རྡོ་གྲུབ་བསྟན་པའི་ཉི་མའི་གསུང་འབུམ།

cover

རྡོ་གྲུབ་བསྟན་པའི་ཉི་མའི་གསུང་འབུམ།

གླེངས་བམ་གསུམ་པ།

རྡོ་གྲུབ་བསྟན་པའི་ཉི་མ།

Nitartha International

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

སངས་རྒྱས་དང་བྱང་ཆུབ་སེམས་དཔའི་མཚན་བྱིན་རླབས་ཅན་མང་པོ་མདོ་སྡེ་ལས་བཏུས་པ་ཐོས་པ་དོན་ལྡན་ངག་གི་རོལ་མོ།

― TN03_Page_0003 ―

^{[མ་དཔེ་གཟིགས་ན་འདིར་གནོན།]}

སངས་རྒྱས་དང་བྱང་ཆུབ་སེམས་དཔའི་མཚན་བྱིན་རླབས་ཅན་མང་པོ་མདོ་སྡེ་ལས་བཏུས་པ་ཐོས་པ་དོན་ལྡན་ངག་གི་རོལ་མོ་ཞེས་བྱ་བ་བཞུགས། །

― TN03_Page_0004 ―

^{[མ་དཔེ་གཟིགས་ན་འདིར་གནོན།]}

(༤)ན་མ་ཤཱཀྱ་མུ་ན་ཡེ། བཟོད་བཀའ་སྲིད་པའི་ཚ་གདུང་འཇིལ་བའི་སྨན། །བླ་མེད་ཡོན་ཏན་བདུད་རྩིའི་རྒྱུན་ཆགས་པ། །རྒྱལ་དབང་གྲགས་པ་ཀུན་དགའི་མེ་ཏོག་ཐོད། །གཙུག་ཏུ་བཅིངས་ནས་དོན་ལྡན་གཏམ་འདི་གླིང་། །དེ་ཡང་འཕགས་པ་ཞི་བ་ལྷས། དེ་བས་མགོན་པོ་སྤྱན་རས་གཟིགས། །ཐུགས་རྗེ་ཆེན་པོས་འགྲོ་བ་ཡི། །འཁོར་གྱི་འཇིགས་པའང་བསལ་བའི་ཕྱིར། །རང་གི་མཚན་ཡང་བྱིན་གྱིས་བརླབས། །ཞེས་གསུངས་པ་དང་ཚུལ་མཐུན་པར། །ཐུགས་རྗེ་ཆེན་པོའི་སྦྱངས་པ་རབ་ཀྱི་མཐར་ཕྱིན་པའི་སངས་རྒྱས་དང་བྱང་ཆུབ་སེམས་དཔའ་རྣམས་ནི་སྐད་ཅིག་ཙམ་ཡང་གདུལ་བྱའི་ཁམས་ཡལ་བར་མི་འདོར་ཞིང་། རྣམ་པ་སྣ་ཚོགས་ཀྱི་སྒོ་ནས་གཞན་གྱི་དོན་ལ་གཞོལ་བས། འཕགས་པའི་སྐྱེ་བོ་དང་ཕྲད་པའི་ལས་ཡོངས་སུ་གྲུབ་པ་རྣམས་སྐུ་དངོས་ཀྱི་མཛད་པ་དང་། བསོད་ནམས་ཀྱི་ཚོང་ཟོང་ལེགས་པར་མ་བསྒྲུབས་པའི་སེམས་ཅན་གཞན་རྣམས་ཀྱང་ཐ་ན་མཚན་ལན་གཅིག་

― TN03_Page_0005 ―

^{[མ་དཔེ་གཟིགས་ན་འདིར་གནོན།]}

(༥)རྣ་ལམ་དུ་ཐོས་པས་ཀྱང་མཐར་གྱིས་བླ་ན་མེད་པའི་བྱང་ཆུབ་ཏུ་ངེས་པར་འགྱུར་བ་ཚུན་ཆད་ཀྱི་ཕྲིན་ལས་ཚད་མེད་པས་རྗེས་སུ་འཛིན་པ་དུས་ལས་མི་ཡོལ་ལོ། །དེའི་ཕྱིར་མགོན་པོ་དེ་དག་གི་མཚན་གྱི་ཡི་གེ་འབྲུ་གཅིག་ཙམ་ཡང་རྣ་བར་ཐོས་པ་དང་། ཡིད་ལ་དྲན་པ་དང་། ངག་ཏུ་བརྗོད་པར་བྱེད་པ་ཐམས་ཅད་གཅིག་ཏུ་དགེ་ལ་དོན་ཡོད་པ་ཁོ་ན་ཡིན་ཏེ། ཆེན་པོ་རྣམས་ཀྱི་མཐུའི་ཁྱད་པར་བསམ་གྱིས་མི་ཁྱབ་པའི་ཕྱིར་ཏེ་སྤྲོས་པས་ཆོག་གོ །དོན་འདི་ལ་དགོངས་ནས་བཅོམ་ལྡན་འདས་ཀྱིས་མདོ་སྡེ་དུ་མར་དེ་བཞིན་གཤེགས་པའི་མཚན་མང་པོ་དང་། དེ་དག་གིས་བྱིན་གྱིས་རླབས་དང་། དེའི་རྒྱུ་མཚན་སྔོན་གྱི་ཁྱད་པར་མང་པོ་ལས་བརྩམས་ཏེ་རྒྱ་ཆེར་ཡང་དང་ཡང་དུ་བཀའ་སྩལ་པ་རྣམས་ཀྱི་ནང་ནས་རེ་ཞིག་ཆེ་ལོང་ཙམ་ཞིག་ནི་འདིར་ཡང་བཤད་པར་བྱ་བའི་ཆོས་སོ། །དེ་ནི་འདི་ལྟར་སེམས་ཅན་དགེ་བའི་རྩ་བ་ཡོངས་སུ་བསགས་པ་རྣམས་ཀྱང་གོང་ནས་གོང་དུ་ཁྱད་པར་ཆེན་པོ་

― TN03_Page_0006 ―

^{[མ་དཔེ་གཟིགས་ན་འདིར་གནོན།]}

(༦)ལ་སྦྱོར་ཞིང་། །དགེ་རྩ་དམན་པ་རྣམས་ཀྱི་རྒྱུད་ལ་ཡང་བསོད་ནམས་ཀྱི་ཕུང་པོ་མཐའ་ཡས་པ་སྒྲུབ་པའི་ཐབས། ངལ་བ་མང་པོ་ལ་མི་ལྟོས་པས་བརྩོན་འགྲུས་ཆུང་ངུར་གྱུར་པས་ལྷུར་ལེན་པར་འགྱུར་བ་ཡིན་ནོ། །དེ་ལ་བྱང་ཆུབ་སེམས་དཔའི་སྡེ་སྣོད་དེ་བཞིན་གཤེགས་པ་བདུན་གྱི་སྔོན་གྱི་སྨོན་ལམ་གྱི་ཁྱད་པར་རྒྱས་པ་ལས་བྱུང་བ་ནི། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཚན་ལེགས་པར་ཡོངས་བསྒྲགས་དཔལ་གྱི་རྒྱལ་པོ་དང་། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེ་དང་ཟླ་བ་དང་པདྨས་རབ་ཏུ་བརྒྱན་པ་མཁས་པ་གཟི་བརྗིད་སྒྲ་དབྱངས་ཀྱི་རྒྱལ་པོ་དང་། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཞེས་རྒྱ་ཆེར་ཀུན་ལ་སྦྱར་ཏེ་གསེར་བཟང་དྲི་མེད་རིན་ཆེན་སྣང་བརྟུལ་ཞུགས་གྲུབ་པ་དང་། དེ་བཞིན་གཤེགས་པ་མྱ་ངན་མེད་མཆོག་དཔལ་དང་། དེ་བཞིན་གཤེགས་པ་ཆོས་བསྒྲགས་རྒྱ་མཚོའི་དབྱངས་དང་། དེ་བཞིན་གཤེགས་པ་ཆོས་རྒྱ་མཚོ་མཆོག་གི་བློ་རྣམ་པར་རོལ་པ་མངོན་པར་མཁྱེན་པ་དང་། དེ་བཞིན་གཤེགས་པ་སྨན་གྱི་བླ་བཻ་ཌཱུརྱའི་འོད་ཀྱི་རྒྱལ་པོ་ཞེས་བྱ་བ་རྣམས་སོ། །དེ་བཞིན་གཤེགས་པ་ཡོན་ཏན་རིན་ཆེན་དཔག་ཏུ་མེད་པ་བཀོད་པའི་གཟི་བརྗིད་ཀྱི་རྒྱལ་པོ་ལྟ་བུ་དང་། དེ་བཞིན་གཤེགས་པ་ཡོན་ཏན་རིན་ཆེན་དཔལ་

― TN03_Page_0007 ―

^{[མ་དཔེ་གཟིགས་ན་འདིར་གནོན།]}

(༧)བཀོད་པའི་གཟི་བརྗིད་ཀྱི་རྒྱལ་པོ་ལྟ་བུ་དང་། དེ་བཞིན་གཤེགས་པ་ཆོས་ཐམས་ཅད་ལ་སྤོབས་པ་བཀོད་པའི་དཔལ་དང་། དེ་བཞིན་གཤེགས་པ་སྤོབས་པ་དཔག་མེད་བཀོད་པ་ཡང་དག་པར་སྤྱོད་པའི་བློ་དང་། དེ་བཞིན་གཤེགས་པ་འབྲུག་སྟོང་བསྒྲགས་པའི་སྒྲ་སྐད་ཀྱི་རྒྱལ་པོ་དང་། དེ་བཞིན་གཤེགས་པ་གསེར་མཆོག་འོད་དཔལ་དང་། དེ་བཞིན་གཤེགས་པ་གཟི་བརྗིད་ཀྱི་རྒྱལ་པོ་རྣམ་སྣང་དཔལ་སྣང་དང་། དེ་བཞིན་གཤེགས་པ་བསྐལ་པ་བྱེ་བ་གྲངས་མེད་པར་བྱང་ཆུབ་ཡང་དག་པར་བསྒྲུབས་པ་དང་། དེ་བཞིན་གཤེགས་པ་གསེར་བཟང་པོ་དང་། ནམ་མཁའ་ངེས་པར་སྒྲོགས་པ་བཀོད་པའི་འོད་དང་། དེ་བཞིན་གཤེགས་པ་ཆོས་ཐམས་ཅད་ཀྱི་ཚུལ་ལ་རྣམ་པར་འཕྲུལ་པའི་གཟི་བརྗིད་ཀྱི་འོད་ཅེས་བྱ་བའི་མཚན་རྣམས་ནི། བྱང་ཆུབ་སེམས་དཔའ་ཡོན་ཏན་རིན་ཆེན་མེ་ཏོག་ཀུན་ཏུ་རྒྱས་པས་ཞུས་པ་ལས་བཀའ་སྩལ་ཏོ། །དེ་བཞིན་གཤེགས་པ་འོད་དཔག་མེད་དང་། དེ་བཞིན་གཤེགས་པ་མི་འཁྲུགས་པ་དང་། དེ་བཞིན་གཤེགས་པ་རྡོ་རྗེ་སྙིང་པོས་རབ་ཏུ་འདུལ་བ་དང་། དེ་བཞིན་གཤེགས་པ་ཤིན་ཏུ་རྣམ་པར་གདོན་མི་ཟ་བར་པདྨོ་རབ་ཏུ་རྒྱས་པའི་སྐུ་དང་། དེ་བཞིན་གཤེགས་པ་ཆོས་ཀྱི་རྒྱལ་མཚན་དང་། དེ་བཞིན་གཤེགས་པ་སེངྒེ་དང་། དེ་བཞིན་གཤེགས་པ་རྣམ་པར་སྣང་མཛད་དང་། དེ་བཞིན་གཤེགས་པ་ཆོས་ཀྱི་འོད་

― TN03_Page_0008 ―

^{[མ་དཔེ་གཟིགས་ན་འདིར་གནོན།]}

(༨)ཟེར་རབ་ཏུ་རྒྱས་པའི་སྐུ་དང་། །དེ་བཞིན་གཤེགས་པ་མངོན་པར་ཤེས་པ་ཐམས་ཅད་བློ་གྲོས་འོད་ཟེར་རྒྱལ་པོ་དང་། དེ་བཞིན་གཤེགས་པ་ཟླ་བའི་ཐུགས་དང་། དེ་བཞིན་གཤེགས་པ་དཔལ་བཟང་པོ་ཞེས་བྱ་བའི་མཚན་རྣམས་ནི་དེ་བཞིན་གཤེགས་པ་རྣམས་ཀྱིས་སངས་རྒྱས་ཀྱི་ཞིང་གི་ཡོན་ཏན་བརྗོད་པའི་ཆོས་ཀྱི་རྣམ་གྲངས་ལས་གསུངས་སོ། །དེ་བཞིན་གཤེགས་པ་ཤིན་ཏུ་ཡོངས་བསྒྲགས་དཔལ་དང་། དེ་བཞིན་གཤེགས་པ་དབང་པོའི་ཏོག་གི་རྒྱལ་མཚན་གྱི་རྒྱལ་པོ་དང་། དེ་བཞིན་གཤེགས་པ་ཤིན་ཏུ་རྣམ་པར་གནོན་པ་གྲགས་མཆོག་དཔལ་དང་། དེ་བཞིན་གཤེགས་པ་གཡུལ་ལས་ཤིན་ཏུ་རྣམ་པར་རྒྱལ་བའི་རྩལ་དང་། དེ་བཞིན་གཤེགས་པ་ཡོན་ཏན་བཀོད་པའི་དཔལ་ཀུན་ཏུ་སྣང་བ་དང་། དེ་བཞིན་གཤེགས་པ་སྨན་གྱི་རྒྱལ་པོ་དཔལ་ཐོགས་པ་མེད་པ་དང་། དེ་བཞིན་གཤེགས་པ་རིན་པོ་ཆེའི་པདྨ་ལས་རྣམ་པར་གནོན་པས་བཞུད་པ་དང་། དེ་བཞིན་གཤེགས་པ་རིན་པོ་ཆེའི་པདྨ་ལ་རབ་ཏུ་གནས་པ་སཱ་ལའི་རྒྱལ་པོ་སྟེ་མཚན་འདི་དག་ནི་སངས་རྒྱས་བརྒྱུད་པའི་ཆོས་ཀྱི་རྣམ་གྲངས་ལས་གསུངས་སོ། །བྱང་ཆུབ་སེམས་དཔའ་རིན་ཆེན་དྲྭ་བ་ཅན་གྱིས་ཞུས་པ་ལས་ཀྱང་དེ་བཞིན་གཤེགས་པའི་མཚན་བརྗོད་པར་མཛད་དེ། དེ་བཞིན་གཤེགས་པ་རིན་ཆེན་འོད་ཟེར་ཟླ་བས་བརྒྱན་པ་མཁས་པའི་གཟི་བརྗིད་དབྱངས་ཀྱི་དབང་ཕྱུག་གི་རྒྱལ་པོ་དང་། དེ་བཞིན་གཤེགས་པ་མེ་ཏོག་གི་འོད་ཀྱི་རྣམ་པར་རོལ་པ་མངོན་པར་མཁྱེན་པ་དང་། དེ་བཞིན་གཤེགས་པ་མེ་ཏོག་རྒྱས་པ་སཱ་ལའི་རྒྱལ་པོ་དང་། དེ་བཞིན་གཤེགས་པ་ཟླ་བའི་དཀྱིལ་འཁོར་རྣམ་དག་དང་།

― TN03_Page_0009 ―

^{[མ་དཔེ་གཟིགས་ན་འདིར་གནོན།]}

(༩)དེ་བཞིན་གཤེགས་པ་རབ་ཏུ་ཞི་བ་མཁས་པའི་གཟི་བརྗིད་དབྱངས་ཀྱི་དབང་ཕྱུག་གི་རྒྱལ་པོ་དང་། དེ་བཞིན་གཤེགས་པ་བརྩོན་འགྲུས་གྲངས་མེད་པར་ཡང་དག་པར་རབ་ཏུ་གནས་པ་ཞེས་བྱ་བ་རྣམས་སོ། །རྒྱལ་པོའི་བུ་རིན་ཆེན་ཟླ་བས་ཞུས་པ་ལས་ཀྱང་གསུངས་ཏེ། དེ་བཞིན་གཤེགས་པ་དཔལ་བཟང་པོ་དང་། དེ་བཞིན་གཤེགས་པ་ཙནྡན་དཔལ་དང་། དེ་བཞིན་གཤེགས་པ་སྣང་བ་མཐའ་ཡས་དང་། དེ་བཞིན་གཤེགས་པ་མེ་ཏོག་གི་དཔལ་དང་། དེ་བཞིན་གཤེགས་པ་མྱ་ངན་མེད་པའི་དཔལ་དང་། དེ་བཞིན་གཤེགས་པ་རིན་པོ་ཆིའི་མཆོད་སྡོང་དང་། བདེ་བཞིན་གཤེགས་པ་མེ་ཏོག་དཔལ་དང་། དེ་བཞིན་གཤེགས་པ་མངོན་པར་ཤེས་པ་ཆུང་ངུ་དང་འབྲིང་དང་ཆེན་པོའི་རྣམ་པར་རོལ་པ་དང་། དེ་བཞིན་གཤེགས་པ་སྣང་བའི་དཔལ་དང་། དེ་བཞིན་གཤེགས་པ་ནོར་དཔལ་ཞེས་བྱ་བ་རྣམས་སོ། །སངས་རྒྱས་བདུན་པའི་མདོ་ལས་ཀྱང་གསུངས་ཏེ། །དེ་བཞིན་གཤེགས་པ་རྣམ་པར་གཟིགས་དང་། དེ་བཞིན་གཤེགས་པ་རིན་པོ་ཆེའི་གཙུག་ཏོར་ཅན་དང་། དེ་བཞིན་གཤེགས་པ་ཐམས་ཅད་སྐྱོ་བ་དང་། དེ་བཞིན་གཤེགས་པ་འཁོར་བ་འཇིགས་དང་། དེ་བཞིན་གཤེགས་པ་གསེར་ཐུབ་དང་། དེ་བཞིན་གཤེགས་པ་འོད་སྲུང་དང་། སྟོན་པ་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་རྣམས་སོ། །གཞན་ཡང་། དེ་བཞིན་གཤེགས་པ་ཏིང་ངེ་འཛིན་གླང་པོ་དམ་པའི་དཔལ་དང་། དེ་བཞིན་གཤེགས་པ་པདྨ་དམ་པའི་དཔལ་དང་། དེ་བཞིན་གཤེགས་པ་ཉི་མའི་

― TN03_Page_0010 ―

^{[མ་དཔེ་གཟིགས་ན་འདིར་གནོན།]}

(༡༠)དཀྱིལ་འཁོར་སྣང་བ་དམ་པའི་དཔལ་དང་། དེ་བཞིན་གཤེགས་པ་རིན་པོ་ཆེའི་གདུགས་གཅིག་པ་དམ་པ་དང་། དེ་བཞིན་གཤེགས་པ་ཏིང་ངེ་འཛིན་དམ་པ་རྣམ་པར་གནོན་པའི་དཔལ་དང་། དེ་བཞིན་གཤེགས་པ་རིན་པོ་ཆེའི་དཀྱིལ་འཁོར་གཟི་བརྗིད་ཀྱིས་མངོན་པར་འཕགས་པའི་རྒྱལ་པོའི་དཔལ་དང་། དེ་བཞིན་གཤེགས་པ་རིན་ཆེན་མེ་ཏོག་ཀུན་ཏུ་སྣང་བའི་དཔལ་དང་། དེ་བཞིན་གཤེགས་པ་རིན་པོ་ཆེའི་སྙིང་པོ་དང་། དེ་བཞིན་གཤེགས་པ་གོ་འཕང་མཐའ་ཡས་རྣམ་པར་གནོན་དང་། དེ་བཞིན་གཤེགས་པ་སྤོས་མཆོག་མཐའ་ཡས་རྒྱལ་པོ་དང་། དེ་བཞིན་གཤེགས་པ་རིན་ཆེན་དམ་པ་དང་། དེ་བཞིན་གཤེགས་པ་མཐུ་སྣང་ཆེ་དང་། དེ་བཞིན་གཤེགས་པ་རིན་པོ་ཆེ་དམ་པ་སྟེ་འདི་དག་ནི་མདོ་སྡེ་སངས་རྒྱས་ཀྱི་དབུ་རྒྱན་ལས་སྨོས་པ་རྣམས་སོ། །ཡང་དེ་བཞིན་གཤེགས་པ་ནམ་མཁའི་དཔལ་དྲི་མེད་རྡུལ་སེལ་རབ་མཛེས་ཡོན་ཏན་གྱི་ཏོག་གི་འོད་མེ་ཏོག་པདྨ་བཻཌཱུརྱའི་འོད་ཟེར་རིན་པོ་ཆེའི་གཟུགས་ལྟ་བུའི་སྐུ་དང་ལྡན་པ་སྤོས་མཆོག་དམ་པའི་མཆོད་པ་སྐུ་རྣམ་པར་སྤྲས་ཤིང་ལེགས་པར་བརྒྱན་པ་གཙུག་ཏོར་གྱི་གཙུག་ནས་ཉི་མའི་འོད་ཟེར་དཔག་མེད་ཟླ་འོད་སྨོན་ལམ་གྱིས་བརྒྱན་པ་རབ་སྤྲུལ་བཀོད་པ་ཆེན་པོ་ཆོས་ཀྱི་དབྱིངས་ལས་མངོན་འཕགས་ཆགས་མེད་རིན་ཆེན་རྒྱལ་པོ་དང་། དེ་བཞིན་གཤེགས་པ་ཆུ་ལྷ་གཞོན་ནུ་ཉི་མའི་སྒྲོན་མ་ཟླ་བའི་མེ་ཏོག་རིན་ཆེན་པདྨ་གསེར་སྡུག་ནམ་མཁའ་ལྟ་བུའི་སྐུ་ལྡན་རྣམ་པར་སྣང་མཛད་འོད་ཟེར་རབ་

― TN03_Page_0011 ―

^{[མ་དཔེ་གཟིགས་ན་འདིར་གནོན།]}

(༡༡)བརྒྱན་ཐོགས་མེད་འཁོར་ལོའི་དཀྱིལ་འཁོར་ཕྱོགས་བཅུར་འོད་ཟེར་རབ་འབྱིན་འཇིག་རྟེན་ཁམས་ཀུན་ཏུ་སྣང་བྱེད་ཏོག་གི་རྒྱལ་མཚན་རྒྱལ་པོ་དང་། དེ་བཞིན་གཤེགས་པ་བཀོད་པ་ཐམས་ཅད་དྲི་མེད་འོད་དང་། །དེ་བཞིན་གཤེགས་པ་སྤོབས་པའི་རྒྱན་ལ་དགོངས་པ་དང་། དེ་བཞིན་གཤེགས་པ་དྲི་མེད་ཟླ་བའི་ཏོག་གི་རྒྱལ་པོ་གྲགས་ལྡན་དང་། དེ་བཞིན་གཤེགས་པ་མེ་ཏོག་གི་བཀོད་པ་སྣང་བར་མཛད་པ་དང་། དེ་བཞིན་གཤེགས་པ་འོད་མཛད་དང་། དེ་བཞིན་གཤེགས་པ་རིན་པོ་ཆེ་མཆོག་གི་ཏོག་གྲགས་ལྡན་དང་། དེ་བཞིན་གཤེགས་པ་འཇིགས་མེད་རྣམ་པར་གཟིགས་དང་། དེ་བཞིན་གཤེགས་པ་འཇིགས་བྲལ་བག་ཚ་བ་མི་མངའ་སྤུ་ཟིང་མི་བྱེད་དང་། དེ་བཞིན་གཤེགས་པ་སེངྒེ་བསྒྱིངས་པའི་མིད་པ་དང་། དེ་བཞིན་གཤེགས་པ་གསེར་འོད་གཟི་བརྗིད་འཇིགས་བྲལ་རྒྱལ་པོ་ཞེས་བྱ་བ་རྣམས་ནི་སངས་རྒྱས་བཅུ་གཉིས་པའི་མདོ་སྡེ་ལས་གསུངས་སོ། །དེ་བཞིན་གཤེགས་པ་དོན་ཐམས་ཅད་གྲུབ་པ་ཞེས་བྱ་བའི་མཚན་ནི་འཕགས་པ་དཀོན་མཆོག་འབྱུང་གནས་ལས་བཀའ་སྩལ་ཏོ། །དེ་བཞིན་གཤེགས་པ་གསེར་འོད་སེངྒེ་རྣམ་པར་རོལ་པའི་རྒྱལ་པོ་དང་། དེ་བཞིན་གཤེགས་པ་འོད་ཟེར་ཀུན་ནས་འཕགས་པའི་དཔལ་བརྩེགས་རྒྱལ་པོ་དང་། དེ་བཞིན་གཤེགས་པ་ཡོན་ཏན་ཤིན་ཏུ་གནས་པ་ནོར་བུ་བརྩེགས་པའི་རྒྱལ་པོ་ཞེས་བྱ་བ་རྣམས་ནི་འཕགས་པ་སྒྱུ་མ་ལྟ་བུའི་ཏིང་ངེ་འཛིན་ལས་གསུངས་སོ། །དེ་བཞིན་གཤེགས་པ་ཀུན་ཏུ་

― TN03_Page_0012 ―

^{[མ་དཔེ་གཟིགས་ན་འདིར་གནོན།]}

(༡༢)གཟིགས་པའི་མཚན་ནི་འཇམ་དཔལ་གྱི་ཞིང་ཁམས་བཀོད་པ་ལས་གསུངས་སོ། །དེ་བཞིན་གཤེགས་པ་དྲི་མ་མེད་པར་འབར་བ་རིན་ཆེན་གསེར་གྱི་འོད་ཟེར་སྣང་བའི་ཏོག་དང་། དེ་བཞིན་གཤེགས་པ་འཛམ་བུ་གསེར་གྱི་རྒྱལ་མཚན་གསེར་དུ་སྣང་བ་དང་། དེ་བཞིན་གཤེགས་པ་གསེར་དུ་སྣང་བའི་སྙིང་པོ་དང་། དེ་བཞིན་གཤེགས་པ་ཉི་མ་བརྒྱའི་འོད་ཟེར་སྣང་བའི་སྙིང་པོ་དང་། དེ་བཞིན་གཤེགས་པ་གསེར་རི་རིན་ཆེན་འབྱུང་གནས་གདུགས་བརྩེགས་དང་། དེ་བཞིན་གཤེགས་པ་གསེར་གྱི་མེ་ཏོག་འབར་བའི་འོད་ཟེར་གྱི་ཏོག་དང་། དེ་བཞིན་གཤེགས་པ་སྒྲོན་མ་ཆེན་པོ་དང་། །དེ་བཞིན་གཤེགས་པ་རིན་པོ་ཆེའི་ཏོག་དང་། དེ་བཞིན་གཤེགས་པ་རྔ་སྒྲ་ལ་སོགས་པ་ནི་གསེར་འོད་དམ་པའི་མདོ་སྡེ་ལས་གསུངས་སོ། །དེ་ནས་ཕྱོགས་བཅུའི་མུན་པ་རྣམ་པར་སེལ་བའི་ཆོས་ཀྱི་རྣམ་གྲངས་ལས་གསུངས་པ་ཡང་བརྗོད་པར་བྱ་སྟེ། འདི་ལྟར་དེ་བཞིན་གཤེགས་པ་རྗེས་སྤྱོད་དང་། དེ་བཞིན་གཤེགས་པ་སེམས་དང་པོ་བསྐྱེད་པ་ཡིད་ལ་མཛད་པ་རྣམ་གྲངས་བསྙེངས་པ་དང་བག་ཚ་བ་དང་བྲལ་བས་མངོན་པར་འཕགས་པའི་རྒྱལ་པོ་དང་། དེ་བཞིན་གཤེགས་པ་ཁོན་དང་རྒྱགས་པ་རྣམ་པར་གནོན་པ་དང་། དེ་བཞིན་གཤེགས་པ་རིན་ཆེན་གཟུགས་བཀོད་འོད་གནོན་དང་། དེ་བཞིན་གཤེགས་པ་བདུད་དང་ཡིད་གཉིས་ཀུན་འཇོམས་རྣམ་གནོན་དང་། དེ་བཞིན་གཤེགས་པ་སེམས་དང་པོ་བསྐྱེད་པས་ཕྱིར་མི་ལྡོག་པའི་འཁོར་

― TN03_Page_0013 ―

^{[མ་དཔེ་གཟིགས་ན་འདིར་གནོན།]}

(༡༣)ལོ་འབྱུང་བའི་དཔལ་དང་། དེ་བཞིན་གཤེགས་པ་རིན་ཆེན་གདུགས་འཕགས་སྣང་དང་། དེ་བཞིན་གཤེགས་པ་བྱང་ཆུབ་སེམས་དཔའ་འདུལ་བ་དང་། དེ་བཞིན་གཤེགས་པ་སྐྲག་མེད་མུན་བྲལ་ཏིང་ངེ་འཛིན་མངོན་འཕགས་རྒྱལ་པོ་དང་། དེ་བཞིན་གཤེགས་པ་དང་པོ་སེམས་བསྐྱེད་ཐེ་ཚོམ་གཅོད་མཛད་ཉོན་མོངས་བསྐྱོད་ཅེས་བྱ་བ་དག་གོ །འཕགས་པ་བཀྲ་ཤིས་བརྒྱད་པ་ལས་ཀྱང་བཀའ་སྩལ་པ་ནི། དེ་བཞིན་གཤེགས་པ་སྒྲོན་མའི་རྒྱལ་པོ་དང་། དེ་བཞིན་གཤེགས་པ་རྩལ་བརྟན་དོན་གྲུབ་དགོངས་པ་དང་། དེ་བཞིན་གཤེགས་པ་ཀུན་ལ་དགོངས་པ་རྒྱ་ཆེར་གྲགས་པ་ཅན་དང་། དེ་བཞིན་གཤེགས་པ་བྱམས་པའི་རྒྱན་གྱི་དཔལ་དང་། དེ་བཞིན་གཤེགས་པ་དགེ་བར་གྲགས་པ་དཔལ་དམ་པ་དང་། དེ་བཞིན་གཤེགས་པ་ལྷུན་པོ་ལྟར་འཕགས་པ་རྩལ་རབ་གྲགས་པའི་དཔལ་དང་། དེ་བཞིན་གཤེགས་པ་སེམས་ཅན་ཐམས་ཅད་ལ་དགོངས་པ་གྲགས་པའི་དཔལ་དང་། དེ་བཞིན་གཤེགས་པ་ཡིད་ཚིམ་པར་མཛད་པ་རྩལ་རབ་གྲགས་པའི་དཔལ་ཞེས་བྱ་བ་རྣམས་སོ། །དེ་དག་ཀྱང་བརྗོད་བྱའི་གཙོ་བོ་ཙམ་ཞིག་སྨོས་པ་ཡིན་གྱི་རྣམ་པ་གཞན་དུ་ན། ཤར་ཕྱོགས་སུ་སངས་རྒྱས་ཀྱི་ཞིང་གཞན་གྱིས་མི་ཐུབ་པ་ན་བཞུགས་པའི་དེ་བཞིན་གཤེགས་པ་མཚན་ལེགས་པ་ཡོངས་གྲགས་དཔལ་གྱི་རྒྱལ་པོ་ཞབས་རིང་བ་བྱང་ཆུབ་སེམས་དཔའི་དགེ་འདུན་གྲངས་མེད་པ་དང་

― TN03_Page_0014 ―

^{[མ་དཔེ་གཟིགས་ན་འདིར་གནོན།]}

(༡༤)བཅས་པ་ཞེས་བྱ་བ་ལ་སོགས་པ་རྒྱས་པར་མདོ་སྡེ་ལས་འབྱུང་བ་བཞིན་དུ་བརྗོད་པར་བྱའོ། །དེ་བཞིན་གཤེགས་པའི་མཚན་དེ་ལྟར་བཤད་ནས། སླར་ཡང་བྱང་ཆུབ་སེམས་དཔའ་སྨོན་ལམ་གྱི་སྟོབས་ཅན་འགའ་ཞིག་གི་མཚན་བརྗོད་པ་ལ་འཇུག་སྟེ། དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་འཇམ་དཔལ་གཞོན་ནུར་གྱུར་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་དང་། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་ཞེས་རྒྱ་ཆེར་ཀུན་ལ་སྦྱར་ཏེ་ལག་ན་རྡོ་རྗེ་དང་། བྱང་ཆུབ་སེམས་དཔའ་ས་ཡི་སྙིང་པོ་དང་། བྱང་ཆུབ་སེམས་དཔའ་སྒྲིབ་པ་ཐམས་ཅད་རྣམ་པར་སེལ་བ་དང་། བྱང་ཆུབ་སེམས་དཔའ་ནམ་མཁའི་སྙིང་པོ་དང་། བྱང་ཆུབ་སེམས་དཔའ་བྱམས་པ་དང་། བྱང་ཆུབ་སེམས་དཔའ་ཀུན་ཏུ་བཟང་པོ་རྣམས་ནི་དཀྱིལ་འཁོར་བརྒྱད་པའི་ཆོས་ཀྱི་རྣམས་གྲངས་ལས་བཀའ་སྩལ་ཞིང་བྱང་ཆུབ་སེམས་དཔའི་སྡེ་སྣོད་ཚད་མེད་པ་རྣམས་སུ་བསྔགས་པ་རྒྱ་ཆེར་གསུངས་པ་དག་གོ །བྱང་ཆུབ་སེམས་དཔའ་འོད་ཀྱི་ཏོག་དང་། བྱང་ཆུབ་སེམས་དཔའ་ཡེ་ཤེས་བླ་མ་དང་། བྱང་ཆུབ་སེམས་དཔའ་ཞི་བའི་དབང་པོ་དང་། བྱང་ཆུབ་སེམས་དཔའ་སྨོན་ལམ་བློ་གྲོས་ཞེས་བྱ་བ་རྣམས་ནི་འཇམ་དཔལ་གྱི་ཞིང་བཀོད་པ་ལས་གསུངས་སོ། །བྱང་ཆུབ་སེམས་དཔའ་སྤྱོད་པ་ཁྱད་པར་ཅན་དང་། བྱང་ཆུབ་སེམས་དཔའ་སྤྱོད་པ་མཐའ་ཡས་དང་། བྱང་ཆུབ་སེམས་དཔའ་སྤྱོད་པ་རྣམ་

― TN03_Page_0015 ―

^{[མ་དཔེ་གཟིགས་ན་འདིར་གནོན།]}

(༡༥)དག་དང་། བྱང་ཆུབ་སེམས་དཔའ་སྤྱོད་པ་བརྟན་པ་དང་། བྱང་ཆུབ་སེམས་དཔའ་སྨན་གྱི་རྒྱལ་པོ་དང་། བྱང་ཆུབ་སེམས་དཔའ་སྨན་ཡང་དག་འཕགས་དང་། བྱང་ཆུབ་སེམས་དཔའ་སང་སང་པོའི་དབྱངས་ལ་སོགས་པའི་བསྔགས་པ་ནི་དམ་པའི་ཆོས་པདྨ་དཀར་པོ་ལས་གསུངས་སོ། །བྱང་ཆུབ་སེམས་དཔའ་མཛེས་པའི་ཏོག་དང་། བྱང་ཆུབ་སེམས་དཔའ་གསེར་འོད་དམ་པ་དང་། བྱང་ཆུབ་སེམས་དཔའ་གསེར་གྱི་སྙིང་པོ་དང་། བྱང་ཆུབ་སེམས་དཔའ་རྟག་ཏུ་དུ་དང་། བྱང་ཆུབ་སེམས་དཔའ་ཆོས་འཕགས་ཞེས་བྱ་བའི་མཚན་རྣམས་ནི་གསེར་འོད་དམ་པ་ལས་གསུངས་སོ། །བྱང་ཆུབ་སེམས་དཔའ་རྡུལ་མེད་རྣམ་པར་གནོན་པ་དང་། བྱང་ཆུབ་སེམས་དཔའ་ལག་ན་པདྨ་དང་། བྱང་ཆུབ་སེམས་དཔའ་ཉི་འོད་ཅེས་བྱ་བ་ནི་སངས་རྒྱས་ཀྱི་དབུ་རྒྱན་ལས་གསུངས་པ་རྣམས་སོ། །བྱང་ཆུབ་སེམས་དཔའ་ཀུན་ཏུ་སྣང་བའི་མཛོད་ཀྱི་སྙིང་པོས་བྱུང་བ་དང་། བྱང་ཆུབ་སེམས་དཔའ་ཟབ་མོའི་མཛོད་ཀྱི་སྙིང་པོས་བྱུང་བ་དང་། བྱང་ཆུབ་སེམས་དཔའ་དཔལ་གྱི་གཟི་བརྗིད་ཀྱི་མཛོད་ཀྱི་སྙིང་པོས་བྱུང་བ་དང་། བྱང་ཆུབ་སེམས་དཔའ་སྤྲིན་སྒྲ་ཟབ་མོ་རྣམ་པ་ཐ་དད་པའི་མཛོད་ཀྱི་སྙིང་པོས་བྱུང་བ་དང་། བྱང་ཆུབ་སེམས་དཔའ་རྡོ་རྗེ་མི་ཕྱེད་པའི་གཙུག་གི་མཛོད་ཀྱི་སྙིང་པོས་བྱུང་བ་དང་། བྱང་ཆུབ་སེམས་དཔའ་ངག་གི་ལམ་མི་གཡོ་བར་ཀུན་ཏུ་འགྲོ་བའི་འོད་ཟེར་སྣང་བའི་གཟི་བརྗིད་ཀྱི་མཛོད་ཀྱི་སྙིང་པོས་བྱུང་བ་དང་།

― TN03_Page_0016 ―

^{[མ་དཔེ་གཟིགས་ན་འདིར་གནོན།]}

(༡༦)བྱང་ཆུབ་སེམས་དཔའ་གྲགས་པ་སྙན་པ་ཀུན་ཏུ་རྣམ་པར་གྲགས་པའི་འོད་ཀྱི་གཟི་བརྗིད་ཀྱི་མཛོད་ཀྱི་སྙིང་པོས་བྱུང་བ་དང་། བྱང་ཆུབ་སེམས་དཔའ་རིའི་རྒྱལ་པོ་མི་གཡོ་བའི་འོད་ཟེར་སྣང་བའི་གཟི་བརྗིད་ཀྱི་མཛོད་ཀྱི་སྙིང་པོས་བྱུང་བ་དང་། བྱང་ཆུབ་སེམས་དཔའ་ཀུན་ནས་བལྟ་བའི་གཟུགས་རྣམ་པར་དམིགས་པའི་འོད་ཟེར་གྱི་རྒྱལ་པོ་སྣང་བའི་གཟི་བརྗིད་ཀྱི་སྙིང་པོས་བྱུང་བ་དང་། བྱང་ཆུབ་སེམས་དཔའ་སྟོབས་བཅུ་རྣམ་པར་དག་པ་ཐུབ་པ་མེད་པའི་འོད་ཟེར་སྣང་བའི་གཟི་བརྗིད་ཀྱི་སྙིང་པོས་བྱུང་བ་སྟེ་འདི་དག་ནི་ཀུན་ཏུ་བཟང་པོས་བསྟན་པ་ཤིན་ཏུ་རྒྱས་པ་ཆེན་པོའི་སྡེ་སྣོད་ལས་གསུངས་སོ། །བྱང་ཆུབ་སེམས་དཔའ་བློ་གྲོས་རྒྱ་མཚོ་དང་། བྱང་ཆུབ་སེམས་དཔའ་མཐུ་ཆེན་ཐོབ་དང་། བྱང་ཆུབ་སེམས་དཔའ་ལག་ན་རིན་པོ་ཆེ་དང་། བྱང་ཆུབ་སེམས་དཔའ་གཙུག་ན་རིན་པོ་ཆེ་དང་། བྱང་ཆུབ་སེམས་དཔའ་རྡོ་རྗེ་རྒྱལ་མཚན་དང་། བྱང་ཆུབ་སེམས་དཔའ་རྡོ་རྗེ་སྙིང་པོ་དང་། བྱང་ཆུབ་སེམས་དཔའ་ཆོས་ཀྱི་བློ་གྲོས་དང་། བྱང་ཆུབ་སེམས་དཔའ་བཟང་པོའི་དཔལ་དང་། བྱང་ཆུབ་སེམས་དཔའ་ཟླ་འོད་གཞོན་ནུར་གྱུར་པ་དང་། བྱང་ཆུབ་སེམས་དཔའ་བཟང་སྐྱོང་དང་། བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་དང་། བྱང་ཆུབ་སེམས་དཔའ་ནམ་མཁའི་མཛོད་དང་། བྱང་ཆུབ་སེམས་དཔའ་སངས་རྒྱས་བློ་གྲོས་མངོན་སུམ་དང་། བྱང་ཆུབ་སེམས་དཔའ་བུད་མེད་འགྱུར་བ་དང་། བྱང་ཆུབ་

― TN03_Page_0017 ―

^{[མ་དཔེ་གཟིགས་ན་འདིར་གནོན།]}

(༡༧)སེམས་དཔའ་སྤོས་ཀྱི་གླང་པོ་དང་། བྱང་ཆུབ་སེམས་དཔའ་ཉི་མ་ལྟར་སྣང་བྱེད་དང་། བྱང་ཆུབ་སེམས་དཔའ་ཟླ་བ་ལྟར་གསལ་བྱེད་དང་། བྱང་ཆུབ་སེམས་དཔའ་རིན་ཆེན་ཕྱིན་དང་། བྱང་ཆུབ་སེམས་དཔའ་དྲི་མ་མེད་པར་གྲགས་པ་དང་། བྱང་ཆུབ་སེམས་དཔའ་བློ་གྲོས་མི་ཟད་པ་དང་། བྱང་ཆུབ་སེམས་དཔའ་སོར་མོའི་ཕྲེང་བ་དང་། བྱང་ཆུབ་སེམས་དཔའ་དྲྭ་བ་ཅན་གྱི་འོད་དང་། བྱང་ཆུབ་སེམས་དཔའ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་སྐོར་བ་དང་། བྱང་ཆུབ་སེམས་དཔའ་ནོར་བཟང་དང་། བྱང་ཆུབ་སེམས་དཔའ་གཟུངས་ཀྱི་དབང་ཕྱུག་རྒྱལ་པོ་དང་། བྱང་ཆུབ་སེམས་དཔའ་ལྷའི་ཅོད་པ་ལ་སོགས་པ་གཞན་ཡང་རྒྱལ་བའི་སྲས་ཀྱི་འདུས་པའི་ནང་ན་གཙོ་བོར་སྨོས་པ་རྣམས་མདོ་སྡེའི་གླེང་གཞི་དང་ཕྱོགས་བཅུའི་བྱང་ཆུབ་སེམས་དཔའ་འདུས་པའི་དགའ་སྟོན་ལ་རྩེ་བའི་སྐབས་རྣམས་སུ་ཤེས་པར་བྱ་སྟེ་འདིར་ནི་ཕྱོགས་ཙམ་ཞིག་བཤད་དོ། །དེ་ལྟར་སངས་རྒྱས་དང་བྱང་ཆུབ་སེམས་དཔའི་མཚན་རིན་ཐང་མེད་པའི་རིན་པོ་ཆེའི་མཆོག་འདི་དག་ལ་བརྟེན་ནས། བསོད་ནམས་ཀྱི་འབྱོར་པ་རྒྱ་ཆེན་པོ་སྒྲུབ་པའི་ཚུལ་ཡང་ཇི་ལྟ་བུ་ཞེ་ན། མཚན་དེ་དག་ཐོས་ནས་ལེན་ཅིང་འཛིན་ལ་ཀློག་ཅིང་ཀུན་ཆུབ་པར་བྱེད་དེ་འཇུག་པར་བྱེད་ཅིང་གཞན་དག་ལ་རྒྱ་ཆེར་ཡང་དག་པར་རབ་ཏུ་སྟོན་ན་ཞེས་མདོ་སྡེ་ལས་གསུངས་ཤིང་། དེ་མ་ཟད་མཚན་དེ་དག་ཐོས་པ་ཙམ་དང་བརྗོད་པ་ཙམ་ལའང་སྦྱར་ནས་ཕན་ཡོན་རྒྱ་ཆེར་གསུངས་སོ། །དེས་ན་ཡན་ལག་གི་བྱ་བ་མང་པོ་དང་མ་འབྲེལ་ན་ཡང་མཚན་ཙམ་བརྗོད་པས་དགོས་པ་མི་འགྲུབ་པ་མིན་མོད། ཕྱག་མཆོད་ལ་

― TN03_Page_0018 ―

^{[མ་དཔེ་གཟིགས་ན་འདིར་གནོན།]}

(༡༨)སོགས་པའི་ཚོགས་བསགས་དང་སྦྲེལ་ནས་བརྗོད་ན་སྟོབས་ཆེ་སྟེ། སངས་རྒྱས་བཅུ་གཉིས་པ་དང་། དཔང་ཀོང་ཕྱག་རྒྱ་པ་ལ་སོགས་པ་མཐོང་བ་ལས་ཤེས་སོ། །འཇུག་པ་བདེ་བར་སྨོས་ན། བཟང་པོ་སྤྱོད་པའི་ཕྱག་འཚལ་གྱི་ཚིགས་སུ་བཅད་པ་བཞིའི་རྗེས་ལ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཞེས་ཐོག་མ་དང་ཕྱག་འཚལ་ལོ་མཆོད་དོ་སྐྱབས་སུ་མཆིའོ་ཞེས་ཐ་མར་སྦྱར་ཏེ་ལན་བདུན་ལ་སོགས་པ་བརྗོད་ཅིང་བྱང་ཆུབ་སེམས་དཔའ་རྣམས་ལ་ཡང་རིགས་པ་བགྲེ། དེ་ནས་མཆོད་པ་ནས་བརྩམས་ཏེ་འོད་དཔག་མེད་པའི་གནས་རབ་ཐོབ་པར་ཤོག་ཅེས་པའི་མཐར་ཐུག་གི་བར་དུ་བརྗོད་ཅིང་དོན་ཡིད་ལ་དྲན་པར་བྱའོ། །དེའང་སྔ་དྲོ་ལ་སོགས་པའི་དུས་གསུམ་དུ་བྱ་བར་རིན་ཆེན་ཟླ་བས་ཞུས་པ་ལས་གསུངས་ཤིང་། སངས་རྒྱས་བཅུ་གཉིས་པའི་མདོ་ལས། ཉིན་ཞག་བདུན་དུ་ཚང་བར་ནི། །མཚན་རྣམས་འདི་དག་འཛིན་བྱེད་ན། །གང་གིས་འདྲེན་རྣམས་མཐོང་འགྱུར་བའི། །རྒྱ་ཆེན་མིག་ནི་སྦྱང་བར་འགྱུར། །ཞེས་ཉིན་ཞག་གི་གྲངས་ཚད་ཀྱང་གསུངས་སོ། །འདིར་ཕན་ཡོན་གྱི་རིམ་པ་ནི། མདོ་སྡེ་བརྒྱད་བརྒྱ་པར་དེ་བཞིན་གཤེགས་པ་བདུན་གྱི་ཁྱད་པར་བཞི་བཅུ་རྩ་བཞི་གསུངས་པ་དང་། ལི་ཙ་བིས་ཞུས་པར། གང་གིས་སྐྱོབ་པའི་མཚན་ནི་བཟུང་བྱས་ན། །དེ་ལ་བྱང་ཆུབ་དམ་པ་རྙེད་སླ་ཞིང་། །བདེ་བར་གཤེགས་པའི་ཡོན་ཏན་གཞན་རྣམས་དང་། །ཡོན་ཏན་དྲི་མེད་འདི་དག་མིས་འཐོབ་འགྱུར། ཞེས་སོགས་གཙོ་བོའི་ཡོན་ཏན་ངེས་ལེགས་དང་དེའི་ཆ་ལག་ཏུ། རྒྱལ་བ་དེའི་མཚན་ནི་སུས་བཟུང་བ། །མེ་དང་ཆུ་དང་དུག་གིས་མི་འཆི་ཞིང་། །འདི་ལ་མཚོན་གྱིས་མི་ཚུགས་མཁས་པ་དག །མངལ་དུ་མི་སྐྱེ་གཟུངས་རྣམས་མི་དེས་འཐོབ། །ཅེས་སོགས་

― TN03_Page_0019 ―

^{[མ་དཔེ་གཟིགས་ན་འདིར་གནོན།]}

(༡༩)མངོན་མཐོའི་ཡོན་ཏན་ལས་བརྩམས་ཏེ་རྒྱ་ཆེར་བཀའ་སྩལ་པ་དང་། བསམ་གྱིས་མི་ཁྱབ་པའི་རྒྱལ་པོའི་མདོར། མཚན་འདི་དག་ཐོས་པའི་བྱང་ཆུབ་སེམས་དཔའ་འཆི་བའི་ཚེ་ན་རབ་འབྱམས་རྒྱ་མཚོའི་སངས་རྒྱས་བཅོམ་ལྡན་འདས་རྣམས་མདུན་ན་མངོན་སུམ་དུ་བཞུགས་པ་མཐོང་བར་གསུངས་པ་དང་། སངས་རྒྱས་བརྒྱད་པའི་ཆོས་ཀྱི་རྣམས་གྲངས་ལས། འཇིག་རྟེན་མགོན་པོ་དེ་དག་གི །མཚན་རྣམས་འཛིན་པར་བྱེད་པ་ནི། །མི་ཁོམས་ཐམས་ཅད་ཡོངས་སྤངས་ནས། །མྱུར་དུ་བཟང་འགྲོར་འགྲོ་བར་འགྱུར། །ཞེས་པ་ནས། གྲགས་ལྡན་རྣམས་ཀྱི་མཚན་ཐོས་ནས། །དེ་དག་དཔའ་ཞིང་ཤེས་རབ་ཆེ། །འཇིག་རྟེན་མི་མཆོག་སངས་རྒྱས་འགྱུར། །ཞེས་པའི་བར་དུ་གསུངས་པ་དང་། །རིན་ཆེན་དྲྭ་བ་ཅན་གྱིས་ཞུས་པར་གསུངས་པའི་ཕན་ཡོན་ཀྱང་མདོར་བསྡུ་ན་གང་ཐོས་པ་ཙམ་གྱིས་བྱང་ཆུབ་སེམས་དཔའ་རྣམས་བླ་ན་མེད་པའི་བྱང་ཆུབ་ཏུ་ངེས་པར་འགྱུར་བ་དང་། ཚེ་རབས་དྲན་པ་དང་། སེར་སྣའི་སེམས་དང་ལྷན་ཅིག་མི་གནས་པ་དང་། བྱང་ཆུབ་སེམས་དཔའི་འཁོར་གྱིས་མཛེས་པ་དང་། ཡོན་ཏན་གྲངས་མེད་པ་མང་པོས་ཀྱང་ཡོངས་སུ་འཛིན་པ་དང་། སངས་རྒྱས་ཐམས་ཅད་དགྱེས་པར་བགྱིད་པ་དང་། སེམས་ཅན་ཐམས་ཅད་ཚིམ་པར་བགྱིད་པ་དང་། བདུད་ཐམས་ཅད་སྐྲག་པར་བགྱིད་པ་དང་། སངས་རྒྱས་ཀྱི་ཞིང་ཐམས་ཅད་སྦྱོང་བ་དང་། སེམས་ཅན་ཐམས་ཅད་སེམས་ཀྱི་དྲི་མ་སེལ་ཞིང་། དེ་དག་ཆོས་དཀར་པོ་རྣམས་ལ་འཇོག་པ་དང་། སངས་རྒྱས་དང་བྱང་ཆུབ་སེམས་དཔའ་དང་ལྷ་རྣམས་ཀྱིས་སྲུང་བ་མཛད་པ་ལ་སོགས་པར་འགྱུར་བའི་དེ་བཞིན་གཤེགས་པའི་མཚན་དེ་དག་གང་ལགས་ཞེས་དྲིས་ནས་སྟོན་པས་སྔར་བཤད་པ་རྣམས་ཀྱི་སྒོ་ནས་ལན་བཏབ་པ་ཡིན་པར་ཤེས་པར་སྣང་བ་དང་།

― TN03_Page_0020 ―

^{[མ་དཔེ་གཟིགས་ན་འདིར་གནོན།]}

(༢༠)རིན་ཆེན་ཟླ་བས་ཞུས་པ་ལས། འཇིག་རྟེན་མགོན་པོ་དེ་རྣམས་ཀྱི། །མཚན་ནི་གང་ཞིག་འཛིན་བྱེད་པ། །མ་འོངས་དུས་ན་དེ་དག་ཀུན། །རྐང་གཉིས་རྣམས་ཀྱི་མཆོག་ཏུ་འགྱུར། །ཞེས་སོགས་མཐར་ཐུག་གི་ཡོན་ཏན་དང་། གང་ཞིག་སྐྱོབ་པ་དེ་དག་གི །མཚན་འདི་དག་ནི་འཛིན་འདི་ལ། །མེ་དང་ཆོམ་རྐུན་དུག་རྣམས་དང་། །མཚན་གྱིས་ཚུགས་པར་མི་འགྱུར་རོ། །ཞེས་སོགས་གནས་སྐབས་ཀྱི་ཡོན་ཏན་ལས་བརྩམས་ཏེ་བཀའ་སྩལ་པ་དང་། དེ་བཞིན་གཤེགས་པ་གཙུག་ཏོར་ཅན་གྱི་མཚན་ཐོས་པའི་ཡོན་ཏན་གསེར་འོད་དམ་པའི་མདོ་སྡེར་གསུངས་པ་དང་། སྟོན་པ་ཤཱཀྱ་ཐུབ་པའི་མཚན་ཐོས་པའི་ཡོན་ཏན་སྙིང་རྗེ་པད་དཀར་ནས་གསུངས་པ་དང་། དེ་བཞིན་གཤེགས་པ་བདུན་པོ་དེའི་མཆོད་རྟེན་གྱི་ཡོན་ཏན་དམ་པའི་ཆོས་དྲན་པ་ཉེ་བར་གཞག་པ་ལས་ཇི་ལྟར་བསྟན་པ་སོགས་དང་སྒྲུབ་ཚུལ་གཅིག་པའི་སྒོ་ནས་རྟོགས་ནུས་པ་དང་། སངས་རྒྱས་ཀྱི་དབུ་རྒྱན་ལས། འཇིག་རྟེན་འདི་ནི་གངྒཱའི་བྱེ་སྙེད་ཀྱིས། །རིན་ཆེན་གསེར་གྱི་མདོག་གིས་བཀང་འབུལ་བས། །གང་ཞིག་སངས་རྒྱས་མཆོག་གི་མཚན་ཐོས་ནས། །སྦྱིན་ཕུང་དེ་ཡིས་བརྒྱ་ཡི་ཆར་མི་ཕོད། །གང་གིས་སངས་རྒྱས་མཚན་འདི་ཐོས་ནས་འཛིན། །དེ་དག་རིམ་གྱུར་མཆོག་ནི་ལེགས་པར་རྙེད། །དེ་མིའི་འཇིག་རྟེན་དབྱངས་ཀྱི་ཡན་ལག་ལྡན། །རབ་ཏུ་འབྱུང་བ་ལེགས་རྙེད་ཟས་ལེགས་སྤྱད། །ཅེས་འབྱུང་བ་དང་། སངས་རྒྱས་བཅུ་གཉིས་པའི་ཆོས་ཀྱི་རྣམ་གྲངས་ལས། གཟུགས་དང་མཚན་ནི་ཕུན་སུམ་ཚོགས། །ཞེས་དང་། སྤོས་ངད་དེ་ཡི་ཁ་ནས་འབྱུང་། །སོགས་ལུས་ཀྱི་ཡོན་ཏན་དང་། ཚངས་པའི་དབྱངས་ནི་ལྡན་པར་འགྱུར། །སོགས་དག་གི་ཡོན་ཏན་དང་། མོས་བྱེད་ཤེས་རབ་འཆལ་མི་འགྱུར། །སོགས་ཡིད་ཀྱི་ཡོན་

― TN03_Page_0021 ―

^{[མ་དཔེ་གཟིགས་ན་འདིར་གནོན།]}

(༢༡)ཏན་དང་། ནོར་ཆེན་ཁྱིམ་དུ་སྐྱེ་བར་འགྱུར། །ཞེས་དང་། དད་པ་བླ་ན་མེད་པ་འཐོབ། །ཅེས་ཟང་ཟིང་དང་ཆོས་ཀྱི་ལོངས་སྤྱོད་དང་། ལྷ་དང་དྲི་ཟ་ཀླུ་དབང་དང་། །མཁའ་ལྡིང་ལྷ་མིན་གསང་བ་པ། །རྟག་ཏུ་དེ་ལ་སྲུང་བ་བྱེད། །ཅེས་ཐུབ་པར་དཀའ་བའི་ཡོན་ཏན་ལ་སོགས་པ་མང་དུ་འབྱུང་བ་དང་། དེ་བཞིན་གཤེགས་པ་དོན་ཐམས་ཅད་གྲུབ་པ་ལ་སོགས་པའི་མཚན་བརྗོད་པའི་ཡོན་ཏན་ཡང་མདོ་སྡེ་དེ་དང་དེར་དངོས་དང་ཤུགས་བསྟན་ཅི་རིགས་པས་གསལ་བར་མཛད་པ་དང་། ཕྱོགས་བཅུ་མུན་སེལ་དང་བཀྲ་ཤིས་བརྒྱད་པའི་མདོར། མཚན་དེ་དག་སྲུང་བ་ཆེན་པོར་བསྟན་པ་དང་། ཟ་མ་ཏོག་བཀོད་པ་ལ་སོགས་པར་བྱང་ཆུབ་སེམས་དཔའི་ཡོན་ཏན་མང་དུ་བསྔགས་པར་རྒྱས་པར་མདོ་ཉིད་ལས་རིག་པར་བྱའོ། །དེ་དག་ལ་ཚད་མས་དྲངས་པའི་ངེས་ཤེས་སྐྱེད་ཚུལ་ཡང་། རིན་ཆེན་དྲྭ་བ་ཅན་གྱིས་ཞུས་པ་ལས། དེའི་མཚན་ལ་སོམ་ཉི་མི་ཟ་ཞིང་། །ངས་མཐོང་བ་ལ་ཡང་ཡིད་ཆེས་ན། །ཞེས་གསུངས་ཏེ་སོམ་ཉི་མི་ཟ་ཞེས་བྱ་བ་ནི་བྱང་ཆུབ་སེམས་དཔའ་རྣམས་ལ་ཡང་ཐེ་ཚོམ་གྱི་ཉེས་པས་ཅི་ཙམ་དུ་སྒྲིབ་པའི་ཚུལ་མདོ་སྡེར་མང་དུ་གསུངས་པའི་དོན་དེ་ལྟ་བུ་ལ་དགོངས་སོ། །ངས་མཐོང་བ་ལ་ཡང་ཡིད་ཆེས་ན་ཞེས་པས་རྒྱལ་བ་དེ་དག་གི་སྔོན་གྱི་སྨོན་ཁམ་གྱི་ཁྱད་པར་རྣམས་ཚུ་རོལ་མཐོང་བ་ལ་ཤིན་ཏུ་ལྐོག་གྱུར་དུ་བསྟན་ནས། དེ་ལ་དེ་བཞིན་གཤེགས་པའི་ཡུལ་ཚད་མར་བྱེད་དགོས་སོ་ཞེས་བཀའ་སྩལ་པ་ཡིན་ཏེ། དེའི་དོན་ནི་འདི་འདྲ་བའི་གནས་ལ་ལུང་དཔྱད་པ་གསུམ་གྱིས་དག་པ་རྒྱུ་མཚན་དུ་བྱེད་པར་ཤིང་རྟ་ཆེན་པོ་རྣམས་ཀྱིས་བཤད་པ་ལྟ་བུའོ། །མཚན་འདི་དག་གིས་སྔར་ཆོས་མ་ཐོས་ཤིང་དྲན་པར་མ་བྱས་པའི་སེམས་ཅན་འཆིག་མ་རྣམས་ལའང་ཕན་གདགས་པར་བྱ་སྟེ། དེས་ཀྱང་དེ་ལ་སྨན་ཡོན་

― TN03_Page_0022 ―

^{[མ་དཔེ་གཟིགས་ན་འདིར་གནོན།]}

(༢༢)ཆེན་པོ་བཏགས་པར་འགྱུར་བའི་ཕྱིར་ཏེ། རྒྱ་མཚོའི་ཆུ་སྲིན་གྱི་ཕྱུང་བ་སྙིང་རྗེ་པདྨ་དཀར་པོའི་མདོར་བཤད་པ་དང་། ཉ་ཁྲིའི་རབས་ཇི་སྐད་འབྱུང་བ་བཞིན་ནོ། །ཕན་ཡོན་གོང་དུ་སྨྲོས་པ་དེ་དག་འཐོབ་པའི་དུས་ཚད་ཀྱང་ཇི་ལྟ་བུ་ཞེ་ན། འདི་ལ་རྟེན་གྱི་གང་ཟག་ལྷག་པའི་བསམ་པའི་སྟོབས་མཆོག་དམན་གྱི་རིམ་པ་མི་འདྲ་བ་ལ་བརྟེན་ནས་མྱུར་བུལ་གྱི་བྱེ་བྲག་དུ་མ་ཞིག་ཡོད་པར་སངས་རྒྱས་ཕལ་པོ་ཆེ་ལས་བཤད་ལ་ཕན་ཡོན་བརྗོད་ཚུལ་འགའ་ཞིག་ནི་དུས་གཞན་ལ་དགོངས་ཏེ་གསུངས་པའི་དགོངས་པ་ཅན་ཡང་ཆེན་པོ་དག་གིས་བཤད་དེ། ཚུལ་འདིས་ནི་མདོའི་དངོས་བསྟན་དུ་བྱང་ཆུབ་སེམས་དཔའི་འཁོར་གཙོ་བོར་མཛད་དེ་གསུངས་པ་གང་ལ་ལ་བྱང་ཆུབ་སེམས་དཔའི་ཐེག་པ་པའི་རིགས་ཀྱི་བུའམ་རིགས་ཀྱི་བུ་མོས་དེ་བཞིན་གཤེགས་པའི་མཚན་འདི་དག་དུས་གསུམ་དུ་འཛིན་པར་བྱེད་ན་ཞེས་བྱ་བ་ལ་སོགས་པ་འབྱུང་བ་རྣམས་ཀྱང་ཐེག་པ་ལ་མ་ཞུགས་པ་རྣམས་ཀྱིས་མཚན་དེ་དག་འཛིན་ན་དོན་དུ་མི་འགྱུར་བའི་དོན་ཅན་མ་ཡིན་པར་ཤེས་པར་བྱ་སྟེ། ཇི་ལྟར་འཕགས་པ་འོད་དཔག་མེད་ཀྱི་ཞིང་ཁམས་བཀོད་པའི་མདོ་བྱང་ཆུབ་སེམས་དཔའ་རྣམས་ཀྱི་སྨོན་ལམ་ཡོངས་སུ་རྫོགས་པར་བྱ་བའི་ཕྱིར་དུ་བཀའ་སྩལ་པ་ཡིན་ཡང་། །བདེ་བ་ཅན་གྱི་ཞིང་གི་ཡོན་ཏན་བརྗོད་པ་དེ་ཐོས་ན་སྐྱེ་བོ་གཞན་གྱི་དོན་དུ་མི་འགྱུར་བ་མིན་པར་གྲགས་ཆེ་བ་བཞིན་ནོ། །དེ་ལྟར་ན་བཤད་པར་ཁས་བླངས་པའི་སྐབས་དོན་ཡོངས་སུ་རྫོགས་པར་གླེང་ཟིན་ཏོ། །དཔང་གྱུར་ཀུན་མཁྱེན་ལུང་གི་ཆུ་གཏེར་ཆེ། །ཡང་དག་རིགས་པའི་སྲུབ་ཤིང་གིས་བསྲུབས་པས། །དོན་ལྡན་གཏམ་གྱི་ཟླ་བ་གསར་པ་ཞིག །སྐལ་བཟང་ཡིད་མཁའི་ངོས་སུ་དལ་གྱིས་རྒྱུ། །དེ་ལྟར་བདག་གིས་རྒྱལ་ལ་དད་པ་ཡིས། །ཆོས་

― TN03_Page_0023 ―

^{[མ་དཔེ་གཟིགས་ན་འདིར་གནོན།]}

(༢༣)མཐུན་གཏམ་འདིར་ཅུང་ཟད་ངལ་བ་ལས། །བསོད་ནམས་ཕུང་པོ་གང་ཞིག་སྐྱེས་པའི་མཐུས། །བྱང་ཆུབ་སྙིང་པོར་འགྲོ་ཀུན་གཞོལ་གྱུར་ཅིག །སངས་རྒྱས་དང་བྱང་ཆུབ་སེམས་དཔའི་མཚན་བྱིན་རླབས་ཅན་མདོ་སྡེ་ལས་བཏུས་པ་ཐོས་པ་དོན་ལྡན་ངག་གི་རོལ་མོ་ཞེས་བྱ་བ། དཀོན་མཆོག་གསུམ་ལ་དད་པ་དང་ལྡན་པའི་བཙུན་པ་སོག་ཚ་ཚེ་ཕྱུག་ནས་ནན་ཏན་ཆེན་པོས་བསྐུལ་བའི་ཆེད་དང་། རང་གཞན་མང་པོ་ལ་ཕན་པར་བསམ་པས་ཀྱང་མཚམས་སྦྱར་ཏེ། འཇིགས་མེད་བསྟན་པའི་ཉི་མས་རྣམ་འགྱུར་ཞེས་པ་ལྕགས་སྟག་ས་གས་ཉ་བའི་དཀར་ཕྱོགས་ཀྱི་དགའ་བ་ཐོག་མ་ལ་ལེགས་པར་སྦྱར་བའི་ཡི་གེ་པ་ནི་སྡོམ་བརྩོན་བློ་གསལ་དམ་པ་ཚུལ་ཁྲིམས་ནོར་བུས་བགྱིས་པ་འདིས་ཀྱང་རང་དང་གཞན་ལ་ཕན་པ་རྒྱ་ཆེན་པོ་འབྱུང་བར་གྱུར་ཅིག །སརྦ་མངྒ་ལཾ།། །།

― TN03_Page_0024 ―

^{[མ་དཔེ་གཟིགས་ན་འདིར་གནོན།]}

(༢༤)

བྷོ་ཊའི་ཡུལ་གྱི་སློབ་དཔོན་ཆེན་པོ་མཉྫུ་ཤྲཱི་དྷརྨ་མི་ཏྲའི་ཞབས་ཀྱི་རྟོགས་པ་མདོ་ཙམ་དུ་བརྗོད་པ་འཇིག་རྟེན་ཀུན་དུ་དགའ་བའི་གཏེར།

― TN03_Page_0025 ―

^{[མ་དཔེ་གཟིགས་ན་འདིར་གནོན།]}

(༢༥)བྷོ་ཊའི་ཡུལ་གྱི་སློབ་དཔོན་ཆེན་པོ་མཉྫུ་ཤྲཱི་དྷརྨ་མི་ཏྲའི་ཞབས་ཀྱི་རྟོགས་པ་མདོ་ཙམ་དུ་བརྗོད་པ་འཇིག་རྟེན་ཀུན་དུ་དགའ་བའི་གཏེར་ཞེས་བྱ་བ་བཞུགས་སོ། །

― TN03_Page_0026 ―

^{[མ་དཔེ་གཟིགས་ན་འདིར་གནོན།]}

(༢༦)ན་མོ་གུ་རུ་མཉྫུ་ཤྲཱི་ཡེ། ཚོགས་གཉིས་རི་བོའི་བ་གམ་རྩེར་འཛེགས་ཐུབ་བསྟན་མཁའ་ལ་རྒྱན་དུ་བྱེད། །ཕྲིན་ལས་འོད་ཀྱིས་ཕྱོགས་སྟོང་སྤྱི་བོར་མཛེས་སྡུག་ཅོད་པན་ཉིན་བཞིན་འདོགས། །དམ་པའི་བློ་གྲོས་ཆུ་སྐྱེས་ཚལ་ནང་ཀུན་དགའི་རོལ་པ་འབུམ་འགྱེད་པ། །འཇམ་དབྱངས་རྗེས་བརྩེའི་ཆུ་གཏེར་ལས་བལྟམས་བླ་མའི་ཉིན་བྱེད་རྒྱལ་གྱུར་ཅིག །དེ་ཡི་བཀའ་དྲིན་ལྕགས་ཀྱུས་དྲངས་པའི་ཡིད། །མི་འཕྲོགས་དགའ་བར་ཁོལ་བས་ཉེར་བསྐྱོད་ཅིང་། །འདོད་པའི་གོམ་སྟབས་བསོད་ནམས་ཛམ་བུའི་ནགས། །རྩེ་གཅིག་བསྒྱུར་བའི་ཅ་ཅོ་དབྱངས་སུ་ལེན། །ཟབ་ཅིང་རྒྱ་ཆེའི་སྦྱོར་བ་བརྒྱས་བསགས་པ། །དག་པའི་ཐུགས་མངའ་

― TN03_Page_0027 ―

^{[མ་དཔེ་གཟིགས་ན་འདིར་གནོན།]}

(༢༧)རྣམས་ཀྱི་རྣམ་པར་ཐར། །སོ་སོ་རང་རིག་ཡུལ་ལ་བདག་འདྲ་བས། །ཅི་དགར་སྨྲ་བའི་གོ་སྐབས་ག་ལ་རྙེད། །འོན་ཀྱང་བདེན་གསུང་བདུད་རྩིའི་རླབས་ཕྱུར་བ། །དང་བའི་སྙིམ་པར་ཆ་ཙམ་འཐུང་བ་ལས། །བློ་གྲོས་ལང་ཚོ་རྒྱགས་པའི་མྱོས་གླུ་ནི། །རང་བཞིན་བརྗོད་པའི་རྟོགས་བརྗོད་ཕྲེང་བར་སྤེལ། །དེ་ལ་ལྔ་བརྒྱ་པ་རྣམས་ཀྱི་གཙུག་གི་ནོར་བུ། །ཛམ་བུའི་གླིང་ན་ཆེ་བའི་རྣལ་འབྱོར་གྱི་དབང་ཕྱུག །འཇམ་དཔལ་ཆོས་ཀྱི་བཤེས་གཉེན་ཞེས་སྙན་གྲགས་ཀྱི་ཡི་གེས་ས་གཞིའི་དཀྱིལ་འཁོར་བརྒྱན་པར་མཛད་པ་དེ་ཉིད་འཇིག་རྟེན་དུ་ཇི་ལྟར་བྱུང་བའི་ཚུལ་ནི། འཕགས་པ་སྤྱན་རས་གཟིགས་དབང་ཕྱུག་གི་གདུལ་ཞིང་། བོད་ཁ་བ་ཅན་གྱི་ཤར་

― TN03_Page_0028 ―

^{[མ་དཔེ་གཟིགས་ན་འདིར་གནོན།]}

(༢༨)ཕྱོགས། མདོ་ཁམས་སྡེ་དགེའི་མངའ་རིས་ལས། ཡུལ་གྱི་དགེ་བཅུ་གཡང་དུ་ཆགས་ཤིང་ཉེ་འཁོར་བཀྲ་ཤིས་རྟགས་བརྒྱད་ཀྱིས་རེ་ཁཱས་བཀྲ་ལ། དཔའ་བོ་མཁའ་འགྲོའི་གྲོང་མང་པོ་དང་འདབ་འབྲེལ་བས་ཁྱད་པར་དུ་འཕགས་པ་གཏེར་ལྷུང་ཞེས་པའི་སའི་ཆ་ཤས། ཉང་རིན་པོ་ཆེའི་གཏེར་ལུང་ལས། རྩེ་སྒང་ཞེས་པའི་རི་བོའི་མདུན༔ ཕ་བོད་ཀླུ་དབང་འཁྱིལ་བའི་སྟེངཿ མངའ་བདག་འཇམ་པའི་དབྱངས་ཞེས་འབྱུང་ཿ བཅུ་གསུམ་ཟབ་མོའི་གཏེར་ལ་སྤྱོད༔ ཅེས་པ་ལྟར། རྒྱབ་རི་རྩེ་སྒང་དུ་གྲགས་པའི་མདུན། བྲག་རི་སྦྲུལ་འཁྱིལ་བ་ལྟ་བུའི་གཟུགས་སུ་གནས་པའི་སྟེང་། དེའུ་མགོ་ཞེས་པའི་གྲོང་དུ་ཡབ་ཚང་ཆགས་ཤིང་། སྐུ་བལྟམས་དངོས་ཁྱུད་ཆེན་བྲག་གི་ཉེ་འདབས་སུ་དབྱར་མལ་ཕོག་ཡོད་པའི་སྐབས། རས་དཀར་གྱི་ལྡིང་གུར་ཕུབ་པའི་ནང་དུ་བྱུང་བས། གུ་རུ་ཚེ་བརྟན་རྒྱལ་མཚན་པའི་གཏེར་ཡིག་ལས། མོན་བུ་སྤྱི་རིང་སྐྲ་ཡི་ལ་བ་ཅནཿ རི་བོ་ཁྱུང་ཆེན་ལྡིང་བའམ་ཞོལ་དུ་འབྱུང་༔ ཞེས་འབྱུང་བ་དང་ཤིན་ཏུ་འགྲིགས། དེའང་མཛེས་སྡུག་གི་ཡོན་ཏན་ལས་མིང་ཆགས་པ་མྱོས་ཀྱི་རིགས་ལས་མི་དབང་སྡེ་དགེའི་དྲུང་ཆེན་གཙུག་ལག་གཉིས་ལ་བློ་གྲོས་མཆོག་ཏུ་ཡངས་པ་རིན་ཆེན་དབང་རྒྱལ་དང་། ཡུམ་མདུན་ན་འདོན་གཙོ་བོའི་རྒྱུད་དུ་བྱུང་བ་དགེར་བ་བུ་མོ་བསོད་

― TN03_Page_0029 ―

^{[མ་དཔེ་གཟིགས་ན་འདིར་གནོན།]}

(༢༩)ནམས་མཚོའི་སྲས་སུ་རབ་བྱུང་བཅུ་བཞི་པའི་ས་མོ་ཡོས་ལ་ལྷུམས་སུ་ཞུགས། དེའི་ཚེ་ཡུམ་གྱི་ལུས་མདངས་དང་ལྡན་ཞིང་བདེ་བ་དང་། དགེ་སེམས་རང་བཞིན་གྱིས་འཕེལ་བར་གྱུར་ཏེ། མངལ་དུ་ཟླ་བ་བརྒྱད་བཞུགས་ནས་ལྕགས་འབྲུག་ཆུ་སྟོད་ཟླ་བའི་ཆོས་འཁོར་དུས་ཆེན་དང་ཉེ་བ་དཀར་ཕྱོགས་རྫོགས་པ་དང་པོའི་ཐོ་རངས་ཁྱིམ་ཉི་མ་ཤར་བ་ལྟ་བུའི་འོད་ཀྱིས་གང་བ་དང་། ཉི་མ་ཤར་དུས་སུ་ཆུ་སྣོད་ཀྱི་ཆུ་འོ་མའི་ཕུང་པོར་བསྙོན་མི་ནུས་པར་སོང་བ་སོགས་ལྟས་ཁྱད་པར་ཅན་གྱིས་མདུན་བསུས་ཏེ། དེ་ཉིད་ཀྱི་ཉི་མའི་གུང་ལ་ཀུན་དགའི་ལང་ཚོ་སྨིན་མཚམས་དཔའ་བོའི་རྒྱ་རྟགས་ཀྱིས་སྤྲས་ཤིང་སྐྱེ་མཆེད་ཤིན་ཏུ་དང་བ། ཁོ་ལག་ཡངས་ཤིང་སྐུ་བྱད་ལྟ་ན་སྡུག་པ། འཁྲི་ཤིང་གསར་པའི་འདབ་མ་ལྟར་མཉེན་ལ་གཟི་བརྗིད་ཀྱིས་སྣུམ་པ། སྤོས་ཀྱི་ཤིང་བཞིན་ལྷན་ཅིག་སྐྱེས་པའི་དྲི་བསུང་ཞིམ་པོ་ཅན། དབྱིག་གི་གདངས་སྤྲིན་གྱི་ང་རོ་ལྟ་བུའི་རྒྱན་དང་ལྡན་པ་ཞིག་དབུ་སྐྲ་ནག་པོ་སིལ་བུར་གྱུར་ཅིང་། ཤ་མའི་གཡོགས་ཆོས་གོས་དཀྲི་ཚུལ་ལྟར་མནབ་པ། ཀུ་ཤའི་སེ་རལ་ཁ་དང་བཅས་པའི་རྣམ་པས་ཡུམ་ལ་གནོད་པ་མེད་པར་བལྟམས། བྱང་ཆུབ་སེམས་དཔའ་རིན་པོ་ཆེ་འདི་བྱུང་བའི་མཐུ་ལས་ཁྱིམ་དེ་བཀྲ་ཤིས་ཀྱི་གཟི་དང་ལྡན་པར་གྱུར་པ་ཙམ་དུ་མ་ཟད། རྒྱལ་ཁམས་སྤྱིར་ཡང་བདེ་བ་དང་ལོ་ལེགས་

― TN03_Page_0030 ―

^{[མ་དཔེ་གཟིགས་ན་འདིར་གནོན།]}

(༣༠)པ་སོགས་འཇིག་རྟེན་སྐྱོང་བ་རྣམས་བཙས་སྟོན་བྱེད་པ་ལ་བརྩོན་པ་བཞིན་དུ་གྱུར་ཏོ། །མདོ་ཁམས་སྟོད་སྨད་ཕལ་ཆེར་སྡོ་འཇམ་དཔལ་རྟག་དུས་གང་བ་འདིའང་རྗེ་བླ་མ་མ་བྱོན་གོང་དུ་མེད་ཟེར་ཏེ། སི་ཏུ་ཆོས་འབྱུང་གི་དྲིས་ལན་ཞིག་དང་བསྟུན་ན་བདེན་པར་གསལ། བྱིས་པའི་དུས་ནས་ནག་པོ་ཆེན་པོ་དང་རེ་མ་ཏིས་རྒྱུན་དུ་སྲུང་བ་རྣམས་དངོས་སུ་གཟིགས། གཞོན་ནུ་དེ་ནི་རང་བཞིན་གྱིས་བརྩེ་བ་ཆེ་ཞིང་། གཏོང་བ་ལ་དགྱེས་པ་དང་། དེས་ཤིང་འགྲོགས་ན་བདེ་བ་དང་། སྙིང་སྟོབས་ཆེན་པོའི་ངང་ཚུལ་སུས་ཀྱང་དགག་ཏུ་མི་བཏུབ། གྲུབ་ཆེན་དྲིལ་བུ་ཞབས་དང་། པནྜི་ཏ་སྒོ་མཐའ་ཡས་པའི་བློ་གྲོས། ནགས་ཀྱི་རིན་ཆེན། མངའ་སྐྱོང་ཁྲི་ལྡེ། འབྲོམ་ཆོས་ཀྱི་རྒྱལ་པོ། ཐང་རྒྱལ་སོགས་འཕགས་བོད་ཀྱི་སྐྱེས་མཆོག་མང་པོར་འཁྲུངས་པའི་སྔོན་རབས་ཀྱི་མཛད་པ་དང་འབྲེལ་བར་ཆོས་ཀྱི་རྣམ་གྲངས་དང་དགེ་བའི་བཤེས་གཉེན་དགོན་གནས་དཀྱིལ་འཁོར་མང་པོ་སོགས་རྗེས་སུ་དྲན། ལར་ཡང་སྐྱེས་བུ་ཆེན་པོ་འདི་ལོ་རྒྱུས་འཆད་པ་ན་སྔོན་རབས་ཀྱི་ཡི་གེ་སྔ་ཕྱི་རྣམས་སུ་མི་འབྱུང་བའི་གཏམ་གྱི་སྦྱོར་ཞིབ་མོ་རང་ཚིག་གིས་མ་བསལ་བ་ཉན་པ་པོའི་བློས་མཁྱུད་དཀའ་བ་ཤ་སྟག་འབྱུང་སྟེ་སྔོན་གནས་རྗེ་དྲན་གྱི་མཐུར་སྣང་། སྐུ་ཚེ་མང་པོར་བྱང་ཆུབ་སེམས་དཔའི་ཉེས་སྤྱོད་སྡོམ་པའི་ཚུལ་ཁྲིམས་ཁྱད་པར་ཅན་ལེགས་པར་

― TN03_Page_0031 ―

^{[མ་དཔེ་གཟིགས་ན་འདིར་གནོན།]}

(༣༡)སྦྱངས་པའི་རྒྱུ་མཐུན་ལས་སྐུ་ན་ཤིན་ཏུ་ཕྲ་མོ་ནས་རབ་བྱུང་ཁོ་ན་ལ་དགྱེས་ཤིང་ཁྱིམ་པའི་རྟགས་རིང་དུ་སྤངས། རྫ་དང་གངས་ཁྲོད་སོགས་དབེན་གནས་འབའ་ཞིག་ལ་རྟག་ཏུ་དགོངས་པའི་རྣམ་འགྱུར་དང་དུས་དང་དུས་སུ་བསམ་གཏན་ལ་མཉམ་པར་འཇོག་པའི་ཀུན་སྤྱོད། ལྡང་བ་ན་ཆོས་འཆད་པའི་ལད་མོ་སོགས་རྨད་དུ་བྱུང་བའི་རོལ་རྩེད་ཀྱང་མཛད། ལྷན་ཅིག་སྐྱེས་པའི་ཤེས་རབ་རླབས་ཆེ་བས་སྐུ་ཚེ་འདིར་སྒྲ་སྙན་སྡེ་བ་སྦྱོར་དང་ནང་གི་རིག་གནས་ཅི་ཡང་མ་བསླབས་པ་དགུང་གྲངས་བཅུ་གཉིས་སྐོར་དུ་ཡང་བསྟོད་ཚོགས་དང་མདོ་སྔགས་ལམ་རིམ། གཞན་དག་ཆོས་ལ་སྐུལ་བའི་གཏམ་སོགས་ཟད་མི་ཤེས་པར་དགོངས་ཉམས་བྱུང་རྒྱལ་གྱི་ངང་ནས་རྩོམ་ཆོག་པ་དང་། དེ་དག་ཀྱང་རྗོད་བྱེད་ཀྱི་ཉམས་འགྱུར། བརྗོད་བྱའི་འགང་། གོང་འོག་གི་འབྲེལ་ཕུན་སུམ་ཚོགས་པས་མཁས་པ་རྣམས་ཀྱི་ཡིད་འཕྲོགས་པ་ཁོ་ན་ཡོད། དགུང་ལོ་བརྒྱད་དུ་ཕེབས་པ་ན་སྙུན་གྱི་ཚོར་བ་རྩུབ་མོས་ཐུགས་བསྡུས་པ་ལྟ་བུའི་རྐྱེན་ལས་མངོན་སུམ་གྱི་སྣང་ཆར་ཨོ་རྒྱན་རིན་པོ་ཆེ་དང་ཌཱ་ཀྐིའི་དབང་མོ་མཁར་ཆེན་བཟས་རྡོ་རྗེ་ཕུར་པའི་དཀྱིལ་འཁོར་དུ་དབང་བསྐུར་བས་བར་ཆད་དངོས་གྲུབ་ཀྱི་གྲོགས་སུ་ལྷོངས་ཤིང་། ལན་གཅིག་གཏེར་ལྷུང་གི་བྲག་སྐྱིབས་ཤིག་ཏུ་ནམ་མཁའ་ནས་དྷཱིའི་རང་སྒྲ་ཆེན་པོ་གྲགས་པས་

― TN03_Page_0032 ―

^{[མ་དཔེ་གཟིགས་ན་འདིར་གནོན།]}

(༣༢)ཅུང་ཟད་བརྒྱལ་ཐབས་སུ་སོང་། དེ་ལས་སད་མ་ཐག་རྗེ་བཙུན་མཁྱེན་པའི་གཏེར་དང་སློབ་དཔོན་འཇམ་དཔལ་བཤེས་གཉེན་དབྱེར་མེད་པའི་སྐུའི་སྣང་བ་དང་དགོངས་པ་ཏིང་ངེ་འཛིན་གྱིས་བརླབས། དགུང་ལོ་བཅོ་ལྔ་པར་ཉིན་སྣང་དངོས་དང་དབྱེ་བ་མི་ཕྱེད་པ་ལྟ་བུའི་ཉམས་ཀྱི་གསལ་ཆར་རྒྱ་གར་རྡོ་རྗེ་གདན་གྱི་གནྡྷོ་ལ་རིམ་པ་དགུ་པ་གསེར་གྱི་རྒྱ་ཕུབ་དང་སྨན་ཤིང་ར་བ་སོགས་བཀོད་པ་བཟང་ཞིང་རྒྱ་ཆེ་བར་སློབ་དཔོན་ཆེན་པོ་འཇམ་དཔལ་བཤེས་གཉེན་ལས་ཤེས་རབ་ཀྱི་ཕ་རོལ་ཏུ་ཕྱིན་པ་དང་རྣལ་འབྱོར་བླ་ན་མེད་པའི་ཆོས་ཀྱི་གསང་མཛོད་ཐོབ། གནྡྷོ་ལའི་སྒོ་དྲུང་དུ་མེ་ཕུང་ཆེན་པོ་འབར་བ་ཞིག་གཟིགས་པར་དབང་མེད་དུ་ཞུགས་པས་རགས་ལུས་སྤྱངས། དྭངས་མ་འོད་ཀྱི་ལུས་སུ་སྣང་བའི་ངང་ལ་པ་ཆེན་བི་མ་ལ་དངོས་ཀྱི་ང་རྒྱལ་དུ་འབྱམས་ཀླས། ལོ་དེའི་རྒྱལ་ཟླ་བར་ཚེ་སྒྲུབ་མཛད་པའི་ཐོ་རངས་ཞིག་བཟླས་པ་ལ་བབས་པ་ན་ནམ་མཁའི་དབྱིངས་ནས་ཌཱ་མ་རུའི་སྒྲ་དང་ཤིན་ཏུ་ཞིམ་པའི་དྲི་བསུང་བཅས་འོད་དམར་བཀྲག་མདངས་འབར་བ་ཞིག་སྒྲུབ་རྫས་ཀྱི་སྟེང་ནས་ཞུགས་ཤིང་འདྲེས་པའི་ཀློང་དུ་ཡེ་ཤེས་ཌཱཀྐི་ཙཎྜ་ལི་གར་སྟབས་བསྒྱུར་བའི་ཞལ་ནས་དབང་དང་གདམས་པ་སྩལ་བའི་མཐར་ཤིས་བརྗོད་ཀྱི་མེ་ཏོག་དམར་པོ་ཆར་དུ་བསྙིལ་བའི་གཟིགས་སྣང་དང་ལྷན་ཅིག་སྒྲུབ་དཀྱིལ་སྟེང་དུ་གཡར་མོ་ཐང་ལྟ་བུའི་མེ་ཏོག་

― TN03_Page_0033 ―

^{[མ་དཔེ་གཟིགས་ན་འདིར་གནོན།]}

(༣༣)གི་ཆར་པ་དངོས་གནས་ལ་བབས། ལོ་བཅུ་དྲུག་བཞེས་པའི་ས་ག་ཟླ་བའི་ཚེས་བཅུར་པདྨ་འོད་གླིང་དུ་ཕེབས་པར་ཟངས་མདོག་དཔལ་རི་བྲག་རི་ལྷུན་ཆགས་ཀྱི་རྣམ་པར་གཟིགས་པའི་ཁོང་དུ་ཤིང་བལ་གྱི་འདབ་མ་སྤུངས་པ་ལྟ་བུའི་སྤྲིན་གསར་མཛེས་པའི་ཀློང་ན་དཔལ་ཨོ་རྒྱན་ཆོས་ཀྱི་རྒྱལ་པོ་རྡོ་རྗེ་མཁའ་འགྲོ་མའི་འཁོར་རྒྱ་མཚོ་ལྟ་བུ་དང་བཅས་པར་གཟིགས་ཤིང་། སྐུ་གསུམ་ངོ་སྤྲོད་ཀྱི་གདམས་པ་ཐུན་མོང་མ་ཡིན་པ་སྩལ་བ་སོགས་ལས་རྡོ་རྗེ་གསུམ་གྱི་ཡེ་ཤེས་གོང་དུ་འཕེལ། སྐྱེ་བས་ཐོབ་པའི་ཡོན་ཏན་ཕུལ་བྱུང་དང་། །ངང་གིས་རླབས་ཆེན་མགོན་དང་བཅས་གྱུར་པའི། །ཚུལ་འདིས་རྗེ་བཙུན་སྐུ་ཚེ་དུ་མ་ནས། །བསོད་ནམས་ཡེ་ཤེས་ཚོགས་ཆེན་བསགས་པར་རྟོགས། །དགུང་ལོ་བརྒྱད་ནས་ཡབ་དང་བླ་སྨན་ཆོས་གྲགས་རྒྱ་མཚོ་སོགས་ལས་བྲིས་ཀློག་དང་རྩིས་དཀར་ནག །བོད་ཀྱི་བརྡ་སྤྲོད་གཞུང་གཉིས། གསོ་རིག་རྒྱུད་བཞི་ཡན་ལག་ཕྲ་མོ་ཚུན་གྱི་བཤད་པ་དང་ལག་ལེན། སྐུ་གཟུགས་མཆོད་རྟེན་དང་དཀྱིལ་འཁོར་གྱི་ཆ་ཚད་སྤོས་སྦྱོར་སོགས་ཆེས་མཁས་ཤིང་བྱང་བར་བསླབས། དེ་ནས་རིང་པོ་མ་ལོན་པར་ཡབ་གཤེགས་པའི་རྐྱེན་གྱིས་རེ་ཞིག་གསན་སྦྱངས་འཕྲོ་ཅན་དུ་ལུས། ཡབ་ཡུམ་འདས་ནས་ཅིར་འགྱུར་གཟིགས་པས་ཡབ་ལྕང་ལོ་ཅན་དུ་འཕགས་པ་ལག་ན་རྡོ་རྗེའི་ཞལ་མཐོང་བའི་གནོད་སྦྱིན་ཞིག་དང་།

― TN03_Page_0034 ―

^{[མ་དཔེ་གཟིགས་ན་འདིར་གནོན།]}

(༣༤)ཡུམ་ཞིང་སྐྱེས་ཤ་ཟ་ཌཀྐི་ཞིག་ཏུ་སྐྱེས་པ་མཐོང་གསུངས། དགུང་ལོ་བཅུ་དགུ་པར་ཟེ་ཆེན་པ་འགྱུར་མེད་མཐུ་སྟོབས་ལས་སྒྲ་ཀ་ཙ་དབྱངས་གསུམ་གྱི་རི་མོ་དང་གོ་དོན་རྒྱས་པ། མངོན་བརྗོད་འཆི་མེད་མཛོད་རྩ་འགྲེལ། སྙན་དངགས་མེ་ལོང་། སྡེབ་སྦྱོར་རིན་འབྱུང་སོགས་གསན་བསམ་མང་དུ་སྦྱངས་པས་སོ་སོ་ལ་མཁས་པའི་ཚད་དུ་ཕྱིན། དགུང་གྲངས་ཉེར་གཅིག་པར་ཨོ་རྒྱན་སྨིན་གྲོལ་གླིང་གི་ཆོས་གྲྭར་མཁན་ཆེན་འགྱུར་མེད་རིག་འཛིན་བཟང་པོ་སོགས་དད་པའི་དགེ་འདུན་གྲངས་ཚང་བ་ལས་བསྙེན་པར་རྫོགས། ས་སྐྱ་བདག་ཆེན་རྡོ་རྗེ་རིན་ཆེན་དང་སྨིན་གླིང་ཁྲི་འགྱུར་མེད་སངས་རྒྱས་ཀུན་དགའ་སོགས་དུ་མ་ལས་སྨོན་འཇུག་གི་ཐུགས་བསྐྱེད་བཞེས། སྔ་ཕྱིར་ངོར་ས་སྐྱ་དཔལ་ལྡན་འབྲས་སྤུང་། བཀྲ་ཤིས་ལྷུན་པོ། མདོ་ཁམས་སོགས་སུ་བཞུགས་ཏེ། གཟིམ་འོག་མཆོག་སྤྲུལ་བྱམས་པ་ངག་དབང་བསྟན་འཛིན་སྙན་གྲགས། སྒོ་མང་ཞབས་དྲུང་དཀོན་མཆོག་བསྟན་པ་རབ་རྒྱས། ཐེ་བོ་སྤྲུལ་སྐུ་ཡེ་ཤེས་ཐུབ་བསྟན་རྒྱ་མཚོ། ལི་ཐང་རབ་འབྱམས་པ་བྱམས་པ་ཕུན་ཚོགས། སེམས་དཔའ་ཆེན་པོ་འཇིགས་མེད་རྒྱལ་བའི་མྱུ་གུ་སོགས་ལས། བྱང་ཆུབ་ལམ་སྒྲོན་དང་པོ་ཏོ་བའི་བེའུ་བུམ་སྔོན་པོ། །བྱང་ཆུབ་ལམ་རིམ་ཆེ་ཆུང་། བློ་སྦྱོང་དོན་བདུན་མ། ལེགས་བཤད་ཀུན་འདུས། ལམ་

― TN03_Page_0035 ―

^{[མ་དཔེ་གཟིགས་ན་འདིར་གནོན།]}

(༣༥)རིམ་བདེ་ལམ་དང་། འཇམ་དཔལ་ཞལ་ལུང་། རྙིང་ཕྱོགས་སྔོན་འགྲོའི་ཁྲིད་རིམ་མང་པོ་སོགས་བསྟན་རིམ་གྱི་ཡི་གེ་དུ་མ་དང་དེ་དག་གི་རྒྱབ་ཆོས་འདུལ་བ་མདོ་རྩ། རྒྱན་འཇུག་གཉིས། མཛོད། རྣམ་འགྲེལ། བསྡུས་གྲྭ་ཚུན་ཆད་རྒྱ་ཆེར་སྦྱངས་པས་ས་དགེའི་ལུགས་སྲོལ་པདྨའི་འདབ་མ་ལྟར་བཀྲ་བ་རྣམས་ལ་རབ་བརྟགས་མ་ཡིན་པར་གཏིང་མཐའ་མེད་པའི་བློ་གྲོས་ཀྱི་འཇུག་པ་སད། གཙོ་བོར་སྨོས་པའི་དམ་པ་དེ་དག་དང་། དཔལ་ས་སྐྱ་པ་ཆེན་པོ་བཀྲ་ཤིས་རིན་ཆེན། ངོར་ཆེན་བྱམས་པ་ཀུན་དགའ་བསྟན་འཛིན་དང་། བྱམས་པ་རྣལ་འབྱོར་བཟང་པོ། །དཔོན་སློབ་རིན་པོ་ཆེ་ངག་དབང་ལེགས་གྲུབ། ཞ་ལུ་མཆོག་སྤྲུལ་རིན་ཆེན་བློ་གསལ་བསྟན་སྐྱོང་། འབྲས་སྤུང་ལྷ་བཙུན་རིན་པོ་ཆེ་ཡེ་ཤེས་དོན་གྲུབ་བསྟན་པའི་རྒྱལ་མཚན། རྟ་ནག་སྒྲོལ་མ་བ་འཇམ་དབྱངས་ཆོས་ཀྱི་རྒྱལ་མཚན། རྡོ་རྗེ་འཆང་བློ་གྲོས་མཐའ་ཡས་སོགས་བགྲང་བར་དཀའ་བའི་རྡོ་རྗེའི་སློབ་དཔོན་རྣམས་ལས། བྱ་རྒྱུད་རིགས་གསུམ། རྣམ་སྣང་མངོན་བྱང་། རྡོར་དབྱིངས། འཇམ་དཔལ་གསང་ལྡན་སོགས་ཡོ་གའི་སྐོར་རྡོ་རྗེའི་ཕྲེང་བ། ཀྱེ་རྡོ་རྗེའི་དབང་དང་རྒྱུད་གསུམ་ཡན་ལག་དང་བཅས་པ། གསེར་ཆོས་བཅུ་གསུམ་སོགས་དཔལ་ལྡན་ས་སྐྱ་པའི་དབང་གདམས་ཆེ་ཕྲ་མཐའ་དག སྔགས་རིམ། གསང་

― TN03_Page_0036 ―

^{[མ་དཔེ་གཟིགས་ན་འདིར་གནོན།]}

(༣༦)བདེ་དུས་འཁོར་འཇིགས་བྱེད་སྐོར་སོགས་རྗེ་བཙུན་ཙོང་ཁ་པ་རྗེས་འབྲང་དང་བཅས་པའི་གཞུང་ལུགས་རྒྱ་མཚོ། མདོ་སྒྱུ་སེམས་གསུམ་དང་། བཀའ་བརྒྱད་ཡང་ཕུར་སོགས་རྙིང་ཕྱོགས་བཀའ་བབས་ཀྱི་ཆུ་བོ་བཞིའི་ཆོས་ཚུལ་མཐའ་ཡས་པ་ཕལ་ཆེར་རེ་རེའང་ལན་དུ་མར་གསན་ཏེ། དེ་བཞིན་དུ་ཤངས་ཆོས་མར་ལུགས་ཞི་བྱེད་གཅོད་ཡུལ་སོགས་ལའང་འདྲ་སྟེ་མདོར་ན་ཡོངས་འཛིན་དམ་པ་བརྒྱ་ལྔ་བཅུ་བསྟེན་ནས་བོད་གངས་ཅན་ཙམ་ན་རྒྱུན་བཞུགས་ཚད་ཀྱི་དབང་དང་གདམས་པ་ལ་མ་གསན་པ་མེད་པ་ལྟ་བུར་མཛད། བཀའ་འགྱུར་རིན་པོ་ཆེ་དང་། སྔ་འགྱུར་རྒྱུད་འབུམ། བསྟན་འགྱུར་རྒྱུན་གང་བཞུགས་སོགས་བཀླག་ལུང་ཁོ་ན་ཡང་གླེགས་བམ་བདུན་བརྒྱ་ལྷག་ཙམ་གསན། དེའང་འཆད་ཉན་དང་གླེགས་བམ་གྱི་རྒྱུན་རེ་རེའི་ཆེད་དུའང་རིགས་རུས་སྟོབས་འབྱོར་སོགས་ཀྱིས་ཁེངས་པ་དང་། སྡེ་རིས་དང་གྲུབ་མཐའི་ཕྱོགས་ཞེན་ཤུལ་ལམ་རིམ་བགྲོད་དང་ཆོས་སྒུགས་ཀྱི་ངལ་བས་ཞུམ་པ་སོགས་ཡོད་ཡེ་མི་མངའ་བར་དཀའ་སྤྱད་ཁུར་དུ་ཁྱེར་བའི་ཆོས་ཚོལ་གྱི་རྣམ་ཐར་བརྗོད་པར་མི་ནུས་ཤིང་། ངོར་ཆེན་ལས་བདེ་མཆོག་ནག་པོ་ལུགས་ཀྱི་དབང་གསན་སྐབས་བླ་མ་ཧེ་རུ་ཀ་ཞལ་བཞི་ཕྱག་བཅུ་གཉིས་པར་གཟིགས་པ་དང་། རྗེ་འཇམ་དཔལ་བཟང་པོ་རྣལ་འབྱོར་དབང་ཕྱུག་བི་རྦ་པར་གཟིགས་པ་སོགས་བླ་མ་སངས་རྒྱས་སུ་

― TN03_Page_0037 ―

^{[མ་དཔེ་གཟིགས་ན་འདིར་གནོན།]}

(༣༧)མཐོང་ཚུལ་རྨད་དུ་བྱུང་བས་བྱང་དྲངས་ཏེ། ཆོས་གསན་པའི་བླ་མ་ཐམས་ཅད་ལ་གཅེས་དགུའི་བདོག་པས་མཆོད་པ་སོགས་སྒོ་དུ་མ་ནས་མཉེས་པ་མ་བསྒྲུབས་པ་དང་། ཕྱིན་ཅི་ལོག་གི་བསམ་སྦྱོར་ངན་པ་གཅིག་བཅངས་པའང་མེད་གསུངས་ཏེ་འདི་ཁོ་ན་ཡང་སྙིགས་མའི་དུས་ཀྱི་རང་བྱུང་གི་ཀུན་མཁྱེན་མང་པོས་བསམ་པར་སླ་བའང་མ་ཡིན་པའི་རྣམ་ཐར་ངོ་མཚར་བར་མཐོང་ངོ། །དབང་ཆོས་གསན་པ་ན་དངོས་གྲུབ་གྲུབ་པའི་ནང་གི་ལྟས་ཁྱད་པར་ཅན་ཡང་མང་དུ་གཟིགས་ཚུལ་མཚན་གཞི་ངོས་འཛིན་ཙམ་བརྗོད་ན། རྡོ་རྗེ་ཕྲེང་བ་གསན་སྐབས་སྟ་གོན་གྱི་ནུབ་མོའི་ཐོ་རངས། སྐྱེས་བུ་བརྗིད་ཆགས་པ་སྣུམ་བག་ཅན་བོང་ཚད་གཞན་ལས་ཉིས་འགྱུར་གྱིས་ཆེ་བ་ཟ་འོག་ནག་པོའི་གོས་ལྷུབ་གྱོན་བྱས་པ་ཞིག་གིས་ཐོག་དྲངས་སྐྱེ་བོའི་རབ་ཏུ་མང་པོས་རང་ཉིད་ལ་འདུད་པ་དང་། ཤར་ཕྱོགས་ནས་ཉི་མ་ཞིག་ཤར་བ་ཐུགས་ཀར་ཐིམ། དེ་ལས་སླར་སྐར་མ་ལྟ་བུའི་ཉི་མ་ཆུང་ངུ་མང་པོ་འཕྲོ་བ་དང་། བྱེའུ་ཆུང་ངུ་ཞིག་ཁྲས་དེད་པ་སྲོག་བསྐྱབ་མཛད་པ་རྣམས་བྱུང་། དེ་ཉིད་ནས་བརྩིས་པའི་ནུབ་བཞི་པར། ཆུ་ཆེན་པོ་ཞིག་བརྒལ་བའི་ཕ་རོལ་ཕ་བོང་ཞིག་གི་སྟེང་དུ་གྲུབ་ཆེན་རྡོ་རྗེ་དྲིལ་བུ་ཞབས་བཞུགས་འདུག །དེའི་འཁྲིས་སུ་ཀུན་ཏུ་རྒྱུའི་ཆ་བྱད་ཅན་ཞིག་གིས་ལི་ཁྲི་དངོས་ཡིན་ཚུལ་གྱིས་ཤིང་ལོ་

― TN03_Page_0038 ―

^{[མ་དཔེ་གཟིགས་ན་འདིར་གནོན།]}

(༣༨)དམར་སེར་རེག་པས་ཚོན་དམར་སེར་དུ་འགྱུར་བ་ཞིག་དཔྲལ་བར་བསླན། དཱུརྦ་དངོས་ཡིན་ཞེས་ཤིང་ཏོག་སེར་པོ་ཞིག་བྱིན་པ་གསོལ་བས་རོ་ཁྱད་པར་དུ་འཕགས་པ་བྱུང་། བཅུད་ལེན་མཆོག་ཏུ་འགྱུར་ཞེས་ཟེར། དེ་ནས་རེ་ཞིག་ན་ལྷ་ཁང་གོག་པོ་ཞིག་ཏུ་རྒྱལ་བ་མ་ཕམ་པའི་སྣང་བརྙན་ཁྱད་འཕགས་ཤིག་ཐིགས་པས་འཇིག་ལ་ཁྱད་དུ་འདུག་པ་ཞིག་གསོས་མཛད་པས་དར་གཅིག་ན་ཞལ་རས་ཡན་ཆད་ལེགས་པོ་ཞིག་གྲུབ། དེའི་སྤྱན་སྔར་རབ་གནས་དང་ཚོགས་ཀྱི་འཁོར་ལོ་མཛད་པའི་མཐར། ཨོཾ་ཤྲཱི་ཨ་ལ་ལ་ཧོཿབདེ་ཆེན་གྱི་ཡེ་ཤེས་མཐར་སོན་པས། ཁ་སྦྱོར་ལ་ཡན་ལག་བདུན་དང་ལྡན། །དཔལ་རྡོ་རྗེ་འཆང་ཆེན་མི་གཟུགས་ཅན། །རྗེ་བླ་མའི་ཞབས་པད་སྙིང་ནས་དྲན། །ཕུང་པོ་དང་ཁམས་དང་སྐྱེ་མཆེད་ཀུན། །གདན་གསུམ་གྱི་དཀྱིལ་འཁོར་གཅིག་ཏུ་ཤར། །རྗེ་བླ་མ་སྐུ་ཡི་རྡོ་རྗེ་ལ། །ཡུལ་སྣང་སྟོང་གི་ངང་ནས་གསོལ་བ་འདེབས། །རྩ་ཨ་བ་དྷུ་ཏིའི་རྒྱུད་མངས་ལས། རླུང་མི་ཤིགས་ནཱ་དཱི་དབྱངས་སྙན་ལེན། །རྗེ་བླ་མ་གསུང་གི་རྡོ་རྗེ་ལ། །སྒྲ་གྲགས་སྟོང་གི་ངང་ནས་གསོལ་བ་འདེབས། །ཐབས་བདེ་བ་ཆེན་པོས་དྲངས་པ་ཡི། །སྟོང་ཉིད་ལ་སྙིང་རྗེའི་རང་རྩལ་རྫོགས། །རྗེ་བླ་མ་ཐུགས་ཀྱི་རྡོ་རྗེ་ལ། །བློ་རིག་སྟོང་གི་ངང་ནས་གསོལ་བ་འདེབས། །ཆེས་ཕྲ་བའི་རྩ་རླུང་ཐིག་

― TN03_Page_0039 ―

^{[མ་དཔེ་གཟིགས་ན་འདིར་གནོན།]}

(༣༩)ལེའི་ཁམས། །འོད་གསལ་དུ་དྭངས་པའི་ཟུང་འཇུག་སྐུ། །རྗེ་བླ་མ་ཡེ་ཤེས་རྡོ་རྗེ་ལ། །དོན་དབྱེར་མེད་ཀྱི་ངང་ནས་གསོལ་བ་འདེབས། །ངེས་འབྱུང་གི་ཆུ་ཡིས་སྙིང་རབ་བསིལ། །ཚུལ་ཁྲིམས་ཀྱི་བསླབ་པས་ལུས་ངག་དག །ཏིང་འཛིན་གྱི་བྱེད་པོས་སེམས་རྒྱུད་དུལ། །ཤེས་རབ་ཀྱི་མིག་དང་ལྡན་པར་ཤོག །སྣང་བ་ཀུན་འཇའ་ཚོན་ལྷ་སྐུར་ཤར། །སྟོང་པ་ཡང་བདེ་བའི་ཐབས་དང་བཅས། །ཟུང་འཇུག་ལ་དགའ་བཞིའི་རྩལ་རྫོགས་པའི། །གོ་འཕང་དེ་ཚེ་འདིར་འགྲུབ་གྱུར་ཅིག །ཅེས་པའི་གླུ་དབྱངས་མཛད་པ་དང་། ནུབ་བདུན་པར། ལྷ་ལྡན་སྤྲུལ་པའི་གཙུག་ལག་ཁང་དུ་ནང་སྐོར་ལ་ཕེབས་པར་ཕྱག་ཏུ་འབྲས་དཀར་གྱིས་ཁེངས་པའི་རིན་པོ་ཆེའི་ཟ་མ་ཏོག་ཅིག་འདུག་པ་ནས་འཐོར་བཞིན་དུ་བྱོན་པས་ས་ལ་ཆགས་རིམ་བཞིན་དུ་མེ་ཏོག་དཀར་པོ་རེ་ལམ་ལམ་སྐྱེས། ཇོ་བོ་རིན་པོ་ཆེའི་དྲུང་དུ་སྤྲོ་བཞིན་སླེབས། དེར་མར་མེ་བརྒྱ་སྐོང་ཞིག་སྤར་གྲབ་བྱས་འདུག་པའི་འཁྲིས་དེར་ངོ་མི་འཚལ་བའི་མི་ཞིག་གིས། སྐུ་ཞབས་ཀྱི་གྲུབ་རྟགས་ཁྱད་པར་འཕགས། ད་མར་མེ་འདི་རྣམས་ལ་ཐུགས་སྨོན་གནང་ན་རང་འབར་དུ་ཡོང་། དེ་བྱུང་ན་སྨོན་ལམ་གང་བཏབ་མྱུར་དུ་འགྲུབ་ཟེར་བར། མར་མེ་ལ་དམོད་བཙུགས་ཏེ་མེ་ཏོག་འཐོར་བས་རང་འབར་དུ་སོང་། དེར་ཕན་བདེ་འབྱུང་བའི་སོགས་དང་། འཇིག་རྟེན་བདེ་ཞིང་སོགས་ཀྱི་སྨོན་ལམ་བཏབ་

― TN03_Page_0040 ―

^{[མ་དཔེ་གཟིགས་ན་འདིར་གནོན།]}

(༤༠)པས་ད་ཅིའི་མི་དེ་ན་རེ། རང་དོན་དུའང་སྨོན་ལམ་ཞིག་མཛོད་དང་ཟེར་བར། ཕར་ལྟོས་དཔོན་མེད་ཚུར་ལྟོས་གཡོག་མེད་ཅིང་། །འདུལ་རྒྱུའི་དགྲ་མེད་སྐྱོང་རྒྱུའི་གཉེན་མེད་པར། །དབེན་པའི་གནས་སུ་རང་སེམས་འདུལ་བ་དང་། །རླབས་ཆེན་རྒྱལ་སྲས་སྤྱོད་པ་མཐར་ཕྱིན་ཤོག །ཅེས་བཏབ་པས་ཡི་རང་བའི་རྣམ་འགྱུར་སྟོན་པ་དང་། ནུབ་བཅུ་པར་རང་ཉིད་འཁྲུངས་ཡུལ་ཡིན་སྙམ་པའི་སྨན་ལྗོངས་ཉམས་དགའ་བ་ཞིག་ཏུ་སླེབས། དེར་བདུད་རྩི་རིལ་བུར་འགྲོ་བའི་སྔོ་སྨན་རྣམས་ཚོལ་བའི་འདུན་པས་ཕེབས་པར་ཕལ་ཆེར་ཞིག་རྙེད། སླར་ཨ་རུ་རའི་ནགས་ཚལ་ཐོལ་ལེ་བ་ཞིག་ཏུ་ཕྱིན། དེ་ན་སྨན་གྱི་དྲང་སྲོང་ཡིན་ཟེར་བའི་དགེ་སློང་བགྲེས་པོ་ཞིག་འདུག་པས་སྔོ་སྨན་མང་པོའི་ངོས་འཛིན་དང་། སྨན་སྦྱོར་ཁ་ཤས་གསུང་། དེ་ལ་ཡུལ་འདི་རྒྱ་བ་ལ་གྱི་ས་ཆ་ཞིག་ཡིན་འདྲ་སྟེ་ཇི་སྐད་ཟེར་བ་ལགས་ཞུས་པས། དཔལ་འཁོར་ལོ་བདེ་མཆོག་གི་གནས་ཁྱད་པར་ཅན་ཡིན། །སྐུ་རང་བྱོན་ཀྱང་བཞུགས་པས་མཇལ་དུ་འདོང་ཞེས་ཁྲིད། ཁང་བཟང་ཅུང་ཟད་གོག་པ་ཞིག་གི་སྒོ་ཕྱེ་བའི་ནང་དུ་མཚོ་ནག་དམ་པ་ཞིག་གི་དབུས་བདེ་མཆོག་གི་སྐུ་བློས་མི་འཆུད་པའི་ཆེན་པོ་ཞིག་མཇལ། ཟིལ་བསམ་གྱིས་མི་ཁྱབ་པས་རེ་ཞིག་བརྒྱལ་བ་སྙམ་བྱེད་པ་སོགས་མནལ་ལྟས་མཐའ་དག་བརྗོད་པར་མི་ནུས་ཤིང་། ཕྱི་རོལ་དུའང་འཇིགས་མེད་རྒྱལ་བའི་མྱུ་གུ་ལས་

― TN03_Page_0041 ―

^{[མ་དཔེ་གཟིགས་ན་འདིར་གནོན།]}

(༢༥)བྷོ་ཊའི་ཡུལ་གྱི་སློབ་དཔོན་ཆེན་པོ་མཉྫུ་ཤྲཱི་དྷརྨ་མི་ཏྲའི་ཞབས་ཀྱི་རྟོགས་པ་མདོ་ཙམ་དུ་བརྗོད་པ་འཇིག་རྟེན་ཀུན་དུ་དགའ་བའི་གཏེར་ཞེས་བྱ་བ་བཞུགས་སོ། །

― TN03_Page_0042 ―

^{[མ་དཔེ་གཟིགས་ན་འདིར་གནོན།]}

(༢༦)ན་མོ་གུ་རུ་མཉྫུ་ཤྲཱི་ཡེ། ཚོགས་གཉིས་རི་བོའི་བ་གམ་རྩེར་འཛེགས་ཐུབ་བསྟན་མཁའ་ལ་རྒྱན་དུ་བྱེད། །ཕྲིན་ལས་འོད་ཀྱིས་ཕྱོགས་སྟོང་སྤྱི་བོར་མཛེས་སྡུག་ཅོད་པན་ཉིན་བཞིན་འདོགས། །དམ་པའི་བློ་གྲོས་ཆུ་སྐྱེས་ཚལ་ནང་ཀུན་དགའི་རོལ་པ་འབུམ་འགྱེད་པ། །འཇམ་དབྱངས་རྗེས་བརྩེའི་ཆུ་གཏེར་ལས་བལྟམས་བླ་མའི་ཉིན་བྱེད་རྒྱལ་གྱུར་ཅིག །དེ་ཡི་བཀའ་དྲིན་ལྕགས་ཀྱུས་དྲངས་པའི་ཡིད། །མི་འཕྲོགས་དགའ་བར་ཁོལ་བས་ཉེར་བསྐྱོད་ཅིང་། །འདོད་པའི་གོམ་སྟབས་བསོད་ནམས་ཛམ་བུའི་ནགས། །རྩེ་གཅིག་བསྒྱུར་བའི་ཅ་ཅོ་དབྱངས་སུ་ལེན། །ཟབ་ཅིང་རྒྱ་ཆེའི་སྦྱོར་བ་བརྒྱས་བསགས་པ། །དག་པའི་ཐུགས་མངའ་

― TN03_Page_0043 ―

^{[མ་དཔེ་གཟིགས་ན་འདིར་གནོན།]}

(༢༧)རྣམས་ཀྱི་རྣམ་པར་ཐར། །སོ་སོ་རང་རིག་ཡུལ་ལ་བདག་འདྲ་བས། །ཅི་དགར་སྨྲ་བའི་གོ་སྐབས་ག་ལ་རྙེད། །འོན་ཀྱང་བདེན་གསུང་བདུད་རྩིའི་རླབས་ཕྱུར་བ། །དང་བའི་སྙིམ་པར་ཆ་ཙམ་འཐུང་བ་ལས། །བློ་གྲོས་ལང་ཚོ་རྒྱགས་པའི་མྱོས་གླུ་ནི། །རང་བཞིན་བརྗོད་པའི་རྟོགས་བརྗོད་ཕྲེང་བར་སྤེལ། །དེ་ལ་ལྔ་བརྒྱ་པ་རྣམས་ཀྱི་གཙུག་གི་ནོར་བུ། །ཛམ་བུའི་གླིང་ན་ཆེ་བའི་རྣལ་འབྱོར་གྱི་དབང་ཕྱུག །འཇམ་དཔལ་ཆོས་ཀྱི་བཤེས་གཉེན་ཞེས་སྙན་གྲགས་ཀྱི་ཡི་གེས་ས་གཞིའི་དཀྱིལ་འཁོར་བརྒྱན་པར་མཛད་པ་དེ་ཉིད་འཇིག་རྟེན་དུ་ཇི་ལྟར་བྱུང་བའི་ཚུལ་ནི། འཕགས་པ་སྤྱན་རས་གཟིགས་དབང་ཕྱུག་གི་གདུལ་ཞིང་། བོད་ཁ་བ་ཅན་གྱི་ཤར་

― TN03_Page_0044 ―

^{[མ་དཔེ་གཟིགས་ན་འདིར་གནོན།]}

(༢༨)ཕྱོགས། མདོ་ཁམས་སྡེ་དགེའི་མངའ་རིས་ལས། ཡུལ་གྱི་དགེ་བཅུ་གཡང་དུ་ཆགས་ཤིང་ཉེ་འཁོར་བཀྲ་ཤིས་རྟགས་བརྒྱད་ཀྱིས་རེ་ཁཱས་བཀྲ་ལ། དཔའ་བོ་མཁའ་འགྲོའི་གྲོང་མང་པོ་དང་འདབ་འབྲེལ་བས་ཁྱད་པར་དུ་འཕགས་པ་གཏེར་ལྷུང་ཞེས་པའི་སའི་ཆ་ཤས། ཉང་རིན་པོ་ཆེའི་གཏེར་ལུང་ལས། རྩེ་སྒང་ཞེས་པའི་རི་བོའི་མདུན༔ ཕ་བོད་ཀླུ་དབང་འཁྱིལ་བའི་སྟེངཿ མངའ་བདག་འཇམ་པའི་དབྱངས་ཞེས་འབྱུང་ཿ བཅུ་གསུམ་ཟབ་མོའི་གཏེར་ལ་སྤྱོད༔ ཅེས་པ་ལྟར། རྒྱབ་རི་རྩེ་སྒང་དུ་གྲགས་པའི་མདུན། བྲག་རི་སྦྲུལ་འཁྱིལ་བ་ལྟ་བུའི་གཟུགས་སུ་གནས་པའི་སྟེང་། དེའུ་མགོ་ཞེས་པའི་གྲོང་དུ་ཡབ་ཚང་ཆགས་ཤིང་། སྐུ་བལྟམས་དངོས་ཁྱུད་ཆེན་བྲག་གི་ཉེ་འདབས་སུ་དབྱར་མལ་ཕོག་ཡོད་པའི་སྐབས། རས་དཀར་གྱི་ལྡིང་གུར་ཕུབ་པའི་ནང་དུ་བྱུང་བས། གུ་རུ་ཚེ་བརྟན་རྒྱལ་མཚན་པའི་གཏེར་ཡིག་ལས། མོན་བུ་སྤྱི་རིང་སྐྲ་ཡི་ལ་བ་ཅནཿ རི་བོ་ཁྱུང་ཆེན་ལྡིང་བའམ་ཞོལ་དུ་འབྱུང་༔ ཞེས་འབྱུང་བ་དང་ཤིན་ཏུ་འགྲིགས། དེའང་མཛེས་སྡུག་གི་ཡོན་ཏན་ལས་མིང་ཆགས་པ་མྱོས་ཀྱི་རིགས་ལས་མི་དབང་སྡེ་དགེའི་དྲུང་ཆེན་གཙུག་ལག་གཉིས་ལ་བློ་གྲོས་མཆོག་ཏུ་ཡངས་པ་རིན་ཆེན་དབང་རྒྱལ་དང་། ཡུམ་མདུན་ན་འདོན་གཙོ་བོའི་རྒྱུད་དུ་བྱུང་བ་དགེར་བ་བུ་མོ་བསོད་

― TN03_Page_0045 ―

^{[མ་དཔེ་གཟིགས་ན་འདིར་གནོན།]}

(༢༩)ནམས་མཚོའི་སྲས་སུ་རབ་བྱུང་བཅུ་བཞི་པའི་ས་མོ་ཡོས་ལ་ལྷུམས་སུ་ཞུགས། དེའི་ཚེ་ཡུམ་གྱི་ལུས་མདངས་དང་ལྡན་ཞིང་བདེ་བ་དང་། དགེ་སེམས་རང་བཞིན་གྱིས་འཕེལ་བར་གྱུར་ཏེ། མངལ་དུ་ཟླ་བ་བརྒྱད་བཞུགས་ནས་ལྕགས་འབྲུག་ཆུ་སྟོད་ཟླ་བའི་ཆོས་འཁོར་དུས་ཆེན་དང་ཉེ་བ་དཀར་ཕྱོགས་རྫོགས་པ་དང་པོའི་ཐོ་རངས་ཁྱིམ་ཉི་མ་ཤར་བ་ལྟ་བུའི་འོད་ཀྱིས་གང་བ་དང་། ཉི་མ་ཤར་དུས་སུ་ཆུ་སྣོད་ཀྱི་ཆུ་འོ་མའི་ཕུང་པོར་བསྙོན་མི་ནུས་པར་སོང་བ་སོགས་ལྟས་ཁྱད་པར་ཅན་གྱིས་མདུན་བསུས་ཏེ། དེ་ཉིད་ཀྱི་ཉི་མའི་གུང་ལ་ཀུན་དགའི་ལང་ཚོ་སྨིན་མཚམས་དཔའ་བོའི་རྒྱ་རྟགས་ཀྱིས་སྤྲས་ཤིང་སྐྱེ་མཆེད་ཤིན་ཏུ་དང་བ། ཁོ་ལག་ཡངས་ཤིང་སྐུ་བྱད་ལྟ་ན་སྡུག་པ། འཁྲི་ཤིང་གསར་པའི་འདབ་མ་ལྟར་མཉེན་ལ་གཟི་བརྗིད་ཀྱིས་སྣུམ་པ། སྤོས་ཀྱི་ཤིང་བཞིན་ལྷན་ཅིག་སྐྱེས་པའི་དྲི་བསུང་ཞིམ་པོ་ཅན། དབྱིག་གི་གདངས་སྤྲིན་གྱི་ང་རོ་ལྟ་བུའི་རྒྱན་དང་ལྡན་པ་ཞིག་དབུ་སྐྲ་ནག་པོ་སིལ་བུར་གྱུར་ཅིང་། ཤ་མའི་གཡོགས་ཆོས་གོས་དཀྲི་ཚུལ་ལྟར་མནབ་པ། ཀུ་ཤའི་སེ་རལ་ཁ་དང་བཅས་པའི་རྣམ་པས་ཡུམ་ལ་གནོད་པ་མེད་པར་བལྟམས། བྱང་ཆུབ་སེམས་དཔའ་རིན་པོ་ཆེ་འདི་བྱུང་བའི་མཐུ་ལས་ཁྱིམ་དེ་བཀྲ་ཤིས་ཀྱི་གཟི་དང་ལྡན་པར་གྱུར་པ་ཙམ་དུ་མ་ཟད། རྒྱལ་ཁམས་སྤྱིར་ཡང་བདེ་བ་དང་ལོ་ལེགས་

― TN03_Page_0046 ―

^{[མ་དཔེ་གཟིགས་ན་འདིར་གནོན།]}

(༣༠)པ་སོགས་འཇིག་རྟེན་སྐྱོང་བ་རྣམས་བཙས་སྟོན་བྱེད་པ་ལ་བརྩོན་པ་བཞིན་དུ་གྱུར་ཏོ། །མདོ་ཁམས་སྟོད་སྨད་ཕལ་ཆེར་སྡོ་འཇམ་དཔལ་རྟག་དུས་གང་བ་འདིའང་རྗེ་བླ་མ་མ་བྱོན་གོང་དུ་མེད་ཟེར་ཏེ། སི་ཏུ་ཆོས་འབྱུང་གི་དྲིས་ལན་ཞིག་དང་བསྟུན་ན་བདེན་པར་གསལ། བྱིས་པའི་དུས་ནས་ནག་པོ་ཆེན་པོ་དང་རེ་མ་ཏིས་རྒྱུན་དུ་སྲུང་བ་རྣམས་དངོས་སུ་གཟིགས། གཞོན་ནུ་དེ་ནི་རང་བཞིན་གྱིས་བརྩེ་བ་ཆེ་ཞིང་། གཏོང་བ་ལ་དགྱེས་པ་དང་། དེས་ཤིང་འགྲོགས་ན་བདེ་བ་དང་། སྙིང་སྟོབས་ཆེན་པོའི་ངང་ཚུལ་སུས་ཀྱང་དགག་ཏུ་མི་བཏུབ། གྲུབ་ཆེན་དྲིལ་བུ་ཞབས་དང་། པནྜི་ཏ་སྒོ་མཐའ་ཡས་པའི་བློ་གྲོས། ནགས་ཀྱི་རིན་ཆེན། མངའ་སྐྱོང་ཁྲི་ལྡེ། འབྲོམ་ཆོས་ཀྱི་རྒྱལ་པོ། ཐང་རྒྱལ་སོགས་འཕགས་བོད་ཀྱི་སྐྱེས་མཆོག་མང་པོར་འཁྲུངས་པའི་སྔོན་རབས་ཀྱི་མཛད་པ་དང་འབྲེལ་བར་ཆོས་ཀྱི་རྣམ་གྲངས་དང་དགེ་བའི་བཤེས་གཉེན་དགོན་གནས་དཀྱིལ་འཁོར་མང་པོ་སོགས་རྗེས་སུ་དྲན། ལར་ཡང་སྐྱེས་བུ་ཆེན་པོ་འདི་ལོ་རྒྱུས་འཆད་པ་ན་སྔོན་རབས་ཀྱི་ཡི་གེ་སྔ་ཕྱི་རྣམས་སུ་མི་འབྱུང་བའི་གཏམ་གྱི་སྦྱོར་ཞིབ་མོ་རང་ཚིག་གིས་མ་བསལ་བ་ཉན་པ་པོའི་བློས་མཁྱུད་དཀའ་བ་ཤ་སྟག་འབྱུང་སྟེ་སྔོན་གནས་རྗེ་དྲན་གྱི་མཐུར་སྣང་། སྐུ་ཚེ་མང་པོར་བྱང་ཆུབ་སེམས་དཔའི་ཉེས་སྤྱོད་སྡོམ་པའི་ཚུལ་ཁྲིམས་ཁྱད་པར་ཅན་ལེགས་པར་

― TN03_Page_0047 ―

^{[མ་དཔེ་གཟིགས་ན་འདིར་གནོན།]}

(༣༡)སྦྱངས་པའི་རྒྱུ་མཐུན་ལས་སྐུ་ན་ཤིན་ཏུ་ཕྲ་མོ་ནས་རབ་བྱུང་ཁོ་ན་ལ་དགྱེས་ཤིང་ཁྱིམ་པའི་རྟགས་རིང་དུ་སྤངས། རྫ་དང་གངས་ཁྲོད་སོགས་དབེན་གནས་འབའ་ཞིག་ལ་རྟག་ཏུ་དགོངས་པའི་རྣམ་འགྱུར་དང་དུས་དང་དུས་སུ་བསམ་གཏན་ལ་མཉམ་པར་འཇོག་པའི་ཀུན་སྤྱོད། ལྡང་བ་ན་ཆོས་འཆད་པའི་ལད་མོ་སོགས་རྨད་དུ་བྱུང་བའི་རོལ་རྩེད་ཀྱང་མཛད། ལྷན་ཅིག་སྐྱེས་པའི་ཤེས་རབ་རླབས་ཆེ་བས་སྐུ་ཚེ་འདིར་སྒྲ་སྙན་སྡེབ་སྦྱོར་དང་ནང་གི་རིག་གནས་ཅི་ཡང་མ་བསླབས་པ་དགུང་གྲངས་བཅུ་གཉིས་སྐོར་དུ་ཡང་བསྟོད་ཚོགས་དང་མདོ་སྔགས་ལམ་རིམ། གཞན་དག་ཆོས་ལ་སྐུལ་བའི་གཏམ་སོགས་ཟད་མི་ཤེས་པར་དགོངས་ཉམས་བྱུང་རྒྱལ་གྱི་ངང་ནས་རྩོམ་ཆོག་པ་དང་། དེ་དག་ཀྱང་རྗོད་བྱེད་ཀྱི་ཉམས་འགྱུར། བརྗོད་བྱའི་འགང་། གོང་འོག་གི་འབྲེལ་ཕུན་སུམ་ཚོགས་པས་མཁས་པ་རྣམས་ཀྱི་ཡིད་འཕྲོགས་པ་ཁོ་ན་ཡོད། དགུང་ལོ་བརྒྱད་དུ་ཕེབས་པ་ན་སྙུན་གྱི་ཚོར་བ་རྩུབ་མོས་ཐུགས་བསྡུས་པ་ལྟ་བུའི་རྐྱེན་ལས་མངོན་སུམ་གྱི་སྣང་ཆར་ཨོ་རྒྱན་རིན་པོ་ཆེ་དང་ཌཱ་ཀྐིའི་དབང་མོ་མཁར་ཆེན་བཟས་རྡོ་རྗེ་ཕུར་པའི་དཀྱིལ་འཁོར་དུ་དབང་བསྐུར་བས་བར་ཆད་དངོས་གྲུབ་ཀྱི་གྲོགས་སུ་ལྷོངས་ཤིང་། ལན་གཅིག་གཏེར་ལྷུང་གི་བྲག་སྐྱིབས་ཤིག་ཏུ་ནམ་མཁའ་ནས་དྷཱིའི་རང་སྒྲ་ཆེན་པོ་གྲགས་པས་

― TN03_Page_0048 ―

^{[མ་དཔེ་གཟིགས་ན་འདིར་གནོན།]}

(༣༢)ཅུང་ཟད་བརྒྱལ་ཐབས་སུ་སོང་། དེ་ལས་སད་མ་ཐག་རྗེ་བཙུན་མཁྱེན་པའི་གཏེར་དང་སློབ་དཔོན་འཇམ་དཔལ་བཤེས་གཉེན་དབྱེར་མེད་པའི་སྐུའི་སྣང་བ་དང་དགོངས་པ་ཏིང་ངེ་འཛིན་གྱིས་བརླབས། དགུང་ལོ་བཅོ་ལྔ་པར་ཉིན་སྣང་དངོས་དང་དབྱེ་བ་མི་ཕྱེད་པ་ལྟ་བུའི་ཉམས་ཀྱི་གསལ་ཆར་རྒྱ་གར་རྡོ་རྗེ་གདན་གྱི་གནྡྷོ་ལ་རིམ་པ་དགུ་པ་གསེར་གྱི་རྒྱ་ཕུབ་དང་སྨན་ཤིང་གི་ར་བ་སོགས་བཀོད་པ་བཟང་ཞིང་རྒྱ་ཆེ་བར་སློབ་དཔོན་ཆེན་པོ་འཇམ་དཔལ་བཤེས་གཉེན་ལས་ཤེས་རབ་ཀྱི་ཕ་རོལ་ཏུ་ཕྱིན་པ་དང་རྣལ་འབྱོར་བླ་ན་མེད་པའི་ཆོས་ཀྱི་གསང་མཛོད་ཐོབ། གནྡྷོ་ལའི་སྒོ་དྲུང་དུ་མེ་ཕུང་ཆེན་པོ་འབར་བ་ཞིག་གཟིགས་པར་དབང་མེད་དུ་ཞུགས་པས་རགས་ལུས་སྤྱངས། དྭངས་མ་འོད་ཀྱི་ལུས་སུ་སྣང་བའི་ངང་ལ་པ་ཆེན་བི་མ་ལ་དངོས་ཀྱི་ང་རྒྱལ་དུ་འབྱམས་ཀླས། ལོ་དེའི་རྒྱལ་ཟླ་བར་ཚེ་སྒྲུབ་མཛད་པའི་ཐོ་རངས་ཞིག་བཟླས་པ་ལ་བབས་པ་ན་ནམ་མཁའི་དབྱིངས་ནས་ཌཱ་མ་རུའི་སྒྲ་དང་ཤིན་ཏུ་ཞིམ་པའི་དྲི་བསུང་བཅས་འོད་དམར་བཀྲག་མདངས་འབར་བ་ཞིག་སྒྲུབ་རྫས་ཀྱི་སྟེང་ནས་ཞུགས་ཤིང་འདྲེས་པའི་ཀློང་དུ་ཡེ་ཤེས་ཌཱཀྐི་ཙཎྜ་ལི་གར་སྟབས་བསྒྱུར་བའི་ཞལ་ནས་དབང་དང་གདམས་པ་སྩལ་བའི་མཐར་ཤིས་བརྗོད་ཀྱི་མེ་ཏོག་དམར་པོ་ཆར་དུ་བསྙིལ་བའི་གཟིགས་སྣང་དང་ལྷན་ཅིག་སྒྲུབ་དཀྱིལ་སྟེང་དུ་གཡར་མོ་ཐང་ལྟ་བུའི་མེ་ཏོག་

― TN03_Page_0049 ―

^{[མ་དཔེ་གཟིགས་ན་འདིར་གནོན།]}

(༣༣)གི་ཆར་པ་དངོས་གནས་ལ་བབས། ལོ་བཅུ་དྲུག་བཞེས་པའི་ས་ག་ཟླ་བའི་ཚེས་བཅུར་པདྨ་འོད་གླིང་དུ་ཕེབས་པར་ཟངས་མདོག་དཔལ་རི་བྲག་རི་ལྷུན་ཆགས་ཀྱི་རྣམ་པར་གཟིགས་པའི་ཁོང་དུ་ཤིང་བལ་གྱི་འདབ་མ་སྤུངས་པ་ལྟ་བུའི་སྤྲིན་གསར་མཛེས་པའི་ཀློང་ན་དཔལ་ཨོ་རྒྱན་ཆོས་ཀྱི་རྒྱལ་པོ་རྡོ་རྗེ་མཁའ་འགྲོ་མའི་འཁོར་རྒྱ་མཚོ་ལྟ་བུ་དང་བཅས་པར་གཟིགས་ཤིང་། སྐུ་གསུམ་ངོ་སྤྲོད་ཀྱི་གདམས་པ་ཐུན་མོང་མ་ཡིན་པ་སྩལ་བ་སོགས་ལས་རྡོ་རྗེ་གསུམ་གྱི་ཡེ་ཤེས་གོང་དུ་འཕེལ། སྐྱེ་བས་ཐོབ་པའི་ཡོན་ཏན་ཕུལ་བྱུང་དང་། །ངང་གིས་རླབས་ཆེན་མགོན་དང་བཅས་གྱུར་པའི། །ཚུལ་འདིས་རྗེ་བཙུན་སྐུ་ཚེ་དུ་མ་ནས། །བསོད་ནམས་ཡེ་ཤེས་ཚོགས་ཆེན་བསགས་པར་རྟོགས། །དགུང་ལོ་བརྒྱད་ནས་ཡབ་དང་བླ་སྨན་ཆོས་གྲགས་རྒྱ་མཚོ་སོགས་ལས་བྲིས་ཀློག་དང་རྩིས་དཀར་ནག །བོད་ཀྱི་བརྡ་སྤྲོད་གཞུང་གཉིས། གསོ་རིག་རྒྱུད་བཞི་ཡན་ལག་ཕྲ་མོ་ཚུན་གྱི་བཤད་པ་དང་ལག་ལེན། སྐུ་གཟུགས་མཆོད་རྟེན་དང་དཀྱིལ་འཁོར་གྱི་ཆ་ཚད་སྤོས་སྦྱོར་སོགས་ཆེས་མཁས་ཤིང་བྱང་བར་བསླབས། དེ་ནས་རིང་པོ་མ་ལོན་པར་ཡབ་གཤེགས་པའི་རྐྱེན་གྱིས་རེ་ཞིག་གསན་སྦྱངས་འཕྲོ་ཅན་དུ་ལུས། ཡབ་ཡུམ་འདས་ནས་ཅིར་འགྱུར་གཟིགས་པས་ཡབ་ལྕང་ལོ་ཅན་དུ་འཕགས་པ་ལག་ན་རྡོ་རྗེའི་ཞལ་མཐོང་བའི་གནོད་སྦྱིན་ཞིག་དང་།

― TN03_Page_0050 ―

^{[མ་དཔེ་གཟིགས་ན་འདིར་གནོན།]}

(༣༤)ཡུམ་ཞིང་སྐྱེས་ཤ་ཟ་ཌཀྐི་ཞིག་ཏུ་སྐྱེས་པ་མཐོང་གསུངས། དགུང་ལོ་བཅུ་དགུ་པར་ཟེ་ཆེན་པ་འགྱུར་མེད་མཐུ་སྟོབས་ལས་སྒྲ་ཀ་ཙ་དབྱངས་གསུམ་གྱི་རི་མོ་དང་གོ་དོན་རྒྱས་པ། མངོན་བརྗོད་འཆི་མེད་མཛོད་རྩ་འགྲེལ། སྙན་དངགས་མེ་ལོང་། སྡེབ་སྦྱོར་རིན་འབྱུང་སོགས་གསན་བསམ་མང་དུ་སྦྱངས་པས་སོ་སོ་ལ་མཁས་པའི་ཚད་དུ་ཕྱིན། དགུང་གྲངས་ཉེར་གཅིག་པར་ཨོ་རྒྱན་སྨིན་གྲོལ་གླིང་གི་ཆོས་གྲྭར་མཁན་ཆེན་འགྱུར་མེད་རིག་འཛིན་བཟང་པོ་སོགས་དད་པའི་དགེ་འདུན་གྲངས་ཚང་བ་ལས་བསྙེན་པར་རྫོགས། ས་སྐྱ་བདག་ཆེན་རྡོ་རྗེ་རིན་ཆེན་དང་སྨིན་གླིང་ཁྲི་འགྱུར་མེད་སངས་རྒྱས་ཀུན་དགའ་སོགས་དུ་མ་ལས་སྨོན་འཇུག་གི་ཐུགས་བསྐྱེད་བཞེས། སྔ་ཕྱིར་ངོར་ས་སྐྱ་དཔལ་ལྡན་འབྲས་སྤུང་། བཀྲ་ཤིས་ལྷུན་པོ། མདོ་ཁམས་སོགས་སུ་བཞུགས་ཏེ། གཟིམ་འོག་མཆོག་སྤྲུལ་བྱམས་པ་ངག་དབང་བསྟན་འཛིན་སྙན་གྲགས། སྒོ་མང་ཞབས་དྲུང་དཀོན་མཆོག་བསྟན་པ་རབ་རྒྱས། ཐེ་བོ་སྤྲུལ་སྐུ་ཡེ་ཤེས་ཐུབ་བསྟན་རྒྱ་མཚོ། ལི་ཐང་རབ་འབྱམས་པ་བྱམས་པ་ཕུན་ཚོགས། སེམས་དཔའ་ཆེན་པོ་འཇིགས་མེད་རྒྱལ་བའི་མྱུ་གུ་སོགས་ལས། བྱང་ཆུབ་ལམ་སྒྲོན་དང་པོ་ཏོ་བའི་བེའུ་བུམ་སྔོན་པོ། །བྱང་ཆུབ་ལམ་རིམ་ཆེ་ཆུང་། བློ་སྦྱོང་དོན་བདུན་མ། ལེགས་བཤད་ཀུན་འདུས། ལམ་

― TN03_Page_0051 ―

^{[མ་དཔེ་གཟིགས་ན་འདིར་གནོན།]}

(༣༥)རིམ་བདེ་ལམ་དང་། འཇམ་དཔལ་ཞལ་ལུང་། རྙིང་ཕྱོགས་སྔོན་འགྲོའི་ཁྲིད་རིམ་མང་པོ་སོགས་བསྟན་རིམ་གྱི་ཡི་གེ་དུ་མ་དང་དེ་དག་གི་རྒྱབ་ཆོས་འདུལ་བ་མདོ་རྩ། རྒྱན་འཇུག་གཉིས། མཛོད། རྣམ་འགྲེལ། བསྡུས་གྲྭ་ཚུན་ཆད་རྒྱ་ཆེར་སྦྱངས་པས་ས་དགེའི་ལུགས་སྲོལ་པདྨའི་འདབ་མ་ལྟར་བཀྲ་བ་རྣམས་ལ་རབ་བརྟགས་མ་ཡིན་པར་གཏིང་མཐའ་མེད་པའི་བློ་གྲོས་ཀྱི་འཇུག་པ་སད། གཙོ་བོར་སྨོས་པའི་དམ་པ་དེ་དག་དང་། དཔལ་ས་སྐྱ་པ་ཆེན་པོ་བཀྲ་ཤིས་རིན་ཆེན། ངོར་ཆེན་བྱམས་པ་ཀུན་དགའ་བསྟན་འཛིན་དང་། བྱམས་པ་རྣལ་འབྱོར་བཟང་པོ། །དཔོན་སློབ་རིན་པོ་ཆེ་ངག་དབང་ལེགས་གྲུབ། ཞ་ལུ་མཆོག་སྤྲུལ་རིན་ཆེན་བློ་གསལ་བསྟན་སྐྱོང་། འབྲས་སྤུང་ལྷ་བཙུན་རིན་པོ་ཆེ་ཡེ་ཤེས་དོན་གྲུབ་བསྟན་པའི་རྒྱལ་མཚན། རྟ་ནག་སྒྲོལ་མ་བ་འཇམ་དབྱངས་ཆོས་ཀྱི་རྒྱལ་མཚན། རྡོ་རྗེ་འཆང་བློ་གྲོས་མཐའ་ཡས་སོགས་བགྲང་བར་དཀའ་བའི་རྡོ་རྗེའི་སློབ་དཔོན་རྣམས་ལས། བྱ་རྒྱུད་རིགས་གསུམ། རྣམ་སྣང་མངོན་བྱང་། རྡོར་དབྱིངས། འཇམ་དཔལ་གསང་ལྡན་སོགས་ཡོ་གའི་སྐོར་རྡོ་རྗེའི་ཕྲེང་བ། ཀྱེ་རྡོ་རྗེའི་དབང་དང་རྒྱུད་གསུམ་ཡན་ལག་དང་བཅས་པ། གསེར་ཆོས་བཅུ་གསུམ་སོགས་དཔལ་ལྡན་ས་སྐྱ་པའི་དབང་གདམས་ཆེ་ཕྲ་མཐའ་དག སྔགས་རིམ། གསང་

― TN03_Page_0052 ―

^{[མ་དཔེ་གཟིགས་ན་འདིར་གནོན།]}

(༣༦)བདེ་དུས་འཁོར་འཇིགས་བྱེད་སྐོར་སོགས་རྗེ་བཙུན་ཙོང་ཁ་པ་རྗེས་འབྲང་དང་བཅས་པའི་གཞུང་ལུགས་རྒྱ་མཚོ། མདོ་སྒྱུ་སེམས་གསུམ་དང་། བཀའ་བརྒྱད་ཡང་ཕུར་སོགས་རྙིང་ཕྱོགས་བཀའ་བབས་ཀྱི་ཆུ་བོ་བཞིའི་ཆོས་ཚུལ་མཐའ་ཡས་པ་ཕལ་ཆེར་རེ་རེའང་ལན་དུ་མར་གསན་ཏེ། དེ་བཞིན་དུ་ཤངས་ཆོས་མར་ལུགས་ཞི་བྱེད་གཅོད་ཡུལ་སོགས་ལའང་འདྲ་སྟེ་མདོར་ན་ཡོངས་འཛིན་དམ་པ་བརྒྱ་ལྔ་བཅུ་བསྟེན་ནས་བོད་གངས་ཅན་ཙམ་ན་རྒྱུན་བཞུགས་ཚད་ཀྱི་དབང་དང་གདམས་པ་ལ་མ་གསན་པ་མེད་པ་ལྟ་བུར་མཛད། བཀའ་འགྱུར་རིན་པོ་ཆེ་དང་། སྔ་འགྱུར་རྒྱུད་འབུམ། བསྟན་འགྱུར་རྒྱུན་གང་བཞུགས་སོགས་བཀླག་ལུང་ཁོ་ན་ཡང་གླེགས་བམ་བདུན་བརྒྱ་ལྷག་ཙམ་གསན། དེའང་འཆད་ཉན་དང་གླེགས་བམ་གྱི་རྒྱུན་རེ་རེའི་ཆེད་དུའང་རིགས་རུས་སྟོབས་འབྱོར་སོགས་ཀྱིས་ཁེངས་པ་དང་། སྡེ་རིས་དང་གྲུབ་མཐའི་ཕྱོགས་ཞེན་ཤུལ་ལམ་རིམ་བགྲོད་དང་ཆོས་སྒུགས་ཀྱི་ངལ་བས་ཞུམ་པ་སོགས་ཡོད་ཡེ་མི་མངའ་བར་དཀའ་སྤྱད་ཁུར་དུ་ཁྱེར་བའི་ཆོས་ཚོལ་གྱི་རྣམ་ཐར་བརྗོད་པར་མི་ནུས་ཤིང་། ངོར་ཆེན་ལས་བདེ་མཆོག་ནག་པོ་ལུགས་ཀྱི་དབང་གསན་སྐབས་བླ་མ་ཧེ་རུ་ཀ་ཞལ་བཞི་ཕྱག་བཅུ་གཉིས་པར་གཟིགས་པ་དང་། རྗེ་འཇམ་དཔལ་བཟང་པོ་རྣལ་འབྱོར་དབང་ཕྱུག་བི་རྦ་པར་གཟིགས་པ་སོགས་བླ་མ་སངས་རྒྱས་སུ་

― TN03_Page_0053 ―

^{[མ་དཔེ་གཟིགས་ན་འདིར་གནོན།]}

(༣༧)མཐོང་ཚུལ་རྨད་དུ་བྱུང་བས་བྱང་དྲངས་ཏེ། ཆོས་གསན་པའི་བླ་མ་ཐམས་ཅད་ལ་གཅེས་དགུའི་བདོག་པས་མཆོད་པ་སོགས་སྒོ་དུ་མ་ནས་མཉེས་པ་མ་བསྒྲུབས་པ་དང་། ཕྱིན་ཅི་ལོག་གི་བསམ་སྦྱོར་ངན་པ་གཅིག་བཅངས་པའང་མེད་གསུངས་ཏེ་འདི་ཁོ་ན་ཡང་སྙིགས་མའི་དུས་ཀྱི་རང་བྱུང་གི་ཀུན་མཁྱེན་མང་པོས་བསམ་པར་སླ་བའང་མ་ཡིན་པའི་རྣམ་ཐར་ངོ་མཚར་བར་མཐོང་ངོ། །དབང་ཆོས་གསན་པ་ན་དངོས་གྲུབ་གྲུབ་པའི་ནང་གི་ལྟས་ཁྱད་པར་ཅན་ཡང་མང་དུ་གཟིགས་ཚུལ་མཚན་གཞི་ངོས་འཛིན་ཙམ་བརྗོད་ན། རྡོ་རྗེ་ཕྲེང་བ་གསན་སྐབས་སྟ་གོན་གྱི་ནུབ་མོའི་ཐོ་རངས། སྐྱེས་བུ་བརྗིད་ཆགས་པ་སྣུམ་བག་ཅན་བོང་ཚད་གཞན་ལས་ཉིས་འགྱུར་གྱིས་ཆེ་བ་ཟ་འོག་ནག་པོའི་གོས་ལྷུབ་གྱོན་བྱས་པ་ཞིག་གིས་ཐོག་དྲངས་སྐྱེ་བོའི་རབ་ཏུ་མང་པོས་རང་ཉིད་ལ་འདུད་པ་དང་། ཤར་ཕྱོགས་ནས་ཉི་མ་ཞིག་ཤར་བ་ཐུགས་ཀར་ཐིམ། དེ་ལས་སླར་སྐར་མ་ལྟ་བུའི་ཉི་མ་ཆུང་ངུ་མང་པོ་འཕྲོ་བ་དང་། བྱེའུ་ཆུང་ངུ་ཞིག་ཁྲས་དེད་པ་སྲོག་བསྐྱབ་མཛད་པ་རྣམས་བྱུང་། དེ་ཉིད་ནས་བརྩིས་པའི་ནུབ་བཞི་པར། ཆུ་ཆེན་པོ་ཞིག་བརྒལ་བའི་ཕ་རོལ་ཕ་བོང་ཞིག་གི་སྟེང་དུ་གྲུབ་ཆེན་རྡོ་རྗེ་དྲིལ་བུ་ཞབས་བཞུགས་འདུག །དེའི་འཁྲིས་སུ་ཀུན་ཏུ་རྒྱུའི་ཆ་བྱད་ཅན་ཞིག་གིས་ལི་ཁྲི་དངོས་ཡིན་ཚུལ་གྱིས་ཤིང་ལོ་

― TN03_Page_0054 ―

^{[མ་དཔེ་གཟིགས་ན་འདིར་གནོན།]}

(༣༨)དམར་སེར་རེག་པས་ཚོན་དམར་སེར་དུ་འགྱུར་བ་ཞིག་དཔྲལ་བར་བསླན། དཱུརྦ་དངོས་ཡིན་ཞེས་ཤིང་ཏོག་སེར་པོ་ཞིག་བྱིན་པ་གསོལ་བས་རོ་ཁྱད་པར་དུ་འཕགས་པ་བྱུང་། བཅུད་ལེན་མཆོག་ཏུ་འགྱུར་ཞེས་ཟེར། དེ་ནས་རེ་ཞིག་ན་ལྷ་ཁང་གོག་པོ་ཞིག་ཏུ་རྒྱལ་བ་མ་ཕམ་པའི་སྣང་བརྙན་ཁྱད་འཕགས་ཤིག་ཐིགས་པས་འཇིག་ལ་ཁྱད་དུ་འདུག་པ་ཞིག་གསོས་མཛད་པས་དར་གཅིག་ན་ཞལ་རས་ཡན་ཆད་ལེགས་པོ་ཞིག་གྲུབ། དེའི་སྤྱན་སྔར་རབ་གནས་དང་ཚོགས་ཀྱི་འཁོར་ལོ་མཛད་པའི་མཐར། ཨོཾ་ཤྲཱི་ཨ་ལ་ལ་ཧོཿབདེ་ཆེན་གྱི་ཡེ་ཤེས་མཐར་སོན་པས། ཁ་སྦྱོར་ལ་ཡན་ལག་བདུན་དང་ལྡན། །དཔལ་རྡོ་རྗེ་འཆང་ཆེན་མི་གཟུགས་ཅན། །རྗེ་བླ་མའི་ཞབས་པད་སྙིང་ནས་དྲན། །ཕུང་པོ་དང་ཁམས་དང་སྐྱེ་མཆེད་ཀུན། །གདན་གསུམ་གྱི་དཀྱིལ་འཁོར་གཅིག་ཏུ་ཤར། །རྗེ་བླ་མ་སྐུ་ཡི་རྡོ་རྗེ་ལ། །ཡུལ་སྣང་སྟོང་གི་ངང་ནས་གསོལ་བ་འདེབས། །རྩ་ཨ་བ་དྷུ་ཏིའི་རྒྱུད་མངས་ལས། རླུང་མི་ཤིགས་ནཱ་དཱི་དབྱངས་སྙན་ལེན། །རྗེ་བླ་མ་གསུང་གི་རྡོ་རྗེ་ལ། །སྒྲ་གྲགས་སྟོང་གི་ངང་ནས་གསོལ་བ་འདེབས། །ཐབས་བདེ་བ་ཆེན་པོས་དྲངས་པ་ཡི། །སྟོང་ཉིད་ལ་སྙིང་རྗེའི་རང་རྩལ་རྫོགས། །རྗེ་བླ་མ་ཐུགས་ཀྱི་རྡོ་རྗེ་ལ། །བློ་རིག་སྟོང་གི་ངང་ནས་གསོལ་བ་འདེབས། །ཆེས་ཕྲ་བའི་རྩ་རླུང་ཐིག་

― TN03_Page_0055 ―

^{[མ་དཔེ་གཟིགས་ན་འདིར་གནོན།]}

(༣༩)ལེའི་ཁམས། །འོད་གསལ་དུ་དྭངས་པའི་ཟུང་འཇུག་སྐུ། །རྗེ་བླ་མ་ཡེ་ཤེས་རྡོ་རྗེ་ལ། །དོན་དབྱེར་མེད་ཀྱི་ངང་ནས་གསོལ་བ་འདེབས། །ངེས་འབྱུང་གི་ཆུ་ཡིས་སྙིང་རབ་བསིལ། །ཚུལ་ཁྲིམས་ཀྱི་བསླབ་པས་ལུས་ངག་དག །ཏིང་འཛིན་གྱི་བྱེད་པོས་སེམས་རྒྱུད་དུལ། །ཤེས་རབ་ཀྱི་མིག་དང་ལྡན་པར་ཤོག །སྣང་བ་ཀུན་འཇའ་ཚོན་ལྷ་སྐུར་ཤར། །སྟོང་པ་ཡང་བདེ་བའི་ཐབས་དང་བཅས། །ཟུང་འཇུག་ལ་དགའ་བཞིའི་རྩལ་རྫོགས་པའི། །གོ་འཕང་དེ་ཚེ་འདིར་འགྲུབ་གྱུར་ཅིག །ཅེས་པའི་གླུ་དབྱངས་མཛད་པ་དང་། ནུབ་བདུན་པར། ལྷ་ལྡན་སྤྲུལ་པའི་གཙུག་ལག་ཁང་དུ་ནང་སྐོར་ལ་ཕེབས་པར་ཕྱག་ཏུ་འབྲས་དཀར་གྱིས་ཁེངས་པའི་རིན་པོ་ཆེའི་ཟ་མ་ཏོག་ཅིག་འདུག་པ་ནས་འཐོར་བཞིན་དུ་བྱོན་པས་ས་ལ་ཆགས་རིམ་བཞིན་དུ་མེ་ཏོག་དཀར་པོ་རེ་ལམ་ལམ་སྐྱེས། ཇོ་བོ་རིན་པོ་ཆེའི་དྲུང་དུ་སྤྲོ་བཞིན་སླེབས། དེར་མར་མེ་བརྒྱ་སྐོང་ཞིག་སྤར་གྲབ་བྱས་འདུག་པའི་འཁྲིས་དེར་ངོ་མི་འཚལ་བའི་མི་ཞིག་གིས། སྐུ་ཞབས་ཀྱི་གྲུབ་རྟགས་ཁྱད་པར་འཕགས། ད་མར་མེ་འདི་རྣམས་ལ་ཐུགས་སྨོན་གནང་ན་རང་འབར་དུ་ཡོང་། དེ་བྱུང་ན་སྨོན་ལམ་གང་བཏབ་མྱུར་དུ་འགྲུབ་ཟེར་བར། མར་མེ་ལ་དམོད་བཙུགས་ཏེ་མེ་ཏོག་འཐོར་བས་རང་འབར་དུ་སོང་། དེར་ཕན་བདེ་འབྱུང་བའི་སོགས་དང་། འཇིག་རྟེན་བདེ་ཞིང་སོགས་ཀྱི་སྨོན་ལམ་བཏབ་

