཉིད་སྐུ་ཐོབ་པའི་མན་ངག་རྣམས་ཐད་སོར་ངོ་སྤྲད་དོ། །ཟབ་ལམ་མོ། རྗེས་ཀྱི་ཆོས་རྣམས་སྤྱི་འགྲོ་ལྟར་ཤེས་པར་བྱའོ། །མངྒ་ལཾ། །བྷ་ཝནྟུ། ཕྱག་རྒྱ་ཆེན་པོ་རྟོགས་མི་རྟོག་བྱ་བ་བཞུགས་སོ། །ན་མོ་གུ་རུ། ཐབས་ཁས་མཁས་ཐུགས་རྗེའི་བདག་ཉིད་ཅན། །འགྲོ་བའི་དཔལ་མགོན་རིན་པོ་ཆེ། །རྣམ་རྟོག་ཆོས་

[Full Size]

སྐུར་ངོ་སྤྲོད་པའི། །འགྲོ་མགོན་བླ་མའི་ཞབས་ལ་འདུད། །དེ་ལ་ཡང་དག་པར་རྫོགས་པའི་སངས་རྒྱས་ཀྱི་སེམས་ཅན་གྱི་རྒྱུད་ལ། །ཉོན་མོངས་པ་བརྒྱད་ཁྲི་བཞི་སྟོང་གི་གཉེན་པོར། ཆོས་ཀྱི་སྒོ་མོ་དེ་སྙེད་གསུང་ལགས། ཉོན་མོངས་པ་དེ་རྣམས་དུག་ལྔར་འདུས་ཤིང་། །དེ་སྤང་བ་ལ་ཐེག་པ་ཐུན་མོང་པས། འདོད་ཆགས་ལ་མི་གཙང་པའི་རྫས་སུམ་ཅུ་རྩ་གཉིས་ཀྱིས་གང་བ་ལ་སོགས་བསྒོམ་སྟེ། །ཀྲྀ་ཡ་དཔུང་བཟང་གི་རྒྱུད་ལས། འདོད་ཆགས་ཤས་ཆེ་མི་གཙང་ཤ་ཚིལ་དང་། །པགས་པ་ཀེང་རུས་བལྟ་བས་རྣམ་པར་བཟློག །བྱམས་དང་སྙིང་རྗེའི་ཆུ་གདབ་ཞེ་སྡང་ལ། །གཏི་མུག་ལ་ནི་རྟེན་འབྲེལ་ལམ་གྱིས་སོ། །ཅེས་སོ། །ཐེག་ཆེན་གསང་སྔགས་པ་རང་གི་དགེ་སྦྱོར་གྱི་དབང་དུ་སྡུད་ཅིང་ཉམས་སུ་ལེན། དེ་ལ་འདོད་ཆགས། ཞེ་སྡང་། གཏི་མུག །ང་རྒྱལ།

[Full Size]

ཕྲག་དོག་དང་བསྲེ་བའོ། །གཞི་ལ་སྟོབས་བསྐྱེད། ལམ་ལ་རྒྱན་འདགས། འབྲས་བུ་ལ་མངོན་དུ་འགྱུར་བའོ། །དང་པོ་ནི། བྱང་ཆུབ་ཏུ་སེམས་བསྐྱེད་ནས། འོད་གསལ་ཕྱག་རྒྱ་ཆེན་པོ་རྟོགས་པར་གསོལ་བ་གདབ་པའི་བར་དུ་བྱ། དེ་ནས་རང་བབས་གསུམ་གྱི་སྟེང་དུ་ཞོགས་ཚད་བཞག་པའི་ངང་ལས། ཆེད་དུ་འདོད་ཆགས་སྐྱེ་བའི་ཡུལ་ཉེ་བར་སྔོན་དུ་བྱས་ཤིང་། །བག་ལ་མ་ཞ་བར། རྩལ་ཇི་ལྟར་ཡོད་པ་བློ་ལ་རྫོགས་ཤིང་ལས་མ་བསགས་པའོ། །འདོད་ཆགས་ཀྱི་རྣམ་རྟོག་དེའི་དབང་དུ་ཤོར་ན། འདོད་ཆགས་ཀྱིས་ཀུན་ནས་བླངས་པའི་ལས་སོགས། །མོ་གདོན་ལྡང་གྲང་ནད་འཇུག །ཡི་དྭགས་སུ་སྐྱེའོ། །སམ་བུ་ཊ་ལས། རྣམ་རྟོག་གཏི་མུག་ཆེན་པོ་སྟེ། །འཁོར་བའི་རྒྱ་མཚོར་ལྟུང་བྱེད་ཅིང་། །ཅེས་སོ། །དེའི་དབང་དུ་མ་ཤོར་བར། །

[Full Size]

རང་གི་དགེ་སྦྱོར་གྱིས་ཚུར་དབང་དུ་འདུས་པས། འདོད་ཆགས་ལས་གྱུར་པ་ཉི་ཁྲི་ཆིག་སྟོང་དག །འདོད་ཆགས་ཅན་གྱི་མི་དང་མི་མ་ཡིན་པ་དབང་དུ་འདུ། །མོ་གདོན་ལས་གྲོལ། གྲང་ནད་མི་འཇུག །ཡི་དྭགས་སུ་མི་སྐྱེའོ། །སམ་བུ་ཊ་ལས། མི་རྟོག་ཏིང་འཛིན་ལ་གནས་ན། །མཁའ་བཞིན་བྱེད་པ་མེད་པར་མངོན། །ཅེས་སོ། །དེ་བཞིན་དུ་ཞེ་སྡང་གི་དབང་དུ་ཤོར་ན། །དེས་ཀུན་ནས་སླངས་པའི་ལས་སོགས། །ཕོ་གདོན་ལྡང་། །ཚད་ནས་འཇུག །དམྱལ་བར་འགྲོའོ། །གཏི་མུག་གི་དབང་དུ་སོང་ན། །དེས་ཀུན་ནས་བསླང་པའི་ལས་སོགས། ས་གདོན་ལྡང་། །བད་ཀན་འཇུག །དུད་འགྲོར་སྐྱེའོ། །དེའི་དབང་དུ་མ་ཤོར་བར་དགེ་སྦྱོར་གྱི་དབང་དུ་འདུས་པས། །ཞེ་སྡང་ལས་གྱུར་པ་ཉི་ཁྲི་ཆིག་སྟོང་དག །ཞེ་སྡང་ཅན་གྱི་མི་དང་མི་མ་ཡིན་པ་དབང་དུ་འདུ་བ་ལ་སོགས་ཤེས་པར་བྱའོ། །

[Full Size]

གཉིས་པ་ནི། །དེའི་དུས་སུ་སེམས་ཅན་ཐམས་ཅད་ཀྱི་འདོད་ཆགས་བདག་ལ་སྨིན་ནས། སེམས་ཅན་ཐམས་ཅད་འདོད་ཆགས་མེད་པའི་དགེ་བའི་རྩ་བ་དང་ལྡན་པར་གྱུར་ཅིག །ཞེས་ལན་གསུམ་བརྗོད་ཅིང་། །ཡིད་ལ་ཡང་བསམ་མོ། །གསུམ་པ་ནི། ནང་སེམས་ཅན་དང་། ཕྱི་རྫས་དང་། ལོངས་སྤྱོད་ལ་ཆགས་པའི་རྣམ་རྟོག་སྐྱེས་པའི་དུས་སུ། །དེའི་དབང་དུ་མ་ཤོར་བར། སྟན་དེའི་ཐོག །འཁྲུལ་འཁོར་དེའི་ཁོངས་སུ། །དེའི་དགེ་སྦྱོར་གྱི་དབང་དུ་བསྡུས་ཤིང་ལམ་དུ་བསློང་དགོས་པས། སེམས་ཅན་དང་རྫས་ལ་འདོད་འདུན་སེར་སྣའི་རྣམ་རྟོག །རྩལ་རྫོགས་ལ་ལས་མ་བསགས་པ་དེའི་ངོ་བོ་ལ་གཅེར་བལྟས་པས། དེས་ཟུངས་མ་ཐུབ་པར། དེ་རང་སྟོང་དུ་བརྗེན་ལྷང་གིས་འཆར་ཞིང་། གདངས་བདེ་བ་རུ་ལྷང་ངེ་བ་དེའི་རྒྱུན་མ་

[Full Size]

ཤོར་བ། །རྟོག་པ་གཞན་གྱིས་བར་མ་ཆོད་པར་བདེ་སྟོང་འཛིན་མེད་དུ་ལམ་དུ་བཏང་ངོ་། །གཉིས་པ་ནི། གཞི་དང་ལམ་སྔར་གྱི་དེས་ཀུན་ལ་མཚོན་ལ། འབྲས་བུ་ནི། ཀུན་ནས་མནར་སེམས་ཀྱིས་བསྡུས་པའི་ཞེ་སྡང་གི་རྣམ་རྟོག་དེའི་ངོ་བོ་ལ་གཅེར་བལྟས་པས། དེས་ཟུངས་མ་ཐུབ་པར། རང་སྟོང་དུ་རྗེན་ལྷང་འཆར་ཞིང་། །གདངས་གསལ་བ་རུ་ལམ་མེ་བ། དེའི་རྒྱུན་མ་ཤོར་བར། རྟོག་པ་གཞན་གྱི་བར་མ་ཆོད་པར། གསལ་སྟོང་འཛིན་མེད་དུ་ལམ་དུ་བཏང་ངོ། །གསུམ་པ་ནི། ཤེས་བྱའི་གནས་ལ་བླང་དོར་གྱི་ཆ་མི་ཕྱེད་པའམ། གཉིད་རྨུགས་བྱིངས་པ། གཏི་མུག་གི་རྣམ་རྟོག་སྐྱེས་པའི་དུས་སུ། དེའི་ངོ་བོ་ལ་གཅེར་བལྟས་པས། །དེས་ཟུངས་མ་ཐུབ་པར། རང་སྟོང་དུ་རྗེན་ལྷང་གིས་འཆར་ཞིང་། །གདངས་མི་རྟོག་པ་སིང་ངེ་བའི་ངང་མ་ཤོར་བར། རྟོག་པ་

[Full Size]

གཉིས་པ་ནི། གཞི་དང་ལམ་ལྔར་གྱི་དེས་ཀུན་ལ་མཚོན་ལ། འབྲས་བུ་ནི། ཀུན་ནས་མནར་སེམས་ཀྱིས་བསྡུས་པའི་ཞེ་སྡང་གི་རྣམ་རྟོག་དེའི་ངོ་བོ་ལ་གཅེར་བལྟས་པས། དེས་ཟུངས་མ་ཐུབ་པས། རང་སྟོང་དུ་རྗེན་ལྷང་འཆར་ཞིང་། མདངས་གསལ་བ་རུ་ལམ་མེ་བ། དེའི་རྒྱུན་མ་ཤོར་བར། རྟོག་པ་གཞན་གྱིས་བར་མ་ཆོད་པར། གསལ་སྟོང་འཛིན་མེད་དུ་ལམ་དུ་བཏང་ངོ་། །གསུམ་པ་ནི། ཤེས་བྱའི་གནས་ལ་བླང་དོར་གྱི་ཆ་མི་ཕྱེད་པའམ། གཉིད་རྨུགས་བྱིང་བ་གཏི་མུག་གི་རྣམ་རྟོག་སྐྱེས་པའི་དུས་སུ། དེའི་ངོ་བོ་ལ་གཅེར་བལྟས་པས། དེས་ཟུངས་མ་ཐུབ་པར། རང་སྟོང་དུ་རྗེན་ལྷང་གིས་འཆར་ཞིང་། གདངས་མི་རྟོག་པ་སིང་ངེ་བའི་ངང་མ་ཤོར་བར། རྟོག་པ་གཞན་གྱིས་མ་ཆོད་པར་མི་རྟོག་སྐྱེ་མེད་དུ་ལམ་དུ་བཏང་ངོ་། །

[Full Size]

གཞན་གྱིས་བར་མ་ཆོད་པར་བདེ་སྟོང་འཛིན་མེད་དུ་ལམ་དུ་བཏང་ངོ་། རིགས་རུས་ཞོ་ཤ་ལ་སོགས་པ་ང་རྒྱལ་གྱི་རྣམ་རྟོག་དང་། །གཞན་གྱི་འབྱོར་པ་བློ་ཡུལ་དུ་མི་ཤོང་བའི་ཕྲག་དོག་ལ་སྔར་ལྟར་ཤེས་པར་བྱའོ། །ཡང་ན་འདོར་མི་ཕྲ་བའི་འདོད་ཆགས་ཀྱི་རྣམ་རྟོག་སྐྱེས་པའི་དུས་སུ། རྗེས་སུ་ཡང་མི་འབྲང་། །སྤོང་ཡང་མི་སྤོང་། སྟོང་པ་ཡིན་སྙམ་པའི་བློས་བྱས་ཀྱི་ངོ་ཤེས་ཀྱང་མི་བསྐྱེད། རང་བབས་གསུམ་གྱི་སྟེང་དུ། རང་ཐོག་ཏུ་གློད་ནས། འཛིན་མེད་དུ་བཅས་བཅོས་མེད་པར་བཞག་པས། །འདོད་ཆགས་སུ་ལམ་མེ་བ་དེ་རང་ལ་ཉམས་ལེན་གྱི་ངོ་ཏིར་བྱས་པས། །དེ་ལ་གཞན་པའི་རྟོག་པས་དབེན་པ་གསལ་ལེར་བསྒོམ་པ་ཡིན། །དེར་འདོད་ཆགས་མ་སྤངས་གནས་སུ་དག་ནས། སྤང་བྱ་སྤང་མ་དགོས། གཉེན་པོ་བཙལ་ཡང་མ་དགོས་པར་

[Full Size]

གང་ཤར་དེ་དང་། །སྤང་བླང་དང་བྲལ་ནས། བདེ་སྟོང་འཛིན་མེད་དམ་ཆོས་སྐུར་འཆར་རོ། །དེ་ལྟར་ཞེ་སྡང་ལ་སོགས་པ་ལའང་ཤེས་པར་བྱའོ། །ཡང་ན་དུག་ལྔ་སྐྱེས་པའི་དུས་སུ། གཉེན་པོས་སྤང་བ་ཡང་མེད། །རང་རྒྱུད་པའི་འཛིན་པས་ཡང་མ་དགོས་པ་དེ་ལ་བཟོ་མི་བྱེད། རྗེས་སུ་མི་འབྲང་བར། རང་བབས་གསུམ་གྱི་སྟེང་ནས། རང་ལུགས་སུ་གློད་ནས་འཛིན་མེད་དུ་བཞག་པས། མ་སྤངས་གནས་སུ་དག་ནས་གསལ་སྟོང་འཛིན་མེད་སྐུ་གསུམ་དུ་འཆར་རོ། །དེས་ཉོན་མོངས་པ་ལྔ་དག་ནས། རིགས་ལྔ་ཡེ་ཤེས་ལྔར་འཆར་བར་འགྱུར་རོ། །བརྟག་གཉིས་ལས། དུག་གི་དུམ་བུ་གང་ཉིད་ཀྱིས། །སྐྱེ་བོ་ཐམས་ཅད་འཆི་བར་འགྱུར། །དུག་གི་དེ་ཉིད་ཤེས་པ་ཡིས། །དུག་གིས་དུག་ནི་འབིགས་པར་བྱེད། །དེ་ལྟར་རླུང་གིས་ཟིན་པ་ལ། །མོན་སྲན་

[Full Size]

རྡིའུའི་བཟའ་བ་སྦྱིན། །བཟློག་པའི་སྨན་ནི་བཏང་བ་ལས། །རླུང་གིས་རླུང་ལ་བསྣུན་པར་བྱེད། །རྣམ་རྟོག་ལས་ནི་རྣམ་རྟོག་དང་། །སྲིད་པ་ཉིད་ཀྱིས་སྲིད་པ་དག །ཇི་ལྟར་རྣ་བར་ཆུ་ཞུགས་པ། །ཆུ་གཞན་གྱིས་ནི་དགུག་པར་བྱ། །དེ་བཞིན་དངོས་པོའི་རྣམ་རྟོག་ཀྱང་། །རྣམ་པར་ངེས་པར་སྦྱང་བར་བྱ། །ཇི་ལྟར་ཚད་པས་ཚིག་པ་ལ། །མེ་ཡི་ཡང་ནི་གདུང་བར་བྱ། །དེ་བཞིན་འདོད་ཆགས་མེས་ཚིག་པ། །འདོད་ཆགས་མེ་ཡིས་གདུང་བར་བྱ། །སྐྱེ་བོ་མི་ཟད་པའི་ལས། །གང་དང་གང་གིས་འཆིང་གྱུར་པ། །ཐབས་དང་བཅས་ན་དེ་ཉིད་ཀྱིས། །སྲིད་པའི་འཆིང་བ་ལས་གྲོལ་འགྱུར། །ཅེས་དང་། །སམ་བུ་ཊ་ལས། ཆགས་པས་ཆགས་པ་དག་འགྱུར་ཏེ། །ཞེ་སྡང་གིས་ནི་ཞེ་སྡང་སྦྱང་། །གཏི་མུག་གིས་ནི་གཏི་མུག་དང་། །

[Full Size]

ང་རྒྱལ་གྱིས་ནི་ང་རྒྱལ་སྦྱངས། །ཕྲག་དོག་གིས་ནི་ཕྲག་དོག་སྦྱང་། །ཅེས་སོ། །དེ་ལ་བསྒོམ་གྱི་གནད་ནི། །གོ་ཡུལ་དུ་ཤོར་ན་ནང་དུ་མྱོང་བ་མི་ཡོང་། །བཤད་པ་ཚིག་ཡིན། །བྲིས་པ་ཡི་གེ་ཡིན། །གོ་བ་གློ་ཡུལ་ཡིན། བསྒོམ་བློ་བསྐྱེད་མེད་པའང་སྐྱོང་མ་ཤེས་པ་ཡིན། །དེ་སྐྱོང་བ་ལ་དྲན་འཛིན་ལས་ཟབ་པ་མེད། །དེའང་ཐོལ་སྐྱེས་ཀྱི་ཤེས་པ་ངོས་བཟུང་ལ། །རང་ཐོག་ཏུ་གློད་ནས་འཛིན་མེད་དུ་བཞག་པས། དེ་མ་སྤངས་གནས་སུ་དག་ནས་སྐྱེས་གྲོལ་དུས་ཅིག་ལ་རྣམ་རྟོག་ཆོས་སྐུར་འཆར་རོ། །སྤྱོད་འཇུག་ལས། ཀུན་ནས་དྲན་པའི་ཐག་པ་ཡིས། །སེམས་ཀྱི་གླང་པོ་མ་བརྟག་ན། །འཇིགས་པ་ཐམས་ཅད་མེད་འགྱུར་ཞིང་། །བདེ་བ་ཐམས་ཅད་ལག་ཏུ་འོང་། །ཅེས་སོ། །ཡང་དུག་ལྔའི་རྣམ་རྟོག་ཏོལ་སྐྱེས་པའི་དུས་སུ། །དེ་ངོས་བཟུང་ལ། དེ་གཉན་པོས་སྤངས་པའང་མེད། །

[Full Size]

རང་རྒྱུད་པའི་འཛིན་པས་ཀྱང་མ་གོས་པ་འདི་ལ་གང་སྐྱེས་ཐོག་དུ་བཅས་བཅོས་མེད་པར་བཞག་པས། དེ་མ་སྤངས་གནས་སུ་དག་ནས། རང་གྲོལ་དུས་གཅིག་ལ་ཉོན་མོངས་ཡེ་ཤེས་སུ་འཆར་རོ། །ས་ར་ཧས། གང་མ་སྤངས་ཤིང་གོས་མེད་ཡེ་ཤེས་ལྡན། །ཅེས་དང་། ནཻ་གུ་མས། ཆོས་སྐུའི་ནམ་མཁར་རྣམ་རྟོག་སྤྲིན་ཚོགས་ལས། །དུག་ལྔའི་གློག་འགྱུ་ཡེ་ཤེས་ཆེན་པོར་ལྟོས། །ཅེས་སོ། །དེ་ལ་ཉོན་མོངས་པ་དང་། རྣམ་རྟོག་མིང་གི་རྣམ་གྲང་ཡིན་ཏེ། ཡུམ་ལས། བྱང་ཆུབ་སེམས་དཔའ་རྣམས་ཀྱི་ཉོན་མོངས་པ་ནི་རྣམ་པར་རྟོག་པའོ། །སྤང་བྱ་ནི་རྣམ་པར་རྟོག་པའོ། །ཅེས་སོ། །དེའང་ཉོན་མོངས་པ་དང་ཡེ་ཤེས་སམ། །རྣམ་རྟོག་དང་ཆོས་སྐུའི་བར་ན། ངོ་ཤེས་མ་ཤེས་སམ། །རྟོགས་མ་རྟོགས། གོ་མ་གོ། །དེ་ཡང་ལུང་རིག་གི་སྒྲོ་འདོགས་དཔྱད་པ་དང་། རྣམ་

[Full Size]

རྟོག་ཆོས་སྐུའི་ལམ་ཁྱེར་འདི་གཉིས་རྟོགས་པར་གཅིག་ལ། དང་པོ་ནི་གོ་ཡུལ་དུ་ཤོར་བ་ཡིན། །གཉིས་པ་ནི་མ་བཅོས་པར་བཞག་པའི་དུས་སུ། །འཇོག་བྱེད་ཀྱི་རྟོགས་པ་དེ་རང་། རྟོག་མེད་རང་རིག་རང་གསལ་དུ་འཆར་བར། རང་རིག་པའི་རྟོགས་པ་ཡིན་ཏེ། བརྟག་གཉིས་ལས། རང་གི་རིག་པའི་ཡེ་ཤེས་དེ། །ངག་གི་ལམ་འདས་སྤྱོད་ཡུལ་ཏེ། །འདི་ནི་བྱིན་རླབས་རིམ་པའི་ཕྱིར། །ཀུན་མཁྱེན་ཡེ་ཤེས་དེ་ལྟ་བུ། །ཅེས་དང་། རང་རིག་བདག་ཉིད་དག་པ་ཉིད། །དག་པ་གཞན་གྱིས་རྣམ་གྲོལ་མིན། །ཡུལ་གྱི་དངོས་པོ་དག་པའི་ཕྱིར། །རང་གི་རིག་པའི་བདེ་མཆོག་གོ། །ཅེས་སོ། །དེ་ལ་རྟོགས་པའི་རང་བཞིན་གདོད་མ་ནས་གསལ་བྱར་བཞག་པའམ། བཅིངས་གྲོལ་མེད་པར་དག་པའམ། ཆོས་སྐུའི་ངོ་བོར་བཞུགས་པ་ཡིན་ལ། དེ་རང་རིག་པའི་ཡེ་ཤེས་ཀྱི་ཞལ་མངོན་སུམ་བལྟ་ཞིང་

[Full Size]

མངོན་དུ་བྱེད་དེ། །དེའང་སྣང་བ་གང་ཤར་གི་ཐོག་དུ། ཚོགས་དྲུག་ཞེན་འཛིན་མེད་པར་བཞག་པས། །ཐ་མལ་གྱི་ཤེས་པ་སུ་ཀྱང་བཟོ་མ་བྱས་པར་བརྗེན་ནེ་བ་འདི་ཁོ་རང་གིས་ཁོ་རང་ངོ་ཤེས་པ་ལས། ཡང་དག་པའམ། ཆོས་སྐུའམ། གནས་ལུགས་ཀྱི་རང་ཞལ་མཐོང་བ་སྟེ། རང་གྲོལ་ཕྱག་རྒྱ་ཆེན་པོ་ཞེས་བྱའོ། །མངོན་རྟོགས་རྒྱན་ལས། འདི་ལ་གསལ་བྱ་ཅི་ཡང་མེད། །བཞག་པར་བྱ་བ་ཅུང་ཟད་མེད། །ཡང་དག་ཉིད་ལ་ཡང་དག་བལྟ། །ཡང་དག་མཐོང་ན་རྣམ་པར་གྲོལ། །དེ་ཕྱིར་ཕྱག་རྒྱ་བཞི་ཡི་ནི། །གསལ་སྟོང་དམ་ཚིག་གིས། བདེ་སྟོང་ལས་ཀྱི། སྣང་སྟོང་ཆོས་ཀྱི་ཟུང་འཇུག་ཕྱག་རྒྱ་ཆེན་པོའོ། བྱེ་བྲག་ཏུ་ཕྱག་རྒྱ་ཆེན་པོའི་སྒྲ་དོན་ནི། སམ་ཀྲྀ་ཏའི་སྐད་དུ། མ་ཧཱ་མུ་དྲ་སྟེ། དེ་ལ་མུ་དྲ་ཅེས་པ་

[Full Size]

མི་འདའ་བའམ། མི་ཕྱེད་པའམ། མི་སྟོང་པའམ། འདུ་འབྲལ་མེད་པ་ལ་འཇུག་སྟེ། དེས་ན་སྣང་སྲིད་འཁོར་འདས་ཀྱི་ཆོས་ཐམས་ཅད་རང་ས་རང་ས་ནས་སོ་མ་ཉམས། མདོག་མ་བསྒྱུར། དུས་གསུམ་དུས་མེད་དུ། རང་བྱུང་ལྷན་ཅིག་སྐྱེས་པའི་ཡེ་ཤེས་ལས་མི་འདའ་བས་ཕྱག་རྒྱ་མ་ཧཱ་ཞེས་པ། དེའི་གོང་ན་གཞན་མེད་པས་ཆེན་པོའོ། །དེའང་ཤེས་པ་སྐད་ཅིག་མའི་ཐོག་ཏུ་སྦྱར་ནས། རྣམ་པར་རྟོག་པ་གཅིག་ཐོལ་སྐྱེས་པའི་དུས་སུ། རྣམ་པར་རྟོག་པ་དེ་ལ་དགག་སྒྲུབ་གཅིག་ཀྱང་མ་བྱས་པར། རྣམ་རྟོག་ཏ་ལེ་བ་དེ་རང་། ལྷན་ཅིག་སྐྱེས་པའི་ཡེ་ཤེས་ཀྱི་དངོས་གཞི་ཡིན། དེ་རྟོགས་རུང་མ་རྟོགས་རུང་། དེ་ལས་མི་གཡོ་མི་འདའ་བས་ཕྱག་རྒྱ། རྣམ་རྟོག་དེ་ལས་ལོགས་ན་ལྷན་ཅིག་སྐྱེས་པའི་ཡེ་ཤེས་ཞེས་བྱ་བ་བཙལ་

[Full Size]

དུ་མེད་པས་ཆེན་པོའོ། །ཕྱག་རྒྱ་ཆེན་པོ་ཐིག་ལེའི་རྒྱུད་ལས། ཕྱག་ནི་སྟོང་པའི་ཡེ་ཤེས་ཏེ། །རྒྱ་ནི་འཁོར་བའི་ཆོས་ལས་གྲོལ། །ཆེན་པོ་ཟུང་དུ་འཇུག་པ་སྟེ། །ཕྱག་རྒྱ་ཆེན་པོ་ཞེས་བརྗོད་དོ། །ཅེས་སོ། །མདོར་ན་ཕྱག་རྒྱ་ཆེན་པོའི་རང་ངོ་དེ། །བྱིན་རླབས་ཀྱི་འཕོ་བས་དོན་གྱི་ཆིག་བརྒྱུད་ཐོབ་སྟེ། ཐ་མལ་ཤེས་པ་བསྒོམ་དུ་ངོ་འཕྲོད་ཅིང་། །རིག་ཐོག་ཏུ་རྡོ་རུས་ཐུག་སྟེ། །རང་སར་རང་གིས་ཆོག་ཅིང་། །རྐྱེན་ཐུབ་པ་ཅིག་གལ་ཆེའོ། །སྣ་ཚོགས་རྟོག་པའི་འདུད་འཕྲོ་ཀུན། །ཆོས་སྐུ་མི་རྟོག་རྩལ་སྦྱོང་ལ། དྲན་འཛིན་གནད་མཆོག་ཟབ་ལམ་ཡིན། །རང་གྲོལ་བདེ་ཆེན་ལྷུན་གྲུབ་ཤོག །ཡེ་ཤེས་མཁའ་འགྲོ་ནཻ་གུ་མའི་རྟོགས་མི་རྟོག་ཞེས་བྱ་བ། བླ་མའི་གསུང་ལྟར་སྔགས་འཆང་དྷྭ་ཛ་ལཀྵས་ཡི་གེར་བཀོད་པའོ། །རྫོགས་སོ། །མཁས་བཙུན་

[Full Size]

གཞོན་ནུ་གྲུབ་ཀྱིས། རྣམ་རྟོག་དང་ཆོས་སྐུའི་བར་ན། ངོ་ཤེས་མ་ཤེས་སམ། རྟོག་མ་རྟོག་སམ། རིག་མ་རིག་གམ། ཁ་ཕྱིར་བལྟ་ནང་བལྟའི་ཁྱད་པར་ཙམ་ལས་མེད་དོ། །ཅེས་གསུངས་སོ། །མཻ་ཏྲི་པས། ཉམས་སུ་མྱོང་བ་ཐ་མལ་ཉིད། །ནམ་མཁའ་ལྟ་བུའི་ངོ་བོར་གསལ། །རེ་དོགས་བླང་དོར་གཉིས་འཛིན་མེད། །འདི་རྟོགས་ཀུན་ཏུ་བཟང་པོའོ། །བསམ་མི་ཁྱབ་ཀྱི་རྒྱུད་ལས། །རྟོགས་དང་གོམས་དང་མཐར་ཕྱིན་པ། །འདི་ལ་ཡོད་པ་མ་ཡིན་ཏེ། །རྟོགས་པའི་སྐད་ཅིག་དེ་ཉིད་ལ། །བཅུ་བཞིའི་ས་ལ་ངེས་པར་གནས། །ཅེས་གསུང་སོ། །བདེ་བའི་བློ་གྲོས་ཀྱིས་ཞུས་པའི་མདོ་ལས། དེ་ཕྱིར་སེམས་རྟོགས་འདི་ཉིད་ཀྱིས། །བསླུ་མེད་སངས་རྒྱས་ཉིད་ཡིན་ནོ། །ཅེས་སོ། །བྲམ་ཟེ་ཆེན་པོས། མ་བཟུང་མ་བཏང་རང་ག་ཉིད་དུ་ཞོག །དྲན་རྟོག་

[Full Size]

བྱུང་ན་དེ་ཀ་རང་ལ་ལྟོས། །ཆུ་དང་རླབས་གཉིས་ཐ་དད་མ་རྟོགས་ཤིག །ཅེས་སོ། །བློ་གྲོས་མི་ཟད་པས་བསྟན་པ་ལས། །ཉོན་མོངས་པ་འདི་དག་རྟོགས་པའི་ཕྱིར་བྱང་ཆུབ་སྟེ། །ཉོན་མོངས་པའི་ངོ་བོ་གང་ཡིན་པ་དག་བྱང་ཆུབ་ཀྱི་ངོ་བོ་ཡང་དེ་ཡིན་ནོ། །ཅེས་དང་བློ་གྲོས་རྒྱ་མཚོས་ཞུས་པ་ལས། ཆོས་ཐམས་ཅད་མཉམ་པ་ཉིད་དུ་རྟོགས་པས་བྱང་ཆུབ་སྟེ། དེ་བས་ན་བྱང་ཆུབ་སེམས་དཔའ་བྱང་ཆུབ་རིང་བའི་འདུ་ཤེས་མི་བྱའོ། །ཅེས་གསུངས་སོ། །ཨྀིྠ།། །།

མཆུག་མེད་བར་དོ་གསུམ་གྱི་གདམས་པ། ཁྱུང་པོ་རྣལ་འབྱོར།

[Full Size]

མཆུག་མེད་བར་དོ་གསུམ་གྱི་གདམས་པ་བཞུགས་སོ། །

[Full Size]

བླ་མ་དམ་པའི་ཞབས་པད་ལ། །གུས་བཏུད་མཁའ་འགྲོའི་གདམས་པ་བྲི། །དེ་ལ་རྣལ་འབྱོར་པའི་སྦྱང་གཞི་བར་དོའི་ལུས་གསུམ་ལ། སྦྱོང་བྱེད་སྐྱེད་རྫོགས་དང་རྨི་ལམ་དང་འོད་གསལ་དང་གསུམ་ཡིན་ཏེ། །ཡེ་ཤེས་རོལ་པའི་རྒྱུད་ལས། བར་དོ་དག་གི་ལུས་གསུམ་པ། །སྐྱེད་རྫོགས་དང་རྨི་ལམ་གསུམ་གྱི་སྦྱང་། ཅེས་དང་། ཀྱཻ་རྡོ་རྗེ་ལས། འདི་ལ་སྐྱེ་ཤིང་བར་དོ་ཇི་ལྟར་སྒྱུ་མ་རྨི་ལམ་བར་དོ་དང་། ཇི་ལྟར་བར་མའི་སྲིད་པའི་བར་དོ་ཡིན་པས། །ཅེས་སོ། །

[Full Size]

དེ་ལ་སྦྱང་གཞི་བར་དོའི་ལུས་གསུམ་ནི། །སྐྱེ་ཤི་བར་དོ། རྨི་ལམ་བར་དོ། སྲིད་པའི་བར་དོ། དང་པོ་ནི། སྐྱེ་ཤིང་བར་དོ་སྐྱེས་ནས་མ་ཤིའི་བར་སྐྱེ་ཤི་བར་དོ་སྟེ། རྣམ་པར་སྨིན་པའི་ལུས་སོ། །ཅིའི་ཕྱིར་རྣམ་སྨིན་གྱི་ལུས་ཞེས་ན། དགེ་སྡིག་དུ་མའི་ལས་བསགས་པས། །བདེ་སྡུག་སྣ་ཚོགས་སྨིན་ཅིང་མྱོང་བས་རྣམ་པར་སྨིན་པའི་ལུས་སོ། །གཉིས་པ་ནི། རྨི་ལམ་བར་དོ་གཉིད་དུ་སོང་ནས་མ་སད་ཀྱི་བར་དུ་རྨི་ལམ་བར་དོ། བག་ཆགས་ཀྱི་ལུས་སོ། །ཅིའི་ཕྱིར་བག་ཆགས་ཀྱི་

[Full Size]

ལུས་ཞེས་ན། ཚེ་འདིའི་བག་ཆགས་སྣ་ཚོགས། རྨི་ལམ་འབྱུང་བས། རྨི་ལམ་བག་ཆགས་ཀྱི་ལུས་སོ། །གསུམ་པ་ནི། སྲིད་པ་བར་དོ་ཤི་ནས་སྐྱེ་བ་མ་བླངས་ཀྱི་བར་དུ་སྲིད་པ་བར་དོ་སྟེ། ཡིད་ཀྱི་ལུས་སོ། །ཅིའི་ཕྱིར་ཡིད་ཀྱི་ལུས་ཞེས་ན། ཟས་སུ་དྲི་ཟ་ཞིང་། སེམས་སྒྱུ་མ་ལྟ་བུ་དབང་པོ་ཚང་ཞིང་ཐོགས་པ་མེད་པའི་ཡིད་ལུས་སོ། །གཉིས་པ་སྦྱོང་བྱེད་ནི། རྣམ་སྨིན་གྱི་ལུས་ལྷ་སྐུ་ཕྱག་རྒྱ་ཆེན་པོས་སྦྱང་ངོ་། །བག་ཆགས་ཀྱི་ལུས་རྨི་ལམ་སྤྲུལ་བསྒྱུར་ལ་སོགས་པས་སྦྱང་ངོ་། །ཡིད་ལུས་བདེ་གསལ་དང་ཟུང་འཇུག་གི་སྐུ་གཉིས་གྱི་སྦྱང་བར་བྱའོ། །ཡང་ན་ལུས་གསུམ་དེ་དག་རེ་རེ་ལ་ཡང་། སྦྱང་གཞི་ལུས་ངག་ཡིད་གསུམ་ལ། སྦྱོང་བྱེད་བདེ་གསལ་མི་རྟོག་པ་གསུམ་རེ། ཐོབ་བྱ་མཐར་ཐུག་སྐུ་གསུམ། དེ་ལ་དབང་པོ་རབ་རྣམ་སྨིན་གྱི་ལུས་ལ་སངས་རྒྱ། འབྲིང་བག་ཆགས་ཀྱི་ལུས་ལ་སངས་རྒྱ། རྣམ་སྨིན་བག་ཆགས་ཡིད་ཀྱི་གཞི་ལུས་ངག་ཡིད་དབྱེར་མེད་བཞི། ལམ་བདེ་གསལ་མི་རྟོག་དབྱེར་མེད་བཞི། འབྲས་བུ་སྤྲུལ་ལོངས་ཆོས་དབྱེར་མེད་བདེ་ཆེན་གྱི་སྐུ་

[Full Size]

བཞིའོ། །ཐ་མ་རྣམ་སྨིན་དང་བག་ཆགས་དུས་སུ་ཉམས་སུ་བླངས་པ་དེ་ས་བོན་གྱི་ཚུལ་དུ་སོང་ནས། བར་དོར་སངས་རྒྱ་བར་བྱེད་དོ། །དེ་ལྟར་བར་དོ་ལ་གསུམ་སྟེ། རབ་དབང་པོ་བར་དོ་དང་པོ་འོད་གསལ་དུ་སངས་རྒྱ་བ། འབྲིང་དབང་པོ་བདུན་ཕྲག་དང་པོར་ལོངས་སྐུར་སངས་རྒྱ་བ། ཐ་མ་དབང་པོ་མངལ་སྒོ་སྦྱངས་ནས་སྤྲུལ་སྐུར་སངས་རྒྱ་བའོ། དང་པོ་ནི། ཡུལ་ལྔ་དང་འབྱུང་བ་ལྔ་ཐིམ་པའི། རིམ་པ་ལ་མཁས་པས་རྣམ་སྨིན་དང་བག་ཆགས་ལ་བསྒོམ་པའི་འོད་གསལ་དང་། རང་བཞིན་གྱི་འོད་གསལ་རང་ཤར་གཉིས་དབྱེར་མེད་མངོན་འགྱུར། དུ་རྟོགས་པར་བྱ་སྟེ། ཡེ་ཤེས་མངོན་པར་འབྱུང་བའི་རྒྱུད་ཕྱི་མ་ལས། ལུས་ཅན་རྣམས་ནི་འཆི་བའི་ཚེ། གཟུགས་ནི་སྒྲ་ལ་ཐིམ་པར་འགྱུར། །སྒྲ་ནི་དྲི་རོ་ལ་དྲི་ཡིད་མི་ཆེས་ལ་རོ་ནི་རེག་བྱ་ལ་ཐིམ། རེག་བྱ་ཆོས་ལ་ཐིམ་པར་གྱུར། །ཅེས་པས། དང་པོ་གཟུགས་སྒྲ་ལ་ཐིམ་མིག་ཅུང་ཟད་མི་གསལ་ཞིང་པས་གཟུགས་ཐམས་ཅད་མི་གསལ་ཞིང་དུ་

[Full Size]

འགྲོ། སྒྲ་དྲི་ལ་ཐིམ་པས་རྣ་བས་མི་ཐོས་སུ་འགྲོ། དྲི་རོ་ལ་ཐིམ་པས་སྣས་དྲི་མི་ཚོར་དུ་འགྲོ། རོ་རེག་བྱ་ལ་ཐིམ་པས་ལྕེས་རོ་མི་ཚོར། །རེག་བྱའི་རླུང་ཆོས་སེམས་ལ་ཐིམ་པས་ལུས་ཀྱིས་རེག་བྱ་འཇམ་རྩུབ་རྣམས་མི་ཚོར་དུ་འགྲོ་ཞིང་ལུས་ཀྱི་མདངས་ངན་དུ་འགྲོའོ། །དེ་ནི་ཡུལ་ལ་ཐིམ་པའོ། །དེ་ནས་འབྱུང་བ་འབྱུང་བ་ལ་ཐིམ་པ་ནི། ཡེ་ཤེས་རོལ་པ་དང་། གཉིས་མེད་རྣམ་པར་རྒྱལ་བའི་རྒྱུད་ལས། དང་པོ་ནི། ས་ཆུ་ལ་ཐིམ། ཆུ་ཡང་མེ་ལ་ཐིམ་གྱུར་ཏེ། །མེ་ནི་རླུང་ལ་ཐིམ་གྱུར་ནས། །རླུང་ཡང་རྣམ་པར་ཤེས་ལ་ཐིམ། །རྣམ་ཤེས་གཟུང་བ་དེ་ཉིད་ནི། །འོད་གསལ་བ་ལ་འཇུག་པར་འགྱུར། །ཅེས་པས། དང་པོ་ས་ཆུ་ལ་ཐིམ་པའི་རྟགས་ལུས་ཀྱིས་སྟོབས་རྣམས་ཉམས་ནས་འགྲོའོ་པ། ས་གཞི་ས་ལ་ལྟུང་ནས། །ཆུ་མེ་ལ་ཐིམ་པས་སྐོམ་དད་ཆེ་གཤེར་བའི་ཆ་ཁ་ཆུ་སྣ་ཆུ་རྣམས་སྐམ། མེ་རླུང་ལ་ཐིམ་པས་དྲོད་མཐའ་རྐང་མཐིལ་ནས་བསྡུད། །རླུང་རྣམ་པར་ཤེས་པ་ལ་ཐིམ་པས་ཡེ་ཤེས་བཞི་འཆར་ཏེ། སྣང་བ་དང་།

[Full Size]

མཆེད་པ་དང་། ཐོབ་པ་དང་། ཉེ་བར་ཐོབ་པའོ། །གཉིས་པའི་རྟགས་སུ་ཕྱི་དབུགས་རིང་། ནང་དབུག་ཐུང་། དབུགས་སྡུད་པ་དཀའ། དབུགས་རིང་ཐུང་བྱེད། དེ་ནས་ཕྱི་དབུགས་ཟད། དེ་རྣམས་ལ་རྟགས་ལྔ་པོ་འདི་འཆར་ཏེ། ཡེ་ཤེས་རོལ་པ་དང་། རྣམ་རྒྱལ་ལས་དང་པོ་མིག་ལྟ་བུ་སྟེ། དང་པོའི་མིག་སྒྱུ་དེ་ཉིད་ཀྱང་། །འོད་ཟེར་ལྔ་དང་ལྡན་པར་མཐོང་། །གཉིས་པ་ཟླ་བ་ལྟ་བུ་དང་། །གསུམ་པ་ཉི་མ་ལྟ་བུ་དང་། །བཞི་པ་མུན་པ་ལྟ་བུ་ལ། །ལྔ་པ་སྤྲིན་མེད་ནམ་མཁའ་ལས། །མི་རྟོག་མཐའ་དབུས་མེད་པར་འཆར། །ཅེས་པས། དང་པོ་རྣམ་ཤེས་འོད་གསལ་ལ་ཐིམ་པའི་དུས་སུ་ཕྱི་རྟགས་སྐད་ཅིག་མ་གཅིག་ལ་ཟླ་བ་ཤར་བ་ལྟ་བུ་ལ་དཀར་ལམ་པ་འབྱུང་། ནང་རྟགས་མིག་སྒྱུའམ་དུ་བ་ལྟ་བུ་བུན་བུན་པ་འོད་ཟེར་ལྔ་དང་བཅས་པ་འབྱུང་ངོ། །དེའི་དུས་སུ་སྣང་བ་ཞེས་བྱ་བའི་རྣམ་པར་མི་རྟོག་པའི་ཡེ་ཤེས་ལ་ལྷང་ངེ་གནས་པ་སྐད་ཅིག་དང་པོ་འཆར་ཏེ། རྣམ་རྒྱལ་ལས། སྣང་བ་ཞེས་བྱ་རྣམ་པར་མི་རྟོག་པ། གསལ་བའི་ཆ་དེ་གཟུང་

[Full Size]

རྟོག །སྤང་པ་ལས། འབྱུང་བ་མི་མངོན་རླུང་དང་བཅས་པ་གང་། ལྷང་ངེ་གནས་པ་སྐད་ཅིག་དང་པོ་ཡིན། །ཅེས་སོ། །ཡེ་ཤེས་དེས་ཞེ་སྡང་ལས་གྱུར་པའི་རྟོག་པ་སུམ་ཅུ་རྩ་གསུམ་འགགས་ཏེ། ཨརྱ་དེ་ཝའི་སྤྱོད་བསྡུས་ལས། རྣམ་རྟོག་སུམ་ཅུ་རྩ་གསུམ་པོའི་མིང་གང་ཞེ་ན། འདོད་ཆགས་དང་བྲལ་བ་དང་། འདོད་ཆགས་དང་བྲལ་བ་བར་མ། ཤིན་ཏུ་འདོད་ཆགས་དང་། ཡིད་ཀྱིས་འགྲོ་བ་དང་། སོད་པ་དང་། མྱ་ངན་དང་། མྱ་ངན་བར་མ་དང་། ཤིན་ཏུ་མྱ་ངན་དང་། ཞི་བ་དང་། རྣམ་རྟོག་དང་། འཇིགས་པ་དང་། འཇིགས་པ་བར་མ་དང་། ཤིན་ཏུ་འཇིགས་པ་དང་། སྲེད་པ་དང་། སྲེད་པ་བར་མ་དང་། ཤིན་ཏུ་སྲེད་པ་དང་། ཉེ་བར་ལེན་པ་དང་། མི་དགེ་བ་དང་། བཀྲེས་པ་དང་། སྐོམ་པ་དང་། ཚོར་བ་དང་། ཚོར་བ་བར་མ་དང་། ཤིན་ཏུ་ཚོར་བ་དང་། རིག་པ་འོད་དང་། རིག་བཞི་དང་། སོ་སོར་རྟོག་པ་དང་། ངོ་ཚ་ཤེས་པ་དང་། བརྩེ་བ་དང་། བརྩེ་བ་བར་མ་དང་། ཤིན་ཏུ་བརྩེ་བ་དང་།

[Full Size]

དགོས་པ་དང་བཅས་པ་དང་། བསགས་པ་ཉིད་དང་། ཕྲག་དོག་སྟེ། རང་བཞིན་གྱི་རྟོག་པ་སུམ་ཅུ་རྩ་གསུམ་མོ། །ཞེས་སོ། །དེའི་དུས་སུ་དགྲ་མི་ཤ་བོ་ལ་ཡང་། ཞེ་སྡང་མི་སྐྱེ་བས་སྟོང་པ་ཞེས་བྱའོ། །གཉིས་པ་སྣང་བ་དེ་མཆོད་པ་ལ་ཐིམ་རྩ་ན། །ཕྱི་རྟགས་ཉི་མ་ཤར་བ་ལྟ་བུ་་དམར་པོ་འབྱུང་ལ། ནང་རྟགས་སྲིན་བུ་མེ་ཁྱེར་ལྟ་བུ་ཤེས་པ་རེས་གསལ་རེས་མི་གསལ་བ་འབྱུང་ངོ་། །དེའི་དུས་སུ་མཆོད་པ་ཞེས་བྱ་བ། རྣམ་པར་མི་རྟོག་པའི་ཡེ་ཤེས་དེ། ཆོས་སྔར་བས་གསལ་བ་དེ་ལ་དེར་འཛིན་གྱི་རྟོག་མེད་པ། ལྷན་ནེ་གནས་པ་སྐད་ཅིག་མ་གཉིས་འབྱུང་སྟེ། རྣམ་རྒྱལ་ལས། མཆོད་པ་གསུམ་སྣང་ལ་རབ་ཏུ་མི་རྟོག་སྟེ། ཆོས་གསལ་བ་ལ་འཛིན་རྟོག་མ་ཞུགས་པ། ཡེ་ཤེས་ཕྲ་བ་རླུང་ལྡན་མི་སྣང་བ། །ལྷན་ནེ་གནས་པ་སྐད་ཅིག་གཉིས་པ་ཡིན། །ཅེས་སོ། །ཡེ་ཤེས་དེས་འདོད་ཆགས་ལས་གྱུར་པའི་རྟོག་པ་བཞི་བཅུ་

[Full Size]

འགག་སྟེ། སྤྱོད་བསྡུས་ལས། དེ་གང་ཞེ་ན། ཆགས་པ་དང་། ཀུན་ཏུ་ཆགས་པ་དང་། དགའ་བ་དང་། དགའ་བ་བར་མ་དང་། ཤིན་ཏུ་དགའ་བ་དང་། རངས་པ་དང་། རབ་ཏུ་དགའ་བ་དང་། ངོ་མཚར་བ་དང་། རྒོད་པ་དང་། ཚིམ་པ་དང་། འཁྱུད་པ་དང་། འོ་བྱེད་པ་དང་། །འཇིབ་པ་དང་། བརྟན་པ་དང་། བརྩོན་པ་དང་། ང་རྒྱལ་དང་། བྱ་བ་དང་། འཕྲོགས་པ་དང་། སྟོབས་དང་། སྤྲོ་བ་དང་། ལྷན་ཅིག་སྐྱེས་པའི་དགའ་བ་ལ་སྦྱོར་བ་དང་། དགའ་བ་བར་མ་ལ་སྦྱོར་བ་དང་། ཤིན་ཏུ་དགའ་བ་ལ་སྦྱོར་བ་དང་། སྒེག་པ་དང་། རྣམ་པར་བསྒེག་པ་དང་། ཞེ་འདྲས་པ་དང་། དགེ་བ་དང་། ཚིག་གསལ་བ་དང་། བདེན་པ་དང་། མི་བདེན་པ་དང་། ངེས་པ་དང་། ཉེ་བར་ལེན་པ་དང་། སྦྱིན་པ་པོ་དང་། གཞན་ལ་བསྐུལ་བ་དང་། དཔའ་ག་དང་། ངོ་ཚ་མེད་པ་དང་། གཡོ་རྒྱུ་དང་། གདུག་པ་དང་། མི་བསྲུན་པ་དང་། གྱ་གྱུ་ཆེ་བ་སྟེ། འདོད་ཆགས་ལས་

[Full Size]

གྱུར་པའི་རྟོག་པ་བཞི་བཅུའོ། །ཅེས་སོ། །དེའི་དུས་སུ་ལྷའི་བུ་མོ་ལ་ཡང་ཆགས་པ་མི་སྐྱེ་བས་སྟོང་པ་ཆེན་པོ་ཞེས་བྱའོ། །གསུམ་པ་མཆོད་པ་ཐོབ་པ་ལ་ཐིམ་པས། ཕྱི་རྟགས་མུན་བསྲོས་པ་ལྟ་བུ་ནག་ཐིབས་པའོ། །ནང་རྟགས་མར་མེ་རླུང་གི་མི་སྐྱོད་པ་ལྟ་བུ་གསལ་ལ་རྟོག་པ་མེད་པའི་དྭངས་སིང་ངེ་བ་འབྱུང་ངོ་། །དེའི་དུས་སུ་ཐོབ་པ་ཞེས་བྱ་བ། མི་རྟོག་པའི་ཡེ་ཤེས་གསལ་ལ་འཛིན་བྱེད་ཀྱི་དྲི་མ་ཐམས་ཅད་དང་བྲལ་བ་དེ་ལ་ལྷམ་མེར་གནས་པ། སྐད་ཅིག་མ་འབྱུང་སྟེ། རྣམ་རྒྱལ་ལས། ཐོབ་པའི་ཆ་ནི་ཤིན་ཏུ་མི་རྟོག་པ། །གསལ་བ་ཙམ་དུའང་མི་གནས་ཤིན་ཏུ་ཕྲ། །རླུང་སེམས་མི་ཕྱེད་གསལ་བར་འཆར་བ་སྟེ། །ལྷམ་མེ་གནས་པ་སྐད་ཅིག་གསུམ་པ་ཡིན། །ཅེས་སོ། །ཡེ་ཤེས་དེས་གཏི་མུག་ལས་གྱུར་པའི་རྟོག་པ་བདུན་བདག་སྟེ། སྤྱོད་བསྡུས་ལས། དེ་དག་གང་ཞེ་ན། ཆགས་པ་བར་མ་ཆད་དང་། རྗེད་ངས་པ་དང་། འཁྲུལ་པ་དང་། མི་སྨྲ་བ་དང་། སྐྱོ་བ་དང་། ལེ་ལོ་དང་། ཐེ་ཚོམ་སྟེ་གཏི་མུག་ལས་གྱུར་པའི་རྟོག་པ་བདུན་པོ་དེ་དག་གོ། །ཞེས་སོ། །དེའི་དུས་སུ་གསལ་དྭངས་འོད་ཀྱི་རང་བཞིན་དུ་འཆར་བས། ཤིན་ཏུ་སྟོང་པ་ཞེས་བྱའོ། །བཞི་པ་ཐོབ་པ་ཉེ་

[Full Size]

བར་ཐོབ་པ་ལ་ཐིམ་པ། ཕྱི་རྟགས་ཐོ་རངས་ཀྱི་སྐྱ་རེངས་ཤར་བ་ལྟ་བུའོ། །ནང་རྟགས་སྟོན་ཀའི་ནམ་མཁའ་སྤྲིན་མེད་པ་ལ་ཉི་མའི་མདངས་ཕོག་པ་ལྟ་བུ་གསལ་སྟོང་བདེ་ཆེན་གཉིས་སུ་མེད་པ་འབྱུང་ངོ་། །དེའི་རྗེས་ལ་ཕ་མའི་ཧཾ་ལས་ཐིག་ལེ་དཀར་བ་དང་ཨ་ལས་ཐིག་ལེ་དམར་གྱི་ཆ། ཨ་ཧཾ་སྙིང་ཁར་ཕྲད་པས་བདེ་སྟོང་གི་ཉམས་འཆར་བར་འགྱུར་རོ། །དེའི་དུས་སུ་ཉེ་བར་ཐོབ་པ་རང་བཞིན་གྱི་འོད་གསལ་ཞེས་བྱ་བ། བདེ་གསལ་མི་རྟོག་པ་གསུམ་ལ་ཞེན་རྟོག་གི་དྲི་མ་ཐམས་ཅད་དང་བྲལ་བ། བདེ་གསལ་མི་རྟོག་པར་ཡང་དམིགས་སུ་མེད་པའི་བློ་འདས་དེ་ལ་སྐད་ཅིག་བཞི་གནས་པར་བྱེད་དེ། རྣམ་རྒྱལ་ལས། ཉེ་བར་ཐོབ་པ་དྲི་མ་མེད་པ་སྟེ། རང་བྱུང་རང་གསལ་བདེ་བ་དམིགས་སུ་མེད། །ཕྲ་རགས་རབ་ཞི་ཏིང་འཛིན་མཆོག་ཏུ་འགྱུར། །སྐད་ཅིག་བཞི་པར་མི་འགྱུར་ཁྱབ་བྱེད་ཡིན། །ཅེས་སོ། །ཡེ་ཤེས་རང་བཞིན་བརྒྱད་ཅུའི་རྟོག་པ་ཕྲ་རགས་ཀྱིས་ཆ་དང་བཅས་པ་ཐམས་ཅད་འོད་

[Full Size]

གསལ་ལ་ཐིམ་ནས། འགགས་པས་ཐམས་ཅད་རང་བཞིན་གྱི་སྟོང་པའི་ཡེ་ཤེས་ཞེས་བྱ་སྟེ། རྣམ་རྒྱལ་ལས། ཇི་སྲིད་སྤྲིན་ནི་སྣ་ཚོགས་པ། ཁ་དོག་དབྱིབས་ནི་ཐ་དད་དེ། །མཁའ་དབྱིངས་དག་ནས་འབྱུང་འགྱུར་ཞིང་། །དེ་ཉིད་དུ་ནི་ལྡོག་པར་འགྱུར། །དེ་བཞིན་རང་བཞིན་ཐམས་ཅད་ཀྱང་། །སྣང་བ་གསུམ་གྱིས་རྒྱུ་ཅན་དངོས། །མ་ལུས་ཡུལ་ལ་ཞུགས་ནས་ནི། །དེ་ཉིད་དུ་ནི་ཐིམ་པར་འགྱུར། །སྣང་བ་གསུམ་པོ་དག་པའི་ལམ། །སྣང་བ་དག་པའི་ཡུལ་གྱུར་པ། །ཐམས་ཅད་འོད་གསལ་ལ་གནས་སོ། །ཅེས་པ་དང་། ཨརྱ་དེ་བས། །ཇི་ལྟར་སྤྲིན་ནི་སྣ་ཚོགས་པས། །མདོག་དང་དབྱིབས་ནི་ཐ་དད་ཀྱང་། །ནམ་མཁའི་དབྱིངས་ནས་བྱུང་ནས་ནི། །དེ་ཉིད་དུ་ནི་ཐིམ་པར་འགྱུར། །དེ་བཞིན་རང་བཞིན་ཐམས་ཅད་ཀྱང་། །སྣང་བ་གསུམ་གྱི་རྒྱུ་ཅན་ཏེ། །མ་ལུས་ཡུལ་ལ་ཞུགས་ནས་ནི། །འོད་གསལ་བ་ལ་འཇུག་པར་

[Full Size]

འགྱུར། །ཅེས་གསུངས་སོ། །དེ་ལ་སྣང་བ་ནི་གོམས་པའི་འོད་ངོས་ཟིན་པ་གསལ། མཆོད་པ་ནི་བསམ་གཏན་གྱི་འོད་གསལ། ཐོབ་པ་ནི་རྡུལ་བྲལ་ཟག་མེད་ཀྱི་འོད་གསལ། ཉེ་བར་ཐོབ་པ་ནི་ལྷན་ཅིག་སྐྱེས་པ་ཆོས་སྐུའི་རང་བཞིན་གྱིས་འོད་གསལ་ཏེ། རྣམ་རྒྱལ་ལས། འོད་གསལ་བ་ཡི་བསམ་གཏན་ཟག་པ་མེད། །རྡུལ་མེད་ས་བོན་མེད་པས་མི་གཡོ་བ། །ལྷན་ཅིག་སྐྱེས་པ་ཆོས་སྐུའི་སྙིང་པོ་ནི། །ལྷུན་གྲུབ་བྱང་ཆུབ་སེམས་ཀྱི་སྙིང་པོ་ཉིད། །ཅེས་གསུངས་སོ། །དེ་བས་འཆི་བ་ཆོས་ཀྱི་སྐུ་ཞེས་ཀྱང་བྱ་སྟེ། ཨརྱ་དེ་བས། འཆི་བ་ནི་དོན་དམ་པའི་བདེན་པ་ཡིན་ལ། སྐྱེ་བ་ནི་ཀུན་རྫོབ་བོ་ཞེས་སོ། །འཆི་བའི་འོད་གསལ་ལམ། །རང་བཞིན་གྱི་འོད་གསལ་ཞེས་བྱ་སྟེ། དེ་ལ་སྔར་འོད་གསལ་ལ་འདྲིས་ཡོད་པས་དུས་དེར་རང་བཞིན་གྱི་འོད་གསལ་དང་བསྒོམ་པ་གཉིས་མ་བུ་འཕྲོད་ནས། འོད་གསལ་དེ་ཉིད་ལ་གནས་པས། བར་དོ་རིགས་དྲུག་གིས་གྲོང་ཁྱེར་མི་མཐོང་བར། །

[Full Size]

འོད་གསལ་དེ་ཉིད་ལ་གནས་པས། བར་དོ་རིགས་དྲུག་གི་གྲོང་ཁྱེར་མི་མཐོང་བར། འོད་གསལ་ཆོས་ཀྱི་སྐུ་སྐྱེ་མེད་དེ་ལས་གཟུགས་སྐུ་གཉིས་འགག་མེད་རང་ཤར་ལྷུན་གྲུབ་ཏུ་བྱུང་ནས། དེས་འཁོར་བ་མ་སྟོངས་བར་དུ་གང་ལ་གང་འདུལ་གྱིས་སེམས་ཅན་ཐམས་ཅད་སྨིན་ཅིང་གྲོལ་བར་བྱེད་དོ། །ཡེ་ཤེས་རོལ་པ་ལ་སོགས་རྒྱུད་ལྔ་ནས། འོད་གསལ་ཟིན་པའི་གང་ཟག་ལ། །བར་དོའི་གྲོང་ཁྱེར་དེས་མི་མཐོང་། །གཞན་དོན་གཟུགས་སྐུའི་སྣང་བ་འཆར། །དཔེར་ན་ཡིད་བཞིན་ནོར་བུ་བཞིན། །ཞེས་སོ། །དེ་ནི་དབང་པོ་རབ་ཚེ་གཅིག་ལ་ཕྱག་རྒྱ་ཆེན་པོ་ཐོབ་པས། སངས་རྒྱས་ཞེས་བྱའོ། །གཉིས་པ་ནི། འོད་གསལ་ལ་གོམ་པ་ཆུང་བས། བར་དོ་དང་པོའི་འོད་གསལ་ལ་གནས་པར་མ་གྱུར་ན། བདུན་ཕྲག་དང་པོའི་ཞག་ཕྱེད་དང་བཞི་ཚུན་ཆད་སྐྱེ་བ་སྔ་མའི་ལུས་དང་། །ཡུལ་གྱི་ནོར་རྫས་དང་། གཉེན་འབྲེལ་ལ་སོགས་པའི་སྣང་བ་འབྱུང་ཞིང་། དེ་ཡང་དབང་པོ་ཀུན་ཚང་བ། ལས་ཀྱི་རྫུ་འཕྲུལ་དང་ལྡན་པའི་

[Full Size]

ཡིད་ལུས་ཏེ། གདན་བཞི་ལ་སོགས་པོད་རྒྱུད་དང་། དབྱིག་གཉེན་གྱི་ཞལ་ནས། སྔོན་བྱུང་སྲིད་པའི་ཤ་གཟུགས་ཅན། དབང་པོ་ཀུན་ཚང་ཐོག་མེད་རྒྱུག །ལས་ཀྱི་རྫུ་འཕྲུལ་ཤུགས་དང་ལྡན། །རི་མེད་བྲག་མེད་ཐོགས་ཆགས་མེད། །རིགས་མཐུན་ལྷ་མིག་དག་པས་མཐོང་། །མ་ཡིས་མངལ་དང་རྡོ་རྗེའི་གདན། །དེ་གཉིས་མ་གཏོགས་ཐོགས་མེད་འགྲོ། །ཡིད་ཀྱི་ལུས་པོ་ཡིན་པས་སོ། །ཅེས་གསུངས་པས། དུས་དེར་བར་དོར་ཤེས་པ་མི་འབྱུང་ངོ་། །དེ་ནས་ཞག་ཕྱེད་དང་བཞི་སོང་མ་ཐོག་ནས། ཕྱི་མའི་སྣང་བ་ཡུད་ཙམ་རེ་ཤར་ཅིང་། སྔ་མའི་ལུས་ཀྱི་སྟག་མ་ཐུབ་པ་དང་། བཀྲེས་སྐོམ་དང་སྡུག་བསྔལ་གྱི་ཉིན་ནས། ཉེ་འབྲེལ་གྱིས་རྩར་ཕྱིན་པས། ཟས་སྐོམ་མི་གཏེར་ཞིང་སྨྲེ་སྔགས་འདོན་པ་མཐོང་སྟེ། །ཨ་ཙ་ང་ཤི་ནས་འདུག་པ། ད་སུ་ལ་རེ། ཇི་ཚུག་བྱེད་སྙམ་པའི་དངངས་སྐྲག་དྲག་པོ་འབྱུང་ཞིང་། སྔར་གྱི་ཡུལ་གཞིས། ཁང་ཁྱིམ། ནོར་

[Full Size]

རྫས། བུད་མེད་མ་དང་། དགྲ་གཉེན་ལ་སོགས་པ་ཆགས་སྡང་དྲག་པོ་སྐྱེས་ཏེ། དུས་དེར་གསོན་གཤིན་ཏུ་སོང་བ་ནི་ཤེས། བྱམས་པའི་གཉེན་དང་ནི་བྲལ། རེ་ས་དང་མགོན་སྐྱབས་ནི་མེད། ལས་ཀྱི་གཤེད་མས་ནི་བརྡས། བཟོད་བརླགས་མེད་པའི་སྡུག་བསྔལ་གྱི་ཉེན་ཅིང་གཟིར་ཏེ། ཕྱོགས་ཀུན་ཏུ་རྒྱུག་ཅིང་། ཀྱི་ཧུད་ཀྱི་སྒྲ་ཆེན་པོ་འབྱིན་པར་འགྱུར་རོ། །དེ་ལ་བར་དོ་ཡུན་ཐུང་ན་བདུན་ཕྲག་གཅིག་གམ། རིང་ན་བདུན་ཕྲག་བདུན་གྱིས་བར་དུ། །བར་དོའི་སྡུག་བསྔལ་སྣ་ཚོགས་མྱོང་ནས་སྐྱེ་བ་ལེན་པར་འགྱུར་རོ། །དེ་ལ་སྔར་གདམས་པ་རྣམས་ཀྱིས། ང་ཤི་འདུག་སྙམ་པའི་དུས་དེར། སྔར་བླ་མའི་ཞལ་ནས། བར་དོ་ལ་བར་དོ་ངོ་ཤེས་པར་གྱིས་ལ། རྒྱལ་བ་ལོངས་སྐུ་ཉམས་སུ་ལོང་གཅིག་གསུངས་པའི་དུས་དེར་སླེབ་འདུག་པས། བར་དོ་ལ་སྐྲག་པར་མི་བྱ་སྟེ། དུས་འདིར་སངས་རྒྱ་བའི་ཕྱི་རོ་སྙམ་དུ་

[Full Size]

བསམ་ལ། བླ་མ་ལ་གསོལ་བ་གདབ། བར་དོའི་སྣང་བ་ཐམས་ཅད་རང་སྣང་། རང་སྣང་ཐམས་ཅད་བདེན་མེད་སྒྱུ་མ་རྨི་ལམ་དུ་བསྒོམས་ནས། ཡི་དམ་གྱི་སྤྲུལ་བསྒྱུར་ལ་མདུན་པ་བཏང་། ཁྱད་པར་ཕྱི་སྣོད་གཞལ་ཡས་ཁང་། ནང་བཅུད་ལྷ་དང་ལྷ་མོ། རང་ལུས་གསུམ་ལྡན་གྱི་ལྷར་བསྒོམ་སྙམ་པ་ཙམ་དང་། སྔར་བསྒོམས་པའི་རྨི་ལམ་དུ་བྱུང་བའི་སྟོབས་གཉིས་ཀྱིས། རང་ཉིད་རྒྱལ་བ་ལོངས་སྤྱོད་རྫོགས་པའི་སྐུ་མཚན་དང་དཔེ་བྱད་ཀྱི་རྒྱན་པ། སྣང་ལ་རང་བཞིན་མེད་པ། གསལ་ལ་རྟོག་པ་མེད་པ། བདེ་ལ་ཞེན་པ་མེད་པའི་ལྷ་སྐུ་ཕྱག་རྒྱ་ཆེན་པོ་ཆོས་ཀྱི་སྐུའི་ངོ་བོ། ལོངས་སྐུའི་རྣམ་པ། སྤྲུལ་སྐུའི་འཕྲིན་ལས། དབྱེར་མེད་བདེ་བ་ཆེན་པོའི་སྐུ་རང་ཤར་དུ་འབྱུང་སྟེ། དེའང་འཁོར་བའི་རྒྱ་མཚོ་མ་སྟོངས་བར་དུ་གང་ལ་གང་འདུལ་གྱིས་སེམས་ཅན་ཐམས་ཅད་སྨིན་ཅིང་གྲོལ་བར་བྱེད་པར་འགྱུར་རོ། །དེ་ལ་སྔར་རྣམ་སྨིན་གྱི་ལུས་དང་། བག་ཆགས་ཀྱིས་ལུས་ལ་

[Full Size]

ས་བོན་གྱི་ཚུལ་དུ་བསྒོམས་པའི་འབྲས་བུ་དུས་འདིར་སྨིན་པ་དང་། བར་དོ་ཡིད་ལུས་འགྱུར་བ་སླ་ཞིང་། བཅུ་དྲུག་འགྱུར་རམ་སུམ་ཅུ་འགྱུར་གྱིས་གསལ་བས། དུས་དེར་སངས་མི་རྒྱ་མི་སྲིད་པས། ཐེ་ཚོམ་དང་ཡིད་གཉིས་མི་བྱའོ། །གསུམ་པ་ནི། ལྷ་སྐུ་དང་འོད་གསལ་ལ་གོམས་པ་ཆུང་བས། བར་དོའི་འོད་གསལ་མ་ཟིན་ཅིང་། བདུན་ཕྲག་དང་པོར་ལོངས་སྐུ་ལ་མ་གནས་ན། རང་ཉིད་ཤི་ནས་བར་དོར་ཤེས་ཏེ། དངངས་སྐྲག་གི་སྡུག་བསྔལ་ཆེན་པོ་འབྱུང་ངོ་། །དེའི་རྗེས་ལ་ཕ་མ་དང་། ཕོ་མོ་ལ་སོགས་པ་ལ་འདོད་ཆགས་སྐྱེས་ནས། དེ་ལ་བརྟེན་པའི་ཕྲག་དོག་དང་། མིག་སེར་སྐྱེ་སྟེ། ཆགས་སྣང་དེས་མཚམས་སྦྱར་ནས། སྐྱེ་བ་ལེན་པར་འགྱུར་རོ། །དེ་ལ་ང་ཤི་འདུག་སྙམ་པའི་དུས་དེར་བར་དོ་ལ་མི་སྐྲག་པར་བྱས་ལ། ཀྱེ་མ་ཆགས་སྡང་གིས་སྐྱེ་བ་འདི་ཤིན་ཏུ་སྡུག་བསྔལ་བ་སྟེ། ད་ནི་བདེ་བ་ཆེན་པོའི་ཞིང་དུ་

[Full Size]

འགྲོའོ་སྙམ་པ་དང་། བར་དོའི་སྣང་བ་ཐམས་ཅད་ཡིན་རང་སྣང་ཐམས་ཅད་རང་སྣང་། བདེན་མེད་སྒྱུ་མ་རྨི་ལམ་ཡིན་སྙམ་པ་དང་། བླ་མའི་མོས་གུས་དང་གསུམ་ལ་མདུན་པ་བཏང་ངོ་། །དེའི་རྗེས་ལ་རང་གི་མདུན་དུ་ཆོས་འབྱུང་གྲུ་གསུམ་རྐྱང་པའམ་བརྩེགས་མ་མཐིང་ཁའམ། གཉིས་བརྩེགས་ཀྱི་ནང་དུ་རང་སེམས་ཧཱུྃ་དག །ཐིག་ལེ་སྔོན་པོ་བསམ། དེ་ལས་འོད་ཁ་དོག་ལྔ་འཕྲོས་པས། སྐྱེ་གནས་ལྔའི་ལན་ཆགས་དག །དྲི་མ་ད་ལྟར་གྱི་སྦྱངས། ད་བཟོད་ཀྱིས་མངལ་སྒོ་བཀག་པར་བསྒོམས། དེ་ནས་ཧཱུྃ་དེ་གྱུར་པ་ལས་རང་ཡི་དམ། ཡབ་ཡུམ་དུ་བསམ། བར་དོའི་ཆགས་སྡང་གི་ཡུལ་ཕོ་མོར་སྣང་བ་དེ་ཡི་དམ། ཡབ་ཡུམ་དུ་བསྒོམས་ནས། ཡིད་ཀྱིས་མཆོད་པ་དབུལ་ཞིང་གསོལ་བ་གདབ། སྒྲ་གྲགས་ཚད་སྔགས་སུ་བལྟ། དྲན་རིག་གི་རྟོག་ཚོགས་ཐམས་ཅད་གང་སྐྱེས་ལ་གླང་ཆེན་གྱིས་ལྟ་སྟངས་ཀྱིས་ལྷ་སྐུ་ཕྱག་རྒྱ་ཆེན་པོ་ལ། སྐད་ཅིག་མ་

[Full Size]

གསུམ་ཙམ་མཉམ་པར་བཞག་པ་དང་། ཕྱི་སྣོད་ཀྱི་འཇིག་རྟེན་དང་ནང་བཅུད་ཐམས་ཅད་རང་ལུས་སྣང་སྟོང་ཞེན་བྲལ་གྱི་ལྷ་སྤྲུལ་སྐུའི་སྣང་བ་འབའ་ཞིག་རང་ཤར་དུ་བྱུང་ནས། དུས་དེ་སྤྲུལ་སྐུར་ཉིད་དུ་སངས་མི་རྒྱ་མི་སྲིད་དོ། །གནད་འཆུག་མེད་བར་དོ་གསུམ་གྱི་ཉམས་ལེན། ཡེ་ཤེས་ཀྱི་མཁའ་འགྲོ་ནི་གུ་མའི་གསུང་ལས་ཇི་ལྟར་བྱུང་བ་ལྟར། བདག་ཁྱུང་པོ་རྣལ་འབྱོར་པས་ཉམས་སུ་མྱོང་བར་བྱས་ནས་ཡི་གེར་བཀོད་པའོ། །མི་རབས་བདུན་དུ་ཆིག་བརྒྱུད་ལས་མ་སྤེལ་ཅིག །རྫོགས་སོ། །སྔར་གྱི་འཕེན་པས་བར་དོ་སངས་རྒྱ་བའི་དཔེ་བསྟན་པ་ནི། མར་མེ་དང་། མེ་ལོང་དང་། བྲག་ཆ་དང་། རྒྱ་ཡི་སྐུ་ཕོར་ཤེས་ཏེ། མར་མེ་སྔ་མ་ལས་ཕྱི་མ་གསལ་པོར་ལམ་སྟེ་བྱུང་བ་ལྟར། མར་མེ་སྔ་མ་དང་འདྲ་བ་འཆི་ཁའི་འཕེན་པ་ལས། ཕྱི་མ་དང་འདྲ་བར་བར་དོ་ཟུང་འཇུག་གི་སྐུ་ལྡང་བའོ། །དེ་བཞིན་ཀུན་ལ་ཤེས་པར་བྱའོ། །རིམས་ལྔ་ནས་སོ། །མངྒ་ལཾ།། །།

རྒྱུད་སྡེ་ལྔའི་མངོན་པར་རྟོགས་པ། ཁྱུང་པོ་རྣལ་འབྱོར།

[Full Size]

རྒྱུད་སྡེ་ལྔའི་མངོན་པར་རྟོགས་པ་བཞུགས་སོ། །

[Full Size]

བླ་མ་དམ་པའི་ཞབས་ལ་གུས་པས་ཕྱག་འཚལ་ལོ། །རྒྱལ་བ་ལོངས་སྐུ་དྲུག་པ་རྡོ་རྗེ་འཆང་། །མཚན་དང་དཔེ་བྱད་གར་གྱི་ཉམས་དགུར་ལྡན། །རིགས་ཀྱི་གཙོ་བོ་ལྔ་ལ་གུས་བཏུད་ནས། །དེ་ཉིད་ཉམས་ལེན་བཀའ་རྒྱུད་ལས་འོངས་བྲི། །དེ་ལ་རང་ལུས་རྒྱལ་བ་ལྔའི་དཀྱིལ་འཁོར་དུ་གནས་པ་ལྷག་མོས་ཀྱིས་གསལ་གདབ་པ་ལ་ལྔ་སྟེ། གང་གིས་སྒྲུབ་པའི་གང་ཟག །གང་དུ་སྒྲུབ་པའི་གནས། །

[Full Size]

གང་དང་འགྲོགས་པའི་གྲོགས། གང་དགོས་པའི་རྫས། ཇི་ལྟར་སྒྲུབ་པའི་ཐབས་སོ། །དང་པོ། གཉིས་པ། གསུམ་པ། བཞི་པ། མེད་པ་རྣམས་གཞན་དུ་ཤེས་པར་བྱའོ། །ལྔ་པ་ལ་བཞི་སྟེ། བསྐྱེད་རིམ། རྫོགས་རིམ། བསྐྱེད་རིམ་གྱི་རང་བཞིན་ཐུན་མཚམས་སོ། །དང་པོ་ལ་དགུ་སྟེ། བསྲུང་འཁོར་བྱ་བ། བསོད་ནམས་ཀྱི་ཚོགས་བསགས་པ། ཚད་མེད་པ་བསྒོམ་པ། ཡེ་ཤེས་ཀྱི་ཚོགས་བསག་པ། དམ་

[Full Size]

ཚིག་པ་བསྐྱེད་པ། ཡེ་ཤེས་པ་གཞུག་པ། གནས་གསུམ་བྱིན་གྱིས་རླབས་པ། དབང་བསྐུར་རྒྱས་གདབ་བྱ་བ། བཟླས་པ་གསལ་བཏབ་པའོ། །དང་པོ་ནི། རྟེན་དགྲམ། མཎྜལ་མེ་ཏོག་བཀོད། མཆོད་གཏོར་བཤམས། ཐོ་རངས་ནམ་གྱི་བརྒྱད་ཆ་ནས་ལངས་ཏེ། ཁྲུས་བྱས། སྟན་བདེ་བ་འདུག་ནས། སེམས་ཅན་ཐམས་ཅད་འཁོར་བའི་སྡུག་བསྔལ་གྱི་རྒྱ་མཚོ་ལས་བསྒྲལ་ནས། རྡོ་རྗེ་འཆང་གི་གོ་འཕང་ལ་འགོད་པར་བྱ་སྙམ་དུ་སེམས་བསྐྱེད་དོ། །དེ་ནས། ཨོཾ་ཤུ་ནྱ་ཏ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ་གིས་བསྔགས་ཏེ། ཡེ་ཤེས་ལྔ་དངོས་ཀྱི་ཧཱུྃ་ལས་རྡོ་རྗེ་ཧཱུྃ་གིས་མཚན་པར་གྱུར། །དེའི་འོད་ཟེར་ལྔས་སེམས་ཅན་མ་ལུས་པར་སྦྱངས་པ་སྙིང་གར་ཐིམ་ནས་ཞུ་བའི་ཐིག་ལེ་ལས། བདག་ཉིད་དགྱེས་པ་རྡོ་རྗེ་སྐུ་མདོག་སྔོན་པོ་ཞལ་གཅིག་ཕྱག་གཉིས་ཡུམ་དང་གཉིས་སུ་མེད་པའི་གཡས་

[Full Size]

རྐྱང་བས་ཚངས་པ། དབང་ཕྱུག་ཆེན་པོ། པད་ཉིའི་གདན་ལ་བཞུགས་པའོ། །དེ་ནས་རྡོ་རྗེ་ཐོད་སྦྱོར་གྱི་ཕྱག་རྒྱ་བཅས་ལ། ཨོཾ་བཛྲ་རཀྵ་རཀྵ་ཧཱུྃ་ཧཱུྃ་ཧཱུྃ་ཞེས་བརྗོད་པས་ཐུགས་ཀའི་ཧཱུྃ་ལས་རཾ་གཅིག་དབུ་མ་ནས་མདུན་དུ་ཆད་པ་ལས་ཉི་མའི་དཀྱིལ་འཁོར་དཔག་ཚད་བརྒྱར་གྱུར་པའི་སྟེང་དུ་ཧཱུྃ་ལས་རྡོ་རྗེ་རྒྱ་གྲམ་ལྟེ་བ་མཐིང་ག །ཤར་གྱི་རྭ་གསུམ་དཀར། ལྷོ་སེར། ནུབ་དམར། བྱང་ལྗང་གུར་གྱུར་པའོ། །དེ་ཉིད་རྒྱ་ཆེ་བས་ས་གཞི་དཔངས་མཐོ་བས་བརྩིག་པ། རྡོ་རྗེའི་རྭ་རྣམས་སྟེང་དུ་འདུས་པ་བླ་རེའོ། །དེ་ནས་རྡོ་རྗེའི་སྟེང་དང་། ཕྱོགས་བཞི་ནས་ཧཱུྃ་ཁ་དོག་ལྔ་འཕྲོས་པ་ལས། རྡོ་རྗེ་རྩེ་གཅིག་པ། གཉིས་པ། གསུམ་པ། བཞི་པ། ལྔ་པ། དྲུག་པ། བདུན་པ། བརྒྱད་པ། དགུ་པ་རྣམས་ཀྱིས་བར་མཚམས་མེད་པར་གཏམས་པ་དང་། འོག་གི་

[Full Size]

ཉི་མ་ལས་མེ་འབར་བ་ལས་མེ་འབར་བ་དང་། ཕྱིའི་རྡོ་རྗེ་རྣམས་ཁྲོ་ཆུང་ལྟར་ཞུ་ནས། སྲིད་པའི་རླུང་གིས་ཀྱང་མི་ཐར་བའི་བསྲུང་འཁོར་དཔག་ཚད་བྱེ་བ་ཙམ་དུ་གྱུར་པར་བསམ་མོ། །གཉིས་པ་ནི། ཧཱུྃ་གི་འོད་ཟེར་གྱིས་ལྷ་དང་བླ་མ། སངས་རྒྱས་དང་བྱང་ཆུབ་སེམས་དཔའ་གྲུབ་མཐའ་བཞིས་སྤྱན་དྲངས་ལ་བདུན་རྣམ་དག་བྱའོ། །ཡང་ན་དེ་རྣམས་ལ་སྐྱབས་འགྲོ་བྱས་དཔང་པོར་བཞག་པས། ཞེ་ཐག་པ་ནས། སེམས་ཅན་ཐམས་ཅད་བདེ་བ་དང་ལྡན་པར་འདོད་པའི་བྱམས་པ། སྡུག་བསྔལ་ཐམས་ཅད་ལས་སྐྱོབ་པའི་སྙིང་རྗེ། རྡོ་རྗེ་འཆང་གི་གོ་འཕང་ལ་འགོད་པའི་བྱང་ཆུབ་ཀྱི་སེམས་བསྒོམས་པའི་སྟོབས་ཀྱིས། བཅོམ་ལྡན་ཐུགས་རྗེའི་དབང་གིས་མདུན་བྱོན་ཏེ། །དེའི་འོད་ཟེར་བདག་ལ་འཕོག་པས། ཕུང་པོ་ཁམས། སྐྱེ་མཆེད། ནད་གདོན་སྡིག་སྒྲིབ་ཐམས་ཅད་དག་ནས།

[Full Size]

མེ་ལོང་གསལ་བ་ལ་གཟུགས་བརྙན་ཤར་བ་ལྟར། རང་ཉིད་དང་མདུན་གྱི་ལྷ་དབྱེར་མེད་དུ་གྱུར་པ་ནི། བསྲུང་བ་རྣམས་ཀྱི་མཆོག་ཏུ་འགྱུར་པའོ། །གསུམ་པ་ནི། ཚད་མེད་པ་བཞིའི་འོད་ཟེར་འཕྲོས་ནས། སེམས་ཅན་ཐམས་ཅད་བདེ་བ་དང་ལྡན་པར་འདོད་པའི་བྱམས་པ། སྡུག་བསྔལ་ཐམས་ཅད་ལས་སྐྱོབ་པའི་སྙིང་རྗེ་དང་། བདེ་བ་ཐམས་ཅད་དང་མི་འབྲལ་བ་ལ་སྤྲོ་བའི་དགའ་བ། ཀུན་ནས་སེམས་སྙོམས་པའི་བཏང་སྙོམས་བསྒོམ་པར་བྱའོ། །བཞི་པ་ལ་བཞི་ལས། སྔགས་ཀྱིས་གྲུབ་པ་ནི། ཨོཾ་སྭ་བྷཱ་ཝ་ཤུདྡྷ་སརྦ་དྷརྨ་སྭ་བྷཱ་ཝ་ཤུདྡྷོ྅ཧཾ་གིས་ཕྱིའི་བཟུང་ཡུལ་རང་བཞིན་མེད་པར་ཤེས་པའོ། །ཨོཾ་ཤུ་ནྱ་ཏ་ཛྙཱ་ན་བཛྲ་སྭ་བྷཱ་ཝ་ཤུདྡྷོ྅ཧཾ། གིས་ནང་གི་འཛིན་བྱེད་རང་བཞིན་མེད་པར་ཤེས་པའོ། །ལྔ་པ་ལ་གཉིས་ཏེ། བདག་བསྐྱེད་པ། གནས་ལྔར་བསྐྱེད་པའོ། །དང་

[Full Size]

པོ་ནི་ཆོ་ག་གསུམ་ལས་བདག་ཉིད་དགྱེས་མཛད་རྡོ་རྗེ་སྐུ་མདོག་སྔོན་པོ་ཞལ་གཅིག་ཕྱག་གཉིས་པ། རྡོ་རྗེ་དང་དྲིལ་བུ་འཛིན་པས་འཁྱུད་པའོ། །དེའི་ཡུམ་རྡོ་རྗེ་ཕག་མོ་མཐིང་ག་ཞལ་གཅིག་ཕྱག་གཉིས་ཐོད་པ། གཡས་གྲི་གུག་འཕྱར་བའོ། །ཡབ་ལ་སྣ་ཚོགས་རྡོ་རྗེ་དང་། །ཟླ་བ་ཕྱེད་པས་བརྒྱན་པའོ། །དེ་ལྟར་ཡབ་ཡུམ་གཉིས་ཀ་ཕྱག་རྒྱ་དྲུག་དང་ལྔས་བརྒྱན་པ། མི་མགོ་སྐམ་རློན་ལྔ་བཅུ་དང་། སྟག་གི་ཤམ་ཐབས་ཅན། སྣ་ཚོགས་པད་ཉིའི་སྟེང་ན་ཞབས་གཡས་རྐྱང་བས་ཚངས་པ་མནན་པ། གཡོན་བསྐུམ་པས་དབང་ཕྱུག་ཆེན་པོ་མནན་པའོ། །དེ་ལ་ཡབ་ཡུམ་གཉིས་ཀ་མཚན་དཔེ་དང་གར་དགུ་དང་ལྡན་པ་འོད་ཀྱི་རང་བཞིན་ལ་རང་བཞིན་མེད་པ། སྐུ་ཤིན་ཏུ་ཆེ་བ་མེ་དཔུང་ཀློང་ན་བཞུགས་པའོ། །དེ་ལ་ཡེ་ཤེས་པ་གཞུག་པ་ལ་སོགས་པ་བྱའོ། །གཉིས་པ་

[Full Size]

ནི་ལྷ་སྐུའི་ནང་དུ། །རྩ་གསུམ་ཙཀྲ་བཞི་སྟེ། རྩ་དབུ་མ་ཡར་རྩེ་ཚངས་བུག །མར་རྩེ་གསང་གནས་སོ། །རོ་རྐྱང་གཉིས་ཡར་རྩེ་སྣ་སྒོ་མར་སྣ་ལྟེ་འོག་ཏུའོ། །སྤྱི་བོ་བདེ་བ་ཆེན་པོའི་འཁོར་ལོ་རྩ་འདབ་སུམ་ཅུ་རྩ་གཉིས་གདུགས་ཀྱི་རྩིབ་མ་ལྟ་བུ་འཐུར་དུ་བལྟ་བ་སྔོན་པོའོ། །མགྲིན་པ་ལོངས་སྤྱོད་ཀྱི་འཁོར་ལོ་རྩ་འདབ་བཅུ་དྲུག་དམར་པོ་གྱེན་ལ་བལྟ་བའོ། །སྙིང་ག་ཆོས་ཀྱི་འཁོར་ལོ་རྩ་འདབ་བརྒྱད་ཀར་བརྒྱངས་པ་ལྟ་བུ་སྔོན་པོའོ། །ལྟེ་བ་སྤྲུལ་པའི་འཁོར་ལོ་རྩ་འདབ་དྲུག་ཅུ་རྩ་བཞི་གྲུ་གུ་ལྟ་བུ་དམར་པོའོ། །གསང་བ་བདེ་སྐྱོང་གི་འཁོར་ལོ་རྩ་འདབ་བཅུ་དྲུག་གི་མདུན་དཀར་པོ་གྱེན་དུ་བལྟ་བའོ། །དེ་ལྟར་རྩ་གསུམ་འཁོར་ལོ་ཕྲུ་མ་བུས་པ་ལྟར་གསལ་ཞིང་དྭངས་པ་སྣང་ལ་རང་བཞིན་མེད་པའི་དབུ་མ་ཤིན་ཏུ་ཡངས་པར་བལྟའོ། །དེ་ནས་

[Full Size]

སྙིང་གའི་དབུ་མའི་ནང་དུ། ཐུགས་ཀྱི་དགྱེས་མཛད་རྡོ་རྗེ་ཞལ་གཅིག་ཕྱག་གཉིས་ཡུམ་དང་བཅས་པ། གར་དགུ་དང་མཚན་དཔེ་བརྒྱན་པའི་འོད་ཀྱིས་ནམ་མཁའ་ཁྱབ་པ་གོང་གི་བདག་བསྐྱེད་བཞིན་ནོ། །དེའི་རྩ་འདབ་བརྒྱད་དམ་ཐིག་ལེ་ལྷ་མོ་བརྒྱད་དམ་བཅུ་གཉིས་སུ་ལྷག་མོས་བྱའོ། །དགྱེས་མཛད་དེའི་སྐུའི་འོད་ཟེར་སྤྱི་བོའི་དབུ་མར་འཕྲོས་པས་ཧཱུྃ་ངུར་བའི་བསྐུལ་དབྱངས་བྱས་པས་གཙོ་བོ་མི་བསྐྱོད་རྡོ་རྗེ་སྐུ་མདོག་མཐིང་ག་ཞལ་གཅིག་ཕྱག་གཉིས་རྡོ་རྗེ་དྲིལ་བུ་འཛིན་པས་ཡུམ་རེག་བྱ་རྡོ་རྗེ་མ་ཡབ་དང་མཚུངས་པ་ལ་འཁྱུད་པ། པད་ཉིའི་གདན་ལ་ཞབས་རྡོ་རྗེའི་སྐྱིལ་ཀྲུང་གིས་བཞུགས་པའོ། །དེ་ཡང་རྒྱན་རཏྣ་དང་དར་དང་མཚན་དཔེས་བརྒྱན་པའི་འོད་ཀྱིས་ནམ་མཁའ་ཁྱབ་པའོ། །དེའི་རྩ་འདབ་དུ་འཁོར་གྱི་ལྷ་སུམ་ཅུ་མོས་པ་བྱའོ། །དགྱེས་མཛད་ཀྱི་གསུང་གི་འོད་ཟེར་མགྲིན་པའི་དབུ་མར་འཕྲོས་པའི་ཧཱུྃ་ལས་

[Full Size]

མ་ཧཱ་མ་ཡ་སྐུ་མདོག་མཐིང་ག་ཞལ་གཅིག་ཕྱག་གཉིས་སྤྱན་གསུམ་པ། །དབུ་སྐྲ་སེར་པོ་ཕྱག་གཉིས་མདའ་གཞུའོ། །ཡང་ན་རྡོ་རྗེ་དྲིལ་བུ་འཛིན་པས། ཡུམ་སངས་རྒྱས་མཁའ་འགྲོ་ཡབ་དང་མཚུངས་པ་ལ་འཁྱུད་པའོ། །ཞབས་གཡས་རྐྱང་གཡོན་བསྐུམ་པས་པད་ཉི་དང་རོའི་གདན་ལ་བཞེངས་པ་མེ་དཔུང་ཀློང་ན་བཞུགས་པའོ། །དེ་ལ་ཡབ་ཡུམ་གཉིས་ཀའི་ཡན་ལག་ཐམས་ཅད་ཐལ་བས་བྱུགས་པའོ། །མི་ལྤགས་དང་། ཕྱག་རྒྱ་དྲུག་དང་ལྔ་དང་། མི་མགོ་སྐམ་རློན་དོ་ཤལ་ཅན། གར་དགུ་དང་མཚན་དཔེས་བརྒྱན་པའི་འོད་ཀྱིས་ནམ་མཁའ་ཁྱབ་པའོ། །ཕྱོགས་ཀྱི་རྩ་འདབ་བཞི་ལྷ་མོ་བཞིར་མོས་པ་བྱའོ། །དགྱེས་མཛད་ཀྱི་ཡོན་ཏན་གྱི་འོད་ཟེར་ལྟེ་བའི་དབུ་མར་འཕྲོས་པའི་ཧཱུྃ་དེ་ལས་བདེ་མཆོག་འཁོར་ལོ་ཞལ་གཅིག་ཕྱག་གཉིས་སྤྱན་གསུམ་

[Full Size]

པ་རལ་པའི་ཐོར་ཅོག་ཅན། རྡོ་རྗེ་དྲིལ་བུ་འཛིན་པས། ཡུམ་ཕག་མོ་སིན་དྷུ་ར་ལྟར་མཛེས་པ་གྲི་ཐོད་བསྣམས་པ་ལ་འཁྱུད་པའོ། །ཞབས་གཡས་རྐྱང་གཡོན་བསྐུམ་པས་འཇིགས་བྱེད་དུས་མཚན་དང་། པད་ཉིའི་གདན་ལ་བསྐལ་པའི་མེ་དཀྱིལ་ན་བཞུགས་པའོ། །དེ་ལ་ཡབ་ཀྱི་སྤྱི་བོར་རྡོ་རྗེ་རྒྱ་གྲམ་ཟླ་བ་ཕྱེད་དེ། ཡབ་ཡུམ་གཉིས་ཀ་ཐོད་པ་ལྔ་དང་། ཕྱག་རྒྱ་དྲུག་དང་ལྔས་བརྒྱན་པའོ། །མི་མགོ་ལྔ་བཅུའི་དོ་ཤལ་སྟག་གི་པགས་པའི་ཤམ་ཐབས་ཅན། གར་དགུ་དང་མཚན་དཔེས་བརྒྱན་པའི་འོད་ཀྱིས་ནམ་མཁའ་ཁྱབ་པའོ། །རྩ་རླུང་ཐིག་ལེ་འཁོར་ལོ་ལྔའི་ལྷར་མོས་པར་བྱའོ། །དགྱེས་མཛད་ཀྱི་ཕྲིས་ཀྱི་འོད་ཟེར་གསང་བ་བདེ་སྟོང་གི་དབུ་མར་འཕྲོས་པའི་ཧཱུྃ་ལས་རྡོ་རྗེ་འཇིགས་བྱེད་མཐིང་ནག་ཞལ་གཅིག་ཕྱག་གཉིས་པ། མ་ཧེའི་གདོངས་པ་ཅན་རྭ་རྣོ་བ། དབུ་སྐྲ་

[Full Size]

སེར་པོ་ཐོད་པས་བརྒྱན་པ། སྤྱན་གསུམ་དམར་བ། མཆེ་བ་གཙིགས་པ། ལྗགས་འདྲིལ་བ། ཧ་ཧའི་གད་རྒྱངས་སྒྲོག་པ། གཡས་རྡོ་རྗེ་གྲི་གུག །གཡོན་ཐོད་ཁྲག་འཛིན་པའོ། །ཡུམ་རྡོ་རྗེ་ཕག་མོ་དམར་མོ་གྲི་ཐོད་ཅན་ལ་འཁྱུད་པའོ། །ཡབ་ཀྱི་སྐུ་ལུས་ཐུང་ཞིང་སྦོམ་པའོ། །གསུས་ཁྱིམ་ཆེ་བ། སྦྲུལ་དང་རུས་པ་མི་མགོས་བརྒྱན་པའོ། །སྟག་ལྤགས་ཀྱི་ཤམ་ཐབས་ཅན། །དུས་མཐའི་མེ་ལྟར་འཇིགས་པ་པད་ཉིའི་གདན་ལ་ཞབས་གཡས་བསྐུམ་གཡོན་རྐྱང་བས་བཞུགས་པ། མེ་དཔུང་གི་ཀློང་ན་གར་དགུ་དང་། མཚན་དཔེས་བརྒྱན་པའི་འོད་ཀྱིས་ནམ་མཁའ་ཁྱབ་པར་བལྟའོ། །དེ་རྣམས་ཆོ་ག་གསུམ་དང་ཧཱུྃ་ལས་བསྐྱེད་པར་བྱའོ། །དྲུག་པ་ཐུགས་ཀའི་ཉི་མའི་སྟེང་གི་ཧཱུྃ་ལྔའི་འོད་ཟེར་ལྔས་རྒྱུད་སྡེ་ལྔའི་ཡེ་ཤེས་པ་སྤྱན་དྲངས་ལ། ཛཿཧཱུྃ་བྃ་ཧོཿས་དགུག་གཞུག་བྱའོ། །བདུན་པ་

[Full Size]

ནི། གཙོ་བོ་ལྔའི་གནས་གསུམ་དུ། །ཨོཾ་ཨཱཿཧཱུྃ་དང་སྐྱེ་མཆེད་དྲུག་བྱིན་གྱིས་རླབ་པར་བྱའོ། །བརྒྱད་པ་ནི། ཧཱུྃ་གི་འོད་ཟེར་གྱིས་ནམ་མཁའ་རིགས་ལྔར་སྤྱན་དྲངས་ལ། ཕྱི་ནང་གསང་གསུམ་གྱིས་མཆོད་ནས། ཨོཾ་སརྦ་ཏ་ཐཱ་ག་ཏ་ཨ་བྷི་ཥིཉྩ་མཾ་གྱིས་གསོལ་བ་བཏབ་པ་དང་། ཐུགས་ཀ་ནས་རིགས་ཀྱི་ཡུམ་ལྔ་རང་གི་སྤྱི་བོར་བྱོན་ནས། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡེ་ཧཱུྃ། ཞེས་བརྗོད་ཅིང་བུམ་པས་དབང་བསྐུར་བས། ཆུ་སྤྱི་བོར་འཁྱིལ་བ་ལས་སྤྲུལ་སྐུའི་མི་བསྐྱོད་པ་ལྔས་དབུ་བརྒྱན་པར་བསམ་མོ། །དགུ་པ་ནི། ཨོཾ་བཛྲ་དྷྲྀཀ་ཧཱུྃ་སྭཱ་ཧཱ། ཨོཾ་སརྦ་པརྴ་བཛྲི་ཧཱུྃ་སྭཱ་ཧཱ། གསང་འདུས་གསལ་བར་བལྟའོ། །ཨོཾ་སརྦ་ཏྲཻ་ལོ་ཀྱ་ཨཀྵེ་ས་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། ཡང་ན། ཨོཾ་དེ་ཝ་པི་ཙུ་བཛྲ་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། དགྱེས་མཛད་དོ། ཨོཾ་བཛྲ་བཻ་རོ་ཙ་ནཱི་ཡེ་ཕཊ་སྭཱཱ་ཧཱ། ཨོཾ་ཧྲཱིཿཧ་ཧ་ཧཱུྃ་ཧཱུྃ་ཕཊ་སྭཱ་ཧཱ།

[Full Size]

ཨོཾ་བཛྲ་བཻ་རོ་ཙ་ནཱི་བཛྲ་ཧཱུྃ་ཧཱུྃ་ཕཊ་སྭཱ་ཧཱ། བདེ་མཆོག་གོ། །ཨོཾ་ཨཱ་ཧྲཱི་ཧཱུྃ་ཕཊ་སྭཱ་ཧཱ། ཨོཾ་བུདྡྷ་ཌཱ་ཀི་ནི་ཨ་ཧྲཱི་ཧཱུྃ། སྒྱུ་མ་ཆེན་མོའོ། །ཨོཾ་ཧྲཱིཿཥྚི་ཝི་ཀྲྀ་ཏ་ན་ན་ཧཱུྃ་ཕཊ། ཨོཾ་བཛྲ་བཻ་རོ་ཙ་ནཱི་ཡེ་ཧཱུྃ་ཧཱུྃ་ཕཊ། རྡོ་རྗེ་འཇིགས་བྱེད་དོ། དགྱེས་མཛད་བདེ་མཆོག་གི་ཡུམ་སྔགས་དེ་ཉིད་དོ། །དེ་ལྟར་སྔགས་ཀྱིས་གཙོ་བོ་ཡབ་ཡུམ་ལྔ་གསལ་བར་བལྟའོ། །ལྷ་སྐུ་དེ་རྣམས་གསལ་སྟོང་བདེ་བའི་རང་བཞིན་དུ་ཡུན་རིང་དུ་གནས་པར་བྱའོ། །གཉིས་པ་རྫོགས་རིམ་ནི། སྤྱི་བོའི་གསང་འདུས་ཡབ་ཡུམ་སྙོམས་འཇུག་བྱས་བདེ་བར་ཞུ་ནས། ཐིག་ལེ་ངང་པའི་སྒོ་ང་ཙམ་ལས་མི་ཆུང་བ་ཙམ་པ་དཀར་ལ་དྭངས་པ་འོད་དང་འོད་ཟེར་གྱི་རང་བཞིན་མིག་གིས་བལྟར་མི་བཟོད་པ་ལྟ་བུར་བསམ་པའོ། །དེས་ན་ཐིག་ལེ་དེ་བདེ་བ་གསལ་བ་མི་རྟོག་པ་རང་བཞིན་མེད་པས་དབྱེར་མེད་པའི་ཟུང་

[Full Size]

འཇུག་གོ། །དེ་ལྟར་སེམས་དང་ཐིག་ལེ་དབྱེར་མེད་པ་སྟེ། མི་རྟོག་པ་མ་བཅོས་པ། ཡིད་ལ་མི་བྱེད་པ། རང་བཞིན་མེད་པ་ཞེས་བྱ་སྟེ། དེ་ནི་བརྗོད་དུ་མེད་པའོ། །དེ་ཉིད་ལ་བློ་ཡི་བྱིང་རྒོད་ཐམས་ཅད་སྤངས་ནས་རྩེ་གཅིག་ཏུ་ཉམས་སུ་བླང་བར་བྱའོ། །དེ་བཞིན་དུ་མགྲིན་པའི་དང་། ལུས་ཕྱི་ནང་དང་། སྣང་བ་ཐམས་ཅད་ལའོ། །སྙིང་གའི་དང་ལུས་ཕྱི་ནང་ལའོ། །གསང་གནས་དང་ལུས་ཕྱི་ནང་དང་སྣང་བ་ཐམས་ཅད་ལ་ཤེས་པར་བྱའོ། །དེ་ལྟར་ཐུན་གསུམ་མམ་བཞིར་ཉམས་སུ་བླངས་ནས། སྤྱི་བོ་མགྲིན་པའི་ཐིག་ལེ་སྙིང་ཀ་ལ་ཐིམ་པའམ། ཡང་ན་ལྟེ་བ་ལ་ཐིམ་ནས། ཐིག་ལེ་བདེ་གསལ་མི་རྟོག་པ་སྟོང་པ་རང་བཞིན་མེད་པ་ཡིད་ལ་མི་བྱེད་པའི་དོན་དེ་ཉིད་ལ་མཉམ་བཞག་དང་སྤྱོད་ལམ་ཐམས་ཅད་དུ་བསམ་པ་གཞན་ཐམས་ཅད་སྤངས་ནས། ཐིག་ལེ་དེ་ལ་སེམས་རྩེ་གཅིག་

[Full Size]

ཏུ་རྒྱུན་ཆད་མེད་པར་གསལ་བར་བྱའོ། །དེས་ནི་ལོ་ཟླ་ཙམ་གྱིས་ལམ་ལྔ་དང་ཕྱག་རྒྱ་བཞིའི་རྟགས་རྣམས་རྫོགས་པར་འགྱུར་རོ། །གསུམ་པ་བསྐྱེད་རྫོགས་ཀྱི་རིམ་པ་ལ་བཞི་སྟེ། ཕྱི་ལྟར་ཉམས་སུ་བླང་བ་དང་། ནང་ལྟར་ཉམས་སུ་བླང་བ། །གསང་བ་ལྟར་ཉམས་སུ་བླང་བ། དེ་ཁོ་ན་ལྟར་ཉམས་སུ་བླང་བའོ། །དང་པོ་ནི། དཔལ་ལྡན་འབྲས་སྤུངས་ཀྱི་མཆོད་རྟེན་དེ། རྒྱུ་རིན་པོ་ཆེ་བཞིའམ་ལྔ་ལས་གྲུབ་པ། ཕྱི་མཆོད་རྟེན་གྱི་དབྱིབས་སུ་ཡོད་པ། ནང་གཞལ་ཡས་ཁང་དང་། རྒྱུད་སྡེ་ལྔའི་ཚོགས་སུ་ཡོད་དེ། །ཤར་སྒོ་ཕྱེ་བས་དབུས་ན་གསང་བ་འདུས་པ་དང་། ཤར་ན་དགྱེས་མཛད་རྡོ་རྗེ་སྣང་ངོ་། །ལྷོ་སྒོ་ཕྱེ་བས་བདེ་མཆོག་གོ། །ནུབ་སྒོ་ཕྱེ་བས་མ་ཧཱ་མ་ཡའོ། །བྱང་སྒོ་ཕྱེ་བས་འཇིགས་བྱེད་ཀྱི་ལྷ་ཚོགས་སུ་སྣང་ངོ་། །དེ་རྣམས་ཀྱང་དགྱེས་རྡོར་གྱི་སྐུ་གསུང་ཐུགས་ཡོན་ཏན་ཕྲིས་

[Full Size]

ལྔ་ལས་འབྱུང་སྟེ། དགྱེས་མཛད་ཀྱི་སྐུའི་སྣང་བ་ལ་གསང་འདུས་སོ། །གསུང་ལས་མ་ཧཱ་མ་ཡའོ། །ཐུགས་ལས་དགྱེས་མཛད་དོ། །ཡོན་ཏན་ལ་བདེ་མཆོག་གོ། །འཕྲིས་ལ་འཇིགས་བྱེད་དུ་ཤར་བའི་སྣང་བའོ། །དེས་ན་ཧེ་བཛྲ་ལྷ་གཅིག་ཏུ་བསྒོམ་པས། རྒྱུད་སྡེ་ལྔའི་ལྷ་ཚོགས་དང་རྒྱལ་བ་ཐམས་ཅད་བསྒོམ་པར་འགྲོ་སྟེ། རིན་ཆེན་རྒྱ་མཚོ་ལས། རྒྱལ་བ་གཅིག་བསྒོམས་སངས་རྒྱས་ཀུན་གྱི་རང་། །སངས་རྒྱས་ཐམས་ཅད་རིགས་ལྔའི་རང་བཞིན་ནོ། །ཞེས་སོ། །དེས་ན་རྒྱུད་སྡེ་ལྔ་གང་འདོད་ཀྱི་སེམས་ཀྱི་དཀྱིལ་འཁོར་དུ་སྣང་སྟེ། གསང་འདུས་དགྱེས་རྡོར་མཐོང་བར་འདོད་ན་ཤར་སྒོ་དབྱེའོ། །དེ་བཞིན་དུ་གང་འདོད་སྒོ་ཕྱེ་ནས། ལྷ་དེ་སེམས་ཀྱི་དཀྱིལ་འཁོར་དུ་ཤེས་པར་བྱས་ལ། བསྒྲུབས་པས་མྱུར་དུ་མཐོང་བར་འགྱུར་རོ། །དེས་ནི་ཕྱི་ལྟར་བཤད་པའི་ཉམས་སུ་བླང་བར་བསྟན་ཏོ། །གཉིས་པ་ནི། འབྲས་

[Full Size]

སྤུངས་སུ་རིན་པོ་ཆེ་བཞིའམ་ལྔ་ལས་གྲུབ་པའི་ཕྱི་མཆོད་རྟེན་དུ་སྣང་བ་ལྟར། རང་གི་ལུས་ཀྱང་འབྱུང་བ་བཞི་ལས་གྲུབ་པའི་ཕྱི་ལྟར་སྣང་བའོ། །དེ་ན་དགྱེས་མཛད་གཅིག་པུ་བསྒོམས་པས་རྒྱུད་སྡེ་ལྔ་བསྒོམས་པར་འགྲོ་སྟེ། ཧེ་བཛྲ་གྱི་སྐུ་གསུང་ཐུགས་ཡོན་ཏན་ཕྲིན་ལས་ལྔའི་འོད་ཟེར་ལྔ་གནས་ལྔར་འཕྲོས་པས་རྒྱུད་སྡེ་ལྔའི་ལྷ་ཚོགས་སུ་ཤར་ཞིང་སྣང་བའོ། །འབྲས་སྤུངས་ཀྱི་ནང་གཞལ་ཡས་ཁང་དང་རྒྱུད་སྡེ་ལྔའི་ལྷར་སྣང་བ་ལྟར། ནང་ལུས་ཀྱི་འཁོར་ལོ་ལྔ་རྒྱུད་སྡེ་ལྔའི་ལྷ་ཚོགས་སུ་ཤར་ཞིང་སྣང་བའོ། །དེས་ནི་ནང་ལྟར་ཉམས་སུ་བླང་བ་བསྟན་ཏོ། །གསུམ་པ་ནི། གནས་ལྔའི་ཞུ་བདེའི་ཐིག་ལེ་དེ། བདེ་བ་གསལ་བ་མི་རྟོགས་པ། སྟོང་པ་དབྱེར་མི་ཕྱེད་པའི་ཟུང་འཇུག་གོ། །དེ་ཉིད་མི་རྟོག་པ་མ་བཅོས་པ་གང་བཞིན་ནོ། །བཞི་པ་ནི། སྐུ་གསུང་

[Full Size]

། ཐུགས་ཡོན་ཏན་ཕྲིས་ཀྱི་འོད་ཟེར་ལྔའི་དོན། ཡེ་ཤེས་ལྔ་ལ་རྟགས་ལྷ་ལྔའི་ལྷ་ཚོགས་ལྔ་ཡིན་ཏེ། སྤྱི་བོའི་སྐུའི་འོད་ཟེར་དཀར་པོའི་དོན། །མེ་ལོང་ལྟ་བུའི་ཡེ་ཤེས་ལ་གསང་འདུས། ལུས་བདེ་བར་ཤར་བ་ནི་བུམ་དབང་སྤྲུལ་སྐུའོ། །མགྲིན་པའི་གསུང་གི་འོད་ཟེར་དམར་པོའི་དོན་སོ་སོར་རྟོག་པའི་ཡེ་ཤེས་ལ་རྟགས་མ་ཧཱ་མ་ཡ་ཡབ་ཡུམ་བདེ་གསལ་དུ་ཤར་བས་དབང་གསུམ་པ་ཆོས་སྐུའོ། །ལྟེ་བའི་ཡོན་ཏན་གྱི་འོད་ཟེར་སེར་པོའི་དོན་མཉམ་ཉིད་ཡེ་ཤེས་ལ། རྟགས་རིན་འབྱུང་ལུས་ངག་ཡིད་གསུམ་ཐ་དད་དུ་འཛིན་པ་སྟེ་སྟོང་པ་བརྗོད་བྲལ་དུ་ཤར་བ་ནི་དབང་བཞི་པ་བདེ་བ་ཆེན་པོའི་སྐུའོ། །གསང་གནས་བདེ་སྐྱོང་འཕྲིན་ལས་ཀྱི་འོད་ཟེར་ལྗང་གུའི་དོན་བྱ་བ་གྲུབ་པའི་ཡེ་ཤེས་ལ། རྟགས་འཕྲིན་ལས་ལྷུན་གྱིས་གྲུབ་པའི་དོན་ཡོད་གྲུབ་པའི་བདེ་གསལ་མི་རྟོག་པ་སྟོང་པ་དབྱེར་མི་ཕྱེད་

