དཔལ་ལྡན་ཤངས་པའི་ཆོས་སྐོར་པོད་དགུ་པ།

འགྲོ་མགོན་ཤངས་པ་བཀའ་བརྒྱུད་ཀྱི་དཔེ་ཚོགས།

བྱམས་པ་ངག་དབང་རྒྱལ། ལོ་ཙཱ་བ་གླན་དར་མ་བློ་གྲོས། རྗེ་བཙུན་གྲགས་པ་རྒྱལ་མཚན། དྷརྨ་བྷ་དྲ། བླ་མ་ཁྱུང་པོ་རྣལ་འབྱོར། ལོ་ཙྪ་བ་རིན་ཆེན་བཟང་པོ། ཆོས་རྣམ་རྒྱལ། རིག་འཛིན་ཚེ་དབང་ནོར་བུ།

Nitartha international

Images scanned by BDRC

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

སྔ་དྲོའི་ཆ་ལ་བྱ་བའི་ཆུ་གཏོར་གྱི་རིམ་པ།

[Full Size]

སྔ་དྲོའི་ཆ་ལ་བྱ་བའི་ཆུ་གཏོར་གྱི་རིམ་པ་བཞུགས་སོ།། །།

[Full Size]

གསར་རྙིང་རང་ལུགས་རྒྱས་བསྡུས་གང་བྱ་བ་ལས་ཟུར་དུ་སྨོས་མ་དགོས་ཀྱང་། རྒྱས་འབྲིང་རྣམས་མི་འགྲུབ་པས་ཤིན་ཏུ་བསྡུས་པ་ལ་མོས་ན། ཟན་རིལ་འབྲུ་སོགས་ལྡན་པའི་ཆུ་ཐེབ་གསུམ། །ཆུ་གཙང་ཁོ་ན་བླུགས་པའི་ཐེབ་གཅིག་བཅས་འདུ་བྱས་ལ། སྐྱབས་སེམས་སྔོན་དུ་བཏང་བ་ན། སངས་རྒྱས་ཆོས་དང་སོགས། །སྐད་ཅིག་རང་ཉིད་ཤཱཀྱ་ཐུབ། །མཆོག་གི་སྤྲུལ་སྐུའི་རྣམ་པར་གྱུར། །ལག་གཡས་རྡོ་རྗེ་རྩེ་གསུམ་པའི་ཕྱག་རྒྱ་བྱས་ལ། ཨོཾ་སརྦ་ཀ་རི་ཧཱུྃ། རིན་པོ་ཆེ་ལས་གྲུབ་པའི་སྣོད། །ཡངས་ཤིང་རྒྱ་ཆེའི་རྣམས་

[Full Size]

ཀྱིས་ནང་། །ཨོཾ་སརྦ་སིདྡྷི་ཧཱུྃ། བཅུད་ནི་བདུད་རྩིའི་རང་བཞིན་གྱུར། །བདག་གི་བསམ་པའི་སྟོབས་དག་དང་། །དེ་བཞིན་གཤེགས་པའི་སྦྱིན་སྟོབས་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །འཕགས་པ་རྣམས་ལ་མཆོད་པ་དང་། །སེམས་ཅན་ཀུན་ལ་ཕན་གདག་ཕྱིར། །དོན་རྣམས་གང་དག་བསམ་པ་ཀུན། །དེ་དག་ཐམས་ཅད་ཅི་རིགས་པ། །འཇིག་རྟེན་ཁམས་ནི་མ་ལུས་པ། །ཐོགས་པ་མེད་པ་འབྱུང་བར་

[Full Size]

ཤོག །ན་མ་སརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སྦྷཾ་ར་སཾ་བྷ་ར་ཧཱུྃ། རྒྱ་ཆེན་ཤུགས་ལྡན་སྔགས་ཉེར་གཅིག་གམ་བདུན་སོགས་བརྗོད། བླ་མ་ཡི་དམ་དཀོན་མཆོག་སྲི་ཞུའི་མགྲོན། །ཆོས་སྐྱོང་སྲུང་མ་ཕྲིན་ལས་སྒྲུབ་པའི་མགྲོན། །རིགས་དྲུག་འགྲོ་བ་བྱམས་དང་སྙིང་རྗེའི་མགྲོན། །གདོན་བགེགས་ཤ་འཁོན་ལན་ཆགས་བུ་ལོན་མགྲོན། །དེ་དག་སོ་སོར་མཆོད་པས་མཉེས་གྱུར་ཅིག །སྦྱིན་པས་ཚིམས་ཤིང་སྒྲིབ་གཉིས་བྱང་གྱུར་ཅིག །དཀོར་སྒྲིབ་ལན་ཆགས་ཐམས་ཅད་བསལ་གྱུར་ཅིག །ཀུན་ཀྱང་རྣམ་མཁྱེན་སངས་རྒྱས་ཐོབ་གྱུར་ཅིག །ཨོཾ་ཨཱཿཧཱུྃ། ཞེས་བསྔོ། ཡང་སྦྱོང་སོགས་ལ་ཤིན་ཏུ་ཟབ་པ་དབོན་སྟོན་ལུགས་ཀྱི་གྲུལ་གཏོར་གྲུབ་ན་གཞན་མ་དགོས་ཀྱང་། མ་གྲུབ་པའང་རེས་མོས་སྤྲོ་ན་གཏེར་གསར་ཐུགས་མཆོད་སྦྱིན་སྤྱད་སྒྲོལ་ནི། ཡང་ན་རིན་ཆེན་སྣོད་ནང་དུ། ཆུ་གཙང་ཟན་དང་བཅས་པ་བཤམས། མདུན་གྱི་ནམ་མཁར་སྤྱན་རས་གཟིགས། །འཕགས་པ་རྡོ་རྗེ་སྙིང་པོ་ལ། །

[Full Size]

སངས་རྒྱས་བྱང་སེམས་ཡི་དམ་ལྷ། །མཁའ་འགྲོ་ཆོས་སྐྱོང་ཚོགས་ཀྱིས་བསྐོར། །འོག་ཏུ་གདོན་བགེགས་རིག་དྲུག་དང་། །ཁྱད་པར་ལན་ཆགས་མགྲོན་ཀུན་གསལ། །སྟོང་པའི་ངང་ལས་བྷྲཱུྃ་ཡིག་ལས། །བྱུང་བའི་རིན་ཆེན་སྣོད་ཡངས་སུ། །རང་ལུས་འོད་དུ་ཞུ་བ་ལས། །གཏོར་མ་བདུད་རྩིའི་རྒྱ་མཚོམ་བསམ། །ཨོཾ་ཨཱཿཧཱུྃ། གིས་བྱིན་གྱི་བརླབས། །རང་སེམས་ཁ་སརྤ་ིར་གྱུར། །མཆོད་སྦྱིན་མགྲོན་ཀུན་མཆོད་པར་བསམ། སཾ་བྷ་ར་ཡིས་སྔགས་ཀྱིས་ཕུལ། །ཨོཾ་སྡིག་སྒྲིབ་ཐམས་ཅད་འཇོམས་མཛད་པའི། །འཕགས་པ་རྡོ་རྗེ་སྙིང་པོ་དང་། །སྐྱབས་གནས་མཆོད་འོས་རྒྱ་མཚོའི་ཚོགས། །བདག་ལུས་བདུད་རྩིའི་གཏོར་མ་བཞེས། །བྱིན་གྱིས་རློབས་ཤིག་སྡིག་སྒྲིབ་སྦྱོང་། །དངོས་གྲུབ་རྩོལ་ཅིག་བར་ཆད་གསོལ། །གདོན་བགེགས་འབྱུང་པོ་རིགས་དྲུག་དང་། །ཁྱད་པར་ལན་ཆགས་མགྲོན་རྣམས་ཀུན། །ཟག་མེད་བདུད་

[Full Size]

རྩི་འདི་གསོལ་ལ། །ལན་ཆགས་བུ་ལོན་བྱང་བར་མཛོད། །གནོད་འཚེ་གདུག་རྩུབ་ཀུན་ཞི་ཞིང་། །བྱང་ཆུབ་སེམས་དང་ལྡན་པར་ཤོག །མཐར་ནི་མཆོད་སྦྱིན་མགྲོན་དང་རྫས། །མི་དམིགས་སྟོང་པའི་ངང་ལ་བཞག །འདི་ནི་ཚོགས་རྫོགས་འཆི་བ་བསླུ། །སྡིག་སྒྲི་སྤྱི་དང་ཁྱད་པར་དུ། །དཀོར་སྒྲིབ་ཁན་ཆགས་ངན་པ་སྦྱང་། །དེ་ཕྱིར་རྒྱུན་དུ་བརྩོན་པར་བྱ། །ཞེས་སོ། །སྔ་མ་དང་སྦྲེལ་ན་ཛམ་གཏོར་གྱི་གོང་དུ་བྱའོ། །ཕྱི་དྲོའི་ཆ་ལ་བྱ་བ་བྱ་དགོས་པའི་གཏོར་མ་ནི་འོག་ཏུ་འཆད་པར་གྱུར་ལ། སྔ་དྲོའི་ཆར་བྱ་དགོས་པས། ཛཾ་བྷ་ལྷ་དཀར་པོའི་ཆུ་སྦྱིན་ནི། ཨོཾ་སྭ་བྷཱ་ཝ་སོགས། རིན་ཆེན་ལྔ་ལས་གྲུབ་པ་ཡི། །གཞལ་མེད་ཁང་གི་དབུས་སུ་ནི། །ཛམ་ལྷ་སྐུ་མདོག་དཀར་པོ་ནི། །ཞལ་

[Full Size]

གཅིག་ཕྱག་གཉིས་གཡས་བེ་ཅོན། །ཕྱག་གཡོན་ནེའུ་ལེ་བསྣམས་པ་སྟེ། །གྲུ་མོ་ཁ་ཊཾ་གིས་མཚན་པ། །དབུ་སྐྲ་དཀར་སེར་གྱེན་དུ་བརྫེས། །སྤྱན་གསུམ་ཞལ་གདངས་རིན་ཆེན་གྱི། །རྒྱན་ལྡན་འབྲུག་ལ་ཆིབས་པའོ། །ཤར་དུ་རྡོ་རྗེ་ཌཱ་ཀི་མ། །མཐིང་ནག་གཡས་ན་རྡོ་རྗེ་དང་། །གཡོན་པས་རྟེན་འབྲེལ་ནོར་རྫས་འཛིན། །ལྷོ་རུ་རིན་ཆེན་ཌཱ་ཀི་མ། །སེར་མོ་གཡས་ན་ནོར་བུ་དང་། །གཡོན་ན་རིན་ཆེན་བུམ་པ་འཛིན། །ནུབ་ཏུ་པད་མ་ཌཱ་ཀི་མ། །དམར་མོ་གཡས་ན་པད་མ་དང་། །གཡོན་པས་འགུགས་བྱེད་ལྕགས་ཀྱུ་འཛིན། །བྱང་དུ་ལས་ཀྱི་ཌཱ་ཀི་མ། །ལྗང་གུ་རྡོ་རྗེ་རྒྱ་གྲམ་གཡས། །གཡོན་ན་ནེའུ་ལེ་རྐྱལ་པ་འཛིན། །ཀུན་ཀྱང་རིན་ཆེན་རྒྱན་ལྡན་ཞིང་། །ཕྱེད་ཀྲུང་ཚུལ་གྱིས་

[Full Size]

བཞུགས་པར་གྱུར། །རང་ཉིད་སྤྱན་རས་གཟིགས་གྱུར་པའི། །ཕྱག་གིས་བུམ་པའི་ཆུ་བླུག་གྱུར། །ཨོཾ་པད་མ་ཀྲོ་དྷ་ཨརྱ་ཛཾ་བྷ་ལ་ཧྲཱིཿད་ཡ་ཧཱུྃ་ཕཊཿ བར། ཨོཾ་ཨཱཿཧཱུྃ་བདུད་རྩིའི་རྒྱ་མཚོར་ཆེན་པོར་གྱུར། །སྙིང་པོའི་མཐར། ཨི་དམ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི་ལན་གསུམ། ཨོཾ་བཛྲ་ཨརྒྷཾ་སོགས་ནས་ཤབྡ་པྲ་ཏཱིཙྪ་སྭཱ་ཧཱ། འགྲོ་བ་དབུལ་བའི་སྡུག་བསྔལ་ཀུན་གཟིགས་ནས། འཇིག་རྟེན་མགོན་པོའི་སྤྱན་ཆབ་ལས་འཁྲུངས་པའི། །གངས་རི་ལྟར་དཀར་ནོར་སྐྱོངས་ཀུན་གྱི་རྗེ། །མཁའ་འགྲོ་བཞི་ཡིས་བསྐོར་ལ་ཕྱག་འཚལ་བསྟོད། །སེར་སྣའི་ལས་ཀྱི་མེ་ཡིས་གདུང་བ་རྣམས། །སྐྱེ་དང་སྐྱེ་ཁྱེད་ལ་སྐྱབས་སུ་མཆི། །རིན་ཆེན་བདུད་རྩི་གཏེར་གྱི་ཆུ་རྒྱུན་གྱི། །སེམས་ཅན་དབུལ་བའི་སྡུག་བསྔལ་

[Full Size]

ཞི་བར་མཛོད། །ཛཾ་སིདྡྷི་ཕ་ལ་ཨ་ལ་ལ་ཧོཿལྷ་ལྔ་རང་གི་ཐུགས་ཀར་ཐིམ། །ལོངས་སྤྱོད་སྤྲིན་བཞིན་འདུས་པར་གྱུར། །ཡིག་བརྒྱ་བརྗོད། །མ་འབྱོར་པ་དང་སོགས་ནས། བཟོད་པར་གསོལ་བར་བརྗོད། །ཐེབ་ཆ་གཅིག་ལ་ཛཾ་གཏོར་བསྡུས་པ་ནི། །མདུན་དུ་པད་ཟླར་ཛཾ་ལས་ཛཾ་ལྷ་སེར། །ཤིང་འབྲས་ནེའུ་ལེ་བསྣམས་ཤིང་རྒྱན་ལྡན་བཞུགས། །པད་ཉིར་ཧཱུྃ་ལས་ཛཾ་ནག་སྦྲུལ་རྒྱན་ཅན། །བཞེངས་སྟབས་ཕྱག་གཉིས་ཐོད་ཁྲག་ནེའུ་ལེ་བསྣམས། །གནས་གསུམ་འབྲུ་གསུམ་འོད་ཀྱིས་ཡེ་ཤེས་བསྟིམས། །དབང་ལྷས་དབང་བསྐུར་རིགས་བདག་དབུ་བརྒྱན་གྱུར། །རང་གི་ལག་མཐིལ་ཟླ་སྟེང་ཡིག་འབྲུ་ལྔ། །རིགས་ལྔ་ཞུ་བའི་བདུད་རྩི་ཆུ་རྒྱུན་

[Full Size]

གྱིས། །རྨ་དང་མེ་ཡི་ཟུག་རྔུ་ཞི་བར་གྱུར། ཨོཾ་ཛཾ་བྷ་ལ་ཛ་ལེནྡྲཱ་ཡེ་སྭཱ་ཧཱ། ཞེས་དང་། ཨོཾ་ཨིནྡྲ་ནི་མུ་ཁཾ་བྷྲ་མ་རི་སྭཱ་ཧཱ། ཨོཾ་ཛམྑུཾ་སྭཱ་ཧཱ། ཞེས་བརྗོད། ཨརྒྷཾ་སོགས། གནོད་སྦྱིན་ནོར་གྱི་བདག་པོར་ཕྱག་འཚལ་བསྟོད། །སེམས་ཅན་དབུལ་བའི་སྡུག་བསྔལ་ཞི་བར་མཛོད། ཛཾ་སིདྡྷི་ཕ་ལ་ཨ་ལ་ལ་ཧོ། །ཞེས་གནས་དང་རྟེན་ལ་བསྟིམ། །ཕ་དམ་པས་མཛད་པའི། ལན་ཆགས་གཏོར་མ་ནི། ཨོཾ་བཛྲ་ཨ་མྲྀ་ཏས་བསང་། སྭ་བྷཱ་ཝས་སྦྱངས། སྟོང་པའི་ངང་ལས་བྷྲཱུྃ་ལས་བྱུང་བའི་རིན་པོ་ཆེ་ལས་གྲུབ་པའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་གླུ་གཏོར་འདོད་དགུ་ཕུན་སུམ་ཚོགས་པ་དང་ལྡན་པར་གྱུར། ཨོཾ་ཨཱ་ཀི་བྷེ་ཧཱུྃ་སྲ་ཐ། ན་མ་སརྦ་ཏ་ཐ་ག་ཏ་ཨ་ཝ་ལོ་ཀི་ཏེ་ཨོཾ་སཾ་བྷ་ར་སཾ་བྷ་ར་ཧཱུྃ། དེ་བཞིན་གཤེགས་

[Full Size]

པ་རིན་ཆེན་མང་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་མཛེས་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་འབྱམས་གླས་ལ༴ །དེ་བཞིན་གཤེགས་པ་འཇིགས་པ་ཐམས་ཅད་དང་ཡོངས་སུ་བྲལ་བ་ལ༴ །མཆོད་སྦྱིན་གྱི་གཏོར་མ་གཟུགས་གླུད་འདོད་ཡོན་ལྔ་དང་ལྡན་པ་འདི་ཉིད་ཚེ་འཁོར་བ་ཐོག་མ་མེད་པ་ནས་ཐ་མ་ད་ལྟའི་བར་དུ་བུ་ལོན་ལན་ཆགས་ཀྱིས་མགྲོན་དུ་གྱུར་པ་ཐམས་ཅད་ལ་སྦྱིན་ནོ། །མཐོ་བ་མཁར་གྱིས་ལན་ཆགས། དམའ་བ་ས་ཞིང་གི༴ །ཕ་མ་བུ་ཚའི༴ གཉེན་ཉེ་རིང་གི༴ གྲོགས་མཛའ་བའི༴ བསད་པ་སྲོག་གི༴ བརྡུང་བ་ན་ཚའི༴ བརྐུས་པ་ནོར་གྱིས༴ ཁལ་བཀལ་བའི༴ རྨོ་རྨོས་པའི༴ ཞོ་བཞོས་པའི༴ སྤུ་བྲེགས་པའི༴ ཞོན་པའི་ལན་

[Full Size]

ཆགས་ལ་སོགས་པ་ལན་ཆགས་ཐམས་ཅད་བྱང་ཞིང་དག་པར་མཛད་དུ་གསོལ། །བདག་གི་བསམ་པའི་སྟོབས་དག་དང་། །དེ་བཞིན་གཤེགས་པའི་སྦྱིན་སྟོབས་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱི། །འཕགས་པ་རྣམས་ལ་མཆོད་པ་དང་། །སེམས་ཅན་ཀུན་ལ་ཕན་གདག་ཕྱིར། །དོན་རྣམས་གང་དག་བསམ་པ་ཀུན། །དེ་དག་ཐམས་ཅད་ཅི་རིགས་པ། །འཇིག་རྟེན་ཁམས་ནི་མ་ལུས་པ། །ཐོགས་པ་མེད་པ་འབྱུང་བར་ཤོག །ཐེབ་གཅིག་ལ་ཆུ་སྦྱིན་ནི། རང་ཉིད་ཐུགས་རྗེ་ཆེན་པོར་གྱུར། །འཕགས་པ་སྤྱན་རས་གཟིགས་དབང་གིས། །ཕྱག་ནས་འབབ་པའི་འོ་རྒྱུན་གྱིས། །ཡི་དྭགས་རྣམས་ནི་ཚིམས་བྱས་ཤིང་། །ཁྲུས་བྱས་རྟག་ཏུ་བསིལ་བར་ཤོག །ཨོཾ་མ་ཎི་པདྨེ་ཧཱུྃ། ཨོཾ་ཨཱཿཧཱུྃ་ཧྲཱིཿ ཞེས་དང་། སཾ་བྷ་

[Full Size]

ར་ལན་བདུན་བརྗོད་པ་སེ་གོལ་གཅིག་གཏོགས། ཟན་འབྲུ་མེད་པའི་ཐེབས་ནང་ཆུ་ཐིག་རེ་སྦྲེང་། སྔགས་རེ་བརྗོད། གཡོན་པའི་སེ་གོལ་རེ་གཏོགས་པ་ལན་བདུན་ཙམ་བྱས་ལ། ཨོཾ་ཛྭ་ལ་མི་དཾ་སརྦ་པྲེ་ཏེ་བྷྱཿསྭཱ་ཧཱ། ཕྱི་མ་འདི་ཟས་མ་ཟོས་སྔོན་རོལ་ཁོ་ནར་དགོས་སོ། །སྦྱིན་པ་འདི་ཡིས་བསོད་ནམས་གང་། །དེ་དག་ཡི་དྭགས་ཕྱི་བཞིན་སོང་། །ཡི་དྭགས་འཇིག་རྟེན་རབ་འཇིགས་ལས། །དེ་ནི་མྱུར་དུ་ཐར་བར་ཤོག། ཐམས་ཅད་ནམ་མཁའ་མཛོད་བཞིན་དུ། །ལོངས་སྤྱོད་ཆད་པ་མེད་པར་ཤོག། རྩོད་པ་མེད་ཅིང་འཚེ་མེད་པར། །རང་དབང་དུ་ནི་སྤྱོད་པར་ཤོག །ཨོཾ་ཡེ་དྷརྨཱ་ཧེ་ཏུ་པྲ་བྷ་ཝ། ཧེ་ཏུ་ཥྟེནྟ་ཐ་ག་ཏོ་ཧྱ་བ་ད་ཏ། ཏེཥཱཉྩ་ཡོ་ནི་རོ་དྷ་ཨེ་ཝཾ་བཱ་དི་མ་ཧ་ཤྲ་མ་ིཿསྭཱ་ཧཱ།

[Full Size]

སྦྱིན་པ་རྒྱ་ཆེན་གྱུར་པ་སོགས། །བསོད་ནམས་འདི་ཡིས་སོགས་ནས། སྲིད་པའི་མཚོ་ལས་འགྲོ་བ་སྒྲོལ་བར་ཤོག །བསྔོ་སྨོན་བྱའོ། །རྒྱ་གར་བའི་ཕྱག་ལེན་རྒྱ་གཞུང་གི་ཁུངས་དང་འབྲེལ་བ་ནི་ཆབ་གཏོར་འཇམ་དཔལ་མ་དང་ཤཀ་ཐུབ་མ་གཉིས་ཡིན་ལ། སྔ་མ་ཅུང་ཟད་བྱ་དཀའ་ཞིང་ཕྱི་མ་འདི་སྟབས་བདེ་བས། ཕྱག་ལེན་སོགས་རྣམ་པར་མ་དག་པའི་འདོན་བྱ་མང་པོ་མེད་ཀྱང་། འདི་ཙམ་ལག་ལེན་གཙང་དག་བྱུང་ན་ཕན་ཡོན་ཆེ་བ་དང་། ཛཾ་གཏོར་དང་ཆུ་སྦྱིན་ནི་སངས་རྒྱས་ཀྱི་སྤྱོད་པ་བཀའ་རྟགས་ཀྱིས་ཕྱག་རྒྱ་ཡིན་པས་རྒྱལ་བའི་རྗེས་འཇུག་ཡིན་ཕྱིར། འདི་ཙམ་ཆགས་སུ་མི་རུང་བ་ཡིན་ནོ། །དགེའོ།། །།

གཏུམ་མོ་སྐོམ་དུ་འཐུང་བ་བདེ་དྲོད་ཞལ་སྦྱོར་གྱི་སྐོར་རྣམས།

[Full Size]

གཏུམ་མོ་སྐོམ་དུ་འཐུང་བ་བདེ་དྲོད་ཞལ་སྦྱོར་གྱི་སྐོར་རྣམས་བཞུགས་སོ།། །།

[Full Size]

ན་མོ་གུ་རུ། དངོས་གཞི་ལ་གཏུམ་མོ་སྐོམ་དུ་འཐུང་བ་བདེ་དྲོད་ཀྱིས་ཞལ་སྦྱོར་ལ། དེ་ལ་བཞི་སྟེ། གསོལ་བ་གདབ་པ། རླུང་བཟུང་བ། འཁྲུལ་འཁོར་བྱ་བ། དམིགས་པ་བསྒོམ་པའོ། །དང་པོ་གསོལ་བ་གདབ་པ་ནི། རང་གི་སྤྱི་བོར་བླ་མའི་རྣལ་འབྱོར་བསྒོམ་ལ། བླ་མ་རིན་པོ་ཆེ་བདག་ལ་བདེ་དྲོད་ཀྱི་ཏིང་ངེ་འཛིན་ཁྱད་པར་ཅན་རྒྱུད་ལ་སྐྱེ་བར་བྱིན་གྱིས་བརླབ་ཏུ་གསོལ། །བདེ་སྟོང་གི་ཏིང་ངེ་འཛིན་རྒྱུད་ལ་སྐྱེ་བར་བྱིན་གྱིས་བརླབ་ཏུ་གསོལ། །ཞེས་གསོལ་བ་བཏབ་ལ་མོས་གུས་བྱའོ། །གཉིས་པ་

[Full Size]

ནི། །ངག་གི་ལས་སུ་རླུང་བཟུང་། ཞེས་གསུངས་པས་རླུང་རོ་ལན་གསུམ་མམ་དགུ་ཕྲུགས་སུ་གསལ་ལ། དེ་ནས་སྟེ་རླུང་འཇམ་པོས་མནན་ལ། རྔུབས་ནས་སྟེང་རླུང་འོག་ཏུ་བསྐྱུར། དེ་དང་དུས་མཉམ་དུ་འོག་རླུང་ཡང་ཅུང་ཟད་འཐེན་ལ་རླུང་ཁ་སྦྱར་ཏེ་བསྒོམ། གསུམ་པ་ལུས་ཀྱི་ལས་སུ་འཁྲུལ་འཁོར་བྱ། ཞེས་གསུངས་པས། རྩུབ་ཤིང་མ་དང་འཕོ་བ་སྐོར་བ་ལ་སོགས་པ་བྱའོ། །བཞི་པ་ཡིད་ཀྱི་ལས་སུ་དམིགས་པ་བསྒོམ། ཞེས་གསུངས་པ། རང་ཉིད་ཕྱི་རྗེ་བཙུན་མའི་རྣམ་པ་ལ། ནང་སྟོང་ར་

[Full Size]

ཕྲུ་མ་ཕུས་བཏབ་པ་ལྟ་བུ་སྲབ་སིང་ངེ་བ། ཁ་དོག་དམར་བ་རེག་བྱ་ཚ་བ། ཟངས་གཞོང་མེས་ཚིག་པ་ལྟ་བུ་བསྒོམ། དེའི་དཀྱིལ་ནས་ཡར་ལ་རྩ་དབུ་མ་ཡར་རྩེ་ཚངས་བུག་ཏུ་ཟུག་པ། མར་སྣེ་ལྟེ་འོག་སོར་བཞི་སླེབ་པ། ཆོས་བཞི་དང་ལྡན་པ་ཅིག་བསམ་མོ། །དེའི་ཁྲིས་ན་ཡར་ལ་གཡས་རོ་མ་དང་གཡོན་རྐྱང་མ་གཉིས་ཡར་རྩེ་སྣ་བུག་གཉིས་དང་། མས་སྣ་ལྟེ་འོག་སོར་བཞི་ནས་དབུ་མའི་ཁར་ཚུད་ཙམ་ཅིག་བསྒོམ། དབུ་མའི་ནང་རྩ་གསུམ་གྱི་འདོམ་པ་རུ། ཨ་ཐུང་ཤད་ཀྱིས་རྣམ་པ་སྐྱེ་ཚེར་བཅད་པ་ལྟ་བུ་གདེངས་ཁ་ཆེ་བ་གྱེན་དུ་བསྟན་པ། ཕྲ་བ་ཐུར་དུ་ཟུག་པ་ཁ་དོག་དམར་བ་རེག་བྱ་ཚ་བ་འབར་བར་བསམ། ལྟེ་བ་སྤྲུལ་པའི་འཁོར་ལོ་རྩ་འདབ་དྲུག་ཅུ་རྩ་གཉིས་གདུགས་ཀྱི་རྩིབ་མ་ལྟ་བུ་ཁ་གྱེན་དུ་ཕྱོགས་པ། དེའི་དབུས་སུ་དབུ་མའི་ནང་དུ་ཨ་དམར་པོ་ཅིག་བསྒོམ། །

[Full Size]

དེ་བཞིན་དུ་སྙིང་ཁ་ཆོས་ཀྱི་འཁོར་ལོ་རྩ་འདབ་བརྒྱད་ཁ་ཅུང་ཟད་མཐུར་དུ་ཕྱོགས་པ། དེའི་དབུས་སུ་ཧཱུྃ་སྔོན་པོ་ཅིག་བསྒོམ། མགྲིན་པ་ལོངས་སྤྱོད་ཀྱི་འཁོར་ལོ་རྩ་འདབ་བཅུ་དྲུག་ཁ་ཅུང་ཟད་གྱེན་དུ་ཕྱོགས་པ། དེའི་དབུས་སུ་ཨོཾ་ཡིག་སེར་པོ། སྤྱི་བོར་བདེ་ཆེན་གྱི་འཁོར་ལོ་རྩ་འདབ་སུམ་ཅུ་སོ་གཉིས་པ་ཁ་ཅུང་ཟད་མཐུར་དུ་ཕྱོགས་པ། དེའི་དབུས་སུ་ཧཾ་ཡིག་དཀར་པོ་མགོ་མཐུར་དུ་བལྟ་བ་གཅིག་གིས་ཚངས་བུག་བཀག་པར་བསམ་མོ། །སུམ་མདོ་རི་དང་། གཤང་ལམ་དུ་ཡཾ་ཡིག་བསམ་མོ། །དེ་ནས་རླུང་རོ་ལེགས་པར་བསལ་ལ། རླུང་གི་ཤུགས་རྫོགས་པ་དང་། སྣ་བུག་གཉིས་ནས་དལ་བུས་རྔུབས་ནས། །རོ་རྐྱང་གཉིས་ན་མར་ལུག་གི་རྒྱུ་མ་བུས་པ་བཞིན་དུ་སོང་ནས། དབུ་མའི་ནང་ནས་ཡར་བྱུང་། ཨ་ཐུང་ལ་རྩུབ་པས་ཨ་ཐུང་མེའི་རང་བཞིན་

[Full Size]

དུ་དམར་ལྷང་ངེ་མེ་འབར་ལ་ཁད་པ་ལ་སེམས་གཏད་དོ། །དེ་ལ་དམིགས་བསྐོར་གཅིག་བྱའོ། །དེ་ནས་སྲིན་ཞལ་བསྡམ་ནས་འོག་རླུང་འཐེན་པས་ཡཾ་ཡིག་ལས་རླུང་གཡོས། རླུང་དེ་སུམ་མདོའི་རཾ་ཡིག་ལ་རྩུབ་པས། རཾ་ཡིག་ལས་མེ་འབར། ཨ་ཐུང་ལ་ཕོག་པས་ཨ་ཐུང་ལ་མེ་འབར་བ་རྩེ་མོ་དང་རྩ་བ་ཕྲ་བ། རྐེད་པ་ལྡིར་བ་བཟུང་མོ་བྱི་ཐུར་གྱི་རྣམ་པ་དམར་ན་རེ་བྱུང་བ་ལ་རིག་པ་གཏད་དོ། །དེ་ལ་དམིགས་བསྐོར་གཅིག །དེ་ནས་མེ་ལྕེ་ཡར་བྱུང་། ལྟེ་བར་སླེབ་པ་ལ་དམིགས་བསྐོར་གཅིག །དེ་ནས་ལྟེ་བའི་ཨ་ཡིག་དེ་བསྲེགས། ལྟེ་བའི་རྩ་འདབ་ཐམས་ཅད་མེས་དམར་ཤིག་ཤིག་ཁེངས། རྩ་ནང་གི་བག་ཆགས་ངན་པ་ཐམས་ཅད་སྦྱངས་པར་བསམ་མོ། །དེ་ལ་དམིགས་བསྐོར་གཅིག །དེས་རིགས་འགྲེའོ། །དེ་ནས་སྙིང་གར་སླེབས་པ་ལ་གཅིག །སྙིང་གའི་ཧཱུྃ་ཡིག་བསྲེགས། རྩ་ནང་མེས་

[Full Size]

ཁེངས་བག་ཆགས་སྦྱངས་པར་བསམ། དེ་ལ་གཅིག །ཡང་མགྲིན་པར་སླེབ་པ་ལ་གཅིག །ཨོཾ་ཡིག་སེར་པོ་བསྲེགས། །རྩ་ནང་མེས་ཁེངས་བག་ཆགས་སྦྱངས་པར་བསམ། དེ་ལ་གཅིག །ཡང་སྤྱི་བོར་སླེབས་པས་རྩ་ནང་ཐམས་ཅད་མེས་ཁེངས་བག་ཆགས་སྦྱངས། དེ་ལ་གཅིག །དེ་ནས་མེ་ལྕེ་སྤྱི་གཙུག་གི་ཧཾ་ཡིག་ལ་རེག་ནས་ཧཾ་ཡིག་སྣུཾ་ཆེམ་མེ་ཞུ་ལ་ཁད་པ་ལ་གཅིག །དེ་ནས་ཧཾ་ལས་བྱང་ཆུབ་ཀྱི་སེམས་དཀར་པོ་སྐྱ་ནར་རེ་བྱུང་། སྤྱི་བོར་སླེབས་པ་ལ་གཅིག །དེ་ནས་སྤྱི་བོ་བདེ་ཆེན་གྱི་འཁོར་ལོའི་རྩ་འདབ་ཐམས་ཅད་བདུད་རྩི་དཀར་པོས་ཁྲིགས་མེར་ཁེངས། སེམས་བདེ་སྟོང་གི་ངོ་བོར་སྐྱེས་པར་བསམ། དེ་ལ་གཅིག །དེ་བཞིན་དུ་མགྲིན་པར་སླེབ་པ་ལ་གཅིག །མགྲིན་པའི་རྩ་ནང་ཁེངས་ཨ་ཡིག་སོས་པ་ལ་གཅིག །དམིགས་བསྐོར་དེ་རྣམས་ལ་

[Full Size]

དམིགས་རྟེན་མ་རྙེད་པར་ལ་དམིགས་པ་མི་སྤོ་བར་བསྒོམ་པའི་ལུགས་སོ། །དེ་ལྟར་བསྒོམ་པས་བདེ་བ་ཆེ་ཞིང་འཛག་པ་ལ་སོགས་པའི་གེགས་བྱུང་ན། ཡང་མེ་ལྕེ་ཡར་སྲིངས་ནས་ལྟེ་བར་སླེབས། རྩ་ནང་ཐམས་ཅད་གང་ཨ་སྲེགས། བྱང་ཆུབ་ཀྱི་སེམས་དཀར་པོ་ཡར་ཐུང་ཧྲིལ་སོང་། དེ་བཞིན་དུ་སྤྱི་བོར་གོང་བཞིན་བསྒོམ་བདེ་བ་ཆུང་ན་མེ་བཏུང་ལ། དྲོད་ཆུང་ན་མེ་ལྕེ་སྲིང་བ་ལ་ཡས་བབས་ཀྱི་དགའ་བ་བཞི་དང་། མས་བརྟེན་གྱི་དགའ་བཞི་ཡང་ངོས་བཟུང་བར་བྱའོ། །དེ་ནི་སྐོམ་དུ་འཐུང་བ་བདེ་དྲོད་ཀྱི་ཞལ་སྦྱོར་རོ། ༈ །བོགས་འདོན་གྱི་སྐབས་སུ་ཡང་། རྗེ་བཙུན་མུ་ཏིག་གི་ཕྲེང་བ་ལ་བརྟེན་ནས་བོགས་འདོན་པ་དང་། བླ་མ་ལ་བརྟེན་ནས་བོགས་འདོན་པ་དང་། ལྷ་སྐུ་ལ་བརྟེན་ནས་བོགས་འདོན་པ་རྣམས་ཡོད་པ་ལས། དང་པོ་ནི་རང་ཉིད་འཁོར་ལོ་བདེ་མཆོག་གམ། རྗེ་བཙུན་

[Full Size]

མར་གསལ་བའི་ངང་ནས་རྩ་གསུམ་གསལ་བཏབ། ལྟེ་བ་སྤྲུལ་པའི་འཁོར་ལོའི་དབུ་མའི་ནང་དུ། ཆོས་འབྱུང་ཕྱི་དཀར་ལ། ནང་དམར་བ། བདེ་བར་འཆར་ཞིང་བདེ་བར་རྒྱུ་བ་གཅིག་བསྒོམ། དེ་ནས་རླུང་རྔུབས་པ་དང་དུས་མཉམ་དུ། ཨ་ལི་བཅུ་དྲུག་གི་ངོ་བོ་བྱང་ཆུབ་ཀྱི་སེམས་ཡིན་པ་ལ། རྣམ་པ་ཡིག་འབྲུའི་རྣམ་པ། དུང་གི་འཕྲེང་བ་བཞིན་དུ། སྐྱ་ནར་གྱི་རྩ་གཡས་རོ་མའི་ནང་དུ་སོང་། ཀ་ལི་སོ་བཞི་པོའི་ངོ་བོ་བྱང་ཆུབ་ཀྱི་སེམས་དམར་པོ་ཡིན་པ། རྣམ་པ་ཡིག་འབྲུའི་རྣམ་པ་ཁ་དོག་དམར་པོ་བྱེ་རུའི་ཕྲེང་བ་བཞིན་དུ། གཡོན་རྐྱང་མའི་ནང་ནས་མར་ནར་ཏེ་སོང་། དབུ་མ་ནས་མར་བྱུང་། ཆོས་འབྱུང་གི་ནང་དུ་འབྲོས་འདེད་ཀྱི་ཚུལ་དུ་སྐོར་རོ་རོ་འཁོར་བ་ལ་རིག་པ་གཏད། སེམས་བདེ་བའི་ངོ་བོར་རྩེན་གྱིས་བཞག །དེ་ནི་བདེ་བའི་བོགས་འདོན་ཡིན་ནོ། ༈ །

[Full Size]

གཉིས་པ་བླ་མ་ལ་བརྟེན་ནས་བོགས་འདོན་པ་ནི། རང་ཡི་དམ་དུ་གསལ་བའི་སྙིང་ཁར་ཟླ་བའི་གདན་ལ་བླ་མ་བསྒོམ། བླ་མའི་ཐུགས་ཀར་ཧཱུྃ་དཀར་པོ་འོད་ཀྱི་རང་བཞིན་ཅན་གཅིག་བསྒོམ། ཧཱུྃ་དེ་ལས་འོད་ཟེར་འཕྲོས་བླ་མ་གསལ་བར་བྱས། བླ་མ་ལས་འོད་ཟེར་འཕྲོས་རང་ཉིད་གསལ་བ་བྱས། དེ་ཐམས་ཅད་འོད་དང་འོད་ཟེར་གྱི་རང་བཞིན། འཇའ་འོད་ལས་གྲུབ་པའི་གསལ་སྟོང་གི་ངོ་བོར་བཞག་པར་བྱའོ། ༈ །གསུམ་པ་ལྷ་སྐུ་ལ་བརྟེན་ནས་བོགས་འདོན་པ་ནི། རང་ཉིད་འཁོར་ལོ་བདེ་མཆོག་ཏུ་བསྒོམ། གསང་གནས་རྡོ་རྗེ་ནོར་བུའི་ནང་དུ་ཐིག་ལེ་སྔོན་པོ་འོད་ཟེར་འཕྲོ་བ་གཅིག་བསྒོམ། དེ་ལས་འོད་ཟེར་འཕྲོས་པས་ལུས་ཀྱི་ནང་ཐམས་ཅད་འོད་ཟེར་གྱིས་གང་བས། རང་ཉིད་བཅོམ་ལྡན་འདས་འཁོར་ལོ་སྡོམ་པ་འོད་དང་འོད་ཟེར་གྱི་རང་བཞིན་ཅན། འཇའ་འོད་ལས་གྲུབ་པ་ཆུ་ནང་གི་
ཟླ་བའམ། མེ་ལོང་ནང་གི་གཟུགས་བརྙན་ལྟ་བུ་སྣང་ལ་རང་བཞིན་མེད་པ། གསལ་སྟོང་གི་ངང་ལ་བཞག་པ་བྱའོ། །ཡང་རང་ཉིད་འཁོར་ལོ་བདེ་མཆོག་ཏུ་གསལ་བའི་གསང་གནས་རྡོ་རྗེ་ནོར་བུའི་བུ་གར་ཐིག་ལེ་ནག་པོ་གཅིག་བསྒོམས་ལ། ཐིག་ལེ་དེ་ལས་འོད་ཟེར་འཕྲོས་པས། རང་གི་ནད་གདོན་སྡིག་སྒྲིབ་ཐམས་ཅད་ཐིག་ལེ་ནག་པོ་དེ་ལ་འུབ་རིལ་གྱིས་འདུས་ནས་ཐིག་ལེ་དང་བཅས་པ་དབང་ཆེན་གསེར་གྱི་ས་གཞི་ལ་ལྷན་གྱིས་སོང་ནས། མཐར་མི་དམིགས་པའི་ངང་དུ་བཞག་པར་བྱའོ། །དེ་ནི་གེགས་སེལ་ཡིན་ནོ། །མངྒ་ལཾ།

གཏུམ་མོའི་ལྷན་ཐབས།

[Full Size]

གཏུམ་མོའི་ལྷན་ཐབས་བཞུགས་སོ། །ཐབས་ལམ་དངོས་གཞིའི་སྐབས་སུ། ཟས་སུ་ཟ་བ་དྲོད་ཀྱི་ཏིང་ངེ་འཛིན། སྐོམ་དུ་འཐུང་བ་བདེ་དྲོད་ཞལ་སྦྱོར་རོ། །དང་པོ་གཞུང་ལྟར་ཡིན་ལ། གཉིས་པ་ཡེ་ཤེས་ཀྱི་ཌཱ་ཀི། རང་ལུས་

[Full Size]

ཐབས་ལྡན་རྩ་གསུམ་འཁོར་ལོ་བཞི། ཨ་ཧཾ་འབར་འཛག་སྐད་ཅིག་དགའ་བཞིས་བརྒྱན་ཅེས་པས། ལུས་ཙོག་པུ་ལག་འཁྱུད་ལ། ཕྱི་ཡི་དམ་གྱི་ལྷ་ནང་རྩ་གསུམ་འཁོར་ལོ་བཞི་གསལ་བཏབ་པའི་དབུ་མ་ཕྱི་དཀར་ལ། ནང་དམར་བ། མདའ་སྙུག་ལྟ་བུའི་ཡར་རྩེ་ཚངས་བུག །མར་རྩེ་གསང་གནས། རོ་རྐྱང་གི་ཡར་རྩེ་སྣ་བུག་གཉིས། མར་རྩེ་གསང་གནས་སུ་དབུ་མ་ལ་ཡི་གེ་ཆའི་དབྱིབས་ཟུག་པའི་མདོར་ཨ་ཐུང་ཤད་ཀྱི་རྣམ་པ། འཁོར་ལོ་བཞིའི་དབུས་སུ། དབུ་མའི་ནང་དུ་ལྟེ་བར་ཨ་དམར་པོ། སྙིང་གར་ཧཱུྃ་སྔོན་པོ། མགྲིན་པར་ཨོཾ་སེར་པོ། སྤྱི་བོར་ཧཾ་དཀར་པོ། སྲོག་རྩོལ་གྱི་རོ་རྐྱང་གི་འབུད་པས། སུམ་མདོའི་ཨ་ལས་མེ་ཕྲ་མོ་སྦར་ཏེ། རིམ་པ་བཞིན་ཡི་གེ་རྣམས་བསྲེགས་པ་ལ་དམིགས་སྐོར་གཅིག་སྟེ། མཐར་ཧཾ་ལས་བདུད་རྩི་བབས་པས། རྩ་སུམ་ཅུ་རྩ་གཉིས་བསོས་པས་དགའ་བའི་

[Full Size]

ཡེ་ཤེས། མགྲིན་པར་ཨོཾ་བསོས། རྩ་འདབ་དྲུག་ཅུ་བསོས་པས་མཆོག་དགའི། སྙིང་གར་ཧཱུྃ་བསོས། རྩ་འདབ་བརྒྱད་གང་ལྷན་ཅིག་སྐྱེས། ལྟེ་བའི་ཨ་བསོས། རྩ་འདབ་དྲུག་ཅུ་རྩ་བཞི་བསོས། དགའ་བྲལ་གྱི་ཡེ་ཤེས་སྐྱེས་པར་བསམ་ཞིང་འབར་འཛག་རྩེ་སྤྲད་དེ། འཁོར་ལོ་རེ་ལ་དམིགས་ཐེབས་རེ། དྲོད་དང་བདེ་བའི་སྟོབས་ཀྱི་འབར་འཛག་གི་རིམ་པའང་ཤེས་པར་བྱའོ། །ཡང་རིམ་བཞིན་མཚན་ཉིད་ཐམས་ཅད་དང་བྲལ་བའི་སྐད་ཅིག་མར། སྐྱེས་བུ་བྱེད་པའི། རྣམ་པར་སྨིན་པའི། རྒྱུ་མཐུན་པའི་སྐད་ཅིག་མ་བཞི་དང་དགའ་བ་སྦྱོར། །ཙོག་པུ་ཡོན་ཏན་དགུ་དང་ལྡན་པ་ནི། ལུས་ལ་གསུམ། རྩ་རང་མལ་དུ་གནས་པས་ནང་གི་སྲིན་བུ་གནས་མི་འཁྱུག་སྟེ། འོག་སྒོ་མི་ཟ་རླུང་རང་གནས་སུ་ཟིན་པས་དྲོད་ཆེ་ཞིང་ཤ་ཁྲག་དྭངས་པས་གཞན་གྱིས་ཡིད་

[Full Size]

དུའང་། ཉལ་སྙེས་མ་བྱས་པས་འོག་སྒོ་མི་འཆོར་ཏེ། ལུས་ངག་ཡིད་ཀྱི་བརྟེན་དེ་ཉིད་གསུམ། གཅིག་ཐོག་ན་གཅིག་དྲང་པོར་གནས་པས་བསྲུང་བར་འགྲོ་ཞིང་ཡིད་ངག་མི་འཇུག་གོ ། ངག་གི་གསུམ་ནི། མི་འཛེར་བ་སྙན་པ་དང་། གཞན་ལ་སྒོ་བ་ཉན་པའོ། །ཡིད་ཀྱི་གསུམ་ནི། གཉིད་རྨུག་ཆུང་བས་ཤེས་པ་གསལ། ཁམས་དྭངས་མ་རང་གནས་སུ་དྭངས་པ་བདེ། རླུང་དབུ་མར་ཚུད་པ་མི་རྟོག་པའོ། །གཞན་ཡང་ཡོན་ཏན་དཔག་ཏུ་མེད་པར་གསུངས་སོ། །རྫོགས་སོ། ༈ །བླ་མ་གྲུབ་ཐོབ་རྣམས་ལ་ཕྱག་འཚལ་ལོ། །གཞིའི་གནས་ལུགས་ཟབ་མོ་ཇི་ལྟ་བ་བཞིན་རྟོགས་པའི་དོན་མངོན་སུམ་དུ་བྱེད་པ་ལ་སྔགས་མཚན་ཉིད་གཅིག་ཀྱང་། མངོན་དུ་བྱེད་པའི་ཐབས་ཟབ་མི་ཟབ་ཀྱིས་ལམ་མྱུར་བུལ་ཡོད་དེ། ལྟ་བའི་དོན་སྤྲོས་བྲལ་ལ་བློ་དོན་མཐུན་པར་འཇོག་པ་ཙམ་དུ་འདྲ་ཡང་། དེ་པ་དགེའོ། །

རྣམ་འཇོམས་གསང་སྒྲུབ།

[Full Size]

རྣམ་འཇོམས་གསང་སྒྲུབ་བཞུགས་སོ། །ན་མོ་གུ་རུ། རྗེའི་ཞལ་ནས། རྨི་ལམ་སྦྱོང་སྤེལ་འདི་གྲིབ་ལ་རྡར་བས། རྣམ་འཇོམས་ཀྱི་གསང་སྒྲུབ་བླ་མ་ཤངས་པའི་ལུགས་འདི་བྱ་དགོས་གསུང་། དེ་ལ་རང་གི་ལུས་འདི་ཡེ་ནས་བུམ་པ་རང་ཆས་ཡིན་ཏེ། སྐྲ་དང་རྣ་བ་བུམ་པའི་ཁ་རྒྱན། སྐེ་བུམ་པའི་མགྲིན་པ། གསུས་པ་བུམ་པའི་ལྟོ་བ། རྡོ་རྗེ་ནོར་བུ་བུམ་པའི་མཆུ། སྲིན་ཞལ་བུམ་པའི་ཞབས། རྐང་པ་བུམ་པའི་ཞབས་སྟེགས་ཡིན་པས་བུམ་པ་རང་ཆས་ཡིན་ནོ། །རང་གི་ལྟེ་བའི་སྟེང་དུ་ཧཱུྃ་ཅིག་བསམ། དེའི་མཐའ་ན་ཕར། ན་མོ་རཏྣ་ཏྲ་ཡ་ཡཱ་ལ་སོགས་པའི་གཟུངས་ཚར་གསུམ་གྱིས་ལན་གསུམ་བསྐོར་བར་བསམ། དེ་དང་། ཧཱུྃ་དང་གཟུངས་ལས་འོད་འཕྲོས་པས། སངས་རྒྱས་དང་བྱང་ཆུབ་སེམས་དཔའ་ཐམས་

[Full Size]

ཅད་ལ་མཆོད་པ་ཕུལ། ཚུར་འདུས་ཧཱུྃ་དང་གཟུངས་གཉིས་ལ་འོད་ཟེར་ཆར་བཞིན་བབ་པར་བསམ་ཞིང་། གཟུངས་ལན་གསུམ། ལྔ། བདུན་ལ་སོགས་པ་ཅི་རིགས་པ་བརྗོད་པས་སྔགས་འོད་དུ་ཞུ་བའི་ཁྲུས་ཆུ་དེ། གདོན་འདུལ་བར་འདོད་ན། ཁྲོ་ཆུང་དཔག་ཏུ་མེད་པར་མེ་དཔུང་དང་བཅས་པར་བསྒོམ། བར་ཆད་བསྲུང་བར་འདོད་ན་རྡོ་རྗེ་ཕྲ་མོར་ཁོལ་བར་བསམ་མོ། །ནང་པར་སྔ་བར་ལོངས་ཏེ། རང་གི་ཆུ་ཕུད་ཕར་བཏང་སྟེ། དེ་ནས་ཆུ་ཁྱོར་བ་གསུམ་བཏུང་། ཁྲུས་བྱ། སྡིག་སྒྲིབ་ནད་དང་མི་གཙང་པ་ལ་སོགས་པ་སངས་ཀྱིས་དག་པར་བསམ། །དེ་ལྟར་བྱས་པས་ནད་རིམས་དང་། གདོན་སྒྲིབ་ཐམས་ཅད་ཐུབ་བོ། །ཁྲུས་ཆུའི་གདམས་པ་ཤིན་ཏུ་ཟབ་པ་ཡིན། ཨིྀྠཿ ༈ གུ་རུ་དེ་བ་ཌཱ་ཀི་ནི་མ་ཧཱ་ཀཱ་ལ་ན་མོ། ཡེ་ཤེས་ཀྱི་ཌཱ་ཀི་མ་ནི་གུ་མའི་ཁྱད་འཕགས་ཀྱི་གདམས་པ། རྡོ་རྗེ་རྣམ་པར་འཇོམས་པའི་

[Full Size]

ཐོས་བསམ་གྱི་ཡུལ་དུ་བྱས་པས་སྤྱད་པའི་ཉམས་མྱོང་ཉིད་དམ། དེ་ལ་ངེས་ཤེས་དྲངས་ནས་འཇོག་པའི་རྟོག་སྒོམ་ཡིན་པས་དོན་ཐོག་དུ་མི་ཕེབས། ལུས་ལ་གནད་དུ་བསྣུན་པའི་རྟེན་འབྲེལ་བསྒྲིགས་པས། སེམས་ཉིད་ཀྱི་དོན་རྟོགས་པའི་ཡེ་ཤེས་ཆེར་འབར་བ་གསང་སྔགས་ཀྱི་ཁྱད་ཆོས་ཡིན། །དེ་ཡང་ཐུན་མོང་གི་དྲོད་རྟགས་ཙམ་མུ་སྟེགས་བྱེད་པ་ལ་ཡང་ཡོད་ཀྱང་ལམ་དུ་མི་འགྲོ། རླུང་སེམས་བདག་བྱིན་གྱིས་རླབས་པས་མཆོག་གི་གནས་སུ་ཞུགས་ནས། ཡེ་ཤེས་སྐྱེ་བ་གཅིག་དགོས། དེའི་མན་ངག་གཏུམ་མོ་ཙཎྜ་ལི་སྒྲུབ་པས་སྲོག་སྩོལ་འགོག་པ་ཡིན་ཏེ། དྲི་མེད་འོད་ལས། ཇི་ལྟར་མེ་ནི་ཤིང་ལ་རྟག་གནས་ཀྱང་། །བཅད་དང་དབྱེ་བའི་ཐབས་ཀྱི་མི་མཐོང་སྟེ། །རྩུབ་ཤིང་རྩུབ་སྟན་ལག་པས་བསྒྲུབ་པ་ལ། །དེ་ལ་གནས་པ་དག་ཀྱང་མཐོང་བར་འགྱུར། །དེ་བཞིན་སེམས་ཀྱི་འོད་

[Full Size]

གསལ་རྟོགས་པ་ཡི། །སྒོམ་པའི་ཐབས་གཞན་དག་གིས་མི་མཐོང་སྟེ། །དེ་ཉིད་དུས་འདིར་རྐྱང་མ་དག་དང་ནི། །རོ་མ་གཅིག་ཏུ་སྦྱོར་བས་མཐོང་བར་འགྱུར། །ཞེས་པས་ཆོས་ཐམས་ཅད་རང་བཞིན་གྱི་མ་སྐྱེས་པའི་སྒོ་གཏུམ་མོ་ཨ་ཐུང་། མ་རིག་སྒོ་ལྔའི་སྦུབས་འབྱེད་པའི་གསང་བ་ཡེ་ཤེས་ཀྱི་མེ་རྣོན་པོ། ཟག་མེད་ལྷན་སྐྱེས་ཀྱི་དགའ་བ་སྟེར་བ། ནང་གི་ཟ་མ་ཏོག་གི་རིམ་པ། བདག་མེད་མའི་རྣལ་འབྱོར་རིགས་ལྡན་མ། ཨ་ཝ་དྷཱུ་ཏིའི་ཞབས་བརྟེན་པའི་རྣམ་དག་འདི་ཡིན་ཏེ། བྱེད་ལས་ནི། ལས་རླུང་དང་རྣམ་རྟོག་སོད་པར་བྱེད་པས་གཏུམ་མོ། དེ་ཉིད་ཀྱང་ཐབས་ཀྱིས་གནད་བཅུན་པས་བཙན་ཐབས་སུ་འབར་བར་བྱེད་པས་ན། མེ་རྒོད་གཏུམ་མོའི་མན་ངག་ཅེས་གསུངས་ཏེ། རྩ་ལ་མེ་འདོན་པའི་དཔེ་དང་མཐུན་པར་བྱེད་པའོ། །རྫོགས་སོ། །གཏུམ་མོའི་ལྷན་ཐབས་ཀྱི་གདམས་

[Full Size]

གསང་སྒྲུབ་ཉམས་སུ་ལེན་པར་འདོད་པས། ཐོ་རངས་སྔ་བར་ལངས་ཏེ། སྐྱབས་སུ་འགྲོ་བ་དང་སེམས་བསྐྱེད་པར་བྱས་ནས། རྐང་པ་གཉིས་བསྣོལ་ཏེ་ཙོག་པུ་བྱ། ལག་པ་གཉིས་བསྣོལ་ཏེ་སྦོ་ཤ་ཉ་ལ་འཇུ། གྲུ་མོ་གཉིས་པུས་མོ་ལ་བཀབ། དེ་ནས་རྡོ་རྗེའི་ཏིང་ངེ་འཛིན་ལ་བཞུགས་སོ། །ཞེས་གསུངས་པའི་དོན་ལ་རྣམ་པར་མི་རྟོག་པའི་ཏིང་ངེ་འཛིན་ལ་མཉམ་པར་བཞག་གོ ། དེས་ནི་བར་ཆད་མི་འབྱུང་ཞིང་། བྱིན་རླབས་ཆེ་བའི་དགོས་པ་ཡོད་དོ། །དེ་ནས་དབྱིབས་བུམ་པའི་ལུས་ཀྱི་འཁྲུལ་འཁོར་ལྔ་བྱའོ། །སྣང་བ་བུམ་པ་ནི་རང་གི་ལུས་བུམ་པ་དངོས་སོ། །རྐང་པ་ཞབས། སྐེ་མན་ཆད་ཁ་རྡོ་རྗེ་ནོར་བུ་མཆུར་བསམ། ལར་གཟུགས་སུ་སྣང་བ་ཐམས་ཅད་བུམ་པར་བསྒོམས་པས་ཆོག་པ་ཡིན་གསུང་། དམིགས་རྟེན་བུམ་པ་ནི། རང་ལུས་བུམ་པར་བསྒོམ་པའམ། ཐམས་ཅད་གཟུངས་

[Full Size]

ཀྱི་ཁང་པར་བསམ་པའི་སྟེང་དུ། དཔལ་རྡོ་རྗེ་རྣམ་པར་འཇོམས་པ་སྐུ་མདོག་མཐིང་ནག །ཞབས་བརྐྱང་བསྐུམ། གཡས་རྡོ་རྗེ། གཡོན་སྡིགས་འཛུབ་དྲིལ་བུ། སྤྱན་གསུམ་པ། མཆེ་བ་གཙིགས་པ། ཁྲོ་བོའི་རྒྱན་སྣ་ཚོགས་ཀྱིས་བརྒྱན་ཅིང་། མེ་དཔུང་གི་ཀློང་ན་བཞུགས་པར་བསྐྱེད་དོ། །དེ་ནས་གཟུངས་བཟླས་པ་དང་། རང་གི་སྟེང་གི་ལྷ། ནང་གི་གཟུངས་ཐམས་ཅད་སྔགས་ཀྱི་རང་སྒྲ་དང་། ཡེ་ཤེས་ཀྱི་བདུད་རྩིའི་རྒྱུན་དང་བཅས་པ་བབ་པར་བསམ་ལ་གཟུངས་བདུན་ནམ། ཉི་ཤུ་རྩ་གཅིག་གམ། བརྒྱ་རྩ་བརྒྱད་བཟླས། འཇོག་རྩ་ན་སྟེང་གི་ལྷ་བདུད་རྩིར་ཞུ་ནས་རང་གི་གཟུངས་ལ་ཐིམ། གཟུངས་བདུད་རྩིར་ཞུ་བར་བསམ་ལ། རང་གི་ཁྲུས་བྱ་བའམ། གཞན་ལ་ཡང་བྱིན། གཞན་གྱི་གཟུངས་ཆོག་དུ་བྱེད་ནའང་། མཎྜལ་བུམ་པ་བཅས་ལ། བུམ་པ་ལ་བདག་བསྐྱེད་བཞིན་
བཟླས་སོ། །འཇོག་རྩ་ན་རང་དང་བུམ་པའི་ཆུ་གཉིས་བསྲེས་ལ་འཐུང་པ་དང་། ཁྲུས་བྱེད་དུ་གཞུག་གསུང་ངོ། །ཉམས་གྲིབ་ཆེན་པོ་འཕོག་པ་ལ། འདི་མིན་པ་གཞན་གང་གིས་ཀྱང་མི་སེལ་བར་གསུངས་སོ། །ཡེ་ཤེས་ཀྱི་ཌཱ་ཀི་མ་ནི་གུ་མའི་ཁྱད་འཕགས་ཀྱི་གདམས་པ་རྡོ་རྗེ་རྣམ་པར་འཇོམས་པའི་གསང་སྒྲུབ། ཆོས་རྗེ་སངས་རྒྱས་སྟོན་པའི་གསུང་བཞིན་བྲིས་པའོ། མངྒ་ལཾ། །

བླ་མ་ཤངས་པའི་ཕྱག་རྡོར་གསང་སྒྲུབ།

[Full Size]

བླ་མ་ཤངས་པའི་ཕྱག་རྡོར་གསང་སྒྲུབ་བཞུགས་སོ། །ན་མོ་གུ་རུ་མ་ཧཱ་བཛྲ་པཱ་་ཡ། །དཔལ་ཕྱག་ན་རྡོ་རྗེ་བསྒོམ་པར་འདོད་པས། དཀོན་མཆོག་གསུམ་ལ་སྐྱབས་འགྲོ། བྱང་ཆུབ་ཏུ་སེམས་བསྐྱེད། བདག་གིས་ཡི་དམ་བསྒོམ་པར་བགྱིའོ། །སྙམ་དུ་བསམ་ལ་ཕྱག་རྒྱ་ཆེན་པོ་ལ་བློ་བཞག་གོ ། དེ་ནས་སྐད་ཅིག་ཙམ་གྱིས་པདྨ་དང་ཟླ་བ། བགེགས་ཀྱི་རྒྱལ་པོ་གཞན་གྱིས་མི་ཐུབ་པ་

[Full Size]

དྲེགས་པས་འགྱེལ་བའི་གདན་གྱི་སྟེང་དུ་རང་ཕྱག་ན་རྡོ་རྗེ་སྐུ་མདོག་སྔོན་པོ་ཞལ་གཅིག་པ་མཆེ་བ་བཞི་རབ་ཏུ་གཙིགས་ཤིང་ཁྲོས་པ། ངག་ཏུ་ཧཱུྃ་ཧཱུྃ་ཞེས་སྒྲོགས་པ། ཕྱག་བཞིའི་དང་པོ་གཉིས་ཀྱིས་རྡོ་རྗེ་རྩེ་ལྔ་པ་འཕྱར་ཞིང་། སྡིགས་མཛུབ་བསྒྲེང་བ། འོག་མ་གཉིས་ཀྱིས་འབར་བའི་ཕྱག་རྒྱ་མཛད་པ། ཡེ་ཤེས་ཀྱི་མེ་རབ་ཏུ་འབར་བའི་དབུས་ན་ཞབས་བརྐྱང་བསྐུམ་གྱིས་འགྱིང་བ། ཁྲོ་བོའི་རྒྱན་ཐམས་ཅད་ཀྱིས་བརྒྱན་པར་བསམ་ལ་སེམས་ཡུན་རིང་དུ་བཟུང་ངོ་། །དེས་སྐྱོ་ན་གནས་གསུམ་དུ་ཨོཾ་དཀར་པོ། ཨཱཿདམར་པོ། ཧཱུྃ་སྔོན་པོ་བཀོད། ཡེ་ཤེས་པ་སྤྱན་དྲངས་ཤིང་བསྟིམ་ལ་སེམས་བཟུང་ངོ་། །དེས་སྐྱོ་ན་སྐུ་ལས་སྐྱེས་པའི་འོད་ཟེར་གྱིས་སངས་རྒྱས་བྱང་སེམས་ཡི་དམ་གྱི་ཚོགས་མཆོད་ཅིང་བྱིན་རླབས་བསྡུས། ཡང་གདུག་པ་ཅན་སྤ་བཀོད་བར་བསམ་ལ་སེམས་བཟུང་ངོ་། །དེས་སྐྱོན་

[Full Size]

བཟླས་པ་བྱ་བ་ནི། སྙིང་གར་ཟླ་བ་ཧཱུྃ། དེའི་མཐར། ཨོཾ་བཛྲ་ཧ་ལི་ཛ་ལི་ཧ་ན་ཧ་ན་སརྦ་དུཥྚཱན་ཧཱུྃ་ཕཊ། །ཅེས་པ་བསྐོར་བ་ལས་འོད་ཟེར་སྤྲོ་བ་དང་བསྡུ་བར་དམིགས་ཏེ་བཟླས་སོ། །དེ་དག་ནི་ལྷ་བསྒོམ་པ་དང་། སྔགས་བཟླས་པས་སྒྲུབ་པའོ། །ཏིང་ངེ་འཛིན་གྱིས་སྒྲུབ་པ་ནི། སྤྱི་བོར་རྡོ་རྗེ་དཀར་པོ་རྩེ་ལྔ་པའི་ལྟེ་བར་ཧཱུྃ་བསམ། དེ་ལ་སངས་རྒྱས་བྱང་སེམས་ཡི་དམ་ཚོགས་ཀྱི་བྱིན་རླབས་བསྡུས་ཏེ་ཐིམ། བདུད་རྩིའི་རྒྱུན་དཀར་པོའི་ལུས་ཁྱབ་པར་བསམ། འདིས་ནུས་མཐུ་དང་གཟི་བརྗིད་ཕུན་སུམ་ཚོགས་པར་འགྱུར་རོ། །ཡང་ལྕེ་རྡོ་རྗེ་དམར་པོ་རྩེ་ལྔ་པར་གྱུར་པའི་ལྟེ་བར་སྔགས་ཕྲེང་བཀོད་ལ་བཟླས་པས་བདུད་རྩི་དམར་པོ་བྱུང་། རྩ་དང་ཁམས་ཐམས་ཅད་ཁྱབ་པར་བསམ་ལ་བཟླས་པ་བྱ། འདིས་ངག་གི་ནུས་པ་བསྐྱེད་ཅིང་། ངག་མནན་པ་སོགས་ཞི་བར་འགྱུར་རོ། །

[Full Size]

ཡང་སྙིང་གར་རྡོ་རྗེ་དྲག་པོའི་ལྟེ་བར་ཐིག་ལེ་སྔོན་པོ་ཡུངས་དཀར་ཙམ་པ་ལ་ཧཱུྃ་སྔོན་པོས་མཚན་པར་བསམ། དེ་ལ་ཡིད་གཏད་ནས་རླུང་འཆིང་ལ་སྔགས་ཡིད་ཀྱིས་བཟླས་པས་ཏིང་ངེ་འཛིན་གྱི་སྒོ་བྱེ་བར་འགྱུར་རོ། །ལས་སྦྱོར་གྱི་སྒྲུབ་པ་ནི། ལྷ་ལས་དངོས་གྲུབ་བླང་བར་འདོད་ན། རང་གི་མདུན་དུ་ལྷ་ཆེན་ཚོགས་ཀྱི་བདག་པོ་གུས་པས་བཀའ་ནོད་པར་བསམ། ཨོཾ་བྷྲཱུྃ་ག་་པ་ཏི་སྭཱ་ཧཱ། །ཞེས་པས་གནད་ནས་བསྐུལ། ལ་ཕུག་དང་བཅས་པའི་གཏོར་མ་དུས་གསུམ་དུ་བྱིན་ན་ལྷའི་དངོས་གྲུབ་ཀྱི་མཚོ་བརྡོལ་བར་འགྱུར་རོ། །ཀླུ་ལས་དངོས་གྲུབ་བླང་བར་འདོད་ན། རང་གི་མདུན་རྒྱ་མཚོ་ཆེན་པོ་གཏིང་ཟབ་པ་ཞིག་གི་ནང་དུ་མཆོད་རྟེན་དཀར་པོ་ཆེན་པོ་གཅིག་བསམ། དེའི་རྩ་བར་ཀླུའི་རྒྱལ་པོ་མཆོག་སྦྱིན་པ་རོ་སྟོད་མི་ལ་སྨད་སྦྲུལ་དུ་འཁྱིལ་བས་མཆོད་རྟེན་ལ་འཁྲིལ་བ། ཕྱག་གཡོན་གཏེར་གྱི་བུམ་བཟང་བསྣམས་ནས་

[Full Size]

མཆོད་རྟེན་ལ་འཁྱུད་པ། གཡས་མཆོག་སྦྱིན་གྱི་ཕྱག་མཐིལ་དུ་ཨ་ལས་ཟླ་བ། དེའི་སྟེང་དུ་པྃ་ལས་རིན་པོ་ཆེའི་པད་སྣོད་ཡངས་ཤིང་རྒྱ་ཆེ་བར་བསམ་ལ་ནམ་མཁའ་མཛོད་ཀྱི་སྔགས་བརྗོད་པས་སྣོད་དེ་ལྷ་མིའི་བཅུད་ཕུན་སུམ་ཚོགས་པས་གང་བའི་ཕུད་ཀྱིས་བླ་མ་དང་དཀོན་མཆོག་མཆོད་བར་དུ་ཀླུ་ཉིད་ཀྱིས་གསོལ། ཐ་མ་བདག་ལ་བྱིན་པས་བར་ཆད་ཐམས་ཅད་ཞི། ཚེ་དང་། སྟོབས་དང་། བསོད་ནམས་ཕུན་སུམ་ཚོགས་པ་བསྐྱེད། བཀྲ་ཤིས་དང་བདེ་ལེགས་སུ་གྱུར་པར་བསམ་མོ། །ཡང་ན་ལས་གང་སྒྲུབ་པའི་ཁ་དོག་དང་མཐུན་པའམ། ལས་ཐམས་ཅད་ལ་སྐུ་མདོག་ལྗང་གུར་བསྒོམ་ཡང་བཏུབ་བོ། །འདིས་ལས་ཀྱི་དངོས་གྲུབ་ཐམས་ཅད་འབྱུང་ངོ་། །གནོད་སྦྱིན་ལས་དངོས་གྲུབ་བླང་བར་འདོད་ན། རང་གི་མདུན་དུ་རྣམ་ཐོས་སྲས་ལྗང་སེར་བེ་ཅོན་དང་ནེའུ་ལེ་འཛིན་པ་ལ་

[Full Size]

འཁོར་གནོད་སྦྱིན་བརྒྱད་ཀྱིས་བསྐོར་བར་དམིགས་ལ་གནས་གསུམ་དུ་ཨོཾ་ཨཱཿཧཱུྃ་བཀོད། རང་འདྲ་བཀུག་སྟེ་བསྟིམ། དབང་བསྐུར་བས་ཕྱག་རྡོར་གྱིས་ཅོད་པན་དུ་བསམ། ཨོཾ་བཻ་ཤྲ་མ་་ཡ་བྷྲཱུྃ་སརྦ་སིདྡྷི་ཕ་ལ་པུཎྱ་དྷ་ར་པུཥྚིཾ་ཀུ་རུ་སྭཱ་ཧཱ། །ཐུན་མཚམས་སུ་ཁ་ཟས་བཟང་དགུའི་གཏོར་མ་སྦྱིན། ཡེ་ཤེས་པ་རྟེན་ལ་བཅིང་བའམ། གཤེགས་སུ་གསོལ། དེ་ལྟར་བྱས་པས་ལོངས་སྤྱོད་བསམ་གྱིས་མི་ཁྱབ་པ་ཚེ་རབས་ཐམས་ཅད་དུ་འབྱུང་ངོ་། །མདོར་ན་དཔལ་གསང་བའི་བདག་པོ་བསྒོམ་པས་ལས་ཐམས་ཅད་བྱེད་དོ། །ས་གསུམ་གྱི་འབྱུང་པོ་ཐམས་ཅད་དབང་དུ་འགྱུར་རོ། །གནོད་སྦྱིན་གྱི་སྡེ་དཔོན་ཆེན་པོ་རྣམས་བྲན་བཞིན་དུ་མངགས་བཞུགས་བྱེད་དོ། །ཏིང་ངེ་འཛིན་དང་ཡེ་ཤེས་བསམ་གྱིས་མི་ཁྱབ་པ་སྐྱེ་བར་འགྱུར་རོ། །དཔལ་ཕྱག་ན་རྡོ་རྗེའི་གསང་སྒྲུབ་མན་ངག་དང་བཅས་པ་བླ་མ་ཤངས་པའི་ཐུགས་དམ་མོ།། །།ཤིན་ཏུ་ཟབ་ཨིྀྠཿ

ཤངས་ཆོས་དཀར་ཆག་ཟབ་རྒྱས་ཆོས་ཀྱི་སྒོ་འབྱེད་ལྡེ་མིག

[Full Size]

ཤངས་ཆོས་དཀར་ཆག་ཟབ་རྒྱས་ཆོས་ཀྱི་སྒོ་འབྱེད་ལྡེ་མིག་བཞུགས་སོ།། །།

[Full Size]

བླ་མ་དང་ལྷག་པའི་ལྷ་གཉིས་སུ་མ་མཆིས་པའི་ཞབས་ལ་ཕྱག་འཚལ་ལོ། །དེ་ལ་འདིར་གྲུབ་ཆེན་ཁྱུང་པོ་རྣལ་འབྱོར་པའི་བླ་མ་ཤངས་པ་ཆེན་པོར་མཚན་གསོལ་བ་དེ་ཉིད་ཀྱིས། རྒྱ་བོད་མཁས་གྲུབ་ཀྱི་བླ་མ་དཔག་མེད་བསྟེན། ཁྱད་པར་རྒྱ་གར་ཤར་ནུབ་སོགས་མཁས་གྲུབ་ཀྱི་བླ་མ་བརྒྱ་དང་ལྔ་བཅུ་ལ་གདམས་པ་དཔག་མེད་གསན། ཁྱད་འཕགས་ཀྱི་བླ་མ་བཅུ་གསུམ། རྩ་བའི་བླ་མ་བཞི། འགྲན་གྱི་དོ་མེད་ཀྱི་ཡེ་

[Full Size]

ཤེས་ཀྱི་མཁའ་འགྲོ་གཉིས་རྣམས་ལ་བཤད་པ་དང་ཉམས་ལེན་གྱི་ཆོས་དཔག་མེད་པས་ན། གཡས་རུ་ཤངས་ཀྱི་ཞོང་ཞོང་དུ་གདན་ཕབ། བླ་མ་ཤངས་པ་ཆེན་པོ་ཞེས་མཚན་དུ་གྲགས་ཤིང་། དེ་ཉིད་ཀྱིས་བསྟན་པའི་ཆོས་སྐོར་རྣམས་ལ་ཤངས་ཆོས་སུ་མཚན་ཐོགས་ཤིང་། དེའི་བརྒྱུད་པ་འཛིན་པ་རྣམས་ལའང་དཔལ་ལྡན་ཤངས་པ་བཀའ་བརྒྱུད་ཞེས་ཡོངས་སུ་གྲགས་སོ། །དེ་ལ་གྲུབ་ཆེན་ཁྱུང་པོ་རྣལ་

[Full Size]

འབྱོར་པས་རྒྱ་བོད་དུ་སྔ་ཕྱིར་གསན་ཅིང་གདུལ་བྱ་ལ་བསྟན་པའི་ཆོས་རྣམ་གྲངས་མཐའ་དག་ནི་དེང་སང་མཚན་ཙམ་ཡང་བརྗོད་པར་མི་ནུས་ཏེ། བླ་མ་ཉིད་ཀྱི་སྲས་ཀྱི་མཐུ་བོ་རྣམ་པ་དྲུག་དང་། བཤེས་གཉེན་ཁྲི་ཕྲག་བརྒྱད་ལ་སོགས་པས་བཤད་སྒྲུབ་ཀྱིས་གཏན་ལ་ཕབ་ཅིང་ཆོས་དར་བར་མཛད་མོད་ཀྱང་། དེ་ནི་ཉམས་ལེན་མན་ངག་གི་གནད་ཁྱད་པར་ཅན་འགའ་ཞིག་མ་གཏོགས་བརྒྱུད་པའི་སྲོལ་བཀའ་མ་དམིགས་ལ། རགས་པ་ཙམ་ནི་གྲུབ་ཆེན་ཁྱུང་པོ་ཉིད་ཀྱི་རྣམ་ཐར་དུ་གསལ་བ་ལྟར་ཡིན་ནོ། །དེ་དག་གི་འགག་ཀྱང་བསྡུ་ན། མདོ་དང་དེའི་བསྟན་བཅོས་ཀྱི་རྒྱུད་རྒྱུད་འགྲེལ་དང་བཅས་པ། མཚན་ཉིད་ཐེག་པ་ལ་གྲུབ་མཐའ་ཆེན་པོ་བཞི། རྡོ་རྗེ་ཐེག་པ་ལ་རྒྱུད་སྡེ་ཆེན་པོ་བཞི་ཚུལ་བཞིན་དུ་བཤད་པ་སྟེ། འདི་དག་ལ་བཤད་པའི་ལམ་རིམ་དང་། ཚད་མ་སྔ་རབ་པ་ལ་གྲགས་པ་ལྟར་གཏན་ཚིག་ཆེན་པོ་བཞིས་

[Full Size]

མཚན་གསུམ་གཏན་ལ་འབེབ་ཅིང་། ཚད་མ་ཡང་མངོན་སུམ་རྗེས་དཔག་ཡིད་ཆེས་ཚད་མ་དང་གསུམ་དུ་ཕྱེ་ནས། བརྒལ་ལན་རྣམ་པར་ངེས་པར་བྱེད་པ་སྟེ། རྩོད་པའི་ལམ་རིམ་དང་། རྒྱུ་ཕར་ཕྱིན་ཐེག་པ་དང་། འབྲས་བུ་རྡོ་རྗེ་ཐེག་པ་གཉིས་ཀྱི་ཉམས་ལེན་མཐའ་དག །བྱང་ཕྱོགས་སོ་བདུན་ཐུན་མོང་དང་ཁྱད་པར་གྱི་ལམ་གྱི་གནད་ཀྱི་ཉམས་ལེན་ཚུལ་མན་ངག་ཏུ་བྱིན་ནས་སྟོན་པ། སྒྲུབ་པའི་ལམ་རིམ་གསུམ་དུ་བསྡུས་ནས་སྟོན་པ་ཡིན་གསུང་ཞིང་། བརྩོད་པའི་ལམ་རིམ་ལ་ཁྱུང་པོའི་རྣམ་ཐར་དུ་ཚད་མ་གཉིས་དངོས་སུ་གསུངས་ཀྱང་། འོག་ཏུ་གཏན་ཚིགས་བཞི་སྨོས་པས་ཚད་མ་གསུམ་དུ་འདོད་པ་ཤུགས་ལ་གྲུབ་ཅིང་། འདི་རྟོག་གེ་པ་སྔ་རབ་དང་མཐུན་པར་བཞེད་ལ། ཚད་མ་ཕྱི་རབ་པའི་ལུགས་ཀྱང་མ་གསན་པ་ནི་མིན་ཏེ། རྗེ་བཙུན་ཤྲཱི་ཛྙ་ན་ལ་ཚད་མ་སྡེ་བདུན་གསན་པར་བཤད་པས་སོ། །ད་ལྟའི་

[Full Size]

གྲུབ་ཆེན་ཁྱུང་པོའི་རྣམ་ཐར་ན་བརྩོད་པའི་ལམ་རིམ་དང་། སྒྲུབ་པའི་ལམ་རིམ་གཉིས་ཚིག་ཟིན་ལ་བཤད་ཅིང་། བཤད་པའི་ལམ་རིམ་ཤུགས་ལ་སྔོན་དུ་སྟོན་གསུངས། དེ་བས་ན་དེང་སང་བཀའ་ལུང་མན་ངག་གི་རྒྱུན་བཞུགས་པའི་ཤངས་ཆོས་སུ་གྲགས་པ་སྔ་ཕྱི་བྱུང་བ་རྣམས། སྤྱིར་འཆད་ཚུལ་དང་ཉམས་ལེན་དུ་དྲིལ་ནས་སྟོན་ཚུལ་ནི། ཆོས་ཀྱི་སྒོ་མ་ཚང་བ་མེད་པའི་རྒྱས་པ། སྤྱི་ཉེ་བར་བསྡུས་པའི་འབྲིང་པོ། གནད་ཉེ་བར་དྲིལ་བའི་བསྡུས་པ། དོན་མཐིལ་དུ་བསྟན་པའི་ཤིན་ཏུ་བསྡུས་པ་སྟེ་བཞིར་ཕྱེ་ནས་སྟོན་ཞིང་། དང་པོ་ལ་དེང་སང་གི་ཤངས་ཆོས་ཡོད་དོ་འཚལ་དང་། གཉིས་པ་ལ་གཞུང་བཀའ་ཉེར་ལྔ། རྩ་བ་ཆོས་དྲུག །སྡོང་པོ་གའུ་མ། ཡལ་ག་ལམ་ཁྱེར། མེ་ཏོག་མཁའ་སྤྱོད་གཉིས། འབྲས་བུ་ལུས་སེམས་འཆི་མེད་གྱུར་པ་སྟེ། བཀའ་བརྒྱུད་ཤངས་པའི་ཉམས་ལེན་གཙོ་བོ་ཡིན། །ཞེས་པ་ལྟར། གསེར་ཆོས་བཞི། མཁའ་སྤྱོད་

[Full Size]

དཀར་དམར་དང་བཅས་པ་ཆ་ལག་ཚང་བར་སྟོན་པ་ཡིན་ཞིང་། གསུམ་པ་ལ་སྨིན་བྱེད་སྒྱུ་ལུས་དབང་མོ་ཆེ་དང་། སྒོས་བཀའ་དྲུག །ནི་གུའི་ཆོས་དྲུག་དམིགས་པ་མཐའ་དག་གི་བརྒྱན་པ། བཞི་པ་ནི། སྒྱུ་ལུས་དབང་མོ་ཆེ་གཅིག་ཉིད་ལ། སྤྱི་དང་བྱེ་བྲག་ཆོས་དྲུག་གི། བཀའ་དྲུག་ཀྱང་ཚང་བའི་ཡིད་ཆེས་བསྐྱེད་ནས། དམིགས་ཆེན་བྱང་ཆུབ་སྒྲུབ་ལམ་དང་། དམིགས་ཕྲན་ལམ་གྱི་ཉེར་མཁོ་སོ་སོར་ཕྱེ་ནས་དམིགས་ཆེན་གཟེར་འགོ་བཅུ་བདུན་དུ་སྡོམས། དེ་དག་ཀྱང་ཆོས་ཚན་ལྷག་མ་བཞིའི་ཉམས་ལེན་གྱི་གནད་དུ་དྲིལ་ནས་འདུས་ཚུལ་གྱི་སངས་རྒྱས་ལག་བཅད་དུ་སྤྲད་པར་བྱེད་པ་སྟེ། དེ་ལྟར་དུ་རྣམ་པར་ཕྱེ་ནས་འཆད་པར་མཛད་ལ། དེ་ལས་དང་པོ་རྟོགས་ན་ལྷག་མ་འབད་མེད་དུ་ཤེས་པར་ནུས་པ། དང་པོ་བརྗོད་ལ། དེ་ལ་ཡང་གྲུབ་ཆེན་ཁྱུང་པོ་རྣལ་འབྱོར་ཉིད་ནས་བརྒྱུད་པ་དང་དེ་ཕྱིན་འཕེལ་བའི་ཆོས་ཀྱི་རྣམ་གྲངས་སོ། །དང་པོ་ལ་ཡེ་ཤེས་

[Full Size]

ཀྱི་མཁའ་འགྲོ་གཉིས་བརྒྱུད་པ་དང་། གྲུབ་བརྙེས་གཞན་ནས་བརྒྱུད་པའོ། །དེ་ལ་ཡེ་ཤེས་ཀྱི་མཁའ་འགྲོ་ནི་གུའི་ཆོས་སྐོར་ལ་བླ་མ་བརྒྱུད་པའི་རྣམ་ཐར་དང་། གདམས་པ་དངོས་གཉིས་ལས། དང་པོ་ནི། རྡོ་རྗེ་འཆང་ནས་སངས་རྒྱས་སྟོན་པ་ཡན་གྱི་རིན་ཆེན་སྣ་བདུན་གྱི་རྣམ་ཐར་སོ་སོ། དེ་ཡང་རྡོ་རྗེ་འཆང་དང་ནི་གུའི་མའི་རྣམ་ཐར་ནི་གུ་མའི་བསྟོད་པ་བྱང་ཕྱོགས་སོ་བདུན་དང་སྦྱར་བ་གསུམ་ནི་རྨོག་ལྕོག་པ་ཕྱི་མ་ཀུན་དགའ་འོད་ཀྱི་མཛད་པ་ཡིན་ཅིང་། རྡོ་རྗེ་འཆང་དང་ནི་གུ་མའི་བསྟོད་པ་གཉིས་ལ་འཐད་མི་འཐད་ཅི་རིགས་སུ་ཡོད་པས་ཧ་ཅང་ཡི་གེ་ཡིད་ཆེས་སུ་མི་འཛིན་ཅིང་། ནི་གུ་མའི་རྣམ་ཐར་ལ་ནི་སྒྲོ་བཀུར་མེད་དོ། །འོན་ཀྱང་ལུང་རྒྱུན་ནི་འདི་མཛད་མོད། །རྨོག་ལྕོག་པ་རིན་ཆེན་བརྩོན་འགྲུས་དང་འཁྲུལ་བར་མི་བྱའོ། །སྨྱུག་ལ་པ་ཆེན་གྱིས་མཛད་པའི་ནི་གུ་མའི་རྣམ་ཐར་བསྟོད་པ་ཡང་ཡོད། དེ་ཕྱིན་གྱི་རྣམ་ཐར་ལྔ་ནི་བླ་མ་རང་རང་གིས་མཛད་ལ། མྱ་ངན་འདས་བྱུང་

[Full Size]

སློབ་མས་ལྷན་ཐབས་སྨོས་པ་ཡིན་ཅིང་། བརྒྱུད་པ་འདི་པའི་ལུགས་ལ། གང་ཟག་གཞན་གྱི་ཡོན་ཏན་བརྗོད་པས། རང་གི་ཡོན་ཏན་བརྗོད་པ་ཁྱད་པར་འཕགས། ཞེས་རང་ཉིད་ཀྱི་བརྗོད་པ་སྒྲོ་བཀུར་ལས་གྲོལ་བར་བཞེད་དོ། །གྲུབ་ཆེན་ཁྱུང་པོ་ལ་རྣམ་ཐར་ཤོག་རིལ་མར་གྲགས་པ་གཅིག་ཡང་ཡོད་གསུང་། རྨོག་ལྕོག་པའི་གུར་འབུམ། སྐྱེར་སྒང་པའི་གསང་བའི་རྣམ་ཐར་ལུགས་ཡོད་དང་། སངས་རྒྱས་སྟོན་པ་དང་ཆོས་རྗེས་སྟོན་པ་གཉིས་ལའང་གསང་བའི་རྣམ་ཐར་རེ་ཡང་སྣང་། དེ་ནས་ཤངས་སྟོན་དང་། ཁྱུང་པོ་ཚུལ་ཁྲིམས་མགོན་པོ། རི་ཁྲོད་རས་ཆེན་ཤངས་དཀར་བ། སངས་རྒྱས་དཔལ་བཟང་། གྲུབ་ཆེན་ནམ་རྒྱལ། རྒྱ་སྒོམ་རི་ཁྲོད་པ་ཆེན་པོ་སྟེ་ཕྱིས་འབྱུང་གི་རིན་ཆེན་སྣ་བདུན་དུ་མཚན་གསོལ་བའི་རྣམ་ཐར་སོ་སོ། སྤྱིར་ནི་གུའི་རིང་བརྒྱུད་བརྒྱུད་པ་ཉེར་བཞི། ཉེ་བརྒྱུད་ལྕགས་ཟམ་ལུགས་དང་ཉེར་ལྔ། བདག་ཅག་

[Full Size]

གི་འདྲེན་པ་ཉིད་ཀྱིས་གསན་པ་ལས་བརྒྱུད་ཚུལ་འདི་ལ། ཁྱུང་པོ་རྣལ་འབྱོར་པ་ལན་གསུམ་དང་། རྨོག་ལྕོག་པ་ལན་གཉིས་སུ་བཟླས་པ་བརྒྱུད་པ་འདི་ལ་ཚང་བ་ཡིན་གསུང་། འདི་ལ་ཐུགས་བརྩིས་སུ་མཛད་དོ། །གཞན་ཡང་མགོན་བཀའ་འགའ་ཞིག་ལ་དགོས་པ་ཤེས་སྒོམ་སངས་རྒྱས་དར་གྱི་རྣམ་ཐར་ཀྱང་གསུང་ངོ་། །འདི་ནི་འཇག་ལུགས་སློབ་བརྒྱུད་གཙོ་བོར་སྨོས་པ་ཡིན་ལ། གདན་བརྒྱུད་ཀྱང་འཇག་པ་རྒྱ་ཆེན་འབུམ། འཇག་ཆེན་བྱམས་པ་དཔལ། ཆོས་རྗེ་བློ་གྲོས་དཔལ་བཟང་རྣམས་གྲགས་ཆེ་ཞིང་རྣམ་ཐར་གྱི་ཡི་གེ་ཡང་ངོ་མཚར་བ་ཡོད། །རི་གོང་སྟོད་བརྒྱུད་ལ་མུས་ཆེན་རྒྱལ་མཚན་དཔལ་བཟང་། གཉན་ཁྲོད་པ་རྡོ་རྗེ་གཞོན་ནུ། མཚན་ལྡན་ནམ་མཁའི་རྣལ་འབྱོར་པ་རྣམས་ལ་རྣམ་ཐར་རེ་རེ་ཡོད། ཡང་སངས་རྒྱས་སྟོན་པ་ནས་བསམ་སྡིང་པ་ལ་བརྒྱུད་པ་ལ། མཁས་བཙུན་གཞོན་ནུ་གྲུབ་ཀྱི་རྣམ་ཐར། ཞང་སྟོན་བྱང་

[Full Size]

ཆུབ་ཤེས་རབ། བླ་ཆེན་ཆོས་དཔལ་བ། འཁྲུལ་ཞིག་ཚུལ་ཁྲིམས་རྒྱལ་མཚན། མཁྱེན་རབ་ཆོས་རྗེ་རྣམས་ཀྱི་རྣམ་ཐར་རེ། གནས་རྙིང་པ་ཨ་སེང་ནས་བརྒྱུད་པ་ལ་ནི། བརྒྱུད་པའི་ལོ་རྒྱུས་ལེགས་པོ་མི་སྣང་ངོ། །འཇག་བསམ་གཉིས་ཀྱི་ནང་ཚན་བརྒྱུད་པ་གཞན་དག་གི་ཡི་གེ་ནི་མང་བར་གྱུར་པས་མ་སྨོས་སོ། །བརྒྱུད་པ་དེ་རྣམས་ཀྱི་བཀའ་བབས་ཀྱི་ཆུ་བོ་གཅིག་ཏུ་འདུས་པའི་ཆོས་ཀྱི་རྒྱ་མཚོ་འཇམ་མགོན་བླ་མའི་སྔོན་དང་ད་ལྟར་གྱི་ཐུན་མོངས་དང་ཐུན་མོངས་མ་ཡིན་པའི་རྣམ་ཐར་སོ་སོ་རྣམས་ཡོད་དོ། །བརྒྱུད་པའི་གསོལ་འདེབས་ལ། ཨེ་ཡིག་མ། མཁའ་དབྱིངས་མ། གནས་སྦྱར་མ། གཞི་ལམ་འབྲས་གསུམ་མ་བཞི། གཙོ་ཆེ། གཉིས་པ་ལ་སྨིན་གྲོལ་གཉིས་ལས། དང་པོ་སྒྱུ་ལུས་དབང་མོ་ཆེའི་ལོ་རྒྱུས། སྔོན་འགྲོ་དབང་ཆོག །དབང་བཤད། ལྷན་ཐབས། དབང་གི་སྔོན་འགྲོ་སངས་རྒྱས་སྟོན་པས་

[Full Size]

མཛད་པ། འཇུག་སྒོ་ཡོན་ཏན་ཀུན་བྱུང་གངས་པས་མཛད་པ། ཆོས་དྲུག་གི་སྒོས་བཀའ་དྲུག །རྒྱུད་སྡེ་ལྔའི་བྱིན་རླབས། རྒྱུད་སྡེ་ལྔའི་དབང་གི་ཟིན་བྲིས། རྒྱུད་སྡེ་ལྔའི་སྒྲུབ་ཐབས་ཁྱུང་པོས་མཛད་པ། རྒྱ་གཞུང་རྡོ་རྗེ་གདན་པས་མཛད་པ་མཆན་འབྱར། རྒྱུད་སྡེ་ལྔའི་སྒྲུབ་ཐབས་རྡོ་རྗེ་དྲིལ་བུ་པས་མཛད་པ། སྔགས་འཕྲེང་རྡོ་རྗེ་གདན་པས་སྒྲིགས་པ་བསྟོད་པའི་རྒྱ་གཞུང་། རྒྱུད་སྡེ་ལྔའི་མངོན་དཀྱིལ་མཆོད་འཕྲེང་ལྐུགས་ལུང་པས་མཛད་པ། འོན་ཀྱང་ཆོ་ག་འདི་ལ་བརྩིས་ཆུང་། མཁྱེན་རབ་ཆོས་རྗེ་མཛད་པའི་མངོན་དཀྱིལ་མཆོད་འཕྲེང་། བྲག་ནག་པས་མཛད་པའི་མངོན་རྟོགས་བདེ་མཆོག་ལྷ་ལྔའི་རྒྱ་གཞུང་། བདེ་མཆོག་གི་དབང་བཞི་ལུས་སྒྲིགས། བདེ་མཆོག་ལྷ་ལྔའི་མངོན་རྟོགས་དཀྱིལ་ཆོག་མཆོད་འཕྲེང་ཚོགས་འཁོར་བདུན་ཚིགས་དབང་བཞི་ལུས་སྒྲིགས་སུ་སྒོམ་ཚུལ་རྣམས་རྒྱལ་མཚན་འབུམ་གྱི་མཛད་པ། ཁྱུང་པོས་མཛད་

[Full Size]

པའི་མངོན་རྟོགས་ཆེན་མོ། ལྷ་ལྔའི་ཏིང་ངེ་འཛིན་གྱི་དབང་ནི་གུ་མའི་མཛད་པ། བདེ་མཆོག་ལྷ་ལྔའི་ཆོག་སྒྲིགས་རྗེ་བཙུན་རིན་པོ་ཆེས་མཛད་པ་གའུ་མའི་དབང་དང་དབང་གི་ཟིན་བྲིས། ལམ་ཁྱེར་རྣམ་གསུམ་གྱི་དབང་ཆོག །འཆི་མེད་དབང་གི་རྒྱ་གཞུང་། དབང་བསྐུར་ཚུལ་གྱི་ཡི་གེ ། ཡང་འཆི་མེད་ཀྱི་དབང་ཆོག་དང་ཟིན་བྲིས། མཁའ་སྤྱོད་དཀར་དམར་གྱི་དབང་ཆོག་རྣམས་སོ། །འདི་དག་ཀྱང་ཆོས་ཚན་ལྔ་པོ་གཙོ་ཆེ་བའི་དབང་དུ་བྱས་ནས་སྨོས་ཀྱིས། གཞན་དབང་མང་དུ་ཡོད་པ་འོག་ཏུ་སྨིན་གྲོལ་ལྷན་ཅིག་ཏུ་སྨོས་པ་ལས་ཤེས་པར་བྱའོ། །དབང་ཆོག་ལོགས་སུ་མེད་པའི་གཞུང་གི་བཀའ་ཉེར་ལྔ་ཡང་། ཅི་རིགས་པ་འདི་དག་པ་འདུ་ཞིང་། ཟུར་དུ་ཡོད་པའི་མགོན་བཀའ་སོགས་ཐ་དད་ལས་ཤེས་པར་བྱ་དགོས་སོ། །གཉིས་པ་ལ་རྩ་བ་ཆོས་དྲུག་གི་སྐོར་ལ། རྡོ་རྗེའི་ཚིག་གསལ་ཐེམ་ཡིག་གཞི་ལམ་འབྲས་གསུམ། ལྟ་སྒོམ་སྤྱོད་གསུམ།

[Full Size]

གནད་དྲུག་བགེགས་དྲུག །ཁྲིད་ཡིག་རྒྱལ་མཚན་འབུམ་གྱིས་མཛད་པའི་འགྲེལ་པ་བདུད་རྩིའི་རྒྱ་མཚོ། དེའི་ལྷན་ཐབས་མུས་ཆེན་རྒྱལ་མཚན་དཔལ་བཟང་གིས་མཛད་པའི་ཐར་ལམ་གསལ་སྒྲོན། བསམ་ལྡིངས་པས་མཛད་པའི་ཁྲིད་ཡིག་དང་། ལྷན་ཐབས་ཞང་བྱང་ཤེས་མཛད་པ། བྲག་ཆེན་པ་རྡོ་རྗེ་དཔལ་གྱིས་མཛད་པའི་ཁྲིད་ཡིག །གནས་རྙིང་པ་ཨ་སེང་གིས་མཛད་པའི་རྡོ་རྗེའི་ཚིག་རྐང་གི་འབྲུ་འབྲེལ་ཆུང་ངུ། ཆོས་དྲུག་གི་ཁྲིད་ཡིག་སྔ་དུས་མཛད་པའི་གསལ་བའི་སྒྲོན་མེ་དང་། ཕྱིས་མཛད་པའི་བསྡུས་པ་དྲན་པའི་གསལ་འདེབས། རྒྱབ་ཆོས་ཀྱི་མགུར་ཁྲིད་ཚིགས་སུ་བཅད་པར་འགྲོ་བ་རྗེ་བཙུན་བླ་མས་མཛད་པ། ཆོས་དྲུག་གི་ཉེར་མཁོ་འཇག་པས་མཛད་པ། ཆོས་དྲུག་གི་ཞལ་བཞེས་གནད་ཀྱི་ལྡེ་མིག་རི་ཁྲོད་པས་མཛད་པ། སྒྱུ་ལུས་གདན་ཐོག་གཅིག་མ། ལུས་སེམས་སྦྱང་བ་རྣམ་གཉིས། སྒྱུ་མ་གསལ་བྱེད་རིན་པོ་ཆེའི་

[Full Size]

འོད་འཕྲེང་། ལམ་དྲི་མ་མེད་པའི་འོད་འཕྲེང་། ཉམས་མྱོང་ཡོན་ཏན་རྒྱ་མཚོ། ཉམས་མྱོང་མ་རིག་མུན་སེལ་ཉི་མའི་དཀྱིལ་འཁོར། ཞུས་ལན་ཟླ་བའི་དཀྱིལ་འཁོར་ཉོན་མོངས་གདུང་སེལ། ཞུས་ལན་རིན་ཆེན་སྒྲོན་མེ། གཏུམ་མོའི་སྐབས་སུ་བྱིན་རླབས་བླ་མའི་གཏུམ་མོ། །རི་བོང་དབབ་བཟུང་བཟློག་དགྲམ་གྱི་ཞལ་བཞེས་འཁྲུལ་འཁོར་བཅུ་གསུམ་རྡོ་རྗེ་གདམ་ཀྱོག་ཧའི་སྦྱོར་བའི་ཞལ་གདམས་ལྔ་པ། འཁོར་ལོ་བཞིའི་གཏུམ་མོ། །འཛག་བསྲུང་གི་ཡི་གེ་འདུག་མོད་གཞན་དང་འདྲེས་པར་སྣང་། སྒྱུ་ལུས་ཀྱི་ཞལ་གདམས་སྣང་བ་སེམས་ཀྱི་ཁྲིད། སྒྱུ་ལུས་འཛིན་པ་རང་གྲོལ་དབང་པོ་རབ་ཀྱི་ལུང་འདྲེན། དབང་པོ་འབྲིང་གི་གཏམ་རྒྱུད། རྨི་ལམ་ལ་དམིགས་པ་གསུམ་སྐོར་དང་། ལྔ་སྐོར་འབྱམས་སྤྱོད་ཆེ་ཆུང་གཉིས། འོད་གསལ་འཆར་སྒོ་ངོས་འཛིན་ཆེ་ཆུང་གཉིས། འཕོ་

[Full Size]

བ་ཡེ་ཤེས་སྐར་ཁུང་མ་ཆེ་ཆུང་གཉིས། འདི་ར་ཧུ་ལ་ནས་བརྒྱུད་པ་ཡིན་ཀྱང་བླ་མ་གོང་མས་ཆོས་དྲུག་གི་ཆ་ལག་ཏུ་སྦྱར་བས་འདིར་སྨོས་པ་ཡིན། འཆུགས་མེད་བར་དོ་གསུམ་གྱི་གདམས་པ། ཁྱད་འཕགས་ཀྱི་གདམས་པ་བཅོ་ལྔ། སྒྱུ་ལུས་དྲུག་ལྡན་དུ་ལུས་གསུམ་གདམས་པ་རྣམས་ལ་རྒྱས་བསྡུས་གསུམ་པའི་མིང་བཏགས་དང་། རྒྱུན་གྱི་ཉམས་ལེན་དྲུག་པ། དུག་གསུམ་དག་བྱེད་ཞལ་གྱི་བདུད་རྩི། དེ་དག་གི་རྒྱབ་ཆོས་མདོ་རྒྱུད་བསྟན་བཅོས་དང་མི་འགལ་བར་སྟོན་པ། སྒྱུ་མ་ལམ་རིམ་རྩ་འགྲེལ་གཉིས་ཁྱུང་པོས་བསྡུས་དོན་མཛད་པ། གའུ་མའི་རྩ་བ་རྡོ་རྗེའི་ཚིག་རྐང་། ཚིག་རྐང་གསལ་བྱེད། རང་གྲོལ་ཕྱག་རྒྱ་ཆེན་པོ་ནི་གུ་མས་མཛད་པ། ཕྱག་རྒྱ་ཆེན་པོའི་ཁྲིད་ཡིག་འཇག་བསམ་གཉིས་ཀྱི་མཛད་པའམ། འབྲི་གུང་པ་འོད་ཟེར་སེང་གེས་མཛད། ཕྱག་ལོའི་གསུང་ལ་ཟིན་བྲིས་བྱས་པ། རྨོག་ལྕོག་པས་

[Full Size]

མཛད་པའི་དྭགས་ཤངས་ཀྱི་ཕྱག་རྒྱ་ཆེན་པོའི་ཁྱད་པར་ཕྱག་རྒྱ་ཆེན་པོའི་སྐབས་སུ་མཁོ་བའི་གསུང་སྒྲོས་མཁས་གྲུབ་པའི་གསུང་ལ་བཀའ་བཞི་པས་ཟིན་བྲིས་བྱས་པ། སེམས་འཚོལ་ཡིག་ཆུང་ལོ་རྒྱུས་མང་། ངོ་སྤྲོད་ལྷན་ཐབས་ཀྱི་ཡིག་རྙིང་། ལམ་ཁྱེར་ལ་རྡོ་རྗེའི་ཚིག་རྐང་། ཁྱད་འཕགས་ཀྱི་ལམ་ཁྱེར་རྣམ་གསུམ། ལམ་ཁྱེར་གསུམ་གྱི་གནད་དྲིལ་བ། ཁྲིད་ཡིག་རྒྱལ་མཚན་འབུམ་གྱི་མཛད་པ། འཆི་མེད་རྡོ་རྗེའི་ཚིག་རྐང་། ཁྱུང་པོ། རྨོག་ལྕོག་པ། སྐྱེར་སྒང་པ། སངས་རྒྱས་སྟོན་པ། ཆོས་རྗེ་སྟོན་པ་རྣམས་ཀྱིས་མཛད་པའི་འཆི་མེད་ཀྱི་ཡིག་སྣ་རེ། འཆི་མེད་ཀྱི་ཁྲིད་ཡིག་རྒྱལ་མཚན་འབུམ་གྱིས་མཛད་པ། རང་སེམས་འཆི་མེད་རང་གྲོལ་གྱི་ཁྲིད་བླ་མའི་གསུང་བཞིན་བཀོད་པ། འཆི་མེད་ཀྱི་གསུང་སྒྲོས། བླ་མ་ཤངས་པའི་ལྷ་གསལ་བར་བྱེད་པའི་མན་ངག །མཁའ་སྤྱོད་མའི་སྐོར་ལ། དཀར་མོའི་དབང་ཆོག་སྒྲུབ་

[Full Size]

ཐབས་ཇོ་བོ་རྗེས་མཛད་པ། ཇོ་བོ་ལུགས་ཀྱི་སྒྲུབ་ཐབས་ཉམས་སུ་ལེན་པའི་ཚུལ་འདི་གཉིས་ནི་གུའི་ལུགས་མིན་པས་འདིར་མི་རིགས་སྙམ་ན། བླ་མ་གོང་མས་ལྷན་དུ་སྒྲིགས་པ་ཡ་མི་འབྲལ་བའི་ཆེད་དང་། རྣམ་པ་གཅིག་ཏུ་ན་ནི་གུ་མའི་རྡོ་རྗེའི་ཚིག་རྐང་སོགས་ཇོ་བོ་རྗེའི་དཔེ་དང་། ཁྱུང་པོའི་དཔེ་གཅིག་པར་བཅད་པས་མཐའ་གཅིག་ཏུ་མ་ངེས་སོ། །མཁའ་སྤྱོད་དཀར་མོའི་སྒྲུབ་ཐབས་ནི་གུ་མའི་ལུགས། །བསྟོད་པ་ལུགས་གཉིས། ཚེས་བཅུའི་མཆོད་པ། ལུས་བྱིན་རླབས། དམ་ཚིག་གསོ་བ། གཏོར་ཆོག་མཁའ་སྤྱོད་ཀྱི་རིལ་བུ་སྒྲུབ་པ། འཕོ་བའི་རྣལ་འབྱོར་རྣམས་སོ། །དམར་མོའི་སྐོར་ལ་དབང་ཆོག་འདི་དང་དཀར་མོའི་དབང་ཆོག་གཉིས་གོང་དུ་སྨིན་བྱེད་ཀྱི་སྐབས་སུ་སྨོས་ཀྱང་འདིར་ཡ་མི་འབྲལ་བའི་སླད་དུ་སྨོས་པས་ཟློས་པར་མི་སེམས་སོ། །སྒྲུབ་ཐབས་མཁའ་སྤྱོད་དམར་མོའི་འཕོ་བ་བྱིན་རླབས་ཀྱི་ཆོ་ག །ལག་མཆོད་ཐིག་ལེའི་འཕོ་བ་རྣམས་ལས་ཕྱི་མ་ར་ཧུ་

[Full Size]

ལའི་གདམས་པ་ཡིན་ཀྱང་ཆོས་མཚན་མི་འཐོར་བའི་ཕྱིར་འདིར་སྨོས་པར་གོ་དགོས། གཞན་ཡང་བླ་མ་ལས་དབང་བཞི་ལེན་ཚུལ་གྱི་རྒྱ་གཞུང་། དེའི་ལག་ལེན་བླ་མ་ལས་དབང་བཞི་ལེན་ཚུལ་གྱི་བླ་སྒྲུབ། དུག་ལྔ་ལམ་ཁྱེར་གྱི་ཁྲིད། ཇོ་མོ་མུ་ཏིག་ཕྲེང་བ་སྒོམ་པ་སོགས་ཞལ་གདམས་ཉེར་ལྔ། བདེ་མཆོག་མཁའ་སྤྱོད་རིག་འཛིན། བདེ་མཆོག་སྐུ་གསུང་ཐུགས་ཀྱི་སྒྲུབ་པ་དབུ་མ་ཡིག་བདུན་ཚན་པ་གཉིས། ནི་གུ་མའི་ཕྱག་རྒྱ་ཆེན་པོ་རྟོགས་མི་རྟོགས་ཆང་མཆོད་བཀའ་རྒྱ་མ། སྐུ་གསུམ་ལམ་ཁྱེར་གྱི་རྒྱ་གཞུང་། ད་ལྟའི་དོན་འགྲེལ། ནི་གུ་མས་མཛད་པའི་བར་ཆད་གསལ་ཐབས། གཞན་དོན་མི་འགྲུབ་མི་སྲིད་པའི་གདམས་པ། རྣམ་འཇོམས་ཀྱི་གསང་སྒྲུབ་ཚན་པ་གཉིས། བསྔོ་བ་སྨོན་ལམ་བཀྲ་ཤིས་བཀའ་རྒྱ་མ་རྣམས་སོ། །གཉིས་པ་མཁའ་འགྲོ་སུ་ཀ་སིདྡྷིའི་ཆོས་སྐོར་ལ། ལོ་རྒྱུས་

[Full Size]

དབང་ཆོག་ཆོས་དྲུག་བདག་མེད་མའི་ནང་ཁྲིད་དབང་ཆོག་ཕག་མོའི་གསང་སྒྲུབ་ཀྱི་སྐོར་མཁའ་འགྲོ་གནད་ཀྱི་གསང་སྒྲུབ། དེའི་བྱིན་རླབས། ལྟེ་བ་སྤྲུལ་འཁོར་གྱི་མན་ངག །ཡང་མཁའ་འགྲོ་གནད་ཀྱི་གསང་སྒྲུབ། རྫོགས་རིམ་འཁྲུལ་འཁོར་དང་བཅས་པ། གསང་སྒྲུབ་ཞལ་གདམས། གསང་སྒྲུབ་ཉེར་དྲུག །བདེ་བ་བསྡུ་བའི་རིམ་པ། ལྟེ་བ་སྤྲུལ་འཁོར་གྱི་མི་ནོར་ཟས་གསུམ་དབང་དུ་བསྡུ་བས་ན་ཕྱག་རྒྱ་ཆེན་པོར་ངོ་སྤྲོད་པའི་ཆོས་ཚན་བཅུ། ཕྲིན་ལས་བཞིའི་མེ་མཆོད་སོགས་ལས་ཚོགས་ཡིག་སྐོར་དང་བཅས་པ་ཕྱག་རྒྱ་ཆེན་པོ་དག་པ་ཡེ་ཤེས་རྣམས་སོ། །གཉིས་པ་གྲུབ་བརྙེས་གཞན་ལས་འོངས་པ་ལ། བྱིན་རླབས་ལྷ་བཞིའི་དབང་ཆོག་ཚན་པ་གསུམ། ར་ཧུ་ལའི་རྣམ་ཐར་ཚིགས་བཅད་མ། ལྷ་བཞིའི་སྒྲུབ་ཐབས། ལྷ་བཞིའི་རྒྱ་གཞུང་། གཉིས་པ་ཡང་དབང་ཆོག །ཞལ་གདམས་ཐུན་མོང་མ་ཡིན་པ། རྗེ་བཙུན་

[Full Size]

མའི་གཏོར་མ། སྒྲོལ་མའི་སྒྲུབ་ཐབས་སོགས་དང་། ཇག་ཆིང་སོགས་ལས་ཚོགས། ལྷ་བཞིའི་བྱིན་རླབས། ལྷ་ལས་དབང་བཞི་བླང་ཐབས། ལྷ་བཞིའི་ཞལ་གདམས། སྒྲོལ་མའི་ལམ་བསྲུང་། འཇིགས་བརྒྱད་སྐྱབས་ཚུལ། ལྷ་བཞིའི་བསྟོད་པ། ཁརྶ་པ་ཎི་མན་ངག །བཅུ་གཅིག་ཞལ་ལ་བརྟེན་ནས་དུག་གསུམ་སྦྱང་ཐབས། ནད་གདོན་རྣལ་འབྱོར་མ་གཙོ་བོར་གྱུར་པའི་ལྷ་བཞིའི་སྒྲུབ་ཐབས། རླུང་འཁོར་བཅིང་གྲོལ་གྱི་ལོ་རྒྱུས། འཁོར་ལོ་བཅིང་གྲོལ། ཕྱག་རྒྱ་བཅིངས་གྲོལ། བུམ་པ་ཅན། ཤིང་རྟ་ཅན། ཡང་བུམ་ཅན། ཤིང་རྟ་ཅན་འཁོར་ལོ་བཅིངས་གྲོལ་གསུམ་ཀ་སྟན་ཐོག་གཅིག་ཏུ་ཉམས་སུ་ལེན་ཚུལ། མཁའ་སྤྱོད་གསུམ་གྱི་དབང་ཆོག་སྒྲུབ་ཐབས། ཕྱག་ན་རྡོ་རྗེ་ཛ་ལི་མའི་སྐོར། མགོན་པོའི་སྐོར་ཀྱང་ཕལ་གཅིག་འདི་པའི་ཆོས་ལུགས་ཡིན་ཀྱང་དཀར་ཆག་འདིར་མ་སྨོས་སོ། །དེ་རྣམས་ནི་གྲུབ་ཆེན་

[Full Size]

ར་ཧུ་ལ་ནས་བརྒྱུད་པ་ཡིན་ནོ། །རྡོ་རྗེ་གདན་པ་ནས་བརྒྱུད་པ་ཡང་རྒྱུད་སྡེ་ལྔ། སྤྱི་དང་སོ་སོ་བདེ་མཆོག་ལྷ་ལྔ། མཁའ་སྤྱོད་ལ་སོགས་མང་དུ་ཡོད་ཀྱང་། གོང་དུ་སྨོས་པ་ལ་བརྒྱུད་པ་སོ་སོར་དོད། ཆོས་རྩིས་ཀྱི་ཡི་གེ་ཟུར་དུ་མ་སྨོས་ཤིང་། རྗེས་སུ་ཡི་རང་གི་གདམས་པ། དམིགས་པ་རིན་ཆེན་སྒྲོམ་བུ། འདི་འཇམ་དཔལ་གྱིས་བླ་མ་ཤངས་པ་ལ་ཉེ་བརྒྱུད་དུ་གནང་བ་གཅིག་ཀྱང་བརྒྱུད་ཚུལ་ཤེས་པར་བྱའོ། །མཁའ་སྤྱོད་དཀར་དམར་སྦས་པའི་རྣལ་འབྱོར་པ་དང་། ར་ཧུ་ལ་ལ་ཡང་གསན་ཏེ་ཡི་གེ་ལོགས་སུ་མེད། མེ་ཏྲི་པ་ལ་ཕྱག་ཆེན་དག་པ་ཡེ་ཤེས་དང་། སྐུ་གསུམ་ལམ་ཁྱེར་གསན་ཀྱང་ཡི་གེ་སྔ་མ་ལྟར་ཡིན་ཅིང་། མགོན་པོ་ཡིད་བཞིན་ནོར་བུའི་སྒྲུབ་ཐབས་རྗེས་གནང་། འཁོར་ལོ་བཅའ་ཐབས་བུམ་པའི་བཅའ་ཚུལ་བྲིས་སྐུ་བཞེངས་ཐབས་བསྟོད་པ་རྣམས་སོ། །བྲམ་ཟེ་རཏྣ་ཕ་ལ་ནས་བརྒྱུད་པའི་བཅོས་ཕྲེང་སྲིད་འཕེལ་གྱི་སྐོར་ལ་མེད་པ་བཙལ་

[Full Size]

བ་དང་། ཆད་པ་འཐུད་པ་ལྟེ་བ་སྒྱུར་བའི་མན་ངག་ཡིག་སྣ་དཔེ་རིས་དང་བཅས་པ་ཡོད། པཎྜི་ཏ་རོལ་པའི་རྡོ་རྗེ་ལ་གསན་པའི་མགོན་པོའི་རྒྱུད་དང་སྒྲུབ་ཐབས་མི་འདྲ་བ་བརྒྱད་ཅུ་གསན་མོད། དཀར་ཆག་ཏུ་ཐེབས་པ་མེད་དོ། །གཞན་ཡང་འཚོ་བ་རྩོལ་མེད་དུ་འབྱུང་བ་ནོར་འཛིན་གྱི་རྗེས་གནང་། ཚོགས་འཁོར་བཅུད་ལེན་བྱ་ཐབས། ཡང་ལག་ལེན་གྱི་རིམ་པ་ཡོད་ཅིང་། འདི་ནི་གུ་མ་ནས་ཨ་ར་དྲ་ནག་པོས་མཛད་ནས་བརྒྱུད་པ། ཕྱིས་སངས་རྒྱས་སྟོན་པར་བཀའ་བབས་པ་གཅིག་ཀྱང་ཡོད་དོ། །ཡི་གེ་འདི་ལས་མཚོན་པའོ། །གཞན་ཡང་ཁྱུང་པོའི་མགུར་བརྒྱད་ཀྱི་དོན་བརྒྱད་གསུམ་པ་ཕྱིས་འཕེལ་བའི་ཆོས་ཀྱི་རྣམ་གྲངས་ལ། སྐྱེར་སྒང་པ་ནས་བརྒྱུད་པ་རྟ་མགྲིན་གསང་སྒྲུབ་ཀྱི་སྒྲུབ་ཐབས་ཚན་པ་གཉིས་དབང་ཆོག་བསྟོད་པ། གཏོར་བཟློག །དགྲ་བགེགས་གནད་ལ་དབབ་ཐབས། རྒྱལ་པོ་ཤི་ས་བསྟན་པ། འཁོར་ལོ་དཔེ་རིས། གཉིས། དམག་ཤད་

[Full Size]

དམ་དབྱུག་པའི་ལས་སྦྱོར། བསྲུང་བ་བྱ་ཚུལ་རྣམས་དང་། །ཐུགས་རྗེ་ཆེན་པོའི་རིག་གཏད་ཀྱི་ཆོ་ག། ལོ་རྒྱུས་གཙོ་འཁོར་གསུམ་གྱི་སྒྲུབ་ཐབས། སྤྱོད་ལམ་གྱི་རྣལ་འབྱོར། ཁྲུས་ཆོགཟས་དང་གོས་ཀྱི་རྣལ་འབྱོར། ལུས་འབུལ་བ། བསོད་ནམས་བསོག་པ། གཟུངས་ཆུ་བྱེད་ཚུལ། བསྲུང་སྐུད་བྱ་བ། སྙིང་རྗེའི་བསྲུང་བ། བགེགས་བསྲུང་བ། དྲག་པོའི་བསྲུང་བ། རྒྱལ་པོ་ས་བདག་བསྲུང་བ། ས་གཉན་དུ་སྡོད་ན་བསྲུང་ཚུལ། གཏོར་མ་བརྒྱ་རྩ། གྲུལ་གཏོར་ཚན་པ་གསུམ། སྡིག་སྦྱོང་ཚན་པ་གཉིས། ཚ་ཚ་ཆུ་སྦྱིན་མར་མེའི་སྦྱིན་སྲེག །སྡིག་སྦྱོང་གི་སྦྱིན་སྲེག །སྦྱིན་སྲེག་ཆེན་མོ། བསྙེན་པ་བྱེད་ཚུལ། ཝ་རུ་་ལ་གཏོར་མ་འབུལ་ཚུལ། ཝ་རུ་འི་ཆར་འབེབས་ནོར་སྒྲུབ། གསང་སྒྲུབ་རྒྱལ་བ་རྒྱ་མཚོའི་རིག་གཏད། སྒྲུབ་ཐབས་གཏོར་མ་སོགས་ལས་ཕྲིན་དང་བཅས་པའོ། །སངས་རྒྱས་གཉན་སྟོན་པ་འཕེལ་བ་ལ། ལུས་འཆི་མེད་

[Full Size]

གྲུབ་པའི་རྒྱ་གཞུང་རྩ་འགྲེལ། དབང་ཆོག་རྒྱ་གཞུང་། འཁྲུལ་འཁོར་གསལ་བྱེད་ཉི་མ་རྣམས་ཡོད་དོ། །དེ་རྣམས་དང་མགོན་པོའི་བཀའ་ཆེན་པོ་གསུམ། རྒྱུད་ལེའུ་བརྒྱད་པ། བཅུ་གསུམ་པ། བཅུ་དྲུག་པ། བཅོ་བརྒྱད་པ། ཉེར་གཅིག་མ་དང་། ཕྱི་ནང་གསང་བའི་སྒྲུབ་ཐབས། ཟབ་པའི་གནད་དུ་མ་དང་། མཐར་ཐུག་གི་མན་ངག་བདུན། རྟེན་བཞི། གནད་གསུམ། ཕྱི་ནང་གསང་བའི་དུར་ཁྲོད་ལམ་ཁྱེར། མགོན་པོ་ཞལ་གཅིག་ཕྱག་དྲུག་པ་ནས་ཕྱག་སྟོང་སྤྱན་སྟོང་གི་བར་སྒྲུབ་ཐབས། ལས་ཚོགས་མཐའ་དག་དང་བཅས་པ། གཞན་ཡང་དེང་དུས་ཀྱི་ཤངས་ཆོས་ཡོངས་སུ་རྫོགས་པ་ཡིན་ཅིང་། ཕྱིས་བླ་མ་སོ་སོས་མཛད་པའི་སྒྲུབ་ཐབས། བསྟོད་པ། དཀྱིལ་ཆོག་ཟིན་བྲིས་སོགས་ཅི་རིགས་སྣང་ཀྱང་མང་པར་གྱུར་པས་སྐབས་དོན་འདི་ཉིད་ཀྱིས་གྲུབ་པའོ། །དེས་ཆོས་ཀྱི་སྒོ་མ་ཚང་བ་མེད་པའི་རྒྱས་པའི་ཚུལ་བརྗོད་

[Full Size]

ནས། འབྲིང་བསྡུས་ཤིང་བསྡུས་པ་རྣམས་སྔར་སྨོས་པ་དེ་ཉིད་ཡིན་ཞིང་། དེ་དག་ཀྱང་བརྒྱུད་པ་ཉེར་བཞི་ལས་བྱུང་བ་ཉེ་བརྒྱུད་ཀྱི་རྣམ་གྲངས་ཡིན་ལ། ཉེ་བརྒྱུད་ཆུ་སྒོམ་པས་ནི་གུ་མ་ལ་གསན་པ་ལ་ནི་ཡི་གེ་ཟུར་པ་མེད། འོན་ཀྱང་བླ་མ་རྗེ་བཙུན་གྱིས་མཛད་པའི་བརྒྱུད་པ་ཉེ་རིང་གི་ཁྱད་པར་འབྱེད་པའི་ཡི་གེ་གཅིག་ཡོད་དོ། །གྲུབ་ཆེན་ཐང་སྟོང་རྒྱལ་པོ་ནས་བརྒྱུད་པའི་རིང་བརྒྱུད་མུས་ལུགས་དང་། ཉེ་བརྒྱུད་རིམ་པ་གསུམ་བྱུང་བ། ནི་གུ་མ་དང་སྔ་སོར་མཇལ་དུས་གནང་བའི་ཆོས་སྐོར་ལ་ཆོས་དྲུག་ཁྲིད་ཡིག་སྙིང་པོ་ཀུན་འདུས། ཕྱག་ཆེན། ལམ་ཁྱེར། འཆི་མེད། བླ་མ་མགོན་པོ་དབྱེར་མེད་རྣམས་ལ་གྲུབ་ཆེན་གྱིས་མཛད་པའི་ཁྲིད་ཡིག་རེ་རེ་གྲུབ་ཆེན་གྱི་རྣམ་ཐར། མང་གར་བ་བློ་གྲོས་རྒྱལ་མཚན་གྱི་རྣམ་ཐར། བར་དུ་མཇལ་དུས་ནི་གུའི་དབང་སོ་སོ། ཆོས་དྲུག །ཕྱག་ཆེན། ལམ་ཁྱེར། འཆི་མེད། བླ་མ་མགོན་

[Full Size]

པོ་དབྱེར་མེད་རྣམས་དང་། རྒྱ་སྒོམ་རིན་པོ་ཆེས་གྲུབ་ཆེན་ལ་ཇི་ལྟར་གསན་པ། རྗེ་བཙུན་རིན་པོ་ཆེས་ཡི་གེར་འཁོད་པ་དང་། ཕྱིས་ནི་གུ་ལ་གསན་པའི་ཡི་གེ་མེད་པའི་བརྡ་ཐབས་སུ་བྱུང་བ་ལ་དཔེ་རིས་གསོལ་འདེབས་དང་བཅས་པ་འཇམ་མགོན་བླ་མ་ཉིད་ཀྱིས་ཡེ་ཤེས་ཀྱི་མཁའ་འགྲོ་ལས་གསན་པའི་ཉེ་བརྒྱུད་ནི་ཡི་གེ་འཁོད་པ་མེད་པས། སྐལ་ལྡན་དག་གིས་སྙན་བརྒྱུད་ཀྱི་མན་ངག་ལས་བཙལ་བར་བྱའོ། །དེ་ལྟར་ཤངས་པའི་ཟབ་ཆོས་བདུད་རྩིའི་སྙིང་། །སྐལ་ལྡན་ཐར་ལམ་སྟེར་བའི་གསོལ་མཆོག་སྟེ། །ཆ་ཙམ་སྤྱད་ཀྱང་འཕྲལ་ཡུན་ཕན་བདེ་ཡི། །དགེ་ལེགས་མི་ཟད་སྟེར་བྱེད་ཁོ་ན་ཡིན། །གང་གིས་བརྩོན་པས་ཉམས་བླངས་ན། །ཟླ་དྲུག་ལོའི་ཚེ་འདི་ལ། །རྡོ་རྗེ་འཆང་དབང་འབྲས་སྟེར་བ། །ཆོས་ཚུལ་འདི་ཡིས་བདེན་དོན་ཅན། །ཟབ་རྒྱས་ཆོས་ཀྱི་རྣམ་གྲངས་ནི། །ཉུང་ངུ་ཚིག་གིས་ལེགས་བཀྲོལ་བ། །བློ་ལྡན་དགའ་བ་བསྐྱེད་པ་འདི། །དཔལ་ལྡན་བདག་གི་

[Full Size]

དབང་པོས་བསྡེབས། །ཤུ་བྷཾ། །

ཕྱག་རྒྱ་ཆེན་པོ་གའུ་མའི་བཀའ་དུག་ལྔ་ལམ་ཁྱེར་གྱི་བཀའ།

[Full Size]

ཕྱག་རྒྱ་ཆེན་པོ་གའུ་མའི་བཀའ་དུག་ལྔ་ལམ་ཁྱེར་གྱི་བཀའ་ཡོད།། །།

[Full Size]

བླ་མ་རྣམས་ལ་ཕྱག་འཚལ་ལོ། །མཎྜལ་འདབ་བཞི་ཕྱོགས་མཚོན་ལ་ལྟེ་བ་སེར་པོ། མཐའ་མ་ཅི་འབྱོར་བའི་མཆོད་གཏོར་གྱིས་བསྐོར་ལ། དབུས་སུ་རིན་པོ་ཆེའི་ཁྲི་སེང་གེ་བརྒྱད་ཀྱིས་བཏེག་པ། པདྨ་དང་ཉི་མའི་དཀྱིལ་འཁོར་གྱི་སྟེང་དུ་ངོ་བོ་བླ་མ་ལ་རྣམ་པ་བདེ་མཆོག་སྐུ་མདོག་གསེར་གཙོ་མའི་མདོག་ལྟ་བུ། རྡོ་རྗེ་དང་དྲིལ་བུ་འཛིན་པ། མི་མགོ་དང་རུས་པའི་བརྒྱན་ཅན། ཡུམ་དང་གཉིས་སུ་མེད་པ། མཁའ་

[Full Size]

འགྲོ་མ་བཞི་དང་བཅས་པའོ། །ཤར་དུ་དགྱེས་པ་རྡོ་རྗེ་ལྷ་ཚོགས། ལྷོར་གསང་འདུས། ནུབ་ཏུ་མ་ཧཱ་མ་ཡ། བྱང་དུ་འཇིགས་བྱེད་བསྒོམས་ལ། བདག་འཇུག་བླང་། སྔོན་འགྲོ་རྒྱས་བསྡུས་ཅི་རིགས་སུ་སྔོན་དུ་སོང་བས། སློབ་མ་ལ་ཡང་གོང་ལྟར་བསྒོམ་དུ་བཅུག་ལ། དབང་བསྐུར་དངོས་ནི་སློབ་མ་རང་གི་མདུན་དུ། ཐོད་པ་ཕྱི་དཀར་ལ་ནང་དམར་བ་ཡངས་ཤིང་རྒྱ་ཆེ་བའི་ནང་དུ། རང་གི་ལུས་ཤ་ལྔ་བདུད་

[Full Size]

རྩི་ལྔར་བསམ་ལ་དབུལ། ཡང་སྟོང་གསུམ་འདི་རིན་པོ་ཆེ་གསེར་གྱིས་ཕྱུར་གྱིས་བཀང་ནས་ཡོན་དུ་ཕུལ་བར་བསམ་ལ། གསོལ་བ་གདབས་པ་ནི། བླ་མ་རིན་པོ་ཆེ་བདག་ལ་བུམ་པའི་དབང་བསྐུར་དུ་གསོལ། སྐུའི་བྱིན་རླབས་མ་ལུས་པ་གཞུག་ཏུ་གསོལ། །ཞེས་གསོལ་བ་བཏབ་པས། དབུས་ཀྱི་བདེ་མཆོག་བླ་མའི་ངོ་བོ་ཅན་གྱི་སྤྱི་བོའི་ཨོཾ་དཀར་པོ་ལས་འོད་འཕྲོས། སངས་རྒྱས་དང་བྱང་ཆུབ་སེམས་དཔའི་ཐུགས་གཉིས་སུ་མེད་པའི་ཡེ་ཤེས་ཀྱི་བདུད་རྩི་ཆུ་རྒྱུན་ནམ། འོད་དཀར་པོའི་རྣམ་པར་འབྱོན་ཏེ། བླ་མའི་ཨོཾ་ལ་ཐིམ། ཨོཾ་ལས་ཡེ་ཤེས་ཀྱི་བདུད་རྩིའི་ཆུ་རྒྱུན་བྱུང་། རང་གི་སྨིན་སྤྲག་གི་ཨོཾ་ལ་ཐིམ་པས། ལུས་ཀྱི་ནད་གདོན་སྡིག་སྒྲིབ་མ་ལུས་པར་སངས་དག་པར་བསམ། བླ་མ་ཀྱང་དེ་བཞིན་དུ་བསམ་ཞིང་། རྩ་བ་དང་བརྒྱུད་པའི་བླ་མ་རྣམས་ཀྱི་མཚན་ནས་བརྗོད་

[Full Size]

ཅིང་། བྱིན་གྱིས་རླབས་བརློགས་ཤིག །ད་ལྟ་ཉིད་དུ། མྱུར་བ་ཉིད་དུ། འདུག་ས་འདི་ཉིད་དུ་བྱིན་གྱིས་རློབས་ཤིག་ཅེས་བརྗོད་ཅིང་རོལ་མོའི་སྒྲ། གུ་གུལ་གྱི་དུད་པ་དང་བཅས་པས། ཡེ་ཤེས་དབབ་སྟེ། སྐུའི་བྱིན་རླབས་ལུས་ལ་ཞུགས་ཅིང་བུམ་པའི་དབང་བསྐུར་རོ། །ཡང་མཆོད་པ་སྔར་བཞིན་ཕུལ་ལ། གསང་བ་དང་ཤེས་རབ་ཡེ་ཤེས་ཀྱིས་དབང་བསྐུར་དུ་གསོལ་ཞེས་གསོལ་བ་བཏབ་པས། བླ་མའི་མགྲིན་པའི་ཨཱཿདམར་པོ་དང་། ཐུགས་ཀའི་ཧཱུྃ་མཐིང་ཀ་ལས། འོད་ཟེར་གྱི་སྤྲོ་བསྡུ་སྔ་མ་དང་ལྡན་པས། གཉིས་པ་དང་གསུམ་པའོ། །སླར་ཡང་མཆོད་པ་སྔར་བཞིན་ཕུལ་ནས། བཞི་པ་བསྐུར་དུ་གསོལ་ཞེས་གསོལ་བ་བཏབ་པས། བླ་མའི་གནས་གསུམ་གྱི་ཡི་གེ་གསུམ་ལས་འོད་ཟེར་འཕྲོས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ཐུགས་རྒྱུད་བསྐུལ་ཏེ།

[Full Size]

དེ་དག་གི་ཐུགས་གཉིས་སུ་མེད་པའི་ཡེ་ཤེས་ཀྱི་བདུད་རྩི་འོད་ཟེར་གྱི་རྣམ་པ་བྱོན་ནས། བླ་མའི་གནས་གསུམ་གྱི་ཡི་གེ་གསུམ་ལ་ཐིམ། དེ་ལས་འོད་ཟེར་དཀར་དམར་མཐིང་གསུམ་འཇའ་ཚོན་གྱི་རྣམ་པར་བྱོན་ནས། རང་གི་གནས་གསུམ་དུ་ཐིམ་པས། ལུས་ཀྱི་སྤྱི་བོའི་གཙུག་ནས་རྐང་པའི་མཐིལ་ཡན་ཆད་འོད་ཀྱིས་གང་། ལུས་ངག་ཡིད་གསུམ་གྱི་ནད་གདོན་སྡིག་སྒྲིབ་མ་ལུས་པར་སངས་དག་ནས། ལུས་ལྷའི་སྐུ་སྣང་ལ་རང་བཞིན་མེད་པའི་ངང་ལ་སེམས་མ་བཅོས་པར་བཞག་པ་ནི། བཞི་པའོ། །ཡེ་ཤེས་རྒྱ་མཚོའི་རྒྱུད་ལས། བླ་མའི་སྐུ་ཡི་དཀྱིལ་འཁོར་ལས། །དབང་བཞི་ཡོངས་སུ་རྫོགས་པར་བླང་། །ས་ལམ་རིམ་པ་མ་ལུས་བགྲོད། །ཅེས་ལན་གསུམ་བརྗོད། །དེའི་ཕྱིར་དབང་བཞིའོ། །ཡང་ཤར་གྱི་དགྱེས་རྡོར་འོད་ཀྱི་རྣམ་པ་དེ། དབུས་ཀྱི་བདེ་མཆོག་ལ་ཐིམ། དེ་བཞིན་དུ་རིམ་གྱིས་ཐིམ་ནས། བདེ་

[Full Size]

མཆོག་འོད་དུ་ལྟེམ་ལྟེམ་འདུག་པ་དེ་རང་གི་སྤྱི་གཙུག་ཏུ་ཐིམ་པས། སྨིན་མཚམས་སུ་སླེབ་པས་བུམ་དབང་། །མགྲིན་པར་སླེབ་པས་གཉིས་པ། སྙིང་གས་གསུམ་པ། ལྟེ་བར་བྱུང་འོད་དུ་ཡལ་སོང་། ལུས་སྟོང་སང་སོང་སྟེ། དེ་མི་དམིགས་པའི་ངང་ལ་སེམས་མ་བཅོས་པར་བཞག་པ་ནི་ནང་གི་དབང་བཞིའོ། །རྫོགས་སོ། །ཡང་གཉིས་པ་ནི། བླ་མའི་གནས་གསུམ་གྱི་ཡིག་འབྲུ་མཐིང་ཀ་ཡོད་པ་ལས། བདེ་མཆོག་སྐུ་ཆུང་ལ་ཡན་ལག་དོད་པ་མཐིང་ཀ་དཔག་ཏུ་མེད་པ་ཆད་ནས། གནས་གསུམ་དུ་ཐིམ་པས་དབང་གསུམ་ལྟེ་བ་ནས་མཐིང་ཀ་དཔག་ཏུ་མེད་པ་ཆད་ནས། ལྟེ་བར་ཐིམ་པས། མཐར་སྟོང་སངས་ཀྱི་འོད་དུ་ཡལ་བའི་ངང་ལ་བཞག་པ་ནི་བཞི་པའོ། །འདི་ཟབ་ལམ་ཡིན་གསུང་ངོ་། །དགེའོ། །ན་མོ་གུ་རུ། བླ་མ་དམ་པའི་ཞབས་བཏུད་ནས། །དུག་ལྔ་ལམ་ཁྱེར་དབང་བསྐུར་

[Full Size]

བྲི། །དེ་ལ་སྦྱོར་བ། དངོས་གཞི། རྗེས་གསུམ་ལས། སྦྱོར་བ་ནི། གནས་ཁང་བརྐྱང་ནུལ་དང་རྟེན་ལ་སོགས་པ་བཀྲམ། མཎྜལ་འདབ་བཞི་ཕྱོགས་མཚོན་ལ། ལྟེ་བ་དཀར་པོ། མཐའ་མ་ཅི་འབྱོར་པའི་མཆོད་གཏོར་གྱིས་བསྐོར་ལ། དབུས་སུ་སེང་གེ་རིན་པོ་ཆེའི་ཁྲི་པདྨ་དང་། ཉི་ཟླའི་སྟེང་དུ་ངོ་བོ་བླ་མ་རྣམ་པ་ཧེ་རུ་ཀ་སྐུ་མདོག་དཀར་པོ་རྡོ་རྗེ་དང་དྲིལ་བུ་འཛིན་པས། ཡུམ་ཕག་མོ་ལ་འཁྱུད་པ། མི་མགོ་དང་རུས་པའི་རྒྱན་ཅན་གར་གུའི་ཉམས་དང་ལྡན་པ། ཕྱོགས་བཞིར་བདེ་ཆེན་གྱི་ལྷ་མོ་གྲི་ཐོད་ཅན་བཞི་བསྐྱེད། ཤར་དུ་དགྱེས་མཛད། ལྷོར་གསང་འདུས། ནུབ་ཏུ་མ་ཧཱ་མཱ་ཡ། བྱང་དུ་འཇིགས་བྱེད་ལྷ་ཚོགས་བསྐྱེད། སློབ་དཔོན་གྱིས་བདག་བསྐྱེད་བསྒོམ། བཟླས་པ་བྱ། བདུན་བསྐྱེད་བསྒོམས། མཆོད་གཏོར་དབང་བསྐུར། བདག་འཇུག་བླང་ངོ་། །སློབ་མས་ཁྲུས་བྱས། མཎྜལ་དབུལ།

[Full Size]

སྔོན་འགྲོ་རྒྱས་བསྡུས་སྐབས་དང་སྦྱར་བ་བྱས་ལ། སློབ་མའི་སྤྱི་བོར་གོང་ལྟར་བསྒོམ་དུ་བཅུག །དང་པོ་གཞི་དབང་བསྐུར་བ་ནི། གསེར་གྱི་མཎྜལ་དང་། རང་གི་མདུན་དུ་ཐོད་པ་ཕྱི་དཀར་ལ་ནང་དམར་བ་ཡངས་ཤིང་རྒྱ་ཆེ་བའི་ནང་དུ། རང་གི་རྣམ་སྨིན་གྱི་ལུས་འདི་ཤ་ལྔ་བདུད་རྩི་ལྔར་བྱིན་གྱིས་རླབས་ལ་དབུལ་ལོ། །སྟོང་གསུམ་རིན་ཆེན་གསེར་གྱིས་ཕྱུར་ཏེ་བཀང་ལ་ཡོན་ཏུ་དབུལ་བར་བསམ་མོ། །དེ་ནས་གསོལ་བ་གདབས་པ་ནི། བླ་མ་རིན་པོ་ཆེ། བདག་ལ་བུམ་པའི་དབང་བསྐུར་དུ་གསོལ། སྐུའི་བྱིན་རླབས་མ་ལུས་པ་གཞུག་ཏུ་གསོལ། །ཅེས་གསོལ་བ་བཏབ་པ། དབུས་ཀྱི་བདེ་མཆོག་བླ་མའི་ངོ་བོ་ཅན་གྱིས་སྤྱི་བོའི་ཨོཾ་དཀར་པོ་ལས་འོད་འཕྲོས། སངས་རྒྱས་དང་བྱང་ཆུབ་སེམས་དཔའི་ཐུགས་གཉིས་སུ་མེད་པའི་ཡེ་ཤེས་ཀྱི་བདུད་རྩི་འོད་དཀར་པོའི་རྣམ་

[Full Size]

པར་བྱོན་ཏེ་བླ་མའི་ཨོཾ་ལ་ཐིམ། ཨོཾ་ལས་ཡེ་ཤེས་ཀྱི་བདུད་རྩིའི་ཆུ་རྒྱུན་བྱུང་པས། རང་གི་སྨིན་ཕྲག་གི་ཨོཾ་ལ་ཐིམ་པས་ལུས་ཀྱི་ནད་གདོན་སྡིག་སྒྲིབ་སངས་དག་པར་བསམ། བླ་མས་ཀྱང་དེ་བཞིན་བསམ་ཤིང་། རྒྱུད་པའི་བླ་མ་རྣམས་ཀྱི་མཚན་ནས་བརྗོད་ཅིང་ད་ལྟ་ཉིད་དུ། མྱུར་བ་ཉིད་དུ་བྱིན་གྱིས་རློབས་ཤིག །ཅེས་རོལ་མོའི་སྒྲ་དང་། གུ་གུལ་དུད་པས་ཡེ་ཤེས་དབབ་བོ། །སྐུའི་བྱིན་རླབས་ཞུགས། བུམ་དབང་ཐོབ། ཡང་སྔ་མ་ལྟར་མཆོད། གསང་དབང་དང་། ཤེས་རབ་ཡེ་ཤེས་བསྐུར་དུ་གསོལ། ཞེས་གསོལ་བ་བཏབ་པས། བླ་མས་མགྲིན་པའི་ཨཱཿདང་། ཐུགས་ཀའི་ཧཱུྃ་མཐིང་གའི་འོད་ཟེར་གྱི་སྤྲོ་བསྡུ་སྔ་མ་ལྟ་བུ་དང་ལྡན་པས། གཉིས་པ་དང་། གསུམ་པ་བླང་ངོ། །ཡང་མཆོད་དེ། བཞི་པའི་གསོལ་བ་བཏབ་པས། བླ་མའི་གནས་གསུམ་གྱི་ཡི་གེ་ལས་འོད་ཟེར་སྤྲོ་བསྡུ་བྱས། རང་གི་

[Full Size]

གནས་གསུམ་དུ་ཐིམ། ལུས་ཐམས་ཅད་འོད་ཀྱིས་གང་། ལུས་ངག་ཡིད་གསུམ་གྱི་ནད་གདོན་སྡིག་སྒྲིབ་མ་ལུས་པ་དག །ལུས་ལྷའི་སྐུ་སྣང་ལ་རང་བཞིན་མེད་པའི་ངང་ལ་སེམས་མ་བཅོས་པར་བཞག་པ་ནི་བཞི་པའོ། །ཡེ་ཤེས་རྒྱ་མཚོའི་རྒྱུད་ལས། བླ་མའི་སྐུའི་དཀྱིལ་འཁོར་ལས། །དབང་བཞི་ཡོངས་སུ་རྫོགས་པར་བླང་། །ས་ལམ་རིམ་པ་མ་ལུས་བགྲོད། །ཅེས་ལན་གསུམ་བརྗོད། དེ་ནི་ཕྱིའི་དབང་བཞིའོ། །ཡང་ཤར་གྱི་དགྱེས་མཛད་འོད་ཀྱི་རྣམ་པ་དེ། དབུས་ཀྱི་བདེ་མཆོག་ལ་ཐིམ། དེ་བཞིན་ནང་དུ་རིམ་གྱིས་ཐིམ། བདེ་མཆོག་འོད་དུ་ལྟེམ་ལྟེམ་འདུག་པ་དེ་སྤྱི་གཙུག་ཏུ་ཐིམ་སྨིན་མཚམས་སུ་སླེབ་བུམ་དབང་ཐོབ། མགྲིན་པར་སླེབ་པས་གཉིས་པ། སྙིང་གར་སླེབ་པས་གསུམ་པ། ལྟེ་བར་སླེབ་པས་འདུས་འོད་དུ་ཡལ། སྟོང་སང་ངེ་བ་ཆོས་ཉིད་སྤྲིན་མེད་པའི་ནམ་མཁའ་ལྟ་བུ་མི་དམིགས་པའི་ངང་

[Full Size]

ལས་སེམས་མ་བཅོས་པར་བཞག་པ་ནི་བཞི་པ་སྟེ། ནང་གི་དབང་བཞིའོ། །ཟབ་ལམ་ནི། བླ་མའི་གནས་གསུམ་ནས་འོད་ཟེར་འཕྲོས། སྤྲོ་བསྡུ་བྱས། སྤྱིར་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་སྐུའི་ཡོན་ཏན་བསྡུས། ཁྱད་པར་བདེ་མཆོག་སྐུ་ཆུང་ལ་ཡན་ལག་དོད་པ་དཔག་ཏུ་མེད་པ། བླ་མའི་སྨིན་མཚམས་ནས་བྱུང་། རང་གི་སྨིན་ཕྲག་ཏུ་ཐིམ། སྐུའི་བྱིན་རླབས་ཞུགས། ལུས་སྒྲིབ་དག །བུམ་དབང་ཐོབ། དེ་བཞིན་དུ་དམར་དཀར་སེར་ལྗང་གནས་གསུམ་དུ་ཐིམ། གཉིས་པ་གསུམ་པ་བཞི་པ་ཐོབ། སྐུ་གསུང་ཐུགས་ཡོན་ཏན་ཕྲིན་ལས་ཀྱི་བྱིན་རླབས་ཞུགས། སྒོ་གསུམ་ཐ་དད་ཀྱི་སྡིག་སྒྲིབ་མཐའ་དག་དག་བཅུ་བཞི་བདེ་བ་ཆེན་པོ་ངོ་བོ་ཉིད་སྐུ་ཐོབ་པའི་མན་ངག་རྣམས་ཐད་སོར་ངོ་སྤྲད་དོ། །ཟབ་ལམ་མོ། །རྗེས་ཀྱི་ཆོས་རྣམས་སྤྱི་འགྲོ་ལྟར་ཤེས་པར་བྱའོ། །མངྒ་ལཾ། བྷ་ཝནྟུ།

ཕྱག་རྒྱ་ཆེན་པོ་གའུ་མའམ་རང་འབབ་རྣམ་གསུམ་གྱི་ཁྲིད་དམིགས། བྱམས་པ་ངག་དབང་རྒྱལ།

[Full Size]

ཕྱག་རྒྱ་ཆེན་པོ་གའུ་མའམ་རང་འབབ་རྣམ་གསུམ་གྱི་ཁྲིད་དམིགས་བཞུགས་སོ། །

[Full Size]

སྤྲོས་བྲལ་ཆོས་དབྱིངས་ནམ་མཁའི་ཁྱོན་ཡངས་པར། །འགགས་མེད་གཟུགས་སྐུའི་སྣང་བརྙན་ཅིར་ཡང་སྟོན། །གང་ལ་གང་འདུལ་འགྲོ་དོན་རྒྱུན་མི་འཆད། །སྐྱབས་མཆོག་བླ་མ་དམ་པར་ཕྱག་བགྱིའོ། །འདིར་ཡེ་ཤེས་ཀྱི་མཁའ་འགྲོ་ནི་གུ་མས། མཁས་གྲུབ་ཁྱུང་པོ་རྣལ་འབྱོར་ལ་གདམས་པ་རྒྱ་མཚོ་ལྟ་བུ་གནང་བ་རྣམས་ཀྱི་ནང་ནས་མཆོག་ཏུ་གྱུར་པ་ཕྱག་རྒྱ་ཆེན་པོ་གའུ་མ་ཞེས་ཡོངས་སུ་གྲགས་པ་འདི་ལ་དོན་གསུམ་སྟེ། སྔོན་

