གཏུམ་པོ་དྲེགས་འདུལ་གྱི་སྔོན་འགྲོ།― RTZ033_Page_0119 ―
[མ་དཔེ་གཟིགས་ན་འདིར་གནོན།]
རྒྱས་པ་ལས་བྱང་ལྟར་ལ། བསྡུས་པ་ཞི་སྒྲུབ་རྡོ་རྗེ་འཆང་གི་ཕྲིན་ལས་ལས་འབྱུང་བའི་སྐྱབས་འགྲོ་ནི། ཧོ༔ སངས་རྒྱས་ཆོས་དང་དགེ་འདུན་གསུམ༔ རྩ་གསུམ་རྒྱལ་བ་ཞི་ཁྲོ་ལ༔ བདག་དུས་འདི་ནས་བྱང་ཆུབ་བར༔ སྒོ་གསུམ་གུས་པས་སྐྱབས་སུ་མཆི༔ ལན་གསུམ། སེམས་བསྐྱེད་ནི། ཧོ༔ ཇི་ལྟར་དུས་གསུམ་སངས་རྒྱས་ཀྱིས༔ འགྲོ་བའི་དོན་སླད་ཐུགས་བསྐྱེད་ལྟར༔ དེ་བཞིན་བདག་གིས་འགྲོ་འདུལ་ཕྱིར༔ བྱང་ཆུབ་མཆོག་ཏུ་སེམས་བསྐྱེད་དོ༔ གསུམ་པ་ཡན་ལག་བརྒྱད་པ་ནི། ཧཱུྃ༔ གཏུམ་པོ་དྲེགས་འདུལ་ལྷ་ཚོགས་གཤེགས༔ ཞིང་རྡུལ་གྲངས་མེད་སྤྲུལ་ཕྱག་འཚལ༔ ཕྱི་ནང་གསང་མཆོད་སྣ་ཚོགས་འབུལ༔ ཉེས་པའི་ཚོགས་ཀུན་ལྷག་མེད་བཤགས༔ རྒྱལ་བའི་མཛད་པར་རྗེས་ཡི་རང༔ འཁོར་ལོ་བླ་མེད་བསྐོར་བར་སྐུལ༔ དཔག་ཡས་འགྲོ་དོན་མཛད་བཞུགས་གསོལ༔ དགེ་རྩ་མཁའ་ཁྱབ་འགྲོ་ལ་བསྔོ༔ མཆོད་པ་བྱིན་རླབས་ནི། ཨོཾ་སྭ་བྷཱ་བ་སོགས་ཀྱིས་སྦྱང་། སྟོང་པའི་ངང་ལས་ཨ་བྷྲཱུྃ་ཧཱུྃ༔ ལས་བྱུང་ཐོད་དང་རིན་ཆེན་སྣོད༔ ཡངས་ཤིང་རྒྱ་ཆེར་ཨོཾ་ཨཱཿཧཱུྃ༔ འོད་ཞུ་བདུད་རྩི་རཀྟ་གཏོར༔ མཆོད་ཡོན་མེ་ཏོག་བདུག་སྤོས་མེ༔ དྲི་མཆོག་ཞལ་ཟས་རོལ་མོ་སོགས༔ ཕྱི་ནང་གསང་མཆོད་མཁའ་དང་ ― RTZ033_Page_0120 ―
[མ་དཔེ་གཟིགས་ན་འདིར་གནོན།]
མཉམ༔ འདོད་པའི་ཡོན་ཏན་དུ་མར་གྱུར༔ ཨོཾ་ཨཱཿཧཱུྃ་སརྦ་པཉྩ་ཨ་མྲྀཏ་ཧཱུྃ་ཧྲཱིཿཋཱ༔ ཨོཾ་ཨཱཿཧཱུྃ་མ་ཧཱ་རཀྟ་རུ་དྷི་རཾ་ཛྭ་ལ་མཎྜ་ལ་ཧཱུྃ་ཧྲཱིཿཋཱ༔ ཨོཾ་ཨཱཿཧཱུྃ་མ་ཧཱ་བ་ལིཾ་ཏ་ཏེ་ཛོ་བ་ལིཾ་ཏ་བ་ལ་བ་ཏེ་ཧཱུྃ་ཧྲཱིཿཋཱ༔ ཨོཾ་བཛྲ་ཨརྒྷཾ་པུཥྤེ་དྷཱུ་པེ་ཨཱ་ལོ་ཀེ་གནྡྷེ་ནཻ་བིདྱ་ཤབྡ་པཱུ་ཛ་ཨཱཿཧཱུྃ༔ རཱུ་པ་ཤབྡ་གནྡྷེ་ར་ས་སྤརྴེ་པཱུ་ཛ་ཧཱུྃ་ཧྲཱིཿཋཱ༔ བོ་དྷི་ཙིཏྟ་ག་ཎ་གུ་ཧྱ་ས་མ་ཡ་ཧཱུྃ་ཧྲཱིཿཋཱ༔ སྔགས་རྣམས་ལན་གསུམ་གསུམ་བརྗོད་པས་བྱིན་བརླབ་བོ།། །། |