[Full Size]

པའི་ཟུང་འཇུག་རྡོ་རྗེ་འཆང་གི་སྐུར་ཤར་བའོ། །དེ་ལྟར་སྐུ་གསུང་ཐུགས་ཡོན་ཏན་འཕྲིན་ལས་མི་ཟད་པ་རྒྱན་གྱི་འཁོར་ལོས་འཁོར་བ་མ་སྟོངས་བར་དུ་གཞན་དོན་ལྷུན་གྲུབ་རང་ཤར་དུ་འབྱུང་བར་འགྱུར་རོ། །དེས་ནི་དེ་ཁོ་ན་ཉིད་ལྟར་བཤད་པའམ་ཉམས་སུ་བླང་བ་བསྟན་ནོ། །བཞི་པ་ནི། ཟས་ཀྱི་རྣལ་འབྱོར་དང་། གཏོར་མ་ཞལ་ལས་ཤེས་པར་བྱའོ། །དེ་ལ་སྦྱང་གཞི་ཕུང་པོ་ལྔའམ་ལུས་ངག་ཡིད་གསུམ་ལྟེ་བ་དང་གསང་གནས་དང་ལྔའོ། །དེའི་སྦྱོང་བྱེད་འོད་ཟེར་ལྔ་དོན་ཡེ་ཤེས་ལྔའོ། །རྟགས་གནས་ལྔའི་རྒྱུད་སྡེ་ལྔའི་བསྐྱེད་རིམ་རིགས་ལྔའོ། །སྦྱང་གཞི་མ་རིག་པའམ་དུག་ལྔའོ། །སྦྱོང་བྱེད་གནས་ལྔའི་ཐིག་ལེ་ལྔ། བདེ་བ། གསལ་བ། མི་རྟོག་པ། སྟོང་པ། དབྱེར་མི་ཕྱེད་པ་ལྔའི་ཟུང་འཇུག་དང་རྫོགས་རིམས་སོ། །དེ་ལྟར་

[Full Size]

རྒྱུད་སྡེ་ལྔའི་བསྐྱེད་རྫོགས་ཀྱི་རང་བཞིན་འབྲས་བུའི་དབང་དང་བཅས་པ་འདི། བཀའ་རྒྱུད་སྡེའི་དགོངས་པ། མཁའ་འགྲོའི་སྲོག་སྙིང་། མཁས་གྲུབ་ཆེན་པོ་རྣམས་ཀྱི་ཐུགས་བཅུད། ལོ་ཟླས་སངས་མི་རྒྱ་མི་སྲིད་པའོ། །སྟན་ཐོག་གཅིག །ཐུན་གཅིག །སྐད་ཅིག་མ་གཅིག་ལ་ལམ་ལྔ། རིམ་པ་ལྔ། ཕྱག་རྒྱ་བཞི་ཉམས་སུ་ལེན་པའི་ཆིག་བརྒྱུད་འདི་ནི་བདག་ཁྱུང་པོ་རྣལ་འབྱོར་པའི་ལུགས་སོ། །ཨྀིྠ། བླ་མ་རིན་པོ་ཆེའི་ཞལ་ནས། ངས་གསེར་འཕང་མེད་ཁྱེར་ནས། ལྷོ་བྱང་གར་ཕྱིན་ཡང་གདམས་པ་འདི་ལས་ཟབ་པ་དང་། གནད་ཆེ་བ་གང་ནའང་འདུག་རེ་གསུངས་ནས་དབུ་སྙུང་ལན་གསུམ་བཞེས་ནས། པདྨ་སྟོང་པ་གདམས་པ་འདི་ལ་སྒྲུབ་པ་བགྱིས་དང་། རྟགས་མ་བྱུང་ན་རྡོ་རྗེ་འཆང་དང་ངས་བསླུས་པ་ཡིན་ནོ། །འདི་ལ་རྟགས་མི་འབྱུང་

[Full Size]

མི་སྲིད། ལོ་གསུམ་ན་དག་པ་བདེ་སྟོང་གི་མཁའ་སྤྱོད་དུ་མི་འགྲོ་མི་སྲིད་དོ། །ལོ་ཟླས་སངས་རྒྱས་མི་ཐོབ་མི་སྲིད་དོ། །ཡང་ལོ་གཉིས་བསྒོམས་པས་དག་པ་མཁའ་སྤྱོད་དུ་འགྲོ་བའི་རྟགས་རྫོགས་པར་འབྱུང་བ་ཡིན་ཏེ། ཞུད་མ་བསྲུངས་པས་འགྱངས་འདུག་པས། ད་ཁྱོད་ཞུད་བསྲུངས་ལ་བསྒོམས་ཤིག་གསུངས་ངོ་། །བླ་མ་འདར་ཁར་རིན་པོ་ཆེ་བརྩོན་འགྲུས་ཞུད་བསྲུངས་ལ་སྒོམས་ཤིག །ལོ་གསུམ་ལ་མི་འགྲུབ་མི་སྲིད་གསུངས་སོ། །རྒྱུད་སྡེའི་མངོན་པར་རྟོགས་པ་བསྡུས་པ། མཁས་གྲུབ་ཆེན་པོ་རྣམས་ཀྱི་ཐུགས་བཅུད། ཀུན་ལས་ཁྱད་པར་དུ་འཕགས་པ་འདི་ཡོངས་སུ་རྫོགས་སོ། །མ་འགྱུར་སེམས་ཅན་ཐམས་ཅད་ཀྱིས་རྒྱལ་བ་སྐུ་ལྔའི་གོ་འཕང་ཐོབ་པར་གྱུར་ཅིག། །།

ཆོས་དྲུག་གི་གསུང་སྒྲོས། བཙུན་པ་རྒྱལ་མཚན་འབུམ།

[Full Size]

ཆོས་དྲུག་གི་གསུང་སྒྲོས་བཞུགས་སོ། །

[Full Size]

བླ་མ་དམ་པའི་ཞབས་ལ་གུས་པས་ཕྱག་འཚལ་ལོ། །གཞན་དོན་གོམས་པ་ཐུགས་རྗེའི་བདག་ཉིད་ཅན། །རྒྱལ་བའི་བསྟན་པ་སྟོན་པ་ལྟར་མཛད་པ། །དཔལ་ལྡན་བླ་མ་བརྒྱུད་པར་བཅས་པ་དང་། །བདག་ཅག་འདྲེན་པ་དེ་ལ་ཕྱག་འཚལ་ལོ། །དེ་ལ་ཆོས་གཤའ་མ་གཅིག་བྱེད་ན། འཆི་བ་མི་རྟག་པ་རྒྱུད་ལ་སྐྱེས་པ་དང་། །ཚེ་འདི་བློས་ཐོངས་པ་ཅིག་དགོས་ཏེ། ལ་སྟོད་ཐོ་ལིང་གི་གཙུག་ལག་ཁང་།

[Full Size]

དུ། ལོ་ཙ་བ་རིན་ཆེན་བཟང་པོས། ཇོ་བོ་རྗེས་གདན་དྲངས་པས། གཙུག་ལག་ཁང་སུམ་ཐོག་ཡོད་པའི་འོག་ཁང་ན། །བྱ་སྤྱོད་ཀྱི་ལྷ་ཚོགས་བཞུགས་པ་ལ་ཇོ་བོ་རྗེས་སྒྲུབ་ཐབས་དང་མཐུན་པའི་བསྟོད་པ་མཛད་ཀྱིན་ཕྱག་འཚལ་ལོ། བར་ཁང་ན་རྣལ་འབྱོར་གྱི་ལྷ་ཚོགས། སྟེང་ཁང་ན་བླ་མེད་ཀྱི་ལྷ་ཚོགས་ལ་རང་རང་གི་སྒྲུབ་ཐབས་དང་མཐུན་པའི་བསྟོད་པ་མཛད་ཀྱིན་ཕྱག་འཚལ་བས། མཁས་པ་

[Full Size]

ཆེན་པོར་འདུག་སྙམ་པ་ལོ་ཙ་བ་ལ་བྱུང་། ཇོ་བོ་རྗེས་ལོ་ཙ་བ་ལ། ལྷ་འདི་རྣམས་ཇི་ལྟར་སྒོམ་དྲིས་པས། འོག་ཁང་ནས་རིམ་པ་བཞིན་བསྒོམ་བྱས་པས། སྙིང་པོ་བསྡུ་བ་དགོས་པ་ཡིན་གསུང་། བཤད་པ་བྱས་ན་བསོད་ནམས་ཆེའམ་ཞུས་པས། ཚེ་འདི་བློས་ཐོང་གསུང་། ཉན་པ་དང་བསྒོམས་པ་བསོད་ནམས་ཆེའམ་ཞུས་པས་ཀྱང་། ཚེ་བློས་ཐོང་གསུང་། མདོར་ན་ཚེ་བློས་མ་ཐོང་ན། །བཤད་ན་བཤད་ཚད། མཉན་ན་མཉན་ཚད། བསྒོམས་ན་བསྒོམ་ཚད་འཁྲུལ་གསུང་ངོ་། ༈ །ཁ་རག་སྒོམ་ཆུང་གིས། །འགྲན་སེམས་ཀྱི་སློབ་གཉེར་བྱས་པ་དང་། །ལོ་འདོད་ཀྱི་སྟོན་པ་བྱས་པ་དང་། །མཁས་འདོད་ང་རྒྱལ་སྨྲ་བ་གསུམ། །ཆོས་སུ་འགྲོའམ་སོམ་གཅིག་ཨ། །གསུང་ངོ་། ༈ །དམ་པ་དམར་པོ་ལ། ཡོན་བདག་ཡུན་རིང་པོ་བྱས་པ་གཅིག་གིས། །

[Full Size]

ད་ང་རྒས་འདུག་པས་ཆོས་ཚིག་ཉུང་ལ། དོན་དུ་འདྲིལ་བ། ཉམས་སུ་བླང་བདེ་བ་ཅིག་ཞུ་བྱས་པས། ཚོགས་བརྒྱ་རྩ་དང་། བརྒྱ་འབུལ་གྱིས་གཅིག་གསུང་། དེ་ལྟར་བྱས་ཀྱང་ཡུན་རིང་པོར་མ་བྱུང་། ད་ཞུ་དགོས་བྱས་པས། གཞན་གྱིས་ཐོས་སུ་མི་བཏུབ་པ་གཅིག་ཡོད་པས། ཚོགས་ཀྱི་ཆས་གཅིག་ཁྱེར་ལ། མི་མེད་པ་གཅིག་ཏུ་འདོང་ངོ་གསུང་ནས། གྲོག་ཕུག་གཅིག་ཏུ་ཕྱིན་པ་དང་། མི་འདུག་གམ་ལྟོས་ཤིག་གསུངས། མི་གདའ་བྱས་པས། ད་ངའི་ལག་པ་ལ་འཇུས་ལ་ཁ་ལ་ལྟོས་ཤིག་གསུངས། དེ་ལྟར་བྱས་པས། འོ་ན་ང་ཡང་འཆི། ཁྱོད་ཀྱང་འཆི། ཇུག་བྱེད། དེ་ལྟ་བུའི་ཆོས་ཟབ་མོ་ཤིག་ཁྱོད་ལ་བྱིན་པ་ཡིན་ནོ་གསུངས། ཡོན་བདག་གི་བསམ་པ་ལ། ཆོས་དེ་ལ་ཚོགས་བརྒྱ་རྩ་དང་། བརྒྱ་འབུལ་གཅིག་གོས་མོད། །

[Full Size]

ཟོག་རྒན་གཅིག་དང་ཕྲད་འདུག་སྙམ་པ་ཅིག་བྱུང་། དེ་ནུབ་གཉིད་ཙམ་མ་བྱུང་། ཐོ་རངས་གཉིད་རི་བ་ཅིག་བྱུང་ཙ་ན། འཆི་བ་མི་རྟག་པ་ལྷང་པ་ཅིག་རྒྱུད་ལ་སྐྱེས་ནས་བྱུང་གསུང་ངོ་། ༈ །ཁ་རག་སྒོམ་ཆུང་པས། སྐུ་གཞོན་ནུ་ལ་མཚམས་དམ་པོ་བཅད་ནས་བསྒྲུབ་པ་མཛད་པས། མི་རྣམས་ན་རེ། ཐོས་པ་ཅིག་ཀྱང་མ་བྱས་པར་བསྒྲུབ་པ་ཁོ་ན་བྱེད་པ་བར་ཆད་ཀྱིས་འཁྱེར། སྡེར་ནང་བཅུག་ནས་ཁྱི་ལ་འདྲེན་པ་དང་འདྲ་བ་ཟེར་བ་བྱུང་། པུ་ཏོ་བས་ཁོང་གི་དགོན་པ་གཟིགས་སུ་བྱོན་པས། ཁོང་ལ་རི་དྭགས་ཚོ་བྲོས་སོང་། བཞུགས་པའི་ཕྱིའི་ཕྱོགས་བཞི་ན་མཐོ་རེ་ལ། ཡི་གེ་རེ་འདུག་པ་ལྟས་པས། ཤར་ན། ཉམས་ཆུང་བདག་ལ་རྐྱེན་ངན་གནོད་པ་མང་། བརྟན་པ་ཐོབ་ནས་རྐྱེན་ངན་གྲོགས་སུ་འཆར། །ནགས་ཀྱི་མེ་དང་མེ་སྟག་ཇི་བཞིན་དུ། །གཅིག་པུར་

[Full Size]

གནས་པ་ཁོ་བོའི་དབྱར་དམ་ལགས། ལྷོ་ན། འཆི་བདག་བདུད་ནི་མི་སྡོད་ཚུར་ཚུར་འོང་། དེ་ལ་ཐར་པའི་ཐབས་ནི་ཅི་ཡང་མེད། །ད་ལྟ་གཉིད་དང་ལེ་ལོའི་དབང་སོང་སྟེ། །ཅི་འདྲའི་དུས་གཅིག་བདག་ལ་ནམ་འོང་ཨ། །ནུབ་ན། ཚེ་འདིའི་ལྟོ་རྒྱབ་ཇི་ལྟར་བྱས་ཀྱང་ཕྱིད། །ཤི་ནས་བྱང་ཆུབ་སྙིང་པོ་བཙལ་ཐབས་མེད། དགྲ་ཟིན་སྡེ་རིས་ཀུན་ལ་མ་ཆགས་པར། །བསོད་ནམས་ཆེན་པོ་མྱུར་དུ་བསག་པ་གཅེས། །བྱང་ན། ཚེ་ལ་ལོང་མེད་ཐ་སྙད་ཐུག་པ་མེད། །དེ་བས་དམ་པའི་དགོངས་པ་ལོང་མཛོད་ལ། །འདུ་འཛིན་སྤངས་པའི་དགོན་པར་ཞི་གནས་བསྟེན། བསེ་རུ་ལྟ་བུ་གཅིག་པུར་གནས་པར་བྱ། །ཅེས་པ་མཐོང་བས་ཤིན་ཏུ་ངེས་ཤེས་སྐྱེ་བར་བྱུང་། ནང་དུ་ཕྱིན་ཙ་ན་རི་དྭགས་ཀྱི་འོ་མ་བཞོས་ནས། རང་རང་གི་ཕྲུ་གུ་ལ་སྡུད་པའི་ཆས་སུ་འདུག་ནས། ང་ལ་རི་དྭགས་ཚོ་

[Full Size]

བྲོས་སོང་། ཁྱེད་ལ་མི་འབྲོས་པར་འདུག་བྱས་པས། ངས་སྐྱེ་བ་ལྔ་བརྒྱར་ཤ་མ་ཟོས་པ་ཡིན་གསུང་། ཁོང་རང་ཟན་ཆངས་པ་རེ་དང་། ལོ་མ་ཆངས་པ་རེ་ལ་གསོལ་རྒྱུ་མཛད་པ་ལ། ད་ནང་ལྟོ་སྐྱིད་བྱེད་གསུང་ནས། ཟན་ཆངས་པ་གཉིས་དང་། ལོ་མ་ཆངས་པ་རེ་དྲངས། དེ་ནས་ཆོས་ཀྱི་གསུང་གླེང་མང་པོ་མཛད། ཁ་རག་པས། དལ་འབྱོར་རྙེད་དཀའ་བ་དང་། འཆི་བ་མི་རྟག་པ་བསྒོམས་པས། ཚེ་འདི་ལ་བློ་ལྡོག་པར་གོ། །ལས་རྒྱུ་འབྲས་དང་འཁོར་བའི་ཉེས་དམིགས་བསྒོམས་པས། མི་དགེ་བ་ལས་བློ་ལྡོག་པར་གོ། །བྱམས་པ་དང་སྙིང་རྗེ་བྱང་ཆུབ་ཀྱི་སེམས་བསྒོམས་པས། རང་གཅིག་པུ་ཞི་བདེ་ལས་བློ་ལྡོག་པར་གོ། །ཆོས་ཐམས་ཅད་རང་བཞིན་མེད་པར་བློ་ལྡོག་པར་གོ། །གཟུང་འཛིན་ལས་བློ་ལྡོག་པར་གོ། །ཅེས་དྲིས་པས། དེ་ལྟར་ཡིན་གསུང་ངོ་། །དེ་ལ་བློ་ལྡོག་བཞི། བསྒོམ་རྒྱུ་

[Full Size]

བདུན་དུ། །ལག་ལེན་གསུམ་གསུམ་འདུ་བ་ཡིན་ནོ། །གསུངས་པ། ཁོང་གི་བཞུགས་པའི་བྲག་ཁུང་ན། ལངས་ན་བྲག་ཟུར་ཅིག་ལ་དབུ་ཐུག་ནས་ཁྲག་འོང་། སྒོ་རྩར་ཕྱིན་ཙ་ན་སེ་ཕུང་ཅིག་ཡོད་པ་ཞབས་ལ་ཟུག་ནས་ཁྲག་འོང་པ་གཅིག་ཡོད་པ་ལ་འདི་གཉིས་གཅོད་དགོས་པར་འདུག་སྙམ་པ་དང་། ཡང་ད་ལྟ་ཀ་འཆི་ཉེན་ཡོད་སྙམ་ནས། །དེ་ཡང་གཅོད་མ་ཁོམ་པར། ཐུགས་དམ་རྩེ་གཅིག་ཏུ་མཛད་དོ་གསུང་ངོ་། །ཞང་རིན་པོ་ཆེའི་གསུང་ནས། འཁོར་བ་ལས་མ་གྲོལ་བ་དེ། གནས་ལུགས་ཀྱི་དོན་མ་རྟོགས་པས་ལན་ནོ། །དེ་སྒྲིབ་པ་མ་ཟད་པས། དེ་ཚོགས་མ་བསགས་པས། དེ་དད་པ་མ་སྐྱེས་པས། དེ་འཆི་བ་མ་དྲན་པས་ལན་ནོ། །དེ་ལ་འཆི་བ་མི་རྟག་པ་གཤའ་མ་གཅིག་སྐྱེས་ན། ངེས་འབྱུང་གི་

[Full Size]

དད་པ་སྐོགས་ལངས་སུ་སྐྱེ། དེ་ཚོགས་གསོག །དེས་སྒྲིབ་པ་མཛད། དེས་གནས་ལུགས་ཀྱི་དོན་རྟོགས་ནས། འཁོར་བ་ལས་གྲོལ་བར་གྱུར་གསུང་ངོ་། །གུ་རུ་པད་མས། འཆི་བ་མི་རྟག་པ་གཤའ་མ་གཅིག་དྲན་ན། །ཅིས་ཀྱང་དགོས་མེད་ཀྱིས་བློ་སྐྱེ། །ཐར་ལམ་ལ་བརྩོན་པས་འཇུག །ཡང་དག་གི་བླ་མ་ཚོལ། མི་དགེ་བ་ལ་ངང་གིས་འཇོལ། ཡོ་བྱད་ལ་འཛིན་ཆགས་མེད། འདུ་འཛི་ལ་བདུད་དུ་ལྟ། དེ་ཙ་ན་ཡོན་ཏན་ཐམས་ཅད་རྒྱུད་ལ་སྤུངས་པ་བཞིན་དུ་ཡོང་སྟེ། བོད་ཀྱི་ཆོས་པ་ལ་འཆི་བ་མི་རྟག་པ་དྲན་པ་མི་འདུག་གསུང་ངོ། །དམ་པ་རིན་པོ་ཆེས། འཆི་བ་བསམས་ན་ཅིས་ཀྱང་དགོས་པ་མེད། རྟག་ཏུ་དྲན་པར་གྱིས་ཤིག་དིང་རི་བ། །གསུང་ངོ། མདོ་ལས། འདུ་ཤེས་ཐམས་ཅད་ཀྱི་ནང་ནས་མཆོག་ཏུ་འགྱུར་བ་ནི། འཆི་བ་མི་རྟག་པའི་འདུ་ཤེས་རབ་ཏུ་བསྒོམ་པར་བྱའོ། །ཅེས་སོ། །

[Full Size]

འཆི་བ་མི་རྟག་པ་བསྒོམ་པ་འདི། འཆད་པ་པོ་རྣམས་ཀྱིས་བཤད་རིང་། ཉན་པ་པོ་རྣམས་ཀྱིས་ཉན་རིན། བསྒོམ་པ་པོ་རྣམས་ཀྱིས་བསྒོམ་རིན་མ་ཆོག་པར་ཆོས་ཟབ་མོ་གཅིག་སྐོག་དུ་ལས་འདུག །ཆོས་རྗེ་སྟོན་པ་གསུང་ངོ་། །འཆི་བ་མི་རྟག་པ་བསྒོམས་པས། དང་པོ་དགེ་བ་ལ་བསྐུལ་བར་བྱེད། བར་དུ་བརྩོན་འགྲུས་ཀྱི་ལྕག་བྱེད། ཐ་མ་བདེན་མེད་དུ་རྟོགས་པར་བྱེད་དེ། རྟག་ན་བདེན། བདེན་ན་རྟག །མི་རྟག་པས་མ་བདེན། མི་བདེན་པས་མི་རྟག་གོ་གསུང་ངོ། །སྣང་གྲགས་ཀྱི་ཆོས་ཐམས་ཅད་རང་གི་སེམས་ཤར་བ་ཡིན་ཏེ། བརྟག་གཉིས་ལས། སེམས་ནི་ཆེན་པོ་གཅིག་ཉིད་ལ། །ལྷའི་གཟུགས་ཀྱིས་རྣམ་པར་མཚོན། །ཅེས་པས། ཕུང་པོ་ལྔ། འབྱུང་བ་ལྔ། །ཉོན་མོངས་པ་ལྔ། དབང་པོ་དྲུག །སྐྱེ་མཆེད་དྲུག །ཁ་དོག་དྲུག །རིགས་དྲུག་ལགས་པ་རང་གི་སེམས་ཤར་

[Full Size]

བ་ཡིན་ཏེ། གཟུགས་ཕུང་རྡོ་རྗེ་མ་ཡིན་ཏེ། །ཅེས་གསུངས་སོ། །ལང་ཀར་གཤེགས་པ་ལས། བག་ཆགས་ཀྱིས་ནི་དཀྲུགས་པའི་སེམས། །དོན་དུ་སྣང་བར་རབ་ཏུ་བྱུང་། །དོན་ཡོད་མ་ཡིན་སེམས་ཉིད་ནི། །ཕྱི་རོལ་དོན་མཐོང་ལོག་པ་ཡིན། །ཅེས་སོ། མགུར་ལས། རིན་ཆེན་སེམས་ལས་ཕྱིར་གྱུར་པའི། །སངས་རྒྱས་མེད་ཅིང་གང་ཟག་མེད། །རྣམ་པར་ཤེས་པའི་གནས་དོན་རྣམས། །ཕྱི་རོལ་གྱུར་པ་ཅུང་ཟད་མེད། །ཅེས་སོ། །ཆུ་འགྲམ་གཅིག་ཏུ་འགྲོ་བ་རིགས་དྲུག་གྲལ་ལ་བསྒྲིག་ན། དམྱལ་བ་ལ་ཁྲོ་ཆུ་ཁོལ་མ། །ཡི་དྭགས་ལ་སྣ་ཁྲག །ལྷ་མ་ཡིན་ལ་གོ་མཚོན། དུད་འགྲོ་དང་མི་ལ་ཆུ། ལྷ་ལ་བདུད་རྩིར་སྣང་སྟེ། མདོ་ལས། དམྱལ་བ་ཡི་དྭགས་དུད་འགྲོ་དང་། །ལྷ་རྣམས་ཇི་ལྟར་རིགས་དྲུག་ལ། །དངོས་གཅིག་ཡིད་ནི་ཐ་དད་ཕྱིར། །དོན་མ་གྲུབ་

[Full Size]

པར་འདོད་པ་ཡིན། །ཅེས་སོ། །འཇམ་དཔལ་རྣམ་པར་རོལ་པའི་མདོ་ལས། ལྷའི་བུ་པད་མ་རྣམ་པར་རོལ་པས། འཇམ་དཔལ་ལ་སྨྲས་པ། འཇམ་དཔལ་གྱི་ཕྱི་རོལ་གྱི་ཡུལ་འདི་རྣམས་བྱེད་པ་པོས་བྱས་པའམ། །ཇི་ལྟར་བལྟ་བར་བྱ། འཇམ་དཔལ་གྱིས་སྨྲས་པ། ལྷའི་བུ་ཕྱི་རོལ་གྱི་ཡུལ་འདི་རྣམས་ནི་བྱེད་པ་པོས་བྱས་པ་མ་ཡིན་ཏེ། །སེམས་རྟོག་པའི་བག་ཆགས་རྒྱས་པའི་དབང་གིས་སྣང་བ་ཡིན་ནོ། །ལྷའི་བུས་སྨྲས་པ། བག་ཆགས་ཇི་ལྟར་བལྟས་ཀྱང་རི་བོ་དང་། རྒྱ་མཚོ་དང་། ཉི་ཟླ་ལ་སོགས་པ་སྲ་ཞིང་འཐས་པ་འདི་ལྟར་སྣང་དུ་ག་ན་རུང་། འཇམ་དཔལ་གྱིས་སྨྲས་པ། རྣམ་པར་རྟོག་པ་ལྟས་པའི་དབང་གིས་དེ་ལྟར་སྣང་དུ་རུང་ངོ་། །གྲོང་ཁྱེར་ཆེན་པོ་ཝ་ར་ན་སེར། བྲམ་ཟེ་མོ་ཅིག་གི་ལུས་

[Full Size]

རྟག་ཏུ་བསྒོམས་པས་གྲོང་ཁྱེར་གྱི་མི་ཐམས་ཅད་ཀྱིས་སྟག་དངོས་སུ་མཐོང་ནས་མི་ཐམས་ཅད་བྲོས་ཟེར། གྲོང་ཁྱེར་སྟོངས་པ་བྱུང་། དགེ་སློང་ཁ་ཅིག་གིས་ཐམས་ཅད་རུས་པར་བསྒོམས་པས། རུས་པར་མཐོང་བ་བྱུང་ངོ་། །དེ་རྣམས་ཡུན་ཐུང་ངུས་ཀྱང་། དེ་ལྟར་སྣང་ན་ཐོག་མ་མེད་པའི་དུས་ནས་བག་ཆགས་སྟས་པ་ཅི་སྟེ་མི་སྣང་། ལྷའི་བུས་སྨྲས་པ། བག་ཆགས་སྟས་པའི་དབང་གིས་དེ་ལྟར་སྣང་བ་ཅིའི་ཕྱིར་ཡིན། འཇམ་དཔལ་གྱིས་སྨྲས་པ། སྣང་བ་ཐམས་ཅད་མ་ངེས་པ་ཡིན་ཏེ། ལ་ལའི་སྣང་བ་ནི། ལ་ལའི་མུན་པ་ཡིན་པ་ལ་སོགས་པ་གསུངས་སོ། །མདོ་ས་བཅུ་པ་ལས། ཀྱེ་རྒྱལ་བའི་སྲས་དག །ཁམས་གསུམ་པོ་འདི་དག་ནི་སེམས་ཙམ་མོ། །ཅེས་སོ། །སྤྱོད་འཇུག་ལས། ལྕགས་སྲེགས་ས་

[Full Size]

གཞི་སུ་ཡིས་བྱས། །མེ་སོགས་དེ་དག་གང་ལས་བྱུང་། །དེ་འདྲ་དེ་དག་ཐམས་ཅད་ཀྱང་། སྡིག་སེམས་འབྱུང་བར་ཐུབ་པས་གསུངས། །ཅེས་སོ། །བྱམས་པས། སྣང་བ་རང་སེམས་ཡིན་པའི་ཕྱིར། །ཐལ་ཚན་གྱི་ཆུ་བོ་རབ་མེད་ཀྱང་། །རྫི་ཐལ་གྱིས་འབབ་དང་བདུད་རྩིར་འགྱུར། །ཅེས་སོ། །ཕལ་པོ་ཆེ་ལས། སེམས་ནི་རི་མོ་མཁན་དང་འདྲ། །སེམས་ཀྱིས་ཕུང་པོ་བྱས་པ་སྟེ། །འཇིག་རྟེན་ཁམས་ནི་ཇི་སྙེད་པ། །དེ་སྙེད་ཐམས་ཅད་སེམས་ཀྱིས་བྲིས། །ཅེས་གསུངས་སོ། །མདོར་ན་ཕྱི་ནང་སྣོད་བཅུད། ས་ཆུ་མེ་རླུང་ནམ་མཁའ། ས་རྡོ་རི་བྲག །རྩི་ཤིང་ནགས་ཚལ། །རི་རྭ་བ། ཁང་ཁྱིམ། རྩིག་པ་རེ་ལྡེ་ལ་སོགས་པ་དང་། སྐྱེས་པ་བུད་མེད། གསག་གཞག །རྟ་གླང་། དགྲ་སྡང་བ། གཉེན་བྱམས་པ་ལ་སོགས་

[Full Size]

པ་སྣང་ཞིང་སྲིད་པས་བསྡུས་པའི་ཆོས་ཐམས་ཅད་རང་གི་བློས་བཀོད། བློས་བྱས་པ་མ་གཏོགས་པ་ཕྱི་རོལ་ན་དོན་ལོགས་སུ་གྲུབ་པ་མེད་པར་ཐག་བཅད་དོ། ༈ །ཅིར་སྣང་རང་གི་སེམས་ཤར་བ་ཡིན་ཅིང་དེ་ཉིད་སྒྱུ་མ་རྨི་ལམ་ཡིན་ཏེ། སྔོན་རྒྱ་གར་ཡུལ་དབུས་ཀྱི་རྒྱལ་པོ་གཅིག་ལ། རྟ་སྲེད་ཞུགས་ནས་ཡོད་པ་ལ། སྒྱུ་མ་མཁན་བཟང་པོ་ལ་བརྩུན་མོས། རྒྱལ་པོ་ལ་སྒྱུ་མ་ཅིག་སྟོན་ཅིག་བྱས་པས། རྟ་བང་འགྲོས་སུ་འཛོམས་པ། ཡུ་ཡུ་རུ་དུ་སྡུག་པ་ཅིག་བསྟན་ནས། རྟ་འདི་ཉོའམ་བྱས་པས་ཉོ་ཟེར། རིན་ལ་རྒྱལ་སྲིད་ཀྱི་ཕྱེད་འདོད་བྱས་པས། ཆགས་ཐོགས་མེད་པར་འཇལ་ནུས་པར་བྱུང་། །ཡང་རྩ་ནས་མི་ཅིག་བྱུང་ནས། ཁོ་གཅིག་པོ་བདག་པོ་མིན། ཚོང་གཤའ་མར་བྱེད་ན། །དེའི་སྟེང་དུ་བཙུན་མོ་ཕྱེད་

[Full Size]

འཇལ་ནུས་སམ་བྱས་པས་ཀྱང་ནུས་པར་བྱུང་། ཡང་རྩ་ནས་མི་ཅིག་བྱུང་ནས། ཁོང་གཉིས་ཀྱང་བདག་པོ་མིན། །ཚོང་གཤའ་མར་བྱེད་ན། དེའི་སྟེང་དུ་སྲས་ཚོའི་ཕྱེད་འཇལ་ནུས་སམ་བྱས་པས། དེ་ཅུང་མ་ནུས་ནས། ཞོན་ལ་ལྷ་ཡིས་བྱས་ནས་ཞོན་པས། སྐལ་པར་ཕྱིན་ཡང་མི་བགྲོད་པའི་སར་ཁྱེར་ནས། ཐང་ཆེན་པོ་གཅིག་གི་འགྲམ་ན་མཚོ་ཅིག་འདུག་པའི་ཐང་དེ་ལ་རྒྱལ་པོ་བསྐྱུར་ནས། མཚོ་ལ་རྟ་དེ་འཆོངས་སོ། །དེ་ནས་ཡ་ཚད་ན་ཡར་ཕྱིན་ཙ་ན། གྲོག་ཕུག་གཅིག་འདུག་པ་ན། རྒན་རྒོན་བཟའ་མི་གཉིས། བུ་མོ་གཅིག་དང་གསུམ་འདུག་པས། རྒད་པོ་དེ་ན་རེ། རྒྱལ་པོ་ཆེན་པོ་ཁྱེད་བསོད་ནམས་ཆེན་པོ་དང་ལྡན་པ་ཡིན་ཡང་། རྒྱལ་སྲིད་དུ་ནི་

[Full Size]

སྐལ་པར་ཕྱིན་ཡང་བགྲོད་པར་མི་ནུས། བུ་མོ་འདི་དང་གཟའ་མི་གྱིས་ཤིག་ཟེར་ནས་ཁྱིམ་ཐབས་བྱས། དེར་ལོ་བདུན་བརྒྱ་བསྡད། བུ་སྤུན་བདུན་བྱུང་། ཆུང་གཤོས་དེ་གུ་བ་ཅིག་བྱུང་། དེ་ནས་རྒད་པོ་དེ་ན་རེ། རྒྱལ་པོ་ཆེན་པོ་ཁྱོད་བསོད་ནམས་ཆེན་པོ་དང་ལྡན་པ་ཡིན་པས། བུ་གུ་བ་འདི་ལ་བྱམས་པར་གྱིས་ཤིག་ཟེར་ནས་མཚོ་དེ་ལ་མཆོངས་སོ། །དེ་བཞིན་དུ་ཟེར་ཞིང་རིམ་པ་བཞིན་དུ་ཐམས་ཅད་མཆོངས་སོ། །རྟིང་ལ་བུ་གུ་བ་དེ་ལ་ཡང་སྨྲ་རྒྱུ་ཅིག་བྱུང་ནས། རྒྱལ་པོ་ཆེན་པོ་ཁྱོད་བསོད་ནམས་ཆེན་པོ་དང་ལྡན་པ་ཡིན་པས་སྐྱིད་པར་གྱིས་ཤིག་ཟེར་ནས་མཚོ་ལ་མཆོངས་སོ། །དེར་སྡུག་བསྔལ་དཔག་ཏུ་མེད་པ་ཡོད་པ་ལ། བཙུན་མོས། སྒྱུ་མ་མཁན་ལ་རྒྱལ་པོ་ལ་ཐུགས་རླུང་འཇུག་པར་འདུག་པས།

[Full Size]

སྒྱུ་མ་ཤིག་གཅིག་བྱས་ནས་བཤིག་པས། གྲིབ་སོ་མཐོ་གང་ཙམ་ལས་མ་སོང་བ་འདུག་གོ། །དེ་ནི་སྐད་ཅིག་མ་ལ་སྐལ་པར་ཤར་བ་ཡིན་ནོ། །དེ་ལ་རྨི་ལམ་ཡིན་ཏེ། སྔོན་རྒྱ་གར་ལྷོ་ཕྱོགས་ཀྱི་རྒྱལ་པོ་ཞིག་ལ་བུ་མོ་ཅིག་ཡོད་པའི་བསམ་པ་ལ། རིགས་དང་ལོངས་སྤྱོད་སོགས་གང་གི་ཆ་ནས་ཀྱང་ངའི་མཛའ་ཟླ་འདིར་ཆད་འཛུད་ཡོད་ལྟང་པ་མི་འདུག་གསུངས། །དེ་ཀུན་སྒྱུ་མའི་རྣམ་པར་རབ་ཤེས་ནས། །དེ་ཚེ་སངས་རྒྱས་ལག་པའི་ཐིལ་དུ་གཏོད་པར་འགྱུར། །ཅེས་སོ། །ཡེ་ཤེས་རྒྱ་མཚོ་ལས། རང་ལུས་སྒྱུ་མའི་རྣམ་པར་རབ་ཤེས་པས། །འགྲོ་ཀུན་སྐྱེས་པ་བུད་མེད་སྣ་ཚོགས་པ། །ཐམས་ཅད་གཟུགས་ནི་སྒྱུ་མའི་རྣམ་པ་ལས། །མཁས་པ་སུ་དག་དེ་ལས་གཞན་དུ་བརྗོད། །ཅེས་སོ། །

[Full Size]

མངོན་རྟོགས་བརྒྱན་ལས། རྨི་ལམ་ན་ཡང་ཆོས་རྣམས་ཀུན། །རྨི་ལམ་ལྟ་བུར་ལྟ་ལགས་སོ། །རྩེ་མོར་སྦྱིན་པ་སྦྱོར་བའི་རྟགས། །རྣམ་པ་བཅུ་གཉིས་དག་ཏུ་བཞེད། །ཅེས་སོ། །ནི་གུ་མས། རྒྱན་སྣ་རྟོག་པའི་རི་མོ་རྣམས། །སྒྱུ་མ་རྨི་ལམ་ཐག་བཅད་ནས། །འདུན་པ་དྲག་པོས་ཉམས་སུ་བླངས། །འཁྲུལ་སྣང་བྱུང་ན་ཡང་ཡང་སྦྱང་། །ཅེས་དང་། ཅི་སྣང་སྒོམ་དུ་མ་ཤེས་ན། །གཉེན་པོ་རྟེན་གྱིས་ག་ན་ལང་། །ཡུལ་ངན་སྤངས་པས་ག་ན་ཡོངས། སྒྱུ་མར་རྟོགས་པས་ཐམས་ཅད་རང་སར་གྲོལ། །ཅེས་སོ། །གཉིས་མེད་རྣམ་རྒྱལ་ལས། སྒྱུ་མ་འདི་ནི་ཡོད་མེད་ལས་འདས་ཤིང་། །དབུ་ཙམ་དུའང་མི་གནས་ཀུན་རྫོབ་སྟེ། །ཆོས་རྣམས་སྒྱུ་མའི་སྣང་བ་ལས། །འགག་པ་མེད་པའི་རོལ་པ་རང་འབྱུང་བའོ། །ཅེས་སོ། །བརྒྱ་བྱིན་

[Full Size]

གྱི་ལེའུ་ལས། ལྷའི་བུ་དག་གིས། རབ་འབྱོར་ལ་འདི་སྐད་ཅེས་སྨྲས་སོ། །འཕགས་པ་རབ་འབྱོར། ཅི་སེམས་ཅན་དེ་དག་ཐམས་ཅད་སྒྱུ་མ་ལྟ་བུ་ཡིན་ནམ། རབ་འབྱོར་གྱིས་སྨྲས་པ། ལྷའི་བུ་དག །སེམས་ཅན་ནི་སྒྱུ་མ་ལྟ་བུ། སེམས་ཅན་ནི་རྨི་ལམ་ལྟ་བུ་སྟེ། ལྷའི་བུ་དག །དེ་ལྟར་སྒྱུ་མ་དང་། སེམས་ཅན་དེ་དག་ནི་གཉིས་སུ་མེད་དེ་གཉིས་སུ་བྱར་མེད་དེ་ལྟར་རྨི་ལམ་དང་། སེམས་ཅན་དེ་དག་གཉིས་སུ་མེད་དེ་གཉིས་སུ་བྱར་མེད་དོ། །ལྷའི་བུ་དག་ཆོས་ཐམས་ཅད་ཀྱང་སྒྱུ་མ་ལྟ་བུ་རྨི་ལམ་ལྟ་བུའོ། །དེ་ནས་ལྷའི་བུ་དེ་དག་གིས། འཕགས་པ་རབ་འབྱོར་གྱིས་སྨྲས་པ། ལྷའི་བུ་དག་མྱ་ངན་ལས་འདས་པ་ཡང་སྒྱུ་མ་ལྟ་བུ་རྨི་ལམ་ལྟ་བུ་ཞེས་སྨྲ་ན། ཆོས་གཞན་ལྟ་ཅི་སྨོས། ལྷའི་བུ་དེ་དག་གིས་སྨྲས་པ། འཕགས་པ་རབ་འབྱོར་མྱ་

[Full Size]

ངན་ལས་འདས་པ་ཡང་སྒྱུ་མ་ལྟ་བུ། རྨི་ལམ་ལྟ་བུ་ཞེས་ཟེར་རམ། རབ་འབྱོར་གྱིས་སྨྲས་པ། ལྷའི་བུ་དག །ཁོ་བོ་ནི་གལ་ཏེ། མྱ་ངན་ལས་འདས་པ་ལས་ཁྱད་པར་དུ་འཕགས་པའི་ཆོས་གཞན་ཞིག་ཡོད་ཀྱང་། དེ་ཡང་སྒྱུ་མ་ལྟ་བུ། རྨི་ལམ་ལྟ་བུ་ཞེས་སྨྲའོ། །དེ་ནི་འདི་ལྟར་སྒྱུ་མ་ལྟ་བུ་དང་། རྨི་ལམ་ལྟ་བུ་དང་། མྱ་ངན་ལས་འདས་པ་འདི་དག་ནི་གཉིས་སུ་མེད་དོ། །གཉིས་སུ་བྱར་མེད་དོ། །ཅེས་གསུངས་སོ། །དེ་ལྟར་ཅི་སྣང་སྒྱུ་མ་རྨི་ལམ་དུ་ཁྱེར་བས། གཙོ་བོ་འདུན་འགྲོས་དང་བཅས་ཏེ་སངས་རྒྱ། དཔའོ་སྟག་གདོང་དང་བཅས་ཏེ། བུད་མེད་བལ་སྐུད་དང་བཅས་ཏེ། ལྷ་བཟོ་བ་སྤིར་དང་བཅས་ཏེ་སངས་རྒྱའོ་གསུང་ངོ་། །བླ་མ་དྭགས་པོ་ལྷ་རྗེ་ལ། སློབ་རྣམས་ཀྱིས་ཐབས་ལམ་འབྱོངས་པ་སུ་བདོག་ཞུས་པས། ཆོས་དབྱུང་གསུང་། སྒྱུ་མ་རྨི་ལམ་འོད་གསལ་འཕོ་བ་བར་དོ་འབྱོངས་པ་སུ་ཡོད་ཞུས་པས་ཀྱང་ཆོས་གཡུང་གསུང་། རྣལ་འབྱོར་ཆོས་གཡུང་དེ། ཁྱི་ལྤགས་གཉིས་སྦྱར་ནས། །སྦུད་པའི་

[Full Size]

གཟུགས་བྱས་པ་གཅིག་ལ། །འགྲོ་ན་བྲང་ཕགས། ལྟོ་བ་སྐོལ་ན་སྦུད་པ་ལ་སོགས་པ་གང་མཁོ་བ་བྱེད་པའི་ལྡོམ་བུ་ཅིག་ཡོད་པ་ལ། སློབ་མ་གཞན་རྣམས་ཀྱི་བསམ་པ་ལ། ལྡོམ་བུ་བ་འདི་ལ་དེ་ཙམ་པའི་བསྟོད་ར་ཅིག་དགོས་མོད་སྙམ་ནས། འཁོར་བ་ཚེས་མ་ཐེག་པར། ད་འདི་རྨ་དབབ་དགོས་པར་འདུག །དེ་ལ་བླ་མ་ལ་བཞེས་པ་འདྲེན་རེས་བྱས་པས། ཁོ་ལ་དྲང་རྒྱུ་མེད་ཙ་ན་རྨ་ཕེབས་ཡོང་ཟེར་ནས་གྲོས་བྱས། ཐམས་ཅད་ཀྱིས་དྲངས་ནས། །སང་ཆོས་གཡུང་ལ་འདྲེན་རེས་ཡོད་དོ་བྱས་པས། ཁོང་གིས། སྒོ་ཡོན་བསྐོར་ནས། ཕྲུ་བ་ཅིག་ཏུ་ཟན་དང་། །ཕྱེ་དང་། ཐུགས་པ་དང་སྟེར་བ་བྱུང་ཚད་བླུག་ནས། བླ་མ་ལ་དྲངས་པས་གསོལ། དེས་རྨ་ཡ་ཆ་གཅིག་མ་

[Full Size]

ཕེབས། ད་ཚོགས་འཁོར་ཤོམ་རེས་བྱེད་དོ་བྱས་ནས། གཞན་ཐམས་ཅད་ཀྱིས་ཚོགས་འཁོར་བཤམས། བཞེས་དགོངས་ཆོས་གཡུང་ལ་ཤོམ་རེ་ཡོད་དོ་བྱས་པས། ངའི་བཞེས་པ་དེའང་མགོ་ཐོན་ཅིག་མ་བྱུང་། ང་ལ་ཅི་ཡང་མེད་པའི་ཚོགས་འཁོར་རང་ཅི་ཡོང་ངམ་བྱས་པས། ཁྱོད་བླ་མའི་ཐུགས་ཟིན་གྱིས་མི་ཡོང་ན། གཞན་སུས་ཡོད་ཟེར། །དེ་ནུབ་རྨི་ལམ་བཟུང་ནས། ལྷའི་ཡུལ་དུ་ཕྱིན་ནས་གཞེས་ནུབ་བླ་མ་དྭགས་པོ་ལྷ་རྗེ་ལ་མཆོད་པ་ཕུལ་ཅིག་མི་འབུལ་ན་འདུལ་བ་ཡིན་ནོ། །ལྷ་མ་ཡིན་དང་། དྲི་ཟ་དང་། ཀླུའི་ཡུལ་དུ་ཕྱིན་པས། གཞེས་ནུབ་བླ་མ་ལ་མཆོད་པ་ཕུལ་ཅིག །མི་འབུལ་ན་འདུལ་བ་ཡིན་ནོ་ཅེས་སྡིགས་པས། ཐམས་ཅད་ཀྱི་ཁས་བླངས་སོ། །དེ་ནས་བླ་མ་ལ་ཁྲི་འཐོན་པོ་བཤམས་

[Full Size]

ནས། ཚོགས་འཁོར་མཛད་པའི་དུས་སུ་མེ་ཏོག་གི་ཆར། འཇའ་འོད། རོལ་མོའི་སྒྲ། གླུ་དབྱངས་སྙན་པ། དྲི་ཞིམ་པོ་དཔག་ཏུ་མེད་པ་བྱུང་བས། བླ་མ་ལ་འཁོར་རྣམས་ཀྱིས། འདི་རྣམས་ཅི་ལགས་ཞུས་པས། ཆོས་གཡུང་གི་ཅལ་ཅོལ་ཡིན་མོད་གསུང་། དེ་ནས་ཆོས་གཡུང་རྩོད་མེད་དུ་གྱུར། དེ་ནས་བླ་མས་འོ་ཅག་ལ་མ་བྱིན་པའི་གདམས་ངག་ཟབ་མོ་ཅིག་ཁོ་ལ་བྱིན་ཡོད་པར་འདུག་སྙམ་ནས། འཁམས་པའི་གྲྭ་པ་ཕྱུག་པ་རྣམས་ཀྱིས། ཁོང་ལ་ནོར་ཆེན་པོ་ཕུལ་ནས་ཞུས་པས། ནོར་རྣམས་བླངས་ནས་ཕོངས་པ་རྣམས་ལ་བྱིན། །ཁོང་གིས་གསུངས་ནས། ངས་འཆི་བ་མི་རྟག་པ་དང་། བླ་མའི་མོས་གུས་དང་། ཅིར་སྣང་སྒྱུ་

[Full Size]

མ་རྨི་ལམ་དུ་ཁྱེར་བ་དང་། གསུམ་པ་དེ་བསྒོམས་པས། ཆོས་དྲུག་ཀ་རྫོགས་ནས་བྱུང་བ་ཡིན་ནོ་གསུང་ངོ་། །དེས་ན། ཡེ་ཤེས་མཁའ་འགྲོ་ནི་གུ་མའི་སྒྱུ་ལུས་འབྲིང་པོ་དང་། ན་རོ་ཆོས་དྲུག་གི་སྒྱུ་ལུས་གཉིས་འདྲ་བ་ཡིན་ནོ་གསུང་ངོ་། ༈ །སྒྱུ་ལུས་དབང་པོ་འབྲིང་གི་སྐབས་སུ། །འཆི་བ་མི་རྟག་པ་དྲན་པ་དང་། །སྣང་བ་སེམས་སུ་སྒྲུབ་པ་དང་། །སེམས་སྒྱུ་མ་རྨི་ལམ་དུ་བསྒོམས་པ་ལ། །ཡིད་ཆེས་ཞིང་ཐག་ཆོད་ངེས་ཤེས་སྐྱེད་པར་བྱེད་པའི་ཐབས། མདོ་རྒྱུད་ཀྱི་ལུང་དང་། གཏམ་རྒྱུད་རྣམས། བླ་མ་འགྲོ་མགོན་ཆེན་པོའི་གསུང་ལ་ཇི་ལྟར་བྱོན་པ་བཞིན་དུ། བཙུན་པ་རྒྱལ་མཚན་འབུམ་གྱིས་ལྷག་ཆད་མེད་པར་ཡི་གེར་བཀོད་པའོ། མཁས་བཙུན་པས་མཛད་པས་དགེ་ལེགས་འཕེལ། །

སྙན་རྒྱུད་ཀྱི་གདམས་པ་སྣང་བ་རང་སེམས་ཀྱི་ཁྲིད།

[Full Size]

སྙན་རྒྱུད་ཀྱི་གདམས་པ་སྣང་བ་རང་སེམས་ཀྱི་ཁྲིད་བཞུགས་སོ། །

[Full Size]

བླ་མ་དམ་པའི་ཞབས་རྒྱུད་ནས། །མཁའ་འགྲོའི་སྙན་བརྒྱུད་ཞལ་གདམས་འདི། སློབ་མ་མཆོག་གི་གསོལ་བཏབ་པའི། །དོན་དུ་བདག་གི་ཡི་གེར་བཀོད། །དེ་ལ་སངས་རྒྱས་དང་སེམས་ཅན་ལ་སོགས་པ། ཕྱི་སྣོད། ནང་བཅུད་ཐམས་ཅད་རང་གི་སེམས་ལས་ཕྱི་རོལ་དུ་གྱུར་པའི་ཆོས་ཅི་ཀྱང་མེད་དེ། རྡོ་རྗེ་མགུར་ལས། རིན་ཆེན་སེམས་ལས་ཕྱིར་གྱུར་པའི་སངས་རྒྱས་མེད་ཅིང་

[Full Size]

སེམས་ཅན་མེད་ཅེས་དང་། བདེ་མཆོག་བརྒྱན་གྱི་རྒྱུད་ལས། སེམས་ལས་མ་གཏོགས་སངས་རྒྱས་དང་། །སེམས་ལས་མ་གཏོགས་ཆོས་གཞན་དག །སངས་རྒྱས་ཀྱིས་ཀྱང་མ་གཟིགས་ཤིང་། །མ་གསུང་གསུངས་པར་མི་འགྱུར་ཏེ། །ཞེས་གསུངས་སོ། །མྱ་ངན་ལས་འདས་པའི་ལེའུ་ལས། ཀྱཻ་རྒྱལ་བའི་སྲས་དག །ཁམས་གསུམ་པོ་འདི་ནི་སེམས་ལས་བྱུང་

[Full Size]

ཞིང་སེམས་ཙམ་སྟེ། སེམས་ལ་ནི་མཐའ་དང་དབུས་མེད་པའོ། །དེ་ལྟར་ཕྱི་སྣོད་ཀྱི་འཇིག་རྟེན་དང་། ནང་བཅུད་ཀྱི་སེམས་ཅན་ཐམས་ཅད་རང་སེམས་ཀྱི་ཕྱི་རོལ་དུ་དེ་དག་དེར་ཤར་ཤིང་སྣང་སྟེ། ལང་ཀར་གཤེགས་པ་ལས། ཕྱི་རོལ་གཟུགས་ནི་ཡོད་མིན་ཏེ། །རང་གི་སེམས་ནི་ཕྱི་རོལ་སྣང་། །ཞེས་པས། ཕྱི་རོལ་གྱི་འབྱུང་བཞིའི་རེ་རེ་ལ་རིགས་དྲུག་གི་སྣང་བ་སོ་སོར་འཆར་ཏེ། མདོ་འཇིག་རྟེན་བསྟན་བཞག་ལས། ཆུ་བོ་ཆེན་པོ་གཅིག་ལ་རིགས་དྲུག་སོ་སོའི་སྣང་བ་འཆར་ཏེ། །དམྱལ་བ་རྣམས་ལ་ཁྲོ་ཆུའོ། །ཡི་དྭགས་རྣམས་ལ་གནག་ཁྲག །དུད་འགྲོ་བྱིངས་ན་གནས་པ་རྣམས་ལ་གནས། མི་ལ་ཆུ། ལྷ་མ་ཡིན་ལ་གོ་མཚོན། ལྷ་ལ་བདུད་རྩིའོ། །དེ་བཞིན་དུ་ས་ལ་ཡང་ཐ་དད་དུ་འཆར་ཏེ། ཞི་བ་ལྷས། །

[Full Size]

ལྕགས་སྲེགས་ས་གཞི་སུ་ཡིས་བྱས། །མེ་ཚོགས་དེ་དག་གང་མས་བྱུང་། །དེ་འདྲ་དེ་དག་ཐམས་ཅད་ཀྱང་། །སྡིག་སེམས་ཡིན་པར་ཐུབ་པས་གསུངས། །ཞེས་སོགས་མདོ་རྒྱུད་ཀྱི་འཁོར་འདས་ཀྱི་ཆོས་ཐམས་ཅད་རང་གི་སེམས་སུ་གསུངས་པའི་ལུང་རྣམས་མང་གྱི་དོགས་ནས་མ་བྲིས་སོ། །དེ་ལ་སྣང་བ་འདི་ཐམས་ཅད་རང་གི་སེམས། སེམས་སྣང་སྟོང་སྒྱུ་མ། སྒྱུ་མ་མཐའ་བྲལ་ཕྱག་རྒྱ་ཆེན་པོ་རྟོགས་པར་བྱའོ། །དེ་ཉིད་ཉམས་སུ་ལེན་པར་འདོད་པས། ཐོག་མར་གནས་དབེན་པར་འཆི་བ་མི་རྟག་པ་དང་། འཁོར་བ་ལ་སྐྱོ་ཤས་དྲག་པོ་བསྐྱེད་ནས། ལུས་ཡི་དམ་སྣང་སྟོང་གི་སྤྱི་བོར་བླ་མ་བསྒོམ། །མདུན་དུ་ནམ་མཁའ་དང་མཉམ་པའི་སེམས་ཅན་ཐམས་ཅད་དང་ཐུན་མོང་དུ་གསོལ་བ་བཏབ་པར་བྱ་སྟེ། བླ་མ་རིན་པོ་བདག་འཛིན་

[Full Size]

བློས་ཐོང་བར་མཛད་དུ་གསོལ། །དགོས་མེད་རྒྱུད་ལ་སྐྱེ་བར་མཛད་དུ་གསོལ། སྣང་བ་སེམས་སུ་རྟོགས་པར་མཛད་དུ་གསོལ། །ཞེས་པའི་གསོལ་བ་དོས་དྲག་ལ་རྒྱུན་ཆད་མེད་པར་བཏབ་པས། སྣང་བ་བདེན་མེད་དུ་སོང་བ་དང་། ཐོག་མར་ས་ལ་སླབ་པར་བྱ་སྟེ། རྡེའུ་རྩ་ཤིང་ཕྲ་བ་ཐམས་ཅད་ལ་འདི་ཐམས་ཅད་རང་གི་སེམས། སེམས་རྩི་ཤིང་ལ་སོགས་པ་ཕྲ་མོར་སྣང་། །ཤར་ནས་འདུག་སྙམ་དུ་འདུན་པ་རྩེ་གཅིག་ཏུ་བཏང་བར་བྱའོ། །དེ་བཞིན་དུ་ཁང་པ་དང་བྲག་རི་ཆེན་པོ་ལ་སོགས་པ་རགས་པ་ཐམས་ཅད་ལ་གོང་བཞིན་དུ་བསྒོམ་མོ། །དེ་ལ་བརྟན་པ་དང་། ཆུ་ཕྲ་རགས། ཉི་མ་དང་མེ་ཕྲ་རགས། རླུང་ཕྲ་རགས་ཐམས་ཅད་ལ། ཟླ་ཕྱེད་ཞག་བཅུ་ལ་སོགས་པ་ཅི་སྣང་སེམས་སུ་མ་གཏོགས་རིང་ལ་རིམ་པ་བཞིན་དུ་བསྒོམ་པར་བྱའོ། །དེ་ནས་ནང་བཅུད་

[Full Size]

ཀྱི་སེམས་ཅན་ཐམས་ཅད་ལ་སླབ་པར་བྱ་སྟེ། སྤྱིར་ཕོ་ཆགས། དགོས་སུ་སྐྱེས་པ། ཁྱད་པར་དུ་ཞེ་སྡང་སྐྱེ་བའི་ཡུལ་དེ། རང་གི་སེམས་དེར་སྣང་དེར་ཤར་ནས་འདུག་ཨང་སྙམ་དུ་མདུན་པ་རྩེ་གཅིག་ཏུ་བཏང་ངོ། །དེར་བཞིན་དུ་སྤྱིར་མོ་ཆགས། དགོས་སུ་བུད་མེད། ཁྱད་པར་འདོད་ཆགས་སྐྱེ་བའི་ཡུལ་དེ་རང་གི་སེམས་དེར་སྣང་དེར་ཤར་བས་ན་སྣང་བ་འདི་རང་གི་སེམས་སུ་འདུག་སྙམ་དུ་རྟོགས་པར་བྱའོ། །དེ་བཞིན་དུ་རྟ་དང་གླང་པོ་དང་། མ་ཧེ་དང་། སྟག་དང་། དོམ་དང་། སྤྱང་ཀི་དང་། དུག་སྦྲུལ། འབུ་སྲིན་དང་། གྲོགས་སྦུར་ལ་སོགས་པ་སེམས་ཅན་ཕྲ་རགས་ལ་སོགས་པ་ཐམས་ཅད་རང་གི་སེམས་སུ་འདུག །དེར་སྣང་དེར་ཤར་བས་ན་སྣང་སེམས་དབྱེར་མེད་དུ་རྟོགས་པར་བྱའོ། །སྣང་སེམས་དབྱེར་མེད་དུ་

[Full Size]

རྟོགས་པ་དེས། ས་བདུན་པ་ཐོབ་པར་འགྱུར་རོ། །ཀུན་དགའ་བོའི་ཞུས་པའི་མདོ་ལས། སྣང་སེམས་དབྱེར་མེད་རྟོགས་གྱུར་ན། ས་བདུན་པ་ནི་ཐོབ་པར་འགྱུར། །ཅེས་པ་དང་། ཕལ་ཆེན་ལས་ཀྱང་དེ་ལྟར་གསུང་ངོ་། །དེ་ལ་གོམས་ཤིང་བརྟན་པར་གྱུར་པ་དང་། སེམས་སྣང་དུས་ན་སྟོང་པས་སྣང་དུ་ཤེས་པར་བྱ་སྟེ། སྔར་བཞིན་དུ། བླ་མ་ལ་གསོལ་བ་གདབ་པར་བྱ་སྟེ། སྣང་བ་སེམས་སུ་རྟོགས་པར་མཛད་དུ་གསོལ། སེམས་སྣང་སྟོང་དུ་རྟོགས་པར་མཛད། ཞེས་གསོལ་བ་དྲག་པོ་བཏབ་ནས། གོང་བཞིན་དུ། ས་ཕྲ་རགས་འདི་རྣམས་རང་གི་སེམས། སེམས་སྣ་ཚོགས་སུ་སྣང་བ་འདི། སྣང་དུས་ན་སྟོང་པས་སྟོང་དུ་འདུག་སྙམ་དུ་བསྒོམ་མོ། །དེ་བཞིན་དུ་ཆུ་ཕྲ་རགས། ཉི་མ་དང་མེ་ཕྲ་རགས། རླུང་ཕྲ་རགས་ཐམས་ཅད་སྣང་དུས་ན་སྟོང་པས་སྣང་སྟོང་དུ་ཤེས་པར་བྱའོ། །མདོར་ན། ས་རྡོ་རི་བྲག །

[Full Size]

རྩི་ཤིང་ནགས་ཚལ། རྒྱ་མཚོ་ཆུ་ཕྲན། ཁང་ཁྱིམ་ཡུལ་གཞིས་ཐམས་ཅད་རང་གི་སེམས་དེ་རྣམས་དུ་སྣང་། སྣང་དུས་ན་སྟོང་པས་སེམས་སྣང་སྟོང་སྒྱུ་མར་ཤེས་པར་བྱའོ། །དེ་ནས་གསོལ་འདེབས་སྔོན་དུ་སོང་བས། སྤྱིར་མོ་ཆགས། དགོས་སུ་བུད་མེད། ཁྱད་པར་དུ་འདོད་ཆགས་སྐྱེ་བའི་ཡུལ་དེ་རང་གི་སེམས་བུད་མེད་དུ་སྣང་ཞིང་ཤར། དེ་སྣང་དུས་ན་སྟོང་པས་སྣང་སྟོང་དུ་འདུག་སྟེ། ཡབ་སྲས་མཇལ་བ་ལས། རྒྱལ་པོ་ཆེན་པོ། སྐྱེས་བུ་གཉིད་ལོག་པའི་རྩལ་ན། ཡུལ་གྱི་བུད་མེད་བཟང་མོ་དང་རྩེ་དགའ་འཕྱོ། གླུ་ལེན། པི་ཝང་སྒྲོག །འདོད་པ་རྟེན། དེ་ལ་ཆགས་ཞེན་ཏེ། དེ་མཁས་པའི་རང་བཞིན་ཅན་ཡིན་ནམ། ཀྱེ་བཙུན་པ་བཅོམ་ལྡན་འདས་དེ་ལྟར་མ་ལགས་སོ། །རྒྱལ་པོ་ཆེན་པོ་

[Full Size]

བུད་མེད་ཉིད་མི་དམིགས་ན། གླུ་ལེན་པ་དང་། པི་ཝང་སྒྲོགས་པ་དང་། འདོད་པ་རྟེན་པ་ལྟ་ག་ལ་འགྱུར། །རང་གི་སེམས་བུད་མེད་དུ་སྣང་བའི་ཕྱིར་རོ། །སྣང་དུས་ལ་སེམས་ལ་སྣང་སྟོང་དུ་ཤེས་པར་གྱིས་ཤིག །དེ་བཞིན་དུ་བཙུན་མོ་དྲུག་ཁྲི་པོ་ཡང་དེ་ལྟར་ཤེས་པར་གྱིས་ཤིག །ཅེས་དང་། བྲམ་ཟེ་ཆེན་པོ་ལྔ་ན་མེད་པའི་སྒེག་མོ་ཅན་དང་འཕྲད། ཉལ་བས་སེམས་ནི་གཞི་མེད་ལ་རྟེན་རང་གི་སེམས་དང་ཐ་དད་མ་ལྟ་ཅིག །དེ་ཚེ་སངས་རྒྱས་ལག་ཏུ་སྡོད་པ་ཡིན། །ཞེས་སོ། །དེ་ནི་འདོད་ཆགས་སམ་བདེ་བའི་རྨི་ལམ་མོ། །དེ་བཞིན་དུ་ན། སྤྱིར་ཞེ་སྡང་སྐྱེ་བའི་ཡུལ། ཕོ་ཆགས། དགོས་སྐྱེས་དང་། ཁྱད་པར་དུ་ཞེ་སྡང་སྐྱེ་བའི་ཡུལ་དེ་རང་གི་སེམས་དེར་སྣང་། དེར་ཤར། སྣང་དུས་སྟོང་པས་སྣང་སྟོང་སྒྱུ་མར་ཤེས་པར་བྱའོ། །

[Full Size]

མདོ་དེ་ཉིད་ལས། རྒྱལ་པོ་ཆེན་པོ། སྐྱེས་བུ་གཉིད་ལོག་པའི་རྨི་ལམ་ན། དགྲས་དེད་བཙོན་དུ་གཟུང་། ལྕགས་སུ་བཅུག །ཁྲི་མུན་དུ་གྱུར་ནས་གསོད་པར་བྱས་པས། སྐྲག་དངངས་དྲེད་པར་གྱུར་ན། སྐྱེས་བུ་དེ་མཁས་པའི་རང་བཞིན་ཅན་ཡིན་ནམ། བཅོམ་ལྡན་འདས་དེ་ལྟར་མ་ལགས་སོ། །རྒྱལ་པོ་ཆེན་པོ་དགྲ་དེ་ཉིད་མི་དམིགས་ན། བཙོན་དུ་གཟུངས་པ་དང་། གསོད་པ་སོགས་དམིགས་པ་ལྟ་ག་ལ་འགྱུར། རང་གི་སེམས་དགྲར་སྣང་བའི་ཕྱིར་རོ། །སྣང་དུས་ན་སྟོང་པས་སྣང་སྟོང་དུ་ཤེས་པར་གྱིས་ཤིག །རྒྱལ་པོ་ཆེན་པོ་གཞན་ཡང་སྐྱེས་བུའི་རྨི་ལམ་ན། སྟག་དང་སེང་གེ་དང་། དོམ་དང་། དུག་སྦྲུལ་གྱི་དེད་སོས་བཏབ་ནས། དངངས་སྐྲག །རེངས་པར་གྱུར་ན། སྐྱེས་བུ་དེ་མཁས་པའི་རང་བཞིན་

[Full Size]

ཅན་ཡིན་ནམ། བཅོམ་ལྡན་འདས་དེ་ལྟར་མ་ལགས་སོ། །རྒྱལ་པོ་ཆེན་པོ་གཅན་གཟན་ཉིད་མི་དམིགས་ན། དེས་དེད་པ་དང་སོས་བཏབ་པ་དམིགས་པ་ལྟ་ག་ལ་འགྱུར། །རང་གི་སེམས་གཅན་གཟན་དུ་སྣང་བའི་ཕྱིར་རོ། །སྣང་དུས་ན་སྟོང་པས་སྣང་སྟོང་དུ་ཤེས་པར་གྱིས་ཤིག །གཅན་གཟན་གྱི་སྤུའི་རྩེ་མོ་ཙམ་ཡང་མི་དམིགས་པའི་ཕྱིར་རོ། །དེ་བཞིན་དུ། ཤཱཀྱའི་རིགས་ལྔ་བརྒྱ་དང་གཅན་གཟན་རྣམས་ཀྱང་ཤེས་པར་གྱིས་ཤིག །དེ་ནི་སྡུག་བསྔལ་ལམ་ཞེ་སྡང་གི་རྨི་ལམ་མོ། །གཞན་ཡང་འབྱུང་བ་དང་། །སེམས་ཅན་སྣ་ཚོགས་ཀྱི་རྨི་ལམ་དུ་ཤེས་པར་བྱའོ། །དེ་ནི་སྟོང་སྙོམས་ཀྱི་རྨི་ལམ་མོ། །དེ་ལྟར་འབྱུང་བཞི་ཕྲ་རགས། །སེམས་ཅན་ཕྲ་རགས། སྤྱོད་ལམ་བཞིའི་རྨི་ལམ་གསལ་པོ་རྨིས་ནས་གཉིད་སད་མ་ཐོག་ཏུ། རང་གི་སེམས་ཐ་དད་པར་

[Full Size]

མི་ལྟ་སྟེ། ཕྱི་རུ་རབ་གནང་གི་ཞུས་པའི་མདོ་ལས། འགྲོ་ཀུན་སྐྱེས་པ་བུད་མེད་སྣ་ཚོགས་རྨིས། རང་གི་སེམས་དང་ཐ་དད་མི་བྱ་སྟེ། །དེ་ཚེ་སངས་རྒྱས་ལག་ཏུ་སྟོད་པར་འགྱུར། །ཞེས་གསུངས་པས་ཆགས་སྡང་། སྟོང་སྙོམས་ཀྱི་ཡུལ་ཐམས་ཅད་དེ་བཞིན་དུ་ཤེས་པར་བྱའོ། །འདུལ་བ་ལུང་དང་དཀོན་རྩེགས། ལྷའི་བུ་རབ་རྩལ་གྱི་ཞུས་པ་གསུམ་དང་། ཡབ་སྲས་མཇལ་བ་ལ་རྒྱས་པ་རྣམས་སུ་ཤེས་པར་བྱའོ། །དེ་ནས་གསོལ་འདེབས་སྔོན་དུ་སོང་བས། འབྱུང་བཞི་ཕྲ་རགས། སེམས་ཅན་ཕྲ་རགས་ཐམས་ཅད་ཡི་དམ་དུ་བལྟས་ན། འདི་ཐམས་ཅད་རང་གི་སེམས། སེམས་དང་ལྷ་སྐུ་དབྱེར་མི་ཕྱེད་པ། སྣང་སྟོང་དབྱེར་མེད་མཐའ་བྲལ་སྒྱུ་མར་སྒོམ། མདོར་ན་སྣང་བ་ཐམས་ཅད་སེམས། སེམས་

[Full Size]

ལྷ་སྐུ་མཐའ་བྲལ། སྟོང་གསལ་བདེ་བ་ཆེན་པོར་རྟོགས་པར་བྱའོ། །དེ་ལ་བཀའ་མདོ་རྒྱུད་དང་། མཁའ་འགྲོའི་ཞལ་གྱི་གདམ་པ་རྣམས་གཏན་ཐོག་གཅིག་ཐུན་གཅིག །སྐད་ཅིག་མ་གཅིག་ལ་ཉམས་སུ་བླང་བར་བྱའོ། །ལུས་ལྷ་སྐུ་སྣང་སྟོང་། སྟོང་གསལ་མཐའ་བྲལ་འོད་ཀྱི་རང་བཞིན་དང་མ་བྲལ་བ། །སྤྱི་བོར་བླ་མ་དང་མ་བྲལ་བའི་མོས་གུས་རྩེ་གཅིག་པའོ། །ངག་སྔགས་དྲག་སྟོང་དང་མ་བྲལ་བའོ། །སེམས་སྟོང་གསལ་བདེ་བ་ཆེན་པོ་དང་མ་བྲལ་བར་བྱའོ། །དེ་ལྟར་ཉམས་སུ་བླངས་པས་རབ་ལོ་གཅིག །འབྲིང་ལོ་གཉིས། ཐ་མ་ལོ་གསུམ་ན། ཡང་དག་པའི་མཁའ་སྤྱོད་དུ་འགྲོ་བར་འགྱུར་རོ། །མཁའ་འགྲོའི་མའི་སྙན་བརྒྱུད་སྙིང་པོ་བསྡུས་པ་འདི་ཆིག་བརྒྱུད་ཡིན་པས་གཞན་ལ་རྫོགས་པར་བྱིན་པ་དང་ཡི་གེར་བཀོད་པ་མེད་པས་གསང་བའི་དམ་ཚིག་ལ་གནས་ཤིང་སུ་

[Full Size]

ལའང་བསྟན་པར་མི་བྱའོ། །སློབ་མ་མི་གཞི་བརྟན་པ། དད་པ་ཆེ་བ། གསང་བའི་དམ་ཚིག་ལ་གནས་པ་ལོ་ལྔ་སྒྲུབ་ནུས་པ་ཅིག་ལ་སྦྱིན་པར་བྱའོ། །མཁའ་འགྲོའི་ཞལ་གདམས་ཆིག་བརྒྱུད་འདི། །དེ་སྔ་བྱིན་པ་ཡོད་རི་ཤི། །ཚེ་འདི་བློས་བཏང་ཉམས་ལེན་ལ། །རྩེ་གཅིག་སྒྲུབ་པ་མཛད་པར་ཞུ། །མངྒ་ལཾ།། །།

རིན་པོ་ཆེ་འོད་ཀྱི་ཕྲེང་བ་མཉམ་མེད་རིན་ཆེན་བརྩོན་འགྲུས་ཀྱིས་མཛད་པ། རྗེ་བཙུན་རཏྣ་བཱིརྱ།

[Full Size]

རིན་པོ་ཆེ་འོད་ཀྱི་ཕྲེང་བ་མཉམ་མེད་རིན་ཆེན་བརྩོན་འགྲུས་ཀྱིས་མཛད་པ་བཞུགས་སོ། །

[Full Size]

ན་མོ་རཏྣ་གུ་རུ། དུས་གསུམ་སངས་རྒྱས་རྣམས་ཀྱི་ཐུགས། །བདེ་གསལ་མི་རྟོག་དབྱེར་མེད་དོན། །རིག་པ་ཆེན་པོ་སྐྱེས་བུའི་གཟུགས། །དབྱེར་མེད་རྡོ་རྗེའི་སྐུ་ལ་འདུད། །བླ་མའི་གསུང་ལ་རྟེན་པ་དང་། །རང་གི་ཉམས་སུ་བླངས་པ་ལས། །རྟོགས་པའི་རིམ་པ་ཅུང་ཟད་ཙམ། །རང་སེམས་གསལ་འདེབས་དོན་དུ་བྲི། །བླ་མ་དམ་པའི་ཞལ་སྔ་ནས། །ལུས་ནི་རྣམ་པ་གསུམ་ཡིན་གསུངས། །ད་ལྟ་རྣམ་པར་

[Full Size]

སྨིན་པའི་ལུས། །རྨི་ལམ་བག་ཆགས་ལུས་ཡིན་གསུངས། །བར་དོ་ཡིད་ཀྱི་ལུས་སུ་གསུངས། །རྣམ་པར་སྨིན་པའི་ལུས་འདི་ནི། །རྒྱུ་ནི་ལས་ཀྱི་འཕངས་པ་ཡིན། །རྐྱེན་ནི་འབྱུང་བས་བསྒྱུར་བ་ཡིན། །སྔ་མ་ལས་ལྟོས་འབྲས་བུ་ལགས། །ཕྱི་མ་ལས་ལྟོས་རྒྱུ་རུ་གསུངས། །རྣམ་ཤེས་བརྟེན་པའི་ལུས་འདི་ནི། །ཕྱི་ནང་སྡུག་བསྔལ་བསྐྱེད་པ་ཡིན། །བསྐྱེད་པར་བྱེད་པ་ས་ཡིན་ཏེ། །ས་ཡི་གནོད་

[Full Size]

པ་འབྱུང་བ་ཡིན། །སྡུད་པར་བྱེད་པ་ཆུ་ཡིན་ཏེ། །ཆུ་ཡི་གནོད་པ་འབྱུང་བ་ཡིན། །སྨིན་པར་བྱེད་པ་མེ་ཡིན་ཏེ། །མེ་ཡི་གནོད་པ་འབྱུང་བ་ཡིན། །འཕེལ་བར་བྱེད་པ་རླུང་ཡིན་ཏེ། །རླུང་གི་གནོད་པ་འབྱུང་བ་ཡིན། །གོ་འབྱེད་པ་ནི་ནམ་མཁའ་འོ། །དེ་རྣམས་ཕྱིའི་སྡུག་བསྔལ་ལོ། །ནང་གི་སྡུག་བསྔལ་བསྐྱེད་པ་ནི། །ས་ཡིས་བད་ཀན་བསྐྱེད་པ་ཡིན། །ཆུ་ཡིས་གྲང་བ་བསྐྱེད་པ་ཡིན། །མེ་ཡིས་ཚད་པ་བསྐྱེད་པ་ཡིན། །རླུང་གིས་ཀུན་གྱི་སྡོང་ཟླ་བྱེད། །གོ་འབྱེད་པ་ནི་ནམ་མཁའ་འོ། །ནད་དང་དགྲ་དང་གདོན་དང་གསུམ། །ལུས་ལ་རྟེན་ནས་འབྱུང་བ་ཡིན། །འདོད་ཆགས་ཞེ་སྡང་གཏི་མུག་གསུམ། །ལུས་ལ་རྟེན་ནས་འབྱུང་བ་ཡིན། །སྒྱུ་མའི་དོན་དང་མི་མཐུན་པས། །ལོག་པའི་ཀུན་རྫོབ་ཞེས་སུ་བཤད། །རྣམ་སྨིན་ལས་ནི་གྲུབ་པའི་ལུས། །བསྐྱེད་པ་

[Full Size]

ཡིད་ཀྱིས་བསྐྱེད་པ་ཡིན། །བསོག་པ་བག་ཆགས་གསོག་པ་ཡིན། །འཁོར་བའི་གནས་སུ་བདེ་སྡུག་ཙམ། དེ་ནི་རྣམ་སྨིན་ལུས་སུ་གསུངས། །རྣམ་སྨིན་བག་ཆགས་ལུས་འདི་ནི། །བླ་མ་དམ་པའི་གདམ་ངག་དང་། །མདོ་རྒྱུད་ཟབ་མོའི་དགོངས་པ་དང་། །བག་ཆགས་ལུས་ལ་རྟེན་ནས་སུ། །སྒྱུ་མ་ཉམས་སུ་བླངས་པ་ལས། །སྔར་གྱི་བག་ཆགས་སྒབ་འདྲེར་འབྲེངས། །སྡུག་བསྔལ་བསྐྱེད་པས་ཆགས་སྡང་རྒྱས། །རིག་པས་ཚར་ནི་བཅད་པར་བྱ། །མོས་གུས་བསམ་པ་བསྐྱེད་པ་དང་། །བྱིན་རླབས་རྒྱུན་མི་ཆད་པ་ཡི། །བརྒྱུད་ལྡན་བླ་མ་དམ་པ་ལ། །གསོལ་བ་དྲག་ཏུ་བཏབ་པར་བྱ། །དེ་ལ་ངེས་ཤེས་མ་སྐྱེས་ན། །ཉིན་པར་དུས་སུ་ལུང་སྟོང་དུ། །ཉམ་ང་མེད་པའི་སྤྱོད་པ་བྱ། །གསོལ་བ་དྲག་ཏུ་བཏབ་པར་བྱ། །བླ་མ་རྣམས་ཀྱང་ཐུགས་རྗེ་ཆུང་། །

[Full Size]

མཁའ་འགྲོ་རྣམས་ཀྱང་བྱིན་རླབས་ཉམས། །བདག་ཀྱང་ལས་འཕྲོ་ཟད་དམ་ཨང་། །བྱིན་གྱིས་རློབས་ཤིག་སྤྲུལ་པའི་སྐུ། །སྣང་སྟོང་སྒྱུ་མའི་ལུས་འདི་ལ། །སྤྲིན་དང་བྲལ་བའི་ཟླ་བ་བཞིན། །རིག་པ་གསལ་སྣང་བསྐྱེད་དུ་གསོལ། །དེས་ཀྱང་ཟིན་པར་མ་གྱུར་ན། །ལུས་ཀྱི་གནད་ནི་གསུམ་ཡིན་ཏེ། །དང་པོ་སེང་གེའི་ཉལ་ཐབས་སུ། །གཉིས་པ་ཙོག་པུར་བསྡད་པར་བྱ། །སྒལ་ཚིག་བསྲངས་ལ་ལྟག་པ་བགྱེད། །གསུམ་པའི་གནད་དུ་ཤེས་པར་བྱ། །དེ་ལྟར་ཡང་དང་ཡང་བསྒོམས་པས། །དམ་དུམ་ཀྲཾ་ཀྲིམ་འབྱུང་བར་འགྱུར། །གཉིད་སད་དུས་ན་བསྲེ་བར་བྱ། །ཤར་དང་སྣང་དང་དོན་བྱེད་ནུས། །ཤེས་ནས་གྲོལ་བར་བྱེད་པ་ཡིན། །མཚན་ནི་ཡང་དག་བརྗོད་པ་ལས། །བདག་རིག་གཞན་རིག་ཐམས་ཅད་པ། །ཀུན་ལ་ཕན་པའི་གང་ཟག་མཆོག །བདག་རིག་སྒྱུ་མའི་

[Full Size]

ལུས་སུ་རིག །གཞན་རིག་འགྲོ་བའི་དོན་རྣམས་འབྱུང་། །གཉིས་སུ་མེད་པ་ཟུང་འཇུག་སྐུ། །བདག་རིག་མེད་ན་གཞན་རིག་མེད། །རང་སྣང་མེད་ན་གཞན་སྣང་མེད། །མཉམ་བཞག་སྒྱུ་མའི་མཚན་ཉིད་དང་། །རྗེས་ཤེས་འདི་ལྟར་སྣང་བ་འདི། །བསྲེ་བར་གནས་ཤིང་ཆེ་བར་གསུངས། །གཉིད་ལོག་བག་ཆགས་ལུས་འདི་ནི། །རྨི་ལམ་དུ་ནི་ཤེས་ཙམ་ན། །བག་ཆགས་སྒབ་འདྲེར་འབྲེང་བ་ཡིས། །རྨི་ལམ་སྦྱོང་བའི་དུས་ཙམ་ན། །ཡ་ང་བག་ཚ་བྱུང་བ་ཡིན། །བྱུང་བའི་དུས་ནི་འདི་ལྟར་བསམ། །སྡུག་བསྔལ་བསྐྱེད་པ་འབྱུང་བའི་ལུས། །མལ་ན་བཞག་ནས་ཡོད་པ་ཡིན། །འདི་ནི་ཡིད་ཀྱི་ལུས་ཡིན་ན། །འདི་ལ་འཇིགས་སུ་ཅི་ཞིག་ཡོད། །རང་སེམས་ཤར་བ་རང་གི་སེམས། །ཤེས་པའི་དུས་ན་འཇིགས་པ་

[Full Size]

མེད། །གཞན་ཡང་སྒྱུ་མ་སྦྱང་བ་ནི། །འབྱུང་བ་ས་དང་ཕྲད་ཙམ་ན། །ཐོགས་རྡུག་མེད་པར་སྦྱང་བར་བྱ། །འབྱུང་བ་ཆུ་དང་ཕྲད་ཙམ་ན། །ཆུ་རུ་སྒོམ་ཞིང་ཆུ་རུ་སྤྲུལ། །འབྱུང་བ་མེ་དང་། མེ་རུ་བསམ་ཞིང་མེ་རུ་སྤྲུལ། །འབྱུང་བ་རླུང་དང་ཕྲད། །ཉམ་ང་མེད་པར་སྦྱང་བར་བྱ། །གཞན་ཡང་འདི་ལྟར་སྦྱང་བར་བྱ། །རིག་པ་ནམ་མཁར་སྤང་བསྟོད་ལ། །ཉི་ཟླའི་སྟེང་དུ་བསྒོམ་པར་བྱ། །མདའ་ལྟར་འོག་ཏུ་འཕང་བྱས་ནས། །རྒྱ་མཚོའི་གཏིང་དུ་སྦྱངས་པར་བྱ། །གཞན་ཡང་འདུན་པ་སྔོན་བཏང་བས། །སུམ་ཅུ་རྩ་གསུམ་ནས་བཟུང་སྟེ། །འོག་མིན་མན་ཆད་བལྟ་བར་བྱ། །འདུན་པ་སྔོན་དུ་སོང་བ་ཡི། །བདེ་བ་ཅན་དུ་གྱི་ཞིང་ཁམས་སུ། །མཆོད་པ་རྒྱ་ཆེན་དབུལ་བར་བྱ། །འདུན་པ་བཏང་བའི་ཁྱད་པར་གྱིས། །རི་བོ་པོ་ཏ་ལ་ཡི་ཁར། །འཕགས་

[Full Size]

པ་ཐུགས་རྗེ་ཆེན་པོ་ལ། །ཞལ་ལྟ་གདམས་ངག་ཞུ་བར་བྱ། །རྒྱ་ཡི་རི་བོ་རྩེ་ལྔ་ལ། །འཕགས་པ་འཇམ་དཔལ་གཞོན་ནུ་ལ། །ཞལ་ལྟ་གདམས་ངག་ཞུ་བར་བྱ། །ལྕང་ལོ་ཅན་གྱི་གནས་མཆོག་ཏུ། །གསང་བདག་ཕྱག་ན་རྡོ་རྗེ་ལ། །ཞལ་ལྟ་གདམས༴ རིགས་གསུམ་མགོན་པོའི་སྦྱོངས་ལུགས་ཡིན། །ཡི་དམ་ལྷ་ལ་སྦྱང་བ་ནི། །ཐམས་ཅད་སེམས་ཀྱི་རྣམ་འཕྲུལ་ཡིན། །བཅོམ་ལྡན་དགྱེས་པ་རྡོ་རྗེ་ལ། །ལྷ་མོ་བརྒྱད་ཀྱི་འཁོར་གྱིས་བསྐོར། །དཀྱིལ་འཁོར་ཡོངས་སུ་རྫོགས་པ་ལ། །ཕྱི་ནང་གསང་བའི་མཆོད་པ་དབུལ། །རྒྱུད་སྡེ་བཞི་ཡི་གདམས་ངག་ཞུ། །འགྲོ་དྲུག་སེམས་ཅན་ཐམས་ཅད་ཀྱང་། །ཡི་དམ་ལྷ་རུ་བསྒོམ་པར་བྱ། །བཅོམ་ལྡན་འཁོར་ལོ་བདེ་མཆོག་ནི། །ལྷ་མོ་ལྔའི་ལྷ་ཚོགས་ལ། །གཞལ་ཡས་དུར་ཁྲོད་རྒྱན་གྱིས་བརྒྱན། །ཕྱི་ནང་གསང་བའི་

[Full Size]

མཆོད་པས་མཆོད། །རྒྱུད་སྡེ་བཞི་ཡི་གདམས་ངག་ཞུ། །འགྲོ་དྲུག་སེམས་ཅན་ཐམས་ཅད་ཀྱང་། །ཡི་དམ་ལྷ་རུ་བསྒོམ་པར་བྱ། །སྣང་བ་ལྷ་རུ་བསྒྱུར་བཏུབ་ན། །བར་དོ་ཟིན་པར་བླ་མས་གསུང་། །རྨི་ལམ་འབྱོངས་པའི་དུས་ཙམ་ན། །སྣང་བ་རང་བཞིན་མེད་པ་སྟེ། །ཟུང་དུ་འཇུག་པ་སྒྱུ་མའི་སྐུ། །སྒྱུ་མའི་སྐུ་དེ་ཤེས་དུས་སུ། །ཐ་མལ་ལུས་སུ་ཁྱུར་གྱིས་འགྱུར། །འཁྲུལ་པའི་བག་ཆགས་ཡོད་པའི་རྟགས། །སྔར་གྱི་སྒབ་འདྲེ་འབྲེངས་པ་ཡིན། །གཉིད་སད་ནས་ནི་བསྲེ་བ་གཅེས། །བསྲེ་བ་གསུམ་གྱི་གདམས་ངག་ནི། །ཉམས་མྱོང་བདེ་བའི་ཉམས་སུ་མྱོང་། །དཔེའི་སྒྱུ་མ་ཁ་ན་མཚོན། །དོན་གྱི་སྒྱུ་མ་གཏན་ལ་འབེབས། །དེ་ལ་དཔེའི་སྒྱུ་མ་ནི། །ཉམས་མྱོང་དྲི་མ་མེད་པ་ལ། །རང་གི་བཞིན་ནི་བལྟ་བྱས་ནས། །དེ་ལ་བསྟོད་དང་སྨད་པའི་ཚིག །བསྟོད་པས་དགའ་བར་མི་བྱེད་ཅིང་། །སྨད་པས་མི་དགའ་

[Full Size]

མི་བྱེད་ན། །འཇིག་རྟེན་ཆོས་བརྒྱད་སྤོང་བ་ཡིན། །རྗེས་ཀྱི་སྒྱུ་མ་སྦྱངས་པ་ལས། །སྔར་གྱི་སྒབ་འདྲེ་གཅོད་པ་ཡིན། །མཉམ་བཞག་ཉིད་ཀྱི་དུས་ཙམ་ན། །བག་ཆགས་ཉིད་ལ་སྒྱུ་མའི་ཉམས། །ཤར་བའི་དུས་ན་འདི་ལྟར་སྦྱང་། །སྒྱུ་མ་ལྟ་བུའི་ཏིང་འཛིན་དང་། །དཔའ་བར་འགྲོ་བའི་ཏིང་འཛིན་དང་། །རྡོ་རྗེ་ལྟ་བུའི་ཏིང་འཛིན་ནོ། །ཡིད་ཀྱི་ལུས་ལ་སྒྱུ་མའི་སྐུ། །སྡུག་བསྔལ་ཀུན་དང་བྲལ་བ་ཡིན། །དེ་ནི་སྒྱུ་མའི་ཏིང་འཛིན་ནོ། །དཔེར་ན་མེ་ལོང་གཟུགས་བརྙན་འདྲ། །དཔའ་བར་འགྲོ་བའི་ཏིང་འཛིན་ནི། །ཕར་ལ་དངོས་པོར་འཛིན་པ་འཇོམས། །ཚུར་ལ་གཞན་གྱིས་འཇོམས་མི་ནུས། །དཔེར་ན་རྡོ་རྗེ་ཕ་ལམ་འདྲ། །རྡོ་རྗེ་ལྟ་བུའི་ཏིང་འཛིན་ནི། །རང་བཞིན་སྐྱེ་བ་མེད་པ་ལ། །མཚན་ཉིད་འགག་པ་མེད་པར་ཤར། །གཉིས་སུ་མེད་པ་རྡོ་རྗེའི་སྐུ། །སྐྱོན་མེད་ནམ་མཁའ་

[Full Size]

ལྟ་བུའོ། །གཞན་ཡང་འདི་ལྟར་ཤེས་པར་བྱ། །སྒྱུ་མ་མཚན་ཉིད་གསུམ་ལྡན་ཏེ། །ཡན་ལག་ཉིང་ལག་རྫོགས་པ་ནི། །མེ་ལོང་ནང་གི་གཟུགས་བརྙན་བཞིན། །སྤྱོད་ཡུལ་ཀུན་ལ་ཁྱབ་པ་ཡིན། །ཆུ་བོའི་ནང་གི་ཟླ་བ་བཞིན། །སྔགས་ཀྱི་ཞི་བ་ལ་སོགས་པ། །སོ་སོ་དག་ཏུ་གྲུབ་པ་ནི། །ནམ་མཁའ་ལ་ནི་འཇའ་ཚོན་འདྲ། །གཞན་ཡང་འདི་ལྟར་ཤེས་པར་བྱ། །རང་གི་རྒྱུད་ཀྱིས་བསྡུས་པ་ནི། །རྨི་ལམ་སྒྱུ་མར་ཤེས་ཙ་ན། །གདོན་གྱི་ཆོ་འཕྲུལ་ཅི་འབྱུང་ཡང་། །ཤེས་པ་ཙམ་གྱིས་འཇིགས་པ་ཡིན། །གཞན་ལ་གནོད་པ་མི་འོང་ངོ། །གཞན་གྱི་རྒྱུད་ཀྱིས་བསྡུས་པ་ནི། །རྨི་ལམ་དུས་ན་ཆོ་འཕྲུལ་དུ། །རྨི་ལམ་ཆོ་འཕྲུལ་བསྟན་པ་ལས། །ཤེས་ཀྱང་འཇིགས་པར་མི་འགྱུར་ཏེ། །རྣལ་འབྱོར་པ་ཡིས་སྟོབས་ཀྱིས་ནི། །གདོན་སྟོབས་ཟིལ་གྱིས་གནོན་པ་དང་། །སྟོབས་ནི་དབང་དུ་འདུས་པར་

[Full Size]

འགྱུར། །ལས་ངན་བསགས་པའི་སྟོབས་ཀྱི་ནི། །གཞན་ལ་གནོད་པ་བྱེད་པར་འགྱུར། །མཉམ་བཞག་ཉིད་ཀྱི་སྒྱུ་མ་དང་། །རྗེས་ཤེས་སྣང་བའི་སྒྱུ་མ་གཉིས། །དཔེའི་མཚོན་པའི་སྒྱུ་མ་གསུམ། །རྣལ་འབྱོར་རྒྱུད་ལ་ཤར་བ་ཡི། །བར་ཆད་བགེགས་ལ་ཉམ་ང་མེད། །གདོན་གྱི་གནོད་པ་གང་ཤར་ཀྱང་། །སྒྱུ་མར་ཤེས་པའི་ཉམས་མྱོང་གིས། །ཐམས་ཅད་རང་ཞིར་འགྲོ་བ་ཡིན། །རྣལ་འབྱོར་པ་ཡི་སྣང་བ་ལ། །ཤ་ཟ་ལ་སོགས་འཇིགས་པའི་གཟུགས། །མཚོན་ཆ་སྣ་ཚོགས་ལག་ན་ཐོགས། །འགལ་བར་འདུག་ཀྱང་ལམ་དུ་སློངས། །ལྷ་མོ་མཛེས་མ་རྒྱན་གྱིས་བརྒྱན། །གླུ་ལེན་སྙན་པའི་སྒྲ་སྒྲོགས་ཤིང་། །ཡིད་འོང་མང་པོས་མཐའ་སྐོར་ཡང་། །རང་སྣང་སྒྱུ་མར་ཆོད་ཙ་ན། །དེ་དག་གིས་ཀྱང་འཆང་མི་ནུས། །བྲམ་ཟེ་ཆེན་པོས་འདི་སྐད་གསུངས། །

[Full Size]

སྔ་ན་མེད་པའི་སྒེག་མོ་དང་ཕྲད་ན། །ཉལ་བའི་སེམས་ནི་གཞི་མེད་ལ་རྟེན་ནས། །རང་གི་སེམས་དང་ཐ་དད་མ་བལྟ་ཅིག །དེ་ཚེ་སངས་རྒྱས་ལག་ཏུ་གཏོད་པ་ཡིན། །གཞན་ཡང་འདི་ལྟར་ཤེས་པར་བྱ། །སྒྱུ་མའི་མཁན་པོ་རྣམ་གསུམ་ལས། །སྐྱེ་བོ་མང་པོ་འདུག་པའི་དབུས། །སྒྱུ་མའི་གླང་པོ་སྤྲུལ་པ་ལས། །འཇིགས་དང་སྡངས་དང་སྐྲག་པར་ནུས། །སྒྱུ་མའི་མཁན་པོ་གཅིག་གིས་ནི། །སྒྱུ་མའི་གླང་པོ་ཙམ་དུ་སྣང་། །གཅིག་ལ་སྣང་བ་ཙམ་ཡང་མེད། །དེ་བཞིན་ཤེས་པ་ཁ་ཚོན་གསུམ། །གླང་པོར་བདེན་པར་འཛིན་པའི་དུས། །ལོགས་པར་ཤེས་པའི་ཤེས་རབ་ཡིན། །སྒྱུ་མ་ཙམ་དུ་འཛིན་པའི་དུས། །ཀུན་རྫོབ་ཤེས་པའི་ཤེས་རབ་ཡིན། །སྣང་བ་ཙམ་ཡང་མེད་པའི་ཚེ། །སྒྱུ་མ་འོད་གསལ་ཚུད་པའི་དུས། །སློབ་དཔོན་ཟླ་གྲགས་འདི་སྐད་གསུངས། །ཐབས་སུ་གྱུར་པ་ཀུན་རྫོབ་

[Full Size]

བདེན་པ་དང་། །ཐབས་བྱུང་གྱུར་པ་དོན་དམ་བདེན་པ་སྟེ། །གཉིས་པོ་དབྱེ་བ་གང་ཡིན་མི་ཤེས་པས། །དེ་དག་ལོག་པར་རྟོག་པས་ངན་འགྲོར་འགྲོ། །གཞན་ཡང་འདི་ལྟར་ཤེས་པར་བྱ། །དྲན་ཡུལ་དང་ནི་སྣང་ཡུལ་གཉིས། །དབུ་མའི་ལུགས་ཀྱི་འདི་ལྟར་འདོད། །གཉིད་ལོག་པའི་རྨི་ལམ་དེ། །ཕྲས་ཏེ་སད་པའི་དུས་ཙམ་ན། །དྲན་པའི་ཡུལ་དུ་ཝ་ལེ་བ། །དེ་དང་ད་ལྟར་སྣང་བ་གཉིས། །མཉམ་པ་ཉིད་དུ་སྙམ་པ་ལས། །རྣལ་འབྱོར་ཆེན་པོའི་དགོངས་པ་ཡིན། །དེ་ཡི་མཉམ་པར་འགྱུར་བ་མེད། །དྲན་པའི་ཡུལ་ན་སྣང་བ་མེད། །སྔ་ཕྱི་གཉིས་སུ་སོང་བ་ཡིན། །རྨི་ལམ་གསལ་པོ་རྨི་དུས་སུ། །སྒྱུ་མ་ལྟ་བུར་ཤེས་ཙམ་ན། །སྣང་ཡུལ་མ་འགགས་དྲན་ཡུལ་གསལ། །སྣང་བ་དང་ནི་དྲན་པ་གཉིས། །གཉིས་སུ་མེད་པའི་སྒྱུ་མ་ཡིན། །དེ་ནི་སྔགས་ཀྱི་བསྒོམ་ལུགས་ཡིན། །ཤེས་རབ་

[Full Size]

ཕ་རོལ་ཕྱིན་པ་ནས། །ཆོས་རྣམས་སྒྱུ་མ་རྨི་ལམ་དང་། །སངས་རྒྱས་སྒྱུ་མ་རྨི་ལམ་དང་། །དེ་ལས་ལྷག་པའི་ཆོས་གཞན་ཞིག །ཡོད་ནའང་སྒྱུ་མ་རྨི་ལམ་མོ། །འགྲོ་ཀུན་སྤྲུལ་པ་དང་འདྲ་བར། །ཤེས་པ་དེ་ལ་འཇིགས་པ་མེད། །རྨི་ལམ་ཤེས་པའི་གང་ཟག་དེས། །སྣ་ཚོགས་རྨི་ལམ་ཤར་བ་ལ། །ཉམ་ང་བག་ཚ་འཇིགས་པ་མེད། །གཉིད་སད་པའི་སྣང་བ་ལ། །དཀར་དམར་སྣ་ཚོགས་ཤར་བ་དང་། །རྨི་ལམ་དང་འདྲ་ཉམ་ང་མེད། །ཉམ་ང་བག་ཚ་བྲལ་བ་ནི། །རྨི་ལམ་འབྱོངས་པའི་རྟགས་ཡིན་ནོ། །དེ་ཡང་རྒྱུད་ནས་འདི་སྐད་གསུངས། །སྒྱུ་ཤེས་བསླུ་བ་མེད་པ་བཞིན། །ཡ་མི་ང་དང་བག་མི་ཚ། །དེ་ཡི་ཕན་ཡོན་བསྟན་པ་ནི། །དེ་ལ་དུག་དང་མེ་དང་ཆུས་མི་ཚུགས། །བདུད་དང་བདུད་ཀྱི་ཕྱོགས་ཀྱིས་བླགས་མི་རྙེད། །རྨི་ལམ་འབྱོངས་པའི་གང་ཟག་དེ། །ས་བཅུའི་བྱང་ཆུབ་སེམས་

[Full Size]

དཔའ་དང་། །ཁྱད་པར་མེད་པར་གསུངས་པ་ཡིན། །ས་བཅུའི་བྱང་ཆུབ་སེམས་དཔའ་དེ། །ལུས་ནི་གཞོན་ནུའི་འོད་ཀྱི་ལུས། །ཤེས་བྱའི་སྒྲིབ་པ་རྐང་སྤྲི་ལ། །ཅི་བཞིན་དུ་ནི་གནས་པ་ཡིན། །དེ་སྤོང་པ་ཡི་ཐབས་ལ་འདིར། །རྡོ་རྗེ་ལྟ་བུའི་ཏིང་འཛིན་གྱིས། །ཤེས་བྱའི་སྒྲིབ་པ་སྤོང་བའི་མཆོག །ཆོས་སྐུ་མངོན་དུ་བྱེད་པ་ཡིན། །སྒྱུ་མ་འབྱོངས་པའི་གང་ཟག་དེ། །རགས་པ་ཉོན་མོངས་སྒྲིབ་པ་མེད། །སྒྱུ་ལུས་སྦྱངས་པས་སྒྲིབ་པ་ཟད། །སྒྱུ་མ་ཙམ་གྱི་འཛིན་པ་ལ། །དྭངས་མ་ལྔ་འདུས་འོད་ཀྱི་ལུས། །འོད་གསལ་ཉམས་སུ་བླངས་པ་ཡི། །ཤེས་བྱའི་སྒྲིབ་པ་སྤོང་བར་བྱེད། །ལུས་དང་སྒྲིབ་པ་རྟོགས་པར་མཉམ། །དེས་ན་ཐབ་ཀྱི་ཁྱད་པར་འཕགས། །སྒྱུ་མ་རྟོགས་པའི་གང་ཟག་དེ། །རྣམ་ཐར་གསུམ་ལ་ལོངས་སྤྱོད་བྱེད། །དང་པོ་རྣམ་ཐར་སྐྱེ་བ་མེད། །བར་དུ་རྣམ་ཐར་མཚན་མ་

[Full Size]

མེད། །ཐ་མར་རྣམ་ཐར་སྨོན་པ་མེད། །སྒྱུ་མར་རྟོགས་པའི་གང་ཟག་གིས། །གཉིས་སུ་མེད་པའི་རྩ་བྲལ་དོན། །བཏགས་པས་སྐྱེ་བ་མེད་པ་ལ། །སྐྱོན་མེད་རྣམ་པར་ཐར་པའི་སྒོ། །ཉོན་མོངས་ཤར་བའི་དཀར་དམར་ལ། །སྒྱུ་མ་ཙམ་ལས་མ་གཏོགས་པའི། །ཡང་དག་གྲུབ་པ་ཅི་ཡང་མེད། །རྣམ་ཐར་མཚན་མ་མེད་པའི་སྒོ། །དབྱིངས་དང་ཡེ་ཤེས་གཉིས་མེད་ལ། །ཕྱི་རོལ་དུ་ནི་གྲུབ་པ་མེད། །རྣམ་ཐར་སྨོན་པ་མེད་པའི་སྒོ། །རྣམ་ཐར་གསུམ་གྱི་སྦྱང་ལུགས་ཡིན། །ཕ་རོལ་ཕྱིན་དྲུག་རྣམ་གཉིས་ལ། །རྣལ་འབྱོར་པ་ཡི་འདི་ལྟར་སྦྱང་། །རྨི་ལམ་ཟིན་པའི་དུས་ཙམ་ན། །རང་སྣང་ཡིན་པར་ཤེས་པར་བྱ། །བག་ཆགས་ལུས་ཀྱི་སྣང་བ་འདི། །མགོ་ལ་སོགས་པའི་ཡན་ལག་རྣམས། །ཉམ་ང་མེད་པར་སྦྱིན་པར་བཏང་། །རང་སྣང་ཡིན་པས་སྣང་བ་འདི། །ཅིར་སྣང་བསྒྱུར་དུ་བཏུབ་པ་ཡིན། །འགྲོ་བའི་དོན་རྣམས་བྱེད་

[Full Size]

པ་དེ། །སྦྱིན་པའི་ཕ་རོལ་ཕྱིན་པ་ཡིན། །སྔར་གོམས་བག་ཆགས་ཉོན་མོངས་འདི། །སྒྱུ་མ་ལྟ་བུར་རྟོགས་ཙམ་ན། །གཞན་ལ་ཕན་པ་མ་གཏོགས་པ། །གནོད་པ་གཞི་དང་བཅས་པ་བྲལ། །དེ་ནི་ཚུལ་ཁྲིམས་ཕ་རོལ་ཕྱིན། །རང་སྣང་སྒྱུ་མར་སྦྱོར་ཙམ་ན། །འཁྲུལ་པའི་ཤེས་པ་ཚུར་ལོག་སྟེ། །དེ་དུས་རིག་པའི་ཤེས་པ་མེད། །གཉིད་དེ་ཕྲས་ཀྱི་སད་ཙམ་ན། །སྒྱུ་མའི་དོན་ལ་མི་སྤྱོད་པར། །འཁྲུལ་པའི་དོན་ལ་འབྲངས་པ་ཁྱོ། །ཨ་ན་ལས་ངན་སྡིག་པོ་ཆེ། །འཁྲུལ་པའི་རྩ་བ་རང་གི་སེམས། །རང་སེམས་རྩ་བ་ཆོད་པ་ན། །བཟུང་འཛིན་གཉིས་ཀྱི་འཁྲུལ་པ་ལོག །དེ་ལྟར་དཀའ་བ་སྤྱོད་པ་ལ། །སྡུག་བསྔལ་ཇི་སྙེད་བྱུང་བ་རྣམས། །བཟོད་པའི་ཕྱིར་ན་བཟོད་པ་ཡིན། །རང་སྣང་སྒྱུ་མའི་རང་བཞིན་ལ། །གོམས་ཤིང་འབྱོངས་པའི་དུས་ཚོད་ན། །རྡོ་རྗེ་གདན་སོགས་ལྷ་གནས་སུ། །བལྟ་

[Full Size]

ཞིང་སྦྱོང་པར་བྱེད་པའོ། །འོག་མིན་ལ་སོགས་ཞིང་དག་པར། །ལོངས་སྐུ་ལ་སོགས་སངས་རྒྱས་ལ། །མཆོད་པ་རྒྱ་ཆེན་འབུལ་བ་ནི། །རང་གི་རིག་པས་དཔྱད་བྱས་ལ། །ཅི་བདེ་བར་ནི་སྦྱོང་བ་ཡིན། །དེ་ལྟར་སྦྱོང་པའི་དུས་དག་ན། །སྤྲོ་དང་དགའ་བ་བྱེད་པ་དེ། །བརྩོན་འགྲུས་ཕ་རོལ་ཕྱིན་པ་ཡིན། །ཐམས་ཅད་སྒྱུ་མའི་རང་བཞིན་ལ། །ཡིད་ཀྱི་བསམ་པས་ཝལ་གྱིས་ཤར། །སྒྱུ་མའི་དོན་ལ་བསྟན་པ་དེ། །བསམ་གཏན་ཕ་རོལ་ཕྱིན་པ་ཡིན། །དེ་ལྟར་སྣང་གྲགས་ཆོས་རྣམས་ཀུན། །སྒྱུ་མ་ལྟ་བུར་གནས་པ་ལ། །སྒྱུ་མ་ལྟ་བུར་གོ་བ་དེ། །བཟུང་འཛིན་གཉིས་ཀྱི་ཕ་རོལ་ཕྱིན། །ཤེས་རབ་ཕ་རོལ་ཕྱིན་པ་ཡིན། །ཕྱིའི་ཕ་རོལ་ཕྱིན་དྲུག་ནི། །འགྲོ་དྲུག་སེམས་ཅན་ཐམས་ཅད་ནི། །ཕ་མ་དྲིན་ཅན་ལྟ་བུ་ཡིན། །བརྩེ་བའི་སེམས་ཀྱིས་བསྐྱངས་པ་ཡིན། །བྱམས་པའི་མིག་གིས་བལྟས་པ་ཡིན། །སྡུག་བསྔལ་རྣམ་ལས་

[Full Size]

སྐྱབས་པ་ཡིན། །ལོངས་སྤྱོད་ཅི་ཡོད་བྱིན་པ་ཡིན། །དེ་ལྟ་བུའི་མ་དེ་དང་། །འགྲོ་དྲུག་སེམས་ཅན་མཉམ་པ་ཡིན། །ཚེ་རྗེས་ལུས་ནི་འཕོས་པ་ཡིན། །མ་དྲན་མི་གསལ་གྱུར་པ་ཡིན། འགྲོ་དྲུག་སེམས་ཅན་ཐམས་ཅད་ནི། །གནས་ནི་འཁོར་བའི་ནང་ན་གནས། །དཀོན་མཆོག་མཆོད་ཅིང་དྲིན་ཅན་གྱི། །བླ་མ་རྣམས་ལ་བསྙེན་བསྐུར་བྱ། །དམན་པ་རྣམས་ལ་སྦྱིན་གཏོང་བྱ། །རྒྱུད་ཚོད་མཐུན་པ་རྣམས་ལ་ནི། །དམ་པ་ཆོས་ཀྱི་སྦྱིན་པ་བཏང་། །ཆུ་ལ་གྲུ་གཟིངས་ཟམ་པ་འཛུག །ལམ་འཕྲང་སེལ་དང་ཉེའུ་འདོན་བྱ། །སྙིང་རྗེ་ཆེན་པོའི་བསམ་པ་བྱ། །སྒྱུ་མར་ཤེས་པས་ཞེན་པ་མེད། །འདི་ནི་སྦྱིན་པའི་ཕ་རོལ་ཕྱིན། །འགྲོ་དྲུག་སེམས་ཅན་ཐམས་ཅད་ལ། །ཕན་པའི་སྤྱོད་པ་མ་གཏོགས་པ། །གནོད་པ་བཞི་དང་བཅས་པ་སྤངས། །སྒྱུ་མར་ཤེས་པས་ཆགས་དང་བྲལ། །འདི་

[Full Size]

ནི་ཚུལ་ཁྲིམས་ཕ་རོལ་ཕྱིན། །མ་རྣམས་དོན་དུ་བྱང་ཆུབ་སེམས། །སྦྱོང་བར་བྱེད་པའི་དུས་ཙམ་ན། །ཆགས་སྡང་སྐྱེ་བའི་ཉོན་མོངས་ཀྱིས། །ཡིད་ནི་འཁྲུལ་པར་མི་ནུས་ཤིང་། །བྱང་སེམས་སྒྱུ་མ་ལྟ་བུར་སྦྱོངས། །དེ་ནི་བཟོད་པའི་ཕ་རོལ་ཕྱིན། །དེ་ལྟར་གནས་པའི་ཆོས་རྣམས་ལ། །སེམས་ལས་བྱུང་བའི་ཤེས་རབ་ཀྱིས། །རྒྱུ་རྐྱེན་ཕུན་སུམ་ཚོགས་པ་ལས། །དེས་ཤེས་བསྐྱེད་ནས་བརྩོན་འགྲུས་བསྐྱེད། །འབྲས་བུ་གང་འདོད་སྒྲུབ་པ་དེ། །བརྩོན་འགྲུས་ཕ་རོལ་ཕྱིན་པ་ཡིན། །སྣང་སྲིད་འཁོར་འདས་ཐམས་ཅད་ཀྱིས། །རང་བཞིན་སྐྱེ་བ་མེད་པར་གནས། །འགག་མེད་སྒྱུ་མ་ལྟ་བུར་ཤར། །གཉིས་སུ་མེད་པ་ཟུང་དུ་འཇུག །དེའི་ངང་ལ་འཇོག་པ་ནི། །བསམ་གཏན་ཕ་རོལ་ཕྱིན་པ་ཡིན། །དེ་ལྟར་ཤེས་པའི་རྣལ་འབྱོར་པས། །ཆོས་རྣམས་ཀུན་ལ་སྦྱངས་པ་ཡིན། །ཚིག་གིས་མཚོན་དུ་མེད་