[Full Size]

འགྲོ་དངོས་གཞི་རྗེས་སོ། །དང་པོ་ལ་ཐུན་མོང་པ་དང་ཐུན་མོང་མ་ཡིན་པ་གཉིས། དང་པོ་ལ། སྐྱབས་འགྲོ་སེམས་བསྐྱེད་རྡོ་རྗེ་སེམས་དཔའི་སྒོམ་བཟླས། བླ་མའི་རྣལ་འབྱོར་དང་བཞི། དང་པོ་ནི། རང་གི་མདུན་དུ་སེང་གེས་བཏེགས་པའི་རིན་པོ་ཆེའི་ཁྲི་པདྨ་ཟླ་བའི་གདན་གྱི་སྟེང་དུ་རྩ་བའི་བླ་མ་འཁོར་ལོ་བདེ་མཆོག་སྐུ་མདོག་དཀར་པོ་རྡོ་རྗེ་དང་དྲིལ་བུ་ཐལ་སྦྱར་བསྣོལ་ནས་འཛིན་པ། རུས་པ་དང་རིན་པོ་ཆེའི་རྒྱན་གྱི་བརྒྱན་པ་རལ་

[Full Size]

པའི་ཐོར་ཅོག་ཅན། ཞབས་གཡས་བརྐྱང་ཞིང་གཡོན་ཅུང་ཟད་བསྐུམ་པའི་སྟབས་ཀྱིས་བཞུགས་པ་བསམ་ལ་སྐྱབས་གནས་ཀུན་འདུས་སུ་མོས་པ་བྱས་ལ། བདག་དང་མ་རྒན་ཐམས་ཅད་འཁོར་བའི་སྡུག་བསྔལ་ལས་བསྒྲལ་དུ་གསོལ། བསྐྱབ་ཏུ་གསོལ་སྙམ་པའི་བློ་སྙིང་བྲང་གསུམ་བླ་མ་དེ་ལ་གཏད་དེ་སེམས་མ་ཡེངས་པར། བླ་མ་སངས་རྒྱས་རིན་པོ་ཆེ་ལ་སྐྱབས་སུ་མཆིའོ། །ཞེས་ཉེར་གཅིག་སོགས་བརྗོད། བླ་མ་རང་ལ་བསྟིམ། ཡང་བླ་མའི་རྣལ་འབྱོར་འདི་ཀ་ལ་བྱེད་ཚེ་མི་བསྟིམ། གཉིས་པ་སེམས་བསྐྱེད་ནི། སེམས་ཅན་ཐམས་ཅད་ལ་བསམ་པས། ཕ་མ་མ་བྱས་པ་གཅིག་ཀྱང་མེད། ཕ་མ་བྱས་རེས་ཀྱི་ཕན་དཔག་ཏུ་མེད་པ་བཏགས་ཤིང་གནོད་པ་དཔག་ཏུ་མེད་པ་ལས་སྐྱབས་པ་ཡིན་ཀྱང་། ད་ལྟ་སྡུག་བསྔལ་འབའ་ཞིག་ལ་ལོངས་སྤྱོད་པར་འདུག་པས། འདི་རྣམས་སྡུག་བསྔལ་ལས་བསྒྲལ་བའི་ཕྱིར་བདག་

[Full Size]

གིས་སངས་རྒྱས་ཐོབ་པར་བྱ། །དེའི་ཆེད་དུ་ཕྱག་རྒྱ་ཆེན་པོ་རྩེ་གཅིག་ཏུ་སྒོམ་སྙམ་པས། ངག་ཏུ་བདག་གིས་སེམས་ཅན་ཐམས་ཅད་ཀྱི་དོན་དུ་སངས་རྒྱས་ཀྱི་གོ་འཕང་ཐོབ་པར་བྱ། དེའི་ཆེད་དུ་ཟབ་ལམ་ཕྱག་རྒྱ་ཆེན་པོ་ཉམས་སུ་བླང་བར་བྱའོ། །ལན་གསུམ། གསུམ་པ་རྡོ་རྗེ་སེམས་པའི་སྒོམ་བཟླས་ཁྲིད་སྐབས་སུ་ངེས་པར་དགོས་ལ། རྒྱུན་དུ་མ་བྱས་ཀྱང་སྐྱོན་མེད། བཞི་པ་བླ་མའི་རྣལ་འབྱོར་སྐྱབས་འགྲོའི་སྐབས་བཞིན་སྒོམ་པའམ། ཡང་ན་རང་གི་སྤྱི་བོར་སེང་ཁྲི་པད་ཟླའི་སྟེང་དུ། རྩ་བའི་བླ་མ་སངས་རྒྱས་རྡོ་རྗེ་འཆང་ཆེན་པོ་སྐུ་མདོག་སྔོན་པོ་རྡོ་རྗེ་དང་དྲིལ་བུ་ཐལ་སྦྱར་བསྣོལ་ནས་འཛིན་པ། དར་དང་རིན་པོ་ཆེའི་རྒྱན་གྱིས་སྤྲས་པ། མཚན་དཔེའི་གཟི་འོད་འབར་བ། ཞབས་རྡོ་རྗེ་སྐྱིལ་ཀྲུང་གིས་བཞུགས་པ། དེའི་དཔྲལ་བར་ཨོཾ་སོགས་གནས་གསུམ་བྱིན་གྱིས་རླབས། ཐུགས་ཀའི་ཧཱུྃ་

[Full Size]

ལས་འོད་འཕྲོས་པས། བླ་མ་ཡི་དམ་སངས་རྒྱས་བྱང་སེམས་ཐམས་ཅད་སྤྱན་དྲངས་ལ་བསྟིམ་པས། སྐྱབས་གནས་ཀུན་འདུས་ཀྱི་ངོ་བོར་གྱུར་པར་བསམ་ལ། བློ་སྙིང་བྲང་གསུམ་གཏད་དེ། སྐྱིད་སྡུག་ལེགས་ཉེས་ཅི་བྱུང་ཡང་རེ་ལྟོས་གཞན་མེད་པས། བླ་མ་ཁྱེད་རང་མཁྱེན་ནོ་སྙམ་པས། བླ་མ་སངས་རྒྱས་རིན་པོ་ཆེ་ལ་གསོལ་བ་འདེབས་སོ། །བདག་འཛིན་བློས་ཐོད་པར་བྱིན་གྱིས་རློབས། །དགོས༴ །འོད་གསལ་ཕྱག་ཆེན་རྟོགས༴ ད་ལྟ་ཉིད་དུ་བྱིན་གྱིས་རློབས། །མྱུར་བ་ཉིད་དུ༴འདུག་ས་འདི་ཉིད་དུ༴ ཞེས་པ་ཉེར་གཅིག་སོགས་ཀྱིས་གསོལ་བ་རྩེ་གཅིག་ཏུ་བཏབ་པས། བླ་མའི་སྐུ་ལས་བདུད་རྩི་བབས། རང་གི་ལུས་གང་སྡིག་སྒྲིབ་དག །ཡང་བདུད་རྩི་བབས། སྨིན་མཚམས་ཡན་ཆད་གང་། བུམ་པའི་དབང་སོགས་ནས་རྐང་མཐིལ་ཡན་ཆད་གང་། སྒྲིབ་པ་ཐམས་ཅད་དག །དབང་བཞི་ཐོབ།

[Full Size]

བླ་མ་ལ་བསྟིམ། རང་གིས་སེམས་དང་བསྲེས་ཏེ། གཤིས་སྐྱེ་མེད་དུ་སྟོང་སིང་ངེ་བ། གདངས་མོས་གུས་སུ་དུང་ངེ་བའི་ངང་ལ་འཛིན་མེད་དུ་མཉམ་པར་བཞག་གོ ། གཉིས་པ་ཐུན་མོང་མ་ཡིན་པའི་སྔོན་འགྲོ་ལ། ལུས་རང་བབ། ངག་རང་བབ། ཡིད་རང་བབ་གསུམ། དང་པོ་ནི། ལུས་གནད་ལ་མ་བཅོས་ན་ཏིང་ངེ་འཛིན་མི་སྐྱེ་བས་ལུས་རྣམ་སྣང་ཆོས་བདུན་དང་ལྡན་པར་བྱས། དེ་ནས་ལུས་ལ་བཟའ་བཟོ་བཅས་བཅོས་གང་ཡང་མི་བྱ་བར་ཉྭ་གཞི་ལྷོད་ཀྱི་གློད་ནས་ལུས་རང་བབས་སུ་བཞག །གཉིས་པ་ནི། གཏམ་སྣ་ཚོགས་སྨྲ་བ་དང་། མདོ་འདོན་པ་ལ་སོགས་པ་ངག་གི་ལས་ཐམས་ཅད་བཞག །ལྕེ་དང་མཆུ་ལ་སོགས་ཀྱང་རང་བབས་སུ་ལྷུག་པར་བཞག་གོ ། གསུམ་པ་ནི། སེམས་འདི་ཡང་འདས་པའི་རྗེས་མི་བཅད། མ་འོངས་པ་སྡུན་མི་བསུ། ད་ལྟར་བའི་ཤེས་པ་ལ་བཟའ་བཟོ་བཅས་བཅོས་གང་

[Full Size]

ཡང་མི་བྱ་བར་རང་བབས་སུ་ལྷུག་པར་བཞག་གོ ། འདི་ཡང་མ་གཅིག་གིས། ལུས་ནི་ཉྭ་བཞི་གློད་པ་གཅེས། ངག་གནད་ལྐུག་པར་སྡོད་པ་གཅེས། །སེམས་འདུ་ཤེས་བཤིག་པ་གཅེས། །ཞེས་པ་ལྟར་ཡུལ་རྗེས་སུ་མི་སྙེག་པར་ལྟ་སྟོང་གི་ཚུལ་དུ་ཧ་རེ་བཞག །སེམས་བཅས་བཅོས་ཀྱི་འདུ་ཤེས་ཐམས་ཅད་བཤིག་སྟེ། གཟོ་མེད་ལྷུག་པར་ཧད་དེ་ཆད་དེ་བཞག །དེ་ལ་ཐ་མལ་གྱི་ཤེས་པའམ། གཉུག་མའི་ཤེས་པ་ཞེས་ཀྱང་བྱ། དེ་རང་སོ་ན་མ་ཟིན་པར་གནད་དུ་བསྣུན་ནས་སྒོམ་པ་གལ་ཆེའོ། །གཉིས་པ་དངོས་གཞི་ལ། སྐྱོན་བཞི་རང་གྲོལ་དང་། ཡོན་ཏན་བཞི་གྲུབ་པ་གཉིས་ལས། དང་པོ་ནི་ཉེ་དྲགས་པས་མ་མཐོང་། སླ་དྲགས་པས་ཡིད་མ་ཆེས། ཕྲ་དྲགས་པས་མ་རྟོགས། བཟང་དྲགས་པས་བློར་མ་ཤོང་བ་སྟེ། སྐྱོན་བཞི་རང་གྲོལ་དུ་བྱ་བ་སྟེ་དང་པའོ། །ཉེས་གྲགས་པས་མ་མཐོང་བའི་སྐྱོན་མེད་དེ། ཉེ་ཤོས་

[Full Size]

རང་གི་སེམས་ཐོག་ཏུ་བྱར་མེད་ཀྱི་ཚུལ་དུ་སྒོམས་ལ་མཐོང་མ་མཐོང་གི་། །། གཞི་མ་དགོས་པས་སོ། །སླ་དྲགས་པས་ཡིད་མི་ཆེས་མི་དགོས། རླབས་དང་འཁྲིག་དུས་སྐད་ཅིག་བཞིན། །ཞེས་པ་ལྟར་ལོངས་སྤྱོད་རླབས་དང་། འཁྲིག་པ་གཅོད་པ་དང་། ཐང་ཤིན་ཏུ་ཆད་པའི་ཚེ་འཆར་བར་སངས་རྒྱས་ཀྱིས་གསུངས་ལ། འཆར་རྒྱུ་དེ་ཡང་སྣང་བྱའི་ཡུལ་སྣང་བ་དང་། འཛིན་བྱའི་བློར་བྲལ་བའི་གསལ་སིང་ངེ་བ་ལ་ལྷན་ནེ་གནས་པ་དེ་ཁ་ཐ་མལ་གྱི་ཤེས་པ་ལ་གཟོ་མ་ཞུགས་པ་ཡིན་ཞིང་། དེ་ཀ་བསྒོམ་བྱ་གཙོ་བོ་ཡིན་པར། ཐ་མལ་ཤེས་པ་སྙིང་གི་དབུས་སུ་སད། །ཞེས་པས་བསྟན་པའི་ཕྱིར་རོ། །ཕྲ་དྲགས་པས་མ་རྟོགས་པའི་སྐྱོན་མེད་དེ། མ་མཐོང་བ་དེ་མཐོང་བའི་མཆོག །ཞེས་པ་ལྟར། མཐོང་རྒྱུའི་རྟོགས་རྒྱུ་མེད་པར་ཤེས་ནས་དེའི་སྟེང་དུ་གཟོ་མེད་དུ་བཞག་པས་ཆོག་པའི་ཕྱིར། བཟང་དྲགས་

[Full Size]

པས་བློར་མི་ཤོང་མི་དགོས་ཏེ། ན་མོ་བདེ་གཤེགས་སྙིང་པོ་འགྲོ་ཀུན་ཡོངས་ལ་ཁྱབ། །ཞེས་བདེ་བར་གཤེགས་པའི་སྙིང་པོ་སྤྲོད་པའི་མཐའ་ཐམས་ཅད་དང་བྲལ་བ་དེ། སེམས་ཅན་ཐམས་ཅད་ལ་ཡོད་པར་སངས་རྒྱས་རང་གི་གསུངས་པའི་ཕྱིར། དེ་ལ་སྐྱོན་བཞི་ལ་གྲོལ་ནས། གཉིས་པ་ཡོན་ཏན་བཞི་གྲུབ་པ་ལ། དང་པོ་དྲན་འདུན་དྲག་པོས་བཅུན་ཏེ་ཞི་གནས་བཙལ་བ། བར་དུ་དྲན་འདུན་རང་སར་བཤིག་སྟེ་ལྷག་མཐོང་སྒོམ་པ། ཐ་མལ་གཟོ་མེད་ལྷུག་པའི་ངང་དུ་ཟུང་གི་རྒྱུན་བསྐྱང་བ། དེ་ཡང་སྒོམ་མེད་ཡེངས་མེད་དུ་འབྱོང་པས་སྤྲོས་བྲལ་དུ་ཐག་བཅད་པའོ། །དང་པོ་ཉིན་མཚན་འཁོར་ཡུག་ཏུ་འདུན་པ་དྲག་པོས་རྒྱུན་དུ་བཅུན་ནས། གནད་དུ་བསྣུན་ནས་ཡེངས་མེད་དུ་སྒོམ་དགོས་ཀྱི། འཕྲན་ཙམ་རེ་བསྒོམས་ཀྱང་ཡར་བསྐྱེད་མེད་པའི་ཁར་ལ་ཤོར་གྱི་རྒྱུན་བསྲིངས་ནས་སྒོམ་མི་ནུས་སོ། །དེ་ཡང་སྒོམ་ཚུལ་ནི། འཇོག་དང་རྒྱུན་འཇོག་སླན་ནས་

[Full Size]

འཇོག །ཞེས་གསུངས་པ་ལྟར། རྣམ་རྟོག་གཞན་གྱི་འཁྲི་བ་རྦད་བཅད་དེ། རང་སེམས་ཀྱི་སྟེང་དུ་ལྷན་གྱིས་བཞག །ཡེངས་པའི་གྲབས་བྱེད་ཚེ་འདུན་པ་དྲག་པོས་ཡང་ཡང་བཅུན་ཏེ་ཡེངས་སུ་མི་འཇུག །དེ་ནས་ཀྱང་མི་ཐུབ་པར་ཡེངས་ན། དམིགས་པ་ལ་སེམས་གཏད་དེ། དེ་རྒྱུན་རྣམ་པར་གཡེང་མི་བྱ། །རྣམ་གཡེང་མྱུར་དུ་བརྟག་བྱས་ཏེ། །དེ་ལ་སླར་ཡང་བསླན་པར་བྱ། །ཞེས་གསུངས་པ་ལྟར། དེ་མ་ཐག་ཡེངས་པ་ངོས་བཟུང་ལ། །དགག་སྒྲུབ་མེད་པར་ལྷན་གྱིས་མཉམ་པར་བཞག་གོ ། དེ་ལྟ་བུའི་སྒོམ་ཚུལ་ཤེས་པར་བྱས་ལ། ཉིན་མཚན་འཁོར་ཡུག་ཏུ་བརྩོན་འགྲུས་དྲག་པོས་སྒོམ་དགོས་ཀྱིས། ཐུན་གྱི་གནས་སྐབས་ཡུད་ཙམ་སྒོམ་པ་སོགས། བྱས་བློ་གྱུར་བློས་སྒོམ་པ་ནི། རྗེས་ཏིལ་འབྲུ་ཙམ་ཡང་མི་འབྱུང་བས་སྙུགས་བསྲིང་སྟེ་འབད་པས་སྒོམ་པ་གལ་ཆེའོ། །གཉིས་པ་བར་དུ་དྲན་འདུན་རང་སར་

[Full Size]

བཤིག་སྟེ་ལྷག་མཐོང་སྒོམ་པ་ནི། སྔར་གྱི་དེ་ནན་ཐུར་བྱས་བསྒོམས་པས། ཐོག་མར་རྣམ་རྟོག་མང་དུ་སོང་བ་སྙམ་བྱེད་ཀྱང་། དེ་རྣམ་རྟོག་ངོས་ཟིན་པ་ཡིན་པས་སྐྱོན་ཆེར་མེད། དེ་ནས་སྒྱིད་ལུག་པར་མི་བྱ་བར་འབད་དེ་བསྒོམས་པས་རྣམ་རྟོག་ཉུང་བ་དང་། གནས་ཆ་ཇེ་ཆེར་འགྲོ་སྟེ་དེ་ཙམ་ན་ཧྲིལ་གྱི་སྒྲིམས་ལ་ལྷོད་ཀྱིས་གློད་སྒོམ་པའི་གནད་གཅིག་དེ་ན་འདུག །ཞེས་པའམ། འཇུར་པོས་བཅིངས་པའི་སེམས་འདི་ནི། །གློད་ན་གྲོལ་བར་ཐེ་ཚོམ་མེད། །ཞེས་གསུངས་པ་ལྟར་ཐོག་མར་སེམས་ཀྱི་ངོ་བོ་ལ་ཆེར་གྱིས་བལྟས་ཏེ། དེ་ནས་བཟོ་མེད་ལྷུག་པར་ལྷོད་ཀྱིས་གློད་ལ་བཞག །དེ་ལྟ་བུ་གཡེང་བའི་བར་མ་ཞུགས་པར་རྒྱུན་ལྡན་དུ་བསྒོམས་པས་རེ་ཞིག་ན་ནམ་བཞག་ཀྱང་ཞན་ནེ་གནས་པ་འབྱུང་ངོ་། །གསུམ་པ་ཐ་མལ་བཟོ་མེད་ལྷུག་པའི་ངང་དུ་ཟུང་གི་རྒྱུན་བསྐྱང་བ་ནི། དེ་ཡང་མཉམ་རྗེས་ཐམས་ཅད་དུ་རྩལ་སྦྱང་དགོས་ཏེ། ཐོག་

[Full Size]

མར་རང་གི་སེམས་ཐོག་ཏུ་ཡུལ་སྣང་གང་ཤར་ཀྱང་ངོ་བོ་ལ་ཆེར་གྱིས་བལྟས་ལ་གཟོ་མེད་ལྷུག་པར་ཆད་ཀྱིས་བཞག །དེ་བཞིན་དུ་ཡུལ་སྣ་ཚོགས་ཀྱི་བདུད་རྩི་བསྟེན་གསུང་བ་ལྟར། ཡུལ་སྣ་ཚོགས་འཆར་དུ་བཅུག་ལ། གང་ཤར་བ་དེའི་ངོ་བོ་ལ་ཆེར་གྱིས་བལྟས་བཟོ་མེད་དུ་བཞག །དེ་བཞིན་དུ་སྟེང་དུ་རྒྱང་རིང་པོར་ཆད་ཀྱིས་བཏང་ནས་འོག་དང་། ཨོ་རྒྱན་དང་། རྡོ་རྗེ་གདན་སོགས་རྒྱང་རིང་པོར་ཆད་ཀྱིས་བར་བཏང་ནས་བཟོ་མེད་དུ་བཞག །རེས་འགའ་སེམས་ཐོག་ཏུ་འདོད་ཆགས་ཞེ་སྡང་། ང་རྒྱལ་ཕྲག་དོག་སོགས་ཉོན་མོངས་པ་གང་སྐྱེས་ཀྱང་ངོ་བོ་ལ་ཆེར་གྱིས་བལྟས་ཏེ། བཟོ་མེད་དུ་བཤིག་ལ་ལྷོད་ཀྱིས་འཇོག །དེ་བཞིན་དུ་བསྐྱེད་རིམས་སྒོམ་པ། རླུང་སྒོམ་པ་སོགས་ལ་ཡང་བསྲེས་ཏེ་བསྒོམ་པ་སོགས་བར་མཚམས་ཅུང་ཟད་ཙམ་ཡང་མ་ཆད་པར་ཆིག་སྒྲིལ་དུ་ཉམས་སུ་ལེན་པ་ལ་འབད་པར་བྱ་དགོས་ཏེ། མདོར་

[Full Size]

ན་རྐྱེན་དབང་དུ་མི་འགྲོ་བའི་བསྟན་པ་ཐོབ་པ་ཞིག་ནམ་བྱུང་བར་དུ་སྒོམ་པ་ཡིན་ནོ། །རེས་འགའ་བྱིང་རྒོད་དང་མི་ནུས་པ་སོགས་ཀྱི་གེགས་བྱུང་སྟེ། སྤྱི་བོར་བླ་མ་སྒོམ་ལ་གསོལ་བ་དྲག་ཏུ་བཏབ་བླ་མ་བསྟིམ་པ་རྣམས་སྔར་བཞིན་བྱས་ལ་མོས་གུས་བསྐྱེད། སེམས་ཅན་ལ་སྙིང་རྗེ་ཡང་སྒོམ། ཡང་བྲེལ་རིངས་ཆེས་པས་སྒོམ་རྒྱུ་མི་ཡོང་སྙམ་བྱེད་ན། ཚོགས་ལ་འགྲོ་བ་ན་ཡང་། རང་གི་གྲྭ་ཁང་ནས་ཆས་ཏེ་ཚོགས་སུ་ནམ་སླེབས་བར་ལ་ཅུང་ཟད་ཙམ་ཡང་མ་བརྗེད་པར་བྱས་སྒོམ། དེ་ནས་འགྲོ་འདུག་གཞན་ལ་ཡང་སྦྱར། དེ་ནས་བཟའ་བཏུང་སོགས་ལ་ཡང་གོམས་སུ་བཅུག་སྟེ། མཉམ་རྗེས་ཐམས་ཅད་ལ་བསྲེ་བར་བྱའོ། །བཞི་པ་ནི། དེ་ལྟ་བུ་ལས་ལོགས་སུ་གྱུར་པའི་ཕྱག་ཆེན་ནམ་རྫོགས་ཆེན་ནམ། འཁོར་འདས་དབྱེར་མེད་ཞེས་གཞན་ནས་བཙལ་དགོས་མེད་པས་ལྟ་བ་སྤྲོས་བྲལ་དེ་ཁར་ཐག་བཅད་དོ། །གསུམ་པ་

[Full Size]

རྗེས་སམ་འབྲས་བུ་ནི། སྐུ་གསུམ་རང་ཤར་ཏེ། གསལ་བ་སྤྲུལ་སྐུ་སྟོང་པ་ཆོས་ཀྱི་སྐུ་ཟུང་འཇུག་ལོངས་སྤྱོད་རྫོགས་པའི་སྐུ་ཡིན་ཏེ། ཞེས་གསུངས་པ་ལྟར་མཐའ་བྲལ་གྱི་ལྟ་བ་དེ་ཁ་ལ། གསལ་བའི་ཆ་སྤྲུལ་སྐུ། སྟོང་པའི་ཆ་ཆོས་སྐུ། ཟུང་འཇུག་ལ་ལོངས་སྐུར་བཞག་པས་སྐུ་གསུམ་གཞན་ནས་བཙལ་མི་དགོས་པར་གསལ་སྟོང་ཟུང་འཇུག་དེ་ཀའི་རྒྱུན་བསྐྱང་པས་སྐུ་གསུམ་མངོན་དུ་གྱུར་བ་ནི་གདོན་མི་ཟ་བ་ཡིན་ནོ། །དེ་སྐད་གསང་མཐའི་ཟབ་ལ་སྙིང་པོའི་དོན། །འཁྲུལ་མེད་རང་གཟུགས་རྗེན་པར་སྟོན་ན་ཡང་། །འབད་མེད་གཡེང་བའི་ལམ་ལ་མི་ཚེ་བསྐྱལ། །ནོར་བུའི་གླིང་ནས་སྟོང་ལོག་མ་བྱས་སམ། །ཀྱཻ་རང་ཡང་སྙོམ་ལས་ལེ་ལོས་དུས་འདས་ནས། །གཞན་ལ་ཁ་ལྟ་འཇུག་པའི་ཁྲམ་ཚིག་ཅན། །རང་ལ་རང་ཞེས་མ་ཁྲེལ་གཞན་དག་ལ། །སྙིང་གཏམ་སྨྲ་བའི་དམ་པའི་

[Full Size]

ལུགས་སྲོལ་ཡིན། །འོན་ཀྱང་གཞན་ཕན་བསམ་པའི་བློ་དག་པས། །འདི་སྐད་བརྗོད་ལ་དགེ་ཚོགས་གང་ཐོབ་པ། །བདག་དང་གདུལ་བྱའི་རྒྱུད་ལ་བདེ་ཆེན་གྱི། །ཡེ་ཤེས་མྱུར་དུ་སྐྱེ་བའི་མཐུ་ལྡན་ཤོག །ཅེས་པ་འདི་ཡང་དགེ་སློང་དཀོན་མཆོག་བསམ་འགྲུབ་ཀྱི་བསྐུལ་ངོར། བྱམས་པ་ངག་དབང་རྣམ་རྒྱལ་གྱིས་དབེན་གནས་ཞེ་དགོན་དུ་སྦྱར་བ་འདིས་ཀྱང་བསྟན་པ་དང་སེམས་ཅན་མང་པོ་ལ་ཕན་ཐོགས་པར་གྱུར་ཅིག །ཡི་གེ་པ་ནི་ངག་དབང་ཕུན་ཚོགས་ཀྱིས་བགྱིས་པའོ། །

ཕྱག་རྒྱ་ཆེན་པོ་གའུ་མའི་ཁྲིད་ཡིག་རྡོ་རྗེའི་ཚིག་གི་མདུད་གྲོལ། ལོ་ཙཱ་བ་གླན་དར་མ་བློ་གྲོས།

[Full Size]

ཕྱག་རྒྱ་ཆེན་པོ་གའུ་མའི་ཁྲིད་ཡིག་རྡོ་རྗེའི་ཚིག་གི་མདུད་གྲོལ་བཞུགས་སོ། །

[Full Size]

ན་མོ་གུ་རུ་ཝེ། ཕྱག་རྒྱ་ཆེན་པོ་གའུ་མའི་ཁྲིད་ཡིག་རྡོ་རྗེའི་ཚིག་གི་མདུད་གྲོལ་ཞེས་བྱ་བ། དཔལ་རྡོ་རྗེ་འཛིན་པ་ལ་ཕྱག་འཚལ་ལོ། །བརྟན་གཡོ་ཀུན་གྱི་རང་བཞིན་མཆོག །གཉུག་མ་གདོད་ནས་ཀུན་ལ་བཞུགས། །ལྷུན་གྲུབ་ཆོས་སྐུར་ཕྱག་བྱས་ནས། །ཕྱག་ཆེན་ཁྲིད་ཀྱི་རིམ་པ་བཤད། །འདིར་རིགས་དྲུག་པ་རྡོ་རྗེ་འཆང་ཆེན་གྱིས་ཡེ་ཤེས་ཀྱི་མཁའ་འགྲོ་ནི་གུ་མ་ལ་རྗེས་སུ་གདམས་པའི། ཕྱག་རྒྱ་

[Full Size]

ཆེན་པོ་གའུ་མའི་ཁྲིད་སྟོན་པར་བྱེད་པ་ལ་གཉིས། རྡོ་རྗེའི་ཚིག་རྐང་གིས་མཚན་གྱི་དོན། མཚན་ཅན་གཞུང་གི་དོན་གཉིས་ལས། །དང་པོ་ལ་གཉིས་ཀྱི། དང་པོ་མཚན་བསྒྱུར་བ་ནི། རྒྱ་གར་གྱི་སཾ་སྐྲྀ་ཏའི་སྐད་དུ། མ་ཧཱ་མུ་ཏྲ། ཞེས་པ་བོད་སྐད་དུ་བསྒྱུར་ན། ཕྱག་རྒྱ་ཆེན་པོ་ཞེས་བྱ་བའོ། །གཉིས་པ་མཚན་བཤད་པ་ནི། ཕྱག་རྒྱ་ཆེན་པོ་དེས་བརྟན་གཡོའི་དངོས་པོ་ཐམས་ཅད་ལ་རྒྱས་འདེབས་པས་

[Full Size]

ན། ཕྱག་རྒྱ་དེའི་གོང་ན་གཞན་མེད་པས་ན་ཆེན་པོ། དེ་གང་ཡིན་ཞེས་ན། འོད་གསལ་ཆོས་ཀྱི་སྐུའོ། །དགོས་པ་ལ་མཚན་ཐོག་མར་སྨོས་པས། དོན་རགས་པ་རྟོགས་ཤིང་དཔེ་བཙལ་སླ་བ་ཡང་ཡིན་ནོ། །ཟུང་འཇུག་ཕྱག་རྒྱ་ཆེན་པོ་ལ་ཕྱག་འཚལ་ལོ། །ཞེས་པ་ནི། ལོ་ཙྭ་བས་འགྱུར་མཐར་ཕྱིན་པའི་ཕྱག་བྱས་པའོ། །གཉིས་པ་གཞུང་གི་དོན་ནི། སེམས་ཅན་ཐམས་ཅད་ཀྱང་གནས་ལུགས་ལ་སྐུ་གསུམ་རང་ཆས་སུ་ཡོད་པ་དེ་འཁྲུལ་པའི་དྲི་མས་སྒྲིབས་ནས་མི་གསལ་ཞིང་མ་རིག་པས་འཁོར་བར་འཁྱམས་པ་ལ། ལམ་ཟབ་མོ་འདི་བསྒོམས་པས་འཁྲུལ་པའི་དྲི་མ་སངས། སྐུ་གསུམ་བདེ་བ་ཆེན་པོ་མངོན་དུ་འགྱུར་བ་ཡིན་ཏེ། ཁྱུང་པོས་མཛད་པའི་གཞི་ལམ་འབྲས་གསུམ་ལས། གཞི་སྐུ་གསུམ་རང་གནས། ལམ་སྐུ་གསུམ་ལམ་ཁྱེར། འབྲས་བུ་སྐུ་གསུམ་མངོན་གྱུར། ཞེས་

[Full Size]

གསུངས་པས། སྦྱང་བའི་གཞི་དེའང་གཟུགས་སྐུ་གཉིས་དང་བཅས་པའི་སྐུ་གཉིས་མ་ཡིན་གྱི། ཆོས་སྐུ་རང་ལ་ནང་མཚན་གྱིས་ཕྱེ་བའི་སྐུ་གསུམ་ཡིན་ཏེ། གཞུང་འདི་ཉིད་དུ། ཆོས་སྐུའི་ནམ་མཁར་ཞེས་དྲི་མ་སྦྱང་བའི་གཞིར་གསུངས་པའི་ཕྱིར་རོ། །གཞན་ནི་གོ་སླའོ། །དེའི་དོན་སྟོན་པར་བྱེད་པ་ལ་གསུམ། ལམ་དེ་གང་ལས་ཐོས་པ། ཆོས་མཆོག་ཏུ་གྱུར་པའི་ལམ་ཡིན་ཚུལ། ལམ་དེ་ཉམས་སུ་བླང་པའི་ཚུལ་ལོ། །དང་པོ་ནི། བདེ་ཆེན་ལྷུན་གྲུབ་འདུས་མ་བྱས། །ལོངས་སྐུ་རྡོ་རྗེ་འཆང་ཆེན་གྱིས། །སྐྱེ་མེད་རང་སྒྲ་འདི་སྐད་ཐོས། །ཞེས་གསུངས་ཏེ། དེ་གང་ལས་ཐོས་ན། ལྷན་ཅིག་སྐྱེས་པའི་བདེ་བ་ཆེན་པོ་ཐོག་མ་མེད་པ་ནས་ལྷུན་གྱིས་གྲུབ་པ་ནས། རྒྱུ་དང་རྐྱེན་ལས་མ་སྐྱེས་པས་འདུས་མ་བྱས་པ་སྟེ། ཆོས་སྐུའི་ངོ་བོ་དེའང་གསུང་རྣམ་པ་ཐམས་

[Full Size]

ཅད་པ་སྟེ། རྡོ་རྗེའི་སྒྲ་དང་དབྱེར་མེད་པས་ལོངས་སྐུ། རྡོ་རྗེའི་སྐུ་རྣམ་པ་ཐམས་ཅད་པ་སྤྲུལ་སྐུ་སྟེ། སྐུ་གསུམ་གྱི་བདག་ཉིད་ཅན་རྡོ་རྗེ་འཆང་ཆེན་པོ་དེ་ཉིད་ཀྱི་ཞལ་སྔ་ནས་སོ། །གང་གིས་ཐོས་ན། ཡེ་ཤེས་ཀྱི་མཁའ་འགྲོ་མ་ནི་གུ་མ་དེ་ཉིད་རྣམ་པར་མི་རྟོག་པའི་ཏིང་ངེ་འཛིན་ལ་མཉམ་པར་བཞག་པའི་རྡོ་རྗེ་རྣ་བར་ཐོས་སོ། །གང་ཐོས་ན་སྐྱེ་མེད་ཀྱི་རང་སྒྲ་ཕྱག་རྒྱ་ཆེན་པོའི་གཞུང་འདི་ཐོས་སོ། །ཞེས་པའོ། །གཉིས་པ་ཆོས་མཆོག་ཏུ་གྱུར་པའི་ལམ་ཡིན་ཚུལ་ནི། །ཐ་མལ་ཤེས་པ་ཨེ་མ་ཧོ། །ཞེས་གསུངས་ཏེ། ཐ་མལ་ཤེས་པ་ཞེས་པ་ལ་འོ་ན་རྣམ་རྟོག་གོ་མཉམ་དུ་འཁྲུལ་པར་མི་བྱ་སྟེ། འདིའི་དོན་ནི་མ་བཅོས་པའི་ཤེས་པ་ཡིན་ལ། མ་བཅོས་པ་ནི་སྐྱེ་མེད་རིན་ཆེན་མཛོད། །ཅེས་པ་དང་མཐུན་པར་རྣམ་པར་མི་རྟོག་པའི་ཡེ་ཤེས་ཡིན་ནོ། །འདི་ལྟ་བུའི་དོན་ཟབ་མོ་སྟོན་པར་བྱེད་པ་ནི་ཨེ་མ་ཧོ། །ཞེས་པ་

[Full Size]

ཤིན་ཏུ་ཡང་ངོ་མཚར་དུ་གྱུར་པའི་ཐ་ཚིག་གོ ། གསུམ་པ་ལམ་དེ་ཉམས་སུ་བླང་བའི་ཚུལ་ལ་གཉིས་ལས། དང་པོ་བསྡུས་པའི་དོན་ནི། སྔོན་འགྲོ་རང་བབས་རྣམ་གསུམ། དངོས་གཞི་སྐྱོན་བཞི་རང་གྲོལ། མཐར་ཐུག་སྐུ་བཞི་རང་ཤར་རོ། །ཅེས་གསུངས་པ་སྟེ། དེའང་དོན་གསུམ་པོ་འདིར་འདུ་ཞེས་བསྡུས་པའི་དོན་བསྟན་ནོ། །གཉིས་པ་རྒྱས་པར་བཤད་པ་ལ་ལྔ་སྟེ། སྔོན་འགྲོ་རང་བབས་རྣམ་གསུམ། དངོས་གཞི་སྐྱོན་བཞི་རང་གྲོལ། རྗེས་སྐུ་བཞི་རང་ཤར། བོགས་འདོན་དང་ལམ་ཁྱེར་བསྟན་པ། མཇུག་གི་དོན་དང་ལྔ་ལས། དང་པོ་ལ་གཉིས་ཀྱི་ཐུན་མོང་གི་སྔོན་འགྲོ་ནི། དལ་འབྱོར་རྙེད་དཀའ་བ་བསམ་པ་ནས་སྐྱབས་འགྲོ་སེམས་བསྐྱེད་ཀྱི་བར་གཞན་དུ་བསྟན་པ་ལས་རྒྱས་བསྡུས་ཅི་རིགས་པར་གདུལ་བྱའི་བློ་དང་འཚམ་པར་ཐེག་པ་ཆེན་པོའི་ཆོས་ཀྱི་

[Full Size]

སྣོད་དུ་རུང་བར་མ་གྱུར་གྱི་བར་དུ་བསྒོམ་དུ་གཞུག་གོ ། གཉིས་པ་ཐུན་མོང་མ་ཡིན་པའི་སྔོན་འགྲོ་ལ་སྨིན་གྲོལ་གཉིས་ལས། དང་པོ་སྨིན་བྱེད་ཀྱི་དབང་ནི། དཔལ་རྒྱུད་སྡེ་ཆེན་པོ་ལྔའི་དབང་བཞི་རྫོགས་དང་། འདིའི་དགོས་ཀྱི་བྱིན་རླབས་བཀའ་ཞུའོ། །གཉིས་པ་གྲོལ་བྱེད་ཀྱི་ལམ་ལ་གསུམ། དབང་པོ་རབ་བླ་མའི་བྱིན་རླབས་དང་རང་བབས་གསུམ་ལ་བརྟེན་ནས་གཅིག་ཅར་དུ་ཡེ་ཤེས་བསྐྱེད་པ། དབང་པོ་འབྲིང་རྟེན་ཅན་གྱི་དམིགས་པ་ལ་བརྟེན་ནས་ཞི་ལྷག་གི་ཏིང་ངེ་འཛིན་བསྐྱེད་པ། དབང་པོ་ཐ་མ་རིམ་ཅན་གྱི་ལམ་ལ་བརྟེན་ནས་ཞི་གནས་ཀྱི་ཏིང་ངེ་འཛིན་བསྐྱེད་པའོ། །དང་པོ་ལ་གཉིས་ལས། བླ་མའི་མོས་གུས་བསྒོམ་པ་ནི། རང་ཡི་དམ་གྱི་ལྷར་དྲན་པར་བྱས་ལ། བླ་མ་ལ་གསོལ་བ་བཏབ་དགོས་ཏེ། ཡེ་ཤེས་ཀྱི་མཁའ་འགྲོ་མ་ནི་གུ་མའི་ཞལ་ནས། ས་བཅུ་ལམ་ལྔའི་རིམ་པ་རྣམས།

[Full Size]

མོས་གུས་སྟོབས་ཀྱིས་བསྒྲོད་པར་བྱེད། །བླ་མའི་སྣང་བ་མི་འབྲལ་བ། །རྒྱུད་སྡེའི་དགོངས་པ་གནད་ཀྱི་མཆོག །ཅེས་གསུངས་ཤིང་། བརྟག་གཉིས་ལས། གཞན་གྱིས་བརྗོད་མིན་ལྷན་ཅིག་སྐྱེས། །གང་དུ་ཡང་ནི་མི་རྙེད་དེ། །བླ་མའི་དུས་ཐབས་བསྟན་པ་དང་། །བདག་གི་བསོད་ནམས་ལས་ཤེས་བྱ། །ཞེས་གསུངས་པ་དང་། རྣལ་འབྱོར་མ་ཀུན་སྤྱོད་ཀྱི་རྒྱུད་ལས། གང་གིས་དྲིན་གྱིས་བདེ་ཆེན་ཉིད། །སྐད་ཅིག་ཉིད་ལ་འཆར་བ་གང་། །བླ་མ་རིན་ཆེན་ལྟ་བུའི་སྐུ། །རྡོ་རྗེ་ཅན་ཞབས་པད་ལ་འདུད། །ཅེས་གསུངས། གསང་བ་འདུས་པ་ལས། རྡོ་རྗེ་སློབ་དཔོན་ནི། བདག་ཅག་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱི་ཕའོ། །མའོ། །བསྐྱེད་པའོ། །ཞེས་གསུངས། ཡེ་ཤེས་གསལ་བ་སྒྲོན་མེ་རྒྱུད་ལས། མཚན་དང་དཔེ་བྱད་ལྡན་

[Full Size]

པའི་ལྷ། །བསྐལ་པ་སྟོང་དུ་བསྒོམ་པ་བས། །བླ་མ་དྲན་པ་བསོད་ནམས་ཆེ། །ལྷ་སྐུ་མ་བསྒོམ་བླ་མ་བསྒོམས། །ལྷ་སྐུ་བྱེ་བ་སྟོང་བསྒོམས་པས། །བླ་མ་བསྒོམས་པ་བསོད་ནམས་ཆེ། །ཞེས་གསུངས་པ་དང་། གསང་འདུས་རིམ་ལྔ་ལས། རི་དབང་རྩེ་ནས་འགའ་ཞིག་ལྷུང་གྱུར་ན། །ལྟུང་བར་མི་བྱ་སྙམ་ཡང་ལྟུང་བར་འགྱུར། །བླ་མའི་དྲིན་གྱིས་ཕན་པའི་ལུང་ཐོབ་ན། །གྲོལ་བར་མི་བྱ་སྙམ་ཡང་གྲོལ་བར་འགྱུར། །ཅེས་དང་། ཡེ་ཤེས་གྲུབ་པ་ལས། སྐྱ་བ་འཛིན་པ་མེད་པར་ནི། །གྲུ་ཡི་ཕ་རོལ་ཕྱིན་མི་ནུས། །ཡོན་ཏན་ཐམས་ཅད་རབ་རྫོགས་ཀྱང་། །བླ་མ་མེད་པར་སྲིད་མཐར་མིན། །ཅེས་དང་། རྡོ་རྗེ་དྲིལ་བུ་པས། བླ་མའི་བྱིན་རླབས་ཙམ་གྱིས་ནི། །སྐད་ཅིག་ཉིད་ལ་འབྱུང་གང་ཡིན། །ཞེས་གསུངས་ཤིང་། རིན་པོ་ཆེ་རྨོག་ལྕོག་པའི་ཐག་ཆོད་ཀྱི་གསུང་གཅིག་ལས། ཐུགས་རྗེ་

[Full Size]

ཆེན་པོ་རང་དཀར་ན་ཡང་དཀར། །དགྱེས་རྡོར་བདེ་མཆོག་སྔོ་ན་ཡང་སྔོ། །ང་ལ་རེ་ས་བླ་མ་ལས་མེད། །ཇི་ལྟར་བྱས་ཀྱང་བླ་མའི་སྣང་བ་དང་འབྲལ་མ་མྱོང་པས། ཚེ་གཅིག་ལུས་གཅིག་གི་སངས་རྒྱས་སམ། དེ་ང་སྡོད་ཡོང་ཡོང་འདྲ། གསུང་། གཞན་ལ་ཞལ་བཀོད་ཀྱི་མགུར་བཞེངས་པའི་དུས་སུ། དུས་གསུམ་སངས་རྒྱས་ཀྱི་ངོ་བོ་དེ། །བརྒྱུད་ལྡན་གྱི་བླ་མ་དམ་པ་ཡིན། །འདི་ཕྱིའི་དགོས་འདོད་བསྒྲུབ་མཁན་ལ། །མོས་གུས་མེད་པའི་སྙིང་མེད་པོ། །ཅེས་ཀྱང་གསུང་ངོ་། །དཔལ་ལྡན་སྐྱེར་སྒང་པའི་ཞལ་ནས། ཚེ་གཅིག་ལུས་གཅིག་གི་སངས་རྒྱ་བ་ལ་བླ་མའི་མོས་གུས་དགོས། བླ་མའི་མོས་གུས་ལ་བླ་མ་ཡང་ཡང་དུ་དྲན་པ་བུ་གཅིག་པོ་ཤི་བའི་མ་ལྟ་བུ་གཅིག་དགོས་གསུངས། སངས་རྒྱས་གཉན་སྟོན་གྱི་ཞལ་ནས། བླ་མའི་མོས་གུས་ལ་སྙིང་ཁོང་རུས་པའི་གཏིང་ནས་འཆི་མ་རང་དབང་མེད་པར་གསོལ་བ་འདེབས་

[Full Size]

པ་གཅིག་དགོས་གསུང་ངོ་། །སངས་རྒྱས་སྟོན་པའི་གསུང་ནས། བླ་མའི་མོས་གུས་ལ་བརྗེད་ངས་ལོག་ལྟར་མ་སོང་བ་གཅིག་དགོས་གསུང་ངོ་། །དེས་ན་དངོས་གྲུབ་ཐམས་ཅད་ཀྱི་འབྱུང་ནས་བླ་མ་ཡིན་པར་ཐག་བཅད། བརྟེན་པར་བྱེད་པའི་ཚུལ་ཀྱང་། བླ་མ་ཐ་མལ་གྱི་འདུ་ཤེས་སྤང་ནས་དུས་གསུམ་གྱི་སངས་རྒྱས་ཐམས་ཅད་གཅིག་ཏུ་འདུས་པའི་ངོ་བོ་ཡིན་པར་བསྒོམ་དགོས་ཏེ། རྡོ་རྗེ་ཕྲེང་བ་ལས། རྡོ་རྗེ་སློབ་དཔོན་ལུས་འདི་ལ། །རྒྱལ་བའི་སྐུ་ནི་རང་བཞིན་གནས། །དེ་ཡི་གཟུགས་ཀྱི་ཕུང་པོ་ནི། །བཅོམ་ལྡན་སངས་རྒྱས་རྣམ་སྣང་མཛད། །ཅེས་པ་ལ་སོགས་པ་བླ་མ་ལྷ་སུམ་ཅུ་རྩ་གཉིས་ཀྱི་ངོ་བོར་བཤད། དཔལ་དུས་ཀྱི་འཁོར་ལོའི་འགྲེལ་ཆེན་དྲི་མ་མེད་པའི་འོད་ལས། དུས་ཀྱི་འཁོར་ལོའི་རྒྱུད་སྟོན་པ་པོ་རྡོ་རྗེ་སློབ་དཔོན་ནི། བཅོམ་ལྡན་འདས་འཇམ་དཔལ་ཇི་ལྟ་བ་དང་། དུས་ཀྱི་འཁོར་ལོ་དང་། དང་པོའི་སངས་རྒྱས་ཇི་ལྟ་བ་བཞིན་དུ་ཐར་པ་དོན་

[Full Size]

དུ་གཉེར་བ་རྣམས་ཀྱིས་ལྟ་བར་བྱའོ། །ཞེས་གསུངས། མགུར་ལས། སློབ་དཔོན་སྟོན་པར་གྱུར་པ་ནི། །བདག་ཅག་རྣམས་ཀྱི་ཕ་དང་མ། །དེ་ནི་ཡིད་ལ་བསམ་པར་བྱ། །དེ་ནི་ཅིའི་ཕྱིར་ཞེས་ན། །རྡོ་རྗེ་སེམས་དཔའ་སངས་རྒྱས་དང་། །དེ་བཞིན་རྡོ་རྗེ་གཟི་བརྗིད་དང་། །པདྨ་གར་གྱི་དབང་ཕྱུག་དང་། །རྟའི་རྒྱལ་པོའི་དངོས་གྲུབ་ནི། །གང་ཕྱིར་དེ་ལ་བཀའ་བ་མེད། །ཅེས་དང་། སྡོམ་པ་འབྱུང་བ་ལས། བླ་མ་སངས་རྒྱས་བླ་མ་ཆོས། །དེ་བཞིན་བླ་མ་དགེ་འདུན་ཏེ། །བླ་མ་དཔལ་ལྡན་རྡོ་རྗེ་འཆང་། །ཀུན་གྱི་བྱེད་པོ་བླ་མ་ཡིན། །ཅེས་གསུངས་པ་དང་། ངན་སོང་སྦྱོང་བའི་རྒྱུད་ལས། བཅོམ་ལྡན་འདས་བརྟག་པའི་རྒྱལ་པོ་འདིས་སེམས་ཅན་རྣམས་ཀྱི་དོན་བགྱིད་པ་གང་ལགས་པའི་སྐྱེས་བུ་དམ་པ་དེ་དག་གི་འབྲས་བུ་ཅིར་གྱུར། རྣམ་པར་སྨིན་པ་ཅིར་གྱུར། བཅོམ་ལྡན་འདས་ཀྱིས་བཀའ་སྩལ་པ།

[Full Size]

ལྷའི་དབང་པོ་དེ་དག་ནི་སྐྱེས་བུ་དམ་པ་འབའ་ཞིག་ཏུ་མ་ཟད་ཀྱིས། ཡང་དག་པར་རྫོགས་པའི་སངས་རྒྱས་ཉིད་དུ་ལྟ་བར་བྱས་ཏེ་ལྷའི་དབང་པོ་གང་གི་ཕྱིར། འཇིག་རྟེན་ཕ་རོལ་དུ་སོང་ནས་མཚམས་མེད་པ་ལ་སོགས་པའི་སེམས་ཅན་དམྱལ་བ་ཆེན་པོར་སྐྱེས་པའི་སེམས་ཅན་རྣམས་ཀྱིས་སྡུག་བསྔལ་རྣམ་པ་སྣ་ཚོགས་སྤོང་བར་བྱེད་པ་དང་། བྱང་ཆུབ་གདོན་མི་ཟ་བར་བརྟེན་པར་བྱེད་པ་དང་། བྱང་ཆུབ་སེམས་དཔའི་ཕྱིར་མི་ལྡོག་པ་ལ་རབ་ཏུ་འཇོག་པའི་ཕྱིར་ཏེ། ཞེས་སོགས་གསུངས་པས་སོ། །དེ་ལྟར་མ་ཤེས་པ་ཁ་ཅིག་ན་རེ། བླ་མ་ནི་མན་ངག་ཞུ་བའི་སྒོ་ཙམ་ཡིན་ལ། དངོས་གྲུབ་དང་བྱིན་རླབས་རྣམས་བླ་མ་ལས་བཟང་པའི་ཡི་དམ་ལྷ་ལས་འབྱུང་བར་འདོད་དེ། དེ་ལྟར་སོང་ན་དངོས་གྲུབ་འགྱངས་ནས་འགྲོ་གསུང་ངོ་། །ཁ་ཅིག་གིས་བླ་མ་ཡུན་རིང་དུ་བརྟེན་ཀྱང་གུས་པ་མེད་པས། བླ་མའི་ཡོན་ཏན་ལ་མི་རྟོག་པར་སྐྱོན་འབའ་ཞིག་ཏུ་རྟོག་སྟེ། དེ་ལྟ་བུའི་གང་

[Full Size]

ཟག་གི་རྒྱུད་ལ་ཡོན་ཏན་སྐྱེ་བ་ག་ལ་སྲིད། དེ་ནས་དེས་ན་བླ་མ་ཚུལ་བཞིན་དུ་བསྟེན་ཚུལ་ནི། །ཚེ་འདིའི་ཁ་དྲག་དང་། ནོར་ཅུང་ཟད་རེ་བའི་རྗེ་བོ་ལ་ཡང་ཕྱག །སྔོན་ལྡང་། ཕོ་ཉ། དམག་སོགས་བྱེད། ངག་གིས་ཞེས་བསྟོད་སྒྲ། ཆེ་བརྗོད། ཁ་འཛིན། ཤགས་འདེབས་བྱེད། སེམས་ཀྱིས་དེ་མཐོ་ན། རྒྱལ་ན། ལོངས་སྤྱོད་ཆེ་ན། འཁོར་མང་ན་སྙམ་པ་བྱེད། ཐུག་ན་ལུས་སྲོག་ཀྱང་དེའི་ཕྱོགས་སུ་གཏོང་ཕོད་ཀྱི་གདའ་བ། བླ་མ་ནི་དེ་དང་ཁྱད་ཆེ་སྟེ། གནས་སྐབས་དང་མཐར་ཐུག་གི་ཡོན་ཏན་ཐམས་ཅད་ཀྱི་འབྱུང་གནས་སུ་གསུངས་པས། ལུས་དང་ལོངས་སྤྱོད་བདོག་པའི་དངོས་པོ་ཐམས་ཅད་ཀྱིས་བསྙེན་བཀུར་ཞིང་མཆོད་དགོས་ཏེ། དཔལ་དོན་དམ་བསྙེན་པ་ལས། ཐུན་འཚམས་གསུམ་དུ་ཤིན་ཏུ་མཉམ་པར་བཞག་པ་ཡི། །ཁ་དང་ལག་པ་རྐང་པ་དག་ནི་བཀྲུ་བྱ་སྟེ། །མེ་ཏོག་ཡང་དག་བླངས་ཏེ་བླ་མའི་སྤྱན་སྔར་ནི། །རྒྱལ་བ་

[Full Size]

རྣམས་ཀྱི་དཀྱིལ་འཁོར་ཤིན་ཏུ་ཟླུམ་པར་བྱ། །ཞེས་ཐུན་མཚམས་གསུམ་དུ་མཎྜལ་སོགས་འབུལ་བར་གསུངས་ཤིང་། གསང་འདུས་རིམ་ལྔ་ལས། མཆོད་པ་ཐམས་ཅད་སྤངས་ནས་ནི། །བླ་མའི་མཆོད་པ་རབ་ཏུ་བརྩམ། །དེ་མཉེས་པས་ནི་ཀུན་མཁྱེན་གྱི། །ཡེ་ཤེས་གོ་འཕང་ཐོབ་པར་འགྱུར། །ཞེས་བླ་མ་མཆོད་པ་མཆོག་ཏུ་བསྔགས་ཤིང་། བླ་མ་ལྔ་བཅུ་པ་ལས། མི་ཟད་དེ་ནི་འདོད་པ་ཡི། །ཅུང་ཟད་ཡིད་འོང་གང་དང་གང་། །ཤིན་ཏུ་ཁྱད་པར་གྱུར་པ་ཉིད། །དེ་དང་དེ་ནི་བླ་མར་འབུལ། །དེ་བྱིན་སངས་རྒྱས་ཐམས་ཅད་ལ། །རྟག་ཏུ་བྱིན་པ་ཉིད་དུ་འགྱུར། །དེ་བྱིན་བསོད་ནམས་ཚོགས་ཡིན་ཏེ། །ཚོགས་ལས་དངོས་གྲུབ་མཆོག་ཏུ་འགྱུར། །ཞེས་རང་འབྱོར་པ་དང་ལྡན་ན། །ཡོ་བྱད་ཀྱང་བཟང་བ་དང་། རིན་ཐང་ཆེ་བ་དང་། མཁོ་བ་དང་། ཐུགས་སུ་བབ་པའི་གཡོག་ཕོ་མོ་དང་། གསེར་དངུལ་དང་། རྐང་འགྲོས་དང་། འབྲུ་

[Full Size]

ལ་སོགས་པ་ཡོ་བྱད་མཆོག་དབུལ་བས་མཆོག་གི་དངོས་གྲུབ་འགྲུབ་ཅིང་། ཞར་བྱུང་དུ་ཐུན་མོང་ཐམས་ཅད་ཀྱང་འགྲུབ་པར་གསུངས་པ་དང་། སྔོན་གྱི་སློབ་དཔོན་མང་པོས་ཀྱང་བླ་མ་བསྟེན་ཚུལ་མ་ནོར་བ་རྣམས་ལ། དངོས་གྲུབ་མཆོག་དང་བར་མ་རྣམས་ལ་འབྲིང་དང་། དམན་པ་རྣམས་ལ་ཐ་མ་དང་། བསྟེན་ཚུལ་ནོར་བ་རྣམས་ལ་འབྲས་བུ་མེད་པ་དང་། ཉེས་པ་དུ་མ་བྱུང་བའི་གཏམ་རྒྱུད་རྣམས་ཀྱང་སྐབས་དང་བསྟུན་ཏེ། བླ་མས་བསྟན་པར་བྱ་ཞིང་། སློབ་མས་ཀྱང་ཚིག་ཉན་པ་ཙམ་དུ་མ་བཞག་པར་དོན་ལག་ལེན་དུ་ཅི་ཁེལ་ལ་འབད་དེ། ལུས་ཀྱིས་ཕྱག་བསྐོར་བ། གཡོག་ལ་སོགས་པ་གང་དགོས་རྗེ་བཙུན་མི་ལ་ལྟར་དུ་བྱ། ངག་གིས་བསྟོད་བཀུར་བསྔགས་པ་སོགས་ལ་འབད། སེམས་ཀྱིས་དད་མོས་ཡོན་ཏན་བསྒོམ་པ་སོགས་ཅི་ནུས་བྱ། བདོག་པའི་དངོས་པོ་དབུལ། བཀའ་བཞིན་སྒོ་

[Full Size]

གསུམ་དགེ་བའི་ཕྱོགས་ལ་འབད་ན་ཡོན་ཏན་ཐམས་ཅད་གོང་ནས་གོང་དུ་རྒྱས་པར་འགྱུར་བ་ཡིན་ནོ། །དེ་ལ་ལག་ལེན་ནི། རང་ཡི་དམ་གྱི་ལྷ་འཁོར་ལོ་བདེ་མཆོག་ཏུ་བསྒོམས་པའི་སྤྱི་གཙུག་ཏུ། རིན་པོ་ཆེའི་ཁྲི་ཡངས་ཤིང་རྒྱ་ཆེ་བ། སེང་གེ་བརྒྱད་ཀྱིས་བཏེགས་པ། དེའི་སྟེང་དུ་པདྨ་ཉི་མ་ཟླ་བའི་གདན་བཞི་བརྩེགས་ཀྱི་སྟེང་དུ། རང་གི་རྩ་བའི་བླ་མ་ངོ་བོ་འོད་གསལ་ཆོས་ཀྱི་སྐུ། རྣམ་པ་ལོངས་སྤྱོད་རྫོགས་པའི་སྐུ་མཚན་དང་དཔེ་བྱད་ཀྱིས་བརྒྱན་པ། འོད་དང་འོད་ཟེར་གྱི་རང་བཞིན་ཅན་མཚན་ཐོས་པ་ཙམ་གྱིས་ཀྱང་ཕྱིར་མི་ལྡོག་པའི་ས་ལ་འགོད་ནུས་པ། གསོལ་བ་བཏབ་ན་དངོས་གྲུབ་གཉིས་འབྱུང་བ་ལ་སྨོས་ཅི་དགོས་པ་གཅིག་བསམ། དེའི་ཐུགས་ཀ་ནས་འོད་ཟེར་འཕྲོས་པས་རང་ལ་ཆོས་འབྲེལ་ཡོད་པ་དབང་བཞི་རྫོགས་སུ་བསྐུར་བ་མན་ཆད་ནས། ཀ་ཁ་ཚིག་བཞི་སླབས་པ་ཡན་ཆད་ཀྱི་རྩ་བ་དང་བརྒྱུད་པའི་བླ་མ་ཐམས་ཅད་

[Full Size]

འོད་དང་འོད་ཟེར་གྱི་རང་བཞིན་དུ་གྱུར་ནས། བླ་མའི་སྐུ་ལ་ཐིམ། དེ་བཞིན་དུ་ཡི་དམ་དཀྱིལ་འཁོར་གྱི་ལྷ་ཚོགས་ཐམས་ཅད་དང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་། ཡེ་ཤེས་ཀྱི་ཆོས་སྐྱོང་བའི་བསྲུང་མ་རྣམས་སྐུའི་སྟོད་སྨད་དུ་རིམ་བཞིན་ཐིམ་པས། བླ་མ་རྒྱལ་བ་ཀུན་འདུས་ཀྱི་བདག་ཉིད་དུ་མོས་ཏེ། སངས་རྒྱས་ཐམས་ཅད་འདུས་པའི་སྐུ། །རྡོ་རྗེ་འཛིན་པའི་ངོ་བོ་ཉིད། །དཀོན་མཆོག་གསུམ་གྱི་རྩ་བ་སྟེ། །ཞེས་གསུངས་པའི་དོན་ཡིན་ནོ། །དེའི་དྲུང་དུ་དུས་གསུམ་གྱི་ཕ་མ་དང་། །གནོད་བྱེད་གཞི་བདག་གིས་གཙོ་བྱས་པའི་རིགས་དྲུག་གི་སེམས་ཅན་ཐམས་ཅད་ཀྱང་ལུས་གུས་པས་ཐལ་མོ་སྦྱར། ངག་གུས་པས་གསོལ་བ་འདེབས། །ཡིད་གུས་པས་མོས་གུས་རྒྱུན་ཆད་མེད་པར་བྱེད་བཞིན་དུ། ཕྱི་དང་ནང་དང་གསང་བ་དང་དེ་ཁོ་ན་ཉིད་ཀྱི་མཆོད་པ་བཞི་དང་།

[Full Size]

མཎྜལ་ཅི་ནུས་སུ་ཕུལ་ནས། དད་ཤུགས་དྲགས་པོས་དེ་རྣམས་དང་མགྲིན་གཅིག་ཏུ་བརྒྱུད་པའི་གསོལ་འདེབས་ཀྱི་འཇུག་ཏུ། དངོས་གྲུབ་ཐམས་ཅད་ཀྱི་འབྱུང་གནས་བླ་མ་རིན་པོ་ཆེ། སེམས་ཅན་ཐམས་ཅད་ཀྱི་དོན་དུ་བདག་གི་བདག་འཛིན་བློ་ཡིས་ཐོངས་པར་བྱིན་གྱིས་བརླབ་ཏུ་གསོལ། དགོས་མེད་རྒྱུད་ལ་སྐྱེ་བར༴ འོད་གསལ་ཕྱག་རྒྱ་ཆེན་པོའི་རྟོགས་པ་ད་ལྟ་ཉིད་དུ་རྒྱུད་ལ་སྐྱེ་བར༴ཞེས་སྙིང་གི་དཀྱིལ། རྐང་པའི་ཁོང་། རུས་པའི་གཏིང་ནས་མཆི་མ་རང་དབང་མེད་པར་འོང་བའི་གསོལ་བ་བཏབ་པས། བླ་མའི་སྐུ་ལུས་ལས་འོད་ཟེར་ཁ་དོག་དཀར་པོ་དཔག་ཏུ་མེད་པ་བྱུང་། རང་གི་སྤྱི་བོ་ཚངས་པའི་བུ་ག་ནས་ཞུགས། ལུས་ངག་ཡིད་གསུམ་གྱི་དྲི་མ་བག་ཆགས་དང་བཅས་པ་དག །དབང་བཞི་རྫོགས་པར་ཐོབ། བླ་མའི་བྱིན་རླབས་ཞུགས་པར་བསམ་མོ། །གཉིས་པ་རང་བབས་གསུམ་བསྒོམ་པ་ལས། དང་པོ་ལུས་

[Full Size]

རང་བབས་ནི། དབེན་པར་ས་གནོན་ཕྱག་རྒྱ་བྱ། ཚིག་བཞི་དང་རྩ་དང་མཆུ་གློད་པ་ནི་ལུས་རང་བབས་སོ། །ཅེས་གསུངས་ཏེ། །ཞེས་དབེན་ཞིང་ཉམས་དགའ་བར་བདེ་བའི་སྟན་ལ་འདུག་སྟེ། རླུང་རོ་ལན་གསུམ་བསལ། རྐང་པ་བདེ་བའི་སྐྱིལ་ཀྲུང་ཡངས་པར་བཅའ། ལག་མཐིལ་གཉིས་པུས་མོ་ལ་བཀབ་པས་ས་གནོན་གྱི་ཕྱག་རྒྱ་བྱ། སྒལ་ཚིགས་དྲང་པོར་བསྲང་། ལྟོ་བ་སྒལ་པ་ལ་སྦྱར། དཔུང་པ་རྒོད་ཀྱི་གཤོག་པ་བཞིན་ཕྱིར་འཐེན། མགྲིན་པ་ལྕགས་ཀྱུ་ལྟར་བཀུག་ལ། ཨོས་ཀོ་ཨོལ་མདུད་པའི་སྟེང་དུ་བཞག་སྟེ། རྡོ་རྗེ་ཕྲེང་བ་ལས། སྒྲུབ་པོ་བདེ་བའི་སྟན་འདུག་སྟེ། །མིག་གཉིས་སྣ་རྩེར་གཏད་བྱས་ལ། །སྣ་ནི་ལྟེ་བའི་ཐད་དུ་བཞག །ཕྲག་གོང་མཉམ་ལ་ལྕེ་རྐན་སྦྱར། །སོ་དང་མཆུ་ནི་བདེ་བར་གནས། །དབུགས་ཀྱི་འབྱུང་རྔུབ་གློད་ནས་ནི། །ཅུང་ཟད་ཅུང་ཟད་རྩོལ་བྲལ་བས། །

[Full Size]

ཇི་ལྟ་བ་བཞིན་འབྱུང་རྔུབས་ནི། །སེམས་དཔའི་སྐྱིལ་ཀྲུང་ལ་གནས་པས། །ཞེས་གསུངས་པས། ལུས་རྣམ་པར་སྣང་མཛད་ཀྱི་ཆོས་བདུན་བཅའ་སྟེ། །མདུན་རྒྱབ་གཡས་གཡོན་དུ་དགྱེ་དགུ་དང་། ས་ཡོ་མེད་པར་དྲང་པོར་བསྲང་། དྲང་པོ་དེའི་ངང་ནས་ཉ་བཞི་དང་རྩ་བཞི་ལ་གྲིམས་ཆ་མི་འདོན་པར་རང་བབས་སུ་ལྷོད་གློད་ལ། སོག་ཕོན་ཐག་པ་ཆད་པ་ལྟར་བཞག །འཇིག་རྟེན་གྱི་འགྲོ་འདུག་ལ་སོགས་པ་ལྟ་ཅི་སྨོས། ཆོས་ཕྱོགས་ཀྱི་ཕྱག་དང་བསྐོར་བ་ལ་སོགས་པ་ཐམས་ཅད་ཀྱང་རེ་ཤིག་དོར་ནས། ལུས་ལས་མེད་དུ་གློད་ནས་འཇོག་པ་ནི་ལུས་རང་བབས་སོ། །གཉིས་པ་ངག་རང་བབས་ནི། མཆུ་རྩོལ་བ་མེད་ཅིང་སྒྲ་བརྗོད་དང་བྲལ་བ་ནི་ངག་རང་བབས་སོ། །ཞེས་གསུངས་ཏེ། འཇིག་རྟེན་གྱི་བརྫུན་ཕྲ་མ་ལ་སོགས་པ་ལྟ་ཅི་སྨོས། མདོ་དང་སྔགས་བཟློས་པ། རླུང་གི་འབྱུང་འཇུག་བསྒོམ་པ་ལ་སོགས་པའང་དོར་ལ།

[Full Size]

ལྕེ་ཡ་ཀན་ལ་སྦྱར་ལ་སོ་བར་དུ་ཅུང་ཟད་བཞག །མཆུ་འབྱེད་འཛུམ་དང་བྲལ་བས་ངག་སྨྲ་བརྗོད་མེད་པར་ལས་མེད་དུ་གློད་ནས་འཇོག་པ་ནི་ངག་རང་བབས་སོ། །གསུམ་པ་སེམས་རང་བབས་ནི། སེམས་མིག་གི་ལྟ་སྟངས་བསྒོམ་འདོད་དང་བྲལ་བ་ནི་སེམས་རང་བབས་སོ། །ཞེས་གསུངས་ཏེ། འདས་པའི་རྗེས་མི་གཅོད། མ་འོངས་པའི་སྡུན་མི་བསུ། ད་ལྟར་གྱི་བློ་ལ་ལས་མེད་པར་དུས་གསུམ་རྟོག་པའི་སྤྲོ་བསྡུ་མེད་པའི་ངང་དུ་གློད་དེ་མིག་གི་ལྟ་སྟངས་ཀྱི་བསྒོམ་འདོད་ཀྱི་རྟོག་པ་དང་བྲལ་ཏེ། སྔོན་འགྲོ་བསྒོམ་པ་ཡིན་སྙམ་པ་ཙམ་གྱི་རྟོག་པ་ཡང་མི་བྱེད་པར་ཧད་དེ་ཕྱད་དེ་ལས་པ་ནི་སེམས་རང་བབས་སོ། །མིག་གླང་པོ་ཆེའི་ལྟ་སྟངས་དང་མ་བྲལ་བར་ཞེས་པ་གླང་པོ་ཆེ་ཆང་གིས་བཟི་བ་དེ་གང་ལ་ཡང་ཕྱེད་འཛིན་དང་། དགག་སྒྲུབ་མེད་པས་མིག་འཛུམ་མི་ཤེས་པས་ཧད་དེ་འདུག་པ་བཞིན། འདིར་ཡང་མིག་གི་

[Full Size]

འབྲས་བུ་གཡས་གཡོན་དང་མདུན་རྒྱབ་གང་དུ་ཡང་མི་གཡོ་ཞིང་། གང་ལ་ཡང་ཆེད་འཛིན་མེད་པར་ཧད་དེ་རྟེན་ཅི་ལ་ཡང་མི་འཆའ་བས་ཕྱད་དེ་བ། ཡིད་བསྒོམ་འདོད་ཀྱི་རྣམ་པར་རྟོག་པ་དང་བྲལ་བའི་ངང་དུ་རང་བབས་རྣམ་གསུམ་གྱི་སྟེང་དུ་བཟོ་མེད་དུ་ལྷོད་ཀྱིས་གློད། གང་ཡང་ཆེད་འཛིན་མེད་པར་ཤིགས་ཀྱིས་བཤིག་ལ། མ་བཅོས་པར་བཞག་པ་ནི་དམིགས་པ་དང་པའོ། །དེ་ལྟར་ཡིན་པའི་ཚུལ་ཡང་ཡེ་ཤེས་ཀྱི་མཁའ་འགྲོ་མ་ནི་གུ་མའི་ཞལ་ནས། ལྷ་འདོད་ཆགས་སྐྱེས་པ་ལྟ་བུ། ཞེས་གསུངས་པའི་དོན་ཡིན་ནོ། །བྲམ་ཟེ་ཆེན་པོས། མིག་ནི་མི་འཛུམ་ཡིད་ནི་གང་དགར་བཞག །མི་བསྒོམ་བསྒོམ་དུ་མེད་པའི་རྣལ་འབྱོར་པ། །ཞེས་གསུངས། སུ་ཀ་མ་སིདྡྷིས། རིག་པ་བརྟེན་མེད་དུ་ཞོག་ཅིག་རྣལ་འབྱོར་པ། །ཞེས་གསུངས་པ་དང་། །ཡུམ་ལས། གླང་པོ་ཆེའི་ལྟ་སྟངས་ཀྱིས་བལྟ་བར་འདོད་པའི་བྱང་ཆུབ་སེམས་

[Full Size]

དཔའ་སེམས་དཔའ་ཆེན་པོས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་པར་བྱའོ། །ཞེས་སོགས་མདོ་རྒྱུད་བསྟན་བཅོས་མན་ངག་ཐམས་ཅད་ཞལ་མཐུན་པར་གསུངས་པས། ཟབ་མོའི་གནད་མཆོག་ཡིན་པར་ཐེ་ཚོམ་དང་ཡིད་གཉིས་སྤངས་ཏེ་རྩེ་གཅིག་ཏུ་བསྒོམ་པར་བྱའོ། །དེ་ལྟར་ལུས་གནད་དང་ལྟ་སྟངས་ནི་ཐབས་ཁྱད་པར་ཅན་ཡིན་ཏེ། དེ་ལ་གནས་ན་རྟེན་རྩ་མི་གཡོ། དེ་ལ་གནས་ན་བརྟེན་པ་རླུང་མི་གཡོ། དེས་དེ་ལ་བརྟེན་པའི་ཁམས་དྭངས་མ་མི་གཡོ། དེས་དེ་ལ་བརྟེན་པའི་སེམས་མི་གཡོ་བར་ཟིན་པ་ཡིན་ནོ། །དེ་ལྟར་རྩེ་གཅིག་ཏུ་བསྒོམས་པས་ཤེས་པ་བྱིང་པ་མི་གསལ་བ། རྒོད་པ་མི་གནས་པའི་སྐྱོན་བྱུང་ན། འཁོར་བ་ལ་སྐྱོ་བ་བསྐྱེད་ཅིང་། བླ་མ་ལ་སྔར་བཞིན་གསོལ་བ་དྲག་ཏུ་གདབ་སྟེ་བསྒོམས་པས་སེམས་སྤྲོས་བྲལ་དུ་གནས་པ་འབྱུང་སྟེ། ཡེ་ཤེས་ཀྱི་མཁའ་འགྲོ་མ་ནི་གུའི་

[Full Size]

ཞལ་ནས། ལམ་ལྔ་ས་བཅུའི་རིམ་པ་རྣམས། །མོས་གུས་སྟོབས་ཀྱིས་བགྲོད་པར་བྱེད། །བླ་མའི་སྣང་བ་མི་འབྲལ་བ། །རྒྱུད་སྡེའི་དགོངས་པ་གནད་ཀྱི་མཆོག །ཅེས་གསུངས་པའི་དོན་ཡིན་ནོ། །དེ་ལྟ་བུའི་ངང་ལ་ལྷ་འདོད་ཆགས་སྐྱེས་པ་བཞིན་དུ་ཧད་དེ་ལུས་པ་དེ། སྔོན་འགྲོ་དང་པོའི་ཚད་ཡིན་ཏེ། ཐ་མལ་ཤེས་པ་ཞེས་ཀྱང་བྱ་སྟེ། བྲམ་ཟེ་ཆེན་པོས། ཐ་མལ་ཤེས་པ་སྙིང་གི་དབུས་སུ་སད། །ཚོགས་དྲུག་དག་ན་བདེ་བ་རྒྱུན་ཆད་མེད། །ཅེས་གསུངས་པས་སོ། །དང་པོའི་སེམས་ཞེས་ཀྱང་བྱ་སྟེ། མཚན་བརྗོད་ལས། སངས་རྒྱས་ཐོག་མ་ཐ་མ་མེད། །དང་པོའི་སངས་རྒྱས་རྒྱུ་མེད་པས། །ཅེས་སོགས་གསུངས་སོ། །དེ་ལྟ་བུའི་སྔོན་འགྲོ་དེ་ཆད་པ་ངལ་བསོ་བ་ལ་སོགས་པའི་དུས་སུ་སེམས་ཅན་ཀུན་ལ་འཆར་ཏེ། ངོས་མ་ཟིན་པས་འཁོར་བར་འཁྱམས་པ་ཡིན་ཏེ། ད་ནི་དུས་ཐམས་ཅད་དུ་ངོས་

[Full Size]

ཟིན་པར་བྱས་པ་ལ་ཟན་ལ་སོགས་པ་ཟ་བའམ། ཕྲེང་བ་ལྟ་བུ་ལག་ཏུ་ཅི་བྱུང་པ་ལ་གླང་པོ་ཆེའི་ལྟ་སྟངས་ཀྱིས་ཧད་དེ་ལུས་པ་དེ་ལ་བཞག་གོ ། དེ་ལྟར་ཞི་གནས་ཀྱི་ཏིང་ངེ་འཛིན་སྐྱོན་མེད་པ་སྐྱེ་བའི་ཐབས་དང་ལྡན་ན། དེ་ལས་ལྷག་མཐོང་ཡེ་ཤེས་ཀྱི་སྣང་བ་ཅི་རིགས་སུ་སྐྱེ་བས་དགའ་སྡུག་སྤངས་ཏེ། །ཡེངས་མེད་དུ་སྐྱོང་དུ་གཞུག་གོ ། འདི་ནི་བླ་མ་དམ་པ་ཁོ་ནའི་དྲིན་ལས་འབྱུང་གི། བླ་མ་ལྟར་སྣང་བ་དག་གིས་ནི། ལམ་ལོག་པ་ཁོ་ན་ལ་སྦྱོར་ཏེ། རང་གིས་ཡེ་ཤེས་མ་བསྒོམས་ཤིང་ངོ་མི་ཤེས་པའི་རྒྱུད་ལས་སོ། །གཉིས་པ་དབང་པོ་འབྲིང་རྟེན་ཅན་གྱི་ས་ལ་བརྟེན་ནས་ཞི་ལྷག་གི་ཏིང་ངེ་འཛིན་བསྐྱེད་པ་ནི། གོང་གི་བརྡ་ཐབས་ཀྱིས་ཡེ་ཤེས་མ་སྐྱེས་ན། རྟེན་ཅན་གྱི་དམིགས་པ་ལ་བརྟེན་པ་ནི། སྐྱབས་འགྲོ་ནས་རང་བབས་གསུམ་གྱི་བར་སྔར་བཞིན་ལས། ཁྱད་པར་ནི། རང་གི་མདུན་མིག་གི་ཐད་ཙམ་དུ་

[Full Size]

བརྩིག་པའི་སེར་ཀའམ། ཤིང་བུའམ། རྡིའུ་ལ་སོགས་པ་གང་ཡང་རུང་བ་ཞིག་ལ་མིག་ལྟ་སྟངས་ལས་མ་གཡོས་པར་བལྟ། །སྤུ་རིས་དང་ཁ་དོག་སོགས་ཀྱི་བརྟག་དཔྱད་ཅུང་ཟད་ཀྱང་མི་བྱ། སེམས་རྣམ་རྟོག་གི་སྤྲོ་བསྡུ་བཅད་ལ། རྒྱུན་བསྲིངས་ཀྱིན་བསྒོམ་དུ་གཞུག་གོ ། སྐབས་སུ་ལུས་གནད་ལྟ་སྟངས་བྱེད་དུ་བཅུག་ལ་ཨེ་འོང་བལྟ། མིག་སྔར་གྱི་དངོས་པོ་དེ་གསལ་མི་གསལ་དྲིས་པས། རྒྱུན་དུ་གསལ་ལེ་ཡོང་གི་འདུག་ཟེར་ན། ད་རུང་རྟོག་པ་འོག་འགྱུ་མཆོད་པ་ཡིན་པས། འབད་པས་མ་ཡེངས་པར་གཅོད་དུ་གཞུག །ཡང་འདྲིས་པས་མིག་སྔར་གྱི་དེ་རེས་མེད་འགྲོ་ཡིན་འདུག །དྲན་པ་ཟིན་ཙ་ན་ཡོང་གི་འདུག་ཟེར་ན། དེ་མེད་སོང་ཀྱང་བཟོད། ཆེད་གཉེར་གྱིས་དྲན་པས་ཟིན་མི་དགོས། མེད་ན་མེད་པ་དེ་ཀ་ལ་ཞོག་བྱས་ལ་བསྒོམ་དུ་གཞུག །ཡང་འདྲིས་པས་དྲན་པ་ཟིན་ཙ་ན་མེད་འགྲོ་ཡི་འདུག་ཟེར་ན། མེད་པའི་རྗེས་དེ་ལ་སྣང་རྒྱུ་ཨེ་

[Full Size]

འདུག་དྲིས་པས་མིག་སྦྲིད་ཆིལ་ཆིལ། ཞག་ལྗིབ་ལྗིབ། འོད་ཁྱུག་ཁྱུག་ལ་སོགས་ཡོང་གི་འདུག་ཟེར་ན། དེ་ཀ་ལ་བཟོ་མེད་དུ་ཆེར་རེ་ལྟོས། འཛིན་མེད་དུ་ལྷོད་དེ་ཞོག །ཞེས་པ་ཙམ་ལས་བཟང་ངན་དང་འདི་ཡིན་གྱི་མིང་མི་གདགས་ཅིང་། ཉམས་མྱོང་གོང་འཕེལ་དུ་འགྲོ་བའི་ཐབས་ལ་འབད་དེ། དེ་ཞི་ལྷག་གི་ཏིང་ངེ་འཛིན་སྐྱོན་མེད་པ་རྒྱུད་ལ་སྐྱེ་བར་འགྱུར་རོ། །གསུམ་པ་དབང་པོ་ཐ་མ་རིམ་གྱིས་པའི་ལམ་ལ་བརྟེན་ནས་ཞི་གནས་ཀྱི་ཏིང་ངེ་འཛིན་བསྐྱེད་པ་ནི། གོང་གི་དབང་པོ་རབ་འབྲིང་རྒྱུན་བསྲིངས་ལ་བསྒོམ་དུ་བཅུག་པས། སེམས་ཅུང་ཟད་རེ་གནས་པ་ངོས་ཟིན་ཀྱང་། ཡང་བྱིང་རྒོད་དང་རྟོག་པའི་དབང་དུ་འགྲོ་ན། དེའི་གཉེན་པོ་ལ་དང་པོ་གཡས་ལ་བསླབ་པ་ནི། ལྟ་སྟངས་ཀྱི་རྟེན་དེ་གཡས་ངོས་སུ་ཅུང་ཟད་སྒྱུར་ལ་བཞག་སྟེ། སྔར་བཞིན་དུ་བསྒོམ་ཞིང་བལྟ། དེ་ལ་ཐུན་མི་ཐུང་བ་གཅིག་སོང་བ་དང་། སླར་ཡང་དབུས་

[Full Size]

ཀྱི་མིག་རྟེན་ལ་བལྟ་ཞིང་བསྒོམ་དུ་གཞུག་གོ ། གཉིས་པ་གཡོན་ལ་བསླབ་པ་ནི། མིག་རྟེན་གཡོན་ངོས་སུ་ཅུང་ཟད་སྒྱུར་བར་བལྟ། སླར་ཡང་དབུས་སུ་བལྟ་བ་རེས་འཇོག་ཏུ་བྱས་ལ་བལྟ་ཞིང་བསྒོམ་དུ་གཞུག་གོ ། གསུམ་པ་ཐག་ཉེ་བ་ལ་བསླབ་པ་ནི། མིག་རྟེན་དེ་སྔར་ལས་ཉེ་བར་བཞག་ལ། སྔར་བཞིན་བསྒོམ་དུ་གཞུག །བཞི་པ་ཐག་རིང་བ་ལ་བསླབ་པ་ནི། མདུན་གྱི་རི་ལ་སོགས་པའི་དངོས་ལ་བལྟ་ཞིང་བསྒོམ་དུ་གཞུག །དམིགས་པ་འདི་དག་རང་བབས་གསུམ་དང་། ཅུང་ཟད་འགལ་ཀྱང་དབང་པོ་རྣོན་པོ་རྣམས་རྩལ་སྦྱོང་བ་དང་། བརྟུལ་པོ་རྣམས་རྒྱུན་བསྲིང་བའི་མན་ངག་ཏུའང་མངོན་ནོ། །ལྔ་པ་ནམ་མཁའ་ལ་བསླབ་པ་ནི། ཤེས་པ་བྱིང་རྨུགས་ལ་སོགས་པ་བྱུང་ན། སྟེང་གི་ནམ་མཁའ་མ། རི་བོའི་རྩེའམ། མདུན་གྱི་ཐོག་མཚམས་ལ་སོགས་པ་ལྟ་སྟངས་སྟོད་ཅིང་། ཤེས་པ་ལ་ངར་བཅུག་ལ་སྔར་

[Full Size]

བཞིན་བཞག་པས། བྱིང་ཐིབས་ཀྱི་སྐྱོན་དག་ནས། གསལ་ལ་མི་རྟོག་པའི་ཏིང་ངེ་འཛིན་སྐྱེ་བར་འགྱུར་རོ། །དྲུག་པ་དམའ་བ་ལ་བསླབ་པ་ནི། ཤེས་པ་རྒོད་ཅིང་རྟོག་པ་འཕྲོ་བ་བྱུང་ན། སྔར་གྱི་རང་བབས་གསུམ་གྱི་སྟེང་ནས། ལུང་པའི་བཤིས་སམ། ཁང་པའི་འོག་ཁང་ངམ། མདུན་གྱི་ས་གཞི་ལ་ལྟ་སྟངས་སྨད། ཤེས་པ་ཁོང་གློད། བློ་ལ་ཡངས་བཙལ་ལ་བསྒོམས་པས་རྒོད་པ་ཞི་གནས་ཏིང་ངེ་འཛིན་རྣལ་དུ་ཕེབས་པ་འབྱུང་ངོ་། །དེ་རྣམས་ལ་དང་པོ་མིག་སྦྲིད་ཆིལ་བ་ལྟ་བུ་ལ། གསལ་སྟོང་འཛིན་མེད་ལ་ཕྱམ་སོང་བ་དང་། ཐུན་མཚམས་སུ་ངའི་སྔོན་འགྲོ་རང་ཤར་ནས་འདུག་སྙམ་དུ་ངོས་བཟུང་ཞིང་། སླར་ཡང་གནས་ལུགས་ལ་ཧད་དེ་བཞག་གོ ། འདི་གཉིས་ནི་བྱིང་རྒོད་ཀྱི་གེགས་སེལ་བའི་གདམས་པ་ཡང་ཡིན་ནོ། །བདུན་པ་སྤྱོད་ལམ་སྣ་ཚོགས་དང་བསྲེ་བ་ནི། མཉམ་བཞག་གི་དུས་དེར་མ་ཟད་ཧད་དེ་ཆད་

[Full Size]

དེ་བ་དེ་ལས་ཆམ་ཆམ་འགྲོ་བ་དང་། རྩ་ཆུ་འཆག་པའི་ཚེ་མ་སྲིང་བརྒྱས་མཐའ་མ་བསྐོར་ཡང་ཉམས་ང་བ་དང་། བག་ཚ་བའི་རྣམ་རྟོག་ཐམས་ཅད་དང་བྲལ་བར་བྱ་སྟེ། སཾ་བྷུ་ཊི་ལས། བཟའ་དང་བཏུང་དང་བླུགས་པ་དང་། ཉལ་དང་ལོག་དང་བསམ་པ་ན། །ཕྱག་རྒྱ་ཆེན་པོ་མངོན་འདོད་པས། །དེ་ནས་སྔོན་དུ་འགྲོ་བར་འགྱུར། །ཞེས་གསུངས་ཤིང་། སྡུད་པ་ལས། འགྲོ་འཆག་ཉལ་དང་འདུག་པར་ཤེས་བཞིན་རབ་ཏུ་ལྡན། །གཉའ་ཤིང་གང་ཙམ་བལྟ་ཞིང་འགྲོ་ལ་སེམས་འཁྲུལ་མེད། །ཅེས་སོ། །མདོར་ན་གཏམ་སྨྲ་བ། མདོ་འདོན་པ། སྔགས་བཟླས་པ། ཆོས་ཉན་བཤད་ལ་སོགས་པ་ཐམས་ཅད་ཀྱི་དུས་སུ་ཡང་གསལ་སྟོང་འཛིན་མེད་ཀྱི་ངང་དུ་ཧད་དེ་བ་དེ་ལ་མ་ཡེངས་པར་བྱའོ། །ཡང་འགའ་ཞིག་ལ་མཉམ་བཞག་གོམས་སྟོབས་ཆུང་པས། མདོ་སྔགས་སོགས་འདོན་པ་

[Full Size]

དང་མ་འདྲེ་ན། མདོ་སྔགས་ཇི་སྲིད་འདོན་གྱི་བར་དུ་ཡིད་ཤིན་ཏུ་འཇུར་བས་འདོན། དེའི་རྗེས་ལ་རང་བབས་གསུམ་གྱི་སྟེང་དུ་བཞག་པས་ཏིང་ངེ་འཛིན་གྱི་བོགས་ཆེར་འབྱུང་ངོ་། །དེ་རྣམས་ལ་སྔོན་འགྲོ་སྐྱབས་འགྲོ་སེམས་བསྐྱེད། བླ་མའི་རྣལ་འབྱོར། རྗེས་བསྔོ་བ། ཐུན་མཚམས་སུ་རླུང་རོ་འབུད་པ་རྣམས་བྱ་ཞིང་། ཁྱད་པར་གཉིད་ཐུན་ཆེ་ཆུང་ནམ་ལོག་པའི་ཚེ། སྔས་མཐོ་བར་བྱས་ལ། སེང་གེའི་ཉལ་སྟབས་སོགས་ཀྱིས་ཉལ། མིག་པགས་པའི་འོག་ནས་ལྟ་སྟོངས་ལ་བཞག །སེམས་རང་བབས་སྤྲོས་བྲལ་དུ་བཞག་པས་གཉིད་ཀྱི་འོད་གསལ་ཡང་གོམས་པར་བྱ་བ་ནི་ཤིན་ཏུ་གལ་ཆེའོ། །དམིགས་པའི་རིམ་པ་དེ་རྣམས་ཀུན་ལ་ཁྲིགས་ཆགས་སུ་དགོས་པའི་ངེས་པ་ནི་མེད་དེ། དབང་པོའི་ཁྱད་པར་གྱིས་འགའ་ཞིག་ལ་དང་པོའམ། གཉིས་པ་ལྟ་བུས་སྔོན་འགྲོ་ཚད་ལ་ཕེབས་པ་སྲིད་

[Full Size]

པས་སོ། །དེ་ལ་སྔོན་འགྲོའི་ཚད་ནི། མ་བཅོས་ཐ་མལ་གྱི་ཤེས་པ་རང་ཤར་རོ། །དེ་བརྟན་པའི་ཚད་ལུས་ངག་གི་བྱ་བས་མི་འཕྲོག་པའོ། །དེ་ལྟ་བུ་སྐྱེས་ནས། དེ་ནས་སྔོན་འགྲོའི་དོན་ཟབ་མོ་ངོ་སྤྲད་པ་ལ་གསུམ་ཡོད་པའི། དང་པོ་མཆོད་གཏོར་འབུལ་བ་ནི། དེ་ལྟ་བུའི་སྔོན་འགྲོ་རྣམས་ཐོབས་པའི་དུས་སུ་ཡི་དམ་དང་ཆོས་སྐྱོང་གི་རྟེན་དགྲམ། གཏོར་མ་ལྔ་དང་མཆོད་པ་རྒྱ་ཆེན་པོ་དང་། ཚོགས་ཀྱི་ཡོ་བྱད་ཕུན་སུམ་ཚོགས་པ་བཤམས་ལ། དེ་ནས་སློབ་དཔོན་ལྷའི་རྣལ་འབྱོར་ལ་ཞུགས་ཤིང་། བཟླས་པ་དང་མདུན་བསྐྱེད་སྒྲུབ་ཅིང་མཆོད་པ་དང་། ཁྱད་པར་ཆོས་སྐྱོང་ལ་གཏོར་མ་རྒྱ་ཆེན་པོ་བཏང་ངོ་། །དེ་ནས་མདུན་གྱི་ནམ་མཁའི་གནས་སུ་རིན་པོ་ཆེའི་ཁྲི་སེང་གེ་བརྒྱད་ཀྱིས་བཏེག་པའི་སྟེང་དུ་པདྨ་དང་ཉི་མའི་གདན་ལ། རྩ་བའི་བླ་མ་ཆོས་སྐུའི་ངོ་བོ། །ལོངས་སྐུའི་རྣམ་པ། སྤྲུལ་སྐུའི་ཕྲིན་ལས་ཅན། སྐུ་

[Full Size]

བལྟ་བས་ཆོག་མི་ཤེས་པ་གཅིག་བསམ་མོ། །དེ་ལ་བརྒྱུད་པའི་བླ་མ་རྣམས་དང་། སངས་རྒྱས་དང་བྱང་ཆུབ་སེམས་དཔའ་ཡེ་ཤེས་ཀྱི་ཆོས་སྐྱོང་བའི་སྲུང་མས་བསྐོར་བ་སྤྲིན་སྤུངས་པ་ལྟར་བཞུགས་པར་བསམ་མོ། །དེ་དག་ལ་སློབ་མས་ཕྱི་ནང་གསང་གསུམ་གྱི་མཆོད་པ་དང་། གསེར་གྱི་མཎྜལ་དང་། ཅི་འབྱོར་པའི་ཡོན་དག་པ་ཕུལ་ལ། སྙིམ་པ་མེ་ཏོག་དང་བཅས་པས་ཐལ་མོ་སྦྱར་ཞིང་དད་གུས་དྲག་པོ་དང་ལྡན་པར་བྱའོ། །གཉིས་པ་གསོལ་བ་གདབ་པ་ནི། ངག་ཏུ་རྩ་བ་དང་བརྒྱུད་པའི་བླ་མ་རྣམས་དང་། །ཡི་དམ་དཀྱིལ་འཁོར་གྱི་ལྷ་ཚོགས། །སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་བདག་ལ་ཕྱག་རྒྱ་ཆེན་པོའི་དོན་ངོ་སྤྲད་ཅིང་། རྟོགས་པ་བརྒྱུད་ལ་སྐྱེ་བར་བྱིན་གྱིས་བརླབ་ཏུ་གསོལ། །ཡེ་ཤེས་ཀྱི་ཆོས་སྐྱོང་བའི་བསྲུངས་མ་རྣམས་ཀྱིས་བདག་ཕྱག་རྒྱ་ཆེན་པོ་ཞུ་བ་དང་ཉམས་

[Full Size]

སུ་ལེན་པ་ལ། བར་དུ་གཅོད་པ་མི་འབྱུང་བར་མཛད་དུ་གསོལ། །ཞེས་གསོལ་བ་ལན་གསུམ་དུ་བཏབ་ལ། ལུས་རྣམ་པར་སྣང་མཛད་ཀྱི་ཆོས་བདུན་བཅས་ནས། མིག་གླང་པོ་ཆེའི་ལྟ་སྟངས་ཀྱིས་མདུན་གྱི་བར་སྣང་སྟོང་པ་ལ་བལྟ། སེམས་དུས་གསུམ་རྟོག་པའི་འཕྲོ་འདུ་བཅད་ནས་བསྒོམ་འདོད་ཀྱི་བློ་དང་བྲལ་བར་བཞག་པས་རྣམ་པར་མི་རྟོག་པའི་ཏིང་ངེ་འཛིན་བཅོས་མ་མིན་པ་རྒྱུད་ལ་སྐྱེ་བར་འགྱུར་ཏེ། རྡོ་རྗེའི་ཚིག་རྐང་ལས། ཡིད་ལ་མི་བྱེད་རེ་དོགས་ཀུན་བྲལ་བའི། །ཐ་མལ་ཤེས་པ་ཁྱོད་ལ་ཕྱག་འཚལ་ལོ། །ཅེས་གསུངས་པའི་དོན་ཟབ་མོ་དེ་ཀ་ཁ་སིང་ནས་སྔོན་འགྲོ་དང་པོའི་ཚད་ཞེས་མིང་བཏགས་ཞིང་བསྟན་ལ། ད་ལྟར་རྣམ་པར་མི་རྟོག་པའི་ཏིང་ངེ་འཛིན་བཅོས་མ་མིན་པ་ཞེས་བསྟན་པ་དེ་ཀ་ཡིན་ནོ། །གསུམ་པ་དེ་ཉིད་ངོ་སྤྲད་པ་ལ། སྤྱིར་སྣང་བ་ཐམས་ཅད་སེམས་སུ་ངོ་སྤྲད་

[Full Size]

པ། འཁྲུལ་སེམས་ངོ་སྤྲད་པ། ཞི་གནས་ཀྱི་སེམས་ངོ་སྤྲད་པ། ལྷག་མཐོང་གི་སེམས་ངོ་སྤྲད་པ་དང་བཞི་ལས། དང་པོ་སྣང་བ་སེམས་སུ་ངོ་སྤྲད་པ་ནི། རྡོ་རྗེ་མགུར་ལས། རིན་ཆེན་སེམས་ལས་ཕྱིར་གྱུར་པའི། །སངས་རྒྱས་མེད་ཅིང་སེམས་ཅན་མེད། །རྣམ་པར་ཤེས་པའི་གནད་དོན་རྣམས། །ཕྱི་རོལ་གྱུར་པ་ཅུང་ཟད་མེད། །ཅེས་གསུངས། བྲམ་ཟེ་ཆེན་པོས། སེམས་ཉིད་གཅིག་པུ་ཀུན་གྱི་ས་བོན་ཏེ། །གང་ལ་སྲིད་དང་མྱ་ངན་འདས་འཕྲོ་བ། །འདོད་པའི་འབྲས་བུ་སྟེར་བར་བྱེད་པ་ཡི། །ཡིད་བཞིན་ནོར་འདྲའི་སེམས་ལ་ཕྱག་འཚལ་ལོ། །ཞེས་སོགས་རྒྱ་ཆེར་གསུངས་པས་རང་ལ་མ་དག་པ་དང་དག་པའི་སྣང་བ་ཅི་ཤར་ཅི་སྣང་ཀྱང་རང་གི་སེམས་ཁོ་ན་ལས་ཕྱི་རོལ་དུ་གྱུར་པ་ཅུང་ཟད་ཙམ་ཡང་མེད་པར་བློ་ཐག་བཅད་པར་བྱའོ། །

[Full Size]

གཉིས་པ་འཁྲུལ་སེམས་ངོ་སྤྲད་པ་ནི། ཁ་སིང་སྣང་བ་རྟེན་ཅན་གྱི་སྐབས་སུ་རྡེའུ་ཤིང་བུ་ལ་སོགས་པའི་སྟེང་དུ་སེམས་བཞག་པ་ལྟར། །མདུན་གྱི་དངོས་པོ་གང་ཡང་རུང་བ་གཅིག་ལ་སེམས་རྩེ་གཅིག་ཏུ་ཞོག་ལ་མ་ཡེངས་པར་ལྟོས་ཤིག །དེའི་ཚེ་མདུན་གྱི་སྣང་བ་དེ་མ་ཤོར་བཞིན་དུ། ནང་འཛིན་བྱེད་ཀྱི་ཤེས་པ་དེ་ལུས་ཀྱི་ཕྱི་ནང་སྟོད་སྨད་ག་ན་འདུག་ལྟོས་ཤིག །ཅེས་དེ་དར་གཅིག་བཞག་ལ་ག་ན་འདུག་དྲིས་པས་སྙིང་ལ་སོགས་པའི་གནས་འདི་ལྟ་བུ་ཞིག་ན་འདུག་གོ ། ཞེས་ཟེར་ན། ད་དུང་ཁྱོད་ཀྱིས་ཕྱིའི་སྣང་བ་ལ་སེམས་མ་ཟིན་འདུག་པས། ད་དུང་ནན་ཏན་གྱིས་ལ་ལྟོས་ཤིག་བྱ། ཕྱིའི་ཡུལ་དེ་མ་གཏོགས་འཛིན་བྱེད་ཀྱི་ཤེས་པ་གང་ཡང་མི་འདུག་ཟེར་ན། ངོ་སྤྲད་དེ་གོང་དུང་བཤད་པ་ལྟར། ཡུལ་སྣང་གང་ཤར་ཀྱང་རང་གི་སེམས་མ་གཏོགས་པ་ཕྱི་རོལ་ན་དོན་བདེན་པར་གྲུབ་པ་

[Full Size]

ཅི་ཡང་མེད་པ་ཡིན་ཏེ། དེ་ཉམས་སུ་མྱོང་པས་དེ་ལྟར་གཏན་ལ་འཕེབས་པ་ཡིན་ནོ། །དེ་ལྟར་འཕྲུལ་སྣང་ཐམས་ཅད་སེམས་ཡིན་པར་སྣང་། མདོ་སྡེ་ལང་ཀར་གཤེགས་པ་ལས། །བག་ཆགས་ཀྱིས་ནི་དཀྲུགས་པའི་སེམས། །དོན་དུ་སྣང་བ་རབ་ཏུ་བྱུང་། །དོན་ཡོད་མ་ཡིན་སེམས་ཉིད་དེ། །ཕྱི་རོལ་དོན་མཐོང་ལོག་པ་ཡིན། །ཞེས་གསུངས་པ་དང་། ཕལ་པོ་ཆེ་ལས། ཀྱཻ་རྒྱལ་བའི་སྲས་དག །ཁམས་གསུམ་པོ་འདི་ནི་སེམས་ཙམ་མོ། །ཞེས་གསུངས་པ་དང་། སློབ་དཔོན་བིར་ཝ་པས། ཆོས་རྣམས་སེམས་ཉིད་སྣང་བ་གཟུགས་བརྙན་ཡིན་ཕྱིར་རོ། །ཞེས་གསུངས། སློབ་དཔོན་ཆོས་ཀྱི་གྲགས་པས། ལྷན་ཅིག་དམིགས་པ་ངེས་པའི་ཕྱིར། །སྔོ་དང་དེ་བློ་གཞན་མ་ཡིན། །ཞེས་གསུངས་ཤིང་། བྱང་ཆུབ་སེམས་དཔའ་ཞི་བ་ལྷས།

[Full Size]

ལྕགས་བསྲེགས་ས་གཞི་སུ་ཡིས་བྱས། །མེ་ཚོགས་དེ་དག་གང་ལས་བྱུང་། །དེ་འདྲ་དེ་དག་ཐམས་ཅད་ནི། །སྡིག་སེམས་ཡིན་པར་ཐུབ་པས་གསུངས། །ཞེས་སོགས་མདོ་སྡེ་དང་། །རྒྱུད་སྡེ་དང་། བསྟན་བཅོས་རྩོམ་པ་པོ་ཚད་ལྡན་མང་པོ་དཔག་ཏུ་མེད་པས་གསུངས་ཏེ་མང་བས་འཇིགས་པས་མ་བྲིས་སོ། །གསུམ་པ་ཞི་གནས་ཀྱི་སེམས་ངོ་སྤྲད་པ་ནི། གོང་དུ་བསྟན་པ་དེ་ལྟ་བུའི་འཁྲུལ་སེམས་དེ་གནས་ལུགས་ལ་བདེན་པ་མེད་པར་ཉམས་སུ་མྱོང་བའི་ཚུལ་ཡང་། གོང་དུ་རྟེན་ཅན་གྱི་དམིགས་པའི་སྐབས་སུ་སྣང་ཐོག་ཏུ་སེམས་བཟུང་ལ་ཡུན་རིང་དུ་བསྒོམས་པས་མཉམ་བཞག་བཟང་རྡོ་བའི་དུས་སུ། ཡུལ་དེ་མེད་འགྲོ་ཡི་འདུག་ཅེས་ཟེར་བ་དེ་ཀ་འཁྲུལ་པ་བདེན་མེད་གཏན་ལ་ཕེབས་པའི་ཉམས་མྱོང་སྣ་ཟིན་པ་ཙམ་དུ་རྒྱུད་ལ་སྐྱེས་པ་

[Full Size]

ཡིན། དེ་ལ་ཆོས་ཅན་རང་གི་ངོ་བོས་སྟོང་པའི་སྟོང་ཉིད་ཅེས་མདོ་རྒྱུད་མང་པོར་བཤད། དེང་སང་དབུ་མ་པར་རློམ་པའི་བསྟན་བཅོས་མཁན་མང་པོ་དང་། ཕྱག་རྒྱ་ཆེན་པོ་པ་དང་། རྫོགས་ཆེན་སེམས་ཕྱོགས་པ་དང་། གཅོད་ཡུལ་བར་གྲགས་པའི་བསྒོམ་ཆེན་མང་པོ་རྣམས་དེ་ཙམ་གྱི་ངོམས་ཤིང་། །དེའི་གོང་ན་གནས་ལུགས་ཟབ་མོའི་སྟོང་ཉིད་གཞན་མེད་པར་འདོད། །གདོད་གནས་ལུགས་ལྷན་ཅིག་སྐྱེས་པའི་ཡེ་ཤེས་འདི་ཡིན་ནོ། །ཞེས་སྨྲ་གོང་དུ་བསྟན་པའི་ཉམས་ལེན་གྱི་གནད་འདི་ལྟ་བུ་ལ་མ་དགོངས་པར། ལས་སྣང་མེད་སོང་བྱས་པ་དང་། དེ་དུས་བློ་འཁྲུལ་པ་ཡིན་པས། སླར་ཡང་ལུས་གནད་བཅོས་དྲན་པས་བཟུང་ནས་གློད་དེ་བཞག་པས། ཡུལ་དེ་མ་འགགས་ལ་གང་ཡང་ཆེད་འཛིན་མེད་པའི་ཤེས་པ་རྟོག་མེད་ཀྱི་ངང་དུ་གནས་པ་

[Full Size]

འབྱུང་ངོ་། །ཞེས་སོགས་གསུང་ངོ། །འདི་ནི་སྐྱོན་དང་བཅས་པ་སྟེ། ཡུལ་དེ་མ་འགགས་ན་རྟོག་མེད་ཀྱི་ཤེས་པ་ཡིན་པར་འགལ་བའི་ཕྱིར་ཏེ། སྣང་བ་དེ་ཀ་བུམ་སོགས་ཀུན་རྫོབ་ཡིན་པའི་ཕྱིར་རོ། །ཡང་དབུ་མ་པར་རློམ་པ་ཁ་ཅིག་ན་རེ། ཁམས་གསུམ་འགྲོ་ལ་དམིགས་པའི་སྙིང་རྗེ་དང་། །སྲིད་ཞི་སྟོང་པར་རྟོགས་པའི་ཤེར་ཕྱིན་གཉིས། །རེས་འགའ་རེས་འཇོག་རེས་འགའ་ཟུང་འགྲེལ་བསྒོམ། །འོན་ཀྱང་ཕལ་ཆེར་སྙོམས་ལས་ངང་དུ་ཐལ། །ཟེར་མོད་གོང་དུ་རེས་འཇོག་དུ་བསྒོམས་པ་དང་། འོག་ཏུ་ཟུང་འབྲེལ་བསྒོམ་པ་གཉིས་གཅིག་གམ་མི་གཅིག །གཅིག་ན་བཟློས་པའི་སྐྱོན་དུ་འགྱུར་ལ། དེ་ནི་མི་གཅིག་སྟེ། འོག་མ་གཅིག་ཅར་དུ་བསྒོམ་པ་ཡིན་ནོ་ཞེས་ན་དེ་ནི་ཤིན་ཏུ་ཡང་མི་རིགས་ཏེ། འཁྲུལ་པའི་བློ་དང་དོན་དམ་སྟོང་ཉིད་གཅིག་ཏུ་མི་རུང་བའི་ཕྱིར་

[Full Size]

རོ། །དེ་ལྟར་ཡང་། མགོན་པོ་བྱམས་པས། དེ་སྣང་ཆོས་ཉིད་མི་སྣང་ཞིང་། །དེ་མི་སྣང་ལ་ཆོས་ཉིད་སྣང་། །ཞེས་གསུངས་པ་དང་། སློབ་དཔོན་ཕྱོགས་ཀྱི་གླང་པོས། རྣམ་པར་རྟོག་ལས་མ་གཏོགས་པའི། །འཁོར་བ་ཞེས་བྱ་གཞན་ན་མེད། །རྣམ་རྟོག་དེ་དང་བྲལ་བ་ན། །ཁྱོད་ནི་རྟག་ཏུ་མྱ་ངན་འདའ། །ཞེས་གསུངས་པ་དང་། སློབ་དཔོན་ཆོས་ཀྱི་གྲགས་པས། རྟོག་གཉིས་གཅིག་ཅར་འཇུག་པ་མེད། །ཞེས་སོགས་གསུངས་པ་དང་། དཔལ་སཾ་བྷུ་ཊི་ལས། རྣམ་རྟོག་མ་རིག་ཆེན་པོ་སྟེ། །འཁོར་བའི་རྒྱ་མཚོར་ལྟུང་བྱེད་ཡིན། །མི་རྟོག་ཏིང་འཛིན་ལ་གནས་ན། །མཁའ་བཞིན་དྲི་མ་མེད་པར་འགྱུར། །ཞེས་གསུངས་པ་དང་། མཚན་ཡང་དག་པར་བརྗོད་པ་ལས། །རྣམ་པར་མི་རྟོག་དབྱིངས་མི་ཟད། །ཆོས་དབྱིངས་དམ་པ་ཟད་མི་ཤེས། །

[Full Size]

ཞེས་གསུངས་པ་ལ་སོགས་པ། ཀུན་རྫོབ་དང་དོན་དམ་པ་གཅིག་ཏུ་མི་རུང་བའི་དོན་སྟོན་པའི་མདོ་སྡེ་དང་རྒྱུད་སྡེ་རྣམས་ལ། སྐུར་པ་འདེབས་ཤིང་སྡིག་ལྟ་ཁོ་ནར་ཟད་དོ། །ཐར་པ་དོན་དུ་གཉེར་བ་རྣམས་ཀྱིས་དེ་དང་དེ་འདྲ་བ་རྣམས་ཀྱི་རྗེས་སུ་སྐད་ཅིག་ཀྱང་འཇུག་པར་མི་བྱའོ། །འོན་ཀྱང་ཕལ་ཆེར་སྙོམས་ལས་ངང་དུ་ཐལ་ལོ། །ཞེས་པ་ནི་བདེན་པར་སྨྲས་པའོ། །དེས་ན་ཞི་གནས་ཀྱི་མྱོང་བ་རྒྱུད་ལ་སྐྱེས་པའི་དུས་སུ་རྣམ་པར་རྟོག་པས་བསྐྱེད་པ་བཟུང་འཛིན་གྱིས་བསྡུས་པའི་ཡུལ་ཡུལ་ཅན་དེ་ཐམས་ཅད་རང་འགགས་སུ་འགག་པ་ཡིན་ཏེ། བྲམ་ཟེ་ཆེན་པོ་ས་ར་ཧས། ཇི་ལྟར་གཟིངས་ལས་འཕུར་བའི་བྱ་རོག་ནི། །བསྐོར་ཞིང་བསྐོར་ཞིང་སླར་ཡང་དེ་རུ་འབབས། །ཅེས་ཞི་གནས་གཟིངས་དང་། རྣམ་རྟོག་བྱ་རོག་གི་དཔེས་གསུངས་ཤིང་། ཡང་གང་ཞིག་རྟེན་དེ་གང་

[Full Size]

ཐོབ་པ། །དགོངས་པ་གང་ཡིན་དམ་པར་སྐྱོལ་བ་ན། །ཉི་ཟེར་ལྐུགས་པར་གྱུར་པའི་རྡུལ་བཞིན་བརླག །སྙིང་ཁ་ཉིད་དུ་ནུབ་པར་གྱུར་པ་ཡིན། །ཅེས་དཔེར་ན་ཉི་མ་ནུབ་པ་དང་། ཉི་ཟེར་གྱི་རྡུལ་བརླག་པ་བཞིན་དུ། གཟུང་འཛིན་གྱི་རྣམ་རྟོག་ནུབ་པ་དང་། ལས་སྣང་ཡང་ནུབ་པར་གསུངས་སོ། །ཡང་ཇི་ལྟར་ཆུ་ལ་ཆུ་བཞག་ན། །དེ་སྙེད་ཆུ་རུ་རོ་མཉམ་འགྱུར། །སྐྱོན་དང་ཡོན་ཏན་རྣམས་ལྡན་སེམས། །མགོན་པོས་གང་ཡང་མཚོན་མི་འགྱུར། །ཞེས་བཟང་དོན་གྱི་རྣམ་རྟོག་ཐམས་ཅད་ཞི་གནས་སུ་རོ་མཉམ་ནས། གང་ཡང་མི་སྣང་བར་འགྱུར་རོ། །དེ་ལྟར་ཉམས་སུ་ལན་ཚུལ་ཡང་། །རྨོངས་པས་དག་ལ་གཉེན་པོ་གང་ཡང་མེད། །ནགས་ལ་མཆེད་པའི་མེ་ལྕེ་ཇི་བཞིན་དུ། །གདོང་དུ་འབབས་པའི་འདི་ལྟར་སྣང་བ་ཀུན། །ཁྱོད་ཀྱིས་རྩ་བ་སྟོང་

[Full Size]

པ་ཉིད་ལྷན་ཅིག་བྱས་སོ། །ཞེས་ཞི་གནས་བསྒོམས་པའི་ཚེ་རྣམ་རྟོག་དང་ལས་སྣང་གང་ཤར་ཀྱང་མེ་ལྕེ་དང་ཕྲད་པའི་ཤིང་བཞིན་དུ་མི་དམིགས་པ་བསྒོམ་དགོས་པར་གསུངས་སོ། །ཁ་ཅིག་ཡུལ་སྣང་སྟོང་ཟུང་འཇུག །སེམས་རིག་སྟོང་ཟུང་འཇུག །ཉམས་བདེ་སྟོང་ཟུང་འཇུག །ཅེས་ཟུང་འཇུག་ཡ་དྲུག་གི་རྣམ་དབྱེ་འབྱེད་པ་ནི། གནས་ལུགས་མ་གོ་བའི་བབ་བཅོལ་ཁོ་ནའོ། །བཞི་པ་ལྷག་མཐོང་ངོ་སྤྲད་པ་ལ་གཉིས་ལས། དང་པོ་ངོ་བོ་དེ་ངོས་བཟུང་བ་ནི། སྔར་དམིགས་པ་བརྟེན་ཅན་གྱི་སྐབས་སུ། དམིགས་རྟེན་མེད་པར་སོང་བའི་འཇུག་ཏུ། མིག་སྦྲིད་པ་ལྟ་བུ་ཞག་ལྗིབ་ལྗིབ་འོད་ཁྱུག་ཁྱུག་ཡོང་གི་འདུག་ཟེར་བ། དེ་ལ་སོགས་པ་སྣང་བརྙན་ཇི་སྙེད་གཅིག་ཤར་ཀྱང་། ལྷག་མཐོང་གི་ཡེ་ཤེས་ཡིན་ཞིང་། དེས་ཉོན་མོངས་པ་དང་ཤེས་བྱའི་སྒྲིབ་བྱའི་སྒྲིབ་པ་ཐམས་ཅད་འཇོམས་པར་བྱེད་

[Full Size]

ཅིང་། ས་ལམ་གྱི་ཡོན་ཏན་ཐམས་ཅད་གོང་ནས་གོང་དུ་འཕེལ་བར་བྱེད་པ་ཡིན་ཏེ། རྒྱལ་སྲས་ཞི་བ་ལྷས། ཞི་གནས་རབ་ཏུ་ལྡན་པའི་ལྷག་མཐོང་གིས། །ཉོན་མོངས་རྣམ་པར་འཇོམས་པར་ཤེས་བྱས་ཏེ། །ཐོག་མར་ཞི་གནས་བཙལ་བྱ་དེ་ཡང་ནི། །འཇིག་རྟེན་ཆགས་པ་མེད་ལ་མངོན་དགས་འགྲུབ། །ཅེས་གསུངས་པའི་ཕྱིར་རོ། །གོ་རིམས་ཀྱང་ཐོག་མར་ཞི་གནས་དང་། དེ་ནས་ལྷག་མཐོང་བསྒོམ་པར་གསུངས་སོ། །དེ་ལྟ་བུའི་སྣང་སྟོང་ཟུང་དུ་འཇུག་པ་དེ་ཀ་གནས་ལུགས་ཕྱིན་ཅི་མ་ལོག་པ་ཡང་དག་པའི་ལྟ་བ། སེམས་ཀྱི་གནས་ལུགས་ལྷན་ཅིག་སྐྱེས་པའི་ཡེ་ཤེས་ཡིན་པར་ཤེས་པར་བྱའོ། །གཉིས་པ་དེ་ལུང་སྦྱོར་དང་ལྡན་པའི་ཡིད་ཆེས་པར་བྱ་བ་ནི། རྗེ་བཙུན་སྤྱན་རས་གཟིགས་དབང་ཕྱུག་གི་ཞལ་ནས། ཕྲ་རབ་རྡུལ་གྱིས་ཆོས་ཉིད་འདིས། །ཕྲ་ཕབ་པའི་

[Full Size]

རང་བཞིན་ཅན། །རྣམ་པ་ཀུན་གྱི་མཆོག་ལྡན་མ། །ཕྱག་རྒྱ་ཆེན་མོ་དེ་ལ་འདུད། །ཅེས་གནས་ལུགས་དེ་ཉིད་ཕྱག་རྒྱ་ཆེན་མོར་གསུངས་ཤིང་། བརྟག་གཉིས་ལས། ཡེ་ཤེས་འདི་ནི་ཆེས་ཕྲ་ཞིང་། །རྡོ་རྗེ་ནམ་མཁའི་དཀྱིལ་ལྟ་བུ། །རྡུལ་བྲལ་མཐར་ཕྱིན་ཞི་བ་ཉིད། །ཁྱོད་རང་ཡང་ན་དེ་ཡི་ཕ། །ཞེས་གསུང་པས། ཡེ་ཤེས་འདི་ནི་རྣམ་པར་རྟོག་པའི་ཡུལ་མ་ཡིན་པས་ཆེས་ཕྲ་བ། མ་རིག་པ་འཇོམས་པས་རྡོ་རྗེ། ནམ་མཁའ་ལྟར་ཐོག་མཐའ་བར་གསུམ་དུ་འགྱུར་བ་མེད་པ། དངོས་པོ་དང་མཚན་མའི་རྡུལ་ཕྲན་ཐམས་ཅད་ཞི་བའི་རང་གི་ཡེ་ཤེས་དེ་ཀ་རང་གིས་རྟོགས་པས་ཕའོ། །ཞེས་གསུངས་ལ། དེ་ལྟ་བུའི་ཡེ་ཤེས་དེ་ཀ་ཐོག་མ་མེད་པ་ནས་དངོས་པོ་ཐམས་ཅད་ཀྱི་གནས་ལུགས་སུ་བཞུགས་པ་ཡིན་ཏེ། བདེ་མཆོག་རྩ་རྒྱུད་ལས། སངས་རྒྱས་རྣམས་ནི་བྱོན་གྱུར་ཏམ། །མ་བྱོན་གྱུར་ཀྱང་རྣམ་

[Full Size]

ཀུན་ཏུ། །བསམ་གྱིས་མི་ཁྱབ་ཆོས་ཉིད་འདི། །འཕེལ་འགྲིབ་སྤངས་ཏེ་གནས་པ་ཡིན། །ཞེས་གསུངས་ཤིང་། སཾ་བྷུ་ཊི་ལས། རང་གི་ལུས་ལ་སངས་རྒྱས་བཞུགས། །གཞན་དུ་གང་ནའང་སངས་རྒྱས་མེད། །མི་ཤེས་མུན་པས་སྒྲིབས་པ་རྣམས། །ལུས་ལས་གཞན་དུ་སངས་རྒྱས་འདོད། །ཅེས་གསུངས་པས། དེ་ཀ་འོད་གསལ་ཆོས་ཀྱི་སྐུ་ཡིན་པར་གསུངས་སོ། །ཁ་ཅིག་ན་རེ། སེམས་ཅན་གྱི་རྒྱུད་ལ་བདེ་བར་གཤེགས་པའི་སྙིང་པོའམ། སངས་རྒྱས་ཀྱི་ས་བོན་ཡོད་པ་ཙམ་ལ་དགོངས་སོ་ཞེ་ན་མ་ཡིན་ཏེ། མདོ་སྡེ་མྱ་ངན་ལས་འདས་པ་ལས། སེམས་ཅན་གྱི་ཁམས་ཞེས་བྱ་བ་དེ་བཞིན་གཤེགས་པའི་སྙིང་པོ་ཡི་ཚིག་བླ་དགས་སོ། །དེ་བཞིན་གཤེགས་པའི་སྙིང་པོ་ཞེས་བྱ་བ་དེ་ནི་ཆོས་ཀྱི་སྐུའི་ཚིག་བླ་དགས་སོ། །ཞེས་གསུངས་ཤིང་། འཕགས་པ་མདའ་ཁ་ཡེ་ཤེས་ལས་ཀྱང་།

[Full Size]

སེམས་རྟོགས་ན་སངས་རྒྱས་ཡིན་གྱི། སངས་རྒྱས་གཞན་དུ་མི་བཙལ་བའི་འདུ་ཤེས་བསྒོམ་པར་བྱའོ། །ཞེས་གསུངས་སོ། །དེ་ཀ་དོན་དམ་པ་ཡང་ཡིན། །ཆོས་སྐུ་ཡང་ཡིན་པར། འགྲིབ་པ་མེད་པ་དང་འཕེལ་བ་མེད་པའི་མདོ་ལས། ཤཱ་རིའི་བུ་དོན་དམ་པ་ཞེས་བྱ་བ་འདི་ནི་དེ་བཞིན་གཤེགས་པའི་སྙིང་པོའི་ཚིག་བླ་དྭགས་སོ། །ཤཱ་རིའི་བུ་སེམས་ཅན་གྱི་ཁམས་ཞེས་བྱ་བ་འདི་ནི་དེ་བཞིན་གཤེགས་པའི་ཚིག་བླ་དགས་སོ། །ཤཱ་རིའི་བུ་དེ་བཞིན་གཤེགས་པའི་སྙིང་པོ་ཞེས་བྱ་བ་དེ་ནི། ཆོས་ཀྱི་སྐུའི་ཚིག་བླ་དགས་སོ། །ཞེས་གསུངས་པའི་ཕྱིར་རོ། །འདི་ལ་ཁ་ཅིག་ན་རེ། དེ་ལྟར་སེམས་ཅན་གྱི་ཁམས་ཆོས་སྐུ་ཡིན་ན། ཡིན་པས་ཆོག་མོད། ལམ་བསྒོམས་པས་དོན་མེད་དོ་ཞེ་ན། དེ་ལྟར་མ་ཡིན་ཏེ། དྲི་མ་བྲལ་བའི་ཕྱིར་དུ་ལམ་བསྒོམ་དགོས་པར་རྗེ་བཙུན་སྤྱན་རས་གཟིགས་དབང་ཕྱུག་གིས།

[Full Size]

ཇི་ལྟར་མེ་ནི་ཤིང་ལ་རྟག་གནས་ཀྱང་། །བཅད་དང་དབྱེ་བའི་ཐབས་ཀྱིས་མི་མཐོང་སྟེ། །རྩུབ་ཤིང་རྩུབ་བསྟན་ལག་པས་བསྲུབས་པ་ལས། །དེ་ལ་གནས་པ་དག་ཀྱང་མཐོང་བར་འགྱུར། །དེ་བཞིན་སེམས་ཀྱི་འོད་གསལ་རྟོགས་པ་ཡི། །བསྒོམ་པའི་ཐབས་རྣམས་དག་གིས་མི་མཐོང་ཏེ། །དེ་ཉིད་དུ་ནི་རྐྱང་མ་དག་དང་ནི། །རོ་མ་གཅིག་ཏུ་སྦྱོར་བས་མཐོང་བར་འགྱུར། །ཞེས་གསུངས་ཤིང་། འཕགས་པ་ཀླུ་སྒྲུབ་ཀྱིས། ཇི་ལྟར་ཤིང་ལ་མེ་གནས་པ། །མ་བསྲུབས་བར་དུ་འབྱུང་མི་འགྱུར། །དེ་བཞིན་གོམས་མེད་སངས་རྒྱས་ནི། །ཚེ་འདི་ཉིད་ལ་ཐོབ་མི་འགྱུར། །ཞེས་གསུངས་ཤིང་། བཅོམ་ལྡན་འདས་ཀྱཻ་རྡོ་རྗེའི་རྒྱུད་དུ། སེམས་ཅན་ཐམས་ཅད་སངས་རྒྱས་ཡིན། །འོན་ཀྱང་བློ་བུར་དྲི་མས་སྒྲིབས། །དེ་ཉིད་གསལ་ན་སངས་རྒྱས་ཉིད། །ཅེས་སོགས་ཀྱིས་ལམ་

[Full Size]

བསྒོམ་དགོས་པར་བསྟན་ཏོ། །ལམ་བསྒོམས་པས་ཞི་ལྷག་ཟུང་འབྲེལ་གྱི་ཡེ་ཤེས་འཆར་ཚུལ་ཡང་། གྲུབ་ཐོབ་ཁྱུང་པོས་མཛད་པའི་བདེ་མཆོག་ལྷ་ལྔའི་མངོན་རྟོགས་སུ། །དུ་བ་ལྟ་བུ་ལ་སོགས་པའི་རྟགས་ལྔ་ཤར་ནས། སྤྲིན་མེད་པའི་ནམ་མཁའ་ལྟ་བུའི་ཆོས་ཉིད་མངོན་དུ་བྱེད་དོ། །ཞེས་ཆོས་ཉིད་ཀྱི་གསལ་སྣང་དུ་གསུངས་ཤིང་། དཔལ་གསང་བ་འདུས་པའི་རྒྱུད་ཕྱི་མར་ཡང་གསུངས་པ། འགོག་པ་རྡོ་རྗེར་བགྲོད་སེམས་ལས། །མཚན་མ་ཉེར་འཛིན་འབྱུང་འགྱུར་ཏེ། །མཚན་མ་དེ་ནི་རྣམ་པ་ལྔར། །བྱང་ཆུབ་རྡོ་རྗེས་བཤད་པ་ཡིན། །དང་པོ་སྨིག་སྒྱུའི་རྣམ་པ་སྟེ། །གཉིས་པ་དུ་བའི་རྣམ་པ་ཡིན། །གསུམ་པ་མཁའ་སྣང་རྣམ་པ་སྟེ། །བཞི་པ་སྒྲོན་མ་འབར་བའོ། །ལྔ་པ་རྟག་ཏུ་སྣང་བ་ནི། །སྤྲིན་མེད་ནམ་མཁའ་ལྟ་བུའོ། །ཞེས་པ་ལ་སོགས་པ་དུ་བ་འོད་གསལ་གྱི་

[Full Size]

གསལ་སྣང་དུ་གསུངས་སོ། །རྒྱས་པར་རྟོག་གེའི་དྲི་མ་དང་བྲལ་བའི་གང་ཟག་དབང་པོ་རྣོན་པོ་རྣམས་ལ་འོད་གསལ་འཆར་སྒོ་ངོས་འཛིན་ལྟར་བཤད་པར་བྱའོ། །ནི་གུ་མ་སྔོན་འགྲོ་ལ་གཙོ་བོར་བྱེད་དེ། །སྔོན་འགྲོ་ལ་མྱོང་བ་བརྒྱུད་ལ་མ་སྐྱེས་ན་ངོ་སྤྲད་ཀྱང་ངོས་མི་ཟིན་པས། སྔོན་འགྲོ་ཉམས་སུ་མྱོང་བ་ཁོ་ན་གལ་ཆེའོ། །ཅེས་པའི་དོན་ཏེ། དེ་ནས་ཚོགས་ལ་ལོངས་སྤྱོད་པ་ནས་བཀྲ་ཤིས་བརྗོད་པའི་བར་ཚོགས་ཀྱི་ལག་ལེན་ལྟར་བྱའོ། །གཉིས་པ་དངོས་གཞིའི་སྐྱོན་བཞི་རང་གྲོལ་བ་ནི། །དེ་ཉིད་སྐྱོན་བཞི་དང་བྲལ་བར་བྱ་སྟེ། ཆོས་སྐུ་དང་འདུ་འབྲལ་མེད་ཀྱང་ཉེ་དྲགས་པས་ངོ་མ་ཤེས། ཞེས་གསུངས་ཏེ། སེམས་རྟོག་བྲལ་ཞི་གནས་དང་ལྷག་མཐོང་ཟུང་དུ་ཆུད་པ་འདུས་མ་བྱས་པའི་ཆོས་སྐུ་གོང་དུ་ངོ་སྤྲད་པ་དེ་དང་སྐད་ཅིག་ཀྱང་འདུ་འབྲལ་མེད་ཅིང་ཉེ་དྲགས་ཀྱང་། སྔར་

[Full Size]

རྣམ་པར་མི་རྟོག་པའི་ཤེས་རབ་མེད་པས་ཆོས་ཉིད་ཀྱི་དོན་མ་མཐོང་བའི་སྐྱོན་གྱིས་འཁོར་བར་འཁྱམས་ཏེ། མདོ་སྡུད་པ་ལས། འགྲོ་བ་འཁྲུལ་པ་རི་དགས་རྒྱར་ཚུད་འདྲར་ཤེས་ནས། །ཞེས་དཔེས་བསྟན་པ་དང་། ཆོས་དང་ཆོས་ཉིད་རྣམ་པར་འབྱེད་པའི་གཞུང་ལས། ཡོད་པ་མ་མཐོང་མེད་པ་མཐོང་། །ཞེས་གནས་ལུགས་ལ་ཡོད་པའི་ཆོས་ཉིད་མ་མཐོང་ཞིང་། མེད་བཞིན་དུ་སྣང་བའི་འཁྲུལ་པ་མཐོང་བར་གསུངས་པ་ལྟར་རོ། །ད་ནི་བླ་མའི་མན་ངག་ཁྱད་པར་ཅན་ལ་བརྟེན་ནས་མཐོང་བ་ཡིན་ཏེ། རྒྱུད་བླ་མར། འདི་ལ་གསལ་བྱ་ཅི་ཡང་མེད། །ཡང་དག་ཉིད་ལ་ཡང་དག་བལྟ། །ཡང་དག་མཐོང་ནས་རྣམ་པར་གྲོལ། །ཞེས་གསུངས་པ་ལྟར་ཆོས་ཉིད་ཀྱི་དོན་དེ་ངོ་ཤེས་པར་བྱས་ལ་འབྲལ་མེད་དུ་བསྒོམས་ཏེ། བཞག་པར་བྱ་བ་ཅུང་ཟད་མེད། རྣམ་གྲོལ་ཐོབ་པར་བྱའོ། །སྐྱོན་གཉིས་

[Full Size]

པ། རང་ལ་ཤར་ཀྱང་ཟབ་དྲགས་པས་ངོས་མ་ཟིན། ཅེས་གསུངས་པ་ནི། སེམས་ཀྱི་རང་བཞིན་འོད་གསལ་དེ་རྟོག་དཔྱོད་དང་། མཚན་འཛིན་གྱིས་བསྒོམ་པའི་ཡུལ་མ་ཡིན་པས་སྔར་ངོས་མ་ཟིན་ཏེ། རྒྱུད་བླ་མར། ཕྲ་ཕྱིར་ཐོས་པའི་ཡུལ་མིན་ཕྱིར། །དོན་དམ་ཡིན་ཕྱིར་བསམ་པའི་མིན། །ཆོས་ཉིད་ཟབ་ཕྱིར་འཇིག་རྟེན་པའི། །བསྒོམ་པ་ལ་སོགས་ཡུལ་མ་ཡིན། །ཞེས་གསུངས་ལ། དེ་ད་ལེན་མི་རྟོག་པའི་ཏིང་ངེ་འཛིན་གྱིས་མཐོང་ཅིང་ངོས་ཟིན་པ་ཡིན་ཏེ། རྒྱུད་བླ་མར། ནང་གི་དམ་པ་ཆོས་སྐུ་ནི། །ཡེ་ཤེས་མིག་གིས་མཐོང་པར་འགྱུར། །ཞེས་དང་། མདོ་རྒྱ་ཆེར་རོལ་པ་ལས། ཟབ་ཞི་སྤྲོས་བྲལ་འོད་གསལ་འདུས་མ་བྱས། །བདུད་རྩི་ལྟ་བུའི་ཆོས་གཅིག་ཁོ་བོས་རྟོགས། །སུ་ལ་བསྟན་ཀྱང་གོ་བར་མི་འགྱུར་བས། །མི་སྨྲ་ནགས་འདབ་ཉིད་དུ་གནས་

[Full Size]

པར་བྱ། །ཞེས་གསུངས་པ་ལྟར། འོད་གསལ་རྟོགས་པའི་དུས་འདི་ནས་བཟུང་སྟེ། ལུས་ཀྱི་བྱ་བྱེད། ངག་གི་སྨྲ་བརྗོད། སེམས་ཀྱི་འཕྲོ་འདུ་ཐམས་ཅད་དོར་ནས་འབྲལ་མེད་དུ་བསྒོམ་པར་བྱའོ། །སྐྱོན་གསུམ་པ་སླ་དྲགས་པ་ཡིད་མ་ཆེས་པར་ཡེངས་མེད་དང་འབྲལ་ལོ། །ཅེས་གསུངས་ཏེ། དེ་ལྟ་བུའི་ཡེ་ཤེས་དེ་བླ་མའི་བརྡའ་ཐབས་ལ་བརྟེན་ནས་འཆར་ཞིང་། སློབ་མའི་འབད་རྩོལ་ཐམས་ཅད་བཏང་སྟེ་རང་བབས་གསུམ་དུ་བཞག་པ་ཙམ་གྱིས་རྟོགས་ནས། འདི་ལྟ་བུའི་སླ་དྲགས་པས་ཅི་འདྲ་ཡིན་སྙམ་དུ་ཡིད་མ་ཆེས་པས། ཡེངས་མེད་དུ་བསྒོམ་དང་བྲལ་བའི་སྐྱོན་གྱིས་འཁོར་བར་འཁྱམས་པ་ཡིན་ལ། ད་ནི་ཤིན་ཏུ་ལྐོག་གྱུར་གྱི་དོན་ལ་ལུང་ཚད་མ་ཡིན་པས། གོང་དུ་བསྟན་པའི་མདོ་རྒྱུད་ཀྱི་ལུང་དོན་རྣམས་དང་། རང་གི་ཉམས་མྱོང་མཐུན་པ་ལ་ཡིད་ཆེས་པར་བྱས་ལ། སྤྱོད་ལམ་རྣམ་བཞི་

[Full Size]

ཀུན་ཏུ་མ་ཡེངས་པར་ཉམས་སུ་བླང་པར་བྱ་སྟེ། དཔལ་སཾ་བྷུ་ཊི་རྒྱུད་ལས། བཟའ་དང་བཏུང་དང་བླུགས་པ་དང་། །ཉལ་དང་ལོག་དང་བསམ་པ་ན། །ཕྱག་རྒྱ་ཆེན་པོ་མངོན་འདོད་པས། །དེ་ནས་སྔོན་དུ་འགྲོ་བར་གྱུར། །ཞེས་གསུངས་པའི་ཕྱིར་རོ། །སྐྱོན་བཞི་པ། བཟང་ཡང་བློར་མ་ཤོང་པས་ཐག་ཆོད་དང་བྲལ་བས་འཁོར་བར་འཁྱམས་པའོ། །ཞེས་གསུངས་ཏེ། སྔར་བླ་མ་དམ་པས་མ་ཟིན་ཅིང་། རྟོག་གེའི་སྦྱངས་པས་རྒྱུད་དཀྲུགས་པ། །ནང་གི་དོན་ལས་ཁ་ཕྱིར་ཕྱོགས་པའི་སྐྱེ་བོ་དག་ལ། ཟབ་ལམ་བཟང་པོ་འདི་ལྟ་བུ་བསྟན་པས། ཆོས་སྐུ་ཡིན་པ་བཟང་དྲགས་པས་བློར་མི་ཤོང་པ་འབྱུང་སྟེ། མཆོག་གི་དང་པོའི་སངས་རྒྱས་ཀྱི་རྒྱུད་དུ། བྱིས་པ་མཁས་པ་རྨོངས་རྣམས་ཀྱིས། །རྒྱུད་ཀྱི་དོན་ནི་འདིར་མི་ཤེས། །ཞེས་གསུངས་ལ། དེའི་འགྲེལ་པར་དཔལ་ནཱ་རོ་པས།

[Full Size]

བྱིས་པ་སྟེ་སོ་སོ་སྐྱེ་བོ། མཁས་པ་སྟེ་སྒྲ་དང་ཚད་མ་ལ་སོགས་པ་རྟོག་གེ་སྐམ་པོ་རྩ་ལྟར་སྦྱངས་པས་ཉེ་བར་དུབ་པ། རྨོངས་པས་ཏེ་ནང་གི་དེ་ཁོ་ན་ཉིད་ལྟ་བ་ལ་ཕྱིར་ཕྱོགས་པ་རྣམས་ཀྱི་ཡུལ་མ་ཡིན་ནོ། །ཞེས་གསུངས་པའི་ཕྱིར་རོ། །དེས་ན་བློར་མ་ཤོང་བའི་སྐྱོན་ཡོངས་སུ་དོར་ལ། གོང་གི་ལུང་རྣམ་དག་རྣམས་དང་མཐུན་པའི་བླ་མ་དམ་པའི་མན་ངག་དང་། རང་གི་ཉམས་མྱོང་ལ་ཡིད་ཆེས་པར་བྱ་དགོས་ཏེ། རྗེ་བཙུན་སྤྱན་རས་གཟིགས་དབང་ཕྱུག་གི་ཞལ་མངའ་ནས། གང་དག་རིན་ཆེན་བཟང་པོར་རིག་པ་རྣམས། །རིན་ཆེན་ཆེན་པོ་ཡོངས་སུ་རྟོག་ཏུ་གཞུག །དེ་དག་རྣམས་ཀྱི་རྣམ་དག་ཚིག་གིས་ནི། །རང་གི་རིན་ཆེན་རྣམ་པར་ཤེས་པར་བྱ། །ཞེས་གསུངས་པའི་ཕྱིར་རོ། །དེས་ན་ཐག་ཆོད་ངེས་ཤེས་བསྐྱེད་ལ་རྩེ་གཅིག་ཏུ་བསྒོམས་ཏེ། འཁོར་བར་འཁྱམས་པའི་སྐྱོན་ལས་གྲོལ་བར་བྱའོ། །རྗེ་བཙུན་མཻ་ཏྲི་པ་

[Full Size]

དངོས་གཞི་ལ་གཙོ་བོར་བྱེད། །ཅེས་པ། སྔོན་འགྲོ་ལ་དགེ་སྦྱར་སྐྱེས་ཀྱང་དངོས་གཞིའི་སྐྱོན་བཞི་པོ་འདི་དང་མ་བྲལ་ན་ཡིད་ཐེ་ཚོམ་དུ་འགྱུར་པས་ཉམས་ལེན་ལས་གཡེལ་ནས་དངོས་གྲུབ་མི་ཐོབ་པས། དེའི་ཕྱིར་དངོས་གཞི་འདི་གཙོ་ཆེ་ཅེས་པའོ། །དེས་ན་དངོས་གཞི་རྒྱུད་ལ་སྐྱེས་པའི་ཚད་དང་སྣང་སེམས་ཡིད་ལ་མི་བྱེད་པའི་ཟུང་འཇུག་རྟོགས་པའོ། །དེ་ཉིད་རང་ཤར་བརྟན་པའི་ཚད་མཉམ་རྗེས་དང་བྲལ་བའི་འཁོར་མའོ། །གསུམ་པ་རྗེས་སྐུ་བཞི་རང་ཤར་ནི། མཐར་ཐུག་མཉམ་རྗེས་བློས་བྱས་དང་བྲལ་བའི་རང་ཤར་དེ་ལ། སྣ་ཚོགས་སུ་གསལ་བ་སྤྲུལ་སྐུ། གསལ་འཛིན་དང་བྲལ་བའི་རྟོག་མེད་དེ་ཆོས་སྐུ། གསལ་ལ་རྟོག་མེད་དེ་ཉིད་བདེ་བར་ཤར་བས་ལོངས་སྐུ། དེ་གསུམ་ཀ་རང་བཞིན་དབྱེར་མི་ཕྱེད་པས་མཐར་ཐུག་བདེ་བ་ཆེན་པོའི་སྐུའོ། །དེ་ཉིད་ལ་

[Full Size]

རྟོག་མེད་ཀྱི་ཆ་དེ་ཇི་ལྟ་བའི་ཡེ་ཤེས་སོ། །མི་རྟོག་ལ་ཇི་ལྟར་གསལ་བའི་ཆ་དེ་ཇི་སྙེད་པ་མཁྱེན་པའི་ཡེ་ཤེས་སོ། །དེ་གཉིས་རང་བཞིན་དབྱེར་མི་ཕྱེད་དབྱིངས་ཡེ་ཤེས་གཉིས་སུ་མེད་པ་ཞེས་བྱའོ། །སྔོན་འགྲོའི་དམ་ཚིག་གསང་བའི་རྡོ་རྗེའོ། །ཞེས་གསུངས་ཏེ། སྔར་ཉམས་སུ་མྱོང་བའི་མཐར་ཐུག་གི་གནས་ལུགས་མཉམ་བཞག་ཟབ་མོ། རྗེས་ཐོབ་རྟོག་པ་དང་བློས་བྱས་དང་བྲལ་བའི་རང་ཤར་དེ་ལ་འོད་གསལ་གྱི་སྣང་བ་སྣ་ཚོགས་སུ་གསལ་བ་དེ་སྤྲུལ་པའི་སྐུ། གསལ་ཡང་བཟུང་བ་དང་འཛིན་པ་དང་བྲལ་བའི་རྟོག་མེད་དེ་ཆོས་སྐུ། གསལ་ལ་རྟོག་པ་མེད་པའི་འོད་གསལ་ཤེས་རབ་ཀྱི་ཕ་རོལ་ཏུ་ཕྱིན་པ་དེ་ཉིད། ཐབས་བདེ་བ་ཆེན་པོ་དང་དབྱེར་མེད་པར་ཤར་བས་ལོངས་སྐུ། དེ་གསུམ་ཀ་རོ་གཅིག་པས་དབྱེར་མི་ཕྱེད་ཅིང་ཟུང་དུ་ཆུད་པས་མཐར་ཐུག་བདེ་བ་ཆེན་པོའི་སྐུའོ། །ཡང་ན་ཚིག་གསལ་ལས། རང་ཤར་

[Full Size]

དུ་བཞག་པའི་དུས་སུ། ཁ་དོག་དང་དབྱིབས་ལ་སོགས་པ་གང་དུའང་མ་གྲུབ་པས་ཆོས་སྐུ་རང་ཤར་མཐར་ཐུག་གོ། ཡེ་ཤེས་ནི་ཆོས་ཀྱི་དབྱིངས་ཀྱི་ཡེ་ཤེས་སོ། །སྟོང་པ་སྣ་ཚོགས་སུ་ཤར་བ་སྤྲུལ་སྐུ་རང་ཤར་རོ། །ཡེ་ཤེས་ནི་མེ་ལོང་ལྟ་བུའོ། །བར་གྱི་བདེ་བ་ལོངས་སྐུ་རང་ཤར་མཐར་ཐུག་གོ ། ཡེ་ཤེས་ནི་སོ་སོར་རྟོག་པའོ། །དེ་གསུམ་རང་བཞིན་དབྱེར་མི་ཕྱེད་པས། བདེ་བ་ཆེན་པོ་འབྲས་བུ་སྐུ་བཞི་རང་ཤར་མཐར་ཐུག་གོ ། ཡེ་ཤེས་ནི་མཉམ་པ་ཉིད་དོ། །སྐུ་བཞིས་ཕྲིན་ལས་ལྷུན་གྲུབ་ཏུ་འབྱུང་བས་བྱ་བ་གྲུབ་པའི་ཡེ་ཤེས་སོ། །དེ་ཉིད་ལས་རྟོག་མེད་ཀྱི་ཆ་དེ་ཇི་ལྟ་བའི་ཡེ་ཤེས་སོ། །མི་རྟོག་པ་སྣ་ཚོགས་སུ་གསལ་བ་དེ་ཇི་སྙེད་པ་མཁྱེན་པའི་ཡེ་ཤེས་སོ། །དབྱེར་མི་ཕྱེད་པས་དབྱིངས་ཡེ་ཤེས་གཉིས་སུ་མེད་པ་ཞེས་བྱའོ། །ཞེས་གསུངས་པ་ལྟར་ཤེས་པར་བྱའོ། །སྔོན་

[Full Size]

འགྲོའི་དམ་ཚིག་ནི། དང་པོར་མྱོང་བ་སྐྱེས་པ་རྣམས་ལ་དྲི་བ་ཞིབ་ཏུ་བྱས་ཏེ། འདི་ལྟར་ཡིན་གྱི་ངོ་སྤྲོད་མི་འདེབས་པས་ན་གསང་བའི་རྡོ་རྗེའོ། །བཞི་པ་བོགས་འདོན་དང་ལམ་ཁྱེར་ལ་སོགས་པ་བསྟན་པ་ལ་གཉིས་ལས། དང་པོ་བོགས་འདོན་ནི། བོགས་འདོན་སྙིང་རྗེ་གསོལ་འདེབས། ཅེས་གསུངས་པས། དེ་ལྟར་སྟོང་ཉིད་ཀྱི་དོན་རྒྱུད་ལ་སྐྱེས་ནས། དེ་ལྟར་མ་རྟོགས་པའི་སེམས་ཅན་ལ་སྙིང་རྗེ་རྩོལ་མེད་དུ་སྐྱེ་ལ། དེ་ཡང་སྟོབས་བསྐྱེད་ཕྱིར་སྙིང་རྗེས་བོགས་འདོན་པ་ལ་གསུམ་ལས། དང་པོ་སེམས་ཅན་ལ་དམིགས་པའི་སྙིང་རྗེ་ནི། མ་ནམ་མཁའ་དང་མཉམ་པའི་སེམས་ཅན་འདི་རྣམས་འཁོར་བ་ཐོག་མ་མེད་པ་ནས་ད་ལྟ་ལ་ཐུག་གི་བར་དུ། བདག་གི་མ་ཡང་ཡང་བྱས་པའི་དྲིན་ཆེན་ཡིན། མ་འདི་རྣམས་འདོད་པ་བདེ་བ་འདོད་ཀྱང་དེའི་རྒྱུ་དགེ་བ་བསྒྲུབ་མི་ཤེས་པ་སྙིང་རེ་རྗེ་སྙམ་དུ་ཡུན་རིང་དུ་བསྒོམ། ཡང་མ་

[Full Size]