― TN03_Page_0056 ―

^{[མ་དཔེ་གཟིགས་ན་འདིར་གནོན།]}

(༤༠)པས་ད་ཅིའི་མི་དེ་ན་རེ། རང་དོན་དུའང་སྨོན་ལམ་ཞིག་མཛོད་དང་ཟེར་བར། ཕར་ལྟོས་དཔོན་མེད་ཚུར་ལྟོས་གཡོག་མེད་ཅིང་། །འདུལ་རྒྱུའི་དགྲ་མེད་སྐྱོང་རྒྱུའི་གཉེན་མེད་པར། །དབེན་པའི་གནས་སུ་རང་སེམས་འདུལ་བ་དང་། །རླབས་ཆེན་རྒྱལ་སྲས་སྤྱོད་པ་མཐར་ཕྱིན་ཤོག །ཅེས་བཏབ་པས་ཡི་རང་བའི་རྣམ་འགྱུར་སྟོན་པ་དང་། ནུབ་བཅུ་པར་རང་ཉིད་འཁྲུངས་ཡུལ་ཡིན་སྙམ་པའི་སྨན་ལྗོངས་ཉམས་དགའ་བ་ཞིག་ཏུ་སླེབས། དེར་བདུད་རྩི་རིལ་བུར་འགྲོ་བའི་སྔོ་སྨན་རྣམས་ཚོལ་བའི་འདུན་པས་ཕེབས་པར་ཕལ་ཆེར་ཞིག་རྙེད། སླར་ཨ་རུ་རའི་ནགས་ཚལ་ཐོལ་ལེ་བ་ཞིག་ཏུ་ཕྱིན། དེ་ན་སྨན་གྱི་དྲང་སྲོང་ཡིན་ཟེར་བའི་དགེ་སློང་བགྲེས་པོ་ཞིག་འདུག་པས་སྔོ་སྨན་མང་པོའི་ངོས་འཛིན་དང་། སྨན་སྦྱོར་ཁ་ཤས་གསུང་། དེ་ལ་ཡུལ་འདི་རྒྱ་བ་ལ་གྱི་ས་ཆ་ཞིག་ཡིན་འདྲ་སྟེ་ཇི་སྐད་ཟེར་བ་ལགས་ཞུས་པས། དཔལ་འཁོར་ལོ་བདེ་མཆོག་གི་གནས་ཁྱད་པར་ཅན་ཡིན། །སྐུ་རང་བྱོན་ཀྱང་བཞུགས་པས་མཇལ་དུ་འདོང་ཞེས་ཁྲིད། ཁང་བཟང་ཅུང་ཟད་གོག་པ་ཞིག་གི་སྒོ་ཕྱེ་བའི་ནང་དུ་མཚོ་ནག་དམ་པ་ཞིག་གི་དབུས་བདེ་མཆོག་གི་སྐུ་བློས་མི་འཆུད་པའི་ཆེན་པོ་ཞིག་མཇལ། ཟིལ་བསམ་གྱིས་མི་ཁྱབ་པས་རེ་ཞིག་བརྒྱལ་བ་སྙམ་བྱེད་པ་སོགས་མནལ་ལྟས་མཐའ་དག་བརྗོད་པར་མི་ནུས་ཤིང་། ཕྱི་རོལ་དུའང་འཇིགས་མེད་རྒྱལ་བའི་མྱུ་གུ་ལས་

― TN03_Page_0057 ―

^{[མ་དཔེ་གཟིགས་ན་འདིར་གནོན།]}

(༤༡)ཀློང་ཆེན་སྙིང་ཐིག་གི་དབང་ཁྲིད་ཆེ་ལོང་གསན་སྐབས་བཞུགས་སྒར་ལ་འཇའ་ཁ་དོག་ལྔ་པའི་གུར་ཁྱིམ་ཕུབ་པ་སོགས་དགེ་མཚན་ཤར། ཉིད་ཀྱི་ཡོངས་འཛིན་རྣམས་ཀྱང་ཕུལ་དུ་བྱུང་བའི་ཡོན་ཏན་གྱིས་ཐུགས་ཕྲོགས་ཏེ་རྗེ་རང་གི་ཁུ་བོ་རྨོག་སྟོན་མཐུ་སྟོབས་དབང་པོ་འཇིགས་བྲལ་ཆོས་དབྱིངས་རྡོ་རྗེས། ཁྱོད་འཇིགས་བྲལ་གྱི་སློབ་དཔོན་དོན་ཐམས་ཅད་གྲུབ་པ་ཡིན་ནོ་ཞེས་རྗེས་སུ་བསྔགས་པ་དང་། ངོར་ཆེན་ཀུན་དགའ་བསྟན་འཛིན་པས་རྩོད་དུས་ཀྱི་ཐམས་ཅད་མཁྱེན་པར་བཀུར་བ་དང་། ས་སྐྱ་ཁྲི་ཆེན་བཀྲ་ཤིས་རིན་ཆེན་གྱིས། སྲས་ལྕམ་དྲལ་ལ་ཁྱོད་ཚོས་མདོ་ཁམས་མཆོག་སྤྲུལ་འཇམ་དབྱངས་མཁྱེན་བརྩེའི་ཞལ་མཇལ་རྒྱུ་བྱུང་ན་སྐལ་བ་ཕུན་སུམ་ཚོགས་པ་ཡིན་ཏེ་ད་མཇལ་དཀའ། སྐལ་བཟང་ཆོས་སྒྲོན་ཁྱོད་ཀྱིས་མཇལ་ཡོང་གསུང་བ་དང་། གཙང་པ་ཆེན་ཐམས་ཅད་མཁྱེན་པ་བསྟན་པའི་ཉི་མས་ཕྲིན་ཡིག་གི་ལམ་ནས་བསྔགས་ཤིང་། དངོས་མཇལ་དུས་དར་ནང་མཛོད་མགུལ་དུ་གསོལ། གསེར་ཞོལ་འཁོར་ལྔ་ཕྱག་ཏུ་གཏད། དབུ་ལ་ཕྱག་གིས་བྱུགས་ཏེ་ཐར་རྩེ་མ་ཧཱ་པཎྜི་ཏ་ཞེས་གཅེས་སྤྲས་ཀྱིས་བསྟོད་པ་སོགས་མཐའ་ཡས། སྔ་ཕྱི་ཅི་རིགས་པར་གསོ་རིག་རྒྱུད་བཞི་དང་། བཀའ་པོད་ཀྱི་རྩ་བ་སོགས་གཞུང་མང་པོ་ཐུགས་འཛིན་མཛད། རིས་མེད་པའི་གསུང་རབ་ཀྱི་དཔེ་ཀློག་ཚད་བཟུང་མི་བཏུབ་པས་དུས་

― TN03_Page_0058 ―

^{[མ་དཔེ་གཟིགས་ན་འདིར་གནོན།]}

(༤༢)མང་འདས། བརྡ་སྤྲོད་ལ་ཐུགས་མ་བསྒྲིམས་ཞིང་བསླབས་ནས་རིང་པོ་མ་ལོན་པར་སློབ་དཔོན་མཉེས་པའི་ཚིག་རྒྱུག་ཕུལ་བ་དང་། སྙན་དངགས་གསལ་བྱེད་ངེས་པའི་བྱ་དཀའ་སཾ་སྐྲི་ཏའི་སྐད་དུ་བརྩམས་པ་དང་། མཛད་པ་བཅུ་གཉིས་དང་སྦྱར་བའི་ཀུན་བཟང་འཁོར་ལོའི་རེ་མིག་དབྱངས་ངེས་པའི་ཚིག་རྒྱུན་གྱི་ཕྲེང་བར་སྤེལ་བ་སོགས་རྩོམ་པའི་ཉམས་འགྱུར་ཕུལ་དུ་བྱུང་བ་མངའ་ཞིང་། རང་གི་མཁྱེན་རབ་ཀྱི་རྩལ་གྱིས་ནད་གང་དང་གང་ལ་གཉེན་པོའི་སྨན་སྦྱོར་ཅི་དང་ཅི་བརྩམས་པ་དེ་དག་དེ་ཁོ་ན་ལྟར་མི་བསླུ་བ་དང་། སྨན་དཔྱད་གང་སྦྱར་བ་ཐམས་ཅད་འཚོ་བྱེད་ཕལ་དང་མི་འདྲ་བའི་ཕན་སྟོབས་ཆེན་པོ་ཅན་དུ་འབྱུང་བ་དང་། ནང་རིག་པའི་གཞུང་ལུགས་ཆེན་པོ་ཅི་འདྲ་ཞིག་གཟིགས་ཀྱང་གཟིགས་པ་ཙམ་གྱིས་གཏིང་སླེབ་པར་ནུས་པ་དང་། ཆོས་ཀྱི་གྲགས་པའི་རིགས་གཞུང་ལ་ཞུགས་མ་ཐག་ནས་མཁས་པའི་མདུན་སར་གཏན་ཚིགས་རིག་པའི་བགྲོ་གླེང་མཁས་པ་མགུ་བའི་ཁྱད་ཆོས་ཅན་མཛད་པ་དང་། གྲུབ་མཐའ་ཕྱོགས་མེད་ཀྱི་དགག་བཞག་དང་། རང་ལུགས་ཀྱི་ཁས་ལེན། མདོ་སྔགས་ཀྱི་ལམ་གནད། གྲུབ་ཆེན་སོ་སོའི་ལུགས་སྲོལ། སྒྲུབ་ཕྲིན་གྱི་ལག་ལེན་ཕྲ་མོ་ཡན་ཆད་རྒྱུ་མཚན་ཞི་བ་ཏིག་དང་བཅས་ཏེ་རང་རང་སོ་སོའི་བརྒྱུད་འཛིན་རྣམས་ཀྱང་སྤ་བཀོད་ནུས་པར་བསྙད་དུ་ཡོད་པ་སོགས་བརྩོན་འགྲུས་དང་

― TN03_Page_0059 ―

^{[མ་དཔེ་གཟིགས་ན་འདིར་གནོན།]}

(༤༣)ཤེས་རབ་ཀྱི་རྣམ་འཕྲུལ་བསམ་གྱིས་མི་ཁྱབ། ཇི་སྐད་བརྗོད་པའི་ཆོས་ཚོལ་གྱི་ཁོངས་སུ་བསོད་ནམས་དང་ཡེ་ཤེས་ཀྱི་ཚོགས་རླབས་པོ་ཆེ་རྫོགས་པའི་རྟེན་འབྲེལ་ལས། ལན་ཅིག་དགའ་ལྡན་ནས་འོངས་ཟེར་བའི་པཎྜིི་ཏ་ཆོས་གོས་རྡོ་ཚོས་ཅན་མནབ་པ་ཞིག་གིས་བྱམས་ཆོས་ལྔ་ལ་བརྟེན་ནས་གདམས་ངག་དང་རྗེས་བསྟན་སྩལ་ཏེ། དེ་འཕགས་པ་ཐོགས་མེད་ཡིན་པར་འདུག་གསུངས་པ་དང་སློབ་དཔོན་ཀཱ་མ་ལ་ཤཱི་ལ་ལས་དཔལ་ལྡན་ཞི་བ་འཚོའི་རིགས་པའི་ལམ་སྲོལ་གསན་པ་དང་། ཨོ་རྒྱན་གྱི་སློབ་དཔོན་རྡོ་རྗེ་དྲིལ་བུ་པ་ཡུམ་དང་བཅས་པས་བརྡའི་དབང་བཞི་བསྐུར། ལམ་རིམ་པ་ལྔའི་བཅུད་འདྲི་ལ་གསུངས་པའི་མཐར་སྙིང་དབུས་མི་ཤིགས་པའི་ཐིག་ལེར་ཞུགས་པ་དང་། བྱང་ཤམ་བྷ་ལར་གཤེགས་ཏེ་རིགས་ལྡན་དཔལ་སྐྱོང་ལས་མཆོག་གི་དང་པོའི་སངས་རྒྱས་གསན་པ་དང་། སློབ་དཔོན་སངས་རྒྱས་གསང་བ་ལས་སྒྱུ་འཕྲུལ་དྲ་བའི་ལམ་རིམ་ནོད་པ་དང་། ལྷོ་བྲག་མར་པས་ཕྱག་རྒྱ་ཆེན་པོས་བརྡ་བསྟན་པ་དང་། རིག་འཛིན་དགའ་རབ་རྡོ་རྗེ་གཡས་གཡོན་ན་པདྨ་དང་ཤྲི་སེདྷ་བཞུགས་པས་རྫོགས་ཆེན་གྱི་ལམ་གནད་རྒྱ་ཆེར་ཕྱེ་བ་དང་། བླ་ཆེན་བརྩེ་བ་ཆེན་པོས་མ་རྒྱུད་དགྱེས་པ་རྡོ་རྗེའི་དབང་དང་མན་ངག་གནང་བ་སོགས་སངས་རྒྱས་དང་བྱང་ཆུབ་སེམས་དཔའ་རྣམས་དང་ཐེག་མཆོག་འགྲོ་བའི་

― TN03_Page_0060 ―

^{[མ་དཔེ་གཟིགས་ན་འདིར་གནོན།]}

(༤༤)ལོངས་སྤྱོད་རྨི་ལམ་དུའང་རྒྱུན་མི་ཆད་ཅིང་། གཙང་སྟོད་ས་ཆེན་ཕུག་པར་སྨྲ་སེང་གི་སྒྲུབ་པ་མཛད་པའི་ཚེ་རྗེ་བཙུན་འཇམ་པའི་དབྱངས་དམར་སེར་ལི་ཁྲིའི་ཆུ་གཏེར་དྭངས་པའི་འོད་ཕུང་གི་ཀློང་ན་བཞུགས་པའི་ཐུགས་ཀ་ནས་གླེགས་བམ་གྱིས་མཚན་པའི་ཨུཏྤལ་ཁ་ཕྱེ་མ་ཐག་པ་དང་རལ་གྲི་ཞིག་སྤྲོས་ཏེ་རྗེ་ཉིད་ཀྱི་ཐུགས་དང་འདྲེས་པས་ཉིན་ཞག་མང་པོར་ཏིང་ངེ་འཛིན་གྱི་དགྱེས་པས་ཐུགས་དྲངས་པ་སོགས་ལྷག་པའི་ལྷའི་དགོངས་པས་བྱིན་གྱིས་བརླབས་པའི་དབང་གིས་ལྷག་པར་ཡང་མཁྱེན་རབ་དབྱར་གྱི་ཆུ་བོ་ལྟར་རྡོལ། ཚུལ་ཁྲིམས་འཛིན་མར་ཐོས་པའི་ཆུ་ཀླུང་བསགས། །སངས་རྒྱས་ཡེ་ཤེས་ཀླུ་དབང་བྱེ་བས་བཟུང་། །རིགས་ཚུལ་དག་གི་རླབས་ཕྲེང་འབུམ་སྤྲོ་བ། །སྨྲ་བའི་ཁྱུ་མཆོག་རྣམ་པར་བསྒྱིང་བའི་གཏམ། །བསྡུ་བའི་ཚིགས་སུ་བཅད་པའོ། །སྐུ་ན་གཞོན་ནུ་ནས་ཆེན་པོའི་ངོ་སྲུང་དང་ཉེ་དུའི་ཁ་འཛིན་གྱོད་འཁོན་གྱི་གཉེར་བ་སྦྱིན་བདག་ལ་ཁེ་སྤོགས་འཚོལ་བ་དང་གྲོང་ཆོག་ལྡོམ་བུ་བརྒྱ་བཤིག་ནས་སྟོང་འགུགས་པ་སོགས་ཀྱི་བསམ་སྦྱོར་མནལ་ལམ་དུའང་མི་འབྱུང་བའི་བྱ་བཏང་ཆེན་པོར་བཞུགས། དེ་ལྟ་ནའང་དཀྱུས་མའི་མཛད་སྤྱོད་ཀྱི་བབས་ལས་དེ་ལྟར་ཤེས་པ་མ་གཏོགས་སྒེར་གྱི་ཕྱི་ཚུལ་ལ་སྐྱོ་ཤས་ཀྱིས་ཐུགས་ལྷག་པར་གདུང་བ་ལྟ་བུ་དང་། དེའི་ཤན་གྱིས་ཕྱག་དབང་དང་ཆོས་འབྲེལ་ཙམ་ལའང་མི་བཟོད་པའི་རྣམ་པ་འདྲ་པོའི་མངོན་ཚན་ཅན་

― TN03_Page_0061 ―

^{[མ་དཔེ་གཟིགས་ན་འདིར་གནོན།]}

(༤༥)ཡེ་ནས་མི་མཛད། མེས་དབོན་གྱི་ཆོས་འཁོར་གསུམ་དང་། སྐུ་གསུང་ཐུགས་ཡོན་ཏན་ཕྲིན་ལས་ཀྱི་གནས་ཆེན་ལྔ་སོགས་སྟོད་ལྷོ་མོན་དང་མངའ་རིས་མན་ཆད་ཀྱི་གཙུག་ལག་ཁང་དང་གྲུབ་པའི་གནས་ཆེན་བགྲང་བར་དཀའ་བ་རྣམས་སུ་མུ་ཏོ་ཀུན་ཏུ་རྒྱུའི་བརྟུལ་ཞུགས་ཀྱིས་དཀའ་བ་དུ་མ་སྤྱད་དེ་རྒྱུ་ཞིང་གཤེགས། ལྷ་ལྡན་ཇོ་བོ་རིན་པོ་ཆེའི་སྤྱན་སྔར་སླེབས་པའི་ཚེ་མཆོག་གི་སྤྲུལ་སྐུ་དངོས་དང་མཇལ་བ་ལྟ་བུའི་མོས་གུས་ཀྱི་འགྱུར་བ་མི་བཟློག་པས་ཐུགས་ཕྲོགས། ཇོ་མདུན་དུ་མཆོད་རྫས་སྣ་གཅིག་འབུལ་རྒྱུ་མེད་པར་འཇུག་མ་མྱོང་ཞིང་། མཇལ་རེས་ཀྱིས་བཀའ་གདམས་ཀྱི་རྣམ་ཐར་གཙང་མ་འཁྱོང་བའི་སྨོན་ལམ་ཁོ་ན་རྩལ་དུ་བཏོན་ནས་བཏབ་གསུངས། གཞན་ཡང་ཆོས་སྡེ་དང་དབེན་གནས་གསུམ་གང་མཇལ་བ་རྣམས་ལ་མཆོད་འབུལ། བསྙེན་སྒྲུབ་ཚོགས་མཆོད། བསྟོད་བསྔགས་དང་སྨོན་ལམ་གྱི་ཚིགས་བཅད་མང་པོ་བརྩམས་ཏེ་ཕུལ་བ་སོགས་ཟད་མི་ཤེས་པའི་བསྟི་སྟངས་མཛད། དེ་དག་ཏུ་བྱིན་རླབས་ཀྱི་ཟིལ་ཆེན་པོས་ཐུགས་སྣང་རང་དབང་མེད་པར་འགྱུར་བ་ལན་མང་དུ་བྱུང་ཞིང་ལྷ་ལྡན་འཕགས་པ་རང་བྱིན་ལྔ་ལྡན་ལས་སྤྲུལ་པའི་རིང་བསྲེལ་འགའ་ཞིག་དང་། ཡར་ཀླུང་ཚེ་ཆུ་འབུམ་པར་ཚེའི་བདུད་རྩི་ཁྱད་པར་ཅན་མིག་འཕྲུལ་ལྟ་བུར་ཕྱག་ཏུ་བབས། ཏི་སྒྲོའི་ཚོགས་ཁང་ཆེན་མོར་ཨོ་རྒྱན་རིན་པོ་ཆེ་ཡབ་ཡུམ་གྱིས་མནལ་ལམ་དུ་དབང་བསྐུར་བ་དང་། བྱང་ར་སྦྲེང་དུ་ཇོ་བོ་འཇམ་པའི་རྡོ་རྗེ་དང་། དཔལ་ལྡན་ཨ་ཏི་ཤའི་འདྲ་སྐུ་དབུ་ཡོན་མ་གཉིས་ལྷ་དང་བླ་མ་དེ་དང་དེ་དངོས་སུ་གཟིགས་པ་ན། དེ་སྐོར་སྦྱར་

― TN03_Page_0062 ―

^{[མ་དཔེ་གཟིགས་ན་འདིར་གནོན།]}

(༤༦)དུག་ཏུ་དོགས་པའི་སྙུན་གཞི་ལྕི་བ་ཞིག་ཡོད་པའང་སྐད་ཅིག་ལ་དྭངས་པའི་ཆོ་འཕྲུལ་དང་། རྩི་ཁོག་ཏུ་རྗེ་བཙུན་དམ་པ་སངས་རྒྱས་ཉི་འོད་མའི་ཆ་བྱད་ཅན་གྱིས་དམ་ཆོས་སྡུག་བསྔལ་ཞི་བྱེད་ཕ་ཕོག་ཏུ་སྩལ་བ་དང་། ཟངས་རི་མཁར་དམར་དུ་ཕེབས་དུས་ལབ་ཀྱི་སྒྲོན་མའི་སྐུ་འདྲ་རིན་པོ་ཆེ་ཞལ་བཞད་ཅིང་སྐུ་གཡོ་འགུལ་མཛད་པས་ས་གཡོ་བ་ལྟ་བུའི་ཟིལ་ཆེན་ཟླ་གྲོགས་ཀུན་གྱིས་ཚོར་བ་དང་བཅས། གཅོད་ཡུལ་གྱི་དཀའ་བབས་བརྙེས་ནས་རིག་རྩལ་གདམས་ངག་ཏུ་ཤར་བའི་གླུ་དབྱངས་ཀྱང་མཛད། ཇོ་ནང་སྐུ་འབུམ་ཆེན་མོར་མཁའ་འགྲོའི་རིགས་ཀྱི་མི་མོ་ཞིག་གིས་སྣ་དྲངས་ཏེ་ཕེབས་པས་དེའི་ལུས་ལས་རླངས་ཟིལ་འདྲ་བོ་ཞིག་བྱུང་བ་སྐུར་རེག་པའི་རྐྱེན་གྱིས་བདེ་སྟོང་གི་ཉམས་མུ་མཐའ་མེད་པར་ཤར་བའི་སྣང་ཆར། ས་ཕྱོགས་ཐམས་ཅད་དག་པའི་ཞིང་ཁམས་ལྟ་བུའི་གཟིགས་མོར་འབར་ཞིང་། དེའི་དབུས་སུ་ཤམ་བྷ་ལའི་ཆོས་རྒྱལ་བདུན་དང་རིགས་ལྡན་གྱི་ཕྲེང་བ་མངོན་སུམ་པར་མཇལ་བའི་གསལ་སྣང་ཤིན་ཏུ་བརྟན་པོའི་མཐར། ནམ་མཁའི་དབྱིངས་ནས་ཨེ་ཝཾ་གྱི་སྔགས་སྒྲ་ཞིག་བྱུང་བ་ལ་བརྟེན་ནས་དཔལ་ལྡན་དུས་ཀྱི་འཁོར་ལོའི་རྒྱུད་དོན་མཐའ་དག་ལ་མི་འཇིགས་པ་བརྙེས་པས་མཚོན་ཏེ། དཔའ་བོ་དང་དཔའ་མོའི་དབང་ཕྱུག་མ་རྣམས་ཀྱི་ཐུགས་རྒྱུད་རྟོགས་པའི་བྱིན་རླབས་འཕོས་པའི་མཚན་མདོ་མཚར་ཅན་ཐེང་འགའ་མ་ཡིན་པར་གཟིགས། ལང་ཚོའི་དང་པོ་ནས་བརྩམས་ཏེ་སྔ་ཕྱིར་ལོ་གྲངས་བཅུ་གསུམ་སྙེད་དུ་སྒོམ་སྒྲུབ་ཀྱི་མཚམས་བསྡམ་འབའ་ཞིག་མཛད། སྐུ་ཚེ་སྨད་ཕྱོགས་ཐེམ་སྤང་གདན་གཅིག་པའི་བརྟུལ་ཞུགས་ཁོ་ནས་ལོ་

― TN03_Page_0063 ―

^{[མ་དཔེ་གཟིགས་ན་འདིར་གནོན།]}

(༤༧)ཉི་ཤུ་རྩ་གྲངས་བསྐྱལ། དུས་རྒྱུན་དུ་བྱང་ཆུབ་ཀྱི་སེམས་རིན་པོ་ཆེ་རྣམ་པ་གཉིས་ལ་ཐུགས་དམ་གྱི་མཐིལ་དུ་མཛད་པས། མོས་གུས་ཅན་གྱི་སློབ་མལ་རང་གི་ངང་ཚུལ་མ་བཅབས་པའི་སྤྲིང་ཡིག་སྩལ་བ་རྣམས་སུའང་། བྱང་ཆུབ་ཀྱི་སེམས་རྣམ་པ་གཉིས་ལ་ཅི་ནུས་སུ་བློ་སྦྱངས་ཁུལ་གྱིས་གནས་ཞེས་འདི་ཉིད་རྟོགས་པ་བརྗོད་ཚུལ་གྱི་གཙོ་བོར་བསྟན། དེར་མ་ཟད་གསང་སྔགས་ཀྱི་ཉམས་ལེན་གང་གི་ཚེ་ཡང་། ངེས་འབྱུང་གི་བསམ་པ། བྱང་ཆུབ་ཀྱི་སེམས་དང་། མཐའ་བྲལ་གྱི་ལྟ་བ། སྨིན་བྱེད་དབང་། སྲོག་འཛིན་དམ་ཚིག་རྣམས་ངོ་བོ་དང་གྲངས་དང་གོ་རིམ་ངེས་པའི་སྒྲོམ་ནས་འདོན་པའི་ཕྱོགས་ཉག་གཅིག་གཙོ་བོར་མཛད། དོན་འདི་བཀའ་རྩོམ་གྱི་གསོལ་འདེབས་དང་སྨོན་ལམ་ཐན་ཐུན་ཙམ་མམ། གཟིམ་ལམ་དུ་མགུར་བཞེས་པའི་ཚིགས་བཅད་ཙམ་ལ་བལྟས་ཀྱང་མཐོང་བའི་ཆོས་སོ། །དེ་ལྟ་བུའི་ཚུལ་གྱིས་བྱ་རྒྱུད་རིགས་གསུམ་སྤྱི་དང་། སྤྱོད་རྒྱུད་རྣམ་སྣང་མངོན་བྱང་། ཡོ་ག་རྡོ་རྗེ་དབྱིངས་རྣམས་ལ་ལས་རུང་གི་ལྗགས་བསྙེན་དང་ཀུན་རིག་བསྙེན་ཆེན་བཏང་། རྣམ་འཇོམ་དང་གདུགས་དཀར་ལ་སོགས་པའི་བཟླས་སྒོམ་ཐོར་བུ་པའང་མང་དུ་བསྒྲུབས། རྣལ་འབྱོར་བླ་མེད་ཀྱི་གསར་ཕྱོགས་གསང་བདེ་འཇིགས་གསུམ། ཀྱེ་རྡོ་རྗེ་དུས་ཀྱི་འཁོར་ལོ། །རྗེ་བཙུན་མཁའ་སྤྱོད་མ་སོགས་མཁའ་འགྲོ་མའི་བྱེ་བྲག་དུ་མ། གུར་ཞལ་སོགས་ཆོས་སྲུང་མང་པོའི་བསྙེན་པ་དང་། སྒོམ་བཟླས་མཛད་ཅིང་། རྙིང་ཕྱོགས་མདོ་སྒྱུ་གཉིས་བཀའ་བརྒྱད་དང་ཕུར་པ་ལུགས་

― TN03_Page_0064 ―

^{[མ་དཔེ་གཟིགས་ན་འདིར་གནོན།]}

(༤༨)སྲོལ་བཅུ་དགུ་ཙམ། གཏེར་ཁ་མང་པོའི་གུ་རུ་ཞི་དྲག་དང་ཐུགས་རྗེ་ཆེན་པོ། །གསར་རྙིང་གི་ཚེ་སྒྲུབ་བརྒྱ་ཕྲག་ལྷག་པ་གཙོ་བོར་བྱས་པའི་བཟླས་བསྙེན་ཆེས་མང་བ་བསྐྱལ། དེ་དག་གི་ཁོངས་སུ་སོ་སོའི་ཁ་སྐོང་སྦྱིན་སྲེག་དང་། ཕལ་མོ་ཆེའི་ལས་ཚོགས་ཀྱི་བསྙེན་པ་བཅས་ཕྱག་ལེན་གཙང་ལ་ཞིབ་པའི་མཐར་ཐུག་པས་གྲུབ་པར་མཛད། ཇི་སྲིད་ཅིག་ཏུ་སྐུ་མཚམས་ཀྱི་དམ་བཅའ་བཞག་པའི་ཡུན་ཚད་དེ་མ་རྫོགས་པར་ལ་ཉེ་དུ་དང་མི་ཆེན་སྦྱིན་བདག་ངོ་གཉན་སུས་ཀྱང་བཅད་རྒྱ་འདྲལ་བར་ནུས་མི་སྲིད་པས་བརྩམས་པའི་དོན་ལ་མ་ཚང་བ་མི་འབྱུང་། ནང་གི་གྲུབ་རྟགས་མནལ་ལམ་གྱི་སྐབས་སུ་དཔལ་ཧེ་རུ་ཀ་རྡོ་རྗེ་གཞོན་ནུས་ཕྱགས་ཐ་མའི་ཕུར་པས་དབང་བསྐུར་ཏེ་མནལ་སད་པ་ན་སྣང་གྲགས་ཐམས་ཅད་རྡོ་རྗེ་ཕུར་པའི་ལྷ་སྔགས་ཀྱི་རོལ་པར་མེར་མེར་ཤིག་ཤིག་གཡོ་བ་གཟིགས་ཤིང་། །འཕགས་མ་ཡིད་བཞིན་འཁོར་ལོ་ཡི་གེ་བཅུ་པའི་གསང་སྔགས་ཀྱི་དབྱངས་ཅན་མངོན་སུམ་དུ་གཤེགས་ནས་ཉིད་དང་མི་གཉིས་པར་བྱིན་གྱིས་བརླབས་པ་སོགས་དང་། ཕྱི་རོལ་གྱི་མཚན་མའང་ཚེ་རྟ་ཟུང་འབྲེལ་གྱི་སྒོམ་བཟླས་དུས་འཆི་མེད་ཀྱི་གྲུབ་ཆུ་བུམ་ཆུང་གང་ནམ་མཁའ་ནས་རྡོལ་བ་དང་། ཕྱིས་སུ་ལོ་གསུམ་ཙམ་ལ་ཚེ་སྒྲུབ་ཆག་མེད་མཛད་སྐབས་ཚེ་ཆང་རྒྱུན་བཞག་དེ་དབྱར་མི་རུལ། དགུན་མི་འཁྱག ཁ་དོག་གསེར་སྨུག་ཤིན་ཏུ་གར་བའི་ཉམས་ཅན། དབུས་ནས་གྱེན་དུ་ཕྱུར་བ་ལ་དྲི་རོ་དཔེ་མེད་པའི་ཡ་མཚན་ཅན་དུ་གྱུར་པ་ལྟ་བུ་མང་ཡང་དངོས་གྲུབ་ཡལ་བའི་རྒྱུ་མི་འབྱུང་བ་ཐོབ་

― TN03_Page_0065 ―

^{[མ་དཔེ་གཟིགས་ན་འདིར་གནོན།]}

(༤༩)པས་གྲུབ་པའི་མཚན་མ་ལྟ་ཅི། དེ་ཐད་ཅི་ཞིག་གི་བསྙེན་པ་ལ་བཞུགས་པ་ཙམ་ཡང་ཕལ་ཆེར་ཉེ་གནས་པས་ཀྱང་མི་ཤེས་པ་ཡིན་ལ། ཕྱིས་སུའང་ཁོ་བོས་རྗེ་ཉིད་ཀྱི་ཤིན་ཏུ་གསང་བའི་གཟིགས་སྣང་གི་རྟོགས་བརྗོད་ཅིག་སྩོལ་བར་ཞུས་པས། རྣལ་འབྱོར་པའི་ཉམས་ལ་མི་འཆར་བ་དང་། པྲ་སེ་ནའི་སྣང་བ་ལ་མི་བབ་པ་མེད། དེ་བཤད་བསྡད་ན་སྐྱེས་བུའི་ཚེ་མཐའ་དག་ཟད་ཟད་དུའང་རྫོགས་པ་མི་ཡོང་སྟེ་དགོས་པ་མེད། ཅེས་དང་། གཞན་འགའ་ཞིག་གིས་དེ་རིགས་ཞུས་པ་ལའང་། རླུང་ཁམས་ལྡང་བའི་མིས་མི་རིག་མི་མཐོང་བ་ཅི་ཡོད། དེ་འདྲ་ལ་ཡིད་རྟོན་ཅིའང་མེད་ཅེས་པའི་གསུང་གི་ཟིལ་གྱིས་མནན་པ་ལྟར་དགོས་པའི་དབང་གིས་བརྒྱ་ལམ་ན་རེ་ཟུང་གསུངས་པ་མ་གཏོགས་ཐོས་ཤིན་ཏུ་དཀའ། སྐབས་འགར་རགས་པའི་ཞལ་ཟས་ཕར་ཞོག །གསོལ་ཇའང་འབུལ་ས་མེད་པར་རླུང་འཚོ་ཁོ་ནས་ཞག་བདུན་ཕྲག་དུ་མ་ཡོལ་བར་མཛད་པས་བཅུད་ལེན་གྱི་ནུས་པ་སྟོབས་སུ་གྱུར། ཁྱད་པར་དུ་བདེ་མཆོག་ལཱུ་དྲིལ་དང་ནག་པོ་ལུགས། ཀྱེ་རྡོ་རྗེའི་ལམ་འབྲས། ན་རོ་དང་ནི་གུའི་ཆོས་དྲུག །དུས་ཀྱི་འཁོར་ལོའི་སྦྱོར་དྲུག །རྫོགས་ཆེན་བི་མ་དང་པདྨའི་བཀའ་སྲོལ་སོགས་རྒྱུད་སྡེ་དང་གྲུབ་ཆེན་གྱི་ལམ་སྲོལ་མང་པོ་ལ་བརྟེན་ནས་རྫོགས་པའི་རིམ་པའི་ཏིང་ངེ་འཛིན་གྱི་སྒོ་མཐའ་ཡས་པ་མངོན་དུ་མཛད། རྡོ་རྗེ་ལུས་ཀྱི་རྩ་འཁོར་མངོན་སུམ་དུ་གཟིགས། ཙོང་ཁ་པ་ཆེན་པོའི་ཡི་གེའི་སྟེང་ནས་མངོན་བརྗོད་ཉུད་ངུན་ཐུགས་དཔྱད་མཛད་སྐབས་ཤིག་མནལ་ལམ་དུ། སྐུ་ལུས་

― TN03_Page_0066 ―

^{[མ་དཔེ་གཟིགས་ན་འདིར་གནོན།]}

(༥༠)ལས་རྣག་ཁྲག་དང་མི་གཙང་བ་མང་དུ་ཐོན་པའི་མཐར་དག་ཅིང་འཇམ་ལ་ཆེས་ཡངས་པའི་སྐུ་ཅན་ཞིག་ཏུ་སོང་། དེར་ནམ་མཁའ་ལ་གྱ་གྱུར་བཞུད་ནས་བྲག་དང་ནགས་ཚལ་གྱིས་གཏམ་པའི་རི་བོ་ཐང་མཎྜལ་བཀྲམ་པ་ལྟ་བུའི་མཐར་སྣང་བ་ཞིག་ཏུ་ཕེབས། དེའི་མགུལ་ན་གྲུབ་ཆེན་ལཱུ་ཧི་པ་ཡིན་ཟེར་བའི་རྣལ་འབྱོར་པའི་ཆས་ཅན་ཞིག་མདུན་ཕར་ཕྱོགས་ཏེ་ཁོག་མ་ལ་མེ་འབུད་ཅིང་ཚོད་མ་བཙོ་བ་ལྟར་འདུག་པ། རི་བོའི་ཞོལ་ནས་བདག་ལ་དངོས་གྲུབ་ཅིག་སྩོལ་ཞེས་བོས་པས་ཞལ་ཚུར་གཟིགས་པ་ན་གཟི་བརྗིད་ཉི་མ་ལྟར་བཟོད་དཀའ་བ་ཞིག་སྣང་། སླར་མདུན་གྱི་མེ་དེ་དྲག་ཏུ་གཏོར་བྱུང་བའི་གསེབ་ཏུ་ཉུང་མ་བསྲེགས་པའི་རྡོག་པོ་ལྟ་བུའི་གོང་བུ་གཅིག་འདུག དེ་ཁ་ཕྱེ་བའི་ནང་ནས་ཤིང་ཐོག་ལས་གྲུབ་པ་ལྟ་བུའི་དཔལ་ཧེ་རུ་ཀའི་སྐུ་སེར་སྨུག་ཉམས་བརྒྱར་འབར་བ་ཞིག་རྙེད་པ་ཞལ་དུ་གསོལ་བས་སྐུ་ཐུགས་བདེ་སྟོང་ཆེན་པོའི་རོས་གང་བའི་ངང་ལ་སད་པ་ན་དཔལ་བདེ་མཆོག་གི་བྱིན་རླབས་རྫོགས་པར་བརྙེས་པའི་ངེས་ཤེས་འཁྲུངས་པ་ལ་སོགས་པའི་ཚུལ་གྱིས་རྩ་རླུང་ཐིག་ལེ་ལྷག་པར་ཡང་བྱིན་གྱིས་བརླབས། དུས་གཅིག་ན་བརྟན་གཡོ་ཐམས་ཅད་བདེ་སྟོང་རོལ་པའི་མིག་འཕྲུལ་དུ་གཟིགས་པ་དང་། དཔའ་བོ་ཌཱ་ཀྐིའི་བྱིན་རླབས་ནང་འཛོམ་པའི་རྟེན་འབྲེལ་ལས་སྒྱུ་མ་སྤྲུལ་པ་ལྟར་སྣང་བའི་ས་གཞི་ཡངས་ཤིང་རྒྱ་ཆེ་བར། ཤིང་ལོ་སྔོན་པོའི་སྤྱི་ལ་བུ་སྟེང་ཐམས་ཅད་མེ་ཏོག་མང་པོ་དང་། འོག་གཞིར་ཁ་དོག་སྣ་ཚོགས་པའི་མེ་ཏོག་བཀྲམ་ཞིང་དྲི་ཞིམ་ཁོར་ཡུག་ཏུ་ལྡང་བ་ཞིག་ཕུབ་པ་གཟིགས།

― TN03_Page_0067 ―

^{[མ་དཔེ་གཟིགས་ན་འདིར་གནོན།]}

(༥༡)དེའི་ནང་དུ་རྒྱལ་པོའི་ཆས་ཅན། སྐུ་བོང་མི་ཚད་གཉིས་འགྱུར་ཙམ། གཟི་བརྗིད་ཤིན་ཏུ་ཆེ་བ་ཞིག་བཞུགས་འདུག་པའི་སྤྱན་སྔར་ཕེབས། དེས་ཁྱོད་ཀྱིས་ང་སུ་ཡིན་ཤེས་སམ་གསུང་། མི་ཤེས་ཞུས་པས། ང་ནི་གནས་བརྟན་རྣམས་ཀྱི་གཙོ་བོ་ས་ར་ཧ་ཞེས་གྲགས་པ་དེ་ཡིན་གསུང་། དེར་རྒྱལ་ཆེན་ཨིནྡྲ་བྷུ་ཏི་མིན་ནམ་དགོངས་པ་ཞིག་བྱུང་བའི་སྐབས། དེའི་ཞལ་ནས། ངས་ནི་མི་དུང་ཕྱུར་ཅིག་བསྙེན་པར་རྫོགས་པ་ཡིན། ཁྱོད་ཀྱིས་ཀྱང་ད་སྟེ་མི་ལྔ་བཅུ་བསྙེན་པར་རྫོགས་དགོས་ཀྱི། དོ་ནུབ་ངས་ཁྱོད་བསྙེན་པར་རྫོགས་པར་བྱ་གསུང་། ལས་བྱེད་པའི་དགེ་འདུན་མི་འདུག་སྙམ་དུ་དགོངས་པ་ན། དེས་ལས་བྱེད་འདི་ལྟར་ཡོད་གསུངས་ཏེ་དབང་གི་ལྟ་སྟངས་དང་ལྕགས་ཀྱུའི་ཕྱག་རྒྱ་ཞིག་མཛད་མ་ཐག །གནམ་ཁོལ་བ་དང་། ས་བེར་བསྙམ་བྱེད་པའི་རོལ་མོའི་སྒྲ་དང་ལྷན་ཅིག་གློག་འོད་འཁྱུག་པའི་རུ་མ་ནས་མཁའ་འགྲོ་མ་གཞོན་ནུ་སྔོ་སངས་རུས་པའི་རྒྱན་ཅན་མཛེས་སྡུག་ལྟ་བས་མི་ངོམས་པ་ཞིག་སྐད་ཅིག་ལ་མདུན་དུ་ལྷགས། དེ་ནས་ལེགས་སྦྱར་སྐད་ཤ་སྟག་གིས་དབང་ཞིག་བསྐུར། བུམ་དབང་གི་གནས་སུ་ཕྱག་སྤྱི་བོར་བཞག །གསང་དབང་སྙོམས་འཇུག་གི་བདུད་རྩི་དངོས་ཀྱིས་བསྐུར། ཤེར་དབང་ལ་མཁའ་འགྲོ་མ་དེ་རྩལ་བ་ལས་རྙེད་པའི་དགའ་བཞི་དད་དབང་བཞི་པ་ཚིག་གི་ངོ་སྤྲོད་མཛད་པ་རྣམས་སོ་སོའི་ཐད་དུ་ཡེ་ཤེས་ཀྱི་ཉམས་མི་འདྲ་བ་རེ་རེ་སྐྱེས། མཐར་

― TN03_Page_0068 ―

^{[མ་དཔེ་གཟིགས་ན་འདིར་གནོན།]}

(༥༢)བོད་ཀྱི་སྐད་དུ། དེ་རྣམས་ཀྱིས་དགེ་བསྙེན། དགེ་ཚུལ། དགེ་སློང་། གནས་བརྟན་རྒན་པོའི་གོ་འཕང་རྣམས་རིམ་བཞིན་གྲུབ་པ་ཡིན་ནོ། །ཞེས་གསན་མཐར་འོད་གསལ་མཁའ་ལྟར་ཞི་བའི་དབྱིངས་སུ་སྙོམས་པར་ཞུགས། དེ་ཕྱིན་ཀྱང་མདའ་བསྣུན་ཆེན་པོར་ཕོ་ཉའི་ཟབ་ལམ་གྱི་གཞུང་ཆེན་ཞིག་གསན། མཁའ་སྤྱོད་རྡོ་རྗེ་བཙུན་མོ་ལ་སོགས་པ་ལྷན་སྐྱེས་དང་རྡོ་རྗེ་གཡར་མོ་བསིལ་ལ་སོགས་པ་ཞིང་སྐྱེས་ཀྱི་ཌཱཀྐི་རྣམས་དང་འདུ་བ་ཐོབ་སྟེ་བླ་ན་མེད་པའི་བརྟུལ་ཞུགས་ཀྱི་མཐུ་ཆེན་པོ་གྲུབ། སྐུ་ལུས་ཀྱི་དབྱིངས་ལ་དཔའ་བོ་མཁའ་འགྲོ་ཏིལ་གྱི་གོང་བུ་རྡོལ་བ་ལྟ་བུས་རྡོ་རྗེའི་རྒྱུད་དང་སྔགས་ཀྱི་སྒྲ་མུ་མཐའ་མེད་པར་སྒྲོགས་པ་དང་། དཔལ་དུས་ཀྱི་འཁོར་ལོའི་སྐུར་གྱུར་ཏེ་བདེ་བ་ཆེན་པོའི་མེ་ལོང་དུ་རྣམ་པ་ཀུན་གྱི་མཆོག་དང་ལྡན་པའི་ཤེས་བྱའི་དཀྱིལ་འཁོར་རབ་འབྱམས་ཅིག་ཆར་དུ་གསལ་བར་རྫོགས་པ་ལ་སོགས་ཏེ་བདེ་ཆེན་སྒྱུ་མའི་རིག་རྩལ་ཕྱོགས་མེད་དུ་ཤར། སྐུ་དངོས་ལས་རྡོ་རྗེ་སེམས་པའི་དབང་ཐོབ་ཚད་ཕྱིར་མི་ལྡོག་པའི་སྐལ་བ་ཅན་དུ་དཀྱིལ་འཁོར་གྱི་གཙོ་བོས་ལུང་བསྟན། ཆོས་དབང་གཏེར་བྱོན་ཐུགས་རྗེ་ཆེན་པོའི་གདམས་པ་ཉམས་བཞེས་དུས། སྟོབས་བཅུ་མངའ་བའི་གདུང་སྤེལ་བ་པོར་བསྔགས་པའི་ལྟས་སུ། རྗེ་རང་གི་ཕྱག་མཐིལ་ན་དེ་བཞིན་གཤེགས་པའི་རིང་བསྲེལ་གཅིག་འདུག་པར་འཁོར་བ་དོང་སྤྲུགས་ཀྱི་གཟུངས་སྔགས་ཟློས་བཞིན་ཞལ་ཕུ་བཏབ་པས་རིང་བསྲེལ་གྲངས་མེད་པ་སྐད་ཅིག་ལ་འཕེལ་པའི་གཟིམ་ལམ་བྱུང་། ཚད་

― TN03_Page_0069 ―

^{[མ་དཔེ་གཟིགས་ན་འདིར་གནོན།]}

(༥༣)ལ་མ་ནོར་ཐབས་མཁས་ཕུལ་བྱུང་བའི། །རྣལ་འབྱོར་བདུད་རྩིས་སིམ་པའི་ཐུགས་ཅན་རྣམས། །མཁས་པ་མིན་པས་སྨྲར་ཡང་ནུས་མིན་པ། །འདི་འདྲའི་ཡོན་ཏན་འཐོབ་ཀྱི་གཞན་དུ་མིན། །ད་ནི་རྡོ་རྗེ་མཁའ་འགྲོ་མ་རྣམས་ཀྱི་གསང་མཛོད་མ་གཏོགས་གཞན་དུ་མ་གྲགས་པའི་ཆོས་ཚུལ་རྒྱ་མཚོའི་གཏེར་ལ་རྫོགས་པར་དབང་བསྒྱུར་བའི་སྒོ་ནས་རྡོ་རྗེ་ཐེག་པའི་ལུང་རྟོགས་ཇེ་རྒྱས་སུ་མཛད་པའི་ཚུལ་གྱི་ཕྱོགས་གཅིག་ཞར་བྱུང་དང་བཅས་པ་བརྗོད་པར་བྱ་སྟེ། དེའང་སྐུ་གཞོན་ནུ་ནས་རྫས་ཆོས་ཀྱི་གཏེར་ཁ་མང་པོར་དབང་བའི་རྟེན་འབྲེལ་སད་ཀྱང་ཆེད་གཉེར་མ་མཛད། ཕྱིས་སུ་ཨོ་རྒྱན་རིན་པོ་ཆེའི་སྨོན་ལམ་གྱི་རི་མོ་བསུབ་ཏུ་མེད་པས། དབུས་སུ་ཕེབས་ལམ་བྱང་འབྲོག་དགེ་རྒྱལ་དུ་ཚེས་བཅུའི་མཆོད་པ་མཛད་སྐབས། སློབ་དཔོན་ཆེན་པོའི་དངོས་ཞལ་གྱི་སྣང་བ་བསྟན་ནས་རྗེས་སུ་བཟུང་། བསམ་ཡས་སུ་ཉང་གཏེར་མཚོ་སྐྱེས་རྡོ་རྗེའི་སྐུ་ཚབ་རིན་པོ་ཆེའི་དྲུང་དུ་མཆོད་པ་རྒྱས་པར་མཛད་པས་སྣང་བརྙན་དེ་མཚོ་སྐྱེས་རྡོ་རྗེ་འཆང་དངོས་སུ་གྱུར་ཏེ་མཚོ་སྐྱེས་སྙིང་ཐིག་གི་གདམས་པ་སྩལ་ཞིང་དགོངས་ཀློང་དབྱེར་མེད་དུ་བྱིན་གྱིས་བརླབས། ལན་ཅིག་ཚེས་བཅུའི་ཉི་ཤར་ལ་མངའ་བདག་ཁྲི་སྲོང་འཁྲུངས་ཡུལ་བྲག་དམར་མགྲིན་བཟང་དུ་ཕེབས་པ་ན། ས་གཡོ་བ་ལྟ་བུའི་རྐྱེན་ལས་སྣོད་བཅུད་ཐམས་ཅད་དཔལ་ཧེ་རུ་ཀའི་ཞིང་ཁམས་སུ་གཟིགས་པའི་མོད། ཡེ་ཤེས་མཁའ་འགྲོས་གཏེར་སྒྲོམ་ལ་བསེའི་གའུ་ཞིག་དངོས་སུ་

― TN03_Page_0070 ―

^{[མ་དཔེ་གཟིགས་ན་འདིར་གནོན།]}

(༥༤)སྩལ་བར་འགྲོ་འདུལ་འཕགས་པ་སེམས་ཉིད་ངལ་གསོའི་ཐུགས་ཏིག་དང་། རྒྱལ་བ་རྒྱ་མཚོའི་གདམས་པ་ཡེ་ཤེས་འོད་ཀྱི་སྙིང་པོ། བྲམ་ཟེ་ཉེར་གཅིག་གི་གདུང་སོགས་བྱོན་པ། མི་ལོ་བཅུ་གསུམ་བར་ཤིན་ཏུ་གསང་ཞིང་གཏེར་ཆོས་ཐུགས་ཉམས་སུ་བཞེས་པ་ལས་གཞན་ལ་འཕྲིགས་ཙམ་ཡང་མ་བྱུང་། རྗེ་བཙུན་ཉིད་ཀྱི་བར་ཆད་ཞི་ཞིང་འགྲོ་འདུལ་གྱི་ཕྲིན་ལས་རྒྱས་པའི་རྟེན་འབྲེལ་ཁྱད་པར་ཅན་འགྲིགས། ཕྱིས་སེམས་ཉིད་ངལ་གསོའི་ཆོས་སྐོར་འགའ་ཞིག་གཏེར་ལུང་ལས། དབང་གི་གནས་སུ་དབང་གི་དུསཿ དབང་ཆེན་པདྨའི་རིགས་སྐྱེས་པའིཿ རྣམ་འཕྲུལ་ཟུང་གི་དོན་དུ་སྟོནཿ ཚོམ་བུ་དང་བཅས་སྐལ་བཟང་འགྱུརཿ ཞེས་པའི་རྟེན་འབྲེལ་མ་བསྒྲིགས་ལྷུན་གྲུབ་ཀྱིས་དཔལ་རི་བོ་དབང་ཞུའི་སྙིང་པོ་བཀྲ་ཤིས་ཟླ་གམ་དབང་ཕུག་ཏུ། དབང་ཆེན་ལྕགས་སྤྲེལ་ལོ་སྤྲེལ་ཟླ་བའི་ཚེས་བཅུར། དབང་ཆེན་གྲུབ་པ་རྒྱལ་བ་མཆོག་དབྱངས་ཀྱི་སྤྲུལ་པ་དཔལ་ཀརྨ་པ་ཐེག་མཆོག་རྡོ་རྗེ་དང་། པདྨ་རིགས་ཀྱི་དབའ་བོ་ཏཱའི་སི་ཏུ་པདྨ་ཀུན་བཟང་ཆོས་རྒྱལ་གཉིས་དང་། གཞན་ཡང་རྗེ་པདྨ་གར་དབང་སོགས་འདུས་པ་དགུ་ལ་ཤོག་སེར་ཕབ་འཕྲེལ་དུ་སྩལ། གཏེར་ཁ་འདི་བཞེས་དུས་དང་ལོ་ཟླ་ཚེས་གྲངས་ཆུ་ཚོད་ཚུན་གཅིག་པར་གཏེར་ཆེན་མཆོག་གྱུར་བདེ་ཆེན་གླིང་པས་ཀྱང་ཆོས་རྒྱལ་ཡབ་སྲས་ཀྱི་སྐབས་སྨོན་ལམ་གཅིག་པའི་རྟེན་འབྲེལ་གྱིས་མདོ་ཁམས་ཁ་ལ་རོང་སྒོ་ནས་ཐུགས་སྒྲུབ་བར་ཆད་ཀུན་སེལ་བཞེས་ཏེ། དེ་ནས་ལོ་ལྔ་ཙམ་

― TN03_Page_0071 ―

^{[མ་དཔེ་གཟིགས་ན་འདིར་གནོན།]}

(༥༥)འདས་སྐབས་རྗེ་བླ་མ་དང་མཇལ་ནས་དབང་ཆོས་མང་པོ་གསན། སྙིང་ཐིག་གོང་མའི་དབང་གི་དུས་བླ་མ་པ་ཆེན་བི་མ་ལ་དངོས་སུ་གཟིགས་པ་སོགས་དག་པའི་སྣང་བ་ཁྱད་པར་ཅན་གྱིས་གོ་ཕྱེས་ཏེ་གནས་ལུགས་ཀྱི་རང་ཞལ་རྗེན་པར་མཇལ། སྔགས་སྲུང་མའི་སྲོག་དབང་གནང་ཚེ་སྣོད་ཀྱི་འཇིག་རྟེན་འཁྲུགས་པ་ལྟ་བུའི་འཇིགས་ཟིལ་དང་བཅས་རལ་གཅིག་མ་དངོས་སུ་གཟིགས། དཔོན་སློབ་གཉིས་ཆར་ལ་ལོ་གསུམ་མཚམས་སུ་དངོས་གྲུབ་ཆེན་པོ་སྦྱིན་ཞེས་རྫོགས་ཆེན་སྡེ་གསུམ་གྱི་གཏེར་ཁའང་ལུང་བསྟན། །དཔལ་ཡང་དག་ལྷ་དགུའི་དབང་ཆེན་གསན་པ་ན་མགོན་པོ་འདི་དཔལ་ལྡན་ཧེ་རུ་ཀའི་སྐུ་དངོས་སུ་གཟིགས་པའི་མོས་གུས་ཀྱི་རྐྱེན་ལས་ཐུགས་ཀ་ནས་འོད་ཟེར་མཐིང་ཁའི་གོང་བུ་ཧཱུཾ་ཡིག་གིས་མཚན་པ་ཞིག་ཐོན་ཏེ་གཏེར་སྟོན་རང་གི་དབུ་གཙུག་ནས་ཐིམ་པའི་གསལ་སྣང་ཤར་བས་ནང་གི་རྩ་མདུད་ཞིག །རྡོ་རྗེའི་གླུའི་དཀོར་མཛོད་འཛད་མེད་དུ་གྲོལ། སྔོན་ཆད་ཐུགས་སྒྲུབ་བར་ཆད་ཀུན་སེལ་གྱི་བརྡ་ཇི་བཞིན་མ་ཁྲོལ་བའང་ཚེགས་མེད་པར་མཁྱེན་ཏེ། སྤྱིར་རྗེ་རིན་པོ་ཆེ་དགུང་ལོ་བཅུ་དྲུག་གི་དུས་རྩ་གསུམ་ཐུགས་སྒྲུབ་ཧྲཱིཿརྒྱ་ཅན་བདེ་གཤེགས་འདུས་པས་གཏེར་དུ་བཞེས་པ་ཡོད་ཀྱང་། རྗེས་སུ་མཆོག་གླིང་གིས་ས་གཏེར་ཐོན་ཞིང་། དེ་གཉིས་ཚིག་དོན་གཅིག་ཏུ་འདུག་པས་ཟུར་དུ་མ་སྤེལ་ཞེས་གསུངས་པར་མ་ཟད་སྔ་མ་ཆ་ཤས་ཙམ་ཕབ་པའང་དེ་ཁོ་ན་ལྟར་ཡོད་དེ། ཤོག་སེར་འབེབས་པ་དང་གཏེར་སྒྲུབ་ཀྱང་གཉིས་

― TN03_Page_0072 ―

^{[མ་དཔེ་གཟིགས་ན་འདིར་གནོན།]}

(༥༦)འདུས་སུ་མཛད་པས་རྗེ་འདིའི་གཏེར་ཁར་ཡང་བགྲང་རུང་། ལྕགས་ཕག་ལོར་རྒྱང་ཡོན་པོ་ལུང་གི་གུ་རུའི་སྒྲུབ་ཕུག་ཏུ་ཚོགས་ཀྱི་མཆོད་པ་མཛད་པའི་ཚེ་ཕུག་དེའི་སྒོ་གོང་དུ་གུ་རུའི་སྐུ་ཚབ་དང་། གསོལ་འདེབས་བསམ་པ་ལྷུན་གྲུབ་མའི་ཆོས་སྐོར་བཞུགས་པ་གཟིགས་ཤིང་། ཆོས་ཀྱི་ཞིབ་རྒྱུས་ཀྱང་གཏིང་ཐུག་པར་མཁྱེན། ཕྱིས་སྐུ་ཚབ་རིན་པོ་ཆེ་དངོས་གྲུབ་དཔལ་འབར་དང་། ཐུགས་སྒྲུབ་ཡིད་བཞིན་ནོར་བུའི་ཤོག་སེར། དོན་ཀུན་གྲུབ་པའི་གི་ཝཾ་གི་བམ་པོ་རྣམས་རྩི་སྐེ་ནོར་བུ་སྤུན་གསུམ་དུ་བཞུགས་པ་གསལ་བར་གཟིགས་ནས་གཏེར་ཆེན་མཆོག་གྱུར་གླིང་པ་ལ་བཀའ་གནང་སྟེ་སྤྱན་དྲངས། ཤོག་སེར་ལ་བརྡ་ཡིག་མ་གསལ་བ་ཡབ་སྲས་ཞལ་འཛོམ་པས་གཏེར་སྒྲུབ་ཞག་བདུན་དང་སྦྲགས་བདུད་རྩི་ལྔའི་ཆུ་ལ་སྤང་པས་ཞག་ལྔ་ནས་བརྡ་ཡིག་གི་གྲོང་ཁྱེར་བདུན་ལམ་མེར་ཤར། ཐུགས་སྒྲུབ་ཆ་ཙམ་གཏན་ལ་ཕབ། སྒྲུབ་ཆེན་མཛད་པས་གཞལ་མེད་ཁང་རྒྱ་ཁྱོན་བཀོད་པ་བློས་མི་ཁྱུད་པ་ཞིག་ཏུ་ཐུགས་སྒྲུབ་གཉིས་ཀྱི་ལྷ་ཚོགས་བླ་འོག་གི་རྣམ་པར་བཞུགས་པའི་གཙོ་བོའི་ཞལ་ནས། གསོལ་འདེབས་ཚུལ་བཞིས་འཆད་པའི་མན་ངག་སོགས་གསུང་གི་བདུད་རྩི་མང་དུ་གསོལ་ཞིང་། གཏེར་སྲུང་རྣམས་ཀྱིས་ཕྲིན་ལས་སྒྲུབ་པའི་གཡར་དམ་བླངས། ཤངས་ཟམ་བུ་ལུང་གི་ནེའུ་སེང་ཉམས་དགའ་བ་ཞིག་ཏུ་གསོལ་ཚིགས་མཛད་པར། དེའི་བྲག་ལ་རང་གི་གཏེར་སྐལ་གྱི་རྗེ་བཙུན་སྒྲོལ་མའི་ཆོས་སྐོར་རྒྱས་པ་ཞིག་བཞུགས་པ་ཆེས་གསལ་

― TN03_Page_0073 ―

^{[མ་དཔེ་གཟིགས་ན་འདིར་གནོན།]}

(༥༧)བར་མཁྱེན་ཀྱང་གཏེར་ཤོག་བཞེས་རྒྱུ་མ་བྱུང་། འོན་ཀྱང་དེའི་ཚིག་དོན་མཐའ་དག་ཐུགས་སུ་ཆུད་དེ་རྩ་བ་ཤོག་ལྡེབ་གསུམ་བཞི་སྙེད་ཕྱག་བྲིས་མཛད་པ་ན། ཇོ་ཇོ་ཞིག་གིས་འཕགས་པ་ཀླུ་སྒྲུབ་ཀྱི་ཐུགས་དམ་རྟེན་རྗེ་བཙུན་མའི་སྐུ་རྙིང་ཞིག་ཕུལ། འདི་ལ་ཡོན་དུ་གསེར་ཞོ་བདུན་དགོས་ཟེར་ནས། སྐུ་ཆས་ལ་གསེར་ཞོ་བདུན་ཁོ་ན་བཏགས་ཡོད་པ་སྩལ། མི་དེ་ནི་ཉེ་གནས་སྐུ་འཁྲིས་སུ་ཡོད་པས་ཀྱང་མ་མཐོང་སྟེ་གཏེར་སྲུང་དང་། གསེར་རྣམས་གཏེར་ཚབ་ཏུ་དགོས་པ་ཡིན་པར་མངོན། སླད་ནས་སྐུ་གཟུགས་འདིས་གཏེར་ཆེན་མཆོག་གྱུར་གླིང་པར་ལེགས་སོ་གསུམ་གྱི་དབུགས་དབྱུང་བྱིན། དེ་བཞིན་དུ་ཇོ་མོ་ཁ་རག་ཏུ་ཕེབས་ཚེ་རང་གཏེར་གྱི་སྲུང་མས་ཕུར་པ་ཁྱད་པར་ཅན་དངོས་སུ་ཕུལ། རྗེས་ནས་ཁམས་སུ་བཞུགས་རིང་ཞིག །འདམ་ཤོད་ཀྱི་གཏེར་ཁ་ཀླུའི་འཇིམ་པ་ལས་གྲུབ་པའི་གུ་རུའི་སྐུ་ཚབ་ཐོད་ཕྲེང་སྡེ་ལྔ་ཡབ་ཡུམ་གྱི་བྱང་སེམས་ཉི་ཟླའི་ཞུན་གྱིས་གཡོགས་པ་དང་། བླ་མ་སྐུ་བཞིའི་སྒྲུབ་སྐོར། སློབ་དཔོན་ཆེན་པོའི་ཚེམས་ལས་སྤྲུལ་པའི་རིང་བསྲེལ། བླངས་པས་འཛད་པ་མེད་པའི་ངོ་མཚར་ཅན་རྣམས་གཉན་ཆེན་ཐང་ལྷས་སྤྱན་དྲངས་ཏེ་ཕུལ་བ། རིང་བསྲེལ་གྱི་འབྱུང་ཁུངས་རྗེ་ཉིད་གཤེགས་ཁའི་སྔ་ལོ་ཙམ་ནས་གཏེར་སྲུང་གིས་ཕྱིར་ཁྱེར་བས་མ་བཞུགས། དེ་ནས་རབ་ཡིད་རྫོགས་པ་ཟད་པར་གྱི་ལོར། རཏྣྣ་གླིང་པའི་ཕྱག་ཆེན་ཉི་སྙིང་མར། སྟག་ཚང་རོང་དུ་སྦས་པ་འདིཿ མངའ་བདག་

― TN03_Page_0074 ―

^{[མ་དཔེ་གཟིགས་ན་འདིར་གནོན།]}

(༥༨)ཉང་གི་གདུང་བརྒྱུད་ནིཿ མི་རབས་ཡང་བརྒྱུད་བཅུ་གསུམ་ནཿ འཇམ་དབྱངས་སྤྲུལ་པ་བློ་གྲོས་ཅནཿ འཇམ་དཔལ་བཤེས་གཉེན་ཞེས་པས་འདོནཿ གདུལ་བྱ་གངས་ཅན་ཡུལ་ཁྱབ་འབྱུངཿ ཞེས་གསུངས་པ་ལྟར་ཐོ་རང་ཞིག་རྔ་ཡབ་གླིང་ནས་དཔའ་བོའི་ཆས་ཅན་གཉིས་བྱུང་ཏེ། འདི་སྤྲོད་པའི་དུས་ཚོད་དངོས་ཤིང་སྟག་ལོ་ཡིན་ཀྱང་རྟེན་འབྲེལ་ཡོལ། ད་རེས་སློབ་དཔོན་པདྨའི་བཀས་ཁྱོད་ལ་སྤྲོད་དུ་ཕྱིན་ཟེར། ཤོག་དྲིལ་ཞིག་བྱིན་ནས་མི་སྣང་བར་སོང་། ཤོག་དྲིལ་དེ་འཐོར་འབྲུའི་ཟ་མ་ཏོག་ཏུ་བཅུག་སྟེ་ནམ་ལངས་པ་དང་གཟིགས་པས་གཏེར་གྱི་ཁ་བྱང་དུ་འདུག །དེ་དང་མཐུན་པར་ལོ་དེ་ཉིད་ཀྱི་སྨིན་དྲུག་ཟླ་བའི་ཚེས་བཅུར་གཏེར་ཆེན་མཆོག་གླིང་དང་ལྷན་ཅིག་རོང་མེ་འཆི་མེད་དཀར་མོ་སྟག་ཚང་དུ་ཕེབས། བྲག་གི་རྒྱ་བཅུ་གསུམ་བཤིག་སྟེ་རིག་འཛིན་རྡོ་རྗེ་དྲག་རྩལ་གྱི་སྐུ། ཤོག་སེར། ཕྱག་མཚན་གནམ་ལྕགས་ཀྱི་རྡོ་རྗེ་རྣམས་ཁྲོམ་གཏེར་དུ་སྤྱན་དྲངས། དེའི་ཕྱི་ཉིན་ཡང་ཁྲོམ་ཚོགས་མང་པོའི་དབུས་སུ་མ་ཕམ་སེང་རྒོད་གཡུ་མཚོ་ནས། མཇའ་དང་འོད་དང་མེ་ཏོག་གི་ཆར་སོགས་ངོ་མཚར་བའི་ལྟས་དང་བཅས་ཏེ། རྫུ་འཕྲུལ་རྡོ་རྗེའི་བཀོད་པས་གཏེར་ཁ་གསེར་གྱི་སྒྲོམ་བུ་ཧེ་རུ་ཀ་ཞལ་སྦྱོར་གྱི་རྣམ་པ་ཅན་སོགས་བཞེས་པ་ན་གཏེར་སྲུང་ཀླུའི་རྒྱལ་པོ་གསེར་གྱི་གདུགས་ཅན་འོང་བ་དངོས་སུ་གཟིགས་ཤིང་། ཐུན་མོང་གི་སྣང་བར་མཚོ་ཕྱུར་བ་དང་ལྷན་ཅིག་དར་ཁུང་གི་ཉེ་འགྲམ་

― TN03_Page_0075 ―

^{[མ་དཔེ་གཟིགས་ན་འདིར་གནོན།]}

(༥༩)ཐམས་ཅད་གསེར་ཕྱེས་སེར་ཉུལ་གྱིས་ཁྱབ་པ་མཐོང་། འགའ་ཞིག་གིས་གསེར་ཅུང་ཟད་རྙེད་ཀྱང་རྙེད། །དེར་ཐུགས་སྒྲུབ་རྡོ་རྗེ་དྲག་རྩལ་དང་། རྩ་གསུམ་སྒྱུ་འཕྲུལ་དྲ་བའི་ཆོས་སྡེ་བྱོན་ཀྱང་ལམ་རིམ་ཡེ་ཤེས་སྙིང་པོ་ཙམ་ལས་གཞན་འཆད་སྤེལ་མ་གནང་། རབ་ཚེས་སྨིན་དྲུག་ཟླ་བའི་ཚེས་བཅུར་སྟོད་འབྲས་མོ་ལྗོངས་ནས་སྨད་གཡུ་ལུང་གངས་ར་ཡན་ཆད་ཀྱི་གནས་ཆེ་ཆུང་སྟོང་ཕྲག་ལྷག་པའི་བཀོད་པ་དང་གཏེར་ཁ་སོགས་སྒྲིབ་མེད་དུ་གཟིགས། ཞེ་དགའི་ཕྱོགས་བཀྲ་ཤེས་གནས་ཀྱི་ཤར་ཕྱོགས་ཞི་ཁྲོ་ཤེས་ཕུག་ཅེས་སྔོན་ཆད་ཡུལ་དེར་གནས་པས་ཀྱང་རྒྱུས་མེད་པར་རྗེ་ཉིད་ཀྱིས་ལམ་མཚོན་ནས་ཕེབས་ཤིང་གྲོལ་ཏིག་སྐོར་གསུམ་དང་གནས་ཡིག་འགའ་ཞིག་གིས་ཤོག་སེར་བཞེས། རིན་པོ་ཆེ་བློ་གྲོས་མཐའ་ཡས་ཀྱིས་ཡི་གེ་པ་མཛད་དེ་ཤོག་སེར་ལས་ཆ་ཙམ་ཕབ་པ་ན་འཇའ་ཚོན་གྱི་བླ་རེ་བྲེས་ཤིང་མེ་ཏོག་སིལ་མའི་ཆར་བབས། ཁྱུང་ཚང་བྲག་གི་གཏེར་ཁ་རིག་འཛིན་ཡོངས་རྫོགས་ཀྱི་ཐུགས་ཏིག་སོགས་གཏེར་སྲུང་ཀླུ་མོས་གསལ་བར་བསྟན་ནས་རྗེ་མཆོག་གླིང་དང་གདན་འཛོམས་པས་བཞེས། གཏེར་ལྷུང་ཁང་དམར་མདོར་བཞུད་སྐབས་རྗེ་བློ་གྲོས་མཐའ་ཡས་ཀྱིས་ཕྱོག་འདིར་རྡོར་སེམས་ཀྱི་གཏེར་ཁ་ཡོད་པར་བདུད་འདུལ་གཏེར་ལུང་ལས་བཤད་པས། དེ་ལས་སྣ་གཅིག་བཞེས་དགོས་ཞེས་གསོལ་བ་བཏབ་པས། བཻ་རོའི་གསང་ཕུག་ཏུ་ཚོགས་ཀྱི་འཁོར་ལོ་མཛད་པའི་མཐར་

― TN03_Page_0076 ―

^{[མ་དཔེ་གཟིགས་ན་འདིར་གནོན།]}

(༦༠)དེ་ཉིད་ནས་སློབ་དཔོན་བཻ་རོ་ཙ་ནའི་ཐུགས་དམ་རྟེན་གྱི་རྡོ་རྗེ་སེམས་དཔའི་ལི་སྐུ་ཁྱད་འཕགས་ཤིག་བླངས་ནས་སྩལ། རྫོང་ཤོད་བདེ་གཤེགས་འདུས་པའི་སྐུའི་གནས་ནས་དཔག་བསམ་ཤིང་གི་འབྲས་བུ་ལས་གྲུབ་པའི་པདྨ་རྒྱལ་པོའི་སྐུ་རྒྱན་ཤིན་ཏུ་ངོ་མཚར་བ་བཞེས་ཤིང་། དེར་ཚ་སྒང་པ་རིན་ཆེན་རྣམ་རྒྱལ་ཞམ་རིང་དུ་ཁྲིད་དེ་སྔར་མེད་པའི་ཕུག་པ་ཡ་མཚན་ཅན་གྱི་སྒོ་ཕྱེ་ནས་མགོན་པོ་ཕྱག་བཞི་པའི་སྒྲུབ་སྐོར་དང་། ཉང་རིན་པོ་ཆེའི་ཡང་གཏེར་གནམ་ལྕགས་ཀྱི་རྡོ་རྗེ་ཞིག་ཕྱུང་། ཁྲོ་ཟིལ་ཁྲོམ་གྱི་མདུན་ངོས་ཆུ་མིག་གཅིག་ནས་མཁའ་འགྲོ་ལས་ཀྱི་དབང་མོ་ཆེའི་རང་བྱུང་གསང་བའི་བདུད་རྩི་བཏོན། བཀྲ་ཤིས་ཟླ་གམ་དབང་ཕུག་གི་གནམ་ཁུང་ནས་མགོན་པོ་ཛཾ་བྷ་ལའི་སྐུ་དང་སྒྲུབ་སྐོར། དེའི་ཉེ་ཕྱོགས་ཀྱི་བྲག་ནས་རྗེ་བཙུན་སྒྲོལ་མའི་ཚེ་རིལ་ཟླ་བའི་སྙིང་པོ། སེང་གེ་གཡུ་མཚོ་ནས་མོན་མོ་བཀྲ་ཤིས་ཁྱེའུ་འདྲེན་གྱི་དར་ཤམ་དང་། བྱང་ཆུབ་ཤིང་གི་ལོ་མ་སོགས་གཞན་ཡང་བཞེས། དེ་རྗེས་ཐེམ་པ་མི་འདའ་བར་བཞུགས་དུས་ཤིག་གཏེར་སྟོན་ཀུན་གྲོལ་གསང་བ་ལ། ཕ་བོད་གསེར་གདུགས་ཅན་ན་སངས་རྒྱས་དཔའ་བོ་བདུན་གྱི་རིང་བསྲེལ་དང་། པདྨ་ཤེལ་རིར་ཡང་གཏེར་ཁ་ཞིག་ཡོད་པ་དེ་ལེན་དུ་སོང་བཀའ་སྩལ་བ་ལྟར། ཁོང་གིས་གཏེར་གནས་སུ་ཕེབས་ཏེ་ཚོགས་སྐོང་གསེར་སྐྱེམས་གསོལ་འདེབས་སོགས་མཛད་ཀྱང་རིང་བསྲེལ་མ་རྙེད། ཟླ་གམ་དབང་ཕུག་ཏུ་ཞག་གསུམ་སྒྲུབ་པ་ཚོགས་

― TN03_Page_0077 ―

^{[མ་དཔེ་གཟིགས་ན་འདིར་གནོན།]}

(༦༡)མཆོད་བཅས་གྲུབ་པའི་སྔ་དྲོ་གནས་རིའི་དབུ་རྩེར་ལྷ་སྲིན་དམ་བསྒྲགས་པས། པདྨ་ཤེལ་རི་ནས་བྱ་རྒོད་ཅིག་འཇའ་སྤྲིན་འཁྲིགས་པའི་ནང་དུ་འཕུར་ཞིང་འོངས་ཏེ་འོག་གི་བྲག་རྩེར་བབས། སིནྡྷུ་རའི་འཇིམ་པ་རློན་པས་བསྟུམས་པའི་གཏེར་སྒྲོམ་ཞིག་དེར་བཞག་ནས་སོང་བས། སྒྲོམ་བུ་དེ་ཀ་ལྟར་བསྣམས་ཏེ་རྗེ་བླ་མའི་སྤྱན་སྔར་ཕུལ། དེ་ཞལ་ཕྱེས་པའི་ནང་ནས་ཚེ་དབང་རིག་འཛིན་གྱི་སྐུ་ཚབ་ལི་སྨུག་ལས་གྲུབ་པ། རྩ་གསུམ་སྤྱི་འདུས་ཆོས་སྐོར། གནས་ཆེན་མང་པོའི་མདོ་བྱང་གི་ཤོག་སེར་རྣམས་བྱོན། སྐུ་ཚེ་འདིའི་ཟབ་གཏེར་གྱི་གཙོ་བོ་གཙང་གཡས་རུ་རྩིས་ཀྱི་ལྷ་ཁང་གི་ཀ་ཞུ་ལ་བཞུགས་པའི་རྩ་གསུམ་བཀའ་འདུས་ཆེན་མོ་ཡིན་ཡང་། འདོན་པའི་དུས་ཐོག་ལ་ཕེབས་སྟབས་མ་འགྲིགས་པས་ཚོད་ལས་ཡོལ་བ། ཕྱིས་གཙུག་ལག་ཁང་འཇིག་ཏུ་ཉེ་བའི་དབང་གིས་གནས་འཕོས་ཏེ། དེའི་ཉེ་འཁོར་གྱི་བྲག་གཅིག་ལ་བཞུགས་པ་ས་ལེར་གཟིགས་ཤིང་། གཏེར་རྫས་གནམ་ལྕགས་ཀྱི་རྡོ་རྗེ་ཁྱད་འཕགས་ཤིག་ཕྱག་ཏུའང་སོན། དགུང་ལོ་བཞི་བཅུ་པ་དོན་གྲུབ་ཀྱི་ལོར། ཨོ་རྒྱན་རིན་པོ་ཆེ་གཏེར་ཆེན་སངས་རྒྱས་གླིང་པའི་སྐུའི་རྣམ་པར་བསྟན་ནས་གཏེར་འབྱུང་གི་གླེགས་བམ་སྩལ་ཞིང་བྱིན་གྱིས་བརླབས་པས་ཉིད་ཀྱི་སྐུ་གླེགས་བམ་དེར་གྱུར་པ་ལྟ་བུའི་མནལ་ལམ་བརྟན་པོ་ཤར། དེ་ཚུན་ཆད་ནས་བོད་ཡུལ་འདིར་བྱོན་དང་འབྱོན་འགྱུར་གྱི་སྤྲུལ་པའི་

― TN03_Page_0078 ―

^{[མ་དཔེ་གཟིགས་ན་འདིར་གནོན།]}

(༦༢)གཏེར་ཆེན་སྟོང་རྩ་སྙེད་ཀྱི་རྣམ་ཐར་དང་ཟབ་གཏེར་གང་བཞུགས་ཐམས་ཅད་ཅུང་ཟད་ཀྱང་ལྐོག་ཏུ་མ་གྱུར་པའི་ཡེ་ཤེས་ཀྱི་སྤྱན་རྣོན་པོ་བརྙེས་ཤིང་། ཆོས་གཏེར་དེ་ཐམས་ཅད་ཀྱི་བཀའ་བབས་སུ་གྱུར། དེའི་མཐུ་ལས་གཏེར་སྟོན་སངས་རྒྱས་བླ་མའི་གཏེར་ཁ་རྩ་གསུམ་དྲིལ་སྒྲུབ་དངོས་གྲུབ་བརྟན་གཟིགས་ཞུས་ལན་ཉེར་གཅིག་པ་དང་། རྒྱ་ལོ་རྩའི་བླ་མ་བསྟན་གཉིས་སྐོར་གསུམ། ཉི་མ་སེང་གེའི་ཐུགས་རྗེ་ཆེན་པོ་པདྨ་ཞི་ཁྲོ། རོང་ཟོམ་ལོ་ཙཱའི་མཁའ་འགྲོ་རིག་བྱེད་རྩལ། ཨོ་རྒྱན་གླིང་པའི་བཀའ་འདུས་ཆོས་ཀྱི་རྒྱ་མཚོའི་བཅུད་དྲིལ། ར་མོ་ཤེལ་སྨན་གྱི་རྡོ་རྗེ་བདུད་རྩི། རྒྱ་སྟོན་པདྨའི་དབང་ཕྱུག་གི་འཁོར་ལོ་བདེ་མཆོག་དམར་པོ། ལྷ་བཙུན་རྒྱ་མཚོ་བློ་གྲོས་ཀྱི་ཞི་བྱེད་བདུན་པ། གཡག་ཕྱར་སྔོན་མོའི་སྒྲོ་ལ་ལྗང་འཇིགས་པ་ཀུན་སྐྱོབ། བལ་པོ་ཨ་ཧཱུྃ་འབར་གྱི་ཡཀྵ་ཛམ་བྷ་ལ་ནག་པོ། མངའ་བདག་མོ་ལ་མི་འཁྱིལ་གྱི་རྒྱལ་བསེན་གནད་འབེབ་འཁོར་ལོའི་མན་ངག །གར་དབང་ལས་འཕྲོ་གླིང་པའི་ཕག་དཀར་ཤེས་རབ་འཁོར་ལོ། །སྣ་ནམ་ཐུབ་རྒྱལ་གྱི་རྟེན་འབྲེལ་ཡང་སྙིང་འདུས་པ། གཙུག་ལག་དཔལ་དགེའི་དྲག་སྔགས་ཐེམ་འདུན། ཁྱུང་པོ་དཔལ་དགེའི་རྒྱལ་པོ་མདོས་བཅུ། རོང་སྨན་ཉི་འོད་གསལ་གྱི་གསོ་དཔྱད་རྫོང་འཕྲང་སྙིང་ཐིག་སོགས་མཐའ་ཡས་པ་ཞིག་རྡོ་རྗེའི་གནས་ཀྱི་མཁའ་འགྲོ་མ་རྣམས་ཀྱིས་བརྡ་ཡིག །རྒྱ་དཔེ། བོད་ཀྱི་ཡིག་རྙིང་ཅི་རིགས་པར་པུ་སྟི་ཀ་

― TN03_Page_0079 ―

^{[མ་དཔེ་གཟིགས་ན་འདིར་གནོན།]}

(༦༣)དངོས་སུ་ཕུལ། འོན་ཀྱང་དེ་དག་ལ་འཆད་སྤེལ་གྱིས་ཕྲིན་ལས་བསྐྱང་མ་བསྐྱང་དང་བསྐྱངས་ཀྱང་ཚང་བར་བསྐྱང་མ་བསྐྱང་ནི་སྣ་ཚོགས་ཤིག་ཡོད་པར་སྣང་། ཇོ་མོ་སྨན་མོ་པདྨ་མཚོ་སྐྱིད་ཀྱི་གཏེར་སྐལ་མཁའ་འགྲོ་མའི་གསང་བ་ཀུན་འདུས་ཀྱི་སྐོར་རྣམས་རྗེ་ཉིད་ཆོས་དབང་རིན་པོ་ཆེར་གྱུར་དུས་གཏེར་ཆེན་མ་དང་ཐབས་ཤེས་ཀྱི་རྟེན་འབྲེལ་སྟོབས་སུ་གྱུར་པའི་དབང་གིས་རྗེས་སུ་དྲན་པའི་ཆོ་འཕྲུལ་དང་། ཇོ་མོ་ཆེན་མོས་བཛྲ་ཨ་ར་ལིའི་སྦྱོར་བས་བྱིན་རླབས་བསྟབས་པ་དང་། དགོངས་པ་ནམ་གཏད་དུ་གཏེར་ཡིག་པྲ་ཕབ་པ་ལྟར་འཆར་བ་སྟེ་གསུམ་ལྡན་གྱིས་གཏན་ལ་ཕབ། ལང་གྲོ་ལོ་ཙཱ་བ་དཀོན་མཆོག་འབྱུང་གནས་ཀྱི་ཐུགས་ཀྱི་གསང་བ་རྗེས་སུ་དྲན་ནས་དེའི་ཐུགས་དམ་ཚེ་སྒྲུབ་ཀྱི་མན་ངག་སྣང་བར་མཛད། སྔོན་ཆད་དགུང་གྲངས་ཉེར་བཞི་པར་འོ་ཡུག་གི་མཐིལ་དུ་གཤེགས་པའི་སྐབས་ཐ་མལ་གྱི་སྣང་ཞེན་དབྱིངས་སུ་ཐིམ་པའི་ཡེ་ཤེས་མེ་ལོང་གཙང་མའི་ངོས་སུ་ལྕེ་བཙུན་སེང་གེ་དབང་ཕྱུག་འོད་ལུས་སུ་བཞེངས་པའི་གནས་དུས་སྟོན་འཁོར་གྱི་ཚོམ་བུ་དང་བཅས་པ་གསལ་བར་ཤར་ནས་ཀློང་ལྔའི་ཡི་གེ་དུམ་བུ་གསུམ་པ་ཐུགས་གཏེར་དུ་བབས་པ་ཡུན་རིང་པོར་གསང་རྒྱས་བཏབ། མཐར་དབྱིངས་ཕྱུག་ཨེ་ཀ་ཛ་ཊིས་ཆོས་སྒོ་དབྱེ་བར་བསྐུལ་ནས་རིམ་པར་སྤེལ། རྗེ་བཙུན་ཡིད་བཞིན་འཁོར་ལོ་དང་རྣལ་འབྱོར་དབང་ཕྱུག་ཐང་སྟོང་པའི་བྱིན་རླབས་ལས་འཆི་

― TN03_Page_0080 ―

^{[མ་དཔེ་གཟིགས་ན་འདིར་གནོན།]}

(༦༤)མེད་འཕགས་མོའི་སྙིང་ཐིག་དང་། གྲུབ་ཐོབ་ཐུགས་ཐིག་གི་སྐོར་རྣམས་རང་ཤར་བའི་བྱུང་ཚུལ་ཡང་ཡོད་དེ་གཞན་དུ་ཤེས། རྫོང་ཤོད་བདེ་གཤེགས་འདུས་པའི་ཕོ་བྲང་དུ་བཞུགས་སྐབས་ནུབ་གཅིག་འོད་གསལ་གྱི་སྣང་བར། མཆོད་རྟེན་བདེ་བྱེད་བརྩེགས་པའི་དྲུང་དུ་སླེབས། དེར་སྒྲུབ་སྡེའི་བཀའ་བབས་ཀྱི་རིག་འཛིན་བརྒྱད་རྣམས་གུ་རུ་མཚན་བརྒྱད་ཀྱི་རྣམ་ཅན་དང་། ཀུན་འདུས་སློབ་དཔོན་པདྨ་ཐོད་ཕྲེང་བཅས་ཚོམ་བུར་བཞུགས་པའི་སྤྱན་སྔར། བཀའ་བརྒྱད་ཀྱི་གཞུང་མན་ངག སྒྱུ་འཕྲུལ་ཞི་ཁྲོ། ཨ་ནུ་ཡོ་ག །རྫོགས་ཆེན་གྱི་གདམས་པ་རྣམས་རྒྱ་ཆེར་གསན་པས་མཚོན། སྐད་ཅིག་རེ་རེར་ཆོས་ཀྱི་རྣམ་གྲངས་ཇི་སྙེད་ཅིག་དབང་དུ་གྱུར་པའི་ཕ་མཐའ་ཡང་སུ་ཞིག་གིས་བརྗོད་ནུས། དེར་ཡང་མ་ཟད་རྡོ་རྗེ་བདུད་རྩིའི་གཏེར་ཡིག་ལས་ཐོག་མར་བསྒྱུར་བ་ན། ཨོ་རྒྱན་རིན་པོ་ཆེར་གསོལ་འདེབས་མང་དུ་མཛད་པས། སྣྲོན་ཟླའི་ཚེས་བཅུར་པདྨ་འོད་ཀྱི་གཞལ་མེད་ཁང་དུ་གུ་རུ་རིན་པོ་ཆེ་རིག་འཛིན་ཌཱཀྐིའི་ཚོགས་དང་བཅས་པས་སྤྲུལ་པའི་དཀྱིལ་འཁོར་དུ་དབང་བསྐུར་ཞིང་གདམས་ངག་རྩལ་སྤྲུགས་སུ་གནང་བ་དང་། རྩ་བའི་ཆོས་བདག་ལ་དབང་བཀའ་གནང་བར་བཞེད་པའི་ཚེ་འོད་གསལ་སྒྱུ་མའི་རོལ་པར། སོ་མ་པུ་རིའི་ལྷ་ཁང་ནམ་མཁའི་ཟུར་ཕུད་ལ་སོན་པ་སྙམ་བྱེད་པའི་མཐོན་པོ་ཞིག་ཏུ་ཕེབས། དེར་ཁྲི་སྟན་སྟོང་པ་ཞིག་འདུག་པ་དེ་ལ་བཞུགས་པ་དང་། མི་

― TN03_Page_0081 ―

^{[མ་དཔེ་གཟིགས་ན་འདིར་གནོན།]}

(༦༥)དབང་ཨིནྡྲ་བྷུ་ཏི་མཁའ་འགྲོ་མ་ལས་ཀྱི་དབང་མོ་ཆེ་དང་དབྱེར་མེད་པའི་ཕྱག་ན་ཆང་སྣོད་ལྟ་བུའི་བུམ་པ་ཞིག་ཐོགས་ཏེ། འདི་དེ་དག་གི་དགོངས་པ་གཏད་པ་ལ་བསམ་གྱི་དངོས་སུ་རྗེ་རང་གི་བླ་མའི་ཕྱག་ཡིན་མཆན། འདི་རྒྱལ་པོ་ཛཿལ་བཀའ་བབས་ཀྱི་ཆུ་བོ་བཞི་འདུས་བའི་དབང་གི་ཆུ་རྒྱུན་མ་ཉམས་པ་ཡིན་གསུངས་ནས་གར་ཆང་འདྲ་བའི་བདུད་རྩི་ཞིག་ལྗགས་ལ་ཕབ་པས་སྟོང་གསལ་བདེ་བས་མྱོས་པའི་ཡེ་ཤེས་ཀྱི་ཉམས་འབར་བ་སོགས་ཆོས་སྒོ་རེ་རེ་ལ་བརྟེན་ནས་བྱིན་རླབས་ཀྱི་ཕ་ཕོག་ཐོབ་པའི་ཚུལ་ཡང་དཔག་པར་སླ་བ་མ་ཡིན་ནོ། །དཔའ་བོ་དང་རྣལ་འབྱོར་མའི་ཁྱུ་མཆོག་རྣམས་ཀྱི་དགོངས་དོན་བརྡའི་དེ་ཉིད་ལ་ཆེས་ཆེར་ནང་བྱན་ཚུད་པས། རྗེ་བཙུན་འདིས་བསྒྱུར་ཚད་ཀྱི་གཏེར་གཞུང་ཐམས་ཅད་རྗོད་བྱེད་དབྱིངས་ཆེ་ལ་རྒྱས་བསྡུས་འཚམས། བརྗོད་བྱ་གནད་འདྲིལ་ལ་ཟབ་ཅིང་རྒྱ་ཆེ། བློའི་མཐུ་མི་དམན་པ་རྣམས་ལ་གཞུང་ལུགས་རེ་རེས་ཀྱང་སྔོན་ཡོངས་སུ་གྲགས་པ་དང་མ་གྲགས་པའི་གྲུབ་པའི་གསེང་ལམ་མི་འདྲ་བ་དུ་མ་མཚོན་ནུས་པ་ཤ་སྟག་བཞུགས། རིག་འཛིན་གཏེར་བདག་གླིང་པའི་བཞེད་པས། མཆོག་གི་དངོས་གྲུབ་སྒྲུབ་པའི་ཐབས་ཆ་ཚང་འདོམས་པ་ཞིག་གཏེར་སྐལ་དུ་དབང་བ་ལ་གཏེར་སྟོན་ཆེན་པོར་འཇོག་སྟེ། དེ་ལྟར་བྱས་ན་མགོན་པོ་འདིའི་གཏེར་གཞུང་སྣ་རེ་ཙམ་ལ་དབང་བས་ཀྱང་གཏེར་ཆེན་གྱི་གྲལ་དུ་བསྒྱིངས་ཆོག་པ་ཡོད། བརྒྱུད་པའི་བབས་སོ་བརྙེས་ཚུལ་ལ་ཡང་།

― TN03_Page_0082 ―

^{[མ་དཔེ་གཟིགས་ན་འདིར་གནོན།]}

(༦༦)རིང་བརྒྱུད། གཏེར་བརྒྱུད། དག་སྣང་སྟེ་གསུམ། གཏེར་ལ་དངོས་གཏེར་རམ་ས་གཏེར་དང་དགོངས་གཏེར་གཉིས། ས་གཏེར་ལ་རང་གཏེར་དང་ཡང་གཏེར་གཉིས། དགོངས་གཏེར་ལ་སྤྱི་མིང་ཕྱོགས་གཅིག་ལ་བཏགས་པའི་དགོངས་གཏེར་དང་རྗེས་དྲན་གྱི་གཏེར་གཉིས། དག་སྣང་ལ་ཞལ་གཟིགས་དང་སྙན་བརྒྱུད་གཉིས་ཏེ་བཀའ་བབས་ཀྱི་ཆུ་བོ་བདུན་འདྲེས་ཤིང་། ཡང་གཏེར་གྱི་གསང་མཛོད་ཁོ་ན་ལའང་གཏེར་འབྱིན་གཞན་མཐའ་དག་གི་ཆོས་སྡེ་ཐམས་ཅད་རྫོགས་པ་དང་། དེ་དག་ཀྱང་གཏེར་གནས་ཐག་རིང་པོར་བགྲོད་པའི་དཀའ་ལས་དང་། གཏེར་བདག་མཆོད་པ། རྟེན་འབྲེལ་གྱི་སྣ་ཁ་མི་ལོག་པའི་ཆེད་དུ་སྲུང་རིམ་ཆེན་པོའི་ཡོ་ལང་སོགས་འབད་རྩོལ་སྣ་གཅིག་མི་དགོས་པར་མཁའ་འགྲོ་མའི་འཁོར་ལོས་སྒྱུར་བ་ཆེན་པོའི་གོ་འཕང་བརྙེས་པའི་ལག་རྗེས་སུ་ནམ་མཁའ་དང་ས་འོག་གི་ནོར་བུ་ཆར་བཞིན་དུ་འབྱུང་བ་སོགས་ནི་བདག་ཉིད་ཆེན་པོ་འདིའི་ཁྱད་པར་འཕགས་ཆོས་རྣམ་དག་ཡིན་ནོ། །དེ་འདྲ་བ་རྣམས་ཨོ་རྒྱན་དུས་གསུམ་མཁྱེན་པས་ལུང་སྟོན་པ་ཆོས་ཉིད་ཡིན་པས། ཨུ་རྒྱན་གླིང་པའི་ཐུགས་རྗེ་ཆེན་པོ་ཡེ་ཤེས་འོད་མཆོག་གི་གཏེར་ལུང་ལས། མ་འོངས་ཆོས་ཀྱི་བདག་པོ་དེ་ཉིད་ཀྱངཿ ཤར་གྱི་ཕྱོགས་ནས་འབྲུག་གི་ལོ་པ་འབྱུངཿ རང་ནོར་སྤྱོད་པས་བསྟན་པའི་མེ་རོ་གསོཿ ཞེས་དང་། རིག་འཛིན་ཡོངས་འདུས་ཀྱི་ལུང་བྱང་དུའང་།

― TN03_Page_0083 ―

^{[མ་དཔེ་གཟིགས་ན་འདིར་གནོན།]}

(༦༧)བདག་དང་ནམ་མཁའི་སྙིང་པོའི་སྨོན་ལམ་ལསཿ ཁམས་ཀྱི་ཕྱོགས་སུ་འབྲུག་གམ་བྱི་ཕག་ལོཿསྡེ་སྣོད་རྒྱུད་སྡེའི་གསང་བ་ཀུན་བསྡུས་ནསཿརིག་འཛིན་རྣམ་བཞིའི་བརྒྱུད་པ་རྒྱས་པར་བྱེདཿ མཐར་ནི་དཔལ་ཆེན་ཐུགས་དང་གཉིས་སུ་མེདཿ ཅེས་པ་གཉིས་ཀས་འཁྲུངས་ཡུལ། དགུང་སྙིང་སྐྱེས་རབས་སྒོས་མཛད་དང་བཅས་པ་གསལ་བར་བསྟན་ལ། རྡོ་རྗེ་གླིང་པ་དང་རིན་ཆེན་གླིང་པ་བདུད་འདུལ་རྡོ་རྗེ་རོལ་པའི་རྡོ་རྗེ་སོགས་ཀྱི་གཏེར་ལུང་ནའང་རྗེ་བླ་མ་འདི་གསལ་བར་ཟིན་ཚུལ་ཡོད། ལུང་ཟིན་གྱི་སྐྱེས་བུ་འདྲ་མིན་ཤན་འབྱེད་དགོངས་འདུས་ལུང་བསྟན་བཀའ་རྒྱ་མར། གང་ཡང་མི་འགྱུར་བརྡ་རྟགས་གསུམ་དང་ལྡནཿ ལུས་ལ་ལྟེ་སྨེ་སྙིང་གར་ཤ་མཚན་ནམཿ སྨེ་བ་དཀར་དམར་ཐིག་ལེས་སྤྲས་དང་གཅིགཿ ངག་ནི་སྙན་འགྱུར་ངག་ཚིག་རྩོལ་བ་ཅནཿ ཡང་ན་མགྲིན་པར་ཤ་མཚན་ཐིག་ལེའམཿ པདྨ་ལས་བྱུང་པདྨའི་མིང་ལྡན་གཉིསཿ ཡིད་ནི་རྩེ་གཅིག་གདུང་ཤུགས་ང་ཉིད་དྲནཿ ཕུར་ཚུགས་འདི་མིན་ཡིད་ལ་མི་བྱེད་གསུམཿ དེ་གསུམ་གསུམ་འཛོམ་མཆོག་ཡིན་གཉིས་འཛོམ་འབྲིངཿ གཅིག་འཛོམ་ཐ་མ་གང་ཡང་ལས་ཅན་ཏེཿ ཞེས་གསུངས་པའི་མཚན་མ་གསུམ་པོའང་རྗེ་འདི་ལ་ཚང་བར་མངའ། དངོས་གཏེར་ལ་དབང་བའི་རྒྱལ་སྲས་ལྷ་རྗེའི་སྐྱེ་བ་བཅུ་གསུམ་པའང་འདི་ཉིད་ཡིན་པར་རང་གཏེར་གྱི་ལུང་བྱང་ལས་བཤད་དོ། །

― TN03_Page_0084 ―

^{[མ་དཔེ་གཟིགས་ན་འདིར་གནོན།]}

(༦༨)དགུང་ལོ་ཉེར་གཅིག་སྐོར་ནས་ས་ངོར་སོགས་ཀྱི་གདན་སར། བརྡ་སྤྲོད་དང་སྙན་ངགས་སོགས་རིག་གནས་མང་པོའི་བསླབ་གྲྭ་བཙུགས་པས། ས་སྐྱ་གོང་མ་བཀྲ་ཤིས་རིན་ཆེན། ཐར་རྩེ་ཞབས་དྲུངས་བྱམས་པ་ཀུན་དགའ་བསྟན་པའི་རྒྱལ་མཚན། དཔོན་སློབ་རིན་པོ་ཆེ་ངག་དབང་ལེགས་གྲུབ། ན་ལེནྡྲའི་གཟིམ་འོག་མཆོག་སྤྲུལ་བསྟན་འཛིན་སྙན་གྲགས་སོགས་ཆེར་མཁས་པའི་སློབ་མའང་ཐོན། ངོར་དུ་བཞུགས་དུས་བོད་སྟོན་ཞིག་གིས་འདི་སེམས་ཅན་འབུམ་ཕྲག་འདྲེན་པའི་སྟོན་པར་འགྱུར་ཏེ། དེའི་མཚན་མར་ཞབས་གཡས་པའི་མཐེ་བོང་ལ་སྨེ་བ་ཀླུའི་མིག་ལྟ་བུ་ཞིག་སྣང་ཞེས་ལུང་བསྟན། སྐུ་ཚེ་རིལ་པོ་ངུར་སྨྲིག་འཆང་བའི་ཀུན་སྤྱོད་དུལ་བ་དང་ཞི་བའི་དཔལ་གྱིས་བརྒྱན་པ་འབའ་ཞིག་གིས་བསྐྱངས་པར་མཛད། ལར་ཡང་ད་ལྟ་གྲུབ་སྤྱོད་ཡིན་ཞེས་ཉག་ཧོར་གྱི་སྐྱ་ཆས་བྱེད། ནག་ཆད་སྤྱོད། རྟ་རྒྱུགས་མདའ་འཕེན་རི་དྭགས་བཤོར། གླུ་ལེན་བྲོ་རྡུང་ལྷ་བབས་འདྲེ་བབས་ཟེར་ནས་སྲོག་རླུང་ཅན་ཨ་རག་གིས་གཡེངས་པ་ལྟ་བུར་རྫུ་མཁན་མང་སྟེ། ངེད་རང་འདྲ་བས་གཞན་གྱི་རྒྱུད་ཚོད་ལ་ཁ་ཚོན་མི་ཆོད་ཀྱང་། སྦྱིར་བཏང་མཁན་སློབ་ཆོས་གསུམ་གྱི་རིང་ནས། དབུ་ཟླུམ་རབ་བྱུང་དང་། ལྕང་ལོ་སྔགས་པའི་སྡེ་གཉིས་བྱ་བ་ལས། ཁྲམ་ཆས་རྐུན་མའི་སྡེ་ཟེར་རྒྱུའི་ཕུང་པོ་གསུམ་པ་ཞིག་སྲོལ་འཛུགས་

― TN03_Page_0085 ―

^{[མ་དཔེ་གཟིགས་ན་འདིར་གནོན།]}

(༦༩)མ་མྱོང་ཞེས་བསྟན་པའི་མིག་ལྟོས་ལ་དགོངས་པའི་གསུང་བགྲོས་ཀྱང་བྱོན། རིང་མོའི་དུས་ནས་ཚུལ་ཁྲིམས་ནག་ནོག་མེད་པར་བསྲུངས་པའི་བྱིན་གྱིས་རླབས་དང་། སྙིང་རྗེ་ཆེན་པོ་དང་འགྲོ་འདུལ་གྱི་སྨོན་ལམ་བསམ་གྱིས་མི་ཁྱབ་པའི་རྟགས་སྣང་ཕྱི་རོལ་དུ་ཤར་བས་ཞལ་གྱི་འགྱུར་བ་དང་ཕྱག་གི་སྒུལ་སྐྱོད་ལྟ་བུའི་སྤྱོད་ལམ་ཕྲ་མོས་ཀྱང་གཞན་སེམས་དང་བའི་ཤུགས་ཀྱིས་འཁོལ་ནུས་པ་མངའ། དེ་ལྟ་ནའང་དད་མེད་འགའ་ཞིག་གིས། དེ་མཐོང་མ་ཐག་ཏུ་སྣང་བ་སྒྱུར་ཡོང་རྒྱུ་དེ་མགུལ་དུ་ཡིད་བཞིན་ནོར་བུ་འདྲ་བ་ཅང་ཡོད་པ་མིན་ནམ་ཞེས་སྨྲས་འདུག །སྐུའི་ཉེར་སྤྱོད་དང་། དེར་མ་ཟད་གཟིམ་ཁང་གི་སྒོ་ཡོལ་བཏེགས་པ་ཙམ་ནས་སྤོས་དྲི་མ་ཡིན་པའི་དྲི་བསུང་ཤིན་ཏུ་ཞིམ་པ་ཞིག་ཁྱབ་པར་ལྡང་བ་དང་། གང་དུ་བཞུགས་ཀྱང་མེ་ཕུང་གི་ཉེ་འཁོར་ལྟར་ཚ་དྲོད་འཐིབས་པ་ཞིག་རྒྱུན་དུ་ཡོད། སྐལ་བ་དང་ལྡན་པ་འགས་ཐོག་མར་མཇལ་དུས་ཐང་སྟོང་རྒྱལ་པོ་སོགས་སྐུའི་རྣམ་པ་ཐ་དད་དུ་མཐོང་བའི་ལོ་རྒྱུས་ཀྱང་སྣང་། གནས་བྱིན་གྱིས་བརླབས་པས་མ་རུངས་པ་དག་གིས་སྒྲུབ་ཁང་ལ་མེ་སྦར་ཡང་ཞུགས་ཀྱིས་ཟ་བར་མ་ནུས་ཤིང་། བཞུགས་པའི་ཡུལ་ཕྱོགས་སུ་ཡང་ཆོས་སྲིད་ཀྱི་ཕྱྭ་གཡང་ཆགས་པས་ཆུ་སྟོད་ཅན་གྱི་ཟླ་བ་ལྟར་ཉམས་དགའ། རྒྱལ་སྲས་ཆེན་པོ་རྣམས་གདུལ་བྱའི་ཚོགས་སུ་སྤྱོད་མཁས་པས་སུ་དང་

― TN03_Page_0086 ―

^{[མ་དཔེ་གཟིགས་ན་འདིར་གནོན།]}

(༧༠)ཡང་མི་མཐུན་པ་མེད་པའི་སྙོམ་ཆུང་དང་། སྔོན་དུ་སྨྲ་བ་དང་ཕེབས་པར་སྨྲ་བའི་ངང་ཚུལ་བྱིས་པ་མཛངས་པ་ལྟ་བུར་བཞུགས། ལྷག་པར་ཡང་ཕོངས་ཤིང་ཉམ་ཆུང་བའི་འགྲོ་བ་རྣམས་ལ་ཤིན་ཏུ་ཞི་ཞིང་སྨན་པའི་གསུང་གིས་ཀུན་ཏུ་དགའ་བར་མཛད། དུས་འཁྲུགས་ཀྱི་ཡོ་ལང་ཆེན་མོས་འཇིག་རྟེན་མི་ཆོས་ཀྱི་ཕྱོགས་ནས་ཕོ་རྩལ་སྣ་དགུ་དང་། དམ་པའི་ལྷ་ཆོས་ཀྱི་ཕྱོགས་ནས་མངོན་ཤེས་རྫུ་འཕྲུལ་གྱིས་སྙེམས་པས་རྒྱ་སྟག་ངར་མ་ལྟར་འགྱིང་བ་རྣམས་ཀྱང་སྡ་བསམ་ཕྱི་མནོ་ཐམས་ཅད་སྟོར་ཞིང་སྙིང་ལྐོག་མར་ལྷུད་དེ། ཕྱི་མིག་མི་ལྟ་བར་འབྲོས་པའམ། ཤེས་བཞིན་དུ་དགྲའི་དྭངས་མར་བློ་གཏད་ལིང་བསྐྱུར། མགོ་བཅད་པང་བཞག་གི་ངང་ལ་འཕྱན་པའམ། གདོལ་སྤྱོད་ཀྱི་འཁྲུལ་འཁོར་མིག་མང་བཞིན་དུ་རྩེ་བའི་ཕོངས་ཆོས་སོགས་ཅི་བྱེད་འདི་བྱེད་མེད་པར་ཐལ་བ་དེ་འདྲ་བའི་སྐབས་སུའང་། ཕ་རོལ་གྱི་ཚམ་རྔ་འཇིགས་ཟིལ་ཇི་ཙམ་ཆེ་བ་དེ་ཙམ་དུ་ཐུགས་སྟོབས་ལྷག་པར་རྒྱས་ཏེ་ཤིན་ཏུ་ཟུང་ཐུབ་པ་ལྷུན་པོའི་དབང་པོ་ལྟར་བརྗིད་པས་གང་དགའ་བར་བརྫིས་ཏེ་བཞུགས། གཞན་དྲིང་མི་འཇོག་པའི་ཤེས་པ་དང་མཐུའི་རྩལ་གྱིས་རྟག་ཏུ་བསྒྱིངས་ཤིང་རེ་དོགས་ཀྱི་ཟུག་རྔུ་ཐོན་པས་ཕྲིན་ལས་ཐམས་ཅད་གྲགས་ལྡན་གྱི་ཤེས་རློམ་དང་དབང་ཅན་གཞན་སུ་ལའང་ལྟོས་པ་མེད་པར་ཁྱུ་མཆོག་གི་རྗེས་བཞིན་འཇུག །རང་བཞེད་ཀྱི་

― TN03_Page_0087 ―

^{[མ་དཔེ་གཟིགས་ན་འདིར་གནོན།]}

(༧༡)མཛད་པ་ཅི་དང་ཅི་བསྐྱངས་ཀྱང་དེ་ལ་སྟོབས་ལྡན་གྱི་ཆེ་དགུ་སུ་འདྲ་བས་ཀྱང་འགོང་བར་མི་ནུས་པས་སའི་སྟེང་ན་གཅིག་པུར་དབང་ཆེ། མཁས་པའི་སྙེམས་པ་དང་། གྲུབ་པའི་ཧུར་སྤྱོད་དང་། མཐོན་པོའི་ཐོབ་ཐང་གིས་ཉི་མ་ལྟར་བསྙེན་དཀའ་བ་རྣམས་ཀྱང་སྐུ་དྲུང་དུ་ཕྱིན་པ་ཙམ་ན་ཟིལ་གྱིས་གནོན་ནུས་པའི་བསོད་ནམས་བརྒྱ་པའི་མཐུ་དཔལ་དང་ཡེ་ཤེས་ཀྱི་གཟི་བརྗིད་མཐོང་བའི་ཆོས། སྔ་ཕྱིར་ལུང་བསྟན་མང་དུ་བཞུགས་ཀྱང་། དེར་གསུངས་པའི་སྤང་བླང་གི་བགྱི་འོས་རིགས་ནི་དུས་ངན་པའི་སེམས་ཅན་དམུ་རྒོད་ཀྱིས་ཐོག་ཁེལ་མི་ནུས། གཏེར་སྟོན་ལུང་བསྟན་གྱིས་ཕུང་བྱ་བ་དེར་ཟད་གསུངས་ནས་སྤྱིར་བརྟགས་ལུང་ཞུས་པ་ལ་མི་མཉེས་ནའང་མདོ་ཁམས་དུས་འགྱུར་ཆེན་མོའི་སྐབས་སོགས་གལ་ཆེ་དུས་གང་གསུང་ཐོག་ཏུ་མ་ཁེལ་བ་མེད་ཅིང་། ཐུགས་དྲང་ཞིང་གཟུ་བོར་གནས་པ་དང་། ལྷ་ཆོས་མི་ཆོས་གང་ལའང་ཐུགས་རབ་རྒྱ་ཆེ་བས་དཔྱོད་ལྡན་མཆོག་དམན་ཀུན་གྱིས་བཀའ་ལ་གསེར་བཞིན་དུ་བརྩི་ཞིང་གསུང་འཕྲོས་ཀྱི་ཚིག་ཟུར་ཡན་ཆད་ལ་སྙིང་པོ་ཅི་ལོན་བྱེད། བླ་ཆེན་ཆོས་བརྒྱད་མཁན་རྣམས་ཀྱི་མདུན་སར་གཏམ་གྱི་མེ་ཏོག་མེད་དུ་མི་རུང་བ་རང་ཉིད་ལ་ངོ་བསྟོད་དང་། ཆེན་པོ་གཞན་ལ་ཟུར་ཟ་སོགས་གསན་མ་ཐག་ནས་དགོངས་པ་ཁྲེལ་པའི་རྣམ་འགྱུར་མཛད་པས་མཚོན།

― TN03_Page_0088 ―

^{[མ་དཔེ་གཟིགས་ན་འདིར་གནོན།]}

(༧༢)གྱ་གྱུ་ཅན་གྱི་སྒྱུ་མ་གང་གིས་ཀྱང་བསྙེན་དཀའ། གང་འདུལ་གྱི་མཛད་པ་ལ་ལོག་པར་ལྟ་ཞིང་ཡ་ག་འབོད་པའི་ལོག་སྒྲུབ་མཁན་མང་དུ་མཆིས་ཀྱང་། འདི་ལྟ་མ་ཡིན་ན་དྲང་སྲོང་ཆེན་པོས་སེམས་ཅན་གྱི་བསམ་སྤྱོད་སྣ་ཚོགས་སུ་མི་གསུང་ཞེས་བདེན་ཁ་སྟེར་བས་རྒྱབ་སྐྱོར་བ་མ་གཏོགས་མི་དགྱེས་པ་བག་ཙམ་མི་གནང་། ལྷུན་གྲུབ་སྟེང་དུ་ཆོས་སྟོན་སྐབས་སྐྱེ་བོ་གླང་སྙིང་བ་ཞིག་གིས་དུག་དྲངས་པ་མཁྱེན་བཞིན་དུ་བཞེས་པས་ཚེམ་ནག་པོར་གྱུར་པ་དང་། སྐུ་ལུས་ལ་དུག་གི་མེ་ཏོག་ཤར་བ་སོགས་ཚབ་ཆེར་འཁྲུགས་པ་ལྟར་བྱུང་བའི་ཚེའང་ངན་ལན་གཞན་ལྟ་ཅི། སྦྱོར་ངན་མཁན་སུ་ཡིན་ཙམ་ཡང་མི་སྟོན་པར་སླར་ལ་ཐུགས་གཅུགས་པར་མཛད་པས་སྐྱེས་བུ་ཆེན་པོའི་སེམས་སྟོབས་ཀྱི་ཆེ་བ་བསྟན། གསོལ་ངན་དེའི་རྐྱེན་དང་གཞན་ཡང་ཀུན་མཁྱེན་བླ་མ་འདི་བོད་ཁམས་སྤྱི་ཁྱབ་སྐྱོབ་པའི་མགོན་དུ་བྱོན་པ་ལ་གངས་ཅན་པ་སྤྱིའི་བསོད་ནམས་ཀྱི་དབང་གིས། དེ་སྐོར་ཚུན་ནས་རིམ་གྱིས་སྐུ་ཁམས་ཇེ་ཞན་དང་། སྙུན་གཞི་ཡང་ཇེ་ཆེར་འདྲ་བོར་སོང་། དེ་དག་ཀུན་ཏུའང་སྨན་སྔགས་དཔྱད་སྦྱོར་སོགས་ཅི་དྲག་གི་ངལ་བ་རྒྱང་བཏང་སྟེ། ངེད་ལྟ་བུ་ན་དགའ་ཤི་སྐྱིད་ཡིན་དོགས་མེད། ཆུ་ཚོད་རེར་བདེ་བར་འདུག་རྒྱུ་བྱུང་ནའང་དགའ་སྟེ། དེ་ལས་བདག་གིར་བྱ་བ་ལས་ཐབས་མ་མཆིས་ཞེས་ཁུ་སིམ་མེར་བཞུགས། ཐུགས་ཆེས་སྒམ་པས་ལུགས་

― TN03_Page_0089 ―

^{[མ་དཔེ་གཟིགས་ན་འདིར་གནོན།]}

(༧༣)གཉིས་ཀྱི་ཕོ་སྒོ་ཤིན་ཏུ་ཡངས་པ་རྣམས་ཀྱིས་དྲུང་དུ་ཡུན་རིང་པོར་བརྟགས་ཀྱང་དགོངས་པའི་གསོང་མི་ཤེས་པས། རྗེ་བཙུན་མི་ཕམ་པས་བསྟོད་པ་སྦྱར་བ་ལས་ཀྱང་། མཁས་དང་གྲུབ་པའི་སྙན་གྲགས་གཏམ། །རྒྱང་ནས་ཐོས་པའི་རྗེ་བསྙགས་ཏེ། །དྲུང་དུ་ཡུན་རིང་བརྟགས་ན་ཡང་། །ཕྱི་ཕྱིར་གཏིང་དཔག་དཀའ་བ་ཁྱོད། །ཅེས་འབྱུང་། རྙེད་བཀུར་དང་འཁོར་བསྡུ་བའི་རྩོལ་སྒྲུབ་ལྷག་མ་སྨོས་ཅི་དགོས། རང་གཏེར་ཆོས་བདག་གི་རྟེན་འབྲེལ་ཙམ་ཡང་ཆེད་དུ་སྒྲིགས་པའི་སྤྲོས་པ་མི་མཛད་པའི་ཀུན་སྤངས་སྲན་མ་ལྟར་ཟླུམ་པ་ཁོ་ནར་བཞུགས་ཀྱང་། །འདུ་བ་གསུམ་གྱི་རྟེན་འབྲེལ་ལས་སློབ་ཚོགས་ངང་གིས་འདུས་པའི་ཚུལ་ཡང་། དཔལ་ལྡན་ས་སྐྱ་བདག་ཆེན་དང་། རྗེ་བཙུན་མ་རྣམ་གསུམ། ངོར་ཆེན་ཀུན་དགའ་བསྟན་འཛིན་དང་། གཞན་ཡང་ཨེ་ཝཾ་ཐར་བ་རྩེའི་མཁན་པོ་དང་ཞབས་དྲུང་ཕལ་ཆེ་བ། རྗེ་ཞྭ་ལུ་རིན་ཆེན་བློ་གསལ་བསྟན་སྐྱོང་། གཟི་འོག་ཆོས་རྗེ་བསྟན་འཛིན་སྙན་གྲགས། ཡར་ཀླུང་དཔོན་རིན་པོ་ཆེ། ས་སྐྱ་དགའ་ལྡན་དཔོན་སློབ། འདར་གྲོང་ཆེན་སློབ་དཔོན་ཀུན་དགའ་འཇམ་དཔལ། ཤར་བླ་མ་ཀུན་དགའ་དཔལ་ལྡན། དཔལ་ཀརྨ་པ་བཅུ་བཞི་པ་དང་བཅོ་ལྔ་པ། སྟག་ལུང་མ་རིན་པོ་ཆེ་གོང་འོག་

― TN03_Page_0090 ―

^{[མ་དཔེ་གཟིགས་ན་འདིར་གནོན།]}

(༧༤)ཁམས་རི་བོ་ཆེའི་ཞབས་དྲུང་ནོ་མི་ཧན་སོགས་སྤྲུལ་སྐུ་རྣམ་གསུམ། སི་ཏུ་པདྨ་ཉིན་བྱེད། ཟླ་བཟང་སྤྲུལ་སྐུ། དཔལ་སྤུངས་དབོན་སྤྲུལ་སྐུ་མཆེད། དཔལ་མདོ་ཁམས་སྤྲུལ། པཎིྜ་ཏ་ཀརྨ་ངེས་དོན། ཁྱབ་བདག་ཀརྨ་ངག་དབང་ཡོན་ཏན་རྒྱ་མཚོའི་སྡེ། སྦྱོར་ར་རིན་པོ་ཆེ། བསམ་སྡིངས་རྡོ་རྗེ་ཕག་མོ། ལྕགས་ཟམ་ཉི་མ་ཆོས་འཕེལ། བཀྲ་ཤིས་འཁྱིལ་བ་ཆེན་པོ་དཀོན་མཆོག་བསྟན་པ་རབ་རྒྱས། ལྷ་བཙུན་དོན་གྲུབ་རྒྱལ་མཚན། བཀྲ་ཤིས་ལྷུན་པོ་དང་སེར་འབྲས་ཀྱི་མཁས་པ་དུ་མ། བྲག་ཡབ་ནོ་མི་ཧན་ཆེན་པོ། ཧོར་ཁང་གསར་སྐྱབས་མགོན། ལི་ཐང་བྱམས་པ་ཕུན་ཚོགས། རྡོར་སྨིན་དཔལ་རི་ལྕགས་ཟམ་སོགས་ཀྱི་བླ་མ་དགེ་འདུན་མང་པོ། ཀ་ཐོག་སི་ཏུ་གོང་འོག །རྨོག་ཚ་སྤྲུལ་སྐུ། རྫོགས་ཆེན་མཆོག་སྤྲུལ་རིན་པོ་ཆེ་དང་། ཟེ་ཆེན་སྐུ་སྐྱེ་རྣམ་གཉིས། རྒྱ་རོང་ནམ་སྤྲུལ་རིན་པོ་ཆེ་དང་རྗེ་དབོན་སྤྲུལ་སྐུ། རྡོ་རྗེ་འཛིན་པ་ཆེན་པོ་པདྨ་བཛྲ། ར་ཤར་པ་ཆེན་ཐུབ་བསྟན་ཆོས་གྲགས་དང་། རྗེ་མི་ཕམ་རྣམ་རྒྱལ་ཞབས། ར་སྒང་པ་ཆོས་ཀྱི་སེང་གེ་སོགས་གོ་ས་དང་ཡོན་ཏན་གྱིས་ཆེ་བའི་བླ་མ་དཔོན་སློབ་དང་། རྒྱ་དཔོན་རྨ་དཱ་ལོ་ཨེ་དང་། བོད་ཀྱིས་དབང་ཆེན་མོ་སོགས་མི་ཆེན་བཀའ་མདའ་རྩིས་གསུམ། སྡེ་དགེ་ཆོས་རྒྱལ། གླིང་ཚང་རྒྱལ་པོ་སོགས་མིའི་གཙོ་བོ་དུ་མས་ཞབས་ལ་གཏུགས།

― TN03_Page_0091 ―

^{[མ་དཔེ་གཟིགས་ན་འདིར་གནོན།]}

(༧༥)སྔོན་ཆད་རྒྱལ་སྲས་གཞན་ཕན་མཐའ་ཡས་པས་ཀྱང་ཉང་གཏེར་ཁྲོས་མ་ནག་མོ་སོགས་ཀྱི་སྨིན་གྲོལ་རྒྱ་ཆེར་གསན་རྩིས་དོན་གཉེར་ཆེར་མཛད་ནའང་སྐུ་ཚེ་མཐར་མ་འཁྱོལ་བས་ལུས། ཕྱི་དུས་འདིར་འགྲན་ཟླ་དང་བྲལ་བའི་རྒྱལ་སྲས་དཔའ་བོ་ཆེན་པོ་ཨོ་རྒྱན་འཇིགས་མེད་ཆོས་ཀྱི་དབང་པོས་ཀྱང་རིགས་གསུམ་སྙིང་ཐིག་མཆོག་གླིང་ལས་གསན་ཅིང་། རྗེ་རིན་པོ་ཆེ་འདི་རྒྱ་གར་གྱི་གྲུབ་ཆེན་ལྟ་བུར་འདུག་ཅེས་ཆེད་བརྗོད་མཛད་ལ། ཚེ་སྐུ་དང་བརྟན་བཞུགས་ཀྱི་སྤྲིང་ཡིག་ལན་མང་པོར་ཕུལ། ཁམས་སུ་ཐེམ་སྤངས་ལ་བཞུགས་དུས་ཀྱང་སྡེ་དགེ་ལྷོ་བྱང་། ཀོ་འཇོ་བྲག་གཡབ་ཆ་མདོ་ལྷོ་ནང་ཆེན་སྤུ་བོ། ཁྱུང་པོ་མགོ་ལོག །གསེར་ཐལ་གླིང་ཚང་ཉག་བརྒྱུད་རྒྱལ་མོ་རོང་སོགས་སྐད་རིགས་མི་གཅིག་པའི་ཡུལ་ཐ་དད་ནས་འདུས་པའི་སྡེ་རིས་དང་ཆོས་རྒྱུད་སྣ་ཚོགས་པའི་བླ་མ། སྡེ་དཔོན་རབ་བྱུང་། སྔགས་པ་དམངས་ཕལ་པ་སོགས་ཕྱག་མཇལ་དང་ཆོས་ཉན་དུ་ལྷག་པ་ཟླ་བ་སྔ་ཕྱིའི་ཁོངས་སུའང་སྟོང་ཕྲག་ལྡང་བ་ལྟ་བུ་རྟག་ཏུ་ཡོད། སྐབས་འདི་ཤེད་ཅིག་ལ་གཙང་པ་ཆེན་བསྟན་པའི་དབང་ཕྱུག་གིས་ཀྱང་རྗེ་འདི་གདན་འདྲེན་ལ་རང་གི་གཟིམ་དཔོན་འཁོར་བཅས་ཆེད་མངགས་མཛད་པར་གཟིམ་དཔོན་ལམ་ནས་གྲོངས། གཡོག་རྣམས་ཀྱིས་བཀའ་ཤོག་འབུལ་དུ་འོང་བས། ཕེབས་མི་ཐུབ་ཚུལ་གྱིས་བཀའ་ལན་སྤྲིང་། །

― TN03_Page_0092 ―

^{[མ་དཔེ་གཟིགས་ན་འདིར་གནོན།]}

(༧༦)དེ་བཞིན་དུ་ཐར་རྩེ་ཕྱོགས་ནས་ཀྱང་ཕེབས་བསྐུལ་གྱི་ཡི་གེ་མང་དུ་བྱུང་བ་ཐམས་ཅད་ཇི་མི་སྙམ་པར་བཞག་སྟེ། ད་ང་དབུས་གཙང་དུ་ཕྱིན་ན་རྙེད་བཀུར་སྙན་གྲགས་ཆེན་པོ་ཞིག་འོང་བར་འདུག་སྟེ། དེ་ལ་བརྟེན་ནས་བར་ཆད་འབྱུང་བ་མཐོང་གསུང་། ལྷུན་གྲུབ་སྟེང་དུ་བརྟགས་གཉིས་ཀྱི་བཤད་པ་མཛད་སྐབས་རྒྱལ་པོ་ཤུགས་ལྡན་ཆོས་ཉན་ལ་འོང་། ཁྱོད་ཀྱི་བཤད་པ་སྙན་ཅིང་ཆོས་ལེགས་པས་ཉན་འདོད་སྐྱེས་པ་ཡིན་ཟེར། ཁོ་རང་ལ་དབུ་ཕར་གྱི་དཀའ་གནད་མང་པོ་བཤད་དུ་བཅུག་པས་ཐོགས་པ་མ་བྱུང་གསུངས་པ་ལྟ་བུ་གདུག་པའི་འདྲེ་རྣམས་ཀྱང་ཞལ་གྱི་བདུད་རྩི་འཐུང་བ་ལ་འདུན་པས་མཚོན་ཏེ་མི་མིན་གྱི་གདུལ་བྱ་རྩིས་ཀྱིས་མི་ཆོད། ས་དགེའི་ཕྱོགས་ཀྱི་དོན་གཉེར་གཙོར་གྱུར་ལ་རྡོ་རྗེ་རྣལ་འབྱོར་མའི་སིན་དཀྱིལ་གྱི་བྱིན་རླབས་ཁོ་ནའང་བདུན་ཅུ་རྩ་གྲངས་སོང་། གཞན་དུ་སྨིན་གླིང་རྡོར་སེམས་གཅིག་པོའི་དབང་ཡང་ལྔ་བཅུ་སྐོར་དང་། ཀློང་ཆེན་སྙིང་ཏིག་གི་དབང་ཁྲིད་ཉི་ཤུ་རྩ་སྐོར་རྩ་དབང་རྒྱལ་ཐབས་སྤྱི་བླུགས་བརྒྱ་ཕྲག་ཐལ་བ་སོགས་ནས་བསྟན་བཅོས་མངོན་རྟོགས་རྒྱན་གྱི་བཤད་པ་སོགས་མདོ་ཕྱོགས་དང་། དུས་འཁོར་དབང་ཆེན་དང་འགྲེལ་ཆེན་དྲི་མེད་འོད་ཀྱི་བཤད་པ་སོགས་སྔགས་ཕྱོགས་ཀྱི་གཞུང་བཤད་པ་དང་ལག་ལེན་ལྕི་བ་རྣམས་ཀྱི་འཆད་སྤེལ་བར་ཕྱོགས་ལྷུང་དང་བྲལ་བར་མཛད། གཏེར་ཕྱོགས་སྔོན་འགྲོའི་གདམས་ཁྲིད་དང་། དཀའ་

― TN03_Page_0093 ―

^{[མ་དཔེ་གཟིགས་ན་འདིར་གནོན།]}

(༧༧)གདམས་པའི་བློ་སྦྱོང་གི་སྐོར་མང་པོས་གདུལ་བྱ་ཕལ་པ་རྣམས་ལའང་ཐེག་པ་ཆེན་པོའི་ཕྱོགས་སྣང་བའི་བཀའ་དྲིན་བསྐྱངས། ཀུན་མཁྱེན་བླ་མ་འདི་འཁོར་གང་དུ་ཆོས་འཆད་ཀྱང་སེང་གེ་ལྟར་མ་ཞུམས་ཤིང་། དྲན་པ་ཆུ་ཀླུང་བཞིན་དུ་མྱུར་བས། སའི་ཕྱོགས་རྒྱ་མཚོ་ལྟར་ཟབ་པའི་དབྱངས་ཀྱིས་ཁྱབ་པར་མཛད་དེ། ཕྱག་དང་ཞབས་མི་གཡོ་ཞིང་སྨིན་མ་མི་སྐྱོད་པ་སོགས་སྤྱོད་ལམ་མཛེས་པས་ཡིད་དང་བ་འདྲེན་པར་ཆོས་སྟོན་ཏེ། སྤྱིར་སྡེ་སྣོད་མཐའ་དག་དང་། ཁྱད་པར་རྡོ་རྗེ་ཐེག་པའི་གསུང་རབ་འཆད་པ་ན་ཆོས་སྐད་གཙང་ཞིང་བརླིང་ལ་འབྲེལ་ཆགས་པ་དང་། ལུང་དང་རིགས་པའི་རྒྱན་རྒྱ་ཆེན་པོ་དང་ལྡན་པའི་གཏམ་གྱི་སྦྱོར་བས་མཁས་པ་རྣམས་མགུ་བར་མཛད། ཚུལ་དེ་ལྟ་བུས་སྐབས་འགར་ཉིན་རེ་འཁྱོང་བར་ཞལ་ཟས་ཀྱི་བྱ་བའང་བཏང་སྟེ་ཆོས་སྦྱིན་ཉིན་མཚན་སྦྲེལ་མ་བརྒྱ་ཕྲག་བགྲང་བ་སྐྱོ་དུབ་མི་མངའ་བར་ཚར་དུ་དངར། དེ་ལྟར་ཡིན་ཀྱང་དུས་དང་དུས་མིན་གྱི་རྣམ་དབྱེ་ལ་གཟིགས་པས་བཅད་རྒྱའི་སྒང་ལ་རྒྱ་བོད་ཀྱི་ཆེ་དགུ་སུ་འདྲས་ཀྱང་ཟླ་བ་དང་ཞག་བགྲང་ནས་ཆོས་སྒུགས་ལ་སྡོད་དགོས་པ་མཐོང་སྟེ་སྐྱེས་བུ་ཆེན་པོ་འདི་ལས་གདམས་ངག་འཐོབ་པ་ལ་རྙེད་དཀའ་བའི་འདུ་ཤེས་མི་སྐྱེ་བ་མེད་དེ། འདི་གཅིག་པོས་ཀྱང་སེམས་ཅན་མང་པོ་ཆོས་ལ་གུས་པའི་དགེ་ཚོགས་གསོག་པར་སྣང་།

― TN03_Page_0094 ―

^{[མ་དཔེ་གཟིགས་ན་འདིར་གནོན།]}

(༧༨)བོད་ཀྱི་བཀའ་བློ་ན་ཕུང་ལུང་པ་དང་། སྡེ་དགེ་གཉེར་ཆེན་རྒྱ་མཁར་བསོད་ནམས། ཨ་རྡོག་ལ་ཁ་བ་འབྱོར་ལྡན་མཁའ་འགྲོ་སོགས་ཁྱིམ་གནས་ཀྱི་དད་ཅན་མང་པོ་རབ་བྱུང་ལ་བཀོད། བསྟན་པའི་གཞི་མ་རིང་དུ་མི་ནུབ་པའི་ཕྱིར། ཆོས་སྡེ་མང་པོར་གཞི་གསུམ་གྱི་ལག་ལེན་རྣམ་པར་དག་པའི་སྲོལ་འཆད་ཉན་དང་བཅས་པ་བཙུགས། སྐུ་དངོས་ཡུན་རིང་པོར་ཐུགས་ལས་ཆུང་ངུ་ལྟ་བུར་བཞུགས་ཀྱང་རྡོ་རྗེ་གསུམ་གྱི་གཟི་བརྗིད་ཀྱིས་ཇི་སྲིད་ཟླ་ཞལ་གྱི་སྣང་བ་མ་བསྡུས་པ་དེ་སྲིད་ཡུལ་ཕྱོགས་ཀུན་ཏུ་དམ་པའི་ཆོས་ཉན་བཤད་དང་སྒོམ་སྒྲུབ། བསགས་སྦྱངས་རྨ་མེད་པའི་ཀུན་དགའི་ལོངས་སྤྱོད་ཤུགས་འབྱུང་དུ་འཕེལ། ལར་སྔོན་དུས་སུ་སྲོག་ཆགས་འབུམ་ཕྲག་བགྲང་བ་ཁ་ལོ་གྱེན་ལ་བསྒྱུར་བ་བས་སྙིགས་མ་བས་ཀྱང་ཆེར་སྙིགས་པའི་དུས་མཐའ་འདིར་སེམས་ཅན་བཅུ་ཕྲག་རེ་ཙམ་ལ་བྱང་ཆུབ་ཀྱི་མྱུ་གུ་བསྐྲུན་པའང་ཡ་མཚན་ཆེ་བའི་ཚོད་ཡིན་ཏེ། མཆོག་ཟུང་དང་ཀ་པི་ན་ཆེན་པོས་སློབ་མ་ལྔ་བརྒྱ་བཏུལ་བའི་ལོ་རྒྱུས་བཞིན་ནོ། །དེ་ཕྱིར་བདག་ཉིད་ཆེན་པོ་འདིའི་མཛད་པ་རྣམས་ནི། ལྟོ་ཕྱིར་རྒྱལ་ཁམས་སྐོར་བ་དང་། གྲགས་སྐམ་གྱི་ཕྱིར་དུ་གཟི་བྱིན་སྒྲུབ་པ། བརྒྱ་བཤིག་ནས་སྟོང་འགུགས་པའི་གཡོ་ཐབས་སོགས་ལ་བྱ་བ་ལས་ཀྱི་འཁོར་ལོ་ཞེས་མིང་

― TN03_Page_0095 ―

^{[མ་དཔེ་གཟིགས་ན་འདིར་གནོན།]}

(༧༩)ཚོན་པོ་བཏགས་པའི་རྣམ་ཐར་རྣམས་དང་འདྲ་བའི་གོ་སྐབས་ག་ལ་ཡོད། ལྷག་པར་ཡང་རྗེ་རང་གི་མནལ་ལྟས་ཤིག་ཏུ། རང་ཉིད་བསམ་ཡས་ཀྱི་ཕོ་བྲང་ཞིག་ཏུ་རྒྱལ་པོའི་གཟུགས་ཀྱིས་བཞུགས་ཏེ་འདུག །དེའི་གཡས་ངོས་ཀྱིས་ཕྱོགས་ཡངས་པ་ཞིག་ན་མི་འགའ་ཞིག་སློབ་དཔོན་པདྨ་བོད་ཡུལ་དུ་འབྱོན་པའི་སྐས་འཛུགས་པ་ཡིན་ཟེར་ནས་སྒྲོམ་སྐས་ཆེན་པོ་ཞིག་བར་སྣང་ལ་འཛུགས་གྲབས་བྱེད་ཅིང་། དེར་སྐྱེ་བོ་ཤིན་ཏུ་མང་པོས་ཅ་ཅོ་དང་སྐོར་འཚུབ་ཟིང་ཟིང་བྱེད་པར་འདུག་ཀྱང་། ཤིང་ཐུང་བས་རིང་དུ་མི་སླེབ་པ་དང་། ལྕིད་ཀྱིས་མི་ཐེག་པ་སོགས་ལས་ཕེབས་སུ་རུང་བ་ཞིག་མི་ཡོང་བར་གཟིགས། ཕྱོགས་དེ་ན་མི་གཟི་བརྗིད་ཅན་ཞིག་འདུག་པ། དེ་ན་རེ། འདི་ཚོས་འུད་ཆེན་པོ་བྱེད་ཀྱང་། དོན་ལ་ཁྱོད་དང་། རྗེ་པདྨ་གར་དབང་། མཆོག་གྱུར་གླིང་པ་རྣམས་མ་གཏོགས་སྐས་འདི་འཛུགས་ནུས་མཁན་ནི་སུ་ཡང་མི་འདུག །ཅིས་གསུང་རྡོ་རྗེ་པདྨ་སཾ་བྷ་བའི་ཕྲིན་ལས་ཀྱི་བྱེད་པོའི་ནང་ན་ཁྱུ་མཆོག་ལྟ་བུར་བསྔགས་པ་བཞིན། གཏེར་རྙིང་རིང་བརྒྱུད་མ་ནུབ་པ་རྣམས་རྒྱ་ཆེར་སྤེལ། ནུབ་པ་རྣམས་ཉེ་བརྒྱུད་ལ་བརྟེན་ནས་རྒྱུན་བསབ། གཏེར་གསར་གྱི་རྣམ་གྲངས་དུ་མའི་ཆོས་སྒོ་ཕྱེས། ཟབ་གཏེར་དག་སྣང་གི་ཆོས་

― TN03_Page_0096 ―

^{[མ་དཔེ་གཟིགས་ན་འདིར་གནོན།]}

(༨༠)ཚུལ་གསར་རྙིང་མང་པོ་རྒྱུན་གཅིག་ཏུ་བསྡུ་བ་མཛད་དེ། པུ་སྟི་བཅོ་ལྔ་ཙམ་བསྒྲིགས་ནས་འཕྲོ་རྡོ་རྗེའི་སློབ་དཔོན་པདྨ་གར་དབང་ལ་རྩོམ་པའི་གནང་བ་བྱིན་ཏེ་རིན་ཆེན་གཏེར་གྱི་གསང་མཛོད་གསར་པ་བཞེངས། ཉང་གཏེར་རྡོ་རྗེ་ཁྲོས་མའི་དབང་གནང་སྐབས་འདུད་རྩིའི་ཐོད་པ་རེག་ཏུ་མི་བཟོད་པ་ལྟ་བུའི་དྲོད་འབར་བ་དང་། རང་ཉིད་ཀྱི་ཡང་གཏེར་པདྨ་གཏུམ་པོའི་དབང་དུས་མེ་ལོང་ལ་བྲིས་པའི་སྔགས་ཕྲེང་ཕྱིས་བསུབ་ཏུ་མེད་པའི་རང་བྱོན་དུ་གྱུར་པ་དང་། ཁྱུང་ཁྲས་འོག་གདོན་གྱིས་ཟིན་པའི་སློབ་མའི་ནད་གཞི་མེད་དུ་སངས་བ་དང་། གང་ཟག་བཟང་པོ་ཞིག་ལ་འཕགས་མའི་སྙིང་ཏིག་གི་དབང་བསྐུར་མཛད་པ་ན། སྤྱན་བདུན་པོ་ཁྲ་ཧྲིག་གེར་བཀྲ་བ་མཇལ་བས་དད་པའི་ཤུགས་ཀྱིས་ཤེས་པ་བརྒྱལ་ཐབས་སུ་སོང་བ་དང་། མཆོག་གླིང་དང་། ཀུན་མཁྱེན་བླ་མ་འདི། རྗེ་བློ་གྲོས་མཐའ་ཡས་ཏེ་སྤྲུལ་པའི་སྐུ་འདི་གསུམ་གཞོན་རིམ་ནས་སྡུད་པའི་ལུང་བསྟན་ཡོད་པ་ལྟར་ལྕགས་རྟ་ལོར་གཏེར་ཆེན་མཆོག་གླིང་པ་སྐུ་བསྙུན་ཚུལ་བསྟན་ཅིང་ཉིད་ལ་སངས་རྒྱས་ཀྱི་ཞིང་ཡོངས་སུ་དག་པར་བཞུད་པའི་གསལ་སྣང་ཤར། མི་རིང་བར་ས་གཡོ་དང་འཇའ་འོད་སོགས་ཀྱི་ཆོ་འཕྲུལ་བཅས་ཞི་བར་གཤེགས་པའི་ཞལ་ཆེ་མས་སྐོར་རྗེ་རིན་པོ་ཆེར་བབས་པ་རྒྱལ་ཟླའི་ཚེས་བཅུར་ཚོགས་མཆོད་དང་འབྲེལ་བར་ཁྱབ་བདག་བློ་གྲོས་མཐའ་ཡས་ཞབས་ཀྱིས་ཡི་གེ་པ་མཛད་དེ་གཏན་ལ་ཕབ་པ་ནས་གཞིའི་ཁྱོན་ལ་དྲོད་ཆེན་པོ་ལྷུང་ཐབས་

― TN03_Page_0097 ―

^{[མ་དཔེ་གཟིགས་ན་འདིར་གནོན།]}

(༨༡)སུ་བབས་པས་འཁྱགས་པ་རྣགས་ཆུ་བོའི་རྒྱུན་དུ་ཞུ་བའི་མངོན་རྟགས་སོགས་བྱིན་རླབས་ཀྱི་མཚན་མའང་མང་དུ་བསྟན། གཏེར་གཞུང་སྤྱི་དང་བྱེ་བྲག་པའི་ཁོག་དབུབ་མདོར་བསྡུས་ཙམ་རེ་གསུངས་པ་ལའང་རྒྱུད་དོན་འཕགས་ཡུལ་གྱི་གྲུབ་པའི་དབང་པོ་རྣམས་ཀྱིས་འགྲེལ་ལུགས་ལྟ་བུའི་བཤད་ཚུལ་རྨད་དུ་བྱུང་བ་དུ་མ་ཞིག་ཡོད་དེ་ཀུན་ཀྱང་ཉི་མ་དང་འོད་ཟེར་ལྟར་རང་གི་གཟུགས་སྐུའི་སྣང་བ་དང་མཉམ་དུ་བསྡུས་པས་ཡིད་ཕྱ། ཞལ་མཐོང་གི་འབྲེལ་བས་བསྡུས་ཚད་ལ་སྐུ་ཚབ་རིན་པོ་ཆེའི་རྟེན་དབང་མ་ཐོབ་པ་ནི་ཡེ་མི་སྣང་བས་ཨོ་རྒྱན་གུ་རུའི་ཕྲིན་ལས་རྣམ་པ་ཐམས་ཅད་ནས་རྒྱས། བདུད་རྩིའི་སྒྲུབ་པ་ཆེས་མང་དུ་མཛད་ཅིང་། ཆོས་སྨན་དང་། སྐྱེས་བདུན་རིལ་བུ། ཚེ་རྫས་སོགས་རང་ཉིད་དང་སྤྲུལ་པའི་གཏེར་འབྱིན་གཞན་གྱི་གཏེར་བྱོན་རྣམ་གྲངས་བརྒྱ་ཕྲག་དུ་མ་ཕབ་གཏེར་བསྡུས་པ་དང་། སངས་རྒྱས་གཉིས་པའི་ཚེམ་ལས་སྤྲུལ་པའི་རིང་བསྲེལ་སོགས་ཀྱི་སྦྱིན་པས་ནི་གངས་ཅན་མཐའ་དབུས་ཀུན་ཏུའང་ཁྱབ་སྟེ་གྲོལ་བ་བཞི་ལྡན་གྱི་ཕྲིན་ལས་ཆ་གཅིག་ཡིན། ཕྱོགས་དང་ཕྱོགས་ནས་སྐུ་གསུང་ཐུགས་རྟེན་དང་། རྒྱ་བོད་ཀྱི་ནོར་སྣ་ཁྱད་འཕགས་ཕལ་གྱིས་ཡུན་རིང་དུ་བསྒྲུབས་པས་འཐོན་དཀའ་བ་རྣམས་དང་མཁོ་དགུའི་ཉེར་སྤྱོད་སོགས་རྒྱ་ཆེ་ལ་རྒྱུན་མི་ཆད་པར་རྩོལ་མེད་དུ་འདུ། ཡོ་བྱད་ཐམས་ཅད་རྡོ་རྗེའི་ལོངས་སྤྱོད་དུ་བྱིན་གྱིས་བརླབས་པའི་གཟུགས་བརྙན་ཕྱིར་ཤར་བས་

― TN03_Page_0098 ―

^{[མ་དཔེ་གཟིགས་ན་འདིར་གནོན།]}

(༨༢)ཕྱག་ཏུ་བཞུགས་ཚད་ཀྱི་སྤྱད་པ་རྣམས་ངན་དོན་ཞིག་ཡིན་རུང་སྤུས་དག་དང་གཞན་དང་མི་འདྲ་བའི་བཀྲག་ཟིལ་ཅན་ལྟ་བུ་འབའ་ཞིག་ཡོད། དབུལ་ཞིང་ཕོངས་པ་རྣམས་ཀྱིས་དངོས་པོ་ངན་ཉུང་ཙམ་ཕུལ་བ་ལའང་། འདི་ཕྱུག་པོ་ཞིག་ཡིན་ན་གསེར་དངུལ་གོས་དར་གྱི་འབུལ་བའི་ཚོད་དུ་འདུག་ཅེས་ཕྲ་ཞིང་ཕྲ་བ་རྣམས་ཀྱང་གནས་མིན་དུ་ཆུད་ཟོས་མི་འགྲོ་བར་མཛད། ནོར་སྲེད་ཀྱི་གསོག་འཇོག་ཡེ་མི་མངའ་བས་རྙེད་པ་གང་བྱུང་བླ་ན་མེད་པ་པའི་བྱང་ཆུབ་ཀྱི་ཚོགས་སུ་འདབ་གཏེར་སྦ་བའི་ཕྱིར། རང་ཉིད་ཀྱི་བླ་མ་རྣམས་ལ་ཆོས་གསན་པའི་ཐོག་མར་མཎྜལ་གྱི་འབུལ་བ་དང་། མཐར་གཏང་རག་གི་མཆོད་པ་དུས་གཞན་དུའང་ཞབས་བརྟན་གྱི་མངའ་དབུལ་སོགས་དག་ཅིང་བཟང་ལ་རྒྱ་ཆེ་བའི་མཆོད་སྤྲིན་ཡང་དང་ཡང་དུ་སྤྲོས་ཏེ་ཕུལ། །དགོན་གནས་གསར་བཞེངས་རིགས། དུས་དབང་གིས་དགོས་པ་ཆུང་བར་གཟིགས་ཏེ་མ་མཛད་ཀྱང་། བར་སྐབས་སུ་སྟོད་སྨད་འཁྲུགས་ལོང་ཀྱི་དབང་གིས་སྡེ་དགེ་ལྷོ་བྱང་ཕྱོགས་ཀྱིས་སྐྱ། རྙིང་མ། དགེ་ལུགས་ཀྱི་དགོན་སྡེ་མང་པོ་ཉམས་ཤིང་ཞིག་རལ་དུ་སོང་བ་ན། ཞིག་གསོའི་ཆ་རྐྱེན་དངོས་ཇ་སུམ་སྟོང་ལྷག་པ་སྩལ་ཞིང་། རྒྱ་བོད་ཀྱི་དཔོན་ཆེན་དང་། མི་དབང་སྡེ་དགེ་རྣམས་ལ་མཐུན་སྦྱོར་སྒྲུབས་ཤིག་པའི་བཀའ་ཕབས་ཏེ་གཞི་བཞེངས་གྲུབ་པ་དང་། མཆོད་ཐེབས་ཞལ་འདེབས་དང་། འཕྲལ་ཡུན་ཀུན་ཏུ་དགེ་བའི་བསླབ་སྟོན་སྒོ་དུ་མས་གཞལ་

― TN03_Page_0099 ―

^{[མ་དཔེ་གཟིགས་ན་འདིར་གནོན།]}

(༨༣)བར་དཀའ་བའི་བཀའ་དྲིན་གྱི་ཕུང་པོ་འདུ་མཛད་ཀྱང་། ངས་བྱས་ཀྱི་ཞལ་ཕོ་དང་དྲིན་ཡུས་འདྲེན་པའི་ཚིག་ཟུར་གཅིག་ཙམ་མི་འབྱུང་། ཉེ་བའི་ཆར་འཁོད་པའི་ཆོས་སྡེ་རྣམས་ལ་ལོ་རེ་བཞིན་གཟུངས་སྔག་ཀློག་སྒྲོག་དང་། བཟང་པོ་སྤྱོད་པའི་སྨོན་ལམ་གྱི་ཡོན་སྦྱར་གོང་འོག་བསྡོམ་ན་དངོས་ཇ་བཞི་སྟོང་ལྷག་པའི་རྒྱུ་འགྲོ་ཕུལ། མདོར་ན་ཀུ་སུ་ལི་བྲག་སྐྱིབས་ན་སྤྱོད་པ་ཚུན་ཆད་ཀྱི་གང་ཟག་དང་དགེ་འདུན་ལ་མཆོད་པ་མཛད་པའི་རྣམ་གྲངས་བགྲང་བར་དཀའ། རབ་བྱུང་གིས་རྟེན་བཞེངས་སོགས་ཀྱི་ཆེད་དུ་ཤ་ཐང་ཐང་ལ་ལོངས་སྤྱོད་སྒྲུབ་པ་གསུང་རབ་ལས་བཀག་ཀྱང་། དེ་ལྟར་མ་བསྒྲུབས་བཞིན་དུ་རྙེད་པ་རྣམས་དཀོན་མཆོག་གསུམ་ལ་བསྙེན་བཀུར་བྱ་བའི་ཆ་རྐྱེན་དུ་སྦྱོར་བར་གསུངས་པའི་སྲོལ་གསོ་བ་དང་། རང་ཉིད་ལ་ཟང་ཟིང་འབའ་ཞིག་གི་འབྲེལ་བས་བསྡུས་པ་རྣམས་ཀྱང་མཐའ་ཡས་པའི་རྒྱལ་དང་དེ་སྲས་ལ་དགེ་བའི་རྩ་བ་རྒྱ་ཆེར་སྐྱེད་པའི་རྟེན་འབྲེལ་དང་བསྟན་འགྲོའི་རྒུད་པ་ཞི་བའི་དགོས་དབང་ཁྱད་པར་ཅན་གཟིགས་ནས། སངས་རྒྱས་དང་བྱང་ཆུབ་སེམས་དཔའི་སྐུའི་རྣམ་འགྱུར་ཐུན་མོང་བ་དང་། ཐུན་མོང་མ་ཡིན་པ་རྩ་གསུམ་ཆོས་སྲུང་དང་བཅས་པའི་སྣང་བརྙན་གཟུངས་ལྡན་གསེར་ཟངས་ལས་གྲུབ་པ་ཉིས་སྟོང་སོར་དང་། གྱང་རིས་ཀྱི་བསྐལ་བཟང་སངས་རྒྱས་སྟོང་སྐུ་གསེར་དུལ་མ་ལྗིབ་ཐུག་ཅན། བྲིང་ཐང་གསེར་

― TN03_Page_0100 ―

^{[མ་དཔེ་གཟིགས་ན་འདིར་གནོན།]}

(༨༤)ཆབ་དང་ཟ་འོག་གིས་བྱུགས་པ་བརྒྱ་ཕྲག་བརྒལ་བ། གསར་རྙིང་གི་ཡི་དམ་མང་པོའི་ཆུ་ཚོན་དཀྱིལ་འཁོར་སོགས་བཞེངས། བཀའ་བསྟན་རིན་པོ་ཆེ་རྣམ་གཉིས་དང་། གངས་རིའི་ཁྲོད་ཀྱི་ཤིང་རྟ་ཆེན་པོ་རྣམས་ཀྱི་གསུང་རབ་བྲིས་སྤར་བསྡོམ་པ་གླེགས་བམ་སྟོང་ཕྲག་གཉིས་ཙམ་གླེགས་ཤིང་། ན་བཟའ་གདོང་དར་འཆིང་ཐག །སེང་མགོ་བཅས་སྒྲོས་གཙང་འགང་ལེགས་ཀྱིས་སྤྲས་པ་བསྒྲུབས། རྒྱ་བོད་ཀྱི་གསུང་རབ་པུ་སྟི་བཞི་བཅུར་ཉེ་བ་སྤར་དུ་བཀོད། ལྷུན་གྲུབ་སྟེང་གི་མཆོད་སྡོང་མཐོང་གྲོལ་ཆེན་མོ་དངུལ་སྲང་འཁོར་ལྔ་སྟོང་བཞི་བརྒྱ་ཙམ་གྱིས་བསྐྲུན་པ་གཙོ་བོར་གྱུར་པའི་གསེར་ཟངས་ཀྱི་མཆོད་རྟེན་གཟུངས་ལྡན་ཆ་ཚད་ལེགས་པ་བརྒྱ་རྩ་ལྷག་གསར་བསྐྲུན་མཛད། དེ་རྣམས་ཀྱི་བཞུགས་གནས་ལྷ་ཁང་ཆེ་ཆུང་བཅུ་གསུམ་ཙམ་མཆོད་པའི་ཡོ་བྱད་རྒྱུ་བཟང་ལ་བཟོ་ཁྱད་གཙང་བ་སྣ་ཚོགས་ཀྱིས་བཀོད་ལེགས་པར་བརྒྱན་པ་བཞེངས། འདི་ལྟ་བུའི་མཛད་པའི་བབས་ཀྱིས་སྐུའི་ཉེ་འཁོར་དུ་ཡིག་མཁན། ལྷ་རིས་པ། ཤིང་བཟོ་བརྐོས་མཁན་མགར་བ་གོས་བཟོ་སོགས་བཟོ་རིག་པའི་འདུ་བ་རྒྱུན་ཆད་མེད། དེ་འདྲ་བ་རྣམས་ཀྱང་འབྲེལ་ཚད་དོན་ལྡན་གྱི་སྨོན་ལམ་རླབས་པོ་ཆེའི་བདེན་པས་གཞན་ཕན་གྱི་ཕྲིན་ལས་གཏིང་དཔག་དཀའ་བ་ཤ་སྟག་ཏུ་འཇུག་གི མངགས་གཞུག་ཐ་མལ་བ་གཏན་མིན། དེ་ལ་བཟོ་གནས་པ་ཁ་ཅིག་ནི་ཟླ་བ་མང་པོར་ལྟོ་ཆས་ཕྱག་རྫས་