[Full Size]

པ་ཡིན། །ཆོས་ཉིད་བློ་ལས་འདས་པ་ཡིན། །དེ་ལྟར་རྟོགས་ན་ཤེས་རབ་ཀྱིས། །ཕར་ཕྱིན་ཡིན་པར་བཤད་པ་ཡིན། །གཞན་ཡང་འདི་ལྟར་ཤེས་པར་བྱ། །ཕྱག་རྒྱ་བཞི་ལ་ཕྱི་ནང་གཉིས། །ནང་གི་ཕྱག་རྒྱ་སྦྱངས་ཐབས་ནི། །འཁྲུལ་པའི་གཉིད་ཀྱི་དུས་ཙམ་ན། །བག་ཆགས་རྨི་ལམ་ཤར་བའི་དུས། །རྨི་ལམ་ཤེས་པས་སྒྱུ་མར་རྟོགས། །ཡིད་ཀྱི་ལུས་སུ་གྲུབ་ཙམ་ན། །སྒྱུ་མར་རྟོགས་པའི་དམ་ཚིག་ཡིན། །བག་ཆགས་ལུས་ལ་སྒྱུ་མའི་རྒྱ། །ཐེབས་པས་དམ་ཚིག་ཕྱག་རྒྱ་ཡིན། །ལས་ཀྱི་ཕྱག་རྒྱ་བསྟན་པ་ནི། །ཡ་གི་རྫོགས་པའི་སངས་རྒྱས་ནས། །འཇག་མིག་སྲིན་བུ་ཡན་ཆད་དུ། །སྒྱུ་མའི་བརྩལ་ནི་སྦྱངས་པ་ལས། །བཟུང་འཛིན་འབྲེལ་ཐག་ཆོད་པ་དང་། །རང་སྣང་སྒྱུ་མར་འབྱོངས་ཙམ་ན། །ཡོན་ཏན་ཐམས་ཅད་བསྐྱེད་པའི་གཞི། །

[Full Size]

ལས་རྣམས་ཐམས་ཅད་བྱེད་པས་ནི། །ལས་ཀྱི་ཕྱག་རྒྱ་ཞེས་སུ་བཤད། །ཆོས་ཀྱི་ཕྱག་རྒྱའི་ངོ་བོ་ནི། །རྨི་ལམ་འོད་གསལ་ཚུད་ཙམ་ན། །སྟོང་གསལ་བདེ་བའི་ཉམས་མྱོང་ཅན། །རང་གི་རིག་པ་དེ་ལྟར་ཤར། །ནཱ་རོ་ཆེན་པོའི་ཞལ་ནས་ཀྱང་། །བདེ་དང་གསལ་དང་མི་རྟོག་གསུམ། །ལྷན་ཅིག་སྐྱེས་པའི་མཚན་ཉིད་ཡིན། །དེ་ནི་ཆོས་ཀྱི་ཕྱག་རྒྱ་ཡིན། །ཕྱག་རྒྱ་ཆེན་པོ་བསྟན་པ་ནི། །བདེ་དང་གསལ་དང་མི་རྟོག་པ། །སྒྱུ་མའི་ལུས་དང་ལྡན་པ་ལ། །དེ་རྣམས་དབྱེར་མེད་ཟུང་འཇུག་པས། །ཕྱག་རྒྱ་ཆེན་པོ་ཞེས་སུ་བསྟན། །ཕྱི་ཡི་དམ་ཚིག་ཕྱག་རྒྱ་བཞི། །འགྲོ་དྲུག་སེམས་ཅན་ཐམས་ཅད་ལ། །རང་བཞིན་སྐྱེ་མེད་རྒྱ་ཡི་ཐེབས། །མཚན་ཉིད་སྒྱུ་མ་ལྟ་བུར་ཤར། །གཞན་ཕན་སྙིང་པོ་ཕྱོགས་རིས་མེད། །དེ་ནི་དམ་ཚིག་ཕྱག་རྒྱ་ཡིན། །ལས་ཀྱི་ཕྱག་རྒྱའི་དམ་ཚིག་ནི། །ཡི་དམ་

[Full Size]

ལྷ་ལ་བརྟེན་བྱས་ནས། །སྒྱུ་མ་ལྟ་བུར་སྦྱངས་པ་དང་། །འགྲོ་ལ་གང་ཕན་སྤྱད་པར་བྱ། །རང་གི་ཉམས་མྱོང་སྤེལ་བའི་ཕྱིར། །གང་ཕན་སྤྱོད་པ་བྱེད་པ་དེ། །དེ་ནི་ལས་ཀྱི་ཕྱག་རྒྱ་ཡིན། །ཆོས་ཀྱི་ཕྱག་རྒྱ་བསྟན་པ་ནི། །ཆོས་རྣམས་སེམས་སུ་ཤེས་པ་དང་། །སེམས་ཉིད་སྟོང་པར་རྟོགས་པ་དང་། །སེམས་ཉིད་བདེ་གསལ་ཤར་བ་གསུམ། །བཟུང་འཛིན་རྣམ་རྟོག་གཅོད་པའི་ཐབས། །དེ་ནི་ཆོས་ཀྱི་ཕྱག་རྒྱ་ཡིན། །ཕྱག་རྒྱ་ཆེན་པོའི་ངོ་བོ་ནི། །མ་བཅོས་རང་བཞིན་ལྷུན་གྱིས་གྲུབ། །སྐྱེ་འགགས་མེད་པའི་ངང་དུ་གནས། །མགོན་པོ་བྱམས་པའི་ཞལ་ནས་ཀྱང་། །ལྷུན་གྱིས་གྲུབ་ཅིང་ཆགས་མི་མངའ། །ཐོགས་པ་མི་མངའ་རྟག་པར་ཡང་། །མཉམ་པར་འཇོག་ཅིང་འདྲི་ཀུན་གྱིས། །ལན་འདོན་ཁྱོད་ལ་ཕྱག་འཚལ་ལོ། །དགའ་བ་བཞི་ལ་ཕྱི་ནང་གཉིས། །དེ་ལ་ནང་

[Full Size]

གི་དགའ་བ་ནི། །གཏི་མུག་གཉིད་ལ་བག་ཆགས་ལུས། །བླ་མའི་གདམས་པས་འཚམས་སྦྱར་བས། །རྨི་ལམ་དུས་ན་སྒྱུ་མར་ཤེས། །འཁྲུལ་པའི་སྣང་བ་ཞིག་ཙམ་ན། །མེ་དང་ཆུ་དང་གཡང་ལ་སོགས། །སྡུག་བསྔལ་བྲལ་ནས་དགའ་བ་བསྐྱེད། །རང་རིག་སྒྱུ་མར་ཤར་བ་དང་། །ཉམ་ང་བག་ཚ་ཟད་ཙམ་ན། །དེ་ནི་མཆོག་ཏུ་དགའ་བ་ཡིན། །སྒྱུ་མའི་སྐུ་ལ་བདེ་བའི་ཉམས། །རང་བཞིན་སྟོང་པར་རྟོགས་ཙམ་ན། །དེ་ནི་ལྷན་སྐྱེས་དགའ་བ་ཡིན། །སྒྱུ་མ་འཛིན་པ་ནུབ་པ་དང་། །ཆོས་ཉིད་འོད་གསལ་ཤར་ཙམ་ན། །སྒྱུ་མ་ཙམ་དུ་འཛིན་པ་ཡི། །བཟང་རྟོག་ནུབ་པ་དགའ་བྲལ་ཡིན། །ཕྱི་ཡི་དགའ་བ་བཞི་དག་ལ། །འཁོར་བའི་ཆོས་ཀྱི་རྒྱུ་འབྲས་ལ། །ཡིད་ཆེས་སྐྱེས་པ་དགའ་བ་ཡིན། །ཉམས་མྱོང་གོམས་པའི་ཕན་ཡོན་གྱིས། །སྒྱུ་མར་རྟོགས་པ་མཆོག་དགའ་ཡིན། །སྒྱུ་མ་ཙམ་ལ་བརྟེན་བྱས་

[Full Size]

ནས། །སེམས་ཉིད་བཏན་ལ་ཕེབས་པ་ཡི། །བདེ་གསལ་སྐྱེས་པ་ལྷན་སྐྱེས་ཡིན། །ཐམས་ཅད་སྒྱུ་མའི་རང་བཞིན་ལས། །མ་འདས་པར་ནི་གནས་པ་ནི། །གཉིས་མེད་བདེ་བ་ཆེན་པོའི་སྐུ། །ཕྱག་རྒྱ་ཆེན་པོར་བཏགས་པ་ཡིན། །གཞན་ཡང་འདི་ལྟར་ཤེས་པར་བྱ། །བསྐྱེད་རྫོགས་གཉིས་ལ་སྦྱང་བ་ནི། །མཉམ་བཞག་དང་ནི་རྗེས་ཤེས་སོ། །མཉམ་བཞག་གཉིད་ཀྱི་དུས་སུ་ཡང་། །རྨི་ལམ་ཤེས་པ་ཡིད་ཀྱི་ལུས། །རང་སྣང་གོམས་པར་སྦྱངས་པ་ལས། །ཅིར་སྣང་བསྒྱུར་དུ་བཏུབ་པ་ཡིན། །ཡིད་ཀྱིས་ལྷའི་སྐུ་བསྒོམས་པས། །དེ་ཡི་ལུས་ནི་ཤ་ཁྲག་མེད། །འཇའ་ཚོན་ལྟ་བུ་ལྷའི་སྐུ། །ཤིན་ཏུ་གསལ་བར་འབྱུང་བ་ཡིན། །རྣམ་པར་སྣང་མཛད་རྒྱུད་ནས་ཀྱང་། །ཡིད་ཀྱི་དཀྱིལ་འཁོར་བསྒོམས་ནས་ཀྱང་། །རིམས་ནད་ཅན་ལ་བཞག་ནས་ནི། །དེའི་མདོ་ལ་

[Full Size]

སྐྱེ་བ་ནི། །རིམས་ལས་ཐར་འགྱུར་དོགས་པ་མེད། །ཡིད་མེད་པ་རུ་དཀྱིལ་འཁོར་མེད། །ཡིད་དང་དཀྱིལ་འཁོར་ཐ་དད་མེད། །ལྷ་རུ་བསྒྱུར་དུ་གཏུབ་ཙམ་ན། །ནཱ་རོ་ཆེན་པོས་འདི་སྐད་གསུངས། །བར་དོ་ཟིན་པར་ཐེ་ཚོམ་མེད། །ལྷ་དེ་སྤེལ་བར་བྱ་བ་ནི། །ཡིད་ཀྱི་ལུས་སུ་ཅི་མཐོང་བ། །ཐམས་ཅད་ཡི་དམ་ལྷ་རུ་བསྒོམས། །མཆོད་པ་འབུལ་ཞིང་གསོལ་བ་གདབ། །བར་ཆད་བགེགས་མེད་ཚོགས་རྣམས་རྫོགས། །རང་ཉིད་ཡི་དམ་ལྷ་རུ་བསྒྱུར་ནས་ནི། །རང་སྣང་སྒྱུ་མར་འབྱོངས་ཙམ་ན། །ལོངས་སྐུའི་ཆ་མཐུན་བསྐྱེད་པ་ཡིན། །ས་བཅུའི་བྱང་ཆུབ་སེམས་དཔའ་དང་། །ཁྱད་པར་མེད་པ་ཡིན་ནོ་གསུངས། །མཉམ་བཞག་ཉིད་ཀྱི་དུས་ན་འོང་། །རྗེས་ཤེས་སད་པའི་དུས་ན་ནི། །ཕྱི་སྣོད་རིན་ཆེན་གཞལ་ཡས་ལ། །ནང་བཅུད་ལྷ་དང་ལྷ་མོའི་འཁོར། །རང་སེམས་ཧེ་རུ་ཀའི་སྐུ། །

[Full Size]

སྣང་ལ་རང་བཞིན་མེད་པ་ཡི། །མེ་ལོང་ནང་གི་གཟུགས་བརྙན་ནམ། །ཆུ་ཟླ་དང་ནི་འཇའ་ཚོན་བཞིན། །གསལ་ལ་རྟོག་པ་མེད་པར་བསྒོམ། །འགྲོ་དང་འཆག་དང་འདུག་པ་དང་། །སྤྱོད་ལམ་བཞི་རུ་མ་ཡེངས་བསྒོམ། །དེ་ལྟར་རྒྱུན་དུ་བསྒོམས་པ་ཡིས། །གཉིད་ལོག་རྨི་ལམ་དུས་ཙམ་ན། །ཡིད་ནི་ལྷ་རུ་བསྒྱུར་བ་བྱ། །མངོན་ཤེས་རྫུ་འཕྲུལ་ཤུགས་ཀྱིས་འབྱུང་། །ལུས་ཀྱི་མེ་དང་བསྒྱུར་བར་ནུས། །དེ་ལྟར་མཉམ་བཞག་རྗེས་ཐོབ་གཉིས། །ཟུང་འཇུག་ཚུལ་དུ་བསྒོམ་ནས་ནི། །ས་ལམ་ལ་སོགས་རིམས་ཀྱིས་བགྲོད། །བསྐྱེད་རྫོགས་གཉིས་ཀྱི་སྦྱོང་ལུགས་ཡིན། །ཡང་ན་ཤེས་རབ་གསུམ་ལ་སྦྱང་། །བརྒྱུད་ལྡན་བླ་མ་དམ་པ་ལ། །སྙན་བརྒྱུད་ཞལ་གྱི་གདམས་པ་ཞུ། །སྣང་སྲིད་འཁོར་འདས་ཐམས་ཅད་ཀྱང་། །སྒྱུ་མ་ལྟ་བུར་གཏན་ལ་དབབ། །མན་

[Full Size]

ངག་གནད་ཀྱི་བཅུད་ལ་བོར། །དེ་ནི་ཐོས་པའི་ཤེས་རབ་ཡིན། །དུས་དང་ལུས་དང་དམིགས་པ་གསུམ། །དེ་གསུམ་གནད་དུ་ཆེ་བ་ཡིན། །སློབ་དཔོན་ཀླུ་སྒྲུབ་བཞེད་པ་ཡིས། །ལུས་གནད་སེང་གེའི་ཉལ་ཐབས་བྱ། །དམིགས་པའི་གནད་ནི་མགྲིན་པ་རུ། །པདྨ་འདབ་མ་བཞི་པ་ལ། །ཡིག་འབྲུ་རྣམས་ནི་དགོད་པ་ཡིན། །དུས་ཀྱི་གནད་ནི་ཐོ་རངས་སོ། །དེ་ལ་ཡེ་ཤེས་འཆར་བར་འདོད། །ལ་བ་པ་ཡི་བཞེད་པ་ནི། །ལུས་ཀྱི་གནད་ནི་ཙོག་པུར་བྱ། །དམིགས་གནད་སྙིང་གི་དཀྱིལ་དུ་ནི། །མར་མེ་རྩེ་སོར་བཞི་པ་བསྒོམ། །ཡེ་ཤེས་འཆར་བར་བྱེད་པ་ཡིན། །བསྐལ་བ་བཟང་མོའི་བཞེད་པ་ནི། །ལུས་ནི་བདེ་བར་གནས་པ་ལས། །སྨིན་ཕྲག་ཏུ་ནི་ཐིག་ལེ་གཅིག །དཀར་ལ་འཚེར་བར་བསྒོམ་པར་བྱ། །དེ་ལ་ཡེ་ཤེས་འཆར་བར་འདོད། །དེ་རྣམས་བསམ་པའི་ཤེས་རབ་སོ། །རྨི་ལམ་

[Full Size]

ཤེས་པའི་དུས་ན་བཟུང་། །སྦྱངས་དང་སྤེལ་དང་ཡ་ང་སྤངས། །དེ་ཡང་བསམ་པའི་ཤེས་རབ་ཡིན། །ཀུན་རྫོབ་ཤེས་པའི་ཤེས་རབ་ཀྱིས། །སྒྱུ་མ་འོད་གསལ་གཞུག་པར་བྱ། །མཚན་མ་མེད་ཅིང་སྨོན་པ་མེད། །བདེ་གསལ་རྒྱན་གྱིས་བརྒྱན་པ་ཡི། །དེ་ཡི་ངང་ལ་འཇོག་པ་ནི། །མ་ཡེངས་ཐུན་བཞིར་བསྒོམ་པར་བྱ། །ཉམས་མྱོང་རྟོགས་པ་རིམས་ཀྱི་སྐྱེ། །དེ་ནི་བསྒོམ་བྱུང་ཤེས་རབ་སོ། །གཞན་རྣམས་མདོ་ནས་འདི་སྐད་གསུངས། །ཡང་དག་རྫོགས་པའི་སངས་རྒྱས་ཀྱིས། །སྒྱུ་མ་མཁན་ནི་བཟང་པོ་ལ། །སྒྱུ་མ་རྣམ་པ་བཞི་རུ་གསུངས། །ཆོས་ཀྱི་སྤྲུལ་པའི་སྒྱུ་མ་ནི། །ང་ཡི་འཁོར་གྱི་དགེ་སློང་ཡིན། །ལས་ཀྱི་སྤྲུལ་པའི་སྒྱུ་མ་ནི། །འགྲོ་དྲུག་སེམས་ཅན་ཐམས་ཅད་ཡིན། །རྐྱེན་གྱིས་སྤྲུལ་པའི་སྒྱུ་མ་ནི། །མེ་ལོང་གཟུགས་བརྙན་ལ་

[Full Size]

སོགས་ཡིན། །ང་ནི་ཡང་དག་རྫོགས་སངས་རྒྱས། །ཡེ་ཤེས་སྤྲུལ་པའི་སྒྱུ་མ་ཡིན། །མདོ་ནས་སངས་རྒྱས་འདི་སྐད་གསུངས། །ཡིད་ལུས་སྒྱུ་མའི་རང་བཞིན་འདི། །ཀུན་རྫོབ་ཤེས་པའི་ཤེས་རབ་ཡིན། །ལོག་ཤེས་སྤོང་བར་བྱེད་པའི་ཐབས། །འོད་གསལ་རྒྱུད་ལ་བསྐྱེད་པའི་རྒྱུ། །དེ་རྣམས་ཡང་དག་ཀུན་རྫོབ་ཡིན། །བདེན་པ་གཉིས་སུ་ཕྱེ་ན་ནི། །ཀུན་རྫོབ་དང་ནི་དོན་དམ་མོ། །ཀུན་རྫོབ་ལ་ནི་རྣམ་གཉིས་ཏེ། །དེ་ལ་ལོག་ལྟའི་ཀུན་རྫོབ་ནི། །འཁོར་བ་ཐོག་མ་མེད་པ་ནས། །མ་རིག་བག་ཆགས་འཁྲུལ་པ་ཡིན། །བཟུང་འཛིན་གཉིས་ཀྱི་དོན་ལ་སྤྱོད། །དེ་ནི་ལོག་པའི་ཀུན་རྫོབ་ཡིན། །བག་ཆགས་ལུས་ལ་བརྟེན་བཅས་ནས། །རྨི་ལམ་ཤེས་པ་ཡིད་ཀྱི་ལུས། །རང་སྣང་སྒྱུ་མའི་རྩལ་སྦྱོང་བ། །དེ་ནི་ཡང་དག་ཀུན་རྫོབ་ཡིན། །སྒྱུ་མ་འོད་གསལ་གཞུག་པ་ལ། །ཐབས་

[Full Size]

དང་དུས་དང་ལུས་དང་ནི། །དམིགས་པའི་གནད་དུ་ཤེས་པར་བྱ། །ཐབས་ནི་བསོད་ནམས་ཚོགས་ཤེས་བྱ། །ཡོད་ན་དཀོན་མཆོག་མཆོད་པ་དང་། །བླ་མ་རྣམས་ལ་བསྙེན་བཀུར་བྱ། །མེད་ན་བྱང་ཆུབ་སེམས་ཀྱིས་སུ། །སེམས་ཅན་དོན་དུ་སྒྲུབ་པར་བྱ། །བྱང་ཆུབ་སེམས་ནི་བསྐྱེད་པ་ནི། །བསོད་ནམས་གསོག་པའི་མཆོག་ཡིན་ནོ། །ལུས་ཀྱི་གནད་ཀྱི་དུས་སུ་ནི། །སྤྱོད་ལམ་དལ་ཞིང་ཁ་ཟས་སྣུམ། །དབེན་པའི་གནས་སུ་སྐྱོ་ཤས་ཆེ། །ལུས་ལ་བཀུ་མཉེ་མང་དུ་བྱ། །དེ་ནི་སྔོན་འགྲོ་ལུས་ཀྱི་གནད། །དཀོན་མཆོག་སྤྱན་སྔར་མཆོད་པ་དབུལ། །འོད་གསལ་འཛིན་པའི་དུས་ཙམ་ན། །རྨི་ལམ་འགལ་རྐྱེན་འདོད་པ་ཡིན། །སྔར་གྱི་སྒྱུ་མར་འབྱོངས་པ་ཡིན། །འོད་གསལ་རྒྱུད་ལ་སྐྱེ་བ་ཡིན། །དམིགས་པའི་གནད་ནི་གཉིས་ཡིན་ཏེ། །སྔར་གྱི་མི་རྟོག་ཡོད་པ་

[Full Size]

ནི། །དགེ་སྦྱོར་དག་གིས་དུལ་བར་བྱ། །འོད་གསལ་ཤེས་པར་བྱའོ་ཞེས། །གཉིད་དང་འདུན་པའི་བར་དུ་ནི། །རྟོགས་པ་མ་ཚུད་མན་ངག་ཡིན། །སྔར་གྱི་མི་རྟོག་མེད་པ་ནི། །སྨིན་ཕྲག་དུ་ནི་ཐིག་ལེ་གཅིག །དཀར་ཞིང་འཚེར་བ་སྣུམ་ལ་འདྲིལ། །བདེ་བའི་དོན་ལ་བློ་གཏད་ལ། །འོད་གསལ་ཟིན་པར་བྱའོ་ཞེས། །ཡང་དང་ཡང་དུ་བསྒོམ་པར་བྱ། །འོད་གསལ་ཟིན་པའི་ཉམས་མྱོང་ནི། །འོད་གསལ་བདེ་བའི་ཉམས་མྱོང་ཅན། །དེ་ནི་ཟིན་པའི་རྟགས་ཡིན་ནོ། །རྗེས་ལ་སྦྱང་པར་བྱ་བ་ནི། །རང་གི་རིག་པ་འདི་ཉིད་ལ། །འོད་གསལ་རྒྱས་བཏབ་བསྒོམ་པར་བྱ། །དེ་ལྟར་ཡང་དང་ཡང་བསྒོམས་པས། །ཆོས་ཉིད་སྤྲོས་བྲལ་གཉུག་མའི་དོན། །འབད་རྩོལ་མེད་པར་འཆར་བ་ནི། །ཆོས་སྐུའི་ངོ་བོ་ཡིན་པས་སོ། །དེ་རྣམས་འོད་

[Full Size]

གསལ་བརྟན་པ་ཡིན། །དེ་ནི་དོན་དམ་བདེན་པ་ཡིན། །ད་ནི་འབྲས་བུ་བསྟན་པ་ནི། །ལྷུན་གྱིས་གྲུབ་པའི་ཆོས་ཉིད་ལ། །མ་རིག་བག་ཆགས་འཁྲུལ་པས་སྒྲིབས། །དཔེར་ན་གསེར་དང་གཡའ་དང་འདྲ། །རང་གི་དད་པས་རྒྱུ་བྱས་ནས། །ལས་ངན་རྐྱེན་རྣམས་དག་ཙམ་ན། །གཙོ་མ་ཡི་ནི་གསེར་དང་འདྲ། །རང་ལ་སྣང་བས་རང་སྣང་ཡིན། །ཆོས་ཀྱི་སྐུ་ཞེས་བརྗོད་པ་ཡིན། །ཡིད་བཞིན་ནོར་བུ་ལྟ་བུར་སྣང་། །གཟུགས་སྐུ་རྣམ་པ་གཉིས་པོ་ནི། །གཞན་གྱི་དོན་དུ་འཆར་བ་ཡིན། །ས་བཅུའི་བྱང་ཆུབ་སེམས་དཔའ་ལ། །མཚན་དཔེས་བརྒྱན་པའི་ལོངས་སྐུར་སྣང་། །གདུལ་བྱ་མ་དག་ཉན་ཐོས་དང་། །སོ་སོ་སྐྱེ་བོ་རྣམས་ལ་ནི། །སྤྲུལ་པའི་སྐུའི་སྣང་བ་འཆར། །དེ་གསུམ་དབྱེར་མེད་ཟུང་འཇུག་ནི། །ངོ་བོ་ཆོས་ཀྱི་སྐུ་རུ་བསྟན། །

[Full Size]

མཁས་པ་རྣམས་ཀྱི་བསྟན་བཅོས་དང་། །རིག་པས་གཏན་ལ་ཕབས་པ་ཡིས། །གདམས་ངག་འདི་རུ་བཀོད་པ་ཡིན། །ནཻ་ཏི་གཉིས་ཀྱི་དགོངས་པ་ཡིན། །བླ་མ་དམ་པའི་གསུང་ལ་བརྟེན། །ཉམས་སུ་བླངས་པའི་རྟོགས་པ་འདི། །གཞན་ལ་ཕན་པ་མི་མཆི་སྟེ། །རང་གི་ཉམས་མྱོང་བསྐྱང་པའི་ཕྱིར། །ཅུང་ཟད་འདི་རུ་བཀོད་པ་ཡིན། །མོས་གུས་ལྡན་པའི་གང་ཟག་གིས། །ཡེ་ཤེས་སེམས་ལ་སྐྱེ་བ་ན། །ཉམས་སུ་བླངས་ན་སྐྱེ་ཡང་སྲིད། །འདི་བྲིས་པ་ཡི་བསོད་ནམས་ཀྱིས། །རྨི་ལམ་བསྒོམས་པའི་རྣལ་འབྱོར་པས། །སྒྱུ་མའི་རྣམ་ཐར་རབ་སྦྱངས་ནས། །ཆོས་ཉིད་འོད་གསལ་དོན་རྟོགས་ཤོག །སྒྱུ་མ་རབ་ཏུ་གསལ་བར་བྱེད་པའི་སྙིང་པོ། །རིན་པོ་ཆེ་འོད་ཀྱི་ཕྲེང་བ་ཞེས་བྱ་བ། །རྗེ་བཙུན་རཏྣ་བཱིརྱའི་ཞལ་སྔ་ནས་གསུངས་པ་རྫོགས་སོ། །། མངྒ་ལཾ། །ཤུ་བྷཾ།། །།

ནི་གུ་ཆོས་དྲུག་གི་ཞལ་ཤེས་དགོས་རྣམས་ཀྱིས་ལྷན་ཐབས།

[Full Size]

ནི་གུ་ཆོས་དྲུག་གི་ཞལ་ཤེས་དགོས་རྣམས་ཀྱིས་ལྷན་ཐབས་བཞུགས་སོ། །

[Full Size]

བླ་མ་དམ་པའི་ཞབས་ལ་གུས་པས་ཕྱག་འཚལ་ལོ། །ཆོས་དྲུག་འདི་ན་རོ་པའི་བཞེད་ཀྱིས། །མ་རྒྱུད་ཐམས་ཅད་ཀྱི་སྙིང་པོ་བསྡུས་པ། །དེ་ལས་ཀྱཻ་རྡོ་རྗེའི་མན་ངག་ཏུ་བཞེད། །ནི་གུ་མའི་བཞེད་ཀྱིས་ཕ་བརྒྱུད་ཐམས་ཅད་ཀྱི་སྙིང་པོ་ཕྱོགས་གཅིག་ཏུ་བསྡུས་པ་ཁྱད་པར་དུ་རིན་ཆེན་རྒྱ་མཚོའི་རྒྱུད་ལ་བརྟེན་པར་བཞེད་དོ། །རིན་པོ་ཆེའི་གསུང་གིས་གསང་འདུས་ལེའུ་བཅོ་ལྔ་པ་ལས་རྨི་ལམ་

[Full Size]

གྱིས་འོད་གསལ་གྱིས་ཆོས་མང་དུ་བྱས་པས་ཟིན་པོ་གསང་འདུས་ཆེ་བར་འདུག་གསུངས། ཨའི་སྟོང་རའི་སྐབས་སུ། གོས་དྲི་མ་ཅན་ལ་ཚོས་མི་ཆགས་པ་བཞིན། །དེ་ལ་དགེ་སྦྱོར་མི་སྐྱེ་ཞིང་ཐར་པ་མི་ཐོབ། ཐར་པ་བས་མི་ལུས་ཀྱང་མི་ཐོབ་སྟེ། བློ་གྲོས་མི་ཟད་པས། བདག་གིས་སྤྱོད་པ་འདི་འདྲས་ནི། །མི་ཡི་ལུས་ཀྱང་ཐོབ་མི་འགྱུར། ཞེས་གསུངས། སྤྱོད་པ་འདི་འདྲ་ནི་སྒོ་གསུམ་

[Full Size]

འཁྲུལ་པར་སྤྱོད་པ་ལ་ཟེར་རོ། །སྡིག་པ་སྦྱོངས་བ་ལ་ན་རོ་ཆོས་དྲུག་ནས་མཎྜལ་ཡི་གེ་བརྒྱ་པ་ལ་སོགས་པ་ཡོད་པ་ལ། འདིར་ཨའི་སྟོང་ར་གཅིག་པུ་ལ་དྲིལ་བས་སྤྲོས་པ་ཆུང་ཞིང་སྡིག་སྒྲིབ་བདག་པའི་རྟགས་མྱུར་དུ་ཏིང་ངེ་འཛིན་སྐྱེ་སླ་བས་ཟབ་པའི་གནད་ཡིན་གསུངས། སྡིག་སྒྲིབ་ལ། ཆོས་འབྱུང་ཕྱི་ནང་གཉིས་ཀ་དཀར་བ། ནད་ལ་ཕྱི་དཀར་ལ་ནང་དམར་བ། རླུང་ལ་རང་གི་འོག་ཏུ་མར་ནག་གི་མཚོ་ཁ་ཆུང་ལ་གཏིང་རིང་བ་རེག་བྱ་ཚ་བ། །རླངས་པ་དང་བཅས་པའི་ནང་མིག་མན་ཆད་ནུབ་པ་ལ། ཨའི་བདུད་རྩི་ཞུན་མར་གྱིས་རྣམ་པར་བྱུང་ནས་རླུང་གི་ནད་ཐམས་ཅད་ཞི་བར་བསམ། ཚད་པ་ལ་བདུད་རྩི་དཀར་ལ་རེག་བྱ་བསིལ་བ། །གྲང་བ་ལ་བདུད་རྩི་དཀར་ལ་རེག་བྱ་ཚ་བ། གདོན་ལ་བདུད་རྩི་ཁྲོ་བོའི་རྣམ་པ་ལ་ཁྲོ་ཆུང་མང་པོ་བྱུང་སྟེ། གདོན་ཐམས་

[Full Size]

ཅད་སྲོག་ཆགས་ཀྱི་རྣམ་པ་སྡིག་པ་དང་སྦལ་པ་འབུ་སྲོག་ལ་སོགས་པ་ལུང་པར་མི་ཤོང་བ་ཙམ་མཐོན་པས་ལུས་ཕྲུ་མ་ཕུས་བཏབ་པ་བཞིན་སོང་བར་བསམ་མོ། །རྟགས་ནི་རི་རྩེ་གངས་རྩེར་འཇོགས་པ། ཉི་ཟླ་ཤར་བ། གོས་མེད་མཐོན་པ་ཁྲུས་བྱས་པ་བུ་མོ་གཞོན་ནུ་མས་མགོ་ལ་མེ་ཏོག་ཕྲེང་བ་འདོགས་པ་ལ་སོགས་པ་རྨི་བས་ཏེ། ཕྱི་མ་ནི་མཁའ་འགྲོ་མའི་བྱིན་རླབས་འཇུག་པའི་རྟགས་ཀྱང་ཡིན། དངོས་སུ་ཡང་ལུས་བཟོ་མདོག་བདེ་བ་དང་། ལྡང་བ་ཡང་པ་ལ་སོགས་པ་འབྱུང་ངོ། དངོས་གཞི་རྒྱུད་ལ་སྐྱེ་བ་ལ་སྔོན་འགྲོ་ཚད་ལ་ཕེབས་དགོས་པ་སྔོན་འགྲོ་ལ་འཇུར་བ་གལ་ཆེ་ངས་མཁས་གྲུབ་ཆོས་རྗེས་ཞག་བཞི་བཅུ་སྔོན་འགྲོ་ལ་འབུངས་གསུངས། ༈གཏུམ་མོའི་སྐབས་སུ། །གནས་ལུགས་ཀྱི་དོན་ཟབ་མོ་བཞི་ལ་བཞུགས་པ་ལ་

[Full Size]

སྔར་མི་མཛད་དོ། །གཉིས་མཐུན་ཡང་སྔོན་དུ་བྱེད་པའི་ཐབས་ཟབ་མི་ཟབ་ཡོད་དེ། སྤྲོས་བྲལ་ནམ་མཁའ་ལྟ་བུར་འཇོག་པ་ཕ་རོལ་ཏུ་ཕྱིན་པ་ལ་ཡང་ཡོད་པས་ཁྱད་ཆོས་མིན། །རྟེན་ལུས་ལ་གནད་དུ་བསྣུན་པས་རྟེན་པ་སེམས་ལ་རྟོགས་པ་འཆར་བ་འདི་ཁྱད་ཆོས་ཡིན་པས། སྔགས་པས་རྣམས་ཀྱི་རླུང་བསྒོམ་དགོས། །རླུང་ལ་ཡང་དྲོད་དང་མཐུན་མོང་གི་དངོས་གྲུབ་ཐོབ་པ་མུ་སྟེགས་པ་ལ་ཡང་ཡོད་པས། རླུང་གིས་སྟོབས་ཀྱིས་ཀུན་གཞིའི་རྣམ་ཤེས་བྱིན་གྱིས་རླབས་ཏེ། མཆོག་གི་གནས་སུ་བཞུགས་ཏེ། ཡེ་ཤེས་སྐྱེ་བ་གཅིག་དགོས། རླུང་ཞི་དྲག་གང་རུང་བསྟན་ཏེ་མ་བསྒོམ་ན་དབང་གཉིས་པའི་དམ་ཚིག་དང་ཡང་འགལ། དེས་ན་འབིར་ཝ་པས་འབྲིང་དམ་ཚིག་དང་སྡོམ་པའི་ལམ། ཅེས་པ་དང་། གནད་གཅིག་སྟེ། དབང་

[Full Size]

བཞིའི་ལམ་བཞི་མ་བསྒོམ་ན། དམ་ཚིག་འཆོར་མེད་དུ་མི་འབྱུང་བའོ། །མེའི་ལྷ་ཡིན་པས་རྗེ་བཙུན་མ་ངེས་པར་བསྒོམས། ཞལ་གཅིག་མ་དང་ཕྱག་གཉིས་མ་རང་གང་མོས་སུ་བསྒོམས། དམིགས་པ་ཀུན་བཏང་བསྒོམ་པ་མིན། །དངོས་ལ་གནས་པ་གསལ་འདེབས་པ་ཡིན་ཏེ། རྐང་པ་བསྒྲད་པ་རླུང་གི་དཀྱིལ་འཁོར་ཆང་ཟུང་ཡར་བསྟན་པ་གཡོ་བྱེད་པ་བ་དན་གྱིས་མཚན་པ། སུམ་མདོའི་མེ་རི་བོང་གི་རིལ་མ་ཙམ། དམིགས་པ་གང་བདེའོ། །དམིགས་པ་མི་གསལ་བར་རླུང་ཤོར་ན་ཡོན་ཏན་མི་སྐྱེ་བས། གསལ་བཏབ་ལ་རླུང་བཟུང་བསྒོམ་བྱ། །དོན་གྱི་གནད་འཆུགས་ན་ཡོན་ཏན་མི་སྐྱེ་ཞིང་གེགས་སུ་འགྱུར་བས་ལུས་ངག་ཡིད་གསུམ་གནད་མ་འཆུགས་པར་བྱ། རླུང་དང་ཤེས་

[Full Size]

པ་ལྟེ་འོག་ཏུ་འཛིན་པ་གནད་ཆེ། །སྟོད་དུ་ལས་ན་གེགས་འབྱུང་། མེ་རླུང་བསྒོམ་པ་དང་རྗེ་མི་རྟོག་པར་འཇོག་པ་གཉིས་། སྤེལ་མར་བྱས་པས་རྟོག་མེད་ལ་བརྟེན་ནས་དྲོད་དང་བདེ་བ་ལ་སོགས་འབྱུང་། དྲོད་ལ་བརྟེན་པ་མི་རྟོག་ཡེ་ཤེས་སྐྱེའོ། །དེའང་མི་རྒོད་གཏུམ་མོ་ནི་མི་རྒོད་ལྟར་གཏུམ་པའམ་སྟོབས་ཆེ་མྱུར་བས་མི་རྒོད་དང་མཚུངས་པའོ། ༈ །དབང་པོ་རབ་ཀྱིས་སྐབས་སུ། ས་བཅུ་ལམ་ལྔ་ཐམས་ཅད་བླ་མའི་མན་ངག་གཅིག་པུས་བསྒྲོད་པར་བྱེད་དེ། །ཡེ་ཤེས་མངོན་འབྱུང་ལས། ས་དང་ལམ་གྱི་རིམ་པ་རྣམས། བླ་མའི་མོས་གུས་ལོ་ཟླས་བསྒྲོད། །བླ་མའི་སྣང་བ་མི་འབྲལ་ན། །སངས་རྒྱས་རྣམས་དང་འབྲལ་མེད་གནས། ཅེས་དང་། ཡེ་ཤེས་མཁའ་འགྲོ་ནི་གུ་མས། །ས་བཅུ་ལམ་ལྔའི་རིམས་

[Full Size]

པ་རྣམས་མོས་གུས་སྟོབས་ཀྱིས་བསྒྲོད་པར་བྱེད། །བླ་མའི་སྣང་བ་མི་འབྲལ་ན། །རྒྱུད་སྡེའི་དགོངས་པ་གནད་ཀྱིས་མཆོག །ཅེས་སོ། །ལྷ་སྐུ་སྐལ་པ་སྟོང་དུ་བསྒོམ་པ་བས། །བླ་མ་དྲན་པ་བསོད་ནམས་ཆེ་སྟེ། །ཡེ་ཤེས་གསལ་བ་སྒྲོན་མེའི་རྒྱུད་ལས། །མཚན་དང་དཔེ་བྱད་ལྡན་པའི་ལྷ། །བསྐལ་པ་སྟོང་དུ་བསྒོམས་པ་བས། །བླ་མ་དྲན་པ་བསོད་ནམས་ཆེ། །ཅེས་སོ། །སངས་རྒྱས་སྟོང་གི་ཡོན་ཏན་འཛིན་ཏེ། །ཨ་ཏི་བཀོད་པའི་རྒྱུད་ལས། །གསང་བ་སྔགས་ལས་བྱུང་བ་ཡིན། །བླ་མའི་དྲིན་དང་ལྡན་པ་ཉིད། །སྙིང་གི་དཀྱིལ་ལམ་རྐང་པའི་མཐིལ། །སྤྱི་བོའི་གཙུག་ཏུ་སུས་བསྒོམས་པ། །སངས་རྒྱས་སྟོང་གི་ཡོན་ཏན་ཡང་། །གང་ཟག་དེ་ཡིས་འཛིན་

[Full Size]

པར་འགྱུར། །ཅེས་དང་། དམ་ཚིག་བཀོད་པ་ལས། གཡོ་མེད་མོས་གུས་ཟླ་དྲུག་གིས། །རྡོ་རྗེ་འཆང་གི་ས་ཐོབ་འགྱུར། །ཅེས་དང་། བརྟག་གཉིས་ལས། གཞན་གྱིས་བརྗོད་མིན་ལྷན་ཅིག་སྐྱེས། །གང་དུ་ཡང་ནི་མི་རྙེད་དེ། །བླ་མའི་དུས་ཐབས་བརྟེན་པ་དང་། །བདག་གི་བསོད་ནམས་ལས་ཤེས་བྱ། ཅེས་དང་། མགུར་ལས། སློབ་དཔོན་སྟོན་པར་གྱུར་པ་ནི། །སངས་རྒྱས་རྣམས་ཀྱི་ཕྱག་མཛད་པ། །བདག་ཅག་རྣམས་ཀྱི་ཕ་དང་མ། །འདི་ཉིད་ཡིད་ལ་བསམ་པར་བྱ། །དེ་ནི་ཅི་ཡིས་ཕྱིར་ཞེ་ན། །རྡོ་རྗེ་སེམས་དང་སངས་རྒྱས་སྤྱན། །དེ་ནི་རྡོ་རྗེ་གཟི་བརྗིད་དང་། །པདྨ་གར་གྱིས་དབང་ཕྱུག་དང་། །རྟའི་རྒྱལ་པོའི་དངོས་གྲུབ་ནི། །གང་ཕྱིར་དེ་ལ་དཀའ་བ་མེད། །ཅེས་དང་།

[Full Size]

གསང་འདུས་ལས། །ཕྱོགས་བཅུར་བཞུགས་པའི་སངས་རྒྱས་པའི། །བླ་མའི་བ་སྤུ་ཉག་གཅིག་ལྷག །ཅེས་དང་། རྡོ་རྗེ་སློབ་དཔོན་ནི་བདག་ཅག་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱི་ཕའོ། །མའོ། བསྐྱེད་པའོ། །ཅེས་དང་། སྡོམ་པ་འབྱུང་བ་ལས། བླ་མ་སངས་རྒྱས་བླ་མ་ཆོས། །དེ་བཞིན་བླ་མ་དགེ་འདུན་ཏེ། །དཔལ་ལྡན་བླ་མ་རྡོ་རྗེ་འཆང་། །ཀུན་གྱིས་བྱེད་པ་བླ་མ་ཡིན། །ཅེས་སོ། །རྣལ་འབྱོར་མ་ཀུན་སྤྱོད་ལས། །གང་གི་དྲིན་གྱི་བདེ་ཆེན་ཉིད། །སྐད་ཅིག་ཉིད་ལ་འཆར་བ་གང་། །བླ་མ་རིན་ཆེན་ལྟ་བུའི་སྐུ། །རྡོ་རྗེ་ཅན་ཞབས་པད་ལ་འདུད། ཅེས་སོ། །མཆོད་རྟེན་བརྩེགས་པའི་རྒྱུད་ལས། །སངས་རྒྱས་ཐམས་ཅད་འདུས་པའི་སྐུ། །རྡོ་རྗེ་

[Full Size]

འཛིན་པའི་ངོ་བོ་ཉིད། །དཀོན་མཆོག་གསུམ་གྱིས་རྩ་བ་སྟེ། །བླ་མ་རྣམས་ལ་ཕྱག་འཚལ་ལོ། །ཅེས་སོ། །མཚན་བརྗོད་ལས། མཆོད་འོས་བསྟོད་འོས་ཕྱག་གི་གནས། །རྟག་ཏུ་རི་མོར་བྱ་བའི་འོས། །བསྐུར་འོས་མཆོད་པ་བྱ་བའི་མཆོག །ཕྱག་བྱར་འོས་པ་བླ་མའི་རབ། །ཅེས་སོ། །མཁའ་འགྲོ་མ་ཐམས་ཅད་ཟིལ་གྱི་གནོན་པའི་རྒྱུད་ལས། སངས་རྒྱས་དང་བྱང་ཆུབ་སེམས་དཔའ་གང་གའི་ཀླུང་གི་བྱེད་མ་རྙེད་ལ་སྐལ་བ་གང་གའི་ཀླུང་གི་བྱེད་མ་རྙེད་དུ་བསྙེན་བསྐུར་བྱས་པ་བས་ནི། རྡོ་རྗེ་སློབ་དཔོན་གྱིས་བ་སྤུའི་བུ་ག་གཅིག་ལ་ཏིལ་མར་གྱིས་བྱུགས་པ་བསོད་ནམས་ཆེས་ཁྱད་པར་དུ་འཕགས་སོ། །ཅེས་སོ། །རྡོ་རྗེ་ཕྲེང་བ་ལས། རྡོ་རྗེ་སློབ་དཔོན་ལུས་འདི་ལ། །རྒྱལ་བའི་སྐུ་ནི་རིམ་བཞིན་གནས། །

[Full Size]

དེའི་གཟུགས་ཀྱི་ཕུང་པོ་ནི། །སངས་རྒྱས་རྣམ་པར་སྣང་མཛད་དོ། །ཅེས་སོགས་ལྷ་སུམ་ཅུ་རྩ་གཉིས་ཀྱི་ངོ་བོར་བཤད་དོ། །སམ་བུ་ཊི་ལས། གང་ཕྱིར་ཕྱོགས་བཅུའི་སངས་རྒྱས་རྣམས། །བྱང་ཆུབ་སེམས་དཔའི་བསོད་ནམས་པས། །སློབ་དཔོན་བ་སྤུའི་ཁུང་གཅིག་མཆོག །ཅེས་སོ། །སངས་རྒྱས་ཆོས་རྣམས་དགེ་བའི་བཤེས་ལ་བསྟེན་ཏོ་ཞེས། །ཡོན་ཏན་ཀུན་གྱི་མཆོག་མངའ་རྒྱལ་བས་དེ་སྐད་གསུངས། །ཅེས་སོ། །བ་ཚྭ་ཅན་ཆུ་ཀླུང་གི་མདོ་ལས། ལྔ་བརྒྱ་ཐ་མར་གྱུར་པ་ན། །ང་ཉིད་སློབ་དཔོན་གཟུགས་ཀྱིས་གནས། །ང་ཡིན་སྙམ་དུ་ཡིད་བྱོས་ལ། །དེ་ཚེ་དེ་ལ་གུས་པ་བསྐྱེད། ཅེས་སོ། །ས་ར་ཧས། འཁོར་བའི་སྡུག་བསྔལ་ཟབ་ཅིང་རྒྱ་ཆེ་ལས། །བསྒྲོལ་བར་བྱེད་པའི་གྲུབ་མཆོག་

[Full Size]

དེ་ནི་གཞན་མིན་ཏེ། ཅེས་སོ། །ཆོས་རྗེ་ས་སྐྱ་པས། ཉི་མའི་འོད་ཟེར་རབ་ཚ་ཡང་། །མེ་ཤེལ་མེ་ན་མེ་མི་འབྱུང་། །དེ་བཞིན་སངས་རྒྱས་བྱིན་རླབས་ཀྱང་། །བླ་མ་མེད་པར་འབྱུང་མི་ནུས། ཅེས་སོ། །བླ་མ་རྨོག་ལྕོག་པའི་གསུང་ལས། ཚེ་གཅིག་ལུས་གཅིག་ལ་སངས་རྒྱ་བ་ལ་བླ་མའི་མོས་གུས་དགོས། མོས་གུས་ལ་བླ་མའི་སྣང་བ་དང་མི་འབྲལ་བ་གཅིག་དགོས་གསུང་སྟེ། ཁོང་གི་ཐག་ཆོད་ཀྱིས་གསུངས་ལས། ཐུགས་རྗེ་ཆེན་པོ་རང་ཤེས་དཀར་ན་ཡང་དཀར། །དགྱེས་རྡོར་བདེ་མཆོག་རང་སྔོ་ནའང་སྔོ། །རྡོ་རྗེ་ཕག་མོ་རང་དམར་ནའང་དམར། །ང་ལ་ནི་རེ་ས་བླ་མ་ལས་མེད། །ཇི་ལྟར་འདུག་ཀྱང་བླ་མའི་སྣང་བ་དང་འབྲལ་མ་མྱོང་བས། ཚེ་གཅིག་ལ་ལུས་གཅིག་གིས་སངས་རྒྱས་སམ་དེ་ཡོང་ཡོངས་འདྲ་གསུང་ངོ་། །

[Full Size]

བླ་མ་སྐྱེར་སྒང་པའི་ཞལ་ནས། ཚེ་གཅིག་གིས་སངས་རྒྱ་བ་ལ་བླ་མའི་མོས་གུས་དགོས། །མོས་གུས་ལ་བླ་མ་ཡང་ཡང་དུ་དྲན་པ་བུ་གཅིག་པོ་ཤི་བའི་མ་ལྟ་བུ་གཅིག་དགོས། །སངས་རྒྱས་གཉན་སྟོན་གྱིས་ཞལ་ནས་བླ་མའི་མོས་གུས་ལ་ཞེ་ཐག་པ་ནས་སྙིང་ཁོང་རུས་པའི་གཏིང་ནས་མཆི་མ་རང་དབང་མེད་པར་གསོལ་བ་འདེབས་པ་གཅིག་དགོས་གསུང་ངོ་། །སངས་རྒྱས་སྟོན་པའི་ཞལ་ནས། བླ་མའི་མོས་གུས་ལ་བརྗེད་ངེས་ལོག་ལྟར་མ་སོང་བ་དགོས་གསུངས་སོ། །གཞན་ཡང་བླ་མ་གཉན་སྟོན་གྱིས་ཞལ་ནས། བླ་མ་རྗེ་བཙུན་ཆེན་པོ། །རིན་ཆེན་འབྲི་གུང་པ། ཞང་རིན་པོ་ཆེ། དུས་གསུམ་མཁྱེན་པ། གཙང་པ་རྒྱ་རས། རྒྱལ་བ་རྒོད་ཚང་པ་ལ་སོགས་ཀྱི་དྲུང་དུ་ཕྱིན་

[Full Size]

པས་བླ་མའི་མོས་གུས་གཅིག་པུས་ས་ལམ་བསྒྲོད་པ་ལ་ཐམས་ཅད་མཐུན་པར་གདའ་གསུང་ངོ་། །བླ་མའི་གསུང་གིས། བླ་མའི་བྱིན་རླབས་ལ་བརྟེན་ནས་རྒྱུད་རང་གྲོལ་དང་སྣང་བ་བདེན་མེད་དུ་ཕྱམ་མ་སོང་ན། དམིགས་པ་ལ་སོགས་པའི་གནད་ཀྱིས་དགེ་སྦྱོར་རམ་དུམ་སྐྱེ་ཡང་མཐར་ཐུག་མི་སྐྱེ་བས་བླ་མ་ལ་ཆོས་སྐུའི་འདུ་ཤེས་སྐྱེས་ན་བདེ་དྲོད་རང་འབར། །སྒྱུ་མ་རང་ཤར། རྨི་ལམ་རང་ཟིན། འོད་གསལ་རང་ཤར། བར་དོ་རང་འབྱོངས་སུ་འབྱུང་གསུང་། ༈ །དབང་པོ་འབྲིང་གིས་སྐབས་སུ། །སྒྱུ་མ་ལྟ་བུ་ཞེས་བྱ་བའི་ཏིང་ངེ་འཛིན་ཡོད་དོ། །ཏིང་ངེ་འཛིན་དེས་རྣམ་པར་སྤྱོད་པའི་བྱང་ཆུབ་སེམས་དཔའ་མྱུར་དུ་མངོན་པར་སངས་རྒྱས་པར་འགྱུར་རོ། །ཅེས་སོ། །

[Full Size]

སྒྱུ་མ་ལྟ་བུའི་ཆོས་རྣམས་ལ། །སྒྱུ་མ་ལྟ་བུར་བསྒོམ་བྱས་ནས། །སྒྱུ་མ་ལྟ་བུར་མངོན་སངས་རྒྱས། །རྨི་ལམ་ལྟ་བུ་ཞེས་སྔར་བཞིན་གསུངས་སོ། །ཁྱེའུ་རབ་སྣང་སྐབས་སུ། །ནོར་བུ་ཚེ་གཅིག་ལ་བུ་གཅིག་ལས་མེད་པས་བུ་རབ་ཏུ་འབྱུང་ན། ནོར་རྒྱལ་པོས་འཁྱེར་བས་རབ་ཏུ་བྱུང་དུ་མི་གཏེར་ཏེ། །དེས་སངས་རྒྱས་ལ་བདག་རབ་ཏུ་བྱུང་དུ་ཕ་མས་མ་གནང་བས། །འདོད་པའི་ཡོན་ཏན་དང་བཅས་ཏེ་ཁྱིམ་ན་གནས་བཞིན་དུ་སངས་རྒྱ་བའི་གདམས་ངག་གཅིག་ཞུ་འཚལ། ཅེས་གསོལ་བ་དང་། །ཆོས་རྣམས་སྒྱུ་མ་རྨི་ལམ་ལ་སོགས་པར་གསུངས་སོ། །གང་གི་ཚིག་བརྗོད་དྲན་གྱུར་ན། །སྲིད་པའི་འཆིང་བ་ལས་གྲོལ་ནས། །ཚེ་འདི་ཉིད་ལ་སངས་རྒྱས་ངེས། །ཅེས་སོ། །ཏིང་ངེ་འཛིན་རྒྱལ་པོ་ལས།

[Full Size]

ཇི་ལྟར་ལམ་ན་མང་འདོད་པ་རྟེན། །སྐྱེས་བུ་སད་པར་གྱུར་ན་མི་མཐོང་ལྟར། །བྱིས་པ་དེ་ནི་འདོད་ལ་ཆགས་ཤིང་ཞེ་ན། །ཆོས་རྣམས་ཐམས་ཅད་དེ་ལྟར་ཤེས་པར་གྱིས། །ཅེས་དང་། ལས་རྒྱ་མཚོའི་རྒྱུད་ལས། འགྲོ་ཀུན་སྐྱེས་པ་བུ་མེད་སྣ་ཚོགས་པ། །དེ་དག་རང་གི་སེམས་དང་ཐ་དད་མེད། །དེ་ཀུན་སྒྱུ་མའི་སྣང་བར་རབ་ཤེས་ན། །དེ་ཚེ་སངས་རྒྱས་ལག་པའི་མཐིལ་བསྟོད་འགྱུར། །ཡེ་ཤེས་རྒྱ་མཚོའི་རྒྱུད་ལས། །རང་ལུས་སྒྱུ་མའི་རྣམ་པར་ཤེས་པ། །འགྲོ་ཀུན་སྐྱེས་པ་བུད་མེད་སྣ་ཚོགས་པར། །ཐམས་ཅད་གཟུགས་ནི་སྒྱུ་མའི་རྣམ་པ་ལས། །མཁས་པ་སུ་དག་དེ་ལས་གཞན་དུ་བརྗོད། །ཅེས་སོ། །གཉིས་མེད་རྣམ་རྒྱལ་ལས། སྒྱུ་མ་འདི་ནི་ཡོད་མེད་ལས་འདས་ཤིང་། །

[Full Size]

དབུ་མ་ཙམ་དུའང་མི་གནས་ཀུན་རྫོབ་སྟེ། །ཆོས་རྣམས་ཐམས་ཅད་སྒྱུ་མའི་སྣང་བ་ལས། །འགགས་པ་མེད་པའི་རོལ་པ་རང་ཤར་འབྱུང་། ཅེས་སོ། །ལྷའི་བུས་ཞུས་པའི་མདོ་ལས། སྣང་བ་མ་ངེས་པ་ནི་ཇི་ལྟར་བལྟ་བར་བགྱི། བཀའ་སྩལ་པ། ས་ལ་སར་སྣང་བ་ཡོད། །ས་ལ་ཆུར། ས་ལ་མེར། ས་ལ་རླུང་། ས་ལ་ནམ་མཁར་སྣང་བ་ཡོད་དེ། །དེའི་ཕྱིར་མ་ངེས་སོ། །ཅེས་སོ། །དེ་ཡང་སྲོག་ཆགས་སྦལ་པས་ས་ལ་ནམ་མཁའི་འདུ་ཤེས་ཡོད་པས། ཁོ་ས་འོག་ནས་རྒྱུགས་པས་སྟེང་ནས་རྟ་རྒྱུགས་པས་མི་ཟིན། །རྒྱ་ཡུལ་ན་མེ་བྱི་ཡོད་པས་མེ་ལ་ཟས་གོས་ཀྱིས་སྣང་བ་ཤར་བས། །མེ་བྱི་སྟོབས་དང་ལྡན་པ་ལུག་ཙམ་ཡོད། །མེ་ཆུང་ན་མདངས་མེད་

[Full Size]

པ་བྱི་ལ་ཙམ་དུ་འགྲོ། །ནམ་མཁའ་ལ་སར་འདུ་ཤེས་པ་ནི། །མུ་སྟེག་རྟགས་པ་བས། །ནམ་མཁའ་ལ་ལག་པ་རྒྱབ་པས་རྟོག་སྒྲ་ཡོངས་བས། །སློབ་དཔོན་སངས་རྒྱས་ཡེ་ཤེས་ཞབས་ཀྱིས། །ལྷོ་ཕྱོགས་ཀོང་ཀ་ནར་བྱོན་པ་ན། ལོ་ཐོག་དང་རྩི་ཤིང་ཐམས་ཅད་ནམ་མཁའ་ལ་སྐྱེས་འདུག་ནས། ངེད་ཀྱི་ཡུལ་ན་ས་ལ་སྐྱེས་བྱས་པས་བློར་མ་ཆུད་གསུང་། །གཞན་ཡང་བྱ་རོག་དང་མིའི་ཉིན་མོ་ལ། སྲིན་བྱ་དང་འུག་པས་མཚན་མོ་དང་། ཁོང་གཉིས་ཀྱིས་ཉིན་མོ་ལ་མི་དང་བྱ་རོག་གི་མཚན་མོར་འདུ་ཤེས་པས། །དེ་ཡང་སྣང་བ་མ་ངེས་པའོ། །གསུང་གསོལ་པ་སྒྱུ་མ་ལྟ་བུ་ཇི་ལྟར་བལྟ་བར་བགྱི། བཀའ་སྩལ་བ། རྒྱ་གར་གྱི་ཡུལ་དབུས་ན་རྒྱལ་པོ་དཔའ་བ་

[Full Size]

སྡུག་ཅིང་ལེགས་པ་གཅིག་འདུག་པས། རྟ་སྲེད་བྱུང་ནས་བཙུན་མོས་སྒྱུ་མ་མཁན་པ་བོས་ནས་རྟ་ལ་སྐྱེ་བའི་ཐབས་ཀྱིས་ཤིག་བྱས་པས། སྒྱུ་མ་མཁན་གྱིས་རྟ་ཚོ་བ། ལེགས་པ། གཟུགས་བཟང་མགྱོགས་པ་གཅིག་སྤྲུལ་ནས་སྒོ་དྲུང་ན་འདུག །བཙུན་མོས་རྒྱལ་པོ་གསེར་ཁྲི་ལ་ཞུགས་པ་ལ་རྟ་མི་ཉོའམ་བྱས་པས། རྟ་ཇི་འདྲ་གཅིག་འདུག་བྱས་པས། སྔར་གྱིས་དེ་རྣམས་ལས་ཆེས་ལྷག་པ་གཅིག་འདུག་བྱས་པས། རིངས་པའི་ཚུལ་གྱིས་སྒྱུ་མ་མཁན་གྱིས་རྩར་སོང་ནས་རིན་ཇི་ཙམ་འདོད་ཟེར། རྒྱལ་སྲིད་ཕྱེད་འདོད་བྱས་པས། ཆགས་ཐོགས་མེད་པར་འཇལ་ནུས་པ་བྱུང་། ཡང་རྩ་ན་མི་གཅིག་བྱུང་ནས། ཁོང་གཅིག་པོ་

[Full Size]

བདག་པོ་མིན་ཚོང་གཤའ་མ་གཅིག་བྱེད་ན་བཙུན་མོའི་ཕྱེད་འཇལ་ནུས་སམ། །ནུས་པར་བྱུང་། ཡང་ཙ་ན་མི་གཅིག་བྱུང་ནས་ཁོང་ཚོ་ཀྱང་བདག་པོ་ནི་མིན། །ཚོང་གཤའ་མ་གཅིག་བྱེད་ན་སྲས་དམ་པ་རྣམས་ཀྱིས་ཕྱེད་འདོད་བྱས་པས་ཅུང་ཟད་ཐེ་ཚོམ་བྱས་ནས་བང་འགྲོས་ཇི་འདྲ་ཡོད་ཟེར། རྒྱལ་པོ་རང་གཟིགས་ཤིག་བྱས་ནས། དེར་ཞོན་པས་རྒྱལ་པོ་རྟས་ཁྱེར་ཏེ། བསྐལ་པར་ཕྱིན་ཀྱང་མི་བསྒྲོད་པའི་རྩི་ཤིང་ལ་སོགས་པ་གང་ཡང་མེད་པར། གཅན་གཟན་གདུག་པ་ཅན་རྒྱུ་བའི་ཐང་ཆེན་པོ་གཅིག་གི་འགྲམས་ན་མཚོ་གཅིག་འདུག་པའི་རྩར་རྒྱལ་པོ་སྒྱུར་ནས་རྟ་དེ་མཚོ་ལ་འཕྱོངས་སོང་། རྒྱལ་པོ་མྱ་ངན་བྱེད་ཅིང་ཕྱོགས་གཅིག་ན་ཕར་

[Full Size]

ཕྱིན་པས་དུད་དྲི་གཅིག་བྱུང་། མི་དང་འཕྲད་པར་འགྱུར་སྙམ་ནས་རྩལ་བས་གྲོགས་པོ་གཅིག་གི་ནང་ན་ཁང་ཆུང་གཅིག་གི་ནང་ན་རྒན་རྒོན་གཉིས་ལ་བུ་མོ་མདོག་ཤིན་ཏུ་ལེགས་པ་གཅིག་དང་། བུ་དིག་པ་གཅིག་འདུག །སྔར་གྱིས་ལོ་རྒྱུས་བརྗོད་པས། རྒན་རྒོན་གཉིས་ན་རེ། དེ་ཁྱེད་རང་གི་ཁབ་ཏུ་ཕྱིན་པས། བཙུན་མོ་དང་འཕྲད་པ་མི་འོང་བས། ངེད་ཀྱིས་བུ་མོ་དང་ལྷན་གཅིག་སྡོད་ཟེར་བསྡད་པས་ལོ་བདུན་སོང་བུ་ཚ་ལྔ་བྱུང་། དེ་ནས་རྒན་པོ་ན་རེ། རྒྱལ་པོ་ཁྱོད་བསོད་ནམས་དང་ལྡན་པ་ཡིན་པས། བུ་དིག་པ་འདི་ལ་བྱམས་སུ་བགྱིས་ཤིག་ཟེར་ནས་མཚོ་དེ་ལ་འཕྱོངས་སོང་། དེ་བཞིན་དུ་རྒན་མོ་དང་བུ་མོ་རྣམས་ཀྱང་རིམས་

[Full Size]

ཀྱི་དེ་སྐད་ཟེར་ཞིང་འཕྱོངས་སོང་། མཐར་ལྐུག་པ་ཡང་ཁ་བྱེ་ནས། རྒྱལ་པོ་ཁྱོད་བསོད་ནམས་ཆེ་བས་སྐྱིད་པ་གྱིས་ཟེར་ནས་འཕྱོངས་སོང་། དེར་རྒྱལ་པོ་མྱ་ངན་སྐྱེས་ནས། ཉི་གྲིབ་འཚམས་ལ་རྔམས་རིང་ན་ར་ར་འདུག །དེར་བཙུན་མོ་ན་རེ། ད་སེར་མ་ཡོངས་པས་སྒྱུ་མ་ཤིག་ཟེར་བཤིག་པས། ལོ་བདུན་ལ་གྲིབ་མ་སོར་བདུན་ལས་མ་འདས་པར་འདུག །དེས་ན་སྐད་ཅིག་མ་ཡུན་དུ་འཁྲུལ་བ་ཡིན། དེར་རྒྱལ་པོས་རྒྱལ་སྲིད་བཙུན་མོ་དང་བཅས་པ་ཐམས་ཅད་སྔར་གྱིས་སྒྱུ་མ་དང་ཁྱད་མི་འདུག་སྙམ་ནས། སངས་རྒྱས་ཀྱི་དྲུང་དུ་རབ་ཏུ་བྱུང་ནས་བསྒྲུབ་པས། དགྲ་བཅོམ་པའི་འབྲས་བུ་ཐོབ་སྟེ། ལྷའི་བུ་སྒྱུ་མ་ནི་དེ་ལྟ་བུ་ཞེས་གསུངས་སོ། །

[Full Size]

ཡང་གསོལ་བ་འཕགས་པ་རྨི་ལམ་ཇི་ལྟར་བལྟ་བར་བགྱི། བཀའ་སྩལ་བ། རྒྱ་གར་ལྷོ་ཕྱོགས་ན། རྒྱལ་པོ་ཟླ་བ་བཟང་པོ་ཞེས་བྱ་བ་ལ་བུ་མོ་གཟུགས་མཛེས་པོ། ལྟ་ན་སྡུག་པ་རིན་པོ་ཆེའི་རྒྱན་དང་ཆས་སུ་ཡོད་པ་གཅིག་ལ། རེ་ཞིག་ན་དེ་མྱ་ངན་གྱི་ཁང་པར་བཞུགས་པར་གྱུར་ཏེ། གཡོག་མོ་སུམ་ཅུ་རྩ་གཉིས་ཀྱི་ནང་ནས་དྲག་པ་གཅིག་གིས། ལྷ་གཅིག་འདི་ལྟ་བུའི་ཕུན་སུམ་ཚོགས་པའི་དུས་སུ་ཅིའི་ཕྱིར་མྱ་ངན་བྱེད་དྲིས་པས་འབྱོར་པ་ཀས་བདག་གི་ཁྱིམས་ཟླར་གྱུར་པའི་འོས་མི་རྙེད་པས་སོ། །ཅེས་དང་། འོ་སྐོལ་རང་གི་དགྲ་ཟླར་གྱུར་པ་ལ། བུ་མཛེས་ཤིང་ལྟ་ན་སྡུག་པ་གཅིག་ཡོད་པས་དེ་དང་གཉེན་བྱའོ་བྱས་པ་དང་། རུང་ཟེར་ནས་རིན་པོ་ཆེའི་བརྒྱན་སྲང་

[Full Size]

བྱེ་བ་རི་བ་གཅིག་བསྐུར། རྒྱལ་པོས་ཀྱང་དེ་ལྟ་བུ་གཅིག་བསྐུར་སྐད། དེར་དགྱེས་ནས་ཡོད་པས། རྨི་ལམ་དུ་རྒྱལ་བུ་མཛེས་པ་དང་འགྲོགས་ནས་བུ་ཡིད་དུ་འོང་བ་གཅིག་བརྩས་པས་དགའ། དེ་ནས་བུ་ཤི་ནས་མྱ་ངན་དུ་གྱུར་པ་དང་གཉིད་སད་ཁར་སངས་རྒྱས་ཡེ་ཤེས་བླ་མས་ཛ་ཡ་སིདྷི་བསོད་སྙོམས་བླངས་གསུངས་པས། མོས་ཇི་ལྟར་བུ་མོ་གཞོན་ནུས་རྨི་ལམ་ན། བུ་ཕོ་སྐྱེས་ཤིང་ཤི་བ་དེ་མཐོང་ནས། བྱུང་ན་དགའ་ཞིང་ཤི་ན་མི་འགལ་ལྟར། ཆོས་རྣམས་ཐམས་ཅད་དེ་ལྟར་ཤེས་པར་གྱིས། །ཞེས་ཐོས་ཤིང་རྨི་ལམ་དྲན་པས། སྐྱེ་བ་སྐྱེས་ཏེ་ཁྱིམ་སྤངས་ནས་བསྒྲུབ་པས་འབྲས་བུ་ཐོབ་སྟེ་རྨི་ལམ་ལྟ་བུའོ། །ཡང་ལྷའི་བུའི་གསོལ་བ་སྣང་བ་མི་བདེན་པ་བརྫུན་པ་ཡིན་ན། ཅིའི་ཕྱིར་ས་རྡོ་བྲག་ལ་སོགས་པ་སྲ་ཤིང་ཐས་སར་སྣང་།

[Full Size]

ཅེས་གསོལ་བ་དང་། བཀའ་སྩལ་བ། ལྷའི་བུ་དག་དྲང་སྲོང་མོས་བྱིན་གྱིས་རྟག་ཏུ་བསྒོམ་ནས་དེས་མི་མང་པོ་ཟོས་པ་དང་། ཡང་དགེ་སློང་གཅིག་ཀླུ་སྲིན་མོ་གཅིག་གནོད་པ་ལ་ཀེང་རུས་སུ་བསྒོམ་པས། དེའི་བག་ཆགས་བལྟས་ནས་ང་ལ་མ་གཅིག་འཇིགས་པར་འགྱུར་རོ་ཞེས། བག་ཆགས་ཡུན་ཐུང་པས་ཀྱང་དེ་ལྟར་ལས་མཐས་སུ་གྱུར་ན། ཐོག་མ་མེད་པ་ནས་བསགས་པའི་བག་ཆགས་ངན་པ་ལ་ཡུན་དུ་གོམས་པས་ཅིའི་ཕྱིར་བདེན་པར་མི་འཛིན་ཏེ། ལས་མཐས་སུ་ཞེན་པའོ། ལྷའི་བུ་དེའི་ཕྱིར་མི་བདེན་པར་རྟོགས་པར་བྱའོ། །ཞེས་གསུངས་སོ། །འདི་ནི་བདེན་པར་སྣང་ཡང་ཆོས་ཐམས་ཅད་རྫུན་པའི་སྐབས་སུ་སྦྱོར་བར་གནང་ངོ། །དེ་ཡང་སྒྱུ་མ་ནི་སྣང་ལ་

[Full Size]

བདེན་མེད་གཅིག་ལ་ཟེར་ཏེ། ནི་གུ་མའི་གསུང་གིས། སྣང་ཡང་བདེན་པར་མ་གྲུབ་ཅིང་། །སྟོང་ཡང་འཛིན་པས་མ་སླད་པ། ཅེས་སོ། །དེ་ཡང་སྒྱུ་མའི་སྣང་བ་དེ་རྒྱུ་རྐྱེན་ཚོགས་ན་འབྱུང་གི་མ་ཚོགས་ན་མི་འབྱུང་སྟེ། ཟླ་བའི་དཀྱིལ་འཁོར་དྭངས་ཤིང་ནམ་མཁའ་ལ་སྒྲིབ་བྱེད་མེད་ན། འཛམ་བུའི་གླིང་གི་ཆུ་སྐྱོགས་ཐམས་ཅད་ཟླ་བའི་གཟུགས་བརྙན་དུ་འཆར་ཞིང་། ཆུ་སྐྱོགས་འགྱེལ་ན་ཟླ་བ་ཆུ་ཁྱེར་བའམ། །སྣོད་ལ་ཐིམ་པ་མིན་ཏེ། རྒྱུ་རྐྱེན་ཚོགས་པ་ཞིག་པས་མི་སྣང་བའོ། །སངས་རྒྱས་སྟོན་པས་སྐྱེས་པ་སྟག་གདོང་དང་བཅས་ནས་སངས་རྒྱས། བུ་མེད་བལ་བསྐུར་དང་བཅས་ནས་སངས་རྒྱས། གཙོ་བོ་མདུན་མ་དང་བཅས་ནས་སངས་རྒྱ་བའི་ཆོས་ཡིན་གསུང་ངོ་། ༈ །ཇོ་བོ་རྗེ་དང་ལོཙྪ་བ་རིན་ཆེན་བཟང་གིས་གཏམ་རྒྱུས་ལ་

[Full Size]

བརྟེན་ནས་ངེས་ཤེས་བསྐྱེད་པ་ནི། ཇོ་བོ་རྗེ་རྒྱ་གར་ནས་བྱོན་དུས་ལོཙྪ་བ་རིན་ཆེན་བཟང་པོའི་ཐུགས་དགོངས་ལ། ངས་མཁས་ལྡིང་གི་གཙུག་ལག་ཁང་དུ་གདན་དྲངས་ནས། འོག་གི་བྱ་སྤྱོད་ཀྱིས་ལྷ་ཚོགས་ལ་ཕྱག་འཛུག་གཙུགས་ནས་བསྟོད་པ་རེ་མཛད་པས། བྱ་སྤྱོད་ཀྱིས་རྒྱུས་ཆེ་བར་འདུག་སྙམ། བར་ཡོ་གའི་ལྷ་ལ་བསྟོད་པས་ཡོངས་སུ་རྫོགས་པའི་པཎྜི་ཏ་ཡིན་ནམ་སྙམ། སྟེང་བླ་མེད་ཀྱི་ལྷ་ལ་བསྟོད་པས་ཡོངས་སུ་རྫོགས་པའི་པཎྜི་ཏར་ཤེས་ནས་མོས་སོ། །དེར་ཇོ་བོའི་ཞལ་ནས་ལྷའི་བཀོད་པ་འདི་རྣམས་ལེགས། །ཉམས་སུ་ཇི་ལྟར་ལེན་གསུང་། ཐུན་གསུམ་དུ་རིམ་པ་བཞིན་བསྒོམ་ཞུས་པས། སྙིང་པོ་བསྡུ་མི་ཤེས་འདུག་གསུངས་

[Full Size]

ནས་མ་མཉེས་པས་ང་རྒྱལ་འཆག་ནས། གདམས་པ་ཚིག་ཉུང་ལ་དོན་འདྲིལ་བ་ཉམས་སུ་བླངས་བདེ་བ་གཅིག་ཞུ་བྱས་དེའང་ཡིན་ཏེ། ཆོས་བྱས་ན་འཐད་གསུངས། བསྒོམ་པ་ལ་མི་མཉེས་པར་འདུག་སྙམ་ནས། བཤད་དམ་བྱས་པས་སྔར་བཞིན་གསུང་། དེའི་དོན་ལ་གོ་ནས་ཞུས་པས། ཚེ་བློས་ཐོང་ཚེ་བློས་ཐོང་གསུང་། དེར་སྔར་གྱི་མཐར་ཐུག་བཅུ་གསུམ་ལ་སོགས་པའང་ཚེ་འདིའི་རྒྱན་དུ་སོང་འདུག་པས། ད་ཚེ་བློས་བཏང་གི་བསྒྲུབ་པ་གཅིག་བྱེད་པར་ཞུས་པས། ཇོ་བོའི་གསུང་གི་རྒྱ་ལོཙྪ་བ་ཤི་བས་ངའི་ལྕེ་ཆད་ད་ཁྱེད་འགྲོ་དགོས་གསུངས་པས། དབུ་སེ་སོང་པ་བསྟན་ནས། ད་བདག་ཚེ་བློས་བཏང་གིས་བསྒྲུབ་པ་གཅིག་ཅིས་ཀྱང་བྱེད་པར་ཞུ་

[Full Size]

ཞུས་ནས། ཕྱི་སྒོ་ལ་རྣལ་འབྱོར་གྱིས་དབང་ཕྱུག་རིན་ཆེན་བཟང་པོ་ཁྱེད་དུས་ད་ནས་སངས་མ་རྒྱས་ཀྱི་བར་དུ་སྒོ་འདི་ནས་འཐོན་ན། དུས་གསུམ་གྱིས་སངས་རྒྱས་ཀྱི་མགོ་བོ་ཚལ་པ་སྟོང་དུ་ཁོས་ཅིག །ཅེས་སྣག་ཚས་བྲིས། །གཙུག་ལག་ཁང་གི་སུམ་རིམ་གྱིས་བར་སྒོ་ལ་ཆོས་མིན་གྱིས་རྣམ་པར་རྟོག་པ་སྐད་ཅིག་མ་ཅིག་རྒྱུ་ན་ཅེས་པ་ཟངས་ལས་བྲིས། སྒོ་ནང་མ་ལ་ལུས་ངག་ཡིད་གསུམ་ཐ་མལ་དུ་ཅུང་ཟད་གཅིག་ལུས་ན་ཅེས་དངུལ་གྱི་བྲིས། གཟིམས་མལ་ལོགས་ལ་མལ་འདི་ལས་གཡོས་ན་དུས་གསུམ་གྱིས་མགོ་བོ་ཚལ་པ་སྟོང་དུ་ཁོས་ཅིག་ཅེས་པ་གསེར་གྱིས་བྲིས་ནས་བསྒྲུབ་པས་མཁའ་སྤྱོད་དུ་བྱོན་ནོ། །ཇོ་བོས་ཀྱང་ཚེ་བློས་བཏང་མཐུན་

[Full Size]

འཇུག་སྤངས་པའི་ཕྱག་ལེན་ཁོ་ན་མཛད། །སྐུ་གཤེགས་པའི་རྗེས་སུ་ཡང་ཟབ་ཆོས་ཡོད་ཟེར་བའི་བསེའི་གའུ་གཅིག་ཆོས་སྐྱོང་ལ་གཏད། ཁ་འབྱེད་མི་ནུས་པར་ཡོད་པ་ལ། ཧོར་གྱི་བཤང་ནས་ཤོག་རིལ་མང་པོ་བྱུང་། སུས་ཐོབ་བྱས་པས་འཆི་བ་ཡིན། འཆི་བ་ཡིན། བརྒྱ་རྩ་རེ་ཙམ་དང་། ནམ་འཆི་ཆ་མེད། ནམ་འཆི་ཆ་མེད། ཅེས་པ་དང་། ཚེ་རིངས་ཡོངས་ན་ཚེ་རིངས་ཤོག །ཚེ་ཐུང་ཡོང་ན་ཚེ་ཐུང་ཤོག །ཚེ་རིངས་ཚེ་ཐུང་གཉིས་ཀ་ཡང་། །འཆི་བའི་ཚེ་ན་དེ་འདྲར་ཟད། ཅེས་པ་དང་། ཅིས་ཀྱང་དགོས་པ་མེད་དགོས་པ་མེད་ལ་སོགས་པ་མང་དུ་བྲིས་འདུག །དེ་ལ་དགའ་ཞིག་ཟབ་ཆོས་ཀྱི་ཚུག་གམ་ཟེར་བསགས་པ་ཅན་གཅིག་གིས་གོ་དེ། ཚེ་བློས་

[Full Size]

བཏང་སྟེ་སྒྲུབ་པ་མཛད་དོ། ༈ །ཁ་རག་བསྒོམ་ཆུང་གི་གཏམ་རྒྱུད་ལ་བརྟེན་ནས་ངེས་ཤེས་བསྐྱེད་པ་ནི། ཁ་རག་བསྒོམ་ཆུང་འཕན་ཡུལ། མདེའུ་ཀ་རུའི་བྲག་ལ་བསྒྲུབ་པ་མཛད་པའི་ཚེ། སྤོ་ཏོ་བས་བྲག་ཕ་གི་ན་གཙང་ཁ་རག་བསྒོམ་ཆུང་བསྒོམ་བྱེད་དེ། ཐོས་ཆུང་བསྒོམས་པ་བྱེད་པ་ནི། ལག་ལྡུམ་བྲག་ལ་འཛེག་པ་འདྲ། བྱས་ཀྱིན་ཞལ་བག་རེ་བཏང་བས། གྲྭ་པ་རྣམས་ཀྱིས་ཀྱང་བསྐུར་པ་བཏབ་པ་དང་། འཐབ་ཏུ་བསྟུབ་ཉེན་ཡང་མེད་ལྟར་འདེངས་གསུངས་ནས་བྱོན་པས། ཁོང་ལ་རི་དྭགས་ཚེ་བྲོས་སོང་། བཞུགས་པའི་ཕྱོགས་བཞི་ལ་མཐོ་རེ་ལ་ཡི་གེ་བཏབ་པ་བལྟས་པས། ཤར་ན། ཉམ་ཆུང་བདག་ལ་རྐྱེན་ངན་གནོད་པ་མང་། བརྟན་པ་ཐོབ་ན་རྐྱེན་ངན་གྲོགས་སུ་འཆར་ནགས་ཀྱི་མེ་དང་།

[Full Size]

མེ་སྟག་ཇི་བཞིན་དུ། །གཅིག་པུར་གནས་པ་ཁོ་བོའི་དབྱར་དམ་ལགས། ལྷོ་ན། འཆི་བདག་བདུད་ནི་མི་སྡོད་ཚུར་ཚུར་ཡོང་། །དེ་ལས་ཐར་པའི་ཐབས་ནི་ཅི་ཡང་མེད། ད་ལྟ་གཉིད་དང་ལེ་ལོའི་དབང་སོང་སྟེ། །ཇི་འདྲའི་དུས་གཅིག་བདག་ལ་ནམ་ཡོང་ཨཾ། ནུབ་ན། ཚེ་འདིའི་ལྟོ་རྒྱབ་ཇི་ལྟར་བྱས་ཀྱང་ཕྱིད། །ཤི་ནས་བྱང་ཆུབ་འབྲས་བུ་བརྩལ་ཐབས་མེད། །དགྲ་ཟིན་སྡེ་རིགས་ཀུན་ལ་མ་ཆགས་པར། །བསོད་ནམས་ཆེན་པོ་མྱུར་དུ་བསགས་པ་གཅེས། བྱང་ན། ཚེ་ལ་ལོང་མེད་ཐ་སྙད་ཐུག་པ་མེད། །དེ་བས་དམ་པའི་དགོངས་པ་ལོངས་མཛོད་ལ། །འདུ་འཛི་སྤངས་པའི་དགོན་པར་ཞི་གནས་བརྟེན། །བསེ་རུ་ལྟ་བུ་གཅིག་པོར་

[Full Size]

གནས་པར་བྱ་དང་། ཅེས་པ་མཐོང་བས་རང་དཔའ་ཞུམ་ཞིང་ཁོང་ལ་ངེས་ཤེས་སྐྱེས། །ནང་དུ་ཕྱིན་ཙ་ན་རི་དྭགས་ཕྲུ་གུ་རྣམས་ཁོང་གི་སྐྱིལ་ཀྲུང་ལ་བོག་མ་བཀལ་ནས་ཉལ། རི་དྭགས་བཞེས་པའི་ཞོ་རང་རང་ཕྲུ་གུ་ལ་འདུད་པའི་ཆས་སུ་འདུག །ཁོང་ནང་དུ་བྱོན་པ་དང་རི་དྭགས་ཕྲུ་གུ་རྣམས་བྲོས་བཏབ་མའི་ཤུལ་ལ་བྲོས་སོང་། །ང་ལ་རི་དྭགས་འབྲོས་ཁྱོད་ལ་མི་འབྲོས་པ་འཇུག་ཡིན་བྱས་པས། སྐྱེ་བ་ལྔ་བརྒྱར་ཤ་མ་ཟོས་པ་ཡིན་གསུང་། ཁོང་སྔར་ཟན་ཆང་པ་རེ་ལོ་མ་ཆགས་པར་རེ་ལ་གསོལ་རྒྱུ་མཛད་པ་ལ། ད་ན་ལྟོ་སྐྱིད་བྱེད་པ་ཡིན་གསུང་ནས། སྤོ་ཏོ་བ་ལ་ཟན་ཆང་པ་གཉིས་དང་ལོ་ཆང་གཉིས་དྲངས། །ཁྱེད་ཀྱིས་ཉམས་ལེན་

[Full Size]

ཇི་ལྟར་བྱས། ཉམས་སུ་ཇི་ལྟར་མྱོང་བྱས་པས། ཁ་རག་པས། བདག་གི་དལ་འབྱོར་རྙེད་དཀའ་དང་། འཆི་བ་མི་རྟག་པ་བསྒོམ་པས་ཚེ་འདིའི་བློ་ལྡོག་པར་གོ། །ལས་རྒྱུ་འབྲས་དང་འཁོར་བའི་ཉེས་དམིགས་བསྒོམ་པས་མི་བདེ་བ་ལས་བློ་ལྡོག་པར་གོ། །བྱམས་སྙིང་རྗེ་བྱང་ཆུབ་ཀྱི་སེམས་བསྒོམ་པས། རང་གཅིག་པུ་ཞི་བདེ་ལས་བློ་ལྡོག་པར་གོ། །ཆོས་ཐམས་ཅད་རང་བཞིན་མེད་པར་བསྒོམ་པས། བཟུང་འཛིན་ལས་བློ་ལྡོག་པར་གོ། །ཅེས་གསུངས་པས། སྤོ་ཏོ་བ་མོས་ནས། ཁྱེད་བསྒོམ་ཆུང་གཅིག་མི་འདུག་བསྒོམ་ཆེན་གཅིག་གདའོ། །སྨྲ་བའི་སེང་གེ་གཅིག་གདའོ། མིའི་སྐྱེས་མཆོག་གཅིག་གདའོ། །ཞེས་བསྟོད་པ་མང་པོ་མཛད་དོ། །དེར་ཁོང་

[Full Size]

དཔོན་གཡོག་གི་སྒྲགས་པ་ནས་སྙན་པ་ཆེན་པོ་བྱུང་སྟེ། འཕན་ཡུལ་བས་གདན་དྲངས་ནས་འབུལ་བ་ཆེན་པོ་བྱས། ཁྱེད་ལ་ཡུལ་དང་གཞན་ལ་ཁྱད་མེད་པས་བཞུགས་པར་ཞུ་བྱས་པས། ངའི་ཡུལ་ན་དད་པ་ལྷ་ཁང་ནས་ཆད་པ་ཡོད་པས་དགེ་སྦྱོར་ལ་གཡེངས་བ་མི་འོང་། དེའི་ཕྱིར་ཡང་གཡེང་བ་མི་འོང་བས་བྲོད་དོ་བསྐོར་སྐུ་བསླུད་མེད་པས་རིག་པ་རང་བཞིན་གྱིས་དྭངས། དེའི་ཕྱིར་ཡང་བྲོད་གསུང་ནས་མ་གསན། མཆེད་ཟླ་དབང་རྡོར་ལ་རྟ་དང་གོས་བྱིན་ནས། ཞུ་རོག་བཙལ་བས་ཀྱང་སྤུན་ཟླ་རྟ་དང་གོས་དར་དུ་མི་འཚོང་། ངེད་རང་ལ་ཡང་དངོས་གྲུབ་ཀྱི་ནོར་བུ་ཡར་གདན་དྲངས་ནས་བསྒྲུབ་པ་བྱེད་དུ་འཇུག་

[Full Size]

གསུངས་ནས་མ་གསན། དོན་ངེད་རྣམས་ལ་གདམས་པ་གཅིག་ཞུ་བྱས་པས། སོ་ཐུབ་པར་གྱིས། སོ་། ཐུབ་པར་གྱིས་གསུངས་དེའི་དོན་མ་གོ་ཞུས་པས། ད་ལྟར་བཙུན་ཆུང་རྣམས་ལའང་ཆོས་བསྒོམས་ཐོན་པ་མཁས་པ་བཟང་པོ་རེ་བྱ་སྙམ་འདུག །སྒྲོས་པ་དང་གཉེར་པ་རྣམས་ལའང་རང་ཆོས་མགོ་ཐོན་པ་མི་ཆེད་དུ་འགྲོ་བ་རེ་བྱ་སྙམ་འདུག་པས་དེ་རྣམས་མནོས་པ་བཞིན་གྱིས་གསུངས་ནས། ཁ་རག་ཕུག་ནག་ཏུ་གཤེགས་ནས་བསྒྲུབ་པ་མཛད། །ཁོང་བཞུགས་པའི་བྲག་ཕུག་ན་ལངས་ན་བྲག་ཟུར་ན་དབུ་ཐུག་ནས་ཁྲག་འོང་། སྒོ་རྩར་ཕྱིན་ན། སྒོ་འཕྲང་ལ་བསེ་ཕུང་གཅིག་ཡོད་པས་ཚེར་མས་བྲད་ནས་ཁྲག་འོང་པ་གཅིག་ཡོད། །འདི་གཉིས་

[Full Size]

བཅད་དགོས་པ་འདུག་སྙམ་པ་བྱུང་ཡང་། ད་ལྟ་ཀ་འཆི་ཉན་ཡོད་སྙམ་ནས་དེ་ཡང་གཅོད་མ་ཁོམ་པར་། ཐུགས་དམ་རྩེ་གཅིག་མཛད་གསུང་། ཨྀིྠ། ༈ །འདིར་བླ་མ་ཁ་གཅིག་གིས་ལྕེ་བསྒོམ་མཁའ་སྐྱོངས་བྲག་པ་ཡིན་གསུངས་ཀྱང་། བདག་གིས་བླ་མའི་གསུང་གི་ལྕེ་བསྒོམས་ནག་པོ་ཡིན། དགའ་རབ་རྡོ་རྗེའི་ཚིག་གསུམ་གནད། བརྟེན་གྱི་སྒོ་བསྐྱེལ་མཛད་གསུང་ངོ་། ༈ །ལྕེ་བསྒོམ་གྱིས་རྫོགས་ཆེན་གྱིས་ཆོས་སྒོ་སྐྱེལ་མཛད་པས། སྔར་དང་མི་འདྲ་བའི་ལམ་སྤྱོད་ཆེན་པོ་ཡོད་གསུང་། དེའི་དུས་སུ་བྱང་སེམས་འབྱོངས་ནས་གཅན་གཟན་དང་རི་དྭགས་རྣམས་རྒྱང་ཁྱུ་འདྲེས་ནས་སྡོད་པ་ཡོད་དོ། །དེའི་སྙན་པ་ལྷོ་པ་རྟ་བསྒོམ་གྱིས་ཐོས་ནས་ཆོས་ལ་འགྲོ་བྱས་པས། ཆུང་མ་ན་རེ་དད་པ་ཐལ་

[Full Size]

ཐོལ་མི་ཆོས་ཀྱིས་སད་ཡིན། །ད་ལྟ་མི་སྨོན། རང་སྐྱིད་ནི་ཡོད་སྡོད་ཟེར། མ་ཉན་པས་འོ་ན་བཙུན་པ་གཅིག་གིས། བཙུན་ཡུན་རིང་པ་གཅིག་གིས། བཙུན་ཁྱེར་མཁས་པ་གཅིག་གིས། བཙུན་མི་ལ་མི་གནོད་པ་གཅིག་གིས་གསུང་ཟེར་ནས་མ་ཤི་བར་མོ་རང་གིས་རྒྱགས་བསྲིངས། འཆི་ཁར་རྒྱགས་བསྲིངས་པའི་ཐ་མ་ཡིན་ནོ་ཟེར་གསུང་། ཁོང་གིས་བྱོན་པས་མཇལ་ཁ་མ་བྱུང་བར་འགུགས་པས་ལོ་གསུམ་སོང་བ་དང་། སྟེང་ན་མར་གཟིགས་པས་དབང་ཧོར་གྱི་ཞིང་ཁ་ན་ལས་རོག་བྱེད་པ་གཅིག་འདུག་པ་སུ་ཡིན་གསུང་སྔར་གྱི་ལྷོ་པ་དེ་ཡིན་ཟེར་བས། ད་འཕྲད་ཀྱིས་ཤོག་གིས་གསུང་། ཕྱིན་པས་འགྱུར་ནས་མཇལ་ཁ་མ་བྱུང་། འོ་ན་མར་འདི་རྣམས་དཀོན་མཆོག་ལ་འབུལ་བར་ཞུ་བྱས་ནས་དེ་བཤགས་མེད་གསུང་ནས་བསྣམས་

[Full Size]

པས། མར་ལ་འཕྲད་ནས་མི་ལ་མ་འཕྲད་པ་འདུག་གསུང་ནས། འཇལ་ཁ་བཏང་གདམས་པ་གནང་སྟེ། ད་ལྟ་ཆོས་འབྲེལ་གཅིག་ཞུ་བྱས་པས་སྡོད་རིས་མནའ་སྐྱེལ་གསུང་། དགེ་སློང་ཡིན་པས་མནའ་མི་འདོར་ཞུས། སློབ་མ་གཅིག་པོ་དེ་ལས་མ་སྐྱངས་གསུང་། ཁོང་གི་ཁ་རག་བསྐོར་གསུམ་ལ་བཤད་པ་མཛད་པས། གྲྭ་པ་སྟོང་ཕྲག་གཉིས་ཙམ་འདུས། འབྲས་སྤུངས་ནས་མི་རྒན་གཅིག་གིས་རྗེས་སྙགས་དགོས་ཡོད་པས་གྲྭ་པ་རྣམས་གྱེད་ཅིག་གསུངས་ཀྱང་འགྱེས་སུ་མ་འདོད་པས། ཉིན་གཅིག་རྟེན་འབྲེལ་གཅིག་ཡོད་དཔེ་ཆ་ལྷ་རྟེན་དང་རྫས་རྣམས་ཕྱིར་ཐོན་གསུང་ནས་སྟོན་པས། དགོན་པའི་མཐའ་གཉིས་ནས་མེ་བཅུག་བསྲེགས་

[Full Size]

ནས་ཕུག་ནག་ཏུ་བསྒྲུབ་པ་མཛད། ལོ་གསུམ་མཛད་ནས་ཉེ་གནས་ལ་ཤོག་གསུངས། ཕྱིན་པས་གཞན་གཅིག་ཏུ་འགྲོ་སྐྱེལ་ཐུང་ལ་ཤོག་གསུངས། བཞུགས་པར་ཞུས་པས་མ་གསན་ནས། བདག་ཀྱང་འཁྲིད་པར་ཞུ་ཞུས་པས་སང་ལྷའི་ཉི་མ་རི་རྩེ་ལ་ཤར་བ་ལ་ཤོག་གསུང་། དེར་ཁོ་མི་འདྲས་འགོར་ནས་སང་ཉི་མ་ཕྱེད་ཡོལ་ལས་མ་ཐོན་ནས་ཕྱིས་པས་ཕུག་ནག་གི་བྲག་དེ་འཇའ་ཡི་དྲིལ་ནས་འདུག །ནང་དུ་ཕྱིན་པས་ནམ་བཟའ་སྦུ་གུ་ཧ་རེ་མཁའ་སྤྱོད་དུ་གཤེགས་འདུག །དེར་སློབ་མ་གཅིག་དེ་ལ་གཞན་ཕན་ཆེན་པོ་བྱུང་ཞིང་ད་ལྟར་ཁ་རག་བསྒོམ་པ་ཞེས་མཚན་ཐོས་པ་ཙམ་གྱིས་དོན་ཆེན་པོར་འགྱུར་གྱིས་ཡོད་པ་ཡིན་གསུང་། ཨྀིྠྠ། །རྣལ་འབྱོར་ཆོས་འབྱུང་གིས་གཏམ་

[Full Size]

རྒྱུད་ལ་བརྟེན་ནས་ངེས་ཤེས་བསྐྱེད་པ་ནི། ༈ །རྣལ་འབྱོར་ཆོས་བྱུང་གི། དྭགས་པོ་རིན་པོ་ཆེའི་སློབ་མ་མཉེས་ཤེས་ཡིན་གསུངས། །ཐག་རིང་གིས་གྲྭ་པའམ་མི་ཆེན་རྣམས་ཀྱིས་ཆོས་རྗེའི་སློབ་མ་དྲག་ཤོས་སུ་ལགས་ཞུས་པས། ཆོས་ཀྱི་གཡུང་དྲུང་གསུང་། གཏུམ་མོ་འབྱོངས་པ་སུ་ལགས། རྟོགས་པ་ཐོབ་པ་སུ་ལགས་ཞུས་པས། ཐམས་ཅད་ལ་ཆོས་ཀྱི་གཡུང་དྲུང་གསུངས། དེའི་སྤྱོད་ཚུལ་ནི་ནམ་བཟའ་སྐྱ་མན་སེར་མན་གཅིག་གསོལ། ཕྲུ་གོག་གཅིག་དང་ཁྱི་ལྤགས་ཀྱི་སྦུད་པ་གཅིག་ཁྱེར་ཏེ་བསོད་སྙོམས་ལ་བྱོན་ནས་སྣངས་མ་དང་ཟན་སྐམ་དང་རྩམ་པ་སིང་པོ་གང་བྱུང་ཐམས་ཅད་ཕྲུ་གོག་ཏུ་བླུག །རྟ་སྦང་བོང་སྦང་། མི་ལུད་ཁྱི་ལུད་གདོང་དུ་གང་བྱུང་བསྡུས་ཏེ་སྦུད་པའི་ཁུད་དུ་

[Full Size]

བཏུམས། བྲག་ཕུག་ཏུ་བསྐོལ་ཏེ་ཟླ་ཕྱེད་ཙམ་རེ་གཟིམས་ཀྱིན་བཞུགས་ཡང་བླངས་ཀྱིན་དེ་བཞིན་མཛད་པ་གཅིག་ཡོད་དེ། ཁོང་ལ་བླ་མ་མཉེས་ས་སློབ་མ་འགའ་ཞིག་གི་མ་ཐེག་པར་རྩིང་པོ་ཞབས་འདྲེན་བྱེད་པ་འདི་ལ་བསྙེས་ཟེར་ཞིང་། དུས་ཚོད་གཅིག་ལ་སློབ་མའམ་མི་ཆེན་རྣམས་ཀྱིས་བསྙེན་བསྐུར་བྱེད་དགོས་ཟེར། མི་གྲུབ་བྱས་པས་སློབ་མ་རྣམས་ཀྱི་ནང་ནས་བཟང་ཤོས་བླ་མ་མཉེས་ཤེས་ཡིན་པས་ཟེར་ནས་ཞག་གསུམ་གྱི་ཉིན་པར་ཁས་བླངས་ཞག་གསུམ་ཀ་འགྲོ་བའི་ནུ་མོ་ནམ་ཕྱེད་ཐུག་པ་གསོལ་བ་བཏབ། ནམ་ཕྱེད་ནས་རྣལ་ལམ་བཟུང་ནས་ལྷའི་ཡུལ་དུ་ཕྱི་ན་སང་སྔ་དྲོ་ཆོས་རྗེ་རིན་པོ་ཆེའི་དྲུང་དུ་བསྙེན་བསྐུར་བྱེད་པ་ལ་ཤོག་ཅིག་མི་

[Full Size]

ཡོངས་ན་ཕོ་བྲང་རྣམས་བཤིག་ནས་བཏད་དོ་བྱས། དྲི་ཟའི་རྒྱལ་པོ་ཟུར་ཕུད་ལྔ་པ་ཕྱིན་སྔར་བཞིན་སྒྲ་དབྱངས་འབུལ་དུ་ཤོག་བྱས། ཀླུའི་ཡུལ་དུ་ཕྱིན་སྔར་བཞིན་བྱས། ལྷ་བྲན་དང་ལྟོ་ཕྱེ་ཐུག་ལ་བྱས། སང་ཛ་སྫ་འཇུག་པ་ལ་སོགས་པ་ལ་ཤོག་གསུངས། གྲབས་བྱས་ཁོ་ལ་གྲོ་ཡོལ་འགྲོ་བས་མོ་ལ་ཤོག་བྱས་པས། ཕྲུ་གོག་ནང་དུ་མ་འདྲེས་དགུ་བསྲེས་ཏེ་བསྐོལ་བ་སྦུད་གོག་གི་སྟེང་དུ་བཞག་ནས་རིན་པོ་ཆེའི་པང་དུ་བཞག་པས། དགྱེས་བཞིན་པས་ཁམ་ཁམ་གསོལ་ཏེ། དེར་གཞན་རྣམས་ཁྲེལ་བའི་སྣང་བ་ལ་ནམ་མཁའ་ལ་སྔར་ཐོས་མ་མྱོང་པའི་སྒྲ་དབྱངས། སྣས་མ་མྱོང་བའི་དྲི། །མེ་ཏོག་གི་ཆར། ས་འོག་ནས་དྲི་དང་མཆོད་པ། བར་སྣང་ནས་ལྷའི་

[Full Size]

བུ་དང་བུ་མོས་མཆོད་པ་འབུལ་བ་སོགས་ནམ་མཁའ་བར་སྣང་ས་གཞི་ཁེངས་པ་བྱུང་ནས་ཐམས་ཅད་ཀྱི་རོང་རོང་བྱས་པས། རིན་པོ་ཆེའི་གསུང་ནས་ཐམས་ཅད་ཁད་དེ་སྡོད་རྣལ་འབྱོར་ཆོས་དབྱིང་གི་ཟ་ཟི་རུ་འདུག་པ་གསུང་སྟེ། ཐམས་ཅད་ལོག་ལྟ་སེལ་ནས་རྩོད་མེད་དུ་གྱུར། དེར་ཁམ་པ་རོང་པོའི་གྲྭ་པ་གཅིག་ན་རེ། ཆོས་དྲུག་ཡོད་པར་འདུག་པས་ཞུས་ཟེར། མེད་བྱས་པས་མ་ཉན། གཏད་ས་མེད་བྱས་ཀྱང་མ་ཉན། དེར་ཕྱག་གཉིས་ཀྱི་ཁོང་གི་ལག་པ་ནས་བཟུང་ནས་ལའུ་ངའང་འཆི་ཁྱེད་ཀྱང་འཆིའོ། །ངའི་ཡོན་ཏན་རྣམས་དོ་ནུབ་འཆིའམ་སང་འཆིའམ་སྙམ་པའི་མི་རྟག་པ། བླ་མའི་མོས་གུས། བདེན་མེད་སྒྱུ་མའི་འདུན་པ་གསུམ་ལས་བྱུང་སྟེ་

[Full Size]

དེ་ལས་ལྷག་པ་ཡོད་རེ་གསུངས་ནས་དབུ་སྙུང་བཞེས་སུ། ༈ །དམ་པས་དམར་པོའི་གསུང་ལ་བརྟེན་ནས་ངེས་ཤེས་བསྐྱེད་པ་ནི། དམ་པ་དམར་པོ་ལ། ཡོན་བདག་ཡུན་རིང་པོ་བྱས་པ་གཅིག་གིས་ད་ང་རྒས་འདུག་པས་ཆོས་ཚིག་ཉུང་ལ་དོན་འདྲིལ་བ་ཉམས་སུ་བླངས་བདེ་བ་གཅིག་ཞུ་བྱས་པས། ཚོགས་བརྒྱ་རྩ་དང་བརྒྱ་འབུལ་གྱིས་གཅིག་གསུང་། དེ་ལྟར་བྱས་ཀྱང་ཡུན་རིང་པོ་མ་བྱུང་། ད་ཞུ་ལགས་པས། གཞན་གྱིས་ཐོས་སུ་མི་སྟུབ་པ་ཡོད་པས་ཚོགས་ཀྱི་ཆས་གཅིག་གིས་མི་མེད་པ་གཅིག་ཏུ་འདེངས་གསུང་ནས། གྲོག་ཕུག་གཅིག་ཏུ་ཕྱིན་པས་མི་ཨེ་འདུག་ལྟོས་ཤིག་གསུངས། མི་མི་གདའ་བྱས་པས་ད་ངའི་ལག་པ་ལ་འཇུས་ལ་ཁ་

[Full Size]

ལ་ལྟོས་གསུངས། དེ་ལྟར་བྱས་པས། འོ་ན་ང་ཡང་འཆི། ཁྱེད་ཀྱང་འཆི་ཇུག་བྱེད་དེ་ལྟ་བུའི་ཆོས་ཟབ་མོ་ཅིག་ཁྱེད་ལ་བྱིན་པ་ཡིན་གསུང་། ཡོན་བདག་གི་བསམ་པ་ལ་ཆོས་དེ་ལ་ཚོགས་བརྒྱ་རྩ་དང་བརྒྱ་འབུལ་ཅི་དགོས་མེད། །ང་ཟོག་རྒན་གཅིག་དང་ཕྲད་འདུག་སྙམ་པ་བྱུང་། དེའི་ནུབ་མོ་གཉིད་ཙམ་ཡང་མ་བྱུང་། ཐོ་རངས་གཉིད་རི་བ་གཅིག་བྱུང་ཙ་ན། །འཆི་བ་མི་རྟག་པ་རྒྱུད་ལ་ལྷང་པ་སྐྱེས་ནས་བྱུང་། དེར་ཚེ་འདི་བློས་བཏང་གི་བཟང་པོ་གཅིག་བྱུང་གསུངས། ༈ །ཞང་རིན་པོ་ཆེའི་གསུངས་ལ་བརྟེན་ནས་ངེས་ཤེས་བསྐྱེད་པ་ནི། ཞང་རིན་པོ་ཆེའི་གསུངས་ནས་འཁོར་བ་ལས་མ་གྲོལ་བ་དེ་གནས་ལུགས་ཀྱིས། དོན་དམ་མ་རྟོགས་པས་ལེན། དེ་དད་པ་མ་སྐྱེས་པས་ལེན་ནོ། །དེ་འཆི་

[Full Size]

བ་མ་དྲན་པས་ལན། དེ་ལ་འཆི་བ་མི་རྟག་པ་གཤའ་མ་གཅིག་རྒྱུད་ལ་སྐྱེས་ན། ངེས་འབྱུང་གི་དད་པ་ལྐོག་ལངས་སུ་སྐྱེ་སྟེ། ཚོགས་བསག་གོ། །དེས་སྒྲིབས་པ་མཛད། དེས་གནས་ལུགས་ཀྱིས་དོན་རྟོགས་ནས་འཁོར་བ་ལས་གྲོལ་བར་འགྱུར་རོ་གསུངས། ༈ །དབང་པོ་རབ་འབྲིང་གཉིས་ལ། ཆོས་ཐུན་གསུམ་གསུམ་དྲུག་ཙམ་བཤད་ནས་ལུང་གི་རྒྱབ་སྐྱོར་དེ་ངེས་ཤེས་སྐྱེས་ནས་འཇུར་དུ་འཇུག །སྤྱིར་ཡང་དྭགས་པོའི་ལུགས་ཀྱིས་བློ་སྤུན་གྱིས་དག་ནས་དམིགས་པའི་ངོ་གདོང་རེ་སྟོན་པ་ལས་བཤད་པ་རྒྱས་པ་མི་མཛད། འདི་པའི་ལུགས་ཀྱི་མདོ་རྒྱུད་ཀྱིས་ལུང་གི་རྒྱབ་སྐྱོར་ནས་ངེས་ཤེས་བསྐྱེད་ནས་འཇུར་དུ་ཁྲིད་ཀྱི་ངོ་བོ་ལ་བཅུག་

[Full Size]

པས་མདོ་རྒྱུད་ནས་བཤད་པ་དེ་བསྒོམ་དོན་དུ་གོ་ཞིང་། བསྒོམ་ཆེན་པའི་དེ་མདོ་རྒྱུད་ནས་བཤད་པ་དེ་གོ་བའི་དགོས་པ་ཡོད་དོ། མདོ་དང་རྒྱུད་དང་མི་མཐུན་པའི་བསྒོམས་དེས་གོ་མི་ཆོད་དེ། བྷི་མ་ལས་སྐྱོན་བཞི་བཤད་དོ། །རྒྱབ་རྟེན་ལུང་དང་བྲལ་བ། བཅོས་མ་སེལ་དང་བཅས་པ། ཉམ་པ་བདུད་ཀྱི་བཟུང་བ། བར་ཆད་རྐྱེན་དུ་གྱུར་པའོ། །སྣང་བ་སེམས་ལ་གསུམ་སྟེ། གྲུབ་མཐའ་མཁས་ལེན་པ་ནི། མྱོང་བ་གཉིས་མེད་ཀྱི་ཤེས་པ་རང་རིག་རང་གསལ་ལ་བདེན་འཛིན་ཡོད་པ། བཀའ་ཐ་མ་དོན་དམ་རྣམ་པར་ངེས་པ་ནས་བཤད་པ་ནི་སྣང་བ་སེམས། སེམས་ངོས་བཟུང་དང་བྲལ་བའི་བཟུང་འཇུག་ཡིན་ཏེ། ཡང་དག་དོན་ལ་གནས་ནས་ནི། །

[Full Size]

སེམས་ཙམ་ལས་ཞི་འདའ་བར་བྱ། །སྣང་མེད་གནས་པའི་རྣལ་འབྱོར་པ། །དེ་ཡི་ཐེག་པ་ཆེན་པོ་མཐོང་། །ཅེས་གསུངས་སོ། །སྔགས་ཀྱི་ཀྱི་ནི་སྣང་བ་སེམས། །སེམས་ལྷའི་སྐུ་ངོས་བཟུང་ཐམས་ཅད་དང་བྲལ་བའོ། །མཚན་ཉིད་ཐེག་པའི་ལུགས་ཀྱིས་ཉམས་བཞག་སྣང་སྟོང་ནམ་མཁའ་ལྟ་བུ་དང་། །རྗེས་ཤེས་བདེ་སྟོང་སྒྱུ་མ་ལྟ་བུ་ཞེས་ཉམས་ལེན་ཐ་དད་དུ་འདོད་ལ། འདིར་སྣང་གྲགས་ཆོས་ཐམས་ཅད་རང་གི་སེམས་སུ་ཤར་བ་ཡིན་ཏེ། བརྟག་གཉིས་ལས། སེམས་ཉིད་ཆེན་པོ་གཅིག་ཉིད་ལ། །ལྔའི་གཟུགས་ཀྱིས་རྣམ་པར་མཚོན། །ཅེས་ཕུང་པོ་ལྔ། འབྱུང་བ་ལྔ། ཉོན་མོངས་པ་ལྔ། །དབང་པོ་དྲུག །སྐྱེ་མཆེད་དྲུག །

[Full Size]

ཁ་དོག་དྲུག །རིགས་དྲུག་ལ་སོགས་པ་རང་གི་སེམས་ཤར་བ་ཡིན་ཏེ། གཟུགས་ཕུང་རྡོ་རྗེ་མ་ཡིན་ཏེ། ཅེས་སོགས་གསུངས་སོ། །ལང་ཀར་གཤེགས་པ་ལས། བག་ཆགས་ཀྱིས་ནི་དཀྲུགས་པའི་སེམས། །དོན་དུ་སྣང་བ་རབ་ཏུ་འབྱུང་། །དོན་ཡོད་མ་ཡིན་སེམས་ཉིད་དེ། །ཕྱི་རོལ་དོན་མཐོང་ལོག་པ་ཡིན། །ཅེས་གསུངས་སོ། །མགུར་ལས། རིན་ཆེན་སེམས་ལས་ཕྱིར་གྱུར་པའི། །སངས་རྒྱས་མེད་ཅིང་སེམས་ཅན་མེད། །རྣམ་པར་ཤེས་པའི་གནས་དོན་རྣམས། །ཕྱི་རོལ་གྱུར་པ་ཅུང་ཟད་མེད། །ཅེས་སོ། །ཆུ་འགྲམ་གཅིག་ཏུ་འགྲོ་བ་རིགས་དྲུག་གྲལ་ལ་བསྒྲིགས་ན། །དམྱལ་བས་ཁྲོ་ཆུ་ཁོལ་མ། ཡི་དྭགས་ལ་རྣག་ཁྲག་

[Full Size]