འདི་རྣམས་སྡུག་བསྔལ་མི་འདོད་ཀྱང་། དེའི་རྒྱུ་སྡིག་པ་སྤོང་མི་ཤེས་པས་སྡིག་པའི་འབྲས་བུ་ངན་སོང་གསུམ་གྱི་སྡུག་བསྔལ་དྲག་པོ་མྱོང་དགོས་པའི་སྙིང་རེ་རྗེ་སྙམ་དུ་དྲག་ལ་རྒྱུན་རིང་དུ་བསྒོམས་པས། མིག་ནས་མཆི་མ་འབྱུང་ཞིང་། ལུས་ཀྱི་བ་སྤུ་ལྡང་། ངག་ནས་སྨྲེ་སྔགས་ཀྱི་ང་རོ་སྒྲོགས་པ་ལ་སོགས་པ་སྙིང་རྗེ་ཚད་ལྡན་སྐྱེས་པ་དང་། མ་འདི་རྣམས་ལ་ཅིས་གནོད་ན། སྡུག་བསྔལ་རྒྱུ་འབྲས་གཉིས་ཀྱིས་གནོད་པས། སྡུག་བསྔལ་རྒྱུ་འབྲས་ཐམས་ཅད་བདག་ལ་འདུས་ནས་མ་རྣམས་སྡུག་བསྔལ་དང་སྡུག་བསྔལ་གྱི་རྒྱུ་མཐའ་དག་དང་བྲལ་བར་གྱུར་ཅིག །ཅེས་བརྗོད་ཅིང་བྲལ་བར་ཡང་མོས། མ་འདི་རྣམས་ལ་ཅིས་ཕན་ན། དགེ་བ་རྒྱུ་འབྲས་ཀྱིས་ཕན་པས། བདག་གི་བདེ་དགེ་ཐམས་ཅད་མ་རྣམས་ཀྱིས་རྒྱུད་ལ་ཐིམ་ནས། གནས་སྐབས་སུ་

[Full Size]

བདེ་ཞིང་། མཐར་ཐུགས་བླ་ན་མེད་པའི་བྱང་ཆུབ་ཐོབ་པར་གྱུར་ཅིག །ཅེས་བརྗོད་ཅིང་། མོས་པར་བྱའོ། །གཉིས་པ་ཆོས་ལ་དམིགས་པའི་སྙིང་རྗེ་ནི། ཆོས་ཅན་ཐམས་ཅད་སྟོང་ཞིང་བདག་མེད་པ་དང་། ཆོས་ཉིད་རང་བཞིན་གྱིས་འོད་གསལ་ཞིང་རྣམ་པར་དག་པ་ཡིན་པ་ལ། དེ་ལྟར་མ་རྟོགས་པའི་དབང་གིས་སེམས་ཅན་འདི་རྣམས་སྙིང་རེ་རྗེ་སྙམ་དུ་བསྒོམ། །གསུམ་པ་དམིགས་པ་མེད་པའི་སྙིང་རྗེ་ནི། དེ་ཀའི་མོད་ལ་རང་བབས་གསུམ་གྱི་སྟེང་དུ་བཞག་པས་མི་རྟོག་པའི་བོགས་ཆེན་པོ་འབྱུང་སྟེ། རྡོ་རྗེ་སྙིང་འགྲེལ་ལས། སེམས་ཅན་ཆོས་དང་དམིགས་པ་མེད། །སྙིང་རྗེ་དེ་ནི་རྣམ་གསུམ་འདོད། །ཞེས་གསུངས་པའི་དོན་ཏེ། གཉིས་པ་གསོལ་འདེབས་ཀྱིས་བོགས་འདོན་པ་ནི། དེ་ལྟར་སྟོང་ཉིད་སྙིང་རྗེ་རྒྱུད་ལ་སྐྱེས་ན། དེ་ཀ་བླ་མའི་བཀའ་དྲིན་དུ་ཤེས་ནས།

[Full Size]

མོས་གུས་དྲག་པོ་རང་ཤུགས་ཀྱིས་འབྱུང་ངོ་། །དེའི་སྟོབས་བསྐྱེད་ཕྱིར་བླ་མའི་རྣལ་འབྱོར་སྔར་བཞིན་བསྒོམ་ལ། ངའི་དཔལ་ལྡན་བླ་མ་དམ་པ་འདིས། །འཁོར་བ་དང་ངན་སོང་གི་སྒོ་བཀག །མཐོ་རིས་དང་ཐར་པའི་ལམ་བསྟན། །རང་སེམས་དག་པའི་ཆོས་སྐུར་ངོ་སྤྲོད་པས་བཀའ་དྲིན་ཆེ། བཀའ་དྲིན་ཆེ་སྙམ་དུ་ཡང་ཡང་བསམ། དངོས་སུ་འབྱོར་པ་དང་ཡིད་ཀྱིས་སྤྲུལ་པའི་མཆོད་པ་དབུལ་ཞིང་། ཚོགས་གསོག་ཅི་འགྲུབ་བྱས་ལ། ད་ནི་བླ་ན་མེད་པའི་བྱང་ཆུབ་མ་ཐོབ་བར་དུ། དུས་གསུམ་སངས་རྒྱས་ཐམས་ཅད་ཀྱི་ངོ་བོ་བླ་མ་བཀའ་དྲིན་ཅན་ཁྱེད་མིན་པ་རེ་ས་གཞན་ན་མེད་པས་ཐུགས་རྗེ་བཟུང་ཅིག །ཅེས་བརྗོད་ཅིང་སྒོ་གསུམ་ཚོགས་པ་གཅིག་ཏུ་དྲིལ་བའི་གསོལ་འདེབས་ཤིན་ཏུ་དྲག་པ་མིག་ནས་མཆི་མ་འབྱུང་ཞིང་ལུས་ཀྱིས་ཟུངས་མི་ཐུབ་པ་བྱུང་བྱུང་གི་

[Full Size]

བར་བྱས་ལ་ཚད་དུ་ཕྱིན་པ་དང་། བླ་མའི་སྐུ་སྤྱི་བོ་ནས་ཐིམ་སྟེ་རང་གི་སེམས་དང་དབྱེར་མེད་དུ་གྱུར་པའི་ངང་དུ། རང་བབས་གསུམ་དུ་གློད་པས། མོས་གུས་དང་བསྟུན་པའི་བོགས་འབྱུང་བར་འགྱུར་རོ། །གཞན་ཡང་། ཚིག་གསལ་ལས་བོགས་འདོན་གསུམ་ནི། ལྷ་སྐུ་གསལ་སྟོང་རླུང་དང་བསྲེ། །རྣམ་རྟོག་མ་རིག་འགག་པར་འགྱུར། །ཅེས་གསུངས་པས། རང་བདེ་མཆོག་ཡབ་ཡུམ་གྱི་སྐུ་གསལ་ལ་དངས་པ། བར་སྣང་གི་འཇའ་ཚོན་ལྟ་བུར་བསྒོམས་པའི་ངང་ནས། འཇམ་རླུང་ཅི་ཐུབ་བཟུང་ཞིང་བསྒོམ་པའོ། །ཡང་ཐ་མལ་ཤེས་པ་རླུང་དང་བསྲེ། །ཉམས་མྱོང་ཡར་ངོ་བཞིན་དུ་འགྱུར། །ཅེས་པ་ནི། རང་བབས་གསུམ་གྱི་སྟེང་ནས་འཇམ་རླུང་ཅི་ཐུབ་བཟུང་ལ་བསྒོམས་པས་བོགས་ཆེར་འབྱུང་ངོ་། །ཡང་འོད་གསལ་ལྷ་སྐུ་རླུང་དང་བསྲེ། །མཐར་ཐུག་འབྲས་

[Full Size]

བུ་མྱུར་ཐོབ་འགྱུར། །ཅེས་པ་ནི། གོང་མ་གཉིས་ལ་བརྟན་པ་ཐོབ་ནས། མི་རྟོག་པའི་ངང་ནས་ཡེ་ཤེས་ལྷའི་སྐུ། །རྒྱ་ཆད་ཕྱོགས་རིས་མེད་པ་རྟོག་མེད་མངོན་སུམ་འཆར་བ་འབྱུང་སྟེ། དེ་ནི་མཐར་ཐུག་གི་གནས་ལུགས་ཡིན་པས། དེ་ལ་རྒྱུན་དུ་བསྒོམས་ན་རང་དོན་ཆོས་སྐུ་མྱུར་དུ་ཐོབ་སྟེ། རང་ཤར་ངོས་བཟུང་བྱ། ཐག་བཅད་ངེས་ཤེས་བསྐྱེད། ཡེངས་མེད་ཆུ་བོ་བརྟེན། ཚད་མེད་གཉིས་ལ་འབད། ཡར་ངོ་བཞིན་དུ་འགྱུར། ལོ་ཟླས་མཐར་ཕྱིན་ནོ། །དམ་ཚིག་ལ་ཡིད་གཉིས་སྤང་བར་བྱའོ། །ཅེས་གསུངས་པས་ཐེ་ཚོམ་དང་ཡིད་གཉིས་སྤང་བར་བྱའོ། །གཉིས་པ་ལམ་ཁྱེར་ལ་སོགས་པ་བསྟན་པ་ལ་བཞི་ལས། དང་པོ་ལམ་ཁྱེར་ནི། ལམ་ཁྱེར་ཅི་སྣང་དེ་ཉིད་དོ། །ཅེས་གསུངས་པས་རྗེས་ཐོབ་ཀྱི་གནས་སྐབས་སུ། སྒོ་ལྔའི་ཡུལ་དུ་ཅི་ཤར་

[Full Size]

གྱི་སྟེང་དུ་སྔར་བཞིན་འཛིན་མེད་དུ་བཞག་པས། དེ་ཉིད་གསལ་སྟོང་འཛིན་མེད་དུ་འཆར་སྟེ། མངོན་དུ་གྱུར་པའི་ཚད་ནི། མངོན་གྱུར་བསྒོམ་མེད་ཡེངས་མེད་དོ། །ཞེས་གསུངས་པ་ཡིན་ནོ། །གཉིས་པ་བསྲེ་བ་ནི། བསྲེ་བ་རྟོག་མེད་ལམ་ཁྱེར་རོ། །ཞེས་གསུངས་ཏེ། ལུས་སེམས་ཀྱི་སྟེང་དུ་ནད་དང་སྡུག་བསྔལ་ལ་སོགས། ཚོར་བ་སྡུག་བསྔལ་བ་དང་། འདོད་དོན་གྱ་ནོམ་པས་གཡེངས་པ་ལ་སོགས་པ། ཚོར་བ་བདེ་བ་ལམ་དུ་བསྒྱུར་དཀའ་བ་བྱུང་བའི་དུས་སུ། དེ་རྣམས་ཐམས་ཅད་འཁྲུལ་པའི་རྣམ་རྟོག་ཡིན་པར་ངོ་ཤེས་པར་བྱས་ལ། གནས་ལུགས་ལ་བདེན་པར་མེད་པར་ཐག་བཅད་དེ། ནད་དང་སྡུག་བསྔལ་ལ་སོགས་པ་གང་ཡིན་གྱི་སྟེང་དུ་རྟོག་མེད་དུ་བཞག་པས། གསལ་ཞིང་སྟོང་པའི་ཏིང་ངེ་འཛིན་རྒྱུད་ལ་ཉམས་སུ་མྱོང་བས་ལམ་དུ་ཁྱེར་རོ། །གསུམ་པ་གཉིད་འོད་གསལ་དང་བསྲེ་བས་བོགས་འདོན་

[Full Size]

པ་ནི། འོད་གསལ་ལྟ་སྟངས་བོགས་འདོན་ནོ། །སད་རྗེས་གསལ་ལ་འཛིན་མེད་བསྲེ། །ཅེས་གསུངས་ཏེ། སྔར་གོང་དུ་བསྟན་པ་ལྟར། གཉིད་ལོག་དུས་མིག་ལྤགས་པའི་འོག་ན་ལྟ་སྟངས་ལ་རྩེ་གཅིག་ཏུ་བཞག་པས། གཉིད་སོང་བ་ཡིན་བྱས་པས། གསལ་ཞིང་དྭངས་ལ་རྟོགས་པ་ཐམས་ཅད་དང་བྲལ་བ། མ་སོང་བ་ཡིན་བྱས་པས་སད་རྒྱུ་ཡོད་ཅིང་། སད་པ་དང་ནག་ཐིབས་ཀྱིས་འགྲོ་བ་འབྱུང་སྟེ། དེ་ལ་སད་མ་ཐག་ཏུ་མིག་ལྟ་སྟངས་དང་ལྡན་པས། སྔར་གཉིད་དུས་སུ་ཉམས་སུ་མྱོང་བ་ལྟར་གསལ་ལ་རྟོག་པ་མེད་པར་བསྲེས་པས། ཉིན་མཚན་གཉིས་ཀྱི་འོད་གསལ་གཅིག་གིས་བོགས་ཐོན་པར་འགྱུར་རོ། །བཞི་པ་བར་དོའི་འོད་གསལ་བཟུང་བ་ནི། ཉིན་མཚན་བར་དོའི་འོད་གསལ་ནི། །སྐུ་གསུམ་དབྱེར་མེད་རང་ཤར་ལྟོས། །ཞེས་

[Full Size]

གསུངས་ཏེ། ཉིན་པར་དང་གཉིད་ཀྱི་འོད་གསལ་ཟིན་ཅིང་བརྟན་ནས། ནམ་འཆི་བ་བྱུང་བའི་ཚེ། འབྱུང་བའི་ཐིམ་འགྲོས། ས་འོད་གསལ་དུ་ཐིམས་པས་དུ་བ། ཆུ་འོད་གསལ་དུ་ཐིམ་པ་སྨིག་སྒྱུ། མེ་འོད་གསལ་དུ་ཐིམ་པས་སྲིན་བུ་མེ་ཁྱེར། རླུང་འོད་གསལ་དུ་ཐིམ་པས་མར་མེ། ནམ་མཁའ་འོད་གསལ་དུ་ཐིམ་པས་སྤྲིན་མེད་པའི་ནམ་མཁའ་དྭངས་པ་འབྱུང་སྟེ། དེ་རྣམས་རང་སེམས་འོད་གསལ་ཆོས་སྐུར་ངོ་ཤེས་པ་ལ་སེམས་བཟུང་བས། མཐར་རྣམ་པ་ཐམས་ཅད་པའི་འོད་གསལ་རྒྱ་ཆད་ཕྱོགས་ལྷུང་མེད་པར་ཤར་བས། རང་དོན་དུ་ཆོས་སྐུ་སྐྱེ་བ་མེད་པ་ཐོབ། གཞན་དོན་དུ་གཟུགས་སྐུ་གཉིས་འགག་མེད་དུ་འབྱུང་སྟེ། སྐུ་གསུམ་དབྱེར་མེད་རང་ཤར་དུ་བྱུང་ནས། འབད་རྩོལ་མེད་བཞིན་འཁོར་བ་སྲིད་དུ་གཞན་དོན་རྒྱ་ཆེན་པོ་འབྱུང་བ་ལྟོས་ཤིག །ལྔ་པ་

[Full Size]

འཇུག་གི་དོན་བསྟན་པ་ལ་ལྔ་ལས། དང་པོ་གོང་གི་དོན་དེ་བསྡུས་རྒྱུད་ཀུན་ཏུ་སྦས་པ། འདིར་ཚིག་གཅིག་གིས་གསལ་བའི་མན་ངག་བསྟན་པ་ནི། གང་གིས་མི་ཤེས་རྒྱུད་དུ་སྦས་པའི་དོན། །མཐར་ཐུག་ཚིག་གཅིག་གྲོལ་བ་འདི་ཡིན་ཏེ། །བསྒོམ་མེད་ཡེངས་མེད་གོམས་ཤིང་བརྟན་པ་ལས། །ས་ལམ་རིམ་པ་དུས་འདིར་བགྲོད་བྱེད་དེ། །ཡིད་ལ་མི་བྱེད་སྒྲིབ་གཉིས་རང་སར་དག །སྐུ་གསུམ་རང་ཤར་འབྲས་བུ་ལྷུན་གྱིས་གྲུབ། །ཞེས་གསུངས་ཏེ། སྐྱེས་བུ་གང་གིས་སྒྲ་ཚད་ལ་སོགས་པས་བརྟག་ཀྱང་མི་ཤེས་པས། བསྡུས་བརྒྱུད་ཀུན་ཏུའང་སྦས་པའི་དོན་མཐར་ཐུག་པ། ཚིག་གཅིག་གིས་གྲོལ་བའི་མན་ངག་ནི། ཉམས་སུ་ལེན་དུས་བསྒོམ་རྒྱུ་རྡུལ་ཙམ་ཡང་མེད། ཡེངས་སུ་སྐད་ཅིག་ཀྱང་མེད་པ་ལ། རྩེ་གཅིག་ཏུ་གོམས་ཤིང་

[Full Size]

བརྟན་པ་ལས་ས་བཅུ་དང་ལམ་ལྔའི་རིམ་པ་རྣམས་བགྲོད་པར་བྱེད་དེ། རྣམ་རྟོག་གི་མཚན་མ་གང་ཡང་ཡིད་ལ་མི་བྱེད་པའི་ལམ་གྱིས། ཉོན་མོངས་དང་ཤེས་བྱའི་དྲི་མ་གཉིས་རང་སར་དག་ནས་གོང་དུ་བསྟན་པའི་སྐུ་གསུམ་རང་ཤར་དུ་འབྱུང་སྟེ། འབྲས་བུ་ལྷུན་གྱིས་གྲུབ་པ་ཐོབ་བོ། །གཉིས་པ་དེ་བླ་མ་དམ་པའི་དྲིན་ལས་རྟོགས་པར་བྱ་ཚུལ་ནི། མདོ་བརྒྱུད་ཀུན་ཏུ་དུ་བསྟན་ཡང་རང་བཞིན་གབ། །བླ་མའི་བྱིན་རླབས་ཞལ་ལས་ཤེས་པར་བྱའོ། །ཅེས་གསུངས་ཏེ། མདོ་རྒྱུད་ཀུན་ཏུ་བསྟན་ཀྱང་རང་བཞིན་ཟབ་མོ་བརྡའ་སྣ་ཚོགས་ཀྱིས་སྒྲིབས་པས་གབ་པ་སྟེ། རྩ་རྒྱུད་ཟབ་མོ་དད་པ་བཅུ་པའི་འགྲེལ་པའི་མན་ངག་དང་ལྡན་པའི་བླ་མ་དམ་པའི་བྱིན་རླབས་དང་ཞལ་ལས་རྟོགས་པར་བྱའོ། །གསུམ་པ་གཞི་དྲི་མ་ལམ་འབྲས་བུ་ངོས་བཟུང་སྟེ་དུག་ལྔ་མངོན་གྱུར་དྲག་པོ་

[Full Size]

སྤང་བའི་ཐབས་ནི། ཆོས་སྐུའི་ནམ་མཁར་རྟོགས་པའི་སྤྲིན་ཚོགས་ལས། །དུག་ལྔའི་གློག་འགྱུ་ཡེ་ཤེས་ཆེན་པོར་ལྟོས། །ཅེས་གསུངས་ཏེ། ཆོས་སྐུའི་ནམ་མཁར་ཅེས་པས། རང་བཞིན་གྱིས་གནས་པའི་རིགས་སེམས་ཀྱི་འོད་གསལ་ནི་ཆོས་ཀྱི་སྐུ་གཞིའི་གནས་ལུགས་སུ་བསྟན། རྟོག་པའི་སྤྲིན་ཚོགས་ལས། ཅེས་པས། དེ་ལ་སྒྲིབས་པའི་དྲི་མ་རྣམ་པར་རྟོག་པའི་ཚོགས་བསྟན། དུག་ལྔའི་གློག་འགྱུ་ཅེས་པས། གང་ཤིན་ཏུ་མི་བཟད་པའི་དུག་ལྔ་མངོན་གྱུར་པ་བསྟན་ཡེ་ཤེས་ཆེན་པོར་ལྟོས། ཅེས་པ། ལམ་དང་འབྲས་བུའི་ཡེ་ཤེས་གཉིས་བསྟན་ཏེ། དེ་ལ་ལམ་གྱི་ཡེ་ཤེས་ནི། སྔར་བསྟན་པའི་ལམ་ཞི་གནས་དང་ལྷག་མཐོང་ཟུང་འབྲེལ། སྤང་བྱ་སྤོང་བའི་ནུས་པ་དང་ལྡན་པ་དེ་ཡིན། འབྲས་བུའི་ཡེ་ཤེས་ནི། ལམ་དེས་བློ་བུར་གྱི་དྲི་མ་མཐའ་

[Full Size]

དག་གསལ་བའི་གཞིའི་རང་བཞིན་དུ་གྱུར་པའི་ཡེ་ཤེས་ཆེན་པོར་ལྟོས་ཤིག་ཅེས་པའོ། །འདི་ལ་བརྟེན་པའི་མན་ངག་ཟབ་མོ་ནི་ཞལ་ལས་ཤེས་པར་བྱའོ། །བཞི་པ་དེ་ལྟ་བུའི་ཆོས་ལ་ཕྱག་འཚལ་བ་ནི། ཡིད་ལ་མི་བྱེད་རེ་དོགས་ཀུན་བྲལ་བའི། །ཐ་མལ་ཤེས་པ་ཁྱོད་ལ་ཕྱག་འཚལ་ལོ། །ཞེས་པ་ནི་གོ་སླའོ། །རང་ཤར་ཕྱག་རྒྱ་ཆེན་པོ་རྡོ་རྗེའི་ཚིག་རྫོགས་སོ། །ཅེས་པ་ནི་གཞུང་རྫོགས་པའི་ཐ་ཚིག་གོ ། ལྔ་པ་བླ་མ་མཉེས་པར་བྱས་པའི་ཚུལ་བསྟན་ནས་འགྱུར་བྱང་སྨོས་པ་ནི། མཁའ་འགྲོ་མ་དེ་ཉིད་ལ་མཉེས་པར་བྱས་ཏེ། གསེར་སྲང་ལྔ་བརྒྱ་ཕུལ་ནས་ཞུས། ལོ་ཙ་བ་གླན་དར་མ་བློ་གྲོས་ཀྱིས་བསྒྱུར་བའོ། །ཅེས་གསུངས་པ་ནི། མཁའ་འགྲོ་ནི། ཡེ་ཤེས་ཀྱི་མཁའ་འགྲོ་ནཻ་གུ་མ་ལས། གྲུབ་ཐོབ་ཁྱུང་པོ་རྣལ་འབྱོར་པས། །གསེར་སྲང་ལྔ་བརྒྱ་ཕུལ་ནས་ཞུས་ཏེ། མོས་གུས་དང་

[Full Size]

ཉམས་ལེན་གྱིས་མཉེས་པར་བྱས་ནས། དེ་ཉིད་དང་ལོ་ཙཱ་བ་གླན་དར་མ་བློ་གྲོས་ཀྱིས་བསྒྱུར་ཏེ། བོད་ཡུལ་དུ་གདན་དྲངས་ནས་སྐལ་བ་དང་ལྡན་པའི་སློབ་མ་མཉམ་མེད་རྨོག་ལྕོག་པ་ཆེན་པོ་ལ་ཚིག་བརྒྱུད་དུ་གདམས་པའོ། །ཟབ་ཅིང་རྒྱ་ཆེ་མདོ་རྒྱུད་སྙིང་པོའི་དོན། །ཉམས་སུ་བླང་ཚུལ་རྡོ་རྗེའི་ཚིག་གིས་ནི། །མདུད་པ་འགྲོལ་བར་བྱེད་པའི་འགྲེལ་པ་འདིའང་། །བཤེས་གཉེན་དཔལ་ལྡན་གྲགས་པའི་གསུང་གི་ངོར། །སངས་རྒྱས་དཔལ་གྱིས་ལྐུགས་ལུང་དགོན་པར་བྲིས། །དགེ་བས་འགྲོ་ཀུན་འདི་དོན་རྟོགས་པར་ཤོག །

ཕྱག་རྒྱ་ཆེན་པོ་རང་བབས་རྣམ་པ་གསུམ་གྱི་ཁྲིད་ཚུལ་རྣམ་དག་ལམ་གྱི་འཇུག་པ།

[Full Size]

ཕྱག་རྒྱ་ཆེན་པོ་རང་བབས་རྣམ་པ་གསུམ་གྱི་ཁྲིད་ཚུལ་རྣམ་དག་ལམ་གྱི་འཇུག་པ་ཞེས་བྱ་བ་བཞུགས་སོ། །

[Full Size]

མཁྱེན་རྟོགས་པདྨོའི་གཉེན་གྱི་འོད་ཟེར་སྟོང་ལྡན་གྱིས། །གདུལ་བྱ་རྣམས་ཀྱི་བློ་ཡི་པདྨོ་ཁ་ཕྱེ་ནས། །ཉམས་རྟོགས་དྲི་བསུང་རབ་བཅུད་སྐལ་ལྡན་བུང་བའི་ཚོགས། །ཀུན་ནས་དགའ་བྱེད་བླ་མའི་ཚོགས་ལ་སྐྱབས་སུ་མཆི། །འདིར་བདེ་བར་གཤེགས་པའི་མདོ་རྒྱུད་ཐམས་ཅད་ཀྱི་བརྗོད་བྱ། སྒྲུབ་ཐབས་མན་ངག་ཀུན་གྱི་ཉིང་ཁུ། འགྲོ་བ་འཆི་བ་མེད་པའི་གནས་སུ་སྐྱེལ་བའི་

[Full Size]

ཐབས་མཆོག་ཏུ་གྱུར་པ་ནི་ཕྱག་རྒྱ་ཆེན་པོ་ཡིད་ལ་མི་བྱེད་པ་སྙིང་པོའི་དོན་ཡིན་ལ། དེ་ལ་སློབ་མ་བཀྲི་བའི་ཚུལ་མི་འདྲ་བ་མང་དུ་ཡོད་པ་ལས། འདི་ནི་རྡོ་རྗེ་འཆང་གིས་ཡེ་ཤེས་ཀྱི་མཁའ་འགྲོ་མ་ལ་དངོས་སུ་གདམས་པ་ཤིན་ཏུ་དཀོན་ཞིང་ཆེ་བ་བྱུང་བའི་ཕྱིར། བརྒྱུད་པ་བདུན་དུ་ཆིག་རྒྱུད་དུ་བཀའ་རྒྱས་བཏབ་ཅིང་སྙན་རྒྱུད་དུ་སྤེལ་བས་རྟོགས་པ་དོན་གྱི་བྱིན་རླབས་ཀྱི་བརྒྱུད་པ་ཆུ་བོ་ལྟར་ཟམ་མ་

[Full Size]

ཆད་པ་ནི། ཕྱག་རྒྱ་ཆེན་པོ་རང་བབས་རྣམ་གསུམ་ཞེས་བྱ་བའམ། གའུ་མ་ཞེས་གྲགས་པ་འདིས་སློབ་མ་འཁྲིད་ན། བླ་མ་མཚན་ཉིད་ལྡན་པ་གཅིག་གི་དྲུང་དུ། སློབ་མ་སྤྱིར་རྡུལ་ཚོན་གྱི་དཀྱིལ་འཁོར་དུ་དབང་བསྐུར་བ་ཐོབ་ཅིང་། བྱེ་བྲག་ཏུ་འདིའི་བྱིན་རླབས་ཀྱིས་རྒྱུད་སྨིན་པར་བྱས་པ་གཅིག་གིས། ཅི་འབྱོར་བའི་མཎྜལ་དང་། ཚོགས་གཏོར་སྔོན་དུ་བཏང་ལ། འཆི་བ་མི་རྟག་པ་དང་། འཁོར་བའི་ཉེས་དམིགས་ཤེས་པས་ཚེ་འདི་བློས་བཏང་ལ་ཉམས་སུ་བླང་བར་བྱའོ། །འདི་ལ་དོན་གསུམ་སྟེ། སྔོན་འགྲོ་རང་བབས་ཀྱི་ཆོས་རྣམ་གསུམ། དངོས་གཞི་གསང་ཚིག་རྡོ་རྗེའི་རྒྱའི་རྐུ་ཐབས་སུ་ངོ་སྤྲད་པས་སྐྱོན་བཞི་རང་སར་གྲོལ་བའི་མན་ངག་རྗེས་སྐུ་གསུམ་ཕྲིན་ལས་ཕྱོགས་མེད་རང་ཤར། བོགས་འདོན་གེགས་སེལ་དང་བཅས་པའོ། །དང་པོ་ལ་གཉིས་སྟེ། ཐབས་བླ་མའི་

[Full Size]

མོས་གུས་དང་། བཞག་ཐབས་རང་བབས་རྣམ་པ་གསུམ་མོ། །དང་པོ་ནི་དབེན་པའི་གནས་སུ་སྟན་བདེ་བ་ལ་འདུག་སྟེ། འཆི་བ་མི་རྟག་པ་དང་། འཁོར་བའི་ཉེས་དམིགས་ཤེས་པས་ཚེ་འདིའི་རྣམ་གཡེང་སྤངས་ལ། སྐྱབས་སུ་འགྲོ་བ་དང་། བྱང་ཆུབ་ཀྱི་མཆོག་ཏུ་སེམས་བསྐྱེད་པ་སྔོན་དུ་འགྲོ་བས། རང་གིས་ལུས་གསང་སྔགས་བླ་མེད་ཀྱི་ལྷ་གང་ཡིན་གཅིག་ཏུ་གསལ་བར་བསྒོམ། དེའི་སྤྱི་བོའི་གཙུག་ཏུ་རིན་པོ་ཆེའི་ཁྲི་ཡངས་ཤིང་རྒྱ་ཆེ་བ། སེང་གེ་བརྒྱད་ཀྱིས་བཏེགས་པ། དེའི་སྟེང་དུ་པདྨ་དང་ཉི་མ་ཟླ་བ་གདན་བཞི་བརྩེགས་ཀྱི་སྟེང་དུ། རང་གང་མོས་ཀྱི་རྩ་བའི་བླ་མ། རྣམ་པ་ལོངས་སྤྱོད་རྫོགས་པའི་སྐུ། །མཚན་དང་དཔེ་བྱད་ཀྱིས་བརྒྱན་པ། །འོད་དང་འོད་ཟེར་གྱི་རང་བཞིན་ཅན་མཚན་ཐོས་པ་ཙམ་གྱིས་ཀྱང་ཕྱིར་མི་ལྡོག་པའི་ས་ལ་འགོད་ནུས་པ།

[Full Size]

གསོལ་བ་བཏབ་ན་སྨོས་ཅི་དགོས་པ་གཅིག་ཏུ་བསམ། དེའི་ཐུགས་ཀ་ནས་འོད་ཟེར་འཕྲོས་པས་རང་ལ་དངོས་སུ་ཆོས་ཀྱི་འབྲེལ་བ་དབང་བཞི་རྫོགས་སུ་བསྐུར་བ་མན་ཆད་ནས། ཀ་ཁ་ཚིགས་བཞི་པ་བསླབས་པ་ཡན་ཆད། འོད་དང་འོད་ཟེར་གྱི་ཚུལ་དུ་བྱུང་སྟེ། བླ་མའི་སྐུ་ལུས་ལ་ཐིམ། གཞན་ཡང་སངས་རྒྱས་བྱང་སེམས། ཡི་དམ་དཀྱིལ་འཁོར་གྱི་ལྷ་ཚོགས། དཔའ་བོ་མཁའ་འགྲོ་ཆོས་སྐྱོང་བའི་སྲུང་མ་ཐམས་ཅད་འོད་ཟེར་གྱི་ཚུལ་དུ་བྱུང་ནས། བླ་མ་ལ་ཐིམ་པས། བླ་མ་ཀུན་འདུས་པའི་བདག་ཉིད། དུས་གསུམ་སངས་རྒྱས་ཐམས་ཅད་ཀྱི་ངོ་བོ། མཁའ་འགྲོ་ཆོས་སྐྱོང་སྲུང་མ་དང་དབྱེར་མེད་པར་བསམ་སྟེ། སངས་རྒྱས་ཐམས་ཅད་འདུས་པའི་སྐུ། །རྡོ་རྗེ་འཛིན་པའི་ངོ་བོ་ཉིད། །དཀོན་མཆོག་གསུམ་གྱི་རྩ་བ་སྟེ། །ཞེས་གསུངས་པའི་དོན་

[Full Size]

ཡིན་ནོ། །མདུན་ན་ཡར་ལ། གནོད་བྱེད་དང་གཞི་བདག་གིས་གཙོ་རིགས་དྲུག་གི་སེམས་ཅན་ཐམས་ཅད་བདག་ཁོ་ན་བཞིན་དུ། ལུས་གུས་པས་ཐལ་མོ་སྦྱར། ངག་གུས་པས་གསོལ་བ་འདེབས། སེམས་གུས་པས་མོས་གུས་རྒྱུན་ཆད་མེད་པར་བྱེད་པར་བསམ་ལ། རང་གིས་གསོལ་འདེབས་ཀྱི་ཚིག་བརྗོད་པའི་ཚེ། ཁོང་རྣམས་ཀྱང་རྗེས་སུ་ཞུགས་ནས་ཁུ་དི་རི་རི་གསོལ་བ་འདེབས་པ་དང་། ས་རྡོ་རི་བྲག་རྩི་ཤིང་ནགས་ཚལ་ཐམས་ཅད་ཆོས་བསྐོར་དུ་འཁོར་ཞིང་། གསོལ་འདེབས་ཀྱི་འུར་སྒྲ་དང་བཅས་པར་བསམ་སྟེ། ཚིག་འདི་དག་གིས་གསོལ་བ་གདབས་སོ། །བླ་མ་རིན་པོ་ཆེ། སེམས་ཅན་ཐམས་ཅད་ཀྱི་དོན་དུ་བདག་འཛིན་བློ་ཡིས་ཐོང་པར་བྱིན་གྱིས་རློབས། །དགོས་མེད་རྒྱུད་ལ་སྐྱེ་བར་བྱིན་གྱིས་རློབས། །འོད་

[Full Size]

གསལ་ཕྱག་རྒྱ་ཆེན་པོ་ད་ལྟ་ཉིད་དུ། མྱུར་བ་ཉིད་དུ། འདུག་ས་འདི་ཉིད་དུ་སྐྱེ་བར་བྱིན་གྱིས་བརླབ་ཏུ་གསོལ། །ཞེས་སྙིང་གི་དཀྱིལ། རྐང་གི་ཁོང་། རུས་པའི་གཏིང་ནས་མཆི་མ་རང་དབང་མེད་པར་གསོལ་བ་བཏབ་པས། བླ་མའི་སྐུ་ལས་འོད་ཟེར་ཁ་དོག་དཀར་པོ་དཔག་ཏུ་མེད་པ་བྱུང་། རང་གི་སྤྱི་བོ་ཚངས་པའི་བུ་ག་ནས་ཞུགས། ལུས་ཐམས་ཅད་འོད་ཟེར་གྱིས་གང་། འཁོར་བ་ཐོག་མ་མེད་པ་ནས་བསགས་པའི་ལུས་ངག་ཡིད་གསུམ་གྱི་ནད་གདོན་སྡིག་སྒྲིབ་དམ་ཚིག་ཉམས་ཆགས་འགལ་འཁྲུལ་ཐམས་ཅད་སངས་དག །ལུས་ཕྲུ་མ་ཕུས་བཏབ་པ་ལྟར་སྟོང་པའམ། ཤེལ་གོང་གཡའ་དང་བྲལ་བ་ལྟར། ལུས་ཕྱི་གསལ་ནང་གསལ་དུ་བསམ་མོ། །ཡང་གསོལ་བ་སྔར་བཞིན་བཏབ་པས། བླ་མའི་སྐུ་ལ་ཐིག་ལེ་ཁ་དོག་དཀར་པོ་ངོ་བོ་བདེ་སྟོང་། ཆེ་ཆུང་ཡུངས་འབྲུ་ཙམ་དཔག་ཏུ་

[Full Size]

མེད་པ་བྱུང་། རང་གི་སྤྱི་བོ་ཚངས་པའི་བུ་ག་ནས་ཞུགས། ཚེ་འཁོར་བ་ཐོག་མ་མེད་པ་ནས་བསགས་པའི་ལུས་ངག་ཡིད་གསུམ་གྱི་ནད་གདོན་སྡིག་སྒྲིབ་དམ་ཚིག་ཉམས་ཆགས་འགལ་འཁྲུལ་ཐམས་ཅད་རྐང་མཐིལ། བཤང་གཅིའི་སྒོ། བུ་ག་ནས་ཆུ་སྣ་ལ་སྦུར་མ་བདས་པ་བཞིན་དུ། ནག་ནུ་རུ་རུ་ཐོན་ནས་སངས་དག །ཤུལ་ཐམས་ཅད་ཐིག་ཆེན་བདེ་བའི་རང་བཞིན་དེས་མེར་གྱིས་ཁེངས་པས། ལུས་ཐམས་ཅད་བདེ་ཉམས་དང་ལྡན་པར་བསྒོམ། འོད་ཟེར་རམ། ཐིག་ལེས། སྤྱི་བོ་མགྲིན་པ་སྙིང་ག་ལུས་ཐམས་ཅད་གང་། ལུས་ངག་ཡིད་གསུམ་གྱི་སྡིག་སྒྲིབ། སྐུ་གསུང་ཐུགས་ཀྱི་བྱིན་རླབས་ཞུགས། དབང་བཞིའི་དོན་རྒྱུད་ལ་སྐྱེས་པར་བསྒོམ་པ་ནི། ཚར་གསུམ་ཁུག་པ་དབང་གི་མན་ངག་སྟེ། གསོལ་འདེབས་ཐུན་རེའི་རྗེས་སུ་འབྲེལ་པ་ཅན་དུ་བྱའོ། །

[Full Size]

གཉིས་པ་བཞག་ཐབས་ནི། རླུང་རོ་ལན་གསུམ་བསལ། རྐང་པ་བདེ་བའི་སྐྱིལ་ཀྲུང་ཡངས་པར་བཅའ། ལག་མཐིལ་གཉིས་པུས་མོ་ལ་བཀབ་པ་ས་གནོན་གྱི་ཕྱག་རྒྱ་བཅའ། སྒལ་ཚིགས་དྲང་པོར་བསྲང་། ལྟོ་བ་སྒལ་པ་ལ་སྦྱར། དཔུང་པ་རྒོད་ཀྱི་གཤོག་པ་བཞིན་ཕྱིར་འཐེན། མགྲིན་པ་ལྕགས་ཀྱུ་ལྟར་བཀུག་ལ། ཨོལ་ཀོ་ཨོལ་མདུད་པའི་སྟེང་དུ་བཞག་སྟེ། རྡོ་རྗེ་ཕྲེང་བ་ལས། སྒྲུབ་པ་བདེ་བའི་སྟན་འདུག་སྟེ། །མིག་གཉིས་སྣ་རྩེར་གཏད་བྱས་ལ། །སྣ་ནི་ལྟེ་བའི་ཚད་དུ་བཞག །ཕྲག་གོང་མཉམ་ལ་ལྕེ་རྐན་སྦྱར། །སོ་དང་མཆུ་ནི་བདེ་བར་བཞག །དབུགས་ཀྱི་དབྱུང་རྔུབ་གློད་ནས་ནི། །ཅུང་ཟད་ཅུང་ཟད་རྩོལ་བྲལ་བས། །ཇི་ལྟ་བ་བཞིན་འབྱུང་རྔུབ་ནི། །སེམས་དཔའི་སྐྱིལ་ཀྲུང་ལ་གནས་པས། །ཞེས་གསུངས་པས། ལུས་རྣམ་སྣང་གི་མཛད་ཀྱི་ཆོས་བདུན་བཅའ་

[Full Size]

སྟེ། མདུན་རྒྱབ་གཡས་གཡོན་དུ་སྒྱེ་སྒུར་མེད་པར་དྲང་པོར་བསྲང་། དྲང་པོའི་ངང་ནས་ཉྭ་བཞི་དང་། རྩ་བཞི་ཐམས་ཅད་གྲིམས་ཆ་མི་འདོན་རང་བབས་སུ་ལྷོད་གློད་ལ་བཞག །སོག་ཕོན་ཐག་པ་ཆད་པ་ལྟར་བཞག་གོ ། འཇིག་རྟེན་འགྲོ་འདུག་ལ་སོགས་པ་ལྟ་ཅི་སྨོས། ཆོས་ཕྱོགས་ཀྱི་ཕྱག་དང་བསྐོར་བ་ལ་སོགས་ཐམས་ཅད་ཀྱང་རེ་ཞིག་དོར་ནས། ལུས་ལས་མེད་དུ་གློད་ནས་འཇོག་པ་ནི་ལུས་རང་བབས་སོ། །འཇིག་རྟེན་གྱི་བརྫུན་དང་ཕྲ་མ་ལ་སོགས་པ་ལྟ་ཅི་སྨོས། མདོ་དང་སྔགས་བཟློས་པ་དང་། རླུང་གི་འབྱུང་འཇུག་བསྒོམ་པ་ལ་སོགས་པ་དོར་ལ། ལྕེ་རྐན་ལ་སྦྱར། སོ་བར་ཅུང་ཟད་བཞག །མ་མཆུ་འབྱེད་འཛུམ་དང་བྲལ་བས། ལས་མེད་དུ་གློད་ནས་འཇོག་པ་ནི་ངག་རང་བབས་སོ། །འདས་པའི་རྗེས་མི་སྤྱད། མ་འོངས་པའི་སྔུན་མི་བསུ། ད་ལྟར་གྱི་བློ་ལས་མི་གཞོལ་བར་དུས་གསུམ་སྤྲོ་བསྡུ་མེད་པའི་ངང་དུ་གློད་པ་ནི་སེམས་རང་འབབས་སོ། །མིག་གླང་པོ་ཆེ་ལྟ་སྟངས་དང་མ་བྲལ་ཞེས་པ་གླང་པོ་ཆེ་ཆང་གིས་

[Full Size]

གཟི་བ་སྟེ། གང་ལ་ཡང་ཆེད་འཛིན་དང་དགག་སྒྲུབ་མེད་པར་མིག་འཛུམ་མི་ཤེས་པར་ཧད་དེ་འདུག་པ་དེ་བཞིན་དུ། འདིར་ཡང་མིག་གི་འབྲས་བུ་གཡས་གཡོན་དང་མདུན་རྒྱབ་གང་དུ་ཡང་མི་གཡོ་ཞིང་། གང་ལ་ཡང་འཛིན་པ་མེད་པར་ཧད་དེ་བ། རྟེན་ཅི་ལ་ཡང་མི་འཆའ་བར་ཕྱད་དེ་བ། ཡིད་སྒོམ་འདོད་ཀྱི་རྣམ་པར་རྟོག་པ་དང་བྲལ་བས་ཏེ། སྔོན་འགྲོ་སྒོམ་པ་ཡིན་སྙམ་དུ་ཡང་མི་བསམ་པར། རང་བབས་རྣམ་པ་གསུམ་གྱི་སྟེང་དུ་བཟོ་མེད་དུ་ལྷོད་ཀྱིས་གློད། གང་ལ་ཆེད་འཛིན་མེད་པར་བཤིགས་ཀྱིས་བཤིག་ལ་མ་བཅོས་པར་བཞག་པ་ནི་དམིགས་པ་དང་པོའོ། །ནི་གུ་མའི་ཞལ་ནས། ལྷ་འདོད་ཆགས་སྐྱེས་པ་ཞེས་པའི་དོན་ཡིན་ནོ། །བྲམ་ཟེ་ཆེན་པོས། མིག་ནི་མི་འཛུམ་ཡིད་ནི་བསྒོམ་དུ་མེད་པའི་རྣལ་འབྱོར་པ། །ཞེས་གསུངས། སུ་ཀ་མ་སིདྡྷིས། ཤེས་པ་རྟེན་མེད་དུ་ཞོག་གཅིག །

[Full Size]

རྣལ་འབྱོར་པ། །ཞེས་གསུངས། ཡུམ་ལས། གླང་པོ་ཆེའི་ལྟ་སྟངས་ཀྱིས་ལྟ་བར་འདོད་པའི་བྱང་ཆུབ་སེམས་དཔའ་སེམས་དཔའ་ཆེན་པོས། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་པར་བྱའོ། །ཞེས་གསུངས། དུས་ཀྱི་འཁོར་ལོའི་མན་ངག་གི་རྒྱུད་ལས། ཧར་སྒོམ་ཆེན་པོའི་མན་ངག་ཡིན། །ཞེས་གསུངས། དམ་པ་རིན་པོ་ཆེས། ལྟ་སྟངས་ཀྱིས་རིག་པ་སྟོང་ལ་མནན་ན་ཕྲ་རགས་ཀྱི་རྟོག་པ་འགག །ཅེས་གསུངས། མདོ་རྒྱུད་བསྟན་བཅོས་མན་ངག་ཀུན་ལས་མཐུན་པར་ཟབ་པའི་མཆོག་ཏུ་གསུངས་པས། ཆེ་ཆུང་མི་བྱ་བར། ནན་ཏན་དུ་བྱ་སྟེ། མིག་མི་འགུལ་བས་རྩ་མི་གཡོ། དེས་རླུང་མི་གཡོ། དེས་ཁམས་དྭངས་མ་མི་གཡོ། དེས་དེ་ལ་བརྟེན་པའི་སེམས་གཡོ་མེད་ཀྱི་རང་ས་ཟིན་ནས། རང་ལ་གནས་པའི་ལྷན་ཅིག་སྐྱེས་པའི་ཡེ་ཤེས་

[Full Size]

རང་བབས་སུ་འཆར་བར་འགྱུར་ཏེ། བྲམ་ཟེ་ཆེན་པོས། ལྷན་ཅིག་སྐྱེས་པ་ཚིག་གིས་མི་མཚོན་སྟེ། །སློབ་དཔོན་མན་ངག་མིག་གིས་ཤེས་པར་འགྱུར། །ཞེས་གསུངས། དེ་ལྟར་བསྒོམས་པས། སེམས་བྱིང་རྒོད་ཀྱི་དབང་དུ་གྱུར་ན། སྔར་བཞིན་དུ་བླ་མའི་རྣལ་འབྱོར་གསལ་བཏབ་ལ་སངས་རྒྱས་སུ་ཤེས་པའི་གསོལ་བ་རྩེ་གཅིག་ཏུ་བཏབ་སྟེ། ཡེ་ཤེས་ཀྱི་མཁའ་འགྲོ་ནི་གུ་མའི་ཞལ་ནས། ས་བཅུ་ལམ་ལྔའི་རིམ་པ་རྣམས། །མོས་གུས་སྟོབས་ཀྱིས་བསྒྲོད་པར་བྱ། །བླ་མའི་སྣང་བ་མི་འབྲལ་བར། །རྒྱུད་སྡེ་དགོངས་པ་གནད་ཀྱི་མཆོག །ཅེས་གསུངས། བརྟག་གཉིས་ལས། གཞན་གྱིས་བརྗོད་མིན་ལྷན་ཅིག་སྐྱེས། །གང་དུ་ཡང་ནི་མི་རྙེད་དེ། །བླ་མའི་དུས་ཐབས་བསྟེན་པ་དང་། །བདག་གི་བསོད་ནམས་ལས་ཤེས་བྱ། །ཞེས་དང་།

[Full Size]

རང་གི་རིག་པའི་ཡེ་ཤེས་འདི། །ངག་གི་ལམ་འདས་སྤྱོད་ཡུལ་ཏེ། །འདི་ནི་བྱིན་རླབས་རིམ་པའི་ཕྱིར། །ཀུན་མཁྱེན་ཡེ་ཤེས་དེ་ལྟ་བུ། །ཞེས་དང་། མགུར་ལས། སློབ་དཔོན་སྟོན་པར་གྱུར་པ་ནི། །བདག་ཅག་རྣམས་ཀྱི་ཕ་དང་མ། །དེ་ནི་ཡིད་ལ་བསམ་པར་བྱ། །དེ་ནི་ཅིའི་ཕྱིར་ཞེས་ན། །རྡོ་རྗེ་སེམས་དང་སངས་རྒྱས་དང་། །དེ་བཞིན་རྡོ་རྗེ་གཟི་བརྗིད་དང་། །པདྨ་གར་གྱི་དབང་ཕྱུག་དང་། །རྟའི་རྒྱལ་པོའི་དངོས་གྲུབ་ནི། །གང་ཕྱིར་དེ་ལས་དཀའ་བ་མེད། །ཅེས་གསུངས། གསང་བ་འདུས་པ་ལས། རྡོ་རྗེ་སློབ་དཔོན་ནི་བདག་ཅག་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱི་ཕའོ། །མའོ། །སྐྱེད་པའོ། །ཞེས་གསུངས། ཡེ་ཤེས་གསལ་བའི་སྒྲོན་མའི་རྒྱུད་ལས། མཚན་དང་དཔེ་བྱད་ལྡན་པའི་ལྷ། །བསྐལ་པ་སྟོང་དུ་བསྒོམ་པ་བས། །

[Full Size]

བླ་མ་དྲན་པ་བསོད་ནམས་ཆེ། །ལྷ་སྐུ་མ་སྒོམས་བླ་མ་བསྒོམ། །ལྷ་སྐུ་བྱེ་བ་སྟོང་བསྒོམས་པས། །བླ་མ་དྲན་པས་བསོད་ནམས་ཆེ། །ཞེས་གསུངས། མཁའ་འགྲོ་མ་ཐམས་ཅད་ཟིལ་གྱིས་གནོན་པའི་རྒྱུད་ལས། སངས་རྒྱས་དང་བྱང་ཆུབ་སེམས་དཔའ་གང་གཱའི་ཀླུང་གི་བྱེ་མ་སྙེད་ལ་བསྙེན་བཀུར་བས་ནི། རྡོ་རྗེ་སློབ་དཔོན་གྱི་བ་སྤུའི་བུ་ག་གཅིག་ཏིལ་མར་གྱིས་བྱུགས་པ་བསོད་ནམས་ཆེས་ཁྱད་པར་འཕགས་སོ། །ཞེས་གསུངས། རྡོ་རྗེ་འཕྲེང་བ་ལས། རྡོ་རྗེ་སློབ་དཔོན་ལུས་འདི་ལ། །རྒྱལ་བའི་སྐུ་ནི་རིམ་བཞིན་གནས། །དེ་ཡི་གཟུགས་ཀྱི་ཕུང་པོ་ནི། །བཅོམ་ལྡན་སངས་རྒྱས་རྣམ་སྣང་མཛད། །ཅེས་པ་ལ་སོགས་བླ་མ་ལ་ལྷ་སུམ་ཅུ་རྩ་གཉིས་ཀྱི་ངོ་བོ་བཤད། སྡོམ་པ་འབྱུང་བ་ལས། བླ་མ་སངས་རྒྱས་བླ་མ་ཆོས། །དེ་བཞིན་བླ་མ་དགེ་འདུན་ཏེ། །ཀུན་གྱི་བྱེད་པོ་བླ་

[Full Size]

མ་ཡིན། །ཞེས་གསུངས། ཨ་ཏི་བཀོད་པ་རྒྱས་པའི་རྒྱུད་ལས། གསང་བ་སྔགས་ལས་བྱུང་བ་ཡིན། །བླ་མའི་དྲིན་དང་ལྡན་པ་ཉིད། །སྤྱི་བོའི་གཙུག་གམ་སྙིང་གི་དཀྱིལ། །ལག་པའི་མཐིལ་དུ་གང་བསྒོམ་པ། །སངས་རྒྱས་སྟོང་གི་ཡོན་ཏན་ཡང་། །གང་ཟག་དེ་ཡིས་འཛིན་པར་འགྱུར། །ཞེས་གསུངས། མདོ་ལས། སངས་རྒྱས་ཆོས་རྣམས་དགེ་བའི་བཤེས་ལ་བསྟན་ཏོ་ཞེས། །ཡོན་ཏན་ཀུན་གྱི་མཆོག་མངའ་རྒྱལ་བས་དེ་སྐད་གསུངས། །སློབ་མ་བཟང་པོ་བླ་མ་གུས་ལྡན་དེ་དག་གིས། །བླ་མ་མཁས་པ་རྣམས་ལ་རྟག་ཏུ་བསྟེན་པར་བྱ། །ཅི་ཕྱིར་ཞེས་ན་མཁས་པའི་ཡོན་ཏན་དེ་ལས་འབྱུང་། །ཞེས་དང་། ནད་པའི་ཚོགས་ཀྱི་གསོ་ཕྱིར་སྨན་པ་བསྟན་པ་ལྟར། །གཡེལ་བ་མེད་པར་དགེ་བའི་བཤེས་གཉེན་བསྟེན་པར་བྱ། །

[Full Size]

ཞེས་གསུངས། ལངས་ཀར་གཤེགས་པ་ལས། དགེ་བའི་བཤེས་གཉེན་མགུ་བར་བྱས་པས་རྣམ་པར་རྟོག་པ་འཁོར་བའི་རྒྱ་མཚོ་ལས་སྲེད་པ་དང་། མི་ཤེས་པའི་རྒྱུད་ལས་བྱུང་བ་དག་ལས་རྒལ་བར་ནུས་སོ། །ཞེས་དང་། དཔལ་འབྱུང་བའི་མདོ་ལས། བྱང་ཆུབ་སེམས་དཔའི་ཡོན་ཏན་ཐམས་ཅད་དགེ་བའི་བཤེས་གཉེན་ལས་འབྱུང་ངོ་། །དགེ་བའི་བཤེས་གཉེན་མགུ་བར་བྱས་ན། སངས་རྒྱས་ཐམས་ཅད་ཀྱི་བྱང་ཆུབ་ཐོབ་བོ། །དེ་ལྟ་བས་ན། ཡིད་ལ་བྱ་བ་རྒྱུན་མ་བཤད་པས། དགེ་བའི་བཤེས་གཉེན་ལ་བསྙེན་པར་གྱིས་ཤིག །བདག་ལ་ནི་ནད་པའི་འདུ་ཤེས་དང་། དགེ་བའི་བཤེས་གཉེན་ལ་ནི་སྨན་པའི་འདུ་ཤེས་དང་། ནན་རྟེན་གྱིས་ཉམས་སུ་བླངས་པས་ནད་འཚོ་བའི་འདུ་ཤེས་བསྐྱེད་པར་བྱའོ། །ཞེས་གསུངས། རིམ་ལྔ་ལས། རི་དབང་རྩེ་ནས་

[Full Size]

འགའ་ཞིག་ལྷུང་གྱུར་ན། །ལྷུང་བར་མི་འགྱུར་སྙམ་ཡང་ལྷུང་བར་འགྱུར། །བླ་མའི་དྲིན་གྱིས་ཕན་པའི་ལུང་ཐོབ་ན། །གྲོལ་བར་མི་འགྱུར་སྙམ་ཡང་གྲོལ་བར་འགྱུར། །ཞེས་དང་། ས་ར་ཧས། བླ་མའི་ལུང་ལ་སྒྲིམས་ཏེ་གུས་འབད་ན། །ལྷན་ཅིག་སྐྱེས་པ་འབྱུང་བར་ཐེ་ཚོམ་མེད། །ཅེས་དང་། དེའི་ཕྱིར་བརྒྱུད་པར་ལྡན་པའི་གདམས་ངག་གང་དང་གང་ལྡན་པ། །དུས་མཐའ་རྟེན་པ་མཁས་པས་རྟག་ཏུ་བརྟན་པར་བྱ། །ཞེས་དང་། བླ་མ་དམ་པའི་བཀའ་ཡི་བདེན་པར་ཡིད་ཆེས་ན། །ང་ཡིས་བསྟན་དུ་ཡོད་པ་མིན་ཞེས་མདའ་བསྣུན་སྨྲ། །ཞེས་དང་། ཀྱེ་མ་བླ་མའི་བདུད་རྩིའི་ཐིག་པ་ཇི་སྙེད་པ། །ངེས་ཤེས་སྔོན་དུ་འགྲོ་བས་རབ་ཏུ་བླང་བར་བྱ། །ཞེས་དང་། གང་ཞིག་བླ་མའི་མན་ངག་བདུད་རྩིའི་ཆུ། །གདུང་སེལ་བསིལ་བ་ངོམས་པར་མི་འཐུང་བར། །

[Full Size]

དེ་ནི་བསྟན་བཅོས་དོན་མང་མྱ་ངན་གྱི། །ཐང་ལ་སྐོམ་པས་གདུངས་ཏེ་འཆི་བར་ཟད། །ཅེས་དང་། བླ་མས་སྨྲས་པ་གང་ཞིག་སྙིང་ཞུགས་པ། །ལག་པའི་མཐིལ་དུ་གནས་པའི་གཏེར་མཐོང་འདྲ། །ཞེས་པ་ལ་སོགས་པ་མང་དུ་གསུངས་སོ། །ཡེ་ཤེས་གྲུབ་པ་ལས། སྐྱ་བ་འཛིན་པ་མེད་པར་ནི། །གྲུ་ཡིས་ཕ་རོལ་ཕྱིན་མི་འགྱུར། །ཡོན་ཏན་ཐམས་ཅད་རབ་རྫོགས་ཀྱང་། །བླ་མ་མེད་པ་སྲིད་ཐར་མིན། །ཞེས་དང་། རྡོ་རྗེ་དྲིལ་བུ་པས། བླ་མའི་བྱིན་རླབས་ཙམ་གྱིས་ནི། །སྐད་ཅིག་ཉིད་ལ་འབྱུང་གང་ཡིན། །ཞེས་དང་། །ཤྭ་ལོ་ཀ་ལྔ་བཅུ་པ་ལས། །བླ་མ་དང་ནི་རྡོ་རྗེ་འཛིན། །ཐ་དད་པར་ནི་མི་རྟོག་གོ ། ཞེས་དང་། བིར་ཝ་པའི་ལམ་ཟབ་བླ་མ། །ཞེས་གསུངས། མདོ་རྒྱུད་བསྟན་བཅོས་ཐམས་ཅད་ལས། །བླ་མ་སངས་རྒྱས་སུ་གསུངས་པའི་ལུང་ནི་བསམ་གྱིས་མི་ཁྱབ་ལ། བླ་

[Full Size]

མ་མཚན་ཉིད་དང་ལྡན་པ་ལ་གསོལ་བ་འདེབས་པ་ནི། ལམ་ཟབ་ཐམས་ཅད་ཀྱི་རྩ་བར་བཤད་པས། བླ་མའི་མོས་གུས་ལ་མཐིལ་དུ་བྱའོ། །ཁྱད་པར་དུ་ཡང་ཆོས་འདིའི་ལུགས་ཀྱི་མོས་གུས་ལམ་གྱི་གཙོ་བོ་ཡིན་ཏེ། རིན་པོ་ཆེ་རྨོག་པའི་ཐག་མཆོད་ཀྱི་གསུངས་ལས། ཐུགས་རྗེ་ཆེན་པོ་རང་དཀར་ན་ཡང་དཀར། །དགྱེས་རྡོར་བདེ་མཆོག་རང་སྔོ་ན་ཡང་སྔོ། །ང་ནི་རེ་ས་བླ་མ་ལས་མེད། ཇི་ལྟར་བྱས་ཀྱང་བླ་མའི་སྣང་བ་དང་འབྲལ་མ་མྱོང་བས། ཚེ་གཅིག་ལུས་གཅིག་ལ་སངས་རྒྱས་སམ་དེ་ཡོང་ཡོང་འདྲ་གསུང་། སྐྱེར་སྒང་པའི་ཞལ་ནས། ཚེ་གཅིག་ལུས་གཅིག་ལ་སངས་རྒྱ་བ་ལ་བླ་མའི་མོས་གུས་དགོས། བླ་མའི་མོས་གུས་ལ། བླ་མ་ཡང་ཡང་དྲན་པ། བུ་གཅིག་པོ་ཤི་བའི་མ་ལྟ་བུ་གཅིག་དགོས་གསུངས། སངས་རྒྱས་གཉན་སྟོན་

[Full Size]

གྱི་ཞལ་ནས། བླ་མའི་མོས་གུས་ལ་སྙིང་ཁོང་རུས་པའི་གཏིང་ནས་མཆི་མ་རང་དབང་མེད་པར་འབྱུང་བའི་གསོལ་བ་བཏབ་པ་གཅིག་དགོས་གསུང་ངོ་། །སངས་རྒྱས་སྟོན་པའི་ཞལ་ནས། རྗེད་ངས་དང་ལོག་ལྟ་མ་ཤོར་བ་གཅིག་དགོས་གསུང་ངོ་། །འགའ་ཞིག་ན་རེ་ཡི་དམ་གྱི་ལྷ་བས་བླ་མ་ལྷག་པར་འཛིན་པ་ནི་ལོག་ཤེས་སོ་ཞེས་ཟེར་ན། མ་ཡིན་ཏེ། སློབ་དཔོན་སངས་རྒྱས་ཞབས་ཀྱིས། འཇམ་དཔལ་བཤེས་གཉེན་ལས། གསང་བ་འདུས་པའི་ལྷ་ཚོགས་འདམས་པས་དངོས་གྲུབ་ཕྱིར་འགྱངས་པ་དང་། མཁར་ཆེན་གཟའ་འཚོ་རྒྱལ་གྱིས་རྡོ་རྗེ་ཕུར་པའི་ལྷ་ཚོགས་བས། སློབ་དཔོན་པདྨ་འབྱུང་ནས་ལ་མོས་གུས་ལྷག་པར་བྱས་པས། དངོས་གྲུབ་ཚུར་ནུར་བའི་ཚུལ་ཤེས་པར་བྱའོ། །ཡང་འགའ་ཞིག་ན་རེ། བླ་མ་སངས་རྒྱས་སུ་སྒོམ་པ་མི་འཐེད་དེ། །

[Full Size]

སངས་རྒྱས་ཡིན་ན་སྒོམ་ཡང་མི་དགོས་ལ། མིན་ན་བསྒོམ་པ་དོན་མེད་དོ་ཞེས་པ་དང་། སངས་རྒྱས་ཡིན་པ་མི་འཐད་དེ་མཚན་དཔེ་ལ་སོགས་དང་ལྡན་པར་མི་སྣང་བའི་ཕྱིར་རོ་ཞེས་ན། འདི་ནི་རང་གི་སྣང་བ་མ་དག་པའི་སྐྱོན་ཡིན་ཏེ། མཁྲིས་ནད་ཅན་ལ་དུང་སོར་སོར་སྣང་བ་བཞིན་ནོ། །གཞན་ཡང་སློབ་དཔོན་ཐོགས་མེད་ཀྱིས་བྱམས་པ་སྒྲུབ་པའམ། རྒྱལ་བུ་མུ་ཁྱུད་འཛིན་གྱིས་འཕགས་པ་འཇམ་དཔལ་བསྒྲུབས་པ་དང་། ནཱ་རོ་པས་ཏི་ལོ་པ་ཉ་གསོད་པར་མཐོང་བ་དང་། སངས་རྒྱས་ཞི་བ་དང་། སངས་རྒྱས་གསང་བས་སྒྲོལ་མ་ཁྲོ་གཉེར་ཅན་རྒན་མོ་ཐ་ག་མར་མཐོང་བ་དང་། མཻ་ཏྲི་པས་ཤཱ་བ་རི་པ་མངོན་པར་མཐོང་བ་བཞིན་ནོ། །གཞན་ཡང་ཌོམ་བྷི་པ་གླང་རྫིར་མཐོང་བ་དང་། གྷུ་དྷུ་རི་པ་བྱ་པར་སྣང་བ་དང་། ཏོག་རྩེ་པ་

[Full Size]

ཕྲུ་རློག་པར་སྣང་བ་དང་། ཐ་ག་པ་ཐགས་མཁན་དུ་སྣང་བ་དང་། པདྨའི་རྡོ་རྗེ་ཞིང་པར་སྣང་བ་ལ་སོགས་པའི་ཚུལ་རྒྱས་པར་ཤེས་པར་བྱའོ། །སངས་རྒྱས་མཉམ་སྦྱོར་ལས། རེས་འགའ་ཞི་ལ་རེས་འགའ་ཁྲོ། །རེས་འགའ་བགེགས་ཆེན་དོན་མཛད་ཅིང་། །སྐྱེ་དང་རི་བོ་ཐམས་ཅད་དོ། །ཞེས་གསུངས། མགུར་ལས། གང་དུ་སྣང་ནས་སེམས་ཅན་གྱི་དོན་མཛད་དོ། །སེང་གེར་སྣང་ནས་སེམས་ཅན་གྱི་དོན་མཛད་དོ། །ཆང་འཚོང་མ་དང་སྨད་འཚོང་མ་ལ་སོགས་པར་སྣང་ནས་ཀྱང་སེམས་ཅན་གྱི་དོན་མཛད་དོ། །ཞེས་པ་ལ་སོགས་པ་གསུངས་སོ། །མདོ་ལས་ཀྱང་རྒྱལ་པོས་འདུལ་བ་ལ་རྒྱལ་པོ། དགེ་སྦྱོང་འདུལ་བ་ལ་དགེ་སྦྱོང་། བྲམ་ཟེ་འདུལ་བ་ལ་བྲམ་ཟེ། དྲི་ཟས་འདུལ་བ་ལ་དྲི་ཟ་རྒན་པོའི་གཟུགས་སུ་སྤྲུལ་ཏེ། ཞེས་གསུངས་

[Full Size]

པས། དེས་ན་སྣང་ཚུལ་ལ་ཇི་ལྟར་སྣང་ཡང་། ཡིན་ཚུལ་ལ་བླ་མ་སངས་རྒྱས་ཉིད་དུ་སྔར་གྱི་ལུང་དེ་རྣམས་ཀྱིས་ཐག་ཆོད། །ཕ་རོལ་ཏུ་ཕྱིན་པའི་ལུགས་ཀྱིས་བླ་མ་སངས་རྒྱས་དང་འདྲ་བར་གསུངས་ལ། རྡོ་རྗེ་ཐེག་པའི་ལུགས་ཀྱི་བླ་མ་སངས་རྒྱས་ལས་ལྷག་པར་གསུངས་ཏེ། སྡོམ་པ་འབྱུང་བ་ལས། འདིར་ནི་བླ་མ་བླ་ན་མེད་པའོ། །ཞེས་བཤད་པའི་དོན་ནི། སྐུ་གསུང་ཐུགས་ཀྱི་ཕྲིན་ལས་ཅི་མཛད་སེམས་ཅན་གྱི་དོན་དུ་འགྱུར་བ་ལ་ཁྱད་པར་མེད་ཀྱང་བཀའ་དྲིན་གྱི་སྒོ་ནས་ལྷག་པས་ཏེ། དེང་སང་བསྟན་པ་མར་བགྲིབ་ཀྱི་དུས་འདིར། སེམས་ཅན་བསགས་པ་དམན་པའི་ལས་ཐུན་མང་པོ་སྟབས་ཅིག་ཚོགས་པས་སངས་རྒྱས་དངོས་སུ་བྱོན་ནས་རྗེས་སུ་འཛིན་པའི་སྐལ་བ་མེད་པས། དུས་གསུམ་གྱི་སངས་རྒྱས་

[Full Size]

རྣམས་བླ་མའི་རྣམ་པར་བྱོན་ནས། བླ་མས་འཛངས་བུ་གླེན་པ་ལ་སློབ་པ་ལྟར། དགག་བྱ་དང་། དགོས་པ་བླང་དོར་གྱི་དམིགས་ཕྱིན་ཅི་མ་ལོག་པར་སྟོན་པར་བྱེད་ཅིང་། ངེས་པའི་དོན་ཟབ་མོས། བློ་དོན་ཐོག་ཏུ་འཁྲིད་པར་བྱེད་པས་སོ། །བ་ཚ་ཅན་ཆུ་ཀླུང་གི་མདོ་ལས། ལྔ་བརྒྱ་ཐ་མར་གྱུར་པ་ན། །ང་ནི་སློབ་དཔོན་གཟུགས་ཀྱི་གནས། །ང་ཡིན་སྙམ་དུ་ཡིད་བྱོས་ལ། །དེ་ཚེ་དེ་ལ་གུས་པ་བསྐྱེད། །ཅེས་གསུངས། ཡང་ན་འདི་ལྟར་ཏེ། སངས་རྒྱས་ལ་གསོལ་བ་བཏབ་པ་ལ་ཕན་ཡོན་ཆེན་པོ་བཤད་མོད། ཚེ་གཅིག་ལུས་གཅིག་གིས་སངས་རྒྱས་ཐོབ་པར་མ་གསུངས། བླ་མ་མཚན་ཉིད་དང་ལྡན་པ་ལ་གསོལ་བ་བཏབ་ན། དེས་ན་བླ་མའི་ཅི་མཛད་ལ་ཡོན་ཏན་དུ་བལྟ་ཞིང་། ཅི་གསུང་ལ་ཚད་མར་འཛིན་པ་འགལ་ཆེའོ། །བླ་མ་དེ་སོ་སོ་སྐྱེ་

[Full Size]

བོ་ཡིན་ལ། སློབ་མ་ས་ཐོབ་ཅིང་རྫུ་འཕྲུལ་དང་ལྡན་ཡང་། བདག་བཟང་གི་ང་རྒྱལ་མེད་ཅིང་བླ་མའི་སྐུ་མདུན་དུ་རྫུ་འཕྲུལ་བཏུལ་དགོས་པར་བཤད་དེ། སངས་རྒྱས་ཡེ་ཤེས་ཞབས་ཀྱིས། འཇམ་དཔལ་བཤེས་གཉེན་མཐོང་བའམ། སྨན་པའི་རྒྱལ་པོ་འཚོ་བྱེད་ཀྱིས་མོའུ་འགལ་གྱི་བུ་མཐོང་བ་བཞིན་ནོ། །ལྷན་ཅིག་སྐྱེས་གྲུབ་ལས། སློབ་མ་འགའ་ཞིག་གྲུབ་བརྙེས་ནས། །ཁེངས་པས་བླ་མར་ཕྱག་མི་བྱེད། །བླ་མའི་བཀའ་ལས་འདས་པ་ཡིས། །སྐད་ཅིག་དེ་ལ་མནར་མེད་ལྟུང་། །ཞེས་དང་། སློབ་དཔོན་ཀླུ་སྒྲུབ་ཀྱིས། ཚོགས་ནང་བླ་མ་མཐོང་ན་རྒྱབ་ཀྱིས་ཕྱོགས་པར་བྱེད། ལྐོག་ཏུ་སོང་ནས་དེ་ལ་ཕྱག་བྱེད་འགྱུར། །དེ་ནི་རང་བུ་ཡིན་ཡང་གཞན་དུ་སྤང་བར་བྱ། །རྒྱལ་རིགས་རྗེ་རིགས་མཆོག་ཏུ་སྐྱེས་གྱུར་ཀྱང་། །བསྟན་པས་དེ་ནི་ནམ་ཡང་དུང་དུ་

[Full Size]

བཞག་མི་བྱ། །ཞེས་གསུངས་པས་བདག་བཟང་གི་ང་རྒྱལ་དང་། མ་གུས་པའི་ལོག་རྟོག་སྤང་། ལུས་ཀྱིས་བླ་མ་ལ་ཉེ་བར་མཁོ་ཞིང་སྐབས་སུ་བབས་པའི་བྱ་བ་རྣམས་དྲན་བཞིན་དུ་བྱ། ངག་གིས་བསྟོད་པ་དང་གསོལ་འདེབས་ཀྱི་ང་རོ་རྒྱུན་མི་ཆད་པར་བྱ། སེམས་ཀྱིས་ཀྱང་ཡོན་ཏན་འབའ་ཞིག་བསམ་པ་ལས་སྐྱོན་སྐད་ཅིག་ཙམ་ཡང་མི་བསམ། གལ་ཏེ་སྐྱོན་ནང་གི་འཆར་གྱི་འདུག་ནའང་། ང་རང་གི་མ་དག་པའི་འཁྲུལ་སྣང་ཡིན་གྱིས། བླ་མ་སངས་རྒྱས་ལ་སྐྱོན་གང་ལ་མངའ་སྙམ་དུ་བློ་བཅོས། ལོངས་སྤྱོད་ཀྱི་དངོས་པོ་བླ་མ་ལ་ཉེ་བར་མཁོ་ཞིང་སྐབས་སུ་བབས་པ་རང་གི་ཡིད་ལ་འོང་ཞིང་གཅེས་པར་བཟུང་བ་རྣམས་ཀྱང་ལྟོས་པ་མེད་པར་དབུལ་བར་བྱ་སྟེ། ནོར་བུའི་ཕྲེང་བ་ལས། དེ་ཉིད་མི་ཟད་འདོད་པ་ཡིས། །ཤིན་ཏུ་གཅེས་པ་གང་དང་གང་། །དེ་

[Full Size]

དང་དེ་ནི་བླ་མར་དབུལ། །ཞེས་གསུངས་སོ། །གཞན་ལས་ཁྱད་འཕགས་བརྩི་བ་དང་། ལོ་འདོད་ཀྱི་དགེ་བ་མི་བྱ་སྟེ། འདི་ལ་རྗེས་འཇུག་གི་རྟེན་འབྲེལ་ཡོད་པ་ཡིན་གསུང་ངོ་། །བླ་མའི་གསོལ་འདེབས་དང་། བཞག་ཐབས་རྣམ་པ་གཉིས་སྤེལ་མར་ཉམས་སུ་བླངས་པས་ཐ་མལ་གྱི་ཤེས་པ་ཡིད་ལ་མི་བྱེད་པར་རང་ཤར། ལུས་ངག་གི་བྱ་བས་མི་འཕྲོག་པར་གཡོ་མེད་དུ་རང་ས་ཟིན་པའི་སྔོན་འགྲོ་ཚད་ལ་ཕེབས་པ་འབྱུང་ངོ་། །གལ་ཏེ་མ་འབྱུང་ན། སྤོགས་ཆོག་གི་ཚུལ་དུ་ཉམས་སུ་བླང་བ་ལ། རྟེན་ཅན་དང་རྟེན་མེད་རྣམ་པ་གཉིས་སོ། །རྟེན་ཅན་ལ་བསླབ་པའི་དང་པོ་རགས་པ་ལ་བསླབ་པ་ནི། སྐྱབས་འགྲོ་སེམས་བསྐྱེད། བླ་མའི་གསོལ་འདེབས། དབང་ལེན་པ། རླུང་རོ་འབུད་པ་རྣམས་སྔོན་དུ་བཏང་ལ། རང་བབས་རྣམ་གསུམ་གྱི་སྟེང་དུ།

[Full Size]

གླང་པོ་ཆེའི་ལྟ་སྟངས་ཀྱིས་ཤེས་པ་རྟེན་མེད་འཛིན་མེད་ཀྱི་ངང་དུ་གློད་དེ་བཞག་པས། ཀ་བ་བུམ་པ་ལ་སོགས་པའི་དངོས་པོ་རགས་པ་གཅིག་ཡུལ་དུ་སྣང་བར་གྱུར་ཏེ། གང་སྣང་དེ་ཉིད་ཀྱི་སྟེང་དུ་ལྟ་སྟངས་བཅས་ཏེ། ཧད་དེ་ཕྱད་དེ། དེ་ལས་གཞན་དུ་ཡོངས་ཀྱི་དོགས་པའི་དགག་སྒྲུབ་མི་བྱ། ལེགས་ཉེས་སོགས་སྤུ་རིས་མི་དབྱེ་བར་བཟོ་མེད་དུ་བཞག་པས་ཡུལ་དེ་མ་འགག་ལ་གང་ལའང་ཆེད་འཛིན་མེད་པའི་ཤེས་པ་རྟོག་མེད་ཀྱི་ངང་དུ་ལྷན་གནས་པ་འབྱུང་ངོ་། །སྐབས་སུ་ལུས་གནད་ཅུང་ཟད་བསྲང་། རླུང་བུས་ལ་ཡང་སྔར་བཞིན་བཞག །དེ་ལས་སྐྱོ་ན། བླ་མའི་རྣལ་འབྱོར་སྔར་ལྟར་དུ་སྒོམ། ཐུན་འཇོག་ཙ་ན་དགེ་བ་སངས་རྒྱས་སུ་བསྔོ། །རྗེས་འགྲོ་འདུག་ལ་སོགས་པའི་དུས་སུའང་མཉམ་བཞག་ཧད་དེ་ཕྱད་དེ་བ་དེའི་ངང་དུ་རྒྱུན་མ་ཡེངས་པར་ཙམ་བྱ། ལུས་ངག་ཡིད་གསུམ་གྱི་སྤྱོད་

[Full Size]

ལམ་ཐམས་ཅད་ནད་པའི་སྤྱོད་ལམ་ལྟར་དལ་བུས་བག་དང་ལྡན་པར་བྱ། ཁ་ཟས་བཅུད་ཅན་བསྟེན། སྐབས་སུ་སྐུ་མཉེ་བྱ། མེ་ཉི་མ་ལ་ཡུན་རིང་དུ་སྡོད་པ་སོགས་དང་། དྭངས་མ་ལ་གནོད་པའི་ཟས་དང་སྤྱོད་ལམ་སྤང་བར་བྱའོ། །དམིགས་པ་གསུམ་པ་ཕྲ་བ་ལ་བསླབ་པ་ནི། སྔར་ལྟར་བཞག་པས་རྡུལ་ཕྲན་ལ་སོགས་པ་དངོས་པོ་ཕྲ་བ་གཅིག་གི་ཡུལ་དུ་སྣང་བར་འགྱུར་བས། གང་སྣང་གི་སྟེང་དུ་སྔར་ལྟར་བཞག །བཞི་པ་ཐག་ཉེ་བ་ལ་བསླབ་པ་ནི། སྤྱི་བོའི་ནང་ལྟ་བུར་སྔར་ལྟར་ཕྲ་རགས་གང་སྣང་གཅིག་ལ་འཇོག་པའོ། །ལྔ་པ་ཐག་རིང་བ་ལ་བསླབ་པ་ནི། ས་བར་ཡངས་ཅན་ལ་ལྟ་སྟངས་བཅས་ནས་བལྟས་པས་རི་རྩེ་ལ་སོགས་པ་ཕྲ་རགས་གང་སྣང་གི་སྟེང་དུ་འཇོག་པའོ། །དྲུག་པ་གྱེན་ལ་བསླབ་པ་ནི། ཅུང་ཟད་བྱིང་བ་དང་། ཤེས་པ་སྤངས་

[Full Size]

དམའ་བར་བྱུང་ན། རིག་པ་གཡེར་འདོན། ལྟ་སྟངས་མཐོ་བར་བྱས་ཏེ། ནམ་མཁའི་མཐོངས་སམ། རི་རྩེ་ལྟ་བུ་ལ་ལྟ་སྟངས་ཀྱིས་སྔར་ལྟར་འཇོག་པའོ། །བདུན་པ་འཐུར་ལ་བསླབ་པ་ནི། ཅུང་ཟད་ཤེས་པ་རྒོད་པར་གྱུར་ན། ལྟ་སྟངས་དམའ་བར་བྱས་ཏེ། ལུང་པའི་མཐིལ་ལྟ་བུའམ་ས་དམའ་བར་བལྟ་བའོ། །འདི་གཉིས་ནི་གེགས་སེལ་གྱི་ཚུལ་དུའོ། །བརྒྱད་པ་ཐད་ཀར་བལྟ་བ་ནི། བྱིང་རྒོད་ཀྱི་སྒྲ་མེད་ན། སྔར་གྱི་ཕྲ་རགས་ལ་སོགས་པའི་སྐབས་སུ་ཇི་ལྟར་བཤད་པ་བཞིན་དུ་ཉམས་སུ་བླང་བར་བྱའོ། །དགུ་པ་མདོ་སྣ་ཚོགས་ལ་བསླབ་པ་ནི། ཤེས་རབ་སྙིང་པོ་ལ་སོགས་པའི་མདོ་བྱང་བ་འདོན་ཞིང་། རང་བབས་རྣམ་པ་གསུམ་གྱི་སྟེང་ནས་ལྟ་སྟངས་བཅའོ། །བཅུ་པ་སྔགས་སྣ་ཚོགས་ལ་བསླབ་པ་ནི། མ་ཎི་པདྨེ་ལ་སོགས་པ་སྔགས་ཐུང་བ་

[Full Size]

བགྲང་ཞིང་སྔར་བཞིན་སློབ་པའོ། །བཅུ་གཅིག་པ་གཏམ་སྣ་ཚོགས་ལ་བསླབ་པ་ནི། གཞན་གྱི་དོ་གལ་ཆུང་བ་ལབ་པའམ། གཞན་ལོང་གཏམ་ངེས་མེད་གཏོང་བའི་གསེབ་ཏུ་བསྡད་ནས། བཞག་ཐབས་དང་ལྟ་སྟངས་སྔར་དང་འདྲ་བར་སློབ་པའོ། །བཅུ་གཉིས་པ་སྤྱོད་ལམ་སྣ་ཚོགས་ལ་བསླབ་པ་ནི། མདོ་ལས། འགྲོ་འཆག་ཉལ་དང་འདུག་པ་ཤེས་བཞིན་རབ་ཏུ་ལྡན། །གཉའ་ཤིང་གང་ཙམ་བལྟ་ཞིང་འགྲོ་ལ་སེམས་འཁྲུལ་མེད། །ཅེས་གསུངས་པའི་དོན་ཡིན་ལ། ཐང་མཉམ་པོ་ལ་འགྲོ་བའམ། བསྐོར་བ་ལ་སོགས་པའི་དུས་སུ་རང་བབས་རྣམ་པ་གསུམ་དང་། ཧད་དེ་བྱེད་པ་དེའི་ངང་ལ་ཕྱམ་ཕྱམ་འགྲོ། འཆག་པ་ཆེ་ཆུང་གི་སྐབས་སུ་མ་དང་སྲིང་མོ་ལ་སོགས་པ་བྱུང་ཡང་། ངོ་ཚ་བ་དང་བག་འཁུམས་པ་ལ་སོགས་པ་མི་བྱེད་པར།

[Full Size]

ཧད་དེ་ཕྱད་དེ་བ་དེའི་ངང་ལས་མ་གཡོས་པར་བསྡད་དེ། །ནི་གུ་མའི་ཞལ་ནས། མ་སྲིང་འཛངས་མ་བརྒྱ་ཡིས་མཐའ་བསྐོར་ཀྱང་། །ངོ་ཚ་བ་དང་བག་འཁུམས་པའི་རྟོག་པ་མེད་པར་བྱ། གསུང་། ཉལ་བ་དང་ཅི་བདེར་འདུག་པའི་སྐབས་སུ་ཡང་སྔར་བཞིན་བསླབ། ལུས་གནད་ཀྱི་སྟེངས་སུ་བསྒོམ་པ་དང་ཁྱད་ཅི་འདུག་བལྟ། དེ་རྣམས་ལ་སྔོན་འགྲོ་སྐྱབས་འགྲོ་སེམས་བསྐྱེད། བླ་མའི་རྣལ་འབྱོར། རྗེས་བསྔོ་བ། ཐུན་མཚམས་སུ་རླུང་རོ་འབུད་པ་ལ་སོགས་པ་རྣམས་དམིགས་པ་དང་པོའི་སྐབས་སུ་བཤད་པ་ལྟར་བྱའོ། །གཉིས་པ་རྟེན་མེད་ལ་བསླབ་པ་ནི། ལུས་གནད་བཞག་ཐབས་བལྟ་སྟངས་སྔར་ལྟ་བུའི་ངང་ནས། སྨིན་མཚམས་ཀྱི་ཐད་ཀའི་བར་སྣང་སྟོང་པའི་དཀྱིལ་འདིར་ཧད་དེ་ཕྱད་དེ་བཞག །ཡུལ་ཕ་ག་ན་ཡོད་པ་མི་དཔྱད། རང་ཚུ་ག་ན་ཡོད་

[Full Size]

པ་མི་བསམ། རྟེན་ཅི་ལ་ཡང་མི་བཅའ། ངོ་བོ་གང་དུ་ཡང་མི་བཟུང་། མ་བཅོས་བཟོ་མེད་དུ་ལྷོད་ཀྱིས་གློད་ནས་བཞག་པས། ཤེས་པ་གསལ་ལ་མི་རྟོག་པ་ནམ་མཁའི་དབྱིངས་ཡོངས་སུ་དག་པ་ལྟ་བུ་རང་ཤར་དུ་འབྱུང་ངོ་། །དེའི་རྗེས་སུ་ཁ་ནང་དུ་བཟློག་ལ་སེམས་ཀྱིས་སེམས་ལ་བལྟ་བར་བྱ་སྟེ། སེམས་དེ་དངོས་པོ་གཅིག་འདུག་གམ་དངོས་པོར་འདུག་ན། ཁ་དོག་དང་དབྱིབས་ཇི་ལྟ་བུར་འདུག་བལྟ། གནས་ལུས་ཀྱི་ཕྱི་ན་འདུག་གམ་ནང་ན་འདུག་བལྟ། ནང་གི་མཐོ་སྤྱི་གཙུག་གམ་དམའ་རྐང་མཐིལ། བར་བྱང་ཁོག་གི་སྟོད། དོན་སྙིང་རྣམ་པ་ལྔ་ལ་སོགས་པ་གང་ན་འདུག་བལྟ། ཕྱིའི་ཡུལ་ན་འདུག་ན། ཡུལ་ཕྲ་རགས་གང་ན་འདུག་བལྟ། བར་འགྱུ་བའི་དབུགས་ན་འདུག་གམ། ཀུན་བཏགས་ཀྱི་མིང་ལ་འདུག་གམ། གང་ན་འདུག་ཐག་

[Full Size]

གཅོད་དུ་གཞུག་གང་དུ་ཡང་མ་གྲུབ་པའི་དངོས་མེད་གཅིག་འདུག་ཟེར་ན། ཐལ་བ་རླུང་གིས་ཁྱེར་བ་ལྟ་བུ་ཅང་མེད་ཅིག་འདུག་གམ། ངོས་གཟུངས་རྒྱུ་མེད་པའི་གསལ་རིག་གཅིག་འདུག་གམ་ཅེས་དྲིས། ངོས་བཟུང་མེད་པའི་གསལ་རིག་ཅིག་འདུག་གོ་ཟེར་ན། འཁོར་འདས་ཀྱི་སྣང་བ་སྣ་ཚོགས་འདི་རྣམས་ཐམས་ཅད་རང་གི་སེམས་ཀྱི་མདངས་སམ། རང་འོད་ཡིན་པས། ཕྱི་རོལ་ན་གང་ཡང་གྲུབ་པ་མེད་དོ་ཞེས་མདོ་རྒྱུད་བསྟན་བཅོས་མན་ངག་གི་ལུང་མང་དུ་དྲངས་ལ། སྣང་བ་རང་སེམས་ལ་ཐག་གཅོད་དུ་གཞུག །དེ་ནས་དངོས་གཞི་ངོ་སྤྲད། ཡང་ན་འདི་ལྟར་བཀྲི་སྟེ། སྔོན་འགྲོ་ཚད་ལ་ཕེབས་པའི་རྗེས་སུ། མགུར་ལས། རིན་ཆེན་སེམས་ལས་ཕྱིར་གྱུར་པའི། །སངས་རྒྱས་མེད་ཅིང་སེམས་ཅན་མེད། །རྣམ་པར་ཤེས་པའི་གནས་དོན་ནམ། །ཕྱི་

[Full Size]

རོལ་གྱུར་པ་ཅུང་ཟད་མེད། །ཅེས་གསུངས། བརྟག་གཉིས་ལས། འཆད་པ་པོ་ང་ཆོས་ཀྱང་ང་། །རང་གི་ཚོགས་ལྡན་ཉན་པ་ང་། །འཇིག་རྟེན་སྟོན་པ་བསྒྲུབ་བྱ་ང་། །འཇིག་རྟེན་འཇིག་རྟེན་འདས་པ་ང་། །ལྷན་ཅིག་སྐྱེས་དགའི་རང་བཞིན་ང་། །ཞེས་དང་། ང་ལས་འགྲོ་བ་ཐམས་ཅད་འབྱུང་། །ང་ལས་གནས་གསུམ་པོ་ཡང་བྱུང་། །ང་ཡིས་འདི་ཀུན་ཁྱབ་པ་སྟེ། །འགྲོ་བའི་རང་བཞིན་གཞན་མ་མཐོང་། །ཞེས་དང་། རང་རིག་རྒྱལ་པོ་རང་གཙོ་བོ། །རང་གིས་འཕྲོག་ཅིང་རང་གིས་བྱེད། །ཅེས་དང་། ཇི་ལྟར་ཕྱི་རོལ་དེ་བཞིན་ན། །ཞེས་གསུངས། ཀུན་བྱེད་རྒྱལ་པོ་ལས། ང་མེད་པའི་སྔོན་རོལ་ན། །སངས་རྒྱས་སེམས་ཅན་གཉིས་མེད་ཅིང་། །ས་དང་ལམ་གྱི་རྟོགས་པ་མེད། །འབྲས་བུ་སྐུ་དང་ཡེ་ཤེས་མེད། །ཐམས་ཅད་ང་ཡིས་བྱས་པ་

[Full Size]

ཡིན། །ཞེས་གསུངས། ལང་ཀར་གཤེགས་པ་ལས། བག་ཆགས་ཀྱིས་ནི་དཀྲུགས་པའི་སེམས། །དོན་དུ་སྣང་བ་རབ་ཏུ་འབྱུང་། །དོན་ཡོད་མ་ཡིན་སེམས་ཉིད་དེ། །ཕྱི་རོལ་དོན་མཐོང་ལོག་པ་ཡིན། །ཞེས་དང་། སེམས་ཙམ་ལ་ནི་གནས་ནས་ནི། །ཕྱི་རོལ་དོན་ལ་མི་རྟོག་གོ ། ཞེས་དང་། དངོས་གཅིག་ཡིན་ནི་ཐ་དད་ཕྱིར། །དོན་མ་གྲུབ་པར་འདོད་པ་ཡིན། །ཞེས་གསུངས། ཕལ་པོ་ཆེ་ལས། ཀྱཻ་རྒྱལ་བའི་སྲས་དག །ཁམས་གསུམ་པོ་འདི་དག་ནི། །སེམས་ལས་འབྱུང་གིས་སེམས་ཙམ་མོ། །ཞེས་གསུངས། བྲམ་ཟེ་ཆེན་པོ་ས་ར་ཧས། །སེམས་ཉིད་གཅིག་པུ་ཀུན་གྱི་ས་བོན་ཏེ། །གང་ལ་སྲིད་དང་མྱ་ངན་འདས་འགྲོ་བ། །འདོད་པའི་འབྲས་བུ་སྟེར་བར་བྱེད་པ་ཡི། །ཡིད་བཞིན་ནོར་བུའི་སེམས་ལ་ཕྱག་འཚལ་ལོ། །ཞེས་གསུངས། བིར་ཝ་པས།

[Full Size]

ཆོས་རྣམས་སེམས་ཉིད་སྣང་བ་གཟུགས་བརྙན་ཡིན་པའི་ཕྱིར། །ཞེས་གསུངས། སློབ་དཔོན་སེང་གེ་བཟང་པོས། འདི་ནི་སེམས་ཙམ་ཁོ་ན་ཡིན་གྱིས། །ཕྱི་རོལ་གྱི་དོན་ནི་མེད་དོ། །ཞེས་གསུངས། ཆོས་ཀྱི་གྲགས་པས། ལྷན་ཅིག་དམིགས་པར་ངེས་པའི་ཕྱིར། །སྔོ་དང་བདེ་བློ་གཞན་མ་ཡིན། །ཞེས་གསུངས། རྒྱལ་པོ་ལ་གདམས་པའི་མདོ་ལས། བདེ་བའི་རྨི་ལམ། སྡུག་བསྔལ་བའི་རྨི་ལམ། ལུང་མ་བསྟན་གྱི་རྨི་ལམ་ལ་བརྟེན་ནས། སྣང་བ་སེམས་སུ་ཐག་བཅད་པའི་ཐབས་བསམ་གྱི་མི་ཁྱབ་པ་གསུངས་པ་རྣམས་ལ་ཕྱག་ལེན་མན་ངག་ཁུངས་མ་རྣམས་ལས་གསུངས་ལ། འདིར་ཡང་ཁྲིད་ཚུལ་རྒྱས་པ་ནི་ལོགས་སུ་ཤེས་སོ། །འདིར་ཅུང་ཟད་བཤད་ན། དངོས་གཅིག་ཡིད་ནི་ཐ་དད་ཕྱིར། །ཞེས་གསུངས་པས། དོན་གཅིག་ཉིད་

[Full Size]

ལ་སྣང་ཚུལ་མི་འདྲ་བ་དུ་མ་འབྱུང་བའི་ཕྱིར། སྣང་བ་རང་གི་སེམས་ཡིན་ཏེ། །བརྟག་པ་མཐའ་བཟུང་གི་དཔེས་མཚོན་ན། ཆུ་འགྲམ་གཅིག་ནས་མར་འགྲོ་བ་རིགས་དྲུག་གི་གྲལ་བྱས་ནས། ཆུ་དེ་ལྷ་ལ་བདུད་རྩིར་སྣང་སྟེ། །བྱམས་པས། སྣང་བ་རང་སེམས་ཡིན་པའི་ཕྱིར། །ཐལ་ཚན་གྱི་ཆུ་བོ་རབ་མེད་ཀྱང་། །རྫིང་དལ་གྱིས་འབབས་ཀྱང་བདུད་རྩིར་འགྱུར། །ཞེས་གསུངས། ལྷ་མ་ཡིན་ལ་གོ་མཚོན། མི་ལ་ཆུ། ཉ་ལ་ཁང་ཁྱིམ། ཡི་དྭགས་ལ་རྣག་ཁྲག །དམྱལ་བ་ལ་ཁྲོ་ཆུ་ཁོལ་མར་སྣང་སྟེ། སྤྱོད་འཇུག་ལས། ལྕགས་བསྲེག་ས་གཞི་སུ་ཡིས་བྱས། །མེ་ཚོགས་དེ་དག་ཅི་ལས་བྱུང་། །དེ་འདྲ་དེ་དག་ཐམས་ཅད་ནི། །སྡིག་སེམས་ཡིན་པར་ཐུབ་པས་གསུངས། ཞེས་བཤད། ཕྱིའི་དོན་དུ་བདེན་པར་ཡོད་ན་མི་ལ་ཆུར་སྣང་བ་བཞིན། ཡི་དྭགས་

[Full Size]

ལ་ཡང་ཆུར་སྣང་དགོས། དེ་མི་སྣང་སྟེ། བསྐལ་པའི་བར་དུ་སྐོམ་པ་ལ་སྤྱོད་པར་བཤད་དོ། །དེ་དག་གི་དོན་སེམས་ཐོག་ཏུ་ཉམས་སུ་ལེན་ན་སྔོན་འགྲོ་རྣམས་སྔར་བཞིན་སྔོན་དུ་བཏང་། མདུན་དུ་བུམ་པ་ལ་སོགས་པ་དངོས་པོ་གཅིག་གསལ་བཞག་ལ། རང་བབས་རྣམ་གསུམ་གྱི་སྟེང་ནས་ལྟ་སྟངས་ཀྱིས་འཛིན་མེད་དུ་བལྟས་ལ། བུམ་སྣང་མ་འགགས་ལ། ཡུལ་འཛིན་གྱི་དྲི་མ་དང་བྲལ་བའི་བུམ་སེམས་དབྱེར་མེད་དུ་ཧྲུག་གེ་བ། དེ་ལ་སྣང་བ་རང་སེམས། རང་སེམས་སྣང་བ་ཞེས་བྱ། དེ་བཞིན་དུ་སྣང་བ་གང་ཤར་གྱི་སྟེང་དུ་ཉམས་སུ་བླང་ངོ་། །བསམ་མི་ཁྱབ་ཀྱི་རྒྱུད་ལས། སེམས་ཉིད་ལྷན་ཅིག་སྐྱེས་པ་ཆོས་ཀྱི་སྐུ། །སྣང་བ་ལྷན་ཅིག་སྐྱེས་པ་ཆོས་སྐུའི་འོད། །སྣང་སེམས་དབྱེར་མེད་ལྷན་ཅིག་སྐྱེས་པ་སྟེ། །ཞེས་གསུངས་པ་བཞིན་ནོ། །

[Full Size]

ཉམས་ལེན་དེ་མཐར་ཕྱིན་པ་ན་སྣང་བ་སེམས་སུ་བྱེད་པ་དང་། སེམས་ཉིད་སྣང་བར་བྱེད་པ་དང་། སྣང་སྟོང་དབྱེར་མེད་ལ་དབང་ཐོབ་པར་འགྱུར་ཏེ། སེམས་ཙམ་པ་ནི་བརྒྱད་པ་ཡིན། །ཞེས་གསུངས་པའི་དོན་ཡིན་ནོ། །དེ་ལྟར་སྣང་བ་རང་སེམས་སུ་ཐག་བཅད་ནས་གོང་དུ་བཤད་པ་བཞིན་སེམས་འཚོལ་བཏབ་པས། སེམས་འདི་ངོས་བཟུང་མེད་པའི་གསལ་རིག་གཅིག་འདུག་གོ་ཟེར་ན། སྔོན་འགྲོ་ཐེབས་པ་ཡིན། །འོད་སྲུངས་ཀྱི་ཞུས་པའི་མདོ་ལས། འཇིག་རྟེན་ལས་འདས་པའི་སྨན་གང་ཞེས་ན། སེམས་ཡོངས་སུ་འཚོལ་བའི་འདུ་ཤེས་སོ། །ཞེས་གསུངས། བླ་མ་མཻ་ཏྲི་པ་སྐུ་གཤེགས་པའི་རྗེས་སུ། ཇོ་མོ་ཡེ་ཤེས་མཁའ་འགྲོ་མ་གང་གྷ་དྷ་ར་མ་ལ། པཎྜི་ཏ་སུམ་ཅུ་རྩ་གཉིས་ཀྱིས་ཁྲིད་བསྐྱངས་པས། ཁྱེད་རང་རྣམས་ཀྱི་དང་པོའི་སེམས་དེ་འཚོལ་ལ་

[Full Size]

ཤོག་ཅིག་ཅེས་སེམས་འཚོལ་བཏབ། བླ་མ་ཤངས་པ་རྒྱ་གར་དུ་ལན་གསུམ་བྱོན་པའི་རྟིང་མ་ལ། བླ་མ་མཻ་ཏྲི་པ་སྐུ་གཤེགས་ནས། ཇོ་མོ་ལ་སྔར་གྱི་གསལ་འདེབས་ཞུས་པས། ཚུལ་འདི་གསུང་ངོ། །འོ་ན་ནི་གུ་མའི་ཕྱག་རྒྱ་ཆེན་པོ་དང་འགལ་ལོ་ཞེ་ན། མི་འགལ་ཏེ། རྩ་བ་རྡོ་རྗེའི་ཚིག་རྐང་ལ་བརྟེན་ནས། ནི་གུ་མ་གཙོ་ཆེ་ལ། ཕྱག་རྒྱ་ཆེན་པོ་བླ་མ་གསུམ་གྱིས་གུང་སྤྲོས་པ་ཡིན་གསུང་ངོ་། །ཡེ་ཤེས་ཀྱི་མཁའ་འགྲོ་མ་ནི་གུ་མ་ནི་སྔོན་འགྲོ་གཙོ་བོར་འདོན། སུ་ཀ་མ་སིདྡྷི་རྗེས་གཙོ་བོར་འདོན། མཻ་ཏྲི་པ་དངོས་གཞི་གཙོ་བོར་འདོན། འདི་གསུམ་དོན་ལ་འདྲ་གསུང་། ད་རེས་ནི་གུ་མའི་ལུགས་ཀྱི་ཐབས་བླ་མའི་མོས་གུས་དང་། རྟེན་ཅན་དང་རྟེན་མེད་ཀྱི་བཞག་ཐབས་རྣམ་པ་གསུམ་ལ་བརྟེན་ནས། ཐ་མལ་གྱི་ཤེས་པ་ཡིད་ལ་མི་བྱེད་

[Full Size]

པར་ཤར། དེ་བརྟན་པའི་ཚད་ལུས་ངག་གི་བྱ་བས་མི་འཕྲོག་པར། སྣང་བ་རང་སེམས་ལ་ངེས་ཤེས་ཅུང་ཟད་སྐྱེས་པའི་སྔོན་འགྲོ་རྣམས་ཚད་ལ་མ་ཕེབས་པར་དང་པོ་གཞི་ངོ་སྤྲད་ན། འབེན་མ་མཐོང་བའི་མདའ་རྡེག་པའམ། ལྷག་ཆུ་མ་ཆོད་པའི་རྫིང་དང་འདྲ་སྟེ། གོ་ཡུལ་ལ་རྟོགས་པའི་རློམས་པའི་དྲེད་པོ་འོང་གསུང་ངོ་། །གཉིས་པ་གསང་ཚིག་རྡོ་རྗེའི་རྒྱ་ཡི་རྐུ་ཐབས་སུ་ངོ་སྤྲད་པས། སྐྱོན་བཞི་རང་སར་གྲོལ་བའི་མན་ངག་ལ་གཉིས་ལས། སྔོན་འགྲོ་ལ་བར་ཆད་ཀྱི་བགེགས་མི་འབྱུང་བར་བྱ་བའི་ཕྱིར་གསོལ་བ་གདབ་པ་ནི། མགོན་པོའི་མཎྜལ་དཔེ་ཆུང་ལྟར་བཞེངས་པའི་དབུས་སུ། གཏོར་མ་ཆེ་བ་གཅིག་རྒྱན་བཟང་པོ་དང་། མདའ་དར་གཙུགས་ལ་ཡེ་ཤེས་ཀྱི་མགོན་པོར་བསྐྱེད། མཐའ་གཏོར་ཚོགས་བཟང་པོས་བསྐོར། དཔོན་སློབ་ཐམས་ཅད་ལྷའི་རྣལ་འབྱོར་དུ་བཞུགས་

[Full Size]

ལ། མགོན་པོའི་སྟེང་དུ་རྩ་བ་དང་བརྒྱུད་པའི་བླ་མ་རྣམས་དང་། ཁྱད་པར་དུ་ཡེ་ཤེས་ཀྱི་མཁའ་འགྲོ་མ་ནི་གུ་མ་སྐུ་མདོག་ནག་པ་ལ་དམར་བའི་མདངས་ཆགས་པ། ཕྱག་གཡས་ན་ཌཱ་མ་རུ་སྒྲ་དང་བཅས་པ། གཡོན་ན་ཀ་པཱ་ལ་བདུད་རྩིས་བཀང་བ། གྲུ་མོ་ན་ཁ་ཊྭཱཾ་ག་སྐུ་གར་སྟབས་སུ་བཞུགས་ཤིང་རུས་པའི་རྒྱན་དང་ལྡན་པ་བསམ། གཞན་ཡང་སངས་རྒྱས་དང་བྱང་ཆུབ་སེམས་དཔའ། ཡི་དམ་དཀྱིལ་འཁོར་གྱི་ལྷ་ཚོགས་བསམ་གྱི་མི་ཁྱབ་པར་བཞུགས་པར་བསམ། དེ་དག་ལ་དངོས་སུ་བཤམས་པའི་མཎྜལ་དང་། ཚོགས་གཏོར་ཕུལ་ལ་སྙིམ་པ་མེ་ཏོག་དང་བཅས་པས་གསོལ་བ་གདབ་པ་ནི། ཕྱོགས་བཅུ་ན་བཞུགས་པའི་སངས་རྒྱས་ལ་སྐྱབས་སུ་མཆིའོ། །ཕྱོགས་བཅུ་ན་བཞུགས་པའི་ཆོས་ལ་སྐྱབས་སུ༴ ཕྱོགས་བཅུ་ན་བཞུགས་

[Full Size]

པའི་དགེ་འདུན་དང་། བླ་མ་ཡི་དམ་གྱི་ལྷ་ཚོགས་རྣམས་དང་། ཡེ་ཤེས་ཀྱི་མགོན་པོ་ཕྱག་དྲུག་པའི་ལྷ་ཚོགས་འཁོར་དང་བཅས་པ་རྣམས་ལ་སྐྱབས། རྩ་བ་དང་རྒྱུད་པའི་བླ་མ་རྣམས་དང་། ཡི་དམ་གྱི་ལྷ་ཚོགས་རྣམས་ཀྱིས། བདག་ལ་ཕྱག་རྒྱ་ཆེན་པོའི་རྟོགས་པ་ངོ་འཕྲོད་པར་བྱིན་གྱིས་བརླབ་ཏུ་གསོལ། དམ་པ་ཆོས་སྐྱོང་བའི་སྲུང་མ་རྣམས་ཀྱིས། བདག་ལ་ཕྱག་རྒྱ་ཆེན་པོ་ཞུ་བ་དང་། ཉམས་སུ་ལེན་པ་ལ་ཕྱི་ནང་གི་བར་དུ་གཅོད་པ་གང་ཡང་མི་འབྱུང་བར་མཛད་དུ་གསོལ། ཞེས་ལན་གསུམ་གསོལ་བ་རྩེ་གཅིག་ཏུ་གདབ་བོ། །གཉིས་པ་ངོ་སྤྲད་པ་དངོས་ནི། ལུས་རྣམ་པར་སྣང་མཛད་ཀྱི་ཆོས་བདུན་བཅའ་ལ། དྲང་པོའི་ངང་ནས་རང་སར་གློད། ཡིད་སྒོམ་འདོད་ཀྱི་རྣམ་པར་རྟོག་པས་དབེན་པར་བྱ། །མིག་གླང་པོ་ཆེའི་ལྟ་སྟངས་ཀྱིས་མདུན་གྱི་བར་

[Full Size]

སྣང་སྟོང་པའི་ཐད་ཀ་འདིར་ཤེས་པ་རྟེན་མེད་དུ་རང་བབས་རྣམ་པ་གསུམ་གྱི་ངང་དུ་བཟོ་མེད་དུ་ལྷོད་ཀྱིས་གློད། འཛིན་མེད་དུ་ཤིགས་ཀྱིས་བཤིག་ལ་བཅས་བཅོས་མེད་པར་བཞག །དེ་ལྟར་བཞག་པས་ཐ་མལ་གྱི་ཤེས་པ་ཡིད་ལ་མི་བྱེད་པར་རང་ཤར་ཞེས་བྱ་སྟེ། རང་གི་རིག་པ་གསལ་ལ་མི་རྟོག་པ་དགེ་སྡིག་ལུང་མ་བསྟན་གྱི་དྲི་མས་མ་དགོས་པ། གཟུང་འཛིན་རྣམ་རྟོག་གི་སྒྲིབ་གཡོགས་དང་བྲལ་བའི། སྟོན་གྱི་ནམ་མཁའ་སྤྲིན་དང་བྲལ་བ་ལྟ་བུ་གཅིག་རྗེན་ལྷང་གིས་འཆར། འདི་གཉིས་ཀ་རང་གི་སེམས་ཉིད་སྐྱེ་བ་མེད་པ་ཆོས་ཀྱི་སྐུ་ཞེས་བྱ་བའམ། ཐ་མལ་གྱི་ཤེས་པ་ཡིད་བྱེད་དང་བྲལ་བ་ཞེས་བྱ་བ་ཡིན་ནོ། །ཞེས་ངོ་སྤྲད་དེ། ནི་གུ་མའི་ཞལ་ནས། ཡིད་ལ་མི་བྱེད་རེ་དོགས་ཀུན་བྲལ་བའི། །ཐ་མལ་ཤེས་པ་ཁྱོད་ལ་ཕྱག་འཚལ་ལོ། །ཞེས་གསུངས། ས་ར་ཧས།

[Full Size]

ཐ་མལ་ཤེས་པ་སྙིང་གི་དབུས་སུ་སད། །ད་ནི་སུ་ལ་ཡང་དྲི་བར་མི་བྱེད་དོ། །ཅེས་གསུངས། ཏོག་རྩེ་ཞབས་ཀྱིས། ཐ་མལ་ཤེས་པ་སྙིང་གི་དབུས་སུ་སད། །ཚོགས་དྲུག་དག་ན་བདེ་བ་རྒྱུན་མི་ཆད། །བྱས་པ་ཐམས་ཅད་དོན་མེད་སྡུག་བསྔལ་རྒྱུ། །སྒོམ་དུ་མེད་དོ་གཉུག་མའི་ངང་དུ་ཞོག །ཞེས་གསུངས། བརྒྱད་སྟོང་པ་ལས། ཆོས་རྣམས་ཀྱི་ཆོས་ཉིད་ནི་འདི་ཡིན་ཏེ། སངས་རྒྱས་འཇིག་རྟེན་དུ་བྱོན་ཡང་རུང་། །མ་བྱོན་ཡང་རུང་སྟེ། སེམས་ཅན་འདི་དག་ནི་དུས་རྟག་ཏུ་སངས་རྒྱས་ཀྱི་སྙིང་པོ་ཅན་ནོ། །ཞེས་གསུངས། རྣམ་སྣང་མངོན་བྱང་ལས། གསང་བའི་བདག་པོ་ལག་ན་རྡོ་རྗེས་གསོལ་བ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི་གང་ལས་བཙལ་བར་བྱ། བཅོམ་ལྡན་འདས་ཀྱིས་བཀའ་སྩལ་པ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་

[Full Size]

ནི་རང་གི་སེམས་ལས་བཙལ་བར་བྱའོ། །ཞེས་གསུངས། སཾ་བུ་ཊི་ལས། རང་གི་ལུས་ལ་སངས་རྒྱས་བཞུགས། །གཞན་དུ་གང་ནའང་སངས་རྒྱས་མེད། །མི་ཤེས་མུན་པས་སྒྲིབ་པ་རྣམས། །ལུས་ལས་གཞན་དུ་སངས་རྒྱས་འདོད། །ཅེས་གསུངས་པས། སེམས་ཅན་གྱི་སངས་རྒྱས་ཀྱི་སྙིང་པོ་ཅན་དུས་རྟག་ཏུ་གནས་སོ། །ཁ་ཅིག་ན་རེ། འོ་ན་འཁྲུལ་པ་དང་གྲོལ་བ་ཁྱད་མེད་དུ་འགྱུར་ལ། འཁོར་བར་འཁྱམས་པའི་དོན་མེད་དོ་ཟེར་ན། ཡེ་ཤེས་ཀྱི་མཁའ་འགྲོ་མ་ནི་གུ་མའི་ཞལ་ནས། སེམས་ཅན་སངས་རྒྱས་སྙིང་པོ་ཅན་དུ་འབྲལ་མེད་དུ་ཡོད་ཀྱང་སྐྱོན་རྣམ་པ་བཞིས་འཁོར་བར་འཁྱམ་སྟེ། དང་པོ་ཉེ་དྲགས་ངོ་མ་ཤེས་པའི་སྐྱོན་གྱིས་འཁོར་བར་འཁྱམས་ཏེ། སེམས་གསལ་སྟོང་འཛིན་མེད་རང་ལ་རང་ཆས་སུ་ཡོད་ཀྱང་ངོ་མ་ཤེས། རང་དུ་འདུག་ཀྱང་

[Full Size]

ཐག་མ་ཆོད། །གཏན་དུ་འགྲོགས་ཀྱང་ཞལ་མ་མཇལ། །ཧ་རེ་ལོང་ཅེ་རེ་ལོང་དུ་སོང་བས་ཏེ། །མིག་གིས་མིག་མ་མཐོང་བ་བཞིན་ནོ། །གང་ངོ་མ་ཤེས་ན་སེམས་ངོ་མ་ཤེས། གང་གིས་མ་ཤེས་ན། སེམས་ཁོང་རང་གིས་མ་ཤེས། ཇི་ལྟར་ངོ་མ་ཤེས་ན། གཉིས་འཛིན་གྱི་དྲི་མ་དང་བཅས་པས་ངོ་མ་ཤེས་ཏེ། བརྟག་གཉིས་ལས། སེམས་ཅན་རྣམས་ནི་སངས་རྒྱས་ཉིད། །འོན་ཀྱང་གློ་བུར་དྲི་མས་སྒྲིབས། །ཞེས་གསུངས་པ་བཞིན་ནོ། །ད་རེས་བླ་མ་དམ་པའི་བྱིན་རླབས་དང་། བརྡའ་ཐབས་ཁྱད་པར་ཅན་རང་བབས་རྣམ་པ་གསུམ་ལ་སོགས་པ་ལ་བརྟེན་ནས། ཐ་མལ་གྱི་ཤེས་པ་གསལ་སྟོང་འཛིན་མེད་ཡུལ་ཡུལ་ཅན་གཉིས་མེད་ཀྱི་ཚུལ་དུ་རང་ངོ་ཤེས་པས་ཉེ་དྲགས་པ་སྟེ་ངོ་མ་ཤེས་པའི་སྐྱོན་རང་གྲོལ་སྟེ། བརྟག་གཉིས་ལས། དེ་

[Full Size]

བསལ་བ་ནི་སངས་རྒྱས་ཉིད། །ཅེས་གསུངས་པ་ལྟར་རོ། །གཉིས་པ་ངོ་ཤེས་ཀྱང་སླ་དྲགས་ནས་ཡིད་མ་ཆེས་པའི་སྐྱོན་ནི། བློ་ཆུང་བ་རྣམས་ནི་ཐ་མལ་གྱི་ཤེས་པ་སངས་རྒྱས་ཉིད་ཡིན་ནོ་ཞེས་ངོ་སྤྲད་ཀྱང་ཡིད་ཆེས་པ་དཀའ་སྟེ། སངས་རྒྱས་ནི་མཚན་དང་དཔེ་བྱད། འོད་དང་འོད་ཟེར་ཅན་དུ་ཞེས་པས་སོ། །དེ་ནི་ཆོས་སྐུ་དྲི་མ་དང་བྲལ་བའི་གཟུགས་བརྙན་དེ། སངས་རྒྱས་མཚན་ཉིད་པ་མ་ཡིན་ཏེ། མེ་ལོང་ནང་གི་བཞིན་གྱིས་གཟུགས་བརྙན་བཞིན་ནོ། །སངས་རྒྱས་ཀྱི་མཚན་ཉིད་པ་ནི། ཆོས་ཀྱི་སྐུ་ཉིད་ཡིན་ཏེ། བརྒྱད་སྟོང་པ་ལས། དགེ་སློང་དག་ང་ནི་ཆོས་ཀྱི་སྐུ་ཡིན་གྱིས། །གཟུགས་ཀྱི་སྐུར་བལྟ་བར་མ་བྱེད་ཅིག །ཅེས་གསུངས། རྡོ་རྗེ་གཅོད་པ་ལས། གང་དག་ང་ལ་གཟུགས་སུ་མཐོང་། །གང་དག་ང་ལ་སྒྲར་ཤེས་པ། །

[Full Size]

ལོག་པའི་ལམ་དུ་ཞུགས་པ་སྟེ། །སྐྱེ་བོ་དེ་དག་ང་མི་མཐོང་། །སངས་རྒྱས་རྣམས་ནི་ཆོས་ཀྱི་སྐུ། །ཞེས་གསུངས། རྒྱུད་བླ་མ་ལས། དམ་པའི་དོན་དུ་འགྲོ་བ་ཡི། །སྐྱབས་ནི་སངས་རྒྱས་ཉག་གཅིག་ཡིན། །སྐྱོབ་པ་ཆོས་ཀྱི་སྐུ་ཅན་ཕྱིར། །ཚོགས་ཀྱང་དེ་ཡི་མཐར་ཐུག་ཡིན། །ཞེས་གསུངས། མཚན་དཔེ་ལ་སོགས་པ་ནི་ཐུན་མོང་གི་ཡོན་ཏན་ཡིན་པའི་ཕྱིར། སངས་རྒྱས་ཀྱི་སྒྲུབ་བྱེད་ངེས་པ་ཅན་མ་ཡིན་ནོ། །ཁ་ཅིག་ན་རེ། སྤངས་དང་རྟོགས་པའི་ཁྱད་པར་ལས། །བྲལ་ཕྱིར་སངས་རྒྱས་ཆོས་ཀྱི་སྐུ། །ཞེས་བཤད་པས། སོ་སོ་སྐྱེ་བོ་ལ་ཆོས་སྐུ་མཚན་ཉིད་པ་མེད་དོ་ཟེར་ན། དེ་ནི་མི་འཐད་དེ། མྱ་ངན་ལས་འདས་པའི་མདོ་ལས། ཤ་རིའི་བུ་དེ་ལ་སེམས་ཅན་གྱི་ཁམས་ཞེས་བྱ་བ་ནི་དེ་བཞིན་གཤེགས་པའི་སྙིང་པོའི་ཚིག་བླ་དྭགས་ལགས་སོ། །དེ་བཞིན་གཤེགས་

[Full Size]

པའི་སྙིང་པོ་ཞེས་བྱ་བ་ནི། ཆོས་ཀྱི་སྐུའི་ཚིག་བླ་དྭགས་སོ། །དེ་བཞིན་གཤེགས་པའི་སྙིང་པོ་ཉིད་ཀྱང་། །ཆོས་ཀྱི་སྐུ་ཉིད་ལས་གཞན་མ་ཡིན་ནོ། །ཞེས་གསུངས་པས། སེམས་རང་བཞིན་གྱི་འོད་གསལ་བ་འདི་ཉིད་ཆོས་ཀྱི་སྐུར་ཐག་བཅད་དོ། །གསུམ་པ་ངེས་ཤེས་སྐྱེས་ཀྱང་ཟབ་དྲགས་ནས་ངོས་མ་ཟིན་པའི་སྐྱོན་ནི་ཐ་མལ་གྱི་ཤེས་པ་ཡིད་ལ་མི་བྱེད་པ་ཧད་དེ་བ་དེ། ཆད་པ་ངལ་གསོ་བའི་དུས་དང་། གཞན་ཡང་རླུང་དབུ་མར་ཞུགས་པའི་དུས་ཐམས་ཅད་དུ་འཆར་སྟེ། ཐབས་ཁྱད་པར་ཅན་རང་བབས་རྣམ་པ་གསུམ་ལ་སོགས་པ་དང་མ་འབྲལ་བས། རྟོག་པའི་དྲྭ་བས་གཡེངས་ཏེ་ཡེངས་མེད་ཀྱི་བྱ་ར་བ་དང་བྲལ་བའོ། །ད་ནི་སྔོན་འགྲོ་ཤར་བའི་དུས་སུ་ངའི་དུས་སུ་ངའི་སྔོན་འགྲོ་ཤར་འདུག་གམ་སྙམ་དུ་དེ་ཉིད་ཆོས་སྐུ་གསལ་སྟོང་དུ་ལམ་གྱིས་ངོས་

[Full Size]

བཟུང་ངོ་། །བཞི་པ་བཟང་དྲགས་ནས་བློར་མི་ཤོང་བའི་སྐྱོན་ནི། གོང་གི་སླ་དྲགས་ནས་ཡིད་མ་ཆེས་པའི་སྐྱོན་དང་འདྲ་སྟེ། མདོ་རྒྱུད་བསྟན་བཅོས་ནས་བཤད་པའི་ལུང་ལ་བསྟན་ནས་ཐ་མལ་གྱི་ཤེས་པ་མ་བཅོས་པ་འདི་ཉིད་ཆོས་ཀྱི་སྐུ་རུ་ཐག་བཅད་པས་སྐྱོན་བཞི་པ་ལས་གྲོལ་ལོ། །དེ་ལྟར་སེམས་རང་ངོ་ཤེས་པས། ངོ་མ་ཤེས་པའི་སྐྱོན་རང་གྲོལ། ཐ་མལ་གྱི་ཤེས་པ་ཆོས་སྐུར་ཐག་ཆོད་པས། བཟང་དྲགས་ནས་བློར་མ་ཤོང་བའི་སྐྱོན་རང་གྲོལ་ཏེ། དངོས་གཞི་སྐྱོན་བཞི་རང་གྲོལ་ལོ། །རྐུན་བུའི་ངོ་སྤྲད་ཅེས་བྱ་བ་ནི། སྔོན་འགྲོ་རྣམས་སྔར་ལྟར་སྔོན་དུ་སོང་ནས་མདུན་གྱི་བར་སྣང་སྟོང་སང་ངེ་བ་དེ་ལ་ཁ་དོག་དང་དབྱིབས་ལ་སོགས་པའི་དངོས་པོར་གྲུབ་པ་གང་ཡང་མེད། མདངས་མ་འགགས་པར་སང་ངེ་སྣང་། དེ་དང་རང་གི་སེམས་ཀྱང་དབྱེ་བ་མེད་དེ། གསལ་སྟོང་དབྱེར་མེད་དམ་རིག་

[Full Size]

སྟོང་དབྱེར་མེད་དེ་ཀ་སེམས་ཉིད་དམ་ཆོས་ཀྱི་ཆོས་ཉིད་དམ། དངོས་པོ་གཤིས་ཀྱི་གནས་ལུགས་ཅེས་བྱ་སྟེ། ས་ར་ཧས། སེམས་ནི་ནམ་མཁའ་ལྟ་བུར་བཟུང་བྱས་ཏེ། ནམ་མཁའི་རང་བཞིན་ཉིད་དུ་སེམས་ཀྱང་བཟུང་བར་བྱ། །ཞེས་དང་། གདོད་ནས་དག་པའི་ནམ་མཁའི་རང་བཞིན་ལ། །ལྟས་ཤིང་མཐོང་བ་འགག་པར་འགྱུར། །བརྟག་གཉིས་ལས། ཡེ་ཤེས་འདི་ནི་ཆེས་ཕྲ་སྟེ། །རྡོ་རྗེའི་ནམ་མཁའི་དཀྱིལ་ལྟ་བུ། །རྡུལ་བྲལ་མཐར་ཕྱིན་ཞི་བ་ཉིད། །ཁྱོད་རང་ཡང་ནི་དེ་ཡི་ཕ། །ཞེས་གསུངས། དགོངས་པ་བླ་མེད་ལས། རང་རིག་ཙམ་གྱི་ཡེ་ཤེས་ནི། །ནམ་མཁའ་ལྟ་བུར་མཚན་ཉིད་མེད། །ཞེས་གསུངས། མདོ་ལས། སྨྲ་བསམ་བརྗོད་མེད་ཤེས་རབ་ཕ་རོལ་ཕྱིན། །མ་སྐྱེས་མི་འགག་ནམ་མཁའི་

[Full Size]

ངོ་བོ་ཉིད། །སོ་སོ་རང་རིག་ཡེ་ཤེས་སྤྱོད་ཡུལ་བ། །དུས་གསུམ་རྒྱལ་བའི་ཡུམ་ལ་ཕྱག་འཚལ་ལོ། །ཞེས་གསུངས། དེ་ནས་བླ་མ་དམ་པའི་བྱིན་རླབས་ཀྱི་སེམས་རང་གིས་རང་རིག་ཅིང་ཉམས་སུ་མྱོང་བའི་ཚེ། ཉམས་སུ་མྱོང་དུ་ནི་ཡོད་ལ། ཚིག་ཏུ་བརྗོད་རྒྱུའམ། དངོས་པོ་ཅན་གྱི་བསྟན་རྒྱུ་ནི་མེད་དེ། ཏིལ་ལོ་པས། ཀྱཻ་ཧོ་འདི་ནི་རང་རིག་ཡེ་ཤེས་ཏེ། །ངག་གི་ལམ་འདས་བློ་ཡི་སྤྱོད་ཡུལ་མིན། །ཏི་ལོ་ངས་ནི་ཅི་ཡང་བསྟན་རྒྱུ་མེད། །རང་གིས་རང་ཉིད་མཚོན་ཏེ་ཤེས་པར་བྱ། །ཞེས་གསུངས། ས་ར་ཧས། ཁ་དོག་ཡི་གེ་ཡོན་ཏན་དཔེ་བྲལ་བ། །སྒྲ་རུ་མི་བཏུབ་གྱི་ན་ཙམ་གྱིས་མཚོན། །གཞོན་ནུ་མའི་ཡི་བདེ་བ་སྙིང་ལ་ཞེན་པ་བཞིན། །དབུག་དབྱུང་དམ་པ་དེ་ནི་སུས་ཀྱང་བསྟན་ནུས་སམ། །ཞེས་གསུངས་སོ། །རིག་པ་གསལ་སྟོང་དེ་ཉིད་ལ། ཀུན་གཞི་གཉུག་མ་

[Full Size]

རང་བཞིན་གྱི་རྣམ་དག་ཞེས་བྱ་སྟེ། རྒྱན་སྟུག་པོ་བཀོད་པ་ལས། རིག་པ་གསལ་སྟོང་ཀུན་གཞི་སྟེ། །ལུང་མ་བསྟན་དུ་གྲགས་པའོ། །ཞེས་གསུངས། འཁོར་འདས་དབྱེར་མེད་ཅེས་ཀྱང་བྱ་སྟེ། བརྟག་གཉིས་ལས། འདི་ཉིད་འཁོར་བ་ཅེས་བྱ་སྟེ། །འདི་ཉིད་མྱ་ངན་འདས་པ་ཉིད། །འཁོར་བ་སྤངས་པར་གྱུར་པ་ཡི། །མྱ་ངན་འདས་པ་མི་རྙེད་དེ། །འཁོར་བའི་རང་བཞིན་གང་ཡིན་པ། །དེ་ཉིད་མྱ་ངན་འདས་ཞེས་བརྗོད། །ཅེས་གསུངས། ཀླུ་སྒྲུབ་ཀྱིས། འཁོར་བ་དང་ནི་མྱ་ངན་འདས། །གཉིས་འདིར་ཡོད་པ་མ་ཡིན་ཏེ། །ཞེས་བཤད། འཕེལ་འགྲིབ་མེད་པ་ཞེས་ཀྱང་བྱ་སྟེ། བདེ་མཆོག་རྩ་རྒྱུད་ལས། སངས་རྒྱས་རྣམས་ནི་བྱོན་གྱུར་རམ། །མ་བྱོན་གྱུར་ཀྱང་རྣམ་ཀུན་ཏུ། །བསམ་གྱི་མི་ཁྱབ་ཡེ་ཤེས་འདི། །འཕེལ་འགྲིབ་སྤངས་ཏེ་གནས་པ་

[Full Size]

ཡིན། །ཞེས་གསུངས། བསལ་བཞག་མེད་པ་ཞེས་བྱ་སྟེ། །ནམ་མཁའ་རིན་པོ་ཆེའི་མདོ་ལས། འདི་ལ་བསལ་བྱ་ཅི་ཡང་མེད། །བཞག་པར་བྱ་བ་ཅུང་ཟད་མེད། །ཡང་དག་ཉིད་ལ་ཡང་དག་བལྟ། །ཡང་དག་མཐོང་ན་རྣམ་པར་གྲོལ། །ཞེས་གསུངས། སྐྱབས་འགྲོ་ཞེས་ཀྱང་བྱ་སྟེ། རིམ་ལྔ་ལས། ཇི་ལྟར་ཆུ་ལ་ཆུ་བཞག་དང་། །མར་ལ་མར་ནི་བཞག་པ་ལྟར། །རང་གི་རིག་པའི་ཡེ་ཤེས་འདི། །ལེགས་མཐོང་གང་ཡིན་འདིར་ཕྱག་ཡིན། །ཞེས་གསུངས། སེམས་བསྐྱེད་ཅེས་བྱ་སྟེ། གསང་འདུས་ལེའུ་གཉིས་པ་ལས། དངོས་པོ་འདི་དག་མ་སྐྱེས་པ། །ཆོས་དང་ཆོས་ཉིད་མེད་པ་སྟེ། །ནམ་མཁའ་ལྟ་བུར་བདག་མེད་པས། །བྱང་ཆུབ་ཚུལ་འདི་བསྟན་པའོ། །ཞེས་གསུངས། བཤགས་པ་ཞེས་ཀྱང་བྱ་སྟེ། །ཕྱོགས་བཅུ་རྒྱས་པའི་མདོ་ལས། གང་ཞིག་མཐོལ་ཚངས་བྱེད་

[Full Size]

འདོད་ན། །དྲང་པོར་འདུག་ལ་ཡང་དག་ལྟོས། །ཡང་དག་ཉིད་ལ་ཡང་དག་བལྟ། །ཡང་དག་མཐོང་ན་རྣམ་པར་གྲོལ། །འདི་ནི་འགྱོད་ཚངས་མཆོག་ཡིན་ནོ། །ཞེས་གསུངས། བསྐྱེད་རྫོགས་དབྱེར་མེད་ཅེས་ཀྱང་བྱ་སྟེ། ཡེ་ཤེས་རྒྱ་མཚོའི་རྒྱུད་ལས། །སྣང་བའི་ཆ་ལ་བསྐྱེད་རིམ་དང་། །སྟོང་པའི་ཆ་ལ་རྫོགས་རིམ་སྟེ། །བསྐྱེད་རྫོགས་མ་ཡིན་ཆོས་འགའ་མེད། །དབྱེར་མེད་ཚུལ་འདི་བསྟན་པའོ། །ཞེས་གསུངས། བསྔོ་བ་སྨོན་ལམ་ཞེས་ཀྱང་བྱ་སྟེ། བྱམས་པས། ཡོངས་སུ་བསྔོ་བ་ཁྱད་པར་ཅན། །དེ་ཡི་བྱེད་པ་མཆོག་ཡིན་ཏེ། །དེ་ནི་དམིགས་མེད་རྣམ་པ་ཅན། །ཕྱིན་ཅི་མ་ལོག་ཞེས་གསུངས་སོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་ཀྱང་བྱ་སྟེ། དེ་ལས། ཚུ་རོལ་ཕ་རོལ་མཐའ་ལ་མིན། །དེ་དག་བར་ན་མི་གནས་པས། །དུས་རྣམས་མཉམ་པ་ཉིད་ཤེས་

[Full Size]

ཕྱིར། །ཤེས་རབ་ཕ་རོལ་ཕྱིན་པར་འདོད། །ཅེས་གསུངས། རང་བཞིན་གྱི་འོད་གསལ་བ་ཞེས་ཀྱང་བྱ་སྟེ། བརྒྱད་སྟོང་པ་ལས། སེམས་ལ་སེམས་མ་མཆིས་པ་སྟེ། །སེམས་ཀྱི་རང་བཞིན་འོད་གསལ་བའོ། །ཞེས་གསུངས། འོག་མིན་ཞེས་ཀྱང་བྱ་སྟེ། རྒྱན་སྟུག་པོ་བཀོད་པ་ལས། སེམས་ཉིད་བདེ་སྟོང་ལྷན་ཅིག་སྐྱེས། །འོག་མིན་གཙང་མའི་གནས་མཆོག་གོ ། ཞེས་གསུངས། གནས་ཆེན་ཞེས་ཀྱང་བྱ་སྟེ། བདེ་མཆོག་རྩ་རྒྱུད་ལས། རྣལ་འབྱོར་ཆེ་མཆོག་ཧེ་རུ་ཀ ། ཡུལ་ཕྱོགས་གང་ན་གནས་གྱུར་པ། །ཡུལ་ངན་མཐའ་ཁོབ་ཡིན་གྱུར་ཀྱང་། །ཡུལ་དེ་ཤིན་ཏུ་རྟག་པ་ཡིན། །ཞེས་གསུངས། བསམ་མི་ཁྱབ་ཀྱི་རྒྱུད་ལས། སེམས་ཀྱི་སྟེངས་སུ་ཡུལ་ཉི་ཤུ་རྩ་བཞིའི་དབྱེ་བ་རྒྱས་པར་ཡང་གསུངས་སོ། །དེ་ནས་གོ་ཡུལ་དང་བརྟག་དཔྱད་ལ་མ་ལྟོས་པར་བླ་མའི་བྱིན་རླབས་

[Full Size]

ཀྱིས། རང་གི་སེམས་ཉིད་ཀྱི་སྒྲོ་འདོགས་ནང་དུ་ཆོད་པའི་རྣལ་འབྱོར་པ་དེ་ལ། ལྟ་བྱ་ལ་སོགས་པའི་ཡུལ་ཕྱིར་མ་ལུས་བསྒོམ་བྱེད་ལ་སོགས་པའི་ཤེས་པ་ནང་དུ་མ་ལུས་པར་འཁོར་འདས་ཐམས་ཅད་གཉིས་མེད་ཀྱི་རྟོགས་པ་རང་སེམས་སྐད་ཅིག་མའི་ངོ་བོར་ཀྲོང་ངེ་བ་དེ་ལ། བློ་བྲལ་གྱི་དྲན་པས་ཆུ་བོའི་རྒྱུན་བཞིན་ཉམས་སུ་བླངས་ན་རྟོགས་པ་མངོན་གྱུར་གྱི་སངས་རྒྱས་ཀྱི་ཐབས་ཀྱི་རྣམ་པ་མ་ཚང་བ་མེད་པ་མ་འདྲེས་པ་ཡོངས་རྫོགས་སུ་ཡར་ལྡན་པ་དེ། དཀར་པོ་ཆིག་ཐུབ་ཞེས་བྱའོ། །སྟོང་རྐྱང་ཆིག་ཐུབ་ཏུ་བྱས་པ་དེ་དང་ཁྱད་པར་ཡོད་དོ། །སྡུད་པ་ལས། རྒྱལ་པོ་གྲོང་དུ་མ་འགྲོ་ཡུལ་འཁོར་མི་འགྲོ་ལ། །རང་གི་ཡུལ་ནས་འདུ་བ་ཐམས་ཅད་སྡུད་པ་ལྟར། །དེ་ནི་ཆོས་ཉིད་རྒྱ་མཚོ་གང་དུ་ཡང་མི་འགྲོ་ལ། །སངས་རྒྱས་ཡོན་ཏན་གང་ཡིན་

[Full Size]

ཐམས་ཅད་སྡུད་པར་བྱེད། །ཅེས་དང་། ཤིང་མཁན་གཟོ་བོ་མཁས་པས་སྐྱེས་པ་བུད་མེད་དང་། །འདྲ་བའི་བཟོ་བྱས་དེ་ཡང་བྱ་བ་ཐམས་ཅད་བྱེད། །དེ་བཞིན་ཤེས་རབ་སྤྱོད་མཁས་བྱང་ཆུབ་སེམས་དཔའ་ཡང་། །རྣམ་པར་མི་རྟོག་ཡེ་ཤེས་བྱ་བ་ཐམས་ཅད་བྱེད། །ཅེས་གསུངས་པའི་དོན་ཡིན་ནོ། །དེས་ནས་མཉམ་བཞག་བློ་བྲལ་གསལ་སྟོང་ནམ་མཁའ་ལྟ་བུ་དེའི་ངང་ལ། འཁྲུལ་པའི་རྗེས་སུ་མ་ཡེངས། བློས་བྱས་ནས་མི་བསྒོམ་པར། དུས་རྟག་ཏུ་མཉམ་པར་བཞག་སྟེ། མར་མེའི་རྩེ་མོ་རབ་བཅིངས་དང་། །ཆུ་བོའི་རྒྱུན་ནི་རབ་འབབ་ལྟར། །རྟག་ཏུ་དེ་ཉིད་རྣལ་འབྱོར་པས། །ཉིན་དང་མཚན་དུ་མཉམ་པར་བཞག །ཅེས་བརྟག་གཉིས་ལས་གསུངས། ས་ར་ཧས། རྦ་རླབས་མེད་པའི་དབང་ཕྱུག་མཆོག །རྟོག་པ་མེད་པའི་བསམ་གཏན་ཆེ། །ཆུ་དང་མར་མེ་རང་གསལ་

[Full Size]

ཉིད་དུ་ཞོག །ཅེས་གསུངས་སོ། །འོ་ན་རྣམ་པར་རྟོག་པ་བྱུང་ན་ཇི་ལྟར་བྱ་ཞེ་ན། །ནི་གུ་མའི་ཞལ་ནས། ཆོས་སྐུའི་ནམ་མཁའི་རྟོགས་པའི་སྤྲིན་ཚོགས་ལས། །དུག་ལྔའི་གློག་འགྱུ་ཡེ་ཤེས་ཆེན་པོར་ལྟོས། །ཞེས་གསུངས། ས་ར་ཧས། ཆུ་བུར་ཉིད་ཡིན་ཆུ་ལས་ཐ་དད་མེད། །ཨ་མ་གཞན་ནས་བུ་དེ་སྐྱེ་མི་འགྱུར། །ཞེས་གསུངས། ཤ་བ་རི་པས། རྦ་རླབས་རི་བོ་འདྲ་ཡང་རྒྱ་མཚོའི་ངང་། །འཁྱག་རུམ་བྲག་འདྲ་ཆུ་ལས་ཡོང་མི་གདའ། །ཞེས་གསུངས། ཐག་པ་ལ་སྦྲུལ་འཛིན་ལྟར་མ་རྟོགས་པའི་དུས་ན་རྟོགས་པའམ། འཁྲུལ་པ་ཞེས་བཏགས་ཀྱང་རྟོགས་ན་དེ་ཉིད་ཆོས་སྐུ་ཡིན་ཏེ། སེམས་སྐྱེ་བ་མེད་པ་ཆོས་ཀྱི་སྐུ་ཡིན་པའི་ཕྱིར། དེ་ལས་བྱུང་བའི་སེམས་བྱུང་རྟོག་པའམ། ཆོས་ཀྱི་སྐུ་ལས་མ་འདས་སོ། །དེའི་དོན་རང་གི་རྒྱུད་ཐོག་ཏུ་སྦྱར་ན།

[Full Size]

ཡུལ་གྱི་བཟང་མོ་གཅིག་མཐོང་བས་རྐྱེན་བྱས་ནས། ནང་སེམས་ལ་ཆགས་པ་གཉེན་པོ་བརྟེན་མི་བཟོད་པ་གཅིག་སྐྱེས་པའི་ཚེ། དེའི་རྗེས་སུ་འབྲངས་ན་སོ་སོ་སྐྱེ་བོ་ཐ་མལ་པ་མི་སྡུག་པ་ལ་སོགས་པ་གཉེན་པོས་སྤངས་ན་ཐེག་པ་དམན་པའི་ལམ། །བྱང་ཆུབ་ཀྱི་སེམས་ཀྱིས་སྦྱངས་ན། ཕ་རོལ་དུ་ཕྱིན་པ་སྐུ་དང་ཡེ་ཤེས་སུ་བསྒྱུར་ནས་ཉམས་སུ་བླང་ན་སྔགས་ཕྱི་པ་སྟེ། ཕྱག་རྒྱ་ཆེན་པོའི་ཉམས་ལེན་གྱིས་རང་སར་མ་བསླེབས་སོ། །དེས་ན་རྗེས་སུ་མི་འབྲང་། མི་སྤོང་། མི་སྦྱོང་། མི་བསྒྱུར། འདོད་ཆགས་དེ་ཉིད་བདེ་སྟོང་ངམ། སོ་སོར་རྟོག་པའི་ཡེ་ཤེས་སུ་ངོ་ཤེས་པས། ལམ་དུ་བྱེད་པ་ནི། གསང་སྔགས་རྡོ་རྗེ་ཐེག་པ་སྟེ། སྐྱེས་པ་མ་འགགས་པའི་འདོད་ཆགས་དེ་ཉིད་ཀྱི་སྟེང་དུ། རང་བབས་གསུམ་གྱི་ངང་ནས་སེམས་བཅས་བཅོས་མེད་པར་གློད་ནས་བཞག་པས། མདངས་དེ་

[Full Size]

མ་འགགས་ལ། གཤིས་དགག་སྒྲུབ་དང་བྲལ་བའི་འཛིན་མེད་ཆོས་སྐུར་ཏ་ལེ་བ་དེ་ལ་སོ་སོར་རྟོག་པའི་ཡེ་ཤེས་ཤེས་བྱ་སྟེ། ཉོན་མོངས་པ་འདོད་ཆགས་ལས་དག་གྲོལ་ཐོབ་པའི་རྒྱུར་སོང་བ་དེ་ལ། གསང་སྔགས་ཐབས་ལ་མཁས་པའམ། ཐབས་ལ་མ་རྨོངས་པ་ཞེས་བྱ་བའི་དོན་ཡིན་ཏེ། དེ་ཙ་ན་རང་ཉིད་བཅོམ་ལྡན་འདས་མགོན་པོ་འོད་དཔག་ཏུ་མེད་པའམ། འདོད་ཆགས་རྡོ་རྗེ་ཞེས་བྱ་བའི་གོ་འཕང་ཐོབ་ལ། ས་ག་ན་འདུག་ཀྱང་བདེ་བ་ཅན་ཡིན་ཏེ། བདེ་མཆོག་རྩ་རྒྱུད་ལས། གང་དུ་བསྡད་ཀྱང་གཞལ་ཡས་ཁང་། །སུ་དང་འགྲོགས་ཀྱང་ཡི་དམ་ལྷ། །ཇི་ལྟར་བྱས་ཀྱང་ཆོས་ཀྱི་སྐུ། །དོན་དུ་མི་འགྱུར་གང་ཡང་མེད། །ཅེས་གསུངས། སྒྲོན་གསལ་ལས། སྐྱེས་བུ་འདོད་ཆགས་ཅན་དོན་དུ། །དེ་ཡི་བྱེད་པ་རྡོ་རྗེ་སེམས། །ཞེས་གསུངས། བརྟག་གཉིས་ལས། འདོད་ཆགས་མེ་ཡིས་

[Full Size]

ཚིག་པ་ལ། །མེ་དེ་ཉིད་ཀྱི་གདུང་བར་བྱ། །ཞེས་དང་། ཆགས་པས་འཇིག་རྟེན་འཆིངས་གྱུར་ལ། །འདོད་ཆགས་ཉིད་ཀྱིས་རྣམ་གྲོལ་འགྱུར། །ཞེས་གསུངས། མཚན་བརྗོད་ལས། སྟོང་པ་ཉིད་དགའ་འདོད་ཆགས་བློ། །སྲིད་པའི་འདོད་ཆགས་སོགས་སྤངས་པ། །ཞེས་གསུངས་པ་རྣམས་ཀྱི་དོན་ཡིན་ནོ། །དེ་བཞིན་དུ་ཞེ་སྡང་ལ་གསལ་སྟོང་། གཏི་མུག་ལ་རིག་སྟོང་ལ་སོགས་པ་ངན་རྟོག་ཕྲ་རགས་གང་སྐྱེས་ཀྱི་ཐོག་ཏུ་ཉམས་སུ་བླང་བར་བྱའོ། །འདམ་བུ་གཅིག་ཁོག་སྟོང་ན། ཀུན་ཁོག་སྟོང་ཟེར་བའི་ཚུལ་ཡིན་ཏེ། ས་ར་ཧས། གང་མ་སྤངས་ཤིང་གོས་པ་མེད་པའི་ཡེ་ཤེས་ལྡན། །ཞེས་དང་། ཐག་པ་མེ་ཚིག་དག་གིས་འཆིང་མི་ནུས། །ཞེས་གསུངས་པས། ཉོན་མོངས་པ་གཉེན་པོས་མ་སྤངས་ལ། ཉོན་མོངས་པ་རང་རྒྱུད་པའི་དྲི་མས་མ་གོས་པ་དེ་ལ། ཉོན་མོངས་

[Full Size]

ཡེ་ཤེས་ཞེས་བྱའམ། རྣམ་རྟོག་ཆོས་སྐུའི་ལམ་ཁྱེར་ཞེས་བྱའོ། །དེས་ན་ཉོན་མོངས་དང་ཡེ་ཤེས་སམ། རྣམ་རྟོག་དང་ཆོས་སྐུའི་བར་ན་ངོ་ཤེས་མ་ཤེས་སམ། རྟོགས་མ་རྟོགས་སམ། རིག་མ་རིག་གམ། ཁ་ཕྱིར་བལྟ་ནང་བལྟའི་ཁྱད་པར་ཙམ་ལས་མེད་དོ། །རྣམ་རྟོག་རང་རྒྱུད་པ་ཆོས་སྐུ་ཡིན་ཞེས་སྨྲས་པ་ནི། མགོ་བོ་འཕོངས་སུ་སྒོམ་པ་དང་འདྲ་སྟེ། སེམས་སེམས་ལོག་གོ ། གཞན་ཡང་བླ་མའི་མོས་གུས་གདུངས་པའམ། བསྐྱེད་རིམ་གསལ་རྗེན་པའམ། སྙིང་རྩེ་ལྷག་པའམ། རྗེས་སུ་ཡི་རང་བ་ལ་སོགས་པའི་བཟང་རྟོག་རྣམས་ཆོས་གཞན་གྱི་ལུགས་ཀྱི་ལམ་མ་ནོར་བ་ཡིན་མོད། འདིའི་ལུགས་ཀྱི་ཆོས་སྐུ་ངོ་མ་ཤེས་ན། ལམ་ཕྱག་རྒྱ་ཆེན་པོའི་རང་སར་མ་སླེབ་པས་བཟང་རྟོག་གང་སྐྱེས་ཀྱང་དེའི་ཐོག་ཏུ་སྔར་བཞིན་བརྗོད་དེ་བཞག་

[Full Size]

པས། མདངས་མོས་གུས་སུ་དུང་ངེ་བ་མ་འགགས་བཤིས་འཛིན་མེད་ཆོས་སྐུར་ཏ་ལེ་ཤེས་པ་དེ་མོས་གུས་ཕྱག་རྒྱ་ཆེན་པོ་ཡིན། བསྐྱེད་རིམ་དང་སྦྱར་ནས་ཉམས་སུ་བླངས་ན་ལྷ་སྐུ་ཕྱག་རྒྱ་ཆེན་པོ་སྙིང་རྗེ་དང་སྦྱར་ནས་ཉམས་སུ་བླངས་ན་དམིགས་པ་མེད་པའི་སྙིང་རྗེ་ཆེན་པོ་ཞེས་བྱ་བ་ལ་སོགས་པ་བཟང་རྟོག་ཇི་སྙེད་པའི་སྟེང་དུ་སྦྱར་ལ་ཉམས་སུ་བླང་བར་བྱའོ། །སེམས་ཀྱི་འཆར་སྒོ་གཞིར་བཞག་པ་ལ། གནས་འགྱུ་གཉིས་གཅིག་ལས་མི་འདའ་བས། གནས་ན་གནས་པ་དེ་ཉིད་རང་གསལ་ཆོས་སྐུར་ངོ་ཤེས་པས་ཉམས་སུ་བླང་གིས། ཆེད་དུ་སྤྲོ་དོན་ཡང་མེད། འགྱུས་ན་དེ་ཉིད་ཆོས་སྐུར་ངོ་ཤེས་པས་ཉམས་སུ་བླང་གིས། ཆེད་དུ་སྡུ་དོན་ཡང་མེད་དོ། །དེས་ན་གང་ཤར་སྒོམ་གྱི་ཡོ་ཡང་ཡིན་ཏེ། བློ་འགག་སྒྲུབ་དང་གྲུབ་མཐའི་སྒྲོག་ཏུ་མ་ཚུད་པར་བྱའོ། །གང་ཤར་རང་ངོ་ཤེས་ཤིང་

[Full Size]