― TN03_Page_0101 ―

^{[མ་དཔེ་གཟིགས་ན་འདིར་གནོན།]}

(༨༥)ནས་འབོགས་ཤིང་། མི་གཞན་གྱི་ལས་ཀར་བརྩོན་པའམ། རང་དགར་གནས་པས་དུས་འདའ་བར་བྱེད་ཀྱང་། ཐུགས་མི་འཁྲུགས་པར་མ་ཟད། མཐར་གནང་སྐྱེས་བཟང་པོ་རེས་དགའ་བ་བསྐྱེད་དེ་དགྱེས་བཞིན་དུ་གཏོང་བ་དང་། ཉམ་ཐག་འགའ་ཞིག་ནི་བཟོ་གནས་ཅི་ཡང་མི་ཤེས་བཞིན་དུ་མངོན་ཚན་ཆུང་ངུས་གླ་ལྟོ་སྟེར་བའི་ཐབས་ཙམ་ལ་དགོངས་ཏེ་ལས་ཀ་བའི་གྲལ་དུ་འཇོག་པ་སོགས་ཅི་དང་ཅི་ནས་ཀྱང་མ་ལྟར་མཉེས་ཤིང་གཤིན་པས་བཟོ་བོ་རྣམས་མ་བསྡུས་པར་ཡང་ཡུལ་ཕྱོགས་དུ་མ་ནས་པདྨའི་དྲི་ལ་བུང་བ་ལྟར་དགའ་ཞིང་འདུ། དེ་དག་ལ་བཟོ་འདི་གྱིས་ཀྱི་བཀའ་སོ་སོར་སྩོལ་བ་ཙམ་ལས་དྲག་འཇུན་དང་མགོ་རྫི་བརྐོ་བཞག་སོགས་ཅི་ཡང་མི་མཛད་རུང་། ངང་གིས་གཡོ་མེད་པར་རང་རང་གི་བགྱི་བ་གང་ཡིན་པ་དེ་ལ་འཇུག་ཅིང་། ཡུན་རིང་པོར་མི་སྐྱོ་བའི་ཡིད་ཀྱིས་གནས། ལས་གྲུབ་ནས་གླ་རྔན་ཡུལ་ལུགས་ལས་ལྷག་པ་ཙམ་ལ། ངོ་སོ་འདོན་པའི་གཏང་རག་ཟུར་པ་དང་བཅས་ཏེ་དངོས་གཙང་ལ་རྔམས་འཐུག་པར་སྩལ་བས། རང་རང་གི་ཞོ་ཤའི་འབྲེལ་འཇོག་ཀྱང་མཇུག་རྗེས་སུ་ཡི་རང་དང་འབྲེལ་བའི་སྒོ་ནས་སྟོབས་དང་ལྡན་པའི་བསོད་ནམས་སུ་གྲུབ་པར་མཛད། གཞན་པ་སུ་དག་རྟེན་བཞེངས་ལ་སྤྲོ་བས་གྲབ་བཤམ་ཡང་ཡོ་བྱད་ཀྱིས་དབུལ་བ་གཟིགས་ཚེ་དེའི་འདུན་པའི་ཡོལ་གོ་གང་ངེས་པའི་ནོར་དབྱིག་སོགས་སྩལ།

― TN03_Page_0102 ―

^{[མ་དཔེ་གཟིགས་ན་འདིར་གནོན།]}

(༨༦)གྲྭ་རྐྱང་དཀྱུས་མའི་རིགས་ཀྱིས་འཇིམ་སྐུ་དང་དྲྭ་མིག་ཙམ་བཞེངས་པ་ལའང་ཚོན་རྩི་སོགས་མཐུན་འགྱུར་གྱི་སྦྱིན་པ་དང་བཅས་སྤྲོ་བས་གཟེང་བསྟོད། ལྷག་གནས་ཀྱི་ཆེད་དུ་གཞན་གྱིས་བཅོལ་ཞུ་ཕུལ་བའི་སྐུ་གཟུགས་རྣམས་ཀྱང་གསེར་བྱུགས་ཀྱིས་ཞལ་རས་སྣུམ་པར་མཛད་དེ་ན་བཟའ་སོགས་ཀྱི་བསྟི་སྟངས་སྟོབས། མཆོག་དམན་བར་མའི་འགྲོ་བ་ལ་ཕྱག་མཆོད་ཀྱི་ཞིང་དཀྱུས་མ་དང་། རྟེན་གཞན་བཞེངས་སུ་འཇུག་རྒྱུ་སོགས་ལ་སྐུ་གསུང་ཐུགས་རྟེན་རྙེད་དཀའ་ཁྱད་འཕགས་རིགས་འབྱམས་ཀླས་པ་བཀྱེས་ཤིང་། ཕྱག་དཔེ་གང་བཞུགས་ལ་ཆེ་ཆུང་སུས་ཀྱང་བལྟ་ཞིང་ཀློག་པ་དང་། དཔེ་རྒྱུན་འབྲི་བ་སོགས་བསོད་ནམས་དང་ཡེ་ཤེས་ཀྱི་བྱ་བ་མང་དུ་བྱེད་པའི་གོ་སྐབས་ཡངས་པས་རྟེན་གསུམ་ལ་ནང་རྫས་དང་། གཡང་རྟེན་དང་གཟི་བྱིན་སྒྲུབ་པའི་འཕྱོར་ཆས་ཙམ་དུ་འདུ་ཤེས་ཤིང་སེར་སྣས་དམ་དུ་སྲུང་བའི་དྲེགས་ལྡན་རྣམས་སྨ་ཕབ་ཀྱི་གནས་སུ་བཀོད། སྨོས་མ་ཐག་པའི་ལྷ་ཁང་རྣམས་སུ་སྤོས་དང་མར་མེ་སོགས་ཀྱི་རྒྱུན་ཐེབས་སྦྱོར་འཇག་དང་། དཔལ་ཐམས་ཅད་རིག་པ། བདེ་མཆོག་ནག་པོ་ལུགས། གསང་འདུས་འཇམ་པའི་རྡོ་རྗེ། གཏེར་གསར་རིགས་གསུམ་སྙིང་ཐིག་སོགས་གསར་རྙིང་གི་ཐུགས་དམ་དུ་མའི་སྒྲུབ་མཆོད་ཡོ་བྱད་ཀྱིས་ཕྱུགས་པ་རྒྱུན་བཙུགས། དབྱར་ཀ་ཆུ་ཀླུང་གི་འགྲམ་དུ་ཆུ་མཆོད་སྟོང་ཕྲག་དུ་མ་འབུལ་བའི་ཕྱིར་སྐུ་འཁོར་

― TN03_Page_0103 ―

^{[མ་དཔེ་གཟིགས་ན་འདིར་གནོན།]}

(༨༧)ཆེད་མངགས་གནང་བ་དང་། དུས་རྒྱུན་དུ་གཟིམ་སྤྱིལ་གྱི་ལྷ་ཁང་ཕྱི་ནང་བར་ཁྱམས་ཀུན་ཏུ་མར་མེའི་ཕྲེང་བ་ཉིན་མཚན་རྒྱུན་ཆད་མེད་པ་དང་བཟང་སྤོས་རྒྱུན་སྤར། མཆོད་ཡོན་དང་མེ་ཏོག་གི་བྱེ་བྲག་མང་པོ། ཞལ་ཟས་ཀྱི་སྦྲང་ཚར་སོགས་བཀོད་ལེགས་ཤིང་གཙང་སྦྲ་ཐོན་པ་དང་། ཉིན་རེ་ཞིང་བདའ་དགུའི་བཟའ་བཏུང་གི་ལོངས་སྤྱོད་དང་ལྡན་པའི་ཚོགས་ཀྱི་མཆོད་པ་རེ་ཆག་མེད། ཡར་མར་གྱི་ཚེས་བཅུའི་མཆོད་པ་རྣམས་སུ་མར་མེ་ཁོ་ནའང་བརྒྱ་ཕྲག་མ་མཐར་བཞག་པས་མཚོན་ཚོགས་མཆོད་ཀྱི་ཡོ་བྱད་རྒྱས་སྤྲོས། རྒྱལ་བའི་དུས་ཆེན་བཞི་དང་། ཉ་སྟོང་བརྒྱད་གསུམ་ནམ་བྱུང་ལ་སྤོས་དང་མར་མེ་བརྒྱ་རྩའི་ཕྲེང་བ་རབ་ཏུ་མང་བ་གཙོར་བཏོན་གྱི་དངོས་བཤམས་དང་། དེའང་གཟུངས་དང་རིག་པ་དང་མོས་པའི་སྟོབས་ཀྱིས་ཆོས་དབྱིངས་དང་མཉམ་པར་སྤེལ་ཏེ་འབུལ་ཞིང་བཟང་པོ་སྤྱོད་པའི་སྨོན་ལམ་གྱིས་རྒྱས་འདེབས་མཛད། རྣམ་པར་ཐར་པ་འདི་ལ་ནི་ད་ལྟ་ངེས་དོན་གྱི་ལྟ་བ་ལ་ཁག་བཅོལ་ནས་སྤྱོད་ཕྱོགས་ཐབས་ཀྱི་ཆ་ཆེན་པོ་རྣམས་ལ་མཆིལ་མའི་ཐལ་བ་བས་ཀྱང་ལོད་པར་བརྩི་བའི་སྒོམ་ཆེན་དང་གྲུབ་གཏེར་རྣམས་ཀྱིས་ཅུང་ཟད་རེ་དཔྱོད་དགོས་པར་མངོན་ནོ། །སྡེ་དགེ་བློན་ཆེན་པདྨ་ལེགས་གྲུབ་རྒྱལ་པོའི་ཐུགས་སུ་མ་འཐད་པའི་རྐྱེན་གྱིས་ཁམས་བྲག་གཡབ་དང་། སྡེ་དགེ་འགྲས་གཞི་ཆེན་པོ་བྱུང་སྐབས། དེ་ལ་བརྟེན་ནས་དམེ་འཁྲུགས་

― TN03_Page_0104 ―

^{[མ་དཔེ་གཟིགས་ན་འདིར་གནོན།]}

(༨༨)འཇིགས་སུ་རུང་བ་ཞིག་ཡོང་བར་མཁྱེན་ཏེ། མི་ཕང་ནོར་ལས་བྱས་པའི་འཁོན་བསྡུམ་མཛད། བསྟན་འགྲོ་སྤྱིའི་བྱུར་སེལ་དུ་ནཻ་པ་ལའི་དོང་ཙེ་གསུམ་བཞི་སྐོར་གྱི་རིན་ཐང་རྫོང་འདེབས་སུ་བཏང་བའི་གླུད་བསྔོ་རེ་ཉིན་བཞིན་མ་ཆག་པ་མཛད། མུ་ཏོ་དང་བྱ་ཁྱིའི་སྐྱེ་གནས་པ་རྣམས་ལ་བརྒྱགས་དང་རྒྱགས་རྟེན་གནང་བའང་ཚད་མེད། དེ་འདྲ་ལ་དགོངས་ནས་ཁྱབ་བདག་བློ་གྲོས་མཐའ་ཡས་པས། བསྟན་འགྲོའི་དོན་དུ་གཅེས་དགུའི་བདོག་པ་ཡང་། །རྩ་བཞིན་གཏོང་བར་མཛད་ལ་གསོལ་བ་འདེབས། །ཞེས་རང་བཞིན་བརྗོད་པའི་གཏམ་དུ་གསུང་། དབུས་གཡོ་རུའི་ཁྲ་འབྲུག་ཏུ་ལུང་བསྟན་གྱི་ངེས་པ་གཟིགས་པ་བཞིན་དཔལ་ཆུ་བོ་རིའི་གུ་རུའི་སྒྲུབ་ཕུག་ནམ་མཁའ་ལྡིང་དུ་བོད་ཁམས་བདེ་ཐབས་ཀྱི་ཕྲིན་ལས་མཛད་པས། ཨོ་རྒྱན་བདེ་བ་ཆེན་པོ་གཙོ་འཁོར་གྲངས་མེད་པས་ནམ་མཁའ་ཁེངས་པ་དང་། སྤྲུལ་པའི་འདུ་འཕྲོས་བོད་ལ་མི་འཇིགས་པ་སྩལ་བ་གཟིགས་ཤིང་། ལོ་སྐོར་གཅིག་ཏུ་མཐའ་དམག་གི་འཚེ་བ་མི་འབྱུང་བའི་མཚན་མ་བརྟན་པོ་བརྙེས། དུས་གཅིག་ན་སྣང་སྲིད་རྨི་ལམ་ལྟར་གཟིགས་པའི་ཏིང་ངེ་འཛིན་ཤིན་ཏུ་བརྟན་པོ་གསལ་སྣང་ལ་ཆོས་འཁོར་ལྷ་སའི་བར་སྐོར་དུ་ཕེབས། དེ་ན་མཁར་ཆེན་བཟའ་མི་ལས་འདས་པའི་མཚར་སྡུག་རྒྱན་ཆས་ཅན་གཟི་བརྗིད་མཆོག་ཏུ་འབར་བའི་རྣམ་པའི་ཕྱག་ན་མེ་ཏོག་དམར་པོས་བཀང་བའི་བུམ་པ་ཞིག་བསྣམས་ཏེ་བྱུང་བ་དང་མཇལ།

― TN03_Page_0105 ―

^{[མ་དཔེ་གཟིགས་ན་འདིར་གནོན།]}

(༨༩)ཕན་ཚུན་མ་བུ་ལྟ་བུའི་བརྩེ་གདུང་གིས་གསུང་གླེང་མང་ཞིག་མཛད་པའི་མཐར། ཇོ་བོ་ཡིད་བཞིན་ནོར་བུའི་སྤྱན་སྔར་འགྲོགས་ཏེ་བྱོན། དེར་བོད་འབངས་བདེ་བའི་སྨོན་ལམ་མང་པོ་མཛད། ཇོ་མོས་བོད་སྤྱི་ལ་ཕན་པའི་ལུང་བསྟན་རྒྱ་ཆེར་སྩལ་ནས་བར་སྣང་ཌཱ་མ་རུའི་སྒྲས་བཀང་། སྟེང་གི་ནམ་མཁའ་ལ་ཐལ་ལེར་གཤེགས། འོན་ཀྱང་དགུང་ལོ་བཅུ་དྲུག་པར་རོང་བཙན་ཁ་བ་དཀར་པོར་མཚོ་རྒྱལ་སྤྲུལ་པའི་མི་མོ་ཞིག་ཕྲིན་ལས་ཀྱི་སྒོ་འབྱེད་དུ་བྱོན་ཡང་དེ་དང་ཞལ་འཛོམ་པའི་མཐུན་རྐྱེན་མ་ཚོགས་པ་དང་། ཕྱིས་མཆོག་གྱུར་གླིང་པ་དབུས་སུ་ཕེབས་སྐབས་མོན་ཡུལ་དཀར་མོ་བྲག་གི་གཏེར་ཁ་འདོན་དགོས་ཚུལ་དུས་གནད་དང་བཅས་པ་ནན་ཆེར་གདམས་ཀྱང་། ཁོང་དཔོན་སློབ་ལམ་བར་ནས་འགྱང་བས་ཐོག་ཏུ་མ་ཁེལ་བ་སོགས་གངས་ཅན་ཕན་བདེ་འབྱུང་བའི་རྟེན་འབྲེལ་གྱི་སྒོ་ཁྱད་པར་ཅན་རྣམས་གདུལ་བྱའི་བསོད་ནམས་ཀྱིས་རྫོགས་པར་མ་ལྕིགས་པས་རགས་པ་མཐུན་སྣང་དུ་བྱིན་རླབས་ཀྱི་ལག་རྗེས་འབྲེང་ཙམ་ཞིག་ལས་ཡུལ་ལ་སྨིན་མ་ཐུབ་པར་གསུང་། ཉག་དཔོན་ཨ་མགོན་རྣམ་པ་གཡུལ་འཁྲུགས་ཀྱི་ཤེ་མོང་དར་བའི་དུས་སུ་སྡེ་དགེའི་རྒྱལ་སྲིད་ཕྲོགས། རྒྱལ་པོ་ཡུམ་སྲས་གསུམ་བཙོན་དུ་བཟུང་ནས་བློན་འབངས་སུས་ཀྱང་ཐར་བའི་རེ་བ་ཟད་པ་ན་རྗེ་བླ་མ་འདིས་སྒྲོལ་མ་བཙོན་འདོན་མའི་ཕྲིན་ལས་ཀྱི་སྦྱོར་བ་མཛད་དེ། མ་རྨས་པར་ཐར་འོང་བའི་ལུང་

― TN03_Page_0106 ―

^{[མ་དཔེ་གཟིགས་ན་འདིར་གནོན།]}

(༩༠)བསྟན་གནང་བ་ཇི་བཞིན་དུ་བྱུང་། ཕྱིས་ཤིག་ཏུ་ཉག་རོང་ཨ་མགོན་དང་ངེད་གཉིས་ལ་སྔོན་གྱི་འབྲེལ་བ་འདུག་པས་ཚེ་འདིར་ཕྲད་མ་ཐུབ་པ་མ་གཏོགས། ཕྲད་ན་ངས་དེ་ལ་ཆོས་ཀྱི་ཕན་ཐོགས་ཤིག་ཡོང་རྒྱུ་ཡིན་པར་འདུག་གསུངས། དཀར་པོའི་ཕྱོགས་ལ་བློ་མི་འཇུག་ཅིང་། རླབས་པོ་ཆེའི་སྡིག་སྟོབས་དང་ལྡན་པ་ཉག་བློན་ལུ་གུ་ཚེ་རིང་ལྟ་བུའི་མ་རུངས་པ་ཡང་། རྗེ་བཙུན་ཐུགས་རྗེའི་དབང་ཕྱུག་འདིའི་མཚན་གྱི་བདུད་རྩིས་ཕོག་པས་ཅུང་ཟད་དུལ་བར་གྱུར་ཏེ། ཟང་ཟིང་གིས་བསྙེན་བཀུར་བསྟབས། ཕྱིས་དམེ་ཤོད་ཕྱོགས་པའི་བྱས་ཉེས་ལ་བསྟེན་ནས་ཁོའི་དམག་གིས་རྫོང་གསར་དགོན་ཁང་མེ་ལ་སྦྱངས་མོད། དེར་ཡང་རྗེ་བླ་མ་འདི་ལ་དམག་དཔོན་རྣམས་ཀྱིས་བརླད་སྤྱོད་བརྙས་ཐབས་སྤུ་ཙམ་མ་བྱས་པར་མ་ཟད། ཕྱག་དཔེ་རྣམས་མི་འཇིགས་པའི་ཕྱོགས་སུ་ཐབས་རྩོལ་དུ་མས་སྐྱེལ་བ་སོགས་རང་ཕྱོགས་ལས་ཀྱང་ལྷག་པའི་ཞབས་ཏོག་བྱས། དེ་ནས་མི་འགྱང་བའི་དུས་སུ་རྗེ་རང་གི་ཐབས་ལ་མཁས་པའི་འཕྲུལ་གྱིས་ཆོས་གཞི་སླར་གསོས་ཏེ། བཀྲ་ཤིས་ལྷ་རྩེའི་མདུན་ཐད་དུ་སཱ་ལའི་ནགས་ཆེན་པོ་སྦྲུལ་གྱིས་གང་བ་ཞིག་ཡོད་པ་དེ་ཤིན་ཏུ་གཉན་པས་སྔོན་ཆད་ལྕུགས་ཕྲན་གཅིག་ཀྱང་འབྲེག་ཕོད་མཁན་མེད་པ་ལས། དེ་དུས་རྗེ་བླ་མ་འདི་ཤིང་སློང་མཛད་པས། དེ་ཚུན་ཆད་ནགས་དེར་སྦྲུལ་

― TN03_Page_0107 ―

^{[མ་དཔེ་གཟིགས་ན་འདིར་གནོན།]}

(༩༡)གྱི་རྒྱུ་བ་འགག་ཅིང་ཤིང་ཅི་འདོད་དུ་ལེན་བཏུབ། སྔར་དགོན་དེའི་གཙུག་ལག་ཁང་ཞིག་གསོལ་འཚུབ་འགྱུར་ཆེར་ལྡང་བ་ཞིག་ཡོད་པའང་། རྗེ་འདིས་ཉམས་གསོ་མཛད་པ་ནས་བཟུང་རང་འཇམ་ལ་སོང་བར་གླེང་། རབ་བྱུང་བཅོ་ལྔ་པའི་ཐོག་མར་ཁང་དམར་ལུང་མདོར་བསྟན་འགྲོ་སྤྱིའི་སྲུང་བར་དགོངས་ཏེ་སྒྲུབ་ཆེན་མང་པོ་མཛད་པའི་སྐབས་ཤེད་ཅིག །སྡེ་དགེའི་ཆབ་སྲིད་འདི་ལ་སྔར་ཡང་སྟོན་ལོག་གི་སེམས་ཅན་ཉེ་ཆར་འཁོད་པ་འགའ་རེའི་བྱ་བའི་བབས་ཀྱིས་རྨ་ཉེས་མང་པོ་བཏང་། ད་གཟོད་ཀྱང་ལས་སྨོན་ལོག་པ་མང་པོས་མཚམས་སྦྱོར་གྱིས་དོན་ཉན་འོང་དཀའ། འོན་ཀྱང་ད་རེས་ཀྱི་སྲུང་བ་འདིས་ལོ་སྐོར་གཉིས་ལ་བདེ་འཇག་ཡོང་ཤས་ཆེ་གསུངས་པ་ལྟར་དེ་ནས་བརྩམས་ཏེ་རྣམ་འགྱུར་ལྕགས་སྟག་བར་ཆབ་སྲིད་འཇམ་དར་དུ་གནས་ཤིང་། དེའི་ཕྱི་ལོ་ནས་རྒྱལ་བློན་ནང་འཁྲུགས་སོགས་མི་ཤིས་པ་གང་མང་བྱུང་བས་བདེན་པའི་ལུང་དོན་མངོན་སུམ་པར་མཐོང་། གཞུང་སའི་བཀའ་བློན་ཕུ་ལུང་བ་རབ་ཏུ་བྱུང་རྗེས་ཤིག་ལ་དགའ་ལྡན་སྣ་རིང་གི་འཇིགས་པས་ཉེན་པར་གྱུར་ནས། ཚེ་ལྷ་རྣམ་གསུམ་ལ་བརྟེན་པའི་རིམ་གྲོ་མཛད་པས། ཅང་མ་ཕན་གསུང་། དེ་ནས་མི་རིང་བར་ཆུ་ལ་གཡུགས། ཁོང་ཤི་ནས་ཡར་འབྲོག་གི་ལུག་ཅིག་ཏུ་སྐྱེས། དེ་ནས་ས་སྐྱའི་སྐུ་ངོ་ཞིག་ཏུ་སྐྱེ་བར་འགྱུར་

― TN03_Page_0108 ―

^{[མ་དཔེ་གཟིགས་ན་འདིར་གནོན།]}

(༩༢)གསུངས། འདི་རིགས་གཞན་ཡང་སློབ་མ་དད་ཅན་ལ་སོ་སོར་འགྱེས་སྐབས་ད་རང་རེ་གཉིས་ཚེ་འདིར་ཕྲད་པར་དཀའ་གསུངས་པ་དང་། ད་དུང་ཐུག་ཡོང་གསུངས་པ་རྣམས་དེ་ཁོ་ན་ལྟར་གྱུར་པ་དང་། རྫོང་གསར་དུ་བཞུགས་སྐབས་ཤིག །དགོན་སྟོད་ལ་མེའི་དོགས་པ་གྱིས་གསུངས་པ་དང་། ལན་ཅིག་དགོན་སླད་དུ་མེ་ཟོན་གྱིས་གསུངས་ནས་བལྟར་ཕྱིན་པས། ཕྱོགས་དེ་དང་དེར་འཁྲིས་སུ་ཡོད་པའི་མི་རྣམས་ཀྱིས་ཀྱང་མ་ཚོར་བར་མེ་ཤོར་ནས་འདུག་པ་དང་། ཞབས་ཏོག་པར་ཕྱི་རོལ་གྱི་ཁད་པའི་ནང་དུ་ཡི་གེ་འབྲི་བའི་ལས་ཀ་སོགས་གནང་བ་ཇི་སྲིད་མ་གྲུབ་བར་ཉིན་ཞག་མང་པོ་སོང་ཡང་དེའི་གླེང་མོ་མི་མཛད་ལ། ཟིན་མཚམས་ཁོ་ནར་ཁྱེར་ཤོག་གི་དྲིལ་བརྡ་གནང་བ་ཞིག་སྟེས་དབང་མིན་པར་ཕལ་ཆེར་ལ་འོང་བ་དང་། སྐུ་མདུན་དུ་གློ་བུར་བའི་སྐྱེ་བོ་སོགས་ཀྱིས་ཞུ་ཕྲིན་བསྐུར་བ་ཉེ་གནས་རྣམས་ཀྱིས་ཞུ་བར་བརྩམས་པ་ན། དེ་བཤད་མི་དགོས། ཧ་གོ །གསུངས་པ་སོགས་དབང་འདས་ཀྱི་དོན་གཟིགས་པའི་མངོན་མཁྱེན་མངའ་བའི་གསུང་ཅི་རིགས་ཀྱང་ཞལ་ལ་བྱོན། སྣོད་བཅུད་ཀྱི་དགེ་ལེགས་ཉམས་པ་གསོ་བའི་ཕྱིར་ལྷག་གནས་དང་བྱིན་འཇུག་གཏེར་བུམ་སྒྲུབ་པ་སོགས་མང་དུ་མཛད། འགྲོ་འདུལ་རྒྱལ་སྲས་དཔའ་བོ་འཇིགས་མེད་ཆོས་དབང་ཞབས་ཀྱིས་ལྷ་རྫས་རིན་ཆེན་གཉིས་པའི་འབུལ་བ་དང་

― TN03_Page_0109 ―

^{[མ་དཔེ་གཟིགས་ན་འདིར་གནོན།]}

(༩༣)བཅས་བསྐུལ་མ་མཛད་པ་ལྟར་རྫ་སྟོད་རྡོ་རིང་ཆེན་མོར་ཡེ་ཤེས་བརྟན་བཞུགས་ཀྱི་དགོངས་པ་གཏད་པས། དེའི་ཕྱོགས་དང་རྟ་པའི་ཉིན་ལམ་བདུན་བརྒྱད་ཀྱིས་བར་དུ་ཆོད་ཀྱང་རྟེན་ལ་ལྷག་པར་གནས་པའི་མེ་ཏོག་སེར་པོ་མཐའ་ཡས་པ་བབས་པ་རྡོ་རིང་ཕྱག་མཇལ་བའི་ཕོ་མོ་བརྒྱ་ཕྲག་དུ་མས་མངོན་སུམ་དུ་གྲུབ། གཤིན་པོའི་འགྲོ་བ་རྣམས་ལ་ཕན་གདགས་ཕྱིར་དུས་དང་དུས་སུ་གནས་ལུང་གི་ཆོ་ག་སྲེག་སྦྱོང་སཙྪ་གདབ་ཆོ་ག་དང་བཅས་པ་མཛད་ཅིང་། འདུས་པའི་དགེ་འདུན་ལ་ཀུན་རིག་གི་བྱང་བསྲེག་བགྱིད་དུ་སྩོལ་བ་དང་། སྐུ་ཚེའི་སྨད་ལ་ཉིན་རེ་བཞིན་ཚོགས་མཆོད་ཚར་གསུམ་དང་སྦྲེལ་བའི་སྐོང་བཤགས་ཀྱི་ཆོ་ག་རྒྱས་བསྡུས་གཉིས་རེ་ཆག་མེད་མཛད་པ་སོགས་རྗེས་འཛིན་གྱི་ཕྲིན་ལས་བསྐྱང་བའི་སྒོ་མང་། ཨ་བྷི་ཙརྱའི་ཕྲིན་ལས་ལ་རྩལ་དུ་བཏོན་པའི་བཟླས་བསྒོམ་སྣ་གཅིག་ཙམ་ཡང་མཛད་མ་མྱོང་བ་འདྲ་བོར་ཡོད་ཀྱང་། ཉག་མིའི་འཁྲུགས་ལོང་གིས་མདོ་ཁམས་པ་རྣམས་སྡུག་ལ་སྦྱོར་བའི་སྐབས་ཤིག །མནལ་ལམ་དུ་རང་ཉིད་ཀྱི་མདུན་སར་ལྕགས་གླང་ཞིག་ཏུ་ལིང་ཆུང་སྙིང་གར་སྟག་མའི་ལོ་མ་ལ། ཨེ་རྣི་ཏྲི་ཛཿཞེས་ཁྲག་གིས་བྲིས་པ་རེ་རེས་མཚན་པ་བཞི་བཅུ་རྩ་བཞི་བཀོད་འདུག །དེར་སྐྱེས་བུ་བརྗིད་ལྡན་ཞིག་གིས། འཁྲུགས་པ་འདིའི་རྗེས་འབྲང་ལ་ཕུང་བྱེད་ཀྱི་དམ་སྲི་བཞི་བཅུ་རྩ་བཞི་ཡོད་པས་

― TN03_Page_0110 ―

^{[མ་དཔེ་གཟིགས་ན་འདིར་གནོན།]}

(༩༤)དེ་རྣམས་སྒྲོལ་དགོས་ཞེས་ནན་གྱིས་བཏུད་ནས་གསོལ་བ་འདེབས་པར། བྱུང་རྒྱལ་དུ་གུ་རུ་དྲག་པོའི་སྒོམ་བཟླས་ཤིག་བརྩམས་པའི་རྐྱེན་གྱིས་རང་གི་སྐུ་དཔལ་མགོན་མ་ནིང་གི་རྣམ་པར་སྐད་ཅིག་ལ་སོང་། དེ་ཡོངས་སུ་གྱུར་པ་ལས་ཀུན་ཐུབ་རྒྱལ་མོ་སྐུ་མི་ཚད་ལས་ལྷག་པ་ཞིག་ཏུ་བཞེངས། དགུགས་བསྟིམ་གྱི་ཏིང་ངེ་འཛིན་རེ་མཛད་པས། དམ་སྲི་གཅན་གཟན་དང་ཀླུ་ནོར་འདབ་ཆགས་ཤ་ཟན་འཇིགས་རུང་གི་མགོ་ཅན་གྲངས་མེད་པ་འདུས་ཏེ་ལིང་གཟུགས་རྣམས་ལ་ཞུགས། དེའི་མདོ་ལ་དེ་དག་རེ་རེ་ཞིང་གཟུགས་ཆེན་པོ་སྲོག་དང་བཅས་པར་གྱུར་བ། མཐར་གྱིས་མཚོན་ཆ་སྣ་ཚོགས་ཀྱིས་བསྒྲལ། ཁྲག་གི་རྒྱུན་འོ་ཆུ་ལྟར་བབས། ཤ་ཁྲག་དྭངས་སྙིགས་མེད་པར་གསོལ་ཏེ་སླར་ལྡང་བའི་གོ་སྐབས་བཅོམ། དེ་འདྲ་བ་ཉེར་བཞི་རྫོགས་པ་དང་མན་ལ་སད། སད་སྣང་དུའང་ཁྲག་གི་དྲི་ཚོར་བ་སོགས་བྱུང་སྟེ། དེ་སྐབས་སྲུང་ཟློག་གི་འཁྲུལ་འཁོར་སྐོར་རློམ་མང་ཡང་དོན་དུ་ཀུན་མཁྱེན་བླ་མ་འདི་ཁོ་ནའི་གཞན་ཕན་གྱི་ཐུགས་བསྐྱེད་ལ་ཧེ་རུ་ཀའི་བྱིན་རླབས་སྲོག་ཏུ་ཞུགས་ཟིལ་གྱིས་ནག་ཕྱོགས་གདུག་པའི་ཚ་ངར་ཕྱེད་ཙམ་ཞིག་ཞི་བ་ཡིན་པར་སྣང་ངོ། །དེ་རྗེས་ཉག་དཔོན་མགོན་རྣམ་དགའ་ལྡན་ཕོ་བྲང་པའི་དཔུང་གིས་མཐར་སྐྲོད་བཏང་། རྗེ་འདི་ལས་ཞལ་བཀོད་ནོད་པ་ལྟར་ཕོགས་དཔོན་ཕུན་རབས་སྤྱི་ཁྱབ་དཔོན་དུ་བསྐོས། ད་དུང་ཡང་འཕྲལ་

― TN03_Page_0111 ―

^{[མ་དཔེ་གཟིགས་ན་འདིར་གནོན།]}

(༩༥)ལ་འཚུབ་འགྱུར་ཞིག་འོང་བར་ལུང་བསྟན་སྩལ་བ་བཞིན། སླར་ཉག་རོང་པ་རྣམས་ངོ་ལོག་ནས་རི་ནང་འབྲུག་རྫོང་གི་མཐའ་ཉིན་ཞག་མང་པོར་དམག་གིས་བསྐོར་ཏེ་བརྒལ་བས་རྫོང་སྡོད་རྣམས་རྔ་ཐོག་ཏུ་སྲན་མ་ལྷུང་བ་ལྟར་བག་མི་ཕེབས་པར་གནས་པའི་ཚེ་རྗེ་འདིས་རྒྱལ་ཁམས་བདེ་བའི་མཐུན་གྲོགས་ལ་རྣམ་སྲས་རྟ་སྔོན་ཅན་གྱི་བསྐུལ་བ་མཛད་པས། ནུབ་གཅིག་སྤྱི་ཁྱབ་དཔོན་གྱི་རྨི་ལམ་དུ། རི་ནང་གི་མདུན་རི་སྤང་འབུར་རྩེར་མི་ནག་པོ་མདུང་དར་ཐོགས་པ་ཤིང་སཱ་ལའི་སྡོང་པོ་བས་བོད་མཐོ་ཞིང་འཇིགས་སུ་རུང་བ་ཞིག་མདུང་རྟིང་ས་ལ་ལན་གསུམ་རྡེག་པའི་མོད་འཛམ་གླིང་གི་ས་གཞི་གཡོ་སྙམ་བྱེད་ཅིང་། ཀྭའི་ཕུན་རབ་པ་ཁྱོད་མ་འཇིགས་ཤིག ངེད་རང་སྡེ་དགེ་དགོན་ཆེན་ནས་འཇམ་དབྱངས་མཁྱེན་བརྩེས་བཏང་བ་ཡིན་ནོ་ཞེས་གསང་མཐོར་སྒྲོག་པའི་དང་ལ་གཉིད་སད། དེར་ཞག་གསུམ་ནས་ཉག་སྡེ་རྣམས་ཀྱིས་བཟོད་གསོལ་དང་བཅས་མགོ་ཚུར་བཏགས་བྱུང་བ་ཡིན་སྐད། སངས་རྒྱས་ཀྱི་ཕྲིན་ལས་པ་རྣམས་ཀྱི་ཐུ་བོ་འདི་ལ་ཀླ་ཀློའི་སྲུང་མ་རྣམས་རང་གི་རྒུད་པ་མི་ཟད་པ་ལྟ་བུར་མཐོང་སྟེ་ལྷག་པར་སྡང་བའི་ཕྱིར་ལན་གཅིག་ཀླ་ཀློའི་ཞགས་པ་བྱུང་ཟེར་ནས་དྲུ་གུ་འདྲ་བ་ཞིག་བབས་ཏེ་སྐུ་ལུས་བཅིངས། དགུ་ཚིགས་ཀྱི་ངོས་ཤིག་ལ་བསྡམས་སོང་བར། ནག་པོ་ཆེན་པོ་ཕྱག་བཞི་པ་

― TN03_Page_0112 ―

^{[མ་དཔེ་གཟིགས་ན་འདིར་གནོན།]}

(༩༦)འོང་ནས་གྲི་གུག་བསྣུན་པས་བྱད་ཐག་དུམ་བུར་སོང་། གནམ་དཔག་ཚད་སྟོང་ཕྲག་དུ་མའི་སྟེང་ནས་ཛམ་བུའི་གླིང་གི་ས་ལ་ལྷུང་བར་རྩོམ་པ་ན། དམ་ཅན་རྡོ་རྗེ་ལེགས་པས་ས་ལྟར་ཡངས་པའི་ཐུ་བ་བཟེད་དེ། མགོན་ཆེན་སྡེ་བཞི་འདྲ་པོ་མ་གཏོགས། བདག་འདྲས་གཏོར་མ་ཙམ་ཡང་ཐོབ་མ་མྱོང་སྟེ། འདི་ལྟ་བུའི་གནས་སྐབས་ན་ང་ཡང་དགོས་དགོས་འདྲ་ཟེར་ནས་ཉེ་ཞོ་མེད་པར་བླངས་པའི་མནལ་ལྟས་ཤར། བདེ་ཆེན་པདྨ་ཤལ་ཕུག་ཏུ་གཏེར་གསར་ཐུགས་སྒྲུབ་ཀྱི་ཚོགས་སྐོང་མཛད་དུས་ཁྲོམ་མང་དུ་འདུས་པ་ལ་དབང་ཞིག་མཛད་པར་དགོངས་པའི་ཚེ། དམ་ཅན་དངོས་སུ་འོངས་ནས། འདིར་མི་ཉི་ཤུ་ལས་མང་བ་འཛུད་མི་ཉན་ཞུས་པས་ཁྲོམ་དབང་རྒྱབ་ཏུ་མཛད། པདྨ་ཤེལ་རིར་བཞུགས་དུས་ཕྱི་དྲོ་ཞིག་ལ། ད་ལྟ་འོག་གི་ཕ་བོང་འགྲམ་འདིར་རྡོ་རྗེ་ལེགས་པ་བྱུང་ནས་གཡས་ཀྱི་རྡོ་རྗེས་ཡར་གྱི་བྲག་ལ་བསྟན། མིག་ཟུར་གྱིས་མར་གྱི་སྒྲུབ་ཕུག་འདི་ལ་བལྟས་སོང་བས་འདི་གཉིས་ལ་གཏེར་ཁ་རེ་རེ་ཡོད་པར་འདུག་གསུངས་ཏེ། ཕྱིར་ཉིན་བྲག་གཉིས་པོ་ནས་གཏེར་རེ་རེ་བཞེས། ཟླ་གམ་དབང་ཕུག་ཏུ་བཞུགས་སྐབས། ཁྱབ་བདག་བློ་གྲོས་མཐའ་ཡས་པས་དཔལ་སྤུངས་རི་ཁྲོད་ཀྱི་རྟེན་གཙོ་གསར་བཞེངས་མཛད་པའི་ནང་དུ་གཞུག་རྒྱུའི་བྱིན་རྟེན་ཁྱད་འཕགས་ཤིག་དགོས་ཞུས་པར། རྡོ་རྗེ་གཡུ་སྒྲོན་མ་ལ་ཕྲིན་ལས་བཅོལ་

― TN03_Page_0113 ―

^{[མ་དཔེ་གཟིགས་ན་འདིར་གནོན།]}

(༩༧)བས་དེས་རིན་པོ་ཆེ་ཨསྨ་གྷ་ལས་གྲུབ་པའི་རྡོ་རྗེ་སེམས་དཔའི་སྐུ་གཟུགས་ཁྱད་པར་ཅན་དངོས་སུ་ཕུལ། བྱང་ཆུབ་གླིང་པའི་ཟབ་གཏེར་ཀུན་བཟང་ཐུགས་གཏེར་འཁོར་འདས་རང་གྲོལ་གྱི་ཆོས་རྒྱུན་གསོས་སྐབས། ཇོ་མོ་རྒྱ་གར་མ་ཤིང་ལོའི་གོས་ཅན་མནལ་ལམ་དུ་འོངས་ནས། དགའ་རྟགས་འབྲས་ཀྱི་སྙེ་མ་ཞིག་དང་། དེའི་ཕྱི་ནུབ་ཀྱི་མཚན་ཐོག་ཐག་བསྙེན་བཀུར་ཞབས་ཏོག་ཕུལ་བ་སོགས་སྲུང་མའི་དབང་པོ་རྣམས་བྲན་བཞིན་རྟག་ཏུ་གནས་པས་ཕྲིན་ལས་ཐམས་ཅད་ཤུགས་འབྱུང་དུ་འགྲུབ། དེ་ལྟ་བུའི་རྣམ་པར་ཐར་པ་རྣམས་རྗེ་རང་ཉིད་ཀྱིས་མགུར་དུ་བཞེངས་པའང་སྣང་སྟེ། ཨ་ཧོ། དྲན་པས་གདུང་སེལ་ཁྱབ་བདག་གི་བླ་མ། །ཡེ་ཤེས་སྐུ་ཅན་སྙིང་དབུས་སུ་བཞུགས་ནས། །འབྲེལ་ཚད་རྣམ་གྲོལ་གོ་འཕང་ལ་སྦྱོར་བའི། །བྱིན་རླབས་ཟབ་མོ་མངོན་སུམ་དུ་སྩོལ་ཅིག །སྔོན་སྨོན་དཀར་པོའི་ཉེ་རྒྱུ་ལ་བརྟེན་ནས། མ་བསྒྲུབས་ཡི་དམ་ལྷ་ཞལ་དང་མཇལ་བ། བསོད་ཟད་འདྲེ་མཐོང་མཁན་པོ་ནི་མ་ལགས། །མངོན་སུམ་བྱིན་རླབས་ཐོབ་པ་འདི་དགའ་ཡོ། །མཚོ་སྐྱེས་བླ་མའི་ཐུགས་རྗེ་ལ་བརྟེན་ནས། །མ་འབད་ཆོས་ཀྱི་མཛོད་ཆེན་དུ་གྱུར་པ། །ས་རྐོ་རྡོ་རློག་རྫུན་རིབ་ནི་མ་ལགས། །སྤོབས་པའི་གཏེར་ཆེན་གྲོལ་བ་འདི་དགའ་ཡོ། །དྭངས་མ་ལས་རུང་གཟི་བརྗིད་ལ་བརྟེན་ནས། །མ་བོས་ཞིང་སྐྱེས་ཕོ་

― TN03_Page_0114 ―

^{[མ་དཔེ་གཟིགས་ན་འདིར་གནོན།]}

(༩༨)ཉ་རྣམས་འདུ་བ། །ལས་ངན་མུ་གེ་རྐུབ་འཕེལ་ནི་མ་ལགས། །བདེ་སྟོང་བརྟུལ་ཞུགས་གྲུབ་པ་འདི་དགའ་ཡོ། །རྩ་རླུང་དྭངས་པའི་རྟེན་འབྲེལ་ལ་བརྟེན་ནས། །གསལ་སྣང་མེ་ལོང་གཟུགས་བརྙན་བཞིན་ཤར་བ། །མི་ཆོས་བླ་མའི་མགོ་སྐོར་ནི་མ་ལགས། །གང་སྨྲས་ཐོག་ཏུ་ཕེབས་པ་འདི་དགའ་ཡོ། །གནས་ལུགས་གཉུག་མའི་གསེང་ལམ་ལ་བརྟེན་ནས། །མ་བསྒོམ་དོན་དམ་མངོན་སུམ་དུ་གྱུར་པ། །ང་རྒྱལ་སྒོམ་ཆེན་རྒན་པོ་ནི་མ་ལགས། །རེ་དོགས་རྩད་ནས་ཟད་པ་འདི་དགའ་ཡོ། །བརྒྱུད་ལྡན་དམ་པའི་གཞུང་བཟང་ལ་བརྟེན་ནས། མ་འབད་གྲུབ་པའི་ངེས་གསང་ཀུན་མཐོང་བ། །རྩལ་བཤད་རྟོག་གེའི་ཚིག་སྐམ་ནི་མ་ལགས། །དོན་གྱི་དགོངས་ཟབ་རྟོགས་པ་འདི་དགའ་ཡོ། །རྩ་གསུམ་བྱིན་རླབས་སྙིང་དབུས་སུ་བཞུགས་པས། །མ་བརྩམས་ལས་བཞི་ཐོགས་མེད་དུ་གྲུབ་པ། །རྔ་གོག་ཟད་ཟད་སྡུག་ཡུས་ནི་མ་ལགས། །རང་གཞན་ཕན་བདེར་སྦྱོར་བ་འདི་དགའ་ཡོ། །སྔོན་བསགས་བསོད་ནམས་འཕེན་ཤུགས་ལ་བརྟེན་ནས། །མ་བསྡུས་ཟང་ཟིང་སྤྲིན་བཞིན་དུ་འདུ་བ། །བརྒྱ་བཤིག་སྟོང་བསྒུགས་བསེ་རག་ནི་མ་ལགས། །འཕྲལ་བྱུང་འཕྲལ་དགའ་མཆོད་སྦྱིན་འདི་དགའ་ཡོ། །གཞན་ཕན་བཟང་པོའི་ལེགས་སྨོན་ལ་བརྟེན་ནས། །མ་བསྐུལ་ཁྲོམ་ཚོགས་ལང་ལོང་དུ་འུར་བ། ཁྱི་རྒན་ལྷག་སྡུད་སློང་མཁན་ནི་མ་ལགས། །འབྲེལ་ཚད་དོན་

― TN03_Page_0115 ―

^{[མ་དཔེ་གཟིགས་ན་འདིར་གནོན།]}

(༩༩)དང་ལྡན་པ་འདི་དགའ་ཡོ། །སྣང་བ་དབང་འདུས་རྟེན་འབྲེལ་ལ་བརྟེན་ནས། །མ་བསྟུན་བླ་དཔོན་དྲེགས་ལྡན་ཀུན་འདུད་པ། །ཅི་རག་ངོ་སྲུང་ཡི་དྭགས་ནི་མ་ལགས། །ཀུན་ལ་ཞེན་མེད་ཧུར་སྤྱོད་འདི་དགའ་ཡོ། །ལྷག་བསམ་དཀར་པོའི་རྟེན་འབྲེལ་ལ་བརྟེན་ནས། །མ་བཤད་མོས་ལྡན་ཐར་ལམ་དུ་འཁྲིད་པ། །སྐྱིད་སྡུག་སྒོས་ཁུར་ཚོགས་དཔོན་ནི་མ་ལགས། །གཞན་རྒྱུད་ངང་གིས་འགྱུར་བ་འདི་དགའ་ཡོ། །ཉེ་འཁོན་མེད་པའི་རྟེན་འབྱུང་ལ་བརྟེན་ནས། །མ་རྩོལ་བསྟན་པ་རིས་མེད་དུ་སྤེལ་བ། །རེ་བས་བསྒྲིབས་པའི་ལས་ཐབས་ནི་མ་ལགས། །ཕྱོགས་མེད་རིས་མེད་བློ་བདེ་འདི་དགའ་ཡོ། །ཡོངས་ལ་སྙིང་བརྩེའི་གཞན་དབང་ལ་བརྟེན་ནས། །མ་ཆགས་མི་འཁོན་ཐམས་ཅད་དང་མཛའ་བ། །ངོ་སྲུང་མཐུན་འཇུག་བསླུ་བྲིད་ནི་མ་ལགས། །རྒྱལ་ཁམས་གཅེས་ཕྲུག་གཞོན་ནུ་འདི་དགའ་ཡོ། །གང་ལ་བལྟས་ཀྱང་སྐྱོ་ཤས་དང་ངེས་འབྱུང་། མ་བཅོས་སྙིང་ནས་ལམ་ལམ་དུ་འཆར་བ། །རྟོགས་ལྡན་གསར་པའི་ཙབ་ཙུབ་ནི་མ་ལགས། །མངོན་ཞེན་གཏིང་ནས་ཐོངས་པ་འདི་དགའ་ཡོ། །ཆོས་འགལ་བྱ་བ་རླབས་ཆེན་གྱི་བདུད་ལས། །མ་སྤང་རང་བཞིན་ཤུགས་འབྱུང་གིས་དག་པ། །དགེ་སློང་གཞོན་ནུའི་ཚུལ་འཆོས་ནི་མ་ལགས། །ཆོས་དང་ཞུ་དག་ཕེར་བ་འདི་དགའ་ཡོ། །བླ་མ་ལྷ་ཡི་བྱིན་རླབས་ལ་བརྟེན་ནས། །མ་བཏུལ་རང་རྒྱུད་ཕྱོགས་མེད་དུ་གྲོལ་བ། །སྔགས་པ་རྒན་པོའི་རྦད་ཁམས་ནི་མ་ལགས། །ཤི་ཡང་འགྱོད་པ་མེད་པ་འདི་དགའ་ཡོ། །དགའ་བ་བཅུ་དྲུག་སྙེ་མ་དང་འགྲོགས་ནས། །དྲང་

― TN03_Page_0116 ―

^{[མ་དཔེ་གཟིགས་ན་འདིར་གནོན།]}

(༡༠༠)སྲོང་དྲེགས་པའི་ངག་ཚིག་གི་གླིང་བུ། །རེ་དོགས་མེད་པར་ཐོལ་བྱུང་དུ་སྦྲེངས་པས། །འབྲེལ་ཚད་དོན་ལྡན་དགེ་ལེགས་སུ་གྱུར་ཅིག །ཅེས་བཀའ་སྩལ་ཏོ། །སྲིད་ན་གནས་ཀྱང་དེ་ཡི་ཉེས་པའི་རྡུལ། །ཆགས་པའི་གནས་མེད་ཀུན་དགའི་རོལ་རྩེད་ཅན། །ཚུལ་འདིས་བརྟན་རྣམས་འཇིག་རྟེན་དབང་ཕྱུག་གི །ཕྱག་ཡངས་པདྨས་བརྒྱན་པ་བཞིན་དུ་མཛེས། །སྤོང་ཀློག་ལས་གསུམ་དབྱར་གྱི་ཕུན་ཚོགས་བཞིན། །ཕན་ཚུན་མི་འདྲའི་ངོ་མཚར་བརྒྱས་གང་ཞིང་། །ཀུན་ཀྱང་འགལ་མེད་གྲོགས་སུ་སོང་བའི་ཚུལ། །འདི་འདྲའི་གནས་ལ་དཔྱོད་ཤེས་སུ་མི་དད། །བསྡུ་བའི་ཚིགས་སུ་བཅད་པའོ། །དེ་དག་གིས་ནི་དང་པོར་རྣམ་སྨིན་གྱི་ཡོན་ཏན་བརྒྱད་དང་ལྡན་པའི་རྟེན་ཇི་ལྟར་བཞེས་ཚུལ། དེ་ནས་རྟེན་དེ་ལ་དགེ་བའི་བཤེས་གཉེན་ཚུལ་བཞིན་དུ་བརྟེན་ཏེ་ཐོས་པའི་གྲུ་བོ་ཆེས་ལུང་གི་བསྟན་པ་རྒྱ་མཚོ་ལྟ་བུའི་ཕ་རོལ་ཏུ་སོན་ཚུལ། དེའི་འོག་ཏུ་བསམ་སྒོམ་གྱི་མཁྱེན་རབ་རྨད་དུ་བྱུང་བའི་རྩལ་གྱིས་ཐུན་མོང་དང་ཐུན་མོང་མ་ཡིན་པའི་རྟོགས་པའི་བསྟན་པ་ལ་མངའ་བརྙེས་ཚུལ། མཐར་གཏིང་དཔག་དཀའ་བའི་ཐབས་མཁས་ཀྱི་འཇུག་པ་བསམ་གྱིས་མི་ཁྱབ་པས་འགྲོ་བའི་དོན་མཛད་ཚུལ་ཏེ་རྒྱལ་བས་བསྔགས་པའི་རྣམ་ཐར་གྱི་རྩལ་བཞི་པོ་འདི་བརྗོད་པ་ཡིན་ལ། དེ་དག་གི་ཁོངས་སུ་ཐེག་པ་ཆེན་པོའི་དགེ་བའི་བཤེས་གཉེན་གྱི་མཚན་ཉིད་རྣམས་ཀྱང་ཚང་བར་བསྙད་དེ། མཚན་ཉིད་དེ་དག་

― TN03_Page_0117 ―

^{[མ་དཔེ་གཟིགས་ན་འདིར་གནོན།]}

(༡༠༡)ཀྱང་གང་ཞེ་ན། འདི་ལ་མདོ་བསྟན་བཅོས་ནས་མང་དུ་གསུངས་ཀྱང་། རེ་ཞིག་མདོ་སྡེ་རྒྱན་ལས་གསུངས་པ་འདི་དོན་གསལ་ཞིང་རྒྱས་པས། དེ་དང་སྦྱོར་ན། བཤེས་གཉེན་དུལ་བ་ཞི་བ་ཉེར་ཞི་བ། །ཡོན་ཏན་ལྷག་པ་བརྩོན་བཅས་ལུང་གིས་ཕྱུག །དེ་ཉིད་རབ་ཏུ་རྟོགས་པ་སྨྲ་མཁས་ལྡན། །བརྩེ་བའི་བདག་ཉིད་སྐྱོ་ངལ་སྤངས་ལ་བསྟེན། །ཞེས་གསུངས་ཏེ། དེ་ལ་དུལ་བ་ནི་ཚུལ་ཁྲིམས་ཀྱི་བསླབ་པས་ཐུགས་སྦྱངས་པ་ལ་བྱེད་པས། དེ་ནི་སྔར་སོ་བྱང་གི་སྡོམ་པ་བཞེས་ཚུལ་དང་། བྱང་ཆུབ་ཀྱི་སེམས་གཉིས་སྦྱངས་པར་བཤད་པའི་ནང་ནས་འཇུག་སེམས་སྦྱངས་པ་དང་། སྐབས་ཕྱི་མར་བསྙེན་རྫོགས་ཀྱི་བསླབ་པ་ལ་གཅེས་སྤྲས་མཛད་ཚུལ་བརྗོད་པ་རྣམས་ཀྱིས་མཚོན་ཞི་བ་དང་། ཉེ་བར་ཞི་བ་ནི་གོ་རིམ་བཞིན་དུ་ཏིང་ངེ་འཛིན་དང་ཤེས་རབ་ཀྱི་བསླབ་པས་ཐུགས་རྒྱུད་བཏུལ་བ་ལ་བྱེད་དེ། དེ་ནི་བྱང་ཆུབ་སེམས་གཉིས་ལ་ཐུགས་སྦྱངས་པར་བསྟན་པའི་ནང་ཚན། དོན་དམ་སེམས་བསྐྱེད་སྦྱངས་པས་བསྡུས་ཏེ། བྱང་ཆུབ་སེམས་དཔས་ཞི་ལྷག་ཟུང་འབྲེལ་གྱི་སྦྱོང་བས་དེ་ཁོ་ན་ཉིད་སྒོམ་པ་ལ་དོན་དེས་སེམས་བསྐྱེད་ཉམས་སུ་ལེན་པར་འཇོག་པས་སོ། །ལུང་གིས་ཕྱུག་པ་ནི་ཐེག་ཆེན་གྱི་གསུང་རབ་རིས་སུ་མ་ཆད་པ་རྣམས་ལ་ལེགས་པར་སྦྱངས་པས་གདམས་ངག་སྟོང་གི་གླེགས་བམ་དུ་གྱུར་ཚུལ་ཇི་སྐད་བརྗོད་པ་རྣམས་ཀྱིས་བསྟན། དེ་ཁོ་ན་ཉིད་གཟིགས་པ་

― TN03_Page_0118 ―

^{[མ་དཔེ་གཟིགས་ན་འདིར་གནོན།]}

(༡༠༢)ནི་ཟབ་མོ་དབུ་མའི་གཞུང་དོན་ལ་བློ་གྲོས་ཀྱི་སྣང་བ་ཐོབ་པར་བརྗོད་པ་དེས་བསྟན། ཡོན་ཏན་ལྷག་པ་ནི་སྙིགས་མའི་མཐའ་འདིར་གྲགས་ལྡན་གྱི་ཆེན་པོ་རྣམས་ཀྱི་ནང་ན་ཡང་སྐྱེས་བུ་དམ་པ་འདི་ལྟ་བུ་འབྱོན་པར་དཀའ་ཚུལ་དངོས་ཤུགས་ཅི་རིགས་སུ་བསྟན་པས་མཚོན། སྨྲ་མཁས་པ་དང་ལྡན་པ་ནི་ཆོས་སྟོན་པའི་རྒྱུན་དང་ལྡན་ཚུལ་རྣམས་ཀྱིས་བཤད། བརྩེ་བའི་བདག་ཉིད་ནི་ཅི་མཛད་གཞན་ཕན་དུ་འཇུག་ཚུལ་དང་། དམན་ལ་ལྷག་པར་བརྩེ་བ། གདུལ་བྱའི་ལོག་སྒྲུབ་བཟོད་ཚུལ་རྣམས་ཀྱིས་འཕངས་ཏེ་བསྟན། དེའི་སྔ་མས་གཞན་ཕན་ལ་སྤྲོ་བ་ཆེ་བའི་བརྩོན་བཅས་ཀྱང་འཕེན། སྐྱོ་ངལ་སྤངས་པ་ནི་ཆོས་འཆད་པ་ལ་སྐྱོ་དུབ་མེད་ཚུལ་བཤད་པས་སྟོན་ཏེ། དང་པོ་དྲུག་གིས་རང་རྒྱུད་ཕྱོགས་མེད་དུ་གྲོལ་ཚུལ་དང་། ཕྱི་མ་བཞིས་དེ་ཉིད་སེམས་ཅན་ཐམས་ཅད་ཀྱི་གྲོགས་སུ་གཏོར་ཚུལ་བརྗོད་པ་ཡིན་ནོ། ཁྱད་པར་དུ་གསང་སྔགས་སྟོན་པའི་སློབ་དཔོན་གྱི་མཚན་ཉིད་ལ། རྒྱུད་སྡེ་ཕྱི་ནང་དང་། ནང་པའི་ཡང་རྒྱུད་སྡེ་སོ་སོར་ཆེས་མང་དུ་གསུངས་མོད། གསང་སྔགས་ཀྱི་བླ་མ་བསྟེན་ཚུལ་སྤྱིའི་གཞུང་བླ་མ་ལྔ་བཅུ་པ་ལས་གསུངས་པ་ནི། བརྟན་ཅིང་དུལ་ལ་བློ་གྲོས་ལྡན། །བཟོད་ལྡན་དྲང་ལ་གཡོ་སྒྱུ་མེད། །སྔགས་དང་རྒྱུད་ཀྱི་སྦྱོར་བ་ཤེས། །སྙིང་བརྩེར་ལྡན་ཞིང་བསྟན་བཅོས་མཁས། །དེ་ཉིད་བཅུ་ནི་ཡོངས་སུ་ཤེས། །དཀྱིལ་འཁོར་འདྲི་བའི་ལས་ལ་མཁས། །སྔགས་བཤད་པ་ཡི་

― TN03_Page_0119 ―

^{[མ་དཔེ་གཟིགས་ན་འདིར་གནོན།]}

(༡༠༣)སྦྱོར་བ་ཤེས། །རབ་ཏུ་དང་ཞིང་དབང་པོ་དུལ། །ཞེས་པ་སྟེ། འདི་དག་ནི་འགྲེལ་ཆེན་དྲི་མེད་འོད་དུའང་དྲངས་སོ། །དེ་ལ་བརྟན་པ་ནི་ལུས་ཀྱི་ཉེས་སྤྱོད་བསྡམས་པ་དང་། དུལ་བ་ནི་ངག་གི་ཉེས་སྤྱོད་བསྡམས་པ་སྟེ། དེ་གཉིས་ནི་གོང་དུ་སྐུ་གསུང་གི་མཛད་སྤྱོད་ཡོངས་སུ་དག་ཚུལ་ཉུག་ཙམ་སྨོས་པས་བརྗོད། བློ་གྲོས་ལྡན་པ་ནི། སྐྱེས་སྦྱངས་ཀྱི་མཁྱེན་རབ་ཕུལ་དུ་བྱུང་ཚུལ་རྣམས་ཀྱིས་བཤད། །བཟོད་ལྡན་ནི་གཞན་གྱིས་ལོག་སྒྲུབ་བཟོད་ཅིང་ཟབ་མོའི་ལྟ་བ་རྙེད་ཚུལ་བསྟན། དྲང་བ་སྟེ་ལྷག་བསམ་བཟང་བ་ནི་བཀའ་བཙན་ཚུལ་བརྗོད་པའི་སྐབས་སུ་ཐུགས་དགོངས་དྲང་བར་བསྟན་པ་དེས་ཟིན། གཡོ་སྒྱུ་མེད་པ་ནི་གསང་བ་སྲུང་བ་ལ་ཐུགས་སྒམ་པར་བསྟན་པས་མཚོན་ཏེ། རང་གི་ཡོན་ཏན་རྣམ་པར་དག་པ་རྣམས་ཀྱང་གཏེར་བཞིན་དུ་མི་མངོན་པར་མཛད་ན། ཡོན་ཏན་མེད་བཞིན་དུ་ཡོད་རྫུ་དང་། སྐྱོན་ཡོད་པ་ཟོལ་གྱིས་སྒྲིབ་པའི་སྐབས་མེད་པའི་ཕྱིར་རོ། །གཡོ་སྒྱུ་རྙེད་བཀུར་ལ་ཆགས་པས་འདྲེན་པར་བཤད་པས་ཞེན་མེད་ཀྱི་ཀུན་སྤངས་ཆེན་པོར་བཞུགས་ཚུལ་རྣམས་ཀྱིས་ཀྱང་སྟོན་ནོ། །བློ་ལྡན་ནས་འདིའི་བར་ཡིད་བསྡམས་པ་ཡིན་ཞིང་། ལུས་ངག་ཡིད་གསུམ་བསྡམ་ཚུལ་གྱི་གཙོ་བོ་ནི་སྐབས་གསུམ་པར་རྡོ་རྗེ་ཐེག་པའི་དམ་ཚིག་ལ་གཅེས་ནོར་ལྟར་གཟིགས་པར་བསྟན་པ་དེ་ཡིན་ནོ། །འདི་ཡན་ཆད་གྱིས་རྟོགས་བརྗོད་རྣམས་སུ་སྒོ་

― TN03_Page_0120 ―

^{[མ་དཔེ་གཟིགས་ན་འདིར་གནོན།]}

(༡༠༤)གསུམ་བསྡམས་པ་དེ་ཉིད་ལ་དབང་སྒྱུར་ཐོབ་ཚུལ་ཡང་བསྡུ་ཡོད་པས་འོག་ནས་འབྱུང་བའི་དབང་པོ་དུལ་བའང་ཚང་། སྔགས་དང་རྒྱུད་ཀྱི་སྦྱོར་བ་ཞེས་པའི་རྒྱུད་ཀྱི་སྦྱོར་བ་ནི་སྨན་སྦྱོར་གྱི་བྱ་བ་ལ་གསུངས་ཏེ། སྔགས་དང་རྫས་ཀྱི་སྒོ་ནས་བགེགས་ཟློག་པ་སོགས་ཤེས་པའོ། །དེ་ནི་འཆད་འགྱུར་གྱི་དེ་ཉིད་བཅུ་སྟོན་བྱེད་དང་ཚིག་གི་རིམ་པ་གཅིག་གོ །སྙིང་བརྩེར་ལྡན་པ་ནི་གོང་སྨོས་བརྩེ་བའི་བདག་ཉིད་དང་གཉིས་ལ། ཐེག་ཆེན་གྱི་བླ་མ་སྤྱིའི་མཚན་ཉིད་དང་། བྱེ་བྲག་ཏུ་རྡོ་རྗེ་སློབ་དཔོན་གྱི་མཚན་ཉིད་དུ་འགྲོ་བའི་ཆ་ཐ་དད་པ་མ་གཏོགས། ངོ་བོའི་བྱེད་པར་གཞན་མེད་པས་འཆད་བྱེད་ཀྱི་ཟུར་དུ་མ་བཀོད། བསྟན་བཅོས་ལ་མཁས་པ་ནི་བཅུ་ཕྲག་རིག་པའི་གཞུང་ལུགས་ལ་ནང་བྱན་ཆུད་ཚུལ་བཤད་པས་ཟིན། དེ་ཉིད་བཅུ་ཤེས་ཞེས་པའི་དེ་ཉིད་བཅུ་ལ་རྒྱུད་སྡེ་འོག་མའི་རྡོ་རྗེ་སློབ་དཔོན་གྱིས་མཁས་པར་བྱ་དགོས་པ་དང་། བླ་མེད་རྒྱུད་ཀྱི་སློབ་དཔོན་གྱིས་བྱེ་བྲག་ཏུ་སློབ་དགོས་པའི་དེ་ཉིད་བཅུ་ཚན་གཉིས་ལས། དང་པོ། དཀྱིལ་འཁོར། ཏིང་འཛིན། ཕྱག་རྒྱ། སྟངས་སྟབས། འདུག་སྟངས། བཟླས་བརྗོད། སྦྱིན་སྲེག །མཆོད་པ། ལས་སྦྱོར། གཤེགས་གསོལ་ཏེ་བཅུ་དང་། ཕྱི་མ་བསྒོམ་པ་དང་བྲིས་པའི་སྲུང་འཁོར་གྱིས་བགེགས་ཟློག་པ། གསང་ཤེར་གཉིས་ཀྱིས་མཚོན་པའི་དབང་བཞི། དགྲ་ཁ་སྦྱོར་དབྱེ་བ། གཏོར་མ། རྡོར་བཟླས་མཚོན་བྱེད་དུ་བྱས་པའི་བཟླས་པ་སྒོ་མང་པོ། ལྷ་ལ་དྲག་ཤུལ་སྒྲུབ་པ།

― TN03_Page_0121 ―

^{[མ་དཔེ་གཟིགས་ན་འདིར་གནོན།]}

(༡༠༥)རབ་གནས། དཀྱིལ་འཁོར་སྒྲུབ་པ་སྟེ་བཅུ། དེ་ཐམས་ཅད་ལ་མཁས་པ་ནི་རྒྱུད། སྒྲུབ་ཐབས། ལེ་ལག་མན་ངག །ལག་ལེན་དང་བཅས་པ་ཕྱོགས་ལྷུང་མེད་པར་མཁྱེན་རབ་གཟོ་ཚུལ་གྱིས་བསྙད། ཚིག་གི་རིམ་པ་དེ་ཉིད་ཀྱིས་དཀྱིལ་འཁོར་འདྲི་བའི་ལས་ལ་མཁས་པ་ཡང་བསྟན། སྔགས་བཤད་པའི་སྦྱོར་བ་ཤེས་པ་སྟེ་གསང་སྔགས་འཆད་མཁས་པ་ནི། དཔའ་བོ་མཁའ་འགྲོའི་གསང་མཛོད་ལ་དབང་བསྒྱུར་བའི་སྟོབས་ཀྱིས་གསང་སྔགས་སྨྲ་བའི་ཁྱུ་མཆོག་ཏུ་གྱུར་ཚུལ་ཕྱི་མས་དངོས་སུ་ཟིན། རབ་ཏུ་དང་བསྟེ་ཐེག་ཆེན་ཐུན་མོང་མ་ཡིན་པའི་ཚུལ་རྣམས་ལ་དད་པ་མི་ཕྱེད་པ་ནི། ཆོས་ཚུལ་དེ་དག་ལ་བརྩོན་པ་དྲག་པོས་བྱ་བ་མཛད་ཚུལ་རྣམས་ཀྱིས་འཕེན་ཏེ། བརྩོན་འགྲུས་དད་པའི་རྩ་བ་ཅན་ཡིན་པར་ཤིང་རྟ་ཆེན་པོས་གསུངས་པའི་ཕྱིར་རོ། །གཞུང་དེ་དང་དུས་འཁོར་བསྡུས་རྒྱུད་སོགས་ཀྱི་བླ་མར་མི་རུང་བའི་མཚན་ཉིད་སྟོན་པའི་སྐབས་ལས་བཟློག་པའི་དོན་ལ་ཡོ་བྱད་ལ་སེར་སྣའི་ཀུན་འཛིན་བྲལ་བའང་ཡོད་པས། དེ་ནི་ནོར་གང་བྱུང་ཚོགས་བསགས་སུ་བཏང་བའི་ཚུལ་དང་སྦྱར་རོ། །གཞན་ཡང་རྡོ་རྗེ་གུར་ལས། ཉན་ཐོས་སྤྱོད་པ་སྐྱོང་བྱེད་ཅིང་། །སྔགས་ཀྱི་ཐེག་པའི་རིམ་པར་གུས། །གཟུགས་ལྡན་མཐོང་ན་དགའ་བ་དང་། དཀྱིལ་འཁོར་འདྲི་མཁས་བཟླས་པར་ལྡན། །ཞེས་གསུངས་པའི་དང་པོ་ནི་སྤྱོད་པ་དམ་པའི་ཆོས་འདུལ་བ་དང་བསྟུན་ཚུལ་བཤད་པ་དེས་བསྟན། དུས་ཀྱི་

― TN03_Page_0122 ―

^{[མ་དཔེ་གཟིགས་ན་འདིར་གནོན།]}

(༡༠༦)འཁོར་ལོར་བཤད་མ་ཐག་པའི་མཚན་ཉིད་དང་ལྡན་པའི་སློབ་དཔོན་ལ་དགེ་སློང་། དགེ་ཚུལ། ཁྱིམ་པ་སྟེ་གསུམ་ལས། དང་པོ་རབ། དེ་ནས་རིམ་བཞིན་འབྲིང་དང་ཐ་མར་གསུམ་པ་ལ་སྦྱར་ནའང་། མགོན་པོ་འདི་རྡོ་རྗེ་འཛིན་པ་རབ་ཏུ་འགྱུར་ཏེ་དེའི་ཚིག་འཛིན་ཤིན་ཏུ་སླ། སྔགས་ཀྱི་ཐེག་པའི་རིམ་པར་གུས་པ་ནི་རབ་ཏུ་དང་བའི་ཐད་དུ་འདུ། གཟུགས་ལྡན་མཐོང་ན་དགའ་བ་ནི་སྐུའི་གཟི་བྱིན་ཐུན་མོང་མ་ཡིན་པར་བརྗོད་པས་བསྟན། དཀྱིལ་འཁོར་འདྲི་མཁས་ཀྱི་དོན་གོང་དུ་བསྡུས་ཟིན། བཟླས་པར་ལྡན་ཚུལ་ལྷག་པའི་ལྷ་མང་པོའི་བསྙེན་པ་མཛད་ཚུལ་གྱིས་བསྟན། དེའང་རབ་འཁོར་ལོ་ཅན་གྱིས་གནང་བ་དང་། མིན་ཡང་དེས་མ་བཀག་པའི་སྒོ་ནས་དཀྱིལ་འཁོར་ཆེན་པོའི་སློབ་དཔོན་དུ་བྱེད་པར་གསུངས་པའི་ནང་ཚན་སྔ་མ་ཟུང་འཇུག་གྲུབ་པ་རྣམས་ཀྱིས་རྗེས་སུ་བཟུང་ལུགས་ཁྱད་པར་ཅན་བསྟན་པས་བསྙད། བདུད་རྩི་འཁྱིལ་བ་འཆི་མེད་ཚེའི་རྒྱུད་ལས། དངོས་གྲུབ་ཀྱིས་གཞན་ལ་ཕན་འདོགས་པའི་སློབ་དཔོན་ལ་མཐུ་བྱིན་ཆེ་ཞིང་དམ་ཅན་ཉེ་བ་སོགས་དགོས་པར་གསུངས་པའང་དངོས་ཟིན་དུ་ཐོབ་པས་མཚོན། དུས་ཀྱི་འཁོར་ལོ་དང་རྫོགས་ཆེན་གྱི་རྒྱུད་སོགས་དུ་མ་དང་སྦྱར་དུ་ཡོད་མོད་ཀྱི། མང་བས་འཇིགས་ནས་མ་སྤྲོས་སོ། །དེ་ལྟ་བུའི་ཡོན་ཏན་རྣམས་རྫོགས་པར་ཚང་བ་མ་རྙེད་ན་ཡོན་ཏན་གྱི་ཕྱོགས་མང་པོ་ཙམ་ཡང་རྡོ་རྗེ་སློབ་དཔོན་དུ་བྱ་རུང་བར་དོན་དམ་བསྙེན་པ་ལས་གསུངས་ཤིང་། དེ་འདྲ་བ་ལ་བསྟེན་པའི་རྒྱུ་མཚན་དུ། རྩོད་ལྡན་དབང་གིས་བླ་མ་སྐྱོན་དང་ཡོན་ཏན་འདྲེས། །རྣམ་པ་ཀུན་ཏུ་སྡིག་པ་མེད་པ་ཡོང་མ་ཡིན། །ཞེས་མཚན་ཉིད་རྫོགས་པའི་བླ་མ་རྙེད་

― TN03_Page_0123 ―

^{[མ་དཔེ་གཟིགས་ན་འདིར་གནོན།]}

(༡༠༧)དཀའ་བ་བཀོད་དོ། །དེ་བཞིན་དུ་ཐེག་ཆེན་སྤྱིའི་བླ་མ་ལའང་སྔར་བཤད་པའི་མཚན་ཉིད་ཐམས་ཅད་ཚང་བ་མ་རྙེད་ན། བྱ་རྒྱུད་དཔུང་བཟང་ལས་སྔགས་གཡོག་ལ་གསུངས་པའི་རིགས་པ་སྦྱར་ཏེ་མཚན་ཉིད་ཇི་སྐད་བཤད་པའི་བརྒྱད་ཆ་ཚང་བས་ཀྱང་རུང་བར་བཀའ་གདམས་པ་ཆེན་པོ་དག་གིས་གསུངས་ཏེ། དེ་ལྟར་ན་བདག་ཉིད་ཆེན་པོ་འདིའི་ཡོན་ཏན་གྱི་ཆ་ཕྲ་མོ་རེ་ཙམ་མངའ་བ་ལའང་ཐེག་མཆོག་དགེ་བའི་བཤེས་གཉེན་དང་། རྡོ་རྗེ་ཐེག་པའི་སློབ་དཔོན་གྱི་དོན་དང་ཐ་སྙད་གཉིས་ཀ་གནས་པ་ཡིན་ནོ། །ཚུལ་དེས་འདི་ལྟ་བུའི་རྒྱལ་བའི་གདུང་འཚོ་བ་ཡོན་ཏན་གྱི་ཕུང་པོ་རྣམས་ལ་ནི། བལྟ་བ་དང་། བསྙེན་བཀུར་བྱ་བ་དང་། གདམས་ངག་ལེན་པའི་སླད་དུ་གངྒཱའི་ཀླུང་གི་བྱེ་མ་སྙེད་ཀྱི་སངས་རྒྱས་ཀྱི་ཞིང་གི་བྱང་ཆུབ་སེམས་དཔའ་དང་། ཁྱད་པར་གསང་སྔགས་ཀྱི་སྒོ་ལ་སྤྱད་པ་སྤྱོད་པའི་རྒྱལ་སྲས་དཔའ་བོ་རྣམས་ཀྱང་དཀའ་བ་མཐའ་ཡས་པ་སྤྱད་དེ་སྐྱེས་བུའི་རྩལ་ཅི་ཡོད་ཀྱིས་འཇུག་པ་ནི། རང་གི་བླ་མ་ལ་ཕྱོགས་ཞེན་བྱས་པའི་གཏམ་མིན་གྱི། དེ་བཞིན་གཤེགས་པའི་གསུང་ཚད་མར་བགྱིས་ནས་ཅུང་ཟད་དཔྱད་པའོ། །ཚིག་ཚོགས་འདབ་མ་མི་རིང་ཡང་། །རྟོགས་བརྗོད་སྡོང་པོ་མཛེས་བྱེད་རྒྱན། །སྐལ་བཟང་རབ་དགའི་མེ་ཏོག་འདི། །སྨྲ་བའི་བྱིས་པ་བདག་གིས་བསྐྱེད། །བར་སྐབས་ཀྱི་ཚིགས་བཅད་དོ། །གཤེགས་ཀའི་

― TN03_Page_0124 ―

^{[མ་དཔེ་གཟིགས་ན་འདིར་གནོན།]}

(༡༠༨)ཕྱོགས་ཀྱི་ལོ་སྔ་ཕྱིར་ཕྱག་འཇལ་བ་སྔར་ལས་ཀྱང་ཆེས་མང་བར་འདུས་པས་སྐུ་དངོས་ཀྱི་གདུལ་བྱ་རྫོགས་པར་མཛད། མེ་ཕག་ལོར་བདག་ཅག་གིས་ཞབས་པད་རིང་དུ་བརྟན་པར་གསོལ་བ་བཏབ་སྐབས། ཁོ་བོ་སྐྱེ་འཆི་ལ་རང་དབང་ཡོད་ཟེར་རྒྱུ་དཀའ་ཡང་། བསྟན་འགྲོ་དོན་ཆེན་འགྲུབ་པའི་སྒོར་འགྱུར་ངེས་སུ་མཐོང་ན་ལོ་བརྒྱར་ཡང་སྡོད་མི་ཆོག་རྒྱུ་ཆེར་མེད། ཅེས་གསུངས་ནའང་། དེ་ལྟ་བུའི་ལེགས་ཚོགས་བྱང་ཕྱོགས་པའི་སྐལ་བར་མ་ཤོངས་པས། རབ་ཚེས་ཆུ་འབྲུག་གི་གནམ་ལོ་གསར་དུ་འཆར་སྐོར་ཅིག་ལ། ཨ་ཙ་རའི་ཆས་ཅན་གཉིས་བྱུང་སྟེ། ངེད་གཉིས་རྒྱ་གར་ནས་འོངས། ད་ལྟ་རྡོ་རྗེ་གདན་ན་དགེ་འདུན་གྱི་སྡེ་དང་། འཆད་ཉན། མཆོད་པ་སོགས་ཀྱི་སྲོལ་རྣམ་དག་ཡོད་ཀྱང་། མཁན་པོ་མེད་ནས་རྗེ་ཉིད་མཁན་པོར་གདན་འདྲེན་དུ་བཏང་བ་ཡིན་ཟེར་བའི་རྨི་ལམ་ཅིག་བྱུང་ཅི་ཞིག་ཡིན་ཨང་། དེ་སུ་ལ་མ་ཟེར་ཞེས་པ་དང་། བདེ་བ་ཅན་ན་དེ་བཞིན་གཤེགས་པ་འོད་དཔག་མེད་དགེ་སློང་གི་དགེ་འདུན་རྒྱ་མཚོའི་ནང་ན་བཞུགས་པའི་སྣང་བ་འབའ་ཞིག་འཆར་བར་འདུག །ཅིས་ཡིན་མི་ཤེས་ཞེས་ཉེ་གནས་ལ་གསུངས། རྣམ་རྒྱལ་ཆོ་འཕྲུལ་ཟླ་བའི་ཉེར་ལྔ་ལ་དུས་མཆོད་རྒྱས་པ་མཛད། སྐུ་འཁྲིས་ཀྱི་དཔེ་ཉོ་བ་སོགས་དག་པར་བསྡུས་ནས། མཆོད་དཔོན་བླ་མ་ལ་དེ་རིང་ནས་བརྩམས་ཏེ་ཁྱོད་ཀྱི་དཀའ་ལས་ཅིའང་མི་དགོས་གསུངས། དེའི་ཕྱི་ཉིན་ནས་སྐུ་ཁམས་ཅུང་ཟད་རྙོག་པའི་ཚུལ་བསྟན། དྲུང་འཁོར་རྣམས་ཀྱིས་སྐུ་རིམ་སྒྲུབ་དགོས་ཚུལ་ཞུས་

― TN03_Page_0125 ―

^{[མ་དཔེ་གཟིགས་ན་འདིར་གནོན།]}

(༡༠༩)པས། ཅི་ཡང་མི་དགོས། ཟླ་བ་རྗེས་མའི་ཉི་ཤུ་སྐོར་ལ་དྭངས་འགྲོ་གསུངས། ནན་གྱིས་ཞུས་པས། ད་འོ་ན་ངས་ཚེ་རིལ་པོར་དབང་ཆོས་ཧ་ཅང་བཤད་ཆེས་ཤིང་། དམ་ཚིག་ལ་སོ་ནམ་བྱེད་མཁན་ཉུང་བར་འདུག་པས་ནད་འདི་བྱུང་བ་ཡིན། རྡོ་རྗེ་སེམས་དཔའི་ཡིག་བརྒྱ་ཅི་འགྲུབ་རེ་བསྒྲུབ་ན་ལེགས་པ་ཡོད། ངེད་ཀྱི་རིང་ལ་གཏོར་བཅའ་མ་མྱོང་བས་དེ་རིགས་ཀྱིས་ནི་དགོས་པ་མི་མཆི་གསུངས། སྨོན་ལམ་གྱི་བྱིན་གྱིས་བརླབས་པའི་སྤྲུལ་པ་ལྔ་འབྱུང་ཞིང་། དེ་ལས་བཞིས་གསུང་སྔགས་སྔ་འགྱུར། ས་སྐྱ། དགེ་ལུགས། བཀའ་རྒྱུད་པ་རྣམས་ཀྱི་རིང་ལུགས་སོ་སོར་བཟུང་སྟེ་བསྟན་པ་ལ་བྱ་བ་བྱེད་ཅིང་། གཅིག་བོན་ལུགས་པ་རྣམས་ལ་མངོན་མཐོའི་འཇུགས་ངོགས་སྟོན་པའི་སླད་དུ་གཡུང་དྲུང་གི་ལུགས་འཛིན་པར་སྔ་གོང་ནས་ལུང་བསྟན། ཉིན་གཅིག་འོ་མ་གསོལ་ཞལ་གང་བཞེས་པ་ལ་སྐྱེམས་ཀྱི་ཕྱི་མར་མཛད། དེ་ནས་དབོ་ཟླ་བའི་དམར་ཕྱོགས་ཀྱི་དགའ་བ་གཉིས་པའི་ནང་སྔ་ཕྱག་བསིལ་ནས། ད་ལས་ཀ་ཚར་བར་འདུག་བཅའ་ལག་ཕར་ཁྱེར་གསུང་། མེ་ཏོག་འཐོར་བ་དང་སྦྲགས་ནས་ཤིས་བརྗོད་ཀྱི་བདེན་ཚིག་མང་གསུང་གི་ཐ་མར་སྩལ། དེར་ཉིས་དྲོས་ཀྱི་ཆ་ཙམ་ན་བི་མའི་ཐུགས་ཏིག་གི་ལུང་བསྟན་ལྟར་ཡེ་ཤེས་ཀྱི་སྐུ་ཕུང་པོ་རགས་པའི་ཟ་མ་ཏོག་སྤངས་ཏེ་འཇམ་དབྱངས་སྤྲུལ་པའི་ཕོ་བྲང་དཔལ་རི་བོ་རྩེ་ལྔའི་གཞལ་མེད་ཁང་ལ་སོགས་པར་ཆུ་ནང་གི་ཟླ་བ་ལྟ་

― TN03_Page_0126 ―

^{[མ་དཔེ་གཟིགས་ན་འདིར་གནོན།]}

(༡༡༠)བུའི་གར་གྱིས་གཤེགས། དེ་དང་མི་རིང་པའི་སྔ་ལོགས་ས་གཡོ་འཇམ་པོ་དང་། གཤེགས་རྗེས་སུ་ཞལ་གྱི་དཀྱིལ་འཁོར་ཟླ་བ་ལྟར་དག་པ་དང་། སྐུ་ཤིང་བལ་ལྟར་ཡང་བ་སོགས་བྱུང་། དེར་ཁྱབ་བདག་རྡོ་རྗེ་འཆང་བློ་གྲོས་མཐའ་ཡས་ཞབས་དང་། ཐར་རྩེ་མཁན་ཆེན་རིན་པོ་ཆེ་གཉིས་ཀྱིས་བླ་མ་མཆོད་པ་ཐུགས་རྒྱུད་སྐུལ་བའི་གསོལ་འདེབས་དང་བཅས་པ་རྒྱ་ཆེར་བསྒྲུབས། ཟླ་བ་དེའི་རྫོགས་པ་ཕྱི་མར་སྐུ་གདུང་རིན་པོ་ཆེ་ཙནྡ་ན་དང་དང་ཨ་ཀ་རུ་སོགས་བཟང་ཤིང་འབའ་ཞིག་གི་ཞུགས་ལ་སྤྱན་དྲངས་པས་མེ་ཏོག་དཀར་པོའི་ཆར་པ་ཡང་ཤིན་ཏུ་འཐུག་པར་བབས། སྐྱེ་དགུའི་ཉིན་བྱེད་ནུབ་པའི་བྱུང་བ་འདི། །ཡིད་ལ་གདུང་བསྐྱེད་པས་སྨྲར་མི་སེམས། །དེ་ལྟའང་ཞི་བར་གཟིམས་པའི་གཏམ་གྱིས་ཀྱང་། །སངས་རྒྱས་ཕྲིན་ལས་བྱེད་སྙམས་ཆ་ཙམ་བསྙད། །བར་སྐབས་ཀྱི་ཚིགས་སུ་བཅད་པའོ། །དེ་ནས་རྗེ་རང་གི་སྐུའི་དབོན་པོ་གཙུག་ལག་གཉིས་ལ་རྣམ་དཔྱོད་ཆེ་ཞིང་ལྷག་བསམ་རླབས་པོ་ཆེའི་མཐུ་ཅན་སྐལ་བཟང་རྡོ་རྗེ་ཞེས་རྗེ་ཉིད་ཆོས་དབང་རིན་པོ་ཆེར་གྱུར་དུས། ལྷོ་བྲག་ན་རྡོ་རྗེ་སྒྲོན་མ་ཟེར་བའི་སྦྱིན་བདག་མོ་ཞིག་ཡོད་པ་དེའི་སྐྱེ་བར་ལུང་བསྟན་པ་དེ་དང་། དུལ་ཞིང་བརྟན་ལ་བློ་ཆེ་བ་སོགས་དམ་པའི་ཡོན་ཏན་གྱིས་བརྒྱན་པ། ཁྱད་པར་དུའང་བླ་མ་སངས་རྒྱས་ལྟར་བསྙེན་བཀུར་བའི་མཐུ་ལས་རྒྱལ་བའི་ལུང་རྟོགས་ཀྱི་སྒོ་དུ་མ་ལ་ཞུགས་པ་ཉེ་གནས་ཆེན་པོ་འཇམ་དབྱངས་ལེགས་པའི་བློ་གྲོས་དང་

― TN03_Page_0127 ―

^{[མ་དཔེ་གཟིགས་ན་འདིར་གནོན།]}

(༡༡༡)མ་ཏི་རིན་པོ་ཆེ་རྣམ་གཉིས་ལ་སོགས་པས་དབུས་གཙང་ཁམས་གསུམ་དུ་མཆོད་འབུལ། མང་བསྐོལ། འགྱེད་གཏོང་རིགས་བགྲང་བར་དཀའ་བ་དང་། རྟེན་བཞེངས་ཀྱི་བགྱི་བ་རྒྱ་ཆེན་པོས་དགོངས་པ་རྫོགས་པའི་ཐབས་ཚུལ་གསོལ་སྨོན་དང་བཅས་པ་བསྒྲུབས་པ་སྟེ། འདི་དག་གི་དྲིན་ལས་ཀུན་མཁྱེན་བླ་མའི་སྐུ་གདུང་དེ་བཞིན་གཤེགས་པའི་རྡུལ་ཕྲ་རབ་ཀྱི་རང་བཞིན་ཅན་ཕྱི་མཐའི་བར་དུ་ལྷ་དང་མི་རྣམས་ཀྱི་བསོད་ནམས་ཀྱི་ཞིང་དུ་མངོན་པར་སྣང་བས། སྐྱེས་བུ་ཆེན་པོའི་ཟླ་བ་ཆོས་དབྱིངས་སུ་མནལ་ཡང་། གྲོལ་བ་བཞི་ལྡན་གྱི་ཕྲིན་ལས་བདུད་རྩི་དཀར་པོའི་དགའ་བ་ནི་ད་དུང་ཡང་ཉམས་པ་མེད་པར་གྱུར་ཏོ། །དེ་དག་ནི་མདོར་བསྡུས་པ་ཙམ་སྟེ། རྒྱ་ཆེར་ཁྱབ་བདག་བླ་མ་བློ་གྲོས་མཐས་ཡས་ཀྱི་གསུང་རབ་ལས་ཤེས་པར་བྱའོ། །སླར་སྨྲས་པ། མང་ཐོས་ཆུ་གཏེར་བཞི་ཡི་མཚམས་ལས་བརྒལ། །མི་མཉམ་ཡོན་ཏན་རིན་ཆེན་རྡུལ་མང་བརྩེགས། །གཞན་ཕན་རང་འོད་མཁའ་དང་སྙོམས་འཇུག་པ། །རྒྱལ་བསྟན་མཐོ་རིས་འདེགས་པ་གཞན་ཡོད་མིན། །བོད་ཆེན་འཛིན་མའི་ཉུང་འབྲུར་སྲིད་ཞིའི་ཁྱོན། །དོགས་པོར་འགེངས་པའི་རྣམ་ཐར་སྟོང་གསུམ་གཟུགས། །གསལ་རྫོགས་དབང་འབྱོར་སྐྱེ་བའི་ཡ་མཚན་གཏམ། །ཐུན་མོང་མཐོང་བ་དང་སྦྱར་ཆ་ཙམ་བསྙད། །བསྔགས་པའི་གནས་འདི་དུས་མང་སྦྱང་བའི་བློ། །མཐའ་ཡས་རྩལ་མངའ་དེ་ཡིས་ལེགས་ཕྱེ་

― TN03_Page_0128 ―

^{[མ་དཔེ་གཟིགས་ན་འདིར་གནོན།]}

(༡༡༢)མོད། །བརྒྱ་བྱིན་རོལ་པ་ཡོངས་འདུའི་མེ་ཏོག་ནང་། རྩེ་བའི་སྐལ་བཟང་བུང་བ་སུ་ཞིག་འགོག །ཀྭ་ཡེ་གྲོགས་དག་མཁྱེན་རབ་ཉིན་བྱེད་ནི། སྨོན་ལམ་དྲོ་བ་སྙིང་རྗེའི་འོད་རྣོན་དང་། །ལྷན་ཅིག་འགྱེད་འདིས་ཁྱེད་བློ་སྨིན་འགྱུར་གྱིས། །ངོ་མཚར་རྟོགས་བརྗོད་རི་བོའི་ཟོམ་འདི་བསྟེན། །བསོད་ནམས་འདི་ཡིས་མཐའ་ཀླས་འགྲོ་བ་ཀུན། །ལམ་སྟོན་ཕྱི་དང་ཐབས་ཤེས་ནང་གི་ནི། །ཡོངས་སུ་འཛིན་པས་སྲིད་ཞིའི་མཐའ་བཀག་སྟེ། །སྐུ་བཞིའི་རྒྱལ་སྲིད་མཆོག་ལ་སྤྱོད་གྱུར་ཅིག །བྷོ་ཊའི་ཡུལ་གྱི་སློབ་དཔོན་ཆེན་པོ་མཉྫུ་ཤྲཱི་དྷརྨ་མི་ཏྲའི་རྟོགས་པ་མདོ་ཙམ་དུ་བརྗོད་པ་འཇིག་རྟེན་ཀུན་ཏུ་དགའ་བའི་གཏེར་ཞེས་བྱ་བ་འདི་ནི། རྗེ་བཙུན་བླ་མ་དེ་ཉིད་ཀྱི་ཉེ་གནས་ཆེན་པོ་འཇམ་དབྱངས་ལེགས་པའི་བློ་གྲོས་པས། བླ་མའི་རྣམ་ཐར་མདོ་རྒྱུད་ནས་གསུངས་པའི་སློབ་དཔོན་གྱི་མཚན་ཉིད་རྣམས་དང་སྦྱར་བ་ཞིག་བྲིས་ཞེས་བཀྲ་ཤིས་པའི་དར་དཀར་སྲིད་དུ་རིང་བ་དང་བྲི་གཞི་སྩལ་བ་བཅས་བསྐུལ་མ་མཛད་ཅིང་། རང་གི་མོས་གུས་ཀྱི་གསོས་སུ་དམིགས་ཏེ། སླར་ལ་བསྐུལ་ཞུ་ཕུལ་བ་ལྟར་གནང་བའི་ཟིན་བྲིས་ཀྱི་ཡི་གེ་ཐོར་བུ་དང་། ལྔ་རིག་སྨྲ་བའི་དབང་པོ་ཀརྨ་ཚེ་དཔལ་བས་ཀྱང་ཟིན་ཐོ་གནང་བ་དག་ལ་བརྟེན་ཅིང་། ཁྱད་པར་བཻ་རོ་དངོས་བྱོན་བཀའ་གཏེར་བསྟན་པའི་ཤིང་རྟ་བླ་མ་རྗེ་བཙུན་བློ་གྲོས་མཐའ་ཡས་ཀྱི་ཞལ་སྔ་ནས་མཛད་པའི་རྟོགས་བརྗོད་རིན་པོ་ཆེ་ལ་གཞི་བྱས། དེར་ཕྱི་ནང་གསང་བའི་རྣམ་ཐར་ཁུག་པའི་ཚུལ་

― TN03_Page_0129 ―

^{[མ་དཔེ་གཟིགས་ན་འདིར་གནོན།]}

(༡༡༣)དུ་གསུངས་པ་རྣམས་འཁོར་ལོ་གསུམ་གྱི་རྟོགས་བརྗོད་ཀྱི་དཀྱུས་སུ་བསྐྱར། ཚིག་རྒྱས་པ་རྣམས་ཅུང་ཟད་བསྡུས། དེར་མི་གསལ་བ་འགའ་ཞིག་ཁ་བསྐངས་ཏེ། རྒྱས་བསྡུས་འབྲིང་པོའི་ཚུལ་དུ། མགོན་པོ་དེ་ཉིད་ཀྱི་ཞབས་རྡུལ་རིན་པོ་ཆེའི་ཕྲེང་བ་གཙུག་གི་རྒྱན་དུ་ཐོབ་པ། མདོ་སྨད་ཀྱི་སྤྲང་པོ་འཇིགས་མེད་བསྟན་པའི་ཉི་མ་ཕྲིན་ལས་ཀུན་ཏུ་ཁྱབ་པའི་དཔལ་གྱིས་མྱོས་བྱེད་ཀྱི་ལོ་ས་ག་ཉ་བའི་དཀར་ཕྱོགས་དགའ་བ་དང་པོར། བརྫི་མེད་ཆོས་ལུང་བསམ་གཏན་དགའ་འཁྱིལ་གྱི་རི་རྩེར་ཉིས་བྲིས་མ་བྱས་པར་གང་དྲན་ཅི་ཐོན་ཆུ་བབས་ཀྱི་རྩ་ཐོར་བཀོད་པ་འདིས་ཀྱང་འགྲོ་ཀུན་ཟུང་འཇུག་བླ་ན་མེད་པའི་རྒྱལ་ཐབས་ལ་རེག་པར་གྱུར་ཅིག །མངྒ་ལཾ།། །།འདི་ནི་དང་པོའི་འཆར་གཞི་ཙམ་བཀོད་པ་ལས་ཕྱིས་ཉིས་བྲིས་མ་ཐུབ་པར་སོར་གནས་སྟེང་མགོ་མཇུག་གི་ཚིགས་བཅད་ཙམ་བསྣན་ནས་སྦྱར་བྱང་བརྒྱབ་པ་ཡིན་པས་བློ་གསལ་མཁས་པས་གཟིགས་ཉན་ཆེར་མེད་ཀྱང་རྐྱེན་འགས་བསྐུལ་ནས་སྤར་དུ་བརྐོས་པ་དགེ། །

― TN03_Page_0130 ―

^{[མ་དཔེ་གཟིགས་ན་འདིར་གནོན།]}

(༡༡༤)

མཚུངས་བྲལ་རྒྱལ་བའི་མྱུ་གུ་ཨོ་རྒྱན་འཇིགས་མེད་ཆོས་ཀྱི་དབང་པོའི་རྟོགས་བརྗོད་ཕྱོགས་ཙམ་གླེང་བ་བདུད་རྩིའི་ཟིལ་ཐིགས།

― TN03_Page_0131 ―

^{[མ་དཔེ་གཟིགས་ན་འདིར་གནོན།]}

(༡༡༥)མཚུངས་བྲལ་རྒྱལ་བའི་མྱུ་གུ་ཨོ་རྒྱན་འཇིགས་མེད་ཆོས་ཀྱི་དབང་པོའི་རྟོགས་བརྗོད་ཕྱོགས་ཙམ་གླེང་བ་བདུད་རྩིའི་ཟིལ་ཐིགས་ཞེས་བྱ་བ་བཞུགས།

― TN03_Page_0132 ―

^{[མ་དཔེ་གཟིགས་ན་འདིར་གནོན།]}

(༡༡༦)དཔལ་ལྡན་བླ་མ་ལ་ཕྱག་འཚལ་ལོ། །རྒྱལ་ཀུན་ཡབ་གཅིག་རྒྱལ་བའི་ཞིང་ཀུན་ཏུ། །རྒྱལ་སྲས་གཞོན་ནུའི་གཟུགས་ཀྱིས་རྣམ་རོལ་པ། །འཇམ་པའི་དབྱངས་ཞེས་གྲགས་པའི་རྔ་བོ་ཆེའི། །རང་སྒྲས་སྲིད་གསུམ་འགེངས་པ་དེ་ལ་འདུད། །དེ་ཡིས་འཇིགས་མེད་སྤོབས་པའི་མཆོག་བྱིན་ཏེ། །ཟབ་རྒྱས་ཆོས་ཀྱི་སྒྲ་དབྱངས་མི་ཟད་པས། །ཐར་འདོད་རྣམ་བྱང་དབང་པོ་རྒྱས་མཛད་པ། །མཚུངས་མེད་བླ་མ་དེ་ལ་གུས་ཕྱག་འཚལ། །ཞེས་མཆོད་པར་བརྗོད་ནས། བདག་ཅག་གི་དཔལ་ལྡན་བླ་མ་དམ་པ། སྐུ་ཚེ་དཔག་ཏུ་མེད་པ་ནས་བྱང་ཆུབ་ཀྱི་སྤྱོད་པ་རླབས་པོ་ཆེ་ལ་བསླབས་ཤིང་། །རྒྱལ་བའི་དམ་ཆོས་འཛིན་པའི་སྨོན་ལམ་ལེགས་པར་བསྒྲུབས་པ། གསུང་རབ་ཀྱི་དགོངས་དོན་གསལ་བར་བྱེད་པའི་

― TN03_Page_0133 ―

^{[མ་དཔེ་གཟིགས་ན་འདིར་གནོན།]}

(༡༡༧)བཤད་པ་དང་དབེན་པར་ཡང་དག་འཇོག་ལ་བརྩོན་པའི་སྒྲུབ་པ་སྟེ་འཁོར་ལོ་གཉིས་ཀྱིས་ཐེག་པ་མཆོག་གི་བསྟན་པའི་སྲོག་བཟུང་བ། །བསྟན་པའི་སྣང་བ་ཆེས་མི་གསལ་བའི་ཡུལ་གྱི་སྐྱེ་བོའི་ཚོགས་འབུམ་ཕྲག་དུ་མ་ལ་ཡང་མངོན་མཐོ་ངེས་ལེགས་ཀྱི་ལམ་བཟང་ཉིན་མོ་ལྟར་གསལ་བར་མཛད་པས་འགྲོ་བའི་བླ་མ། འཇིག་རྟེན་གྱི་མགོན་པོ་ཞེས་ཕྱོགས་དང་ཕྱོགས་བྲལ་གྱི་དམ་པ་རྣམས་ཀྱིས་སྙན་པའི་རྒྱུད་མངས་མགྲིན་གཅིག་ཏུ་བླངས་པ། དོན་གྱིས་སླད་དུ་མཚན་ནས་སྨོས་ཏེ་ཨོ་རྒྱན་འཇིགས་མེད་ཆོས་ཀྱི་དབང་པོའི་རྟོགས་བརྗོད་ཕྱོགས་ཙམ་གླེང་བ་ལ་གཉིས་ཏེ། སྐུ་ཚེ་སྔ་མའི་བྱུང་བ་དང་། སྐུ་ཚེ་འདི་ཉིད་ཀྱི་མཛད་པའོ། །དང་པོ་ནི། རྒྱ་གར་འཕགས་པའི་ཡུལ་དུ་སློབ་དཔོན་ཆེན་པོ་ཞི་བ་ལྷ་དང་། བོད་ཡུལ་

― TN03_Page_0134 ―

^{[མ་དཔེ་གཟིགས་ན་འདིར་གནོན།]}

(༡༡༨)དུ་ཨ་རོ་ཡེ་ཤེས་འབྱུང་གནས་སུ་གྱུར་པ་ལ་སོགས་པའི་འཁྲུངས་རབས་ཀྱི་ཕྲེང་བ་དུ་མ་ཞིག་རྗེ་བླ་མ་ཐམས་ཅད་མཁྱེན་གཟིགས་ཆེན་པོ་འཇམ་དབྱངས་མཁྱེན་བརྩེའི་དབང་པོའི་ཟབ་གཏེར་འགྲོ་འདུལ་འཕགས་པ་སེམས་ཉིད་ངལ་གསོའི་ཆོས་སྐོར་ན་བཞུགས་པར་གྲགས་ཀྱང་དེང་དུས་མཇལ་དུ་མི་སྣང་བས་འཆད་པར་མ་ནུས་ལ། སྐུ་འདིའི་སྔ་རོལ་དེ་མ་ཐག་པར་ཡོངས་སུ་གྲགས་པ་ནི་བྱང་རྒྱུད་རྫ་ཆུའི་འགྲམ་གྱི་སྟོད་ཕྱོགས་སུ་བྱུང་བའི་དཔལ་དགེ་བསམ་གཏན་ཕུན་ཚོགས་ཞེས་བྱ་བ་འཕགས་པ་འཇམ་དཔལ་ལ་ཐུགས་དམ་གྱི་ལྷར་མཛད་ཅིང་མཚན་བརྗོད་འབུམ་ཕྲག་ལྷག་པ་ཞལ་འདོན་དུ་མཛད་པ། སྔོན་དུས་རྨོག་གྲུབ་ནམ་མཁའ་ཆོས་དབང་རྫ་སྟོད་མ་མོའི་ཐང་དུ་ཕེབ་སྐབས་ས་ཕྱོགས་འདིར་འཕགས་པ་ཐུགས་རྗེ་ཆེན་པོའི་སྤྲུལ་པའི་སྐྱེས་བུ་ཞིག་གི་དམ་ཆོས་ཡི་གེ་དྲུག་མའི་རྡོ་འབུམ་ངོ་མཚར་ཅན་བཞེངས་པར་འགྱུར་ཞེས་ལུང་བསྟན་པ་ལྟར་དཔལ་དགེའི་རྡོ་རིང་མར་གྲགས་པའི་རྟེན་བཞེངས་ཆེན་པོ་མཛད་དེ་མཐོང་ཐོས་དྲན་རེག་གི་འགྲོ་བ་དཔག་ཏུ་མེད་པ་ལ་དཀར་པོ་རྣམ་པར་འཕེལ་བའི་ས་བོན་བཏབ་ཅིང་ད་དུང་དུ་ཡང་ཕྲིན་ལས་ཀྱི་རྒྱུན་ཆུ་བོའི་རྒྱུན་ལྟར་འཇུག་བཞིན་པ་དེའོ། །གཉིས་པ་ནི། བོད་ཀྱི་རུས་ཆེན་སྡེ་ལྔའི་ནང་ཚན་གདོང་སྨུག་པོའི་རིགས་ཀྱི་བྱེ་བྲག་དགེ་རྩེ་ཞེས་པའི་སྡེར་རྒྱལ་ཐོག་ཞེས་པའི་གདུང་ལས་རབ་ཡིད་རྣམ་བྱུང་ཞེས་པས་འབྲུག་གི་ལོར་སྐྱེ་བའི་མྱུ་གུ་སད། དབུ་གདུགས་

― TN03_Page_0135 ―

^{[མ་དཔེ་གཟིགས་ན་འདིར་གནོན།]}

()ལྟར་འདུག་པ་དང་ཞལ་རས་པདྨ་ལྟར་རྒྱས་པ། སྐྱེ་མཆེད་ཤིན་ཏུ་དྭངས་པ། རང་བཞིན་གྱིས་སྙུན་ཉུང་བ། ཆུང་ངུ་ཉིད་ནས་ཤེས་རབ་དང་། སྙིང་རྗེ་དང་། སྙིང་སྟོབས་ཆེས་ཆེ་བ། སྤོབས་པའི་གཟེངས་མཐོ་ཞིང་སྨྲ་མཁས་པ་སོགས་ཡོན་ཏན་གྱི་འབྱོར་པ་ཚད་མེད་པས་མཐོ་བ་ཞིག་བྱུང་། འབྲི་ཀློག་དཀའ་བ་མེད་པར་མཁྱེན། རྡོ་བླ་མཁས་གྲུབ་ཆེན་པོ་འཇིགས་མེད་སྐལ་བཟང་གིས་དཔལ་དགེ་བསམ་གཏན་ཕུན་ཚོགས་ཀྱི། སྤྲུལ་པའི་སྐུར་ངོས་བཟུང་ཞིང་། གྲུབ་པའི་དབང་ཕྱུག་འཇིགས་མེད་ཕྲིན་ལས་འོད་ཟེར་ལའང་དེ་ཚུལ་གྱི་རྒྱུ་མཚན་ཞུས་པས། ཁོང་གི་ཞལ་ནས། དེ་ཁྱེད་ཀྱིས་ངོས་འཛིན་བྱས་པ་ལྟར་ཡིན་ངེས། ངས་ཀྱང་ཀློང་ཆེན་སྙིང་ཐིག་གི་བསྟན་པ་ཡོངས་རྫོགས་དགོངས་གཏད་སྨོན་ལམ་དང་བཅས་པས་དེ་ལ་གཏད་པ་ཡིན་ཅིང་། ཨོ་རྒྱན་འཇིགས་མེད་ཆོས་ཀྱི་དབང་པོར་མཚན་གསོལ་བ་ཡིན་ཞེས་ཕྱི་མཐའ་གཟིགས་པའི་ལུང་བསྟན་སྩལ། དེ་དག་ལ་བརྟེན་ནས་དཔལ་དགེ་གོང་མའི་དབོན་པོ་དཀོན་མཆོག་གིས་བླ་བྲང་དུ་སྤན་དྲངས་ཏེ་སྤྲུལ་པའི་སྐུར་མངའ་གསོལ། རིག་འཛིན་འཇིགས་མེད་གླིང་པའི་ཐུགས་སྲས་འཇིགས་མེད་རྒྱལ་བའི་མྱུ་གུ་ཞེས་འབྲེལ་ཚད་དོན་ལྡན་གྱི་སྐྱེས་བུ་དམ་པ་དེ་ལས་སྔ་ཕྱིར་ཀློང་ཆེན་སྙིང་ཐིག་གི་སྔོན་འགྲོའི་ལམ་ཁྲིད་ཁོ་ནའང་ཚར་ཉི་ཤུ་རྩ་ལྔ་གསན་ཅིང་། ཁྲིད་སྦྱང་ཡང་དེ་སྙེད་གྲུབ་པར་མཛད། གཞན་ཡང་རྩ་རླུང་དང་

― TN03_Page_0136 ―

^{[མ་དཔེ་གཟིགས་ན་འདིར་གནོན།]}

(༡༢༠)རྫོགས་ཆེན་གྱི་ཁྲིད་སོགས་ཤིན་ཏུ་སྨིན་པ་དང་། སྔ་འགྱུར་བཀའ་མའི་སྐོར་སོགས་མང་དུ་གསན། གོང་སྨོས་ཀྱི་མཁས་པ་འཇིགས་མེད་སྐལ་བཟང་དང་ཀུན་མཁྱེན་གྱི་དངོས་སློབ་རྗེ་བླ་མ་འཇིགས་མེད་ངོ་མཚར། རྒྱལ་སྲས་གཞན་ཕན་མཐའ་ཡས་སོགས་ལས་ཀྱང་ངལ་གསོ་སྐོར་གསུམ། སྤྱོད་འཇུག །རྩ་རྒྱུད་གསང་བ་སྙིང་པོ། རིག་གནས་སྐོར་འགའ་ཞིག་སོགས་དང་། ཞེ་ཆེན་དབོན་སྤྲུལ་མཐུ་སྟོབས་རྣམ་རྒྱལ་ལས་བཀའ་འགྱུར་གྱི་ལུང་དང་སྒྲ་རིག་གསན། གང་གསན་དེ་དག་ལན་རེ་ཙམ་གྱིས་ཐུགས་སུ་ཆུད་ཅིང་། གཙོ་བོར་བཀའ་བསྟན་འགྱུར་རོ་ཅོག་དང་ཀུན་མཁྱེན་ཡབ་སྲས་ས་པ་རྗེ་ཙོང་ཁ་པ་སོགས་རིས་མེད་པའི་སྐྱེས་ཆེན་རྣམས་ཀྱི་ལེགས་བཤད་ལ་དཔེ་གཟིགས་ཁོ་ན་རྟག་འགྲུས་སུ་བརྩོན་པར་མཛད་པས་ཉིན་རེ་ཞིང་མཁྱེན་རྟོགས་ཟླ་བ་ཡར་ངོ་ལྟར་གོང་འཕེལ་དུ་འགྱུར། ཐ་ན་འཇིག་རྟེན་གྱི་ཕོ་སྒོ་འང་འགྲན་ཟླ་མེད་པ་ཞིག་སྟེ། སྐུ་ན་ཤིན་ཏུ་ཆུང་བའི་དུས་ཤིག་དཔལ་དགེ་དབོན་པོ་ལ་བཙན་པོས་གཉའ་གནོན་ལྟ་བུའི་ཁ་མཆུ་ཞིག་ཕོག་སྟེ་སྡེ་དགེའི་སྐུ་ཚབ་རྩར་གཏུག་ཤེར་བྱས་སྐབས་བྱང་སྡེ་རྫ་ཆུ་ཁ་ཙམ་ན་ཕོ་རྒོད་ཡ་མེད་དུ་གྲགས་པའི་འབུམ་ཤུལ་མཐུ་སྟོབས་མགོན་པོ་བྱ་བ་དེ་རྗེ་འདིས་ལན་གཅིག་མ་ཡིན་པར་ཤགས་ཀྱིས་ཕམ་པར་བྱས་ནས་རྒྱལ་ཁ་བླངས་པས་དཔལ་དགེ་དབོན་པོ་མགུ་སྟེ་སྤྲུལ་སྐུ་ཡིན་རུང་མིན་རུང་ལོ་མ་སྤྱད་ཅིག་རེད་ཟེར་སྐད། ཀུན་མཁྱེན་མཆོག་སྤྲུལ་རིན་པོ་

― TN03_Page_0137 ―

^{[མ་དཔེ་གཟིགས་ན་འདིར་གནོན།]}

(༡༢༡)ཆེ་འཇིགས་མེད་ཡེ་ཤེས་རྡོ་རྗེ་རིག་པ་བརྟུལ་ཞུགས་ཀྱི་སྤྱོད་པ་མཛད་ཅིང་ཕེབས་སྐབས་ཤིག་རྗེ་འདིས་ཉེ་སྐོར་དུ་བྱོན་ནས་དཔལ་དགེ་ཞེས་བོས་ཏེ། ཁྱེད་དཔའ་སྙིང་ཅི་འདྲ། བཟང་ན་འདིར་ཤོག་གསུངས་ནས་སྐུ་རྩར་ཕྱིན་པ་དང་སྐྲ་ནས་བཟུང་སྟེ་ས་ལ་བརྡབས་ཤིང་དྲུད་དེ་བྱོན་པས་མཚམས་ཤིག་ན་ཆང་གི་དྲི་ཞིག་ཆིལ་གྱིས་བྱུང་། དེར་འོ་ཁོང་གིས་ཆང་གསོལ་ཡོད་པ་འདྲ་གྲུབ་ཐོབ་ཆེན་པོ་འདི་འདྲ་ཡང་ཆང་བཟས་འཆོལ་སྤྱོད་འདི་འདྲ་མཛད་པས་བཅོམ་ལྡན་འདས་ཀྱིས་ཆང་གི་ཉེས་དམིགས་མང་པོ་བཀའ་སྩལ་པ་ཐོག་ཏུ་བབས་སྙམ་པ་ཅིག་བྱུང་བའི་མོད་ཕྱག་གིས་བཏང་སྟེ་ཁྱེད་ཚོ་རྟོག་གེ་བ་བྱ་བ་འདི་འདྲའི་རྣམ་རྟོག་ངན་པ་འཆར་བ་ཕའུ། ཁྱོད་ཁྱི་རྒན་རེད་ཅེས་གདོང་ལ་ཞལ་མཆིལ་བཏབ། མཛུ་གུ་ཆུང་བསྟན་ནས་བཞུད། དེ་འཕྲལ་ག་རེ་ང་འཁྲུལ། །དེ་ངོ་སྤྲོད་ཅིག་ཡིན་པར་འདུག་སྙམ་ནས་ལུས་གནད་བཅོས་ཏེ་བཞུགས་པས་ཟང་ཐལ་གྱི་རིག་པ་ནམ་མཁའ་གཡའ་ཐག་ཆད་པ་ལྟ་བུ་ཞིག་མངོན་དུ་གྱུར་ཏེ་སྔོན་ནས་འཇིགས་མེད་རྒྱལ་བའི་མྱུ་གུས་རིག་ངོ་སྤྲད་པ་དེ་ནམ་ལང་བའི་སྟེང་དུ་ཉི་མ་ཤར་བ་བཞིན་སོང་། ཕྱིས་སུ་ཡང་ཁྱི་རྒན་ཟེར་བ་འདི་སྐུ་ཕྱོགས་མཁྱེན་བརྩེས་ང་ལ་གསང་མིང་བཏགས་པ་ཡིན་ཞེས་ཞལ་རྩེད་གནང་། སྦས་པའི་རྣལ་འབྱོར་པ་ཆེན་པོ་བསོད་ནམས་དཔལ་དགའི་ཞལ་སྔ་ནས་དང་ལྷན་ཅིག་ཀློང་སྙིང་རྩ་རླུང་གི་ཁྲིད་སྦྱང་ཤིན་ཏུ་རྒྱུན་རིང་བསྐྱངས།

― TN03_Page_0138 ―

^{[མ་དཔེ་གཟིགས་ན་འདིར་གནོན།]}

(༡༢༢)དཔལ་དགེ་དབོན་པོ་འདས་ནས་གཤེགས་རྗེས་ཀྱི་བྱ་བ་རྣམས་རྫོགས་འཕྲལ་བླ་བྲང་བསྡུས་ནས་ཀུན་སྤང་ཀུན་ཏུ་རྒྱུའི་ཚུལ་གྱིས་གནས་ངེས་མེད་དུ་ཕེབས། རྫོགས་ཆེན་གདན་སར་ཡུན་རིང་ཙམ་བཞུགས། སྐྱབས་མགོན་རྫོགས་ཆེན་རིན་པོ་ཆེ་མི་འགྱུར་ནམ་མཁའི་རྡོ་རྗེ་དང་། སྐུ་ཞབས་གཞན་ཕན་མཐའ་ཡས་འོད་ཟེར་སོགས་ལས་དམ་པའི་ཆོས་ཀྱི་བདུད་རྩི་མཐའ་ཡས་པ་བཞེས། རུ་དམ་ཡང་དབེན་གཤིན་རྗེའི་སྒྲུབ་ཕུག་དང་ཚེ་རིང་ཕུག་སོགས་སུ་ཐུགས་དམ་མཛད་པས་བྱང་ཆུབ་སེམས་གཉིས་དང་། ཁྱད་པར་རང་བཞིན་རྫོགས་པ་ཆེན་པོའི་གནས་ལུགས་ཀྱི་རྟོགས་པ་ནམ་མཁའ་དང་མཉམ་པ་བརྙེས། ཀློང་ཆེན་སྙིང་ཐིག་གི་སྔོན་འགྲོའི་ཁྲིད་ཡིག་ཆེན་མོ་དང་ཐེག་ཆེན་མདོ་སྡེ་མཐོང་བའི་ཕན་ཡོན་སོགས་ལེགས་བཤད་ཀྱི་རྩོམ་པའང་མང་དུ་མཛད། དགུང་ལོ་སུམ་ཅུའི་ནང་ཤེད་ཨ་མདོ་ཞབས་དཀར་བ་ཚོགས་དྲུག་རང་གྲོལ་གྱི། སྙན་པ་གསན་ནས་མཇལ་དུ་བྱོན་ཡང་། ཞབས་དཀར་གཤེགས་ཚར་བའི་སྐད་ཆ་ལམ་བར་དུ་གསན་ནས་གདུང་དབྱངས་ཀྱི་ཚིགས་བཅད་མཛད་ཅིང་གསེར་ཐལ་ཕྱོགས་ཡར་ལུང་པདྨོ་བཀོད་དུ་དགེ་མང་སྐུ་ཞབས་ཀྱི་གྲྭ་འཁོར་གསེབ་ཏུ་ཞུགས་ནས་ཕེབས། དེར་དགེ་མང་རིན་པོ་ཆེས་གསང་སྙིང་རྒྱུད་བཤད་རྒྱས་པར་གནང་སྐབས་རྗེ་འདིས་ཁྲིད་དཔོན་མཛད་ཅིང་། དེ་རྗེས་ཀྱང་གནས་དེར་ལོ་གཉིས་ཙམ་ལ་ཞག་ཞེ་ལྔ་རེའི་རིང་རྒྱུད་བཤད་ཤིན་ཏུ་རྒྱས་པ་བཀའ་དྲིན་

― TN03_Page_0139 ―

^{[མ་དཔེ་གཟིགས་ན་འདིར་གནོན།]}

(༡༢༣)དུ་བསྩལ་བས་སྔ་འགྱུར་རྡོ་རྗེ་ཐེག་པའི་བསྟན་པ་སྤྲིན་མཐོངས་ཀྱི་ཉི་ཞུར་ཙམ་གསལ་བར་བྱུང་བས། ཡུལ་གསེར་སྟོད་དུ་སྙིང་པོའི་བསྟན་པ་དར། ཞེས་པའི་ལུང་བསྟན་ཐོག་ཏུ་ཁེལ་བར་གླེང་། དཔལ་ཤུལ་སྟོབས་རྒྱལ་སོགས་ཀྱིས་སྤྱན་དྲངས་ཏེ་དཔལ་ཤུལ་ཁག་གསུམ། གསེར་ཐལ་ཚོ་མ་ལག་བཅོ་བརྒྱད་ཕལ་མོ་ཆེ་དང་བཅས་པ་ལ་སྤྱོད་འཇུག མ་ི་བཀའ་འབུམ། བདེ་སྨོན་སོགས་ཆོས་ཀྱི་སྦྱིན་པ་གྲངས་མེད་པ་སྩལ་ཞིང་བདེ་སྨོན་དང་ཡི་གེ་དྲུག་མའི་ཕྲིན་ལས་ཁྱབ་གདལ་དུ་སྤེལ། གསོན་རིམ་དང་གཤིན་ཆོག་ལ་སྐམ་ལུག་མང་པོ་བསད་དེ་དགེ་འདུན་ལ་དམར་སྟོན་བྱེད་པའི་སྲོལ་ངན་རྒྱུན་བཅད་ཅིང་ཇག་རྒྱ་རྐུན་ཁྲིམས་བཞག་སྟེ་ཕན་བདེའི་ལམ་སྲོལ་ཆེན་པོ་བཏོད་རིམ་གྱིས་རྡོ་ཡུལ་དུ་ཕེབས་ཤུག་ཆུང་དགོན་སོགས་སུ་ཆོས་ཅི་རིགས་བསྟན། ཤུག་ཆེན་སྟག་མགོར་ཡུན་རིང་བཞུགས་ནས་བཀའ་འགྱུར་རིན་པོ་ཆེ་ཞིབ་ཏུ་གཟིགས་ཤིང་བཀླག་པས་མདོ་སྡེ་མང་པོ་ཐུགས་ལ་ཟིན་གསུངས། ཨ་རིའི་ནགས་ཀྱི་ལྗོན་ཤིང་ཡལ་འདབ་རྒྱས་པ་ཞིག་གི་དྲུང་དུ་ཟླ་བ་ཁ་ཤས་བཞུགས་ཏེ། ནགས་ཚལ་ས་ཕྱོགས་དབེན་ཞིང་ཉམས་དགའ་དང་། །ཞེས་པ་དེ་འདི་འདྲ་ལ་ཟེར་བ་ཡིན་ཞེས་ཐུགས་སྤྲོ་ཉམས་མཛད། དེར་གཞི་ཆེན་སྤྲུལ་སྐུ་སོགས་དོན་གཉེར་ཅན་མང་པོ་ལ་སེམས་ཉིད་ངལ་གསོ་དང་ཡོན་ཏན་མཛོད་ཀྱི་བཤད་ཁྲིད་རྒྱུན་རིང་དུ་བསྐྱངས། འཛི་ཀར་ཡང་ཕེབས་ཏེ་མ་ི་བཀའ་འབུམ་སོགས་

― TN03_Page_0140 ―

^{[མ་དཔེ་གཟིགས་ན་འདིར་གནོན།]}

(༡༢༤)གསུངས་ཤིང་ཡིག་དྲུག་གི་ཕྲིན་ལས་རྒྱས་པར་མཛད། ཛ་མཐང་དུ་ཀུན་མཁྱེན་དོལ་པོའི་འགྲེལ་པའི་སྟེང་ནས་རྒྱུད་བླ་མ་རྒྱས་པར་བཤད་ཅིང་བསྡུས་དོན་བརྩམས། གཙང་པ་དགེ་སློང་ངག་དབང་ཆོས་འབྱོར་ལས་སྦྱོར་དྲུག་གསན། མི་ཉག་གི་ཡུལ་དུ་བྱོན་ཏེ་འདྲ་བ་དགེ་བཤེས་ཚུལ་ཁྲིམས་རྣམ་རྒྱལ་ལ་ཕར་ཕྱིན་སྐོར་གྱི་དྲི་བ་མང་པོ་ཞུས་པས་ཁྱོད་སུ་ཡིན་གང་ནས་འོང་གསུངས་པར། དཔལ་དགེ་ཟེར་བ་ཁམས་རྫ་ཆུ་ཁ་པ་ཞིག་ཡིན་ཞུས། ཕྱིར་ཕེབས་རྗེས་དགེ་བཤེས་ཆེན་པོ་དེས་ཉེ་གནས་ལ་དེ་སུ་ཡིན། ཁོ་དཔལ་དགེ་བྱ་བ་ཡིན་ཟེར་ཏེ་རྒྱལ་ཁམས་ན་ཡོངས་སུ་གྲགས་པའི་སྐྱེས་བུ་དམ་པ་ཞིག་ཡིན་པའི་འོས་སུ་འདུག་གསུང་སྐད། སྨར་ཁོག་སྟོད་སྨད་མང་པོར་ཡང་མ་ི་བཀའ་འབུམ་གཙོ་བོར་གྱུར་པའི་དམ་པའི་ཆོས་ཀྱི་ཆར་ཕབ་སྟེ་བ་ལང་ལྟ་བུའི་སྐྱེ་བོ་བླུན་པོ་རྣམས་ལའང་ཐར་པ་དང་ཐམས་ཅད་མཁྱེན་པའི་ས་བོན་བསྐྲུན། དད་པ་དང་སྙིང་རྗེ་ཆུང་བ་དཀར་ཕྱོགས་ལ་སྡང་ཞིང་སྡིག་ལ་འཛེམ་མེད་དུ་སྤྱོད་པའི་མི་དཔོན་དང་ཇག་དཔོན་ང་རྒྱལ་ཅན་ཤིན་ཏུ་གདུལ་དཀའ་བ་རྣམས་ཀྱང་སྙིང་རྗེའི་དཀའ་ཐུབ་གྲུབ་པའི་གསུང་གི་མཚམས་ལས་འདའ་བར་མ་ནུས་ཏེ་རྐུན་རྒྱ་ཇག་ཁྲིམས་དང་རྔོན་པ་མང་པོའི་སྡིག་འཕྲོ་གཅོད་པ་སོགས་ཀྱི་སྒོ་ནས་ཡུལ་ཁམས་དཀར་པོར་བསྒྱུར། སྨར་རོང་གི་ཡུལ་མཐའ་སྔོན་ཆད་ཡིག་དྲུག་འདོན་པ་ལྟ་ཅི་བསྒྲང་ཕྲེང་ལག་ཏུ་འཛིན་སྲོལ་ཙམ་ཡང་གཏན་མེད་པའི་ཕྱོགས་སོགས་སུའང་ཆོས་བསྟན་ཏེ་མ་ི་འདོན་པའི་

― TN03_Page_0141 ―

^{[མ་དཔེ་གཟིགས་ན་འདིར་གནོན།]}

(༡༢༥)སྲོལ་ལམ་པོ་ཆེ་བཞིན་དུ་ཡངས་པོར་བཏོད་པས་མཚོན་གདུལ་དཀའ་འདུལ་བའི་ཕྲིན་ལས་བསམ་གྱིས་མི་ཁྱབ། སླར་ཡང་རྡོ་ཡུལ་དུ་བྱོན་ནས་དྷི་ཆུང་ཕུག་ཏུ་བཞུགས་སྐབས་སྐུ་ཞབས་མཁྱེན་བརྩེ་རིན་པོ་ཆེ་སྒར་པ་དར་རྩེ་མདོ་ཕྱོགས་ནས་བཏེགས་ཏེ་གཉན་པོ་གཡུ་རྩེའི་གནས་མདུན་སྔོ་མཚོའི་ཁར་ཕེབས་པ་གསན་ནས་དེར་ཆེད་གཏད་ཀྱིས་བྱོན། སྐུ་ཞབས་ཀྱང་ཤིན་ཏུ་དགྱེས་ནས་ཆོས་ཀྱི་གསུང་གླེང་མང་དུ་མཛད། མཁའ་འགྲོ་བདེ་ཆེན་རྒྱལ་མོའི་དབང་ཞིག་གནང་བར་ཞུས་པས། དེ་ངས་གསང་རྒྱས་བཏབ་ནས་སུ་ལའང་མ་བྱིན་པར་ལོ་མང་སོང་བ་ཡིན་ཏེ། ད་རེས་ཁྱོད་ལ་སྟེར་ཞེས་དགྱེས་བཞིན་གནང་། ལོ་བརྒྱད་ཅུར་འཚོ་བའི་ལུང་བསྟན་དང་འབྲེལ་ཚད་དོན་ལྡན་གྱི་དབུག་དབྱུང་སོགས་ཕྱི་ནང་གསང་བའི་བཀའ་ལུང་མང་པོ་ཐོབ་ནས་སླར་ཡང་རྡོ་ཡུལ་དུ་ཕྱགས་ཕེབས། སྟོད་སྨད་ཕན་ཚུན་གྱིས་སའི་ཆ་དུ་མར་སྤྱོད་འཇུག་གཙོ་བོར་གྱུར་པའི་ཆོས་སྦྱིན་བཀྱེས། དེ་ནས་མི་རིང་བར་སྟོད་ཕྱོགས་སུ་ཞབས་པད་བཀོད། རྫོགས་ཆེན་དགོན་སེང་གེ་རིའི་ཆོས་གྲྭ་དང་པད་མའི་ཐང་དང་ནགས་ཆུང་མའི་རི་ཁྲོད་སོགས་སུ་མངོན་རྟོགས་རྒྱན་དང་། རྩ་བ་ཤེས་རབ། མདོ་སྡེ་རྒྱན། མངོན་པ་མཛོད། སྒྱུ་འཕྲུལ་གསང་སྙིང་། ཡོན་ཏན་མཛོད། སྡོམ་གསུམ་རྣམ་ངེས་སོགས་མང་དུ་བཤད། ལོ་སྔ་ཕྱི་དུ་མར་སྤྱོད་འཇུག་གསུང་སྐབས་ས་ཕྱོགས་དེར་མེ་ཏོག་གསེར་ཆེན་འདབ་མ་སུམ་ཅུ་དང་ལྔ་བཅུ་ཡོད་པ་

― TN03_Page_0142 ―

^{[མ་དཔེ་གཟིགས་ན་འདིར་གནོན།]}

(༡༢༦)སོགས་སྔར་མེད་མང་དུ་སྐྱེས་པ་ལ་སྤྱོད་འཇུག་མེ་ཏོག་ཏུ་གྲགས་པ་བྱུང་། མངོན་རྟོགས་རྒྱན་ལ་ལེགས་བཤད་གསེར་ཕྲེང་གི་རྗེས་སུ་འབྲང་བའི་སྒོམ་རིམ་བརྩམ་པ་ཕྱིས་སུ་རྗེ་མི་ཕམ་པས་འདི་ལས་ངོ་མཚར་ཆེ་བ་མ་མཐོང་ཞེས་ཆེད་དུ་བསྔགས། མཁན་པོ་ཤེས་རབ་བཟང་པོ་ལས་རབ་ཏུ་བྱུང་སྟེ་མཚན་འཇིགས་མེད་དགེ་བའི་འབྱུང་གནས་སུ་གསོལ། སྡེ་དགེ་ལྷ་སྲས་འཆི་མེད་རྟག་པའི་རྡོ་རྗེ་སྐུ་མཆེད་ཉག་སྐེད་པའི་འོག་ནས་ཐར་ཏེ་རྒྱལ་སར་འཁོད་དུས་རྫོགས་ཆེན་བླ་བྲང་ནས་གདན་ཞུས་དགའ་སྟོན་ཕུལ། དེ་སྐབས་རྗེ་འདིས་ཀྱང་བཟང་པོ་སྤྱོད་པའི་ཆོས་འབྲེལ་དགྱེས་བཞིན་གནང་། འདི་དུས་མཆོག་གྱུར་བདེ་ཆེན་གླིང་པའང་རྫོགས་དགོན་དུ་བྱོན་ཏེ་རུ་དམ་གངས་ཁྲོད་ནས་བདེ་མཆོག་སངས་རྒྱས་མཉམ་སྦྱོར་གྱི་གཏེར་ཁ་བཞེས། ཆོས་སྐོར་དེ་དང་རིགས་གསུམ་སྙིང་ཐིག་སོགས་ཀྱི་ཆོས་བདག་ཏུ་ངོས་འཛིན་གནང་བ་ལྟར་རྗེ་འདིས་ཀྱང་ཐུགས་དད་ཆེན་པོས་དབང་ལུང་ཁྲིད་གསུམ་ཡོངས་རྫོགས་བ་རྣོག་ཆོས་སུ་གསན། སླར་ཡང་དགེ་འདུན་ཚོགས་མང་ལ་དགོངས་འདུས་སྒྲུབ་ཐབས་སྐོར་གྱི་ལུང་གནང་བར་རྗེ་འདིས་གསོལ་བ་བཏབ་ནས་དེ་བཞིན་བསྩལ་བ་མཇུག་རྫོགས་མཚམས་སུ་གསུང་མཐོན་པོས་འོ་དེ་རིང་རང་རེ་རྣམས་ཀྱིས་གཏེར་སྟོན་སངས་རྒྱས་གླིང་པའི་མདུན་ནས་བླ་མ་དགོངས་འདུས་ཐོབ་པའི་སྐལ་བཟང་བྱུང་བ་རེད་པས་ཀུན་གྱིས་བསྙེན་སྒྲུབ་རེ་གྱིས། ཞེས་གསུངས། ཀ་ཐོག་རྡོ་རྗེ་

― TN03_Page_0143 ―

^{[མ་དཔེ་གཟིགས་ན་འདིར་གནོན།]}

(༡༢༧)གདན་དུའང་ཞབས་ཀྱིས་བཅགས་ཏེ། དམ་གཙང་བྱམས་གསུམ་གྱི་གདུང་འབུམ་ལ་ཕྱག་སྐོར་མང་དུ་མཛད་ཅིང་། སི་ཏུ་མཆོག་སྤྲུལ་དམ་པ་ཆོས་ཀྱི་བློ་གྲོས་སོགས་ཀྱིས་གསོལ་བ་བཏབ་པ་ལྟར། གཙུག་ལག་ཁང་ཆེན་མོར་འདུས་སྡེ་ཡོངས་ལ་སྤྱོད་འཇུག་རྒྱས་པར་གསུངས། ཞིང་སྐྱོང་རིན་པོ་ཆེས་ཀྱང་ཆོས་ཐུན་གཅིག་ཙམ་གསན། དགེ་རྩེ་སེར་ཤུལ་དགོན་དང་། ལབ་ཁྲི་འདུ་དགོན་ཆུ་ཧོར་དགོན་སོགས་རི་བོ་དགེ་ལྡན་པའི་དགོན་ཆེན་མང་པོར་བྱོན་ནས་སྤྱོད་འཇུག་སོགས་ཀྱི་བཤད་པ་རྒྱ་ཆེར་སྩལ། དེ་དག་གི་ཚེ་ཡང་གསར་རྙིང་གི་གྲུབ་མཐའི་ཕྱོགས་འཛིན་དང་། དགག་བཞག་གི་ཟེར་མཆུ་རང་བསྟོད་གཞན་སྨོད་སོགས་སྐབས་སུ་མ་བབས་པ་དང་། དུས་ཀྱིས་དབང་ལས་ཆགས་སྡང་གི་རྒྱུར་འགྲོ་བའི་གཏམ་རྣམས་ཆ་ཤས་ཙམ་ཡང་མ་འདྲེས་པར་འགྲེལ་པ་མཁན་སུའི་ལུགས་ལྟར་བཤད་པ་དེ་དང་དེའི་རང་བཞེད་ཁ་གཙང་། གསལ་ཞིང་དག་ལ་ཟུར་ཕྱིན་པ། དོན་གྱི་གནད་ཐོག་ཏུ་འདྲིལ་ཞིང་། ཧ་ཅང་རྒྱས་བསྡུས་ཀྱི་མཐར་མ་ལྷུང་བ་ཉམས་ལེན་གྱི་སྟེང་དུ་བསྐོར་ནས་གསུངས་པས་ལྷ་ལྡན་སྨོན་ལམ་རབ་འབྱམས་པ་མང་པོས་ཀྱང་ཡི་རང་གི་མེ་ཏོག་འཐོར་ཞིང་གུས་པས་བཏུད། ཧོར་ཁང་གསར་སྐྱབས་མགོན་བྱོན་ནས་གདོལ་པའི་དྲང་སྲོང་གི་གཏམ་དུ་གྲགས་པ། གང་གིས་ཁམས་གསུམ་ཁམས་ཟས་སུ། །ཞེས་པའི་དབུ་ཅན་དེ་བཤད་ཁྲིད་ཀྱི་ལུགས་སུ་གསུང་པར་ཞུས་པས་སྤྱི་དོན་བཀོད་ནས་བཀྲལ་ཏེ་གསུངས་

― TN03_Page_0144 ―

^{[མ་དཔེ་གཟིགས་ན་འདིར་གནོན།]}

(༡༢༨)འདན་པདྨ་རི་མཐོའི་ཤེལ་དཀར་ཕུག་ཏུ་རྒྱང་ཙམ་བཞུགས་སྐབས་སྡེ་དགེའི་གཟིམ་དཔོན་བཀྲ་ཤིས་དགེ་ལེགས་ཀྱིས་ཞུས་ངོར་ལྷ་ཆོས་དང་མཐུན་པའི་གཏམ་པདྨའི་ཚལ་གྱི་ཟློས་གར་ཞེས་བྱ་བའི་ཡ་མཚན་ཅན་དེ་དང་། སྐུ་ཞབས་མཁྱེན་བརྩེའི་གསོལ་འདེབས་ཆེན་མོ་བཀྲ་ཤིས་དགེ་ལེགས་མཛད། ཕྱིས་སུ་གཙོ་བོར་བླ་མ་སྤྱན་རས་གཟིགས་ཀྱི་གདན་ས་རྫ་རྒྱལ་དགོན་གྱི་ཉེ་སྐོར་ཉིད་དུ་བཞུགས་ཤིང་བྱམས་ཆོས་དང་རྩ་ཤེས། བུད་དྷ་པཱ་ལི་ཏ། སྤྱོད་འཇུག །ཡོན་ཏན་མཛོད། བཟང་སྤྱོད་བཤད་པ་སོགས་ཅི་རིགས་པར་གནང་། སྔོན་དུས་དཔལ་དགེ་བསམ་གཏན་ཕུན་ཚོགས་ཀྱིས་རྡོ་འབུམ་ཆེན་མོ་བཞེངས་སྐབས་ད་དུང་ངས་སྐྱེ་བ་ཕྱི་མར་ད་ལྟའི་འདི་ལས་རྒྱ་མི་ཆུང་བའི་རྡོ་འབུམ་ཁ་གསོ་བྱེད་རྒྱུ་ཡིན་ཞེས་ཞལ་གྱིས་བཞེས་པར་གྲགས་པ་ལྟར་ཨ་ཐུབ་ཚོང་དཔོན་ཆེན་པོའི་རིགས་ལས་བྱུང་བའི་དད་ལྡན་འཇམ་དབྱངས་བློ་གྲོས་སོགས་བཀས་བསྐུལ་ཞིང་ལོ་བཞི་ལྔ་ཙམ་དུ་མཆོག་དམན་སུས་དད་འབུལ་ཆེ་ཕྲ་བྱུང་ཚད་སྔོན་དུས་དང་མི་འདྲ་བར་བརྩེ་བ་ཞེས་མཛད་དེ་རྡོ་བསྐོས་བཟང་ལ་མང་བ་སོགས་ནས་སྔོན་གྱི་རྡོ་འབུམ་ལས་ཀྱང་རྒྱ་ཆེ་ཞིང་དཔངས་མཐོ་བས་ཁ་གསོ་གནང་ཞིང་རྡོ་བརྐོས་འབུར་ཐམས་ཅད་རྩིས་ལེན་ཞིབ་གཟིགས་ནན་ཏན་དུ་མཛད་པས་ཤིན་ཏུ་འབྱོན་གཙང་སྤུས་ལེགས་མཐའ་རྒྱས་སུ་གྲུབ། བཀའ་ལས་རྟེན་བཞེངས་འདི་སེམས་ཅན་མང་པོ་ལ་ཕན་ཐོགས་ཆེ་བར་འདུག་ཀྱང་ས་འབུམ་དང་ས་

― TN03_Page_0145 ―

^{[མ་དཔེ་གཟིགས་ན་འདིར་གནོན།]}

(༡༢༩)སྐུ་སོགས་ནི་ཆར་ཆུས་འཇིག །ཟངས་གསེར་སོགས་ལས་བྱས་པ་ནི་བདག་པོ་ངན་ན་ཆོམ་རྐུན་ཡང་ལྡང་། ལོགས་རིས་དང་ཐང་ཀ་ཡང་རྐྱེན་ཁྱག་ཆུང་། གཙུག་ལག་ཁང་བཞེངས་ན་ནི་ཐིགས་ཚག་སོགས་གཉེར་ཅག་ལེགས་པོ་བྱེད་པའི་དཀོན་གཉེར། དེའི་ཟས་གོས་སྒྲུབ་རྟེན་སོགས་འབད་རྩོལ་བརྒྱ་ཕྲག་དགོས་ཤིང་། དེ་བྱས་ཀྱང་དཀོན་གཉེར་བཟང་པོ་ཡང་བརྒྱུད་མར་རྙེད་དཀའ། གསུང་རྟེན་གླེག་བམ་ཡང་འཐོར་བརླག་ཆུད་ཟོས་སུ་འགྲོ་སླ་ཞིང་། སྤར་བརྐོ་དུས་སྤར་ཡིག་ལ་ཞུ་དག་ལན་དགུ་རེ་བྱས་ཀྱང་ད་དུང་མི་དག་པ་མང་དུ་སྣང་ཟེར་གྱི་འདུག་པས་ཆད་ལྷག་འཁྲུལ་གསུམ་གྱིས་མ་གོས་པ་དཀའ་ཚོད་རེད། རྡོ་འབུམ་འདི་ནི་བཞེངས་ཚར་ནས་དབྱར་དུས་ཐིགས་ཚག་དང་དགུན་དུས་ཁ་བ་ཕྱགས་སྦྲུགས་ཕུག་རོན་དང་བྱི་བ་བསྲུང་བ་དཀོན་གཉེར་བསྐོ་འཇགས་སོགས་གང་ཡང་མི་དགོས། ཡིག་འབྲུ་དྲུག་པོ་དེ་མ་ནོར་ཕན་ཆད་ཞུ་དག་བྱ་མི་དགོས་ཤིང་། དེ་རྡོ་བརྐོས་མི་ནག་པ་རྣམས་ཀྱིའང་བློ་ལ་ཡོད་པས་དཔེ་གཞན་ལ་མི་ལྟོས། མ་ི་འདི་སངས་རྒྱས་ཉིད་ཀྱིས་ཆོས་ཕུང་བརྒྱད་ཁྲི་བཞི་སྟོང་གི་ནང་བཅུད་ཡིག་འབྲུ་དྲུག་ཏུ་བསྡུས་ནས་བྱིན་གྱིས་བརླབས་པ་ཡིན་པས་རྟེན་བཞེངས་གཞན་མང་པོ་ནི་ཡལ་ག་ལ་འཇུས་པ་དང་ངས་འདི་ནི་ལྗོན་ཤིང་གི་རྩ་བའི་གནད་ནས་བཟུང་བ་དང་འདྲ། ལུང་པ་དམག་གིས་ཁེངས་ཡང་འདི་ལ་ཆོམ་རྐུན་ཡོད་དོགས་མི་དགོས་པས་མི་རབས་མང་པོའི་མཐར་

― TN03_Page_0146 ―

^{[མ་དཔེ་གཟིགས་ན་འདིར་གནོན།]}

(༡༣༠)ཡང་གནས་ཆོག །གནའ་མྱིའི་ཁ་ངག་ལ། མ་ིའི་རྡོ་ལ་གདན་བཏིང་ན་ད་གཟོད་གཤིན་རྗེ་ཆོས་རྒྱལ་གྱི་དྲུང་དུ་དགེ་སྡིག་རྒྱ་མ་ལ་བཀྱག་དུས་གདན་གྱི་ལྗིད་དེ་དགེ་བའི་ཁ་སྣོན་ལ་བཀྱག་ཆོག་ཟེར། གང་ལྟར་ཡང་འདི་ལ་ནི་འཛམ་བུའི་ཆུ་གསེར་གྱི་གདན་བཏིང་ཡང་འོས་པ་ལས་ལྷག་ཀྱང་ཡིན་ཏེ། འཁོས་ཀྱིས་མི་ལྕོགས། འོན་ཀྱང་ངས་ནི་ས་ཆེན་པོ་འདི་རྡོ་གདན་ལ་བཞག་པ་ཡིན་ཞེས་ངག་ཡིད་གཉིས་ཀས་བསྡོས་ཡོད། ངའི་དགེ་བ་རྒྱ་མ་ལ་བཀྱག་ན་ཨི་མི་ལྗི་སྙམ་ཞེས་གསུངས་ཏེ་རྡོ་འབུམ་འདི་ནི་ཕྱི་རབས་ནས་ཕྱི་རབས་སུ་མཐོང་ཐོས་དྲན་རེག་གི་འགྲོ་བ་གྲངས་མེད་པའི་དོན་དུ་རྗེ་ཉིད་ཀྱི་ཞལ་ཚབས་བྱིན་གྱིས་བརླབས་པ་ཡིན་པར་སྣང་ངོ། །རྫོགས་ཆེན་མཆོག་སྤྲུལ་ལྔ་པ་དང་སྐུ་ཞབས་དགེ་མང་མཆོག་སྤྲུལ། མཁན་ཆེན་རྡོ་རྗེ་འཆང་པདྨ་བཛྲ་དང་། མཁན་པོ་དཀོན་མཆོག་འོད་ཟེར་སོགས་ལ་གསང་སྙིང་རྒྱུད་བཤད་གནང་སྐབས་རྡོ་རིང་ལ་རབ་གནས་མཛད་དུ་བཅུག །སླར་ཡང་རྫོང་གསར་དུ་ཀུན་མཁྱེན་བླ་མ་རྡོ་རྗེ་འཆང་འཇམ་དབྱངས་མཁྱེན་བརྩེའི་ཞབས་ཀྱི་སྤྱན་སྔར་དར་ནང་མཛོད་དང་དངུལ་རྟ་རྨིག་གི་ཞུ་རྟེན་བཅས་རབ་གནས་ཀྱི་ཆེད་དུ་ཕྲིན་གྱིས་གསོལ་འདེབས་མཛད་པས། ཆུ་སྟོད་ཟླ་བའི་ཚེས་བཅུར་ལྷག་གནས་མཛད་རྒྱུའི་ཞལ་བཞེས་གནང་པ་ལྟར་དུས་ཚོད་དེ་ནས་བརྩམས་པའི་ཉིན་ཞག་གསུམ་ཙམ་གྱི་རིང་རྡོ་འབུམ་གྱི་སྟེང་ཤོད་བར་གསུམ་ཡོངས་རྫོགས་ལྷག་པར་གནས་

― TN03_Page_0147 ―

^{[མ་དཔེ་གཟིགས་ན་འདིར་གནོན།]}

(༡༣༡)པའི་མེ་ཏོག་གིས་ཁྱབ་པའི་ངོ་མཚར་བསྟན། དེ་དང་ལྷག་པར་ལྕེ་བཙུན་སྙིང་ཐིག་གཟིགས་པ་སོགས་ཀྱིས་ཐུགས་དྲངས་ཏེ། དིལ་སྤྲུལ་ཚང་འདི་ནི་རྒྱ་གར་གྱི་གྲུབ་ཆེན་ལྟ་བུའི་ཚོད་དུ་འདུག་ཅེས་དང་། སློབ་མ་མང་པོ་ལའང་། ཁོང་ཀུན་མཁྱེན་ཀློང་ཆེན་པ་དངོས་རང་ཡིན་ཚོད་རེད། ད་ལྟས་སྟེང་ན་ཁོང་ཆེ། དེའི་ཞལ་ཅིག་མཐོང་ན་ཁྱེད་ཚོའི་དཔྲལ་བ་ན་མིག་ཅིག་ཡོད་པ་དེ་ལ་དོན་འབྲས་བྱུང་བ་ཡིན་ཞེས་སོགས་ལན་ཅིག་མིན་པར་བསྔགས། སླད་ནས་ཞབས་བརྟན་གྱི་ཚིག་བཅད་ཚེ་དཔག་མེད་ཀྱི་སྐུ་རྟེན་དང་སྦྲག་པ་ལན་མང་དུ་ཕུལ་བའི་ནང་ནས། རྒྱལ་བའི་རྒྱལ་ཚབས་རིག་འཛིན་བླ་མ་ཆོག་ཅེས་པའི་དབུ་ཅན་སོགས་ཞབས་བརྟན་ཚིགས་བཅད་རེ་ཟུང་ད་ལྟའང་བཀའ་འབུམ་གྱི་ཁྲོད་ན་སྣང་། འཇིགས་མེད་རྒྱལ་བའི་མྱུ་གུར་་ཁྲ་མ་བླ་མ་ཞེས་བཞུགས་མཚན་ཆགས་པའི་ཁྲམ་ལུང་དུ་དགེ་མང་རྗེ་དབོན་རིན་པོ་ཆེ་བསྟན་འཛིན་ནོར་བུ་སོགས་སྣོད་ལྡན་མཆོག་གི་འགའ་ཞིག་དང་ལྷན་ཅིག་འཁོར་འདས་རུ་ཤན་ནས་བཟུང་རྫོགས་ཆེན་ཐུན་མིན་གྱི་སྔོན་འགྲོ་དང་དངོས་གཞི་ཁྲེགས་ཆོད་ཐོད་རྒལ་ཡོངས་རྫོགས་ཀྱི་མྱོང་ཁྲིད་ཤིན་ཏུ་སྨིན་པར་མཛད་པ་དང་སྦྲག་ནས་རྗེ་རང་གིས་ཀྱང་ཁྲིད་སྦྱང་ཡུན་རིང་དུ་གནང་། དགེ་མང་དབོན་རིན་པོ་ཆེའི་ཞལ་ནས། སྔོན་ཆད་ངེད་ཚོས་ཆེན་གོ་ལོ་ཐོས་ལོ་དང་བཤད་མདོག་བྱས་ཚད་ཚིག་སྤྱི་ཡམ་མེ་བ་ཙམ་ལས་ཆེར་ཤེས་པ་མ་བྱུང་། ཁྲམ་ལུང་

― TN03_Page_0148 ―

^{[མ་དཔེ་གཟིགས་ན་འདིར་གནོན།]}

(༡༣༢)དུ་ཉམས་ཁྲིད་བཀའ་དྲིན་བསྐྱང་བ་ནས་བཟུང་ཆོས་འདི་ལ་གོ་རྟོགས་མཐིལ་ཕྱིན་པ་ཞིག་ཐོབ་སྙམ་བྱུང་གསུངས། རྫོགས་ཆེན་གྱི་ལམ་སྒྲུབ་པ་པོ་གཉིས་ལས་རིག་པ་རང་སྣང་གི་བློ་ཅན་ཡིན་ཡང་བརྟུལ་ཞུགས་རུ་ཤན་གྱི་སྤྱོད་པ་དང་མོས་གུས་བླ་མའི་རྣལ་འབྱོར་དང་སྦྲེལ་ནས་ཉམས་སུ་བླང་ན་བོགས་ཆེ་བས་སྔ་གོང་རུ་དམ་དུ་བཞུགས་དུས་ཀྱང་གངས་ཁྲོད་དང་ཉེ་བའི་རྫ་གསེབ་ཏུ་རུ་ཤན་མཛད་པར་གྲགས་ཤིང་། ཕྱིས་སྐུ་ན་ཆེས་མཐོན་པོར་ཕེབས་དུས་ཀྱང་མཚན་མོའི་རིང་ཀློང་སྙིང་བླ་མའི་རྣལ་འབྱོར་ལ་ཐུགས་དམ་མཛད་དེ་སྲོད་དང་ནམ་གུང་གི་དུས་མང་པོར། རྗེ་བཙུན་ཆེན་པོ་པད་འབྱུང་མཁྱེནཿ ཞེས་གདུང་དབྱངས་མཛད་ལྕང་མ་ལུང་དུ་སྡོད་སྐབས་བདག་ཅག་གིས་ཀྱང་མངོན་སུམ་དུ་གྱུར། བསྒྲུབས་འབྲས་ཀྱི་གཙོ་བོ་ནི་བསྒོམས་རྟགས་ཉོན་མོངས་ཆུང་བ་ཞེས་གྲགས་པ་ལྟར། སྨྱོ་ཤུལ་ལུང་རྟོགས་ཞབས་པད་ཡུན་རིང་དུ་བསྟེན་པའི་ཐུགས་གྱི་སློབ་མ་ཡིན་པས་ལན་ཅིག་ཁོང་ལ། ཁྱོད་བླ་མ་སུ་ལ་གསོལ་བ་འདེབས་ཀྱིན་ཡོད་གསུངས་པར། གསོལ་འདེབས་ཀྱང་ཆེར་མི་ཐུབ་འདུག་ཞུས་པས། མི་ཐུབ་དུས་དེར་ཟད་ཐུབ་དུས་སུ་ལ་འདེབས་གསུངས། དེར་འཇིགས་བཞིན་དུ། ཁྱེད་ལ་གསོལ་བ་རེ་འདེབས་པ་ཡིན་ཞེས་གཅོམ་ཆུང་ངུས་ཞུས་པས། རྒྱལ་ཁམས་ན་བླ་མ་འདིའི་མང་ཉུང་ལ་ང་ལ་གསོལ་བ་འདེབས་པ་ཅི་ཡིན་གསུངས་རང་ལ་དགེ་སེམས་སྐད་ཅིག་མ་རེ་སྐྱེས་ཀྱང་འོ་དེ་ཅི་ལས་བྱུང་བསམ་ཙ་ན་ཁྱེད་ཀྱིས་ཆོས་རེ་བཤད་ཀྱི་