ལྷ་མིན་ལ་གོ་མཚོན། མི་དང་དུད་འགྲོ་ལ་ཆུ། ཉ་ལ་སོགས་པ་ལ་ཁང་ཁྱིམ། ལྷ་ལ་བདུད་རྩིར་སྣང་སྟེ། མདོ་ལས་དམྱལ་བ་ཡི་དྭགས་དུད་འགྲོ་དང་། ལྷ་རྣམས་ཇི་ལྟར་རིགས་དྲུག་ལ། དངོས་གཅིག་ཡིད་ནི་ཐ་དད་ཕྱིར། །དོན་མ་གྲུབ་པར་འདོད་པ་ཡིན། །ཅེས་སོ། །ཐིག་ལེ་དཀར་དམར་གྱིས་སྐབས་སུ། །ཐིག་ལེ་དཀར་དམར་གྱིས་དམིགས་པ། ཐབས་ཁྱད་པར་ཅན་ལ་བརྟེན་ནས་ཟིན་པས། ཐབས་ལམ་གྱིས་ཟིན་པར་འགྱུར། ཐོ་རངས་རྨི་ལམ་དུ་འོད་གསལ་གྱིས་དུས་ཡོང་བ་ནི། ཉིན་ཞག་ཕྲུག་གཅིག་གིས་ཟས་ཟོས་པ་རྣམས་མཉམ་གནས་ཀྱི་མེས་ཞུ་ནས་སྙིགས་མ་རྣམས་ལོང་དུ་སྐྱུར་དྭངས་མ་རྣམས་ལུས་ལ་ཁྲེལ་ནས་རྩ་མིག་རྣམས་སྟོང་

[Full Size]

པར་ཡོད་པའོ། །རྟོག་མེད་ལ་འཛིན་པ་སྔ་མ་ལ་བདེ་མཆོག་མཚོན་གང་ཙམ་མོ། །དམིགས་པ་གང་བདེའོ། །གཉིས་པ་ལ་བདེ་མཆོག་སྐུ་མདོག་དཀར་པོ་འོད་ཀྱི་རང་བཞིན་དུ་བསྒོམས། རྟོག་བཅས་ལམ་དུ་བྱེད་པའི་སྐབས་སུ། གཉིད་ཀྱི་སྣང་མཆེད་ཐོབ་གསུམ་གྱིས་འཚམས་སྦྱོར་ནས། གཉིད་འཐུག་པོའི་སྐབས་སུ། རིག་པ་སྙིང་ཁ་ན་གནས་ཤིང་། བྷ་པན་ཏ་ལ་རླུང་རྒྱུ། །དེ་ནས་མགྲིན་པའི་འཁོར་ལོ་ལ་རླུང་རྒྱུས་པས་རྨི་ལམ་གྱིས་སྣང་བ་འཆར་བའོ། །ཨརྱ་དྡྷེ་བས། ཕུང་པོ་ཁམས་དང་བ་མཆེད་ཐ་དད་ཀུན། །ཤེས་པ་གཉིས་པོ་དེང་འདིར་རབ་འདུས་ཏེ། །ས་འཐུག་གྱུར་པས་འགྲོ་བ་རང་གཉིད་ལོག །རླུང་གི་སྟོབས་ཀྱིས་རྨི་ལམ་འབྱུང་

[Full Size]

བར་འགྱུར། ཅེས་སོ། ༈ །དབང་པོ་ཐ་མའི་སྐབས་སུ། མཁའ་འགྲོ་སྡེ་ལྔའི་ལུང་པར་འགྲོ་བ་ལ་ཆུ་དང་ཚེར་མ་དང་། མུན་ཕྲང་རྣམས་ལ་ཐར་ན་རིན་ཆེན་མཁའ་འགྲོ་ཡོད་པ་བཞིན། འདོད་ཆགས་ཞེ་སྡང་གཏི་མུག་གསུམ་ལ་གཉེན་པོ་བརྟེན། །བསྒོམ་པས་བདེ་གསལ་མི་རྟོག་པ་འབྱུང་ངོ་། །དབང་པོ་བརྒྱ་བྱིན་གྱིས་ཚིག་ནི། །ལྷ་མ་ཡིན་གྱིས་དམག་ལྷག་བྱུང་བ་དང་། དེ་ནི་སྲ་བའི་གོ་གྱོན། རྣོ་བའི་མཚོན་ཐོགས་ལ་རྒྱོབ་ཅིག །ཅེས་པས། མ་ཡིན་གྱི་ཡུལ་འཇོམས་ཏེ། འཁོར་ལོ་བསྒྱུར་བ་ཚིག་གིས་འགྲུབ། །ལྷ་རྣམས་ཀྱིས་ནི་བསམ་པ་འགྲུབ། །རྣལ་འབྱོར་ཏིང་ངེ་འཛིན་གྱིས་འགྲུབ། །ཅེས་སོ། །སྦྱངས་པ་ལ་བདག་མེད་མ་

[Full Size]

ཡོད་པ་ནི་རྩ་རླུང་ཐིག་ལེ་བདག་མེད་མའོ། །སྤེལ་བ་སྔོན་ལ་ཡོད་ཀྱང་ཕྱག་ལེན་ལ་སྤྲུལ་པ་སྔོན་ལ་མཛད་དོ། །དེ་ཡང་གང་འཕྲད་འཕྲལ་ལ་སྤྲུལ་ཏེ། རྨོག་ལྕོག་པའི་ཞལ་ནས། འབྱུང་བ་ས་དང་འཕྲད་པའི་ཚེ། །ས་རུ་སྤྲུལ་ཞིང་ས་རུ་བསྒྱུར། །འབྱུང་བ་ཆུ་དང་འཕྲད་པའི་ཚེ། ཅེས་སོགས་འགྲེའོ། །ཡང་རྨོག་ལྕོག་པས། །མེ་དང་ཆུ་རུ་སྤྲུལ་པ་དང་། །འོག་མིན་ལ་སོགས་མཐོང་ན་དགའ་སྟེ། འོན་ཀྱང་གཉིད་ཐུམ་གཅིག་གི་གྲ་ཡིན་གསུངས། །འཕུར་བ་རྩལ་ཆུང་ན། སྐྱིལ་ཀྲུང་བཅས་པའི་མཐེ་བོང་གཉིས་ནས་འདེགས་པའོ། །རླུང་བཟུང་ན་ཕན་ཏེ། །བོགས་འདོན་རླུང་གི་རྟ་ཕོ་ཡིན། །ཡེ་ཤེས་ཕྱོགས་མེད་བལྟད་མོ་ལྟ། །

[Full Size]

ཅེས་དང་། མར་པའི་ཞལ་ནས། རྨི་ལམ་དུས་སུ་སྒྱུ་ལུས་བསྒོམ། །སྣང་བ་སྤྲོས་ཀྱིན་སྒྱུ་ལུས་བསྒོམ། །དེ་རྟོག་པར་སོང་ཡང་ཡ་མི་ང་། །རྣམ་རྟོག་ཆོས་སྐུར་ཤེས་པའི་གདེངས་ཅིག་འདོག །ཅེས་སོ། ༈ །འོད་གསལ་གྱི་སྐབས་སུ། ལུས་རིལ་པོ་དབུ་མ་བསྒོམ་པ་ལ། །དང་པོ་སྦ་ལྕག་ཙམ། དེ་ནས་ཞོ་དངོ་ཙམ། དེ་ནས་ཇེ་ཆེ་ལ་ལུས་རིལ་པོ་དབུ་མར་བསྒོམ་གསུང་ངོ་། །ཨ་སྐྱེ་བ་མེད་པས་གཏི་མུག་གིས་གཉེན་པོ་བྱེད་ལ། །རྩ་རླུང་བདག་མེད་མ་དུག་གསུམ་ཆར་གྱིས་གཉེན་པོའོ། །ནི་གུ་ཆོས་དྲུག་གི་ཞལ་ཤེས་དང་། གཏམ་རྒྱུད་ཀྱིས་ཞལ་ཤེས་དང་གཏམ་རྒྱུད་ཀྱི་ལྷན་ཐབས་མཁས་གྲུབ་ཆོས་

[Full Size]

རྗེ་དང་། །ཤངས་སྟོན་ལ་སངས་རྒྱས་སྟོན་པས་གསུངས་པ་རྣམས། མཁས་གྲུབ་པ་དང་མཁས་བཙུན་རྒྱལ་མཚན་འབུམ་གྱིས་མཛད་པ་ཕྱོགས་གཅིག་ཏུ་བསྡེབས་པའི་ལྷན་ཐབས་རྫོགས་སོ། ༈ །རྒྱ་གར་ཤར་ཕྱོགས་ཤྲཱི་ན་ག་རའི་གྲོང་ཁྱེར་འཛམ་བུ་བྱ་བ་ན། རྒྱལ་པོ་ཞི་བའི་གོ་ཆ་ལ་བཙུན་མོ་དཔལ་གྱི་བློ་གྲོས། སྲས་མོ་དཔལ་གྱི་ཡོན་ཏན་ནི་ཡེ་ཤེས་ཀྱིས་མཁའ་འགྲོ་ནི་གུ་མ་ཡིན་གསུང་ངོ་། ཨྀིྠ། མངྒ་ལཾ། བྷ་ཝན་ཏུ། །

ཤངས་ཆོས་ཀྱི་སྨིན་བྱེད་རྒྱུན་གང་ཡོད་ཀྱི་དཀྱིལ་འཁོར་བྲི་ཐོ་ཉུང་གསལ།

[Full Size]

ཤངས་ཆོས་ཀྱི་སྨིན་བྱེད་རྒྱུན་གང་ཡོད་ཀྱི་དཀྱིལ་འཁོར་བྲི་ཐོ་ཉུང་གསལ་བཞུགས་སོ། །

[Full Size]

ཨོཾ་སྭ་སྟི། དཔལ་ལྡན་ཤངས་པའི་ཟབ་ཆོས་ཀྱི་སྨིན་བྱེད་སྐབས་སུ་ཉེར་མཁོའི་རས་བྲིས་འབྲི་ཐོ་ལ། །ཐོག་མར། ༡ རྒྱུད་སྡེ་ལྔ་རིགས་བསྡུས་དང་། ༢ བདེ་མཆོག་ལྷ་ལྔའི་དཀྱིལ་འཁོར་སྒྲུབ་དཀྱིལ་ལྟར། ༣ བདེ་མཆོག་ལྷ་ལྔའི་ཏིང་ངེ་འཛིན་གྱི་དབང་ལ་རས་དཀྱིལ་པདྨ་འདབ་བཞི། ཤར་སྔོ། བྱང་ལྗང་། ནུབ་དམར། ལྷོ་སེར། ལྟེ་བ་སྔོན་པོ་བཅས་པའི་

[Full Size]

དབུས་དང་འདབ་བཞིར་པད་འདབ་སོ་སོ་དང་ཁ་དོག་མཐུན་པའི་ཐིག་ལེ་རེ་རེ་བྲི། ༤ སྒྱུ་ལུས་དབང་མོ་ཆེའི་དཀྱིལ་འཁོར་ལ། གཞལ་ཡས་ཁང་རྟ་བབ་བཞི་བཅས་ཡོད་པ་སྤྱི་འགྲེ་ལ། དེའི་ནང་དུ་ཚངས་ཐིག་གིས་བཅད་པའི་ལྟེ་བ་དང་། ཟུར་བཞིར་ཟླུམ་སྐོར་བཞི་བསྐོར་ཏེ་ཤར་ལྷོའི་ཟླུམ་སྐོར་ལ་ཆོས་འབྱུང་གཉིས་བརྩེགས་ཀྱི་ཐིག་བཏབ།

[Full Size]

ནུབ་བྱང་བྱང་ཤར་གཉིས་ཀྱི་ཟླུམ་སྐོར་ལ་ཆོས་འབྱུང་རྐྱང་པ་རེ་རེ། ལྷོ་ནུབ་ཀྱི་ཟླུམ་སྐོར་ལ་པདྨ་འདབ་བཞིའི་ཐིག་གདབ། གཞལ་ཡས་ཁང་གི་ཕྱི་རོལ་དུ་ཆ་ཕྲན་གཅིག་དང་གཉིས། གཅིག་ཅན་གྱི་མུ་ཁྱུད་གསུམ་བསྐོར། དེའི་ཕྱི་རོལ་ཏུ་དུར་ཁྲོད་བརྒྱད་ཀྱི་ས་ཁྱོན་སྤྱི་ལྟར། ཚོན་ནི་གཞན་སྤྱི་འགྲོ་བཞིན་ལ། གཞལ་ཡས་ཁང་གི་ནང་གི་ཕྱོགས་མདོག་ཤར་དཀར། ལྷོ་སེར། ནུབ་དམར། བྱང་ལྗང་། དབུས་ཀྱི་ཟླུམ་སྐོར་དབུས་སུ་ཉི་གདན་ལ་རྡོ་རྗེ་སྔོན་པོ་རྩེ་ལྔ་པ། ཤར་ལྷོའི་ཆོས་འབྱུང་གཉིས་བརྩེགས་དཀར་པོ་ལ་བཅད་མཐིང་ནག །མེ་རི་དམར་པོ། དབུས་སུ་ཉི་གདན་ལྔ་ཚོམ་ལ་གཞན་བཞི་ལ་ཐིག་ལེ་མཐིང་ག །བྱང་དུ་ནག་པོ་བཅས་དགོད། །ལྷོ་ནུབ་

[Full Size]

པདྨ་འདབ་བཞི་ཕྱོགས་མདོག་ལ་ལྟེ་བ་ཉི་གདན་ལ་ཐིག་ལེ་སྔོན་པོ་གཅིག །འདབ་མ་བཞི་ལ། ཤར་དུ་ཐིག་ལེ་ནག །ལྷོ་སེར། ནུབ་དམར། བྱང་དུ་ལྗང་གུའོ། །ནུབ་བྱང་གི་ཆོས་འབྱུང་དམར་པོ། བཅད་ལྗང་གུ། གྲུ་ཆད་དཀར་པོ་ཅན་གྱི་དབུས་སུ་ཉི་གདན་ལྔ་ཚོམ་ལ། ཐིག་ལེ་དབུས་དམར། ཤར་སྔོ། ལྷོ་སེར། ནུབ་དམར། བྱང་ལྗང་གུ་ཅན། བྱང་ཤར་གྱི་གྲའི་ཆོས་འབྱུང་ནག་པོ། མེ་རེ་དམར་པོ། །གྲུ་ཆད་ལྗང་གུ། ཟླུམ་སྐོར་གྱི་ཆར་མུ་ཁྱུད་ནག་པོ་ཡོད་པའི་དབུས་སུ་ཉི་གདན་ལ་ཐིག་ལེ་ནག་པོ་བཀོད། གཞལ་ཡས་ཁང་གི་ཕྱི་རོལ་དུ་དུར་ཁྲོད་བརྒྱད། དེའི་ནང་དུ་མུ་ཁྱུད་རིམ་གསུམ་ཕྱི་ནས་རིམ་པས་གཞི་དཀར་པོ་དང་།

[Full Size]

དམར་པོ་དང་། སྔོན་པོ་གསུམ་གྱི་འཁོར་ཡུག་བྱ་སྟེ། དཀར་པོ་དཔལ་ལྡན་འབྲས་སྤུངས་ཀྱི་མཆོད་རྟེན་མཚོན་བྱེད་ཡིན་པས་རི་མོ་གཞན་བྲི་མི་དགོས། དམར་པོ་ལ་མེ་རེ་དང་། སྔོན་པོ་ལ་རྡོ་རྗེའི་རྭ་བ་བཅས་བྲིའོ། ༥རྒྱུད་སྡེ་ལྔའི་ཏིང་ངེ་འཛིན་གྱི་དབང་ལ། གཞལ་ཡས་ཁང་རྟ་བབ་རྣམ་བཞི་ལ་དུར་ཁྲོད་དང་བཅས་པ་མཚོན་བྱེད་ཙམ་གྱི་དབུས་སུ་སྣ་ཚོགས་པདྨ་འདབ་མ་བརྒྱད་པའི་ལྟེ་བར་ཉི་དཀྱིལ་ལ་ཐིག་ལེ་སྔོན་པོ་ཆེ་བ་གཅིག །ཕྱོགས་བཞིར་ཤར་མཐིང་། ལྷོ་སེར། ནུབ་དམར། བྱང་ལྗང་གུའི་ཐིག་ལེ་ཆུང་ངུ་རེ། འདབ་མ་བརྒྱད་ཀྱི་ཕྱོགས་གཞན་གསུམ་དུ་ཐིག་ལེ་མཐིང་ག་དང་། བྱང་དུ་མཐིང་ནག་བཅས་ཆེ་བ་རེ་བྲི། ༦གཏུམ་

[Full Size]

མོའི་སྒོས་བཀའ་ལ། དཀྱིལ་འཁོར་གོང་གི་བདེ་མཆོག་ལྷ་ལྔའི་ཏིང་ངེ་འཛིན་གྱི་དབང་དང་འདྲ། ༧ སྒྱུ་ལུས་ཀྱི་སྒོས་བཀའ་ལའང་དེ་དང་འདྲ། ངག་དབང་ཆོས་གྲགས་ཡིག་ཆ་ལྟར་ན། པདྨ་འདབ་བརྒྱད། ལྟེ་བ་དང་ཤར་སྔོ། ལྷོ་སེར། ནུབ་དམར། བྱང་ལྗང་། མཚམས་བཞི་མཛེས་ཚོན། ལྟེ་བར་ཐིག་ལེ་མཐིང་ནག །ཤར་ནས་བརྩམ་སྟེ་གཡས་བསྐོར་དུ་རིམ་པར་ཐིག་ལེ་ནག །དཀར། དམར། སྔོ། སེར། ལྗང་། ལྗང་། སྔོན་པོ་རེ་རེ་བྲི། ༨རྨི་ལམ་གྱི་བཀའ་རྒྱས་པར་དཀྱིལ་འཁོར་སྒོ་རྫོགས་སམ། བསྡུ་ན་པདྨ་འདབ་བཞི། ལྟེ་བ་དང་ཤར་སྔོ་སོགས་ཕྱོགས་མདོག །ལྟེ་བ་དང་ཕྱོགས་གསུམ་ལ་ཐིག་ལེ་སྔོན་པོ། །བྱང་དུ་

[Full Size]

སྔོ་ནག་བཅས་བྲི། ༩འོད་གསལ་གྱི་སྒོས་བཀའ་ལ་པདྨ་འདབ་མ་བརྒྱད་པའམ་བཞི་པ་གང་ཡང་རུང་བའི་ལྟེ་བ་སེར། ཤར་དཀར། ལྷོ་སེར་སོགས་ཕྱོགས་མདོག །ལྟེ་བར་ཉི་གདན་ལ་ཐིག་ལེ་སྔོན་པོ། འདབ་བཞིའི་ཤར་སྔོ་ནག །ལྷོ་སེར་སོགས་ཕྱོགས་མདོག་གི་ཐིག་ལེ་རེ། ༡༠འཕོ་བའི་སྒོས་བཀའ་ལ་ཆོས་འབྱུང་དམར་པོ་གཉིས་རྩེགས་ཕྱི་དཀར། ནང་དམར། གོང་རས་ལྗང་། མུ་ཁྱུད་ནག །དབུས་སུ་སྣ་ཚོགས་པདྨ་འདབ་མ་བརྒྱད་པའི་ལྟེ་བར་རྡོ་རྗེ་རྩེ་ལྔ་པའི་ཐིག་ལེ་དམར་པོ། ཕྱོགས་བཞིའི་འདབ་མར་ཐིག་ལེ་དམར་པོ་རེ་རེ་ངག་ཆོས་ཀྱི་ཡིག་ཆ་ལྟར་ན་ཕྱོགས་བཞིའི་ཐིག་ལེ་མི་དགོས། ༡༡བར་དོའི་སྒོས་བཀའ་ལ་སྣ་ཚོགས་པདྨ་

[Full Size]

འདབ་མ་བརྒྱད་པའི་དབུས་སུ་ཉི་གདན་དང་འདབ་མ་བརྒྱད་བཅས་ལ་ཐིག་ལེ་སྔོན་པོ་རེ་རེ། ༡༢ཕྱག་ཆེན་གའུ་མའི་དབང་ལ་པདྨ་འདབ་བཞི་ལྟེ་བ་སེར། ཕྱོགས་བཞི་ཕྱོགས་མདོག །ལྟེ་བར་ཉི་གདན་ལ་ཐིག་ལེ་སྔོན་པོ། དེའི་ཤར་དུ་མཐིང་། ལྷོ་སེར། ནུབ་དམར། བྱང་ལྗང་གུའི་ཐིག་ལེ་ཆུང་ངུ་རེ་རེ། འདབ་བཞིའི་གསུམ་དུ་ཐིག་ལེ་མཐིང་ག །བྱང་དུ་མཐིང་ནག༡༣། ལུས་འཆི་མེད་ཀྱི་བཀའ་ལ་པདྨ་འདབ་བཞི་ལྟེ་བ་མཐིང་ག །འདབ་མ་བཞི་ཕྱོགས་མདོག །ལྟེ་བ་ཉི་གདན་ལ་ཐིག་ལེ་མཐིང་། འདབ་བཞིའི་ཤར་མཐིང་། ལྷོ་སེར་སོགས་ཕྱོགས་མདོག་གི་ཐིག་ལེ། ༡༤ སེམས་འཆི་མེད་ཀྱི་བཀའ་ལ་བདེ་མཆོག་ལྷ་ལྔའི་ཏིང་ངེ་

[Full Size]

འཛིན་གྱི་དབང་ངམ། གོང་གི་ཕྱག་ཆེན་གའུ་མའི་དཀྱིལ་འཁོར་གང་རུང་ལྟར་འབྲི། ༡༥ དུག་ལྔ་ལམ་ཁྱེར་གྱི་བཀའ་ལ་བདེ་མཆོག་ལྷ་ལྔའམ་ཕྱག་ཆེན་གང་རུང་དང་འདྲ། ༡༦ བླ་མ་ལམ་ཁྱེར་གྱི་བཀའ་ལ་པདྨ་འདབ་བཞིའི་ལྟེ་བ་སེར། ཤར་མཐིང་། ལྷོ་སེར་སོགས་ཕྱོགས་མདོག །གོང་རས་ལྗང་། མུ་ཁྱུད་ནག་ཁྱམས་ཕྱོགས་མདོག །ལྟེ་བར་ཐིག་ལེ་དཀར་པོ་ཆེ་བ་གཅིག །ཕྱོགས་བཞིར་དཀར་པོ་ཆུང་ངུ་རེ་རེ། འདབ་བཞིར་ཤར་དཀར། ལྷོ་སེར། ནུབ་དམར། བྱང་ལྗང་གུའི་ཐིག་ལེ་རེ་རེ། ༡༧ཡི་དམ་ལམ་ཁྱེར་གྱི་བཀའ་ལ་པདྨ་འདབ་བཞིའི་ལྟེ་བ་དང་ཤར་མཐིང་། ལྷོ་སེར་སོགས་ཕྱོགས་མདོག །གོང་རས་ལྗང་། མུ་ཁྱུད་ནག །ཁྱམས་ཕྱོགས་

[Full Size]

མདོག །ལྟེ་བར་ཟླ་གདན་ལ་ཐིག་ལེ་སྔོ་སྐྱ། འདབ་བཞིར་ཤར་དཀར། ལྷོ་སེར་སོགས་ཕྱོགས་མདོག་གི་ཐིག་ལེ་རེ། ༡༨ མཁའ་སྤྱོད་དཀར་མོའི་བྱིན་རླབས་ལ་ཆོས་འབྱུང་དཀར་པོ་མཐའ་མེ་རི་དཀར་པོས་བསྐོར་བ། དབུས་སུ་ཧྲཱིཿདཀར་པོ། ༡༩ མཁའ་སྤྱོད་སུམ་ཕྲུག་གི་བྱིན་རླབས་ལ་ཟླུམ་བསྐོར་མུ་ཁྱུད་སྔོན་པོ། །གཞི་ལྗང་གུའི་དབུས་སུ་འཇའ་གོར་ནོར་བུ་མིག་གསུམ་ལྟ་བུ། དེའི་གཡས་སེར། དབུས་དཀར། གཡོན་དུ་ནག་པོའི་ཐིག་ལེ་རེ། ༢༠ བདེ་མཆོག་གསང་སྒྲུབ་ལ་མུ་ཁྱུད་སྔོན་པོ་ཅན་གྱི་པདྨ་འདབ་བཞི། ལྟེ་བ་སྔོ། ཤར་དཀར། ལྷོ་སེར་སོགས་ཕྱོགས་མདོག །ལྟེ་བར་ཉི་གདན་ལ་ཐིག་ལེ་སྔོ། འདབ་བཞིའི་ཤར་

[Full Size]

སྔོ། ལྷོ་སེར་སོགས་ཕྱོགས་མདོག་གི་ཐིག་ལེ་རེ། ༢༡ ཕྱག་རྡོར་གསང་སྒྲུབ་ལ་པདྨ་འདབ་བཞི་ཕྱོགས་མདོག་གི་དབུས་སུ་ཟླ་གདན་ལ་ཐིག་ལེ་སྔོན་པོ་གཅིག ༢༢ །རྣམ་འཇོམས་གསང་སྒྲུབ་ལ་པདྨ་འདབ་བཞིའི་དབུས་སུ་ཉི་གདན་ལ་ཐིག་ལེ་མཐིང་ག་གཅིག ༢༣ །སུ་ཁ་སིདྡྷིའི་བྱིན་རླབས་ལ་པདྨ་འདབ་བཞིའི་དབུས་དཀར་དམར། ཤར་སྔོ། ལྷོ་སེར་སོགས་ཕྱོགས་མདོག །མཐའ་མེ་རི་དཀར་ལ་དམར་མདངས་ཅན་གྱིས་བསྐོར་བ། ལྟེ་བར་ཟླ་གདན་ལ་ཐིག་ལེ་དཀར་ལ་དམར་མདངས་ཆགས་པ། ༢༤ ལྷ་བཞི་དྲིལ་སྒྲུབ་ལ་པདྨ་འདབ་བཞི་ལྟེ་བ་སྔོ། །འདབ་བཞི་ཕྱོགས་མདོག །དབུས་སུ་ཟླ་གདན་ལ་ཐིག་ལེ་སྔོན་པོ།

[Full Size]

ཤར་དུ་ཉི་གདན་ལ་ཐིག་ལེ་ནག །ལྷོར་ཉི་གདན་ལ་ཐིག་ལེ་དམར། ནུབ་ཏུ་ཟླ་གདན་ལ་ཐིག་ལེ་དཀར། བྱང་དུ་ཟླ་གདན་ལ་ཐིག་ལེ་ལྗང་གུ་རྣམས། ༢༥ མགོན་པོ་ཕྱག་དྲུག་པ་བར་ཆད་ཀུན་སེལ་གྱི་རྗེས་གནང་ལ་ཆོས་འབྱུང་རྐྱང་པ་གྲུ་གསུམ་མཐིང་ནག་མེ་རི་དང་བཅས་པའི་དབུས་སུ་ཉི་གདན་ལ་ཧཱུྃ་ཡིག་སྔོན་པོས་མཚན་པ་བྲིའོ། ༈ །ཆོས་སྐྱོང་བའི་སྲུང་མ་མགོན་པོ་ཕྱག་དྲུག་པ་བཀའ་ཆེན་བཅུ་གསུམ་གྱི་རྗེས་གནང་ལ། ༡ ཐོག་མར་རྗེས་གནང་བར་ཆད་ཀུན་སེལ་གྱི་དཀྱིལ་འཁོར་ནི་བཤད་མ་ཐག་པ་ལྟར་དང་། ༢ གྲིབ་སེལ་མགོན་པོའང་དེ་དང་འདྲ། ༣ བླ་མ་མགོན་པོ་དབྱེར་མེད་ཀྱི་རྗེས་གནང་ལ། ཕྱི་རོལ་གྲུ་བཞིའི་

[Full Size]

ནང་དུ་ཟླུམ་སྐོར་ནག་པོ་ལ་དུར་ཁྲོད་མཚོན་བྱེད་ཙམ། དེའི་ནང་དུ་ཟླུམ་པོ་གཉིས་སྐོར། ཟླུམ་སྐོར་དང་གྲུ་བཞིའི་བར་ཤར་དཀར་སོགས་ཕྱོགས་མདོག །ཟླུམ་སྐོར་དང་གཅིག་གི་བར་སྔོན་པོ། ཟླུམ་པོའི་ནད་ལྗང་གུ། དེའི་དབུས་སུ་ཆོས་འབྱུང་གྲུ་གསུམ་མཐིང་ག་མེ་རི་དང་བཅས་པའི་དབུས་སུ་གྲི་གུག་གི་རྡོ་རྗེའི་ལྟེ་བ་ལ་ཧཱུྃ་གིས་མཚན་པ་བྲི། ༤ མགོན་པོ་གནད་དབབ་དང་མཁའ་འགྲོ་དབང་སྡུས་ལྷན་ཅིག་པའི་རྗེས་གནང་ལའང་དེ་དང་འདྲ། ༥ མགོན་པོ་མཆིན་ཁའི་རྗེས་གནང་ལ། ཆོས་འབྱུང་མཐིང་ནག་གྲུ་གསུམ་མེ་རི་དང་བཅས་པའི་དབུས་སུ་པདྨ་འདབ་བརྒྱད་ཀྱི་ལྟེ་བར་ཧཱུྃ་ཡིག་མཆིན་ཁ་འབྲི། ༦ ས་ར་ཧའི་ལུགས་ཀྱི་མགོན་པོའི་རྗེས་གནང་ལའང་བར་ཆད་ཀུན་

[Full Size]

སེལ་དང་འདྲ། ༧ མགོན་པོ་རྒྱན་ཅན་གྱི་རྗེས་གནང་ལ། ཆོས་འབྱུང་མཐིང་ག་མེ་རི་དང་བཅས་པའི་དབུས་སུ་ཧཱུྃ་དང་ཨ་ཡིག་གིས་མཚན་པ་བྲི། ༨ ལྷ་བཞི་དྲིལ་སྒྲུབ་ཀྱི་དབང་ལ། ཆོས་འབྱུང་གྲུ་གསུམ་ཕྱི་དཀར་ལ་ནང་དམར་བའི་ནང་དུ་སྣ་ཚོགས་པདྨ་འདབ་མ་བཞི་པ། ལྟེ་བ་ལྗང་གུ། འདབ་མ་བཞི་མཛེས་མཚོན། ལྟེ་བ་རྡོ་རྗེ་དང་དྲིལ་བུ། འདབ་བཞིའི་ཤར་དུ་གྲི་གུག །ལྷོར་གྲི་གུག །ནུབ་ཏུ་པདྨ་དཀར་པོ་བྱང་དུ་ཨུཏྤལ་སྔོན་པོ་རྣམས་བྲི། ༩མགོན་པོ་དབང་རྒྱལ་གྱི་རྗེས་གནང་ལ། ཆོས་འབྱུང་ཕྱི་མཐིང་། ནང་དཀར་བའི་ནང་དུ་པདྨ་འདབ་བརྒྱད་ཀྱི་ལྟེ་བར་གྲི་གུག་གིས་མཚན་པ་བྲི། ༡༠ ཚེ་བདག་མགོན་པོའི་རྗེས་

[Full Size]

གནང་ལ། ཆོས་འབྱུང་ལྗང་གུ་མེ་རི་དང་བཅས་པའི་དབུས་སུ། སྣ་ཚོགས་པདྨའི་ལྟེ་བར་ཉི་མ། དེའི་སྟེང་དུ་ཧཱུྃ་ལྗང་གུ་རྣམས་བྲི། ༡༡ མགོན་པོ་སྙིང་ཞུགས་ཀྱི་རྗེས་གནང་ཆིག་བརྒྱུད་ནི་བར་ཆད་ཀུན་སེལ་དང་འདྲ། ༡༢ མགོན་དཀར་ཡིད་བཞིན་ནོར་བུའི་རྗེས་གནང་ལ། པདྨ་དཀར་པོ་འདབ་མ་བཞི་པའི་ལྟེ་བར་ཉི་མའི་དཀྱིལ་འཁོར་ལ་ཧཱུྃ་དཀར་པོ། པདྨའི་མཐར་མེ་རི་བསྐོར་བ་བྲི། ༡༣ མགོན་པོ་བཀའ་བརྒྱད་ཀྱི་སྐབས་སུ་དགོས་པའི་ཙཀླི་ལ། གྲི་གུག །ཐོད་པའི་ཕྲེང་བ། ཐོད་པའི་ཅང་ཏེའུ། ཐོད་པ་ཁྲག་གིས་བཀང་བ། ཁ་ཊྭྃཾཱ་རྩེ་གསུམ། རྡོ་རྗེ་མཚན་པའི་ཞགས་པ། ཐོད་སྐམ་ལྔ་ཡི་དབུ་རྒྱན། ཐོད་རློན་ལྔ་བཅུའི་

[Full Size]

དོ་ཤལ། སྦྲུལ་རིགས་ལྔའི་རྒྱན། གླང་ཀོའི་སྟོད་གཡོག །སྟག་གིས་ཤམ་ཐབས། རུས་པའི་རྒྱན་དྲུག་བཅས་ཙཀླི་བཅུ་གཉིས། ༡༤ཞར་བྱུང་ཞིང་སྐྱོང་ཀྵེ་ཏྲ་པཱ་ལའི་རྗེས་གནང་ཆིག་བརྒྱུད་མ་ལ། ཆོས་འབྱུང་གྲུ་གསུམ་ཕྱི་ནག་ནང་དམར་བ་མེ་རི་དང་བཅས་པའི་དབུས་སུ་ཐིག་ལེ་ནག་པོ་གཉིས་བྲིའོ། །དེ་ལྟར་དཔལ་ལྡན་ཤངས་པ་བཀའ་བརྒྱུད་པའི་ཟབ་ཆོས་ལ་དབང་དང་བཀའ་བསམ་གྱིས་མི་ཁྱབ་པ་ཞིག་བཞུགས་ཀྱང་། དེ་ཡང་ཕྱོགས་ཐམས་ཅད་ནས་བཙལ་བས་རྒྱུན་བཞུགས་ངེས་པ་བདག་གིས་ཐོབ་པ་ནི་དེ་ཙམ་སྟེ། ཆོས་དྲུག་བཀའ་སོགས་འགའ་ཞིག་ཕྱག་ལེན་མི་འདྲ་བ་འགའ་རེ་ཐོས་ཀྱང་འདིར་ནི་རྗེ་བཙུན་རིན་པོ་ཆེ་ཀུན་

[Full Size]

དགའ་གྲོལ་མཆོག་གོང་འོག་དང་མཁན་ཆེན་ངག་དབང་ཆོས་གྲགས་ཀྱི་བཞེད་པ་གཙོ་བོར་བཏོན་ནས་ཁྱབ་བདག་ཞྭ་ལུ་པ་རྡོ་རྗེ་འཆང་རིན་ཆེན་བློ་གསལ་བསྟན་སྐྱོང་གིས་ནག་འགྲོས། ཆུ་འབབས་སུ་བཀོད་པའི་གསུང་རབས་ཀྱི་དགོངས་པ་ཇི་ལྟ་བར་བཀོད་པ་ཡིན་ལ། ཆོས་དྲུག་གི་བྱིན་རླབས་ཞྭ་ལུ་རྡོ་རྗེ་འཆང་གི་ཡིག་ཆ་དང་། ངག་དབང་ཆོས་གྲགས་པའི་ཡིག་ཆ་ལྟར་སོ་སོར་ཐོབ་ཅིང་། དམིགས་པའི་ཁྱད་པར་སོགས་མི་འདྲ་བ་མང་བས་སླད་ནས་ཀྱང་སོ་སོར་བསྐུར་ན་ལེགས་པ་ཡིན་ནོ། །ཞེས་པའང་མཉྫུ་གྷོ་ཝས་འདིའི་བྲིས་ཐང་རྣམས་བཞེངས་སྐབས་ཟིན་བྲིས་སུ་བགྱིས་པའི་ལེགས་བྱས་ཀྱི་སྣང་བས་དཔལ་ལྡན་ཤངས་པའི་ཟབ་ཆོས་

[Full Size]

འཇིག་རྟེན་གསུམ་ན་ཉི་ཟླ་ལྟར་ཁྱབ་ཅིང་རྟག་པའི་རྒྱུར་སིདྷྡི་རས་ཏུ།། །།

ཆོས་དྲུག་གི་འབྲེལ་བ་བདུད་རྩི་རྒྱ་མཚོ། སྔགས་འཆང་པྲཉྫཱ་ཤྲཱི་ལ་དྷཱ་ཛ།

[Full Size]

ཆོས་དྲུག་གི་འབྲེལ་བ་བདུད་རྩི་རྒྱ་མཚོ་བཞུགས་སོ། །

[Full Size]

བླ་མ་དམ་པའི་ཞབས་ལ་གུས་པས་ཕྱག་འཚལ་ལོ། །ལྷག་པའི་ལྷ་ཡི་གཙུག་གི་རྒྱན། །དབང་གི་རྒྱལ་པོའི་ཅོད་པན་ཅན། །དུས་གསུམ་སངས་རྒྱས་བླ་མ་ཡི། །ཞབས་པད་དྲི་མེད་སྤྱི་བོས་བླངས། །མཁའ་འགྲོའི་གསང་ཚིག་བླ་མ་ཡི། །གསུང་བཞིན་དབྲི་བསྣན་མེད་པར་བྲི། །དེ་ལ་སངས་རྒྱས་རྡོ་རྗེ་འཆང་ཆེན་གྱིས། །ཡེ་ཤེས་ཀྱི་མཁའ་འགྲོ་ནི་གུ་མ་ལ་གསུངས་

[Full Size]

པའི་སྙན་བརྒྱུད་ཞལ་གྱི་གདམས་པ་འདི་ལ་དྲུག་སྟེ་ཐབས་ལམ་བདེ་དྲོད་རང་འབར། སྒྱུ་ལུས་ཆགས་སྡང་རང་གྲོལ། །རྨི་ལམ་ཉིང་འཁྲུལ་རང་དག །འོད་གསལ་གཏི་མུག་རང་སངས། འཕོ་བ་མ་བསྒོམས་སངས་རྒྱས། བར་དོ་རྒྱལ་བ་ལོངས་སྐུའོ། །དང་པོ་ཐབས་ལམ་ལ་གསུམ་སྟེ། སྔོན་འགྲོ། དངོས་གཞི། རྗེས་སོ། །དང་པོ་ལ་གསུམ་ལས།

[Full Size]

དང་པོ་དག་བྱེད་ཨའི་སྟོང་ར་ནི། །སེམས་བསྐྱེད་སྔོན་དུ་སོང་བས་རང་གི་སྤྱི་བོར་པད་ཟླའི་སྟེང་དུ་བླ་མ་བསྒོམས་ལ་བླ་མ་རིན་པོ་ཆེ་བདག་གི་ནད་གདོན་ཞི་བར་མཛད་དུ་གསོལ། །སྡིག་སྒྲིབ་དག་པར་མཛད་དུ་གསོལ། །ཏིང་ངེ་འཛིན་ཁྱད་པར་ཅན་རྒྱུད་ལ་སྐྱེ་བར་མཛད་དུ་གསོལ། །ཞེས་གསོལ་བ་བཏབ་ལ། །རང་གི་སྨིན་ཕྲག་གི་ནང་དུ་ཆོས་འབྱུང་དཀར་པོ་གྲུ་གསུམ་རྩ་བ་ཕྲ་བ་ཐུར་དུ་མགྲིན་པའི་ནང་ན་མར་ཟུག་པ། །ཕྱི་ནང་ཐམས་ཅད་དཀར་སང་ངེ་བའི་ནང་དུ་ཨ་དཀར་པོ་འོད་ཀྱི་རང་བཞིན་ཅན་གཅིག་བསམས་ལ། ངག་ཏུ་ཨ་ཨ་ཞེས་ཅི་རིགས་པ་བརྗོད་པས། ཨ་ལས་ཟག་པ་མེད་པའི་ཡེ་ཤེས་ཀྱི་བདུད་རྩིའི་ཆུ་རྒྱུན་བྱུང་བས་ཆོས་འབྱུང་ཁེངས་ནས།

[Full Size]

ལུས་ཀྱི་ཕྱི་ནང་གཉིས་ཀ་ན་མར་སོང་བས་ནད་གདོན་སྡིག་སྒྲིབ་ཐམས་ཅད་བཤང་ལམ། ཆུ་སོ། སེར་མོའི་བཀྲག །བ་སྤུའི་བུ་ག་ཐམས་ཅད་ན་མར་ཐལ་བའི་རི་བོ་ལ་ཕུ་ཆུ་དྲག་པོ་བབ་པ་བཞིན། ནག་ནུ་རུ་རུ་ཐོན་པས། དྲི་མ་ཐམས་ཅད་སངས་དག་ནས། ལུས་ཐམས་ཅད་ཁྲུ་མ་ཕུས་བཏབ་པའམ། །ཤེལ་གོང་གཡའ་དག་པ་ལྟ་བུ་ཕྱི་གསལ་ནང་གསལ་དུ་བསམ། སྐབས་སུ་སྔར་བཞིན་བསྐྱར་ཞིང་དག་རྒྱས་བཏབ་ལ། མཉམ་རྗེས་ཐམས་ཅད་དུ་ཉམས་སུ་བླང་ངོ་། །དེས་སྡིག་སྒྲིབ་དང་དམ་ཚིག་གི་ཉམས་ཆག་དང་དཀོར་སྐུ་ལུས་དང་བསྐུར་པ་བཏབ་པ་དང་གྲིབ་ལ་སོགས་པ་ཐམས་ཅད་དག་པར་འགྱུར་རོ། །གཉིས་པ་

[Full Size]

སྟོང་ར་ནད་གདོན་སེལ་བྱེད་ནི། ཚ་བའི་ནད་ལ་བདུད་རྩི་ཁ་དོག་དཀར་ལ་རེག་བྱ་བསིལ་བ་ག་བུར་གྱི་ཆུ་རྒྱུན་ལྟ་བུ། གྲང་སི་ལི་ལི་བྱུང་བས་ཚད་པའི་ནང་ཐམས་ཅད་ཞི་བར་བསམ། གྲང་བ་ལ་བདུད་རྩི་ཁ་དོག་དམར་ལ་རེག་བྱ་ཚ་བ་ཟངས་ཞུན་ལྟ་བུའི་ཆུ་རྒྱུན་ཚ་ཆིལ་ལི་ལི་བྱུང་བར་བསམ། རླུང་ལ་ངོ་བོ་བདུད་རྩི་ལ་རྣམ་པ་ཞུན་མར་ལྟ་བུ་བཅུད་ཅན་བྱུང་བར་བསམ། གདོན་ལ་ངོ་བོ་བདུད་རྩི་ལ་རྣམ་པ་ཁྲོ་ཆུང་ལྟ་བུ་མང་པོ་བྱུང་བས། གདོན་ཐམས་ཅད་འབུ་སྲིན་ལ་སོགས་པ་སྲོག་ཆགས་ཀྱི་རིགས་མང་པོར་ཕྱིར་དེད་པར་བསམ་མོ། །གསུམ་པ་རྟགས་གསུམ་སྟོང་རའི་ཁྱད་པར་ནི། འཁྲུ་སྐྱུག་དང་ཁྲུས་བྱེད་པ་དང་གོས་དཀར་པོ་གྱོན་པ་དང་འཕུར་བ་དང་། ཉི་ཟླ་ཤར་བ་ལ་

[Full Size]

སོགས་པ་ནི་སྒྲིབ་པ་ཟད་པའི་རྟགས་སོ། །ལུས་ལ་རྡུལ་དང་ཆུ་སེར་དང་ནད་ཀྱི་ཁ་རླངས་སྔོ་མར་དུ་ཐོན་པ་དང་རྣག་ཁྲག་འཛག་པ་ནི་ནད་དོན་པའི་རྟགས་སོ། །གྲོག་སྦུར་ལ་སོགས་པ་སྲོག་ཆགས་ཀྱི་རིགས་མང་པོ་ཐོན་པ་ནི་གདོན་དོན་པའི་རྟགས་ཏེ། དངོས་སམ་རྨི་ལམ་དུ་ཅི་རིགས་པ་འབྱུང་ངོ་། །དངོས་གཞི་ལ་ལྔ་ལས། དང་པོ་ལུས་གནད་མིའི་སྟོང་ར་ནི། །སེམས་བསྐྱེད་སྔོན་དུ་སོང་བས། རང་སྐད་ཅིག་གིས་རྗེ་བཙུན་མར་བསྐྱེད་པའི་སྤྱི་བོར་པད་ཉིའི་སྟེང་དུ་བླ་མ་བསྒོམ་ལ། བླ་མ་རིན་པོ་ཆེ། བདག་ལ་བདེ་དྲོད་ཀྱི་ཏིང་ངེ་འཛིན་རྒྱུད་ལ་སྐྱེ་བར་མཛད་དུ་གསོལ། བདེ་སྟོང་གི་ཏིང་ངེ་འཛིན་རྒྱུད་ལ་སྐྱེ་བར་མཛད་དུ་

[Full Size]

གསོལ། ཞེས་གསོལ་བ་གདབ། རླུང་རོ་ལན་གསུམ་ཕྱིར་བསལ། རླུང་ལོག་དང་ཁམས་འདུས་མི་འོང་བའི་དགོས་པ་ཡོད། དེ་ནས་རྐང་པ་སྐྱིལ་ཀྲུང་སྒལ་ཚིགས་བསྲང་། མགྲིན་པ་དགུག །ལག་མཐིལ་གཉིས་པུས་མོ་གཉིས་ཀྱི་ཁར་བཞག་ལ། རང་ལུས་ཕྱི་རྗེ་བཙུན་མའི་རྣམ་པ་ལ་ནང་མེ་མར་མུར་གྱི་འོབས་རྫ་མ་དམར་ལྷང་བསྲེགས་པ་ལྟ་བུ་ཁོང་སྟོང་ཁ་མདོག་དམར་ལ་རེག་བྱ་ཚ་བར་བསམ། ཁོང་པའི་ནང་ལྟེ་བའི་ཐད་ཀའི་ཕྱོགས་བཞིར་མེ་ངང་པའི་སྒོ་ང་ཙམ་ས་གཞི་མགར་གྱི་སོལ་མལ་ལྟ་བུ་མེ་འབར་ལ་ཁད་པ་མ་འབར་ཙམ་ལ་སེམས་གཏད་པས། རླུང་ཁ་སྦྱར་ལ་ཐུབ་ཚད་བཟུང་ངོ་། །མ་ཐུབ་ན་དབུགས་དལ་བུས་བཏང་ཞིང་བསྒོམ་མོ་

[Full Size]

འདིར་སྤྱི་བོ་བདེ་ཆེན་གྱི་འཁོར་ལོ་གསང་བ་འདུས་པ་ལྷ་སོ་གཉིས། མགྲིན་པ་ལོངས་སྤྱོད་ཀྱི་འཁོར་ལོ་མ་ཧཱ་མ་ཡ་ལྷ་སོ་ལྔ། སྙིང་ཁ་ཆོས་ཀྱི་འཁོར་ལོ་དགྱེས་པ་རྡོ་རྗེ་ལྷ་དགུ། །ལྟེ་བ་སྤྲུལ་པའི་འཁོར་ལོ་བདེ་མཆོག་ལྷ་དྲུག་ཅུ་རྩ་བཞིའི་ངོ་བོར་བསམ། སྤྱི་བོར་ཧཾ་བླ་མ་རྡོ་རྗེ་འཆང་ལྟེ་བའི་ཨ་རྡོ་རྗེ་ཕག་མོར་གྱུར་སྤྱི་བོའི་བླ་མ་དང་སྙོམས་པར་ཞུགས། ལྟེ་འོག་ཏུ་ཚེ་དཔག་མེད་མཚོན་གང་བ་ལས་མེ་འོད་བྱུང་བས་བླ་མ་ཡབ་ཡུམ་ལ་ཕོག་པས། དེ་གཉིས་ཀྱི་སྦྱོར་མཚམས་ནས་བདེ་ཆེན་གྱི་འོད་ཟེར་དཔག་ཏུ་མེད་པ་སྤྲོས། སེམས་ཅན་སངས་རྒྱས་སུ་བྱས་པ་དང་གྲུབ་ཟིན་གྱི་སངས་རྒྱས་རྣམས་བླ་མ་ཡབ་ཡུམ་ལ་བསྡུས། དེ་ལས་བྱུང་བའི་བདུད་རྩི་བབས་པས་ལུས་དང་ཚེ་དཔག་མེད་ཀྱི་སྐུ་གང་། སྐུ་དེའི་འོད་ཀྱིས་ལུས་དང་སྟོང་གསུམ་ཐམས་ཅད་གང་བའི་འབར་འཛག་བསྒོམ། །གཉིས་པ་གཏུམ་མོ་ཟས་སུ་ཟ་བ་ནི། །རང་རྗེ་བཙུན་མ་བསྐྱེད་པའི་སྤྱི་བོར་བླ་མ་བསྒོམས་

[Full Size]

ལ། །གསོལ་བ་གོང་བཞིན་བཏབ། །རླུང་རོ་ལན་གསུམ་ཕྱིར་བསལ། །དེ་ནས་རྐང་ལག་བསྣོལ། ལག་པ་ཉ་ཤ་ལ་འཁྱུད། གྲུ་མོ་གཉིས་པུས་མོ་གཉིས་ཀྱི་ཁར་བཞག །སྒལ་ཚིགས་བསྲང་། མགྲིན་པ་དགུག་ལ། རྩ་དབུ་མ་ཡར་རྩེ་ཚངས་བུག །མར་སྣ་གསང་གནས། རྩ་རོ་རྐྱང་གཉིས་ཡར་རྩེ་སྣ་སྒོ་གཉིས། མར་སྣ་ལྟེ་འོག་སོར་བཞིར་ཟུག་པའོ། །གསང་གནས་སུ་ཡྃ་ལས་རླུང་གི་དཀྱིལ་འཁོར་གཞུའི་དབྱིབས་ལྟ་བུའི་སྟེང་དུ་རཾ་དམར་པོ་རིལ་མ་ཙམ་གཅིག་བསམ། དེ་ནས་རླུང་གཉིས་ཁ་སྦྱར་བས་ཡམ་ལས་རླུང་གཡོས། རམ་ལས་མེ་སྒྲ་དང་བཅས་པ་འབར་ཏེ་དབུ་མ་ན་ཡར་སོང་བས་ཁོང་པ་ཁེངས་པར་བསམས་ནས། མེ་དེའང་ནས་སམ། གཟུགས་མོ་བྱི་དུར་ལྟར་

[Full Size]

རྩ་བ་ཕྲ་བ། སྐེད་པ་ལྡིར་བ། རྩེ་མོ་རྣོ་བ་མགྲིན་པར་སླེབ་པ། ཁྱད་པར་དུ་རཾ་གྱིས་མེ་འབར་བ་ལ་སེམས་གཏད་ལ། ལག་པ་བསྣོལ་ལ་རྐང་པའི་མཐེ་བོང་གཉིས་ནས་བཟུང་ལ། ལུས་ཀྱི་ལས་སུ་དཀྲུག་འཁོར། ངག་གི་ལས་སུ་རླུང་བཟུང་བ། སེམས་ཀྱི་ལས་སུ་མེ་འབར་བཞིན་པ་ལ་དམིགས་པ་གཏད་ལ་བསྒོམ་མོ། །སྐབས་སུ་སྔར་གྱི་ལུས་གནད་ཀྱི་སྟེང་ནས་ངལ་བསོ། རྡུལ་བྱུང་ན་ཐོ་རངས་ཀྱི་དྲི་ཆུ་སྫ་སོ་མར་བཏང་ལ་གྲངས་སུ་བཅུག་ལ་བཀུའོ། །ལྕི་ཐལ་འཇམ་པོ་ཡང་བཀུའོ། །གསུམ་པ་གོས་སུ་གྱོན་པ་དང་། བཞི་པ་སྟན་དུ་འདིང་བ་ནི། ནུབ་མོ་ཉལ་བའི་ཚེ་མལ་ཐག་ཐུང་བ། སྔས་ཅུང་ཟད་མཐོ་བ། རྐང་པ་སྟན་གཅིག་ལ་གཏད་ལ་པུས་བྲང་

[Full Size]

སྦྱར། མགོ་ཅུང་ཟད་བཀྲུག་ལ་དབུགས་ཤ་ཕྲག་ན་མར་འགྲོ་བར་བྱ། མཐིལ་བཞི་མེའི་དཀྱིལ་འཁོར་ཡིན་པས་ལག་པ་བསྣོལ་བའི་མཐིལ་གྱིས་མཆན་འོག་གི་མཁལ་མ་གྲང་པ་ཆུའི་རྩ་གཉིས་ལ་དག་པ། རྐང་པའི་སྒྱུ་མོ་ཁུང་གཅིག་གིས་གཅིག་གིས་བོལ་གོང་མནན། གཞོགས་གང་བདེ་འོག་ཏུ་བཅུག་ལ་ཁྱི་ཉལ་སྒོར་མོ་བྱ་སྟེ། གོང་གི་དམིགས་པ་དང་ལྡན་པས་རླུང་བག་ཙམ་བཟུང་ངོ་། །ལྔ་པ་སྲིད་པའི་དབང་ཞུ་བ་ནི། རང་གི་སྤྱི་བོར་པད་ཟླའི་སྟེང་དུ་བླ་མ་སྐུ་མདོག་དཀར་པོ་འོད་ཀྱི་རང་བཞིན་ཅན་འཛུམ་པའི་མདངས་དང་ལྡན་པ་གཅིག་བསྒོམས། དེའི་ཐུགས་ཀ་ནས་འོད་ཟེར་འཕྲོས་པས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་སྐུ་གསུང་ཐུགས་

[Full Size]

ཡོན་ཏན་ཕྲིན་ལས་ཐམས་ཅད་འོད་ཟེར་གྱི་རྣམ་པར་བཀུག་ནས་བླ་མ་ལ་བསྟིམ། དེ་ལ་མཆོད་པ་ཕུལ་ལ་དབང་བཞི་རྫོགས་སུ་བསྐུར་དུ་གསོལ། །ཞེས་གསོལ་བ་བཏབ་པས། བླ་མའི་སྐུ་ལུས་དང་ཟླ་བའི་གདན་ལས་འོད་ཟེར་རེ་རེ། བདུད་རྩིའི་ཆུ་རྒྱུན་དཀར་པོ་བྱུང་ཚངས་བུག་ནས་ཞུགས་སྤྱི་བོར་སླེབ་པས། ལུས་ཀྱི་སྡིག་སྒྲིབ་དག་བུམ་དབང་ཐོབ། །མགྲིན་པར་ངག་གི་གསང་དབང་། སྙིང་གར་ཡིད་ཀྱི། ཤེས་རབ་ཡེ་ཤེས་སོ། །ལྟེ་བར་སླེབ་པས་ཀུན་གཞི་ལ་ཡོད་པའི་སྒྲིབ་པ་བག་ཆགས་དང་བཅས་པ་དག་ནས་དབང་བཞི་ཐོབ་པའོ། །དེས་སྐུ་བཞི་ཐོབ་པར་བསམ་མོ། །དབང་བཞི་དེ་ཉིད་ཐབས་ལམ་བསྒོམས་པའི་རྗེས་ལ་མ་ཆག་པས་བླང་ངོ་། དེས་ཉམས་

[Full Size]

སྒྲིབ་དང་དམ་ཚིག་གི་ཉམས་ཆག་ལ་སོགས་པ་གེགས་ཐམས་ཅད་དག་ནས། ཏིང་ངེ་འཛིན་མ་སྐྱེས་པ་སྐྱེ་བ་དང་། སྐྱེས་པ་བརྟན་པ་དང་། བོགས་ཐོན་པར་འགྱུར་རོ། །སུ་ཀ་མས་ལྟེ་བའི་དྷུ་ཏིའི་ནང་དུ་པདྨ་འདབ་བཞི་ལྟེ་བ་ནག་པོ་ལ་རྣམ་ཤེས་ཀྱི་ངོ་བོ་ཨ་དཀར་པོ་འོད་འཕྲོ་བ། མདུན་དུ་འདབ་མ་དང་ཧ་སྔོ་སྐྱ། གཡས་སུ་འདབ་མ་དང་རི་དམར་པོ། དབུས་སུ་འདབ་མ་དང་ནི་དཀར་པོ། གཡོན་དུ་འདབ་མ་དང་ས་སེར་པོ། གོང་རས་ལྗང་མུ་ཁྱུད་ནག་པོ་ཨའི་མེ་འོད་ཀྱི་ཡི་གེ་རྣམས་འབར་པདྨ་འཁོར་བར་བསམ་ལ་ཧ་རི་ནི་ས་བཟླའོ། །རྗེས་ལ་གཉིས་ལས། དང་པོ་གེགས་རང་གྲོལ་ནི། དེ་ལྟར་བསྒོམས་པས་སྟོད་གེགས་སྙིང་མི་དགའ་བ་དང་། ཤེས་པ་འཕྱོ་བ་དང་རོ་སྟོད་ན་བ་ལ་སོགས་པ་བྱུང་ན། གང་ན་སར་བུ་ག་ལྕག་ཚགས་ཀྱི་མིག་ལྟ་བུའམ། ཡང་

[Full Size]

ན་མདུན་རྒྱབ་ཏུ་རིན་ཆེན་འབར་བའི་མིག་ལྟ་བུ་བསམས་པའི་ནང་ན་ཡར་ནད་གདོན་ཐམས་ཅད་དུད་པ་ཕྱུར་བ་ལྟར་སྔོ་བུན་ནུ་ནུ་ཐོན་པར་བསམས་ལ། རླུང་འབུད་པ་དང་ཧ་འདོན་པར་བྱའོ། །སྨད་ཀུན་དའི་གོགས་ནི། རབ་དགག་སྒྲུབ་དང་བྲལ་བའི་ལྟ་བས་སམ། འབྲིང་དབང་བསྐུར་དང་ཚོགས་འཁོར། ཐ་མ་དམིགས་པ་དང་འཁྲུལ་འཁོར་གྱིས་བཅད་པར་བྱའོ། །གཉིས་པ་རླུང་རྟར་ཞོན་པ་ནི། འགྲོ་བའི་ཚེ་ལག་པ་གཉིས་རྡོ་རྗེ་ཁུ་ཚུར་བཅས་ལ། མཆན་འོག་གཉིས་སུ་རླུང་གི་ལྷ་མོ་སྔོན་མོ་གཤོག་པ་ཅན་གཉིས་ཀྱིས་མཁའ་ལ་བཏེགས་པར་བསམས་ལ་རླུང་བཟུང་ནས་ཕྱིན་པས་རྟ་མཆོག་དང་མཉམ་པའི་འགྲོས་འབྱུང་ངོ་། །མེ་རྒོད་གཏུམ་མོ་ཞེས་

[Full Size]

བྱའོ། །གཉིས་པ་སྒྱུ་ལུས་ལ་གསུམ་སྟེ། །དབང་པོ་རབ་གྲོགས་སུ་བླ་མ་དམ་པ་བསྟེན་པ། །འབྲིང་ཚིག་གཞན་གྱིས་བར་མ་ཆོད་པར་འཁྲིད་པ། །ཐ་མ་མལ་གཅིག་ཏུ་ཏིང་ངེ་འཛིན་བསྐྱེད་པའོ། །དང་པོ་དབང་པོ་རབ་ནི། །དེ་ལ་ཅིའི་ཕྱིར་གྲོགས་ཞེ་ན། །འདུ་འབྲལ་མེད་པའི་དོན་གྱིས་ན་གྲོགས། །གོང་ནས་གོང་དུ་འཁྲིད་པར་བྱེད་པས་ན་གྲོགས། །ཡོན་ཏན་ཐམས་ཅད་བསྐྱེད་པའམ། ཚེ་གཅིག་གམ། །ལོ་ཟླས་སངས་རྒྱ་བའི་དོན་གྱིས་ན་གྲོགས་པོ། །དེ་ལ་ས་བཅུ་ལམ་ལྔ་ཐམས་ཅད་མོས་གུས་གཅིག་པོས་བསྒྲོད་པ་དང་། །ལྷ་སྐུ་བསྐལ་པ་སྟོང་དུ་བསྒོམས་པ་བས། །བླ་མ་དྲན་པ་བསོད་ནམས་ཆེ་བ་དང་། །སངས་རྒྱས་སྟོང་གི་ཡོན་ཏན་འཛིན་པ་ལ་སོགས་པའི་ཡིད་ཆེས་སུ་མདོ་རྒྱུད་ཀྱི་ལུང་

[Full Size]

དང་། ལོ་རྒྱུས་མང་དུ་གསུངས་པ་ནི་བླ་མའི་ཞལ་ལས་ཤེས་པར་བྱའོ། །དེ་ལ་གཉིས་ལས། །དང་པོ་གསོལ་འདེབས་བླ་མའི་ལམ་ཁྱེར་ནི། སེམས་བསྐྱེད་སྔོན་དུ་སོང་བས་གནས་དབེན་པར་འཁོར་བ་ལ་སྐྱོ་ཤས་དྲག་པོ་བསྐྱེད་དེ། །སྔར་སྐྱེས་པ་ཐམས་ཅད་ཀྱང་ཤི། །ད་བཟོད་སྐྱེ་བ་ཐམས་ཅད་ཀྱང་འཆི། །ད་ལྟ་ས་ཐོག་ན་གནས་པ་ཐམས་ཅད་ཀྱང་མ་ཤི་ཚེ་ཐར་དུ་སྡོད་པ་གཅིག་ཀྱང་མེད། །ཤི་ནས་མེད་འགྲོ་ན་ཏ་དྲག་སྟེ། །འགྲོ་དྲུག་ཏུ་སྐྱེ། །དེ་གང་དུ་སྐྱེས་ཀྱང་སྐྱིད་མེད་ཨང་སྙམ་དུ་བསམས་ལ། །བདེ་བའི་སྟན་ལ་ལུས་གནས་བཅས་ལ། །རང་སྐད་ཅིག་གི་བདེ་མཆོག་ཞལ་གཅིག་ཕྱག་གཉིས་པ། །ཡུམ་དང་གཉིས་སུ་མེད་པར་བསྐྱེད་པའི་སྤྱི་བོར་པདྨ་དང་

[Full Size]

ཉི་ཟླའི་སྟེང་དུ། རང་གི་རྩ་བའི་བླ་མ་མཚན་དང་དཔེ་བྱད་ཀྱིས་བརྒྱན་པ། །ཞལ་འཛུམ་པའི་མདངས་དང་ལྡན་པ་འོད་དང་འོད་ཟེར་གྱི་རང་བཞིན་ཅན། །སྐུ་བལྟ་བས་ཆོག་མི་ཤེས་པ། ཉི་མ་འབུམ་གྱི་གཟི་བརྗིད་པས་ལྷག་པ། །མཚན་ཐོས་པ་ཙམ་གྱིས་ཕྱིར་མི་ལྡོག་པའི་ས་ཐོབ་པ། །གསོལ་བ་བཏབ་ན་བྱིན་རླབས་འབྱུང་བ་ལ་སྨོས་ཅི་དགོས་པ་གཅིག་བསམ། །དེའི་ཐུགས་ཀ་ནས་འོད་ཟེར་འཕྲོས་པས། །བརྒྱུད་པའི་བླ་མ་རྣམས་དང་། །སངས་རྒྱས་དང་བྱང་ཆུབ་སེམས་དཔའ། ཡི་དམ་ལྷ་ཚོགས། མཁའ་འགྲོ་ཆོས་སྐྱོང་ཆོས་འབྲེལ་ཡོད་ཚད་བླ་མ་དེ་ཉིད་ལ་བསྟིམ་ནས། མདུན་དུ་རང་ལ་གནོད་བྱེད་ཀྱི་གཙོ་བྱས་པའི་ནམ་མཁའ་དང་མཉམ་པའི་སེམས་ཅན་ཐམས་ཅད་ལུས་ངག་ཡིད་གསུམ་གུས་

[Full Size]

པའི་སྒོ་ནས་སྐུ་དི་རི་རི་གསོལ་བ་འདེབས་པར་བསམས་ལ། བླ་མ་རིན་པོ་ཆེ། བདག་འཛིན་བློ་ཡིས་ཐོངས་བར་མཛད་དུ་གསོལ། དགོས་མེད་རྒྱུད་ལ་སྐྱེ་བར་མཛད་དུ་གསོལ། སྒྱུ་ལུས་རྨི་ལམ་འབྱོངས་པར་མཛད་དུ་གསོལ། འོད་གསལ་ཕྱག་རྒྱ་ཆེན་པོ་རྟོགས་པར་མཛད་དུ་གསོལ། ཞེས་སྙིང་ཁོང་རུས་པའི་གཏིང་ནས་གསོལ་བ་དྲག་པོ་གདབ་བོ། །གཉིས་པ་ཅིར་སྣང་བདེན་མེད་སྒྱུ་མ་ལམ་ཁྱེར་ནི། དེ་ལྟར་གསོལ་བ་ནུས་ཚད་བཏབ་པས་སྣང་བ་བདེན་མེད་དུ་ཆམ་འགྲོ་རྒྱུ་གཅིག་འབྱུང་། དེ་སོང་པ་དང་། སྣང་ཞིང་སྲིད་པས་བསྡུས་པའི་ཆོས་དགྲ་སྡང་བ་གཉེན་བྱམས་པ་བདག་གཞན་སྣོད་བཅུད་དང་བཅས་པ་ཐམས་ཅད། བདག་གིས་བློ་བཀོད་བློ་ལ་ཤར་

[Full Size]

བ་མ་གཏོགས་པ་ཕྱི་རོལ་ན་དོན་ལོགས་སུ་གྲུབ་པ་གཅིག་ཀྱང་མེད། སྣང་གི་འདུག་ཀྱང་བདེན་མེད་ཡིན། །བཤིས་བདེན་མེད་གཅིག་ཡིན་པ་དེ་ལ། དེར་ངོ་མ་ཤེས་པས་འཁོར་བར་འཁྱམས་པ་ཡིན་སྙམ་དུ་རྩེ་གཅིག་ཏུ་བསྒོམ་པ་ནི་མཉམ་བཞག་གོ། །རྗེས་ཤེས་ནི། འགྲོ་བ་འཆག་པ་ཉལ་བ་འདུག་པ་ཟས་ཟ་བ་གོས་གྱོན་པ་གཏམ་སྨྲ་བ་ལ་སོགས་སྤྱོད་ལམ་རྣམ་བཞི་ཐམས་ཅད་དུ་འཆི་བ་ཡིན། ཅིས་ཀྱང་ཅི་བྱེད་སྙམ་པ་དང་། བླ་མའི་སྣང་བ་དང་མ་འབྲལ་བར་མོས་གུས་གདུངས་གདུངས་པ་དང་། ངེས་པར་བདེན་མེད་ཡིན་སྙམ་པའི་འདུན་པ་དྲག་པོ་དང་གསུམ་མ་ཡེངས་པར་བསྒོམ་མོ། །དེ་ལྟར་མཉམ་རྗེས་ཐམས་ཅད་དུ་ཉམས་སུ་བླངས་ནས་ནུབ་མོ་

[Full Size]

གཉིད་ལོག་པས། གཡང་ས་ཆེན་པོ་ལ་ཤོར་བའམ། དགྲའམ་ཁྱིས་དེད་པ་ལ་སོགས་པ་རྨི་ལམ་མི་འཚམས་པ་གཅིག་རྨིས། དེ་རྨི་ལམ་དུ་ཤེས། རྨི་ལམ་བདེན་མེད་སྒྱུ་མར་ཤེས། སྒྱུ་མ་སྒྱུ་འཛིན་ཐམས་ཅད་དང་བྲལ་ནས། འོད་གསལ་ཕྱག་རྒྱ་ཆེན་པོ་ཇི་ལྟ་བ་བཞིན་མངོན་དུ་འགྱུར་རོ། །གཉིས་པ་འབྲིང་ནི། དབང་པོ་རབ་ལ་དགེ་སྦྱོར་མ་སྐྱེས་ན། བླ་མ་ལ་ཆོས་སྐུའི་འདུ་ཤེས་མ་སྐྱེས། མོས་གུས་ཀྱི་རྩོལ་བ་ཞན་པའི་སྟོབས་ཀྱིས་རབ་འབྲིང་དུ་སོང་བ་ཡིན་ནོ། །དེ་ལ་ཅིའི་ཕྱིར་ཚིག་གཞན་གྱིས་བར་མ་ཆོད་པར་འཁྲིད་པ་ཞེ་ན། ཐ་མལ་གྱི་ལོང་གཏམ་ལ་སོགས་ལྟ་ཅི་སྨོས་ཏེ། མདོ་འདོན་པ་དང་སྔགས་བཟླ་བ་ལ་སོགས་པའང་རེ་ཤིག་ལ་

[Full Size]

བཞག་ནས། དྲན་འདུན་རྩེ་གཅིག་ཏུ་གཏོང་བ་ཡིན་ནོ། དེ་ལ་ཚེ་འདི་བློས་གཏོང་བའི་ཐབས་འཆི་བ་མི་རྟག་པ་དྲན་པ་དང་། སྣང་བ་ཐམས་ཅད་རང་གི་སེམས་སུ་ཤེས་པ་དང་། སེམས་སྒྱུ་མ་རྨི་ལམ་དུ་བསྒོམས་པ་ལ་ཡིད་ཆེས་ཤིང་ངེས་ཤེས་བསྐྱེད་པར་བྱེད་པའི་ཐབས། མདོ་རྒྱུད་ཀྱི་ལུང་དང་གཏམ་རྒྱུད་ལ་སོགས་པ་མང་དུ་གསུངས་པ་ནི། བླ་མའི་ཞལ་ལས་ཤེས་པར་བྱའོ། །དེ་ལ་གཉིས་ལས། དང་པོ་རང་ལུས་སྣང་སྟོང་ལྷའི་སྐུ་ནི། སེམས་བསྐྱེད་དང་བླ་མའི་རྣལ་འབྱོར་བསྒོམས་ལ་གོང་བཞིན་གསོལ་བ་བཏབ་པས། སྣང་བ་བདེན་མེད་དུ་ཆམ་སོང་བ་དང་། །རང་བདེ་མཆོག་ཏུ་བསྒོམས་པའི་སྐུ་མདོག་ཕྱག་མཚན་རྒྱན་ཆ་ལུགས་རྣམ་པ་བཞུགས་

[Full Size]

ཚུལ་དང་ལྡན་པ། སྣང་བ་གཟུགས་སུ་གྲུབ་པ་ལ་རེག་པ་གཟུགས་སུ་མ་གྲུབ་པ། མེ་ལོང་ནང་གི་གཟུགས་བརྙན་བཞིན་འདི་རང་གིས་བློས་བཀོད་བློ་ལ་ཤར་བ་མ་གཏོགས་པ་ཕྱི་རོལ་ན་དོན་ལོགས་གྲུབ་པ་གཅིག་ཀྱང་མེད། སྣང་ནི་སྣང་། བདེན་ནི་མི་བདེན། འདི་ཀ་རྨི་ལམ་ཡིན། སྒྱུ་མ་ཡིན་སྙམ་དུ་བསམ་མོ། །གཉིས་པ་ཅིར་སྣང་སྒྱུ་མའི་ལམ་ཁྱེར་ནི། ཕྱི་ས་ཆུ་མེ་རླུང་། ས་རྡོ་རི་བྲག་རྩི་ཤིང་ནགས་ཚལ། རི་རྭ་བ་ཁང་ཁྱིམ་རྩིག་པ་རེ་ལྡེ་དང་། ནང་བཅུད་ཀྱི་སེམས་ཅན་སྐྱེས་པ་བུད་མེད་དགྲ་གཉེན། རྟ་གླང་ལ་སོགས་པ་སྣང་ཞིང་སྲིད་པས་བསྡུས་པའི་ཆོས་ཐམས་ཅད་རང་གི་བློས་བཀོད་བློ་ལ་ཤར་བ་མ་གཏོགས་པ་དོན་ལོགས་ན་གྲུབ་པ་གཅིག་ཀྱང་མེད། །

[Full Size]

སྣང་ནི་སྣང་། །བདེན་ནི་མི་བདེན། འདི་རྣམས་སྒྱུ་མ་ཡིན། རྨི་ལམ་ཡིན་སྙམ་དུ་རྩེ་གཅིག་ཏུ་བསྒོམ་མོ། རྗེས་ཤེས་ནི། སྤྱོད་ལམ་ཐམས་ཅད་དུ་འཆི་བ་ཡིན་སྙམ་པ་དང་། བླ་མའི་མོས་གུས་དང་། ཁྱད་པར་དུ་འགྲོ་འཆག་ཉལ་འདུག །ཟས་གོས་གཏམ་སྙན་མི་སྙན་ལ་སོགས་པ། ཆགས་སྡང་ཡུལ་དང་ཕྲད་པའི་ཚེ་ང་གཉིད་དུ་སོང་འདུག །འདི་རྨི་ལམ་གྱི་འགྲོ་འདུག་དང་། རྨི་ལམ་གྱི་ཆགས་སྡང་ལ་སོགས་པར་འདུག་སྙམ་དུ་བསམས་ལ། ངག་ཏུ་ཡང་སྒྱུ་མ་རྨི་ལམ་བརྗོད་སེམས་ཀྱིས་ཀྱང་སྒྱུ་མ་རྨི་ལམ་གྱི་རྩིས་ཟིན་པར་བྱས་པས་ཅི་བྱས་ཐམས་ཅད་དགེ་སྦྱོར་དུ་འགྲོ་བ་ཡིན་ནོ། །གསུམ་པ་ཐ་མ་ནི། དབང་པོ་རབ་འབྲིང་གཉིས་ལ་དགེ་སྦྱོར་མ་སྐྱེས་ན། བླ་མ་ལ་

[Full Size]

ཆོས་སྐུའི་འདུ་ཤེས་མ་སྐྱེས། མོས་གུས་དང་འདུན་པ་ཞན་པའི་སྟོབས་ཀྱིས་དབང་པོ་ཐ་མར་སོང་བ་ཡིན་ནོ། །མལ་གཅིག་ཏུ་ཏིང་ངེ་འཛིན་རྒྱུད་ལ་སྐྱེད་པ་ནི། སད་བཞི་སྤངས་ལ་མལ་གྱི་དྲོད་མ་ཤོར་བར་བྱས་ལ་བསྒོམ་པའོ། །སད་བཞི་ནི། འགྲོ་འདུག་མང་པོ། འཕོ་སྐྱས། བློ་སྣ། ལོང་གཏམ་མང་པོ་དགེ་སྦྱོར་གྱི་སད་དོ། །དེ་ལ་བཞི་ལས། དང་པོ་འགྲོ་དྲུག་སྒྱུ་མར་འཆར་བྱེད་ནི། བླ་མའི་རྣལ་འབྱོར་བསྒོམས་ལ། བདག་འཛིན། དགོས་མེད། སྒྱུ་ལུས་རྨི་ལམ་འབྱོངས་པར་གསོལ་བ་གདབ། ལུས་གནད་བཅས་ལ་རང་ཡི་དམ་དུ་བསྒོམས་པའི་ལྟེ་འོག་ཏུ་ཆོས་འབྱུང་ཕྱི་དཀར་ལ་ནང་དམར་བ་འོད་ཀྱི་རང་བཞིན་ཅན་གཅིག་གི་ནང་དུ། དམྱལ་

[Full Size]

བ་ལ་སོགས་པ་འགྲོ་དྲུག་གི་སེམས་ཅན་ཐམས་ཅད་འོད་དུ་ལྟེ་མེ་འདུག་པར་བསམས་ནས་འོག་རླུང་བསྐུམ་ལ། འགྲོ་དྲུག་གི་སེམས་ཅན་འདི་རྣམས་མི་བདེན་པ་ལ་བདེན་པར་བཟུང་བས་འཁོར་བ་འབའ་ཞིག་ཏུ་ཁྱམས་པ་སྙིང་རེ་རྗེ། འདི་རྣམས་ཐམས་ཅད་སྣང་ནི་སྣང་། བདེན་ནི་མི་བདེན། འདི་ཀ་རྨི་ལམ་ཡིན། སྒྱུ་མ་ཡིན་སྙམ་དུ་བསམ་མོ། རྗེས་ཤེས་ནི་སྔར་ལྟར་རོ། འདུན་པས་སྟེང་རླུང་མནན་པ་བཞིན་དུ་སོང་ནས་དྲོད་སྐྱེའོ། །མོས་གུས་དང་འདུན་པས་རྒྱབ་ཕུལ་ན་སྒྱུ་མ་རང་ཤར་དུ་མི་འབྱུང་མི་སྲིད་དོ། །གཉིས་པ་ནད་གདོན་སྒྱུ་མ་ལམ་ཁྱེར་ནི། རང་ལ་ན་ཚ་དང་གདོན་གནོད་ན་ནད་གདོན་བདེན་མེད་སྒྱུ་མ་རྨི་ལམ་དུ་བསྒོམ། ཁྱད་པར་དུ་གདོན་ལ་གང་གནོད་པ་

[Full Size]

དེ་རླུང་ནང་དུ་འཇུག་པ་དང་སྡོངས་ནས་ལྟེ་འོག་ཆོས་འབྱུང་གིས་ནང་དུ་བཅུག་ལ། །ཆོས་འབྱུང་ཁ་བསྡུས་ལ་འཁྲུལ་འཁོར་བྱ། གདོན་སྒྱུ་མར་བསྒོམས་པས། གནོད་བྱེད་དེས་འགྲོ་དྲུག་གི་སྡུག་བསྔལ་ཉམས་སུ་མྱོང་ཞིང་དྲན་ནས་འགྱོད་པ་སྐྱེས་ཏེ། གནོད་སེམས་ཞི་ནས་རླུང་ཕྱིར་འགྲོ་བ་དང་སྡོངས་ཏེ་མདུན་དུ་ཐོན་པ་ལ། ལན་ཆགས་ཀྱི་གཏོར་མ་བྱིན་ལ་མི་དམིགས་པར་བྱའོ། །སུ་ཀ་མ་ལྟེ་བའི་པད་འདབ་ཡིག་འབྲུ་དང་བཅས་པའི་འོག་ཏུ་ཆོས་འབྱུང་ནང་དུ་འགྲོ་དྲུག་གི་སེམས་ཅན་བསམ། བཟླས་པ་བྱས་པས་སྔགས་མི་གཡོ་ཞིང་པདྨ་འཁོར་བས། ཨ་དང་ཡིག་འབྲུའི་འོད་རིགས་དྲུག་ལ་ཕོག་འོད་དུ་གྱུར་པར་བསམ་ལ། འོག་རླུང་བསྐུམ་ལ་ལུས་སྒུལ་བསྐྱོད། ངག་བཟླས་བརྗོད། སེམས་སྒྱུ་མའི་དྲན་འཛིན་དང་མ་བྲལ་བའོ། །གསུམ་པ་

[Full Size]

འཆར་བྱེད་ཡོན་ཏན་ཚོགས་དྲུག་ནི། འོག་རླུང་བསྐུམ་པས་དྲོད་སྐྱེ་ཞིང་དེས་ཐིག་ལེ་ཐུབ་པ་དང་། སྒྱུ་མ་རང་ཤར་དང་། རྨི་ལམ་རང་ཟིན་དང་། སྦྱོང་སྤེལ་དང་། ཡུལ་སྣང་དང་། འགྲོ་དྲུག་གི་སྨིན་གྲོལ་ལོ། །བཞི་པ་ཞེན་མེད་སྒྱུ་མ་རང་ཤར་ནི། དེ་ལྟར་མཉམ་རྗེས་ཐམས་ཅད་དུ་ཆགས་སྡང་ལ་སོགས་པ་ཅིར་སྣང་ཐམས་ཅད་ལ་གཉེན་པོ་བརྟེན་ཅིང་བསྒོམས་པས་བདེན་འཛིན་གྱི་དྲི་མ་ཐམས་ཅད་དང་བྲལ་ཞིང་། སྣང་བ་བདེན་མེད་སྒྱུ་མར་ཤར་ནས་གཡས་ནས་བསྟོད་པ་དང་ཙན་དན་གྱི་ལྡེ་གུས་བྱུགས་པ་ལ་དགའ་བ་མེད། གཡོན་ནས་དམོད་པ་དང་མི་གཙང་བ་བྱུགས་པ་ལ་མི་དགའ་བ་མེད་པར་དགག་སྒྲུབ་བླང་དོར་མེད་པར་ཆགས་སྡང་ཐམས་ཅད་ལས་གྲོལ་བས་སྒྱུ་མ་རང་ཤར་

[Full Size]

དང་ཆགས་སྡང་རང་གྲོལ་དུ་འཆར་བར་འགྱུར་རོ། །གསུམ་པ་རྨི་ལམ་ལ་དྲུག་སྟེ། རྨི་ལམ་བཟུང་བ། སྦྱང་བ། སྤེལ་བ། སྤྲུལ་པ། བསྒྱུར་བ། ཡུལ་སྣང་ངོ་། དང་པོ་ལ་གཉིས་ལས། དང་པོ་རང་ཟིན་ནི། སེམས་བསྐྱེད་དང་བླ་མའི་རྣལ་འབྱོར་བསྒོམས་ལ། བདག་འཛིན་དགོས་མེད། རྨི་ལམ་ཟིན་པར་མཛད་དུ་གསོལ། ཞེས་གསོལ་བ་བཏབ་ལ། རང་ཡི་དམ་དུ་བསམས་པའི་སྤྱི་བོའི་ཧཾ་ལས་ཐིག་ལེ་དཀར་པོ་གཅིག་ཆད་སྙིང་གར་བྱུང་བས་གཏི་མུག་དག །གསང་གནས་ཀྱི་ཧཱུྃ་ལས་ཐིག་ལེ་དམར་པོ་གཅིག་ཆད་སྙིང་ཁར་བྱུང་བས་འདོད་ཆགས་དག་ཞེ་སྡང་རང་དག་ཡིན། ཐིག་ལེ་གཉིས་པོ་སྙིང་གར་སྒོར་རོ་རོ་འཁོར་བས་བུམ་དབང་། གཅིག་ལ་

[Full Size]

གཅིག་རེག་པས་གསང་དབང་། རེག་པས་བདེ་བ་བྱུང་བས་ཤེས་རབ་ཡེ་ཤེས་གཅིག་ལ་གཅིག་ཐིམ་ནས་འོད་དུ་ཡལ་སོང་བ་སྟེ་དབང་བཞི་པ་སྟེ། ཐིག་ལེ་དབང་བཞིའི་གནད་དོ། །དེའང་འཁོར་བ་ལ་ཤེས་པ་གཏད་ལ། ང་གཉིད་དུ་སོང་འདུག །རྨི་ལམ་ཡིན། སྒྱུ་མ་ཡིན། ངེས་པ་རང་གཉིད་དུ་སོང་འདུག་སྙམ་པའི་དྲན་འདུན་རྩེ་གཅིག་ཏུ་བཏང་ངོ་། །རྗེས་ཤེས་ནི་རྨི་ལམ་གྱི་འགྲོ་འཆག་ལ་སོགས་པ་སྔར་ལྟར་རོ། །དེ་ལྟར་མཉམ་རྗེས་ཐམས་ཅད་དུ་ཉམས་སུ་བླངས་ནས་གཉིད་དུ་འགྲོ་ཁར་ཐིག་ལེ་གཅིག་ལ་གཅིག་ཐིམ་ནས་མཐར་འོད་དུ་ཡལ་སོང་བའི་མི་རྟོག་པའི་ངང་ལ་རྨི་ལམ་བཟུང་ངོ། དེ་ལ་གཉིས་ལས། འཇམ་ཟིན་ནི། རྨི་ལམ་དུ་འདུག་སྙམ་པ་དང་།

[Full Size]

གཉིད་ཐུམ་ཕྲས་མང་པོ་འབྱུང་ངོ་། །རྩུབ་ཟིན་ནི། གཡང་ཆེན་པོ་ལ་ཤོར་བའམ། མིའམ་ཁྱིས་དེད་པ་ལ་སོགས་པའི་དྲེད་དངངས་ཆེན་པོ་གཅིག་རྨིས། དེ་རྨི་ལམ་དུ་ཤེས། རྨི་ལམ་བདེན་མེད་སྒྱུ་མར་ཤེས། སྒྱུ་མ་སྒྱུ་འཛིན་དང་བྲལ་ནས་འོད་གསལ་ཕྱག་རྒྱ་ཆེན་པོ་ཇི་ལྟ་བ་བཞིན་མངོན་དུ་འགྱུར་རོ། །དེ་ལ་ཉིན་མོ་དགེ་སྦྱོར་གྱི་ཤུགས་མེད་ན་ནུབ་མོ་རྨི་ལམ་མི་ཟིན་པས། ཉིན་པར་འདུ་འཛི་གཡེང་བ་སྤངས་ནས། མོས་གུས་དང་འདུན་པ་དྲག་པོས་ཉམས་སུ་བླངས་པས། རྨི་ལམ་རང་ཟིན་དུ་མི་འབྱུང་མི་སྲིད་དོ། །གཉིས་པ་གནད་འཆུག་མེད་ལ་དགུ་སྟེ། དུས་ཀྱི་གནད་གསུམ་ནི། ཐོ་རངས། ནམ་ལངས། ཉི་ཤར་རོ། ལུས་ཀྱི་གནད་གསུམ་ནི།

[Full Size]

སྐྱིལ་ཀྲུང་། ཙོག་པུ། སེང་གེའི་ཉལ་ཐབས་སོ། །དམིགས་པའི་གནད་གསུམ་ནི། རྟོག་མེད་ལ་བཟུང་བ་གཉིས་དང་། རྟོག་བཅས་ལམ་དུ་ཁྱེར་བའོ། །དང་པོ་ནི། གསོལ་བ་གོང་ལྟར་བཏབ་ལ། སྟེང་རླུང་ཐིག་ལེ་དཀར་བ་དང་འགྲོགས། སུ་ཀ་མ་བཟླས་པ་བྱེད་པའི་ཚེ། ཨའི་་འོད་ཀྱིས་བསྲེག་པ་དང་། པདྨ་འཁོར་བ་ལ་དམིགས་ཤིང་སྒྱུ་མའི་དྲན་འདུན་རྩེ་གཅིག་ཏུ་བཏང་། གཉིད་དུ་འགྲོ་ཁར་ཡིག་འབྲུ་བཞི་ཨ་ལ་ཐིམ། ཨ་འོད་དུ་ཡལ་བ་དང་མཉམ་དུ་གཉིད་ལོག་པས་རྨི་ལམ་མི་ཟིན་མི་སྲིད་ཞེས་གསུང་ངོ་། འོག་རླུང་ཐིག་ལེ་དམར་བ་དང་འགྲོགས། ལྟེ་བར་བྱུང་། ཐིག་ལེ་གཉིས་པོ་ལྟེ་བར་འབྲོས་འདེད་ཀྱི་ཚུལ་དུ་འཁོར་བ་ལ་སེམས་གཏད་ལ། རླུང་ཁ་སྦྱར་ལ་རྨི་ལམ་སྒྱུ་མའི་དྲན་འདུན་བཏང་ངོ་། །གཉིད་དུ་འགྲོ་ཁར་ཐིག་ལེ་དཀར་བ་

[Full Size]

སྣ་བུག་གཡས་ནས་ཐོན། དམར་བ་གཡོན་ནས་ཐོན། སྨིན་ཕྲག་ཏུ་འཁོར་བ་ལ་དྲན་འདུན་བཏང་ངོ་། །དེ་གཉིས་སུ་མདུན་དུ་དོན་པ་ལས་བདེ་མཆོག་ཡབ་ཡུམ་དུ་བསྒོམས་ལ་དྲན་འདུན་བཏང་ངོ་། །དེ་ནས་ཡུམ་ཡབ་ལ་ཐིམ། ཡབ་འོད་དུ་ཡལ་སོང་བའི་མི་རྟོག་པའི་ངང་ལ་རྨི་ལམ་བཟུང་ངོ་། །གཉིས་པ་ནི། དེས་ཀྱང་མ་ཟིན་ན། གསོལ་བ་གོང་ལྟར་བཏབ་ལ། རང་བདེ་མཆོག་ཏུ་བསྒོམས་པའི་ཐུགས་ཀར་བླ་མ་འོད་ཀྱི་རང་བཞིན་ཅན་གཅིག་བསམ། དེའི་ཐུགས་ཧཱུྃ་དཀར་པོ་གཅིག་བསམས་ལ། ཁྱད་པར་དུ་ཧཱུྃ་དང་བླ་མ་ལ་སེམས་གཏད་ལ་དྲན་འདུན་རྩེ་གཅིག་ཏུ་བཏང་ངོ་། །གཉིད་དུ་འགྲོ་ཁར་ཡི་དམ་བླ་མ་ལ་ཐིམ། བླ་མ་ཧཱུྃ་ལ་ཐིམ། ཧཱུྃ་འོད་དུ་ཡལ་སོང་བའི་མི་རྟོག་པའི་ངང་ལ་རྨི་ལམ་བཟུང་ངོ་། །གསུམ་པ་ནི།

[Full Size]

རྨི་ལམ་གྱི་གནས་མགྲིན་པ། རྨི་ལམ་གྱི་རྒྱུད་ཡི་གེ་ཨཾ། རྨི་ལམ་ཟིན་པར་བྱེད་པའི་རྒྱུད་གཉིད་དང་རྨི་ལམ་བར་གྱི་རྟོག་པའོ། །དེ་ཡང་གསོལ་བ་གོང་ལྟར་བཏབ་ལ། ཉིན་པར་སྔར་གྱི་དམིགས་པའམ། ཡང་ན་དེ་ལ་བོགས་འདོན་པའི་ཕྱིར་འདུན་པ་རྐྱང་པས་འཛིན་པ་ཡིན་པས། མཉམ་རྗེས་ཐམས་ཅད་དུ་དྲན་སྣང་རྟོག་པའི་རི་མོ་བྱུང་ཚད་སྒྱུ་མ་རྨི་ལམ་དུ་ཐག་བཅད་ཅིང་། འདུན་པ་དྲག་པོ་རྒྱུན་མ་ཆད་པར་བྱས་ལ། ནུབ་མོ་གཉིད་དུ་འགྲོ་ཁར། གཉིད་དུ་མ་སོང་བའི་སྣང་བ་འགགས་ནས། རྨི་ལམ་རགས་པ་མ་ཤར་བའི་གཉིད་དང་རྨི་ལམ་གྱི་བར་དེར། མ་གཡེངས་པར་བྱས་ནས། རྨི་ལམ་ཡིན་སྙམ་པའི་འདུན་པ་ཡང་ཡང་བཏང་བས། ལྷ་སྐུའམ་མེའམ་ཆུ་ལ་སོགས་པའི་

[Full Size]

རྟོག་པ་རིབ་རིབ་པ་གཅིག་བྱུང་སྟེ། རྟོག་པ་གང་བྱུང་པ་དེ་རྨི་ལམ་གྱི་རྒྱུ་ཡིན་པས་རྨི་ལམ་དུ་ངོས་ཟིན་པར་བྱས་པས། ཁབ་མིག་སྐུད་པ་འཛུལ་བ་ལྟར་རྨི་ལམ་དུ་འབྱོར་བར་འགྱུར་རོ། །དེའི་དུས་སུ་མིག་མི་འབྱེད་པར་འོག་རླུང་བསྐུམ་ལ། གང་ཟིན་པ་དེ་མང་པོ་དཔག་ཏུ་མེད་པར་སྤྲུལ་ནས་འདུན་པ་དྲག་པོ་བྱས་པས་རྨི་ལམ་ཟིན་མ་ཐོག་སད་འབྱམས་སུ་མི་འགྲོ་ཞིང་སྦྱོང་སྤེལ་ཡུན་རིང་དུ་བྱར་འབྱུང་ངོ་། །དེས་རྨི་ལམ་རྨིས་ཚད་ཟིན། ཟིན་ཚད་སྦྱོང་སྤེལ་དུ་འབྱུང་ངོ། །གཉིས་པ་སྦྱང་བ་ལ་བཞི་ལས། དང་པོ་སེམས་ཀྱིས་ལུས་སྦྱང་བ་ནི། བླ་མའི་རྣལ་འབྱོར་བསྒོམས་ལ། བདག་འཛིན། དགོས་མེད། སྒྱུ་ལུས་རྨི་ལམ་འབྱོངས་པར་གསོལ་བ་

[Full Size]

གདབ། རང་ཡི་དམ་དུ་བསྒོམས་ལ་གཡང་ངམ། མཁར་རྩེ་ལྟ་བུར་ཕྱིན་པར་བསམས་ནས་ཡ་ང་གཏིང་པ་ལྟ་བུའི་གཡང་སར་བཅུག་སྟེ། ང་གཉིད་དུ་སོང་འདུག་འདི་རྨི་ལམ་གྱི་གཡང་དང་འཇིགས་སར་འདུག །རྨི་ལམ་ལ་བདེན་པར་གྲུབ་པ་མེད་གང་སྦྱངས་སྦྱངས་ཡིན་སྙམ་དུ་བསམས་ལ། ས་ལ་མར་ཆད་ཀྱིས་ལྷུང་དུ་བཅུག །ཡར་བྱུང་པ་དང་ལྷ་སྐུ་ཕྲེང་བ་རྒྱུས་པ་ལྟ་བུ་སྣང་ལ་རང་བཞིན་མེད་པ་འཇའ་ཚོན་ལྟ་བུ་བསྒོམས་ལ། རྨི་ལམ་སྒྱུ་མའི་འདུན་པ་དྲག་པོ་བཏང་། དེ་ཁོ་ན་ལྟར་ཡང་ཡང་བསྒོམ་མོ། །གཉིས་པ་ལུས་ཀྱིས་སེམས་སྦྱང་བ་ལ། བླ་མའི་རྣལ་འབྱོར་གོང་ལྟར་བསྒོམས། རང་གི་ལུས་ཀྱི་ཚིགས་ཐམས་ཅད་ལ་ཡི་དམ་ལྷའི་ས་བོན་ཧཱུྃ་སྔོན་པོ་རེ་རེ་བསམ། དེ་ཐམས་

[Full Size]

ཅད་འོད་དུ་ཞུ་བ་ལས་ཤ་རུས་ནད་གདོན་སྡིག་སྒྲིབ་ལ་སོགས་པ། ལས་དང་རྣམ་པར་སྨིན་པའི་སྒྲིབ་པ་ཐམས་ཅད་སྦྱངས་ནས། ཡི་དམ་གྱི་ལྷ་སྣང་ལ་རང་བཞིན་མེད་པ་འཇའ་ཚོན་ལྟ་བུ་བསྒོམས་ལ། ལྷ་སྐུ་འདི་ཀ་རང་གི་སེམས། སེམས་རིག་པ་ཙམ་མོ། །རང་བཞིན་སྐྱེ་བ་མེད་པ། མཚན་ཉིད་འགག་པ་མེད་པ། ཟུང་འཇུག་བདེ་བ་ཆེན་པོའི་རང་བཞིན་དུ་བསམས་ནས། འདི་ཉིད་སྐྱངས་པ་ལ་མཚམས་མེད་ལྔ་བྱས་པ་དང་མན་ངག་མི་གསལ་བ་དང་མཚམས་སྦྱོར་ངན་པ་བྱུང་བ་དང་། ཐོས་ནས་ཉམས་ལེན་མ་བྱུང་པས་ཀྱང་བར་དོར་ལོངས་སྐུ་ཐོབ་པར་ལུས་སེམས་འཆི་མེད་ཀྱི་གཞུང་དུ་བཤད་ཅིང་སྣང་སྟོང་གི་ལྷ་སྐུ་ཉིད་བསྒོམས་པས་ཐེག་པ་གོང་འོག་གི་སྡོམ་པ་ཉམས་པ་ཡང་མ་ལུས་པ་བསྐོང་བར་

[Full Size]

མཁའ་སྤྱོད་རིག་འཛིན་དུ་བཤད་དོ། །གསལ་སྟོང་འཛིན་མེད་སྒྱུ་མ་རང་ཤར་གྱི་ངང་ལ་བཞག་གོ། །གསུམ་པ་བདག་མེད་མས་སྦྱང་བ་ནི། བླ་མའི་རྣལ་འབྱོར་གོང་ལྟར་མ་སྒོམས། རང་ཡི་དམ་དུ་བསྒོམས་པའི་དབང་པོའི་རྩེ་མོ་ལ་ཧཱུྃ་སྔོན་པོ་འོད་འཕྲོ་བ་གཅིག་བསམ། མདུན་དུ་བདག་མེད་མ་སྔོན་མོ་གྲི་ཐོད་ཅན་གཅིག་གིས་གསང་གནས་སུ་ཨོཾ་ཨཱཿསྭཱ་ཧཱ་དམར་བ་ལ་དམིགས་ནས་བཟླས་པ་བྱས་པས། སྔགས་ལས་འོད་ཟེར་བ་ཐག་གི་རྣམ་པ་ལྟ་བུ་ནར་གྱིས་བྱུང་ནས་ཧཱུྃ་ལ་ཕོག་པ་དང་འོད་ཀྱི་རྣམ་པར་གྱུར་ནས་རང་གི་གསང་གནས་ན་ཡར་ཞུགས་ནས་རྩ་ལམ་ཐམས་ཅད་སྦྱངས། ལུས་འོད་ཀྱི་གའུ་ལྟ་བུར་བདེ་སིང་གིས་སོང་བར་བསམ་ཞིང་འདུན་པ་བྱ། ཡང་བདག་མེད་མ་ལ་དམིགས་ནས་བཟླས་པ་བྱས་

[Full Size]

པས། བདག་མེད་མ་འོད་དུ་ཞུ་ནས་རང་གི་གསང་གནས་ན་ཡར་ཞུགས་ནས་ལུས་ཐམས་ཅད་ལ་ཁྱབ་པ་དང་། ལུས་འོད་དུ་སྔོ་ཡལ་གྱིས་ཡལ་ནས་སྟོང་སང་གི་སོང་སྟེ་ཆོས་ཐམས་ཅད་ཀྱི་གནས་ལུགས་སྤྲིན་མེད་པའི་ནམ་མཁའ་ལྟ་བུར་བསྒོམ་མོ། །དེའི་ངང་ལ་ལྷ་སྐུ་སྒྱུ་མ་ལྟ་བུར་ལངས་ལ་གསལ་སྟོང་འཛིན་མེད་སྒྱུ་མ་རང་ཤར་ལ་བཞག་གོ། །བཞི་པ་འདུན་པས་སྦྱང་བ་ནི། བླ་མའི་རྣལ་འབྱོར་གོང་ལྟར་བསྒོམས་ལ་གསོལ་བ་དྲག་པོ་བཏབ་པས། སྣང་བ་བདེན་མེད་དུ་ཆམ་སོང་བ་དང་། ང་གཉིད་དུ་སོང་འདུག །ངའི་རྣམ་སྨིན་གྱི་ལུས་མལ་ན་ཡོད་པ་ཡིན། ལུས་འདི་ཡིད་ཀྱི་ལུས་སུ་འདུག །སྣང་བ་འདི་རྨི་ལམ་གྱི་སྣང་བར་འདུག །རྨི་ལམ་གྱི་སྣང་བ་དང་

[Full Size]

ཡིད་ཀྱི་ལུས་ལ་ཇི་ལྟར་སྦྱངས་སྦྱངས་ཡིན་སྙམ་དུ་བསམས་ནས། འབྱུང་བཞི་ཕྲ་རགས་དང་། སེམས་ཅན་ཕྲ་རགས་ཐམས་ཅད་ལ་ཕར་ཐལ་ཚུར་ཐལ་ཡར་ཐལ་མར་ཐལ་དུ་བྱས་ལ་སྦྱང་ངོ་། །ཁྱད་པར་དུ་ཅིར་སྣང་ཐམས་ཅད་ལ་སྦྱང་ངོ་། །གསུམ་པ་སྤེལ་བ་ལ་གཉིས། ཐུགས་ཕྲད་དུ་སྤེལ་བ་དང་། གང་འདུལ་དུ་སྤེལ་བའོ། དང་པོ་ལ་བཞི་ལས། དང་པོ་འབྱུང་བཞི་ཕྲ་བ་ལ་སྤེལ་བ་ནི། གསོལ་བ་བཏབ་པས་སྣང་བ་བདེན་མེད་ཆམ་སོང་བ་དང་། ང་གཉིད་དུ་སོང་འདུག །ཡིད་ལུས་དང་རྨི་ལམ་གྱི་སྣང་བ་ལ་ཇི་ལྟར་སྤེལ་སྤེལ་ཡིན་སྙམ་དུ་བསམས་ནས། འབྱུང་བཞི་ཕྲ་བ་རེ་རེ་ལའང་གཅིག་ལས་བཅུ། བཅུ་ལས་བརྒྱ། བརྒྱ་ལས་སྟོང་། སྟོང་ལས་ཁྲི་

[Full Size]

འབུམ་ལ་སོགས་པར་སྤེལ་ཞིང་། ས་གཞི་དང་བར་སྣང་ཁེངས་པར་བསམ་མོ། གཉིས་པ་འབྱུང་བཞི་རགས་པ་ལ་སྤེལ་བ་དང་། གསུམ་པ་སེམས་ཅན་ཕྲ་བ་ལ་སྤེལ་བ་དང་། བཞི་པ་རགས་པ་ལ་སྤེལ་བའང་དེ་བཞིན་ནོ། །གཉིས་པ་གང་འདུལ་ལ་གཉིས་ལས། དང་པོ་འཇིག་རྟེན་པའི་གང་འདུལ་ལ། བྱི་བ་འདུལ་བ་ལ་བྱི་ལ། བྱིའུ་ལ་ཁྲ། ཁྱི་ལ་སྤྱང་ཀི། སྤྱང་ཀི་ལ་སྟག །སྟག་ལ་སེང་གེ། མི་ལ་སྲིན་པོ་ལ་སོགས་པ་གང་ལ་གང་འདུལ་དུ་སྤྲུལ་ཞིང་། དེར་སྤེལ་ནས་འདེད་པ་དང་ཟ་བ་ལ་སོགས་པའི་སྒོ་ནས་འདུལ་བར་བྱའོ། །གཉིས་པ་འདས་པའི་གང་འདུལ་ནི། ཀླུ་འདུལ་བ་ལ་ཁྱུང་། རྒྱལ་པོ་ལ་རྟ་མགྲིན། ཀླུ་

[Full Size]

བདུད་དང་ཀླུ་སྲིན་ལ་འཇམ་དཔལ་ཡེ་ཤེས་སེམས་དཔའ། སྲིན་པོ་དང་གནོད་སྦྱིན་ལ་སོགས་པ་ལ་ཕྱག་ན་རྡོ་རྗེ་ལ་སོགས་པའི་ཁྲོ་བོ་དཔག་ཏུ་མེད་པར་སྤྲུལ་ཞིང་སྤེལ་ནས། ཕྱག་མཚན་གྱི་བཏུབ་པ་དང་། མེ་དཔུང་གིས་བསྲེགས་པ་ལ་སོགས་པའི་སྒོ་ནས་བརྟུལ་ནས་སྲོག་སྔགས་འབུལ་ཞིང་བཀའ་འབངས་བྱེད་པ་ལ་སོགས་པ་འབྱུང་ངོ་། །བཞི་པ་སྤྲུལ་པའང་དེ་བཞིན་ནོ། །ལྔ་པ་བསྒྱུར་བ་ལ་བཞི་ལས། དང་པོ་འབྱུང་བཞི་ཕྲ་རགས་སུ་བསྒྱུར་བ་ནི། གསོལ་འདེབས། བདེན་མེད། ཡིད་ལུས། རྨི་ལམ་གྱི་སྣང་བ་དང་ལྡན་པས། ས་ལ་ཆུར། ཆུ་ལ་སར། དེ་བཞིན་དུ་ཆུ་ལས་མེ། མེ་ལས་རླུང་དུ་བསྒྱུར་རོ། །དེ་རྣམས་ཀྱང་ཕྲ་བ་

[Full Size]

ལས་རགས་པ། རགས་པ་ལས་ཕྲ་བར་བསྒྱུར་རོ། །གཉིས་པ་སེམས་ཅན་ཕྲ་རགས་སུ་བསྒྱུར་བའང་དེ་བཞིན་ནོ། །གསུམ་པ་ལྷ་སྐུ་སྣ་ཚོགས་སུ་བསྒྱུར་བ་ནི། ལྷ་སྐུ་སྔོན་པོ་ལས་དཀར་པོ། དཀར་པོ་ལས་སེར་པོ། དེ་ལས་དམར་པོ་ལ་སོགས་པ་དང་། ཞལ་ཕྱག་མང་ཉུང་དུ་བསྒྱུར་བར་བྱའོ། །བཞི་པ་སྣང་སྟོང་ཞེན་བྲལ་དུ་བསྒྱུར་བ་ནི། ལྷ་སྐུ་དེ་རྣམས་མེ་ལོང་ནང་གི་གཟུགས་བརྙན་ལྟ་བུ། སྣང་ལ་རང་བཞིན་མེད་པ་བཟུང་འཛིན་གྱི་བློ་ལ་སོགས་པ་ཞེན་པའི་དྲི་མ་ཐམས་ཅད་དང་བྲལ་བ། མ་འདྲེས་ལ་ཡོངས་སུ་རྫོགས་པ་གསལ་སྟོང་འཛིན་མེད་སྒྱུ་མ་རང་ཤར་དུ་རྟོགས་པར་བྱའོ། །སྒྱུ་ལུས་གདན་ཐོག་གཅིག་མ་ལ། གསོལ་འདེབས་

[Full Size]

བཞི་ལ་འདུན་པ་བརྒྱད། དེ་ལ་གསོལ་འདེབས་བཞི་ནི། གོང་བཞིན་ནོ། །འདུན་པ་བརྒྱད་ནི། འཆི་ངེས་སྙམ་པ་དང་། མོས་གུས་དང་། གཉིད་དུ་སོང་འདུག་སྙམ་པ་དང་། རྨི་ལམ་དུ་འདུག་སྙམ་པ་དང་། སྦྱང་བ་དང་། སྤེལ་བ་དང་། སྤྲུལ་པ་དང་། བསྒྱུར་བའོ། །མདོར་ན་སྒྱུ་ལུས་དབང་པོ་འབྲིང་གི་སྟེང་དུ། སྒྱུ་ལུས་རྨི་ལམ་གཉིས་ཀ་དྲིལ་ནས་སྟན་ཐོག་གཅིག་ཏུ་དྲིལ་ནས་ཉམས་སུ་ལེན་པའོ། །དྲུག་པ་ཡུལ་སྣང་ལ་བཞི་སྟེ། དང་པོ་དབང་པོ་རབ་དམིགས་མེད་གསལ་མཁྱེན་ནི། །བག་ཆགས་འཁྲུལ་པའི་རླན་དང་བྲལ་བས་ཉིན་མཚན་མེད་པར་སངས་རྒྱས་ཀྱི་ཞིང་ཁམས་དང་། རིགས་དྲུག་གི་གནས་ལ་སོགས་པ་དག་

[Full Size]

པའི་ས་གསུམ་ལ་གནས་པ་ལྟར་མཁྱེན་ནོ། གཉིས་པ་འབྲིང་གང་བསམས་གསལ་མཐོང་ནི། རྨི་ལམ་ཟིན་ནས་སངས་རྒྱས་ཀྱི་ཞིང་ཁམས་ལ་སོགས་པ་བལྟ་བར་བསམ་པ་དང་། མཐོང་བ་དུས་གཅིག་ལ་འབྱུང་ངོ་། །གསུམ་པ་ཐ་མ་ཡིད་ལུས་མཁའ་ལྡིང་ནི། རྨི་ལམ་ཟིན་ནས་ཁྱུང་ངམ། བྱ་རྒོད་ལ་སོགས་པར་སྤྲུལ་ཏེ། འཕུར་ནས་བལྟར་ཕྱིན་པས། གང་བལྟ་བར་འདོད་པ་དེ་ཉིད་དུ་སླེབ་ཅིང་མཐོང་བར་འགྱུར་རོ། །བཞི་པ་དམན་པ་དམིགས་པའི་ཡུལ་སྣང་ལ་གསུམ་ལས། དང་པོ་བདག་མེད་མས་ཡུལ་སྣང་གསལ་བྱེད་ནི། བླ་མའི་རྣལ་འབྱོར་བསྒོམས་ལ། བདག་འཛིན་དགོས་མེད། ཡུལ་སྣང་གཏན་ལ་ཕེབས་པར་གསོལ་བ་བཏབ་ལ།

[Full Size]

རང་ཡི་དམ་དུ་བསྒོམས་པའི་ལྟེ་བར་ཐོད་པ་ཕྱི་དཀར་ལ་ནང་དམར་བའི་ནང་དུ། ཨོཾ་ཨཱཿསྭཱ་ཧཱ་ཁ་དོག་སྣ་ཚོགས་སུ་འདུག་པ་ལ་དམིགས་ནས་བཟླས་པ་བྱས་པས། སྔགས་ལས་འོད་ཟེར་སྣ་ཚོགས་བྱུང་བའི་སྣ་ལས། བདག་མེད་མས་གཙོ་བྱས་པའི་ཡི་དམ་གྱི་ལྷ་དང་སངས་རྒྱས་དང་བྱང་ཆུབ་སེམས་དཔའ་དང་། ཆོས་སྐྱོང་ལ་སོགས་པ་དཔག་ཏུ་མེད་པ་བྱུང་ནས་སྣ་བུག་གཡོན་ནས་ཕར་བྱོན་པས། འཇིག་རྟེན་གྱི་ཁམས་ཐམས་ཅད་གང་ནས་རང་རང་གི་སྔགས་དི་རི་རི་བཟློས་པར་བསམ། ཡང་བཟླས་པ་བྱས་པས་སྔགས་ལས་འོད་ཟེར་ཁ་དོག་ལྔས་སྣ་དྲངས་པའི་ཕྱི་ནང་གསང་གསུམ་གྱི་མཆོད་པ་དཔག་ཏུ་མེད་པ་བྱུང་ནས་སྣ་བུག་གཡས་ནས་ཕར་ཐོན་ཏེ། འོད་

[Full Size]

ཟེར་གྱིས་ཕྱི་སྣོད་ཀྱི་འཇིག་རྟེན་གཞལ་ཡས་ཁང་དུ་བསྒོམས། ནང་དུ་གནས་པའི་ཡི་དམ་དང་། སངས་རྒྱས་དང་བྱང་ཆུབ་སེམས་དཔའ་དེ་རྣམས་ལ་མཆོད་པ་ཕུལ་བར་བསམ། དེ་ནས་གཟུགས་སུ་སྣང་བ་ཐམས་ཅད་ཡི་དམ་ལྷ། སྒྲ་གྲགས་པ་ཐམས་ཅད་སྔགས་ཀྱི་རང་སྒྲ། དྲན་རྟོག་ཐམས་ཅད་སྒྱུ་མ་རྨི་ལམ་དུ་བསྒོམ་པ་ནི་ཉིན་མོའི་དམིགས་པའོ། །ནུབ་མོ་ཉལ་རྩ་ན། ལྟེ་བར་ཐོད་པའི་ནང་གི་ཡི་གེ་ཞུ་བ་ལས་བདག་མེད་མར་བསམ་ལ། ཡི་དམ་གྱི་ལྷ་ཁྱོད་ཀྱིས་དོ་ནུབ་ཀྱི་གནས་སྐབས་སུ་འཇིག་རྟེན་གྱི་ཁམས་དཔག་ཏུ་མེད་པ་མཐོང་བ་དང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་མཆོད་པ་རྒྱ་ཆེན་པོ་འབྱུང་བར་བྱིན་གྱིས་བརླབ་ཏུ་