ཐག་ཆོད་པ་ནི་ལྟ་བ། ངོ་ཤེས་རང་ཐོག་ཏུ་གནས་པ་ནི་བསྒོམ་པ། འགྲོ་འཆག་ཉལ་འདུག་ཐམས་ཅད་དུ་ངང་དེ་ལས་མི་འདའ་བ་སྤྱོད་པ། དེ་གཉིས་ཀ་སྐུ་གསུམ་དུ་ཐག་ཆོད་པས་འབྲས་བུའོ། །དེ་ལྟར་རང་སེམས་སྐད་ཅིག་མ་རང་ངོ་ཤེས། རང་ས་ཟིན་པའི་སྟེང་ན། ལྟ་སྒོམ་སྤྱོད་འབྲས་འཁོར་འདས་ཀྱིས་བསྡུས་པའི་ཆོས་ཐམས་ཅད་མ་འདྲེས་ལ་ཡོངས་སུ་རྫོགས་པ། མ་ཚང་བ་མེད་པ་ཚིག་ཉུང་ལ་དོན་རྒྱ་ཆེ་བའི་མན་ངག་ཅེས་བྱ། ཚེགས་ཆུང་ལ་དོན་ཆེ་བ་ཞེས་བྱ། གཅིག་ཤེས་ཀུན་ལ་མཁས་པ་ཞེས་བྱ། གསང་སྔགས་འབྲས་བུ་ལམ་དུ་བྱེད་པའམ། མངོན་སུམ་གྱི་ལམ་ས་ཞེས་བྱ། རྩོལ་བྲལ་གྱི་ཐེག་པ་ཞེས་བྱ་སྟེ། མ་རྟོགས་ལོག་རྟོགས་ཕྱོགས་རྟོགས་གསུམ་གྱི་དྲི་མ་ལས་གྲོལ་ལོ། །རྒྱལ་བའི་ཡུམ་ལས། གཟུགས་ཀྱིས་དེ་བཞིན་ཉིད་ཤེས་ན། །ཆོས་

[Full Size]

ཐམས་ཅད་ཀྱི་མདོ་དང་རྒྱས་པ་ཤེས་པར་འགྱུར་རོ། །ཞེས་དང་། གཟུགས་ཀྱི་དེ་བཞིན་ཉིད་མ་བཅིངས་མ་གྲོལ་བའོ། །ཞེས་དང་། གཟུགས་མི་ལེན་མི་འདོར་བའི་ཚུལ་དང་། །ཞེས་པ་རྣམ་མཁྱེན་གྱི་བར་དུ་གསུངས། མཚན་བརྗོད་ལས། སེམས་ཀྱི་སྐད་ཅིག་དོན་ཀུན་རིག །ཅེས་དང་། སྐད་ཅིག་གཅིག་གིས་བྱེ་བྲག་ཕྱེད། །ཅེས་གསུངས། དམ་པའི་ཞལ་ནས། བླ་མའི་བྱིན་རླབས་ཀྱིས་རྒྱུད་རང་གྲོལ་ལ་སོང་ན་གདམས་པ་སྙན་ངག་ཡིན་གསུང་། དེ་ལྟར་མ་རྟོགས་པ་ནི་ཕན་པ་ཡང་། དམ་པས། སྐད་ཅིག་མའི་འཚང་མ་རིག་ན། འདུས་མ་བྱས་ཀྱི་གནད་མ་གོ ། ཞེས་གསུངས། དགེ་བའི་རྩ་བ་རྫོགས་པའི་མདོ་ལས། བསྐལ་པ་སྟོང་དུ་ཚུལ་ཁྲིམས་བསྲུངས་བྱས་ཤིང་། །ཡུན་རིང་དུས་སུ་བསམ་གཏན་བསྒོམ་བྱས་ཀྱང་། །ཡང་དག་ཉིད་མཐའ་འདི་ནི་མི་ཤེས་ན། །དེ་དག་ང་

[Full Size]

ཡི་བསྟན་ལ་མུ་སྟེགས་ཡིན། །ཞེས་གསུངས། གནས་ལུགས་རྡོ་རུས་ཐུག་པའི་ཉམས་ལེན་རྣལ་མ་གཅིག་མ་རྟོགས་པ། ཆོས་ཕྱོགས་ཀྱི་བྱ་བ་གཞན་ཐམས་ཅད་ལས་རོ་ཡིན་པར་གསུངས། འདི་དག་ཉམས་སུ་ལེན་པའི་གང་ཟག་གི་རིམ་པ་ནི་བཞི་སྟེ། དབང་པོ་ཡང་རབ་སྐྱེ་བ་སྔ་མ་ནས་ངེས་དོན་ལ་སྦྱངས་པ་སྔོན་དུ་སོང་ནས་དུས་འདིར་བླ་མའི་བྱིན་རླབས་ཀྱི་གནས་ལུགས་གཅིག་ཆར་ངོ་འཕྲོད་དེ། རྟོགས་པ། གྲོལ་བ། བརྟན་པ་ཐོབ་པ་དུས་མཉམ་པས། ལམ་སྒོམ་པ་ལ་མི་ལྟོས་པ་སྟེ། རྒྱལ་པོ་ས་ཀ་ར་སིདྡྷི་ལྟ་བུའོ། །བསམ་མི་ཁྱབ་ཀྱི་རྒྱུད་ལས། རྟོགས་དང་གོམས་དང་མཐར་ཕྱིན་པ། །འདི་ལ་ཡོད་པ་མ་ཡིན་ཏེ། །རྟོགས་པའི་སྐད་ཅིག་དེ་ཉིད་ལ། །བཅུ་བཞིའི་ས་ལ་ངེས་པར་གནས། །ཅེས་གསུངས་པ་བཞིན་ནོ། །དབང་པོ་རབ་བླ་མའི་བྱིན་རླབས་ཀྱི་ངོ་འཕྲོད་དོ། །གང་ཤར་ཆོས་

[Full Size]

ཉིད་དུ་རང་ཤར་དུས་སྙམ་པ་སྟེ། ཏོག་རྩེ་པས། ཐ་མལ་ཤེས་པ་སྙིང་གི་དབུས་སུ་སད། །ཚོགས་དྲུག་དག་ན་བདེ་བ་རྒྱུན་ཆད་མེད། །བྱས་པ་ཐམས་ཅད་དོན་མེད་སྡུག་བསྔལ་རྒྱུ། །བསྒོམ་དུ་མེད་དོ་གཉུག་མའི་ངང་དུ་ཞོག། ཞེས་གསུངས། སངས་རྒྱས་ཡེ་ཤེས་ཞབས་ཀྱིས། །དུས་གསུམ་སངས་རྒྱས་ངོ་བོ་ཉིད། །དེ་ཡི་རང་བཞིན་རང་གི་སེམས། །རྟོགས་པ་འདོད་ན་ཇི་བཞིན་རྟོགས། །སྒོམ་པ་བྱས་ན་མངོན་དུ་གྱུར། །ཅེས་གསུངས་པ་ལྟར་རོ། །འབྲིང་ནི་སྐད་ཅིག་དང་པོ་ལ། །ཉོན་མོངས་རྣམ་རྟོག་ཏུ་སྐྱེ་ལ། །གཉིས་པ་ལ་ཆོས་ཉིད་དུ་གྲོལ་བ་དང་། དབང་པོ་ཐ་མ་ལ་རྣམ་པར་རྟོག་པ་ལ་འཕྲད་དུ་བཟུང་རྗེས་སུ་མི་འབྲང་། ཡོངས་སུ་ཤེས་པ་གསུམ་གྱིས་ཉམས་སུ་ལེན་པ་སྟེ། ལམ་འབད་རྩོལ་ཆེ་ཆུང་གིས་བཞག་སྟེ། ཀླུ་སྒྲུབ་ཀྱིས། ཇི་ལྟར་ཤིང་ལ་མེ་གནས་པ། །མ་བསྲུབ་བར་དུ་འབྱུང་མི་འགྱུར། །

[Full Size]

དེ་བཞིན་གོམས་མེད་སངས་རྒྱས་ནི། །ཚེ་འདི་ཉིད་ལ་འབྱུང་མི་འགྱུར། །ཞེས་གསུངས་སོ། །དེས་ན་འདིར་བཤད་པའི་ཁྲིད་ཀྱི་རིམ་པ་འདི་རྣམས་ཇི་ལྟར་བཤད་པ་བཞིན་ཁྲིགས་ཆགས་སུ་དགོས་པའི་ངེས་པ་ནི་མེད་དེ། སློབ་མ་འདི་རྣམས་ཀྱི་རྒྱུད་ཚོད་ཤེས་པས། གང་ལ་གང་མཁོ་སྐབས་སུ་གང་བབས་ཀྱིས་ཚུལ་གྱིས་བཀྲི་བར་བྱ་སྟེ། སློབ་མ་ཇི་ལྟར་ཡིན་ཡང་ཁྲིད་ཚུལ་གཅིག་གིས་ཁབ་མིག་ཏུ་ཁུ་ཚུར་བ་ཚུད་པ་ལྟ་བུ་ནི་བླ་མ་ཉམས་མྱོང་དང་མི་ལྡན་པའི་སྐྱོན་ཡིན་ཏེ། མན་ངག་སྙེ་མ་ཆུང་བ་ལས། སློབ་དཔོན་སློབ་མའི་བསམ་ཤེས་ནས། །ཅི་རིགས་པར་ནི་ངེས་སྦྱོར་བ། །སློབ་དཔོན་ཡིན་པར་ཐུབ་པས་གསུངས། །མཁས་པས་སློབ་མ་བསྡུ་བྱ་ཡིས། །རྨོངས་པས་སློབ་མ་བསྡུ་བྱ་མིན། །ཞེས་གསུངས་པ་ལྟར་རོ། །དེ་རྣམས་ཀྱི་དངོས་གཞི་གསང་ཚིག་རྡོ་རྗེའི་རྒྱ་ཡིས་རྐུ་ཐབས་སུ་ངོ་སྤྲད་

[Full Size]

པས་སྐྱོན་བཞི་རང་སར་གྲོལ་བའི་མན་ངག་ཅེས་བྱ་སྟེ། །ཐབས་དེ་ལ་བརྟེན་ནས། སྣང་སེམས་དབྱེར་མེད་ཐ་མལ་གྱི་ཤེས་པ་ཡིད་ལ་མི་བྱེད་པ་རང་ཤར་ཞེས་བྱ་བ་འབྱུང་བར་འགྱུར་རོ། །དེ་བརྟེན་པའི་ཚད་མཉམ་རྗེས་དང་བྲལ་བའི་འཁོར་མའོ། །ཞེས་གསུངས་སོ། །གསུམ་པ་རྗེས་སྐུ་གསུམ་རང་ཤར་བོགས་འདོན་གེགས་སེལ་དང་བཅས་པ་ལ་གཉིས་ལས། སྐུ་གསུམ་རང་ཤར་དང་རྗེས་ཤེས་བོགས་འདོན་ནོ། །དང་པོ་ནི་རང་ཤར་ངོས་བཟུང་བྱ། ཐག་བཅད་ངེས་ཤེས་བསྐྱེད། །ཡེངས་མེད་ཆུ་བོ་བརྟེན། ལོ་ཟླས་མཐར་ཕྱིན་ནོ། །ཞེས་གསུངས་པའི་དོན་ནི། སྔོན་འགྲོ་རང་བབས་ཀྱི་བཟོ་མེད་དུ་གློད་པས་ཐ་མལ་གྱི་ཤེས་པ་ཡིད་ལ་མི་བྱེད་པར་རང་ཤར་དུ་འབྱུང་། འདི་ཀ་དུས་གསུམ་སངས་རྒྱས་ཀྱི་དགོངས་པ། རང་སེམས་སྐྱེ་བ་མེད་པ་ཆོས་ཀྱི་སྐུ་ཡིན་སྙམ་དུ་ངོས་བཟུང་། མདོ་རྒྱུད་ཐང་མ་བརྡལ། ཞོ་བཞིན་

[Full Size]

བསྲུབས་ཀྱང་། མཐར་ཐུག་གི་དོན་བསྐྱལ་བ་འདི་ལས་མེད་སྙམ་དུ་ཐག་བཅད་ཅིང་ངེས་ཤེས་བསྐྱེད། དེའི་དུས་ན་སེམས་ཡུལ་མེད་དུ་གསལ་བའམ། རིག་པའི་ཆ་གཅིག་འདུག་པ་དེ་སྤྲུལ་སྐུ། དེ་དག་ལ་རང་བཞིན་མེད་པའམ། སྤྲོས་པ་མེད་པའམ། འཛིན་མེད་སྟོང་པའི་ཆ་དེ་ཆོས་སྐུ། དངོས་པོར་འཛིན་པ་མེད་པའི་ཆ་དེ་བདེ་བ་ཆེན་པོའི་སྐུ། དེ་རྣམས་དབྱེར་མི་ཕྱེད་པའི་ཆ་ནས་ངོ་བོ་ཉིད་ཀྱི་སྐུ། དེ་ལྟར་རང་རིག་སྐུ་གསུམ་དབྱེར་མེད་དུ་ཐག་ཆོད་པའི་ངང་ལས། ཡིད་བྱེད་ཀྱི་མཁན་པོ་ཟད་པ་ནི། ཀུ་སུ་ལུའི་གླེན་གཏམ་དུ་ཐ་མལ་གྱི་ཤེས་པ་ཞེས་བྱ་བའམ། ཆོས་སྐད་དུ་རྣམ་པར་མི་རྟོག་པའི་ཡེ་ཤེས་ལ་སོགས་པ་མང་དུ་བཤད་དེ། ནི་གུ་མས། ཡིད་ལ་མི་བྱེད་རེ་དོགས་ཀུན་བྲལ་བའི། །ཐ་མལ་ཤེས་པ་ཁྱོད་ལ་ཕྱག་འཚལ་ལོ། །ཞེས་གསུངས། མཻ་ཏྲི་པས། ཉམས་སུ་མྱོང་བ་ཐ་མལ་ཉིད། །ནམ་མཁའ་ལྟ་

[Full Size]

བུའི་ངོ་བོར་གསལ། །རེ་དོགས་བླང་དོར་གཉིས་འཛིན་མེད། །འདི་རྟོགས་ཀུན་ཏུ་བཟང་པོའོ། །ཞེས་དང་། ཡང་ཐ་མལ་གྱི་ཤེས་པ་དེ། ཁོག་མེད་དེ་མཚན་མ་དང་བྲལ། །ཡོན་ཏན་མེད་དེ་རེ་བ་དང་བྲལ། ཡི་གེ་མེད་དེ་བརྗོད་པ་དང་བྲལ། དཔེས་མཚོན་པར་མི་ནུས་ཏེ་བསྒྲུབ་བྱ་དང་བྲལ་བའོ། །བུ་མོ་ལོ་བཅུ་དྲུག་ལོན་པའི་བདེ་བ་སྙིང་ལ་ཞེན་པ་བཞིན་དུ། མྱོང་དུ་ཡོད་ཀྱང་བརྗོད་པའི་ཐ་སྙེད་ཀྱིས་གཏན་ལ་དབབ་ཏུ་ཡོད་པ་མ་ཡིན་ནོ། །དེ་ལྟར་རྟོགས་པ་ནི་ས་བཅུའི་དབང་ཕྱུག་དམ་པ་སྟེ། ཞེས་གསུངས་སོ། །ཡང་རིག་པ་སྟོང་པར་རྟོགས་པའི་ཆ་དེ། ཇི་ལྟ་བའི་ཡེ་ཤེས། མདངས་མ་འགགས་པར་སྣང་བའམ། གསལ་བའི་ཆ། རང་ངོ་ཤེས་པ་ནི་ཇི་སྙེད་པ་མཁྱེན་པའི་ཡེ་ཤེས་སོ། །ཡང་ན་སྐུ་གསུམ། མཻ་ཏྲི་པས། སེམས་ཉིད་མ་བཅོས་ཆོས་ཀྱི་སྐུ། །སྣང་བ་བདེ་ཆེན་ལོངས་སྤྱོད་རྫོགས། །འགྲོ་འོང་སེམས་ཅན་སྤྲུལ་པའི་

[Full Size]

བདག །དམ་པ་དག་ལས་རྟོགས་པའོ། །ཡང་དེ་ཉིད་ཀྱིས། ཆོས་སྐུ་གཉུག་མའི་ངོ་བོ་དག །བདག་ཉིད་ལ་ནི་ཡོད་པས་ཏེ། །དུས་གསུམ་སངས་རྒྱས་འབྱུང་བའི་ལམ། །ཞེས་གསུངས། བསྐྱང་ཐབས་ནི། དེ་ཉིད་ཀྱིས། སྣང་སྲིད་ཐམས་ཅད་ཆོས་ཀྱི་སྐུ། །ཆུ་ཟླ་ལྟ་བུའི་ངོ་བོ་ཉིད། །དབང་པོའི་ཡུལ་ཕྲ་བདེ་བའི་འོད། །དྲན་པ་བརྟེན་པ་མཆོག་ཡིན་ནོ། །སྤྱོད་ལམ་བཞི་ལ་སྔོན་འགྲོ་བའི། །དྲན་པས་དེ་བཞིན་ཉིད་དུ་བསྟེན། །སེམས་ཉིད་བླ་མ་དམ་པར་བསྟེན། །ཞེས་གསུངས་སོ། །དེ་བསྟེན་པའི་ཚད་ནི། སྔར་གང་ཟག་གི་རིམ་པས་ཡང་རབ་རྣམས་ལ་མི་ལྟོས་རབ་ཟླ་དྲུག་གམ་ལོ། །འབྲིང་འཆི་ཀའམ་བར་དོ། །ཐ་མ་སྐྱེ་བ་བདུན་ལ་སོགས་པ་ན་ལུས་གཟུགས་སྐུ་དང་། སེམས་ཆོས་སྐུ་བརྟན་པ་ཐོབ་བོ། །དེ་ནི་སྐུ་གསུམ་ཐ་མལ་གྱི་ཤེས་པ་ཡིད་ལ་མི་བྱེད་པ་རང་ཤར་ཞེས་བྱའོ། །དེ་བརྟན་པའི་ཚད་ནི།

[Full Size]

འཕྲིན་ལས་ལྷུན་གྲུབ་ཚད་མེད་རང་ཤར་ནི། །སྐྱེ་མེད་ཀྱི་ངང་ལས་འགགས་མེད་ཀྱི་སྙིང་རྗེ་ཤར་སྟེ། འཁོར་བའི་རྒྱ་མཚོ་མ་སྟོངས་ཀྱི་བར་དུ་དོན་གཉིས་རྒྱུན་མི་འཆད་པར་འབྱུང་བ་སྟེ། ས་ར་ཧས། གཉིས་མེད་སེམས་ཀྱི་སྡོང་པོ་དམ་པ་ནི། ཁམས་གསུམ་མ་ལུས་ཀུན་ཏུ་ཁྱབ་པར་སོང་། །སྙིང་རྗེའི་མེ་ཏོག་གཞན་ཕན་འབྲས་བུ་འཛིན། །མིང་ནི་མཆོག་ཏུ་གཞན་ལ་ཕན་པའོ། །ཞེས་གསུངས་པ་ལྟར་རོ། །གཉིས་པ་བོགས་འདོན་དང་གེགས་སེལ་ལ་གཉིས་ལས། བོགས་འདོན་ནི། ཚད་མེད་གཉིས་ལ་འབད་ཅེས་གསུངས་པས། འདིའི་དོན་ཉམས་སུ་ལེན་པ་ལ་གསུམ་སྟེ། བླ་མའི་མོས་གུས་ཚད་མེད་པ་ལ་བརྟེན་ནས་འབོགས་འདོན་པ། སེམས་ཅན་ལ་སྙིང་རྗེ་ཚད་མེད་པ་ལ་བརྟེན་ནས་བོགས་འདོན་པ་དང་། ཐབས་ལམ་ཁྱད་པར་ཅན་ལ་བརྟེན་ནས་བོགས་འདོན་པའོ། །དང་པོ་ནི། སྤྱིར་ནང་དུ་དགེ་སྦྱོར་རྒྱུད་ལ་སྐྱེས་ན་བླ་མའི་དྲིན་དུ་ཤེས་ཏེ།

[Full Size]

མོས་གུས་ཤུགས་འབྱུང་དུ་སྐྱེ་བ་ཆོས་ཉིད་ཡིན། དེ་ལ་བརྟེན་ནས་དགེ་སྦྱོར་ལ་བོགས་འདོན་གོང་ནས་གོང་དུ་འབྱུང་། གལ་ཏེ་བོགས་ཆུང་བའམ། མོས་གུས་སྐྱེར་མ་འདོད་ན་སླར་མོས་གུས་གནད་དུ་བཏང་བའི་ཐབས་ནི། ངས་སེམས་ཡིན་ལུགས་ལ་ཁྲིད་ཚུད་ནས་ཁ་ནང་དུ་ཟློག་ཤེས་པ་འདི་བླ་མའི་བྱིན་རླབས་ཡིན། ཁྱི་རྒན་མི་ཁྱུ་རུ་འཇུག་པའི་བླ་མ་འདི་དྲིན་རེ་ཆེ་སྙམ་དུ་བསམ་ལ། སྔར་གྱི་བླ་མའི་རྣལ་འབྱོར་དང་ལྡན་པས་གསོལ་བ་ཕུར་ཚུགས་སུ་བཏབ་པས། བློ་སྣ་བླ་མས་ཕྲོགས་པའི་མོས་གུས་ཚད་ལྡན་དུ་སྐྱེས་པ་དང་། གསོལ་བ་གདབ་བྱའི་ཡུལ་བླ་མ། འདེབས་པ་པོ་བདག་ཉིད། མོས་གུས་གདུངས་གདུངས་པ་དང་གསུམ་ཀ་སེམས་སུ་ཐག་བཅད། སེམས་ཉིད་མ་བཅོས་པའི་ངང་དུ་སྔར་བཞིན་གློད་པས། གདངས་མོས་གུས་སུ་དུང་ངེ་བ་མ་འགགས་པ། བཤིས་འཛིན་མེད་དུ་ཏ་ལེ་བའི་ཆོས་སྐུ་

[Full Size]

རང་ཤར་དུ་འབྱུང་། དེས་མེ་འབར་བ་ལ་ཤིང་བསྣན་པ་བཞིན་དུ། མོས་གུས་ཀྱི་གསལ་འདེབས་དེ་ལ་བརྟེན་ནས། ཡང་གནས་ལུགས་ལ་བོགས་འབྱུང་། དེ་ལ་བརྟེན་ནས་མོས་གུས་མཐར་ཐུག་པ། སྣང་སྲིད་འཁོར་འདས་ཀྱི་ཆོས་ཐམས་ཅད་རང་གི་སེམས་ཆོས་སྐུའི་བླ་མར་རྟོགས་པ་འབྱུང་སྟེ། ས་ར་ཧས། ཆུ་བོ་ལྟ་བུའི་སེམས་ཀྱིས་གཉིས་ལྟ་ཟིལ་གནོན་ཅིང་། གང་ཡང་མ་སྤངས་གོས་པ་མེད་པའི་ཡེ་ཤེས་ལྡན། །བློ་མ་སྤངས་ཤིང་བློ་ཡི་རྣམ་པ་གནས་གྱུར་པ། །བླ་མའི་ཞལ་གྱི་བདུད་རྩི་ལས་ནི་འབྱུང་། །ཞེས་དང་། སེམས་དང་སེམས་ལས་འབྱུང་ཞེས་ཐ་སྙེད་པ་རྣམས་ཀྱིས། །བཏགས་པ་འདི་ནི་རྣལ་འབྱོར་པ་ཡི་གྲོགས་རྣམས་སུ། །འགྱུར་བར་བྱེད་པ་བླ་མའི་ཞལ་གྱི་པདྨོ་སྟེ། །ཐམས་ཅད་དགེ་བའི་བཤེས་སུ་འགྱུར་པ་དེ་ལས་འབྱུང་། །ཞེས་གསུངས། ནི་གུ་མས། ས་བཅུ་ལམ་ལྔའི་རིམ་པ་

[Full Size]

རྣམས། །མོས་གུས་སྟོབས་ཀྱིས་བགྲོད་པར་བྱ། །ཞེས་གསུངས། འཕགས་པ་ལྷས། འདི་ནི་བླ་མའི་ཁ་དོག་ལས། །སྦྱོར་བ་རབ་ཏུ་སྟོན་པ་ཡིན། །ཞེས་གསུངས་པས། གེགས་སེལ་བོགས་འདོན་ཐམས་ཅད་བླ་མའི་མོས་གུས་གཅིག་པུ་ལས་འབྱུང་བས། ནད་བརྒྱ་སྨན་གཅིག་གིས་སེལ་བའི་གདམས་པ་ཞེས་བྱའོ། །གཉིས་པ་ནི། ཡིན་ལུགས་རྟོགས་ན། དེ་མ་རྟོགས་ཀྱི་སེམས་ཅན་ལ་སྙིང་རྗེ་ངང་གིས་འཇུག་པ་ཆོས་ཉིད་ཡིན་པས། གལ་ཏེ་མ་སྐྱེས་ན་བློ་བཅོས་ལ་བསྒོམ་པ་ནི། བདག་དང་ཁམས་གསུམ་གྱི་སེམས་ཅན་རྣམས། །ལུས་གཟུགས་སྐུ་དང་། སེམས་ཆོས་སྐུའི་སྙིང་པོ་ཅན་དུ་རང་ལ་རང་ཆས་སུ་འབྲལ་མེད་དུ་ཡོད་པ་ལ། སེམས་བཟུང་འཛིན་དུ་མ་རིག་པའི་སྦུབས་སུ་ཚུད་དེ་རང་ངོ་མ་ཤེས་པས་ཁམས་གསུམ་དུ་འཁོར་ཞིང་། རིགས་དྲུག་ཏུ་འཁྱམས། དེ་ལ་ད་དུང་སུན་

[Full Size]

པ་དང་སྐྱོ་བ་མེད་པ་སྙིང་རྗེ་སྙམ་དུ་སྒོམ། སྙིང་རྗེ་ཚད་ལྡན་དུ་སྐྱེས་པ་དང་བསྒོམ་བྱའི་ཡུལ་སེམས་ཅན་སྒོམ་པ་པོ་བདག་ཉིད། སྒོམ་རྒྱུ་སྙིང་རྗེ་རང་གི་ངོ་བོ་ཐམས་ཅད་རང་གི་སེམས་སུ་ཐག་བཅད། རང་གི་སེམས་ཕྱག་རྒྱ་ཆེན་པོའི་ངང་དུ་སྔར་བཞིན་གློད་པས། གདངས་མ་འགགས་པའི་སྙིང་རྗེ་རུ་རྩེ་ལྷག་གེ་བཤིས་འཛིན་མེད་ཆོས་སྐུར་ཏ་ལེ་བ་དེ་ལ། དམིགས་པ་མེད་པའི་སྙིང་རྗེའམ། སྟོང་ཉིད་སྙིང་རྗེ་དབྱེར་མེད་ཅེས་བྱ་སྟེ། །སྡུད་པ་ལས། སྙིང་རྗེ་ཆེན་པོ་སྐྱེས་ཀྱང་སེམས་ཅན་འདུ་ཤེས་མེད། །དེ་ཚེ་ཤེས་རབ་ཕ་རོལ་ཕྱིན་མཆོག་སྤྱོད་པ་ཡིན། །ཞེས་གསུངས། ཀླུ་སྒྲུབ་ཀྱིས། སྟོང་ཉིད་སྙིང་རྗེའི་སྙིང་པོ་ཅན། །བྱང་ཆུབ་སྒྲུབ་པ་ཁ་ཅིག་ལའོ། །ཞེས་གསུངས། དེ་ལས་གཞན་སྙིང་རྗེ་དང་བྲལ་བའི་སྟོང་པས་ནི། ཐེག་དམན་དུ་གོལ་ལ། སྟོང་ཉིད་དུ་མ་ཟིན་པའི་སྙིང་རྗེས་ནི་འཁོར་བ་འདའ་མི་ནུས་ཏེ། ས་ར་ཧས། སྙིང་རྗེ་

[Full Size]

དང་བྲལ་སྟོང་པ་ཉིད་ཞུགས་གང་། །དེ་ཡིས་ལམ་མཆོག་བརྙེད་པ་མ་ཡིན་ནོ། །འོན་ཏེ་སྙིང་རྗེ་འབའ་ཞིག་བསྒོམས་ན་ཡང་། །འཁོར་བ་འདི་ལས་ཐར་པ་ཐོབ་མི་ནུས། །གང་ཞིག་གཉིས་པོ་སྦྱོར་བ་ནུས་པ་དེས། །འཁོར་བར་མི་གནས་མྱ་ངན་འདས་མི་གནས། །ཞེས་གསུངས་སོ། །གསུམ་པ་ཐབས་ལམ་ཁྱད་པར་ཅན་གྱི་བོགས་འདོན་པ་ནི། ཐ་མལ་ཤེས་པ་རླུང་དང་བསྲེ། །རྣམ་རྟོག་མ་རིག་འགགས་པར་འགྱུར། །ཞེས་པ་ནི། ཐ་མལ་གྱི་ཤེས་པ་རང་ངོ་ཤེས་པའི་མཉམ་བཞག་གི་སྟེང་ནས། འཇམ་རླུང་རྩོལ་བ་མི་དྲག་ཙམ་བཟུང་བས་སེམས་རང་གནས་ཏེ། རླུང་གཞོན་པ་དང་འདྲ། རྟོག་པ་སྐྱེས་བུ་དང་འདྲ་བའི་གནད་ཀྱིས་སོ། །འོད་གསལ་ལྷ་སྐུ་རླུང་དང་བསྲེ། །ཉམས་མྱོང་ཡར་ངོ་བཞིན་དུ་འགྱུར། །ཞེས་པ་ནི་རང་ལྷ་སྐུར་གསལ་བའི་ངང་ནས་རླུང་སྔར་བཞིན་བཟུང་བས།

[Full Size]

གང་ཤར་གྱི་སྣང་ཐོག་ཏུ་གླང་པོ་ཆེའི་ལྟ་སྟངས་བཅས་ཏེ། འཛིན་མེད་དུ་ཏ་ལ་ལ་ལམ་དུ་འཁྱེར་བ་ནི་ཉིན་མོའི་འོད་གསལ་ཡིན་ལ། དེའི་ཤུགས་རྨི་ལམ་དུ་འགྲོངས་ཏེ་ལམ་དུ་འཁྱེར་བ་ནི་མཚན་མོའི་འོད་གསལ་ལོ། །འཆི་ཁར་ཡུལ་ཡུལ་ཅན་ཐིམ། ཨ་ཧཾ་དྷུ་ཏིར་འཚོགས་པའི་འདུ་འཕྲོད་ལས། བཟུང་འཛིན་གྱིས་སྟོང་པའི་ཆོས་ཐམས་ཅད་ནམ་མཁའ་ལྟ་བུ། ལུས་ཅན་འཆི་བ་ཐམས་ཅད་ལ་རང་ཤར་དུ་འབྱུང་བ་དེ་ལ་ནི་མའི་འོད་གསལ་ཡིན་ལ། སྔར་ཉིན་མཚན་དུ་གོམས་པ་དེ་ལ་ནི་བུའི་འོད་གསལ་ལོ། །དེ་གཉིས་ཆུ་དང་འོ་མ་འདྲེས་པ་བཞིན་འཕྲད། སྔར་འདྲིས་ཀྱི་མི་དང་འཕྲད་པ་བཞིན་ངོ་ཤེས། ཆུ་ལ་ཆུ་བཞག་པའམ། མར་ལ་མར་བཞག་པ་བཞིན་དུ་གཅིག་ཏུ་གྱུར་ཏེ། གཉིས་འདྲེས་ཆུ་བོའི་རྒྱུན་ལྟར་གྱུར་ནས་རང་དོན་ཆོས་སྐུ་ལ་བརྟན་པ་ཐོབ། སྐྱེ་མེད་ཀྱི་ངང་ལས་འགག་མེད་དག་པའི་སྒྱུ་

[Full Size]

ལུས་ལངས་ཏེ། སྐུ་གཉིས་དོན་གཉིས་འཁོར་བ་མ་སྟོངས་ཀྱི་བར་དུ་རྒྱུན་ཆད་མེད་པར་འབྱུང་བ་ནི། །བར་དོ་དང་པོའི་འོད་གསལ་འབྱོངས་པའོ། །དེར་བརྟན་པ་ཐོབ་ནས། ལུས་གཟུགས་སྐུ་སེམས་ཆོས་སྐུ། །བསྐྱེད་རྫོགས་དབྱེར་མེད་ལ་རྩལ་སྦྱངས་པས། སྔར་བཞིན་འབྱུང་བའོ། །དེ་གཉིས་བར་དོའི་འོད་གསལ་ལོ། །ཟུང་འཇུག་ཤེས་པ་རླུང་དང་བསྲེ། །འབྲས་བུ་སྐུ་གསུམ་མངོན་དུ་འགྱུར། །ཞེས་པའམ། སྐུ་གསུམ་ཤེས་པ་རླུང་དང་བསྲེ། །འབྲས་བུ་སྐུ་གསུམ་མངོན་དུ་འགྱུར། །ཞེས་ཀྱང་གསུངས་པས། དེའི་དོན་ནི་བསྐྱེད་རིམ་གྱི་སྟེང་ནས་རླུང་སྔར་བཞིན་བཟུང་ནས། ཐ་མལ་གྱི་ཤེས་པ་འཛིན་མེད་ཀྱི་ངང་དུ་གློད་པའོ། །ལུས་བསྐྱེད་རིམ་ཡན་ལག་བདུན་ལྡན་དུ་སྒོམ་པ་ལོངས་སྤྱོད་རྫོགས་པའི་སྐུ། སེམས་མི་རྟོག་པར་འཇོག་པ་ཆོས་ཀྱི་སྐུ། དེ་གཉིས་

[Full Size]

དབྱེར་མེད་པ་ངོ་བོ་ཉིད་ཀྱི་སྐུའོ། །ཡང་ན་གསལ་བ་ལས་ནི་སྤྲུལ་པའི་སྐུ། །བདེ་བ་ལས་ནི་ལོངས་སྤྱོད་རྫོགས། །མི་རྟོག་པ་ལས་ནི་ཆོས་ཀྱི་སྐུ། །སྐུ་གསུམ་དབྱེར་མེད་ངོ་བོ་ཉིད། །ཅེས་གསུངས་པ་ལྟར་རོ། །གཞིའི་སྐུ་གསུམ། འབྲས་བུའི་སྐུ་གསུམ་བྱེ་བྲག་ཕྱེད་པར་བྱས་ཏེ། གཞི་སྐད་ལམ་ལ་མི་དགབ། ལམ་སྐད་འབྲས་བུ་ལ་མི་དགབ། །གཞི་སྐད་ལམ་ལ་དགབ་ན་ཐབས་ལ་བསླུ་བའི་བདུད་དུ་འགྱུར། ལམ་སྐད་འབྲས་བུ་ལ་དགབ་ན། དག་པ་ལ་བསླུ་བའི་བདུད་དུ་འགྱུར་རོ། །དེང་སངས་ནི་སེམས་མ་བཅོས་པ་འདི་ཀ་སངས་རྒྱས་ཡིན་ནོ་ཞེས་ལམ་གྱི་རྩོལ་བ་དོར་སྟེ། ཐབས་ལ་གཡེལ་ཞིང་རྒྱུ་འབྲས་ཁྱད་དུ་གསོད་པ་རྣམས་ལ་རྟོགས་ལྡན་དང་། ལྟ་བ་མཐོན་པོ་ཡིན་ནོ་ཞེས་ཀུན་གྱིས་ཆེ་བ་བརྗོད་དེ། དེ་ནི་རྨོངས་པའི་གླེན་སྒོམ། མུན་པའི་མདའ་འཕེན། ལོང་བའི་དབྱུག་སྐོར་ཡིན་པས་

[Full Size]

ཐར་པའི་ལམ་མི་ཆོད་པས། སྟབས་ལེགས་ན་ཉན་ཐོས་ཀྱི་འགོག་པ། ཉེས་ན་གཟུགས་མེད་ཀྱི་སྐྱེ་མཆེད་མུ་བཞི། དེ་མིན་ནའང་ངན་སོང་གསུམ་དུ་སྐྱེ་བར་འགྱུར་ཏེ། མདོ་ལས། མི་མཁས་པ་དག་སྟོང་ཉིད་བསྒོམ་ན་ཡང་། །དེ་ཡི་བདག་ཏུ་འཛིན་པ་བཟློག་མི་འགྱུར། །དེ་ཡི་དངོས་པོ་འཛིན་པ་ཕྱིར་ཞིང་འཕེལ། །ལྷག་སྤྱོད་ཀྱིས་ནི་ཏིང་འཛིན་འདིར་བསྒོམ་ཞིང་། །ཞེས་དང་། རིགས་ཀྱི་བུ། ལྷག་སྤྱོད་ཀྱིས་སྟོང་ཉིད་ལོ་བཅུ་གཉིས་བསྒོམས་པས་ཤིས་ནས་བྱི་ལར་སྐྱེ་བར་བཤད། འགའ་ཞིག་ཇ་ཆང་ལ་མངོན་པར་ཞེན་ནས། སྟོང་ཉིད་རྟོགས་པ་དང་བསྒོམ་པའི་དུས་མ་ཡིན་ཞེས་ཟེར་རོ། །དེ་ཡང་གནས་ལུགས་དང་མཐུན་པ་མ་ཡིན་ཏེ། རྡོ་རྗེ་ཕྲེང་བའི་རྒྱུད་ལས། དེ་ཁོ་ན་ཉིད་མི་ཤེས་ཤིང་། །དོན་དམ་པ་ཉིད་སུན་འབྱིན་པ། །མེད་པར་བལྟ་དང་ཚུལ་ཁྲིམས་འཆལ། །གཏམ་

[Full Size]

དང་ཚིག་ནི་བཀྱལ་བ་དང་། །འདྲི་བ་ལ་སོགས་མི་བྱ་ཞིང་། །སེ་གོལ་ཏོག་པ་ཙམ་དུ་ཡང་། །དེ་དང་ལྷན་ཅིག་གནས་མི་བྱ། །ཞེས་གསུངས། རིན་པོ་ཆེ་ཕུང་པོའི་མདོ་ལས། ལ་ལས་དགེ་སྡིག་རྣམས་ནི་མེད་ཅེས་ཟེར། །དེ་ཡི་དམ་ཆོས་ཕྱིན་ཅི་ལོག་ཏུ་བཤད། །ལ་ལས་སྟོང་ཉིད་སྒོམ་པའི་དུས་མིན་ཟེར། །དེ་ཡི་དམ་ཆོས་ཕྱིན་ཅི་ལོག་ཏུ་བཤད། །ཅེས་གསུངས། དེས་ན་ཐབས་ཁྱད་པར་ཅན་དང་འབྲེལ་བའི་རྣམ་ཀུན་མཆོག་ལྡན་གྱི་སྟོང་པ། རང་གི་སེམས་ཉིད་རྣལ་མའི་སྟེང་དུ་ངོ་འཕྲད་ནས་ཉམས་སུ་ལེན་པ་ནི། ལམ་གོལ་འཆུག་མེད་པ་དབུ་མའི་ལམ་མ་ནོར་བ་སྟེ། གེགས་སེལ་བོགས་འདོན་ལ་སོགས་པ་ཐམས་ཅད་དེའི་སྟེང་དུ་རྟོགས་པར་བྱ་སྟེ། མགུར་ལས། གཟུགས་རྣམས་སྣ་ཚོགས་ལྟ་བ་དང་། སྒྲ་ནི་རྒྱས་པར་ཉན་པ་དང་། །སྨྲ་བ་དང་ནི་རྒོད་པ་དང་། །ལས་དེ་རྣམས་ནི་བྱེད་པ་ན། །

[Full Size]

སེམས་ནི་གཞན་དུ་མི་འགྲོ་བས། །དེ་ཉིད་རིག་པའི་རྣལ་འབྱོར་ལ། །རྣལ་འབྱོར་རྒྱུན་དུ་སྐྱེ་བར་འགྱུར། །ཞེས་གསུངས། ཀུན་ནས་སྒོའི་མདོ་ལས། འཇམ་དཔལ་གཟུགས་ཏིང་ངེ་འཛིན་དུ་རྟོགས་པར་བྱའོ། །ཞེས་བྱ་བའི་བར་དུ་རྒྱས་པར་གསུངས་སོ། །དེ་རྣམས་ཀྱིས་བོགས་འདོན་བཤད་ཟིན་ཏོ། །གཉིས་པ་གེགས་སེལ་ནི། དམ་ཚིག་གཉིས་སྤང་བར་བྱའོ། །ཞེས་གསུངས་པས། སྤྱིའི་དམ་ཚིག་ལ་འཇིག་རྟེན་ལས་འདས་པའི་དམ་ཚིག །སྡོམ་པ་གསུམ་དང་འགལ་བའི་ཉེས་ལྟུང་ཕྲ་ཞིང་ཕྲ་བས་ཀྱང་མ་གོས་པར་བྱེད་པ་དང་། འཇིག་རྟེན་པའི་དམ་ཚིག་གྲུབ་མཐའ་བློ་བསྒྱུར་བ་ཐམས་ཅད་ལ་ཁྱད་གསོད་སྤོང་བ་སྟེ། སྒྲོན་གསལ་ལས། རིམ་པ་གཉིས་ཀྱི་དོན་ཁོང་དུ་ཆུད་པས་ཀྱང་། འཇིག་རྟེན་དང་འཇིག་རྟེན་ལས་འདས་པའི་སྡོམ་པ་ཉམས་སུ་མ་བླངས་ན་དངོས་གྲུབ་

[Full Size]

རིང་བར་འགྱུར་རོ། །ཞེས་དང་། ཕ་རོལ་བ་གང་ཡང་རུང་། མཚན་མས་དབྱེ་བས་གནས་པ་རྣམས། །དེ་འདིར་གནས་པར་མི་བྱ་སྟེ། །རྡོ་རྗེ་སེམས་དཔའི་རྣམ་འཕྲུལ་ཡིན། །ཞེས་གསུངས། བྱེ་བྲག་འདིའི་ལུགས་ཀྱི་དམ་ཚིག་ནི། བླ་མའི་མོས་གུས་ལ་གཡེངས་ན། སྒོམ་རྒྱུད་ལ་སྐྱེ་བ་དང་བོགས་འཐོན་པའི་སྐབས་མེད་ལ། ལུས་ཀྱི་དྭངས་མ་ཉམས་ན་རྟེན་ཉམས་པས་བརྟེན་པ་སེམས་ལ་འོད་གསལ་མི་འཆར་བའི་ཕྱིར་འདི་གཉིས་དུས་ཐམས་ཅད་དུ་སྤང་བར་བྱའོ། །གཞན་ཡང་ཕྱག་རྒྱ་ཆེན་པོའི་སྤྱིའི་གེགས། གོལ་ས་གསུམ་དང་ཤོར་ས་བཞི་ལ་སོགས་པ་ངོས་བཟུང་ནས། ལམ་དུ་གཏོང་བའི་ཐབས་བཤད་ནའང་འགལ་བ་མེད་ཅིང་ཤིན་ཏུ་ཡང་ལེགས་སོ། །དེ་རྣམས་ཀྱིས་སྦྱོར་དངོས་རྗེས་གསུམ་ལམ་ཆ་ལག་དང་བཅས་པ་མ་ཚང་བ་མེད་པ་བསྟན་ཟིན་ཏོ། །འདིའི་སྐབས་སུའང་གང་ཟག་གི་དབང་

[Full Size]

པོ་དང་སྦྱར་ཏེ། ཁྲིད་ཚུལ་རྒྱས་འབྲིང་བསྡུས་གསུམ་སྐབས་དང་སྦྱར་ཏེ་ཤེས་པར་བྱའོ། །ཐུན་རེའི་སྔོན་དུའང་སྐྱབས་འགྲོ་སེམས་བསྐྱེད། ལུས་ཡི་དམ་དུ་གསལ་བའི་སྤྱི་བོར། བླ་མ་བསྒོམས་ལ་གསོལ་བ་བཏབ་སྟེ། དབང་བླང་བ་རྣམས་བྱ། དངོས་གཞི་རང་རང་ཐད་སོའི་དོན་ལ་མཉམ་པར་བཞག །རྗེས་བསྔོ་བ་དང་སྨོན་ལམ་གྱིས་རྒྱས་གདབ་པ་གསུམ་ཚང་བར་བྱའོ། །མདོ་རྒྱུད་བསྟན་བཅོས། བླ་མའི་མན་ངག་ཁྱད་པར་ཅན་སྐབས་སུ་བབས་པ་རྣམས་ཀྱིས། ཐད་ཀ་ཐད་ཀར་ངེས་ཤེས་བསྐྱེད་པར་བྱའོ། །འདིར་མན་ངག་འཆད་པ་མིན་ནམ་ལུང་མང་པོ་འདྲེན་པ་སྐབས་སུ་མ་བབས་སོ་སྙམ་ན། ཆོས་དྲུག་རྡོ་རྗེའི་ཚིག་རྐང་ལས། ལོག་ལྟས་རྒྱུད་དཀྲུགས་རྩོད་དུས་སྙིགས་མའི་དུས། །ཡང་དག་ཆོས་ནི་ཉིན་སྐར་རུས་སྦལ་སྤུ། །ལོག་འཚོས་ཚོང་དུས་འོ་མའི་ཆོས་སྤྱོད་

[Full Size]

ཚེ། །ཉམས་མྱོང་ལུང་དང་ཐེམས་ཡིག་བརྒྱན་པར་བྱའོ། །ཞེས་གསུངས་པས། བླ་མ་རང་གི་ཉམས་མྱོང་གིས་སློབ་མའི་སྐྱེ་ཚུལ་ཤེས་པ་སྐབས་སུ་བབ་ངེས་པའི་ལུང་བཅོས་པ་དང་བསྲེ་སླད་མི་འབྱུང་བའི་གནད་ཡིག་རྣམས་མེད་ན། བརྒྱུད་པ་ཆིག་བརྒྱུད་དང་། གདམས་པ་ཚོང་དུས་ཀྱི་འོ་མར་འགྱུར་བའི་སྐྱོན་ཡོད་གསུང་ངོ་། །ཡང་མདོ་རྒྱུད་ནས་ཇི་ལྟར་བཤད་པ་བཞིན་རྣལ་འབྱོར་པས་ཉམས་སུ་ལེན་ལ། ཉམས་སུ་ཇི་ལྟར་ལེན་པ་བཞིན་མདོ་བརྒྱུད་ནས་བཤད་པས། དེ་གཉིས་མི་འགལ་བར་རྟོགས་པས་ན། བློ་ཀོར་ལིང་དུ་མ་ལས་པ། གྲུབ་མཐའི་ཁ་ཟིན་མི་འབྱུང་སྟེ། ཆོས་ལ་བརྟེན་ནས་ལས་སྒྲིབ་མི་གསོག་པའི་ཕན་ཡོན་ཡོད་དོ། །དེ་ལྟ་མ་ཡིན་ན་སྒོམ་ཆེན་པ་དོན་ཉམས་སུ་ལེན་པ་ལ་ཚིག་ཐ་སྙེད་ཀྱིས་ཅི་བྱ་ཞེས་ན། ཚིག་ཤེས་པས་སྐྱོན་དུ་སོང་བ་ཙམ་དུ་ལྟའོ། །དེ་ནི་

[Full Size]

རྨོངས་པའི་ཚུལ་སྟེ། བྱམས་པས། གཟུགས་རྒྱན་རང་བཞིན་ཡོན་ཏན་མེ་ལོང་ནང་སོང་ན། །མཐོང་བའི་དབང་གིས་མི་རྣམས་རབ་ཏུ་དགའ་བའི་མཆོག་བསྐྱེད་པ། །དེ་ནི་ལེགས་གསུངས་རྟག་ཏུ་རང་བཞིན་ཡོན་ཏན་ལྡན་པ་ཡི། །ཆོས་ཀྱང་དོན་རྣམས་ཆེ་བས་མཁས་རྣམས་འདི་ན་དགའ་མཆོག་བསྐྱེད། །ཅེས་གསུངས། དོན་བཟང་པོ་ལ་ཚིག་ལེགས་པོས་བརྒྱན་ན་མཁས་པ་རྣམས་དགའ་བ་བསྐྱེད་པས་མཆོག་ཡིན་པས་སོ། །བཤད་པ་པོ་རྣམས་ན་རེ། ཐ་སྙེད་མི་ཤེས་པའི་བསྒོམ་ཐམས་ཅད་གླེན་སྒོམ་ཡིན་ནོ། །ཞེས་སུན་འབྱིན་ནོ། །དེ་ཡང་མི་རིགས་ཏེ། ཚིག་མ་ཤེས་ཀྱང་དོན་རྟོགས་པ་མི་འགལ་ལ། ཚིག་ཤེས་པ་ལ་དོན་རྟོགས་པས་མ་ཁྱབ་སྟེ། ཚིག་དོན་ལ་འགྲེལ་པ་མེད་པའི་ཕྱིར་རོ། །དེས་ན་སྔོན་དུ་ཐོས་པས་ནས། དེ་ནས་སྒོམས་པར་བྱེད་པ་

[Full Size]

ནི་མཆོག་ཡིན་ལ། ཐོས་པ་སྔོན་དུ་མ་སོང་ཡང་། བླ་མའི་བྱིན་རླབས་ཀྱིས། དོན་རྟོགས་ནས་གོམས་པར་བྱེད་པ་ཡང་མི་འགལ་བས་གཅིག་གིས་གཅིག་ལ་གཤེ་བར་མི་བྱའོ། །མདོ་རྒྱུད་རྒྱ་མཚོའི་བརྗོད་བྱ་སྙིང་པོའི་དོན། །སྐལ་དམན་འགྲོ་ལ་གསང་ཕྱིར་རྒྱུད་ཀུན་ཏུ། །སྦས་དོན་གསལ་བྱེད་རྩ་བ་རྡོ་རྗེའི་ཚིག །རྡོ་རྗེ་འཆང་ནས་རིམ་བཞིན་སྙན་ནས་སྙན། །དམ་པའི་སྐྱེས་བུ་བདུན་ལ་ལེགས་བརྒྱུད་པའི། །བླ་མ་དམ་པའི་གསུང་གི་བདུད་རྩི་འདི། །བདག་གིས་མོས་གུས་སྙིམ་པས་རབ་བླངས་ནས། །མྱོང་བས་ངོམས་འཐུངས་བློ་གྲོས་སྟོབས་རྒྱས་པས། །འགྲོ་ལ་ཕན་ཕྱིར་རྟོགས་པའི་ང་རོ་བསྒྲགས། །ཆོས་བདག་མཁའ་འགྲོའི་ཚོགས་རྣམས་མ་མཉེས་ན། །ཐུགས་རྗེ་གཉིས་མེད་ངང་དུ་བཟོད་པར་བརྗོད། །དུས་གསུམ་དགེ་བས་སྲིད་གསུམ་འགྲོ་བ་རྣམས། །

[Full Size]

ཡིན་ལུགས་མངོན་གྱུར་ཚེ་གཅིག་ལྡན་པར་ཤོག །ཕྱག་རྒྱ་ཆེན་པོ་རང་བབས་རྣམ་པ་གསུམ་གྱི་ཁྲིད་ཚུལ་རྣམ་བཞག་ལམ་གྱི་འཇུག་པ་ཞེས་བྱ་བ། བླ་མའི་གསུང་ལས་སྒྲོ་བཀུར་རང་བཟོ་སྤངས་ཏེ་བྲི་བསྣན་མེད་པར། སྲིན་པོ་རི་དོན་གྲུབ་པའི་དབེན་གནས་སུ། ཀུ་སུ་ལུ་པ་གཞོན་ནུ་གྲུབ་ཀྱིས་ཡེ་གེར་བཀོད་པའོ། །ཨིྀྠ། ཆོས་བརྒྱུད་འདིའི་མཐིལ་དུ་མི་འཇུག་ཅིང་། །ཆོས་འདི་རང་གིས་མྱོང་ཁྲིད་མ་ཚར་བ་ལ་དཔེ་བསྟན་ན་ཕྱག་དྲུག་པ་འཁོར་བཅས་ཀྱིས་སྡིགས་པར་འགྱུར་རོ། །འདི་བྲིས་དགེ་བ་ཕྱག་རྒྱ་ཆེན་པོའི་རྟོགས་པ་མངོན་དུ་གྱུར་པར་ཤོག །དགེའོ། །

མ་ཧཱ་མུ་དྲ།

[Full Size]

མ་ཧཱ་མུ་དྲ་བཞུགས་སོ། །

[Full Size]

བླ་མ་ཡི་དམ་ཆོས་སྐྱོང་དང་། །མཁའ་འགྲོའི་ཚོགས་ལ་གུས་པས་འདུད། །རང་ཉིད་མི་བརྗེད་ཐོ་ཙམ་ཞིག །འབྲི་བར་གནང་ཞིང་བྱིན་རླབས་སོ། །འདིར་ཡེ་ཤེས་ཀྱི་མཁའ་འགྲོ་མ་ནཻ་གུ་མ་ནས་བརྒྱུད་པའི་ཕྱག་རྒྱ་ཆེན་པོ་རང་བབས་རྣམ་གསུམ་གྱི་ཁྲིད་ལ་དོན་གསུམ་སྟེ། སྔོན་འགྲོ་དང་། དངོས་གཞི་དང་། རྗེས་སོ། །འདི་ཉམས་སུ་ལེན་པར་འདོད་པས། གནས་དབེན་པར་སྟན་བདེ་བ་ལ་འདུག་སྟེ།

[Full Size]

ཐོག་མར་སྐྱབས་འགྲོ་དང་། སེམས་བསྐྱེད་སྔོན་དུ་སོང་པས། རང་ཡི་དམ་གང་ཡིན་དུ་གསལ་བའི་སྤྱི་བོར་རིན་པོ་ཆེའི་ཁྲི་སེང་གེ་བརྒྱད་ཀྱི་བཏེག་པའི་སྟེང་དུ། པདྨ་དང་ཉི་ཟླའི་གདན་ལ། རང་གང་མོས་པའི་བླ་མ་དེ། འཛུམ་ཞིང་དགྱེས་པའི་ཞལ་རས་ཅན། འོད་དང་འོད་ཟེར་གྱི་རྣམ་པ། དྲན་པ་ཙམ་གྱིས་ཕྱིར་མི་ལྡོག་པར་འགྱུར་ན། གསོལ་བ་བཏབ་ན་ལྟ་ཅི་སྨོས་པ། ངོ་བོ་བླ་མ་ལོངས་སྐུའི་རྣམ་པ་ཅན་དུ་

[Full Size]

བསམ། དེའི་ཐུགས་ཀ་ནས་འོད་འཕྲོས་པས། སངས་རྒྱས་དང་བྱང་ཆུབ་སེམས་དཔའ། ཡི་དམ་ལྷ་ཚོགས། མཁའ་འགྲོ་ཆོས་སྐྱོང་། ཀ་ཁ་བསླབས་པ་ཡན་ཆད་ཀྱི་ཆོས་འབྲེལ་ཡོད་ཚད་ཀྱི་བླ་མ་དང་བརྒྱུད་པ་དང་བཅས་པ་རྣམས་འོད་ཀྱི་རྣམ་པར་སྤྱན་དྲངས་ཏེ་བསྟིམ་ནས། སྔར་བས་ཀྱང་འོད་དང་གཟི་མདངས་ཆེར་གྱུར་པས་བླ་མ་ཀུན་འདུས་ཡི་དམ་ཀུན་འདུས་པའི་བདག་ཉིད་དུ་བསམ། དེ་ནས་ཚེ་འདིའི་ཕ་མ་དང་། གནོད་བྱེད་གཞི་བདག་གིས་གཙོ་བྱས་ནམ་མཁའ་དང་མཉམ་པའི་སེམས་ཅན་ཐམས་ཅད། ལུས་གུས་པས་ཐལ་མོ་སྦྱར། ངག་གུས་པས་གསོལ་བ་འདེབས། ཡིད་གུས་པས་མོས་གུས་རྒྱུན་ཆད་མེད་པར་བྱེད་པར་བསམ་ནས། རང་གི་ངག་ཏུ། བླ་མ་རིན་པོ་ཆེ་ལ་གསོལ་བ་འདེབས་སོ། །བྱས་པ་དང་། སེམས་ཅན་ཐམས་ཅད་ཀྱང་ཀུ་དི་རི་རི་གསོལ་བ་འདེབས་པར་

[Full Size]

བསམ་ནས། བླ་མ་རིན་པོ་ཆེ། སེམས་ཅན་ཐམས་ཅད་ཀྱི་དོན་དུ་བདག་འཛིན་བློས་ཐོངས་པར་མཛད་དུ་གསོལ། དགོས་མེད་རྒྱུད་ལ་སྐྱེ་བར། འོད་གསལ་ཕྱག་རྒྱ་ཆེན་པོ་ད་ལྟ་ཉིད་དུ། མྱུར་བ་ཉིད་དུ། འདུག་ས་འདི་ཉིད་དུ་རྒྱུད་ལ་སྐྱེ་བར་བྱིན་གྱིས་བརླབ་ཏུ་གསོལ། །ཞེས་གསོལ་བ་རྩེ་གཅིག་ཏུ་གདབ་བོ། །དེ་ཡང་སྤྱིར་ཐེག་པ་ཆེ་ཆུང་ཐམས་ཅད་ཀྱི་རྩ་བ་བླ་མའི་མོས་གུས་ཡིན་པས། བླ་མ་སངས་རྒྱས་ཡིན་པ་དང་། དེ་ལ་གསོལ་བ་བཏབ་པས་དངོས་གྲུབ་ཐམས་ཅད་འབྱུང་བ་དང་། བརྒྱུད་པའི་བླ་མའི་གསུང་སྒྲོས་དང་། བླ་མ་གཉན་གྱི་གསུང་སྒྲོས་ལས་ངེས་སྐྱེ་བར་བྱས་ཏེ། གསོལ་བ་འདེབས་པ་ལ་བརྩོན་པར་བྱའོ། །དེ་ལྟར་གསོལ་བ་བཏབ་པའི་རྗེས་ལ། བླ་མའི་སྐུ་ལས་འོད་ཟེར་དཀར་པོ་དཔག་ཏུ་མེད་པ་བྱུང་ནས། རང་གི་ཚངས་པའི་བུ་ག་ནས་བཞུགས་ཏེ། དེས་སྒོ་གསུམ་གྱི་སྡིག་སྒྲིབ་

[Full Size]

དང་། ཉམས་ཆགས་འགལ་འཁྲུལ། དཀོར་སྐུ་གླུད་ལ་སོགས་པའི་ལྕི་བ་ཐམས་ཅད་བརྡས་ཏེ། བ་སྤུའི་བུ་ག་དང་། རྐང་མཐིལ་དང་། སོར་མོ་དང་། འོག་སྒོ་ལ་སོགས་པ་ནས་ནག་བུན་ཐོན་ནས། ལུས་ཕྱི་གསལ་ནང་གསལ་ཤེལ་གོང་དག་པ་ལྟར་གྱུར་ཏེ། ཕྱི་ཡི་དམ་གྱི་རྣམ་པ་ལ་ནང་སྟོང་ར་ཁྲུ་མ་ཕུས་བཏབ་པ་ལྟར་བསམ་མོ། །ཡང་བླ་མའི་སྐུ་ལས་ཐིག་ལེ་བདེ་བའི་རང་བཞིན་ཅན་ཁ་དོག་དཀར་པོ་ཉུངས་ཀར་གྱི་འབྲུ་ཙམ་དཔག་ཏུ་མེད་པ་བྱུང་ནས། རང་གི་ཚངས་བུག་ནས་ཞུགས་ཏེ། སྔར་བཞིན་དེས་དྲི་མ་ཐམས་ཅད་བརྡས་ནས་སྨིན་མཚམས་ཡན་ཆད་ཁེངས། ལུས་ཀྱི་སྡིག་པ་དག །བུམ་པའི་དབང་ཐོབ་པར་བསམ། དེ་བཞིན་དུ་མགྲིན་པས་ངག་དང་གསང་བ། སྙིང་གས་སེམས་དང་ཤེས་རབ་ཡེ་ཤེས། ལྟེ་བ་ཡན་ཆད་གང་། དེས་སྒོ་གསུམ་གྱི་དྲི་མ་ཐམས་ཅད་དག་ནས།

[Full Size]

དབང་བཞི་ཐོབ་པར་བསམ། མཐར་ལུས་ཐམས་ཅད་གང་སྟེ། དྲན་པའམ། འགུལ་བ་ཙམ་གྱིས་བདེ་མེར་པར་བསམ་ནས། རླུང་རོ་ལན་གསུམ་བུས་ལ། མི་རྟོག་པའི་ངང་ལ་བཞག་གོ ། དེ་ནས་དང་པོ་སྔོན་འགྲོ་རང་བབས་ཀྱི་ཆོས་རྣམ་པ་གསུམ་ནི། སྐྱབས་འགྲོ་སེམས་བསྐྱེད་དང་། བླ་མའི་རྣལ་འབྱོར་སྔོན་དུ་སོང་བས། ལུས་རང་བབས་རྐང་པ་བདེ་བའི་སྐྱིལ་ཀྲུང་ཡངས་པར་བཅའ། ལག་པ་ས་གནོན། སྒལ་ཚིགས་དྲང་པོར་བསྲང་། ལྟོ་བ་སྒལ་ཚིགས་པ་ལ་སྦྱར། དཔུང་པ་གདེངས་ཏེ་གྲེ་མོ་ལྟག་ཏུ་འཐེན་པས་རོ་སྟོད་ཚ་ཐང་ཙམ་བྱ། ལྕེ་རྐན་ལ་སྦྱར། སོ་དང་མཆུ་ཐ་མལ་དུ་བཞག་སྟེ། ལུས་གྲིམས་ཆ་མི་འདོན་པར། ཉྭ་བཞི་དང་རྩ་གཞི་གློད་ལ་ལས་མེད་དུ་བཞག་གོ ། ངག་རང་བབས་སྨྲ་བརྗོད་ཐམས་ཅད་དང་བྲལ་བ་དང་། རླུང་འབྱུང་འཇུག་ཙམ་ཡང་

[Full Size]

མི་བསམ་པར། ངག་ལས་མེད་དུ་བཞག་གོ ། སེམས་རང་བབས་དུས་གསུམ་གྱི་རྟོག་པས་དབེན་པར་བྱ་སྟེ། འདས་པའི་རྗེས་མི་བཅད། མ་འོངས་པའི་སྔོན་མི་བསུ། ད་ལྟ་བ་ལ་ལས་མི་འཆོལ་བར། མིག་གླང་པོ་ཆེའི་ལྟ་སྟངས་དང་མ་བྲལ་བར་བྱས་ཏེ། ཡེ་ཤེས་ཀྱི་མཁའ་འགྲོ་མའི་ཞལ་ནས། ལྷ་འདོད་ཆགས་སྐྱེས་པ་ལྟ་བུ་གསུང་། ཡིད་བསྒོམ་འདོད་ཀྱི་རྟོག་པས་དབེན་པར་བྱ་སྟེ། སྔོན་འགྲོ་བསྒོམ་པ་ཡིན་སྙམ་དུའང་མི་བསམ་པར། རྟེན་མེད་འཛིན་མེད་ཀྱི་ངང་དུ་ལྷོད་གློད་ལ་རང་བབས་སུ་བཞག །དེ་ལྟར་བཞག་པས་འདས་པའི་རྟོག་པ་འགགས། མ་འོངས་པའི་སྐྱེ་འཕྲོ་ཆད། ད་ལྟ་བ་རོ་མེད་ཁུང་སྟོར་དུ་སོང་ནས་རྟོག་མེད་ཀྱི་ཤེས་པ་གསལ་ལ་འཛིན་པ་མེད་པ་གཅིག་འབྱུང་། རེ་ཤིག་སྒོམ་རྒྱུ་དེ་ཡིན་པས་དེ་ཐོག་ཏུ་གློད་ལ་བཞག་གོ ། དེ་ལ་སྐྱེ་ན་ཤིགས་བཤིག་ལ། དྲན་ཐག་མ་ཆད་

[Full Size]

པའི་ངང་ནས་ངལ་བསོ། ཡང་བླ་མའི་རྣལ་འབྱོར་ནས་བསྒོམས་ཏེ་ཤ་ཅིག་ཟན་གཅིག་ཏུ་སྤེལ་ལ་ཉམས་སུ་བླང་ངོ་། །འདི་ལ་བསླབ་ཚུལ་བཞི་ལས། དང་པོ་ཕྲ་རགས་ལ་བསླབས་པའི་ཕྲ་བ་ལ་བསླབ་པ་ནི། མདུན་གྱི་དངོས་པོ་ཕྲ་མོ་གཅིག་ལ་བལྟས་ཏེ། ཆེ་ཆུང་དང་ལེགས་མི་ལེགས་ལ་སོགས་པའི་རྟོག་སྤྱོད་ཀྱང་མི་བྱེད། ཡེངས་སུ་ཡང་མི་འཇུག་པར། སྣང་ཡུལ་མ་འགགས་ལ་འཛིན་པ་མ་ཞུགས་ཙམ་བྱའི། བིའུ་རྟོད་ལ་མནན་པ་ལྟར་རྩིར་ཟིན་དུའང་མི་བྱེད་པར། མ་ཡེངས་པའི་རྟེན་ཙམ་དུ་བྱས་ལ། དམིགས་གཏད་དང་ཆེད་འཛིན་པར་ཧད་དེ། ཡུལ་གང་ལ་ཡང་རྟེན་མི་འཆའ་བར་ཕྱད་དེ་བཞག །དེ་ལྟར་བཞག་པས་ཤེས་པ་རྟོག་མེད་དུ་ལྷན་པའམ། །འཛིན་མེད་དུ་ཤིགས་པའམ། རྩོལ་མེད་དུ་ལྷོད་པ་གཅིག་འཆར་ཏེ། དེ་ཐོག་ཏུ་གློད་ལ་བཞག་

[Full Size]

ཡུན་རིངས་ན་བསྒོམ་བཞུག་སྐྱོན་ཅན་གྱིས་ཐུ་བས་ཤིགས་བཤིག་ལ་ངལ་བསོ། །ཡང་གསོལ་བ་བཏབ་ཏེ། མཉམ་པར་བཞག་པ་སྤེལ་མར་བྱའོ། །འདི་དག་གིས་དུས་སུ་སྔར་བས་རྟོག་པ་མང་དུ་སོང་བ་སྙམ་བྱེད་པ་འབྱུང་སྟེ། གཡོ་བའི་ཉམས་བྱ་བ་གནས་པ་མགོ་རྩོམ་པ་ཡིན་པས། སྤོང་ཡང་མི་སྤོང་རྗེས་སུ་ཡང་མི་འབྲང་པར་ངོས་ཟིན་ཙམ་བྱའི། རྟོག་པ་གང་སྐྱེས་ཏེ་རང་གི་སྟེང་དུ་གློད་ཅིང་བཞག་པས་རྟོག་པས་བང་ཟད་ནས་རྟོག་མེད་དུ་ལྷན་འགྲོའོ། །དེ་བཞིན་དུ་དངོས་པོ་རགས་པ་དང་། གཉིས་པ་ཡུལ་ཐག་ཉེ་རིང་ལ་བསླབ་པ་དང་། གསུམ་པ་གྱེན་ཐུར་ཐད་གསུམ་ལ་བསླབ་པ་ཡང་ཚུལ་འདྲ་སྟེ། འོན་ཀྱང་གྱེན་ལ་བསླབ་པ་ནི། བྱིང་ན་སེང་བ་ཡིན་ཅིང་། ཐུར་ལ་བསླབ་པ་ནི། རྒོད་ན་བསྡུ་བ་ཡིན་པས་བགེགས་སེལ་ལྟ་བུ་ཡིན་ནོ། །བཞི་པ་སྔགས་སྣ་ཚོགས། མདོ་

[Full Size]

སྣ་ཚོགས། སྤྱོད་ལམ་རྣམ་པ་བཞི་ལ་བསླབ་པ་ནི། །སྔོན་འགྲོའི་ཚད། སེམས་མ་བཅོས་ཐ་མལ་གྱི་ཤེས་པ་ཡིད་ལ་མི་བྱེད་པར་རང་ཤར། དེ་བརྟེན་པའི་ཚད། ལུས་ངག་གི་བྱ་བས་མི་འཕྲོག་པ་ཡིན་པས། དེ་བརྟན་མི་བརྟན་ལྟ་བ་ལ་སྔགས་སྣ་ཚོགས་པ་སོགས་ལ་སློབ་སྟེ། དེ་ཡང་སྔར་བཞིན་རྟོག་མེད་དུ་ལྷན་གནས་པའི་དུས་ན། སྔགས་བཟླ་བ་ལ་སོགས་དོ་གལ་ཆུང་ངེ་བ་བྱས་པས། སྔར་གྱི་དགེ་སྦྱོར་དེ་མི་འཆོར་ན་བརྟན་པ་ཡིན་ལ། འཆོར་ན་སྔར་བཞིན་སྐྱབས་འགྲོ་ནས་བརྩམས་ལ་རང་བབས་ལ་བཞག་སྟེ། སྤེལ་མར་སྦྱངས་ནས་ནམ་བརྟན་པར་གྱུར་གྱི་བར་བསྒོམ་མོ། །དེ་རྣམས་ནི་མཚན་མ་དང་བཅས་པ་ལ་བསླབ་པའོ། །གཉིས་པ་མཚན་མ་མེད་པ་ལ་བསླབ་པ་ནི། སྐྱབས་སུ་འགྲོ་བ་ནས་རང་བབས་གསུམ་ལ་བཞག་པའི་བར་སྔར་བཞིན་ལ། ཤེས་པ་མདུན་གྱི་བར་

[Full Size]

སྣང་སྟོང་པ་འདིར། ཡུལ་ལ་ཕར་མི་བལྟ། ཤེས་པ་ལ་ཚུར་མི་བལྟ་བར། རྟེན་མེད་འཛིན་མེད་དུ་བཞག །སྔར་རྟེན་དང་འཛིན་པ་ཅུང་ཟད་ཡོད། འདིར་གུ་ཡངས་སུ་ཡང་འགྲོ། བསྒོམ་པ་ཡང་བདེ། དེ་ལྟར་བཞག་པས་རྟོག་མེད་དུ་ལྷན་པའམ་འཛིན་མེད་དུ་ཏ་ལེ་བ་འབྱུང་། དེ་གཉིས་འདྲའོ། །དེ་ལྟར་བསྒོམ་བཟང་བརྡོ་བའི་སྐབས་འགའ་རེར། ཁ་ནང་དུ་ལོག་ལ་གནས་པ་དེའི་ངང་ནས་སེམས་ལ་སེམས་ཀྱིས་བལྟ་སྟེ། དབྱིབས་སམ། ཁ་དོག་གམ། གནས་སམ། དུས་སམ། དངོས་པོར་གྲུབ་པ་འདུག་གམ། ཅིའང་མེད་པའི་སྟོང་པའམ། གསལ་ལེ་ཧྲིག་གེ་བའི་དངོས་མེད་གཅིག་འདུག་བལྟ། བརྟག་དཔྱད། བཞིག །བརྩལ་དངོས་པོར་གྲུབ་པ་འདུག་ན་དེ་ཐོག་ཏུ་གློད་ལ་བཞག །མི་འདུག་ན་རང་བཞིན་རང་བཅས་ཀྱི་ངང་ལ་གློད་ལ་བཞག་གོ ། དེའི་རྒྱུ་མཚན་ཡང་སྣང་བ་ཐམས་ཅད་རང་གི་སེམས་

[Full Size]

ཡིན་པར་མང་། མདོ་རྒྱུད་བསྟན་བཅོས། མན་ངག་ཐམས་ཅད་ལས་བཤད་པས། དེ་ལྟར་ཐག་བཅད་ངེས་ཤེས་བསྐྱེད་དོ། །ད་དེ་གཏན་ལ་འབེབས་པ་ལ་ཁོ་རང་ལ་ལྟ་དགོས་ཏེ། རྐུན་མ་ངོས་འཛིན་པ་འདྲའོ། །སྤྱིར་ཡང་བསྒོམ་དགོས། ཁྱད་པར་དུ་ངོ་ཞལ་འཇུར་འཚལ་ཏེ། ཚིག་དང་གོ་བས་མི་ཕན། རྒྱུད་ཐོག་ཏུ་ཉམས་སུ་མྱོང་བ་རེ་སྐྱེ་དགོས། ནཻ་གུ་མ་སྔོན་འགྲོ་གཙོར་བྱེད། མཻ་ཏྲི་པ་དངོས་གཞི་ལ་གཙོ་བོར་བྱེད། སུ་ཀ་མ་རྗེས་ལ་གཙོར་བྱེད་པ་བྱ་བ་ཡིན་པས། འདིའི་ལུགས་ཀྱི་སྔོན་འགྲོ་རང་ལ་སྐྱེ་དགོས། མ་སྐྱེས་པར་ངོ་སྤྲད་དུ་མི་འདོད། སྤྲད་ཀྱང་གོ་ཡུལ་ལས་མི་འོང་སྟེ། རྫ་མ་དྲོས་སར་ལ་ཆ་མི་དགོས་པ་དང་འདྲའོ། །དུས་གསུམ་རྒྱལ་བ་མ་ལུས་འདུས་པའི་སྐུ། །འཁོར་འདས་ཀུན་གྱི་བདེ་ལེགས་འབྱུང་བའི་དཔལ། །མཁྱེན་རྟོགས་ཐུགས་རྗེར་ལྡན་པའི་བཤེས་གཉེན་

[Full Size]

མཆོག །རྟོགས་ལྡན་བླ་མའི་ཞབས་ལ་གུས་ཕྱག་འཚལ། །སྔོན་འགྲོའོ། །ན་མོ་གུ་རུ། དངོས་གཞི་གསང་ཚིག་རྡོ་རྗེ་རྒྱས་བཏབ་པའི་སྐུ་ཐབས་སུ་ངོ་སྤྲད་པས་སྐྱོན་བཞི་རང་སར་གྲོལ་བའི་མན་ངག་ལ་གཉིས་སྟེ། བར་ཆད་མི་འབྱུང་བར་བྱ་བའི་ཕྱིར་གསོལ་བ་གདབ་པ་དང་། ངོ་སྤྲད་པ་དངོས་སོ། །དང་པོ་ནི། ཚོགས་དང་གཏོར་མ་སྔོན་དུ་འགྲོ་བས་དཀྱིལ་འཁོར་གྲུ་གསུམ་མེ་རི་རབ་ཏུ་འབར་བ་སྟོང་གསུམ་པས་རྒྱ་མི་ཆུང་བའི་ནང་དུ། པད་མའི་སྡོང་པོ་ཡལ་ག་སྟོང་དང་ལྡན་པའི་ནང་དུ། པད་མ་འདབ་མ་བརྒྱད་དམ་བཅུ་དྲུག་པའི་ལྟེ་བ་ལ། ཡེ་ཤེས་ཀྱི་མགོན་པོ་ཕྱག་དྲུག་པ། སྐྱེ་འགྲོའི་རེ་བ་ཚུལ་བཞིན་དུ་བསྐོང་བ། དེའི་སྟེང་དུ་ཡེ་ཤེས་ཀྱི་མཁའ་འགྲོ་མ་སྐུ་མདོག་དམར་བ་ལ་སྨུག་པའི་མདངས་ཆགས་པ་རུས་པའི་རྒྱན་གྱིས་བརྒྱན་པ། གར་ཐབས་ལོག་ལོག་པ། སྤྱན་ནམ་

[Full Size]

མཁའ་ལ་ཧྲིག་ཧྲིག་པ། དེ་ལ་རྩ་བ་དང་བརྒྱུད་པའི་བླ་མ་སངས་རྒྱས་དང་བྱང་ཆུབ་སེམས་དཔའ་དཔག་མེད་ཀྱིས་བསྐོར་བ་དམིགས་ལ། གསེར་གྱི་མཎྜལ་གྱིས་དམིགས་པའི་རྟེན་བྱས་ཏེ། ལུས་ལོངས་སྤྱོད་ཐམས་ཅད་ཕུལ་ལ་གསོལ་བ་གདབ་སྟེ། ཕྱོགས་བཅུ་ན་བཞུགས་པའི་སངས་རྒྱས་ལ་སྐྱབས་སུ་མཆིའོ། །ཆོས་ལ། དགེ་འདུན་ལ། བླ་མ་རྣམས་དང་ཡི་དམ་གྱི་ལྷ་ཚོགས་རྣམས་ལ། ཡེ་ཤེས་ཀྱི་མགོན་པོ་ཕྱག་དྲུག་པའི་ལྷ་ཚོགས་འཁོར་དང་བཅས་པ་ལ་ཕྱག་འཚལ་ཞིང་སྐྱབས་སུ་མཆིའོ། །རྩ་བ་དང་རྒྱུད་པར་བཅས་པའི་བླ་མ་རྣམས་ཀྱིས་བདག་ལ་ཕྱག་རྒྱ་ཆེན་པོའི་རྟོགས་པ་ངོ་འཕྲོད་པར་བྱིན་གྱིས་བརླབ་ཏུ་གསོལ། དམ་པ་ཆོས་སྐྱོང་བའི་བསྲུང་མ་རྣམས་ཀྱིས་བདག་ཆོས་སྒྲུབ་པ་ལ་ཕྱི་ནང་གི་བར་ཆད་མེད་ཅིང་མི་འབྱུང་བར་བྱིན་གྱིས་ཞེས་གསོལ་བ་ལན་གསུམ་གདབ་བོ། །

[Full Size]

དེ་ནས་ངོ་སྤྲད་ལ་ཚོགས་ལ་རོལ་ལོ། །གཉིས་པ་ངོ་སྤྲད་པ་དངོས་ནི། སྔར་བཞིན་རང་བབས་རྣམ་གསུམ་གྱི་སྟེང་དུ་ཤིགས་བཤིག །རྩོལ་མེད་དུ་ལྷོད་གློད་ནས་རང་ལུགས་སུ་བཞག་པས། འདས་པའི་རྟོག་པ་ཐམས་ཅད་རང་འགགས། མ་འོངས་པ་སྐྱེ་འཕྲོ་ཆད། ད་ལྟ་བ་རྩིས་མེད་དུ་ཡལ་ནས། སེམས་རང་ཐག་ཆུ་ཆད་པ་བཞིན་རྟོག་མེད་དུ་ལྷན་པའམ། འཛིན་མེད་དུ་ཧད་དེ་བ་གཅིག་འབྱུང་། སྔར་བཞིན་དེའི་ངོ་བོ་ལ་ཆེར་བལྟས་པས། དབྱིབས་དང་ཁ་དོག་ལ་སོགས་པའི་ངོས་བཟུང་ཐམས་ཅད་དང་བྲལ་བའི་རང་བཞིན་སྟོང་པ་དེ་སྐྱེ་བ་མེད་པ། དེ་ཡང་སྟོང་པ་ཅང་མེད་ནམ་མཁའ་ལ་འཆངས་པའམ། ཕྲུ་བ་སྟོང་པར་ལག་པ་བཅུག་པ་ལྟ་བུ་མ་ཡིན་པར། མཚན་ཉིད་འགགས་པ་མེད་པར་གསལ་ལེ་བ། ཧྲིག་གེ་བ། ཏ་ལེ་བ་གཅིག་གདའ་བ། དེ་ཉིད་ཐ་དད་དམ་སྙམ་ན་མ་ཡིན་ཏེ། གསལ་རིག་ཀ་སྟོང་པ། སྟོང་པ་ཀ་

[Full Size]

གསལ་རིག་ཏུ་ཏ་ལེ་བ་དེ་ངོ་བོ་གཉིས་སུ་མེད་པ་ཟུང་འཇུག་སྟེ། ཕྱོགས་གཅིག་ཏུ་འདི་ཡིན་ཅེས་ཡིད་ལ་བྱར་མེད་ཅིང་བློའི་ཡུལ་ལས་འདས་པ་དེ་ལ། དང་པོའི་སེམས་ཐ་མལ་གྱི་ཤེས་པ། དེ་བཞིན་གཤེགས་པའི་སྙིང་པོ། རང་བཞིན་གནས་པའི་རིགས། ཆོས་ཀྱི་དབྱིངས་ཆོས་ཐམས་ཅད་ཀྱི་ཆོས་ཉིད། སངས་རྒྱས་ཀྱི་དགོངས་པ། སེམས་ཉིད་ཀྱི་གནས་ལུགས་ཞེས་པ་ལ་སོགས་པ་མིང་གི་རྣམ་གྲངས་ཡིན། འདི་བླ་མ་གདམས་ངག་ཆེ་བའམ། སློབ་མ་ཤེས་རབ་ཆེ་ནས་བྱས་པ་མིན་གྱིས། ཁོ་རང་ཡེ་ནས་དེ་ལྟར་གནས་པ། དེ་ལྷན་ཅིག་སྐྱེས་པ། དེ་ངོ་མ་ཤེས་པ་དེ་ལྷན་སྐྱེས་ཀྱི་མ་རིག་པ། དེ་རང་ངོ་རང་གིས་རྗེན་གཅེར་ཤེས་པ་འདི་ལ། ལྷན་ཅིག་སྐྱེས་པའི་ཡེ་ཤེས། རང་བྱུང་གི་ཡེ་ཤེས། རྣམ་པར་མི་རྟོག་པའི་ཡེ་ཤེས། སེམས་ངོ་ཤེས་པ། སྒོམ་སྐྱེས་པ། མིང་གི་རྣམ་གྲངས་ཡིན་ཏེ། མདོར་

[Full Size]

ན་དག་པ་གཉིས་ལྡན་གྱི་ཆོས་སྐུ་རང་ཤར་བ་ཡིན་ནོ། །འོ་ན་རང་སེམས་ཆོས་སྐུར་ཡེ་ནས་གནས་ན། འཁོར་བར་འཁྱམས་པའི་རྒྱུ་མཚན་ཅི་ཞེས་ན། ཡེ་ཤེས་མཁའ་འགྲོ་མའི་ཞལ་ནས། རང་སེམས་ཆོས་སྐུ་དང་འདུ་འབྲལ་མེད་ཀྱང་། ཉེ་དྲགས་ནས་ངོ་མ་ཤེས། རང་ལ་ཤར་ཡང་ཟབ་དྲགས་ནས་ངོས་མ་ཟིན། དྲན་པས་ཆོག་ཀྱང་སླ་བྲགས་ནས་ཡིད་མ་ཆེས། སྐུ་གསུམ་རང་ལ་ཤར་ཡང་བཟང་དྲགས་ནས་བློར་མ་ཤོང་པའི་སྐྱོན་བཞིས་འཁོར་བར་འཁྱམས་སོ། །དེ་བཞི་ལས་གྲོལ་བ་ནི། དང་པོ་ནི་རང་སེམས་ཆོས་སྐུ་དང་ངོ་བོ་ལ་བཟང་ངན་མེད། དུས་ལ་སྔ་ཕྱི་མེད། འདུག་པ་ལ་མཐོ་དམན་མེད་ཀྱང་། མིག་བཞིན་ངོ་མ་ཤེས་པ་དེ་བླ་མའི་བྱིན་རླབས་ལ་རྟེན་ནས། ཁོ་རང་གི་ཁོ་རང་ཡུལ་མེད་དུ་རང་ངོ་ཤེས་ཙ་ན་ངོ་ཤེས། ཆོས་སྐུ་དེ་དབྱིབས་དང་ཁ་དོག་ལ་སོགས་པ་ཕྱོགས་རེ་གང་དུ་ཡང་མ་གྲུབ། ཚིག་དང་ཡི་གེ་ལ་སོགས་པས་བརྗོད་

[Full Size]

དུ་མེད། དཔེ་གང་གིས་ཀྱང་མཚོན་པར་མི་ནུས། ཕྱོགས་འཛིན་ཅན་གྱི་བློས་མི་རྟོགས་པས། ཟབ་དྲགས་ནས་ངོས་མ་ཟིན་པ་སྟེ། ངོས་མ་ཟིན་པའི་རྐྱེན་རྣམ་རྟོག་མ་རིག་པའི་སྒྲིབ་གཡོགས་ཀྱིས་ལན་པ་ལ། བླ་མའི་བརྡ་ཐབས་རང་བབས་རྣམ་པ་གསུམ་ལ་རྟེན་ནས་དེ་བྲལ་ཙ་ན། རིག་པ་ཡེ་ཤེས་རང་ཤར་དུ་འཆར་བ་ཆོས་ཉིད་ཡིན་པས། དེ་ཤར་ན་ངོས་ཟིན། འོ་ན་ལན་གཅིག་ངོ་ཤེས་པ་དང་། ངོས་ཟིན་པས་ཆོག་གམ་སྙམ་ན། དེ་ལ་ཡིད་ཆེས་དགོས་པ་ལ། མདོ་རྒྱུད་མན་ངག་ལས་འདི་ཉིད་ཆོས་སྐུར་བཤད་པས་ཡིད་ཆེས། དེ་ལྟར་ངོས་ཟིན་ཅིང་ཡིད་ཆེས་པའི་རང་སེམས་ཆོས་སྐུ་འདི་ལས་གཞན་པའི་སངས་རྒྱས་ལོགས་ནས་མི་འཚོལ་བས་བློར་ཤོང་སྟེ། དེ་ལྟར་སྐྱོན་བཞི་རང་གྲོལ་ལོ། །མདོར་ན་རང་སེམས་གསལ་སྟོང་ཡུལ་མེད་དུ་ཏ་ལེ་བའི་འདི་བླ་མས་ངོ་སྤྲད་རྒྱུ་ཡིན། དེ་རང་ངོ་རང་གིས་ཤེས་ན་ངོ་འཕྲོད་པ་

[Full Size]

ཡིན་ནོ། །དེ་ལྟར་གསལ་སྟོང་ཡུལ་མེད་དུ་ཤེས་པའི་ཐག་ཆོད་ངེས་ཤེས་སྐྱེས་ཡུལ་མེད་དུ་ལྷང་ངེ་བ་དེ་ལྟ་བ་སྟེ། གནས་ལུགས་རྟོགས་པའི་ཤེས་རབ། དེའི་ངང་ལས་མ་ཤོར་བར་དྲན་ཙམ་མ་ཡེངས་ཙམ་ལས་གཞན་པའི་བསྒོམ་རྒྱུ་མེད་པ་དེ་བསྒོམ་པ། དེ་སྤྱོད་ལམ་ཐམས་ཅད་མི་འབྲལ་བ་དེ་སྤྱོད་པ། དེ་མངོན་དུ་གྱུར་པ་གནས་སྐབས་ཀྱི་འབྲས་བུ། དེ་ལ་བརྟན་པ་ཐོབ་ནས་འཁོར་འདས་ལམ་གྱི་ཆོས་ཐམས་ཅད་དེ་དང་རོ་གཅིག་ཏུ་གྱུར་ནས། དགག་སྒྲུབ་དང་བྲལ་བ་དེ་སྐུ་གསུམ་རང་ཤར་བ་དེ་མཐར་ཐུག་གི་འབྲས་བུའོ། །དངོས་གཞིའི་ཚད་སྣང་སྟོང་དབྱེར་མེད་ཡིད་ལ་མི་བྱེད་པ་རང་ཤར། བརྟན་པའི་ཚད་ཉིན་མཚན་དང་མཉམ་རྗེས་མེད་པའོ། །ཡང་རང་བབས་ལ་བཞག་སྟེ། དཔེར་ན་བྲམ་ཟེ་སྐུད་པ་འཁེལ་བ་བཞིན། སེམས་སྒྲིམས་ཏེ་བསྒོམ་འདོད་གཉེན་པོའི་བློར་སོང་ན། ཕྱག་ཆེན་གཉེན་པོ་རྩ་བྲལ་ཡིན་པས་མི་བཏུབ། ལྷོད་ནས་འཁྲུལ་པ་རང་རྒྱུད་པར་སོང་

[Full Size]

ན་ཕྱག་ཆེན་འཁྲུལ་པ་གཞི་ཐོག་ནས་སྤངས་པ་ཡིན་པས་མི་བཏུབ་པས་མ་བཅོས་རང་ལུགས་སུ་བཞག་གོ ། དེ་ལྟར་བཞག་པས་ཤེས་པ་གསལ་ལ་ངོས་གཟུང་མེད་པ། སྟོན་མ་དབྱར་གྱི་ནམ་མཁའ་ལྟ་བུ་གཅིག་འབྱུང་སྟེ། ནམ་མཁའ་ལ་ལྟས་པས་ཁ་དོག་ལ་སོགས་པ་གང་དུ་ཡང་གྲུབ་པ་མེད། མེད་དམ་བྱས་ན་གསལ་ལ་དྭངས་པར་ཡོད་པ། དེ་བཞིན་དུ་སེམས་ལ་བལྟས་པས་ཡོད་དམ་བྱས་ན་ཁ་དོག་ལ་སོགས་པ་གང་ཡང་གྲུབ་པ་མེད། མེད་དམ་བྱས་ན་གསལ་ཞིང་དྭངས་པའི་ངོ་བོར་གནས། དེ་ལྟར་ཡོད་མེད་ལས་གྲོལ་བས་བསམ་གྱིས་མི་ཁྱབ་པའམ། ཟབ་པ་ཞེས་པ་ལས་བརྗོད་དུ་མ་བཏུབ་པའོ། །དེ་ཡང་སེམས་ཀྱི་འཆར་སྒོ་ལ་ཕྱོགས་མེད་པས། དེ་དང་བྲལ་བའི་རང་བཞིན་ལ་ཡང་ཕྱོགས་མེད། དེས་ན་ཕྱག་ཆེན་ཕྱོགས་མེད་གཅིག་ཡིན་པ་ལ། མུ་སྟེགས་པས་མུས་ལོང་ལ་མར་མེ་བསྟན་པ་བཞིན། རྟག་

[Full Size]

ཆད་ཕྱིན་ཅི་ལོག་དུ་བཏགས། ནང་པ་རྣམས་ཀྱིས་ཀྱང་ལོང་པ་ལ་གླང་པོ་ཆེ་བསྟན་པ་ལྟར་ཕྱོགས་རེ་ལས་མ་རྟོགས་སོ། །འདིར་སྣང་ན་སྣང་སྟོང་ཟུང་འཇུག །གསལ་ན་གསལ་སྟོང་ཟུང་འཇུག །རིག་ན། བདེ་ན། སྡུག་ན། བྱིང་ན་བྱིང་སྟོང་ཟུང་འཇུག་ལ་སོགས་པ་ཕྱོགས་མེད་གཅིག་ཡིན་ནོ། །དེ་ངོ་ཤེས་མ་ཤེས་ལས་འཁོར་འདས་ཐམས་ཅད་དེའི་ངང་དུ་མཉམ་ཤིང་འདུས་ཏེ། རྫོགས་ཆེན་དང་དབུ་མ་ལ་སོགས་པའང་དེ་ལ་ཟེར་རོ། །དེ་ལྟར་རིག་ཐོག་དུ་རྩ་བ་ཆོད་པས་ཉོན་མོངས་རྣམ་རྟོག་ལ་སོགས་པ་མི་སྤོང་། མི་སྦྱོང་། མི་བསྒྱུར། བློས་བྱས་ཀྱི་ངོ་ཤེས་པ་མི་བྱེད་པར། དེ་ཉིད་དེ་ཉིད་ཀྱི་སྟེང་དུ་གློད་ནས་མདངས་མ་འགགས་ལ་ངོ་བོ་ངོས་བཟུང་དང་བྲལ་བའི་གསལ་སྟོང་འཛིན་མེད་དུ་འཆར་གྱིས། གཉེན་པོས་སྤང་ན་རྒྱུད་དེ་དང་མི་འབྲལ་ཏེ། ཕྲག་པའི་ཁུར་པོ་ཡོད་པ་བཞིན་ནོ། །མདངས་མ་འགགས་ལ་བཤིས་འཛིན་

[Full Size]

པ་དང་བྲལ་བ་དེ་ཀ་ལ། སེམས་ཆོས་སྐུར་གྲོལ་ཞེས་བྱའོ། །ཀུན་ལ་གནས་པ་ཀུན་མཁྱེན་སྙིང་པོའི་དོན། །གཞན་གྱིས་མི་རྟོགས་རྟོགས་པར་མ་གྱུར་པ། །གང་གིས་དྲིན་གྱིས་གང་ལ་མངོན་སུམ་དུ། །སྟོན་མཛད་བླ་མའི་ཞབས་ལ་མགོས་ཕྱག་འཚལ། །དངོས་གཞིའོ།། །།ན་མོ་གུ་རུ། གསུམ་པ་རྗེས་སྐུ་གསུམ་རང་ཤར་ཕྲིན་ལས་ལྷུན་གྲུབ་ཕྱོགས་མེད། བོགས་འདོན་གྱི་ཆོས་རྣམ་པ་གཉིས་དང་བཅས་པ་ནི། དེ་ཡང་སྦྱོར་དངོས་རྗེས་གསུམ་མིང་འདོགས་ཐ་དད་ཀྱང་། དོན་ལ་ཐ་དད་མེད་པས། སྔར་བཞིན་རང་བབས་རྣམ་གསུམ་གྱི་སྒོ་ནས་ཉམས་སུ་བླང་པས། ཤེས་པ་སྟོན་མ་དབྱར་གྱི་ནམ་མཁའ་ལྟ་བུ་གསལ་བ། དྭངས་པ། མི་རྟོག་པ། ངོས་བཟུང་མེད་པ་གཅིག་རང་བྱུང་རང་ཤར་དུ་ཤར་བ་དེ་ངོས་བཟུང་། དེ་མདོ་རྒྱུད་ཐམས་ཅད་ཀྱིས་གཏན་ལ་དབབ་བྱའམ། དགོངས་

[Full Size]

པར་ཐག་བཅད། ཆོས་སྐུར་ཡིད་ཆེས་བསྐྱེད། དེའི་ངང་ལ་ཡེངས་མེད་དུ་བསྒོམས་པས་དབང་པོའི་བྱེ་བྲག་གི་ལོ་ཟླ་ནས་མཐར་ཕྱིན་པར་འགྱུར་རོ། །དེ་ལྟ་བུའི་བསྒོམ་དེ་ལ་སྐུ་གསུམ་ཚང་སྟེ། བཤིས་ངོས་བཟུང་མེད་པ་ཆོས་སྐུ། མདངས་འགག་པ་མེད་པ་གཟུགས་སྐུ་གཉིས། དེ་གཞི་ལ་རང་ཆས་སུ་ཡོད་པ་གཞིའི་སྐུ་གསུམ། དེ་བླ་མ་དྲིན་གྱིས་རང་ངོ་ཤེས་ནས། དེ་ལས་མ་ཡེངས་པ་དེ་ལམ་གྱི་སྐུ་གསུམ། གཞི་ལ་གནས་པ་རང་ངོ་ཤེས་པ་གནས་སྐབས་ཀྱི་ངང་། དེ་ལ་བརྟན་པ་ཐོབ་པ་མཐར་ཐུག་འབྲས་བུའི་སྐུ་གསུམ་མོ། །དེ་ཡེ་ནས་རང་ལ་ཡོད་པ་རང་ངོ་ཤེས་པ་ཡེ་ཤེས། དེ་ཡང་སྐྱེ་མེད་ཇི་ལྟ་བ་མཁྱེན་པ། འགག་མེད་ཇི་སྙེད་པ་མཁྱེན་པ། དེ་ལ་ལྡོག་ཆོས་ཕྱེ་ནས་ཡེ་ཤེས་ལྔར་ཡང་འགྱུར་རོ། །དེ་དྭངས་ཤིང་བརྟན་པ་མཐར་ཐུག་པ་ལས། སེམས་ཅན་གྱི་རྣམ་རྟོག་ཇི་སྙེད་པའི་གཉེན་པོ་དེ་སྙེད་པའི་མཛད་པ་དང་།

[Full Size]

གཉེན་པོ་དེས་སྤང་བྱ་དེ་དབང་དུ་འདུས་པའི་ཕྲིན་ལས་ལྷུན་གྲུབ་འབྱུང་ལ། དེ་ལ་ཐེག་པའི་བྱེ་བྲག་ཐ་དད་ཀྱང་འདིར་སྤང་བྱ་ཉིད་གཉེན་པོར་འགྱུར་བས། ལྷུན་གྲུབ་ཕྱོགས་མེད་དོ། །དེ་ཉིད་ལ་ཐབས་མ། ཞེས་ཀྱང་གསུངས་སོ། །འབྲས་བུའི་ཚད་བློ་འདས་ཟུང་འཇུག་སྐུ་གསུམ་རང་ཤར་བ། དེ་མཐར་ཕྱིན་པའི་ཚད་ཕྲིན་ལས་ལྷུན་གྲུབ་ཕྱོགས་མེད་རང་ཤར་བའོ། །དེ་ལྟར་ཡེངས་མེད་དུ་བསྒོམས་པ་རང་གི་གེགས་སེལ་ཏེ། གཉིས་མེད་དམ། བདག་མེད་ཀྱི་གེགས་སམ། བདུད་གཉིས་འཛིན་ནམ། བདག་འཛིན་ཡིན་ལ། དེ་གཉིས་མེད་དམ་བདག་མེད་དེ་ཉིད་གོམས་པས་སེལ་བས་སོ། །ལུས་སེམས་ཀྱི་སྡུག་བསྔལ་ཡང་རང་སེམས་སུ་ཐག་ཆོད་པས། དངས་འགག་མེད་ཟུང་འཇུག་དུ་ཤར་བས། གཤིས་སྐྱེ་མེད་ཆོས་སྐུ་དང་དབྱེར་མེད་པས། ན་ན་ན་སྟོང་ཕྱག་རྒྱ་ཆེན་པོ། སྡུག་ན། ཡིད་མུག་ན། འཚུབ་ན་འཚུབ་སྟོང་ཕྱག་

[Full Size]

རྒྱ་ཆེན་པོ་ལ་སོགས་པ་ཡིན་པས་རང་ཐོག་ཏུ་ཀློད་པས་དགག་སྒྲུབ་མེད་དུ་གེགས་སེལ་ལོ། །ཡང་ཉོན་མོངས་པ་དང་རྣམ་རྟོག་བྱུང་ནའང་། དགག་སྒྲུབ་མི་བྱེད་པར་ངང་ལ་འཇོག །དེ་ལ་དབང་པོ་རབ་རང་ཤར་རང་གྲོལ་བ། ནུ་བཅོལ་གྱི་མ་སྨད་ཕྲད་པ་ལྟ་བུ། འབྲིང་ཀློད་པས་རང་སར་གྲོལ་བ་སྦྲུལ་གྱི་མདུད་པ་ལྟ་བུ། ཐ་མ་བཏགས་པས་གྲོལ་བ་ཐག་ཁྲ་ངོ་ཤེས་པ་ལྟ་བུ། དེ་དག་ནི་ཡེ་ཤེས་ཆེན་པོར་བལྟ་བ་ཞེས་བྱ་བ་ཡིན་ནོ། །ཡང་བོགས་ཀྱང་དེ་ཉིད་ཀྱིས་འཐོན་པར་འགྱུར་ཏེ། བོགས་འདོན་ལ་སོགས་པ་མི་དགོས་སོ། །གལ་ཏེ་བོགས་འདོན་ན་གཉིས་སྟེ། བླ་མ་དང་། སེམས་ཅན་ལ་མོས་གུས་དང་སྙིང་རྗེ་ཚད་མེད་པ་བསྒོམས་པས་བོགས་འདོན་པའོ། །དེ་ཡང་རང་སེམས་ཆོས་སྐུར་རྟོགས་ཙ་ན། དེ་སྟོན་མཁན་གྱི་བླ་མ་ལ་མོས་གུས་ངམ་ངམ་ཤུགས་ཀྱིས་སྐྱེ་ཡང་སྐྱེ། བློས་བཅོས་ལའང་བསྒོམ་དགོས་ཏེ། དེ་རོ་མྱོང་བ་དང་དེ་ཐོག་ཏུ་ཤེས་པ་ཀློད་ལ་རང་བབས་

[Full Size]

སུ་བཞག་པས་མདངས་མོས་གུས་གདུང་ངེ་བ་ལ། གཤིས་རང་དང་བླ་མ་མོས་གུས་གསུམ་དབྱེར་མེད་པའི་མོས་གུས་ཕྱག་རྒྱ་ཆེན་པོར་ལྡང་བ་འབྱུང་། དེ་ལ་རང་སེམས་བླ་མར་ཤར་བ་ཟེར། དེ་བྱུང་ན་སྣང་བ་དཔེ་ཆར་འཆར་བ་སྟེ། གཟུགས་ཀྱི་སྣང་སྟོང་གི་གསལ་འདེབས་པ་ལ་སོགས་པའོ། །གཉིས་པ་ནི་རང་སེམས་ཆོས་སྐུར་རྟོགས་ཙ་ན། དེ་མ་རྟོགས་པའི་སེམས་ཅན་ལ་སྙིང་རྗེ་ངམ་ངམ་ཤུགས་ཀྱིས་སྐྱེ་ཡང་སྐྱེ། བློས་བཅོས་ལ་ཡང་བསྒོམས་ཏེ། གཞི་ཡེ་ནས་སངས་རྒྱས་ཡིན་པ་ལ། མ་རྟོགས་ཏེ་འཁོར་བར་འཁྱམས་པ་འདི་རྣམས་སྙིང་རེ་རྗེ་སྙམ་དུ་མ་རྟོགས་པའི་ལྡོག་པ་ལ་སྙིང་རྗེ་བསྒོམས་ཏེ། སྙིང་རྗེ་ཤས་མི་བཟོད་པ་སྐྱེས་པ་དང་། སྔར་བཞིན་འཁོར་གསུམ་དབྱེར་མེད་སྙིང་རྗེ་ཕྱག་རྒྱ་ཆེན་པོ་ལ་བཞག་གོ ། དེ་ལྟར་སྟོང་ཉིད་སྙིང་རྗེ་ཟུང་དུ་འཇུག་པ་དེ་བསྒོམ་སྐྱོན་མེད་ཡིན་ལ། ཡ་གྱལ་ན་གོལ་བ་ཡིན་ནོ། །གཞན་ཡང་རང་

[Full Size]

བབས་རྣམ་གསུམ་གྱི་ངང་ནས། འཇམ་རླུང་ཅུང་ཟད་བཟུང་བ་དང་། ལྷ་སྐུ་སྣང་ལ་རང་བཞིན་མེད་པའི་ངང་ནས་བཟུང་བས་དང་། ལྷ་སྐུ་ཕྱག་རྒྱ་ཆེན་པོའི་ངང་ནས་བཟུང་བས། རྣམ་རྟོག་མ་རིག་པ་འགག་པ་ལ་སོགས་པ་གཞུང་ནས་བཤད་པའི་ཡོན་ཏན་རྣམས་སྐྱེའོ། །རྗེས་ཀྱི་ཚད་ཆོས་སྐུ་སྐྱེ་མེད་ལས་སྙིང་རྗེ་འགག་མེད་དུ་རང་ཤར་བ། བརྟན་པའི་ཚད་སྟོང་ཉིད་སྙིང་རྗེ་དབྱེར་མེད་ལས་མི་གཡོ་བའོ། །མདོར་ན་ཐབས་རང་བབས་རྣམ་གསུམ་ལ་བརྟེན་ནས། སེམས་ཉིད་ཆོས་སྐུ་རང་ཤར་བ་ལ། ཐག་ཆོད་ངེས་ཤེས་ཡུལ་མེད་དུ་ལྷང་ངེ་བ་དེ་ཉིད་སྦྱོར་དངོས་རྗེས་གསུམ་ཀ་ཡིན་ལ། སྐྱོན་བཞི་ལས་རང་ཀྱང་རང་གྲོལ་ཞིང་། ལྟ་སྒོམ་སྤྱོད་འབྲས་དང་། གེགས་སེལ་བོགས་འདོན་དང་། གཞན་ཡང་སླབ་པ་གསུམ་དང་། ཕར་ཕྱིན་དྲུག་དང་། ཐབས་ཤེས་དང་། བདུན་རྣམ་དག་དང་། ཁ་ཟས་ཀྱི་རྣལ་འབྱོར་ལ་སོགས་པ་རྗེས་ཀྱི་

[Full Size]

རྣལ་འབྱོར་ཐམས་ཅད་ཀྱང་འདི་ལ་ཚང་བས་མི་གཅིག་པོའི་ཆོས་གཅིག་པོ། ཆོས་གཅིག་པོའི་གོ་ཆོད་སོ་བྱ་བ་ཡིན་ནོ། །གདོད་ནས་རང་བཞིན་རྣམ་དག་སྤྲོས་དང་བྲལ། །གཉིས་མེད་བདེ་ཆེན་སྒྱུ་མའི་གར་གྱིས་རོལ། །མཁའ་མཉམ་འགྲོ་དོན་འཁོར་བའི་མཐའ་ལ་འཇུག །སྐུ་གསུམ་དབྱེར་མེད་བླ་མའི་ཞབས་ལ་འདུད། །རྗེས་སོ། །དེ་ལྟར་སྦྱོར་དངོས་རྗེས་གསུམ་གྱི་ཐུན་འཇུག་ཐམས་ཅད་ལ་དགེ་བའི་རྩ་བ་བླ་ན་མེད་པའི་བྱང་ཆུབ་ཏུ་བསྔོ་བར་བྱའོ། །ཤིན་ཏུ་ཟབ་པའི་མདོ་རྒྱུད་འདིར་འདུ་ཞིང་། །དེ་དག་ཀུན་ལ་གསལ་བར་བརྟན་ན་ཡང་། །བླ་མའི་ཞལ་གྱི་བདུད་རྩི་མ་འཐུངས་པའི། །སྐྱེ་བོ་རྣམས་ལ་མིང་ཡང་མ་གྲགས་ཤིང་། །དམ་པ་རྣམས་ཀྱི་མཚན་ཡང་བརྗོད་དཀའ་བ། །འདི་ནི་བདག་ལ་ཆོས་རྗེ་བླ་མས་གནང་། །སྔ་ཕྱིར་གསུངས་པའི་བདུད་རྩི་འབའ་ཞིག་ལས། །བདག་བློ་བརྟགས་

[Full Size]

དཔྱད་དུག་ཆུས་སླད་པ་མེད། །འདི་ནི་གོ་དོན་རང་ཉིད་རྗེད་པ་ཡིས། །དགྲ་བོས་འཇིགས་ནས་སེར་སྣས་བྲིས་པ་ཡིན། །དེ་ལས་བྱུང་བའི་དགེ་བས་འགྲོ་བ་ཀུན། །ཚེ་གཅིག་ཉིད་ལ་ཀུན་ནས་གྲོལ་བར་ཤོག །མཾ་ག་ལཾ། །ཤུ་བྷཾ། །

གའུ་མའི་གསལ་བྱེད།

[Full Size]

གའུ་མའི་གསལ་བྱེད་བཞུགས་སོ། །

[Full Size]

བླ་མ་དམ་པའི་ཞབས་ལ་གུས་པས་ཕྱག་འཚལ་ལོ། །ཕྱག་རྒྱ་ཆེན་པོ་རང་བབས་གསུམ་གྱི་ཁྲིད་ཀྱི་སྐབས་སུ། བརྒྱུད་པའི་ལོ་རྒྱུས་ཀྱི་རྗེས་ལ། བརྒྱུད་པ་དེ་རྣམས་གོང་མ་གོང་མས། འོག་མ་འོག་མ་ལ་ལུང་བསྟན་པ། ཡི་དམ་གྱིས་བྱིན་གྱིས་རླབས་པ། མཁའ་འགྲོ་ཆོས་སྐྱོང་ཐམས་ཅད་ལ་མི་བཞིན་དུ་ལབ་ཅིང་། བྲན་བཞིན་དུ་འཁོལ་བ། སངས་རྒྱས་ཀྱི་བརྒྱུད་པ་རྟོགས་ལྡན་དང་གྲུབ་ཐོབ་ཀྱི། མི་བར་དུ་ཁྱི་མ་ཞུགས་

[Full Size]

པའི་བརྒྱུད་པ་ཡིན་གསུང་། སློབ་མ་བཀྲི་བའི་ཚུལ་མི་འདྲ་བ་མང་དུ་ཡོད་ཅེས་པ། ཕྱག་རྒྱ་ཆེན་པོ་བཤད་རྒྱུད་རབ་ཏུ་མི་གནས་པ་རྙོག་པ་མེད་པ། གསང་བ་བླ་ན་མེད་པ་རྣམས་ཀྱི་རྗེས་སུ་འབྲངས་ནས། བྲམ་ཟེ་ཆེན་པོས། ལམ་སྒྲུབ་སྐོར་སྙིང་པོའི་སྐོར་ལྟར་དུ་བཀྲི་བའམ། གསང་བ་འདུས་པའི་རྗེས་སུ་འབྲངས་ནས། སློབ་དཔོན་འཕགས་པ་ཡབ་སྲས་ཀྱི་ལམ་གྱི་རིམ་པ་སྔར་ལྟར་བཀྲི་བའམ། དུས་ཀྱི་འཁོར་ལོའི་རྗེས་སུ་

[Full Size]

འབྲངས་ནས་ལམ་སྦྱོར་བ་ཡན་ལག་དྲུག་ལྟར་དུ་བཀྲི་བའམ། རྩ་རྒྱུད་བརྟག་པ་གཉིས་པའི་རྗེས་སུ་འབྲངས་ནས། བིར་ཝ་པས་ལམ་འབྲས་བུ་དང་བཅས་པ་ལྟར་བཀྲི་བའམ། བདེ་མཆོག་ཨ་ན་པའི་རྗེས་སུ་འབྲངས་ནས། དམ་པ་རིན་པོ་ཆེས། ལམ་རིག་པ་དྲི་མ་མེད་པ་ལྟར་བཀྲི་བ་ལ་སོགས་པ་འཁྲིད་ཚུལ་བསམ་གྱིས་མི་ཁྱབ་ནའང་། འདིར་ཡེ་ཤེས་རྒྱ་མཚོའི་རྒྱུད། རིན་ཆེན་རྒྱ་མཚོའི་རྒྱུད། ཡོན་ཏན་རྒྱ་མཚོའི་རྒྱུད། རྒྱ་མཚོ་རྣམ་པ་གསུམ་གྱི་རྗེས་སུ་འབྲངས་ནས། རྡོ་རྗེ་འཆང་གིས་ཅེས་སོ། །གའུ་མ་ཞེས་གྲགས་པས། བླ་མ་ཤངས་པས། གསེར་དང་འདྲ་བའི་གདམས་པ་རྣམས། བལ་པོའི་གའུ་སྙིང་འདྲ་བ་ཅིག་གི་ནང་དུ་བཅུག་སྟེ། ཟབ་པའི་དོན་གྱིས་སྐུ་ལུས་དང་མི་འབྲལ་བར་མཛད་པ་དང་། སྐུ་གཤེགས་དུས་དེའི་ནང་ནས་བྱུང་བས། དེར་གའུ་མ་ཞེས་གྲགས་ཏེ། གདམས་པ་གཞན་ཡང་མང་དུ་

[Full Size]

བྱུང་ཀྱང་། ཆོས་འདིས་སྤྱི་མིང་དགོས་སུ་ཐོབ་པ་ལྟ་བུ་ཡིན་གསུང་། སློབ་མ་སྤྱིར་ཞེས་པས་རྡུལ་ཚོན་གྱི་དཀྱིལ་འཁོར་རྒྱས་པར་དབང་ཐོབ་ཅིང་། འདིའི་རྗེས་སུ་འདིའི་བྱིན་གྱིས་རླབས་ཀྱིས་བཀའ་བརྒྱུད་པར་སྨིན་པར་བྱས་ནས། དེའི་དྲོད་མ་ཡལ་བ་ལ། འདིའི་རྒྱུན་ཉམས་སུ་ལེན་པ་ཡིན་གྱིས་དཀྱིལ་འཁོར་རྒྱས་པར་སྔོན་དུ་མ་སོང་བར། འདིའི་བཀའི་ཆོས་སྒོ་དབྱེར་མི་ཉན་གསུང་། སྐྱབས་འགྲོ་དང་ཅེས་པ། སྒོམ་ཐུན་རེ་རེའི་སྔོན་དུ་ཡང་བྱ་སྟེ། བྱུང་པོ་མི་དང་མི་མ་ཡིན་པའི་གནོད་པས་མི་བརྫི་བ་དང་། ཞེས་གསུངས་པས་བར་ཆད་མི་འབྱུང་གསུང་། སེམས་བསྐྱེད་པས། ཐེག་པ་ཆེན་པོའི་ལམ་དུ་འགྱུར་རོ། །རང་གི་ལུས་ཅེས་པ་འདིར་གསང་སྔགས་བླ་མེད་ཀྱི་ཡི་དམ་ངེས་པར་སྒོམ། དེ་ལ་དཀྱིལ་འཁོར་རྒྱས་པར་བསྒོམས་ཀྱང་འགལ་བ་མེད་ཅིང་ལེགས་ནའང་།

[Full Size]

འདིར་མཚན་མ་མེད་པའི་རྫོགས་རིམ་གཙོ་བོར་བྱེད་པས། དཔའ་རྐྱང་ངམ་ལྷན་སྐྱེས་ལྟ་བུ་སྒོམ། དེའང་གཞིའམ་རྟེན་ཙམ་མ་ཡིན་པའི་རྣམ་པ་གསལ་བ། དག་པ་དྲན་པ། ང་རྒྱལ་བརྟན་པ། གསལ་སིང་བ་བསྒོམ་གསུང་། བླ་མའི་ཐུགས་ཀ་ནས་འོད་ཟེར་འཕྲོས་རྩ་བརྒྱུད་ཀྱི་བླ་མ་ཡི་དམ། ཆོས་སྐྱོང་རྣམས་བཀུག་སྟེ། རིམ་པ་བཞིན་དུ་སྐུའི་སྟོད་སྨད་བར་གསུམ་ལ་བསྟིམས་ཀྱང་འགལ་བ་མེད་གསུང་། གནོད་བྱེད་ཅེས་པས་བསམ་པས་བར་ཆད་མི་འབྱུང་ཞིང་། གཞི་བདག་བསམ་པས་ཁུ་ལྡོག་མི་འབྱུང་གསུང་། སྙིང་གི་དཀྱིལ་ཅེས་པ། མ་ཡེངས་རྩེ་གཅིག་ཏུ་བྱེད་པ་མཚོན་པ་ཡིན། སེམས་ཡེངས་ན་བྱིན་རླབས་མི་འབྱུང་། སྤྱོད་འཇུག་ལས། བཟླས་བརྗོད་དང་ནི་དཀའ་ཐུབ་ཀུན། །ཡུན་རིངས་དུས་སུ་འབད་བྱས་ཀྱང་། །སེམས་གཞན་གཡེང་བས་བྱས་པ་ནི། །དེ་ཉིད་རིག་པ་དོན་མེད་གསུངས། །

[Full Size]

ཅིས་ཏེ་དོན་ཡེ་མེད་པ་མ་ཡིན་ཡང་། །ཆུང་བ་ལ་དགོངས་པ་ཡིན། །སྙིང་རྗེ་པདྨ་དཀར་པོ་ལས། སེམས་ཉོན་མོངས་པ་འབྱིན་པ་བཅས་པས་བསྒྲུབས་ན། དཔེ་སྐར་མ་ལྟ་བུ་ཡང་འབྲས་བུ་འབྱིན་པར་མི་ནུས་སོ། །ཞེས་གསུངས་པས་མ་ཡེངས་པ་གལ་ཆེའོ། །ཆོས་རྗེས་པའི་གསུང་གིས། འདིའི་ལུགས་ཀྱིས། སྤྱིར་གསོལ་བ་རྩ་ཚིག་གསུམ་པོ་དེས་འདེབས། དེ་མིན་བྱིན་རླབས་དང་བློ་བསྒུལ་གལ་ཆེ་བས་བཏབ་པས། ཚིག་དང་དབྱངས་ཀ་ལ་མི་བྱ་བའི་ངེས་པ་མེད། འགའ་ཞིག་ངེད་ཀྱི་དང་ཁོའི་ཟེར་ནས། ཆགས་སྡང་བྱེད་པའང་འདུག་སྟེ་མ་གོ་བ་ཡིན། གསོལ་འདེབས་འཁོར་བ་ལས་སྒྲོལ་ཐབས་སུ་བཤད་པ་ལས། ངེད་དང་ཁྱེད་དུ་ཕྱེ་ནས་ཆགས་སྡང་གི་ལས་བསོག་པ་མ་གསུང་། བླ་མའི་སྐུ་ལས་འོད་ཟེར་བྱུང་ནས། སྡིག་སྒྲིབ་སྦྱངས་ཏེ། ཕྱི་ཡི་དམ་ལ་ནང་སྟོང་པར་བསྒོམས་པའམ།

[Full Size]

ཡང་ན་ཐིག་ལེ་བདེ་བའི་རང་བཞིན་ཆེ་ཆུང་ཡུངས་འབྲུ་ཙམ་བྱུང་ནས་ལུས་གང་སྟེ་བསམ་པའམ། འགུལ་ན་བདེ་བ་སྐྱེ་བ་གཉིས་གང་རུང་བྱ་སྟེ། དེ་ཡང་དྭངས་མ་འཕེལ་ཞིང་། འོད་གསལ་ལ་འཆར་བའི་ཐབས་ཁྱད་པར་ཅན་ཡིན་པས་ཕྱི་མ་བྱ་གསུང་ངོ་། །དེ་ཡང་བཀའ་མ་ཐོབ་གོང་དུ་འོད་ཟེར་དུ་བྱེད་ལ། བཀའ་ཐོབ་ནས་ཐིག་ལེར་བྱེད་པ་ཕྱག་ལེན་གསུང་ངོ་། །ཚར་གསུམ་ཁུག་པ་དབང་གིས་ཅེས་པ། འཁྲིད་ལུགས་གཞན་རྣམས་ལ། སྔོན་འགྲོ་སྡིག་སྦྱོངས་ལ་ཕྱག་དང་བསྐོར་བ་མཎྜལ་ལ་སོགས་པ་བཤད་ནའང་། འདིར་གསོལ་འདེབས་དང་དབང་ལེན་པ་ལ་བྱེད་པ་འདི་སྡིག་པ་དག་པའི་རྟགས་མྱུར་ཞིང་། སྤྲོས་པ་ཆུང་ལ་ཉམས་སུ་བླང་བདེ་བ་ཡིན། སྡིག་སྦྱོངས་ཡང་འདི་ལས་ལྷག་པ་མེད་དོ། །ཨ་བྷི་ཥིཉྩ་ན་དྲི་མ་འཁྲུད་པ་དང་། ཨ་བྷི་ཥེ་ཀ་ཏ་སྐལ་པ་འཇོག་པའོ། །གཞན་ཡང་གསང་སྔགས་པའི་ལམ་ཐམས་ཅད་དབང་

[Full Size]

དུ་བྱས་ཏེ། རྡོ་རྗེའི་སྒོ་རྒྱུད་ལས། གཞི་ནི་དབང་ལ་བརྟེན་པ་དང་། ལམ་ནི་དབང་གིས་བསྒྲོད་པ་དང་། འབྲས་བུ་དབང་དུ་གནས་པའོ། །ཞེས་གསུངས་པའོ། །རླུང་རོ་ལན་གསུམ་ཞེས་པ་གསུམ་འམ་དགུ་ཅི་རིགས་སུ་བྱ། དེ་གལ་ཆེ་སྟེ། དཔེར་ན་ཁང་པ་སྟོང་པའི་ནང་ཕྱག་དར་བྱེད་པ་དང་འདྲ་བའམ། འོ་མ་རུལ་པ་ཐིག་པ་གཅིག་གིས་ཟངས་གང་ཆུང་གསན་པ་བཞིན་དུ། རླུང་རོ་ངན་པའི་ཀྲུགས་ཅིག་རྩ་ནང་དུ་ལུས་ན། དེས་རླུང་ཐམས་ཅད་དབང་བྱས་ནས་སྐྱོན་གེགས་བསྐྱེད་པས། རླུང་འབུད་པ་གལ་ཆེ་གསུང་། སྟན་བདེ་བ་གལ་ཆེ། སྒྲུབ་ཐབས་ཀུན་ནས་ཀྱང་སྟན་བདེ་བ་ལ་འདུག་སྟེ། ཅེས་པའམ། སྟན་ནང་ཚངས་ཅན་ལ་འདུག་སྟེ། ཞེས་གསུངས་སོ། །མིག་གཉིས་སྣ་རྩེར་གཏད་པ་ནི། མཚོན་པ་ཙམ་ཡིན་གྱིས། བྱིང་རྒོད་ཀྱི་སྐབས་ཀྱིས་ཤེས་དགོས་སོ། །ཕྲག་

[Full Size]

གོང་མཉམ་པ་ནི། དཔུང་པ་རྒོད་ཤོག་ལྟར་ཕྱིར་ཐེན་ཏེ། འོ་སྐོལ་གྱི་སྙིང་འདི་གློ་སྤྲལ་གཉིས་ཀྱི་བར་ན། མ་འཕང་དུ་བུ་བཟུང་བ་ལྟར་ཡོད། དེ་ལ་དཔུང་པ་ཕྱིར་ཐེན་ནས་བྲང་བུར་བཏང་བས། གློ་གཉིས་ཀ་ཤ་འབེ། དེས་སྙིང་ཟླ་མེད་དུ་རྗེན་གྱུར་ནས་ཤེས་པ་གསལ་སྟོང་དུ་གྱུར་ཞིང་། ཏིང་ངེ་འཛིན་གྱི་གེགས་མི་འབྱུང་ངོ། ལྕེ་རྐན་ལ་སྦྱར་བས་དབུག་སྣ་ནས་རྒྱུ་ཞིང་ཁ་སྣ་མི་སྐམ་པ་དང་། གཞན་ཡང་རླུང་ཟིན་པའི་ཡོན་ཏན་ཡོད། སོ་བར་ཅུང་ཟད་བཞག་པས་གེགས་ཆུང་། དབུགས་ཆེད་དུ་ཕྱིར་འབྱུང་བ་དང་། ཆེད་དུ་ནང་དུ་རྔུབས་པ། གློད་ནས་ཕྱིར་རྩོལ་བས་གཏོང་བ་དང་། ནང་རྩོལ་བས་རྔུབས་པའི་རྩོལ་བ་དང་བྲལ་བས་སོ། །སེམས་དཔའི་སྐྱིལ་ཀྲུང་ཅེས་པ་ནི། སྐྱིལ་ཀྲུང་གནད་ཆེ་བར་འདོད་པ་དང་། ཙོག་པུ་གནད་ཆེ་བར་འདོད་པ་གཉིས་ལས། འདི་དང་ཕྱི་ནཱ་རོ་པའི་ལུགས་ཀྱི་སྐྱིལ་ཀྲུང་གནད་ཆེ་སྟེ། སྟེང་རླུང་འཐེམས་

[Full Size]

པས་འོག་རླུང་རང་ཤུགས་ཀྱིས་འཐེམ་སྟེ། དཔེར་ན་རླུང་རིལ་བ་ཞབས་ཚགས་ཅན་དང་འདྲ། དེ་ཡང་སྤྱི་བླུགས་ལྟ་བུའི་བུག་པ་ཆེ་ཤོས་ནས་རླུང་མ་ཤོར་བར་བཀག་པས་ཆུང་ཤོས་ནས་མི་འབོ་བ་བཞིན་ཏེ། མི་རྟོག་པ་གཙོ་བོར་བྱེད་པ་རྣམས་ཀྱིས་སྐྱིལ་ཀྲུང་ངོ་། །བིར་ཝ་པས་ཙོག་པུ་གནད་ཆེ་སྟེ། འོག་རླུང་ཡོན་ཏན་གྱི་རླུང་ཐེམས་ཆེ། དེར་དྲོད་སྐྱེད། དྲོད་ལ་བརྟེན་ནས་བདེ་བ་འབྱུང་། བདེ་བ་ལ་བརྟེན་ནས་མི་རྟོག་པ་སྐྱེ་བར་འདོད་པས་སོ། །ལུས་རྣམ་སྣང་གི་ཆོས་བདུན་འཆའ་བ་འདི་གལ་ཆེ་སྟེ། མཁའ་འགྲོ་མ་ཀུན་སྤྱོད་ལ་སོགས་པའི་རྒྱུད་སྡེ་དང་། སྒྲུབ་ཐབས་ཁུངས་མ་རྣམས་ནས་ལུས་ལ་གནད་དུ་བསྣུན་པའི་འཁྲུལ་འཁོར་གྱི་རིགས་མང་དུ་གསུངས་པ་རྣམས་བསྡུས་ནས། རྣམ་སྣང་གི་ཆོས་བདུན་པོ་འདིར་འདུ། དེས་ན་ཆོས་བདུན་ལེགས་པར་བཅས་ན། ཡུལ་ཉི་ཤུ་རྩ་བཞིའི་རྩ་མདུད་གྲོལ། ཁམས་དྭངས་

[Full Size]

ནས་གེགས་རྣམས་ལས་གྲོལ་འགྲོ་བས་འདི་གལ་ཆེ། ཆེ་བའི་རྒྱུ་མཚན་གྱིས་མདོ་རྒྱུད་གཉིས་ཀ་ལས་བཤད་ཅིང་། དེ་ལག་ལེན་སྒྲུབས་སེར་བཞི་པའི་མགོ་རུ་ཡང་། ལུས་རྣམ་སྣང་གི་ཆོས་བདུན་བཅས་ཏེ། ཞེས་གསུངས། དེ་ཡང་ཕར་ནས་ཆོས་བདུན་ཙམ་བཤད་ཀྱང་། རྡོ་རྗེ་ལུས་ཀྱི་གནས་ལུགས་རྒྱས་པར་མ་གསུངས་པས། དེ་ལ་གནད་དུ་བསྣུན་ཚུལ་མི་ཤེས་ཏེ། སེམས་ཀྱིས་སེམས་ལ་གནད་དུ་བསྣུན་པས་ལམ་བགྲོད་པ་ཡུན་རིང་སྟེ། སཾ་བུ་ཊི་ལས། ཕ་རོལ་ཕྱིན་པའི་ཐེག་པ་ལས། །ཆོས་ཀྱི་སྒོ་མོ་བརྒྱད་ཁྲིད་དང་། །བཞི་སྟོང་ཆོས་ནི་ཐམས་ཅད་ཀྱིས། །ལུས་ཀྱི་དེ་ཉིད་མི་ཤེས་པས། །དེ་དག་ཐམས་ཅད་འབྲས་བུ་མེད། །ཅེས་གསུངས་སོ། །གསང་སྔགས་ནས་རྡོ་རྗེ་ལུས་ཀྱི་གནས་ལུགས་དང་། དེ་ལ་གནད་དུ་བསྣུན་ཚུལ་རྒྱས་པར་བཤད་པས། འབྲས་བུ་མྱུར་དུ་འབྱིན་པ་ཡིན་ཏེ།

[Full Size]

རྟེན་ལུས་ལ་གནད་དུ་བསྣུན་པས། རྟེན་པ་སེམས་ལ་རྟོག་པ་སྐྱེ་བ་ལུས་སེམས་དབྱེར་མེད་ཀྱི་ཆོས་ཉིད་ཡིན་ཏེ། དཔེར་ན་ལུས་ཀྱིས་ཆང་འཐུངས་པས་སེམས་ར་རོ་བའམ། ངར་གདོང་དུ་རྡོག་མས་བྲུལ་ན་སེམས་ཀྱིས་མི་བཟོད་པ་བཞིན་ནོ། །མདོར་ན་ལུས་འཁོར་ལ་འཇུག་པ་འདི་གལ་ཆེ་སྟེ། སྣམ་བུ་ལེགས་པོ་བྱེད་པ་ལ་དང་པོ་བལ་རང་ན་བཟོབ་དགོས། བལ་རྩུབ་མོ་ལ་སྣམ་བུ་འཇམ་ལེགས་མི་འབྱུང་། དེས་ན་བཟོ་བོ་ལ་ཐིག་དང་། མཁར་ལས་འགྲམ་ནས་ཟབ་དགོས། དཔལ་ལྡན་ཤ་བ་རི་པས། མཁར་སེ་རྩིག་ན་འགྲམ་གཞི་རྨང་ནས་ཐིང་། །ཞེས་གསུངས་སོ། །དྭགས་པོ་རིན་པོ་ཆེའི་ཞལ་ནས། ཕ་རི་བལྟ་འདོད་ན་ཚུ་རི་ནས་ལྟོས། སེམས་གནས་འདོད་ན་ལུས་འཁྲུལ་འཁོར་ལ་བཅུན། སྟོང་པ་སྒོམ་འདོད་ན་སྣང་བ་གཏན་ལ་ཕེབ་གསུང་། ཕག་མོ་གྲུ་པས། འབྲི་ཁུང་པའི་འཁྲུལ་

[Full Size]

འཁོར་བཅོས་པའི་ལོ་རྒྱུས་ཀྱང་གསུངས། མདོ་ལས་ཀྱང་། དྲང་སྲོང་གཅིག་གིས་ལུས་གནད་བཅས་ཤིང་བསམ་གཏན་བསྒོམས་པས། དེ་ན་གནས་པའི་སྤྲེའུ་རྣམས་ཀྱིས་དེ་མཐོང་ནས་ཤིང་ཐོག་ཟོས་ཟིན་པ་དང་། དྲང་སྲོང་གིས་ལད་མོ་བྱས་པས་མི་རྟོག་པ་སྐྱེས། དེའི་འཕྲོ་ལ་ཤི་བ་ཐམས་ཅད་སུམ་ཅུ་རྩ་གསུམ་པའི་ལྷར་སྐྱེས་པའི་ལོ་རྒྱུས་ཡོད་དེ། མི་རྟོག་པ་ཙམ་པོ་ལ་ཡང་དེ་ཙམ་གྱི་ཕན་ཡོན་ཡོད་གསུང་། རེ་ཞིག་དོར་ནས་ཅེས་པ། ཆོས་ཕྱོགས་ཀྱི་བྱ་བ་འདི་རྣམས་འཇོག་པ་ཆོས་ལོག་ལྟ་བུར་མི་འགྱུར་རམ་སྙམ་ན་མི་འགྱུར་ཏེ། ལམ་འབྲས་ལས། ལམ་འཇུག་བྱ་བ་མཚན་མེད་འཇུར་བའི་དུས་འདིར། མཚན་བཅས་ལྡོག་པའི་དུས་བྱ་བ་ཡིན། མཚན་མེད་བརྟན་མི་བརྟན་བརྟག་པའི་སྐབས་སུ་མཚན་བཅས་འཇུག་པའི་དུས་སོ། །ལས་དང་པོ་པ་མཚན་མེད་ལ་མ་གོམས་པའི་དུས་སུ། བརྟན་པ་ཐོབ་ནས་བྱས་ཀྱང་དགེ་སྦྱོར་གྱི་ངང་

[Full Size]

ངམ། མ་བྱས་ཀྱང་དེ་ཉིད་ཡར་ལྡན་དུ་རྫོགས་ཙ་ན་མཚན་བཅས་ལ་དགག་སྒྲུབ་དང་བྲལ་བ་ཡིན་གསུང་། སེམས་རང་བབས་ནི་རྟོག་མེད་དུ་འཇོག་པས་ཏེ། རྟོག་པ་ལ་འདས་མ་འོངས་གསུམ་ཡུལ་དུ་བྱེད་པ་ལས་མ་འདས་པས། འདས་པའི་རྗེས་མི་དཔྱད། ཅེས་སོགས་བརྗོད་དེ་བཞག་ཟེར་ཡང་། བཞག་རྒྱུ་དངོས་པོ་ཅན་མེད་དེ། བཅོས་བསླད་མེད་པའི་དོན་ཡིན། དེ་ཡང་སྔར་ལུགས་ཀྱི་མི་བྱེད་དགུ་བྱེད། ངག་མི་སྨྲ་དགུ་སྨྲ། སེམས་ཀྱི་མི་མནོ་དགུ་མནོ་བྱས་ཏེ། དེ་ཐམས་ཅད་དོན་མེད་འཁོར་བའི་རྒྱུར་སོང་། ལུས་ངག་ཡིད་གསུམ་བྱ་བ་དང་ཕྲལ་ཏེ་ངལ་གསོར་བཅུག་ལ། རི་གསུམ་ཡང་སྐབས་འདི་གཤེད་ནས་རྙེད་དགོས། སེམས་ངལ་གསོ་འདི་ཡིད་ཕམ་པར་བྱེད་པའི་ཕྱིར། ལྷོ་དཔལ་གྱི་རི་བོ། དེ་ལ་སེམས་ངལ་གསོ་གཙོ་ཆེ་ཡི། ལུས་ངག་ཡིད་གསུམ་ཆར་ངལ་གསོ་བའོ། །མདོ་རྒྱུད་བསྟན་

[Full Size]

བཅོས་མན་ངག་ཐམས་ཅད་ཀྱང་། བླ་མ་ལ་མོས་གུས་བྱེད་པ་འདི་ཟབ་པའི་གནད་མཆོག་ཏུ་གསུངས་ཏེ། ས་བཅུ་ལམ་ལྔའི་ཅེས་པ་སོགས། གང་དུ་ཡང་མི་རྙེད་དེ། གླིང་གི་ཞལ་ནས། འཛམ་གླིང་བསྐོར་ཡང་གདམས་ངག་དེ། །ཅེས་གསུངས། དེ་ལ་དཀའ་བ་མེད་ཅེས་པ། བླ་མ་མཚན་ལྡན་ལ་གསོལ་བ་འདེབས་ལ། སངས་རྒྱས་རིགས་ལྔའི་དངོས་གྲུབ་ཀྱང་དཀའ་བ་མེད་དོ། །ཅེས་སོ། །ཡེ་ཤེས་གསལ་བ་སྒྲོན་མའི་རྒྱུད་ལས། གང་གིས་བསྐལ་པ་བརྒྱད་ཁྲིད་བཞི་སྟོང་གི་བར་དུ་ཕ་རོལ་ཏུ་ཕྱིན་པ་དྲུག་སྤྱད་པ་བས། ལྷའི་སྐུ་ཡན་ལག་བདུན་ལྡན་སྐད་ཅིག་མ་གཅིག་དྲན་པས་བསོད་ནམས་ཆེས་ཁྱད་པར་དུ་འཕགས་སོ། །ཞེས་གསུངས་ཏེ། དེའི་རྒྱུ་མཚན་བླ་མ་མཚན་ཉིད་ཀྱིས་བྱིན་རླབས་ཞུགས་ན་ཚེ་གཅིག་ལུས་གཅིག་གམ། དུས་ཡུན་མི་རིང་བའི་ཆ་ལ་གྲོལ་འགྲོ་སྟེ། བླ་མའི་བྱིན་རླབས་ཙམ་གྱིས་ནི། །སྐད་

[Full Size]

ཅིག་ཉིད་ལ་འབྱུང་གང་ཡིན། །ཅེས་གསུངས། ཡང་བླ་མ་མཚན་ལྡན་དང་། སློབ་མ་སྣོད་ལྡན་འཛོམ་ན། ཞལ་མཐོང་བའམ། གསུང་ཐོས་པའམ། བཀའ་བ་སྔོན་གྱི་བྱེད་པ་འབའ་ཞིག་ལ་བརྟེན་ནས་ཀྱང་འགྲོ་བར་འགྱུར་རོ། །སྤྱི་བོའི་གཙུག་གམ་ཞེས་པ། སྡོད་ན་དེར་ཉལ་ན་སྙིང་གར་བསྒོམས་པས་འོད་གསལ་ཟིན་པའི་རྟེན་འབྲེལ་ཡོད། འགྲོ་ན་ལག་པ་སླེབས་ཙམ་གྱི་ནམ་མཁའ་ལ་བསྒོམས་པས་དམིགས་པ་གསལ་བ་ཡིན་གསུང་། ལག་པའི་མཐིལ་དུ་གནས་ཅེས་པ། དེ་ལ་ཆོས་གསུམ་རང་ལ་ཡོད་པར་དབྲོག་པར་མི་ནུས་པས། ཉེ་རིང་ངན་པས་བསལ་བ། དགོས་འདོད་འབྱུང་བའོ། །དེ་ནི་བླ་མས་བསྟན་པའི་དོན་རང་བྱུང་ལྷན་ཅིག་སྐྱེས་པའི་ཡེ་ཤེས་དེ་ཡང་ཆོས་གསུམ་དང་ལྡན་ཏེ། བླ་མ་བསྟེན་པ་ལ་ཡོན་ཏན་དཔག་ཏུ་མེད་པ་ཡོད་དོ། །མ་བསྟེན་པའི་ཉེས་པ་ནི། ས་ར་ཧའི་ལུང་གཞན་རྣམས་སྔོན་དུ་སོང་ནས་ཡིན་པ་དེ་ལྟར་

[Full Size]

ཡིན་པ་ལ། གང་ཟག་གི་བླ་མའི་གདམས་ངག་བདུད་རྩིའི་ཆུ་ཅེས་སོགས་གསུངས། མོས་གུས་ལམ་གྱི་གཙོ་བོ་ཡིན་ཅེས་པ། བླ་མའི་མོས་གུས་འདི་ཟབ་ལམ་ཐམས་ཅད་ཀྱི་རྩ་བར་གསུངས་ཏེ། ཁྱད་པར་གྱིས་ཀྱང་། ཕྱག་རྒྱ་ཆེན་པོ་མོས་གུས་ཀྱི་ལམ་སའམ་བྱིན་རླབས་ཀྱི་ལམ་ས་ཡིན་པས་མོས་གུས་དགོས་ཏེ། མོས་གུས་རབ་ལ་བསྒོམ་རབ། འབྲིང་ལ་འབྲིང་། ཐ་མ་ལ་ཐ་མ། ཡེ་མེད་ལ་སྒོམ་ཡེ་མེད་དེ་སྐལ་པ་ཆད་པ་ཡིན་གསུང་། སྔོ་ན་ཡང་ཡང་བ་ཅེས་པ། ཤངས་རྨོག་ལྕོག་གི་བྲག་ལ། རྩམ་པ་སྤྱན་གྱིས་མ་གཟིགས་པའི་སྒྲུབ་པ་ལོ་བཅུ་གཉིས་མཛད་པའི་ཡི་དམ་དཔག་ཏུ་མེད་པའི་ཞལ་གཟིགས། ཐུགས་རྗེ་བསམ་གྱིས་མི་ཁྱབ་པ་འཁྲུངས་པས། དེ་ཐམས་ཅད་བླ་མའི་བཀའ་དྲིན་དུ་ཤེས་ནས་དེ་སྐད་གསུངས་ཏེ། ཡི་དམ་བཟང་ངན་ཁྱད་ཡོད་པ་ལྟ་བུ་མ་ཡིན། བླ་མའི་མོས་གུས་ཆེས་བརྟན་

[Full Size]

པའི་ཕོ་སྐད་ཡིན་གསུང་། བུ་གཅིག་པ་ཤི་བའི་མ། ཅེས་མ་འཛངས་མ་ཅིག་ལ། བུ་བྱད་གཟུགས་ལེགས་པ། བློ་དང་ལྡན་པ་ཡོད་པ་ལ། དེ་ཤི་ན། མ་དེ་ལ་རེ་ཞིག་འགྲོ་འདུག་གང་བྱེད་ཀྱང་དེའི་འདུ་ཤེས་དང་མི་འབྲལ་བ་བཞིན་དུ། བླ་མ་མཚན་ལྡན་དེ་ཡང་འགྲོ་འདུག་གང་བྱེད་ཀྱང་མི་འབྲལ་བ་ཅིག་དགོས་གསུང་ངོ་། །སྙིང་ཁོང་རུས་པའི་གཏིང་ནས་གསོལ་བ་འདེབས་དགོས་ཀྱིས་གསོལ་བ་འདེབས་སོ། །བྱིན་གྱིས་རློབས་ཤིག །མི་རློབ་ན་ཡང་ཁྱེད་རང་ཤེས་སོ་ཟེར་བ་ལ་བྱིན་རླབས་འབྱུང་གསུང་། རེས་བླ་མ་རྗེད། རེས་ལོག་ལྟ་བྱེད་པ་ལ་བྱིན་རླབས་མི་གསུང་ངོ་། །སངས་རྒྱས་སྟོན་པའི་གསུང་གིས། འོ་སྐོལ་རྣམས་ཀྱིས་རང་གི་སྡིག་སྒྲིབ་མ་དག་པའི་རྟགས་ཀྱིས་བླ་མ་སྐྱོན་མེད་དུ་བཟང་ཡག་གི་གཏོང་མི་ནུས། དེ་ཡང་ཐོག་མར་བསྟན་བཅོས་ལས་གྲགས་པའི་སྐྱོན་ཚོལ།

[Full Size]

དེ་མ་རྙེད་ན་འཇིག་རྟེན་ལ་གྲགས་པའི་སྐྱོན་ཚོལ་གསུང་བ་ཞིབ་ཏུ་གསུང་། འདི་དག་གི་ཐད་དུ། རིན་པོ་ཆེ་པ་སངས་རྒྱས་སྟོན་པའི་གསུང་གིས། སློབ་དཔོན་གྱིས་དང་ཅིག་མཛོད་ཅིག་གསུང་། མ་མཆི་ཞུས་པས། གང་བྱུང་བ་གྱིས་གསུངས། དེར་ཚེ་གཅིག་ལུས་གཅིག་གིས་འཚང་རྒྱ་བ་ལ་བླ་མའི་མོས་གུས་དགོས། མོས་གུས་ལ་གོ་འདྲིས་སུ་མ་ཤོར་བ་ཅིག་དགོས། གོ་འདྲིས་སུ་ཤོར་ཏེ་སྐྱ་བའི་མདའ་ཁ་དང་། ཡོག་པའི་མདུང་ཁ་ལོག་གོ་བ་ལ་བྱིན་རླབས་མི་འབྱུང་། འདི་དག་གི་བསྟེན་ཚུལ་གསང་སྔགས་རྙིང་མ་འགའ་ཞིག་ནས་གསུངས་ཏེ། དངོས་པོ་ཀུན་གྱིས་རབ་མཆོད་ཅིང་། །ལུས་ངག་སྤྱོད་པ་རབ་བསྡམས་ལ། །ཧ་ཅང་ཉེ་མན་རིང་བའང་མིན། །ཞེས་བླ་མ་དང་མེ་འདྲ་གསུངས་པས། སངས་རྒྱས་སྟོན་པ་མཉེས་ཏེ། སློབ་དཔོན་གྱིས་དེ་ལེགས། ཆོས་རྗེ་དབུ་རི་བ་ཡང་དེ་སྐད་གསུང་སྟེ། ཁོང་

[Full Size]

མཚམས་གཅིག་པོ་མཛད་པ་ལ་དབུ་ཆེ་རྣམས་ཀྱིས། མཇལ་ཀ་དང་འགྲོ་དོན་གནང་བར་ཞུས་པས། ཁྱེད་རྣམས་ཀྱིས་མ་གོ་བ་ཡིན་གསུང་ནས་མ་གནང་། ཡང་ཡང་ཞུས་པས། ངས་དེ་བཞིན་བྱས་ན་ཁྱེད་རྣམས་ལ་གནོད་པ་ཡིན་གསུང་། དེར་ཁོང་རྣམས་ཀྱི་བླ་མ་ཐུགས་དམ་འབྲལ་བ་མི་མངའ་འགྲོ་དོན་མཛད་ན། བདག་ཅག་ལ་མི་གནོད་པའི་སྟེང་དུ་སེམས་ཅན་མང་པོ་སྨིན་གྲོལ་འབྱུང་བ་གདའ་ལགས་ཞུས་པས། ངས་མཚམས་འདི་ལྟ་བུ་བྱས་ནས། འཕྲད་མཇལ་མ་བྱས་པ་འདི་ཁྱེད་རྣམས་ལ་དྲིན་ཆེ་བ་ཡིན། ད་ལྟ་ཁྱེད་ཚོས་ངའི་གདོང་པ་མཐོང་བ་ཙམ་ལ་མཆི་མ་འཆོར་ཀྱིན་འདུག་སྟེ། ངས་ཆོས་དང་མཇལ་ཀ་དཀོན་པར་བྱས་པས་བྱུང་བ་ཡིན། ངས་དེ་བཞིན་མ་བྱས་པར་ཕོ་ལེ་བྱས། རྐང་པ་རྐྱང་སྟེ་ཁྱེད་ཚོ་དང་མཉམ་དུ་སྡད་ན། མོས་གུས་བྱེད་པ་ཨ་ཅང་ཆེ་སྟེ། སྐྱ་བའི་མདའ་ཁ། སོག་མའི་མདུང་

[Full Size]

ཁ་ལ་འགྲོ་བ་ཡིན་གསུང་། གཞན་ཡང་སངས་རྒྱས་གཉན་སྟོན་གྱིས། དེ་དུས་ཀྱི་ཀྱུ་ར་རིན་པོ་ཆེ། ཞང་ཚལ་པ། དུས་གསུམ་མཁྱེན་པ་མདོ་ཧ་པ། གཙང་པ་རྒྱ། ས་སྐྱའི་རྗེ་བཙུན་གྲགས་པ་རྒྱལ་མཚན་ལ་སོགས་པ་ཆེ་དགུ་བཟང་དགུ་རྣམས་བསྟེན་ཅིང་། བླ་མ་མཉེས་པ་གདམས་ངག་རྫོགས་པར་ཞུས་པས། དེ་རྣམས་ཀྱི་གྲྭ་པ་ནས་རང་རང་གི་གྲུབ་མཐའ་རེ་དང་། ཆོས་སྐྱོང་གི་ཁ་ཟིན་ཏེ་འདུག་ནའང་། ཚེ་གཅིག་ལུས་གཅིག་ལ་སངས་རྒྱ་བ་བླ་མའི་མོས་གུས་དགོས་པ་ལ་ཀུན་མཐུན་པར་འདུག་པས། ཆོས་འདི་ཟབ་པའི་གནད་གཅིག་ཡིན་པ་འདྲ་གསུང་། ཁྱད་པར་དུ་ཡང་རྗེ་བཙུན་ཆེན་པོ་སྔ་ཕྱིར་ལོ་བཅུ་གཉིས་བསྟེན་ནས། ཕྱི་མ་འབྱོན་པའི་དུས་སུ་ཞུ་བ་གསུམ་མཛད་དེ། དུས་དང་གནས་སྐབས་ཐམས་ཅད་དུ་ཐུགས་རྗེ་འཛིན་པར་ཞུ། ད་ལྟ་བྱིན་རླབས་གཅིག་ཀྱང་ཞུ། གསུངས་སྐོས་གཅིག་ཀྱང་ཞུ་བྱས་པས། གསུང་

