ཟབ་བདུན་འཇམ་དཔལ་གཤིན་རྗེ་ཚེ་བདག་ནག་པོའི་ཐུན་གཏོར།
ཟབ་བདུན་འཇམ་དཔལ་གཤིན་རྗེ་ཚེ་བདག་ནག་པོའི་ཐུན་གཏོར་ནི༔ གཏོར་མ་ལ་སྨན་རཀ་བྲན་ལ༔ ཧཱུཾ༔ འཇམ་དཔལ་གཤིན་རྗེ་ཕྱག་རྒྱ་ཟིན་གནོན་དང་༔ རྒྱན་གྱི་ལྷ་བརྒྱད་ཡུམ་གསུམ་སྤྲུལ་པ་ནི༔ གྱད་གནོན་ཆེན་པོ་ལས་གཤིན་རྣམས་གསྲུམ༔ གཤེད་ཆེན་སྡེ་བཞིན་བདུད་པོ་སྡེ་བཞི་དང་༔ མོན་བསྡེ་བཞི་ཡུལ་བཅས་སྤྲུལ་པ་དང་༔ འཆི་བདག་བཅུ་གཉིས་སྤས་པའི་མ་མོ་བཞི༔ བདུད་དང་གཤིན་རྗེ་མ་མོ་གནོད་སྦྱིན་དང་༔ དྲེགས་པ་སྡེ་བཞི་རོལ་ངས་མ་མོ་བཞི༔ བཀའ་སྡོད་གཤིན་རྗེ་དྲུག་ཅུ་རྩ་བཞི་དང་༔ མ་གཤིན་བདུན་བརྒྱ་ཉི་ཤུ་ཚོགས་དང་བཅས༔ འཇམ་དཔལ་སྐུ་ཡི་ལྷ་ཚོགས་མ་ལུས་པ༔ མི་མངོན་དབྱིངས་ནས་གནས་འདིར་གཤེགས་སུ་གསོལ༔ དམ་ཆོས་དཀྱིལ་འཁོར་འདི་ལ་བསྟན་པ་པར་བཞུགས༔ གཉིས་སུ་མེད་པར་གུས་པས་ཕྱག་འཚལ་ཞིང་༔ དམ་རྫས་སྨན་རཀ་གཏོར་མའི་མཆོད་པ་འབུལ༔ སྐུ་གསུང་ཐུགས་དམ་ཡོན་ཏན་ཕྲིན་ལས་བསྟོད༔ བག་མེད་ཉམ་ཆགས་འགལ་འཁྱམམ་ཐམས་ཅད་བཤགས༔ མཆོད་དང་ཐུན་མོང་དངོས་གྲུབ་སྩལ་བ་དང་༔ དྲག་པོ་མཐུ་ནུས་ཚེ་བར་མཛད་དུ་གསོལ༔ མ་ཧཱ་ཨ་མྲི་ཏ་ཁཱ་ཧི༔ མ་ཧཱ་རཀྟ་ཁཱ་ཧི༔ མ་ཧཱ་བ་ལིངྟ་ཁཱ་ཧི༔