རྟ་མགྲིན་སྙིང་པོ་དོན་སྦྱོར་གྱི་བརྒྱུད་པའི་གསོལ་འདེབས། གུ་ཎ།


RTZ026_Page_0147
[མ་དཔེ་གཟིགས་ན་འདིར་གནོན།]

རྟ་མགྲིན་སྙིང་པོ་དོན་སྦྱོར་གྱི་བརྒྱུད་པའི་གསོལ་འདེབས་བཞུགས་སོ། །ཨོཾ་ཨཱཿཧཱུྃ། མཉམ་ཉིད་སྤྲོས་བྲལ་དག་པའི་ཕོ་བྲང་དུ། །ཆོས་སྐུ་ཀུན་བཟང་ཡབ་ཡུམ་ལ་གསོལ་བ་འདེབས། །ལྷུན་གྲུབ་འོད་ལྔ་འཁྲིགས་པའི་ཕོ་བྲང་དུ། །ལོངས་སྐུ་ཞི་ཁྲོ་ཡབ་ཡུམ་ལ་གསོལ་བ་འདེབས། །རྣམ་དག་སྟུག་པོ་བཀོད་པའི་ཕོ་བྲང་དུ། །སྤྲུལ་སྐུ་རྡོར་འཆང་ཡབ་ཡུམ་ལ་གསོལ་བ་འདེབས། །འོད་གསལ་མེ་དཔུང་འབར་བའི་ཕོ་བྲང་དུ། སྟོན་པ་རྡོར་སེམས་ཡབ་ཡུམ་ལ་གསོལ་བ་འདེབས། །དུར་ཁྲོད་གསང་ཆེན་རོལ་པའི་ཕོ་བྲང་དུ། །རིག་འཛིན་དགའ་རབ་རྡོ་རྗེ་ལ་གསོལ་བ་འདེབས། །དཔལ་རི་པདྨ་འོད་ཀྱི་ཕོ་བྲང་དུ། །ཨོ་རྒྱན་གུ་རུ་ཡབ་ཡུམ་ལ་གསོལ་བ་འདེབས། །བཀའ་བབས་ལུང་བསྟན་དམ་ཚིག་ཕོ་བྲང་དུ། །རིགས་ལྡན་ཆོས་བློ་མགོན་པོ་ལ་གསོལ་བ་འདེབས། །སྣང་སྲིད་སྒྱུ་མར་གྲོལ་བའི་ཕོ་བྲང་དུ། །རིག་འཛིན་མཆོག་ལྡན་རྡོ་རྗེ་ལ་གསོལ་བ་འདེབས། །བདེ་སྟོང་ཆོས་ཉིད་རོལ་པའི་ཕོ་བྲང་དུ། །ཆོས་བདག་གསང་བའི་ཌཱ་ཀི་ལ་གསོལ་བ་འདེབས། །དབང་ཆེན་ཟླ་གམ་འཁྱིལ་པའི་ཕོ་བྲང་དུ། །གཏེར་ཆེན་བསམ་གཏན་གླིང་པ་ལ་གསོལ་བ་འདེབས། །འགྲོ་དོན་ཕྱོགས་མེད་མཛད་པའི་ཕོ་བྲང་དུ། །དྲིན་ཅན་རྩ་བརྒྱུད་བླ་མ་ལ་གསོལ་བ་འདེབས། །བྲག་དཀར་ལྷ་ཆུ་གསང་བའི་གཏེར་


RTZ026_Page_0148
[མ་དཔེ་གཟིགས་ན་འདིར་གནོན།]

གནས་སུ། །དམ་ཆོས་སྙིང་པོ་དོན་སྦྱོར་ལ་གསོལ་བ་འདེབས། །རང་ལུས་གདན་གསུམ་ལྷ་ཡི་གཞལ་ཡས་སུ། །ཡི་དམ་རྟ་ཕག་ཡབ་ཡུམ་ལ་གསོལ་བ་འདེབས། །བདེ་སྟོང་རྩ་རླུང་ཐིག་ལེའི་གྲོང་ཁྱེར་དུ། །རིག་འཛིན་དཔའ་བོ་མཁའ་འགྲོ་ལ་གསོལ་བ་འདེབས། །བཀའ་དང་དམ་ཚིག་གཉན་པོའི་ཕོ་བྲང་དུ། །བཀའ་སྲུང་དམ་ཅན་རྒྱ་མཚོ་ལ་གསོལ་བ་འདེབས། །མཁྱེན་བརྩེ་ཡེ་ཤེས་རྒྱས་པའི་སྐྱབས་མཆོག་རྣམས། །གསོལ་འདེབས་བུ་ལ་ཐུགས་རྗེའི་སྤྱན་གྱིས་གཟིགས། །བདག་རྒྱུད་སྨིན་ཅིང་གྲོལ་བར་བྱིན་གྱིས་རློབས། །གཞན་དོན་འབད་མེད་འགྲུབ་པར་བྱིན་གྱིས་རློབས། །སྒྲུབ་ལ་བར་ཆད་མེད་པར་བྱིན་གྱིས་རློབས། །བསྐྱེད་རྫོགས་མཐའ་རུ་ཕྱིན་པར་བྱིན་གྱིས་རློབས། །ཚེ་གཅིག་སངས་རྒྱས་འགྲུབ་པར་བྱིན་གྱིས་རློབས། །ཅེས་པའང་གུ་ཎས་ཁྱེར་བདེར་བཀོད་པ་དགེ་ལེགས་འཕེལ།། །།