― TN03_Page_0149 ―

^{[མ་དཔེ་གཟིགས་ན་འདིར་གནོན།]}

(༡༣༣)བསྡད་པའི་མཐུ་ཁོ་ན་རེད་འདུག་པས་དྲིན་ཆེ་སྙམ་པ་ལགས་ཞུས་པས། དེ་ཡིན་ན་ཨ་ཐོ་བདེན་ཐང་ད་ནི་གསོལ་བ་རེ་བཏབ་ཀྱང་རུང་བ་འདྲ། ངའི་རྒྱུད་འདི་ན་ཉོན་མོངས་པ་ཟེར་རྒྱུ་དེ་ཚོ་གཏན་ནས་འཆར་རྒྱུ་མི་འདུག་ཅེས་གསུང་མཐོན་པོ་བྱོན། རྟག་ཏུ་རྗེས་སུ་བཟུང་བའི་ལྷག་པའི་ལྷ་ནི་རྗེ་བཙུན་འཇམ་པའི་དབྱངས་ཏེ། གསོ་རིག་གི་མན་ངག་དྭངས་མ་འགྲིམ་པའི་རྩ་དགུའི་རྣམ་བཤད་ཁྱད་པར་ཅན་ཅིག་མཛད་པ་ན་མན་ངག་དེ་གཡུ་ཐོག་སྙིང་ཐིག་གི་གསོལ་འདེབས་བསྙེན་པ་མཛད་སྐབས་སྨན་རྒྱལ་གུ་འི་ཞབས་དང་འཇམ་པའི་དབྱངས་དབྱེར་མེད་པས་དངོས་སུ་གདམས་པ་ཚིག་ཟིན་ལ་ཐོན་ཅིང་། གཞན་དུ་ཡང་། རབ་དཀར་ཀེལ་ཤ་དཔལ་མཛེས་པ་ལ། །བཻ་ཌཱུར་ཐོར་ཚུགས་བཀོད་དང་གང་མཚུངས་པ། །འཇམ་དཔལ་དཔའ་བོ་རྗེས་འཛིན་མཚུངས་མེད་ལྷས། །ཚེ་རབས་ཕྲེང་བ་རྣམས་སུ་སླར་ཡང་སྐྱོངས། །ཞེས་གསུངས་པ་འདི་འདྲའི་རིགས་མང་པོ་ཞིག་སྣང་། དེའི་ཕྱིར་སྐུ་ན་ཤིན་ཏུ་གཞོན་ནུ་ནས་ཇི་སྲིད་མྱ་ངན་ལས་འདས་ཀྱི་བར་དུ་ཉིན་མཚན་རྒྱུན་གྱི་འཁོར་ལོ་ཕལ་ཆེ་བར་འཇམ་དཔལ་མཚན་བརྗོད་འབའ་ཞིག་ཐུགས་དམ་གྱི་མཐིལ་དུ་མཛད། བཀའ་དགོངས་འགྲེལ་གྱི་ཆོས་གང་ཡང་གཟིགས་པ་ཙམ་གྱིས་དོན་ཐུགས་སུ་ཆུད་ཅིང་། །སྤྱོད་འཇུག་རྩ་བ་དང་མཚན་བརྗོད་ཀྱི་གླེག་བམ་ཞིག་རེས་ཡོད། རེས་གཞན་ལ་གནང་ནས་མེད། དེ་ཙམ་མ་གཏོགས་འགྲེལ་པ་དང་བརྗེད་བྱང་

― TN03_Page_0150 ―

^{[མ་དཔེ་གཟིགས་ན་འདིར་གནོན།]}

(༡༣༤)སོགས་ཀྱི་དཔེ་ཆ་ཤོག་ལྡེབ་གཅིག་དང་ཐ་ན་སྣག་སྙུག་ཙམ་ཡང་ཚགས་མཛད་པ་མེད་པར། ཀོག་དེ་ལངས་ན་གཞིས་རྫོགས་པ། བྱ་བ་དེ་ཁོ་ནར་བཞུགས་ཀྱང་དབུ་ཕར་མངོན་པ་སོགས་གཞུང་གང་འཆད་རུང་དཔེ་ཆ་མང་པོ་སྡུ་རྩོལ་དང་ཐུགས་གསོས་སུ་གཟིགས་རྟོག་སྐྱོར་བའི་རིགས་གང་ཡང་མི་དགོས་པར་རལ་གྲི་ཕྱུང་རྒྱགས་ཀྱི་ཚུལ་དུ་ཐོགས་པ་མེད་པར་བཤད་པས་ཆོག་པ་ཡང་འཕགས་པ་འཇམ་དཔལ་གྱིས་མཆོག་སྦྱིན་པའི་བྱིན་རླབས་ཀྱི་ཆ་ཤས་ཞིག་ཏུ་མངོན། རུ་དམ་གཤིན་རྗེའི་སྒྲུབ་ཕུག་འོག་མར་རྗེ་བླ་མ་ཉིད་བཞུགས་ཤིང་། ཕུག་པ་གོང་མར་རྒྱལ་མོ་རོང་པའི་ཆོས་པ་གླེན་ནེ་བ་ཞིག་ཡོད་སྐབས། ཉིན་གཅིག་རྗེའི་ཞལ་ནས། འདི་ལྟར་དབེན་པའི་གནས་སུ་དགེ་སྦྱོར་བྱས་ཏེ་བསྡད་ན་རྣམ་གཡེང་མེད་ཅིང་རིག་པ་ངང་གིས་དྭངས་པས་སྔོན་གནས་རྗེས་དྲན་སོགས་འོང་བ་ལ་ཡང་ཚེགས་མེད། ཁྱོད་ལ་དེ་འདྲ་ཅང་ཨེ་བྱུང་གསུངས་པར། ཁོས་ཅི་ཡང་མ་བྱུང་ཟེར། ངས་ནི་རེས་འགའ་སྔ་མའི་ཚེ་རབས་བརྒྱ་ཕྲག་ལྷག་པ་ཡང་དྲན་པར་བྱུང་། སྔོན་དུས་གྲུབ་ཆེན་ནག་པོ་སྤྱོད་པ་གྲོང་ཁྱེར་དུ་བྱོན་དུས་ཤིག་ང་རང་གྲོང་ཁྱེར་གྱི་སྨད་འཚོང་མར་གྱུར་པས་གསེར་གྱི་གདུ་བུ་ཞིག་ཕུལ་བ་དེ་ཚུན་ཆད་དུ་བླུན་རྨོངས་ཕག་ཐོམ་ལྟ་བུར་ནམ་ཡང་མ་སྐྱེས་པ་ཞིག་ཀྱང་དྲན་གསུངས་སྐད། འདི་ལྟར་མངོན་པར་ཤེས་པ་མངའ་བའི་གསུང་སྒྲོས་སུ་གཏོགས་པ་གཞན་ཡང་རྡོ་སྟོད་ཀྱི་སའི་ཆ་དྷི་ཆུད་ཕུག་ཏུ་བཞུགས་དུས་ཤིག་

― TN03_Page_0151 ―

^{[མ་དཔེ་གཟིགས་ན་འདིར་གནོན།]}

(༡༣༥)བོད་ཆུང་རྟ་ཤུལ་གྱི་རྒད་པོ་ཞིག་ཚོང་ལ་འགྲོ་བའི་ལམ་དུ་ཆུས་ཁྱེར་ནས་ཤི་བ་ཟླ་བོ་རྣམས་ཀྱིས་རོ་བཀལ་ནས་ཕུག་པ་དང་ཉེ་བའི་ཕྱོགས་སུ་ཕྱིན་ཏེ་འཕོ་བ་ཞུས་པས་ཆོས་ཞུ་མང་པོ་དང་བཅས་པས་འཕོ་ལུང་གསུངས། མཚམས་ཤིག་ནས་རྗེ་བླ་མ་ཉིད་རྒྱ་ཆེར་བཞད་དེ་འཕོ་ལུང་གསུངས་འཕྲོ་ལུས་ཀྱང་འཁོར་རྣམས་ཀྱིས་མཇུག་རྫོགས་པར་བཏོན། །དེ་སྐབས་ཅི་ཡང་མ་གསུངས། ཕྱིས་རྫ་སྟོད་དུ་རྒྱུ་ཞིང་བཞུད་སྐབས་ཤིག་འཁོར་ཁ་ཅིག་ལ་དེའི་ལོ་རྒྱུས་གསུངས་ནས། དེ་དུས་རྒད་པོ་ཤི་བ་དེའི་བར་སྲིད་སུམ་ཅུ་རྩ་གསུམ་པའི་ལྷ་ཡུལ་དུ་ལྷའི་བྱིས་པའི་གཟུགས་ཀྱིས་སླེབས་པ་ཞིག་མཐོང་ནས། མདུན་དེར་རྒད་པོའི་རོ་མགོ་སེ་ཡེ་རེ་བ་འདུག་བལྟས་པས། རྒད་པོ་སེ་བོ་འདིའི་མགྱོག་པ་ལ་ཨང་སྙམ་ནས་ང་དགོད་ཁ་ཤོར་ཏེ་འཕོ་ལུང་འདོན་འཕྲོ་ཆད་པ་ཞིག་བྱུང་ཞེས་གསུངས་པ་ལྟ་བུ་འགའ་རེ་ཡོད་ཚོད་འདུག ཡང་སྔོན་ང་རང་གཤིན་རྗེའི་ཕུག་པར་འདུག་སྐོར་ཞིག་ལ་གཞན་འགའ་རེས་ཁྱོད་ཀྱི་ཤ་མདོག་སོགས་ལ་བལྟས་ན་མཛེ་ནད་ཀྱི་དོགས་པ་ཞིག་འདུག་ཟེར། རང་ལའང་ཀླུ་གདོན་གྱི་རྟགས་མཚན་འགའ་རེ་བྱུང་བར། རཏྣ་གླིང་པའི་གཏེར་ཁའི་རྟ་ནག་དེའི་བསྒོམ་བཟླས་བྱས་པས་རང་གི་ལུས་ལས་སྦྲུལ་ཆེན་པོ་ཕྱིར་ཐོན་པ་རལ་གྲིས་དུམ་བུར་བཅད་པ་སོགས་རྨི་ལྟས་ཡ་མཚན་ཆེ་བ་དང་བཅས་ཞག་བདུན་ཁོ་ནས་ནད་དེ་ཡུལ་བུད་གསུངས། ཡང་མཆོག་གྱུར་གླིང་པའི་རིགས་

― TN03_Page_0152 ―

^{[མ་དཔེ་གཟིགས་ན་འདིར་གནོན།]}

(༡༣༦)གསུམ་སྙིང་ཐིག་གི་འཇམ་དཔལ་རྫོགས་ཆེན་དེ་ལ་ངས་བསྙེན་སྒྲུབ་ཅིག་བྱས་པས་དེའི་གཞུང་ནས་བཤད་པའི་རྨི་རྟགས་ཚོ་གསལ་པོ་བྱུང་། མཆོག་གྱུར་བདེ་ཆེན་གླིང་པ་དེ་གཏེར་སྟོན་བདེན་པ་ཞིག་རེད་གསུངས་པ་སོགས་ལས་དཔག་ན་བསྙེན་སྒྲུབ་ཀྱི་རིགས་གཞན་ཡང་མང་པོ་མཛད་ཡོད་ཚོད་སྣང་ཡང་ཕྱིར་མི་མངོན་པས་ཤེས་དཀའ། དུས་ནམ་ཡང་བྱམས་སྙིང་རྗེ་བྱང་ཆུབ་ཀྱི་སེམས་ཁོ་ན་ཐུགས་དམ་དགེ་སྦྱོར་ཐམས་ཅད་ཀྱི་རྩ་བར་འཛིན་ཅིང་། སྐྱེ་བོ་མཆོག་དམན་ཐམས་ཅད་ལ་བསམ་པ་བཟང་པོ་བཟང་པོ་གྱིས་འདི་ལས་གལ་ཆེ་བ་མེད་གསུངས། བསྙེན་སྒྲུབ་བྱེད་པ་ཀུན་ལ་ཡང་། སྡེ་སྣོད་མང་པོ་ཤེས་པ་དང་། སྟོང་པ་ཉིད་ཀྱི་ལྟ་བའི་ཕྱོགས་མཐོང་ཡོད་པ་དང་། ལྷ་བསྒོམ་སྔགས་བཟླས་ཀྱིས་ལོ་ཟླ་མང་པོ་ཕུལ་བ་སོགས་ཀྱང་བསམ་པ་ངན་པའི་དབང་གིས་གདུག་འདྲེར་སྐྱེས་པ་མང་། །སྙིང་རྗེ་ཡི་དམ་གྱི་མཐིལ་པོར་འཛིན་པ་ལ་གདུག་འདྲེར་སྐྱེས་པ་གཅིག་ཀྱང་མི་སྲིད་པས་འདི་ཁོ་ན་གད་མེད་གཡང་མེད་ཀྱི་ཆོས་ཡིན་གསུངས། མིང་གནང་བར་ཞུ་མཁན་ཚོར་ཡང་སྙིང་རྗེ་ཐོག་མར་སྦྱར་ནས་བཏགས་སྣང་། བཅོམ་ལྡན་འདས་ཀྱིས་མདོ་སྡེ་ལས་དེ་བཞིན་གཤེགས་པའི་གསུང་རབས་ནི་ལེགས་པར་མ་བཀླས་པའི་ཉེས་པས་ནུབ་ཚུལ་གསུངས་པ་ཐུགས་ལ་བཞག་ནས་རྟག་ཏུ་དམ་པའི་ཆོས་འཆད་ཉན་གྱི་བྱ་བ་ལ་གཅེས་སྤྲ་མཛད་ཅིང་། གཞན་ཉ་བཤད་བྱེད་པ་ཀུན་ལ་ཡང་དགྱེས་པ་ཚད་མེད་འབྱུང་། ཆོས་གང་

― TN03_Page_0153 ―

^{[མ་དཔེ་གཟིགས་ན་འདིར་གནོན།]}

(༡༣༧)གསུང་ཡང་མཁས་ངོམ་གྱི་སྤྲོས་པ་གང་མང་ཙམ་མིན་པར་གདུལ་བྱའི་བློ་ཚོད་དང་བསྟུན་ནས་ཕན་གང་ཆེ་མཛད་པས། མཁས་པས་བརྟགས་ན་དོན་བཟང་བ། བླུན་པོས་ཉན་ཡང་གོ་སླ་བ། གནད་འདུམ་ལ་འཛིན་བདེ་བ། རན་ལ་འབྲེལ་ཆགས་པ། སྙན་ལ་རོ་ཉམས་དང་ལྡན་པ། འཇམ་རྩུབ་ཇི་ལྟར་བཤད་ཀྱང་གདམ་ངག་གི་རོ་གཅིག་ཏུ་མཐུན་པར་འབྱུང་བས་མཁས་རྨོངས་བར་མའི་སྐྱེ་བོ་མཐའ་དག་གི་ཡིད་འཕྲོགས་པ་ཡོད། རྫ་ཁོག་ག་ཤེད་འདྲེ་ངན་ཁོག་བརླམ་གྱི་སྨྱོན་པ་གཉིས་ཡིད་གཅུག་པའི་གླེང་མོ་མང་དུ་བྱེད་ཀྱིན་འདུག་པར་གཞན་ཅིག་གིས་ཅི་ཡིན་དྲིས་པས་རྫ་སྟོད་དུ་དཔལ་སྤྲུལ་ཚང་གིས་སྤྱོད་འཇུག་བཤད་དུས་པར་མ་ཟེར་བའི་ལུང་པ་དེའི་མདོ་ཡན་ཆད་གང་བའི་ལྷ་འདྲེའི་ཁྲོམ་ཚོགས་ཀྱིས་ཆོས་ཞུས། དེ་དུས་ངེད་གཉིས་གྲོགས་མཆེད་དུ་གྱུར་པས་ངོ་ཤེས་ཀྱི་སྐད་ཆ་ལབ་པ་ཡིན་ཟེར་བས་མཚོན་ཆོས་སྦྱིན་གྱིས་བསྡུས་ཤིང་བསྐྱང་བའི་མི་མིན་གྱི་འཇིག་རྟེན་ཡང་ཚད་མེད་པ་ཞིག་ཡོད་པར་མངོན། སྔོན་དུས་མཚན་ཉིད་ཀྱི་ཆོས་གྲྭ་ཆེ་བ་འདྲ་མ་གཏོགས་གཞན་དུ་སྤྱོད་འཇུག་སོགས་མཚན་ཙམ་ལས་དོན་ཤེས་པ་ལྟ་ཅི། གླེགས་བམ་འཆང་ཙམ་ཡང་དཀོན་པ་ལས་སླད་ནས་རྗེ་བླ་མ་འདི་ཁོ་ནའི་དྲིན་གྱིས་སྟོད་སྨད་བར་གསུམ་ཀུན་ཏུ་སྤྱོད་འཇུག་དང་བྱམས་ཆོས། སྡོམ་གསུམ། ཡོན་ཏན་མཛོད་སོགས་ཀྱི་འཆད་ཉན་ས་ལང་རྡོ་ལང་དུ་དར་ཞིང་བཙུན་ཆུང་ལོ་བཅའ་བཅུ་པ་ཡན་ཆད་ཀྱི་ནང་ན་སྤྱོད་

― TN03_Page_0154 ―

^{[མ་དཔེ་གཟིགས་ན་འདིར་གནོན།]}

(༡༣༨)འཇུག་གིས་མགྲིན་པ་བརྒྱན་པ་ཆེས་མང་དུ་ཐོན་པ་དང་། རྒྱུ་མཚན་དེས་ཐེག་པ་ཆེན་པོའི་ལམ་གྱི་ལུས་ཡོངས་རྫོགས་ལས་དང་པོ་པའི་དུས་ནས་ཉམས་སུ་ལེན་པའི་རིམ་པ་ལ་བློ་ཁ་ལེགས་པར་ཕྱོགས་ནས་ཕྱོགས་མོས་བྱེད་པ་ཆེས་མང་བས་ས་འདི་དཔལ་ཡོན་ལྡན་པར་གྱུར་པ་དང་། གསང་སྔགས་རྙིང་མའི་བསྐྱེད་རྫོགས་རྫོགས་པ་ཆེན་པོའི་བསྟན་པ་སྤྱིའི་སྒྲོ་མ་ཆུ་འགོ་གངས་ལ་ཐུག་པ་ལྟ་བུ་སྒྱུ་འཕྲུལ་གསང་སྙིང་ཡིན་ཡང་དེའི་ཆོས་རྒྱུན་ཕལ་ཆེར་ནུབ་ལ་ལ་བ་ཡང་བདག་ཉིད་ཆེན་པོ་དགེ་མང་གཞན་ཕན་མཐའ་ཡས་དང་དམ་པ་འདི་གཉིས་ཀྱི་དྲིན་ལས་ད་ལྟའི་བར་དུ་མ་ནུབ་པར་བཞུགས་པ་དང་། ཐེག་མཆོག་བསྟན་པའི་ཡང་རྩེ་འོད་གསལ་རྡོ་རྗེ་རྩེ་མོའི་རིང་ལུགས་ཀྱང་བླུན་སྒོམ་ཡིད་དཔྱོད་ཀྱི་དྲི་མས་མང་དུ་བསླད་དེ་གསེར་ལ་གཡའ་ཞུགས་པ་ལྟ་བུར་གྱུར་པ་རྗེ་བཙུན་འདིས་ཀུན་མཁྱེན་དྲི་མེད་འོད་ཟེར་ཡབ་སྲས་ཀྱི་ལེགས་བཤད་ལ་བརྟེན་ནས་བྱི་དོར་མཛད་དེ་ཀུན་བཟང་དགོངས་པའི་གནད་གསང་གསལ་བར་མཛད་པའི་བཀའ་དྲིན་གྱི་བདུད་རྩི་ནོད་དེ་རི་སུལ་དུ་གྲུབ་ཐོབ་གོང་མའི་ལུགས་བཞིན་རྫོགས་ཆེན་སྒོམ་པའི་རྣལ་འབྱོར་པ་མང་དུ་བྱུང་བ་དང་། འཇིག་རྟེན་མི་ནག་གི་སྐྱེ་བོ་ཕོ་མོ་རྣམས་ཀྱང་སྤྱོད་འཇུག་བཤད་པའི་ཆོས་གྲལ་དུ་བག་ཙམ་རེ་ཉན་པས་ཐེག་པ་ཆེན་པོའི་ཆོས་ཀྱི་སྲོག་རྩ་བསམ་པ་བཟང་པོ་བྱང་ཆུབ་ཀྱི་སེམས་ཡིན་པའི་འགྲོ་ཕྱོགས་ཤེས་ཤིང་། བདེ་སྨོན་གསུངས་པ་རྣམས་ཐོས་ནས་བདེ་བ་ཅན་དུ་སྨོན་ལམ་འདེབས་

― TN03_Page_0155 ―

^{[མ་དཔེ་གཟིགས་ན་འདིར་གནོན།]}

(༡༣༩)པ་དང་། སངས་རྒྱས་འོད་དཔག་མེད་ཀྱི་མཚན་བརྒྱ་སྟོང་ཁྲི་འབུམ་སོགས་བརྗོད་པ་ལ་ཡི་དམ་ནར་མར་འཛིན་པ་དང་། སྟོབས་བཞིས་སྡིག་པ་སྦྱོང་བའི་ཐབས་ཀྱི་སྒོ་མཐོང་ནས་དེ་ལ་ནན་ཏན་བྱེད་པ་སོགས་དབྱར་གྱི་རྩི་ཤིང་ལྟར་མང་བ་བྱུང་བས་སྙིགས་ལས་ཆེར་སྙིགས་པའི་སྐལ་ངན་གྱི་མུན་རུམ་སྟུག་པོའི་ཁྲོད་དུ་བསྟན་འཛིན་དམ་པའི་ཟླ་བ་སྙིང་རྗེའི་གཟི་རྗིད་ཅན་འདི་ལྟ་བུས་རྗེས་སུ་བཟུང་བ་ནི་དུས་མཐའི་འགྲོ་བ་རྣམས་བསོད་ནམས་ཀྱི་བགོ་སྐལ་མི་དམན་པར་སྣང་ངོ་། །དགུང་གྲངས་བདུན་ཅུ་སྐོར་ཞིག་ལ་རྫ་སྟོད་མ་མོའི་ཐང་དུ་ཁྲོམ་ཚོགས་སྟོང་ཕྲག་ཁ་ཤས་འདུས་པར་བདེ་སྨོན་གྱི་ཁྲིད་རྒྱས་པར་སྩལ། དེ་ཕྱིན་ཆད་ཆོས་ཆེར་མ་གསུངས་ཤིང་ཆོས་ཞུར་འོང་བ་རྣམས་དབོན་རིན་པོ་ཆེ་བསྟན་འཛིན་ནོར་བུ་སོགས་ཀྱི་དྲུང་དུ་གཏོང་། ནན་བསྐྱེད་དེ་གདམ་ངག་ཞུ་བ་ཕལ་ཆེར་བཀའ་བཀྱོན་གནང་། སུ་ལ་ཅི་ཙམ་བཀྱོན་ཡང་ཕྱི་ཕྱིར་དད་གུས་ཇེ་འཕེལ་དུ་འགྲོ་བ་མ་གཏོགས་མི་མཐུན་པར་འཛིན་པ་སུ་ཡང་མེད་པས་རྗེ་ཉིད་ཀྱི་གསུང། དབེན་པའི་རྣལ་འབྱོར་སྨྱོན་པ་རྒྱལ་ཁམས་ཀྱི་གཅེས་ཕྲུག །ལྷག་བསམ་བྱང་སེམས་འབྱོང་བ་འགྲོ་ཀུན་གྱི་སྐྱབས་མགོན། །ཞེས་གསུངས་པ་ལྟར་སེམས་ཅན་ཐམས་ཅད་དང་མ་བཞིན་དུ་མཐུན། སྤྱིར་གྱོང་ཚིག་འཇིགས་ལ་ཟིལ་ཆེ་བ་གནང་ཡང་ཆགས་སྡང་སོགས་ཀྱི་གཏམ་དང་ཡོང་ཡེ་མི་འདྲེ་ཞིང་བརྟགས་ཤེས་ན་དངོས་སམ་བརྒྱུད་ནས་གདམ་ངག་འབའ་ཞིག་ཏུ་ཡོད། གང་

― TN03_Page_0156 ―

^{[མ་དཔེ་གཟིགས་ན་འདིར་གནོན།]}

(༡༤༠)གསུང་ཐམས་ཅད་བདེན་ཞིང་ངོ་ལྐོག་མེད་ལ་ཟོལ་ཟོག་གི་ལྷད་དང་གཏན་མི་འགྲོགས་པའི་རིན་ཆེན་གསེར་ལྟར་བཙུན་པ་ཁོ་ནར་གནས་པས་མཆོག་དམན་ཐམས་ཅད་ཀྱིས་ཚད་མར་རྩི། མཐོན་པོ་ལ་ངོ་སྲུང་སེམས་འཛིན་དང་དམན་པ་ལ་བརྙས་བཅོས་ཁྱད་གསོད་མི་མཛད་པར་ཆོས་འགལ་སུས་བྱེད་ཀྱང་བཅོས་སུ་མི་རུང་བའི་གཤིས་ངན་དུ་གཟིགས་ན་མ་གཏོགས་མཚང་ནས་རྒོལ་ཞིང་ཆོས་བཞིན་སྤྱོད་པ་རྣམས་ལ་གཟེང་བསྟོད་དབུགས་དབྱུང་མཛད། བསྙེན་པར་དཀའ་བ་ལྟར་སྣང་ཡང་དྲུང་དུ་ཅི་ཙམ་འགྲོགས་ཀྱང་ཕྱོགས་འཛིན་རེ་དོགས་འགྱུར་ལྡོག་འགལ་འཛོལ་སོགས་ཐེང་གཅིག་ཡོང་མི་སྲིད་པར་འདྲེས་རྟག་ལ་འགྲོགས་བདེ་བ་བག་ཡངས་ཤིང་ལེགས་ཉེས་ཐམས་ཅད་བཟོད་པའི་ངང་ཚུལ་ཅན་ཡིན་པས་འབྲེལ་མི་ཕོད་པ་འབའ་ཞིག་འོང་། བསམ་སྤྱོད་གཡོ་སྒྱུ་ཁྲམ་གསུམ་ལ་གོམས་པའི་བྱི་ལའི་བརྟུལ་ཞུགས་ཅན་རྣམས་ལ་གཏིང་ནས་མི་མཉེས་ཤིང་རྗེ་ཉིད་གཡོ་མེད་དྲང་པོར་གསུང་བའི་ངང་ཚུལ་ལས་ནམ་ཡང་མི་འདའ་བ་གོང་སྨྲོས་ལྟར་བཞུགས་ཀྱང་ཐུགས་ཀྱི་གཏིང་སུས་ཀྱང་དཔོག་པར་དཀའ་བའི་རྒྱ་མཚོ་ལྟར་ཟབ་ཅིང་སྒམ་པའང་ཡིན་པ་དང་། འཇིག་རྟེན་ཡ་རབས་ཀྱི་སྤྱོད་ཚུལ་ནས་བཟོ་དང་ལས་ཀྱི་གནས་ཕྲ་མོ་ཡན་ཆད་ཀྱི་རྒྱུས་ཞིབ་མོར་འབྱེད་པའི་བློ་གྲོས་ཀུ་ཤའི་རྩེ་ལྟར་མ་འདྲེས་པ་མངའ་ཡང་གང་ལའང་ཆེད་འཛིན་རྩིས་གདབ་མི་མཛད་པར་ལྟོས་མེད་བག་ཡངས་སུ་སྤྱོད་པའི་བྱ་བཏང་གི་རྒྱལ་པོར་བཞུགས། རང་ཉིད་

― TN03_Page_0157 ―

^{[མ་དཔེ་གཟིགས་ན་འདིར་གནོན།]}

(༡༤༡)ཀྱི་བཀའ་ལས། བརྗོད་གཞི་མེད་པའི་སྟོང་སྐད་བསྟོད་ར་གཅིག །ཕན་པ་མེད་པའི་ཆེ་བཀྱག་བཀུར་སྟི་གཉིས། །རྣམ་སྨིན་ལྕི་བའི་དད་རྫས་འབུལ་ནོར་གསུམ། །སྤངས་ནས་ཁྱི་རྒན་ཁྱི་བཞིན་འཆི་ནུས་ཤོག །ཅེས་ཕེབས་པ་ལྟར་ང་རྒྱལ་དང་ཆེ་ཚུགས་བཤིག་ཅིང་གསོལ་ཞལ་དང་འཕྲལ་འཚོ་ཙམ་གྱི་ཟས་གོས་མ་གཏོགས་མངའ་ཐང་གི་གཟི་བྱིན་མཆིལ་མའི་ཐལ་བ་ལྟར་བོར་ཏེ་གདོལ་པའི་བྱིས་པ་སྲང་མདོ་ན་རྒྱུ་བ་ལྟ་བུའི་ཀུན་སྤྱོད་ཀྱིས་བཞུགས་ཀྱང་ཐུགས་བརྟན་ཅིང་སྒམ་ལ་ཆོས་ཀྱི་གཟི་བྱིན་མཚུངས་པ་མེད་པའི་ཆེ་བས་སྟོབས་འབྱོར་གྱི་དྲེགས་པའི་བླ་དཔོན་ཆེ་དགུ་སོགས་ཀྱང་ཟིལ་གྱིས་མནན་ནས་ཐམས་ཅད་ཀྱིས་གདོང་སྨད་དེ་ཞུམ་བཞིན་དུ་བཏུད། མདོར་ན་གསེར་ས་འོག་ཏུ་ཡོད་ན་འོད་ནམ་མཁའ་ལ་འཕྲོ་བའི་དཔེ་ལྟར་སྐུ་ཚེ་རིལ་པོ་སྦས་པའི་བརྟུལ་ཞུགས་ལ་བསྐྱལ་ཡང་ཅི་མཛད་ཐམས་ཅད་བྱང་ཆུབ་ཀྱི་སྤྱོད་པའི་མཚམས་ལས་མི་འདའ་བའི་ཤུགས་ཀྱིས་གང་ནས་བལྟས་ཀྱང་མཛེས་ཤིང་འཚམས་པ། ཅི་ཙམ་བརྟགས་ཀྱང་དག་ཅིང་གཙང་བ། བསམས་ཤིང་བསམ་ན་དད་པ་འཕེལ་བའི་རྣམ་ཐར་འབའ་ཞིག་ཅན་དུ་བཞུགས་པ། གཟུར་གནས་བློ་གྲོས་དད་ལྡན་པ་ཀུན་གྱི་མདུན་སར་རླུང་ལྟར་གྲགས་པ་ཡིན་ནོ། །སྐུ་ཚེའི་མཇུག་ལ་ཉེ་བ་ན་ཨོ་རྒྱན་སངས་རྒྱས་གཉིས་པ་སྲིན་ཡུལ་དུ་བཞུད་ཀར་ཞི་ཁྲོ་ན་རག་དོང་སྤྲུགས་ཀྱི་ཆོ་གས་བོད་འདིར་སྐུ་དངོས་ཀྱི་གདུལ་བྱའི་འཕྲོ་རྫོགས་པར་མཛད་པ་བཞིན་བླ་མ་མཚམས་

― TN03_Page_0158 ―

^{[མ་དཔེ་གཟིགས་ན་འདིར་གནོན།]}

(༡༤༢)པ་རིན་པོ་ཆེའི་སྐུ་གདུང་གི་དྲུང་དུ་དོང་སྤྲུགས་ཀྱི་སྒྲུབ་མཆོད་ལོ་ལྔའི་བར་རྒྱུན་ཆགས་སུ་མཛད་དེ་གདུལ་བྱ་དཔག་ཏུ་མེད་པའི་སྲིད་པའི་རྒྱ་མཚོ་གཏིང་སྤྲུགས། རབ་ཚེས་ཐམས་ཅད་འདུལ་ཞེས་པ་མེ་ཕག་གི་ལོའི་སྟོད་ལ་སྐུ་ཁམས་ཅུང་ཟད་རྙོག་ཚུལ་བསྟན། དེ་སྐབས་མ་འོངས་ལུང་བསྟན་སོགས་གཟིགས་སྣང་གི་འཆར་སྒོ་མཐའ་ཡས་པའི་གསུང་གི་དབྱིབས་དོད་ཀྱང་སྔར་དུས་དེ་འདྲ་ཞུ་བ་ལ་མི་མཉེས་པའི་དབང་གིས་སུས་བཀའ་འདྲི་ཞུ་བར་མ་སྤོབས། གནའ་དུས་སྤྱོད་འཇུག་གསུང་བའི་ཞོར་དུ་བདེ་བ་ཅན་གྱི་ཞིང་གི་ཆེ་བ་བཤད་པའི་འཕྲོས་ཤིག་ཏུ། །དག་པའི་ཞིང་ཁམས་ཡོན་ཏན་མཐའ་ཡས་པ་དང་སྨོན་ལམ་བཏབ་ན་སྐྱེ་སླ་བ་གཉིས་འཛོམ་པ་ཞིག་ལ་ཤར་ཕྱོགས་མངོན་པར་དགའ་བ་འགྲན་ཟླ་མེད། དེའི་འོག་ན་བདེ་བ་ཅན་ཁྱད་པར་དུ་འཕགས་ཞེས་གསུངས་ཤིང་། དེ་རྗེས་ཞབས་འབམ་གྱི་བསྙུང་གཡོག་ལ་གླིང་བླའི་དབོན་པོ་འཇམ་དཔལ་ཟེར་བའི་སྨན་པ་དེ་སྡོད་སྐབས། ལན་ཅིག་ཁོང་གིས་ཨ་བུ་ཚང་གི་སྔ་ཕྱིའི་གསུང་སྒྲོས་གང་ལ་བསམ་ཀྱང་ངེད་རང་ཚོས་ཚེ་ཕྱི་མའི་དོན་དུ་སྨོན་ལམ་འདེབས་པ་དེ་ནུབ་ཕྱོགས་བདེ་བ་ཅན་ཁོ་ན་ལ་མཐིལ་གཏད་ན་སྙམ་པ་དེ་ལྟར་ལགས་སམ་ཞུས་པས། ཅུང་ཟད་བཞུགས་ནས། འོ་ཁྱོད་ནུབ་ང་ཤར་རེད་པ་ཞེས་བཀའ་སྩལ། མཐར་བསྙུན་ཚུལ་བསྟན་སྐབས་འདིར་ཡང་ཉིན་མོའི་རེས་ཤིག་ཅུང་ཟད་གཟིམ་ལ་གཡུར་བ་ལྟར་མཛད་རྗེས། ད་རེས་ང་གཉིད་དུ་སོང་བའི་རྨི་ལམ་ན། བནྡེ་འདྲ་བ་གཉིས་ཀྱིས་ཁྱོད་ཀྱི་གདུལ་

― TN03_Page_0159 ―

^{[མ་དཔེ་གཟིགས་ན་འདིར་གནོན།]}

(༡༤༣)བྱ་ཤར་ཕྱོགས་ན་ཡོད་ཟེར་བ་ཞིག་བྱུང་། ང་འདྲ་བ་ལ་གདུལ་བྱ་དག་ཅང་ཡོད་དམ་གསུང་། ཡང་སྔར་དུས་ཤིག་ཏུ་ནང་གཅིག་ངེད་ཚོས་གཞན་ལ་བདེ་སྨོན་འདྲ་བ་བཤད་རང་གིས་ཀྱང་དག་པའི་ཞིང་ཁམས་རེར་སྨོན་ལམ་མང་པོ་འདེབས་མདོག་བྱས་པ་ཡིན་ཡང་མདང་སུམ་ཚོར་ཀོ་མོའི་འོ་ལུ་ན་སྔར་དུས་བཞིན་བསྡད་ཡོད་པའི་ཉིད་འཁྲུལ་ཁོ་ནས་མཚན་ཐོག་ཐག་ཡོལ་བ་བྱུང་། ད་དུང་ཡང་དེར་གཅིག་ཡོང་དགོས་པ་ཡིན་ནམ་ཞེས་ཀྱང་གསུངས་སྐད། ལོ་དེའི་ས་ག་ཟླ་བའི་ཚེས་བཅོ་བརྒྱད་ཉིན་སྐུ་དྲང་པོར་བསྲངས། ཕྱག་མཉམ་བཞག །ཞབས་རྡོ་རྗེ་སྐྱིལ་ཀྲུང་མཛད་དེ་འཆི་སྲིད་རྣམ་པར་དག་པ་ཀ་དག་གི་ནང་དབྱིངས་ཆེན་པོར་སྙོམས་པར་ཞུགས་གཤེགས་རྗེས་ཀྱི་བྱ་བ་རྣམས་དགེ་མང་རྗེ་དབོན་རིན་པོ་ཆེ་དང་ཐུགས་ཟིན་གྱི་ཞམ་རིང་བ་བསོད་ནམས་ཚེ་རིང་སོགས་ཀྱིས་མཐའ་རྒྱས་སུ་བསྒྲུབས། བདག་ཉིད་ཆེན་པོ་འདིའི་སློབ་མར་གྱུར་པ་ནི། ཀ་ཐོག་སི་ཏུ་མཆོག་སྤྲུལ་ཆོས་ཀྱི་བློ་གྲོས། རྫོགས་ཆེན་མཆོག་སྤྲུལ་ལྔ་པ། རྒྱ་རོང་ནམ་སྤྲུལ་རིན་པོ་ཆེ་ཀུན་བཟང་ཐེག་མཆོག་རྡོ་རྗེ། རྫོགས་ཆེན་གླིང་སྤྲུལ་ཐུབ་བསྟན་རྒྱལ་མཚན། རྡོ་གྲུབ་ཡང་སྲིད་འཇིགས་མེད་ཕུན་ཚོགས་འབྱུང་གནས་དང་དྲི་མེད་གྲགས་པ་རྣམ་གཉིས། སྐུ་ཞབས་མཁྱེན་བརྩེའི་རིགས་སྲས་བདེ་ཆེན་རིག་པའི་རལ་གྲི། འགྲོ་འདུལ་སེམས་དཔའ་ཆེན་པོ་འཇིགས་མེད་རྒྱལ་བའི་མྱུ་གུའི་ཡང་སྲིད་ཀུན་བཟང་བདེ་ཆེན་རྡོ་རྗེ།

― TN03_Page_0160 ―

^{[མ་དཔེ་གཟིགས་ན་འདིར་གནོན།]}

(༡༤༤)སྐུ་ཞབས་དགེ་མང་རིན་པོ་ཆེའི་མཆོག་སྤྲུལ་གཞན་ཕན་ཆོས་ཀྱི་སྣང་བ། ཨ་འཛོམ་འབྲུག་པ་སྤྲུལ་སྐུ་འགྲོ་འདུལ་རྡོ་རྗེ། སྤྲུལ་པའི་གཏེར་སྟོན་ལས་རབ་གླིང་པ། རིག་གནས་མང་པོ་ལ་མཁས་པ་དཔལ་ཤུལ་རིག་བཟང་དང་དེའི་གཅུང་རྡོ་རྗེ་འཛིན་པ་བསོད་ནམས་རྣམ་རྒྱལ། སེ་རའི་གྲྭ་སར་མཁས་གྲགས་ཀྱི་རྒྱལ་མཚན་ཐོབ་པའི་སེར་ཤུལ་ལྷ་རམ་པ་ཐུབ་བསྟན། དཔལ་སྤུངས་བླ་མ་བཀྲ་ཤིས་འོད་ཟེར། མུ་ར་སྤྲུལ་སྐུ་ཐུབ་བསྟན་ཆོས་དཔལ་བཟང་པོ། ཧོར་འབའ་ཕུག་སྤྲུལ་སྐུ་ཆོས་དཔལ་རྒྱ་མཚོ། སྡེ་དགེ་ས་དབང་སྐུ་མཆེད། འཇུ་བླ་མ་གྲགས་པ་རྒྱལ་མཚན། བླ་སྤྲུལ་ཆེན་པོའི་མིང་མ་བཏགས་ཀྱང་གཞན་ཕན་གྱི་མཛད་པ་བཟང་པོ་ཅན་མགོ་ལོག་བླ་མ་འགྱུར་མེད་དང་ཨ་བོས་དགེ་ལེགས་དང་རྡོ་རྒུ་ཚུལ་ཁྲིམས་སོགས་བགྲང་གིས་མི་ལང་བ་ཡོད་ཀྱང་དམ་པའི་ཆོས་ཉན་བཤད་ཀྱི་ཕྲིན་ལས་ལྷག་པར་སྐྱོང་བའི་སློབ་མ་ནི་མཁན་ཆེན་རྡོ་རྗེ་འཆང་བ་པདྨ་དམ་ཆོས་འོད་ཟེར་དང་། དགེ་མང་རྗེ་དབོན་ཨོ་རྒྱན་བསྟན་འཛིན་ནོར་བུ། མཁས་གྲུབ་ཆེན་པོ་མི་ཕམ་རྣམ་རྒྱལ། རྟོགས་ལྡན་དམ་པ་ལུང་རྟོགས་འཕེལ་རྒྱས་བཟང་པོ། འདུལ་འཛིན་མཁས་པའི་དབང་ཕྱུག་ཐུབ་བསྟན་ཆོས་ཀྱི་གྲགས་པ། རྗེ་མདོ་སྔགས་རྒྱ་མཚོ་སོགས་མང་དུ་བྱོན་ཏེ་དེ་དག་གི་དྲིན་ལས་མཚུངས་བྲལ་རྗེ་བཙུན་མཆོག་གི་རྣམ་དཀར་ཕྲིན་ལས་ཀྱི་འོད་སྣང་དབྱིག་འཛིན་ཡངས་པའི་རྒྱན་དུ་ད་ལྟའང་གནས་བཞིན་པ་སྟེ། ད་དུང་ཡང་བསྐལ་བཟང་སྒྲོན་མེ་ལྔ་པའི་ཉིན་བྱེད་ཀྱིས་

― TN03_Page_0161 ―

^{[མ་དཔེ་གཟིགས་ན་འདིར་གནོན།]}

(༡༤༥)འཆར་ཀའི་འོད་དམར་སྤྲོ་བ་ལ་ཕྱོགས་པའི་བར་དུ་འཕེལ་རྒྱས་འབྱུང་བར་གྱུར་ཅིག་གུ །ཡོན་ཏན་རྒྱ་ཆེ་དགོངས་པ་ཤིན་ཏུ་ཟབ། །སྦས་པའི་བརྟུལ་ཞུགས་གཞན་གྱིས་མི་ཤིགས་པ། །བདག་ཉིད་ཆེན་པོའི་རྣམ་ཐར་དཔག་དཀའ་ཡང་། །ཕྱོགས་ཙམ་མཛུ་བ་མོས་ཟླ་བ་བཞིན་དུ་བསྟན། །དད་པའི་འབབ་སྟེགས་ལས་འོང་ཚིག་གི་ཆུ། །དོན་བཟང་རིན་ཆེན་བྱེ་མ་འདྲེན་པའི་རྒྱུན། །ཕབ་འདིས་ལུས་ཅན་སྡིག་པའི་དྲི་འཁྲུད་ཅིང་། །རྗེ་བཙུན་བླ་མ་མཆོག་དེའི་བཀའ་འབངས་ཀྱི་ཐ་ཆུང་འཇིགས་མེད་བསྟན་པའི་ཉི་མས་ཡིད་ལ་དྲན་ཚད་སྨྲས་རིམ་ལྟར་དཀོན་མཆོག་ཆོས་འཕེལ་བཟང་པོས་ཡི་གེར་བྲིས་པ་དགེ་བར་གྱུར་ཅིག །མཛད་པའི་གོ་རིམ་སོགས་རང་གིས་ཇི་བཞིན་མ་ངེས་པའི་འཁྲུལ་པ་མང་དུ་ཡོད་ཤས་ཆེ་བས་རྣམ་ཐར་ལ་འདྲིས་ཞིབ་ཆེ་བ་རྣམས་ཀྱིས་བཅོས་རོགས་མཛད་ན་རྗེས་སུ་ཡི་རང་ངོ་།། །།

― TN03_Page_0162 ―

^{[མ་དཔེ་གཟིགས་ན་འདིར་གནོན།]}

(༡༤༦)

གཙུག་ལག་ཁང་ཕྱག་དར་གྱི་གཏམ་བསོད་ནམས་སྤྲིན་གྱི་རྔ་སྒྲ།

― TN03_Page_0163 ―

^{[མ་དཔེ་གཟིགས་ན་འདིར་གནོན།]}

(༡༤༧)གཙུག་ལག་ཁང་ཕྱག་དར་གྱི་གཏམ་བསོད་ནམས་སྤྲིན་གྱི་རྔ་སྒྲ་ཞེས་བྱ་བ་བཞུགས་སོ། །

― TN03_Page_0164 ―

^{[མ་དཔེ་གཟིགས་ན་འདིར་གནོན།]}

(༡༤༨)བླ་མ་དང་སྟོན་པ་ཐམས་ཅད་མཁྱེན་པ་ལ་ཕྱག་འཚལ་ལོ། །དེ་ཡང་འོ་སྐོལ་གྱི་སྟོན་པ་ཤཱཀྱ་ཐུབ་པའི་བཀའ་དྲིན་དང་། མཚན་ཉིད་དང་ལྡན་པའི་དགེ་བའི་བཤེས་གཉེན་གྱི་མཐུ་ལས། ཐོས་བསམ་སྒོམ་པའི་ཤེས་རབ་ཁྱད་པར་ཅན་སྐྱེ་བ་ལ་ཕྱི་ནང་གི་རྐྱེན་ཕལ་མོ་ཆེ་འཛོམ་བཞིན་པའི་གནས་སྐབས་སུ་གྱུར་ཀྱང་། ད་དུང་ས་ལམ་གྱི་རྟོགས་པ་བོགས་མི་ཐོན་པའི་གནད་ཀྱི་ཆེ་ཤོས་ནི་བློ་ལས་སུ་མི་རུང་བར་བྱེད་པ་འགལ་རྐྱེན་ལས་ངན་པའི་སྡིག་སྒྲིབ་ཁོ་ན་ལས་ཡིན་པས་དེ་སྦྱོང་བྱེད་ཞིང་གི་མཐུ་ལ་བསྟེན་ཏེ་ཚོགས་ཀྱི་བསགས་རྒྱབ་མང་བ་ཞིག་གནད་དུ་ཆེ་ཞིང་། དེའི་ཚུལ་ནི་བྱང་ཆུབ་སེམས་དཔའི་ས་དང་སྤྱོད་འཇུག་ལ་སོགས་པར་མཐའ་ཡས་པ་ཞིག་ཡོད་པ་ལས། འདིར་ཇོ་བོ་བཀའ་

― TN03_Page_0165 ―

^{[མ་དཔེ་གཟིགས་ན་འདིར་གནོན།]}

(༡༤༩)གདམ་པའི་སྦྱོར་ཆོས་ཀྱི་སྡོམ་དྲུག་གི་ཐོག་མར། གནས་ཁང་བྱི་དོར་བྱ་ཞིང་སྐུ་གསུང་ཐུགས་ཀྱི་རྟེན་དགྲམ་པའི་སྐབས་ནས་འབྱུང་བ་ལྟར་ཕྱག་དར་གྱི་ཚུལ་ལས་བརྩམས་པའི་གཏམ་ཉུང་ངུར་དྲིལ་ཏེ་འཆད་པ་ལ། ཕན་ཡོན་བཤད་པ་དང་། ཕྱག་དར་གྱི་ཚུལ་དངོས་བརྗོད་པ་སྟེ་གཉིས་ལས། དང་པོ་ལའང་ཕན་ཡོན་དངོས་དང་། དེས་ན་ཚུལ་འདི་ལ་འབད་པར་བསམ་པ་གཉིས་ལས། དང་པོ་ནི། སྔོན་བཙུན་པ་རྣམ་གྲོལ་སྡེས་འཕགས་པ་བྱམས་པ་ལོ་བཅུར་བསྒྲུབས་ཀྱང་མ་གྲུབ་སྟེ། དཔལ་ལྡན་ཟླ་བ་ལ་ཐབས་དྲིས་པས་སྡིག་པ་ཞི་བའི་དོན་དུ་བསྲེགས་བླུགས་གྱིས་ཤིག་པར་གདམས་པ་བཞིན། སྦྱིན་སྲེག་འབུམ་ཕྲག་མང་པོ་བགྱིས་པས་ནམ་ཞིག་མེ་ཐབ་ཀྱི་ཁུང་བུར་བྱམས་པའི་ཞལ་

― TN03_Page_0166 ―

^{[མ་དཔེ་གཟིགས་ན་འདིར་གནོན།]}

(༡༥༠)བསྟན་པར་གྲགས་པ་བཞིན། འཇིག་རྟེན་དང་འཇིག་རྟེན་ལས་འདས་པའི་ཕུན་སུམ་ཚོགས་པ་ཐམས་ཅད་ཀྱང་རང་རང་གི་འགལ་རྐྱེན་ནམ་ཟད་པ་ན་མངོན་དུ་འགྱུར་བ་ཆོས་ཉིད་ཡིན་པས་ཡོན་ཏན་གྱི་ཚོགས་རྫོགས་པ་ལ་སྒྲིབ་སྦྱང་གི་ཐབས་མང་བ་དགོས་ཤིང་། དེ་ལས་སྟོབས་བཞིའི་བཤགས་པ་ལ་སོགས་པ་ཕུང་པོ་གསུམ་གྱི་དགེ་ཚོགས་རླབས་པོ་ཆེ་བསྡུ་བ་ནི་སྐྱེ་བོ་མཁས་ཤིང་མཛངས་པ་རྣམས་ཀྱི་ཡུལ་ཡིན་ཞིང་། དངོས་འབྱོར་གྱི་མཆོད་པ་ཕལ་ཆེར་ཡང་བསོད་ནམས་ཆུང་ངུའི་ད་རི་དྲ་རྣམས་ཀྱི་སྐལ་བས་མི་ཁུག་པ་དང་། ལོག་འཚོ་དང་སེར་སྣས་མ་སྦགས་པའང་དཀའ་ལ། ཡིད་ཀྱིས་སྤྲུལ་པའི་མཆོད་པ་ལ་བརྟེན་ནས་བསོད་ནམས་གསོག་པ་ནི་བློ་ཤིན་ཏུ་རྟུལ་བ་རྣམས་ལ་འཆར་དཀའ་བ་སོགས་ཀྱི་ཕྱིར། བཅོམ་ལྡན་འདས་ཀྱིས་ཀྱང་ལམ་ཆུང་བ་ཧ་ཅང་བུལ་བར་གཟིགས་ཏེ། དགེ་འདུན་གྱི་མཆིལ་ལྷྭམ་དང་ལྷྭམ་སྒྲོག་གུ་ཅན་རྣམས་བྱི་དོར་བྱ་བའི་ལས་འབའ་ཞིག་བཅོལ་ནས་རྡུལ་སྤང་ངོ་། །དྲི་མ་བྲལ་ལོ། །ཞེས་ཟློས་སུ་བཅུག་པས། སྔར་ཨོཾ་བྷུ་ཞེས་པའི་ཡིག་འབྲུ་ཙམ་ཡང་འཛིན་མི་ནུས་པ་ལ་དུས་དེར་དཀོན་མཆོག་གི་ཞིང་ལ་བསྟེན་པའི་ལས་དཀར་པོ་དེའི་ནུས་པས་ཚིག་སྡེ་ཚན་གཉིས་ཀ་ཟིན་ཏེ་ཉིན་རེ་ཞིང་དགེ་འདུན་གྱི་ལས་ཁོ་ན་བགྱིས་པས་ཇེ་ཞིག་ན་འཕགས་པའི་ལམ་གྱིས་རྒྱུད་འགྲོལ་བའི་དགེ་རྩ་སྨིན་ཏེ། རྡུལ་འདི་ས་རྡུལ་མིན་ཏེ་འདོད་ཆགས་རྡུལ། །ཞེས་

― TN03_Page_0167 ―

^{[མ་དཔེ་གཟིགས་ན་འདིར་གནོན།]}

(༡༥༡)སོགས་ཆེད་དུ་བརྗོད་དེ་དགྲ་བཅོམ་ཐོབ་པ་ལྟར། བྱ་སླ་ཞིང་ས་ཆོད་ཆེ་ལ་གནད་ཟབ་པའི་ཚོགས་བསགས་ཀྱི་སྒོ་ཆེས་ཆེ་བ་ནི་ཕྱག་དར་གྱི་མཆོད་པའི་བསྙེན་བཀུར་ཡིན་ཏེ། འདི་ནི་ལུས་ཀྱི་ངལ་བ་ཙམ་ལ་བརྟེན་པའི་ཕྱིར་ལོངས་སྤྱོད་ཀྱི་ཤེ་མོང་དང་། དབང་ཐང་གི་ཁྱད་ནོར་སོགས་དཀའ་བ་དང་དཀོན་པའི་རྒྱུ་ཚོགས་ལ་མི་ལྟོས་པས་བྱ་སླ་ལུགས་དེ་ལྟར་ཡིན་ཞིང་། མུ་སྟེགས་ཅན་གྱིས་མེ་ལྔ་བསྟེན་པ་ལྟར་སྲིད་པའི་རྩ་བ་གཅོད་བྱེད་ཀྱི་ཐབས་དང་མ་འབྲེལ་བའི་ཀུན་སྤྱོད་མ་ཡིན་པར། འདི་ནི་སློབ་དཔོན་མ་ཏི་ཙི་ཏྲས་དཀོན་མཆོག་གི་བྱིན་རླབས་རྒྱུད་ལ་འཇུག་མི་འཇུག་གི་ཕྱི་རྐྱེན་སངས་རྒྱས་ལ་སོགས་པ་ཡོད་མེད་ལས་མིན་གྱི། ནང་རྐྱེན་རང་གི་དགེ་བའི་ཚོགས་ཀྱིས་ཡུལ་དེ་ལ་བྱ་བ་བྱས་མ་བྱས་ནས་ཡིན་པར་བསྔགས་འོས་བསྔགས་བསྟོད་དུ་གསུངས་པ་བཞིན། རང་རྒྱུད་ཀྱི་སྲིད་རྩ་ལྡོག་པ་ལ་ཀུན་ཉོན་རྨིང་གྱེལ་གྱི་ཐབས་དེ་རང་དབང་དུ་སྟོན་པ་པོ་སངས་རྒྱས་བཅོམ་ལྡན་འདས་ཀྱི་བདག་རྐྱེན་ལ་བསྟེན་དགོས། བསྟེན་ལུགས་ཀྱང་སངས་རྒྱས་མཐོང་བས་རེ་ཞིག་མི་འདུལ་བ་མཚན་ཐོས་པ་ལ་བརྟེན་ནས་རིམ་གྱིས་འདུལ་བ་དང་། ཆོས་ཐོས་པས་རེ་ཞིག་མི་ཐུལ་བར་སྟོན་པ་ཅང་མི་གསུང་བ་མཐོང་བས་འདུལ་བ་དང་། སངས་རྒྱས་ཀྱི་གཟུགས་ཀྱིས་མི་ཐུལ་གྱི་རང་རྒྱལ་གྱི་གཟུགས་ཀྱིས་འདུལ་བ་དང་། གཏམ་འབེལ་བས་མི་ཐུལ་གྱི་རྫུ་འཕྲུལ་བསྟན་པས་འདུལ་བ་ལ་སོགས་པ་གདུལ་བྱའི་རིགས་མི་འདྲ་བའི་

― TN03_Page_0168 ―

^{[མ་དཔེ་གཟིགས་ན་འདིར་གནོན།]}

(༡༥༢)དབྱེ་བ་མཐའ་མེད་པར་མདོ་སྡེ་མང་པོ་ནས་གསུངས་མོད། གང་ལྟར་ཡང་དངོས་སམ་བརྒྱུད་ནས་སངས་རྒྱས་ཀྱི་གདུལ་བྱར་གྱུར་ཕན་ཆད་སྔོན་དེ་བཞིན་གཤེགས་པ་ལ་བྱ་བ་བྱས་ཤིང་དགེ་བའི་རྩ་བ་བསྐྱེད་པ་ཞིག་ནི་ཅི་ནས་ཀྱང་མེད་མི་རུང་དུ་དཀོན་མཆོག་བརྩེགས་པ་ནས་གསུངས་པ་ལྟར་ཡིན་པས་སྟོན་པ་སངས་རྒྱས་ལས་གདམས་ངག་ནོད་དེ་རྣམ་བྱང་གི་ཡོན་ཏན་ཡོངས་སུ་རྫོགས་པའི་རྟེན་འབྲེལ་རྒྱུད་ལ་སྒྲིག་བྱེད་དུ་འགྲོ་བའི་ཕྱིར། ས་ཆོད་ཆེ་ལུགས་དེ་ལྟར་ཡིན་ཏེ། ནེ་ཙོ་མི་སྐད་ཤེས་པ་ཞིག་གིས་བཅོམ་ལྡན་འདས་ལ་སེམས་དང་བས་སྐད་སྙན་པ་གཅིག་ཕྱུང་བ་ཁོ་ནས་ལྷར་སྐྱེས་ཏེ་སྟོན་པའི་སྤྱན་སྔར་བདེན་པ་མཐོང་བར་ལས་བརྒྱ་པར་གསུངས་ན། དེ་ལས་ལྷག་པའི་འབད་རྩོལ་གྱི་ངལ་བ་དང་བཅས་ཏེ་ཞིང་ཁྱད་པར་ཅན་ལ་བསྙེན་བཀུར་བགྱིས་པ་ལྟ་ཅི་སྨོས་པའི་ཕྱིར་རོ། །དེའང་ལས་ཀྱི་རྣམ་སྨིན་ཆེ་ཆུང་དང་སྟོབས་དྲག་ཞན་གྱི་ཁྱད་པར་ནི་ཤེས་སྤྲིང་ལས། རྟག་དང་མངོན་པར་ཞེན་དང་གཉེན་པོ་མེད། །སོགས་གསུངས་པ་ལྟ་བུ་སྟེ། མདོར་བསྡུ་ན། ཞིང་གི་མཐུ་ཆེ་ཆུང་དང་། བསམ་པའི་ཤུགས་དྲག་ཞན་དང་། སྦྱོར་བའི་འཇུག་པ་མཆོག་དམན་ནས་ཡིན་པས། འདིར་ཡང་ཞིང་ཁྱད་པར་ཅན་དཀོན་མཆོག་གསུམ་ལ་བསྟེན་པ་དང་། བསམ་པ་ཁྱད་པར་ཅན་མཛོད་ལས། ཀུན་སློང་རྣམ་གཉིས་རྒྱུ་དང་ནི། །དེ་ཡི་དུས་ཀྱི་སློང་ཞེས་བྱ། །ཞེས་པ་ལྟ་བུའི་ཀུན་སློང་གཉིས་པོ་གང་རུང་དུ་དོན་ཆེན་པོ་གསུམ་ལ་དམིགས་པ་དང་།

― TN03_Page_0169 ―

^{[མ་དཔེ་གཟིགས་ན་འདིར་གནོན།]}

(༡༥༣)སྦྱོར་བ་ཁྱད་པར་ཅན་རྒྱུན་མི་ཆད་པ་དང་ཤུགས་དྲག་པ་དང་དཀའ་ཚེགས་ཆེན་པོས་བསྒྲུབས་པའི་ཕྱིར་དགེ་བའི་འགྱུར་ཚབ་ཀྱང་དེ་སྙེད་དེ་སྙེད་ཀྱིས་ཤིན་ཏུ་ཆེ་བ་སྟེ། ཡུལ་སངས་རྒྱས་བཅོམ་ལྡན་འདས་རྣམས་ཀྱི་ཡེ་ཤེས་སྒྱུ་མའི་རྣམ་པ་བསམ་གྱིས་མི་ཁྱབ། བསོད་ནམས་དང་ཡེ་ཤེས་ཀྱི་ཚོགས་རྒྱ་མཚོ་བསམ་གྱིས་མི་ཁྱབ། ཐུགས་རྗེ་ཆེན་པོ་སུམ་ཅུ་རྩ་གཉིས་ཀྱི་འཇུག་པ་བསམ་གྱིས་མི་ཁྱབ། བསམ་གྱིས་མི་ཁྱབ་པའི་ཕྲིན་ལས་ཀྱི་སྒོ་མོ་ཆེ་མཐའ་ཡས་པ་མཐའ་ཡས་པ་སྐད་ཅིག་སྐད་ཅིག་ལ་ངང་གིས་འཇུག་པ་བཞིན་དུ་ཡུལ་ཅན་སངས་རྒྱས་ལ་དམིགས་པའི་དད་པས་བསྙེན་བཀུར་བགྱིས་པ་ལའང་བསོད་ནམས་ཀྱི་ཕུང་པོ་མཐའ་མེད་དེ། རིན་ཆེན་ཕྲེང་བར། སེམས་ཅན་ཁམས་ནི་ཚད་མེད་ལ། །ཕན་འདོད་དེ་ནི་དེ་འདྲའོ། །ཞེས་བྱང་ཆུབ་སེམས་ཀྱི་ཕན་ཡོན་རིགས་པས་བསྒྲུབས་པ་ཉིད། སངས་རྒྱས་ཡོན་ཏན་ཚད་མེད་ལ། །བསྙེན་བཀུར་དེ་ནི་དེ་འདྲའོ། །ཞེས་འདོན་པ་བསྒྱུར་བས་ཆོག་པའི་ཕྱིར་ཏེ། གནད་ཟབ་ལུགས་དེ་ལྟར་ཡིན་ནོ། །དེའི་ཚུལ་ཞིབ་ཏུ་ནི་བནྡེ་ཡེ་ཤེས་སྡེའི་སངས་རྒྱས་གཙོའི་རྒྱ་ཆེར་འགྲེལ་གྱི། བསམ་མི་ཁྱབ་ལ་དད་བྱས་པའི། །རྣམ་པར་སྨིན་པའང་བསམ་མི་ཁྱབ། །ཅེས་པའི་འགྲེལ་པ་དང་མདོ་སྡེ་རྣམས་དང་བཞི་བརྒྱ་པའི་འགྲེལ་པ་ལ་སོགས་པར་བལྟས་པས་ཤེས་སོ། །ཕན་ཡོན་འཐོབ་ལུགས་ཀྱང་། སྐུ་གཟུགས་དང་མཆོད་རྟེན་ལྟ་བུ་གཅིག་

― TN03_Page_0170 ―

^{[མ་དཔེ་གཟིགས་ན་འདིར་གནོན།]}

(༡༥༤)ལ་དམིགས་ནས་མཆོད་པ་ཕུལ་བ་བས་ཕྱོགས་བཅུའི་འཇིག་རྟེན་གྱི་ཁམས་ཀྱི་མཆོད་རྟེན་ལ་དམིགས་པའི་མཆོད་པ་བསོད་ནམས་ཆེས་ལྷག་པར་འཕགས་པ་ཐོགས་མེད་ཞབས་ཀྱིས་བཤད་ཅིང་། སངས་རྒྱས་ཐམས་ཅད་མཉམ་པ་ཉིད་ཀྱི་ཚུལ་རྒྱ་མཚོ་ལ་ངེས་ཤེས་མ་རྙེད་པར་དེ་བཞིན་གཤེགས་པ་གཅིག་ལ་དམིགས་པའི་མཆོད་པ་དང་། ཐམས་ཅད་ལ་དམིགས་པའི་མཆོད་པ་གཉིས་ཀྱི་ཡང་ཕྱི་མ་བསོད་ནམས་ཆེ་བར་པ་ཆེན་མང་པོས་བཤད་པ་ལྟར་ཡིན་པས་ལྷ་རྟེན་དང་གཙུག་ལག་ཁང་ཉི་ཚེ་བ་རེ་ལ་དམིགས་ནས་ཕྱག་དར་བགྱིས་པ་དང་། མཆོད་རྟེན་ཐམས་ཅད་ལ་དམིགས་པའི་ཕྱག་དར་གྱི་བསྙེན་བཀུར་གཉིས་ལས་ཕྱི་མ་མཆོག་ཏུ་བསྔགས་པ་དང་། སངས་རྒྱས་གཅིག་གི་ཡེ་ཤེས་ཉིད་སངས་རྒྱས་ཐམས་ཅད་ཀྱི་དེ་བཞིན་ཉིད་ལ་ཞུགས་པར་ངེས་པ་མ་འདྲོང་བའི་གང་ཟག་གིས། རྒྱལ་བ་ཐམས་ཅད་ལ་དམིགས་པ་དང་། རེ་རེ་ལ་དམིགས་པའི་ཕྱག་དར་གྱི་བསྙེན་བཀུར་གཉིས་ལ་ཡང་སྔ་མ་ཆེས་ལྷག་པའི་ཕྱིར་འདུན་ཤུགས་རྒྱ་ཆེ་བ་ཞིག་གནད་དུ་ཆེ་ལ། དེས་མཚོན་ཏེ་ཁྱད་པར་གཞན་ཡང་སྔར་དྲངས་པའི་བཤེས་སྤྲིང་གི་ལུང་ལས་ཤེས་པར་བྱའོ། །སྟོན་པས་ཀྱང་རྗེས་འཇུག་རྣམས་ལ་དོན་དེ་ཉེ་བར་འདོམས་པའི་ཕྱིར། ཁྱིམ་བདག་མགོན་མེད་ཟས་སྦྱིན་ཉིན་རེ་ཞིང་རྒྱལ་བྱེད་ཚལ་འཕྱག་ཏུ་འོང་བ་ལས། ཉིན་གཅིག་བྲེལ་བ་ཞིག་བྱུང་ནས་ལུས་པས། ཉི་མ་ཤར་བ་དང་སྟོན་པ་ཀུན་དགའ་

― TN03_Page_0171 ―

^{[མ་དཔེ་གཟིགས་ན་འདིར་གནོན།]}

(༡༥༥)ར་བའི་སྒོར་འཆགས་པས་རྒྱལ་བྱེད་ཚལ་རྡུལ་གྱིས་གང་བ་གཟིགས་ནས་ལྷའི་དབང་པོ་བརྒྱ་བྱིན་གྱིས་ཕུལ་བའི་རྩ་མཆོག་གི་ཆུན་པོ་བསྣམས་ཏེ། དེ་བཞིན་གཤེགས་པ་དགེ་སློང་གི་དགེ་འདུན་དང་བཅས་པས་ཕྱག་དར་མཛད་པ་ཡིན་ཏེ། དེར་མ་ཟད་ཉིན་དེ་ཉིད་ཀྱི་ཕྱི་དྲོ་སྟོན་པས་དགེ་འདུན་བསྡུས་ཏེ། ཕྱག་དར་གྱི་ཡོན་ཏན་ལྔ་བཤད་པར་ཡང་གསུངས་སོ། །ཡོན་ཏན་ལྔ་ནི། ཕྱག་དར་བྱས་པས་རང་གི་སེམས་དང་བ་དང་། །གཞན་གྱི་སེམས་དང་བ་འདྲེན་པ་དང་། ལྷ་རྣམས་ཀྱང་དེ་ལ་དགའ་བ་དང་། མཛེས་པའི་ལས་གསོག་པ་དང་། ལུས་ཞིག་ནས་བདེ་འགྲོ་མཐོ་རིས་ཀྱི་འཇིག་རྟེན་དུ་འགྲོ་བ་རྣམས་ཡིན་ཏེ། བསྡུ་ན། ཚེ་འདིའི་ཡོན་ཏན་དང་། ཚེ་རབས་བརྒྱུད་མར་འཐོབ་པའི་ཡོན་ཏན་གཉིས་སུ་ཕྱག་དར་གྱི་ཕན་ཡོན་ཐམས་ཅད་འདུ་ལ། ཚེ་འདིར་ནི། འཕྲལ་དུ་བདེ་བར་གནས་པའི་ཡོན་ཏན་དང་། ཡུན་དུ་དོན་ཆེན་འགྲུབ་པའི་ཡོན་ཏན་གཉིས་འབྱུང་སྟེ། དང་པོ་ནི། སངས་རྒྱས་སམ་དགེ་འདུན་ནམ་བླ་མའམ་མཆོད་རྟེན་ལ་སོགས་པ་བསོད་ནམས་དམ་པའི་ཞིང་ལ་བསྟེན་ཏེ་དགེ་ཚོགས་རྒྱ་ཆེན་པོ་ཡོངས་སུ་བཟླུམ་པའི་མཐུས་ཆུ་སྣོད་ནམ་དྭངས་པ་ན་ཟླ་གཟུགས་ཤུགས་ལ་འཆར་བ་ལྟར་དཀོན་མཆོག་གི་བྱིན་རླབས་རྒྱུད་ལ་འཇུག་གོ །དེ་ཞུགས་ན་དད་པའི་ཉེར་ལེན་དང་ཚོགས་ཞིང་གི་ལྷན་ཅིག་བྱེད་རྐྱེན་ལ་བརྟེན་ནས་གང་ཟག་དེ་ལ་ཕུན་ཚོགས་བདེ་བའི་དངོས་པོ་མཐའ་ཡས་བ་ཞིག་ཉེ་

― TN03_Page_0172 ―

^{[མ་དཔེ་གཟིགས་ན་འདིར་གནོན།]}

(༡༥༦)བར་འགྱུར་ཏེ། དགྲ་བཅོམ་པ་མི་སྡུག་སྔོན་གྱི་ལས་དབང་གིས་བསོད་སྙོམས་བསླང་བ་ཡང་མི་རྙེད་པར་བཀྲེས་ལྟོག་གི་གདུངས་པ་ཁོ་ནས་རྟག་ཏུ་མནར་བ་ལས། ཉིན་གཅིག་དེས་སྟོན་པའི་དྲི་གཙང་ཁང་ཕྱག་དར་ལ་ཞུགས་པས། ཉིན་དེར་བསོད་སྙོམས་གྱི་སྐལ་བ་ཆེར་ཐོབ། དེ་ཕན་ཆད་དུ་སྟོན་པའི་གཙང་ཁང་དབྱིབ་དེས་ཁོ་བོའི་ཟས་སྐལ་གཅོད་པ་ཡིན་པས་ལས་འདི་བདག་གི་སྐལ་བར་ཞོག་ཅིག་ཅེས་སྒྲ་བསྒྲགས་པ་བཞིན་ནོ། །དེའང་དགྲ་བཅོམ་པ་ནི་ཕྱིས་ཁམས་གསུམ་དུ་སྐྱེ་བ་མི་ལེན་པས་དེ་འདྲ་དེ་ལ་ནི་བསོད་ནམས་ཀྱི་རྣམ་སྨིན་ཡང་མཐོང་ཆོས་བདེ་བར་གནས་པའི་རྐྱེན་ཙམ་དུ་འཆར་བ་སྟེ། ཆོས་མངོན་པར། དགྲ་བཅོམ་པས་རྒྱལ་བ་མཆོད་པ་ལྟ་བུ་ཕྱི་མའི་བདེ་འབྲས་ཀྱི་སླད་དུ་མ་ཡིན་པས་སྟོན་པ་ལ་དྲིན་དུ་གཟོ་བའམ་བྱས་པ་ཤེས་པའི་ཕྱིར་ཡིན་ནོ། །ཞེས་གྲགས་པས་མཚོན་ལ། །གཞན་ནི་དེ་དང་སྒོ་ཕྱོགས་རེ་ནས་འདྲ་བར་ཟད་ཀྱི། ཐམས་ཅད་ནས་ནི་མ་ཡིན་ནོ། །གཉིས་པ་ནི། སེམས་རྙོག་པ་ཅན་ལ་བདེན་མཐོང་གི་ནུས་པ་མེད་པས། ས་ག་མའི་བུ་རྣམས་གསལ་རྒྱལ་གྱིས་བཀུམ་པའི་ཚེ། དེ་དག་གི་མགོ་བཅད་ནས་སྒྲོམ་དུ་བཅུག་སྟེ་མའི་ཁྱིམ་དུ་བསྐུར་བ་ན། སྟོན་པས། རེ་ཞིག་སྒྲོམ་དེའི་ཁ་མ་དབྱེ་ཞིག །ཅེས་བསྒོས་ནས་ཆོས་བསྟན་པས་ས་ག་མས་བདེན་པ་མཐོང་བའི་འོག་ཏུ་གདོད་སྒྲོམ་དབྱེ་བར་གནང་བ་བཞིན། འཚིག་པ་དང་མངོན་པར་མི་དགའ་བ་ལ་སོགས་པས་སེམས་མ་དཀྲུགས་

― TN03_Page_0173 ―

^{[མ་དཔེ་གཟིགས་ན་འདིར་གནོན།]}

(༡༥༧)པ་རྣམས་ལ་ཚུལ་བཞིན་ཡིད་ལ་བྱེད་པ་འཆར་སླ་ཞིང་། ཕྱག་དར་ནི་སེམས་དང་བའི་རྣམ་པ་དང་མཐུན་པ་ཉིད་ཀྱི་ཕྱིར་ཆོས་ཀྱི་དགའ་བ་འདྲེན་པ་དང་། དེར་ཡང་མ་ཟད་དེ་ཕྱག་དར་གྱི་ཚོགས་རྒྱལ་བ་སྲས་བཅས་ལ་བསྟི་སྟང་བགྱིས་པའི་མཐུ་ལས་དཀོན་མཆོག་གི་བྱིན་རླབས་སེམས་ལ་འཇུག་པས་བསམ་བསྒོམ་ལ་མྱོང་བ་ཁྱད་པར་ཅན་འདོན་ནུས་པའང་ཡིན་ནོ། །ཚེ་རབས་བརྒྱུད་མར་འཐོབ་པ་ནི། ཉི་ཚེ་བའི་དམྱལ་བ་ཕལ་མོ་ཆེ་དང་དེ་མ་ཡིན་པའི་དམྱལ་བའི་རིགས་མང་པོ་ཞིག་དགེ་འདུན་གྱི་གཙུག་ལག་ཁང་འདྲལ་བ་དང་སྨོད་པ་དང་ངན་སྐྱུགས་མཆིལ་སྣབས་དོར་བ་དང་། རང་དགར་སྤྱད་པ་ལ་སོགས་པའི་རྣམ་སྨིན་དུ་གསུངས་པ་ལྟར། དེ་ཉིད་འདོན་པ་བསྒྱུར་བ་ལས། དཀོན་མཆོག་གསུམ་ལ་གུས་པ་ཉེ་བར་བཞག་སྟེ། དགེ་འདུན་གྱི་གཙུག་ལག་ཁང་ངམ། མཆོད་རྟེན་གྱི་ཉེ་འཁོར་དང་། བླ་མའི་གནས་གཞི་སོགས་ཕྱག་དང་བྱས་པ་དང་། ཆག་ཆག་བཏབ་པ་དང་། བག་ཡོད་པའི་སེམས་ཀྱིས་བཀུར་སྟིར་བགྱིས་པས་ཀྱང་མཐོ་རིས་ཀྱི་གྲོང་ཁྱེར་བདེ་ཞིང་མི་མཐུན་པ་མེད་པ་རྣམས་སུ་སྐྱེས་ཏེ། འདུག་ན་ཉམས་དགའ་བའི་ཕོ་བྲང་། གཞལ་མེད་ཁང་ཤིན་ཏུ་བདེ་བ་དང་། འགྲོ་ན་ཡིད་དུ་མཆི་བའི་ལམ་སྲང་རིན་པོ་ཆེ་བཀོད་པའི་ངོ་མཚར་དུ་མ་དང་ལྡན་པར་འགྱུར་བ་ལ་སོགས་པ་ཕན་ཡོན་གྱི་སྒོ་འཕར་མང་པོ་ཞིག་མཚོན་ནུས་ཏེ། ཟ་མ་ཏོག་ལྟ་བུའི་གཏམ་ལས། མཆོད་རྟེན་གདུང་བཅས་གཙུག་

― TN03_Page_0174 ―

^{[མ་དཔེ་གཟིགས་ན་འདིར་གནོན།]}

(༡༥༨)ལག་ཁང་། །མི་གང་འབད་པས་ཉེན་ཀོར་འཕྱག །ཀུན་ནས་དྲི་མ་མེད་བྱེད་པ། །གསེར་གྱི་ཁ་དོག་འདྲ་བར་འགྱུར། །ཞེས་སོ། །གོང་དུ་སྨོས་པའི་ཕྱག་དར་གྱི་ཡོན་ཏན་བཞི་པའི་སྟེང་ནས་བསྔགས་པ་བརྗོད་དེ་གསུངས་པ་འདིས་ཡོན་ཏན་ལྔ་པའང་མཚོན་ནུས་སོ། །སློབ་དཔོན་ཡེ་ཤེས་རྡོ་རྗེས་དེ་ཉིད་མཐོང་བའི་ལམ་ལས་ཀྱང་། བ་ལྕི་ཆུར་བཅས་སྦྱིན་པ་སྟེ། །སོགས་མཎྜལ་བྱི་དོར་བྱས་པ་དང་བ་བྱུང་གིས་ཆག་ཆག་བཏབ་པ་ལ་སོགས་པ་ཕ་རོལ་ཕྱིན་དྲུག་དང་སྦྱར་ཏེ། དེའི་མཐུས་གནས་སྐབས་སུ་ཁ་དོག་གསེར་དུ་སྣང་ཞིང་ནད་མེད་ལ་ཚེ་རབས་མང་པོར་རྒྱལ་བའི་རིགས་ནོར་མང་པོའི་ཁྱིམ་དུ་སྐྱེ་བ་དང་མཐར་ཐུག་སངས་རྒྱས་ཀྱི་ཞིང་ཡོངས་སུ་དག་པ་འགྲུབ་པར་ཡང་གསུངས་ཏེ། མཎྜལ་དེ་ནི་འཕགས་ཡུལ་གྱི་སློབ་དཔོན་མི་ཕམ་བཤེས་གཉེན་གྱི་འཇམ་དཔལ་མཆོད་ཆོག་ཏུ་བཤད་པ་ལྟ་བུའི་སངས་རྒྱས་སྲས་བཅས་གང་དུ་སྤྱན་འདྲེན་པའི་མཆོད་སྟེགས་ཡིན་པས། དེ་ནི་འདིར་ཡང་དཀོན་མཆོག་གསུམ་དངོས་སམ་དེའི་རྟེན་གསུམ་གྱི་གནས་གཙུག་ལག་ཁང་ཀུན་ལ་རིགས་པ་སྦྱར་དུ་ཡོད་མོད། འོན་ཀྱང་དེ་ཉིད་ཕྱག་དར་བྱ་བ་དང་། སྤོས་ཆུས་འདེབས་པ་ལ་སོགས་པ་ཕྱིན་དྲུག་གི་ཡ་གྱལ་དུ་འགྲོ་བ་དང་། ཞིང་ཁམས་རྣམ་དག་གི་སྦྱོང་བྱེད་དུ་འགྲོ་བ་ནི་སེམས་བསྐྱེད་ཀྱི་ས་མ་ཟིན་ན་གཏན་མེད་པས། འཇམ་དཔལ་ཞིང་བཀོད་ལས། མཚན་རབ་སུམ་ཅུ་རྩ་གཉིས་

― TN03_Page_0175 ―

^{[མ་དཔེ་གཟིགས་ན་འདིར་གནོན།]}

(༡༥༩)བརྒྱན་པའི་སྐུ། །བདེ་གཤེགས་འགྱུར་བར་སུ་དག་འདོད་པ་དག །སྙིང་ལ་རྫོགས་པའི་བྱང་ཆུབ་སེམས་ཞོག་སྟེ། །མཆོད་པའི་ཕྱིར་ནི་དེ་ཡི་ཐད་དུ་སོང་། །ཞེས་རྐང་པ་དང་པོ་གཉིས་ཀྱི་བསྟན་དོན་དེ་རྐང་པ་བཞི་པའི་བསྟན་དོན་རྐྱང་པ་ཙམ་གྱིས་མི་འགྲུབ་པས། རྐང་པ་གསུམ་པས་ཁྱད་པར་ཅན་གྱི་སྒྲ་སྦྱར་བ་ལྟར་འདིར་ཡང་འདྲའོ། །འོ་ན་ཐེག་ཆེན་པ་དང་ཐུན་མོང་གི་ཕྱག་དར་གྱི་ཕན་ཡོན་ཅི་འདྲ་ཞིག་ཅེ་ན། དེ་ནི་སྔར་ཡང་བཤད་ཟིན་ཏེ། མདོར་ན་ཐེག་པ་དམན་པའི་སེམས་ཀྱིས་བསོད་ནམས་ཅི་ཙམ་ཞིག་བསགས་ཀྱང་རང་འབྲས་ཉན་རང་གི་དགྲ་བཅོམ་གང་རུང་ལས་འགྲོ་ས་མེད་པས་ཚེ་དང་ལྡན་པ་བྲན་བུ་དང་སྐྱོང་བ་གཉིས་ལ་ཕྱག་དར་གྱི་བདག་རྐྱེན་ལས་ཅི་ཙམ་ཐོབ་པའི་ཡོན་ཏན་དེ་ལས་ལྷག་པ་ཞིག་དམན་ལམ་པ་ལ་འགྲུབ་ཏུ་མེད་པར་མཐོང་ངོ་། །དེའི་གཏམ་ནི། མཐའ་འཁོབ་ཀེ་རའི་རྒྱལ་པོས་ཀོ་ས་ལའི་རྒྱལ་པོ་གསལ་རྒྱལ་ལ་ཁྱེའུ་གཉིས་སྐྱེས་སུ་བསྐུར་ཏེ། གཡོས་ལ་མཁས་པ་བྲན་བུ་དང་། གནས་མལ་གྱི་ལས་ལ་མཁས་པ་སྐྱོང་བ་གཉིས་སོ། །དེ་དག་ཟས་ལ་བརྐམ་དྲག་པས་ཚོད་དུས་ཀྱི་ཟས་སྣ་རྣམས་ཀྱང་བྱུང་རྒྱལ་དུ་སྤྱད་པས་སྐྱེ་བོ་རྣམས་འཕྱ་ཞིང་སྨོད་དོ། །ནམ་ཞིག་དེ་གཉིས་ལས་གཅིག་ནི་ལས་འབྲས་ལ་ལོག་པར་ལྟ། གཅིག་ནི་འཕགས་པ་ལ་སྐུར་བ་འདེབས་པ་ཡིན་པས་གསལ་རྒྱལ་གྱི་ཞབས་རིང་བ་གཉིས་

― TN03_Page_0176 ―

^{[མ་དཔེ་གཟིགས་ན་འདིར་གནོན།]}

(༡༦༠)ནི་ལྟ་བ་ངན་པ་ཅན་ནོ་ཞེས་ཕྱོགས་དང་ཕྱོགས་མཚམས་སུ་སྒྲ་རྣམ་པར་གྲགས་པ་རྒྱལ་པོས་མ་བཟོད་པ་དང་། ཁྱིམ་བདག་མགོན་མེད་ཟས་སྦྱིན་གྱི་ཁྱུ་མཆོག་གི་ཚིག་བགམ་པའི་ཕྱིར་དེ་གཉིས་ཁྱིམ་བདག་ལ་བྱིན་ནོ། །དེས་དེ་དག་བགས་ཀྱིས་བསྐྱངས་ནས་ཉིན་གཅིག་རྒྱལ་བྱེད་ཚལ་འཕྱག་ཏུ་བཏང་བ་དང་། དེ་དག་གིས་དེ་འཕྱག་པར་བརྩམ་པ་ན་སྟོན་པས་རྡུལ་གྱི་ཕུང་པོ་དེ་མི་འཛད་པར་བྱིན་གྱིས་རླབས་པ་དང་། དེ་གཉིས་ཇོ་བོ་ལ་སྙིང་ཉེ་བས་སྐྱོ་བཞིན་དུ་མ་བཏང་ངོ། །དེ་ལྟར་ཉིན་མོ་དེ་ཕྱག་དར་གྱིས་འདས་པར་བྱས་ནས་མཚན་ཐོག་ཐག་ཀུན་དགའ་བོའི་དྲུང་དུ་ཉལ་བས། སྟོན་པའི་སྤྱན་སྔར་ལྷ་རྫུ་འཕྲུལ་ཅན་དང་དགྲ་བཅོམ་པ་ཆོ་འཕྲུལ་གྱིས་རྩེ་བ་མཐོང་ནས་ལོག་ལྟ་མ་ལུས་པ་ཞི་སྟེ། རབ་ཏུ་བྱུང་ནས་ལམ་བསྒོམས་པས་དགྲ་བཅོམ་པ་ཐོབ་ཁྱིམ་བདག་མགོན་མེད་ཟས་སྦྱིན་གྱི་ཁྱིམ་དུ་རྫུ་འཕྲུལ་གྱི་རྣམ་རོལ་བསྟན་པ་མཐོང་ནས། ཀོ་ས་ལའི་རྒྱལ་པོ་གསལ་རྒྱལ་ཀྱང་ལྷག་པར་དད་དེ། ཀྱེ་མའོ་སངས་རྒྱས། ཀྱེ་མ་འོ་ལེགས་པར་གསུང་བའི་ཆོས་འདུལ་བ། བྲན་བུ་དང་སྐྱོང་བ་སྡིག་པའི་ལྟ་བ་ཅན་དེ་དག་ཀྱང་གོ་འཕང་མཐོན་པོ་འདི་ལྟ་བུ་ལ་བཞག་པར་གྱུར་ཏོ་ཞེས་ཆེད་དུ་བརྗོད་དོ། །དེ་ལྟར་སྤྱིར་བཏང་དུ་ཡང་ཕྱག་དར་གྱི་མཆོད་པ་ལ་བསོད་ནམས་ཚད་མེད་པར་གསུངས་ན། དེང་སང་བསྟན་པ་ལྔ་བརྒྱ་ཕྲག་ཐ་མ་ལ་ཤིན་ཏུ་ཉེ་བའི་དུས་ཀྱི་རྒུད་པ་དུ་མས་གཙོར་ཞིང་། དུར་སྨྲིག་གི་རྒྱལ་མཚན་ཅན་ཕལ་མོ་ཆེ་

― TN03_Page_0177 ―

^{[མ་དཔེ་གཟིགས་ན་འདིར་གནོན།]}

(༡༦༡)ཡང་དགེ་འདུན་གྱི་གཙུག་ལག་ཁང་མཐོང་ན་གཟི་བྱིན་གང་ཆེ། ཡུལ་དབུས་འགྱུར་འཆང་གི་བཟོ་སྐུ་མཐོང་ན་རིན་ཐང་གང་མང་། གསུང་རབ་ཀྱི་གླེགས་བམ་མཐོང་ན་རྐྱེན་སེལ་གང་བཟང་ལ་དཔྱད་པ་འཇུག་པའི་གནས་སྐབས་འདིར་སྟོན་པ་དང་བསྟན་པ་ལ་རྒྱུ་མཚན་ཤེས་པའི་དད་པས་བསྙེན་བཀུར་ཆུང་ངུ་ཙམ་ཞིག་བྱས་ཀྱང་བསོད་ནམས་ཤིན་ཏུ་མང་བར་འཕེལ་བ་ནི་ཏིང་འཛིན་རྒྱལ་པོར་བསྐལ་པ་གྲངས་མེད་པར་སངས་རྒྱས་གངྒའི་རྡུལ་སྙེད་མཆོད་པ་བས་ཀྱང་དམ་པའི་ཆོས་འཇིག་པ་ལ་ཉེ་བའི་ཚེ་ཉིན་མཚན་ཏུ་བསླབ་པ་སྣ་གཅིག་བསྲུང་བ་ཆེས་ཁྱད་པར་འཕགས་པའི་བསྔགས་བརྗོད་མཛད་པ་བཞིན་ནོ། །གལ་ཏེ་སྔར་བཤད་པའི་གཏམ་གྱི་རབས་དེ་དག་ནི་བཅོམ་ལྡན་འདས་མངོན་སུམ་དུ་བཞུགས་དུས་ཀྱི་དབང་དུ་བྱས་པ་ཤ་སྟག་ཡིན་པས་ད་ལྟ་མི་མཚུངས་སོ་ཞེ་ན། ཤིན་ཏུ་མཚུངས་ཏེ། མཆོད་རྟེན་བསྐོར་བའི་ཕན་ཡོན་ལས། །ད་ལྟ་ང་ལ་མཆོད་པ་དང་། །མ་འོངས་རིང་བསྲེལ་མཆོད་པ་གཉིས། །བསོད་ནམས་མཉམ་ཞིང་རྣམ་སྨིན་མཉམ། །ཞེས་གསུངས་པ་ལྟར་དང་། ཁྱད་པར་ཐེག་ཆེན་ཐུན་མོང་མ་ཡིན་པའི་མདོ་སྡེ་ལྟར་བཤད་ན། དེ་བཞིན་གཤེགས་པ་རྣམས་ནི་སྨོན་ལམ་གྱི་མཐའ་ཉི་ཚེ་བ་དང་ལྡན་པ་མ་ཡིན་ཏེ། ཇི་ཙམ་ལས་དང་ཉོན་མོངས་མཐར་གྱུར་པ། །བདག་གི་སྨོན་ལམ་མཐའ་ཡང་དེ་ཙམ་མོ། །ཞེས་ཡུན་རིང་པོ་ནས་ཀུན་ཏུ་བཟང་པོའི་

― TN03_Page_0178 ―

^{[མ་དཔེ་གཟིགས་ན་འདིར་གནོན།]}

(༡༦༢)སྨོན་ལམ་ཤིན་ཏུ་ཚད་མེད་པས་ངེས་པར་འབྱུང་བ་ཉིད་ཀྱི་ཕྱིར། དེ་ནི་སྔར་ཞིག་འཇིག་རྟེན་ན་བྱུང་གིས་ད་ལྟ་མེད་དོ་ཞེས་བསམ་པར་མི་ནུས་པའི་ཕྱིར་དང་། སྟོན་པ་ད་ལྟ་མི་བཞུགས་སོ་ཞེས་བྱ་བའང་ཆོས་ཀྱི་སྐུ་ལ་བྱ་ན་ནི་ཐམས་ཅད་མཁྱེན་པའི་ཡེ་ཤེས་རྒྱུན་ཆད་པར་སུས་ཀྱང་སྨྲ་མི་ནུས་ལ། གཟུགས་ཀྱི་སྐུ་ལ་བྱ་ན་ཡང་ལོངས་སྐུ་ནི་མྱ་ངན་ལས་འདའ་བ་མེད་དེ། ངེས་པ་ལྔ་ལྡན་ཆེན་པོའི་ཚུལ་གསེར་འོད་དམ་པ་ལ་སོགས་པར་བཤད་པ་བཞིན་ཡིན་ལ། སྤྲུལ་སྐུ་མྱ་ངན་ལས་འདས་སོ་ཞེས་ཟེར་ན་ནི་མི་རིགས་ཏེ། བདག་ཅག་གི་སྟོན་པ་ཉིད་ཀྱང་འཇིག་རྟེན་གྱི་ཁམས་གཞན་དང་གཞན་ན་བཅོམ་ལྡན་འདས་ཆོས་འཕགས་བསྐལ་པ་གྲངས་མེད་ཕྲག་བདུན་བརྒྱར་བཞུགས་པ་སོགས་ཆོ་འཕྲུལ་སྤྲུལ་པའི་སྒྱུ་མ་མཐའ་གཅིག་ཏུ་མ་ངེས་པར་སྟོན་ཚུལ་མདོ་སྡེ་མང་པོ་ནས་བཤད་པའི་ཕྱིར་དང་། ཞིང་ཁམས་གཅིག་པོ་འདིའི་དབང་དུ་བྱས་སོ་ཞེས་ཀྱང་མཐའ་གཅིག་ཏུ་སྨྲ་མི་ནུས་ཏེ། འཁོར་གྱི་དཀྱིལ་འཁོར་གཅིག་ན་ཡང་སེམས་ཅན་ལ་ལས་ནི་སྟོན་པ་སངས་རྒྱས་ནས་ལོ་གཅིག་ལོན་པ་ཙམ་དུ་ཤེས་པ་དང་། ཁ་ཅིག་ནི་བསྐལ་པ་གཅིག་ཙམ་དུ་ཤེས་པ་དང་། འགའ་ཞིག་ནི་དང་པོ་ལྷུམས་སུ་ཞུགས་པ་ཙམ་དུ་ཤེས་པ་སོགས་སྣང་ཚུལ་ཚད་མེད་པ་ཞིག་འོང་བར་མདོ་སྡེ་ལས་བཤད་པས་ཞིང་འདི་ཉིད་ནའང་ད་ལྟ་བཅོམ་ལྡན་འདས་བཞུགས་པར་ཤེས་པའི་སེམས་ཅན་མཐའ་ཡས་པ་ཡོད་ན། རྣམ་འགྲེལ་ལས།

― TN03_Page_0179 ―

^{[མ་དཔེ་གཟིགས་ན་འདིར་གནོན།]}

(༡༦༣)མ་མཐོང་ཕྱིར་ན་མེད་པ་མིན། །གསུངས་པ་ལྟར་བྱིས་པའི་བློ་གྲོས་ཀྱིས་བབ་ཅོལ་སྨྲ་བར་མི་བྱའོ། །དེས་ན་ད་ལྟ་ང་ལ་ཞེས་སོགས་མ་འོངས་པ་ན་སྟོན་པ་ཉིད་མི་བཞུགས་པ་ལྟར་བསྟན་པ་རྣམས་ཀྱང་སེམས་ཅན་ཕལ་མོ་ཆེའི་བསམ་པའི་དབང་ཉེ་བར་བཟུང་ནས་བཤད་པའོ། །གཉིས་པ་ནི། བློ་སྦྱོང་གི་ཉམས་ལེན་ལ་བརྩོན་འགྲུས་སྐྱེད་པ་རྣམས་ཀྱང་གོང་དུ་སྨོས་པ་ལྟར་རང་གི་སེམས་དང་བ་དང་། ཚོགས་ཞིང་ལ་བསྙེན་བཀུར་བྱ་བའི་ཕྱིར་ཡོན་ཏན་དྲན་པའི་སྒོ་ནས་ཆོས་འདི་ཉིད་ལ་ཐོག་མར་བསླབ་པར་བྱ་སྟེ། དེའང་སྐྱེ་བོ་ཕལ་ཆེར་ཞིག་གདོལ་པའི་ཀུན་སྤྱོད་ལ་འཐས་ཏེ་གཙང་སྦྲ་དང་མཎྜལ་ལ་སོགས་པའི་ཆོ་ག་ལ་བླ་མར་མི་བྱེད་པ་ཡིན་ཏེ། དེ་འདྲ་བ་དག་གིས་ནི་ཕྱག་དར་དང་ཆག་ཆག་བྱ་བ་ལ་ལྷུར་ལེན་ཆེར་མ་བགྱིས་ཀྱང་མི་རུང་བ་མེད་དེ། མ་ཧཱ་ཙི་ན་ལ་སོགས་པའི་ཡུལ་གྲུ་འགའ་ཞིག་སྟན་ལས་ལྡང་བ་ལ་སྲི་ཞུར་བྱེད་ཅིང་། འདུག་པ་ལ་མ་ཡིན་པ་དང་། ཁ་ཅིག་ཏུ་འཁུམ་སྟེ་སྡོད་པ་ལ་སྲི་ཞུར་བྱེད་ཀྱི་ལྡང་བ་ལ་མ་ཡིན་པ་ལ་སོགས་པ་ཁྱད་པར་མང་ཞིང་། སྟོན་པས་ཀྱང་མ་གྷ་དྷ་ལ་སོགས་པ་རྣམས་ཀྱི་ཐ་སྙད་ཀྱི་དབང་གིས་མདོ་སྡེ་དེ་དང་དེར་ཞེ་སའི་ཚུལ་ངེས་པ་ལྟར་བཤད་ཀྱི། གཞན་དུ་ན། བསམ་པ་བཟང་པོས་མཆིལ་ལྷམ་ཞིག །ཐུབ་པའི་དབུ་ལ་བཞག་པ་དང་། །ཞེས་སོགས་བཞི་བརྒྱ་པར་གསུངས་པ་ལྟར། རྒན་མོ་ཀ་ཙ་ལིས་སྟོན་པའི་སྐུ་ལ་འཁྲིལ་བཞིན་དུ་བདེན་པ་མཐོང་

― TN03_Page_0180 ―

^{[མ་དཔེ་གཟིགས་ན་འདིར་གནོན།]}

(༡༦༤)བ་ལྟ་བུ་ཆེས་མང་ངོ། །དེ་ལྟ་ནའང་གོང་དུ་བཤད་པའི་ཡོན་ཏན་ཁྱད་པར་བ་དེ་དག་ལྷག་པོར་འཐོབ་པའི་ཕྱིར་དུ། གཞན་ཡང་འཇིག་རྟེན་ཕལ་ཆེར་ནི་གཙང་སྦྲ་ལ་དགའ་ཞིང་མོས་པ་ཉིད་ཡིན་པས། དེ་དག་གི་བསམ་པའི་དབང་གིས་ནི་ཕྱག་དར་ལའང་བརྩོན་འགྲུས་བསྐྱེད་པར་བྱ་སྟེ། རྒྱལ་པོ་གཏུམ་པོ་ཞིག་མགྲོན་ལ་བོས་ཀྱང་ཕུ་དུད་དང་རིམ་གྲོ་བྱ་བ་ཆེས་ཆེན་པོ་དགོས་ན། སངས་རྒྱས་ཆོས་ཀྱི་རྒྱལ་པོ་ས་གསུམ་གྱི་འདྲེན་པ་གཅིག་པུ་བལྟ་ཅི་སྨོས། གལ་ཏེ་སྒྲུབ་པའི་ནན་ཏན་ཆེར་མི་ནུས་པ་ཞིག་ཡིན་ཀྱང་ལས་འདི་ལ་བསླབ་པར་བྱ་སྟེ། ཡུལ་འཁོར་སྐྱོང་གིས་ཞུས་པ་ལས། སངས་རྒྱས་འཇིག་རྟེན་ཕན་པ་དྲང་སྲོང་ཆེ། །བསྐལ་པ་བྱེ་བ་བརྒྱ་ལམ་འབྱུང་སྲིད་ཙམ། །ཞེས་གསུངས་པ་ལྟར། དེ་བཞིན་གཤེགས་པ་རྣམས་ནི་ཨུ་དུམ་ཝ་ར་ལྟར་འབྱུང་བར་དཀའ་བ་ཡིན་ལ། །སངས་རྒྱས་འབྱུང་བ་མེད་པར་ནི་བསོད་ནམས་ཀྱི་ཞིང་རྨད་དུ་བྱུང་བ་ཉན་ཐོས་དང་རང་སངས་རྒྱས་གཞན་ཡང་མི་འབྱུང་བས་ན། སུ་ཞིག་ཞིང་ཁྱད་པར་ཅན་དང་ཕྲད་བཞིན་དུ་བསོད་ནམས་མི་བྱེད་པ་དེ་དག་ནི་སྨད་པ་སྟེ། རྐང་པ་གཉིས་ཀྱིས་ས་ལ་འགྲོ་ཤེས་པ་ཙམ་མོ། །དེས་ན་ཚེ་གང་དུས་བརྒྱའི་ཟ་མ་ལན་གཅིག་དེ་ནན་གྱིས་ཟ་བ་ལྟར་འཕྲད་དཀའ་ཞིང་ཕྲད་ན་ཡུལ་དུ་འཚེང་བའི་བསོད་ནམས་ཀྱི་ཞིང་དེ་སྒོ་དུ་མ་ནས་མཉེས་པར་བགྱི་བའི་ཐབས་ལ་ནན་ཏན་དུ་བྱ་བར་ཤེས་དགོས། དེ་ཤེས་པས་མི་ཆོག །ཆུང་ངུ་ན་ཆུ་ཐིགས་པ་

― TN03_Page_0181 ―

^{[མ་དཔེ་གཟིགས་ན་འདིར་གནོན།]}

(༡༦༥)རེ་ཙམ་གྱིས་བསོད་ནམས་གསོག་པའི་ཐབས་ལ་འབད་དགོས། དེ་ལ་འབད་པའང་ཕྱག་དང་མཆོད་པ་སོགས་ཤ་ཐང་ཐང་གི་ངལ་བ་མང་པོ་ལ་བསྟེན་མི་ནུས་ན་ཚེགས་ཆུང་ངུས་དོན་ཆེན་པོ་སྟེར་བའི་ཐབས་མཆོག་ཡང་དག་པ་ཕྱག་དར་གྱི་ལས་འདི་ཙམ་ལ་རྟག་ཏུ་ནན་ཏན་བྱ་སྟེ། གང་ཞིག་དགེ་བའི་ལས་སླ་བ་ཡང་མི་བྱེད་ན་ཤིན་ཏུ་སྨད་དོ་ཞེས་རྣམ་བཤད་རིག་པར་གསུངས་པའི་ཕྱིར་རོ། །འདི་ན་ཆེད་དུ་བྱ་བ་དམན་པ་ལྟོ་འགེང་བ་ཙམ་ཞིག་འདོད་པས་ཀྱང་ཉ་བདའ་བ་དང་རི་དྭགས་བཤོར་བ་དང་ཞིང་རྨེད་པ་ལ་སོགས་པ་མི་བཟད་པའི་གདུངས་བ་བསྟེན་ཅིང་། སྐར་ཆེན་ཞྭར་གྱོན། སྣལ་མའི་ལྕགས་བྲབ། བ་མོ་ལྷམས་སུ་བྱས་ཏེ་ཅང་མི་སེམས་པར་སྙིང་སྲན་སྐྱེད་ན། ཆེད་དུ་བྱ་བ་དམ་པ་རང་གཞན་ཐམས་ཅད་ཀྱི་དོན་ནམ། མིན་དུ་ཟིན་ཀྱང་རང་ཉིད་ཀྱི་ཚེ་རབས་ཀུན་ཏུ་ཕན་དང་བདེ་བའི་དགའ་སྟོན་མི་ཉམས་པར་བྱ་བ་ལ་ད་ལྟ་ཕྱག་དར་གྱི་ངལ་བ་ཆུང་ངུ་ཙམ་ཞིག་ཏུ་མ་ཟད་ཀྱི་དེ་བས་ཆེས་ལྷག་པའི་དཀའ་ཐུབ་ཀྱང་ཅིའི་ཕྱིར་མི་བསྟེན་ཏེ། བསོད་ནམས་སྟོབས་ཀྱི་རྟོགས་པ་བརྗོད་པ་ལས། །བསོད་ནམས་བསགས་ན་བདེ་བར་འགྱུར། །དེ་ཕྱིར་མི་ཡིས་བསོད་ནམས་བསགས། །ཡང་དང་ཡང་དུ་བསོད་ནམས་བསགས། །དེ་ཉིད་ལ་ནི་འདུན་ཏེ་བྱ། །ཞེས་སོགས་འཇིག་རྟེན་ཕ་རོལ་ཏུ་སྒྲེན་མོ་ལག་པ་སྟོང་པར་ཆས་ཏེ་འགྲོ་བ་ན་བསོད་ནམས་མ་གཏོགས་པ་སྐྱབས་དང་དཔུང་གཉེན་གཞན་མེད་པར་རྣམ་གྲངས་དུ་

― TN03_Page_0182 ―

^{[མ་དཔེ་གཟིགས་ན་འདིར་གནོན།]}

(༡༦༦)མས་བསྟན་པ་ལྟར་ཡིན་པའི་ཕྱིར་རོ། །དེ་སྐད་དུའང་འཕགས་པ་ཞི་བ་ལྷས། དཀའ་ཟློག་དད་དང་ཀརྞ་པ། །བསྲེགས་དང་བཅད་སོགས་ཚོར་བ་ནི། །དོན་མེད་བཟོད་བྱེད་ཐར་པ་ཡི། །དོན་དུ་བདག་ཀོ་ཅི་ཞིག་སྔར། །ཞེས་གསུངས་སོ། །གཞན་ཡང་ཚོང་དང་ཇག་བྱ་བ་ལ་སོགས་པ་རྒྱུ་སྒྲུབ་པའི་དུས་སུ་ངལ་བ་མང་ཞིང་། འབྲས་བུ་མྱོང་བའི་དུས་ཀྱང་སྡུག་བསྔལ་བ། དེ་དག་ལ་ཡང་སྐྱེ་བོ་རྨོངས་པ་རྣམས་རྒོད་དུར་ཁྲོད་ལ་དགའ་བ་བཞིན་དུ་འཇུག་ན། གནས་ཁང་བྱི་དོར་ཙམ་ཞིག་གིས་དཀོན་མཆོག་གསུམ་ལ་བླ་མར་བྱ་བའི་ཆོ་ག་འདི་ནི་རྒྱུའི་དུས་སུ་ཚེགས་ཆུང་ལ། རྣམ་སྨིན་གྱི་ཚོར་བ་ཡིད་འོང་ཁོ་ནར་འཆར་བའི་ཕྱིར་ཡང་ཅི་སྟེ་མི་བརྩོན་ཏེ། སྤྱོད་འཇུག་ལས། སྤུ་གྲིའི་སོར་ཆགས་སྦྲང་རྩི་ལྟའི། །འདོད་པ་རྣམས་ཀྱིས་མི་ངོམས་ན། །རྣམ་སྨིན་བདེ་ལ་ཞི་བ་ཡི། །བསོད་ནམས་ཀྱིས་ལྟ་ཅི་སྟེ་ངོམས། །ཞེས་གསུངས། དེའི་ཕྱིར་བདེ་བའི་དོན་དུ་བྱས་པར་རློམ་ཀྱང་བདེ་བའི་རྒྱུར་འགྱུར་མིན་མ་ངེས་པ་རྣམས་བྱེད་པ་བས། མཐའ་གཅིག་ཏུ་བདེ་བར་འགྱུར་བའི་བསོད་ནམས་ཀྱི་སྒོ་འཕར་འདི་དབྱེ་བའི་རིགས་སོ། །གཉིས་པ་ཕྱག་དར་གྱི་ཚུལ་དངོས་ནི། བཤད་མ་ཐག་པའི་ཡོན་ཏན་རྣམས་དངོས་སུ་འདྲེན་བྱེད་ཀྱི་ཕྱག་དར་ནི། ཕྱག་དར་ཙམ་ཞིག་མིན་གྱི། ཁྱད་པར་བ་ཞིག་དགོས་སོ། །དེ་ནི་འདི་ལྟར་ཞིང་གི་ཆེ་བ་བླ་མའམ་མཁན་པོ་སོགས་དངོས་སུ་བཞུགས་པའི་གནས་སམ། མཆོད་རྟེན་དང་

― TN03_Page_0183 ―

^{[མ་དཔེ་གཟིགས་ན་འདིར་གནོན།]}

(༡༦༧)སྐུ་གཟུགས་དང་སྡེ་སྣོད་ཀྱི་གླེགས་བམ་བཞུགས་པའི་ལྷ་ཁང་ལྟ་བུ་དང་། དེ་དག་མིན་ཀྱང་གནས་དེར་བདག་ཉིད་ཀྱི་མོས་པའི་སྟོབས་ཀྱིས་བླ་མ་རྒྱལ་བ་སྲས་བཅས་མངོན་སུམ་དུ་སྤྱན་དྲང་བར་འདོད་པ་གང་རུང་ཞིག་དགོས་ཀྱི། །དེ་ལྟ་མ་ཡིན་ན་ས་ག་མ་བག་མར་འགྲོ་བ་ལ་གཟས་པའི་ཚེ། །དེའི་མས་མེ་ལོང་བྱི་དོར་གྱིས་ཤིག་པར་བསྒོས་པའི་དོན། ཁྱིམ་མེ་ལོང་འདྲ་བའི་ག་དར་བྱ་བའི་དོན་དུ་བཤད་པ་ལྟ་བུའི་འཇིག་རྟེན་གྱི་རིག་པ་རྣམས་ཀྱང་ཧ་ཅང་ཐལ་བར་འགྱུར་རོ། །བསམ་པའི་ཆེ་བ། སངས་རྒྱས་དང་བྱང་ཆུབ་སེམས་དཔའ་བླ་མ་དང་སློབ་དཔོན་དུ་བཅས་པ་ལ་ཆོས་ཀྱི་རྗེ་བོའི་འདུ་ཤེས་དང་། བདག་ཉིད་ལ་ཆོས་ཀྱི་རྗེས་སུ་འབྲང་བའི་ཁོལ་པོའི་འདུ་ཤེས་དང་། ཕྱག་དར་ལ་རི་མོར་བྱ་བའི་འདུ་ཤེས་དང་། ཐབས་འདི་ལ་བརྟེན་ནས་རྣམ་པར་གྲོལ་བའི་ཡོན་ཏན་གྱི་ཕུང་པོ་ལྔ་རྫོགས་པར་བྱ་བའི་འདུ་ཤེས་བསྐྱེད་དེ་བྱ་ཞིང་། བློ་སྦྱོང་གི་དམིགས་རྣམ་སྐྱོང་བའི་སྦྱོར་ཆོས་སུ་བྱེད་པ་ལ་ནི། ཚོགས་ཞིང་ལ་དང་བའི་དད་པ། ལམ་གྱི་མྱོང་བ་ལ་འདོད་པའི་དད་པ། ཕྱག་དར་གྱི་ཕན་ཡོན་ལ་ཡིད་ཆེས་པའི་དད་པ་སྟེ་གསུམ་ཀ་ཚང་བ་ཞིག་དགོས་སོ། །ཕྱག་དར་ནི་ལུས་ཀྱི་རྣམ་རིག་སྟེ། མཛོད་ལས། དོན་དམ་པ་དང་ངོ་བོ་ཉིད་དང་མཚུངས་ལྡན་དང་ཀུན་སློང་གི་དགེ་བ་བཞི་བཤད་པའི་ནང་ཚན་ཀ་ར་ནི་ར་ལས་སྐྱེས་པའི་མེ་ཏོག་ཟེར་བ་ལྟར་བསམ་པའི་དབང་གིས་དགེ་བར་འགྱུར་བ་

― TN03_Page_0184 ―

^{[མ་དཔེ་གཟིགས་ན་འདིར་གནོན།]}

(༡༦༨)ཀུན་སློང་གི་དགེ་བ་ཡིན་པས་ཀུན་སློང་བཟང་བ་ཞིག་ཅི་ནས་ཀྱང་གཅེས་སོ། ཁྱད་པར་རྒྱལ་བ་སྲས་བཅས་རྣམས་ཀྱི་སྤྱན་སྔར་བདག་ཉིད་ཞམ་རིང་དུ་གནས་པའི་འདུ་ཤེས་ཡང་དང་ཡང་དུ་བཞག་སྟེ་འབང་རྒྱལ་པོའི་མདུན་སར་བབ་ཅོལ་མི་བྱེད་པ་བཞིན་དུ་མ་གུས་པ་སྐད་ཅིག་ཀྱང་མི་བགྱིད་པར་ཕྱག་དར་སྲི་ཞུའི་དྲན་པ་ཉེ་བར་གནས་ན་མཚན་མོའི་རྨི་ལམ་ལ་ཡང་སངས་རྒྱས་དང་དགེ་འདུན་རྗེས་སུ་དྲན་པ་འབྱུང་བ་ཙམ་གྱི་བག་ཆགས་འཐུག་པོར་འགྲོ་ཞིང་། དེ་ལྟར་སོང་ན་འཆི་ཀ་དང་བར་དོ་ལ་སོགས་པར་དེ་བཞིན་གཤེགས་པའི་སྐུའི་སྣང་བ་ངེས་པར་འབྱུང་ལ། །གཞན་ཡང་སྣམ་སྦྱར་དགེ་སྦྱོང་གི་དྲན་པ་གསོ་བྱེད་དུ་བསྔགས་པ་ལྟར། ཕྱག་དར་གྱི་སྦྱོར་བས་སངས་རྒྱས་རྗེས་སུ་དྲན་པ་ཡང་ཡང་དྲང་ན་དེ་ལ་བརྟེན་ནས་ངོ་ཚ་དང་ཁྲེལ་ཡོད་ཀྱི་བསམ་པས་ཉེས་སྤྱོད་ཆེན་པོའི་སྡིག་ལྟུང་མང་པོ་ཞིག་ཀྱང་འགོག་ནུས་ཏེ། སྤྱོད་འཇུག་ཏུ། སངས་རྒྱས་བྱང་ཆུབ་སེམས་དཔའ་དག །ཀུན་ཏུ་ཐོགས་མེད་གཟིགས་པར་ལྡན། །དེ་དག་ཐམས་ཅད་སྤྱན་སྔ་ན། །རྟག་པར་བདག་ནི་གནས་སོ་ཞེས། །དེ་ལྟར་བསམས་ནས་ངོ་ཚ་དང་། །གུས་དང་འཇིགས་ལྡན་དེ་བཞིན་མ་ནོས། །ཞེས་གསུངས་པ་བཞིན་ནོ། །སྦྱོར་བའི་ཆེ་བ། སླ་ལས་དང་ཁྲལ་ཆོས་སུ་མ་སོང་བར་བརྩོན་འགྲུས་ཀྱི་ངོ་བོ་དགེ་བ་ལ་སྤྲོ་བ་ཡིན་པས་སྤྲོ་ཤུགས་དྲག་ཏུ་བསྐྱེད་དེ། ཐོག་མར་རྡུལ་མི་ལྡང་བའི་ཕྱིར་ཆུ་གཙང་གིས་ཆག་ཆག་བཏབ་སྟེ་ས་གཞིའི་

― TN03_Page_0185 ―

^{[མ་དཔེ་གཟིགས་ན་འདིར་གནོན།]}

(༡༦༩)ཁམས་ཅུང་ཟད་བརླན་ལ། དལ་ཞིང་འཇམ་པའི་སྤྱོད་ལམ་གྱིས་རྔ་མའི་ཕོན་པོའམ་རྩའི་ཆུན་པོ་བླང་བས་རྡུལ་རྣམས་བགས་ཀྱིས་འཕྱགས་ཟིན་པ་དང་། བའི་ལྕི་བ་འཇམ་པོས་རྐྱང་ནུལ་བྱ་ཞིང་སྤོས་སམ་དྲི་བཟང་པོའི་ཤིང་གི་དུད་པས་བདུགས་ཏེ་རང་གཞན་གྱི་རྒྱུད་ལ་དང་བ་འདྲེན་ངེས་པར་བྱའོ། །དེའང་རྟེན་གྱི་གང་ཟག་བྱང་ཆུབ་སེམས་དཔའ་ཞིག་ཡིན་ན་ནི་ཕལ་པོ་ཆེ་ལས་གསུངས་པ་ལྟར་སྤྱོད་ཡུལ་ཡོངས་སུ་དག་པའི་སྨོན་ལམ་གྱི་རྒྱས་གདབ་པར་བྱ་སྟེ། འདི་ལྟར། དེས་ནི་དམིགས་པ་རྒྱ་ཆུང་ངུ་དང་ལྷག་པའི་བསམ་པའི་ཆོ་ག་ཉི་ཚེ་བ་ཙམ་ཞིག་མི་བྱའི། མཁའ་ལྟར་གོས་པ་མ་མཆིས་པའི་ཡེ་ཤེས་ཀྱི་སྒོ་ལ་བརྟེན་ཏེ། ཆོས་ཐམས་ཅད་སྒྲ་བརྙན་དང་སྤྲུལ་པའི་རང་བཞིན་དུ་ཚུལ་བཞིན་ཡིད་ལ་བྱེད་དོ། །དེ་ལྟར་ཡིད་ལ་བྱས་ནས་བདག་ཉིད་རྨི་ལམ་གྱི་མི་ལྟ་བུར་མོས་སོ། །ཕུང་པོ་ལྔ་ཆུ་ཤིང་ལྟ་བུར་མོས་སོ། །ཞིང་ཐམས་ཅད་དྲི་ཟའི་གྲོང་ཁྱེར་ལྟར་མོས་སོ། །ཕྱག་དར་ལ་རྨིག་རྒྱུའི་གར་ལྟ་བུར་མོས་སོ། །སངས་རྒྱས་ཐམས་ཅད་སྒྱུ་མའི་རྣམ་པ་ལྟ་བུར་མོས་སོ། །བསྒུལ་བསྐྱོད་ཐམས་ཅད་ཆུ་ནང་གི་ཟླ་བ་ལྟ་བུར་མོས་སོ། །དེ་དེ་ལྟར་ལྷག་པར་ཡིད་ལ་བྱེད་པས་ཆོས་ཐམས་ཅད་རྟོག་པའི་དབང་གིས་བཏགས་པ་ཙམ་མ་གཏོགས་དོན་རང་ངོས་ནས་བཏགས་དོན་འཚོལ་བས་འཐད་པས་གྲུབ་པ་རྡུལ་ཙམ་ཡང་མེད་པར་རྟོགས་ནས་ཕལ་པོ་ཆེའི་བཟོད་པའི་ལེའུ་ནས་བཤད་པ་འདྲ་བ་སྒྲ་

― TN03_Page_0186 ―

^{[མ་དཔེ་གཟིགས་ན་འདིར་གནོན།]}

(༡༧༠)བརྙན་ལྟ་བུའི་བཟོད་པ་དང་ཆ་མཐུན་པའི་ཡེ་ཤེས་ཀྱིས་སངས་རྒྱས་ཐམས་ཅད་ཀྱི་སྤྱན་སྔ་ན་རང་གི་ལུས་རྒྱ་མཚོ་བྱིན་གྱིས་རླབས་ཏེ། དེ་བཞིན་གཤེགས་པ་རྣམས་ལ་རི་མོར་བྱ་བའི་སླད་དུ་ལུས་རེ་རེ་ལ་ལག་པ་ཞིང་གི་རྡུལ་སྙེད་དང་། ལག་པ་རེ་རེ་ལ་བ་སྤུ་ཞིང་གི་རྡུལ་སྙེད་དང་། བ་སྤུ་རེ་རེ་ལ་འོད་ཟེར་ཞིང་གི་རྡུལ་སྙེད། འོད་ཟེར་རེ་རེ་ལ་ཡང་ལག་པ་རྣམ་པར་ཕྱེ་བ་ཞིང་གི་རྡུལ་སྙེད་དང་དེ་སྙེད་ཀྱི་ཕྱག་དར་བྱ་བའི་ཚུལ་རྒྱ་མཚོ་བསམ་གྱིས་མི་ཁྱབ་པར་དམིགས་པ་ནི། ཕྱག་མཆོད་དཔག་མེད་བཞི་ལྡན་དང་། བསྟོད་དབྱངས་ཡན་ལག་རྒྱ་མཚོ་བཞིན་ནོ། །དེ་ལྟར་ཕྱག་དར་གྱི་ལས་དེ་ལ་ཞུགས་ནས་སྨོན་ལམ་བསམ་གྱིས་མི་ཁྱབ་པ་ཡོངས་སུ་བསྔོ་སྟེ། འདི་ལྟར་བདག་གིས་ཕྱག་དར་གྱི་སྲི་ཞུས་རྒྱལ་བ་སྲས་བཅས་ལ་ཕུ་དུད་བགྱིས་པའི་དགེ་བའི་རྩ་བ་འདིས། བདག་སངས་རྒྱས་ཐམས་ཅད་ཀྱི་སྤྱན་སྔར་ཀུན་ཏུ་བཟང་པོ་ཁྱུ་མཆོག་གི་མཐུ་ཕྱུང་བའི་ལུས་ཀྱིས་ཕྱི་མའི་མུ་མཐར་ཐུག་གི་བར་དུ་གནས་ཏེ་སངས་རྒྱས་མཆོད་པ་དང་། རིམ་གྲོར་བྱ་བའི་ཚུལ་རྒྱ་མཚོ་ཡོངས་སུ་རྫོགས་པར་བྱེད་པ་དང་། འཇིག་རྟེན་ཁམས་ཐམས་ཅད་ཀྱི་ངན་སོང་དང་སྡུག་བསྔལ་གྱི་རྡུལ་མ་ལུས་པ་བྱང་ཆུབ་སེམས་དཔའི་སྤྱོད་པའི་ཕྱག་མས་འདེད་ཅིང་རྣམ་པར་སྦྱང་བ་དང་། ཕྱོགས་བཅུའི་ཞིང་ཐམས་ཅད་ན་བདེ་བར་གཤེགས་པའི་བསྟན་པ་རིན་པོ་ཆེའི་གཞལ་མེད་ཁང་ཇི་སྙེད་ཅིག་གནས་སོ་ཅོག་བདག་གི་བྱང་ཆུབ་སེམས་དཔའི་

― TN03_Page_0187 ―

^{[མ་དཔེ་གཟིགས་ན་འདིར་གནོན།]}

(༡༧༡)སྙིང་སྟོབས་ཀྱིས་ག་དར་བྱེད་ཅིང་། བདུད་དང་མུ་སྟེགས་ལྟ་བ་ངན་པའི་རྡུལ་ཐམས་ཅད་ཐབས་སྟོབས་སྨོན་ལམ་གྱིས་ཕྱག་མས་འདེད་པ་དང་། སེམས་ཅན་ཐམས་ཅད་ཀྱི་དོན་དུ་ཁྱུ་མཆོག་ར་ཆད་པ་ལྟ་བུའི་སེམས་ཁེངས་དྲེགས་དང་ང་རྒྱལ་མེད་པས་གནས་ཏེ་ཕྱག་དར་ལྟར་དམན་པའི་ལས་རྣམས་ཀྱང་རང་ཉམས་སུ་བསྟར་བ་དང་། ནམ་ཞིག་བླ་ན་མེད་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་ཏེ་སངས་རྒྱས་ཀྱི་ཞིང་རྡུལ་དང་ཐ་བ་ལས་འདས་པ། ལག་མཐིལ་ལྟར་བདེ་ཞིང་འཇམ་ལ་མཉེན་པ་མགོན་པོ་དོན་ཐམས་ཅད་གྲུབ་པའི་ཞིང་བཀོད་མདོ་སྡེ་དཀོན་མཆོག་འབྱུང་གནས་སུ་བཤད་པ་ལྟ་བུའི་ཡོན་ཏན་ཡོངས་སུ་འགྲུབ་པར་འགྱུར་བ་དེ་ལྟ་དེ་ལྟར་དམིགས་པ་ཚད་མེད་པའི་རྗེས་སུ་སོང་བའི་སྨོན་ལམ་འདེབས་ཏེ། འདི་ནི་བྱང་ཆུབ་སེམས་དཔའ་རྣམས་ཀྱི་ཕུ་དུད་ཀྱི་སྒོ་འཕར་ཆེས་ཆེ་བ་ཞིག་ཡིན་པའི་ཕྱིར། འཕགས་པ་རྟག་ཏུ་དུས་ཀྱང་བྱང་ཆུབ་སེམས་དཔའ་ཆོས་འཕགས་ལ་བླ་མར་བྱ་བའི་ཕྱིར་འཁོར་གྱི་ཁྱམས་སུ་ཙནྡན་གྱི་ཆུས་ཆག་ཆག་གདབ་པར་བརྩམ་པ་ལས་བདུད་ཀྱི་རྫུ་འཕྲུལ་གྱིས་ཆབ་ཐམས་ཅད་མི་སྣང་བར་བྱས་པས་རང་གི་རྩེའུ་ཆུང་གཏར་བའི་ཁྲག་གིས་ཆག་ཆག་བཏབ་སྟེ་དོ་གལ་ཆེ་ཆེ་མཛད་པའང་དོན་གྱི་དབང་དེ་ལྟར་གཟིགས་ནས་ཡིན་པས་གནད་ཤིན་ཏུ་ཆེའོ། །དེ་ལྟ་བས་ན་བསོད་ནམས་གསོག་པར་འདོད་པས་ཐབས་འདི་ལ་ནན་ཏན་དུ་བྱ་

― TN03_Page_0188 ―

^{[མ་དཔེ་གཟིགས་ན་འདིར་གནོན།]}

(༡༧༢)བའི་རིགས་སོ། །དབེན་པའི་བྱ་སྐྱིབ་བྲག་རིའི་བ་གམ་ཅན། །ཤིང་ལོའི་གྲིབ་བསིལ་མི་མཐུན་མེད་པ་ན། །མུ་ཏོའི་ཀུན་སྤྱོད་འཛིན་པའི་གཞོན་ནུ་ཞིག །བསོད་ནམས་གཏམ་གྱི་རོལ་མོ་ཅི་ཡང་འཁྲོལ། །དེ་དགེ་དྲི་མེད་པདྨོ་མདངས་འདྲ་བས། །སྐྱེ་ཞིང་སྐྱེ་བར་བཤེས་གཉེན་མཐོང་བ་དང་། །ཞི་བའི་ནགས་རིར་ཡོན་ཏན་མཆོག་ཚོགས་ཅན། །བཟང་པོ་སྤྱོད་པའི་རྣམ་ཐར་འཛིན་གྱུར་ཅིག །གཙུག་ལག་ཁང་ཕྱག་དར་གྱི་གཏམ་བསོད་ནམས་སྤྲིན་གྱི་རྔ་སྒྲ་ཞེས་བྱ་བ་འདིའང་རྡོ་རོང་གི་སྤྲང་པོ་འཇིགས་མེད་བསྟན་པའི་རྒྱལ་མཚན་གྱིས་རང་ལོ་ཉེར་གཅིག་པ་ཤིང་བྱ་ཆོ་འཕྲུལ་གྱི་ཟླ་བའི་རྒྱལ་བ་དྲུག་པའི་ཉིན་ལྷུན་གྲུབ་རང་བྱུང་གི་བྲག་སྐྱིབ་ལ་བརྟེན་པའི་ཤིང་ས་ལའི་ལྕུགས་ཕྲན་གྱི་ལྡིང་ཁང་དབེན་ཞིང་ཉམས་དགའ་བར་སྦྱར་བ་དགེ་ཞིང་བཀྲ་ཤིས། །སརྦ་མངྒ་ལཾ།། ༈ །།འཕྲུལ་ཆེན་སྤར་གྱི་ལྗོན་ཤིང་རྒྱས་པའི་རྩེར། །ལེགས་བཤད་མེ་ཏོག་འབྲས་མང་ཆགས་པ་འདི། །ཀུན་མཁྱེན་བསྟན་པའི་སྐྱེད་ཚལ་རྒྱན་གྱུར་ཏེ། །སྐལ་བཟང་སྐྱེ་བོའི་བྱ་ཚོགས་དགའ་བྱེད་ཤོག །ཤུ་བྷཾ་མསྟུ་སརྦ་ཛག་ཏཾ།། །།

མེ་ཏོག་མཆོད་པའི་གཏམ།

― TN03_Page_0189 ―

^{[མ་དཔེ་གཟིགས་ན་འདིར་གནོན།]}

(༡༧༣)བླ་མ་སངས་རྒྱས་ལ་ཕྱག་འཚལ་ལོ། །ད་ལྟ་རང་ཅག་རྣམས་ཀྱིས་ཤིན་ཏུ་རྙེད་པར་དཀའ་བའི་མིའི་ལུས་རྟེན་གཙང་མ་དང་། བསོད་ནམས་ཀྱི་ཞིང་མཆོག་བླ་ན་མེད་པ་རྙེད་པའི་དུས་འདིར་ཞིང་གི་མཆོག་ལ་ཇི་ལྟར་ནུས་པ་བཞིན་དུ་ས་བོན་ཅི་ཐེབས་བྱས་ནས། གཅིག་པུར་རང་ལུས་ཚུན་ཆད་ཤུལ་དུ་བོར་ནས་སྲིད་པ་གཞན་དུ་འགྲོ་བའི་དུས་སུ་འཁྱེར་རྒྱུའི་རྒྱགས་སྐལ་མི་ཕམ་པ་རེ་ཅི་ནས་ཀྱང་བྱེད་དགོས་ཏེ། ད་རེས་ཀྱི་བྱེད་སྟངས་ལ་བལྟས་ན་ཡང་སྲིད་མེད་པའི་གོ་འཕང་ལ་རེ་བ་ཟད། དེ་ཕན་ཆད། འདི་ལས་ཆེས་མཆོག་དགོས་པ་གཞན་མ་མཆིས། །ཞེས་པ་དེ་འདི་ལ་འབབ་པ་ཡིན། ཐ་ན་ཆུ་དང་མེ་ཏོག་གི་མཆོད་པ་ཙམ་ལའང་གུས་པར་བྱ་ཞིང་བསྒྲིམས་ན་ས་བྱ་སྟེ། བསགས་ན་གྲོག་མཁར་འཕེལ་འགྱུར་ལ། །སྤྱད་ན་མིག་སྨན་ཟད་འགྱུར་བ། །ཞེས་པ་ལྟར་དེ་ཙམ་ཡང་བསགས་ན་མང་པོར་འགྲོ་བའི་ཕྱིར་དང་། །ལས་འཕེལ་ཆེ་བའི་ཕྱིར་དང་། ལྷག་པར་ཡང་ཞིང་གི་མཐུ་ལ་བརྟེན་པའི་ལས་ཕྲ་མོ་གཅིག་ཀྱང་འབྲས་བུ་རྒྱ་ཆེ་ཞིང་ཡངས་པ་བསམ་གྱིས་མི་ཁྱབ་པ་སྐྱེ་བའི་ཕྱིར་རོ། །དེ་ལ་མེ་ཏོག་རྣམས་ནི་ཤིན་ཏུ་གཙང་ལ་དབྱིབས་དང་ཁ་དོག་དང་དྲི་བསུང་དང་རེག་བྱའི་ཡོན་ཏན་ཕུན་སུམ་ཚོགས་ཤིང་ཆོས་ཉིད་ཀྱིས་འཇིག་རྟེན་དགའ་བ་སྐྱེད་པའི་ཡོ་བྱད་མཆོག་ཡིན་པས་རྒྱལ་པོ་ཆེན་པོའི་ལག་གིས་ཕུལ་ཡང་མི་འཚམས་པ་མ་མེད་ལ། དབྱིབས་དང་ཁ་དོག་ཐ་དད་པ་དང་དྲི་བསུང་སྣ་ཚོགས་པ་དང་ཆུ་དང་ཐང་

― TN03_Page_0190 ―

^{[མ་དཔེ་གཟིགས་ན་འདིར་གནོན།]}

(༡༧༤)དང་ཤིང་ལས་སྐྱེས་པའི་རིགས་མི་འདྲ་བ་དཔག་ཏུ་མེད་པས་དབྱར་དུས་ས་ཆེན་པོ་འདི་བཀབ་ནས་སྐྱེ་བས་སྤྲང་པོ་རྣམས་ཀྱིས་ཀྱང་ཕང་མེད་དུ་རྙེད། དེའང་སྡིག་མེད་དུ་རྙེད་པས་དངོས་པོ་ཤིན་ཏུ་དག །ཅི་ཙམ་ཕུལ་ཡང་སེར་སྣ་དང་འགྱོད་པ་སོགས་མི་སྐྱེ་བས་སྦྱོར་མཇུག་དངོས་གཞི་ཀུན་ཏུ་བསམ་པའང་དག་པོ་འོང་། །གནས་ཁང་ངན་ངོན་ཡིན་ཡང་མེ་ཏོག་གིས་བརྒྱན་ན་དགའ་ཚལ་བཟང་པོ་ལྟར་སྣང་ཞིང་སེམས་ལྷ་ཡུལ་ལྟར་དྭངས་པར་བྱེད་པས་མཆོད་རྫས་གཅིག་ལ་མཐུ་ཆེ། སྨྲ་འདོད་ཀྱི་སེང་གེས་གནས་ཁང་མེ་ཏོག་གིས་བརྒྱན་པ་ལ་བརྟེན་ནས་སེམས་གནས་རྙེད་དེ་འབྲས་བུ་ཐོབ་པར་གསུངས་པ་ལྟ་བུ་སེམས་དྭངས་པ་ལ་ཡོན་ཏན་གཞན་ཡང་མང་། ལྷ་རྣམས་ཀྱང་མེ་ཏོག་ལ་མཆོད་རྫས་བཟང་ཤོས་སུ་རྩི་སྟེ་མངོན་པར་བྱང་ཆུབ་མ་ཐག་པའི་དེ་བཞིན་གཤེགས་པ་ལ་ཡང་དང་པོར་ལྷའི་མེ་ཏོག་རྣམས་ཀྱིས་མཆོད་པར་རྒྱ་ཆེར་རོལ་པ་ལས་གསུངས། དག་པའི་ཞིང་ནའང་མཆོད་རྫས་ཀྱི་དམ་པར་བྱེད་དེ་འོད་མདོ་ལས། དེ་དག་མེ་ཏོག་ཁ་དོག་ཐ་དད་པ། །དྲི་ཞིམ་ཡིད་འོང་མང་པོ་སྙིམ་ཐོགས་ཏེ། །ཚེ་དཔག་མེད་པ་ལྷ་དང་མིས་མཆོད་པ། །མི་ཡི་འདྲེན་པ་མཆོག་ལ་རབ་ཏུ་འཐོར། །ཞེས་པ་ལྟ་བུ། དེས་ན་འཕགས་པ་རྟག་ཏུ་དུས་ཆོས་འཕགས་དང་། ནོར་བཟངས་ཀྱིས་རྗེ་བཙུན་བྱམས་པ་མཇལ་བ་ན་ཡང་དང་པོར་མེ་ཏོག་གཏོར་བས་མཆོད་པར་གསུངས་ཤིང་། ཞིང་ཐ་དད་ཀྱི་རྒྱལ་བ་ནང་ཕན་ཚུན་མཆོད་པའི་སྐྱེས་སྐུར་བ་

― TN03_Page_0191 ―

^{[མ་དཔེ་གཟིགས་ན་འདིར་གནོན།]}

(༡༧༥)ན་ཡང་མེ་ཏོག་ལ་སྐྱེས་མཛད་པར་མདོ་སྡེ་དུ་མ་ལས་གསུངས་སོ། །དེ་ལྟ་བུའི་མཆོད་རྫས་ཕུལ་བའི་ཕན་ཡོན་ཕྱོགས་ཙམ་ནི། ཟ་མ་ཏོག་ལྟ་བུའི་གཏམ་ལས། མེ་ཏོག་བཟང་པོ་དགེ་འདུན་ལ། །རབ་ཏུ་འཐོར་ཞིང་མཆོད་བྱེད་པ། །བརྒྱ་བྱིན་ལས་ལྷག་ལོངས་སྤྱོད་ལྡན། །པདྨའི་དབང་པོ་ལྟ་བུར་མཛེས། །མཆོག་ཏུ་གྲགས་པ་དང་ལྡན་ཞིང་། །རྟག་ཏུ་དེ་ནི་སྐད་ཅིག་གིས། །དགྲ་ལས་རྣམ་པར་རྒྱལ་བ་དང་། །ས་རྣམས་ལ་ནི་སྤྱོད་བྱེད་འགྱུར། །ཞེས་ལོངས་སྤྱོད་ཆེ་བ་དང་། ལུས་མཛེས་པ་དང་། གྲགས་པ་དང་ལྡན་པ་དང་། དགྲ་ལས་རྒྱལ་བ་དང་། དབང་ཕྱུག་ཆེ་བ་རྣམས་གསུངས་ཏེ། མཆོད་པའི་ཡུལ་ལ་དགེ་འདུན་ཞེས་འབྱུང་བ་ནི་མཚོན་བྱེད་ཙམ་སྟེ། རང་སངས་རྒྱས་ཞིང་གི་རྡུལ་རྙེད་ལ་བསྐལ་པ་གངྒཱའི་བྱེ་སྙེད་དུ་ལྷའི་ཟས་དང་ན་བཟས་མཆོད་པ་བས་སངས་རྒྱས་ལ་དམིགས་ནས་མེ་ཏོག་ཅིག་ནམ་མཁའ་ལ་བོར་བ་བསོད་ནམས་ཆེས་ཆེ་བར་མེ་ཏོག་བརྩེགས་པའི་གཟུངས་ལས་སུངས་པ་བསླབ་བཏུས་སུ་དྲངས་སོ། །དཀོན་བརྩེགས་ཀྱི་བློ་གྲོས་བཟང་མོས་ཞུས་པ་དང་དྲི་མ་མེད་ཀྱིས་བྱིན་པས་ཞུས་པ་ལས་ནི། པདྨ་དང་ཨུཏྤལ་སོགས་ཀྱིས་ལག་པ་བཀང་སྟེ་སངས་རྒྱས་ལ་ཕུལ་བས་དེ་བཞིན་གཤེགས་པའི་སྤྱན་སྔར་རིན་པོ་ཆེའི་པདྨ་ཆེན་པོ་རྣམས་ལས་བརྫུས་ཏེ་སྐྱེ་བའི་ཕན་ཡོན་གསུངས་སོ། །འདུལ་བ་ལུང་ལས་ཀྱང་། མཁས་པ་གང་གིས་སངས་རྒྱས་མཆོད་རྟེན་ལ། །

― TN03_Page_0192 ―

^{[མ་དཔེ་གཟིགས་ན་འདིར་གནོན།]}

(༡༧༦)དགའ་བའི་སེམས་ཀྱིས་མེ་ཏོག་སིལ་མ་སྤུངས། །འཛམ་བུའི་ཆུ་གསེར་སྣོད་དུ་བཞག་པ་ནི། །སྟོང་ཕྲག་བརྒྱ་ཡང་དེ་དང་མཉམ་པ་མིན། །ཞེས་གསུངས་ཏེ་སངས་རྒྱས་ལ་མེ་ཏོག་ཕུལ་བའི་ཕན་ཡོན་རིན་ཐང་རྩི་ན་ཛམ་བུའི་ཆུ་བོའི་གསེར་གྱིས་གཏམས་པའི་སྣོད་འབུམ་ཕྲག་གིས་ཀྱང་དེའི་ཚད་དུ་མི་སླེབ་ཅེས་པའོ། །གཞན་ཡང་སྤྱན་རས་གཟིགས་ཞེས་བྱ་བའི་མདོ་སོགས་མདོ་སྡེ་རྣམས་སུ་ཤེས་པར་བྱའོ། །སངས་རྒྱས་བཞུགས་དུས་མཆོད་པ་དང་། མྱ་ངན་ལས་འདས་རྗེས་སུ་དེ་ལ་དམིགས་ཏེ་མཆོད་པ་བསོད་ནམས་སྐྱེ་བ་ལ་མཉམ་པར་གསུངས་ཤིང་། ལྷ་རྣམས་ཀྱིས་མེ་ཏོག་མན་དཱ་ར་བ་ཕུལ་བ་དང་། རང་རེས་མེ་ཏོག་སེར་ཆེན་སོགས་ཕུལ་བའང་མཉམ་པར་ངེས་ཏེ། གང་འབྱོར་དེ་ཕུལ་བས་བསམ་པའི་ཁྱད་པར་བཞིན་འབྲས་བུ་འབྱུང་གི་དངོས་པོ་མི་གཙོ་བའི་ཕྱིར་ཏེ། གསལ་རྒྱལ་དང་དབུལ་མོ་གྲོང་ཉུལ་མས་མར་མེ་ཕུལ་བའི་ལོ་རྒྱུས་བཞིན་ནོ། །ཕན་ཡོན་དེ་དག་བསམ་ནས་དགའ་སྤྲོ་ཆེན་པོས་འཇུག་པར་རིགས་ཏེ། ཁྱིམ་བདག་མགོན་མེད་ཟས་སྦྱིན་གྱིས་ཐུབ་པ་ལ་མཆོད་པའི་ཕྱིར་རྒྱལ་པོའི་ལྡུམ་ར་སྲུང་བ་ལ་པདྨ་གཅིག་ཁོ་ནའི་རིན་དུ་གསེར་སྲང་འབུམ་ཕྲག་འདས་པར་བྱས་ཚུལ་ལས་བརྒྱ་པ་ལས་འབྱུང་བ་དང་། ཇོ་བོ་རྗེ་ལྷ་ཅིག་གིས་མེ་ཏོག་ཤང་དྲིལ་འདི་རྒྱ་གར་ན་མེད། ཡོད་ན་ངས་གསེར་འཇལ་ནུས་གསུངས་པ་སོགས་བསོད་ནམས་ཀྱི་མཛོད་ཟད་མི་ཤེས་པའི་སྐྱེས་བུ་

― TN03_Page_0193 ―

^{[མ་དཔེ་གཟིགས་ན་འདིར་གནོན།]}

(༡༧༧)དམ་པ་རྣམས་ཀྱང་འདི་ལ་ཆེད་ཆེར་མཛད་ན། འོ་སྐོལ་ལྟ་ཅི་སྨོས་པའི་ཕྱིར་རོ། །དེའང་དུག་གི་མེ་ཏོག་མཆོད་རྫས་སུ་མི་རུང་ལ། གཞན་མེ་ཏོག་གསར་པ་མ་ཉམས་ཤིང་། གཙང་མའི་ཕྱོགས་སུ་སྐྱེས་པ་རྣམས་སྲོག་ཆགས་ཡོད་མེད་བརྟགས་ཏེ་མེད་པར་ཤེས་ན་ཁ་དང་ལག་པ་བཀྲུས་ལ་བཏུ། སིལ་མ་དང་ཕྲེང་བར་བྱས་ནས་མཆོད་པ་སོ་སོར་སྤྱོད་འཇུག་ཏུ་གསུངས་ཤིང་ཕན་ཡོན་ཡང་བློ་གྲོས་མི་ཟད་པས་བསྟན་པ་སོགས་ནས་སོ་སོར་བཤད་པས་གང་འདོད་དམ་གཉིས་ཀ་བྱ། སིལ་མ་འབུལ་ན་སྙིམ་པ་ལེགས་པར་བཀང་། ཕྲེང་བར་བྱས་པ་ཡིན་ན་ལག་པ་གཉིས་ཀས་བཏེགས། གང་ལྟར་ཡང་སངས་རྒྱས་ཀྱི་ཡོན་ཏན་རྗེས་སུ་དྲན་པར་བྱ་ཞིང་། ཡོན་ཏན་མི་ཤེས་ནའང་སངས་རྒྱས་ལ་དམིགས་པ་སྔོན་དུ་བཏང་སྟེ། བདག་གིས་འདི་ལྟར་ཕུལ་བའི་མེ་ཏོག་འདི་དག་དཀོན་མཆོག་ཏཱ་ལ་ལར། མེ་ཏོག་ཕལ་ཆེར་མེ་ཏོག་བླ་བྲེ་དང་། །སོགས་དང་། ཕུང་པོ་གསུམ་པའི་མདོ་ལས། མེ་ཏོག་ཐམས་ཅད་ཀྱི་བླ་རེ་བྲེས་པའི་རྒྱན་གྱིས་ཆོས་ཀྱི་དབྱིངས་ཀུན་ཏུ་གནས་པར་གྱུར་ཅིག །ཅེས་སོགས་ལྟར་ཕྱོགས་བཅུའི་ཞིང་རབ་འབྱམས་ཀྱི་དེ་བཞིན་གཤེགས་པའི་འཁོར་གྱི་དཀྱིལ་འཁོར་ཐམས་ཅད་དུ་ལྷ་རྫས་ཀྱི་མེ་ཏོག་བཀོད་པའི་བླ་བྲེ་དང་ཁང་བརྩེགས་དང་ཆུན་འཕྱང་ལ་སོགས་པར་གྱུར་ཏེ། དེ་དག་རེ་རེ་ལས་ཀྱང་རིན་པོ་ཆེ་དང་མེ་ཏོག་ལ་སོགས་པའི་ཆར་གྱིས་ནམ་མཁའི་ཁམས་ཐམས་ཅད་རྒྱས་

― TN03_Page_0194 ―

^{[མ་དཔེ་གཟིགས་ན་འདིར་གནོན།]}

(༡༧༨)པར་འགེངས་པའི་འོད་ཟེར་གྱི་སྤྲིན་རྒྱ་མཚོ་འབྱུང་ཞིང་། ཕྱི་མའི་མུ་མཐར་གནས་པར་གྱུར་ཅིག་སྙམ་དུ་བསམ་ལ་དབུལ་ཞིང་། འོད་མདོ་ལས། ལོངས་ལ་ནུབ་ཕྱོགས་སུ་ཕྱོགས་ཏེ་མེ་ཏོག་གཏོར་ལ་ཐལ་མོ་སྦྱོར་ཏེ་ཕྱག་ཚོལ་ཅིག་ཅེས་གསུངས་པ་ལྟར་ཐལ་མོ་སྦྱོར་བ་དང་ཕྱག་འཚལ་བའང་བྱ། །སྐུ་གཟུགས་དང་མཆོད་རྟེན་ལ་འབུལ་བ་ཡིན་ན། སྔོན་དུ་དེའི་ཉེ་འཁོར་གྱིས་ཕྱོགས་བྱི་དོར་བྱ་ཞིང་། །སྔར་ཕུལ་བའི་མེ་ཏོག་རྙིང་པ་ཡོད་ན་ཕྱགས་ཏེ་སྐྱེ་བོས་མི་འགོང་བའི་ཕྱོགས་སུ་དོར་ལ་གདོད་ཕུལ་ན་ལེགས་ཏེ། དེ་འདྲའི་མེ་ཏོག་ཉལ་ཉིལ་འཕྱགས་པ་དང་། གསར་པ་ཕུལ་བ་གཉིས་བསོད་ནམས་མཉམ་པར་མདོ་ལས་གསུངས་སོ། །མཇུག་ཏུ་སྔར་དཀོན་བརྩེགས་དྲངས་ནས་བཤད་པའི་ཕན་ཡོན་སོགས་ལ་བསམ་པ་ཐག་པ་ནས་དམིགས་པའི་སྨོན་ལམ་གདབ་ཅིང་། རིན་པོ་ཆེའི་ཕྲེང་བ་ནས་འབྱུང་བའི་ཚིགས་བཅད་ཉི་ཤུ་པ་སོགས་ཤེས་ན་ངག་ཏུའང་བརྗོད་པར་བྱའོ། །དེ་དག་གི་ཚེ་སྐྱེ་བོ་གཞན་དག་ཀྱང་གྲོགས་སུ་བསྐུལ་ནས་གཉིས་ཆར་གྱིས་བྱེད་པ་དང་། གཞན་ཡང་ཕ་མ་སོགས་རྒན་འཁོགས་དང་ནད་པ་མེ་ཏོག་འཐུར་འགྲོ་མི་ནུས་པ་རྣམས་ལའང་བྱིན་ཏེ་མཆོད་དུ་འཇུག་པ་དང་། ཁྱིམ་པ་སེར་སྣ་ཅན་དང་བྱིས་པ་རྣམས་ཀྱང་ཐབས་མཁས་པས་རྣ་བ་གཏོད་ཅིང་འཛིན་དུ་གཞུག་ནུས་ན་ཚུལ་འདི་ལ་སྦྱོར་བ་དང་། ཕྱོགས་སུ་འགྲོ་བའི་ལམ་གར་ཡི་གེ་དྲུག་མ་རྡོ་ལ་བརྐོས་པ་གཅིག་མཐོང་ཡང་མེ་ཏོག་བཏོགས་ནས་

― TN03_Page_0195 ―

^{[མ་དཔེ་གཟིགས་ན་འདིར་གནོན།]}

(༡༧༩)མཆོད་པ་ཚུན་ཆད་ཀྱིས་གོམས་པར་བྱས་ན་སྒོ་དུ་མ་ནས་བསོད་ནམས་ཀྱི་སྟོབས་རྒྱས་ཏེ་ཇི་སྐད་བཤད་པའི་ཕན་ཡོན་ཐམས་ཅད་མྱུར་དུ་འཐོབ་པ་ནི་ལུང་ལས། ཟླ་བ་སྐར་མ་བཅས་པ་གནས་ལྟུང་ཞིང་། །རི་དང་ནགས་ཚལ་བཅས་པའི་ས་གཡོས་ལ། །ནམ་མཁའི་ཁམས་ནི་གཞན་དུ་འགྱུར་སྲིད་ཀྱིས། ཁྱོད་ནི་མི་བདེན་པ་ཡི་ཚིག་མི་གསུངས། །ཞེས་གསུངས་པ་ལྟ་བུའོ། །ཞེས་པའང་ཆུ་སྟོད་ཟླ་བའི་མེ་ཏོག་གི་ཆུན་པོ་ཞིག་ན་རེ། ཁོ་བོའི་གཏམ་ཉུང་གསལ་ཞིག་བྲིས་ཞེས་བསྐུལ་ནས་མི་རྒན་རྣམ་རྟོག་རྒྱ་མཚོ་ཅ་ཅོ་མཐས་ཡས་ཞེས་བྱ་བས་ཤང་ཤང་དྲིལ་བུ་རླུང་བསྐྱོད་ཀྱི་ལྡེམ་བག་གཡོ་བའི་བསམ་མཐའི་གཙུག་ལག་ཁང་ཉམས་དགའ་བར་བྲིས་པའོ།། །།

― TN03_Page_0196 ―

^{[མ་དཔེ་གཟིགས་ན་འདིར་གནོན།]}

(༡༨༠)

བདེ་བ་ཅན་གྱི་ཞིང་ལས་བརྩམས་པའི་གཏམ་དགེ་བའི་ལོ་ཏོག་སྤེལ་བྱེད་དབྱར་སྐྱེས་སྤྲིན་ཆེན་གླལ་བའི་སྒྲ་དབྱངས།

― TN03_Page_0197 ―

^{[མ་དཔེ་གཟིགས་ན་འདིར་གནོན།]}

(༡༨༡)བདེ་བ་ཅན་གྱི་ཞིང་ལས་བརྩམས་པའི་གཏམ་དགེ་བའི་ལོ་ཏོག་སྤེལ་བྱེད་དབྱར་སྐྱེས་སྤྲིན་ཆེན་གླལ་བའི་སྒྲ་དབྱངས་ཞེས་བྱ་བ་བཞུགས་སོ། །

― TN03_Page_0198 ―

^{[མ་དཔེ་གཟིགས་ན་འདིར་གནོན།]}

(༡༨༢)མགོན་པོ་སྣང་བ་མཐའ་ཡས་ལ་ཕྱག་འཚལ་ལོ། །དཔལ་ལྡན་རྒྱལ་བྱེད་འཁོར་ལོའི་མཚན་པ་ཡིས། །བྲིས་པའི་འོད་སྣང་ལི་ཁྲིའི་དོག་པ་གསར་ཐུབ་རྣམས་མགོ་ལ་ཅོད་པན་བཞིན་མཛེས་པ། །འོད་མཛད་ཞབས་པད་དང་བས་ལན་བརྒྱར་མཆོད། །བློ་གསར་ཐར་འདོད་རེ་བའི་ལྗོན་ཤིང་རྩེར། །ལེགས་བཤད་གླུ་དབྱངས་ལེན་མཁས་ཁུ་བྱུག་ཅིག །ཡོངས་དག་ཞིང་གི་འབྱོར་པ་བརྡ་སྤྲོད་ཀྱིས། །གཏན་བདེའི་དགའ་སྟོན་འདོད་རྣམས་གུས་པས་ཉོན། །འདིར་བློ་རབ་འབྲིང་ཐ་མའི་གདུལ་བྱ་རྣམས་ཀྱི་སྤྱད་བྱ་ཐུན་མོང་བར་གྱུར་ཅིང་། ཐོས་ན་དགའ་བ་རྨད་དུ་བྱུང་བ་སྐྱེད་པར་བྱེད་པ། བདེ་བ་ཅན་གྱི་ཞིང་ལས་བརྩམས་པའི་གཏམ་གྱི་སྦྱོར་བ་ཅུང་ཟད་མདོ་སྡེའི་རྗེས་སུ་འབྲངས་ཏེ་བྱ་བ་ལ་གསུམ་

― TN03_Page_0199 ―

^{[མ་དཔེ་གཟིགས་ན་འདིར་གནོན།]}

(༡༨༣)དགོས་པ་བསྟན་ནས་བདེ་བ་ཅན་གྱི་ཞིང་དུ་སྐྱེ་བ་འཛིན་པ་ལ་སྤྲོ་བ་བསྐྱེད་པ། ཞིང་དེར་སྐྱེ་བ་ལ་ཞུམ་པ་སྐྱེ་བའི་སྒོ་དགག་པ། དེར་སྐྱེ་བའི་རྒྱུ་ཚོགས་སྒྲུབ་ཚུལ་བསྟན་པའོ། །དང་པོ་ནི། འཕགས་པ་འོད་དཔག་མེད་ཀྱི་བཀོད་པའི་མདོ་ལས། ཇི་ལྟར་སངས་རྒྱས་མཆོག་གི་གཟི་མཐའ་ཡས། །མི་དབང་གཟི་བརྗིད་ཕྱོགས་ཀུན་ལམ་མེར་གདའ། །དེ་ལྟར་བདག་ཀྱང་སངས་རྒྱས་ཆོས་རྒྱལ་གྱུར། །སྐྱེ་རྒུ་རྒ་དང་འཆི་ལས་རབ་ཐར་བགྱི། །ཞེས་གསུངས་པ་ལྟར། རྒ་བ་དང་འཆི་བ་ལ་སོགས་པའི་སྡུག་བསྔལ་མི་བཟད་པ་དུ་མས་རྟག་ཏུ་གདུང་བའི་སེམས་ཅན་རྣམས་ལ་སྙིང་རྗེ་ཆེན་པོས་ཡིད་བསྐྱོད་པ་རྣམས་ནི་ཁམས་གསུམ་ཆོས་ཀྱི་རྒྱལ་པོ་གཅིག་པུ་སངས་རྒྱས་བཅོམ་ལྡན་འདས་ཀྱི་གོ་འཕང་རིན་པོ་ཆེ་