[Full Size]

སྐོས་ལ་རང་རེ་ས་སྐྱ་པ་ལ་ཆོས་མང་དུ་ཡོད་པར་སོང་ཡང་། རྒྱུད་གསུམ་གདམས་ངག་ཏུ་བཅས་པ་འདི་ལ་མཐིལ་དུ་བྱེད་དེ། དེ་ལས་དང་པོ་ཉམས་སུ་ལེན་པའི་དུས་སུ་གདམས་ངག་ལ་འདྲིལ། དེ་ལ་ལམ་སྐོར་དགུ་ལས། ལམ་ཟབ་འབྲིང་གསུམ་དུ་བསྟན་པ། རྒྱས་འབྲིང་གསུམ་དུ་བསྟན་པ་ལས། ཟབ་འབྲིང་གསུམ་དུ་བསྟན་པ་ལ། ཟབ་མོ་བླ་མའི་མོས་གུས། འབྲིང་དམ་ཚིག་དང་སྡོམ་པ། ཐ་མ་ལུས་སོ་སོར་རྟགས་པའི་འགོག་པ། རྟེན་འབྲེལ་བཅུ་གཉིས་ཀྱི་ལམ་བྱ་བ་ཡོད་པ་ལས། བིར་ཝ་པའི་ལམ་བྱ་བ་ཟབ་མོ་བླ་མའི་མོས་གུས་ལ་འདྲིལ། དེ་ལ་བླ་མ་ཆོས་སྐུར་སྒྲུབ། སྤྲུལ་སྐུར་སྒྲུབ་པ་ལ་སོགས་པ་བཤད་ནའང་དེ་རྣམས་སྙན་ངག་ཙམ་ཡིན་པས། ང་རྒད་པོ་མགོ་སེ་ཡེར་བ་འདི་སྤྱི་བོར་བསྒོམས་ལ། དགེ་བསྙེན་རྒད་པོ་གྲགས་པ་རྒྱལ་མཚན་ང་མཐོ་གཏོང་དམའ་གཏོང་སྐྱིད་

[Full Size]

དེ་སྡུག་གེ་ཁྱེད་རང་ཤེས་སོ་གྱིས་ལ་གསོལ་བ་ཐོབ་དང་། ངས་སྒྲུབ་པ་ཚད་ལྡན་དུ་བཏང་བས་ཁྱོད་མི་བསླུ་ངེས་ཀྱིས་གསུང་། ཞང་ཚལ་པའི་ཞལ་ནས་ཀྱང་དེ་སྐད་གསུང་། རིན་པོ་ཆེའི་གསུང་གིས། བླ་མ་ཡང་དེ་འདྲ་གཅིག་ཡིན། ཁྱོད་མི་བསླུ་ཡིས་ཟེར་བ་གཅིག་ཀ་དགོས་གསུང་། གཙང་པ་རྒྱ་བུར་གྱི་ཀློང་རྡོ་ན་བཞུགས་པའི་དུས་སུ་དྲུང་དུ་བྱོན་པའི་ལོ་རྒྱུས་ཀྱང་གསུང་ངོ་། །རིན་པོ་ཆེ་པ། ཆོས་གང་དང་གང་ཐམས་ཅད་ཀུན་དང་མཐུན་པ་དེ་དང་འདྲ་བ་གཅིག་ཡིན། ད་ལྟ་འགའ་ཞིག་ངེད་ཀྱི་འདི་གཞན་དང་མི་འདྲ་བ་ཟབ་པ་གཅིག་ཡོད་ཟེར་ཏེ། དེ་ལ་ཟབ་པར་བྱེད་དེ་ཟབ་མི་ཟབ་བརྟག་དཀའ། དཔེར་ན་མི་ཡང་ལུས་པོ་མི་ལ་མགོ་བོ་བོང་བུ་བྱས་ན་གཞན་དང་མི་འདྲ་སྟེ་དེ་ལ་སྣལ་སོ་མི་འབྱུང་། གཟུགས་བཅས་ཐམས་ཅད་འདྲ་བའི་སྟེང་དུ་བཞིན་ལེགས་པ། བློ་དང་ལྡན་པ་ཅིག་བྱུང་ན་ཁྱད་པར་འཕགས་མོད། དེ་བཞིན་དུ་

[Full Size]

ཆོས་གཞན་ཐམས་ཅད་དང་མི་མཐུན་པ་ལ་དགའ་རྒྱུ་མེད། དང་པོ་སངས་རྒྱས་ཀྱིས་གསུངས་པ། བར་དུ་ལོ་པ་གྱིས་བསྒྱུར་བ། བསྟན་བཅོས་མཁན་པོ་རྣམས་ཀྱིས་བཀྲལ་བ། གྲུབ་ཐོབ་རྣམས་ཀྱིས་ཉམས་སུ་བླངས་པ་དེ་འདྲ་གཅིག་གི་སྟེང་དུ། གདམས་པའི་རྣོ་དང་བྱིན་རླབས་ཀྱི་མཚན་ཁ་ཆེ་བ་གཅིག་བྱུང་ན་ཟབ་པ་ཡིན་གསུང་། བླ་མ་བྷི་བུ་ཏའི་བླ་མའི་རྣལ་འབྱོར་གྱི་བཤམ་ན་ཡང་། ཆོས་འདི་ཟབ་པ་ཡིན་ཏེ། ཀུན་དང་མཐུན་པའི་ཕྱིར་རོ། །ཞེས་གསུངས། སློབ་དཔོན་སངས་རྒྱས་ཡེ་ཤེས་ཞབས་ཀྱིས་གསང་འདུས་ཀྱི་གནད་མ་བདེ་བ་འགའ། རྒྱལ་པོ་སྐྱེ་བོ་སྐྱེས་ལ་ཞུ་རུ་ཕྱིན་པས། ཁོང་ན་རེ། ངས་ཁྱོད་འདུལ་བར་མི་འགྱུར་གྱིས། ལྷོ་ཕྱོགས་ཀྱི་རྒྱུད་ན། སློབ་དཔོན་འཇམ་དཔལ་བཤེས་གཉེན། འབན་བཙུན་གྱི་ཆ་བྱད་ཅན་སྤྱོད་པ་ངེས་མེད་ཐོད་རྒོལ་དུ་སྟོན་པ་གཅིག་ཡོད་

[Full Size]

པས། དེར་རྒྱུག་ལ་ཞུས་གསུང་ནས་ལུང་བསྟན། དེར་བྱོན་པས་ཕྱོགས་གཅིག་ན་བཙུན་རྒན་གླང་བུ་གཉིས་ལ་རྨོས་བྱེད། དེའི་འགྲམ་ན་ཆུ་གཅིག་ཉ་རྒྱ་བཙུགས་ནས་སྐབས་སུ་ཉ་འཛིན། རོལ་ནང་གི་སྦལ་པ་དང་། གྲོག་སྦུར་རྣམས་བཏུས་ཏེ་ལ་ལ་ཞལ་དུ་གསོལ། སྣམ་ཕྲག་ཏུ་སྡུད་བྱེད་ཅིང་འདུག །སྔར་གྱི་གསུང་དེས་འདིར་འདུག་སྙམ་ནས། ཕྱག་དང་བསྐོར་བ་བྱས་ནས། རྗེས་སུ་འཛིན་པར་ཞུ་བས། གསང་འདུས་ཞུ་བྱས་པས། ད་ལྟ་འཛམ་བུ་གླིང་ན། རྒྱལ་པོ་སྤྱི་བོ་སྐྱེས་ལས་མཁས་པ་མེད་པས་དེར་ཞུས་གསུང་། ཁོང་གིས་ལུང་བསྟན་པ་ལགས་ཞུས་པས། འོ་ན་ནང་དུ་འདོང་གསུང་ནས་བྱོན་པས། སྐྱོ་ས་བཀོལ་བའི་རྡོར་ལ་ཉ་གསོན་མ་དང་། གྲོག་སྦུར་རྣམས་བླུག་པར་བྱ་གཅིག་དང་སྐྱེ་བ་བཅུས་ནས་བཅུག་པས། ཆུ་ཁོལ་མའི་ནང་ན་ཉ་གསོན་མ་ཁྱུག་ཁྱུག་འདུག་པ་དང་། བཅུས་ནས་ཁོང་རང་

[Full Size]

ཡང་གསོལ། སློབ་དཔོན་ལ་ཡང་དྲངས་པས་སྤྲུལ་པའི་མཛད་པར་ཤེས་ཀྱང་ཉམ་ང་ནས་མ་གསོལ། དེ་ནུབ་སོ་སོར་གཟིམས་པས། ནམ་ཐོ་རངས་སློབ་དཔོན་གྱི་རྣལ་ལམ་དུ། བུམ་ཆུ་མང་པོ་མགོ་ལ་བླུག་པ་རྨིས། ནམ་ལངས་པ་དང་ཆོས་བྱ་ཡི་ཤོག་གསུང་ནས་བྱོན་ཏེ། ཐོག་མར་དབང་བསྐུར་མི་འཚལ་ལམ་ཞུས་པས། ད་ནང་རྨི་ལམ་དུ་བསྐུར་ཡོད་གསུངས་ནས། གསང་འདུས་ཀྱི་ལྷ་ཚོགས་མདུན་ན་སྤྲུལ་འདུག །དེ་ནས་ཆོས་ང་ལ་ཞུའམ་ལྷ་ལ་ཞུ་གསུང་། སློབ་དཔོན་གྱིས་བསམ་པ་ལ། བླ་མ་ལ་ད་རུང་ཞུས་པས་ཆོག །ལྷ་ལ་ཞུ་རྒྱུ་ཡོད་པ་འདི་ཀུན་དང་ཀུན་གྱི་ཐུན་མོང་མ་ཡིན་སྙམ་ནས། ལྷ་ལ་ཞུ་བྱས་པས། ཁོང་གིས་སེ་གོལ་གཅིག་ཏོག་པས་ཏེ། ང་ལྷ་ལ་ཞུས་གསུངས་པ་དང་། ལྷ་རྣམས་ཁོང་གི་ཐུགས་ཀར་ཐིམ་སོང་། དེར་སློབ་

[Full Size]

དཔོན་ལ་ཞུ་བྱས་པས། ཁྱོད་ཀྱིས་མདངས་དངོས་གྲུབ་ཀྱི་རྫས་ལ་ཐེ་ཚོམ་བྱས། དེ་རིང་བླ་མ་བས་ཡི་དམ་ལ་འདམས་པས། ཚེ་འདི་ལ་མཆོག་གི་དངོས་གྲུབ་ཐོབ་རྒྱུ་དེ་སྐྱེ་བ་གསུམ་དུ་འགྱངས་སོང་། འོན་ཀྱང་ཕན་ཐོགས་ཆེན་པོ་འོང་བར་འདུག་གི་གསུང་ནས། གསང་འདུས་གནང་སྟེ། བླ་མ་བས་ཡི་དམ་འདེམས་པའི་ཉེས་པའོ། །སློབ་དཔོན་པདྨ་རྒྱ་གར་དུ་གཤེགས་པ་ལ། མཁར་ཆེན་བཟའ་དང་། སྣ་ནམ་བཟའ་གཉིས་ཀྱིས་མང་ཡུལ་ཐུག་སྐྱེལ་ཐུང་བྱས་ནས། དེར་རྡོ་རྗེ་ཕུར་པའི་དབང་ཞུས། སློབ་དཔོན་གྱིས་ལྷ་ཚོགས་རྣམས་མདུན་དུ་སྤྲུལ་ནས། ང་ལ་ཞུའམ་ལྷ་ལ་ཞུ་གསུངས་པས། སྣ་ནམ་བཟའི་བསམ་པ་ལ་སློབ་དཔོན་འདི་ང་རང་གི་ཟླ་གྲོགས་ཀྱང་ཡིན། རྒྱ་གར་དུ་གཤེགས་ཀྱང་ད་རུང་འབྱོན་སྲིད། བདག་སློབ་དཔོན་ལ་མ་གུས་པ་མ་ལགས་ཏེ། ལྷ་ལ་ཞུ་བྱས་པས།

[Full Size]

ལྷ་རྣམས་ཐུགས་ཀར་ཐིམ་སོང་། མཁར་ཆེན་བཟའི་བསམ་པ་ལ། ཡི་དམ་གྱི་ལྷ་རྣམས་ཀྱང་སློབ་དཔོན་གྱི་སྤེལ་སྤྲུལ་གཅིག་ཡིན་མཇལ་ཡང་དཀའ་སྙམ་ནས། བདག་ཡི་དམ་ལ་མ་གུས་པ་མ་ལགས་ཏེ། སློབ་དཔོན་ལ་ཞུ་བྱས་པས་དབང་རྣམས་རྫོགས་པར་གནང་སྟེ། དེ་ཡང་ཕུར་པ་ཇོ་མོ་ལུགས་བྱ་བ་བྱིན་རླབས་ཆེ་བ་ཡིན་གསུང་། སངས་རྒྱས་ཡིན་ན་བསྒོམ་ཡང་མི་དགོས་སམ་ཅེ་ན། ཡིན་ཡང་ཡིན་པར་མ་ཤེས་ཤིང་། ཤེས་ཤིང་ཤེས་ཀྱང་མ་ལྡན་པས་བདག་བཟང་གི་ང་རྒྱལ་དང་། སྐྱོན་སྣང་གི་ལོག་ལྟ་ཡིས་རྒྱུད་གཡེངས་པ་སྦྱང་བའི་ཕྱིར་བསྒོམས་ལ་གསོལ་བ་འདེབས་དགོས་སོ། །ས་སྐྱ་པཎྜི་ཏའི་ཞལ་ནས། སངས་རྒྱས་མཚན་དཔེས་བརྒྱན་ནས་མདུན་དུ་འོད་ཀོ་རེ་བྱོན་ན། འོ་སྐོལ་གྱི་བློར་མི་ཤོང་། དེ་བས་རྨི་ལམ་དུ་བྱུང་ཡང་མི་ཤོང་བ་འདུག་སྟེ། ལྷ་ཁང་ལྡེར་བཟོ་བྱུང་ན་

[Full Size]

རྒྱལ་འགོང་གི་རྨི་ལམ་བྱུང་ཟེར། པོ་ཏི་ཀློག་འདོན་ལ་ཁ་སྨྲས་གླེང་གཞི་ཡོད་མི་ཁ་རྡོབས་ཟེར། དགེ་འདུན་ལ་ཡང་དེ་སྐད་ཟེར་གསུང་། མཚན་དཔེ་ཡོད་ཀྱང་རང་གིས་མ་མཐོང་བ་སྟེ། སློབ་དཔོན་ཐོགས་མེད་ཀྱིས་བྱམས་པ་བསྒྲུབས་པས། གྲུབ་པའི་མཚན་མ་མ་བྱུང་ནས་ཕྱིར་བྱོན་པས། ཉ་རྒྱ་སྒྲོས་ལྕགས་གཅོད་པ་དང་། ཆུས་རྡོ་འབིགས་པ་ལ་སོགས་པ་གཟིགས་ནས་ནང་དུ་བྱོན་ཏེ། ཡུན་དུ་བསྲིངས་ན་ཆུ་རྒྱུན་འཇམ་པོས་ཀྱང་། རྡོ་ལེབ་དག་ཀྱང་དུས་སུ་འབིགས་པ་དང་། མིས་ནི་བརྩོན་འགྲུས་དང་བཅས་བསྒྲུབས་གྱུར་ན། །མི་འགྲུབ་ལས་ནི་གང་ཡང་ཡོད་མ་ཡིན། །ཅེས་གསུང་། བསྒྲུབས་པས་འགྲུབ་ན་རྫུ་འཕྲུལ་གཞན་བསྟེན་ལ་དགའ་ལྡན་དུ་བྱོན་ནས། བྱམས་པའི་ཆོས་ལྔ་སོགས་ཉན་ནས། དེ་ཙམ་དུ་ཞལ་མི་སྟོན་པ་ཞེས་ཡུལ་བདར་བས། ང་སྒྲུབ་པ་བྱས་ནས་ཞག་གསུམ་ནས་

[Full Size]

འབྲལ་མེད་དུ་ཡོད་དེ། ཁྱོད་རང་གི་སྡིག་སྒྲིབ་མ་དག་པ་དང་། མཐོང་ན་དགའ་བའི་རེ་བ་དེས་བཀག་པ་ཡིན། ཡིད་མི་ཆེས་ན་བསྟན་གྱིས་ཞེས་རྒན་མོས་ཁྱི་དཀར་སོགས་མཐོང་བ་ལ་སོགས་པ་རྒྱས་པར་གསུངས། མདོར་ན་བླ་མ་ལ་མེད་པ་མ་ཡིན། རང་གི་སྡིག་སྒྲིབ་མ་དག་པས་མ་མཐོང་བའོ། །ས་སྐྱ་པཎྜི་ཏའི་ཞལ་ནས། སྔོན་གསོལ་བ་འདེབས་པ། སློབ་དཔོན་ཐོགས་མེད་ལྟ་བུས། བླ་མ་བྱམས་པ་ལྟ་བུ་དངོས་སུ་སྤྱངས་ནས་བྱོན་ཡང་། སྣང་བ་མ་དག་པས་ཁྱི་རུ་མཐོང་བ་ལས་མ་བྱུང་འདུག །ད་འོ་སྐོལ་རྣམས་ཀྱི་བླ་མ་མི་རུ་མཐོང་། མིའི་ནང་ནས་ཅུང་དྲག་ཤོས་རེ་མཐོང་བ་འདི་སྐལ་བ་མི་དམན། བསགས་པ་མི་ཆུང་བས། འདིའི་དུས་སུ་སངས་རྒྱ་བའི་ལམ་ལ་འབད་རྩོལ་བསྐྱེད་དགོས་གསུང་། སངས་རྒྱས་ཞི་བ་དང་། གསང་བ་གཉིས་ཀྱིས་པོ་ཏ་ལར། སྒྲོལ་

[Full Size]

མ་དང་ཁྲོ་གཉེར་ཅན་འཚོལ་དུ་ཡེ་མ་རྙེད། དེ་ནས་ཕྱོགས་གཅིག་ན་རྒན་མོ་ཐག་གཉིས་འདུག་ནས། ཞི་བའི་བསམ་པ་ལ། ཕྱོགས་འདིར་གཞན་ནི་འོང་བ་མེད། འདི་གཉིས་ཡིན་ན་ཆོག་སྟེ། མིན་པཎྜི་ཏས་རྒན་མོ་གཉིས་ལ་ཆོས་ཞུས་ཟེར་སྲན་མ་ཅན་དུ་འགྲོ་ཟེར། ད་དུང་འཚོལ་དུ་ཕྱིན་པས་ཡེ་མ་རྙེད་ནས། ད་འདི་པ་ཀ་ཡིན་འོང་སྙམ་ནས་ཆོས་ཞུས་སོ། །དེ་ནས་གཉིས་པོ་ཡུན་རིང་ཚད་སོང་ནས་ཚུར་བྱོན་ཏེ་ལམ་དུ་བྲག་ཕུག་གཅིག་ཏུ་ཉལ་བས། སྔོན་ཆད་ཆོས་ལ་གླེ་བོ་ཡང་མ་བྱུང་འདུག །དེའི་དགོངས་མོ་གླེ་བོས་བྱས་ཏེ། འུ་ཅག་གཉིས་ཀྱིས་ཡུལ་ནས་ཡོངས་ནས་ཇི་ཙམ་སོང་། ཆོས་ཅི་ཐོས། ཡོན་ཏན་ཅི་སྐྱེས་གླེངས་པས། ཞི་བ་ལ་ཡོན་ཏན་བསམ་གྱིས་མི་ཁྱབ་པ་འཁྲུངས་འདུག །གསང་བ་ལ་རྐང་མགྱོགས་ཀྱི་དངོས་གྲུབ་གཅིག་བྱུང་འདུག །དེར་གསང་བའི་བསམ་པ་ལ།

[Full Size]

ཁོ་ལ་ཡོན་ཏན་འདི་ཙམ་འཁྲུངས་འདུག །ང་པཎྜི་ཏ་ཡིན། ཡང་འདི་ལས་མི་འདུག་སྙམ་པའི་ཕྲག་དོག་ཅུང་ཟད་བྱུང་ཡང་། ཚ་བ་བཀོལ་དུས། གསང་བ་དེ་ན་ཚོད་གཞོན་པ་དང་། ཁོང་གཉིས་དཔོན་སློབ་ཀྱང་ཡིན་པས་སྨྱུག་དོང་དུ་ཆུ་ལེན་དུ་བྱོན་པས། རྐང་མགྱོགས་ཉམས་ཏེ། སྔར་བས་ཀྱང་ཞབས་ལྕི་བ་འདྲ་བ་གཅིག་བྱུང་ནས། ངའི་རྐང་མགྱོགས་ཉམས་འདུག་བྱས་པས། ཞི་བ་ན་རེ། ད་རུང་ལོག་ལ་ཁོང་རང་གཉིས་ལ་ཞུ་རུ་འདེང་གསུང་ནས། ལོག་ནས་དྲུང་དུ་བྱོན་པས། ཁོང་གཉིས་ན་རེ། ཁྱོད་ཐོག་མར་ངེད་གཉིས་ལ་ཐེ་ཚོམ་བྱས། མ་ང་གྲོགས་ཀྱི་ཡོན་ཏན་ཕྲག་དོག་བྱས་པས་མ་དག་པའི་སྣང་བ་ཕྱོགས་མེད་དུ་སྦྱོངས་ཤིག་ལ་སོགས་པའི་ཆོས་གསུངས་སོ། །བགེགས་ཆེན་གདོན་མཛད་ཅེས་པ། ལས་རྒྱུན་གཅོད་པའི་མཛད་པ་ན་གདོན་མུ་གེ་ལ་

[Full Size]

སོགས་པར་སྤྲུལ་ནས་སེམས་ཅན་གྱི་དོན་མཛད། གཞན་ཡང་བླ་མ་གྲུབ་ཐོབ་འགའ་ཞིག་རང་ཉིད་བྲམ་ཟེའི་ཚུལ་དུ་བཟུང་ནས་ལྕེབ་པར་སྟོན་པ་ཡང་ཡོད་གསུང་། རིམ་ལྔ་ལས། འདི་ནི་རང་བྱུང་བཅོམ་ལྡན་འདས། །གཅིག་པུ་བདག་ཉིད་ཆེ་བའི་ལྷ། །མན་ངག་ཐམས་ཅད་རབ་སྟེར་བས། །རྡོ་རྗེ་སློབ་དཔོན་དེ་བས་ལྷག །ཅེས་གསུང་། དུས་གསུམ་འདོམས་པའི་དགོངས་པ་བླ་མ་བཀའ་དྲིན་ཆེ་སྟེ། ས་པ་གྱིས། ཉི་མའི་འོད་ཟེར་རབ་ཚ་ཡང་། །མེ་ཤེལ་མེད་པར་མེ་མི་འབྱུང་། །དེ་ནི་སངས་རྒྱས་བྱིན་རླབས་ཀྱང་། །བླ་མ་མེད་པར་འབྱུང་མི་འགྱུར། །ཞེས་པས། དཔེར་ན་དཔྱིད་སོས་ཉི་མའི་དཀྱིལ་འཁོར་ཚ་མོས་ཀླད་པ་འགེམས་པ་དང་འདྲ་བ་ཡོད་ཀྱང་། མེ་ཤེལ་ལམ་མེ་ལོང་མེད་ན་མེ་མི་འབྱུང་ལ། ཉི་མའི་འོད་ཟེར་མེ་ཤེལ་ལམ་མེ་ལོང་གཡའ་དང་

[Full Size]

བྲལ་བ་གཅིག་ལ་བསྡུས། དེ་སྤྲ་བ་རླན་དང་བྲལ་བ་གཅིག་ལ་བསྟན་ན་འཕྲལ་ཉིད་དུ་མེ་འབྱུང་། དེ་བཞིན་དུ་ཕྱོགས་བཅུ་དུས་གསུམ་གྱི་སངས་རྒྱས་ལ་མཁྱེན་བརྩེ་ནུས་མཐུ་མངའ་ཡང་། བླ་མ་མེད་ན་བྱིན་རླབས་མི་འབྱུང་། དེས་ན་ཉི་འོད་དང་འདྲ་བའི་སངས་རྒྱས་ཀྱི་ཐུགས་རྗེ་དེ། མེ་ཤེལ་ལམ་མེ་ལོང་དང་འདྲ་བའི་བླ་མ་ལ་བསྡུས། སྤྲ་བ་རླན་དང་བྲལ་བ་འདྲ་བའི་སློབ་མ་སྣོད་ལྡན་གཅིག་གིས་གསོལ་བ་བཏབ་ན། ཚེ་གཅིག་ལུས་གཅིག་ལ་སངས་རྒྱས་ཐོབ་པས་ན་བླ་མ་བཀའ་དྲིན་ཆེ་གསུང་། སློབ་དཔོན་སངས་རྒྱས་ཡེ་ཤེས་ཞབས་འཁོར་གྱི་དཀྱིལ་འཁོར་ལ་ཆོས་གསུང་བའི་མདུན་ན་ཚུར། སློབ་དཔོན་འཇམ་དཔལ་བཤེས་གཉེན་འཁོར་ཞལ་ཞེས་འགའ་དང་བཅས་པ་བྱོན་པས། ཁོང་གིས་འཁོར་གྱི་རྩར་ཕྱག་མ་བྱས་པར། ཆོས་འཕྲོ་ཏབ་ཏོབ་

[Full Size]

ཅིག་བཤད་ནས་རྗེས་བྱོན་ཏེ། ད་བྱི་མ་མཐོང་གསུང་ནས་དེར་ཕྱག་བྱས་པས་མ་མཐོང་གསུངས་མ་ཐག་སྤྱན་ས་ལ་བྲུལ་ལོ། །དེར་གསོལ་བ་བཏབ་བཟོད་པར་གསོལ་བར་ཞུས་པས། ཁོང་གིས་ཡེ་ཤེས་ཀྱི་སྤྱན་དང་ལྡན་པར་གྱུར་ཅིག་གསུངས་པས་དེ་བཞིན་དུ་གྱུར་ཏོ། །རིན་པོ་ཆེའི་གསུང་གིས། ཁོང་གིས་མཆོད་རྟེན་ཞིག་ཤུལ་དུ་ལྷ་ཁང་འབྱོར་འདུག །རང་རེ་ཀུན་དེ་ལྟར་བྱས་ན་སྒོ་ཆག་ཡོན་ཤོར་བྱུང་དོགས་ཡོད་དེ། ཅི་གསུང་ཚད་མར་འཛིན་པའི་སྐབས་སུ་ཁེབས་བརྩི་བ་གསུང་བཅག་གི་ཉེས་པ་མེད། བླ་མའི་གསུང་བཅག་ནས། གནས་པ་མགོ་འཐུམས་རེ་མོག་གེ་བསྒོམ་སྟེ། གསུང་བཅག་ན་གནས་པ་མགོ་འཐུམས་ལས་མེད་པའི་རང་རྟགས་ཡིན་པས། གསུང་བཞིན་སྒྲུབ་པ་གལ་ཆེ། བླ་མས་ཅི་གསུང་ཚད་མར་བཟུང་བ་ཡོན་ཏན་དཔག་མེད་ཡོད་དེ།

[Full Size]

མཻ་ཏྲི་པས་ཤ་བ་རི་པ་རི་གསུམ་ལ་འཆོལ་དུ་བྱོན་པས། ལམ་དུ་ས་ཀ་ར་དང་འཕྲད་དེ། ས་ཀ་ར་ཚིག་བཞི་པས་གྲོལ་གསུང་། གཞན་ཡང་། ཇོ་བོའི་སློབ་མ་དགོན་པ་གོང་མ་བས་དད་རྫས་ཟོས་གདོང་མི་དང་མ་འཕྲད་པའི་སྒྲུབ་པ་མཛད་པ་བས། འཇང་སྤྱན་སྔ་རྣལ་འབྱོར་པས། སྐུ་ཚེ་གང་ཞབས་ཏོག་བྱས་པ་ལྷག་པའི་ལོ་རྒྱུས་གསུང་། གསུང་བཞིན་བསྒྲུབས་པས་འཕྲལ་དུ་གེགས་ལས་གྲོལ་བ་ཡོད་དེ། ཀོ་བྲག་པ་འདུས་འདུས་པ་གཅིག་ལ། ཟུར་གྱི་ཐོས་མ་ངག་ཏུ་སྙིང་རུས་མི་གདའ། ཡོད་ན་མགོ་དྲེག་པ་ལ་བརྡབས་ན་ཕན་གསུངས་ཏེ། ཁོས་བྲག་བརྟེན་པ་ལ་བརྡབ་མ་ནུས་ནས་མགོ་ལག་བར་དུ་བཅུན་ནས་བརྡབས་དྲག་གསུངས། གསུང་བཞིན་བསྒྲུབས་པ། ཕག་མོ་གྲུ་པའི་གསོལ་ཇ་བ་བླ་ཡེ་ཐང་།

[Full Size]

ན་ཇ་འདྲེན་པ་ལ་དྲེ་མོ་མཛད་པའི་གཏམ་གསུང་། དེ་ལྟར་གསུང་བཞིན་བསྒྲུབས། ཞབས་ཏོག་བྱས་ན་ཡོན་ཏན་ཡོད་དེ། རྒྱ་གར་དུ་དཔལ་འབྲས་སྤུངས་ཀྱི་རྩར། དཔལ་འབྲས་ཕུང་བ་བྱ་བ་གྲུབ་ཐོབ་གཅིག་ལ། སློབ་མ་གཅིག་གིས། དེ་དུས་ཆར་མ་བབས་པར་མུ་གེ་ཆེན་པོ་བྱུང་བས། འཚོ་བ་དམ་དུམ་བྱུང་བ་རྣམས་ཁོང་རང་གིས་གཅིག་ཀྱང་མ་ཟོས་པར་བླ་མ་ལ་ཞུས་པས། ནང་གཅིག་གསོལ་འདྲེན་དུ་ཕྱིན་པས། ཕྱག་ཏུ་ཐོད་པ་དང་ཁོང་རང་གྱེས་སོ། །དེར་བླ་མས་ཅི་ཡིན་གསུངས་པས། སྔར་གྱི་ཚུལ་དེ་བརྗོད་པས། ཁྱོད་ན་ནིང་ནས་མི་ཟེར་བ། ད་འབྲས་ཀྱི་ཆར་དབབ་ཀྱིས། གྲོང་ཁྱེར་བ་རྣམས་ལ་འབྲས་འགྲུས་མ་དགའ་འམ། སོ་བ་དགའ་དྲིས་ལ་ཤོག་གསུང་། དེ་རང་བཞིན་བྱས་པས་འབྲས་འགྲུས་མ་དགའ་སྟེ། ཡུན་རིང་བཞག་མི་སྟུབ་པས་སོ་བ་དགའ་ཟེར་ནས། དེ་བཞིན་ཞུས་

[Full Size]

པས། འབྲས་སོ་པའི་ཆར་ཕབ་ནས་གྲོང་ཁྱེར་བ་རྣམས་མུ་གེ་ལས་ཐར་བར་བྱས་ཏེ། དེ་ལྟ་བུའི་བླ་མ་ལ་ཞབས་ཏོག་བྱེད་པའི་སློབ་མ་དེ། སངས་རྒྱ་བ་ལ་བླ་མ་བས་ཀྱང་སྔ་བར་བྱུང་གསུང་། དེས་ན་བླ་མ་མཚན་ལྡན་གྱིས་ཅི་གསུང་ཚད་མར་བཟུང་ཞིང་། ཅི་མཛད་ལ་ཡོན་ཏན་དུ་བལྟའོ། །དེ་བཞིན་མ་བྱས་ན་སྔར་ཡང་བླ་མའི་གསུང་བཅག་ནས་བསྒོམས་པ་ལ་བར་ཆད་དུ་སོང་བ་མང་སྟེ། སློབ་དཔོན་ཀླུ་སྒྲུབ་ཀྱིས། ཤ་བ་རི་པ་ཀླུའི་བྱང་ཆུབ་འབར་བའི་གཙོ་བོ་གསུམ་ལ་རིམ་པ་བཞིན་མི་གནས་པའི་མྱ་ངན་ལས་འདས་པར་བཞུགས་ལ། གང་ཟག་གཅིག་ཅར་བ་རྣམས་ཀྱི་དོན་གྱིས་ཅིག་རེས་དང་། སྒྲུབ་པ་ཉམས་སུ་ལོང་། ཕྱག་རྒྱ་ཆེན་པོ་སྙིང་པོའི་སྐོར་ལ་བཤད་པར་གྱིས་ལ་དར་ཅིག་རྒྱས་པར་གསུངས་པས། འབར་བའི་

[Full Size]

གཙོ་བོས་དུས་སྐབས་སུ་བསྒོམས་པས་ཐུན་མོང་གི་དངོས་གྲུབ་ཅུང་ཟད་ཐོབ་སྟེ། གསུང་བཅག་པས་སྐུ་ཚེ་ལ་བར་ཆད་དུ་འགྱུར་བ་སོགས་རྒྱས་པར་གསུངས། ཕག་མོ་གྲུབ་པར། སྒོམ་ཆེན་པ་ཅིག་གིས། བླ་མའི་གསུང་བཅག་ནས་བསྒོམས་པས། ཁྲག་འཐུར་དུ་འབྱམས་ཏེ་སྒོམ་དུ་མ་བཏུབ་གསུངས། བླ་མ་དེ་ཡང་ཆུང་ཆུང་ངན་ངན་འདྲ་བ་ལ་མོས་གུས་བྱས་པས། ཆེ་གཞི་རྣམས་ཀྱི་བྱིན་རླབས་འཇུག་སྟེ། བླ་མ་སྲིད་ལ་གཡོར་བའམ་སྲོག་གཅིག་པས་སོ། །ཇོ་བོའི་བླ་མ་ཚུལ་འཆང་ལ་མོས་གུས་ལྷག་པར་མཛད་པ་བཞིན་ནམ། རིན་པོ་ཆེ་པས། སངས་རྒྱས་དགེ་སློང་གང་ཟག་ལྟ་བུར་བཞུགས་པ་ལ། ཁྲེལ་བསེབ་ཏུ་བླ་མར་བཟུང་བས་བྱིན་རླབས་འཕོས། རྟེན་འབྲེལ་འགྲིག་པ་ཡིན་ཏེ། མདོར་ན་ངན་པའམ་ཆུང་བ་ལ་མོས་གུས་ལྷག་པར་བྱས་པས། བཅང་བའམ་ཆེ་བ་ལ་མོས་གུས་

[Full Size]

ཤུགས་ཀྱིས་འབྱུང་བ་ཆོས་ཉིད་ཡིན་གསུང་། སློབ་དཔོན་ཆབ་ཀྱིས། སངས་རྒྱས་སྟོན་པ་ལ། བླ་མ་མཉེས་པ་འདི་ལ་གཉིས་སུ་གདའ། ཕུགས་ཞབས་ཏོག་ཏུ་འགྲོ་བ་འཕྲལ་མཉེས་རྒྱུ་མེད་པ་དང་། འཕྲལ་རང་མཉེས་པ་གཉིས་སུ་གདའ་བས། གང་ངོས་བྱ་ཞུས་པས། བུ་ཕུགས་འདི་ཡིན་ཏིག་པོ་མེད་དོ་ཨའུ། འཕྲལ་རང་གང་མཉེས་ཀྱིས་ཤིག་གསུང་། སྨན་པའི་རྒྱལ་པོ་འཚོ་བྱེད་ཤིང་རྟ་ལྷའི་གནས་སུ་སྐྱེས་ནས། ལྷའི་བུ་དང་བུ་མོའི་འཁོར་དང་བཅས་ཏེ་ནམ་མཁའ་ལ་རྫུ་འཕྲུལ་གྱིས་ཡོངས་པས་མོའུ་འགལ་གྱི་རྫུ་འཕྲུལ་ཐོབ་ཀྱང་། ས་ལ་གོམས་པས་མཇལ་ཞིང་བྱོན་པ་དེ་མཐོང་ནས། ཁོའི་དང་པོའི་མཁན་པོ་ཡིན་པས། དེའི་དྲན་པ་བྱུང་ནས་རྫུ་འཕྲུལ་གྱི་བཏུལ་བར། ནམ་མཁའ་ནས་ལག་ཡུ་སྒྲེང་བ་ཙམ་གུས་འདུད་གཅིག་བྱས་པས།

[Full Size]

རྫུ་འཕྲུལ་ཉམས་ཏེ་ས་ལ་ལྷུང་བ་ལྟ་བུའོ། །ལུས་ཀྱིས་ཀྱང་ཅེས་པ། རྗེ་བཙུན་མི་ལ་དང་། བྱང་ཆུབ་གླིང་པའི་སློབ་མ་ཀོ་སྦྲེལ་བས། རྒོད་ཚང་པའི་དྲུང་དུ་བྱོན་པའི་ལོ་རྒྱུས་གསུང་། ས་སྐྱ་པཎྜི་ཏའི་ཞལ་ནས། དེ་ཙམ་མ་ནུས་ཤིང་། གཞན་བྱ་རྒྱུ་མེད་ནའང་། ཆུ་རྗེ་རེ་ཙམ་མམ། ཤིང་ཕང་རེ་ཙམ་ལའང་སྐྱལ་བ་བྱེད་གསུང་། རིན་པོ་ཆེ་པ་ཡིན་ཚུལ་དེ་ལྟར་ཡིན་པ་ལ། ད་ལྟ་བང་ཆེན་ཁག་པ་ཉིན་རེ་བཅོལ་ན་ངོ་གདོང་ཁྲག་ཚོས་པ་བཞིན་བཏང་ཡོང་བ་འདུག་སྟེ། དེ་ལ་བླ་མའི་བྱིན་རླབས་འཇུག་པའམ་ཡོན་ཏན་ཡོང་བ་མི་གསུང་། ངག་གིས་བསྟོད་པའི་ངང་ལ། སློབ་མ་ཇི་ལྟར་ལོད་ཀྱང་། བླ་མའི་མགྲིན་པ་ལ་ཤུད་ཤུད་བྱེད་པ་མི་ཡོང་། བླ་མ་དེ་འབུལ་བའི་ཡུལ་ཡིན་པ་ལ་རྐུས་པའམ་བསྟོད་པའི་ཡུལ་ཡིན་པ་ལ་སྨད་ན་ཉེས་པ་རྩ་ལྟུང་དུ་འགྱུར་རོ། །གལ་ཏེ་སྐྱོན་ནའང་ཅེས་པ། །

[Full Size]

སོ་སོ་སྐྱེ་བོའི་དུས་སུ་རེས་ལས་མི་འཆགས་པ་ལ་རེ་ན་སྡུག །ནམ་བྱུང་ན་ཡང་འཕྲལ་ཉིད་དུ་བློས་ལ། བླ་མ་འདི་འདོད་ཆགས་རྡོ་རྗེ་ལ་སོགས་པ་ཡིན་དེས། སྐྱོན་སྣང་འདི་རང་གི་སྣང་བ་མ་དག་པ་ཡིན་སྙམ་དུ་སྐྱོན་གྱི་ས་བོན་རང་ལ་བསྟིམ། དེས་ཇི་ཞིག་ལྟར་ལ་སྐྱོན་གང་ཡང་མི་མཐོང་བ་འབྱུང་གསུང་། རིན་པོ་ཆེ་བ་མོས་གུས་འདི་ལ་རྟགས་མཚན་རེ་དགོས། གསུང་སྙན་པ་ནས་བྱོན། ཐུགས་ལ་བཏགས་ཀ་ཅ་སྣ་རེ་ཙམ་བྱིན་བྱས་ནས་སྐྱེའི། ཐུགས་ལ་མ་བཏགས་པའམ། བཀའ་བཀྱོན་ཅུང་ཟད་ལ་མོས་གུས་ལྡོག་ན། དེ་མོས་གུས་རང་མིན་བཀའ་བཀྱོན་ནམ་ཞབས་ཏོག་ཁ་བ་བཅོལ་དུས་མོས་གུས་ལ་གྱོལ་གྲུས་མེད་ཀྱི་སྟེང་དུ་སླར་ཆེ་རུ་འགྲོ་བ་གཅིག་དགོས་ཏེ། ཆོས་རྗེ་གཙང་བའི་ཞལ་ནས། བཀའ་བཀྱོན་བྱུང་ན་དྲག་སྔགས་ཡིན། །བར་ཆད་སེལ་ན་དེ་ཡིས་

[Full Size]

སེལ། །བརྡུང་ཐག་བྱུང་ན་དབང་བསྐུར་ཡིན། །བྱིན་རླབས་འཇུག་ན་དེ་ལ་འཇུག །ཅེས་གསུང་། ཁ་ཅིག་ན་རེ། བླ་མའི་ཞབས་ཏོག་བྱས་ན་བློ་འདྲེད། དེ་བས་སྒྲུབ་པ་བྱེད་པ་ཁེ་ཆེ་ཟེར་ཏེ་མ་གོ་བ་ཡིན། ཡོག་ཚད་ཟོས། ཐོབ་ཚད་བརྐུས། གཉིད་རོ་ལོག་བྱས་ན་བློ་འདྲེད་མོད། དེ་མིན་སྤྱན་སྔ་རྣལ་འབྱོར་པ། འབྲོམ་སྟོན་པ། སྤྱན་སྔ་རིན་པོ་ཆེ་ལ་སོགས་པ། བླ་མའི་ཉེ་གནས་ལ་བཟང་པོ་བྱུང་བ་མང་པོ་ཡོད། འཛེར་སྤྱན་སྔ་རྣལ་འབྱོར་པ་ཀུན་ལ་ཡོན་ཏན་མངའ་སྟེ། རྡོག་ལོའི་ཞལ་ནས། སྐུ་ཚེའི་སྟོད་ལ་ཆུ་འདིའི་ཕུ་ན་ཆོས་མཁས་སོ་མི་ཤེས་ཏེ་བྱེད་པ་གཅིག་ཡོད་གསུང་། སྐུ་ཚེའི་སྨད་ལ། ཆུ་འདིའི་ཕུ་ན་ཆོས་ཤེས་ཀྱང་ཤེས། བྱེད་ཀྱང་བྱེད་པ་གཅིག་ཡོད་ཅེས་ཆེ་བ་མང་པོ་བརྗོད་ཅིང་། ང་བཤད་པ་ལ་ཡེངས་ནས་སྒྲུབ་པ་མ་བྱུང་ཞེས་ཐུགས་སྐྱོ་ཤས་ཆེར་མཛད་

[Full Size]

ཅིང་། ཉིན་གཅིག་ཞབས་ཏོག་པ་ལ། གོས་དར་མང་པོ་བསྐུར་ནས། ཁོང་འབུལ་བ་མི་ལེན་པ་ལ་བླ་གཡེར་བསྐྱུར་བཏང་གསུང་། རིན་པོ་ཆེ་པ། འོ་སྐོལ་རྣམས་འཁོར་བར་འཁྱམས་པ་ཅིས་ཉེས་ན། མོས་གུས་གནད་དུ་གཏོང་མ་ཤེས་པས་ལན། དེ་གང་ལ་ཟེར་ན་བླ་མ་སངས་རྒྱས་ཡིན་མདོ་རྒྱུད་ནས་གསུངས་པ་དེ་གོ་ཡུལ་ཙམ་དུ་གོ་ཡང་། ཐག་ཆོད་མ་སྐྱེས་པས་ལན་པས། བླ་མ་སངས་རྒྱས་སུ་ཤེས་པར་བྱས་ལ་གསོལ་བ་གདབ་གསུང་། གསོལ་བ་གདབ་པའི་ཡུལ། བླ་མ་དེ་ཡང་མཚན་ཉིད་ལྡན་པ་དགོས། མི་ལྡན་བྱིན་རླབས་མི་འབྱུང་ལྡན་མི་ལྡན་བརྟག་དགོས། ད་ལྟ་དམ་ཚིག་མི་ཐུབ་དང་། མཚན་ཉིད་དང་ལྡན་མི་ལྡན་མི་རྟོག་པ་འདི། དམ་ཚིག་མི་བསྲུང་བའི་རྟགས་སུ་འདུག་པས། དེས་ན་བླ་མ་ལྔ་བཅུ་པ་དཔང་དུ་བཞག་ལ་འབྲེལ་

[Full Size]

བརྟགས་དགོས། དེ་ཉིད་ལས། བླ་མ་དང་ནི་སློབ་མ་གཉིས། །ཅེས་གསུང་པས། འདི་དག་གི་དོན་སྔོན་གྲུབ་ཐོབ་རྣམས་ཀྱིས་ཕྱག་ལེན་མཛད་དེ། ནཱ་རོ་པས། ཏིལློ་པ་ལོ་བཅུ་གཉིས་སུ། དཀའ་བ་ཤི་ལ་ཐུག་པ་བཅུ་གཉིས་བཅད་པས་དེ་ཙམ་གྱི་བར་དུ་ཐ་མལ་གྱི་གཏམ། ནཱ་རོ་ཚོད་མ་ཞིམ་བྱ་བ་ལས་མ་བྱུང་གསུང་། རྟག་ཏུ་དུ་དང་ཆོས་འཕགས་མཇལ་ནས་ལོ་བདུན་ཤེར་ཕྱིན་རྒྱ་རིམ་པ་བདུན་གྱིས་བཏབ་ནས་མ་གསུངས། དེའང་རྟེན་འབྲེལ་རྟག་ཏུ་མིང་མ་བཏགས་ཀྱང་དེའི་དོན་ཡིན། བོད་དུ་ཡུན་རིང་ཤོས། གྷ་ཡ་དྷ་ར་དང་། འབྲོག་མི་ཡིན་པའི་ལོ་རྒྱུས་གསུང་། དེ་ཡང་མཚན་ཉིད་ལ་དགག་ཕྱོགས་དང་། སྒྲུབ་ཕྱོགས་གཉིས་ལས། དགག་ཕྱོགས་ཕལ་ཆེ་བའམ་ཕྱེད་སྤངས་པ། སྒྲུབ་ཕྱོགས་ཕལ་ཆེའམ་ཕྱེད་ཚང་བ་བརྟེན་ཁྱུང་པོ་རྣལ་འབྱོར་གསུང་། རིན་པོ་ཆེའི་ཕུང་

[Full Size]

པོའི་མདོ་ལས། བྱམས་པས་གསོལ་བ། དགེ་བའི་བཤེས་གཉེན་ཇི་ལྟ་བུ་ལ་བསྟེན་པར་བགྱི། བཀའ་སྩལ་པ། ཆོས་གང་སྟོན་པ་ཐམས་ཅད་ཆོས་དབྱིངས་དོན་དམ་པའི་བདེན་པ་འབའ་ཞིག་ལས་བརྩམས་ཏེ་སྟོན་པར་བྱེད། གསལ་བར་བྱེད་པ་ནི་དགེ་བའི་བཤེས་གཉེན་ལམ་མ་ནོར་བར་དྲང་པོ་ནས་འཁྲིད་པར་བྱེད་པ་ཡིན་ནོ། །ཞེས་གསུང་། ཨ་བྷྱས། སློབ་དཔོན་སློབ་མའི་བསམ་ཤེས་ནས། ཅེས་གསུངས་པས་མངོན་ཤེས་དང་ལྡན་པའམ། དེ་མེད་ནའང་སློབ་དཔོན་རང་གི་ཉམས་མྱོང་གི་སློབ་མའི་སྐྱེ་ཚུལ་ཤེས་པས་གང་ལ་གང་མོས་ཀྱིས་འཁྲིད་པ་གཅིག་དགོས། དེ་མིན་ན་བླ་མ་ཉམས་མྱོང་མེད་པ་རྒྱུས་མེད་ཀྱི་ལམ་མཁན་དང་འདྲ་བའི་སྐྱོན་དུ་འགྱུར་རོ། །ས་ར་ཧས། མར་མེ་གཅིག་ལ་གཉིས་ཆད་ཀྱིས་དུས་ཞེས་སོགས་གཙང་པས། རྟོགས་པས་བདག་རྒྱུད་

[Full Size]

གྲོལ་བ། ཐུགས་རྗེ་གཞན་རྒྱུད་སྨིན་པ། རྟེན་འབྲེལ་ཐབས་ལ་མཁས་པ། གདུལ་བྱ་དུས་ལ་བབ་པ། ཞེས་ཀྱང་གསུངས་ཤིང་། ཡང་ཁོང་དང་ཡང་དགོན་པ་གཉིས་ཀྱིས། རོ་གཅིག་ནས་འགྲོ་དོན་བྱེད་པར་གསུངས་སོ། །དེ་ལ་རང་གི་སློབ་མ་མགོ་ཐོན་ན་དགའ་བ་ལ་སོགས་པའི་སྐོར་ཚོམ་མི་འབྱུང་། ཐམས་ཅད་རོ་སྙོམས་འགྲོ་བས་དེ་མེད། ཕལ་ཆེར་དོན་མེད་དོན་ཡོད་དང་། །ཅེས་པའི་ལུང་དང་ཡང་མཐུན་གསུང་། རིན་པོ་ཆེ་པ་སྤྱིར་ཆོས་བཞིན་བྱེད་པ་གཅིག་བསྟེན། དེ་མི་བྱེད་ལྟ་སྒོམ་སྤྱོད་གསུམ་འགྲིག་པ་གཅིག་དགོས། ལྟ་བ་མཐོན་པོ་ནམ་མཁའ་ལྟ་བུ་ཡོད་ཀྱང་། སྒོམ་པ་མེད་ན་ཉམས་མྱོང་མི་འབྱུང་ཞིང་། གོ་ཡུལ་དུ་འཆོར། སྒོམ་པ་བརྟན་པོ་རི་རྒྱལ་ལྟ་བུ་ཡོད་ཀྱང་། ལྟ་བ་མེད་ན་གནས་ལུགས་རང་སར་མི་ཕྱིན་ཞིང་། ཉམས་ལ་ཡར་སྐྱེད་མི་ཐོན། དེ་གཉིས་ཡོད་པ་སྐད་ཟེར་ཡང་།

[Full Size]

སྤྱོད་པ་ཐེས་ཐུག་པ་ལས་མེད་ན་རང་གཞན་བསླུ་བ་ལས་མི་འབྱུང་བས། དེ་གསུམ་ལག་མིག་ཏུ་རྐང་མིག་ཆད་པ་ཀྲིག་གེ་བ་གཅིག་བསྟེན་གསུང་། །དེ་ལྟར་རྟགས་ཀྱི་རྗེས་སུ་ཕྱི་ནས་འབྲེལ་རྟོགས་མི་བྱ་སྟེ། བླ་མ་དེ་མོ་རང་མོར་སོང་ཡང་བལ་ཀུར་ཁྲོང་ངེ་། རྣལ་འབྱོར་པར་སོང་ཡང་ཁྱི་བཞུག་ལང་ངེ་འབྲལ་མེད་དུ་བསྒོམ་གསུང་། ས་ར་ཧས། བུ་ཆུང་བཞིན་དུ་གཙུག་གི་ནོར་མི་འབྲལ། ཞེས་གསུངས་སོ། །རྒོད་ཚང་བ་ལ། སློབ་མ་འགའ་ཡིས། བླ་མ་མཚན་ཉིད་མི་ལྡན་པ་ལ་མོས་གུས་བྱས་ན་བྱིན་རླབས་འབྱུང་མི་འབྱུང་ཞུས་པས། ཅུང་ཟད་ཚོམ་མེ་བཞུགས་ནས། བྱིན་རླབས་ཇི་ལྟ་བ་བཞིན་མི་འབྱུང་། ཕྱིས་ནས་བཟང་པོ་དང་མཇལ་བའི་རྒྱུ་ཙམ་དུ་འགྱུར་རམ་གསུང་། རིན་པོ་ཆེ་པ་ཁོང་མོས་གུས་གཙོ་བོར་མཛད་པས། དེ་ཙམ་གསུང་བ་

[Full Size]

ཡིན་གྱིས། དེ་མིན་བཟང་པོ་དང་མཇལ་རྒྱུར་མི་འགྱུར། དེ་བྱས་ན་འབྲས་བུ་གོ་ལྡོག་ཏུ་འགྲོ། ཟོག་པོ་ཟོག་མོ་བསྟེན་ན་ནམ་དགོས་དུས་བསླུ་སྟེ། སངས་རྒྱས་མཛོད་ཀྱི་མདོ་ལས། འཇིག་རྟེན་གྱི་དགྲས་ནི་སྲོག་ཙམ་འཕྲོག་གིས་ལུས་གཅིག་སྟོང་ཟད་དུ་ཟད་དོ། །མི་གཏི་མུག་ཅན་གྱིས་ཆོས་བཤད་ན། བསྐལ་པ་བརྒྱད་ཁྲི་བཞི་སྟོང་དུ་དམྱལ་བར་སྐྱེའོ། །དེ་ནི་མྱ་ངན་ཆེན་པོའོ་ཞེས་གསུང་། དགག་སྒྲུབ་མི་བྱ། ཚུར་སེམས་སུ་མི་བསྡུའོ། །ལྷན་པ་འབྱུང་ངོ་། །ཞེས་པ་གཞན་ཡང་དམིགས་ཡུལ་དེ་འགག་པ་འདྲའམ། དམའ་ཞོངས་འགྲོ་བའམ། ནག་ཐིབ་པའམ། སྐྱ་ཝལ་ཝལ་བྱུང་བ་ན། སེམས་གནས་པའི་རྟགས་ཡིན་པས། ཡང་ལུས་གནད་བསྲངས་ལྟ་སྟངས་གཞན་དུ་སྤོས་ཏེ་མ་བཅོས་པར་བཞག །རྣམ་རྟོག་སྔར་བས་མང་བ་སྙམ་པ་རི་གཟར་གྱི་ཁ་ནས་ཆུ་འབབ་པའམ། འོག་

[Full Size]

འགྱུས་སམ། གཡོ་བུན་ནམ། ཡེ་མི་གནས་པར་འདུག་སྙམ་པ་བྱུང་ཡང་སྐྱོན་དུ་མི་བལྟ། རྗེས་ནས་མི་འབྲང་བར་དྲན་པས་ཟིན་ཙམ་བྱ། དེ་ཡང་འོ་སྐོལ་གྱི་སེམས་འདི་ལ་རྣམ་རྟོག་གི་ཤོང་ཚངས་ལས་མེད་དེ། སྔར་སེམས་ལ་གནས་པ་དང་། མ་དྭངས་པས་བཟུང་དུ་མ་ཟིན་པ་ཡིན། ད་ཅུང་ཟད་དྭངས་པ་དང་། བཟུང་དུ་ཟིན་ནས་རྣམ་རྟོག་མང་མང་འདྲ་བ་ཡིན། དོན་ལ་མང་དུ་སོང་རྒྱུ་མེད། སེམས་གནས་པ་དང་དྭངས་པའི་རྟགས་ཡིན་པས། དེ་ཐོག་ཏུ་གློད་ཅིང་འཇོག་པའོ། །ཁ་ཟས་བཅུད་ཅན་བསྟེན་ཅེས་པ། རྒྱུ་བསམ་གཏན་ཟས་བདུན་བསྟེན་ནས་འབྲས་བུ་ཚོགས་ལ་གནས་པ་ཞེས་བྱ་བ། དེ་ཡང་ཁམས་ཀྱི་ཟས་བོངས་ཆུང་ངེ་བ་བསྟེན། རེག་པའི་ཟས་གོས་ཡང་བ་དྲོ་བ་བགོ ། གཉིད་རྣལ་མའི་ཟས་ཁམས་ཟོས་པ་ལོག །ཉི་མོའི་མི་ལོག །ཚངས་པར་སྤྱོད་པའི་ཟས།

[Full Size]

རྟེན་ཁམས་དྭངས་མ་ཉམས་ན་བརྟེན་པ་སེམས་ལ་རྟོག་པ་སྐྱེ་བས་མེ་དང་ཉི་མ་ལ་སོགས་པ་དྭངས་པ་གནོད་པའི་ཟས་དང་སྤྱོད་ལམ་སྤང་། ཡིད་ལ་སེམས་པའི་ཟས་སྐོམ་ཡོང་མི་ཡོང་གི་རེ་དོགས་མི་བྱ་བར་རང་ལ་གནས་པའི་ལྷན་ཅིག་སྐྱེས་པའི་ཡེ་ཤེས་ངོ་བོ་སྤྲོད་པ་ལ་ཡོང་བ་ཅི་ཡིན་སྙམ་དུ་བསམ། སྙོམས་པར་འཇུག་པའི་ཟས་ཁམས་བཟང་ན་འཇུར་དུ་བྱ། ངན་ན་གློད། ཐུན་སྐབས་སུ་བྱ། གལ་ཏེ་ཁམས་ངན་ན་ལམ་འབྲས་ནས་བཤད་པའི་ཁ་ཟས་རེས་འཇོག་ཉི་མ་རེས་འཇོག་སྤྱོད་ལམ་རེས་འཇོག་རྣམས་བྱ། རྟ་རྫུད་གསོ་བ་དང་འདྲ་བས། ཁ་ཟས་ཀྱི་ལྕགས་ཀྱིས་བྲབ་ཅིང་སྐབས་སུ་གཞུར། དཀུ་མཉེ་བག་རེ་བྱ་གསུང་། ཆགས་པའི་སྤྱོད་པའི་ཟད། རྣམ་རྟོག་གང་སྐྱེས་རྦད་ལ་བཏང་ཟེར་ཡང་། ད་ལྟ་དེ་ཀ་བས་དྲན་པས་ཟིན་ཙམ་བྱ། དེ་ལྟར་བྱས་པས་གནས་པའི་ཏིང་ངེ་འཛིན་སྐྱེ་བས་རྒྱ་མཚོ་ལ་གནས་པ་

[Full Size]

བྱ་བ་ཡིན་གསུང་། གཞན་ཡང་། ཐུན་ཐུང་བ་གྲང་མང་བ་བྱ། དམ་པའི་ཞལ་ནས། ཐུན་ཐུང་ལ་ནི་གྲངས་མང་ཞིང་། གྲངས་མངས་བས་ནི་སྐྱོན་མེད་འཐུང་། ཅེས་སོ། །གྱེན་ལ་བསླབ་པ་ནི། ཤེས་པ་བྱིང་རྨུགས་སུ་གྱུར་ན་ལྟ་སྟངས་མཐོ་བར་བྱ། དབང་པོ་ལ་ཀྲོག་འདོན། རིག་པ་ལ་ངར་བཏོན་ནས་ཤེས་པ་ངར་ཧྲིག་གེ་རྗེན་ནེ་བཞག་པས། བྱིང་རྨུགས་ཀྱི་སྐྱོན་རང་དག་ནས། རིག་པ་གསལ་ལ་དྭངས་པ་ངར་དང་བཅས་པ། ངང་ངམ་ཤུགས་འབྱུང་གསུང་། ཐུར་ལ་བསླབ་པ་ནི། རྒོད་ན་ལུགས་སྲོལ་ལ་སོགས་པར་ལྟ་སྟངས་དམའ་བར་བཅས་ལ། ལུས་སེམས་ཁོང་གློད་ན་སྒོམ་འདོད་ཀྱི་བློ་དང་ཕྲལ་ཏེ་ལྷོད་དེ་བཞག་པས། འཕྲོ་རྒོད་ཀྱི་སྐྱོན་རང་དག་ནས། ཤེས་པ་རང་མལ་དུ་ཚུད་པའི་གནས་པ་བཟང་པོ་འབྱུང་གསུང་། དམ་པའི་ཞལ་ནས། འགའ་ཞིག་བྱིང་ན་སེང་།

[Full Size]

རྒོད་ན་སྡུད་ཅེས་ཟེར་ན་ཡང་། འདིར་ལྟ་སྟངས་ཀྱི་སྦྱོར་བས་ཤེས་པ་ཡུལ་དང་ཕྲལ་བ་ཡིན་གསུང་སྟེ། དམིགས་པ་དེ་གཉིས་གེགས་སེལ་ལྟ་བུ་ཡིན་གསུང་། ཁྲོ་བོ་ཚངས་པ་གྱེན་དུ་བལྟ། །ཉན་ཐོས་ཞི་བ་འཐུར་དུ་བལྟ། །རྡོ་རྗེའི་སྤྱན་ནི་ཐད་ཀར་བལྟ། །ཅེས་ཏེ། རྟགས་ལ་གཙོར་བྱེད་རྣམས་གྱེན་ལ། །སེམས་ཉེར་ཞི་གཙོ་བྱེད་རྣམས་ཟུར་དུ། ཟུང་འཇུག་གཙོ་བྱེད་རྣམས་ཐད་ཀར་བལྟ་སྟེ། དམ་པ་དང་། ཆོས་འདིའི་ལུགས་ཀྱི་དེའི་གསུང་། མདོ་སྣ་ཚོགས་ལ་བསླབ་པའི་སྐབས་སུ། རྣམ་རྟོག་རང་རྒྱུད་པ་འདི་དུས་དང་གནས་སྐབས་ཐམས་ཅད་འབྱུང་བའི་སྐབས་ཡེ་མེད། རྟོག་པ་རང་རྒྱུད་པ་འདི་ཀ་འཁོར་བའི་རང་གཟུགས་ཡིན་ཏེ། རྣམ་སྣང་མངོན་བྱང་ལས། རྣམ་རྟོག་མ་རིག་ཆེན་པོ་སྟེ། །འཁོར་བའི་རྒྱ་མཚོར་ལྟུང་བྱེད་ཡིན། །ཅེས་དང་། འཇམ་དབྱངས་བསྟོད་པ་ལས། རྣམ་པར་རྟོག་ལས་མ་རྟོགས་

[Full Size]

པའི། །འཁོར་བ་ཞེས་བྱ་ཡོད་མ་ཡིན། །ཁྱོད་ནི་རྣམ་རྟོག་དང་བྲལ་བས། །དེ་ཕྱིར་ཁྱོད་ནི་སངས་རྒྱས་དང་། །ཅེས་དང་། རྟོག་པས་དྲྭ་བ་རྣམ་བསེལ་ཅིང་། །ཟབ་ཅིང་རྒྱ་ཆེ་སྐུ་མངའ་བ། །ཀུན་ཏུ་བཟང་པོའི་འོད་ཟེར་དག །ཀུན་ནས་འཕྲོ་ལ་ཕྱག་འཚལ་ལོ། །ཞེས་གསུང་། ཁྱེད་ཕྱག་ཆེན་པ་རྣམས་ལ་རྣམ་རྟོག་སྒོམ་དུ་འཆར་ཡོད་པ་མིན་ནམ། རྟོག་མེད་ཀྱིས་ཚེ་ཕྱིད་བྱེད་ཟེར་ན། དེ་ལ་ཆོས་འདི་རང་སྐད་ཀྱིས། དང་པོ་རྟོག་པ་ལ་ཅུང་ཟད་སྐྱོན་དུ་བལྟ། བར་དུ་རྣམ་རྟོག་གྲོགས་སུ་ཁྱེར། ཐ་མ་དགག་སྒྲུབ་དང་བྲལ་བ་གསུམ་ལས། དང་པོ་རྐྱེན་དུ་བལྟ་ཟེར་ཡང་། བྲང་ཕུལ་བྱས་ནས་སྤོང་བ་ལྟ་བུ་མ་ཡིན་གྱིས། བརྡའ་ཐབས་ཁྱད་པར་ཅན་ལ་བརྟེན་ནས་འདས་པ་ཡུལ་དུ་བྱེད་པ་རྣམས་རང་འགགས་ལ་འགྲོ། མ་འོངས་པའི་རྟོག་པ་སྐྱེ་འཕྲོ་འཆད། ད་

[Full Size]

ལྟར་གྱི་རོ་མེད་ཁུངས་སྟོར། རྩིས་མེད་རང་ཡལ་ནས། སེམས་གཡོ་མེད་ཀྱི་རང་ས་ཟིན་ཏེ་རང་ངོ་ཤེས་པའི་ལྷག་མཐོང་འཆར། དེ་ལྟར་རྣམ་རྟོག་མ་རིག་པ་རྒྱུན་ཆད་རྩ་ན། རྣམ་པར་མི་རྟོག་པའི་ཡེ་ཤེས་རང་ཤར་དུ་བྱུང་བ་ཆོས་ཉིད་ཡིན་ནོ། །རྟོག་པ་གསལ་སྣང་ཁེགས་ཏེ། རྣམ་རྟོག་རྗེས་སུ་འབྲེལ་བ་ལ། །དོན་སྣང་གསལ་བ་ཡོད་མ་ཡིན། །ཅེས་གསུང་། སྒོམ་ཐོག་ནས་ལྟ་བ་འཚོལ་བ་དང་། ལྟ་ཐོག་ནས་སྒོམ་སྐྱོང་བ་གཉིས་ལས། འདི་སྒོམ་ཐོག་ནས་ལྟ་བ་འཚོལ་བ་ཡིན་པས་གནས་པ་དགོས། གནས་པའི་རླན་མེད། རྣམ་རྟོག་ཕྲ་མོ་རྣམས་མི་འཚོག །རྟོགས་པ་རྣམས་ཀྱིས་མི་ཐེག །རྣམ་རྟོག་ལ་བོགས་མི་ཐོན། གཟུགས་ཅན་འཆར་བ་ལ་སེམས་དྭངས་ཤིང་གནས་དགོས། ཆོས་སྤྱིའི་ལུགས་ཀྱིས་ཀྱང་། ཞི་གནས་ཀྱིས་ཉོན་མོངས་པ་མགོ་མནན་ནས། ལྷག་མཐོང་གི་དྲུང་ནས་

[Full Size]

འབྱིན་པར་བྱེད་ཅིང་པ་ཡིན་ཅིང་། བསྒོམ་གྱི་ངོ་བོ་ཞི་གནས་ལྷག་མཐོང་ཟུང་འབྲེལ། ཐབས་ཤེས་དབྱེར་མེད་སྣང་སྟོང་དབྱེར་མེད་ལ་སོགས་པ་ཡིན། ཡ་བྲལ་གྱི་གོ་མི་ཆོད། དེ་ལ་དངོས་ནས་ཟུང་འབྲེལ་སྐྱེ་དཀའ་བས། ཞི་གནས་འཚོལ་དགོས། སྤྱོད་འཇུག་ལས། ཞི་གནས་རབ་ཏུ་ལྡན་པའི་ལྷག་མཐོང་གིས། །ཉོན་མོངས་རྣམ་པར་འཇོམས་པ་ཤེས་བྱས་ནས། །ཐོག་མར་ཞི་གནས་བཙལ་བྱ་དེ་ཡང་ནི། །འཇིག་རྟེན་འཆགས་པ་མེད་པ་མངོན་དགས་འགྲུབ། །ཅེས་པས་འཇིག་རྟེན་མ་འཆགས་པ་དགོས་ཏེ། གནམ་སེང་ལྡེང་དུ་དཔལ་ཆེན་རྒ་ལོ་དང་། ཞང་རིན་པོ་ཆེ་མཇལ་དུས། ཞང་ལ་སྤྱན་ཅེ་རེ་གཟིགས་ནས། ཁྱོད་ཀྱིས་ངའི་ཆོས་དང་གདམས་ངག་ཐམས་ཅད་ཀྱི་བདག་པོ་བྱས་ནས། སེམས་ཅན་ལ་ཕན་ཐོགས་པ་གཅིག་ཡོང་བ་འདུག་པ་ལ། ཞེས་ཡང་

[Full Size]

ཡང་གསུངས། ཐུགས་ལ་འདོགས་པར་ཞུ་བྱས་པས་ཁྱེད་ལ་གེགས་གཅིག་འདུག་གསུང་། ཅི་གདའ་ཞུས་པས། ལུང་པའི་མདའ་མ་གི་ན་གསེར་གཞི་ནི་གཅིག་དང་། མར་ཧྲིལ་གཅིག་གི་འབུན་བསྐྱེད་འདུག་པ་གསུངས། དེ་ཙམ་གྱི་ཅི་སྐྱོན་པ་ལགས་སམ་ཞུས་པས། ཆོས་ཟབ་མོ་རྒྱུད་ལ་མི་སྐྱེ་བའི་གེགས་བྱེད་པ་གདའ། རབ་ཏུ་བྱུང་ན་འབུན་བསྐྱེད་བྱེད་པ་རྣམ་སྨིན་ཤིན་ཏུ་ཆེ། ངའི་སློབ་མ་གཅིག་སྐྱེ་བ་སྔ་མ་ལ་ཚུལ་ཁྲིམས་བསྲུངས་མི་ལུས་ཐོབ་ནས་རབ་ཏུ་བྱུང་སྟེ་འབུན་བསྐྱེད་བྱས་པས་ད་ལྟ་དམྱལ་བར་སྐྱེས་འདུག་གསུང་། དེར་ཞང་རིན་པོ་ཆེས་གཞི་ནམ་ཡན་ཆད་ཀྱི་དངོས་པོ་རང་དོན་དུ་བདག་ཏུ་འཛིན་ན། བླ་མ་རིན་པོ་ཆེའི་ཆོས་སྐྱོང་གིས་མགོ་བོ་ཁོས་ཤིག་ཅེས་དབུ་སྙུང་བརྒྱ་རྩ་བཞེས་ནས། སྒྲུབ་པ་མཛད་པས་ཡོན་ཏན་ཁྱད་པར་ཅན་འཁྲུངས་གསུངས། མཁན་ཆེན་མཆིམས་

[Full Size]

པའི་ཞལ་ནས། ཉོན་མོངས་དྲུང་ནས་འབྱིན་པ་ལྷོངས་གི་ཡེ་ཤེས་དགོས། དེའི་རྒྱུར་ཞི་གནས་དགོས། དེའི་རྒྱུར་སྒོ་གསུམ་དབེན་པ་དགོས། དགེ་སློང་དོན་ཅི་ཉུང་བ་བྱ་བ་ཉུང་བ། འབྲུ་བསྣོན་རྒྱས་པར་མཛད་ནས་གསུངས་གསུང་། སངས་རྒྱས་སྟོན་པའི་གསུང་ནས། ཞི་གནས་མེད་པའི་ལྷག་མཐོང་དེ་ཅི་དང་འདྲ་ན། མཉེད་ཡབ་མེད་དང་འདྲ་གསུང་། མདོར་ན་ལྷག་མཐོང་གི་ཡེ་ཤེས་སྐྱེ་བ་ལ་ཞི་གནས་དགོས་ཤིང་། དེ་ལ་འཇིག་རྟེན་ལ་མ་ཆགས་པ་དགོས། དགོས་མེད་ཞེན་ལོག་གི་བློ་སྣ་བསྟེན་པ་གལ་ཆེ་གསུང་། གནས་པའི་རྐང་མ་ཟིན་པར་ངོ་སྤྲད་ན། གོ་ཡུལ་སོང་ནས་ལྟ་བ་ཕྲག་ཚོངས་བྱེད་པ། ལས་སུ་ཆོས་མིན་སྣ་ཚོགས་ལ་སྤྱོད་པ་བྱུང་། ཉེན་ཆེ་བས་སྔོན་དུ་གནས་པ་གལ་ཆེ། དམ་པ་རིན་པོ་ཆེ་དང་། བླ་མ་ཞང་གིས་འགའ་རེ་ན་རྗེས་ཤེས་རྟོག་པའི་སྟེང་དུ་ངོ་སྤྲད་པ་ཡོད་དེ། དེ་

[Full Size]

འཕྲོད་པ་རེ་རེ་ཙམ་ལ་ཆོད་ཆེ་བ་ལྟར་སྣང་ཡང་། ངོ་འཕྲོད་པ་དཀའ་བས་གནད་ཆུགས། མཉམ་བཞག་གནས་པའི་སྟེང་ནས་ངོ་འཕྲོད་པ་སླ་བ་གནད་ཆེ་གསུང་། ཉལ་བ་ལས་ཚིགས་པ་བསྲང་ཞིང་ཁ་སྤུབ་ལ་སོགས་པ་མི་བྱ་ཞིང་། ཕྱིར་ཡང་དུས་ཐམས་ཅད་དུ་ལུས་གནད་བསྲང་། འབྱུང་བཞི་འཁྲུགས་པས་དབང་དུ་མ་འདུས་ནའང་ཚིགས་པ་བསྲང་གསུང་། རྣམ་དཔྱོད་ལམ་བཞི་ལ་འགྲོ་བ་གཅིག་དགོས། སྟན་ཁར་སྡད་ཙ་ན་འབྱུང་གི། དེ་མིན་ན་མི་འབྱུང་ན། དེས་བརྟག་མི་ཐུབ། དེ་ཡང་དང་པོ་ནས་བཏོལ་སྐྱེས་སུ་མི་འབྱུང་བས་སློབ་དགོས་པས་ད་ལྟ་སློབ་པ་གལ་ཆེ་གསུང་ངོ་། །རྟེན་ཅན་ལ་སླབ་པའོ་ཅེས་པས། དེ་རྣམས་ཀྱིས་ཞི་གནས་མཚན་བཅས་དེ་ལྟ་བུ་དེ་སོང་ནས། ད་ཞི་གནས་མཚན་མེད་དེ་ལྟ་བུའི་ཚུལ་གྱིས་སྟོན་ནོ། །སེམས་འཚོལ་བཏབ་པའི་རྗེས་སུ། ལྕེ་སྒོམ་གྱི་ཞལ་ནས། རྒྱ་གར་ཡུལ་ནས་དམ་པའི་

[Full Size]

ཆོས་བཙལ་ཡང་། གཏན་ལ་དབབ་རྒྱུ་རང་གི་སེམས་ལས་མེད། སེམས་ཀྱིས་སེམས་ལ་བལྟ་བར་བྱེད་པ་ལ། ཐབས་ཀྱི་སྣ་ཁ་མང་པོས་ཅི་ཞིག་བྱ། ཞེས་གསུང་། རིན་པོ་ཆེ་པ་སེམས་ཀྱི་བལྟ་བ་འདི་གལ་ཆེ། སྣང་བ་ཐམས་ཅད་རང་གི་སེམས་ཡིན་པས། སེམས་རྟོགས་ངོ་ཤེས་ན་གཞན་ཐམས་ཅད་རང་གྲོལ་ལ་འགྲོ། །འོ་ན་སྣང་བ་ཐམས་ཅད་རང་གི་སེམས་ཀྱི་རང་འོད་དམ། རང་གཟུགས་ཡིན་ནམ་སྙམ་ན་ཡིན་ཏེ། རྡོ་རྗེ་མགུར་ལས། རིན་ཆེན་སེམས་ལས་ཅེས་སོགས་ལུང་འདྲེན། ཀུན་བྱེད་རྒྱལ་པོ་ང་ཁ་བ་ཟེར་ཏེ། ང་ཁ་བརྟག་གཉིས་ལས་ཆུད་རྒྱུད་མི་འདུག་གསུང་། སེམས་ཙམ་མོ་ཅེས་པ་ཙམ་ལ་གཉིས། ལྷག་པ་འགོག་པ་དང་ཚོད་འཛིན་པའོ། །འདིར་ལྷག་པ་འགོག་པ་ཙམ་ཡིན་གསུང་། སྣང་བ་རང་སེམས་ཡིན་པས་ངོ་སྤྲོད་དམ་མིན་ནས་སྤྲོད། ཡིན་ན་སྤྲད་མི་དགོས་ལ། མིན་

[Full Size]

ན་སྤྲད་ཀྱང་མི་ཕན་ནོ། །ཡིན་ཡང་ཡུལ་འཛིན་གྱི་རྟོག་པས་བསྒྲིབས་ནས་ངོ་མ་ཤེས་པ་ལ། ད་བླ་མའི་བྱིན་རླབས་དང་བརྡ་ཐབས་ཁྱད་པར་ཅན་གྱི་དྲི་མ་དེ་གསལ་ནས་ངོ་ཤེས་པར་བྱེད་པ་ལ། སྣང་བ་རང་སེམས་ཀྱི་ཁྲིད་ཟེར་ཏེ། འདི་དག་གི་འཁྲིད་ཚུལ། ས་སྐྱ་པ་ཀུན་ལའང་། ལམ་འབྲས་བུ་དང་བཅས་པ་ནས། དཔེ་བརྒྱད་བཞི་སུམ་ཅུ་རྩ་གཉིས་ལ་བརྟེན་ནས། སྣང་བ་རང་སེམས་སུ་ངོ་སྤྲད་ཚུལ་བཤད། འཇིག་རྟེན་མགོན་པོ་ཡང་སྣང་བ་རང་སེམས་ཀྱི་ཁྲིད་རྒྱས་པར་གསུངས། འདིར་ཡང་རྒྱལ་པོ་ལ་གདམས་པའི་མདོའི་རྗེས་སུ་འབྲངས་པ་རྒྱས་པར་ལོགས་སུ་བསྟོན་ལ། ཅུང་ཟད་བཤད་ན། དངོས་གཅིག་ཉིད་ནི་ཐ་དད་ཕྱིར། །དོན་མ་གྲུབ་པར་འདོད་པ་ཡིན། །ཅེས་དངོས་པོ་གཅིག་ལ་སྣང་ཚུལ་ཐ་དད་དེ། །ཅེས་སོགས་གསུངས་པའི་དངོས་པོ་གཅིག་ལ་ལྷ་ལ་རྡོའི་རྒྱལ་པོ་ཨ་མོ་ལི་ཀ་ལ་སོགས་པར་

[Full Size]

སྣང་། མི་ལས། དུད་འགྲོ། གྲོག་སྦུར་ལ་སོགས་པ་ལ་ལོངས་སྤྱོད་དང་ཁང་ཁྱིམ། དམྱལ་བ་ལ་ལྕགས་སྲེགས་ཀྱི་ས་གཞི་ཅེས་གསུངས། མདུན་དུ་བུམ་པ་ཅེས་པ་དེ་ལྟ་བུ་ལ་ལྟ་སྟངས་བཅས་ཏེ་ཡིད་བྱེད་དང་བྲལ་ནས་བཞག་པས་སེམས་ཀྱིས་བུམ་པ་བཟུང་འདུག་གམ། བུམ་པས་ཚུར་འཆང་འདུག་གམ། ཐ་དད་དུ་འདུག་གམ། སེམས་རང་བུམ་པ། རང་སེམས་སུ་ཤར་བ་འདུག་བལྟ། བལྟས་པས་དབྱེར་མི་ཕྱེད་དེ། ཐིག་ལེ་ལས། སེམས་ཉིད་ལྷན་ཅིག་སྐྱེས་སོགས་བརྗོད་ནས། སེམས་ཉིད་ཆོས་ཀྱི་སྐུ་འགག་པ་མེད་པའི་རང་འོད་སྣང་བའི་ཆོས་སྐུ་ཡིན་ནོ། །དེ་ལྟར་ཡང་སྣང་བ་སེམས་སུ་བྱེད་པ་དེ་སེམས་ཙམ་དུ་མི་འགྱུར་རམ་ཞེ་ན་མི་འགྱུར་ཏེ། སེམས་རྣམ་རིག་ཙམ་དུ་འདོད་པ་ནི། གྲུབ་མཐའ་ཁས་ལེན་གྱི་སེམས་ཙམ་ཡིན། འདིར་སྣང་བ་

[Full Size]

རང་གི་སེམས་དེ་ཡང་། ངོས་བཟུང་དང་བྲལ་བར་ཤེས་པས་སོ། །བཀའ་ཐ་མ་དོན་དམ་རྣམ་པར་ངེས་པའི་མདོ་སྡེ་རྣམས་ལས་སྣང་བ་སེམས། སེམས་སྤྲོས་བྲལ། སྤྲོས་བྲལ་ཟུང་འཇུག་ཏུ་གཏན་ལ་ཕབ་སྟེ། དེའི་རྒྱུ་མཚན་ཡང་སངས་རྒྱས་ཀྱིས་བཀའ་རིམ་པ་གསུམ་བསྐོར་བའི་དང་པོ་རྟག་ཆད་དང་འབྲེལ་ཅེས་སྒྲོ་འདོགས་ནས་ཐ་མ་རྣམ་པར་ངེས་ཀྱི་འཁོར་ལོ་བསྐོར་བས་ཟུང་འཇུག་ཏུ་བསྟན་ཏེ། ལང་ཀར་གཤེགས་པ་ལས། ཀུན་གཞི་མེད་ཅིང་རྣམ་རིག་མེད། །རང་བཞིན་མེད་ཅིང་དངོས་མེད་ན། །བྱིས་པ་ངན་པ་རྟོག་གེ་པ། །རོ་དང་འདྲ་བས་མ་རྟོགས་སོ། །ཅེས་དང་། སེམས་ཙམ་ལ་ནི་གནས་ནས་སུ། །ཕྱིའི་དོན་ལ་མི་བརྟག་གོ ། ཡང་དག་དོན་ལ་གནས་ནས་ནི། །སེམས་ཙམ་ལས་ནི་འདའ་བར་བྱ། །སྣང་མེད་གནས་པའི་རྣལ་འབྱོར་པས། །དེ་ཡིས་ཐེག་པ་ཆེན་པོ་མཐོང་། །ཞེས་

[Full Size]

གསུངས་སོ། །སྣང་སྟོང་དབྱེར་མེད་ལ་དབང་ཐོབ་པར་འགྱུར་ཏེ། ཅེས་པ་རིན་པོ་ཆེ་པ་སྣང་བ་རང་སེམས་འདི་ལ་བཞི་ཙམ་ཡིན། གོ་བ། ཉམས་མྱོང་། རྟོགས་པ། མཐར་ཕྱིན་པའོ། །དང་པོ་ནི། སྣང་བ་འདི་རང་སེམས་ཡིན་སྙམ་དུ་བློ་ཡུལ་དུ་གོ་བའོ། །གཉིས་པ་ནི། སྣང་བ་རང་གི་སེམས་དང་ཐ་དད་མེད་པར་ཉམས་སུ་མྱོང་བར་ཡུལ་འཛིན་གྱི་དྲི་མ་དང་བྲལ་བའོ། །གསུམ་པ་སྣང་བ་འདི་རང་སེམས་སུ་ཐག་ཆོད་ནས་ཡུལ་མེད་ཀྱི་ངེས་ཤེས་སྐྱེས་པའོ། །བཞི་པ་ནི། སྣང་བ་སྟོང་པར། སྟོང་པ་སྣང་བར་བྱེད་ཅེས་པ་འབྱུང་གསུང་། གཞན་ཡང་དྭགས་པོ་རིན་པོ་ཆེ་ལ། བུ་ཆེན་འགའ་ཡིས་སྣང་བ་སེམས་དང་། ཆོས་ཉིད་གསུམ་འགྲེ་བ་གསུང་བ་ཇི་ལྟར་འགྲེ་ལགས་ཞུས་པས། གཟིམས་མལ་གྱི་མདུན་ན་ཀ་བ་གཅིག་འདུག་པ་ལ་ཕྱག་ཕར་ཐལ་ཚུར་ཐལ་མཛད་ཅིང་འདི་

[Full Size]

གཉིས་འགྲེ་བ་ཡིན་གསུང་ངོ་། །ཟུར་ཆུང་ཤེས་རབ་གྲགས་བྲག་རྒྱ་བོ་ཅན་ན་བཞུགས་དུས། སྟོན་པ་གཅིག་གིས་སུན་དབྱུང་དགོས་སྙམ་ནས་ཆོས་གཏམ་བྱས་པས། སྟོན་པ་དེས་ཀ་བ་ཆོས་ཅན་ཞེས་ཐལ་འགྱུར་བཏང་བས། ཁྱོད་ལ་ཀ་བ་ཆོས་ཅན་དུ་གདའ་སྟེ། ཁོ་བོ་ལ་ཆོས་ཉིད་དུ་གདའ་གསུངས་ནས་ཕྱག་ཕར་ཐལ་ཚུར་ཐལ་མཛད། ཡང་འདུས་མ་བྱས་ནམ་མཁའ་ཆོས་ཅན་བྱས་པས། ཁྱོད་ལ་འདུས་མ་བྱས་ཏེ་ཁོ་བོ་ལ་འདུས་སུ་གདའ་གསུངས་ནས། ནམ་མཁའ་ལ་སྐྱིལ་ཀྲུང་བྱས་ཀྱང་འདུས་མ་བྱས་སུ་འགྱུར་རྒྱུ་མེད་དེ་ཇི་ལྟར་བྱས་ཀྱང་སྣང་སེམས་སུ་དབྱེར་མེད་པར་ཤེས་པར་གསལ་བ་ཡིན་གསུང་། འགའ་ཞིག་སྣང་བ་རང་རང་སེམས་ཡིན་བྱས་པས། རང་གི་སྣང་བ་སྟོང་པ་དང་། སྟོང་པ་སྣང་བར་དབྱེར་མེད་པར་དགོས་པ་ལྟར་འདོད་དེ། དེའི་བྱེ་བྲག་ཕྱེད་དགོས། དེ་ལྟར་བྱུང་ཡང་། སྣང་བ་རང་སེམས་མ་ཡིན་པར་མི་

[Full Size]

འགྱུར་རམ་གསུང་། འགའ་ཞིག་སྣང་བ་ལས་སྣང་བ་ཡིན་པ་འགའ་ཟེར་ཏེ། གཅིག་ཏུ་མ་ངེས། ལ་ལ་ཉམས་སྣང་། ལ་ལ་ཆོས་ཀྱི་རང་སྣང་དུ་འཆར་བས་དེ་དགག་མི་དགོས། དེ་བས་ཉོན་མོངས་ཀྱི་སྣང་ཆ་ཡང་མི་འགག་སྟེ། མདངས་འགག་མེད། འདོད་ཆགས་ཀྱི་སྣང་བ་ཤར་བ་ལ། ངོ་བོ་འཛིན་པ་ཐམས་ཅད་དང་བྲལ་བ་དེ་ལ་འདོད་ཆགས་རྡོ་རྗེའོ། སོ་སོར་རྟོག་པའི་ཡེ་ཤེས་ཟེར། །དེ་བས་སྣང་བ་གང་གིས་དང་ཁྱད་པར་དུ་མ་བྱས་པའི་སྣང་བ་ཙམ་ཀྱང་མི་འགག་གསུང་། འོ་ན་རྒྱུད་འགྲེལ་ལས། ཏ་ལ་མོ་དང་སྡིག་སྲིན་གྱི་དཔེས་དགག་པར་བཤད་དོ་ཟེར་ན་མ་ཡིན་ཏེ། དེ་ནི་སྣང་བ་ལ་ཞེན་ཆེས་པ་དགག་པ་དགོངས་པ་ཡིན་གྱིས། དོན་ལ་མི་འགག་གསུང་། ད་ལྟ་སྣང་བ་རང་སེམས་ཀྱི་རབ་ལ་རྟོག་པ་འབྲིང་ལ་ཉམས་མྱོང་། ཐ་མ་ལ་ཡིན་ངེས་སྙམ་པའི་གོ་ཡུལ་བརྟན་པོར་འབྱུང་དགོས།

[Full Size]

དེ་མ་བྱུང་བར་ངོ་སྤྲད་ན་ཆུ་མ་ཆོད་པའི་རྫང་ངམ། འབེན་མ་མཐོང་བའི་མདའ་རྡེག་དང་འདྲ་གསུང་། དེ་ཡང་སྐབས་སུ་བུམ་པ་ལ་སོགས་པ་ལ་དམིགས་གཏད་བཅས་པ་དེ་བཞིན་དུ་བལྟ། གཙོ་ཆེར་རྟེན་མེད་ལ་བསླབ་གསུང་། འདིར་རྟེན་མེད་ཀྱི་སྐབས་ཡིན་རྟེན་ལ་དམིགས་པ་འཆའ་བ་གཅིག་ཡིན་སྙམ་ན། སྔར་གྱི་དེ་རྣམས་ཕྱི་རོལ་ལོགས་ན་མོ་ཞིག་ལ་སེམས་འཛིན་པ་ལྟ་བུ་ཡིན། འདིར་སྣང་སེམས་དབྱེར་མེད་དུ་བཞག་པས། རྟེན་ཉིད་རྟེན་མེད་དུ་འཆར་བའམ། རྟེན་མེད་རྟེན་དུ་འཆར་བ་བྱ་བ་ཡིན་གསུང་། དེ་རྣམས་ནི་སྔོན་འགྲོའོ། །དངོས་གཞིའི་སྐབས་སུ་འཇོག་པ་རྣམས་སྔར་བཞིན་ལ། རྗེན་ལྷང་གིས་འཆར་ཞེས་པ། དེ་ཉིད་ལ་བལྟས་ཏེ་དངོས་པོ་དངོས་མེད། ལུས་ཀྱི་ཕྱི་ནང་གང་ན་འདུག་བལྟ། དེ་ཡང་ལུས་སེམས་གཅིག་པའི་གོམས་པའི་སྟོབས་ཀྱིས་ནང་ལུས་ལ་ཡོད་ཡོད་

[Full Size]

པོར་བྱེད་པས། དེ་ལ་འཇུག་གམ་བལྟ། དུས་འདས་པ་ལ་མ་གྲུབ་སྟེ། གྲུབ་ན་འདས་པའི་རྟོག་པ་འདིར་མི་འགག་བྱ་བའི་ཤུལ་དགོས་ཏེ་དེ་མ་གྲུབ། མ་འོངས་པ་ལ་མ་གྲུབ་སྟེ། གྲུབ་ན་ཁྲོམ་ཆེན་པོའམ། རང་ཟམ་ལ་འགྲོ་བའམ། བཙུན་པ་སེར་འཕྲེང་བྱེད་པ་ལྟར་ཡོང་དགོས་ཏེ། དེ་མེད་ད་ལྟ་བ་ལ་བལྟས་པས། ངོ་བོ་ངོས་བཟུང་གང་དུ་ཡང་མ་གྲུབ་པ། དང་པོའི་ཤེས་པ་ལས་མ་གཡོས་མ་འཆུགས་པའི་འདི་ཉིད་དོ། །འདི་གཉིས་ཀ་ལ་སེམས་ཉིད་ཀྱི་སེམས་ཉིད། ཆོས་ཉིད་ཀྱིས་ཆོས་ཉིད། སློབ་དཔོན་གྱིས་ངོ་སྤྲོད་རྒྱུའི་སེམས་དེ་ཡང་འདིའོ། །སློབ་མས་ཤེས་པར་བྱ་རྒྱུ་ཡང་འདི་ཡིན་ཏེ། དེ་ལས་གཞན་པའི་དངོས་པོ་མཚན་མ་ཅན་དུ་བསྟན་རྒྱུའམ་མཐོང་རྒྱུ་མེད། དེ་ཡང་འོ་སྐོལ་ཆུ་སྦུར་གྱི་མིག་ཅན་རྣམ་པར་རྟོག་པའི་བློ་ཅན་རྣམས་ཀྱི་མ་མཐོང་བ་ལ་ཚད་མར་མི་

[Full Size]

བཏུབ། སངས་རྒྱས་ཡེ་ཤེས་ཀྱི་སྤྱན་དང་ལྡན་པས་གཟིགས་དགོས་པ་ལ་གཟིགས་ཏེ། འོད་སྲུངས་ཀྱིས་ཞུས་པའི་མདོ་ལས། འོད་སྲུངས་སེམས་ནི་དཀར་པོ་མ་ཡིན། སེར་པོ་མ་ཡིན། ཙོད་དང་ཤེལ་གྱི་ཁ་དོག་ལྟ་བུ་མ་ཡིན་ཏེ། འོད་སྲུངས་སེམས་ནི་འདས་པ་མ་ཡིན། མ་འོངས་པ་མ་ཡིན། ད་ལྟར་བ་མ་ཡིན། སེམས་ནི་དུས་གསུམ་སངས་རྒྱས་ཐམས་ཅད་ཀྱིས་ཀྱང་མ་གཟིགས། མི་གཟིགས། གཟིགས་པར་མི་འགྱུར་ཞེས་ཏེ། སེམས་དངོས་པོ་མཚན་མ་ཅན་དུ་མ་གཟིགས་པའོ། །འདི་ཀ་ལ་སྟོང་པ་སེམས་ཀྱི་རང་བཞིན་ཅེས་ཟེར་ཏེ། བྲམ་ཟེ་ཆེན་པོས། གདོད་ནས་དག་པ་ནམ་མཁའི་རང་བཞིན་ལས། །བལྟས་ཤིང་བལྟས་ཤིང་མཐོང་བ་འགག་པར་འགྱུར། །ཞེས་སོ། །དེའང་སྟོང་པའམ་མེད་པ་ཕྱལ་ཆད་མ་ཡིན་ཏེ། མདངས་འགག་མེད་དུ་ལམ་མེ་བ་དེ་ལ་གསལ་སེམས་ཀྱི་

[Full Size]

མཚན་ཉིད་ཟེར་ཏེ། ཤ་བ་རི་པས། ཕྱལ་ཆད་མ་ཡིན་རྦ་རླབས་བཞིན། །ཅེས་པས་རྦ་རླབས་སེམས་ཆུ་རྒྱུན་ལྟར་ཡོད། དེ་ཉིད་ཐ་དད་ཡིན་ནམ་སྙམ་ན་མ་ཡིན་ཏེ། རང་བཞིན་སྟོང་བ་ཀ་མཚན་ཉིད་འགག་མེད་དུ་གསལ་ལ། དེ་ཀ་རང་བཞིན་སྟོང་པར་ཡོད་དེ། དེ་ལ་ཟུང་འཇུག་སེམས་ཀྱི་ངོ་བོ་ཟེར་ཏེ། བརྒྱད་སྟོང་པ་ལས། སེམས་ནི་སེམས་མ་མཆིས་ཏེ་སེམས་ཀྱི་རང་བཞིན་ནི་འོད་གསལ་བའོ། །ཞེས་གསུང་། དེ་ལ་སེམས་ངོས་བཟུང་དང་བྲལ་བ་དེ་ལ་ཆོས་སྐད་དུ། རྣམ་པར་མི་རྟོག་པའི་ཡེ་ཤེས་སམ། བླུན་སྐད་དུ་ཐ་མལ་གྱི་ཤེས་པ་ཞེས་ཟེར་ཏེ། ནི་གུ་མས། ཡིད་ལ་མི་བྱེད་རེ་དོགས་ཀུན་བྲལ་བའི། །ཞེས་རྟོག་པ་མཇལ་བའི་ཕྱག་མཛད། བྲམ་ཟེ་ཆེན་པོས། ཐ་མལ་གྱི་ཤེས་པ་ངོས་བཟུང་དང་བྲལ་བའི་ཆོས་སྐུ་འདི་ཡང་། སློབ་དཔོན་གདམས་ངག་ཆེ་ནས་སམ། སློབ་མ་ཤེས་རབ་

[Full Size]

ཆེ་ནས་རྙེད་པ་མ་ཡིན། གདོད་ནས་རང་ཆས་སུ་གནས་ཤིང་ཡོད་དེ། བརྒྱད་སྟོང་པ་ལས། ཆོས་རྣམས་ནི་ཅེས་སོ། །དང་པོ་ཉེ་དྲགས་ཅེས་པ། སེམས་དང་ཆོས་སྐུ་གཉིས་པོ་འདི་ངོ་བོ་ལ་བཟང་ངན་མེད། དུས་ལ་སྔ་ཕྱི་མེད། གོ་ས་ལ་མཐོ་དམན་མེད་དེ། སེམས་ཡོད་ན་ཆོས་སྐུ། ཆོས་སྐུ་ཡོད་ན་སེམས་ཡོད་དེ། མ་རིག་པས་སྒྲིབས་ནས་ངོ་མ་ཤེས། གང་ངོ་མ་ཤེས་ན་ཅེས་སོ། །ད་རེས་བླ་མ་ཅེས་པ། གང་ངོ་ཤེས་ན་རིག་རིག་པོ་འདི་གང་གིས་ཤེས་ན་ཁོ་རང་གིས། ཚུལ་ཇི་ལྟར་ཤེས་ན་ཡུལ་ཡུལ་ཅན་གཉིས་མེད་ཀྱི་ཚུལ་གྱིས་སོ། །གཉིས་པ་བླ་དྲགས་ཅེས་པ་བློ་ཆུང་རྣམས་སངས་རྒྱས་ཅེས་པ་མཚན་དཔེས་བརྒྱན་པའི་བཟང་བཟང་པོ་གཅིག་ཏུ་ཞེན་ནས། །འདི་སངས་རྒྱས་ཡིན་ན་བླ་སྟེ་སྙམ་ན། མཚན་དཔེས་བརྒྱན་པར་སྣང་བ་དེ་ནི་ཆོས་སྐུ་དྲི་བྲལ་གྱི་ལག་རྗེས་ཏེ། སངས་རྒྱས་རྣལ་མ་འདིའོ། །དེ་བཞིན་གཤེགས་པའི་སྙིང་

[Full Size]

པོ་ལས་གཞན་མ་ཡིན་ཅེས་རྒྱུ་མཚན་གནད་ཀྱིས་དེད་ནས་གསུངས་སོ། །གསུམ་པ་ནི། དམ་པས། མཆོད་རྟེན་ཀ་རུའི་ཙ་ན་མར་བྱོན་པས། གླང་པོ་གཅིག་ཉལ་བ་གཟིགས་པ་ཁོའི་རླུང་དབུ་མར་ཚུད་དེ། ཤེས་པ་རྟོག་མེད་དུ་ཧད་དེ་འདུག་ནས་རྩར་བྱོན་ཏེ་ཐལ་མོ་སྦྱར་ནས་ངོ་མཚར་ཆེ་གསུང་། དེའི་རྗེས་སུ་སྙིང་རྗེ་གསུང་། ཀུན་དགས་ངོ་མཚར་ཆེ་རྒྱུ་གཅིག་བདོག་འདི་དུད་འགྲོ་ལགས། དེའི་ནང་ནས་གླང་བུ་བྱ་བ་ཤིན་ཏུ་བླུན་པ་གཅིག་ལགས་ཞུས་པས། འཇམ་དཔལ་སྨྲ་སེང་ལ་ཡང་འདི་ལས་ལྷག་པ་མེད་དེ། ཁོས་མ་ཤེས་གདའ་སྙིང་རྗེ་གསུངས་ཏེ། རང་རེ་ལ་ཆད་པ་ངལ་གསོ་བ་དང་གསུང་། ཅེས་གསུང་། སྐྱོན་བཞི་རང་གྲོལ་ཅེས་པ། འདས་པའི་རྟོག་པ་མ་འགགས། མ་འོངས་པ་སྐྱེ་འཕྲོ་ཆད། ད་ལྟ་བ་རོ་མེད་ཁུངས་སྟོངས་རྩིས་མེད་རང་ཡལ་ལ་སོང་ནས། ཤེས་པ་གསལ་ལ་དྭངས་པ་གཅིག་འཆར། དེ་

[Full Size]

ལ་བལྟས་པས་མདངས་མ་འགགས་པ། ངོས་བཟུང་ཐམས་ཅད་དང་བྲལ་བ། གསལ་སྟོང་ནམ་མཁའ་སྤྲིན་དང་བྲལ་བ་ལྟ་བུ་རང་རིག་ཏུ་རྗེན་ནེ་འདུག་ནས་དེ་ལྟར་ངོ་ཤེས་ཐག་ཆོད། ངེས་ཤེས་སྐྱེས། ཡེངས་མེད་ཀྱི་བྱ་ར་བ་དང་བྲལ་བས་སྐྱོན་བཞི་ལ་གྲོལ་ལོ། །རིན་པོ་ཆེ་པ་ཚིག་གཞན་བྱིན་དང་མཐུན་པ་མེད། སྐྱོན་བཞི་རང་གྲོལ་འདི་གཞན་པས་ཆུན་ཆེ་ཟབ་པར་ཡོད་གསུང་། ནམ་མཁའི་ངོ་སྤྲོད་ལ། སེམས་རང་ལུགས་སུ་ལྷོད་དེ་བཟོ་མེད་དུ་ཁྲེས་སོ། །འཛིན་མེད་དུ་ཤིག་གེ་བཞག་པས། ཁ་དོག་དབྱིབས། གནས་དུས་ལ་སོགས་གང་དུ་ཡང་མ་གྲུབ་པས་དངོས་པོ་ཀུན་འབྱེད་པ་གཅིག་སང་ངེ་འདུག །སེམས་ཀྱང་ངང་དེ་དབྱེར་མེད་པར་ཁ་དོག་ལ་སོགས་པར་མ་གྲུབ་པར། གདངས་མ་འགགས་པར་ས་ལེ་འདུག་གེ། ནམ་མཁའ་རིག་མེད་དང་། སེམས་ནི་ནམ་མཁའ་ལྟ་བུར་ཅེས་གསུང་། སྣང་བ་ཐམས་ཅད་སེམས། སེམས་

[Full Size]

ནམ་མཁའི་རང་བཞིན་ཡིན་པས། འཁོར་འདས་ཐམས་ཅད་ནམ་མཁའི་རང་བཞིན་ཡིན་ཏེ། བརྟག་གཉིས་ལས། ཐམས་ཅད་ནམ་མཁའི་མཚན་ཉིད་དེ། །ནམ་མཁའ་ལ་ཡང་མཚན་ཉིད་མེད། །ཅེས་གསུང་། ནམ་མཁའ་སེམས་ཀྱི་དཔེ་དོན་དུ་འཇོག་པ་ནི། རྟོགས་མ་རྟོགས་དེ་རྟོགས་ན་དོན། མ་རྟོགས་ན་དཔེ་ཡིན་གསུང་། དབང་བཞི་པའི་དོན་རང་བྱུང་ལྷན་སྐྱེས་པའི་ཡེ་ཤེས་འདི་ནི་ཆེས་ཕྲ་སྟེ་རྟོགས་པར་དཀའ། རྡོ་རྗེ་སྟོང་པ་ཉིད་ཀྱི་དོན་ཉོན་མོངས་པའི་སྡུག་བསྔལ་དང་བྲལ་བ་མཐར་ཕྱིན་ཏེ་ཆོས་སྐུ། མཚན་མའི་གྲ་ཟུར་ཞི་བ་ཉིད། ཕ་དེ་བདག་ཉིད་དོ། །ནམ་མཁའ་ལྟ་བུར་མཚན་ཉིད་མེད། །ཅེས་ཏེ། མཚན་ཉིད་མེད། རང་བཞིན་མེད། གདགས་བྱ་མེད། སྨྲ་བརྗོད་ཀྱི་ཡུལ་ལས་འདས་ཏེ། སྨྲ་བསམ་བརྗོད་མེད་ཅེས་བརྗོད་དོ། །ངག་ཏུ་སྨྲ་རུ། ཚིག་ཏུ་བརྗོད་དུ། བློ་བསམ་དུ། ཤེས་པའི་ཐ་མ་དང་འབྲིང་མ་སྟེ་

[Full Size]

རབ། ཉོན་མོངས་བཟུང་རྟོག་འཛིན་གྱིས་ཕ་རོལ་ཏུ་ཕྱིན། །རྒྱུས་སྟོང་པས་མ་སྐྱེས། རྐྱེན་གྱིས་སྟོང་པས་མི་འགག །ངོ་བོ་མ་གྲུབ་པས་ནམ་མཁའི་རང་བཞིན་ནོ། །མེད་པའམ་ཕྱལ་ཆད་མ་ཡིན་ཏེ། སོ་སོ་རང་གི་རིག་པའི་སྤྱོད་ཡུལ་ལོ། །རྒྱུ་མེད་གཞན་ལ་མི་ལྟོས་ཕྱིར། །རྟག་ཏུ་ཡོད་པའམ་མེད་པར་འགྱུར། །ཅེས་པས། རྒྱུ་མེད་ཅིང་རྐྱེན་ལ་མི་ལྟོས་ན། ཡོད་མེད་གཉིས་སུ་མི་འགྱུར་རམ་སྙམ་ན། མ་འགགས་པར་གསལ་བའི་ཆ་ནས་ཡོང་ལ། རང་བཞིན་སྟོང་པའི་ཆ་ནས་མེད་དོ། །དུས་གསུམ་རྒྱལ་བའི་ཡུམ་ལ། ཅེས་པ། གཙོ་མ་གསེར་གྱི་མདོག་ཅན་ཞལ་གཅིག་ཕྱག་བཞི་མ་སྟེ། དཔེའི་ཡུམ་ཆེན་མོ་འདི་དོན་གྱི་ཡུམ་ཆེན་མོ་སྟེ། ཤེར་སྙིང་ལས། དུས་གསུམ་དུ་རྣམ་པར་བཞུགས་པའི་སངས་རྒྱས་ཐམས་ཅད་ཀྱང་། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་བརྟེན་ནས། བླ་ན་མེད་པ་ཡང་དག་པར་རྫོགས་

[Full Size]

པར་སངས་རྒྱས་སོ། །ཅེས་གསུངས་སོ། །རིག་པ་གསལ་སྟོང་ཅེས་པ། མངོན་པ་བ་སེམས་དང་ཀུན་གཞི་ཐ་དད་དུ་འདོད་པས། སེམས་ཀྱི་མཚན་ཉིད་མི་རྟོགས། བླ་མ་དབོན་ཤག་ལ་མངོན་པའི་བའི་ཀུན་གཞི་དང་། མདོ་ལས་བཤད་པ་གཉིས་མི་མཐུན་པར་འདུག་པ་དེ་གཉིས་གང་ལགས་ཞུས་པས། མངོན་པ་བ་ཀུན་གཞི་རྣམ་ཤེས་ཚོགས་བརྒྱད་དུ་བྱས་ཏེ། དེ་ཀུན་གཞི་བཏགས་པ་ཡིན། མདོའི་དེ་རྣམས་རྣལ་མ་ཡིན་ཟེར་ཏེ། རྩ་བ་རིག་པ་གསལ་སྟོང་འདི་ཀ་ལ་ཀུན་གཞི་ཟེར། འདི་རྟོགས་ན་སངས་རྒྱས། མ་རྟོགས་ན་འཁོར་བ། རྟོགས་ཏེ་སངས་རྒྱས་ཙམ་ན་ཡང་རིག་པ་གསལ་སྟོང་འདི་ལས་བཟང་དུ་སོང་བ་མེད་ལ། མ་རྟོགས་པའི་དུས་ན་ཡང་དེའི་ངོ་བོ་ལ་དྲི་མས་གོས་པ་མེད་དེ་གསུང་། འཁོར་འདས་དབྱེར་མེད་ཅེས་ཀྱང་ཟེར་ཏེ། གཞི་མ་རིག་པ་ངོ་མ་ཤེས་པའི་ཆ་ནས་

[Full Size]

ངོ་མ་ཤེས་པའི་ཆ་ནས་འཁོར་བ། རང་སྟོང་དུ་ཡོད་པའི་ཆ་ནས་མྱང་འདས་ཏེ། རྩ་རྒྱུད་ལས། འདི་ནི་འཁོར་བ་ཞེས་གསུངས་པ། །ལམ་ནི་དེ་ལྟར་གནས་པར་རང་ངོ་ཤེས་ནས། འཁོར་བ་མ་སྤངས་གནས་སུ་དག །མྱང་འདས་མ་བསྒྲུབས་ལྷུན་གྱིས་གྲུབ་ནས་མ་ཡེངས་ཙམ་དུ་སྐྱོང་བའོ། །འབྲས་བུ་ནི་གཡས་སུ་སངས་རྒྱས་བཞག །གཡོན་དུ་དམྱལ་བ་བཞག་ཀྱང་། དེ་གཉིས་ལ་དགག་སྒྲུབ་དང་འདམ་ཁ་ཟད་པའོ། །རིག་པ་དྲི་མ་མེད་པ་ཞེས་བྱ་སྟེ། དམ་པའི་དྲུང་དུ་འབྲོམ་ལོ་ཙཱ་བས་བྱོན་པས་ལོ་རྒྱུས་གསུང་། འགྱོད་ཚངས་མཆོག་ཡིན་ཞེས་པ། དཔེ་དུང་རྡུལ་ཕྱིས་པའམ། ཁང་སྟོང་དུ་སྒྲོན་མེ་བཏེག་པ་བཞིན་ནོ་གསུང་། དུས་རྣམས་མཉམ་པ་ཉིད་ཤེས་ཕྱིར། །ཅེས་པ། ངོ་བོ་ཟུང་འཇུག །ཟུང་འཇུག་བློ་འདས། བློ་འདས་ཡིད་ལ་བྱར་མེད་པར་མཉམ་ཅེས་སོ། །དེ་ནས་གོ་ཡུལ་དང་རྟག་བཅད་ལ་ཅེས་པའི་

[Full Size]

སྔོན་དུ་སྔར་བཞིན་བཞག་པས་གསལ་བྱེད་ཀྱི་རྒྱུ་རྐྱེན་ཆེ་འབྲིང་ཆུང་གསུམ་ལ་མ་ལྟོས་པར་མཚན་ཉིད་རང་གསལ་དུ་རྗེན་ནེ། དེ་ལ་བལྟས་པས་རང་བཞིན་ངོས་བཟུང་ཐམས་ཅད་དང་བྲལ་བ། རང་བཞིན་མེད་བཞིན་གསལ་ཏེ་ངོ་བོ་ཟུང་འཇུག་ཏུ་ཏ་ལེ། དེ་ལྟར་ངོ་ཤེས་ན་གོལ་ས་ཐམས་ཅད་རང་ཆོད་ལ་འགྲོ་སྟེ། གཟུགས་སྟོང་པའོ། །སྟོང་པ་ཉིད་གཟུགས་སོ། །ཞེས་རྟག་ཆད་ལས་གྲོལ་ལོ། །འགའ་ཞིག་འདི་རྟགས་ཀྱི་སྟེང་དུ་སྦྱོར་ཏེ། དེ་ཀའི་བཤམས་ནས་ཆོས་ཐམས་ཅད་སྟོང་པ་ཉིད་དོ་ཅེས་པ་རྟགས་སམ་ཐིག་ལེ་སྟོང་པ་ཉིད་དོ། །བྱ་བ་མེད། དུས་འཁོར་བ་ཀུན་ལ་མ་ནོར་བ་རྟགས་ཁྲིད་པ་ཟེར་ནའང་། འདིར་ལམ་མ་ནོར་བ་རྟག་ལ་མི་ལྟོས་པ་གཅིག་དགོས་གསུང་། དེ་མ་ཡིན་པའི་མེད་པ་ལ་སེམས་ངོ་བྱས་ན་འཁྲུལ། མེད་པ་དང་སྟོང་པ་ལ་ནོར་ས་ཡོད། རིག་ཐོག་ཏུ་སྒྲོ་འདོགས་ཆོད་ནས་གནས་འགྱུས་སྣང་གསུམ་

[Full Size]

གྱི་སྟེང་དུ་སྤྲོ་སྟེ་རི་རྩིགས་པ་ཁང་ཁྱིམ་ལ་སོགས་པ་བལྟས་པས་ངོ་བོ་རང་བཞིན་མཚན་ཉིད་གསུམ་ཀྲོང་ངེ་བ་འདི་སྒོམ་ཡིན་ཀྱང་། འདི་སྒོམ་མ་ཡིན་བྱ་བ་མེད། སྣང་བ་བསྒོམ་ཀྱང་ངོ་བོ་རང་བཞིན་མཚན་ཉིད་གསུམ་ཚང་ཞིང་སྟོང་པ་སྒོམ་ཀྱང་ཚང་བས། གང་ཤར་ཤར། གང་སྣང་སྣང་། དྲན་དྲན་ཐམས་ཅད་བསྒོམ་ཡིན། དེ་ལྟར་རྟོགས་པའི་རྣལ་འབྱོར་པ་གཅིག་གིས། ཁ་རུ་བུར་རྡོག་ལ་སོགས་པ་བཅུག་ནས་ཁྲོམ་བསེབ་ལྟ་བུར་བལྟད་ན། གཟུགས་སྣང་སྟོང་། སྒྲ་གྲགས་སྟོང་། དྲི་ཚོར་སྟོང་། རེག་བྱ་རེག་སྟོང་དུ་འཆར་སྟེ། ཀོ་བྲག་པ་བུ་ཆེན་འགའ་ཡིས་གདམས་སྐོར་བཞི་སོ་སོའི་གང་ལ་ཐུགས་དམ་མཛད་ཞུས་པས། འམ་བུ་དེ་ས་ལ་མེད་ལགས། སྒྲ་ཤཱ་ཤཱ་འདིའམ། ཁྱི་སྒྲ་ལྷང་ལྷང་བ་འདི་ལ་བྱེད་གསུང་ངོ་། །བློ་བྲལ་གྱི་དྲན་པས་ཅེས་པ། དེ་ལྟ་བུའི་ཉམས་ལེན་གང་ལའང་མ་ཡེངས་ཀྱི་དྲན་པ་གཅིག་དགོས་ཀྱིས་

[Full Size]

སྒོམ་པ་ཆང་གཏེ་ལ་བཅུག་པས་མི་ཕན། ཤ་བ་རི་པས། དྲན་པ་རྒྱུན་ཆགས་དྲན་མེད་པ། །ཅེས་པ་དང་། ཀླུ་སྒྲུབ་ཀྱིས། དབང་ཕྱུག་ལུང་རྟོགས་དྲན་པས་བདེ་གཤེགས་ཀྱིས། །བསྒྲོད་པ་གཅིག་པའི་ལམ་དུ་ཉེར་བསྟེན་ནས། །དེ་ནས་སྒྲིམས་ཏེ་མངོན་པར་བསྲུང་བགྱི་སྟེ། །དྲན་པ་ཉམས་པས་ཆོས་ཀུན་འཇིགས་པར་འགྱུར། །ཅེས་དང་། ཞི་བ་ལྷས། དྲན་པ་དང་ནི་ཤེས་བཞིན་དག །སྲོག་ལ་བབས་ཀྱང་སྲུངས་ཤིག་ཅེས། །བདག་ནི་འདི་སྐད་འདམས་པར་བྱེད། །ཅེས་གསུང་། དང་པོ་ནའང་། དྲན་པ་ཡང་དག་བྱང་ཆུབ་ཀྱི་ཡན་ལག་དང་། གཉིས་པ་ནས་སངས་རྒྱས་ཀྱི་སའི་བར་ན་ཡང་དག་པའི་དྲན་པ་ཡོད་པར་གསུངས། དྭགས་པོས་སྒོམ་མེད་ན་ཡང་དག་གི་དྲན་པ་འདག་པ་གཅིག་གསུངས་ཀྱང་། སྒོམ་མེད་སླེབ་སླེབ་འདག་པར་མ་བཤད། འདི་མདོ་རྒྱུད་དང་མཐུན་རྒྱུ་མེད་ནའང་། དྭགས་

[Full Size]

པོའི་གསུང་ལ་ཚད་མར་བྱེད་དགོས། དྲན་པ་འདོག་ཅེས་པ། ལས་དང་པོ་པའི་བཟུང་དྲན་འདག་པའོ། །དྲན་པ་ལའང་རང་ངོ་ཤེས་པའི་ཡུལ་མེད། ཅི་དགོས་ཀྱིས་འཛིན་མེད་ཙམ་རེས་ལམ་ཕྱག་རྒྱ་ཆེན་པོ་མི་འགྱུར། དེ་ཀུན་གཞི་དང་སྒོ་ལྔའི་རྣམ་ཤེས་ལ་ཡང་ཡོད་དེ། མདོ་ལས། སེམས་ནི་ཀུན་ཏུ་ལུང་མ་བསྟན། །ཉོན་མོངས་ཅན་དེ་མི་དགེ་བ། །ཡིད་ནི་གཉིས་ཀར་འགྱུར་བ་སྟེ། །སྒོ་ལྔའི་རྣམ་ཤེས་ལུང་མ་བསྟན། །ཅེས་གསུངས་སོ། །དཀར་པོ་ཆིག་ཐུབ་ཅེས་བྱའོ། །ཅེས་པ། དེ་ལྟར་རྟོགས་ཙམ་ན་དཀར་པོའི་ཕྱོགས་ཀྱི་ཆོས་རྣམས་ཐམས་ཅད་འདིར་རྫོགས་ཏེ། སྒོམ་ཆེན་པ་ལ་དགོས་པའི་ཞི་གནས་ལྷག་མཐོང་ཚང་སྟེ། ཞི་གནས་དང་ལྷག་མཐོང་ནི་གཉིས་ཏེ། ཐོས་པ་ལས་བྱུང་བ་དང་། གདམས་ངག་ལས་བྱུང་བའོ། །ཐོས་པ་ལས་བྱུང་བ་ནི། མདོ་སྡེ་བཅུ་གཉིས་ཀྱི་དོན་ཡིད་ལ་བྱེད་པའོ། །དེ་ཡི་དོན་མཐོང་ངོ་། །གདམས་ངག་ལས་བྱུང་བ་ནི། སེམས་

[Full Size]

ནང་དུ་གནས་པ་ནི་ཞི་གནས་སོ། །དེའི་དོན་མཐོང་བ་ནི་ལྷག་མཐོང་ཞེས་བྱའོ། །ཕར་ཕྱིན་དྲུག་ཚང་སྟེ། ཚངས་པ་ཁྱད་པར་གྱིས་ཞུས་པ་ལས། མི་འཛིན་པ་ནི་སྦྱིན་པ། མི་གནས་པ་ནི་ཚུལ་ཁྲིམས། མི་ཁྲོ་བ་ནི་བཟོད་པ། མི་རྩོམ་པ་ནི་བརྩོན་འགྲུས། མི་སེམས་པ་ནི་བསམ་གཏན། མི་དམིགས་པ་ནི་ཤེས་རབ་སོ། །ཞེས་གསུངས་སོ། །ཇོ་བོ་བཀའ་གདམས་པ་བཞེད་པའི་ཡན་ལག་ཡོད་པ་ཡང་ཚང་སྟེ། བསྔོ་བ་ལ་སོགས་པ་ལུང་གང་དུ་བཤད་དོ། །བླ་མ་ཞང་གི་ཞལ་ནས། དཀར་པོ་ཆིག་ཐུབ་འདི་རྟོགས་ནས། །པན་ཏ་པུན་ཏ་མ་མང་ཅིང་། །ཅེས་གསུངས་སོ། །ས་སྐྱ་པཎྜི་ཏས། ཆིག་ཐུབ་བཀག་སྟེ། སྐྱབས་འགྲོ་དང་བསྔོ་བ་དགོས་མི་དགོས། །དགོས་ན་གཉིས་དང་གསུམ་དུ་འགྱུར། །ཅེས་གསུངས་སོ། །གནས་ལུགས་རྡོ་རུས་ཐུབ་པ་གཅིག་ལ་དེ་རྣམས་མ་བྱས་ཀྱང་། དེ་ཉིད་ངོ་བོར་ཚང་སྟེ། དེ་ནི་

[Full Size]

དམིགས་མེད་རྣམ་པ་ཅན། །ཅེས་བསྔོ་བ་ཚང་། བྱས་ཀྱང་འགལ་བ་མེད་དེ་ཡར་ལྡན་ནོ། །གཉིས་གསུམ་དུ་འགྲོ་རྒྱུ་མེད། གདངས་སྐྱབས་འགྲོ་དང་། བསྔོ་བ་ལ་སོགས་པར་མ་འགགས་ལ། ངོ་བོ་འཛིན་མེད་ཆོས་སྐུར་ཏལ་བ་དེ་ལུང་གོང་དུ་བཤད་ཟིན། ཕྱོགས་རེ་བའི་སྣང་བ་སྟོང་པ་ལྟ་བུ་ཡིན་ན་སྐྱོན་འབྱུང་གི། སྣང་སྟོང་ཟུང་འཇུག་ཏུ་རྟོགས་པ་ལ་འཁོར་འདས་ཐམས་ཅད་གཅིག་གི་ངོ་བོར་འདུ་བས་སྐྱོན་མི་འབྱུང་གསུང་། ཤིང་མཁན་གཟོ་བོ་མཁས་པས། ཅེས་པ། མི་ཉག་འགའི་རྒྱལ་པོ་བསགས་པ་ཆེ་བས། འགའ་ཏུ་ཤིང་གི་མི་གཟུགས་མདའ་རྡོག་པའི་འཁྲུལ་བྱས། ཧོར་རྣམས་ཀྱི་ཚུར་བརྒྱབ་ཀྱང་གླག་མ་རྙེད་ལ། དེའི་མདས་དམག་གང་ལ་ཐོགས་པ་མེད་པར་ཕུང་བར་བྱས་ཏེ། དེ་དུས་བོད་དུ་ཧོར་དམག་མ་བྱུང་། དེ་བཞིན་དུ་རང་སེམས་ངོ་ཤེས་པས། ཉོན་མོངས་པའི་དགྲ་ཕུང་ཅེས་སོགས་སྦྱར་རོ། །ཉོན་མོངས་རྣམ་རྟོག་འཕྲོ་ལ་

[Full Size]

ཇི་ལྟར་བྱེད་སྙམ་ན། ཆོས་སྐུའི་ཞེས་གསུང་། ཨ་མ་གཞན་ནས་ཞེས་པ་བྲམ་ཟེ་རྣམས་རང་གི་རིགས་འཆོལ་གྱི་དོགས་ནས། བྲམ་ཟེ་ནང་བྲམ་ཟེ་བསམ་པ་ལས་ཨ་མ་བྲམ་ཟེ་མ་ལ་བུ་བྲམ་ཟེ་ལས་འོད་མེད་དོ། །ཐག་སྦྲུལ་གྱི་དཔེ་གསུངས་ཏེ། རང་འཁྲུལ་པའི་སྣང་བས་བཟུང་བ་མ་གཏོགས་པ། ཐོག་མཐའ་བར་གསུམ་དུ་དེའི་སྣང་བ་ལས་འགྱུར་བ་མེད་དེ། །དེ་བཞིན་དུ་ཕྱི་ནས་གཞན་འབྱུང་བ་མ་ཡིན་ཏེ། གདའ་ཐབས་ཀྱི་ངེས་ཤེས་སྐྱེད་པའོ་གསུང་། ངེས་ཤེས་ལོགས་ནས་སྐྱེ་དགོས་སམ་ཞེ་ན། མི་དགོས་ཏེ། ནུ་བཅོལ་མའི་བུ་དཔེ་གསུང་། ཕྱག་རྒྱ་ཆེན་པོའི་རང་ས་མ་སླེབ་ཅེས་པ། འདོད་ཆགས་ཀྱི་གཉེན་པོར་མི་སྡུག་པ་བསྐྱོམས་ཀྱང་། འདོད་ཆགས་ཀྱི་ཤུལ་དུ་ཞེ་སྡང་གདན་དྲངས་པ་གཅིག་ལས་མ་བྱུང་། ཞེས་དུག་གསུམ་ཀ་སྦྲེས་ཏེ་གསུང་ངོ་། །དེ་བཞིན་

[Full Size]

དུ་ཞེ་སྡང་ལ་གསལ་སྟོང་ཞེས་པ་སྤྱིར་ཉོན་མོངས་དུག་གསུམ་རྩལ་རྫོགས་པའི་དུས་ན་ཡང་། རང་གི་ངོ་བོ་རྟོགས་མེད་དུ་འཆར་ཏེ། དཔེར་ན་ཞེ་སྡང་སྐྱེ་སྡོ་ཙ་ན་དམར་ཐོམ་པ་བྱུང་སྟེ། དེ་དུས་སུ་ངོས་ཟིན་ན་གསལ་སྟོང་དུ་རྗེན་ནེ་ཡང་། དེ་བཞིན་དུ་འདོད་ཆགས་གཉིས་ཤོར་གཉིས་སྙམ་གྱི་དུས་ན་བདེ་སྟོང་གཏི་མུག་གཉིད་འཐུག་པོའི་དུས་ན་རིག་སྟོང་དུ་ཡོད་ཅེས། རྣམ་རྟོག་བཟང་ངན་ཐམས་ཅད་ཀྱི་སྟེང་ནས་རྒྱས་པར་སྤྲོས་ནས་གསུངས་སོ། །ངོ་མ་ཤེས་སམ་ཅེས་པ་ཨ་སུ་རའི་མི་དང་། ཁྱད་ཀྱིས་ནོར་བུའི་དཔེ་གསུང་། ཉམས་ལེན་དེ་རྐྱེན་ལ་བསྲེ་མཁས་དགོས་ཏེ། ཤིང་སྡོང་དང་མེ་སྟག་གི་དཔེ་གསུང་། གཅིག་ཤེས་ཀུན་ལ་མཁས་ཅེས་པ་ལ། བུ་གྲུ་གླེན་གྱི་གླུ་གསུང་། གསང་སྔགས་འབྲས་བུ་ལམ་དུ་བྱེད་པ་ལ། རིན་པོ་ཆེ་པས། ཀོ་ཆུང་པ་ལ་དྲིས་པས། ད་ལྟ་ཚོགས་

[Full Size]

གཉིས་བསགས་པས་ཕྱིས་སྐུ་གཉིས་ཐོབ་པ་ལགས་སམ་བྱས་པས། ཉིད་རང་གི་ཞོག་དང་གསུངས། དེར་སེམས་རང་སྟོང་ཡུལ་མེད་དུ་གནས་པ་འདི་ཆོས་སྐུ། མདངས་འགག་མེད་དུ་གསལ་བ་འདི་སྤྲུལ་སྐུ། དེ་གཉིས་དབྱེར་མེད་པ་ལོངས་སྐུའམ་ངོ་བོ་ཉིད་སྐུ་ཟེར་གསུངས་པས། འོ་ན་སྐུ་གསུམ་མངོན་དུ་གྱུར་པ་བསྒོམ་མི་དགོས་པར་འགྱུར་གསུངས་པས་ཁ་རོག་གོ ། གཟུགས་མི་ལེན་མི་འདོར་བའི་ཚུལ་དང་ཞེས། གཞིའི་ཆོས་བླང་དོར་མེད་དུ་གསུངས། སྦྱིན་པའི་ཕ་རོལ་ཏུ་ཕྱིན་པ་མི་ལེན་མི་འདོར་བའི་ཞེས། ལམ་གྱི་དབང་པོ་ལྔ་མི་ལེན་མི་འདོར་བའི་ཞེས་འབྲས་བུའམ། །དེ་བཞིན་དུ་དེ་གསུམ་བཅིངས་གྲོལ་མེད་དུ་ཡང་གསུངས་སོ། །དམ་པ་སྐད་ཅིག་མ་ཅེས་སོ། །སྐད་ཅིག་མ་འདི་ཉན་ཐོས་ཀྱི་ཡིན་མོད། ཁྱེད་ལ་བཤད་དམ་སྙམ་ན་སྔར་གྱི་

[Full Size]

ལུང་དང་། ས་སྡེ་ལས། སྐད་ཅིག་མ་ཞེས་བྱ་བ་ནི་ཤེས་པ་ཡུལ་འཇུག་པའི་དུས་ཡོངས་སུ་རྫོགས་པའི་བར་དུའོ། །ཞེས་གསུངས་སོ། །སྙིང་གི་དབུས་སུ་སད་ཅེས་པ། སྙིང་ནི་ཉེ་བ་ལ་མཚོན་པ་ཡིན་གྱིས་མཐའ་དང་བྲལ་བའི་དོན་ཏོ། །ཚོགས་དྲུག་དག་ཅེས་ཅེས་པ། སྦྱོར་དྲུག་པ་རྟགས་སྣང་དུ། དབུ་མ་པ་སྤྲོས་བྲལ་དུ། འདིར་འཛིན་མེད་དུ་དག་པའོ། །རྟོགས་པར་འདོད་ན་ཞེས་པ། ལྟ་བ་རྟོགས་པ་འདི་གལ་ཆེ་སྟེ། དམ་པས་ལྟ་བ་མ་རྟོགས་པས་སྒོམ་མི་ཤེས་བུ་མེད་པར་གསོ་མི་ཤེས། ཞིང་མེད་པར་སོ་ནམ་མི་ཤེས། ཁ་བའི་འོག་གི་འབུར་འབུར་བ་ཅི་ཡིན་ཆ་མེད་གསུང་། བུ་མོ་ལོ་བཅུ་དྲུག་མའི་ཅེས་པ། རང་གི་ཉམས་སུ་མྱོང་དུ་ཡོད་ལ་གཞན་ལ་བརྗོད་དུ་མེད་པ། དེ་དག་མའི་རྨིའམ། བུ་ཆུང་གིས་ཟླ་བ་མཐོང་བ་ལྟ་བུའོ། །དྲན་པས་དེ་བཞིན་དུ་

[Full Size]

བསྟེན་ཅེས་པ་དྲན་པ་བསྟེན་པ་གལ་ཆེ། འགའ་ཤིག་སྒོམ་བཤིག་པ་ལ་གཙོ་བོར་བྱེད་དེ། བཤིག་མི་དགོས་དུས་ཚོད་ལ་རང་ཞིག་འབྱུང་། དེ་མ་འབྱུང་ན་བཤིག་ཀྱང་ཐ་མལ་དུ་འགྲོ། །བཤིག་ནའང་དུས་ཚོད་ཤེས་དགོས། སུ་ཀ་མ་སིདྡྷིའི་རྗེས་འབྲངས། དམ་པ་རིན་པོ་ཆེ་ལ་སོགས་པ་བཤིག་སྟེ་ཆུན་གཅུན། ཤིག་པར་བཤིག་བཤིག་ཤུལ་དུ་ལ་ཟླ། སོ་མའི་ཉམས་རྩལ་ཅེས་དང་པོ་བཅུན། དེ་ལ་གཉེན་པོ་ཞུགས་སུ་དོགས་ནས་བཤིག །དེ་ཆོས་སྐུའམ་འཛིན་མེད་དུ་ཟླའོ། །གང་ཤར་གྱི་ཉམས་དངོས་འཛིན་པའོ། །དེ་བརྟན་པའི་ཚད་ཅེས་པ། རང་བྱུང་ལྷན་ཅིག་སྐྱེས་པའི་ཡེ་ཤེས་བླ་མའི་བྱིན་རླབས་དང་། གདམས་ངག་ཐབས་ལ་བརྟེན་ནས་ཡུལ་མེད་དུ་རང་ངོ་ཤེས་པ་དེ་ལ། འཕྲིན་ལས་ཐོགས་མེད་རང་དང་ཆ་མཐུན་མེད་

[Full Size]

དེ། རྣམ་རྟོག་ཞི་བའི་གཉིས་མེད་ཡེ་ཤེས་ཕྱོགས་མེད་དུ་རྒྱས་པའི། །ཉོན་མོངས་རྣམ་རྟོག་དབང་དུ་འདུས་པས་དབང་། མཚན་མ་དང་རྟོག་པ་གསོད་པར་བྱེད། གཅོད་པར་བྱེད་པས་དྲག་པོའོ། །ཡང་ན་སྣང་སྟོང་སྐུའི་འཕྲིན་ལས། གྲག་སྟོང་གསུང་གི་རིག་སྟོང་ཐུགས་ཀྱི་སྟེ། རང་དགེ་སྦྱོར་ལས་མ་གཡོས་པའི་དུས་ན། དེ་རྣམས་ཁྲིགས་གི་ཡོད་གསུང་། སྙིང་རྗེ་ཚད་མེད་ཀྱི་སྐབས་སུ་རང་ལ་དགེ་སྦྱོར་རྣལ་མ་སྐྱེས་ན། སེམས་ཅན་སྙིང་རྗེར་མ་ཟད་བླ་མའི་མོས་གུས། མཆེད་གྲོགས་ལ་དག་སྣང་། ལས་རྒྱུ་འབྲས་ལ་འཛེམ་པ་སོགས་ཤུགས་ལས་འབྱུང་བ་ཆོས་ཉིད་གསུང་། འོ་ན་དགེ་སྦྱོར་སྐྱེས་ཚད་ལ་དེ་འབྱུང་ངམ་སྙམ་ན། སྤྱིར་ཕལ་ཆེ་ལ་འབྱུང་། བྱེ་བྲག་ཏུ་རེ་རེ་ཙམ་ལ་མི་འབྱུང་བའང་སྲིད་གསུང་། དེ་ལ་ཆེད་དུ་བློ་བཅོས་ནས་བསྒོམ་པར་

[Full Size]

བཤད། བླ་མ་ཞང་ལ་གནས་ལུགས་ཀྱི་རྟོགས་པ་ཅིག་ཅར་དུ་གྱུར་ཡང་། སྙིང་རྗེ་ཆེར་མ་སྐྱེས་པས། ཕྱོགས་བཅུའི་སངས་རྒྱས་ལ་སྙིང་རྗེའི་སློང་མོ་མཛད་གསུངས་པས། སྙིང་རྗེ་བསྒོམ་དགོས། དེ་ཡང་སྙིང་རྗེའི་འཁྲུལ་འཁོར་བྱ་བ་ཡིན་པས་ལུས་སྒུར་བྱ། གཞིན་སྨིན་སྤྲག་ཏུ་བསྡུ། ཕྲེང་བ་ལག་ཏུ་བཟུང་ནས། རིགས་དྲུག་གི་སེམས་ཅན་འདི་རྣམས་ཕ་བྱེད་བྱེད། མ་བྱེད་བྱེད་པའི་དྲིན་ཅན་ཤ་སྟག་ཡིན་པས་འདི་རྣམས་བདེའམ་སྐྱིད་དམ་བལྟས་པས། མི་བདེ་མི་སྐྱིད་པར་འདུག་སྟེ། ཤེས་རབ་ཀྱི་མིག་ལོང་། ཐབས་ཀྱི་རྐང་པ་ཆག །འཕགས་པའི་ཐུགས་རྗེ་དང་བྲལ་ནས་ཁམས་གསུམ་འཁོར་བར་འཁོར་ཞིང་། རིགས་དྲུག་ཏུ་འཁྱམས་པ་སྙིང་རྗེ་སྙམ་དུ་ཚད་མེད་ཀྱི་སྙིང་རྗེ་མ་སྐྱེས་ཀྱི་བར་དུ་སྒོམ། སྙིང་རྗེ་དང་བྲལ་ཞེས་པས།

[Full Size]

སྙིང་རྗེ་དེ་ཡང་སྟོང་ཉིད་དུ་ཆུད་དགོས། མ་ཆུད་པ་ཚངས་པ་གདོང་བཞི་པར་འགྱུར་ཏེ། དེ་ཡང་སྟོང་ཉིད་ཀྱིས་མ་ཟིན་པའི་ཚད་མེད་བཞིའི་ལག་རྗེས་སོ། །མདོ་ལས། སངས་རྒྱས་ཀྱི་ཁོ་འདུལ་བར་ཤེས་ཏེ། ཚངས་པ་ཁམས་གསུམ་པོ་འདི་དག་གང་ལས་བྱུང་ཞིང་། གང་ལས་སྐྱེས་ཞེས་བཀའ་སྩལ་པས། གསོལ་བ་ཁམས་གསུམ་པོ་འདི་དག་ང་ལས་བྱུང་ཞིང་ང་ལས་སྐྱེས་སོ། །ཞེས་ཟེར་རོ། །བཀའ་སྩལ་པ། ཁྱེད་གང་ལས་བྱུང་ཞིང་གང་ལས་སྐྱེས། དེར་ཁོས་མ་ཤེས་ཏེ་གསོལ་པ། བདག་གང་ལས་བྱུང་། བཀའ་སྩལ་པ། ཁྱོད་མ་རིག་པ་ལས་བྱུང་ཞིང་མ་རིག་པ་ལས་སྐྱེས་སོ། །ཞེས་གསུང་། དེས་ན་སྟོང་ཉིད་སྙིང་རྗེ་དབྱེར་མེད་དུ་རྟོགས་ཏེ། བརྟག་གཉིས་ལས། ཧེས་ནི་སྙིང་རྗེ་ཆེན་པོ་ཉིད། །བཛྲ་ཤེས་རབ་བརྗོད་པར་བྱ། །ཞེས་གསུང་། ཟུང་དུ་མ་ཆུད་ན་འདི་ལྟ་བུའང་འབྱུང་སྟེ།

[Full Size]

མདོ་ལས། རྒྱ་གར་དུ་བྲམ་ཟེ་བཟའ་མི་གཉིས་ལ་བུ་མེད་པར། བུ་འོང་དུ་རེ་ནས་མཆོད་སྦྱིན་དང་། བསྙེན་གནས་བསྲུང་བ་ལ་སོགས་པ་ཐབས་སྣ་ཚོགས་བྱས་པས། ནུབ་གཅིག་ཁོ་བོའི་རྨི་ལམ་དུ། རལ་གྲི་རྣོ་ངར་དང་ལྡན་པ་གསུམ་རྙེད་པར་རྨིས་པས། དེར་གཅིག་སྣུམ་ལ་ཤོར་ནས་དོན་བྱེད་མ་གཅིག་གཡང་ལ་ལྷུང་ནས་ཆག །གཅིག་གིས་རྒོལ་བ་ཚར་གཅོད་པ་རྨིས་སོ། །ཕྱིས་བུ་གསུམ་བཙས་ནས་ཆེར་སྐྱེས་པ་དང་། གསུམ་ཀ་ཆོས་ལ་བཅུད་པས། གཅིག་གིས་སྙིང་རྗེ་ཁོ་ན་བསྒོམས་འཁོར་བ་ལས་འདའ་བར་མ་ནུས། གཅིག་གིས་སྟོང་པ་ཁོ་ན་བསྒོམས་ཏེ་རྒྱུ་འབྲས་ཁྱད་དུ་བསད་ནས་ངན་སོང་དུ་འགྲོ་བའི་ལས་བསགས། གཅིག་གིས་ཟུང་འཇུག་བསྒོམས་པས་ཉོན་མོངས་པ་ཕས་རྒོལ་ཚར་བཅད་དོ། །ཞེས་གསུངས་སོ། །མདོར་ན་ཉན་རང་ལ་ཡང་། སེམས་ཅན་ལ་བརྩེ་བའི་སྙིང་རྗེ་ཡོད་

[Full Size]

དེ་རང་གིས་འཁོར་བར་ཞུགས་ནས། གཞན་འདོན་མི་ནུས། ཁོ་འཁོར་བའི་སྡུག་བསྔལ་ལ་འཇིགས་པས་སོ། །བྱང་སེམས་ཀྱིས་ནུས་ཏེ། འཁོར་བའི་སྡུག་བསྔལ་བཟོད་པས་སོ། །དཔེར་ན་བཟའ་མི་གཉིས་ཀྱི་བུ་ཆུས་ཁྱེར་ན། མ་བརྩེ་བ་སྤྱོད་ཀྱང་ཆུར་འཇུག་མི་ནུས། ཕས་ནུས་པ་བཞིན་ནོ་གསུང་། ཐབས་ཁྱད་པར་ཅན་གྱི་སྐབས་སུ། རླུང་ནི་ལོང་བ་རྐང་ཅན་ལ། །རྣམ་རྟོག་ཆེ་བ་མིག་ཅན་ཞོན། །ཅེས་པས། རླུང་ཞོན་པ་དང་འདྲ་ལ། རྣམ་རྟོག་ཁ་ལོ་པ་དང་འདྲ་བས། རླུང་ཟིན་ན་རྣམ་རྟོག་ཁྲོ་འཕྲོ་འཆད་དེ། དཔེར་ན་སྐྱེས་བུ་རྟ་ཞོན་པའི་སྲབ་ནས་བཟུང་ན། སྐྱེས་བུ་བཟུང་མི་དགོས་པ་བཞིན་ནོ། །ཁ་ཅིག་རླུང་མགྲིན་པའི་སྟོང་བཟུང་ཟེར་ཏེ། དེ་གེགས་ཆེ་བས་འཇམ་རླུང་ནར་མ་རྔུབས་ལ་མཆིལ་མ་དང་བསྒྲགས་ལ་ལྟེ་འོག་ཏུ་བསྐྱུར་གསུང་། འོད་གསལ་ལྷ་སྐུ་ཅེས་པ། འོད་གསལ་ཞེས་པ། སྒོ་ལྔ་ཡུལ་

[Full Size]

གྱིས་གསལ་བ་ལྟ་བུ་མ་ཡིན། འདིར་སེམས་རང་འོད་གསལ་ལ་གསལ་བ་ལ་བྱ། སྤྱིར་མཉམ་བཞག་གི་ཐོ་རྗེས་ལ་རྒྱུག །ཉིན་མོའི་ཐོ་མཚན་མོ། དེ་བར་དོ་ལ་རྒྱུག་པ་ཆོས་ཉིད་ཡིན་པས། ད་ལྟ་འོད་གསལ་དེ་གོམས་པས་འཆི་ཁར་མི་གཡོ་བའི་འཁོར་ལོ་གཉིས་འདུས་ཏེ། རྡུ་ཏིར་ཆུད་པས། བར་དོ་དང་པོར་གཟུང་འཛིན་གྱིས་སྟོང་པའི་ཆོས་ཉིད་ནམ་མཁའ་ལྟ་བུ་ལུས་ཅན་ཐམས་ཅད་ལ་འབྱུང་སྟེ། དེ་མའི་འོད་གསལ་ལོ། །ད་ལྟ་རང་ངོ་ཤེས་ཤིང་གོམས་པར་བྱས་པ་འདི་ལྟ་བུའི་འོད་གསལ་ལོ། །དེ་གཉིས་ཆུ་དང་འོ་བོང་མ་འཕྲད་པ་བཞིན་དུ་འཕྲད་སྔར་འདྲིས་ཀྱི་མི་དང་འཕྲད་པ་བཞིན་དུ་ངོ་ཤེས། ཆུ་དང་འོ་མ་གཅིག་ཏུ་འདྲེས་ནས། རང་དོན་ཆོས་སྐུ་བརྟན་པ་ཐོབ་པ་འབྱུང་ངོ་། །དེའང་ངོ་ཤེས་པ་ཙམ་གྱིས་མི་ཕན། གནས་ནུས་དགོས། གནས་ཡུན་ལ་རྫོགས་འགའ་ཞིག་ལས།

[Full Size]

སེ་གོལ་བཅུ་ནི་རྟོག་ཡུན་བར། །གནས་ན་སྲིད་པ་ཟད་པར་བྱེད། །ཅེས་སོགས་བཤད་ནའང་། རིན་པོ་ཆེ་པ་སྐྱེ་མེད་ཀྱི་ངང་ནས་འགག་མེད་ལོངས་སྤྱོད་རྫོགས་སྐུ་དག་པའི་སྒྱུ་ལུས་སུ་ལྡང་དགོས་གསུང་། སྤྱིར་ཡང་འོད་གསལ་ལ་གཉིས་ཡིན། །གཉིད་སྲབ་པ་དང་འཐུག་པའོ། །འཐུག་པའི་ནི་འོད་གསལ་ལ་སྣང་མཆེད་ཐོབ་གསུམ་གྱིས་མཚམས་སྦྱར་ནས་གཉིད་དུ་སོང་བ་དང་། རླུང་དབུ་མར་ཞུགས་ཏེ། རྣམ་ཤེས་སྙིང་གར་གནས་ཤིང་། རྣམ་རྟོག་གི་འགྲོ་འོང་ཆད་པའི་དུས་འབྱུང་། དེ་དུས་སུ་གཉིད་མ་བསྒྲིབས་པར་ཡུལ་མེད་དུ་རང་ངོ་ཤེས་ན། འཐུག་པོའི་འོད་གསལ་ཡིན། སྲབ་མོ་ཡིས་ནི། ཨཱརྱ་དེ་བའི་སྤྱོད་བསྡུས་ལས། ས་འཐུག་གྱུར་པས་འགྲོ་བ་རང་ཉིད་འགྲོ། །རླུང་གི་སྟོབས་ཀྱིས་རྨི་ལམ་འབྱུང་བར་འགྱུར། །ཅེས་པས། རླུང་སེམས་སྙིང་གར་གནས་མ་ནུས་པོར་རོ་རྐྱང་གཉིས་ནས་ཞུགས་ཏེ། རྣམ་

[Full Size]

ཤེས་མགྲིན་པར་གནས་དེ་དུས་སུ་རྨི་ལམ་བུན་ལོ་འབྱུང་། དེར་རྨི་ལམ་གཉིད་དེས་མ་བསྒྲིབས་པར་ཡུལ་མེད་དུ་རང་ངོ་ཤེས་ན་སྲབ་མོའོ། །ཁ་ཅིག་འོད་གསལ་གཅིག་ལས་སྲབ་འཐུག་མི་འཐད་དེ། ན་རོ་ཆོས་དྲུག་ལས། གཉིད་སྲབ་འཐུག་གི་འོད་གསལ་འཛིན་ལུགས་བཤད་དོ། །ཡང་འགའ་ཞིག་གཉིད་འཐུག་པོ་དེ་རྟོག་པ་སྲབ་པའི་དེ་ཉམས་ཀྱི་འོད་གསལ་དུ་འདོད་པ་ཡོད་དེ། དེའི་ངེས་པ་མེད། གཉིད་སྲབ་མོའི་དུས་སུ་ཡང་ཤེས་པ་རྟོག་མེད་དམ། འཛིན་མེད་ཙམ་དེ་མ་ཡིན་པའི་ཡུལ་མེད་དུ་རང་ངོ་ཤེས་པ་དེ་རྟོགས་པ་ཡིན་གསུང་། རྟོག་མེད་འཛིན་མེད་ཙམ་དེ་འདྲ་སྒོ་ལྔའི་རྣམ་ཤེས་ལ་ཡོད་དེ། དེ་ཀ་ངོ་མ་ཤེས་པ་ལ་མ་རིག་པ་ཟེར། འགའ་ཞིག་མ་རིག་པ་དང་གཏི་མུག་ལ་ཁྱད་མེད་པར་འདོད་ཅིང་། སྡེ་སྣོད་འཛིན་པ་དང་རྒྱུད་སྡེ་འཛིན་པ་ཕལ་གྱིས་ཀྱང་ཁྱད་མི་ཕྱེད་

[Full Size]

