དམོད་པ་དྲག་སྔགས་ཀྱི་བདུད་རྩི་ལག་མཆོད། ཀརྨ་པ་ཐེག་མཆོག་རྡོ་རྗེ།

༈ དམོད་པ་དྲག་སྔགས་ཀྱི་བདུད་རྩི་ལག་མཆོད་ནི། བཅོམ་ལྡན་ཀུན་བཟང་ཧེ་རུ་ཀའི་ཞལ་དུ་ཨོཾ་ཨཱཿཧཱུྃ། གསང་བདག་རྡོ་རྗེ་འཛིན་པའི་ཞལ་དུ༴ དཔལ་ཆེན་སྟོབས་ལྡན་ནག་པོའི་ཞལ་དུ༴ ལས་ཅན་དྲྭ་མ་ལྔའི་ཞལ་དུ༴ སྐལ་ལྡན་རྡོ་རྗེ་ཆོས་ཀྱི་ཞལ་དུ༴ སློབ་དཔོན་ཤཱནྟིཾ་གརྦྷའི་ཞལ་དུ༴ པ་གོར་བཻ་རོ་ཙ་ནའི་ཞལ་དུ༴ ལྷ་སྲས་དམ་འཛིན་ཆེན་པོའི་ཞལ་དུ༴ གཏེར་ཆེན་མཆོག་གྱུར་གླིང་པའི་ཞལ་དུ༴ རིག་འཛིན་རྩ་བརྒྱུད་བླ་མའི་ཞལ་དུ༴ ཡི་དམ་དཀྱིལ་འཁོར་ལྷ་ཚོགས་ཞལ་དུ༴ ཡེ་ཤེས་འཇིག་རྟེན་ཆོས་སྐྱོང་ཞལ་དུ༴ གཏེར་སྲུང་དྲེགས་པ་ཕོ་མོའི་ཞལ་དུ༴ སྣང་སྲིད་དག་པ་རབ་འབྱམས་ཞལ་དུ་ཨོཾ་ཨཱཿཧཱུྃ། ཞེས་པའང་ཀརྨ་ཀ་ཐེག་མཆོག་མིང་འཛིན་གྱིས་བྲིས་པའོ། །