― TN03_Page_0200 ―

^{[མ་དཔེ་གཟིགས་ན་འདིར་གནོན།]}

(༡༨༤)དོན་དུ་གཉེར་བར་བྱེད་ལ། དེའི་ཚེ་དེ་སྒྲུབ་བྱེད་ཀྱི་སྒོ་གཉིས་པ་ནི་མེད་པས་ཟབ་པ་དང་རྒྱ་ཆེ་བའི་ལམ་གྱི་ཕྱོགས་ཡོངས་སུ་རྫོགས་པའི་བྱང་སེམས་ཀྱི་སྤྱོད་པ་ལ་སློབ་དགོས་སོ། །སྤྱོད་པའི་རྒྱ་མཚོ་དེ་ནི་གཏིང་དཔག་དཀའ་ཞིང་མཐའ་ཡས་པའི་ཕྱིར། དང་པོར་འཇུག་པ་དང་། ཞུགས་ན་མཐར་དབྱུང་བ་གཉིས་ཀ་ཤིན་ཏུ་བྱ་དཀའ་བས་རླབས་པོ་ཆེའི་མགོན་ལ་བརྟེན་ནས་བགྲོད་དགོས་སོ། །དགོས་པ་དེའི་ཕྱིར་དུ་བདེ་བ་ཅན་གྱི་ཞིང་དུ་འགྲོ་བ་ནི་འོད་མདོ་ལས་གསུངས་ཏེ། དེ་ཉིད་ལས་ཕྱོགས་བཅུའི་བྱང་སེམས་མང་པོ་བདེ་བ་ཅན་དུ་སྐྱེ་བ་འཛིན་ཚུལ་འཆད་པའི་སྐབས་སུ། །དེ་བཞིན་གཤེགས་པ་འོད་དཔག་མེད་ལ་བལྟ་བ་དང་། ཕྱག་བྱ་བ་དང་། བསྙེན་བཀུར་བྱ་བ་དང་། ཡོངས་སུ་དྲི་བར་བྱ་བའི་ཕྱིར་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་རོ། །ཞེས་གསུངས་སོ། །དེ་ལ་བལྟ་བས་ནི། དེ་བཞིན་གཤེགས་པའི་མཚན་དཔེ་དང་། ཞིང་དང་འཁོར་གྱི་ཕུན་ཚོགས་མཐོང་སྟེ་དད་པའི་ཤུགས་སྐྱེ་བ་དང་འཕེལ་བར་བྱེད་དེ། དགེ་བའི་བཤེས་གཉེན་མཉེས་པར་བྱེད་པའི་གཞིའོ། །ཕྱག་དང་བསྙེན་བཀུར་བྱ་བ་ནི་རྙེད་པ་དང་བཀུར་སྟི་དང་རིམ་གྲོའི་སྒོ་ནས་བསྟེན་ཚུལ་ཡིན་ལ། ཡོངས་སུ་དྲི་བས་གདམས་པའི་གནད་ལ་ཐེ་ཚོམ་ཆོད་པར་བྱེད་པ་ནི་གདམས་དོན་མ་ནོར་བར་ཉམས་སུ་ལེན་པའི་ཆེད་ཡིན་པས་སྒྲུབ་པའི་ནན་ཏན་གྱིས་

― TN03_Page_0201 ―

^{[མ་དཔེ་གཟིགས་ན་འདིར་གནོན།]}

(༡༨༥)མཉེས་པར་བྱེད་པ་ཡང་སྡུད་དོ། །དེ་ལྟར་ན་མདོ་འདིས་མཆོག་གི་སྤྲུལ་སྐུ་མངོན་སུམ་དུ་མཉེས་པར་བྱེད་ཚུལ་གྱི་ཁོངས་སུ་བཤེས་གཉེན་བསྟེན་པའི་མན་ངག་ཆ་ཚང་ཞིག་བསྟན་ནོ། །དེའང་འོག་ཏུ་འཆད་པ་ལྟར་ཡུལ་སྟོན་པ་དང་རྟེན་ཞིང་དེའི་འགྲོ་བ་གཉིས་ཀ་ཚེ་དཔག་ཏུ་མེད་པའི་ཕྱིར། དེར་སྐྱེས་ན་གདུལ་བྱ་ཐུན་མོང་བ་ཡང་ལམ་མཐོན་པོར་སླེབ་སླེབ་ཏུ་རང་གི་སྟོན་པ་དངོས་ལ་མི་འབྲལ་བར་བསྟེན་དུ་ཡོད་པས་དགེ་ཆོས་ལས་མི་ཉམས་ཤིང་ཡོན་ཏན་གྱི་ཚོགས་ཀྱིས་ཉིན་རེ་བཞིན་དུ་རྒྱས་པར་འགྱུར་བ་ཡིན་ནོ། །གཞན་ཡང་ཞིང་དེར་རྒྱལ་སྲས་མཐུ་ཆེན་མང་པོ་སྐྱེ་ཚུལ་སྟོན་པའི་མདོ་དེ་ཉིད་ཀྱི་འཕྲོར། མི་ཕམ་པ། དེ་བཞིན་གཤེགས་པ་འོད་དཔག་མེད་ཀྱི་མཚན་ཐོས་པའི་སེམས་ཅན་དེ་དག་རྙེད་པ་ཇི་སྙེད་ཅིག་ལེགས་པར་རྙེད་པ་ལ་ལྟོས། ཞེས་གསུངས་ཏེ། འདི་ནི་མི་འཁྲུགས་པའི་ཞིང་མདོར་ཤར་ཕྱོགས་མངོན་པར་དགའ་བའི་ཞིང་ན་གནས་པའི་བྱང་སེམས་འཁོར་གྱི་ཡོན་ཏན་མང་པོ་བཤད་ནས་ཞིང་དེར་སྐྱེ་བའི་རྒྱུ་ལ་ནན་ཏན་བྱ་བར་གདམས་པའི་སྐབས་སུ། དེ་ཅིའི་ཕྱིར་ཞེ་ན། སྐྱེས་བུ་དམ་པ་དེ་ལྟ་བུ་དག་དང་ཕྲད་པར་འགྱུར་བའི་ཕྱིར་རོ། །ཞེས་གསུངས་པ་ལྟར་ཚེགས་ཆུང་ངུས་བྱང་ཆུབ་སེམས་དཔའི་བཤེས་གཉེན་ཁྱད་པར་ཅན་རྣམས་དང་འཕྲད་པར་འགྱུར་བའི་ཕན་ཡོན་སྟོན་པའོ། །མ་དག་པའི་ཞིང་དུ་ནི་སྙིགས་མ་ལྔ་བདོ་བའི་ཤུགས་ཀྱིས་དད་པ་དང་བརྩོན་

― TN03_Page_0202 ―

^{[མ་དཔེ་གཟིགས་ན་འདིར་གནོན།]}

(༡༨༦)འགྲུས་དང་ཤེས་རབ་ལ་སོགས་པའི་མཐུ་ཆུང་བ་དང་། ལོངས་སྤྱོད་ཀྱིས་ཕོངས་ཤིང་། དེའི་ཆེད་དུ་བྲེལ་བ་དང་རྩོད་པས་རྒྱུན་དུ་གདུང་བ་དང་། སྐྱིད་ཅིང་ཕྱུག་པར་གྱུར་ན་ནི་དེས་སེམས་བསླུས་ཏེ་མངོན་པར་འབྱུང་བར་མི་ནུས་པ་དང་། ནད་དང་མྱ་ངན་སོགས་ཀྱི་དབང་གིས་དགེ་བ་ལ་འདོད་དགུར་སྦྱོར་མི་བཟོད་པ་དང་། ཆོས་ལྟར་བཅོས་པ་དང་གྲོགས་པོ་ངན་པ་མང་བ་དང་། སྐྱེ་འཆི་དང་འབྲེལ་བའི་སྡུག་བསྔལ་དུ་མས་ཡང་ཡང་བར་དུ་གཅོད་པ་ལ་སོགས་པའི་དབང་གིས་ལམ་བསྒྲུབ་ཀྱང་སྟོབས་ཆུང་ལ། ཐོས་པའི་ཡོན་ཏན་རྣམས་ཀྱང་ཉམས་པར་སླའོ། །ཞིང་འདི་ནི་དེ་འདྲ་བའི་ཉེས་པ་རྣམས་ལས་ཆེས་ཆེར་གཙང་བས་དེར་སོང་ནས་བསྒྲུབ་ན་ལམ་གྱིས་ཆོད་ཤིན་ཏུ་ཆེ་བ་ཡིན་ཏེ། མི་འཁྲུགས་པའི་ཞིང་བཀོད་ཀྱི་མདོ་ལས་རྒྱལ་པོའི་སྦས་ཚུལ་དང་། མཐའ་འཁོབ་ཀྱི་གྲོང་གི་དཔེ་གསུངས་པ་དང་ཕྱོགས་མཚུངས་པ་ཡིན་ནོ། །ཡང་ཞིང་བཀོད་ཀྱི་མདོ་ལས། བྱང་ཆུབ་སེམས་དཔའ་མང་པོ་དེ་དག་གིས། །མཆོད་པ་བྱས་ཏེ་དཔག་མེད་འོད་ཞབས་ལ། །ཕྱག་འཚལ་བསྐོར་བ་བྱས་ནས་འདི་སྐད་དུ། །སངས་རྒྱས་ཞིང་གི་ངོ་མཚར་མཛེས་ཤེས་འཛེར། །དགའ་ཞིང་མགུ་བའི་སེམས་ནི་གཞལ་ཡས་ཀྱིས། །དེ་དག་གིས་ནི་མེ་ཏོག་སྙིམ་གཏོར་ནས། །འདྲེན་པ་དེ་ཡི་སྤྱན་སྔར་འདི་སྐད་དུ། །བདག་ཅག་ཞིང་ཡང་འདི་འདྲར་གྱུར་ཞེས་སྨྲས། །ཞེས་ཕྱོགས་བཅུ་ནས་ལྷགས་པའི་བྱང་སེམས་རྣམས་ཀྱིས་ཞིང་དེའི་སྣོད་བཅུད་

― TN03_Page_0203 ―

^{[མ་དཔེ་གཟིགས་ན་འདིར་གནོན།]}

(༡༨༧)ཀྱི་འབྱོར་པའི་ཁྱད་པར་ཕུན་སུམ་ཚོགས་པ་མཐོང་ནས་རང་ཉིད་ཀྱང་དེ་ལྟར་ཡོངས་སུ་དག་པའི་ཞིང་སྒྲུབ་པ་ལ་འཇུག་པར་གསུངས་ཏེ། ཚུལ་འདི་ནི་འཇམ་དཔལ་ཞིང་བཀོད་ལས་ཀྱང་། ཤཱ་རིའི་བུ་གཞན་ཡང་འདི་ལ་བྱང་སེམས་སངས་རྒྱས་ཀྱི་ཞིང་ཡོངས་སུ་དག་པར་སྐྱེ་བར་སྨོན་ཅིང་། དེ་ཚུལ་ཁྲིམས་ཡོངས་སུ་དག་པར་འགྱུར་བ་སྟེ། དེ་ཚུལ་ཁྲིམས་ཡོངས་སུ་དག་པས་གང་དང་གང་དུ་སྨོན་པ་དེ་དང་དེར་སྐྱེས་ཏེ། དེ་དེར་སྐྱེས་ནས་སངས་རྒྱས་ཀྱི་ཞིང་ཡོངས་སུ་དག་པ་ལ་སེམས་ཤིང་རྟོག་སྟེ། ཉན་ཐོས་ཀྱི་ཕུན་སུམ་ཚོགས་པའམ། བྱང་ཆུབ་སེམས་དཔའི་ཕུན་སུམ་ཚོགས་པའམ། །ལོངས་སྤྱོད་དང་ཀུན་ཏུ་སྤྱོད་པ་ཕུན་སུམ་ཚོགས་པ་མཚན་མར་འཛིན་ཏེ། དེས་དེ་དག་མཚན་མར་བཟུང་ནས་གུས་པ་དང་བཅས། ཞེ་ས་དང་བཅས་ཤིང་ཐལ་མོ་སྦྱར་ཏེ། དེ་བཞིན་གཤེགས་པའི་ཐད་དུ་སོང་སྟེ། བཅོམ་ལྡན་འདས་བྱང་ཆུབ་སེམས་དཔས་ཇི་ལྟར་སྦྱང་ན་སངས་རྒྱས་ཀྱི་ཞིང་གི་ཡོན་ཏན་གྱི་རྒྱན་བཀོད་པ་རྒྱ་ཆེན་པོ་ཡོངས་སུ་འཛིན་ཅེས་ཀུན་ཏུ་ཞུས་ནས་དེ་བཞིན་གཤེགས་པ་དེས་ཀྱང་དེའི་ལྷག་པའི་བསམ་པ་མཁྱེན་ནས་གང་རྣམས་ཀྱིས་སངས་རྒྱས་ཀྱི་ཞིང་གི་ཡོན་ཏན་བཀོད་པ་རྒྱ་ཆེན་པོ་ཡོངས་སུ་འགྲུབ་པར་འགྱུར་བའི་གནས་དེ་དག་སྟོན་ཅིང་ཡང་དག་པར་རབ་ཏུ་འཆད་དེ། །དེས་དེ་ཐོས་ནས་དེ་བཞིན་དུ་ནན་ཏན་བྱེད་པའོ། །ཞེས་ཤིན་ཏུ་གསལ་

― TN03_Page_0204 ―

^{[མ་དཔེ་གཟིགས་ན་འདིར་གནོན།]}

(༡༨༨)བར་གསུངས་སོ། །ཚེ་ཕྱི་མ་ལ་ཞིང་དག་པར་སྐྱེ་བའི་སྒོ་ནས་དགོས་པ་དེ་སྒྲུབ་པ་བཞིན་དུ། ཚེ་འདིར་དག་པའི་ཞིང་གི་བཀོད་པ་དང་། དེ་དག་གི་རྒྱུ་ཚོགས་རྣམས་གཞན་ལས་རྒྱ་ཆེར་ཉན་པ་དང་། དོན་དེ་ཚུལ་བཞིན་གོམས་པར་བྱེད་པའི་སྒོ་ནས་ཀྱང་སྒྲུབ་ཏུ་ཡོད་དེ། འདི་ནི་འཇམ་དཔལ་ཞིང་བཀོད་ཀྱི་ལུང་དེའི་གོང་ཉིད་དུ་གསུངས་ཤིང་། འོད་དཔག་མེད་ཀྱི་བཀོད་པའི་མདོ་ལས། དགེ་སློང་ཆོས་ཀྱི་འབྱུང་གནས་ཀྱིས་སྟོན་པ་འཇིག་རྟེན་དབང་ཕྱུག་རྒྱལ་པོའི་སྤྱན་སྔར་ལོ་བྱེ་བ་སྲིད་དུ་དེ་བཞིན་གཤེགས་པ་མང་པོའི་ཞིང་གི་ཕུན་ཚོགས་གསན་ནས། གདོད་རང་ཉིད་ཀྱི་ཞིང་བཟུང་བར་བཤད་པ་རྗེས་འཇུག་གི་ཉམས་ལེན་དང་སྦྱར་བའི་སྒོ་ནས་ཀྱང་ཤེས་པར་ནུས་སོ། །འདི་དག་ནི་འོད་མདོར་བདེ་བ་ཅན་གྱི་ཞིང་གི་ཡོན་ཏན་དང་། སྔོན་དགེ་སློང་ཆོས་ཀྱི་འབྱུང་གནས་ཀྱིས་ཞིང་དེ་ཇི་ལྟར་བསྒྲུབས་པའི་ཚུལ་རྣམས་རྒྱས་པར་བཀའ་སྩལ་བའི་རྒྱུ་མཚན་ཆེན་པོའོ། །དེ་ཡང་འོད་མདོ་ཉིད་ལས། གལ་ཏེ་བདག་ཞིང་རྣམ་པ་དེ་འདྲར་མ་གྱུར་ལ། །སེམས་ཅན་དབུལ་མང་ནོང་མང་སྩལ་བར་མ་གྱུར་དང་། །སྡུག་བསྔལ་གྱུར་པའི་མི་དག་བདེ་བར་མ་བགྱིས་པར། །མི་ཡི་རྒྱལ་པོ་དཀོན་མཆོག་ཏུ་ནི་བདག་མ་གྱུར། །ཅེས་གསུངས་པ་ལྟར་འགྲོ་བ་རྣམས་དང་པོར་མངོན་མཐོའི་བདེ་བ། གནས་དང་། ལུས་དང་། ཡོ་བྱད་དང་། མི་འཇིགས་པའི་སྒོ་ནས་ཆེས་ཕུལ་

― TN03_Page_0205 ―

^{[མ་དཔེ་གཟིགས་ན་འདིར་གནོན།]}

(༡༨༩)དུ་བྱུང་བ་ལ་བདེ་བླག་ཏུ་འགོད་པ་དང་། དེ་ལྟར་བཀོད་པའི་དུས་ཉིད་ནས་དེ་དག་ཡང་དག་པ་ཉིད་ལ་ངེས་པའི་ཚོགས་འབའ་ཞིག་ཏུ་མཛད་དེ། ངེས་ལེགས་ཀྱི་བདེ་བ་མྱུར་དུ་སྟེར་བའི་རྒྱལ་སྲས་དཔའ་བོའི་ཐབས་མཁས་དང་ཐུགས་བསྐྱེད་ཀྱི་ཤུགས་སྦྱངས་ཚུལ་ཐུན་མོང་མ་ཡིན་པ་འདིས་ཞིང་མཐའ་ཡས་པའི་སེམས་དཔའ་ཆེན་པོ་རྣམས་ཀྱང་ཐུགས་འཕྲོགས་པར་གསུངས་པས་དད་པའི་རྩ་བ་བརྟན་པར་བྱས་ནས་དེའི་རྗེས་སུ་བསླབ་པར་བྱ་ཡི། དག་པའི་ཞིང་གི་འདོད་ཡོན་ལ་ཆགས་པས་ཡིད་གདུང་ནས་སྨོན་ལམ་འདེབས་པ་ཙམ་ལ་སྤྲོ་བ་ལྷུར་བླང་བར་མི་བྱ་སྟེ། བསམ་པ་ཡོངས་སུ་མ་དག་པ་དེ་འདྲ་བས་སངས་རྒྱས་ཀྱི་ཞིང་རྙོག་པ་མེད་པར་སྐྱེ་བར་དཀའ་བའི་ཕྱིར་ཏེ། མི་འཁྲུགས་པའི་མདོའི་ཤེས་བྱེད་ཀྱང་སྣང་ངོ། །དགོས་པ་གཞན་ཡང་ཞིང་བཀོད་ཀྱི་མདོ་ལས། མི་ཕམ་པ་དེ་ལྟ་བས་ན་བྱང་ཆུབ་སེམས་དཔའ་དག་གིས་ཐེ་ཚོམ་ཡོངས་སུ་སྤངས་ཏེ་བྱང་ཆུབ་ཏུ་སེམས་བསྐྱེད་པ་ལ་མྱུར་དུ་སེམས་ཅན་ཐམས་ཅད་ལ་ཕན་པ་དང་བདེ་བའི་སྟོབས་བསྐྱེད་པའི་མཐུ་ཐོབ་པར་བྱ་བའི་ཕྱིར་གང་ན་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་བཞུགས་པའི་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་བྱ་བའི་ཕྱིར་དགེ་བའི་རྩ་བ་རྣམས་ཡོངས་སུ་བསྔོ་བར་བྱའོ། །ཞེས་གསུངས་

― TN03_Page_0206 ―

^{[མ་དཔེ་གཟིགས་ན་འདིར་གནོན།]}

(༡༩༠)ཏེ། དེར་སྐྱེས་ན་སེམས་ཅན་ལ་ཕན་བདེ་སྒྲུབ་པའི་མཐུ་འཐོབ་ཚུལ་ནི། མདོ་དེ་ཉིད་ལས། རྒྱ་ཆེན་ཞིང་འདིར་ལྷགས་པར་གྱུར་ནས་ཀྱང་། །ལྷ་ཡི་མིག་དང་ལྷ་ཡི་རྣ་བ་དང་། །ཚེ་རབས་དྲན་དང་བློ་གྲོས་མཁས་མཆོག་དང་། །རྫུ་འཕྲུལ་སྟོབས་ཀྱང་མྱུར་དུ་འཐོབ་པར་འགྱུར། །ཞེས་སོགས་གོང་འོག་ཏུ་ཞིང་དེའི་འགྲོ་བ་རྣམས་མངོན་ཤེས་ལྔ་ལྡན་འབའ་ཞིག་ཏུ་གསུངས་པ་དེའི་སྒོ་ནས་ཡིན་ཏེ། རྫུ་འཕྲུལ་གྱི་མངོན་པར་ཤེས་པས་གདུལ་བྱའི་འཇིག་རྟེན་གར་ཡོད་དུ་སོང་ནས་རྒྱལ་བའི་བསྟན་པ་ལ་མ་དད་པ་རྣམས་དད་པ་དང་། དད་པ་རྣམས་ཕྱིར་ཞིང་འཕེལ་བར་བྱེད་པ་དང་། སྔོན་གནས་དྲན་པའི་མངོན་ཤེས་ཀྱིས་རང་ཉིད་ཀྱིས་འདུལ་བའི་རྒྱུ་སྔོན་སོང་ཅན་གྱི་སེམས་ཅན་ཤེས་པར་བྱེད་ཅིང་། །རང་དང་གཞན་གྱི་སྔོན་བདེ་སྡུག་ཇི་ལྟར་མྱོང་བ་བསྟན་ནས་སྐྱོ་བ་སྐྱེད་པ་དང་། ལྷའི་མིག་གི་མངོན་ཤེས་ཀྱིས་གདུལ་བྱ་གར་ཡོད་རྟོགས་པ་དང་། ལྷའི་རྣ་བའི་མངོན་ཤེས་ཀྱིས་དེ་དག་གིས་གསོལ་བ་འདེབས་པའི་སྒྲ་ལ་སོགས་པ་ཤེས་པ་དང་། ཕ་རོལ་སེམས་ཤེས་ཀྱིས་གདུལ་བྱའི་བསམ་པ་མཆོག་དམན་སོགས་ཀྱི་ཁྱད་པར་ཤེས་ནས་དེ་དག་དང་འཚམས་པར་ཆོས་སྟོན་ནུས་པ་ལ་སོགས་པའོ། །དེས་ན་མ་དག་པའི་ཞིང་གི་འགྲོ་བ་ལ་འཕྲལ་དང་ཡུན་གྱི་བདེ་བས་ཕན་འདོགས་པར་འདོད་ནའང་དང་པོར་རང་ཉིད་བདེ་བ་ཅན་དུ་སྐྱེ་བ་བླངས་པའི་སྒོ་ནས་ཞིང་དག་པའི་རྒྱལ་སྲས་རྣམས་དང་སྐལ་བ་

― TN03_Page_0207 ―

^{[མ་དཔེ་གཟིགས་ན་འདིར་གནོན།]}

(༡༩༡)མཉམ་པར་སྒྲུབ་པ་འདི་ཉིད་དེའི་ཐབས་རྨད་དུ་བྱུང་བར་འགྱུར་བ་ཡིན་ནོ། །དེར་མ་ཟད་ཞིང་དེར་སྐྱེས་པའི་རྒྱལ་སྲས་རྣམས་སྔ་དྲོ་རེ་རེར་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་མང་པོ་ལ་མཆོད་པ་དང་བསྙེན་བཀུར་བྱ་བའི་ཕྱིར་ཞིང་རབ་འབྱམས་སུ་འཇུག་ཅིང་། དེ་དག་གི་སྤྱན་སྔར་མང་དུ་ཐོས་པའི་མཛོད་ཚད་མེད་པ་བསགས་པའི་སྒོ་ནས་རང་གི་དགེ་ཚོགས་གོང་འཕེལ་དུ་འགྲོ་བར་གསུངས་པའང་མངོན་ཤེས་ལ་བརྟེན་ནས་བྱེད་པ་ཡིན་ནོ། །འདི་འདྲ་བའི་དོན་གྱི་དབང་ལ་གཟིགས་ནས་འོད་དཔག་མེད་ཀྱི་ཞིང་བཀོད་མཉན་པའི་ཕྱིར་སྟོང་གསུམ་མེ་འོབས་ཀྱིས་གང་བ་བརྒལ་ཏེ་འགྲོ་དགོས་པ་བྱུང་ཡང་མི་ལྡོག་པའི་བརྩོན་འགྲུས་ཀྱི་གོ་ཆ་གྱོན་དགོས་པར་གསུངས་པ་ཡིན་ཏེ། འདི་ལ་ངེས་པ་བརྟན་པོ་བཙལ་དགོས་སོ། །གཉིས་པ་ནི། དེ་ལྟར་དོན་ཆེན་པོ་དང་ལྡན་པའི་སངས་རྒྱས་ཀྱི་ཞིང་དེར་སྐྱེ་བ་འཛིན་པ་དེའང་ས་མཚམས་དམའ་མོའི་རིང་ལ་མི་འགྲུབ་ན་ནི། བདེ་བ་ཅན་གྱི་ཞིང་དུ་ལམ་སྒྲུབ་པའི་འགལ་རྐྱེན་ཉུང་བ་དང་། མཐུན་རྐྱེན་ཁྱད་པར་ཅན་བདེ་བླག་ཏུ་རྙེད་པའི་དབང་གིས་མ་དག་པའི་ཞིང་དུ་སྐྱེས་པ་རྣམསལས་ལམ་གྱི་བགྲོད་པ་ཆེས་མྱུར་བའི་ཡོན་ཏན་ཡང་ལས་དང་པོ་ལ་འོང་ས་མེད་པས། དེའི་ཆེད་དུ་སྨོན་ལམ་བཏབ་པའང་ལམ་མཐོན་པོའི་ཆེད་དུ་སྨོན་ལམ་བཏབ་པ་དང་འདྲ་བར་འགྱུར་ལ། རྟོགས་པ་མཐོན་པོ་དང་ཁྱད་པར་དུ་བྱང་སེམས་མཐོན་པོས་ནི་ཡོན་ཏན་དེ་གཉིས་དག་པའི་ཞིང་དུ་སྐྱེས་པ་ལ་མི་ལྟོས་པར་ཡང་

― TN03_Page_0208 ―

^{[མ་དཔེ་གཟིགས་ན་འདིར་གནོན།]}

(༡༩༢)བདེ་བླག་ཏུ་ཁོ་ནས་འཐོབ་པར་ནུས་སོ། །འོན་ཀྱང་འདི་ནི་དེ་ལྟར་མ་ཡིན་ཏེ། གསུང་རབ་ལས་སོ་སོའི་སྐྱེ་བོ་ལམ་མཐོན་པོར་མ་སླེབས་པ་ཡང་ཞིང་དེར་སྐྱེ་བའི་དབང་དུ་མཛད་ནས་གསུངས་པ་དུ་མ་ཞིག་སྣང་ལ། ཚུལ་དེ་རྣམ་པ་གཞན་དུ་འདྲེན་པའི་ལུང་རིགས་ཀྱང་མེད་པའི་ཕྱིར་དང་། མདོའི་དོན་འགྲེལ་བའི་སྐྱེས་བུ་ཆེན་པོ་དག་གིས་ཀྱང་དེ་ཁོ་ནའི་ཕྱོགས་ལྟར་བཤད་པའི་ཕྱིར་རོ། །གསུང་རབ་ལས་དེ་ལྟར་གསུངས་པའང་ཡིན་ཏེ། མདོ་སྡེ་དང་རྟོག་པ་དུ་མར་རྒྱུ་འདི་ལྟ་བུ་ཞིག་བསྒྲུབ་ན་བདེ་བ་ཅན་གྱི་ཞིང་དུ་སྐྱེ་བ་འཛིན་ནུས་ཞེས་པ་ནི་གསལ་བར་གསུངས་ལ། དེ་དག་ཀྱང་ལས་དང་པོ་པས་སྒྲུབ་ཏུ་མི་ནུས་པར་མི་སྣང་བའི་ཕྱིར་དང་། འོད་མདོ་དང་སྙིང་རྗེ་པད་དཀར་ལས་དེ་བཞིན་གཤེགས་པ་འོད་དཔག་མེད་ཀྱི་མཚན་ཐོས་ནས་དགེ་བའི་རྩ་བ་རྣམས་བདེ་བ་ཅན་དུ་སྐྱེ་བར་བསྔོས་ན་ཆོས་སྤང་དང་མཚམས་མེད་བྱས་པ་མ་གཏོགས་ཞིང་དེར་སྐྱེ་བར་བཤད་པའང་རྒྱུད་ཚོད་མཐོན་པོར་མ་སླེབས་བར་དུ་ཞིང་དེར་སྐྱེ་མི་ནུས་ན་དེ་འདྲའི་རྣམ་དབྱེ་མཛད་དོན་མེད་པའི་ཕྱིར་དང་། འོད་མདོར་རྒྱལ་བ་འོད་དཔག་མེད་རྗེས་སུ་དྲན་པར་བྱེད་པའི་སེམས་ཅན་རྣམས་ཤི་འཕོས་ནས་ཞིང་དེར་སྐྱེ་བར་མ་ཟད། །ཚེ་འདིར་ཡང་སངས་རྒྱས་མཐོང་བར་སྟོན་པ་ན་རྨི་ལམ་དུ་མཐོང་བ་དང་། འཆི་ཁར་སངས་རྒྱས་ཀྱི་སྤྲུལ་པ་མཐོང་བ་གཉིས་གསུངས་ཤིང་། དེ་དག་ཀྱང་གཞན་རྐྱེན་དེ་བཞིན་གཤེགས་པའི་སྨོན་ལམ་གྱི་དབང་གིས་ཡིན་པར་གསུངས་ཀྱི་དེ་ལས་ལྷག་པ་མ་བཤད་པའང་ཆོས་རྒྱུན་

― TN03_Page_0209 ―

^{[མ་དཔེ་གཟིགས་ན་འདིར་གནོན།]}

(༡༩༣)གྱི་ཏིང་ངེ་འཛིན་མ་ཐོབ་པའི་སོ་སྐྱེས་ལ་དགོངས་པར་སྣང་བའི་ཕྱིར་དང་། སྙིང་རྗེ་པདྨ་དཀར་པོར། རྒྱལ་བ་འོད་དཔག་མེད་འཁོར་སྒྱུར་རྩིབས་ཀྱི་མུ་ཁྱུད་དུ་འཁྲུངས་པའི་ཚེ། དཔལ་ཤཱཀྱ་ཐུབ་པ་མདུན་ན་འདོན་གྱི་གཙོ་བོར་གྱུར་པས་བྱང་ཆུབ་ཀྱི་ཐུགས་དང་པོར་འཛིན་དུ་སྩལ་ཚུལ་བཤད་པའི་སྐབས་སུ། རྒྱལ་པོས་སྨྲས་པ། བྲམ་ཟེ་དེ་བཞིན་གཤེགས་པ་འདི་ནི་སྐྱེ་དགུ་ཚེ་ལོ་བརྒྱད་ཁྲི་པ་རྣམས་ཀྱི་ནང་དུ་འཇིག་རྟེན་དུ་བྱུང་ན་དེ་བཞིན་གཤེགས་པས་ངན་སོང་ཐམས་ཅད་ཞི་བར་མཛད་མ་སྤྱོད་དེ་ཞེས་པ་ནས། སེམས་ཅན་རྣམས་རང་རང་གི་དགེ་བ་དང་མི་དགེ་བའི་ལས་རྣམས་ཀྱིས་འཕྱན་པར་གྱུར་པས་ན་འདི་ལྟར་སེམས་ཅན་གཅིག་ཙམ་གྱི་སྡུག་བསྔལ་ཡང་རབ་ཏུ་ཞི་བར་མ་མཛད་ན་བཅོམ་ལྡན་འདས་ཀྱིས་བཏུལ་བའི་སེམས་ཅན་གང་ཞིག་ཡིན། བཅོམ་ལྡན་འདས་ཀྱི་སྐུ་ནི་ཞིང་དུ་གྱུར་པ་འབའ་ཞིག་ཏུ་ཟད་ཀྱི། དགེ་བའི་རྩ་བ་མ་བསྐྱེད་པའི་སེམས་ཅན་རྣམས་སྡུག་བསྔལ་ལས་ཐར་བར་ནི་མི་མཛད་དོ་ཞེས་པ་ནས། གལ་ཏེ་གང་གི་ཚེ་ཁོ་བོ་བླ་ན་མེད་པའི་བྱང་ཆུབ་ལ་རེག་པར་འགྱུར་བའི་སངས་རྒྱས་ཀྱི་ཞིང་དེར་ཁོ་བོས་སེམས་ཅན་རྣམས་ཀྱི་སྡུག་བསྔལ་ཐམས་ཅད་རབ་ཏུ་ཞི་བར་བྱེད་པར་འགྱུར་བ་དེ་ལྟ་བུའི་སངས་རྒྱས་ཀྱི་ཞིང་ཞིག་འཐོབ་པར་འགྱུར་བ་ལྟ་ན། དེའི་ཚེ་ཁོ་བོ་བྱང་ཆུབ་ཏུ་སེམས་བསྐྱེད་ཅིང་ཁོ་བོས་བྱང་ཆུབ་སེམས་དཔའི་སྤྱོད་པ་ཡང་སྤྱད་པར་བྱའོ། །ཞེས་གསུངས་པའི་ཕྱིར་དང་། སྔར་དྲངས་པའི་འོད་

― TN03_Page_0210 ―

^{[མ་དཔེ་གཟིགས་ན་འདིར་གནོན།]}

(༡༩༤)མདོའི་ལུང་། སེམས་ཅན་དབུལ་མང་ནོར་མང་སྩལ་བར་མ་གྱུར་ལ། །ཞེས་སོགས་ཀྱི་དོན་ཡང་དེ་དང་འདྲ་བའི་ཕྱིར་རོ། །དེ་ལ་སྙིང་རྗེ་པད་དཀར་གྱི་ལུང་འདིའི་དོན་ཅུང་ཟད་བཤད་ན། མ་དག་པའི་ཞིང་དུ་ནི་སངས་རྒྱས་མངོན་སུམ་དུ་བཞུགས་པའི་དྲུང་དུ་སྐྱེ་བ་ལེན་ཐུབ་ཀྱང་དེ་ཙམ་གྱིས་སྡུག་བསྔལ་གྱི་ཚོར་བའི་འཇིགས་པ་མཐའ་དག་ལས་བརྒལ་ཟིན་པ་མིན་གྱི། ད་དུང་སངས་རྒྱས་ཉིད་དགེ་རྩ་སྐྱེད་པའི་ཞིང་དུ་བཟུང་སྟེ་རིམ་གྱིས་ངན་འགྲོ་ལ་སོགས་པའི་སྡུག་བསྔལ་ལས་འདའ་བར་བྱ་དགོས་སོ་ཞེས་སྟོན་པ་ནི། བཅོམ་ལྡན་འདས་ཀྱི་སྐུ་ནི་ཞིང་དུ་གྱུར་པ་འབའ་ཞིག་ཏུ་ཟད་ཀྱི་ཞེས་པ་ནས། ཐར་བར་ནི་མི་མཛད་དོ་ཞེས་པའི་བར་ཏེ། དེའི་སྔ་ལོགས་ཀྱི་མདོ་རྣམས་ཀྱང་ངོ། །བདེ་བ་ཅན་གྱི་ཞིང་དུ་ནི་སྐྱེ་བ་བླངས་པ་ཙམ་གྱིས་ཐམས་ཅད་ཀྱི་ཐམས་ཅད་དུ་སྡུག་བསྔལ་གྱི་ཚོར་བ་རྒྱུན་ཆད་པ་ཡིན་པས་དེ་ཞི་བ་ལ་ཐབས་གཞན་བསྟེན་མི་དགོས་ཏེ། །ཞིང་དེར་ཚོར་བ་སྡུག་བསྔལ་དུ་གཏོགས་པ་ཙམ་ཡང་འབྱུང་མི་སྲིད་པ་ནི་སྐྱོབ་པ་འོད་དཔག་མེད་ཀྱི་སྨོན་ལམ་དང་ཚོགས་གཉིས་ཀྱི་སྤྱོད་པས་སྔོན་ནས་བསྒྲུབས་ཟིན་པའི་ཕྱིར་རོ། །དེའང་ནང་དུ་ངན་འགྲོ་ལ་སོགས་པའི་སྡུག་བསྔལ་གྱི་འཇིགས་པ་ལས་གཏན་དུ་འདའ་ནུས་པའི་ཚོད་ཀྱི་ལམ་ལ་མ་སླེབས་ཀྱང་ཕྱི་རོལ་སངས་རྒྱས་ཀྱི་ཞིང་ཡོངས་སུ་དག་པའི་ཆེ་བས་ཉམས་པ་མེད་པའི་བདེ་བ་དེ་ལྟ་བུ་འཐོབ་པར་སྟོན་པ་ནི། གལ་ཏེ་གང་གི་ཚེ་ཁོ་བོ་བླ་ན་མེད་པའི་བྱང་ཆུབ་ལ་རེག་པར་འགྱུར་བའི་སོགས་ནས། ཐོབ་པར་འགྱུར་བ་ལྟ་ན་

― TN03_Page_0211 ―

^{[མ་དཔེ་གཟིགས་ན་འདིར་གནོན།]}

(༡༩༥)ཞེས་པ་སྟེ་ཤིན་ཏུ་གསལ་ཞིང་། གོང་དུ། དེ་བཞིན་གཤེགསཔ་འདི་ནི་ཞེས་པ་ནས། དགེ་བའི་རྩ་བ་མ་བསྐྱེད་པའི་སེམས་ཅན་རྣམས་སྡུག་བསྔལ་ལས་ཐར་བར་ནི་མི་མཛད་དོ། །ཞེས་གསུངས་པའི་ཟླས་དྲང་ན། ཁོ་བོ་ནི་འཚང་རྒྱ་བ་ན་དགེ་བའི་རྩ་བ་མ་བསྐྱེད་པའི་སེམས་ཅན་རྣམས་ཀྱང་སྡུག་བསྔལ་ལས་ཐར་བར་བྱའོ་ཞེས་པར་འགྱུར་ཏེ་རྣམ་དཔྱོད་ཡོད་ན་ཅི་སྟེ་མི་མཐོང་། དགེ་བའི་རྩ་བ་མ་བསྐྱེད་པའི་དོན་ནི་བཤད་མ་ཐག་པ་ལྟར་ཡིན་གྱི། དགེ་རྩ་གཏན་ནས་མ་བསྐྱེད་པའི་དོན་ཡེ་མིན་ལ། སྡུག་བསྔལ་ལས་ཐར་བར་མི་མཛད་ཅེས་པའི་སྡུག་བསྔལ་ཡང་ཚོར་བ་སྡུག་བསྔལ་ལ་བཤད་ཟིན་པ་ལྟར་ཡིན་ཏེ། དེ་བཞིན་གཤེགས་པས་ངན་སོང་ཐམས་ཅད་ཞི་བར་མཛད་མ་སྤྱོད་དེ་ཞེས་གསུངས་པས་མཚོན་ནོ། །མདོ་འདི་དག་གིས་ནི་རང་སྟོབས་ཀྱིས་ངན་འགྲོ་ལས་འདའ་བ་དང་། གཞན་སངས་རྒྱས་ཀྱི་ཞིང་དག་པའི་སྟོབས་ཀྱིས་འདའ་བ་གཉིས་ཚུལ་ཐ་དད་དུ་ཕྱེ་ནས་བསྟན་ཏོ། །དེ་ལྟར་བྱས་ཚེ་ཞིང་དེར་སྐྱེ་རྒྱུའི་འགྲོ་བ་ལ་མ་དག་པའི་ཞིང་དུ་སྐྱེས་ན་ངན་འགྲོར་འགྲོ་བའི་གླགས་དང་བཅས་པ་དུ་མ་ཞིག་མེད་ན་མདོ་དེ་དག་ལ་ཇི་ལྟར་འགྲིགས་པ་སོམས་ཤིག ཁ་ཅིག་བདེ་བ་ཅན་དུ་འཕགས་པ་མིན་པ་མི་སྐྱེ་ཞེས་སྨྲ་བ་ལྟར་ན། ཞིང་དེར་སྐྱེས་པའི་བྱང་སེམས་སྔོན་ཐེ་ཚོམ་ཟ་བའི་ཉེས་པས་བསྒྲིབས་པ་རྣམས་པདྨའི་མངལ་དུ་རིང་དུ་གནས་དགོས་པར་གསུངས་པའང་བྱང་སེམས་འཕགས་པ་ལ་བྱ་དགོས་ལ། དེའི་ཚེ་ལོ་ལྔ་བརྒྱར་སངས་

― TN03_Page_0212 ―

^{[མ་དཔེ་གཟིགས་ན་འདིར་གནོན།]}

(༡༩༦)རྒྱས་བསྙེན་བཀུར་བྱ་བ་ལས་ཉམས་པའི་བྱང་འཕགས་ཀྱང་ཡོད་པར་ཁས་བླང་དགོས་ཏེ་ཡ་མཚན་ནོ། །བཤད་མ་ཐག་པའི་བྱང་སེམས་རྣམས་སྔོན་རྒྱུ་བསྒྲུབས་པ་ན་ཐེ་ཚོམ་ཟ་བའི་སྒོ་ཡང་གཙོ་བོར་ཞིང་འདི་འགངས་ཤིན་ཏུ་ཆེ་བ་དང་། སྐྱེ་སླ་བ་གཉིས་ཚོགས་པ་འདི་ཡིན་པར་སྣང་ངོ་། །ལུང་ལ་བརྟེན་པའི་གནོད་བྱེད་གཞན་ཡང་ཡོད་དེ་རེ་ཞིག་དེ་ཙམ་མོ། །སངས་རྒྱས་ཀྱི་ཞིང་གང་ལ་འདུན་པ་དྲག་པ་དེར་སྐྱེ་བ་མྱུར་ལ། ཞིང་འདིའི་གདུལ་བྱ་རྣམས་ནི་བདེ་བ་ཅན་གྱི་ཞིང་ལ་མོས་པ་ཤས་ཆེ་བར་མཐོང་བའི་ཕྱིར་དང་། ཡེ་ཤེས་ཕྱག་རྒྱའི་ཏིང་ངེ་འཛིན་གྱི་མདོ་ལས། གང་ཞིག་ཡེ་ཤེས་ཕྱག་རྒྱའི་ཏིང་འཛིན་འདི་ནི་ཡི་གེར་བྲིས། །འཆང་ཞིང་སྟོན་ལ་ཀློག་ཅིང་གང་ཞིག་གཞན་ལ་རབ་འཆད་ན། །དེ་ཡི་བསོད་ནམས་ཕུང་པོ་དཔག་ཏུ་མེད་ཅིང་བསམ་མི་ལང་། །རྒྱལ་བའི་སྲས་པོ་བདེ་བ་ཅན་གྱི་འཇིག་རྟེན་ཁམས་སུ་འགྲོ། །ཞེས་དང་། ཕྱིར་མི་ལྡོག་པའི་འཁོར་ལོའི་མདོའི་ཕན་ཡོན་གྱི་སྐབས་སུ་ཡང་། གང་ཞིག་བྱང་ཆུབ་སེམས་དཔའི་གནས། །བདེ་བ་ཅན་དུ་མཆི་འཚལ་བ། །ཞེས་པ་ནས། རྫོགས་པའི་སངས་རྒྱས་འོད་དཔག་མེད། །བསམ་གྱིས་མི་ཁྱབ་དེ་མཐོང་གྱུར། །ཞེས་གསུངས་ཤིང་། འཕགས་པ་ཏིང་འཛིན་རྒྱལ་པོ་དང་། ཟ་མ་ཏོག་བཀོད་པ་དང་། སྨན་མདོ་བརྒྱད་བརྒྱ་པ་དང་། དེ་བཞིན་གཤེགས་པ་ཐམས་ཅད་ཐུགས་རྗེ་ཆེན་པོའི་བྱིན་རླབས་ཀྱིས་སེམས་ཅན་ལ་གཟིགས་ཤིང་ཀུན་ཏུ་སྟོན་པ་དང་།

― TN03_Page_0213 ―

^{[མ་དཔེ་གཟིགས་ན་འདིར་གནོན།]}

(༡༩༧)གཙུག་ཏོར་གདུགས་དཀར་དང་། རྣམ་རྒྱལ་མའི་རྟོག་པ་དང་། ཚེ་དང་ཡེ་ཤེས་དཔག་ཏུ་མེད་པའི་གཟུངས་མདོ་སོགས་མདོ་སྡེ་དང་རྟོག་པ་མང་པོར་བདེ་བ་ཅན་དུ་སྐྱེ་བའི་ཕན་ཡོན་གསུངས་པ་དང་། ལྷག་བསམ་བསྐུལ་བར་སེམས་བསྐྱེད་པ་རྣམ་པ་བཅུས་ཞིང་དེར་སྐྱེ་བ་སྒྲུབ་ཚུལ་དང་། ཡོངས་སུ་བསྔོ་བའི་རྒྱལ་པོའི་མདོར། བདག་ནི་འགུམ་པའི་དུས་བགྱིད་ཚེ། །ཕྱིན་ཅི་མ་ལོག་ཡིད་ཀྱིས་སུ། །སངས་རྒྱས་ཚེ་དཔག་མེད་མཐོང་ནས། །འདི་ནས་བདེ་བ་ཅན་དུ་མཆི། །ཞེས་དང་། སྡོང་པོ་བཀོད་པ་ལས། བདག་ནི་འཆི་བའི་དུས་བྱེད་གྱུར་པ་ན། །སྒྲིབ་པ་ཐམས་ཅད་དག་ནི་ཕྱིར་བསལ་ཏེ། །མངོན་སུམ་སྣང་བ་མཐའ་ཡས་དེ་མཐོང་ནས། །བདེ་བ་ཅན་གྱི་ཞིང་དེར་རབ་ཏུ་འགྲོ། །ཞེས་སོགས་ཞིང་དེར་སྐྱེ་བ་འཛིན་པ་ལ་སྨོན་ལམ་འདེབས་ཚུལ་མང་དུ་བཀའ་སྩལ་པ་དང་། དེ་དག་དང་མཐུན་པར་རྒྱུད་བླ་མར་ཡང་། དེས་ནི་འགྲོ་འདི་མཐའ་ཡས་འོད་མངའ་དྲང་སྲོང་ཚེ་དཔག་མེད་མཐོང་ཞིང་། །ཞེས་དང་། བཤགས་བསྟོད་ལས། འགྲོ་ཀུན་བདེ་བ་ཅན་དུ་ཕྱིན་པར་ཤོག །ཅེས་སོགས་བསྟན་བཅོས་ལས་ཀྱང་དུ་མ་ཞིག་གསུངས་ཏེ། རྒྱལ་དང་དེ་སྲས་ཀྱིས་ཆོས་བསྟན་པའི་བྱེ་བྲག་ནི་གདུལ་བྱའི་དབང་ལ་བརྟེན་ནས་འཇུག་པས། དེའི་དུས་དང་མ་འོངས་པའི་འཇིག་རྟེན་གྱི་ཁམས་འདིའི་སྐྱེ་བོ་རྣམས་ཞིང་དེར་སྐྱེ་བ་སྒྲུབ་སླ་བ་ལ་དགོངས་ནས་དེ་ལྟར་རྗེས་འཇུག་ལ་བསླབ་པར་གདོན་མི་ཟ་བའི་ཕྱིར་སྨོན་ལམ་བཏབ་ན་ལྷག་པར་འགྲུབ་པ་ཡིན་ནོ། །གལ་ཏེ་དེ་ལྟ་ཡིན་ན་འོད་མདོ་ལས་བདེ་བ་

― TN03_Page_0214 ―

^{[མ་དཔེ་གཟིགས་ན་འདིར་གནོན།]}

(༡༩༨)ཅན་ན་བཞུགས་པའི་བྱང་སེམས་འཁོར་གྱི་ཡོན་ཏན་འཆད་པ་ན། འཕགས་པ་འབའ་ཞིག་གི་དབང་དུ་བྱས་པ་མང་དུ་གསུངས་པ་དང་འགལ་ཞིང་། གཞུང་གཞན་དུ། འཕགས་དང་མཚམས་མེད་བྱེད་པ་དག །ཡང་དག་ལོག་པ་ཉིད་དུ་ངེས། །ཞེས་ཡང་དག་པར་ངེས་པ་འཕགས་པ་ལ་བཤད་ཅིང་། མདོ་འདིར་བདེ་བ་ཅན་དུ་སྐྱེས་པ་རྣམས་ཡང་དག་པ་ཉིད་ལ་ངེས་པ་ཁོ་ནར་གསུངས་པ་ཡང་ཇི་ལྟར་བསྒྲིགས་ཤེ་ན། སྔ་མ་དེ་ལྟར་བྱུང་ནའང་སྐྱོན་མེད་དེ། མདོ་ལས་རྒྱུན་གཅིག་ལ་གསུངས་པའི་ཡོན་ཏན་རྣམས་ཀྱང་གཞི་ཐ་དད་ཀྱི་སྟེང་ནས་བཤད་ཆོག་པ་དུ་མ་ཡོད་པའི་ཕྱིར་ཏེ། འཕགས་པ་ཐོགས་མེད་ཀྱིས། བཅོམ་ལྡན་འདས་ཀྱི་ཉན་ཐོས་ཀྱི་དགེ་འདུན་ནི་ལེགས་པར་ཞུགས་པ། རིག་པར་ཞུགས་པ། དྲང་པོར་ཞུགས་པ། མཐུན་པར་ཞུགས་པ་ཞེས་པའི་མདོའི་ཚིག་ཕྱི་མ་གསུམ་ཉན་ཐོས་སློབ་པ་འབྲས་གནས་དང་། ཞུགས་ལམ་པ་དང་། མི་སློབ་ལམ་པ་སོ་སོར་གོ་རིམ་བཞིན་སྦྱར་ནས་བཤད་པ་བཞིན་ནོ། །ཕྱི་མ་ནི་དེར་སྐྱེས་ནས་ལས་ཉོན་གྱིས་སྐྱེ་བ་གཉིས་པ་བརྒྱུད་མི་དགོས་པར་མྱ་ངན་ལས་འདས་པའི་ཕྱོགས་སུ་སྐལ་བ་ངེས་པ་ཙམ་ལ་དེ་ལྟར་བཏགས་སམ་སྙམ་སྟེ། ཐེག་པ་ཆེན་པོའི་གཞུང་སྤྱི་སྐད་ལ་བྱང་སེམས་སྐྱེ་བ་གཅིག་ཐོགས་ཞེས་པ་ས་བཅུ་པ་བ་ཁོ་ན་ཡིན་ལ། མདོ་འདིར་བདེ་བ་ཅན་གྱི་བྱང་སེམས་ཐམས་ཅད་སྨོན་ལམ་གྱི་དབང་མ་གཏོགས་པར་བླ་མེད་བྱང་ཆུབ་ལ་སྐྱེ་བ་གཅིག་གིས་ཐོགས་པ་ཤ་སྟག་ཏུ་གསུངས་ཀྱང་། དེར་སྐྱེས་པའི་བྱང་སེམས་ལ་ས་བཅུ་པ་བས་ཁྱབ་པ་སུ་ཡང་མི་འདོད་པ་བཞིན་

― TN03_Page_0215 ―

^{[མ་དཔེ་གཟིགས་ན་འདིར་གནོན།]}

(༡༩༩)ནོ། །འོན་ཀྱང་ཐུབ་པའི་དབང་པོའི་དགོངས་པ་བདག་འདྲ་བ་རྣམས་ཀྱིས་ཤེས་པར་དཀའ་བས་ད་དུང་མཁས་པ་དག་གིས་དཔྱད་པར་མཛོད་ཅིག །གསུམ་པ་ལ། རྒྱུ་སྒྲུབ་ཚུལ་སྤྱིར་བསྟན་པ་དང་། རྩ་བ་དད་པ་སྦྱང་ཚུལ་བྱེ་བྲག་ཏུ་བཤད་པ་གཉིས་ལས། དང་པོ་ནི། སྟོན་པ་འོད་དཔག་མེད་ཀྱི་ཚོགས་གཉིས་ཀྱི་འབྲས་བུའི་ཞིང་དང་། ཆོས་ཀྱི་ལོངས་སྤྱོད་ལ་དངོས་སུ་སྤྱོད་པ་ལ་ནི་རྟེན་གྱི་ངོས་ནས་ཀྱང་ཚོགས་དེའི་ཆ་གཅིག་ངེས་པར་སྒྲུབ་དགོས་ཏེ། གཞན་དུ་ན་དེ་བཞིན་གཤེགས་པའི་ཐུགས་རྗེ་དང་མཐུ་ལ་ཕྱོགས་ལྷུང་མེད་པས་དག་པའི་ཞིང་གྲུབ་པ་ཙམ་ནས་སེམས་ཅན་ཐམས་ཅད་དེར་ཕྱིན་པར་ཐལ་བའི་ཕྱིར་རོ། །སྔར་དྲངས་པའི་མདོ་ལས། དེ་བཞིན་གཤེགས་པས་འགྲོ་བ་སྤྱི་མཐུན་གྱི་སྡུག་བསྔལ་སེལ་བའི་མཛད་པ་མ་དག་པའི་ཞིང་དུ་མི་སྟོན་པར་གསུངས་པའང་། སེམས་ཅན་དགེ་རྩ་ཆུང་ཞིང་ལས་སྒྲིབ་ཤས་ཆེ་བ་རྣམས་ཀྱི་ནང་དུ་མཛད་པ་དེ་བསྒྲུབས་མ་བྱུང་བའི་རྒྱུ་མཚན་ཉིད་ཀྱིས་ཡིན་ནོ། །དེ་ལ་རྒྱུའི་ཁྱད་པར་ཅི་ཙམ་ཞིག་བསྒྲུབ་ན་དོན་དེ་འགྲུབ་པ་ནི་ཚུ་རོལ་མཐོང་བའི་མངོན་སུམ་དང་། དངོས་སྟོབས་ཀྱི་ཚད་མས་རྟོགས་མི་ནུས་པས་དྲང་སྲོང་ཆེན་པོའི་ལུང་ཁོ་ན་ལ་བརྟེན་ནས་ཤེས་དགོས་སོ། །དེ་ཡང་འོད་མདོ་ལས། ཀུན་དགའ་བོ་སེམས་ཅན་གང་དག་ཁ་ཅིག་ནི་དེ་བཞིན་གཤེགས་པ་དེ་རྣམ་པས་ཡང་དང་ཡང་དུ་ཡིད་ལ་བྱེད་པ་དང་། དགེ་བའི་རྩ་བ་མང་པོ་དཔག་ཏུ་མེད་པ་བསྐྱེད་པ་དང་། བྱང་ཆུབ་ཏུ་སེམས་ཡོངས་སུ་བསྔོས་ཏེ། འཇིག་རྟེན་གྱི་ཁམས་དེར་སྐྱེ་བར་སྨོན་ལམ་

― TN03_Page_0216 ―

^{[མ་དཔེ་གཟིགས་ན་འདིར་གནོན།]}

(༢༠༠)འདེབས་པ་དེ་དག་འཆི་བའི་དུས་ཉེ་བར་གནས་པ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་དེ་དགེ་སློང་གི་ཚོགས་དུ་མས་ཡོངས་སུ་བསྐོར་ཞིང་མདུན་གྱིས་བལྟས་ནས་བཞུགས་པར་འགྱུར་ཏེ། དེ་དག་གིས་བཅོམ་ལྡན་འདས་འོད་དཔག་མེད་དེ་མཐོང་ནས་རབ་ཏུ་དང་བའི་སེམས་ཀྱི་ཤི་འཕོས་ཏེ་འཇིག་རྟེན་གྱི་ཁམས་བདེ་བ་ཅན་དེ་ཉིད་དུ་སྐྱེ་བར་འགྱུར་རོ། །ཞེས་དང་། ཀུན་དགའ་བོ་གང་དག་ཡང་དེ་བཞིན་གཤེགས་པ་དེ་ཡང་ཡིད་ལ་བྱེད་ཅིང་དགེ་བའི་རྩ་བ་མང་པོ་དཔག་ཏུ་མེད་པ་རྒྱུན་དུ་བསྐྱེད་ལ། སངས་རྒྱས་ཀྱི་ཞིང་དེར་སེམས་ཡང་དག་པར་གཏོད་པ་དེ་དག་འཆི་བའི་དུས་ཉེ་བར་གནས་པ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་ཏུ་མེད་པ་དེའི་ཁ་དོག་དང་། དབྱིབས་དང་ཆུ་ཞེང་དང་། ཞབས་འབྲིང་བ་དགེ་སློང་གི་དགེ་འདུན་ཅི་འདྲ་བ་དེ་འདྲ་བའི་སངས་རྒྱས་ཀྱི་སྤྲུལ་པ་དག་མདུན་དུ་གནས་པར་འགྱུར་ཏེ། དེ་དག་དེ་བཞིན་གཤེགས་པ་མཐོང་བས་རབ་ཏུ་དང་བ་ལ་དམིགས་པའི་ཏིང་ངེ་འཛིན་དེ་དང་། བརྗེད་པ་མེད་པའི་དྲན་པས་ཤི་འཕོས་ནས་སངས་རྒྱས་ཀྱི་ཞིང་དེ་ཉིད་དུ་སྐྱེ་བར་འགྱུར་རོ། །ཞེས་ལུང་སྔ་མས་རྒྱུ་བཞི་དང་། ཕྱི་མས་གསུམ་གསུངས་སོ། །བཞིར་གསུངས་པའི་སྐབས་སུ་བྱང་ཆུབ་མཆོག་ཏུ་སེམས་བསྐྱེད་པ་དགོས་པར་གསུངས་པ་ནི། དེའི་འཁོར་གྱི་གཙོ་བོར་སྐྱེ་བའི་དབང་དུ་མཛད་པ་སྟེ། ཞིང་དེར་སྐྱེ་བ་བཟུང་བའི་དགོས་པ་སྔར་བཤད་པ་རྣམས་ཚང་བར་འཐོབ་པ་ལ་སེམས་བསྐྱེད་དགོས་ཞེས་པ་ཡིན་གྱི། དེར་སྐྱེ་བ་ཙམ་ལ་ནི་

― TN03_Page_0217 ―

^{[མ་དཔེ་གཟིགས་ན་འདིར་གནོན།]}

(༢༠༡)མ་ཡིན་ཏེ། དེ་ན་ཉན་ཐོས་ཀྱི་འཁོར་ཡང་མཐའ་ཡས་པ་ཡོད་པར་གསུངས་པའི་ཕྱིར་རོ། །འོན་ཀྱང་དེར་སྐྱེ་བ་ཙམ་འཐོབ་པ་ལའང་སེམས་བསྐྱེད་ཡོད་མེད་གཉིས་ལ་ཚེགས་ཆེ་ཆུང་གིས་འཐོབ་པའི་ཁྱད་པར་ནི་ཡོད་པར་མངོན་ནོ། །ཞིང་དེར་བྱེ་བྲག་ཏུ་སྐྱེ་བའི་རྒྱུ་སྟོན་ཐོག་གི་ས་བོན་ལྟ་བུ་ནི་དེར་སྐྱེ་བར་སྨོན་ལམ་འདེབས་པ་ཡིན་ལ། སྨོན་ལམ་དེ་རྒྱུན་རིང་ལ་ཤུགས་དྲག་པ་ཡོད་ན་ཞིང་དེར་སྐྱེ་བའང་དེའི་ཚོད་ཙམ་སླ་ཞིང་། དེ་ལས་བཟློག་ན་དཀའ་བ་ཡིན་ནོ། །སྨོན་ལམ་གྱི་ངོ་བོ་ནི་འདུན་པ་ཡིན་ཅིང་། དེའི་རྩ་བ་དད་པས་བྱེད་པར་གསུངས་པས། སྨོན་ལམ་དེ་ལྟར་འོང་བ་ནི། རྒྱལ་བའི་དབང་པོ་འོད་དཔག་མེད་རྣམ་པས་ཡང་དང་ཡང་དུ་ཡིད་ལ་བྱེད་པའི་དད་པ་སྦྱངས་པ་ལ་ལྟོས་ཏེ། དེ་ནི་རྒྱུ་དང་པོ་ཡིན་ནོ། །འདིར་སྐྱོབ་པ་འོད་དཔག་མེད་ནི་ཡིད་ལ་བྱ་རྒྱུ་དང་། དེ་ཡིད་ལ་བྱེད་པའི་ཚུལ་ནི་རྣམ་པས་ཞེས་པ་སྐྱེས་བུ་ཆེན་པོའི་མཚན་དང་དཔེ་བྱད་ཀྱི་རྣམ་པ་དང་། ཆོས་སྟོན་པ་དང་། སྤྱོད་ལམ་གྱི་རྣམ་པ་དང་། ཉན་ཐོས་དང་བྱང་སེམས་ཀྱི་འཁོར་གྱི་རྣམ་པ་དང་། སངས་རྒྱས་ཀྱི་ཞིང་གི་རྣམ་པ་དང་། སྔོན་གྱི་རྒྱུའི་རྣམ་པ་སོགས་རྣམ་པ་དུ་མའི་སྒོ་ནས་སེམས་པར་མདོ་གཞན་དང་གཞན་ལས་གསུངས་པ་བཞིན་ཏེ། འདི་ནི་དད་པ་སྒོ་དུ་མ་ནས་རྒྱས་པའི་ཆེད་དོ། །དེའང་ལན་རེ་ཟུང་ཙམ་མ་ཡིན་པར་སྒོམ་དགོས་པ་ནི་ཡང་དང་ཡང་དུ་ཞེས་པས་བསྟན་ཏེ། འདིས་ནི་དད་པ་རྒྱུན་རིང་ལ་བརྟན་པ་སྒྲུབ་པར་བྱེད་དོ། །བཤད་མ་ཐག་པའི་རྣམ་པ་དེ་དག་ལ་མཁས་ན་དེ་དག་གི་སྒོ་ནས་སངས་རྒྱས་ཡིད་

― TN03_Page_0218 ―

^{[མ་དཔེ་གཟིགས་ན་འདིར་གནོན།]}

(༢༠༢)ལ་བྱེད་ཚུལ་མེད་པས། ཞིང་བཀོད་ཀྱི་མདོ་སྡེ་རིན་པོ་ཆེ་འབད་པ་དུ་མས་ཉན་དགོས་པར་གསུངས་ཏེ། སྟོབས་བཅུ་མངའ་བས་དད་པ་སྦྱང་ཐབས་ཀྱི་མན་ངག་གཏིང་ཐུག་པར་བྱིན་པ་ཡིན་པར་ཟུངས་ཤིག །སྨོན་ལམ་ཁྱད་པར་ཅན་ཇི་ལྟར་བཏབ་པ་བཞིན་དུ་འགྲུབ་པ་ལ། དེའི་རྟེན་དུ་གོང་གི་རྒྱུ་གཉིས་པ་དགེ་བའི་རྩ་བ་མང་པོ་བསགས་པ་དགོས་ཏེ། མདོ་དེ་ཉིད་ལས། འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་བྱ་བའི་ཕྱིར་དགེ་བའི་རྩ་བ་རྣམས་ཡོངས་སུ་བསྔོ་བར་བྱའོ། །ཞེས་དང་། སྙིང་རྗེ་པད་དཀར་ལས་ཀྱང་། བདག་གི་མིང་ཐོས་པར་གྱུར་པ་དེ་དག་ཐམས་ཅད་དགེ་བའི་རྩ་བ་སངས་རྒྱས་ཀྱི་ཞིང་དུ་ཡོངས་སུ་བསྔོ་བ་བགྱིས་ནས་བདག་གི་སངས་རྒྱས་ཀྱི་ཞིང་དུ་སྐྱེ་བར་གྱུར་ཅིག །ཅེས་སྨོན་ལམ་འདེབས་ལུགས་ཀྱང་དགེ་རྩ་ཡོངས་སྒྱུར་གྱི་བསྔོ་བའི་རྣམ་པ་ཅན་དུ་བྱེད་པར་གསུངས་སོ། །དགེ་རྩ་གསོག་ལུགས་ནི། སྔར་དྲངས་པའི་མདོ་ལུང་ཕྱི་མར། དགེ་བའི་རྩ་བ་མང་པོ་དཔག་ཏུ་མེད་པ་རྒྱུན་དུ་བསྐྱེད་ལ། ཞེས་སྒོ་མང་པོ་ནས་གསོག་པ་དང་། ཞིང་དང་བསམ་པ་སོགས་ཀྱི་དབང་གིས་སྐད་ཅིག་རེར་ཡང་དཔག་ཏུ་མེད་པ་གསོག་པ་དང་། དེ་ལའང་གོམས་པ་རྒྱུན་ཆགས་སུ་བྱེད་པར་གསུངས་སོ། །སྒོ་མང་པོ་ནས་གསོག་ཚུལ་ཡང་། དེ་ཉིད་ལས། ཆོས་ཀྱི་རྣམ་གྲངས་འདི་མཉན་པར་བྱའོ། །ཐོས་ནས་ཀྱང་གཡོར་མ་ལྟུང་བའི་རྒྱུད་ཀྱིས་བསམ་པ་ཐག་པ་ནས་རྗེས་སུ་དགའ་བར་བྱའོ། །ཆོས་ཀྱི་རྣམ་གྲངས་འདི་གཟུང་བ་དང་། ཀུན་ཆུབ་པར་བྱ་བ་དང་། བཅང་བར་བྱ་བ་དང་། ཡི་

― TN03_Page_0219 ―

^{[མ་དཔེ་གཟིགས་ན་འདིར་གནོན།]}

(༢༠༣)གེར་བྲི་བ་དང་། བསྒོམ་པའི་ཕྱིར་བརྩོན་འགྲུས་རླབས་པོ་ཆེ་ཆེན་པོ་བརྩམ་པར་བྱའོ། །ཐ་ན་བ་གཅིག་འཇོ་བ་དེ་སྲིད་དུ་གཞན་དག་ལ་བརྗོད་པར་བྱའོ། །ཞེས་གསུངས་ཤིང་། དེའི་འཕྲོ་ཞིག་ན། ཐ་ན་ཡི་གེར་བྲིས་ཏེ་མཆོད་པ་བྱེད་པ་དེ་དག་ཀྱང་བསོད་ནམས་མང་དུ་སྐྱེད་པར་འགྱུར་ཏེ། ཞེས་མཆོད་པ་བྱེད་པ་ཡང་གསུངས་སོ། །དམ་པ་སྔ་མ་དག་སྨོན་ལམ་འགྲུབ་པའི་རྒྱུར་དགེ་རྩ་སྐྱེད་པའི་སྒོ་རྣམས་ཕྱག་འཚལ་བ་ལ་སོགས་པའི་ཡན་ལག་བདུན་དུ་བསྡུ་བར་བཞེད་དེ། སྡོང་པོ་བཀོད་པ་སོགས་ཀྱི་མདོའི་རྗེས་སུ་འབྲངས་པའོ། །འོད་མདོར་རྒྱུ་གཉིས་པ་སྟོན་པའི་སྐབས་སུ། ཇི་སྐད་སྨོས་པའི་ཁྱད་པར་དེ་འདྲ་བ་ཡང་དང་ཡང་དུ་སྦྱར་བས། ལུས་འདི་བོར་ནས་སྐྱེ་སྲིད་གཞན་བར་དུ་མི་བརྒྱུད་པར་ཞིང་དེར་འགྲོ་བ་ལ་དགེ་རྩ་ཤིན་ཏུ་ཤས་ཆེ་བ་དགོས་པར་གསལ་ལ། དེའང་ཚུལ་ཁྲིམས་དང་ལྡན་པ་ལ་འོང་གིས། རྒྱུད་ཉེས་པར་སྤྱོད་པས་ཟིལ་གྱིས་མནན་པ་ལ་ཆེས་ཆེར་དཀའ་བའི་ཕྱིར། མི་དགེ་བཅུ་སྤོང་ལ་མ་མཐའ་བྱས་པའི་ཚུལ་ཁྲིམས་ལ་མང་དུ་གནས་པ་དང་། སྡིག་ལྟུང་བྱུང་ཡང་བཤགས་བསྡམ་འབད་ནས་བྱེད་པ་ཅིག་གལ་ཤིན་ཏུ་ཆེ་བར་སྣང་སྟེ། བསྡུས་དོན་དང་པོའི་ཐད་དུ་དྲང་བའི་འཇམ་དཔལ་ཞིང་བཀོད་ཀྱི་ལུང་གིས་ཀྱང་ཚུལ་ཁྲིམས་དང་སྨོན་ལམ་གཉིས་ཞིང་དག་པར་སྐྱེ་བའི་རྒྱུའི་གཙོ་བོར་བསྟན་ཏོ། །ལྷག་པར་ཡང་དམ་པའི་ཆོས་སྤངས་པ་དང་། མཚམས་མེད་བྱེད་པ་གཉིས་ཀྱིས་བདེ་སྨོན་མི་འགྲུབ་པར་གོང་དུ་བརྗོད་ཟིན་ཅིང་། ལྷག་བསམ་

― TN03_Page_0220 ―

^{[མ་དཔེ་གཟིགས་ན་འདིར་གནོན།]}

(༢༠༤)བསྐུལ་བ་ལས་ཀྱང་། སྔོན་དགེ་སློང་ཆོས་སྨྲ་བ་གཉིས་ལ་སྐུར་པ་བཏབ་པའི་བྱང་སེམས་དྲུག་ཅུ་ལས་དེ་ལྷག་མ་མེད་པར་མ་ཟད་ཀྱི་བར་ལ་བདེ་བ་ཅན་དུ་འགྲོ་མི་ནུས་པར་གསུངས་ཏེ། དེའི་ནང་ནས་ཀྱང་། རྒྱལ་བའི་བསྟན་པ་ལ་ཆགས་སྡང་རིས་ཐ་དད་དུ་ཕྱེ་ནས་རྟག་ཏུ་གཞན་གྱི་ལེགས་བཤད་ལ་ཀླན་ཀ་ཚོལ་བའི་བསམ་པ་ཅན་གྱི་མཁས་རློམས་དང་། དྲི་མ་མེད་པའི་གསུང་རབ་དང་དགོངས་འགྲེལ་རིན་པོ་ཆེ་རྣམས་ལ་ཐན་མཐོང་བ་ལྟར་བྱེད་པའི་བླུན་པོ་དང་། རྙེད་བཀུར་གྱིས་དབྱེན་སྤྱོས་ནས་དམ་པ་རྣམས་ཀྱི་ཕུན་ཚོགས་ལ་ཞེ་སྡང་བ་དང་། གཞན་ཡང་དེ་དག་དང་ཕྱོགས་མཐུན་པ་བདག་ཅག་ལྟ་བུ་རྣམས་ལ་ཆོས་དང་ཆོས་སྨྲ་བ་ལ་བརྟེན་པའི་ལས་སྒྲིབ་འདི་དག་འབྱུང་ཤིན་ཏུ་ཉེ་བས། འཕགས་པ་ལྷག་བསམ་བསྐུལ་བ་དང་། རྣམ་པར་འཐག་པ་ཐམས་ཅད་བསྡུས་པའི་མདོ་སོགས་ཞིབ་ཏུ་བལྟས་ལ། ཉེས་སྤྱོད་ཆེན་པོའི་སྒོ་དེ་དག་གི་རྣམ་དབྱེ་ཤེས་པར་བྱས་ཏེ་མཐུ་ཅི་ཡོད་ཀྱིས་དགག་དགོས་སོ། །རྒྱུ་བཞི་པོ་འདི་དག་ཚུལ་བཞིན་བསྒྲུབས་པའི་སྐྱེས་བུས་ནི་ཚེ་འདིར་ཡང་ཐུབ་པ་འོད་དཔག་མེད་རྨི་ལམ་དུ་མཐོང་ཞིང་། ནམ་ཞིག་འཆི་བ་ལ་མངོན་དུ་ཕྱོགས་པའི་ཚེ་བཅོམ་ལྡན་འདས་དེ་བྱང་ཆུབ་སེམས་དཔའི་དགེ་འདུན་གྱི་ཚོགས་ཀྱིས་བསྐོར་ནས་མདུན་དུ་བཞུགས་པ་མཐོང་སྟེ་དགའ་བ་དང་དད་པའི་ཤུགས་ཀྱིས་ཡིད་འདྲེན་པར་འགྱུར་ལ། དེའི་མཐུས་ལས་ཀྱི་སྒྲིབ་པ་རྣམས་བྱང་ནས་ཐོགས་པ་མེད་པར་བདེ་བ་ཅན་དུ་འགྲོ་བ་འོད་མདོ་དང་སྙིང་རྗེ་པདྨ་དཀར་པོར་ཅི་རིགས་སུ་གསུངས་

― TN03_Page_0221 ―

^{[མ་དཔེ་གཟིགས་ན་འདིར་གནོན།]}

(༢༠༥)སོ། །ཞིང་དེའི་བྱང་སེམས་ཀྱི་འཁོར་དུ་སྐྱེས་ཀྱང་རེ་ཞིག་ལ་སྔར་བཤད་པའི་ཕན་ཡོན་རྣམས་ལས་ཉམས་པའི་རྒྱུ་ནི། རྒྱུ་བཞི་བསྒྲུབས་ཀྱང་བཅོམ་ལྡན་འདས་ཀྱིས་ཞིང་གི་ཡོན་ཏན་དང་དེར་རྒྱུ་ཅི་ཙམ་ཞིག་གིས་སྐྱེ་བའི་རྣམ་བཞག་བཀའ་སྩལ་པ་རྣམས་ལ་ཐེ་ཚོམ་ཟ་བ་ཡིན་ཏེ། དེའི་ཉེས་པས་ཞིང་དེར་པདྨའི་མངལ་དུ་ལོ་ལྔ་བརྒྱར་སངས་རྒྱས་མཐོང་བ་དང་། དེ་ལས་ཆོས་ཉན་པ་དང་། བྱང་ཆུབ་སེམས་དཔའ་མཐོང་བ་དང་། དེ་དག་དང་ལྷན་ཅིག་འབེལ་བའི་ཆོས་ཀྱི་གཏམ་རྣམ་པར་ངེས་པ་བྱ་བ་དང་། དེའི་དོན་ནན་ཏན་གྱིས་བསྒྲུབ་པའི་སྒོ་ནས་རྟོགས་པ་ཁྱད་པར་དུ་འགྲོ་བ་རྣམས་བྱར་མེད་པར་གནས་དགོས་པའི་ཚུལ་རྒྱ་ཆེར་འོད་མདོ་ལས་གསུངས་སོ། །དེ་དག་སངས་རྒྱས་མཐོང་བ་ལས་ཉམས་ཀྱང་ཆོས་ཐོས་པ་ལས་མི་ཉམས་ཟེར་བ་ནི་མདོ་དང་འགལ་ལོ། །ཐེ་ཚོམ་འདི་འགོག་པ་ལ་དཔལ་ཆོས་ཀྱི་གྲགས་པས། མཐོང་དང་མ་མཐོང་དངོས་པོ་ཡི། །དོན་དེ་དག་ལ་མངོན་སུམ་དང་། །རྗེས་དཔག་རྣམ་པ་གཉིས་ཀྱིས་ཀྱང་། །གནོད་མེད་འདི་ཡི་མི་བསླུ་བའོ། །ཞེས་སོགས་གསུངས་པ་ལྟར། དེ་བཞིན་གཤེགས་པས་མཐོང་བ་མངོན་གྱུར་བསྟན་པའི་གསུང་རབ་ལ་མངོན་སུམ་དང་། མཐོང་བ་ལྐོག་གྱུར་བསྟན་པའི་གསུང་རབ་ལ་དངོས་སྟོབས་ཀྱི་བསལ་བ་མི་འཇུག་པའི་ཚུལ་དང་། དེ་ནས་མ་མཐོང་བ་ཤིན་ཏུ་ཀློག་གྱུར་སྟོན་པའི་གསུང་རབ་འདི་འདྲ་བ་རྣམས་ལ་རང་ཚིག་སྔ་ཕྱི་དང་། དངོས་ཤུགས་འགལ་བའི་གནོད་པ་མེད་ཚུལ་ཤེས་པར་

― TN03_Page_0222 ―

^{[མ་དཔེ་གཟིགས་ན་འདིར་གནོན།]}

(༢༠༦)བྱས་ཏེ། གསུང་རབ་སྔ་མ་གཉིས་མཐུན་དཔེར་བླངས་ནས་དཔྱད་གསུམ་དག་པའི་ལུང་གི་རྟགས་ཀྱིས་མི་བསླུ་བར་ཡིད་ཆེས་སྐྱེད་པ་དགོས་ཏེ། འདི་ནི་འོད་མདོ་ཉིད་ལས། དེ་བས་མཁས་པ་རིག་པའི་རང་བཞིན་མི། །གང་ཞིག་ང་ཡི་ཚིག་ལ་ཡིད་ཆེས་ཏེ། །རྒྱལ་བའི་ཡེ་ཤེས་ཕུང་པོ་དབང་བྱས་ནས། །སངས་རྒྱས་ཉིད་ཀྱིས་མཁྱེན་ཅེས་ཚིག་ཏུ་བརྗོད། །ཅེས་པའི་དགོངས་པར་ཡང་སྣང་མོད། འདིར་དེ་ཙམ་ལས་མ་བཤད་དོ། །དེ་ལྟར་ཚོགས་གཉིས་ཀྱི་སྤྱོད་པ་རླབས་པོ་ཆེ་བདེ་བླག་ཏུ་རྫོགས་པར་བྱེད་པའི་ཐབས་ལ་མཁས་པ་རྨད་དུ་བྱུང་བ་ལས་ཀྱང་ཆེས་རྨད་དུ་བྱུང་བ་འདི་ལྟ་བུ་རྙེད་ནས་སྒྲུབ་ཏུ་ཡོད་པ་ནི། ད་རེས་འདྲ་བའི་བརྒྱ་ལམ་བརྒྱ་ལམ་ན་ཐུགས་རྗེ་ཅན་གྱི་སྟོན་པ་དང་། སྟོན་པའི་ལུགས་འཛིན་དམ་པ་རྣམས་ཀྱི་དྲིན་ལས་དཀའ་དཀའ་ལྟར་རྙེད་པར་ཟད་ཀྱི། ཡང་དང་ཡང་དུ་རྙེད་པ་མ་ཡིན་པའི་ཚུལ་ལེགས་པར་བསམ་ནས་མདོ་སྡེ་རིན་པོ་ཆེ་གདམས་པའི་མཐིལ་དུ་བཟུང་སྟེ་དོན་ཉམས་སུ་ལེན་པའི་བརྩོན་འགྲུས་དྲག་པོས་རྒྱལ་བ་སྲས་བཅས་ལ་བྱས་པ་གཟོ་བར་བྱ་སྟེ། མདོ་དེ་ཉིད་ལས། མི་ཕམ་པ་སངས་རྒྱས་འབྱུང་བ་རྙེད་པར་དཀའོ། །ཆོས་བསྟན་པ་རྙེད་པར་དཀའོ། །དལ་བ་ཕུན་སུམ་ཚོགས་པ་རྙེད་པར་དཀའོ། །མི་ཕམ་པ། ངས་ཁྱོད་ལ་དགེ་བའི་རྩ་བ་ཐམས་ཅད་ཀྱི་ཕ་རོལ་ཏུ་ཕྱིན་པ་བསྙད་ཀྱིས། ད་ཁྱོད་ཀྱིས་མངོན་པར་སྦྱོར་ལ་སྒྲུབ་ཤིག །ཅེས་བཀའ་སྩལ་པ་བཞིན་ནོ། །གཉིས་པ་ནི། བདེ་བ་ཅན་དུ་སྐྱེ་བའི་སྨོན་

― TN03_Page_0223 ―

^{[མ་དཔེ་གཟིགས་ན་འདིར་གནོན།]}

(༢༠༧)ལམ་དང་། དེའི་གྲོགས་དགེ་རྩ་དུ་མ་ལ་འཇུག་པའི་བརྩོན་འགྲུས་གཉིས་ཀའི་རྩ་བ་ནི་བསམ་གྱིས་མི་ཁྱབ་པའི་ཞིང་གི་འབྱོར་པ་ལ་དད་པ་བརྟན་པ་ཡིན་པས་གཙོ་བོར་དེ་བསྒོམ་པའི་ཕྱིར་དུ་འབད་དགོས་ཏེ། དེ་ཉིད་ལས། དོན་མཆོག་ཐོབ་ཕྱིར་དད་པ་རྩ་བ་སྟེ། །དེ་ལྟ་བས་ན་ཐོས་ནས་ཡིད་གཉིས་སོལ། །ཞེས་གསུངས་སོ། །དེའང་རྒྱུ་འབྲས་གཉིས་ཀའི་སྒོ་ནས་བསམ་ན་བློ་འཁྲུལ་སྟོབས་ཆེ་བས་དེ་ལྟར་ཅུང་ཟད་བཤད་པ་ལ་གཉིས། ཞིང་དེ་དང་པོར་ཇི་ལྟར་བསྒྲུབས་པའི་ཚུལ་དང་། གྲུབ་པའི་ཞིང་གི་ཕུན་ཚོགས་ཉིད་བཤད་པའོ། །དང་པོ་ལའང་། བསམ་པ་སྨོན་ལམ་ཇི་ལྟར་བཏབ་པ། སྦྱོར་བ་ཚོགས་ཇི་ལྟར་བསགས་པ། དེ་དག་གི་ལག་རྗེས་ཇི་ལྟར་གྲུབ་པའི་ཚུལ་དང་གསུམ་ལས། དང་པོ་ནི། སྐྱོབ་པ་འོད་དཔག་མེད་སྔོན་དགེ་སློང་ཆོས་ཀྱི་འབྱུང་གནས་སུ་གྱུར་པ་ན་སྙིང་རྗེའི་རྩ་བ་ཅན་གྱི་བྱང་ཆུབ་ཀྱི་སེམས་རིན་པོ་ཆེས་ཐུགས་རྒྱུད་བསྐུལ་བར་གྱུར་ཏེ་ཕུལ་དུ་བྱུང་བའི་སངས་རྒྱས་ཀྱི་ཞིང་ཡོངས་སུ་གཟུང་བའི་ཆེད་དུ་དེ་བཞིན་གཤེགས་པ་འཇིག་རྟེན་དབང་ཕྱུག་རྒྱལ་པོའི་སྤྱན་སྔར་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱད་ཅུ་རྩ་གཅིག་གི་ཞིང་གི་ཡོན་ཏན་སྒྲུབ་བྱེད་ཀྱི་རྒྱུ་དང་བཅས་པ་ལོ་བྱེ་བ་ཐམ་པར་གསན་ཅིང་། དེའི་འོག་ཏུ་རང་ཉིད་ཀྱིས་བསྐལ་པ་ལྔའི་རིང་ལ་ཇི་སྐད་གསན་པའི་ཞིང་དེ་དག་ལས་ཆེས་ཁྱད་པར་དུ་འཕགས་པའི་རྒྱ་ཁྱོན་དང་། རང་བཞིན་དང་། འཁོར་དང་། ལོངས་

― TN03_Page_0224 ―

^{[མ་དཔེ་གཟིགས་ན་འདིར་གནོན།]}

(༢༠༨)སྤྱོད་ཀྱི་བྱེ་བྲག་ཟད་མི་ཤེས་པ་དང་ལྡན་པའི་སངས་རྒྱས་ཀྱི་ཞིང་ལ་རྩེ་གཅིག་ཏུ་སེམས་ཤིང་འདུག་ནས། གདོད་དེ་བཞིན་གཤེགས་པའི་སྤྱན་སྔར་དེ་འདྲ་བའི་ཞིང་བཟུང་བར་འོད་མདོ་ལས་གསུངས་ཏེ། རྒྱས་པར་ན་དང་པོར་དགེ་སློང་ཆོས་ཀྱི་འབྱུང་གནས་དེ་ཐེག་མཆོག་རིགས་ཀྱི་ནུས་པ་ཁྱད་པར་ཅན་སད་ཚུལ་དང་། དེ་ནས་དགེ་བའི་བཤེས་གཉེན་བསམ་སྦྱོར་ཇི་ལྟ་བུས་བསྟེན་པ་དང་། དགེ་བའི་བཤེས་གཉེན་ལས་འབད་པ་ཆེན་པོས་གདམ་ངག་ཇི་ལྟར་བླངས་པ་དང་། གདམ་ངག་དེ་ལ་བརྟེན་ནས་བསམ་པ་ཕུན་ཚོགས་ཇི་ལྟ་བུ་བརྙེས་པ་དང་། བསམ་པ་དེ་ཐོག་མར་བསྐྱེད་དུས་ནས་ངོ་མཚར་རྨད་དུ་བྱུང་བའི་ལྟས་རྒྱ་ཆེན་པོ་འཇིག་རྟེན་དུ་བྱུང་ཚུལ་རྣམ་དཔྱོད་ཅན་གྱི་འདུན་སར་གླེང་བར་འོས་པ་དུ་མ་ཞིག་ཞིང་བཀོད་ཀྱི་མདོ་ཉིད་ཀྱི་སྟེང་ནས་ཤོད་པར་སྣང་ཡང་མང་བས་འཇིགས་ནས་མ་སྤྲོས་སོ། །སྙིང་རྗེ་པདྨ་དཀར་པོ་ལས་ནི། བཅོམ་ལྡན་འདས་དེས་སངས་རྒྱས་ཀྱི་ཞིང་བཟུང་བའི་སྐུ་ཚེའི་ཐོག་མ་འཁོར་སྒྱུར་རྩི་བས་ཀྱི་མ་ཁྱུད་དུ་འཁྲུངས་པ་དེ་ཡིན་པར་གསུངས་ཏེ། དེས་ལོ་བདུན་དུ་གཡེང་བ་ཐམས་ཅད་སྤངས་ཏེ་ནང་དུ་ཡང་དག་འཇོག་ལ་གནས་པ་ན། དེ་བཞིན་གཤེགས་པ་རིན་པོ་ཆེའི་སྙིང་པོའི་བྱིན་རླབས་ཀྱིས་ཕྱོགས་བཅུའི་ཕྱོགས་རེ་རེར་ཡང་སངས་རྒྱས་ཀྱི་ཞིང་འཇིག་རྟེན་གྱི་ཁམས་སྟོང་གི་རྡུལ་སྙེད་རྣམས་ཀྱི་ཡོན་ཏན་བཀོད་པའི་རྒྱན་དག་མཐོང་བར་གྱུར་ནས་དེ་དག་ལ་ལྟ་ཞིང་གང་དུ་རང་ཉིད་འཚང་རྒྱ་བའི་སངས་རྒྱས་ཀྱི་ཞིང་

― TN03_Page_0225 ―

^{[མ་དཔེ་གཟིགས་ན་འདིར་གནོན།]}

(༢༠༩)ཡོན་ཏན་ཕུན་སུམ་ཚོགས་པར་འགྱུར་བའི་སྨོན་ལམ་གྱི་ཚུལ་ལ་མཁས་པར་བྱས་ཏེ། དེ་བཞིན་གཤེགས་པའི་སྤྱན་སྔར་སྨོན་ལམ་རྒྱ་ཆེར་བཏབ་ཚུལ་རྣམས་བཤད་དོ། །གཉིས་པ་ནི། དེ་ལྟར་སྨོན་པ་ཙམ་གྱིས་ཆོག་ཤེས་པར་ཡང་མ་མཛད་དེ། ཇི་ལྟར་སྨོན་པའི་དོན་དེ་ཉིད་བསྒྲུབ་པར་བྱ་བའི་ཕྱིར། དུས་ཀྱི་ཁྱད་པར་བསྐལ་པ་མཐའ་ཡས་པར། སློབ་ཚུལ་གྱི་ཁྱད་པར་རྟག་ཏུ་བྱང་ཆུབ་སེམས་དཔའི་སྤྱོད་པ་འབའ་ཞིག་གི་རྗེས་སུ་འབྲང་བའི་དྲན་པ་དང་ཤེས་བཞིན་དང་བག་ཡོད་རྣམས་ལ་གནས་ཏེ། བསླབ་བྱའི་རང་བཞིན་ལུས་ངག་ཡིད་གསུམ་གྱི་ཉེས་སྤྱོད་ཕྱོགས་རེ་ཙམ་མ་ཡིན་པར་སྡོམ་པ་དང་ཚུལ་ཁྲིམས་དང་ཏིང་ངེ་འཛིན་གྱི་སྤྱོད་པ་ཕྱོགས་རེ་ཙམ་མ་ཡིན་པར་སྒྲུབ་པ་དང་། ཁྱད་པར་དུ་དེ་ཁོ་ན་ཉིད་རྟོགས་པའི་ཤེས་རབ་ཚད་བཟུང་དང་བྲལ་བས་མཐར་འཛིན་གྱི་འཆིང་བ་བཅད་དེ། སྦྱིན་པ་ལ་སོགས་པ་བྱང་སེམས་ཀྱི་སྤྱོད་པ་གཞན་རྣམས་ཀྱང་ཤེས་རབ་དེ་ཉིད་ཀྱི་རྒྱས་བཏབ་ནས་གོམས་པར་བྱེད་པ་དང་། དགེ་ཆོས་དེ་རྣམས་ཁྱད་པར་དུ་འགྲོ་བའི་ཕྱིར་སངས་རྒྱས་དང་བྱང་ཆུབ་སེམས་དཔའི་བཤེས་གཉེན་བགྲང་བས་མཐའ་མི་རྟོགས་པ་དེ་ཉིད་སྒོ་ཐམས་ཅད་ནས་མཉེས་པར་བྱ་བ་དང་། རང་གང་ལ་གནས་པའི་ལམ་དེ་ཉིད་མཐའ་ཡས་པའི་སེམས་ཅན་གྱིས་དངོས་དང་བརྒྱུད་ནས་རྟོགས་པར་བྱ་བའི་ཕྱིར་ཐབས་ལ་མཁས་པའི་རྣམ་གྲངས་བསམ་གྱིས་མི་ཁྱབ་པ་སྟོན་པ་དང་། དེ་དག་ཐམས་ཅད་ཀུན་ཏུ་བཟང་པོའི་སྨོན་ལམ་གྱིས་བསྔོ་

― TN03_Page_0226 ―

^{[མ་དཔེ་གཟིགས་ན་འདིར་གནོན།]}

(༢༡༠)ཞིང་ཡོངས་སུ་སྤེལ་བ་སྟེ། མདོར་ན་དགེ་བའི་རྩ་བ་མ་སྦྱངས་པ་རྣམས་ཀྱིས་ཐོས་ན་ཡིད་ཆེས་པ་ཙམ་ཡང་བྱ་དཀའ་བའི་སྤྱོད་པ་རྨད་དུ་བྱུང་བ་རྣམས་ལ་བསླབ་པར་མཛད་པ་ནི། འོད་མདོ་ལས། ཀུན་དགའ་བོ་དགེ་སློང་ཆོས་ཀྱི་འབྱུང་གནས་དེས་དེ་བཞིན་གཤེགས་པ་འཇིག་རྟེན་དབང་ཕྱུག་རྒྱལ་པོ་དེའི་སྤྱན་སྔར་ལྷ་དང་བཅས་པའི་འཇིག་རྟེན་གྱི་མདུན་དུ་སྨོན་ལམ་གྱི་ཁྱད་པར་རྣམ་པ་དེ་ལྟ་བུ་དེ་དག་བསྟན་ནས། ཡང་དག་པའི་ལྟ་བ་བཞིན་དུ་སྒྲུབ་པ་ལ་གནས་པར་གྱུར་ཏེ། ཞེས་སོགས་རྒྱས་པར་གསུངས་སོ། །གསུམ་པ་ནི། །བསོད་ནམས་དང་ཡེ་ཤེས་ཀྱི་ཕུང་པོ་ཆེན་པོ་དེ་དག་གི་མཐུ་ལས་སྐུ་ཚེའི་ཕྲེང་བ་ཐམས་ཅད་དུ་ལུས་མཚན་དཔེས་བརྒྱན་ཅིང་། ཁའི་སྒོ་དང་བ་སྤུའི་སྒོ་ཐམས་ཅད་ལས་ལྷ་རྫས་ཀྱི་ཙན་དན་དང་མེ་ཏོག་ཨུཏྤ་ལའི་བསུང་འབྱུང་བ་དང་། ཅི་དང་ཅི་དགོས་པའི་ཡོ་བྱད་ཀྱི་ཁྱད་པར་ཐམས་ཅད་ལག་པ་གཉིས་ནས་རང་འབྱུང་བ་དང་། ཕྱོགས་གང་དུ་སྐྱེས་ཀྱང་དེ་དང་དེར་གཏེར་བྱེ་བ་ཁྲག་ཁྲིག་འབུམ་ཕྲག་དུ་མ་འཐོན་པ་དེ་ལྟ་བུའི་དཔལ་གྱིས་མཛེས་པར་གྱུར་ཏེ། དེ་ཡང་རིམ་གྱིས་གོང་ནས་གོང་དུ་འཕེལ་ཏེ། མཐར་སངས་རྒྱས་ཀྱི་ཞིང་གི་བཀོད་པའི་རྒྱན་ཇི་ལྟར་བཞེད་པ་ཐམས་ཅད་འགྲུབ་པའི་ནུས་པ་ཡོངས་སུ་རྫོགས་པའི་བར་དུ་གྱུར་པ་ཡང་། དེ་ཉིད་ལས། ཀུན་དགའ་བོ་དེ་ལྟར་དགེ་སློང་ཆོས་ཀྱི་འབྱུང་གནས་དེས་སྔོན་བྱང་ཆུབ་སེམས་དཔའི་སྤྱོད་པ་སྤྱད་པ་ན་ཡོ་བྱད་ཐམས་ཅད་ལ་དབང་བའི་ཕ་རོལ་ཏུ་སོན་པར་གྱུར་ཏོ། །ཞེས་སོགས་གསུངས་སོ། །

― TN03_Page_0227 ―

^{[མ་དཔེ་གཟིགས་ན་འདིར་གནོན།]}

(༢༡༡)དེའང་རྒྱུའི་དགེ་ཚོགས་བཟང་བ་དང་། མང་བ་དང་། ཉེས་སྤྱོད་དང་མ་འདྲེས་པ་དང་། སྣ་ཚོགས་པ་སོགས་ཀྱི་དབང་གིས་སངས་རྒྱས་ཀྱི་ཞིང་གི་ཡོན་ཏན་བཟང་བ་དང་། མང་ཞིང་ཕལ་ཆེ་བ་དང་། སྙིགས་མ་ཐམས་ཅད་ཀྱིས་མ་སྦགས་པ་དང་། རྒྱན་སྣ་ཚོགས་པ་སོགས་སོ་སོར་འབྱུང་བར་སྣང་ངོ། །རྒྱུའི་གསལ་བ་ཐ་དད་ལས་སངས་རྒྱས་ཀྱི་ཞིང་ལ་ལག་རྗེས་སོ་སོར་འབྱུང་བའི་ཚུལ་རྒྱས་པར་ནི་སའི་སྙིང་པོའི་འཁོར་ལོ་བཅུ་པ་དང་། འཇམ་དཔལ་ཞིང་བཀོད་ལས་ཤེས་པར་བྱའོ། །དེ་བཞིན་དུ་མཚན་དང་། དཔེ་བྱད་དང་། འོད་དང་། སྐུ་ཚེ་དང་། དབྱངས་དང་། ཡེ་ཤེས་དང་། མཛད་པ་དང་། ཐ་ན་མཚན་གྱི་ཡི་གེ་ཙམ་ཡང་གདུལ་བྱའི་རེ་བ་སྐོང་བ་ལ་ཡིད་བཞིན་གྱི་ནོར་བུ་ལྟ་བུར་རྒྱུ་བསམ་སྦྱོར་ཕུན་ཚོགས་དུས་ཡུན་རིང་ལ་རྣམ་པ་མཐའ་ཡས་པས་བསྒྲུབས་ཚུལ་རྣམས་ཞིབ་ཏུ་བསམ་པར་བྱ་སྟེ། འདི་དག་ལེགས་པར་ཤེས་ན་འོད་མདོ་ལས། གང་གིས་ཕྲ་རབ་རྡུལ་སྙེད་འཇིག་རྟེན་ཁམས། །བཤིགས་ཤིང་བཏགས་ཏེ་རྡུལ་དུ་བྱས་གྱུར་པ། །དེ་བས་མང་བའི་འཇིག་རྟེན་ཁམས་རྣམས་ཀྱི། །རིན་ཆེན་བཀང་སྟེ་སྦྱིན་པ་བྱིན་པས་ནི། །གང་གིས་དཔག་ཏུ་མེད་པའི་འོད་མཚན་དང་། །བདེ་བ་ཅན་གྱི་ཡོན་ཏན་ཁྱད་འཕགས་རྣམས། །ཐོས་ནས་དགའ་སྟེ་ཐལ་མོ་སྦྱོར་བྱེད་པ། །བསོད་ནམས་འདི་ཡི་ཆར་ཡང་འགྱུར་མ་ཡིན། །གང་གིས་བདེ་བ་ཅན་གྱི་འཇིག་རྟེན་གྱི། །མིང་ཐོས་པ་ཡི་བསོད་ནམས་དེ་ལ་ནི། །ཞིང་མཆོག་

― TN03_Page_0228 ―

^{[མ་དཔེ་གཟིགས་ན་འདིར་གནོན།]}

(༢༡༢)ཐ་གྲུ་ཆེན་པོ་དེ་དག་ཀུན། །ཆ་དང་དཔེར་ཡང་འགྱུར་བ་མ་ཡིན་ནོ། །ཞེས་སོགས་གོང་འོག་ཏུ་གསུངས་པ་དུ་མ་ཞིག་ལ་ངེས་པ་ཡམ་མེ་བ་མིན་པར་སྐྱེའོ། །གཉིས་པ་ལ། སྣོད་ཀྱི་ཡོན་ཏན་དང་། བཅུད་ཀྱི་ཡོན་ཏན་བཤད་པ་གཉིས། དང་པོ་ལའང་། ས་གཞི་དང་ནམ་མཁའི་གནས་བཤད་པ་དང་། དེ་དག་མཛེས་བྱེད་ཀྱི་རྒྱན་བཤད་པ་གཉིས་ལས། དང་པོ་ནི། ཞིང་དེ་ན་ལྷ་དང་མིའི་གནས་རིས་གཉིས་ལས་གནས་གཞན་མེད་ལ། ལྷ་གནས་ལ་རྒྱལ་ཆེན་རིས་བཞི་དང་། སུམ་ཅུ་རྩ་གསུམ་སོགས་ཀྱི་གནས་རིས་སོ་སོར་ཡོད་ཀྱང་། རི་རབ་ལ་བརྟེན་པའི་ལྷ་གནས་ནི་མེད་དེ། དེ་ན་རི་རབ་དང་རྒྱ་མཚོ་ཆེན་པོ་སོགས་མེད་པར་གསུངས་པའི་ཕྱིར་རོ། །དེས་ན་ཐམས་ཅད་ཀྱང་ནམ་མཁའ་ལ་བརྟེན་པ་ཤ་སྟག་སྟེ། འདི་ནི་ཀུན་དགའ་བོས་དྲི་བ་ཞུས་པའི་ལན་གྱི་སྐབས་སུ་རྒྱུ་མཚན་མཐུན་དཔེ་དང་བཅས་ཏེ་གསུངས་སོ། །རྒྱ་མཚོ་ཆེན་པོ་མེད་པས་གླིང་བཞིའི་རྣམ་གཞག་ལ་ཡང་དཔྱད་པར་བྱའོ། །དེ་ལ་ཞིང་དེ་ནི་ཐ་གྲུ་ཆེ་ཞིང་ཤིན་ཏུ་ཡངས་པ། ས་གཞི་སྡོང་དུ་མ་དང་། ཚེར་མ་དང་། གྱོ་གསེག་དང་། ངམ་གྲོག་དང་། གད་པ་དང་། རྡོ་བ་དང་། རི་ནག་པོ་མེད་ཀྱང་། འཇིག་རྟེན་ན་མི་སྤྱོད་པའི་རིན་པོ་ཆེ་སྣ་ཚོགས་ལས་གྲུབ་པ། ངོས་ལག་མཐིལ་ལྟར་མཉམ་པ། གསེར་གྱི་དྲ་བས་ཁེབས་པ། ཤིན་ཏུ་གཞོན་ཞིང་འཇམ་ལ་སྙི་བས་རེག་ན་བདེ་བ། བཀྲ་ཞིང་ཤིན་ཏུ་མཛེས་པའི་འོད་ཟེར་གྱི་རི་མོ་ཅན། ལེགས་པར་ཕྱིས་པའི་མེ་ལོང་གི་ནང་ལྟར་དག་པས་

― TN03_Page_0229 ―

^{[མ་དཔེ་གཟིགས་ན་འདིར་གནོན།]}

(༢༡༣)སངས་རྒྱས་ཀྱི་ཞིང་ཚད་མེད་པའི་རྒྱན་གྱི་གཟུགས་བརྙན་སྣང་བ་སྟེ། འོད་མདོའི་གོང་འོག་བསྒྲིགས་ཤིང་། མདོ་གཞན་ལའང་ཅུང་ཟད་བརྟེན་ནས་བཀོད་པའོ། །གཉིས་པ་ལ། ས་གཞི་ལ་འབྱུང་བའི་རྒྱན་དང་། ནམ་མཁའ་ལ་འབྱུང་བའི་རྒྱན་དང་། དེ་དག་གི་ཁྱད་པར་ཐུན་མོང་དུ་བསྟན་པའོ། །དང་པོ་ལ། རྟག་ཏུ་གནས་པ་དང་། འཕྲལ་དང་འཕྲལ་ལ་བྱུང་བ་གཉིས་ལས། དང་པོ་ལའང་། རིའི་རྒྱན་ནི་འོད་མདོར། རི་ཐམས་ཅད་ཀྱང་རིན་པོ་ཆེའི་རི་ཤ་སྟག་གོ །ཞེས་པ་ཙམ་ལས་མ་བྱུང་ཡང་། མདོ་གཞན་དུ། ལྷ་ཡུལ་གྱི་རི་རྣམས་རྩེ་མོ་སྣ་ཚོགས་པ། ངོས་ཡངས་ཤིང་མཐོ་དམན་མང་པོས་དགའ་བ། རིན་པོ་ཆེའི་སྙེ་ཕུང་འཁྲིགས་པའི་གསབ་གསེབ་དང་། རིན་པོ་ཆེའི་འབྱུང་ཁུངས་དུ་མ་ཅན། ནོར་བུའི་ཕུག་དང་། འཁྲི་ཤིང་གི་ཁྱིམ་གྱི་ཕྲེང་བས་མཛེས་པ་ཡིན་པར་གསུངས་པ་དང་འདྲའམ་སྙམ་མོ། །ཤིང་གི་རྒྱན་ནི། ཤིང་ལྗོན་པ་རེ་རེ་ནས་རིལ་གྱིས་རིན་པོ་ཆེ་སྣ་གཅིག་གི་རང་བཞིན་དང་། གཉིས་དང་། གསུམ་ནས། གསེར་དང་དངུལ་དང་བཻཌཱུརྱ་དང་། ཤེལ་དང་། སྤུག་དང་། མུ་ཏིག་དམར་པོ་དང་། རྡོའི་སྙིང་པོ་སྟེ་རིན་པོ་ཆེ་སྣ་བདུན་ལས་གྲུབ་པའི་བར་དུ་ཡོད་ལ། དེའི་ནང་ནས་རིན་པོ་ཆེ་སྣ་གཅིག་པ་ལ། གསེར་གྱི་ལྗོན་ཤིང་ནས་རྡོའི་སྙིང་པོའི་ལྗོན་ཤིང་གི་བར་བདུན་དང་། རིན་པོ་ཆེ་སྣ་བདུན་ལས་གྲུབ་ཚུལ་ལ། རྩ་བ། སྡོང་པོ། ཡལ་ག ལོ་མ། འདབ་མ། མེ་ཏོག འབྲས་བུ་རྣམས་སོ་

― TN03_Page_0230 ―

^{[མ་དཔེ་གཟིགས་ན་འདིར་གནོན།]}

(༢༡༤)སོར་རིན་པོ་ཆེ་གཞན་དང་གཞན་ལས་གྲུབ་པ་དང་། དེ་བདུན་རེ་རེ་ཡང་རིན་པོ་ཆེ་སྣ་བདུན་ཀ་ལས་གྲུབ་པའི་ཚུལ་གཉིས་གསུངས་ཤིང་། དེའི་སྔ་མ་ལའང་དབྱེ་བ་བདུན་གསུངས་སོ། །ཤིང་ལྗོན་པ་དེ་དག་ཐམས་ཅད་ཀྱང་འཇམ་ཞིང་རེག་ན་བདེ་ལ་དྲི་ཞིམ་པ་སྟེ། དེ་དག་རླུང་གིས་བསྐྱོད་པ་ན་སྙན་ཅིང་ཡིད་དུ་འོང་ལ་མཉན་པས་ཆོག་མི་ཤེས་པའི་སྒྲ་དབྱངས་དག་འབྱུང་ངོ་། །ཤིང་སོ་སོའི་ཁ་དོག་སོ་སོ་དང་། ཤིང་རེ་རེ་ཡང་ཁ་དོག་མི་འདྲ་བ་དུ་མས་ཕྱེ་བ་དེ་དག་གིས་ས་གཞི་རྣམ་པར་བཀྲ་བ་ཡིན་ནོ། །ཆུའི་རྒྱན་ལ། འབབ་ཆུ་དང་། རྫིང་བུའི་རྒྱན་གཉིས་ལས། འབབ་ཆུ་ནི་ཁ་ཞེང་དཔག་ཚད་གཅིག་པ་ནས་དཔག་ཚད་བརྒྱ་སྟོང་པའི་བར་དུ་ཡོད་ལ། ཟབས་སུ་ནི་ཐམས་ཅད་ཀྱང་དཔག་ཚད་བཅུ་གཉིས་པར་མཚུངས་ཏེ། །དེ་དག་ཏུ་རོལ་རྩེད་ལ་འཇུག་པའི་སེམས་ཅན་རྣམས་ཀྱི་བསམ་པའི་དབང་གིས་ཆུ་ལོང་བུ་ནུབ་ཙམ་ནས། མིད་པ་ནུབ་ཙམ་གྱི་བར་གྱི་ཇི་ལྟར་འདོད་པ་བཞིན་དུ་འགྱུར་བ་ནི་མ་གཏོགས་སོ། །ཆུ་ཀླུང་དེ་དག་ནི་འབབ་སྟེགས་བདེ་བ། འདམ་རྫབ་མེད་པ། གསེར་གྱི་བྱེ་མ་བརྡལ་བ། དྲི་རབ་ཏུ་ཞིམ་པའི་ལྷ་རྫས་ཀྱི་སྤོས་ཀྱིས་བསྒོས་པ། ལྷའི་མེ་ཏོག་གི་ཚོགས་ཀྱིས་ཁེབས་པ། །ལྷའི་སིལ་སྙན་ཡན་ལག་བྱེ་བ་བརྒྱ་སྟོང་དང་ལྡན་པ་རོལ་མོ་མཁན་མཁས་པས་བླངས་པ་བས་ཀྱང་ལྷག་པའི་སྒྲ་སྙན་པ་སྒྲོགས་ཤིང་འབབ་པ། འདོད་པའི་རྗེས་སུ་འབྲང་བའི་རེག་བྱ་ཅན་འགྲམ་གཉིས་རིན་པོ་ཆེའི་སྤོས་ཀྱི་ཤིང་ལྗོན་པས་གང་བ་ཤ་སྟག་སྟེ། དེ་དག་གི་དྲི་དང་།

― TN03_Page_0231 ―

^{[མ་དཔེ་གཟིགས་ན་འདིར་གནོན།]}

(༢༡༥)དབྱངས་དང་། མེ་ཏོག་གི་རྒྱན་རྣམས་ཀྱང་རྣམ་པ་སྣ་ཚོགས་པ་ཡིན་ནོ། །ཀླུང་དེ་དག་གི་སྒྲ་དབྱངས་རྣམས་ནི་ཟབ་པ་དང་། རྒྱ་ཆེ་བའི་ཆོས་ཀྱི་རྣམ་གྲངས་ཇི་ལྟར་འདོད་པའི་དབྱངས་སུ་གྲགས་པར་འགྱུར་ལ། སྒྲ་དེ་ཐོས་པར་མི་འདོད་ན་ནི་དེའི་མོད་ལ་ཞི་བར་འགྱུར་རོ། །རྫིང་བུའི་རྒྱན་ནི། འོད་མདོར། འཕགས་པ་མི་ཕམ་པ་ལ་དྲི་བ་མཛད་པའི་སྐབས་སུ། རྫིང་བུ་ཉམས་དགའ་བ་དག་དང་། ཞེས་པ་ཙམ་ལས་མ་གསུངས་ཀྱང་། ཞིང་བཀོད་ཀྱི་མདོ་ཆུང་བ་ལས་གསུངས་ཏེ། གཞི་རིན་པོ་ཆེ་སྣ་བདུན་ལས་གྲུབ་ཅིང་། གསེར་གྱི་བྱེ་མ་བརྡལ་བ། ཆུ་ཡན་ལག་བརྒྱད་དང་ལྡན་པས་བྱ་རོག་གིས་བཏུང་དུ་རུང་བར་གང་བ། རིན་པོ་ཆེའི་པདྨས་ཁེབས་ཤིང་། ཕྱོགས་བཞིར་རིན་པོ་ཆེའི་ཐེམ་སྐས་བཀྲ་བ་དང་ལྡན་པ། ཕྱི་རོལ་རིན་པོ་ཆེའི་ལྗོན་ཤིང་གི་ཕྲེང་བ་སྤེལ་ལེགས་པས་མཛེས་པར་བྱས་པ་དག་གོ །ནགས་ཚལ་དང་ཆུའི་གནས་དེ་དག་ཏུ་དེ་བཞིན་གཤེགས་པས་སྤྲུལ་པའི་བྱ་རྣམ་པ་སྣ་ཚོགས་སྒྲ་ཡིད་དུ་འོང་བ་ཅན་གྱི་ཚོགས་རྣམས་གནས་པར་གསུངས་ཏེ། ཞིང་མདོ་ཆུང་བ་ལས། དེ་དག་ཉིན་རེ་ཞིང་དུས་གསུམ་དུ་འདུས་ནས་བགྲོ་བ་བྱེད་ཅིང་རང་རང་གི་སྐད་དག་གིས་སྨྲ་སྟེ། །དེ་ལྟར་སྨྲ་བ་ན་དབང་པོ་དང་། སྟོབས་དང་བྱང་ཆུབ་ཀྱི་ཡན་ལག་གི་སྒྲ་འབྱུང་བར་གསུངས་སོ། །པདྨའི་རྒྱན་ནི། རིན་པོ་ཆེ་སྣ་བདུན་གྱི་པདྨ་ཚོན་སྣ་ཚོགས་ཅན་དཔག་ཚད་ཕྱེད་ཀྱི་ཚད་ཙམ་དང་། དཔག་ཚད་གཅིག་གི་ཚད་ཙམ་ནས་དཔག་ཚད་བཅུའི་ཚད་ཀྱི་བར་དུ་ཡོད་དེ། །དེ་ཐམས་

― TN03_Page_0232 ―

^{[མ་དཔེ་གཟིགས་ན་འདིར་གནོན།]}

(༢༡༦)ཅད་ལས་ཀྱང་འོད་ཟེར་བྱེ་བ་སྟོང་ཕྲག་སུམ་ཅུ་རྩ་དྲུག་དྲུག་དང་། འོད་ཟེར་དེ་རྣམས་ཀྱི་རྩེ་ལས་ཀྱང་དེ་བཞིན་གཤེགས་པའི་གཟུགས་དཔལ་དང་གཟི་བརྗིད་ཀྱིས་འབར་བ་བྱེ་བ་སྟོང་ཕྲག་སུམ་ཅུ་རྩ་དྲུག་དྲུག་འབྱུང་སྟེ། དེ་དག་ཕྱོགས་བཅུའི་འཇིག་རྟེན་གྱི་ཁམས་བགྲང་བ་ལས་འདས་པ་དག་ཏུ་གཤེགས་ནས་སེམས་ཅན་ལ་ཆོས་སྟོན་ཏོ། །གཉིས་པ་ལའང་ཟས་ཀྱི་ཡོ་བྱད་ནི། སེམས་ཅན་དེ་དག་ཁམས་ཀྱི་ཟ་བ་རགས་པའི་ཟས་ནི་མི་ཟ་མོད། འོན་ཀྱང་ཁ་ཟས་ཀྱི་བྱེ་བྲག་ཇི་ལྟ་བུ་འདོད་ཀྱང་དེ་ཉིད་དེའི་མོད་ལ་རྙེད་པར་འགྱུར་ཏེ། རྙེད་མ་ཐག་ཏུ་ལུས་ཚིམ་པར་གྱུར་ནས་ཟས་ཀྱི་འདོད་པ་དེ་དང་འབྲལ་བར་བཤད་དོ། །སྤོས་ལ་སོགས་པའི་ཡོ་བྱད་ནི། སྤོས་དང་། ཕྲེང་བ་དང་། བྱུགས་པ་དང་། ཕྱེ་མ་དང་། གདུགས་དང་། རྒྱལ་མཚན་དང་། བ་དན་དང་། སིལ་སྙན་རྣམས་ཀྱང་འདོད་པ་ཙམ་གྱི་མོད་ལ་རྙེད་དེ། དེའང་ཡོ་བྱད་དེ་དང་དེའི་ཁྱད་པར་ཅི་འདྲ་ཞིག་ཡིད་ལ་འཐད་པ་དེ་ཁོ་ན་བཞིན་དུ་རྙེད་པ་དང་། དེས་སངས་རྒྱས་ཀྱི་ཞིང་དེ་ཁྱབ་པར་འགྱུར་བ་དེ་ལྟར་ཟད་མི་ཤེས་པར་རྙེད་པར་འགྱུར་ཏེ། ཡོ་བྱད་དེ་དག་མངོན་པར་མི་འདོད་པ་རྣམས་ལ་ནི་སྣང་བར་མི་འགྱུར་རོ། །གོས་དང་རྒྱན་གྱི་ཡོ་བྱད་ནི། གོས་ཁ་དོག་ཐ་དད་པ། རིན་ཐང་གཞལ་དུ་མེད་པ་དག་ཀྱང་བསམ་མ་ཐག་ཏུ་སྔ་མ་ལྟར་རྙེད་ཅིང་། ལུས་ལ་རང་བགོས་པར་འགྱུར་བ་དང་། རྒྱན་གྱི་བྱེ་བྲག་ཅི་ལྟ་བུ་འདོད་པ་ཡང་སྐད་ཅིག་དེ་ལ་རིན་པོ་ཆེའི་ཤིང་ལྗོན་པ་རྣམས་ལས་རྙེད་དེ། དེ་དག་གིས་བདག་ཉིད་བརྒྱན་པར་ཤེས་

― TN03_Page_0233 ―

^{[མ་དཔེ་གཟིགས་ན་འདིར་གནོན།]}

(༢༡༧)པའོ། །གནས་ཁང་གི་རྒྱན་ནི། གཞལ་མེད་ཁང་རིན་པོ་ཆེ་སྣ་ཚོགས་ཀྱི་བ་གམ་བརྒྱ་སྟོང་གིས་བརྒྱན་པ། རིན་པོ་ཆེའི་ཁྲི་ལྷའི་རས་བཅོས་བུ་སྣ་ཚོགས་བཏིང་བ། སྔས་ཁྲ་བོ་བཞག་པ་དང་ལྡན་པ། དབྱིབས་དང་། ཁ་དོག་དང་། ཆུ་ཞེང་དང་། མཚན་མ་ཇི་ལྟ་བུ་འདོད་པ་དེ་འདྲ་བ་རྣམས་སེམས་ཅན་དེ་དག་གི་མདུན་གྱིས་གཞིར་རང་འབྱུང་སྟེ། དེ་དག་གཞལ་མེད་ཁང་དེ་རྣམས་སུ་ལྷའི་བུ་མོ་བདུན་སྟོང་བདུན་སྟོང་དང་ལྷན་ཅིག་འདུག་ནས་རྩེ་ཞིང་དགའ་ལ་དགའ་མགུར་སྤྱོད་དོ། །གཉིས་པ་ལ། རླུང་གི་འབྱོར་པ་ནི། སངས་རྒྱས་ཀྱི་ཞིང་དེར་སྔ་དྲོའི་དུས་སུ་ཕྱོགས་བཞི་ནས་རླུང་ལྡང་སྟེ། དེ་དག་གིས་རིན་པོ་ཆེའི་ཤིང་ལྗོན་པ་ཁ་དོག་བཀྲ་ཞིང་ལྷའི་སྤོས་དྲི་རབ་ཏུ་ཞིམ་པ་སྣ་ཚོགས་ཀྱིས་བསྒོས་པ་དེ་དག་བསྐྱོད་ཅིང་བསྐུལ་བས་ལྷའི་མེ་ཏོག་རྣམ་པ་མང་པོའི་དྲི་ཡིད་དུ་འོང་བ་ཅན། །བལྟ་ན་སྡུག་ལ་ཀ་ཙ་ལིན་དའི་གོས་ལྟར་རེག་ན་བདེ་བ་དག་བྲུལ་ནས་སངས་རྒྱས་ཀྱི་ཞིང་དེ་མི་འགྲེང་བདུན་སྲིད་ཙམ་དུ་མཉམ་པར་ཁེབས་པར་བྱེད་དེ། དེ་ལ་རྐང་པ་འཇོག་པ་དང་འདེགས་པ་ན་སོར་བཞི་ཙམ་གྱིས་དམའ་བ་དང་མཐོ་བར་འགྱུར་རོ། །སྤོས་དྲི་སྣ་ཚོགས་ཀྱིས་བསྒོས་པའི་རླུང་དེ་དག་སེམས་ཅན་དེ་དག་ལ་ཕོག་ན་དགེ་སློང་འགོག་པ་ལ་སྙོམས་པར་ཞུགས་པ་ལྟ་བུའི་བདེ་བ་དང་ལྡན་པར་འགྱུར་རོ། །སྔ་དྲོ་འདས་མ་ཐག་མེ་ཏོག་རྙིང་པ་དེ་དག་མ་ལུས་པ་མེད་པར་འགྱུར་ཏེ། དེའི་འོག་ཏུ་ཞིང་དེ་དབེན་པ་དང་། ཉམས་དགའ་བ་དང་། དག་པར་འགྱུར་ལ་

― TN03_Page_0234 ―

^{[མ་དཔེ་གཟིགས་ན་འདིར་གནོན།]}

(༢༡༨)དེ་ནས་ཡང་སྔོན་བཞིན་དུ་མེ་ཏོག་འགྲེམ་པའི་རླུང་གསར་པ་དག་ལྡང་སྟེ། སྔ་དྲོ་ཇི་ལྟ་བར་ཉི་མའི་གུང་དང་། ཕྱི་དྲོ་དང་། སྲོད་དང་། ནམ་གུང་དང་། ཐོ་རངས་ཀྱང་དེ་བཞིན་ནོ། །ཆར་གྱི་འབྱོར་པ་ནི། དུས་དང་དུས་སུ་ལྷའི་སྤོས་ཆུའི་སྤྲིན་གྱི་ཆར་དང་། ལྷའི་མེ་ཏོག་ཁ་དོག་ཐ/མས་ཅད་དང་ལྡན་པ་དག་དང་། ལྷའི་རིན་པོ་ཆེ་སྣ་བདུན་དང་། ལྷའི་ཙན་དན་གྱི་ཕྱེ་མ་དང་། ལྷའི་གདུགས་དང་། རྒྱལ་མཚན་དང་། བ་དན་གྱི་ཆར་མངོན་པར་འབེབ་པ་དང་། ལྷའི་བླ་རེ་དག་དང་། ལྷའི་རིན་པོ་ཆེའི་གདུགས་རྔ་ཡབ་དང་བཅས་པ་དག་ཀྱང་ནམ་མཁའ་ལ་འཛིན་ཅིང་། ལྷའི་རོལ་མོའི་དབྱངས་སྒྲ་དག་ཀྱང་སྒྲོགས་ལ་ལྷའི་བུ་མོ་དག་ཀྱང་གར་བྱེད་དེ། ཞིང་འདིར་ཆར་དང་འབྲུག་དང་གློག་འབྱུང་བ་བཞིན་ནོ། །གཞན་ཡང་བདག་ཅག་གི་སྟོན་པའི་འཁོར་རྣམས་ལས་སངས་རྒྱས་ཀྱི་མཐུས་བདེ་བ་ཅན་གྱི་ཡོན་ཏན་མངོན་སུམ་དུ་བསྟན་པའི་ཐད་ཀྱི་མདོ་ལས། སྟེང་གི་བར་སྣང་ལ་ཀུན་དགའི་རབ་ཉམས་དགའ་བ་དག་དང་། ནགས་ཚལ་དང་། སྐྱེད་མོས་ཚལ་དང་། ཆུ་ཀླུང་དང་། རྫིང་བུ་ཉམས་དགའ་བ་དང་། འོག་མིན་གྱི་བར་གྱི་ནམ་མཁའི་ངོས་ལ་རིན་པོ་ཆེའི་མེ་ཏོག་བཀྲམ་པའི་འབྱོར་པ་དག་ཀྱང་གསུངས་ཤིང་། ཞིང་དེའི་སེམས་ཅན་རྣམས་གཞལ་མེད་ཁང་དཔག་ཚད་བརྒྱ་སྟོང་ཡོད་པ་དག་ཏུ་ཞུགས་ནས་བར་སྣང་ལ་ཆགས་པ་མེད་པར་འགྲོ་བ་དག་ཀྱང་ཡོད་པར་གསུངས་ཏེ། ནམ་མཁའ་ལ་འབྱུང་བའི་ཁང་བཟང་སོགས་ཀྱང་ཡོད་ལ། ས་གཞི་ལ་བྱུང་བའི་དེ་རྣམས་འདོད་པའི་དབང་གིས་ནམ་མཁར་

― TN03_Page_0235 ―

^{[མ་དཔེ་གཟིགས་ན་འདིར་གནོན།]}

(༢༡༩)བགྲོད་པ་ཡང་ཡོད་པ་འདྲ་བས་ཚུལ་གཉིས་སོ། །དེ་དག་ལྷ་དང་མི་གཉིས་ཀའི་ཐུན་མོང་བར་སྣང་ངོ་། །གསུམ་པ་ནི། ཞིང་དེའི་མི་རྣམས་ཀྱི་གནས་ལུས་ལོངས་སྤྱོད་ཀྱང་གཞན་འཕྲུལ་དབང་བྱེད་ཀྱི་ལྷའི་འབྱོར་པ་དང་འདྲ་བར་གསུངས་ཤིང་། མདོ་འདི་ལས་གཞན་འཕྲུལ་དབང་བྱེད་ཀྱི་ལྷ་རྣམས་ཀྱི་མདུན་ན། འཁོར་ལོས་སྒྱུར་བའི་རྒྱལ་པོའི་སྤྱན་སྔར་མི་མ་རབས་དང་། མི་དྲ་མ་འདུག་པ་བཞིན་དུ་སྤ་བཀོང་བར་གསུངས་པའི། སུམ་ཅུ་རྩ་གསུམ་པའི་ལྷ་དབང་ཆེ་བར་གྲགས་པ་རྣམས་ཀྱིའང་གནས་དང་རྒྱན་ཆས་ཀྱི་དཀར་བ་ལ་ཟླ་བ་སྟོན་གནམ་དུ་ཤར་བའི་ཁ་དོག་གིས་བཅུ་དྲུག་ཆར་ཡང་མི་ཕོད་པར་དྲན་པ་ཉེར་བཞག་ལས་གསུངས་ཏེ། །འདོད་ཡོན་གྱི་རྣམ་པ་གཞན་ཐམས་ཅད་ལའང་ཁྱད་པར་དེ་ལྟར་ཡོད་པས། བདེ་བ་ཅན་གྱི་ཞིང་གི་རྒྱན་ཕྱོགས་རེ་ཙམ་ཡང་ཕལ་པའི་མིས་ཇི་བཞིན་དུ་བསམ་པར་དཀའོ། །ཞིང་བཀོད་ཀྱི་མདོ་སོགས་ལས་རྒྱན་གྱི་ཁྱད་པར་དེ་ལྟར་གསུངས་པ་རྣམས་ཀྱང་མཚོན་བྱེད་ཙམ་དུ་ཟད་ཀྱི། །རྒྱས་པར་ནི་ཞིང་དེའི་གཟི་བརྗིད་དང་། ཁ་དོག་དང་། འབྱོར་པའི་ཕ་མཐའ་མངོན་སུམ་དུ་བལྟ་ན་ལྷའི་མིག་དང་ལྡན་པས་ཀྱང་མི་རྙེད་ལ། ཚིག་གིས་བསྟན་ན་སེམས་ཅན་ཐམས་ཅད་དེ་བཞིན་གཤེགས་པ་ཤ་སྟག་ཏུ་གྱུར་པས་བསྐལ་པ་བྱེ་བར་བསྙད་ཀྱང་མི་རྫོགས་པར་མདོ་ཉིད་ལས་གསུངས་སོ། །གཉིས་པ་ལའང་། བཅུད་ཀྱི་ཡོན་ཏན་སྤྱིར་བཤད་པ་དང་། གཙོ་འཁོར་སོ་སོར་ཕྱེ་ནས་བཤད་པ་གཉིས་ལས། དང་པོ་ནི། ཞིང་

― TN03_Page_0236 ―

^{[མ་དཔེ་གཟིགས་ན་འདིར་གནོན།]}

(༢༢༠)དེ་ན་ལྷ་དང་མིའི་འགྲོ་བ་གཉིས་ལས་འགྲོ་བའི་རིས་གཞན་པ་ནི་མེད་ལ། དེར་སྐྱེས་ནས་ལས་དབང་གིས་འགྲོ་བ་གཞན་གསུམ་དུ་ལྟུང་བ་ཡང་མེད་དོ། །ལྷ་མི་གཉིས་ཀྱང་མིང་གི་ཁྱད་པར་ཙམ་གྱིས་ཕྱེ་བར་གསུངས་སོ། །དེ་ན་སྒོ་ང་དང་མངལ་དང་དྲོད་གཤེར་ལས་སྐྱེ་བའི་སྐྱེ་གནས་ནི་མེད་ཀྱི། ཐམས་ཅད་ཀྱང་རིན་པོ་ཆེའི་པདྨ་ཡངས་ཤིང་ཚོན་སྣ་ཚོགས་པ་རེག་ན་བདེ་ཞིང་དྲི་བསུང་དང་ལྡན་པ་རྣམས་ལས་རྫུས་ཏེ་འབྱུང་ངོ། །སེམས་ཅན་དེ་དག་ནི་གསེར་གྱི་ཁ་དོག་ཏུ་ཁ་དོག་གཅིག་པ་དང་། ལུས་ལ་མཚན་བཟང་པོ་སུམ་ཅུ་རྩ་གཉིས་ཚང་བ་དང་། གཤང་གཅི་དང་སྣབས་ལ་སོགས་པའི་མི་གཙང་བ་དང་བྲལ་བ་དང་། རྡོ་རྗེ་ལྟར་མཁྲེགས་པའི་ལུས་ཅན་དང་། སྲེད་མེད་བུའི་སྟོབས་དང་ལྡན་པ་དང་། སྔར་བཤད་པའི་དམིགས་བསལ་མ་གཏོགས་པ་མངོན་པར་ཤེས་པ་ལྔས་རྩེ་བ་དང་། ཤེས་རབ་དང་སྤོབས་པ་མཐའ་ཡས་པ་དང་། སྨོན་ལམ་གྱི་དབང་མ་གཏོགས་ཚེའི་ཚད་ལ་མཐའ་མི་མངོན་པ་ཤ་སྟག་ཡིན་ནོ། །དེ་དག་ལ་གནས་དང་ཡོ་བྱད་ཡོངས་སུ་འཛིན་པའི་འདུ་ཤེས་ནི་ཅུང་ཟད་ཀྱང་མེད་དེ། །ཤིན་ཏུ་གྱ་ནོམ་པ་དང་། རྒྱ་ཆེ་བ་དང་། སྣ་ཚོགས་པ་དང་། འདོད་པའི་རྗེས་སུ་འབྲང་བའི་འབྱོར་པ་རྣམས་ལ་རང་དགར་རྩེ་བས་ཉམས་བདེ་ཞིང་། རང་བཞིན་གྱིས་ཀྱང་མ་དག་པའི་ཞིང་གི་ལྷའི་བདེ་བ་ཕལ་ཆེར་ལས་འདས་པའི་བདེ་བ་དང་ལྡན་ནོ། །གཉིས་པ་ལ་གཙོ་བོ་དེ་བཞིན་གཤེགས་པ་དང་། ཉན་ཐོས་ཀྱི་འཁོར་དང་། བྱང་ཆུབ་སེམས་དཔའི་འཁོར་བཤད་པ་

― TN03_Page_0237 ―

^{[མ་དཔེ་གཟིགས་ན་འདིར་གནོན།]}

(༢༢༡)གསུམ་ལས། དང་པོ་ལ་བྱང་ཆུབ་བརྙེས་པའི་གནས། སྐུ་དང་འོད་ཀྱི་ཁྱད་པར། མཛད་པའི་གཙོ་བོ་འཇུག་ཚུལ། སྐུ་ཚེ་ཕུན་སུམ་ཚོགས་པ། སྙན་གྲགས་རྒྱ་ཆེ་བའི་ཡོན་ཏན་དང་ལྔ་ལས། དང་པོ་ནི། ཞིང་དེའི་ས་གཞིའི་དཀྱིལ་འཁོར་གྱི་དབུས་ན་སྟོན་པ་འོད་དཔག་མེད་ཀྱི་བྱང་ཆུབ་ཀྱི་ཤིང་ཡོད་དེ། དེའི་མིང་ནི་རིན་པོ་ཆེའི་པདྨོ་རྣམ་པར་སྣང་བ་ཞེས་བྱ་བ་དང་། དེའི་དྲུང་ན་པདྨའི་གདན་ཡོད་པའི་མིང་ནི། དག་ཅིང་བཟང་ལ་བཀྲ་བའི་འོད་ཟེར་ཅན་ཞེས་བྱ་བ་ཡིན་པར་འཆི་མེད་རྔ་སྒྲ་ལས་བཤད་ཅིང་། ཚད་ནི་དཀོན་བརྩེགས་ལས་བྱང་ཆུབ་ཀྱི་ཤིང་འཕང་དང་རྒྱ་ཚད་དཔག་ཚད་སྟོང་དྲུག་བརྒྱ་བར་མཉམ་པ་དང་། རྩ་བའི་སྦོམ་དང་ཁྲུན་དཔག་ཚད་ལྔ་བརྒྱ་ཡོད་པར་བཤད་ལ། སྙིང་རྗེ་པད་དཀར་ལས་དཔག་ཚད་ཁྲིར་གསུངས་ཏེ། པདྨའི་གདན་ཡང་དེ་དང་འཚམས་པ་ཡིན་ནོ། །དཀོན་བརྩེགས་ལས་ཚད་དེ་ལྟར་གསུངས་པ་དེའང་བྱང་ཆུབ་སེམས་དཔའ་དགེ་བའི་རྩ་བ་ཆུང་ཤོས་ཡན་ཆད་ཀྱིས་མཐོང་ཚོད་ཐུན་མོང་བའི་དབང་དུ་མཛད་པ་ཡིན་གྱི། ཁྱབ་མཐའ་བཟུང་བ་མིན་པ་མདོ་རང་གི་ཆོས་ཀྱི་འབྱུང་གནས་ཀྱི་སྨོན་ལམ་བསྟན་པའི་ཐད་ནས་ཤེས་ཤིང་། སྤྱིར་དེ་བཞིན་གཤེགས་པ་གཅིག་གི་བྱང་ཆུབ་ཀྱི་ཤིང་ལ་ཡང་རྒྱ་ཚད་མི་འདྲ་བ་དུ་མ་འོང་བ་མི་འགལ་བ་ནི་འཇུག་པ་རྩ་འགྲེལ་དང་། དུས་འཁོར་འགྲེལ་ཆེན་སོགས་ལས་རྒྱ་ཆེར་བཤད་པའི་རིགས་པས་ཤེས་པར་འགྱུར་བའི་ཕྱིར།

― TN03_Page_0238 ―

^{[མ་དཔེ་གཟིགས་ན་འདིར་གནོན།]}

(༢༢༢)མདོ་གཉིས་འགལ་བར་མི་བསམ་མོ། །དེ་ལ་ཤིང་གི་རྒྱལ་པོ་དེ་ནི་རྟག་ཏུ་ལོ་མ་དང་། མེ་ཏོག་དང་། འབྲས་བུ་ཆགས་པ། མདངས་ལྷ་རྫས་ལས་ཀྱང་འདས་པའི་ཁ་དོག་འབུམ་ཕྲག་དུ་མས་བཀྲ་བ། ལོ་མ་དང་། མེ་ཏོག་དང་། འབྲས་བུའི་བྱེ་བྲག་ཐ་དད་པ། འཇིག་རྟེན་ན་མཆོག་ཏུ་བྱ་བའི་ནོར་བུ་རིན་པོ་ཆེའི་རིགས་སྣ་ཚོགས་ཀྱིས་སྤྲས་པ། གསེར་དང་ནོར་བུའི་སྐུད་པ་དང་། སེ་མོ་དོ་དང་། རིན་པོ་ཆེའི་ཆུན་པོ་དང་། རྒྱན་ཕྲེང་དང་། དོ་ཤལ་དང་སྐ་རགས་མང་པོ་འཕྱང་བ། གསེར་དང་། མུ་ཏིག་དང་། རིན་པོ་ཆེ་ཐམས་ཅད་ཀྱི་དྲ་བ་དང་། དྲིལ་བུ་གཡེར་ཁའི་དྲ་བས་བླ་རེ་བྲེས་པ། ཆུ་སྲིན་དང་། བཀྲ་ཤིས་དང་། གཡུང་དྲུང་འཁྱིལ་བ་དང་། ཟླ་གམ་ལྟ་བུས་ལེགས་པར་བརྒྱན་པ། ནོར་བུ་འཁྲོལ་བ་དང་། གསེར་དང་། རིན་པོ་ཆེའི་རྒྱན་ཐམས་ཅད་ཀྱིས་བརྒྱན་པ། སེམས་ཅན་གྱི་བསམ་པ་ཇི་ལྟ་བ་བཞིན་དུ་ལེགས་པར་བརྒྱན་པ་སྟེ། དེ་རླུང་གིས་བསྐྱོད་པ་ན་སྒྲ་དབྱངས་སྙན་པ་འབྱུང་བས་འཇིག་རྟེན་གྱི་ཁམས་ཚད་མེད་པ་གོ་བར་བྱེད་དོ། །སེམས་ཅན་གང་གིས་སྒྲ་དེ་ཐོས་པ་དང་། ཤིང་གི་དབང་པོ་དེ་མཐོང་བ་དང་། དེའི་དྲི་ཚོར་བ་དང་། འབྲས་བུའི་རོ་མྱོང་བ་དང་། འོད་ལུས་ལ་ཕོག་པ་དང་། ཤིང་དེ་ཡིད་ལ་སེམས་པ་དེ་དག་བྱང་ཆུབ་ཀྱི་མཐའི་བར་དུ་རྣ་བ་དང་། མིག་དང་། སྣ་དང་། ལྕེ་དང་། ལུས་ལ་ནད་ཀྱིས་མི་འདེབས་ཤིང་། སེམས་མི་གཡེང་བར་འགྱུར་རོ། །གཞན་ཡང་རྒྱལ་བ་དེས་ཆོས་སྟོན་པའི་གནས་ལ། གཙུག་ཏོར་རྣམ་རྒྱལ་གྱི་རྟོག་པ་ལས། ཆོས་

― TN03_Page_0239 ―

^{[མ་དཔེ་གཟིགས་ན་འདིར་གནོན།]}

(༢༢༣)ཡང་དག་པར་སྡུད་པའི་ཁང་བཟང་ཞེས་གསུངས་ཤིང་། དོན་ཞགས་ཀྱི་ཆོ་ག་ཞིབ་མོ་སོགས་ལས་ཀྱང་འོད་དཔག་མེད་རིན་པོ་ཆེའི་གཞལ་མེད་ཁང་ན་ཆོས་སྟོན་པའི་བཀོད་པ་གསུངས་ཏེ། དེ་བྱང་ཆུབ་ཤིང་དྲུང་ཡིན་མིན་སོགས་གསལ་བར་བཤད་པ་མ་མཐོང་ངོ། །གཉིས་པ་ནི། དེ་ན་བཅོམ་ལྡན་འདས་དེ་བཞིན་གཤེགས་པ་འོད་དཔག་མེད་རྡུལ་མེད་ཅིང་རྣམ་པར་དག་པ་བཞུགས་ཏེ། དེའི་སྐུ་ནི་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུ་དག་ཅིང་གསལ་ལ་མཛེས་པའི་ཕ་རོལ་ཏུ་ཕྱིན་པ་རྣམས་ཀྱིས་ཤིན་ཏུ་ལེགས་པར་ཕྱེ་བས། སེམས་ཅན་གང་དག་གིས་དེ་དང་པོར་མིག་ལམ་དུ་སྣང་བ་དང་། གཞན་གྱིས་ལན་བརྒྱ་ཕྲག་དུ་མར་མཐོང་བ་གཉིས་འདྲ་བར་མིག་དང་ཡིད་ཚིམ་པར་མཛད་པ་ཡིན་ནོ། །དྲང་སྲོང་ཆེན་པོ་དེ་ནི་འོད་ཟེར་དཔག་ཏུ་མེད་པའི་རྒྱན་འཆང་བ་སྟེ། ཕྱོགས་བཅུའི་ཕྱོགས་རེ་རེར་ཡང་སངས་རྒྱས་ཀྱི་ཞིང་བྱེ་བ་ཁྲག་ཁྲིག་བརྒྱ་སྟོང་ཕྲག་གངྒཱའི་ཀླུང་གི་བྱེ་མ་སྙད་དག་འོད་དེས་རྟག་ཏུ་ཁྱབ་པར་གྱུར་ནས་འདུག་གོ །དེའང་འོད་དྲི་མ་མེད་ཅིང་ཤིན་ཏུ་གསལ་བ་དང་། སྒྲིབ་ཐོགས་ཀྱི་དངོས་པོ་ཐམས་ཅད་ལ་མི་ཐོགས་པ་དང་། མཛེས་པ་གཏིང་མི་མངོན་པའི་ཕྱིར་ལྟ་བས་ཆོག་མི་ཤེས་པ་དང་། མིའི་དབང་པོ་དང་ལྷའི་དབང་པོ་ནས་གནས་གཙང་མའི་ལྷའི་བར་ཐམས་ཅད་ཟིལ་གྱིས་གནོན་ཅིང་མོག་མོག་པོར་བྱེད་པ་དང་། ལུས་དང་སེམས་བདེ་བ་དང་། དགའ་བའི་བདུད་རྩིས་ཚིམ་པ་སྐྱེད་པ་དང་

― TN03_Page_0240 ―

^{[མ་དཔེ་གཟིགས་ན་འདིར་གནོན།]}

(༢༢༤)སེམས་ཅན་དགེ་བའི་བསམ་པ་ཅན་རྣམས་ལ་དགེ་བ་དང་ཡངས་བ་དང་། རྟོགས་པ་དང་། མཁས་པ་དང་། བློ་དང་། མཆོག་ཏུ་དགའ་བ་སྐྱེད་པ་དང་། དཀོན་མཆོག་ཏཱ་ལ་དང་། འོད་ཟེར་ཀུན་ཏུ་བཀྱེ་བ་བསྟན་པ་ལས་གསུངས་པ་ལྟར་བསམ་གྱིས་མི་ཁྱབ་པའི་མཐུའི་ཁྱད་པར་དང་ལྡན་པ་སྟེ། དེ་དག་གི་ཕྱིར་ཞིང་བཀོད་ཀྱི་མདོ་ལས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་རིའི་རྒྱལ་པོ་རི་རབ་ལྟར་སངས་རྒྱས་ཀྱི་ཞིང་ཐམས་ཅད་ནས་མངོན་པར་འཕགས་ཏེ། ཕྱོགས་ཐམས་ཅད་ཟིལ་གྱིས་མནན་ནས་ལྷམ་མེ། ལྷན་ནེ། ལྷང་ངེ་མཛེས་པ། ཞེས་གསུངས་སོ། །སྐུ་གསུང་ཐུགས་ཀྱི་ཡོན་ཏན་སོ་སོར་ཡང་། དེ་ཉིད་ལས། སེམས་ཅན་སྙིང་པོའི་གཟུགས་ནི་མཐའ་ཡས་ཏེ། དེ་བཞིན་སངས་རྒྱས་གསུང་ནི་མཐའ་ཡས་དབྱངས། །ཚུལ་ཁྲིམས་ཏིང་འཛིན་ཤེས་རབ་བརྩོན་འགྲུས་ཀྱང་། ཁྱོད་འདྲ་འཇིག་རྟེན་འདི་ན་གཞན་མ་མཆིས། །ཟབ་ཅིང་ཤིན་ཏུ་རྒྱས་པའི་ཆོས་བརྙེས་པ། །སངས་རྒྱས་མཆོག་གི་ཐུགས་ནི་རྒྱ་མཚོ་བཞིན། །དེས་ཀྱང་སྟོན་ལ་ཁེངས་པ་མི་མངའ་སྟེ། །ཐ་བ་ཞེ་སྡང་སྤངས་ནས་ཕ་མཐར་སྒྲོལ། །ཞེས་གསུངས་པ་ལྟར་ཞིབ་ཏུ་བསམ་པར་བྱའོ། །གསུམ་པ་ནི། །སངས་རྒྱས་འཇིག་རྟེན་དུ་འབྱུང་བ་ནི། ལུས་ཅན་རྒུད་པ་སྣ་ཚོགས་ཀྱིས་རྒྱུན་དུ་གཙེ་བ་རྣམས་ལ་ཐུགས་རྗེ་ཆེན་པོའི་གཞན་དབང་དུ་གྱུར་ནས། རྒུད་པ་དེ་ལས་སྐྱོབ་པའི་སྒོ་བླ་ན་མེད་པ་རང་གིས་གང་ཞིག་བརྙེས་པའི་

― TN03_Page_0241 ―

^{[མ་དཔེ་གཟིགས་ན་འདིར་གནོན།]}

(༢༢༥)རྟོགས་པའི་ཆོས་ཀྱི་བདུད་རྩི་དེ་ཉིད་སོ་སོའི་སྐལ་བ་དང་འཚམས་པར་བགོ་བཤའ་མཛད་པའི་ཆེད་དུ་ཡིན་ལ། དེ་ལྟར་མཛད་པའང་ལུང་གི་ཆོས་བསྟན་པ་ལ་ངེས་པར་རག་ལས་པར་གཟིགས་ནས། ལྷ་དང་བཅས་པའི་འཇིག་རྟེན་རྣམས་ཡན་ལག་དྲུག་ཅུ་རྩ་བཞི་དང་ལྡན་པའི་ལེགས་པར་བཤད་པའི་དབྱངས་ཀྱི་བདུད་རྩིས་རྒྱུན་མི་འཆད་དུ་ཚིམ་པར་མཛད་དེ། འདི་ལྟར་གདུལ་བྱ་ཐེག་དམན་གྱི་རིགས་ཅན་རྣམས་ལ་ནི་ཐོབ་བྱ་ཐར་པ་ཙམ་དང་། ཐོབ་བྱེད་རྟེན་གཞི་ངེས་འབྱུང་གི་བསམ་པ་དང་། བརྟེན་པ་ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་ཀྱི་བསླབ་པ་མདོར་བསྡུས་པ་ལས་བརྩམས་ཏེ་ཆོས་སྟོན་ཅིང་། ཐེག་པ་མཆོག་གི་རིགས་ཅན་རྣམས་ལ་ནི་ཐོབ་བྱ་བླ་ན་མེད་པའི་བྱང་ཆུབ་དང་། ཐོབ་བྱེད་བྱང་ཆུབ་ཀྱི་སེམས་རིན་པོ་ཆེ་སྙིང་རྗེ་ཆེན་པོའི་རྩ་བ་ཅན་གྱི་བསམ་པ་དང་། དེས་དྲངས་པའི་སྦྱོར་བ་ཐེག་པ་འོག་མ་དང་ཐུན་མོང་དང་། ཐུན་མོང་མ་ཡིན་པ་ལས་བརྩམས་ནས་ཤིན་ཏུ་རྒྱས་པའི་ཆོས་འཆད་དེ། མཛད་པ་དོན་ཡོད་པ་བླ་ན་མེད་པ་བརྙེས་པས་ཆོས་བསྟན་པ་རེ་རེས་ཀྱང་གངྒཱའི་ཀླུང་གི་བྱེ་མ་སྙེད་ཀྱི་སེམས་ཅན་མ་སྨིན་པ་སྨིན་པ་དང་། སྨིན་པ་གྲོལ་བ་དང་། གྲོལ་བ་མཐར་ཕྱིན་པར་མཛད་དོ། །དེའང་གདུལ་བྱ་རང་རང་གིས་ཆོས་ཀྱི་རྣམ་གྲངས་ཇི་ལྟ་བུ་ཞིག་ཉན་པར་འདོད་པ་དེ་དེའི་མོད་ཁོ་ན་ལ་ཐོས་པར་འགྱུར་བར་ཞིང་བཀོད་ཀྱི་མདོ་ལས་གསུངས་སོ། །བཅོམ་ལྡན་འདས་དེའི་བསྟན་པ་ལ་ནི་ཕམ་

― TN03_Page_0242 ―

^{[མ་དཔེ་གཟིགས་ན་འདིར་གནོན།]}

(༢༢༦)ལྷག་སོགས་ཀྱི་བཅས་པ་རྣམ་པར་བཞག་པ་ཡང་མེད་དེ། །སངས་རྒྱས་ཀྱི་ཞིང་དེར་ལྟུང་བའི་ཐ་སྙད་བྱས་ཙམ་ཡང་མེད་པར་གསུངས་པའི་ཕྱིར་ཏེ། དཀོན་བརྩེགས་ཀྱི་དྲུག་པར་མི་འཁྲུགས་པའི་ཞིང་ན་ལྟུང་བ་རྣམ་པར་བཞག་པ་མེད་ཚུལ་རྒྱུ་མཚན་དང་བཅས་ཏེ་གསུངས་པའི་རྒྱུ་མཚན་འདིར་ཡང་ཇི་བཞིན་དུ་འདྲ་བའི་ཕྱིར་རོ། །འོན་ཀྱང་དེ་ནི་བསླབ་པའི་གཞི་མ་རྫོགས་པའི་ཉེས་པར་མི་འགྱུར་གྱི། བསྟན་པ་རྙོག་པ་མེད་པའི་ཡོན་ཏན་དུ་འགྱུར་ཏེ། བདག་ཅག་གི་སྟོན་པའི་གསུང་རབ་ལ་ཡང་བཟང་བྱིན་གྱིས་བསྟན་པ་ལ་ཆུ་བུར་མ་བྱུང་བའི་སྔོན་དུ་ཕམ་ལྷག་སོགས་ཀྱི་བཅས་པ་མཛད་པ་མེད་ཀྱང་། སོ་སོར་ཐར་པའི་སྡོམ་པ་ཆེས་ཕུན་སུམ་ཚོགས་པར་འདོད་པ་ཡིན་ནོ། །རྒྱལ་བ་མྱ་ངན་ལས་འདས་པའི་འོག་ཏུ་འཇིག་རྟེན་དུ་གསུང་རབ་མང་པོ་དང་ཉུང་ངུ་གནས་པ་ནི་གདུལ་བྱའི་བློ་དང་དགེ་བའི་རྩ་བ་ཁྱད་པར་ལ་ཐུག་ཅིང་། ཞིང་དེའི་གདུལ་བྱ་རྣམས་ནི་ཤེས་རབ་དང་སྤོབས་པ་མཐའ་ཡས་པ་དང་། དགེ་རྩ་འཐུག་པ་འབའ་ཞིག་ཏུ་བཤད་པས། དེ་བཞིན་གཤེགས་པ་དེ་ནི་མྱ་ངན་ལས་འདས་ནས་ཀྱང་གསུང་རབ་ཀྱི་མཛོད་མ་ཉམས་མ་གོད་པར་གནས་པར་འགྱུར་བར་མངོན་ཏེ། འཕགས་པ་སྒྱུ་མ་ལྟ་བུའི་ཏིང་ངེ་འཛིན་གྱི་མདོ་ལས་ཀྱང་། རིགས་ཀྱི་བུ། འོད་དཔག་མེད་ཡོངས་སུ་མྱ་ངན་ལས་འདས་ནས་ཀྱང་རིན་པོ་ཆེ་སྣ་བདུན་གྱི་པདྨ་དག་དང་ཤིང་ལྗོན་པ་དག་གིས་དེ་བཞིན་གཤེགས་པ་དེ་ཇི་ལྟར་ཆོས་སྟོན་པ་དེ་བཞིན་དུ་ཆོས་ཀྱི་སྒོ་བརྒྱ་ཕྲག་དུ་མ་

― TN03_Page_0243 ―

^{[མ་དཔེ་གཟིགས་ན་འདིར་གནོན།]}

(༢༢༧)འབྱུང་བ་བྱེད་པར་འགྱུར་རོ། །ཞེས་སོགས་གསུངས་པས་མཚོན་ནོ། །བཤད་མ་ཐག་པའི་རྒྱུ་མཚན་དེ་ཉིད་ཀྱི་ཕྱིར། ཞིང་དེར་སྟོན་པ་འདས་ནས་མདོའི་དོན་ཕྱིན་ཅི་ལོག་ཏུ་འཛིན་པ་དང་། ཚུལ་ཁྲིམས་འཆལ་བར་སྤྱོད་པ་ལ་སོགས་པས་བསྟན་པ་དྲི་མ་ཅན་དུ་བྱེད་པ་རྣམས་ཀྱང་མེད་པར་གསལ་ཏེ། ལུང་དེའི་གོང་ཉིད་དུ། སངས་རྒྱས་འོད་དཔག་མེད་དེ་ཡོངས་སུ་མྱ་ངན་ལས་འདའ་བར་འགྱུར་རོ། །ཞེས་པ་ནས། ཇི་ལྟར་བཞུགས་པ་དེ་བཞིན་དུ་ཡོངས་སུ་མྱ་ངན་ལས་འདས་ཀྱང་སེམས་ཅན་རྣམས་ཀྱི་དགེ་བའི་རྩ་བ་ཡོངས་སུ་འགྲུབ་སྟེ། ལྷག་ཆད་མེད་པར་འགྱུར་རོ། །ཞེས་དང་། དཀོན་བརྩེགས་ལས་ཀྱང་། ཀུན་དགའ་བོ་འཇིག་རྟེན་གྱི་ཁམས་བདེ་བ་ཅན་ན་མི་དགེ་བའི་མིང་ཡང་མེད་དོ། །སྒྲིབ་བའི་སྒྲ་ཡང་མེད་དོ། །ཞེས་གསུངས་པའི་ཕྱིར་རོ། །དེས་ན་བདག་ཅག་གི་སྟོན་པའི་བསྟན་པ་ལ་ལྔ་བརྒྱ་ཕྲག་བཅུའི་རྣམ་དབྱེ་བྱས་པ་ལྟ་བུའི་བསྟན་པ་དྭངས་སྙིགས་ཀྱི་རིམ་པའང་མེད་པ་འདྲའོ། །བསྟན་པ་གནས་པའི་ཡུན་ཚད་ནི། བསྐལ་པ་གངྒཱའི་ཀླུང་གཉིས་ཀྱི་བྱེ་མ་སྙེད་དུ་འགའ་་ཞིག་བཞེད་དེ། སྙིང་རྗེ་པད་དཀར་ལས། དེ་བཞིན་གཤེགས་པ་རིན་ཆེན་སྙིང་པོས་རྗེ་བཙུན་སྤྱན་རས་གཟིགས་བྱང་ཆུབ་མཆོག་ཏུ་ལུང་བསྟན་པའི་ཐད་ན། རིགས་ཀྱི་བུ་ཁྱོད་ནི་འོད་དཔག་མེད་ཡོངས་སུ་མྱ་ངན་ལས་འདས་ནས་བསྐལ་པ་གྲངས་མེད་པ་གངྒཱའི་ཀླུང་གི་བྱེ་མ་སྙེད་གཉིས་པ་ལུས་པ་ན་འཚང་རྒྱ་བར་འགྱུར་ཏེ། ཞེས་གསུངས་

― TN03_Page_0244 ―

^{[མ་དཔེ་གཟིགས་ན་འདིར་གནོན།]}

(༢༢༨)པ་འདི་ལ་བསམ་པར་སྣང་ཡང་མདོ་དེའི་དོན་དེ་ལྟར་འཆད་རྒྱུ་ཡིན་མིན་དཔྱད་དགོས་སོ། །སྒྱུ་མ་ལྟ་བུའི་ཏིང་ངེ་འཛིན་གྱི་མདོ་ལས་ནི། རྒྱལ་བ་དེ་མྱ་ངན་ལས་འདས་པའི་འོག་ཏུ་བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱད་ཅུ་རྩ་བཞིར་དམ་པའི་ཆོས་གནས་པར་གསུངས་སོ། །བཞི་པ་ནི། དེ་བཞིན་གཤེགས་པ་དེའི་སྐུ་ཚེའི་ཚད་ནི་བསྐལ་པ་འདི་སྙེད་དང་། བསྐལ་པ་བརྒྱ་ཕྲག་འདི་སྙེད་ནས། །བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཕྲག་འདི་སྙེད་ཅིག་ཏུ་བཞུགས་སོ་ཞེས་པའི་བར་དུ་བརྩི་ཚུལ་རྒྱ་ཆེ་ཆུང་ཇི་ལྟ་བུའི་སྒོ་ནས་གཞལ་ཀྱང་མཐའ་མི་རྟོགས་པར་འོད་མདོ་ལས་གསུངས་ཤིང་། སྒྱུ་མ་ལྟ་བུའི་ཏིང་ངེ་འཛིན་གྱི་མདོར། དེའི་སྐུ་ཚེའི་ཚད་ཀྱི་མཐའ་བསྐལ་བ་བྱེ་བ་ཁྲག་ཁྲིག་བརྒྱ་སྟོང་གི་བར་དུ་བཤད་ཀྱང་རྟོགས་པར་སླ་བ་མ་ཡིན་ཞེས་བརྩི་བའི་ཡུན་ཚད་ཀྱི་སྒོ་ནས་གསུངས་ཏེ། མདོར་ན་དཔག་ཏུ་མེད་པ་ཡིན་ནོ། །དེའི་ཕྱིར་རྒྱལ་བའི་དབང་པོ་དེའི་མཚན་ཡང་ཚེ་དཔག་མེད་ཅེས་བྱའོ། །ཞིང་དེར་བྱང་ཆུབ་བརྙེས་པའི་མཛད་པ་བསྟན་ནས་ད་ལྟ་ཡུན་ཇི་ཙམ་འདས་པ་ནི། མི་མཇེད་ཀྱི་འཇིག་རྟེན་འདི་པའི་ལུགས་ཀྱི་བསྐལ་པ་བཅུ་ལོན་པར་འོད་མདོ་ལས་གསུངས་ཏེ། ཕལ་ཆེན་ཚེའུར་མི་མཇེད་ཀྱི་ཞིང་གི་བསྐལ་པ་གཅིག་གི་ཡུན་ཚད་དེ་བདེ་བ་ཅན་གྱི་ཉིན་ཞག་གཅིག་ཏུ་བྱེད་པར་གསུངས་པས། ཞིང་དེ་པ་རྣམས་ཀྱི་ངོར་ནི་ཉིན་ཞག་བཅུ་ལས་མ་སོང་བར་གསལ་ཏེ། དབྱར་གྱི་ལང་ཚོ་ཐོག་མ་ལ་བབས་པའི་དགའ་བ་ལྟ་བུའི་ཚོད་དུ་སྣང་ངོ། །སྟོན་པའི་སྐུ་ཚེ་དཔག་ཏུ་མེད་པ་འདི་ནི་