འདུག །རིན་པོ་ཆེ་པ་ཕྱེད་འབྱེད། ཡུལ་མེད་དུ་ངོ་མ་ཤེས་པ་མ་རིག་པ། ཡུལ་ངོ་ཤེས་པ་གཏི་མུག་ཡིན་གསུང་། བླ་མའི་གསུང་གིས་ཀྱང་། དེ་གཉིས་ཁྱད་མེད་ནའང་། སྤྱི་བོ་ཧཾ་རྡུ་ཏི་འཇུག་དུས་དཀར་ལམ་འཆར། དེས་ཞེ་སྡང་ལས་གྱུར་པའི་རྟོག་པ་འགག །དེ་གཉིས་སྙིང་གར་འདུས་ཏིང་ནག་ཐིབས་འབྱུང་། དེར་གཏི་མུག་འགག །དེ་གསུམ་དག་པའི་རྗེས་སུ་ཨ་ཧཾ་འདུས་པ་ལས་བྱུང་བའི་ཤེས་པ་བཟུང་འཛིན་གྱིས་སྟོང་པ་ཆོས་ཉིད་མའི་འོད་གསལ་འཆར་ཏེ། དེ་ཀ་རང་ངོ་མ་ཤེས་ཙམ་ན་མ་རིག་པའི་ངོ་བོར་གནས། དེ་ལ་སེམས་བྱུང་རྟོག་པ་བྱུང་ནས་འཁོར་བར་འཁྱམས་པ་ཡིན་པས་ཁྱོད་ཡོད་མེད་ན་དེ་གཉིས་འགགས་རྟིང་ཆོས་ཉིད་མའི་འོད་གསལ་ན་ཀུན་ལ་འཆར། དེ་ནས་འཁོར་བ་རྒྱུན་ཆད་དགོས་གསུང་། ཟུང་འཇུག་ཅེས་པའི་སྐབས་སུ། གཞི་ལམ་འབྲས་བུ་ཐམས་ཅད་སྐུ་གསུམ་དུ་ཡོད་

[Full Size]

པས་དེ་རྣམས་མ་འདྲེས་པ་བྱེད་དགོས། གཞིའི་སྐུ་གསུམ་ནི་ཤེས་པའི་ངོ་བོ་གསལ་བར་སྣང་བའི་ཆ་ནས་སྤྲུལ་སྐུ། རང་བཞིན་སྟོང་པའི་ཆ་དེ་ཆོས་སྐུ། དེ་གཉིས་དབྱེར་མེད་པ་ལོངས་སྐུའི་ངོ་བོ་ཉིད་ཡིན་ཏེ། འདི་གསུམ་སེམས་ཅན་ལ་ཁྱབ་བྱེད་དུ་ཡོད་གསུང་། ལམ་ནི་གཞི་སྟེ་རང་ངོ་ཤེས་པས་ཁྱད་པར་དུ་བྱས་པའོ། །འབྲས་བུ་ནི་ལམ་དུས་ཀྱི་དྲི་མ་གློ་བུར་བ་དང་བཅས་པ་རང་དག་སྟེ་འཁྲུལ་པས་དབྱེས་མི་ཚུད་ཅིང་བརྟན་པ་ཐོབ་པའོ་གསུང་། གཞི་སྐད་ལམ་ལ་ཅེས་པས་དིང་སང་འགའ་ཞིག་སྟོང་པ་ཁོ་ཡིན་གྱིས་སྒོམ་མེད་དོ་ཞེས་ལམ་གྱི་རྩོལ་བ་དོར་ནས་ཐབས་ཁྱད་དུ་གསོད་པ་རྣམས་ནི་ལྷག་གཅོད་ཀྱི་སྟོང་ཉིད་སྒོམ་པ་དང་འདྲ་སྟེ། སྐབས་ལེགས་ན་ཉན་ཐོས་ཀྱི་འགོག་པ། ཉེས་ན་སྐྱེ་མཆེད་མུ་བཞི་སྟེ། དེ་ཡང་མིན་ན་ངན་སོང་གསུམ་དུ་ལྟུང་བར་བཤད་དོ། །འགའ་ཞིག་དྲན་

[Full Size]

པས་འཛིན་པ་དང་སྒོམ་ཅི་དགོས། སྒོམ་རྒྱུ་མེད་པ་ཡིན་པས་བསྒོམ་ན་གོལ་ཅེས་ཟེར། དེ་མ་གོ་བ་ཡིན། མཻ་ཏྲི་པའི་སློབ་མ་སི་རི་སིངྷ་ཞེས་བྱ་བ་རྣལ་འབྱོར་ཕོ་མོ་ལྔ་བཅུ་རྩ་གཉིས་འཚོགས་པའི་ཚོགས་གྲལ་དུ་རྟོག་པ་ཕུལ་བ། ཆོས་རྣམས་སྟོང་པར་རྟོགས་པ་ཡིས། །དེ་ཡི་མཐའ་ལ་སྒོམ་དུ་མེད། །གལ་ཏེ་སྒོམས་ན་སྨན་འགྱུར་ཏེ། །དཔེར་ན་རྒྱལ་པོ་རྒྱལ་པོར་ནི། །སླར་ཡང་འདོད་པ་བསྐྱེད་པ་བཞིན། །སྒོམ་སོགས་སྦྱིན་སྲེག་ཐལ་བ་འདྲ། །ཅེས་བརྗོད་པས་རྣལ་འབྱོར་ཕོ་མོ་རྣམས་མ་མཉེས་ཏེ། དུས་གསུམ་གྱི་སངས་རྒྱས་ཐམས་ཅད་ཀྱི་གསང་བ་འཕྲོག་པར་བྱེད་པའི་ལོག་སྲེད་ཅན་ཁྱོད་ཉོན་ཅིག །ཚེས་གཅིག་གི་ཟླ་བས་ཉ་གང་བ་ཉིད་དམ། བུ་ཆུང་བཙས་མ་ཐག་རྩལ་རྫོགས་པ་ཉིད་དམ། ཅེས་མང་དུ་གསུངས་ཏེ། སྲོག་དང་ཕྲལ་གཏོར་རྒྱན་བྱས་སོ། །ཞེས་གསུང་། རིན་པོ་ཆེ་བ་

[Full Size]

ད་ལྟ་མཁའ་འགྲོ་ཚོ་ཡང་གཡེལ་དུ་སོང་འདུག །གཏོར་རྒྱན་ལ་གཏད་རྒྱུ་ཨེན་རེ་འདུག་པས་གསུང་། དེས་ན་རྣམ་ཀུན་མཆོག་ལྡན་གྱི་སྟོང་པ་ཐབས་ཀྱི་རྣམ་པ་ཚང་བ་འདི་གོ་བར་བྱ་སྟེ། འགྲོ་མགོན་ཆོས་ཀྱི་ཕྱག་ལེན་རྩེ་ལྔ་མ་ལས། རྣམ་ཀུན་མཆོག་ལྡན་སྟོང་པ་ཉིད། །ཆོས་རྣམས་ཀུན་གྱི་དེ་ཁོ་ན། །ཤེས་བྱ་ཀུན་ལ་རྒྱས་འདེབས་པས། །ཕྱག་རྒྱ་ཆེན་པོ་ཞེས་བརྗོད་དོ། །ཞེས་གསུངས། དེ་མ་ཡིན་པའི་སྟོང་ཀྱང་ཐབས་ཁྱད་དུ་གསོད་པ་ནི་ཧ་ཤང་གི་ལྟ་བ་དང་ཁྱད་མེད་དེ། སྔོན་མཁན་པོ་བོ་དྷི་ས་ཏྭ་སྐུ་གཤེགས་ཁར་ཐུགས་འཚུབ་ཅིང་དབུ་ཕུར་ནས། རྒྱལ་པོས་དེ་ཅི་ལགས་ཞུས་པས། ནང་པར་རྫུས་ལྟ་ལོག་འཛིན་པ་ཧ་ཤང་བྱ་བ་ཡོང་། དེ་སངས་རྒྱས་ཀྱི་བསྟན་པ་སྣུབ་གསུང་། ཐབས་ཅི་འདོག་ཞུས་པས། དེ་དུས་ངའི་སློབ་མ་ཀ་མ་ལ་ཤི་ལ་བལ་བོད་

[Full Size]

མཚམས་སུ་ཡོང་། དེ་གདན་དྲངས་ནས་ཚར་བཅད་ན་ཆོད་གསུངས། ཕྱིས་དེ་བཞིན་དུ་བྱུང་ནས། རྒྱལ་པོས་ཁོང་གདན་དྲངས་པས་འདྲོངས་ནས་ཧ་ཤང་གིས་ཀྱང་བསུ་བ་བྱས་པས། པཎྜི་ཏས། ཆུ་ཕ་ག་ནས། བརྡའི་རྩོད་པ་ནམ་མཁའ་ལ་དབྱུག་པ་བསྐོར་བས། ཁོས་ཀྱང་ཤེས་ཏེ། ལན་དུ་ཆོས་གོས་ལ་འཇུས་སོ། །ཡང་རྩོད་པ་བྱས་པས། ཁོས་ཁྱུང་གི་དཔེ་ལ་སོགས་པ་བྱས་པ་ལ། པཎྜི་ཏས་དཔེ་མི་འཐད། དོན་མི་འཐད་ཅེས་འགག་པ་མཛད་པས། ཐོག་སྤྱི་བོར་བབས་ཅེས་འཕམ་པར་ཁས་བླངས་སོ། །དེ་ནས་ཁོ་ལ་རྫུ་འཕྲུལ་ཅུང་ཟད་ཡོད་པས་ནམ་མཁའ་ལ་འཕགས་ཏེ། ཤར་ཕྱོགས་སུ་སོང་ཅེས་ཀྱང་ཟེར། བསད་ཅེས་ཀྱང་ཟེར། སྔ་མ་ལྟར་ན་ཁོའི་ལྷྭམ་ཡ་གཅིག་ལུས་པས་ངའི་ལྟ་འཛིན་ད་དུང་ཡོད་ཟེར། ད་ལྟའི་སྟོང་ཕྱོགས་པ་རྣམས་སོ། །ཕྱི་མ་ལྟར་ན་ཁོའི་སློབ་

[Full Size]

མ་འགའ་རེ་དང་། རྒྱལ་པོའི་བློན་པོ་ཁོ་ལ་མོས་པ་འགའ་རེ་ལྕེབས་ཀྱང་ཟེར་རོ། །དེས་ན་སྟོང་ཉིད་སྙིང་རྗེ་དབྱེར་མེད་དམ། །ཐབས་ཤེས་དབྱེར་མེད་དམ། སྣང་སྟོང་དབྱེར་མེད་རྣམས་གོ་བར་བྱ་གསུངས། ཁྲིད་ཚུལ་རྒྱས་འབྲིང་བསྡུས་གསུམ་ལ། རྒྱས་པར་ནི་ཇ་གསར་རྙིང་བླངས་སེ་བ་མང་དུ་གསོལ་བའི་རྗེས་ལ་ཤིན་ཏུ་རྒྱས་པར་བྱོན་ཏེ། ལུང་འདྲེན་ཀུན་ལ་མཐའ་མེད་ནའང་། ཇི་ལྟ་བ་བཞིན་མ་ཟིན། འོན་ཀྱང་རིན་པོ་ཆེ་རི་གོང་པའི་གསུང་སྒྲོས་ང་བས་རྒྱས་པ་ཟིན་པ་གཞན་མེད་གསུངས་གསུང་། ཡིད་བཞིན་ནོར་འདྲའི་མཉམ་མེད་ཆོས་རྗེ་ལ། །མོས་གུས་མཆོག་གིས་ཕྱི་དོར་ལེགས་བྱས་པས། །མི་ཟད་གཏེར་མཛོད་ཟབ་མོའི་གསང་སྒོ་ཕྱེ། །དགོས་འདོད་ཀུན་འབྱུང་གསུང་ངག་ནོར་བུ་གནང་། །བརྗེད་ངེས་ལོག་ལྟའི་དགྲ་ལ་

[Full Size]

མ་ཤོར་བ། །དད་མོས་འདུན་པའི་སྐྱེས་བུས་མེ་ལ་ཚེ་བྱས། །རང་གཞན་མ་རིག་མུན་སེལ་སྒྲོན་མེ་འདི། །མི་བརྗེད་གཟུངས་སུ་བདག་གིས་ཡི་གེར་བཏབ། །འདི་ལ་ཉེས་པར་གྱུར་པ་གང་མཆིས་པ། །ཆོས་བདག་མཁའ་འགྲོའི་ཚོགས་ལ་བཟོད་པར་གསོལ། །དེ་བྱུང་དགེ་བས་འགྲོ་རྣམས་སངས་རྒྱས་ཤོག །ཕྱག་རྒྱ་ཆེན་པོ་རང་བབས་གསུམ་གྱི་ཁྲིད་ལགས་རྣམ་ཞག་ལམ་གྱིས་འཇུག་པ་གསལ་བར་བྱེད་པའི་སྒྲོན་མ་ཞེས་བྱ་བ་འདི། །རྩོད་པའི་དུས་འདིར་སྒྲུབ་བརྒྱུད་ཀྱི་བསྟན་པ་རྒྱས་པར་མཛད་ཅིང་། འགྲན་ཟླ་དང་བྲལ་བའི་ཆོས་རྗེ་ཞང་སྟོན་རིན་པོ་ཆེས་ཡི་གེར་ཅུང་ཟད་གཅིག་མཛད་པ་དང་། ཆོས་རྗེ་ཉིད་ཀྱིས་གསུང་ལས་ཟབ་རྒྱས་སུ་བྱོན་པ་ལ། སྤྲང་པོ་རང་གིས་ཅུང་ཟད་ཟིན་པ་རྣམས་རང་བཟོ་དང་ཤེས་བཅུག་སྤངས་ཏེ། གསུང་ལ་དབྲི་བསྣན་མེད་

[Full Size]

མེད་པར། ཤཱཀྱའི་དགེ་སློང་རྡོ་རྗེ་འཛིན་པ་གྲགས་པ་རྒྱལ་མཚན་གྱིས་དཔལ་ཡུལ་ཆོས་གངས་ཀྱི་ར་བར་ཡི་གེར་བྲིས་པའོ། །མངྒ་ལཾ།། །།

མཁའ་སྤྱོད་དམར་མོའི་སྒྲུབ་ཐབས་དབང་ཆོག་ཕྱག་མཆོད་དམ་གྲིབ་སེལ།

[Full Size]

མཁའ་སྤྱོད་དམར་མོའི་སྒྲུབ་ཐབས་དབང་ཆོག་ཕྱག་མཆོད་དམ་གྲིབ་སེལ་བ་བཞུགས། །

[Full Size]

སྟོང་ཉིད་སྙིང་རྗེ་དབྱེར་མེད་སྐུ། །རྣལ་འབྱོར་མ་ལ་གུས་བཏུད་ནས། །མཁའ་སྤྱོད་གནས་སུ་འཁྲིད་བྱེད་པའི། །ཡན་ལག་ལྔ་བསྡུའི་སྦྱོར་བ་བཤད། །དེ་ལ་རྗེ་བཙུན་མཁའ་སྤྱོད་མ་བསྒོམ་པར་འདོད་པས། །བྱམས་པ་དང་སྙིང་རྗེ་བྱང་ཆུབ་ཀྱི་སེམས་བསྐྱེད་དོ། །དེ་ནས་མའི་མངལ་སྟོང་པ་གཅིག་གི་ནང་དུ་ཧཱུྃ་སྔོན་པོའམ། ཐིག་ལེ་སྔོན་པོ་ཅིག་བསམ། དེ་ལྟེམ་གྱིས་ཞུ་བ་ལས། བདག་ཉིད་དགྱེས་མཛད་དམ། །བདེ་མཆོག་འོད་ཟེར་ལྔ་འཕྲོ་བ་ཅིག་ཏུ་བསྐྱེད་དོ། །དེ་ནས་རང་གི་མདུན་དུ་ཆོས་འབྱུང་གྲུ་གསུམ་གཉིས་བརྩེགས་ཕྱི་དཀར་ལ་ནང་དམར་བ།

[Full Size]

བདེ་བར་རྒྱུ་ཞིང་བདེ་བར་འཆར་བ། འོད་ཀྱི་རང་བཞིན་ཅན་གཅིག་བསྒོམ། དེའི་ནང་དུ་མི་རོ་དཀར་པོ་མགོ་བོ་གཡོན་དུ་བསྟན་པའི་སྟེང་དུ། རྗེ་བཙུན་མཁའ་སྤྱོད་མ་ཞལ་གཅིག་ཕྱག་གཉིས་མ། སྐུ་མདོག་དམར་མོ་རུས་པའི་རྒྱན་ལྔས་སྤྲས་པ། གཅེར་བུ་སྐྲ་གྲོལ་བ། ཐོད་སྐམ་ལྔའི་དབུ་བརྒྱན་པ། སྤྱན་གསུམ་གྱེན་ལ་ཧྲིག་ཧྲིག་གཟིགས་པ། མཆེ་བ་ཅུང་ཟད་གཙིགས་ཤིང་བཞད་པ། ཕྱག་གཡས་རྡོ་རྗེ་གྲི་གུག་འཕྱར་སྟབས་སུ་བསྣམས་ཤིང་། གཡོན་ཐོད་པ་ཁྲག་གིས་བཀང་བ་ཐུགས་ཀར་འཛིན་པ། རྡོ་རྗེ་ཁ་ཊྭཱྃ་ག་མཆན་ཁུང་དུ་བཅུག་

[Full Size]

པ། མི་མགོ་ལྔ་བཅུའི་དོ་ཤལ་ཅན། གཞོན་ནུ་དར་ལ་བབ་པ། སྐུ་ཤ་རྒྱས་ཤིང་ནུ་མ་འབུར་བ། ཞབས་གཡས་བརྐྱང་ཞིང་། གཡོན་བསྐུམ་པས་ཡེ་ཤེས་ཀྱི་མེ་འབར་བའི་དབུས་ན་ཡེད་ཡེད། འཕིར་ལ་ཁད་པ་ཅིག་བསམ་མོ། །དེ་ནས་རང་དགྱེས་མཛད་དམ། བདེ་མཆོག་ཏུ་གནས་པའི་ལྟེ་བར་ཐིག་ལེ་དཀར་པོ་ཨ་ཡི་ངོ་བོར་གནས་པ་ཅིག་བསམ། འོད་ཟེར་ལྔ་འཕྲོས་པས་བདག་གཞན་གྱི་མངལ་གྱི་དྲི་མ་སྦྱངས་པར་བསམ་མོ། །དེ་ནས་ཨ་དེ་ལྟེ་བ་ནས་མས་ཡར་དཀར་ཡེར་ཡེར་བྱུང་སྟེ། །སྣ་བུག་གཡོན་ནས་ཕྱིར་ཐོན་ཏེ། རྗེ་བཙུན་མའི་ཐུགས་ཀར་ཐིམ་པས་རང་ལུས་སྟོང་པར་བསྒོམ། རྗེ་བཙུན་མ་དེ་ཡང་ཏོག་གིས་ཡར་ཏེ། མཁའ་སྤྱོད་མ་མདའ་འཕངས་པ་བཞིན་དུ་རྒྱངས་ཀྱིས་སོང་བར་བསམ། དེ་འདྲ་བ་ཐེངས་བདུན་བསྒོམ་པར་བྱའོ། །དེའི་རྗེས་ལ་རྗེ་བཙུན་མཁའ་སྤྱོད་ནས་མར་བྱོན་ཏེ། རང་གི་སྤྱི་བོར་ཞབས་གཉིས་

[Full Size]

བསྒྲད་ནས་བཞུགས་པར་བསྒོམ། དེའི་པདྨ་ནས་བྱང་ཆུབ་ཀྱི་སེམས་དམར་བ་ལ་དཀར་བའི་མདངས་ཆགས་པ། བདེ་ཁྲི་ལི་ལི་བབས་ཏེ། སྤྱི་བོའི་ཚངས་བུག་ནས་མར་སོང་བས། ལུས་ཐམས་ཅད་བྱང་སེམས་ཀྱིས་མེར་ཏེ་ཁེངས་པ་དང་། དབང་བཞི་ཐོབ་ནས་ཟག་པ་མེད་པའི་བདེ་བ་ཆིལ་ཆིལ་རྒྱས་པར་བསམ་ལ། དེ་ལ་སེམས་དར་གཅིག་བཞག་གོ ། དེ་ནས་རྗེ་བཙུན་མ་སྤྱི་བོ་ནས་མར་ཐིམ་ནས་ལྟེ་བར་སླེབ་པ་དང་། བདེ་བ་ལ་སྟོང་པས་ཁྱབ་པས། བདེ་སྟོང་གཉིས་སུ་མེད་པའི་ཉམས་སིང་སྐྱེས་པར་བསམ་ལ། དེའི་ངང་ལ་སེམས་མ་བཅོས་པར་བཞག་གོ ། དགེ་བ་བྱང་ཆུབ་ཏུ་བསྔོའོ། །དེ་ལྟར་ཡུན་རིང་དུ་བསྒོམས་པ་ཅིག་གིས། འཆི་རྟགས་རྣམས་བྱུང་ནས་འཆི་བར་ངོ་ཤེས་པའི་དུས་སུ། ལུས་དང་ལོངས་སྤྱོད་ལ་ཆགས་པ་མེད་པའི་སྦྱིན་པ་བཏང་། འདུ་འཛིའི་གཡེང་བ་ཕྱིར་བསྐྱེད་ལ།

[Full Size]

རང་གི་བླ་མ་དང་། དཀོན་མཆོག་གསུམ་ལ་གསོལ་བ་གདབ། སྨོན་ལམ་རྣམ་པར་དག་པ་ཡང་དག་གདབ། དེ་ནས་སྔར་བཞིན་དུ་བསྒོམས་ཏེ། རང་གི་ལྟེ་བའི་ཐིག་ལེ་དེ་རྗེ་བཙུན་མར་བསམ་ལ། རྗེ་བཙུན་མ་རྣམ་པར་ཤེས་པའི་ངོ་བོ་དེ། མས་ཡར་ལྟེ་བ་ནས་རྒྱངས་ཀྱིས་སོང་སྟེ། སྤྱི་བོའི་ཚངས་བུག་ནས་ཡར་འདོན་ཏེ། མཁའ་སྤྱོད་དུ་གཤེགས་པ་དང་། སྐྱེ་མེད་ཕྱག་རྒྱ་ཆེན་པོའི་ངང་དུ་བཞག་གོ ། དེས་མཁའ་སྤྱོད་དུ་འགྲོ་བར་འགྱུར་རོ། །སྐྱེས་གནས་ལྔ་ཅིག་ཅར་དུ་དག་པ་ཐིག་ལེའི་འཕོ་བ་ཞེས་བྱ་བ་བླ་མ་ར་ཧུ་ལའི་གདམས་པ་རྫོགས་སོ།། །།ན་མོ་གུ་རུ། རྗེ་བཙུན་མ་འདིའི་བྱིན་རླབས་བྱེད་པར་འདོད་ན། དབེན་ཞིང་ཉམས་དགའ་བའི་གནས་སུ། རྣམ་ལྔས་བྱུག་པའི་མཎྜལ་བྱས་ལ། རེ་ག་དབང་ཆོག་ཡིན་དཀར་པོ་ཟླུམ་པོ་གཉིས་རིམ་དུ་བསྐོར་བའི་ནང་དུ། ཆོས་འབྱུང་དམར་པོ་གཉིས་བརྩེགས་བྲིས་ལ། མེ་ཏོག་

[Full Size]

གི་ཚོམ་བུ་ལྔ་བཀོད། དཀྱིལ་དུ་རྡོ་རྗེ་གཅིག་བཞག །དེ་ནས་མེ་ལོང་མཎྜལ་ལ་སུམ་བྷ་ནིའི་སྔགས་བཟླས་ཤིང་། ཆང་བྱུགས་ལ་སིནྡྷུ་རས་ཁོད་སྙོམས་པར་བྱུགས་ལ། ལག་ཡང་ན་བྲི་པ་གཡོན་པས་གསེར་གྱི་སྨྱུ་གུ་ཐོགས་ཏེ། ཡི་གེ་གསུམ་བཟླས་ཤིང་ཆོས་འབྱུང་གཉིས་བརྩེགས་བྲི། དབུས་སུ་བཾ་ལས་སྐུ་གསུང་ཐུགས་ཀྱི་སྙིང་པོས་བསྐོར། དེའི་མཐའ་མ་ན་ཕར་ལ་ཨ་བདུན་ནམ་དགུ་བྲི། ཟུར་དྲུག་ལ་གོ་ཆའི་སྔགས་བཀོད། ལོགས་དྲུག་ལ་གཡུང་དྲུང་འཁྱིལ་བ་དྲུག་བྲི། དེའི་སྟེང་དུ། མེ་ཏོག་ཚོམ་བུ་བདུན་བཀོད་ནས། ཨོཾ་མཾ་ཧཾ་ཡོཾ་ཧྲི་མོཾ་ཧྲིཾ་ཧྲིཾ་ཧཱུྃ་ཧཱུྃ་ཕཊ་ཕཊ། སྔར་གྱི་མཎྜལ་གྱི་སྟེང་དུ་མནྫི་བཞག་པའི་སྟེང་དུ་བཞུགས་སོ། །དེ་ལ་མཆོད་པ་འབྱོར་ཚད་ཆོས་འབྱུང་གི་ཚུལ་དུ་བསྐོར་རོ། །གཡོན་དུ་གཏོར་མ་དྲུག་བཤམ། །གཡས་སུ་ཚོགས་ཀྱི་ཡོ་བྱད་འབྱོར་ཚད་བཞག་པར་

[Full Size]

བྱའོ། །དེ་ནས་སློབ་མ་རྣམས་ཁྲུས་བྱས་ནས་གྲལ་ལ་འཁོད་དེ། །སྡིག་པ་བཤགས་པ་དང་། སྐྱབས་འགྲོ་སེམས་བསྐྱེད་བྱ། སློབ་དཔོན་གྱིས་སྐད་ཅིག་དྲན་རྫོགས་ཀྱི་ཡི་དམ་གྱི་ལྷར་བསྒོམ། མདུན་གྱི་སིནྡྷུ་རའི་སྟེང་དུ་མཁའ་སྤྱོད་མ་བསྐྱེད་ལ་ལག་མཆོད་བྱ། ཕྱི་ནང་གསང་གསུམ་གྱིས་མཆོད་ལ། གསོལ་བ་གདབ། བཟླས་པ་བྱ། དེ་ནས་སློབ་མས་མེ་ཏོག་ཕུལ་ལ། སློབ་དཔོན་བླ་མ་རཱ་ཧུ་ལ་མདུན་དུ་བྱོན་ནས། ཁྱོད་ལ་བསམ་པ་དེ་ཡོད་ན། ཕྱོགས་བཅུ་དུས་གསུམ་གྱི་སངས་རྒྱས་ཐམས་ཅད་ཀྱི་གཞི་ཏིང་ངེ་འཛིན་འདི་ལ་བརྟེན། རྒྱུ་འདིས་བསྐྱེད། རྐྱེན་ལམ་འདི་ཉམས་སུ་བླངས་པས། འབྲས་བུ་རྣམ་པ་ཐམས་ཅད་མཁྱེན་པའི་སྐུ་བཞི་འདིས་བརྙེས་པ་ཡིན་པས། འདི་བསྒོམས་ཅིག་གསུང་བར་བསམ་ལ། གྱིས་བླ་མ་རཱ་ཧུ་ལའི་ལོ་རྒྱུས་བཤད་ལ་མན་ངག་བཞིན། སྐྱེས་གནས་ལྔ་ཅིག་ཅར་དུ་དགག་པའི་དབང་བཞི་བྱིན་འདི་ལྷག་པ་བྱང་ཆུབ་སེམས་ཀྱི་སྐབས་སུ་བྱའོ། །

[Full Size]

རླབས་དང་བཅས་པ་ངོ་སྤྲད་དོ། །དེ་ནས་གཏོར་མ་རྣམས་བདེ་མཆོག །ཇོ་མོ། ཆོས་སྐྱོང་། གཞི་བདག །གནོད་བྱེད་ལ་འབུལ། ཚོགས་ལ་ལོངས་སྤྱད། ལྷག་གཏོར་བཏང་། ཡི་གེ་བརྒྱ་པ་བརྗོད། དགེ་བ་རྫོགས་པའི་བྱང་ཆུབ་ཏུ་བསྔོ་བར་བྱའོ། །མཁའ་སྤྱོད་མའི་དབང་བསྐུར་རྫོགས་སོ། །དགེའོ། །རྗེ་བཙུན་རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །རང་ཉིད་རྗེ་བཙུན་མར་བསྒོམས་པའི་མདུན་དུ། ཐོད་པ་ཆང་གིས་བཀང་བའི་ནང་དུ་ཆོས་ཕྱག་མཆོད་དམ། གྲིབ་སེལ་ཡིན། འབྱུང་གཉིས་བརྩེགས་བྲི། དེའི་དབུས་སུ་བཾ་གྱུར་པ་ལས། རྗེ་བཙུན་མ་ཁྲོ་བ། འཛུམ་པ། སྒེག་པ། ལང་ཚོ་དར་ལ་བབ་པ། རུས་པའི་རྒྱན་ཆ་ལྔས་བརྒྱན་པ་གཅིག་བསྒོམ། དེའི་མཐའ་མར་ཨོཾ་གསུམ་མའི་སྔགས་ཀྱིས་བསྐོར་བར་བསམ་མོ། །དེ་ལ་མཆོད་པ་དབུལ། བསྟོད་པ་བྱ། གསོལ་བ་

[Full Size]

གདབ། དེ་ནས་སྐུ་གསལ་ལ་རེག་ཏུ་བཏུབ་པ་ལྟ་བུ་དེ་ལ་དམིགས་ནས། ཨོཾ་གསུམ་མའི་སྔགས་བཟླས་པ་དང་། སྐུ་ལུས་དང་སྔགས་ལས་འོད་ཟེར་བདུད་རྩིའི་རང་བཞིན་བྱོན་ནས་ཐོད་པ་ཁེངས་པར་བསམ། ཁྱད་པར་གསང་གནས་ནས་བྱང་ཆུབ་ཀྱི་སེམས་ཀྱི་བདུད་རྩི་བྱོན་ཐོད་པ་ཁེངས་པར་བསམ་མོ། །དེ་ལྟར་ལྷའི་སྐུ་གསལ་ལ་རྟོག་པ་མེད་པ། བདེ་ལ་ཞེན་པ་མེད་པ། སྣང་ལ་རང་བཞིན་མེད་པ། མེ་ལོང་གི་གཟུགས་བརྙན་ནམ། ནམ་མཁའི་འཇའ་ཚོན་ལྟ་བུ་བསྒོམ་ཞིང་བཟླས་པ་བྱའོ། །རྗེས་ལ་ལྷ་དང་སྔགས་བདུད་རྩིའི་རང་བཞིན་དུ་ཞུ་ནས་ཐོད་པ་ཁེངས་པ་དེ་ཉིད། ཡར་བླ་མ་རྣམས་ལ་ཐིག་གཏོར་གྱིས་མཆོད་པ་དབུལ། རང་གི་གནས་གསུམ་དུ་གཏོར་བས་རྗེ་བཙུན་མ་སྐུ་ཆུང་ལ་ཡན་ལག་དོད་པ་དཔག་ཏུ་མེད་པ་སིབ་སིབ་ཐིམ་པས། ནད་གདོན་སྡིག་སྒྲིབ་གྲིབ་ལ་སོགས་པ་སངས་དག་

[Full Size]

པར་བསམ་མོ། །གནས་ཁང་ལ་གཏོར་བས་དེ་ཉིད་རྗེ་བཙུན་མས་མེར་ཁེངས་ནས། སྔགས་ཀྱི་རང་སྒྲ་དི་རི་རི་སྒྲོག་པར་བསམ་མོ། །རང་ཉིད་རྗེ་བཙུན་མར་གསལ་བས། རོལ་བས་ལྕེའི་སྟེང་ན་མར་སླེབ་པ་དང་། སྐུ་གསུང་ཐུགས་ཀྱི་དམ་ཚིག་ཉམས་ཆག་དང་། ཚེ་ཐོག་མ་མེད་པ་ནས་ལས་ངན་གྱི་སྡིག་སྒྲིབ་དང་། །གྲིབ་ཐམས་ཅད་སངས་ཀྱི་དག་ནས། བདེ་སྟོང་གཉིས་སུ་མེད་པ་ལྷན་ཅིག་སྐྱེས་པ་གཉིས་སུ་མེད་པའི་ཉམས་ཕྲིལ་གྱིས་སྐྱེས་པར་བསྒོམ། ལུས་ལྷའི་སྐུ་སྣང་ལ་རང་བཞིན་མེད་པ། སྒྱུ་མ་ལྟ་བུར་བསྒོམས་ལ་རོལ་བར་བྱའོ། །དེ་ལྟར་ཉམས་སུ་བླངས་ན། ཡི་དམ་གྱི་ཞལ་མྱུར་དུ་མཐོང་ཞིང་། །ལྷན་ཅིག་སྐྱེས་པའི་རྟོགས་པ་སྐྱེ་བར་འགྱུར་རོ། །ཞེས་བླ་མས་གསུང་ངོ་། །མཆོག་ཐུན་མོང་གི་དངོས་གྲུབ་མྱུར་དུ་ཐོབ་པར་བྱེད་པའི་གདམས་ངག་འདི་ཉིད་གསང་ལ་

[Full Size]

ཉམས་སུ་བླང་བར་བྱའོ། །ཆིག་བརྒྱུད་ཡིན་ནོ་སཱ་མ་ཡ། །འབྲལ་བར་མ་བྱེད་རྣལ་འབྱོར་པ། །རྡོ་རྗེ་འཆང་དང་དབྱེར་མེད་པའི། །བླ་མ་སངས་རྒྱས་དེ་སྐད་གསུང་། །ཨིྀྠཿ ། གཞན་གྱི་གྲིབ་སེལ་ན། ཡུལ་དེ་ཉིད་ཀྱི་གནས་གསུམ་དུ་གཏོར་བས། རྗེ་བཙུན་མ་སྐུ་ཆུང་ལ་ཡན་ལག་དོད་པ་དཔག་ཏུ་མེད་པ་སིབ་སིབ་བསྟིམ་པ་དང་། །གདོན་དང་སྡིག་སྒྲིབ་ཐམས་ཅད་སངས་དག་ནས། ཁྱད་པར་དུ་གྲིབ་ཐམས་ཅད་སངས་དག་པར་བསམ་ཞིང་ཨོཾ་གསུམ་མའི་སྔགས་བཟླས། རོལ་མོ་སྒྲོག །སྤོས་དབུལ། དེ་རྗེས་ལུས་སེམས་བདེ་སྟོང་གི་ཉམས་དང་ལྡན་པར་བསྒོམ་མོ། །དེ་ལྟར་ཉམས་སུ་བླངས་ན། དུས་དེ་ཉིད་དུ་གྲིབ་སེལ་ནས། རྟོགས་པ་ཁྱད་པར་ཅན་རྒྱུད་ལ་སྐྱེ་བར་འགྱུར་རོ། །ཨིྀྠཿ གྲིབ་སེལ་འདིའི་དམིགས་པ་ཕྱག་ལེན་བྱེད་ལུགས་རྣམས་ལོགས་སུ་གསལ་ལོ། །མངྒ་ལཾ།

འཕོ་བ་ཡེ་ཤེས་སྐར་ཁུང་གི་ཕྱག་ལེན།

[Full Size]

འཕོ་བ་ཡེ་ཤེས་སྐར་ཁུང་གི་ཕྱག་ལེན་བཞུགས་སོ། །འཕོ་བ་ཡེ་ཤེས་སྐར་ཁུང་ལ། སེམས་བསྐྱེད་དང་བླ་མའི་རྣལ་འབྱོར་བསྒོམ། །བདག་འཛིན་དགོས་མེད་བར་དོར་སངས་རྒྱས་པར་གསོལ་བ་གདབ། །བཟླས་པ་ཅི་རིགས་བྱ། དེ་ནས་རང་ཡི་དམ་དུ་བསྒོམ་པའི་རྩ་དབུ་མ་ཕྱི་དཀར་ལ་ནང་དམར་བ་འོད་ཀྱི་རང་བཞིན་ཅན་དུ་བསྒོམ་པའི་ཡར་རྩེ་ཚངས་བུག་ཏུ་སླེབ་པ། མར་རྩེ་གསང་གནས་སུ་ཟུག་པ། སྟོང་སང་ངེ་ཡོད་པའི་ནང་ལྟེ་བའི་ཐད་ཀར་ཆོས་འབྱུང་ཕྱི་དཀར་ལ་ནང་དམར་བ་འོད་ཀྱི་རང་བཞིན་ཟུར་དུ་བསྟན་པ། ལོགས་སྒལ་ཚིགས་ལ་གཏད་པ་གཅིག་བསམ། དེའི་ནང་དུ་རྣམ་པར་ཤེས་པའི་རང་བཞིན་ཨ་དཀར་པོ་འོད་འཕྲོ་བ་འཕིར་ལ་ཁད་པ་ཅིག་བསྒོམ། དེ་ནས་རླུང་རོ་ལན་གསུམ་ཕྱིར་བསལ། རྐེད་པ་ཉེག་ཉེག་པ་ལན་གསུམ་བྱས་ལ། སྟེང་འོག་གི་རླུང་གཉིས་ནར་གྱིས་
དྲངས་ནས་དྲག་ཏུ་བཟུང་། ཁྱད་པར་འོག་རླུང་དྲག་པོར་དྲངས། ལྟེ་བའི་ཆོས་འབྱུང་ཁ་ནང་དུ་ཕྱར་གྱིས་སོང་བ་དང་། ལྟེ་བའི་ནང་གི་ཨ་དེ་རང་དབང་མེད་པར་དབུ་མའི་ནང་ནས་ཡང་རྒྱངས་ཀྱིས་ལྟེ་བ་ཚིགས་ས་ལ་ཅར་གྱིས་སྦྱར། སོང་། དེའི་ངང་ལ་ཕྱག་རྒྱ་ཆེན་པོར་ལྷན་གྱིས་བཞག །དེ་འདྲ་ལན་བདུན་བྱའོ། །དེ་ནས་རྗེས་ལ་སྤྱི་བོར་ཨ་གཅིག་ལམ་གྱིས་བྱུང་བར་བསམ། ཚངས་བུག་ནས་མར་རྩ་དབུ་མའི་ནང་ནས་བདེ་ཁྲིལ་ཁྲིལ་སོང་། ཆོས་འབྱུང་གི་ནང་དུ་དཀར་སངས་བྱུང་བ་དང་བདེ་སྟོང་གཉིས་སུ་མེད་པའི་ངང་དུ་སིང་གིས་བཞག་གོ ། དེ་ལྟ་བུའི་སྦྱོར་བ་ནུས་ཚད་དུ་བསྒོམ་པར་བྱའོ། །མངྒ་ལཾ།

མཁའ་སྤྱོད་མའི་བཀའ་བྱེད་ལུགས།

[Full Size]

མཁའ་སྤྱོད་མའི་བཀའ་བྱེད་ལུགས་བཞུགས་སོ། །རྗེ་བཙུན་རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །མཁའ་སྤྱོད་མའི་དབང་བསྐུར་བར་འདོད་པས། །མཎྜལ་པདྨ་འདབ་བརྒྱད་ཀྱིས་སྟེང་དུ།

[Full Size]

ཆོས་འབྱུང་དཀར་པོ་རྐྱང་པ། །དེའི་སྟེང་དུ་གཏོར་མ་མཁའ་སྤྱོད་མར་བསྐྱེད་ལ། སྐྱབས་སུ་འགྲོ་བ་ནས་ལམ་ཡན་ལག་ལྔ་རྫོགས་པ་ལ་སོགས་པའི་བར་དུ་ཅི་རིགས་པར་བྱའོ། །དེ་ནས་ལུས་དང་ལོངས་སྤྱོད་ཐམས་ཅད་ལྟོས་པ་མེད་པར་ཕུལ་ནས། དབང་བཞི་རྫོགས་སུ་བསྐུར་དུ་གསོལ། ཞེས་གསོལ་བ་བཏབ། མཁའ་སྤྱོད་མའི་སྐུ་གསུང་ཐུགས་ལས་འོད་ཟེར་དཀར་དམར་མཐིང་གསུམ་འཕྲོས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་མཆོད། །སྐུ་གསུང་ཐུགས་ཀྱིས་ཡོན་ཏན་ཐམས་ཅད་འོད་ཟེར་དཀར་དམར་མཐིང་གསུམ་འཕྲོས། མཁའ་སྤྱོད་མའི་སྤྱི་བོར་ཐིམ་པ་དང་། མཁའ་སྤྱོད་མའི་སྨིན་འཚམས་ནས་འོད་དཀར་པོ་བྱོན། །རང་གི་སྨིན་མཚམས་སུ་ཕོག །ལུས་ཀྱི་བསགས་པའི་སྡིག་སྒྲིབ་དག །བུམ་པའི་དབང་ཐོབ་པར་བསམ། དེ་བཞིན་

[Full Size]

དུ་དམར་པོ་མགྲིན་པར། །ངག་གི་སྒྲིབ་པ་དག །གསང་དབང་ཐོབ། མཐིང་ཁ་སྙིང་ཁར་ཕོག་པ་དང་ཡིད་ཀྱིས་སྡིག་སྒྲིབ་དག །ཤེས་རབ་ཡེ་ཤེས་སློབ་དཔོན་གྱི་ཨོཾ་གསུམ་མ་བརྗོད། ཀྱི་དབང་ཐོབ་པར་བསམ་མོ། །དེ་ནས་སེམས་མ་བཅོས་པ་ཕྱག་རྒྱ་ཆེན་པོར་བཞག་གོ ། དེས་ལུས་ངག་ཡིད་གསུམ་ཐ་དད་དུ་འཛིན་པ་དག་ནས་དབང་བཞི་པ་ཐོབ་པའོ། །དེ་ནས་གཏོར་མ་སློབ་མའི་སྤྱི་བོར་བཞག་པ་དང་། །རྗེ་བཙུན་མ་རྒྱུད་ལ་བསྟིམས་ཀྱིས་ཐིམ་པར་བསམ་མོ། །དེ་ནས་ཚོགས་ལ་རོལ། འཇུག་དགེ་བ་རྫོགས་པའི་བྱང་ཆུབ་ཏུ་བསྔོའོ། །འདིའི་རྒྱུད་པ་ནི། རྡོ་རྗེ་འཆང་། ཡེ་ཤེས་ཀྱི་མཁའ་འགྲོ་མ་ནི་གུ་མ། ཁྱུང་པོ་རྣལ་འབྱོར་པ། རྨོག་ལྕོག་པ། སྐྱེར་སྒང་པ། སངས་རྒྱས་གཉན་སྟོན། སངས་རྒྱས་སྟོན་པ། མཁས་གྲུབ་ཤངས་སྟོན། དེ་ལས་རྩ་བའི་བླ་མ་ལ་ཐུགས་གིས་བར་རིམ་པར་བརྒྱུད་པའོ། །ཨིྀྠཿ

ནི་གུ་བརྒྱུད་པའི་བླ་མ་རྣམས་ལ་གསོལ་བ་འདེབས་པ་སྨོན་ལམ་དང་བཅས་པ།

[Full Size]

ནི་གུ་བརྒྱུད་པའི་བླ་མ་རྣམས་ལ་གསོལ་བ་འདེབས་པ་སྨོན་ལམ་དང་བཅས་པ་བཞུགས་སོ། །ན་མོ་གུ་ར་ཝེ། བདེ་ཆེན་ལྷུན་གྲུབ་འདུས་མ་བྱས། །ཁ་སྦྱོར་ལོངས་སྐུ་གང་འདུལ་ཤར། །སྐུ་གསུམ་ཡན་ལག་བདུན་ལྡན་པའི། །རྡོ་རྗེ་འཆང་ལ་ཕྱག་འཚལ་ལོ། །བྲམ་ཟེའི་རིགས་ལས་ནཱ་རོའི་ལྕམ། །རྡོ་རྗེ་འཆང་དང་དངོས་སུ་མཇལ། །དག་པའི་ས་གསུམ་ལ་གནས་པའི། །ནི་གུ་མ་ལ་ཕྱག༴ །བིར་ཝས་རྗེས་བཟུང་ཌཱ་ཀི་མ། །རྒྱལ་བ་བསྐྱེད་དང་རོལ་པའི་ཡུམ། །བརྒྱུད་པར་བཅས་པ་རྗེས་འཛིན་པའི། །སུ་ཁ་སིདྡྷི་ལ་ཕྱག༴ །བརྒྱ་དང་ལྔ་བཅུའི་བླ་མ་བསྟེན། །ཟབ་རྒྱས་མཁའ་འགྲོའི་ཐུགས་ཀྱི་བཅུད། །གདམས་པས་གངས་ཅན་སྐྱེ་དགུ་སྐྱོང་། །ཁྱུང་པོ་རྣལ་འབྱོར་ལ་ཕྱག༴ །མི་མེད་དབེན་པའི་རི་སུལ་དུ། །ཞེན་མེད་སྒྱུ་མའི་རོལ་རྩེ་མཁན། །

[Full Size]

ཆིག་བརྒྱུད་རྡོ་རྗེའི་བཀའ་བབས་པའི། །རྨོག་ལྕོག་པ་ལ་ཕྱག༴ །འཇིག་རྟེན་དབང་ཕྱུག་སྤྱན་རས་གཟིགས། །དགེ་སློང་ཚུལ་གྱིས་འགྲོ་བ་འདྲེན། །སྙན་བརྒྱུད་གདམས་པ་ཟབ་མོའི་གཏེར། །སྐྱེར་སྒང་པ་ལ་ཕྱག༴ །འཇིག་རྟེན་ཆོས་བརྒྱད་ཧྲུལ་པོར་ཞིག །སྦས་པའི་རྣལ་འབྱོར་བརྟུལ་ཞུགས་ཅན། །རྡོ་རྗེའི་ཐོག་གིས་གཞོམ་མེད་པའི། །སངས་རྒྱས་གཉན་སྟོན་ལ་ཕྱག༴ །ཆིག་བརྒྱུད་བཀའ་རྒྱའི་སྒོ་ཕྱེ་ནས། །སྐལ་བཟང་འགྲོ་བའི་དགའ་སྟོན་དུ། །ཟབ་ལམ་བསྟན་པ་རྒྱས་མཛད་པའི། །སངས་རྒྱས་སྟོན་པ་ལ་ཕྱག༴ །རྣམ་དག་ཚུལ་ཁྲིམས་དྲི་བསུང་ཅན། །རྒྱ་ཆེན་ཤེས་བྱའི་གནས་ལ་སྦྱངས། །བསྒོམས་པས་རྣམ་པར་གྲོལ་བ་ཐོབ། །ཤངས་སྟོན་ཆོས་རྗེ་ལ་ཕྱག༴ བླ་མ་མཁའ་འགྲོས་བྱིན་གྱིས་རླབས། །སྙན་བརྒྱུད་ཟབ་མོ་ཡི་གེར་བཀོད། །ལུང་བསྟན་བརྙེས་པའི་མཁས་བཙུན་པ། །རྒྱལ་མཚན་

[Full Size]

འབུམ་པ་ལ་ཕྱག༴ །ཟབ་མོའི་གདམས་པས་རང་རྒྱུད་སྨིན། །མཁྱེན་བརྩེའི་ནུས་པས་འགྲོ་བ་འདྲེན། །མགོན་པོའི་བཀའ་བབས་འཇག་ཆེན་པ། །བྱམས་པ་དཔལ་ལ་ཕྱག༴ །དེ་སྲས་ཐུ་བོ་ཆོས་ཀྱི་རྗེ། །སྒྱུ་ལུས་རྨི་ལམ་རབ་མཐར་སོན། །སྙན་བརྒྱུད་འཛིན་པའི་འཇག་ཆུང་པ། །བློ་གྲོས་དཔལ་བཟང་ལ་ཕྱག༴ །བཀའ་བརྒྱུད་བསྟན་པའི་གཙུག་གི་རྒྱན། །བདེ་ཆེན་ཡེ་ཤེས་འདོད་དགུར་སྤྱོད། །མཁས་དང་གྲུབ་པ་ཀུན་གྱི་ཕུལ། །ཀུན་དགའ་དཔལ་བཟང་ལ་ཕྱག༴ །ལྔ་རིག་སྦྱངས་པའི་པཎྜི་ཏ། །གནས་ལུགས་དོན་གཟིགས་གྲུབ་པའི་དབང་། །ཀུན་མཁྱེན་ཆོས་ཀྱི་སྤྱན་ལྡན་པ། །ཆོས་རྒྱལ་དཔལ་བཟང་ལ་ཕྱག༴ །འཇིག་རྟེན་བྱ་བ་རྒྱབ་ཏུ་བོར། །རྩེ་གཅིག་ཟབ་མོའི་ཉམས་ལེན་གྱིས། །གཉིས་སྣང་འཁྲུལ་པ་རང་སར་ཞིག །ཚུལ་ཁྲིམས་རྒྱལ་མཚན་ལ་ཕྱག༴ །རྒྱུད་སྡེ་

[Full Size]

རྒྱ་མཚོའི་བཅུད་ཕྱུངས་ནས། །བསྐལ་བཟང་འགྲོ་ལ་བདེ་ཆེན་སྩོལ། །མཁའ་སྤྱོད་གནས་སུ་རོལ་པས་གཤེགས། །མཁྱེན་རབ་ཆོས་རྗེ་ལ་ཕྱག༴ །ཟབ་དོན་སྙན་བརྒྱུད་ཀུན་གྱི་གཏེར། །ལྷན་སྐྱེས་གཉུག་མའི་རང་ཞལ་གཟིགས། །གངས་ཅན་མཁས་གྲུབ་ཀུན་གྱི་གཙོ། །བཀའ་དྲིན་མཉམ་མེད་ལ་ཕྱག༴ །བློ་གསལ་གདུལ་བྱའི་ས་ཆེན་སྐྱོང་། །རྒྱུད་སྡེ་རྒྱ་མཚོའི་དབུས་ན་བརྗིད། །རིམ་གཉིས་ནོར་བུའི་ཅོད་པན་འཛིན། །དཔལ་ལྡན་བླ་མ་ལ་ཕྱག༴ །བདེ་ཆེན་ལྷན་སྐྱེས་ཧེ་རུ་ཀཿ ཤེས་རབ་ཕག་མོའི་པདྨོར་རོལ། །ཟུང་འཇུག་དཀྱིལ་འཁོར་ཀུན་གྱི་གཙོ། །འཁོར་ལོ་བདེ་མཆོག་ལ་ཕྱག༴ །སྤྱན་རས་གཟིགས་དབང་ཁྲོས་པའི་སྐུ། །འགྲོ་བའི་རེ་སྐོང་ཡིད་བཞིན་ནོར། །བར་དོའི་འཕྲང་སྒྲོལ་ནག་པོ་ཆེ། །མྱུར་མཛད་མགོན་པོ་ལ་ཕྱག༴ །གནས་མཆོག་ཉེར་བཞིའི་གྲོང་ཁྱེར་ནས། །སྒྱུ་

[Full Size]

མའི་གར་གྱི་མཁའ་ལ་སྤྱད། །བརྩེ་བས་རྣལ་འབྱོར་བུ་བཞིན་སྐྱོངས། །གནས་གསུམ་མཁའ་འགྲོ་ལ་ཕྱག༴ །རྡོ་རྗེ་ཐེག་པའི་ལམ་མཆོག་ཏུ། །ཞུགས་ནས་ཟབ་མོའི་དམ་ཚིག་གིས། །འབྲེལ་བས་སྐལ་ལྡན་རྡོ་རྗེའི་སྤུན། །དག་སྣང་ཕྱོགས་མེད་ལ་ཕྱག་འཚལ་ལོ། །མི་མེད་དབེན་པའི་རི་སུལ་དུ། །ཟླ་མེད་རི་དྭགས་དམན་པ་བཞིན། །ཞེན་མེད་གྱི་ནའི་ཟས་གོས་བསྟེན། །ཚེ་དང་སྒྲུབ་པ་སྙོམས་པར་ཤོག །རང་ཡུལ་ཉེ་དུ་ལོངས་སྤྱོད་དང་། །ལུས་སྲོག་ལྟོས་པ་ཐམས་ཅད་ལ། །རྨི་ལམ་ཙམ་དུའང་མ་ཆགས་པར། །ཐམས་ཅད་བློ་ཡིས་ཐོངས་པར་ཤོག །ཚེ་འདིའི་ཆོས་བརྒྱད་སྣང་བ་ཀུན། །འཆི་བའི་ཚེ་ན་སྐད་ཅིག་ཙམ། །ཕན་པ་མེད་པར་ཐག་ཆོང་ནས། །བཞི་མདོའི་རྩ་བཞིན་འདོར་བར་ཤོག །ཚེ་འདི་རི་གཟར་འབབ་ཆུ་བཞིན། །སྐད་ཅིག་ཙམ་དུ་ཤེས་

[Full Size]

པ་ཡིས། །བཏང་སྙོམས་སྡོད་པའི་ལོང་མེད་པས། །འཆི་ཆོས་སྙིང་ནས་བྱེད་པར་ཤོག །བདེ་ཞིང་སྐྱིད་པས་མ་དྲེགས་ཤིང་། །སྡུག་ཅིང་ཕོངས་པས་མ་འཁུམ་པར། །གང་བྱུང་སྣང་བ་ལམ་ཁྱེར་གྱིས། །རྐྱེན་ངན་གྲོགས་སུ་འཆར་བར་ཤོག །འོད་གསལ་བདེ་བ་ཆེན་པོའི་དབྱིངས། །བརྗོད་མེད་ནམ་མཁའ་ལྟ་བུའི་ངང་། །བློ་འདས་ཐ་མལ་ཤེས་པའི་དངོས། །ཕྱག་རྒྱ་ཆེན་པོ་རྟོགས་པར་ཤོག །ནམ་མཁའི་མཐའ་ཀླས་སེམས་ཅན་རྣམས། །འཁོར་བའི་མཚོ་ལས་བསྒྲལ་སླད་དུ། །རྡོ་རྗེ་འཛིན་པའི་གོ་འཕང་མཆོག །ཚེ་འདི་ཉིད་ལ་ཐོབ་པར་ཤོག །མདོར་ན་བདག་གི་སྒོ་གསུམ་གྱི། །བྱ་བ་བགྱིས་པ་ཐམས་ཅད་ཀྱང་། །སེམས་ཅན་ཀུན་གྱི་དོན་གྱུར་པའི། །ཡིད་བཞིན་ནོར་བུ་ལྟ་བུར་ཤོག །ཅེས་ནི་གུ་བརྒྱུད་པའི་བླ་མ་རྣམས་ལ་གསོལ་བ་འདེབས་པ་སྨོན་ལམ་དང་བཅས་པ་འདི་དཔལ་ལྡན་ཤངས་
པའི་བརྒྱུད་འཛིན་རྣལ་འབྱོར་པ་བློ་གསལ་གྱིས་སྦྱར་བ་དགེ་ལེགས་འཕེལ་བར་གྱུར་ཅིག །

ནི་གུ་ཆོས་དྲུག་གི་བླ་མ་བརྒྱུད་པའི་གསོལ་འདེབས། རྗེ་བཙུན་གྲགས་པ་རྒྱལ་མཚན།

[Full Size]

ནི་གུ་ཆོས་དྲུག་གི་བླ་མ་བརྒྱུད་པའི་གསོལ་འདེབས་བཞུགས་སོ། །ན་མོ་གུ་རུ་བྷྱཿསྤྱི་གཙུག་པདྨ་ཉི་ཟླའི་གདན་ལ། །དཀོན་མཆོག་གསུམ་དང་བརྒྱུད་པ་ཀུན་འདུས། །དྲིན་ཅན་རྩ་བའི་བླ་མ་དམ་པར། །གསོལ་བ་འདེབས་སོ་བྱིན་གྱིས་རློབས་ཤིག །སྐུ་གསུམ་བདུན་ལྡན་རྡོ་རྗེ་འཆང་དང་། །དག་པའི་སར་བཞུགས་ཡེ་ཤེས་མཁའ་འགྲོ། །མཆོག་གཟིགས་དམ་པ་ཁྱུང་པོ་རྣལ་འབྱོར། །གསོལ་བ༴ །དཀའ་སྤྱད་ཐུགས་ཅན་རྨོག་ལྕོག་པ་དང་། །སྤྱན་རས་གཟིགས་དབང་སྐྱེར་པ་སྒང་པ། །སྦས་པའི་སངས་རྒྱས་གཉན་སྟོན་ཆོས་རྗེར། །གསོལ་བ༴ །ཆིག་བརྒྱུད་བཀའ་རྒྱ་གྲོལ་བའི་སྟོན་པ། །སྐུ་གསུམ་བརྙེས་པ་གཙང་མ་ཤངས་སྟོན། །རྒྱ་བན་ཆེན་པོའི་རིགས་ཆད་མུས་

[Full Size]

ཆེན། །གསོལ་བ༴ །བདག་ལྟའི་གཅེས་འཛིན་གཅོད་པའི་རྡོ་རྗེ། །འོད་གསལ་མངོན་འགྱུར་ནམ་མཁའི་རྣལ་འབྱོར། །གྲུབ་ཐོབ་བརྩོན་འགྲུས་སྦྱིན་པ་བཟང་པོར། །གསོལ་བ༴ །ཨོ་རྒྱན་སྤྲུལ་པ་ཐང་སྟོང་རྒྱལ་པོ། །དེ་ཡིས་རྗེས་བཟུང་བློ་གྲོས་རྒྱལ་མཚན། །རྟོགས་པ་མངོན་འགྱུར་དཔལ་ལྡན་དར་པོར། །གསོལ་བ༴ །འཁོར་ལོ་སྡོམ་པ་བསོད་ནམས་རྩེ་མོ། །གྲུབ་པའི་དབང་ཕྱུག་ཆོས་ཀྱི་བློ་གྲོས། །ཟབ་ལམ་སྟོན་མཛད་འགྱུར་མེད་བདེ་ཆེན། །གསོལ་བ༴ །དངོས་གྲུབ་མཆོག་སྩོལ་ཡི་དམ་མཁའ་འགྲོ། །བར་ཆད་ཀུན་སེལ་མྱུར་མཛད་མགོན་པོ། །མཆེད་ལྕམ་རྡོ་རྗེའི་སྤུན་གྲོགས་རྣམས་ལ། །གསོལ་བ༴ །གཞི་གནས་སྐུ་གསུམ་རང་ལ་གནས་པ། །ཆོས་དྲུག་ལམ་གྱིས་རང་ལ་ཤར་ནས། །འབྲས་བུ་སྐུ་གསུམ་མངོན་དུ་འགྱུར་བར། །གསོལ་བ་འདེབས་སོ་བྱིན་གྱིས་རློབས་ཤིག །ཅེས་ཟབ་ལམ་ནི་གུ་ཆོས་

[Full Size]

དྲུག་གི་བླ་མ་བརྒྱུད་པ་ལ་གསོལ་བ་འདེབས་པ་བྱིན་རླབས་ཆར་འབེབས་ཅེས་བྱ་བ་འདི་ཡང་སའི་བདག་པོ་ཆེན་པོའི་བཀའ་ལུང་གིས་བསྐུལ་ནས། ཆོས་སྨྲ་བ་འགྱུར་མེད་བདེ་ཆེན་གྱིས་བགྱིས་པའོ། ༈ །ན་མཿཤྲཱི་ཛྙཱ་ན་ཌཱ་ཀཱི་ནི་གུཔྟ་ཡེ། མཁའ་སྤྱོད་ཀྱི་གཙོ་མོ་ཐུགས་རྗེ་ཅན། །ཡེ་ཤེས་ཀྱི་མཁའ་འགྲོ་ནི་གུ་མ། །བུ་གདུང་བས་གསོལ་བ་འདི་འདེབས་ན། །སྤྲོས་བྲལ་གྱི་དབྱིངས་ནས་དགོངས་སུ་གསོལ། །གསང་ཆེན་གྱི་དཀྱིལ་འཁོར་སྟོན་མཁས་མས། །དགའ་བཞིའི་དབང་བསྐུར་ད་སྩོལ་ཅིག །སྐྱེ་མེད་ཀྱི་སྒོ་མོ་འབྱེད་མཁས་མས། །དག་བྱེད་ཀྱིས་སྡིག་སྒྲིབ་ད་སྦྱོངས་ཤིག །ཨ་ཤད་ཀྱི་གཏུམ་མོ་སྤྲོ་མཁས་མས། །སྙིགས་མ་ཡི་ཕུང་ཁམས་ད་སྲེགས་ཤིག །ཧྃ་ཡིག་གི་བདེ་ཆེན་འཇོ་མཁས་མས། །ལྷན་སྐྱེས་ཀྱི་ཡེ་ཤེས་ད་སྩོལ་ཤིག །སྒྱུ་མ་ཡི་རང་ཉམས་སྟོན་

[Full Size]

མཁས་མས། །ཆགས་སྡང་གི་བདེན་འཛིན་ད་ཤིགས་ཅིག །རྨི་ལམ་གྱི་དུས་ན་སྤྲུལ་བསྒྱུར་མས། །ཉིང་འཁྲུལ་གྱི་འཆིང་བ་ད་ཆོད་ཅིག །ལྷུན་གྲུབ་གྱི་འོད་གསལ་འཆར་མཛད་མས། །གཏི་མུག་གི་མུན་པ་ད་སོལ་ཅིག །མདའ་ཁ་ཡི་དུས་སུ་ཡར་འདྲེན་མས། །མཁའ་སྤྱོད་ཀྱི་གནས་སུ་ད་ཁྲིད་ཅིག །བར་དོ་ཡི་འཁྲུལ་སྣང་འཇོམས་མཛད་མས། །གཞོམ་མེད་ཀྱི་ལོངས་སྐུ་ད་སྩོལ་ཅིག །འདི་ཡང་འགྱུར་མེད་ཀྱིས་སོ། །དྷརྨེ་དཾ་ཨུ་ད་ཡ་མ་སྟུ། །ཁྱུང་པོའི་མགུར་བརྒྱད་རྩ་འགྲེལ་བཞུགས་སོ། །ན་མོ་གུ་རུ། གྲུབ་ཐོབ་ཆེན་པོ་རཱ་ཧུ་ལའི་གདམས་པ། བླ་མ་ཤངས་པས་མགུར་དུ་བཞེངས་པ་འདི་ཡིན་ཏེ། གཟུང་འཛིན་རྣམ་རྟོག་ཐོ་ཅོ་ཆེ། །ཐིམ་པ་རྣམ་གསུམ་གདམས་ངག་བདོག །གཟུང་འཛིན་གཡུལ་ངོ་དེ་ནས་བཟློག །གཟུང་འཛིན་ཅི་ལྟར་དགྱེས་དགྱེས་མཛོད། །ལྷ་ཆེན་

[Full Size]

དཔེ་དཀར་ཐོ་ཅོ་ཆེ། །ཐི་གུ་མཐོ་གསུམ་གདམས་ངག་བདོག །ལྷ་ཆེན་གཡུལ་ངོ་དེ་ནས་བཟློག །ལྷ་ཆེན་ཅི་ལྟར་དགྱེས་དགྱེས་མཛོད། །ཀླུ་བདུད་ནག་པོ་ཐོ་ཅོ་ཆེ། །ཐོད་པ་ཁ་སྦྱོར་གདམས་པ་ཡོད། །ཀླུ་བདུད་གཡུལ་ངོ་དེ་ནས་བཟློག །ཀླུ་བདུད་ཅི་ལྟར་དགྱེས་དགྱེས་མཛོད། །མཚན་མོའི་འབྱུང་པོ་ཐོ་ཅོ་ཆེ། །བདུད་རྩི་ཐིག་ལེའི་གདམས་ངག་བདོག །འབྱུང་པོའི་གཡུལ་ངོ་དེ་ནས་བཟློག །འབྱུང་པོ་ཅི་ལྟར་དགྱེས་དགྱེས་མཛོད། །བྱད་ལྟེམས་ནག་པོ་ཐོ་ཅོ་ཆེ། །རྡོ་ལེབ་ནག་པོའི་གདམས་པ་བདོག །བྱད་ལྟེམས་ནག་པོའི་གཡུལ་ངོ་བཟློག །བྱད་ལྟེམས་ཇི་ལྟར་དགྱེས་དགྱེས་མཛོད། །འཆི་བདག་ནག་པོ་ཐོ་ཅོ་ཆེ། །ཀེང་རུས་ཏ་རའི་གདམས་པ་བདོག །འཆི་བདག་གཡུལ་ངོ་དེ་ནས་བཟློག །འཆི་བདག་ཅི་ལྟར་དགྱེས་དགྱེས་མཛོད། །གཟའ་བདུད་ནག་པོ་ཐོ་ཅོ་ཆེ། །

[Full Size]

རུས་སྦལ་ཙཀྲའི་གདམས་པ་བདོག །གཟའ་བདུད་གཡུལ་ངོ་དེ་ནས་བཟློག །ཁྱབ་འཇུག་ཇི་ལྟར་དགྱེས་དགྱེས་མཛོད། །ངག་ལ་བྱིན་གྱིས་མ་བརླབས་པས། །བཟླས་པ་རྣམས་ལ་ནུས་མ་བྱུང་། །ཨཱ་ལི་ཀ་ལིའི་གདམས་པ་བདོག །མི་འགྲུབ་སྙམ་པའི་དོགས་པ་མེད། །ཞེས་མགུར་བརྒྱད་པོ་འདི་ཁྱུང་པོས་ཚོགས་གྲལ་དུ་གསུངས་པའོ། །དེ་ལ་དང་པོ་ཐིམ་པ་རྣམ་གསུམ་གྱི་གདམས་ངག་ཉམས་སུ་ལེན་པར་འདོད་པས། སྐྱབས་འགྲོ་སེམས་བསྐྱེད་སྔོན་དུ་སོང་བས། རིགས་དྲུག་གི་སེམས་ཅན་འདི་རྣམས་ཐམས་ཅད་འཁོར་བར་འཁྱམས། སྡུག་བསྔལ་ཉམས་སུ་མྱོང་བ་འདི་རྣམས་གཟུང་འཛིན་གཉིས་ཀྱི་རྟོག་པས་ལེན་པ། དེས་ཕྱི་གཟུང་བའི་ཡུལ་ལ་ཞེན་པའི་རྣམ་པར་རྟོག་པ་ཐམས་ཅད་རྨི་ལམ་སྒྱུ་མ་ལྟ་བུར་ཐིམ་པར་བསྒོམ། དེ་རྣམས་སུ་འཛིན་པའི་སེམས་ཀྱི་རྣམ་པར་རྟོག་པ་དེ་ཡང་སྣང་ལ་རང་བཞིན་

[Full Size]

མེད་པར་ཐིམ་པར་བསྒོམ། དེ་ལྟར་བསྒོམ་བྱེད་ཀྱི་ཤེས་པ་དེ་ཡང་། ཆོས་ཀྱི་དབྱིངས་སུ་ཐིམ་པར་བསྒོམ་པ་ནི། མཉམ་བཞག་རྣམ་པར་མི་རྟོག་པའི་ཡེ་ཤེས་སོ། །རྗེས་ཐོབ་སྣང་ལ་ཞེན་མེད་དུ་སེམས་ཀྱི་དོན་གྲུབ་ཚད་དུ་བྱའོ། །མན་ངག་འདི་ཉམས་སུ་ལེན་ནུས་ན། །སངས་རྒྱ་བ་ལ་ཐེ་ཚོམ་མེད། །ཐིམ་པ་རྣམ་གསུམ་ཨིྀྠ ། མགུར་གཉིས་པའི་དོན་ནི། རང་ཉིད་ལ་དཔེ་དཀར་རམ། རྒྱལ་པོ་ལ་སོགས་པའི་གདུག་རྩུབ་ཆེ་བ་བྱུང་ན། སྐྱབས་འགྲོ་སེམས་བསྐྱེད་སྔོན་དུ་སོང་པས། བལ་སྐུད་གསུམ་སྒྲིལ་མཐོ་གསུམ་པ་གཅིག་གསང་བ་རྡོ་རྗེའི་དཀྱིལ་དུ་སེ་ཆིངས་བྱས་ལ། སྐུད་པའི་སྣ་གཉིས་སྐེད་རག་ལ་གཏོད་དེ། རྡོ་རྗེའི་ཁ་གྱེན་དུ་བསྟན་ན་ཕྱི་ནས་གདོན་ཐམས་ཅད་ཐུབ་བོ། །དེ་ལྟ་བུའི་སྲུང་སྐུད་དེ་ལ་ཡི་དམ་གྱི་ལྷ་མང་དུ་བསྟིམ་ལ། སྔགས་མང་དུ་བཏབ། རང་ལུས་མེ་འབར་བར་

[Full Size]

བསམ་མོ། །དཔེ་དཀར་བསྲུང་བ་ཨིྀྠ། །མགུར་གསུམ་པའི་དོན་ནི། རང་ལ་ཀླུ་བདུད་ལ་སོགས་པས་གནོད་པ་བྱེད་པའམ། འདྲེའམ། སྦད་དམ། དམ་ཅན་ལ་སོགས་པས་གནོད་ན། རང་ཉིད་ཐོད་པ་དུམ་བུ་གཅིག་པ་བྲེ་དཀར་ཙམ་གཉིས་སྦྱར་བའི་ནང་དུ་ཁ་ཊྭྃ་ག་རྩེ་གསུམ་པ་རྭ་དབུས་ལ་ཧཱུྃ་གིས་མཚན་པ་ཅིག་ཏུ་བསམ་ལ་གཉིད་ལོག་གོ ། ཐོད་པ་ཁ་སྦྱོར་འདི་མ་ཆག་པར་བསྒོམ་ནུས་ན། སྦོད་སྟོང་བྱད་ལྟེམས་དམ་སྲིད་གནོད་བྱེད་ཐམས་ཅད་ཀྱིས་གནོད་པར་མི་ནུས་སོ། །གསུམ་པ་ཨིྀྠ། །མགུར་བཞི་པའི་དོན་ནི། མཚན་མོ་འབྱུང་པོ་བསྲུང་བར་འདོད་ན། ནུབ་མོ་རང་དུར་ཁྲོད་ལ་སོགས་པ་བག་ཚ་བའམ། ས་གཉེན་སར་འགྲོ་ན། སྐྱབས་འགྲོ་སེམས་བསྐྱེད་སྔོན་དུ་སོང་བས། རང་གི་དྲི་ཆེན་རིལ་མ་ཙམ་ཅིག་དང་། དྲི་ཆུ་དང་པོ་ལུག་རྨིག་གང་ཙམ་ལག་མཐིལ་གཡས་པར་གཡོན་པའི་སྲིན་ལག་གིས་མཉེ་སྟེ།

[Full Size]

སྲིན་ལག་གིས་བླངས་ལ་རང་གི་དཔྲལ་བར་བཞག་ནས། མཐེའུ་ཆུང་ངོས་ནས་བསྐོར་བའི་ཐིག་ལེ་བྱས་ནས། རང་ཉིད་ཡི་དམ་དུ་བསྒོམས་ཏེ་འགྲོ་བའི་ཐོག་མཐའ་གཉིས་ཀྱི་ཚེ་བཟླས་ན། མཚན་མོ་འབྱུང་པོའི་གདོན་ཐམས་ཅད་ཐུབ་པར་འགྱུར་རོ། །དེ་ནི་བསྲུང་བ་ཆེ་གསུང་ངོ་། ཨིྀྠ། །མགུར་ལྔ་པའི་དོན་ནི། བྱད་ལྟེམས་ནག་པོ་ཞེས་བྱ་བ། །བན་བོན་གྱི་སྦོད་ཁ་བསྲུང་ན། ཆུ་མིག་ལྐུག་པ་ཁ་བྱང་བསྟན་ཅིག་ཏུ། རྡོ་ལེབ་ནག་པོ་ཅིག་བཅུག་ལ་བཞག །དེ་མཐུ་བྱེད་པ་བྱུང་པ་དང་། རྡོ་ལེབ་ལ་རང་གི་གྲིབ་མ་དང་། ཁ་རླངས་མ་ཤོར་བར་བྱས་ཏེ། དར་རམ་རས་ཀྱི་ཁ་ལ་བླངས་ཏེ། མེ་ལ་བསྲོས་ནས། ལ་མཚལ་གྱི་སྨྱུ་གུས་བྲིས་ལ།། །།ཡང་སྔར་གྱི་ཆུ་མིག་དུ་ས་ལ་སྦྱར་ལ་གཞུག་གོ ། དེ་ལྟར་བྱས་ན་ངན་སྔགས་སམ། ལྷ་སྔགས་

[Full Size]

བཟླས་པའི་ནུས་པ། ཁོ་རང་ལ་ལྡོག་པར་ཐེ་ཚོམ་མེད་དོ། །འདི་གང་ཐོད་ཐོད་ལ་སྤེལ་ན་བསྟན་པ་ལ་གནོད་པས་མི་སྤེལ་ལོ། །རྡོ་ལེབ་ནག་པོའི་གདམས་པ་ཨིྀྠ། །མགུར་དྲུག་པའི་དོན་ནི། རང་ལ་ཕྱི་ནང་ལ་སོགས་པའི་འཆི་ལྟས་བྱུང་ན། ལྟས་དེ་སྲུང་བའི་ཐབས་ནི། སྐྱབས་འགྲོ་སེམས་བསྐྱེད་སྔོན་དུ་སོང་པས། རང་གི་ལུས་པོ་ཕྱི་ཤ་དང་པགས་པ། ནང་གི་ཀླད་པ་དང་། རྩ་རྒྱུས་ཐམས་ཅད་ལུས་ཀྱི་གོས་ཕུད་པ་བཞིན་དུ་དོར་སྟེ། རང་གི་ལུས་ཀེང་རུས་སུ་དཀར་ཀྲོང་ངེ་བསྒོམ་ན། འཆི་བདག་བདུད་འཇོམས་སོ། །དེ་ཡང་། ཀང་ཀ་ལའི་རྣམ་པའམ། ཡང་ན་ཐོད་པ་ཉིད་ཀྱང་རུང་། གསར་པར་གསོ་བ་མ་ཡིན་ཏེ། འཆི་བདག་འཇོམས་པའི་མཆོག་ཡིན་ནོ། །ཞེས་ཨ་བྷི་དྷ་ན་ལས་གསུངས་སོ། །ཀེང་རུས་ཏ་རའི་འཆི་བསླུ་ཨིྀྠ། །མགུར་བདུན་པའི་དོན་ནི། སེར་བ་བསྲུང་བ་སྟེ། རྫས་ལ་

[Full Size]

རུས་སྦལ་གྱི་གཟུགས་ཁོང་སྟོང་ཅིག་བྱས་ལ་སོ་བཏང་། དེའི་ཁོང་པར་སྔགས་འདི་བྲིས་ལ་གཞུག་གོ ། ཨོཾ་རུ་རུ་ཀི་ལི་ཀི་ལི་པྲ་མ་ནི། ཁུ་རུ་པ་ཏ་དུར་ནི་སྭཱ་ཧཱ། འབྱུང་པོ་ཁ་ཐམས་ཅད་ཅེས་པ་འདི་ཉེར་གཅིག་བྲིས་པ་དེ་ལ། བརྒྱ་རྩ་བརྒྱད་བཟླས་པ་རབ་གནས་བྱས་པ། ཡི་གེའི་དབུ་རུས་སྦལ་གྱི་མགྲིན་པར་བསྟན་ལ་གཞུག་གོ ། དེ་ནས་སྔགས་འདི་སྦལ་པའི་རྒྱབ་དུ་གདབ་བོ། ཨོཾ་ན་ར་སིཾ། ཐི་ར་དྷ་ར། བྷ་སཾ་ཡཾ། གྷུ་ཏྲི་ཧཱ། ཛྭ་ཀི་ནི། ཛྭ་ཀི་ནི། ཙ་ཀ་ར་བི་ཤུད་རྦུད། བྷནྡྷ་བྷནྡྷ། དྷ་དྷི་བྷནྡྷ། ལྕེ་རེ་བྷནྡྷ། ན་ར་སིཾ། ཀན་ཙ་ཀོ་རི། སི་ཏི་མི་རི། ཧི་ར་བྷོ་རི། ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཅེས་པ་འདི་སྦལ་པའི་རྒྱབ་དུ་གདབ་བོ། །སྔགས་འདི་བཅུ་བཅུས་སེར་བ་ཞག་རེ་ཐུབ་བོ། །བརྒྱ་བཟླས་ན་ཞག་བཅུ། སུམ་བརྒྱས་ཟླ་བ་གཅིག །དྲུག་བརྒྱས་ཟླ་བ་གཉིས། དགུ་བརྒྱས་ཟླ་བ་གསུམ་ཐུབ་བོ། །

[Full Size]

ཡང་སྔགས་བཅུས་ཆང་ཚོད་རེ་ཐུབ་བོ། །ཞོ་ཡང་དེ་དང་འདྲ། དེ་བཞིན་གྲངས་གོང་དང་འདྲའོ། །སྦལ་པ་ནམ་མཁའ་མཐོང་པའི་སར་བཞག་ན། རང་གཞི་ལ་མི་སྡོད་ཀྱང་སེར་བ་ཐུབ་བོ། །གདོང་བཟློག་བྱེད་ན། སྦལ་པ་ལག་ཏུ་བཟུང་སྟེ། སྔགས་བཟླས་པས་ཐོགས་པ་མེད་དོ། །སྦལ་པའི་ཁ་སེར་རྐང་འཇུག་པའི་སར་སྟོན། །ཕྱོགས་གང་ན་འོང་པ་དེས་འདྲའོ། །རྒྱ་ཆེ་ཆུང་དམིགས་པ་གཙོ་ཆེའོ། །དུས་ཇི་ཙམ་བསྲུང་བ་དཔྱད་ལ་བྱའོ། །གང་དམིགས་པ་ཐུབ་བོ། །དུས་ཚོད་གྲངས་ཚད་ལ་སོགས་ཞལ་ལས་ཤེས་སོ། །གཟོ་སོ། །རབ་གནས་གསུམ་རྒྱལ་ལ་བྱའོ། །བསྙེན་རྒྱབ་ཡོད་ན་མཆོག། མེད་ན་སྔགས་རིང་སྔོན་ལ་མང་དུ་བཟླས་སོ། །ཨིྀྠ། །མགུར་བརྒྱད་པའི་དོན་ནི། སྐྱབས་འགྲོ་སེམས་བསྐྱེད་སྔོན་དུ་སོང་པས། ཐོ་རངས་དགེ་སྦྱོར་གང་བྱེད་པའི་སྔོན་དུ། རང་ཡི་དམ་ལྷར་གསལ་བའི་ལྕེ་

[Full Size]

ཐོག་ཏུ་ཟླ་བའི་དཀྱིལ་འཁོར་གྱི་སྟེང་དུ། ཨོཾ་དཀར་པོ་བསམ། དེ་ལ་ཨཱ་ལི་ཀཱ་ལིས་བསྐོར་བར་བསམས་ཏེ། ཨཱ་ལི་ཀཱ་ལི་ཨོཾ་དང་སྭཱ་ཧཱའི་བར་དུ་བཅུག་ལ་ལན་གསུམ་གསུམ་བརྗོད་པར་བྱའོ། །ངག་གི་ནུས་པ་མཐར་ཐོན་ཏེ། བཟླས་བརྗོད་ནུས་པ་དང་ལྡན་པར་འགྱུར་རོ། །འདི་སློབ་དཔོན་རྣམས་རྩིས་ཆེ་ཐུགས་དམ་དུ་མཛད་དོ། །ངག་ལ་བྱིན་གྱིས་བརླབ་པའོ། །ཨིྀྠ། །མགུར་བརྒྱད་ཀྱི་གདམས་པ་རྫོགས་སོ། །མངྒ་ལཾ།། །།

དམིགས་པ་རིན་ཆེན་སྒྲོམ་བུ་བཀའ་དང་བཅས་པ།

[Full Size]

དམིགས་པ་རིན་ཆེན་སྒྲོམ་བུ་བཀའ་དང་བཅས་པ་བཞུགས་སོ། །ན་མོ་གུ་རུ། རྗེས་སུ་ཡི་རང་བའི་དབང་ལ་གསུམ་སྟེ། སྔོན་འགྲོ་དངོས་གཞི་རྗེས་སོ། །དང་པོ་ནི། གནས་ཁང་ཕྱག་དར་བྱ། གཏོར་མ་གསུམ་བཤམས། སློབ་མ་རྣམས་གྲལ་ལ་འཁོད། བགེགས་གཏོར་བཏང་། གཏོར་མ་དང་པོ་བླ་མ་ཡི་དམ། གཉིས་པ་ཆོས་སྐྱོང་། གསུམ་པ་གཞི་བདག་ལའོ། །གཉིས་པ་ནི། སློབ་མ་ལ་སྐྱབས་འགྲོ་སྨོན་འཇུག་ཏུ་སེམས་བསྐྱེད། ལམ་ཡན་ལག་ལྔས་སྡིག་པ་བཤགས། སློབ་མ་རྣམས་རིགས་གསུམ་མགོན་པོ་གང་མོས་བསྒོམ་དུ་

[Full Size]

གཞུག །མདུན་གྱི་ནམ་མཁའ་ལ། བླ་མ་བརྒྱུད་པ་དང་། སངས་རྒྱས་དང་བྱང་ཆུབ་སེམས་དཔའ་དཔག་ཏུ་མེད་པ་བསམ་ལ། སྤོས་ཕུལ། རྗེས་སུ་ཡི་རང་ཚར་གཅིག་བསྒོམ། སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་སྨིན་མཚམས་ནས་བྱུང་བའི་ཆུ་རྒྱུན་དཀར་པོ་བྱུང་སློབ་མའི་ལུས་ལ་ཐིམ། ལུས་ཀྱི་སྒྲིབ་པ་དག་པར་བསམ་མོ། །ཡང་བརྒྱུད་པའི་བླ་མ་དང་། སངས་རྒྱས་དང་བྱང་ཆུབ་སེམས་དཔའི་གསུང་ལས་དམར་པོ་བྱུང་། སློབ་མའི་མགྲིན་པར་ཐིམ། ངག་གིས་སྡིག་པ་དག་པར་བསམ། ཡང་ཐུགས་ཀ་ནས་མཐིང་ག་བྱུང་། སློབ་མའི་སྙིང་གར་ཐིམ། ཡིད་ཀྱི་སྡིག་པ་དག་པར་བསམ། དེ་ནས་བླ་མ་བརྒྱུད་པ་དང་། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་སློབ་མ་ལ་ཐིམ་པས། ཐུགས་རྗེ་ཆེན་པོར་གྱུར་པར་བསྒོམ། གསུམ་པ་ནི་པུ་ཙ་ལ་ལོངས་སྤྱོད།

[Full Size]

གཏོར་མ་བཏང་། དགེ་བ་བསྔོ་བའོ། །རྗེས་སུ་ཡི་རང་བའི་ཕྱིའི་དབང་བཀའ་སངས་རྒྱས་སྟོན་པའི་གསུང་བཞིན། ཨ་ཡེ་སེང་གེས་བཀོད་པའོ། །ན་མོ་གུ་རུ། ཉེས་པའི་དགྲ་བཅོམ་ཡོན་ཏན་ཀུན་གྱི་གཞིར་གྱུར་པ། །སྟོན་པ་གླང་པོ་དེ་ལ་མགོ་བོས་ཕྱག་འཚལ་ལོ། །དམིགས་པ་ཉོན་མོངས་ཀུན་སེལ་བདུད་རྩིའི་སྨན་མཆོག་འདི། །བླ་མའི་གསུང་བཞིན་ཡི་གེར་བཀོད་པར་བྱ། །དེ་ལ་དམིགས་པ་དང་པོ་བླ་མ་ལ་བྱིན་རླབས་ཞུ་བ་ནི། བདག་དང་། གཞན་དང་། ཉན་ཐོས་དང་། རང་སངས་རྒྱས་དང་། བྱང་ཆུབ་སེམས་དཔའ་དང་། སངས་རྒྱས་ཀྱི་དགེ་བའི་རྩ་བ་ལ་རྗེས་སུ་ཡི་རང་པར་བསྒོམས་པས། དེའི་བསོད་ནམས་དཔག་ཏུ་མེད་ཅིང་། བསམ་གྱིས་མི་ཁྱབ་པ་ནམ་མཁའི་མཐས་ཁྱབ་པའི་པུ་ཙར་གྱུར་ནས། སངས་རྒྱས་བྱང་ཆུབ་སེམས་དཔའ་རྣམས་

[Full Size]

ལ་ཕུལ་ནས། སྐྱབས་འགྲོ་བྱེད་ཅིང་གསོལ་བ་གདབ་བོ། །གྲོགས་དམ་པ་སྡོམ་པ་དང་། དམ་ཚིག་དང་ལྡན་པ་ཡོད་ན། སྤོས་དང་རོལ་མོའི་སྒྲ་ཐོགས་ལ་གྲོགས་ཞུ། ལན་ཉི་ཤུ་རྩ་གཅིག་བར་དུ་བྱའོ། །སྔགས་ཀྱི་སྒོར་ཞུགས་པའི་དམ་ཚིག་གསོ་བའི་དམིགས་པ་ནི། དགེ་བའི་རྩ་བ་ལ་གོ་རིམ་བཞིན་དུ་རྗེས་སུ་ཡི་རང་པ་བསྒོམས་ལ། དེ་རྣམས་ཡི་དམ་གྱི་ལྷ་ལ་ཕུལ་ལ། ཡི་དམ་གྱི་ལྷ་དེའི་ཐུགས་ཀར་བླ་མ། བླ་མའི་ཐུགས་ཀར་འཁོར་ལོ་དཀར་པོ་རྩིབས་བཅུ་པའི་ལྟེ་བ་ལ་ཡི་དམ་གྱི་སྙིང་པོ། རྩིབས་བཅུ་པོ་རེ་རེའི་ནང་དུ། ཨོཾ་ཨཱཿཧཱུྃ་གསུམ། མུ་ཁྱུད་ལ་ཨཱ་ལི་ཀཱ་ལི་གཉིས་རིམ་དུ་ཡོད་པའི་ཨཱ་ལི་དཀར་པོ། ཀཱ་ལི་དམར་པོ་བསམ། དེ་ནས་ཡི་དམ་ལྷའི་གཏོར་མ་བཤམས་ལ། ཡི་དམ་ལ་ཕུལ་གསོལ་བ་གདབ་པ་ནི། བླ་མ་རྡོ་རྗེ་འཛིན་པ་དང་། །ཡི་དམ་དཀྱིལ་འཁོར་ལྷ་ཚོགས་དང་། །

[Full Size]

གནས་གསུམ་ཌཱ་ཀིའི་ཚོགས་རྣམས་དང་། །དཔའ་བོ་དཔའ་མོ་རྣལ་འབྱོར་ཚོགས། །ཆོས་སྐྱོང་དམ་ཅན་དགོངས་སུ་གསོལ། །བདག་ནི་མི་ཤེས་དབང་གྱུར་པས། །སྡོམ་པ་དམ་ཚིག་ཉམས་པ་དང་། །མ་དག་པ་ལ་ཆོས་བཤད་དང་། །འགལ་འཁྲུལ་ནོར་པ་མཆིས་པ་རྣམས། །ཁྱེད་ལ་བཟོད་པར་གསོལ་ལགས་ཀྱིས། །ཉེས་པའི་སྐྱོན་རྣམས་དག་གྱུར་ནས། །སྐུ་གསུང་ཐུགས་ཀྱི་དངོས་གྲུབ་སྩོལ། །ཡོན་ཏན་རྒྱ་མཚོས་གང་བར་ཤོག །ཞེས་གསོལ་བ་ལན་གསུམ་བཏབ་པ་དང་། །བླ་མའི་ཐུགས་ཀའི་འཁོར་ལོ་དཀར་པོ་ལས་འོད་ཟེར་དཔག་ཏུ་མེད་པ་ནམ་མཁའ་ལ་འཕྲོས་ནས། སངས་རྒྱས་དང་བྱང་ཆུབ་སེམས་དཔའ་དཀྱིལ་འཁོར་གྱི་ལྷ་ཚོགས་དང་། དཔའ་བོ་དང་དཔའ་མོ་རྣལ་འབྱོར་མའི་ཚོགས་དང་། །ཌཱ་ཀི་ཆོས་སྐྱོང་ཡེ་ཤེས་ཀྱི་སྤྱན་ལྡན་

[Full Size]

རྣམས་ལ་མཆོད་པ་ཕུལ་བས། དེ་དག་གི་བཟང་ལེན་གྱི་ཚུལ་དུ། ནམ་མཁའ་ལ་ཡི་དམ་གྱི་སྙིང་པོ་དང་། སྐུ་གསུང་ཐུགས་དང་། ཨཱ་ལི་ཀཱ་ལི་རྣམས་འོད་ཀྱི་རྣམ་པའི་ཚུལ་དུ་བྱུང་བས། འོད་ལས་ཡི་དམ་ལྷའི་སྙིང་པོ་དང་། །ཨོཾ་ཨཱཿཧཱུྃ་གི་སྒྲ་དང་། ཨཱ་ལི་ཀཱ་ལིའི་སྒྲ་རྣམས་ནམ་མཁའ་ཁྱབ་ཅིང་། །ས་གཡོ་བའི་ཚུལ་དུ་སི་ལི་ལི་བྱོན་ནས། བདག་གི་སྤྱི་གཙུག་ན་མར་ཡི་དམ་ལྷའི་སྙིང་པོ་ཐིམ་པ་དང་། །ཡི་དམ་ལྷར་སིང་ངེ་བསྒོམ། སྐུ་གསུང་ཐུགས་ཀྱི་ཡེ་ཤེས་པ་ཐིམ་པ་དང་། །སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་སྐུ་གསུང་ཐུགས་ཡོན་ཏན་ཐམས་ཅད་བདག་ལ་ཐིམ་པར་བསམ། ཨཱ་ལི་ཀཱ་ལི་རྣམས་བདག་ལ་ཐིམ་པ་དང་། སྡོམ་པ་དང་དམ་ཚིག་དང་འགལ་བའི་ཉེས་སྐྱོན་སངས་ཀྱིས་དག་པར་བསམ་ལ། ཨཱ་ལི་ཀཱ་ལི་ཉི་ཤུ་རྩ་གཅིག་བརྗོད་པའམ། གསང་

[Full Size]

སྔགས་ཀྱི་སྙིང་པོ་བརྒྱ་རྩ་བརྒྱད་ལ་སོགས་པ་གང་རུང་བྱའོ། །དེ་ནས་རང་ལྷ་དེ་འོད་དུ་ཞུ། བླ་མ་ལ་ཐིམ་པས། བླ་མ་དེ་ཡི་དམ་ལྷར་གསལ་སིང་སོང་པས། བླ་མ་ལ་བརྟེན་པའི་སྡིག་སྒྲིབ་ཐམས་ཅད་སངས་དག་པར་བསྒོམ། འཁོར་ལོ་དཀར་པོ་ཡིག་འབྲུ་དང་བཅས་པ་བླ་མ་ལ་ཐིམ་པས། ཆོས་ལ་བརྟེན་པའི་སྡིག་སྒྲིབ་ཐམས་ཅད་སངས་དག་པར་བསྒོམ། དེ་ནས་བླ་མ་སྤྱན་དྲངས་ལ། བདག་གི་སྤྱི་བོར་བྱོན་པ་ལ་གསོལ་བ་གདབ་པ་ནི། བླ་མ་རྡོ་རྗེ་འཛིན་པ་ཡི། །ཉེས་པའི་ཚོགས་རྣམས་བསལ་ནས་ནི། །སྐུ་གསུང་ཐུགས་ཀྱི་དངོས་གྲུབ་སྩོལ། །བདག་གི་དུས་འདི་ནས་བཟུང་ནས། །སྙིང་པོ་བྱང་ཆུབ་མ་ཐོབ་པར། །ཁྱེད་ལ་རྟག་ཏུ་གསོལ་བ་འདེབས། །ཁྱེད་ཀྱིས་རྗེས་སུ་བཟུང་དུ་གསོལ། །ཅེས་བརྗོད་ལ། ཡི་གེ་བརྒྱ་པ་སྔ་མ་བཞིན་ནམ། ཉི་ཤུ་རྩ་གཅིག་གང་རུང་

[Full Size]

འདོན། །དགེ་བ་རྫོགས་པའི་བྱང་ཆུབ་ཏུ་བསྔོ། །ཟབ་མོའི་དོན་ཡིན་ནོ། །ཏིང་ངེ་འཛིན་ཚོལ་ཞིང་བགེགས་གསལ་བའི་དམིགས་པ་ནི། རང་གི་མདུན་དུ་ཡི་དམ་ལྷའི་སྐུ་ལ། བདེ་བར་གཤེགས་པའི་རིང་བསྲེལ་གཞུག་པའི་མཆོད་རྟེན་བཞུགས་པ་ལ། མཆོད་པ་ལྔ་ཚང་བར་བཤམ། འབྱུང་པོའི་གཏོར་མ་ལ་ཁ་འབར་མའི་སྔགས་ཀྱིས་བྱིན་གྱིས་བརླབས་ལ། བདེན་པ་བདར། ལན་ཆགས་ཀྱི་གཏོར་མ་ཡང་ཁ་འབར་མའི་སྔགས་ཀྱིས་བྱིན་གྱིས་བརླབས་ལ་བཏང་ངོ་། །གཏོར་མ་བཏང་པའོ། །དེ་ནས་མཆོད་པ་ཡི་དམ་གྱི་ལྷ་ལ་ཕུལ་ལ། ཡན་ལག་བདུན་པ་རྫོགས་པར་བྱས་ལ། དེའི་གཤམ་དུ་རྗེས་སུ་ཡི་རང་བཟང་པ་གཅིག་བསྒོམས་ལ། དེ་དག་གི་དགེ་བའི་མཐུ་དཔག་ཏུ་མེད་པར་བསམ་ལ། ཡི་དམ་ལྷ་ལ་ཕུལ་བས་ཡི་དམ་ལྷའི་ཐུགས་ཀ་ནས་ཡི་དམ་ལྷའི་སྙིང་པོ་དཔག་ཏུ་མེད་པ་

[Full Size]

བྱོན་ནས། བདག་ལ་ཐིམ་པར་བསམ་ཞིང་། ཡི་དམ་ལྷའི་སྙིང་པོ་སུམ་བརྒྱ་ལ་སོགས་པ་བཟླས་པས། ལས་ངན་གྱི་སྒྲིབ་པ་སངས་དག་པར་བསམ། ཐོན་པ་དང་རྗེས་སུ་ཡི་རང་བཟང་པོ་གཅིག་བསྒོམ། དེའི་བསོད་ནམས་ཡི་དམ་ལྷ་ལ་ཕུལ་ནས། ཡི་དམ་གྱི་ལྷ་ཁྱེད་ཀྱིས་བདག་ལ་ཏིང་ངེ་འཛིན་ཁྱད་པར་ཅན་རྒྱུད་ལ་སྐྱེ་བ་དང་། །དེ་ཡི་མི་མཐུན་ཕྱོགས་ཞི་བར་མཛད་དུ་གསོལ། །ཞེས་གསོལ་བ་དང་། མཆོད་པ་དང་། གཏོར་མ་དང་། ཡི་དམ་ལྷའི་སྙིང་པོ་གོང་བཞིན་བྱས་ལ། གསོལ་བ་ཞག་གསུམ་དུ་ཡང་དང་ཡང་དུ་གདབ་བོ། །ཡི་དམ་ལྷ་ལ་བརྟེན་པའི་དམིགས་པའོ། །ཡང་བླ་མ་དངོས་བཞུགས་ན། དངོས་སུ་མཆོད་པ་དབུལ། མི་བཞུགས་ན་སྐུ་གདུང་རིང་བསྲེལ་ལ་མཆོད་པ་དབུལ། དྲི་བཟང་པོའི་ཆུས་སྐུ་ཁྲུས་གསོལ་ཞིང་གསོལ་བ་དྲག་ཏུ་གདབ་བོ། །དེས་

[Full Size]

བླ་མ་ལ་བརྟེན་པའི་སྡིག་པ་ཀུན་བྱང་། སྤྱིར་བླ་མ་དང་ཡི་དམ་གཉིས་ཐ་དད་མེད་པར་བསྒོམ་པ་མན་ངག་ཡིན། རང་གི་ལུས་ཐ་མལ་པ་སྤངས་ནས། ཐ་མལ་པ་མི་བསྒོམ་པ་དང་། སེམས་ཅན་ལ་སྙིང་རྗེ་བསྒོམ་པ་དང་། དགེ་བའི་རྩ་བ་ཆུང་ངུ་ཙམ་ལ་ཡང་། རྗེས་སུ་ཡི་རང་བ་བསྒོམ་པ་དང་། གཞན་གྱི་དགེ་བའི་རྩ་བ་ལ་ཕྲག་དོག་མི་བྱ་བར་གྲོགས་བྱེད་པ་ནི་མན་ངག་ཡིན་ནོ། །ལུས་པོའི་ཆ་ཐམས་ཅད་ན་ཞིང་ཁམས་མི་སྙོམས་པར་བྱེད་ན། ཏིང་ངེ་འཛིན་མི་སྐྱེ་བ་ཡིན་པས། བདག་གི་དུས་འདི་ནས་བཟུང་ནས། །སངས་རྒྱས་མ་ཐོབ་ཀྱི་བར་དུ། རྒྱུན་མི་འཆད་པར་དགེ་བའི་རྩ་བ་བྱ། དེ་ལ་རྗེས་སུ་ཡི་རང་བ་བསྒོམ། དེ་ནས་རང་གི་སྤྱི་བོའི་སྟེང་དུ་བླ་མ་བསྒོམས་ལ། བླ་མའི་སྤྱི་བོར་ཨོཾ་དཀར་པོ་བསམས་ལ། བླ་མའི་དགེ་བའི་རྩ་བ་ལ་རྗེས་སུ་ཡི་རང་པ་སིང་པ་

[Full Size]

ཅིག་བསྒོམ་མོ། །དེ་ནས་གསོལ་བ་དྲག་པོ་བཏབ་པ་དང་། ཨོཾ་ལས་འོད་ཟེར་དཀར་པོ་ཅིག་འཕྲོས་ཏེ། ཆོས་ཀྱི་དབྱིངས་ནས་བཅོམ་ལྡན་འདས་རྣམ་པར་སྣང་མཛད། ཕྱག་གཡས་ཀྱི་མཐིལ་ན་འཁོར་ལོ་དཀར་པོ་ཐོགས་པ་མེད་པ་འཁོར་བ། འཁོར་ལོའི་ལྟེ་བ་ལ་ཨོཾ་དཀར་པོ་འོད་ཟེར་ལྔ་འཕྲོ་བ་གཅིག་སྤྱན་དྲངས་ལ་བླ་མའི་སྤྱི་བོའི་ཨོཾ་ལ་ཐིམ། དེ་ནས་བླ་མ་དེ་འོད་དུ་ཞུ་ལྡེམ་གྱིས་སོང་པ་དང་། དེའི་བྱིན་རླབས་ཀྱིས་འོད་ཤེལ་གོང་ལྟ་བུར་སིངས་ཀྱི་བསྒོམ། དེ་ནས་འཁོར་ལོ་དཀར་པོ་བདག་གི་སྤྱི་བོའི་གཙུག་ན་མར་ཞུགས་ནས་སོང་པ་དང་། སའི་སྙིགས་མ་ཐུར་ལ་ཕུད་ནས། ཨོཾ་གྱིས་ཡེ་ཤེས་ལྔ་ལས་གྲུབ་པའི་ཡི་དམ་གྱི་ལྷར་སྐྲོངས་ཀྱིས་བསྐྱེད་ལ། ཡི་དམ་གྱི་སྙིང་པོ་བརྒྱ་རྩ་བརྒྱད་བགྲང་། འདིས་ནི་ཁམས་ཀྱི་དྭངས་སྙིགས་འབྱེད། བྱིང་

[Full Size]

པ་གསེང་པའི་གདམས་ངག་ཐུན་མོང་མ་ཡིན་པའོ། །རང་ལ་འདོད་ཆགས་ལྟ་བུ་གཅིག་སྐྱེས་ནས། ཏིང་ངེ་འཛིན་སྐྱེ་རུ་བསམ་དུ་མ་བཏུབ་ན། བླ་མའི་མགྲིན་པར་ཨཱ་དམར་པོ་ལས་འོད་ཟེར་འཕྲོས། ཆོས་ཀྱི་དབྱིངས་ནས་བཅོམ་ལྡན་འདས་སྣང་བ་མཐའ་ཡས་ཕྱག་གཡས་ཀྱི་མཐིལ་ན་པད་མ་འདབ་མ་ལྔ་པ་ལྟེ་བ་ལ་ཨ་དམར་པོ་ཡོད་པ་གཅིག་སྤྱན་དྲངས་ལ། བླ་མ་ལ་ཐིམ་པ་དང་། བླ་མ་དང་གཉིས་སུ་མེད་པར་གྱུར་པས། དེའི་བྱིན་རླབས་ཀྱིས་རང་གི་ལུས་ཐམས་ཅད་འོད་ཀྱི་གོང་བུ་དམར་པོ་ལྟ་བུ་སིང་གི་བསྒོམ། པད་མ་དམར་པོས་འདོད་ཆགས་ཐམས་ཅད་བཤང་ལམ་ནས་སངས་ཀྱི་བུས་པར་བསམ་ལ། ཨས་སྐྱེ་བ་མེད་པར་བསྒོམ། ཡི་དམ་གྱི་སྙིང་པོ་བརྒྱ་རྩ་བརྒྱད་བགྲང་། ཞེ་སྡང་སྐྱེས་ན་ཡང་། བླ་མ་དེའི་ཐུགས་ཀར་ཧཱུྃ་སྔོན་པོ་གཅིག་བསམ། ཧཱུྃ་དེ་ལས་འོད་འཕྲོས་

[Full Size]

ཏེ། ཆོས་ཀྱི་དབྱིངས་ནས་བཅོམ་ལྡན་འདས་མི་བསྐྱོད་པ་ཕྱག་གཡས་ཀྱི་མཐིལ་ན། རྡོ་རྗེ་རྩེ་ལྔ་པ་ཧཱུྃ་གིས་མཚན་པ་ཅིག་ཏུ་སྤྱན་དྲངས་ལ། བླ་མའི་ཐུགས་ཁར་ཐིམ་པ་དང་། དེའི་བྱིན་རླབས་ཀྱིས་ལུས་སྔོ་མེར་སོང་པར་བསམ། དེ་ནས་རྡོ་རྗེ་སྔོན་པོ་མར་ཐིམ་པས། ཞེ་སྡང་ཐམས་ཅད་སངས་ཀྱིས་དག་པར་བསམ། ཧཱུྃ་གིས་སྐྱེ་བ་མེད་པར་བསྒོམ། ང་རྒྱལ་སྐྱེས་ན་ཡང་། བླ་མའི་ནུ་མ་གཡས་པའི་སྟེང་དུ་ཏྲྃ་སེར་པོ་ལས་འོད་འཕྲོས་པས། ཆོས་ཀྱི་དབྱིངས་ནས། བཅོམ་ལྡན་འདས་རིན་ཆེན་འབྱུང་ལྡན་ཕྱག་གཡས་ཀྱི་མཐིལ་ན་རིན་པོ་ཆེ་ཟུར་བརྒྱད་པ་ཏྲྃ་གིས་མཚན་པ་ཅིག་སྤྱན་དྲངས་ལ། བླ་མའི་ནུ་མ་གཡས་པའི་ཏྲྃ་ལ་ཕོག །དེའི་བྱིན་རླབས་ཀྱིས་ལུས་སེར་སིང་སོང་པར་བསམ། རིན་པོ་ཆེ་སྤྱི་གཙུག་ནས་ཐིམ་པས་ང་རྒྱལ་ཐམས་

[Full Size]

ཅད་སངས་ཀྱིས་དག་པར་བསམ། ཡང་ཏྲྃ་གི་ཡོན་ཏན་རང་གི་རྒྱུད་ལ་སྐྲོངས་ཀྱིས་སྐྱེས་པར་བསམ། ཡང་ཕྲག་དོག་ལྟ་བུ་སྐྱེས་ན། བླ་མའི་ནུ་མ་གཡོན་པའི་སྟེང་དུ། ཨ་ལྗང་གུ་ལས་འོད་འཕྲོས་པས། ཆོས་ཀྱི་དབྱིངས་ནས་བཅོམ་ལྡན་འདས་དོན་ཡོད་གྲུབ་པ་ཕྱག་གཡས་ཀྱི་མཐིལ་ན་རལ་གྲི་ཨས་མཚན་པ་ཅིག་སྤྱན་དྲངས་ལ། བླ་མའི་ནུ་མ་གཡོན་པའི་ཨ་ལ་ཐིམ། རང་ལུས་ཐམས་ཅད་ལྗང་གུར་སིང་གི་སོང་པར་བསམ། ཕྲག་དོག་ཐམས་ཅད་སངས་ཀྱི་དག་པར་བསམ། ཨ་ལས་ཕྲིན་ལས་མ་ལུས་པར་སྐྲོངས་ཀྱིས་བསྐྱེད་པར་བསམ། ཡེ་ཤེས་ལྔ་ལས་གྲུབ་པའི་ཡི་དམ་གྱི་ལྷར་བསྒོམ། འཇའ་ཚོན་ལྟ་བུ་རྣམས་འོད་ཟེར་གཅིག་ཏུ་འདྲེས་ཀྱང་། ཁ་དོག་སོ་སོར་གསལ། རླུང་དྭངས་སྙིགས་འབྱེད་པའི་གདམས་ངག་ཐུན་མོང་མ་ཡིན་པའོ། །དེ་ཚོ་རེ་རེ་ལ་ཡང་།

[Full Size]

བླ་མའི་དགེ་བ་ལ་རྗེས་སུ་ཡི་རང་བསྒོམ་ཞིང་གསོལ་བ་འདེབས་པ་ཡིན་ནོ། །སྤྱིར་བསྡུས་ཏེ་བསྒོམ་པ་ནི། སྤྱི་བོའི་སྟེང་དུ་བླ་མ་ཡིག་འབྲུ་རྣམས་གསལ་བཏབ་ལ། བླ་མ་འདི་ལ་སྐུ་གསུང་ཐུགས་ཡོན་ཏན་ཕྲིན་ལས་བསམ་གྱིས་མི་ཁྱབ་པ་མངའ་བ་ཡིན་སྙམ་དུ་བསམ་ཞིང་གསོལ་བ་བཏབ་པས། བླ་མ་དེ་སྤྱི་བོ་ནས་མར་བྱོན་ནས་རང་གི་སྙིང་གི་སྟེང་དུ་བྱོན་པ་འོད་ཟེར་གྱི་རྣམ་པ་ལྟ་བུ་ལ་དམིགས་ནས་ཡི་དམ་གྱི་སྙིང་པོ་ཅི་རིགས་བགྲང་། གསོལ་བ་དྲག་ཏུ་བཏབ། དགེ་བ་བྱང་ཆུབ་ཏུ་བསྔོ། །དེ་ནས་གདོན་རབ་ཏུ་ཞི་བར་བྱེད་པའི་དམིགས་པ་ནི། གདོན་ཞི་བར་འདོད་ན། མདུན་དུ་གཏོར་མ་ཅིག་བཤམས་ལ། རྗེས་སུ་ཡི་རང་བ་རིམ་བཞིན་བསྒོམས་ཏེ། སངས་རྒྱས་དང་བྱང་ཆུབ་སེམས་དཔའ་རྣམས་ལ་ཕུལ་བས། སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས།

[Full Size]

བཟང་ལན་གྱི་ཚུལ་དུ་ཡེ་ཤེས་ཀྱི་བདུད་རྩི་བྱུང་བས། བདག་གི་སྤྱི་གཙུག་ན་མར་ཞུགས་ནས། ལས་ངན་གྱི་སྒྲིབ་པ་སངས་ཀྱི་དག་པར་བསྒོམ་ཞིང་། སྐྱབས་སུ་འགྲོ་བར་བྱའོ། །གཏོར་མ་བླ་མ་དཀོན་མཆོག་ལ་ཕུལ་ལ། དེའི་སྐོར་དང་མ་གུས་པ་དང་། ལོག་པ་སྤྱད་པ་དང་། ཉེས་པའི་སྐྱོན་གྱིས་གོས་པ་རྣམས། བླ་མ་དཀོན་མཆོག་བཟོད་པར་མཛོད། །བདག་ནི་འཁྲུལ་པའི་དབང་གྱུར་ཏེ། །མི་ཤེས་དབང་གིས་སྡིག་པ་བགྱིས། །བཟོད་པ་དམ་པ་མཛད་དུ་གསོལ། །ཞེས་བརྗོད་ལ་རང་གི་སྨིན་ཕྲག་ཏུ་ཡི་གེ་ཨ་དཀར་པོ་ལས་འོད་ཟེར་སྣ་ཚོགས་གཅིག་འཕྲོ་བ་ཅིག་བསམ་ལ། ངག་དུ་ཨ་ཞེས་བརྗོད་པས། འོད་ཟེར་ཡར་འཕྲོས་པས་སངས་རྒྱས་དང་བྱང་ཆུབ་སེམས་དཔའ་རྣམས་ལ་མཆོད། མར་འགྲོ་དྲུག་གི་སྡིག་སྒྲིབ་སྦྱངས། རང་ལ་ཕོག་པས་རང་གི་ཚེ་ཐོག་མ་མེད་པ་ནས་ཐ་

[Full Size]

མ་ད་ལྟ་ལ་ཐུག་པ་ཡར་བཅད་བྱས་པའི་སྡིག་པ་རྣམས་སངས་དག་པར་བསྒོམ་ཞིང་། ངག་ཏུ་ཨ་མང་དུ་བརྗོད། འདི་ནི་སྡིག་པ་སྦྱོང་པའི་མཆོག་ཡིན་ནོ། །གདོན་བྱིན་རླབས་ཀྱི་སྟོབས་ཀྱིས་ཞི་བར་བྱེད་པའོ། །བསོད་ནམས་ཀྱིས་ཞི་བར་འདོད་ན། དགེ་འདུན་བསྙེན་བསྐུར་བྱ། དཀོན་མཆོག་ལ་མཆོད་པ་དབུལ། གཏོར་མ་གཅིག་བཤམས་ལ་མདུན་དུ་བཞག་ལ། རྗེས་སུ་ཡི་རང་རིམ་བཞིན་བསྒོམ། དེའི་བསོད་ནམས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་དབུལ། གསོལ་བ་འདེབས་པའི་ཚིག་ནི། དུས་གསུམ་བདེ་གཤེགས་སྲས་བཅས་ལ། །མཆོད་ཅིང་རྗེས་སུ་ཡི་རང་པའི། །བསོད་ནམས་དྲི་མ་མེད་པ་དེས། །སྡིག་པ་བར་ཆད་ཞི་འགྱུར་ཞིང་། །བླ་མེད་བྱང་ཆུབ་མྱུར་ཐོབ་ཤོག །ཞེས་བརྗོད་ལ་གཏོར་མ་ཁ་འབར་མས་བྱིན་

[Full Size]

གྱིས་བརླབས་ལ། འབྱུང་པོའི་ཚོགས་རྣམས་ཐམས་ཅད་དང་། །ཌ་ཀི་སྲིན་པོ་བྱད་མ་དང་། །ཤ་ཟ་རོ་ལངས་གནོད་སྦྱིན་དང་། །གཟའ་དང་རྒྱུ་སྐར་ཀླུ་རྣམས་ནི། །བྱམས་པའི་སེམས་དང་ལྡན་གྱུར་ཅིག །སྡུག་བསྔལ་ཉེ་བར་ཞི་བར་ཤོག །ཞེས་བརྗོད་ལ། བྱམས་པའི་སེམས་དང་ལྡན་པས། རང་ཇོ་བོ་ཁ་སར་པ་ིར་བསྒོམས་ཏེ། ཕྱག་གཡས་པའི་མཐིལ་དུ་རིལ་བུ་སྤྱི་བླུགས་ཅིག་བསམ། དེ་ལ་དམིགས་ནས་མ་ཎི་བགྲངས་པས། བདུད་རྩི་ཆུ་བོའི་རྒྱུན་ཙམ་བྱུང་ནས་སེམས་ཅན་དམྱལ་བའི་སྡུག་བསྔལ་ཞི། ཡི་དྭགས་ཀྱི་སྡུག་བསྔལ་ཞི། དུད་འགྲོའི་སྡུག་བསྔལ་ཞི་བར་བསམ་ལ། ཡང་མ་ཎི་བགྲངས་པས། དེ་དག་གིས་ལས་དང་ཉོན་མོངས་པ་ཟད་ནས། མངོན་པར་རྫོགས་པར་སངས་རྒྱས་པར་བསམ་མོ། །ཡང་ཡི་གེ་དྲུག་པ་བརྗོད་པས་མི་དང་ལྷ་དང་ལྷ་མ་ཡིན་

[Full Size]

ཏེ། དེ་དག་གིས་ལས་ཉོན་མོངས་པ་དག་ནས། མངོན་པར་རྫོགས་པར་སངས་རྒྱས་པར་བསམ་མོ། །ཁྱད་པར་དུ་བགེགས་རིགས་སྟོང་ཕྲག་ལ་དམིགས་ནས། མ་ཎི་བརྗོད་པས། དེ་དག་གིས་ལས་དང་ཉོན་མོངས་པ་དག་ནས་མངོན་པར་རྫོགས་པར་སངས་རྒྱས་པར་བསམ། དགེ་བ་བསྔོ། ཡི་གེ་བརྒྱ་པ་བརྗོད། ནད་ཞི་བར་འདོད་ན། དགེ་འདུན་ལ་ཡོན་ཕུལ་ལ། དགེ་བའི་རྩ་བ་རྣམས་ལ་རྗེས་སུ་ཡི་རང་ཕུལ། བླ་མའི་སྐུ་ལ་རྒྱལ་བ་རིགས་ལྔའི་ས་བོན་སྔར་བཞིན་བསམ་ལ། གང་ན་སར་བསྒོམ་ལ་གསོལ་བ་དྲག་ཏུ་གདབ་བོ། །འདི་ནི་ནད་ཞི་བར་བྱེད་པའི་དམིགས་པའོ། །འགལ་འཁྲུལ་ནོངས་པ་མཆིས་ན་ཡང་། བླ་མ་རྣམས་ལ་བཟོད་པར་གསོལ། །དམིགས་པ་རིན་ཆེན་སྒྲོམ་བུ་ཞེས་བྱ་བ་རྫོགས་སོ། །བླ་མ་དམ་པ་རྣམས་ལ་ལ་ཕྱག་འཚལ་ལོ། །

[Full Size]

བདག་ཉིད་ཀྱི་དུས་གསུམ་དུ་བསགས་ཤིང་བྱས་པའི་དགེ་བའི་རྩ་བ་འདི་དག་ཐམས་ཅད་ཨ་རེ་ལེགས། ཨ་རེ་ཡིན་སྙམ་དུ་རང་གི་དགེ་བ་ལ་དགའ་བ་ཁྱད་པར་དང་། རྗེས་སུ་ཡི་རངས་དལ་འབྱོར་མི་ལུས་ཐོབ་ནས་ཐེག་པ་ཆེན་པོའི་ཆོས་ཉམས་སུ་བླངས་པས་ཚེ་གཅིག་ཏུ་སངས་རྒྱས་ཐོབ་པར་བྱེད་དུ་ཡོད་པ། དྭངས་སིང་སིང་པ་བསྒོམ། དེ་བཞིན་དུ་རང་དང་མཉམ་པ། རང་ལས་ལྷག་པ། ཉན་ཐོས་དང་། རང་སངས་རྒྱས་དང་། བྱང་ཆུབ་སེམས་དཔའ་རྣམས་དང་། ལམ་གྱི་རིམ་འདི་དགེ་བའི་རྩ་བ་དང་། པ་ལ་གནས་ཡི་དགེ་བའི་རྩ་བ་དང་། ནས་དགེ་བའི་རྩ་བ་བྱས་པ་དང་། སངས་བརྩོན་འགྲུས་དཔག་ཏུ་མེད་པ་བྱང་ཆུབ་ཀྱི་སེམས་སྦྱོང་པ། རྒྱས་རྣམས་ཀྱི་ཟག་པ་མེད་པའི་དགེ་བའི་འགྲོ་བ་རྣམས་ལ་ཕན་བདེ་སྒྲུབ་པའི་ཕྱིར། རྩ་བའི་བསོད་ནམས་དང་ཡེ་ཤེས་ཀྱི་ཚོགས་དཔག་ཏུ་མེད་པ་བསགས་ནས་སྤང་རྟོགས་ཕུན་སུམ་

[Full Size]

ཚོགས་པ་དང་ལྡན་པ་འདི་རྣམས་ཨ་རེ་ལེགས། ཨ་རེ་ཡིན་སྙམ་དུ། རྗེས་སུ་ཡི་རང་པ་དྭངས་སིང་སིང་པ་བསྒོམ་པར་བྱའོ། །དེའི་རྗེས་ལ་རང་གི་གསང་གནས་སུ། ཨཱ་ལི་ཀཱ་ལི་གཡས་བསྐོར་དུ་དེ་ཡང་མས་ཡར་རིམ་པས་ཡིད་དྭངས་སིང་པ། འཁོར་བར་བསམ་ཞིང་། ངག་ཏུ་ཡང་བརྗོད་པས། རྡོ་རྗེ་བུམ་པའི་ནང་དུ། ཨཱ་ལི་ཀཱ་ལི་ལས་ཡེ་ཤེས་ཀྱི་མེ་འབར་ནས་ལུས་ཀྱི་ཆ་ཐམས་ཅད་དང་། ཕྱིའི་གདོན་བགེགས་དང་། ནང་གི་འདུ་བ་རྣམ་བཞིའི་ནད་དང་། ཉོན་མོངས་དུག་ལྔ་ཐམས་ཅད་ཆོམས་ཀྱིས་བསྲེགས་པར་བསམ། དེ་ནས་གསང་གནས་ཀྱི་ཨཱ་ལི་ཀཱ་ལི་འདུས་ཏེ། འོད་དུ་ལྟེམ་གྱིས་སོང་བ་དང་། རྗེ་བཙུན་མ་དཀར་མོ་གཅིག་ཏུ་གྱུར་ཏེ། ཡེ་ཤེས་ཀྱི་མེ་རིས་སྣང་ལ་རང་བཞིན་མེད་པར་སྦྱངས་པའམ། སྙིང་གར་བྱོན་པ་དང་། བླ་མས་བདག་ལ་རང་བྱུང་གི་ཡེ་ཤེས་ངོ་སྤྲད་པ་

[Full Size]

ཡིན་ཨང་སྙམ་དུ་བསྒོམ་མོ། །དེ་ནས་སྤྱི་བོ་དང་། གསང་གནས་གཉིས་ནས། ཐིག་ལེ་དཀར་དམར་བྱུང་སྟེ། སྙིང་གར་འདྲེས་པ་དང་། བདེ་བ་ཁྱད་པར་ཅན་ཅིག་ལུས་ལ་སྐྱེས་པར་བསམ། དེའི་ངང་ལ་སྙིང་གའམ་ཐིག་ལེ་དེ་ཧཱུྃ་དུ་གྱུར། ཧཱུྃ་ཡོངས་སུ་གྱུར་པ་ལས་རྡོ་རྗེ་རྩེ་ལྔ་པ་ཅིག་ཏུ་གྱུར་པར་བསམ། དེའི་ཡར་རྩེ་ལྔ་ལས་འོད་ཟེར་ཁ་དོག་ལྔ་མར་ལ་འཕྲོས་ནས་སོང་པས། དེས་ནད་གདོན་སྡིག་སྒྲིབ་ཐམས་ཅད་སངས་དག་པར་བསྒོམ། ཡང་མར་རྩེ་ལྔ་ལས་འོད་ཟེར་ཁ་སྤྱི་བོ་ནས། དོག་ལྔ་ལུས་ནང་ཐམས་ཅད་ཁེངས། ཡར་འཕྲོས་པས། ཡེ་ཤེས་ལྔ་རྒྱུད་ལ་སྐྱེས་པར་བསྒོམ། ཡེ་ཤེས་ལྔ། ཡང་སྐུ་རྡོ་རྗེར་མོས་པར་བྱའོ། །དེའི་རྗེས་ལ་སྐྱེ་མེད་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕོག །དེ་དག་གིས་བསྡུས་ནས་བྱུང་སྟེ་རང་གི་ཕྱག་རྒྱ་ཆེན་པོའི་ངང་ལ་གནས་པར་བྱའོ། །དེ་ལས་རྟོག་

[Full Size]

པ་འཕྲོ་ན་གོང་བཞིན་དུ་རྗེས་སུ་ཡི་རང་རིམས་ཀྱིས་བསྒོམ་ནས། དེ་ལས་བྱུང་བའི་དགེ་བ་དེ་དག་ཐམས་ཅད་དུས་གསུམ་གྱི་སངས་རྒྱས་སྲས་རང་དང་རང་ལས་ལྷག་པ་ནས་བཟུང་སྟེ། དང་བཅས་པ་ཐམས་ཅད་ལ་ཟག་པ་མེད་པའི་ཡེ་ཤེས་ཀྱི་མཆོད་པ་དཔག་ཏུ་མེད་པ་ཕུལ་བས་ཐུགས་ཚིམ་ཞིང་མཉེས་པར་བསམ། དེའི་བཟང་ལན་དུ་སངས་ཐུགས་གཉིས་སུ་མེད་པའི། རྒྱས་དང་བྱང་ཆུབ་སེམས་དཔའ་དེ་རྣམས་ཀྱིས་སྐུ་གསུང་ཐུགས་ཚིམ་ཞིང་མཉེས་པ་ལས་འོད་ཟེར་དཔག་ཏུ་མེད་པ་བྱུང་ནས་རང་གི་ལུས་ལ་སིབ་སིབ་ཐིམ་པར་བསྒོམ་མོ། །གཞན་པ་ལྟ་བུ་ལ་དམིགས་པ་གཏད་ན། ནད་ཐོག་ཏུ་གོང་བཞིན་དུ་ཡང་ཡང་བསྟིམ་པར་བྱའོ། །དེས་ནད་གདོན་ཐམས་ཅད་སྐད་ཅིག་མ་དེས་སེལ་བར་འགྱུར་རོ། །མདོ་རྒྱུད་ཀྱི་དགོངས་པ། ཚེགས་ཆུང་ལ་དོན་ཆེ་བ། ཚེ་གཅིག་

[Full Size]

ལུས་གཅིག་ལ་སངས་རྒྱ་བར་བྱེད་པ། བླ་མ་ཤངས་པའི་གདམས་ངག །གསང་སྔགས་རྗེས་སུ་ཡི་རང་པ་ཞེས་བྱ་བ། བླ་མ་སྐྱེར་སྒང་པའི་གསུང་སྒྲོས་ཇི་ལྟ་བཞིན་ཡི་གེར་བཀོད་པའོ།། །།དགེའོ།། །།བརྒྱུད་པ་ནི་བླ་མ་རྡོ་རྗེ་གདན་པ། ཁྱུང་པོ་རྣལ་འབྱོར། རྨོག་ལྕོག་པ། སྐྱེར་སྒང་པ། གཉན་སྟོན་པ། སངས་རྒྱས་སྟོན་པ། མཁས་གྲུབ་ཤངས་སྟོན། མཁས་བཙུན་སངས་རྒྱས། ཆོས་རྗེ་བྱམས་པ། གྲུབ་ཆེན་སངས་རྒྱས་དར། མཉམ་མེད་སངས་རྒྱས་དཔལ་ལོ། །མཚུངས་མེད་ཤཱཀྱ་རིན་ཆེན། དེ་བདག་གོ ། ཡང་འཇམ་དཔལ་གྱིས་བླ་མ་ཤངས་པ། དེས་རྟོགས་ལྡན་ཞང་བསྒོམ་ཆོས་སེང་ལ། དེས་སྐྱེར་སྒང་པའོ།། །།སྡོམ་པ་གསུམ་ལྡན་ནི། འདིར་སོ་སོ་ཐར་པའི་རང་བཞིན་ནི། གཞན་ལ་གནོད་པར་བྱེད་པ་གཞི་དང་བཅས་པ་ལ་སོགས་པ་སྤོང་བ་ཡིན་ལ། །བྱང་ཆུབ་སེམས་དཔའི་སྡོམ་པ་ནི།
དེའི་སྟེང་དུ་གཞན་ལ་ཕན་འདོགས་པར་ཞུགས་པ་ཡིན་ཞིང་། རིག་པ་འཛིན་པ་དེ་དག་ནི་ལྷའི་རྣམ་པའམ། ཡེ་ཤེས་ཀྱི་བྱིན་གྱིས་བརླབས་ནས་ལོངས་སྤྱོད་པས་ན་ཞེས་སོ། །དགེ་སློང་གི་སེམས་བསྐྱེད་པའི་ཚེ་ནི། སོ་སོ་ཐར་པ་ཐམས་ཅད་བྱང་ཆུབ་སེམས་དཔའི་སྡོམ་པར་འགྱུར་ལ། དཀྱིལ་འཁོར་དུ་ཞུགས་པའི་ཚེ་ན། སྡོམ་པ་ཐམས་ཅད་ཀྱང་རིག་པ་འཛིན་པའི་སྡོམ་པ་ཞེས་བྱ་བ་གཅིག་ཡིན་ནོ། །དེ་སྐད་དུ་རྒྱུད་འབུམ་པའི་ལུང་། དེ་ཁོ་ན་ཉིད་གྲུབ་པ་ཞེས་བྱ་བར་བྱུང་བ། རྡོའི་རིགས་ཀྱི་བྱེ་བྲག་གིས། །བཞུ་བས་ལྕགས་དང་ཟངས་དངུལ་འབྱུང་། །གསེར་འགྱུར་རྩིའི་དངོས་པོ་ཡིས། །ཀུན་ཀྱང་གསེར་དུ་བསྒྱུར་བར་བྱེད། །དེ་བཞིན་སེམས་ཀྱི་བྱེ་བྲག་གིས། །རིགས་ཅན་གསུམ་གྱི་སྡོམ་པ་ཡང་། །དཀྱིལ་འཁོར་ཆེན་པོ་འདིར་ཞུགས་ནས། །རྡོ་རྗེ་འཛིན་པ་ཞེས་བྱའོ། །ཞེས་གསུངས་སོ། །རིགས་ལྡན་དང་། རྡོ་རྗེའི་རིགས་དང་གཅིག་གོ ། རྗེ་བཙུན་གྲགས་པ་རྒྱལ་མཚན་གྱིས་སོ། །འདིའང་དཔེ་བསྡུར་བ་ཡིན་ནོ། །

དཔལ་ལྡན་ཤངས་པའི་ཟབ་ཆོས་ལྷ་བཞི་དྲིལ་སྒྲུབ་ཀྱི་ཉམས་ལེན་མདོར་བསྡུས་པ། དྷརྨ་བྷ་དྲ།

[Full Size]

དཔལ་ལྡན་ཤངས་པའི་ཟབ་ཆོས་ལྷ་བཞི་དྲིལ་སྒྲུབ་ཀྱི་ཉམས་ལེན་མདོར་བསྡུས་པ་བཞུགས་སོ། །

[Full Size]

ན་མོ་གུ་ར་ཝེ། །འདིར་ལྷ་བཞི་དྲིལ་སྒྲུབ་མདོར་བསྡུས་ཉམས་སུ་ལེན་ཚུལ་ནི། བླ་མ་སངས་རྒྱས་ཆོས་དང་དགེ་འདུན་ལ། །བདག་དང་འགྲོ་ཀུན་སྙིང་ནས་སྐྱབས་སུ་མཆི། །མ་རྣམས་མངོན་དུ་རྫོགས་བྱང་ཐོབ་པའི་ཕྱིར། །ཟབ་མོའི་གདམས་པ་ཉམས་སུ་བླང་བར་བགྱི། །ལན་གསུམ། རང་ཉིད་ལྷར་གསལ་སྤྱི་བོར་ཆོས་འབྱུང་ནི། །འོད་ཀྱི་རང་བཞིན་ཕྱི་དཀར་ནང་དམར་པོ། །རྩེ་མོ་ཚངས་བུག་གདེངས་ཀ་གྱེན་དུ་བསྟན། །དེ་ནང་སྣ་ཚོགས་པདྨ་འདབ་བཞི་པའི། །ལྟེ་བར་ཐབས་ཤེས་ཟླ་ཉིའི་གདན་གྱི་སྟེང་། །ཧཱུྃ་ལས་རྡོ་རྗེ་སྔོན་པོ་ཧཱུྃ་གིས་མཚན། །དེ་ལ་སྐྱབས་གསུམ་ཀུན་འདུས་བླ་མ་ཉིད། །རྣམ་པ་རྡོ་རྗེ་འཆང་དབང་སྐུ་མདོག་སྔོ། །ཕྱག་གཉིས་རྡོར་དྲིལ་བཟུང་ནས་རང་འདྲའི་ཡུམ། །རྡོ་རྗེ་དབྱིངས་ཀྱི་དབང་མོར་དམ་དུ་འཁྱུད། །རིན་ཆེན་རྒྱན་སྤྲས་ལྷ་རྫས་ན་བཟའ་གསོལ། །འོད་ཕུང་དབུས་ན་རྡོ་རྗེའི་སྐྱིལ་ཀྲུང་བཞུགས། །ཤར་གྱི་

[Full Size]

འདབ་མར་ཉི་དཀྱིལ་ཚོགས་བདག་སྟེང་། །ཧཱུྃ་ལས་གྲི་གུག་ཧཱུྃ་གིས་མཚན་པ་ལས། །ཡེ་ཤེས་མགོན་པོ་མཐིང་ནག་ཕྱག་དྲུག་གི། །གཡས་གསུམ་གྲི་གུག་ཐོད་ཕྲེང་ཌཱ་མ་རུ། །གཡོན་གསུམ་ཐོད་ཁྲག་རྩེ་གསུམ་ཞགས་པ་བསྣམས། །སྦྲུལ་དང་རིན་ཆེན་རུས་རྒྱན་གླང་ལྤགས་གསོལ། །སྟག་ལྤགས་སྨད་དཀྲིས་གཡས་བསྐུམ་གཡོན་བརྐྱང་གིས། །ཡེ་ཤེས་མེ་དཔུང་འབར་བའི་དབུས་ན་བཞུགས། །ལྷོ་ཡི་འདབ་མར་ཉི་མའི་དཀྱིལ་འཁོར་སྟེང་། །ཧྲཱིཿལས་རྡོ་རྗེ་གྲི་གུག་ཧྲཱིཿཡིས་མཚན། །དེ་ལ་རྡོ་རྗེ་རྣལ་འབྱོར་སྐུ་མདོག་དམར། །ཕྱག་གཡས་གྲི་གུག་གཡོན་པས་ཐོད་ཁྲག་འཕྱར། །མཆན་ཁུང་ཁ་ཊྭཱྃ་ཁྲོ་འཛུམ་དབུ་སྐྲ་གྲོལ། །གཅེར་མོ་ཐོད་སྐམ་མགོ་ཕྲེང་ཕྱག་རྒྱས་མཚན། །གཡས་བརྐྱང་འཇིགས་བྱེད་གཡོན་བསྐུམ་དུས་མཚན་མནན། །བདེ་བའི་ཉམས་ཅན་མེ་འབར་དབུས་ན་བཞུགས། །

[Full Size]

ནུབ་ཀྱི་འདབ་མར་ཟླ་བའི་དཀྱིལ་འཁོར་སྟེང་། །ཧྲཱིཿལས་པདྨ་དཀར་པོ་ཧྲཱིཿཡིས་མཚན། །དེ་ལས་སྤྱན་རས་གཟིགས་དབང་སྐུ་མདོག་དཀར། །ཕྱག་གཡས་མཆོག་སྦྱིན་ཕྱག་རྒྱས་བུམ་པ་དང་། །གཡོན་པའི་མཐེབ་སྲིན་སྦྱར་བས་པད་དཀར་བསམ། །རིན་ཆེན་རྒྱན་སྤྲས་ལྷ་རྫས་ན་བཟའ་གསོལ། །ཞབས་གཡས་ཅུང་ཟད་བརྐྱང་ཞིང་གཡོན་བསྐུམ་པའི། །སྐྱིལ་ཀྲུང་ཕྱེད་པས་འོད་ཕུང་དབུས་ན་བཞུགས། །བྱང་གི་འདབ་མར་ཟླ་བའི་དཀྱིལ་འཁོར་སྟེང་། །ཏཱྃ་ལས་ཨུཏྤལ་ལྗང་གུ་ཏཱྃ་གྱིས་མཚན། །དེ་ལས་རྗེ་བཙུན་སྒྲོལ་མ་སྐུ་མདོག་ལྗང་། །ཕྱག་གཡས་མཆོག་སྦྱིན་གཡོན་པ་ཐུགས་ཀ་རུ། །དཀོན་མཆོག་གསུམ་མཚོན་ཕྱག་རྒྱས་ཨུཏྤལ་བསྣམས། །རིན་ཆེན་རྒྱན་སྤྲས་ལྷ་རྫས་ན་བཟའ་གསོལ། །ཞབས་གཡས་ཅུང་ཟད་བརྐྱང་ཞིང་གཡོན་བསྐུམ་པའི། །སྐྱིལ་ཀྲུང་ཕྱེད་པས་འོད་ཕུང་དབུས་ན་བཞུགས། །དེ་

[Full Size]

རྣམས་གནས་གསུམ་རྡོ་རྗེ་གསུམ་གྱིས་མཚན། །ཧཱུྃ་ལས་འོད་འཕྲོས་སོ་སོའི་ཡེ་ཤེས་པ། །སྐྱབས་གནས་ཀུན་གྱིས་བསྐོར་བ་སྤྱན་དྲངས་ཏེ། །སོ་སོའི་དམ་ཚིག་པ་དང་དབྱེར་མེད་གྱུར། །བླ་མ་ལྷ་བཞིའི་ཞབས་ཀྱི་པདྨོ་ལ། །སྒོ་གསུམ་གུས་པ་ཆེན་པོས་ཕྱག་འཚལ་ལོ། །ཕྱི་ནང་གསང་བའི་མཆོད་པ་མ་ལུས་འབུལ། །ཐོག་མེད་ནས་བསགས་སྡིག་ལྟུང་ཐམས་ཅད་བཤགས། །སྐྱེ་འཕགས་དགེ་བ་ཀུན་ལ་རྗེས་ཡི་རང་། །ཟབ་རྒྱས་ཆོས་ཀྱི་འཁོར་ལོ་བསྐོར་དུ་གསོལ། །བསྐལ་བརྒྱར་མྱ་ངན་མི་འདའ་བཞུགས་གསོལ་འདེབས། །དགེ་བ་བླ་མེད་བྱང་ཆུབ་ཐོབ་ཕྱིར་བསྔོ། །ཞེས་ཡན་ལག་བདུན་པ་མཎྜལ་བཅས་ཕུལ་ལ། བླ་མ་རྡོ་རྗེ་འཆང་ལ་དམིགས་ཏེ། ན་མོ་བུདྷཱ་ཡ། ན་མོ་གུ་རུ་ཧེ་བཛྲ་བཱི་ར་བཱི་རེ་ན་ཤྲཱི་ཡེ། ཌཱ་ཀ་ཌཱ་ཀི་ནཱི། ཛོ་ཀ་ཛོ་ཀི་ནཱི། སརྦ་བུདྡྷཱ་ཡ། བོ་དྷི་སཏྭ་ཤ་ར་ཎཾ་གཙྪ་མི་ཀྱཻ། །ཞེས་ལན་གསུམ་བརྗོད། བླ་མའི་སྐུ་

[Full Size]

ལས་བདུད་རྩིའི་རྒྱུན་བབས་པ། །རང་གི་སྤྱི་བོ་ནས་ཞུགས་ལུས་གང་བས། །སྡིག་སྒྲིབ་ཉེས་ལྟུང་ནད་གདོན་བར་ཆད་དག། བླ་མའི་གསང་གསུམ་བྱིན་རླབས་ཐོབ་པར་གྱུར། །མགོན་པོ་ལ་དམིགས་ཏེ། ཨོཾ་བཛྲ་མ་ཧཱ་ཀཱ་ལ་ཀྵི་ཀྵེ་ཏྲ་བིགྷྣན་བི་ནཱ་ཡ་ཀ་ཧཱུྃ་ཧཱུྃ་ཕཊ་སྭཱ་ཧཱ། །ལན་གསུམ། མགོན་པོའི་སྐུ་ལས་བདུད་རྩིའི་རྒྱུན་བབ་པ། །རང་གི༴ སྡིག་སྒྲིབ༴ །མགོན་པོའི་གསང་གསུམ་བྱིན་རླབས་ཐོབ་པར་གྱུར། །རྣལ་འབྱོར་མ་ལ་དམིགས་ཏེ། ཨོཾ་བཛྲ་ན་ར་ཀྲིཾ་ཀྲིཾ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། །ལན་གསུམ། རྣལ་འབྱོར་མ་ལས་བདུད་རྩིའི་རྒྱུན་བབ་པ། །རང་གི༴ །སྡིག་སྒྲིབ༴ །རྣལ་འབྱོར་མ་ཡི་བྱིན་རླབས་ཐོབ་པར་གྱུར། །སྤྱན་རས་གཟིགས་ལ་དམིགས་ཏེ། ཨོཾ་མ་ཎི་པདྨེ་ཧཱུྃ། ཨོཾ་བཛྲ་རཀྵ་ན་མཿས་མནྟ་ཧཱུྃ་ཕཊ། ལན་གསུམ། སྤྱན་རས་གཟིགས་ལས་བདུད་རྩིའི་རྒྱུན་བབ་པ། རང་གི༴ སྡིག་སྒྲིབ༴ །སྤྱན་རས་གཟིགས་ཀྱི་བྱིན་རླབས་

[Full Size]

ཐོབ་པར་གྱུར། །སྒྲོལ་མ་ལ་དམིགས་ཏེ། ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། །ལན་གསུམ། སྒྲོལ་མའི་སྐུ་ལས་བདུད་རྩིའི་རྒྱུན་བབ་པ། རང་གི༴ །སྡིག་སྒྲིབ༴ །འཕགས་མའི་གསང་གསུམ་བྱིན་རླབས་ཐོབ་པར་གྱུར། །བསྡུ་ན་སྔགས་རྣམས་ལན་གསུམ་རེ་བརྗོད་ལ། བླ་མ་ལྷ་ལས་བདུད་རྩིའི་རྒྱུན་བབས་པས། །རང་གི་སྤྱི་བོ་ནས་ཞུགས་ལུས་གང་བས། །སྡིག་སྒྲིབ་ཉེས་ལྟུང་ནད་གདོན་བར་ཆད་དག །བླ་མ་ལྷ་བཞིའི་བྱིན་རླབས་ཐོབ་པར་གྱུར། །ཅེས་བརྗོད། དེ་ནས། རྡོ་རྗེ་འཆང་གི་ཐུགས་ཀའི་འོད་ཟེར་གྱིས། །ལྷ་བཞི་དྲངས་ཏེ་སྤྱི་བོར་སྤྱན་རས་གཟིགས། །མགྲིན་པར་སྒྲོལ་མ་ཐུགས་ཀར་མགོན་པོ་དང་། །ལྟེ་བར་རྣལ་འབྱོར་མ་རྣམས་བཞུགས་པར་གྱུར། །སྔགས་ཚན་ལྔ་སྦྲེལ་ནས་ལན་གསུམ་བརྗོད། རང་གི་རྐང་འོག་རླུང་གི་ལྟེ་བའི་མེ། །སྦར་བའི་འོད་ཟེར་བླ་མའི་སྐུ་ལ་ཕོག །ལྷ་བཞི་བདུད་རྩིར་ཞུ་བས་སྐུ་ལུས་གང་། །

[Full Size]

གསང་བའི་ལམ་ནས་རང་གི་སྤྱི་བོར་ཞུགས། །མགྲིན་པ་ཡན་ཆད་གང་བས་ལུས་སྒྲིབ་དག །སྐུ་ཡི་བྱིན་རླབས་ཞུགས་ཤིང་བུམ་དབང་ཐོབ། །སྙིང་ག་ཡན་ཆད་གང་བས་ངག་སྒྲིབ་དག །གསུང་གི་བྱིན་རླབས་ཞུགས་ཤིང་གསང་དབང་ཐོབ། །ལྟེ་བ་ཡན་ཆད་གང་བས་ཡིད་སྒྲིབ་དག །ཐུགས་ཀྱི་བྱིན་རླབས་ཞུགས་ཤིང་ཤེར་དབང་ཐོབ། །ལུས་ཀུན་གང་བས་སྒོ་གསུམ་སྡིག་སྒྲིབ་དག །གསང་གསུམ་བྱིན་རླབས་ཞུགས་ཤིང་ཚིག་དབང་ཐོབ། །བླ་མ་འོད་ཞུ་རང་ལ་ཐིམ་པ་ལས། །སྒོ་གསུམ་རྡོ་རྗེ་གསུམ་གྱི་ངོ་བོར་གྱུར། །དགེ་འདིས་ས་ལམ་བགྲོད་པ་མཐར་ཕྱིན་ནས། །འགྲོ་དོན་ཕྱོགས་མེད་འགྲུབ་པའི་བཀྲ་ཤིས་ཤོག །ཅེས་བརྗོད། དམིགས་པའི་ཞིབ་ཆ་སོགས་ཞལ་ལས་ཤེས་པར་བྱའོ། །ཞེས་ལྷ་བཞི་དྲིལ་སྒྲུབ་ཀྱི་རྒྱུན་ཁྱེར་མདོར་བསྡུས་འདི་ནི། རྗེ་བློ་བཟང་ཆོས་ཀྱི་ཉི་མའི་གསུང་ལ་མགོན་པོའི་བེའུ་བུམ་དང་དབེན་པ་བཀའ་འབུམ་ལ་བརྟགས་ནས་བྲི་བསྣན་ཕྲན་

[Full Size]

བུ་བགྱིས་ཏེ་དྷརྨ་བྷ་དྲས་རང་གི་ཉམས་ལེན་དུ་སྦྱར་བའོ། །མངྒ་ལཾ། །ཡིག་ཆ་འདིའི་སྟེང་ནས་ཁྲིད་ལུང་བཅས་ཐོབ།། །།

བདེ་མཆོག་གསང་སྒྲུབ།

[Full Size]

བདེ་མཆོག་གསང་སྒྲུབ་བཞུགས་སོ། །རྒྱ་གར་སྐད་དུ། ཤྲཱི་ཙཀྲ་སཾ་བ་ར་སཱ་དྷ་ན་ནཱ་མ། བོད་སྐད་དུ། དཔལ་འཁོར་ལོ་སྡོམ་པ་མྱུར་དུ་སྒྲུབ་པ་ཞེས་བྱ་བའི་ཐབས། དཔལ་བདེ་ཆེན་ཡེ་ཤེས་ལ་ཕྱག་འཚལ་ལོ། །སེམས་བསྐྱེད་ཚད་མེད་སྔོན་འགྲོ་བས། །ཆོས་རྣམས་སྟོང་པ་ཉིད་དུ་བསྒོམས། །སྟོང་པའི་ངང་ལས་རང་བཞིན་གྱིས། །སྤྱི་གཙུག་ཡི་

[Full Size]

གེ་བྲུམ་དཀར་ལས། །འཁོར་ལོ་དཀར་པོ་རྩིབས་བཞིར་གྱུར། །དེ་ཡི་ལྟེ་བ་ཉི་ཟླའི་སྟེང་། །ཧཱུྃ་དཀར་བཾ་ལས་འོད་འཕྲོས་པས། །སྲིད་གསུམ་བདེ་མཆོག་གོ་འཕང་བཀོད། །ཚུར་འདུས་པདྨ་དང་ཡབ་དཀར་ཡུམ་དམར་དམར་དུ་གྱུར་ལ། །བདེ་ཆེན་ལྷ་མོ་སྐུ་གྱི་སེམས་ཅན་མདོག་དཀར་པོའི་དཀར། འོད་ཟེར་གྲི་གུག་ཐོད་ཁྲག་བསྣམས་པ་བཞི། །རྩིབས་བཞིའི་སྟེང་དུ་བསམ་པར་བྱ། །འཁོར་ལོའི་རྩིབས་ཀྱི་རྩེ་མོ་རཾ་བཞི་གཡས་གཡོན་ཁ་ཏྲཱཾ་ག་དང་བཅས་པ་ལ། །ཡེ་ཤེས་མེ་དཔུང་འབར་བ་ཡི། །གསང་བ་ཁོ་ན་ཉིད་ཕྱག་རྒྱ་ཆེན་ལ། མཆོད་པས། ཡབ་ཡུམ་སྙོམས་འཇུག་སྦྱོར་འཚམས་ནས། །བྱང་དཀར་པོ་སེམས་དཀར་ལ་སྙོམས་འཇུག་དེ་དམར་མདངས་ཆགས། །ཆུ་བྱས་པའི་

[Full Size]

རྒྱུན་རང་གི་སྤྱི་གཙུག་ཟུག །འཁོར་བཞི་ཁ་ཊྭྃ་སྙོམས་འཇུག་པས། མཛད། །གསང་གནས་བྱང་སེམས་རྒྱུན་རྣམས་གཟའ་ཤིང་ཙམ་འབབ། །སྤྱི་གྱི་ལྷ་མོ་གཙུག་དང་ཡབ་ཡུམ་ཚུལ་གྱི་ཧེ་རུ་ཀར་གྱུར་ནས་གཅིག་ཏུ་དཀར་ལ་དམར་མདངས་ཅན། གྱུར་ནས་ནི། །གནས་བཞིར་བབས་པས་སྡིག་སྒྲིབ་དག །འཁོར་ལོ་མྱུར་འཁོར་ནད་གདོན་རྣམས། །བཅད་དང་གཏུབས་དང་སྤྱི་མགྲིན་སྙིང་ཁ་ལྟེ་བ་སྒོ་གསུམ་གྱི་མེ་དཔུང་བསྲེགས། སྒོ་རོ་རོ་དུ་བས་རླུང་གིས་རང་བཞིན་འཁོར་ལོས་རྩིབས་ཀྱི་མེད་པར་གཏོར། །ཆུ་རྒྱུན་འཁོར་ལོར་མེ་དཔུང་རླུང་། །དེ་ལ་མ་ཡེངས་འཁོར་ལོའི་གཟུངས་སྔགས་བཟླས། དམིགས་བར་བསམ་པ་སྟོད་ན་རྨི་ལམ་འབྱོངས། །ལོངས་སྤྱོད་ཡི་གེ་བདུན་པ་

