རྩ་གསུམ་ཟབ་མོ་ཀུན་འདུས་ཀྱི་བརྒྱུད་པའི་གསོལ་འདེབས་པདྨའི་དོ་ཤལ། མངྒ་ལ།


RTZ005_Page_0405
[མ་དཔེ་གཟིགས་ན་འདིར་གནོན།]

རྩ་གསུམ་ཟབ་མོ་ཀུན་འདུས་ཀྱི་བརྒྱུད་པའི་གསོལ་འདེབས་པདྨའི་དོ་ཤལ་བཞུགས། ཆོས་སྐུའི་སྟོན་པ་ཀུན་བཟང་སྣང་མཐའ་ཡས། །སྐུ་དང་ཡེ་ཤེས་ཁྱབ་བདག་སྤྱན་རས་གཟིགས། །རྩ་གསུམ་དབྱེར་མེད་སྤྲུལ་སྐུ་པདྨ་འབྱུང་། །ཐོད་ཕྲེང་སྡེ་ལྔར་ཤར་ལ་གསོལ་བ་འདེབས། །ཡི་དམ་ཀུན་འདུས་དབང་ཆེན་རྟ་མཆོག་དཔལ། །མཁའ་འགྲོའི་དབང་ཕྱུག་ཕག་མོ་མཁར་ཆེན་བཟའ། །ཨ་ཙར་ཡེ་ཤེས་མཆོག་དབྱངས་མངའ་བདག་རྗེ། །བཻ་རོ་ཙ་ན་རྣམས་ལ་གསོལ་བ་འདེབས། །ཟབ་གཏེར་སྒོ་འབྱེད་ཀུན་བཟང་བདེ་ཆེན་རྒྱལ། །པདྨ་གསང་སྔགས་བསྟན་འཛིན་ཆོས་ཀྱི་རྒྱལ། །བསྟན་འཛིན་འཕེལ་རྒྱས་འཇམ་མགོན་གུ་ཎའི་ཞབས། །ཆོས་ཀྱི་ཉི་མ་རྣམས་ལ་གསོལ་བ་འདེབས། །འགྱུར་མེད་ཚེ་དབང་རྒྱ་མཚོ་འཇམ་པའི་དབྱངས། །ཆོས་ཀྱི་བློ་གྲོས་དབང་ཆེན་རྟ་ཕག་སྐུ། །མཁའ་འགྲོ་སྡེ་བཞི་རབ་འབྱམས་རྩ་གསུམ་ལྷ། །སྒྱུ་འཕྲུལ་དྲྭ་བའི་ཚོགས་ལ་གསོལ་བ་འདེབས། །དབང་གིས་རྒྱུད་སྨིན་དམ་ཚིག་རྣམ་པར་དག །སྣང་སྲིད་ལྷ་དང་བླ་མའི་རྣམ་རོལ་གྱི། །བསྐྱེད་རྫོགས་ལམ་གྱིས་དངོས་གྲུབ་འདོད་དགུ་ཐོབ། །དོན་གཉིས་ལྷུན་གྱིས་གྲུབ་པའི་དཔལ་ཐོབ་ཤོག །ཅེས་ལྕགས་ཁྱི་རྒྱལ་ཟླ་བའི་ཚེས་ཉེར་ལྔ་ཉིན་ལྷོ་འབྲུག་སྨན་ལྗོངས་ནས་རིན་ཆེན་གཏེར་མཛོད་དབང་ཁྲིད་འདོན་སྐབས་རྒྱལ་ཁམས་


RTZ005_Page_0406
[མ་དཔེ་གཟིགས་ན་འདིར་གནོན།]

པ་མངྒ་ལས་གསོལ་བ་བཏབ་པ་རྩ་བ་གསུམ་གྱི་བྱིན་རླབས་ཐོབ་པའི་རྒྱུར་གྱུར་ཅིག། །།