གནམ་ཆོས་ཐུགས་གཏེར་མིང་གི་མངོན་བརྗོད་ལས། མི་འགྱུར་རྡོ་རྗེ།

གནམ་ཆོས་ཐུགས་གཏེར་མིང་གི་མངོན་བརྗོད་ལས༔ ཀིང་ཀང་རིགས་བཅོ་ལྔའི་སྒྲུབ་ཐབས་ལས་ཀིང་ཀང་དམར་བྱེད་སྒྲུབ་པ་བཞུགས་སོ༔ ཧྱ་ཧྱ་ཧྱ༔ ན་མོ་ཡ་མཱནྟ་ཀ་རཀྟ་ཡེ༔ ཀིང་ཀང་དམར་བྱེད་སྒྲུབ་པ་ནི༔ དཀྱིལ་འཁོར་མེད་ཅིང་གཏོར་མ་མེད༔ བསྐྱེད་རིམ་རང་ཉིད་དམར་བྱེད་ནི༔ སྐུ་མདོག་དམར་པོ་ཞལ་གཅིག་པ༔ ཕྱག་གཉིས་ཕྱག་མཚན་འདི་ལྟར་རོ༔ རལ་གྲི་ཐོ་བ་ཕྱག་ན་འཛིན༔ དུར་ཁྲོད་ཆས་ཀྱིས་སྐུ་ལ་བརྒྱན༔ བསྐལ་པའི་མེ་དཔུང་ཀློང་ན་བཞུགས༔ དེ་ལྟར་བསྒོམས་ལ་སྔགས་འདི་བཟླ། ཨོཾ་ཀིང་ཀང་ཧཱུྃ་ཧཱུྃ་བྷིག་ནན༔ དེ་ཡིས་ཀིང་ཀང་དམར་བྱེད་འགྲུབ༔ ས་མ་ཡ༔ རྒྱ་རྒྱ་རྒྱ༔ ཁ་ཐཾ་གུ་ཧྱ༔ ཐུགས་ཀར་ཡ་དམར་སྔགས་ཀྱིས་བསྐོར་བ་བསྐྱེད༔ སྔགས་གྲངས་སྒྲུབ་པའི་གྲངས་ཀ་མེད༔ ས་མ་ཡ༔ རྒྱ་རྒྱ་རྒྱ༔ ཞེས་པ་སྤྲུལ་སྐུ་མི་འགྱུར་རྡོ་རྗེ་དགུང་ལོ་བཅུ་གསུམ་པ་བྱ་ལོ་རྒྱལ་ཟླ་བའི་བཅུ་དགུའི་ཉིན་གཤིན་རྗེ་དམར་བྱེད་ཉིད་ཀྱིས་དངོས་སུ་གསུངས་སོ།། །།འདིའི་དབང་གཟུངས་དབང་ལྟར་རོ།། །།