དྲེགས་པ་འདུལ་བའི་རྫས་ཆེན་བཅོ་བརྒྱད་སྦྱོར་བ།― RTZ044_Page_0547 ―
[མ་དཔེ་གཟིགས་ན་འདིར་གནོན།]
དྲེགས་པ་འདུལ་བའི་རྫས་ཆེན་བཅོ་བརྒྱད་སྦྱོར་བ། ཕྱག་རྡོར་ནས་བཤད་པ་དང་། བསྡེབས་ནས་བཤད་པ་གཉིས་ཀྱི། དང་པོ་ནི། གུ་གུལ་བོང་ང་ཤིང་ཀུན་གསུམ། །ཤུ་དག་གླ་རྩི་བ་བླ་གསུམ། །ལྡོང་རོས་མུ་ཟི་ཚུར་དཀར་གསུམ། །ཚུར་ནག་ཡུང་བ་མི་ལུད་གསུམ། །སྤྱང་བྲུན་ཉ་ཤ་ཕག་ཤ་གསུམ། ཁྱི་ལུད་སྤྲུ་ནག་དོར་རྟའི་གཞོབ། །ཅེས་སོ། །གཉིས་པ་བསྡེབས་ནས་བཤད་པ་ནི། བཙན་དུག་གུ་གུལ་སྦྲུལ་ནག་ཤ །མུ་ཟི་རྔ་མ་རྭ་རུའི་གཞོབ། །ར་དུག་རེ་ལྕག་སྤྱང་དུག་པ། །མི་ཚིལ་རྟ་ཚིལ་ཕག་ཚིལ་དང་། །རྟ་བོན་སྤྲུ་ནག་གྲི་ཁྲག་པ། ཁྱི་ནག་སྤྱང་ཀི་ར་རོག་ཁྲག །དེ་རྣམས་གང་འཛོམ་སྦྱར་བའི་རྫས། །མེ་ལ་བསྲེགས་ཏེ་བདུག་གྱུར་ན། །སྡེ་བརྒྱད་ཇི་ལྟར་ནུས་ཆེ་ཡང་། །སྐད་ངན་འབྱིན་ཅིང་འབྲོས་པར་འགྱུར། །འདྲེ་ཕྲན་ཕལ་པ་སྨྲོས་ཅི་དགོས། །རྫས་དུད་སྦྱོར་བ་ཁྱད་འཕགས་ལ། །ལུགས་ནི་གང་ཡིན་བྱས་པས་འགྲུབ། །ཐམས་ཅད་དགོས་པ་མ་ཡིན་ནོ། །རང་སྲུང་རྫས་དུད་སྦྱོར་བ་འདི། །ཉམ་ཆུང་རྡོ་རྗེའི་ཉམ་ལེན་ནོ། །ཨྠྀི།། །། |
