སྨན་མཆོད་འབུལ་བ།
ཆོས་དབྱིངས་འོག་མིན་ཞིང་ཁམས་ནས། །དཔལ་ལྡན་རྡོ་རྗེ་བདེ་བ་ཆེ། །ཁྱབ་བཅག་གར་དབང་ཧེ་རུ་ཀར། །སྨན་མཆོད་འབུལ་ལོ་དངོས་གྲུབ་སྩོལ། །སརྦ་པཉྩ་ཨམྲི་ཏ་ཁཱ་རཾ་ཁཱ་ཧི། །ཨོ་རྒྱན་སྤྲུལ་པའི་ཞིང་མཆོག་ནས། །སྟོང་ཉིད་ཡེ་ཤེས་མཁའ་འགྲོ་མ། །རྒྱལ་ཡུམ་རྡོ་རྗེ་ཕག་མོ་ལ། །སྨན་མཆོད༴ སརྦ་པཉྩ༴ འགྲོ་འདུལ་སྤྲུལ་སྐུའི་ཕོ་བྲང་ནས། །སྲིད་ཞི་ཀུན་ལ་དབང་སྒྱུར་བ། །རིག་འཛིན་པདྨ་འབྱུང་གནས་ལ། །སྨན་མཆོད༴ སརྦ་པཉྩ༴ གཉུག་མ་བདེ་ཆེན་ཕོ་བྲང་ནས། །མ་གཅིག་ཡེ་ཤེས་མཚོ་རྒྱལ་དང་། །མངའ་ཁྲི་སྲོང་ལྡེ་བཙན་ལ། །སྨན་མཆོད༴ སརྦ་པཉྩ༴ རྣམ་གྲོ་ཌཱ་ཀིའི་ཕོ་བྲང་ནས། །གཏེར་ཆེན་ཉི་མ་འོད་ཟེར་དང་། །སྲས་མཆོག་མི་བསྐྱོད་རྡོ་རྗེ། །སྨན་མཆོད་འབུལ་ལོ་དངོས༴ སརྦ་པཉྩ༴ གཏུལ་ཞུགས་རིག་པའི་ཕོ་བྲང་ནས། མཉམ་མེད་མདོ་བོ་རས་པ་དང་། །གྲུབ་ཐོབ་མེ་ལོང་རྡོ་རྗེ་ལ། །སྨན་མཆོད༴ སརྦ་པཉྩ༴ གང་འདུལ་དེར་སྣང་ཕོ་བྲང་ནས། །ཤེར་དབང་བློ་གྲོས་སེང་གེ་དང་། །ཡོན་རྡོར་རིན་ཆེན་དངོས་གྲུབ་ལ། །སྨན་མཆོད༴
སརྦ་པཉྩ༴ ཟབ་རྒྱས་ཆོས་གཏེར་ཕོ་བྲང་ནས། །པདྨས་དབང་བསྐུར་ཀུན་དགའི་མཚན། །སྤང་སྟོན་ཀུན་བཟང་དཔལ་འབྱོར་ལ། །སྨན་མཆོད༴ སརྦ་པཉྩ༴ ཆོས་བརྒྱད་རང་གྲོལ་ཕོ་བྲང་ནས། །གྲུབ་ཆེན་ཆོས་དབང་ལྷུན་གྲུབ་དང་། །གསང་བདག་ཕྲིན་ལས་ལྷུན་གྲུབ་ལ། །སྨན་མཆོད༴ སརྦ་པཉྩ༴ སྨིན་གྲོལ་ཆོས་ཀྱི་ཕོ་བྲང་ནས། །ཆོས་རྒྱལ་གཏེར་བདག་གླིང་པ་སོགས། །རྩ་བརྒྱུད་བླ་མ་ཐམས་ཅད་ལ། །སྨན་མཆོད༴ སརྦ་པཉྩ༴ ཉི་ཤུ་རྩ་བཞིའི་གནས་ཡུལ་ནས། །མི་ཤིགས་རྩ་དང་ཐིག་ལེའི་དངོས། དཔའ་བོ་མཁའ་གྲོ་རྒྱ་མཚོ་ལ། །སྨན་མཆོད༴ སརྦ་པཉྩ༴ དམ་ཚིག་གཉན་པོའི་ཕོ་བྲང་ནས། །ཐོགས་མེད་ཕྲིན་ལས་སྒྲུབ་མཛད་པ། །དམ་ཅན་ཆོས་སྐྱོང་སྲུང་མ་ལ། །སྨན་མཆོད་འབུལ་ལོ་དངོས་གྲུབ་སྩོལ། སརྦ་པཉྩ་ཨམྲི་ཏ་ཁ་རཾ་ཁཱ་ཧི། །