[Full Size]

རྫོགས་སྐུ་རང་ཤར་འབྱུང་། །དེ་ནི་སྐུ་ཡི་འཁོར་ལོའོ། །དེ་ནི་མགྲིན་པར་བྷྲཱུྃ་དམར་ལས། །འཁོར་ལོ་དམར་དང་པད་ཉི་ཡི། །སྟེང་དུ་ཧཱུྃ་དང་བཾ་དམར་ལས། །འོད་འཕྲོས་གོང་བཞིན་སྤྲོ་བསྡུ་བྱ། །དབུས་སུ་བདེ་མཆོག་ཡབ་ཡུམ་ནི། །པདྨ་རཱ་གའི་མདོག་འདྲ་བ། །རུས་པ་ཐོད་པ་སྐམ་རློན་བརྒྱན། །གར་བདེ་མཆོག་དམར་པོའི་གོ་འཕང་དགུའི་ཉམས་གཉིས་ཀ་དང་ལྡན་པའོ། །ཕྱོགས་ལྔའི་བརྒྱན་དྲུག་པོའི་དབུ་བརྒྱན་བཞིར་ལྷ་གྲི་ཐོད་ཅན། བསྒོམ། མདོག་དམར་ཁ་ཊྭཱྃ་བཅས་པའོ། །རྩིབས་ཀྱི་རཾ་ལས་གོང་བཞིན་དུ་གསང་བ་དེ་ཁོ་ནའི་ཡེ་ཤེས་མེ་འབར་མཆོད་པས་མཉེས། །གཙོ་འཁོར་ཡབ་ཡུམ་ཐམས་ཅད་སྦྱོར་མཚམས་ནས། །བྱང་སེམས་དམར་བའི་ཆུ་རྒྱུན་ལ་དཀར་དམངས་ཆགས་པ་གསང་བ་དེ་ཁོ་ནའི་བྱུང་། །མགྲིན་པ་མན་ཆད་ཁེངས་

[Full Size]

པ་ཡིས། །ནད་གདོན་སྡིག་སྒྲིབ་དག་པར་བསམ། །ཆུ་རྒྱུན་འཁོར་ལོར་མེ་དཔུང་རླུང་། །སྙིང་པོ་བཟླས་པར་ཁྱད་པར་མེད། །དམར་བ་མེ་ཡི་འོབས་ལྟར་བསམ། དམར་པོ་སྟུབས་བཅད་གིས་བསྲེགས་གིས་གཏོར། གསུང་གི་ཡི་གེ་བདུན་འཁོར་སྔར་དང་ཁོང་པའི་ནང་ལ་དམར་བ་དཀར་མདངས་ཆགས་ལོ་དམར་པོའོ། །ཐུགས་ཀྱི་འཁོར་ལོར་དམར་པོ་ནི། །སྙིང་གར་བྲུཾ་སྔོན་བཻ་ཌཱུར་མདོག །རྣོ་ངར་ལྡན་པའི་འཁོར་ལོར་བསམ། རང་གི། ཉི་ཟླ་འཇིགས་བྱེད་དུས་མཚན་སྟེང་། །ཧཱུྃ་དང་རྡོ་རྗེའི་སྤྲོ་བསྡུ་ལས། །རྩིབས་བཞི་པོའི་ལྟེ་བར་པདྨ་བདེ་མཆོག་སྔོན་པོར་ཡུམ་དམར་ཞིང་། །དྲག་པོའི་རང་བཞིན་འཁོར་རས་བསྒོམས། །རྩིབས་ལ་མེ་དཔུང་སྔོ་ནག་འབར། ཡབ་བཞི་འི་འུར་སྒྲ་ཐུག་སྒྲ་དང་བཅས་པ།

[Full Size]

ཡུམ་སྙོམས་འཇུག་རྒྱུད་བསྐུལ་ནས། །ཟག་མེད་བདེ་བ་ཆེར་རྒྱས་ཤིང་། །ཧཱུྃ་ཕཊ་གད་མོ་འབྲུག་སྟོང་སྒྲོགས། །གིས་ཕྱི་ལྟར་ན་ནད་གདོན་བསྲེགས་གང་ལྟར་ན་མཆོད་པ་ཕུལ་བས་ཐུགས་སྦྱོར་མཚམས་བྱང་དྲག་པོའི་སེམས་མཐིང་ཤུན་མདོག །སྙིང་ག་མན་ཆད་ཁེངས་པ་ཡིས། །སེམས་ཀྱི་ནད་གདོན་སྡིག་སྒྲིབ་དག །ཁྱད་པར་གདོན་དང་ཞེ་སྡང་རྣམས། །འཁོར་ལོས་བཏུབ་ཅིང་མེ་དཔུང་བསྲེགས། །ཡེ་ཤེས་རླུང་གིས་དེང་པར་བྱ། པའི། རྣམས་ཉོན་མོངས་པ་བྱང་སེམས་ཆུ་རྒྱུན་དྲག་པོ་ཡིས། །སྡིག་སྒྲིབ་ཐལ་བའི་རི་བོ་བཀྲུ། །གཏི་མུག་ཚད་ནད་ཞི་བ་ལ། །སྤྱི་གཙུག་སྐུ་ཡི་འཁོར་ལོར་བསྐོར། །དབང་དང་ནད་གདོན་ཐམས་ཅད་ལ་ཆུ་བབ་པ་བཞིན། ཉོན་མོངས་པ་དཀར་པོ་ག་བུར་གྱི་ཆུ་རྒྱུན་དང་བཅས་པ་དུ་སྡུད་པ་

[Full Size]

འདོད་ཆགས་གྲང་ནད་ལ། །མགྲིན་པ་གསུང་གི་འཁོར་ལོ་བསྐོར། །གདོན་བགེགས་ཞེ་སྡང་བད་ཀན་ལ། །སྙིང་ག་ཐུགས་དང་དམར་པོ་ལྕགས་བསྲེགས་ལྟ་བུ་ཟངས་ཞུན་གྱི་རྒྱུན་དང་བཅས་པ་ཀྱི་འཁོར་ལོ་བསྐོར། །རྦོད་གཏོང་ངན་པ་བཟློག་པ་ལ། །ས་བོན་ལྕགས་ཀྱུ་ཞགས་པ་ཡི། །གནོད་བྱེད་ཆུ་རྒྱུན་སྔོན་པོ་མེ་སྔོ་ནག་འབར་བ་བཀུག་ལ་འཁོར་ལོས་བཏུབ། །མེས་བསྲེགས་ཧཱུྃ་ལས་འོད་ཟེར་རླུང་རྣམ་པ་མང་པོ་འཕྲོས་པ་གི་རྦོད་གཏོང་སོགས་གཏོར་གཏོར་བར་བྱ། །ལྷ་རྣམས་ཞལ་ནི་ཕྱིར་བསྟན་ལ། །སྙིང་པོའི་རྗེས་སུ་མཱ་ར་ཡ། །བཏང་ལ་བཟླས་པས་དམ་ཉམས་སྒྲོལ། །འཁོར་གྱི་སྐུ་གསུང་ཐུགས་ཀྱི་འཁོར་ལོ་ལ། ཡི་གེ་བདུན་པ་། བསྙེན་པ་འབུམ་ཕྲག་བདུན་བདུན་གྱིས། །ས་རྣམས་རེ་རེ་ལ་

[Full Size]

གཡོ་ཞིང་ལས་རྣམས་འགྲུབ། ཤངས་པ་དུ་གུ་པ། བཅུ་བཞིའི་ས་རྣམས་རྫོགས་བྱེད་པའི། །ཉེ་བར་སྒྲུབ་པ་འདི་ལ་འབད། །མཁའ་འགྲོའི་ཞི་རྒྱས་དབང་དྲག་གི་སྲོག་སྙིང་ཁྱོད་ལ་གཏད། །མ་སྤེལ་ཙི་ཏའི་ཕོ་བྲང་བདེ་མཆོག་དུ། །རང་སྲོག་བླ་མ་གཅེས་པར་བཟུང་། །ང་རང་བྱིན་རློབ་སྤྱི་བོར་བསྒོམ། ཆིག་བརྒྱུད་ལས། ས་བཅུ་ལམ་ལྔའི་རིམ་ཉེར་སྒྲུབ་འདི་དང་རྣམས་ལ། །མོས་གུས་ནི་གུ་མ་གིས་སྟོབས་ཀྱི་བགྲོད་པར་བྱ། །འདི་གསོལ་བ་ཐོབ་ནི་གསང་སྒྲུབ་མཐར་ཐུག་མཆོག་བཅོམ་ལྡན་བདེ་མཆོག་སྐུ་གསུང་ཐུགས་ཀྱི་སྒྲུབ་ཐབས། །ཡེ་ཤེས་ཀྱི་མཁའ་འགྲོ་མ་ནི་གུ་མས་མཛད་པ་རྫོགས་སོ། །བདག་ཁྱུང་པོ་རྣལ་འབྱོར་པས། སེང་ལྡེང་འཐུག་པོའི་ནགས་གསེབ་ཏུ་མཁའ་འགྲོ་མའི་

[Full Size]

ཞལ་གདམས་རྣམས། ཏ་ལའི་ལོ་མ་ལ་རྗེ་བྲིས་ནས་གའུར་བཅངས་ཏེ་ལུས་དང་མ་བྲལ་བར་བྱས་སོ། །མངྒ་ལཾ།། །།

འདི་ན་མར་ལ་ནི་གུ་མའི་དམིགས་པ་གསུམ་བསྐོར་དམིགས་པ་ལྔ་བསྐོར་བདེ་མཆོག་གནད་གདམས་དབུ་མ་ཡི་གེ་བདུན་པས་དགང་པ།

[Full Size]

འདི་ན་མར་ལ་ནི་གུ་མའི་དམིགས་པ་གསུམ་བསྐོར་དམིགས་པ་ལྔ་བསྐོར་བདེ་མཆོག་གནད་གདམས་དབུ་མ་ཡི་གེ་བདུན་པས་དགང་པ་རྣམས་ཡོད། བླ་མ་དམ་པ་རྣམས་ལ་ཕྱག་འཚལ་ལོ། །ཡེ་ཤེས་ཀྱི་མཁའ་འགྲོ་མ་ནི་གུ་མའི་གདམས་པ་འདི་ལ། །སྔོན་དུ་འགྲོ་བ་སེམས་བསྐྱེད། །ལུས་ཡི་དམ་གྱི་ལྷར་བསྒོམ། །དེ་ནས་རང་གི་གསང་གནས་སུ། །ནོར་བུའི་རྩེ་མོ་ལ་ཧཱུྃ་ཅིག་བསམ། །

[Full Size]

དེས་རྩ་དབུ་མ་རྒྱུ་མ་བཟློག་པ་བཞིན་དུ་གྱུར་ནས་ན་ར་ར་སོང་སྟེ། སྤྱི་བོའི་གཙུག་ཏུ་ཧཱུྃ་དེ་རྒྱངས་སེ་བྱུང་བར་བསྒོམ། །ཧཱུྃ་དེ་ཡོངས་སུ་གྱུར་པ་ལས་བཅོམ་ལྡན་འདས་བདེ་མཆོག་ལྷན་སྐྱེས་སུ་བསྒོམ། དེ་ནས་རང་གི་རྣམ་སྨིན་གྱི་ལུས་འདི་དུམ་བུ་དྲུག་ཏུ་བྱས་ནས། ལྷན་སྐྱེས་དང་འགྲོ་བ་རིགས་དྲུག་ལ་དབུལ་བར་བྱའོ། །ཡང་སྤྱི་བོའི་ལྷན་སྐྱེས་ཀྱི་གསང་གནས་སུ་ཧཱུྃ་ཅིག་བསམ། ཧཱུྃ་དེ་གསང་གནས་ནས་གོང་བཞིན་དུ་སྤྱི་བོར་རྒྱངས་རྩེར་བྱུང་བ་དང་། མཆོད་རྟེན་དཀར་སིང་ངེ་བ་ཤེལ་སྒོང་དག་པ་ལྟར་དུ་གྱུར་པར་བསམ། མཆོད་རྟེན་དེའི་ནང་གི་དབུས་ཀྱི་ལྟེ་བ་ལ་བརྒྱུད་པའི་བླ་མ་རྣམས་བཞུགས་པར་བསམ་ལ། བླ་མ་རེ་རེའི་མཚན་ནས་བརྗོད་ཅིང་། མོས་གུས་གདུངས་གདུངས་པ་ཞེས་ཐག་པ་ནས་བྱའོ། །

[Full Size]

དེ་ནས་བླ་མ་རིན་པོ་ཆེ། །རྨི་ལམ་ལ་རྨི་ལམ་དུ་ངོ་ཤེས་པར་མཛད་དུ་གསོལ། ཞེས་གསོལ་བ་གདབ་བོ། །དེ་བཞིན་དུ་སྒྱུ་མ་དང་། འཁྲུལ་པ་དང་། དགོས་མེད་རྣམས་ལ་ཡང་གོང་བཞིན་དུ་ཤེས་པར་བྱའོ། །དེ་ནས་མཆོད་རྟེན་གྱི་དབུས་ཀྱི་བླ་མ་བཞུགས་པ་དེ་རྣམས་ལ། ཡིད་ཀྱི་སྤྲུལ་པའི་མཆོད་པ་ཕུལ། བསྐོར་བ་བྱེད་ཅིང་གོང་བཞིན་དུ་གསོལ་བ་འདེབས་ཤིང་། ཨ་ཙ་མ། ཆོས་ཐམས་ཅད་རྨི་ལམ་ཡིན། སྒྱུ་མ་ཡིན། མི་བདེན་བརྫུན་པའི་རང་བཞིན་ཡིན། སྣང་ནི་སྣང་བདེན་ནི་མི་བདེན། ཆུ་ནང་གི་ཟླ་བ་ལྟ་བུ་ཡིན་ཨང་སྙམ་དུ་བསྒོམ་ཞིང་། དམིགས་པ་ཨེན་ཙམ་གཏད་ནས་བསྒོམས་པས་མྱུར་དུ་ཟིན་པ་ལ་ཐེ་ཚོམ་མེད་དོ། །དེ་ནས་སྐབས་

[Full Size]

སྐབས་སུ། བླ་མ་དང་དཔའ་བོ་དང་མཁའ་འགྲོ་མ་རྣམས་ལ། ཁྱོད་རྣམས་ཐུགས་རྗེ་དང་བྱིན་རླབས་རེ་ཆུང་ན་ཨང་། བདག་ཀྱང་བསོད་ནམས་དང་ལས་འཕྲོ་ཟད་དམ། ད་བདག་ལ་རྨི་ལམ་ལ་རྨི་ལམ་མྱུར་དུ་ངོ་ཤེས་པར་མཛད་དུ་གསོལ། ཞེས་པ་ལ་སོགས་པའི་གསོལ་བ་གདབ་པར་བྱའོ། །དེ་ཡང་མྱུར་དུ་ཟིན་པའི་གནད་ཡིན་ནོ། །དེ་ནས་ཡི་དམ་ལྷར་བསམ་པའི་གསང་བའི་རྩེ་ནས་ཧཱུྃ་གཅིག་རྒྱངས་རྩེར་སྤྱི་བོར་སོང་བས། རང་གི་རྩ་བའི་བླ་མ་ཞལ་འཛུམ་མུ་ལེ། མདངས་ཡལ་ལེ། སྐུ་གཟི་བརྗིད་དང་ལྡན་པར་གསལ་སིང་ངེ་བ་གཅིག་བསྒོམ་མོ། །དེ་ནས་བླ་མ་རིན་པོ་ཆེ། སྒྱུ་མ་ལ་སྒྱུ་མར་ངོ་ཤེས་པར་མཛད་དུ་གསོལ། ཞེས་

[Full Size]

བླ་མ་ལ་མོས་གུས་ཐུན་མོང་མ་ཡིན་པ་ཞེ་ཐག་པ་སྙིང་ཁོང་རུས་པའི་གཏིང་ནས་གསོལ་བ་གདབ་བོ། །འདིས་དགེ་སྦྱོར་རྒྱུད་ལ་མི་སྐྱེ་མི་སྲིད་དོ། །འདི་ནི་གནད་ཀྱི་གདམས་པ། ཡེ་ཤེས་མཁའ་འགྲོ་མ་ནི་གུ་མའི་ཐུན་མོང་མ་ཡིན་པའི་གདམས་པ་ཡིན་ནོ། །འདིའི་བརྒྱུད་པ་ནི། མཁའ་འགྲོ་མ་ནི་གུ་མས་བླ་མ་ཤངས་པ་ལ་གནང་། དེས་རིན་པོ་ཆེ་རྨོག་ལྕོག་པ་ལ། དེ་བླ་མ་སྐྱེར་སྒང་པ་ལ། དེས་གཉན་སྟོན་ལ། དེས་སངས་རྒྱས་སྟོན་པ་ལ། དེས་ཤངས་སྟོན་ལ། དེས་མཁས་བཙུན་ལ། དེས་མཁས་གྲུབ་ཚུལ་ཁྲིམས་མགོན་པོ་ལ། དེས་ཆོས་རྗེ་སེང་གེ་ལ། དེས་མཁས་གྲུབ་རིན་ཆེན་རྒྱལ་མཚན་ལ། དེས་མཉམ་མེད་སངས་རྒྱས་དཔལ་ལ། དེས་ལྷོ་བྲག་པ་ཤཱཀྱ་རིན་ཆེན་ལ། དེས་བདག་འཁྱམས་པོ་ངག་དབང་ལ་དགྱེས་བཞིན་རྗེས་སུ་བཟུང་ངོ་། །

[Full Size]

སྐྱབས་འགྲོ་སེམས་བསྐྱེད་ལ་སོགས་པ་སྔོན་དུ་སོང་ནས། རང་གི་སྙིང་དཀར་ནག་འཚམས་གྲིས་བཅད་པ་འདྲ་བ། རྩ་སྦུགས་རྣམས་ཁ་ཐུར་ལ་དྭངས་ངེ་ཡོད་པ། སྙིང་རྩེ་མོ་གྱོན་དུ་བསྟན་པའི་སྟེང་དུ། རྡོ་རྗེ་རྒྱ་གྲམ། གསེར། ཤེལ་བཻ་ཌཱུརྻཱ། པདྨ་རཱ་ག །ཨིན་དྲ་ནཱི་ལ་ལས་གྲུབ་པའི་སྟེང་དུ། བླ་མ་ཡང་དེ་རྣམས་ལས་གྲུབ་པ། གཟི་བརྗིད་དང་ལྡན་པས་སྟེང་ནས་མནན་པ། ནད་གདོན་སྡིག་སྒྲིབ་ཐམས་ཅད་ཁྲག་དང་ཆུ་སེར་གྱི་རྣམ་པར་ཐུར་ལ་ཤངས་སྒོ་ཆུ་སོ་ན་མར་ཐོན་པར་བསམ། ཡང་བླ་མའི་ཐུགས་ཀ་ནས་ཡེ་ཤེས་ཀྱི་ཆུ་རྒྱུན་བྱུང་ནས་རྩ་སྦུབས་ཐམས་ཅད་བཀྲུས་པར་བསམ། ཡང་ཐུགས་ཀ་ནས་ཁམས་དྭངས་མ་བྱང་ཆུབ་ཀྱི་སེམས་བདུད་

[Full Size]

རྩིའི་རྣམ་པར་བྱུང་། རྩ་སྦུབས་ཐམས་ཅད་ཁེངས་པས་བདེ་ཕྲིལ་ཕྲིལ་བར་བདེ་བ་སྐྱེས་པར་བསམ་མོ། །དམིགས་པ་ལྔ་སྐོར་རོ། །ཞལ་གདམས་ཡིན་ནོ། །དཔལ་འཁོར་ལོ་སྡོམ་པ་ལ་ཕྱག་འཚལ་ལོ། སྤྱི་བོ་རུ་ནི་བསྟན་པར་བྱ། དབུ་མ་ཡི་གེ་བདུན་པས་གང་ཞེས་བདེ་མཆོག་གི་རྒྱུད་ལས་གསུང་པའི་དོན་ནི། རང་བདེ་མཆོག་ཏུ་བསྒོམ་པའི་རྩ་དབུ་མ་རག་དུང་ལྟ་བུ། ཁ་ཆེ་ཤེས་འཕོངས་ན་མར་ལ་ཧར་སོང་ཡོད་པ། ཁ་ཆུང་ཤོས་སྤྱི་བོར་ཟུག་པ་གཅིག་བསམ། དེ་ནས་རང་གི་སྤྱི་བོར་པདྨ་སྔོན་པོ་འདབ་མ་དྲུག་པ་གཅིག་བསམ། ལྟེ་བ་ལ་ཨོཾ། འདབ་མ་མདུན་མ་ནས་བརྩམས་ཏེ། གཡས་བསྐོར་དུ། ཧྲཱིཿཧ་ཧ་ཧཱུྃ་ཧཱུྃ་ཕཊ་ཅེས་རང་འཐག་

[Full Size]

འཁོར་དུ་བསམ་མོ། །དེ་ནས་སྤྱི་བོའི་པདྨ་དང་ཡིག་འབྲུ་ལ་དམིགས་ལ་ཡི་གེ་བདུན་པ་ཁ་ཡར་ཅིག་བཟླས་སོ། །དེ་ནི་སྤྱི་བོ་རུ་ནི་བརྟན་པར་བྱ་ཞེས་པའི་དོན་ཏོ། །དེ་ནས་རང་གི་རྩ་དབུ་མ་ཡི་གེ་བདུན་པས་སྔོ་མེར་གྱི་གང་བར་བསམ་མོ། །སྤྱི་བོ་ནས་སྤྲོ་མི་དགོས་གསུངས། དེ་ནས་ཡིག་འབྲུ་ཚེ་ཡར་མར་ལ་སྔོ་ཕུང་ཕུང་། འོད་ཟེར་ཁ་དོག་སྔོན་པོ་སྔོ་དཀྲུག་དཀྲུག་འདུག་པར་བསམ། འོད་ཟེར་ནང་དུ་འཕྲོས་པས་རང་གི་སྡིག་སྒྲིབ་དག །ཕྱི་རུ་འཕྲོས་པས་སེམས་ཅན་ཐམས་ཅད་ཀྱི་སྡིག་སྒྲིབ་དག་པར་བསམ་ཞིང་བཟླས་པ་བྱས་གསུངས། ལམ་ཁྱེར་གྱི་ཆོས་གསུམ་དང་ལྡན་པར་བྱས་ཀྱང་འགལ་བ་མེད་གསུངས་སོ། །ཇོ་བོ་ནཱ་རོ་པས་དེ་ལྟ་བུའི་བཟླས་པ་འབུམ་ཕྲག་

[Full Size]

གཅིག་བཟླས་པས། ས་གཡོ་བ་དང་། ལུང་བསྟན་ཐོབ་པ་ཡིན་གསུངས་སོ། །དེ་ལྟ་བུའི་གདམས་ངག་འདི་ཇོ་བོ་ཆེན་པོ་ནཱ་རོ་པས། ཡེ་ཤེས་ཀྱི་མཁའ་འགྲོ་མ་ནི་གུ་མ་ལ་གསུངས། དེས་ཁྱུང་པོ་རྣལ་འབྱོར་ལ་གནང་། དེས་རཏྣ་བིརྱ་ལ་གནང་། དེས་སངས་རྒྱས་དབོན་སྟོན་ལ། དེ་ཡན་ཆད་དུ་ལས་ཅན་རེ་རེ་ལ་ཆིག་བརྒྱུད་ལས་མེད། གཏེར་བའི་དུས་སུ། ཚོགས་འཁོར་བརྒྱ་རྩ་བརྒྱད་དམ། ཉི་ཤུ་རྩ་གཅིག་བཟླས་ནས་གཏེར་གསུངས། དེས་སངས་རྒྱས་གཉན་སྟོན་ལ། དེས་བསྒྲོས་ཁར་སློབ་མ་རེ་རེ་གཉིས་གཉིས་ལ་བྱིན་གསུང་། དེས་སངས་རྒྱས་སྟོན་པ། དེས་ཆོས་རྗེ་ཤངས་སྟོན་ལ། ཆོས་རྗེ་སྟོན་པའི་གསུང་ལ་ཟིན་བྲིས་ལན་བཞི་བྱས་

[Full Size]

ནས་བསྡུས་པ་ཡིན་གསུངས་སོ། །ན་མོ་གུ་རུ། བདེ་མཆོག་བདེ་བ་ལས། སྐྱེ་བ་འདིའམ་ཕ་རོལ་དུ། ལོངས་སྐུ་བདེ་ཆེན་ཐོབ་འདོད་པས། །དབུ་མ་ཡི་གེ་བདུན་པས་གང་། །སྐུ་གསུམ་ལམ་དུ་ཁྱེར་བར་བྱ། །ཞེས་པའི་དོན། རང་ལྷ་ལྔར་བསྐྱེད་པའི་ཡབ་ཀྱི་རྩ་དབུ་མ། ཡར་རྩེ་ཕྲ་བ་སྤྱི་བོར་སླེབ་པ། མར་རྩེ་སྦོམ་པ་བཤང་ལམ་ལ་ཟུག་པ། ཁ་དོག་སྔོན་པོར་བསམ། དེའི་ནང་ཐམས་ཅད་ཡི་གེ་བདུན་པས་ཁེངས་པར་བསྒོམས་ནས། ཨོཾ་ཧྲཱིཿཧ་ཧ་ཧཱུྃ་ཧཱུྃ་ཕཊ། ཅེས་བཟླས་པས། ཡི་གེ་བདུན་པ་འོད་ཟེར་གྱི་རྣམ་པར་ཡར་འགྲོ་མར་འགྲོ་བྱས་པ་དང་། རང་གི་ལུས་པོ་དེ་འོད་ཟེར་སྔོན་པོས་ཁེངས་པས་ལུས་ངག་ཡིད་གསུམ་གྱི་ནད་གདོན་སྡིག་སྒྲིབ་ཐམས་

[Full Size]

ཅད་དག་པར་བསམ། སངས་བ་སྤུའི་བུ་ག་ཐམས་ཅད་ནས་འོད་ཟེར་ཕྱིར་འཕྲོས་སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས། བདེ་མཆོག་ཏུ་གྱུར། གཟུགས་སུ་སྣང་ཚད་ཀྱང་བདེ་མཆོག་ཏུ་གྱུར་པར་བསམ་མོ། །དེ་ལྟར་གཟུགས་སྣང་ཐམས་ཅད་བདེ་མཆོག་གི་སྐུ། སྒྲ་གྲགས་ཚད་སྔགས་ཀྱི་རང་སྒྲ། དྲན་རྟོག་ཐམས་ཅད་ཆོས་སྐུ་ལམ་དུ་འཁྱེར་བར་བྱའོ། །དེའང་ལུས་དང་སྣང་བ་ལྷར་བསྒོམས་པ་དེ་ལ། སྣང་བའི་ཆ་དེ་བསྐྱེད་རིམས། སྟོང་པའི་ཆ་དེ་རྫོགས་རིམ། སྣང་སྟོང་ཟུང་འཇུག་ཆུ་ཟླ་ལྟ་བུ་དེ་བསྐྱེད་རྫོགས་ཟུང་འཇུག་སྟེ། དགོངས་པ་དང་པོའི་རྒྱུད་ལས། སྣང་བའི་ཆ་ལ་བསྐྱེད་རིམས་དང་། སྟོང་པའི་ཆ་ལ་རྫོགས་རིམ་སྟེ། བསྐྱེད་རྫོགས་

[Full Size]

མ་ཡིན་ཆོས་འགའ་མེད། །དབྱེར་མེད་ཚུལ་འདི་བསྟན་པའོ། །ཞེས་པའི་དོན་ནོ། །ཡེ་ཤེས་མཁའ་འགྲོ་མ་ནི་གུ་མ་ལ་བླ་མ་ཤངས་པས། ཚོགས་བརྒྱ་རྩ་དང་། གསེར་སྲང་ལྔ་བརྒྱ་ཕུལ་ནས་ཞུས་ཤིང་ཉམས་སུ་མྱོང་བར་བྱས་པའོ། །འདི་ནི་མི་རབས་བདུན་དུ་ཆིག་བརྒྱུད་ལས་མ་སྤེལ་ཅིག་རྫོགས་སོ། ༈ །ཞལ་ཤེས་བླ་མའི་གཏུམ་མོ་བཞུགས། འདིར་ཞལ་ལས་བྱུང་བ་བླ་མའི་གཏུམ་མོ་བསྒོམ་ན། ལུས་གནད་རླུང་གནད་ཆོས་དྲུག་གི་གཏུམ་མོ་དང་འདྲ། དམིགས་པ་སྟེ་འོག་རྩ་གསུམ་འདོམས་པར་ཉི་མའི་སྟེང་དུ། བླ་མ་སྐུ་གཅེར་བུ་ལྕག་ཚན་འདྲ་བ་རེག་མི་བཟོད་པ་གཅིག་བསམ། དེ་ནས་བླ་མའི་ཐུགས་ཀ་ནས་འོད་ཡར་འཕྲོས། སངས་རྒྱས་དང་བྱང་ཆུབ་སེམས་དཔའ་

[Full Size]

ཐམས་ཅད་ཀྱིས་ཐུགས་རྒྱུད་བསྐུལ། སྟེང་གི་ནམ་མཁའ་ལ་བྱོན་པའི་ཐུགས་ཀ་ནས་འོད་ཐིག་ལེའི་ངོ་བོ་དཀར་ན་ར་ར་སྤྱི་གཙུག་གི་བུག་ག་ནས་བྱོན། བླ་མའི་སྐུ་ལ་ཕོག་པས་ལྕགས་ཚན་ལ་མར་བླུགས་པ་ལྟར། སོ་སྒྲ་དང་བཅས་ཏེ་མེ་འབར་ལུས་ཀྱི་ནང་ཐམས་ཅད་ཁེངས་པའི་དབུས་ན་བླ་མ་བཞུགས་པ་ལ་སེམས་གཏད་ན་བདེ་དྲོད་མྱུར་དུ་སྐྱེའོ། །འདི་ཤིན་ཏུ་ཟབ། གསང་ངོ་། ཨིྀྠ། ཤུ་བྷཾ། །

བདེ་མཆོག་དབུ་མ་ཡིག་བདུན།

[Full Size]

བདེ་མཆོག་དབུ་མ་ཡིག་བདུན་བཞུགས་སོ། །དཔལ་འཁོར་ལོ་སྡོམ་པ་ལ་ཕྱག་འཚལ་ལོ། །སྤྱི་བོ་རུ་ནི་བརྟན་པར་བྱ། །དབུ་མ་ཡི་གེ་བདུན་པས་དགང་། །ཞེས་བདེ་མཆོག་གི་རྒྱུད་ལས་གསུངས་པའི་དོན་ནི། རང་བདེ་མཆོག་ཏུ་བསྒོམས་པའི་རྩ་དབུ་མ་རག་དུང་ལྟ་བུ། ཁ་ཆེ་ཤེས་འཕོངས་ན་མར་ལ་ཧར་སོང་ཡོད་པ། ཁ་ཆུང་ཤེས་སྤྱི་བོར་ཟུག་པ་གཅིག་བསམ། དེ་ནས་རང་གི་སྤྱི་བོར་པདྨ་སྔོན་པོ་འདབ་མ་དྲུག་པ་གཅིག་བསམ། ལྟེ་བ་ལ་ཨོཾ། འདབ་མ་མདུན་མ་ནས་བརྩམས་ཏེ་གཡས་བསྐོར་དུ། ཧྲཱིཿཧ་ཧ་ཧཱུྃ་ཧཱུྃ་ཕཊ་ཅེས་རང་འཐག་འཁོར་དུ་བསམ་མོ། །དེ་ནས་སྤྱི་བོའི་པདྨ་དང་ཡིག་འབྲུ་ལ་དམིགས་པ་ཡི་གེ་བདུན་པ་ཁ་ཡར་ཅིག་བཟླས་སོ། །དེ་ནིས་སྤྱི་བོ་རུ་ནི་བརྟན་

[Full Size]

པར་བྱ་ཞེས་པའི་དོན་ཏོ། །དེ་ནས་རང་གི་རྩ་དབུ་མ་ཡི་གེ་བདུན་པས་སྔོ་མེར་གྱིས་གང་བར་བསམ་མོ། །སྤྱི་བོ་ནས་སྤྲོ་མི་དགོས་གསུངས། དེས་ནས་ཡིག་འབྲུ་ཚོ་ཡར་མར་ལ་སྔོ་ཕུང་ཕུང་། འོད་ཟེར་ཁ་དོག་སྔོན་པོ་སྔོ་དཀྲུག་དཀྲུག་འདུག་པར་བསམ། འོད་ཟེར་ནང་དུ་འཕྲོས་པས་རང་གི་སྡིག་སྒྲིབ་དག །ཕྱི་རུ་འཕྲོས་པས་སེམས་ཅན་ཐམས་ཅད་ཀྱི་སྡིག་སྒྲིབ་དག་པར་བསམ་ཞིང་བཟླས་པ་བྱ་གསུང་། ལམ་ཁྱེར་གྱི་ཆོས་གསུམ་དང་ལྡན་པར་བྱས་ཀྱང་འགལ་བ་མེད་གསུང་ངོ་། །ཇོ་བོ་ནཱ་རོ་པས་དེ་ལྟ་བུའི་བཟླས་པ་འབུམ་ཕྲག་གཅིག་བཟླས་པས་ས་གཡོ་བ་དང་། ལུང་བསྟན་ཐོབ་པ་ཡིན་གསུང་ངོ་། །དེ་ལྟ་བུའི་གདམ་ངག་འདི། ཇོ་བོ་ཆེན་པོ་ནཱ་རོ་པས་ཡེ་ཤེས་ཀྱི་མཁའ་འགྲོ་མ་ནི་གུ་མ་ལ་གསུངས། དེས་ཁྱུང་པོ་རྣལ་

[Full Size]

འབྱོར་ལ་གནང་། དེས་རཏྣ་བིརྱ་ལ་གནང་། དེས་སངས་རྒྱས་དབོན་སྟོན་ལ། དེ་ཡན་ཆད་དུ་ལས་ཅན་རེ་རེ་ལ་ཆིག་བརྒྱུད་ལས་མེད། སྟེར་བའི་དུས་སུ་ཚོགས་འཁོར་བརྒྱ་རྩ་བརྒྱད་དམ། ཉི་ཤུ་རྩ་གཅིག་བཟླས་ནས་སྟེར་གསུང་། དེས་སངས་རྒྱས་གཉན་སྟོན་ལ། དེས་བགྲོས་ཁར་སློབ་མ་རེ་རེ་གཉིས་གཉིས་ལ་བྱིན་གསུང་། དེས་སངས་རྒྱས་སྟོན་པ། དེས་ཆོས་རྗེ་ཤངས་སྟོན་ལ། ཆོས་རྗེ་སྟོན་པའི་གསུང་ལ་ཟིན་བྲིས་ལན་བཞི་བྱས་ནས་བསྡུས་པ་ཡིན་གསུང་ངོ། ན་མོ་གུ་རུ། བདེ་མཆོག་ལས། སྐྱེ་བ་འདིའམ་ཕ་རོལ་ཏུ། །ལོངས་སྐུ་བདེ་ཆེན་ཐོབ་འདོད་པས། དབུ་མ་ཡི་གེ་བདུན་པས་དགང་། སྐུ་གསུམ་ལམ་དུ་

[Full Size]

འཁྱེར་བར་བྱ། །ཞེས་པའི་དོན། རང་ལྷ་ལྔར་བསྐྱེད་པའི་ཡབ་ཀྱི་རྩ་དབུ་མ་ཡར་རྩེ་ཕྲ་བ་སྤྱི་བོར་སླེབ་པ། མར་རྩེ་སྦོམ་པ་བཤང་ལམ་ལ་ཟུག་པ། ཁ་དོག་སྔོན་པོར་བསམ། དེའི་ནང་ཐམས་ཅད་ཡི་གེ་བདུན་པས་ཁེངས་པར་བསྒོམས་ནས། ཨོཾ་ཧྲཱིཿཧ་ཧ་ཧཱུྃ་ཧཱུྃ་ཕཊ། ཅེས་བཟླས་པས། ཡི་གེ་བདུན་པ་འོད་ཟེར་གྱི་རྣམ་པར་ཡར་འགྲོ་མར་འགྲོ་བྱས་པ་དང་། རང་གི་ལུས་པོ་དེ་འོད་ཟེར་སྔོན་པོས་ཁེངས་པས་ལུས་ངག་ཡིད་གསུམ་གྱི་ནད་གདོན་སྡིག་སྒྲིབ་ཐམས་ཅད་སངས་དག་པར་བསམ། བ་སྤུའི་བུ་ག་ཐམས་ཅད་ནས་འོད་ཟེར་ཕྱིར་འཕྲོས་སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས། བདེ་མཆོག་ཏུ་གྱུར། གཟུགས་སུ་སྣང་ཚད་ཀྱང་བདེ་མཆོག་ཏུ་གྱུར་པར་བསམ་མོ། །

[Full Size]

དེ་ལྟར་གཟུགས་སྣང་ཐམས་ཅད་བདེ་མཆོག་གི་སྐུ། སྒྲ་གྲགས་ཚད་སྔགས་ཀྱི་རང་སྒྲ་དྲན་རྟོག་ཐམས་ཅད་ཆོས་སྐུ་ལམ་དུ་འཁྱེར་བར་བྱའོ། །དེའང་ལུས་དང་སྣང་བ་ལྷར་བསྒོམ་པ་དེ་ལ། སྣང་བའི་ཆ་དེ་བསྐྱེད་རིམ། སྟོང་པའི་ཆ་དེ་རྫོགས་རིམ། སྣང་སྟོང་ཟུང་འཇུག་ཆུ་ཟླ་ལྟ་བུ་དེ་བསྐྱེད་རྫོགས་ཟུང་འཇུག་སྟེ། དགོངས་པ་དང་པོའི་རྒྱུད་ལས། སྣང་བའི་ཆ་ལ་བསྐྱེད་རིམ་དང་། །སྟོང་པའི་ཆ་ལ་རྫོགས་རིམ་སྟེ། །བསྐྱེད་རྫོགས་མ་ཡིན་ཆོས་འགལ་མེད། །དབྱེར་མེད་ཚུལ་འདི་བསྟན་པའོ། །ཞེས་པའི་དོན། ཡེ་ཤེས་མཁའ་འགྲོ་མ་ནི་གུ་མ་ལ། བླ་མ་ཤངས་པས་ཚོགས་བརྒྱ་རྩ་དང་། གསེར་སྲང་ལྔ་བརྒྱ་ཕུལ་ནས་ཞུས་ཤིང་ཉམས་སུ་མྱོང་བར་བྱས་པའོ། །འདི་ནི་མི་

[Full Size]

རབས་བདུན་དུ་ཆིག་བརྒྱུད་ལས་མ་སྤེལ་ཅིག་རྫོགས་སོ།། །།

བདེ་མཆོག་ལྷ་ལྔའི་བྱིན་བརླབས་དབང་བཞི་ལུས་བསྒྲིགས་གོ་བདེ་བཀླགས་ཆོག་ཏུ་བཀོད་པ།

[Full Size]

བདེ་མཆོག་ལྷ་ལྔའི་བྱིན་བརླབས་དབང་བཞི་ལུས་བསྒྲིགས་གོ་བདེ་བཀླགས་ཆོག་ཏུ་བཀོད་པ་བཞུགས་སོ། །མཁས་དབང་ལུང་རྟོགས་ཡོན་ཏན་ཀུན་གྱིས་ཕྱུག །མཁྱེན་དང་བརྩེ་བའི་འོད་བརྒྱ་རབ་ཏུ་འབར། རྡོ་རྗེའི་སྐུ་མཆོག་རི་དབང་ལྟ་བུར་བརྟན། ཁྱབ་བདག་འཁོར་ལོའི་མགོན་པོ་རྒྱལ་གྱུར་ཅིག །འདིར་བྱིན་རླབས་ཀྱི་ཁོག་ཕུབས་ཀྱི་བཀའ་གཉིས་ཀྱི་ནང་ཚན་བདེ་མཆོག་ལྷ་ལྔའི་བྱིན་

[Full Size]

བརླབས་བྱ་ཚུལ་ནི། མཎྜལ་པདྨ་འདབ་བཞི་ཕྱོགས་བཞི་ལྟེ་བ་དང་ལྔ་ལ། རྡུལ་ཚོན་ནམ་མེ་ཏོག་གི་ཚོམ་བུ་རེ་དགོད། དེ་ཡང་དབུས་ཀྱི་སྔོན་པོ། ཤར་གྱི་དེ་ནག་པོ། བྱང་གི་དེ་ལྗང་གུ ། ནུབ་དང་ལྷོ་རུ་རིམ་བཞིན་དམར་པོ་དང་གསེར་པོ་དགོད། མཐར་ཆུ་གཉིས་སྔོན་འགྲོའི་ཉེར་སྤྱོད་ལྔ་དང་། ནང་མཆོད་གཏོར་མ་བཤམས་ལོགས་ཤིག་ཏུ་བགེགས་གཏོར་ཀྱང་བཤམ་མོ། །དེ་ནས་སློབ་དཔོན་རང་ཉིད་སྐྱབས་སེམས་དང་ཚད་མེད་བཞི་སྔོན་དུ་བཏང་ནས། སྭཱ་བྷཱ་ཝས་སྟོང་པར་སྦྱངས། སྟོང་པའི་ངང་ལས་པད་ཉིའི་སྟེང་དུ་ཧཱུྃ་ལས་སྣ་ཚོགས་རྡོ་རྗེ། དེའི་ལྟེ་བའི་ཧཱུྃ་ལས་འོད་ཟེར་འཕྲོས་པས་རྡོ་རྗེའི་ས་གཞི་རྭ་གུར་མེ་རི་དང་བཅས་པ་སྒོམ། དེའི་ནང་དུ་པདྨ་

[Full Size]

འདབ་མ་བཞི་པའི་ལྟེ་བར་ཟླ་ཉི་དང་འཇིགས་བྱེད་དུས་མཚན་མནན་པའི་སྟེང་དུ་རང་ཉིད་སྐད་ཅིག་གིས་བདེ་མཆོག་ལྷན་སྐྱེས་སྔོན་པོ་ཕྱག་གཉིས་ཀྱིས་རྡོ་རྗེ་དང་དྲིལ་བུ་འཛིན་པ་ཡུམ་དང་བཅས་པ། ཕྱོགས་བཞིར་རོ་གདན་གྱི་སྟེང་དུ་ཤར་དུ་མཁའ་འགྲོ་མ་ལ་སོགས་པའི་རྣལ་འབྱོར་མ་བཞི། དེ་དག་གི་གནས་གསུམ་བྱིན་རླབས། ཡེ་ཤེས་པ་སྤྱན་དྲངས་ནས་བསྟིམ། གཙོ་བོ་ལ་དམིགས་ནས་ཡི་གེ་བདུན་པ། ཨོཾ་ཧྲཱིཿཧ་ཧ་ཧཱུྃ་ཧཱུྃ་ཕཊ། ཚར་ཅི་མང་དང་། འཁོར་བཞི་ལ་དམིགས་ནས། ཨོཾ་ཌཱ་ཀི་ནི་ཡེ་ཧཱུྃ་ཕཊ། ཨོཾ་ལཱ་མ་ཡེ་ཧཱུྃ་ཕཊ། ཨོཾ་ཁཎྜ་རོ་ཧི་ཧཱུྃ་ཕཊ། ཨོཾ་རུ་པི་ནི་ཡེ་ཧཱུྃ་ཕཊ། ཚར་བདུན་ལ་སོགས་པ་བཟླ་མཐར་

[Full Size]

འཁོར་བཞི་རང་ལ་བསྟིམ། བསྲུང་འཁོར་མི་བསྡུ་བར་བཞག་ལ། དགེ་བ་འདི་ཡི་མྱུར་དུ་བདག། ཧེ་རུ་ཀ་དཔལ་འགྲུབ་གྱུར་ཅིང་། སོགས་ཀྱིས་བསྔོ་བ་སྨོན་ལམ་བྱ། །དེ་ནས་མདུན་གྱི་མཎྜལ་བསང་སྦྱངས། སྟོང་པའི་ངང་ལས་རིན་པོ་ཆེ་ལས་གྲུབ་པའི་གཞལ་ཡས་ཁང་གྲུ་བཞི་སྒོ་བཞི་པ་རྒྱན་ཐམས་ཅད་ཀྱི་བརྒྱན་པའི་དབུས་སུ་པདྨ་འདབ་མ་བཞི་པའི་ལྟེ་བ་ལ་ཧཱུྃ། འདབ་མ་ལ་ལྃ་མྃ་པྃ་ཏྃ། དེ་རྣམས་ལས་འོད་ཟེར་སྔོན་པོ་འཕྲོས། ཁམས་གསུམ་གྱི་སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས་ནས་འོད་ཟེར་ཚུར་འདུས་ས་བོན་ལ་ཐིམ་པ་ལས་དབུས་སུ་བདེ་མཆོག་སྐུ་མདོག་སྔོན་པོ་ཞལ་གཅིག་ཕྱག་གཉིས་ཀྱིས་རྡོ་རྗེ་དང་དྲིལ་བུ་འཛིན་པ། ཞབས་

[Full Size]

གཡས་བརྐྱང་བ། ཡུམ་རྡོ་རྗེ་ཕག་མོ་དམར་མོ་ལ་འཁྱུད་པ། ཤར་དུ་མཁའ་འགྲོ་མ་མཐིང་ག །བྱང་དུ་ལཱ་མ་ལྗང་གུ། ནུབ་ཏུ་ཁཎྜ་རོ་ཧི་དམར་མོ། ལྷོར་གཟུགས་ཅན་མ་སེར་མོ་རྣམས་ཞལ་གཅིག་ཕྱག་གཉིས་མ། གྲི་གུག་དང་ཐོད་པ་འཛིན་པ། གྲུ་མོ་ན་ཁ་ཊྭཱྃ་ག་བསྣམས་པ། ཞབས་གཡས་བསྐུམ་གཡོན་བརྐྱང་རོའི་གདན་ལ། བཞུགས་པ། དེ་རྣམས་ཀྱི་གནས་གསུམ་བྱིན་གྱིས་བརླབས། ཐུགས་ཀ་ནས་འོད་ཟེར་འཕྲོས་པས་འོག་མིན་ནས་བདེ་མཆོག་ལྷ་ལྔ་སྤྱན་དྲངས་པར་བསམ་ལ། མ་ལུས་སེམས་ཅན་ཀུན་གྱི་ཞེས་སོགས་ཚིག་བཅད་གཅིག་གི་མཐར། ཨོཾ་སརྦ་ཏ་ཐཱ་ག་ཏ་ཨརྒྷཾ་པྲ་ཏི་ཙྪ་ཡེ་སྭཱ་ཧཱ། ཞེས་པས་མཆོད་ཡོན་ཕུལ། ཛཿ

[Full Size]

ཧཱུྃ་བྃ་ཧོཿ མདུན་བསྐྱེད་ལ་བསྟིམ། མཆོད་པ་བྱིན་རླབས། ཨོཾ་ཙཀྲ་སཾ་བྷ་ར་སོགས་མཚན་སྔགས་ཀྱི་མཐར་ཨརྒྷཾ་ནས་ཤཔྡའི་བར་གྱིས་ཕྱི་མཆོད། མཚན་སྔགས་ཀྱི་མཐར་ཨོཾ་ཨཱཿཧཱུྃ་གིས་ནང་མཆོད། སྤྲོ་ན་རྒྱལ་སྲིད་སྣ་བདུན་དང་འདོད་ཡོན་ལྔའི་མཆོད་པ་ཡང་བྱ། ཆོས་དབྱིངས་རྣམ་དག་དབྱིངས་ལས་ཞེས་སོགས་ཤྭ་ལོ་ཀ་གཅིག་གིས་གཙོ་བོ་ལ་བསྟོད། ཉོན་མོངས་རྣམ་དག་ཡེ་ཤེས་སྐུ་བརྙེས་ཏེ། སྲིད་པའི་འཁོར་ལོ་མ་ལུས་བཅད་པའི་ཕྱིར། །ཐབས་མཁས་ཐུགས་རྗེས་འགྲོ་བ་འདྲེན་མཛད་པ། ཁྲྭ་གདོང་ལ་སོགས་མཁའ་འགྲོ་བཞི་ལ་བསྟོད། ཅེས་པས་འཁོར་ལ་བསྟོད། ཡང་ན་གོང་གི་ཚིག་རྐང་བཞི་པ་དེར། ཀུན་བཟང་

[Full Size]

ཧེ་རུ་ཀའི་ཚོགས་དེར་ཕྱག་འཚལ་ལོ། །ཞེས་སྦྱར་ལ་གཙོ་འཁོར་ཐམས་ཅད་ལ་བསྟོད་པ་ཚང་བ་ཡིན། དེ་ནས་གཏོར་མ་བྱིན་རླབས་ལ། མཚན་སྔགས་སྔོན་འགྲོའི་མཐར་ཡི་དམ་སོགས་ཀྱི་བཏང་བ་ལན་གསུམ་གྱིས་ཕུལ། ཕྱི་མཆོད་ནང་མཆོད་བསྟོད་པ་སོགས་བྱ། དེ་ནས་རང་ཉིད་ཀྱིས་མདུན་བསྐྱེད་ལ་དམིགས་ནས་འཇུག་པའི་གཡོན་དུ། མཎྜལ། དགའ་ཆེན་སོགས་ཀྱིས་གསོལ་བཏབ། རྒྱུན་བཤགས། འདིར་ལྷག་སོར་རིགས་ལྔའི་སྡོམ་བཟུང་བྱ་དགོས་རང་ཉིད་བདེ་མཆོག་ལྷན་སྐྱེས་སུ་བསྐྱེད་ལ་ཡེ་ཤེས་པ་དབབ། དངོས་གཞི་རང་གི་སྤྱི་བོར་པྃ་ལས་པདྨ་ཞེས་པ་ནས། དབང་བཞི་པ་ཐོབ་པར་བསམ་པའི་

[Full Size]

བར་དཀྱུད་བཞིན་དུ་བདག་འཇུག་བླང་། དེ་ནས་སློབ་མ་མཚན་ཉིད་དང་ལྡན་པ་གྲལ་ལ་འཁོད་པ་ལ་བགེགས་གཏོར་བཏང་། བགེགས་བསྐྲད། སེམས་ཅན་ཐམས་ཅད་ཞེས་སོགས་སེམས་བསྐྱེད་གསལ་བཏབ་ལ། གང་གསན་པར་བྱ་བའི་ཆོས་ནི་བདེ་མཆོག་ལྷ་ལྔའི་དབང་བཞི་ལུས་སྒྲིགས་ཡིན། དེ་ལ་སློབ་དཔོན་གྱི་བྱ་བ་རྣམས་བསྒྲུབ་ཟིན། སློབ་མ་བྱ་བའི་ངོ་སྐལ་དུ་གྱུར་པ་ལ། ཐོག་མར་འཇུག་པའི་ཆོས་ཞུ་བའི་ཡོན་དུ་མཎྜལ། གསོལ་གདབ། རྒྱུན་བཤགས། རིགས་ལྔའི་སྡོམ་བཟུང་། ཡེ་ཤེས་དབབ་པ་རྣམས་དཀྱུས་བཞིན་བྱ། དེ་ནས་དངོས་བཞིའི་སླད་དུ་ཐུགས་འདུན་འདི་བཞིན་གནང་བ་ཞུ། ཁྱོད་རང་རྣམས་ཀྱི་སྤྱི་བོར་པྃ་ལས་པདྨ་རྃ་ལས་ཉི་མའི་

[Full Size]

དཀྱིལ་འཁོར་དང་འཇིགས་བྱེད་དུས་མཚན་གྱི་སྟེང་དུ་ཧཱུྃ་མཐིང་ཁ། མགྲིན་པར་པཾ་ལས་པདྨ་འདབ་བཞིའི་དཀྱིལ་འཁོར་དུ་ཨ་དམར་འབུར་སྐྱེས་ཅིག་བསམ། སྙིང་གར་ཡང་པད་ཉིད་དང་དུས་མཚན་གྱི་སྟེང་དུ་ཧཱུྃ་མཐིང་ཁ། ལྟེ་བར་ཆོས་འབྱུང་གྲུ་གསུམ་དམར་པོའི་ནང་དུ་བཾ་དམར་པོ་ཅིག་བསམ། དེ་ནས་སྤྱི་བོའི་ཧཱུྃ་ལས་འོད་ཟེར་ཕར་འཕྲོས་པས་ཁམས་གསུམ་གྱི་སེམས་ཅན་རྣམས་ཀྱི་སྡིག་སྒྲིབ་སྦྱངས་ནས། བཅོམ་ལྡན་འདས་འཁོར་ལོ་བདེ་མཆོག་གི་གོ་འཕང་ལ་བཀོད། འོད་ཟེར་ཚུར་འདུས་ནས་ཧཱུྃ་ལ་ཐིམ། ཧཱུྃ་དེ་ཡོངས་སུ་གྱུར་པ་ལས་ཁྱེད་རང་གི་སྤྱི་བོར་བླ་མ་དང་གཉིས་སུ་མེད་པའི་ཧེ་རུ་ཀ་ཡབ་ཡུམ་རྒྱན་ཆ་ལུགས་དང་ལྡན་པ་ལ་ཌཱ་ཀི་བཞིས་

[Full Size]

གཡོན་བསྐོར་དུ་ཁོ་རོ་རོ་བྱེད་པ་ལ་དམིགས་པ་གཏོད་མཛོད། དེ་ལྟར་བསྒོམས་པས་དྲོད་སྐྱེད། དགའ་བ་ཉམས་སུ་མྱོང་། དེ་བུམ་པའི་དབང་གི་ངོ་སྤྲོད་ཡིན། དེ་ནས་ངོ་བོ་བླ་མ་ལ་རྣམ་པ་ཡི་དམ་གྱི་སྐུའི་ངོ་བོ་ལྷ་ལྔ་ལ་རང་གི་ལུས་ལོངས་སྤྱོད་དང་། དུས་གསུམ་དུ་བསགས་པའི་དགེ་བའི་རྩ་བ་ཐམས་ཅད་ཕྱི་ནང་གསང་གསུམ་གྱི་མཆོད་པའི་རྣམ་པར་བསྒྱུར་ནས་ཕུལ་བས་ཐུགས་མཉེས་པར་བསམ་ལ་གསོལ་བ་གདབ་པ་འདི་གསུང་བར་ཞུ། བླ་མ་རིན་པོ་ཆེ་བདག་ལ་དབང་བཞི་རྫོགས་སུ་བསྐུར་དུ་གསོལ། ཞེས་བརྗོད་དུ་གཞུག །དེ་ནས་བླ་མ་དང་ཐ་མི་དད་པའི་ཐུགས་ཀའི་ས་བོན་ཡི་གེ་ཧཱུྃ་ལས་བདུད་རྩིའི་རྒྱུན་བབས། འོད་དཀར་པོ་བྱུང་བ་རང་གི་སྤྱི་བོ་

[Full Size]

བདེ་ཆེན་གྱི་འཁོར་ལོ་འོད་ཀྱིས་ཁྱབ། ལུས་ཀྱི་སྡིག་སྒྲིབ་དག །བུམ་པའི་དབང་ཐོབ། དེ་ནས་མགྲིན་པ་ལོངས་སྤྱོད་ཀྱི་འཁོར་ལོ་འོད་ཀྱིས་ཁྱབ། ངག་གི་སྡིག་སྒྲིབ་དག །གསང་བའི་དབང་ཐོབ། དེ་ནས་སྙིང་ཁ་ཆོས་ཀྱི་འཁོར་ལོ་འོད་ཀྱིས་ཁྱབ། ཡིད་ཀྱི་སྡིག་སྒྲིབ་དག །ཤེས་རབ་ཡེ་ཤེས་ཀྱི་དབང་ཐོབ། དེ་ནས་ལྟེ་བ་སྤྲུལ་པའི་འཁོར་ལོ་འོད་ཀྱིས་ཁྱབ་པས་ལུས་ངག་ཡིད་གསུམ་ཀའི་སྡིག་སྒྲིབ་དག །དབང་བཞི་པ་ཐོབ་པའི་མོས་པ་གནང་བ་ཞུ། ཡི་གེ་བདུན་པ་དང་ཌཱ་དྲིལ་་བྱ། དེ་བུམ་དབང་གི་དབང་བཞི་ཡིན། ཁྱེད་རང་གི་སྤྱི་བོའི་ལྷ་མོ་བཞི་ཡུམ་ལ་ཐིམ། ཡུམ་ཡབ་ལ་ཐིམ། ཡབ་འོད་དུ་ཞུ་ནས་སྤྱི་གཙུག་གི་ཚངས་པའི་བུ་ག་

[Full Size]

ནས་མར་ཞུགས་ནས། མགྲིན་པའི་ཨ་ལ་ཐིམ་པར་བསམ་མཛོད། ཡང་ཐུགས་འདུན་འདི་བཞིན་དུ་གནང་བ་ཞུ། ཁྱོད་རང་གི་མགྲིན་པ་ལོངས་སྤྱོད་འཁོར་ལོའི་དབུས་སུ་བླ་མ་ཡི་དམ་གྱི་གསུང་གི་ངོ་བོ་ཨཱཿདམར་པོ་དེ་ལ་དར་ཅིག་སེམས་གཏོད་མཛོད། དེ་ལྟར་གཏད་པས་སེམས་ལ་བདེ་བ་སྐྱེས། མཆོག་དགའ་ཉམས་སུ་མྱོང་བར་བསམ། དེ་གསང་དབང་གི་ངོ་སྤྲོད་ཡིན་གསུང་། དེ་ནས་གསུང་གི་ངོ་བོ་ཨཱཿདེ་ལ་སྔར་ལྟར་ལུས་གསུམ་གྱི་དགེ་རྩ་རྣམས་མཆོད་པ་ཕུལ་ནས། བདག་ལ་གསང་བའི་དབང་བསྐུར་དུ་གསོལ། ཞེས་གསོལ་བ་བཏབ་པས་ཨཱཿལས་འོད་ཟེར་དཀར་ལ་དམར་བའི་མདངས་ཆགས་པ། བདེ་ཁྲི་ལི་ལི་བྱུང་ནས་མགྲིན་པ་ལོངས་སྤྱོད་

[Full Size]

ཀྱི་འཁོར་ལོ་འོད་ཀྱིས་ཁྱབ་པས་ངག་གི་སྡིག་སྒྲིབ་དག །གསང་བའི་དབང་ཐོབ་པའི་མོས་པ་གནང་བ་ཞུ། སྔགས་དང་ཌཱ་དྲིལ་་བྱ། མགྲིན་པའི་པད་འདབ་འོད་དུ་ཞུ་ཨཱཿལ་ཐིམ། ཨཱཿའོད་དུ་ཞུ་སྙིང་གའི་ཧཱུྃ་ལ་ཐིམ། ཧཱུྃ་ཡོངས་སུ་གྱུར་པ་ལས། བདེ་མཆོག་ལྷ་ལྔའི་དཀྱིལ་འཁོར་དུ་གྱུར། དེ་ཡང་རྩ་བའི་མཁའ་འགྲོ་མ་བཞིས་གཙོ་བོ་ལ་བསྐོར་བ་བྱེད་པ་ལ་དར་ཅིག་སེམས་གཏད་མཛོད། དེ་ལྟར་བསྒོམས་པས་ལུས་སེམས་ལ་མི་རྟོག་པ་སྐྱེ། དགའ་བྲལ་གྱི་དགའ་བ་ཉམས་སུ་མྱོང་། དེ་ཤེས་རབ་ཡེ་ཤེས་ཀྱི་དབང་གི་ངོ་སྤྲོད་ཡིན་གསུངས། དེ་ནས་བླ་མ་ཡི་དམ་གྱི་ཐུགས་ཀྱི་ངོ་བོ་ལྷ་ལྔ་ལ་སྔར་ལྟར་མཆོད་པ་ཕུལ་ནས།

[Full Size]

བདག་ལ་ཤེས་རབ་ཡེ་ཤེས་ཀྱི་དབང་བསྐུར་དུ་གསོལ། ཞེས་གསོལ་བ་བཏབ་པས་གཙོ་བོའི་ཐུགས་ཀ་ནས་འོད་སྔོན་པོ་བྱུང་ནས། སྙིང་ག་ཆོས་ཀྱི་འཁོར་ལོ་འོད་ཀྱིས་ཁྱབ་པས་ཡིད་ཀྱི་སྡིག་སྒྲིབ་དག །ཤེས་རབ་ཡེ་ཤེས་ཀྱི་དབང་ཐོབ་པའི་མོས་པ་གནང་བ་ཞུ། ཡི་གེ་བདུན་པ་དང་ཌཱ་དྲིལ་་བྱ། དེ་ནས་སྙིང་གའི་ལྷ་མོ་བཞི་ཡུམ་ལ་ཐིམ། ཡུམ་ཡབ་ལ་ཐིམ། ཡབ་འོད་དུ་ཞུ་ནས་ལྟེ་བའི་ཆོས་འབྱུང་ནང་གི་བྃ་ལ་ཐིམ། བྃ་ཡོངས་སུ་གྱུར་པ་ལས་རྗེ་བཙུན་མ་ཞལ་གཅིག་ཕྱག་གཉིས་མ། ཕྱག་གཡས་ན་ཅང་ཏེའུ་སྒྲ་དང་བཅས་པ། གཡོན་ན་ཐོད་པ་བསྣམས་པ། སྐུ་མདོག་དམར་པོ་རུས་པའི་རྒྱན་ཅན་ཁྲོ་ལ་འཛུམ་པ། སྒེག་པ། གར་བྱེད་

[Full Size]

པ། དེ་ལ་དར་ཅིག་ཤེས་པ་གཏོད་མཛོད། དེ་ལྟར་གཏད་པས་ལུས་སེམས་ལ་དྲོད་བདེ་བ་མི་རྟོག་པ་གསུམ་སྐྱེས། ལྷན་ཅིག་སྐྱེས་པའི་དགའ་བ་ཉམས་སུ་མྱོང་། དེ་དབང་བཞི་པའི་ངོ་སྤྲོད་ཡིན་གསུང་། དེ་ནས་བླ་མ་ཡི་དམ་གྱི་སྐུ་གསུང་ཐུགས་ཀྱི་ངོ་བོ་རྗེ་བཙུན་མ་ལ་སྔར་ལྟར་མཆོད་པ་ཕུལ་ནས། བླ་མ་རིན་པོ་ཆེ་བདག་ལ་དབང་བཞི་པ་བསྐུར་དུ་གསོལ། ཞེས་གསོལ་བ་བཏབ་པས་རྣལ་འབྱོར་མའི་ཤངས་བུག་གཡས་ནས་ཨ་ལི་བྱུང་། གཡོན་ནས་ཀ་ལི་བྱུང་ནས་རྣལ་འབྱོར་མའི་སྨིན་མཚམས་སུ་གཡུང་དྲུང་རིས་དམར་པོ་གཅིག་ཏུ་གྱུར་ནས་དེ་དྲག་ཏུ་འཁོར་བར་བསམས། མཐར་རྣལ་འབྱོར་མ་འོད་

[Full Size]

དུ་ཞུ་ནས་རང་ལ་ཐིམ། རང་གི་ཕུང་པོ་ཡང་འོད་ཕུང་ལྟ་བུ་ལ་སྟོང་སངས་ཀྱིས་སོང་ནས་ཆོས་ཐམས་ཅད་ཀྱི་གནས་ལུགས་ནམ་མཁའ་ལྟ་བུའི་ངང་ལ་དར་ཅིག་སྒོམ། དེས་ལུས་ངག་ཡིད་གསུམ་གྱི་སྡིག་སྒྲིབ་དག །དབང་བཞི་པ་ཐོབ་པའི་མོས་པ་གནང་བ་ཞུ། ཡི་གེ་བདུན་པ་དང་ཌཱ་དྲིལ་། དེ་ནས་སླར་ཆོས་སྐུ་ལས་གཟུགས་སྐུར་བཞེངས་པའི་ཚུལ་དུ་སྟོང་པ་དེའི་ངང་ལས། ཁྱེད་རང་བདེ་མཆོག་ལྷན་སྐྱེས་ཀྱི་སྐུ་སྒྱུ་མ་ལྟ་བུ་ཞེན་པ་མེད་པ་མེ་ལོང་ནང་གི་གཟུགས་བརྙན་ལྟ་བུ་ལམ་གྱིས་སྒོམ་མཛོད། ཁྱེད་རང་ལྷར་གསལ་བ་ལ། སློབ་དཔོན་གྱི་ཡིད་ཀྱི་སྤྲུལ་པའི་མཆོད་པ་རྣམ་པ་ལྔ་ཡང་ཕུལ་བའི་མོས་པ་མཛོད། ཨོཾ་བཛྲ་

[Full Size]

པུཥྤེ་ལ་སོགས་པ་བརྗོད། དབང་གི་ཕན་ཡོན་ནི། སྔར་དབང་ཐོབ་པ་རྣམས་ཉམས་པ་གསོ་བ་དང་། སྡིག་པ་ཐམས་ཅད་ཡོངས་སུ་ཟད་པ་དང་། ལྷན་ཅིག་སྐྱེས་པའི་ཡེ་ཤེས་རྒྱུད་ལ་སྐྱེ་བར་འགྱུར་པ་ཡིན། རྗེས་གཙོ་བོས་སོགས་དང་། ཡིག་བརྒྱ་བརྗོད། དེ་ནས་ནོངས་པ་བཟོད་གསོལ་སོགས་སྤྱི་དང་འདྲ། དེ་ལྟར་བདེ་མཆོག་ལྷ་ལྔའི་བྱིན་རླབས་དབང་བཞི་ལུས་སྒྲིགས་གོ་བདེ་བཀླགས་ཆོག་འདི་ནི། ལས་དང་པོ་པ་རྣམས་ལ་ཕན་པའི་ཕྱིར་དུ། དགེ་སློང་འདུལ་བ་འཛིན་པ་ངག་དབང་ཆོས་གྲགས་ཀྱིས། མཁས་བཙུན་རྒྱལ་མཚན་འབུམ་གྱི་ཡིག་ཆ་གཞིར་བཞག །ཚར་ཆེན་ཡབ་སྲས་ཀྱི་གསུང་གི་ཟིན་ཐོ་ནས་ཀྱང་ཁ་

[Full Size]

བསྐང་། འཚམས་སྦྱོར་རྣམས་ཅུང་ཟད་གོ་བདེ་བར་བཅོས་ཏེ། ལྕགས་ཕོ་འབྲུག་ལོ་ཟླ་བ་བརྒྱད་པའི་ཡར་ཚེས་བཅུ་གཉིས་ཀྱི་ཉིན་སྤུ་དཀར་བླ་བྲང་རྫོང་གི་བསྟི་གནས་སུ་སྦྱར་བ་དགེ་ལེགས་འཕེལ། ཡི་གེ་པ་ནི་ཉི་ཤར་བ་བསོད་ནམས་ཆོས་སྐྱོང་གིས་གུས་པས་བགྱིས་པ་དགེ་ལེགས་འཕེལ།། །།

རྒྱུད་སྡེ་ལྔའི་མངོན་རྟོགས་གཏོར་མ་དང་བཅས་པ། བླ་མ་ཁྱུང་པོ་རྣལ་འབྱོར།

[Full Size]

རྒྱུད་སྡེ་ལྔའི་མངོན་རྟོགས་གཏོར་མ་དང་བཅས་པ་བཞུགས་སོ། །བླ་མ་དམ་པ་རྣམས་ལ་ཕྱག་འཚལ་ལོ། །བྱང་ཆུབ་སེམས་དཔའ་བློ་གྲོས་རིན་ཆེན་གྱིས་མཛད་པའི་རྒྱུད་སྡེ་ལྔའི་མངོན་རྟོགས་བསྒོམས་པར་འདོད་པས་འདི་བཞིན་བྱའོ། །བསྲུངས་འཁོར་ཚོགས་ལ་སོགས་པ་ཡིས། རྒྱས་མིན་བསྡུས་པ་སྔོན་སོང་ནས། གཞལ་ཡས་དབུས་སུ་པད་འདབ་བརྒྱད། ལྟེ་བར་

[Full Size]

བདུད་བཞི་ཉི་མས་མནན། ཉི་སྟེང་ཧཱུྃ་དང་ཨཾ་ནག་བསྒོམས། །དེ་འོག་ཨ་ལི་གཉིས་གྱུར་ལས། །མེ་ལོང་ཟླ་བ་ཤེས་རབ་གཟུགས། །སུམ་ཅུ་རྩ་གཉིས་འབྱུང་བའོ། །སྟེང་དུ་ཀ་ལི་གཉིས་འགྱུར་ལས། །མཉམ་ཉིད་ཉི་མ་ཐབས་ཀྱིས་གཟུགས། །དཔེ་བྱད་བརྒྱད་བཅུ་འགྲུབ་པར་བྱེད། །ཐོད་དཀར་དྲི་སྔོན་ཉི་ཟླ་དང་། །ས་བོན་མཚན་མ་སོ་སོར་རྟོགས། །བསྐུལ་སྦྱངས་ཅིག་གྱུར་ནན་ཏན་ཡིན། །ཅིག་གྱུར་སྐུ་ནི་ཆོས་ཀྱི་དབྱིངས། །སྐུ་མདོག་མཐིང་ནག་ཆེན་པོ་ལ། །ཞལ་བརྒྱད་ཞབས་བཞི་ཕྱག་བཅུ་དྲུག །དབུ་སྐྲ་ཁམས་སེར་གྱེན་དུ་འབར། །སྟེང་ཞལ་སྐུ་མདོག་མཆེ་བ་གཙིགས། །རུས་པའི་འཁོར་ལོ་སྤྱན་གསུམ་དམར། །འོག་མ་གཡས་དཀར་གཡོན་པ་དམར།

[Full Size]

དབུས་ཞལ་གཞན་རྣམས་སྐུའི་མདོག །སྤྱན་དམར་གསུམ་གསུམ་མཆེ་བ་གཙིགས། །སྣ་ཚོགས་རྡོ་རྗེ་ཐོད་པ་ཐོད། །སྙན་ཆ་མགུལ་བརྒྱན་དབུ་རྒྱན་དང་། །ཕྱག་གདུབ་ཞབས་གདུབ་རུས་པས་བརྒྱན། །ཁྲག་འཛག་ལྔ་བཅུའི་ཕྲེང་བ་ཅན། །སྟག་གིས་ཤམ་ཐབས་ཐལ་བས་བྱུགས། །རྡོ་རྗེ་དྲིལ་བུ་དང་པོའི་ཕྱག །ཡུམ་ལ་ལེགས་པར་འཁྱུད་པའོ། །གཡས་ཀྱི་གཉིས་པ་རལ་གྲི་འཛིན། །དེ་བཞིན་མདའ་དང་འཁོར་ལོ་གཤོལ། དབྱུག་པ་རྩེ་གསུམ་ལྕགས་ཀྱུའོ། །གཡོན་ན་རིམ་བཞིན་པདྨ་གཞུ། ཁ་ཊྭཱྃ་ཐོད་པ་རིན་པོ་ཆེ། །སྡིག་འཛུབ་ཞགས་པ་བསྣམས་པའོ། །ཡུམ་གྱི་སྐུ་མདོག་ཡབ་དང་མཚུངས། །ཞལ་གཅིག་ཕྱག་བཞི་དང་པོའི་

[Full Size]

ཕྱག །གྲི་གུག་ཐོད་པ་ཡབ་ལ་འཁྱུད། །གཉིས་ནི་མདའ་གཞུ་བསྣམས་པའོ། །ཐོད་སྐམ་བཅོ་ལྔའི་ཕྲེང་བས་བརྒྱན། །རྒྱན་རྣམས་རུས་པ་ཡབ་དང་མཉམ། །གཙོ་བོ་ཞབས་བཞི་གཡས་བརྐྱང་ནས། །བརྒྱ་བྱིན་ཚངས་པ་ཉེ་དབང་དྲག །ཉི་མའི་དཀྱིལ་འཁོར་གྱིས་མནན་པའི། །སྟེང་ན་འཇིགས་བྱེད་དཔའ་དང་གཤེ། །གཞད་དྲག་སྙིང་རྗེ་རྔམ་དང་ཞི། །གར་དགུའི་རྣམ་པ་མི་འགྱུར་བཞུགས། །མཚོན་ཆ་ཅན་གྱིས་བསྐྱེད་རིམ་མོ། ༈ །བདེ་ཆེན་འཁོར་ལོའི་ལྟེ་བ་ལ། །གསང་འདུས་དཔའ་བོ་ཡབ་ཡུམ་ནི། །སྐུ་མདོག་མཐིང་ཤུན་འོད་འབར་མཛེས། །ཞལ་གཅིག་ཕྱག་གཉིས་འཛུམ་པའི་མདངས། །རྡོ་རྗེ་སྐྱིལ་ཀྲུང་རིན་ཆེན་སྤྲས། །

[Full Size]

རྡོ་རྗེ་དྲིལ་བུ་ཡུམ་ལ་འཁྱུད། །ཡུམ་ནི་རང་འོད་རིག་མ་སྟེ། །རྒྱན་དང་ཆ་ལུགས་ཡབ་དང་མཚུངས། །རྡོ་རྗེ་དྲིལ་བུ་གཙོ་ལ་འཁྱུད། །ཞབས་གཉིས་ཡབ་ལ་ལེགས་འཁྱུད་བཞུགས། །གསང་འདུས་བསྐྱེད་པའི་རིམ་པའོ། ༈ །ལོངས་སྤྱོད་འཁོར་ལོའི་ལྟེ་བ་ལ། །མ་ཧཱ་མ་ཡཱ་ཡབ་ཡུམ་ནི། །ཞལ་གཅིག་ཕྱག་གཉིས་གར་སྟབས་བཞུགས། །དབུ་སྐྲ་ཁམས་སེར་གྱེན་དུ་འབར། །ཐོད་པ་དུམ་བུ་ལྔའི་ཐོད། །རུས་པའི་ཕྱག་རྒྱ་དྲུག་གིས་བརྒྱན། །སྤྱན་གསུམ་དམར་ཞིང་ཟླུམ་པ་ལ། །ཞལ་ནི་འཛུམ་ཁྲོ་དག་དང་ལྡན། །ཁྲག་འཛག་ལྔ་བཅུའི་ཕྲེང་བས་བརྒྱན། ཁ་ཊྭཱྃ་ཐོད་པ་ཡབ་ལ་འཁྱུད། །ཞབས་གཉིས་བདུད་གཉིས་ལེགས་

[Full Size]

པར་མནན། །ཡུམ་ནི་ཞལ་གཅིག་ཕྱག་གཉིས་མ། །རྒྱན་དང་ཆ་ལུགས་གཙོ་དང་མཐུན། ཁ་ཊྭཱྃ་ཐོད་པ་ཡབ་ལ་འཁྱུད། །ཞབས་གཡས་གཙོ་ལ་འཁྱུད་པའོ། །སྒྱུ་འཕྲུལ་ཡབ་ཡུམ་མངོན་རྟོགས་སོ། ༈ །ཆོས་ཀྱི་འཁོར་ལོའི་ལྟེ་བ་ལ། །དགྱེས་མཛད་དཔའ་བོ་ཡབ་ཡུམ་ལ། །ཞལ་གཅིག་ཕྱག་གཉིས་སྐུ་མདོག་མཐིང་། །དབུ་སྐྲ་ཁམས་སེར་གྱེན་ལ་འབར། །ཐོད་པ་དུམ་བུ་ལྔའི་ཐོད། །རུས་པའི་བརྒྱན་དྲུག་དག་གིས་བརྒྱན། །ཁྲག་འཛག་ལྔ་བཅུའི་ཕྲེང་བ་ཅན། །སྟག་གིས་ཤམ་ཐབས་ཐལ་བས་བྱུགས། །གཡས་བསྐུམ་གཡོན་བརྐྱང་བདུད་གཉིས་མནན། །རྡོ་རྗེ་དྲིལ་བུ་ཡུམ་ལ་འཁྱུད། །ཡུམ་ནི་འཛུམ་ཁྲོའི་རྣམ་པ་ལ། །བརྒྱན་

[Full Size]

རྣམས་རུས་པ་ཡབ་དང་མཉམས། །གྲི་གུག་ཐོད་པ་ཡབ་ལ་འཁྱུད། །ཞབས་གཡས་ཡབ་ལ་འཁྱུད་ནས་བཞུགས། །མཚོ་སྐྱེས་ཡབ་ཡུམ་བསྐྱེད་རིམས་སོ། ༈ །སྤྲུལ་པ་འཁོར་ལོའི་ལྟེ་བ་ལ། །བཅོམ་ལྡན་འདས་མཆོག་ལྷན་སྐྱེས་ནི། །ཞལ་གཅིག་ཕྱག་གཉིས་སྐུ་མདོག་མཐིང་། །སྤྱན་གསུམ་དམར་ཞིང་ཟླུམ་པ་ལ། །དབུ་སྐྲ་མཐོན་མཐིང་ཐོར་ཚུགས་ཅན། །མཐིང་ནག་དར་གྱིས་ཅོད་པན་ཅན། །ཐོད་པ་དུམ་བུ་ལྔའི་ཐོད། །དཔྲལ་བར་ཟླ་ཕྱེད་རྡོ་རྗེ་མཛེས། །རུས་པའི་ཕྱག་རྒྱ་དྲུག་གིས་བརྒྱན། །སྟག་གིས་ཤམ་ཐབས་ཐལ་བས་བྱུགས། །གཡས་བརྐྱང་གཡོན་བསྐུམ་བདུད་གཉིས་མནན། །རྡོ་རྗེ་དྲིལ་བུ་ཡུམ་ལ་འཁྱུད། །

[Full Size]

ཡུམ་ནི་ཞལ་གཅིག་ཕྱག་གཉིས་མ། །སྐུ་མདོག་དམར་མོ་འོད་ཟེར་འཕྲོ། །དབུ་སྐྲ་མཐོན་མཐིང་དཀར་པོར་སླེབ། །ཐོད་པ་དུམ་བུ་ལྔའི་ཐོད། །སྤྱན་གསུམ་དམར་ཞིང་ཟླུམ་པ་ལ། །ཞལ་ནི་ཁྲོ་འཛུམ་དག་དང་ལྡན། །བརྒྱན་རྣམས་རུས་པ་ཡབ་དང་མཉམ། །གྲི་གུག་ཐོད་པ་ཡབ་ལ་འཁྱུད། །ཞབས་གཡས་ཡབ་ལ་འཁྱུད་ནས་བཞུགས། །བཅོམ་ལྡན་ལྷན་སྐྱེས་མངོན་རྟོགས་སོ། ༈ །གསང་བ་བདེ་སྐྱོངས་འཁོར་ལོ་ལ། །བཅོམ་ལྡན་གཤིན་རྗེ་འཇིགས་བྱེད་ནི། །མ་ཧེའི་གདོང་ཅན་ཡུམ་དང་བཅས། །སྐུ་མདོག་མཐིང་ནག་ཆེན་པོ་ལ། །ལྷུ་ཚིགས་ཐམས་ཅད་སྦྲུལ་གྱིས་བརྒྱན། །ཁྲག་འཛག་ལྔ་བཅུའི་ཕྲེང་བ་ཅན། །

[Full Size]

སྟག་གིས་ཤམ་ཐབ་ཐལ་བས་བྱུགས། །རུས་པའི་ཕྱག་རྒྱ་དྲུག་གིས་བརྒྱན། །གཡས་བསྐུམ་གཡོན་བརྐྱང་འཇིགས་པའི་གཟུགས། །འཇིགས་བྱེད་དུས་མཚན་མནན་པ་ཡི། །གྲི་གུག་ཐོད་པ་ཡུམ་ལ་འཁྱུད། །ཡུམ་ནི་ཕག་མོ་གྲི་ཐོད་འཛིན། །རུས་པའི་ཕྱག་རྒྱ་ལྔ་ཡིས་བརྒྱན། །ཐོད་སྐམ་བཅོ་ལྔའི་རྡོ་ཤལ་བྱས། །གཡོན་པའི་ཞབས་ཀྱིས་ཡབ་ལ་འཁྱུད། །རྡོ་རྗེ་འཇིགས་བྱེད་བསྐྱེད་པའི་རིམ་པའོ། །ཡེ་ཤེས་སེམས་དཔའ་བཞུགས་པ་ནི། །གཙོ་བོའི་ཐུགས་ཀའི་ས་བོན་ལས། །འོག་མིན་གནས་སུ་འོད་ཟེར་འཕྲོས། །རྒྱུད་སྡེ་ལྷ་ཚོགས་སྤྱན་དྲངས་ལ། །ནང་གི་ལས་སོགས་མཆོད་པས་མཆོད། །ཛཿཧཱུྃ་

[Full Size]

བྃ་ཧོཿས་དགུག་གཞུག་བཅིང་། །དགྱེས་པ་བསྐྱེད་ལ་གཉིས་མེད་བསྲེ། །སྐུ་གསུང་ཐུགས་བྱིན་རླབས་པ་ནི། །སྤྱི་བོ་མགྲིན་པ་སྙིང་ག་རུ། །ཨོཾ་དཀར་ཨཱཿདམར་ཧཱུྃ་ནག་བསྒོམ། །དེ་ལས་འོད་ཟེར་འཕྲོས་པ་ཡིས། །སངས་རྒྱས་རྣམས་ཀྱི་གནས་གསུམ་ནས། །ལྷ་རྣམས་སོ་སོའི་གནས་གསུམ་དུ། །འོད་ཟེར་གསུམ་པོ་བསྟིམ་པར་བྱ། །དེ་ནས་དབང་བསྐུར་ཞུ་བ་ནི། །ལྷ་རྣམས་སོ་སོའི་ཐུགས་ཀ་ཡིས། །རང་རང་ས་བོན་དག་ལས་ནི། །འོད་ཟེར་ཕྱོགས་བཅུར་འཕྲོས་པ་ལས། །སངས་རྒྱས་རྣམས་ཀྱི་ཐུགས་དམ་བསྐུལ། །སེམས་ཅན་རྣམས་ཀྱི་རྒྱུད་སྦྱངས་ནས། །སངས་རྒྱས་བྱང་ཆུབ་སེམས་དཔའ་དང་། །བླ་མ་རྣམས་དང་ཡི་

[Full Size]

དམ་ལྷ། །མཆོད་པའི་ལྷ་ཚོགས་སྤྱན་དྲངས་ལ། །དབང་བསྐུར་དོན་དུ་གསོལ་བ་གདབ། །ཨ་བྷི་ཥཉྩ་བརྗོད་པ་ཡིས། །རིག་པའི་ལྷ་མོས་དབང་བསྐུར་ནས། །ནད་དང་གནོད་པ་སྡིག་སྒྲིབ་སོགས། །དག་པས་རང་ལུས་འོད་དུ་བསམ། །ཡང་ནི་དབང་བསྐུར་གསོལ་བཏབ་ལ། །རྡོ་རྗེ་སློབ་དཔོན་བྱོན་ནས་ནི། །རྣམ་རྒྱལ་བུམ་པས་དབང་བསྐུར་ནས། །ལྷ་རྣམས་སོ་སོ་ཐམས་ཅད་ཀྱིས། །སྐུ་ལུས་བདུད་རྩི་གང་ནས་སུ། །སྤྱི་བོར་ལུང་པས་དབང་རྟགས་ནི། །སྤྲུལ་སྐུ་རིགས་ལྔས་སོ་སོར་བརྒྱན། །དེ་ལྟར་གནས་ལྔ་ཡབ་ཡུམ་རྣམས། །སྣང་སྟོང་མཚན་དང་དཔེ་བྱེད་བརྒྱན། །འོད་དང་འོད་

[Full Size]

ཟེར་ནམ་མཁའ་ཡིས། ཁམས་རྣམས་ཁྱབ་པར་བལྟ་བར་བྱ། །ཞུ་བདེ་ལྷན་ཅིག་སྐྱེས་པ་ཡིས། །ཐིག་ལེ་གནས་ལྔར་སྒོ་ང་ཙམ། མཚན་ཉིད་ལྔ་ལྡན་ཤེས་པར་བྱ། །ཡང་ན་སྙིང་གར་ལེགས་བསྡུས་ལ། །དེ་ནས་རྫོགས་རིམ་བསྒོམ་པ་ནི། །ལྷ་རྣམས་སྙོམས་པར་འཇུག་པ་ལས། །ཡེ་ཤེས་ལྔའི་ཐིག་ལེ་ནི། །དཀར་ཞིང་འཚེར་བ་ཡུངས་འབྲུ་ཙམ། །སེམས་ཉིད་སྤྲོས་དང་བྲལ་བ་ལ། །ཆོས་ཉིད་སྤྲོས་དང་བྲལ་བར་བཞག །དེ་ནས་བཟླས་པ་བྱ་བ་ནི། །གཙོ་བོའི་ཐུགས་ཀར་པད་འདབ་བརྒྱད། །ཕྱི་རོལ་ཐོད་པའི་གཟུགས་སུ་ཡོད། །ཐོད་ནང་པདྨའི་ལྟེ་བ་ལ། །སྣ་ཚོགས་རྡོ་རྗེ་རྒྱ་གྲམ་བསམ། །རྒྱ་གྲམ་ལྟེ་བར་ཉི་ཟླའི་གདན། །དེ་སྟེང་ས་བོན་

[Full Size]

ཧཱུྃ་ཅིག་བསམ། །ཤར་གྱི་རྭ་གསུམ་དཀར་པོ་ཡིས། །དབུས་སུ་ཨོཾ་ལས་གཡས་སུ་དེ། །གཡོན་དུ་ཝ་ནི་བསྒོམ་པར་བྱ། །ལྷོའི་རྭ་གསུམ་སེར་པོ་ཡིས། །དབུས་སུ་པི་ལས་གཡས་སུ་ཙུ། །གཡོན་དུ་བཛྲ་བསྒོར་ནི་བྱ། །ནུབ་ཀྱི་རྭ་གསུམ་བསྒོམ་པ་ལ། །ཧཱུྃ་གསུམ་དག་ནི་བསྒོར་དུ་བྱ། །བྱང་གི་རྭ་གསུམ་ལྗང་ཁུ་ཡིས། །དབུས་སུ་ཕཊཿལ་གཡས་སུ་སྭཱ། །གཡོན་དུ་ཧཱ་ནི་གསལ་བར་བལྟ། །ཡིག་འབྲུ་རྣམས་ལ་རེས་མོས་ཀྱིས། །སེམས་ནི་གནས་ཚད་བཞག་པར་བྱ། །དེ་ནི་བཟླས་པའོ། །དེ་ནས་ཕྲེང་བའི་བཟླས་པ་ནི། །ཡིག་འབྲུ་དག་ལ་འོད་ཟེར་ནི། །ཨོཾ་ལས་སོགས་པ་རིམ་པས་འཆད། །གཡོན་

[Full Size]

བསྐོར་དག་ཏུ་འཁོར་བ་ལས། །སེམས་ནི་གཏད་ལ་བཟླས་པ་བྱ། །ཨོཾ་དྷེ་ཝ་པི་ཙུ་བཛྲ་ཧཱུྃ་ཧཱུྃ་ཧཱུྃ་ཕཊཿསྭཱ་ཧཱ། གཙོ་བོའི་སྙིང་པོའོ། །ལྷ་རྣམས་སོ་སོའི་ཐུགས་ཀ་ནས། །པདྨ་ཉི་མའི་གདན་སྟེང་དུ། །རང་རང་སོ་སོའི་ས་བོན་ལས། །རྩ་བའི་སྔགས་ཀྱིས་བསྐོར་བར་བསམ། །མ་རྒྱུད་ཐམས་ཅད་གཡོན་བསྐོར་ལ། །ཕ་རྒྱུད་ཐམས་ཅད་གཡས་སྐོར་ཡིན། །ཨོཾ་ཨཱཿབཛྲ་དྷྲིཀྲ་ཧཱུྃ་སྭཱ་ཧཱ། གསང་འདུས་ཀྱིའོ། །ཨོཾ་ཨཱཿཧྲཱིཿཧཱུྃ་སྭཱ་ཧཱ། མ་ཧཱ་མ་ཡའོ། །ཨོཾ་ཏྲཻ་ལོ་ཀྱ་བཱཻ་ཡ་ཧཱུྃ་ཧཱུྃ་ཧཱུྃ་ཕཊཿསྭཱ་ཧཱ། མཚོ་སྐྱེས་ཀྱིའོ། །ཨོཾ་ཧྲཱིཿཧ་ཧ་ཧཱུྃ་ཧཱུྃ་ཕཊཿ ལྷན་སྐྱེས་ཀྱིའོ། །ཨོཾ་ཧྲི་ཋྚི་ཝི་ཀྲྀ་ཏ་ན་ན་ཧཱུྃ་ཕཊཿ འཇིགས་བྱེད་ཀྱིའོ། །ཕྲེང་བའི་བཟླས་པ་ནུས་ཚད་བཟླས། །རྒྱུད་སྡེ་ལྔའི་གཏོར་མ་ལ། སྦྱོར་

[Full Size]

བ་དངོས་གཞི་རྗེས་གསུམ་སྟེ། །དང་པོ་སྣོད་བཅུད་ཕུན་སུམ་ཚོགས། །ཅི་རིགས་པར་ནི་བཤམ་ནས་སུ། དེ་ནས་སྐྱབས་འགྲོ་སེམས་བསྐྱེད་བྱ། །དངོས་གཞི་གཏོར་མ་བྱིན་གྱིས་བརླབ་པ་ནི། །རང་ཉིད་དགྱེས་པ་རྡོ་རྗེར་བསྒོམ། །ལག་གཉིས་ཐལ་མོ་སྦྱར་ནས་ནི། །ཡི་གེ་གསུམ་གྱིས་སྦྱོར་བ་ཡིས། །ཨོཾ་གྱིས་འོད་ཀྱི་སྟོང་པར་བསམ། །ཨཱཿལས་འོད་ཟེར་འཕྲོས་པ་ཡིས། །རིན་པོ་ཆེའམ་ཐོད་པ་ཡིས། །སྣོད་ནི་ཤིན་ཏུ་རྒྱ་ཆེ་ལ། །བདུད་རྩི་ལྔ་ཡིས་གང་བར་བསྒོམ། །ཧཱུྃ་ལས་འོད་ཟེར་འཕྲོས་པ་ཡིས། ཡེ་ཤེས་བདུད་རྩི་སྤྱན་དྲངས་འདྲེས། །ཕྱི་ནང་གསང་བའི་མཆོད་པ་ནི། །དཔག་ཏུ་མེད་པ་རྒྱས་པར་བསམ། །

[Full Size]

རང་གི་ཐུགས་ཀའི་ས་བོན་ལས། །འོད་ཟེར་ཕྱོགས་བཅུར་འཕྲོས་ནས་སུ། །ཕྱོགས་བཅུའི་སངས་རྒྱས་ཐམས་ཅད་དང་། །བླ་མ་ཡི་དམ་ལྷ་ཚོགས་རྣམས། །མདུན་གྱི་ནམ་མཁར་སྤྱན་དྲངས་ནས། །དམ་ཚིག་བསྲེ་བའི་བཟླས་པ་ནི། །བརྒྱ་རྩ་བརྒྱད་དམ་ཉི་ཤུ་གཅིག །གཙོ་འཁོར་རྒྱས་བསྡུས་རིམ་པ་ཡིས། །བདུན་ལ་སོགས་པ་ཅི་རིགས་བཟླས། དེ་ནས་མཆོད་པའི་བྱེ་བྲག་ནི། །ཕྱི་ནང་གསང་བས་དེ་ལ་མཆོད། །གཙོ་བོའི་ལྗགས་ཀྱི་ཧཱུྃ་ཨོཾ་ཨཱཿཧཱུྃ་ཉིད་ལས། རྡོ་རྗེའི་སྦུ་གུ་ཧཱུྃ་གིས་མཚན། གཏོར་མ་ཉིད་ལ་ཟུག་ནས་ནི། །གསོལ་བས་རྒྱུད་སྡེའི་ལྷ་ཚོགས་རྣམས། །དེ་གསལ་མི་རྟོག་རྒྱུད་སྦྱངས་ནས། །བདག་ལ་ཤིན་ཏུ་དགྱེས་

[Full Size]

པར་བསམ། །བླ་མེད་དཀོན་མཆོག་གསུམ་པོ་དང་། །བླ་མ་ཡི་དམ་ལྷ་ཚོགས་ལ། །བདུད་རྩི་འབར་བའི་གཏོར་མ་དང་། །ཕྱི་དང་ནང་དུ་གསང་བ་ཡིས། །མཆོད་པ་དཔག་ཏུ་མེད་པ་འབུལ། །རྣལ་འབྱོར་བདག་ཅག་འཁོར་བཅས་དང་། །མཐའ་ཡས་སེམས་ཅན་མ་ལུས་ལ། །མཆོག་དང་ཐུན་མོང་དངོས་གྲུབ་སྩོལ། །ཡོན་ཏན་འཕྲིན་ལས་རྒྱས་པར་ཤོག །རྒྱུད་སྡེ་ལྔའི་མངོན་རྟོགས་གཏོར་མ་དང་བཅས་པ། བླ་མ་ཁྱུང་པོ་རྣལ་འབྱོར་པའི་ཞལ་སྔ་ནས་མཛད་པ་རྫོགས་སོ། །འདིས་འཁོར་བའི་རྒྱ་མཚོ་མྱུར་དུ་སྐེམ་པར་གྱུར་ཅིག། །།

དཔལ་རྒྱུད་སྡེ་ལྔའི་རྒྱ་གཞུང་། ལོ་ཙྪ་བ་རིན་ཆེན་བཟང་པོ།

[Full Size]

དཔལ་རྒྱུད་སྡེ་ལྔའི་རྒྱ་གཞུང་བཞུགས་པ་ལགས་སོ། །རྒྱ་གར་སྐད་དུ། ཤྲཱི་པཉྩ་ཏན་ཏྲ་ས་དྷ་ན་མཿ བོད་སྐད་དུ། །དཔལ་རྒྱུད་སྡེ་ལྔའི་སྒྲུབ་ཐབས་ཞེས་བྱ་བ། །དཔལ་ཧེ་རུ་ཀ་ལ་ཕྱག་འཚལ་ལོ། །རྟེན་གྱི་གང་ཟག་གནས་དང་ནི། །གྲོགས་དང་རྫས་དང་ཐབས་དངོས་སོ། །དེ་ལ་རྟེན་གྱི་གང་ཟག་ནི། །དབང་བསྐུར་མཆོག་ཐོབ་དམ་ཚིག་ལྡན། །བླ་མ་ལ་གུས་སྒྲུབ་ལ་བརྩོན། །ཤེས་རབ་སྙིང་རྗེ་དྲུག་ལྡན་ནི། །གནས་ནི་དུར་ཁྲོད་ཉེར་བཞི་དང་། །རི་རྩེ་ཆུ་འགྲམ་ཤིང་དྲུར་སོགས། །ཡིད་མགུ་དབེན་ཞིང་ཉམས་དགའོ། །གྲོགས་ནི་བཟང་ཤེས་ཡིད་མཐུན་དང་། །སྔགས་སྐྱེས་ཤིང་སྐྱེས་མཆོག་ཡིན་ནོ། །རྫས་ནི་བྲིས་སྐུ་

[Full Size]

ཕྱག་མཚན་དང་། །མཆོད་པ་ཕྱི་ནང་གཏོར་མ་ཚོགས། །མཁོ་བའི་ཡོ་བྱད་གང་དགོས་བསགས། །ཐབས་དངོས་སྦྱོར་བ་དངོས་གཞི་རྗེས། །སྦྱོར་བ་བསོད་ནམས་ཡེ་ཤེས་ཚོགས། །བསོད་ནམས་ལ་ནི་ཕྱི་ནང་གསང་། །ཕྱི་ནི་ཚོགས་བསགས་སྦྱིན་པ་བཏང་། །ནང་ནི་དབང་བླང་ཚོགས་འཁོར་བཏང་། །གསང་བ་དབང་བསྐུར་རྒྱུན་བཤགས་སོགས། །བསྲུངས་འཁོར་གནས་དང་རྣལ་འབྱོར་དང་། །བདག་གི་ལུས་ངག་ཡིད་གསུམ་བསྲུངས། །གནས་ནི་སུམ་བྷ་ཁྲོ་ཚོགས་སྤྲོས། །ཕུར་བུས་བཏབ་ལ་ཐོ་བས་བརྡུང་། །རྡོ་རྗེ་རྭ་གུར་མེ་རིས་བསྒོམས། །རྣལ་འབྱོར་བསྲུངས་བ་བསྲུང་འཁོར་ནང་། །བླ་མ་ཡི་དམ་སྐྱབས་སུ་འགྲོ། །བདག་བསྲུང་ལྷར་བསྐྱེད་

[Full Size]

ལུས་བསྲུངས་ཤིང་། །བདུད་རྩི་རིལ་བུ་ལྕེ་བཞག་ངག །ཡིད་ནི་ཚོགས་ཞིང་སྤྱན་སྔ་རུ། །བཅུ་གསུམ་རྣམ་དག་ཚད་མེད་བསྒོམ། །དངོས་གཞི་བསྲུང་འཁོར་ནང་དུ་ནི། །ཆོས་འབྱུང་བཞི་ལས་ཞལ་ཡས་ཁང་། །དུར་ཁྲོད་བཅས་དབུས་བདུད་བཞིའི་སྟེང་། །བསྐྱེད་རྫོགས་བཟླས་པའི་ཉམས་ལེན་ནི། །བསྐྱེད་རིམ་སྦྱོར་བའི་ཏིང་ངེ་འཛིན། །དལ་རྒྱལ་མཆོག་དང་ལས་རྒྱལ་མཆོག །སྦྱོར་བ་མངོན་བྱང་ལྔ་ཡི་དབུས། །མཚོན་ཆ་ཡབ་ཡུམ་བསྐྱེད་པ་ཡིས། །མཁའ་གསང་བྱིན་རླབས་འཁོར་རྣམས་སྤྲོ། །ཡབ་ཡུམ་འོད་ཞུ་གླུས་བསྐུལ་བཞེངས། །གནས་ལྔ་དལ་དུ་བསྐྱེད་པ་ནི། །མངོན་བྱང་ལྔའམ་ཆོ་ག་གསུམ། །

[Full Size]

སྐད་ཅིག་དེ་ལས་གསལ་བར་བསྐྱེད། །འཁོར་རྣམས་སྐད་ཅིག་དག་གིས་སོ། །བཅོམ་ལྡན་སྐུའི་སྣང་བ་ལས། །སྤྱི་བོ་བདེ་ཆེན་འཁོར་ལོ་རུ། །རེ་མིག་དགུ་དང་ལྷ་རྣམས་བཅས། །དེ་ལ་གསང་འདུས་ལྷ་ཚོགས་བསྒོམ། །བཅོམ་ལྡན་གསུང་གི་སྣང་བ་ལས། །མགྲིན་པ་ལོངས་སྤྱོད་འཁོར་ལོ་རུ། །པད་མ་འདབ་མ་བརྒྱད་ལ་ནི། །མ་ཧཱ་མ་ཡའི་དཀྱིལ་འཁོར་བསྒོམ། །བཅོམ་ལྡན་ཐུགས་ཀྱི་སྣང་བ་ལས། །སྙིང་ཁ་ཆོས་ཀྱི་འཁོར་ལོ་རུ། །སྣ་ཚོགས་པདྨ་འདབ་བརྒྱད་ལ། །དགྱེས་རྡོར་སྤྲུལ་པའི་ལྷ་དགུ་བསྒོམ། །བཅོམ་ལྡན་ཡོན་ཏན་སྣང་བ་ལས། །ལྟེ་བར་སྤྲུལ་པའི་འཁོར་ལོ་རུ། །འཁོར་ལོ་ལྔ་དང་ལྡན་པ་ལ། །བདེ་མཆོག་འཁོར་

[Full Size]

ལོའི་དལ་དུ་བསྒོམས། །བཅོམ་ལྡན་ཕྲིན་ལས་སྣང་བ་ལས། །གསང་གནས་བདེ་སྐྱོང་འཁོར་ལོ་རུ། །རེ་མིག་དགུ་དང་སྒོ་བཞི་ལ། །རྡོ་རྗེ་འཇིགས་བྱེད་དཀྱིལ་འཁོར་བསྒོམས། །དེ་རྣམས་དཀྱིལ་འཁོར་རྒྱལ་མཆོག་གོ ། ཡེ་ཤེས་སྤྱན་དྲངས་མཆོད་བསྟོད་བསྟིམས། །སྐྱེ་མཆེད་སྐུ་གསུང་བྱིན་གྱིས་རླབས། །དབང་བསྐུར་རྒྱས་གདབ་བདུད་རྩི་མྱང་། །མཆོད་བསྟོད་ཆོས་འཁོར་བསྐོར་བ་ནི། །ལས་རྒྱལ་མཆོག་ཏུ་བཤད་པའོ། །རྫོགས་རིམ་འོད་གསལ་ཡོངས་རྫོགས་དང་། །ཐིག་ལེ་ངོ་བོ་ཉིད་རྣམས་སོ། །གཙོ་བོའི་འོད་ཀྱིས་སྣོད་བཅུད་དང་། །སྐུ་སོགས་ཐིག་ལེའི་བར་དུ་བསྡུ། །ཡོངས་རྫོགས་རྩ་

[Full Size]

གསུམ་འཁོར་ལོ་བཞི། །འབར་འཛག་དགའ་བཞིའི་ཏིང་ངེ་འཛིན། །ངོ་བོ་སྣ་ཚོགས་ཟུང་འཇུག་གོ ། བཟླས་པ་བསམ་གཏན་རྡོར་བཟླས་དང་། །ཕྲེང་བ་ལས་བཞིའི་བཟླས་པ་བྱ། །བསྔོ་བ་ལྡང་ཁྲུས་ཟས་གཏོར་མ། །སྤྱོད་ལམ་རྗེས་ཆགས་ཉལ་བ་ཡིས། །རྣལ་འབྱོར་བརྒྱད་ཀྱིས་ཉམས་སུ་བླངས། །མ་ཡེངས་ལོ་ཟླ་ཙམ་གྱིས་འགྲུབ། །ས་ལམ་རིམ་བགྲོད་རྟོགས་པ་འཆར། །དག་པ་མཁའ་སྤྱོད་མངོན་སངས་རྒྱས། །དེ་སྐད་ཨ་ཏི་ཡ་ན་དང་། །ཛྙཱ་ན་བཛྲ་ཞལ་ནས་གསུང་། །རྒྱུད་ཀུན་སྙིང་པོ་གཅིག་བསྡུས་པ། །ཉམས་སུ་ལེན་པའི་ལམ་རིམ་འདི། །བཀོད་པའི་དགེ་བས་མཁའ་མཉམ་ཀུན། །ཡེ་ཤེས་ལྔ་ལྡན་སྐུ་ཐོབ་ཤོག །འདི་

[Full Size]

ལ་ཉེས་པའི་ཚོགས་མཆིས་ན། །བླ་མ་ཌཱ་ཀིས་བཟོད་པར་མཛོད། །དཔལ་རྒྱུད་སྡེ་ལྔ་བླ་མེད་རིགས་ལྔའི་སྒྲུབ་ཐབས། །དེ་ཁོ་ན་ཉིད་བསྡུས་པ་ཞེས་བྱ་བ། །སློབ་དཔོན་ཆེན་པོ་རྡོ་རྗེ་གདན་པས་མཛད་པ་རྫོགས་སོ། །རྒྱ་གར་གྱིས་པཎྜི་ཏ་བཻ་རོ་ཙ་ན་རཀྵི་ཏའི་ཞལ་སྔ་ནས་དང་། བོད་ཀྱི་ལོ་ཙ་བ་གླན་དར་མ་བློ་གྲོས་ཀྱིས་བསྒྱུར་བའོ། །སླད་ནས་ལོ་ཙྪ་བ་རིན་ཆེན་བཟང་པོས་མཐོ་ལྡིང་གསེར་གྱི་ལྷ་ཁང་དུ་གཏན་ལ་ཕབ་ནས། དག་པར་བྱས་པའོ། །ཨིྀྠ།

རྒྱུད་སྡེ་ལྔ་སོགས་ནི་གུ་ཆོས་དྲུག་གི་འཇུག་སྒོ་ཡོན་ཏན་ཀུན་འབྱུང་།

[Full Size]

རྒྱུད་སྡེ་ལྔ་སོགས་ནི་གུ་ཆོས་དྲུག་གི་འཇུག་སྒོ་ཡོན་ཏན་ཀུན་འབྱུང་མ་བཞུགས་སོ། །

[Full Size]

ཨོཾ་སྭཱ་སྟི། ཤངས་པ་བཀའ་བརྒྱུད་ཀྱི་ཆོས་སྐོར་རྣམས་ཀྱི་འཇུག་སྒོ་ཡོན་ཏན་ཀུན་འབྱུང་ཞེས་བྱ་བ། རྡོ་རྗེ་འཆང་ཆེན་ཡེ་ཤེས་མཁའ་འགྲོ་མ། །ཁྱུང་པོ་རྣལ་འབྱོར་རིན་ཆེན་བརྩོན་འགྲུས་དང་། །དབེན་སྟོན་སྐྱེར་སྒང་སངས་རྒྱས་གཉན་སྟོན་དང་། །འགྲོ་མགོན་སྟོན་པ་མཁས་གྲུབ་ཆོས་རྗེ་དང་། །རིན་ཆེན་རྒྱལ་མཚན་སྦས་པའི་རྣལ་འབྱོར་དང་། །

[Full Size]

ཆོས་རྗེ་རྡོ་རྗེ་རྩ་བའི་བླ་མ་ལ། །ལུས་ངག་ཡིད་གསུམ་གུས་པས་སྐྱབས་སུ་མཆི། །མཁའ་མཉམ་སེམས་ཅན་རྣམས་ལ་བྱིན་གྱིས་རློབས། །ཐབས་ལཾ་སྒྱུ་ལུས་འབྱོངས་པར་བྱིན་གྱིས་རློབས། །རྨི་ལམ་འོད་གསལ་ཟིན་པར༴ འཕོ་ཐེབས་བར་དོ་ཆོད་པར༴མཆོག་གི་དངོས་གྲུབ་ཐོབ་པར༴ འདིར་སྦྱོར་བ། དངོས་གཞི། རྗེས་གསུམ་མོ། །

[Full Size]

དང་པོ་ནི། ས་ཆོག་དགོས་པར་རྒྱས་བསྡུས་གང་རུང་འགྲུབ་ན་གཞན་དང་མཐུན་པར་བྱ། གནས་ཁང་ཕྱག་བདར་དང་། རྟེན་དགྲམ། གྲུབ་ན་དཀྱིལ་འཁོར་སྒོམ་པ་དང་མཐུན་པར་བྲི། མ་གྲུབ་ན་མཎྜལ་བཞིའི་ཐིག་གདབ། དང་པོ་ལ་ཆོས་འབྱུང་གཉིས་བརྩེགས་དཀར་པོའི་དབུས་སུ། མེ་ཏོག་ཚོམ་བུ་ལྔའམ། ལྷ་ལྔའི་ཕྱག་མཚན་ནམ། ས་བོན་ནམ། ཐིག་ལེ་དགོད། དེའི་མུ་ཁྱུད་ནག་པོ་དང་། རྩིབས་མཆན་དམར་པོ་དང་། དེའི་འོག་མ་ལ་པདྨ་འདབ་མ་བཞི་པ་ཕྱོགས་མདོག །གྲུ་ཆད་ལྗང་གུ། གསུམ་པ་ལ་ཆོས་འབྱུང་དམར་པོ། མེ་རིའི་གཞི་ལྗང་གུ། ཟླ་གམ་མཐིང་ལྗང་དཀར་པོ། བཞི་པ་ལ་མཐིང་ནག་གྲུ་གསུམ། མེ་རིའི་གཞི་དམར་

[Full Size]

པོ། ཟླ་གམ་ལྗང་གུ། དེ་རྣམས་ཀྱི་མུ་ཁྱུད་ནག་པོར་བྱ། མཎྜལ་ལས་མ་གྲུབ་ན། མུ་ཁྱུད་ཀྱི་ཕྱི་ནས་རྡོ་རྭ་མེ་རི་བྱ། ཡོངས་རྫོགས་གྲུབ་ན་ཐམས་ཅད་ཀྱི་ཕྱོགས་མདོག་སོགས་དཀྱིལ་འཁོར་སྒྲུབ་པ་དང་མཐུན་པར་བྲི། འོག་མ་གསུམ་པོ་ལའང་ཚོམ་བུ་ལ་སོགས་ལྔ་དགོད། བུམ་པ་མཚན་ལྡན་བཅུད་དང་། མགུལ་ཆིངས་ཁ་བརྒྱན་རྡོ་རྗེ་གཟུངས་ཐག །དུང་ཆོས་རྣམས་གཞན་དང་མཐུན་པར་མཎྜལ་གྱི་སྟེང་དུ་བཞག །བཞི་པའི་སྟེང་དུ་གཏོར་མ་གཙང་ཞིང་བཟང་བ་མདའ་དར་དང་བཅས་པ་བཞག །ཅི་འབྱོར་པའི་མཆོད་གཏོར་དང་། ཚོགས་ཀྱི་ཡོ་བྱད་བཤམ། སྔོན་འགྲོའི་གཏོར་མ་མཁའ་འགྲོ་སྤྱི་གཏོར་གྱིས་བཏང་། མཆོད་པ་བྱིན་

[Full Size]

རླབས། ལས་ཀྱི་རྡོ་རྗེས་ཕྱི་རུ་མཎྜལ་དང་། སོ་སོ་ལ་མེ་ཏོག་ཕུལ་ལ་གསོལ་བ་གདབ། སྐྱབས་འགྲོ་སེམས་བསྐྱེད། ཡིག་བརྒྱ་རྣམས་ཅི་འགྲུབ་བྱ། དེ་ནས་རང་བདེ་མཆོག་ཏུ་གསལ་བའི་ཐུགས་ཀའི་ཧཱུྃ་གིས་འོད་ཀྱིས། རྒྱུད་སྡེ་ལྔའི་ལྷ་ཚོགས་བླ་མ་གཙོ་བོའི་རིགས་བདག་ཏུ་བཞུགས་པ། སངས་རྒྱས་བྱང་ཆུབ་སེམས་དཔའ་དང་། དཔའ་བོ་མཁའ་འགྲོའི་ཚོགས་སྤྱན་དྲངས། ཕྱག་འཚལ་མཆོད་པ་འབུལ། རྒྱུན་བཤགས་བྱ། ཚད་མེད་པ་བཞི་བསྒོམ། ཤཱུནྱ་ཏ་དང་སྭཱ་བྷཱ་ཝས་སྟོང་པར་བསྒོམས་པའི་ངང་ལས། བསྲུང་འཁོར་དང་། རྟེན་དང་བརྟེན་པར་བཅས་པའི་བདག་བསྐྱེད་ཡན་ལག་བཞི་རྫོགས་སུ་མདུན་བསྐྱེད་མཎྜལ་དང་པོ་སྒྲུབ་པའི་སྐབས་

[Full Size]

བཞིན་བསྒོམ། ཆོས་སྐོར་འདིའི་ལུགས་ཀྱི་རྫོགས་རིམ་གང་མོས་བསྒོམ་པར་བྱའོ། །ལྷ་རང་རང་གི་ཐུགས་ཀར་པདྨ་དང་ཉི་མའི་སྟེང་དུ་ས་བོན་ཧཱུྃ་གི་མཐའ་མར་རང་རང་གི་སྔགས་ཀྱིས་བསྐོར་བར་བསྒོམས་ལ། ཨོཾ་ཧྲཱིཿཧ་ཧ་ཧཱུྃ་ཧཱུྃ་ཕཊ། ཨོཾ་དེ་བ་པི་ཙུ་བཛྲ་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་བཛྲ་དྷྲིཀྲ་ཧཱུྃ། ཨོཾ་ཨཱཿཧྲཱིཿཧཱུྃ་སྭཱ་ཧཱ། ཨོཾ་ཧྲཱིཿཥྚི་བི་ཀྲྀ་ཏཱ་ན་ན་ཧཱུྃ་ཕཊ་ཕཊ། ཅེས་པ་རྣམས་སོ་སོར་ཅི་ནུས་སུ་བཟླས་སོ། །དེ་ནས་ཕྱི་མཆོད་རྣམས་སུམྦྷ་ནིས་བསང་། སྭཱ་བྷ་ཝས་སྦྱངས། ཨ་ལས་ཐོད་པ་གྲུ་གསུམ་ལས། ལྷ་དང་མིའི་མཆོད་རྫས་དཔག་ཏུ་མེད་ཅིང་དྲི་མ་དང་བྲལ་བར་བསྐྱེད། རང་རང་གི་སྔགས་དང་ཕྱག་རྒྱས་བྱིན་གྱིས་རླབས་སོ། །མཎྜལ་དང་བུམ་པ་

[Full Size]

རྣམས་ཀྱི་རིམ་པར་བསང་སྦྱངས། སྟོང་པའི་ངང་ལས། ཐམས་ཅད་ཀྱང་ཡེ་ཤེས་རང་སྣང་གི་གཞལ་ཡས་ཁང་གྲུ་བཞི་པ། སྒོ་བཞི་པ། རྩིགས་པ་ལྔ། ཕྱི་ནས་རིམ་པར་དཀར། སེར། དམར། ལྗང་། སྔོ་བ། འདོད་ཡོན་དམར་བ། ཕ་གུ་སེར་བ། དྲ་ཕྱེད་སྔོ། མདའ་ཡབ་སྣ་ཚོགས། སྒོའི་ཐད་སོར་རྟ་བབས་བང་རིམ་བཞི་པ་ལ། པདྨ་ལ་གནས་པའི་འཁོར་ལོ་དང་། རི་དྭགས་གཉིས་གཉིས་དང་བཅས་པའི་སྟེང་དུ། གདུགས་ཕུབ་པ། ནང་ཀ་བ་བརྒྱད་བརྒྱད་ཀྱིས་བཏེགས་ཅིང་། རྡོ་རྗེའི་གདུང་བཞིས་མིག་མངས་རིས་སུ་བྲིས་ཤིང་མཛེས་པར་ཕུབ་པ། དབུས་ཕྱུར་བུར་གྱུར་པའི་རྩེ་མོར་རྡོ་རྗེ་དང་། ནོར་བུའི་ཏོག་གིས་མཚན་པ།

[Full Size]

མཆོད་རྟེན་སྒོ་ལྔ་པའི་རྣམ་པ་ཅན། ཕྱི་རོལ་དུར་ཁྲོད་བརྒྱད་དང་། རྡོ་རྭ་མེ་རིས་བསྐོར་བ། སྣང་ལ་རང་བཞིན་མེད་པ། །འོད་ཀྱི་རང་བཞིན་ནང་གི་ལྷ་རྣམས་ཤར་དཀར། ལྷོ་སེར། ནུབ་དམར། བྱང་ལྗང་གུའི་ཕོ་བྲང་དང་པོའི་དབུས་སུ་ཤེལ་ལས་གྲུབ་པའི་ཆོས་འབྱུང་ཉིས་རིམ་གྱི་ལྟེ་བའི་དབུས་སུ་རིན་པོ་ཆེའི་ཁྲི་སེང་གེ་བརྒྱད་ཀྱིས་བཏེག་པ་དང་། སྣ་ཚོགས་པདྨ་དང་ཉི་མའི་སྟེང་ན་འཇིགས་བྱེད་དུས་མཚན་མནན་པའི་བདེ་མཆོག་སྔོན་པོ་ཞལ་གཅིག་ཕྱག་གཉིས། རྡོ་རྗེ་དྲིལ་བུ་འཛིན་པས་ཡུམ་ལ་འཁྱུད་པ། གཡས་པ་བརྐྱང་བས་བཞེངས་པ། ཡུམ་རྡོ་རྗེ་ཕག་མོ་དམར་མོ་ཞལ་གཅིག་ཕྱག་གཉིས་

[Full Size]

གཡས་གྲི་གུག་ནམ་མཁའ་ལ་འཕྱར་བ། གཡོན་ཐོད་པ་འཛིན་པས་ཡབ་ལ་འཁྱུད་པ། དེའི་ཤར་དུ་གདན་བཞི་བརྩེགས་ཀྱི་སྟེང་ན། ཚངས་པ་བརྒྱ་བྱིན་མནན་པའི་ཀྱཻ་རྡོ་རྗེ་མཐིང་ནག་ཞལ་གཅིག་ཕྱག་གཉིས་རྡོ་རྗེ་དྲིལ་བུ་འཛིན་པ། ཡུམ་རྡོ་རྗེ་བདག་མེད་མ་སྔོན་མོ་གྲི་གུག་དང་ཐོད་པ་འཛིན་པས་ཡབ་ལ་འཁྱུད་པ། ལྷོ་ཕྱོགས་སུ་གདན་བཞི་བརྩེགས་ཀྱི་སྟེང་དུ་གསང་བ་འདུས་པ་སྐུ་མདོག་མཐིང་ཤུན་ལྟ་བུ། ཞལ་གཅིག་ཕྱག་གཉིས་རྡོ་རྗེ་དྲིལ་བུ་འཛིན་པ། ཡུམ་རེག་བྱ་རྡོ་རྗེ་མ་སྐུ་མདོག་ཕྱག་མཚན་ཡབ་དང་འདྲ་བ་ལ་འཁྱུད་ཅིང་། གཉིས་ཀའང་སྐྱིལ་ཀྲུང་དུ་བཞུགས་པ། ནུབ་ཏུ་གདན་བཞི་བརྩེགས་དང་རོའི་སྟེང་ན་མ་ཧཱ་མ་

[Full Size]

རུས་པའི་རྒྱན་དྲུག་དང་མི་མགོ་རློན་པ་ལྔ་བཅུའི་དོ་ཤལ་ཅན། དབུ་སྐྲ་དང་སྨ་ར་སེར་པོ་གྱེན་དུ་མཛེས་པ། ཡུམ་ཐམས་ཅད་སྒེག་ཅིང་འཛུམ་པ། བདེ་བའི་ཉམས་དང་ལྡན་པ། ཤ་རྒྱས་པ་ནུ་མ་འབུར་བ། མི་མགོ་སྐམ་པོ་ལྔ་བཅུའི་དོ་ཤལ་ཅན། དབུ་སྐྲ་སིལ་བུར་འཕྱང་བ། དེ་ལྟར་མཎྜལ་གསུམ་པའི་གྲུ་ཆད་རྣམས་ལ་མཆོད་པའི་ལྷ་མོ་མཆོད་རྫས་སྣ་ཚོགས་ཐོགས་པ། ཁྱམས་རྣམས་སུ་ཕྱོགས་བཅུ་དུས་གསུམ་གྱིས་སངས་རྒྱས་ལོངས་སྐུ་ཞལ་སྦྱོར་བདེ་བ་ཆེན་པོའི་རང་བཞིན་ཅན་ཏིལ་གྱི་གོང་བུ་ཁ་བྱེ་བ་ལྟ་བུར་བསྒོམ། མཎྜལ་བཞི་པའི་སྟེང་དབུས་སུ། དཔལ་ཕྱག་དྲུག་པ་ལྷ་གཏོར་ཆོག་ལྟར་བསྐྱེད།

[Full Size]

དེའི་ཁྱམས་སུ་ཕྱོགས་སྐྱོང་བཅུ། གཙང་རིས་ཀྱི་མགོན་པོ་བདུན་བཅུ་རྩ་གཉིས། དམ་ཅན་རྒྱ་མཚོའི་ཚོགས་བསམ། དེ་རྣམས་སྐད་ཅིག་དྲན་རྫོགས་བསམ། སྙིང་པོ་ཚིག་ཙམ་མམ། རྡོ་རྗེ་ཆོག་ག་གསུམ་ལས་བསྐྱེད་དོ། །ཐམས་ཅད་ཀྱི་གནས་གསུམ་འབྲུ་གསུམ་གྱིས་བྱིན་གྱིས་རླབས། བདག་བསྐྱེད་མདུན་བསྐྱེད་རྣམས་ཀྱིས་ཐུགས་ཀའི་ས་བོན་ལས་འོད་ཟེར་འཕྲོས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཡེ་ཤེས་པར་སྤྱན་དྲངས་ལ། སྔགས་ཙམ་གྱིས་མཆོད། ཛཿཧཱུྃ་བྃ་ཧོཿས་དམ་ཚིག་པ་ལ་བསྟིམ། ཡང་འོད་ཀྱིས་དབང་གི་ལྷ་རྣམས་སྤྱན་དྲངས་ནས་མཆོད་དོ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེཉྩ་ཏུ་མཾ་གིས་

[Full Size]

གསོལ་བ་བཏབ། དབང་གི་ལྷ་རྣམས་ཀྱིས། ཨོཾ་སརྦ་ཏ་ཐཱ་ག་ཏ་ཨ་བྷི་ཁེ་ཀ་ཏ་ས་མ་ཡ་ཤྲཱི་ཡེ་ཧཱུྃ། ཞེས་དབང་བསྐུར། ཐམས་ཅད་ལ་མི་བསྐྱོད་པ་སྤྲུལ་སྐུའི་རྣམ་པ་ཅན་གྱིས་དབུ་བརྒྱན་པར་བསམ་ལ། ཨོཾ་སརྦ་ཏ་ཐཱ་ག་ཏ་མཎྜལ་ལ་ས་པཱ་རི་ཝཱ་ར་སྔོན་དུ་འགྲོ་བས། ཆུ་གཉིས་སྔོན་དུ་འགྲོ་བའི་མཆོད་པ་ལྔ། རོལ་མོ་གོས་ཟུང་རྣམ་རང་རང་གི་སྔགས་ཀྱིས་ཐུན་མོང་དུ་དབུལ། སྤྲོ་ན་ཚིག་བཅད་ཀྱང་བྱ། ནང་མཆོད་ཀྱང་བསང་སྦྱང་བྱིན་གྱིས་རླབ་ལ། རྩ་བརྒྱུད་ཀྱི་བླ་མ་རྣམས་ཀྱི་མཚན་གྱི་མཐའ་དང་། ཡི་དམ་རྣམས་ཀྱི་སོ་སོའི་སྔགས་ལ་འབྲུ་གསུམ་བཏགས་ལ་དབུལ། ཆོས་སྐྱོང་ལ་སོགས་པ་ལ་ཡང་

[Full Size]

གཞན་དང་མཐུན་པར་དབུལ་ཞིང་ཅི་ཤེས་པས་བསྟོད་ལ། བུམ་བཟླས་བྱས་ཏེ། སླར་ཡང་མཆོད་ཅིང་བསྟོད་ལ། ཁྱོར་ཆུ་དབུལ། བདག་འཇུག་བྱ། གཏོར་མ་རྣམས་བསང་སྦྱངས་བྱིན་གྱིས་རླབས། ལྷ་ལྔ་གང་རུང་གི་ཆོ་ག་གཞན་དང་མཐུན་པར་བྱ། སོ་སོའི་སྔགས་སམ། གོང་གི་སྔགས་ལ་བ་ལིཾ་ཏ་ཁ་ཁ། ཁཱ་ཧི་ཁཱ་ཧི་བཏགས་ལ་དབུལ། མཆོད་བསྟོད་བྱ་རྡོ་རྗེའི་གླུ་དང་བཀྲ་ཤིས་བརྗོད། མགོན་པོ་ལ་གཏོར་ཆོག་ལྟར་དབུལ་ལ་འཕྲིན་ལས་གཞོལ། སྤྱི་གཏོར་དང་གཞི་བདག་ལ་སོགས་པ་ལའང་ཕུལ། བགེགས་གཏོར་ཡང་བཏང་ངོ་། །གཉིས་པ་དངོས་གཞི་ལ་གཉིས་ལས། སྐབས་འདིར་བདེ་མཆོག་སོགས་རྒྱུད་སྡེ་ལྔ་གང་རུང་དང་མཐུན་

[Full Size]

པའི་གཏོར་མ་སྟ་གོན་གྲུབ་ན་ལེགས། དང་པོ་སྔོན་འགྲོ་འཇུག་པ་ནི། སློབ་མ་རྣམས་ཁྲུས་བྱས་ཕྱག་དང་མཎྜལ་འཇུག་ཡོན་ཕུལ་ནས་འཁོད་པ་ལ་འདི་སྐད་བརྗོད་དོ། །ཀླུ་སྒྲུབ་ཀྱིས་རྒྱ་མཚོ་ཆེར་གཡེངས། གཉའ་ཤིང་བུ་གར་ནི། རུས་སྦལ་ཆུད་པ་བས་ཀྱང་དུད་འགྲོ་ལས། མི་ཉིད་ཆེས་ཐོབ་དཀའ་བས་མི་དབང་གིས། དམ་ཆོས་སྤྱད་པས་འབྲས་བུ་མཆིས་པར་མཛོད། །ཅེས་གསུངས་པས། མི་ལུས་རྙེད་པར་དཀའ་བ་བཤད་ལ། རྙེད་པའི་ཚེ་མ་འབད་ན། འཁོར་བ་དུ་ཁའི་རྒྱ་མཚོ་ཆེན་པོ་འདི་ལ་ཐར་པའི་གོ་སྐབས་མེད་པས་ཆོས་ལ་འཇུག་དགོས། དེ་ལ་ཐེག་པ་ཆུང་ངུ་ཉན་ཐོས་རང་རང་ཞི་བདེ་ཙམ་ཐོབ་པར་འདོད། ལྟ་བ་

[Full Size]

གང་ཟག་དང་ཕྱོགས་ཀྱི་ཕྱོགས་ཅིག་བཟུང་བ་རང་བཞིན་མེད་པ་ཙམ་ལ་མ་གཏོགས་པའི་ལམ་དེ་ཐེག་ཆེན་ལ་ལྟོས་ནས། དམན་པར། སློབ་སྤྲིང་ལས། ཉེ་དུ་འཁོར་བའི་རྒྱ་མཚོའི་ནང་དུ་ཆུད་གྱུར་ཅིང་། །ཀློང་གི་དབུས་སུ་ཆུད་པ་ལྟ་བུར་སྣང་བཞིན་དུ། །སྐྱེས་ཤིང་འཕོས་པས་ངོ་མ་ཤེས་པ་དེ་བོར་ནས། །རང་ཉིད་གཅིག་མཐར་བྱེད་ན་ཁྲེལ་བོར་གཞན་ཅི་ཡོད། །ཅེས་གསུངས་པས། མདོ་སྡེ་རྒྱན་ལས། དེ་གཉིས་ཡང་དང་ཡང་དུ་ཡང་། རང་སེམས་ཀུན་ཏུ་འབྱུང་ལྡན་པས། མྱང་འདས་ལ་མངོན་དག་པའི་ཕྱིར། །རྟོགས་པ་ཕུལ་བ་ཡིན་པར་བརྗོད། །ཅེས་གསུངས་པས་ན། གཞན་དུ་རྫོགས་པའི་སངས་རྒྱས་ཐོབ་པར་འདོད་

[Full Size]

ཡ་མཐིང་ནག་གཡས་བརྐྱང་གཡོན་བསྐུམ་པ་ཞལ་གཅིག་ཕྱག་གཉིས་ཁ་ཊྭཱྃ་ག་དང་ཐོད་ཁྲག་འཛིན་པས་ཡུམ་སངས་རྒྱས་མཁའ་འགྲོ་མ་སྐུ་མདོག་ཕྱག་མཚན་ཡབ་དང་འདྲ་བ་ལ་འཁྱུད་པ། བྱང་དུ་གདན་བཞི་བརྩེགས་ཀྱི་སྟེང་དུ་མ་ཧེའི་སྟེང་ན་རྡོ་རྗེ་འཇིགས་བྱེད་ནག་པོ། ཞལ་གཅིག་ཕྱག་གཉིས་གྲི་གུག་དང་ཐོད་ཁྲག་འཛིན་པས་ཡུམ་རོ་ལངས་མ་དམར་མོ་གྲི་ཐོད་ཅན་ལ་འཁྱུད་པ། ཤངས་འབུད་ཅིང་མཆེ་བ་གཙིགས་པ། ལྗགས་དྲིལ་བ་སྐུ་ལུས་ཐུང་ཞིང་སྦོམ་པ། གསུས་ཁྱིམ་ཆེ་བ། སྦྲུལ་གྱིས་ལྷག་པར་བརྒྱན་པ། མཎྜལ་གཉིས་པའི་བུམ་པ་གཞལ་ཡས་ཁང་དུ་བསྒོམས་པའི་ནང་དུ། ཡང་ལྷ་ལྔ་གོང་

[Full Size]

བཞིན་བསྐྱེད། མཎྜལ་གསུམ་པ་ཏིང་ངེ་འཛིན་གྱི་དབང་རྣམས་ཀྱི་རྟེན་ཡིན་ཏེ། དེའི་དབུས་སུ་བདེ་མཆོག་ལྷན་སྐྱེས་དང་། དེའི་ཕྱོགས་བཞིར་ཤར་དུ་རྡོ་རྗེ་མཁའ་འགྲོ་མ་ནག་མོ། བྱང་དུ་ལཱ་མ་ལྗང་གུ། ནུབ་ཏུ་ཁཎྜ་རོ་ཧི་དམར་མོ། ལྷོར་གཟུགས་ཅན་མ་སེར་མོ་རྣམས་ཞལ་གཅིག་ཕྱག་གཉིས། གྲི་གུག་དང་ཐོད་པ་འཛིན་པ། །གྲུ་མོ་ན་ཁ་ཊྭཱྃ་ག །གཡས་བསྐུམ་གཡོན་བརྐྱང་བས་རོའི་གདན་ལ་བཞུགས་པ། དེ་ལྟར་ཡབ་ཡུམ་ཐམས་ཅད་མཚན་དཔེས་བརྒྱན་ཅིང་། འོད་ཟེར་འབར་བ། མེ་དཔུང་གི་དབུས་ན་བཞུགས་པ། ཞལ་རེ་རེ། སྤྱན་གསུམ་གསུམ་པ། ཐོད་སྐམ་ལྔ་ལྔས་དབུ་བརྒྱན་པ། གར་གྱི་ཉམས་དགུ་དང་ལྡན་པ། ཡབ་ཐམས་ཅད་

[Full Size]

ཅིང་། ལྟ་བས་བདག་མཐའ་རང་བཞིན་མེད་པར་རྟོགས་པའི་ཐེག་ཆེན་ལ་འཇུག་དགོས། དེ་ལ་གཉིས་ཡོད་པའི་ཕ་རོལ་ཏུ་ཕྱིན་པ་བས། གསང་སྔགས་ཀྱི་ཐེག་པར། དོན་ཅིག་ན་ཡང་མ་རྨོངས་ཕྱིར། ཐབས་མང་དཀའ་བ་མེད་པ་དང་། །དབང་པོ་རྣོན་པོའི་དབང་བྱས་ཕྱིར། །སྔགས་ཀྱི་ཐེག་པ་ཁྱད་པར་འཕགས། །ཅེས་གསུངས་པ་དང་། དེ་ལ་འཇུག་དགོས་པ་ཡིན། དེ་ཡང་རྡོ་རྗེ་མགུར་ལས། དམན་པ་རྣམས་ལ་བྱ་བའི་རྒྱུད། །བྱ་མིན་རྣལ་འབྱོར་དེ་དག་ལ། །སེམས་ཅན་མཆོག་ལ་རྣལ་འབྱོར་མཆོག །ཅེས་གསུངས་པའི་བླ་མེད་ལ་འཇུག་པ་ཡིན་པས། དེའི་ཐོག་མར་དབང་ཐོབ་དགོས་ཏེ། །དཔལ་རྡོ་རྗེ་ཕྲེང་བའི་རྒྱུད་ལས། །ཐོག་མར་སློབ་མ་གང་

[Full Size]

གི་ཚེ། །བློ་ལྡན་ཡང་དག་དབང་བསྐུར་ནས། །རྫོགས་པའི་རིམ་པའི་རྣལ་འབྱོར་ལ། །དེ་ཡི་ཚེ་ན་སྣོད་དུ་འགྱུར། །ཡང་དག་དབང་བསྐུར་གྱིས་དབེན་ན། །སྒྲུབ་པོས་རྒྱུད་ཀྱི་དོན་ཤེས་ཀྱང་། །སློབ་དཔོན་སློབ་མར་མཚུངས་པར་ནི། །མི་བཟད་དམྱལ་བ་ཆེན་པོར་འགྲོ། །ཅེས་དང་། ཕྱག་རྒྱ་ཆེན་པོ་ཐིག་ལེའི་རྒྱུད་ལས། དབང་མེད་ན་ནི་དངོས་གྲུབ་མེད། །བྱེད་མ་བཙིར་ཡང་མར་མེད་བཞིན། །གང་ཞིག་རྒྱུད་ལུང་ང་རྒྱལ་གྱིས། །དབང་བསྐུར་མེད་པར་འཆད་བྱེད་པ། །སློབ་དཔོན་སློབ་མ་ཤི་མ་ཐག །དངོས་གྲུབ་ཐོབ་ཀྱང་དམྱལ་བར་སྐྱེ། །དེ་བས་འབད་པ་ཐམས་ཅད་ཀྱི། །བླ་མ་ལ་ནི་དབང་ནོད་ཞུ། །ཅེས་དང་། མཆོག་གི་དང་པོ་སངས་རྒྱས་

[Full Size]

ལས། །དབང་བསྐུར་མེད་པར་སྔགས་འཆད་དང་། །ཟབ་མོ་དེ་ཉིད་སྒོམ་བྱེད་པ། །དེ་དོན་ལེགས་པར་ཤེས་ན་ཡང་། །དམྱལ་བར་འགྱུར་གྱིས་གྲོལ་བ་མིན། །ཅེས་དང་། སངས་རྒྱས་ཐོད་པ་ལས། དཔེར་ན་པི་ཝང་འབྱོར་ཚོགས་ཀུན། །རྒྱུ་དང་བྲལ་ན་བརྡུང་མི་ནུས། །དེ་བཞིན་དབང་བསྐུར་མེད་པ་ལ། །དེ་ལ་མཆོག་གི་དངོས་གྲུབ་མེད། །ཅེས་དང་། ཐོབ་ན་དེ་རྣམས་ལས་བཟློག་པའི་ཕན་ཡོན་འབྱུང་ཞིང་། ཐུན་གསང་ལས། དབང་བསྐུར་ཡང་དག་སྦྱིན་ལྡན་ན། །སྐྱེ་ཞིང་སྐྱེ་བར་དབང་བསྐུར་འགྱུར། །དེ་བས་སྐྱེ་བ་བདུན་ན་དེ། །མ་བསྒོམས་པར་ཡང་དངོས་གྲུབ་ཐོབ། །ཅེས་གསུངས་སོ། །

[Full Size]

དབང་གི་སྔོན་དུ་དཀྱིལ་འཁོར་འགྲོ་དགོས་ཤིང་། དེ་ལ་ཡང་གསུམ་དུ་གསུངས་ཏེ། རྡོ་རྗེ་དྲིལ་བུ་པས། དབང་བསྐུར་དཀྱིལ་འཁོར་སྔོན་འགྲོ་བས། །རྡོ་རྗེ་འཆང་གིས་གསུངས་པ་དེ། །ཅེས་སོགས་དང་། ཡེ་ཤེས་རྒྱ་མཚོའི་རྒྱུད་ལས། དབང་བསྐུར་དབང་པོའི་བྱེ་བྲག་གིས། །ཏིང་འཛིན་མེ་ཏོག་རྡུལ་མཚོན་ནོ། །ཅེས་དང་། སྐུ་གསུང་ཐུགས་ཀྱི་རྒྱུད་ལས། དཀྱིལ་འཁོར་སློབ་མ་རབ་འབྲིང་ཐ། །ཏིང་འཛིན་མེ་ཏོག་རྡུལ་མཚོན་རིམ། །ཅེས་གསུངས་པའི་ད་ལན་དཀྱིལ་འཁོར་གསུམ་ཀར་དུ་རིམ་པས་འཇུག་ཅིང་དབང་བསྐུར་བ་ཡིན། དེ་ལ་བསྐུར་བྱེད་བླ་མའི་མཚན་ཉིད་མང་དུ་གསུངས་པ་རྣམས། ས་སྐྱ་པ་ཆེན་

[Full Size]

གྱིས། གཙང་མཁས་གཞན་ལ་མཁས་པར་བརྩོན། །ཞེས་གསུངས་པར་འདུག་པས། སྒོ་གསུམ་ཀུན་སྤྱོད་གཙང་བ། ལུང་རིག་ཆོ་ག་མཁས་པ། བསམ་སྦྱོར་གཞན་ལ་ཕན་ལ་ཕན་པར་བརྩོན་པ་གཅིག་དགོས། བསྐུར་བྱ་སློབ་མའི་མཚན་ཉིད་ཀྱང་། །བློ་གསལ་དོན་གཉེར་བླ་མར་གུས། །ཅེས་པས་འཛིན་སྤྱོད་ལ་བློ་གསལ། སྨིན་ལམ་དོན་དུ་གཉེར་བ། བླ་མ་ལ་རྩེ་གཅིག་ཏུ་གུས་པ་ཅིག་དགོས་ལ། བསྐུར་བའི་ཆོ་ག་ལ་གསུམ་ཡོད་པས་ལས། དེའི་སྔོན་འགྲོ་འཇུག་པ་བཅུ་གཉིས་ཡོད་པའི། དང་པོ་སྐྱབས་འགྲོ་ནི། སངས་རྒྱས་ཆོས་ཀྱི་སྐུ་སྟོང་པ་ཉིད་དང་སྙིང་རྗེ་དབྱེར་མེད་པ།

[Full Size]

ཆོས་ཞི་བ་དོན་དམ་མྱ་ངན་ལས་འདས་པ། དགེ་འདུན་དག་པའི་ས་ལ་གནས་པ་རྣམས་ལ་སྐྱབས་སུ་འགྲོ་བའི་བསམ་པས། རང་གི་ལུས་ལོངས་སྤྱོད་ཐམས་ཅད་ལྟོས་པ་མེད་པར་བླ་མ་ལ་བློས་ཕུལ་ལ། སློབ་དཔོན་དགོངས་སུ་གསོལ། བདག་མིང་འདི་ཞེས་བགྱི་བ་དུས་འདི་ནས་བཟུང་སྟེ། སྙིང་པོ་བྱང་ཆུབ་ལ་མཆིས་ཀྱི་བར་དུ། རྐང་གཉིས་ཀྱི་མཆོག་ཕྱོགས་བཅུའི་སངས་རྒྱས་བཅོམ་ལྡན་འདས་རྣམས་ལ་སྐྱབས་སུ་མཆིའོ། །འདོད་ཆགས་དང་བྲལ་བ་རྣམས་ཀྱི་མཆོག་ཞི་བ་དོན་དམ་པ་མྱ་ངན་ལས་འདས་པའི་ཆོས་ལ་སྐྱབས་སུ་མཆིའོ། །ཚོགས་རྣམས་ཀྱི་མཆོག་ས་ཆེན་པོ་ལ་རབ་ཏུ་བཞུགས་པའི་བྱང་ཆུབ་སེམས་དཔའ་སེམས་

[Full Size]

དཔའ་ཆེན་པོ་ཕྱིར་མི་ལྡོག་པའི་དགེ་འདུན་ལ་སྐྱབས་སུ་མཆིའོ། །ཞེས་ལན་གསུམ་བརྗོད་དོ། །གཉིས་པ་སེམས་བསྐྱེད་ལ་གཉིས་ལས། དང་པོ་སྨོན་པ་ནི། བླ་མ་ལ་སངས་རྒྱས་ཀྱི་སྔར་མཆོད་ལ། བརྗོད་པར་འགྱུར་བའི་དོན་བསམས་ཤིང་། ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་། སློབ་དཔོན་བདག་ལ་དགོངས་སུ་གསོལ། བདག་མིང་འདི་ཞེས་བགྱི་བས། ཚེ་འཁོར་བ་ཐོག་མ་མེད་པ་ནས། ཐ་མ་ད་ལྟ་ལ་ཐུག་གི་བར་དུ་སྦྱིན་པའི་རང་བཞིན་ཅན་དང་། ཚུལ་ཁྲིམས་ཀྱི་རང་བཞིན་ཅན་དང་། སྒོམ་པའི་རང་བཞིན་ཅན་གྱིས་དགེ་བའི་རྩ་བ་དེས། ཇི་ལྟར་སྔོན་

[Full Size]

གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་དང་། ས་ཆེན་པོ་ལ་རབ་ཏུ་བཞུགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས། ཇི་ལྟར་ཐུགས་བསྐྱེད་པ་དེ་བཞིན་དུ། བདག་མིང་འདི་ཞེས་བགྱི་བས་ཀྱང་། དུས་འདི་ནས་བཟུང་ནས་ཇི་སྲིད་བྱང་ཆུབ་སྙིང་པོ་ལ་མཆིས་ཀྱི་བར་དུ། བྱང་ཆུབ་ཀྱི་མཆོག་ཏུ་སེམས་བསྐྱེད་པར་བགྱིའོ། །སེམས་ཅན་མ་བསྒྲལ་བ་རྣམས་བསྒྲལ་བར་བགྱིའོ། །མ་གྲོལ་བ་རྣམས་གྲོལ་བར་བགྱིའོ། །དབུགས་མ་ཕྱིན་པ་རྣམས་དབུགས་དབྱུང་བར་བགྱིའོ། །ཡོངས་སུ་མྱ་ངན་ལས་མ་འདས་པ་རྣམས་ཡོངས་སུ་མྱ་ངན་ལས་འདའ་བར་བགྱིའོ། །

[Full Size]

ཞེས་ལན་གསུམ་བརྗོད་དོ། །གཉིས་པ་འཇུག་སེམས་ནི། དེ་བླང་བའི་བསམ་པས་བརྗོད་པའི་དོན་སེམས་ཤིང་། སྔར་བཞིན་དགོངས་གསོལ་གྱི་རྗེས་སུ། ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་སེམས་ཅན་གྱི་དོན་དུ་སྦྱིན་པ་དང་། ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ལ་མཐར་གྱི་བསླབ་པ་དང་། མཐར་གྱི་སྒྲུབ་པ་དང་། མཐར་གྱི་ནན་ཏན་དུ་མཛད་པ་དེ་བཞིན་དུ་བདག་མིང་འདི་ཞེས་བགྱི་བས། དུས་འདི་ནས་བཟུང་ནས། བྱང་ཆུབ་སྙིང་པོ་ལ་མཆིས་ཀྱི་བར་དུ། ཕྱིན་

[Full Size]

པའི་ཕ་རོལ་ཏུ་ཕྱིན་པ་ལ་མཐར་གྱི་བསླབ་པ་དང་། མཐར་གྱི་སྦྱང་བ་དང་། མཐར་གྱི་ནན་ཏན་གྱི་བསམ་པ་གཏན་པོ་བསྐྱེད་པོ་བསྐྱེད་པར་བགྱིའོ། །ཕར་ཕྱིན་གཞན་ཡང་སོ་སོའི་མིང་བཏགས་སུ་བརྗོད་ནས། བསླབ་སྦྱངས་ནན་ཏན་གྱི་བསམ་པ་སྔར་བཞིན་བརྗོད་དོ། །དེ་ལྟར་ལན་གསུམ་བརྗོད་དོ། །སྤྱིའི་གསུམ་པ་གསོལ་བ་གདབ་པ་ནི། །སྔར་ཕུལ་བའི་མཎྜལ་ཡོན་དུ་ཕུལ་ནས། དགའ་ཆེན་ཁྱོད་བདག་སྟོན་པ་སྟེ། །ཞེས་སོགས་ལན་གསུམ་བྱའོ། །བཞི་པ་གནང་བ་སྦྱིན་པ་ནི། བུ་ཚུར་ཐེག་པ་ཆེན་པོ་ཡི། ཁྱོད་ནི་ཚུལ་ཆེན་སྣོད་ཡིན་ཏེ། །གསང་སྔགས་སྤྱོད་ཚུལ་ཆོ་ག་འདི། །ཁྱོད་ལ་ཡང་དག་བསྟན་པར་བྱ། །དུས་གསུམ་གཤེགས་

[Full Size]

པའི་སངས་རྒྱས་རྣམས། །སྐུ་གསུང་ཐུགས་ཀྱི་རྡོ་རྗེ་ཅན། །དེ་རྣམས་ཀྱིས་ཀྱང་གསང་སྔགས་ཀྱི། །ཆོ་ག་བཟང་པོ་འདི་མཁྱེན་ནས། །དཔའ་བོ་བྱང་ཆུབ་ཤིང་དྲུང་དུ། །ཐམས་ཅད་མཁྱེན་པ་ཚད་མེད་བརྙེས། །ཤཱཀྱ་སེང་གེ་སྐྱོབ་པ་ཡིས། །བདུད་སྡེ་ཤིན་ཏུ་མི་བཟད་པ། །དཔུང་ཆེན་དག་ཀྱང་དེས་བརྩོམ་སྟེ། །འཇིག་རྟེན་རྗེས་འཇུག་པར་ཤེས་ནས། །འཁོར་ལོ་བསྐོར་ནས་མྱ་ངན་འདས། །དེ་བས་ཀུན་མཁྱེན་ཐོབ་བྱའི་ཕྱིར། །བུ་ཡི་བློ་གྲོས་འདི་གྱིས་ཤིག །ཅེས་བརྗོད་དོ། །ལྔ་པ་རྟོག་པ་བསྡུ་བ་ནི། །རྟོག་པ་ཐམས་ཅད་ལེགས་པར་བསྡུས་ནས་ནི། །ཤིན་ཏུ་བསམ་པ་བཟང་

[Full Size]