[Full Size]

གསོལ། ཞེས་གསོལ་བ་བཏབ་ལ། བདག་མེད་མའི་ཐུགས་ཀར་མེ་ལོང་གི་ངོས་ལྟ་བུ་ཕྱི་གསལ་ནང་གསལ་གཅིག་གི་ནང་དུ་འཇིག་རྟེན་གྱི་ཁམས་དང་སངས་རྒྱས་དང་བྱང་ཆུབ་སེམས་དཔའ་ལ་སོགས་པ་གང་བལྟ་བར་འདོད་པ་དེ། མེ་ལོང་ནང་གི་གཟུགས་བརྙན་བཞིན་དུ་བཀྲ་ལམ་མེར་བ་ལ་དམིགས་པ་གཏད་ནས་གཉིད་ལོག་པས། རྨི་ལམ་ཟིན་པར་དང་ཡུལ་སྣང་གཏན་ལ་ཕེབས་པ་དུས་མཉམ་དུ་འབྱུང་ངོ། །གཉིས་པ་ཨས་ཡུལ་སྣང་རང་གསལ་ནི། གསོལ་བ་བཏབ་ལ། རང་ཡི་དམ་དུ་བསྒོམས་པའི་རྩ་དབུ་མ་ཁྲུ་མ་ཕུས་བཏབ་པ་ལྟ་བུའི་ནང་དུ། ལྟེ་འོག་སོར་བཞིར་ཨ་དཀར་པོ་འོད་ཀྱི་རང་བཞིན་ཅན་གཅིག་ལ། ཉིན་མཚན་མེད་པར་རྩེ་གཅིག་

[Full Size]

ཏུ་བསྒོམ་པར་བྱའོ། །དེ་ལུས་ཀྱི་ཕྱི་ནང་དང་། ཕྱིའི་ཡུལ་སྣང་ཐམས་ཅད་ཇི་ལྟ་བ་བཞིན་དུ་མཐོང་བ་འབྱུང་ངོ་། །གསུམ་པ་ཐིག་ལེས་ཡུལ་སྣང་གསལ་བྱེད་ནི། གསོལ་བ་བཏབ་ལ་རང་ཡི་དམ་དུ་བསྒོམས་པའི་སྤྱི་བོའི་ཧཾ་ལས་ཐིག་ལེ་དཀར་པོ་སྙིང་གར་བྱུང་། གསང་གནས་ཀྱི་ཧཱུྃ་དང་ལྟེ་བའི་ཨཾ་ལས་ཐིག་ལེས་དམར་པོ་སྙིང་གར་བྱུང་སྟེ། ཐིག་ལེ་གསུམ་པོ་འོད་དུ་ཁྱུག་ཁྱུག་འདུག་པ་ལས་གཅིག་ཏུ་གྱུར་ནས། རང་གི་སྙིང་གི་དཀྱིལ་དུ་ཐིག་ལེ་འོད་ཀྱི་རྣམ་པ་སྣང་ལ་རང་བཞིན་མེད་པར་བསམ། དེ་ལས་འོད་ཟེར་བྱུང་ནས་རང་གི་སྣ་བུག་ན་ཕར་འཕྲོས་ཏེ། གང་བལྟ་བར་འདོད་པ་དེའི་ཐུགས་ཀར་བཅུག་ལ། རང་གི་སྙིང་གའི་ཐིག་ལེ་

[Full Size]

དང་། དེ་གཉིས་འོད་བ་ཐག་ལྟ་བུས་འབྲེལ་བ་སྐྱ་ན་རེ་བ་དེ་ལ་སེམས་གཏད་དོ། དེ་རྣམས་ཀྱི་ཡུལ་སྣང་ཇི་ལྟ་བ་བཞིན་དུ་གཏན་ལ་ཕེབས་པར་འགྱུར་རོ། །བཞི་པ་འོད་གསལ་ལ་གསུམ་སྟེ། སྔོན་འགྲོ། དངོས་གཞི། རྗེས་སོ། དང་པོ་ལ་བཞི་ལས། དང་པོ་རྩ་བ་མི་རྟག་སྐྱོ་ཤས་ནི། འཆི་བ་མི་རྟག་པ་དང་། འཁོར་བ་ལ་སྐྱོ་ཤས་དྲག་པོ་བསྐྱེད་པའོ། །གཉིས་པ་ཡལ་ག་སྤྱོད་ལམ་དམ་རྫས་ནི། སྤྱོད་ལམ་ལ་ཁ་ཟས་སྣུམ། རྡུལ་ཐོན་ལས་རྣམས་སྤང་བར་བྱའོ། །དམ་རྫས་ནི་ཚོགས་དང་གཏོར་མ་ལ་སོགས་བཟང་དུ་བཤམས་ལ་འབུལ། གུ་གུལ་དང་། ཚིལ་ཆེན་གྱི་དུད་པ་བཏང་། ཐོད་པ་མཚན་ཉིད་དང་ལྡན་པའི་ནང་དུ། གཏོར་མ་ཤ་ལྔ་བདུད་རྩི་ལྔར་བྱིན་གྱིས་བརླབས་ནས་རས་སམ་དར་

[Full Size]

གྱིས་དྲིལ་ནས་སྔས་འོག་ཏུ་བཅུག །མཁའ་འགྲོ་འདུ་བའི་རྟེན་འབྲེལ་ལོ། །གསུམ་པ་ལོ་འདབ་ཐབས་ལམ་རང་མདངས་ནི། ཁ་ཟས་བཅུད་ཅན་བརྟེན་པ་དང་། ཐབས་ལམ་བསྒོམས་པས་རླུང་སེམས་དང་འོད་གསལ་འཆར་རོ། །བཞི་པ་གསོལ་འདེབས་མེ་ཏོག་འཆར་བྱེད་ནི། འོད་གསལ་བྱིན་རླབས་མོས་གུས་ཀྱི་གནད་ཡིན་པས། བླ་མ་ལ་ལོག་ལྟ་སྤངས་ནས། ཆོས་སྐུའི་འདུ་ཤེས་བསྐྱེད་ལ་གསོལ་བ་རྩེ་གཅིག་ཏུ་བཏབ་པས། མོས་གུས་རབ་འབྲིང་དང་སྦྱར་ནས་འོད་གསལ་འཆར་བར་འགྱུར་རོ། །དངོས་གཞི་ལ་བཞི་སྟེ། འོད་གསལ་བཟུང་བ། ལམ་ཁྱེར། བསྲེ་བ། མཐར་ཐུག་གི་འོད་གསལ་ལོ། །

[Full Size]

དང་པོ་ལ་དགུ་སྟེ། དུས་ཀྱི་གནད་གསུམ་ནི། ཐོ་རངས། ནམ་ལངས། ཉི་ཤར་རོ། །ལུས་ཀྱི་གནས་གསུམ་ནི། སྐྱིལ་ཀྲུང་། ཙོག་པུ། སེང་གེའི་ཉལ་ཐབས་སོ། །དམིགས་པའི་གནད་གསུམ་ལ། དང་པོ་ཨས་བཟུང་བ་ནི། སེམས་བསྐྱེད། བླ་མའི་རྣལ་འབྱོར་བསྒོམས་ལ། བདག་འཛིན། དགོས་མེད། འོད་གསལ་འཆར་བར་མཛད་དུ་གསོལ། ཞེས་གསོལ་བ་གདབ། ལུས་ཡི་དམ་དུ་བསྐྱེད་པའི་རྩ་དབུ་མ་ཕྱི་དཀར་ལ་ནང་དམར་བ་འོད་ཀྱི་རང་བཞིན་ཅན། ཡར་རྩེ་ཚངས་བུག་དམར་སྣ་གསང་གནས་སུ་ཟུག་པ་ཁྲུ་མ་ཕུས་བཏབ་པ་ལྟ་བུའི་ནང་། ལྟེ་འོག་སོར་བཞི་བཙལ་བར་ཨ་དཀར་ལ་དྭངས་པ། གསལ་ལ་

[Full Size]

མཚེར་བ་འོད་ཀྱི་རང་བཞིན་གཅིག་ལ་སེམས་གཏད་ལ། རིག་པ་འཇུར་འཇུར་དུའང་མ་སོང་། ཡེངས་ཀྱང་མ་ཡེངས་པར་བྱས་ལ། ཉིན་མཚན་མཉམ་རྗེས་ཐམས་ཅད་དུ་གསལ་ལ་རྟོག་མེད་དུ་བསྒོམ་མོ། །ཨ་སེམས་ཉིད་སྐྱེ་བ་མེད་པའི་རང་བཞིན་དུ་ཤེས་པར་བྱའོ། །གཉིད་དུ་འགྲོ་བའི་དུས་སུ། །གཉིད་དང་རྨི་ལམ་གྱི་བར་དེར་རྟོག་པ་མ་ཚུད་པར་བྱས་ནས། མ་གཡེངས་པར་ཨ་ལ་སེམས་གཏད་པས། མ་རྟོགས་པ་རྣམས་ལ་གཏི་མུག་གི་གཉིད་མུན་པ་བཞིན་དུ་ཐིབས་ཀྱི་འགྲོ་རྒྱུ་གཅིག་ཡོད་པ་དེ། འོད་གསལ་ཟིན་ཅིང་རྟོགས་པ་རྣམས་ལ་སྤྲིན་མེད་སྟོན་ཀའི་ནམ་མཁའ་དྭངས་པ་ལ་ཉི་མའི་མདངས་འཕོག་པ་བཞིན་དུ། །

[Full Size]

སྣང་བ་ཐམས་ཅད་གསལ་ལ་རྟོག་པ་མེད་པ། བདེ་ལ་ཞེན་པ་མེད་པའི་ཉམས་གཅིག་འཆར་རོ། །དེ་ལ་འོད་གསལ་ཟིན་པ་ཞེས་བྱའོ། སུ་ཁས་གཉིད་དུ་འགྲོ་ཁ་སོགས་སུ་ཡིག་འབྲུ་ཨ་ལ་ཐིམ། ཨ་འོད་ཀྱི་རང་བཞིན་ལ་དམིགས་པ་རྩེ་གཅིག་ཏུ་གཏད་ལ་གཉིད་རྨི་ལམ་གྱི་བར་དུ་རྟོག་པ་མ་ཚུད་པར་ཉམས་སུ་བླངས་ན་འོད་གསལ་མི་འཆར་མི་སྲིད་ཅིང་། འཆོར་བ་ཡང་མི་སྲིད་གསུངས། ཉིན་པར་བཟླས་པ་བྱེད་ཚེ་འོད་ཀྱིས་འཁེངས་པ་དང་། ཁྱད་པར་ཨ་དཀར་པོ་ལ་མ་ཡེངས་པར་བྱའོ། །གཉིས་པ་བདག་མེད་མས་བཟུང་བ་ནི། བླ་མའི་རྣལ་འབྱོར་སྔར་བཞིན་བསྒོམ། རང་གི་སྤྱི་བོར་ཀླད་རྒྱ་དང་ཐོད་པའི་བར་དུ་བདག་མེད་མ་དཀར་མོ་མཚོན་གང་བ་གཅིག་བསམ། དེའི་ཐུགས་ཀར་ཨ་དཀར་པོ་གཅིག་

[Full Size]

བསམ། དེ་ལས་འོད་ཟེར་འཕྲོས་པས། ཀླད་པ་གཏི་མུག་ཡིན་པས་ཐམས་ཅད་རང་བཞིན་མེད་པར་སྦྱངས་ནས། ཐོད་པ་དུང་ཁང་གི་གཞལ་ཡས་ཁང་སྐྱ་ལམ་མེ་བ་ལ་ཉིན་མཚན་དང་། ཁྱད་པར་དུ་གཉིད་དུ་འགྲོ་ཁར་དམིགས་པ་གཏད་དོ། །གསུམ་པ་བླ་མ་ལ་བརྟེན་ནས་བཟུང་བ་ནི། བླ་མའི་རྣལ་འབྱོར་སྔར་བཞིན་བསྒོམ། ལུས་ཡི་དམ་དུ་བསྐྱེད་པའི་སྙིང་ཁར་པད་ཉིའི་སྟེང་དུ། བླ་མ་ཐིག་ལེ་རང་བཞིན་དངུལ་ཆུའི་མདོག་ཅན་ཉི་མ་འབུམ་གྱི་གཟི་བརྗིད་ལྟ་བུ་གཅིག་བསམ། དེའི་ཐུགས་ཀར་ཧཱུྃ་དཀར་སིང་སིང་བ་འོད་ཀྱི་རང་བཞིན་ཅན་གཅིག་བསམ། ཧཱུྃ་གི་འོད་ཀྱིས་བླ་མ་གསལ། བླ་མས་ཡི་དམ་གསལ་བ་ལ་སེམས་གཏད་

[Full Size]

དོ། །ཁྱད་པར་དུ་ཧཱུྃ་དང་བླ་མ་ལ་ཉིན་མཚན་དང་། གཉིད་དུ་འགྲོ་ཁར་དམིགས་པ་རྩེ་གཅིག་ཏུ་གཏད་པར་བྱའོ། །དེ་རྣམས་ཀྱིས་འོད་གསལ་མི་ཟིན་མི་སྲིད་དོ། །གཉིས་པ་ལམ་ཁྱེར་ལ་གཉིས་ལས། དང་པོ་ཉིན་པར་སྐུ་གསུམ་ལམ་ཁྱེར་ནི། ཨ་ལ་སེམས་གཏད་པ་བཞིན་དུ་རིག་པ་གྲིམ་ལྷོད་རན་པར་བྱས་ལ། ཅིར་སྣང་ཐམས་ཅད་ལ་མིག་འབུར་ཚུགས་སུ་བལྟས་ལ་སེམས་ཆེར་གཏད་པས། སྣང་བ་མ་འགག་པ་ལ་འཛིན་པ་མ་ཞུགས་པའི་གསལ་སྟོང་འཛིན་མེད་དུ་འཆར་རོ། །དེ་ལ་གསལ་བ་སྤྲུལ་སྐུ། འཛིན་པ་མེད་པ་ཆོས་སྐུ། བདེ་བར་ཤར་བ་ལོངས་སྐུའོ། །གཉིས་པ་མཚན་མོ་སྐུ་གསུམ་རང་ཤར་ནི། གཉིད་དང་རྨི་ལམ་གྱི་བར་དེར་རྟོག་པ་མ་ཞུགས་

[Full Size]

པར་བྱས་ལ། སྔར་གྱི་དམིགས་པ་ལ་སེམས་གཏད་ནས་གཉིད་ལོག་པས་གསལ་སྟོང་འཛིན་མེད་རང་ཤར་དུ་འབྱུང་ངོ་། །གསུམ་པ་བསྲེ་བ་ལ་བཞི་ལས། དང་པོ་གསལ་སྟོང་བདེ་ཆེན་དུ་བསྲེ་བ་ནི། སྒོ་ལྔའི་ཡུལ་དུ་སྣང་བ་མ་འགག་པས་རྣམ་པ་གསལ་བ། དོན་ལ་གང་དུའང་གྲུབ་པ་མེད་པས་ངོ་བོ་སྟོང་པ། དེ་ལ་ཡིད་མ་ཡེངས་པར་གཏད་པས་འཛིན་པ་དག་ནས་ཉམས་མྱོང་བདེ་བའི་གཤིས་སུ་འཆར་རོ། །གཉིས་པ་ཉིན་མཚན་དབྱེར་མེད་དུ་བསྲེ་བ་ནི། གསལ་ལ་རྟོག་པ་མེད་པ་དེ་ཉིད་ཉིན་མཚན་གཉིས་གཅིག་གིས་གཅིག་སྟོབས་བསྐྱེད་ཅིང་རྒྱས་གདབ་བོ། །གསུམ་པ་ལྟ་སྟངས་ཀྱིས་མཉམ་རྗེས་སུ་བསྲེ་བ་ནི། མཉམ་བཞག་ལ་གསལ་སྟོང་འཛིན་

[Full Size]

མེད་རང་ཤར་ཀྱང་རྗེས་ཤེས་ལ་འགྲོ་འཆག་གིས་གཡོས་པར་གྱུར་ན། སྤྱོད་ལམ་ཐམས་ཅད་དུ་ཅིར་སྣང་ཐམས་ཅད་ལ་གླང་པོ་ཆེའི་ལྟ་སྟངས་ཀྱིས་བལྟས་པས། གསལ་ལ་རྟོག་མེད་དུ་འཆར་རོ། །བཞི་པ་ཤེས་རབ་བདེ་སྟོང་དུ་བསྲེ་བ་ནི། རང་ལུས་ཐབས་ལྡན་གྱི་བདེ་བ་དང་། གཞན་ལུས་ཤེས་རབ་མའི་བདེ་བ་གང་སྐྱེས་ཀྱང་དེ་ཉིད་ལ་ཡིད་མ་ཡེངས་པར་གཏད་པས། བདེ་བའི་ཞེན་པ་དག་ནས་སྟོང་པར་འཆར་རོ། །བཞི་པ་མཐར་ཐུག་ལ་ལྔ་ལས། དང་པོ་གསལ་སྟོང་རང་ཤར་གྱི་འོད་གསལ་ནི། དེ་ལྟར་བསྲེས་ནས་ཉམས་སུ་བླངས་པས་མངོན་དུ་འགྱུར་པ་ལ། ཚོགས་དྲུག་ཡུལ་དང་ཡུལ་ཅན་གྱི་སྣང་བ་ཐམས་ཅད་གསལ་སྟོང་རང་ཤར་དུ་འཆར་རོ། །

[Full Size]

གཉིས་པ་བདེ་སྟོང་རང་ཤར་གྱི་འོད་གསལ་ནི། བདེ་བ་དེ་ཉིད་ཞེན་པའི་དྲི་མ་ཐམས་ཅད་དང་བྲལ་བ། ཟག་པ་མེད་པའི་བདེ་སྟོང་ཆེན་པོར་འཆར་རོ། །གསུམ་པ་ཟབ་ཞི་སྤྲོས་བྲལ་གྱི་འོད་གསལ་ནི། བློ་ཡི་ཡུལ་ལས་འདས་པས་ཟབ་པ། བཟུང་འཛིན་གྱི་རྟོག་པ་དག་པས་ཞི་བ། མཐའ་གཉིས་སམ། བཞིའམ། བརྒྱད་ལས་གྲོལ་བས་སྤྲོས་པ་དང་བྲལ་བ། སེམས་ཀྱི་རང་འོད་ཤར་བས་འོད་གསལ། རྒྱུ་རྐྱེན་དང་བྲལ་བས་འདུས་མ་བྱས་པའོ། །བཞི་པ་དབྱེར་མེད་མཐར་ཐུག་གི་འོད་གསལ་ནི། བདེ་གསལ་མི་རྟོག་པ་གསུམ་དབྱེར་མེད་རང་ཤར་དུ་ཉམས་སུ་མྱོང་ཞིང་ཐག་ཆོད་ངེས་ཤེས་སྐྱེས་པའོ། །ལྔ་པ་དག་པ་གཉིས་ལྡན་གྱི་འོད་གསལ་

[Full Size]

ནི། དབྱིངས་རང་བཞིན་གྱི་རྣམ་པར་དག་པ་ལ། སྤང་བྱ་གློ་བུར་གྱི་དྲིས་མས་དག་པའམ། སྒྱུ་མ་རྨི་ལམ་དུ་བསྒོམས་པས་ཉོན་མོངས་པའི་སྒྲིབ་པ་དག་པ་དང་། སྒྱུ་འཛིན་དང་བྲལ་བའི་འོད་གསལ་ཕྱག་རྒྱ་ཆེན་པོ་བསྒོམས་པས་ཤེས་བྱའི་སྒྲིབ་པ་དག་པའོ། །རྗེས་ལ་ལྔ་ལས། དང་པོ་དམ་ཚིག་གི་སྤྱི་དང་བྱེ་བྲག་ནི། རྩ་བའི་ལྟུང་བ་བཅུ་བཞི། ཡན་ལག་གི་ལྟུང་བ་བརྒྱད་དེ་ཉི་ཤུ་རྩ་གཉིས་དང་། འོད་གསལ་གྱི་དམིགས་པ་ལས་སྐད་ཅིག་ཀྱང་མ་གཡོས་ཤིང་མི་འདའ་བ་དང་། ལས་དང་པོ་པ་རྣམས་ཀྱིས་ཀྱང་བླ་མ་དང་མཆེད་གྲོགས་ལ་ལོག་ལྟ་སྤངས་ལ། མོས་གུས་དང་དག་སྣང་ཕྱོགས་མེད་དུ་བསྐྱེད་པ་དང་། འོད་གསལ་ཐིག་

[Full Size]

ལེའི་མདངས་ཡིན་པས་ཁམས་མི་ཉམས་ཤིང་འཕེབ་པ་དང་བཅས་པའོ། །གཉིས་པ་གེགས་སེལ་ཉེས་སྐྱོན་རང་གྲོལ་ནི། གསལ་སྟོང་འཛིན་མེད་ཀྱི་གེགས་སམ་བདུད་འཛིན་པའི་རྣམ་རྟོག་ཡིན། རྟོག་པ་སེམས་ཡིན། སེམས་སྐྱེ་མེད་ཡིན་པས་ཉེས་སྐྱོན་ཅི་བྱུང་ཡང་རང་གྲོལ་རང་དག་རང་སྟོང་དུ་ཤེས་པར་བྱའོ། །གསུམ་པ་བོགས་འདོན་ཐེ་ཚོམ་གཅོད་བྱེད་ནི། དུས་གསུམ་སངས་རྒྱས་བྱོན་ཀྱང་གསལ་སྟོང་འཛིན་མེད་ལས་ལྷག་པ་བསྟན་རྒྱུ་མེད་པར་ཐག་བཅད་ཅིང་ངེས་ཤེས་བསྐྱེད་པར་བྱའོ། །བཞི་པ་ཁྱད་འཕགས་འཆར་སྒོ་ངོས་འཛིན་ནི། བླ་མའི་ཞལ་ལས་ཤེས་པར་བྱའོ། །ལྔ་པ་ཉམས་རྟོགས་ཉིན་མཚན་ཁྱད་པར་ནི།

[Full Size]

ཞིག་ཅིང་ཡལ་འགྲོ་བས་ཉམས་དང་། མི་འགྱུར་ཞིང་བརྟན་པས་རྟོགས་པའོ། །དེ་ལ་ཉིན་མཚན་ནི་གཉིད་སད་རྒྱུ་ཡོད་མེད་དང་། སྟོབས་ཆེ་ཆུང་ངམ། བཟང་ངན་གྱི་ཁྱད་པར་རོ། །ལྔ་པ་འཕོ་བ་ལ་བཞི་སྟེ། དང་པོ་ཆོས་སྐུ་དེ་བཞིན་ཉིད་ཀྱི་འཕོ་བ་ནི། རང་སེམས་འཆི་མེད་དུ་རྟོགས་པའམ། འཕོ་བྱ་འཕོ་བྱེད་དང་བྲལ་བར་རྟོགས་པའོ། །གཉིས་པ་ཟུང་འཇུག་ཡི་དམ་གྱི་འཕོ་བ་ནི། རང་གི་སྤྱི་གཙུག་ཏུ་ཡི་དམ། དེའི་སྤྱི་བོར་བླ་མ་བསྒོམས་ལ། བདག་འཛིན། དགོས་མེད། བར་དོར་སངས་རྒྱ་བར་གསོལ་བ་གདབ། ལྟེ་བར་རང་གི་རྣམ་ཤེས་ཡི་དམ་གྱི་ས་བོན་དང་དབྱེར་མེད་ཧཱུྃ་དུ་བསམ་ལ། ས་བོན་དེ་ཉིད་སྤྱི་གཙུག་ནས་

[Full Size]

ཐོན་ཏེ་ཡི་དམ་གྱི་ཐུགས་ཀར་ཐིམ་པས་ཡི་དམ་དང་རང་སེམས་དབྱེར་མེད་དུ་གྱུར་པར་བསམ་མོ། །གསུམ་པ་བྱིན་རླབས་བླ་མའི་འཕོ་བ་ནི། རང་ཡི་དམ་དུ་བསྒོམས་པའི་སྤྱི་བོའི་མདའ་གང་ཙམ་གྱི་ནམ་མཁའ་ལ་བླ་མ་བསྒོམས་ལ་གསོལ་བ་སྔར་བཞིན་གདབ། ལྟེ་བར་རང་གི་སེམས་ཉིད་ཆོས་སྐུའི་རང་བཞིན་ཐིག་ལེ་དཀར་པོ་གཅིག་ཏུ་བསམ། ཐིག་ལེ་དེ་མདའ་འཕངས་པ་བཞིན་དུ་སྤྱི་བོ་ནས་ཐོན་ཏེ་བླ་མའི་ཐུགས་ཀར་ཐིམ་པས། བླ་མའི་ཐུགས་ཆོས་སྐུ་དང་རང་གི་སེམས་ཉིད་རྣམ་པར་མི་རྟོག་པ་ཆོས་སྐུའི་རང་བཞིན་དབྱེར་མེད་དུ་གྱུར་པར་བསམས་ལ། མོས་གུས་རྩེ་གཅིག་ཏུ་བྱའོ། །བཞི་པ་འཆུག་མེད་མཁའ་སྤྱོད་ཀྱི་འཕོ་བ་ནི་

[Full Size]

ཟུར་དུ་སྟོན་ནོ། །འདིར་འཕོ་བ་ཡེ་ཤེས་སྐར་ཁུང་མ་ལ་ཕྱག་ལེན་མཛད་དེ། དེ་ལ་སེམས་བསྐྱེད་དང་བླ་མའི་རྣལ་འབྱོར་བསྒོམས་ལ། །སྔར་བཞིན་གསོལ་བ་གདབ། བཟླས་པ་ཅི་རིགས་གཅིག་བྱའོ། སུ་ཀ་མས་བཤད་པའི་བཟླས་ལུགས་སོ། དེ་ནས་རང་ཡི་དམ་དུ་གནས་པའི་རྩ་དབུ་མ་ཕྱི་དཀར་ལ་ནང་དམར་བ་འོད་ཀྱི་རང་བཞིན་ཅན། །ཡར་རྩེ་ཚངས་བུག་ཏུ་སླེབ་པ། མར་སྣ་གསང་གནས་སུ་ཟུག་པ། སྟོང་སང་ངེ་ཡོད་པའི་ནང་ལྟེ་བའི་དབུས་ཐད་ཀར་ཆོས་འབྱུང་ཕྱི་དཀར་ལ་ནང་དམར་བ། འོད་ཀྱི་རང་བཞིན་ཅན་ཟུར་མདུན་དུ་བསྟན་པ། ལོགས་སྒལ་ས་ལ་བསྟན་པ་གཅིག་བསམ། དེའི་ནང་དུ་རྣམ་པར་ཤེས་པའི་རང་བཞིན་ཨ་དཀར་པོ་འོད་འཕྲོ་བ་དང་

[Full Size]

བཅས་པ་འཕིར་ལ་ཁད་པ་གཅིག་བསྒོམ་པར་བྱའོ། །དེ་ནས་རླུང་རོ་ལན་གསུམ་ཕྱིར་བསལ་ལ། སྐེད་པ་ཉེག་ཉེག་པ་ལན་གསུམ་བྱས་ལ་སྒལ་ཚིགས་བསྲངས་ལ། སྟེང་འོག་གི་རླུང་ནར་གྱིས་དྲངས་ནས་དྲག་ཏུ་བཟུང་། ཁྱད་པར་འོག་རླུང་དྲག་པོ་དྲངས་ཏེ་ལྟེ་བ་སྒལ་པ་ལ་ཆར་གྱིས་བཅར་བས། ལྟེ་བའི་ཆོས་འབྱུང་ཁ་ནང་དུ་བཅར་གྱིས་སོང་བ་དང་ལྟེ་བའི་ཨ་དེ་རང་དབང་མེད་པར། ཨ་ཝ་དྷུ་ཏཱིའི་ནང་དུ་ཡར་རྒྱངས་ཀྱི་སོང་བ་དང་། ཨ་འོད་དུ་ཡལ་ནས་སོང་སྟེ། དེའི་ངང་ལ་ཕྱག་རྒྱ་ཆེན་པོར་ལྷན་གྱིས་བཞག །དེ་འདྲ་བ་ཐེངས་བདུན་བྱའོ། །སུ་ཀ་མས་ཐུན་རེ་ལ་ཉེར་གཅིག་རེ་བྱ་བར་བཤད། དེ་ནས་རྗེས་ལ་སྤྱི་བོར་ཨ་གཅིག་ལམ་གྱིས་བྱུང་བར་བསམ་ལ། ཚངས་

[Full Size]

པའི་བུ་ག་ནས་སོང་ནས་རྩ་དབུ་མའི་ནང་ན་མར་བདེ་ཕྲི་ལི་ལི་སོང་པས་ཆོས་འབྱུང་ནང་དུ་དཀར་ཡེར་གྱིས་བྱུང་བ་དང་། བདེ་སྟོང་གཉིས་སུ་མེད་པའི་ངང་དུ་སིང་གིས་བཞག་གོ། །དེ་ལྟ་བུའི་སྦྱོར་བ་ནུས་ཚད་དུ་བསྒོམ་པར་བྱའོ། །དེ་ལྟར་རྟགས་རབ་འབྲིང་གསུམ་དུ་འབྱུང་སྟེ། རབ་ལ་སྤྱི་བོ་བརྡོལ་ནས་ཁྲག་དང་ཆུ་སེར་འོང་། འབྲིང་གིས་སྤྱི་བོ་སྐྲངས་ནས་འོང་། ཐ་མ་སྤྱི་བོ་ཟ་བ་དང་འགུལ་བ་དང་འཕྲིག་པ་ལ་སོགས་པ་འོང་ངོ་། དང་པོ་ལྟག་པའི་རྩ་གཡས་གཡོན་བརྒྱངས་ནས་ན་བ་དང་། མི་རྟོག་པར་སོང་ན་རབ་མདུན་གྱི་རྩ་ན་བ་དང་མི་རྟོག་པ་འབྲིང་། ཐ་མ་མགོ་ཟ་རྩེག་པ་མང་པོ་འོང་སྟེ། དེས་མི་འོང་བས་གོང་མ་གཉིས་པོ་རང་དགོས་

[Full Size]

གསུང་ངོ་། །དེ་ལྟར་བྱུང་ཙ་ན་འབྱོངས་པའི་རྟགས་ཡིན་ནོ། །བསྒོམ་པའི་དུས་སུ་ཐལ་གྱི་དོགས་ན། རིན་པོ་ཆེ་སྣོད་ཀྱིས་མགོ་ནས་མནན། དེས་ཐུབ་ལ་གཞན་གྱིས་མི་ཐུབ་གསུང་ངོ་། །དེ་ལྟར་བསྒོམས་པའི་རྟེན་གྱི་གང་ཟག་དེ་ལ། ནམ་ཞིག་འཆི་ལྟས་ཚང་ཞིང་ངེས་པར་འཆི་བར་ཡིད་ཆེས་སམ། ཡང་ན་ཁྱད་པར་གྱི་བལྟས་ནི། བླ་མ་ར་ཧུ་ལའི་བཞེད་ཀྱིས། མཉམ་དུ་རྒྱུ་ན་རྣལ་འབྱོར་མྱུར་དུ་འཆི། ཞེས་བཤད་པས་སྲོག་རླུང་དབུ་མར་འདུས་པའི་རྟགས་ཁ་སྣ་གཉིས་ནས་རླུང་དུས་གཅིག་ལ་མཉམ་ཤྭ་ཤྭ་བྱུང་ན་རྟགས་དེས་འཆི་ངེས་པ་ཡིན་པས། རང་གི་ལུས་ལོངས་སྤྱོད་ཉེ་དུ་དང་འབྲེལ་བ་གང་ལའང་ཆགས་པར་མི་བྱ། སྣང་སྲིད་

[Full Size]

འཁོར་འདས་ཀྱི་ཆོས་ཐམས་ཅད་རྨི་ལམ་སྒྱུ་མར་ཤེས་པར་བྱས་ལ་གང་ལ་ཡང་ཆགས་པར་མི་བྱའོ། །སྐྱབས་འགྲོ་དང་སེམས་བསྐྱེད་བྱ། ལྷ་སྐུ་དྲན་པར་བྱས་ལ་སྤྱི་བོར་བླ་མ་བསྒོམས་ལ་གསོལ་བ་གདབ། གཞན་དོན་གྱི་སྨོན་ལམ་རྣམ་པར་དག་པ་རྒྱ་ཆེན་པོ་གདབ། འདུ་འཛི་དང་གཡེང་བ་ཕྱིར་བསྐྱེད་ནས་རང་གཅིག་པུར་བསྡད་ནས་འཕོ་བར་བྱ་སྟེ། དེ་ཡང་སྔོན་དུ་རྩ་ཁ་འབྱེད་པའི་གདམས་ངག་ནི། རང་དང་བུད་མེད་ཐིག་ལེ་ཡིས། རླུང་སེམས་གཉིས་པོ་ཡར་ལ་འདྲེན། ཚ་ལས་རྩ་ཁ་འབྱེད་པར་བྱེད། མི་ཡི་ཀླད་པས་བར་ཆད་བསྲུང་། ཞེས་བཤད་དོ། དེ་ལྟར་རྫས་བཞི་པོ་དེ་ལག་མཐིལ་དུ་སྲིན་ལག་གཡོན་པས་མཉེས་ལ་ཡི་དམ་ལྷའི་སྔགས་

[Full Size]

བཏབ་སྟེ། སྤྱི་བོར་བྱུགས་ལ་རླུང་མི་བཟུང་བར་རང་སོར་བཞག་གོ། །དམིགས་པ་ནི། ཆོས་འབྱུང་གི་ཨ་ཡར་ལ་རྒྱངས་བཏང་ནས་སྐྱེ་མེད་ཀྱི་ངང་ལ་བཞག་ནས། དེའི་ངང་ལས་འཕོ་བར་བྱའོ། །དེ་ལྟར་བྱས་པས་བར་དོར་འོད་གསལ་ཕྱག་རྒྱ་ཆེན་པོ་རྟོགས་ཏེ། མངོན་པར་རྫོགས་པར་སངས་རྒྱའོ། །ཡང་བྱང་ཆུབ་ཀྱི་སེམས་སྔོན་དུ་སོང་བས་རང་ཡི་དམ་དུ་བསྐྱེད་པའི་ལྟེ་བར་ཆོས་འབྱུང་གི་ནང་དུ་ཡི་གེ་ཨ་དཀར་པོ་གཅིག་བསྒོམ། དེ་ནས་འོག་རླུང་འཐེན། སྟེང་རླུང་མནན་པས་ཨ་དེ་ཨ་ཝ་དྷུ་ཏཱིའི་ནང་ན་ཡར་སོང་པས་སྤྱི་བོ་ན་ཨ་ཨ་ཀར་རྒྱངས་རྒྱངས་སོང་བ་དང་། སྟོང་པ་ཉིད་ཀྱི་ངང་དུ་སོང་བར་བསམ་མོ། །དེས་ནི་

[Full Size]

བར་དོར་སངས་རྒྱས་པར་འགྱུར་རོ། འཕོ་བ་རྣམས་ཙོག་པུ་མནུས་ན་སང་སེང་གེའི་ཉལ་ཐབས་བྱས་ནས་ལས་ལ་སྦྱོར། །བསྡུས་པའོ། དྲུག་པ་བར་དོ་ལ། སུ་ཀ་མས་ལྟེ་བའི་ཨ་ལས་འོད་འཕྲོས་ཡིག་འབྲུ་བཞི་ངོ་བོ་ཡི་གེ་རྣམ་པ་ལྷ་ཞལ་གཅིག་ཕྱག་གཉིས་པ་གྲི་ཐོད་འཛིན་པ་ལ་ཕོག་པས་འོད་དུ་གྱུར་གསལ་ལ་རྟོག་མེད་དུ་བཞག །རེས་བཟླས་པ་བྱ། སྤྱིར་སྣང་ཐམས་ཅད་བར་དོར་ལམ་དུ་ཁྱེར་ཞེས་བྱུང་ངོ་། དབང་པོ་རབ་རྣམ་སྨིན་གྱི་ལུས་ལ་སངས་རྒྱ།ོར། འབྲིང་བག་ཆགས་ཀྱི་ལུས་ལ་སངས་རྒྱ། ཐ་མ་དེ་གཉིས་ཀྱི་དུས་སུ། ཉམས་སུ་བླངས་པ་དེ་ས་བོན་གྱི་ཚུལ་དུ་སོང་ནས། བར་དོར་ཡིད་ལུས་ལ་སངས་རྒྱའོ། །དེ་ལ་བཞི་ལས། རབ་བར་དོ་དང་པོའི་འོད་གསལ་རང་ཤར་ནི། ཡུལ་དང་འགྱུ་ས་དང་སྣང་

[Full Size]

མཆེད་ལ་སོགས་པའི་ཐིམ་འགྲོས་ངོས་བཟུང་ཞིང་། ལམ་ཁྱེར་གསུམ་དང་གཉུག་མའི་ངང་དུ་བཞག་པས་བླ་མའི་བྱིན་རླབས་དང་གདམས་ངག་གིས། རང་བཞིན་གྱི་འོད་གསལ་དང་བསྒོམས་པའི་འོད་གསལ་གཉིས་མ་དང་བུ་ཕྲད་པ་ལྟར་ངོ་འཕྲོད་དེ། འོད་གསལ་དེ་ཉིད་ལ་གནས་པས། བར་དོ་རིགས་དྲུག་གི་གྲོང་ཁྱེར་མི་མཐོང་བར་འོད་གསལ་ཆོས་སྐུ་སྐྱེ་མེད་དེ་ལས་གཟུགས་སྐུ་གཉིས་འགག་མེད་རང་ཤར་ལྷབ་ལྷུབ་ཏུ་བྱུང་ནས། དེས་འཁོར་བའི་རྒྱ་མཚོ་མ་སྟོངས་བར་དུ་གང་ལ་གང་འདུལ་གྱི་སེམས་ཅན་སྨིན་ཅིང་གྲོལ་བར་བྱེད་དོ། །འབྲིང་རྒྱལ་བ་ལོངས་སྐུ་རང་ཤར་ནི། འོད་གསལ་མ་ཟིན་ན་སྒྱུ་ལུས་བསྒོམ་སྟེ། དེའང་བདུན་ཕྲག་དང་པོའི་ཞག་ཕྱེད་

[Full Size]

དང་བཞི་ཚུན་ཆད་སྐྱེ་བ་སྔ་མའི་ལུས་ལ་སོགས་པའི་སྣང་བ་འབྱུང་ཞིང་། དུས་དེར་བར་དོར་ངོ་ཤེས་པ་མི་འབྱུང་བས་མ་དག་པའི་སྒྱུ་ལུས་སོ། །དེས་ནས་ཕྱེད་དང་བཞི་སོང་མ་ཐོག་ནས། ཕྱི་མའི་ལུས་ཀྱི་སྣང་བ་ཡུད་ཙམ་རེ་ཤར་བ་ན། ང་ཤི་འདུག་སྙམ་དུ་ཤེས་པ་གཅིག་འོང་སྟེ། དེའི་དུས་སུ་སྔར་གདམས་ངག་ཡོད་པ་རྣམས་ཀྱི་བླ་མའི་ཞལ་ནས་བར་དོ་ལ་བར་དོར་ངོ་ཤེས་པར་གྱིས་ལ། རྒྱལ་བ་ལོངས་སྐུ་ཉམས་སུ་ལོང་ཅིག་གསུང་པའི་དུས་དེར་སླེབ་འདུག་པས། བར་དོ་ལ་སྐྲག་པར་མི་བྱ་སྟེ་དུས་དེར་སངས་རྒྱ་བའི་ཕྱིར་རོ། །སྙམ་དུ་བསམས་ནས་དག་པའི་སྒྱུ་ལུས་བསྒོམ་པ་ནི། སེམས་བསྐྱེད་དང་བླ་མའི་རྣལ་འབྱོར་བསྒོམས་ལ།

[Full Size]

བདག་འཛིན། དགོས་མེད། བར་དོར་རྒྱལ་བ་ལོངས་སྤྱོད་རྫོགས་པའི་སྐུ་འགྲུབ་པར་གསོལ་བ་བཏབ། ང་ཤི་ནས་འདུག་སྣང་བ་འདི་བར་དོའི་སྣང་བ། ལུས་འདི་ཡིད་ཀྱི་ལུས། གྲོགས་འདི་བར་དོའི་གྲོགས། ཟས་གོས་ཐམས་ཅད་བར་དོའི་ཟས་གོས་སུ་འདུག །བར་དོའི་སྣང་བ་ཐམས་ཅད་རང་སྣང་། རང་སྣང་ཐམས་ཅད་བདེན་མེད་སྒྱུ་མ་རྨི་ལམ་དུ་བསྒོམས་ལ། ཡི་དམ་གྱི་སྤྲུལ་བསྒྱུར་ལ་འདུན་པ་བཏང་། ཁྱད་པར་དུ་ཕྱི་སྣོད་གཞལ་ཡས་ཁང་། ནང་བཅུད་ལྷ་དང་ལྷ་མོ། རང་ལུས་གསུམ་ལྡན་གྱི་ལྷ་སྐུ་བསྒོམ་པ་ནི། རང་གི་ལུས་ལྷ། ངག་སྔགས། ཡིད་ཀྱི་དྲན་རྟོག་སྒྱུ་མ་རྨི་ལམ་དུ་བསྒོམ་མོ། །

[Full Size]

དེ་ལྟར་ཉམས་སུ་བླངས་པས་སྔར་བསྒོམས་པ་དང་རྨི་ལམ་དུ་བྱུང་བའི་སྟོབས་ཀྱིས། རང་ཉིད་རྒྱལ་བ་ལོངས་སྤྱོད་རྫོགས་པའི་སྐུ་མཚན་དང་དཔེ་བྱད་ཀྱིས་བརྒྱན་པ། སྣང་ལ་རང་བཞིན་མེད་པ་གསལ་ལ་རྟོག་པ་མེད་པ་བདེ་ལ་ཞེན་པ་མེད་པའི་ལྷ་སྐུ་ཕྱག་རྒྱ་ཆེན་པོ། ཆོས་སྐུའི་ངོ་བོ། ལོངས་སྐུའི་རྣམ་པ། སྤྲུལ་སྐུའི་ཕྲིན་ལས། དབྱེར་མེད་བདེ་བ་ཆེན་པོའི་སྐུ་རང་ཤར་དུ་བྱུང་སྟེ། དེས་འཁོར་བའི་རྒྱ་མཚོ་ཆེན་པོ་མ་སྟོངས་བར་དུ། གང་ལ་གང་འདུལ་གྱི་སེམས་ཅན་ཐམས་ཅད་སྨིན་ཅིང་གྲོལ་བར་བྱེད་པར་འགྱུར་རོ། །རྨི་ལམ་དུ་ལྷ་སྐུ་རང་ཤར་ཡུད་ཙམ་ཅིག་བྱུང་ན་ལོངས་སྐུའི་ས་བོན་ཐེབས་པ་ཡིན་པས། བར་དོར་ལོངས་སྐུར་སངས་མི་རྒྱ་མི་

[Full Size]

སྲིད་གསུངས་སོ། །ཐ་མ་སྤྲུལ་སྐུ་འཆུག་མེད་རང་ཤར་ནི། ལོངས་སྐུ་ལ་མ་གནས་ན་རང་ཉིད་ཤི་ནས་བར་དོར་ཤེས་ཏེ་དངངས་སྐྲག་གི་སྡུག་བསྔལ་ཆེན་པོ་འབྱུང་ངོ། །དེའི་རྗེས་ལ་ཕ་མ་དང་ཕོ་མོ་ལ་སོགས་པ་ལ་འདོད་ཆགས་སྐྱེས་ནས་དེ་ལ་བརྟེན་པའི་ཕྲག་དོག་གིས་མིག་སེར་སྐྱེས་ཏེ། ཆགས་སྡང་དེས་མཚམས་སྦྱར་ནས་སྐྱེ་བ་ལེན་པར་འགྱུར་རོ། །དེ་ལ་ང་ཤི་འདུག་སྙམ་པའི་དུས་དེར་བར་དོ་ལ་མི་སྐྲག་པར་བྱས་ལ། ཀྱཻ་མ་ཆགས་སྡང་གི་སྐྱེ་བ་ལེན་པ་ནི་ཤིན་ཏུ་སྡུག་བསྔལ་བ་སྟེ། ད་ནི་བདེ་ཆེན་གྱི་ཞིང་དུ་འགྲོའོ་སྙམ་དུ་བསམས་ལ། བླ་མའི་རྣལ་འབྱོར་བསྒོམས་ལ། བདག་འཛིན། དགོས་མེད། བར་དོར་

[Full Size]

སྤྲུལ་སྐུར་སངས་རྒྱ་བར་གསོལ་བ་བཏབ། སྣང་བ་འདི་བར་དོའི་སྣང་བ་ལ་སོགས་པ་གོང་དང་མཐུན། བར་དོའི་སྣང་བ་ཐམས་ཅད་རང་སྣང་། རང་སྣང་ཐམས་ཅད་བདེན་མེད་སྒྱུ་མ་རྨི་ལམ་དུ་བསྒོམ་མོ། །དེ་ནས་རང་གི་མདུན་དུ་ཆོས་འབྱུང་གྲུ་གསུམ་མཐིང་ཀའི་ནང་དུ། རང་གི་སེམས་ཧཱུྃ་སྔོན་པོ་གཅིག་ཏུ་བསམ། དེ་ལས་འོད་ཁ་དོག་སྣ་ལྔ་འཕྲོས་པས། སྐྱེ་གནས་ལྔའི་འདས་པའི་མངལ་གྱི་ལན་ཆགས་དག །ད་ལྟར་གྱི་དྲི་མ་སྦྱངས། མ་འོངས་པའི་མངལ་སྒོ་བཀག་པར་བསམ་མོ། །དེ་ནས་ཧཱུྃ་དེ་ཡོངས་སུ་གྱུར་པ་ལས་རང་ཉིད་ཡི་དམ་ཡབ་ཡུམ་དུ་བསམ། བར་དོའི་ཆགས་སྡང་གི་ཡུལ་ཕོ་མོར་སྣང་བ་དེ་ལ། ཞེ་སྡང་སྐྱེ་བའི་ཡུལ་དེ་བདེ་

[Full Size]

མཆོག་ཡབ་དང་། འདོད་ཆགས་སྐྱེ་བའི་ཡུལ་དེ་རྗེ་བཙུན་མ་ཡུམ་རྐྱང་དུ་བསྒོམས་ལ། ཡིད་ཀྱིས་སྤྲུལ་པའི་མཆོད་པ་དབུལ་ཞིང་གསོལ་བ་གདབ། སྒྲ་གྲགས་པ་ཐམས་ཅད་སྔགས་ཀྱི་རང་སྒྲ་དྲན་རྟོག་ཐམས་ཅད་ལ་གླང་པོ་ཆེའི་བལྟ་སྟངས་ཀྱི་ལྷ་སྐུ་ཕྱག་རྒྱ་ཆེན་པོ་ལ་སྐད་ཅིག་མ་གསུམ་ཙམ་མཉམ་པར་བཞག་པ་དང་། བར་དོའི་གཤིན་རྗེའི་གཟུགས་ཡི་དམ། གསོས་ཅིག་ཆོམ་ཅིག་གི་སྒྲ་སྔགས། དངངས་སྐྲག་དང་། དྲན་རྟོག་ཆོས་ཉིད་དུ་གྲོལ་ནས་ཕྱི་ནང་སྣོད་བཅུད་ཐམས་ཅད་དང་། རང་ལུས་སྣང་སྟོང་ཞེན་བྲལ་གྱི་ལྷ་སྤྲུལ་སྐུའི་སྣང་བ་འབའ་ཞིག་རང་ཤར་དུ་བྱུང་ནས། དུས་དེ་ཉིད་དུ་སྤྲུལ་སྐུར་

[Full Size]

སངས་མི་རྒྱ་མི་སྲིད་དོ། །བར་དོ་གསུམ་གྱི་བཤད་པ་རྒྱས་པར་བླ་མ་ཁྱུང་པོས་མཛད་པ་ལས་ཤེས་པར་བྱའོ། །སྤྱིའི་གནད་འཆུག་མེད་ལམ་ཁྱེར་ནི། །བླ་མ་ཡི་དམ་སྒྱུ་མ་གསུམ། །འབྲལ་བ་མེད་པར་ལམ་དུ་ཁྱེར། །བར་དོའི་འཇིགས་པ་ཆེན་པོ་ལ། །འཆུག་པ་མེད་པའི་གདམས་ངག་གཅེས། །དེ་ལྟར་ཉམས་སུ་བླང་ངོ་། །སྙན་བརྒྱུད་བདུད་རྩིའི་རྒྱ་མཚོ་ལས། །དམ་ཅན་མཁའ་འགྲོ་དངོས་སུ་འདུག །བྱིན་རླབས་བཀའ་བབས་གཏིང་མཐའ་མེད། །སྙན་གྲགས་རྦ་རླབས་ཕྱོགས་བཅུར་ཁྱབ། །ཞལ་གདམས་བྲི་བར་མི་རིགས་ནའང་། །ཟིན་བྲིས་མི་འདྲ་འགའ་མཐོང་བས། །དད་ལྡན་ཐེ་ཚོམ་སྤང་བའི་ཕྱིར། །འཆུག་མེད་གནད་ཀྱི་ཐིམ་ཡིག་

[Full Size]

བཀོད། །བདག་གིས་བླ་མ་ལོ་མང་བསྟེན། །མོས་གུས་སྙིམ་པས་དངོམས་པར་འཐུངས། །ནན་ཏན་བློ་ལ་འཇེམ་པར་བྱས། །ཚོགས་མཆེད་གསེར་གྱི་མཎྜལ་ཕུལ། །བཀའ་ཡི་གནང་བ་ལེགས་པར་ཞུས། །རང་བཟོ་སྤངས་ཏེ་གསུང་བཞིན་བཀོད། །མཁས་འདོད་བསྲེད་སླད་མ་བྱེད་ཨང་། །བྱས་ན་བྱིན་རླབས་གནད་འཆུག་པས། །ཆོས་བདག་མཁའ་འགྲོའི་ཚོགས་རྣམས་དང་། །ཡེ་ཤེས་མགོན་པོའི་བཀའ་ཆད་མཆི། །ལུང་བསྟན་བཅས་པ་འབྲི་བསམ་ནའང་། །མཁའ་འགྲོའི་ལུང་བསྟན་རྨི་ལམ་ཐོབ། །ནོངས་པ་བཟོད་གསོལ་དགེ་བ་དེས། །ལུས་ཅན་ལམ་མཆོག་འདིར་ཞུགས་ཏེ། །སྒྱུ་མའི་

[Full Size]

ཏིང་འཛིན་མཐར་ཕྱིན་ནས། །མཆོག་གི་དངོས་གྲུབ་ཐོབ་པར་ཤོག །ཆོས་དྲུག་རྡོ་རྗེ་ཚིག་གི་འགྲེལ་པ་བདུད་རྩིའི་རྒྱ་མཚོ་ཞེས་བྱ་བ། །སྔགས་འཆང་པྲཉྫཱ་ཤྲཱི་ལ་དྷཱ་ཛས་ཡི་གེར་བཀོད་པའོ། །ཤུ་བྷཾ་སྟུ་སརྦ་ཛག་གཏཱཾ།། །།

ཆོས་དྲུག་རྡོ་རྗེའི་ཚིག་རྐང་གི་རྣམ་བཤད་གྲོལ་བའི་དཔལ་སྟེར། འགྱུར་མེད་བདེ་ཆེན།

[Full Size]

ཆོས་དྲུག་རྡོ་རྗེའི་ཚིག་རྐང་གི་རྣམ་བཤད་གྲོལ་བའི་དཔལ་སྟེར་བཞུགས་སོ། །

[Full Size]

སྐུ་གསུམ་ཡན་ལག་བདུན་ལྡན་རྡོ་རྗེ་འཆང་། །བདེ་ཆེན་འདོད་པ་འཇོ་བའི་ནི་གུ་མ། །དེ་ཡིས་རྗེས་བཟུང་ཁྱུང་པོ་རྣལ་འབྱོར་སོགས། །བརྒྱུད་པར་བཅས་པས་དེང་འདིར་དགེ་ལེགས་སྩོལ། །སྲིད་ཞིའི་ཆུ་ཀླུང་ལས་སྒྲོལ་ལྕགས་ཟམ་པ། །གྲུབ་པའི་དབང་ཕྱུག་ཐང་སྟོང་རྒྱལ་པོ་དང་། །དཀྱིལ་འཁོར་ཀུན་གྱི་རིགས་བདག་དགའ་བཞི་ཡིས། །གྲོལ་བ་མཆོག་སྟེར་རྗེ་བཙུན་བླ་མར་འདུད། །དྭངས་ཤེལ་སྣ་ཚོགས་དར་གྱི་མདངས་འཛིན་ལྟར། །ཡིད་བཞིན་ཅིར་ཡང་འཆར་བའི་གར་མཁན་མཆོག །སྐལ་བཟང་མྱུར་ལམ་

[Full Size]

སྒྲུབ་པའི་གྲོགས་གྱུར་པ། །དཔའ་བོ་ཌཱ་ཀི་ནི་ཡི་བདག་སྐྱོངས་ཤིག །ཡེ་ཤེས་མཁའ་འགྲོའི་ཞལ་ལུང་འོ་མའི་མཚོ། །རང་བཟོ་ཆུ་ཡི་བསྲེ་སླད་དང་བྲལ་བ། །སྐལ་བཟང་ཉམས་རྟོགས་ལུས་ཟུངས་རྒྱས་བྱའི་སླད། །འཁྲུལ་མེད་ཡི་གེའི་ལམ་དུ་འགོད་པར་བྱ། །འདིར་རྒྱུད་སྡེ་ལྔའི་གབ་པ་ཁོལ་དུ་ཕྱུང་བའི་ངེས་གསང་གི་ཉམས་ལེན་ལོ་ཟླ་ཙམ་གྱིས་མཆོག་གི་དངོས་གྲུབ་བདེ་བླག་ཏུ་སྩོལ་བའི་མྱུར་ལམ་ཡེ་ཤེས་མཁའ་འགྲོའི་ཞལ་གདམས་ཆོས་དྲུག་གི་གདམས་པ་ཁྱད་པར་ཅན་འདི་ཉིད་ཐུགས་དམ་ཉམས་བཞེས་ཀྱི་ཡུལ་དུ་བསྟེན་པ་

[Full Size]

ལ། གོ་དོན་ལེགས་པར་བཤད་པ་དང་། སྒོམ་དོན་ཉམས་སུ་བླང་བའི་རིམ་པ་གཉིས། །དང་པོ་ནི། རྩ་བ་རྡོ་རྗེའི་ཚིག་རྐང་གཞུང་ཆུང་ཡིད་བཞིན་གྱི་ནོར་བུའི་དངོས་ཤུགས་ལས་ཆོས་དྲུག་གི་ལམ་རིམ་ཇི་ལྟར་བསྟན་ཚུལ་ལ་ངེས་པ་བརྙེད་པར་བྱ་བ་ཉིད་ཡིན་པས། ཆོས་དྲུག་རྡོ་རྗེའི་ཚིག་རྐང་འདི་ཉིད་འཆད་པ་ལ། ཀླད་ཀྱི་དོན། །གཞུང་གི་དོན། །མཇུག་གི་དོན་གསུམ་ལས། དང་པོ་ལ་རྒྱ་བོད་ཀྱི་མཚན་དང་། འགྱུར་གྱི་ཕྱག་གཉིས་ལས། དང་པོ་ནི། ༈ རྒྱ་གར་སྐད་དུ། །དྷརྨ་ཥཊ་བཛྲ་གཱ་ཐ་ནཱ་མ། བོད་སྐད་དུ། །ཆོས་དྲུག་རྡོ་རྗེའི་ཚིག་རྐང་ཞེས་བྱ་བ། །དེ་ཡང་དྷརྨ་ཆོས། ཥཊ་དྲུག་བཛྲ་རྡོ་རྗེ། གཱ་ཐ་ཚིག་རྐང་། ནཱ་མ་ཞེས་བྱ་བ་ཡིན་ལ། ཚིག་རྐང་གི་དོན་ཡང་ཚིགས་སུ་བཅད་པ་སྟེ། དཔེར་ན་སྡུད་པ་ཚིགས་སུ་བཅད་པ་ལ། སཉྩ་ཡ་གཱ་ཐ། ཞེས་པ་ཡོད་ཅིང་། དེ་ཡང་པཉྩ་

[Full Size]

ཡ། སྡུད་པ་དང་། གཱ་ཐ། ཚིགས་སུ་བཅད་པ་ཡིན་པས་སོ། །དེས་ན་གོང་མ་དག་རྡོ་རྗེ་ཚིག་རྐང་གི་ལྷུག་པ་རྣམས་ཁྱུང་པོའི་མཆན་དཀྱུས་ལ་ཤོར་གསུང་བ་ཡང་ཤིན་ཏུ་འཐད་པར་མཚན་དོན་ལས་རྟོགས་སོ། །གཉིས་པ་ནི། ༈དཔལ་ཟུང་འཇུག་བདེ་བ་ཆེན་པོ་ལ་ཕྱག་འཚལ་ལོ། །དེ་ཡང་དཔལ་ནི། དགྱེས་པ་རྡོ་རྗེ་ལས། ཤྲཱི་ནི་གཉིས་མེད་ཡེ་ཤེས་ཏེ། །ཞེས་གསུངས་པས། དཔལ་ནི་གཉིས་སུ་མེད་པའི་ཡེ་ཤེས་ཡིན་ལ། ཟུང་འཇུག་ནི་ཡུ་ག་ན་དྭ་ཞེས་པའི་སྒྲ་ལས་ཡུ་ག་ཆའམ་ཟུང་། ན་དྭ་གཉིས་སུ་མེད་པ་སྟེ། །ཕྱོགས་དང་རིས་སུ་མ་ཆད་པ་རོ་མཉམ་གྱི་ཡེ་ཤེས་ཆེན་པོ་ཡིན་ཞིང་། དེ་ལ་བདེ་བ་ཆེན་པོ་ལ་སོགས་པ་མཚན་གྱི་རྣམ་གྲངས་དུ་མས་བསྙད་པ་དེར་ལོ་ཙཱ་བས་འགྱུར་གྱི་ཕྱག་མཛད་པའོ། །གཉིས་པ་གཞུང་གི་དོན་ལ། གླེང་གཞི་ཨེ་ཝཾ་གི་ལུས་རྣམ་

[Full Size]

པར་བཞག་པ། ལམ་རིམ་གྱི་ཡན་ལག་རྒྱས་པར་བཤད་པའོ། །དང་པོ་ནི། ༈ གང་ཞིག་བརྗོད་བྲལ་ལྷུན་གྲུབ་འདུས་མ་བྱས། ཁ་སྦྱོར་བདེ་ཆེན་ལོངས་སྐུ་གང་འདུལ་ཤར། །སྐུ་གསུམ་བདུན་ལྡན་རྡོ་རྗེ་འཆང་ཆེན་གྱིས། །ཐེག་ཆེན་སྐྱེ་མེད་རང་སྒྲ་འདི་སྐད་ཐོས། །དེ་ཡང་ཐོས་ཞེས་པ་བཤད་པའི་གཞིར་བཞག་ནས། གང་གི་ཐོས་ན་རྡོ་རྗེ་འཆང་ཞེས་གསུངས་པ་ཅི། །སངས་རྒྱས་ཀུན་གྱི་ཡེ་ཤེས་དང་། །བྱང་ཆུབ་སེམས་ལྡན་གང་ཡིན་པ། །དེ་ཉིད་རྒྱལ་བ་རྡོ་རྗེ་འཆང་། །དེ་བཞིན་གཤེགས་པ་ཀུན་གྱི་བདག །ཅེས་གསུངས་ལ། དེ་ཡང་རྡོ་རྗེ་ནི། རྡོ་རྗེ་མི་ཕྱེད་ཅེས་བྱར་བརྗོད། །ཅེས་རྡོ་རྗེའི་དོན་མི་ཕྱེད་པ་སྟེ། མཚན་མ་དང་རྣམ་པར་རྟོག་པའི་ཚོགས་ཀྱིས་གཞོམ་གཞིག་དང་བྲལ་བའི་ཡེ་ཤེས་ཡིན་ལ། དེའི་བདག་ཉིད་ལ་འཆང་བའི་སྒྲས་བསྟན་པའོ། །དེ་ཡང་། སུམ་ཅུ་པར། གང་

[Full Size]

མིང་བརྗོད་པའི་དང་པོ་རུ། །དང་པོ་ལ་ནི་གཉིས་པ་སྦྱར། །སྤྱི་ལ་ཁྱབ་པ་ཉིད་དུ་འགྱུར། །ཞེས་གསུངས་པ་ལྟར། །གང་ཞིག་ཅེས་པ་སྤྱི་ཁྱབ་ཀྱི་སྒྲ་ཡིན་པས་ཁྱད་གཞི་རྡོ་རྗེ་འཆང་བསྟན་ལ། འོ་ན་དེ་ལ་ཁྱད་པར་གྱི་ཆོས་ཇི་ལྟ་བུ་ཞེས་ན། སྐུ་གསུམ་ཡན་ལག་བདུན་དང་ལྡན་པ་སྟེ། །ངག་གི་ལམ་ལས་འདས་པས་བརྗོད་པ་དང་བྲལ་བ་ཡིན་ལ། དེ་སྐད་དུ། མདའ་བསྣུན་ཞབས་ཀྱིས། བླ་མས་བརྗོད་པ་དེ་ཡང་མ་ཡིན་ཞིང་། །དེ་ནས་སློབ་མས་གོ་བའམ་ཐོབ་པ་མེད། །ལྷན་ཅིག་སྐྱེས་པའི་བདེ་བ་བདུད་རྩི་དེ། །སུ་ལ་སུ་ཞིག་གིས་ནི་བརྗོད་པར་བྱེད། །ཅེས་དང་། ཐམས་ཅད་མཁྱེན་པའང་ཚིག་གི་དབུལ་གྱུར་པ། །བདེ་བའི་རྒྱལ་པོ་གཅིག་པུ་རྒྱལ་གྱུར་ཅིག །ཅེས་དང་། ཏིལླི་ཞབས་ཀྱིས། ཀྱེ་ཧོ་འདི་ནི་རང་རིག་ཡེ་ཤེས་ཏེ། །ངག་གི་ལམ་འདས་ཡིད་ཀྱི་

[Full Size]

སྤྱོད་ཡུལ་མིན། །ཏིལླི་ངས་ནི་ཅི་ཡང་བསྟན་དུ་མེད། །རང་གི་རང་ཉིད་མཚོན་ཏེ་ཤེས་པར་བྱོས། །ཅེས་གསུངས་པ་ལྟར་རོ། །གནས་ལུགས་ལ་ཡོད་པས་ལྷུན་གྲུབ་སྟེ། །རྒྱུད་བླ་མ་ལས། ཞི་བ་ཆོས་ཀྱི་སྐུ་ཅན་ཕྱིར། །ལྷུན་གྱིས་གྲུབ་ཅེས་བྱ་བར་བརྗོད། །ཅེས་གསུངས་ལ། དེ་ཡང་ལྷུན་གྲུབ་ཀྱི་སྐད་དོད། ནཱ་བྷོ་ག་སྟེ། ཨཱ་བྷོ་ག་བཟའ་འམ། རྩོལ་བ། དེ་ན་ཡིག་གེས་བཀག་པས་ནཱ་བྷོ་ག་རྩོལ་བ་མེད་པ་སྟེ་ལྷུན་གྱིས་གྲུབ་པ། དེ་ཡང་། མདོ་སྡེ་རྒྱན་དུ། ཇི་ལྟར་ནོར་བུ་འབད་མེད་པར། །རང་གི་འོད་ནི་སྟོན་པ་ལྟར། །སངས་རྒྱས་རྣམས་ཀྱང་རྩོལ་མེད་པར། །དེ་བཞིན་མཛད་པ་ངེས་པར་སྟོན། །ཞེས་དང་། དོ་ཧར། བྱེད་པ་དང་བྲལ་འགྲོ་ལ་རྟག་ཏུ་ཤར། །ཞེས་གསུངས་པ་ལྟར། གདོད་མ་ནས་ཡོན་ཏན་རང་ཆས་སུ་ཡོད་པས་ལྷུན་གྲུབ་ཅེས་བྱའོ། །འོ་ན་འཁོར་འདས་ཀྱི་ཁྱད་པར་

[Full Size]

མི་འཐད་དོ་ཅེ་ན། ཡིན་ལུགས་ལ་འཁོར་འདས་ལ་ཁྱད་པར་མེད་ཀྱང་། བློ་ངོ་ལ་ལྟོས་ནས་འཁོར་འདས་ཀྱི་ཐ་སྙད་བཞག་སྟེ། དབང་མདོར་བསྟན་ལས། ཇི་ལྟར་ཟླ་ཤར་རིམ་པ་ཡིས། །ཆ་རྣམས་ཀྱིས་ནི་རྫོགས་པར་འགྱུར། །གྲིབ་མ་ཉམས་པ་རྫོགས་པ་སྟེ། །ཟླ་བ་ཆད་དང་རྫོགས་པ་མིན། །དེ་བཞིན་ཡེ་ཤེས་ཤར་རིམ་པས། །ས་རྣམས་ཀྱིས་ནི་རྫོགས་པར་འགྱུར། །ཉོན་མོངས་ལ་སོགས་ཉམས་པ་རྫོགས། །ཡེ་ཤེས་ཆད་དང་རྫོགས་པ་མིན། །ཞེས་ཟླ་བ་འཕེལ་འགྲིབ་ཏུ་སྣང་བ་གྲིབ་མས་བཀབ་པ་དང་མ་བཀབ་པའི་ཁྱད་པར་ཡིན་གྱིས། གནམ་སྟོང་ལ་ཡང་ཟླ་བ་མེད་པ་མ་ཡིན་པ་བཞིན་དུ་སེམས་ཅན་ཐ་མལ་པ་རྣམས་ཀྱིས་སེམས་ལ་སྒྲིབ་པ་གཉིས་ཀྱིས་བཀབ་པ་ལས་བདེ་བ་ཆེན་པོ་མི་མངོན་པར་ཟད་ཀྱི། དེའི་ཚེ་བདེ་བ་ཆེན་པོ་མེད་པ་ནི་མ་ཡིན་

[Full Size]

པས་དེའི་འགྲེལ་པ་ནཱ་རོ་ཞབས་ཀྱིས་མཛད་པ་ལས། ཉོན་མོངས་ལ་སོགས་ཅེས་པ་ཉོན་མོངས་པ་དང་། ཤེས་བྱ་དང་སྙོམས་པར་འཇུག་པའི་སྒྲིབ་པ་བག་ཆགས་དང་བཅས་པ་ཉམས་པ་སྤངས་པ་ཉིད་རྫོགས་པའི་སྒྲས་བསྟན་པ་ཡིན་གྱི། ཡེ་ཤེས་ཆད་པ་མ་ཡིན་ལ་དེ་རྫོགས་པ་ཡང་མ་ཡིན་ནོ། །དེ་ལུང་དུ་གསུངས་པ། སངས་རྒྱས་རྣམས་ཀྱི་རྟག་ཏུ་ཤར། །མ་རིག་གདུག་སེམས་ཅན་གྱི་མིན། །ཞེས་པའོ། །ཞེས་བྱུང་བ་ལྟར་རོ། །རྒྱུ་རྐྱེན་ལས་མ་སྐྱེས་པས་འདུས་མ་བྱས་པ་སྟེ། རྒྱུད་བླ་མར། ཐོག་མ་དབུས་མཐའ་མེད་པ་ཡི། །རང་བཞིན་ཡིན་ཕྱིར་འདུས་མ་བྱས། །ཅེས་དང་། དབང་མདོར་བསྟན་ལས། ཤེས་རབ་རྒྱུ་ལས་མ་བྱུང་ཞིང་། །ཤེས་རབ་རྒྱུ་ལས་བྱུང་བ་འབྲས། །ཤེས་རབ་རྒྱུ་ལས་མ་སྐྱེས་ཕྱིར། །ཤེས་རབ་ལས་སྐྱེས་རྒྱུ་སྐྱེས་མིན། །

[Full Size]

དེ་ཕྱིར་ཡེ་ཤེས་རྒྱུ་སྐྱེས་མིན། །ཞེས་གསུངས་པ་ལྟར་རོ། །རྣམ་པ་ཐམས་ཅད་ཀྱི་མཆོག་དང་ལྡན་པའི་སྟོང་པ་ཉིད་དང་། མི་འགྱུར་བའི་བདེ་བ་ཆེན་པོ་གདོད་མ་ནས་ཟུང་འཇུག་རོ་མཉམ་དུ་གནས་པས་ཁ་སྦྱོར། །འོ་ན་རྩ་བའི་རྒྱུད་ལས། སྟོང་ཉིད་གཟུགས་བརྙན་བཟུང་བ་རྒྱུ། །སྙིང་རྗེ་འགྱུར་མེད་འཛིན་པ་འབྲས། །ཅེས་གསུངས་པས། སྟོང་ཉིད་རྒྱུ་དང་སྙིང་རྗེ་མི་འགྱུར་བའི་བདེ་བ་འབྲས་བུར་གསུངས་པ་མ་ཡིན་ནམ་ཞེ་ན། འདིའི་རྒྱུ་འབྲས་ནི། རྒྱུ་རྣམས་ཐམས་ཅད་སྔར་ཡོད་མིན། །ཞེས་རྟོག་གེ་ལ་གྲགས་པའི་བསྐྱེད་བྱ་སྐྱེད་བྱེད་ཀྱི་རྒྱུ་འབྲས་མ་ཡིན་གྱི། །གདོད་མ་ནས་དུས་མཉམ་ལྷན་སྐྱེས་ཡིན་ཀྱང་། ལམ་ཟབ་མོ་ལ་རྩེ་གཅིག་ཏུ་མཉམ་པར་བཞག་པས་རྣལ་འབྱོར་པའི་བློ་ངོ་ལ་ལྟོས་ནས་ཐོག་མར་སྟོང་པ་ཉིད་ཀྱི་གཟུགས་

[Full Size]

མངོན་དུ་འགྱུར་ཞིང་། དེ་ལ་མཉམ་པར་བཞག་པས་མི་འགྱུར་བའི་བདེ་བ་མངོན་དུ་བྱེད་པས། དྲི་མེད་འོད་དུ། ཕྱག་རྒྱ་ཆེན་མོ་ནི་མི་གཡོ་བའི་བདེ་བ་སྦྱིན་པ་མོའོ། །ཞེས་གསུངས་པ་ལྟར་རོ། །བདེ་ཆེན་ཞེས་པ་ཟག་པ་མེད་པའི་བདེ་བ་ཆེན་པོ་སྟེ། མདོར་བསྟན་པ་ཙམ་ནི་རྒྱུད་བླ་མར། གཙང་རྟག་བདེ་དང་རྟག་ཉིད་ཀྱི། །ཡོན་ཏན་ཕ་རོལ་ཕྱིན་པ་འབྲས། །ཅེས་པའི་བདེ་བ་འཆད་པ་ན། །དེ་ཉིད་དུ། ཡིད་ཀྱི་རང་བཞིན་ཕུང་པོ་དང་། །དེ་རྒྱུ་ལོག་ཕྱིར་བདེ་བ་ཉིད། །ཅེས་གསུངས་ལ། སྔགས་ཀྱི་ཐེག་པ་ལས་བཤད་པའི་བདེ་བ་ནི་ལས་ཀྱི་ཕྱག་རྒྱ་སོགས་ལ་བརྟེན་པ་ལས་ཡིན་པའི་ཕྱིར་དང་། དེ་ལྟ་བུ་ཕ་རོལ་དུ་ཕྱིན་པའི་ཐེག་པ་ལས་མ་བཤད་པས། སྔགས་ཀྱི་ལམ་བདེ་བས་ཁྱད་པར་དུ་བྱས་པ་ཡིན་གྱི། ཕྲ་རགས་ཀྱི་རྣམ་པར་རྟོག་པ་ཇི་སྙེད་པའི་རང་བཞིན་ཐ་མལ་གྱི་ཤེས་པ་དེ་ཉིད་བདེ་བའི་

[Full Size]

རང་བཞིན་ཡིན་ནོ། །ཞེས་ནི་སྔགས་ཀྱི་ཐེག་པ་ལས་མ་བཤད་དོ་སྙམ་ན་ཤིན་ཏུ་བཤད་དོ། །དགྱེས་པ་རྡོ་རྗེ་ལས། དམྱལ་བ་ཡི་དྭགས་བྱོལ་སོང་དང་། །ལྷ་དང་ལྷ་མིན་མི་རྣམས་དང་། །བཤང་བའི་སྲིན་བུ་སོགས་ཀྱིས་ཀྱང་། །བདེ་བ་གང་ཕྱིར་མི་ཤེས་པ། །རྟག་ཏུ་རང་བཞིན་བདེ་བ་ཅན། །འཇིག་རྟེན་ཁམས་ནི་གང་དུ་ཡང་། །སངས་རྒྱས་གཞན་དུ་རྙེད་མི་འགྱུར། །སེམས་ནི་རྫོགས་པའི་སངས་རྒྱས་ཏེ། །སངས་རྒྱས་གཞན་དུ་བསྟན་པ་མེད། །ཅེས་རིགས་དྲུག་གི་འགྲོ་བ་ཐམས་ཅད་ཀྱི་སེམས་རང་བཞིན་གྱི་བདེ་བར་རྟག་ཏུ་གནས་པར་གསུངས་ལ། དེ་ལྟ་བུའི་རིགས་ཀྱི་རྒྱུན་ལས་སངས་རྒྱས་ཀྱི་འགྱུར་བ་མེད་པའི་བདེ་བ་ཆེན་པོ་ཐོབ་པ་ཡིན་པས་སངས་རྒྱས་གཞན་དུ་བསྟན་པ་མེད་ཅེས་གསུངས་པ་ཡིན་ནོ། །དེའི་ཕྱིར་སངས་རྒྱས་ཀྱི་ཐུགས་

[Full Size]

རྒྱུད་ཀྱི་བདེ་བ་ཆེན་པོ་ནི་གཏན་དུ་བ་ཡིན་ལ། དེ་རིགས་འདྲ་གཏན་དུ་བ་མ་ཡིན་པ་གཅིག་ལས་འབྱུང་བར་ག་ལ་འགྱུར། །དོན་འདི་ཉིད་ཐུགས་ལ་བཞག་ནས། སློབ་དཔོན་ཨིནྡྲ་བྷུ་ཏིས། བདེ་ཆེན་མི་རྟག་མ་ཡིན་ཏེ། །བདེ་བ་ཆེན་པོ་རྟག་ཏུ་རྟག །ཅེས་དང་། མཚན་བརྗོད་ལས། རྟག་པ་ཀུན་རྒྱལ་རྣལ་འབྱོར་ཅན། །ཞེས་གསུངས་སོ། །འོ་ན་ཡེ་ཤེས་དེ་ཉིད་རྟག་པ་ཉིད་དུ་ཐལ་བར་འགྱུར་རོ་སྙམ་ན། ངོ་བོ་ཉིད་ཀྱི་འཕེལ་འགྲིབ་མེད་པའི་ཕྱིར་རྟག་པ་ཞེས་པའི་སྒྲས་བསྙད་ཀྱི། རང་བཞིན་གྱི་སྟོང་པར་ཡང་སྨྲ་བའི་ཕྱིར་རྣམ་པ་དེ་ལྟ་བུའི་སྐྱོན་ཡོད་པ་མ་ཡིན་ནོ། །གཞན་ལས་ཀྱི་ཕྱག་རྒྱ་སོགས་ལ་བརྟེན་པའི་བདེ་བ་ནི་ཤིན་ཏུ་མི་བརྟན་པ་ཡིན་ཏེ། ཨིནྡྲ་བྷུ་ཏིས། དབང་པོ་གཉིས་སྐྱེས་བདེ་དེ་ཉིད། །དེ་ཉིད་ཡིན་ཞེས་སྐྱེ་ངན་སྨྲའི། །དེ་ནི་བདེ་བ་ཆེ་ཡིན་ཞེས། །རྒྱལ་དབང་མཆོག་གིས་མ་

[Full Size]

གསུངས་སོ། །ཞེས་བཤད་ལ། དེས་ན་ལས་ཀྱི་ཕྱག་རྒྱ་སོགས་ཀྱིས་དྲངས་པའི་ཞུ་བདེ་ནི་སྔགས་ཀྱི་ཐེག་པ་ཐབས་མཁས་མྱུར་ལམ་གྱི་ཁྱད་པར་དུ་བྱས་པ་ཡིན་པས། ཞུ་བདེ་ལ་བརྟེན་ནས་རྣམ་པར་རྟོག་པའི་ཚོགས་མཐའ་དག་འགགས་པར་བྱས་ཏེ། སེམས་ཅན་ཐམས་ཅད་ལ་གདོད་མ་ནས་ལྷུན་གྲུབ་ཏུ་བཞུགས་པའི་བདེ་བ་ཆེན་པོ་མངོན་དུ་གྱུར་པ་ཉིད་ཡིན་ནོ། །དེས་ན་དམིགས་པ་མེད་པའི་སྙིང་རྗེ་དང་སྔགས་ལས་བཤད་པའི་བདེ་བ་ཆེན་པོ་དོན་གཅིག་པ་ཡང་སྙིང་རྗེའི་སྐད་དོད་ཀ་རུ་་ཞེས་པའི་སྒྲ་ལས། ཀ་ནི་འཆི་མེད་མཛོད་ལས། ཀམ་ནི་མགོ་དང་ཆུ་ཡང་བདེ། །ཞེས་དོན་དུ་མ་ལ་འཇུག་པ་ལས། སྐབས་འདིར་བདེ་བ་རུ་་འགོག་པ་ལ་འཇུག་པས་བདེ་འགོག་ཅེས་པ་སྟེ། ཟག་བཅས་འགྱུར་བའི་བདེ་བ་འགོག་པ་མི་འགྱུར་བའི་བདེ་བ་ཡིན་ཞིང་།

[Full Size]

ཡང་ན་སློབ་དཔོན་མཚོ་སྐྱེས་ཞབས་ཀྱི་རུ་འི་དོན་བསྡུས་པ་ལ་བཤད་ཅིང་། །དེ་ཡང་དགའ་བ་སྔ་མ་གསུམ་རིམ་གྱིས་བསྡུས་པ་ལྷན་ཅིག་སྐྱེས་པའི་བདེ་བ་ཆེན་པོ་ཉིད་ཡིན་ཏེ་གོང་དུ་བཤད་པ་དང་དོན་གཅིག་གོ། །དེའི་རྒྱུ་མཚན་ཡེ་ཤེས་སྙིང་པོའི་རྒྱུད་དུ་འབྱུང་བའི་རྒྱུ་དང་གསལ་བའི་རྒྱུ་གཉིས་སུ་ཕྱེ་ནས་དགའ་བ་ལས་མཆོག་དགའ་འབྱུང་བ་འབྱུང་བའི་རྒྱུ་འབྲས་དང་། དགའ་བྲལ་གྱི་དགའ་བའམ་ཁྱད་པར་གྱི་དགའ་བ་ལས་ལྷན་སྐྱེས་འབྱུང་བ་གསལ་བའི་རྒྱུ་འབྲས་སུ་གསུངས་ཏེ། རྒྱུད་དེ་ཉིད་ལས། གསལ་བའི་རྒྱུ་ནི་དགའ་བྲལ་གྱི་དགའ་བ་སྟེ། ཇི་ལྟར་མར་མེ་བཞིན་ནོ། །འབྱུང་བའི་རྒྱུ་ནི། དགའ་བ་ལས་མཆོག་གི་དགའ་བ་སྟེ། ཇི་ལྟར་ས་བོན་ལས་མྱུ་གུ་བཞིན་ནོ། །དགའ་བྲལ་གྱི་དགའ་བ་ནི། གཞན་རྣམས་དང་མི་འདྲ་བའི་ཕྱིར། འབྱུང་བའི་རྒྱུ་མ་ཡིན་ཏེ།

[Full Size]

ཞེས་བྱུང་བས་སོ། །དེས་ན་སྐུ་གསུམ་ཀ་བྲལ་འབྲས་སུ་མཛད་པ་འདི་ཉིད་ཤངས་པ་བཀའ་བརྒྱུད་པ་རང་གི་ཐུགས་བཞེད་དྲི་མ་མེད་པ་ཡིན་ཏེ། གཞི་སྐུ་གསུམ་རང་གནས། ལམ་སྐུ་གསུམ་ལམ་འཁྱེར། འབྲས་བུ་སྐུ་གསུམ་མངོན་འགྱུར། །ཞེས་བྱུང་བས་སོ། །དོན་དེ་ཉིད་ངེས་པའི་དོན་གྱི་མདོ་སྡེ་རིན་པོ་ཆེའི་དགོངས་པ་ཡང་ཡིན་ཏེ། མདོ་སྡེ་མྱང་འདས་ཆེན་པོར་རིགས་ཀྱི་བུ་གཞན་ཡང་རྒྱུ་རྣམ་པ་གཉིས་ཡོད་དེ་བྱས་པའི་རྒྱུ་དང་གསལ་བའི་རྒྱུའོ། །ཇི་ལྟར་རྫ་མཁན་གྱི་འཁོར་ལོ་ནི་བྱས་པའི་རྒྱུ་ཞེས་བྱའོ། །ཇི་ལྟར་མེ་སྒྲོན་ལ་སོགས་པས་མུན་པའི་རྫས་སྣང་བར་བྱེད་པ་ནི་གསལ་བའི་རྒྱུ་ཞེས་བྱའོ། །རིགས་ཀྱི་བུ་མྱ་ངན་འདས་པ་ཆེན་པོ་ནི་བྱས་པའི་རྒྱུ་ལས་གྲུབ་པ་མ་ཡིན་ཏེ་གསལ་བའི་རྒྱུ་འབའ་ཞིག་གོ། །ཞེས་སོགས་རྒྱས་པར་འབྱུང་བས་

[Full Size]

སོ། །ལོངས་སྐུ་ཞེས་པ་ནི། མངོན་པར་རྟོགས་པའི་རྒྱན་ལས། །མཚན་ནི་སུམ་ཅུ་རྩ་གཉིས་དང་། །དཔེ་བྱད་བརྒྱད་ཅུའི་བདག་ཉིད་འདི། །ཐེག་ཆེན་ཉེ་བར་ལོངས་སྤྱོད་ཕྱིར། །ཐུབ་པ་ལོངས་སྤྱོད་རྫོགས་སྐུ་བཞེད། །ཅེས་གསུངས་པ་ལྟར་ངེས་པ་ལྔ་ལྡན་གྱི་གཟུགས་སྐུ་ཞིག་ལ་མཛད་ལ། དེའི་དབང་དུ་མཛད་ནས། ཡེ་ཤེས་ཀྱི་མཁའ་འགྲོ་འདི་ཉིད་ཀྱི་སྒྱུ་མ་ལམ་གྱི་རིམ་པར། མི་འགྱུར་མ་སྐྱེས་མཚན་མེད་པའི། །སངས་རྒྱས་རྣམས་ནི་ཆོས་ཀྱི་སྐུ། །དེ་ལ་བཞེངས་བཞུགས་མི་མངའ་ཡང་། །སྔོན་གྱིས་བསོད་ནམས་བསྐྱེད་པ་དང་། །སྨོན་ལམ་སྐྱེད་རིམ་སྟོབས་ལས་ནི། །གཟུགས་སྐུ་རྣམ་གཉིས་རང་ཤར་ཏེ། །དེ་ཡང་འོག་མིན་ཕོ་བྲང་དུ། །ལོངས་སྐུ་སྣང་མཛད་རྡོ་རྗེ་འཆང་། །མཚན་བཟང་དཔེ་བྱད་རབ་ཏུ་ལྡན། །སྤྲོས་བྲལ་སྣང་སྟོང་དྲི་མེད་སྐུ། །བྱང་ཆུབ་སེམས་

[Full Size]

དཔའི་ཚོགས་དང་བཅས། །མཐའ་བྲལ་ཐེག་ཆེན་ཆོས་ཀྱི་སྒྲ། །རྒྱུན་མི་འཆད་པར་སྒྲོགས་པར་བྱེད། །ཅེས་གསུངས་ལ། སྔགས་ཀྱི་སྐབས་འདིར་ནི་གཙོ་ཆེར་གསུང་རྡོ་རྗེ་ལ་ལོངས་སྐུར་བཞག་སྟེ། བསྡུས་པའི་རྒྱུད་ལས། འདི་ནི་ལོངས་སྤྱོད་རྫོགས་པའི་སྐུ་སྟེ་སྒྲ་སྙན་ལྟ་བུ་སེམས་ཅན་དུ་མའི་དོན་ནི་བྱེད་པས་སོ། །ཞེས་དང་། པདྨ་དཀར་པོས། སྐུ་བཞི་ལ་བསྟོད་པར། གང་ཞིག་སེམས་ཅན་ཀུན་གྱི་སྒྲས། །རྫུ་འཕྲུལ་བདག་ཉིད་རབ་གསལ་བྱེད། །སེམས་ཅན་བསམ་པའི་དབང་གིས་འདི། །ལོངས་སྤྱོད་རྫོགས་སྐུའི་མཚན་ཉིད་དོ། །ཅེས་སོགས་རྒྱས་པར་འབྱུང་ཞིང་། །བཀའ་བརྒྱུད་རིན་པོ་ཆེ་འདི་པའི་གོང་མ་རྣམས་ཀྱང་གསུང་རྡོ་རྗེ་ལ་ལོངས་སྐུར་བཞེད་པ་ཡིན་ཏེ། རྗེ་རྨོག་ལྕོག་པ་ཆེན་པོས་རྗེ་བཙུན་རྡོ་རྗེ་

[Full Size]

རྣལ་འབྱོར་མ་ལ་བསྟོད་པར། མ་སྐུ་ཡི་སྤྲུལ་པ་བསམ་མི་ཁྱབ། །སྤྲུལ་སྐུ་ལགས་པར་ཁོ་བོས་གོ། །གསུང་གི་བརྗོད་བྱ་བསམ་མི་ཁྱབ། །ལོངས་སྐུ་ལགས་པར་ཁོ་བོས་གོ། །ཐུགས་བདེ་སྟོང་གཉིས་པོ་བསམ་མི་ཁྱབ། །ཆོས་སྐུ་ལགས་པར་ཁོ་བོས་གོ། སྐུ་གསུམ་དབྱེར་མེད་རྡོ་རྗེའི་སྐུ། །ཉིད་སྐུ་ལགས་པར་བདག་གིས་གོ། །ཞེས་འབྱུང་བས་སོ། །གང་འདུལ་ཤར་ཞེས་པས་སྤྲུལ་སྐུའི་ཡན་ལག་བསྟན་ཏེ། མངོན་རྟོགས་རྒྱན་ལས། གང་གིས་སྲིད་པ་ཇི་སྲིད་པར། །འགྲོ་ལ་ཕན་པ་སྣ་ཚོགས་དག །མཉམ་དུ་མཛད་པའི་སྐུ་དེ་ནི། །ཐུབ་པའི་སྤྲུལ་སྐུ་རྒྱུན་མི་འཆད། །ཅེས་དང་། ཡེ་ཤེས་ཀྱི་མཁའ་འགྲོ་ཉིད་ཀྱིས། །སྤྲུལ་སྐུ་རང་ཤར་གང་འདུལ་ཏེ། །གནས་དུས་སྟོན་པ་ཆོས་འཁོར་སོགས། །གདུལ་བྱ་གང་ལ་གང་མོས་ལ། །བཀོད་པ་བསམ་གྱིས་

[Full Size]

མི་ཁྱབ་པས། །དེ་དང་དེ་ཡི་སྐུར་བསྟན་ནས། །འཁོར་བའི་རྒྱ་མཚོ་མ་སྟོངས་བར། །འདམ་གྱིས་མ་གོས་པདྨ་འམ། །ནོར་བུ་དཔག་བསམ་ལྟ་བུ་ཡིས། །སེམས་ཅན་སྨིན་ཅིང་གྲོལ་བར་བྱེད། །ཅེས་གསུངས་སོ། །གང་ཐོས་ན། །ཐེག་ཆེན་སྐྱེ་མེད་རང་སྒྲ་འདི་སྐད་ཐོས། །ཅེས་པ་སྟེ་འདི་སྐད་ཅེས་པ་ལེགས་སྦྱར་གྱི་སྐད་དུ། །ཨེ་ཝཾ་ཞེས་པར་ཡོད་པས། འདིའི་དོན། དཔལ་དུས་ཀྱི་འཁོར་ལོར། །གང་ཞིག་ཨེ་ཝཾ་ཡི་གེར་གནས་པ་མཆོག་ཏུ་བདེ་བའི་གནས་ལ་སྐུ་གསུང་ཐུགས་ནི་བཞུགས་པའོ། །ཞེས་དང་། དགྱེས་རྡོར་ལས། ཨེ་ཡིག་ཆ་བྱད་བཟང་པོ་གང་། །དབུས་སུ་ཝཾ་ཡིག་གིས་བརྒྱན་པ། །བདེ་བ་ཐམས་ཅད་ཀྱི་ནི་གནས། །སངས་རྒྱས་རིན་ཆེན་ཟ་མ་ཏོག །ཅེས་དང་། དྲི་མེད་འོད་ལས།

[Full Size]

ཤེས་རབ་ཐབས་ཀྱི་བདག་ཉིད་སྦྱོར། །ཨེ་ཝཾ་ཡི་གེ་དེ་ལ་འདུད། །ཅེས་སོགས་རྒྱས་པར་འབྱུང་བས། ཨེ་ཝཾ་གི་དོན་ནི། ཤེས་རབ་དང་ཐབས་སམ། རྣམ་པ་ཀུན་གྱི་མཆོག་དང་ལྡན་པའི་སྟོང་པ་ཉིད་དང་། མཆོག་ཏུ་མི་འགྱུར་བའི་བདེ་བ་ཆེན་པོ་རོ་མཉམ་ཟུང་འཇུག་གི་དོན་ལ་བཞག་ཅིང་། འདི་དག་གི་དོན་རྒྱས་པར་ཁོ་བོས་སྦྱར་བའི་ཨེ་ཝཾ་གི་རྣམ་བཤད་གསང་ཆེན་རྒྱུད་སྡེའི་ངེས་གནས་གསལ་བ་ཞེས་བྱ་བ་ལས་རྟོགས་པར་བྱའོ། །འོ་ན་རྡོ་རྗེ་འཆང་གིས་གཞན་ལས་ཐོས་པ་ཇི་ལྟར་འཐད་སྙམ་ན། ཐོས་པའི་དོན་ནི། །མཁྱེན་པའམ། ཤེས་པ་ལ་གསུངས་པ་ཡིན་ཏེ། བསྡུས་པའི་རྒྱུད་ཀྱི་རྒྱལ་པོར། རྒྱུད་རྣམ་དག་ལས་འདི་སྐད་བདག་གིས་ཐོས་ཞེས་གསུངས་པ་གང་དེ་འདི་ལྟར་བདག་གིས་ཤེས་པ་སྟེ། ཞེས་དང་། རྡོ་རྗེ་སྙིང་འགྲེལ་ལས། ཐོས་པ་ནི་མཁྱེན་པའོ། །བདག་

[Full Size]

གིས་ནི་བདག་ཉིད་ཀྱིས་སོ། །དུས་གཅིག་ན་ནི་སྐད་ཅིག་གཅིག་གིས་མངོན་པར་རྫོགས་པར་བྱང་ཆུབ་པ་ན་འོ། །བཅོམ་ལྡན་འདས་ནི་བདེ་བ་ཆེན་པོའོ། །ཞེས་གསུངས་པས་སོ། །དེས་ན་རས་ཆུང་སྙན་བརྒྱུད་ཀྱི་རྡོ་རྗེའི་ཚིག་རྐང་དུ་ཡང་། །ཐེག་ཆེན་སྐྱེ་མེད་རང་སྒྲ་འདི་སྐད་ཐོས། །རྡོ་རྗེ་འཆང་ངས་སྐལ་ལྡན་དོན་དུ་བཤད། །ཅེས་བཀའ་བརྒྱུད་གོང་མའི་ཕྱག་དྲེག་འབྱར་བའི་གླེགས་བམ་དག་ན་ཡོད་བཞིན་དུ་ཐོས་ནིར་བསྒྱུར་བ་དང་། འདིར་ཡང་ཐོས་པའི་དོན། །ནི་གུ་མས་རྡོ་རྗེ་འཆང་ལ་ཐོས་ཞེས་སོགས་བཤད་པ་ནི་ཕྱིས་གློ་བུར་དུ་སྦྱར་བའི་རང་བཟོ་སྟེ། རྒྱུད་སྡེ་ཆེན་པོ་རྣམས་ལ་སྤྱན་རས་ཀྱིས་གཟིགས་པ་མ་སྩལ་བའི་སྐྱོན་ཡིན་ལ། །རྡོ་རྗེ་འཆང་ཆེན་གྱིས་ཅེས་རྣམ་དབྱེ་གསུམ་པ་བྱེད་པའི་སྒྲ་དངོས་སུ་ཡོད་ཅིང་། སྐྱེ་མེད་རང་སྒྲ་ཞེས་པའི་ཚིག་ཙམ་ལའང་དཔྱད་

[Full Size]

པ་མ་ཞུགས་པའོ། །སྐབས་འདིར་དྲི་བ་འདི་ལྟ་བུ་ཞིག་འཇུག་སྟེ། ཆོས་དྲུག་ཕྱག་ཆེན་འཆི་མེད་རྣམ་གསུམ་གྱི། །རྡོ་རྗེའི་ཚིག་ལ་འདི་སྐད་ཐོས་པ་སྣང་། །ལམ་ཁྱེར་ཉིད་ལ་དེ་ཉིད་མི་འབྱུང་བའི། །རྒྱུ་མཚན་གསལ་པོར་འཆད་ན་ཇི་ལྟ་བུ། །ཞེས་འདྲི་བའི་རྒྱུ་མཚན། ཆོས་དྲུག་རྡོ་རྗེའི་ཚིག་རྐང་གི་གླེང་གཞིར་ཐེག་ཆེན་སྐྱེ་མེད་རང་སྒྲ་འདི་སྐད་ཐོས། །ཅེས་དང་། ཕྱག་རྒྱ་ཆེན་པོ་གའུ་མའི་རྡོ་རྗེའི་ཚིག་རྐང་དུ། །བདེ་ཆེན་ལྷུན་གྲུབ་འདུས་མ་བྱས། །ལོངས་སྐུ་རྡོ་རྗེ་འཆང་ཆེན་གྱིས། །འཆི་མེད་ཡེ་ཤེས་རང་སྒྲ་འདི་སྐད་ཐོས། །ཞེས་པ་འབྱུང་ཞིང་། ལམ་ཁྱེར་གྱི་རྡོ་རྗེའི་ཚིག་རྐང་ལ་རྒྱ་བོད་ཀྱི་མཚན་དང་འགྱུར་གྱི་ཕྱག་གི་དེ་མ་ཐག་ཏུ། གང་གི་བླ་མ་མཆོག་བསྟེན་དབང་ཐོབ་པས། །དབེན་པར་གནས་ཤིང་འཇིག་རྟེན་བློས་བཏང་ནས། །ཅེས་སོགས་ལས། འདི་སྐད་ཐོས་ཞེས་པ་མི་འབྱུང་བས་དེ་དག་

[Full Size]

གི་ཁྱད་པར་ཇི་ལྟ་བུ་ཞེས་ན། ཆོས་དྲུག་ཕྱག་ཆེན་འཆི་མེད་གསུམ་གྱི་རྡོ་རྗེའི་ཚིག་རྐང་ནི་བཀའ་དང་བསྟན་བཅོས་གཉིས་སུ་ཕྱེ་བའི་བཀའ་ཡིན་པས། གླེང་གཞིའི་སྐབས་སུ་འདི་སྐད་ཐོས་ཞེས་པའི་སྒྲ་དངོས་སུ་སྦྱར་བ་ཡིན་ཞིང་། རྒྱུ་མཚན་གཞན་ཡང་། ཆོས་དྲུག་རྡོ་རྗེའི་ཚིག་རྐང་གི་ཞབས་སུ། ཡེ་ཤེས་ཀྱི་ཌཱ་ཀི་མའི་ཞལ་ནས་ལོ་ཙཱ་བ་གླན་དར་མ་བློ་གྲོས་ཀྱིས་བསྒྱུར་བའོ། །ཞེས་དང་། གའུ་མའི་རྡོ་རྗེའི་ཚིག་རྐང་གི་ཞབས་སུ་རང་ཤར་ཕྱག་རྒྱ་ཆེན་པོའི་རྡོ་རྗེའི་ཚིག་རྐང་རྫོགས་སོ། །མཁའ་འགྲོ་མ་དེ་ཉིད་མཉེས་པར་བྱས་ཏེ་གསེར་སྲང་ལྔ་བརྒྱ་ཕུལ་ནས་ཞུས་སོ། །ཞེས་དང་། འཆི་མེད་རྡོ་རྗེའི་ཚིག་རྐང་གི་ཞབས་སུ་རང་སེམས་འཆི་མེད་རང་གྲོལ་རྫོགས་སོ། །ཡེ་ཤེས་ཀྱི་མཁའ་འགྲོ་མས་སེང་ལྡེང་ནགས་ཀྱི་གསེབ་ཏུ་གསུངས་ནས་ལོ་ཙཱ་བ་གླན་དར་མ་བློ་གྲོས་ཀྱིས་

[Full Size]

བསྒྱུར་བའོ། །ཞེས་མཁའ་འགྲོ་མའི་གསུངས་ཅེས་པ་ཙམ་ལས་མཛད་ཅེས་པ་ཅི་ཡང་མི་འབྱུང་ལ། །ལམ་ཁྱེར་གྱི་ཞབས་སུ། །ཁྱད་འཕགས་ལམ་ཁྱེར་གྱི་ཆོས་གསུམ་ཞེས་བྱ་བ་ཡེ་ཤེས་ཀྱི་ཌཱ་ཀི་མས་མཛད་པ་རྫོགས་སོ། །ཞེས་འདི་ལ་མཛད་ཀྱི་སྒྲ་དངོས་སུ་བྱུང་བས་ནི་གུ་མས་མཛད་པའི་བསྟན་བཅོས་ཡིན་ཞིང་། དེས་ན་རྡོ་རྗེའི་ཚིག་རྐང་ལ་བཀའ་རྡོ་རྗེའི་ཚིག་རྐང་དང་། བསྟན་བཅོས་རྡོ་རྗེའི་ཚིག་རྐང་གཉིས་སུ་ཡོད་པའི་དང་པོ་ནི་རས་ཆུང་སྙན་བརྒྱུད་ཀྱི་རྡོ་རྗེའི་ཚིག་རྐང་དང་། འདིའི་རྡོ་རྗེའི་ཚིག་རྐང་རྣམ་པ་གསུམ་ལྟ་བུ། ལམ་འབྲས་རྡོ་རྗེའི་ཚིག་རྐང་། སྤྲོས་མེད་རྡོ་རྗེའི་ཚིག་རྐང་། འདིའི་ལམ་ཁྱེར་རྣམ་གསུམ་གྱི་རྡོ་རྗེའི་ཚིག་རྐང་ལྟ་བུ་རྣམས་བསྟན་བཅོས་རྡོ་རྗེའི་ཚིག་རྐང་ཡིན་ནོ། །དེས་ན། ཐེག་ཆེན་སྐྱེ་མེད་རང་སྒྲ་འདི་སྐད་ཐོས། །ཅེས་པའི་དོན་ནི་གུ་མས་རྡོ་རྗེ་འཆང་

[Full Size]

ལ་ཐོས་ཅེས་པའི་བཤད་པའང་རྟགས་ཀྱི་རང་བཟོ་ཡིན་པར་ཤེས་ཏེ། ལམ་ཁྱེར་གྱི་གདམས་པ་འདི་ཡང་རྡོ་རྗེ་འཆང་ལ་ནི་གུ་མས་ཐོས་པ་གཞིར་བཞག་པས། འདི་ལ་ཡང་འདི་སྐད་ཐོས་ཅེས་འབྱུང་རིགས་པས་སོ། །གཉིས་པ་ལམ་རིམ་གྱི་ཡན་ལག་རྒྱས་པར་བཤད་པ་ལ། ལམ་གྱི་སྔོན་འགྲོ་བཤད་ནས་དངོས་གྲུབ་ཐོབ་པའི་དུས་ཀྱི་ངེས་པ་བསྟན་པ་ལམ་གྱི་དངོས་གཞི་ཉམས་སུ་བླང་ཚུལ། གདམས་ངག་ལ་བསྲེ་སླད་སྤང་ཕྱིར་ཉམས་མྱོང་ལུང་དང་ཐེམ་ཡིག་གིས་བརྒྱན་པར་བསྟན་པ། ལམ་སྒོམ་པས་འབྲས་བུ་ཐོབ་ཚུལ་དུས་ཀྱི་ངེས་པ་དང་བཅས་པ་ཆིག་བརྒྱུད་ཀྱི་བཀའ་རྒྱས་བཏབ་པའོ། །དང་པོ་ནི། ༈ །དབང་བཞིས་སྨིན་བྱས་དད་དང་བརྩོན་འགྲུས་ལྡན། །མི་རྟག་སྐྱོ་ཤས་ཉེས་དམིགས་སྔོན་འགྲོ་བས། །ལམ་མཆོག་འདི་ལ་གང་གིས་འབད་འགྱུར་ན། །ཟླ་

[Full Size]

དྲུག་ལོའམ་ཚེ་འདིར་སངས་རྒྱས་འགྱུར། །དབང་བཞིས་སྨིན་བྱེད་ཅེས་པ། བཀའ་བརྒྱུད་རིན་པོ་ཆེ་འདིའི་ལུགས་ལ། །དབང་བཞི་བྱིན་རླབས་ཀྱི་ཚུལ་དུ་བསྐུར་བ་ཡང་སྨིན་བྱེད་ཀྱི་དབང་དུ་མཛད་དེ། མཁས་གྲུབ་ཁྱུང་པོས། ཆོས་དྲུག་སྤྱིའི་དབང་བསྐུར་གྱི་ཆོ་ག་ལས། དེ་ཡང་དབང་བསྐུར་བ་ལ་དབང་པོའི་བྱེ་བྲག་གིས། རབ་ཏིང་ངེ་འཛིན། འབྲིང་མེ་ཏོག་ཚོམ་བུ། ཐ་མ་རྡུལ་ཚོན་གྱི་དཀྱིལ་འཁོར་དུ་དབང་བསྐུར་ཏེ། ཡེ་ཤེས་རྒྱ་མཚོའི་རྒྱུད་ལས། དབང་བསྐུར་དབང་པོའི་བྱེ་བྲག་གིས། །ཏིང་འཛིན་མེ་ཏོག་རྡུལ་ཚོན་ནོ། །ཞེས་དང་། སྐུ་གསུང་ཐུགས་ཀྱི་རྒྱུད་ལས། དཀྱིལ་འཁོར་སློབ་མ་རབ་འབྲིང་ཐ། །ཏིང་འཛིན་མེ་ཏོག་རྡུལ་ཚོན་རིམ། །ཞེས་སོ། །དེ་ལ་སྨིན་བྱེད་སྒྱུ་ལུས་རྨི་ལམ་འོད་གསལ་གྱི་དབང་བསྐུར་བ་འདི་ལ་གསུམ་སྟེ། ཞེས་བྱིན་རླབས་ཀྱི་རིམ་པ་འདི་དག་ལ་ཡང་སྨིན་བྱེད་ཀྱི་

[Full Size]

དབང་དུ་རྣམ་པར་བཞག་པས་སོ། །འདིར་དྲི་བ་འདི་ལྟ་བུ་ཞིག་འཇུག་སྟེ། དབང་བཞི་གསོལ་གདབ་རིམ་པར་བྱིན་རླབས་ཀྱི། །གནས་སུ་དེང་བདག་མཛོད་ཅེས་འབྱུང་བ་དང་། །དབང་བསྐུར་བྱིན་རླབས་ཉིད་དུ་བཞག་པས་ན། །བྱིན་རླབས་དབང་ལ་ཁྱད་པར་ཅི་ཞིག་ཡོད། །ཅེས་འདྲི་བའི་རྒྱུ་མཚན། འགའ་ཞིག་དབང་དང་བྱིན་རླབས་ལ་ཁྱད་པར་ཡོད་པ་དང་། བྱིན་རླབས་ནི་སྨིན་ཟིན་པ་ཞིག་ལ་ཡེ་ཤེས་གོང་འཕེལ་གྱི་སླད་དུ་ཡིན་གྱི། བྱིན་རླབས་ཀྱི་སྨིན་བྱེད་མི་ཡོང་ཅེས་གསུངས་མོད། །དེ་ལྟར་ན་དབང་བཞིའི་གསོལ་གདབ། རྩ་བའི་རྒྱུད་སྟོང་ཕྲག་བཅུ་གཉིས་པའི་ཚིག །དཔལ་ལྡན་སྐུ་ཡི་རྡོ་རྗེ་འཛིན། །མི་ཕྱེད་རྡོ་རྗེ་གསུམ་གྱིས་དངོས། །སྐུ་ཡི་རྡོ་རྗེ་ཅན་གྱིས་ནི། །བྱིན་རླབས་གནས་སུ་དེང་བདག་མཛོད། །ཅེས་བདག་ལ་སྐུ་རྡོ་རྗེའི་བྱིན་གྱིས་བརླབ་པ་སྩལ་དུ་གསོལ། །

[Full Size]

ཞེས་པ་དང་། བདག་ལ་བུམ་པའི་དབང་བསྐུར་དུ་གསོལ། །ཞེས་པ་ལ་ཁྱད་པར་མེད་ཅིང་། དེ་བཞིན་དུ་གསང་དབང་ཤེས་རབ་ཡེ་ཤེས། དབང་བཞི་པ་རྣམས་སྩལ་དུ་གསོལ། །ཞེས་པ་དང་། གསུང་གི་རྡོ་རྗེ། །ཐུགས་ཀྱི་རྡོ་རྗེ། ཡེ་ཤེས་ཀྱི་རྡོ་རྗེ་རྣམས་ཀྱི་བྱིན་གྱིས་བརླབས་པ་སྩལ་དུ་གསོལ། །ཞེས་པ་ལ་ཁྱད་པར་མེད་དེ། བརྟག་པ་གཉིས་པར། ཕྱག་རྒྱ་ཆེན་པོའི་དབང་བསྐུར་བ། །ཇི་ལྟར་ཤེས་པའི་བདེ་ཆེན་པོ། །དེ་ཕྱིར་འདི་ནི་བྱིན་རླབས་ཡིན། །ཞེས་དབང་བསྐུར་བ་བཀའ་བྱིན་བརླབས་སུ་མཛད་པས་སོ། །བྱིན་རླབས་དང་དབང་དོན་གཅིག་ཏུ་མཛད་པ་ནི་ཤངས་པ་བཀའ་བརྒྱུད་པའི་ཡིག་རྙིང་རྣམས་ན། བྱིན་རླབས་དབང་གི་གཞི། ཞེས་གསུང་ཞིང་། སློབ་དཔོན་དྲིལ་བུ་ཞབས་ཀྱིས། །བླ་མའི་བྱིན་རླབས་ཙམ་གྱིས་ནི། །སྐད་ཅིག་ཉིད་ལ་འབྱུང་གང་ཡིན། །འཁོར་ལོ་སྡོམ་

[Full Size]

པར་སྦས་པ་ཡི། །བྱིན་རླབས་རིམ་པ་བཤད་པར་བྱ། །ཞེས་གསུངས་པའི་བླ་མའི་བྱིན་རླབས་ཙམ་ཞེས་པའི་ཙམ་སྒྲ་ནི་གཞན་གཅོད་པའི་དོན་ཡིན་པས་དཀྱིལ་འཁོར་ལས་རིམ་ཅན་སོགས་ཆོ་གའི་སྤྲོས་པ་ཆེ་བ་ལ་མ་ལྟོས་པར་བྱིན་རླབས་ཙམ་གྱིས་སྨིན་པ་ཞིག་ཡོད་ཅེས་པའི་དོན་ནོ། །དད་དང་། ཞེས་པ་ནི། སྤྱིར་དད་པ་དཀར་པོའི་ཆོས་ཐམས་ཅད་ཀྱི་རྩ་བ་ཡིན་པའི་ཕྱིར། །འཕགས་པའི་ནོར་བདུན་གྱི་ཐོག་མ་ཉིད་དུ་གསུངས་ལ། ཁྱད་པར་རང་བྱུང་གི་ཡེ་ཤེས་དད་པ་ཉིད་ཀྱི་མཐུས་རྟོགས་པར་བྱ་བ་ཡིན་པས་དེ་ཉིད་མེད་ན་མི་འབྱུང་གི་འབྲེལ་པ་ཅན་དུ་དཔེ་དང་སྦྱར་ནས་བསྟན་པ། རྒྱུད་བླ་མ་ལས། རང་བྱུང་རྣམས་ཀྱི་དོན་དམ་དེ། །དད་པ་ཉིད་ཀྱིས་རྟོགས་བྱ་ཡིན། །ཉི་མའི་དཀྱིལ་འཁོར་འོད་འབར་བ། །མིག་མེད་པས་ནི་མཐོང་བ་མེད། །ཅེས་གསུངས་སོ། །བརྩོན་འགྲུས་

[Full Size]

ལྡན། །ཞེས་པ། །སྤྱོད་འཇུག་ལས། བརྩོན་གང་དགེ་ལ་སྤྲོ་བའོ། །ཞེས་གསུངས་པས། །བརྩོན་འགྲུས་ནི། དགེ་བ་ལ་སྤྲོ་བའི་ངང་ཚུལ་ཅན་ཡིན་ལ། །བརྩོན་འགྲུས་ཀྱི་སྐད་དོད། བཱིརྻ་ཞེས་པའི་སྒྲ་ལས་དྲངས་ནས། བརྩོན་འགྲུས་ཀྱི་དོན། རྒྱལ་བ་མ་ཕམ་པས། མཆོག་སྦྱོར་བ་དང་། ཞེས་གསུངས་ལ། དེ་ཡང་། བི་བ་ར་མཆོག །ཡོན་ཏན་སྦྱོར་བ་སྟེ། དགེ་བ་མཆོག་ལ་སྦྱོར་བ་བརྩོན་འགྲུས། དེ་ཡང་འཆི་བ་མི་རྟག་པ་དྲན་པའི་སྐྱོ་ཤས་དང་། །ཉེས་པ་ཀུན་ནས་ཉོན་མོངས་པའི་ཕྱོགས་ཐམས་ཅད་དེ་ཕུང་སོགས་ལ་དམིགས་པ་ལས་བྱུང་བར་ཤེས་ནས་སྲིད་པ་ལས་ངེས་པར་འབྱུང་བའི་སྒྲུབ་པ་པོས་ལམ་འདི་ལ་འབད་ན། དབང་པོའི་བྱེ་བྲག་གིས། ཟླ་བ་དྲུག་གམ། ལོའམ་ཚེ་འདིར་འཚང་རྒྱ་བ་སྟེ། དེ་ཡང་ཚེ་གཅིག་གི་འཚང་རྒྱ་བ་ནི་བླ་མེད་སྤྱི་ལ་ཡོངས་སུ་གྲགས་ཤིང་། ཟླ་བ་དྲུག་དང་། ལོ་ཙམ་