― TN03_Page_0245 ―

^{[མ་དཔེ་གཟིགས་ན་འདིར་གནོན།]}

(༢༢༩)ཞིང་གི་འབྱོར་པ་ཆེས་མཆོག་ཏུ་གྱུར་པ་ཡིན་ཏེ། ཞིང་རབ་འབྱམས་ཀྱི་བྱང་ཆུབ་སེམས་དཔའ་རྣམས་རྒྱུན་མི་འཆད་པར་འདུ་བ་དང་། སངས་རྒྱས་ཀྱི་རྣམ་འཕྲུལ་སྔོན་མ་མཐོང་བ་མཐོང་བ་དང་། བྱང་སེམས་ལུང་སྟོན་པ་ལ་སོགས་པའི་དགའ་སྟོན་ལ་ཉིན་རེ་བཞིན་སྤྱོད་དུ་ཡོད་པ་ནི། དེ་བཞིན་གཤེགས་པ་བཞུགས་པའི་མཐུ་ཡིན་པའི་ཕྱིར་རོ། །ལྔ་པ་ནི། །ཐུབ་པའི་དབང་པོ་དེའི་མཚན་ཐོས་པ་ནི་གདུལ་བྱ་ལ་དོན་ཆེན་པོའི་སྒོར་འགྱུར་བར་གཟིགས་ནས། མཐའ་དང་མུ་མེད་པའི་རྒྱལ་བ་རྣམས་ཀྱིས་རང་རང་གི་ཞིང་རྣམས་སུ་དེའི་སྙན་གྲགས་སྒོ་དུ་མ་ནས་ལན་གཅིག་མ་ཡིན་པར་གསལ་བར་མཛད་པར་གསུངས་ཏེ། ཞིང་བཀོད་ཀྱི་མདོ་ལས། དེའི་མཚན་དེ་ཡང་སྒྲིབ་པ་མེད་པར་ཕྱོགས་བཅུར་གྲགས་ཏེ། ཕྱོགས་རེ་རེ་ན་ཡང་སངས་རྒྱས་བཅོམ་ལྡན་འདས་གསུང་ཆགས་པ་མི་མངའ་ཞིང་གསུང་ཐོགས་པ་མི་མངའ་བ་གངྒཱའི་ཀླུང་གི་བྱེ་མ་སྙེད་དག་ལན་འགའ་མ་ཡིན་པར་བསྔགས་པ་བརྗོད་ཅིང་བསྟོད་དེ། སྙན་པར་གསུང་ངོ། །ཞེས་སོ། །དེ་དོན་ཆེན་པོའི་སྒོར་འགྱུར་བའི་ཚུལ་ནི། བཅོམ་ལྡན་འདས་དེའི་མཚན་ཐོས་ནས་སེམས་དང་བས་ཐལ་མོ་སྦྱོར་བ་ཙམ་ལ་ཡང་། གང་གིས་ཕྲ་རབ་རྡུལ་སྙེད་འཇིག་རྟེན་ཁམས། །ཞེས་སོགས་སྔར་དྲངས་པ་ལྟར་བསོད་ནམས་ཀྱི་ཕུང་པོ་དཔག་ཏུ་མེད་པ་འཐོབ་ཅིང་། དེར་མ་ཟད་བདེ་བ་ཅན་དུ་སྐྱེས་ནས་དེ་བཞིན་གཤེགས་པའི་ཚོགས་གཉིས་ཀྱི་འབྲས་བུ་ཕུན་སུམ་ཚོགས་པ་བསམ་གྱིས་

― TN03_Page_0246 ―

^{[མ་དཔེ་གཟིགས་ན་འདིར་གནོན།]}

(༢༣༠)མི་ཁྱབ་པ་ལ་ལོངས་སྤྱོད་པའི་རྒྱུ་ཇི་སྙེད་ཅིག་གསུངས་པ་རྣམས་ཀྱང་། བཅོམ་ལྡན་འདས་དེ་དང་དེའི་ཞིང་ཡོངས་སུ་དག་པའི་ཡོན་ཏན་ཐོས་པ་ལས་བྱུང་བ་ཤ་སྟག་གོ །གཞན་ཡང་མཚན་དེ་ཐོས་པའི་མོད་ལ་བྱང་ཆུབ་ཀྱི་བར་གྱི་ཚེ་རབས་ཐམས་ཅད་དུ་རིགས་མཐོན་པོར་སྐྱེ་བ་དང་། སྐྱེས་པའི་དབང་པོ་འཐོབ་པ་དང་། དབང་པོ་མ་ཚང་བ་མེད་པ་དང་། རྟག་ཏུ་ཚངས་སྤྱོད་ལ་གནས་པ་དང་། བྱང་སེམས་ཀྱི་སྤྱོད་པ་ལ་དགའ་ཞིང་མཆོག་ཏུ་དགའ་བ་དང་། ལྷ་དང་བཅས་པའི་འཇིག་རྟེན་གྱིས་བསྟི་བསྟང་བྱེད་པ་དང་། གཟུངས་དང་ཏིང་ངེ་འཛིན་དང་བཟོད་པའི་སྒོ་རླབས་ཆེ་བ་རྣམས་ལ་སྦྱོར་བ་དང་། བླ་མེད་བྱང་ཆུབ་ལས་ཕྱིར་མི་ལྡོག་པར་འགྱུར་བའི་དགེ་བའི་རྩ་བ་གྱ་ནོམ་པ་སྐྱེ་ཚུལ་རྒྱ་ཆེར་གསུངས་སོ། །དེ་དག་གི་ཕྱིར་རྒྱལ་བའི་དབང་པོ་དེའི་མཚན་ཡོངས་སུ་སྒྲོགས་པ་ནི་སེམས་ཅན་རྣམས་ལ་ལྷའི་རྒྱལ་སྲིད་བྱིན་པས་ཀྱང་བསྐྲུན་དུ་མེད་པའི་ཕན་བཏགས་པ་དང་། གྲངས་མེད་པའི་རྒྱལ་བ་རྣམས་ཀྱི་ཕྲིན་ལས་སྒྲུབ་པའི་གྲོགས་བྱས་པ་དང་། མགོན་པོ་འོད་དཔག་མེད་ལ་གདུལ་བྱའི་སྐྱེས་ཕུལ་བར་འགྱུར་བའི་ཚུལ་ལ་བསམས་ཏེ་འབད་པ་ཐམས་ཅད་ཀྱིས་བསླབ་པར་བྱ་ཡི། དེ་དག་ནི་ཁྱིམ་པ་རྒན་པོ་དང་རྒན་མོ་རྣམས་ལ་དགོས་ཀྱིས། བདག་ཅག་ལྟ་བུའི་རྣལ་འབྱོར་པའམ། མཁས་པ་ནི་དེ་ཙམ་ལ་མི་རེ་ཞེས་རང་གིས་དེ་བཞིན་གཤེགས་པའི་འགྲོ་འདུལ་གྱི་ཐབས་མཁས་མཐིལ་ཕྱིན་པ་ལ་གོ་བ་ཕྱོགས་མཐོང་ཙམ་ཡང་

― TN03_Page_0247 ―

^{[མ་དཔེ་གཟིགས་ན་འདིར་གནོན།]}

(༢༣༡)མ་སྐྱེས་པར་མནའ་བོར་ནས། དེ་ལ་རྨད་དུ་བྱུང་བའི་ཁྱད་པར་འཕགས་ཆོས་སུ་སྒོམ་པར་ནི་མི་བྱ་སྟེ། དེ་ལྟར་བྱེད་པ་ནི་དམ་པ་རྣམས་ཀྱི་མདུན་སར་བཞད་གད་ཀྱི་ཕྱིར་དུ་རང་གིས་རང་ལ་ཐོ་འཚམས་པ་ཡིན་པའི་ཕྱིར་རོ། །གཉིས་པ་ནི། བཅོམ་ལྡན་འདས་དེའི་ཉན་ཐོས་ཀྱི་འཁོར་ནི་ཡོངས་སུ་དག་ཅིང་གྲངས་མང་བས་འཕགས་ཏེ། འདི་ལྟར། དེ་ན་སོ་སྐྱེའི་ཉན་ཐོས་ཁྱིམ་གྱི་ཡོངས་སུ་བཟུང་བ་ལ་ཆགས་ནས་མངོན་པར་མི་འབྱུང་བ་ནི་ཡེ་མེད་དེ། ང་ཡིར་བྱ་བ་མེད་པའི་འཇིག་རྟེན་གྱི་ཁམས་སུ་སྐྱེ་བའི་ཕྱིར་ཏེ། །སྔར་བཤད་ཟིན་ཏོ། །ཐུབ་པའི་བཅས་མཚམས་འདྲལ་བར་བྱེད་པ་ཡང་མེད་དེ། སྙིགས་མ་མེད་པའི་ཞིང་གི་ཉན་ཐོས་ཡིན་པའི་ཕྱིར་ཏེ། འདི་ནི་དཀོན་བརྩེགས་ཀྱི་དྲུག་པར་མི་འཁྲུགས་པའི་ཞིང་ལ་སྦྱར་ནས་གསུངས་པ་རིགས་པ་འདྲའོ། །བརྩོན་འགྲུས་ཆུང་བས་ལམ་སྒྲུབ་ཏུ་མི་ནུས་པ་ཡང་མེད་དེ། ཐམས་ཅད་ཡང་དག་པ་ཉིད་ལ་ངེས་པར་གསུངས་པའི་ཕྱིར་རོ། །ཞིང་དེའི་བྱང་སེམས་ཀྱི་འཁོར་རྣམས་སྐྱེ་བ་གཅིག་ཐོགས་སུ་གསུངས་པའི་རིགས་པས། །ཉན་ཐོས་ལ་ཡང་ལན་བདུན་པ་དང་རིགས་ནས་རིགས་སྐྱེ་སོགས་མེད་དམ་བརྟག་གོ །ཉན་ཐོས་ཀྱི་དགེ་འདུན་ཡོད་ཀྱང་རིགས་སྐྱེ་སོགས་ཀྱི་རྣམ་བཞག་བྱར་མེད་པ་མི་འགལ་བ་ནི་མི་འཁྲུགས་པའི་འཁོར་གྱི་ཉན་ཐོས་ཐམས་ཅད་མཐོང་ཆོས་ཞིར་གསུངས་པ་བཞིན་ནོ། །ཉན་ཐོས་དེ་དག་གི་གྲངས་ནི། སྟོང་གསུམ་གྱི་སེམས་ཅན་ཐམས་ཅད་

― TN03_Page_0248 ―

^{[མ་དཔེ་གཟིགས་ན་འདིར་གནོན།]}

(༢༣༢)རང་སངས་རྒྱས་ཤ་སྟག་ཏུ་གྱུར་པས་བསྐལ་བ་བྱེ་བ་ཁྲག་ཁྲིག་བརྒྱ་སྟོང་གི་བར་དུ་བགྲངས་ཀྱང་མཐའ་མི་རྙེད་པར་གསུངས་ཏེ། དེའང་གཅིག་གིས་གང་བགྲང་བ་དེ་གཉིས་པས་མི་བགྲང་། གཉིས་པས་གང་བགྲང་བ་དེ་གསུམ་པས་མ་བགྲང་བ་དེ་འདྲ་བའི་ཚུལ་གྱིས་བགྲང་བ་ལ་དགོངས་སོ། །དེར་མ་ཟད་འཕགས་པ་མཽ་འགལ་གྱི་བུ་ཆེན་པོས་སྟོང་གསུམ་ན་སྐར་མའི་གཟུགས་ཇི་སྙེད་ཡོད་པ་ཐམས་ཅད་ཉིན་ཞག་གཅིག་གིས་བགྲང་བར་ནུས་ཏེ། དེ་ལྟ་བུའི་རྫུ་འཕྲུལ་དང་ལྡན་པ་བྱེ་བ་ཁྲག་ཁྲིག་བརྒྱ་སྟོང་སྙེད་ཀྱིས་ལོ་བྱེ་བ་ཁྲག་ཁྲིག་བརྒྱ་སྟོང་དུ་ལས་གཞན་མི་བྱེད་པར་བཅོམ་ལྡན་འདས་དེའི་ཉན་ཐོས་འདུས་པ་དང་པོ་གཅིག་པུ་བགྲངས་ཀྱང་བྱེ་བ་བརྒྱའི་ཆ་ཙམ་ཡང་རྩིས་ཀྱིས་མི་ཆོད་པར་གསུངས་སོ། །དེ་དག་ཐམས་ཅད་ཀྱང་འོད་འདོམ་གང་བ་དང་ལྡན་པ་ཤ་སྟག་སྟེ། དུལ་བ་དང་ཉེ་བར་ཞི་བའི་དཔལ་གྱིས་སངས་རྒྱས་ཀྱི་ཞིང་དེ་དགོད་པ་བཞིན་དུ་བྱེད་དོ། །གསུམ་པ་ལ། བྱང་སེམས་འཁོར་གྱི་གཙོ་བོ་དང་། རྒྱལ་སྲས་གྱི་འཁོར་སྤྱིར་བསྟན་པ་གཉིས་ལས། དང་པོ་ནི། སྟོན་པ་འོད་དཔག་མེད་ལས་རྒྱལ་ཚབ་ཀྱི་ཅོད་པན་བླངས་པ་དཔལ་སྤྱན་རས་གཟིགས་དབང་ཕྱུག་དང་། མཐུ་ཆེན་ཐོབ་གཉིས་ཏེ། གོ་རིམ་བཞིན་དུ་སེམས་ཅན་རྣམས་ལ་སྙིང་རྗེ་ཆེན་པོའི་ལྟ་སྟངས་སྦྱངས་པ་དང་། རླབས་པོ་ཆེའི་ཐུགས་སྟོབས་མངའ་བའི་ཆ་ནས་དེ་བཞིན་གཤེགས་པ་རིན་པོ་ཆེའི་སྙིང་པོས་མཚན་དེ་ལྟར་བཏགས་པར་སྙིང་རྗེ་པད་དཀར་ལས་སོ། །

― TN03_Page_0249 ―

^{[མ་དཔེ་གཟིགས་ན་འདིར་གནོན།]}

(༢༣༣)དེ་གཉིས་ཀྱི་སྐུའི་འོད་ཀྱིས་ནི་འཇིག་རྟེན་གྱི་ཁམས་བདེ་བ་ཅན་དེ་མ་ལུས་པར་བཀང་སྟེ་གནས་ལ། བྱང་སེམས་ཀྱི་འཁོར་གང་དག་དེ་གཉིས་ལས་ཞག་བདུན་དུ་འདྲི་བའི་ལན་ཉན་པ་དེ་དག་དེའི་མོད་ཁོ་ནར་སྒྱུ་མ་ལྟ་བུའི་ཏིང་ངེ་འཛིན་འཐོབ་པའི་ཕྱིར། །སངས་རྒྱས་ཀྱི་ཞིང་དེ་ནི་སྐྱེས་བུ་དམ་པ་འདི་གཉིས་ལས་སྒྱུ་མ་ལྟ་བུའི་ཏིང་ངེ་འཛིན་ཐོབ་པའི་རྒྱལ་སྲས་ཀྱི་ཚོགས་ཀྱིས་གང་བར་མདོ་གཞན་ལས་གསུངས་སོ། །དེའི་ཕྱིར་དེ་དག་ནི་མཉམ་པ་མེད་པའི་གཟི་བརྗིད་ཀྱི་དཀྱིལ་འཁོར་དང་ལྡན་པ་སྟེ། རྒྱལ་བའི་དབང་པོ་འོད་དཔག་མེད་བཞུགས་པ་དང་ཡོངས་སུ་མྱ་ངན་ལས་འདས་པའི་གནས་སྐབས་ཀུན་ཏུ་དམ་པའི་ཆོས་ཀྱི་མཛོད་འཛིན་པ་རྣམས་ཀྱི་ནང་ན་རབ་མཆོག་ཏུ་བསྔགས་པ་ཡིན་ནོ། །གཉིས་པ་ནི། ཞིང་དེའི་བྱང་ཆུབ་སེམས་དཔའི་དགེ་འདུན་གྱི་གྲངས་ནི་ཐམས་ཅད་མཁྱེན་པའི་ཡེ་ཤེས་མ་གཏོགས་པ་གཞན་སུས་ཀྱང་བགྲང་བའི་རྔོ་མི་ཐོགས་པར་སྙིང་རྗེ་པད་དཀར་ལས་གསུངས་ཤིང་། ཞིང་བཀོད་ཀྱི་མདོ་ལས། བསྐལ་པ་བྱེ་བ་ཁྲག་ཁྲིག་ཏུ་བརྩིས་ཀྱང་གྲངས་ཀྱི་མཐའ་མི་མངོན་པ་དེ་སྙེད་ཀྱི་དེ་བཞིན་གཤེགས་པ་རྣམས་ཀྱི་དྲུང་ནས་བྱང་ཆུབ་སེམས་དཔའི་འཁོར་དག་བདེ་བ་ཅན་དུ་སྐྱེ་བ་འཛིན་པར་འགྱུར་ཏེ། དེ་བཞིན་གཤེགས་པ་རེ་རེའི་དྲུང་ནས་ཀྱང་བྱང་སེམས་བྱེ་བ་ཕྲག་དུ་མ་འགྲོ་བར་གསུངས་སོ། །དེ་ནི་ཞིང་གཞན་ནས་ཤི་འཕོས་ཏེ་འགྲོ་བའི་དབང་དུ་མཛད་ལ། མངོན་ཤེས་ཀྱི་མཐུ་ཐོབ་པའི་རྒྱལ་སྲས་ཆེན་པོ་རྣམས་ཞིང་དག་པའི་འབྱོར་པ་གཟིགས་པ་དང་། ཆོས་

― TN03_Page_0250 ―

^{[མ་དཔེ་གཟིགས་ན་འདིར་གནོན།]}

(༢༣༤)ཀྱི་དགའ་སྟོན་ལ་རྩེ་བའི་ཕྱིར་རྫུ་འཕྲུལ་གྱིས་འདུ་བའི་གྲངས་ནི་དེ་བས་ཀྱང་ཆེས་མང་སྟེ། ཇི་ལྟར་བདག་ཅག་གི་སྟོན་པས་བློ་གྲོས་རབ་གནས་ཀྱིས་ཞུས་པའི་མདོ་གསུངས་པ་ན་གླིང་བཞི་པའི་འཇིག་རྟེན་འདི་ན་རྫུ་འཕྲུལ་གྱིས་ཆོས་ཉན་དུ་ལྷགས་པའི་བྱང་སེམས་ཁོ་ནས་གང་བར་མ་གྱུར་པའི་ས་ཕྱོགས་འཁར་བ་འཛུགས་ས་ཙམ་ཡང་མེད་པར་གསུངས་པ་བཞིན་ནོ། །དེ་ལ་ཞིང་དེར་སྐྱེས་པའི་བྱང་སེམས་རྣམས་ཀྱི་ལུས་ཀྱི་བོང་ཚད་ནི་དཔག་ཚད་སྟོང་ཡིན་པར་སྙིང་རྗེ་པད་དཀར་ལས་ཏེ། ཐམས་ཅད་ཀྱང་འོད་དཔག་ཚད་བྱེ་བ་བརྒྱ་སྟོང་པ་འབའ་ཞིག་ཏུ་ཞིང་བཀོད་ཀྱི་མདོ་ལས་གསུངས་སོ། །སྔོན་ཐེ་ཚོམ་ཟོས་པའི་ཉེས་པས་བསྒྲིབས་པ་རྣམས་མ་གཏོགས་པ་ཐམས་ཅད་རྫུ་འཕྲུལ་གྱི་མཐུས་རྣམ་པར་རྩེ་བ་ཁོ་ན་ཡིན་ཏེ། དེ་དག་སྔ་དྲོ་རེ་རེར་སངས་རྒྱས་ཀྱི་ཞིང་བྱེ་བ་ཁྲག་ཁྲིག་འབུམ་ཕྲག་མང་པོར་དེ་བཞིན་གཤེགས་པ་རྣམས་ལ་མཆོད་པ་དང་བསྙེན་བཀུར་བྱེད་དུ་འགྲོ་སྟེ། ནམ་མཁའ་ལྟར་ཡངས་ཤིང་ཚད་མེད་པའི་མཆོད་པ། འཇིག་རྟེན་ཐམས་ཅད་ངོ་མཚར་བར་བྱེད་པ་དག་གིས་བསྟི་བསྟངས་བྱེད་དོ། །དེར་དེ་བཞིན་གཤེགས་པ་དེ་རྣམས་སོ་སོ་ནས་སྔོན་གྱི་སྨོན་ལམ་དང་། སངས་རྒྱས་ཀྱི་ཞིང་དང་། ཆོས་བཤད་པའི་རྣམ་གྲངས་དང་། མཛད་པའི་སྒོ་སྣ་ཚོགས་ཀྱིས་ཁམས་དབང་མོས་པ་མེ་འདྲ་བའི་སེམས་ཅན་ཇི་ལྟར་འདུལ་བའི་ཚུལ་བསམ་གྱིས་མི་ཁྱབ་པ་རྣམས་མཐོང་ཞིང་ལེགས་པར་ཁོང་དུ་ཆུད་ནས་ཟང་ཟིང་མེད་པའི་དགའ་བ་རྒྱ་ཆེ་ཞིང་གྱ་ནོམ་པ་ཆེས་རྨད་དུ་བྱུང་བ་ཐོབ་སྟེ། སླར་

― TN03_Page_0251 ―

^{[མ་དཔེ་གཟིགས་ན་འདིར་གནོན།]}

(༢༣༥)ཡང་སྔ་དྲོ་དེ་ཉིད་ལ་རང་གི་སངས་རྒྱས་ཀྱི་ཞིང་བདེ་བ་ཅན་ཉིད་དུ་ཕྱིན་པར་འགྱུར་རོ། །འདིའི་ཐད་ཀྱི་འོད་མདོ་ལས། དེ་བཞིན་གཤེགས་པ་ཚེ་དཔག་མེད་དེའི་སྔོན་གྱི་སྨོན་ལམ་གྱི་བྱིན་གྱིས་རླབས་ཀྱིས་ཡོངས་སུ་ཟིན་པ་དང་། སྔོན་ཆོས་མཉན་པ་བྱིན་པ་དང་། སྔོན་གྱི་རྒྱལ་བ་ལ་དགེ་བའི་རྩ་བ་བསྐྱེད་པ་དང་། སྔོན་གྱི་སྨོན་ལམ་འབྱོར་ཞིང་ཡོངས་སུ་རྫོགས་པ་དང་། མི་ཉུང་བ་དང་། ཤིན་ཏུ་རྣམ་པར་ཕྱེ་བ་དང་། ཤིན་ཏུ་བསྒོམས་པས་སྨོན་ལམ་བཏབ་པ་འགྲུབ་བོ། །ཞེས་གསུངས་པ་ནི། ཞིང་དེའི་བྱང་སེམས་ཀྱི་འཁོར་ཕལ་ཆེར་དེ་ལྟ་བུའི་མཐུ་མ་ཐོབ་པ་མེད་པ་ནི་དེ་བཞིན་གཤེགས་པ་དེའི་སྔོན་སྨོན་དང་དགེ་བའི་རྩ་བའི་མཐུ་ཡིན་ཞེས་སྟོན་པར་མངོན་ནོ། །སྔར་བཤད་པ་ལྟར་དེ་ན་བྱང་སེམས་ཡིན་མིན་ཐམས་ཅད་མངོན་ཤེས་ལྔ་ལྡན་དུ་འབྱུང་མོད་ཀྱི། །འོད་མདོ་ལས། ཞིང་མཐའ་ཡས་པར་རྫུ་འཕྲུལ་གྱིས་འཇུག་ཚུལ་འདི་དག་བྱང་སེམས་འཁོར་འཆད་པའི་སྐབས་ཁོ་ནར་རྒྱས་བཤད་མཛད་པ་ནི། དཀོན་བརྩེགས་ཀྱི་མྱ་ངན་མེད་ཀྱིས་བྱིན་པས་ཞུས་པར། རྒྱ་མཚོ་ཆེན་པོ་དང་བུམ་པ་ཆུས་མི་ངོམས་པ་དང་ངོམས་པའི་དཔེས་གསུངས་པ་ལྟར། ཉན་ཐོས་ནི་རང་གི་དོན་ཉི་ཚེ་སྒྲུབ་པའི་བསམ་པ་ཅན་ཡིན་པས་དགེ་བའི་བཤེས་གཉེན་ཚད་མེད་པ་འཚོལ་བ་ལྷུར་མི་ལེན་པ་ལ་དགོངས་སམ་སྙམ་མོ། །གཞན་ཡང་སེམས་དཔའ་ཆེན་པོ་དེ་དག་གི་ཡོན་ཏན་གྱི་ཁྱད་པར་ནི། ཞིང་བཀོད་ཀྱི་མདོ་ལས། ཀུན་དགའ་བོ་བྱང་ཆུབ་སེམས་དཔའ་གང་དག་འཇིག་རྟེན་གྱི་ཁམས་དེར་

― TN03_Page_0252 ―

^{[མ་དཔེ་གཟིགས་ན་འདིར་གནོན།]}

(༢༣༦)སྐྱེས་པ་དེ་དག་ལ་གཞན་གྱི་འདུ་ཤེས་མེད། རང་གི་འདུ་ཤེས་མེད། བདག་གི་འདུ་ཤེས་མེད། འཐབ་པ་མེད། རྩོད་པ་མེད། མི་མཐུན་པ་མེད། མི་མཉམ་པའི་སེམས་མེད་དེ། དེ་དག་ནི་སེམས་ཅན་ཐམས་ཅད་ལ་སེམས་མཉམ་པ་དང་། ཕན་པའི་སེམས་དང་། བྱམས་པའི་སེམས་དང་། མཉེན་པའི་སེམས་དང་། འཇམ་པའི་སེམས་དང་། དགེ་བའི་སེམས་དང་། རབ་ཏུ་དང་བའི་སེམས་དང་། བརྟན་པའི་སེམས་དང་། སྒྲིབ་པ་མེད་པའི་སེམས་དང་། འཁྲུགས་པ་མེད་པའི་སེམས་དང་། སྙོགས་པ་མེད་པའི་སེམས་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱད་པ་སྤྱོད་པའི་སེམས་དང་། སེམས་ཀྱི་རྒྱུད་སྒྱུ་མའི་རང་བཞིན་ལ་བློ་རབ་ཏུ་ཞུགས་པ། ཤེས་རབ་རྒྱ་མཚོ་ཆེན་པོ་དང་མཉམ་པ། བློ་རི་རབ་དང་མཚུངས་པ། ཡོན་ཏན་དུ་མ་བསགས་པ། ཞེས་པ་ནས། འཇིག་རྟེན་ཐམས་ཅད་ཀྱིས་མི་གོས་པའི་ཕྱིར་པདྨ་དང་འདྲ་བ། ཆོས་དང་ཆོས་མ་ཡིན་པ་མངོན་པར་སྒྲོག་པས་དུས་ཀྱི་རྗེས་སུ་འབྲངས་པའི་འབྲུག་ཆེན་པོ་དང་མཚུངས་པ། ཆོས་ཀྱི་ཆུའི་ཆར་མངོན་པར་འབེབས་པས་ཆར་པ་ཆེན་པོ་དང་འདྲ་བ། ཚོགས་ཆེན་པོའི་ཟིལ་གྱིས་གནོན་པས་ཁྱུ་མཆོག་དང་མཚུངས་པ། སེམས་ཤིན་ཏུ་མཆོག་ཏུ་དུལ་བས་གླང་པོ་ཆེ་ཆེན་པོ་དང་འདྲ་བ། ཤིན་ཏུ་དུལ་བས་རྟ་ཅང་ཤེས་བཟང་པོ་དང་མཚུངས་པ། རྩལ་དང་མི་འཇིགས་པས་སྐྲག་པ་མེད་པའི་ཕྱིར་རི་དྭགས་ཀྱི་རྒྱལ་པོ་སེང་གེ་དང་འདྲ་བ། སེམས་ཅན་ཐམས་ཅད་

― TN03_Page_0253 ―

^{[མ་དཔེ་གཟིགས་ན་འདིར་གནོན།]}

(༢༣༧)ཡོངས་སུ་སྐྱོབ་པས་ཤིང་གི་རྒྱལ་པོ་ནྱ་གྲོ་དྷ་དང་མཚུངས་པ། ཕས་ཀྱི་རྒོལ་བ་ཐམས་ཅད་ཀྱིས་མི་གཡོ་བས་རིའི་རྒྱལ་པོ་རི་རབ་དང་འདྲ་བ། བྱམས་པ་ཚད་མེད་པ་བསྒོམ་པས་ནམ་མཁའ་དང་མཚུངས་པ། དགེ་བའི་ཆོས་ཐམས་ཅད་ཀྱི་དབང་དུ་བྱ་བའི་སྔོན་དུ་འགྲོ་བས་ཚངས་པ་ཆེན་པོ་དང་འདྲ་བ། གནས་སུ་གསོག་པ་མེད་པས་བྱ་དང་མཚུངས་པ། ཕས་ཀྱི་རྒོལ་བ་ཐམས་ཅད་རྣམ་པར་འཇོམས་པས་བྱའི་རྒྱལ་པོ་ནམ་མཁའ་ལྡིང་དང་འདྲ་བ། འབྱུང་བར་དཀའ་བའི་ཕྱིར་ཨུ་དུམ་ཝཱ་རའི་མེ་ཏོག་དང་མཚུངས་པ། གླང་པོ་ཆེ་ལྟར་ཤིན་ཏུ་མཉམ་པར་བཞག་པས་རྣམ་པར་གཡེང་བ་མེད་པ། དབང་པོ་རྨུགས་པ་མེད་པ། རྣམ་པར་གཏན་ལ་འབེབས་པ་ལ་མཁས་པ། བཟོད་པ་དང་དེས་པ་མང་བ། ཕ་རོལ་ཕུན་སུམ་ཚོགས་པར་སྨོན་པས་ཕྲག་དོག་མེད་པ། ཆོས་ཀྱི་གཏམ་རྣམས་ལ་འཇིགས་པ་མེད་པ། ཆོས་ཡོངས་སུ་ཚོལ་བས་ངོམས་མི་མྱོང་བ། ཚུལ་ཁྲིམས་ཀྱིས་བཻཌཱུརྱ་དང་འདྲ་བ། ཐོས་པས་རིན་པོ་ཆེའི་འབྱུང་གནས་དང་མཚུངས་པ། ཞེས་པ་ནས། ཀུན་དགའ་བོ་མདོར་བསྡུ་ན། ཞིང་དེའི་བྱང་སེམས་རྣམས་ནི་འདི་ལྟ་བུ་ཤ་སྟག་སྟེ། རྒྱས་པར་བྱ་ན་གལ་ཏེ་དེ་བཞིན་གཤེགས་པའི་ཚེའི་ཚད་བསྐལ་པ་བྱེ་བ་ཁྲག་ཁྲིག་བརྒྱ་སྟོང་དུ་གནས་པས་བསྟན་ཀྱང་སྐྱེས་བུ་དམ་པ་དེ་དག་གི་ཡོན་ཏན་གྱི་མཐའ་བསྟན་པར་མི་ནུས། ཞེས་པའི་བར་དུ་རྒྱ་ཆེར་གསུངས་སོ། །དེ་ལྟར་སྣོད་

― TN03_Page_0254 ―

^{[མ་དཔེ་གཟིགས་ན་འདིར་གནོན།]}

(༢༣༨)བཅུད་ཀྱི་ཡོན་ཏན་བཟང་ཞིང་རླབས་ཆེ་བ་བྱང་ཆུབ་སྒྲུབ་པའི་རྗེས་སུ་མཐུན་པ་རྣམས་ལ་དད་པ་སྤེལ་ཞིང་། སྨོན་ལམ་དང་དགེ་རྩ་སྟོབས་ལྡན་འཆི་ཁར་མངོན་དུ་འགྱུར་ངེས་སུ་སྦྱངས་པ། ཤཱཀྱའི་རྒྱལ་པོ་ཟས་གཙང་མ་དང་། ཚོང་དཔོན་བཟང་སྐྱོང་དང་། བུ་མོ་ཟླ་བ་མཆོག་དང་། འཕགས་པ་ཀླུ་སྒྲུབ་ལ་སོགས་པ་སྔོན་གྱི་བྱང་སེམས་དཔའ་བོ་ཆེན་པོ་རྣམས་ཀྱི་རྗེས་བཞིན་དུ་འགྲོ་བར་བྱ་སྟེ། ཞིང་བཀོད་ཀྱི་མདོ་ལས། གང་གིས་འོད་མཛད་འཇིག་རྟེན་མགོན། །རྫོགས་པའི་སངས་རྒྱས་མཐོང་ནས་ནི། །གུས་དང་བཅས་པས་ཆོས་ཐོས་པ། །དེ་དག་དགའ་བ་དམ་པ་འཐོབ། །ཅེས་གསུངས་པ་ལྟར་འཇིག་རྟེན་དང་འཇིག་རྟེན་ལས་འདས་པའི་ལེགས་ཚོགས་མཐའ་དག་ཟླ་བ་ཡར་གྱི་ངོ་བཞིན་དུ་རྒྱས་པར་འགྱུར་བའི་ཕྱིར་རོ། །དེ་ལྟར་ན་བདེ་བ་ཅན་གྱི་འཇིག་རྟེན་གྱི་ཁམས་སུ་སྐྱེ་བ་འཛིན་པའི་མན་ངག་ལེགས་པར་བཤད་ཟིན་ཏོ། །ཐུབ་པའི་ལེགས་བཤད་ནོར་བུའི་གཏེར་ཁ་དང་། །ཞིང་མཆོག་བགྲོད་པའི་ལམ་སྲང་མ་འཁྲུགས་པ། །ལྷན་ཅིག་དུས་མཐའི་མུན་རུམ་སྟུག་པོར་ཡང་། །འགྲོ་འདིས་གསལ་པོར་མཐོང་བ་བདག་གིས་བྱས། །ཚུལ་འདིར་མདོ་དོན་ཇི་བཞིན་མིན་བཤད་པའི། །ནོངས་པ་གང་མཆིས་རྒྱལ་ལ་སྙིང་ནས་འཆགས། །དགེ་བས་ལུས་ཅན་སྡུག་བསྔལ་ཆུ་གཏེར་ལས། །འཐོན་ཏེ་འོད་དཔག་མེད་ཀྱི་གནས་བགྲོད་ཤོག །བདག་ཀྱང་མགོ་ལ་སངས་རྒྱས་ཅོད་པན་ཐོགས། །ཡིད་ནི་རྣལ་འབྱོར་དམ་པའི་བདུད་རྩིས་གང་། །རབ་

― TN03_Page_0255 ―

^{[མ་དཔེ་གཟིགས་ན་འདིར་གནོན།]}

(༢༣༩)འབྱམས་ཞིང་དུ་འགྲོ་ལ་མཆོག་སྦྱིན་ཕྱིར། །ཐོགས་མེད་རྒྱུ་བ་སྤྱན་རས་གཟིགས་འདྲར་ཤོག །བདེ་བ་ཅན་གྱི་ཞིང་ལས་བརྩམས་པའི་གཏམ་དགེ་བའི་ལོ་ཐོག་སྤེལ་བྱེད་དབྱར་སྐྱེས་སྤྲིན་ཆེན་གླལ་བའི་སྒྲ་དབྱངས་ཞེས་བྱ་བ་འདི་ནི། བྱང་ཆུབ་ཤིང་གི་བཤད་པ་ཡན་ཆད་གསེར་འཕྱང་གི་ལོར་བྲིས་ཀྱང་། འཕྲོ་རྣམས་སྙོམ་ལས་ཀྱི་ངང་ལ་ཡུན་རིང་པོར་ལུས་པ་ལས། སླར་རང་ལོ་སོ་བདུན་པ་འཕར་བའི་ལོའི་སྟོན་ཀ་བཀྲ་ཤིས་ཀྱི་དཔལ་དང་ལྡན་པའི་ཚེས་ལ་ཡོངས་སུ་རྫོགས་བར་བྱས་ཏེ། །ཐེག་པ་མཆོག་གི་གསུང་རབ་ལ་དད་པ་ཅུང་ཟད་སྐྱེས་བའི་སྐལ་བཟང་འཇིགས་མེད་བསྟན་པའི་ཉི་མས། བཀྲ་ལེགས་མདངས་ཆེན་གྱི་རི་བོའི་ངོས། ནགས་ཚལ་དགའ་བ་ཅན་གྱི་མཐོངས། དགེ་འཕེལ་གྱི་གཙུག་ལག་ཁང་དུ་སྦྱར་བ་འདིས་ཀྱང་སེམས་ཅན་རྣམས་ཀྱི་རྒྱུད་ལ་འོད་དཔག་མེད་ཀྱི་སྨོན་ལམ་མ་ལུས་པ་བདེ་བླག་ཏུ་སྨིན་པར་གྱུར་ཅིག ༈ །།འཕྲུལ་ཆེན་སྤརགྱི་ལྗོན་ཤིང་རྒྱས་པའི་རྩེར། ལེགས་བཤད་མེ་ཏོག་འབྲས་མང་ཆགས་པ་འདི། །ཀུན་མཁྱེན་བསྟན་པའི་སྐྱེད་ཚལ་རྒྱན་གྱུར་ཏེ། །སྐལ་བཟང་སྐྱེ་བོའི་བྱ་ཚོགས་དགའ་བྱེད་ཤོག །ཤུ་བྷཾམསྟུ་སརྦ་ཛ་ག་ཏཾ།

― TN03_Page_0256 ―

^{[མ་དཔེ་གཟིགས་ན་འདིར་གནོན།]}

(༢༤༠)

― TN03_Page_0257 ―

^{[མ་དཔེ་གཟིགས་ན་འདིར་གནོན།]}

(༢༠༡)མ་ཡིན་ཏེ། དེ་ན་ཉན་ཐོས་ཀྱི་འཁོར་ཡང་མཐའ་ཡས་པ་ཡོད་པར་གསུངས་པའི་ཕྱིར་རོ། །འོན་ཀྱང་དེར་སྐྱེ་བ་ཙམ་འཐོབ་པ་ལའང་སེམས་བསྐྱེད་ཡོད་མེད་གཉིས་ལ་ཚེགས་ཆེ་ཆུང་གིས་འཐོབ་པའི་ཁྱད་པར་ནི་ཡོད་པར་མངོན་ནོ། །ཞིང་དེར་བྱེ་བྲག་ཏུ་སྐྱེ་བའི་རྒྱུ་སྟོན་ཐོག་གིས་བོན་ལྟ་བུ་ནི་དེར་སྐྱེ་བར་སྨོན་ལམ་འདེབས་པ་ཡིན་ལ། སྨོན་ལམ་དེ་རྒྱུན་རིང་ལ་ཤུགས་དྲག་པ་ཡོད་ན་ཞིང་དེར་སྐྱེ་བའང་དེའི་ཚོད་ཙམ་སླ་ཞིང་། དེ་ལས་བཟློག་ན་དཀའ་བ་ཡིན་ནོ། །སྨོན་ལམ་གྱི་ངོ་བོ་ནི་འདུན་པ་ཡིན་ཅིང་། དེའི་རྩ་བ་དད་པས་བྱེད་པར་གསུངས་པས། སྨོན་ལམ་དེ་ལྟར་འོང་བ་ནི། རྒྱལ་བའི་དབང་པོ་འོད་དཔག་མེད་རྣམ་པས་ཡང་དང་ཡང་དུ་ཡིད་ལ་བྱེད་པའི་དད་པ་སྦྱངས་པ་ལ་ལྟོས་ཏེ། དེ་ནི་རྒྱུ་དང་པོ་ཡིན་ནོ། །འདིར་སྐྱོབ་པ་འོད་དཔག་མེད་ནི་ཡིད་ལ་བྱ་རྒྱུ་དང་། དེ་ཡིད་ལ་བྱེད་པའི་ཚུལ་ནི་རྣམ་པས་ཞེས་པ་སྐྱེས་བུ་ཆེན་པོའི་མཚན་དང་དཔེ་བྱད་ཀྱི་རྣམ་པ་དང་། ཆོས་སྟོན་པ་དང་། སྤྱོད་ལམ་གྱི་རྣམ་པ་དང་། ཉན་ཐོས་དང་བྱང་སེམས་ཀྱི་འཁོར་གྱི་རྣམ་པ་དང་། སངས་རྒྱས་ཀྱི་ཞིང་གི་རྣམ་པ་དང་། སྔོན་གྱི་རྒྱུའི་རྣམ་པ་སོགས་རྣམ་པ་དུ་མའི་སྒོ་ནས་སེམས་པར་མདོ་གཞན་དང་གཞན་ལས་གསུངས་པ་བཞིན་ཏེ། འདི་ནི་དད་པ་སྒོ་དུ་མ་ནས་རྒྱས་པའི་ཆེད་དོ། །དེའང་ལན་རེ་ཟུང་ཙམ་མ་ཡིན་པར་སྒོམ་དགོས་པ་ནི་ཡང་དང་ཡང་དུ་ཞེས་པས་བསྟན་ཏེ། འདིས་ནི་དད་པ་རྒྱུན་རིང་ལ་བརྟན་པ་སྒྲུབ་པར་བྱེད་དོ། །བཤད་མ་ཐག་པའི་རྣམ་པ་དེ་དག་ལ་མཁས་ན་དེ་དག་གི་སྒོ་ནས་སངས་རྒྱས་ཡིད་

― TN03_Page_0258 ―

^{[མ་དཔེ་གཟིགས་ན་འདིར་གནོན།]}

(༢༠༢)ལ་བྱེད་ཚུལ་མེད་པས། ཞིང་བཀོད་ཀྱི་མདོ་སྡེ་རིན་པོ་ཆེ་འབད་པ་དུ་མས་ཉན་དགོས་པར་གསུངས་ཏེ། སྟོབས་བཅུ་མངའ་བས་དད་པ་སྦྱང་ཐབས་ཀྱི་མན་ངག་གཏིང་ཐུག་པར་བྱིན་པ་ཡིན་པར་ཟུངས་ཤིག །སྨོན་ལམ་ཁྱད་པར་ཅན་ཇི་ལྟར་བཏབ་པ་བཞིན་དུ་འགྲུབ་པ་ལ། དེའི་རྟེན་དུ་གོང་གི་རྒྱུ་གཉིས་པ་དགེ་བའི་རྩ་བ་མང་པོ་བསགས་པ་དགོས་ཏེ། མདོ་དེ་ཉིད་ལས། འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་བྱ་བའི་ཕྱིར་དགེ་བའི་རྩ་བ་རྣམས་ཡོངས་སུ་བསྔོ་བར་བྱའོ། །ཞེས་དང་། སྙིང་རྗེ་པད་དཀར་ལས་ཀྱང་། བདག་གི་མིང་ཐོས་པར་གྱུར་པ་དེ་དག་ཐམས་ཅད་དགེ་བའི་རྩ་བ་སངས་རྒྱས་ཀྱི་ཞིང་དུ་ཡོངས་སུ་བསྔོ་བ་བགྱིས་ནས་བདག་གི་སངས་རྒྱས་ཀྱི་ཞིང་དུ་སྐྱེ་བར་གྱུར་ཅིག །ཅེས་སྨོན་ལམ་འདེབས་ལུགས་ཀྱང་དགེ་རྩ་ཡོངས་སྒྱུར་གྱི་བསྔོ་བའི་རྣམ་པ་ཅན་དུ་བྱེད་པར་གསུངས་སོ། །དགེ་རྩ་གསོག་ལུགས་ནི། སྔར་དྲངས་པའི་མདོ་ལུང་ཕྱི་མར། དགེ་བའི་རྩ་བ་མང་པོ་དཔག་ཏུ་མེད་པ་རྒྱུན་དུ་བསྐྱེད་ལ། ཞེས་སྒོ་མང་པོ་ནས་གསོག་པ་དང་། ཞིང་དང་བསམ་པ་སོགས་ཀྱི་དབང་གིས་སྐད་ཅིག་རེར་ཡང་དཔག་ཏུ་མེད་པ་གསོག་པ་དང་། དེ་ལའང་གོམས་པ་རྒྱུན་ཆགས་སུ་བྱེད་པར་གསུངས་སོ། །སྒོ་མང་པོ་ནས་གསོག་ཚུལ་ཡང་། དེ་ཉིད་ལས། ཆོས་ཀྱི་རྣམ་གྲངས་འདི་མཉན་པར་བྱའོ། །ཐོས་ནས་ཀྱང་གཡོར་མ་ལྟུང་བའི་རྒྱུད་ཀྱིས་བསམ་པ་ཐག་པ་ནས་རྗེས་སུ་དགའ་བར་བྱའོ། །ཆོས་ཀྱི་རྣམ་གྲངས་འདི་གཟུང་བ་དང་། ཀུན་ཆུབ་པར་བྱ་བ་དང་། བཅང་བར་བྱ་བ་དང་། ཡི་

― TN03_Page_0259 ―

^{[མ་དཔེ་གཟིགས་ན་འདིར་གནོན།]}

(༢༠༣)གེར་བྲི་བ་དང་། བསྒོམ་པའི་ཕྱིར་བརྩོན་འགྲུས་རླབས་པོ་ཆེ་ཆེན་པོ་བརྩམ་པར་བྱའོ། །ཐ་ན་བ་གཅིག་འཇོ་བ་དེ་སྲིད་དུ་གཞན་དག་ལ་བརྗོད་པར་བྱའོ། །ཞེས་གསུངས་ཤིང་། དེའི་འཕྲོ་ཞིག་ན། ཐ་ན་ཡི་གེར་བྲིས་ཏེ་མཆོད་པ་བྱེད་པ་དེ་དག་ཀྱང་བསོད་ནམས་མང་དུ་སྐྱེད་པར་འགྱུར་ཏེ། ཞེས་མཆོད་པ་བྱེད་པ་ཡང་གསུངས་སོ། །དམ་པ་སྔ་མ་དག་སྨོན་ལམ་འགྲུབ་པའི་རྒྱུར་དགེ་རྩ་སྐྱེད་པའི་སྒོ་རྣམས་ཕྱག་འཚལ་བ་ལ་སོགས་པའི་ཡན་ལག་བདུན་དུ་བསྡུ་བར་བཞེད་དེ། སྡོང་པོ་བཀོད་པ་སོགས་ཀྱི་མདོའི་རྗེས་སུ་འབྲངས་པའོ། །འོད་མདོར་རྒྱུ་གཉིས་པ་སྟོན་པའི་སྐབས་སུ། ཇི་སྐད་སྨོས་པའི་ཁྱད་པར་དེ་འདྲ་བ་ཡང་དང་ཡང་དུ་སྦྱར་བས། ལུས་འདི་བོར་ནས་སྐྱེ་སྲིད་གཞན་བར་དུ་མི་བརྒྱུད་པར་ཞིང་དེར་འགྲོ་བ་ལ་དགེ་རྩ་ཤིན་ཏུ་ཤས་ཆེ་བ་དགོས་པར་གསལ་ལ། དེའང་ཚུལ་ཁྲིམས་དང་ལྡན་པ་ལ་འོང་གིས། རྒྱུད་ཉེས་པར་སྤྱོད་པས་ཟིལ་གྱིས་མནན་པ་ལ་ཆེས་ཆེར་དཀའ་བའི་ཕྱིར། མི་དགེ་བཅུ་སྤོང་ལ་མ་མཐའ་བྱས་པའི་ཚུལ་ཁྲིམས་ལ་མང་དུ་གནས་པ་དང་། སྡིག་ལྟུང་བྱུང་ཡང་བཤགས་བསྡམ་འབད་ནས་བྱེད་པ་ཅིག་གལ་ཤིན་ཏུ་ཆེ་བར་སྣང་སྟེ། བསྡུས་དོན་དང་པོའི་ཐད་དུ་དྲང་བའི་འཇམ་དཔལ་ཞིང་བཀོད་ཀྱི་ལུང་གིས་ཀྱང་ཚུལ་ཁྲིམས་དང་སྨོན་ལམ་གཉིས་ཞིང་དག་པར་སྐྱེ་བའི་རྒྱུའི་གཙོ་བོར་བསྟན་ཏོ། །ལྷག་པར་ཡང་དམ་པའི་ཆོས་སྤངས་པ་དང་། མཚམས་མེད་བྱེད་པ་གཉིས་ཀྱིས་བདེ་སྨོན་མི་འགྲུབ་པར་གོང་དུ་བརྗོད་ཟིན་ཅིང་། ལྷག་བསམ་

― TN03_Page_0260 ―

^{[མ་དཔེ་གཟིགས་ན་འདིར་གནོན།]}

(༢༠༤)བསྐུལ་བ་ལས་ཀྱང་། སྔོན་དགེ་སློང་ཆོས་སྨྲ་བ་གཉིས་ལ་སྐུར་པ་བཏབ་པའི་བྱང་སེམས་དྲུག་ཅུ་ལས་དེ་ལྷག་མ་མེད་པར་མ་ཟད་ཀྱི་བར་ལ་བདེ་བ་ཅན་དུ་འགྲོ་མི་ནུས་པར་གསུངས་ཏེ། དེའི་ནང་ནས་ཀྱང་། རྒྱལ་བའི་བསྟན་པ་ལ་ཆགས་སྡང་རིས་ཐ་དད་དུ་ཕྱེ་ནས་རྟག་ཏུ་གཞན་གྱི་ལེགས་བཤད་ལ་ཀླན་ཀ་ཚོལ་བའི་བསམ་པ་ཅན་གྱི་མཁས་རློམས་དང་། དྲི་མ་མེད་པའི་གསུང་རབ་དང་དགོངས་འགྲེལ་རིན་པོ་ཆེ་རྣམས་ལ་ཐན་མཐོང་བ་ལྟར་བྱེད་པའི་བླུན་པོ་དང་། རྙེད་བཀུར་གྱིས་དབྱེན་སྤྱོས་ནས་དམ་པ་རྣམས་ཀྱི་ཕུན་ཚོགས་ལ་ཞེ་སྡང་བ་དང་། གཞན་ཡང་དེ་དག་དང་ཕྱོགས་མཐུན་པ་བདག་ཅག་ལྟ་བུ་རྣམས་ལ་ཆོས་དང་ཆོས་སྨྲ་བ་ལ་བརྟེན་པའི་ལས་སྒྲིབ་འདི་དག་འབྱུང་ཤིན་ཏུ་ཉེ་བས། འཕགས་པ་ལྷག་བསམ་བསྐུལ་བ་དང་། རྣམ་པར་འཐག་པ་ཐམས་ཅད་བསྡུས་པའི་མདོ་སོགས་ཞིབ་ཏུ་བལྟས་ལ། ཉེས་སྤྱོད་ཆེན་པོའི་སྒོ་དེ་དག་གི་རྣམ་དབྱེ་ཤེས་པར་བྱས་ཏེ་མཐུ་ཅི་ཡོད་ཀྱིས་དགག་དགོས་སོ། །རྒྱུ་བཞི་པོ་འདི་དག་ཚུལ་བཞིན་བསྒྲུབས་པའི་སྐྱེས་བུས་ནི་ཚེ་འདིར་ཡང་ཐུབ་པ་འོད་དཔག་མེད་རྨི་ལམ་དུ་མཐོང་ཞིང་། ནམ་ཞིག་འཆི་བ་ལ་མངོན་དུ་ཕྱོགས་པའི་ཚེ་བཅོམ་ལྡན་འདས་དེ་བྱང་ཆུབ་སེམས་དཔའི་དགེ་འདུན་གྱི་ཚོགས་ཀྱིས་བསྐོར་ནས་མདུན་དུ་བཞུགས་པ་མཐོང་སྟེ་དགའ་བ་དང་དད་པའི་ཤུགས་ཀྱིས་ཡིད་འདྲེན་པར་འགྱུར་ལ། དེའི་མཐུས་ལས་ཀྱི་སྒྲིབ་པ་རྣམས་བྱང་ནས་ཐོགས་པ་མེད་པར་བདེ་བ་ཅན་དུ་འགྲོ་བ་འོད་མདོ་དང་སྙིང་རྗེ་པདྨ་དཀར་པོར་ཅི་རིགས་སུ་གསུངས་

― TN03_Page_0261 ―

^{[མ་དཔེ་གཟིགས་ན་འདིར་གནོན།]}

(༢༠༥)སོ། །ཞིང་དེའི་བྱང་སེམས་ཀྱི་འཁོར་དུ་སྐྱེས་ཀྱང་རེ་ཞིག་ལ་སྔར་བཤད་པའི་ཕན་ཡོན་རྣམས་ལས་ཉམས་པའི་རྒྱུ་ནི། རྒྱུ་བཞི་བསྒྲུབས་ཀྱང་བཅོམ་ལྡན་འདས་ཀྱིས་ཞིང་གི་ཡོན་ཏན་དང་དེར་རྒྱུ་ཅི་ཙམ་ཞིག་གིས་སྐྱེ་བའི་རྣམ་བཞག་བཀའ་སྩལ་པ་རྣམས་ལ་ཐེ་ཚོམ་ཟ་བ་ཡིན་ཏེ། དེའི་ཉེས་པས་ཞིང་དེར་པདྨའི་མངལ་དུ་ལོ་ལྔ་བརྒྱར་སངས་རྒྱས་མཐོང་བ་དང་། དེ་ལས་ཆོས་ཉན་པ་དང་། བྱང་ཆུབ་སེམས་དཔའ་མཐོང་བ་དང་། དེ་དག་དང་ལྷན་ཅིག་འབེལ་བའི་ཆོས་ཀྱི་གཏམ་རྣམ་པར་ངེས་པ་བྱ་བ་དང་། དེའི་དོན་ནན་ཏན་གྱིས་བསྒྲུབ་པའི་སྒོ་ནས་རྟོགས་པ་ཁྱད་པར་དུ་འགྲོ་བ་རྣམས་བྱར་མེད་པར་གནས་དགོས་པའི་ཚུལ་རྒྱ་ཆེར་འོད་མདོ་ལས་གསུངས་སོ། །དེ་དག་སངས་རྒྱས་མཐོང་བ་ལས་ཉམས་ཀྱང་ཆོས་ཐོས་པ་ལས་མི་ཉམས་ཟེར་བ་ནི་མདོ་དང་འགལ་ལོ། །ཐེ་ཚོམ་འདི་འགོག་པ་ལ་དཔལ་ཆོས་ཀྱི་གྲགས་པས། མཐོང་དང་མ་མཐོང་དངོས་པོ་ཡི། །དོན་དེ་དག་ལ་མངོན་སུམ་དང་། །རྗེས་དཔག་རྣམ་པ་གཉིས་ཀྱིས་ཀྱང་། །གནོད་མེད་འདི་ཡི་མི་བསླུ་བའོ། །ཞེས་སོགས་གསུངས་པ་ལྟར། དེ་བཞིན་གཤེགས་པས་མཐོང་བ་མངོན་གྱུར་བསྟན་པའི་གསུང་རབ་ལ་མངོན་སུམ་དང་། མཐོང་བ་ལྐོག་གྱུར་བསྟན་པའི་གསུང་རབ་ལ་དངོས་སྟོབས་ཀྱི་བསལ་བ་མི་འཇུག་པའི་ཚུལ་དང་། དེ་ནས་མ་མཐོང་བ་ཤིན་ཏུ་ཀློག་གྱུར་སྟོན་པའི་གསུང་རབ་འདི་འདྲ་བ་རྣམས་ལ་རང་ཚིག་སྔ་ཕྱི་དང་། དངོས་ཤུགས་འགལ་བའི་གནོད་པ་མེད་ཚུལ་ཤེས་པར་

― TN03_Page_0262 ―

^{[མ་དཔེ་གཟིགས་ན་འདིར་གནོན།]}

(༢༠༦)བྱས་ཏེ། གསུང་རབ་སྔ་མ་གཉིས་མཐུན་དཔེར་བླངས་ནས་དཔྱད་གསུམ་དག་པའི་ལུང་གི་རྟགས་ཀྱིས་མི་བསླུ་བར་ཡིད་ཆེས་སྐྱེད་པ་དགོས་ཏེ། འདི་ནི་འོད་མདོ་ཉིད་ལས། དེ་བས་མཁས་པ་རིག་པའི་རང་བཞིན་མི། །གང་ཞིག་ང་ཡི་ཚིག་ལ་ཡིད་ཆེས་ཏེ། །རྒྱལ་བའི་ཡེ་ཤེས་ཕུང་པོ་དབང་བྱས་ནས། །སངས་རྒྱས་ཉིད་ཀྱིས་མཁྱེན་ཅེས་ཚིག་ཏུ་བརྗོད། །ཅེས་པའི་དགོངས་པར་ཡང་སྣང་མོད། འདིར་དེ་ཙམ་ལས་མ་བཤད་དོ། །དེ་ལྟར་ཚོགས་གཉིས་ཀྱི་སྤྱོད་པ་རླབས་པོ་ཆེ་བདེ་བླག་ཏུ་རྫོགས་པར་བྱེད་པའི་ཐབས་ལ་མཁས་པ་རྨད་དུ་བྱུང་བ་ལས་ཀྱང་ཆེས་རྨད་དུ་བྱུང་བ་འདི་ལྟ་བུ་རྙེད་ནས་སྒྲུབ་ཏུ་ཡོད་པ་ནི། ད་རེས་འདྲ་བའི་བརྒྱ་ལམ་བརྒྱ་ལམ་ན་ཐུགས་རྗེ་ཅན་གྱི་སྟོན་པ་དང་། སྟོན་པའི་ལུགས་འཛིན་དམ་པ་རྣམས་ཀྱི་དྲིན་ལས་དཀའ་དཀའ་ལྟར་རྙེད་པར་ཟད་ཀྱི། ཡང་དང་ཡང་དུ་རྙེད་པ་མ་ཡིན་པའི་ཚུལ་ལེགས་པར་བསམ་ནས་མདོ་སྡེ་རིན་པོ་ཆེ་གདམས་པའི་མཐིལ་དུ་བཟུང་སྟེ་དོན་ཉམས་སུ་ལེན་པའི་བརྩོན་འགྲུས་དྲག་པོས་རྒྱལ་བ་སྲས་བཅས་ལ་བྱས་པ་གཟོ་བར་བྱ་སྟེ། མདོ་དེ་ཉིད་ལས། མི་ཕམ་པ་སངས་རྒྱས་འབྱུང་བ་རྙེད་པར་དཀའོ། །ཆོས་བསྟན་པ་རྙེད་པར་དཀའོ། །དལ་བ་ཕུན་སུམ་ཚོགས་པ་རྙེད་པར་དཀའོ། །མི་ཕམ་པ། ངས་ཁྱོད་ལ་དགེ་བའི་རྩ་བ་ཐམས་ཅད་ཀྱི་ཕ་རོལ་ཏུ་ཕྱིན་པ་བསྙད་ཀྱིས། ད་ཁྱོད་ཀྱིས་མངོན་པར་སྦྱོར་ལ་སྒྲུབ་ཤིག །ཅེས་བཀའ་སྩལ་པ་བཞིན་ནོ། །གཉིས་པ་ནི། བདེ་བ་ཅན་དུ་སྐྱེ་བའི་སྨོན་

― TN03_Page_0263 ―

^{[མ་དཔེ་གཟིགས་ན་འདིར་གནོན།]}

(༢༠༧)ལམ་དང་། དེའི་གྲོགས་དགེ་རྩ་དུ་མ་ལ་འཇུག་པའི་བརྩོན་འགྲུས་གཉིས་ཀའི་རྩ་བ་ནི་བསམ་གྱིས་མི་ཁྱབ་པའི་ཞིང་གི་འབྱོར་པ་ལ་དད་པ་བརྟན་པ་ཡིན་པས་གཙོ་བོར་དེ་བསྒོམ་པའི་ཕྱིར་དུ་འབད་དགོས་ཏེ། དེ་ཉིད་ལས། དོན་མཆོག་ཐོབ་ཕྱིར་དད་པ་རྩ་བ་སྟེ། །དེ་ལྟ་བས་ན་ཐོས་ནས་ཡིད་གཉིས་སོལ། །ཞེས་གསུངས་སོ། །དེའང་རྒྱུ་འབྲས་གཉིས་ཀའི་སྒོ་ནས་བསམ་ན་བློ་འཁྲུལ་སྟོབས་ཆེ་བས་དེ་ལྟར་ཅུང་ཟད་བཤད་པ་ལ་གཉིས། ཞིང་དེ་དང་པོར་ཇི་ལྟར་བསྒྲུབས་པའི་ཚུལ་དང་། གྲུབ་པའི་ཞིང་གི་ཕུན་ཚོགས་ཉིད་བཤད་པའོ། །དང་པོ་ལའང་། བསམ་པ་སྨོན་ལམ་ཇི་ལྟར་བཏབ་པ། སྦྱོར་བ་ཚོགས་ཇི་ལྟར་བསགས་པ། དེ་དག་གི་ལག་རྗེས་ཇི་ལྟར་གྲུབ་པའི་ཚུལ་དང་གསུམ་ལས། དང་པོ་ནི། སྐྱོབ་པ་འོད་དཔག་མེད་སྔོན་དགེ་སློང་ཆོས་ཀྱི་འབྱུང་གནས་སུ་གྱུར་པ་ན་སྙིང་རྗེའི་རྩ་བ་ཅན་གྱི་བྱང་ཆུབ་ཀྱི་སེམས་རིན་པོ་ཆེས་ཐུགས་རྒྱུད་བསྐུལ་བར་གྱུར་ཏེ་ཕུལ་དུ་བྱུང་བའི་སངས་རྒྱས་ཀྱི་ཞིང་ཡོངས་སུ་གཟུང་བའི་ཆེད་དུ་དེ་བཞིན་གཤེགས་པ་འཇིག་རྟེན་དབང་ཕྱུག་རྒྱལ་པོའི་སྤྱན་སྔར་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱད་ཅུ་རྩ་གཅིག་གི་ཞིང་གི་ཡོན་ཏན་སྒྲུབ་བྱེད་ཀྱི་རྒྱུ་དང་བཅས་པ་ལོ་བྱེ་བ་ཐམ་པར་གསན་ཅིང་། དེའི་འོག་ཏུ་རང་ཉིད་ཀྱིས་བསྐལ་པ་ལྔའི་རིང་ལ་ཇི་སྐད་གསན་པའི་ཞིང་དེ་དག་ལས་ཆེས་ཁྱད་པར་དུ་འཕགས་པའི་རྒྱ་ཁྱོན་དང་། རང་བཞིན་དང་། འཁོར་དང་། ལོངས་

― TN03_Page_0264 ―

^{[མ་དཔེ་གཟིགས་ན་འདིར་གནོན།]}

(༢༠༨)སྤྱོད་ཀྱི་བྱེ་བྲག་ཟད་མི་ཤེས་པ་དང་ལྡན་པའི་སངས་རྒྱས་ཀྱི་ཞིང་ལ་རྩེ་གཅིག་ཏུ་སེམས་ཤིང་འདུག་ནས། གདོད་དེ་བཞིན་གཤེགས་པའི་སྤྱན་སྔར་དེ་འདྲ་བའི་ཞིང་བཟུང་བར་འོད་མདོ་ལས་གསུངས་ཏེ། རྒྱས་པར་ན་དང་པོར་དགེ་སློང་ཆོས་ཀྱི་འབྱུང་གནས་དེ་ཐེག་མཆོག་རིགས་ཀྱི་ནུས་པ་ཁྱད་པར་ཅན་སད་ཚུལ་དང་། དེ་ནས་དགེ་བའི་བཤེས་གཉེན་བསམ་སྦྱོར་ཇི་ལྟ་བུས་བསྟེན་པ་དང་། དགེ་བའི་བཤེས་གཉེན་ལས་འབད་པ་ཆེན་པོས་གདམ་ངག་ཇི་ལྟར་བླངས་པ་དང་། གདམ་ངག་དེ་ལ་བརྟེན་ནས་བསམ་པ་ཕུན་ཚོགས་ཇི་ལྟ་བུ་བརྙེས་པ་དང་། བསམ་པ་དེ་ཐོག་མར་བསྐྱེད་དུས་ནས་ངོ་མཚར་རྨད་དུ་བྱུང་བའི་ལྟས་རྒྱ་ཆེན་པོ་འཇིག་རྟེན་དུ་བྱུང་ཚུལ་རྣམ་དཔྱོད་ཅན་གྱི་འདུན་སར་གླེང་བར་འོས་པ་དུ་མ་ཞིག་ཞིང་བཀོད་ཀྱི་མདོ་ཉིད་ཀྱི་སྟེང་ནས་ཤོད་པར་སྣང་ཡང་མང་བས་འཇིགས་ནས་མ་སྤྲོས་སོ། །སྙིང་རྗེ་པདྨ་དཀར་པོ་ལས་ནི། བཅོམ་ལྡན་འདས་དེས་སངས་རྒྱས་ཀྱི་ཞིང་བཟུང་བའི་སྐུ་ཚེའི་ཐོག་མ་འཁོར་སྒྱུར་རྩི་བས་ཀྱི་མ་ཁྱུད་དུ་འཁྲུངས་པ་དེ་ཡིན་པར་གསུངས་ཏེ། དེས་ལོ་བདུན་དུ་གཡེང་བ་ཐམས་ཅད་སྤངས་ཏེ་ནང་དུ་ཡང་དག་འཇོག་ལ་གནས་པ་ན། དེ་བཞིན་གཤེགས་པ་རིན་པོ་ཆེའི་སྙིང་པོའི་བྱིན་རླབས་ཀྱིས་ཕྱོགས་བཅུའི་ཕྱོགས་རེ་རེར་ཡང་སངས་རྒྱས་ཀྱི་ཞིང་འཇིག་རྟེན་གྱི་ཁམས་སྟོང་གི་རྡུལ་སྙེད་རྣམས་ཀྱི་ཡོན་ཏན་བཀོད་པའི་རྒྱན་དག་མཐོང་བར་གྱུར་ནས་དེ་དག་ལ་ལྟ་ཞིང་གང་དུ་རང་ཉིད་འཚང་རྒྱ་བའི་སངས་རྒྱས་ཀྱི་ཞིང་

― TN03_Page_0265 ―

^{[མ་དཔེ་གཟིགས་ན་འདིར་གནོན།]}

(༢༠༩)ཡོན་ཏན་ཕུན་སུམ་ཚོགས་པར་འགྱུར་བའི་སྨོན་ལམ་གྱི་ཚུལ་ལ་མཁས་པར་བྱས་ཏེ། དེ་བཞིན་གཤེགས་པའི་སྤྱན་སྔར་སྨོན་ལམ་རྒྱ་ཆེར་བཏབ་ཚུལ་རྣམས་བཤད་དོ། །གཉིས་པ་ནི། དེ་ལྟར་སྨོན་པ་ཙམ་གྱིས་ཆོག་ཤེས་པར་ཡང་མ་མཛད་དེ། ཇི་ལྟར་སྨོན་པའི་དོན་དེ་ཉིད་བསྒྲུབ་པར་བྱ་བའི་ཕྱིར། དུས་ཀྱི་ཁྱད་པར་བསྐལ་པ་མཐའ་ཡས་པར། སློབ་ཚུལ་གྱི་ཁྱད་པར་རྟག་ཏུ་བྱང་ཆུབ་སེམས་དཔའི་སྤྱོད་པ་འབའ་ཞིག་གི་རྗེས་སུ་འབྲང་བའི་དྲན་པ་དང་ཤེས་བཞིན་དང་བག་ཡོད་རྣམས་ལ་གནས་ཏེ། བསླབ་བྱའི་རང་བཞིན་ལུས་ངག་ཡིད་གསུམ་གྱི་ཉེས་སྤྱོད་ཕྱོགས་རེ་ཙམ་མ་ཡིན་པར་སྡོམ་པ་དང་ཚུལ་ཁྲིམས་དང་ཏིང་ངེ་འཛིན་གྱི་སྤྱོད་པ་ཕྱོགས་རེ་ཙམ་མ་ཡིན་པར་སྒྲུབ་པ་དང་། ཁྱད་པར་དུ་དེ་ཁོ་ན་ཉིད་རྟོགས་པའི་ཤེས་རབ་ཚད་བཟུང་དང་བྲལ་བས་མཐར་འཛིན་གྱི་འཆིང་བ་བཅད་དེ། སྦྱིན་པ་ལ་སོགས་པ་བྱང་སེམས་ཀྱི་སྤྱོད་པ་གཞན་རྣམས་ཀྱང་ཤེས་རབ་དེ་ཉིད་ཀྱི་རྒྱས་བཏབ་ནས་གོམས་པར་བྱེད་པ་དང་། དགེ་ཆོས་དེ་རྣམས་ཁྱད་པར་དུ་འགྲོ་བའི་ཕྱིར་སངས་རྒྱས་དང་བྱང་ཆུབ་སེམས་དཔའི་བཤེས་གཉེན་བགྲང་བས་མཐའ་མི་རྟོགས་པ་དེ་ཉིད་སྒོ་ཐམས་ཅད་ནས་མཉེས་པར་བྱ་བ་དང་། རང་གང་ལ་གནས་པའི་ལམ་དེ་ཉིད་མཐའ་ཡས་པའི་སེམས་ཅན་གྱིས་དངོས་དང་བརྒྱུད་ནས་རྟོགས་པར་བྱ་བའི་ཕྱིར་ཐབས་ལ་མཁས་པའི་རྣམ་གྲངས་བསམ་གྱིས་མི་ཁྱབ་པ་སྟོན་པ་དང་། དེ་དག་ཐམས་ཅད་ཀུན་ཏུ་བཟང་པོའི་སྨོན་ལམ་གྱིས་བསྔོ་

― TN03_Page_0266 ―

^{[མ་དཔེ་གཟིགས་ན་འདིར་གནོན།]}

(༢༡༠)ཞིང་ཡོངས་སུ་སྤེལ་བ་སྟེ། མདོར་ན་དགེ་བའི་རྩ་བ་མ་སྦྱངས་པ་རྣམས་ཀྱིས་ཐོས་ན་ཡིད་ཆེས་པ་ཙམ་ཡང་བྱ་དཀའ་བའི་སྤྱོད་པ་རྨད་དུ་བྱུང་བ་རྣམས་ལ་བསླབ་པར་མཛད་པ་ནི། འོད་མདོ་ལས། ཀུན་དགའ་བོ་དགེ་སློང་ཆོས་ཀྱི་འབྱུང་གནས་དེས་དེ་བཞིན་གཤེགས་པ་འཇིག་རྟེན་དབང་ཕྱུག་རྒྱལ་པོ་དེའི་སྤྱན་སྔར་ལྷ་དང་བཅས་པའི་འཇིག་རྟེན་གྱི་མདུན་དུ་སྨོན་ལམ་གྱི་ཁྱད་པར་རྣམ་པ་དེ་ལྟ་བུ་དེ་དག་བསྟན་ནས། ཡང་དག་པའི་ལྟ་བ་བཞིན་དུ་སྒྲུབ་པ་ལ་གནས་པར་གྱུར་ཏེ། ཞེས་སོགས་རྒྱས་པར་གསུངས་སོ། །གསུམ་པ་ནི། །བསོད་ནམས་དང་ཡེ་ཤེས་ཀྱི་ཕུང་པོ་ཆེན་པོ་དེ་དག་གི་མཐུ་ལས་སྐུ་ཚེའི་ཕྲེང་བ་ཐམས་ཅད་དུ་ལུས་མཚན་དཔེས་བརྒྱན་ཅིང་། ཁའི་སྒོ་དང་བ་སྤུའི་སྒོ་ཐམས་ཅད་ལས་ལྷ་རྫས་ཀྱི་ཙན་དན་དང་མེ་ཏོག་ཨུཏྤ་ལའི་བསུང་འབྱུང་བ་དང་། ཅི་དང་ཅི་དགོས་པའི་ཡོ་བྱད་ཀྱི་ཁྱད་པར་ཐམས་ཅད་ལག་པ་གཉིས་ནས་རང་འབྱུང་བ་དང་། ཕྱོགས་གང་དུ་སྐྱེས་ཀྱང་དེ་དང་དེར་གཏེར་བྱེ་བ་ཁྲག་ཁྲིག་འབུམ་ཕྲག་དུ་མ་འཐོན་པ་དེ་ལྟ་བུའི་དཔལ་གྱིས་མཛེས་པར་གྱུར་ཏེ། དེ་ཡང་རིམ་གྱིས་གོང་ནས་གོང་དུ་འཕེལ་ཏེ། མཐར་སངས་རྒྱས་ཀྱི་ཞིང་གི་བཀོད་པའི་རྒྱན་ཇི་ལྟར་བཞེད་པ་ཐམས་ཅད་འགྲུབ་པའི་ནུས་པ་ཡོངས་སུ་རྫོགས་པའི་བར་དུ་གྱུར་པ་ཡང་། དེ་ཉིད་ལས། ཀུན་དགའ་བོ་དེ་ལྟར་དགེ་སློང་ཆོས་ཀྱི་འབྱུང་གནས་དེས་སྔོན་བྱང་ཆུབ་སེམས་དཔའི་སྤྱོད་པ་སྤྱད་པ་ན་ཡོ་བྱད་ཐམས་ཅད་ལ་དབང་བའི་ཕ་རོལ་ཏུ་སོན་པར་གྱུར་ཏོ། །ཞེས་སོགས་གསུངས་སོ། །

― TN03_Page_0267 ―

^{[མ་དཔེ་གཟིགས་ན་འདིར་གནོན།]}

(༢༡༡)དེའང་རྒྱུའི་དགེ་ཚོགས་བཟང་བ་དང་། མང་བ་དང་། ཉེས་སྤྱོད་དང་མ་འདྲེས་པ་དང་། སྣ་ཚོགས་པ་སོགས་ཀྱི་དབང་གིས་སངས་རྒྱས་ཀྱི་ཞིང་གི་ཡོན་ཏན་བཟང་བ་དང་། མང་ཞིང་ཕལ་ཆེ་བ་དང་། སྙིགས་མ་ཐམས་ཅད་ཀྱིས་མ་སྦགས་པ་དང་། རྒྱན་སྣ་ཚོགས་པ་སོགས་སོ་སོར་འབྱུང་བར་སྣང་ངོ། །རྒྱུའི་གསལ་བ་ཐ་དད་ལས་སངས་རྒྱས་ཀྱི་ཞིང་ལ་ལག་རྗེས་སོ་སོར་འབྱུང་བའི་ཚུལ་རྒྱས་པར་ནི་སའི་སྙིང་པོའི་འཁོར་ལོ་བཅུ་པ་དང་། འཇམ་དཔལ་ཞིང་བཀོད་ལས་ཤེས་པར་བྱའོ། །དེ་བཞིན་དུ་མཚན་དང་། དཔེ་བྱད་དང་། འོད་དང་། སྐུ་ཚེ་དང་། དབྱངས་དང་། ཡེ་ཤེས་དང་། མཛད་པ་དང་། ཐ་ན་མཚན་གྱི་ཡི་གེ་ཙམ་ཡང་གདུལ་བྱའི་རེ་བ་སྐོང་བ་ལ་ཡིད་བཞིན་གྱི་ནོར་བུ་ལྟ་བུར་རྒྱུ་བསམ་སྦྱོར་ཕུན་ཚོགས་དུས་ཡུན་རིང་ལ་རྣམ་པ་མཐའ་ཡས་པས་བསྒྲུབས་ཚུལ་རྣམས་ཞིབ་ཏུ་བསམ་པར་བྱ་སྟེ། འདི་དག་ལེགས་པར་ཤེས་ན་འོད་མདོ་ལས། གང་གིས་ཕྲ་རབ་རྡུལ་སྙེད་འཇིག་རྟེན་ཁམས། །བཤིགས་ཤིང་བཏགས་ཏེ་རྡུལ་དུ་བྱས་གྱུར་པ། །དེ་བས་མང་བའི་འཇིག་རྟེན་ཁམས་རྣམས་ཀྱི། །རིན་ཆེན་བཀང་སྟེ་སྦྱིན་པ་བྱིན་པས་ནི། །གང་གིས་དཔག་ཏུ་མེད་པའི་འོད་མཚན་དང་། །བདེ་བ་ཅན་གྱི་ཡོན་ཏན་ཁྱད་འཕགས་རྣམས། །ཐོས་ནས་དགའ་སྟེ་ཐལ་མོ་སྦྱོར་བྱེད་པ། །བསོད་ནམས་འདི་ཡི་ཆར་ཡང་འགྱུར་མ་ཡིན། །གང་གིས་བདེ་བ་ཅན་གྱི་འཇིག་རྟེན་གྱི། །མིང་ཐོས་པ་ཡི་བསོད་ནམས་དེ་ལ་ནི། །ཞིང་མཆོག་

― TN03_Page_0268 ―

^{[མ་དཔེ་གཟིགས་ན་འདིར་གནོན།]}

(༢༡༢)ཐ་གྲུ་ཆེན་པོ་དེ་དག་ཀུན། །ཆ་དང་དཔེར་ཡང་འགྱུར་བ་མ་ཡིན་ནོ། །ཞེས་སོགས་གོང་འོག་ཏུ་གསུངས་པ་དུ་མ་ཞིག་ལ་ངེས་པ་ཡམ་མེ་བ་མིན་པར་སྐྱེའོ། །གཉིས་པ་ལ། སྣོད་ཀྱི་ཡོན་ཏན་དང་། བཅུད་ཀྱི་ཡོན་ཏན་བཤད་པ་གཉིས། དང་པོ་ལའང་། ས་གཞི་དང་ནམ་མཁའི་གནས་བཤད་པ་དང་། དེ་དག་མཛེས་བྱེད་ཀྱི་རྒྱན་བཤད་པ་གཉིས་ལས། དང་པོ་ནི། ཞིང་དེ་ན་ལྷ་དང་མིའི་གནས་རིས་གཉིས་ལས་གནས་གཞན་མེད་ལ། ལྷ་གནས་ལ་རྒྱལ་ཆེན་རིས་བཞི་དང་། སུམ་ཅུ་རྩ་གསུམ་སོགས་ཀྱི་གནས་རིས་སོ་སོར་ཡོད་ཀྱང་། རི་རབ་ལ་བརྟེན་པའི་ལྷ་གནས་ནི་མེད་དེ། དེ་ན་རི་རབ་དང་རྒྱ་མཚོ་ཆེན་པོ་སོགས་མེད་པར་གསུངས་པའི་ཕྱིར་རོ། །དེས་ན་ཐམས་ཅད་ཀྱང་ནམ་མཁའ་ལ་བརྟེན་པ་ཤ་སྟག་སྟེ། འདི་ནི་ཀུན་དགའ་བོས་དྲི་བ་ཞུས་པའི་ལན་གྱི་སྐབས་སུ་རྒྱུ་མཚན་མཐུན་དཔེ་དང་བཅས་ཏེ་གསུངས་སོ། །རྒྱ་མཚོ་ཆེན་པོ་མེད་པས་གླིང་བཞིའི་རྣམ་གཞག་ལ་ཡང་དཔྱད་པར་བྱའོ། །དེ་ལ་ཞིང་དེ་ནི་ཐ་གྲུ་ཆེ་ཞིང་ཤིན་ཏུ་ཡངས་པ། ས་གཞི་སྡོང་དུ་མ་དང་། ཚེར་མ་དང་། གྱོ་གསེག་དང་། ངམ་གྲོག་དང་། གད་པ་དང་། རྡོ་བ་དང་། རི་ནག་པོ་མེད་ཀྱང་། འཇིག་རྟེན་ན་མི་སྤྱོད་པའི་རིན་པོ་ཆེ་སྣ་ཚོགས་ལས་གྲུབ་པ། ངོས་ལག་མཐིལ་ལྟར་མཉམ་པ། གསེར་གྱི་དྲ་བས་ཁེབས་པ། ཤིན་ཏུ་གཞོན་ཞིང་འཇམ་ལ་སྙི་བས་རེག་ན་བདེ་བ། བཀྲ་ཞིང་ཤིན་ཏུ་མཛེས་པའི་འོད་ཟེར་གྱི་རི་མོ་ཅན། ལེགས་པར་ཕྱིས་པའི་མེ་ལོང་གི་ནང་ལྟར་དག་པས་

― TN03_Page_0269 ―

^{[མ་དཔེ་གཟིགས་ན་འདིར་གནོན།]}

(༢༡༣)སངས་རྒྱས་ཀྱི་ཞིང་ཚད་མེད་པའི་རྒྱན་གྱི་གཟུགས་བརྙན་སྣང་བ་སྟེ། འོད་མདོའི་གོང་འོག་བསྒྲིགས་ཤིང་། མདོ་གཞན་ལའང་ཅུང་ཟད་བརྟེན་ནས་བཀོད་པའོ། །གཉིས་པ་ལ། ས་གཞི་ལ་འབྱུང་བའི་རྒྱན་དང་། ནམ་མཁའ་ལ་འབྱུང་བའི་རྒྱན་དང་། དེ་དག་གི་ཁྱད་པར་ཐུན་མོང་དུ་བསྟན་པའོ། །དང་པོ་ལ། རྟག་ཏུ་གནས་པ་དང་། འཕྲལ་དང་འཕྲལ་ལ་བྱུང་བ་གཉིས་ལས། དང་པོ་ལའང་། རིའི་རྒྱན་ནི་འོད་མདོར། རི་ཐམས་ཅད་ཀྱང་རིན་པོ་ཆེའི་རི་ཤ་སྟག་གོ །ཞེས་པ་ཙམ་ལས་མ་བྱུང་ཡང་། མདོ་གཞན་དུ། ལྷ་ཡུལ་གྱི་རི་རྣམས་རྩེ་མོ་སྣ་ཚོགས་པ། ངོས་ཡངས་ཤིང་མཐོ་དམན་མང་པོས་དགའ་བ། རིན་པོ་ཆེའི་སྙེ་ཕུང་འཁྲིགས་པའི་གསབ་གསེབ་དང་། རིན་པ་ཆེའི་འབྱུང་ཁུངས་དུ་མ་ཅན། ནོར་བུའི་ཕུག་དང་། འཁྲི་ཤིང་གི་ཁྱིམ་གྱི་ཕྲེང་བས་མཛེས་པ་ཡིན་པར་གསུངས་པ་དང་འདྲའམ་སྙམ་མོ། །ཤིང་གི་རྒྱན་ནི། ཤིང་ལྗོན་པ་རེ་རེ་ནས་རིལ་གྱིས་རིན་པོ་ཆེ་སྣ་གཅིག་གི་རང་བཞིན་དང་། གཉིས་དང་། གསུམ་ནས། གསེར་དང་དངུལ་དང་བཻཌཱུརྱ་དང་། ཤེལ་དང་། སྤུག་དང་། མུ་ཏིག་དམར་པོ་དང་། རྡོའི་སྙིང་པོ་སྟེ་རིན་པོ་ཆེ་སྣ་བདུན་ལས་གྲུབ་པའི་བར་དུ་ཡོད་ལ། དེའི་ནང་ནས་རིན་པོ་ཆེ་སྣ་གཅིག་པ་ལ། གསེར་གྱི་ལྗོན་ཤིང་ནས་རྡོའི་སྙིང་པོའི་ལྗོན་ཤིང་གི་བར་བདུན་དང་། རིན་པོ་ཆེ་སྣ་བདུན་ལས་གྲུབ་ཚུལ་ལ། རྩ་བ། སྡོང་པོ། ཡལ་ག ལོ་མ། འདབ་མ། མེ་ཏོག འབྲས་བུ་རྣམས་སོ་

― TN03_Page_0270 ―

^{[མ་དཔེ་གཟིགས་ན་འདིར་གནོན།]}

(༢༡༤)སོར་རིན་པོ་ཆེ་གཞན་དང་གཞན་ལས་གྲུབ་པ་དང་། དེ་བདུན་རེ་རེ་ཡང་རིན་པོ་ཆེ་སྣ་བདུན་ཀ་ལས་གྲུབ་པའི་ཚུལ་གཉིས་གསུངས་ཤིང་། དེའི་སྔ་མ་ལའང་དབྱེ་བ་བདུན་གསུངས་སོ། །ཤིང་ལྗོན་པ་དེ་དག་ཐམས་ཅད་ཀྱང་འཇམ་ཞིང་རེག་ན་བདེ་ལ་དྲི་ཞིམ་པ་སྟེ། དེ་དག་རླུང་གིས་བསྐྱོད་པ་ན་སྙན་ཅིང་ཡིད་དུ་འོང་ལ་མཉན་པས་ཆོག་མི་ཤེས་པའི་སྒྲ་དབྱངས་དག་འབྱུང་ངོ་། །ཤིང་སོ་སོའི་ཁ་དོག་སོ་སོ་དང་། ཤིང་རེ་རེ་ཡང་ཁ་དོག་མི་འདྲ་བ་དུ་མས་ཕྱེ་བ་དེ་དག་གིས་ས་གཞི་རྣམ་པར་བཀྲ་བ་ཡིན་ནོ། །ཆུའི་རྒྱན་ལ། འབབ་ཆུ་དང་། རྫིང་བུའི་རྒྱན་གཉིས་ལས། འབབ་ཆུ་ནི་ཁ་ཞེང་དཔག་ཚད་གཅིག་པ་ནས་དཔག་ཚད་བརྒྱ་སྟོང་པའི་བར་དུ་ཡོད་ལ། ཟབས་སུ་ནི་ཐམས་ཅད་ཀྱང་དཔག་ཚད་བཅུ་གཉིས་པར་མཚུངས་ཏེ། །དེ་དག་ཏུ་རོལ་རྩེད་ལ་འཇུག་པའི་སེམས་ཅན་རྣམས་ཀྱི་བསམ་པའི་དབང་གིས་ཆུ་ལོང་བུ་ནུབ་ཙམ་ནས། མིད་པ་ནུབ་ཙམ་གྱི་བར་གྱི་ཇི་ལྟར་འདོད་པ་བཞིན་དུ་འགྱུར་བ་ནི་མ་གཏོགས་སོ། །ཆུ་ཀླུང་དེ་དག་ནི་འབབ་སྟེགས་བདེ་བ། འདམ་རྫབ་མེད་པ། གསེར་གྱི་བྱེ་མ་བརྡལ་བ། དྲི་རབ་ཏུ་ཞིམ་པའི་ལྷ་རྫས་ཀྱི་སྤོས་ཀྱིས་བསྒོས་པ། ལྷའི་མེ་ཏོག་གི་ཚོགས་ཀྱིས་ཁེབས་པ། །ལྷའི་སིལ་སྙན་ཡན་ལག་བྱེ་བ་བརྒྱ་སྟོང་དང་ལྡན་པ་རོལ་མོ་མཁན་མཁས་པས་བླངས་པ་བས་ཀྱང་ལྷག་པའི་སྒྲ་སྙན་པ་སྒྲོགས་ཤིང་འབབ་པ། འདོད་པའི་རྗེས་སུ་འབྲང་བའི་རེག་བྱ་ཅན་འགྲམ་གཉིས་རིན་པོ་ཆེའི་སྤོས་ཀྱི་ཤིང་ལྗོན་པས་གང་བ་ཤ་སྟག་སྟེ། དེ་དག་གི་དྲི་དང་།

― TN03_Page_0271 ―

^{[མ་དཔེ་གཟིགས་ན་འདིར་གནོན།]}

(༢༡༥)དབྱངས་དང་། མེ་ཏོག་གི་རྒྱན་རྣམས་ཀྱང་རྣམ་པ་སྣ་ཚོགས་པ་ཡིན་ནོ། །ཀླུང་དེ་དག་གི་སྒྲ་དབྱངས་རྣམས་ནི་ཟབ་པ་དང་། རྒྱ་ཆེ་བའི་ཆོས་ཀྱི་རྣམ་གྲངས་ཇི་ལྟར་འདོད་པའི་དབྱངས་སུ་གྲགས་པར་འགྱུར་ལ། སྒྲ་དེ་ཐོས་པར་མི་འདོད་ན་ནི་དེའི་མོད་ལ་ཞི་བར་འགྱུར་རོ། །རྫིང་བུའི་རྒྱན་ནི། འོད་མདོར། འཕགས་པ་མི་ཕམ་པ་ལ་དྲི་བ་མཛད་པའི་སྐབས་སུ། རྫིང་བུ་ཉམས་དགའ་བ་དག་དང་། ཞེས་པ་ཙམ་ལས་མ་གསུངས་ཀྱང་། ཞིང་བཀོད་ཀྱི་མདོ་ཆུང་བ་ལས་གསུངས་ཏེ། གཞི་རིན་པོ་ཆེ་སྣ་བདུན་ལས་གྲུབ་ཅིང་། གསེར་གྱི་བྱེ་མ་བརྡལ་བ། ཆུ་ཡན་ལག་བརྒྱད་དང་ལྡན་པས་བྱ་རོག་གིས་བཏུང་དུ་རུང་བར་གང་བ། རིན་པོ་ཆེའི་པདྨས་ཁེབས་ཤིང་། ཕྱོགས་བཞིར་རིན་པོ་ཆེའི་ཐེམ་སྐས་བཀྲ་བ་དང་ལྡན་པ། ཕྱི་རོལ་རིན་པོ་ཆེའི་ལྗོན་ཤིང་གི་ཕྲེང་བ་སྤེལ་ལེགས་པས་མཛེས་པར་བྱས་པ་དག་གོ །ནགས་ཚལ་དང་ཆུའི་གནས་དེ་དག་ཏུ་དེ་བཞིན་གཤེགས་པས་སྤྲུལ་པའི་བྱ་རྣམ་པ་སྣ་ཚོགས་སྒྲ་ཡིད་དུ་འོང་བ་ཅན་གྱི་ཚོགས་རྣམས་གནས་པར་གསུངས་ཏེ། ཞིང་མདོ་ཆུང་བ་ལས། དེ་དག་ཉིན་རེ་ཞིང་དུས་གསུམ་དུ་འདུས་ནས་བགྲོ་བ་བྱེད་ཅིང་རང་རང་གི་སྐད་དག་གིས་སྨྲ་སྟེ། །དེ་ལྟར་སྨྲ་བ་ན་དབང་པོ་དང་། སྟོབས་དང་བྱང་ཆུབ་ཀྱི་ཡན་ལག་གི་སྒྲ་འབྱུང་བར་གསུངས་སོ། །པདྨའི་རྒྱན་ནི། རིན་པོ་ཆེ་སྣ་བདུན་གྱི་པདྨ་ཚོན་སྣ་ཚོགས་ཅན་དཔག་ཚད་ཕྱེད་ཀྱི་ཚད་ཙམ་དང་། དཔག་ཚད་གཅིག་གི་ཚད་ཙམ་ནས་དཔག་ཚད་བཅུའི་ཚད་ཀྱི་བར་དུ་ཡོད་དེ། །དེ་ཐམས་

― TN03_Page_0272 ―

^{[མ་དཔེ་གཟིགས་ན་འདིར་གནོན།]}

(༢༡༦)ཅད་ལས་ཀྱང་འོད་ཟེར་བྱེ་བ་སྟོང་ཕྲག་སུམ་ཅུ་རྩ་དྲུག་དང་། འོད་ཟེར་དེ་རྣམས་ཀྱི་རྩེ་ལས་ཀྱང་དེ་བཞིན་གཤེགས་པའི་གཟུགས་དཔལ་དང་གཟི་བརྗིད་ཀྱིས་འབར་བ་བྱེ་བ་སྟོང་ཕྲག་སུམ་ཅུ་རྩ་དྲུག་དྲུག་འབྱུང་སྟེ། དེ་དག་ཕྱོགས་བཅུའི་འཇིག་རྟེན་གྱི་ཁམས་བགྲང་བ་ལས་འདས་པ་དག་ཏུ་གཤེགས་ནས་སེམས་ཅན་ལ་ཆོས་སྟོན་ཏོ། །གཉིས་པ་ལའང་ཟས་ཀྱི་ཡོ་བྱད་ནི། སེམས་ཅན་དེ་དག་ཁམས་ཀྱི་ཟ་བ་རགས་པའི་ཟས་ནི་མི་ཟ་མོད། འོན་ཀྱང་ཁ་ཟས་ཀྱི་བྱེ་བྲག་ཇི་ལྟ་བུ་འདོད་ཀྱང་དེ་ཉིད་དེའི་མོད་ལ་རྙེད་པར་འགྱུར་ཏེ། རྙེད་མ་ཐག་ཏུ་ལུས་ཚིམ་པར་གྱུར་ནས་ཟས་ཀྱི་འདོད་པ་དེ་དང་འབྲལ་བར་བཤད་དོ། །སྤོས་ལ་སོགས་པའི་ཡོ་བྱད་ནི། སྤོས་དང་། ཕྲེང་བ་དང་། བྱུགས་པ་དང་། ཕྱེ་མ་དང་། གདུགས་དང་། རྒྱལ་མཚན་དང་། བ་དན་དང་། སིལ་སྙན་རྣམས་ཀྱང་འདོད་པ་ཙམ་གྱི་མོད་ལ་རྙེད་དེ། དེའང་ཡོ་བྱད་དེ་དང་དེའི་ཁྱད་པར་ཅི་འདྲ་ཞིག་ཡིད་ལ་འཐད་པ་དེ་ཁོ་ན་བཞིན་དུ་རྙེད་པ་དང་། དེས་སངས་རྒྱས་ཀྱི་ཞིང་དེ་ཁྱབ་པར་འགྱུར་བ་དེ་ལྟར་ཟད་མི་ཤེས་པར་རྙེད་པར་འགྱུར་ཏེ། ཡོ་བྱད་དེ་དག་མངོན་པར་མི་འདོད་པ་རྣམས་ལ་ནི་སྣང་བར་མི་འགྱུར་རོ། །གོས་དང་རྒྱན་གྱི་ཡོ་བྱད་ནི། གོས་ཁ་དོག་ཐ་དད་པ། རིན་ཐང་གཞལ་དུ་མེད་པ་དག་ཀྱང་བསམ་མ་ཐག་ཏུ་སྔ་མ་ལྟར་རྙེད་ཅིང་། ལུས་ལ་རང་བགོས་པར་འགྱུར་བ་དང་། རྒྱན་གྱི་བྱེ་བྲག་ཅི་ལྟ་བུ་འདོད་པ་ཡང་སྐད་ཅིག་དེ་ལ་རིན་པོ་ཆེའི་ཤིང་ལྗོན་པ་རྣམས་ལས་རྙེད་དེ། དེ་དག་གིས་བདག་ཉིད་བརྒྱན་པར་ཤེས་

― TN03_Page_0273 ―

^{[མ་དཔེ་གཟིགས་ན་འདིར་གནོན།]}

(༢༡༧)པའོ། །གནས་ཁང་གི་རྒྱན་ནི། གཞལ་མེད་ཁང་རིན་པོ་ཆེ་སྣ་ཚོགས་ཀྱི་བ་གམ་བརྒྱ་སྟོང་གིས་བརྒྱན་པ། རིན་པོ་ཆེའི་ཁྲི་ལྷའི་རས་བཅོས་བུ་སྣ་ཚོགས་བཏིང་བ། སྔས་ཁྲ་བོ་བཞག་པ་དང་ལྡན་པ། དབྱིབས་དང་། ཁ་དོག་དང་། ཆུ་ཞེང་དང་། མཚན་མ་ཇི་ལྟ་བུ་འདོད་པ་དེ་འདྲ་བ་རྣམས་སེམས་ཅན་དེ་དག་གི་མདུན་གྱིས་གཞིར་རང་འབྱུང་སྟེ། དེ་དག་གཞལ་མེད་ཁང་དེ་རྣམས་སུ་ལྷའི་བུ་མོ་བདུན་སྟོང་བདུན་སྟོང་དང་ལྷན་ཅིག་འདུག་ནས་རྩེ་ཞིང་དགའ་ལ་དགའ་མགུར་སྤྱོད་དོ། །གཉིས་པ་ལ། རླུང་གི་འབྱོར་པ་ནི། སངས་རྒྱས་ཀྱི་ཞིང་དེར་སྔ་དྲོའི་དུས་སུ་ཕྱོགས་བཞི་ནས་རླུང་ལྡང་སྟེ། དེ་དག་གིས་རིན་པོ་ཆེའི་ཤིང་ལྗོན་པ་ཁ་དོག་བཀྲ་ཞིང་ལྷའི་སྤོས་དྲི་རབ་ཏུ་ཞིམ་པ་སྣ་ཚོགས་ཀྱིས་བསྒོས་པ་དེ་དག་བསྐྱོད་ཅིང་བསྐུལ་བས་ལྷའི་མེ་ཏོག་རྣམ་པ་མང་པོའི་དྲི་ཡིད་དུ་འོང་བ་ཅན། །བལྟ་ན་སྡུག་ལ་ཀ་ཙ་ལིན་དའི་གོས་ལྟར་རེག་ན་བདེ་བ་དག་བྲུལ་ནས་སངས་རྒྱས་ཀྱི་ཞིང་དེ་མི་འགྲེང་བདུན་སྲིད་ཙམ་དུ་མཉམ་པར་ཁེབས་པར་བྱེད་དེ། དེ་ལ་རྐང་པ་འཇོག་པ་དང་འདེགས་པ་ན་སོར་བཞི་ཙམ་གྱིས་དམའ་བ་དང་མཐོ་བར་འགྱུར་རོ། །སྤོས་དྲི་སྣ་ཚོགས་ཀྱིས་བསྒོས་པའི་རླུང་དེ་དག་སེམས་ཅན་དེ་དག་ལ་ཕོག་ན་དགེ་སློང་འགོག་པ་ལ་སྙོམས་པར་ཞུགས་པ་ལྟ་བུའི་བདེ་བ་དང་ལྡན་པར་འགྱུར་རོ། །སྔ་དྲོ་འདས་མ་ཐག་མེ་ཏོག་རྙིང་པ་དེ་དག་མ་ལུས་པ་མེད་པར་འགྱུར་ཏེ། དེའི་འོག་ཏུ་ཞིང་དེ་དབེན་པ་དང་། ཉམས་དགའ་བ་དང་། དག་པར་འགྱུར་ལ་

― TN03_Page_0274 ―

^{[མ་དཔེ་གཟིགས་ན་འདིར་གནོན།]}

(༢༡༨)དེ་ནས་ཡང་སྔོན་བཞིན་དུ་མེ་ཏོག་འགྲེམ་པའི་རླུང་གསར་པ་དག་ལྡང་སྟེ། སྔ་དྲོ་ཇི་ལྟ་བར་ཉི་མའི་གུང་དང་། ཕྱི་དྲོ་དང་། སྲོད་དང་། ནམ་གུང་དང་། ཐོ་རངས་ཀྱང་དེ་བཞིན་ནོ། །ཆར་གྱི་འབྱོར་པ་ནི། དུས་དང་དུས་སུ་ལྷའི་སྤོས་ཆུའི་སྤྲིན་གྱི་ཆར་དང་། ལྷའི་མེ་ཏོག་ཁ་དོག་ཐ/མས་ཅད་དང་ལྡན་པ་དག་དང་། ལྷའི་རིན་པོ་ཆེ་སྣ་བདུན་དང་། ལྷའི་ཙན་དན་གྱི་ཕྱེ་མ་དང་། ལྷའི་གདུགས་དང་། རྒྱལ་མཚན་དང་། བ་དན་གྱི་ཆར་མངོན་པར་འབེབ་པ་དང་། ལྷའི་བླ་རེ་དག་དང་། ལྷའི་རིན་པོ་ཆེའི་གདུགས་རྔ་ཡབ་དང་བཅས་པ་དག་ཀྱང་ནམ་མཁའ་ལ་འཛིན་ཅིང་། ལྷའི་རོལ་མོའི་དབྱངས་སྒྲ་དག་ཀྱང་སྒྲོགས་ལ་ལྷའི་བུ་མོ་དག་ཀྱང་གར་བྱེད་དེ། ཞིང་འདིར་ཆར་དང་འབྲུག་དང་གློག་འབྱུང་བ་བཞིན་ནོ། །གཞན་ཡང་བདག་ཅག་གི་སྟོན་པའི་འཁོར་རྣམས་ལས་སངས་རྒྱས་ཀྱི་མཐུས་བདེ་བ་ཅན་གྱི་ཡོན་ཏན་མངོན་སུམ་དུ་བསྟན་པའི་ཐད་ཀྱི་མདོ་ལས། སྟེང་གི་བར་སྣང་ལ་ཀུན་དགའི་རབ་ཉམས་དགའ་བ་དག་དང་། ནགས་ཚལ་དང་། སྐྱེད་མོས་ཚལ་དང་། ཆུ་ཀླུང་དང་། རྫིང་བུ་ཉམས་དགའ་བ་དང་། འོག་མིན་གྱི་བར་གྱི་ནམ་མཁའི་ངོས་ལ་རིན་པོ་ཆེའི་མེ་ཏོག་བཀྲམ་པའི་འབྱོར་པ་དག་ཀྱང་གསུངས་ཤིང་། ཞིང་དེའི་སེམས་ཅན་རྣམས་གཞལ་མེད་ཁང་དཔག་ཚད་བརྒྱ་སྟོང་ཡོད་པ་དག་ཏུ་ཞུགས་ནས་བར་སྣང་ལ་ཆགས་པ་མེད་པར་འགྲོ་བ་དག་ཀྱང་ཡོད་པར་གསུངས་ཏེ། ནམ་མཁའ་ལ་འབྱུང་བའི་ཁང་བཟང་སོགས་ཀྱང་ཡོད་ལ། ས་གཞི་ལ་བྱུང་བའི་དེ་རྣམས་འདོད་པའི་དབང་གིས་ནམ་མཁར་

― TN03_Page_0275 ―

^{[མ་དཔེ་གཟིགས་ན་འདིར་གནོན།]}

(༢༡༩)བགྲོད་པ་ཡང་ཡོད་པ་འདྲ་བས་ཚུལ་གཉིས་སོ། །དེ་དག་ལྷ་དང་མི་གཉིས་ཀའི་ཐུན་མོང་བར་སྣང་ངོ་། །གསུམ་པ་ནི། ཞིང་དེའི་མི་རྣམས་ཀྱི་གནས་ལུས་ལོངས་སྤྱོད་ཀྱང་གཞན་འཕྲུལ་དབང་བྱེད་ཀྱི་ལྷའི་འབྱོར་པ་དང་འདྲ་བར་གསུངས་ཤིང་། མདོ་འདི་ལས་གཞན་འཕྲུལ་དབང་བྱེད་ཀྱི་ལྷ་རྣམས་ཀྱི་མདུན་ན། འཁོར་ལོས་སྒྱུར་བའི་རྒྱལ་པོའི་སྤྱན་སྔར་མི་མ་རབས་དང་། མི་དྲ་མ་འདུག་པ་བཞིན་དུ་སྤ་བཀོང་བར་གསུངས་པའི། སུམ་ཅུ་རྩ་གསུམ་པའི་ལྷ་དབང་ཆེ་བར་གྲགས་པ་རྣམས་ཀྱིའང་གནས་དང་རྒྱན་ཆས་ཀྱི་དཀར་བ་ལ་ཟླ་བ་སྟོན་གནམ་དུ་ཤར་བའི་ཁ་དོག་གིས་བཅུ་དྲུག་ཆར་ཡང་མི་ཕོད་པར་དྲན་པ་ཉེར་བཞག་ལས་གསུངས་ཏེ། །འདོད་ཡོན་གྱི་རྣམ་པ་གཞན་ཐམས་ཅད་ལའང་ཁྱད་པར་དེ་ལྟར་ཡོད་པས། བདེ་བ་ཅན་གྱི་ཞིང་གི་རྒྱན་ཕྱོགས་རེ་ཙམ་ཡང་ཕལ་པའི་མིས་ཇི་བཞིན་དུ་བསམ་པར་དཀའོ། །ཞིང་བཀོད་ཀྱི་མདོ་སོགས་ལས་རྒྱན་གྱི་ཁྱད་པར་དེ་ལྟར་གསུངས་པ་རྣམས་ཀྱང་མཚོན་བྱེད་ཙམ་དུ་ཟད་ཀྱི། །རྒྱས་པར་ནི་ཞིང་དེའི་གཟི་བརྗིད་དང་། ཁ་དོག་དང་། འབྱོར་པའི་ཕ་མཐའ་མངོན་སུམ་དུ་བལྟ་ན་ལྷའི་མིག་དང་ལྡན་པས་ཀྱང་མི་རྙེད་ལ། ཚིག་གིས་བསྟན་ན་སེམས་ཅན་ཐམས་ཅད་དེ་བཞིན་གཤེགས་པ་ཤ་སྟག་ཏུ་གྱུར་པས་བསྐལ་པ་བྱེ་བར་བསྙད་ཀྱང་མི་རྫོགས་པར་མདོ་ཉིད་ལས་གསུངས་སོ། །གཉིས་པ་ལའང་། བཅུད་ཀྱི་ཡོན་ཏན་སྤྱིར་བཤད་པ་དང་། གཙོ་འཁོར་སོ་སོར་ཕྱེ་ནས་བཤད་པ་གཉིས་ལས། དང་པོ་ནི། ཞིང་

― TN03_Page_0276 ―

^{[མ་དཔེ་གཟིགས་ན་འདིར་གནོན།]}

(༢༢༠)དེ་ན་ལྷ་དང་མིའི་འགྲོ་བ་གཉིས་ལས་འགྲོ་བའི་རིས་གཞན་པ་ནི་མེད་ལ། དེར་སྐྱེས་ནས་ལས་དབང་གིས་འགྲོ་བ་གཞན་གསུམ་དུ་ལྟུང་བ་ཡང་མེད་དོ། །ལྷ་མི་གཉིས་ཀྱང་མིང་གི་ཁྱད་པར་ཙམ་གྱིས་ཕྱེ་བར་གསུངས་སོ། །དེ་ན་སྒོ་ང་དང་མངལ་དང་དྲོད་གཤེར་ལས་སྐྱེ་བའི་སྐྱེ་གནས་ནི་མེད་ཀྱི། ཐམས་ཅད་ཀྱང་རིན་པོ་ཆེའི་པདྨ་ཡངས་ཤིང་ཚོན་སྣ་ཚོགས་པ་རེག་ན་བདེ་ཞིང་དྲི་བསུང་དང་ལྡན་པ་རྣམས་ལས་རྫུས་ཏེ་འབྱུང་ངོ། །སེམས་ཅན་དེ་དག་ནི་གསེར་གྱི་ཁ་དོག་ཏུ་ཁ་དོག་གཅིག་པ་དང་། ལུས་ལ་མཚན་བཟང་པོ་སུམ་ཅུ་རྩ་གཉིས་ཚང་བ་དང་། གཤང་གཅི་དང་སྣབས་ལ་སོགས་པའི་མི་གཙང་བ་དང་བྲལ་བ་དང་། རྡོ་རྗེ་ལྟར་མཁྲེགས་པའི་ལུས་ཅན་དང་། སྲེད་མེད་བུའི་སྟོབས་དང་ལྡན་པ་དང་། སྔར་བཤད་པའི་དམིགས་བསལ་མ་གཏོགས་པ་མངོན་པར་ཤེས་པ་ལྔས་རྩེ་བ་དང་། ཤེས་རབ་དང་སྤོབས་པ་མཐའ་ཡས་པ་དང་། སྨོན་ལམ་གྱི་དབང་མ་གཏོགས་ཚེའི་ཚད་ལ་མཐའ་མི་མངོན་པ་ཤ་སྟག་ཡིན་ནོ། །དེ་དག་ལ་གནས་དང་ཡོ་བྱད་ཡོངས་སུ་འཛིན་པའི་འདུ་ཤེས་ནི་ཅུང་ཟད་ཀྱང་མེད་དེ། །ཤིན་ཏུ་གྱ་ནོམ་པ་དང་། རྒྱ་ཆེ་བ་དང་། སྣ་ཚོགས་པ་དང་། འདོད་པའི་རྗེས་སུ་འབྲང་བའི་འབྱོར་པ་རྣམས་ལ་རང་དགར་རྩེ་བས་ཉམས་བདེ་ཞིང་། རང་བཞིན་གྱིས་ཀྱང་མ་དག་པའི་ཞིང་གི་ལྷའི་བདེ་བ་ཕལ་ཆེར་ལས་འདས་པའི་བདེ་བ་དང་ལྡན་ནོ། །གཉིས་པ་ལ་གཙོ་བོ་དེ་བཞིན་གཤེགས་པ་དང་། ཉན་ཐོས་ཀྱི་འཁོར་དང་། བྱང་ཆུབ་སེམས་དཔའི་འཁོར་བཤད་པ་

― TN03_Page_0277 ―

^{[མ་དཔེ་གཟིགས་ན་འདིར་གནོན།]}

(༢༢༡)གསུམ་ལས། དང་པོ་ལ་བྱང་ཆུབ་བརྙེས་པའི་གནས། སྐུ་དང་འོད་ཀྱི་ཁྱད་པར། མཛད་པའི་གཙོ་བོ་འཇུག་ཚུལ། སྐུ་ཚེ་ཕུན་སུམ་ཚོགས་པ། སྙན་གྲགས་རྒྱ་ཆེ་བའི་ཡོན་ཏན་དང་ལྔ་ལས། དང་པོ་ནི། ཞིང་དེའི་ས་གཞིའི་དཀྱིལ་འཁོར་གྱི་དབུས་ན་སྟོན་པ་འོད་དཔག་མེད་ཀྱི་བྱང་ཆུབ་ཀྱི་ཤིང་ཡོད་དེ། དེའི་མིང་ནི་རིན་པོ་ཆེའི་པདྨོ་རྣམ་པར་སྣང་བ་ཞེས་བྱ་བ་དང་། དེའི་དྲུང་ན་པདྨའི་གདན་ཡོད་པའི་མིང་ནི། དག་ཅིང་བཟང་ལ་བཀྲ་བའི་འོད་ཟེར་ཅན་ཞེས་བྱ་བ་ཡིན་པར་འཆི་མེད་རྔ་སྒྲ་ལས་བཤད་ཅིང་། ཚད་ནི་དཀོན་བརྩེགས་ལས་བྱང་ཆུབ་ཀྱི་ཤིང་འཕང་དང་རྒྱ་ཚད་དཔག་ཚད་སྟོང་དྲུག་བརྒྱ་བར་མཉམ་པ་དང་། རྩ་བའི་སྦོམ་དང་ཁྲུན་དཔག་ཚད་ལྔ་བརྒྱ་ཡོད་པར་བཤད་ལ། སྙིང་རྗེ་པད་དཀར་ལས་དཔག་ཚད་ཁྲིར་གསུངས་ཏེ། པདྨའི་གདན་ཡང་དེ་དང་འཚམས་པ་ཡིན་ནོ། །དཀོན་བརྩེགས་ལས་ཚད་དེ་ལྟར་གསུངས་པ་དེའང་བྱང་ཆུབ་སེམས་དཔའ་དགེ་བའི་རྩ་བ་ཆུང་ཤོས་ཡན་ཆད་ཀྱིས་མཐོང་ཚོད་ཐུན་མོང་བའི་དབང་དུ་མཛད་པ་ཡིན་གྱི། ཁྱབ་མཐའ་བཟུང་བ་མིན་པ་མདོ་རང་གི་ཆོས་ཀྱི་འབྱུང་གནས་ཀྱི་སྨོན་ལམ་བསྟན་པའི་ཐད་ནས་ཤེས་ཤིང་། སྤྱིར་དེ་བཞིན་གཤེགས་པ་གཅིག་གི་བྱང་ཆུབ་ཀྱི་ཤིང་ལ་ཡང་རྒྱ་ཚད་མི་འདྲ་བ་དུ་མ་འོང་བ་མི་འགལ་བ་ནི་འཇུག་པ་རྩ་འགྲེལ་དང་། དུས་འཁོར་འགྲེལ་ཆེན་སོགས་ལས་རྒྱ་ཆེར་བཤད་པའི་རིགས་པས་ཤེས་པར་འགྱུར་བའི་ཕྱིར།

― TN03_Page_0278 ―

^{[མ་དཔེ་གཟིགས་ན་འདིར་གནོན།]}

(༢༢༢)མདོ་གཉིས་འགལ་བར་མི་བསམ་མོ། །དེ་ལ་ཤིང་གི་རྒྱལ་པོ་དེ་ནི་རྟག་ཏུ་ལོ་མ་དང་། མེ་ཏོག་དང་། འབྲས་བུ་ཆགས་པ། མདངས་ལྷ་རྫས་ལས་ཀྱང་འདས་པའི་ཁ་དོག་འབུམ་ཕྲག་དུ་མས་བཀྲ་བ། ལོ་མ་དང་། མེ་ཏོག་དང་། འབྲས་བུའི་བྱེ་བྲག་ཐ་དད་པ། འཇིག་རྟེན་ན་མཆོག་ཏུ་བྱ་བའི་ནོར་བུ་རིན་པོ་ཆེའི་རིགས་སྣ་ཚོགས་ཀྱིས་སྤྲས་པ། གསེར་དང་ནོར་བུའི་སྐུད་པ་དང་། སེ་མོ་དོ་དང་། རིན་པོ་ཆེའི་ཆུན་པོ་དང་། རྒྱན་ཕྲེང་དང་། དོ་ཤལ་དང་སྐ་རགས་མང་པོ་འཕྱང་བ། གསེར་དང་། མུ་ཏིག་དང་། རིན་པོ་ཆེ་ཐམས་ཅད་ཀྱི་དྲ་བ་དང་། དྲིལ་བུ་གཡེར་ཁའི་དྲ་བས་བླ་རེ་བྲེས་པ། ཆུ་སྲིན་དང་། བཀྲ་ཤིས་དང་། གཡུང་དྲུང་འཁྱིལ་བ་དང་། ཟླ་གམ་ལྟ་བུས་ལེགས་པར་བརྒྱན་པ། ནོར་བུ་འཁྲོལ་བ་དང་། གསེར་དང་། རིན་པོ་ཆེའི་རྒྱན་ཐམས་ཅད་ཀྱིས་བརྒྱན་པ། སེམས་ཅན་གྱི་བསམ་པ་ཇི་ལྟ་བ་བཞིན་དུ་ལེགས་པར་བརྒྱན་པ་སྟེ། དེ་རླུང་གིས་བསྐྱོད་པ་ན་སྒྲ་དབྱངས་སྙན་པ་འབྱུང་བས་འཇིག་རྟེན་གྱི་ཁམས་ཚད་མེད་པ་གོ་བར་བྱེད་དོ། །སེམས་ཅན་གང་གིས་སྒྲ་དེ་ཐོས་པ་དང་། ཤིང་གི་དབང་པོ་དེ་མཐོང་བ་དང་། དེའི་དྲི་ཚོར་བ་དང་། འབྲས་བུའི་རོ་མྱོང་བ་དང་། འོད་ལུས་ལ་ཕོག་པ་དང་། ཤིང་དེ་ཡིད་ལ་སེམས་པ་དེ་དག་བྱང་ཆུབ་ཀྱི་མཐའི་བར་དུ་རྣ་བ་དང་། མིག་དང་། སྣ་དང་། ལྕེ་དང་། ལུས་ལ་ནད་ཀྱིས་མི་འདེབས་ཤིང་། སེམས་མི་གཡེང་བར་འགྱུར་རོ། །གཞན་ཡང་རྒྱལ་བ་དེས་ཆོས་སྟོན་པའི་གནས་ལ། གཙུག་ཏོར་རྣམ་རྒྱལ་གྱི་རྟོག་པ་ལས། ཆོས་

― TN03_Page_0279 ―

^{[མ་དཔེ་གཟིགས་ན་འདིར་གནོན།]}

(༢༢༣)ཡང་དག་པར་སྡུད་པའི་ཁང་བཟང་ཞེས་གསུངས་ཤིང་། དོན་ཞགས་ཀྱི་ཆོ་ག་ཞིབ་མོ་སོགས་ལས་ཀྱང་འོད་དཔག་མེད་རིན་པོ་ཆེའི་གཞལ་མེད་ཁང་ན་ཆོས་སྟོན་པའི་བཀོད་པ་གསུངས་ཏེ། དེ་བྱང་ཆུབ་ཤིང་དྲུང་ཡིན་མིན་སོགས་གསལ་བར་བཤད་པ་མ་མཐོང་ངོ། །གཉིས་པ་ནི། དེ་ན་བཅོམ་ལྡན་འདས་དེ་བཞིན་གཤེགས་པ་འོད་དཔག་མེད་རྡུལ་མེད་ཅིང་རྣམ་པར་དག་པ་བཞུགས་ཏེ། དེའི་སྐུ་ནི་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུ་དག་ཅིང་གསལ་ལ་མཛེས་པའི་ཕ་རོལ་ཏུ་ཕྱིན་པ་རྣམས་ཀྱིས་ཤིན་ཏུ་ལེགས་པར་ཕྱེ་བས། སེམས་ཅན་གང་དག་གིས་དེ་དང་པོར་མིག་ལམ་དུ་སྣང་བ་དང་། གཞན་གྱིས་ལན་བརྒྱ་ཕྲག་དུ་མར་མཐོང་བ་གཉིས་འདྲ་བར་མིག་དང་ཡིད་ཚིམ་པར་མཛད་པ་ཡིན་ནོ། །དྲང་སྲོང་ཆེན་པོ་དེ་ནི་འོད་ཟེར་དཔག་ཏུ་མེད་པའི་རྒྱན་འཆང་བ་སྟེ། ཕྱོགས་བཅུའི་ཕྱོགས་རེ་རེར་ཡང་སངས་རྒྱས་ཀྱི་ཞིང་བྱེ་བ་ཁྲག་ཁྲིག་བརྒྱ་སྟོང་ཕྲག་གངྒཱའི་ཀླུང་གི་བྱེ་མ་སྙད་དག་འོད་དེས་རྟག་ཏུ་ཁྱབ་པར་གྱུར་ནས་འདུག་གོ །དེའང་འོད་དྲི་མ་མེད་ཅིང་ཤིན་ཏུ་གསལ་བ་དང་། སྒྲིབ་ཐོགས་ཀྱི་དངོས་པོ་ཐམས་ཅད་ལ་མི་ཐོགས་པ་དང་། མཛེས་པ་གཏིང་མི་མངོན་པའི་ཕྱིར་ལྟ་བས་ཆོག་མི་ཤེས་པ་དང་། མིའི་དབང་པོ་དང་ལྷའི་དབང་པོ་ནས་གནས་གཙང་མའི་ལྷའི་བར་ཐམས་ཅད་ཟིལ་གྱིས་གནོན་ཅིང་མོག་མོག་པོར་བྱེད་པ་དང་། ལུས་དང་སེམས་བདེ་བ་དང་། དགའ་བའི་བདུད་རྩིས་ཚིམ་པ་སྐྱེད་པ་དང་

― TN03_Page_0280 ―

^{[མ་དཔེ་གཟིགས་ན་འདིར་གནོན།]}

(༢༢༤)སེམས་ཅན་དགེ་བའི་བསམ་པ་ཅན་རྣམས་ལ་དགེ་བ་དང་ཡངས་བ་དང་། རྟོགས་པ་དང་། མཁས་པ་དང་། བློ་དང་། མཆོག་ཏུ་དགའ་བ་སྐྱེད་པ་དང་། དཀོན་མཆོག་ཏཱ་ལ་དང་། འོད་ཟེར་ཀུན་ཏུ་བཀྱེ་བ་བསྟན་པ་ལས་གསུངས་པ་ལྟར་བསམ་གྱིས་མི་ཁྱབ་པའི་མཐུའི་ཁྱད་པར་དང་ལྡན་པ་སྟེ། དེ་དག་གི་ཕྱིར་ཞིང་བཀོད་ཀྱི་མདོ་ལས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་རིའི་རྒྱལ་པོ་རི་རབ་ལྟར་སངས་རྒྱས་ཀྱི་ཞིང་ཐམས་ཅད་ནས་མངོན་པར་འཕགས་ཏེ། ཕྱོགས་ཐམས་ཅད་ཟིལ་གྱིས་མནན་ནས་ལྷམ་མེ། ལྷན་ནེ། ལྷང་ངེ་མཛེས་པ། ཞེས་གསུངས་སོ། །སྐུ་གསུང་ཐུགས་ཀྱི་ཡོན་ཏན་སོ་སོར་ཡང་། དེ་ཉིད་ལས། སེམས་ཅན་སྙིང་པོའི་གཟུགས་ནི་མཐའ་ཡས་ཏེ། དེ་བཞིན་སངས་རྒྱས་གསུང་ནི་མཐའ་ཡས་དབྱངས། །ཚུལ་ཁྲིམས་ཏིང་འཛིན་ཤེས་རབ་བརྩོན་འགྲུས་ཀྱང་། ཁྱོད་འདྲ་འཇིག་རྟེན་འདི་ན་གཞན་མ་མཆིས། །ཟབ་ཅིང་ཤིན་ཏུ་རྒྱས་པའི་ཆོས་བརྙེས་པ། །སངས་རྒྱས་མཆོག་གི་ཐུགས་ནི་རྒྱ་མཚོ་བཞིན། །དེས་ཀྱང་སྟོན་ལ་ཁེངས་པ་མི་མངའ་སྟེ། །ཐ་བ་ཞེ་སྡང་སྤངས་ནས་ཕ་མཐར་སྒྲོལ། །ཞེས་གསུངས་པ་ལྟར་ཞིབ་ཏུ་བསམ་པར་བྱའོ། །གསུམ་པ་ནི། །སངས་རྒྱས་འཇིག་རྟེན་དུ་འབྱུང་བ་ནི། ལུས་ཅན་རྒུད་པ་སྣ་ཚོགས་ཀྱིས་རྒྱུན་དུ་གཙེ་བ་རྣམས་ལ་ཐུགས་རྗེ་ཆེན་པོའི་གཞན་དབང་དུ་གྱུར་ནས། རྒུད་པ་དེ་ལས་སྐྱོབ་པའི་སྒོ་བླ་ན་མེད་པ་རང་གིས་གང་ཞིག་བརྙེས་པའི་

― TN03_Page_0281 ―

^{[མ་དཔེ་གཟིགས་ན་འདིར་གནོན།]}

(༢༢༥)རྟོགས་པའི་ཆོས་ཀྱི་བདུད་རྩི་དེ་ཉིད་སོ་སོའི་སྐལ་བ་དང་འཚམས་པར་བགོ་བཤའ་མཛད་པའི་ཆེད་དུ་ཡིན་ལ། དེ་ལྟར་མཛད་པའང་ལུང་གི་ཆོས་བསྟན་པ་ལ་ངེས་པར་རག་ལས་པར་གཟིགས་ནས། ལྷ་དང་བཅས་པའི་འཇིག་རྟེན་རྣམས་ཡན་ལག་དྲུག་ཅུ་རྩ་བཞི་དང་ལྡན་པའི་ལེགས་པར་བཤད་པའི་དབྱངས་ཀྱི་བདུད་རྩིས་རྒྱུན་མི་འཆད་དུ་ཚིམ་པར་མཛད་དེ། འདི་ལྟར་གདུལ་བྱ་ཐེག་དམན་གྱི་རིགས་ཅན་རྣམས་ལ་ནི་ཐོབ་བྱ་ཐར་པ་ཙམ་དང་། ཐོབ་བྱེད་རྟེན་གཞི་ངེས་འབྱུང་གི་བསམ་པ་དང་། བརྟེན་པ་ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་ཀྱི་བསླབ་པ་མདོར་བསྡུས་པ་ལས་བརྩམས་ཏེ་ཆོས་སྟོན་ཅིང་། ཐེག་པ་མཆོག་གི་རིགས་ཅན་རྣམས་ལ་ནི་ཐོབ་བྱ་བླ་ན་མེད་པའི་བྱང་ཆུབ་དང་། ཐོབ་བྱེད་བྱང་ཆུབ་ཀྱི་སེམས་རིན་པོ་ཆེ་སྙིང་རྗེ་ཆེན་པོའི་རྩ་བ་ཅན་གྱི་བསམ་པ་དང་། དེས་དྲངས་པའི་སྦྱོར་བ་ཐེག་པ་འོག་མ་དང་ཐུན་མོང་དང་། ཐུན་མོང་མ་ཡིན་པ་ལས་བརྩམས་ནས་ཤིན་ཏུ་རྒྱས་པའི་ཆོས་འཆད་དེ། མཛད་པ་དོན་ཡོད་པ་བླ་ན་མེད་པ་བརྙེས་པས་ཆོས་བསྟན་པ་རེ་རེས་ཀྱང་གངྒཱའི་ཀླུང་གི་བྱེ་མ་སྙེད་ཀྱི་སེམས་ཅན་མ་སྨིན་པ་སྨིན་པ་དང་། སྨིན་པ་གྲོལ་བ་དང་། གྲོལ་བ་མཐར་ཕྱིན་པར་མཛད་དོ། །དེའང་གདུལ་བྱ་རང་རང་གིས་ཆོས་ཀྱི་རྣམ་གྲངས་ཇི་ལྟ་བུ་ཞིག་ཉན་པར་འདོད་པ་དེ་དེའི་མོད་ཁོ་ན་ལ་ཐོས་པར་འགྱུར་བར་ཞིང་བཀོད་ཀྱི་མདོ་ལས་གསུངས་སོ། །བཅོམ་ལྡན་འདས་དེའི་བསྟན་པ་ལ་ནི་ཕམ་

― TN03_Page_0282 ―

^{[མ་དཔེ་གཟིགས་ན་འདིར་གནོན།]}

(༢༢༦)ལྷག་སོགས་ཀྱི་བཅས་པ་རྣམ་པར་བཞག་པ་ཡང་མེད་དེ། །སངས་རྒྱས་ཀྱི་ཞིང་དེར་ལྟུང་བའི་ཐ་སྙད་བྱས་ཙམ་ཡང་མེད་པར་གསུངས་པའི་ཕྱིར་ཏེ། དཀོན་བརྩེགས་ཀྱི་དྲུག་པར་མི་འཁྲུགས་པའི་ཞིང་ན་ལྟུང་བ་རྣམ་པར་བཞག་པ་མེད་ཚུལ་རྒྱུ་མཚན་དང་བཅས་ཏེ་གསུངས་པའི་རྒྱུ་མཚན་འདིར་ཡང་ཇི་བཞིན་དུ་འདྲ་བའི་ཕྱིར་རོ། །འོན་ཀྱང་དེ་ནི་བསླབ་པའི་གཞི་མ་རྫོགས་པའི་ཉེས་པར་མི་འགྱུར་གྱི། བསྟན་པ་རྙོག་པ་མེད་པའི་ཡོན་ཏན་དུ་འགྱུར་ཏེ། བདག་ཅག་གི་སྟོན་པའི་གསུང་རབ་ལ་ཡང་བཟང་བྱིན་གྱིས་བསྟན་པ་ལ་ཆུ་བུར་མ་བྱུང་བའི་སྔོན་དུ་ཕམ་ལྷག་སོགས་ཀྱི་བཅས་པ་མཛད་པ་མེད་ཀྱང་། སོ་སོར་ཐར་པའི་སྡོམ་པ་ཆེས་ཕུན་སུམ་ཚོགས་པར་འདོད་པ་ཡིན་ནོ། །རྒྱལ་བ་མྱ་ངན་ལས་འདས་པའི་འོག་ཏུ་འཇིག་རྟེན་དུ་གསུང་རབ་མང་པོ་དང་ཉུང་ངུ་གནས་པ་ནི་གདུལ་བྱའི་བློ་དང་དགེ་བའི་རྩ་བ་ཁྱད་པར་ལ་ཐུག་ཅིང་། ཞིང་དེའི་གདུལ་བྱ་རྣམས་ནི་ཤེས་རབ་དང་སྤོབས་པ་མཐའ་ཡས་པ་དང་། དགེ་རྩ་འཐུག་པ་འབའ་ཞིག་ཏུ་བཤད་པས། དེ་བཞིན་གཤེགས་པ་དེ་ནི་མྱ་ངན་ལས་འདས་ནས་ཀྱང་གསུང་རབ་ཀྱི་མཛོད་མ་ཉམས་མ་གོད་པར་གནས་པར་འགྱུར་བར་མངོན་ཏེ། འཕགས་པ་སྒྱུ་མ་ལྟ་བུའི་ཏིང་ངེ་འཛིན་གྱི་མདོ་ལས་ཀྱང་། རིགས་ཀྱི་བུ། འོད་དཔག་མེད་ཡོངས་སུ་མྱ་ངན་ལས་འདས་ནས་ཀྱང་རིན་པོ་ཆེ་སྣ་བདུན་གྱི་པདྨ་དག་དང་ཤིང་ལྗོན་པ་དག་གིས་དེ་བཞིན་གཤེགས་པ་དེ་ཇི་ལྟར་ཆོས་སྟོན་པ་དེ་བཞིན་དུ་ཆོས་ཀྱི་སྒོ་བརྒྱ་ཕྲག་དུ་མ་

― TN03_Page_0283 ―

^{[མ་དཔེ་གཟིགས་ན་འདིར་གནོན།]}

(༢༢༧)འབྱུང་བ་བྱེད་པར་འགྱུར་རོ། །ཞེས་སོགས་གསུངས་པས་མཚོན་ནོ། །བཤད་མ་ཐག་པའི་རྒྱུ་མཚན་དེ་ཉིད་ཀྱི་ཕྱིར། ཞིང་དེར་སྟོན་པ་འདས་ནས་མདོའི་དོན་ཕྱིན་ཅི་ལོག་ཏུ་འཛིན་པ་དང་། ཚུལ་ཁྲིམས་འཆལ་བར་སྤྱོད་པ་ལ་སོགས་པས་བསྟན་པ་དྲི་མ་ཅན་དུ་བྱེད་པ་རྣམས་ཀྱང་མེད་པར་གསལ་ཏེ། ལུང་དེའི་གོང་ཉིད་དུ། སངས་རྒྱས་འོད་དཔག་མེད་དེ་ཡོངས་སུ་མྱ་ངན་ལས་འདའ་བར་འགྱུར་རོ། །ཞེས་པ་ནས། ཇི་ལྟར་བཞུགས་པ་དེ་བཞིན་དུ་ཡོངས་སུ་མྱ་ངན་ལས་འདས་ཀྱང་སེམས་ཅན་རྣམས་ཀྱི་དགེ་བའི་རྩ་བ་ཡོངས་སུ་འགྲུབ་སྟེ། ལྷག་ཆད་མེད་པར་འགྱུར་རོ། །ཞེས་དང་། དཀོན་བརྩེགས་ལས་ཀྱང་། ཀུན་དགའ་བོ་འཇིག་རྟེན་གྱི་ཁམས་བདེ་བ་ཅན་ན་མི་དགེ་བའི་མིང་ཡང་མེད་དོ། །སྒྲིབ་བའི་སྒྲ་ཡང་མེད་དོ། །ཞེས་གསུངས་པའི་ཕྱིར་རོ། །དེས་ན་བདག་ཅག་གི་སྟོན་པའི་བསྟན་པ་ལ་ལྔ་བརྒྱ་ཕྲག་བཅུའི་རྣམ་དབྱེ་བྱས་པ་ལྟ་བུའི་བསྟན་པ་དྭངས་སྙིགས་ཀྱི་རིམ་པའང་མེད་པ་འདྲའོ། །བསྟན་པ་གནས་པའི་ཡུན་ཚད་ནི། བསྐལ་པ་གངྒཱའི་ཀླུང་གཉིས་ཀྱི་བྱེ་མ་སྙེད་དུ་འགའ་་ཞིག་བཞེད་དེ། སྙིང་རྗེ་པད་དཀར་ལས། དེ་བཞིན་གཤེགས་པ་རིན་ཆེན་སྙིང་པོས་རྗེ་བཙུན་སྤྱན་རས་གཟིགས་བྱང་ཆུབ་མཆོག་ཏུ་ལུང་བསྟན་པའི་ཐད་ན། རིགས་ཀྱི་བུ་ཁྱོད་ནི་འོད་དཔག་མེད་ཡོངས་སུ་མྱ་ངན་ལས་འདས་ནས་བསྐལ་པ་གྲངས་མེད་པ་གངྒཱའི་ཀླུང་གི་བྱེ་མ་སྙེད་གཉིས་པ་ལུས་པ་ན་འཚང་རྒྱ་བར་འགྱུར་ཏེ། ཞེས་གསུངས་

― TN03_Page_0284 ―

^{[མ་དཔེ་གཟིགས་ན་འདིར་གནོན།]}

(༢༢༨)པ་འདི་ལ་བསམ་པར་སྣང་ཡང་མདོ་དེའི་དོན་དེ་ལྟར་འཆད་རྒྱུ་ཡིན་མིན་དཔྱད་དགོས་སོ། །སྒྱུ་མ་ལྟ་བུའི་ཏིང་ངེ་འཛིན་གྱི་མདོ་ལས་ནི། རྒྱལ་བ་དེ་མྱ་ངན་ལས་འདས་པའི་འོག་ཏུ་བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱད་ཅུ་རྩ་བཞིར་དམ་པའི་ཆོས་གནས་པར་གསུངས་སོ། །བཞི་པ་ནི། དེ་བཞིན་གཤེགས་པ་དེའི་སྐུ་ཚེའི་ཚད་ནི་བསྐལ་པ་འདི་སྙེད་དང་། བསྐལ་པ་བརྒྱ་ཕྲག་འདི་སྙེད་ནས། །བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཕྲག་འདི་སྙེད་ཅིག་ཏུ་བཞུགས་སོ་ཞེས་པའི་བར་དུ་བརྩི་ཚུལ་རྒྱ་ཆེ་ཆུང་ཇི་ལྟ་བུའི་སྒོ་ནས་གཞལ་ཀྱང་མཐའ་མི་རྟོགས་པར་འོད་མདོ་ལས་གསུངས་ཤིང་། སྒྱུ་མ་ལྟ་བུའི་ཏིང་ངེ་འཛིན་གྱི་མདོར། དེའི་སྐུ་ཚེའི་ཚད་ཀྱི་མཐའ་བསྐལ་བ་བྱེ་བ་ཁྲག་ཁྲིག་བརྒྱ་སྟོང་གི་བར་དུ་བཤད་ཀྱང་རྟོགས་པར་སླ་བ་མ་ཡིན་ཞེས་བརྩི་བའི་ཡུན་ཚད་ཀྱི་སྒོ་ནས་གསུངས་ཏེ། མདོར་ན་དཔག་ཏུ་མེད་པ་ཡིན་ནོ། །དེའི་ཕྱིར་རྒྱལ་བའི་དབང་པོ་དེའི་མཚན་ཡང་ཚེ་དཔག་མེད་ཅེས་བྱའོ། །ཞིང་དེར་བྱང་ཆུབ་བརྙེས་པའི་མཛད་པ་བསྟན་ནས་ད་ལྟ་ཡུན་ཇི་ཙམ་འདས་པ་ནི། མི་མཇེད་ཀྱི་འཇིག་རྟེན་འདི་པའི་ལུགས་ཀྱི་བསྐལ་པ་བཅུ་ལོན་པར་འོད་མདོ་ལས་གསུངས་ཏེ། ཕལ་ཆེན་ཚེའུར་མི་མཇེད་ཀྱི་ཞིང་གི་བསྐལ་པ་གཅིག་གི་ཡུན་ཚད་དེ་བདེ་བ་ཅན་གྱི་ཉིན་ཞག་གཅིག་ཏུ་བྱེད་པར་གསུངས་པས། ཞིང་དེ་པ་རྣམས་ཀྱི་ངོར་ནི་ཉིན་ཞག་བཅུ་ལས་མ་སོང་བར་གསལ་ཏེ། དབྱར་གྱི་ལང་ཚོ་ཐོག་མ་ལ་བབས་པའི་དགའ་བ་ལྟ་བུའི་ཚོད་དུ་སྣང་ངོ། །སྟོན་པའི་སྐུ་ཚེ་དཔག་ཏུ་མེད་པ་འདི་ནི་

― TN03_Page_0285 ―

^{[མ་དཔེ་གཟིགས་ན་འདིར་གནོན།]}

(༢༢༩)ཞིང་གི་འབྱོར་པ་ཆེས་མཆོག་ཏུ་གྱུར་པ་ཡིན་ཏེ། ཞིང་རབ་འབྱམས་ཀྱི་བྱང་ཆུབ་སེམས་དཔའ་རྣམས་རྒྱུན་མི་འཆད་པར་འདུ་བ་དང་། སངས་རྒྱས་ཀྱི་རྣམ་འཕྲུལ་སྔོན་མ་མཐོང་བ་མཐོང་བ་དང་། བྱང་སེམས་ལུང་སྟོན་པ་ལ་སོགས་པའི་དགའ་སྟོན་ལ་ཉིན་རེ་བཞིན་སྤྱོད་དུ་ཡོད་པ་ནི། དེ་བཞིན་གཤེགས་པ་བཞུགས་པའི་མཐུ་ཡིན་པའི་ཕྱིར་རོ། །ལྔ་པ་ནི། །ཐུབ་པའི་དབང་པོ་དེའི་མཚན་ཐོས་པ་ནི་གདུལ་བྱ་ལ་དོན་ཆེན་པོའི་སྒོར་འགྱུར་བར་གཟིགས་ནས། མཐའ་དང་མུ་མེད་པའི་རྒྱལ་བ་རྣམས་ཀྱིས་རང་རང་གི་ཞིང་རྣམས་སུ་དེའི་སྙན་གྲགས་སྒོ་དུ་མ་ནས་ལན་གཅིག་མ་ཡིན་པར་གསལ་བར་མཛད་པར་གསུངས་ཏེ། ཞིང་བཀོད་ཀྱི་མདོ་ལས། དེའི་མཚན་དེ་ཡང་སྒྲིབ་པ་མེད་པར་ཕྱོགས་བཅུར་གྲགས་ཏེ། ཕྱོགས་རེ་རེ་ན་ཡང་སངས་རྒྱས་བཅོམ་ལྡན་འདས་གསུང་ཆགས་པ་མི་མངའ་ཞིང་གསུང་ཐོགས་པ་མི་མངའ་བ་གངྒཱའི་ཀླུང་གི་བྱེ་མ་སྙེད་དག་ལན་འགའ་མ་ཡིན་པར་བསྔགས་པ་བརྗོད་ཅིང་བསྟོད་དེ། སྙན་པར་གསུང་ངོ། །ཞེས་སོ། །དེ་དོན་ཆེན་པོའི་སྒོར་འགྱུར་བའི་ཚུལ་ནི། བཅོམ་ལྡན་འདས་དེའི་མཚན་ཐོས་ནས་སེམས་དང་བས་ཐལ་མོ་སྦྱོར་བ་ཙམ་ལ་ཡང་། གང་གིས་ཕྲ་རབ་རྡུལ་སྙེད་འཇིག་རྟེན་ཁམས། །ཞེས་སོགས་སྔར་དྲངས་པ་ལྟར་བསོད་ནམས་ཀྱི་ཕུང་པོ་དཔག་ཏུ་མེད་པ་འཐོབ་ཅིང་། དེར་མ་ཟད་བདེ་བ་ཅན་དུ་སྐྱེས་ནས་དེ་བཞིན་གཤེགས་པའི་ཚོགས་གཉིས་ཀྱི་འབྲས་བུ་ཕུན་སུམ་ཚོགས་པ་བསམ་གྱིས་

― TN03_Page_0286 ―

^{[མ་དཔེ་གཟིགས་ན་འདིར་གནོན།]}

(༢༣༠)མི་ཁྱབ་པ་ལ་ལོངས་སྤྱོད་པའི་རྒྱུ་ཇི་སྙེད་ཅིག་གསུངས་པ་རྣམས་ཀྱང་། བཅོམ་ལྡན་འདས་དེ་དང་དེའི་ཞིང་ཡོངས་སུ་དག་པའི་ཡོན་ཏན་ཐོས་པ་ལས་བྱུང་བ་ཤ་སྟག་གོ །གཞན་ཡང་མཚན་དེ་ཐོས་པའི་མོད་ལ་བྱང་ཆུབ་ཀྱི་བར་གྱི་ཚེ་རབས་ཐམས་ཅད་དུ་རིགས་མཐོན་པོར་སྐྱེ་བ་དང་། སྐྱེས་པའི་དབང་པོ་འཐོབ་པ་དང་། དབང་པོ་མ་ཚང་བ་མེད་པ་དང་། རྟག་ཏུ་ཚངས་སྤྱོད་ལ་གནས་པ་དང་། བྱང་སེམས་ཀྱི་སྤྱོད་པ་ལ་དགའ་ཞིང་མཆོག་ཏུ་དགའ་བ་དང་། ལྷ་དང་བཅས་པའི་འཇིག་རྟེན་གྱིས་བསྟི་བསྟང་བྱེད་པ་དང་། གཟུངས་དང་ཏིང་ངེ་འཛིན་དང་བཟོད་པའི་སྒོ་རླབས་ཆེ་བ་རྣམས་ལ་སྦྱོར་བ་དང་། བླ་མེད་བྱང་ཆུབ་ལས་ཕྱིར་མི་ལྡོག་པར་འགྱུར་བའི་དགེ་བའི་རྩ་བ་གྱ་ནོམ་པ་སྐྱེ་ཚུལ་རྒྱ་ཆེར་གསུངས་སོ། །དེ་དག་གི་ཕྱིར་རྒྱལ་བའི་དབང་པོ་དེའི་མཚན་ཡོངས་སུ་སྒྲོགས་པ་ནི་སེམས་ཅན་རྣམས་ལ་ལྷའི་རྒྱལ་སྲིད་བྱིན་པས་ཀྱང་བསྐྲུན་དུ་མེད་པའི་ཕན་བཏགས་པ་དང་། གྲངས་མེད་པའི་རྒྱལ་བ་རྣམས་ཀྱི་ཕྲིན་ལས་སྒྲུབ་པའི་གྲོགས་བྱས་པ་དང་། མགོན་པོ་འོད་དཔག་མེད་ལ་གདུལ་བྱའི་སྐྱེས་ཕུལ་བར་འགྱུར་བའི་ཚུལ་ལ་བསམས་ཏེ་འབད་པ་ཐམས་ཅད་ཀྱིས་བསླབ་པར་བྱ་ཡི། དེ་དག་ནི་ཁྱིམ་པ་རྒན་པོ་དང་རྒན་མོ་རྣམས་ལ་དགོས་ཀྱིས། བདག་ཅག་ལྟ་བུའི་རྣལ་འབྱོར་པའམ། མཁས་པ་ནི་དེ་ཙམ་ལ་མི་རེ་ཞེས་རང་གིས་དེ་བཞིན་གཤེགས་པའི་འགྲོ་འདུལ་གྱི་ཐབས་མཁས་མཐིལ་ཕྱིན་པ་ལ་གོ་བ་ཕྱོགས་མཐོང་ཙམ་ཡང་

― TN03_Page_0287 ―

^{[མ་དཔེ་གཟིགས་ན་འདིར་གནོན།]}

(༢༣༡)མ་སྐྱེས་པར་མནའ་བོར་ནས། དེ་ལ་རྨད་དུ་བྱུང་བའི་ཁྱད་པར་འཕགས་ཆོས་སུ་སྒོམ་པར་ནི་མི་བྱ་སྟེ། དེ་ལྟར་བྱེད་པ་ནི་དམ་པ་རྣམས་ཀྱི་མདུན་སར་བཞད་གད་ཀྱི་ཕྱིར་དུ་རང་གིས་རང་ལ་ཐོ་འཚམས་པ་ཡིན་པའི་ཕྱིར་རོ། །གཉིས་པ་ནི། བཅོམ་ལྡན་འདས་དེའི་ཉན་ཐོས་ཀྱི་འཁོར་ནི་ཡོངས་སུ་དག་ཅིང་གྲངས་མང་བས་འཕགས་ཏེ། འདི་ལྟར། དེ་ན་སོ་སྐྱེའི་ཉན་ཐོས་ཁྱིམ་གྱི་ཡོངས་སུ་བཟུང་བ་ལ་ཆགས་ནས་མངོན་པར་མི་འབྱུང་བ་ནི་ཡེ་མེད་དེ། ང་ཡིར་བྱ་བ་མེད་པའི་འཇིག་རྟེན་གྱི་ཁམས་སུ་སྐྱེ་བའི་ཕྱིར་ཏེ། །སྔར་བཤད་ཟིན་ཏོ། །ཐུབ་པའི་བཅས་མཚམས་འདྲལ་བར་བྱེད་པ་ཡང་མེད་དེ། སྙིགས་མ་མེད་པའི་ཞིང་གི་ཉན་ཐོས་ཡིན་པའི་ཕྱིར་ཏེ། འདི་ནི་དཀོན་བརྩེགས་ཀྱི་དྲུག་པར་མི་འཁྲུགས་པའི་ཞིང་ལ་སྦྱར་ནས་གསུངས་པ་རིགས་པ་འདྲའོ། །བརྩོན་འགྲུས་ཆུང་བས་ལམ་སྒྲུབ་ཏུ་མི་ནུས་པ་ཡང་མེད་དེ། ཐམས་ཅད་ཡང་དག་པ་ཉིད་ལ་ངེས་པར་གསུངས་པའི་ཕྱིར་རོ། །ཞིང་དེའི་བྱང་སེམས་ཀྱི་འཁོར་རྣམས་སྐྱེ་བ་གཅིག་ཐོགས་སུ་གསུངས་པའི་རིགས་པས། །ཉན་ཐོས་ལ་ཡང་ལན་བདུན་པ་དང་རིགས་ནས་རིགས་སྐྱེ་སོགས་མེད་དམ་བརྟག་གོ །ཉན་ཐོས་ཀྱི་དགེ་འདུན་ཡོད་ཀྱང་རིགས་སྐྱེ་སོགས་ཀྱི་རྣམ་བཞག་བྱར་མེད་པ་མི་འགལ་བ་ནི་མི་འཁྲུགས་པའི་འཁོར་གྱི་ཉན་ཐོས་ཐམས་ཅད་མཐོང་ཆོས་ཞིར་གསུངས་པ་བཞིན་ནོ། །ཉན་ཐོས་དེ་དག་གི་གྲངས་ནི། སྟོང་གསུམ་གྱི་སེམས་ཅན་ཐམས་ཅད་

― TN03_Page_0288 ―

^{[མ་དཔེ་གཟིགས་ན་འདིར་གནོན།]}

(༢༣༢)རང་སངས་རྒྱས་ཤ་སྟག་ཏུ་གྱུར་པས་བསྐལ་བ་བྱེ་བ་ཁྲག་ཁྲིག་བརྒྱ་སྟོང་གི་བར་དུ་བགྲངས་ཀྱང་མཐའ་མི་རྙེད་པར་གསུངས་ཏེ། དེའང་གཅིག་གིས་གང་བགྲང་བ་དེ་གཉིས་པས་མི་བགྲང་། གཉིས་པས་གང་བགྲང་བ་དེ་གསུམ་པས་མ་བགྲང་བ་དེ་འདྲ་བའི་ཚུལ་གྱིས་བགྲང་བ་ལ་དགོངས་སོ། །དེར་མ་ཟད་འཕགས་པ་མཽ་འགལ་གྱི་བུ་ཆེན་པོས་སྟོང་གསུམ་ན་སྐར་མའི་གཟུགས་ཇི་སྙེད་ཡོད་པ་ཐམས་ཅད་ཉིན་ཞག་གཅིག་གིས་བགྲང་བར་ནུས་ཏེ། དེ་ལྟ་བུའི་རྫུ་འཕྲུལ་དང་ལྡན་པ་བྱེ་བ་ཁྲག་ཁྲིག་བརྒྱ་སྟོང་སྙེད་ཀྱིས་ལོ་བྱེ་བ་ཁྲག་ཁྲིག་བརྒྱ་སྟོང་དུ་ལས་གཞན་མི་བྱེད་པར་བཅོམ་ལྡན་འདས་དེའི་ཉན་ཐོས་འདུས་པ་དང་པོ་གཅིག་པུ་བགྲངས་ཀྱང་བྱེ་བ་བརྒྱའི་ཆ་ཙམ་ཡང་རྩིས་ཀྱིས་མི་ཆོད་པར་གསུངས་སོ། །དེ་དག་ཐམས་ཅད་ཀྱང་འོད་འདོམ་གང་བ་དང་ལྡན་པ་ཤ་སྟག་སྟེ། དུལ་བ་དང་ཉེ་བར་ཞི་བའི་དཔལ་གྱིས་སངས་རྒྱས་ཀྱི་ཞིང་དེ་དགོད་པ་བཞིན་དུ་བྱེད་དོ། །གསུམ་པ་ལ། བྱང་སེམས་འཁོར་གྱི་གཙོ་བོ་དང་། རྒྱལ་སྲས་གྱི་འཁོར་སྤྱིར་བསྟན་པ་གཉིས་ལས། དང་པོ་ནི། སྟོན་པ་འོད་དཔག་མེད་ལས་རྒྱལ་ཚབ་ཀྱི་ཅོད་པན་བླངས་པ་དཔལ་སྤྱན་རས་གཟིགས་དབང་ཕྱུག་དང་། མཐུ་ཆེན་ཐོབ་གཉིས་ཏེ། གོ་རིམ་བཞིན་དུ་སེམས་ཅན་རྣམས་ལ་སྙིང་རྗེ་ཆེན་པོའི་ལྟ་སྟངས་སྦྱངས་པ་དང་། རླབས་པོ་ཆེའི་ཐུགས་སྟོབས་མངའ་བའི་ཆ་ནས་དེ་བཞིན་གཤེགས་པ་རིན་པོ་ཆེའི་སྙིང་པོས་མཚན་དེ་ལྟར་བཏགས་པར་སྙིང་རྗེ་པད་དཀར་ལས་སོ། །

― TN03_Page_0289 ―

^{[མ་དཔེ་གཟིགས་ན་འདིར་གནོན།]}

(༢༣༣)དེ་གཉིས་ཀྱི་སྐུའི་འོད་ཀྱིས་ནི་འཇིག་རྟེན་གྱི་ཁམས་བདེ་བ་ཅན་དེ་མ་ལུས་པར་བཀང་སྟེ་གནས་ལ། བྱང་སེམས་ཀྱི་འཁོར་གང་དག་དེ་གཉིས་ལས་ཞག་བདུན་དུ་འདྲི་བའི་ལན་ཉན་པ་དེ་དག་དེའི་མོད་ཁོ་ནར་སྒྱུ་མ་ལྟ་བུའི་ཏིང་ངེ་འཛིན་འཐོབ་པའི་ཕྱིར། །སངས་རྒྱས་ཀྱི་ཞིང་དེ་ནི་སྐྱེས་བུ་དམ་པ་འདི་གཉིས་ལས་སྒྱུ་མ་ལྟ་བུའི་ཏིང་ངེ་འཛིན་ཐོབ་པའི་རྒྱལ་སྲས་ཀྱི་ཚོགས་ཀྱིས་གང་བར་མདོ་གཞན་ལས་གསུངས་སོ། །དེའི་ཕྱིར་དེ་དག་ནི་མཉམ་པ་མེད་པའི་གཟི་བརྗིད་ཀྱི་དཀྱིལ་འཁོར་དང་ལྡན་པ་སྟེ། རྒྱལ་བའི་དབང་པོ་འོད་དཔག་མེད་བཞུགས་པ་དང་ཡོངས་སུ་མྱ་ངན་ལས་འདས་པའི་གནས་སྐབས་ཀུན་ཏུ་དམ་པའི་ཆོས་ཀྱི་མཛོད་འཛིན་པ་རྣམས་ཀྱི་ནང་ན་རབ་མཆོག་ཏུ་བསྔགས་པ་ཡིན་ནོ། །གཉིས་པ་ནི། ཞིང་དེའི་བྱང་ཆུབ་སེམས་དཔའི་དགེ་འདུན་གྱི་གྲངས་ནི་ཐམས་ཅད་མཁྱེན་པའི་ཡེ་ཤེས་མ་གཏོགས་པ་གཞན་སུས་ཀྱང་བགྲང་བའི་རྔོ་མི་ཐོགས་པར་སྙིང་རྗེ་པད་དཀར་ལས་གསུངས་ཤིང་། ཞིང་བཀོད་ཀྱི་མདོ་ལས། བསྐལ་པ་བྱེ་བ་ཁྲག་ཁྲིག་ཏུ་བརྩིས་ཀྱང་གྲངས་ཀྱི་མཐའ་མི་མངོན་པ་དེ་སྙེད་ཀྱི་དེ་བཞིན་གཤེགས་པ་རྣམས་ཀྱི་དྲུང་ནས་བྱང་ཆུབ་སེམས་དཔའི་འཁོར་དག་བདེ་བ་ཅན་དུ་སྐྱེ་བ་འཛིན་པར་འགྱུར་ཏེ། དེ་བཞིན་གཤེགས་པ་རེ་རེའི་དྲུང་ནས་ཀྱང་བྱང་སེམས་བྱེ་བ་ཕྲག་དུ་མ་འགྲོ་བར་གསུངས་སོ། །དེ་ནི་ཞིང་གཞན་ནས་ཤི་འཕོས་ཏེ་འགྲོ་བའི་དབང་དུ་མཛད་ལ། མངོན་ཤེས་ཀྱི་མཐུ་ཐོབ་པའི་རྒྱལ་སྲས་ཆེན་པོ་རྣམས་ཞིང་དག་པའི་འབྱོར་པ་གཟིགས་པ་དང་། ཆོས་