པོ་ལྡན་པས་ཉོན། །རྗོད་ངས་བློ་ལ་རྡོ་རྗེ་སེམས་སོགས་དང་། །བདེ་བར་གཤེགས་པ་རྣམས་ཀྱིས་བྱིན་མི་རློབ། །ཅེས་པས་སོ། །དྲུག་པ་རྒྱུན་བཤགས་སྔོན་དུ་འགྲོ་བས། །གསང་སྔགས་སུ་སེམས་བསྐྱེད་པ་ནི། །དཀོན་མཆོག་གསུམ་ལ་བདག་སྐྱབས་མཆིས། །ཞེས་སོགས་ལན་གསུམ་གྱིས་སོ། །བདུན་པ་རིགས་ལྔའི་སྡོམ་པ་བཟུང་བ་ནི། །སྲས་བཅས་སངས་རྒྱས་ཐམས་ཅད་དང་། །ཅེས་སོགས་ལན་གསུམ་གྱིས་སོ། །བརྒྱད་པ་སྔགས་ཀྱི་ཆེ་བ་བརྗོད་པས་སྤྲོ་བ་ནི། །འཇིག་རྟེན་དུ་ནི་ཀུན་མཁྱེན་དག །ཞེས་པ་ནས། །དེ་བཞིན་གཤེགས་པ་ཉིད་དུ་འགྱུར། །ཅེས་པའི་དོན་ཡང་ཅི་རིགས་སུ་བརྗོད་དོ། །དཀྱིལ་

[Full Size]

འཁོར་མ་མཐོང་བའི་བརྡར། །ཨོཾ་ཨཱ་ཁཾ་ཝི་ར་ཧཱུྃ་གིས་གདོང་བཅིངས། །དགུ་པ་བདེ་སྟོང་དུ་སེམས་བསྐྱེད་པ་ནི། །སློབ་མའི་སྙིང་གར་ཟླ་བའི་དཀྱིལ་འཁོར། །ཀུན་རྫོབ་བྱང་ཆུབ་སེམས་ཀྱི་ངོ་བོ་དང་། །དེའི་སྟེང་དུ་རྡོ་རྗེ་དཀར་པོ་རྩེ་ལྔ་པ་དོན་དམ་བྱང་ཆུབ་སེམས་ཀྱི་ངོ་བོར་མོས་སུ་བཅུག་ནས། །དེ་བརྟན་པའི་དོན་དུ། །དཔོན་སློབ་གཉིས་ཀས། །ཨོཾ་སརྦ་ཡོ་ག་ཙིཏྟ་ཨུཏྤ་ཏ་ཡ་མི་ཅེས་དང་། །སློབ་དཔོན་གྱི་སློབ་མའི་སྙིང་གར་རྡོ་རྗེ་རེག་ཅིང་། །ཨོཾ་སུ་ར་ཏེ་ས་མ་སྟྭྃ་ཧོཿསིདྡྷི་བཛྲ་ཡ་ཐ་སུ་ཁཾ། །ཞེས་བརྗོད་ནས། དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་དུ་མ་ཞུགས་པ་རྣམས་ཀྱི་

[Full Size]

མདུན་དུ་སྨྲ་བར་མི་བྱ་སྟེ། །མ་དད་པ་རྣམས་ལ་ཡང་མ་ཡིན་ནོ། །ཧཱུྃ་ཛ་ཧཱུྃ་ཞེས་གསང་བར་གདམས་སོ། །བཅུ་པ་ནང་དུ་གཞུག་ཅིང་ཡེ་ཤེས་དབབ་པ་ནི། །སློབ་དཔོན་གྱི་དཀྱིལ་འཁོར་གྱི་ཤར་སྒོ་ནས་རྡོ་རྗེས་ཁྲིད་པར་བསམ་ཞིང་། །ཛཿཧཱུྃ་བྃ་ཧོཿཞེས་བརྗོད་ནས། མགོ་དུད་པ་རེ་བྱེད་དུ་བཅུག་ནས། ནང་དུ་ཞུགས་ནས་འཁོད་པ་ལ། །སློབ་མའི་སྤྱི་བོར་རྡོ་རྗེ་བཟུང་ནས། །ཡེ་ཤེས་གང་གིས་ཁྱོད་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་ཀྱང་ཐོབ་པར་འགྱུར་ན། །དངོས་གྲུབ་གཞན་ལྟ་ཅི་སྨོས་དེ་ལྟ་བུའི་རྡོ་རྗེ་ཡེ་ཤེས་བསྐྱེད་པར་བྱ་ཡིས། །ཁྱོད་ཀྱིས་དཀྱིལ་འཁོར་ཆེན་པོ་མ་མཐོང་བ་རྣམས་ཀྱི་མདུན་དུ་སྨྲ་བར་མི་བྱ་སྟེ། །

[Full Size]

བུ་ཁྱེད་དམ་ཚིག་ཉམས་པར་གྱུར་ཏ་རེ། །ཅེས་ཕན་ཡོན་དང་། །སྙིང་གར་བཟུང་ལ། །ཧེ་རུ་ཀ་དཔལ་དེང་ཁྱོད་ཀྱི། །སྙིང་ལ་ཡང་དག་ཞུགས་པར་གྱུར། །གལ་ཏེ་ཚུལ་འདི་སྨྲས་ན་ནི། །དེ་མ་ཐག་ཏུ་དྲལ་ཏེ་གཤེགས། །ཅེས་དང་། །ཡང་སྤྱི་བོར་བཟུང་ལ། །འདི་ནི་ཁྱོད་ཀྱི་དམ་ཚིག་གི་རྡོ་རྗེ་སྟེ། །གལ་ཏེ་ཚུལ་འདི་ལྟ་བུ་སུ་ཡང་རུང་བ་ལ་སྨྲས་ན། །འདིས་ཁྱོད་ཀྱི་མགོ་བོ་འགེམས་པར་འགྱུར་རོ། །ཞེས་པས་ཉེས་དམིགས་དང་། །བུམ་ཆུ་དང་། བདུད་རྩི་བསྲེས་ལ། ཁྱོར་བ་གཡས་པར་སྦྱིན་ལ་འཐུང་ངུ་གཞུག་ཅིང་། །འདི་ནི་ཁྱོད་ཀྱི་དམྱལ་བའི་ཆུ། །དམ་ཚིག་འདས་ན་བསྲེག་པར་བྱེད། །དམ་ཚིག་བསྲུངས་

[Full Size]

ན་དངོས་གྲུབ་ཐོབ། །རྡོ་རྗེ་བདུད་རྩིའི་ཆུ་འདིས་འགྲུབ། །ཨོཾ་པཉྩ་ཨ་མྲྀ་ཏ་ཨུ་ཏ་ཀ་ཋ་ཋ། ཅེས་པས་གཉིས་ཀ་དང་ཡང་སྤྱི་བོར་རྡོ་རྗེ་བཟུང་ལ། །དེང་ཕྱིན་ཆད་བུ་ཁྱོད་ཀྱི་དཔལ་ཧེ་རུ་ཀ་ང་ཡིན་གྱིས། ངས་གང་འདི་བྱོས་ཤིག་བྱས་པ་དེ་ཁྱོད་ཀྱིས་བྱ་དགོས་སོ། །ང་ལ་བརྙས་པ་མ་བྱེད་ཅིང་། །བྱས་ན་ཡང་བ་མ་སྤངས་པར་ཚེའི་དུས་བྱས་ཏེ། །དམྱལ་བ་ཆེན་པོ་ལྷུང་བར་གྱུར་ཏ་རེ། །ཅེས་སློབ་དཔོན་གྱི་བཀའ་ཉན་པའི་སྒོ་ནས་དམ་ལ་བཞག་ནས། །ཡེ་ཤེས་དབབ་པར་གསོལ་བ་གདབ་པར་བསམ་པས། །རྗེས་ཟློས་བྱེད་དུ་གཞུག་ཅིང་། །དེ་བཞིན་གཤེགས་པ་ཐམས་ཅད་དང་། །དཔའ་བོ་དང་རྣལ་འབྱོར་མ་ཐམས་ཅད་ཀྱིས་བྱིན་གྱིས་རློབས་

[Full Size]

ཤིག །དཔལ་ཧེ་རུ་ཀ་བདག་ལ་དབབ་ཏུ་གསོལ། །ཅེས་ལན་གསུམ་བརྗོད་ལ། །སློབ་མ་རྣམས་ལུས་ཀྱི་སྤྱོད་ལམ་ཕན་ཚུན་མ་རེག་པར། །སྤྱི་བོར་ཐལ་མོ་སྦྱར་ལ་ཅོག་པུར་འདུག །བླ་མ་ལ་རྡོ་རྗེ་འཆང་དངོས་ཀྱི་འདུ་ཤེས་ཀྱིས་མོས་གུས་དྲག་པོ་གྱིས་ལ། །བདག་ཏུ་བཟུང་བ་ཐམས་ཅད་ལྟོས་མེད་དུ་ཐོང་། །རང་ཧེ་རུ་ཀ་ཕྱག་གཉིས་པའི་རྐང་མཐིལ་གཞིབས་ནས་ལངས་པར་མོས་པའི་འོག་ཏུ་ཡྃ་ལས་རླུང་གི་དཀྱིལ་འཁོར་གཞུའི་དབྱིབས་ཀྱི་ནང་དུ། །རྒྱུད་གྱེན་ལ་བསྟན་པའི་གཞུའི་དབྱིབས་ཀྱི་རྣམ་པ་ཅན་དུ། །རྒྱུད་གྱེན་ལ་བསྟན་ལ་བསྟན་པའི་རྐང་མཐིལ་གཉིས་སུ་ཛཻཾ་མེའི་རང་བཞིན་རླུང་གིས་བསྐྱོད་པས། །མེ་འབར་

[Full Size]

བ་རྩ་ནང་ན་ཡར་སོང་། །སུམ་མདོའི་མེ་དང་། །ལྟེ་བར་རེ་རེ་ལས་མེའི་རང་བཞིན་དང་འདྲེས། །སྙིང་གར་མྃ་ལས་སའི་དཀྱིལ་འཁོར་རྡོ་རྗེས་མཚན་པ་བསྲེགས་པ་ལས། །མགྲིན་པར་བཾ་ལས་ཆུའི་དཀྱིལ་འཁོར་བྃ་གྱིས་མཚན་པར་བཀོལ། །སྤྱི་བོར་ཡྃ་ལས་རླུང་གི་དཀྱིལ་འཁོར་དུ་བ་འཁྲིགས་པ་ལྟ་བུས་འཐུར་དུ་གནས་པ། སངས་རྒྱས་དང་བྱང་ཆུབ་སེམས་དཔའ། །དཔའ་བོ་དང་རྣལ་འབྱོར་མ་ཐམས་ཅད་རྒྱུད་སྡེ་ལྔའི་སྣ་ཚོགས་ཀྱི་རྣམ་པར་ཐིམ་པར་སྒོམ་དུ་གཞུག །སློབ་དཔོན་གྱིས། །ཨོཾ་ཧྲཱི་ཧ་ཧ་ཧཱུྃ་ཧཱུྃ་ཕཊཿ བཛྲ་ཨ་བེ་ཤ་ཡ་ཨ་ཨཿ ། ཅེས་བརྗོད་ཅིང་རོལ་མོ་བྱ། །ཨོཾ་ཏིཥྛ་བཛྲ་བརྟན་པར་བྱའོ། །བཅུ་གཅིག་པ་མེ་ཏོག་ངོར་ནས་མགོ་ལ་བཅིང་

[Full Size]

བ་ནི། །ལྷ་ཐམས་ཅད་དག་པ་ཡེ་ཤེས་པ་ཅིག་གི་སྣང་བ་ཡིན་པས་བཟང་ངན་མེད་ཀྱང་། །ལས་བསགས་པའི་ལྷ་གཅིག་ལ་འབབ་པར་གྱུར་ཅིག་སྙམ་པས། །ཨོཾ་པྲ་ཏི་བཛྲ་ཧོཿཞེས་བརྗོད་པས་མེ་ཏོག་དོར་ནས། །གང་ལ་ཕོག་པའི་ལྷའི་སྙིང་པོ་སྔོན་དུ་འགྲོ་བས། །ཨོཾ་པྲ་ཏི་གྲྀཧྣ་སྭ་མི་མཾ། སྭ་ཏྭ་མ་ཧཱ་བཱ་ལ་ཨོཾ། །ཅེས་པས་སྤྱི་བོར་སྦྱིན་ནོ། །བཅུ་གཉིས་པ་གདོང་གཡོགས་ཕྱེ་ལ་དཀྱིལ་འཁོར་བསྟན། །ཧེ་རུ་ཀ་དཔལ་དེང་ཁྱོད་ཀྱིས། །མིག་འབྱེད་པ་ནི་བརྩོན་པར་མཛད། །ཕྱེ་བས་ཐམས་ཅད་མཐོང་འགྱུར་བའི། །རྡོ་རྗེའི་མིག་ནི་བླ་ན་མེད། །ཨོཾ་བཛྲ་ནཻ་ཏྲ་ཨ་པ་ཧ་ར་པ་ཏ་ལཾ་ཧྲཱི་ཏྲཾ། །ཅེས་པས་གདོང་གཡོགས་བསལ། །

[Full Size]

དཀྱིལ་འཁོར་རྟེན་དང་བརྟེན་པར་བཅས་པ་བསྐྱེད་པའི་སྐབས་བཞིན་བརྟན་པར་བྱའོ། །དེ་ཡང་དཔལ་ལྡན་འབྲས་སྤུངས་ཀྱི་མཆོད་རྟེན་རྒྱུ་རིན་པོ་ཆེ་ལས་གྲུབ་པ། །ཕྱི་མཆོད་རྟེན་གྱི་རྣམ་པ། །ནང་གཞལ་ཡས་ཁང་གི་རྣམ་པ། །རྒྱུད་སྡེ་ལྔའི་ལྷ་ཚོགས་རྣམས་ཀྱི་རྣམ་པ་འདི་ལྟ་བུ་ཡོད་ལ། །དེའང་སངས་རྒྱས་ཐམས་ཅད་ཀྱི་སྐུ་གསུང་ཐུགས་ཡོན་ཏན་འཕྲིན་ལས་ཀྱི་ངོ་བོ་ཡིན་ཏེ། །དཔལ་དུས་འབྱུང་གི་རྒྱུད་ལས། །དེ་ནས་ཡང་དག་བཤད་བྱ་བ། །སྐུ་ནི་ཀྱཻ་རྡོ་རྗེ་ལ། །གསུང་གི་རྫུ་འཕྲུལ་རྡོ་རྗེ་མ། །ཐུགས་ནི་འཁོར་ལོ་སྡོམ་པ་ཆེ། །ཕྲིན་ལས་རྡོ་རྗེ་འཇིགས་བྱེད་དེ། །བདག་ཉིད་གསང་བ་འདུས་པར་བརྗོད། །མ་འོངས་སེམས་ཅན་དོན་

[Full Size]

དུ་ནི། །ཐབས་འདི་དག་ནི་བསྟན་པ་ཡིན། །ཐབས་ཀྱི་རིམ་པ་འདི་དག་ནི། །ཀུན་གྱི་ཐུན་མོང་མ་ཡིན་ཏེ། །དཀྱིལ་འཁོར་གཅིག་ཏུ་བསྡུས་དབང་བསྐུར། །གསང་སྔགས་སྤྱོད་པའི་རྣལ་འབྱོར་པས། །རྒྱུད་སྡེ་རྣམ་པ་ལྔ་གང་བསྟན། །ཀླ་ཀློའི་སྐད་ཀྱིས་འདི་སྦས་པས། །ཐུབ་པའི་ཞལ་ཐེབས་གསང་བ་འདི། །སྙིང་པོ་ཀུན་གྱི་རྒྱུད་དོན་གྱིས། །དཀའ་ཐུབ་སྤྱོད་བྱེད་ཐུན་མོང་མིན། །ཅེས་པ་དང་། །སློབ་དཔོན་རྡོ་རྗེ་གདན་པས་མཛད་པའི་བསྟན་བཅོས་ལས་ཀྱང་། །རྡོ་རྗེ་འཆང་ཆེན་ལྷ་ཡི་གཙོ། །སྐུ་ནི་ཀྱཻ་རྡོ་རྗེ་ལ། །གསུང་ནི་སྒྱུ་མ་ཆེན་མོ་ཡིན། །ཐུགས་ནི་རྡོ་རྗེ་གསང་

[Full Size]

བ་འདུས། །གཅིག་བསྒོམས་པས་སངས་རྒྱས་བསྒོམས་པར་འགྱུར་ཏེ། །རིན་པོ་ཆེ་རྒྱ་མཚོའི་རྒྱུད་ལས། རྒྱལ་བ་གཅིག་བསྒོམས་སངས་རྒྱས་ཀུན་གྱི་ངང་། །སངས་རྒྱས་ཐམས་ཅད་རིགས་ལྔའི་རང་བཞིན་ནོ། །ཅེས་ངོ་སྤྲོད། གཉིས་པ་དབང་དངོས་ལ། །བུམ་པའི་དབང་དང་ཏིང་ངེ་འཛིན་གྱི་དབང་གཉིས་ལས། །བུམ་པའི་དབང་གི་དོན་དུ་མཎྜལ་ཕུལ་ལ། །བསམ་གྱི་མི་ཁྱབ་དམ་ཆོས་སྣོད། །དབང་བསྐུར་དམ་པ་མཛད་དུ་གསོལ། །ཞེས་ལན་གསུམ་གསོལ་བ་གདབ། །སྡོམ་པ་རྒྱ་མཚོ་དང་། །རྡོ་རྗེ་སྙིང་པོ་རྒྱན་གྱི་རྒྱུད་ལས། །སྐྱོབ་པའི་དཀྱིལ་འཁོར་མངོན་སུམ་དུ། །ཏིལ་གྱི་གོང་

[Full Size]

བུ་བཞིན་གང་བའི། །རྒྱལ་བས་བུམ་པ་བཟུང་ནས་ནི། །དེ་ཉིད་ལས་ནི་དབང་བསྐུར་བར། །དཀྱིལ་འཁོར་དེ་ཉིད་རིག་པས་སམ། །ཞེས་པ་ལྟར་དཔོན་སློབ་གཉིས་ཀས་བསམ་ཞིང་བུམ་པ་སྤྱི་བོར་བཞག །ཧཱུྃ་ཇི་ལྟར་བལྟམས་པ་རྩམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་དབང་བསྐུར་རོ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུྃ། །ཞེས་པས་སྤྱི་བོར་གཏོར་ཅིང་། ཁར་ཡང་ལུད་པས་ལུས་ཀྱི་དྲི་མ་དག །བུམ་དབང་ཐོབ་པར་བསམ་མོ། །གཉིས་པ་གསང་དབང་ནི། །བདེ་མཆོག་མྱུ་གུ་ལས། །ཕྱོགས་ལུས་སྣང་སྟོང་གི་ཡེ་ཤེས་སྐྱེས་བཅུའི་

[Full Size]

སངས་རྒྱས་སྲས་བཅས་ཀྱིས། །མཁའ་མཉམ་ཡེ་ཤེས་བདུད་རྩི་ནི། །རྡོ་རྗེའི་ལམ་ནས་བྱུང་ནས་ནི། །བདེ་བ་བསྐྱེད་ཅིག་རིགས་ཀྱི་ཡུམ། །སྲས་བཅས་གསང་བའི་དབང་བསྐུར་བྱ། །ཅེས་གསུང་པ་ལྟར་བསམ་ལ། །བུམ་ཆུ་དང་མངར་གསུམ་སྦྱར་ལ་སློབ་མའི་ཁར་སྦྱིན་ཞིང་། །ཧཱུྃ་ཕྱོགས་བཅུའི་སངས་རྒྱས་ཐམས་ཅད་ཀྱི། །གསང་གསུམ་གནས་ལས་བྱུང་བ་ཡིན། ཁམས་གསུམ་ཀུན་གྱིས་ཕྱག་བྱས་པའི། །རྡོ་རྗེའི་དབང་བསྐུར་ཆེན་པོ་སྦྱིན། །ཨོཾ་སརྦ་ཏ་ཐཱ་ག་ཏ་གུ་ཧྱ་ཨ་བྷི་ཥིཉྩ་མི། །ཅེས་པས་ངག་གི་དྲི་མ་དག །གསང་དབང་ཐོབ་པར་བསམ་མོ། །གསུམ་པ་ཤེས་རབ་ཡེ་ཤེས་ཀྱི་དབང་ནི། །སྒྲ་གྲག་སྟོང་གི་ཡེ་ཤེས་སྐྱེས་

[Full Size]

སྔར་བྱིན་པའི་དབང་རྫས་འཐུང་པས། །སྙིང་ག་ཡན་ཆད་ཁེངས་པས། །ཡིད་ཀྱི་དྲི་མ་དག་ཅིང་། །གསུམ་པའི་ཡེ་ཤེས་བུམ་ཆུ་དང་མངར་གསུམ་སྦྱར་བ་བདེ་སྟོང་དག་པར་སྒོམ་དུ་བཅུག །ཨོཾ་སརྦ་ཏ་ཐཱ་ག་ཏ་པྲ་ཛྙཱ་ཛྙཱ་ན་ཨ་བྷི་ཥེཉྩ་མི། །ཅེས་བརྗོད་དོ། །དེ་ནས་དབང་བཞི་པ་ན། །ཨོཾ་སརྦ་ཏ་ཐཱ་ག་ཏ་ཙ་ཏུར་ཨ་བྷི་ཥེཉྩ་མཾ། །ཞེས་བརྗོད་པས། །བུམ་ཆུས་ལུས་ཀྱི་ནང་ཐམས་ཅད་གང་བས་དྲི་མ་ཐམས་ཅད་དག །དབང་བཞི་པ་ཐོབ། །འཛིན་རྟོག་ཐམས་ཅད་བྲལ་ལྷན་ཅིག་སྐྱེས་པར་བསམ་མོ། །ཆུའི་ལྷག་མ་ཡར་ལུད་པ་ལས་མི་བསྐྱོད་པ་སྤྲུལ་སྐུའི་རྣམ་པ་ཅན་གྱིས་དབུ་བརྒྱན་པར་བསྒོམ་མོ། །གཉིས་པ་ཏིང་ངེ་

[Full Size]

འཛིན་གྱི་དབང་ལ། །གདམས་ངག་དང་འབྲེལ་བ་དང་། །དབང་གདམས་ངག་དང་འབྲེལ་བ་དང་། དབང་གདམས་ངག་དང་འབྲེལ་བ་ལས། །དང་པོ་ནི། དཔོན་སློབ་གཉིས་ཀས། །མདུན་གྱི་ནམ་མཁར་བླ་མ་ཡི་དམ་སངས་རྒྱས་བྱང་ཆུབ་སེམས་དཔའ་དཔའ་བོ་རྣལ་འབྱོར་མ་ཡེ་ཤེས་ཀྱི་ཆོས་སྐྱོང་སྲུང་མ་དཔག་ཏུ་མེད་པ་ཏིལ་གྱི་གོང་བུ་བཞིན་དཔག་ཏུ་མེད་པ་ཏིལ་གྱི་གོང་བུ་ཁ་བྱེ་བ་བཞིན་བསམ་སྟེ། །སློབ་མས་མཎྜལ་ཐེངས་གསུམ་ཕུལ་ནས། གསོལ་བ་གདབ་པ་ནི། །རྩ་བ་དང་བརྒྱུད་པར་བཅས་པའི་བླ་མ་རྣམས་ཀྱིས་བདག་ལ་ཡང་དག་པར་སྒྱུ་ལུས་ཀྱི་དབང་བསྐུར་དུ་གསོལ། །ཡི་དམ་གྱི་ལྷ་ཚོགས་རྣམས་ཀྱིས་བདག་ལ་ཡང་དག་པར་སྒྱུ་

[Full Size]

ལུས་ཀྱི་དབང་བསྐུར་དུ་གསོལ། །ཡེ་ཤེས་ཀྱི་ཆོས་སྐྱོང་སྲུང་མ་རྣམས་ཀྱིས་བདག་ལ་ཡང་དག་པར་སྒྱུ་ལུས་ཀྱི་དབང་ཞུ་བ་དང་། །ལམ་ཉམས་སུ་ལེན་པ་ལ་བར་ཆད་མི་འབྱུང་བར་མཛད་དུ་གསོལ། །ཞེས་ལན་གསུམ་བརྗོད་དོ། །དེ་ནས་སློབ་མའི་སྤྱི་བོར་ཨོཾ་དཀར་པོ་གཅིག་བསམ། །དེ་ལས་འོད་ཟེར་དཀར་པོ་འཕྲོས་པས། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་སྐུའི་ཡོན་ཏན་ཐམས་ཅད་བསྡུས། །སླར་ཨོཾ་ལ་ཐིམ་པས་དེ་ཞུ་བ་ཚངས་བུག་ནས་ལྟེ་བར་བྱོན། །ཐིག་ལེ་དཀར་པོ་གཅིག་ཏུ་གྱུར། དེས་གཏི་མུག་དག །ཆོས་དབྱིངས་ཡེ་ཤེས་སུ་བྱིན་གྱིས་རླབས། །དེ་བཞིན་དུ་སྤྱི་བོར་ཨ་དམར་པོ། །ཧཱུྃ་སྔོན་

[Full Size]

པོ། ཏྲྃ་སེར་པོ། ཨ་ལྗང་གུ་རྣམས་རིམ་པ་བཞིན་དུ་བསམ་པ་ལ། །ཡི་གེ་རང་རང་དང་འདྲ་བའི་འོད་ཟེར་འཕྲོས། །སངས་རྒྱས་བྱང་སེམས་ཀྱི་གསུང་དང་ཐུགས་དང་ཡོན་ཏན་ཕྲིན་ལས་ཀྱི་ཡོན་ཏན་རྣམས་བསྡུས་ཡི་གེ་སོ་སོ་ལ་ཐིམ་པས། །དེ་ཞུ་ནས་ཚངས་བུག་ནས་ལྟེ་བར་བྱོན་པས། །རང་རང་གི་ཁ་དོག་ཅན་གྱི་ཐིག་ལེར་གྱུར་པས། །འདོད་ཆགས། ཞེ་སྡང་། ང་རྒྱལ། སེར་སྣ། ཕྲག་དོག་གི་དྲི་མ་རྣམས་དག །སོ་སོར་རྟོགས་པ། མེ་ལོང་ལྟ་བུ་མཉམ་པ་ཉིད། །བྱ་བ་གྲུབ་པའི་ཡེ་ཤེས་རྣམས་སུ་གྱུར་ནས། རང་ཡེ་ཤེས་རང་སྣང་གི་བདེ་མཆོག་ལྷན་སྐྱེས་སུ་བསྒོམ་མོ། །གཉིས་པ་དབང་གདམས་ངག་དང་འབྲེལ་བ་ནི། །མཎྜལ་

[Full Size]

གསུམ་པའི་སྟེང་གི་ནམ་མཁར། །རིན་པོ་ཆེའི་ཁྲི་སེང་གེས་བཏེགས་པར། །པདྨ་ཉི་ཟླའི་གདན་ལ་བླ་མ་བདེ་མཆོག་དང་གཉིས་སུ་མེད་པ། །སྙིང་པོའི་རྣལ་འབྱོར་མ་བཞིས་བསྐོར་བ་ནས། རང་གི་ལུས་ལོངས་སྤྱོད་དགེ་བའི་རྩ་བ་ཐམས་ཅད་ཕུལ་ནས། །མོས་གུས་བྱ་ཞིང་། །བླ་མ་རིན་པོ་ཆེས་བདག་ལ་བུམ་པའི་དབང་བསྐུར་དུ་གསོལ། ཞེས་གསོལ་བ་བཏབ་པས་བླ་མའི་སྨིན་ཕྲག་ལས་འོད་ཟེར་དཀར་པོ་བྱུང་། རང་གི་སྨིན་ཕྲག་ཏུ་ཐིམ་པས། ལུས་ཀྱི་སྡིག་སྒྲིབ་དང་ནད་གདོན་ཐམས་ཅད་བསང་དག །རང་ལྷ་སྐུ་སྔར་བས་ཀྱང་གསལ་བར་བསམ། །ཡང་མཆོད་པ་ཕུལ། གསང་བའི་དབང་བསྐུར་དུ་གསོལ་ཞེས་

[Full Size]

གསོལ་བ་བཏབ་པས། བླ་མ་ཡབ་ཡུམ་གྱི་སྦྱོར་མཚམས་ནས་ཐིག་ལེ་དཀར་དམར་བྱུང་། །རང་གི་ལྕེ་ལ་ཐིམ། ངག་གི་དྲི་མ་དག །ལྷ་སྐུར་སྔར་བས་གསལ་བར་བསམ། ཡང་མཆོད་དེ། ཤེས་རབ་ཡེ་ཤེས་ཀྱི་དབང་བསྐུར་དུ༴ ཞེས་གསོལ་བ་བཏབ་པས། བླ་མའི་ཐུགས་ཀ་ནས་འོད་ཟེར་ལྔ་བྱུང་། རང་གི་སྙིང་གར་ཐིམ་པས་ཡིད་ཀྱི་དྲི་མ་དག །ལྷ་སྐུ་སྔར་བས་གསལ་བར་བསྒོམ། དེའི་ངང་ནས་ལུས་ཁོང་གློད། སེམས་སྤྲོས་མེད་ལྷན་ཅིག་སྐྱེས་པ་ཕྱག་རྒྱ་ཆེན་པོའི་ངང་དུ་ལྷན་གྱིས་བཞག་པ་ནི་དབང་བཞི་པའོ། །ཡང་དབང་གདམས་ངག་དང་འབྲེལ་བ་ལ་གསུམ་སྟེ། དང་པོ་སྟོང་པས་གཞི་

[Full Size]

བྱས་རིག་པ་སྣ་ཚོགས་སུ་འཆར་བ་ནི། རང་གི་རྩ་དབུ་མ་ཕྱི་དཀར་ལ་ནང་དམར་བ་སྤྱི་གཙུག་དང་གསང་གནས་སུ་ཐུགས་པ་གསལ་བཏབ་པའི་ནང་དུ་སྙིང་གི་ཐད་ཀར། །ཨ་དཀར་པོ་བསམ་ལ། དེ་་ངག་ཏུ་ཡང་མང་དུ་བརྗོད་པས་དབུ་མ་ཇེ་གསལ་མཐར་སྟོང་ཉིད་འོད་གསལ་གྱི་ངང་ལ་སིང་ངེ་བཞག་གོ ། གཉིས་པ་རྩ་ལམ་སྦྱངས་ནས་རིག་པ་སྣ་ཚོགས་སུ་འཆར་བ་ནི། རང་གི་སྤྱི་བོར་ཨོཾ་དཀར་པོ། མགྲིན་པར་ཨཱཿདམར་པོ། སྙིང་གར་ཧཱུྃ་སྔོན་པོ། ལྟེ་བར་ཨ་ལྗང་གུ་བསམ། ཨོཾ་ལས་འོད་དཀར་པོ་གསལ་སིང་ངེ་བ་འཕྲོས། སྤྱི་བོའི་རྩ་མདུད་གྲོལ། མགྲིན་པའི་ཨཱཿགསོས། དེ་ལས་འོད་དམར་པོ་

[Full Size]

གསལ་སིང་ངེ་བ་བྱུང་། །མགྲིན་པའི་རྩ་མདུད་རྣམས་གྲོལ། སྙིང་གའི་ཧཱུྃ་གསོས་དེ་ལས་འོད་ཟེར་སྔོན་པོ་གསལ་སིང་ངེ་བ་བྱུང་། སྙིང་གའི་རྩ་མདུད་རྣམས་གྲོལ། ལྟེ་བའི་ཨ་གསོས། དེ་ལས་འོད་ཟེར་དམར་ལྗང་གསལ་སིང་ངེ་བ་བྱུང་། ལྟེ་བ་ནས་རྐང་མཐིལ་ཡན་ཆད་ཀྱི་རྩ་མདུད་རྣམས་གྲོལ། བདེ་སིང་ངེ་བ་ལ་སེམས་གཏད་པའི་ངང་ནས་ལྷན་སྐྱེས་སུ་ལམ་གྱིས་སྒོམ་མོ། །གསུམ་པ་ལུས་དག་པ་ལྷ་སྐུར་སྒོམ་པ་ནི། ལྷན་སྐྱེས་སུ་གསལ་བ་དེའི་ནོར་བུའི་རྩེ་མོར་ཧཱུྃ་སྔོན་པོ་མགོ་གྱེན་ལ་བསྟན་པའི་རྩེ་མོར་ཐིག་ལེ་དམར་པོ་སྲན་མ་ཙམ་བསམ་ལ། ཧཱུྃ་གིས་ནུས་པ་ནོར་བུ་ཕྱིར་ཟློག་པ་བཞིན་དུ་སྙིང་གར་སླེབས། སྨད་

[Full Size]

ཀྱི་འདོད་ཆགས་སངས་དག་པར་བསམ། དབུ་མའི་ཡར་རྩེ་སྤྱི་བོར་ཧཾ་དཀར་པོ་མགོ་ཐུར་བསྟན་གྱི་རྩེ་ལ་ཐིག་ལེ་དཀར་པོ་བསམ་ལ། དབུ་མ་ནས་ཡར་བྱུང་། སྙིང་གར་སླེབས་པས་གཏི་མུག་དག་པར་བསམ། ཞེ་སྡང་རང་དག་ཡིན་གསུངས། དེ་ནས་ཡང་ཡང་གསལ་གདབ་ཅིང་། ཐིག་ལེ་གཉིས་པོ་སྙིང་གར་རང་ཐག་བཞིན་འཁོར་བ་ལ་དམིགས་པ་གཏད་པ་བུམ་དབང་། གཅིག་ལ་གཅིག་རེག་པ་བདེ་སིང་ངེ་བ་ལ་དམིགས་པ་གཏད་པས་གསང་དབང་། ཕན་ཚུན་འདྲེས་པས་དེ་སིང་སིང་བ་གསུམ་པ། གཅིག་ལ་གཅིག་ཐིམ་པས་རང་འོད་དུ་ཡལ་སོང་ནས་སྟོང་ཉིད་དུ་ལྷན་བཞག་པ་ནི་དབང་བཞི་པའོ། །དེ་

[Full Size]

རྣམས་ནི་ཆོས་དྲུག་གའུ་མ་དང་བཅས་པའི་འཇུག་ཐུན་མོང་དང་བཅས་པ་ཡིན་ལ། གང་ཟག་སྤྲོས་པ་ལ་དགའ་བས་སོ་སོར་ཕྱེ་ན། མཎྜལ་དང་པོ་གཉིས་དང་། བཞི་པ་ལ་བརྟེན་ནས། བདག་བསྐྱེད་བུམ་པ་ཆོས་སྐྱོང་རྣམས་བསྐྱེད་པ་ནས། བུམ་དབང་དང་འབྲེལ་བའི་དབང་བཞི་ཡན་ཆད་བསྐུར་བ་ནི། སྤྱིའི་འཇུག་སྒོ། རྒྱུད་སྡེ་ལྔའམ། བཞིའི་དབང་ཡིན། དེ་ནས་མཎྜལ་བསྐྱེད་ཆོག་བཞིན། བདག་བསྐྱེད། བསྒོམ་བཟླས། མཆོད་གཏོར་རྣམས་བྱས། དབང་གི་སྔོན་འགྲོའི་ཆོས་རྣམས་རྒྱུན་བཤགས་ཡན་ཆད། དྲུག་པ་གོང་བཞིན་གྲུབ་ན་ལེགས། ཅི་སྟེ་མ་གྲུབ་ན། སྐྱབས་འགྲོ་སེམས་བསྐྱེད་ཙམ་བྱས་ནས། ཏིང་ངེ་འཛིན་གྱི་དབང་

[Full Size]

གིས། གདམས་ངག་དབང་དང་འབྲེལ་བ་ནི། སྒྱུ་ལུས་ཀྱི་སྒོ་ནས་དབང་གདམས་ངག་དང་འབྲེལ་བ་གོང་མའི་དམིགས་པ་ནི། གའུ་མའི་སྒོ་ནས་དབང་། དབང་གདམས་ངག་དང་འབྲེལ་བ་འོག་མའི་སྟོང་པ་བཞི་བྱས་རིག་པ་སྣ་ཚོགས་སུ་འཆར་བ་འོད་གསལ་གྱི་སྒོ་ནས་དབང་། རྩ་ལམ་སྦྱངས་རིག་པ་སྣ་ཚོགས་སུ་འཆར་བ་དང་སྲིད་པའི་དབང་ཞུ་བ་ཐབས་ལམ་གྱི་སྒོ་ནས་དབང་། རང་ལུས་དག་པ་ལྷ་སྐུར་སྒོམ་རྨི་ལམ་གྱི་སྒོ་ནས་དབང་དུ་ཡང་འགྲོ་སྟེ། རྨི་ལམ་ཟིན་ན་བར་དོ་ཉམས་འོག་ཏུ་ཆུད་པས་སོ། །འཕོ་བ་ལ་རྣལ་འབྱོར་མའི་བྱིན་རླབས་གང་རུང་སྟེ། མཁའ་སྤྱོད་མའི་ཐོབ་ན་ལེགས་སོ། །གང་ལྟར་ཡང་གསུམ་

[Full Size]

པའི་རྗེས་ལ་བླ་མ་ལ་ཡོན་ཕུལ། ཚོགས་ལ་རོལ། ལྷག་གཏོར་དང་། རྡོ་རྗེའི་གླུ། བཀྲིས་དང་བསྔོ་བ་སྨོན་ལམ་བྱ། གཏོང་རག་གི་མཆོད་པ་དབུལ། འདོད་དོན་ལ་གསོལ་བ་བཏབ། བཟོད་གསོལ་དང་གཤེགས་གསོལ་བྱ། ཡི་གེ་གསུམ་གྱིས་བདག་ཉིད་བསྲུང་། ལས་ཀྱི་རྗེས་མི་མངོན་པར་བྱ། འཆུག་མེད་ལམ་ཁྱེར་རྣམ་གསུམ་གྱི་འཇུག་གོ་དང་། །འཆི་མེད་ཀྱི་འཇུག་སྒོ་ཟུར་ན་ཡོད། འདི་དག་གིས་ནི་ཡེ་ཤེས་ཀྱི་མཁའ་འགྲོ་མ་ནི་གུ་མའི་གསུང་ངག་ལས། གྲུབ་ཐོབ་ཁྱུང་པོ་རྣལ་འབྱོར་གྱི་ཞིབ་པར་དཀྲོལ་བ་ལས། རང་གི་བརྒྱུད་པའི་བླ་མ་གོང་མ་རྣམས་ཀྱིས་ཕྱག་ལེན་དུ་མཛད་ཚོད་རྣམས་བདེ་བར་དཀྲོལ་བ་ནི། དགེ་བའི་བཤེས་

[Full Size]

གཉེན་གྲུབ་ཐོབ་དར་མ་བློ་གྲོས་ལ་སོགས་གུས་ལྡན་སློབ་མས་གསོལ་བ་བཏབ་ནས། སྒྱུ་ལུས་ཀྱི་བཙུན་པ་གང་བས་ཡོས་བུའི་ལོ་ཟླ་བ་བཞི་པའི་ཚེས་བཅུ་དྲུག་ལ་གྲུབ་པར་དབེན་གནས་རྡོ་རྗེའི་གདན་དུ་སྦྱར་བ་དགེ་ལེགས་འཕེལ་བར་གྱུར་ཅིག །འདིའི་མཆོད་གཏོར་གྱི་སྐབས་སུ་ལྷ་ལྔའི་བསྟོད་པ་རྒྱས་པར་མ་གྲུབ་ན། ཆོས་དབྱིངས་རྣམ་དག་ངང་ལས་མ་གཡོས་ཀྱང་། །ཐབས་ཀྱི་ཁྲོ་བོའི་སྐུར་སྟོན་གདུག་པ་འདུལ། །ཆེ་བའི་ཆེ་མཆོག་ལྷ་ཡི་ལྷར་གྱུར་པ། །ཀུན་བཟང་ཧེ་རུ་ཀ་ལ་ཕྱག་འཚལ་བསྟོད། །ཐམས་ཅད་དངོས་པོ་རང་བཞིན་མཆོག །གདོད་ནས་ཐམས་ཅད་རང་བཞིན་གནས། །ཐབས་དང་ཤེས་རབ་གཉིས་

[Full Size]

མེད་པའི། །ཀྱཻ་རྡོ་རྗེ་ལ་ཕྱག་འཚལ། །མི་བསྐྱོད་ཡེ་ཤེས་རྡོ་རྗེ་ཆེ། །རྡོ་རྗེ་དབྱིངས་ནི་མཁའ་ཆེན་པོ། །རྡོ་རྗེ་གསུམ་མཆོག་དཀྱིལ་འཁོར་གསུམ། །གསང་བའི་དབྱིངས་ལ་ཕྱག༴དུས་གསུམ་སངས་རྒྱས་ཐམས་ཅད་ཀྱི། །ཡེ་ཤེས་སྒྱུ་མའི་རྣམ་འཕྲུལ་གྱིས། །བདེ་བ་མཆོག་ལ་རྣམ་རོལ་པའི། །སྒྱུ་མ་ཆེན་མོ་ལ་ཕྱག་འཚལ། །ཞེ་སྡང་གཤིན་རྗེ་གཤེད་པོ་ནི། །དངོས་མེད་ནམ་མཁའ་ལྟ་བུ་ལ། །ཐུགས་རྗེ་སྤྲུལ་པའི་སྐུར་སྟོན་པ། །ཡེ་ཤེས་ཁྲོ་རྒྱལ་རབ་འཇིགས་པའི། །དུད་ཁ་མུན་ཆེན་ཁྱོད་ལ་འདུད། །ཅེས་པས་བསྟོད། །མདོར་བསྡུས་པ་ནི། །རིགས་ལྔའི་སྤྱི་བསྟོད་གང་ཡང་རུང་བ་བྱའོ། །འདི་བྲིས་དགེ་བས་སྡིག་སྒྲིབ་བྱང་གྱུར་ནས། །

[Full Size]

ཚོགས་གཉིས་རྫོགས་ནས་དོན་གཉིས་ལྷུན་གྲུབ་ཤོག །ཤུ་བྷཾ། །ངེས་འབྱུང་བསྐྱེད་ཅིང་སྐྱབས་འགྲོ་སྨོན་འཇུག་བྱ། །གསོལ་གདབ་སྤྲོ་དང་སེམས་བསྐྱེད་སྡོམ་པ་བཟུང་། །ཆོས་བཤད་གཏོང་ཞིང་སེམས་བསྐྱེད་གསང་བར་གདམས། །དམ་བཞག་ཡེ་ཤེས་དབབ་ཅིང་མེ་ཏོག་དོར། །མིག་འབྱེད་ལྷ་བསྟན་ནང་དུ་འཇུག་པའོ། །གསོལ་གདབ་དབང་བཞི་བསྐུར་ནས་སྔགས་བཞི་བརྗོད། །གདམས་ངག་དབང་དང་དབང་སྡུད་གདམས་ངག་འབྲེལ། །སྟོང་པ་བཞི་བྱས་རྩ་ལམ་སྦྱང་བ་དང་། །ལུས་ངག་ལྷ་སྐུ་སྲིད་པའི་དབང་ཡང་ཞུ། །རེ་རེ་ལ་ཡང་མཎྜལ་གསུམ་གསུམ་དང་། །གསོལ་གདབ་ཏིང་

[Full Size]

འཛིན་དབང་བསྐུར་ཀུན་ལ་འགྲེ། །མཁའ་སྤྱོད་དམར་མོ་ཆོས་སྐྱོང་རྗེས་གནང་གིས། །ཆོས་དྲུག་འཇུག་སྒོ་སྤྱི་དང་བྱེ་བྲག་ཤེས། །འཆི་མེད་འཆུག་མེད་སྤྱི་དང་བྱེ་བྲག་ཤེས། །འཇམ་དཔལ་གྲགས་པས་སྡོམས་ཙམ་ཡི་གེར་བཀོད། །ནོངས་པ་བླ་མ་མཁའ་འགྲོའི་ཚོགས་ལ་བཤགས།། །།

རྒྱུད་སྡེ་ལྔའི་དབང་གི་ཆོ་ག་བཀླག་ཆོག་ཏུ་སྡེབས་པ་གྲུབ་པའི་ཉེ་ལམ། ཆོས་རྣམ་རྒྱལ།

[Full Size]

རྒྱུད་སྡེ་ལྔའི་དབང་གི་ཆོ་ག་བཀླག་ཆོག་ཏུ་སྡེབས་པ་གྲུབ་པའི་ཉེ་ལམ་ཞེས་བྱ་བ་བཞུགས་སོ། །འཇུག་གོ་ཡོན་ཏན་ཀུན་འབྱུང་།། །།

[Full Size]

རྣམ་གྲོལ་ལམ་སྟོན་རྒྱལ་བ་ཀུན་རང་བཞིན། །རྣམ་དག་ལྷག་པའི་ལྷ་དང་རྣམ་དབྱེར་མེད། །རྣམ་དཀར་ཡོན་ཏན་ཕུང་པོའི་གཏེར་མངའ་བ། །རྣམ་མང་འགྲོ་བའི་སྐྱབས་མགོན་ལ་བཏུད་ནས། །ངེས་པར་སྦས་པའི་ཞལ་གྱི་བུམ་བཟང་ལས། །ཚུལ་ཁྲིམས་མགོན་པོའི་སྙིམ་པས་ལོགས་བཅུས་ཏེ། །སྐལ་བཟང་འཆི་མེད་གྲུབ་པའི་སྨིན་བྱེད་ཀྱི། །དབང་

[Full Size]

ཆོག་དམ་པའི་གསུང་བཞིན་བཤད་པར་བྱ། །དེ་ལ་འདིར་ཡེ་ཤེས་ཀྱི་མཁའ་འགྲོ་མ་ནི་གུ་མའི་ཁྲིད་ཀྱི་སྔོན་དུ་བསྐུར་བར་བྱ་བའི་སྨིན་བྱེད་ཀྱི་དབང་ལ། །རྒྱུད་སྡེ་ལྔའི་རིགས་བསྡུས་པའི་དལ་དུ་དབང་བསྐུར་བ་དང་། །རྒྱུད་སྡེ་ལྔ་གཙོ་བོར་བསྡུས་པའི་དལ་དུ་དབང་བསྐུར་བ་གཉིས་ལས། །ད་ལྟ་ཕྱག་ལེན་ལ་རྒྱུད་སྡེ་ལྔ་གཙོ་བོར་བསྡུས་པའི་

[Full Size]

དལ་དུ་དབང་བསྐུར་བའི་སྒྱུ་ལུས་དབང་མོ་ཆེར་གྲགས་པ་བྱ་བའི་ཚུལ་ལ་སྦྱོར་དངོས་རྗེས་གསུམ་ལས། །དང་པོ་ནི། ས་ཆོག་དགོས་པའི་སར་རྒྱས་བསྡུས་གང་རུང་གཞན་ནས་འབྱུང་བ་ལྟར་བྱས་རྗེས་གནས་ཕྱག་བདར་བྱས། དཀོན་མཆོག་གི་རྟེན་བཀྲམ། །དེ་དག་གི་མདུན་དུ་རྡུལ་ཚོན་ལྟར་ན་རྒྱས་པར་ན་ངལ་ཡོངས་རྫོགས་འོག་ཏུ་སྒོམ་པ་དང་། མཐུན་པ་བྲིས། །བསྡུ་ན་མཎྜལ་བཞིའི་དང་པོ་ལ། ཆོས་འབྱུང་གཉིས་བརྩེགས་དཀར་པོའི་དབུས་སུ། ལྷའི་ཁོག་དང་མཐུན་པའི་ཚོན་སྤུངས། །དེའི་མུ་ཁྱུད་ནག་པོ། རྩིབས་མཆན་དམར་པོ་བྱ། མཎྜལ་གཉིས་པ་པདྨ་འདབ་བཞི་ཕྱོགས་ཚོན། གྲུ་ཆད་ལྗང་གུ་བྱ། མཎྜལ་གསུམ་པ་ཆོས་འབྱུང་དམར་པོ། མེ་རིས་གཞི་ལྗང་གུ། ཟླ་གམ་

[Full Size]

མཐིང་ལྗང་དཀར་པོ། མཎྜལ་བཞི་པ་ཆོས་འབྱུང་མཐིང་ནག་གྲུ་གསུམ། མེ་རི་དམར་པོ། དེ་གསུམ་ཀའི་མུ་ཁྱུད་ཀྱི་ཕྱིས་ནས་རྡོ་རྭ་མེ་རི་བྲིས། མཎྜལ་ཕྱི་མ་གསུམ་ལའང་ཚོན་སྤུང་ལྔ་ལྔ་འགོད། མཎྜལ་གཉིས་པའི་སྟེང་དུ་མཉྫིའི་ཁར་བུམ་པ་མཚན་ཉིད་དང་ལྡན་པ་བཅུད་ཉེར་ལྔ་བླུག་ཅིང་ཆུ་གཙང་མས་གསུམ་གཉིས་བཀང་བ། མགུལ་ཆིངས་ཁ་རྒྱན་དུང་ཆོས་རྡོར་གཟུངས་དང་བཅས་པ་བཤམས། མཎྜལ་བཞི་པའི་སྟེང་དུ་མཉྫིའི་ཁར་གཏོར་མ་ཟུར་གསུམ་རྒྱན་གྱིས་བརྒྱན་པ་མདའ་དང་བཅས་པ་བཞག །ཟུར་ཞིག་ཏུ་རྣམ་རྒྱལ་དང་ལས་བུམ་གཉིས་དངོས་སུ་བཤམས་པའམ། བསྡུ་བ་གོང་གི་བུམ་པས་ཀྱང་ཆོག་གོ ། དེ་ལྟར་

[Full Size]

ན་འོག་ཏུ་ལས་བུམ་བསྐྱེད་ཆོག་མེད་ཀྱང་ཆོག །མཐའ་བསྐོར་དུ་བཅུ་གཉིས་སྔོན་འགྲོའི་ཉེར་སྤྱོད་དང་ལྔ། ཟླུམ་གཏོར་གསུམ། རྒྱས་པར་ན་གཞི་བདག་བགེགས་གཏོར་བཤམ། ཚོགས་ཀྱི་ཡོ་བྱད་ཅི་འབྱོར་པ་དང་བཅས་པ་བཤམ། གཉིས་པ་ནི། སྔོན་འགྲོ་གཏོར་མ་ཆུ་གཙང་གིས་བྲན་ལ། ཀྱཻ་རྡོར་བདེ་མཆོག་གང་རིགས་ཀྱིས་མཁའ་འགྲོ་སྤྱི་གཏོར་བཏང་། མཆོད་པ་བྱིན་རླབས་བླ་མེད་སྤྱི་ལྟར་བྱ། སྐྱབས་འགྲོ་སེམས་བསྐྱེད། རྡོ་རྗེ་སེམས་དཔའི་སྒོམ་བཟླས། ཀྱཻ་རྡོར་ལྟར་བྱས་རྗེས། རང་བདེ་མཆོག་ཏུ་གསལ་བའི་ཐུགས་ཀའི་ཧཱུྃ་ལས་འོད་ཟེར་འཕྲོས་པས་རྒྱུད་སྡེ་ལྔའི་ལྷ་ཚོགས་ལ་བླ་མ་རིགས་བདག་གི་ཚུལ་དུ་བཞུགས་པ་ལ་སངས་

[Full Size]

རྒྱས་དང་བྱང་ཆུབ་སེམས་དཔའ་དཔའ་མོ་མཁའ་འགྲོའི་ཚོགས་ཀྱིས་བསྐོར་བ་མདུན་གྱི་ནམ་མཁར་ཨོཾ་བཛྲ་ས་མཱ་ཛཿ ཞེས་པས་སྤྱན་དྲངས། ཨོཾ་སརྦ་ཏ་ཐཱ་ག་ཏ་མཎྜལ་ལ་ས་པཱ་རི་ཝཱ་ར་རཻའི་མགོར་སྦྱར་བའི། ཨརྒྷཾ་ནས་ཤཔྡའི་བར་གྱིས་མཆོད། དཀོན་མཆོག་གསུམ་ལ་བདག་སྐྱབས་མཆི། །སོགས་ལན་གསུམ་གྱིས་འདུན་རྣམ་དག་བྱ། སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག །ཅེས་སོགས་ཚད་མེད་བཞི་བསྒོམ། ཨོཾ་ཤཱུནྱ་ཛྙཱ་ན་བཛྲ་སྭ་བྷཱ་ཝ་ཨདྨ་ཀོ྅ཧཾ། ཞེས་བརྗོད་པས། བདག་དང་སྣང་སྲིད་འཁོར་འདས་ཀྱིས་བསྡུས་པའི་ཆོས་ཐམས་ཅད་རང་བཞིན་གྱིས་མི་དམིགས་པའི་སྟོང་པ་ཉིད་དུ་བསམ། སྟོང་

[Full Size]

པའི་ངང་ལས་ཡེ་ཤེས་རང་སྣང་ལས་གྲུབ་པའི་གཞལ་ཡས་ཁང་གྲུ་བཞི་སྒོ་བཞི་ཕྱི་ནས་རིམ་པ་བཞིན་དུ་དཀར་སེར་དམར་ལྗང་བསྔོ་བའི་རྩེགས་པ་རིམ་པ་ལྔ་དང་ལྡན་པ། འདོད་ཡོན་དམར། ཕ་གུ་སེར། མདའ་ཡབ་ཁ་དོག་སྣ་ཚོགས་པ། སྒོ་བཞིའི་ཐད་སོར་རྟ་བབས་བང་རིམ་བཞི་པ་ལ་པདྨ་ལ་གནས་པའི་ཆོས་ཀྱི་འཁོར་ལོ་དང་། རི་དྭགས་གཉིས་གཉིས་དང་བཅས་པའི་སྟེང་ན་གདུགས་ཕུབ་པ། ནང་ཀ་བ་བརྒྱད་ཀྱིས་བཏེགས་པའི་རྡོ་རྗེའི་གདུང་བཞིས་མིག་མང་རིས་སུ་བྲིས་པས་མཛེས་པར་ཕུབ་པ། དབུས་ཕྱུར་བུར་གྱུར་པའི་རྩེ་མོར་རྡོ་རྗེ་དང་ནོར་བུའི་ཏོག་གིས་སྤྲས་པ། མཆོད་རྟེན་མགོ་ལྔ་པའི་རྣམ་པ་ཅན། ཕྱི་རོལ་

[Full Size]

ཏུ་དུར་ཁྲོད་ཆེན་པོ་བརྒྱད། རྡོ་རྗེའི་རྭ་བ་མེ་རི་འབར་བ་དང་བཅས་པས་བསྐོར་བ། སྣང་ལ་རང་བཞིན་མེད་པ་འོད་ཀྱི་རང་བཞིན་ཅན་གྱི་ནང་གི་ལྷ་རྣམས་ཤར་དཀར། ལྷོ་སེར། ནུབ་དམར། བྱང་ལྗང་བའི་རིན་པོ་ཆེའི་ཕོ་བྲང་ཡངས་ཤིང་རྒྱ་ཆེ་བའི་དབུས་སུ་ཤེལ་ལས་གྲུབ་པའི་ཆོས་འབྱུང་གཉིས་རིམ་གྱི་ལྟེ་བར་སེང་གེ་ཆེན་པོ་བརྒྱད་ཀྱིས་བཏེགས་པའི་རིན་པོ་ཆེའི་ཁྲི་སྣ་ཚོགས་པདྨ་ཟླ་བ་ཉི་མ་རྣམས་བརྩེགས་པའི་སྟེང་དུ་འཇིགས་བྱེད་དུས་མཚན་དང་བཅས་པའི་གདན་ལ། རང་ཉིད་འཁོར་ལོ་བདེ་མཆོག་སྐུ་མདོག་སྔོན་པོ་ཞལ་གཅིག་ཕྱག་གཉིས་རྡོ་རྗེ་དང་དྲིལ་བུ་འཛིན་པས་ཡུམ་ལ་འཁྱུད་ཅིང་གཡས་བརྐྱང་བའི་སྟབས་

[Full Size]

ཀྱིས་བཞེངས་པ། དེའི་པང་ན་ཡུམ་རྡོ་རྗེ་ཕག་མོ་དམར་མོ་ཞལ་གཅིག་ཕྱག་གཉིས་གཡས་གྲི་གུག་ནམ་མཁའ་ལ་འཕྱར་ཞིང་། གཡོན་ཐོད་ཁྲག་འཛིན་པས་ཡབ་ལ་འཁྲིལ་བ། དེའི་ཤར་དུ་གདན་བཞི་བརྩེགས་ཀྱི་སྟེང་དུ་ཚངས་པ་བརྒྱ་བྱིན་མནན་པའི་དགྱེས་རྡོར་མཐིང་ནག་ཞལ་གཅིག་ཕྱག་གཉིས་རྡོ་རྗེ་དང་དྲིལ་བུ་འཛིན་པས་ཡུམ་བདག་མེད་མ་སྔོན་མོ་གྲི་ཐོད་འཛིན་པ་ལ་འཁྱུད་པ། ལྷོར་གདན་བཞི་བརྩེགས་ཀྱི་སྟེང་དུ། གསང་འདུས་སྐུ་མདོག་མཐིང་ཞུན་ལྟར་སྔོ་བ། ཞལ་གཅིག་ཕྱག་གཉིས་ཀྱིས་རྡོ་རྗེ་དང་དྲིལ་བུ་འཛིན་པས་ཡུམ་རེག་བྱ་རྡོ་རྗེ་མ་སྔོན་པོ་རྡོ་རྗེ་དང་དྲིལ་བུ་འཛིན་པ་ལ་འཁྱུད་ཅིང་། གཉིས་ཀའང་སྐྱིལ་ཀྲུང་དུ་བཞུགས་

[Full Size]

པ། ནུབ་ཏུ་གདན་བཞི་བརྩེགས་དང་མེ་རིའི་སྟེང་དུ་མ་ཧཱ་མ་ཡ་སྐུ་མདོག་མཐིང་ནག་གཡས་བརྐྱང་གཡོན་བསྐུམ་ཞལ་གཅིག་ཕྱག་གཉིས་ཁ་ཊྭཱྃ་ག་དང་། ཐོད་ཁྲག་འཛིན་པས་ཡུམ་སངས་རྒྱས་མཁའ་འགྲོ་སྐུ་མདོག་ནག་མོ་ཁ་ཊྭཱྃ་ག་དང་ཐོད་ཁྲག་འཛིན་པ་ལ་འཁྱུད་པ། བྱང་དུ་གདན་བཞི་བརྩེགས་དང་མ་ཧེའི་སྟེང་དུ་རྡོ་རྗེ་འཇིགས་བྱེད་སྐུ་མདོག་ནག་པོ་མ་ཧེའི་ཞལ་ཅན་ཞལ་གཅིག་ཕྱག་གཉིས་ཀྱིས་གྲི་གུག་དང་ཐོད་ཁྲག་འཛིན་པས་ཡུམ་རྡོ་རྗེ་རོ་ལངས་མ་དམར་མོ་གྲི་གུག་དང་ཐོད་ཁྲག་འཛིན་པ་ལ་འཁྱུད་པ། རྭ་རྣོ་བ། ཤངས་འབུད་ཅིང་མཆེ་བ་གཙིགས་པ། ལྗགས་འདྲིལ་བ། སྐུ་ལུས་ཐུང་ལ་སྦོམ་ཞིང་བསུས་ཁྱིམ་ཆེ་བ། སྦྲུལ་གྱིས་བརྒྱན་པ་དེ་ཐམས་ཅད་ཀྱི་དཔྲལ་

[Full Size]

བར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོ། ཐུགས་ཀའི་ཧཱུྃ་ལས་འོད་ཟེར་འཕྲོས་པས་ཕྱོགས་བཅུའི་སངས་རྒྱས་བྱང་སེམས་དཔའ་བོ་མཁའ་འགྲོ་ཆོས་སྲུང་ནོར་ལྷ་ཐམས་ཅད་རྒྱུད་སྡེ་ལྔ་གཙོ་བོར་བསྡུས་པའི་དལ་རྟེན་དང་བརྟེན་པར་བཅས་པའི་རྣམ་པར་ཨོཾ་བཛྲ་ས་མཱ་ཛཿ ཞེས་པས་སྤྱན་དྲངས། ཚོགས་ཞིང་གི་སྐབས་ལྟར་མཆོད། ཛཿཧཱུྃ་བྃ་ཧོཿ ཞེས་པས་བདག་བསྐྱེད་ལ་གཉིས་སུ་མེད་པར་ཐིམ་པར་བསམ། སླར་ཡང་ཐུགས་ཀའི་ཧཱུྃ་ལས་འོད་ཟེར་འཕྲོས་པས་དབང་གི་ལྷ་རིགས་ལྔ་འཁོར་དང་བཅས་པ་ཨོཾ་བཛྲ་ས་མཱ་ཛཿཞེས་སྤྱན་དྲངས། པཉྩ་ཀུ་ལ་ས་པཱ་རི་ཝཱ་ར་ལན་གཅིག་སྔོན་དུ་འགྲོ་བའི་

[Full Size]

ཨརྒྷཾ་ནས། ཤཔྡའི་བར་གྱིས་མཆོད། ཨོཾ་སརྦ་ཏ་ཐཱ་ག་ཏ་ཨ་བྷི་ཥིཉྩ་ཏུ་མཾ། ཞེས་གསོལ་བ་བཏབ་པས་དབང་ལྷ་རྣམས་ཀྱིས། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུྃ། ཞེས་གསུང་ཞིང་བུམ་པའི་ཆུས་སྤྱི་བོ་ནས་དབང་བསྐུར་སྐུ་གང་དྲི་མ་དག །ཆུའི་ལྷག་མ་ཡར་ལུད་པ་ལས་ཐམས་ཅད་ལ་མི་བསྐྱོད་པ་སྤྲུལ་སྐུའི་རྣམ་པ་ཅན་གྱིས་དབུ་བརྒྱན་པར་བསམ། སོ་སོའི་ཐུགས་ཀར་པདྨ་དང་ཉི་མའི་དལ་གྱི་སྟེང་རང་རང་གི་ས་བོན་ཧཱུྃ་ཡི་གེ་མཐར་སོ་སོའི་སྔགས་ཕྲེང་གིས་བསྐོར་བ་ལས་འོད་ཟེར་འཕྲོས། སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས། སངས་རྒྱས་བྱང་སེམས་ཐམས་ཅད་ཀྱི་ཐུགས་རྗེ་བྱིན་རླབས་ནུས་མཐུ་ཐམས་ཅད་བསྡུས་ནས་སྔགས་ཕྲེང་སོ་སོ་ལ་ཐིམ་པས་

[Full Size]

རྒྱུད་བྱིན་གྱིས་རླབས་པར་བསམ་ལ། ཨོཾ་ཧྲཱི་ཧ་ཧ་ཧཱུྃ་ཧཱུྃ་ཕཊ། ཨོཾ་དེ་ཝ་པི་ཙུ་བཛྲ་ཧཱུྃ་ཧཱུྃ་ཧཱུྃ་ཕཊ། ཨོཾ་བཛྲ་དྷིཀྲ་ཧཱུྃ། ཨོཾ་ཨཱཿཧྲཱི་ཧཱུྃ་ཕཊ། ཨོཾ་ཧྲཱིཿཥྚིཿབི་ཀྲྀ་ཏཱ་ན་ན་ཧཱུྃ་ཕཊ། ཅེས་པས་རྣམས་སོ་སོར་ཅི་ནུས་བཟླས་ལ། དེ་བར་གཤེགས་པ་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་དང་བཅས་པས་བདག་དང་སེམས་ཅན་ཐམས་ཅད་ལ་བྱིན་གྱིས་བརླབ་ཏུ་གསོལ། ཕྱག་རྒྱ་ཆེན་པོ་མཆོག་གི་དངོས་གྲུབ་ཚེ་འདི་ཉིད་ལ་ཐོབ་པར་བྱིན་གྱིས་བརླབ་ཏུ་གསོལ། ཞེས་གསོལ་བ་བཏབ། རྫོགས་རིམ་ནི། འདིའི་ལུགས་ཀྱི་རྫོགས་རིམ་གང་ལ་མོས་པ་ཞིག་སྒོམ། དལ་བསྡུ་བ་ནི། རང་གི་སྙིང་ག་ནས་འོད་ཟེར་འཕྲོས་པས། ཁམས་གསུམ་སྣོད་

[Full Size]

བཅུད་ཐམས་ཅད་འོད་དུ་ཞུ་ནས་བསྲུང་བའི་འཁོར་ལོ་ལ་ཐིམ། དེ་དུར་ཁྲོད་བརྒྱད་ལ། དེ་གཞལ་ཡས་ཁང་ལ། དེ་ཕྱོགས་བཞིའི་ལྷ་རྣམས་ལ། དེ་གཙོ་བོ་ཡབ་ཡུམ་ལ། ཡུམ་ཡབ་ལ་ཐིམ་པས། འཁོར་ལོ་བདེ་མཆོག་ཕྱག་གཉིས་པའི་ང་རྒྱལ་གྱིས། སྤྱོད་ལམ་ལ་འཇུག་གོ ། མདུན་བསྐྱེད་ནི། མཎྜལ། བུམ་པ། གཏོར་མ་དང་བཅས་པ། ཤཱུནྱ་ཏའི་སྔགས་ཀྱིས་སྟོང་པར་སྦྱངས། སྟོང་པའི་ངང་ལས་རིན་པོ་ཆེ་སྣ་ཚོགས་ལས་གྲུབ་པའི་གཞལ་ཡས་ཁང་ཞེས་པ་ནས། བྱང་ལྗང་བའི་བར་བདག་བསྐྱེད་བཞིན་ལས། ཕོ་བྲང་དང་པོའི་དབུས་སུ་ཤེལ་ལས་གྲུབ་པའི་ཞེས་པ་ནས། སྦྲུལ་གྱིས་བརྒྱན་པ་ཞེས་

[Full Size]

པའི་བར་རང་ཉིད་ཅེས་པ་དོར་ནས་གཞན་བདག་བསྐྱེད་ཇི་ལྟ་བ་བཞིན། ཕོ་བྲང་གཉིས་པ་ཕྱི་བུམ་པ་ལ་ནང་གཞལ་ཡས་ཁང་དུ་གསལ་བའི་ནང་དུ་རྒྱུད་སྡེ་ལྔའི་ལྷ་གོང་བཞིན་དུ་བསྐྱེད། མཎྜལ་གསུམ་པར་པདྨ་དང་ཟླ་བ་ཉི་མའི་གདན་ལྔའི་དབུས་ཀྱི་གདན་གྱི་སྟེང་དུ་བདེ་མཆོག་ལྷན་སྐྱེས་གོང་བཞིན་དང་། དེའི་ཕྱོགས་བཞིར་ཤར་དུ་མཁའ་འགྲོ་མ་ནག་མོ། བྱང་དུ་ལཱ་མ་ལྗང་གུ། ནུབ་ཏུ་ཁཎྜ་རོ་ཧི་དམར་མོ། ལྷོར་གཟུགས་ཅན་མ་སེར་མོ། དེ་ཐམས་ཅད་ཞལ་གཅིག་ཕྱག་གཉིས་མ། གཡས་གྲི་གུག་གཡོན་ཐོད་ཁྲག་འཛིན་པ། གྲུ་མོ་ན་ཁ་ཊྭཱཾ་ག་བསྣམས་ཤིང་ཞབས་གཡས་བསྐུམ་གཡོན་བརྐྱང་བའི་སྟབས་ཀྱིས་རོའི་གདན་ལ་བཞུགས་

[Full Size]

པ། དེ་ལྟ་བུའི་དལ་གསུམ་གྱི་ཡབ་ཡུམ་ཐམས་ཅད་མཚན་དཔེས་བརྒྱན་ཅིང་འོད་ཟེར་འབར་བ་མེ་དཔུང་གི་དབུས་ན་བཞུགས་པ་ཞལ་རེ་རེ་ལ་སྤྱན་གསུམ་གསུམ་དང་ལྡན་པ། ཐོད་པ་སྐམ་པོ་ལྔས་དབུ་བརྒྱན་པ། གར་གྱི་ཉམས་དགུ་དང་ལྡན་པ། ཡབ་ཐམས་ཅད་རུས་པའི་བརྒྱན་དྲུག་དང་མི་མགོ་རློན་པ་ལྔ་བཅུའི་དོ་ཤལ་ཅན། དབུ་སྐྲ་དང་སྨ་ར་དང་སྨིན་མ་སེར་པོ་གྱེན་དུ་འབར་བ། ཡུམ་ཐམས་ཅད་སྒེག་ཅིང་འཛུམ་པ། བདེ་བའི་ཉམས་དང་ལྡན་པ། ཤ་རྒྱས་ཤིང་ནུ་མ་འབུར་བ། མི་མགོ་སྐམ་པོ་ལྔ་བཅུའི་དོ་ཤལ་ཅན། དབུ་སྐྲ་སིལ་བུར་འཕྱང་བ། གྲུ་ཆད་ལ་མཆོད་པའི་ལྷ་མོ་མཆོད་རྫས་སྣ་

[Full Size]

ཚོགས་ཐོག་པ་དུ་མ། འཁྱམས་རྣམས་སུ་ཕྱོགས་བཅུ་དུས་གསུམ་གྱི་སངས་རྒྱས་ཐམས་ཅད་ལོངས་སྐུ་ཞལ་སྦྱོར་བདེ་བ་ཆེན་པོའི་རང་བཞིན་ཏིལ་གྱི་གོང་བུ་ཁ་བྱེ་བ་ལྟར་བཞུགས་པ། མཎྜལ་བཞི་པར་རིན་པོ་ཆེ་སྣ་ཚོགས་ལས་གྲུབ་པའི་གཞལ་ཡས་ཁང་མཚན་ཉིད་དང་ལྡན་པའི་ནང་དུ་ཆོས་འབྱུང་གྲུ་གསུམ་མཐིང་ནག་མེ་རི་རབ་ཏུ་འབར་བའི་དབུས་སུ་སྣ་ཚོགས་པདྨ་ཉི་མ་ཚོགས་བདག་དཀར་པོ་མགོ་བོ་གཡས་སུ་ཕྱོགས་ནས་གན་རྐྱལ་དུ་མནན་པའི་སྟེང་དུ་མྱུར་མཛད་ཡེ་ཤེས་ཀྱི་མགོན་པོ་སྐུ་མདོག་མཐིང་ནག་ཞལ་གཅིག་ཕྱག་དྲུག་པ། དབུ་སྐྲ་ཁམས་སེར་གྱེན་དུ་མཛེས་པ། སྤྱན་གསུམ་དམར་ལ་ཟླུམ་པ། ཞལ་བསྒྲད་པ་མཆེ་བ་

[Full Size]

རབ་ཏུ་གཙིགས་པ། སྨ་ར་དང་ཨག་ཚོམས་བརྗིད་པ། སྨིན་མ་ཁམས་སེར་གློག་ལྟར་འཁྱུགས་པ། ཐོད་པ་སྐམ་པོ་ལྔས་དབུ་བརྒྱན་པ། སྦྲུལ་མཐའ་ཡས་སྔོན་པོ་ཐོད་དུ་བཅིངས་པ། འཇོག་པོ་དམར་པོས་སྙན་ཆ། དུང་སྐྱོང་སེར་པོས་མགུལ་རྒྱན། པདྨ་དཀར་པོས་ཕྱག་གདུབ་དང་ཞབས་གདུབ་དང་དཔུང་རྒྱན་བྱས་པ། སྐུ་སྟོད་ལ་གླང་ཆེན་གྱི་ཀོ་རློན་གསོལ་བ། སྐུ་སྨད་སྟག་གི་པགས་པའི་ཤམ་ཐབས་ཀྱི་སྟེང་ན་དར་ལྗང་དང་སྦྲུལ་ནག་གི་སྐ་རག་བཅིངས་པ། མི་མགོ་རློན་པ་ཁྲག་འཛག་པ་ལྔ་བཅུའི་དོ་ཤལ་འཕྱང་བ། ཕྱག་དྲུག་གཡས་ཀྱི་དང་པོ་ན་རྡོ་རྗེའི་གྲི་གུག་གཤིན་རྗེའི་ལྕེ་འདྲ་བ་འཛིན་པ། བར་པ་ན་ཐོད་སྐམ་གྱི་ཕྲེང་བ།

[Full Size]

ཐ་མ་ན་ཐོད་པའི་ཌཱ་མ་རུ་དྲག་ཏུ་འཁྲོལ་བ། གཡོན་གྱི་དང་པོ་ན་བདུད་བཞིའི་ཁྲག་གིས་གང་བའི་ཐོད་པ་བསྣམས་པ། བར་པ་ཁ་ཊྭཱྃ་ག་རྩེ་གསུམ། ཐ་མ་ན་རྡོ་རྗེའི་ཞགས་པ་བསྣམས་པ། དཔྲལ་བར་སིན་དྷུ་རས་བྱུགས་པ། སྤྱི་བོར་མི་བསྐྱོད་པས་མཚན་པ། ཕྱག་ཞབས་ཐམས་ཅད་ལ་རུས་པ་དང་། དྲིལ་བུ་གཡེར་ཁའི་སྒྲ་དང་བཅས་པས་བརྒྱན་པ། ཞབས་གཡས་བསྐུམ་ཞིང་གཡོན་བརྐྱང་བའི་སྟབས་ཀྱིས་ཡེ་ཤེས་ཀྱི་མེ་འབར་བའི་དབུས་ན་བཞུགས་པ། དེའི་གཡོན་དུ་ཁྲག་གི་རྒྱ་མཚོ་དམར་ལ་དྭངས་པའི་ནང་དུ་དྲེའུ་སྒྲ་དམར་སྲིན་པོའི་ཡ་འགལ་གྱིས་སྔ་རུ། མ་འགལ་གྱིས་ཕྱི་རུ། སྦྲུལ་ནག་གིས་གོང་སྨད། མཆོང་གི་གློ་ལེན། བྱེ་རུའི་སྲབ་སྐྱོགས་སོགས་ཀྱིས་

[Full Size]

བརྒྱན་པ། རླུང་གི་གཤོག་པ་རྫུ་འཕྲུལ་གྱི་རྩལ་མྱུར་མགྱོགས་ཀྱི་སྟོབས་དང་ལྡན་པའི་སྟེང་དུ་དཔལ་ལྡན་ལྷ་མོ་རེ་མ་ཏི་སྐུ་མདོག་མཐིང་ནག་ཆར་སྤྲིན་འཐིབས་པ་ལྟ་བུ། ཞལ་གཅིག་ཕྱག་བཞི་གཡས་ཀྱི་དང་པོ་ན་གནམ་ལྕགས་ཀྱི་རལ་གྲི་ངར་དང་ལྡན་པ། གཉིས་པ་ན་གྲི་གུག་རྣོན་པོས་དགྲ་བགེགས་ཀྱི་སྲོག་རྩ་གཅོད་པ། གཡོན་གྱི་དང་པོས་སྲིད་གསུམ་ཟིལ་གྱིས་གནོན་པའི་རྒྱལ་མཚན། གཉིས་པ་ན་ཐོད་རློན་ཁྲག་གི་གང་བ་བསྣམས་པ། དབུ་སྐྲ་ཁམས་སེར་རྨ་བྱའི་མདངས་ཀྱི་བརྒྱན་པ། སྤྱི་གཙུག་ནས་ཟླ་བ་ཉ་གང་བས་མཚན་པ། ཐོད་པ་སྐམ་པོ་ལྔས་དབུ་བརྒྱན་ཅིང་། རློན་པའི་དོ་ཤལ་འཕྱང་བ།

[Full Size]

སྙན་གཡས་པ་ན་སེང་གེ་དང་། གཡོན་པ་ལ་དུག་སྦྲུལ་གྱིས་བརྒྱན་པ། སྤྱན་གསུམ་དམར་ལ་འཁྱུག་པ། ཞལ་མདངས་ཤིང་མཆེ་བ་གཙིགས་པ། ལྗགས་གྱེན་ལ་འབྲིལ་བ། སྐུ་སྟོད་ལ་ཞིང་ཆེན་གྱི་པགས་པ་གསོལ་བ། སྐུ་སྨད་ལ་གླང་ཆེན་གྱི་ཀོ་རློན་དང་། རེ་ལྟེའི་ཤམ་ཐབ་དཀྲིས་པ། སྦྲུལ་ནགས་ཀྱི་སྐ་རགས་བཅིངས་པའི་ཐད་ནས་ཉི་ཟླ་འཆར་བ། མ་བདུད་བྱེ་བས་བསྐོར་བ། མགོན་པོའི་མདུན་དུ་ཐོད་པའི་གཞལ་ཡས་ཁང་མེ་རབ་ཏུ་འབར་བའི་ནང་དུ་གནོད་སྦྱིན་ཀྵེ་ཏྲ་པཱ་ལ་སྐུ་མདོག་མཐིང་ནག་ཞལ་གཅིག་ཕྱག་གཉིས་པ། གཡས་གྲི་གུག་ནམ་མཁའ་ལ་འཕྱར་བས་དགྲ་བགེགས་ཀྱི་སྲོག་རྩ་གཅོད་ཅིང་གཡོན་ཐོད་པ་འཛིན་པས་དགྲ་བགེགས་

[Full Size]

ཀྱི་སྙིང་ཁྲག་དྲོན་མོ་གཙོ་བོའི་ཞལ་དུ་སྟོབ་པ། རལ་པ་དམར་སེར་གྱེན་དུ་གཟིངས་པ། ཁ་གདངས་ཤིང་མཆེ་བ་གཙིགས་ནས་དགྲ་ལ་འོད་དོད་འབོད་པ། སྤྱན་གསུམ་དམར་པོ་ལྡོག་ཅིང་དམ་ཉམས་ལ་སྡང་མིག་བལྟ་བ། མི་མགོ་སྐམ་པོས་ཐོད་དང་། རློན་པས་རྡོ་ཤལ་བྱས་པ། ཤིན་ཏུ་འཇིགས་ཤིང་མི་སྡུག་པའི་གཟུགས་ཅན། དོམ་ནག་སྨྱོན་པ་ལ་ཆིབས་ཤིང་གནོད་སྦྱིན་དཔག་ཏུ་མེད་པའི་དབུས་ན་བཞུགས་པ། མགོན་པོའི་གཡས་སུ་དབང་ཕྱུག་ཛི་ན་མི་ཏྲ་སྐུ་མདོག་དམར་པོ་སྲིན་པོའི་གཟུགས་ཅན་ཞལ་གཅིག་ཕྱག་གཉིས་པ། གཡས་ཐོད་པའི་ཌཱ་མ་རུ་ནམ་མཁའ་ལ་དྲག་ཏུ་འཁྲོལ་བས་ཁམས་གསུམ་དབང་དུ་སྡུས་པ།

[Full Size]

གཡོན་ཐོད་པ་དགྲ་བགེགས་ཀྱི་སྙིང་ཁྲག་གིས་གང་བས་དཀྲུག་ཅིང་གསོལ་བ། ཤིན་ཏུ་འཇིགས་པའི་ཆ་བྱད་ཅན། སྟག་ཆེན་དར་མ་ལ་ཆིབས་པ། རྒྱབ་ཏུ་གཤིན་རྗེ་ཌཀྐི་རཱ་ཛ་སྐུ་མདོག་མཐིང་ནག་ཞལ་གཅིག་ཕྱག་གཉིས་པ། གཡས་སྒྱུ་མའི་ཞགས་པ་ཀླད་ལ་བསྐོར་ཞིང་། གཡོན་སྡིགས་མཛུབ་མཁའ་ལ་གདེངས་པ་གཤིན་རྗེའི་ཆ་ལུགས་ཅན་སྤྱང་ཀི་དང་མ་ལ་ཆིབས་པ། གཡོན་དུ་བདུད་མགོན་ཏྲཀྴད་ནག་པོ་ཞལ་གཅིག་ཕྱག་བཞི་པ། གཡས་དང་པོས་ཐོད་པ་ཁྲག་གིས་གང་བ་འཛིན་ཅིང་། གཉིས་པས་རུ་མཚོན་དམར་པོ་འཕྱར་བ། གཡོན་དང་པོས་ལྕགས་ཀྱི་ཐོ་ལུམ་དང་། གཉིས་པས་ཙནྡན་གྱི་བིང་ཆེན་བསྣམས་པ། བདུད་

[Full Size]

ཀྱི་ཆ་ལུགས་ཅན་རྟ་བྲ་ནག་རྟིང་དཀར་ལ་ཆིབས་པ། གསུམ་ཀའང་ཤིན་ཏུ་ཁྲོ་ཤིང་འཇིགས་པ། ཞལ་གདངས་ཤིང་མཆེ་བ་གཙིགས་པ། སྨ་ར་དང་སྨིན་མ་དང་དབུ་སྐྲ་དམར་སེར་གྱེན་དུ་མཛེས་པ། སྤྱན་གསུམ་དམར་ཞིང་གཡོ་བས་དགྲ་བགེགས་ལ་གཟིགས་པ། ཐོད་སྐམ་གྱི་དབུ་བརྒྱན་དང་། ཐོད་རློན་གྱི་དོ་ཤལ་འཕྱང་བ། སྟག་ཤམ་ལ་སོགས་པའི་དུར་ཁྲོད་ཀྱི་ཆས་ཀྱིས་བརྒྱན་ཅིང་མེ་དཔུང་འབར་བའི་དབུས་ན་རང་འདྲའི་གནོད་སྦྱིན་འདུག་པ་ཅན་འབུམ་འབུམ་གྱི་འཁོར་གྱིས་བསྐོར་བ། དེའི་ཕྱི་རོལ་གྱི་འཁྱམས་རྣམས་སུ་ཕྱོགས་སྐྱོང་བཅུ། ལྷ་ཆེན་བརྒྱད། ཀླུ་ཆེན་བརྒྱད། གཟའ་ཆེན་བརྒྱད། རྒྱུ་སྐར་ཉི་ཤུ་རྩ་བརྒྱད། འཇིགས་བྱེད་དགུ། རྒྱལ་

[Full Size]

ཆེན་བཞི་སྟེ་གཙང་རིས་ཀྱི་མགོན་པོ་བདུན་བཅུ་རྩ་ལྔ། དེའི་ཕྱི་རོལ་དུ་གནོད་སྦྱིན་སྲིན་པོ། འབྱུང་པོ་ཡི་དྭགས་ཤ་ཟ། སྨྱོ་བྱེད། བརྗེད་བྱེད། མ་མོ་མཁའ་འགྲོའི་ཚོགས་ཀྱི་བསྐོར་བ་དང་། རོ་མགོ་བོ་བཅད་པ་དང་། དཔྱངས་པ་དང་། བཀལ་བ། གསལ་ཤིང་གིས་ཕུག་པ། མགོ་བོ་དང་། ཀེང་རུས་དང་། བྱ་དང་། ལྕེ་སྤྱང་དང་། ཁྲྭ་དང་། འུག་པ་དང་། བྱ་རྒོད་དང་། རོ་ལངས་དང་། མི་རྒོད་དང་། གཅན་གཟན་གདུག་པ་ཅན་དུ་མས་གང་ཞིང་ཕེཾ་དང་ཕཊ་ལ་སོགས་པ་འཇིགས་པའི་སྒྲ་དུ་མ་སྒྲོག་པ། གཞན་ཡང་དམ་ཅན་རྒྱ་མཚོའི་དམག་ཚོགས་དགྲ་བགེགས་གདུག་པ་ཅན་ཐམས་ཅད་ཀྱི་ཤ་ལ་དགའ་བ། ཁྲག་ལ་རོལ་པ། སྙིང་

[Full Size]

རྗེ་མེད་པ་ཁྲོ་ཞིང་གཏུམ་པ། མིག་རྩ་དམར་བ། ཁ་གདངས་པ། མཆེ་བ་གཙིགས་པ། བཞིན་བསྡུས་པ། ལག་ན་གདུག་པའི་མཚོན་ཆ་སྣ་ཚོགས་ཐོགས་པ། སྐད་ཅིག་ལ་སྐྱེ་འགྲོ་གདུག་པ་ཅན་ཐམས་ཅད་ཀྱི་སྲོག་དབུགས་སྡུད་ཅིང་དགྲ་བགེགས་སྒྲོལ་བ། རྣལ་འབྱོར་པ་ཆོས་སྒྲུབ་པ་རྣམས་ཀྱི་བར་ཆད་བསྲུངས་ཞིང་དགོས་འདོད་སྒྲུབ་པའི་དམ་ཅན་ས་གཞི་བར་སྣང་ཐམས་ཅད་སྤྲིན་ཕུང་འཐིབས་པ་བཞིན་བཞུགས་པར་གྱུར། དེ་ཐམས་ཅད་ཀྱི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོ། ཐུགས་ཀའི་ཧཱུྃ་ལས་འོད་ཟེར་འཕྲོས་པས། ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་རྒྱུད་

[Full Size]

སྡེ་ལྔའི་དཀྱིལ་འཁོར་གྱི་ལྷ་ཚོགས་མྱུར་མཛད་ཡེ་ཤེས་ཀྱི་མགོན་པོ་ཕྱག་དྲུག་པ་གཙོ་འཁོར་དང་བཅས་པའི་རྣམ་པར་ཨོཾ་བཛྲ་ས་མཱ་ཛཿཞེས་པས་སྤྱན་དྲངས། ཨོཾ་སརྦ་ཏ་ཐཱ་ག་ཏ་སོགས་སྔོན་དུ་འགྲོ་བའི། ཨརྒྷཾ་ནས་ཤབྡའི་བར་གྱིས་མཆོད། ཛཿཧཱུྃ་བྃ་ཧོཿཞེས་པས་མདུན་བསྐྱེད་སོ་སོ་ལ་གཉིས་སུ་མེད་པར་ཐིམ་པར་བསམ་མོ། །སླར་ཡང་དབང་ལྷ་སྤྱན་དྲངས་ནས་རིགས་བདག་གིས་རྒྱས་གདབ་པའི་བར་བདག་བསྐྱེད་བཞིན་བྱའོ། །མཆོད་པ་ནི། ཨོཾ་སུམྦྷ་ནི་སུམྦྷ་ནི་ཧཱུཾ། གྲྀཧྣ་གྲྀཧྣ་ཧཱུྃ། གྲྀཧྣ་པ་ཡ། གྲྀཧྣ་པ་ཡ་ཧཱུྃ། ཨ་ན་ཡ་ཧོ་བྷ་ག་ཝན་བིདྱ་རཱ་ཛ་ཧཱུྃ་ཕཊ། ཨོཾ་སྭཱ་བྷ་ཝ་ཤུདྡྷ་སརྦ་དྷརྨ་སྭ་བྷ་ཝ་ཤུདྡྷོ྅་ཧཾ། སྟོང་པའི་ངང་ལས་ཨ་ལས་ཡེ་ཤེས་ཀྱི་ཀ་པཱ་ལ་ཡངས་

[Full Size]

ཤིང་རྒྱ་ཆེ་བའི་རྣམས་ཀྱི་ནང་དུ་ཧཱུྃ་ཞུ་བ་ལས་བྱུང་བའི་མཆོད་ཡོན། ཞབས་བསིལ། མེ་ཏོག །གདུག་སྤོས། མར་མེ། དྲི་མཆོག །ཞལ་ཟས། རོལ་མོ་རྣམས་དྭངས་ཤིང་ཐོགས་པ་མེད་པ་ནམ་མཁའི་མཐའ་ཀླས་པར་གྱུར། ཨོཾ་བཛྲ་ཨརྒྷཾ་ཨཱཿ དེ་བཞིན་དུ། པཱ་དྱཾ། པུཥྤེ། དྷུ་པེ། ཨ་ལོ་ཀེ། གན་དྷེ། ནཻ་ཝིདྱ། ཨོཾ་བཛྲ་ཤབྡ་ཨཱཿཧཱུྃ། ཞེས་པས་བྱིན་གྱིས་བརླབས། སྤྲོ་ན་ཚིག་བཅད་གང་ཡང་རུང་བ་བྱ་ཞིང་། བསྡུ་ན། ཨོཾ་སརྦ་ཏ་ཐཱ་ག་ཏ་མཎྜལ་ལ་ས་པ་རི་ཝཱ་ར་རེ་རེའི་མགོར་སྦྱར་བའི། ཨརྒྷཾ་ནས་ཤབྡའི་བར་གྱིས་མཆོད། དྷརྨཱ་ར་ཎི་རོལ་ཆེན་བྱ། ནང་མཆོད་ཀྱཻ་རྡོར་ལྟར་བྱིན་གྱིས་བརླབས་ལ་མཐེབ་སྲིན་གྱིས་གཏོར་ཞིང་། མཁྱེན་པའི་ཡེ་

[Full Size]

ཤེས་བརྩེ་བའི་ཐུགས་རྗེ་མཛད་པའི་ཕྲིན་ལས་བསམ་གྱིས་མི་ཁྱབ་པ་མངའ་བ་དྲིན་ཅན་རྩ་བའི་བླ་མ་འདི་ཞེས་བྱ་བའི་ཞལ་དུ་ཨོཾ་ཨཱཿཧཱུྃ། རྡོ་རྗེ་འཆང་། ནི་གུ་མ། ཁྱུང་པོ་རྣལ་འབྱོར། རྨོག་ལྕོག་པ་རིན་ཆེན་བརྩོན་འགྲུས། སྐྱེར་སྒང་པ་ཆོས་ཀྱི་སེང་གེ། གཉན་སྟོན་སྦས་པའི་རྣལ་འབྱོར། འགྲོ་མགོན་སངས་རྒྱས་སྟོན་པ། མཁས་བཙུན་རྒྱལ་མཚན་འབུམ་པ། འཇག་ཆེན་བྱམས་པ་དཔལ་བཟང་། འཇག་པ་བློ་གྲོས་དཔལ་བཟང་། མཁྱེན་རབ་ཡོན་ཏན་དཔལ་འབྱུང་། མཁས་གྲུབ་བསོད་ནམས་ཤེས་རབ། བྱ་བཏང་ཀུན་དགའ་རྒྱལ་མཚན། ལྷོ་པ་ཀུན་དགའ་བཟང་པོ། སྤྲུལ་སྐུ་ཀརྨ་བསྟན་འཕེལ། དྲིན་ཅན་རྩ་བའི་བླ་མ་པ་ཆེན་སྙིང་རྗེ་བཟང་པོའི་ཞལ་དུ་ཨོཾ་ཨཱཿཧཱུྃ།

[Full Size]

གཞན་ཡང་དབང་བསྐུར་རྒྱུད་བཤད་མན་ངག་ནོས། ཆོས་ཀྱི་འབྲེལ་པ་ཐོབ་པའི་དཔལ་ལྡན་བླ་མ་དམ་པ་རྣམས་ཀྱི༴ རྒྱུད་སྡེ་ལྔའི་ལྷ་སོ་སོའི་སྔགས་ཀྱི་མཐར། རྒྱུད་སྡེ་ལྔའི་ལྷ་ཚོགས་རྣམས་ཀྱི་ཞལ་དུ༴ གཞན་ཡང་ཡི་དམ་བྱ་བའི་རྒྱུད། སྤྱོད་པའི་རྒྱུད། རྣལ་འབྱོར་རྒྱུད། རྣལ་འབྱོར་ཆེན་པོ་བླ་ན་མེད་པའི་རྒྱུད། རྒྱུད་སྡེ་ཆེན་པོ་བཞི་དང་འབྲེལ་བའི་ཡི་དམ་ལྷ་ཚོགས་རྣམས་ཀྱི༴ རང་གི་ལྕེ་རྩེ། སྨིན་མཚམས། སྤྱི་གཙུག་རྣམས་སུ་ཐིག་ལེ་བྱས་ལ། རང་ལུས་རྒྱལ་བའི་དཀྱིལ་འཁོར་གྱི༴ ཨོཾ་ཤྲཱི་མ་ཧཱ་ཀཱ་ལ་ཡེ་ཤེས་ཀྱི་མགོན་པོ་ཕྱག་དྲུག་པ་ལྕམ་དྲལ་འཁོར་དང་བཅས་པའི་ཞལ་དུ༴ ཨོཾ་ཤྲཱི་མ་ཧཱ་ཀ་ལ། རྡོ་རྗེ་ནག་པོ་ཆེན་པོ་ལྕམ་དྲལ་གྱི༴ ཤྲཱི་དྷརྨཱ་པཱ་ལ་

[Full Size]

ཙ་ཏུརྨུ་ཁ་རྡོ་རྗེ་ནག་པོ་ཆེན་པོ་གདོང་བཞི་པ་ཡུམ་ཆེན་སྲིང་མོ་བཞི་དང་བཅས་པའི་ཞལ་དུ༴ གཞན་ཡང་ཆོས་འཁོར་བསྲུང་ཞིང་བསྟན་པ་སྐྱོང་བར་ཞལ་བཞེས་པའི་དཔལ་མགོན་དམ་ཚིག་ཅན་རྣམས་ཀྱི༴ ཞིང་སྐྱོང་བཞི་བཅུ་རྩ་བརྒྱད༴ ཕོ་ཉ་མངལ་ལས་སྐྱེས་པ། ཞིང་ལས་སྐྱེས་པ། ལས་ལས་སྐྱེས་པའི་གནས་གསུམ་གྱི་མཁའ་འགྲོ་རྣམས་ཀྱི༴ གནོད་སྦྱིན། སྲིན་པོ། འབྱུང་པོ། ཡི་དྭགས། ཤ་ཟ། སྨྱོ་བྱེད། བརྗེད་བྱེད། མ་མོ། ཕོ་ཉ། འཕྲོག་མ༴ གྲུབ་པ་རྣམས་ཀྱི༴བོད་ཁམས་སྐྱོང་བར་བྱེད་པའི་བརྟན་མ་བཅུ་གཉིས། གནས་བདག །གཞི་བདག །གྲོང་བདག །ཡུལ་བདག་གཉུག་མར་གནས་པ་རྣམས་ཀྱི༴ འགྲོ་བ་རིགས་དྲུག །

[Full Size]

ལམ་རྒྱུད་ལྔ། སྐྱེས་གནས་རྣམ་པ་བཞིས་བསྡུས་པའི་སེམས་ཅན་ཐམས་ཅད་ཚིམ་ཞིང་ཟག་པ་མེད་པའི་བདེ་བས་རྒྱུད་གང་ནས་མྱུར་དུ་མངོན་པར་རྫོགས་པར་འཚང་བར་རྒྱ་བར་གྱུར་ཅིག །རང་གི་ལྕེ་ཐོག་ཏུ་མྱོངས་ལ། སྙིང་ཁའི་ཧཱུྃ་ལྷ་ཐམས་ཅད་ཀྱི་ངོ་བོ་དེ་ཚིམ་པར་བསམ་མོ། །བསྟོད་པ་ནི། ཆོས་དབྱིངས་རྣམ་དག་ངང་ལས་མ་གཡོས་ཀྱང་། །ཐབས་ཀྱིས་ཁྲོ་བོའི་སྐུར་སྟོན་གདུག་པ་འདུལ། །ཆེ་བའི་ཆེ་མཆོག་ལྷ་ཡི་ལྷར་གྱུར་པ། །ཀུན་བཟང་ཧེ་རུ་ཀ་ལ་ཕྱག་འཚལ་ལོ། །ཐམས་ཅད་དངོས་པོའི་རང་བཞིན་མཆོག །གདོད་ནས་ཐམས་ཅད་རང་ཉིད་གནས། །ཐབས་དང་ཤེས་རབ་གཉིས་མེད་པའི། །ཀྱཻ་ཡི་རྡོ་རྗེ་ལ་ཕྱག་འཚལ། །མི་

[Full Size]

བསྐྱོད་རྡོ་རྗེ་ཡེ་ཤེས་ཆེ། །རྡོ་རྗེ་དབྱིངས་ནི་མཁའ་ཆེན་པོ། །རྡོ་རྗེ་གསུམ་མཆོག་དཀྱིལ་འཁོར་གསུམ། །གསང་བའི་དབྱིངས་ལ་ཕྱག་འཚལ་ལོ། །དུས་གསུམ་སངས་རྒྱས་ཐམས་ཅད་ཀྱི། །ཡེ་ཤེས་སྒྱུ་མའི་རྣམ་འཕྲུལ་གྱི། །བདེ་བ་མཆོག་ལ་རྣམ་རོལ་པའི། །སྒྱུ་མ་ཆེན་པོ་ལ་ཕྱག་འཚལ། །དུར་ཁྲོད་རྒྱན་གྱིས་ལེགས་བརྒྱན་པའི། །ཞེ་སྡང་གཤིན་རྗེའི་གཤེད་པོ་ནི། །དངོས་མེད་ནམ་མཁའ་ལྟ་བུ་ལ། །ཐུགས་རྗེས་སྤྲུལ་པའི་སྐུར་བསྟན་པའི། །ཡེ་ཤེས་ཁྲོ་རྒྱལ་རབ་འཇིགས་པ། །དུད་ཁ་མུན་ཆེན་ཁྱོད་ལ་བསྟོད། །ཅེས་པས་བསྟོད། །བསྡུ་ན་རིགས་ལྔའི་སྤྱི་བསྟོད་གང་ཡང་རུང་བས་བསྟོད་ཀྱང་ཆོག་གོ ། བུམ་བསྐྱེད་ནི། བུམ་པ་བསང་སྦྱངས། སྟོང་པའི་ངང་

[Full Size]

ལས་པྃ་ལས་པདྨ་དང་ཨ་ལས་ཟླ་བའི་དཀྱིལ་འཁོར་གྱི་སྟེང་དུ་བྷྲཱུྃ་ལས་རིན་པོ་ཆེའི་བུམ་པ་གཉིས་ཡངས་ཤིང་རྒྱ་ཆེ་བ། ལྟེ་བ་ལྡིར་བ། མགྲིན་པ་ཕྲ་བ། ཁ་གཡེལ་བ། མཆུ་འཕྱང་བ། དཔག་བསམ་གྱི་ཤིང་གིས་ཁ་བརྒྱན་པ། ནང་ཆུ་དང་བཅུད་སྣ་ཚོགས་ཀྱིས་ཡོངས་སུ་གང་བའི་རྣམ་རྒྱལ་བུམ་པར་སེང་གེས་བཏེགས་པའི་རིན་པོ་ཆེའི་སྣ་ཚོགས་པདྨ་ཟླ་བ་ཉི་མ་དང་བཅས་པའི་གདན་ལྔ། ལས་ཐམས་ཅད་པའི་བུམ་པར་པདྨ་དང་ཉི་མའི་གདན་དང་བཅས་པ། རྣམ་རྒྱལ་བུམ་པའི་དབུས་ཀྱི་གདན་གྱི་སྟེང་དུ་འཁོར་ལོ་བདེ་མཆོག་སྐུ་མདོག་སྔོན་པོ་ཞེས་སོགས་རྒྱུད་སྡེ་ལྔའི་ལྷ་བདག་བསྐྱེད་ཀྱི་སྐབས་བཞིན་བསྐྱེད། ལས་ཐམས་ཅད་པའི་བུམ་

[Full Size]

པར་ཁྲོ་བོ་བདུད་རྩི་འཁྱིལ་བ་སྐུ་མདོག་མཐིང་ནག་ཞལ་གཅིག་ཕྱག་གཉིས་པ་གཡས་སྣ་ཚོགས་རྡོ་རྗེ། གཡོན་དྲིལ་བུ་དཀུར་བསྟན་པ། རིན་པོ་ཆེ་དང་སྦྲུལ་གྱིས་བརྒྱན་པ། ཞབས་གཡས་བསྐུམ་གཡོན་བརྐྱང་བའི་སྟབས་ཀྱིས་མེ་འབར་བའི་དབུས་ན་བཞུགས་པ། དེ་ཐམས་ཅད་ཀྱི་གནས་གསུམ་བྱིན་གྱིས་རླབས། ཐུགས་ཀའི་ཧཱུྃ་གི་འོད་ཀྱིས་ཕྱོགས་བཅུའི་སངས་རྒྱས་བྱང་སེམས་ཐམས་ཅད་རྒྱུད་སྡེ་ལྔའི་ལྷ་ཚོགས་བདུད་རྩི་འཁྱིལ་བ་དང་བཅས་པའི་རྣམ་པར་སྤྱན་དྲངས། མཆོད་ནས་བུམ་བསྐྱེད་ལ་བསྟིམ། དབང་ལྷ་སྤྱན་དྲངས། གསོལ་བཏབ། དབང་བསྐུར་ཆུ་ལྷག་མ་ཡར་ལུད་པ་ལས་རྒྱུད་སྡེ་ལྔའི་ལྷ་ལ་མི་བསྐྱོད་པ་སྤྲུལ་སྐུའི་རྣམ་པ་ཅན་དང་། བདུད་རྩི་འཁྱིལ་

[Full Size]

བ་ལ་དོན་ཡོད་གྲུབ་པས་དབུ་བརྒྱན་པར་བསམ། གོང་ལྟར་མཆོད་ལ། ཆོས་སྐུ་ནམ་མཁའ་བཞིན་དུ་དབྱེར་མེད་ཀྱང་། ཞེས་སོགས་དང་། འཇིགས་པའི་ཧཱུྃ་སྒྲ་སོགས་ཀྱིས་བསྟོད། རང་གི་སྙིང་ག་ནས་སྔགས་ཀྱི་ཕྲེང་བ་གཟུངས་ཐག་ལ་བསྟེན་ཏེ་སོང་བས་བུམ་ནང་གི་ལྷ་ཐམས་ཅད་ཀྱི་ཐུགས་ཀར་ཕོག་པས་བ་སྤུའི་བུ་ག་ནས་བདུད་རྩིའི་ཆུ་རྒྱུན་བྱུང་བས་བུམ་པ་གང་བར་བསམ་ལ་རྣམ་རྒྱལ་རྒྱུད་སྡེ་ལྔའི་སྔགས་དང་། ལས་བུམ་ལ། ཨོཾ་བཛྲ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུྃ་ཕཊ། ཅེས་པ་ཅི་རིགས་བཟླས་ལ། སླར་ཡང་མཆོད་བསྟོད་སྔར་བཞིན་བྱ་སྟེ། ཨོཾ་ཨཱཿཧཱུྃ། ཅེས་པས་དུང་ཆོས་ཀྱི་ཆུ་བུམ་པར་བླུག་སྟེ། བུམ་ནང་གི་

[Full Size]

ལྷ་འོད་དུ་ཞུ་བ་ལས་བུམ་པའི་ཆུ་བདུད་རྩིའི་རང་བཞིན་དུ་གྱུར་པར་བསམ། ཡི་གེ་བརྒྱ་པ་ལན་གསུམ་གྱིས་ལྷག་ཆད་ཁ་བསྐང་། གཏོར་མ་རྣམས་ཀྱི་ཀྱཻ་རྡོར་ལྟར་བྱིན་གྱིས་རླབས་ལ། གཏོར་མ་དང་པོ་ལྷ་སོ་སོའི་སྔགས་སམ། བསྡུ་ན། ཨོཾ་སརྦ་ཏ་ཐཱ་ག་ཏ་མཎྜལ་ལ་ས་པཱ་རི་ཝཱ་རཱ་ཨི་དམ་བ་ལཱིང་ཁ་ཁ་ཁཱ་ཧི་ཁཱ་ཧི། ཞེས་པ་གསུམ་མམ་ལྔས་ཕུལ། མཆོད་བསྟོད་བསྡུས་པ་བྱས་ལ། རྒྱུད་སྡེ་ལྔའི་ལྷ་ཚོགས་རྣམས། མཆོད་སྦྱིན་གཏོར་མ་འདི་བཞེས་ལ། ཞེས་སོགས་ཀྱིས་ཕྲིན་བཅོལ་བྱ། གཏོར་མ་གཉིས་པ། ཨོཾ་ཨཱཿཧཱུྃ་གསུམ་གྱིས་བྱིན་བརླབས་དྲན་པར་བྱས་ལ། ཨོཾ་བཛྲ་མ་ཧཱ་ཀཱ་ལ་ཀྵིཾ་ཀྵེ་ཏྲ་བིགྷྣན་བི་ནཱ་ཡ་ཀ་ཧཱུྃ་ཧཱུྃ་ཕཊ་ཕཊ། ཨོཾ་མ་ཧཱ་དེ་ཝ་རེ་མ་ཏི་ཧཱུྃ་བྷྱོཿ

[Full Size]

ཧཱུྃ། ཨོཾ་ཀྵེ་ཏྲ་པཱ་ལ་བིགྷྣན་ཧཱུྃ་ཕཊ། ཨོཾ་ཛི་ན་མི་ཏྲ་བ་ཤཾ་ཀུ་རུ་ཧཱུྃ་ཕཊ། ཨོཾ་ཏྲཀྐི་རཱ་ཛ་ས་མ་ཡཱ་བྷྱོཿ དུ་ཛ་ཧཱུྃ་ཕཊ། ཨོཾ་དུ་ཡོག་ཛ་མ་ཧཱ་ཀཱ་ལ་ཏྲཀྴད་ཧཱུྃ་ཕཊ། ཅེས་པའི་མཐར། ཨི་དམ་སོགས་བཏགས་པ་ལན་གསུམ་གྱིས་ཕུལ། ཨོཾ་བཛྲ་པུཥྤེ་ཨཱཿཧཱུཾ་སོགས་ཀྱིས་མཆོད། ཨོཾ་ཨཱཿཧཱུྃ་གིས་ནང་མཆོད་ཕུལ། མྱུར་མཛད་སྤྱན་རས་གཟིགས་ལ་ཕྱག་འཚལ་ལོ། །དུར་ཁྲོད་ཆེན་པོ་འཇིགས་སུ་རུང་བའི་ནང་། ཚང་ཚིང་འཁྲིགས་པ་ཙནྡན་ཆེན་པོའི་ཚལ། བསྐལ་བའི་མེ་ལྟར་འབར་བའི་ཀློང་དཀྱིལ་ན། བགེགས་ཆེན་བསྣོལ་བའི་གདན་ལ་རབ་ཏུ་བཞེངས། མ་ཧཱ་ཀ་ལ་ཕྱག་དྲུག་བརྗིད་པའི་སྐུ། སྐུ་ཡི་ཆ་ལུགས་མི་ཟད་འབར་བ་ལ། དུར་ཁྲོད་ཆས་ཀྱི་

[Full Size]

ཀྱིས་རབ་ཏུ་བརྒྱན་པ་པོ། གསུང་གི་ང་རོ་མི་བཟད་འབར་བ་ལ། ཧཱུྃ་དང་ཕཊ་ཀྱི་སྒྲ་ཡིས་སྟོང་གསུམ་འགེངས། རྣམ་དག་ཐུགས་ནི་མི་བཟད་འབར་བ་ལ། སྤྲོས་དང་བྲལ་ཡང་མཚན་མར་ཅིར་ཡང་སྟོན། །སྐུ་གསུང་ཐུགས་ཀྱི་སྒོ་ནས་ཁྱོད་ལ་བསྟོད། །ཅེས་པས་བསྟོད་ལ། ཡེ་ཤེས་མགོན་པོ་འཁོར་བཅས་རྣམས། །ཅེས་སོགས་ཀྱིས་ཕྲིན་ལས་གཞོལ། །མཁའ་འགྲོ་སྤྱི་གཏོར་ཀྱཻ་རྡོར་ལྟར་འབུལ་ཞིང་། གཞི་བདག་གཏོར་མ་ཟུར་དུ་ཡོད་པའམ་མེད་ན་མཁའ་འགྲོ་སྤྱི་གཏོར་དེ་ཉིད་འབྲུ་གསུམ་གྱིས་བྱིན་གྱིས་བརླབས་ལ། བྷུ་མི་པ་ཏི་ས་པཱ་རི་ཝཱ་ར་ཨ་ཀརྵ་ཡ་ཛཿ ཞེས་པས་སྤྱན་དྲངས། བྷུ་མི་པ་ཏི་ས་པཱ་རི་ཝཱ་རེའི་མཐར་ཨ་ཀ་རོ་བཏགས་པ་ལན་གསུམ་གྱིས་བསྔོས་ལ།

[Full Size]

གནས་གཞི་བདག་འཁོར་དང་བཅས་པ་མཆོད་སྦྱིན་གྱི་གཏོར་མ་རྒྱ་ཆེན་པོ་འདི་བཞེས་ལ་བདག་ཅག་འཁོར་དང་བཅས་པའི་འགལ་རྐྱེན་བར་ཆད་ཐམས་ཅད་ཞི་ཞིང་། མཐུན་རྐྱེན་ཡིད་བཞིན་དུ་འགྲུབ་པར་མཛད་དུ་གསོལ། བགེགས་གཏོར་ཡོད་ན་ཆུ་གཙང་གིས་བྲན་ལ། ཨོཾ་ཨཱཿཧཱུཾ་གིས་བྱིན་གྱིས་རླབས། ཨོཾ་སརྦ་བིགྷྣན་ན་མཿསརྦ་ཏ་ཐཱ་ག་ཏ་བྷྱོཿ བི་ཤྭ་མིུ་ཁེ་བྷྱཿ སརྦ་ཐཱ་ཁཾ་ཨུངྒ་ཏེ་སྥ་ར་་ཨི་མཾ་ག་ག་་ཁཾ་གྲྀཧྣ་དཾ་བ་ལིཾ་ཏེ་སྭཱ་ཧཱ། ཞེས་པ་ལན་གསུམ་གྱིས་བསྔོས་ལ། ནག་པོའི་ཕྱོགས་ལ་མངོན་པར་དགའ་བའི་གདུག་པ་ཅན་གསང་སྤྱོད་བལྟ་བར་མི་དབང་བ་རྣམས་སའི་ཕྱོགས་འདིར་མ་གནས་པར་གཞན་དུ་སོང་ཞིག །ཅེས་

[Full Size]

བརྗོད་ཅིང་རྡོ་རྗེའི་གསོར་ཞིང་དྲིལ་བུ་དཀྲོལ། སུམྦྷ་ནིའི་སྔགས་བརྗོད་ཅིང་སེམས་ཀྱི་ས་བགེགས་རྣམས་རྒྱང་རིང་དུ་བྲོས་པར་བསམ། དེ་ནས་བདག་འཇུག་བླང་བ་ནི། ཇི་ལྟར་བལྟམས་པ་སོགས་ཀྱིས་བུམ་ཆུ་འཐུང་། འཇུག་པའི་ཡོན་གྱི་མཎྜལ་ནས་སྤྱད་དུ་གསོལ་གྱི་བར་སློབ་མ་ཇི་ལྟར་བསྐུར་བ་བཞིན་རང་གི་བདག་འཇུག་གི་ཚུལ་དུ་བླང་ངོ་། །བཞི་པ་སློབ་མ་རྗེས་བཟུང་ལ་འཇུག་པ་དངོས་གཞི་གཉིས་ལས། དང་པོ་ནི་སློབ་མ་རྣམས་ཁྲུས་བྱས་ཕྱག་དང་འཇུག་པའི་ཡོན་ཕུལ་ནས་གྲལ་ལ་འཁོད་པ་ལ། སློབ་དཔོན་གྱིས། འོ་སེམས་ཅན་ཐམས་ཅད་ཀྱི་དོན་དུ་ཡང་དག་པར་རྫོགས་པའི་སངས་རྒྱས་ཀྱི་གོ་འཕང་ཐོབ་

[Full Size]

པར་བྱ། དེའི་ཆེད་དུ་རྡོ་རྗེ་ཐེག་པའི་ལམ་གྱི་རྩ་བ་མངོན་པར་དབང་བསྐུར་བ་ཟབ་མོ་གསན་ལ་དམ་ཚིག་དང་སྡོམ་པའི་ཚོགས་ལ་བསྲུང་སྡོམ་ཚུལ་བཞིན་དུ་བགྱིའོ་སྙམ་པའི་བསམ་པ་ཁྱད་པར་ཅན་གདུང་པ་རེ་བསྐྱེད་མཛོད། དེ་ལ་འདིར་གསན་པར་བྱ་བའི་ཆོས་ནི། གྲུབ་ཐོབ་ཁྱུང་པོ་རྣལ་འབྱོར་རམ། དགེ་བའི་བཤེས་གཉེན་ཤངས་པ་གདུ་བུ་པར་གྲགས་པ་དེ་ཉིད་ཀྱིས་རྒྱ་གར་དུ་ལན་གསུམ་བལ་པོར་ལན་བཞི་སྟེ་རྒྱ་དང་བལ་པོའི་ཡུལ་དུ་ལན་བདུན་བྱོན། ཡོངས་གྲགས་ཀྱི་བླ་མ་བརྒྱ་དང་ལྔ་བཅུ། གྲུབ་ཐོབ་ཀྱི་བླ་མ་བཅུ་གསུམ། རྩ་བའི་བླ་མ་བཞི། འགྲན་གྱི་དོ་མེད་ཡེ་ཤེས་ཀྱི་ཌཱ་ཀི་མ་རྣམ་པ་གཉིས་དང་བཅས་པར་རིན་པོ་ཆེ་གསེར་གྱི་ཕྱེ་མ་དང་། སྙིང་སྟོབས་

[Full Size]

མོས་གུས་བརྩོན་འགྲུས་ལ་སོགས་པས་མཉེས་པར་བྱས་ཏེ་སྨིན་གྲོལ་གྱི་གདམས་པ་རྒྱ་མཚོ་ཙམ་ཁ་བ་ཅན་གྱི་གདུལ་བྱ་སྐལ་པ་མཆོག་ཏུ་གྱུར་པ་རྣམས་ཀྱི་དོན་དུ་སྤྱན་དྲངས་པ་ཡིན་ཏེ། ཉིད་ཀྱི་གསུངས་ལས། གཅེས་པའི་སྲོག་ལ་མ་བལྟས་པར། རྒྱ་གར་ཡུལ་དུ་ལན་བདུན་ཕྱིན། །སངས་རྒྱས་དངོས་མཇལ་མཁའ་འགྲོ་ལ། །རིན་ཆེན་གསེར་ཕྱེ་ཕུལ་ནས་ཞུས། །ཞེས་གསུངས་པའི་ཕྱིར། དེ་ཐམས་ཅད་བསྡུ་ན་སྒྲུབ་བརྒྱུད་དང་། བཤད་བརྒྱུད་གཉིས་སུ་འདུས་པ་ལས། སློབ་མའི་གཙོ་བོ་གཡོར་པོ་རྒྱ་མོ་ཆེ། དངུལ་སྟོན་རིན་དབང་མདེའུ་སྟོན་པ། ལ་སྟོད་པ་དཀོན་མཆོག་གསུམ་མཁར་ཏེ་སྔ་བུ་བཞི་ལ་བཤད་རྒྱུད་ཀྱི་བཀའ་འབབས། སྔ་བུ་ལྔ་པ་རྟོགས་ལྡན་ཞང་སྒོམ་ཆོས་སེང་དང་།

[Full Size]

ཕྱི་བུ་གཅིག་པུ་རྨོག་ལྕོག་པ་རིན་ཆེན་བརྩོན་འགྲུས་གཉིས་ལ་སྒྲུབ་བརྒྱུད་ཀྱི་བཀའ་བབས་པ་ལས། འདིར་སྒྲུབ་བརྒྱུད་ཀྱི་བཀའ་བབས་པ་རྨོག་ལྕོག་པ་ནས་བརྒྱུད་པ་ཡིན། དེ་ལ་ཡང་བསམ་གྱིས་མི་ཁྱབ་པ་ཞིག་བཞུགས་ཀྱང་གཙོ་བོར་གྱུར་པ་ནི། ཡེ་ཤེས་ཀྱི་མཁའ་འགྲོ་མ་ནི་དྷི་གཉིས་ཀྱི་གདམས་པ་ཡིན་ཀྱང་། སུ་ཁ་སིདྷི་ནས་བརྒྱུད་པ་ནི་ཟབ་ཅིང་ཐུགས་ཅིས་སུ་ཆེ་ཡང་གདམས་པ་ཉུང་ངུ་ཅིག་ལས་མི་བཞུགས། ཟབ་ལ་རྒྱ་ཆེ་བ་ནི་ཡེ་ཤེས་ཀྱི་མཁའ་འགྲོ་ནི་གུ་མ་ནས་བརྒྱུད་པ་འདི་ཡིན་ལ། འདི་ལ་ཡང་སྨིན་བྱེད་དབང་གི་སྐོར་དང་། གྲོལ་བྱེད་ལམ་གྱི་སྐོར། རྒྱབ་རྟེན་ལུང་གི་སྐོར། བཀའ་སྲུང་ཡེ་ཤེས་མགོན་པོའི་སྐོར་དང་བཞི་

[Full Size]

ལས། འདི་སྨིན་བྱེད་དབང་གི་སྐོར་ཡིན། དེ་ལ་ཡང་རྒྱུད་སྡེ་ལྔ་རིགས་བསྡུས་པའི་དཀྱིལ་འཁོར་དུ་དབང་བསྐུར་བ། རྒྱུད་སྡེ་ལྔ་གཙོ་བོ་བསྡུས་པའི་དཀྱིལ་འཁོར་དུ་དབང་བསྐུར་བ། བདེ་མཆོག་ལྷ་ལྔའི་དབང་སྟེ་སྨིན་བྱེད་གསུམ་དབང་གདམས་ངག་དང་འབྲེལ་བ། གདམས་ངག་དབང་དང་འབྲེལ་བ། ཆོས་དྲུག་སོ་སོའི་བཀའ་སྟེ་གཞུང་ཤིང་དང་འབྲེལ་བའི་བཀའ་བརྒྱད། ཕྱག་ཆེན་བཀའ་ལྔ། མཁའ་སྤྱོད་བཀའ་ལྔ་ལ་སོགས་པ་ཡན་ལག་གི་བཀའ་བསམ་གྱིས་མི་ཁྱབ་པ་ཞིག་བཞུགས་ནའང་། འདིར་རྒྱུད་སྡེ་ལྔ་གཙོ་བོར་བསྡུས་པའི་དཀྱིལ་འཁོར་དུ་དབང་བསྐུར་བ་ཡིན། དེ་ལ་དབང་བསྐུར་བའི་ཕན་ཡོན། མ་བསྐུར་བའི་ཉེས་པ། སློབ་

[Full Size]

དཔོན། སློབ་མ། གནས་དུས། དལ། ངེས་ཚིག །ཆོ་ག་ལ་སོགས་པ་སྤྱི་ལྟར་བཤད་ནས། འདིར་རྒྱུད་སྡེ་ལྔའི་དཀྱིལ་འཁོར་དབང་བསྐུར་བ་ལ་ལྷ་དང་སྐལ་བ་མཉམ་པའི་ཕྱིར་དུ་དཀྱིལ་འཁོར་དུ་འཇུག་པ་དང་། ཞུགས་ནས་དབང་བསྐུར་བ་གཉིས་ལས། དང་པོ་ནི། འཇུག་པའི་ཆོས་རྣམས་ཞུ་བའི་ཡོན་དུ་དམིགས་ནས་མཎྜལ་ཕུལ་བ་ཞུ། གྲུབ་པ་ན་དེ་ལྟར་མཎྜལ་ཕུལ་ནས་འཇུག་པ་ལ་བཅུ་གཉིས་ཡོད་པ་ལས། དང་པོ་སྐྱབས་འགྲོ་ནི། དཀོན་མཆོག་གསུམ་ལ་སྙིང་ཐག་པ་ནས་བློ་གཏད་འཆའ་སྙམ་པས་འདིའི་རྗེས་ཟློས་ལན་གསུམ་གྱི་བར་དུ་མཛད་པར་ཞུ། སློབ་དཔོན་དགོངས་སུ་གསོལ། རང་གི་མིང་ནས་སྨོས་ཏེ། བདག་མིང་

[Full Size]

འདི་ཞེས་བགྱི་བ་དུས་འདི་ནས་བཟུང་སྟེ་ཇི་སྲིད་བྱང་ཆུབ་སྙིང་པོ་ལ་མཆིས་ཀྱི་བར་དུ་རྐང་གཉིས་རྣམས་ཀྱི་མཆོག །ཕྱོགས་བཅུའི་སངས་རྒྱས་བཅོམ་ལྡན་འདས་རྣམས་ལ་སྐྱབས་སུ་མཆིའོ། །འདོད་ཆགས་དང་བྲལ་བ་རྣམས་ཀྱི་མཆོག །ཞི་བ་དོན་དམ་པ་མྱ་ངན་ལས་འདས་པའི་ཆོས་ལ༴ཚོགས་རྣམས་ཀྱི་མཆོག །ས་ཆེན་པོ་ལ་བཞུགས་པའི་བྱང་ཆུབ་སེམས་དཔའ་ཆེན་པོ་ཕྱིར་མི་ལྡོག་པའི་དགེ་འདུན་རྣམས་ལ་སྐྱབས་སུ་མཆིའོ། །ཞེས་ལན་གསུམ། གཉིས་པ་སེམས་བསྐྱེད་ལ་གཉིས་ལས། དང་པོ་སྨོན་པ་ནི། སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་སེམས་ཅན་ཐམས་ཅད་ཀྱི་དོན་དུ་བླ་ན་མེད་པའི་བྱང་ཆུབ་ཏུ་སེམས་བསྐྱེད་པ་ལྟར་

[Full Size]

བདག་གིས་ཀྱང་བསྐྱེད་སྙམ་པ་བགྱིས་ལ་འདིའི་རྗེས་ཟློས་མཛོད། ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་། སློབ་དཔོན་བདག་ལ་དགོངས་སུ་གསོལ། རང་གི་མིང་ནས་སྨོས་ཏེ། བདག་མིང་འདི་ཞེས་བགྱི་བས། ཚེ་འཁོར་བ་ཐོག་མ་མེད་པ་ནས་ཐ་མ་ད་ལྟ་ལ་ཐུག་གི་བར་དུ་སྦྱིན་པའི་རང་བཞིན་ཅན་དང་། ཚུལ་ཁྲིམས་ཀྱི་རང་བཞིན་ཅན་དང་། སྒོམ་པའི་རང་བཞིན་ཅན་གྱི་དགེ་བའི་རྩ་བ་དེས་ཇི་ལྟར་སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་དང་། ས་ཆེན་པོ་ལ་རབ་ཏུ་བཞུགས་པའི་བྱང་ཆུབ་སེམས་དཔའ་ཆེན་པོ་རྣམས་ཀྱིས་ཇི་ལྟར་ཐུགས་

[Full Size]

བསྐྱེད་པ་བཞིན་དུ། བདག་མིང་འདི་ཞེས་བགྱི་བས་ཀྱང་དུས་འདི་ནས་བཟུང་སྟེ་ཇི་སྲིད་བྱང་ཆུབ་སྙིང་པོ་ལ་མཆིས་ཀྱི་བར་དུ་བྱང་ཆུབ་ཀྱི་མཆོག་ཏུ་སེམས་བསྐྱེད་པར་བགྱིའོ། །སེམས་ཅན་མ་བསྒྲལ་བ་རྣམས་བསྒྲལ་བར་བགྱིའོ། །མ་གྲོལ་བ་རྣམས་གྲོལ་བར་བགྱིའོ། །དབུགས་མ་ཕྱུང་བ་རྣམས་དབུགས་དབྱུང་བར་བགྱིའོ། །ཡོངས་སུ་མྱ་ངན་ལས་མ་འདས་པ་རྣམས་ཡོངས་སུ་མྱ་ངན་ལས་འདའ་བར་བགྱིའོ། །ཞེས་པ་ལན་གསུམ་རྗེས་ཟློས་བྱེད། གཉིས་པ་འཇུག་པ་སེམས་བསྐྱེད་ནི། དགོངས་གསོལ་སྔར་ལྟར་ལས། བདག་མིང་འདི་ཞེས་བགྱི་བ་དུས་འདི་ནས་བཟུང་སྟེ་ཇི་སྲིད་བྱང་ཆུབ་སྙིང་པོ་ལ་མཆིས་ཀྱི་བར་དུ་སྦྱིན་པའི་ཕ་རོལ་ཏུ་ཕྱིན་

[Full Size]

པ་ལ་མཐར་གྱིས་བསླབ་པ་དང་། མཐར་གྱིས་སྦྱངས་པ་དང་། མཐར་གྱིས་ནན་ཏན་གྱི་བསམ་པ་བརྟན་པོ་བསྐྱེད་པར་བགྱིའོ། །ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མཐར་གྱིས་སོགས་ལན་གསུམ་གྱི་རྗེས་ཟློས་བྱེད། གསུམ་པ་གསོལ་བ་གདབ་པ་ནི། སློབ་དཔོན་ལ་དགའ་ཆེན་ཞེས་བོས་ནས་གསང་སྔགས་ཀྱི་སྡོམ་པ་དང་། བྱང་སེམས་ཀྱི་སྡོམ་པ་སོ་ཐར་གྱི་སྡོམ་པ་རྣམས་བསྩལ་བའི་སྒོ་ནས་སངས་རྒྱས་ཀྱི་གྲོང་ཁྱེར་དུ་འཁྲིད་དུ་གསོལ་སྙམ་པ་བགྱིས་ལ་འདིའི་རྗེས་ཟློས་མཛོད། དགའ་ཆེན་ཁྱོད་བདག་ནས། གཞུག་ཏུ་གསོལ་གྱི་བར་

[Full Size]

ལན་གསུམ། །བཞི་པ་གནང་བ་སྦྱིན་པ་ནི། །བུ་ཚུར་ཐེག་པ་ཆེན་པོ་ཡི། །ཁྱོད་ནི་ཚུར་ཆེན་སྣོད་ཡིན་ཏེ། །གསང་སྔགས་སྤྱོད་ཚུལ་ཆོ་ག་ནི། །ཁྱོད་ལ་ཡང་དག་བསྟན་པར་བྱ། །དུས་གསུམ་གཤེགས་པའི་སངས་རྒྱས་རྣམས། །སྐུ་གསུང་ཐུགས་ཀྱི་རྡོ་རྗེ་ཅན། །དེ་དག་གིས་ཀྱང་གསང་སྔགས་ཀྱི། །ཆོ་ག་ཟབ་མོ་འདི་མཁྱེན་ནས། །དཔའ་བོས་བྱང་ཆུབ་ཤིང་དྲུང་དུ། །ཐམས་ཅད་མཁྱེན་པ་ཚད་མེད་བརྙེས། །ཤཱཀྱ་སེང་གེ་སྐྱོབ་པ་ཡི། །བདུད་སྡེ་ཤིན་ཏུ་མི་བཟད་པ། །དཔུང་ཆེན་དག་ཀྱང་དེ་བཅོམ་སྟེ། །འཇིག་རྟེན་རྗེས་འཇུག་རྟོགས་ན་ནི། །འཁོར་ལོར་བསྐོར་ནས་མྱ་ངན་འདས། །དེ་བས་ཀུན་མཁྱེན་ཐོབ་བྱའི་ཕྱིར། །བུ་ཡི་བློ་གྲོས་འདི་གྱིས་ཤིག །

[Full Size]

ཅེས་གསུངས། དེའི་དོན་ནི། ཁྱོད་རྣམས་ཆོ་གའི་སྒོ་ནས་བུར་བྱས་ཟིན་པ་དེ་ལ། སློབ་དཔོན་གྱིས་བུ་ཞེས་ཉེ་བའི་ཚིག་གིས་བོས་ནས། ཁྱོད་རྣམས་ཐེག་ཆེན་གྱི་ཆོས་ཀྱི་སྣོད་ཡིན་ལ། ཐེག་ཆེན་ལ་གཉིས་ལས་མཆོག་ཏུ་འགྱུར་པ་གསང་སྔགས་རྡོ་རྗེ་ཐེག་པ་དེ་ཁྱེད་ལ་བསྟན་པར་བྱ་སྟེ། གསང་སྔགས་རྡོ་རྗེ་ཐེག་པ་འདི་ནི་དུས་གསུམ་གྱི་སངས་རྒྱས་ཐམས་ཅད་ཀྱི་བགྲོད་པ་གཅིག་པའི་ལམ་ཡིན་ཞིང་། ཁྱད་པར་དུ་འོ་སྐོལ་གྱི་སྟོན་པ་འདིས་ཀྱང་ངེས་དོན་དུ་གསང་སྔགས་ཀྱི་ལམ་ལ་བརྟེན་ནས་སངས་རྒྱས་ཀྱང་། འཇིག་རྟེན་པ་རྣམས་དྲངས་བའི་ཕྱིར་དུ་འཛམ་བུའི་གླིང་དུ་འཚང་རྒྱ་བའི་ཚུལ་བསྟན་པ་ཡིན་པས་གསང་སྔགས་ཀྱི་ལམ་དང་

[Full Size]

མཇལ་བ་ཤིན་ཏུ་སྐལ་པ་བཟང་བ་ཡིན་པས། གསང་སྔགས་ཀྱི་ཐེག་པ་ལས་བློ་གཞན་དུ་མ་འགྱུར་བར་གྱིས་ཤིག་ཅེས་པའི་དོན་ཡིན་ཞེས་བརྗོད། ལྔ་པ་རྟོག་པ་བསྡུ་བ་ནི། རྟོག་པ་ཐམས་ཅད་ལེགས་པར་བསྡུས་ནས་ནི། །ཤིན་ཏུ་བསམ་པ་བཟང་དང་ལྡན་པས་ཉོན། །རྗེད་ངས་བློ་ལ་རྡོ་རྗེ་སེམས་ལ་སོགས། །བདེ་བར་གཤེགས་པ་རྣམས་ཀྱིས་བྱིན་མི་རློབས། །ཅེས་གསུངས་ཏེ། དེའི་དོན་སྣོད་ཀྱི་སྐྱོན་གསུམ་སྤངས་ཏེ་ཡིད་རྩེ་གཅིག་ཏུ་གཏོད་ལ་ལེགས་པར་ཉོན་ཅིག་ཅེས་པའི་དོན་ཡིན། དྲུག་པ་རྒྱུན་བཤགས་སྔོན་དུ་འགྲོ་བས་སེམས་བསྐྱེད་པ་ནི། མདུན་གྱི་ནམ་མཁར་བླ་མ་དང་གཉིས་སུ་མེད་པའི་རྒྱུད་སྡེ་ལྔའི་ལྷ་ཚོགས་ལ་སངས་རྒྱས་དང་བྱང་ཆུབ་སེམས་དཔའི་ཚོགས་

[Full Size]

ཀྱིས་བསྐོར་བ་མངོན་སུམ་བཞུགས་པར་མོས་ལ། དེ་དག་གི་སྤྱན་སྔར་སྡིག་པ་བཤགས་པ་ལ་སོགས་ཡན་ལག་བདུན་པ་བགྱིད་སྙམ་པས་འདིའི་རྗེས་ཟློས་མཛོད། དཀོན་མཆོག་གསུམ་ལ་ནས། ཤོག་ཅེས་པའི་བར་ལན་གསུམ། བདུན་པ་རིགས་ལྔའི་སྡོམ་པ་བཟུང་བ་ནི། རིགས་ལྔ་སྤྱི་དང་སོ་སོའི་དམ་ཚིག་ཚུལ་བཞིན་དུ་འཛིན་སྙམ་པས་འདིའི་རྗེས་ཟློས་མཛོད། སྲས་བཅས་ནས་འགོད་ཅེས་པའི་བར་ལན་གསུམ། བརྒྱད་པ་གསང་སྔགས་ཀྱི་ཆེ་བ་བརྗོད་པའི་སྒོ་ནས་སྤྲོ་བ་བསྐྱེད་པ་ནི། འཇིག་རྟེན་དུ་ནི་ཀུན་མཁྱེན་དག །ཅེས་པ་ནས། དེ་བཞིན་གཤེགས་པ་ཉིད་དུ་འགྱུར། །ཞེས་པའི་བར་བརྗོད་དོ། །དེའི་

[Full Size]

དོན་ནི་འཇིག་རྟེན་ན་གང་དཀོན་ན་ཨུ་དུམ་ཝ་རའི་མེ་ཏོག་དཀོན། དེ་བཞིན་དུ་སངས་རྒྱས་འབྱུང་བ་དཀོན། །སངས་རྒྱས་འབྱུང་བ་བས་ཀྱང་ཆོས་གསུང་བ་དཀོན། ཆོས་ཀྱི་ནང་ནས་ཀྱང་གསང་སྔགས་རྡོ་རྗེ་ཐེག་པའི་ཆོས་གསུང་བ་དཀོན། འོ་ན་དཀོན་པས་ཅི་ཞིག་བྱ། ནམ་མཁའི་པདྨོ་དང་རི་བོང་གི་རྭ་ཡང་དཀོན་ནོ་སྙམ་ན། དེ་དག་ནི་དཀོན་ལ་ཕན་ཡོན་མེད་པ་ཡིན་ལ། རྡོ་རྗེ་ཐེག་པ་ནི་དཀོན་ལ་ཕན་ཡོན་ཆེན་པོ་དང་ལྡན་པ་ཡིན་ཏེ། དཀྱིལ་འཁོར་ཆེན་པོའི་ཚོན་ཅི་ཙམ་མཐོང་བའི་མདོ་ལ་བསྐལ་པ་མང་པོར་བསགས་པའི་སྡིག་སྒྲིབ་དག་པར་གསུངས་ན་དབང་བླངས་ཏེ། དམ་ཚིག་དང་སྡོམ་པ་སྲུང་སྡོམས་བགྱིས་པ་དང་། ཉམས་སུ་ལེན་

[Full Size]

པ་ལ་བརྩོན་པར་བྱེད་ན་ལྟ་སྨོས་ཀྱང་ཅི་དགོས་ཏེ། དེ་བས་ན་ཁྱོད་ཀྱིས་གསང་སྔགས་ཀྱི་ལམ་ལ་བརྟེན་ཏེ་མྱུར་དུ་སངས་རྒྱས་ཐོབ་པར་འགྱུར་བས་དགའ་སྤྲོ་རྒྱ་ཆེན་པོ་གྱིས་ཤིག་ཅེས་པའི་དོན་ཡིན་ཞེས་བརྗོད། སྔོན་ཆད་རྒྱུད་སྡེ་ལྔའི་དཀྱིལ་འཁོར་དུ་མ་ཞུགས་པའམ། ཞུགས་ཀྱང་བསྐྱར་ནས་འཇུག་པའི་མཚོན་བྱེད་དུ་རས་ཡུག་དམར་པོ་རས་གདོང་བཅིངས་པའི་མོས་པ་མཛོད། ཨ་ཁཾ་ཝི་ར་ཧཱུྃ། དཀྱིལ་འཁོར་གྱི་ལྷ་དང་མཇལ་བ་ན་ལག་སྟོང་དུ་མཇལ་དུ་མི་བཏུབ་པས། ཕྱག་རྟེན་ཨུ་དུམ་ཝ་ར་ལ་སོགས་པའི་མེ་ཏོག་གི་ཕྲེང་བ་རེ་ཡང་གཏད་པའི་མོས་པ་མཛོད། ཨ་ཁཾ་ཝི་ར་ཧཱུྃ། དགུ་པ་བདེ་སྟོང་དུ་སེམས་བསྐྱེད་པ་ནི། ཁྱེད་རང་གི་སྙིང་

[Full Size]

ཁར་ཀུན་རྫོབ་བྱང་ཆུབ་སེམས་ཀྱི་ངོ་བོ་ཟླ་བའི་དཀྱིལ་འཁོར་ཉ་གང་བ་རེ་གསལ་བཏབ་དེའི་སྟེང་དུ་དོན་དམ་བྱང་སེམས་ཀྱི་ངོ་བོ་རྡོ་རྗེ་དཀར་པོ་རྩེ་ལྔ་པ་འོད་ཟེར་འཕྲོ་བ་ཞིག་གསལ་བཏབ་སྟེ། དེ་ལྟ་བུའི་བདེན་པ་གཉིས་དབྱེར་མེད་དུ་སེམས་བསྐྱེད་པར་བགྱིའོ་སྙམ་པས་འདིའི་རྗེས་ཟློས་མཛོད། ཨོཾ་སརྦ་ཡོ་ག་ཙིཏྟ་ཨུཏྤ་ཏ་ཡ་མི། དེ་བརྟན་པར་བྱ་བའི་ཆེད་དུ། སློབ་དཔོན་གྱི་རྡོ་རྗེ་ཁྱེད་རང་གི་སྙིང་གར་བཞག་སྟེ། ཨོཾ་སུ་ར་ཏེ་ས་མ་ཡ་སྟྭཾ། ཧོ་སིདྡྷི་བཛྲ་ཡ་ཐ་སུ་ཁཾ། །ཞེས་བརྗོད། དེ་ལྟར་སེམས་བསྐྱེད་པ་དེ་དང་འོག་ནས་འབྱུང་བའི་གསང་སྔགས་ཀྱི་ཀུན་སྤྱོད་རྣམས་སྣོད་དང་མི་ལྡན་པའི་མདུན་དུ་སྨྲ་བར་མི་བཏུབ་ཞེས་གསང་བར་གདམས་

[Full Size]

པ་ནི། སྤྱི་བོར་རྡོ་རྗེ་བཞག་སྟེ། དེང་ཁྱོད་དེ་བཞིན་གཤེགས་པ་ཐམས་ཅད་དང་། དཔའ་བོ་དང་རྣལ་འབྱོར་མ་ཐམས་ཅད་ཀྱི་རིགས་སུ་རབ་ཏུ་ཞུགས་ཀྱིས། དེ་བཞིན་གཤེགས་པ་ཐམས་ཅད་ཀྱི་གསང་ཆེན་གདམས་པ་འདི། །དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་དུ་མ་ཞུགས་པ་རྣམས་ཀྱི་མདུན་དུ་སྨྲ་བར་མི་བྱ་སྟེ། མ་དད་པ་རྣམས་ལ་ཡང་མ་ཡིན་ནོ། །ཧཱུྃ་ཛཿཧཱུྃཿ ཞེས་བརྗོད། བཅུ་པ་ནང་དུ་གཞུག་ཅིང་ཡེ་ཤེས་དབབ་པ་ནི། ཁྱེད་རང་རྣམས་སློབ་དཔོན་གྱི་ཕྱག་གི་རྡོ་རྗེ་ལ་འཇུས་ཏེ། དཀྱིལ་འཁོར་གྱི་ཤར་སྒོར་ཁྲིད་པར་མོས་ལ། དཀྱིལ་འཁོར་གྱི་ཕྱོགས་ལ་དབུ་འདུད་པ་དང་བཅས་འདིའི་རྗེས་ཟློས་མཛོད། ཛཿཧཱུྃ་བྃ་ཧོཿ

[Full Size]

ཞེས་བརྗོད་པས། དཀྱིལ་འཁོར་གྱི་ཤར་སྒོའི་ནང་དུ་འཁོད་པའི་མོས་པ་མཛོད། སྔོན་འགྲོའི་དམ་ལ་བཞག་པ་ལ་བཞི་ལས། དང་པོ་ཕན་ཡོན་གྱི་སྒོ་ནས་དམ་ལ་བཞག་པ་ནི། སྤྱི་བོར་རྡོ་རྗེ་བཞག་སྟེ། ཡེ་ཤེས་གང་གིས་ཁྱེད་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་ཀྱང་ཐོབ་པར་འགྱུར་ན། དངོས་གྲུབ་གཞན་ལྟ་སྨོས་ཀྱང་ཅི་དགོས། དེ་ལྟ་བུའི་རྡོ་རྗེའི་ཡེ་ཤེས་བསྐྱེད་པར་བྱའི། ཁྱེད་ཀྱིས་དཀྱིལ་འཁོར་ཆེན་པོ་མ་མཐོང་བ་རྣམས་ཀྱི་མདུན་དུ་སྨྲ་བར་མི་བྱ་སྟེ། བུ་ཁྱོད་དམ་ཚིག་ཉམས་པར་གྱུར་ཏ་རེ། ཉེས་དམིགས་ཀྱི་སྒོ་ནས་དམ་ལ་བཞག་པ་ནི། སྙིང་གར་རྡོ་རྗེ་བཞག་སྟེ། ཧེ་རུ་ཀ་དཔལ་དེང་ཁྱེད་ཀྱི། སྙིང་ལ་ཡང་དག་ཞུགས་

[Full Size]

པར་འགྱུར། གལ་ཏེ་ཚུལ་འདི་སྨྲས་ན་ནི། དེ་མ་ཐག་ཏུ་དྲལ་ཏེ་གཤེགས། །ཡང་སྤྱི་བོར་རྡོ་རྗེ་བཞག་ལ། འདི་ཡང་ཉེས་དམིགས་ཀྱི་སྒོ་ནས་དམ་ལ་བཞག་པ་ཡིན་ཏེ། འདི་ནས་ཁྱོད་ཀྱི་དམ་ཚིག་གི་རྡོ་རྗེ་སྟེ། གལ་ཏེ་ཚུལ་འདི་སུ་ཡང་རུང་བ་ལ་སྨྲས་ན་འདིས་ཁྱོད་ཀྱི་གོ་བོ་འགེམས་པར་འགྱུར་རོ། །ཕན་ཡོན་དང་ཉེས་དམིགས་གཉིས་ཀའི་སྒོ་ནས་དམ་ལ་བཞག་པ་ནི། བུམ་ཆུ་དང་ནང་མཆོད་བསྲེས་ལ་ཁྱོར་བ་གཡས་པར་སྦྱིན་ལ་འཐུང་དུ་བཅུག་ལ། འདི་ནི་ཁྱོད་ཀྱི་དམྱལ་བའི་ཆུ། དམ་ཚིག་འདས་ན་བསྲེག་པར་བྱེད། །དམ་ཚིག་སྲུང་ན་དངོས་གྲུབ་ནི། །རྡོ་རྗེ་བདུད་རྩིའི་ཆུ་འདིས་འགྲུབ། །ཨོཾ་པཉྩ་ཨ་མྲྀ་ཏ་ཨུ་ད་ཀ་ཋ་ཋ་ཋ། བླ་མའི་

[Full Size]

བཀའ་ཉན་པའི་སྒོ་ནས་དམ་ལ་བཞག་པ་ནི། རྡོ་རྗེ་སྤྱི་བོར་བཞག་ལ། དེང་ཕྱིན་ཆད་ཁྱོད་ཀྱི་དཔལ་ཧེ་རུ་ཀ་དཔལ་ང་ཡིན་གྱིས་ངེས་འདི་བྱོས་ཤིག་བྱ་བ་དེ་ཁྱོད་ཀྱིས་བྱ་དགོས་སོ། །ང་ལ་བརྙས་པར་མ་བྱེད་ཞིག །བྱས་ན་ཡ་ང་བ་མ་སྤངས་པར་འཆི་བའི་དུས་བྱས་ཏེ་དམྱལ་བ་ཆེན་པོར་ལྟུང་བར་གྱུར་ཏ་རེ། ཞེས་དམ་ལ་བཞག་ནས། དངོས་གཞི་ཡེ་ཤེས་དབབ་པ་ཞུ་བའི་ཡོན་དུ་དམིགས་ཏེ་མཎྜལ་ཞིག་འབུལ་བ་ཞུ། གྲུབ་པ་ན། དེ་ལྟར་མཎྜལ་ཕུལ་ནས་གསོལ་བ་འདེབས་པ་འདིའི་རྗེས་ཟློས་ལན་གསུམ་གྱི་བར་དུ་མཛད་པར་ཞུ། དེ་བཞིན་གཤེགས་པ་ཐམས་ཅད་དཔའ་བོ་དང་རྣལ་འབྱོར་མ་ཐམས་ཅད་ཀྱིས་བྱིན་གྱིས་རློབས་ཤིག །དཔལ་ཧེ་རུ་ཀ་

[Full Size]

བདག་ལ་དབབ་ཏུ་གསོལ། གྲུབ་པ་ན། ཁྱེད་རང་རྣམས་ལུས་ཀྱི་སྤྱོད་ལམ་ཕན་ཚུན་མ་རེག་པར་སྤྱི་བོར་ཐལ་མོ་སྦྱར་ལ་ཙོག་པུར་གདུག་སྟེ། ཁྱེད་རང་ཧེ་རུ་ཀར་གསལ་བའི་རྐང་པའི་འོག་ཏུ་ཡཾ་ལས་རླུང་གི་དཀྱིལ་འཁོར་གཞུའི་དབྱིབས་ཅན་ཆང་ཟུང་ཐུར་ལ་བསྟན་ཅིང་མཆོག་མ་གཉིས་གྱེན་ལ་བསྟན་པའི་སྟེང་དུ་རྐང་པ་གཉིས་གཤིབས་ནས་གནས་པའི་རྐང་མཐིལ་གཉིས་སུ་ཛྷཻཾ་ཛྷཻཾ་མེའི་རང་བཞིན་རླུང་གིས་བསྐྱོད་པས་མེ་འབར་བ་རྩ་ནང་ན་ཡར་སོང་། སུམ་མདོའི་མེ་དང་འདྲེས་ཏེ་དྲག་ཏུ་འབར་བས་ལྟེ་བའི་མེའི་དཀྱིལ་འཁོར་དང་འཁྲུག་ཆིལ་ཏེ་འདྲེས། དེས་སྙིང་གའི་སའི་དཀྱིལ་འཁོར་རྡོ་རྗེས་མཚན་པ་བསྲེགས།

[Full Size]

དེས་མགྲིན་པའི་ཝཾ་ལས་ཆུ་ཡི་དཀྱིལ་འཁོར་ཝཾ་གྱིས་མཚན་པ་བསྐོལ། སྤྱི་བོའི་ཡྃ་ལས་རླུང་གི་དཀྱིལ་འཁོར་དུ་བ་འཁྲིགས་པ་ལྟ་བུས་ཐུར་དུ་མནན། རྐང་འོག་གི་རླུང་གྱེན་ལ་བཏེགས་ཏེ་བར་སྣང་དུ་ཡང་ཡང་ཡོད་པར་བསམ། དེའི་ཚེ་སློབ་དཔོན་གྱི་ཐུགས་ཀ་ནས་འོད་ཟེར་འཕྲོས། ཕྱོགས་བཅུའི་སངས་རྒྱས་བྱང་སེམས་དཔའ་བོ་མཁའ་འགྲོ་ཐམས་ཅད་རྒྱུད་སྡེ་ལྔའི་ལྷ་ཚོགས་རྣམས་ཀྱི་རྣམ་པ་ཅན་གྱི་སྐུ་ཆེ་བ་རི་རབ་ཙམ། ཆུང་བ་རྡུལ་ཕྲན་ཙམ་བསམ་གྱིས་མི་ཁྱབ་པ་སྤྱན་དྲངས། ཁྱེད་རང་གི་སྤྱི་གཙུག་དང་དབང་པོའི་སྒོ་དང་བ་སྤུའི་བུ་ག་ཐམས་ཅད་ནས་མཚོ་ཆེན་པོ་ལ་ཁ་བ་བབས་པ་བཞིན་སིབ་སིབ་ཐིམ་པའི་མོས་པ་མཛོད། །

[Full Size]