[Full Size]

གྱིས་འཚང་རྒྱ་བའི་དུས་ཀྱི་ངེས་པ་གསལ་བ་ནི། །དམ་ཚིག་བཀོད་པ་ལས། གཡོ་མེད་མོས་གུས་ཟླ་དྲུག་གིས། །རྡོ་རྗེ་འཆང་གིས་ཐོབ་འགྱུར། །ཞེས་དང་། ཡེ་ཤེས་མངོན་འབྱུང་ལས། ས་དང་ལམ་གྱི་རིམ་པ་རྣམས། །བླ་མའི་མོས་གུས་ལོ་ཟླས་བགྲོད། །ཅེས་གསུངས་སོ། །གཉིས་པ་ལམ་གྱི་དངོས་གཞི་ཉམས་སུ་བླང་ཚུལ་ལ། །ཐབས་ལམ་བདེ་དྲོད་རང་འབར། སྒྱུ་ལུས་ཆགས་སྡང་རང་གྲོལ། རྨི་ལམ་ཉིང་འཁྲུལ་རང་དག །འོད་གསལ་གཏི་མུག་རང་སངས། འཕོ་བ་མ་བསྒོམ་སངས་རྒྱས། བར་དོ་རྒྱལ་བ་ལོངས་སྐུའོ། །དང་པོ་ནི། ༈ རང་ལུས་ཐབས་ལྡན་རྩ་གསུམ་འཁོར་ལོ་བཞི། །ཨ་ཧཾ་འབར་འཛག་སྐད་ཅིག་དགའ་བཞིས་བརྒྱན། །ཤེས་རབ་ཁ་ག་མུ་ཁའི་སྙོམས་འཇུག་གིས། །ཟག་བཅས་ཟག་མེད་དགའ་བཞི་རིམ་བཞིན་ནོ། །བཅུད་བསྡུས་དག་བྱེད་སྟོང་རའི་གནས་གསུམ་

[Full Size]

དང་། །དྲོད་མྱུར་གཏུམ་མོ་ཆོས་དྲུག་རིམ་བཞིན་ཏེ། །རི་བོང་དབབ་བཟུང་བཟློག་དགྲམ་རླུང་དང་བསྲེ། །ཟག་མེད་ཡེ་ཤེས་ཆེན་པོས་བརྒྱན་པར་བྱའོ། །ཞེས་རང་ལུས་ཐབས་ལྡན་དང་། གཞན་ལུས་ཤེས་རབ་རྣལ་འབྱོར་གཉིས་ཀྱི་སྒོ་ནས་ཐབས་ལམ་བདེ་དྲོད་རང་འབར་གྱི་གདམས་ངག་བསྟན་ཅིང་། བཅུད་བསྡུས་དག་བྱེད་སྟོང་རའི་གནད་གསུམ་དང་། །ཞེས་པ་འདིས་སྔོན་འགྲོ་དག་བྱེད་སྟོང་རའི་རྣལ་འབྱོར་བསྟན་ལ། །བཅུད་བསྡུས་ཅེས་པ་ཡང་། ཆོས་འབྱུང་གི་ནང་དུ་སྒོམ་རྒྱུའི་ཨ་དེ་ཉིད་སྐྱེ་བ་མེད་པ་མཚོན་པས། ཆོས་ཐམས་ཅད་ཀྱི་བཅུད་དམ་སྙིང་པོར་གྱུར་པ་ཡིན་ཞིང་། རྫོགས་པའི་སངས་རྒྱས་ཐམས་ཅད་ཀྱང་སེམས་ཉིད་སྐྱེ་བ་མེད་པའི་གནས་ལུགས་རྟོགས་པ་ལས་བྱུང་བ་སྟེ་མཚན་ཡང་དག་པར་བརྗོད་པ་ལས། འདི་ལྟར་སངས་རྒྱས་བཅོམ་ལྡན་འདས། །རྫོགས་པའི་སངས་རྒྱས་ཨ་ལས་བྱུང་། །

[Full Size]

ཨ་ནི་ཡིག་འབྲུ་ཀུན་གྱི་མཆོག །དོན་ཆེན་ཡི་གེ་དམ་པ་ཡིན། །ཁོང་ནས་འབྱུང་བ་སྐྱེ་བ་མེད། །ཚིག་ཏུ་བརྗོད་པ་སྤངས་པ་སྟེ། །བརྗོད་པ་ཀུན་གྱི་རྒྱུ་ཡི་མཆོག །ཚིག་ཀུན་རབ་ཏུ་གསལ་བར་བྱེད། །ཅེས་དང་། བརྟག་པ་གཉིས་པའི་སྔགས་ཀྱི་ལེའུར། ཨོཾ་ཨ་ཀཱ་རོ་མུ་ཁཾ་སརྦ་དྷརྨ་ཱཾ་ཨཏྱ་ནཏྤན་ན་ཏྭཏ་ཨོཾ་ཨཱཿཧཱུྃ་ཕཊ་སྭཱ་ཧཱ། །ཞེས་འབྱུང་ལ། དེ་ཉིད་བོད་སྐད་དུ། ཨ་ཡིག་ནི་ཆོས་ཐམས་ཅད་ཀྱི་སྒོ་སྟེ། གདོད་མ་ནས་མ་སྐྱེས་པ་ཉིད་ཀྱི་ཕྱིར་རོ། །ཞེས་གསུངས་པས་སོ། །དག་བྱེད་ཅེས་པའི་དོན། ཡེ་ཤེས་ཀྱི་མཁའ་འགྲོའི་ཁྱད་འཕགས་ཀྱི་གདམས་པ་བཅོ་ལྔ་པ་ལས། རང་རྒྱུད་དྲི་མ་ཉམས་ཆགས་འདག །འདི་ནི་སྟོང་རའི་མཚན་ཉིད་ཡིན། །ཞེས་པ་ལྟར། །རང་རྒྱུད་ཀྱི་སྡིག་སྒྲིབ་ཉེས་ལྟུང་སོགས་དྲི་མ་མཐའ་དག་སྦྱོང་བར་བྱེད་པའི་རྣལ་འབྱོར་ཁྱད་པར་ཅན་ཞིག་

[Full Size]

ཡིན་ལ། དེའི་གསོལ་འདེབས་དང་དམིགས་པའི་གྲངས་ནི། ཐེམ་ཡིག་ལས། སྔོན་འགྲོ་དག་བྱེད་སྟོང་ར་ལ། །གསོལ་འདེབས་གསུམ་ལ་དམིགས་པ་གསུམ། །གསོལ་འདེབས་ནི། སྡིག་སྒྲིབ་འདག་པར། ནད་གདོན་ཞི་བར། ཏིང་ངེ་འཛིན་ཁྱད་པར་ཅན་རྒྱུད་ལ་སྐྱེ་བར། དམིགས་པ་ནི། དག་བྱེད་ཨའི་སྟོང་ར། སྟོང་ར་ནད་གདོན་སེལ་བྱེད། རྟགས་གསུམ་སྟོང་རའི་ཁྱད་པར་ཏེ་ཕྱི་མ་ལ་དམིགས་པར་བཞག་པ་ནི་རྒྱུ་མིང་འབྲས་བུ་ལ་བཏགས་པའོ། །ཐབས་ལམ་བདེ་དྲོད་རང་འབར་གྱི་མཚན་ཉིད་ནི། །བདེ་དྲོད་རང་བཞིན་སྟོང་གསལ་འཆར། །འདི་ནི་ཐབས་ལམ་མཚན་ཉིད་ཡིན། །ཞེས་པ་ལྟར་ཨ་ཧཾ་འབར་འཛག་གིས་རྡོ་རྗེའི་ལུས་ལ་བདེ་དྲོད་བསྐྱེད་དེ་སྟོང་གསལ་གྱི་ཡེ་ཤེས་ཁྱད་པར་ཅན་སྐྱེད་པར་བྱེད་པའི་རྣལ་འབྱོར་ཞིག་ཡིན་ལ། དེ་ཡང་ཐོག་མར་བདེ་བ་

[Full Size]

ཆེན་པོའི་ཡེ་ཤེས་སྐྱེ་བའི་རྟེན་རྩ་གསུམ་དང་འཁོར་ལོ་བཞིའི་རྣམ་བཞག་ཅུང་ཟད་བརྗོད་ན། རྩ་གསུམ་ནི་སྡོམ་འབྱུང་ལས། །དེ་རྣམས་དབུས་ན་རྩ་གསུམ་ནི། །རྟེན་དང་ཀུན་དུ་འགྲོ་བའོ། །ལ་ལ་ནཱ་ལ་སོགས་པའི་རྩ། །རྩ་རྣམས་ཀུན་གྱི་གཙོ་བོ་སྟེ། །ཞེས་དང་། བརྟག་གཉིས་ལས། དེ་རྣམས་ཀྱི་ནང་ནས་རྩ་རྣམ་པ་གསུམ་ནི་གཙོ་མོ་སྟེ། །རྐྱང་མ་དང་རོ་མ་དང་ཀུན་འདར་མའོ། །ཞེས་གསུངས་ལ། མཁའ་འགྲོ་རྒྱ་མཚོ་ལས། འདི་ལྟར་དབུ་མ་ཐམས་ཅད་ཀྱི། །ཁྱབ་བྱེད་དུ་ནི་རྣམ་པར་གནས། །ཅེས་ཨ་ཝ་དྷུ་ཏཱི་ནི་ཐམས་ཅད་ལ་ཁྱབ་བྱེད་དུ་གནས་པར་བཤད་པས། དེའི་རྣམ་བཞག །ཤིན་ཏུ་ཕྲ་བ་གཉུག་མ་དོན་གྱི་དབུ་མ། ཕྲ་བ་ཆོས་ཉིད་ཀྱི་དབུ་མ། རགས་པ་གནས་པ་རྩའི་དབུ་མ། བསྒོམ་པ་དམིགས་རྟེན་གྱི་དབུ་མ་བཞི་ལས། དང་པོ་ནི། བཟུང་དང་འཛིན་པ་རྣམ་པར་སྤངས། །ཅེས་གསུངས་

[Full Size]

པའི་ཕྱིར། །སེམས་ཀྱི་རྡོ་རྗེའི་དག་པའི་ཆ་ལ་བྱ་སྟེ། དེ་ནི་མཁའ་ཁྱབ་མཁའ་ཡི་རྡོ་རྗེ་ཅན་ཡིན་པས། ཐམས་ཅད་ལ་རིས་མེད་པར་བཞུགས་པའི་དབང་དུ་མཛད་ནས། ཕྱི་ན་མ་ཡིན་ནང་ན་མིན། །ཞེས་གསུངས་སོ། །གཉིས་པ་ནི། མི་ཤིག་པའི་ཐིག་ལེ་ལ་བརྟེན་བྱེད་པའི་ཆ་ནས་རྩ་ཞེས་བཏགས་པ་དེའོ། །འདི་ནི་དབུ་མའི་ནང་གི་འཁོར་ལོ་དྲུག་ཏུ་ཐིག་ལེ་སྟོང་པ་ཡི་གེ་དྲུག་གི་རང་བཞིན་ཕྲ་བའི་རྩ་དྲུག་སྟེ། དེ་ལྟར་ཡང་ཡེ་ཤེས་ཐིག་ལེ་ལས། འཁོར་ལོ་དྲུག་གི་ལྟེ་བའི་དབུས། །ཕྲ་མོའི་ལུས་ལྡན་རྩ་ནི་དྲུག །ཐིག་ལེ་དང་བཅས་དེ་རྣམས་སྦྱོར། །སྲོག་གི་དབྱུག་པའི་ནང་དུའོ། །ཞེས་གསུངས་ལ། གོང་མ་དག་གིས། ཆོས་ཉིད་ཀྱི་རྩ་དབུ་མ་འོད་ཀྱི་སྐུད་པ་ལྟ་བུ་དབུ་མའི་ནང་དུ་གནས་སོ། །ཞེས་གསུངས་པ་ཡང་དེ་ཡིན་ནོ། །གསུམ་པ་ནི། ཡེ་ཤེས་ཐིག་ལེར། དེ་ནི་སྲོག་གི་རྩ་ནི་ཉིད། །ཅེས་སྲོག་རྩ་སྟེ། དེ་ཡང་།

[Full Size]

ལུས་འདི་ལ་ལྟེ་བའི་འོག་ནས་གཙུག་ཏོར་གྱི་བར་དང་། །གཙུག་ཏོར་ནས་སྨིན་མ་གཉིས་ཀྱི་དབུས་སུ་ཅུང་ཟད་གུག་པས། ཨ་ཝ་དྷུ་ཏཱི་སྲོག་ཤིང་གི་ཚུལ་དུ་གནས་ཤིང་། དེ་ཡང་སྤྱི་བོ་ནས་གསང་གནས་ཚུན་ལུས་ཀྱི་དབུས་སུ་འོངས་ཏེ། དེ་ནས་འོག་ཏུ་གཡས་སུ་ཁྱོགས་པས་གསང་བའི་སྣ་རྩེར་དྲུག །སྣ་གཉིས་ཀ་མེ་ཏོག་གི་འདབ་མ་ལྟ་བུ་གྱེས་པའི་ཚེ་བཞི་དང་། གཞན་དུ་ཟུམ་པར་བཤད། གསང་གནས་ནས་ནོར་བུའི་བར་སྐྱེས་པ་ལ་དཀར་ཆའི་དྭངས་མས་གང་བས་དུང་ཅན་དུ་བཏགས། བུད་མེད་ལ་དམར་ཆས་གང་ཞིང་། སྣ་ལ་ལྟོས་ནས་རིགས་ཅན་བཞིར་འབྱེད་དེ། སྣ་དེ་ཉིད་གླང་པོ་ཆེའི་སྣ་ལྟར་བལྟབ་པས་གླང་པོ་ཅན་མ་དུང་བཞིན་འཁྱིལ་བས་དུང་ཅན་མ། བྱང་སེམས་འགོར་འགོར་པོ་གླ་རྩི་ལྟ་བུས་བཀག་པས་རི་དྭགས་ཅན་མ། པདྨ་བཞིན་རེས་བྱེ་རེས་ཟུམ་པས་

[Full Size]

པདྨ་ཅན་ཞེས་བཞག་གོ། །ཁུ་བ་ལྟུང་བའི་དུས་སུ་དེ་ཤིན་ཏུ་འདར་བས་ཀུན་འདར་མར་བཏགས། གཞན་ཡང་དབུ་མ་འདི་ལ་མིང་གི་རྣམ་གྲངས། ཨ་ཝ་དྷུ་ཏཱེ་སྟེ་གཉིས་སྤངས། སྟོང་པ་ཉིད་གཞོམ་དུ་མེད་པའི་སྒྲ་འབྱུང་བའི་ཕྱིར་དྲིལ་ཅན། ལྟེ་བ་མན་ལ་དུས་མེ། ཡན་ལ་སྒྲ་གཅན་སོགས་སུ་བཏགས་སོ། །དེ་བས་ན་ལམ་སྦྱངས་པས་དབུ་མར་དག་པ་ཡང་། །སོ་སྐྱེའི་གནས་སྐབས་སུ་རགས་པའི་དབུ་མ་དང་ས་ཐོབ་ནས་ཕྲ་བའི་དབུ་མ་དང་། སངས་རྒྱས་ནས་གཉུག་མའི་དབུ་མར་དག་པ་གསུམ་ཤེས་པར་བྱའོ། །བཞི་པ་བསྒོམ་པ་དམིགས་རྟེན་གྱི་དབུ་མ་ནི། རྣལ་འབྱོར་སྒོམ་པའི་ཚེ་བློས་བཏགས་ནས་བཞག་པ་སྟེ། ཚད་དབྱིབས་ཁ་དོག་སོགས་མཐའ་གཅིག་ཏུ་མ་ངེས་སོ། །རག་པའི་དབུ་མ་དེ་ལས། སྡོང་པོ་ལས་ཡལ་ག་ལྟ་བུར་རྩ་ཐམས་ཅད་གྱེས་ལ། དེ་ཡང་། ལྟེ་བའི་འོག་ནས་

[Full Size]

གཡས་ནས་རོ་མ་དང་། གཡོན་ནས་རྐྱང་མ་གཉིས་ཀྱང་གཙུག་ཏོར་གྱི་བར་དུ་སོང་ནས། སླར་གུག་སྟེ་སྣའི་བུ་ག་གཉིས་སུ་ཟུག་པ་ཡིན་ལ། དེ་ཡང་རོ་མ་ཞེས་པ་ལེགས་སྦྱར་གྱི་སྐད་དུ་ར་ས་ནཱ་སྟེ་ལུས་ལ་ཕན་འདོགས་པར་བྱེད་པའི་བཅུད་ལེན་པའི་རྩ་ཡིན་པས་རོ་མ། རྐྱང་མ་ནི་ལ་ལ་ནཱ་སྟེ། ཁ་དོག་ཏུ་འཕྱང་བས་རྐྱང་མའམ་འཕྱང་མ། མདོར་བསྡུས་དང་པོར་དམར་པོར་ལུགས་དང་ཀུན་དོར་མ་སྟེ་ཉི་ཟླ་སྒྲ་གཅན་ལམ་གསུམ་བགྲོད་རྣམས་རྣལ་འབྱོར་མ། ཞེས་པའི་དམར་སེར་རོ་མ། ལུག་རྐྱང་མ་སྟེ། དེའི་དོན་ཡང་། ལུག་པའམ་འཕྱང་བའོ། །རོ་མ་ལ་མིང་གི་རྣམ་གྲངས་ཉི་མ། རྡུལ། གཟུང་བའི་རྩ། དམར་སེར་སོགས་དང་། རྐྱང་མ་ལ་ཟླ་བ། སྙིང་སྟོབས། འཛིན་པའི་རྩ་ལུགས་སོགས་སུ་བཏགས་སོ། །འཁོར་ལོ་བཞི་ནི། ལྟེ་བ་སྤྲུལ་པའི་འཁོར་ལོ། །སྙིང་ག་ཆོས་ཀྱི་འཁོར་ལོ།

[Full Size]

མགྲིན་པ་ལོངས་སྤྱོད་ཀྱི་འཁོར་ལོ། སྤྱི་བོ་བདེ་ཆེན་གྱི་འཁོར་ལོ་རྣམས་ཡིན་ལ། དེ་དག་ལ་དེ་དང་དེར་འཇོག་པའི་རྒྱུ་མཚན། བརྟག་གཉིས་ལས། གང་གི་བསྐྱེད་དང་སྤྲུལ་བྱེད་པའི། །སྐུ་ནི་སྤྲུལ་པ་ཅན་དུ་བརྗོད། །སེམས་ནི་ཆོས་ཀྱི་རང་བཞིན་ཏེ། །ཆོས་ཀྱི་སྐུ་ཡང་སྙིང་གར་འགྱུར། །རོ་རྣམས་དྲུག་གི་གཟུགས་ཅན་གྱི། །བཟའ་བ་ངེས་པར་ལོངས་སྤྱོད་བརྗོད། །མགྲིན་པ་ལོངས་སྤྱོད་འཁོར་ལོ་དང་། །སྤྱི་བོར་བདེ་བ་ཆེན་པོར་གནས། །ཅེས་གསུངས་པ་ལྟར་ཡིན་ལ། དེ་ཡང་། ཇོ་བོ་ནཱ་རོ་པའི་ལམ་སྐོར་ལས། དེ་ལ་དུས་ཀྱི་གནད་བཤད་པ། གཉིད་དང་རྨི་ལམ་སྙོམས་འཇུག་དང་། །ཐ་མལ་དུས་དང་རྣམ་པ་བཞི། །ཞེས་གཉིད་འཐུག་པོའི་དུས་སུ་སེམས་སྙིང་གར་གནས་ཤིང་། དེ་དུས་རླུང་དབུ་མར་རང་སྟོབས་ཀྱིས་འཇུག །དེའི་དུས་སུ་རྣམ་རྟོག་ཐམས་ཅད་དང་བྲལ་བའི་ཆོས་སྐུའི་དགོངས་

[Full Size]

པ་ཉམས་སུ་མྱོང་བས་སྙིང་ག་ཆོས་ཀྱི་འཁོར་ལོ་ཞེས་བཏགས། དེ་ནས་རོ་རྐྱང་གཉིས་སུ་རླུང་ཤོར་བས་རྨི་ལམ་གྱི་སྣང་བ་སྣ་ཚོགས་འབྱུང་། དེ་དུས་རིག་པ་མགྲིན་པར་གནས། ལོངས་སྐུའི་དགོངས་པ་ཉམས་སུ་མྱོང་བས་མགྲིན་པ་ལོངས་སྤྱོད་ཀྱི་འཁོར་ལོ་ཞེས་བཏགས། གཉིད་སད་ནས་རོ་རྐྱང་གཉིས་ནས་བརྒྱུད་དེ་ཉིན་པར་གྱི་དུས་སུ་རིག་པ་ལྟེ་བར་གནས། སྤྲུལ་སྐུའི་དགོངས་པ་ཉམས་སུ་མྱོང་བས། དེ་ལ་ལྟེ་བ་སྤྲུལ་པའི་འཁོར་ལོ་ཞེས་བཏགས། སྙོམས་འཇུག་གི་དུས་སུ་རིག་པ་སྤྱི་བོར་གནས་ཤིང་ལུས་སེམས་བདེ་བས་གང་། བདེ་བ་ཆེན་པོ་ཉམས་སུ་མྱོང་བས། དེ་ལ་སྤྱི་བོ་བདེ་ཆེན་གྱི་འཁོར་ལོ་ཞེས་བཏགས་པ་ཡིན་ལ། སེམས་ཉིད་འཁོར་ལོས་བསྒྱུར་རྒྱལ་འདྲ་ཞེས་འཁོར་ལོས་བསྒྱུར་བ་གླིང་བཞིར་རེ་མོས་སུ་གནས་པ་དང་། དེ་ཡང་ཡུལ་དབུས་འབའ་ཞིག་ཏུ་གནས་འཆའ་

[Full Size]

བ་བཞིན་དུ་སེམས་དེ་ཡང་། གནས་སྐབས་བཞིར་དབུ་མའི་ནང་ཉིད་ཀྱི་ལྟེ་བ་ནས་ལྟེ་བར་གནས་འཕོ་ཞིང་གནས་སོ། །ཨ་ཧཾ་འབར་འཛག་ཅེས་པ། བརྟག་གཉིས་སུ། ལྟེ་བར་གཏུམ་མོ་སྦར་བ་ཡིས། །དེ་བཞིན་གཤེགས་པ་ལྔ་བསྲེགས་ཤིང་། །སྤྱན་ལ་སོགས་པ་ཡང་བསྲེགས་ཏེ། །བསྲེགས་པས་རི་བོང་ཅན་ཧཾ་འཛག །ཅེས་པའི་དོན་ཡིན་ཞིང་། དེ་ཡང་ཨ་ཞེས་པ་ཨ་ཤད་དོ། ནཱ་རོ་པས་མར་པ་ལ་གདམས་པའི་མགུར་ལས། ཕྱི་ནི་སྒྱུ་མ་ལྷ་ཡི་སྐུ། །ནང་ནི་རྩ་གསུམ་འཁོར་ལོ་བཞི། །འོག་ན་ཨ་ཤད་ཙཎྜ་ལཱི། །སྟེང་ན་ཧཾ་ཡིག་རྣམ་པ་ཅན། །སྟེང་འོག་རླུང་གི་འཁོར་ལོ་ལ། །སྲོག་སྩོལ་བུམ་ཅན་ཉམས་ལེན་གྱིས། །འབར་བ་བདེ་སྟོང་གསལ་བའི་ཉམས། །མིང་ཡང་གཏུམ་མོའི་གདམས་ངག་ཟེར། །རླུང་གནད་དུ་ཆུང་ངམ་ལོ་ཙཱ་བ། །ཞེས་གསུངས་པའི་ཨ་ཤད་ནི། ལྟེ་འོག་

[Full Size]

སྟེ། དོན་གསང་བའི་འཁོར་ལོའི་དབུས་ཀྱི་རྩ་དབུ་མ་སོར་ཕྱེད་པ་དེ་གསུམ་དུ་འཁྱོགས་པའི་ནང་བྱང་ཆུབ་ཀྱི་སེམས་དམར་པོས་གང་བའི་གཟུགས་བླུ་ཏའི་དབྱིབས་ཅན་གློག་གི་འོད་ཟེར་ལྟ་བུ་སྤྲོ་བ་དེ་ཡིན་ལ། དེ་ཉིད་ཨ་ཐུང་གནས་གྱུར་པ་ཡིན་པས་ཨ་ཐུང་དབྱིབས་ཤད་དུ་ཡོད་པ་དེས་ན་ངོ་བོ་ཨ་ཡིག་ཡིན་པས་གཞི་མཐུན་དུ་བསྡུས་ནས་ཨ་ཤད་ཅེས་བཏགས་སོ། །དེ་ཡང་། སྒྲ་པའི་ལུགས་ལ། ཤུདྡྷོ་ཨ་ཧཾ་ལྟ་བུ་ལ་ཚིག་མཐར་ཨེཏ་ཨཏ་ལས་ཕ་རོལ་གྱི་ཨ་ཡིག་དབྱི་འོས་ཕ་རོལ་གྱི་ཨ་ཡིག་དེ་གསུམ་ཤད་བླུ་་ཏར་བསྒྱུར་བས་ཀྱང་རྟོགས་པར་ནུས་སོ། །སུམ་ཤད་ཀྱི་རྣམ་པ་ཨ་ཤད་དུ་བཞག་པ་ནི་རྡོ་རྗེའི་ལུས་ལ་གནས་པའི་དབང་དུ་མཛད་ལ། རཾ་ལས་མེ་གླ་བའི་རིལ་མ་ཙམ་སོགས་བཤད་པ་ནི་བློས་བཏགས་ནས་སྒོམ་པའི་དམིགས་པ་སྟེ། འདིས་མཚོན་ནས་གནས་

[Full Size]

ཚུལ་སྒོམ་ཚུལ་གྱི་དབྱེ་བའང་ཤེས་དགོས་སོ། །དེ་ལྟ་བུའི་རྫས་ཀྱི་ཐིག་ལེ་རྡོ་རྗེ་ཉི་མ་སྣང་བ་ཆེན་པོའི་བདག་ཉིད་མ་དག་པའི་ཁམས་ཐམས་ཅད་ཀྱི་གཤེད་མ་ནང་གི་རྡོ་རྗེ་རྣལ་འབྱོར་མ་དེ་ཉིད་རླུང་གིས་སྦར་བས་སྟོབས་སུ་གྱུར་ཏེ། བདེ་ཆེན་གྱི་འཁོར་ལོའི་དབུས་སུ་རྡོ་རྗེ་ཟླ་བ་དྲི་མ་མེད་པའི་འོད་ཀྱི་བདག་ཉིད་ནང་གི་རྡོ་རྗེ་རྣལ་འབྱོར་མ་དེ་ཉིད་རླུང་གིས་སྦར་བས་སྟོབས་སུ་གྱུར་ཏེ། བདེ་ཆེན་གྱི་འཁོར་ལོའི་དབུས་སུ་རྡོ་རྗེ་ཟླ་བ་དྲི་མ་མེད་པའི་འོད་ཀྱི་བདག་ཉིད་ནང་གི་ཧེ་རུ་ཀ་དེ་ཉིད་དབུ་མའི་ཡས་སྣར་རྩ་གཟུགས་ཀྱི་དབྱིབས་ཧཾ་ཡིག་ཐིག་ལེ་ནཱ་དས་བརྒྱན་པ་ལྟ་བུ་སོར་གཅིག་པ་མགོ་བོ་ཐུར་བསྟན་གྱི་ནང་བྱང་ཆུབ་ཀྱི་སེམས་དཀར་པོས་གང་བ་ལྟ་བུ་བསིལ་བའི་འོད་ཅན་གྱི་བདུད་རྩི་འཛག་པར་བྱེད་པ་སྟེ། འབར་འཛག་དེ་ཉིད་རང་ལུས་ཐབས་ལྡན་གྱི་དམིགས་པའི་དངོས་གཞི་ཡིན་ནོ། །འདིར་ཡང་འདྲི་བའི་ཚུལ། རྡོ་རྗེའི་

[Full Size]

ཚིག་ཏུ་ཨ་ཧཾ་འབར་འཛག་ཅེས། གསལ་བར་གསུངས་བཞིན་འཇག་བསམ་ཁྲིད་ཡིག་ཏུ། རཾ་ཡིག་འབར་བ་ཙམ་ལས་ཧཾ་ཡིག་ནི། །འཛག་པའི་དམིགས་པ་མི་འབྱུང་རྒྱུ་མཚན་ཅི། །ཞེས་འདྲི་བའི་རྒྱུ་མཚན་རྡོ་རྗེའི་ཚིག་ཏུ་ཨ་ཧཾ་འབར་འཛག་ཅེས་དངོས་བསྟན་ལ་གསུངས་བཞིན་དུ་འཇག་བསམ་སོགས་ཀྱི་ཁྲིད་ཡིག་རྣམས་སུ་རྩ་གསུམ་གསལ་བཏབ། དེ་གསུམ་གྱི་འདུས་མདོར་རཾ་ལས་མེ་འབར་བའི་དམིགས་པ་ཙམ་ལས་ཧཾ་ལས་བདུད་རྩི་འཛག་པ་སོགས་དངོས་སུ་མི་སྟོན་པ་ཅི་ཞེས་ན། ཐོག་མར་དྲོད་བསྐྱེད་པའི་དམིགས་པ་ལ་ནན་ཏན་དུ་བྱས་ནས། དེ་ནས་ཧཾ་ལས་བདུད་རྩི་འཛགས་པ་སོགས་རང་ལུས་དང་གཞན་ལུས་ཀྱི་བོགས་འདོན་སོགས་ལོགས་སུ་རིམ་པར་སྟོན་པའི་དབང་དུ་མཛད་ཅིང་། གྲུབ་ཐོབ་ཆེན་པོའི་སྙིང་པོ་ཀུན་འདུས་སུ། འཁོར་ལོ་བཞིའི་

[Full Size]

དོད་རོ་རྐྱང་གཉིས་ཀྱི་དབུ་མ་ལ་ལྟེ་སྙིང་མགྲིན་སྤྱི་བཞིར་འཁྱིལ་བའི་རྣམ་པས་འཁོར་ལོ་བཞི་དང་། འབར་བར་མ་ཟད་ཧཾ་ཡིག་ལས་བདུད་རྩི་འཛག་པ་སོགས་དངོས་སུ་འགོད་པར་མཛད་པ་དང་། རྗེ་བཙུན་གྲོལ་མཆོག་ཞབས་ཀྱིས། གཏུམ་མོ་ཟས་སུ་ཟ་བའི་དམིགས་པ་འཇག་བསམ་གྱི་ཁྲིད་ཡིག་དང་ཆ་འདྲ་བ་ལ། སྲིད་པའི་དབང་ཞུ་བའི་དམིགས་པ་ཡང་འདིར་བཞེས་ཏེ། སྤྱི་བོའི་བླ་མ་ལ་བདེ་དྲོད་ཀྱིས་མཆོད་པ་བཞི་རྫོགས་སུ་ཕུལ་བས། བླ་མའི་སྐུ་ལས་བདེ་ཆེན་བདུད་རྩིའི་རྒྱུན་བབས། དེས་རང་གི་ལུས་གང་དབང་བཞི་ཐོབ་པར་མཛད་པ་ཡང་། ཡེ་ཤེས་ཀྱི་མཁའ་འགྲོས་གནང་བ་སྩལ་བའི་ཟབ་ཁྱད་ཡིན་ནོ། །རྣལ་འབྱོར་འདི་དག་སྒོམ་པ་ལ་རླུང་རོ་བསལ་བ་སྔོན་དུ་བཏང་ནས་སྦྱོར་བཞིའི་གནད་དང་ལྡན་པའི་བུམ་ཅན་སྒོམ་པ་མེད་མི་རུང་ཡིན་པས། དེ་བསྒོམ་པའི་ཚུལ་

[Full Size]

ཇོ་བོ་ནཱ་རོ་པའི་ལམ་སྐོར་ལས། །རླུང་ལ་སྦྱོར་བ་བཞི་ལྡན་ཏེ། །རྔུབ་དང་དགང་དང་གཞིལ་བ་དང་། །འཕང་བར་བྱ་དང་རྣམ་པ་བཞི། །ཞེས་གསུངས་ལ། །དེ་དག་དཔེ་དང་སྦྱར་ནས། ལྕགས་ཀྱུ་བཞིན་དུ་དགུག་པར་བྱ། །བུམ་པ་བཞིན་དུ་དགང་བ་དང་། །རྒྱ་མདུད་བཞིན་དུ་བསྡམས་ནས་སུ། །མདའ་ལྟར་གྱེན་དུ་འཕང་བར་བྱ། །ཞེས་པའི་དོན། ཕྱིའི་སོར་བཅུ་དྲུག་ཙམ་གྱི་ཐད་ནས་སྒྲ་མེད་དུ་སྣ་གཉིས་ཀྱི་ནང་དུ་བཞུགས་པ་རྔུབ་བ། དེ་ལྟེ་འོག་ཏུ་མནན། འོག་རླུང་ཅུང་ཟད་འཐེན་ནས་ཁ་སྦྱོར་དུ་འཛིན་པ་དགང་བ། མི་ཐུབ་ལ་ཁད་པ་དང་རྔུབ་བ་ཆུང་བྱས་གཡས་བཅག་གཡོན་བཅག་མཉམ་དུ་བཅག་པ་གཞིལ་བ། དེ་ནས་མི་ཐུབ་ལ་ཁད་པ་དང་། ཧག་པ་ལ་མ་ཐུག་པར་སྣ་གཉིས་ནས་དང་པོ་དང་མཇུག་ཏུ་ཤེད་ཆུང་ཞིང་། བར་དུ་ཤུགས་ཆེ་བར་དབྱུང་བ་མདའ་ལྟར་འཕང་

[Full Size]

བའོ། །སྦྱོར་བ་བཞི་ལྡན་མ་ཤེས་ན། །ཡོན་ཏན་སྐྱོན་དུ་འགྱུར་བའི་ཉེན། །ཞེས་སྦྱོར་བཞིའི་གནད་མ་ཟིན་ན་སྐྱོན་འབྱུང་བས། སྦྱོར་བཞི་ལ་ནན་ཏན་དུ་བྱའོ། །བུམ་པ་ཅན་གྱི་རྣལ་འབྱོར་འདི་ཉིད་བདེ་བ་ཆེན་པོའི་ཡེ་ཤེས་འདྲེན་པའི་ཐབས་མཁས་བླ་ན་མེད་པ་ཡིན་པའི་ཕྱིར། རྒྱུད་སྡེ་རིན་པོ་ཆེ་རྣམས་ན་འདིའི་སྒོམ་ཚུལ་མཐའ་ཡས་པ་ཞིག་བཞུགས་མོད། །ཤིན་ཏུ་གསལ་བ་དཔལ་དུས་ཀྱི་འཁོར་ལོ་ལས། ཁ་ཡང་བཙུམ་སྟེ་སྣ་ཡི་བུག་པ་གཉིས་ཀ་དག་ནས་ཕྱི་རོལ་དག་གི་རླུང་ནི་མ་ལུས་པ། སྲོག་གི་ཤུགས་ཀྱིས་བཀུག་སྟེ་དྲི་མ་མེད་པའི་གློག་དང་མཚུངས་པ་ཐུར་སེལ་རླུང་དང་སྦྱར་བྱས་པ། དུས་ཀྱི་སྒོམས་པའི་སྦྱོར་བ་དག་ལས་ཟླ་བ་ཉི་མ་མེ་ཡི་དབུས་སུ་རོ་ནི་མཉམ་པར་འགྱུར། །ལུས་ལ་ཟས་ལ་སོགས་པས་བཀྲེས་པ་དང་ནི་སྐོམ་པ་འཕྲོག་སྟེ་འཆི་བ་མེད་པ་ཉིད་ཀྱང་སྟེར། ཞེས་རླུང་སྒོམ་ཚུལ་ཕན་ཡོན་

[Full Size]

དང་བཅས་པ་གསུངས་ཤིང་། བུམ་པ་ཅན་འདི་ཉིད་ཚེ་སྒྲུབ་མཆོག་ཏུ་གྱུར་བའི་རྒྱུ་མཚན་དབང་མདོར་བསྟན་ལས། ལྟེ་བའི་པདྨ་སྙིང་མགྲིན་དང་། །དཔྲལ་བ་གཙུག་ཏོར་འདམ་སྐྱེས་ལ། །ས་ཆུ་མེ་རླུང་སྟོང་པ་རྣམས། །སྡུད་པས་རབ་ཏུ་འབབ་པ་ནི། འབྱུང་འགྱུར་དེ་ནི་འཇུག་པ་དག །སྐྱེད་པས་འཇུག་སྟེ་ས་ལའོ། །དེ་བཞིན་དུ་ཐུར་སེལ་གྱི་ནུས་པ་ནི། །ལྟེ་གསང་ནོར་བུའི་ཆུ་སྐྱེས་ལ། །ལུས་ངག་སེམས་ནི་འབབ་པ་དག །འབྱུང་བ་དང་ནི་འཇུག་པ་ནི། །སྡུད་དང་སྐྱེད་པའི་རང་བཞིན་ཅན། །ཞེས་འོག་ཐུར་སེལ་ལ་རིམ་པ་གསུམ་གསུངས་ལ། སྲོག་རླུང་ཕྱིར་འགྲོ་བའི་ཚེ། །ལྟེ་བར་ས། སྙིང་གར་ཆུ། མགྲིན་པར་མེ། དཔྲལ་བར་རླུང་། གཙུག་ཏོར་དུ་ནམ་མཁའ་བྱིན་གྱིས་བརླབས་པའི་ཚུལ་དུ་རྒྱུ་བས་རགས་པ་ཕྲ་བ་ལ་ཐིམ་པའི་ཚུལ་

[Full Size]

གྱི་འཆི་རིམས་སམ་སྡུད་པའི་རིམ་པས་རྒྱུ་ལ། ནང་དུ་འཇུག་པ་ན། ནམ་མཁའ་དང་། རླུང་དང་། མེ་དང་། ཆུ་དང་། སའི་རིམ་པས་འཇུག་པ་ཕྲ་བ་ལས་རགས་པ་སྐྱེ་བའི་རིམ་པ་དང་། ཐུར་སེལ་གྱི་རླུང་ཡང་འོག་ཏུ་འབབ་པ་ན། ལྟེ་བ་ནས་ལུས་དང་། གསང་བར་ངག་དང་། རྡོ་རྗེ་ནོར་བུར་སེམས་ཀྱི་རིམ་པས་རྒྱུ་བ་རགས་པ་ཕྲ་བ་ལ་ཐིམ་པས་སྡུད་རིམ་དང་། ནང་དུ་འཇུག་པ་ན། ནོར་བུ་སེམས་ལས། གསང་བ་ངག །དེ་ལས་ལྟེ་བ་ལུས་ཀྱི་རིམ་པས་འཇུག་པ་ཕྲ་བ་ལས་རགས་པ་སྐྱེ་བའི་རིམ་པ་ཡོད་ཅིང་། དེས་སྟེང་འོག་སྲོག་ཐུར་གྱི་རླུང་གཉིས་སྡུད་རིམས་སམ་འཆི་རིམ་ལ་རྒྱུར་མ་བཅུག་པར་ལྟེ་འོག་ཏུ་ཁ་སྦྱར་བས་འཆི་བ་མེད་པའི་དངོས་གྲུབ་འབྱུང་བ་སྟེ། འཕགས་ཡུལ་གྱི་རྣལ་འབྱོར་དབང་ཕྱུག་ཤ་ཝ་རི། བི་རཱུ་པ། པདྨ་སཾ་བྷ་ཝ། ཡེ་ཤེས་ཀྱི་མཁའ་འགྲོ་ནི་གུ་མ་ལ་སོགས་

[Full Size]

པ་རྣམས་ཇི་སྲིད་ཉི་མ་དང་ཟླ་བ་གནས་ཀྱི་བར་དུ་སྐུ་འཕོ་འགྱུར་མེད་པ་འཆི་མེད་ཚེའི་དཔལ་བརྙེས་པ་དག་གིས་མཚོན་པར་ནུས་སོ། །བུམ་ཅན་གྱི་རྣལ་འབྱོར་སྒོམ་པའི་ཚུལ་འདི་ལ། དཔལ་པདྨ་དཀར་པོས། སྲོག་སྩོལ་དུས་སུ་ཕྱི་ནས་རྔུབས་པའི་རླུང་། དབུ་མར་འཇུག་པའི་གནས་དེ་འཁོར་ལོ་གང་། དེ་ཉིད་དབུ་མའི་ནང་དུ་མི་འཇུག་ན། །རྔུབས་ཏེ་ནང་དུ་དགོང་བའི་དགོས་པ་ཅི། །ཅེས་དྲི་བ་གནང་བ་ནི་ལམ་གྱི་གནད་ལ་དྲིས་པར་སོང་བས་འདིའི་ལན། ཕྱི་རོལ་གྱི་རླུང་རྔུབས་པ་སྣ་བུག་གཉིས་ནས་བརྒྱུད། །རོ་རྐྱང་གི་ལམ་ནས་སོང་། དེ་ནས་ཐུར་སེལ་དང་སྦྱར་ནས་གསང་བའི་འཁོར་ལོ་བརྒྱུད་དེ་དབུ་མར་འཇུག་པ་ཡིན་ཞིང་། ལྟེ་བ་ཞེས་པ་གསང་བའི་འཁོར་ལོ་སྟེ། ལྟེ་བར་གཏུམ་མོ་སྒོམ་ཞེས་པ་ཡང་འདི་ལ་སྙེག་དགོས་པས་སོ། །དུས་དེའི་དབུ་མར་འཇུག་ཚུན་

[Full Size]

ལས་རླུང་། དབུ་མའི་ནང་དུ་སོང་། ཕན་ཆད་ཡེ་ཤེས་ཀྱི་རླུང་། ཡེ་ཤེས་ཀྱི་རླུང་ཡང་། དུས་སྦྱོར་རེའི་མཐའི་ང་དྲུག་རྐང་བཅས་སུ་རྒྱུ་བ་ལ་བཞག་པ་དང་། དབུ་མར་ཞུགས་གནས་ལ་བཞག་པ་དང་། རླུང་ཐམས་ཅད་ཀྱི་དེ་ཁོ་ན་ཉིད་ལ་བཞག་པ་སྟེ་གསུམ་ལས། འདི་བར་མ་ཡིན་ནོ། །སྐད་ཅིག་དགའ་བཞིས་བརྒྱན། །ཞེས་པའི་སྐད་ཅིག་མ་བཞི་དང་དགའ་བཞིའི་རྣམ་བཞག །དགྱེས་པ་རྡོ་རྗེ་ལས། འཁྱུད་དང་ཙུམ་པ་ལ་སོགས་པ། །སྣ་ཚོགས་རྣམ་པ་སྣ་ཚོགས་བཤད། །རྣམ་པར་སྨིན་པ་དེ་ལས་བཟློག །བདེ་བའི་ཡེ་ཤེས་ཟ་བ་ཉིད། །བདག་གིས་བདེ་བ་ཟོས་པ་ཡིས། །གྲོས་ནི་རྣམ་པར་ཉེད་པར་བརྗོད། །མཚན་ཉིད་བྲལ་བ་གསུམ་ལས་གཞན། །ཆགས་དང་ཆགས་བྲལ་རྣམ་པར་སྤངས། །སྣ་ཚོགས་དང་པོ་དགའ་བ་ཉིད། །རྣམ་སྨིན་པ་ནི་མཆོག་དགའ་

[Full Size]

ཉིད། །རྣམ་ཉིད་དགའ་བྲལ་དགའ་བ་ཉིད། །མཚན་བྲལ་ལྷན་ཅིག་སྐྱེས་དགའ་ཉིད། །ཅེས་གསུངས་པའི་སྐད་ཅིག་མ་བཞི་ནི། རྣམ་པ་སྣ་ཚོགས། རྣམ་སྨིན། རྣམ་ཉིད། མཚན་ཉིད་དང་། བྲལ་བའི་སྐད་ཅིག་མའོ། །དེ་དག་གི་སྐབས་སུ་འཆར་བའི་དགའ་བ་བཞི་ནི། དགའ་བ། མཆོག་དགའ། ཁྱད་པར་གྱི་དགའ་བ། ལྷན་ཅིག་སྐྱེས་པའི་དགའ་བའོ། །དགའ་བ་གསུམ་པ་འདིའི་སྐད་དོད། བི་རཱ་མ། ཞེས་ཡོད་པའི་བི་དགག་ཚིག་ཏུ་བྱས་ནས། དགའ་བྲལ་དུ་བསྒྱུར་བ་ལས། ཁྱད་པར་གྱི་དགའ་བ་ཞེས་བསྒྱུར་ན་དོན་དང་འབྱོར་བ་ཡིན་ནོ། གྲོས་ནི་རྣམ་པར་ཉེད་པར་བརྗོད། །ཅེས་པའི་གྲོས་ནི་སྐད་དོད། །ཨཱ་ལོ་ཙ་ན། ཞེས་ཡོད་ལ། དེའི་འཇུག་ཚུལ་ཉེར་བསྒྱུར་དུ། །ལེགས་པར་རྟོག་པའམ་ཀུན་དུ་རྟོག་པ་ལ་བཤད་པས། དོན་

[Full Size]

དགའ་བ་གསུམ་པའི་སྐབས་སུ་ཡང་རྣམ་རྟོག་མཐའ་དག་མ་འགག་པས། དགའ་བ་ལ་ཅུང་ཟད་རྟོག་ཅིང་དཔྱོད་པ་ཡོད་པའི་དབང་དུ་མཛད་པའོ། །ཤེས་རབ་སོགས་རྐང་པ་གཉིས་ཀྱིས་གཞན་ལུས་དབང་གསུམ་པའི་ཉམས་ལེན་བསྟན་ལ། འདི་ཉིད་ཤིན་ཏུ་མྱུར་བའི་ལམ་ཡིན་པས་རྣལ་འབྱོར་བླ་ན་མེད་པའི་རྒྱུད་སྡེ་རྣམས་ན་རྒྱས་པར་བཞུགས་ཤིང་། བདེ་བ་ཆེན་པོ་སྒྲུབ་པའི་རྟེན་ཕྱག་རྒྱའི་མཚན་ཉིད། །དེ་ལས་དངོས་གྲུབ་འབྱུང་ཚུལ་རྣམས་བརྟག་གཉིས་ལས། དེ་ནས་རྣལ་འབྱོར་མས་ཞུས་པ། །ཕྱག་རྒྱ་ཆེན་པོ་ཇི་ལྟ་བུ། །ཀུན་རྫོབ་རྣམ་པའི་གཟུགས་ཀྱིས་ནི། །བདེ་བ་སྦྱིན་པ་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་བ། །ཤིན་དུ་རིང་མིན་ཐུང་བ་མིན། །གནག་པ་མ་ཡིན་དཀར་བ་མིན། །པདྨའི་འདབ་མའི་རྣམ་པ་འདྲ། །དེ་ཡི་དབུགས་

[Full Size]

ནི་དྲི་ཞིམ་ལྡན། །རྡུལ་ཀྱང་དྲི་ཞིམ་ལྡན་གྱུར་ཏེ། །རི་དྭགས་ལྟེ་བའི་དྲི་དང་མཚུངས། །པདྨ་ལ་ཡང་དབང་མཆོག་དྲི། །སྐད་ཅིག་པདྨ་ལྟ་བུ་འབྱུང་། །དེ་ཡི་ག་པུར་སིཧླ་དག །མཁས་པས་དྲི་བཟང་མཚོན་པར་བྱ། །ཨུཏྤ་ལ་ཡི་དྲིར་འབྱུང་ཞིང་། །ཨ་ཀ་རུ་ནི་ནག་པོ་མཚུངས། །དལ་ཞིང་མི་གཡོ་མ་ཉིད་དང་། །སྙན་པར་སྨྲ་དང་ཡིད་འོངས་མ། །སྐྲ་བཟང་དབུས་སུ་སྙེར་མ་གསུམ། །ཕལ་པས་པདྨ་ཅན་དུ་བརྗོད། །ལྷན་ཅིག་སྐྱེས་པའི་གཟུགས་ཅན་མ། །དེ་བསྙེད་ངས་ནི་དངོས་གྲུབ་འགྱུར། །ཞེས་གསུངས་ལ། ཁ་ག་མུ་ག་ཞེས་པ་ནི་ལེགས་སྦྱར་གྱི་སྐད་དོ། །བོད་སྐད་དུ་མཁའ་འགྲོ་གདོང་ཞེས་པའོ། །དོན་ཤེས་རབ་མའི་གསང་རྩ་སྟེ་མཆོག་གི་ཟེབ་ཞེས་ཀྱང་བྱའོ། །སྙོམས་འཇུག་གིས་ཞེས་པའི་དོན། །ཐབས་ཤེས་སྦྱོར་བའི་ཚུལ་བརྟག་པ་

[Full Size]

གཉིས་པར། ཁྱོགས་དང་བརླ་ཞེས་བྱ་བ་དང་། །དེ་བཞིན་ཤིན་ཏུ་བཀལ་བ་ཉིད། །ཡང་ཡང་རྡོ་རྗེ་འདོད་པས་བྱ། །སྟེང་དང་འོག་ཏུ་ལྟ་བ་ཉིད། །དངོས་གྲུབ་རྒྱས་པ་ཐོབ་པ་སྟེ། །སངས་རྒྱས་ཀུན་དང་མཉམ་པར་འགྱུར། །ཞེས་དང་། མདའ་བསྣུན་ཞབས་ཀྱི་དོ་ཧ་ལས། །གང་ཞིག་སྦྱོར་བཞི་གནས་གཅིག་ལ་ནི་ཞུགས་པ་ན། །བདེ་ཆེན་མཆོག་ནི་ནམ་མཁའི་ཁམས་སུ་མི་ཤོང་ངོ་། །ཅེས་གསུངས་པའི་དོན། །རྡོ་རྗེ་དང་པདྨ་ཁ་སྦྱར་བ་ཡུམ་གྱི་གསང་རྩ་ཡབ་ཀྱི་ནོར་བུར་ཆུང་པས་རྩ་གཉིས་ཁ་སྦྱར་བ། དེའི་རླུང་གཉིས་ཁ་སྦྱར་བ། དེའི་ཁམས་དཀར་དམར་གཉིས་ཁ་སྦྱར་བ་སྟེ་ཁ་སྦྱོར་བཞིའོ། །ཟག་བཅས་ཟག་མེད་དགའ་བཞི་རིམ་བཞིན་ནོ། །ཞེས་པའི་དོན། །དེ་ལྟར་ཉམས་སུ་བླངས་པས་ཟག་བཅས་ཏེ་བྱང་ཆུབ་ཀྱི་སེམས་སྤྱི་བོ་ནས་ནོར་བུའི་

[Full Size]

བར་དུ་བྱོན་པའི་ཡས་བརྟན་གྱི་དགའ་བ་བཞི་དང་། ཟག་མེད་ནོར་བུ་ནས་གྱེན་ལ་ལྡོག་སྟེ་གཙུག་ཏོར་གྱི་བར་དུ་གཤེགས་པས་དགའ་བ་བཞི་རིམ་བཞིན་དུ་འབྱུང་ངོ་། །དེ་ལྟ་བུའི་དགའ་བ་བཞིའི་བཞག་འཚམས་ལ་ཅུང་ཟད་དཔྱད་ན། །དབང་གསུམ་པའི་དུས་སུ་རྟོག་བཅས་ཀྱི་དགའ་བ་གསུམ་ལ་བརྟེན་ནས་རྟོག་མེད་ལྷན་ཅིག་སྐྱེས་པའི་ཡེ་ཤེས་སྐྱེ་བས། གོ་རིམས་སུ་ལྷན་སྐྱེས་བཞི་པར་བཞག་ཅིང་། མས་བརྟན་གྱི་དགའ་བ་ཐམས་ཅད་འདིའི་ཁོངས་སུ་བསྡུས་སོ། །ཡང་། ཞུ་བའི་ཐིག་ལེ་ཆ་བཅོ་ལྔ་པའི་བར་ཐམས་ཅད་གནས་སྐབས་གཅིག་ཏུ་བཞག །དེའི་དུས་སུ་སྐྱེས་པའི་ཆ་བཅུ་དྲུག་པའི་བདེ་བ་སྟོང་པ་ཉིད་ཀྱིས་རྒྱས་ཐེབས་པའི་ལྷན་སྐྱེས་གཉིས་པར་བཞག་ནས། དང་པོ་ལ་དགའ་བ། གཉིས་པ་ལ་མཆོག་དགར་བཤད་དེ། །ཕྱི་མ་

[Full Size]

དེའི་མཐའ་ཐིག་ལེ་ཕྱིར་འཕོས་ན་དགའ་བྲལ་ཡོང་རྒྱུའི་སྔོན་དུ་དོན་དམ་པའི་ཡེ་ཤེས་རང་བཞིན་ལྷན་ཅིག་སྐྱེས་པ་རྣལ་འབྱོར་པས་ཉམས་སུ་མྱོང་བར་གསུངས་ཏེ། །བརྟག་གཉིས་ལས། མཆོག་མཐའ་དགའ་བྲལ་དང་པོར་ནི། །མུན་པ་ལ་ནི་མར་མེ་ལྟར། །དེ་བཞིན་བུས་ཀྱང་ཡིད་ཆེས་ཀྱིས། །ཅེས་དང་། མཚན་བརྗོད་ལས། ཆགས་བྲལ་དང་པོ་ཆགས་པ་ཆེ། །ཞེས་པའི་དོན་ཡང་འདི་ཉིད་དེ། །སློབ་དཔོན་ཉི་མ་དཔལ་གྱི་འགྲེལ་པར། ཆགས་བྲལ་ནི་ནག་པོའི་ཕྱོགས་ཏེ། །། དེའི་དང་པོ་ཆ་བཅུ་དྲུག་པ་ཆགས་པ་ཆེ། །ཞེས་པ་ལྷན་ཅིག་སྐྱེས་པའི་དགའ་བ་དམིགས་པ་མེད་པའི་བདག་ཉིད་དོ། །ཞེས་འབྱུང་བས་འདི་སྐབས་ཀྱི་ཨཱ་དི་དང་པོར་བསྒྱུར་བ་ཤིན་ཏུ་ལེགས་སོ། །དེས་ན་སངས་རྒྱས་ཀྱི་ཐུགས་རྒྱུད་ཀྱི་བདེ་བ་ཆེན་པོ་ནི་མདོར་བསྡུས་དང་པོར།

[Full Size]

སྐྱེ་འཇིག་མེད་པའི་དངོས། ཅེས་གསུངས་པ་དེ་ཡིན་ལ། དེ་ཡང་སྐྱེ་བ་ནི་བྱང་སེམས་ཐིག་ལེ་གཙུག་ཏོར་རམ་དཔྲལ་བ་ནས་ནོར་བུར་བྱོན་པ་ཆགས་པ་དཀར་པོའི་ཕྱོགས་དང་། འཇིགས་པ་ནི་རྡོ་རྗེ་ནོར་བུ་ལས་ཕྱི་རོལ་དུ་ལྷུང་བ་ཆགས་བྲལ་ནག་པོའི་ཕྱོགས་ཏེ། དེ་དག་མེད་པའི་དངོས་པོ་ནི་ཆགས་པ་དང་ཆགས་བྲལ་གྱི་མཐའ་གཉིས་ཀྱི་དབུས་ཆ་བཅུ་དྲུག་པ་ལྷན་ཅིག་སྐྱེས་པའི་དགའ་བ་སྟེ། དབང་མདོར་བསྟན་ལས། སྐྱེ་བ་དང་ནི་འཇིགས་པའི་ཕྱོགས། །ཡར་ངོ་མར་ངོ་རབ་ཏུ་གནས། །དེ་ཉིད་དབུས་སུ་རྫོགས་པ་གང་། །རྫོགས་པ་དེ་ནི་རབ་མི་གནས། །ཅེས་དང་། ཡང་ཡང་གཙུག་ཏོར་དུ་འཆར་བ། །སླར་ཡང་རྡོ་རྗེ་ནོར་བུར་རྫོགས། །དེ་ཆགས་བྲལ་ལས་མ་ཉམས་པ། །ལུས་ཅན་ཡེ་ཤེས་ཉམས་

[Full Size]

པ་མིན། །ཞེས་གསུངས་པ་ལྟར་རོ། །བཅུད་བསྡུས་དག་བྱེད་གནད་གསུམ་གྱི་དོན་གོང་དུ་བཤད་ཟིན་ལ། དྲོད་མྱུར་གཏུམ་མོ་ཆོས་དྲུག་རིམ་བཞིན་ཏེ། །ཞེས་པའི་དོན་བདེ་དྲོད་མྱུར་དུ་སྐྱེ་བའི་ཐབས་གཏུམ་མོ་ལ་སོགས་པའི་ཆོས་དྲུག་རིམ་བཞིན་ཉམས་སུ་བླང་བར་བྱ། །ཞེས་པ་སྟེ། གཏུམ་མོ་ཞེས་པ་ལེགས་སྦྱར་གྱི་སྐད་དུ། །ཙཎྜ་ལཱི་ཏེ། ཙ་ཊི་ཁྲོ་བ་ལའོ། །ཞེས་པའི་བྱིངས་ལས་བསྒྲུབས་པས། གཏུམ་པའི་དོན་ཁྲོ་བ་ལ་བཞག་སྟེ། རྩིགས་མའི་ཁམས་ཐམས་ཅད་སྲེག་པར་བྱེད་པའི་གཤེད་མ་ཡིན་པས་སོ། །རི་བོང་དབབ་གཟུང་བཟློག་དགྲམ་རླུང་དང་བསྲེ། །ཞེས་པའི་དོན། རི་བོང་ནི་བྱང་ཆུབ་ཀྱི་སེམས་དཀར་ཆ་ཡིན་ལ། དེ་བདེ་བ་ཆེན་པོའི་རྒྱུ་ཡིན་པའི་ཕྱིར་མི་ཉམས་ཤིང་གོང་འཕེལ་དུ་བྱེད་པའི་སླད་དུ་དབབ་གཟུང་སོགས་ཀྱི་རྣལ་འབྱོར་

[Full Size]

ཉམས་སུ་ལེན་པའི་ཚུལ་ནི། །རྣལ་འབྱོར་དབང་ཕྱུག་བཞད་པ་རྡོ་རྗེའི་མགུར་དུ། །འབེབས་པ་རུས་སྦལ་འགྲོས་ཀྱིས་འབེབས། །སྐྱིལ་བ་ཨ་ཝ་དྷུ་ཏཱིར་བསྐྱིལ། །ཟློག་པ་དུད་འགྲོའི་འགྱུར་བཞིས་བཟློག །འགྲེམས་པ་རྣམ་གྲོལ་ཕྱག་རྒྱས་འགྲེམས། །ཅེས་པ་ལྟར་ཡིན་ཞིང་། རླུང་དང་བསྲེ་བ་ནི། རླུང་དང་མ་འདྲེས་པ་དབང་འཆོར། ཞེས་གསུངས་པས། དབབ་བཟློག་གི་རྗེས་སུ་བུམ་པ་ཅན་ལ་ནན་ཏན་དུ་བྱེད་པར་བཤད། ཟག་མེད་ཡེ་ཤེས་ཆེན་པོས་བརྒྱན་པར་བྱ་བ་ནི། རང་བཞིན་ཡོངས་སུ་ཤེས་པའི་སྒོ་ནས་འདོད་ཡོན་ལམ་དུ་བྱེད་པ་སྟེ། བརྟག་གཉིས་ལས། །ཆགས་པས་འཇིག་རྟེན་འཆིང་འགྱུར་བ། །འདོད་ཆགས་ཉིད་ཀྱིས་རྣམ་གྲོལ་འགྱུར། །བཟློག་པའི་སྒོམ་པ་འདི་ཉིད་ནི། །སངས་རྒྱས་མུ་

[Full Size]

སྟེགས་ཀྱིས་མི་ཤེས། །ཅེས་དང་། དོ་ཧ་ལས། བླུན་པོ་གང་གིས་བཅིངས་གྱུར་པ། །མཁས་པ་དེ་ཡིས་མྱུར་དུ་གྲོལ། །ཞེས་དང་། ཡུལ་རྣམས་བརྟེན་པས་ཡུལ་གྱིས་མི་དགོས་ཏེ། །ཨུཏྤལ་འདབ་མ་ཆུ་ཡིས་མ་གོས་བཞིན། །ཞེས་གསུངས་པ་ལྟར་རོ། །ཐབས་ལམ་གྱི་གསོལ་འདེབས་དང་དམིགས་པའི་གྲངས་ནི། ཐབས་ལམ་བདེ་དྲོད་རང་འབར་ལ། །གསོལ་འདེབས་གཉིས་ལ་དམིགས་པ་ལྔ། །ཞེས་གསུངས་པའི་གསོལ་འདེབས་ནི། བདེ་དྲོད་ཀྱི་ཏིང་ངེ་འཛིན་སྐྱེ་བར། །བདེ་སྟོང་གི་ཏིང་ངེ་འཛིན་སྐྱེ་བར། དམིགས་པ་ལྔ་ནི། ལུས་གནད་མེའི་སྟོང་ར། གཏུམ་མོ་ཟས་སུ་ཟ་བ། གོས་སུ་གྱོན་པ། སྟན་དུ་འདིངས་པ། །སྲིད་པའི་དབང་ཞུ་བའོ། །སྲིད་པའི་དབང་ཞེས་པ་དངོས་གྲུབ་སྲིད་ཚད་དབང་འདིས་ཐོབ་པར་བྱེད་པས་སྲིད་པའི་དབང་

[Full Size]

ཞེས་བྱའོ། །གཉིས་པ་སྒྱུ་ལུས་ཆགས་སྡང་རང་གྲོལ་ནི། ༈ །སྒྱུ་ལུས་བདེན་མེད་དབང་པོ་རབ་འབྲིང་གསུམ། །འབྲལ་མེད་མོས་གུས་རང་ལུས་ཅིར་སྣང་ཀུན། །སྣང་སྟོང་ཞེན་བྲལ་ལྷ་སྐུའི་ལམ་ཁྱེར་བྱ། །ཆགས་སྡང་རང་གྲོལ་བཅུ་བཞིའི་ས་ཐོབ་འགྱུར། །ཞེས་པ་འདིས་སྒྱུ་ལུས་ཆགས་སྡང་རང་གྲོལ་གྱི་གདམས་པ་བསྟན་ལ། འདིའི་མཚན་ཉིད། སྣང་ཡང་རང་བཞིན་མ་གྲུབ་པ། །འདི་ནི་སྒྱུ་མའི་མཚན་ཉིད་ཡིན། །ཞེས་སྣང་གྲགས་ཀྱི་ཆོས་ཐམས་ཅད་སྒྱུ་མར་ཤེས་ནས་ཆགས་སྡང་རང་སར་གྲོལ་བར་བྱེད་པའི་རྣལ་འབྱོར་ཞིག་ཡིན་ལ། །དེ་ལ་དབང་པོ་རབ་བླ་མ་དམ་པ་གྲོགས་སུ་བསྟེན་པ། འབྲིང་ཚིག་གཞན་གྱིས་བར་མ་ཆོད་པར་ཁྲིད་པ། ཐ་མ་མལ་གཅིག་ཏུ་ཏིང་ངེ་འཛིན་སྐྱེད་པའོ། །དང་པོ་ནི། བླ་མའི་མོས་གུས་ཁོ་ནས་

[Full Size]

ས་ལམ་ཐམས་ཅད་བསྒྲོད་པར་བྱེད་པ་སྟེ། །བརྟག་གཉིས་ལས། གཞན་གྱིས་བརྗོད་མིན་ལྷན་ཅིག་སྐྱེས། །གང་དུ་ཡང་ནི་མི་རྙེད་དེ། །བླ་མའི་དུས་ཐབས་བསྟེན་པ་དང་། །བདག་གི་བསོད་ནམས་ལས་ཤེས་བྱ། །ཞེས་དང་། མ་ཡེ་ཤེས་མཁའ་འགྲོས། ལམ་ལྔ་ས་བཅུའི་རིམ་པ་དག །མོས་གུས་སྟོབས་ཀྱིས་བགྲོད་པར་བྱེད། །བླ་མའི་སྣང་བ་མི་འབྲལ་བ། །རྒྱུད་སྡེའི་དགོངས་པ་གནད་ཀྱི་མཆོག །ཅེས་དང་། འཇམ་དབྱངས་ས་སྐྱ་པཎྜི་ཏས། །ཉི་མའི་འོད་ཟེར་རབ་ཚ་ཡང་། །མེ་ཤེལ་མེད་པར་མེ་མི་འབྱུང་། །དེ་བཞིན་སངས་རྒྱས་བྱིན་རླབས་ཀྱང་། །བླ་མ་མེད་ན་འབྱུང་མི་འགྱུར། །ཞེས་དཔེར་ན་ཉི་མའི་འོད་ཟེར་ཤིན་ཏུ་ཚ་ཡང་འོད་དེས་སྤྲ་བ་ལ་མེ་མཆེད་པ་མི་སྲིད། འོད་ཟེར་དེ་མེ་ཤེལ་ཞིག་གི་སྟེང་དུ་བསྡུས་ནས་མེ་ཤེལ་དང་སྤྲ་བ་

[Full Size]

འཕྲད་ན་མེ་འབྱུང་བ་ལྟར་སངས་རྒྱས་དང་བྱང་ཆུབ་སེམས་དཔའ་རྣམས་ཐུགས་རྗེ་དང་བྱིན་རླབས་བསམ་གྱིས་མི་ཁྱབ་པའི་བདག་ཉིད་ཡིན་ཡང་། སེམས་ཅན་རྣམས་སྐལ་བ་དམན་པའི་དབང་ལས་སངས་རྒྱས་བྱང་སེམས་ཀྱི་བྱིན་རླབས་དངོས་སུ་འཇུག་དཀའ་སྟེ། ལྷའི་རྒྱལ་པོས་ཆར་ཕབ་ཀྱང་། །ས་བོན་མི་རུང་མི་འཁྲུངས་ལྟར། །སངས་རྒྱས་རྣམས་ནི་བྱོན་གྱུར་ཀྱང་། །སྐལ་པ་མེད་པས་བཟང་མི་མྱོང་། །ཞེས་གསུངས་པ་ལྟར་ཡིན་ལ། །དེས་ན་སངས་རྒྱས་བྱང་སེམས་ཀྱི་བྱིན་རླབས་ཀྱང་བླ་མ་ལ་བསྡུས་ནས་གསོལ་བ་བཏབ་ན་དངོས་གྲུབ་མྱུར་དུ་འབྱུང་བས། དེ་ཉིད་ལམ་དུ་བྱེད་པ་ལ། གསོལ་འདེབས་བླ་མའི་ལམ་ཁྱེར་དང་། །ཅིར་སྣང་བདེན་མེད་ལམ་ཁྱེར་གཉིས་ཀྱི་སྒོ་ནས་ཉམས་སུ་བླང་ངོ་། །གཉིས་པ་འབྲིང་ཚིག་གཞན་གྱིས་བར་

[Full Size]

མ་ཆོད་པར་ཁྲིད་པ་ནི། །ཁྱེའུ་རབ་སྣང་གིས་ཞུས་པའི་མདོ་ལས། །ཆོས་རྣམས་རྨི་ལམ་སྒྱུ་མ་ཞེས། །གང་གིས་ཚིག་བརྗོད་དྲན་གྱུར་ན། །སྲིད་པའི་འཆིང་བ་ལས་གྲོལ་ནས། །ཚེ་འདི་ཉིད་ལ་འཚང་རྒྱ་ངེས། །ཅེས་གསུངས་པ་ལྟར་ཐ་མལ་གྱི་ལོང་གཏམ་ལྟ་ཅི་སྨོས། །མདོ་འདོན་པ་སྔགས་བཟློ་བ་སོགས་ཐམས་ཅད་ཀྱང་རེ་ཞིག་བཞག་ནས། ཡིད་ལ་ཡང་། སྣང་བ་ཐམས་ཅད་སྒྱུ་མ་རྨི་ལམ་ཡིན་སྙམ་དུ་བསམ་ཞིང་། ངག་ཏུ་ཡང་རྨི་ལམ་སྒྱུ་མ་ཡིན་ཞེས་རྟག་ཏུ་བརྗོད་པའོ། །དབང་པོ་འབྲིང་གི་ཉམས་ལེན་ལ་གཉིས་ཏེ། རང་ལུས་སྣང་སྟོང་ལྷ་སྐུ་ཅིར་སྣང་སྒྱུ་མའི་ལམ་ཁྱེར། དབང་པོ་རབ་འབྲིང་གཉིས་ཀྱི་གསོལ་འདེབས་དང་འདུན་པའི་གྲངས་ནི། དབང་པོ་རབ་དང་འབྲིང་པོ་ལ། །གསོལ་འདེབས་ལྔ་ལ་འདུན་པ་གསུམ། །ཞེས་གསུངས་པས་

[Full Size]

གསོལ་འདེབས་ལྔ་ནི། བདག་འཛིན་བློས་ཐོངས་པར། དགོས་མེད་རྒྱུད་ལ་སྐྱེ་བར། སྒྱུ་ལུས་འབྱོངས་པར། རྨི་ལམ་འབྱོངས་པར། འོད་གསལ་ཕྱག་ཆེན་རྟོགས་པར། འདུན་པ་གསུམ་ནི། འཆི་ངེས་སྙམ་པ་དང་། བླ་མ་ལ་མོས་གུས། སྣང་བ་བདེན་མེད་ཡིན་སྙམ་པའོ། །གསུམ་པ་དབང་པོ་ཐ་མ་མལ་གཅིག་ཏུ་ཏིང་ངེ་འཛིན་བསྐྱེད་པ་ནི། སད་བཞི་སྤངས་ནས་མལ་གྱི་དྲོད་མ་ཡལ་བར་རྩེ་གཅིག་ཏུ་སྒོམ་པ་ཡིན་ལ། དེ་ལ་འགྲོ་དྲུག་སྒྱུ་མར་འཆར་བྱེད། ནད་གདོན་སྒྱུ་མའི་ལམ་ཁྱེར། འཆར་བྱེད་ཡོན་ཏན་ཚོགས་དྲུག །ཞེན་མེད་སྒྱུ་མ་རང་ཤར་རོ། །དབང་པོ་ཐ་མའི་གསོལ་འདེབས་དང་འདུན་པའི་གྲངས་ནི། སྒྱུ་ལུས་དབང་པོ་ཐ་མ་ལ། །གསོལ་འདེབས་གསུམ་ལ་འདུན་པ་གསུམ། །ཞེས་པའི་གསོལ་འདེབས་ནི། །བདག་འཛིན་བློས་

[Full Size]

ཐོངས་པར། དགོས་མེད་རྒྱུད་ལ། སྒྱུ་ལུས་འབྱོངས་པར། འདུན་པ་གསུམ་གོང་བཞིན་ནོ། །སྒྱུ་ལུས་ཀྱི་སྐབས་འདིར། ཆོས་ཐམས་ཅད་ཆུ་ནང་གི་ཟླ་བའི་དཔེས་མཚོན་པར་བྱས་ཏེ་སྣང་ལ་རང་བཞིན་མེད་པར་ཤེས་པར་བྱས་ནས་ཞེན་འཛིན་དགག་སྒྲུབ་དང་བྲལ་བ་ལ་སློབ་པའི་ཚུལ། །དགྱེས་པ་རྡོ་རྗེ་ལས། རང་བཞིན་གདོད་ནས་མ་སྐྱེས་པ། །རྫུན་མིན་བདེན་མིན་དེ་བཞིན་དུ། །ཐམས་ཅད་ཆུ་ཡི་ཟླ་བ་ལྟར། །འདོད་པས་རྣལ་འབྱོར་མ་ཤེས་ཀྱིས། །ཅེས་གསུངས་ལ། དེ་ཡང་རྟེན་ཅིང་འབྲེལ་བར་འབྱུང་བའི་རྟགས་ལས་འདུས་བྱས་ཀྱི་ཆོས་ཀུན་རྟེན་ལས་སྐྱེ་དགོས་པ་ཉིད་ཀྱིས་ཕྱིར་གདོད་མ་ནས་མ་སྐྱེས་པར་ཐག་ཆོད་པས་མཐའ་བྲལ་དབུ་མའི་ལྟ་བ་ལ་ངེས་པ་འདྲོངས་ལ། གདོད་མ་ནས་མ་སྐྱེས་ཀྱང་ཐ་སྙེད་དུ་རྟེན་ནས་འབྱུང་བ་འདི་ལ་སྨྱོན་དུ་མི་འདུག་

[Full Size]

པས་ལས་འབྲས་བསླུ་མེད་ལ་ངེས་པ་ཚིག་ཙམ་མིན་པར་མཐོང་བས་རྟག་ཆད་དང་བྲལ་བའི་ལྟ་བ་རྣམ་པར་དག་པ་སྐྱེ་ལ། དེའི་ཚུལ་ཡང་། དགྱེས་པ་རྡོ་རྗེར། གོང་གི་ལུང་དེ་མ་ཐག་པར། འདི་ལྟ་ལྟེ། གཙུབ་ཤིང་དང་གཙུག་སྟན་དང་སྐྱེས་བུའི་ལག་པའི་རྩོལ་བ་ལས་གློ་བུར་དུ་མེ་སྐྱེ་བར་འགྱུར་རོ། །མེ་དེ་གཙུབ་ཤིང་ལ་ཡང་མི་གནས་གཙུབ་སྟན་ལ་ཡང་མ་ཡིན། །སྐྱེས་བུའི་ལག་པ་དག་ལ་ཡང་མ་ཡིན་ཏེ་རྣམ་པ་ཐམས་ཅད་དུ་ཡོངས་སུ་བཙལ་ན་གཅིག་ན་ཡང་ཡོད་པ་མ་ཡིན་པས། མེ་དེ་ཡང་བདེན་པ་ཡང་མ་ཡིན། བརྫུན་པ་ཡང་མ་ཡིན་ནོ། །དེ་ལྟར་ཆོས་ཐམས་ཅད་རྣལ་འབྱོར་མས་ཡིད་ལ་གྱིས་ཤིག །ཅེས་གསུངས་ལ། མདོ་ལས་ཀྱང་། གང་ཞིག་རྐྱེན་ལས་སྐྱེས་པ་དེ་མ་སྐྱེས། །དེ་ལ་སྐྱེ་བའི་རང་བཞིན་ཡོད་མ་ཡིན། །རྐྱེན་ལས་རག་ལས་

[Full Size]

གང་དེ་སྟོང་པ་ཉིད། །གང་ཞིག་སྟོང་ཉིད་ཤེས་དེ་བག་ཡོད་ཡིན། །ཞེས་གསུངས་ལ། དོན་དེ་དག་གི་དབང་དུ་མཛད་ནས། །མགོན་པོ་ཀླུ་སྒྲུབ་ཀྱིས། །དབུ་མ་རྩ་བའི་མཆོད་བརྗོད་དུ། །གང་གིས་རྟེན་ཅིང་འབྲེལ་བར་འབྱུང་། །འགག་པ་མེད་པ་སྐྱེ་མེད་པ། །ཆད་པ་མེད་པ་རྟག་མེད་པ། །འོང་བ་མེད་པ་འགྲོ་མེད་པ། །ཐ་དད་དོན་མིན་དོན་གཅིག་མིན། །སྤྲོས་པ་ཉེར་ཞི་ཞི་བསྟན་པ། །རྫོགས་པའི་སངས་རྒྱས་སྨྲ་རྣམས་ཀྱི། །དམ་པ་དེ་ལ་ཕྱག་འཚལ་ལོ། །ཞེས་དང་། །དེ་ཉིད་ལས། བདག་ལས་མ་ཡིན་གཞན་ལས་མིན། །གཉིས་ལས་མ་ཡིན་རྒྱུ་མེད་མིན། །དངོས་པོ་གང་དག་གང་ན་ཡང་། །སྐྱེ་བ་ནམ་ཡང་ཡོད་མ་ཡིན། །ཞེས་སོགས་རྒྱས་པར་གསུངས་ཤིང་། །འདི་ལྟ་བུའི་རྟེན་འབྲེལ་གྱི་རིགས་པ་ལ་ཆེད་དུ་བསྔགས་པ། དཔལ་ལྡན་ཟླ་བས། དེ་ཕྱིར་རྟེན་འབྱུང་རིགས་པ་འདི་ཡིས་

[Full Size]

ནི། །ལྟ་ངན་དྲ་བ་མཐའ་དག་གཅོད་པར་བྱེད། །ཅེས་གསུངས་ལ། མདོར་ན་སྒྱུ་ལུས་ཀྱི་སྐབས་འདིར་རྨི་ལམ་གྱི་སྣང་བ་དང་ཉིན་པར་གྱི་སྣང་བ་གཉིས་ཁྱད་པར་ཅི་ཡང་མེད་པ་ལ་སློབ་པའི་ཚུལ་འདི་ནི་གནད་ཀྱི་སྙིང་པོ་སྟེ། །དེ་ཡང་རྨོག་ལྕོག་པ་ཆེན་པོའི་གསུང་ལས། རྨི་ལམ་གྱི་གནས་སྐབས་ན་ཡུལ་སྣ་ཚོགས་སུ་ཤར་བ་དེ་དང་། ད་ལྟར་གྱི་གནས་སྐབས་ན་སྣང་བ་སྣ་ཚོགས་སུ་ཤར་བ་འདི་གཉིས་ཤར་བའི་སྒོ་ནས་ཀྱང་མཉམ། སྣང་བའི་སྒོ་ནས་ཀྱང་མཉམ་སྟེ། རྨི་ལམ་གྱི་དུས་སུ་ཡུལ་སྣ་ཚོགས་སུ་ཤར་བ་དེ་ཤར་ཡང་ཁོ་རང་ལ་ཤར། སྣང་ཡང་ཁོ་རང་གི་ངོ་བོ་ལ་སྣང་། སྣང་བའི་སྒོ་ནས་ཀྱང་ཁྱད་པར་མེད་པར་གོ། །དོན་བྱེད་ནུས་པའི་སྒོ་ནས་ཀྱང་ཁྱད་པར་མེད་དེ། རྨི་ལམ་གྱི་དུས་སུ་སྣ་ཚོགས་སུ་ཤར་བ་འདིས་ཀྱང་ཆགས་སྡང་སྐྱེད་པའི་དོན་བྱེད་ནུས་ལ།

[Full Size]

ད་ལྟར་གྱི་དུས་སུ་སྣང་བ་སྣ་ཚོགས་སུ་ཤར་བ་འདིས་ཀྱང་ཆགས་སྡང་སྐྱེད་པའི་དོན་བྱེད་ནུས་པའི་སྒོ་ནས་ཀྱང་ཁྱད་པར་མེད་པར་གོ། །ཤེས་ནས་གྲོལ་བའི་སྒོ་ནས་ཀྱང་ཁྱད་པར་མེད་པ་ཡིན་ཏེ། རྨི་ལམ་གྱི་དུས་སུ་ཡང་རྨི་ལམ་དུ་ཤེས་ན་གྲོལ་གྱིན་འདུག །དེ་བཞིན་དུ་ད་ལྟ་ཡང་སྒྱུ་མ་ལྟ་བུར་ཤེས་ན་ཆགས་སྡང་ལས་གྲོལ་གྱིན་འདུག །དེ་ལྟར་གྲོལ་བའི་སྒོ་ནས་ཀྱང་ཁྱད་པར་མེད་པར་གོ། །ཞེས་གསུངས་ལ། དེས་ན་ད་ལྟའི་ལས་སྣང་འདི་དག་ཆུ་ནང་གི་ཟླ་བ་ལྟ་བུར་ཤེས་ན་བར་དོར་འཚང་རྒྱ་བ་ཡང་འདི་ལས་འབྱུང་སྟེ། རྗེ་བཙུན་གྲོལ་མཆོག་གི་མགུར་ལས། དུས་ད་ལྟའི་ལས་སྣང་ཇི་སྙེད་པ། །གཤིས་མ་གྲུབ་ཆུ་ནང་ཟླ་བ་བཞིན། །དོན་འདི་ལ་ངེས་ཤེས་སྐྱེས་པ་ན། །ཕྱིས་བར་དོ་རྒྱལ་བ་ལོངས་སྐུ་འགྲུབ། །ཅེས་གསུངས་སོ། །སྐབས་འདིར་དྲི་བའི་ཚུལ། ཨརྻ་དེ་ཝས་བདག་བྱིན་

[Full Size]

བརླབས་པ་ལས། །ཕྱིར་ཕྱོགས་རྨི་ལམ་སྒྱུ་འདྲ་མཐོང་མེད་ཅེས། །གསུངས་ན་འདི་ཡི་སྒྱུ་ལུས་ཁྲིད་ཀྱི་སྐབས། །སྦས་དོན་སྒྱུ་མ་མི་འབྱུང་ཅི་ཞིག་ཡིན། །ཞེས་འདྲི་བའི་རྒྱུ་མཚན། སློབ་དཔོན་ཨརྻ་དེ་ཝས། ཆོས་ཀུན་རྨི་ལམ་སྒྱུ་འདྲ་ཞེས། །སངས་རྒྱས་པ་ཀུན་སྨྲ་མོད་ཀྱིས། །བདག་བྱིན་བརླབས་ལས་ཕྱིར་ཕྱོགས་པས། །རྨི་ལམ་སྒྱུ་འདྲ་མཐོང་བ་མེད། །ཅེས་གསུངས་ལ། འདིར་སྐབས་ཀྱི་བདག་བྱིན་རླབས་ཡང་། མདོར་བསྡུས་དང་པོར། བདག་བྱིན་རླབས་པ་དག་ནི་སྟོང་པ་ལས། ཁམས་གསུམ་པོ་ནི་མཐོང་བའི་མིང་ཡིན་ནོ། །ཞེས་རྣམ་ཀུན་མཆོག་ལྡན་གྱི་སྟོང་གཟུགས་མཐོང་བ་ལ་བཤད་ལ། ནི་གུ་ཆོས་དྲུག་གི་སྒྱུ་ལུས་ཀྱི་སྐབས་འདིར། །ད་ལྟའི་ལས་སྣང་འདི་དག་སྒྱུ་མ་རྨི་ལམ་དུ་དྲན་འདུན་གྱིས་གཏན་ལ་འབེབས་པ་ཙམ་ལས། རྫོགས་རིམ་སྒྱུ་མའམ།

[Full Size]

བདག་བྱིན་རླབས་ཀྱི་རྣམ་བཞག་མི་འབྱུང་བ་ཅི་ཞེ་ན། ཐོག་མར་ཐབས་ལམ་གྱི་སྐབས་ཨ་ཧཾ་འབར་འཛག་གི་རྣལ་འབྱོར་དང་། །བྱང་ཆུབ་ཀྱི་སེམས་འཆིང་བའི་ནུས་པ་ཐོབ་ནས། གཞན་ལུས་ཤེས་རབ་ཀྱི་རྣལ་འབྱོར་སོགས་ཀྱི་སྒོ་ནས་ཞུ་བདེ་ལྷན་ཅིག་སྐྱེས་པའི་ཡེ་ཤེས་རྒྱུད་ལ་སྐྱེས་པ་ཞིག་གིས། བདེ་བ་དེ་དག་ལ་ཞེན་པ་འགོག་པའི་སླད་དུ་སྒྱུ་ལུས་ཀྱི་ཁྲིད་བསྟན་ཞིང་། སྟོང་གཟུགས་ཀྱི་རྣམ་བཞག་ཀྱང་། ནི་གུའི་སྐབས་འདིར་མ་བསྟན་པ་མ་ཡིན་ཏེ། འདི་ཉིད་ཀྱི་འོད་གསལ་འཆར་སྒོ་ངོས་འཛིན་དུ་གསལ་བའི་འོད་གསལ་མི་རྟོག་པའི་བདེ་བ། དབྱེར་མེད་པའི་འོད་གསལ་དང་བཞིར་ཕྱེ་བའི་དང་པོ་འཆད་པའི་སྐབས་སུ། ཉི་མའི་འོད་ཟེར་ལྟ་བུ་ཤར་བ་དང་། ཟླ་བའི་འོད་སྐྱ་ཧོད་དེ་བ་ལྟ་བུ་དང་། ཉི་མའི་མདངས་གསལ་བའམ། དེ་ཤིན་ཏུ་གསལ་ཞིང་དྲོ་བ་དང་། ཞེས་དང་། འོད་

[Full Size]

མར་མེ་འབར་བ་ལྟ་བུ་དང་། འོད་ལྔའམ། དཀར་པོ་མར་མེའི་ཕྲེང་བ་ལྟ་བུ་དང་། ཞེས་དང་། འོད་ཀྱི་གློག་འཁྱུག་པ་དང་། སྲིན་བུ་མེ་ཁྱེར་ལྟ་བུ་དང་། ཐིག་ལེ་སྒྲ་འོད་དང་བཅས་པ་སོགས་འབྱུང་བར་བཤད་པས་སྦས་དོན་གྱི་སྒྱུ་མ་ཡང་ཤིན་ཏུ་གསལ་བ་ཉིད་དོ། །འདིར་བཅུ་བཞིའི་ས་ཐོབ་འགྱུར། །ཞེས་པ་བཤད་ཁུངས་གཞན་ཡང་། ཡེ་ཤེས་ཐིག་ལེའི་རྒྱུད་ལས། བུམ་པའི་དབང་ནི་བཅུ་གཅིག་སྟེ། །གསང་བའི་དབང་ནི་བཅུ་གཉིས་མཚོན། །ཤེས་རབ་ཡེ་ཤེས་བཅུ་གསུམ་པ། །དེ་ལྟར་དེ་བཞིན་བཅུ་བཞི་པ། །དབང་རེ་ལ་ནི་ས་རེ་སྟེ། །འདི་རྣམས་ས་ཡི་དབང་ཕྱུག་བདག །ཅེས་འབྱུང་ངོ་། །གསུམ་པ་རྨི་ལམ་ཉིང་འཁྲུལ་རང་དག་ནི། ༈ །གང་གིས་བསམ་པ་ཐམས་ཅད་ཡོངས་སྤངས་ནས། །རྨི་ལམ་འདུན་པའི་གནད་ལ་འབྲལ་མེད་བྱ། །ཉིང་འཁྲུལ་རང་དག་སྒྱུ་མ་

[Full Size]

ལམ་རིམ་གྱི། །ཡོན་ཏན་ཉིན་མཚན་དུས་སུ་རང་ཤར་འབྱུང་། །འཁྲུལ་འབྱམས་སད་འབྱམས་བདེ་འབྱམས་སྟོང་འབྱམས་རྣམས། །མོས་གུས་ཚོགས་གསོག་གེགས་སེལ་བརྒྱན་པར་བྱ། །ཞེས་པ་འདིས་རྨི་ལམ་ཉིང་འཁྲུལ་རང་དག་གི་གདམས་པ་བསྟན་ལ། འདིའི་མཚན་ཉིད། ཉིང་འཁྲུལ་བདེན་མེད་བདེ་བར་ཤར། །འདི་ནི་རྨི་ལམ་མཚན་ཉིད་ཡིན། །ཞེས་ཉིང་འཁྲུལ་ཐམས་ཅད་བདེན་མེད་དུ་ཤར་ཏེ། རྨི་ལམ་གྱི་འཁྲུལ་པ་ཐམས་ཅད་རང་ཡལ་ལ་འགྲོ་བའི་རྣལ་འབྱོར་ཁྱད་པར་ཅན་ཞིག་ཡིན་ལ། དེ་ལ་རྨི་ལམ་བཟུང་བ། སྦྱང་བ། སྤེལ་བ། སྤྲུལ་བ། སྒྱུར་བ། ཡུལ་སྣང་ངོ་། །དང་པོ་རྨི་ལམ་བཟུང་བ་གཉིས་ཏེ། རང་ཟིན་དང་འཆུག་མེད་དོ། །དང་པོ་ནི། ཐིག་ལེ་དབང་བཞིའི་གནད་ཀྱི་འཛིན་པ་སྟེ། །དེའི་བཤད་ཁུང་། ཡེ་ཤེས་མཁའ་འགྲོའི་སྒྱུ་མ་ལམ་གྱི་རིམ་པར། གང་ཞིག་དག་བྱེད་བུམ་པ་

[Full Size]

སྟེ། །དབྱེར་མེད་དཀར་དམར་གསང་བ་ལ། །བདེ་བའི་ཆ་ནི་གསུམ་པ་སྟེ། །བརྗོད་མེད་བཞི་པར་ཤེས་པར་བྱ། །ཞེས་དང་། རྗེ་བཙུན་གྲོལ་མཆོག་གི་མགུར་ལས། ཐིག་ལེ་ཡི་བཞི་འགྲོས་རྟེན་འབྲེལ་གྱི་གནད། མ་ཡེ་ཤེས་མཁའ་འགྲོ་ཡི་གསང་བའི་གཏམ། །ཞེས་གསུངས་ཤིང་། སྤྱི་བོའི་ཧཾ་ལས་ཐིག་ལེ་དཀར་པོ་ཆད་སྙིང་གར་བྱུང་བས་གཏི་མུག་དག །གསང་གནས་ཀྱི་ཧཱུྃ་ལས་ཐིག་ལེ་དམར་པོ་ཆད། སྙིང་གར་བྱུང་། འདོད་ཆགས་དག །ཞེ་སྡང་རང་དག་ཡིན་ནོ། །ཞེས་འབྱུང་བ་དེ་དག་གི་དོན། །རྡོ་རྗེའི་ལུས་སྐྱོན་མེད་པ་རྣམས་ལ་དབུ་མའི་མར་རྩེར་ཧཾ་ཡིག་ཐབས་ཀྱི་ཆ་འགྱུར་མེད་བདེ་བ་ཆེན་པོའི་ཡེ་ཤེས་ཀྱི་རྟེན་ཡབ་མཐའ་དག་གི་ངོ་བོ་རྡོ་རྗེ་ཟླ་བ་དྲི་མེད་འོད་དེ་ཉིད་ལམ་མ་ཞུགས་རྣམས་ལ་ཉོན་མོངས་པ་གཏི་མུག་གི་ཁང་བུ་ཉིད་དུ་གནས་ཏེ། གཉིད་བྲོ་དུས་སྨིན་ཕྲག་ཏུ་ནག་ཐིབས་

[Full Size]

སེ་འབྱུང་བས་མཚོན་ཞིང་དབུ་མའི་མས་སྣར་ཐབས་ཤེས་ཀྱི་ཁྱད་པར་ཧཱུྃ་ཨཾ་གི་ཡི་གེ་སོ་སོ་འོད་གསལ་རྣམ་པ་ཀུན་ལྡན་གྱི་བདག་ཉིད་ཡུམ་རྣམ་པ་ཐམས་ཅད་ཀྱི་ངོ་བོ་རྡོ་རྗེ་ཉི་མ་སྣང་བ་ཆེན་པོ་ཉིད་ཐ་མལ་པ་རྣམས་ལ་ཉོན་མོངས་པ་འདོད་ཆགས་ཀྱི་ཞིང་སར་གནས་ཏེ། ཆགས་པའི་ཀུན་དུ་རྟོག་པ་སྐྱེད་ཚེ་གསང་གནས་རོ་ཙ་བས་མཚོན་པའོ། །ཞེ་སྡང་ནི་ཡིད་འཁྲུག་ཚེ་སྙིང་རྩ་འདར་ཕྲུག་པས་གོ་བར་ནུས་སོ། །ཐིག་ལེ་དཀར་དམར་གྱི་འཕྲོ་འདུ་རྣམས་ཀྱང་དབུ་མའི་ནང་ཉིད་དུ་དམིགས་པ་དང་། ཨ་བྷི་ཥིཉྩའི་སྒྲ་ལས་སེམས་ཀྱི་དྲི་མ་འཁྲུད་པའི་དོན་དུ་སྦྱོར་བ་ཡང་། བརྟག་གཉིས་ལས། གཏོར་དང་བླུགས་པ་ཞེས་པ་འདིས། །དེས་ན་དབང་ཞེས་བརྗོད་པར་བྱ། །ཞེས་པའི་དོན་ཡིན་ཞིང་། དབང་མདོར་བསྟན་ལས། ལུས་ཅན་ཐམས་ཅད་འཆི་བ་ན། །ཟླ་བ་བདུད་རྩི་འོག་ཏུ་འགྲོ། །

[Full Size]

སྟེང་དུ་ཉི་མ་རྡུལ་སྒྲ་གཅན། །རྣམ་པ་དངོས་པོའི་མཚན་ཉིད་ལ། །ཞེས་གསུངས་པ་ལྟར། འབྱུང་ངེས་འཆི་སྲིད་ཀྱི་སྣང་མཆེད་ཐོབ་གསུམ་གྱི་ཉམས་ལེན་དང་ཡང་སྦྱར་དགོས་ཏེ། དཀར་ལམ་གྱི་ཚེ་ཞེ་སྡང་ལས་གྱུར་པའི་རྟོག་པ་སོ་གསུམ། །དམར་ལམ་གྱི་སྐབས་འདོད་ཆགས་ལས་གྱུར་པའི་རྟོག་པ་བཞི་བཅུ། ནག་ལམ་གྱི་ཚེ་གཏི་མུག་ལས་གྱུར་པའི་རྟོག་པ་བདུན་ཏེ་རང་བཞིན་བརྒྱད་ཅུའི་སྒྲིབ་གཡོགས་དང་བྲལ་བའི་ཆོས་སྐུ་གཅེར་མཐོང་དེ་ཉིད། དུས་ཀྱི་འཁོར་ལོར་འཇིག་རྟེན་ལས་འདས་པའི་དབང་ཞེས་གསུངས་ཤིང་། བཀའ་བརྒྱུད་རིན་པོ་ཆེ་རང་གི་ལུས་ཀྱི་ཐ་མལ་གྱི་ཤེས་པ་བརྗེན་པར་མཐོང་བའི་སྐབས་ཡིན་ནོ། །གཉིས་པ་འཆུག་མེད་ནི། །ཡེ་ཤེས་མཁའ་འགྲོའི་སྒྱུ་མ་ལམ་གྱི་རིམ་པར། དུས་དང་ལུས་དང་དམིགས་པ་ཡིས། །དབེན་པའི་གནས་སུ་རྨི་ལམ་

[Full Size]

བཟུང་། །ཞེས་གསུངས་པ་ལྟར། དུས་གནད་གསུམ། ལུས་གནད་གསུམ། དམིགས་གནད་གསུམ་གྱི་སྒོ་ནས་འཛིན་པར་བཤད་པའི་རྟོག་བཅས་རྟོག་མེད་ཀྱི་ཐ་སྙད་ནི། ཐིག་ལེ་དཀར་དམར་ལྟ་བུ་གཅིག་ལ་གཅིག་ཐིམ་ནས་འོད་དུ་ཡལ་སོང་བའི་མི་རྟོག་པའི་ངང་ལ་གཉིད་ལོག་ནས་འཛིན་པ་རྟོག་མེད་དང་། ཡེ་ཤེས་རྒྱ་མཚོ་ལས། འགྲོ་བ་ཀུན་གྱི་མགྲིན་པར་གནས། ཡི་གེ་ཨ་བཅས་གནས་པ་ཉིད། །ཅེས་གསུངས་པ་ལྟར་ཨཾ་ཡིག་འོད་འཕྲོ་བ་ཞིག་མགྲིན་པར་བསམ་ལ། རྨི་ལམ་གྱི་ངོ་བོ་ནི། གཉིད་དུ་སོང་མ་སོང་གི་བར་གྱི་རྣམ་པར་རྟོག་པ་ཡིན་ལ། གཉིད་དུ་སོང་ནས་རྨི་ལམ་རགས་པ་མ་ཤར་བའི་བར་དེར་མི་ལ་སོགས་པའི་རྣམ་པར་རྟོག་པ་རབ་རིབ་ཤར་བ་དེ་དྲན་པས་འཛིན་པའི་དབང་དུ་བྱས་ནས་རྟོག་བཅས་ལ་འཛིན་པ་ཞེས་བྱ་བའི་ཐ་སྙད་བྱས་སོ། །རྨི་ལམ་ཟིན་ཅིང་འབྱོངས་པའི་ཕན་ཡོན་ནི། ཡེ་ཤེས་རྒྱ་མཚོའི་

[Full Size]

རྒྱུད་སྒྱུ་མ་ལམ་རིམ་དུ་དྲངས་པར། རྨི་ལམ་ནུབ་གཅིག་ཟིན་གྱུར་ན། །རྣལ་འབྱོར་ཟླ་ཕྱེད་བར་དུ་བདེ། །ལྷ་ཀླུ་དྲི་ཟས་མཆོད་ཅིང་བསྟོད། །དཔའ་བོ་མཁའ་འགྲོ་དངོས་སུ་འདུ། །ངན་སོང་མཚོ་ལས་སྒྲོལ་བའི་གྲུ། །ཞེས་དང་། རྨོག་ལྕོག་པ་ཆེན་པོས། རྨི་ལམ་འབྱོངས་པའི་གང་ཟག་དེ། །ས་བཅུའི་བྱང་ཆུབ་སེམས་དཔའ་དང་། །ཁྱད་པར་མེད་པར་གསུངས་པ་ཡིན། །ས་བཅུའི་བྱང་ཆུབ་སེམས་དཔའ་དེ། །ལུས་ནི་གཞོན་ནུ་འོད་ཀྱི་ལུས། །ཤེས་བྱའི་སྒྲིབ་པ་རྐང་སྤྲིན་ལ། །རྩི་བཞིན་དུ་ནི་གནས་པ་ཡིན། །དེ་སྤོང་བ་ཡི་ཐབས་ལ་ནི། །རྡོ་རྗེ་ལྟ་བུའི་ཏིང་འཛིན་གྱིས། །ཤེས་བྱའི་སྒྲིབ་པ་སྤོང་བའི་མཆོག །ཆོས་སྐུ་མངོན་དུ་བྱེད་པ་ཡིན། །ཞེས་གསུངས་སོ། །རྨི་ལམ་སྦྱོང་བའི་གནད། །རྗེ་རྨོག་ལྕོག་པ་ཆེན་པོའི་གསུང་ལས། །རྨི་ལམ་སྦྱོང་བའི་དུས་ཙམ་ན། །ཡ་ང་བག་ཚ་

[Full Size]

འབྱུང་བ་ཡིན། །བྱུང་བའི་དུས་ན་འདི་ལྟར་བསམ། །སྡུག་བསྔལ་བསྐྱེད་པ་འབྱུང་བའི་ལུས། །མལ་ན་བཞག་ནས་ཡོད་པ་ཡིན། །འདི་ནི་ཡིད་ཀྱི་ལུས་ཡིན་ན། །འདི་ལ་འཇིགས་རྒྱུ་ཅི་ཞིག་ཡོད། །རང་སེམས་ཤར་བ་རང་གི་སེམས། །ཤེས་པའི་དུས་ན་འཇིགས་པ་མེད། །ཅེས་གསུངས་པ་ལྟར་ཉམས་སུ་བླང་བར་བྱའོ། །རྨི་ལམ་སྤེལ་སྤྲུལ་གཉིས། དམིགས་པ་གཅིག་པ་ལ་མིང་དང་གོ་རིམ་ཐ་དད་དུ་གསུངས་པའི་དགོངས་པ་ནི་དོན་སྤྱིའི་ཚུལ་གྱིས་སྤྲུལ་པའི་དམིགས་པ་འབད་རྩོལ་དང་བཅས་ནས་སྒོམ་པ་ལ་སྤེལ་བ། ཞེས་དང་། དེ་གོམས་པ་ལས་ཇི་ལྟར་བསམ་པ་བཞིན་མངོན་གྱུར་དུ་བསྟོན་ནུས་པ་ལ་སྤྲུལ་པ་ཞེས་གོམས་པ་ཀློང་དུ་གྱུར་པ་ལ་འཇོག་པར་སྣང་ངོ་། །རྨི་ལམ་འཛིན་པའི་གསོལ་འདེབས་དང་འདུན་པའི་གྲངས། རྨི་ལམ་འཛིན་པར་བྱེད་པ་ལ། །གསོལ་འདེབས་གསུམ་

[Full Size]

ལ་འདུན་པ་གསུམ། །ཞེས་པའི་གསོལ་འདེབས། བདག་འཛིན་བློས་ཐོངས་པར། དགོས་མེད་རྒྱུད་ལ་སྐྱེ་བར། །རྨི་ལམ་ཟིན་པར་འདུན་པ། རྟོག་མེད་གཉིས། རྟོག་བཅས་དང་གསུམ། གཉིས་པ་རྨི་ལམ་སྦྱང་བའི་གསོལ་འདེབས་དང་དམིགས་པའི་གྲངས། རྨི་ལམ་སྦྱང་བའི་ཆོས་བཞི་ལ། གསོལ་འདེབས་བཞི་ལ་དམིགས་པ་བཞི། །ཞེས་པའི་གསོལ་འདེབས། བདག་འཛིན། དགོས་མེད། སྒྱུ་ལུས་རྨི་ལམ། དམིགས་པ། སེམས་ཀྱི་ལུས་སྦྱང་བ། ལུས་ཀྱི་སེམས་སྦྱང་བ། བདག་མེད་མས་སྦྱང་བ། འདུན་པས་སྦྱང་བའོ། །གསུམ་པ་སྤེལ་བའི་གསོལ་འདེབས་དང་འདུན་པའི་གྲངས། རྨི་ལམ་སྤེལ་བའི་ཆོས་དྲུག་ལ། །གསོལ་འདེབས་བཞི་ལ་འདུན་པ་དྲུག །ཅེས་པའི་གསོལ་འདེབས་གོང་བཞིན་ནོ། །འདུན་པ་འབྱུང་བཞི་

[Full Size]

ཕྲ་བ་ལ་སྤེལ་བ། །རགས་པ་ལ་སྤེལ་བ། སེམས་ཅན་ཕྲ་བ་ལ་སྤེལ་ལ། རགས་པ་ལ་སྤེལ་བ། འཇིག་རྟེན་པའི་གང་འདུལ། འདས་པའི་གང་འདུལ་ལོ། །སྤྲུལ་པ་ལ། རྨི་ལམ་སྤྲུལ་པའི་ཆོས་དྲུག་ལ། གསོལ་འདེབས་འདུན་པ་དེ་བཞིན་ནོ། །ཞེས་པས་སྤེལ་བའི་སྐབས་བཞིན་ནོ། །བསྒྱུར་བའི་གསོལ་འདེབས་དང་འདུན་པ་རྨི་ལམ་བསྒྱུར་བའི་ཆོས་བཞི་ལ། གསོལ་འདེབས་བཞི་ལ་འདུན་པ་བཞི། །ཞེས་པའི་གསོལ་འདེབས་གོང་བཞིན། འདུན་པ་འབྱུང་བཞི་ཕྲ་རགས་སུ་བསྒྱུར་བ། སེམས་ཅན་ཕྲ་རགས་སུ་བསྒྱུར་བ། ལྷ་སྐུ་སྣ་ཚོགས་སུ་བསྒྱུར་བ། སྣང་སྟོང་ཞེན་བྲལ་དུ་བསྒྱུར་བའོ། །ཡུལ་སྣང་ལ། ཡུལ་སྣང་དམིགས་པ་རྣམ་གསུམ་ལ། །གསོལ་འདེབས་གསུམ་ལ་དམིགས་པ་གསུམ། །ཞེས་པའི་གསོལ་འདེབས། བདག་འཛིན། དགོས་མེད།

[Full Size]

ཡུལ་སྣང་གཏན་ལ་ཕེབས་པར་དམིགས་པ། བདག་མེད་མ་ཡུལ་སྣང་འཆར་བྱེད། །ཨ་ཡུལ་སྣང་རང་གསལ། ཐིག་ལེ་ཡུལ་སྣང་གསལ་བྱེད་དོ། །རྨི་ལམ་གྱི་ཁྲིད་ཀྱི་སྐབས་འདིར། སྙིང་པོ་ཀུན་འདུས་སུ་བླ་མ་རྡོ་རྗེ་འཆང་། སྐུ་མདོག་དམར་པོར་སྒོམ་པ་ཞིག་མཛད་ལ། འདི་ལ་དྲི་བའི་ཚུལ། གྲུབ་ཆེན་ཁྲིད་ཡིག་སྙིང་པོ་ཀུན་འདུས་ཀྱི། །རྨི་ལམ་སྐབས་སུ་བླ་མ་རྡོ་རྗེ་འཆང་། །སྐུ་མདོག་དམར་པོར་མཛད་པའི་དགོས་པ་དང་། །དགོངས་པ་ཅི་ཞིག་ཡིན་པ་འཆད་ན་གང་། །ཅེས་བཀོད་ནས། ལམ་གྱི་རིམ་པ། རྨི་ལམ་ཉིང་འཁྲུལ་རང་དག་གི་གདམས་པ་འདི་དག་གཙོ་ཆེར་མགྲིན་པ་ལོངས་སྤྱོད་ཀྱི་འཁོར་ལོ་ལ་གནད་དུ་བསྣུན་ནས་སྒོམ་པ་ཡིན་ཞིང་། མགྲིན་པ་འདི་ཉིད་གསུང་རྡོ་རྗེའི་གཞི་ཡིན་པས། ངག་དག་པ་རྒྱལ་བ་འོད་དཔག་ཏུ་མེད་པའི་དབང་དུ་མཛད་

[Full Size]

ནས། བླ་མ་རྡོ་རྗེ་འཆང་འོད་དཔག་ཏུ་མེད་པའི་རང་བཞིན་པདྨ་རཱ་གའི་མདངས་ཅན་དུ་སྒོམ་པ་སྟེ། འདི་ཡང་ཡེ་ཤེས་ཀྱི་མཁའ་འགྲོ་རང་གི་དངོས་སུ་བསྩལ་བའི་ཞལ་ལུང་དྲོད་མ་ཡལ་བ་ཉིད་དོ། །བཞི་པ་འོད་གསལ་གཏི་མུག་རང་སངས་ནི། ༈ །འོད་གསལ་འཆར་བྱེད་བླ་མའི་མོས་གུས་དང་། །བདེ་ཆེན་ཟག་བཅས་ཟག་མེད་ལྟ་སྟངས་ཀྱིས། །བདེ་གསལ་མི་རྟོག་དབྱེར་མེད་རང་ཤར་འབྱུང་། །སྦྱོར་དངོས་རྗེས་གསུམ་དུས་གནད་བརྒྱན་བྱ་ཞིང་། །འོད་གསལ་མངོན་གྱུར་དམ་པ་ཉམས་མྱོང་ཅན། །འཆར་སྒོ་བོགས་འདོན་གེགས་སེལ་བརྒྱན་པར་བྱ། །ཞེས་པ་འདིས་འོད་གསལ་གཏི་མུག་རང་སངས་ཀྱི་གདམས་པ་བསྟན་ལ། འདིའི་མཚན་ཉིད། གསལ་སྟོང་ནམ་མཁའ་མཐའ་དབུས་མེད། །འདི་ནི་འོད་གསལ་མཚན་ཉིད་ཡིན། །ཞེས་གསལ་སྟོང་དབྱེར་མེད་

[Full Size]

འཛིན་པ་ཐམས་ཅད་དང་བྲལ་བ། ནམ་མཁའ་མཐའ་དབུས་མེད་པ་ལྟ་བུ་ཞིག་ཡིན་ལ། དེ་ལྟ་བུའི་འོད་གསལ་གྱི་རྣལ་འབྱོར་ཉམས་སུ་ལེན་པ་ལ། སྤྱིར་སྒོམ་པའི་ཚུལ་ལ། མཁས་པ་པཎྜི་ཏའི་དཔྱད་སྒོམ་དང་། སྒོམ་ཆེན་ཀུ་ས་ལིའི་འཇོག་སྒོམ་གཉིས་སུ་གྲགས་ཤིང་། འདི་གཉིས་ལུང་རིགས་ཀྱི་དཔྱད་པ་སྔོན་དུ་གཏོང་མི་གཏོང་གི་ཁྱད་པར་ཡིན་ཞིང་། དཔྱད་པ་སྔོན་དུ་བཏང་བས་དཔྱད་སྒོམ་དུ་བཤད་པ་དེ་དག་ཀྱང་། མཐར་ནི་ངེས་པར་འཇོག་སྒོམ་དུ་འབབ་སྟེ། དེ་དག་གིས་ཀྱང་སེམས་མ་བཅོས་པར་མཉམ་པར་འཇོག་དགོས་པའི་ཕྱིར། དེང་སང་འགའ་ཞིག །སེམས་མ་བཅོས་པར་མཉམ་པ་འཇོག་པ་ལ་དགྲ་ལྟར་དུ་ལྟ་ཞིང་། རང་གི་སྒོམ་རིམ་ཟབ་ཟབ་མོར་བྱེད་པ་ལ། སྟོང་པ་ཉིད་དང་། བདག་མེད་པ་དང་། བདེན་པར་མ་གྲུབ་པའོ་སྙམ་དུ་ལྟ་བ་སྟོན་གྱི་འདུག་སྟེ། དེ་འདྲ་བས་

[Full Size]

