ཉང་གཏེར་ངག་འགྲོལ། མངའ་བདག་མྱང་།― RTZ047_Page_0687 ―
[མ་དཔེ་གཟིགས་ན་འདིར་གནོན།]
བཅོམ་ལྡན་འདས་གསུང་གི་དབང་ཕྱུག་ལ་ཕྱག་འཚལ་ལོ༔ རང་གི་ངག་མནན་པ་འགྲོལ་བ་ནི༔ རང་ཐ་མལ་གྱི་ལྕེ་ཏཾ་ནག་པོ་གཅིག་ཏུ་བསམ༔ ལྕེའི་དཀྱིལ་དུ་ལཾ་ནག་པོ་གཅིག་བསམ༔ དེ་ཡི་མཐའ་མར་རཾ་དམར་པོས་བསྐོར་བར་བསམ༔ དེ་ནས་རཾ་ལས་མེ་འབར་བས༔ ངག་མནན་གྱི་དངོས་པོ་ཐམས་ཅད་བསྲེགས་པར་བསམ༔ ལྕེ་མི་དམིགས་པ་ལས༔ དྷཱི་སེར་པོ་གཅིག་ཏུ་བསམ༔ དེ་ལས་འོད་ཟེར་འཕྲོས་པས༔ ཕྱོགས་བཅུ་དུས་གསུམ་གྱི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང༔ ཡེ་ཤེས་ཀྱི་ཁྲོ་བོ་ཐམས་ཅད་ཀྱི་གསུང་གི་ནུས་མཐུ་ཐམས་ཅད་བསྡུས་ནས༔ བདག་གི་ངག་ལ་ཐིམ་པས༔ བདག་ཉིད་གསུང་སྣང་བ་མཐའ་ཡས་སུ་བསམ༔ ལྕེ་རྡོ་རྗེ་རྩེ་དགུ་པ་པདྨ་རཱ་ག་ལས་གྲུབ་པ༔ ཁ་རླངས་ཐམས་ཅད་མེ་འབར་བར་བསམ་ཞིང༔ ཚྭ་ཚྭ་འཕྲོ་བ༔ ངག་ལ་གནོད་པར་བྱེད་པ་ཐམས་ཅད་ཧྲག་ཧྲག་བསྲེགས་པར་བསམ༔ རྡོ་རྗེའི་རྩེ་མོ་ལ་ཨོཾ་དཀར་པོ༔ ལྟེ་བ་ལ་ཨཱཿདམར་པོ༔ རྩ་བ་རུ་ཧཱུྃ་མཐིང་ནག་བསམ༔ ཡས་རྐན་ལ་ཀཱ་ལི༔ མས་རྐན་ལ་ཨཱ་ལིའི་འཁོར་ལོ་བསྐོར་བར་བསམ༔ ལྕེ་ལ་ཆོས་ཀྱི་སྒྲ་དི་རི་སྒྲོག་པར་བསམ་མོ༔ དེ་ནས་སྔགས་འདི་ཅི་རིགས་སུ་བཟླ༔ ཨོཾ་བཛྲ་རམ་བྷ་ཡཾ་ཧྱ་ཏུ་ ― RTZ047_Page_0688 ―
[མ་དཔེ་གཟིགས་ན་འདིར་གནོན།]
ཤན་དྷ་ཡ་སྭཱ་ཧཱ༔ འདིས་ནི་ཕྱག་ན་རྡོ་རྗེས་ངག་མནན་གྲོལ་བ་ལ་ཡང་ཐེ་ཚོམ་མེད་དོ༔ ཕྱིས་ནས་ཀྱི་བསྲུང་བར་ཡང་འགྱུར་རོ༔ ངག་འགྲོལ་བ་དང༔ ཕྱིས་ནས་ཀྱི་གནོད་པ་བསྲུང་བའི་ལེའུ་བཅུ་གཅིག་པའོ༔ ས་མ་ཡ༔ རྒྱ་རྒྱ་རྒྱ༔ སྐུའི་རྒྱ༔ གསུང་གི་རྒྱ༔ ཐུགས་ཀྱི་རྒྱ༔ རྒྱ་གསུམ་བཏབ་ནས༔ བྲག་སྲིན་མོ་སྦར་རྗེས་ཅན་ལ་སྦས་སོ༔ བདུད་བཙན་ཀླུ་གསུམ་གཏེར་སྲུང་བསྐོས་པའི་རྒྱ༔ རྒྱ༔རྒྱ༔རྒྱ༔ སྤྲུལ་སྐུ་མངའ་བདག་མྱང་གིས། ལྷོ་བྲག་སྲིན་མོ་སྦར་རྗེས་ཅན་གྱི་གཏེར་ནས་སྤྱན་དྲངས་པའོ།། །། |