― TN03_Page_0290 ―

^{[མ་དཔེ་གཟིགས་ན་འདིར་གནོན།]}

(༢༣༤)ཀྱི་དགའ་སྟོན་ལ་རྩེ་བའི་ཕྱིར་རྫུ་འཕྲུལ་གྱིས་འདུ་བའི་གྲངས་ནི་དེ་བས་ཀྱང་ཆེས་མང་སྟེ། ཇི་ལྟར་བདག་ཅག་གི་སྟོན་པས་བློ་གྲོས་རབ་གནས་ཀྱིས་ཞུས་པའི་མདོ་གསུངས་པ་ན་གླིང་བཞི་པའི་འཇིག་རྟེན་འདི་ན་རྫུ་འཕྲུལ་གྱིས་ཆོས་ཉན་དུ་ལྷགས་པའི་བྱང་སེམས་ཁོ་ནས་གང་བར་མ་གྱུར་པའི་ས་ཕྱོགས་འཁར་བ་འཛུགས་ས་ཙམ་ཡང་མེད་པར་གསུངས་པ་བཞིན་ནོ། །དེ་ལ་ཞིང་དེར་སྐྱེས་པའི་བྱང་སེམས་རྣམས་ཀྱི་ལུས་ཀྱི་བོང་ཚད་ནི་དཔག་ཚད་སྟོང་ཡིན་པར་སྙིང་རྗེ་པད་དཀར་ལས་ཏེ། ཐམས་ཅད་ཀྱང་འོད་དཔག་ཚད་བྱེ་བ་བརྒྱ་སྟོང་པ་འབའ་ཞིག་ཏུ་ཞིང་བཀོད་ཀྱི་མདོ་ལས་གསུངས་སོ། །སྔོན་ཐེ་ཚོམ་ཟོས་པའི་ཉེས་པས་བསྒྲིབས་པ་རྣམས་མ་གཏོགས་པ་ཐམས་ཅད་རྫུ་འཕྲུལ་གྱི་མཐུས་རྣམ་པར་རྩེ་བ་ཁོ་ན་ཡིན་ཏེ། དེ་དག་སྔ་དྲོ་རེ་རེར་སངས་རྒྱས་ཀྱི་ཞིང་བྱེ་བ་ཁྲག་ཁྲིག་འབུམ་ཕྲག་མང་པོར་དེ་བཞིན་གཤེགས་པ་རྣམས་ལ་མཆོད་པ་དང་བསྙེན་བཀུར་བྱེད་དུ་འགྲོ་སྟེ། ནམ་མཁའ་ལྟར་ཡངས་ཤིང་ཚད་མེད་པའི་མཆོད་པ། འཇིག་རྟེན་ཐམས་ཅད་ངོ་མཚར་བར་བྱེད་པ་དག་གིས་བསྟི་བསྟངས་བྱེད་དོ། །དེར་དེ་བཞིན་གཤེགས་པ་དེ་རྣམས་སོ་སོ་ནས་སྔོན་གྱི་སྨོན་ལམ་དང་། སངས་རྒྱས་ཀྱི་ཞིང་དང་། ཆོས་བཤད་པའི་རྣམ་གྲངས་དང་། མཛད་པའི་སྒོ་སྣ་ཚོགས་ཀྱིས་ཁམས་དབང་མོས་པ་མེ་འདྲ་བའི་སེམས་ཅན་ཇི་ལྟར་འདུལ་བའི་ཚུལ་བསམ་གྱིས་མི་ཁྱབ་པ་རྣམས་མཐོང་ཞིང་ལེགས་པར་ཁོང་དུ་ཆུད་ནས་ཟང་ཟིང་མེད་པའི་དགའ་བ་རྒྱ་ཆེ་ཞིང་གྱ་ནོམ་པ་ཆེས་རྨད་དུ་བྱུང་བ་ཐོབ་སྟེ། སླར་

― TN03_Page_0291 ―

^{[མ་དཔེ་གཟིགས་ན་འདིར་གནོན།]}

(༢༣༥)ཡང་སྔ་དྲོ་དེ་ཉིད་ལ་རང་གི་སངས་རྒྱས་ཀྱི་ཞིང་བདེ་བ་ཅན་ཉིད་དུ་ཕྱིན་པར་འགྱུར་རོ། །འདིའི་ཐད་ཀྱི་འོད་མདོ་ལས། དེ་བཞིན་གཤེགས་པ་ཚེ་དཔག་མེད་དེའི་སྔོན་གྱི་སྨོན་ལམ་གྱི་བྱིན་གྱིས་རླབས་ཀྱིས་ཡོངས་སུ་ཟིན་པ་དང་། སྔོན་ཆོས་མཉན་པ་བྱིན་པ་དང་། སྔོན་གྱི་རྒྱལ་བ་ལ་དགེ་བའི་རྩ་བ་བསྐྱེད་པ་དང་། སྔོན་གྱི་སྨོན་ལམ་འབྱོར་ཞིང་ཡོངས་སུ་རྫོགས་པ་དང་། མི་ཉུང་བ་དང་། ཤིན་ཏུ་རྣམ་པར་ཕྱེ་བ་དང་། ཤིན་ཏུ་བསྒོམས་པས་སྨོན་ལམ་བཏབ་པ་འགྲུབ་བོ། །ཞེས་གསུངས་པ་ནི། ཞིང་དེའི་བྱང་སེམས་ཀྱི་འཁོར་ཕལ་ཆེར་དེ་ལྟ་བུའི་མཐུ་མ་ཐོབ་པ་མེད་པ་ནི་དེ་བཞིན་གཤེགས་པ་དེའི་སྔོན་སྨོན་དང་དགེ་བའི་རྩ་བའི་མཐུ་ཡིན་ཞེས་སྟོན་པར་མངོན་ནོ། །སྔར་བཤད་པ་ལྟར་དེ་ན་བྱང་སེམས་ཡིན་མིན་ཐམས་ཅད་མངོན་ཤེས་ལྔ་ལྡན་དུ་འབྱུང་མོད་ཀྱི། །འོད་མདོ་ལས། ཞིང་མཐའ་ཡས་པར་རྫུ་འཕྲུལ་གྱིས་འཇུག་ཚུལ་འདི་དག་བྱང་སེམས་འཁོར་འཆད་པའི་སྐབས་ཁོ་ནར་རྒྱས་བཤད་མཛད་པ་ནི། དཀོན་བརྩེགས་ཀྱི་མྱ་ངན་མེད་ཀྱིས་བྱིན་པས་ཞུས་པར། རྒྱ་མཚོ་ཆེན་པོ་དང་བུམ་པ་ཆུས་མི་ངོམས་པ་དང་ངོམས་པའི་དཔེས་གསུངས་པ་ལྟར། ཉན་ཐོས་ནི་རང་གི་དོན་ཉི་ཚེ་སྒྲུབ་པའི་བསམ་པ་ཅན་ཡིན་པས་དགེ་བའི་བཤེས་གཉེན་ཚད་མེད་པ་འཚོལ་བ་ལྷུར་མི་ལེན་པ་ལ་དགོངས་སམ་སྙམ་མོ། །གཞན་ཡང་སེམས་དཔའ་ཆེན་པོ་དེ་དག་གི་ཡོན་ཏན་གྱི་ཁྱད་པར་ནི། ཞིང་བཀོད་ཀྱི་མདོ་ལས། ཀུན་དགའ་བོ་བྱང་ཆུབ་སེམས་དཔའ་གང་དག་འཇིག་རྟེན་གྱི་ཁམས་དེར་

― TN03_Page_0292 ―

^{[མ་དཔེ་གཟིགས་ན་འདིར་གནོན།]}

(༢༣༦)སྐྱེས་པ་དེ་དག་ལ་གཞན་གྱི་འདུ་ཤེས་མེད། རང་གི་འདུ་ཤེས་མེད། བདག་གི་འདུ་ཤེས་མེད། འཐབ་པ་མེད། རྩོད་པ་མེད། མི་མཐུན་པ་མེད། མི་མཉམ་པའི་སེམས་མེད་དེ། དེ་དག་ནི་སེམས་ཅན་ཐམས་ཅད་ལ་སེམས་མཉམ་པ་དང་། ཕན་པའི་སེམས་དང་། བྱམས་པའི་སེམས་དང་། མཉེན་པའི་སེམས་དང་། འཇམ་པའི་སེམས་དང་། དགེ་བའི་སེམས་དང་། རབ་ཏུ་དང་བའི་སེམས་དང་། བརྟན་པའི་སེམས་དང་། སྒྲིབ་པ་མེད་པའི་སེམས་དང་། འཁྲུགས་པ་མེད་པའི་སེམས་དང་། སྙོགས་པ་མེད་པའི་སེམས་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱད་པ་སྤྱོད་པའི་སེམས་དང་། སེམས་ཀྱི་རྒྱུད་སྒྱུ་མའི་རང་བཞིན་ལ་བློ་རབ་ཏུ་ཞུགས་པ། ཤེས་རབ་རྒྱ་མཚོ་ཆེན་པོ་དང་མཉམ་པ། བློ་རི་རབ་དང་མཚུངས་པ། ཡོན་ཏན་དུ་མ་བསགས་པ། ཞེས་པ་ནས། འཇིག་རྟེན་ཐམས་ཅད་ཀྱིས་མི་གོས་པའི་ཕྱིར་པདྨ་དང་འདྲ་བ། ཆོས་དང་ཆོས་མ་ཡིན་པ་མངོན་པར་སྒྲོག་པས་དུས་ཀྱི་རྗེས་སུ་འབྲངས་པའི་འབྲུག་ཆེན་པོ་དང་མཚུངས་པ། ཆོས་ཀྱི་ཆུའི་ཆར་མངོན་པར་འབེབས་པས་ཆར་པ་ཆེན་པོ་དང་འདྲ་བ། ཚོགས་ཆེན་པོའི་ཟིལ་གྱིས་གནོན་པས་ཁྱུ་མཆོག་དང་མཚུངས་པ། སེམས་ཤིན་ཏུ་མཆོག་ཏུ་དུལ་བས་གླང་པོ་ཆེ་ཆེན་པོ་དང་འདྲ་བ། ཤིན་ཏུ་དུལ་བས་རྟ་ཅང་ཤེས་བཟང་པོ་དང་མཚུངས་པ། རྩལ་དང་མི་འཇིགས་པས་སྐྲག་པ་མེད་པའི་ཕྱིར་རི་དྭགས་ཀྱི་རྒྱལ་པོ་སེང་གེ་དང་འདྲ་བ། སེམས་ཅན་ཐམས་ཅད་

― TN03_Page_0293 ―

^{[མ་དཔེ་གཟིགས་ན་འདིར་གནོན།]}

(༢༣༧)ཡོངས་སུ་སྐྱོབ་པས་ཤིང་གི་རྒྱལ་པོ་ནྱ་གྲོ་དྷ་དང་མཚུངས་པ། ཕས་ཀྱི་རྒོལ་བ་ཐམས་ཅད་ཀྱིས་མི་གཡོ་བས་རིའི་རྒྱལ་པོ་རི་རབ་དང་འདྲ་བ། བྱམས་པ་ཚད་མེད་པ་བསྒོམ་པས་ནམ་མཁའ་དང་མཚུངས་པ། དགེ་བའི་ཆོས་ཐམས་ཅད་ཀྱི་དབང་དུ་བྱ་བའི་སྔོན་དུ་འགྲོ་བས་ཚངས་པ་ཆེན་པོ་དང་འདྲ་བ། གནས་སུ་གསོག་པ་མེད་པས་བྱ་དང་མཚུངས་པ། ཕས་ཀྱི་རྒོལ་བ་ཐམས་ཅད་རྣམ་པར་འཇོམས་པས་བྱའི་རྒྱལ་པོ་ནམ་མཁའ་ལྡིང་དང་འདྲ་བ། འབྱུང་བར་དཀའ་བའི་ཕྱིར་ཨུ་དུམ་ཝཱ་རའི་མེ་ཏོག་དང་མཚུངས་པ། གླང་པོ་ཆེ་ལྟར་ཤིན་ཏུ་མཉམ་པར་བཞག་པས་རྣམ་པར་གཡེང་བ་མེད་པ། དབང་པོ་རྨུགས་པ་མེད་པ། རྣམ་པར་གཏན་ལ་འབེབས་པ་ལ་མཁས་པ། བཟོད་པ་དང་དེས་པ་མང་བ། ཕ་རོལ་ཕུན་སུམ་ཚོགས་པར་སྨོན་པས་ཕྲག་དོག་མེད་པ། ཆོས་ཀྱི་གཏམ་རྣམས་ལ་འཇིགས་པ་མེད་པ། ཆོས་ཡོངས་སུ་ཚོལ་བས་ངོམས་མི་མྱོང་བ། ཚུལ་ཁྲིམས་ཀྱིས་བཻཌཱུརྱ་དང་འདྲ་བ། ཐོས་པས་རིན་པོ་ཆེའི་འབྱུང་གནས་དང་མཚུངས་པ། ཞེས་པ་ནས། ཀུན་དགའ་བོ་མདོར་བསྡུ་ན། ཞིང་དེའི་བྱང་སེམས་རྣམས་ནི་འདི་ལྟ་བུ་ཤ་སྟག་སྟེ། རྒྱས་པར་བྱ་ན་གལ་ཏེ་དེ་བཞིན་གཤེགས་པའི་ཚེའི་ཚད་བསྐལ་པ་བྱེ་བ་ཁྲག་ཁྲིག་བརྒྱ་སྟོང་དུ་གནས་པས་བསྟན་ཀྱང་སྐྱེས་བུ་དམ་པ་དེ་དག་གི་ཡོན་ཏན་གྱི་མཐའ་བསྟན་པར་མི་ནུས། ཞེས་པའི་བར་དུ་རྒྱ་ཆེར་གསུངས་སོ། །དེ་ལྟར་སྣོད་

― TN03_Page_0294 ―

^{[མ་དཔེ་གཟིགས་ན་འདིར་གནོན།]}

(༢༣༨)བཅུད་ཀྱི་ཡོན་ཏན་བཟང་ཞིང་རླབས་ཆེ་བ་བྱང་ཆུབ་སྒྲུབ་པའི་རྗེས་སུ་མཐུན་པ་རྣམས་ལ་དད་པ་སྤེལ་ཞིང་། སྨོན་ལམ་དང་དགེ་རྩ་སྟོབས་ལྡན་འཆི་ཁར་མངོན་དུ་འགྱུར་ངེས་སུ་སྦྱངས་པ། ཤཱཀྱའི་རྒྱལ་པོ་ཟས་གཙང་མ་དང་། ཚོང་དཔོན་བཟང་སྐྱོང་དང་། བུ་མོ་ཟླ་བ་མཆོག་དང་། འཕགས་པ་ཀླུ་སྒྲུབ་ལ་སོགས་པ་སྔོན་གྱི་བྱང་སེམས་དཔའ་བོ་ཆེན་པོ་རྣམས་ཀྱི་རྗེས་བཞིན་དུ་འགྲོ་བར་བྱ་སྟེ། ཞིང་བཀོད་ཀྱི་མདོ་ལས། གང་གིས་འོད་མཛད་འཇིག་རྟེན་མགོན། །རྫོགས་པའི་སངས་རྒྱས་མཐོང་ནས་ནི། །གུས་དང་བཅས་པས་ཆོས་ཐོས་པ། །དེ་དག་དགའ་བ་དམ་པ་འཐོབ། །ཅེས་གསུངས་པ་ལྟར་འཇིག་རྟེན་དང་འཇིག་རྟེན་ལས་འདས་པའི་ལེགས་ཚོགས་མཐའ་དག་ཟླ་བ་ཡར་གྱི་ངོ་བཞིན་དུ་རྒྱས་པར་འགྱུར་བའི་ཕྱིར་རོ། །དེ་ལྟར་ན་བདེ་བ་ཅན་གྱི་འཇིག་རྟེན་གྱི་ཁམས་སུ་སྐྱེ་བ་འཛིན་པའི་མན་ངག་ལེགས་པར་བཤད་ཟིན་ཏོ། །ཐུབ་པའི་ལེགས་བཤད་ནོར་བུའི་གཏེར་ཁ་དང་། །ཞིང་མཆོག་བགྲོད་པའི་ལམ་སྲང་མ་འཁྲུགས་པ། །ལྷན་ཅིག་དུས་མཐའི་མུན་རུམ་སྟུག་པོར་ཡང་། །འགྲོ་འདིས་གསལ་པོར་མཐོང་བ་བདག་གིས་བྱས། །ཚུལ་འདིར་མདོ་དོན་ཇི་བཞིན་མིན་བཤད་པའི། །ནོངས་པ་གང་མཆིས་རྒྱལ་ལ་སྙིང་ནས་འཆགས། །དགེ་བས་ལུས་ཅན་སྡུག་བསྔལ་ཆུ་གཏེར་ལས། །འཐོན་ཏེ་འོད་དཔག་མེད་ཀྱི་གནས་བགྲོད་ཤོག །བདག་ཀྱང་མགོ་ལ་སངས་རྒྱས་ཅོད་པན་ཐོགས། །ཡིད་ནི་རྣལ་འབྱོར་དམ་པའི་བདུད་རྩིས་གང་། །རབ་

― TN03_Page_0295 ―

^{[མ་དཔེ་གཟིགས་ན་འདིར་གནོན།]}

(༢༣༩)འབྱམས་ཞིང་དུ་འགྲོ་ལ་མཆོག་སྦྱིན་ཕྱིར། །ཐོགས་མེད་རྒྱུ་བ་སྤྱན་རས་གཟིགས་འདྲར་ཤོག །བདེ་བ་ཅན་གྱི་ཞིང་ལས་བརྩམས་པའི་གཏམ་དགེ་བའི་ལོ་ཐོག་སྤེལ་བྱེད་དབྱར་སྐྱེས་སྤྲིན་ཆེན་གླལ་བའི་སྒྲ་དབྱངས་ཞེས་བྱ་བ་འདི་ནི། བྱང་ཆུབ་ཤིང་གི་བཤད་པ་ཡན་ཆད་གསེར་འཕྱང་གི་ལོར་བྲིས་ཀྱང་། འཕྲོ་རྣམས་སྙོམ་ལས་ཀྱི་ངང་ལ་ཡུན་རིང་པོར་ལུས་པ་ལས། སླར་རང་ལོ་སོ་བདུན་པ་འཕར་བའི་ལོའི་སྟོན་ཀ་བཀྲ་ཤིས་ཀྱི་དཔལ་དང་ལྡན་པའི་ཚེས་ལ་ཡོངས་སུ་རྫོགས་བར་བྱས་ཏེ། །ཐེག་པ་མཆོག་གི་གསུང་རབ་ལ་དད་པ་ཅུང་ཟད་སྐྱེས་བའི་སྐལ་བཟང་འཇིགས་མེད་བསྟན་པའི་ཉི་མས། བཀྲ་ལེགས་མདངས་ཆེན་གྱི་རི་བོའི་ངོས། ནགས་ཚལ་དགའ་བ་ཅན་གྱི་མཐོངས། དགེ་འཕེལ་གྱི་གཙུག་ལག་ཁང་དུ་སྦྱར་བ་འདིས་ཀྱང་སེམས་ཅན་རྣམས་ཀྱི་རྒྱུད་ལ་འོད་དཔག་མེད་ཀྱི་སྨོན་ལམ་མ་ལུས་པ་བདེ་བླག་ཏུ་སྨིན་པར་གྱུར་ཅིག ༈ །།འཕྲུལ་ཆེན་སྤརགྱི་ལྗོན་ཤིང་རྒྱས་པའི་རྩེར། ལེགས་བཤད་མེ་ཏོག་འབྲས་མང་ཆགས་པ་འདི། །ཀུན་མཁྱེན་བསྟན་པའི་སྐྱེད་ཚལ་རྒྱན་གྱུར་ཏེ། །སྐལ་བཟང་སྐྱེ་བོའི་བྱ་ཚོགས་དགའ་བྱེད་ཤོག །ཤུ་བྷཾམསྟུ་སརྦ་ཛ་ག་ཏཾ།

― TN03_Page_0296 ―

^{[མ་དཔེ་གཟིགས་ན་འདིར་གནོན།]}

(༢༤༠)

འཕགས་ཚོགས་མཆོད་པའི་ཆོ་ག་སྙིང་པོར་དྲིལ་བ་རྣམ་པར་ཐར་བ་རྒྱ་མཚོའི་མེ་ཏོག་གི་སྤྲིན་རབ་ཏུ་འབྱུང་བ།

― TN03_Page_0297 ―

^{[མ་དཔེ་གཟིགས་ན་འདིར་གནོན།]}

(༢༤༡)འཕགས་ཚོགས་མཆོད་པའི་ཆོ་ག་སྙིང་པོར་དྲིལ་བ་རྣམ་པར་ཐར་པ་རྒྱ་མཚོའི་མེ་ཏོག་གི་སྤྲིན་རབ་ཏུ་འབྱུང་བ་ཞེས་བྱ་བ་བཞུགས་སོ། །

― TN03_Page_0298 ―

^{[མ་དཔེ་གཟིགས་ན་འདིར་གནོན།]}

(༢༤༢)བླ་མ་འཇམ་པའི་དབྱངས་ལ་ཕྱག་འཚལ་ལོ། །འདིར་འཕགས་ཚོགས་མཆོད་པའི་ཆོ་ག་སྙིང་པོར་དྲིལ་ཏེ་ཉམས་སུ་ལེན་པར་འདོད་པ་དག་གིས། ཐོག་མར་གནས་ཁང་བྱི་དོར་བྱ་ཞིང་སྐུ་གསུང་ཐུགས་ཀྱི་རྟེན་དགྲམ་པ་དང་། མཆོད་པ་གཡོ་མེད་ཅིང་བཀོད་པས་མཛེས་པར་བཤམས་པ་དང་། སྐྱབས་འགྲོ་སེམས་བསྐྱེད་རྒྱུད་དང་འདྲེས་ངེས་སུ་བྱ་བ་རྣམས་སྔོན་དུ་བཏང་ནས། ཚོགས་ཞིང་མངོན་དུ་བྱ་བ་ནི། མཚན་དཔེའི་སྐུ་མཆོག་ཤིན་ཏུ་ཞི་བ་ནི། །ཉོན་མོངས་རྙོག་པ་ངང་གིས་དྭངས་བྱེད་དེ། །གང་གི་ཡིད་ནི་དམིགས་པ་དེར་འཇུག་པ། །དེ་ཡི་མདུན་ན་རྒྱལ་བརྟག་ཏུ་བཞུགས། །རྒྱན་རབ་བཀོད་པ་འོག་མིན་ཆེན་པོའི་གནས། །རྣམ་པར་སྣང་མཛད་རྒྱལ་བས་ཡོངས་གང་

― TN03_Page_0299 ―

^{[མ་དཔེ་གཟིགས་ན་འདིར་གནོན།]}

(༢༤༣)ཞིང་། །གྲགས་ཆེན་རྒྱལ་སྲས་རྒྱ་མཚོའི་འབྱོར་པ་ཅན། །རྣམ་ཀུན་རྒྱུན་གྱིས་རྟག་པའི་འཁོར་ལོ་རོལ། །དེ་དག་འོད་ཟེར་ཀུན་སྣང་གཟི་བརྗིད་སྤྲིན། །བྱང་ཆུབ་པདྨའི་རྒྱལ་པོའི་སྤྲིན་ཚོགས་ཅན། །བདེ་དང་དགེ་བའི་བདུད་རྩི་མཆོག་སྦྱིན་པའི། ངོ་མཚར་སྐུ་ཡི་ཆོ་འཕྲུལ་འཛད་པ་མེད། །གཞན་ཡང་རྡུལ་གཅིག་སྟེང་ན་རྡུལ་སྙེད་ཀྱི། །སྐུ་དང་ཞིང་གི་རྣམ་རོལ་མཐའ་ཡས་ཏེ། །དེ་ལྟར་ཆོས་དབྱིངས་རྒྱ་མཚོའི་ཞིང་རྣམས་སུ། །སངས་རྒྱས་ཞིང་གི་དཀྱིལ་འཁོར་མུ་མཐའ་མེད། །ཡེ་ཤེས་སྒྱུ་མ་མཁའ་ལྟར་རབ་ཞི་ཡང་། །རྒྱ་ཆེན་སྨོན་ལམ་ཐུགས་རྗེ་དམ་པའི་མཐུ། །རིམ་དང་རིམ་

― TN03_Page_0300 ―

^{[མ་དཔེ་གཟིགས་ན་འདིར་གནོན།]}

(༢༤༤)མིན་སྣ་ཚོགས་ཐབས་ཚུལ་གྱིས། །སེམས་ཅན་ཁམས་ལ་ཆུ་ཟླ་བཞིན་དུ་སྣང་། །དེ་འདྲའི་ཡོན་ཏན་མཆོག་ཚོགས་མགོན་པོ་རྣམས། །མཉམ་པའི་ཆོས་ཉིད་གཅིག་ཏུ་དགྱེས་རོལ་བས། །མཁས་པ་གང་གིས་རྣམ་འདྲེན་གཅིག་མཆོད་པ། །དེས་ནི་ཐུབ་ཆེན་ཀུན་ལ་བྱ་བ་བྱས། །དེ་ལྟར་རྒྱལ་བ་དེ་དག་རྗེས་དྲན་ཞིང་། །དེ་སྙེད་ལུས་རྣམས་རྒྱ་མཚོར་བྱིན་བརླབས་ཏེ། །བསྔགས་འོས་རྒྱལ་ཀུན་དགྱེས་པའི་མཆོད་སྤྲིན་གྱིས། །བཟང་པོ་སྤྱོད་པའི་རྣམ་ཐར་རྒྱས་པར་བགྱི། །ཞེས་བརྗོད་ཅིང་དོན་ཡིད་ལ་དྲན་པར་བྱའོ། །དེ་ནས་ཡན་ལག་བདུན་པའི་དང་པོ་ཕྱག་འཚལ་བ་ནི། ༈ །རྡུལ་བྲལ་བསོད་ནམས་བརྒྱ་བའི་ཡེ་ཤེས་སྐུ། །ཕྲ་རག་ཕུང་པོའི་བདུད་ལས་རྣམ་གྲོལ་ཞིང་། །ཐུབ་དཀའ་སྲེད་མེད་བུ་ཡི་ཤུགས་འཆང་བ། །རྡོ་རྗེའི་སྐུ་མཆོག་བརྙེས་ལ་ཕྱག་འཚལ་ལོ། །ཡན་ལག་རྒྱ་མཚོ་ཚངས་པ་རྔ་སྒྲའི་དབྱངས། །ཟིལ་གྱིས་མི་ནོན་སྒྲ་ཀུན་རྗེས་འཇུག་ཅིང་། །གསུང་གི་གདངས་རེར་ཆོས་ཕུང་ཀུན་རྫོགས་པའི། །ཡོན་ཏན་དཔག་མེད་དབྱངས་ལ་ཕྱག་འཚལ་ལོ། །ཞི་བའི་ཆོས་ཉིད་རྣམ་ཐར་སྒོ་གསུམ་དབྱིངས། །ཤེས་དང་ཤེས་བྱ་རོ་མཉམ་ཚུལ་གཟིགས་ཀྱང་། །ཇི་སྙེད་ཆོས་ཀུན་མཁྱེན་པའི་སྐབས་མངའ་བ། །སྟོབས་བཅུའི་རྒྱལ་ཐབས་གནོན་ལ་ཕྱག་འཚལ་ལོ། །དག་དང་མ་དག་

― TN03_Page_0301 ―

^{[མ་དཔེ་གཟིགས་ན་འདིར་གནོན།]}

(༢༤༥)གདུལ་བྱའི་ཞིང་རྣམས་སུ། །མཚན་དང་སྐུ་ཡི་རྣམ་འགྱུར་ཐ་དད་ཀྱང་། །སེམས་ཅན་གདུལ་བའི་དབང་དུ་ཚུལ་གཅིག་པ། །ཟླ་མེད་གཞན་ཕན་བརྙེས་ལ་ཕྱག་འཚལ་ལོ། །གཞན་ཡང་རྒྱལ་བ་ཀུན་གྱི་སྲས་རྣམས་དང་། །རང་རྒྱལ་སློབ་མ་དུལ་བའི་དགེ་འདུན་ཚོགས། །ཕྱག་འོས་ཡོན་ཏན་དུ་མས་མངོན་འཕགས་པ། །དེ་དག་ཀུན་ལ་གུས་པས་ཕྱག་འཚལ་ལོ། །གཉིས་པ་མཆོད་པ་ནི་སྐབས་འདིར་ས་བཅད་བཅོ་ལྔར་ཕྱེ་སྟེ་རིམ་བཞིན། འཆི་བ་མེད་པའི་ལམ་ནས་ལྡིང་བ་ཡི། །སྣ་ཚོགས་མཛེས་སྤྲིན་པདྨོའི་སྦུབས་འགྱིང་བ། །དག་བྱེད་བུམ་བཟང་འཛིན་པའི་མེ་ན་ཀས། །སངས་རྒྱས་བསོད་ནམས་ཕུང་པོར་སྐུ་ཁྲུས་གསོལ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུཾ། ཨོཾ་ཀཱ་ཡ་བི་ཤྭ་དྷ་ན་ཡེ་སྭཱཧཱ། བཛྲ་ཝསྟ་ཧཱུཾ། ལྷ་རྫས་ཡིད་བཞིན་དྲྭ་བའི་པདྨོ་མཆོག །འོད་ཟེར་མེ་ཏོག་སྤྲིན་གྱི་ཆར་འབེབས་པས། །མ་ལུས་ཞིང་རྣམས་རྒྱ་མཚོའི་ཁྱོན་འགེང་བ། །བསོད་ནམས་སྤྲིན་གྱི་རོལ་མོར་ཅིར་ཡང་འཇོ། །ཨོཾ་སརྦ་ཏ་ཐཱ་ག་ཏ་ས་པཱ་རི་ཝ་ར་པུཥྤེ་པུ་ཙ་མེ་གྷ་ས་མུ་དྲ་སྥ་ར་་ས་མ་ཡེ་ཧཱུཾ། རྒྱ་ཆེ་དཔག་བསམ་སྤོས་ཀྱི་ལྗོན་པ་མཆོག །ཀུན་ནས་དགའ་བ་རྒྱ་མཚོའི་དྲི་བསུང་ཅན། །སྤོས་རྡུལ་

― TN03_Page_0302 ―

^{[མ་དཔེ་གཟིགས་ན་འདིར་གནོན།]}

(༢༤༦)ཕྱེ་མ་སྣ་ཚོགས་སྤྲིན་འཕྲོ་བ། །དཔལ་ལྡན་ངོ་མཚར་བཀོད་པའི་མཆོད་སྤྲིན་འཁྲིག །ཨོཾ་སརྦ་སོགས་དྷུ་བྤེ་པུ་ཙ༴ །རིན་ཆེན་ཉི་ཟླ་ནོར་བུའི་སྒྲོན་མ་མཆོག །ཚད་མེད་འོད་ཟེར་རྒྱ་མཚོའི་སྣང་བ་ཆེས། །སངས་རྒྱས་ཞིང་ཀུན་མུན་པའི་གོ་འགོག་པས། །རྒྱལ་དང་དེ་སྲས་དགྱེས་པའི་བསྙེན་བཀུར་སྟོབ། །ཨ་ལོ་ཀེ༴ སྤོས་དང་སྨན་སྦྱར་བདུད་རྩིའི་ཕྱུགས་པ་མཆོག །ཡིད་འཕྲོག་དྲི་རྣམས་རྒྱ་མཚོའི་ཆར་འབེབས་ཤིང་། །ཟག་མེད་བདེ་བའི་ཁྱད་པར་འབུམ་སྦྱིན་པ། །ནམ་མཁའ་མཛོད་ཀྱི་ཕུང་པོར་ཟད་མི་ཤེས། །གྷནྡྷེ༴ །ཕུན་ཚོགས་རོ་བརྒྱ་ལྡན་པའི་ཞལ་ཟས་མཆོག །བཟའ་བཅའ་བཏུང་བའི་ཁྱད་པར་རྣམ་མང་པོ། །བྲི་དང་གང་བ་མེད་པར་འབྱམས་ཀླས་པ། །ཏིང་འཛིན་ཞི་བ་མཆོག་གི་རྣམ་པར་རོལ། །ནེ་ཝི་ཏྱ༴ །བསྟོད་སྤྲིན་ཡན་ལག་རྒྱ་མཚོའི་རོལ་མོ་མཆོག །སིལ་སྙན་རྔ་སྒྲའི་སྤྲིན་གྱི་ཆར་འབེབས་ཤིང་། །ས་དང་ཕ་རོལ་ཕྱིན་པའི་སྒྲ་དབྱངས་བརྒྱས། །རབ་འབྱམས་རྒྱ་མཚོའི་འཇིག་རྟེན་རྒྱས་པར་འགེངས། །ཤཔྟ༴ །ནོར་བུའི་ཆུན་འཕྱངས་རྒྱ་མཚོ་མཛེས་བཀོད་པ། །འོད་ཀྱིས་འཇིག་རྟེན་རྣམ་པར་སྣང་བའི་གདུགས། །རབ་འབྱམས་ནམ་མཁའི་ཁྱོན་ལྟར་རྒྱ་ཆེ་ཞིང་། །རྒྱལ་རྣམས་འཁོར་གྱི་དཀྱིལ་འཁོར་མཛེས

― TN03_Page_0303 ―

^{[མ་དཔེ་གཟིགས་ན་འདིར་གནོན།]}

(༢༤༧)པའི་རྒྱན། །ཙྪ་ཏྲཾ་ཀ༴ །ཡིད་བཞིན་ནམ་མཁའི་རྒྱན་གྱུར་བླ་བྲེ་ཆེ། །དྲིལ་གཡེར་དྲྭ་བ་བརྒྱ་སྟོང་བྲིས་པའི་གཟུགས། །ཀུན་བཟང་རྣམ་མཐར་རྒྱ་མཚོའི་ཚུལ་སྒྲོག་པ། །སངས་རྒྱས་གཙུག་ཏོར་མཛེས་པའི་ངོ་མཚར་རྫོགས། །བི་ཏཱ་ནཾ༴ །སྣ་ཚོགས་དབང་པོའི་གཞུ་ལྟར་རབ་བཀྲ་བ། །རྣམ་མང་ལྷ་རྫས་དར་གྱི་ལྔ་ལྡི་ཅན། །ཕྱོགས་བཅུ་ཞིང་ཀུན་བསྒྲེང་བའི་རྒྱལ་མཚན་སྤྲིན། །ཆོས་དབྱིངས་མུ་མཐའ་མེད་པར་འབྱམས་སུ་ཀླས། །བྷྭ་ཛ༴ །ལྷ་རྫས་རེག་ན་བདེ་བའི་གོས་མཆོག་སྤྲིན། །གཟི་ལྡན་སྒྲོན་མེའི་ཚོགས་ལྟར་རབ་འབར་བ། །འདྲེས་དང་མ་འདྲེས་རྒྱ་མཚོའི་ཁ་དོག་ཅན། །མཚན་དཔེ་སྒྱུ་མ་མཆོག་གི་འཁོར་ལོས་སིམ། །ཝ་སྟྲ༴ །གདུ་བུ་ཅོད་པན་རྣ་ཀོར་ཕྲེང་བ་སོགས། །སྣ་ཚོགས་ནོར་བུ་བཀོད་པའི་རྒྱན་མང་པོ། །རིན་ཆེན་མེ་ཏོག་རྒྱ་མཚོའི་ཆར་འབེབས་ཤིང་། །ཀུན་བཟང་མཆོད་པའི་དཀྱིལ་འཁོར་རབ་སྣང་བྱེད། །ཨ་ལཾ་ཀཱ་ར༴ །རྣམ་མང་དཔག་བསམ་ལྗོན་པའི་དགའ་ཚལ་དང་། །ཡིད་འོང་ཟླ་བ་ནོར་བུའི་བྲག་སྐྱིབ་ཅན། །དཀའ་ཐུབ་གནས་རྣམས་རྒྱ་མཚོ་རྣམ་ཕྱེ་བ། །བསམ་གཏན་བདེ་བའི་དགའ་སྟོན་སྤྱིན་པའི་དཔྱིད། །བ་ན་ཥ་ནཱཾ༴ །བཞལ་མེད་ཁང་བརྩེགས་རིན་ཆེན་དྲྭ་བ་ཅན། །གླུ་

― TN03_Page_0304 ―

^{[མ་དཔེ་གཟིགས་ན་འདིར་གནོན།]}

(༢༤༨)གར་སིལ་སྙན་བསྟོད་དབྱངས་ཆར་འབེབས་ཤིང་། །མཆོད་པའི་ལྷ་མོ་སྣ་ཚོགས་སྤྲིན་འཕྲོ་བ། །ཀུན་བཟང་སྨོན་ལམ་རྒྱ་མཚོའི་རོལ་མོར་འབར། །པྲ་སཱ་ད༴ །རླབས་ཆེན་བསོད་ནམས་སྤྲིན་གྱི་འཇུག་པ་ཅན། །སྲིད་ཞིའི་དགེ་མཚན་འཁྱིལ་བའི་བུམ་པ་བཟང་། །བསམ་ཡས་འདོད་དགུའི་གྲུ་ཆར་རྣམ་འབེབས་པ། །འོག་མིན་སྤྲུལ་པའི་ཞིང་ཀུན་བཀྲག་པའི་རྒྱན། །ནི་དྷི་ཀཱ་ལ་ཤ༴ །དེ་ནས་མཆོད་པའི་མཇུག་བསྡུ་བ་ནི། མདོར་ན་བསྐལ་མང་རྒྱ་མཚོའི་འཁོར་ལོ་ཅན། །དུས་གསུམ་རྒྱ་མཚོ་བློ་ཡིས་མི་ཐུག་པར། །བྱུང་དང་འབྱུང་འགྱུར་མཆོད་སྤྲིན་རྒྱ་མཚོ་ཀུན། །མ་ལུས་ཡོངས་རྫོགས་རྣམ་མཐར་རྒྱ་མཚོའི་རྒྱན། །ཞིང་རྣམས་ཐམས་ཅད་འགྲོ་འོང་མེད་པའི་དབྱིངས། །རྟེན་ཅིང་འབྲེལ་འབྱུང་ཟབ་མོའི་ཚུལ་འཇུག་པས། །བདེ་གཤེགས་མཆོད་པའི་འདུན་ཁང་རེ་རེར་ཡང་། །ཞིང་རྣམས་རྒྱ་མཚོ་མིག་འཕྲུལ་བཞིན་དུ་སྣང་། །ལུས་རྣམས་ཐམས་ཅད་སྒྱུ་མ་སྤྲུལ་པའི་རྒྱན། །བྲི་དང་གང་བ་མེད་པའི་ཚུལ་འཇུག་པས། །གཙུག་གི་བླ་མ་རིམ་གྲོའི་གངས་ཆེན་མཚོ། །ཡེ་ཤེས་མེ་ཏོག་རྒྱལ་ལ་ལྷག་པར་མོས། །རྡུལ་རྣམས་ཐམས་ཅད་རྡོ་རྗེ་ནམ་མཁའི་དབྱིངས། །སྣང་དང་སྟོང་པ་མཉམ་པའི་ཚུལ་འཇུག་པས། །སྒྱུ་མའི་རྡུལ་རེར་ནམ་མཁའ་རྒྱས་འགེངས་

― TN03_Page_0305 ―

^{[མ་དཔེ་གཟིགས་ན་འདིར་གནོན།]}

(༢༤༩)པའི། །མཆོད་སྤྲིན་བཀོད་པའི་རྒྱ་མཚོ་བསམ་མི་ཁྱབ། །སྒྲིབ་བྲལ་མཁྱེན་པ་གཉིས་ལྡན་ཡེ་ཤེས་ཆེ། །དམིགས་མེད་བྱམས་པའི་སྟོབས་མཆོག་མཐའ་ཡས་པས། །ཀུན་བཟང་མཆོད་སྤྲིན་རྒྱ་མཚོ་འདི་བཞེས་ལ། །ཕུན་ཚོགས་རིག་དང་བརྩེ་བའི་དགའ་སྟོན་སྩོལ། །བི་ཤྭ༴ །ད་ནི་ཡན་ལག་ལྷག་མ་ལྔའི་ནང་ཚན་ཕུང་པོ་གསུམ་གྱི་ཚིགས་སུ་བཅད་པ་བཅོ་ལྔར་ཕྱེ་བ་ལས་དང་པོ་བཤགས་པ་ནི། ཐལ་མོ་སྦྱར་ཏེ། གང་སྔོན་ཚེ་ཡི་རྒྱུད་རྣམས་རྒྱ་མཚོ་རུ། །ཀུན་རྨོངས་ཉེས་པའི་འཆིང་བ་བརྟན་གྱུར་པས། །སྡིག་ཏོའི་ནོངས་པ་མི་བཟད་གང་བགྱིས་པ། །དེ་ཀུན་སྙིང་ནས་འགྱོད་པས་མཐོལ་ཞིང་འཆགས། །གང་ཞིག་སྤངས་ན་འདྲེན་པ་ཀུན་སྤོང་ཞིང་། །བསྟེན་ན་བྱང་ཆེན་ལག་རྩེར་སྦྱིན་པ་ཡི། །མཁས་པའི་བཤེས་གཉེན་ཡོན་ཏན་མིག་གཅིག་པུ། །ཚུལ་བཞིན་མཉེས་པར་མ་བགྱིས་མཐོལ་ཞིང་འཆགས། །བསྟན་པ་ཀུན་གྱི་ནང་ནས་སྙིང་པོ་མཆོག །བྱང་ཆུབ་སྤྱོད་པ་རྒྱ་མཚོའི་ལམ་སྣང་བ། །དོན་ཟབ་ཤིན་ཏུ་རྒྱས་པའི་སྡེ་སྣོད་ཆོས། །སྤངས་པའི་ཉེས་སྤྱོད་ཆེ་རྣམས་མཐོལ་ཞིང་འཆགས། །ཐུབ་རྣམས་བདག་གཞན་མཉམ་པ་ཉིད་གསུངས་ཏེ། །སེམས་ཅན་ཞིང་རྣམས་རྒྱལ་བ་ལྟར་བསྔགས་ན། །བདག་གིས་དེ་དག་ཡོངས་འཛིན་མ་བགྱིས་

― TN03_Page_0306 ―

^{[མ་དཔེ་གཟིགས་ན་འདིར་གནོན།]}

(༢༥༠)ཤིང་། །འཁྲུགས་དང་གདུང་བ་བསྐྱེད་རྣམས་མཐོལ་ཞིང་འཆགས། །བརྟན་པ་རྣམས་ཀྱི་ཕ་རོལ་ཕྱིན་དྲུག་དང་། །བྱང་ཆུབ་སེམས་དཔའི་རྒྱན་སྣང་རྣམ་བཞི་སོགས། །རྒྱལ་བའི་སྤས་ཀྱི་སྤྱོད་པ་རྒྱ་མཚོ་ལ། །སྒྲིབ་པར་གྱུར་པའི་ལས་ཀུན་སྙིང་ནས་འཆགས། །གཉིས་པ་ཡི་རང་ནི། ངན་འགྲོ་ལོག་པར་ངེས་པའི་ཕུང་པོ་རྣམས། །སྤངས་པའི་མཐོ་རིས་ངལ་འཚོ་ལ་སྦྱོར་བ། །ཆོས་དཀར་དགེ་བའི་བརྟུལ་ཞུགས་མངོན་སྤྱོད་པའི། །ལེགས་སྨོན་ཚུལ་ཁྲིམས་རྒྱ་མཚོར་རྗེས་ཡི་རང་། །འཕགས་པའི་བདེན་པ་བཞི་ཡི་འཇུག་ལྡོག་ལ། །ཚུལ་གནས་ཐོས་བསམ་སྒོམ་པའི་ཤེས་རབ་ཀྱིས། །སྲིད་ལས་རྣམ་གྲོལ་ཞི་བ་མཆོག་སྒྲུབ་པའི། །ངེས་འབྱིན་ཐར་ལམ་རྒྱ་མཚོར་རྗེས་ཡི་རང་། །བླ་ན་མེད་པའི་སངས་རྒྱས་ཆོས་རྟོགས་ནས། །སེམས་ཅན་རྒྱ་མཚོ་རྣམ་པར་དགྲོལ་སླད་དུ། །བསོད་ནམས་ཡེ་ཤེས་ཚོགས་ཆེན་རབ་གསོག་པའི། །ཐེག་མཆོག་བརྟུལ་ཞུགས་རྒྱ་མཚོར་རྗེས་ཡི་རང་། །གྲངས་མེད་རྒྱལ་ལ་བལྟ་དང་ཆོས་ཉན་སོགས། །འཕགས་པའི་ལམ་གྱི་ཁྱད་པར་དུ་མ་ཡིས། །སྒྲིབ་པ་མེད་པའི་གནས་རབ་སྣང་བྱེད་པ། །ས་བཅུའི་ཡོངས་སྦྱོང་རྒྱ་མཚོར་རྗེས་ཡི་རང་། །བདག་དོན་དག་པ་གཉིས་ལྡན་ས་བརྙེས་ནས། །འབད་རྩོལ་སྤྲོས་པའི་འཇུག་

― TN03_Page_0307 ―

^{[མ་དཔེ་གཟིགས་ན་འདིར་གནོན།]}

(༢༥༡)ལྡང་ཉེར་ཞི་བའི། །གཞན་ཕན་སྲིད་པ་ཇི་སྲིད་མི་འགོང་བ། །སངས་རྒྱས་སྤྱོད་པའི་རྒྱ་མཚོར་རྗེས་ཡི་རང་། །གསུམ་པ་བསྐུལ་ཞིང་གསོལ་བ་གདབ་པ་ནི། གང་ཡང་ཕྱོགས་བཅུའི་ཞིང་མང་རྒྱ་མཚོ་རུ། །འཇིག་རྟེན་སྒྲོན་མ་བསྐུལ་བའི་སར་གཞེས་པ། །དེ་དག་རྣམས་ལ་བདུད་རྩིའི་སྒོ་དབྱེ་ཞིང་། །ཆོས་རྔའི་སྒྲ་ཆེན་འབྱིན་པའི་བསྐུལ་མ་འདེབས། །ཤིང་རྒྱལ་དྲུང་ན་རིག་གསུམ་མངོན་མཛད་དེ། །མི་སྨྲའི་བརྟུལ་ཞུགས་ལ་དགྱེས་མགོན་པོ་རྣམས། །ལྷར་བཅས་འཇིག་རྟེན་ཀུན་ལ་སྨན་སླད་དུ། །ཆོས་ཀྱི་འཁོར་ལོ་བླ་མེད་བསྐོར་བར་བསྐུལ། །བདག་རྟོག་མཚན་མའི་སྤྲོས་པ་རབ་གཅོད་ཅིང་། །ཡང་དག་བདེན་དོན་རྟོགས་པའི་སྣང་བ་ཅན། །རྨད་བྱུང་འཕགས་ལམ་རྒྱ་མཚོའི་ཆོས་འཁོར་ཆེ། །རིགས་གསུམ་མོས་པའི་ནམ་མཁར་རབ་སྣང་མཛོད། །གང་གིས་འཇིག་རྟེན་མྱ་ངན་ཁང་བུ་རུ། །མཆི་མའི་རྒྱུན་མང་རབ་ཏུ་བླག་བྱེད་པའི། །མྱ་ངན་འདའ་བ་སྟོན་མཛད་མགོན་པོ་རྣམས། །འགྲོ་སྒྲོལ་འཁོར་བ་ཇི་སྲིད་བཞུགས་གསོལ་འདེབས། །ཡིད་ཅན་རྒྱ་མཚོའི་བསོད་ནམས་ཞིང་སླད་དུ། །འདྲེན་པ་མཆོག་རྣམས་སྐུ་ཚེ་དཔག་མེད་ཅིང་། །མཚན་དཔེའི་མཆོད་སྡོང་མིག་གི་བདུད་རྩི་རུ། །སྤྱོད་པའི་དགེ་མཚན་ཉམས་པ་མེད་

― TN03_Page_0308 ―

^{[མ་དཔེ་གཟིགས་ན་འདིར་གནོན།]}

(༢༥༢)གྱུར་ཅིག །རྗེས་སུ་བསྔོ་སྨོན་གྱི་རིམ་པ་ནི། དགེ་བའི་རྩ་བ་བློ་ཡུལ་དུ་བཞག་སྟེ། བདག་ནི་སྐྱེ་ཞིང་སྐྱེ་བའི་ཕྲེང་བ་ཀུན། །རྨད་བྱུང་འཁོར་ལོ་བཞི་ཡི་ཁྱད་ནོར་ཅན། །དལ་འབྱོར་ཡོན་ཏན་རྫོགས་པའི་རྟེན་རྙེད་ནས། །སྔོན་གནས་ཚེ་རབས་རྗེས་སུ་དྲན་གྱུར་ཅིག །འཇིགས་རུང་འཁོར་བ་མེ་ཡི་འོབས་བཞིན་དུ། །མཐོང་ནས་ཐར་པ་འདོད་པས་ཡིད་དྲངས་ཏེ། །སྟོན་པ་ཟླ་མེད་རྗེས་སུ་རབ་འབྱུང་ཞིང་། །བསླབ་པ་རྒྱ་མཚོའི་འདུན་ཁང་མཛེས་གྱུར་ཅིག ཁྱད་པར་གསུང་རབ་ལྟ་བའི་མིག་སྦྱིན་པ། །ཐེག་མཆོག་དགེ་བའི་བཤེས་ཀྱིས་རྗེས་འཛིན་ཞིང་། །གདམ་ངག་གསུང་གི་བདུད་རྩི་བཏུང་བ་ལས། །མི་ཟད་སྤོབས་པའི་གཏེར་ཆེན་རྙེད་པར་ཤོག །ཐུན་མོང་ལམ་གྱི་རིམ་པས་རྒྱུད་སྦྱངས་ཏེ། །ཐུན་མིན་སྐྱེས་བུ་ཆེན་པོའི་ཉམས་ལེན་གནད། །བཅོས་མ་མིན་པའི་བྱང་ཆུབ་སེམས་འབྱོང་ཞིང་། །རྒྱལ་སྲས་སྤྱོད་པའི་རྒྱ་མཚོར་འཇུག་པར་ཤོག །ཤིན་ཏུ་ཞི་བ་དབེན་པའི་ནགས་ཁྲོད་དུ། །རྩེ་གཅིག་རྣམ་གཡེང་མེད་པའི་ཏིང་འཛིན་གྱིས། །ལུས་སེམས་ལས་སུ་རུང་བའི་མཆོག་གྲུབ་སྟེ། །འདོད་ཉོན་འཆིང་བ་ངང་གིས་ཞི་བར་ཤོག །ཉེས་ཀུན་རྩ་བ་འགོག་པའི་ཐབས་ཀྱི་མཆོག །སྟོང་དང་རྟེན་འབྱུང་

― TN03_Page_0309 ―

^{[མ་དཔེ་གཟིགས་ན་འདིར་གནོན།]}

(༢༥༣)ཟབ་མོའི་སྒོར་ཞུགས་ནས། །སྒྲིབ་པ་ལྔ་ལས་འདས་པའི་ལྷག་མཐོང་གི །རྟོགས་པའི་ཉི་མ་ནང་ནས་འཆར་གྱུར་ཅིག །ཆོས་ལ་ཆོས་མིག་རྡུལ་བྲལ་རབ་སྐྱེས་ནས། །བྱང་ཆུབ་དོན་དམ་ཟབ་མོའི་སེམས་ལྡན་ཞིང་། །གྲངས་མེད་འབུམ་ཕྲག་བཅུ་ཡི་སྨོན་ལམ་གྱིས། །འཕགས་པའི་ས་ནས་ས་མཐོ་གནོན་གྱུར་ཅིག །དེ་མཐུས་རྒྱལ་བའི་སྲས་ཀྱི་ཏིང་འཛིན་མཛོད། །གཟུངས་སྟོབས་མངོན་པར་ཤེས་དང་ཡང་དག་རིག །བསམ་ཡས་བརྗོད་དུ་མེད་པའི་རྣམ་པར་ཐར། །གྲུབ་ནས་ལམ་གྱི་བགྲོད་པ་རྫོགས་གྱུར་ཅིག །མཐར་ཐུག་བླ་ན་མེད་པའི་ཡེ་ཤེས་སྐུ། །སྟོབས་དང་མི་འཇིགས་རྒྱ་མཚོའི་མཛོད་བརྙེས་ཏེ། །རྫོགས་སྨིན་སྦྱང་གསུམ་མཐར་ཕྱིན་བདེན་པ་ཡིས། །དོན་གཉིས་འདོད་དགུ་ཡིད་བཞིན་འབྱོར་གྱུར་ཅིག །ཅེས་འདུན་པ་རྩེ་གཅིག་ཏུ་བྱའོ། །འདི་ནི་ཐེག་པ་ཆེན་པོའི་མདོ་སྡེ་ཕལ་པོ་ཆེའི་སྙིང་པོ་བསྡུས་པ་ཡིན་པས་དོན་ཇི་ལྟ་བ་བཞིན་དུ་བསམ་ན་རྒྱལ་བའི་སྲས་ཀྱི་ལམ་མཐའ་དག་ལ་ཉམས་ལེན་བྱས་པར་འགྲོ་ཞིང་གནས་སྐབས་དང་མཐར་ཐུག་གི་ལེགས་ཚོགས་ཚད་མེད་པའི་གངས་ཆེན་མཚོར་འགྱུར་པའི་ཚུལ་ལ་བསམས་ཏེ་སྐལ་བཟང་རྣམས་ཀྱིས་ཡི་དམ་དུ་བྱ་བར་རིགས་སོ། །ཞེས་པའང་གཞོན་ནུ་འཇིགས་མེད་བསྟན་རྒྱམ་དུ་འབོད་པའི་བན་དེ་སྙོམས་ལས་པས་རང་ལོ་ཉེར་གཅིག་པས་སྐྱོང་གི་ལོ་ཁྲུམ་སྟོད་ཟླ་བའི་

― TN03_Page_0310 ―

^{[མ་དཔེ་གཟིགས་ན་འདིར་གནོན།]}

(༢༥༤)ཡར་ཚེས་ཟླ་བ་གྲོ་བཞིན་གྱི་དགའ་མ་དང་རྩེ་ཞིང་དྲང་སྲོང་རི་ཥི་འཆར་བའི་ཚེ་བྲིས་ཤིང་སྤེལ་བ་མངྒ་ལཾ། གང་ཟག་གཟུ་བོར་གནས་ཤིང་མདོ་སྡེ་མཐོང་བའི་རྣམ་དཔྱོད་ཅན་གྱིས་དཔྱད་ན་ཚིགས་སུ་བཅད་པརེ་རེ་ལའང་མཁས་པ་དགའ་བ་བསྐྱེད་པའི་ཚུལ་མང་པོ་ཞིག་ཡོད་པར་ཤེས་པར་གྱིས་ཤིག །སརྦ་དཱ་ཀཱ་ལ་ཾ་བྷ་བ་ཏུ།། ༈ །།འཇམ་པའི་རྡོ་རྗེ་ལ་ན་མོ། །མཆོད་སྤྲིན་མེ་ཏོག་རབ་འབྱུང་གི་འཕྱོང་ཟུར་དུ་བཀོལ་བ་ནི། དང་པོ་གནས་ཁང་བྱི་དོར་གྱི་ཚེ། སེམས་ཀྱི་རྙོགས་པ་བགྲུངས་ཤིང་ལྷ་རྣམས་དགའ། །མཛེས་པའི་ལང་ཚོ་རབ་འཐོབ་མཐོ་རིས་སྐྱེ། །རྡུལ་བྲལ་ཞི་བའི་མཆོག་ཀྱང་འདིས་སྦྱིན་ཏེ། །ལས་འདིར་ངལ་བ་བརྟེན་རྣམས་དོན་ཡོད་ཡིན། །ཞེས་བརྗོད་དེ་དཀོན་མཆོག་བླ་མར་བྱ་བའི་འདུ་ཤེས་བསྐྱེད་ནས་བསང་ཤིང་གི་དུད་པས་རྡུལ་མནན་ཏེ་ཕྱག་དར་དངོས་ལ་འཇུག །དེའི་འོག་ཏུ་སྤོས་ཆབ་དྲི་ཞིམ་པོས་བརླན་ལ་མེ་ཏོག་སིལ་མ་བཀྲམ་སྟེ་གུང་དུ་མཆོད་པའི་སྟེགས་བང་རིམ་ཅན་བླ་བྲེ་དང་འཕན་གདུགས་སོགས་ཀྱིས་མཛེས་པར་དཀོན་མཆོག་གི་རྟེན་བཞུགས་སུ་གསོལ་ཞིང་མཐའ་བསྐོར་དུ་སྤོས་དང་མར་མེ་སོགས་མཆོད་པའི་ཡོ་བྱད་རྒྱ་ཆེར་བསྟར། རང་ཉིད་སྟན་བདེ་བ་ལ་སྤྱོད་ལམ་ཞི་བས་འཁོད་དེ། །སངས་རྒྱས་ཆོས་ཚོགས་ལྟ་བུས་སྐྱབས་སེམས་བྱ། །ཚོགས་ཞིང་གསལ་གདབ། ཕྱག་འཚལ་གྱི་ཚིག་ཤྭ་ལོ་ཀ་ལྔ་པོ་གང་ནུས་བསྐྱར་ཞིང་ཕྱག་བྱ། མཆོད་པའི་སྤྲིན་གཟུངས་དང་རྟེན་འབྲེལ་སྙིང་པོས་གནས་ཡོ་བྱིན་གྱིས་བརླབས་ཏེ་རོལ་མོ་འཁྲོལ། ཁྲུས་གསོལ་ཀྱི་ཚེ་བཟེད་ཞལ་དུ་ཞབས་བསིལ་སྦྲེང་ཞིང་ཤབྟའི་སྐབས་ལ་སོགས་བར་རོལ་མོ་སྤེལ་བས་ཀྱང་མཆོད། མཆོད་པ་གྲངས་གསོག་ལྟ་བུར་མཎྜལ་ཁོ་ནས་དོན་འགྲུབ་པས་དོན་

― TN03_Page_0311 ―

^{[མ་དཔེ་གཟིགས་ན་འདིར་གནོན།]}

(༢༥༥)བསྡུས་རྗེས་སུ་ཚོམ་བུ་སོ་བདུན་མ་འདི་ཉིད་འབུལ་བར་བྱ་སྟེ། ཐོག་མར་མཎྜལ་གྱི་བྱི་དོར་ལེགས་པར་བྱ་ཞིང་བ་བྱུང་གི་དྲི་ལྔས་བྱུགས་བཞིན་དུ། ཨོཾ་བཛྲ་བྷུ་མི་ཨཱ་ཧཱུཾ། ཞེས་བརྗོད། །དེ་ནས་མེ་ཏོག་གི་ཚོམ་བུ་ཞིག་དཀྱིལ་འཁོར་གྱི་དབུས་སུ་བཞག་སྟེ། ཨོཾ་བཛྲ་རེ་ཁཱེ་་ཨཱ་ཧཱུྃ། ཞེས་བྱིན་གྱིས་བརླབས་ལ། དབྱིག་མཆོག་བརྒྱ་ལས་ལེགས་བྲིས་ས་ཡི་གཞིར། །རི་རབ་རིན་ཆེན་ལྷུན་པོ་ལུས་འཕགས་གླིང་། །ཛམ་བུ་ན་དཱའི་གླིང་དང་བ་ལང་སྤྱོད། །སྒྲ་མི་སྙན་གླིང་བཞི་ཡིས་རབ་བརྒྱན་པ། །ལུས་དང་ལུས་འཕགས་རྔ་ཡབ་རྔ་ཡབ་གཞན། །གཡོ་ལྡན་ལམ་མཆོག་འགྲོ་དང་སྒྲ་མི་སྙན། །སྒྲ་མི་སྙན་ཟླ་ཞེས་བྱའི་ཉེ་གླིང་བཅས། །རིན་ཆེན་རི་བོ་དཔག་བསམ་ལྗོན་པའི་ཕྲེང་། །འདོད་འཇོའི་བ་དང་མ་རྨོས་ལོ་ཏོག་ཚལ། །གསེར་སྦྱངས་འཁོར་ལོ་དྲི་མེད་ནོར་བུའི་མཆོག །བདེ་སྦྱིན་བུད་མེད་ཁྱིམ་བདག་ལྷ་མིག་གྲུབ། །ཅང་ཤེས་གླང་པོ་ཤུགས་འཆང་དུལ་བའི་རྟ། །དམག་མི་རིན་ཆེན་འདོད་འབྱུང་གཏེར་གྱི་བུམ། །ཕས་རྒོལ་ཟིལ་གནོན་རལ་གྲི་པགས་པ་འཇམ། །རབ་དགའི་ནགས་ཚལ་ཡིད་རྗེས་འགྲོ་བའི་གོས། །མཐུ་ལྡན་མཆིལ་ལྷམ་གཞལ་མེད་ཁང་བ་བཟང་། །བདེ་བའི་མལ་སྟན་མཚན་མ་བཟང་པོའི་དུང་། །ཉི་མ་ཟླ་བ་ནོར་བུའི་གདུགས་མཆོག་དང་། །

― TN03_Page_0312 ―

^{[མ་དཔེ་གཟིགས་ན་འདིར་གནོན།]}

(༢༥༦)ཕྱོགས་ལས་རྣམ་པར་རྒྱལ་བའི་རྒྱལ་མཚན་སོགས། །ལྷ་མིའི་འབྱོར་ཚོགས་ཡིད་བཞིན་སྤྲིན་ཕུང་ཅན། །འཛད་པའི་ཕ་མཐའ་ཡོང་ཡེ་མི་དམིགས་པ། །ལྷག་པར་མོས་སོ་ཏིང་འཛིན་ཡིད་ཀྱི་འཕྲུལ། །ཐུགས་རྗེས་བཞེས་ཤིག་མགོན་པོ་སྲས་དང་བཅས། །བཞེས་ནས་བདག་རྒྱུད་བྱིན་གྱིས་བརླབ་ཏུ་གསོལ། །ཨི་དཾ་གུ་རུ་རཏྣ་མཎྜ་ལ་ཀཾ་ནིརྻ་ཏ་ཡ་མི། ཞེས་ཚོམ་བུ་རྣམས་གསལ་ཞིང་མཛེས་པར་བཀོད་ལ་ཕུལ། སྤྲོ་བ་བསྐྱེད་པའི་ཡན་ལག་ཏུ་ཕན་ཡོན་གྱི་ཚིགས་སུ་བཅད་པ་ནི་ཟ་མ་ཏོག་ལྟ་བུའི་གཏམ་དང་སེམས་རིན་པོ་ཆེ་རྣམ་པར་སྦྱང་བའི་ཕྲིན་ཡིག་སོགས་ནས་འབྱུང་བ་རྣམས་དོན་ལ་ཁྱད་མི་སྣང་ཞིང་། དེ་ཉིད་མཐོང་བའི་ལམ་ལས་ལྷག་པོ་གཅིག་ཀྱང་གསུངས་པས་འདིར་དེ་རྣམས་བསྡོམ་ན། བ་ཡི་ལྕི་བ་ཆུར་བཅས་སྦྱིན་པ་ཡང་དག་བྱི་དོར་ཚུལ་ཁྲིམས་དང་། །སྲོག་ཆགས་ཕྲ་མོའང་བསལ་བ་བཟོད་པ་བྱ་བ་ཉེར་གནས་བརྩོན་འགྲུས་ཏེ། །སྐད་ཅིག་དེའི་སེམས་རྩེ་གཅིག་བསམ་གཏན་རི་མོ་མཛེས་འབར་ཤེས་རབ་ཉིད། །ཐུབ་པའི་མཎྜལ་བགྱིས་པས་ཕ་རོལ་ཕྱིན་དྲུག་འདི་དག་ཐོབ་འགྱུར་ལ། ཁ་དོག་གསེར་དུ་འགྱུར་ཞིང་ནད་ཀུན་ལས་ནི་རྣམ་པར་གྲོལ་བར་འགྱུར། །ལྷ་དང་མི་ལས་ཆེས་ལྷག་འགྱུར་དང་ཟླ་བ་ལྟ་བུར་མཛེས་པ་འབར། །འབྱོར་ལྡན་རྒྱལ་རིགས་གསེར་གྱི་ཚོགས་མང་བདེ་གཤེགས་མཆོད་པའི་ཁྱིམ་དུ་སྐྱེ། །རྡུལ་དང་ཐ་བ་ཤིན་ཏུ་རྣམ་སྤངས་སངས་རྒྱས་ཞིང་མང་འཛིན་པར་འགྱུར། །ཞེས་པའི་རྐང་པ་ཕྱི་མ་གཉིས་ལ་འཕྲི་བསྣོན་ཅུང་ཟད་བགྱིས་པ་ཙམ་མ་གཏོགས་གཞན་རྣམས་སློབ་དཔོན་མི་

― TN03_Page_0313 ―

^{[མ་དཔེ་གཟིགས་ན་འདིར་གནོན།]}

(༢༥༧)ཕམ་བཤེས་གཉེན་གྱི་འཇམ་དཔལ་མཆོད་ཆོག་ནས་བྱུང་བའི་ཚིག་ཡིན་ལ། འདི་དག་མཎྜལ་ཕུལ་བའི་རྗེས་སུ་ཀློག་པར་ཛེ་ཏ་རིས་བཤད་ཅིང་། འཇུག་པ་བདེ་བའི་ཕྱིར་སྔོན་དུ་བཏང་ཡང་མི་འགལ་ལོ། །གཞན་ཡང་རྒྱས་པར་སྐྱེད་ན་ཡན་ལག་བདུན་པོ་རེ་རེ་ནས་གཞུང་ཚིག་དང་བཟང་པོ་སྤྱོད་པའི་ཚིགས་བཅད་སྤེལ་མར་བྱ་བས་མཚོན་ཏེ་ཤེས་ནུས་སོ། །ཞེས་སྔ་སོར་རང་ལོ་ཉེར་གཅིག་པར་མཆོད་གཞུང་དཀྱུས་མ་ཙམ་བྲིས་པ་ལས་སླར་ཡང་ཁ་སྐོང་མཎྜལ་གྱི་འཕྱོང་འདི་མེ་ཕག་ཟླ་གསུམ་པའི་ཉེར་གསུམ་ལ་སྤེལ་བའོ།། །།

བདེ་བ་ཅན་དུ་སྐྱེ་བ་འཛིན་པའི་ཆོ་ག་མདོར་བསྡུས་པ་ཞིང་མཆོག་བགྲོད་པའི་བདེ་ལམ།༄

― TN03_Page_0314 ―

^{[མ་དཔེ་གཟིགས་ན་འདིར་གནོན།]}

བདེ་བ་ཅན་དུ་སྐྱེ་བ་འཛིན་པའི་ཆོ་ག་མདོར་བསྡུས་པ་ཞིང་མཆོག་བགྲོད་པའི་བདེ་ལམ་ཞེས་བྱ་བ་བཞུགས་སོ། ༈ །ན་མོ་གུ་རུ། བདེ་ཆེན་ཞིང་ཆོག་མདོར་བསྡུས་བྱེད་ན། བདེ་བར་གཤེགས་པའི་སྣང་བརྙན་དང་འོད་མདོའི་གླེགས་བམ་སོགས་རྟེན་གསུམ་གྱི་མདུན། འབྱོར་པ་དང་བསྟུན་པའི་མཆོད་པ་གང་འབྱོར་བཤམས། སྐྱབས་སེམས་སྔོན་དུ་བཏང་ནས། སྲས་བཅས་རྒྱལ་བའི་བསོད་ནམས་ཕུང་པོ་དང་། །སྒྲིབ་བྲལ་ཆོས་དབྱིངས་ཟབ་མོའི་བདེན་མཐུ་ཡིས། །ཕྱོགས་འདིར་ནམ་མཁའི་མཛོད་ཀྱི་འབྱོར་པ་ལྟར། །མཆོད་སྤྲིན་རྒྱ་མཚོས་གང་ཞིང་མཛེས་གྱུར་ཅིག །མཆོད་པའི་སྤྲིན་གཟུངས་བཟླ། །མི་མཇེད་འཇིག་རྟེན་འདི་ནས་ནུབ་ཕྱོགས་སུ། །སངས་རྒྱས་ཞིང་མང་འདས་པའི་ཕ་མཐའ་ན། །རྒྱལ་སྲས་སྨོན་ལམ་གངྒའི་རྡུལ་སྙེད་དང་། །རྒྱ་ཆེན་བསོད་ནམས་ཡེ་ཤེས་ཕུང་པོ་ལས། །

― TN03_Page_0315 ―

^{[མ་དཔེ་གཟིགས་ན་འདིར་གནོན།]}

(༢༥༨)གྲུབ་པའི་ཞིང་མཆོག་ཕུལ་བྱུང་བདེ་བ་ཅན། །ལག་མཐིལ་ལྟར་མཉམ་ཐ་གྲུ་ཀུན་ནས་ཡངས། །རིན་ཆེན་རི་བོ་ནོར་བུའི་ནགས་ཚལ་དང་། །ལྷ་རྫས་མེ་ཏོག་ཚལ་དང་བདུད་རྩིའི་མཚོ། །དབྱངས་སྙན་སྤོས་ཆུའི་ཆུ་ཀླུང་འབབ་པ་དང་། །ནམ་མཁར་རྒྱུ་བའི་གཞལ་མེད་ཁང་པ་སོགས། །གཞན་འཕྲུལ་འཆི་མེད་དགའ་བའི་གྲོང་ཁྱེར་ལྟར། །ངོ་མཚར་བཀོད་པའི་ཁྱད་པར་འབྱམས་ཀླས་པའི། །སྙིང་པོ་བྱང་ཆུབ་ཤིང་རྒྱལ་མཛེས་པའི་དྲུང་། །རིན་ཆེན་སེང་ཁྲི་པདྨས་བརྒྱན་པའི་སྟེང་། །ས་གསུམ་ཆོས་ཀྱི་རྒྱལ་པོ་ཉག་གཅིག་པུ། །སྙན་གྲགས་ཆོས་ཀྱི་དབྱིངས་མཐར་ཁྱབ་པ་ཡ། །མགོན་པོ་འོད་ཟེར་དཔག་མེད་ཚེ་མཐའ་ཡས། །ལྟ་བའི་མི་ངོམས་མཚན་དཔེའི་དཔལ་འབར་ཞིང་། །རི་རབ་རྒྱ་མཚོ་ཆེ་ལས་འཐོན་པ་བཞིན། །རྣམ་མང་འཁོར་གྱི་ནང་ནས་མངོན་འཕགས་ཏེ། །བསོད་ནམས་ཉི་མ་བརྒྱ་པའི་གཟི་བརྗིད་ཀྱིས། །རབ་འབྱམས་ཞིང་གི་དཀྱིལ་འཁོར་འགེང་བཞིན་དུ། །དྲུག་ཅུ་རྩ་བཞིའི་ཡན་ལག་ཡོངས་རྫོགས་པ། །ཚངས་པའི་དབྱངས་ཀྱིས་སྒྲ་ཀུན་ཟིལ་མནན་ནས། །སྤྱན་རས་གཟིགས་དང་མཐུ་ཆེན་ཐོབ་པ་སྟེ། །རྒྱལ་སྲས་འཁོར་གྱི་གཙོ་བོ་རྣམ་གཉིས་སོགས། །ཞིང་དེར་པདྨོའི་སྐྱེ་

― TN03_Page_0316 ―

^{[མ་དཔེ་གཟིགས་ན་འདིར་གནོན།]}

(༢༥༩)གནས་བཟུང་བ་དང་། །སངས་རྒྱས་ཞིང་མང་དག་ནས་ལྷགས་པ་ཡི། །དག་པའི་འཁོར་ལ་གདམས་ངག་སྟོན་ཅིང་བཞུགས། །གཟུགས་སྐུ་བདེ་ཆེན་ཞིང་ནས་མི་གཡོ་བཞིན། །མཁྱེན་བརྩེ་རིས་མེད་གདུལ་བྱའི་རྗེས་ཞུགས་པའི། །རྒྱལ་དང་དེ་སྲས་སྤྱོད་ཡུལ་བསམ་མི་ཁྱབ། །དཔང་དུ་བགྱིས་ནས་གསོལ་འདིར་བརྩེ་བས་དགོངས། །ཞེས་ཚོགས་ཞིང་མངོན་དུ་བྱས་ལ་རྩེ་གཅིག་ཏུ་བསྒོམ། དེ་ནས་ལངས་ལ་ཁ་ནུབ་ཏུ་བལྟ་བར་འོད་མདོ་ལས་གསུངས་པ་བཞིན་བྱས་ནས་ཕྱག་འཚལ་བཞིན་དུ། །བཅོམ་ལྡན་དེ་བཞིན་གཤེགས་པ་དགྲ་བཅོམ་པ། །ཡང་དག་རྫོགས་པའི་སངས་རྒྱས་ཐུགས་རྗེ་ཅན། །འོད་དཔག་མེད་མགོན་ཞབས་ལ་ཕྱག་འཚལ་ཞིང་། །བྱང་ཆུབ་སྙིང་པོ་ཇི་སྲིད་སྐྱབས་སུ་མཆི། །ལན་བདུན་བརྗོད། །སྙིང་རྗེའི་མངའ་བདག་རྗེ་བཙུན་སྤྱན་རས་གཟིགས། །མཐུ་ཆེན་ཐོབ་སོགས་རྒྱལ་སྲས་རྒྱ་མཚོ་དང་། །བགྲང་ཡས་སློབ་མ་དུལ་བའི་དགེ་འདུན་ལ། །གུས་པ་ཆེན་པོས་ཕྱག་འཚལ་སྐྱབས་སུ་མཆི། །ལན་བདུན་ནམ་གསུམ་བརྗོད། མཆོད་ཡོན་མེ་ཏོག་བདུག་པ་མར་མེ་དྲི། །ཞལ་ཟས་སིལ་སྙན་ལ་སོགས་དངོས་བཤམས་དང་། །གཟུངས་རིག་མོས་པ་ལས་བྱུང་མཆོད་པའི་སྤྲིན། །ནམ་མཁའ་གང་བར་དམིགས་ཏེ་གུས་པས་མཆོད། །འཁོར་ཚེ་ཐོག་མ་མེད་ནས་ད་ལྟའི་

― TN03_Page_0317 ―

^{[མ་དཔེ་གཟིགས་ན་འདིར་གནོན།]}

(༢༦༠)བར། །རང་བཞིན་བཅས་པའི་སྡིག་ལྟུང་བགྱིས་སོ་འཚལ། །གནོང་འགྱོད་དྲག་པོས་མཐོལ་བཤགས་སླན་ཆད་ཀྱང་། །མི་བགྱིད་སྡོམ་སེམས་བརྟན་པོ་ཡང་དག་བཟུང་། །འཇིག་རྟེན་འཇིག་རྟེན་ལས་འདས་རང་གཞན་གྱི། །དུས་གསུམ་དགེ་ཚོགས་ཀུན་ལ་རྗེས་ཡི་རང་། །ཕྱོགས་བཅུའི་འཇིག་རྟེན་སྒྲོན་མ་གང་བཞུགས་རྣམས། །བླ་མེད་ཆོས་ཀྱི་འཁོར་ལོ་བསྐོར་བར་བསྐུལ། །ལྷར་བཅས་སྐྱེ་རྒུའི་མགོན་པོར་ཡུན་རིང་དུ། །མྱ་ངན་མི་འདའ་བཞུགས་པར་གསོལ་བ་འདེབས། །འདིས་མཚོན་དགེ་བས་མ་རྒན་སེམས་ཅན་ཀུན། །རྣམ་པ་ཀུན་མཁྱེན་ཡེ་ཤེས་ལ་འགོད་ཤོག །ཅེས་ཚོགས་བསགས། སླར་ཡང་སྙིམ་པ་མེ་ཏོག་དང་བཅས་ཏེ། འོད་མཛད་སྟོབས་བཅུ་མངའ་བ་སྲས་བཅས་ཀྱི། །མཚན་མཆོག་བརྗོད་དང་ཕྱག་འཚལ་མཆོད་པའི་མཐུས། །གང་ཞབས་དྲན་པས་བྱང་ཆུབ་མཐའ་བར་དུ། །དབང་པོ་ཚང་ཞིང་རིགས་མཐོར་སྐྱེ་བ་དང་། །བུད་མེད་མི་འགྱུར་འཇིག་རྟེན་ཀུན་གྱིས་བཀུར། །འཆི་ཚེ་བདེ་གཤེགས་འཁོར་བཅས་མདུན་བཞུགས་ཤིང་། །སྐྱེ་བ་ཀུན་ཏུ་ཚངས་སྤྱོད་དངོས་པོ་ཐོབ། །རྟག་པར་བྱང་ཆུབ་སྤྱོད་ལ་དགའ་བ་དང་། །གཟུངས་དང་ཏིང་འཛིན་བཟོད་ལ་ཡང་དག་སྤྱོད། །ཕྱིར་མི་ལྡོག་པའི་ས་བོན་འཇོག་པ་སོགས། །མདོར་ན་རྒྱལ་སྲས་

― TN03_Page_0318 ―

^{[མ་དཔེ་གཟིགས་ན་འདིར་གནོན།]}

(༢༦༡)ཆོས་ཀྱི་འབྱུང་གནས་ཀྱིས། །བཅོམ་ལྡན་འཇིག་རྟེན་དབང་ཕྱུག་རྒྱལ་པོའི་དྲུང་། །ཞལ་བཞེས་སྨོན་ལམ་འགྱུར་བ་མི་མངའ་དང་། །གཞན་ཡང་རྗེ་བཙུན་སྤྱན་རས་གཟིགས་དབང་སོགས། །རྒྱལ་སྲས་སོ་སོའི་སྔོན་གྱི་ཐུགས་བསྐྱེད་དང་། །བདེན་གཟིགས་ཉན་ཐོས་ཆེ་རྣམས་བདེན་པ་དང་། །གཟུངས་དང་མདོ་སྡེའི་ཕན་ཡོན་ཚད་མེད་པའི། །དབང་དུ་མཛད་ནས་དེང་འདིར་བདག་ཅག་རྣམས། །གནས་སྐབས་ཚེ་འདིར་ཚེ་རིང་ནད་མེད་ཅིང་། །མི་དང་མི་མིན་འཇིགས་པ་ཀུན་ལས་གྲོལ། །དཔལ་འབྱོར་སྙན་གྲགས་གང་གའི་རྒྱུན་ལྟར་འཕེལ། །ཤུགས་དྲག་བཅོས་མ་མིན་པའི་ཐར་འདོད་དང་། །གཞན་ཕན་སྙིང་རྗེས་དྲངས་པའི་སེམས་བསྐྱེད་དང་། །འཁྲུལ་མེད་ངེས་དོན་རྟོགས་པའི་ལྟ་བ་སོགས། །ཐེག་མཆོག་ལམ་གནད་རྫོགས་པར་རྙེད་པ་དང་། །ཚེ་འཕོས་བདེ་ལྡན་ཞིང་དུ་སྐྱེ་བས་མཚོན། །ཇི་ལྟར་སྨོན་པའི་རེ་འབྲས་ཡིད་བཞིན་དུ། །གེགས་མེད་འཕྲལ་དུ་ཐོབ་པར་བྱིན་གྱིས་རློབས། །ཞེས་མེ་ཏོག་ནུབ་ཕྱོགས་སུ་འཐོར། དེ་ནས་སེམས་བསྐྱེད་བླང་བ་ནི། ཇི་ལྟར་བདེ་གཤེགས་ཁྱེད་སྐུ་ཅི་འདྲ་དང་། །ཡོངས་དག་ཞིང་དང་འཁོར་དང་མཛད་པ་དང་། །མཚན་དང་སྐུ་ཚེ་དཔག་མེད་ཅི་འདྲ་བ། །བདག་ཀྱང་མ་འོངས་དེ་འདྲར་འགྱུར་

― TN03_Page_0319 ―

^{[མ་དཔེ་གཟིགས་ན་འདིར་གནོན།]}

(༢༦༢)བགྱིས་ནས། །ནམ་མཁའ་མཉམ་པའི་མར་གྱུར་རིགས་དྲུག་འགྲོ། །འཇིགས་རུང་སྲིད་པའི་ཆུ་བོར་བྱིང་བ་རྣམས། །ཞི་འགོག་བདུད་རྩིའི་དབྱིངས་སུ་དབུགས་འབྱིན་པའི། །སེམས་མཆོག་བསྐྱེད་དོ་མི་ཉམས་འཕེལ་གྱུར་ཅིག །ཅེས་ལན་གསུམ། སེམས་བསྐྱེད་འཛིན་ལུགས་འདི་ནི་ལས་དང་པོ་པས་ཀྱང་བྱར་རུང་བས་འཇུག་པ་བདེ་བ་ཞིག་ཡིན་ནོ། །སྐབས་འདིར་འོད་དཔག་མེད་ཀྱི་གཟུངས་རིང་ཐུང་ཅི་རིགས་པ་བཟླ་ཞིང་། སྤྲོ་ན་འཕགས་པ་འོད་དཔག་མེད་ཀྱིས་བཀོད་པའི་མདོའང་ཀློག །རྩེ་གཅིག་བཟླས་པས་རྒྱལ་བ་འཁོར་བཅས་ཀྱི། །ཐུགས་དམ་རྒྱུད་བསྐུལ་སྐུ་ལས་འོད་ཟེར་བྱུང་། །རང་གཞན་སྡུག་བསྔལ་མཐའ་དག་ཞི་བྱས་ནས། །སྨོན་དོན་ཡིད་བཞིན་འགྲུབ་པར་བྱིན་གྱིས་རློབས། །གཟུངས་བུམ་ཡོད་ན་འོད་ཟེར་བསྡུ་འབེབས་ཀྱི་དམིགས་པ་དང་སྦྲགས་ནས། སླར་ཡང་གཟུངས་ཅི་ནུས་བཟླ་ཞིང་རང་གཞན་ལ་ཁྲུས་བྱ། །གང་ལྟར་ཡང་རྗེས་ལ། བཅོམ་ལྡན་དེ་བཞིན་གཤེགས་པ༴ སོགས། ཤོ་ལོ་ཀ་གཉིས་པོ་ཚར་རེ་དང་། ཡན་ལག་བདུན་པ་སྔར་བཞིན་བཏང་མཐར། །གདན་འཛོམས་རྒྱལ་བ་སྲས་བཅས་སྤྱན་སྔ་རུ། །ཕྱག་མཆོད་ཐུགས་དམ་བསྐུལ་སོགས་བགྱིས་པའི་མཐུས། །བདག་སོགས་གནས་སྐབས་བསམ་པ་ཀུན་འགྲུབ་ཅིང་། །མཐར་ཐུག་རྫོགས་བྱང་ཐོབ་པར་བྱིན་གྱིས་རློབས། །གཞན་ཡང་རིས་

― TN03_Page_0320 ―

^{[མ་དཔེ་གཟིགས་ན་འདིར་གནོན།]}

(༢༦༣)མེད་རྒྱལ་བསྟན་དར་ཞིང་རྒྱས། །བསྟན་དགྲ་ནག་ཕྱོགས་རྒོལ་བ་མཐའ་དག་ཞི། །བསྟན་འཛིན་དམ་པའི་མགོན་རྣམས་ཞབས་པད་བརྟན། །བསྟན་རྩ་དགེ་འདུན་འཕེལ་བར་བྱིན་གྱིས་རློབས། །དེ་མཐུས་ཡངས་པའི་རྒྱལ་ཁམས་བདེ་ཞིང་སྐྱིད། །སྐྱེ་རྒུ་ཐམས་ཅད་ལེགས་ལམ་དཔལ་ལ་སྤྱོད། །ཕུན་ཚོགས་རྫོགས་ལྡན་ཟླ་བ་གསར་འཆར་བའི། །དགེ་མཚན་ས་གསུམ་སྣང་བར་བྱིན་གྱིས་རློབས། །ཞེས་གསོལ་བ་བཏབ། །གང་འདིར་བདག་ཅག་སྦྱོར་བ་དམན་པ་དང་། །དེ་བཞིན་རྫས་དང་བསམ་པ་མ་དག་སོགས། །ནོངས་ཞིང་འཁྲུལ་པ། ཅི་དང་ཅི་མཆིས་པ། །བརྩེ་ལྡན་རྣམས་ཀྱི་སྤྱན་སྔར་སྙིང་ནས་འཆགས། །ཞེས་ནོངས་བཤགས་དང་། དེ་ལྟར་ལེགས་གསུང་མདོ་ཡི་རྗེས་འབྲངས་ཏེ། །ཞིང་མཆོག་སྦྱོང་བའི་ཆོ་ག་ཚུལ་བཞིན་དུ། །བསྒྲུབས་པའི་བསོད་ནམས་ཟླ་ལྟར་དཀར་བ་དེས། །འགྲོ་ཀུན་བདེ་ཆེན་ཞིང་དུ་སྐྱེ་བར་ཤོག། ནམ་ཞིག་ཚེ་འདིའི་འདུ་བྱེད་སྡུད་པའི་ཚེ། །བདེ་གཤེགས་སྐུ་ཡི་སྣང་བ་ལེགས་ཤར་ནས། །དེ་མཐུས་གནད་གཅོད་སྡུག་བསྔལ་མི་འབྱུང་ཞིང་། །དགའ་དང་སྤྲོ་བའི་ངང་ལ་འཕོ་བར་ཤོག །ཤི་འཕོས་སྐྱེ་སྲིད་གཞན་གྱིས་མ་ཆོད་པར། །བདེ་ལྡན་ཞིང་དུ་པདྨའི་སྙིང་པོ་ལས། །

― TN03_Page_0321 ―

^{[མ་དཔེ་གཟིགས་ན་འདིར་གནོན།]}

(༢༦༤)བརྫུས་ཏེ་སྐྱེས་ནས་རྒྱལ་བ་འོད་དཔག་མེད། །དུས་ཀུན་མཐོང་བའི་རབ་དགས་འཚོ་བར་ཤོག །དེ་ལས་ཟབ་དང་རྒྱ་ཆེའི་གདམ་ངག་གི །བདུད་རྩི་ཐོབ་ནས་རྒྱལ་སྲས་མཆོག་རྣམས་དང་། །ལྷན་ཅིག་ཐེག་མཆོག་འགྲོ་བ་ལ་དབང་བས། །ཐོས་པའི་ཆུ་གཏེར་ཉིན་བཞིན་འཕེལ་བར་ཤོག །སྐྱེས་མ་ཐག་པར་མངོན་ཤེས་སྟོབས་ཐོབ་སྟེ། །བསམ་ཡས་ཞིང་དུ་སངས་རྒྱས་བལྟ་བ་དང་། །བསྙེན་བཀུར་བྱ་ཕྱིར་ཐོགས་པ་མེད་རྒྱུ་ཞིང་། །རྒྱལ་བ་ཀུན་གྱི་ཆོས་མཛོད་འཛིན་པར་ཤོག །རླབས་ཆེན་ཞིང་གི་འབྱོར་པ་མཐོང་ནས་སུ། །རྣམ་དག་སྨོན་ལམ་དེ་འདྲའི་རྗེས་སློབ་ཅིང་། །མ་དག་ཞིང་དུ་རྒུད་པས་ཉེན་པ་ཡི། །འགྲོ་ཀུན་སྣ་ཚོགས་ཐབས་ཀྱིས་འདྲེན་པར་ཤོག །མདོར་ན་ས་བཅུ་ལམ་ལྔའི་སྤངས་རྟོགས་ཀུན། །ཕུལ་བྱུང་ཞིང་གི་ཁྱད་པར་ལ་བསྟེན་ནས། །མཐོང་བའི་ཆོས་ལ་མིག་འཕྲུལ་བཞིན་བགྲོད་དེ། །ཟླ་མེད་མགོན་པོ་ཁྱོད་འདྲར་འགྱུར་བར་ཤོག། ཅེས་དང་སྨོན་ལམ་གཞན་ཡང་བཀླག་པར་བྱའོ། །ཚར་གྲངས་གསོག་ན་ཚོགས་བསགས་གསོལ་འདེབས་ཁོ་ན་ལ་ཚར་གྲངས་བཟུང་ཡང་རུང་མོད། ཆོ་ག་ཡོངས་སུ་རྫོགས་པས་གྲངས་བཟུང་ན་བདེ་བ་ཅན་དུ་སྐྱེ་བའི་རྒྱུ་བཞི་ཆ་ཚང་བའི་སྟེང་ནས་ནུས་པ་ཐོན་པར་སྣང་བས་ཤིན་ཏུ་ལེགས། །དེ་ལྟར་ཞག་བདུན་ལ་སོགས་པར་རྩེ་གཅིག་ཏུ་འབད་ན་ངེས་པར་བདེ་བ་ཅན་དུ་སྐྱེ་བའི་ཚུལ་ནི་དྲི་མ་མེད་པའི་ལུང་དང་

― TN03_Page_0322 ―

^{[མ་དཔེ་གཟིགས་ན་འདིར་གནོན།]}

(༢༦༥)རིགས་པ་ལས་ཤེས་པར་མཛོད་ཅིག །ཅེས་ཚིག་ཉུང་ལ་འདྲིལ་བས་ཁྱེར་བདེ། དོན་འདུས་ལ་གསལ་བས་གོ་སླ། གདུལ་བྱ་མཆོག་དམན་མེད་པས་སྒོ་ཡངས། ཁུངས་མདོ་སྡེ་དང་འབྲེལ་བས་བྱིན་རླབས་ཆེ། ཕྱག་ལེན་བལྟས་ཆོག་ཏུ་བཀོད་པས་འཇུག་པ་བདེ་བའི་འོད་ཆོག་འདི་ཡང་བློ་གསལ་བསྟན་འཛིན་གྱིས་དར་དཀར་གྱི་སྐྱེས་དང་བཅས་ཏེ་བསྐུལ་བ་ལྟར། འཇིགས་མེད་བསྟན་པའི་ཉི་མས་ལྕགས་སྟག་དབྱུག་པའི་ཉ་བའི་ཐུན་གསེང་དུ་བྲིས་པ་དགེ་ཞིང་བཀྲ་ཤིས།། ༈ །།

― TN03_Page_0323 ―

^{[མ་དཔེ་གཟིགས་ན་འདིར་གནོན།]}

བདེ་ལྡན་དག་པའི་ཞིང་མཆོག་བདེ་བ་ཅན། །སྨོན་ལམ་དཔུང་པས་འཛིན་བཟོད་འོད་དཔག་མེད། །མོས་པའི་ཡིད་ལ་མངོན་སུམ་རབ་བྱས་ཏེ། །བདེ་ཆེན་ཞིང་གི་ཆོ་གའི་ཚུལ་འདི་དབྱེ། །དེའང་འཕགས་པ་ད་ལྟར་གྱི་སངས་རྒྱས་མངོན་སུམ་དུ་བཞུགས་པའི་ཏིང་ངེ་འཛིན་གྱི་མདོ་ལས་བཤད་པའི་རྗེས་སུ་འབྲང་སྟེ། བདེ་བ་ཅན་གྱི་ཞིང་ཁམས་ཡིད་ལ་བྱ་བའི་ཚུལ་ཆོ་གའི་ཁྲིགས་དང་བཅས་པ་འགོད་པ་ལ། ཐོག་མར་མདུན་དུ་འོད་དཔག་མེད་ཀྱི་སྐུ་གཟུགས་བྲིས་འབུར་ཅི་ལྟར་རིགས་པ་བཤམས་པའི་སྤྱན་སྔར་མར་མེ་སོགས་མཆོད་པའི་རྫས་སྣ་ཚོགས་བསྟར་ལེགས་སུ་བཀོད། །དེ་ནས་བདག་ཉིད་སྟན་བདེ་བ་ལ་འདུག་སྟེ། སེམས་ཅན་ཐམས་ཅད་ལ་ཞེ་འགྲས་པ་མེད་པའི་བྱམས་པ་ཆེན་པོ་མངོན་དུ་བཞག་ཅིང་དེ་བཞིན་གཤེགས་པ་དེ་ཡིད་ལ་བྱས་ཏེ་ཚིག་འདི་སྐད་ཅེས། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མགོན་པོ་ཚེ་དང་ཡེ་ཤེས་དཔག་ཏུ་མེད་པ་འཁོར་བྱང་ཆུབ་སེམས་དཔའི་

― TN03_Page_0324 ―

^{[མ་དཔེ་གཟིགས་ན་འདིར་གནོན།]}

(༢༦༦)དགེ་སློང་གི་དགེ་འདུན་དང་བཅས་པ་རྣམས་ལ་བྱང་ཆུབ་སྙིང་པོའི་བར་དུ་རྩེ་གཅིག་གུས་པའི་ཡིད་ཀྱིས་སྐྱབས་སུ་མཆིའོ། །ལན་གསུམ། མཐའ་ཡས་པའི་སེམས་ཅན་ཐམས་ཅད་ཀྱི་དོན་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་གོ་འཕང་རིན་པོ་ཆེ་མངོན་དུ་བྱ། དེའི་ཆེད་དུ་བདག་གིས་འཇིག་རྟེན་གྱི་ཁམས་བདེ་བ་ཅན་དེ་བཞིན་གཤེགས་པ་སྲས་དང་བཅས་པའི་ཚོགས་ཀྱིས་བརྟེན་པའི་སངས་རྒྱས་ཀྱི་ཞིང་ཡིད་ལ་བྱས་ཏེ་བྱང་ཆུབ་སེམས་དཔའི་རྣམ་པར་ཐར་པ་རྒྱ་མཚོ་ཡོངས་སུ་བསྒྲུབ་པར་བགྱིའོ། །ལན་གསུམ། དེ་ནས་མཆོད་རྫས་བྱིན་གྱིས་བརླབས་པ་ནི། བཅོམ་ལྡན་འདས་དེ་བཞིན་གཤེགས་པ་སྟོབས་བཅུའི་སྟོབས་དང་ལྡན་པ་རྣམས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་རྒྱ་མཚོ་གྲངས་མེད་པ་མངའ་བ་རྣམས་ཀྱི་རྣམ་པར་གྲོལ་བའི་ཕུང་པོ་ལྔ་ཤིན་ཏུ་མཐར་ཕྱིན་པའི་བདེན་པ་དང་། བདེན་པའི་ཚིག་འདིས་དེང་བདག་གིས་མཆོད་རྫས་སུ་བསྟར་བའི་མཆོད་ཡོན་ལ་སོགས་པ་འདི་དག་འཕགས་པ་ཀུན་ཏུ་བཟང་པོའི་རྣམ་པར་འཕྲུལ་པའི་སྤྲིན་བཀོད་པ་བཞིན་དུ་ཕྱོགས་བཅུའི་སངས་རྒྱས་ཀྱི་ཞིང་ཀུན་ཏུ་ཁྱབ་ཅིང་ཟད་པའི་མཐའ་མི་མངོན་པ་ཡིད་བཞིན་རིན་པོ་ཆེའི་གཏེར་དུ་འབྱུང་བར་གྱུར་ཅིག །ཅེས་བརྗོད་ཅིང་། མཆོད་པའི་སྤྲིན་གཟུངས་

― TN03_Page_0325 ―

^{[མ་དཔེ་གཟིགས་ན་འདིར་གནོན།]}

(༢༦༧)གསུམ་མམ་བདུན་བརྗོད། དེ་ནས་ཞིང་ཁམས་བརྟེན་པར་བཅས་པ་ཡིད་ལ་བྱ་བའི་ཚུལ་དངོས་ནི། ཨོཾ་སྭ་བྷཱ་ཝ་སོགས། ཆོས་ཐམས་ཅད་རང་བཞིན་རྣམ་པར་དག་པ་དེ་བཞིན་ཉིད་ཀྱི་ཀློང་ལས་མ་གཡོས་བཞིན་དུ་དག་ཆེན་རྟེན་འབྱུང་གི་སྣང་ཆར་དེ་བཞིན་གཤེགས་པའི་སྨོན་ལམ་ལས་སྤྲུལ་པའི་ཞིང་ཁམས་རྨད་དུ་བྱུང་བ་བདེ་ཆེན་པདྨོ་བཀོད་པ་ཤིན་ཏུ་ཚད་མེད་ཅིང་སྨོན་ལམ་མཐའ་ཡས་པས་མངོན་པར་འཕགས་པ། བདེ་བའི་རྒྱུའི་ཚོགས་གྲངས་མེད་པ་དང་ལྡན་ཞིང་སྡུག་བསྔལ་དང་མི་ཁོམ་པའི་སྒྲ་ཐམས་ཅད་ལས་ཡང་དག་པར་འདས་པ། །གཞི་ཀུན་ཏུ་མཉམ་ཞིང་རིན་པོ་ཆེ་རྣམ་པ་དུ་མས་ཡོངས་སུ་གང་བ། ལྷའི་སྤོས་ཀྱི་ཆུ་དྲི་རབ་ཏུ་ཞིམ་པས་ཕྱོགས་ཐམས་ཅད་ལེགས་པར་བགོས་པ། དཔག་བསམ་གྱི་ཤིང་སྣ་ཚོགས་པས་བརྒྱན་ཅིང་གསེར་གྱི་དྲ་བས་ཁེབས་པ། རིན་པོ་ཆེ་སྣ་བདུན་གྱི་རྒྱུ་ལས་གྲུབ་པའི་པདྨ་འདབ་མ་བརྒྱད་པ་ཀུན་ཏུ་རྒྱས་པ། པདྨ་དེ་དག་ལས་ཀྱང་འོད་ཟེར་ཁ་དོག་ཐ་དད་པ་བྱེ་བ་ཁྲག་ཁྲིག་བརྒྱ་སྟོང་དུ་མ་འཚེར་བ། ཕྱོགས་ཐ་དད་པ་དག་ནས་འབབ་པའི་བདུད་རྩིའི་ཆུ་ཀླུང་ཡན་ལག་བརྒྱད་དང་ལྡན་པས་གང་བ། ཆུ་ཀླུང་དེ་དག་གི་སྒྲ་དབྱངས་ལྷའི་རོལ་མོ་ཆེན་པོའི་སྒྲ་སྐད་ལས་ཀྱང་མངོན་པར་འཕགས་ཤིང་ཆོས་ཟབ་མོ་རབ་ཏུ་འབྱུང་བ། ཐེག་

― TN03_Page_0326 ―

^{[མ་དཔེ་གཟིགས་ན་འདིར་གནོན།]}

(༢༦༨)པ་ཆེན་པོ་མཆོག་གི་གཏམ་སྟོན་པའི་སངས་རྒྱས་ཀྱི་སྤྲུལ་པའི་བྱའི་ཚོགས་དཔག་ཏུ་མེད་པ་ནམ་མཁའི་ལམ་ནས་ལྡིང་ཞིང་འགྲོ་བ། བསོད་ནམས་ཀྱི་གཟི་བརྗིད་ཆེན་པོས་ཁྱད་པར་འཕགས་པའི་ལྷ་དང་མིའི་ཚོགས་ཀྱིས་རྣམ་པར་བརྟེན་པ། དེའི་དབུས་སུ་དེ་བཞིན་གཤེགས་པའི་བསོད་ནམས་ལས་བྱུང་བའི་བྱང་ཆུབ་ཀྱི་ཤིང་འཕངས་སུ་དཔག་ཚད་སྟོང་དང་དྲུག་བརྒྱས་སྤགས་ཤིང་། འདབ་མ་དཔག་ཚད་བརྒྱད་བརྒྱར་འཕྱངས་པ། །ལོ་མ་དང་མེ་ཏོག་དང་འབྲས་བུ་སྣ་ཚོགས་པ་རྟག་ཏུ་ཆགས་ཤིང་ཁ་དོག་ཐ་དད་པ་བཀྲ་བ། །ནོར་བུ་རིན་པོ་ཆེའི་དྲྭ་བས་བྲེས་པ། དར་གྱི་ལྔ་ལྡི་དང་མུ་ཏིག་གི་རྒྱན་ཕྲེང་དུ་མས་འཕྱང་བ། ལུས་དང་སེམས་དགའ་བ་བསྐྱེད་པའི་འོད་ཟེར་གྲངས་མེད་པ་ཕྱོགས་བཅུར་འཕྲོ་བ། སངས་རྒྱས་ཀྱི་སེང་གེའི་ཁྲི་རིན་པོ་ཆེའི་རང་བཞིན་ཅན་གྱི་ཉེ་ལོགས་ན་གནས་པ། དེའི་འགྲམ་ན་སྟོན་པ་སངས་རྒྱས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཚེ་དཔག་ཏུ་མེད་པ་མཚན་དང་དཔེ་བྱད་དང་ལྡན་ཞིང་བསོད་ནམས་ཆེན་པོའི་དཔལ་གྱིས་ལྷང་ངེ་ལྷན་ནེ་ལྷམ་མེར་འཕགས་པ། ནོར་བུ་རིན་པོ་ཆེ་པདྨ་རཱ་གའི་ལྷུན་པོ་ལྟར་གཟི་བརྗིད་ཀྱི་དཔལ་རབ་ཏུ་འབར་བ། འཛུམ་ཞིང་བཞད་པའི་ཞལ་གྱི་དཀྱིལ་འཁོར་

― TN03_Page_0327 ―

^{[མ་དཔེ་གཟིགས་ན་འདིར་གནོན།]}

(༢༦༩)པདྨ་འདབ་མ་བརྒྱ་པ་ལྟར་རྒྱས་པ་དྲི་མ་མེད་ཅིང་ཤིན་ཏུ་རྣམ་པར་དག་པའི་ཕྱག་གཉིས་མཉམ་པར་བཞག་པ། ཞབས་ཟུང་མཉམ་པའི་སྐྱིལ་ཀྲུང་གིས་རིན་པོ་ཆེ་སེངྒེའི་ཁྲི་ལ་བཞུགས་ཤིང་ཆོས་གོས་རྣམ་པ་གསུམ་གྱིས་མཛེས་པར་ཀླུབས་པ། ལུས་དང་སེམས་དགའ་བ་བསྐྱེད་ཅིང་ཆོས་ཀྱི་སྣང་བ་ཆེན་པོ་ཀུན་ཏུ་སྟེར་བའི་འོད་ཟེར་བྱེ་བ་ཕྲག་འབུམ་དུ་འཕྲོ་བ། ཟབ་ཅིང་རྒྱ་ཆེ་བའི་ཚུལ་ལས་བརྩམས་པའི་གཏམ་གྱི་རྒྱུད་ཟད་མི་ཤེས་པས་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་འདུན་པར་མཛད་པ། དེའི་འཁོར་དུ་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དང་། མཐུ་ཆེན་ཐོབ་པ་ལ་སོགས་པ་འཕགས་པའི་གང་ཟག་ཚད་མེད་ཅིང་དཔག་ཏུ་མེད་པ། དེ་དག་ཀུན་ཀྱང་སྒྱུ་མ་ལྟ་བུའི་ཏིང་ངེ་འཛིན་ལ་གནས་ཤིང་རྣམ་པར་ཐར་པ་རྒྱ་མཚོ་གྲངས་མེད་པ་ལ་མངའ་དབང་འབྱོར་བ། བློ་རི་རབ་ལྟར་བརྟན་ཞིང་ཤེས་རབ་ནམ་མཁའ་དང་མཚུངས་པ། སེམས་ཅན་གྱི་ཁམས་སྨིན་པར་བྱེད་པའི་ཐབས་ལ་མཁས་པ་ཚད་མེད་པའི་ཕ་རོལ་ཏུ་སོན་པ། ཡོན་ཏན་མཐའ་ཡས་ཤིང་མུ་མེད་པ་ཤ་སྟག་གོ །དེ་ལྟར་བཅོམ་ལྡན་འདས་མགོན་པོ་འོད་དཔག་མེད་པ་སྲས་བྱང་ཆུབ་སེམས་དཔའི་ཚོགས་

― TN03_Page_0328 ―

^{[མ་དཔེ་གཟིགས་ན་འདིར་གནོན།]}

(༢༧༠)དང་བཅས་པ་དྲན་ཞིང་ཡོན་ཏན་ཡིད་ལ་བྱས་ཏེ་འཇིག་རྟེན་གྱི་ཁམས་བདེ་བ་ཅན་དུ་འདུན་པའི་ཤུགས་གཏོང་བ་དང་བསོད་ནམས་ཀྱི་སྒོ་འཕར་ཇི་ལྟར་བྱ་བ་དེ་བཞིན་དུ་དེ་བཞིན་གཤེགས་པ་ཚེ་དཔག་མེད་ཀྱིས་སྔོན་གྱི་སྨོན་ལམ་བསམ་གྱིས་མི་ཁྱབ་པའི་བདེན་པ་དེང་བདག་ལ་མངོན་སུམ་དུ་འགྱུར་བ་ཅི་གནང་། ཞེས་བརྗོད་ཅིང་བསམ་ནས་ཡུན་རིང་པོར་དམིགས་པ་དེ་ཁོ་ན་ལ་ནན་ཏན་བྱ། དེ་ནས་སྤྲོ་ན་ཕྱག་དང་མཆོད་པ་བྱ་སྟེ། གང་ཞིག་ལུས་པ་མེད་པའི་སེམས་ཅན་ཁམས། །བསྐལ་པ་དུ་མར་སྙིང་རྗེས་རབ་བཟུང་བ། །དེ་དག་དོན་སླད་བླ་མེད་བྱང་ཆུབ་ཆེ། །མངོན་མཛད་འོད་དཔག་མེད་ལ་ཕྱག་འཚལ་ལོ། །སེམས་ཅན་གང་དག་སྡུག་བསྔལ་མཚོར་ལྟུང་ཞིང་། །རྣམ་མང་མྱ་ངན་ནད་ཀྱིས་རབ་གཟིར་བ། །དེ་དག་དོན་ཕྱིར་ཞིང་ཁམས་བདེ་བ་ཅན། །སྨོན་ལམ་སྐལ་པས་བཟུང་ལ་ཕྱག་འཚལ་ལོ། །གང་གིས་ཆོས་ཀུན་མཉམ་པ་ཉིད་གཟིགས་ཤིང་། །མཉམ་པའི་ཆོས་ཉིད་མངོན་སུམ་མ་གྱུར་པའི། །འགྲོ་བར་སྣ་ཚོགས་ཐབས་ཀྱིས་ཆོས་སྟོན་པ། །མཉམ་ཉིད་དོན་སྟོན་དེ་ལ་ཕྱག་འཚལ་ལོ། །སེམས་ཅན་སྨིན་པའི་ཐབས་མཁས་མཆོག་བརྙེས་ཤིང་། །ཀུན་ཏུ་བཟང་པོའི་སྨོན་ལམ་མཐར་ཕྱིན་ཏེ། །བདེ་ལྡན་ཞིང་ན་མངོན་པར་བྱང་ཆུབ་པའི། །རྫོགས་སྨིན་

― TN03_Page_0329 ―

^{[མ་དཔེ་གཟིགས་ན་འདིར་གནོན།]}

(༢༧༡)སྦྱངས་པ་མཐར་སོན་དེར་ཕྱག་འཚལ། །ཚུལ་ཁྲིམ་ཏིང་ངེ་འཛིན་གྱིས་བྱིན་བརླབས་པའི། ཁྱོད་མཚན་རྣ་བར་ལན་གཅིག་གྲགས་པས་ཀྱང་། །མཐོ་རིས་བདུད་རྩིའི་སྒོ་མོ་རྣམ་དབྱེ་བ། །འདྲེན་པ་འོད་དཔག་མེད་ལ་ཕྱག་འཚལ་ལོ། །རྩོལ་དང་རྟོག་པའི་འཆིང་བ་བརྟུལ་ཟིན་ཀྱང་། །རྩོལ་མེད་ལྷུན་གྲུབ་ཆེན་པོའི་ཕྲིན་ལས་ཀྱིས། །ནམ་མཁའ་ཇི་སྲིད་འགྲོ་བའི་དོན་སྤྱོད་པ། །མགོན་པོ་ཚེ་དཔག་མེད་ལ་ཕྱག་འཚལ་ལོ། །རིན་ཆེན་སེམས་དེ་སོགས། །སྤྱོད་འཇུག་ལས་བྱུང་བའི་མཆོད་ཕྲེང་སྙན་ལ་དལ་བར་བརྗོད། དེ་ནས་འདོད་ཆགས་ཞེ་སྡང་སོགས། བཟང་སྤྱོད་ཀྱི་ཡན་ལག་ཕྱི་མ་ལྔའང་འདོན། །དེ་ནས་མཚན་སྔགས་བཟླ་བར་འདོད་པས། ཕུལ་བྱུང་ཡེ་ཤེས་རྒྱ་མཚོའི་ངོ་བོ་ཉིད། །མཐའ་ཀླས་གཟུགས་སྐུའི་རོལ་མོར་སྣང་མཛད་པ། །བདེ་གཤེགས་འོད་དཔག་མེད་པ་རྗེས་དྲན་གྱིས། །བདག་ཡིད་འཕགས་པའི་ལམ་ལ་བསྒྱུར་དུ་གསོལ། །སངས་རྒྱས་རྗེས་སུ་དྲན་པའི་བློ་བཞག་སྟེ། །ལྷ་ཁྱོད་མོས་པའི་ཡུལ་དུ་རབ་བྱེད་ན། །སྙིང་ལ་ཡེ་ཤེས་སྣང་བ་འབུམ་སྩོལ་ཞིང་། །བྱིན་རླབས་མཆོག་གི་དུས་སྟོན་སྦྱིན་མཛོད་ཅིག །འགྲོ་ལ་བདུད་རྩིའི་ཆོས་ཆར་ངས་སྟེར་ཞེས། ཁྱོད་ཀྱིས་སྔོན་སྨོན་ཕུལ་བྱུང་གང་བཏབ་པ། །དེ་

― TN03_Page_0330 ―

^{[མ་དཔེ་གཟིགས་ན་འདིར་གནོན།]}

(༢༧༢)དག་དེ་རིང་བདག་ལ་མངོན་སུམ་དུ། །སྣང་བའི་འཕྲུལ་ཆེན་མྱུར་བར་འདུ་མཛོད་ཅིག །ཡེ་ཤེས་ཉི་མ་འབར་བའི་བྱིན་རླབས་གཟིས། །བདག་ཡིད་སྒྲིབ་པའི་མུན་ནག་བསལ་མཛད་དེ། །འཕགས་ལམ་ཡན་ལག་བརྒྱད་ཀྱི་མེ་ཏོག་ཚལ། །འཛུམ་པའི་དགའ་སྟོན་ཅིར་ཡང་སྣང་བར་མཛོད། །ཅེས་བརྗོད། ཨོཾ་ཨ་མི་དྷེ་ཝ་ཧྲཱིཿཞེས་ཅི་ནུས་བཟླ། ཐུན་མཐར། མཆོད་བསྟོད་འབུལ་བ་ནི། ཕྱོགས་བཅུའི་རབ་འབྱམས་རྒྱལ་བའི་ཞིང་རྣམས་ཀུན། །ཕུལ་བྱུང་མཆོད་པའི་སྤྲིན་གྱིས་རབ་བཀང་སྟེ། །བླ་མ་འོད་དཔག་མེད་པ་སྲས་བཅས་མཆོད། །འགྲོ་ཀུན་བསོད་ནམས་ཡེ་ཤེས་ཚོགས་རྫོགས་ཤོག །ཨོཾ་སརྦ་ཏ་ཐཱ་ག་ཏ་མཧཱ་བོ་དྷི་སཏྭ་ཨརྒྷཾ་སོགས། ཤབྡ་པཱུ་ཙ་ཧོ། མཐའ་ཡས་ཞིང་ན་རྒྱལ་དང་རྒྱལ་སྲས་ཚོགས། །གང་གི་ཡོན་ཏན་བསྔགས་པ་ལྷུར་བཞེས་པའི། །འདྲེན་པ་སྟོབས་བཅུའི་དབང་ཕྱུག་འོད་དཔག་མེད། །འཕགས་ཚོགས་འཁོར་དང་བཅས་ལ་ཕྱག་འཚལ་བསྟོད། །ཅེས་བརྗོད་ནས། བཅོམ་ལྡན་འདས་རྡུལ་བྲལ་ཤིན་ཏུ་རྣམ་པར་དག་པ་སོགས། །བདེ་བ་ཅན་གྱི་སྨོན་ལམ་གདབ། དེ་རྗེས་བཀྲ་ཤིས་བརྗོད་པས་མཐའ་བསྡུ་བ་ཙམ་མ་གཏོགས་བསྡུ་རིམ་སོགས་མི་དགོས་ཏེ། དེ་ནི་ད་ལྟར་གྱི་ཞིང་ཁམས་བདེ་བ་ཅན་ཡིད་ལ་བྱས་པ་ཙམ་ཡིན་པའི་ཕྱིར་རོ། །ཞིང་

― TN03_Page_0331 ―

^{[མ་དཔེ་གཟིགས་ན་འདིར་གནོན།]}

(༢༧༣)མཆོག་བདེ་བ་ཅན་དུ་བགྲོད་པའི་ཐབས། །འོད་ཟབ་མདོ་ཡི་རྗེས་སུ་འབྲང་བ་འདིས། །སྲིད་ན་བཀྲ་ཤིས་སྣང་བ་སྟོང་སྩོལ་ཞིང་། །ས་གསུམ་དགེ་ལེགས་མཆོག་གིས་ཁྱབ་བྱེད་ཤོག །ཅེས་པའང་བཙུན་པ་ཚེ་ཕྱུག་གི་ངོར། སྤྲང་སྨྱོན་འཇིགས་མེད་པས་གང་དྲན་མགྱོགས་བྲིས་སུ་བྱས་པའོ། །དགེའོ།། །།བཅོམ་ལྡན་འདས་འོད་དཔག་མེད་ལ་ཕྱག་འཚལ་ལོ། །ཡང་ཡང་དྲན་ནོ་ཞིང་ཁམས་བདེ་བ་ཅན། །སྙིང་ནས་དྲན་ནོ་འདྲེན་པ་འོད་དཔག་མེད། །རྩེ་གཅིག་དྲན་ནོ་རྒྱལ་སྲས་རྒྱ་མཚོའི་འཁོར། །བྱིན་གྱིས་རློབས་ཤིག་སྐྱབས་མེད་སྐྱོབ་པའི་ཚོགས། །ཐུགས་རྗེའི་བདག་ཉིད་མགོན་པོ་ཁྱེད་རྣམས་ལ། །གུས་པས་ཕྱག་འཚལ་མཆོད་སྤྲིན་རྒྱ་མཚོས་མཆོད། །སྡིག་ལྟུང་ཀུན་བཤགས་དགེ་ལ་རྗེས་ཡི་རང་། །ཆོས་འཁོར་བསྐོར་བཞིན་མྱ་ངན་མི་འདའ་གསོལ། །བདག་གིས་མཁའ་མཉམ་འགྲོ་བའི་དོན་སླད་དུ། །ཡང་དག་རྫོགས་པའི་བྱང་ཆུབ་བསྒྲུབ་བྱའི་ཕྱིར། །སངས་རྒྱས་ཞིང་ཁམས་ཡོངས་སུ་སྦྱོང་བ་ཡི། །རྣམ་ཐར་སྨོན་ལམ་རྒྱ་མཚོ་རྫོགས་གྱུར་ཅིག །འདིས་མཚོན་དགེ་བས་བདག་སོགས་ཡིད་ཅན་ཀུན། །ཕྱི་མ་དག་པའི་ཞིང་ཁམས་བདེ་བ་ཅན། །རྨད་བྱུང་ངོ་མཚར་བཀོད་པས་རབ་མཛེས་པས། །སྐྱེས་ནས་ཐེག་མཆོག་དགའ་སྟོན་མྱོང་

― TN03_Page_0332 ―

^{[མ་དཔེ་གཟིགས་ན་འདིར་གནོན།]}

(༢༧༤)བར་ཤོག །ཅེས་པའང་དགེ་བའི་བཤེས་གཉེན་ཨོ་ཊི་ཡ་ནའི་ངོར་འཇིགས་མེད་པས་སོ།། ༈ །།བཅོམ་ལྡན་འོད་དཔག་མེད་ལ་ཕྱག་འཚལ་ལོ། །གང་མཚན་གྲགས་པ་དཀར་པོའི་ག་བུར་རྡུལ། །མཐའ་ཡས་ཞིང་ཁམས་རྒྱ་མཚོའི་ཁྱོན་ཡངས་པོར། །རྣ་ལུང་དཔྱངས་པའི་མོད་ལ་སྲིད་པའི་སྨག །སྐྲག་མཛད་འོད་མཚན་སྟོང་འབར་ལ་ཕྱག་འཚལ། །གང་གིས་གྲངས་མེད་བསྐལ་པའི་སྔོན་རོལ་ནས། །བགྲང་ཡས་བྱང་ཆུབ་སྤྱོད་པའི་ཁུར་བཟུང་ནས། །འཕགས་པའི་སྨོན་ལམ་རྒྱ་མཚོའི་མཐར་སོན་པས། །བདེ་ལྡན་ཞིང་ཁམས་བཟུང་ལ་ཕྱག་འཚལ་ལོ། །གང་དག་ང་ཡི་མིང་ཙམ་ཐོས་པ་ཡང་། །ཕུན་ཚོགས་དག་པའི་ཞིང་དེར་དྲང་བྱ་ཞེས། །བདེན་གསུང་སེང་གེའི་སྒྲ་དབྱངས་བསྒྲགས་མཛད་པའི། །ཐུགས་བསྐྱེད་བདེན་པས་བདག་སོགས་སྐྱོང་མཛོད་ཅིག །སངས་རྒྱས་གངྒའི་བྱེ་སྙེད་དུ་མའི་ཞིང་། །ཡོན་ཏན་ཕུང་པོ་བསྡུས་འདྲའི་འཇིག་རྟེན་ཁམས། །བདེ་བ་ཅན་ཞེས་མངོན་བརྗོད་མ་འཁྲུལ་པ། །དེར་ནི་བདག་ཅག་སྨོན་པའི་སྒོ་འཕར་ཕྱེ། །ལག་མཐིལ་ལྟར་མཉམ་ཡིད་བཞིན་བཀོད་པའི་ཞིང་། །རིན་ཆེན་དབྱིག་བརྒྱའི་ལྕིད་ཀྱིས་རྣམ་སྒེགས་ཤིང་། །མནྡ་ར་བའི་འཁྱུད་མོས་ཉེར་བཅིངས་པ། །བདེ་ལྡན་དག་པའི་ཞིང་དེར་སྐྱེ་བར་ཤོག །ལྷ་རྫས་

― TN03_Page_0333 ―

^{[མ་དཔེ་གཟིགས་ན་འདིར་གནོན།]}

(༢༧༥)རིན་ཆེན་ལྗོན་པའི་གར་སྟབས་དང་། །སྤོས་ཆུའི་ཆུ་ཀླུང་འབབ་པའི་སྙན་འགྱུར་གླུ། །འགྲན་པ་བཞིན་དུ་ཀུན་ནས་སྣང་བའི་དཔྱིད། །བདེ་ལྡན་དག་པའི་ཞིང་དེར་སྐྱེ་བར་ཤོག །སངས་རྒྱས་སྤྲུལ་པ་གཉིས་སྐྱེས་གཞོན་ནུ་ཡང་། །འཕགས་པའི་རྣམ་ཐར་རྒྱ་མཚོའི་སྒྲ་དབྱངས་ལས། །དམ་པ་མིན་པའི་གླུ་རུ་མི་འཛའ་བའི། །བདེ་ལྡན་དག་པའི་ཞིང་དེར་སྐྱེ་བར་ཤོག །སྡུག་བསྔལ་འཇིགས་པའི་མིང་ཡང་མི་གྲགས་ཤིང་། །བདེ་བའི་རྒྱུ་ཚོགས་ནམ་ཡང་འཛད་མེད་པའི། །ཞིང་གི་ཡོན་ཏན་སུས་ཀྱང་གཞལ་དཀའ་བ། །བདེ་ལྡན་དག་པའི་ཞིང་དེར་སྐྱེ་བར་ཤོག །གང་ན་འཚོ་ཞིང་གཞེས་པའི་འདྲེན་པ་མཆོག །ཀུན་གཟིགས་སྐྱོབ་པ་མཚུངས་མེད་འོད་མཐའ་ཡས། །བློ་མཆོག་སེམས་དཔའི་ཚོགས་ཀྱིས་ཡོངས་བསྐོར་བ། །ལྟ་བའི་སྐལ་བཟང་སྣང་བ་རྙེད་གྱུར་ཅིག །ཀུན་ཤེས་བཟོད་པ་ཐོབ་ཅིང་རིགས་པ་བརྒྱས། །ཆོས་ཉིད་ཞི་བ་རྟོགས་པའི་ཡེ་ཤེས་ཅན། །རྒྱལ་སྲས་ཚོགས་མཆོག་འདུས་པའི་ལྷ་གྲལ་དུ། །བསོད་ནམས་གཟི་བརྗིད་ཆེན་པོའི་མཐུས་གནས་ཤོག །མདོར་ན་ཀུན་བཟང་སྤྱོད་པ་རྨད་བྱུང་བས། །འོད་དཔག་མེད་པའི་གནས་རབ་ཐོབ་ནས་སླར། །རྫོགས་སྨིན་སྦྱངས་པའི་ཡོན་ཏན་མི་ཟད་པས། །

― TN03_Page_0334 ―

^{[མ་དཔེ་གཟིགས་ན་འདིར་གནོན།]}

(༢༧༦)དོན་གཉིས་ལྷུན་གྱིས་འགྲུབ་པའི་བཀྲ་ཤིས་ཤོག །ཅེས་པའང་དོན་གཉེར་ཅན་བློ་ལྡན་དང་ལུང་རྟོགས་བསྟན་པའི་ཉི་མ་དག་གི་ངོར་སྤྲང་སྨྱོན་འཇིགས་མེད་པས་གང་དྲན་རྡོལ་ཐབས་སུ་སྨྲས་པའི་ཡེ་གེ་པ་ནི་ཤཱཀྱའི་བཙུན་པ་འཇིགས་མེད་བཟང་པོས་བགྱིས་པ་དགེ་ཞིང་བཀྲ་ཤིས་པར་གྱུར་ཅིག།། །།

― TN03_Page_0335 ―

^{[མ་དཔེ་གཟིགས་ན་འདིར་གནོན།]}

(༢༧༧)ཐུགས་རྗེ་ཆེན་པོ་ཡི་གེ་དྲུག་པའི་སྐོར་ཚོ་སྣ་ཚོགས་ཕྱོགས་བསྡེབས་མཐོང་བ་དོན་ལྡན་བཞུགས། །

― TN03_Page_0336 ―

^{[མ་དཔེ་གཟིགས་ན་འདིར་གནོན།]}

(༢༧༨)འཕགས་པ་དང་སྒྲོལ་མ་སྤྲེའུ་དང་བྲག་སྲིན་དུ་སྤྲུལ། སླར་ཡང་སྤྲུལ་གཞི་ཉིད་ཀྱིས་དེ་གཉིས་བཟའ་མིར་གནང་ཞིང་བྱིན་གྱིས་བརླབས། འགྲོ་བ་རིག་དྲུག་ནས་འཕོས་པའི་སེམས་ཅན་དྲུག་དེ་གཉིས་ཀྱི་བུ་ཕྲུག་ཏུ་བྱིན་གྱིས་བརླབས་ནས་རིག་དྲུག་གི་འགྲོ་བ་རྣམས་འཕགས་པའི་སྲས་སུ་བསྐྱེད་པའི་རྟེན་འབྲེལ་མཛད། དེ་ནས་བཟུང་སྟེ་སྤྲེལ་སྒོམ་གྱི་ཚ་བརྒྱུད་དུ་སྐྱེས་ཚད་ཐམས་ཅད་འཕགས་པ་ཡབ་ཡུམ་ཉིད་ཀྱིས་རང་གི་གདུང་རིགས་སུ་འབྱུང་བར་བྱིན་གྱིས་བརླབས་པ་ཁོ་ན་ཡིན་ཏེ། །དེ་ལྟར་བྱིན་གྱིས་བརླབས་པའི་རྒྱུ་མཚན་དང་དགོས་པའང་མ་ིའི་རྣལ་འབྱོར་གྲུབ་པའི་སྔགས་བརྒྱུད་དུ་མཛད་ནས་དེའི་དངོས་གྲུབ་འབད་མེད་དུ་འགྲུབ་པར་བྱ་བའི་ཆེད་དོ། །དེའང་སེམས་ཅན་དེ་དག་ཐམས་ཅད་ནི་སྔོན་འཕགས་པ་

― TN03_Page_0337 ―

^{[མ་དཔེ་གཟིགས་ན་འདིར་གནོན།]}

(༢༧༩)སྤྱན་རས་གཟིགས་ཀྱིས་བསྡུ་བའི་དངོས་པོ་བཞིས་དངོས་སམ་བརྒྱུད་ནས་བསྡུས་ཏེ། མ་ིའི་རིག་སྔགས་འཆང་གི་རིགས་སུ་སྨོན་ལམ་གྱིས་བདག་གིར་བཟུང་ཞིང་། དགོངས་པ་ཏིང་ངེ་འཛིན་གྱིས་བྱིན་གྱིས་བརླབས་པ་དང་། འཕགས་པའི་བཀའ་དྲིན་གྱི་ཆ་ཤས་དང་རིག་སྔགས་ཀྱི་ཕམ་ཕབ་ལ་སྤྱོད་པའི་དགེ་རྩ་རྒྱུད་ལྡན་གྱི་སྐལ་བ་ཅན་ཤ་སྟག་སྟེ། ཚོན་ནམ་རྡོ་ཡི་ནང་ན་གསེར། །བག་ལ་ཞ་བ་ལྟ་བུར་གཟིགས། །ཞེས་པ་ལྟ་བུའོ། །འདི་དག་ནི་སྙིང་རྗེ་པད་དཀར་ཆུང་བར། །སྔོན་ཐུབ་པ་ལ་ལས་འབྲེལ་མེད་ན་ད་ལྟ་དེའི་བསྟན་པའི་ཆོས་གཏན་ནས་མི་གོ་བར་གསུངས་པ་སོགས་མང་པོས་ཤེས་སོ། །བཤེས་སྤྲིང་ལས། མ་ཡི་ཐུག་མཐའ་རྒྱ་ཤུག་ཚི་གུ་ཙམ། །སོགས་ཐད་བཀའ་གདམས་གསར་མ་ཁ་ཅིག་

― TN03_Page_0338 ―

^{[མ་དཔེ་གཟིགས་ན་འདིར་གནོན།]}

(༢༨༠)དེ་ལྟར་དེད་ནས་བསམ་ཚེ་རང་རེའི་ལུས་འདི་སེམས་ཅན་བརྒྱ་སྟོང་གྲངས་མེད་ཀྱི་མི་གཙང་བའི་རྫས་ཀྱི་རྒྱུན་འདུས་པ་ལས་གྲུབ་པར་ཤེས་ནས་ལུས་སྲེད་དང་རྒྱགས་པ་སོགས་འདུལ་གསུང་སྐད། །དེ་བཞིན་དུ་བོད་འབངས་ཚོའི་ལུས་ཀྱི་བྱུང་ཁུངས་ཡར་དེད་བྱས་ནས་བསམ་ན། འཕགས་པ་དང་ཇོ་མོའི་ཉི་ཟླ་ལ་ཐུག་འགྲོ་བས་རང་རེའི་ལུས་འདི་སྤུ་སེན་མོ་སྐྲ་ཤ་རུས་རྒྱུས་པ་ཁྲག་སོགས་རེ་རེ་ནས་མ་ི་པདྨེའི་རིག་སྔགས་ཀྱི་བདུད་རྩིའི་རྒྱུན་ལས་མ་བྱུང་བ་ཅུང་ཟད་ཀྱང་མེད་དོ། །འོན་ཀྱང་ལོ་ཏོག་འདོད་པས་ས་བོན་དུ་འོས་པའི་ནས་སམ་གྲོ་སོགས་འབྲུ་བཟང་ལ་སྤུས་གཙང་བ་རྙེད་རུང་དེས་མི་ཆོག །ཞིང་བཟང་པོ་ལ་བཏབ་ནས་སོ་ནམ་རེ་མ་དགོས། དེ་བཞིན་དུ་རང་རེའི་སྒོ་གསུམ་ལ་མ་ིའི་ཕབ་གཏའ་ཡོད་ལུགས་དེ་ལྟར་ངོ་འཕྲོད་ཐོག་ནས་སྒོམ་བཟླས་ཀྱི་ལས་ཀས་འཕགས་པའི་རྡོ་རྗེ་གསུམ་གྱི་དངོས་གྲུབ་ཀྱི་ཆང་ལ་ངོས་ཤེས་པ་བྱེད་རྒྱུ་གལ་ཆེ། དེ་ནི་ཐུན་མོང་ལྟར་བཤད་པའོ། །རང་རྒྱུད་ཀྱི་སྔགས་ཀྱི་ཕབ་གཏའ་མཐར་ཐུག་ནི་གཉུག་མ་མི་ཤིགས་པའི་སྒོ་གསུམ་གདོད་ནས་ཐུགས་རྗེ་ཆེན་པོའི་ངོ་བོར་བཞུགས་པ་འདི་ཁོ་ན་ཡིན་ཏེ། འདི་ནི་རྒྱལ་པོ་བཀའ་འབུམ་གྱི་ཞལ་གདམས་སྐོར་ན་ཤིན་ཏུ་རྒྱས་ཤིང་ཡང་འདུས་སོགས་མང་པོར་ཡང་ཡོད། །སྣང་བ་ལྷར་སྒྲུབ་ལྟར་དཔྱོད་དང་ཤེས། འདི་ནི་ཡོངས་དག་གཉུག་མའི་སྒྲུབ་གཞི་སྟེ་སེམས་ཅན་ཐམས་ཅད་ལ་ཁྱད་མེད་དུ་ཡོད། སྔ་མ་ནི་གློ་བུར་ཐ་མལ་གྱི་རགས་ཕུང་སྟེང་ནས་

― TN03_Page_0339 ―

^{[མ་དཔེ་གཟིགས་ན་འདིར་གནོན།]}

(༢༧༧)ཐུགས་རྗེ་ཆེན་པོ་ཡི་གེ་དྲུག་པའི་སྐོར་ཚོ་སྣ་ཚོགས་ཕྱོགས་བསྡེབས་མཐོང་བ་དོན་ལྡན་བཞུགས། །

― TN03_Page_0340 ―

^{[མ་དཔེ་གཟིགས་ན་འདིར་གནོན།]}

(༢༧༨)འཕགས་པ་དང་སྒྲོལ་མ་སྤྲེའུ་དང་བྲག་སྲིན་དུ་སྤྲུལ། སླར་ཡང་སྤྲུལ་གཞི་ཉིད་ཀྱིས་དེ་གཉིས་བཟའ་མིར་གནང་ཞིང་བྱིན་གྱིས་བརླབས། འགྲོ་བ་རིག་དྲུག་ནས་འཕོས་པའི་སེམས་ཅན་དྲུག་དེ་གཉིས་ཀྱི་བུ་ཕྲུག་ཏུ་བྱིན་གྱིས་བརླབས་ནས་རིག་དྲུག་གི་འགྲོ་བ་རྣམས་འཕགས་པའི་སྲས་སུ་བསྐྱེད་པའི་རྟེན་འབྲེལ་མཛད། དེ་ནས་བཟུང་སྟེ་སྤྲེལ་སྒོམ་གྱི་ཚ་བརྒྱུད་དུ་སྐྱེས་ཚད་ཐམས་ཅད་འཕགས་པ་ཡབ་ཡུམ་ཉིད་ཀྱིས་རང་གི་གདུང་རིགས་སུ་འབྱུང་བར་བྱིན་གྱིས་བརླབས་པ་ཁོ་ན་ཡིན་ཏེ། །དེ་ལྟར་བྱིན་གྱིས་བརླབས་པའི་རྒྱུ་མཚན་དང་དགོས་པའང་མ་ིའི་རྣལ་འབྱོར་གྲུབ་པའི་སྔགས་བརྒྱུད་དུ་མཛད་ནས་དེའི་དངོས་གྲུབ་འབད་མེད་དུ་འགྲུབ་པར་བྱ་བའི་ཆེད་དོ། །དེའང་སེམས་ཅན་དེ་དག་ཐམས་ཅད་ནི་སྔོན་འཕགས་པ་

― TN03_Page_0341 ―

^{[མ་དཔེ་གཟིགས་ན་འདིར་གནོན།]}

(༢༧༩)སྤྱན་རས་གཟིགས་ཀྱིས་བསྡུ་བའི་དངོས་པོ་བཞིས་དངོས་སམ་བརྒྱུད་ནས་བསྡུས་ཏེ། མ་ིའི་རིག་སྔགས་འཆང་གི་རིགས་སུ་སྨོན་ལམ་གྱིས་བདག་གིར་བཟུང་ཞིང་། དགོངས་པ་ཏིང་ངེ་འཛིན་གྱིས་བྱིན་གྱིས་བརླབས་པ་དང་། འཕགས་པའི་བཀའ་དྲིན་གྱི་ཆ་ཤས་དང་རིག་སྔགས་ཀྱི་ཕམ་ཕབ་ལ་སྤྱོད་པའི་དགེ་རྩ་རྒྱུད་ལྡན་གྱི་སྐལ་བ་ཅན་ཤ་སྟག་སྟེ། ཚོན་ནམ་རྡོ་ཡི་ནང་ན་གསེར། །བག་ལ་ཞ་བ་ལྟ་བུར་གཟིགས། །ཞེས་པ་ལྟ་བུའོ། །འདི་དག་ནི་སྙིང་རྗེ་པད་དཀར་ཆུང་བར། །སྔོན་ཐུབ་པ་ལ་ལས་འབྲེལ་མེད་ན་ད་ལྟ་དེའི་བསྟན་པའི་ཆོས་གཏན་ནས་མི་གོ་བར་གསུངས་པ་སོགས་མང་པོས་ཤེས་སོ། །བཤེས་སྤྲིང་ལས། མ་ཡི་ཐུག་མཐའ་རྒྱ་ཤུག་ཚི་གུ་ཙམ། །སོགས་ཐད་བཀའ་གདམས་གསར་མ་ཁ་ཅིག་

― TN03_Page_0342 ―

^{[མ་དཔེ་གཟིགས་ན་འདིར་གནོན།]}

(༢༨༠)དེ་ལྟར་དེད་ནས་བསམ་ཚེ་རང་རེའི་ལུས་འདི་སེམས་ཅན་བརྒྱ་སྟོང་གྲངས་མེད་ཀྱི་མི་གཙང་བའི་རྫས་ཀྱི་རྒྱུན་འདུས་པ་ལས་གྲུབ་པར་ཤེས་ནས་ལུས་སྲེད་དང་རྒྱགས་པ་སོགས་འདུལ་གསུང་སྐད། །དེ་བཞིན་དུ་བོད་འབངས་ཚོའི་ལུས་ཀྱི་བྱུང་ཁུངས་ཡར་དེད་བྱས་ནས་བསམ་ན། འཕགས་པ་དང་ཇོ་མོའི་ཉི་ཟླ་ལ་ཐུག་འགྲོ་བས་རང་རེའི་ལུས་འདི་སྤུ་སེན་མོ་སྐྲ་ཤ་རུས་རྒྱུས་པ་ཁྲག་སོགས་རེ་རེ་ནས་མ་ི་པདྨེའི་རིག་སྔགས་ཀྱི་བདུད་རྩིའི་རྒྱུན་ལས་མ་བྱུང་བ་ཅུང་ཟད་ཀྱང་མེད་དོ། །འོན་ཀྱང་ལོ་ཏོག་འདོད་པས་ས་བོན་དུ་འོས་པའི་ནས་སམ་གྲོ་སོགས་འབྲུ་བཟང་ལ་སྤུས་གཙང་བ་རྙེད་རུང་དེས་མི་ཆོག །ཞིང་བཟང་པོ་ལ་བཏབ་ནས་སོ་ནམ་རེ་མ་དགོས། དེ་བཞིན་དུ་རང་རེའི་སྒོ་གསུམ་ལ་མ་ིའི་ཕབ་གཏའ་ཡོད་ལུགས་དེ་ལྟར་ངོ་འཕྲོད་ཐོག་ནས་སྒོམ་བཟླས་ཀྱི་ལས་ཀས་འཕགས་པའི་རྡོ་རྗེ་གསུམ་གྱི་དངོས་གྲུབ་ཀྱི་ཆང་ལ་ངོས་ཤེས་པ་བྱེད་རྒྱུ་གལ་ཆེ། དེ་ནི་ཐུན་མོང་ལྟར་བཤད་པའོ། །རང་རྒྱུད་ཀྱི་སྔགས་ཀྱི་ཕབ་གཏའ་མཐར་ཐུག་ནི་གཉུག་མ་མི་ཤིགས་པའི་སྒོ་གསུམ་གདོད་ནས་ཐུགས་རྗེ་ཆེན་པོའི་ངོ་བོར་བཞུགས་པ་འདི་ཁོ་ན་ཡིན་ཏེ། འདི་ནི་རྒྱལ་པོ་བཀའ་འབུམ་གྱི་ཞལ་གདམས་སྐོར་ན་ཤིན་ཏུ་རྒྱས་ཤིང་ཡང་འདུས་སོགས་མང་པོར་ཡང་ཡོད། །སྣང་བ་ལྷར་སྒྲུབ་ལྟར་དཔྱོད་དང་ཤེས། འདི་ནི་ཡོངས་དག་གཉུག་མའི་སྒྲུབ་གཞི་སྟེ་སེམས་ཅན་ཐམས་ཅད་ལ་ཁྱད་མེད་དུ་ཡོད། སྔ་མ་ནི་གློ་བུར་ཐ་མལ་གྱི་རགས་ཕུང་སྟེང་ནས་

― TN03_Page_0343 ―

^{[མ་དཔེ་གཟིགས་ན་འདིར་གནོན།]}

(༢༨༡)བཤད་པ་སྟེ། བོད་ཀྱི་སྒོས་ཆོས་སོ། །སྔ་ནས་དངོས་གྲུབ་ཀྱི་བྱ་བ་སྒྲུབ་པ་ལ་སྔགས་ཀྱི་རྣལ་འབྱོར་པ་ངོ་ཏི་དགོས། ཕྱི་མའི་སྟེང་ནས་གསོལ་འདེབས་གདུང་དབྱངས་ཀྱི་ཚུལ་དུ་བཏོན་པས་རྗེས་འཛིན་གྱི་བྱ་བ་བྱེད་པ་ནི་མི་ནག་དང་ཡང་ཐུན་མོང་ངོ། །གོང་འོག་ཏུ་བྲིས་ལྟར་འཕགས་པ་ལ་སྔོན་དགེ་རྩ་ཆེ་ཕྲ་ཅི་རིགས་ཀྱིས་འབྲེལ་བའི་ལས་མཐུན་ཁོ་ན་བོད་ཀྱི་ཡུལ་མིར་སྐྱེ། དེ་བསྙེན་འབྲེལ་ཐོགས་པ་དང་དཔེ་དོན་དུ་སྦྱར་བ་ནི་འབྲེལ་བ་ཐོགས་པའི་དཔེ་ཙམ་ཡིན། དེའང་སྔོན་འཕགས་པ་ལ་བསྐྱེད་རྒྱུའི་དགེ་རྩ་ནི་བསམ་སྦྱོར་གྱི་ངོས་ནས་ཆེས་ཆུང་ལ་ཞན་ཡང་ཞིང་གི་མཐུས་ཚད་མེད་པར་འཕེལ་འགྲོ་བ་འདུལ་བ་ལུང་དུ་ནྱ་གྲོ་དྷའི་ལྗོན་པ་དང་དེའི་ས་བོན་གྱི་དཔེ་དང་། ང་ལས་ནུའི་གཏམ་རྒྱུད་སོགས་ལྟ་བུའོ། །དེང་སང་མ་ི་དུང་ཡོན་བརྒྱབ་པ་སོགས་ལས་ཚེ་འདིར་ཕན་ཡོན་འཐོབ་མི་འཐོབ་དང་། ཚེ་སྔོན་འཕགས་པའི་རྟེན་ལ་མཇལ་ཕྱག་ཞུ་བའི་གསེབ་ཏུ་ཕྱིན་པ་སོགས་ཀྱི་ཕན་ཡོན་ཡང་རིགས་འགྲེ་མི་སྦྱོར་ཏེ། སྔ་མ་ནི་དུས་དེ་རང་ལ་འཕགས་པ་ལ་འབྲེལ་བ་ཐེབ་པ་རེད་ཀྱང་། འཕེན་བྱེད་ཀྱིས་འཕང་ཡང་འགྲུབ་བྱེད་ཀྱིས་མ་བསྒྲུབ་པས་སྨིན་དཀའ། དེ་མ་སྨིན་ཡང་སྔོན་དགེ་གཞན་གྱི་འབྲས་བུ་སད་པའི་རྐྱེན་ཙམ་བྱེད་པ་འཐད་དེ་འགབ་ན་ཡོད། ཕྱི་མ་ནི་ལས་དེ་རིམ་གྱིས་བཅུ་པ་སྲིད་པའི་རྟེན་འབྲེལ་དུ་སོང་ནས། ད་ལྟའི་ལུས་རྟེན་འཕེན་རྫོགས་ཅི་རིགས་བྱས་ཟིན་

― TN03_Page_0344 ―

^{[མ་དཔེ་གཟིགས་ན་འདིར་གནོན།]}

(༢༨༢)རེད་པས་སྔ་མ་དཔྱིད་ལས་དང་། ཕྱི་མ་ལས་ཀྱི་སྟོན་ཐོག་ལ་སྤྱོད་སྐབས་ཡིན་པའི་ཕྱིར་རོ། །དེ་ལྟ་བུའི་སྔོན་འབྲེལ་གྱིས་རྒྱུ་བྱས། འཕགས་པ་ཡིད་བཞིན་ནོར་བུའི་སྔོན་གྱི་ཐུགས་བསྐྱེད་སྨོན་ལམ་གྱིས་རྐྱེན་བྱས་ནས་ད་ལྟ་འཕགས་པ་སྤྲེལ་སྒོམ་གྱི་གདུང་བརྒྱུད་དུ་བྱུང་། འཕགས་པ་ལ་བསྐྱེད་པའི་དགེ་རྩའི་དབང་འབྲས་སྨིན་པའི་ཡུལ་དུ་སྐྱེས། ཟང་ཟིང་གི་ལོངས་སྤྱོད་འཕགས་པས་ལྟོ་སྐལ་དུ་གནང་བའི་རྩམ་པ་དང་། ཆོས་ཀྱི་ལོངས་སྤྱོད་ཡིག་དྲུག་ལ་སྤྱོད་པར་སྐྱེས་པ་རེད་པར། བོད་དུ་སྐྱེས་ནས་མ་ི་འདོན་པ་ནི་རང་གི་རིགས་ཆོས་ཀྱི་ཀུན་སྤྱོད་དུ་བསོད་ནམས་ཀྱི་ལས་ཀྱིས་བསྐོས་པ་ཁོ་ནའོ། །དབུ་ཕར་སོགས་དང་ལམ་རིམ་སོགས་ཆོས་ཀྱི་ལོངས་སྤྱོད་ལར་མང་ཡང་། ཆུ་ཐུན་མོང་གི་བཏུང་བ། ཉི་འོད་ཐུན་མོང་གི་གོས་ཡིན་པ་ལྟར། མཆོག་དམན། མཁས་བླུན། སྐྱ་སེར། ཕོ་མོ། རྒན་གཞོན་ཀུན་གྱི་ཐུན་མོང་དུ་ཁྱབ་ཆེ། དར་ཆེ་བའི་མོད་ཤོས་དང་། མོད་ཀྱང་སུས་སྤྱོད་སྲོལ་མེད་པ་མ་ཡིན་པར་ནམ་དང་ནམ་ཡང་ཀུན་གྱི་ཁ་ལ་རང་བབས་ལྟ་བུར་འོང་བ་ནི་མ་ི་ཁོ་ན་སྟེ། དེས་ན་རང་གི་ལྷ་སྐལ་དང་། ཆོས་སྐལ་གར་ཡོད་ཕར་བཙལ་མ་དགོས་པར་ཚུར་ང་ཡིན་ཞེས་གསལ་བར་བསྟན་པ་རེད་པས་འདི་ལ་མི་འཇུ་ན་ཅི་ལ་འཇུ། བློ་ཐག་རྦད་བཅད། བློ་རྩེ་གཅིག་ཧྲིལ་དྲིལ་ནས་འདི་ལ་སྒྲིལ་བར་བྱའོ། །དེས་ན་སྒབ་ཏུ། བོད་མིས་མ་ི་རང་ཤེས་པ་རྒྱུའི་སྟོབས་དང་རྐྱེན་གྱི་སྟོབས་ཡིན་

― TN03_Page_0345 ―

^{[མ་དཔེ་གཟིགས་ན་འདིར་གནོན།]}

(༢༨༣)དཔྱོད་སྨྲས་པ་དེ་རྩིང་བས། གཉིས་ཀའི་སྟོབས་ཡིན་ལུགས་འདི་བཞིན་དགོས་ལ། འཕགས་པའི་སྔོན་སྨོན་གྱིས་མ་ི་རང་ཤེས་དཔེར་ན་འོད་མདོར། བདེ་བ་ཅན་པ་རྣམས་སངས་རྒྱས་གྲངས་མེད་ཀྱི་ཆོས་ཀྱི་ལོངས་སྤྱོད་ལ་རོལ་བར་གསུངས་ནས། དེ་ཅིའི་ཕྱིར་ཞེ་ན། འོད་དཔག་མེད་ཀྱིས་སྔོན་སེམས་ཅན་རྣམས་ལ་ཆོས་མཉན་པ་བྱིན་པ་དང་། སྔོན་སྨོན་ལམ་བཏབ་པ་གྲུབ་བོ། །ཞེས་པ་ལྟ་བུ་འདི་རིགས་རྣལ་འབྱོར་པའི་ཆེ་བས་འཆད་ཚུལ་དང་ཅུང་ཟད་ཚུལ་མི་གཅིག་གམ་དཔྱོད། འཕགས་པ་ལ་སྔོན་འབྲེལ་ཡོད་པས་ད་ལྟ་མ་ིའི་ཞིང་འདིར་སྐྱེས་ཞེས་པའི་སྔོན་འབྲེལ་དེ་ལག་ཚད་དགོས་ཞེ་ན། འཇམ་དཔལ་རྩ་རྒྱུད་དུ་སེམས་ཅན་མིག་ཟུར་གྱིས་བལྟས་པའང་། རྗེས་སུ་བཟུང་བ་ཉིད་དུ་འགྱུར། སོགས་དང་། གཞོན་ནུ་མ་བདུན་གྱི་སྔོན་གྱི་རྒྱུ་སོགས་ཀྱིས་དཔགས་ན་ཆེར་མི་དགོས་པ་འདྲ་སྟེ། ཞིང་གི་ཆེ་བས་སོ། ༈ །ཐུགས་རྗེ་ཆེན་པོའི་འདུལ་སྐལ་མིན་པ་བོད་ཡུལ་གྱི་མིར་མི་སྐྱེ། བོད་ཡུལ་གྱི་མིར་སྐྱེས་པ་ཙམ་ནས་འཕགས་པ་ཐུགས་རྗེ་ཆེན་པོ་བསྒྲུབ་ན་འགྲུབ་ཐག་ཉེ་བ་ཁོ་ནར་ངེས། ༈ སྔོན་གྱི་འབྲེལ་བའི་དབང་གིས་ད་ལྟ་རྡོལ་ཤེས་སམ་རང་ཤེས་སུ་འོང་བ་ནི་དཔེར་ན་ལོ་ཆེན་རིན་བཟང་སྔོན་མཁས་པར་གྱུར་དབང་གིས་ཚེ་འདིར་ཨ་ལི་ཀཱ་ལི་རང་ཤེས་པའམ། དུད་འགྲོ་ཚུན་ཆད་མ་བུ་ཕན་ཚུན་ངོ་རང་འཕྲོད་པ་དང་། ལུང་ཕྲན་ཚེགས་

― TN03_Page_0346 ―

^{[མ་དཔེ་གཟིགས་ན་འདིར་གནོན།]}

(༢༨༤)སུ་རྐུན་ཆེན་གྱི་བུས་པ་མེ་ཏོག་ཕྲེང་གིས་ངོས་བཟུང་བ་ལྟ་བུ་སྟེ། ཚེ་རབས་གཞན་ལ་རྨི་ལམ་བཞིན་དུ་སྤྱོད། །ཅེས་སྐྱེས་རབས་ལས་སོ། །དེ་ལྟར་སྔོན་ནས་མ་ི་ལ་འབྲེལ་བ་སོང་དབང་གིས་འདིར་ཏིང་འཛིན་མེད་པར་ཁ་རྐྱང་བས་བཏོན་པ་ལའང་བྱིན་རླབས་ཆེར་འབྱུང་བ་ནི། དཔེར་ན་དྲག་སྔགས་ལྟ་བུ་ལ་བསྙེན་པ་སྔོན་དུ་བཏང་བའི་མིས་སྔགས་དེ་ངག་ཏུ་བརྗོད་པ་ཁོ་ནའི་ནུས་པ་ཡང་། སྔར་བསྙེན་པ་མ་མྱོང་བའི་མིས་དམིགས་རིམ་དང་སྦྲགས་ནས་བཟླས་པ་ལའང་མེད་པ་དང་འདྲའོ། །འོན་ཀྱང་བོད་མིས་མ་ི་རང་ཤེས་པ་འདི་རྒྱུའི་སྟོབས་ཀྱིས་ཡིན་ནམ། རྐྱེན་གྱི་མཐུས་ཡིན་དཔྱོད་ལ་ཞིབ་ཆ་གྱིས། གལ་ཏེ་རྐྱེན་སྟོབས་ཡིན་ན་འཕགས་པའི་བྱིན་རླབས་ཀྱིས་ཡིན་ཏེ། ལུས་ཅན་ཀུན་གྱིས་བྱ་དང་ནི། །ཤིང་དང་འོད་ཟེར་ཐམས་ཅད་དང་། །སོགས་ལྟར། དེའི་དབང་དུ་བཏང་ཡང་། དེ་ལྟར་འཕགས་པ་ཉིད་ཀྱིས་ངག་དང་ཡིད་བྱིན་རླབས་སྟོབས་ཀྱིས་མ་ི་ལྷན་སྐྱེས་ལྟ་བུར་ཤེས་པ་ནི་འཕགས་པ་ཉིད་ལས་རིག་སྔགས་འདོན་པ་ལ་གནང་བ་ཐོབ་པའི་ཕྱོགས་གཏོགས་ཡིན་པས་ཡུལ་གཞན་གྱི་མིས་བཟླས་པ་དང་ནུས་པ་མི་མཉམ་སྟེ། དཔེར་ན་ལྷས་གནང་བའི་མཚན་མ་ཐོབ་ན་སེམས་བརྟན་པའི་མཚན་མ་མ་རྙེད་ཀྱང་དབང་སྐུར་བའི་ནུས་པ་རྙེད་པར་འཇོག་པ་བཞིན་ནོ། ༈ །ལྷར་སྐྱེ་བའི་ལས་ཅན་རྣམས་ལྷ་ཡུལ་བའི་སྡེ་ཚན། མིར་སྐྱེ་བའི་རྣམས་དེའི་སྡེ་ཚན་དུ་འོང་ལ། །མཐའ་འཁོབ་