ནི། འཕགས་པའི་ལམ་དུ་བགྲོད་པ་མི་སྲིད་ཅིང་། །ཤེས་རབ་ཀྱི་ཕ་རོལ་ཏུ་ཕྱིན་པ་སྡུད་པ་ལས། ཕུང་འདི་སྟོང་ཞེས་རྟོག་ནའང་བྱང་ཆུབ་སེམས་དཔའ་ནི། །མཚན་མ་ལ་སྤྱོད་སྐྱེ་མེད་གནས་ལ་དད་མ་ཡིན། །ཞེས་སོགས་རྒྱས་པར་གསུངས་པས། ལམ་ཕྱིན་ཅི་ལོག་ཏུ་གྱུར་པ་ཡིན་ནོ། །དཔྱད་སྒོམ་འཇོག་སྒོམ་གཉིས་ཀྱང་། གདུལ་བྱའི་དབང་པོ་ལ་ལྟོས་ཏེ། བློ་ཚོད་དང་འཚམ་པར་སྟོན་པ་ཡིན་ལ། འཇོག་སྒོམ་གྱི་སྔོན་དུ་དཔྱད་སྒོམ་མཐའ་གཅིག་ཏུ་དགོས་པ་ནི་མ་ཡིན་ཏེ། གལ་ཏེ་ཡིན་ན་འཕགས་པ་ཀླུ་སྒྲུབ་ཀྱི་སློབ་མ་མ་ཧེའི་རྫི་བོ་ཀ་ཁ་ཙམ་ཡང་མི་ཤེས་པ་ཞིག་ལ་ཟབ་མོའི་རྣལ་འབྱོར་བསྟན་པས་གྲོལ་བ་ཇི་ལྟར་འཐད། །དེས་ན་དཔྱད་སྒོམ་འཇོག་སྒོམ་གཉིས་དཔེ་དང་སྦྱར་ནས་བཤད་ན། སྐྱེས་བུ་འགའ་ཞིག་རླུང་དང་། མཁྲིས་པ་དང་། བད་ཀན་གྱིས་མིག་རབ་རིབ་ཏུ་གྱུར་བ་ལས། སྐྲ་ཤད་དང་། མེ་དང་། གཡང་ས་ལ་སོགས་

[Full Size]

པའི་འདུ་ཤེས་ཀྱི་སྡུག་བསྔལ་བ་མཐོང་བ་ན། ཕྱོགས་འདི་ན་དེ་དག་མེད་དོ་ཞེས་རྒྱུ་མཚན་དང་བཅས་པ་ཉེ་དུ་དག་གིས་སྒྲོགས་ལ། གཏམ་དེས་ཀྱང་ཅུང་ཟད་འཇིགས་པ་དང་བྲལ་བར་འགྱུར་རོ། །མཁས་པ་འགའ་ཞིག་གིས་ནི། །དེ་ལྟ་བུའི་གཏམ་བྱས་པ་མེད་པར། མིག་སྨན་བཟང་པོ་ཐབས་ཀྱིས་ཟར་བཅུག་པ་ལས། སྐྱེས་བུ་དེ་ཉིད་ཀྱིས་སྒྲ་ཤད་ལ་སོགས་པ་མེད་པར་མངོན་སུམ་གྱིས་རྟོགས་པར་འགྱུར་རོ། །དེ་བཞིན་དུ་སེམས་ཅན་རྣམས་ཐོག་མ་མེད་པ་ནས། བདག་ཏུ་རྟོག་པའི་འདུ་ཤེས་ཀྱི་སྡུག་བསྔལ་བ་གཟིགས་ནས། ཉེ་དུ་ལྟ་བུའི་མཁས་པ་མང་པོས་གཏན་ཚིགས་བརྒྱ་སྟོང་གིས་བདག་མེད་པའི་གཏམ་མཛད་ཅིང་། དེ་ནས་ཉོན་མོངས་པ་དག་རིམ་གྱི་འབྲི་བར་འགྱུར་མོད། དེ་ལས་ཆས་མཁས་པ་ལྟ་བུར་བདག་ཏུ་འདུ་ཤེས་པ་འདི་ནི་སེམས་ཐོག་མ་མེད་པ་ནས་

[Full Size]

རླུང་དང་ཁམས་ཀྱི་རྣམ་པར་འགྱུར་བའི་གཞན་དབང་དུ་གྱུར་པ་ལས་བྱུང་བར་གཟིགས་ནས། ནང་གི་རིག་པ་རྣམ་པར་མི་རྟོག་པའི་མིག་སྨན་བྱིན་པ་ན། མིག་སྨན་ཐོབ་པའི་སྐྱེས་བུ་དེ་ཉིད་ཀྱིས་བདག་མེད་པ་མངོན་སུམ་དུ་བྱེད་དོ། །ཞེས་བྱ་བ་འདི་ཡིན་ནོ། །དེ་ལྟར་ན་བདག་མེད་པ་ལ་ཉེ་བར་རྟོགས་པའི་རྗེས་སུ་དཔག་པའི་ལམ་འདིའང་ཤིང་རྟ་ཆེན་པོ་དག་གིས་གསུངས་ཤིང་། འཛམ་བུའི་གླིང་འདིར་ཀུན་ལ་གྲགས་ལ་ཇི་སྐད་བཤད་པའི་མངོན་སུམ་གྱི་ལམ་འདིའང་། དཔལ་ས་ར་ཧ་ལ་སོགས་པའི་གྲུབ་པ་དང་སྙིང་པོའི་གཞུང་ཆེན་མོ་རྣམས་ནས་མང་དུ་གསུངས་ཤིང་། དེའི་ལུགས་ལ་གནས་པ་དག་གིས། མཁས་པ་རྣམས་ནི་དཔྱད་པ་སྟེ། །བླ་མ་དམ་པའི་དཔྱད་པ་མེད། །ཅེས་གསུངས་ལ། ཁྱད་པར་ས་ར་ཧས། རྟོག་པ་ཉམས་པས་བློ་ཉམས་ཏེ། །བློ་ངན་རྗེས་སུ་རྟོག་བྱེད་ལོ། །འདི་ཉིད་ལས་

[Full Size]

ཀྱི་བློ་བཟང་ལ། །ནམ་མཁའ་ལས་ལྷག་ཅི་ཡང་འབྱུང་། །སྔོན་མེད་དཔྱིད་བྱུང་ནམ་མཁའི་མེ་ཏོག་འབྲས། །ལག་པས་འཐོག་རེག་བྱར་མེད་ས་ར་ཧ། །མིག་མི་འཛུམ་པར་ལྟ་དང་མི་བསམ་དང་། །རླུང་འགོག་པ་ནི་བླ་མ་དམ་པའི་གསུང་། །ཞེས་ཤིན་ཏུ་གསལ་བར་གསུངས་ཏེ། །དེའང་རྟོག་པ་ཉམས་ན་བློ་སྟེ་ཤེས་རབ་ཉམས་པ་ཡིན་ནོ། །ཞེས་བྱ་བ་ནི། བློ་ངན་རྣམས་ཀྱི་ལུགས་ཡིན་ལ། །བླ་མ་དམ་པའི་ལུགས་ནི། རྣམ་པར་མི་རྟོག་པའི་ནམ་མཁའ་ལ་ཆོས་མི་འཆར་བ་ཅི་ཡང་མེད་དོ། །ཞེས་བྱ་བ་ཡིན་ནོ། །དེས་ན་མཉམ་པར་འཇོག་པའི་ཚུལ་ནི། །དབེན་པའི་གནས་སུ་ལུས་གནད་རྣམ་སྣང་གི་ཆོས་བདུན་ལྡན། །ཁྱད་པར་མིག་འབྲས་མི་སྒུལ། །རྫི་མ་མི་བཀྲབ་པའི་གཡོ་སྒུལ་མེད་པའི་ལྟ་སྟངས་དང་ལྡན་པ། ངག་མི་སྨྲ་བ་ལྐུགས་པའི་བརྟུལ་ཞུགས། སེམས་ཀྱི་གནད་ཏིང་ངེ་འཛིན་

[Full Size]

དང་། དེའི་འབྲས་བུ་རྫོགས་པའི་བྱང་ཆུབ་ལ་རེ་བ་དང་། ཉོན་མོངས་པ་དང་། རྣམ་པར་རྟོག་པ་དེའི་འབྲས་བུ་འཁོར་བ་དང་ངན་སོང་གི་དོགས་པ། འདི་དང་འདི་ནི་སྐྱོན་ཡིན་པས་སྤང་བར་བྱའོ། །འདི་དང་འདི་ནི་ཡོན་ཏན་ཡིན་པས་བརྟེན་པར་བྱའོ་སྙམ་པ་ལ་སོགས་པ་ཡིད་ཀྱི་རྟོག་དཔྱོད་ཐམས་ཅད་དོར་ཏེ། སེམས་རང་བབས་ཀྱི་ངོ་བོ་གང་ཤར་བ་དེའི་སྟེང་དུ་མ་བཅོས་པར་ཆ་མ་འཇོག་པ་ཡིན་ལ། དེ་ལ་རྟོག་པ་སྐྱེས་ན་གང་ཤར་གྱི་ངོ་བོ་འཛིན་མེད་དུ་བསྐྱངས་ཏེ། ངོས་གཟུང་མེད་པ་ཅི་ཡང་མ་ཡིན་པའི་ཚུལ་དུ་ཉམས་སུ་ལེན་པ་སྟེ་བསྒོམ་པར་བྱ་བའི་དངོས་པོ་རྡུལ་ཙམ་ཡང་མ་རྙེད་ལ། ཡེངས་སུ་སྐད་ཅིག་ཀྱང་མེད་པ་དེའི་ངང་ལ་འཇོག་པ་ཡིན། རྟོག་པ་ལས་རྟོག་པ་འཕྲོས་ཏེ་ལུ་གུ་བརྒྱུད་དུ་སོང་ན་ཉོན་མོངས་པ་ཡང་དེ་ལྟར་དུ་འགྲོ་ཞིང་། དེས་ལས་ངན་པ་བསོག་པས་དྲན་པ་དང་ཤེས་བཞིན་བསྟེན་ཏེ། འདས་

[Full Size]

པའི་རྗེས་མི་དཔྱོད། མ་འོངས་པའི་ན་མི་བསུ། །ད་ལྟར་གྱི་རིག་པ་ལའང་རྣམ་པར་དཔྱད་པའི་དཔྱད་བསྒོམ་དང་། སྐྱེ་མེད་དང་སྟོང་ཉིད་ཡིན་སྙམ་པ་ལ་སོགས་པའི་བློས་བྱས་ཐམས་ཅད་དོར་ཏེ་ཟབ་མོ་དམིགས་པ་མེད་པའི་དབྱིངས་སུ་འཇོགས་པ། རྗེ་བཙུན་ཏིལླིའི་ཆོས་བདུན་ལྟ་བུ་སྟེ། །ཆོས་བདུན་ནི། མི་མནོ། མི་བསམ། མི་འཛིན། མི་རྟོག །མི་དཔྱོད། མི་བསྒོམ། རང་གྲོལ་ལ་བཞག་པའི་གནད་ཟབ་མོ་ལ་བསླབ་པར་བྱའོ། །དེ་ལྟ་བུའི་མཉམ་བཞག་གནད་དུ་སོང་ན། རོ་རྐྱང་གི་འགྱུ་བ་ཨ་ཝ་དྷུ་ཏཱིར་འགག་ལ། དེ་ལས་དུ་བ། སྨིག་སྒྱུ། མེ་ཁྱེར། མར་མེ། སྤྲིན་མེད་ཀྱི་ནམ་མཁའ་ལྟ་བུ་ལ་སོགས་པ་འོད་གསལ་གྱི་རྟགས་རྣམས་ངེས་པར་འཆར་ཞིང་། ཤར་བ་དོན་དང་བཅས་པ་ཁོ་ན་སྟེ། རྗེ་བཙུན་ལོ་ཆེན་ཞབས་ཀྱིས། མཉམ་

[Full Size]

པར་བཞག་པའི་ཏིང་འཛིན་ལམ། །གནད་དུ་སོང་ན་འོད་གསལ་གྱི། །རྟགས་བཅུ་ངེས་པར་འཆར་བ་ཡིན། །དེ་ལས་མ་ཡེངས་སྤྲོས་བྲལ་ན། །རྣམ་ཀུན་མཆོག་ལྡན་སྟོང་གཟུགས་འཆར། །དེ་ལས་འགྱུར་མེད་བདེ་བ་སྐྱེ། །དེ་ཉིད་ཤེས་རབ་ཕ་རོལ་ཕྱིན། །ཡིན་པར་རྒྱུད་འགྲེལ་ཆེ་ལས་གསུངས། །ཅེས་སོགས་རྒྱས་པར་འབྱུང་ལ། །དེས་ན་ལམ་སྐྱོན་མེད་པ་ནི། །ཁྱད་ཆོས་གསུམ་དང་ལྡན་པའི་རྣལ་འབྱོར་ཞིག་སྟེ། །དེ་ཡང་། རྣལ་འབྱོར་གང་། ལྷན་ཅིག་སྐྱེས་པ། རྣམ་པར་མི་རྟོག་པ། རྣམ་པ་ཐམས་ཅད་པ་སྟེ་ཁྱད་པར་གསུམ་དང་ལྡན་པ་ཡིན་ནོ། །དེ་ལ་རྣམ་པར་མི་རྟོག་པས་ནི་སྐྱེད་པའི་རིམ་པ་དང་། དེའི་ཕྱོགས་སུ་གྱུར་པ་རྣམ་པར་རྟོག་པའི་ཏིང་ངེ་འཛིན་དང་། དེ་གོམས་པ་ལས་བྱུང་བའི་འབྲས་བུ་མཚན་མ་དང་ཡིག་འབྲུ་ལ་སོགས་པ་གསལ་བར་སྣང་བ་ཅན་མཐའ་དག་གཅོད་དོ། །ལྷན་ཅིག་སྐྱེས་པས་ནི་རྟོག་པ་

[Full Size]

མེད་དུ་ཟིན་ཀྱང་སྣང་བ་ཤིན་ཏུ་ནུབ་པར་གྱུར་པས་ཡང་དག་པའི་ལམ་མ་ཡིན་པ་རྒྱལ་བའི་གནས་སྐབས་ཀྱི་སེམས་ལ་སོགས་པ་དང་། ཉན་ཐོས་ཀྱི་འགོག་པའི་ཏིང་ངེ་འཛིན་ལ་སོགས་པ་གཅོད་དོ། །རྣམ་པ་ཐམས་ཅད་པས་ནི་ལྷན་ཅིག་སྐྱེས་པའི་ཡེ་ཤེས་ཀྱི་ཕྱོགས་ཉེ་བར་མཚོན་པ་སྣང་བ་མེད་ཅིང་རིག་པ་ཙམ་གྱི་ངོ་བོ་ལ་གནས་པའི་ཏིང་ངེ་འཛིན་རྫོགས་པའི་རིམ་པ་ཡིན་པ་གཅོད་དོ། །དེ་ལྟར་ན་རྫོགས་པའི་རིམ་པ་ནི། འབྲས་བུའི་དུས་སུ་མ་ཟད། །ཏིང་ངེ་འཛིན་གྱི་དུས་ཉིད་ནས་རྟོག་པ་མེད་པ་ཡིན་ཞིང་། མ་འཁྲུལ་བ་ཡང་ཡིན་པའི་ཕྱིར་མངོན་སུམ་ཡིན་ལ། ཕྱི་རོལ་དང་མཐུན་པར་ནང་གི་མངོན་སུམ་འདི་ཉིད་ལ་ཡང་དབྱེ་བ་རྣམ་པ་གཉིས་ཡོད་དེ། ཀྱེ་རྡོ་རྗེའི་འགྲེལ་བ་ལས། རྣམ་པར་རྟོག་པ་དང་བྲལ་བའི་སེམས་ཀྱིས་སྣང་བརྙན་མཐོང་བའོ། །རྟོག་པ་དང་བྲལ་ཞིང་མ་འཁྲུལ་བ་ནི་མངོན་སུམ་

[Full Size]

ཞེས་བརྗོད་པར་བྱའོ། །དེ་ཉིད་རྣམ་པ་བཞི་སྟེ། དབང་པོའི་མངོན་སུམ་དང་། ཡིད་ཀྱི་མངོན་སུམ་དང་། རྣལ་འབྱོར་གྱི་མངོན་སུམ་དང་། རང་རིག་པའི་མངོན་སུམ་ཞེས་པ་སྟེ། ཤེས་པ་དེ་ཉིད་ནི་ཉེ་བར་སྟོན་པར་བྱེད་པ་དང་། འཇུག་པར་བྱེད་པ་དང་། ཐོབ་པར་བྱེད་པ་དང་། ཉམས་སུ་མྱོང་བའི་མཚན་ཉིད་ཅན་ནོ། །ཞེས་གསུངས་པ་ལྟར་རོ། །དེ་ལྟར་མཉམ་པར་འཇོག་པའི་ཚུལ་ལས་འཕྲོས་ཏེ་དཔྱད་སྒོམ་དང་འཇོག་སྒོམ་གཉིས་ཀྱི་ཁྱད་པར་བསྟན་ནས། སྐབས་འདིར་བཀའ་བརྒྱུད་རིན་པོ་ཆེ་རང་གི་ཐུགས་བཞེད་དྲི་མ་མེད་པ་ཤིན་ཏུ་གལ་ཆེ་བ་ཅུང་ཟད་ཙམ་ཞིག །རྒྱལ་བའི་བཀའ། རྒྱལ་བ་མ་ཕམ་པ། མདའ་བསྣུན་ཞབས་སོགས་ཀྱི་ལུང་གིས་བརྒྱན་ཏེ་ཡེ་ཤེས་ཀྱི་མཁའ་འགྲོའི་ཐུགས་ཀྱི་བཅུད་དཔའ་བོ་དང་ཌཱ་ཀི་ནཱི་རྣམས་ཀྱི་གསང་བའི་གཏམ་ཅུང་ཟད་བསྙད་ན། མ་ཧཱ་མ་ཡ་ལས།

[Full Size]

ཆོས་རྣམས་རང་བཞིན་འོད་གསལ་བ། །གདོད་ནས་དག་ཅིང་རྙོག་པ་མེད། །ཅེས་དང་། བརྒྱད་སྟོང་པ་ལས། སེམས་དེ་ནི་སེམས་མ་མཆིས་པ་སྟེ། སེམས་ཀྱི་རང་བཞིན་ནི་འོད་གསལ་བ་ལགས་སོ། །ཞེས་གསུངས་ལ། དེ་དག་གི་དོན་ཡང་། ཆོས་ཐམས་ཅད་ཀྱི་གནས་ལུགས་ནི་རང་བཞིན་གྱི་འོད་གསལ་བ། གདོད་མ་ནས་དག་པ་ཞེས་པ་ནི་ཡིན་ལུགས་ལ་སྤང་བླང་གསལ་བཞག་མེད་པ་སྟེ། རྒྱུད་བླ་མ་ལས། འདི་ལ་བསལ་བྱ་ཅི་ཡང་མེད། །བཞག་པར་བྱ་བ་ཅུང་ཟད་མེད། །ཅེས་གསུངས། འོ་ན་ལམ་སྒོམ་པ་དོན་མེད་དོ་སྙམ་ན། བློ་ངོར་མ་རིག་པའམ་མ་རྟོགས་པའི་དབང་ལས་འཁོར་བའི་སྣང་བ་ཤར་བ་ཡིན་ལ། དེས་ན་འཁོར་འདས་གཉིས་ཡིན་ལུགས་ལ་གཅིག་ཡིན་ཏེ། བརྟག་པ་གཉིས་པ་ལས། འདི་ཉིད་འཁོར་བ་ཞེས་བྱ་སྟེ། །འདི་ཉིད་མྱ་ངན་

[Full Size]

འདས་པ་ཉིད། །ཅེས་སེམས་ཀྱི་རྡོ་རྗེ་གཅིག་པུ་འདི་ཀ་འཁོར་བ་ཡང་ཡིན་མྱང་འདས་གང་ཡིན་པས། འཁོར་བ་སྤངས་ནས་གཞན་དུ་ནི། །མྱ་ངན་འདས་པ་རྟོགས་མི་འགྱུར། །ཞེས་གསུངས། འོ་ན་འཁོར་འདས་གཉིས་སུ་འཇོག་པའི་རྒྱུ་མཚན་ཅི་ཞེས་ན། བློ་ངོ་ལ་ལྟོས་ནས་རིག་མ་རིག་གམ་རྨོངས་མ་རྨོངས་ཀྱི་དབང་ལས་འཁོར་འདས་གཉིས་ཀྱི་རྣམ་པར་སྣང་བ་སྟེ། དེ་ཡང་བརྟག་གཉིས་ལས། རྨོངས་ཕྱིར་འཁོར་བའི་གཟུགས་ཅན་ཉིད། །རྨོངས་མེད་འཁོར་བ་དག་པས་ནི། །འཁོར་བ་མྱ་ངན་འདས་པར་འགྱུར། །ཞེས་གསུངས་ལ། དེས་ན་གཞི་གཅིག་ཉིད་ལྡོག་ཆའི་དབང་གིས་དུ་མར་སྣང་བ་སྟེ། རྒྱུད་བླ་མར། ཁམས་ནི་གནས་སྐབས་གསུམ་དག་ཏུ། །མིང་གསུམ་གྱིས་ནི་བསྟན་པ་ཡིན། །ཞེས་དང་། མ་དག་མ་དག་དག་པ་དང་། །ཤིན་ཏུ་རྣམ་དག་གོ་རིམ་བཞིན། །སེམས་

[Full Size]

ཅན་བྱང་ཆུབ་སེམས་དཔའ་དང་། །དེ་བཞིན་གཤེགས་པ་ཞེས་བརྗོད་དོ། །ཅེས་གསུངས། དེས་ན་ཡིན་ལུགས་མ་སྤང་བླང་མེད་ཀྱང་མ་རྟོགས་པའི་དབང་ལས་གསེར་གྱི་སྒྱིད་བུ་གསེར་དུ་ངོ་མ་ཤེས་པས་བདག་པོ་དབུལ་བའི་སྡུག་བསྔལ་མྱོང་བ་ལྟ་བུ། དེས་ན་ཡིན་པ་ལ་ཡིན་པར་ངོ་སྤྲད་པ་རང་གི་ཆོག་པས། ཡང་དག་ཉིད་ལ་ཡང་དག་ལྟ། །ཡང་དག་མཐོང་ན་རྣམ་པར་གྲོལ། །ཅེས་གསུངས། དེས་ན་རྣམ་རྟོག་ཆོས་སྐུ་ཡིན་མིན་ཞེས་པའི་ཐུགས་བཞེད་ཀྱང་ཡིན་ལུགས་དང་། བློ་ངོ་ལ་ལྟོས་པའི་དབང་ལས་ཡིན་ཏེ། དཔེར་ན་མི་མཁྲིས་ནད་ཅན་ལ་དུང་སེར་པོར་སྣང་བའི་ཚེ་དུང་གི་ཡིན་ལུགས་དཀར་པོ་ལས་ནམ་དུའང་འགྱུར་བ་མེད་ཀྱང་མཁྲིས་ནད་ཅན་གྱི་མིག་ཤེས་ལ་དཀར་པོ་དེ་ཀ་སེར་པོར་སྣང་བ་ལྟ་བུ། དེ་བཞིན་དུ་ཆོས་ཀྱི་སྐུ་ཉིད་ཀ་མ་རྟོགས་པའི་དབང་ལས་འཁོར་བར་སྣང་བ་

[Full Size]

ཡིན་ཏེ། མདའ་བསྣུན་ཞབས་ཀྱི། ཇི་སྲིད་སེམས་ལས་རྣམ་འཕྲོས་པ། །དེ་སྲིད་མགོན་པོའི་རང་བཞིན་ཏེ། །ཆུ་དང་རླབས་དག་གཞན་ཡིན་ནམ། །སྲིད་དང་མཉམ་ཉིད་ནམ་མཁའི་རང་བཞིན་ནོ། །ཞེས་དང་། མདོ་སྡེ་ལང་ཀར་གཤེགས་པར། ཀུན་གཞིའི་ཆུ་བོ་དེ་བཞིན་དུ། །རྟག་ཏུ་ཡུལ་གྱི་རླུང་གིས་བསྐྱོད། །སྣ་ཚོགས་རྣམ་ཤེས་རྦ་རླབས་རྣམས། །གར་ཞིང་རབ་ཏུ་འབྱུང་བར་འགྱུར། །ཞེས་གསུངས་པས། རྒྱ་མཚོ་རླུང་གིས་བསྐྱོད་པས་རྦ་རླབས་སུ་སྣང་ཡང་རྦ་རླབས་རྒྱ་མཚོ་ལས་གཞན་མ་ཡིན། དེ་བཞིན་དུ་སེམས་ཉིད་དམ་ཀུན་གཞི་ཡེ་ཤེས་ཡུལ་གྱིས་བསྐྱོད་པས་གཟུང་འཛིན་གྱི་རྣམ་པར་རྟོག་པ་སྣ་ཚོགས་སུ་སྣང་ཡང་དེ་དག་སེམས་ཉིད་ཆོས་ཀྱི་སྐུ་ལས་གཞན་མ་ཡིན་ནོ། །དེས་ན་ཡིན་ལུགས་ལ་སེམས་ཉིད་འདི་ཀ་འོད་གསལ་ཆོས་ཀྱི་སྐུ་སྐྱོན་ཡོན་བསལ་བཞག་དང་བྲལ་བ་ཞིག་ཡིན་ཀྱང་། །འཁྲུལ་ངོའམ་བློ་ངོ་

[Full Size]

ལ་རྣམ་རྟོག་སྤང་བྱ་དང་། མི་རྟོག་ཡེ་ཤེས་བསྒྲུབ་བྱར་གསུངས་པ་སྟེ། །སམྦུཊར། རྟོག་མ་རིག་ཆེན་པོ་སྟེ། །འཁོར་བའི་རྒྱ་མཚོར་ལྟུང་བྱེད་ཡིན། །མི་རྟོག་ཏིང་འཛིན་ལ་གནས་ན། །མཁའ་བཞིན་དྲི་མ་མེད་པར་འགྱུར། །ཞེས་དང་། སློབ་དཔོན་ཕྱོགས་ཀྱི་གླང་པོས། རྣམ་པར་རྟོག་ལས་མ་གཏོགས་པའི། །འཁོར་བ་ཞེས་བྱ་ཅི་ཡང་མེད། །རྣམ་རྟོག་དེ་དང་བྲལ་བས་ན། །ཁྱོད་ནི་རྟག་ཏུ་མྱ་ངན་འདས། །ཅེས་གསུངས། དེས་ན་ཡིན་ལུགས་ཡིན་བཞིན་པར་རྟོགས་པའི་ཐབས་ལ་ཡང་དག་པར་རྫོགས་པའི་སངས་རྒྱས་ཀྱིས་གདུལ་བྱའི་དབང་པོ་དང་འཚམས་པར་ཆོས་སྒོ་མཐའ་ཡས་པ་ཞིག་གསུངས་ལ། གདུལ་བྱ་སྐལ་བ་མཆོག་བླ་མའི་མོས་གུས་ཁོ་ནས་གྲོལ་བ་ཞིག་ཡོད་ལ། དེ་ཡང་དབང་པོ་ཆེས་རྣོ་བ་ཞིག་ལ་བླ་མས་ཚིག་གཅིག་མ་བསྟན། སློབ་མས་ཚིག་

[Full Size]

གཅིག་མ་ཐོས་པར། དཔོན་སློབ་མཇལ་བའི་རྟེན་འབྲེལ་ཚོགས་པ་ཁོ་ན་ལས་གྲོལ་བ་ཡོད་དེ། ཇོ་བོ་ནཱ་རོ་པ་ནགས་གསེབ་ཏུ་རྩའི་སྐྱིལ་པོ་བཅས་ཏེ་བསྒོམ་པ་ན། བ་རྫི་ཁྱིའུ་ཞིག་ཡར་འོང་དུས་དེ་ལ་ཕྱག་བྱེད། ཕྱིར་འགྲོ་དུས་ཕྱག་བྱེད་པ་ཤིན་ཏུ་གུས་པར་གཟིགས་ནས། རེ་ཞིག་ནས་ཆང་ཀ་པ་ལ་གང་གནང་། །འདི་འཐུང་གསུངས་པས། ལྷག་མ་མེད་པར་འཐུངས་པའི་མོད་ལ་སྐུ་གསུང་ཡེ་ཤེས་རྡོ་རྗེར་བྱིན་གྱིས་རློབས་པས་ཆོས་ཐམས་ཅད་སྐད་ཅིག་ལ་ཁོང་དུ་ཆུད་ཕྱག་རྒྱ་ཆེན་པོའི་དངོས་གྲུབ་ཐོབ་པ་ལྟ་བུ། དེ་ལྟ་བུའི་དབང་དུ་མཛད་ནས་བླ་མའི་མོས་གུས་ཁོ་ནས་གྲོལ་བའི་ལུང་གོང་དུ་སྒྱུ་ལུས་ཀྱི་སྐབས་སུ་དྲངས་པ་ལྟར་ཡིན་ཞིང་། ལྷག་པར་འོད་གསལ་གྱི་སྐབས་འདིར། རིན་ཆེན་རྒྱ་མཚོའི་རྒྱུད་ལས། བླ་མའི་བྱིན་རླབས་འོད་གསལ་ནི། །ཐོ་རངས་ཚེའམ་དུས་གཞན་དུ། །གསལ་སྟོང་བདེ་ཆེན་དབྱེར་མེད་

[Full Size]

པའི། །འཆར་སྒོ་དམ་པའི་ཞལ་ལས་དྲིས། །ཅེས་གསུངས་པའི། །ཞལ་ལས་བྱུང་བ་ནི་ཤངས་པ་བཀའ་བརྒྱུད་པ་རང་གི་འོད་གསལ་འཆར་སྒོ་ངོས་འཛིན་ཞེས་པ་འདི་ཡིན། དེ་ཉིད་ཀྱི་སྙིང་པོ་ཕྱུང་སྟེ་རྣམ་པར་བཀོད་ན། གསལ་བའི་འོད་གསལ་དང་། མི་རྟོག་པའི་འོད་གསལ་དང་། བདེ་བའི་འོད་གསལ་དང་། དབྱེར་མེད་པའི་འོད་གསལ་དང་བཞིར་ཕྱེ་བའི་གསལ་བའི་འོད་གསལ་ནི་གོང་སྒྱུ་ལུས་ཀྱི་སྐབས་སུ་སྤྲོས་ལ། །མི་རྟོག་པའི་འོད་གསལ་ལ་དབྱེ་སྒོ་མང་ཡང་གཙོ་བོའམ་མཆོག་ནི་གནས་ལུགས་ཕྱག་རྒྱ་ཆེན་པོ་སྒོམ་མེད་ཡེངས་མེད་ཀྱི་ངང་དུ་གནས་པ་ཉིད་ཡིན་ཞིང་། བདེ་བའི་འོད་གསལ་ལ། ཟག་བཅས་བདེ་བའི་འོད་གསལ། ཟག་མེད་འདྲེས་པའི་འོད་གསལ། དང་པོ་ནི། རང་ཉིད་བདེ་བ་རྒྱས་པའི་སྟོབས་ཀྱིས་ཞུ་བདེ་འཆར་བའི་རྐྱེན་འགའ་ཞིག་ལ་བརྟེན་ནས་བདེ་བ་ཆེན་པོ་སྐྱེས་ཏེ་བྱང་ཆུབ་ཀྱི་སེམས་

[Full Size]

ནོར་བུ་ལས་ཆགས་བྲལ་ནག་པོའི་ཕྱོགས་ལ་འཇུག་པར་ཉེ་བ་ན་སྟེང་རླུང་ཅུང་ཟད་མནན། འོག་རླུང་བསྐུམ་ནས་མ་བཅོས་འཛིན་མེད་ཀྱི་ངང་དུ་བཞག་པས། ས་ར་ཧས། མཁའ་འདྲ་བྱས་ན་རླུང་ཡང་རྣམ་པར་འཆིང་། །མཉམ་ཉིད་ཡོངས་སུ་ཤེས་པས་རབ་ཏུ་ཐིམ། །ཞེས་གསུངས་པ་ལྟར། སེམས་མ་བཅོས་པར་བཞག་པས། དེའི་གཞོན་པ་རླུང་ཆིངས། དེ་འཆིངས་པས་བྱང་ཆུབ་ཀྱི་སེམས་ཀྱང་འཆིང་བ་ཆོས་ཉིད་ཡིན་ནོ། །དེ་ལ་བརྟེན་ནས་ཡུལ་སེམས་དང་སྣང་བ་ཐམས་ཅད་བདེ་བར་ཤར་ནས་ལུས་འགུལ་མི་ཕོད་པ་དང་། ཤ་བཅད་ཀྱང་བདེ་བ་འཆར་བར་འགྱུར་བས་ཟག་བཅས་བདེ་བའི་འོད་གསལ་ཞེས་གསུངས་ལ། དོན་ནི་ཡས་བརྟན་གྱི་དགའ་བ་བཞི་ཡོངས་སུ་རྫོགས་ཏེ་རྡོ་རྗེ་ནོར་བུར་གནས་པའི་ལྷན་སྐྱེས་ཡིན་ཞིང་། འདི་ཉིད་འཇིག་རྟེན་པའི་ལམ་ཐམས་ཅད་ཀྱི་མཐར་ཐུག་པ་ཡིན་པའི་ཕྱིར་

[Full Size]

འདི་རྒྱུད་སྡེ་དང་འཕགས་ཡུལ་གྱི་འགྲེལ་ཆེན་རྣམས་སུ་ཆོས་མཆོག་ཏུ་བཞག །འདི་ལ་ཟག་བཅས་ཅེས་འཇོག་པ་ནི་རང་བཞིན་ཡོངས་ཤེས་སམ་སོ་སོ་རང་རིག་པའི་ཡེ་ཤེས་ཀྱིས་མ་ཟིན་པས་ཟག་བཅས་ཀྱི་བདེ་བ་ཞེས་གསུངས་པ་ཡིན་ནོ། །གཉིས་པ་ནི། བདེ་བ་རྒྱས་ལ་བདེ་བའི་འཛིན་པ་མེད་པའི་འོད་གསལ་ནི་ཟག་བཅས་ཟག་མེད་འདྲེས་པའི་འོད་གསལ་ལོ། །ཞེས་གསུངས་ལ། འདི་ལ་དོགས་གནས་འདི་ལྟ་བུ་ཞིག་འཇུག་སྟེ། བདེ་བ་རྒྱས་ལ་དེར་འཛིན་མེད་པ་ནི། །ཟག་བཅས་ཟག་མེད་འདྲེས་པའི་འོད་གསལ་ཞེས། །བཤད་འདི་ཟག་བཅས་ཡས་བརྟན་དགའ་བ་དང་། །ཟག་མེད་མས་བརྟན་གང་གི་ཕྱོགས་སུ་བསྡུ། །ཞེས་འདྲི་བའི་རྒྱུ་མཚན། ཟག་བཅས་ཟག་མེད་འདྲེས་པའི་འོད་གསལ་ཞིག་ཡོད་ན། འདྲེས་པའི་དོན་གཉིས་ཀའི་ཆ་ཡོད་པ་ཞིག་ལ་བྱེད་དགོས་པས། དེ་ཉིད་ཟག་བཅས་མས་བརྟན་གྱི་

[Full Size]

དགའ་བ་ཡིན་ན་ནི་དེ་ལ་ཟག་མེད་ཀྱི་ཆ་མི་འཐད་དེ། །འདིར་སྐབས་ཀྱི་ཟག་མེད་ནི་རང་བཞིན་ཡོངས་ཤེས་སམ་སོ་སོ་རང་རིག་པའི་ཡེ་ཤེས་ལ་བྱེད་དགོས་པས་སོ། །ཡང་ཟག་མེད་མས་བརྟན་གྱི་ཁོངས་སུ་བསྡུ་ན་ནི། །ཟག་བཅས་འདྲེས་པ་མི་འཐད་དེ། །ཟག་པ་ནི་ཉོན་མོངས་པ་ལ་བཞག་ལ། མས་བརྟན་གྱི་དགའ་བ་ལ་འཕགས་ལམ་གྱི་ཁྱབ་པས་སོ། །འོ་ན་འདི་དག་གི་དོན་ཇི་ལྟ་བུ་ཞེ་ན། ཟག་བཅས་ཀྱི་འོད་གསལ་ནི་སོ་སོ་སྐྱེ་བོ་ཚོགས་སྦྱོར་བའི་སྐབས་ཀྱི་འོད་གསལ་ཡིན་ལ། དེ་དག་ནི་འཇིག་རྟེན་པའི་ལམ་ཡིན་པས་ཟབ་པ་དང་བཅས་པ་ཁོ་ན་ཡིན་ཞིང་། །ཟག་བཅས་ཟག་མེད་འདྲེས་པའི་འོད་གསལ་ནི། །བྱང་སེམས་འཕགས་པའི་ཐུགས་རྒྱུད་ཀྱི་འོད་གསལ་ཡིན་ལ། དེ་དག་ལ་ཟག་བཅས་ཀྱི་ཆ་ཡོད་པ་ཇི་ལྟ་བུ་ཞེ་ན། སྤྱིར་འཕགས་པ་སློབ་པ་རྣམས་ལ་མ་རིག་བག་ཆགས་ཀྱི་ས་ཞེས་པའི་ཐ་སྙད་བཞག་ཅིང་། ཁྱད་པར་རྒྱུད་བླ་མར།

[Full Size]

དེ་ལྟར་རྒྱལ་བའི་སྙིང་པོ་ནི། །རྣམ་བཞག་རྣམ་པ་བཅུ་ཞེས་བརྗོད། །ཉོན་མོངས་སྦུབས་ན་གནས་པ་དེ། །དཔེ་རྣམས་ཀྱིས་ནི་ཤེས་པར་བྱ། །ཞེས་གསུངས་པའི་དཔེ་རྣམས་ནི། དེ་ཉིད་དུ། སངས་རྒྱས་སད་ངན་སྦྲང་རྩི་སྦྲང་མ་ལ། །སྦུན་ལ་སྙིང་པོ་མི་གཙང་ནང་ན་གསེར། །ས་ལ་གཏེར་དང་མྱུག་སོགས་འབྲས་ཆུང་དང་། །གོས་རུལ་ནང་ན་རྒྱལ་བའི་སྐུ་དང་ནི། །བུད་མེད་ངན་པའི་ལྟོ་ན་མི་བདག་དང་། །ས་ལ་རིན་ཆེན་གཟུགས་ཡོད་ཇི་ལྟ་བར། །ཞེས་དཔེ་དགུ་ཡོད་ལ། དཔེ་ཅན་ནམ་དོན་ནི། བློ་བུར་ཉོན་མོངས་དྲི་མས་བསྒྲིབས་པ་ཡི། །སེམས་ཅན་རྣམས་ལ་དེ་བཞིན་ཁམས་འདི་གནས། །ཅེས་པ་འདི་ཡིན་ཞིང་། འདིར་སྐབས་ཀྱི་སེམས་ཅན་ནི། །སོ་སོ་སྐྱེ་བོ་འཆིང་བ་ཀུན་ལྡན་ནས་བྱང་འཕགས་ས་བཅུ་པ་མན་ཆད་ཡིན་པས། བྱང་འཕགས་རྣམས་ལ་ཡང་ཉོན་སྒྲིབ་ཡོད་པར་བཤད། ཡང་། འཕགས་པས་ན་དང་འཆི་

[Full Size]

བ་དང་། །རྒ་བའི་སྡུག་བསྔལ་རྩ་ནས་སྤངས། །ལས་དང་ཉོན་མོངས་དབང་གིས་སྐྱེ། །དེ་ལ་དེ་མེད་ཕྱིར་དེ་མེད། །ཅེས་འཕགས་པ་རྣམས་ལ་ལས་ཉོན་མེད་པར་བཤད་པས་འགལ་བ་ལྟར་སྣང་ཡང་། འཕགས་པ་ལ་ལས་ཉོན་ཡོད་པར་བཤད་པ་ཕྲ་བ་བག་ཆགས་ཙམ་ཞིག་ཡོད་པའི་དབང་དུ་མཛད་ལ། ལས་ཉོན་མེད་པར་བཤད་པ་ནི་རགས་པ་མངོན་གྱུར་གྱི་དབང་དུ་མཛད་པ་ཡིན་ཏེ། དྲི་འདི་དག་གིས་བྱིས་རྣམས་དང་། །དགྲ་བཅོམ་སློབ་དང་བློ་ལྡན་རྣམས། །རིམ་བཞིན་བཞི་དང་གཅིག་དང་ནི། །གཉིས་དང་གཉིས་ཀྱིས་མ་དག་ཉིད། །ཅེས་རྒྱས་པར་གསུངས་སོ། །གསུམ་པ་ནི། སྒྲིབ་གཉིས་ཀྱི་བག་ཆགས་ཕྲ་བ་ཙམ་ཡང་མེད་པ་ཡང་དག་པར་རྫོགས་པའི་སངས་རྒྱས་ཀྱི་ཐུགས་རྒྱུད་ཀྱི་འོད་གསལ་དག་པ་གཉིས་ལྡན་དེ་ཉིད་དོ། །རྩ་བའི་བཞི་པ་དབྱེར་མེད་པའི་འོད་གསལ་ནི། གསལ་བ། མི་རྟོག་པ། བདེ་བ་གསུམ་ལྡོག་

[Full Size]

ཆ་ནས་སྨོས་པ་ཡིན་གྱི། །ངོ་བོ་དེ་གསུམ་དབྱེར་མེད་རོ་མཉམ་པ་གསལ་བ་སྤྲུལ་སྐུ། མི་རྟོག་པ་ཆོས་སྐུ། བདེ་བ་ལོངས་སྐུ་སྟེ་སྐུ་གསུམ་དབྱེར་མེད་པ་ཉིད་དོ། །འོད་གསལ་འཆར་བྱེད་སོགས་རྡོ་རྗེའི་ཚིག་གི་རྐང་པ་གསུམ་ལ། ལས་དང་བྱེད་པོ་བྱ་བ་ཡི། །ཚིག་དོན་སྦྲེལ་ལ་ངག་དོན་བླང་། །ཞེས་པ་ལྟར། བརྡ་སྤྲོད་པའི་ལུགས་ཀྱི་འཆད་ལུགས་ཅུང་ཟད་བཀོད་ན། འབྱུང་ཞེས་པ་བཤད་པའི་གཞིར་བཞག་ནས། གང་འབྱུང་ན། བདེ་བ་དང་། གསལ་བ་དང་། མི་རྟོག་པ་གསུམ་དབྱེར་མེད་པའི་འོད་གསལ་མི་སློབ་པའི་ཟུང་འཇུག་བདེ་བ་ཆེན་པོ་རང་ཤར་ཉིད་དུ་འབྱུང་ལ། གང་ལས་ན། ཉེ་བར་ལེན་པའི་རྒྱུ་ཟག་བཅས་ཟག་མེད་དེ། ཡས་བརྟན་དང་མས་བརྟན་གྱི་དགའ་བཞིའི་ཡེ་ཤེས་སོ། །ལྷན་ཅིག་བྱེད་རྐྱེན་བླ་མའི་མོས་གུས་དང་། །མིག་གི་ལྟ་སྟངས། དེའི་ཤུགས་ལས་བྱེད་པ་འཆིང་བའི་ལུས་

[Full Size]

གནད་ཁྱད་པར་ཅན་གྱིས་ཐབས་མཁས་སོ། །འོ་ན་ཟག་མེད་ཀྱི་ཡེ་ཤེས་ཀྱིས་བདེ་བ་ཆེན་པོ་བསྐྱེད་པའི་དོན་ཅི་ཞེས་ན། སློབ་པའི་ཟུང་འཇུག་རྒྱུ་དང་། མི་སློབ་པའི་ཟུང་འཇུག་འབྲས་བུ་ཡིན་པའི་དབང་ལས་སོ། །འོད་གསལ་གྱི་གསོལ་འདེབས་དང་། དམིགས་པའི་གྲངས་ནི། ཁྱད་འཕགས་འོད་གསལ་ཆོས་བཞི་ལ། །གསོལ་འདེབས་གསུམ་ལ་དམིགས་པ་བཞི། །ཞེས་པའི་གསོལ་འདེབས་ནི། བདག་འཛིན། དགོས་མེད། འོད་གསལ་ཕྱག་རྒྱ་ཆེན་པོ་མངོན་དུ་འགྱུར་བར། དམིགས་པ་བཞི་ནི། འོད་གསལ་གཟུང་བ། ལམ་ཁྱེར། བསྲེ་བ། མཐར་ཐུག་གོ། །ལྔ་པ། འཕོ་བ་མ་སྒོམ་སངས་རྒྱས་ནི། །འཕོ་བྱ་འཕོ་བྱེད་བྲལ་བ་ཡང་རབ་སྟེ། འབྲིང་དང་ཐ་མས་ཆགས་སྡང་སྤང་བྱས་ནས། དགའ་ཞིང་མོས་གུས་དམིགས་པ་རྩེ་གཅིག་གིས། །གྱེན་དུ་འཕང་ཞིང་སྨོན་ལམ་བརྒྱན་པར་བྱ། །དུས་གནད་ལུས་གནད་རྫས་གནད་ངག་

[Full Size]

གནད་ལ། །སྦྱང་ཞིང་བརྟན་པ་འཕོ་བ་མཆོག་ཡིན་ནོ། །ཞེས་པ་འདིས་འཕོ་བ་མ་སྒོམ་སངས་རྒྱས་ཀྱི་གདམས་ངག་བརྟན་ལ། འདིའི་མཚན་ཉིད། འཆི་ཀར་དྲན་པས་མངོན་འཚང་རྒྱ། །འདི་ནི་འཕོ་བའི་མཚན་ཉིད་ཡིན། །ཞེས་འཆི་ཀར་དྲན་པ་ཙམ་གྱིས་མཁའ་སྤྱོད་ཆེན་པོར་བགྲོད་པར་བྱེད་པའི་རྣལ་འབྱོར་ཞིག་ཡིན་ལ། འདིའི་གསོལ་འདེབས་དང་དམིགས་པའི་གྲངས། འཕོ་བ་མ་སྒོམ་སངས་རྒྱས་ལ། །གསོལ་འདེབས་གསུམ་ལ་དམིགས་པ་བཞི། །ཞེས་པའི་གསོལ་འདེབས། །བདག་འཛིན། དགོས་མེད། བར་དོར་འཚང་རྒྱ་བར། དམིགས་པ་ཆོས་སྐུ་དེ་བཞིན་ཉིད་ཀྱི་འཕོ་བ། ཟུང་འཇུག་ཡི་དམ་གྱི་འཕོ་བ། བྱིན་རླབས་བླ་མའི་འཕོ་བ། །འཆུག་མེད་མཁའ་སྤྱོད་ཀྱིས་འཕོ་བའོ། །སྐབས་འདིར་དྲི་བའི་ཚུལ། གྲུབ་ཆེན་རྣམ་ཐར་ངོ་མཚར་རྒྱ་མཚོ་ཆེར། །འཆུག་མེད་མཁའ་སྤྱོད་འཕོ་

[Full Size]

བ་ཆེས་ཟབ་པ། །དཔེ་གཉིས་ལ་བརྟེན་དཔེ་ཅན་གཉིས་ཡོད་ཅེས། །འབྱུང་བ་འདི་ཡི་དཔེ་དང་དཔེ་ཅན་གང་། །དེ་ཡང་། ཡེ་ཤེས་མཁའ་འགྲོ་ལས། གྲུབ་ཆེན་ཉིད་ཀྱིས་གདམས་པ་གསན་པའི་སྐབས་ན། ཁྱད་པར་འཆུག་མེད་མཁའ་སྤྱོད་དཀར་དམར་གྱི་འཕོ་བ་ཤིན་ཏུ་ཟབ་པ་གདམས་པ་དཔེ་གཉིས་ཀྱི་སྒོ་ནས་སྟོན་པ། ཅེས་དང་། སྙིང་པོ་ཀུན་འདུས་སུ། འཆུག་མེད་མཁའ་སྤྱོད་ཀྱི་འཕོ་བའི་ཞལ་གདམས་ཟུར་ན་ཡོད་དོ། །ཞེས་འབྱུང་བའི་སྙན་བརྒྱུད་དཔེ་གཉིས་ལ་བརྟེན་ནས་དཔེ་ཅན་གཉིས་སྟོན་པའི་ཞལ་གདམས་ཟབ་གནད་ཅན་ཞིག་ཡོད་པ་བདག་གིས་ལོགས་སུ་བཀོད་པ་ལས་རྟོགས་པར་བྱའོ། །དྲུག་པ་བར་དོ་རྒྱལ་བ་ལོངས་སྐུ་ནི། ༈ །བར་དོ་སྣང་སོགས་འོད་གསལ་ཆོས་སྐུ་དང་། །གང་འདུལ་སྤྲུལ་སྐུའི་མཚམས་སྦྱོར་སྐྱོ་ཤས་གནད། །ཆགས་སྡང་ཕྲག་དོག་འོད་གསལ་ཆོས་སྐུ་དང་། །གང་འདུལ་སྤྲུལ་སྐུའི་

[Full Size]

མཚམས་སྦྱོར་སྐྱོ་ཤས་གནད། །ཆགས་སྡང་ཕྲག་དོག་འོད་གསལ་ལྷ་སྐུས་སྦྱངས། །སྒྲིབ་གཉིས་རང་དག་སྐུ་གསུམ་མངོན་དུ་འགྱུར། །གཟུགས་སྒྲ་ས་ཆུ་སྣང་མཆེད་ལ་སོགས་པའི། །ཐིམ་འགྲོས་རང་བཞིན་བརྒྱད་ཅུ་ཤེས་པར་བྱ། །ཞེས་པ་འདིས་བར་དོ་རྒྱལ་བ་ལོངས་སྐུའི་གདམས་ངག་བསྟན་ལ། འདིའི་མཚན་ཉིད། སྣང་སྟོང་ཞེན་བྲལ་བདེ་ཆེན་སྐུ། །འདི་ནི་ལོངས་སྐུའི་མཚན་ཉིད་ཡིན། །ཞེས་སྣང་སྟོང་དབྱེར་མེད་ཞེན་བྲལ་བདེ་བ་ཆེན་པོའི་སྐུ་མངོན་དུ་བྱེད་པའི་རྣལ་འབྱོར་ཞིག་ཡིན་ལ། དེ་ཉིད་ཉམས་སུ་ལེན་པའི་གསོལ་འདེབས་དང་དམིགས་པའི་གྲངས། བར་དོ་ལོངས་སྤྱོད་རྫོགས་སྐུ་ལ། །གསོལ་འདེབས་གསུམ་ལ་དམིགས་པ་བཞི། །ཞེས་པའི་གསོལ་འདེབས། བདག་འཛིན། དགོས་མེད། བར་དོར་འཚང་རྒྱ་བར། དམིགས་པ། བར་དོ་དང་པོའི་འོད་གསལ་རང་ཤར། འབྲིང་རྒྱལ་བ་ལོངས་སྐུ་

[Full Size]

རང་ཤར། ཐ་མ་སྤྲུལ་སྐུ་འགག་མེད་རང་ཤར། སྤྱི་གནད་འཆུག་མེད་ལམ་ཁྱེར་རོ། །སྐབས་འདིར། ཐིམ་འགྲོས་རང་བཞིན་བརྒྱད་ཅུ་ཤེས་པར་བྱ། །ཞེས་པའི་དོན། མཁས་གྲུབ་ཁྱུང་པོའི་འཆུག་མེད་བར་དོ་གསུམ་གྱི་གདམས་པར། ཨཱརྱ་དེ་ཝའི་སྤྱོད་བསྡུས་ཀྱི་ལུང་དྲངས་ནས་རང་བཞིན་བརྒྱད་ཅུའི་རྟོག་པ་འདྲེན་པར་མཛད་པའི་ཞེ་སྡང་གི་རྟོག་པའི་སྐབས་ན། བརྩེ་བ་དང་། བརྩེ་བ་བར་མ་དང་། ཤིན་ཏུ་བརྩེ་བ་ཞེས་འབྱུང་། འདི་ལ་དོགས་གནས་འདི་ལྟ་བུ་ཞིག་འཇུག་སྟེ། ཞེ་སྡང་རྟོག་པ་སོ་གསུམ་ནང་ཚན་དུ། །བརྩེ་དང་བརྩེ་བ་བར་མ་ཤིན་ཏུ་བརྩེ། །ཞེས་པ་འབྱུང་བ་འདི་ཡི་རྒྱུ་མཚན་ཅི། །བརྩེ་དང་ཞེ་སྡང་འགལ་བ་མ་ཡིན་ནམ། །ཞེས་དྲི་བའི་རྒྱུ་མཚན། ཞེ་སྡང་དང་བརྩེ་བ་ལྷན་ཅིག་མི་གནས་པའི་འགལ་བ་ཡིན་པས། ཞེ་སྡང་གི་རྟོག་པའི་ནང་ཚན་དུ་བརྩེ་བ་འབྱུང་བ་ཇི་

[Full Size]

ལྟར་འཐད་ཅེས་དགོངས་བཀོད་ནས། ལམ་གྱི་རིམ་པ། སྤྱིར་མིང་འདོགས་པའི་ཚུལ་ལ། རྒྱུ་ལ་འབྲས་བུའི་མིང་བཏགས་པ་སངས་རྒྱས་འབྱུང་བ་བདེ་བ་སྟེ་ཞེས་པ་ལྟ་བུ་དང་། འབྲས་བུ་ལ་རྒྱུའི་མིང་བཏགས་པ་རེག་པའི་སྐྱེ་མཆེད་དྲུག་པོ་འདི་རྣམས་ནི་སྔོན་གྱི་ལས་སུ་རིག་པར་བྱའོ། །ཞེས་པ་ལྟ་བུ་དང་། ཕྱོགས་ལ་ཕྱོགས་ཅན་གྱི་མིང་གིས་བཏགས་པའམ། །ཆ་ཤས་ལ་ཚོགས་པའི་མིང་གིས་བཏགས་པ་རས་ཡུག་གི་ཕྱོགས་གཅིག་ཚིག་པ་ལ་རས་ཡུག་ཚིག་ཅེས་པ་དང་། རྟེན་ལ་བརྟེན་པའི་མིང་བཏགས་པ་ཀླུ་མ་དྲོས་པ་གནས་པའི་མཚོ་ལ་མཚོ་མ་དྲོས་པ་ཞེས་པ་དང་། གྲོགས་ལ་གྲོགས་ཅན་གྱི་མིང་བཏགས་པ་འདུན་པ་དང་ལྷན་ཅིག་པའི་སེམས་ལ་འདུན་པར་བཏགས་པ་སོགས་མང་དུ་ཡོད་པ་ལས། འདིར་འབྲས་བུའི་མིང་རྒྱུ་ལ་བཏགས་པ་སྟེ། དྲི་མེད་འོད་ལས། འདོད་ཆགས་ཉམས་ལས་སྡིག་སྟེ་

[Full Size]

གང་ཕྱིར་ཤིན་ཏུ་སྡུག་མ་ལས་ནི་ཞེ་སྡང་སྐྱེ། །སྡང་ལས་གཏི་མུག་འདི་ལས་རང་གི་རྡོ་རྗེ་ལྟུང་ལས་སེམས་ནི་རྟག་རྨོངས་ཏེ། མཆོག་མིན་མ་ལུས་བཟའ་དང་བཏུང་བ་ལ་སོགས་ཡུལ་གཞན་དག་ལ་རབ་ཏུ་འཇུག །དེ་ཡིས་སེམས་ལ་ཅོ་དྲིས་བདེ་བ་ཉམས་ཤིང་སྐྱེ་བ་དྲུག་ཏུ་འཁོར་བར་འགྱུར། །ཞེས་གསུངས་ལ། འདིར་སྐབས་ཀྱི་འདོད་ཆགས་དང་བརྩེ་བ་དོན་གཅིག །དེས་ན་རྒྱུ་འདོད་ཆགས་སམ་བརྩེ་བ་ལས་འབྲས་བུ་ཞེ་སྡང་སྐྱེ་བས། ཤིན་ཏུ་སྡུག་མ་ལས་ནི་ཞེ་སྡང་སྐྱེ། །ཞེས་རྒྱུ་ཆགས་པའི་རྣམ་པར་རྟོག་པ་རྣམས་ཀྱང་འབྲས་བུ་ཞེ་སྡང་གི་རྟོག་པའི་གྲངས་སུ་མཛད་པའོ། །དེ་ལྟར་ཆོས་དྲུག་གི་ལམ་གྱི་གནད་རྣམས་ལ་ཉེ་བར་མཁོ་བའི་བཤད་པ་དང་དོགས་དཔྱོད་མདོ་ཙམ་བརྗོད་ནས། སླར་ཡང་ལམ་གྱི་གནད་ཐུན་མོང་མ་ཡིན་པ་ཡེ་ཤེས་མཁའ་འགྲོའི་ཞལ་རླངས་མ་ཡལ་བ་ཅུང་ཟད་བརྗོད་ན། སྤྱིར་ཤངས་པ་བཀའ་བརྒྱུད་པ་རྣམས་

[Full Size]

ཀྱི་རིང་ལུགས་ལ། ལམ་རྒྱས་བསྡུས་ཤིན་ཏུ་བསྡུས་པ་སྟེ་གསུམ་དུ་མཛད་ནས། རྒྱས་པ་ནི། རྒྱ་གར་མཁའ་འགྲོའི་ཁྱད་འཕགས་ཀྱི་གདམས་པ་བཅོ་ལྔ་ཞེས་གྲགས་པ་སྟེ། དེ་དག་ཀྱང་། སྔོན་འགྲོ་དག་བྱེད་སྟོང་ར། ཐབས་ལམ་བདེ་དྲོད་རང་འབར། སྒྱུ་ལུས་ཆགས་སྡང་རང་གྲོལ། རྨི་ལམ་འཁྲུལ་པ་རང་དག །ཁྱད་འཕགས་འཁོར་ལོ་རྣམ་དྲུག །བསྲེ་འཕོ་ཤེས་རབ་རྣམ་བཞི། །འཆུག་མེད་ལམ་ཁྱེར་རྣམ་གསུམ། དག་སྣང་ལྷ་སྐུ་རང་ཤར། ཡུལ་སྣང་གང་བསམ་གསལ་མཐོང་། འོད་གསལ་གཏི་མུག་རང་སངས། འཕོ་བ་མ་སྒོམས་སངས་རྒྱས། བར་དོ་ལོངས་སྤྱོད་རྫོགས་སྐུ། །ཀུན་རྫོབ་སྒྱུ་མ་རྨི་ལམ། དོན་དམ་ཕན་མེད་གནོད་མེད། གཞན་དོན་གཟུགས་སྐུ་རང་ཤར་རྣམས་ཡིན་ཞིང་། དེ་དག་ཀྱང་བསྡུ་ན། ལུས་གསུམ་གདམས་པས་མ་ཟིན་ན། །འཁྲུལ་པ་འབའ་ཞིག་རྗེས་སུ་

[Full Size]

འཇུག །རྣམ་སྨིན་བག་ཆགས་ཡིད་ཀྱི་ལུས། །གནད་ཀྱིས་ཟིན་པ་རྒྱལ་བའི་སྐུ། །ཇི་སྲིད་འཁོར་བ་མ་སྟོངས་བར། །དེ་སྲིད་འགྲོ་དོན་རྒྱུན་མི་འཆད། །ཅེས་གསུངས་པས་ལུས་གསུམ་གྱི་གདམས་པར་འདུས་ལ། དེ་ཡང་ལུས་གསུམ་ནི། རྣམ་པར་སྨིན་པའི་ལུས། བག་ཆགས་ཀྱི་ལུས། ཡིད་ཀྱི་ལུས་དང་གསུམ་ཡིན་ལ། དེ་དག་གི་རྣམ་པར་བཞག་པ་མཁས་གྲུབ་ཁྱུང་པོ་རྣལ་འབྱོར་གྱི་འཆུག་མེད་བར་དོ་གསུམ་གྱི་གདམས་པ་ལས། དེ་ལ་རྣལ་འབྱོར་པའི་སྦྱངས་གཞི་བར་དོའི་ལུས་གསུམ་ལ་སྦྱོང་བྱེད་བསྐྱེད་རྫོགས་རྨི་ལམ་འོད་གསལ་ཏེ། ཡེ་ཤེས་རོལ་པའི་རྒྱུད་ལས། བར་དོ་དག་གི་ལུས་གསུམ་པོ། །བསྐྱེད་རྫོགས་རྨི་ལམ་འོད་གསལ་སྦྱང་། །ཞེས་པ་དང་། དགྱེས་པ་རྡོ་རྗེ་ལས། ཇི་ལྟར་སྒྱུ་མ་རྨི་ལམ་དང་། །ཇི་ལྟར་བར་མའི་སྲིད་ཡིན་པས། །ཅེས་སོ། དེ་ལ་སྦྱང་གཞི་བར་དོའི་ལུས་

[Full Size]

གསུམ་ནི། །སྐྱེ་ཤི་བར་དོ། རྨི་ལམ་བར་དོ། སྲིད་པ་བར་དོའོ། །དང་པོ་ནི། སྐྱེས་ནས་མ་ཤིའི་བར་དུ་སྐྱེ་ཤི་བར་དོ་སྟེ་རྣམ་པར་སྨིན་པའི་ལུས་སོ། །ཅིའི་ཕྱིར་རྣམ་སྨིན་གྱི་ལུས་ཅེ་ན། དགེ་སྡིག་དུ་མའི་ལས་བསགས་པས་བདེ་སྡུག་སྣ་ཚོགས་སུ་སྨིན་ཞིང་མྱོང་བས་རྣམ་པར་སྨིན་པའི་ལུས་སོ། །གཉིས་པ་ནི། གཉིད་དུ་སོང་ནས་མ་སད་ཀྱི་བར་རྨི་ལམ་བར་དོ་བག་ཆགས་ཀྱི་ལུས་སོ། །ཅིའི་ཕྱིར་བག་ཆགས་ཀྱི་ལུས་ཅེ་ན། ཚེ་འདིའི་བག་ཆགས་སྣ་ཚོགས་རྨི་ལམ་དུ་འབྱུང་བས་རྨི་ལམ་བག་ཆགས་ཀྱི་ལུས་སོ། །གསུམ་པ་ནི། ཤི་ནས་སྐྱེ་བ་མ་བླངས་བར་དུ་སྲིད་པ་བར་དོ་ཡིད་ཀྱི་ལུས་སོ། །ཅིའི་ཕྱིར་ཡིད་ཀྱི་ལུས་ཅེ་ན། ཟས་སུ་དྲི་ཟ་ཞིང་སེམས་སྒྱུ་མ་ལྟ་བུ་དབང་པོ་ཚང་ཞིང་ཐོགས་པ་མེད་པའི་ཡིད་ཀྱི་ལུས་སོ། །གཉིས་པ་སྦྱོང་བྱེད་ནི། རྣམ་སྨིན་གྱི་ལུས་ལྷ་སྐུ་ཕྱག་རྒྱ་ཆེན་པོས་སྦྱང་ངོ་། །བག་ཆགས་

[Full Size]

ཀྱི་ལུས་རྨི་ལམ་སྤྲུལ་བསྒྱུར་ལ་སོགས་པས་སྦྱང་ངོ་། །ཡིད་ཀྱི་ལུས་འོད་གསལ་གྱིས་སྦྱང་བར་བྱའོ། །ཡང་ན་ལུས་གསུམ་པོ་དེ་དག་རེ་རེ་ལའང་སྦྱང་གཞི་ལུས་ངག་ཡིད་གསུམ་ལ་སྦྱོང་བྱེད་བདེ་གསལ་མི་རྟོག་གསུམ་སྟེ་ཐོབ་བྱ་འབྲས་བུ་སྐུ་གསུམ་དབྱེར་མེད་དོ། །དེ་ལ་དབང་པོ་རབ་རྣམ་སྨིན་གྱི་ལུས་ལ་འཚང་རྒྱ། འབྲིང་བག་ཆགས་ཀྱི་ལུས་ལ་འཚང་རྒྱ། །ཐ་མ་རྣམ་སྨིན་གྱི་དུས་སུ་ཉམས་སུ་བླངས་པ་དེ་ས་བོན་གྱི་ཚུལ་དུ་སོང་ནས་བར་དོར་འཚང་རྒྱ་བར་བྱེད་དོ། །ཞེས་དང་། གཉན་སྟོན་སྦས་པའི་རྣལ་འབྱོར་གྱི་མགུར་དུ། རྣམ་སྨིན་གྱི་ལུས་ལ་རྒྱལ་བའི་སྐུ། །བསམ་པ་ཙམ་གྱིས་དོན་རྣམས་འགྲུབ། །དམིགས་མེད་ཀྱི་སྒྱུ་ལུས་འཁྱམས་པོ་ཡིན། །རང་སེམས་བླ་མ་དེ་སྐད་གསུང་། །བག་ཆགས་ཀྱི་ལུས་ལ་རྒྱལ་བའི་སྐུ། །བསམ་པ་ཙམ་གྱིས་དོན་རྣམས་འགྲུབ། །དམིགས་མེད་ཀྱི་སྒྱུ་ལུས་འཁྱམས་པོ་ཡིན། །རང་སེམས་

[Full Size]

བླ་མ་དེ་སྐད་གསུང་། ཡིད་ཀྱི་ལུས་ལ་རྒྱལ་བའི་སྐུ། །བསམ་པ་ཙམ་གྱིས་དོན་རྣམས་འགྲུབ། །དམིགས་མེད་ཀྱི་སྒྱུ་ལུས་འཁྱམས་པོ་ཡིན། །རང་སེམས་བླ་མ་དེ་སྐད་གསུང་། །ཞེས་གསུངས་པས། ཐོག་མར་རྣམ་སྨིན་གྱི་ལུས་གདམས་པས་མ་ཟིན་ན་བག་ཆགས་ཀྱི་ལུས་གདམས་པས་མ་ཟིན། དེ་ལ་ཟིན་ན་ཡིད་ཀྱི་ལུས་གདམས་པས་མི་ཟིན་པས་འཁྲུལ་པའི་འཁོར་ལོ་འབའ་ཞིག་ཏུ་འགྱུར་ལ། །ལུས་གསུམ་གྱི་གདམས་པ་འདི་དག་ཐུགས་ཀྱི་ཡུལ་དུ་བཞག་ནས་ཉིན་མཚན་གྱི་སྣང་བ་འདི་དག་གི་རྒྱུ་རྐྱེན་འཚམས་སྦྱོར་དང་བཅས་པ་དང་། ཉིན་སྣང་མ་འཁྲུལ་ན་མཚན་སྣང་མི་འཁྲུལ་བ་དང་། དེ་མ་འཁྲུལ་ན་བར་དོར་མི་འཁྲུལ་བའི་ཚུལ། གྲུབ་པའི་འཁོར་ལོས་བསྒྱུར་བ་ཐང་སྟོང་རྒྱལ་པོས། ཉིན་བར་གྱི་སྣང་བ་འདི་རྒྱུ་མ་རིག་པ། རྐྱེན་ལས་དང་ཉོན་མོངས་པ། སྦྱོར་བ་འདུ་བྱེད། མཚན་མོའི་རྨི་ལམ་འདི་རྒྱུ་བག་ཆགས། །རྐྱེན་

[Full Size]

མཐོང་ཐོས་དྲན་གསུམ། །སྦྱོར་བ་གཉིད་ཡིན། ཉིན་བར་གྱི་སྣང་བ་འདི་མ་འཁྲུལ་ན་མཚན་མོའི་རྨི་ལམ་མི་འཁྲུལ། །རྨི་ལམ་མ་འཁྲུལ་ན་བར་དོར་མི་འཁྲུལ། །རེ་བའི་སངས་རྒྱས་མ་རྙེད། །དོགས་པའི་སེམས་མ་རྙེད། ཆོས་ཟད་བློ་ཟད་དུ་སོང་ན་དོན་འགྲུབ། །ཅེས་དང་། རྨི་ལམ་ཟིན་པས་མི་ཆོག་རྨི་ལམ་འོད་གསལ་དུ་འབྱོངས་དགོས། རྣམ་རྟོག་ཆོས་སྐུར་མ་ཐིམ་ན་ཆོས་ཐམས་ཅད་ཕོ་ཚོད། །ཅེས་གསུངས་སོ། །དེ་ལ་ཐོག་མར་རྣམ་སྨིན་གྱི་ལུས་རྩ་རླུང་ཐིག་ལེའི་རང་བཞིན་ཅན་གྱི་རྡོ་རྗེའི་ལུས་ལ་རྣལ་འབྱོར་ཟབ་མོས་གནད་དུ་བསྣུན་དགོས་ལ། དེ་ཡང་བརྟག་པ་གཉིས་པ་ལས། ལུས་ལ་ཡེ་ཤེས་ཆེན་པོར་གནས། །རྟོག་པ་ཐམས་ཅད་ཡང་དག་སྤངས། །དངོས་པོ་ཀུན་ལ་ཁྱབ་པ་པོ། །ལུས་གནས་ལུས་ལས་མ་སྐྱེས་པའོ། །ཞེས་གསུངས་པ་ལྟར། རྟེན་ལུས་ལ་བརྟེན་པ་ཡེ་ཤེས་ཆེན་པོ། ཁྱབ་བྱེད་དུ་བཞུགས་པས་མེ་རྟོག་

[Full Size]

དང་མེ་ཏོག་གི་དྲི་ལྟ་བུ་ཡིན་ཏེ། དེ་སྐད་དུ། །དགྱེས་པ་རྡོ་རྗེ་ལས། ལུས་ཀྱི་དངོས་མེད་གང་ལས་བདེ། །བདེ་བ་སྨྲ་བར་མི་ནུས་སོ། །ཁྱབ་བྱ་ཁྱབ་བྱེད་ཚུལ་གྱི་ནི། །བདེ་བས་འགྲོ་བ་ཁྱབ་པ་ཉིད། །ཇི་ལྟར་མེ་ཏོག་ལ་གནས་དྲི། །མེ་ཏོག་དངོས་མེད་ཤེས་མི་འགྱུར། །དེ་བཞིན་གཟུགས་སོགས་དངོས་མེད་པར། །བདེ་བ་ཉིད་ཀྱང་དམིགས་མི་འགྱུར། །ཞེས་དང་། སམྦུ་ཊར། ཆོས་ཀྱི་ཕུང་པོ་བརྒྱད་ཁྲི་དང་། བཞི་སྟོང་གི་ནི་ཆོ་གས་ཀྱང་། །ལུས་ཀྱི་དེ་ཉིད་མི་ཤེས་ན། །དེ་དག་ཐམས་ཅད་འབྲས་བུ་མེད། །ཅེས་གསུངས་པས། རྟེན་རྡོ་རྗེའི་ལུས་ལ་གནད་དུ་བསྣུན་ན་ཡེ་ཤེས་རང་དབང་མེད་པར་འཆར་བ་སྟེ། དཔེར་ན། བའི་ལུས་ལ་འོ་མས་ཁྱབ་ཀྱང་རྭ་རྩེ་ནས་འཐེན་ན་མི་འབྱུང་ཞིང་། ནུ་ཁ་ནས་འཐེན་ན་འོ་མ་འབྱུང་བ་ལྟ་བུའོ། །དུས་ཀྱི་འཁོར་ལོ་ལས་ཀྱང་། དཔྲལ་བ་དང་། མགྲིན་པ་དང་། སྙིང་

[Full Size]

ག་དང་། ལྟེ་བ་རྣམས་ན་སད་རྨི་གཉིད་སྟུག་འཕོ་བའི་གནས་སྐབས་སྐྱེད་པའི་ཐིག་ལེ་བཞི་གནས་པར་གསུངས་ཤིང་། དེ་དག་དབང་བཞིས་སྦྱངས་པས་དགའ་བ་བཞི་མངོན་དུ་འགྱུར་ཞིང་། གདོད་མ་ནས་གནས་པའི་རྡོ་རྗེ་བཞི་མངོན་དུ་འགྱུར་བས་གསུངས་པས། དེས་ན་རྣམ་པར་སྨིན་པའི་ལུས་རྩ་རླུང་ཐིག་ལེའི་རང་བཞིན་ཅན་འདི་ལ་རང་ལུས་ཐབས་ལྡན་གྱི་མན་ངག་ཨ་ཧཾ་འབར་འཛག་གི་རྣལ་འབྱོར་དང་། གཞན་ལུས་ཤེས་རབ་ཀྱི་རྣལ་འབྱོར་ཁ་ག་མུ་ཁ་མཉམ་པར་སྦྱར་ཏེ་བྱང་ཆུབ་ཀྱི་སེམས་བཞུ་བཏུལ་བྱས་པས་ཟག་བཅས་ཡས་བརྟན་གྱི་དགའ་བ་བཞི་དང་། ཟག་མེད་མས་བརྟན་གྱི་དགའ་བ་བཞིའི་སྒོ་ནས་བྱང་ཆུབ་ཀྱི་སེམས་ནོར་བུ་ལས་གཙུག་ཏོར་གྱི་བར་དུ་གཤེགས་ཏེ་ཡོངས་སུ་གང་བ་ན་ལུས་འཇའ་ལུས་རྡོ་རྗེའི་སྐུ་དང་། ངག་གཞོམ་དུ་མེད་པ་ནཱ་དའི་གླུ་དབྱངས། སེམས་རྟོག་མེད་ཆོས་ཀྱི་སྐུར་མངོན་

[Full Size]

པར་རྫོགས་པར་འཚང་རྒྱ་བས་དབང་པོ་རབ་རྣམ་སྨིན་གྱི་ལུས་ལ་འཚང་རྒྱ་བ་ཞེས་པའི་ཐ་སྙད་བཞག །དབང་པོ་འབྲིང་གི་ཉིན་པར་སྒྱུ་ལུས་ཀྱི་དྲན་འདུན་དང་། མཚན་མོ་རྨི་ལམ་བཟུང་སྦྱང་་སྤེལ་བསྒྱུར་སོགས་ཀྱིས་ཉིང་འཁྲུལ་རང་དག་ཏུ་སྦྱངས་པས་འབྲིང་བག་ཆགས་ཀྱི་ལུས་ལ་འཚང་རྒྱ་བ་ཞེས་པའི་ཐ་སྙད་བཞག །ཐ་མས་རྣམ་སྨིན་དང་བག་ཆགས་ཀྱི་དུས་སུ་ཉམས་སུ་བླངས་པ་དེ་ས་བོན་གྱི་ཚུལ་དུ་སོང་ནས་རབ་བར་དོ་དང་པོའི་འོད་གསལ་ངོས་ཟིན་ཏེ་དེ་ཉིད་དུ་འཚང་རྒྱ་བ། །ཡེ་ཤེས་རོལ་པའི་རྒྱུད་ལས། འོད་གསལ་ཟིན་པའི་གང་ཟག་གིས། །བར་དོའི་གྲོང་ཁྱེར་དེས་མི་མཐོང་། །གཞན་དོན་གཟུགས་སྐུའི་སྣང་བ་འཆར། །དཔེར་ན་ཡིད་བཞིན་ནོར་བུ་བཞིན། །ཞེས་གསུངས་པ་ལྟར་ཡིན་ལ། དེ་ལ་གནས་པར་མ་ནུས་ན། །འབྲིང་བདུན་ཕྲག་དང་པོར་ལོངས་སྤྱོད་རྫོགས་པའི་སྐུར་འཚང་རྒྱ་ཞིང་། ཐ་མ་

[Full Size]

མངལ་སྒོ་སྦྱངས་ནས་སྤྲུལ་སྐུར་འཚང་རྒྱ་བ་ལ་དབང་པོ་ཐ་མ་ཡིད་ཀྱི་ལུས་ལ་འཚང་རྒྱ་བ་ཞེས་པའི་ཐ་སྙད་བཞག །ཤིན་ཏུ་བསྡུས་པ་ནི། །ལུས་གསུམ་རྒྱལ་བའི་སྐུ་གསུམ་དེ། །རང་སེམས་འཆི་མེད་རང་གྲོལ་ལོ། །ཨེ་མ་དུས་གསུམ་རྒྱལ་བ་ཡི། །དགོངས་པ་རིན་ཆེན་མཛོད་ཡིན་ནོ། །ཞེས་གསུངས་པས། སེམས་ཉིད་ཉག་གཅིག་གི་སྟེང་དུ་སྒོམ་མེད་ཡེངས་མེད་དུ་འཇོག་པ་ཁོ་ན་སྟེ། དེ་ཡང་སེམས་ཀྱི་གནས་ལུགས་ཡོད་མེད་ལས་འདས་པས་རྟག་ཆད་ལས་གྲོལ་བའི་ཚུལ་ཤིན་ཏུ་གསལ་བ། གྲུབ་པའི་དབང་ཕྱུག་ཐང་སྟོང་རྒྱལ་པོའི་གསུང་ལས། སེམས་ལ་རང་བཞིན་ཡོད་ནས་ཡོད་ཟེར་བ་མིན། ཆད་ལྟར་སོང་དོགས། །སེམས་ལ་རང་བཞིན་མེད་ནས་མེད་ཟེར་བ་མིན། རྟག་ལྟར་སོང་དོགས། རང་གི་རང་ལ་གཟིགས། །གཞན་དབང་དུ་མ་སོང་བར་རང་དབང་ཆེན་པོ་ཐོབ་ན་དོན་ཆེན་པོ་འགྲུབ་ཅེས་གསུངས་ལ། རྡོ་རྗེའི་ཚིག་འདིས་

[Full Size]

རྒྱལ་བའི་བཀའ་འཁོར་ལོ་ཐ་མ་དང་། འཁོར་ལོ་བར་མ་དགོངས་འགྲེལ་དང་བཅས་པའི་དོན་རྗེན་པ་ཉིད་དུ་བསྟན་པ་ཡིན་ལ། དེ་ཡང་སེམས་ཉིད་འདི་ཀ་འཁོར་འདས་ཀྱི་ཆོས་ཐམས་ཅད་ཀྱི་རྩ་བའི་སྙིང་པོ་ཡིན་པའི་དབང་ལས་ཏེ། དེ་སྐད་དུ། མདའ་བསྣུན་ཞབས་ཀྱིས། སེམས་ཉིད་གཅིག་པུ་ཀུན་གྱི་ས་བོན་ཏེ། །གང་ལ་སྲིད་དང་མྱ་ངན་འདས་འཕྲོ་བ། །འདོད་པའི་འབྲས་བུ་སྟེར་བར་བྱེད་པ་ཡི། །ཡིད་བཞིན་ནོར་འདྲའི་སེམས་ལ་ཕྱག་འཚལ་ལོ། །ཞེས་གསུངས་པས། འཁོར་འདས་གཉིས་སེམས་ཉིད་ཀྱི་གནས་ལུགས་རྟོགས་པ་དང་མ་རྟོགས་པ་ཁོ་ན་ལས་ཡིན་པས། སེམས་བཅིངས་ན་ནི་བཅིངས་གྱུར་ཏེ། དེ་ཉིད་གྲོལ་ན་ཐེ་ཚོམ་མེད། བླུན་པོ་གང་གིས་བཅིངས་གྱུར་པ། །མཁས་པ་དེ་ཡིས་མྱུར་དུ་གྲོལ། །ཅེས་དང་། ས་བོན་གཅིག་ལ་སྡོང་པོ་གཉིས། །རྒྱུ་མཚན་དེ་ལས་འབྲས་བུ་གཅིག །དེ་ཡང་

[Full Size]

དབྱེར་མེད་གང་བསམ་པ། །དེ་ནི་འཁོར་དང་མྱ་ངན་འདས་རྣམས་གྲོལ། །ཅེས་གསུངས། འོ་ན་གྲོལ་བའི་ཐབས་ཅི་ཞེ་ན། །སེམས་ནི་ནམ་མཁའ་འདྲ་བར་གཟུང་བྱ་སྟེ། །ནམ་མཁའི་རང་བཞིན་ཉིད་དུ་སེམས་གཟུང་བྱ། །ཡིད་དེ་ཡིད་མ་ཡིན་པ་བྱེད་གྱུར་ན། །དེས་ནི་བླ་མེད་བྱང་ཆུབ་ཐོབ་པར་འགྱུར། །ཞེས་གསུངས། ལམ་འདི་ཉིད་ཉམས་སུ་ལེན་པའི་ཚུལ་བཀའ་བརྒྱུད་རིན་པོ་ཆེ་རང་གི་ལུགས་ལ། ཐ་མལ་གྱི་ཤེས་པ་བཟོ་མེད་དུ་སྐྱོང་བ་འདི་ཉིད་ཡིན་ཏེ། ཕྱག་རྒྱ་ཆེན་པོ་གའུ་མའི་རྡོ་རྗེའི་ཚིག་རྐང་ལས། ཆོས་སྐུའི་ནམ་མཁར་རྟོགས་པའི་སྤྲིན་ཚོགས་ལས། །དུག་ལྔའི་གློག་འགྱུ་ཡེ་ཤེས་ཆེན་པོར་ལྟོས། །ཡིད་ལ་མི་བྱེད་རེ་དོགས་ཀུན་བྲལ་བའི། །ཐ་མལ་ཤེས་པ་ཁྱོད་ལ་ཕྱག་འཚལ་ལོ། །ཞེས་གསུངས། དེ་ཡང་ཐ་མལ་གྱི་སྒྲས་ནི་དམན་པའི་དོན་བརྗོད་པར་བྱེད་པ་མ་ཡིན་གྱི། །བཅོས་མ་མ་ཡིན་པའི་དོན་བརྗོད་པར་བྱེད་པ་ཡིན་ཏེ། །གསང་བ་འདུས་

[Full Size]

པའི་རྒྱུད་ཕྱི་མར། རང་བཞིན་རྣམ་པ་རྒྱུ་ཡིན་ཏེ། །ཞེས་གསུངས་པའི་རང་བཞིན་གྱི་སྐད་དོད་པྲ་ཀྲྀ་ཏ་ཞེས་བྱ་བ་དེ་ཉིད་སྐབས་གཞན་དུ་ཐ་མལ་དུ་ཡང་བསྒྱུར་བ་ཡིན་ནོ། །དེས་ན་རང་བཞིན་ཞེས་བྱ་དང་། །ཐ་མལ་ཞེས་བྱ་བ་འདི་དོན་ཐ་དད་པ་མ་ཡིན་ནོ། །དེས་ན་སེམས་ཇི་བཞིན་བཞག་པ་ལ་མ་བཅོས་པ་ཞེས་གསུངས། སེམས་དེ་ཡང་རྣམ་པར་ཤེས་པའི་བསླད་པ་ཅན་མ་ཡིན་པས་ཐ་མལ་ཤེས་པ་ཞེས་དགར་ཏེ་གསུངས། ཐ་མལ་ཀྱང་ཐ་མལ་གྱི་སྐད་ཅེས་པའི་ཐ་མལ་ལྟ་བུ་བཅོས་བསླད་མེད་པའམ་རང་བཞིན་པའི་དོན་དེ་ལ་མཛད་དེ། །སློབ་དཔོན་ཏོག་རྩེ་ཞབས་ཀྱིས། ཐ་མལ་ཤེས་པ་སྙིང་གི་དབུས་སུ་སད། །ཚོགས་དྲུག་དག་ན་བདེ་ཆེན་རྒྱུན་མི་འཆད། །བྱས་པ་ཐམས་ཅད་དོན་མེད་སྡུག་བསྔལ་རྒྱུ། །བསྒོམ་དུ་མེད་ཀྱིས་གཉུག་མའི་ངང་དུ་ཞོག །ཅེས་གསུངས། དེས་ན་སེམས་མ་བཅོས་པར་འཇོག་པའི་ཚུལ་

[Full Size]

འདི་ཉིད་ཐེག་པ་ཆེན་པོ་མདོ་སྡེ་རྒྱན་ལས། ཇི་ལྟར་ཆུ་རྙོག་པ་ལས་དྭངས་པ་ན། །དྭངས་པ་དེ་ཉིད་དེ་ལས་སྐྱེ་མིན་གྱི། །དེ་ནི་དེ་ལ་དྲི་མ་བྲལ་བར་ཟད། །དེ་བཞིན་རང་སེམས་དག་པའང་ཚུལ་དེ་ཉིད། །ཅེས་གསུངས་ལ། །དེ་ཡང་ཆུ་རྣམ་པ་གཉིས་ཏེ་དྭངས་མ་དང་རྙོག་པ་ཅན་ནོ། །དེས་ན་དྭངས་མ་ནི་ཆུ་ཉིད་ཀྱི་རང་བབས་སམ་རང་བཞིན་ཞེས་བྱ་བ་མ་བཅོས་པ་སྟེ། དེ་ལ་ཆུ་རང་བཞིན་གྱི་དྭངས་པ་ཞེས་བྱའོ། །དེ་བཞིན་སེམས་ལ་ཡང་དྭངས་པ་དང་བརྙོག་པ་ཅན་ནོ། །རྙོག་པ་ཅན་ནི་རྣམ་པར་རྟོག་པ་སྣ་ཚོགས་སུ་འཕྲོ་ཞིང་། དེས་ལས་སྣ་ཚོགས་སོགས་པ་འདི་ཡིན་ལ། དྭངས་པ་ནི་རྣམ་པར་རྟོག་པ་མེད་ཅིང་གཟུགས་ལ་སོགས་པའི་ཡུལ་ལ་བོ་བ་མ་ཡིན་པར་ནམ་མཁའ་ལྟར་སིང་ངེ་གནས་པའོ། །འདི་ལྟ་བུ་སྐྱོང་བའི་ཁྲིད་ཚུལ་མང་དུ་ཡོད་ཀྱང་ཤངས་པ་བཀའ་བརྒྱུད་པ་རང་ལ་གྲགས་པ་ནི་ཕྱག་རྒྱ་ཆེན་པོ་གའུ་མ་ཞེས་པ་འདི་ཡིན་ལ། དེ་ཉིད་བསྒོམ་པའི་ཚུལ་ནི།

[Full Size]

སྔོན་འགྲོ་རང་བབས་རྣམ་གསུམ་གྱི་སྒོ་ནས་སྐྱོན་མེད་པའི་ཞི་གནས་ལེགས་པར་བསྒྲུབས་ཏེ། དངོས་གཞི་སྐྱོན་བཞི་རང་གྲོལ་གྱི་སྒོ་ནས་སེམས་ཉིད་ལ་བརྡར་ཤ་བཅད་པས། མཐར་ཐུག་སྐུ་བཞི་རང་གྲོལ་མངོན་དུ་འགྱུར་བ་ཉིད་ཡིན་ལ། དེ་ཡང་། རྗེ་བཙུན་མཻ་ཏྲི་པས། བླ་མའི་ངག་གིས་མ་བརྒྱན་པའི། །དབུ་མའང་འབྲིང་པོ་ཅན་ཉིད་དོ། །ཞེས་གསུངས་པས། །དབུ་མ་ལ་འཇུག་པ་ལས་གསུངས་པའི་སྟོང་པ་ཉིད་ནི་དབུ་མ་འབྲིང་པོ་དང་། རིག་པའི་སྟོང་པ་ཉིད་ནི་དབུ་མ་མཆོག་གི་ལུགས་ཡིན་ནོ། །ཞེས་བཞེད་དོ། །དབུ་མ་དག་གིས་ནི། །དང་པོ་རྗེས་སུ་དཔག་པས་སྟོང་པ་ཉིད་གཏན་ལ་ཕབ་ནས། དེ་ཉིད་ལ་གོམས་པར་བྱེད་པ་ན་ཤིང་དྲུད་པ་ལས་བྱུང་བའི་མེས་ཤིང་དེ་ཉིད་སྲེག་པ་བཞིན་དུ་རྗེས་དཔག་ལས་བྱུང་བའི་གོམས་པ་དེ་ཉིད་ཀྱིས་རྟོག་པ་བཟློག་པར་བྱེད་ཅིང་མངོན་སུམ་སྐྱེ་བར་འདོད་པ་ཡིན་

[Full Size]

ན་ཕྱག་རྒྱ་ཆེན་པོའི་ཁྲིད་ཚུལ་འདི་ལ་མངོན་སུམ་ཐལ་བྱུང་དུ་སྐྱེ་བ་ཡིན་ནམ་ཚོལ་བར་བྱེད་པའི་ཚད་མ་ཡོད་དམ་མེད། ཡོད་ན་ཅི་འདྲ་བ་ཞིག་ཅེ་ན། འདི་ནི་མན་ངག་པ་དག་གི་ལུགས་ལ། ཁ་ཅིག་ལ་ནི་ཁྱོད་ཀྱི་སེམས་ཇི་ལྟ་བུ་ཡིན་པ་ཉིན་དང་མཚན་དུ་ལེགས་པར་ཚོལ་ཞིག་ཅེས་གདམས་ནས་འཚོལ་བའི་རྟོག་པ་སྔོན་དུ་གཏོང་ལ། ཁྲིག་ལ་ནི་དུས་གསུམ་གྱི་ཡིད་ལ་བྱེད་པ་དོར་ནས་གཡོ་བ་མེད་པར་བཞག་པ་ཉིད་ཀྱིས་མངོན་སུམ་གྱི་མཚན་ཉིད་ཅན་གྱི་རྩེ་གཅིག་ཅེས་བྱ་བར་སྐྱེ་བར་འགྱུར་ལ། དེ་སྐྱེས་པ་ན་མངོན་སུམ་དེ་ཉིད་ཁ་ནང་དུ་ཕྱོགས་པའི་ཚུལ་གྱིས་རང་གི་སེམས་ལ་ལྟོས་ཤིག་ཅེས། ཅེར་ལྟ་ཅེར་འཇོག་གི་སྒོ་ནས་ལྟ་བ་ཙམ་འབའ་ཞིག་བྱེད་དུ་འཇུག་སྟེ། དཔེར་ན་ཆུ་ལ་སྲོག་ཆགས་ཡོད་མེད་རྟོག་པ་ན་མིག་བསྒྲིམས་ཏེ་ལྟ་བ་ཙམ་ཞིག་བྱེད་དུ་འཇུག་པ་བཞིན་ནོ། །འདི་ནི་རྟོག་པ་མེད་པའི་མངོན་སུམ་གྱིས་ཚོལ་བའི་

[Full Size]

ཚུལ་ཏེ་དེ་ལས་ཆོས་ཐམས་ཅད་བདག་མེད་པར་མངོན་སུམ་དུ་མཐོང་བ་སྐྱེ་སྟེ། འདིར་ཡང་ཆུ་ལ་ལྟ་བའི་མིག་གི་དབང་པོ་ལྟ་བུ་ནི་བདེན་པ་གཟིགས་པའི་བླ་མ་ལ་མོས་ཤིང་གུས་པ་ཡིན་ལ། མིག་དེའི་རྣམ་པར་ཤེས་པ་ལྟ་བུ་ནི་ཁ་ནང་དུ་ཕྱོགས་པའི་མངོན་སུམ་དེ་ཉིད་ཡིན་ཏེ། ཚུལ་འདི་ཡང་། ཐེག་པ་ཆེན་པོ་རྒྱུད་བླ་མར། སེམས་དེའི་རང་བཞིན་འོད་གསལ་བས་ན་ཉོན་མོངས་ངོ་བོ་མེད་གཟིགས་པས། ཅེས་བྱ་བ་ནི་རྩེ་གཅིག་བསྟན་ལ། གང་དག་འགྲོ་ཀུན་བདག་མེད་མཐའ་ཞི་ཡང་དག་རྟོགས། །ཅེས་བྱ་བ་འདིས་བདག་མེད་པ་མངོན་སུམ་དུ་རྟོགས་པ་བསྟན་ཏེ། འདི་ལ་སྤྲོས་བྲལ་གྱི་རྣལ་འབྱོར་ཞེས་མིང་འདོགས་བྱེད་དོ། །སྤྲོས་བྲལ་དེ་ཡང་མེད་པར་དགག་པ་འབའ་ཞིག་མ་ཡིན་གྱི། །མཚན་མ་ཅིར་ཡང་མ་གྲུབ་པའི་རིག་པའི་ཆོས་ཏེ་སྣང་སྟོང་གང་གི་ཡང་ཕྱོགས་སུ་མ་ལྷུང་བའི་རིག་པ་སྐད་ཅིག་མ་ལ་

[Full Size]

ཕྱག་རྒྱ་ཆེན་པོ་ཞེས་འཇོག་གོ། །དེ་ཉིད་མཛུབ་བཙུགས་སུ་སྟོན་པ་གྲུབ་ཐོབ་ཆེན་པོས་ཁམས་བཙུན་བདེ་ལེགས་དཔལ་ལ་གདམས་པར། གཉུག་མའི་ངང་དུ་ལྷོད་ཀྱིས་གློད། །འཁྲུལ་པའི་གཞི་རྩ་རྩད་ནས་ཆོད། །ཡེངས་མེད་རང་གི་སེམས་ལ་ལྟོས། །བརྗེད་མེད་དྲན་པས་བཙིར་གྱིས་ཟུང་། །རང་ངོ་རང་གི་མ་ཤེས་ན། །སྡུག་བཙིར་བྱས་ཀྱང་ཉོན་རེ་མོངས། །གཉིད་དུས་འོད་གསལ་མ་ཟིན་ན། །སེམས་ངོ་འཕྲོད་ཀྱང་དོན་རེ་ཆུང་། །བར་དོར་འོད་གསལ་མ་ཟིན་ན། །གནད་གཅོད་སྡུག་བསྔལ་ཤ་རེ་གཡའ། །རང་སེམས་རང་དབང་མ་ཐོབ་ན། །བསྐལ་བར་བསྒོམ་ཀྱང་ཐང་རེ་ཆད། །རྣམ་རྟོག་སྔ་མ་འགགས་པའི་རྗེས། །ཕྱི་མ་མ་སྐྱེས་ཧད་དེ་བ། །གསལ་ལ་རྟོག་པ་མེད་པའི་ངང་། །རྟེན་མེད་གཞི་རྩ་བྲལ་བའི་ས། །ད་ལྟའི་ཤེས་པ་སོ་མ་འདི། །རང་སེམས་ཆོས་སྐུ་སྤྲོས་བྲལ་ཡིན། །ཅིར་སྣང་ཐམས་ཅད་རང་གི་སེམས། །

[Full Size]

རང་སེམས་སྤྲོས་བྲལ་ཆོས་ཀྱི་སྐུ། །དེས་ན་རྣམ་རྟོག་ཆོས་སྐུའི་རྩལ། །སྣང་བ་མི་འགག་སྟོང་པ་གྲུབ། །གང་སྐྱེས་གང་ཤར་དྲན་པས་ཟུང་། །ལྷོད་ཀྱིས་གློད་ལ་ཙམ་གྱིས་མཐོང་། །རང་ངོ་ཤེས་ན་ཡང་ཡང་འཐུད། །མ་བཅོས་མ་ཡེངས་རང་སར་ཞོག །འགྲོ་འོང་སྐྱེ་འགག་གནས་གསུམ་བྲལ། །འདི་ནི་ཕྱག་རྒྱ་ཆེན་པོ་ཡིན། །ཡེངས་མེད་ལམ་དུ་འཁྱེར་བ་གཅེས། །རྩོལ་མེད་ལྷུག་པར་སྐྱོང་བ་གཅེས། །ཅེས་གསུངས་ལ། འདི་དག་ནི་རྟོག་པ་སྔ་ཕྱིའི་བར་གྱི་སེམས་གསལ་རིག་སྟོང་གསུམ་གྱི་རང་བཞིན་ཅན་གྱི་ཡེ་ཤེས་འདི་རང་ངོ་ཤེས་པར་བྱས་ཏེ་ངོས་འཛིན་པ་སྟེ། འདི་ཉིད། རྗེ་བཙུན་མི་ལ་རས་པས། རྟོག་པ་སྔ་ཕྱིའི་སོ་མཚམས་སུ། །ཡེ་ཤེས་རྒྱན་དུ་འཆར་ཏེ་བྲོད། །ཅེས་དང་། དེ་ཡང་སྙན་བརྒྱུད་རྡོ་རྗེ་ཚིག་རྐང་དུ། །གཉིད་དང་རྨི་ལམ་རྣམ་རྟོག་བར་ནས་གཟུང་། །ཞེས་གསུངས་ལ། དེ་ཉིད་

[Full Size]

ཀྱི་བར་དུ་གང་གིས་འཛིན་པའི་གནད་ནི། །ཐིག་ལེར་གུས་ལྡན་དུག་གསུམ་འཛིན་མེད་ལྟོས། །ཅེས་གསུངས་པ་འདི་ཡིན་ཞིང་། །གཉིད་དང་རྨི་ལམ་གྱི་བར་ནས་འཛིན་པའི་ཚུལ། །རྗེ་རྨོག་ལྕོག་པས། གཉིད་དང་རྨི་ལམ་བར་ཤེད་ནས། །ཆོས་ཉིད་འོད་གསལ་སྒྲོན་མེ་བརྙེད། །ད་མ་རིག་མུན་པ་སེལ་སེལ་འདྲ། །ཞེས་གསུངས། དེའི་དོན། །གཉིད་ཀྱིས་རྐྱེན་བྱས་ནས་རྣམ་པར་རྟོག་པའི་ཚོགས་འགག་ཅིང་། རྨི་ལམ་གྱི་སྣང་བ་མ་ཤར་བའི་བར་དེར་འོད་གསལ་རེ་ཐམས་ཅད་ལ་འཆར་ཀྱང་ངོས་མ་ཟིན་པས་ལམ་དུ་མི་འགྱུར་ལ། རྣལ་འབྱོར་པས་མ་ཡེངས་པའི་གནད་ཀྱིས་དེ་རང་ངོ་ཤེས་པས་ལམ་དུ་འགྱུར་བ་ཡིན་ནོ། །འོ་ན་ཡུལ་སྔ་ཕྱི་ལ་འཇུག་པ་བོར་བའི་བར་གྱི་རྟོག་མེད་འདི་ཐལ་བྱུང་གི་སྟོང་པ་ཡིན་ལ། དེ་ནི་གྲོལ་བའི་ཐིག་ལེར། ཟབ་མོ་ཁོ་ན་བསྒོམས་པས་མིན། །གསལ་བ་དག་ཀྱང་དེ་བཞིན་ནོ། །དེ་བཞིན་

[Full Size]

ཐལ་བྱུང་ཟབ་མོ་ཡིས། །གྲོལ་འདོད་དེ་ལ་ང་མ་དད། །ཅེས་ཐལ་བྱུང་གི་སྟོང་པས་མི་གྲོལ་བར་བཤད་པ་དང་། །འཇམ་པའི་དབྱངས་ས་སྐྱ་པཎྜི་ཏས། བླུན་པོ་ཕྱག་རྒྱ་ཆེ་བསྒོམ་པ། །ཕལ་ཆེར་དུད་འགྲོའི་རྒྱུ་རུ་གསུངས། །ཅེས་གསུངས་པའི་དོན། །ཕྲུ་མ་སྒོམ་ཆེན་ལ་གདམས་པར། རྣམ་རྟོག་ཁ་ཚོམ་ཞི་གནས་དང་། །སྟོང་པ་ཐལ་བྱུང་ལྷག་མཐོང་གཉིས། །ངན་འགྲོར་ལྟུང་བའི་རྒྱུ་ཆེན་ཏེ། །ལེགས་འདོད་རྣམས་ཀྱིས་སྤངས་ན་ལེགས། །ཅེས་གསུངས་པས་སོ་སྙམ་ན། །རྣམ་རྟོག་སྔ་ཕྱིའི་བར་ནས་ཡེ་ཤེས་ངོས་གཟུང་བ་འདི་རང་ངོ་ཤེས་པས་ལམ་དུ་འགྱུར་ཞིང་། ཐལ་བྱུང་གི་སྟོང་པ་ཙམ། རང་བཞིན་ཡོངས་ཤེས་དང་བྲལ་བའི་ཕྱིར་ལམ་དུ་མི་འགྲོ་བས། འདི་གཉིས་ཁྱད་པར་ཤིན་ཏུ་ཆེ་ལ། དེའི་དབང་དུ་མཛད་ནས། གྲུབ་ཐོབ་ཆེན་པོས་ཕྱག་རྒྱ་ཆེན་པོ་གའུ་མའི་ཁྲིད་ཡིག་ལས། མིག་ལྟ་སྟངས་དང་བཅས་པས་འདི་སྒོམ་སྙམ་པའི་སྒོམ་འདོད་ཀྱི་རྟོག་པ་ཕྲལ་ཏེ་མ་

[Full Size]

བཅོས་པར་འཇོག་པ་ནི་སེམས་རང་བབས་སོ། །དེའི་ངང་ལ་ཧད་དེ་ཆེད་དེ་གནས་པ་ནི་སྔོན་འགྲོའི་ཚད་ཡིན། དེ་འདྲ་དེ་ལ་ཐ་མལ་གྱི་ཤེས་པ་ཞེས་བྱ། ཆད་ནས་ངལ་གསོ་བ་ལ་སོགས་པའི་གནས་སྐབས་སུ་ཡུད་ཙམ་རེ་སེམས་ཅན་ཀུན་ལ་འཆར་ཏེ། དེ་ངོས་མ་ཟིན་པས་འཁོར་བར་འཁྱམས་སོ། །ཞེས་འབྱུང་བས་སོ། །གསུམ་པ་གདམས་ངག་ལ་བསྲེ་བསླད་སྤང་ཕྱིར་ཉམས་མྱོང་ལུང་དང་ཐེམ་ཡིག་གིས་བརྒྱན་པར་བསྟན་པ་ནི། ༈ །ལོག་ལྟས་རྒྱུད་དཀྲུགས་རྩོད་ལྡན་སྙིགས་མའི་དུས། །ཡང་དག་ཆོས་ནི་ཉིན་སྐར་རུས་སྦལ་སྤུ། །ལོག་ཆོས་ཚོང་འདུས་འོ་མའི་ཆོས་སྤྱོད་ཚེ། །ཉམས་མྱོང་ལུང་དང་ཐེམ་ཡིག་བརྒྱན་པ་གཅེས། །དེ་ཡང་ཚོང་འདུས་སུ་འོ་མ་ལ་ཆུ་བསླད་ནས་འཚོང་བ་བཞིན་དུ་གདམས་ངག་ལ་རང་བཟོ་བསྲེས་ནས་དད་ལྡན་སླུ་བར་བྱེད་པས། དེ་སྤང་ཕྱིར་རང་གི་ཉམས་མྱོང་ཚད་མ་དང་། རྒྱལ་བའི་མདོ་བརྒྱུད་ཀྱི་ལུང་། མཁའ་འགྲོའི་ཐེམས་ཡིག་གིས་བརྒྱན་

[Full Size]

པར་བྱ་བ་སྟེ། དེ་སྐད་དུ། སྙན་བརྒྱུད་ཆིག་བརྒྱུད་ཆོས་དྲུག་ལ། །མ་འོངས་དུས་སུ་བསྲེ་བསླད་བྱས། །དེ་དུས་ཁྲིད་ལུགས་སྣ་ཚོགས་འབྱུང་། །དད་ལྡན་ཐེ་ཚོམ་སྤང་བའི་ཕྱིར། །འཆུག་མེད་གནད་ཀྱི་ཐེམ་ཡིག་བཀོད། །ཅེས་གསུངས་ལ། དེས་ན་གདམས་པ་འདི་ཉིད། ཡེ་ཤེས་མཁའ་འགྲོ་རང་གིས་གསོལ་འདེབས་དམིགས་པའི་གྲངས་རྣམས་ཀྱང་ཐེམ་ཡིག་གིས་བསྡམས་པར་བྱས་པས་གཞན་ལས་ཁྱད་པར་དུ་འཕགས་པ་ཉིད་དོ། །དེའི་དབང་དུ་མཛད་ནས་རྗེ་བཙུན་གྲོལ་མཆོག་ཞབས་ཀྱི་མགུར་དུ། །ལྕམ་མཁའ་འགྲོའི་གསང་ཚིག་སྙིང་པོའི་བཅུད། །ཚིག་མ་བཅོས་ཐེམ་ཡིག་རྡོ་རྗེའི་མདུད། །དོན་སྙིང་ལ་འབབ་པ་དངོས་པོའི་གཤིས། །སྤྲང་ཡིད་བདེའི་ཐར་ལམ་གསོས་སུ་ཤར། །ཅེས་གསུངས་པ་ལྟར་རོ། །བཞི་པ་ལམ་སྒོམ་པས་འབྲས་བུ་ཐོབ་ཚུལ་དུས་ཀྱི་ངེས་པ་དང་བཅས་པ་ནི། ༈ །ལམ་གྱི་མཆོག་གྱུར་

[Full Size]

འདི་ཉིད་ཉམས་ལེན་རྣམས། །གཞན་གྱི་དུས་མིན་འདིའམ་བར་མ་དོར། །བདེ་སྟོང་དབྱེར་མེད་སྐུ་གསུམ་རང་ཤར་ནས། །རྣམ་པར་དག་པའི་མཁའ་སྤྱོད་ཉིད་དུ་འགྲོ། །ཅེས་པ་ལམ་གྱི་མཆོག་འདི་ཉིད་ཉམས་སུ་ལེན་པ་རྣམས། །སྐྱེ་བ་ཕྱི་མ་སོགས་དུས་གཞན་མ་ཡིན། །རབ་ཚེ་འདི་འབྲིང་བར་མ་དོར། །བདེ་བ་དང་སྟོང་པ་དབྱེར་མེད་པའི་སྐུ་གསུམ་མངོན་དུ་གྱུར་ནས་མཁའ་སྤྱོད་ཆེན་པོ་མི་སློབ་པའི་ཟུང་འཇུག་རྡོ་རྗེ་འཆང་ཆེན་པོའི་གོ་འཕང་ཐོབ་པར་འགྱུར་རོ། །ལྔ་པ་ཆིག་བརྒྱུད་ཀྱིས་བཀའ་རྒྱས་བཏབ་པ་ནི། ༈ །འདི་ཉིད་མི་རབས་བདུན་དུ་ཆིག་བརྒྱུད་ལས། །མི་སྤེལ་རྡོ་རྗེའི་རྒྱ་ཡིས་གདབ་པར་བྱའོ། །སྐབས་འདིར་ཡང་དགོས་གནས་འདི་འཇུག་སྟེ། ཆོས་དྲུག་མི་རབས་བདུན་དུ་ཆིག་བརྒྱུད་ཉིད། །ཡིན་ན་ལ་ཝ་པ་ལ་འདི་ཡོད་ཅིང་། །ཨ་ཏི་ཤ་ལའང་འདི་ཡི་རྒྱ་དཔེ་སྣང་། །དེ་ལས་བསྒྱུར་ཅེས་འབྱུང་བ་ཇི་ལྟར་ཡིན། །ཞེས་འདྲི་བའི་རྒྱུ་མཚན། །

[Full Size]

མཁས་གྲུབ་ཁྱུང་པོའི་རྣམ་ཐར་ན། ཌཱ་ཀི་མའི་ཞལ་ནས། ཆོས་དྲུག་གི་དབང་གདམས་ངག་དང་བཅས་པ་འདི་རྗེ་བཙུན་ལ་ཝ་པ་དང་ང་གཉིས་མ་གཏོགས་པ་རྒྱ་གར་ནའང་ཤེས་པ་མེད་པས་མི་རབས་བདུན་དུ་ཆིག་བརྒྱུད་ལས་མ་སྤེལ་ཅིག །དེ་རྣམས་ཀྱང་ལུང་སྟོན་ཅིང་བྱིན་གྱིས་རློབ་པར་འགྱུར་རོ། །ཞེས་དང་། ལོ་ཙཱ་བ་གླན་དར་མ་བློ་གྲོས་དང་། ག་ཡ་དྷཱ་ར་དང་འགྲོགས་མཐོ་ལིང་གཙུག་ལག་ཁང་དུ་འོངས་པ་དང་། རྒྱ་དཔེ་འགའ་ཞིག་རུལ་འདུག་ནས་སླར་རྒྱ་གར་དུ་འགྲོ་དགོས་སྙམ་ཙ་ན་པཎྜི་ཏ་དཱི་པཾ་ཀ་ར་ཤྲཱི་ཛྙཱ་ན་བཞུགས་པ་དང་དུས་མཚུངས་ནས། ཁོང་གི་ཞལ་ནས། ངའི་རྒྱ་དཔེ་དང་གཅིག་པར་འདུག །རིན་ཆེན་བཟང་པོར་བསྒྱུར་དུ་བཅུག་པས་ཆོག་གསུང་སྟེ་ལོ་ཙཱ་བ་རིན་ཆེན་བཟང་པོ་དང་གླན་དར་མ་བློ་གྲོས་ཀྱིས་བསྒྱུར་རོ། །ཞེས་འབྱུང་ལ། དེ་ལྟར་ན་བརྒྱུད་པ་བདུན་དུ་ཆིག་བརྒྱུད་ཡིན་པར་གསུངས་

[Full Size]

པ་ཇི་ལྟ་བུ་ཡིན་ཞེ་ན། སྤྱིར་ཆིག་བརྒྱུད་ཅེས་པ་ནི་སོ་སོ་སྐྱེ་བོ་འཆིང་བ་ཀུན་ལྡན་མིའི་དབང་དུ་མཛད་ཀྱི། གཞན་རྡོ་རྗེ་འཆང་ཆེན་པོས་དཔའ་བོ་དང་ཌཱ་ཀི་ནི་འཁོར་མཐའ་ཡས་པའི་དབུས་སུ་གསུངས་པ་དང་། གཞན་ཡང་ཆིག་བརྒྱུད་ནི་བརྒྱུད་པའི་རབས་དེ་ཙམ་དུ་གདམས་པ་འདིའི་གདུལ་བྱ་མང་པོ་མི་འབྱུང་བའི་དབང་དུ་ཡར་མཛད་དོ། །ལ་ཝ་པ་ལ་ངེས་བཟུང་མཛད་པ་ཡང་གདམས་པ་འདི་ཤིན་ཏུ་དཀོན་པར་སྟོན་པའི་དབང་ལས་སོ། །རྩ་བའི་གསུམ་པ་མཇུག་གི་དོན་ལ། མཇུག་ཡོངས་སུ་རྫོགས་པར་བསྟན་པ། འགྱུར་མཛད་ལོ་པ་གྱི་མཚན་སྨོས་པའོ། །དང་པོ་ནི། ཆོས་དྲུག་རྡོ་རྗེའི་ཚིག་རྐང་ཞེས་བྱ་བ་རྫོགས་སོ། །ཞེས་པས་བསྟན། གཉིས་པ་ནི། ཡེ་ཤེས་ཀྱི་ཌཱ་ཀི་མའི་ཞལ་ནས་ལོ་ཙཱ་བ་གླན་དར་མ་བློ་གྲོས་ཀྱིས་བསྒྱུར་བའོ། །བདག་ཁྱུང་པོ་རྣལ་འབྱོར་པས་གསེར་སྲང་ལྔ་བརྒྱ་ཕུལ་ནས་ཞུས་ཏེ་

[Full Size]

