རྫོགས་པ་ཆེན་པོ་སྡེ་གསུམ་ལས་མྱོང་གྲོལ་རྫས་ཀྱི་སྒྲུབ་པ།

---

^{[མ་དཔེ་གཟིགས་ན་འདིར་གནོན།]}

རྫོགས་པ་ཆེན་པོ་སྡེ་གསུམ་ལས༔ མྱོང་གྲོལ་རྫས་ཀྱི་སྒྲུབ་པ་བཞུགས༔ ན་མོ་གུ་རུ༔ དམ་ཚིག་རྫས་མཆོག་ཨ་མྲྀཏ༔ མྱོང་གྲོལ་རྫས་ཀྱི་སྒྲུབ་པ་ནི༔ རྩ་བ་བརྒྱད་ལ་ཡན་ལག་སྟོང༔ ཁ་དོག་དྲི་དང་རོར་ལྡན་པའི༔ སྨན་རྣམས་ཐམས་ཅད་ཚོགས་པ་དང༔ བདུད་རྩི་འཁྱིལ་པའི་སྔགས་ཀྱིས་སྦྱངས༔ རང་བྱུང་བྷནྡྷའི་སྣོད་དུ་བསྩལ༔ དཀྱིལ་འཁོར་དབུས་སུ་བཞག་ནས་ཀྱང༔ ཁྲག་འཐུང་མངོན་རྫོགས་རྒྱལ་པོ་ཡི༔ དཀྱིལ་འཁོར་ཉིད་དུ་མཁས་པས་བརྟག༔ རྡོ་རྗེའི་སྔགས་ཀྱི་ཁྱད་པར་ནི༔ ཨཱོྃ་གུ་ཧྱ་ཛྙཱ་ན་ཨ་མྲྀཏ་སརྦ་པཉྩ་བི་ཤུདྡྷེ་ཧཱུྃ་ཧྲཱིཿཋཱ༔ འོད་དང་དུ་བ་སྒྲ་ལ་སོགས༔ ཁྱད་པར་ཅན་གྱི་རྟགས་བྱུང་ན༔ ལྷ་ཉིད་འོད་ཞུ་བདུད་རྩིར་བསམ༔ ཡེ་ཤེས་བརྟན་བཞུགས་ཤིས་པ་བརྗོད༔ རིན་ཆེན་པར་བུ་ཉིད་དུ་བཅང༔ མྱོང་གྲོལ་རྫས་ཀྱི་སྒྲུབ་པ་འོ༔ ས་མ་ཡ་རྒྱ་རྒྱ༔

---

^{[མ་དཔེ་གཟིགས་ན་འདིར་གནོན།]}

ཤོག་སྟོང་།