ཉམས་སུ་མྱོང་བར་བྱས་པའོ། །ཕྱིས་མཐོ་ལིང་དུ་ལོ་ཙཱ་བ་རིན་ཆེན་བཟང་པོས་ཀྱང་གཏན་ལ་ཕབ་པའོ། །ཞེས་པས་བསྟན། རྩ་བའི་གཉིས་པ་སྒོམ་དོན་ཉམས་སུ་བླང་བའི་རིམ་པ་ནི། འཇག་བསམ་གྱི་ཁྲིད་ཡིག །གྲུབ་ཐོབ་ཆེན་པོའི་སྙིང་པོ་ཀུན་འདུས་སོགས་སུ་མཁྱེན་པར་བྱའོ། །རྡོ་རྗེའི་ཚིག་རྐང་ཡིད་བཞིན་ནོར་བུ་གང་། །ཡང་དག་བཤད་པས་བྱི་དོར་བགྱིས་པ་འདི། །ཉམས་ལེན་རྒྱལ་མཚན་རྩེ་མོར་ལེགས་མཆོད་ན། །ཕན་བདེའི་འདོད་དགུ་ཆར་བཞིན་འབེབ་པར་འགྱུར་མཐའ་དག་གཟུགས་ཅན། །གསང་ཆེན་རྒྱུད་སྡེའི་ལུང་དང་ལེགས་སྦྱར་ཞིང་། །ཡེ་ཤེས་མཁའ་འགྲོའི་ཚིག་གསལ་ཐེམ་ཡིག་སོགས། །མཆོག་གཟིགས་གོང་མའི་གསུང་གིས་བརྒྱན་པའི་ཕྱིར། །རང་བཟོའི་ཉེས་པ་ཅུང་ཟད་མེད་སྙམ་བགྱིད་རང་བཞིན་བརྗོད་པ། །འོན་ཀྱང་བདག་ཉིད་ཤིན་ཏུ་རྨོངས་པས་ན། །འདི་ལ་ཉེས་པའི་ཆ་ཤས་མཆིས་

[Full Size]

པ་རྣམས། །ཆོས་བདག་ཡེ་ཤེས་མཁའ་འགྲོའི་ཚོགས་རྣམས་ཀྱིས། །བཟོད་པར་མཛོད་ཅིང་ཉེས་པ་སྦྱང་དུ་གསོལ། །འདི་ལྟར་བཀོད་ལས་ལེགས་པར་གྲུབ་པ་ཡི། །རྣམ་དཀར་དགེ་བ་ཟླ་འོད་ཀྱིས་འཁྱུད་པའི། །ཀུནྡའི་དོག་པ་སྐྱེངས་པར་བྱེད་པ་འདིས། །སྙིང་པོའི་བསྟན་པ་ཕྱོགས་བཅུར་རྒྱས་གྱུར་ཅིག །ཅེས་པ་སྟོབས་འབྱོར་གངས་ཅན་ན་འགྲན་ཟླ་མེད་པའི་རིགས་ལྡན་ཆོས་ཀྱི་རྒྱལ་པོའི་སྲས་སུ་འཁྲུངས་ཀྱང་ཁེངས་པ་དང་ང་རྒྱལ་གྱི་དྲི་ཙམ་མི་མངའ་བར་བྱམས་བརྩེས་ཐུགས་རྒྱུད་ཡོངས་སུ་བརླན་ཅིང་དད་སོགས་འཕགས་ནོར་གྱིས་མཛེས་པའི་རྗེ་བཙུན་ངག་གི་དབང་མོའི་བཀས་བསྐུལ་ཏེ། སྐད་གཉིས་སྨྲ་བའི་བཙུན་པ་འགྱུར་མེད་བདེ་ཆེན་གྱིས་བྱང་ཤམྦྷ་ལ་གཉིས་པ་དཔལ་ངམ་རིང་རྒྱལ་པོའི་ཁབ་ཀྱི་ཕོ་བྲང་ལུགས་གཉིས་ཀྱི་འདུན་པ་ཆེན་པོར་བཀོད་པ་ལས། སླར་ཡང་ཚད་ཐུབ་ཀྱི་ལུང་མང་པོས་རང་བཟོའི་རྙོག་པ་དྭངས་པར་

[Full Size]

བྱས་ཤིང་། དོག་གནས་རྣམས་དྲི་བའི་ཚིགས་སུ་བཅད་པར་སྤེལ། །དེ་དག་ལ་ལན་འདེབས་ཀྱི་རིམ་པ་སོགས་ལེགས་པར་བཤད་པ་རིན་པོ་ཆེའི་རྒྱན་ཕྲེང་ཚར་དུ་དངར་བ་འདི་ལེགས་པར་སྤེལ་ལོ། །

སྒྱུ་ལུས་འཛིན་པ་རང་གྲོལ་དང་། ཁྱུང་པོ་རྣལ་འབྱོར།

[Full Size]

སྒྱུ་ལུས་འཛིན་པ་རང་གྲོལ་དང་། སྒྱུ་ལུས་དྲུག་ལྡན་བཞུགས་སོ། །

[Full Size]

ན་མོ་གུ་རུ། ཡེ་ཤེས་ཀྱི་མཁའ་འགྲོ་ནི་གུ་མ་སྒྱུ་མ་ལ་གསུམ་དུ་འདོད། །ངོ་བོ། བློ་གྲོས་རབ་བརྟན་གྱིས་གསོལ་བ། བཅོམ་ལྡན་འདས་སྒྱུ་མའི་ངོ་བོ་གང་ལགས། མཚན་ཉིད་གང་། བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་རབ་བརྟན་གང་དེ་ལ། སྒྱུ་མའི་ངོ་བོ་ལ་ངོ་བོའི་མཚན་གཞི་མ་གྲུབ་པ་ནི། སྒྱུ་མའི་ངོ་བོ་སྒྱུ་མའི་ངོ་བོ་ལ་ངོ་བོའི་རང་བཞིན་མ་གྲུབ་པ་ནི་སྒྱུ་མའི་ངོ་བོ། སྒྱུ་མའི་ངོ་བོ་ལ་ངོ་བོའི་མཚན་ཉིད་མ་གྲུབ་པ་ནི་སྒྱུ་མའི་ངོ་བོ། ཞེས་བློ་གྲོས་རབ་བརྟན་གྱི་མདོ་ལས་གསུངས་སོ། །རང་བཞིན། བློ་གྲོས་རབ་བརྟན་གང་དེ་ལ་སྒྱུ་མའི་རང་བཞིན་

[Full Size]

ལ་རང་བཞིན་གྱི་མཚན་གཞི་མ་གྲུབ་པ་ནི་སྒྱུ་མའི་རང་བཞིན་ནོ། །སྒྱུ་མའི་རང་བཞིན་ལ་རང་བཞིན་གྱི་ངོ་བོ་མ་གྲུབ་པ་ནི་སྒྱུ་མའི་རང་བཞིན་ནོ། །སྒྱུ་མའི་རང་བཞིན་ལ་རང་བཞིན་གྱི་མཚན་གཞི་མ་གྲུབ་པ་ནི་སྒྱུ་མའི་རང་བཞིན་ནོ། །མཚན་ཉིད་དོ། །དང་པོ་ངོ་བོ་བརྗོད་བྲལ་བློ་འདས་སོ། །གཉིས་པ་རང་བཞིན་བདེན་མེད་མཐའ་བྲལ་ལོ། །གསུམ་པ་མཚན་ཉིད་ཆགས་སྡང་རང་གྲོལ་ལོ། །སྒྱུ་མའི་མཚན་ཉིད་ལ་མཚན་ཉིད་ཀྱི་མཚན་གཞི་མ་གྲུབ་པ་ནི་སྒྱུ་མའི་མཚན་ཉིད་དོ། །སྒྱུ་མའི་མཚན་ཉིད་ལ་མཚན་ཉིད་ཀྱི་མཚན་ཉིད་མ་གྲུབ་པ་ནི་སྒྱུ་མའི་

[Full Size]

མཚན་ཉིད་དོ། །སྒྱུ་མའི་མཚན་ཉིད་ལ་མཚན་ཉིད་ཀྱི་རང་བཞིན་མ་གྲུབ་པ་ནི་སྒྱུ་མའི་རང་བཞིན་གྱི་མཚན་ཉིད་དོ། །མདོར་ན་ཆོས་ཐམས་ཅད་ཀྱི་ངོ་བོ་མ་གྲུབ་པ་ནི་སྒྱུ་མའི་ངོ་བོ། ཆོས་ཐམས་ཅད་ཀྱི་རང་བཞིན་ལ་རང་བཞིན་མ་གྲུབ་པ་ནི་སྒྱུ་མའི་རང་བཞིན་ནོ། །ཆོས་ཐམས་ཅད་ཀྱི་མཚན་ཉིད་ལ་མཚན་དུ་མ་གྲུབ་པ་ནི་སྒྱུ་མའི་མཚན་ཉིད་དོ། །བླ་མ་ཤངས་པ་ཆེན་པོ་དྲུག་ཏུ་འདོད་དོ། །རང་བཞིན་གནས་པའི་སྒྱུ་མ། གོ་བའི་སྒྱུ་མ་དང་། བརྟགས་ཤིང་དཔྱད་པའི་སྒྱུ་མ་དང་། ཉམས་ཀྱི་སྒྱུ་མ། སྒྱུ་མ་རང་ཤར། རྟོགས་པའི་སྒྱུ་མའོ། །དེའང་ཡེ་ཤེས་རྒྱ་མཚོའི་རྒྱུད་ལས། གདོད་ནས་ཆོས་རྣམས་མ་གྲུབ་པ། །རང་བཞིན་གནས་པའི་སྒྱུ་མ་དེ། །གོ་དང་བརྟག་དཔྱད་ཉམས་དང་ནི། རང་ཤར་རྟོགས་པའི་སྒྱུ་མའོ། །ཞེས་གསུངས་པས། དང་པོ་ནི་གཞི་གདོད་མ་ནས་ཡེ་ནས་ཆོས་ཐམས་ཅད་ངོ་བོའམ། རང་བཞིན་གང་དུའང་མ་གྲུབ་པར་གནས་པ་ནི། རང་བཞིན་གནས་པའི་སྒྱུ་མའོ། །གཉིས་པ་ནི་ཆོས་ཐམས་ཅད་བདེན་མེད་དུ་སྟོན་པའི་མདོ་རྒྱུད་དམ། །

[Full Size]

བླ་མའི་གསུང་ཐོས་པའམ། སྣང་བ་འགྱུར་བ་སྟེ་ཐོས་པ་ལ་བརྟེན་ནས། མི་བདེན་པ་དོན་སྤྱིའི་རྣམ་པ་རྩམ་གཅིག་གོ་བ་ནི་གོ་བའི་སྒྱུ་མའོ། །གསུམ་པ་ནི། རིག་པས་ས་བོན་མྱུ་གུ་འབྲས་བུ་དང་མི་རྟག་པ་ཕྲ་རགས་ལ་སོགས་པ་འདུས་བྱས་ཀྱི་ཆོས་ཐམས་ཅད་མི་བདེན་པ་སྐད་གཅིག་མར་བརྟགས་ཤིང་དཔྱད་པས་སྣང་བའི་བདེན་འཛིན་ཨེན་ཙམ་ཞིག་པ་དེ་ནི་བརྟགས་ཤིང་དཔྱད་པའི་སྒྱུ་མའོ། །བཞི་པ་ནི་གདམས་ངག་ཉམས་སུ་བླངས་པའི་སྟོབས་ཀྱིས་སྣང་བ་ལ་བདེན་འཛིན་རགས་ག་མར་ཞེན་པ་དེ་ཞིག་ནས་སྣང་བ་ཐམས་ཅད་བདེན་མེད་དུ་བུན་གྱིས་སོང་བ་ནི་ཉམས་ཀྱི་སྒྱུ་མའོ། །ལྔ་པ་ནི་སྣང་བ་དང་སྟོང་པ་གང་ཡང་རང་བཞིན་མ་གྲུབ་པ་མཐའ་བྲལ་དབྱེར་མེད་རང་ཤར་ཤས་ཆེར་འབྱུང་བ་ནི་སྒྱུ་མ་རང་ཤར་རོ། །དྲུག་པ་ནི། སྣང་སྟོང་དབྱེར་མེད་མཐའ་བྲལ་རང་ཤར་བརྗོད་བྲལ་བློ་འདས་རྒྱུན་ཆད་མེད་པར་འབྱུང་བ་ནི་རྟོགས་པའི་སྒྱུ་མ་མཐའ་བྲལ་ལོ། །རྗེ་བཙུན་རད་ན་བིརྱ་ནི་བཞིར་འདོད་དེ།

[Full Size]

དེའང་ལས་ཀྱིས་སྤྲུལ་པའི་སྒྱུ་མ། རྐྱེན་གྱིས་སྤྲུལ་པའི་སྒྱུ་མ། ཆོས་ཀྱིས་སྤྲུལ་པའི་སྒྱུ་མ། ཡེ་ཤེས་ཀྱིས་སྤྲུལ་པའི་སྒྱུ་མའོ། །དེ་ལྟར་ཡང་སྒྱུ་མ་མཁན་བཟང་པོས་ཞུས་པ་ལས། ལས་ཀྱིས་སྤྲུལ་པའི་སྒྱུ་མ་ནི། འགྲོ་དྲུག་སེམས་ཅན་ཐམས་ཅད་དོ། །རྐྱེན་གྱིས་སྤྲུལ་པའི་སྒྱུ་མ་ནི། མེ་ལོང་གཟུགས་བརྙན་ལ་སོགས་སོ། །ཆོས་ཀྱིས་སྤྲུལ་པའི་སྒྱུ་མ་ནི། །ང་ཡི་འཁོར་གྱི་དགེ་སློང་ངོ་། །ང་ནི་ཡང་དག་རྫོགས་སངས་རྒྱས། །ཡེ་ཤེས་སྤྲུལ་པའི་སྒྱུ་མའོ། །ཞེས་བྱའོ། །དང་པོ་ལས་དཀར་ནག་འདྲེས་མ་གསུམ་སྤྱད་པས་འགྲོ་བ་རིགས་དྲུག་ལ་སོ་སོའི་སྣང་བ་ཤར་བ་དེ་ནི་ལས་ཀྱི་སྒྱུ་མའོ། །གཉིས་པ་ནི། ནམ་ཟླ་དུས་བཞིའི་མེ་ལོང་གཟུགས་བརྙན་ནམ། །རས་སྣ་ཚོགས་སྟེང་དུ་ཤེལ་གོང་བཞག་པས་སྣ་ཚོགས་སུ་སྣང་བ་འདི་རྐྱེན་གྱི་སྒྱུ་མའོ། །གསུམ་པ་ནི། ཆོས་ཉན་པར་འདུས་པ་ཐམས་ཅད་དགེ་སློང་གི་དགེ་འདུན་གྱིས་

[Full Size]

ཆོས་ཀྱིས་སྤྲུལ་པའི་སྒྱུ་མར་འདོད་པའོ། །བཞི་པ་ནི། ཡང་དག་པར་རྫོགས་པའི་སངས་རྒྱས་ནི་ཡེ་ཤེས་ཀྱིས་སྤྲུལ་པའི་སྒྱུ་མའོ། །བླ་མ་སྐྱེར་སྒང་པས་ནི་གསུམ་དུ་འདོད་དེ། སེམས་ཅན་ལས་དང་ཉོན་མོངས་པའི་སྒྱུ་མ། རྣལ་འབྱོར་པ་ལ་ཉམས་སྣང་སྣ་ཚོགས་ཀྱི་སྒྱུ་མ། དེ་བཞིན་གཤེགས་པ་ལ་ཕྲིན་ལས་དག་པའི་སྒྱུ་མའོ། །དེའང་གཉིས་མེད་རྣམ་རྒྱལ་ལས། སྣ་ཚོགས་སྒྱུ་མའི་ཆོ་འཕྲུལ་གྱིས། །རང་བྱུང་དག་པར་འཆར་བ་ནི། །རྣལ་འབྱོར་རྣམས་ལ་དངོས་གྲུབ་ཀྱི། །འབྲས་བུ་ཉམས་སྣང་སྣ་ཚོགས་པའོ། །ཁམས་གསུམ་སེམས་ཅན་ཐམས་ཅད་ལ། །ལས་དང་ཉོན་མོངས་དུ་ཁ་འབྱུང་། །དེ་བཞིན་གཤེགས་པ་ཐམས་ཅད་ལ། །ཐམས་ཅད་མཁྱེན་པའི་ཡེ་ཤེས་ཀྱི། །གསང་བ་བསམ་གྱིས་མི་ཁྱབ་པ། །ཕྲིན་ལས་དག་པའི་སྟོབས་སུ་འཆར། །ཞེས་གསུངས་པས། དང་པོ་ནི། ཁམས་གསུམ་གྱི་

[Full Size]

སེམས་ཅན་ཐམས་ཅད་ཉོན་མོངས་པའི་འཆིང་བ་མཐའ་དག་དང་བཅས་པས། དུ་ཁ་ལས་དང་། སོ་སོར་སྣང་བའི་སྒྱུ་མའོ། །རྣལ་འབྱོར་པ་ལམ་ཉམས་སུ་ལེན་པའི་དུས་ན་ཉམས་སྣང་སྣ་ཚོགས་འགག་མེད་དུ་འཆར་བའི་སྒྱུ་མའོ། །དེ་བཞིན་གཤེགས་པ་ཐམས་ཅད་ལ་སྐུ་གསུང་ཐུགས་ཀྱི་གསང་བ་བསམ་གྱིས་མི་ཁྱབ་པའི་ཕྲིན་ལས་དག་པ་ལྷུན་གྲུབ་རང་ཤར་གྱི་སྒྱུ་མའོ། །དེའང་སྒྱུ་ལུས་ལ་གཉིས་ཏེ། མ་དག་པའི་སྒྱུ་ལུས་དང་། དག་པའི་སྒྱུ་ལུས་སོ། །དང་པོ་མ་དག་པའི་སྒྱུ་ལུས་གསུམ་ནི། ཉིན་པར་རྣམ་སྨིན་གྱི་སྒྱུ་ལུས་གདམས་པས་མ་ཟིན་པས་ཆགས་སྡང་རྨོངས་གསུམ་འབའ་ཞིག་གི་དབང་དུ་སོང་སྟེ། ཉིན་པར་མ་དག་པའི་འཁོར་མ་དང་། རྨི་ལམ་བག་ཆགས་ཀྱི་ལུས་གདམས་པས་མ་ཟིན་པས་རྨི་ལམ་མ་དག་པ་དང་། བར་དོ་ཡིད་ལུས་གདམས་པས་མ་ཟིན་པས་བར་དོ་མ་དག་པའི་འཁོར་མར་སོགས་པའོ། །གཉིས་པ་

[Full Size]

དག་པའི་སྒྱུ་ལུས་གསུམ་མམ་སྐུ་གསུམ་ནི། དབང་པོའི་བྱེ་བྲག་གིས་རབ་རྣམ་སྨིན་གྱི་ལུས་ལ་སངས་རྒྱས་རྣམ་སྨིན་གྱི་ལུས་ལ་ལྷའི་སྐུ་སྒྱུ་མ་ལྟ་བུར་སྒོམས་པས། རྨི་འབྲིང་རྨི་ལམ། ཐ་མ་བར་དོ། ལམ་དུ་རང་ཤར་དུ་འབྱུང་། དེ་བྱུང་པ་དང་ཐ་མ་བར་དོ་རང་གྲོལ་དུ་སོང་བ་ནི་དག་པའི་སྒྱུ་ལུས་གསུམ་མོ། །དེའང་ལུས་གསུམ་གྱི་གནས། འབྲིང་། ལུགས་ལྷ་སྐུ་སྣང་ལ་རང་བཞིན་མེད་པ་སྒྱུ་མ་ལྟ་བུ་དེ་ལ་གསུམ། ངོ་བོ། རང་བཞིན་མཚན་ཉིད་དོ། །དང་པོ་ངོ་བོ་བརྗོད་བྲལ་བློ་འདས། གཉིས་པ་རང་བཞིན་དབྱེར་མེད་དམ་མཐའ་བྲལ་གསུམ་མ་འདྲེས་མཚན་ཉིད་ཡོངས་སུ་རྫོགས་པ་ཡིན་ཏེ། ཡེ་ཤེས་རྒྱ་མཚོའི་རྒྱུད་ལས། ལྷ་སྐུ་སྣང་སྟོང་སྒྱུ་མ་ཡི། །ངོ་བོ་བརྗོད་བྲལ་བློ་ལས་འདས། །རང་བཞིན་དབྱེར་མེད་མཐའ་དང་བྲལ། །མཚན་ཉིད་མ་འདྲེས་ཡོངས་སུ་རྫོགས། །དེ་ལྟར་ཆོས་རྣམས་ཐམས་ཅད་ཀུན། །མཁས་པས་ཡོངས་སུ་ཤེས་

[Full Size]

པར་བྱ། ཞེས་བྱའོ། །དེ་ལ་དང་པོ་ལྷ་སྐུའི་ངོ་བོ་བརྗོད་བྲལ་བློ་འདས་ཡིན་ཏེ། མཐའ་དབུས་དང་། དབྱིབས་དང་། ཁ་དོག་གང་དུའང་མ་གྲུབ་ཅིང་བརྗོད་བྱ་དང་བརྗོད་བྱེད་ཀྱི་བློ་ཡུལ་ཐམས་ཅད་ལས་འདས་པའོ། །གཉིས་པ་ལྷ་སྐུ་དེའི་རང་བཞིན་དབྱེར་མེད་མཐའ་བྲལ་ཡིན་ཏེ། ལྷ་སྐུའི་སྣང་བ་དེ་ཡང་རང་བཞིན་མེད་པས་སྟོང་པ། སྟོང་པ་དེ་ལ་རང་བཞིན་མེད་པས་སྣང་བ། སྣང་བ་ལས་ཀྱང་སྟོང་པ་གཞན་མ་ཡིན། །སྟོང་པ་ལས་ཀྱང་སྣང་བ་གཞན་མ་ཡིན་པས་དབྱེར་མེད་མཐའ་བྲལ་ལོ། །ཡང་ན་སྣང་བའི་མཐའ་དང་བྲལ་བས་སྟོང་པ། །སྟོང་པའི་མཐའ་དང་བྲལ་བས་སྣང་བ་ཡིན་ནོ། །དེ་གཉིས་ཀྱང་དབྱེར་མི་ཕྱེད་པས་མཐའ་དང་བྲལ། མཐའ་དང་བྲལ་བས་དབྱེར་མི་ཕྱེད་དོ། །གསུམ་པ་ལྷ་སྐུ་དེའི་མཚན་ཉིད་མ་འདྲེས་ཡོངས་སུ་རྫོགས་པ་ཡིན་ཏེ། སྐུ་མདོག་དང་། ཕྱག་མཚན་བརྒྱན་དང་ཆ་ལུགས་རྣམ་པ་

[Full Size]

བཞུགས་ཚུལ་ཐམས་ཅད་མ་འདྲེས་པ་ཡོངས་སུ་རྫོགས་པའོ། །དེ་ཡང་ལྷ་སྐུ་དེ་ལ་སྣང་བའི་གསལ་བའི་ཆ་གཅིག་འདུག་པ་དེ་བསྐྱེད་རིམ། སྟོང་པའམ་འཛིན་མེད་ཀྱི་ཆ་གཅིག་འདུག་པ་དེ་རྫོགས་རིམ། །སྣང་བ་ལས་རྫོགས་རིམ་གཞན་མ་ཡིན། །སྟོང་པ་ལས་བསྐྱེད་རིམ་གཞན་མ་ཡིན་པས་བསྐྱེད་རྫོགས་དབྱེར་མེད་མཐའ་བྲལ་ལོ། །ཡང་ལྷ་སྐུ་སྐྱེ་བ་མེད་པས་ཆོས་སྐུ། འགག་པ་མེད་པས་ལོངས་སྐུ། གནས་པ་མེད་པས་སྤྲུལ་སྐུ། །དེ་གསུམ་དབྱེར་མེད་ཟུང་འཇུག་མཐའ་བྲལ་ཡིན་ཏེ། གཉིས་མེད་རྣམ་རྒྱལ་ལས། སྐྱེ་བ་མེད་པ་ཆོས་ཀྱི་སྐུ། །འགག་པ་མེད་པ་ལོངས་སྤྱོད་རྫོགས། །གནས་པ་མེད་པ་སྤྲུལ་པའི་སྐུ། །དབྱེར་མེད་ཚུལ་འདི་བསྟན་པའོ། །ཞེས་བྱའོ། །དེ་ལྟར་སྐུ་གསུམ་ལུས་ལྷའི་འདུ་ཤེས། ངག་སྔགས། སེམས་ཆོས་ཉིད་གསུམ་པོ་དེ། །སྐྱེ་འགག་གནས་གསུམ་དང་བྲལ་བའི་

[Full Size]

དོན་ཡིན་ཏེ། ལྷ་སྐུ་དེ་སྐྱེ་བ་མེད་པ་ལས་ཐམས་ཅད་སྐྱེས། སྐྱེས་ཙམ་ཉིད་ནས་ཡང་སྐྱེ་བ་མེད་པས། སྐྱེ་མེད་ཀྱི་ཟུང་འཇུག་གོ། །ལྷ་སྐུ་དེ་འགག་པ་མེད་པ་ལས་ཐམས་ཅད་འགག །འགག་པ་ལས་འགག་མེད་གཞན་མ་ཡིན། འགག་ཙམ་ཉིད་ནས་འགག་པ་མེད་པས་འགག་མེད་ཀྱི་ཟུང་འཇུག་གོ། ༈ །སྐྱེ་བ་མེད་པ་ལས་སྐྱེ་བ་གཞན་མ་ཡིན་པས་འགག་པ་མེད་པ་ལས་འགག་པ་གཞན་མ་ཡིན། ལྷ་སྐུ་དེ་གནས་པ་མེད་པ་ལས་ཐམས་ཅད་གནས། གནས་ཙམ་ཉིད་ན་ཡང་གནས་པ་མེད་པས། གནས་པ་མེད་པའི་དབྱེར་མེད་པའི་དབྱེར་མེད་ཟུང་འཇུག་མཐའ་བྲལ་ལོ། །དེ་ལྟར་སྣང་སྲིད་འཁོར་འདས་ཀྱི་ཆོས་ཐམས་ཅད་ལ་དེ་བཞིན་དུ་རྟོགས་པའམ་ཤེས་པས་སངས་རྒྱས་ཀྱི་ཆོས་ཐམས་ཅད་ཁོང་དུ་ཆུད་པའོ། །དེ་ལྟར་ཆོས་ཐམས་ཅད་སྐྱེ་འགག་གནས་གསུམ་དང་བྲལ་བས་གང་ལ་ཡང་རང་བཞིན་མ་གྲུབ་སྟེ། བདེ་མཆོག་ལས། ཨེ་མ་སངས་རྒྱས་ཀུན་གྱི་གསང་། །རྫོགས་པའི་སངས་རྒྱས་

[Full Size]

སྐྱེ་བ་མེད། །སྐྱེ་བ་མེད་ལས་ཐམས་ཅད་སྐྱེས། །སྐྱེས་ཙམ་ཉིད་ན་སྐྱེ་བ་མེད། །ཅེས་པ་ལ་སོགས་པ་གསུངས་པས། ཆོས་ཐམས་ཅད་མ་གྲུབ་པས་རང་བཞིན་མེད་ཅིང་མི་གནས་ཏེ། རབ་རྩལ་གྱིས་ཞུས་པ་ལས། རབ་རྩལ་གྱིས་རྣམ་པར་གནོན་པ་ཆོས་ཐམས་ཅད་ཡོངས་སུ་མ་གྲུབ་སྟེ་རང་བཞིན་མེད་པའོ། །ཆོས་གང་ཡང་མེད་ཅིང་མ་གྲུབ་པས། ཆོས་རྣམས་ནི་གང་དུ་ཡང་མི་གནས་ཏེ། དེ་ཅིའི་ཕྱིར་ཞེས་ན། ཆོས་ཐམས་ཅད་མི་གནས་པ་ཞེས་བྱའོ། །ཞེས་བྱའོ། དེ་བས་ན་ཆོས་ཐམས་ཅད་རང་བཞིན་མེད་པ་དང་ཡོངས་སུ་མ་གྲུབ་པ་དང་། སྒྱུ་མ་ལ་ལ་གཉིས་སུ་མེད་ཅིང་གཉིས་སུ་བྱར་མེད་དོ། །སྒྱུ་མ་ནི་ཕྱག་རྒྱ་ཆེ་ཆུང་དང་། རྫོགས་པ་ཆེ་ཆུང་དང་། དབུས་དང་། མཐའ་དང་། ཡོད་མེད་ཐམས་ཅད་ལས་འདས་པ་ཡིན་ཏེ། གཉིས་མེད་རྣམ་རྒྱལ་ལས། སྒྱུ་མ་འདི་ནི་ཡོད་མེད་ལས་འདས་ཤིང་། དབུ་མ་ཙམ་དུའང་

[Full Size]

མི་གནས་ཀུན་རྫོབ་སྟེ། ཆོས་རྣམས་ཐམས་ཅད་སྒྱུ་མའི་སྣང་བ་ལས། འགག་པ་མེད་པའི་རོལ་པར་རང་བྱུང་བའོ། །ཞེས་གསུངས་སོ། །དེའང་སེམས་ཅན་ཐམས་ཅད་དང་། །སངས་རྒྱས་ཐམས་ཅད་སྒྱུ་མ་རྨི་ལམ། ཕྱི་རོལ་པ་ནས་དབུ་མ་རྫོགས་ཆེན་ཕྱག་རྒྱ་ཆེན་པོ་ལ་སོགས་པ་གྲུབ་མཐའ་ཐམས་ཅད་ཀྱང་སྒྱུ་མ་རྨི་ལམ། དེ་བས་ལྷག་པའི་ཆོས་སམ་གྲུབ་མཐའ་གཅིག་ཡོད་ཀྱང་དེ་ཡང་སྒྱུ་མ་རྨི་ལམ་ཡིན་པས། སྒྱུ་མ་ལས་ལོགས་སུ་གྲུབ་པའི་ཆོས་གང་ཡང་མེད་དོ། །བརྒྱ་བྱིན་གྱི་ལེའུ་ལས། ལྷའི་བུ་དེ་དག་གིས། རབ་འབྱོར་ལ་འདི་སྐད་ཅེས་སྨྲས་སོ། །འཕགས་པ་རབ་འབྱོར། ཅི་སེམས་ཅན་དེ་དག་ཐམས་ཅད་སྒྱུ་མ་ལྟ་བུ་ཡིན་ནམ། རབ་འབྱོར་གྱིས་སྨྲས་པ། ལྷའི་བུ་དག་སེམས་ཅན་ནི་སྒྱུ་མ་ལྟ་བུ། སེམས་ཅན་ནི་རྨི་ལམ་ལྟ་བུ་སྟེ། ལྷའི་བུ་དག་དེ་ལྟར་སྒྱུ་མ་དང་སེམས་ཅན་དེ་དག་ནི་གཉིས་སུ་མེད་དེ་གཉིས་སུ་བྱར་མེད། །

[Full Size]

དེ་ལྟར་རྨི་ལམ་དང་སེམས་ཅན་དེ་དག་གཉིས་སུ་བྱར་མེད་དོ། །ལྷའི་བུ་དག་ཆོས་ཐམས་ཅད་སྒྱུ་མ་ལྟ་བུ་རྨི་ལམ་ལྟ་བུའོ། །དེ་ནས་ལྷའི་བུ་དེ་དག་གིས་འཕགས་པ་རབ་འབྱོར་ལ་འདི་སྐད་ཅེས་སྨྲས་སོ། །འཕགས་པ་རབ་འབྱོར། ཡང་དག་པར་རྫོགས་པའི་སངས་རྒྱས་ཀྱང་སྒྱུ་མ་ལྟ་བུ་རྨི་ལམ་ལྟ་བུ་ཞེས་ཟེར་རཾ། རབ་འབྱོར་གྱིས་སྨྲས་པ་ལྷའི་བུ་དག །མྱ་ངན་ལས་འདས་པའང་སྒྱུ་མ་ལྟ་བུ། རྨི་ལམ་ལྟ་བུ་ཞེས་སྨྲ་ན། ཆོས་གཞན་ལྟ་ཅི་སྨོས། ལྷའི་བུ་དེ་དག་གིས་སྨྲས་པ། འཕགས་པ་རབ་འབྱོར། མྱ་ངན་ལས་འདས་པ་ཡང་རྨི་ལམ་ལྟ་བུ། སྒྱུ་མ་ལྟ་བུ་ཞེས་ཟེར་རཾ། རབ་འབྱོར་གྱིས་སྨྲས་པ། ལྷའི་བུ་དག །ཁོ་བོ་ནི་གལ་ཏེ་མྱ་ངན་ལས་འདས་པ་ལས་ཁྱད་པར་དུ་འཕགས་པའི་ཆོས་གཞན་ཞིག་ཡོད་ཀྱང་། དེ་ཡང་རྨི་ལམ་ལྟ་བུ། སྒྱུ་མ་ལྟ་བུའོ་ཞེས་སྨྲའོ། །དེ་ནི་འདི་ལྟར་

[Full Size]

སྒྱུ་མ་ལྟ་བུ་དང་། རྨི་ལམ་ལྟ་བུ་དང་། མྱ་ངན་ལས་འདས་པ་འདི་དག་ནི་གཉིས་སུ་མེད་དེ་གཉིས་སུ་བྱར་མེད་དོ། །ཞེས་གསུངས་སོ། །དེས་ན་འཁོར་འདས་ཀྱི་ཆོས་ཐམས་ཅད་རང་བཞིན་མེད་པའམ། ངོ་བོ་མ་གྲུབ་པས་ན་སྒྱུ་མ། སྒྱུ་མ་ལས་ལོགས་སུ་གྲུབ་པའི་ཆོས་གང་ཡང་མེད་ཅིང་། གོང་ན་མེད་པས་ཁྱད་འཕགས། གོང་ན་མེད་ཅིང་རྨི་ལམ་སྒྱུ་མའོ། །སྒྱུ་མ་ཡོད་མེད་ལས་འདས་ཤིང་། གང་དུ་འཛིན་པ་ཀུན་བྲལ་ཞིང་། ཆོས་རྣམས་རང་བཞིན་མ་གྲུབ་པས། །ཐམས་ཅད་མཁྱེན་པས་སྒྱུ་མར་གསུངས། །སྒྱུ་ལུས་འཛིན་པ་རང་གྲོལ་ཞེས་བྱ་བ་རྫོགས་སོ། ༈ །ན་མོ་གུ་རུ། དོན་དམ་རྟོགས་པའི་ཆོས་བཅུ་བཞི་པོ་དེ་དག་རེ་རེ་ལ་ཡང་། ཆོས་དྲུག་གིས་ཁྱད་པར་དུ་འཕགས་ཏེ། དེ་ཡང་དང་པོ་བྱང་ཆུབ་ཆེན་པོར་སེམས་མ་བསྐྱེད་ན། །ཐེག་པ་ཆེན་པོར་མི་འགྲོ་བས་ཅི་བྱེད་སེམས་ཅན་གྱི་དོན་དུ་

[Full Size]

བྱ། ལུས་ལྷར་མ་བསྐྱེད་ན་ལུས་ཐ་མལ་ལས་མི་འགྱུར་ཞིང་ལོངས་སྤྱོད་རྫོགས་པའི་སྐུ་མི་འགྲུབ་པས་ལུས་ཡི་དམ་དུ་བསྐྱེད་དོ། །བླ་མ་ལ་གསོལ་བ་མ་བཏབ་ན་བྱིན་རླབས་མི་འབྱུང་ཞིང་ཐེག་པ་ཆེན་པོ་གསང་སྔགས་། བྱིན་རླབས་ཀྱིས་ཁྱད་པར་དུ་འཕགས་པ་ཡིན་པས། ཇི་ལྟར་འདུག་ཀྱང་བླ་མའི་སྣང་བ་དང་མི་འབྲལ་བར་བྱའོ། ཕྱག་རྒྱ་ཆེན་པོ་མ་སྒོམས་ན་སངས་མི་རྒྱ་བས་སྣང་སྲིད་རང་གྲོལ་དུ་རྟོགས་པར་བྱའོ། །རྗེས་སུ་ཡི་རང་མ་སྒོམས་ན་དགེ་བའི་ལོ་ཐོག་འཇོམས་པས་རང་གཞན་ཐམས་ཅད་ཀྱིས་དགེ་བ་ལ་རྗེས་སུ་ཡི་རང་བསྒོམ་མོ། དགེ་བའི་རྩ་བ་མ་བསྔོས་ན་མི་འཕེལ་ཞིང་འཛད་པས་དམིགས་མེད་ཀྱི་སྙིང་རྗེ་ཆེན་པོས་སེམས་ཅན་གྱི་དོན་དུ་བསྔོ་བ་བྱའོ། །སྒྱུ་ལུས་དྲུག་ལྡན་ཞེས་བྱ་བ་བདག་ཁྱུང་པོ་རྣལ་འབྱོར་པའི་ལུགས་སོ། །།

རྡོ་རྗེ་དབྱུག་པའི་བྱ་བ། ནི་གུ་མ།

[Full Size]

རྡོ་རྗེ་དབྱུག་པའི་བྱ་བ་བཞུགས་སོ། །རྒྱ་གར་སྐད་དུ། བཛྲ་དྷ་དྷ་ཀ་ར་ན་མ། བོད་སྐད་དུ། རྡོ་རྗེ་དབྱུག་པའི་བྱ་བ་ཞེས། དཔལ་བདེ་བ་ཆེན་པོ་ཕྱག་འཚལ་ལོ། སྤ་ལྕག་མཚམས་གསུམ་ལྡན་པའི་དབྱུག་པ་ནི། །དྲི་ཞིམ་ཆུས་བཀྲུ་འབྲུ་གསུམ་བཀོད། །སྣོད་བཟང་འབྲུས་བཀང་སྟེ་བཞག་ནས། བསྐྱོབ་པ་སྲས་བཅས་ཐམས་ཅད་ཀྱི། །སྐུ་གསུང་ཐུགས་ཀྱི་ཡེ་ཤེས་གཞུག །མཆོད་གཏོར་ཚོགས་ཀྱི་འཁོར་ལོ་དབུལ། །གསོལ་གདབ་བདེན་པའི་བྱིན་རླབས་བརྗོད། །ཡེ་ཤེས་ལྔ་མཚན་ཕན་གདགས་ཤིང་། །དམན་པའི་ལས་ལ་བཀོལ་མི་བྱ། །བསྣུན་དང་བསྣུན་བྱ་གཉིས་ཀ་ཡང་། །ཡིད་ཆེས་གསུམ་ལྡན་བྱང་སེམས་ཀྱིས། །ལྟ་སྒོམ་སྟོང་རའི་དམིགས་པ་བྱ། །དེ་ལྟར་བསྣུན་ན་འབྱུང་འཁྲུགས་ན། །དུག་ཅན་སྦྲུལ་ལ་མཁའ་ལྡིང་བཞིན། །གཞན་ལུས་ཉོན་མོངས་

[Full Size]

རྣམ་པར་ཟད། །དེ་ལྟར་བསྣུན་པའི་གནས་དང་ནི། །གནས་མིན་སྤང་བྱ་ཤེས་པར་བྱ། །རྩ་ཆུ་སྡོམས་དང་དམིགས་པ་འཁྲིམས། །བཞི་ཡོད་ཨོལ་མདུད་སྟེང་དུ་བསྣུན། །རྐང་པ་ལག་པ་བཤལ་བ་ལ། །ལྡོག་འཚལ་རྩ་སྣད་རྩ་ལ་བསྣུན། །སེང་ལྡེང་སྣ་ཡི་བར་གཞུང་ལ། །ཐད་ཀའི་ཚིགས་པར་བསྣུན་པར་བྱ། །གསུས་པའི་གཡས་གཡོན་རྒྱབ་ཏུ་གཟེར། །གང་གཟེར་རྒྱབ་ཏུ་བསྣུན་པ་གཤིས། །མ་གཟེར་ན་ན་མདུན་ནས་སོང་། །མིག་ན་རྐང་མཐིལ་ལྟག་ཁུང་ལའོ། །གཞན་ནི་ན་ས་ཉིད་དུ་བསྣུན། །བསྣུན་མིན་སྤང་བར་བྱ་བ་ནི། །ལྟག་ཚ་ནག་པོ་ཁུར་འཛུམ་དང་། །མིག་འབྲས་སྣ་རྩེ་འཐེབ་གང་སྤང་། །སྙིང་གར་སྟེང་ན་ལྟེ་བ་ཁུང་། །མཁལ་སྟེངས་པུས་མོའི་གཉན་གོང་སྤང་། །ངར་གདོང་ལ་སོགས་རུས་གོང་དང་། །ཚིགས་

[Full Size]

མགོའི་མིག་ནི་ལྷང་ལྷང་ན། །མཐེབ་བསྐོར་རྩ་ནས་དྲངས་ལ་བསྣུན། །རུས་གོང་ཚིག་མིག་སོར་གང་སྤང་། །གཉན་པའི་སོར་གསུམ་དྲངས་ལ་བསྣུན། །དེ་ལྟར་སྤང་བར་མ་བྱས་ན། །གཤིན་རྗེ་དབྱུག་པ་ཐོག་པར་ཟད། །གཅོང་སོགས་ནད་པའི་ལུས་ཟུངས་དང་། །སྦྱར་ལ་དྲུང་དུ་རྟེན་ལ་བཅོས། །གཞན་ཡང་རྩ་རླུང་མན་ངག་དང་། །དྲང་སྲོང་གསོ་དཔྱད་ལ་སོགས་པའི། །རིག་པའི་བརྡ་ཡི་བསྣུན་པ་གཅེས། །བསྣུན་པའི་གོང་རོལ་དབྱུག་པ་སྤང་། །བསྣུན་རྗེས་ཧ་ཡིས་གདབ་པ་དང་། །མི་རྟོག་ངང་ལ་བཞག་པ་གཅེས། །མཁའ་འགྲོའི་དངོས་སུ་ལུང་བསྟན་ནས། །བླ་མ་གུ་་མི་དྲས་མཛད། །རྫོགས་སོ། །ཨཱ་ཙརྱ་པྲ་ཛྙཱ་ཡིས། རང་གྱུར་དུ་བྱས་ཏེ། སྟག་སྡེ་ཆོས་ལུང་གི་གཙུག་ལག་ཁང་དུ་སྡེ་སྣོད་འཛིན་པ་ནམ་མཁའ་བསོད་ནམས་ལ་གནང་། །དེས་མཁས་གྲུབ་ཀྵུ་མ་ར་སིདྡྷི་ལ་གནང་།

[Full Size]

དེས་རིན་པོ་ཆེ་ཁྱུང་པོ་ལ་གནང་། མངྒ་ལཾ། ༅ བྱིན་རླབས་དབབ་པ་དངུལ་གྱིས་གདུང་མ་ཞེས་བྱ་བ་བཞུགས་སོ། །ཡོན་ཏན་ནུས་མཐུ་ཕྲིན་ལས་ཐོགས་མེད་ཅིང་། །བྱིན་རླབས་ཡེ་ཤེས་ཆུ་རྒྱུན་དཔག་མེད་པས། །འགྲོ་རྣམས་ཉམས་རྟོགས་མཆོག་ལ་འགོད་མཛད་པའི། །མཚུངས་མེད་ཆོས་རྗེ་རིན་ཆེན་ཞབས་ལ་འདུད། །དེ་ལ་བླ་མའི་བྱིན་རླབས་གསོལ་འདེབས་མ་འདི། མདུན་དུ་རང་པས་འཁྲུ་གང་པས་མཐོ་སར། །པདྨ་དང་ཉི་ཟླའི་སྟེང་དུ་བླ་མ་འོད་དང་འོད་ཟེར་གྱི་རང་བཞིན་ཅན་གཅིག་བསྒོམ་མོ། །དེ་ནས་བླ་མའི་ཡོན་ཏན་དྲན་པར་བྱ་སྟེ་སྙིང་ཁོང་རུས་པའི་གཏིང་ནས་གསོལ་བ་ཐུན་མོངས་མ་ཡིན་པ་རང་གཞན་གཉིས་ཀས་དྲག་ཏུ་གདབ་པར་བྱའོ། །དེའི་ངང་ལས་བླ་མ་དེ་ལས་བླ་མ་མང་པོ་ཆད་ནས། སློབ་མའི་སྤྱི་ཐོག་ཏུ་ཆེམ་ཆེམ་འུར་འུར་

[Full Size]

བྱོན་པ་དང་། བྱིན་གྱིས་རློབས་སྙམ་དུ་བསྒོམས་པ། ཡང་གསོལ་བ་དྲག་པོ་གདབ་བོ། །དེ་ནས་ནད་གདོན་དང་སྡིག་སྒྲིབ་ཐམས་ཅད་དག་ནས་རྟོགས་པ་ཁྱད་པར་ཅན་རྒྱུད་ལ་སྐྱེའོ། །དགྱེས་རྡོར་གྱི་བྱིན་རླབས་ནི། དབང་དང་བྱིན་རླབས་འབྲེལ་པར་བྱ་ལ་ཐོད་པའི་ནང་དུ་དགྱེས་རྡོར་སྐུ་གསུང་ཐུགས་དཀར་དམར་མཐིང་གསུམ་བསམ། དེ་ནས་ནམ་མཁའ་ལ་སངས་རྒྱས་ལ་སོགས་པ་དཔག་ཏུ་མེད་པ་བཞུགས་པ་ལ་རྗེས་སུ་ཡི་རང་བསྒོམས་པས། དེའི་བཟང་ལན་དུ་འོད་ཟེར་ཁ་དོག་གསུམ། ཐོད་པའི་ལྷ་ལ་ཐིམ་སྟེ། དགྱེས་རྡོར་བདེ་སྟོང་གཉིས་སུ་མེད་པའི་སྐུ་གསུམ་པོ་དེ་ལ་འོད་ཟེར་བྱུང་ནས་སློབ་མའི་གནས་གསུམ་དུ་ཐིམ་པས་ལུས་ངག་ཡིད་གསུམ་གྱི་སྡིག་སྒྲིབ་དག་པར་བསྒོམ། དེ་ནི་འོད་ཟེར་མའོ། ནུས་མཐུ་མ་ནི། ལྷ་གསུམ་པོ་དེ་ལས་ནུས་མཐུ་དཔག་ཏུ་མེད་པ་བྱུང་ནས། སློབ་མ་ལ་ཐིམ་པས། སྡིག་སྒྲིབ་དག་

[Full Size]

པར་བསམ་མོ། སྐུ་གཟུགས་མ་ནི། དུས་གསུམ་གྱི་དགེ་བ་རྣམས་ཕར་ལ་ཕུལ་བས། བཟང་ལན་དུ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཆར་བབ་པ་བཞིན་བྱུང་ནས། སློབ་མའི་ལུས་ལ་སིབ་སིབ་ཐིམ་པས་ལུས་ངག་ཡིད་གསུམ་གྱི་ནད་གདོན་སྡིག་སྒྲིབ་ཐམས་ཅད་སངས་དག་པར་བསྒོམ་མོ། །དེ་ཡང་དབང་དང་མ་འབྲེལ་བར་བྱེད་ན་ནམ་མཁའ་ལ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཕྱི་ནང་གི་ལྷ་ཚོགས་དཔའ་བོ་དཔའ་མོ་ཆོས་སྐྱོང་བའི་བསྲུངས་མ་རྣམས་བཞུགས་པར་བསམ་ལ། རྗེས་སུ་ཡི་རང་བསྒོམས་པས་བཟང་ལན་དུ། དེ་རྣམས་ལས་འོད་ཟེར་དཔག་ཏུ་མེད་པ་བྱུང་ནས་སློབ་མའི་ཐུགས་ལ་ཐིམ་པས། ནད་གདོན་སྡིག་སྒྲིབ་མ་ལུས་པར་སངས་དག་པར་བསྒོམ། དེ་ནི་འོད་ཟེར་མའོ། །ནུས་མཐུ་དང་མ་སྐུ་གཟུགས་མ་གཉིས་གོང་བཞིན་བྱའོ། །རང་

[Full Size]

བདེ་མཆོག་ཏུ་གསལ་བའི་སྐུ་སྟོད་སྐུ་སྨད་ནས། དཔའ་བོ་དང་དཔའ་མོ་བསམ་གྱིས་མི་ཁྱབ་པ་བྱུང་ནས། སློབ་མ་ལ་ཐིམ་པ་དང་ནད་གདོན་སྡིག་སྒྲིབ་དག་པར་བསམ་མོ། རང་རྗེ་བཙུན་མར་བསམ་པའི་བ་སྤུའི་བུ་ག་ནས། ཁྲོ་བོ་དང་ཁྲོ་མོ་དཔག་ཏུ་མེད་པ་བྱུང་། དེ་ནས་ཀྱང་ཁྱད་པར་དུ་རྗེ་བཙུན་མ་བྱུང་ནས་ལུས་ལ་ཐིམ་པར་བསམ་ནས། ཕཊ་ཏ་ཕཊ་ཏ་བྱས་ལ་རོལ་མོ་དྲག་ཏུ་དཀྲོལ། ཡང་ན་ཐོད་པའི་ནང་དུ་སྔགས་གསུམ་སྦྲེལ་འོད་དུ་ཞུ་བའི་ཆང་དེ་སློབ་མ་ལ་གཏོར་བས་ལུས་ངག་ཡིད་གསུམ་གྱི་སྡིག་སྒྲིབ་ཐམས་ཅད་སངས་དག་པར་བསྒོམ། དེ་ནི་མཁའ་འགྲོ་འཆར་འབེབས་མའོ། །རང་ཡེ་ཤེས་ཀྱི་མགོན་པོ་ཕྱག་དྲུག་པར་བསྒོམས་པའི་ཐུགས་ཀ་ནས་ཧཱུྃ་ཆེན་པོ་གཅིག་ལ་ཧཱུྃ་མང་པོ་ཆད་ནས་ཕྱིར་དོན་པ་དང་། ཧཱུྃ་དེ་རྣམས་མགོན་པོར་གྱུར་ཏེ། སློབ་མའི་རྒྱུད་ལ་སིབ་སིབ་ཐིམ་པ་དང་། ལུས་ངག་ཡིད་གསུམ་

[Full Size]

གྱི་ནད་གདོན་སྡིག་སྒྲིབ་ཐམས་ཅད་སངས་དག་པར་བསྒོམས་ནས། རྩ་སྔགས་དྲག་ཏུ་བཟླས་རོལ་མོ་རྣམས་དྲག་ཏུ་དཀྲོལ་བར་བྱའོ། ཆར་འབེབས་མའི་གནད་དེས་ནི་མགོན་པོ་འཁོར་དང་བཅས་པ་རྣམས་དགོས་འདོད་སྒྲུབ་ཅིང་བྲན་བཞིན་ཅི་དགོས་བགོ་བ་ཐམས་ཅད་ཉན་པར་བྱེད་དོ། །འདི་རྣམས་ནུབ་གཅིག་ལ་བྱས་ན། གསང་སྔགས་ཐང་མར་བརྡལ་བར་འགྲོ་བས། དཔའ་བོ་མཁའ་འགྲོའི་བཀའ་ཆད་འབྱུང་བས། ཟླ་བ་རེ་ལ་ལན་རེ་ཙམ་ནུབ་སྦྲེལ་མར་བྱའོ། །བྱིན་རླབས་འོད་ཟེར་མ་དང་། ནུས་མཐུ་མ་དང་། སྐུ་གཟུགས་མ་གསུམ་པོ་འདི། །དགྱེས་རྡོར། བདེ་མཆོག །རྗེ་བཙུན་མ། མགོན་པོ་ལ་སོགས་པ་རྣམས་ལ་ཐུན་མོང་མ་ཡིན་པའི་གནད་འདིས་བྱིན་རླབས་བྱས་ན། རང་སློབ་མའི་ནད་གདོན་སྡིག་སྒྲིབ་ལ་སོགས་པའི་རྐྱེན་ཕྱི་ནང་གི་བར་ཆད་ཐམས་ཅད་

[Full Size]

སྐད་གཅིག་མ་རེས་ཞི་ནས། དཔའ་བོ་མཁའ་འགྲོ་དངོས་སུ་འདུ་ཞིང་། ཚེ་གཅིག་ལུས་གཅིག་གཾ་སྐད་ཅིག་མ་རེས་སངས་རྒྱ་བར་བྱེད་པའི་བྱིན་རླབས་འདི། སངས་རྒྱས་བྱང་ཆུབ་སེམས་དཔའ་ཡི་དམ་ལྷ་ཚོགས་མཁའ་འགྲོ་ཆོས་སྐྱོང་བའི་བསྲུངས་མ་ཐམས་ཅད་ཀྱིས་དངོས་སུ་སྣང་ཞིང་བྱིན་གྱིས་བརླབས་པའི་གདམས་པ་ཡིན་པས། སྣོད་ལྡན་རེ་ལས་མི་སྦྱིན་ནོ། །ཁྱད་པར་དུ་དཔེ་ལ་གཟབ་ཅིང་། དཔེ་སྟེར་དུས་འབུལ་བ་ཆེན་པོ་དང་ཚོགས་འཁོར་མང་པོ་མ་བྱས་པར་མི་སྦྱིན་ཞིང་། བཀའ་ཡང་ཡང་གདམས་པར་བྱའོ། བདེ་སྐྱིད་འབྱུང་བའི་ཉམས་རྟོགས་འཕེལ་གྱུར་པའི། །མཁའ་འགྲོ་ཆོས་སྐྱོང་སྤྲིན་ལྟར་གཏིབས་འགྱུར་ཞིང་། འོག་མིན་གནས་མཆོག་རི་གོང་ཡང་དགོན་འདིར། །སྣོད་ལྡན་སློབ་མས་ཡང་ཡང་ཞུས་པའི་ངོར། །བྱིན་རླབས་ནོར་བུ་རིན་ཆེན་མཆོག་འདི་བཀོད། །དགེ་

[Full Size]

དེས་མཁའ་མཉམ་སེམས་ཅན་ཐམས་ཅད་ཀུན། །རྡོ་རྗེ་འཆང་གི་གོ་འཕང་ཐོབ་པར་ཤོག །མཆོག་ཐུན་མོང་གི་དངོས་གྲུབ་ཐམས་ཅད་འབྱུང་བའི་བྱིན་རླབས་འབེབས་ཐབས་ཡིད་བཞིན་ནོར་བུ་ཞེས་བྱ་བ་རྫོགས་སོ། །ཤངས་པའི་གཏད་རྒྱའི་ཆོས་སྐོར་ལ། སྨོན་ལམ་བླ་མའི་དབང་བཞི་རྫོགས་པར་བསྐུར་ནས། ཌཱ་ཀི་ཞལ་གདམས་ཀྱི་ཁྲིད། སྐུ་གསུམ་ལམ་ཁྱེར་གྱི་རྡོ་རྗེའི་ཚིག་རྐང་། དེའི་འགྲེལ་པ་ཉམས་ལེན་གྱི་ཁྲིད་ཁྱུང་པོས་མཛད་པ། མཁའ་འགྲོའི་སྙན་བརྒྱུད་སྣང་བ་རང་སེམས་ཀྱི་ཁྲིད་ཆོས་རྗེ་སྟོན་པས་མཛད་པ། བྱིན་རླབས་དངུལ་གྱི་གདུང་ཁང་མ་གཉན་སྟོན་གྱིས་མཛད་པ། གཞན་དོན་མི་འགྲུབ་མི་སྲིད་པའི་མན་ངག་རྣམས་ཀྱི་ཁྲིད་ལུང་རྫོགས་ནས། མགོན་པོའི་གཏོར་དབང་བར་ཆད་ཀུན་སེལ། སྔགས་དང་ཕྱག་མཚན་དྲུག་གི་རྗེས་གནང་། གླེགས་

[Full Size]

བམ་ཡོངས་རྫོགས་ལག་ཏུ་གཏད་ནས། བཀའ་བསྒོ་རྒྱས་པ་ལན་གསུམ་ཚར་ནས། སྨོན་ལམ་བཀའ་རྒྱ་མ་བཏབ། བཀྲིས་བཀའ་རྒྱ་མས་ཆོས་ཀྱི་རྒྱལ་པོར་མངའ་གསོལ་ཞིང་བྱིན་རླབས་ལེགས་པར་བྱས་ཏེ། དེས་ཡེ་ཤེས་ཀྱི་མཁའ་འགྲོ་མ་ནཻ་གུ་མས་མཁས་གྲུབ་ཁྱུང་པོ་རྣལ་འབྱོར་ལ་གདམས་པའི་ཆོས་སྐོར་རྣམས་ཡོངས་སུ་རྫོགས་པ་ལགས་སོ། །མཾ་ག་ལཾ།། །།

སྐོམ་དུ་འཐུང་བ་བདེ་དྲོད་ཞལ་སྦྱོར་གྱིས་ཡིག་ཆུང་།

[Full Size]

སྐོམ་དུ་འཐུང་བ་བདེ་དྲོད་ཞལ་སྦྱོར་གྱིས་ཡིག་ཆུང་བཞུགས་སོ། །ན་མོ་གུ་རུ། ཐབས་ལམ་དངོས་གཞིའི་སྐབས་སུ། ཟས་སུ་ཟ་བའི་དྲོད་ཀྱིས་ཏིང་ངེ་འཛིན། །སྐོམ་དུ་འཐུང་བ་བདེ་དྲོད་ཞལ་སྦྱོར་རོ། །དང་པོ་གཞུང་ལྟར་ཡིན་ལ། གཉིས་པ་ཡེ་ཤེས་ཌཱ་ཀིས། རང་ལུས་ཐབས་ལྡན་རྩ་གསུམ་འཁོར་ལོ་བཞི། ཨ་ཧཾ་འབར་འཛག་སྐད་ཅིག་དགའ་བའི་བརྒྱན། ཅེས་པས། ལུས་གནད་ཙོག་པུ་སྤུས་མཁྱུད་ལ། ཕྱི་ཡི་དམ་ནང་རྩ་གསུམ་འཁོར་ལོ་བཞི་གསལ་གདབ་པའི་དབུ་མ་ཕྱི་དཀར་ལ་ནང་དམར་བ་མདའ་སྙུག་ལྟ་བུའི་ཡར་རྩེ་ཚངས་བུག་མར་རྩེ་གསང་གནས། རོ་རྐྱང་གཉིས་ཡར་རྩེ་སྣ་བུག་གཉིས། མར་སྣ་གསང་གནས་སུ་དབུ་མ་ལ་ཐིག་ལེ་ཆའི་དབྱིབས་སུ་ཟུག་པའི་མདོར། ཨ་ཤད་ཀྱི་རྣམ་པ། འཁོར་ལོ་བཞིའི་དབུས་སུ། དབུ་མའི་ནང་དུ་ལྟེ་བར་ཨ་དཀར་པོ་

[Full Size]

སྙིང་ཁར་ཧཱུྃ་སྔོན་པོ། མགྲིན་པར་ཨོཾ་སེར་པོ། སྤྱི་བོར་ཧཾ་དཀར་པོ། སྲོག་བརྩོལ་གྱིས་རོ་རྐྱང་གི་སྦུད་པས་གསུམ་མདོའི་ཨ་ལས་མེ་ཕྲ་མོ་སྦར་ཏེ། རིམ་པ་བཞིན་ཡི་གེ་རྣམས་བསྲེགས་པ་ལ་དམིགས་བསྐོར་རེ། མཐར་ཧཾ་ལས་བདུད་རྩི་བབས་པས་རྩ་སུམ་བཅུ་རྩ་གཉིས་སོས་པས། དགའ་བའི་ཡེ་ཤེས། མགྲིན་པའི་ཨོཾ་སོས། རྩ་འདབ་བཅུ་དྲུག་སོས་པས་མཆོག་དགའ་ཡེ་ཤེས། སྙིང་ཁའི་ཧཱུྃ་སོས། རྩ་འདབ་བརྒྱད་གང་བ་ལྷན་ཅིག་སྐྱེས་པའི་ཡེ་ཤེས། ལྟེ་བའི་ཨ་སོས་རྩ་འདབ་དྲུག་ཅུ་རྩ་བཞི་སོས། དགའ་བྲལ་གྱིས་ཡེ་ཤེས་སྐྱེས་པར་བསམ་ཞིང་འབར་འཛག་རྩེ་སྤྲད་དེ། འཁོར་ལོ་རེ་ལ་དམིགས་ཐེབས་རེ། དྲོད་དང་བདེ་བའི་སྟོབས་ཀྱིས་འབར་འཛག་གི་རིམ་པའང་ཤེས་པར་བྱའོ། །ཡང་རིམ་པ་བཞིན་མཚན་ཉིད་ཐམས་ཅད་དང་བྲལ་བའི་སྐད་ཅིག་

[Full Size]

མའང་སྐྱེས་བུ་བྱེད་པའི་རྣམ་པར་སྨིན་པའི། རྒྱུད་མཐུན་པའི་སྐད་གཅིག་མ་བཞི་དང་དགའ་བ་སྦྱོར་བའོ། །ཙོག་པུ་ཡོན་ཏན་དགུ་དང་ལྡན་པ་ནི། ལུས་ལ་གསུམ་སྟེ། རྩ་རང་མལ་དུ་གནས་པས་ནང་གི་སྲིན་བུ་གནས་མི་འཆུག་སྟེ། འོག་སྒོ་མི་ཟ་རླུང་རང་གནས་སུ་ཟིན་པས་དྲོད་ཆེ་ཞིང་ཤ་སྐྲག་དྭངས་བས་གཞན་གྱིས་ཡིད་དུ་འོང་། ཉལ་ཉེས་མ་བྱས་པས་འོག་སྒོ་མི་འཆོར་ཏེ། ལུས་ངག་ཡིད་གསུམ་གྱི་བརྟེན་དེ་ཉིད་གསུམ་གཅིག་ཐོག་ན་དྲང་པོར་གནས་པས་བསྲུང་བར་འགྲོ་ཞིང་ཡི་དྭགས་མི་འཇུག་གོ། ངག་གི་གསུམ་ནི། མི་འཛེར་བ། སྙན་པ། གཞན་ལ་སྒོ་བ་བསྟན་པའོ། གཉིད་རྨུགས་ཆུང་བས་ཤེས་པ་གསལ། ཁམས་དྭངས་མ་རང་གནས་སུ་དྭངས་པས་སེམས་བདེ། རླུང་དབུ་མར་ཚུད་པས་མི་རྟོག་པའོ། །གཞན་ཡང་ཡོན་ཏན་དཔག་ཏུ་མེད་པར་གསུང་ངོ་། །སྐོམ་དུ་འཐུང་བ་བདེ་དྲོད་ཞལ་
གདམས་ཀྱིས་ཡིག་ཆུང་ལགས་སོ། །ཨྀིྠ།

བླ་མའི་དགོས་བཀའ་བྱེད་ལུགས། ཁྱུང་པོ་རྣལ་འབྱོར།

[Full Size]

བླ་མའི་དགོས་བཀའ་བྱེད་ལུགས་བཞུགས་སོ། །རྒྱ་སྐར་སྐད་དུ། གུ་རུ་མཎྜལ་ན་མ། བོད་སྐད་དུ། བླ་མའི་དཀྱིལ་འཁོར་གྱིས་ཆོ་ག་ཞེས་བྱ་བ། དུས་གསུམ་བླ་མ་རྣམས་ལ་ཕྱག་འཚལ་ལོ། །གང་གིས་བླ་མའི་དཀྱིལ་འཁོར་ལས། །དབང་བཞི་ལེན་པར་འདོད་པས། དབེན་པའི་གནས་སུ་མཎྜལ་ལྟེ་བ་སེར་ཤར་སྔོ་ལྷོ་སེར་ནུབ་དམར་བྱང་ལྗང་འཁྱམས་ཕྱོགས་མཚོན་ནོ། བདུད་རྩི་ལྔ་དང་ཆང་གི་བྱུགས་ནས་པདྨ་འདབ་བཞིའི་ལྟེ་བ་དང་བཅས་པ་ལ་མེ་ཏོག་གི་ཚོམ་བུ་ལྔ་བཀོད། །མཆོད་པ་ལྔ་དང་གཏོར་མ་ལྔ་ཚོགས་འབྱོར་ཚད་བཟང་པོ་བཤམས། དེ་ནས་པད་མའི་ལྟེ་བ་སེང་གེ་རིན་པོ་ཆེ་པད་མ་དང་ཉི་ཟླ་འདབ་བཞིའི་སྟེང་དུ་རྩ་བའི་བླ་མ། མདུན་དུ་ཡི་དམ། གཡས་སུ་འདས་པའི་བླ་མ། གཡོན་དུ་མ་འོངས་པའི་བླ་མ་རྒྱབ་ཏུ་ད་ལྟར་གྱིས་བླ་མ་རྣམས། དེ་རྣམས་

[Full Size]

ཀྱང་དུས་གསུམ་གྱིས་སངས་རྒྱས་ཐམས་ཅད་ཀྱི་ངོ་བོ། སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པའི་རང་བཞིན་དུ་བསམ། དེ་ནས་གསེར་གྱིས་མཎྜལ་དང་། ཕྱི་ནང་གསང་གསུམ་གྱིས་མཆོད་ལ། གསོལ་བ་གདབ་པ་ནི། སངས་རྒྱས་ཀུན་གྱིས་རང་བཞིན་སྐུ། །བླ་མའི་སྐུ་ལ་གསོལ་བ་འདེབས། །སངས་རྒྱས་ཀུན་གྱི་རང་བཞིན་གསུང་། །བླ་མའི་གསུང་༴ སངས་རྒྱས་ཀུན་གྱི་རང་བཞིན་ཐུགས བླ་མའི་ཐུགས༴ ཅེས་ལན་གསུམ་གསོལ་བ་བཏབ་པས། མདུན་གྱི་ལྷ་ཚོགས་རྣམས་སངས་རྒྱས་དང་བྱང་ཆུབ་སེམས་དཔའ། ཡི་དམ་དང་དཔའ་བོ་དང་མཁའ་འགྲོ་དཔག་ཏུ་མེད་པས་བསྐོར་ནས། རང་གི་སྤྱི་བོར་བྱོན་ནས། འོད་དང་བདེ་བའི་རང་བཞིན་དུ་བཞུགས་པ་ལས། ཡང་གསེར་གྱིས་མཎྜལ་དང་ཐོད་པར་ལུས་བདུད་རྩིར་སྦྱངས་ནས་ཕུལ་ལ། བླ་མ་དུས་གསུམ་གྱིས་སངས་རྒྱས་ཀྱིས་བདག་ལ་དབང་བསྐུར་དུ་གསོལ། །

[Full Size]

ཞེས་གསོལ་བ་བཏབ་བོ། སྤྱི་བོའི་བླ་མ་དང་ཡི་དམ་ལས། འོད་འཕྲོས་ནས་ནམ་མཁའི་ལྷ་ཚོགས་ལ་ཕོགས་པས། དེ་དག་གི་སྨིན་མཚམས་ནས་ཡེ་ཤེས་ཀྱི་བདུད་རྩིའི་ཆུ་རྒྱུན་བྱུང་སྟེ། བླ་མའི་སྤྱི་བོར་ཐིམ་པས་ཟག་པ་མེད་པའི་བདེ་བ་སྐྱེས་པས། ཟླ་བའི་གདན་ལས་བདུད་རྩིའི་ཆུ་རྒྱུན་དཀར་པོ་བྱུང་སྟེ། བདག་གི་སྤྱི་བོར་ཐིམ་པས། ལུས་ཀྱི་སྡིག་སྒྲིབ་དག །བུམ་པའི་དབང་ཐོབ་པར་བསམ། བླ་མའི་ལྗགས་སྟེང་ནས་བདུད་རྩིའི་ཆུ་རྒྱུན་དམར་པོ་བྱུང་། རང་གི་ལྕེ་ཐོག་ཏུ་ཕོག་པས། ངག་གི་སྡིག་སྒྲིབ་དག་ནས་གསང་དབང་ཐོབ་པར་བསམ། བླ་མའི་ཐུགས་ཀ་ནས་ཡེ་ཤེས་ཀྱི་བདུད་རྩིའི་ཆུ་རྒྱུན་སྔོན་པོ་བྱུང་སྟེ་རང་གི་སྙིང་ཁར་ཐིམ་པས་ཡིད་ཀྱིས་སྡིག་སྒྲིབ་དག་ནས་ཤེས་རབ་ཡེ་ཤེས་ཀྱི་དབང་ཐོབ་པར་བསམ་མོ། དུས་གསུམ་གྱིས་བླ་མ་དང་ཡི་དམ། རྩ་བའི་བླ་མ་ལ་ཐིམ། བླ་མ་ཡང་འོད་ཀྱི་རང་བཞིན་དུ་གྱུར་ནས་རང་ལ་ཐིམ་པས་

[Full Size]

དམིགས་མེད་ཕྱག་རྒྱ་ཆེན་པོ་ལ་བཞག་གོ། །དེ་ཡང་ལུས་ངག་ཡིད་གསུམ་དུ་འཛིན་པ་དག་ནས། དབང་བཞི་པ་ཐོབ་པར་བསམ་མོ། དེ་ལྟར་དབང་བཞི་ཐོབ་ནས། དེ་ཉིད་དང་ལྡན་པས་གསོལ་བ་རྩེ་གཅིག་ཏུ་འདེབས་པ་ནི་བླ་མ་མཆོག་ཏུ་བསྒྲུབ་པ་སྟེ། ལོ་ཟླས་སངས་རྒྱས་པར་འགྱུར་རོ། །བླ་མ་མཆོག་གི་དཀྱིལ་འཁོར་ལ། །དབང་བཞི་རྫོགས་པར་ཞུས་ནས་ཀྱང་། །མ་ཡེངས་གསོལ་བ་བཏབ་གྱུར་ན། །ས་ལམ་མ་ལུས་ལོ་ཟླས་བསྒྲོད། །སྐྱེ་མེད་རང་སྒྲ་དེ་སྐད་ཐོས། །སྣང་བ་བླ་མའི་ལམ་འཁྱེར་གྱིས། །རང་ཤར་རྣམ་གསུམ་འབྱུང་བར་ཤོག །གནས་གསུམ་དུ་བླ་མ་བསྟིམ་ལ་ཚོགས་ལ་རོལ། གསོལ་བ་གདབ། བསྔོ་བ་བྱ། བླ་མའི་དབང་བཞི། ཡེ་ཤེས་ཀྱི་མཁའ་འགྲོ་མ་ནི་གུ་མས་མཛད་པའོ། །ཌཱ་ཀི་མ་དེ་ཉིད་དང་། ལོཙྪ་བ་གླན་དར་མ་བློ་གྲོས་ཀྱི་བསྒྱུར་བའོ། །
བདག་ཁྱུང་པོ་རྣལ་འབྱོར་པས་གསེར་སྲང་ལྔ་བརྒྱ་ཕུལ་ནས་ཉམས་སུ་མྱོང་བར་བྱས་སོ། ཨྀིྠ། མངྒ་ལཾ། བྷ་ཝནྟུ། །

ནཻ་གུ་སྨྲ་བསམ་བརྗོད་མེད་ཀྱི་སྐབས་རྗེ་བཙུན་གྲོལ་མཆོག་ཞབས་ཀྱིས་མཛད་པ། རྗེ་བཙུན་གྲོལ་མཆོག

[Full Size]

ནཻ་གུ་སྨྲ་བསམ་བརྗོད་མེད་ཀྱི་སྐབས་རྗེ་བཙུན་གྲོལ་མཆོག་ཞབས་ཀྱིས་མཛད་པ་བཞུགས་སོ། །ན་མོ་གུ་རུ་ཝེ། མི་འགྱུར་བདེ་ཆེན་ཆོས་ཀྱི་སྐུ། ཁ་སྦྱོར་བདུན་ལྡན་ལོངས་སྤྱོད་རྫོགས། །ཁྱབ་བདག་རྡོ་རྗེ་འཆང་ཆེན་ལ། །གསོལ་བ་འདེབས་སོ་བྱིན་གྱིས་རློབས། །གྲུབ་པའི་གོ་འཕང་མཆོག་བརྙེས་ཀྱང་། །སྣ་ཚོགས་སྤྲུལ་པས་གཞན་དོན་མཛད། །མཁའ་འགྲོ་དཔལ་གྱི་ནཻ་གུ་མ། །གསོལ་བ༴ སྔོན་སྦྱངས་ལས་འཕྲོ་ཉེར་སད་ནས། །ཡེ་ཤེས་མཁའ་འགྲོས་རྗེས་བཟུང་བའི། །གྲུབ་ཆེན་ཐང་སྟོང་རྒྱལ་པོ་ལ། །གསོལ་བ༴ ཟབ་མོའི་ལམ་ལ་བརྩོན་མཛད་ཅིང་། །ཉམས་དང་རྟོགས་པ་མཐར་ཕྱིན་པའི། །རས་ཆུང་བསོད་ནམས་རྒྱ་མཚོ་ལ། གསོལ་བ༴ ཆོས་བརྒྱད་

[Full Size]

རྣམས་སྤངས་ལྡུམ་བུ་པ། །བརྟུལ་ཞུགས་མཆོག་འཛིན་ཀུ་ས་ལི། །རྣལ་འབྱོར་བསོད་ནམས་རྒྱལ་མཚན་ལ། །གསོལ་བ། །ཟབ་ལམ་ཀུན་ལ་མངའ་བརྙེས་ཤིང་། །གདུལ་བྱའི་དགའ་ཚལ་རྒྱས་མཛད་པའི། །འཇམ་མགོན་བླ་མ་གྲོལ་མཆོག་ལ། །གསོལ་བ་འདེབས་སོ་བྱིན་གྱིས་རློབས། །རྗེ་བཙུན་བླ་མའི་ཚོགས་རྣམས་ཀྱིས། །ཐུགས་རྗེ་ཆེན་པོས་ལེགས་བསྐྱངས་པའི། །བསྐལ་བཟང་འགྱུར་མེད་བདེ་ཆེན་ལ། །གསོལ་བ་འདེབས་སོ་བྱིན་གྱིས་རློབས། །ཙཎྜ་ལི་ཡི་རྣལ་འབྱོར་གྱིས། །བདེ་སྟོང་ཡེ་ཤེས་སྐྱེ་བ་དང་། །སྒྱུ་ལུས་རྨི་ལམ་ལེགས་འབྱོངས་ནས། །འོད་གསལ་འཆར་བར་བྱིན་གྱིས་རློབས། །འཕོ་བའི་གདམས་པ་ལ་བརྟེན་ནས། །མཁའ་སྤྱོད་གནས་སུ་བསྒྲོད་པ་དང་། །བར་དོ་རྒྱལ་བ་ལོངས་སྐུ་རུ། །མངོན་འཚང་རྒྱ་བར་བྱིན་གྱིས་རློབས། །ནཻ་གུ་སྨྲ་བསམ་བརྗོད་མེད་ཀྱི་སྐབས་
རྗེ་བཙུན་གྲོལ་མཆོག་ཞབས་ཀྱིས་མཛད་པའོ། །

ཤངས་པ་བཀའ་བརྒྱུད་ཀྱི་བླ་མ་བརྒྱུད་པའི་གསོལ་འདེབས་བྱིན་བརླབས་མ།

[Full Size]

ཤངས་པ་བཀའ་བརྒྱུད་ཀྱི་བླ་མ་བརྒྱུད་པའི་གསོལ་འདེབས་བྱིན་བརླབས་མ་ཞེས་བྱ་བ་བཞུགས་སོ། །ན་མོ་གུ་རུ། རྗེ་དུས་གསུམ་སངས་རྒྱས་ཐམས་ཅད་ཀྱི་ངོ་བོ་ཉིད། །དཔལ་ལྡན་བླ་མ་རྡོ་རྗེ་འཆང་དབང་དངོས། །བདག་སོགས་སྤྱི་བོར་བཞུགས་ནས་བྱིན་གྱིས་རློབས། །ཕྱི་བཟུང་ཡུལ་ཚོ་སྒྱུ་མར་ཤེས་པར་བྱིན་གྱིས་རློབས། །ནང་འཛིན་སེམས་གཙོ་སྐྱེ་མེད་དུ་རྟོགས་པར་བྱིན་གྱིས་རློབས། །བར་རྣམ་རྟོག་གི་འགྱུ་བ་གཙོ་སྒྱུ་མར་ཤེས་པར་བྱིན་གྱིས་རློབས། །སྐུ་ལྔའི་བདག་ཉིད་རྒྱལ་བ་རྡོ་རྗེ་འཆང་། །བདེ་སྟོང་གར་བསྒྱུར་ཡེ་ཤེས་མཁའ་འགྲོ་མ། །སྣང་སེམས་དབང་ཐོབ་ཁྱུང་པོ་རྣལ་འབྱོར་ཞབས། །རྩ་བརྒྱུད་བླ་མ་དམ་པ་ཁྱེད་རྣམས་ལ། །སྤྲང་རྩེ་གཅིག་གདུང་བའི་ཡིད་ཀྱིས་གསོལ་བ་འདེབས། །བདག་སོགས་སྤྱི་བོར་བཞུགས་ལས་བྱིན་གྱིས་རློབས། །ཅེས་པའི་ཤམ་བུ་གོང་དང་

[Full Size]

འདྲ། །སྒྱུ་ལུས་རྨི་ལམ་འབྱོངས་པའི་རྨོག་ལྕོག་པ། ཐུགས་རྗེ་ཆེན་པོ་དབོན་སྟོན་སྐྱེར་སྒང་པ། ཟག་མེད་བདེ་བ་རྒྱས་པའི་གཉན་སྟོན་ཞབས། །སྤྲང་རྩེ་གཅིག་གདུང་བས། །བདག་སོགས་སྤྱི་བོར། །ཕྱི་བཟུང་ཡུལ་གཙོ་སྒྱུ་མར༴ འབྲེལ་ཚད་དོན་ལྡན་ཆོས་རྗེ་སྟོན་པའི་ཞབས། །སྒྲུབ་པ་མཐར་ཕྱིན་ཤངས་སྟོན་རིན་པོ་ཆེ། །མཁྱེན་བརྩེའི་བདག་ཉིད་མཁས་བཙུན་སངས་རྒྱས་ཞབས། །སྦྲང་རྩེ་གཅིག་བདག་སོགས། །ཕྱི་བཟུང་༴ འོད་གསལ་མངོན་གྱུར་འཇག་ཆེན་བྱམས་པ་དཔལ། །འགྲོ་བའི་འདྲེན་མཆོག་བློ་གྲོས་དཔལ་བཟང་ཞབས། །བཀའ་བརྒྱུད་བསྟན་འཛིན་ཀུན་དགའ་དཔལ་བཟང་ཞབས། །སྤྲང་རྩེ༴ བདག་སོགས༴ ཕྱི་བཟུང་༴ དོན་གཉིས་མཐར་ཕྱིན་བསོད་ནམས་བཟང་པོའི་ཞབས། །གནས་ལུགས་མངོན་གྱུར་བློ་གྲོས་བཟང་འཕེལ་བ། །དཀའ་སྤྱད་མཐར་ཕྱིན་རཏྣའི་མཚན་ཅན་དང་། །ཉམས་

[Full Size]

རྟོགས་མཐར་ཕྱིན་རྩ་བའི་བླ་མའི་ཞབས། །སྤྲང་རྩེ༴ བདག་སོགས༴ ཕྱི་བཟུང་༴ བདེ་སྟོང་ལྷན་སྐྱེས་བདེ་མཆོག་འཁོར་ལོའི་ཞབས། །ཉོན་མོངས་གདུང་སེལ་སྙན་བརྒྱུད་བདུད་རྩིའི་བཅུད། །བར་ཆད་ཀུན་སེལ་ཕྱག་དྲུག་ཡེ་ཤེས་མགོན། །ཡི་དམ་དམ་ཆོས་ཆོས་སྐྱོང་ཚོགས་རྣམས་ལ། །སྤྲང་རྩེ་གཅིག་གདུང་བས་གསོལ་བ༴ བདག་སོགས༴ ཕྱི་བཟུང་༴ རིགས་ཀྱི་ལས་ཀྱི་གནས་གསུམ་མཁའ་འགྲོ་མ། །ཉམས་རྟོགས་གོང་འཕེལ་གྲུབ་ཆེན་ཕོ་མོ་དང་། །སྐྱོན་མེད་དག་སྣང་འབྱོངས་པའི་རྡོ་རྗེ་སྤུན། །མཁའ་འགྲོ་གྲུབ་ཐོབ་མཆེད་གྲོགས་ཚོགས་རྣམས་ལ། །སྤྲང་རྩེ་གཅིག་གདུང་བས་ཡིད་ཀྱིས་གསོལ་བ་འདེབས། །བདག་སོགས་སྤྱི་བོ་རུ་བཞུགས་ལས་བྱིན་གྱིས་རློབས། །ཕྱི་བཟུང་ཡུལ་གཙོ་སྒྱུ་མ་རུ་ཤེས་པར་བྱིན་གྱིས་རློབས། །ནང་འཛིན་སེམས་གཙོ་སྐྱེ་མེད་རྟོགས་པར་བྱིན་
གྱིས་རློབས། །བར་རྣམ་རྟོག་གི་འགྱུ་བ་གཙོ་རང་གྲོལ་དུ་བྱིན་གྱིས་རློབས།

བླ་མའི་དབང་བཞི་དང་དབང་བཞི་བླ་མའི་སྒྲུབ་ཐབས། ནི་གུ་མ།

[Full Size]

བླ་མའི་དབང་བཞི་དང་། དབང་བཞི་བླ་མའི་སྒྲུབ་ཐབས་བཞུགས། །རྒྱ་གར་སྐད་དུ། གུ་རུ་མཎྜལ་ནཱ་མ། བོད་སྐད་དུ། བླ་མའི་དཀྱིལ་འཁོར་གྱི་ཆོ་ག་ཞེས་བྱ་བ། དུས་གསུམ་སངས་རྒྱས་བླ་མ་རྣམས་ལ་ཕྱག་འཚལ་ལོ། གང་ཞིག་བླ་མའི་དཀྱིལ་འཁོར་ལ་དབང་ལེན་པར་འདོད་པས། དབེན་པའི་གནས་སུ་མཎྜལ་བདུད་རྩི་ལྔ་དང་ཆང་གིས་བྱུགས་ལ། པདྨ་འདབ་བཞི་ལྟེ་བ་དང་ལྔ་ལ་མེ་ཏོག་ཚོམ་བུ་དགོད། མཆོད་པ་དང་གཏོར་ཚོགས་འབྱོར་ཚད་བཤམ་མོ། །དེ་ནས་པདྨའི་ལྟེ་བ་ལ་གདན་བཞིའི་སྟེང་དུ། རྩ་བའི་བླ་མ། མདུན་དུ་ཡི་དམ། གཡས་སུ་འདས་པའི་བླ་མ། རྒྱབ་ཏུ་ད་ལྟར་གྱི་བླ་མ། གཡོན་དུ་མ་འོངས་པའི་བླ་མ་རྣམས་ལ། དེ་རྣམས་

[Full Size]

ཀྱང་དུས་གསུམ་སངས་རྒྱས་ཐམས་ཅད་ཀྱི་ངོ་བོ། སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པའི་རང་བཞིན་དུ་བསྒོམ་མོ། །དེ་ནས་གསེར་གྱི་མཎྜལ་དང་། ཕྱི་ནང་གསང་གསུམ་གྱིས་མཆོད་ལ་གསོལ་བ་གདབ་པ་ནི། སངས་རྒྱས་ཀུན་གྱི་རང་བཞིན་སྐུ། །བླ་མའི་སྐུ་ལ་གསོལ་བ་འདེབས། །སངས་རྒྱས་ཀུན་གྱི་རང་བཞིན་གསུང་། །བླ་མའི་གསུང་ལ༴ སངས་རྒྱས་ཀུན་གྱི་རང་བཞིན་ཐུགས། །བླ་མའི་ཐུགས་ལ༴ ཞེས་གསུམ་གསོལ་བ་བཏབ་པས། །མདུན་གྱི་ལྷ་ཚོགས་རྣམས་སངས་རྒྱས་དང་། བྱང་ཆུབ་སེམས་དཔའ་དཔག་ཏུ་མེད་པས་བསྐོར་བ། སྤྱི་བོར་བྱོན་ནས་འོད་དང་བདེ་བའི་རང་བཞིན་དུ་བཞུགས་པ་ལ། ཡང་གསེར་གྱི་མཎྜལ་དང་། ཐོད་པར་ལུས་བདུད་རྩིར་སྦྱངས་ལ་ཕུལ་ནས། བླ་མ་དུས་གསུམ་གྱི་སངས་རྒྱས་ཀྱིས། བདག་ལ་དབང་བསྐུར་དུ་གསོལ། ཞེས་གསོལ་བ་

[Full Size]

བཏབ་པས། སྤྱི་བོའི་བླ་མ་དང་ཡི་དམ་ལས་འོད་འཕྲོས་པས། ནམ་མཁའི་ལྷ་ཚོགས་ལ་འཕོག །དེ་དག་གི་སྨིན་མཚམས་ནས་ཡེ་ཤེས་ཀྱི་བདུད་རྩིའི་ཆུ་རྒྱུན་བྱུང་ནས་བདག་གི་སྤྱི་བོར་ཐིམ་པས། ལུས་ཀྱི་སྡིག་སྒྲིབ་དག་ནས་བུམ་དབང་ཐོབ་པར་བསམ་མོ། བླ་མའི་ལྗགས་སྟེང་ནས་བདུད་རྩིའི་རྒྱུན་དམར་པོ་བྱུང་ནས་བདག་གི་ལྕེ་ཐོག་ཏུ་ཐིམ་པས། ངག་གི་སྡིག་སྒྲིབ་དག་ནས་གསང་དབང་ཐོབ་པར་བསམ་མོ། །བླ་མའི་། ཐུགས་ཀ་ནས་ཡེ་ཤེས་ཀྱི་བདུད་རྩིའི་ཆུ་རྒྱུན་སྔོན་པོ་བྱུང་ནས་བདག་གི་སྙིང་ཁར་ཐིམ་པས། ཡིད་ཀྱི་སྡིག་སྒྲིབ་དག་ནས་ཤེས་རབ་ཡེ་ཤེས་ཀྱི་དབང་ཐོབ་པར་བསམ་མོ། །དུས་གསུམ་གྱི་བླ་མ་དང་ཡི་དམ། རྩ་བའི་བླ་མ་ལ་ཐིམ། བླ་མ་འོད་ཀྱི་རང་བཞིན་དུ་གྱུར་ནས་རང་ལ་ཐིམ་པས། དམིགས་མེད་ཕྱག་རྒྱ་ཆེན་པོར་བཞག་གོ། །དེས་ལུས་ངག་ཡིད་གསུམ་དུ་འཛིན་པའི་

[Full Size]

དྲི་མ་དག་ནས་དབང་བཞི་པ་ཐོབ་པར་བསམ་མོ། །དེ་ལྟར་དབང་བཞི་ཐོབ་ནས། དེ་ཉིད་ལྡན་པས་གསོལ་བ་རྩེ་གཅིག་འདེབས་པ་ནི། བླ་མ་མཆོག་ཏུ་སྒྲུབ་པས་ཏེ། །ལོ་ཟླས་སངས་རྒྱ་བར་འགྱུར་རོ། །བླ་མ་མཆོག་གི་དཀྱིལ་འཁོར་ལ། །དབང་བཞི་རྫོགས་པར་ཞུས་ནས་ཀྱང་། །མ་ཡེངས་གསོལ་བ་བཏབ་གྱུར་ན། །ས་ལམ་མ་ལུས་ལོ་ཟླས་བགྲོད། །སྐྱེ་མེད་རང་སྒྲ་དེ་སྐད་ཐོས། །སྣང་བ་བླ་མའི་ལམ་ཁྱེར་གྱིས། །རང་ཤར་རྣམ་གསུམ་འབྱུང་བར་འགྱུར། །གནས་གསུམ་དུ་བླ་མ་བསྟིམ་ནས་ཚོགས་ལ་རོལ། གསོལ་བ་གདབ། བསྔོ་བ་བྱའོ། །བླ་མའི་དབང་བཞི་ཡེ་ཤེས་ཀྱི་ཌཱ་ཀི་ནཻ་གུ་མས་མཛད་པ་རྫོགས་སོ། །ཌཱ་ཀི་མ་དེ་ཉིད་དང་། །ལོ་ཙཱ་བ་གླན་དར་མ་བློ་གྲོས་ཀྱིས་བསྒྱུར་བའོ། །བདག་ཁྱུང་པོ་རྣལ་འབྱོར་པ་གསེར་སྲང་ལྔ་བཅུ་ཕུལ་ནས་ཞུས་ཏེ་ཉམས་སུ་མྱོང་བར་བྱས་པའོ། །ཨྀིྠ། །

བླ་མ་དམ་པའི་ཞབས་བཏུད།

[Full Size]

བླ་མ་དམ་པའི་ཞབས་བཏུད་ནས། །དབང་བཞི་བླ་མའི་སྒྲུབ་ཐབས་འབྲི། །དེ་ལ་ལོ་ཟླ་ཙམ་གྱིས་སངས་རྒྱ་བར་འདོད་པས། །སེམས་བསྐྱེད་ཅིང་ཚད་མེད་པ་བཞི་བསྒོམ། དེ་ནས་རང་གི་སྤྱི་བོའི་སྟེང་དུ། སེང་གེ་དང་། རིན་པོ་ཆེ་དང་། པདྨ་དང་ཟླ་བའི་སྟེང་དུ་རྩ་བའི་བླ་མ་འཛུམ་པའི་མདངས་དང་ལྡན་པ། འོད་དང་འོད་ཟེར་གྱི་རང་བཞིན་ཅན། །མཚན་ཐོས་པ་ཙམ་གྱིས་ཕྱིར་མི་ལྡོག་པའི་ས་ཐོབ་པ་གཅིག་བསྒོམ། མདུན་དུ་གནོད་བྱེད་དང་གཞི་བདག་གིས་གཙོ་བྱས་པའི་ནམ་མཁའ་དང་མཉམ་པའི་སེམས་ཅན་རྣམས། ལུས་གུས་པས་ཐལ་མོ་སྦྱར་བ། ངག་གུས་པས་གསོལ་བ་འདེབས་པ། ཡིད་གུས་པས་མོས་གུས་བྱེད་པས་བསྐོར་བར་བསམས་ལ། དེའི་མདུན་གྱི་ནམ་མཁའ་ལ་སངས་རྒྱས་དང་བྱང་ཆུབ་སེམས་དཔའ་རྣམས་སྤྲིན་འཐིབས་པའམ། ཏིལ་གྱི་གང་བུ་ཁ་བྱེ་བ་བཞིན་བཞུགས་པ་ལས། ཁྱད་པར་

[Full Size]

དུ། སྐུའི་ལྷ་ཚོགས་དཀར་པོ། གསུང་གི་ལྷ་ཚོགས་དམར་པོ། ཐུགས་ཀྱི་ལྷ་ཚོགས་མཐིང་ཀའི་རང་བཞིན་དུ་བསྒོམ། དེ་ནས་སྐུའི་ལྷ་ཚོགས་དཀར་པོ་དེ་རྣམས་ལ། ཡེ་ཤེས་ཀྱི་ཆུ་རྒྱུན་བདེ་བའི་རང་བཞིན་དུ་བཞུགས་པར་བསྒོམ། བླ་མའི་སྤྱི་བོར་ཐིམ་པ་དང་། ཟག་མེད་ཀྱི་བདེ་བས་རྒྱུད་གང་ཞིང་མཉེས་པས་སྐུའི་དམ་ཚིག་ཉམས་ཆག་ཐམས་ཅད་སངས་དག་པར་བསམ། ཡང་། ལྷ་ཚོགས་དམར་པོ་ལས་འོད་ཟེར་དམར་པོ་བདེ་བའི་རང་བཞིན་དུ་བྱོན། བླ་མའི་མགྲིན་པར་ཐིམ་པ་དང་། གསུང་གི་དམ་ཚིག་ཉམས་ཆག་ཐམས་ཅད་སངས་དག་པར་བསྒོམ། ཐུགས་ཀྱི་ལྷ་ཚོགས་མཐིང་ཀ་ལས། འོད་ཟེར་བདེ་བའི་རང་བཞིན་གྱི་ཆུ་རྒྱུན་སྔོན་པོ་བྱོན། །བླ་མའི་ཐུགས་ཀར་ཐིམ་པ་དང་། ཐུགས་ཀྱི་དམ་ཚིག་ཉམས་ཆག་ཐམས་ཅད་སངས་དག་པར་བསྒོམ། དེ་ནས་རང་གི་ལུས་འདི་དུམ་བུ་གསུམ་དུ་བྱས་ཏེ། གཅིག་ཐོད་

[Full Size]

པའི་སྣོད་ཡངས་ཤིང་རྒྱ་ཆེ་བའི་ནང་དུ། ཨོཾ་ཨཱཿཧཱུྃ་གིས་བདུད་རྩིར་བྱིན་གྱིས་བརླབས་ཏེ། བླ་མ་ལ་ཕུལ་ལ། བུམ་པའི་དབང་བསྐུར་དུ་གསོལ། ཞེས་གསོལ་བ་གདབ་དེ་བཞིན་དུ་ལུས་དུམ་བུ་རེ་རེར་བདུད་རྩིར་བསམས་ལ་དབུལ་ཞིང་། གསང་དབང་དང་། ཤེས་རབ་ཡེ་ཤེས་དང་། དབང་བཞི་པ་ཕྱག་རྒྱ་ཆེན་པོ་བསྐུར་དུ་གསོལ་ཞེས་གསོལ་བ་བཏབ་པ་དང་། སྐུའི་ལྷ་ཚོགས་དཀར་པོ་ཐམས་ཅད་བླ་མའི་སྤྱི་བོར་ཐིམ། གསུང་གི་ལྷ་ཚོགས་དམར་པོ་ཐམས་ཅད་བླ་མའི་མགྲིན་པར་ཐིམ། ཐུགས་ཀྱི་ལྷ་ཚོགས་སྔོན་པོ་ཐམས་ཅད་བླ་མའི་ཐུགས་ཀར་སིབ་སིབ་ཐིམ་པ་དང་། བླ་མའི་སྐུ་ལུས་ལས་འོད་ཟེར་དཀར་པོ་བྱོན། རང་གི་སྤྱི་བོར་ཐིམ་པ་དང་། ལུས་ཀྱིས་སྡིག་སྒྲིབ་ཐམས་ཅད་སངས་དག་ནས། བུམ་པའི་དབང་ཐོབ། ཡང་བླ་མའི་མགྲིན་པ་ནས། འོད་ཟེར་དམར་པོ་བྱོན། རང་གི་མགྲིན་པར་

[Full Size]

ཐིམ་པས། ངག་གི་སྡིག་སྒྲིབ་དག་ནས། གསང་དབང་ཐོབ། ཡང་། བླ་མའི་ཐུགས་ཀ་ནས་འོད་ཟེར་མཐིང་ཀ་བྱོན། རང་གི་སྙིང་ཁར་ཕོག་པས། ཡིད་ཀྱིས་བསགས་པའི་སྡིག་སྒྲིབ་དག་ནས། ཤེས་རབ་ཡེ་ཤེས་ཀྱི་དབང་ཐོབ། །འོད་ཟེར་གྱི་ཆུ་རྒྱུན་དེ་རྣམས་ཀྱི་ལྟེ་བར་སླེབ་པ་དང་། ལུས་ངག་ཡིད་གསུམ་ཐ་དད་དུ་འཛིན་པའི་རྟོག་པ་དག་ནས། དབང་བཞི་པ་ཕྱག་རྒྱ་ཆེན་པོ་ཐོབ་པར་བསྒོམ། །མདུན་གྱི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བླ་མ་ལ་སིབ་སིབ་ཐིམ་པ་དང་། བླ་མའི་སྐུ་ལུས་ལས་བདུད་རྩིའི་ཆུ་རྒྱུན་ན་ར་ར་བྱོན་ནས། རང་གི་ལུས་ངག་ཡིད་གསུམ་གྱི་སྡིག་སྒྲིབ་ཐམས་ཅད་སངས་དག་པར་བསྒོམ་པ་དང་། རང་གིས་གསོལ་བ་བཏབ་པས། སེམས་ཅན་ཐམས་ཅད་ཁུ་དི་རི་རི་གསོལ་བ་འདེབས་པར་བསམས་ལ། གསོལ་བ་ཐུན་མོང་མ་ཡིན་པ་སྙིང་ཁོང་རུས་པའི་གཏིང་ནས་འདེབས་པར་

[Full Size]

བྱ་གསུང་ངོ་། །དེ་ལྟར་ཉིན་ལན་གསུམ་མཚན་ལན་གསུམ་དུ་ཉམས་སུ་བླངས་པས་ལོ་ཟླ་ཙམ་གྱིས་སངས་རྒྱ་བར་འགྱུར་རོ། །ནཻ་གུ་མའི་ཞལ་ནས། བླ་མའི་སྐུ་ཡི་དཀྱིལ་འཁོར་ལ། །དབང་བཞི་ཡོངས་སུ་རྫོགས་པར་ཞུས། །ས་ལམ་མ་ལུས་ལོ་ཟླས་བགྲོད། །བླ་མའི་སྒྲུབ་པ་ཁྱད་པར་འཕགས། །ཅེས་གསུངས་པའི་དོན་ཡིན་ནོ། །བླ་མའི་སྒྲུབ་ཐབས་ཁྱད་འཕགས་འདི། །རང་གཞན་དོན་དུ་ཡི་གེར་བཀོད། །དེ་ལ་མཁའ་འགྲོའི་ཚོགས་རྣམས་ཀྱིས། །རང་འདོད་མེད་པས་བཟོད་པར་མཛོད། རྫོགས་སོ། ༈ །འདིའི་བརྒྱུད་པ་ནི། རྡོ་རྗེ་འཆང་གིས་ཡེ་ཤེས་ཀྱི་ཌཱ་ཀི་ནི་གུ་མ་ལ་གསུངས། དེ་ལ་བླ་མ་ཤངས་པས་གསེར་སྲང་ལྔ་བརྒྱ་ཕུལ་ནས་ཞུས། དེ་ལ་བླ་མ་རྨོག་ལྕོག་པས་རྟ་གསུམ་དང་། གསེར་སྲང་བདུན་ཕུལ་ནས་ཞུས། དེ་ལ་བླ་མ་སྐྱེར་སྒང་པས་འབྲི་གཡག་བཅུ་དགུ་དང་། གསེར་སྲང་ལྔ་ཕུལ་ནས་ཞུས། དེ་ལ་བླ་མ་རི་གོང་པས་རྟ་གཅིག་དང་། གསེར་སྲང་བཅུ་གཅིག་ཕུལ་ནས་ཞུས།
བླ་མ་ཆེན་པོ་ལ། སངས་རྒྱས་སྟོན་པས་མཛོ་གཞོན་པ་གཅིག་དང་། གསེར་སྲང་གསུམ་ཕུལ་ནས་ཞུས་སོ། །དགེ་ལེགས་འཕེལ་ལོ།

རྡོ་རྗེ་རྣལ་འབྱོར་ཐོད་པ་རྒྱ་མཚོའི་སྒྲུབ་ཐབས།

[Full Size]

རྡོ་རྗེ་རྣལ་འབྱོར་ཐོད་པ་རྒྱ་མཚོའི་སྒྲུབ་ཐབས་བཞུགས། རྒྱ་གར་སྐད་དུ། ན་ར་ས་ཏྲ། བོད་སྐད་དུ། ཐོད་པ་རྒྱ་མཚོ་ཐེག་ཆེན་ཟིལ་གྱིས་མནན་པ་རྡོ་རྗེ་མཁའ་འགྲོ་ལ་ཕྱག་འཚལ་ལོ། །དང་པོ་རྟེན་ནི་རས་ལ་དུར་ཁྲོད་བརྒྱད་ཕྲིས་ནས་ཐོད་པ་མཚན་ལྡན་ལ་རྗེ་བཙུན་མ་བྲིས་ལ་དེ་རས་དེས་བརྟུམ་ནང་དུ་ཕག་མོའི་སྙིང་གཞུག་གཡས་རས་སུ། དང་པོ་སྔོན་དུ་བདག་ཉིད་སྟན་བདེ་བ་ལ་འདུག་ནས་ཡན་ལག་ལྔ་དང་ལྡན་པས་ཏིང་ངེ་འཛིན་རྣམ་གསུམ་རིམ་གྱིས་བསྒོམ། དེ་བཞིན་ཉིད་ཀུན་ཏུ་སྣང་། རྒྱུའི་ཏིང་ངེ་འཛིན་བཞག་འགྲོ་ན་མཆན་ཁུང་གཡོན་དུ་བཅང་བར་བྱའོ། །དེ་ནས་བདག་གི་ཐལ་སྦྱར་ཡི་གེ་ཨོཾ་གཅིག་བསྒོམ་ལ། ཨོཾ་དུ་ཁ་ཡེ་ན་མ་ཞེས་ལན་གཉིས་བརྗོད། །བདག་ཉིད་རྗེ་བཙུན་མ་རྡོ་རྗེ་རྣལ་འབྱོར་མ་སྐུ་མདོག་དམར་མོ་ཞལ་གཅིག་ཕྱག་བཞི་མ་དུས་གསུམ་གཟིགས་རྟགས་སུ་སྤྱན་

[Full Size]

གསུམ་མ་དེ་ལས་འོད་འཕྲོས་དོན་གཉིས་བྱས་སླར་འདུས་པ་ལས་། སྐྲ་འགྲོ་དོན་མཛད་པའི་རྟགས་སུ་གྲོལ་བ་མཐུར་ལ་འཕྱང་བ། སྐུ་གཅེར་བུ་རུས་པའི་རྒྱན་ཐམས་ཅད་ཀྱིས་བརྒྱན་པ། ཕྱི་ལྟར་སེང་གེ་གཉའ་རལ་སྤྲུག་པ་ཁམས་གསུམ་དབང་དུ་བསྡུས་པའི་རྗེ་བཙུན་སེང་གེའི་གདོང་ཅན་ནང་ལྟར་ན་རྗེ་བཙུན་མ་ཞལ་གཅིག་ཕྱག་བཞི་མའོ། །ཕྱག་གཡས་ཀྱི་དང་པོ་རྡོ་རྗེ་གྲི་གུག་ཐུགས་ཀར་འཛིན་པ་རང་གི་རྟོག་པ་གཅོད་པའི་རྟགས་སུ། གཡོན་དང་པོ་རལ་གྲི་འཕྱར་བ་ཉོན་མོངས་པ་དང་བག་ཆགས་རྩད་ནས་གཅོད་པའི་རྟགས་སུ། གཡས་ཐ་མ་ན་ཁ་ཊཱཾཾཱྭ་རྩེ་གསུམ་མོ་མཐུར་ལ་བསྟན་པ། དུག་གསུམ་རྩད་ནས་གཅོད་པའི་རྟགས་སུ། དུག་ལྔ་བདུད་རྩི་ལྔ་བྱིན་གྱིས་རླབས་པའི་རྟགས་སུ། གཡོན་ཐ་མན་བྷནྡྷ་བདུད་རྩི་ལྔ་ཡིས་གང་བ་ཞལ་དུ་གསོལ་བ། གདན་ཉི་ཟླ་པདྨ་བརྩེགས་པའི་སྟེང་དུ་མཁའ་འགྲོ་མ་ལྔའི་སྟེང་དུ་མི་རོ་བསྣོལ་བའི་གདན་ལ་ཆེ་བའི་ཡོན་ཏན་གཞན་ལས་ཁྱད་པར་དུ་འཕགས་པའི་རྟགས་སུ། རྟོགས་པ་མི་མང་བའི་རྟགས་སུ། ཞབས་ཕྱེད་ཀྲུང་དུ་བཞུགས་

[Full Size]

པ། གཅིག་བསྐྱེད་དོ། ཐུགས་ཀར་ཨོཾ་དུ་ཁ་ཡེ་ན་མ་གཡས་སུ་འཁོར་བ། དེའི་སྙིང་གི་ནང་དུ་རྩ་གསུམ་གྱི་རང་བཞིན་དེ་ལས་འོད་ཟེར་འཕྲོས་པས་ཁམས་གསུམ་གྱི་སེམས་ཅན་ཐམས་ཅད་ཀྱི་སྲོག་རྩ་ཞལ་དུ་བཅུག་ནས་སྙིང་ཞལ་དུ་ཅིབ་ཅིབ་འཇིབ་པར་གསོལ་བར་བསམ་ལ། ཨོཾ་དུ་ཁ་ཡེ་ན་མ། ཨོཾ་དུ་ཁ་ར་ན་མ་ཡང་ཟེར། ཞེས་རྒྱུན་དུ་བཟླས་སོ། གཏོར་མ་ནི་བྷནྡྷ་མཚན་ལྡན་ཉི་མ་འབུམ་གྱི་ལྟ་བུ། འདོད་ཁམས་དམར་པོ་གཟུགས་ཁམས་དཀར་པོ་གཟུགས་མེད་ཁམས་ནག་པོ། སྒྲིབ་པ་དག་ནས་སྐྱེ་ཤི་རྩད་ནས་བཅད་པར་བསམ་པ་ནི་ནང་ལྟར་རོ། དུ་བཅས་པ་ལ་པད་བསྐོར་དང་བཅས་ལ་ཁ་རང་ལ་བསྟན་ལ་རང་བཟའོ། ཨོཾ་ཨཱཿཧཱུྃ། པད་གཏོར་གིས་བདུད་རྩིར་བྱིན་གྱིས་རླབས་ལ། ཨོཾ་དུ་ཁ་ཡེ་ན་མ་ཁཱ་ཧི་ཞེས་པ་ལན་བཟླས་ལ་འབུལ་ལོ། རྡོ་རྗེ་རྣལ་འབྱོར་མའི་སྒྲུབ་ཐབས་རྫོགས་སོ། །ཨོཾ་ཧ་རི་ནི་ས་ཨ་རི་ནི་ས་ཧ་ཧཱུྃ་ནི་ཧ་ས་རི་ཞལ་གདམས་སོ། །བསྟན་སྔགས་འདིར་གཏོར་མ་འབུལ་ལོ། པ་ཀུན་གྱི་བུ་གཅིག་གོ། །བླ་མ་

[Full Size]

གྲུབ་ཐོབ་ཀྱི་གནང་བའོ། ཨིིྀྠ། འདི་འགྲུབ་པའི་རྟགས་ནི། བུ་མེད་སྐྱེས་པ་མི་ཆེན་ནོར་སྣ་ཚོགས་ལྷ་མ་སྲིན་སྡེ་བརྒྱད། ཆོས་རྒྱ་སྣ་ཚོགས་བླ་མ་མཁའ་འགྲོ་མ་ལ་སོགས་པ་ཕ་མ་ལ་བུ་ཚ་འདུ་བ་བཞིན་དུ་འགྱུར་རོ། །འདི་ཟླ་བ་ཕྱེད་ཀྱིས་འགྲུབ་པ་ཡིན་གསུངས་སོ། །བླ་མ་ཨཽ་རྒྱན་པདྨ་པ། །དམ་པ་ཀུན་བཟང་ལ། གཡའ་རི་སྒོ་མོའི་དྲུང་དུ་གནང་། །དེས་ལུམ་པ་བ་ནི་ཕྱི་ལྟར་མཐོ་པོ་ཀ་ད་ཁ་བ་ལ། དེས་རི་གོང་པ་སངས་རྒྱས་གཉན་སྟོན་པ་ལ། དེས་སངས་རྒྱས་སྟོན་པ་ལ། དེས་ཨའི་སེང་གེ་ལ། དེས་གསེར་གླིང་པ། དེས་བླ་མ་བཀྲ་ཤིས་མགོན་པོ་ལ། དེས་དྲུང་ཡེ་ཤེས་རྡོ་རྗེ་ལ། དེས་དྲུང་བློ་ལྡན་བཟང་པོ་ལ། དེས་བདག་ལའོ། །གནད་ཐམས་ཅད་ཞལ་ལས་ཤེས་སོ། །འདིའི་ཞལ་གདམས་ལ་རང་རྗེ་བཙུན་མར་བསྐྱེད་པ་མཐུན་པར་སྣང་། ཐེག་ཆེན་ཟིལ་གྱིས་མནན་པ། ཁྲོམ་དབང་དུ་བསྡུ་བ་ནི།

[Full Size]

རང་གི་དཔུང་པ་གཉིས་སུ་སེང་གེ་གཉའ་རལ་སྤྲུགས་པ་རེ། མཁལ་ལོགས་གཉིས་སུ་སྟག་མོ་མི་རོ་འབྲད་པ། བརླ་ཟུར་གཉིས་སུ་སྦྲུལ་ནག་ཁ་ནས་མེ་འབར་བ་བསམ། སྲོག་རྩ་ཞལ་དུ་བཅུག་ནས་སྙིང་ཁྲག་གསོལ་བ་སོགས་འདྲའོ། ལུས་མི་གནས་འགུལ་བསྐྱོད། ངག་མི་གནས་བཟླས་པ། སེམས་མི་གནས་ཆོས་ཉིད་ལ་དམིགས་པ་གཏད། བསྙེན་པ་འདུ་རྒྱུ་ལ་བསྐྱལ། བསྒྲུབ་པ་ལས་སྦྱོར་ཧ་རི་ནི་ས་ལ་བསྐྱལ་ལོ། །དེ་ལྟར་བྱས་པས་འདུ་བ་གསུམ་འབྱུང་། ཉིན་པར་མི་འདུ། ནུབ་མོ་མཁའ་འགྲོ༴ ནང་ནུབ་ཟས་འདུ། རི་བོའི་རྩེ་ལ་བརྟེན་པ་མཁའ་འགྲོ་དབང་དུ་འདུ་ན། རང་ཉིད་སེང་གེ་གཉའ་རལ་སྤྲུགས་པར་བསྒོམ། རིག་པ་ཀྲུག་སྣང་བ་འགྱུར་རོ། །ཨྀིྠཿ འདིའི་སྔགས་ཨོཾ་དུ་ཁ་ཡེ་ན་མ། ཞེས་འདུག་ནའང་། འདིའི་དམིགས་རིམ་དང་བླ་མའི་ཞལ་གདམས་དང་བསྟུན་ནས། དུ་ཁ་ཡེ་ཞེས་པ་ཅིར་འགྱུར་ཆ་མེད་ཅིང་། དུ་ཁ་

[Full Size]

ཞེས་པ་སྡུག་བསྔལ་དུ་འགྱུར་ཞིང་ཡེ་ཤེས་པ་དཔེར་ན་ཡེ་དྷརྨཱའི་མགོའི་མང་ཚིག་དང་མཐུན་པར། རྣམས་སམ་ཀུན་ནི་ཚད་དུ་འགྱུར་བས། འདིའི་དོན་འགྱུར་ནི། འགྲོ་བ་ཐམས་ཅད་ཀྱི་སྡུག་བསྔལ་ཐམས་ཅད་མཆོད། ཅེས་སོ། ལེགས་ཚོགས་ཀྱི་ཨ་རི་ནི་ས་ཧ། ཞེས་པ་མཁའ་འགྲོ་རིགས་ལྔའི་སྙིང་པོར་འགྱུར་བ། གཞན་དུ་ནི། ཧ་རི་ནི་ས་ཧཱུྃ་ཞེས་སྣང་བ་ཡོང་གི་འདུག་པས། འདི་ཞིབ་ཏུ་བརྟག་པར་བྱའོ།། །།