― TN03_Page_0347 ―

^{[མ་དཔེ་གཟིགས་ན་འདིར་གནོན།]}

(༢༨༥)ཏུ་སྐྱེ་བའི་ལས་ཅན་རྣམས་སྡེ་ཚན་དུ་བྱས་ནས་དེར་སྐྱེ། ཡུལ་དབུས་སུ་སྐྱེ་བའི་ལས་ཅན་རྣམས་ཀྱང་ལས་ཀྱིས་འཕང་ལུགས་ལྟར་ཡུལ་དབུས་རང་དུ་སྐྱེ། ལྷ་ཡུལ་དེ་སེམས་ཅན་བསོད་ནམས་ཅན་རྣམས་ཀྱི་བསོད་ནམས་ཀྱི་དབང་འབྲས། །མི་ཡུལ་བསོད་ནམས་བར་མ་པ་རྣམས་ཀྱི་སོགས། །ཡུལ་དབུས་སྙིང་པོ་ལྟ་བུའི་སེམས་ཅན་རྣམས་ཀྱི་ལས་དབང་ཤས་ཆེ་བ་ལས། མཐའ་འཁོབ་སྤུན་པ་ལྟ་བུའི་སེམས་ཅན་གྱི་ལས་ཤས་ཆེ་བ་ལས་གྲུབ། དེའི་འགྲེས་ཀྱིས་འཕགས་པ་ལ་བརྟེན་པའི་དགེ་ལས་ཀྱིས་མིར་སྐྱེས་པ་སོགས་འཕགས་པ་ལ་བསྐྱེད་པའི་ལས་མཐུན་རྣམས་སྡེ་ཚན་དུ་འོང་སྟེ་བོད་ཀྱི་མིའོ། །ལྷར་སྐྱེ་བའི་ལས་ཀྱི་དབང་འབྲས་སུ་ལྷ་ཡུལ་གྲུབ་པ་ལྟར། བོད་ཀྱི་ཡུལ་རི་བྲག་ནགས་ཚལ་ཆུ་མཚོ་དང་བཅས་པ་ཡང་འཕགས་པ་མ་ི་དང་ལས་འབྲེལ་ཆེ་བའི་སེམས་ཅན་རྣམས་ཀྱི་ལས་ཀྱི་དབང་འབྲས་སོ། །དེ་ལྟར་ན་བོད་འབངས་སྤྱི་མཐུན་གྱི་ལས་འབྲེལ་ཆེ་ཤོས་སུ་ཡོད་པ་འཕགས་པ་འདི་ཡིན་པས་དེའི་ཕྲིན་ལས་འཇུག་མྱུར། དེ་རྣམས་ཀྱི་ལས་ཀྱི་དབང་འབྲས་སུ་གྲུབ་པའི་ཡུལ་གྲུ་འདི་ཡང་ཡིག་དྲུག་སྒྲུབ་པའི་གནས་སུ་བཀྲ་ཤིས་ཤིང་བྱིན་ཆེའོ། །དགེ་བའི་དབང་འབྲས་རྒུད་ཀྱང་བསོད་ནམས་ཀྱིས་གསོ་ནུས་པ་ཤི་བིའི་རྒྱལ་ཁམས་ཀྱི་གཏམ་རྒྱུད་ལྟ་བུ། སྡིག་པའི་དབང་འབྲས་ཀྱི་ཉེས་པ་དགེ་བའི་གཟི་བརྗིད་ཀྱིས་ཀྱང་སེལ་དཀའ་བ་མཽང་

― TN03_Page_0348 ―

^{[མ་དཔེ་གཟིགས་ན་འདིར་གནོན།]}

(༢༨༦)གལ་བུས་མནར་མེད་དུ་ཆར་ཕབ་པ་ལྟ་བུ། དེའི་རིགས་པས་བོད་ཀྱིས་ཆ་འདིའི་རྒུད་པ་སེལ་བ་དང་ལེགས་ཚོགས་གསོ་བ་ལ་དགེ་ལས་གཞན་པས་ཡིག་དྲུག་ཚོགས་འདོན་སྟོབས་ཤིན་ཏུ་ཆེ་འདྲ། ༈ །ནང་རྣམས་སྨིན་གྱི་ལུས་ལ་ནད་མེད་དང་ཚེ་དང་ལང་ཚོ་སོགས་ཀྱི་དངོས་གྲུབ་སྒྲུབ་པའི་སྒོར་སྔོན་འབྲེལ་ཆེ་བའི་ལྷག་ལྷའི་བཟླས་སྒོམ་རྣོ་བ་ལྟར། ཕྱི་རོལ་ལས་ཀྱི་དབང་འབྲས་ཀྱི་ཡུལ་ལ་རྩི་སྨན་རླུང་ཆུ་སོགས་ཀྱི་ཉེས་རྒུད་སེལ་ཞིང་ཡོན་ཏན་སྐྱེད་པ་ལའང་དེ་ཀ་རང་རྣོ་བར་གསལ། ༈ །གྲུབ་རྗེས་སོགས་ཡུལ་དུ་རྒྱ་མི་མང་པོས་འཛིན་འཆིང་བྱེད་པའི་མནལ་ལྟས་གཟིགས་ཚེ། ཡིག་དྲུག་དུང་ཕྱུར་འུར་འདོན་རྒྱབ་ཆོག་བྱས་པར་གསུངས་ཏེ། གཤིན་རྗེ་ཆོས་རྒྱལ་གྱི་ཆད་པ་ཡིག་དྲུག་གིས་ཞི་ནུས་པར་དགོངས་པར་སྣང་། ༈ །ལན་ཅིག་ཏ་ར་ན་ཐ་བསྙུང་སྟེ། ཉིན་མཚན་ཀུན་ཏུ་སྐུ་ཁམས་ཉོག་ཅིང་དུབ། །མགོ་ལུས་ཚིག་གསུམ་ཐམས་ཅད་མི་ན་ས་གཅིག་ཀྱང་མེད། ཟུངས་ཤོར། དང་ཁ་འགག །རྟག་ཏུ་མགོ་འཁོར་བའི་རྣམ་པ་ཡོད་པ། མིག་སོགས་དབང་པོ་འགྲིབ་པ་སོགས་ནད་ཚབ་ཆེ་ལ་དོས་དྲག་པ་བྱུང་བར་ཞག་མང་རབས་སོང་། དེ་ནས་སྔ་དྲོ་ཞིག་སྤྱོད་འཇུག་གི །མེ་ཏོག་ཆར་པ་སྤོས་ཆུ་དང་འདྲེས་འབབ་པ་ཡིས། །སོགས་ཡང་ཡང་དྲན་པས་རྐྱེན་བྱས་ནས་འཕགས་པ་སྤྱན་རས་གཟིགས་འབའ་ཞིག་ཡིད་ལ་དྲན་ཞིང་། མོས་གུས་གདུང་ཤུགས་དྲག་པོས་མཆི་མ་རང་དབང་

― TN03_Page_0349 ―

^{[མ་དཔེ་གཟིགས་ན་འདིར་གནོན།]}

(༢༨༧)མེད་པར་འཆོར་བ་ཁོ་ན་ཞག་གཉིས་གསུམ་ལ་ཤུགས་འབྱུང་དུ་བྱུང་། དེ་ཀའི་ངང་ལ་ཉིན་གཅིག་གཉིད་དུ་འཕྲི་ཙམ་སོང་བར། འཕགས་པ་སེམས་ཉིད་ངལ་གསོ་འདྲ་བ་ཞིག་བཀྲ་ལམ་གྱིས་གསལ་པོར་བྱུང་། གཉིད་སད་པ་ན་དེ་འཕྲལ་རང་དུ་ཁམས་ཅུང་ཟད་བདེར་སོང་འདུག །དེ་ནས་ཞག་པོ་གཉིས་གསུམ་ན་ནད་རགས་པ་དེ་དྭངས་གསུངས། ༈ །རི་གངས་དཀར་གྱིས་གཡོགས་པ། ཆུ་དྭངས་བསིལ་དུ་འབྱུང་བ། ཆུ་ལ་ཤེལ་ཟམ་འཆགས་པ། ཆར་ཁ་བར་འབབ་པ། སོགས་རྒྱ་གར་ན་མེད་པའི་བོད་ཡུལ་གྱི་ཁྱད་ཆོས་ཡིན་ལ། གཞན་ཡང་ཇོ་བོས་རྒྱ་གར་ན་མེད་པར་གསུངས་པའི་མེ་ཏོག་ཤང་དྲིལ་སོགས་འབྲུ་སྨན་མེ་ཏོག་གི་རིགས་བཟང་མང་སྐྱེ་བ། བྲག་རིའི་ཕུག་དང་ཤིང་གི་དྲུང་སོགས་བསམ་གཏན་སྤྱོད་པའི་གནས་མང་བ། ས་གཙང་ལ་དབེན་ཞིང་ཉམ་དགའ་བ། མ་ིའི་དར་དང་རྡོ་མཁར་གྱིས་གནས་དང་གནས་རྣམས་མཚན་པ། རྨ་རྒྱལ་ན་ཁ་སར་པ་ིའི་གངས་རི་དང་། བསོ་ཐོག་གནས་ན་རི་གཙོ་སྤྱན་རས་གཟིགས་ཀྱི་གནས་རི། འབྲོང་རི་སྨུག་པོ་སོགས་འཇིག་རྟེན་ཕལ་བའི་ཁ་དང་གསལ་ཡང་ཐུགས་རྗེ་ཆེན་པོའི་ཕོ་བྲང་དུ་གྲགས་ཤིང་དེ་ལྟར་འདུ་ཤེས་པ་མང་བ། རྒྱ་ནག་པདྨེ། ཡིད་ལྷུང་མ་ི། ཁྲོ་སྐྱབ་འུར་འུར། བྲག་དཀར་སྤྲེལ་རྫོང་ན་འཕགས་པའི་སྐུ་དང་ཡིག་དྲུག་རང་བྱོན། མཚམས་ཀྱི་ཡི་གེ་དྲུག་མ་སོགས་འཕགས་པའི་རྟེན་གསུམ་

― TN03_Page_0350 ―

^{[མ་དཔེ་གཟིགས་ན་འདིར་གནོན།]}

(༢༨༨)ཁྱད་པར་ཅན་གྱིས་སྟོད་སྨད་ཀུན་ཏུ་བརྒྱན་པ། རྒྱལ་རབས་གསལ་མེ་སོགས་ལྟར་ན་བོད་འདིར་ཉུང་རྡོག་དང་དེའི་ལོ་མ་ཟ་བ་རྣམས་ཀྱང་ལྷ་ཅིག་ཀོང་ཇོའི་ཕྱག་རྗེས་སུ་གསལ་བ་སོགས་འཕགས་པའི་སྒྲུབ་གནས་ཀྱི་མཚན་ཉིད་མང་པོས་ཁྱད་པར་དུ་བྱས་ཤིང་། སྨྱུང་གནས་པ་སོགས་འཕགས་པའི་སྒྲུབ་པ་པོ་མཐའ་ཡས་པས་སྣོད་བཅུད་ཐམས་ཅད་གྲུ་འཛིན་རི་དང་བདེ་བ་ཅན་གྱི་རྟེན་བརྟེན་པར་ཡང་ཡང་དང་བརྒྱུད་མར་བརླབ། ༈ །ལྷོ་རྒྱུད་ན་མཚམས་ཀྱི་ཡི་གེ་དྲུག་མ་ཟེར་བའི་གནས་རི་ཡོད། ༈ །ལྷ་སྲིན་བཀའ་འོག་ཏུ་སྡུད་པའི་དབང་སྡུད་སྐབས། ང་ནི་འཇིག་རྟེན་ཀུན་གྱི་རྣལ་འབྱོར་དབང་མཛད་ནས། །ཞེས་པ་ལྟར་སའི་ལྷའི་གཙོ་བོ་སོགས་མི་རྒྱུ་བའི་འཇིག་རྟེན་གྱི་དང་། ཚངས་དབང་སོགས་རྒྱུ་བའི་འཇིག་རྟེན་གྱི་དབང་འདི་ལྟར་དཔལ་མཆོག་དང་པོ་དང་ཟ་མ་ཏོག་གཉིས་ཀར་གསུངས་ལ་ཧ་ལམ་དམ་ཆོས་པད་དཀར་སོགས་ལས་ཀྱང་འབྱུང་། ཕྱུག་དང་ཀུན་གྱི་དབང་ཕྱུག་དཔལ་རྟ་མཆོག་རོལ་པ་སོགས་མ་ཧཱ་ཀཱ་ལ་མྱུར་མཛད། ཀྱི་ངོ་བོ་ཉིད་ངའོ་ང་ཁོ་ནའོ་ཞེས་ང་རྒྱལ་གཟུང་བ་ལ་བསླབ་དགོས་ཤིང་། དེའང་ཡིན་ཏེ། འདིར་ལྷ་འདི་ཕྱག་རྡོར་ཡང་ཡིན། ཡ་མཱནྟ་ཀྲིཏ་ནས་བིགྣན་ཏ་ཀྲི་ཏ་བར་ཡང་ཡིན་པའི་ཕྱིར་ཏེ། སེམས་དཔའ་སེམས་མ་བཅུ་དྲུག་དང་། རིག་པའི་ཁྲོ་བོ་ཡབ་ཡུམ་བརྒྱད་འདུས་པ་ཡིན་པའི་ཕྱིར་ཏེ། འདི་རྡོ་རྗེ་དབྱིངས་ཀྱི་དཀྱིལ་འཁོར་གྱི་གཙོ་བོ་ཡིན་པ་གང་ཞིག །རྡོ་རྗེ་དབྱིངས་ཀྱི་དཀྱིལ་འཁོར་གྱི་ལྷ་ཐམས་ཅད་གཙོ་བོ་གཅིག་

― TN03_Page_0351 ―

^{[མ་དཔེ་གཟིགས་ན་འདིར་གནོན།]}

(༢༨༩)པུ་ལ་འདུ་བའི་ཕྱིར་རོ། །དེས་ན་འཁོར་གྱི་ཕྲིན་ལས་ལ་གཙོ་བོའི་ཕྲིན་ལས་སུ་མི་འདུ་བ་ཅུང་ཟད་ཀྱང་མེད་དོ། །དེ་ལྟ་བུའི་གོ་བ་ཡོད་ན་གཙོ་བོའི་ཕྲིན་ལས་ལ་རྩལ་ཐོབ་པ་ཉིད་ཀྱིས་འཁོར་གྱི་ཕྲིན་ལས་རབ་འབྱམས་ལ་རྩལ་ཐོན་འོང་ངོ་། །བྱང་སེམས་ཀྱི་སྟོབས་བཅུ་དཀོན་མཆོག་སྤྲིན་དུ་གསུངས་པའི་ནང་གི་བཀའ་མི་གཅོག་པའི་སྟོབས་ལ་སྣང་ཞེན་བསླབ་པ་དང་། བཀའ་འབུམ་ལས་ཚོགས་ཀྱི་དབང་ལས་དང་ཛབ་དབྱངས་ཉེར་གཅིག་སོགས་ལྟོ་སྦྱར། དབང་ལས་དེ་ཁ་སྐོང་བྱ་ན། སྔགས་ལས་འོད་དམར་འཕྲོས། སྡེ་བརྒྱད་གང་ཡིན་དེའི་གནས་ལུས་ཐམས་ཅད་བཏུམ་ནས་དམར་ཁྱིལ་ཁྱིལ། ཡོམ་ཡོམ། དེས་ཁོ་འོད་དམར་གྱི་སྲོག་ཡིག་ཏུ་བཞུ་བ་ཁབ་ལེན་གྱིས་ལྕགས་ཕྱེའམ་རླུང་གིས་རས་བལ་ཁྱེར་བ་ལྟར་ཚུར་དྲངས། ཐུགས་སྲོག་གི་གདན་ལ་བསྟིམ་ནས་མཉམ་བཞག །ད་དུང་ཐུགས་སྒྲུབ་ལས་བཞིའི་ཐད་དང་བསྒྲིགས། ༈སྟོང་ཉིད་སྙིང་རྗེའི་ལམ་སྟོན་པའི་གསུང་རབ་གཞན་ལས་ཀྱང་། ལམ་དེ་རིག་སྔགས་ཀྱི་སྒོ་ནས་བསྟན་པ་འདི་ཁྱད་དུ་འཕགས་ཏེ། དོན་ལ་སྒྲུབ་པ་སྙིང་པོར་བྱས་ན་གོ་འཕང་ཇེ་མཐོར་འགྲོ་བ་ལ་ཁྱད་མེད་ཀྱང་། སྔ་མའི་དོན་ལ་སྦྱངས་ཀྱང་རྟོགས་པ་ཡ་ཚད་ལ་མ་སླེབ་བར་དུ་རྣམ་འགྲེལ་ལས། སྐྱེ་འདོད་ཉེས་པ་བཅོམ་པའི་ཕྱིར། །ནས། ཇི་ལྟར་བྱས་པ་ཉམས་པར་འགྱུར། །ཞེས་པ་ལྟར་ཡིན་ལ། རིག་སྔགས་ནི་སྔགས་ཚིག་ཁོ་རང་

― TN03_Page_0352 ―

^{[མ་དཔེ་གཟིགས་ན་འདིར་གནོན།]}

(༢༩༠)གི་རང་ལྡོག་ནས། རྣལ་འབྱོར་པ་རྣམས་ཀྱི་བསམ་གཏན་གྱི་ཡུལ་དང་། སྨན་དང་ནོར་བུ་དང་རིག་སྔགས་ཀྱི་མཐུ་བསམ་གྱིས་མི་ཁྱབ་ཅེས་བསམ་མི་ཁྱབ་ཀྱི་རིགས་ཐ་དད་དུ་བཞག་པ་ལྟར་ཡིན་ཏེ། སྔགས་ཀྱི་ནུས་པས་མེ་བསིལ་བར་འགྱུར། ཆུ་ཁོལ་བར། དུག་བདུད་རྩིར་བྱེད། རྒས་པ་གཞོན་ནུར་འགྱུར། ན་བ་གསོ། ཤི་བ་སློང་། ཤིང་སྐམ་ལ་མེ་ཏོག་འབྱུང་། ལས་ཀྱི་རྣམ་སྨིན་གྱི་འབྲས་བུའི་མི་ལུས་ཀྱང་དུད་འགྲོར་སྒྱུར་ཞིང་། མིའི་རྟེན་ཉིད་རིག་འཛིན་གྱི་ལུས་སུ་སྒྱུར་བ་སོགས་མཐའ་ཡས་སོ། །དེ་དག་གི་དེ་གཙོ་བོའི་མཐུ། །ཞེས་སོ། །དེའང་རིག་སྔགས་ཡིན་པ། བྱེད་པོ་འཇིག་རྟེན་ལས་འདས་པ། རྒྱལ་བསྟན་དང་ཐེག་ཆེན་ཁོ་ནའི་དབང་དུ་བྱས་ནས་བཤད་པ། དོན་ཟབ་ཅིང་རྒྱ་ཆེ་བ་ཡོངས་སུ་རྫོགས་པ་སོགས་རེ་རེས་ཀྱང་ཕན་བདེ་མཐའ་ཡས་སྟེར་ན་ཀུན་རྫོགས་ན་སྨོས་ཅི་དགོས། ༈ །དོན་དམ་རྟོགས་པའི་ཤེས་རབ་ལས་བྱུང་དམིགས་མེད་སྙིང་རྗེ་ཤིན་ཏུ་སྦྱངས་པས་སྙིང་རྗེ་དེ་ཀས་ཆོས་ཐམས་ཅད་རྣམ་པ་ཐམས་ཅད་དུ་མངོན་པར་རྫོགས་པར་བྱང་ཆུབ་པའམ་སངས་རྒྱས་པ། ༈ །ལོངས་སྤྱོད་ཆེན་པོ་སྒྲུབ་བྱེད་ལ་མ་ི་འཕགས་ཏེ། འཕགས་པའི་སྦྱིན་པའི་ཕར་ཕྱིན་སྔགས་ཀྱི་ཡི་གེར་བརླབས་པ་ཡིན་པས་སོ། །གཟུགས་བཟང་པོ་སྒྲུབ་བྱེད་ལའང་མ་ི་མཆོག་སྟེ། འཕགས་པའི་བཟོད་པའི་ཕར་ཕྱིན་དེར་མཛད་པས་སོ། །སོགས། ༈ །རང་བཞིན་གང་ཁོ་ན་ཕུ་ཐག་

― TN03_Page_0353 ―

^{[མ་དཔེ་གཟིགས་ན་འདིར་གནོན།]}

(༢༩༡)ཆོད་པར་རམ་དཔྱིས་ཕྱིན་པར་མ་རྙེད་པས་ལུས་ཅན་རྣམས་ལས་དང་ཉོན་མོངས་དང་སྡུག་བསྔལ་གྱི་འཁྲུལ་འཁོར་རྒྱུན་མི་འཆད་པ་དང་། བྱིས་པའི་རྒུད་པ་རྣམས་ལས་མི་འདའ་བ་དང་། ཕྱོགས་བཅུར་ཆུ་ཟླ་ལྟ་བུའི་ལས་ཀྱིས་འགྲོ་དོན་བྱེད་པའི་མཐུ་དབང་མི་འཐོབ་པ་དང་། གང་རྟོགས་ཆེད་བྱང་སེམས་རྣམས་དགའ་བ་མཐའ་ཡས་པ་སྤྱོད་པའི་རང་བཞིན་དེ་སེམས་ཅན་ཐམས་ཅད་ལ་ཤིན་ཏུ་བསྟན་པར་བྱའོ་ཞེས་པ་སྐྱོབ་འདོད་ཀྱི་སྙིང་རྗེའི་སྲོག་རེད། ༈ །དྲི་ཟའི་པི་ཝཾ་རྒྱུད་སྟོང་ལྡན་པ་ཡོད་ཀྱང་། མ་བསྐུལ་བར་སྒྲ་མི་འབྱུང་། དེའང་རྒྱུད་གང་དང་གང་བསྐུལ་བ་དེ་ཁོ་ནའི་སྒྲ་དེ་ལས་གཞན་མི་འབྱུང་། དེ་བཞིན་དུ་འཕགས་པ་ལ་ཐུགས་རྗེ་ཆེན་པོ་ཡོད་རུང་། དངོས་གྲུབ་ཀྱི་དོན་དུ་གསོལ་བ་མ་བཏབ་ན་དོན་དེ་མི་འགྲུབ། དེའང་དངོས་གྲུབ་གང་གསོལ་བ་དེ་ཁོ་ན་བཞིན་དུ་ཐུགས་རྗེ་སྨོན་ལམ་གྱི་བྱིན་རླབས་ཀྱི་ཆ་སོ་སོའི་ལག་རྗེས་འབྱུང་བར་གསལ། ༈ །བླ་མ་ཞལ་དངོས་སུ་ཡུན་རིང་མ་མཇལ་བར་སྒུགས་དགོས་བྱུང་ན། ཡུན་རིང་པོར་ད་ངའི་དགེ་བའི་བཤེས་གཉེན་དེ་ནམ་མཐོང་བར་འགྱུར་སྙམ་དུ་དེ་མཐོང་བ་ལ་སྒོམ་པའི་ཡིད་བྱེད་དང་དོན་གཉེར་ཇི་སྙིད་དང་ཅི་ཙམ་མང་དུ་བྱུང་བ་དེའི་ཚོད་ཙམ་གྱི་ཆོས་ཀྱི་སྒྲིབ་པ་འདག་ཅིང་ཆོས་དང་ཆོས་སྨྲ་བས་བྱིན་རླབས་འཇུག་པའི་བསོད་ནམས་ཀྱི་ཕུང་པོ་མཐའ་ཡས་པ་འཛིན་པས། སྟོན་པ་ཡང་དག་

― TN03_Page_0354 ―

^{[མ་དཔེ་གཟིགས་ན་འདིར་གནོན།]}

(༢༩༢)འཇོག་ལ་བཞུགས་པའི་དགོས་ཆེད་ཀྱི་ནང་ན། སངས་རྒྱས་མཐོང་བ་ལ་སྒོམ་པར་བྱ་བའི་ཕྱིར་དང་། ཞེས་ཡོད་ལ། རྟག་ཏུ་དུས་ཆོས་འཕགས་ལོ་བདུན་དུ་མ་མཇལ་བ་ལྟ་བུ་ཡོད། དཔེ་དེ་བཞིན་བསྒྲུབ་པ་པོ་དད་གུས་ཤིན་ཏུ་བརྟན་ཅིང་བློ་མི་འགྱུར་བ་རྣམས་ཀྱིས་མཐོང་བ་ན་དགའ་བ་ཆེས་ཆེར་ལྷག་པར་སྐྱེ་བའི་ཆེད་ཀྱང་ཡིན་ཏེ། སྙན་ངག་མེ་ལོང་མར་རེ་བ་མེད་པའི་དགའ་བ་དང་རེ་བ་དང་བཅས་པའི་དགའ་བའི་རྒྱན་བཤད་པ་ལྟ་བུ། དགའ་བ་ཇི་ལྟར་ལྷག་པ་ལྟར་དེ་ལ་ཡིད་འགྲུས་ཤིང་གཏོད་པའི་གུས་པ་སྐྱེད། སངས་རྒྱས་མཐོང་བ་རྙེད་དཀར་ཤེས་ན་དེ་ལ་གུས་པ་ཆེན་པོ་སྐྱེ་པའང་འདི་འདྲ་ཞིག་རེད། ཡི་དམ་ཡུན་རིང་བསྒྲུབས་ནས་གྲུབ་རྟགས་མ་ཐོན་ན་ཡང་། དེས་སྒྱིད་མི་ལུག་པར་ཕྱི་ཕྱིར་ལྷ་མཆོག་དེས་མངོན་སུམ་རྗེས་འཛིན་ལ་དོན་གཉེར་གྱི་སྒོམ་ཚད་དྲག་པོ་བཅོས་མིན་དུ་འཕེལ་ནས་སྒྲུབ་ལ་བརྩོན་པར་བྱེད་ལ་དེ་ལྟར་བྱས་པས་མ་འོངས་པ་ན་རྨི་ལམ་དང་ཉམས་སྣང་ལྟ་བུ་མིན་པར་མངོན་སུམ་དུ་རྗེས་སུ་འཛིན་པ་དང་། དངོས་གྲུབ་རླབས་ཆེ་ཞིང་གྱ་ནོམས་པ་མང་པོ་དང་སྣ་ཚོགས་པ་དང་ཆེས་བརྟན་པོ་འཐོབ་པ་དང་། གདོན་མི་ཟ་བར་འཐོབ་པའི་དགེ་རྩ་ཡུན་རིང་དང་། །སྟོབས་ལྡན། རྒྱུན་ཆགས་སུ་སོག་ནས་དོན་ཆེན་པོ་ལ་སྦྱོར་བས། སྒྲུབ་པོ་འདོད་ཐག་ཉེལ་སྒྱིད་ལུག་སྐྱེ་བ་འགའི་བསམ་ངོ་དང་བསྟུན་ནས་གྲུབ་པའི་རྟགས་མཚན་ཐན་ཐུན་འགའ་རེ་མྱུར་

― TN03_Page_0355 ―

^{[མ་དཔེ་གཟིགས་ན་འདིར་གནོན།]}

(༢༩༣)དུ་བསྟན་པ་ལས་དེ་ཆེས་ལྷག་པར་སེམས་ཏེ། དཔེར་ན། ཁྱོད་ཀྱིས་སང་གནངས་སྐོར་ལས་སྒུགས་མི་ནུས་ན་རས་སྦོམ་པོ་དང་སྣམ་ཕྲུག་ངན་ངོན་ཁ་ཤས་སྟེར། སང་ཕོད་རྒྱ་མཚོའི་ཚོང་བ་ཐོན་ཐོན་སྒུགས་ནུས་ན་གསེར་སྲང་བྱེ་བ་བརྒྱ་སྟོང་རི་བའི་རིན་པོ་ཆེ་མང་པོ་སྟེར་ཟེར་ན་ཕྱི་མ་ཆེས་དོན་དུ་གཉེར་བྱ་ཡིན་པ་ལྟ་བུའོ། །དཀའ་སྤྱད་ཀྱིས་སྣ་དྲང་ན་དངོས་གྲུབ་ཚན་ཆེ་ལ་མཐའ་བརྟན་པ་ཡོང་བར་བླ་མ་དམར་ཁྲིད་དུ་གསུངས་པའང་དེ་ལྟར་རེད་སྙམ། ༈ །ཕྱག་སྟོང་སྤྱན་སྟོང་གི་མདོར། ཐེ་ཚོམ་ཟ་བ་དང་། འཕགས་པ་ཉིད་ལ་རྩེ་གཅིག་ཡིད་མ་གཏད་ཅིང་མ་དམིགས་པར་བཟླས་ཀྱང་མི་འགྲུབ་གསུངས་ཤིང་། སེམས་རྩེ་གཅིག་ཏུ་མ་བགྱིས་པ་ནི་མ་གཏོགས་སོ། །ཞེས་གཞན་དུའང་གསུངས་པས་སྔགས་ཀྱི་ལྷ་ལས་གཞན་དུ་གཏན་མ་ཡེངས་པར་བཟླ་དགོས། དམར་པོའི་རྒྱུད་དུ། གཞན་དུ་གཡེངས་པའི་སེམས་ཀྱིས་ནི། །བསྐལ་བར་བཟླས་ཀྱང་འབྲས་མི་འབྱིན། །ཞེས་དང་། ཌོཾ་བྷི་པས། སྐད་ཅིག་ཙམ་ཡང་གཞན་གཟུགས་ཀྱིས། །དངོས་གྲུབ་འདོད་པས་གནས་མི་བྱ། །ཞེས་སོགས་མང་ངོ། །ལས་ཚོགས་སྒྲུབ་དུས་སོགས་ལ་ཐེ་ཚོམ་མི་ཟ་བའི་རོགས་སུ། མཁའ་འགྲོའི་རོལ་རྩེད་ལས་བཤད་པའི་སྨྱོན་པ་དང་བུ་ཆུང་གི་སྣང་ཤས་ལ་གནས་པའང་འགྲོའམ་སྙམ། ༈ །མ་ི་ཡིག་འབྲུ་རྣམས་མཁའ་འགྲོ་སྡེ་

― TN03_Page_0356 ―

^{[མ་དཔེ་གཟིགས་ན་འདིར་གནོན།]}

(༢༩༤)ལྔར་སྦྱོར་བ་འོག་ཏུ་བཤད་ལྟར། མཁའ་འགྲོ་སྡེ་ལྔ་འདི་ནི་འབུམ་ཕྲག་ཡངས་པའི་མཁའ་འགྲོ་རིགས་བསྡུས་པ་སྟེ། བདེ་མཆོག་ལས་རི་རབ་སོ་བདུན་རྡུལ་སྙེད་ཀྱི་ཌ་ཀི་ནི་ཐམས་ཅད་སྙིང་པོའི་རྣལ་འབྱོར་མ་བཞི་ལ་འདུ་བར་གསུངས་པའི་བཞི་པོའང་རྡོ་རྗེ་མཁའ་འགྲོ་སོགས་བཞི་པོ་འདི་ཀ་ཡིན་ནོ། །སྨིན་གླིང་གསང་ཡེའི་དབང་ཆོག་ཏུ། གསང་ཡེའི་དབང་ཐོབ་པ་ཁོ་ནས་ཞིང་སྔགས་ལྷན་སྐྱེས་ཀྱི་ཕོ་ཉ་མོ་ཐམས་ཅད་དང་རྟེན་འབྲེལ་འགྲིགས་ཚུལ་གསུངས་ཡོད། མདོར་ན་ཡོ་ག་དང་གསང་འདུས་སོགས་ཐུན་མོང་དུ་གསུངས་པའི་ཡུམ་བཞི་དང་། རྣལ་འབྱོར་གསང་མཐའི་ཐུན་མིན་སྙིང་པོའི་རྣལ་འབྱོར་མ་བཞི་པོ་རིལ་གྱི་སྔགས་ཡིན། དེའང་སྔགས་འདིའི་ཆ་ཤས་ཀྱི་ཡི་གེ་རྣམས་མཁའ་འགྲོ་སྡེ་བཞི་དང་། ཆ་ཅན་སྔགས་ཉིད་གསང་ཡེ་རེད། དེའང་གསང་ཡེ་ཉིད་མཁའ་འགྲོ་མ་སྟོང་ཕྲག་བདུན་ཅུ་རྩ་གཉིས་གཅིག་ཏུ་དྲིལ་བར་ངེས་ཤེས་སྐྱེད་ཅིང་། སྙིང་གར་བཀོད་པའི་ཡིག་དྲུག་ཀྱང་། སྔགས་ཀྱི་གཟུགས་ཅན་རྣལ་འབྱོར་མ། །ཞེས་པ་ལྟར། གསང་ཡེ་དངོས་རང་ཡིན་པའི་ང་རྒྱལ་བཞག་ནས་བཟླས་པས་བསྐུལ་བས། བཟླས་བརྗོད་ལས་སུ་རུང་བ་ན་གསང་ཡེ་ཉིད་འཕགས་པ་དང་ལྷན་ཅིག་རྒྱུད་ལ་ཞུགས་ནས་སམ་སྙིང་གའི་མི་ཤིགས་པ་ལ་ཞུགས་ནས། དེ་ལས་འཕྲོས་ཏེ་ཆགས་པའི་རྩ་ཐིག་རླུང་གསུམ་གྱི་ཆ་ཐམས་ཅད་བྱིན་གྱིས་བརླབས་པར་མཛད་

― TN03_Page_0357 ―

^{[མ་དཔེ་གཟིགས་ན་འདིར་གནོན།]}

(༢༩༥)ནས་འབར་བ་གསུམ་འབྱུང་སྟེ། དེ་མན་ཕག་མའི་ཟིན་ཐོ་ལྟོས། ༈ །མུས་ཆེན་དཀོན་མཆོག་རྒྱལ་མཚན་གྱིས་མ་ི་དུང་ཕྱུར་ལྷག་བཟླས། འཕགས་པ་ཡི་གེ་དྲུག་པ་ཞག་མང་པོར་གཟིགས། ལས་དག་པས་སྤྱན་རས་གཟིགས་དངོས་སུ་མཐོང་བའང་བྱུང་། རྡོ་རིང་བ་ཆེན་པོས་ཀྱང་སྐྱེར་སྒང་བའི་ཡིག་དྲུག་ཉམས་ལེན་མཛད་འཕགས་པ་ལན་གསུམ་མཇལ། ཆེད་དུ་ཐུགས་གཏད་ན་མདུན་གྱི་བར་སྣང་ལ་ཡིག་དྲུག་གི་སྒྲ་མི་བཅུས་བཟླས་པའི་སྒྲ་ཙམ་རྒྱུན་དུ་གསན། གནས་གསར་བ་མཁྱེན་བརྩེའི་ཞབས་ཀྱིས་བྱང་གཏེར་འགྲོ་བ་ཀུན་སྒྲོལ་གྱིས་མ་ི་རིལ་སྒྲུབ་མཛད་པས་རིལ་བུམ་ལ་གཞི་བདག་གཏེར་སྲུང་གིས་སྐོར་བ་བྱེད་པ། རིལ་བུ་དྲིལ་བུ་བདུན་འཕེལ་བ། འཇའ་གུར་དང་མེ་ཏོག་གི་ཆར་པ། གླིང་ཐམས་ཅད་དྲི་བཟང་གིས་ཁྱབ་པ། །རིལ་བུའི་དབང་གི་སྐབས་གཞི་བདག་འབྲོག་པ་བརྗིད་བག་ཅན་གྱི་རྣམ་པས་དངོས་སུ་དབང་ཞུ་བ་སོགས་བྱུང་། སེམས་ཅན་འབུམ་ཕྲག་གསུམ་འཁོར་བ་ལས་སྒྲོལ་བའི་ལུང་བསྟན་གྱིས་བསྔགས། ཡར་འབྲོག་མཚོ་དང་། གནམ་མཚོ་སོགས་ཐམས་ཅད་དུ་རིལ་བུ་འཁྱོལ་གང་ཆེ་མཛད། །ད་དུང་མ་ི་རིལ་སྒྲུབ་གང་མང་མཛད་པར་ཐུགས་འདུན་ཆེན་པོ་འཁྲུངས། རྒྱ་ཡུལ་དུ་ཧ་ཤང་ཊིའུ་ཥན་བྱ་བའི་དགེ་སློང་བཟང་པོ་ཞིག་རྒྱལ་པོའི་བཀའ་ནན་ལྟར་ཁྲི་རིན་ཐང་ཅན་སྤྱད་པས་པུས་མོའི་ལྷ་ངར་ཕོལ་མིག་སྨིན་མ་དང་མིག་དང་

― TN03_Page_0358 ―

^{[མ་དཔེ་གཟིགས་ན་འདིར་གནོན།]}

(༢༩༦)ཁ་སོགས་དོད་པ། ཁར་ཟས་བཅུག་ན་ཟ་བ། ན་ཟུག་བཟོད་བླགས་མེད་པ་ཞིག་བྱུང་སྟེ་ཤིན་ཏུ་གདུངས། དེའི་ཚེ་འཕགས་པ་སྤྱན་རས་གཟིགས་ཀྱི་སྤྲུལ་པའི་ཧ་ཤང་ཞིག་གིས། གོང་མ་ཡུང་གི་དུས་ཧ་ཤང་ཊིའུ་ཥན་འདི་ནང་བློན་གིད་དྷི་དང་། ཕོལ་མིག་ཁྱོད་བློན་པོ་བཞོའུ་ཚིར་གྱུར། གིད་དྷིས་དབྱེན་བྱས་ཏེ་གོང་མས་བཞོའུ་ཚི་བསད། དེ་ཚུན་སྐྱེ་བ་བཅུར་ལན་ཆགས་སྙོགས་ཕྱིར་ཁྱོད་འདིའི་རྗེས་སུ་འབྲངས་ཀྱང་། གིད་དྷི་འགྱོད་ནས་རབ་ཏུ་བྱུང་། དེ་ཚུན་སྐྱེ་བ་ཀུན་ཏུ་ཚུལ་ཁྲིམས་དག་པ་ཤ་སྟག་ཏུ་བརྒྱུད་པས་གླག་མ་རྙེད་ཅེས་དེ་རྣམས་ཨེ་ཡིན་ཞེས་རིམ་པར་དྲིས་པས་ཕོལ་མིག་གིས་ཀྱང་སོ་སོར་ཨང་ཞེས་ལན་བཏབ། ད་རེས་བཅས་འགལ་གྱི་ལྟུང་བ་བྱུང་བས་འདི་ལྟར་གླག་རྙེད་འདུག་ཀྱང་ཁྱོད་ལའང་ལས་འདིའི་འབྲས་བུ་ངན་པ་འོང་བས་ངས་བསྡུམ་པ་ཡིན་གྱིས་སོང་ཞིག་ཅེས་ཆུས་བཀྲུས། རྔ་ཡབ་ཀྱིས་བྱབ་པས་འབག་དོར་བ་ལྟར་ལྷུང་བར་བཤད། ༈ །འགུ་སྔགས་འཆང་རྟར་བས་མ་ི་བུམ་སྒྲུབ་མཛད་པར་ཡང་། དུར་ཁྲོད་མ་གསུམ་གྱིས་མདོང་གསོལ་ཕུལ་བ་སོགས་འཇམ་དབྱངས་མཁྱེན་བརྩེ་དང་མཚུངས་པའི་གྲུབ་རྟགས་ཐོན། མཁན་ཆེན་སྡིང་མ་བ་དང་། རྗེ་དབང་རབ་ཀྱིས་ཀྱང་མ་ིའི་རིལ་བུ་སྒྲུབ་པས་སྔ་མ་དང་ཕྱོགས་འདྲ་བྱུང་། གྲུབ་ཐོབ་འདར་ཕྱར་གྱིས་ཉི་ཕུག་པ་ལས་ཐུགས་རྗེ་ཆེན་པོའི་སྐོར་གསན། ཏི་སེ་དར་ནགས་རྒྱལ་གྱི་གནས་སུ་འཕགས་པའི་ཞལ་

― TN03_Page_0359 ―

^{[མ་དཔེ་གཟིགས་ན་འདིར་གནོན།]}

(༢༩༧)གཟིགས། འདས་དུས་དབུ་ཐོད་ལ་ཡི་གེ་དྲུག་པ་ཕྱེད་སྐྱིལ་དུ་བཞུགས་པ་ཤར། སི་ཏུ་ཆོས་འབྱུང་རྣམ་ཐར་ན། གཞི་བདག་གི་གདུག་རྩུབ་སོགས་ལས་ཐོག་སེར་ནམ་བྱུང་དུ། སྣང་གྲགས་ཐམས་ཅད་ཐུགས་རྗེ་ཆེན་པོའི་ཡོ་ལང་དུ་བལྟས་ནས་མ་ི་བཏོན་པ་ཁོ་ནས་ཞི་བར་བཤད་ལ། ཆུའི་འཇིགས་པས་ཉེན་ཚེ་ཆུ་ལ་ཡིག་དྲུག་བསྒོམ་པས་ཐར་རབས་ལམ་འབྲས་བརྒྱུད་པའི་ལོ་རྒྱུས་ཞིག་ན་ཡོད། དེའི་རིགས་པས། དགྲ་བྱུང་ཚེ་ཅིར་སྣང་འཕགས་པར་ལྟ་ཞིང་། མཚོན་ཆར་པུནྡ་རི་ཀའི་ཕྱག་མཚན་དུ་བལྟས་ལ་ཡིག་དྲུག་བཏོན་པས་དགྲའི་སྡང་སེམས་ཞི། མཚོན་ཁ་སྙོལ། དམེ་འདྲེ་མེད་པ་སོགས་དང་། ཡམས་ནད་ལ། ཅིར་སྣང་འཕགས་པའི་དཀྱིལ་འཁོར་དུ་ལྟ་བ་ཐམས་ཅད་ལ་འདྲ། ནད་མ་ིའི་བདུད་རྩིར་བསམ་པས་ཞི་བ་དང་། དུག་ཞི་བར་ཡང་དེ་བཞིན། དབང་སྡུད་ལ། རྟ་མགྲིན་གྱི། སྣང་བ་ལྷ་ལ་གྲགས་པ་སྔགས། སོས་དབང་སྡུད་དུ་འགྱུར་ལུགས་ཟུར་ཐོ་ཤོག་དྲིལ་ལྟར་ལས། རྟ་མགྲིན་ཞེས་པ་འཕགས་པ་ཞི་བར་འདོན་པ་སྤོས་པས་ཆོག་སྟེ། མདོར་ན་སྣང་སྲིད་སྣོད་བཅུད་འཁོར་འདས་ཐམས་ཅད་བདག་ཐུགས་རྗེ་ཆེན་པོའི་དཀྱིལ་འཁོར་རྟེན་དང་བརྟེན་པ་ཉག་གཅིག་གི་རང་བཞིན་དུ་བསྡུ་ཞིང་རྒྱས་འདེབས་པའོ། །གདོན་འདུལ། རྒྱལ་པོའི་ཆད་པ་ཞི་བ། འབྱུང་བའི་དུག་གཞིལ་བ། ལྷས་ངན་དང་བྱད་བྱུར་

― TN03_Page_0360 ―

^{[མ་དཔེ་གཟིགས་ན་འདིར་གནོན།]}

(༢༩༨)ཆག་སྒོ་ཞི་བ། གཟའ་སྐར་གྱི་གནོད་པ་ཞི་བ། ནང་འཐབ། སྡེ་འཁྲུགས། ཉམས་གྲིབ། མི་ཁ་བྲ་མཆུ། ལྷ་འཁྲུགས། ནད་སྣ་ཚོགས་ཞི་བར་བྱ་བ་སོགས་མཐའ་ཡས་པར་འཕྲུལ་བ་ནི། གཞུང་གི །གང་འདུལ་ཕྲིན་ལས་ལྷུན་གྲུབ་བསམ༔ ཞེས་པར་ཤིན་ཏུ་འབྱོར། ཨ་བ་ཏ་རར། དཔའ་བོའི་རང་བཞིན་གྱི་ང་རྒྱལ་བྱ་བ་སོགས་དྲང་། ༈ །དངུལ་ཆུ་རྒྱལ་སྲས་རིན་པོ་ཆེས། ཆོས་ཉིད་ཐུགས་ཆད་ཐུགས་ཀར་ཐལ་མོ་སྦྱར། །ཐུགས་རྗེ་རྒྱུན་མི་འཆད་པའི་ཕྲེང་བ་འཛིན། །འཁོར་བའི་འདམ་གྱིས་མ་གོས་པདྨ་བསྣམ། །ཞེས་བཀོད་འདུག །འཕགས་མའི་སྙིང་ཏིག་ལས། རང་འཕགས་མའམ་འཕགས་པར་བསྒོམ། ཐུགས་ཀར་ཚེ་དཔག་མེད་དམ་རྟ་མཆོག །དེའི་ཐུགས་ཀར་ཡིག་བཅུའམ། ཡིག་བདུན་བཀོད། དེ་ངག་ཏུ་བཟླ། ཞར་ལ་ཨ་མ་ར་ིའམ། རྟ་སྔགས་བཟླ་ཞེས་དང་། རིགས་པ་དེས་ཁྲོ་བོར་ཡང་འགྲུབ་པས་ཁྲོ་བོའི་ནང་དུ་མ་ི་འདྲེན་ཆོག་པ། ཀུན་མཁྱེན་ཕྱི་མའི་རྒྱུན་ཁྱེར་གཅིག་པུ་མིན་ཡང་ཁུངས་རྙེད་སྣང་། ༈ །གསང་ཡེ་ནི་ཞིང་རྡོ་རྗེའི་གནས་མཆོག་ཨོ་རྒྱན་གྱི་མཁའ་འགྲོ་མའི་ཚོགས་དཔོན་དུ་སྨིན་གླིང་གསང་ཡེ་དང་། བཀའ་གདམས་གླེགས་བམ་སོགས་ན་ཡོངས་གྲགས། དེ་ཡི་གེ་དྲུག་མར་བསྟན་པས་ནི་ལྷ་མོ་ཡི་གེ་དྲུག་མ་ཉིད་ཛམ་གླིང་འདི་ཉིད་ཀྱི་ཨོ་ཊི་ཡ་ན་གསང་སྔགས་ཀྱི་འབྱུང་གནས་ན་སྐུ་དངོས་ཀྱིས་ད་ལྟའང་བཞུགས་ནས་སྒྲུབ་པ་པོ་བྱིན་གྱིས་རློབས་པར་

― TN03_Page_0361 ―

^{[མ་དཔེ་གཟིགས་ན་འདིར་གནོན།]}

(༢༩༩)སྟོན་པས། བྱིན་ཆེ་ཞིང་མྱུར་བར་སྟོན་ཏེ་གལ་ཆེའོ། །ཡབ་ཀྱི་ཐལ་སྦྱར་སངས་རྒྱས་ཐམས་ཅད་བྱང་ཆུབ་སེམས་གཉིས་ཀྱི་དངོས་གྲུབ་དོན་དུ་སྐུལ། ཡུམ་གྱི་ཅང་ཏེ་འུས་ལས་དང་ཡེ་ཤེས་ཕོ་ཉ་མོ་རྣམས་བདེ་ཆེན་སྐྱེད་དང་ཕྲིན་ལས་དོན་དུ་སྐུལ་སྙམ། ༈ །སྐྱེས་རབས་ཀྱི་ཀུན་ཏུ་རྒྱུ་བྱང་ཆུབ་ཀྱི་ཐད་ནའང་སྤྲེལ་ལྤགས་སྤྲུལ་ཞེས་མ་གསུངས་པར་པགས་པའི་ཆེད་དུ་སྤྲེའུ་འདིའང་འཕགས་པའི་ཕྱག་གཡོན་པའི་འོད་ཟེར་ལས་སྤྲུལ་པར་གུར་བཀྲའི་ཆོས་འབྱུང་གི་བརྒྱ་ཉེར་ལྔ་ན་ཡོད། འཇམ་དཔལ་ཕྱག་རྡོར་དབང་བསྐུལ་རེད་རྩ་རྒྱུད་ལས། བྱང་གི་ཕྱོགས་སུ་ནི་བྱང་ཆུབ་སེམས་དཔའ་ལག་ན་པདྨ་འགྲུབ་བོ། །ཞེས་དང་སོགས་བོད་འབངས་སྤྲེལ་ཚ། བོད་རྗེ་ལི་ཙ་བིའི་རིགས་སོ། །བུའི་རིགས་ཀྱི་ཐུན་མིན་གྱི་རྒྱུ་ཕ་རེད་པས་སྤྲེའུ་ལས་མི་སྐྱེ་ཞེ་ན། བདེན་ཡང་། མིའི་འགྲོ་བ་སྔགས་ཀྱིས་སྤྲེའུ་བྱས་པ་ཡོད་ཀྱང་། དེ་འདྲའི་སྤྲེའུ་དེ་བྱོལ་སོང་གི་འགྲོ་བར་བཞག་དཀའ་སྟེ། འཇམ་མགོན་བླ་མ་ཙོང་ཁ་པས་གྲོང་འཇུག་གི་ལུས་གཞན་བླང་བ་སྐྱེ་འཆི་མཚན་ཉིད་པ་མིན་པར་བཤད་པ་ལྟར་ཏེ། དེ་ལྟར་འདིའང་སྤྲེའུའི་གཟུགས་འཛིན་པའི་མིའི་རྟེན་ཅན་དུ་ཁས་ལེན་ནམ་དཔྱོད། དགེ་བསྙེན་དུ་བཤད་པའང་དེ་ལྟར་རོ། །དེའང་ཡིན་ཏེ། སྤྲེའུ་ལྟ་བུའི་མི་ཡོད་པའི་ཕྱིར་ཏེ། དྲང་སྲོང་ཆེན་པོ་རྔ་བོང་བཞིན་ནོ། ༈ །འཕགས་པ་འདི་ལ་འཇིག་རྟེན་དབང་ཕྱུག་ཅེས་འཇིག་རྟེན་གསུམ་གྱི་རྒྱལ་སྲིད་ཀྱི་

― TN03_Page_0362 ―

^{[མ་དཔེ་གཟིགས་ན་འདིར་གནོན།]}

(༣༠༠)དབང་པོར་བསྔགས་ལ། རྒྱལ་པོ་ནི་འཁོར་སྡུད་པས་རབ་ཏུ་ཕྱེལ་སྟེ་སྟེང་ནས་འཇོག་དགོས་ལ། འཁོར་བསྡུ་བའི་སྒོ་ཡོངས་སུ་རྫོགས་པ་ནི་བསྡུ་དངོས་བཞི་ཡིན་པས་བསྡུ་བཞིའི་ལྷའོ། ༈ །རྡོ་རིང་པའི་རྣམ་ཐར་ཚར་ཆེན་གྱིས་མཛད་པ་ལས་རྒྱ་བོད་ཐམས་ཅད་དུ་ཡོངས་སུ་གྲགས་ཤིང་ཡི་གེ་དྲུག་པའི་ཕྲིན་ལས་ཀྱི་རྒྱུན་གྱིས་འཁོར་བ་མཐའ་ཅན་དུ་མཛད་པ་གྲུབ་ཐོབ་ཐང་སྟོང་རྒྱལ་པོར་གྲགས་པ་ཞེས་དང་། གྲུབ་ཐོབ་ཐང་སྟོང་རྒྱལ་པོ་དང་ངེད་དཔོན་སློབ་ཀྱི་རྣམ་ཐར་སུ་ཡིན་གྱི་བློ་ལ་ཤོང་བ་མེད་གསུང་། །ཞེས་སོ། ༈ །འཁྲུལ་ཞིག་སེང་གེ་རྒྱབ་པ་དང་། རིག་འཛིན་བླ་མ་ཀུ་མ་ར་ཛ། གུ་རུ་འོད་གསལ་རང་གྲོལ་སོགས་ཀྱི་རྣམ་ཐར་ནའང་འཕགས་པས་རྗེས་སུ་བཟུང་རབས་ཡོད། ༈ །རྭ་ལོ་རྡོ་རྗེ་གྲགས་པས་ཀྱང་ཡིག་དྲུག་གི་ཕྲིན་ལས་རྒྱ་ཆེར་སྤེལ་ཞིང་། འཕགས་པ་དབུ་གང་ལ་མཆོད་པ་མཛད་སྐབས། ཕྱག་མཆོད་ཀྱི་ཆུ་དྲི་རོ་བཟང་པོར་གྱུར་ཅིང་འཕགས་པའི་ཐུགས་ཀ་ནས་འོད་ཟེར་དཀར་པོ་མ་ིའི་རང་སྒྲ་སྒྲོགས་པ་ཕྱུང་སྟེ། རྭ་ཆེན་གྱི་ཐུགས་ཀར་ཐིམ་པ་ཀུན་གྱིས་མཐོང་བ་དང་། ལྷ་སར་འཕགས་པ་རང་བྱོན་གྱི་ལྔ་ལྡན་མཇལ་ཚེ་དེའི་ཐུགས་ཀ་ནས་ཆོས་རྒྱལ་སྲོང་བཙན་བྱོན་ནས་གདམས་པ་མང་དུ་སྩལ་བ་དང་། རྒྱ་མར་ཆོས་རྒྱལ་སྲོང་བཙན་གྱི་འཁྲུངས་པ་གཟིགས་པ་ལ་གསོལ་འདེབས་མཛད་པས་ལུང་པ་འཇའ་འོད་ཀྱིས་གང་བའི་གསེབ་ནས་དངུལ་གྱི་ཡིག་དྲུག་ཆར་དུ་

― TN03_Page_0363 ―

^{[མ་དཔེ་གཟིགས་ན་འདིར་གནོན།]}

(༣༠༡)འབབ་པ་ཀུན་གྱིས་མཐོང་བ་དང་། ཆེ་གཉན་གྱི་ཡུལ་མཆོག་མང་པོར་དྲག་ལས་མང་དུ་མཛད་པའང་འཕགས་པ་སྤྱན་རས་གཟིགས་ལས་མངོན་སྤྱོད་ཀྱིས་འགྲོ་དོན་བྱེད་པར་གནང་བ་ནོད་ནས་བྱས་པ་ཡིན་པར་བཤད་པ་སོགས་མང་། ༈ །དམ་པ་དམར་པོ་བྱིས་པའི་དུས་བྲ་མའི་ནང་དུ་ཁྱི་སྨྱོན་རོ་བསྲེགས་པས་ཀླུ་ནད་བྱུང་། ཕྱིས་རྡོ་རྗེ་གདན་པ་ལ་སྒོམ་ལུང་ཞུས། ཟླ་བ་གཅིག་ཏུ་མ་ི་བཟླས་པས་རྨི་ལམ་དུ་སྡིག་སྤྲུལ་མང་པོ་ལུས་ལས་ཐོན་པ་རྨིས། མལ་ཆུ་སེར་གྱིས་གང་། ཡིད་དངས་སིང་བ་བྱུང་། ཤ་རོ་དང་བལ་ལྡོག་སོགས་ཀྱང་མི་འདུག །གྲུབ་རྟགས་ནུས་པ་ཆེར་ཐོན། ༈ །བྱང་སེམས་ཟླ་རྒྱལ་གྱི་སློབ་མ་སྐྱི་ཚ་འོད་འབྱུང་གི་སློབ་མ་ཞང་དབུ་དཀར་བས་ཐུགས་ཆེན་དམར་ཁྲིད་ཀྱི་སྔོན་འགྲོའི་མ་ི་ལ་ནུས་པ་རྙེད་ནས་ལྷ་འདྲེ་ལ་ཕྲིན་བཏང་བས་ཆོག་པ་དང་བདེན་ཚིག་གྲུབ་པ་བྱུང་། འདིའི་སློབ་བརྒྱུད་ལ་འཕགས་པའི་ཞལ་མཐོང་མང་དུ་བྱུང་། ༈ །གཙང་པ་རྒྱ་རས་གཤེགས་ཚེ་སྒལ་ཚིགས་ལ་སྤྱན་རས་གཟིགས་ཀྱི་སྐུ་ཉེར་གཅིག་ཕེབས། ༈ །བྱ་ཡུལ་བའི་ཐུགས་སྲས་གཙང་པ་རིན་ཆེན་རོ་སྟོད་ཆེར་བསྙུང་ཚེ། མི་དཀར་པོ་རལ་པའི་ཐོར་ཅོག་ཅན་ཞིག་གིས་རིལ་བ་སྤྱི་བླུགས་ནས་བདུད་རྩི་བླུགས་པས་ནང་ཐམས་ཅད་གང་བའི་སྣང་བ་བྱུང་ནས་དྭངས། བཀའ་གདམས་པ་ཞིག་མཛེས་བསྙུང་བས་ཅིས་ཀྱང་མ་ཕན་ནས། ད་ང་རང་མི་ཁྱུ་ནས་

― TN03_Page_0364 ―

^{[མ་དཔེ་གཟིགས་ན་འདིར་གནོན།]}

(༣༠༢)བུད་ངོ་ཤེས་པར་བྱས་ཏེ་ཀྱི་མོ་རྫ་འཕྲང་གི་འོག་དེར་ལམ་ཟན་ལ་བརྟེན་ནས་བསྡད་དེ་མ་ི་བགྲང་ལ་ཚེ་བསྐྱལ་ལོ་སྙམ་དུ་ཐག་བཅད་པས་དེ་ནུབ་རང་ཁོང་ཆུས་ཁྱེར་བ་ལས་མི་དཀར་པོ་ཞིག་གིས་བཏོན་ནས་བྲག་ཐོག་ཅིག་ཏུ་བཞག་པས་ལུས་ལས་ཆུ་མང་པོ་ཟག་པ་རྨིས་ནས་སད་པ་དང་མལ་ཐམས་ཅད་ཆུ་སེར་གྱིས་གང་ནས་འདུག་སྟེ་མཛེ་ནད་ཡུལ་ཐོན་ཞེས་རྒྱལ་སྲས་རིན་པོ་ཆེས་གསུངས། ཆོས་རྗེ་དོན་གྲུབ་རིན་ཆེན་གྱིས་གྲྭ་སར་སློབ་གཉེར་མཛད་དུས། ཆོས་ཀྱི་གྲགས་པའི་རིག་གཞུང་གི་གནད་ཕྲ་བ་འཆར་དཀར་བར་བྱུང་བས། ཞྭ་ལུའི་ཐུགས་རྗེ་ཆེན་པོའི་རྡོ་སྐུ་རང་བྱོན་དེ་ལ་སྐོར་བ་མང་པོ་མཛད་དེ་གསོལ་བ་བཏབ་པས། དེའི་མོད་ལ་བློ་གྲོས་ཀྱི་མཐུ་ཆེན་པོ་སྐྱེས་ཏེ། ཀུན་མཁྱེན་བུ་སྟོན་རིན་པོ་ཆེའི་སྤྱན་སྔར་ཡང་མཁས་གྲགས་ཀྱི་རྒྱལ་མཚན་ཐོབ། ༈ །ད་ལྟའི་ཨ་བཟང་རྡོར་གྲགས་ཀྱི་ཨ་ཕྱི་དེ་ལོ་ཉི་ཤུའི་ནང་མིག་ལོང་། མ་ི་འབད་ནས་བཟླས་པས། ལོ་བཞི་བཅུ་སྐོར་ན་མིག་ཕྱེ་སྟེ་སྔོན་བཞིན་གྱུར། རྫོང་མདའི་མི་ཞིག་གི་མིག་ལོང་། མ་ི་རྩེ་གཅིག་བཏོན་པས་ནམ་ཞིག་འཆིར་ཉེ་དུས། ཁྱེའུ་དཀར་པོ་ཞིག་གིས་ལག་ནས་ཁྲིད་དེ་ལམ་དཀར་པོ་ཞིག་རི་རྩེར་ཟུག་པ་ནས་ཕར་ཕྱིན། རི་རྩེར་ས་ཕྱོགས་སྐྱིད་ཉམས་ཅན་ཞིག་ཏུ་སླེབས་པ་རྨིས། །ཕྱིར་ཉིན་ཚེ་འཕོས། མགར་སྐོར་གྱི་ཁང་སྲུང་མི་སྐྱ་རྫུན་མེད་ཞིག་གིས་མ་ི་ཁོ་ན་བཏོན་པས། ཁང་པ་དེར་མི་གཞན་མེད་དུས་ཕལ་ཆེ་བར་

― TN03_Page_0365 ―

^{[མ་དཔེ་གཟིགས་ན་འདིར་གནོན།]}

(༣༠༣)ཁྱེའུ་དཀར་པོ་ཞིག་འོང་ནས་མི་རྒན་ཁོ་རང་ལ་དགའ་ཉམས་སྟོན། ཁོ་ཁང་པའི་སྒོའི་ཐང་ན་གཅིག་པོར་བསྡད་དེ་སྐད་རྒྱང་མཐོན་པོས་མ་ི་འདོན་དུས་ཚོར། ཁང་པའི་སྐར་ཁུང་ནས་ཁྱེའུ་དེས་བཞིན་བསྟན་ནས་དགོད་ཅིང་མ་ིའི་འུར་རྒྱངས་བྱེད་པ་བྱུང་ཟེར་ཏེ། འཕགས་པ་ཡིན་འདྲ་ཡང་ཁོ་རང་གིས་ནི་འདི་ཚང་གི་ཁྱིམ་ལྷ་ཨི་མི་ཡིན་ཞེས་ཟེར། ཁྲ་སྐྱབ་ཚེ་གཟུང་གི་མེས་པོས་མ་ི་འབད་པས་བཏོན་པས་ཡང་ཡང་རྨི་ལམ་དུ་ཁྱེའི་དཀར་པོས་གཅེས་ཉམས་སྟོན་པ་མཐོང་། འདི་རིགས་མི་ནག་ཕོ་མོས་བཏོན་པའི་མཐུ་རེད། འབྲི་ཁོག་གཤེད་མི་རྒན་དད་ཅན་ཞིག་གིས་མ་ི་ཁོ་ན་བརྩོན་པ་ཆེན་པོས་བཟླས་པས་ཁོ་ཤི་ནས་ཡུན་རིང་བར་དུ་སྔོན་མལ་བཅས་ཤུལ་དེའི་ཉེར་ཁོར་ནས་མ་ིའི་རང་སྒྲ་ཁོར་ཡུག་ཏུ་གྲགས་པ་བྱུང་། འདིའི་སྐྱེ་བ་དེ་མ་ཐག་པ་རྗེ་དཔོན་ཀུན་གྲོལ་རྣམ་རྒྱལ་ཡིན་པར་བཤད། ༈ །ཐུགས་རྗེ་ཆེན་པོའི་སྒྲུབ་པས་ནི། དེ་པ་ཐམས་ཅད་ཀྱི་ཐུགས་རྗེ་ཕྱག་ན་རྡོ་རྗེ་གྲུབ་ཟེར་བ་ལྟ་བུ། འགྲུབ་ཡོང་བ་སྟེ། དེ་པ་ཐམས་ཅད་ཀྱི་བདག་ཉིད་སྤྱན་རས་ཀྱིས་བཙའ་བའི་དངོས་གྲུབ་སྒྲུབ་པ་ཞེས་སྣང་། ༈ །ཛམ་བུ་གླིང་པ་འོད་གསལ་གྱི་ལྷའི་རྒྱུད་ལས་མཆེད་ཀྱང་སྤྱིར་བཏང་ཡིན། དམིགས་བསལ་དུ་བོད་མི་ལ་རྗེ་འབངས་གཉིས་ལས་འབངས་རྣམས་ནི་ཐུགས་རྗེ་ཆེན་པོའི་མི་རྒྱུད་ཡིན་ཏེ། སྤྱན་རས་གཟིགས་དང་སྒྲོལ་མ་སྤྲེའུ་དང་བྲག་སྲིན་དུ་

― TN03_Page_0366 ―

^{[མ་དཔེ་གཟིགས་ན་འདིར་གནོན།]}

(༣༠༤)སྤྲུལ་པ་འདུས་པའི་ས་བོན་ལས་གཅིག་ནས་གཅིག་ཏུ་བརྒྱུད་པའི་རྒྱུན་ལ་བྱུང་། མ་ི་འདོན་མཁན་གྱི་དབུགས་ཀྱིས་ཕོག་ཚད་རྣམ་པར་གྲོལ་བའི་སྐལ་བ་ཅན་དུ་འགྱུར་ཞིང་། མ་ི་པ་དེའི་བདུན་བརྒྱུད་ཚུན་ཆད་རྙེད་པ་ལེགས་པར་རྙེད་པ་དང་ཡིད་བཞིན་གྱི་ནོར་བུ་འཛིན་པར་མདོ་སྡེ་ཟ་མ་ཏོག་ལས་བཀའ་སྩལ་བས་མ་ི་པ་གཅིག་ཁོ་ནའི་བྱིན་རླབས་ཡོན་ཏན་ཡང་དེའི་མི་རབས་མི་བརྒྱུད་ཐམས་ཅད་ལ་སྤང་ལ་མེ་ཤོར་ལྟར་མཆེད་འགྲོ་ན་སྤྲེལ་སྒོམ་ལྟ་བུ་འཕགས་པ་དངོས་ཀྱི་རྣམ་འཕྲུལ་ལྟ་ཅི་སྨོས། དེས་ན་རང་ཅག་ལ་འཕགས་པའི་རབ་གནས་ཆགས་སླ་སྟེ། ཆུ་ལས་བྱུང་བའི་ལན་ཚ་ཆུ་ཉིད་དུ་ཞུ་བའི་ཚུལ་དུ་སྒོ་གསུམ་འཕགས་པའི་གསང་བ་གསུམ་དུ་འགྲུབ་པ་ལ་ཚེགས་མེད། བོད་འབངས་འཚོ་བའི་ལོ་ཏོག་གི་ཁྱད་པར་རྣམས་ཀྱང་འཕགས་པས་འབྲུ་སྣ་བདུན་བོད་དུ་གཏོར་ནས་སྨོན་ལམ་བཏབ་པ་ལས་བྱུང་བས་སྤྱན་རས་གཟིགས་ཀྱི་སྨོན་ལམ་ལས་བྱུང་བའི་ཁ་ཟས་ཅན་ཤ་སྟག་གོ །དེས་ན་འཕགས་པ་ལ་སྔོན་ལས་འབྲེལ་ཐོགས་ངེས་མིན་པ་བོད་ཡུལ་གྱི་མིར་མི་སྐྱེ། ལས་འབྲེལ་ཆེ་རྟགས་སུ་བྱིས་པ་ལོ་གསུམ་པ་རྣམས་ཀྱང་མ་ི་འདོན་ཤེས། སྐྱེ་བོ་ཡི་གེ་མི་ཤེས་པ་ཡང་མ་ི་རྐོ་ཤེས། སྤྲང་ཕྲུག་ལྟོ་སློང་བ་ཡང་མ་ི་ལ་ངོ་ཆེན་སྒྲོན། མི་ནག་ཆོས་དྲན་ཡང་མ་ི་སྣ་ལ་འོང་བ་སོགས་ལྟ་ས་ན་ཡོད་པས་ཀྱང་ཆོག །དེ་ལྟར་སྔོན་གྱི་ལས་འཕྲོ་ཡོད་པས་འདི་ལྷ་སྔགས་

― TN03_Page_0367 ―

^{[མ་དཔེ་གཟིགས་ན་འདིར་གནོན།]}

(༣༠༥)གཞན་དང་མི་འདྲ་བའི་ཏིང་འཛིན་མེད་པར་ཁ་ཙམ་ཚིག་ཙམ་གྱིས་མ་ི་བཏོན་བསྡད་ཀྱང་བྱིན་རླབས་འཇུག །སྔགས་གཞན་མང་དུ་བཟླས་པ་བས་མ་ི་ལན་རེ་བཟླས་པ་བྱིན་རླབས་ཆེ་ཞེས་དཔལ་སྤྲུལ་རིན་པོ་ཆེ་གསུང་། དེ་ལྟར་བོད་འབངས་ལ་སྤྱན་རས་གཟིགས་ལ་བརྟེན་པའི་སྤྱི་མཐུན་གྱི་བསོད་ནམས་ཆེན་པོ་ཡོད་པའི་དབང་གིས། འཕགས་པ་ཉིད་སྲིད་སྐྱོང་རྒྱལ་པོའི་རྣམ་པར་དངོས་སུ་བྱོན་ཏེ་ཐུགས་དམ་གྱི་ལྷར་གསོལ་འདེབས་མཛད་དུས་ཚུན་ཆད་ལ། ངའི་བོད་འབངས་རྣམས་ལ་ཐུགས་རྗེས་གཟིགས་ཤིག །ཅེས་གསུངས་ཏེ། མི་བདག་བྱམས་པའི་སྟོབས་ཀྱི་སྐྱེས་རབས་བཞིན། དེ་ལྟར་བདག་ཏུ་བཟུང་ཚད་འཕགས་པའི་མིར་སོང་བ་ཡིན་པས་ཤིན་ཏུ་ཉེ་བ་ཤེས་སླ། སྤྲུལ་པའི་རྒྱལ་པོ་དེས་མ་འོངས་པའི་བོད་འབངས་རྣམས་ལའང་རང་ཉིད་དངོས་སུ་བཞུགས་པ་དང་རྣམ་དབྱེར་མེད་པའི་བྱིན་རླབས་མཛད་ཕྲིན་འཇུག་ཆེད་ཉིད་ཀྱི་སྐུ་འབག་ཏུ་རང་བྱོན་བཅུ་གཅིག་ཞལ་བཞེངས་ནས་ཡབ་ཡུམ་གསུམ་ཀ་དེར་ཐིམ་ཞིང་། སླར་ཐུགས་ཀ་དང་ནུ་མ་ལས་དབུ་ཉུག་མཛད་དེ་ཞལ་ཆེམས་ཡང་སྩལ་བས་ཆོས་རྒྱལ་ཡབ་ཡུམ་དངོས་ཀྱི་འདུ་ཤེས་བརྟན་པར་མཛད། གཞན་ཡང་དམར་པོ་རིའི་རང་བྱོན་ལོ་ཀི་ཤྭ་ར་དང་། དེ་གར་བཞུགས་སུ་ཞལ་གཟིགས་ནས་བོད་འབངས་ཀྱི་ཆེད་དུ་ངོ་ཆེན་ཞུ་བའི་ཚུལ་ཅན་སྲོང་བཙན་ང་འདྲ་མར་གྲགས་པ་དེང་སང་

― TN03_Page_0368 ―

^{[མ་དཔེ་གཟིགས་ན་འདིར་གནོན།]}

(༣༠༦)ཇོ་ཁང་སྟེང་ན་བཞུགས་པ་དང་། ཡར་འཕྲང་གི་ཡི་གེ་དྲུག་མ་དང་། ཚེ་ཆུ་འབུམ་པར་ཆུ་ཤེལ་གྱི་འཕགས་པ་རང་བྱོན་ཡོད་པར་བཤད། རྒྱ་ནག་པདྨེ། ཡིད་ལྷུང་དུ་མ་ི་གད་མགོར་གྲགས་པ། ཁྲོ་སྐྱབས་འཕགས་པ་རང་བྱོན་སོགས་ཀྱང་བོད་འབངས་སྤྱན་རས་གྱིས་འཚོ་བའི་རྗེས་དྲན་གྱི་མཚན་མ་དང་། ཐ་ཚིག་མི་འགྱུར་བའི་དོན་རྟགས་ཡིན། དེ་འདྲའི་རྟེན་འབྲེལ་གྱིས་གངས་ཅན་མཐའ་དབུས་ཀྱི་མི་ཐམས་ཅད་ད་དུང་ལྷ་ས་ལ་མཇལ་ཕྱག་སྐོར་བ་དང་མཆོད་པ་དང་སྨོན་ལམ་གྱི་འབྲེལ་བ་འཇོག་ཏུ་འགྲོ་ཞིང་། ཕྱོགས་ཞེན་མོས་དུང་ཁྱབ་གདལ་དུ་ཆེ་བ་དང་། མཐའ་དབུས་ཀུན་ཏུ་ཆོས་དང་ཟང་ཟིང་གི་དཔལ་འབྱོར་འབྱུང་བའི་རྩ་བའི་ཁུངས་ཀྱང་ལྷ་ལྡན་ཡིན་པ་སོགས་སྲོང་བཙན་དངོས་བཞུགས་དུས་དར་འགྲོ་དོན་ཕྲིན་ལས་ཕྱོགས་མཚུངས་པ་མཐོང་ཆོས་ལ་ཡོད། མདོར་ན་རང་ཅག་བོད་འབངས་རྣམས་སྤྱན་རས་གཟིགས་ཀྱི་མི་རྒྱུད་ཡིན་ཅིང་། གོང་རྗེར་བཅུ་གཅིག་ཞལ་དངོས་རང་བཞུགས་པས་དུས་ཀྱི་མཐར་ཡང་མ་ིའི་ནུས་པ་དང་ཡོན་ཏན་རིག་སྔགས་གཞན་དང་མི་མཉམ་པར་ཐོགས་མེད་དུ་འབྱུང་བ་ཡིན་ནོ། །བོད་འདིར་དམ་པའི་ཆོས་ཀྱི་དབུ་ཡང་མདོ་སྡེ་ཟ་མ་ཏོག་ནས་བརྙེས་པ་དང་། སྤྲུལ་པའི་རྒྱལ་པོས་ཕྱོགས་འདིར་རྒྱལ་བསྟན་རིན་པོ་ཆེའི་གཡང་འཁོར་ཆེད་ཤཱཀྱ་མུ་ནེ་མཆེད་གཉིས་སྤྱན་འདྲེན་པ་དང་། ནག་ཕྱོགས་ཀྱི་འབྱུང་པོ་མང་

― TN03_Page_0369 ―

^{[མ་དཔེ་གཟིགས་ན་འདིར་གནོན།]}

(༣༠༧)པོ་འདུལ་བ་དང་། གཙུག་ལག་ཁང་ཐོག་མར་རྩིགས་པའི་ས་འཚོལ་བ་དང་རྨིང་འདིད་བ་ལ་སོགས་པའི་མཛད་ཆེན་ཐམས་ཅད་འཕགས་པ་ཁོ་ན་ལ་གཞི་རྟེན་དང་སྲོག་ཤིང་བཅོལ། དེའི་སྒོ་ནས་ཁོག་ཕུབ་སྟེ་མཛད་པའང་འདི་བོད་ཀྱི་ལྷ་སྐལ་དང་། བོད་འདིའི་གདུལ་ཞིང་ཡིན་པའི་གནད་ལ་གཟིགས་ནས་ཡིན་ཅིང་། ཕྱིས་རྒྱ་གར་གྱི་པ་གྲུབ་གནམ་གྱི་སྐར་མ་ལྟར་མང་བའི་ནང་ནས་བོད་དུ་བསྟན་པའི་སྲོལ་འབྱེད་མཁན་ལ་རིག་འཛིན་ཡོངས་འདུས་ལས། སྤྱན་རས་གཟིགས་དབང་སྲོང་བཙན་སྒམ་པོ་ཉིད། །དྷ་ན་ཀོ་ཤར་སྐུ་རུ་སྤྲུལ་མཛད་དེ། །ཞེས་དང་། ལོངས་སྐུ་ཐུགས་རྗེ་ཆེན་པོ་སྤྲུལ་སྐུ་པདྨ་འབྱུང་གནས་ཞེས་མང་པོ་ལས་གསུངས་པ་དང་། །བཀའ་རྩིས་དང་རྒྱལ་པོ་བཀའ་འབུམ་སོགས་མཐའ་ཡས་པ་ནས་གསུངས་པ་ལྟར་སྤྱན་རས་གཟིགས་ཉིད་རིག་འཛིན་སློབ་དཔོན་གྱི་གཟུགས་སུ་བྱོན་པ་གུ་རུ་པདྨ་དང་། དེ་དང་ཐུགས་རྒྱུད་གཅིག་པར་བཀའ་གདམས་གླེགས་བམ་ནས་གསུངས་པའི་དཔལ་ལྡན་ཞི་འཚོ་གཉིས་པོ་རང་བྱུང་བ་དང་། བསམ་ཡས་བཞེངས་དུས་ཀྱང་ཐོག་མར་སྤྱན་རས་གཟིགས་དང་སྒྲོལ་མའི་ལྷ་ཁང་མ་བཞེངས་བར་དུ་བརྩིགས་མི་བཏུབ་ཅེས་གསུངས་ནས་ཨརྱ་པ་ལོའི་གླིང་བརྩིགས་པ་དང་། ཁྲི་སྲོང་དང་རལ་པ་ཅན་སོགས་ཀྱིས་ལྷ་ཁང་ནམ་བཞེངས་སུ་བར་ཆད་མེད་ཅིང་བྱིན་ཆགས་

― TN03_Page_0370 ―

^{[མ་དཔེ་གཟིགས་ན་འདིར་གནོན།]}

(༣༠༨)བཀྲ་ཤིས་འབྱུང་ཆེད་སྲོང་བཙན་གྱི་ཕྱག་རྗེས་ར་ས་ལ་བཟོ་ཕུད་ཕུལ་ནས་བཞེངས་པ་དང་། གུ་རུ་རིན་པོ་ཆེས་གསང་སྔགས་སྟོན་དུས་སྤྱི་ཁྱབ་ལ། བོད་ཀྱི་བླ་མའི་སྐལ་བ༴ །ལྷ་སྐལ་ཇོ་བོ༴ །ཞེས་དང་། མཚན་མོ་བྱུང་རེས་པདྨ་ང་ཉིད་སྒོམཿ །རང་གི་དོན་དུ་བཛྲ་གུ་རུ་སྒྲོངསཿ །ཉིན་མོ་འཕགས་པ༴ །སེམས་ཅན་དོན་དུ་མ་ི་ཞེས་གསུངས་ཤིང་། གུ་རུས་བོད་སྤྱི་ཁྱབ་ལ་གདམས་པ་ཡ་གི་ཐམས་ཅད་སྲིན་ཡུལ་བཞུད་ཀ་གནང་བ་ཁོ་ན་རེད། སྲིན་ཡུལ་བཞུད་ཀའང་སྤྱི་ཁྱབ་ལ་ཡིག་དྲུག་གི་ཕན་ཡོན་གསུངས། གཏེར་ཆོས་རྒྱ་ཆེ་བ་སྒྲུབ་སྡེ་བརྒྱད་དང་། ཡན་ལག་ལས་ཚོགས་རབ་འབྱམས་སོགས་ཀྱི་གནད་བསྡུས་སྙིང་པོ་བླ་རྫོགས་ཐུགས་གསུམ་ཞེས་འབྱུང་ཞིང་། དེ་གསུམ་མ་ཚང་ན་གཏེར་ཆེན་མིན་ཞེས་གཏེར་ཆོས་ཀྱི་སྐབས་སུའང་སྲོག་གི་དབང་པོ་ལྟ་བུར་བསྔགས་པ་དང་། ཆོས་དབང་རིན་པོ་ཆེ་དང་རྗེ་ཐང་སྟོང་པ་རད་གླིང་སོགས་ཀྱིས་ཡིག་དྲུག་རྒྱ་ཆེར་སྤེལ་ཞིང་མ་ིའི་རིལ་སྒྲུབ་ཀྱི་རྒྱུན་བཙུགས་པ་དང་། ཇོ་བོ་རྗེ་ལྷ་ཅིག་གི་གསང་ཆོས་བཀའ་གདམས་སྙིང་པོའི་མན་ངག །བསྟན་པ་བསྟན་འཛིན་དང་བཅས་པའི་བློ་རྡོ་ལྟ་བུར་བསྔགས་པ་ཐིག་ལེ་བཅུ་དྲུག་ཀྱང་ཐུགས་རྗེ་ཆེན་པོའི་སྒྲུབ་ཐབས་རང་ཡིན་པ་དང་། མངའ་བདག་ཉང་དང་ཆོས་དབང་རིན་པོ་ཆེས་ལྷ་སར་མར་མེའི་མཆོད་རྒྱུན་བཙུགས་པ་དང་། རྗེ་བཙུན་ཙོང་ཁ་བས་མགོན་པོ་འཇམ་དབྱངས་ཀྱི་བཀའ་བཞིན་མཛད་ཆེན་བཞིའི་ཆེ་

― TN03_Page_0371 ―

^{[མ་དཔེ་གཟིགས་ན་འདིར་གནོན།]}

(༣༠༩)ཤོས་སྨོན་ལམ་ཆེན་མོའང་སྲོང་བཙན་གྱི་དངུལ་དམ་རྟ་མགོ་མ་གཏེར་བཞེས་སོགས་དང་འབྲེལ་བར་ལྷ་སའི་ཞབས་ཏོག་ཏུ་མཛད་པ་སོགས་མཐའ་ཡས་པ་ཞིག་རྒྱུ་མཚན་དེའི་སྟེང་ནས་བཤད་པར་བྱའོ། །དེ་ལྟར་རང་དང་སྔོན་བསོད་ནམས་ཀྱི་ལས་འབྲེལ་ཆེ་བའི་ལྷ་དང་ཆོས་ཤིག་བསྒྲུབས་ནས་རླན་ཤས་ཆེ་སར་ཆུ་ཕོ་བ་དང་འདྲ་བར་སྔོན་དང་ད་ལྟའི་ལས་གཉིས་གཅིག་དཔུང་གཅིག་གིས་བྱས་ནས་འགྲུབ་ཐག་ཉེ། འོན་ཀྱང་ཀོ་སྐམ་སྙུང་བུས་ཕུག་པ་ལྟར་མིག་ཧུ་རེ་བའི་སྒྲུབ་འབྲས་དགོས་ན་ནི་དེ་གཉིས་ནང་འཛོམ་ཙམ་གྱིས་ཀྱང་མི་ཆོག་གི་ལྷ་སྔགས་གཅིག་པོ་དེར་རྩེ་གཅིག་ཏུ་ཕུར་ཚུགས་སུ་གཏད་ནས་བྱ་དགོས། གང་ཟག་སྒོས་བཙན་ལ་འཕགས་པ་དང་སྔོན་འབྲེལ་ཡོད་པས་མ་ི་བཏོན་ན་སྟོབས་ཆེ་བ་དང་། འཕགས་པ་ལ་བསྐྱེད་པའི་སྤྱི་མཐུན་གྱི་བསོད་ནམས་ཀྱི་དབང་གིས་ཡུལ་དུས་འདིར་བཙུགས་འགྲུབ་ཐག་ཉེ་བ་དོན་མི་གཅིག་པས་ཕྱི་མ་འདི་ཡང་གནད་དམ་པ་གཅིག་ཏུ་བཟུང་ངོ་། །ཆོས་ཡང་དག་པར་སྡུད་པ་སོགས་མདོ་སྡེ་དུ་མར་རྗེ་བཙུན་འདི་སོགས་བྱང་སེམས་ཀྱི་ཚོགས་ལ་ཆོས་ཀྱི་མཛོད་གཏད་དེ་ལྔ་བརྒྱ་པ་ཐ་མ་ལ་ཛམ་བུའི་གླིང་དུ་རྒྱས་པར་བྱོས་སོགས་དང་། དེའི་རྒྱུ་མཚན་བྱམས་པ་སེངྒེའི་སྒྲའི་མདོར་འཆིར་ཉེ་བ་དང་མི་ཚེ་རིང་ལ་ནོར་བཅོལ་བའི་དཔེས་བསྟན་ནས་གདུལ་བྱའི་ལྷག་མ་སྐྱོང་བར་བཀའ་

― TN03_Page_0372 ―

^{[མ་དཔེ་གཟིགས་ན་འདིར་གནོན།]}

(༣༡༠)བསྒོས། རི་བོ་ཏ་ལའི་ལམ་ཡིག་སོགས་ལྟར་ད་དུང་གླིང་འདིར་བཞུགས་པ། སྟོན་པ་ལམ་གྲོགས་ཀྱི་འཕྲོས་ཟུར་བྲིས་སོགས་བསྒྲིགས་ན་སྤྱི་དཔོན་ཚངས་རྒྱལ་བ་པ་མི་མཇེད་བདག་པོ་འདྲ་བ་དེ་ལས་ཀྱང་སྒོས་དཔོན་མིའི་ཆོས་རྒྱལ་རྒྱལ་སྲས་འདྲ་བ་འདི་མཇལ་བདེ་འདྲིས་སླ་ཞུ་ལམ་བཙལ་སླ་བ་འདྲ། སྔར་བཤད་དེས་ན་རང་ལ་ཐུགས་རྗེ་ཆེན་པོའི་བུ་རྒྱུད་དང་། ཐུགས་རྗེ་ཆེན་པོ་ལ་ཕ་མེས་ཀྱི་འདུ་ཤེས་བསྐྱེད་དེ། སྙིང་ཉེ་ལྷན་ནེ། ཡིད་དུང་དུན་ནེ་བ་བྱ་སྟེ། སངས་རྒྱས་ཀྱི་ཐུགས་ལ་ཉེ་རིང་མེད། མཐའ་གཅིག་ཏུ་ཉེ་བ་རྐྱང་ཡིན་ཡང་། རང་གི་འདུ་ཤེས་འཇོག་ལུགས་ཀྱིས་ཉེ་རིང་ལྟར་འགྱུར་བས་འགྲུབ་ཐག་ཉེའོ། །གཞན་ཡང་། ལས་ལྔ་དག་གི་རྒྱལ་སྲས་རྣམས། །སེམས་ཅན་ཕ་དང་འདྲ་བ་ཞེས་པའང་དྲན་པར་བྱའོ། །ལྔ་པོའི་ནང་དེར། སངས་རྒྱས་ལ་ནི་གསོལ་བ་དང་། །ཞེས་ཡོད་པ་ཐལ་མོ་སྦྱར་བའི་ཕྱག་གི་གོ་དོན་དང་མཐུན། འདི་དང་བགྲང་ནོར་གྱིས་སངས་རྒྱས་ཐམས་ཅད་ཀྱིས་མགོ་ལ་ཕྱག་གིས་དབང་བསྐུར་བར་གསུངས་པ་ཟ་མ་ཏོག་གི་མདོར་ཡིག་དྲུག་ཟློ་བའི་ཕྱོགས་དེར་སངས་རྒྱས་མང་དུ་འདུ་བར་གསུངས་པ་བཞིན་ཏེ། དམ་ཆོས་པད་དཀར་གྱི་གངྒ་རེ་གཉིས་ཀྱི་བྱེ་སྙེད་ཀྱི་རྒྱལ་བ་མཆོད་པ་སོགས་ལས་འཕགས་པ་འདིའི་མཚན་བརྗོད་པ་ལྷག་པར་བསྔགས་པ་དང་། རྟོག་གེ་འབར་བར་ཕར་གྱུར་པའི་ཕྱིར་དང་སོགས་

― TN03_Page_0373 ―

^{[མ་དཔེ་གཟིགས་ན་འདིར་གནོན།]}

(༣༡༡)ཀྱང་འདིར་མཁོ། རྟ་མགྲིན་རྟ་སྐད་ཀྱིས་མཁའ་འགྲོ་དམ་ཅན་སྡུད་པའི་དོད་དུ། འདིའི་ཤེལ་ཕྲེང་སོགས་ལ་དམིགས་ནས་མ་ི་བཟླས་པས་དེའི་མདོ་ཁོ་ནར་གངྒའི་བྱེ་སྙེད་ཀྱི་དེ་བཞིན་གཤེགས་པའི་ཐུགས་རྗེ་་འཁུལ་ཏེ། དེ་རྣམས་ཀྱིས་ལྷག་པར་དགོངས་ཤིང་བྱིན་གྱིས་རློབས་པ་ཉིད་ཡིན་ཏེ། དེ་ལྟར་དགོངས་ཤིང་བརླབས་པས་རྨི་ལམ་དུ་ཡང་རྒྱལ་བ་སྲས་བཅས་མཐོང་ཞིང་བདུད་དང་ཕྱིར་རྒོལ་བ་ཐམས་ཅད་ཀྱིས་མི་བརྫི་བ་དང་། ཕྱིན་ཅི་ལོག་གི་བློ་སྣ་སོགས་དང་འཇིགས་པ་དང་སྡུག་བསྔལ་དང་ཡིད་མི་བདེ་བའི་ཕྱོགས་ཐམས་ཅད་ངང་གིས་འགྲིབ་ཅིང་། དཀར་པོའི་ཆོས་དང་བདེ་སྐྱིད་ལེགས་ཚོགས་ཐམས་ཅད་སྟོབས་འཕེལ་ནས་གོང་འཕེལ་དུ་འགྲོ། སྒྲུབ་པ་པོས་ཇི་ལྟར་དོན་དུ་གཉེར་བ་དེ་ལྟར་གཟུངས་སྤོབས། ཏིང་འཛིན་མངོན་ཤེས་སྙིང་རྗེ། ཚིག་བཙན་པའི་ངག་གི་དབང་ཕྱུག །ཚེ་སྟོབས་ནད་མེད་བདེ་བ་ལང་ཚོ་དབང་ཕྱུག་གཟི་བརྗིད་གནས་ལུས་འཁོར་དང་ལོངས་སྤྱོད་རྩོམ་པ་ཕུན་ཚོགས་སོགས་ནས་མཁའ་སྤྱོད་དང་མི་སྣང་བ་སོགས་སྒྲུབ་པ་པོའི་ནུས་པ་ཇི་ལྟ་བ་བཞིན་སྩོལ་བར་མཛད། དེས་ན་མཐའ་ཡས་པའི་རྒྱལ་བ་རྣམས་ནི་དཔག་བསམ་གྱི་ནགས་ཚལ། དེ་རྣམས་ཀྱི་བྱིན་རླབས་དངོས་གྲུབ་ནི་ཡོངས་འདུའི་མེ་ཏོག །ཡིག་དྲུག་བཟླས་སྒོམ་ནི་ལྷའི་རླུང་། དེས་དེ་རྣམས་བསྐུལ་བས་

― TN03_Page_0374 ―

^{[མ་དཔེ་གཟིགས་ན་འདིར་གནོན།]}

(༣༡༢)གང་འདོད་བཞིན་འཐོབ་པ་ནི་ཤིང་ལས་མེ་ཏོག་ཕྲུལ་བ་ལྟ་བུར་གོ །དེས་ན་འཁྲུལ་འཁོར་གྱི་གནད་གཅིག་ནས་བསྐུལ་བས་འཁྲུལ་འཁོར་བརྒྱ་སྟོང་མང་པོ་གཡོ་འགུལ་བྱས་ཡོད་པའི་འཕྲུལ་ཐབས། སངས་རྒྱས་ཐམས་ཅད་ཀྱི་སྙིང་རྗེའི་གནད་ཆེ་ཤོས་ཀྱི་གཟེར་བུ་གཅིག་བསྐུལ་བས་རྒྱལ་བ་ཐམས་ཅད་བསྐུལ་ཡོང་བ་སྟེ། སངས་རྒྱས་ཐམས་ཅད་ཀྱི་སྙིང་རྗེའི་གནད་གཟེར་ནི་འཕགས་པའི་ལྷ་སྔགས་དེའི་ནང་ནས་ཀྱང་ཡི་གེ་དྲུག་པ། །དེས་བསྐུལ་ཙ་ན་སངས་རྒྱས་ཐམས་ཅད་ཀྱི་ཐུགས་རྗེ་འཁུལ། དེ་འཁུལ་བ་ཉིད་དེ་རྣམས་ཀྱི་སྟོབས་དང་མི་འཇིགས་མ་འདྲེས་དབང་བཅུ་སོ་རིག་བཞི་སོགས་འབྲས་ཆོས་ཐམས་ཅད་འཁུལ་བ་སྟེ། འབྲས་ཆོས་དེ་ཐམས་ཅད་ཀྱི་གནད་སྲོག་སྐྱེ་ལ་ཐུགས་རྗེ་ཆེན་པོ་ཡིན་པས་སམ། འབྲས་ཆོས་དེ་ཐམས་ཅད་སྙིང་རྗེ་ཆེན་པོས་གཞན་དོན་ཁོ་ནར་བསྒྲུབ་པ་ཡིན་པའི་ཕྱིར་རོ། །སངས་རྒྱས་བསྐུལ་ནས་ཞུ་རྒྱུའི་དངོས་གྲུབ་ཀྱི་གཙོ་བོ་ནི་བྱང་ཆུབ་སེམས་གཉིས་ཀྱི་དངོས་གྲུབ་སྟེ། མི་གོས་པ་དང་། འཇིག་རྟེན་ལ་དབང་བསྒྱུར་བ་གཉིས་ཚོགས་ཀྱི་འགྲོ་བ་འདུལ་བའི་ཡེ་ཤེས་ཞེས་པ་དེའོ། །དངོས་སུ་བསྒྲུབ་བྱ་གཞན་ལ་བྱེད་ན་ནི། འདི་ལ་དགྲའམ་མི་མིན་ནམ་འབྱུང་བའི་གནོད་པ་འདི་ལྟ་བུས་གཙེས་སམ་གཙེར་དོགས་པས་མི་འཇིགས་པ་སྩོལ་ཅིག་ཅེའམ། རྒྱལ་སྲིད་སྩོལ་ཅིག་ཅེས་

― TN03_Page_0375 ―

^{[མ་དཔེ་གཟིགས་ན་འདིར་གནོན།]}

(༣༡༣)པ་ལྟ་བུ་སྟེ། འདི་མ་ི་ལ་ནུས་པ་ཅུང་ཟད་རྙེད་པ་ཡན་ཆད་ཀྱིས་བྱའོ། ༈ །མ་ི་རྟག་ཏུ་འཛིན་ཅིང་རྗེས་སུ་དྲན་པར་བྱེད་པ་རྣམས་འཁོར་བའི་སྡུག་བསྔལ་མཐའ་ཡས་པ་ལས་ཐར་བར་འགྱུར། གང་དང་གང་དུ་སྐྱེས་པ་དེ་དང་དེར་ཚེ་རབས་དྲན་པར་འགྱུར། ལུས་བ་ལང་གི་སྤོས་ཀྱི་ཙན་དན་སྣོམ་པར་འགྱུར། ཁ་ནས་ཨུད་པ་ལའི་དྲི་འབྱུང་། ལུས་ཡོངས་སུ་རྫོགས་པར་འགྱུར། སྟོབས་པོ་ཆེའི་སྟོབས་ཀྱི་ཤུགས་དང་ལྡན་པར་འགྱུར་རོ། །ཞེས་དང་། མ་ིའི་ཡིག་འབྲུ་གཅིག་འདྲིར་བཅུག་ཀྱང་རིགས་ངན་དུ་མི་སྐྱེ། དབང་པོ་ཉམས་པར་མི་འགྱུར། ཐེང་པོ་དང་སྒུར་པོ་དང་མཛེ་ཅན་སོགས་སུ་མི་འགྱུར། ལུས་ལ་ནད་ཀྱིས་འདེབས་པར་མི་འགྱུར་ཏེ། ནད་མེད་པ་དང་། མཐུ་ཆེ་བ་དང་། དབང་པོ་གསལ་བར་འགྱུར་ཞེས་གསུངས་ཤིང་། ཡིག་དྲུག་འདྲིར་འཇུག་པ་དེ་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་འདྲི་བཅུག་པར་འགྱུར་ཞིང་། གླིང་བཞི་ལ་དབང་བའི་འཁོར་སྒྱུར་དུ་འགྱུར་བར་གསུངས་ཏེ་རྡོ་འབུམ་བཞེངས་པ་སོགས་ལ་སྦྱོར། ཕྱི་རོལ་རྡོ་དང་གྲོ་ཤོག་སོགས་ལ་འདྲི་བ་དང་། ནང་བསྒོམ་པས་འདྲི་བ་གཉིས་ཀྱི་ཕྱི་མ་ལའང་སྦྱོར་རུང་ངམ་སྟེ། ཡིད་གཙོ་བོ་ཡིན་པའི་ཕྱིར་ཏེ་འཕགས་པ་ཉིད་ཀྱིས་སངས་རྒྱས་པདྨའི་མཆོག་ལ་རིག་སྔགས་ཕུལ་ཐང་། དཀྱིལ་འཁོར་ཚོན་གྱིས་འདྲི་བ་མ་འབྱོར་ན་ཡིད་ཀྱིས་འབྲི་བ་དེའི་དོད་དུ་

― TN03_Page_0376 ―

^{[མ་དཔེ་གཟིགས་ན་འདིར་གནོན།]}

(༣༡༤)གསུང་བ་བཞིན་ནོ། །ཡང་། ཡིག་དྲུག་རྟག་ཏུ་འཛིན་ཅིང་ཟློས་པ་ལ་བརྩོན་པ་རྣམས་ནི་བསོད་ནམས་ཆེན་པོ་དང་ལྡན་པ་སྟེ། དེ་དག་གིས་ཟློས་པར་བྱེད་པའི་ཚེ་སངས་རྒྱས་བཅོམ་ལྡན་འདས་གང་གཱའི་ཀླུང་དགུ་བཅུ་རྩ་དགུའི་བྱེ་མ་སྙེད་འདུ་བར་འགྱུར། བྱང་སེམས་རྡུལ་ཕྲ་རབ་སྙེད་འདུ་བར་འགྱུར། ཕར་ཕྱིན་དྲུག་སྒོ་ན་གནས་པར་འགྱུར། །གཞན་ཡང་ལྷའི་སྡེ་སུམ་ཅུ་རྩ་གཉིས་ཀྱི་ལྷའི་བུ་དག་འདུ་བར་འགྱུར། རྒྱལ་པོ་ཆེན་པོ་བཞི་ཡང་ཕྱོགས་བཞི་སྲུང་བར་འགྱུར། །ཀླུའི་རྒྱལ་པོ་རྒྱ་མཚོ་དང་། མ་དྲོས་པ་དང་། འཇོག་བོ་སོགས་ཀླུ་བྱེ་བ་ཁྲག་འབུམ་དུ་མས་ཡོངས་སུ་སྲུང་བར་བྱེད། །ས་བླའི་གནོད་སྦྱིན་དག་ནི་བླ་གབ་མེད་པར་སྲུང་བར་བྱེད། རིགས་ཀྱི་བུ་དེའི་བ་སྤུའི་ཁུད་བུ་རེ་རེར་ཡང་སངས་རྒྱས་བྱེ་བ་དག་བཞུགས་ནས་རུས་ཀྱི་རིགས་བདུན་བརྒྱུད་དང་། ལྟོ་ན་གནས་པའི་སྲོག་ཆགས་རྣམས་ཀྱང་དབུགས་འབྱིན་པར་མཛད། འདི་འཆང་བ་དེའི་ལུས་ནི་རྡོ་རྗེའི་ལུས་དང་། རིང་བསྲེལ་གྱི་མཆོད་རྟེན་དང་། དེ་བཞིན་གཤེགས་པའི་ཡེ་ཤེས་བྱེ་བར་རིག་པར་བྱའོ། །འདི་ཟློས་པ་དེ་ནི་སྤོབས་པ་མི་ཟད་པར་འགྱུར། ཡེ་ཤེས་ཀྱི་ཕུང་པོ་རྣམ་པར་དག་པར་འགྱུར། བྱམས་པ་ཆེན་པོ་དང་སྙིང་རྗེ་ཆེན་པོ་དང་ལྡན་པར་འགྱུར། དེ་ཉི་མ་རེ་རེ་ཞིང་ཕར་ཕྱིན་དྲུག་ཡོངས་སུ་རྫོགས་པར་འགྱུར། དེ་རིག་འཛིན་གྱི་འཁོར་ལོས་སྒྱུར་བའི་དབང་ཐོབ་པར་འགྱུར། ལ་ལ་ཞིག་

― TN03_Page_0377 ―

^{[མ་དཔེ་གཟིགས་ན་འདིར་གནོན།]}

(༣༡༥)ལ་དེའི་དབུགས་ཀྱིས་རེག་གམ་ལག་པས་རེག་གམ་ལ་ལ་ཞིག་གིས་དེ་མཐོང་བར་གྱུར་ན་སྐྱེས་པ་བུད་མེད་ཁྱེའུ་བུ་མོ་བྱ་དང་རི་དྭགས་བ་ལང་དང་བོང་བུ་སོགས་གང་སུ་ཡང་རུང་སྟེ་ཐམས་ཅད་བླ་མེད་རྫོགས་བྱང་ལས་ཕྱིར་མི་ལྡོག་པར་འགྱུར། སྐྱེ་རྒ་ན་འཆི་དང་མཛའ་བ་དང་བྲལ་བའི་སྡུག་བསྔལ་མེད་པར་འགྱུར། རྣལ་འབྱོར་བསམ་གྱིས་མི་ཁྱབ་པ་དང་ལྡན་པར་འགྱུར། བསམ་གཏན་དཔག་ཏུ་མ་མཆིས་པ་ཟིལ་གྱིས་གནོན་པར་བགྱིད། ཆོས་ཀྱི་མཛོད་ཡོངས་སུ་གང་བར་བགྱིད་དོ། །ཞེས་གསུངས། དེ་བཞིན་གཤེགས་པ་རྡུལ་ཕྲ་རབ་སྙེད་ཀྱི་སྐུ་གཟུགས་ལྷའི་གསེར་རིན་པོ་ཆེ་ལས་བྱེད་ཅིང་བྱས་ནས་ཉིན་གཅིག་བཞིན་དུ་རིང་བསྲེལ་འཇུག་པ་དེའི་འབྲས་བུ་རྣམ་པར་སྨིན་པ་ནི་ཡི་གེ་དྲུག་པའི་ཡིག་འབྲུ་གཅིག་གི་འབྲས་བུའི་ཡིག་དྲུག་གཅིག་གི་འབྲས་བུ་ཞེས་པ་འདི་ཡིག་འབྲུ་གཅིག་བྲིས་པའི་འབྲས་བུ་སྟེ། དེའི་གོང་ན་དངོས་བསྟན་སྒྲས་ཟིན་ཡོད་དོ། །རྣམ་པར་སྨིན་པ་ཙམ་མོ། །ཞེས་སོ། །ཡུལ་ཁོར་མོར་འཇིག་གི་ཆོས་སྨྲ་མ་ི་བ་བའི་ལོ་རྒྱུས་ཀྱི་ཐད་ན། ལྷ་དང་ཀླུ་དང་གནོད་སྦྱིན་དང་ལྷ་མ་ཡིན་དང་ནམ་མཁའ་ལྡིང་དང་མིའམ་ཅི་དང་ལྟོ་འཕྱེ་ཆེན་པོ་དང་མི་དང་མི་མ་ཡིན་པ་དག་ཁྱོད་ལས་ཆོས་ཉན་ཏེ། ཁྱོད་ལ་ཆོས་ཉན་པའི་ཚེ་ཐམས་ཅད་འདུ་བར་བགྱིད་དོ། ཁྱོད་ནི་རྡོ་རྗེ་ཆེན་པོ་དང་མཉམ་པའི་ཆོས་ཀྱི་རྣམ་གྲངས་འཆད་པར་མཛད་དོ། །སེམས་ཅན་འཁོར་

― TN03_Page_0378 ―

^{[མ་དཔེ་གཟིགས་ན་འདིར་གནོན།]}

(༣༡༦)བའི་བཅིང་བས་བཅིང་བ་མང་པོ་ཐར་བར་མཛད་དོ། །ཞེས་གསུངས་ཏེ་རྡོ་རྗེ་དང་མཉམ་ལུགས་ནི་འོག་ཏུ་འཆིང་བ་གཅོད་པར་གསུངས་པ་འདི་ཡིན་པ་འདྲ་སྟེ། རྡོ་རྗེ་ལྕགས་སྒྲོག་གཅོག་པ་ཡིན་ནོ། །ཡང་། དཔེར་ན་མེས་ནགས་ཀྱི་འདབ་མ་མྱུར་དུ་འཚིག་པར་བགྱིད་པ་དེ་བཞིན་དུ་ཁྱོད་མཐོང་མ་ཐག་ཏུ་སྡིག་པ་ཐམས་ཅད་འཕྲོག་པར་མཛད་དོ། །དེ་བཞིན་གཤེགས་པ་རྣམས་ཀྱང་མཁྱེན་ཏོ། །གཞན་ཡང་བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་དང་། ཚངས་པ་དང་། འཇུག་སྲེད་དང་། དབང་ཕྱུག་ཆེན་པོ་དང་། ཉི་མ་དང་། ཟླ་བ་དང་། རླུང་གི་ལྷ་དང་། ཆུའི་ལྷ་དང་། མེའི་ལྷ་དང་། ཆོས་ཀྱི་རྒྱལ་པོ་གཤིན་རྗེ་དང་། རྒྱལ་པོ་ཆེན་པོ་བཞི་དག་ཁྱོད་ལ་མཆོད་པའི་ལས་བྱ་བའི་ཕྱིར་མཆིའོ། །ཞེས་སོ། །ཡང་། ངེས་པར་འབྱུང་བ་ཚོལ་བ་ཁ་ཅིག་དབང་ཕྱུག་ཆེན་པོ་དང་། འཇུག་སྲེད་སོགས་ལ་རབ་ཏུ་འབྱུང་སྟེ། དེ་དག་ལ་ཡང་ཐར་པ་མེད། མགོན་ཡང་མ་ཡིན། བརྟུལ་ཞུགས་ཅན་ཡང་མ་ཡིན་ནོ། །ལྷ་མང་པོ་དང་། ཚངས་པ་དང་། འཇུག་སྲེད་དང་། དབང་ཕྱུག་ཆེན་པོ་དང་། བརྒྱ་བྱིན་ལྷའི་དབང་པོ་དང་། ཉི་མ་དང་། ཟླ་བ་དང་། རླུང་གི་ལྷ་དང་། ཆུའི་ལྷ་དང་། མེའི་ལྷ་དང་། ཆོས་ཀྱི་རྒྱལ་པོ་གཤིན་རྗེ་དང་། གཤིན་རྗེ་ཆོས་རྒྱལ་གྱིས་ཕྱག་བྱས་ཚུལ་ཟ་མ་ཏོག་དང་འགྲེལ་ཆེན་དྲི་མེད་འོད་ལས་སོ། །དབང་ཕྱུག་དང་གཽ་རི་ལུང་བསྟན་པ། ལྷ་མོ་

― TN03_Page_0379 ―

^{[མ་དཔེ་གཟིགས་ན་འདིར་གནོན།]}

(༣༡༧)དཔལ་གྱིས་གླིང་བཞིའི་སེམས་ཅན་རྣམས་ཀྱི་ལོངས་སྤྱོད་ཀྱི་ཕྱིར་བྲེ་བོ་ལོ་ཏོག་གིས་གང་བ་ཕུལ་བ། ཚོགས་བདག་གླང་པོ་གདོང་གི་ལོ་རྒྱུས༴ །རྒྱལ་པོ་ཆེན་པོ་བཞི་དག་རྟག་ཏུ་ཡི་གེ་དྲུག་པའི་རིག་སྔགས་ཀྱི་རྒྱལ་མོ་ཆེན་མོ་སློང་ངོ་། །ཞེས་དང་། འདི་ལ་ཅུང་ཟད་བཟླས་པས་ཀྱང་ཐེག་པ་ཆེན་པོའི་རྣམ་པ་མང་པོ་མདོ་དང་། དབྱངས་ཀྱིས་བསྙད་པ་ནས་གཏན་ལ་ཕབ་པར་བསྟན་པའི་བར་བཅུ་གཉིས་དང་། ཞི་བ་དང་། ཐར་པ་ཡང་ཐོབ་པར་འགྱུར་རོ། །མང་དུ་བཤད་ཅི་དགོས་ཏེ། སའི་ནང་དུ་གཏོགས་པ་ལ་སྙིང་པོར་འཛིན་པ་ཅི་ཡིན་ཞེ་ན། འབྲས་ནི་སྙིང་པོར་འཛིན་ཏེ་ཁྱེར་ནས་བདག་གི་ཁྱིམ་དུ་སྣོད་རྣམས་ཡོངས་སུ་བཀང་སྟེ་འཇོག་གོ །བཞག་ནས་ཉི་མའི་ཚུལ་བཞིན་དུ་ཉི་མ་ཚ་བ་ལ་སྐེམས་སོ། །བསྐམས་ནས་གཏུན་ལ་བརྡུངས་ཤིང་ཕུབ་མ་རྣམས་སེལ་ཏོ། དེའི་སྙིང་པོ་ནི་འབྲས་རྨེའུ་ཡིན་ཏེ། དེ་བཞིན་དུ་རྣལ་འབྱོར་གཞན་དག་ཕུབ་མ་དང་འདྲའོ། རྣལ་འབྱོར་ཐམས་ཅད་ཀྱི་ནང་ན་ཡིག་དྲུག་གི་རིག་སྔགས་འདི་ནི་འབྲས་རྨེའུར་གྱུར་པའོ། །བྱང་ཆུབ་སེམས་དཔའ་རྣམས་ནི་ཕ་རོལ་ཏུ་ཕྱིན་པ་དྲུག་གི་ཕྱིར་ཚོགས་འབྱིན་ཏེ་བཟླས་པ་གཅིག་བྱས་པས་ཕྱིན་དྲུག་ཡོངས་སུ་རྡོགས་པར་འགྱུར་རོ། །ལ་ལ་ཞིག་གིས་ལག་པས་རེག་ན་དེ་དག་ཀྱང་ཕྱིར་མི་ལྡོག་པའི་ས་འཐོབ་བོ། །འདིའི་མོང་ལན་གཅིག་བཟུང་ན་དེ་བཞིན་གཤེགས་པ་ཐམས་ཅད་ལ་ན་

― TN03_Page_0380 ―

^{[མ་དཔེ་གཟིགས་ན་འདིར་གནོན།]}

(༣༡༨)བཟའ་དང་བཤེས་དང་མལ་སྟན་དང་སྙུན་གྱི་གསོས་སྨན་དང་ཡོ་བྱད་ཐམས་ཅད་ཀྱིས་བཀུར་སྟིར་བྱས་པར་འགྱུར་རོ། །ཞེས་སོ། །འདི་འདྲའི་རྟགས་ལྡན་དེ་ཡིག་དྲུག་ཕྱིན་དྲུག་དང་སྦྱོར་བའི་ཁུངས་སུ་འགྲོའམ་དཔྱོད། འཇམ་དཔལ་རྩ་རྒྱུད་ལས་འཇིག་རྟེན་དབང་པོའི་སྐུའི་ཏིང་ངེ་འཛིན་ལས་སྒྲོལ་མ་དང་གོས་དཀར་མོ་སོགས་བྱུང་གསུངས་ཤིང་། རྣམ་སྣང་མངོན་བྱང་འགྲེལ་པར་ཁྲོ་གཉེར་གྱི་རྒྱུད་ལས་ཁྲོ་གཉེར་ཅན་བྱུང་གསུངས་ལ། ཟ་མ་ཏོག་ལས་བ་སྤུ་རེ་རེར་ཡང་ཏིང་ངེ་འཛིན་མང་པོ་ཡིད་པར་གསུངས་ཏ། བ་སྤུ་རེ་རེ་སྒྲུབ་བྱེད་ཀྱི་ཏིང་ངེ་འཛིན་གྱི་སྟེང་གི་འགྲོ་འདུལ་གྱི་ཕྲིན་ལས་ཀྱང་མཐར་ཐུག་པ་མེད་དོ། །དེའང་ཀ་ན་ཀ་དང་། ཉི་མའི་འོད་དང་། བདུད་རྩི་དང་། རྡོ་རྗེའི་སྒོ་དང་། ཀྲིཥྞ་དང་། སྨན་ཆེན་པོ་སོགས་བ་སྤུའི་ཁུང་བུ་རྣམས་ན། ཨིནྜ་ནཱི་ལ་ལ་སོགས་པ་རིན་པོ་ཆེའི་རང་བཞིན་གྱི་རི་བོ་ཤིན་ཏུ་རྒྱ་ཆེ་ཞིང་ལྷུན་མཐོ་བརྩེ་མོ་སྣ་ཚོགས་ཅན། ངོས་རྣམས་ལྷའི་ནོར་བུ་རིན་པོ་ཆེའི་སྐྱེད་མོའི་ཚལ་གྱིས་བརྒྱན་པ། སིལ་སྙན་གྱི་སྒྲས་ཁྱབ་པ་དང་། ལྷའི་གཞལ་མེད་ཁང་ཤིན་ཏུ་བཟང་ཞིང་ལྟ་ན་སྡུག་ལ་རྣམ་པ་སྣ་ཚོགས་པ། ལྷའི་རིན་པོ་ཆེའི་འོད་ཀྱིས་སྣང་བར་བྱས་པ། ནོར་བུ་དང་། མུ་ཏིག་གི་ཆུན་འཕྱང་དང་སེ་མོ་དང་། དར་གྱི་ལྡ་ལྡི་དང་། གསེར་གྱི་དྲིལ་བུའི་དྲྭ་བས་བརྒྱན་པ། གསེར་གྱི་ཐེམ་སྐས་ཅན་མཆོག་ཏུ་དགའ་བར་བྱེད་པ་མང་

― TN03_Page_0381 ―

^{[མ་དཔེ་གཟིགས་ན་འདིར་གནོན།]}

(༣༡༩)།པོ་དང་། འཆག་ས་དང་སྐྱེད་མོའི་ཚལ་རྣམས་ན་དཔག་བསམ་གྱི་ཤིང་ཁང་པ་བརྩེགས་པ་ལྟ་བུ་ལ་ལྷའི་གོས་དང་རྒྱན་དང་དྲིལ་བུ་འཕྱང་བའི་ནགས་ཚལ་དང་། སྤོས་ཀྱི་ཤིང་གྲངས་མེད་པས་དཀྲིགས་ཤིང་། ལ་ལ་ཆུ་ཡན་ལག་བརྒྱད་དང་ལྡན་པས་གང་། ལ་ལ་ཆུ་དང་མེ་ཏོག་གིས་གང་བའི་རྫིང་བུ་འབུམ་ཕྲག་མང་པོས་མཛེས་པ། དེ་དག་གི་མེ་ཏོག་ཀྱང་ཨུཏྤལ་དང་པདྨ་དང་ཀུ་མུ་ཏ་དང་། པུནྜ་རི་ཀ་དང་། མནྡྷ་ར་བ་དང་། མནྡྷ་ར་བ་ཆེན་པོ་སོགས་སྣ་ཚོགས་པ། རིན་པོ་ཆེ་ཤ་རི་ད་ཀ་ཞེས་བྱ་བ་དང་མེ་ཏོག་པདྨ་ལྟར་སྣང་བ་ཞེས་བྱ་བ་སོགས་བསམ་དགུ་འབྱུང་བའི་ནོར་བུ་རིན་པོ་ཆེའི་ཁྱད་པར་ཡོད་པ། དྲང་སྲོང་མངོན་ཤེས་ཐོབ་པ་དང་། ལྷ་དང་དྲི་ཟ་དང་མི་འམ་ཅི་དང་དྲི་ཟའི་བུ་མོ་དམ་པའི་ཆོས་ཀྱི་དགའ་བའི་ཟས་ཅན་གྲངས་མེད་པ་དང་། རྗེ་བཙུན་གྱི་རྗེས་སུ་སློབ་པའི་བྱང་སེམས་ཕྱིར་མི་ལྡོག་པ་བྱེ་བ་ཁྲག་ཁྲིག་འབུམ་ཕྲག་མང་པོ་ལ་ལ་ནི་བསམ་གཏན་བྱེད། ལ་ལ་ནི་ཐེག་པ་ཆེན་པོའི་ཆོས་ཀྱི་གཏམ་བྱེད་ཅིང་གནས་པ། བྱ་དང་རི་དྭགས་རྣམས་ཀྱང་མདོ་སྡེ་ཟ་མ་ཏོག་རྗེས་སུ་དྲན་པར་བྱེད་པ། རྗེ་བཙུན་གྱི་མཚན་དྲན་པ་ཙམ་གྱིས་ལྷའི་ཟས་རོ་མཆོག་དང་ལྡན་པ་དང་ལྷའི་གོས་སོགས་ལྷ་རྫས་ཀྱི་ལོངས་སྤྱོད་འབྱུང་བ་སྟེ། རྗེ་བཙུན་སྤྱན་རས་གཟིགས་ཡི་གེ་དྲུག་པའི་རིག་སྔགས་ཀྱི་མིང་གིས་རྗེས་སུ་དྲན་ན་

― TN03_Page_0382 ―

^{[མ་དཔེ་གཟིགས་ན་འདིར་གནོན།]}

(༣༢༠)བ་སྤུའི་ཁུང་བུ་དེ་དག་ཏུ་སྐྱེའོ། །སླར་འཁོར་བར་མི་འཁོར་རོ། །བ་སྤུའི་ཁུང་བུ་ནས་བ་སྤུའི་ཁུང་བུར་འགྲོ་སྟེ། མྱ་ངན་ལས་འདས་པ་ཐོབ་ཀྱི་བར་དུ་དེ་དག་ན་གནས་པར་འགྱུར་བར་གསུངས་སོ། །སྤྱན་རས་གཟིགས་ཀྱི་སྤྱོད་ཡུལ་འདིའི་སྤྱོད་ཡུལ་ཞེས་པ་ནི་མངོན་སུམ་གྱི་སྤྱོད་ཡུལ་ལྟ་བུ་ལ་མི་ཟེར་གྱི། སྤྱོད་ཡུལ་གྱི་གྲོང་ཞེས་པ་ལྟར་ཤས་ཆེར་མང་དུ་གནས་པའི་སྤྱོད་ཡུལ་ལོ། །འདྲ་བ་སངས་རྒྱས་རྣམས་ལའང་མེད་གསུང་པའི་དགོངས་པ་བརྟགས་ན། རྨི་ལམ་ཡིད་བཞིན་ནོར་བུའི་གཏམ་ལྟར་སངས་རྒྱས་ཀྱི་ལམ་འབྲས་མཐའ་དག་སེམས་ཅན་རྣམས་ཀྱི་སྡུག་བསྔལ་ཕྲ་རགས་ཐམས་ཅད་བསལ་ཆེད་ཁོ་ནར་བྱུང་བས་སྙིང་རྗེའི་རྩ་བ་ལས་འཕྲོས་པ་ཤ་སྟག་ཡིན་ལ། སེམས་ཅན་གྱི་ནང་ནས་ཀྱང་སེམས་ཀྱི་རྒྱུད་ཚིག་ཅིང་ཉེས་སྤྱོད་རྒྱུ་འབྲས་ཀྱི་སྟོབས་བདོ་བ་རྣམས་ཕྱག་མཚན་གཙོ་བོར་བཞེས་ནས་སྒྲོལ་བའི་ཁུར་བསྣམ་པ་ནི་སངས་རྒྱས་ཀྱི་ནང་ནའང་ལྷང་ངེར་འཕགས་པ་ཡིན་ཏེ། བྱ་དཀའ་བ་ལྷག་པར་མཛད་པའི་ཕྱིར་ཏེ། ཤཱཀྱའི་རྒྱལ་པོ་པད་དཀར་ལྟ་བུར་བསྔགས་པའི་རྒྱུ་མཚན་གྱིས་ཤེས་སོ། །འཕགས་པ་འདི་ས་དང་པོ་ཐུགས་བསྐྱེད་དུས་ནས་རང་དོན་ཡིད་བྱེད་ཀྱི་དྲི་མས་མ་སྦགས་པའི་སྙིང་རྗེ་ཆེན་པོ་དང་། དེའི་ནང་ནས་ཀྱང་དམིགས་མེད་ཀྱི་བརྩེ་ཆེན་རབ་མཐའི་བསམ་གཏན་ལ་བརྟེན་པའི་རྣལ་འབྱོར་ཉིད་རྩལ་འདོན་གྱིས་ལྷུར་མཛད་ཚུལ་དང་། དེའི་སྟེང་ནས་

― TN03_Page_0383 ―

^{[མ་དཔེ་གཟིགས་ན་འདིར་གནོན།]}

(༣༢༡)མ་དག་པའི་ཞིང་གི་འགྲོ་བ་ལས་ཀྱང་ནས་བཀྲབ་སྙིགས་ཀྱི་བྲ་ཡིག་ཕྱག་དར་དུ་བོར་བ་ལྟར་ཅིར་མི་རུང་གི་སེམས་ཅན་ལས་ངན་འཇིགས་པ་དང་སྡུག་བསྔལ་གང་ཆེ་ཆེ་ཐུ་ཐུ་རྣམས་གཙོ་བོར་དང་ལྷག་པར་རྗེས་སུ་འཛིན་པའི་ཐུགས་བསྐྱེད་སྨོན་ལམ་གྱི་ཤུགས་སྦྱང་ཚུལ་དང་དེ་ཐུགས་དམ་གྱི་གཙོ་བོར་བཞེས་པ་འདྲ་བ་བྱང་སེམས་གཞན་ལ་དཀའ་བར་མ་ཟད། དེ་བཞིན་གཤེགས་པ་ལས་ཀྱང་ལྷག་ཚུལ་ཤཱཀྱའི་དབང་པོ་བསྔགས་པའི་ཚུལ་དེས་ཤེས་པས། གང་དང་ཡང་མི་མཉམ་པར་བསྔགས་པ་སྟེ། འདི་འདྲ་མི་འཁྲུགས་པའི་སྤྱོད་པ་འདྲ་བས་སངས་རྒྱས་སྟོང་དང་རིན་ཆེན་ཏོག་སོགས་ལ་མེད་པར་གསུངས་པ་ལྟ་བུ་གཞན་ཡང་སྣང་ངོ་། །ད་དུང་བཤད་ན། མནར་མེད་སོགས་སྡུག་བསྔལ་གང་ཆེ་གདུལ་གང་དཀའ། སྐལ་བ་གང་ངན་གྱི་འགྲོ་བ་རྣམས་ལ་ལྷག་པར་བརྩེ་བས་རང་ཉིད་སྙིང་རྗེ་ཆེན་པོའི་རིག་སྔགས་ཀྱི་ལྷར་ཞལ་གྱིས་བཞེས་ཏེ་ཉིད་ཀྱིས་སེམས་ཅན་ཐམས་ཅད་སྐྱོབ་པའི་སྙིང་རྗེ་དང་སྙིང་རྗེའི་སྤྱོད་པ་མཐའ་དག་སྒྱུ་མ་ལྟ་བུའི་ཏིང་ངེ་འཛིན་གྱི་མཐུ་བསམ་གྱིས་མི་ཁྱབ་པའི་རིག་སྔགས་ཀྱི་ཡི་གེར་བྱིན་གྱིས་བརླབས་ཏེ། དེའི་སྒོ་ནས་སྨོས་མ་ཐག་པའི་སེམས་ཅན་ལས་ངན་རྣམས་ཀྱི་འཇིགས་པ་དང་སྡུག་བསྔལ་ཐམས་ཅད་མིག་འཕྲུལ་བཤིགས་པ་ཙམ་དུ་མྱུར་ལ་ཚེགས་ཆུང་ངུས་ཞི་བར་མཛད་

― TN03_Page_0384 ―

^{[མ་དཔེ་གཟིགས་ན་འདིར་གནོན།]}

(༣༢༢)ཅིང་། བདེ་བ་ཅན་དང་གྲུ་འཛིན་ལ་སོགས་པར་བཙན་ཐབས་སུ་འདྲེན། དེའི་ཆེད་དུ་བྱིས་པ་གཞོན་ནུ་ནི་རྟག་ཏུ་སྤྱོད་པའི་གནས་རྩེ་མོ་བྱེད་པའི་ནང་ཁོ་ན་ཡིན་པ་ལྟར་ཤས་ཆེར་མང་དུ་བཞུགས་པའི་གནས་ངན་སོང་སོགས་གང་དང་གང་ན་སེམས་ཅན་ཕོངས་ཤིང་སྡུག་བསྔལ་བ་གནས་པ་རྣམས་ལ་མཛད་པ་དང་། ཚུལ་དེས་སྐད་ཅིག་རེར་ཡང་ཕྱོགས་བཅུ་མཐའ་ཡས་མུ་མེད་པའི་འཇིག་རྟེན་ཁམས་རྣམས་སུ་ཆུའི་ཟླ་བ་པད་དཀར་དུ། ཐབས་དང་ཡེ་ཤེས་ཡངས་པ་བསླབ་པས་ན། །ཕྱོགས་བཅུའི་འགྲོ་བ་མང་པོ་ཐམས་ཅད་དང་། །མ་ལུས་ཞིང་ཀུན་ཏུ་ཡང་རབ་ཏུ་སྣང་། །ཞེས་སོགས་ལྟར་བཞུགས་པ་སྒྱུ་མ་ལྟ་བུའི་ཏིང་ངེ་འཛིན་གྱི་མདོ་ལྟར་དང་། འཇིག་རྟེན་གྱི་ཁམས་རེ་རེའི་རྡུལ་ཕྲ་རབ་རེ་རེར་ཡང་མཐའ་དང་དབུས་མེད་པའི་འཇིག་རྟེན་དང་དེ་རེ་རེར་ཡང་སྤྲུལ་པའི་སྤྲིན་ཚད་མེད་པ་སོགས་དེ་དག་བྱང་སེམས་གཞན་ལས་ཀྱང་ཤས་ཆེར་མང་དུ་གནས་པས་འཕགས་ལ་མཆོག་ཟུང་ལྟ་བུ། སྔོན་གྱི་རྗེས་སུ་འབྲང་བའི་དབང་གིས་དེ་བཞིན་གཤེགས་པ་ལས་ཀྱང་ལྷག་ཚུལ་སྔ་མ་བཞིན་ནོ། །དེའི་སྟེང་ནས་དཔྱད་ན། མ་ི་འདི་འཕགས་པ་སྤྱན་རས་གཟིགས་ཀྱི་སྙིང་པོ་དམ་པ་ཡིན་པས་སུས་ཀྱང་མི་ཤེས། དེ་བཞིན་གཤེགས་པས་ཀྱང་མི་མཁྱེན་ཞེས་བསྐའ་སྩལ་བའི་དགོངས་པའང་། ཐེག་ཆེན་ཐུན་མོང་མ་ཡིན་པའི་རྟོགས་རིགས་ཀྱི་དབང་དུ་བཏང་ན་ཤེས་རབ་ལས་ཀྱང་སྙིང་རྗེ་ཆེན་པོ་གཙོ་སྟེ། བླ་མེད་

― TN03_Page_0385 ―

^{[མ་དཔེ་གཟིགས་ན་འདིར་གནོན།]}

(༣༢༣)བྱང་ཆུབ་ལས་ཕྱིར་མི་ལྡོག་གི་རྟགས་ཐོབ་མཚམས་ཡང་རང་དོན་ཡིད་བྱེད་ཀྱི་གོ་སྐབས་བཅོམ་པའི་གཞན་ཕན་གྱི་སེམས་རང་གི་ཐོག་ནས་བཞག་འདུག་པ། བླ་མེད་བྱང་ཆུབ་བྱ་བ་དེ། སློབ་དཔོན་སེང་བཟང་ཞབས་ཀྱིས། སྡུད་པའི། བདག་གི་བདེ་བ་བཏང་ནས་རེ་བ་མེད་སེམས་ཀྱིས། །ཞེས་པ་ལ་སྦྱར་བ་ལྟར་ཡིན་པས་སོ། །དེས་ན་སྙིང་རྗེ་ཆེན་པོ་ཇི་ལྟ་ཇི་ལྟར་ཕུལ་བྱུང་དང་ཁྱད་པར་ཅན་དུ་སྐྱེས་པ་དེ་ལྟ་དེ་ལྟར་དེའི་རྟེན་ཅན་གྱི་སྤྱོད་པ་མཐའ་དག་ཕུལ་བྱུང་དང་ཁྱད་པར་ཅན་དུ་སྐྱེ་བ་ཆོས་ཉིད་ཡིན་པས་གོང་ལྟར་རྗེ་བཙུན་གྱིས་སྙིང་རྗེ་ལ་སྒྲུབ་པ་ཉམས་ལེན་ནམ་སྒོམ་པའི་སྦྱོར་བ་བསྟེན་པ་འདྲ་བ་རྒྱལ་སྲས་གཞན་ལ་མེད་བྱས་དུས། དེའི་བྱང་ཆུབ་ཀྱི་སྤྱོད་པ་ཅི་ཙམ་རླབས་ཆེ་བ་དེ་ཙམ་དུ་རླབས་ཆེ་བའི་སྤྱོད་པ་རྒྱལ་སྲས་གཞན་ལ་མེད་ཅེས་པར་ཡང་འགྱུར་རོ། །མ་ི་ཕྱིན་དྲུག་གི་ངོ་བོ་ཉིད་ཡིན་ཞེས་པའི་ཕྱིན་དྲུག་ནི་ཕར་ཕྱིན་དྲུག་ཡིན་ཚད་ལ་མི་བྱེད་ཀྱི། །ཐུགས་རྗེ་ཆེན་པོའི་ཐུགས་རྒྱུད་ཀྱི་དེ་དག་ལ་བྱེད་པས་ཕྱིན་དྲུག་ལ་རིང་དུ་སྤྱད་པའི་རྒྱལ་སྲས་རྣམས་ཀྱིས་ཀྱང་མ་ིའི་སྔགས་དོན་གྱི་གཏིང་སླེབས་པར་དཀའ་བ་མི་འགལ་ལོ། །འདི་བཞིན་བྱས་ན། འདི་ནི་རྣལ་འབྱོར་དཔག་ཏུ་མེད་པའི་ཕྱིར་སྒྲུབ་དཀའ་བའོ། །ཞེས་པའང་བཤད་བདེ། ཚུལ་འདི་གདུལ་བྱ་ལ་བསྟན་ཆེད་སྒྲིབ་སེལ་

― TN03_Page_0386 ―

^{[མ་དཔེ་གཟིགས་ན་འདིར་གནོན།]}

(༣༢༤)ལྟ་བུས་ཀྱང་མ་ི་ལ་སྒོམ་ཚུལ་དང་དེའི་ཆེད་དུ་འོ་བརྒྱལ་མཛད་སྣང་། འདི་ནི་ནོར་བཟངས་ཀྱི་བླ་མ་རྣམས་ཀྱིས། དེ་དག་གི་སྤྱོད་པ་ཤེས་པའམ་ཡོན་ཏན་བརྗོད་པར་ནུས་རེ་སྐན། ཞེས་གསུངས་པ་དང་ཚུལ་མཐུན། དེའི་འགྲེལ་ཀྱིས་མ་ིའི་དེ་ཉིད་ལ་དེ་བཞིན་གཤེགས་པ་མང་པོའི་རྣམ་ཐར་ལས་ཀྱང་ལྷག་པའི་སྒོས་ཆོས་བཤད་ཟིན་ལྟར་ཡོད་པས། འཕགས་པ་ཁོ་རང་གིས་མ་གནང་བར་དུ་ཡིག་དྲུག་རང་དབང་དུ་སྦྱིན་པར་སངས་རྒྱས་ཉིད་ཀྱིས་ཀྱང་མི་སྤྱོད་པས་སངས་རྒྱས་པདྨ་དམ་པ་དེ་བཞིན་གཤེགས་པར་གྱུར་པ་བཞིན་དུ་སངས་རྒྱས་ཀྱི་ཞིང་མང་པོར་ཡིག་དྲུག་འཚོལ་དུ་གཤེགས་པར་བསྟན་ཏེ། སྒྲིབ་སེལ་ཁྱོད་ཀྱིས་ཀྱང་འཕགས་པ་མཉེས་ཕྱིར་མ་ིའི་ཆོས་སྨྲ་བ་ངན་ངོན་ལྟར་སྣང་བ་ལ་ཡང་ང་རྒྱལ་དང་བརྙས་སེམས་རྣམ་པ་ཐམས་ཅད་དུ་བཅོམ་པའི་གུས་པ་ཆེན་པོ་བསྐྱེད་དེ་ཉོན་ཞེས་པ་སྟེ། འདིས་ནི་འདིའི་ཆོས་དང་བླ་མ་ལ་མི་གུས་པ་ལ་མ་ི་མ་སྦྱིན་ཅིག །ཅེས་པ་དང་། གུས་པ་མེད་པས་རིག་སྔགས་ཀྱི་རྒྱལ་མོ་མི་འགྲུབ་ཅེས་དང་། འདི་སྟེར་བའི་བླ་མའི་ཕྱོགས་སུ་དཀའ་སྤྱོད་ཅི་ཙམ་བྱས་པ་དེ་ཙམ་དུ་འདིའི་སྣོད་དུ་འགྱུར་ཞེས་བསྟན་པར་འགྱུར་ཏེ། རྗེ་བཙུན་ཉིད་ཀྱིས་པདྨའི་བླ་མ་ལ་ཕུལ་སྐབས་ན། མ་དད་པ་རྣམས་ལ་སྦྱིན་པར་མི་བྱ། ཞེས་གསུངས་པ་དང་། སྒྲིབ་

― TN03_Page_0387 ―

^{[མ་དཔེ་གཟིགས་ན་འདིར་གནོན།]}

(༣༢༥""སེལ་ཁོར་མོ་འཇིག་གི་ཆོས་སྨྲའི་དྲུང་དུ་བྱོན་ཐད་ན། བྱང་ཆུབ་སེམས་དཔའ་འདིས་དཀའ་བ་མང་པོ་སྤྱད་ཀྱིས་རིག་སྔགས་ཀྱི་རྒྱལ་མོ་བྱིན་ཅིག །ཅེས་གསུངས་སོ། །དེ་དག་གིས་ནི། ཀྱེ་མའོ་བླ་ན་མེད་པའི་རིག་སྔགས་ཀྱི་རྒྱལ་མོ་འདི་ནི་སངས་རྒྱས་མངོན་སུམ་དུ་བཞུགས་པའི་སྤྱན་སྔར་ཞུས་ཀྱང་ཐོབ་དཀའ་བའོ་སྙམ་དུ་ཕྱི་མའི་སྐྱེ་བོ་རྣམས་གུས་པ་ཆེར་བསྐྱེད་པར་མཛད་དོ། །ཇོ་བོ་རྗེས་ང་ལ་ཡོན་ཏན་ཅི་ཡང་མེད་གསུངས། འདི་དང་འདི་འདུག་པ་ཞུས་དུས་དེ་བླ་མའི་དྲིན་ཡིན་གསུངས་པ་ལྟར་འདི་ངས་ཤེས་པ་མིན་གྱི། བླ་མའི་དྲིན་ལས་ཤེས་པས་ཁྱོད་ཀྱང་བླ་མའི་ཕྱིར་དཀའ་སྤྱད་གྱིས་ཞེས་བཤད་ཀྱང་ལོ་མ་ཙམ་སྟེ། སྔ་མ་བཟང་སྙམ། གོང་སྨོས་ཀྱི་ཕྱིན་དྲུག་རླབས་པོ་ཆེ་རྣམས་དམིགས་མེད་ཀྱི་བརྩེ་བ་ཆེན་པོའི་ཏིང་ངེ་འཛིན་གྱི་སྟེང་དུ་འདྲིལ་བའམ། ཕྱིན་དྲུག་དེ་རྣམས་བསྡུས་པའི་རང་བཞིན་གྱི་བརྩེ་ཆེན་ནི་ཡི་གེ་དྲུག་པོ་སྔགས་གཅིག་ཏུ་ཚོགས་པའི་རིག་སྔགས་ཀྱི་རྒྱལ་མོའི་དེ་ཉིད་ཡིན་ལ། དེ་འདྲའི་བརྩེ་ཆེན་དེ་ལ་ནི་ཤེར་ཕྱིན་མས་ཀྱང་ཕྱག་མཛད་དེ། ཤེར་ཕྱིན་སངས་རྒྱས་དང་བྱང་སེམས་ཐམས་ཅད་ཀྱི་ཡུལ་དུ་འགྱུར་བ་ནི་དེ་མགོན་དུ་ཐོབ་པའི་མཐུ་དང་དྲིན་ཡིན་པའི་ཕྱིར་རོ། །དེས་ན་ཡི་གེ་དྲུག་མ་ལ་རྒྱལ་བའི་ཡུམ་གྱིས་ཀྱང་ཕྱག་འཚལ་བར་གསུངས། འཕགས་པའི་བ་སྤུ་

― TN03_Page_0388 ―

^{[མ་དཔེ་གཟིགས་ན་འདིར་གནོན།]}

(༣༢༦)གཅིག་གི་བསོད་ནམས་ཀྱི་ཚད་བཤད་ནས་དེ་འདྲ་སངས་རྒྱས་ལའང་མེད་གསུངས་པའང་། དེའི་བ་སྤུ་གཅིག་འགྲུབ་བྱེད་ཀྱི་བསོད་ནམས་ལ་དགོངས་པ་མིན་ནམ་སྙམ་སྟེ། བསོད་ནམས་དེ་བས་ཆེས་ཆེ་བ་རྩེ་སྦྱོར་ཐོབ་པའི་བྱང་སེམས་ཕལ་ཆེར་ལའང་ཡོད་པར་བཤད་པས་སོ། །དེས་ན་ཚེ་མདོ་ལ་བསྐྱེད་པའི་བསོད་ནམས་ལ་ཚེ་མདོའི་བསོད་ནམས་ཟིལ་གྱིས་གནོན་ཞེས་པ་སྟེ། གོང་དུ་བཤད་པའི་ཚུལ་གྱིས་སེམས་ཅན་ལ་ཕན་འདོགས་པ་ཆེ་བའི་ངོས་ནས་སངས་རྒྱས་ལས་ཀྱང་ལྷག་ཚུལ་ཡོད་པའི་ཕྱིར་ཏེ། དེས་ན་ཕན་འདོགས་ཀྱི་ཞིང་ལ་ལྟོས་ནས་བཞག་པའོ། །མ་ི་འདོན་པའི་མདུན་དུ་དེ་བཞིན་གཤེགས་པ་མང་པོ་འདུ་བར་གསུངས་པའི་རྒྱུ་མཚན་ནི། སྡུད་པའི། མ་ཞིག་ན་བར་གྱུར་པའི་སོགས་དང་། པདྨའི་མཆོག་གིས་ཐག་རིང་དུ་བཙལ་ཞིང་ཆོས་ཀྱི་དགའ་བ་སྩལ་བ། སྒྲིབ་སེལ་གྱིས་བདུད་རྩི་ཐོབ་ན་རོ་མྱང་བས་ཆོག་མ་འཚལ་ཞེས་ཆོས་ཀྱི་མཆོད་པ་ཆེན་པོ་མཛད་དུ་ཕེབས་པ། །སྟོན་པས་ཀུན་དགའ་བོ་ལ་བྱང་ཆུབ་ལན་ལག་གསན་པ། དམ་ཆོས་པད་དཀར་གསན་ཆེད་རིན་ཆེན་མང་བྱོན་པ་སོགས་མང་པོས་དཔྱོད། གཙོ་བོར་དང་པོ་བྱིན་གྱིས་བརླབས་ཚུལ་གྱིས་ཡིན་ཏེ། །དེ་དག་གི་དེ་གཙོ་བོའི་མཐུ་ཞེས་སོ། ༈ །ཡིག་དྲུག་འབྱུང་བར་སྦྱར་བ་

― TN03_Page_0389 ―

^{[མ་དཔེ་གཟིགས་ན་འདིར་གནོན།]}

(༣༢༧)།ལ། ཕྱིའི་ས་ཆུ་མེ་རླུང་དང་། ནང་ལུས་འབྱུང་དང་། གསང་བ་སེམས་ཀྱི་ཆ་ལ་སྦྱར་བ་སོ་སོར་ཡོད། གདོན་སྲུང་བ་ལ་ཡི་གེ་དྲུག་པོ་གོ་རིམ་བཞིན་དུ། ལྷའི་གདོན་དང་མོ་གདོན། རྒྱལ་འགོང་། ས་བདག་གི་གདོན། བདུད་དང་གཤིན་རྗེ། གནོད་སྦྱིན་དང་གཟའ་རྣམས་ཐུབ་པའི་སྲུང་བ་ཡིན། ནད་འདོན་ལ་འདུས་པ། ཚད་པ། རླུང་། བད་ཀན། གྲང་བ། མཁྲིས་པའི་ནད་རྣམས་ཡུལ་འདོན་ཏེ་གོ་རིམ་བཞིན་ནོ། །དེའང་ཐུགས་རྗེ་ཆེན་པོ་ཉིད་ཀྱིས་དེ་ལྟར་ནད་འདོན་དུ་བྱིན་གྱིས་བརླབས་ཚུལ་ཤེས་ནས་ཐེ་ཚོམ་སྤང་ལ། དེ་རྩལ་དུ་བཏོན་པའི་སྟེང་ནས་ལས་རུང་རྙེད་རྙེད་དུ་སྒོམ་བཟླས་བརྩོན་ན་ནད་ཞི་བ་ལ་རྩལ་འཐོན་ཏེ། སྣ་ཚོགས་ནོར་བུ་བཞིན་ནོ། །བྱང་གཏེར་ལས་ཕྲིན་ལས་བཞིའི་སྦྱར་བ་སོགས་ཀུན་ལ་དེ་ལྟར་ཤེས་པར་བྱའོ། །མད་གདོན་ལ་སྦྱར་བ་འདི་དང་བཀའ་འབུམ་ལས་ཚོགས་ཀྱི་ནད་གདོན་དྲུག་ལྟོ་སྦྱར་ན་ཡིད་ཚིམ་ཐུབ་ཡོད། ཡུལ་ཀ་ལ་སྦྱར་ན། ཨོཾ་ཡུམ་ཡི་གེ་དྲུག་མ། ལྷག་མ་ལྔ་སྤྱན་སོགས་ཡུལ་ལྔ་སྟེ། གསང་འདུས་སུ་ཡུམ་བཞིའི་ཕྲེང་སྔགས་བསྟན་པ་སོགས་དྲན་པར་བྱ། ཡང་ཨོཾ་དེ་བཞིན་ཏེ་ཐམས་ཅད་མཁའ་འགྲོ། མ་སངས་རྒྱས་མཁའ་འགྲོ་སོགས་མཁའ་འགྲོ་རིགས་ལྔ་སྟེ། མཁའ་འགྲོ་མའི་བརྡ་སྐ་བྱིན་རླབས་འབེབས་པའི་

― TN03_Page_0390 ―

^{[མ་དཔེ་གཟིགས་ན་འདིར་གནོན།]}

(༣༢༨)སྔགས་ཡིན་གསུངས། དེའང་ཡུལ་ཡི་གེ་དྲུག་མའི་སྔགས་ཀྱི་འོད་ཟེར་གྱིས་གནས་ཉེར་བཞི་དང་། དུར་ཁྲོད་བརྒྱད་ཀྱི་མཁའ་འགྲོ་མ་རྣམས་གནད་ནས་བསྐུལ་ཏེ། རང་དབང་མེད་པར་ཤིང་ལོ་སྐམ་པོ་རླུང་གིས་ཁྱེར་བ་ལྟར་བཀུག །བྱ་ནག་མོའི་ཁྱུ་འདྲོགས་པ་ལྟར་མདུན་དུ་གར་དང་སྟངས་སྟབས་སྒྱུར་ཞིང་སྤུངས་སེ་བྱོན་ནས་བྱིན་རླབས་དངོས་གྲུབ་ཐོགས་མེད་དུ་རྩོལ་བར་བསམ་པ་བཀའ་འབུམ་སྔ་དུམ་སུམ་ཅུ་སོ་གཅིག་ན་ཡོད་ཅིང་། ད་དུང་ཡོད། ༈ ནད་འདོན་དུ་བསྔགས་པ་ནི། ནད་ནི་རྣམ་འཚེའི་ལས་འབྲས་ཡིན་ལ་སྙིང་རྗེའི་རྣམ་པར་མི་འཚེ་བའི་ལས་ཅན་ནོ་ཞེས་མངོན་པ་ལས་འབྱུང་བས་སྙིང་རྗེའི་ལྷ་མཆོག་ཡིན་པའི་རྒྱུ་མཚན་གྱིས་ཏེ། ཇོ་བོའི་ལོ་རྒྱུས་ན་རྣམ་འཚེ་སྤངས་པས་སྙུན་དང་བྲལ་བའི་ཆེ་བ་ཞེས་པ་དང་གནད་གཅིག །དེས་ན་ནད་འདོན་གཙོ་བོར་བྱེད་ན་སྙིང་རྗེའི་དག་དྲན་གཙོ་བོར་བྱ་དགོས། ༈ །ཕྱག་རྡོར་དྲང་སྲོང་གི་ཚུལ་བཟུང་ལོཀྟྲི་པ་ལ་ལྟ་བུ་ཡོད་ཀྱང་། རྩ་བའི་སྤྲུལ་སྐུ་གནོད་སྦྱིན་སྟོབས་པོ་ཆེའི་གཟུགས། རྗེ་བཙུན་ཐུགས་རྗེའི་གཏེར་ནི་གཙོ་བོར་རིག་སྔགས་འཆང་གྲུབ་པའི་ལྷའི་དྲང་སྲོང་ཕན་འདོགས་ནུས་པའི་གཟུགས་ཅན་ཏེ་རི་དྭགས་པགས་པ་རལ་པའི་ཅོད་པན་དང་། བགྲང་ཕྲེང་ཞེས་པ་ནས། དྲང་སྲོང་གཟུགས་ཀྱིས་ཕྱོགས་རྣམས་ཀུན་ཏུ་རྒྱུ། །ཞེས་བླ་མ་

― TN03_Page_0391 ―

^{[མ་དཔེ་གཟིགས་ན་འདིར་གནོན།]}

(༣༢༩)།གསུང་། ཕྲེང་བའམ་བགྲང་ནོར་བསྣམས་པའང་དེ་ལྟར་རོ། །ཆ་བྱད་འགའ་དྲང་སྲོང་དང་བསྟུན་ཡང་ཐམས་ཅད་མཐུན་མི་དགོས། རིག་སྔགས་ནི་འདིར་ཤེས་རབ་སྙིང་རྗེ་སྟེ། མན་ཏྲ་ཡ་ཞེས་ཡིད་སྐྱོ་བ། ༈ །མ་ིའི་སྲུང་གུར་དང་གནས་ཁང་བྱིན་དབབ་བྱེད་ན། ངོས་བཞི་དང་སྟེང་འོག་རྣམས་འབྲུ་དྲུག་གི་རྣམ་པར་ལྟ་བ་བཀའ་གདམས་ཕ་ཆོས་ལྟར། ༈ །ཡིག་དྲུག་འབྱུང་བཞིར་སྦྱར་ལུགས་བཀའ་འབུམ་ན་བཞུགས་པ། དཔལ་མཆོག་ཏུ་འཕགས་པ་ཉིད་སའི་ལྷ་དང་ཆུའི་ལྷར་བཞེངས་པ་སོགས་བཤད་པ་དང་བསྒྲིགས་ནས་དེ་དག་གི་སྔགས་སུ་ཡང་འགྱུར་ལུགས་ཡོད་པར་ཤེས་ཆོག །དེའི་སྟེང་ནས་ཡིག་དྲུག་ལས་ས་རླུང་རྙེད་ན། ས་བཅུད་དང་ཆུ་བཅུད་གསོ་བ། ས་ལ་དབང་སྒྱུར་བ། ཆར་དབབ་པ། ཆུ་དང་རྩི་ཐོག་ལ་ཕན་པའི་རླུང་དགུག་ཅིང་། དུག་ལྡན་གྱི་རླུང་ཞི་བར་བྱ་བ་སོགས་འབྱུང་བཞིའི་གནོད་པ་ཞི་ཞིང་དངོས་གྲུབ་བྱེད་ཚུལ་མང་པོ་ཡོང་བར་གསལ། ༈ རིག་འཛིན་ཞི་བར། རིགས་ལྔའི་དབུ་རྒྱན་གྱི་གཙོ་བོ་རྣམ་སྣང་། སྤྱི་བོར་རིགས་བདག་ཚེ་དཔག་མེད་རེད། དེའི་རིགས་པས་ཡི་དམ་ཞི་བར་ཡང་རྣམ་སྣང་སོགས་ཀྱིས་རྒྱས་བཏབ་ཀྱང་། རིགས་བདག་འོད་དཔག་མེད་སྒོམ་རུང་ངམ་སྟེ། དཔལ་འདུས་སུའང་མི་བསྐྱོད་པ་སོགས་ཀྱིས་དབུ་བརྒྱན་ཡང་རིགས་བདག་སྣང་མཐས་མཛད་

― TN03_Page_0392 ―

^{[མ་དཔེ་གཟིགས་ན་འདིར་གནོན།]}

(༣༣༠)པ་ལྟ་བུ། ༈ །སྲོང་བཙན་སྒམ་པོའི་ངའི་དབོན་སྲས་རྣམས་ཀྱིས་ལྷ་ཁང་བཞེངས་ནའང་ངའི་ར་ས་ལ་ས་རྡོ་ཤིང་གསུམ་གྱི་ཕུད་བསྐྱལ་ནས་བཞེངས་ན་བར་ཆད་མེད་གསུངས་པ་ལྟར་བསམ་ཡས་བཞེངས་པའི་ཐོག་མར་བཟོ་ཕུད་ཕུལ། དེ་ནས་དང་པོར་ཨརྱ་པ་ལོའི་གླིང་རྩིག་ཅེས་སྒྲོལ་མས་ལུང་བསྟན་ནས་དེ་བཞེངས། གུ་རུ་རིན་པོ་ཆེ་སྲིན་ཡུལ་བཞུད་ཀའང་ཐུགས་རྗེ་ཆེན་པོའི་ལྷ་སྔགས་ཡི་དམ་མཐིལ་དུ་ཟུངས་ཤིག་པའི་ཞལ་གདམས་གནང་། རྗེ་འབངས་འདུས་པ་ཡོངས་ལ་ཐུགས་རྗེ་ཆེན་པོའི་ཆོས་ཀྱི་གཏད་རྒྱ་མཛད་དེ་སླར་བོད་ཡུལ་དུ་དེའི་སྒོ་ནས་ཕྲིན་ལས་བྱེད་པར་ལུང་བསྟན་ཅིང་བྱིན་གྱིས་བརླབས། གངས་བྲག་མཚོ་གསུམ་སོགས་འཕགས་པའི་ཆོས་གཏེར་གྱིས་གཏམས་དེ་ཁོ་ན་ལྟར་ཕྱིས་གཏེར་འདོན་དུས་ཀྱང་བླ་རྫོགས་ཐུགས་གསུམ་ཆ་ཚང་མ་ཐོན་ན་གཏེར་ཆེན་མིན་ཞེས་འབྱུང་བ་བཞིན་ཐུགས་རྗེ་ཆེན་པོའི་གདམས་སྐོར་རེ་མེད་པའི་གཏེར་ཁ་ཆེན་པོ་མི་སྣང་། གཏེར་སྟོན་རྣམས་ཀྱི་རྩ་བའི་ཐུགས་དམ་ཡང་ཕལ་ཆེར་འདི་ལ་མཛད་པ་གོང་འོག་གཉིས་དང་སངས་གླིང་སོགས་ཀྱི་རྣམ་ཐར་གྱིས་མཚོན་ནུས། མ་ིའི་བཟླས་རྒྱུན་སྤེལ་བ་དང་སྐྱེ་བདུན་བུམ་སྒྲུབ་སོགས་མ་ིའི་ཕྲིན་ལས་ཚད་བཟུང་མེད་པར་བསྐྱང་ཚུལ་ཡང་ཆོས་དབང་རིན་པོ་ཆེ་དང་། ཐང་སྟོང་རྒྱལ་པོ། འགྲོ་

― TN03_Page_0393 ―

^{[མ་དཔེ་གཟིགས་ན་འདིར་གནོན།]}

(༣༣༡)འདུལ་ལས་གླིང་། རད་གླིང་། རྡོར་བྲག་རིག་འཛིན་སོགས་ཀྱི་ལོ་རྒྱུས་ལས་ཤེས། ས་གཏེར་ལ་མང་ཤོས་བླ་རྫོགས་ཐུགས་གསུམ་ཡིན་པའི་རྒྱུ་མཚན་དེས་གཏེར་སྲུང་རྣམས་ཀྱང་ཐུགས་རྗེ་ཆེན་པོ་ཞི་དྲག་གི་དཀྱིལ་འཁོར་དུ་ཞུགས་ཤིང་དམ་ཚིག་ནོད་པ་ཤ་སྟག་ཡིན་པར་ཤེས་ནུས། གཏེར་སྲུང་དེ་དག་ནི་བོད་ཀྱི་ས་བདག་ཆུ་བདག་ཆེ་ཤོས་རྣམས་སོ། །དེ་དག་ཐམས་ཅད་ཀྱང་བོད་སྤྱི་མཐུན་ལ་སྔགས་ཀྱི་ལྷའི་ནང་ནས་ལས་སྨོན་གྱི་འབྲེལ་བ་ཆེ་ལ་མང་ཤོས་ཐུགས་རྗེ་ཆེན་པོ་ཡིན་པའི་གནད་ལ་གཏུགས་དགོས། རྗེ་འབངས་ཐམས་ཅད་ལ་འཕགས་པའི་གདམས་སྐོར་གྱི་བཀའ་བབས་སུ་ལུང་བསྟན་མ་ཐོབ་པ་མེད་པ་དང་། ས་གཞི་ཐམས་ཅད་འཕགས་པའི་ཆོས་གཏེར་གྱིས་གཏམས་པར་ཅིས་འགྲུབ་ཅེ་ན། འདི་ལ་ལུང་ཁུངས་མང་པོ་ཡོད་མཆི་སྟེ་ད་རེས་དཔེ་མ་འབྱོར། འོན་ཀྱང་བླ་རྫོགས་ཐུགས་གསུམ་མི་ཚང་བའི་གཏེར་ཆེན་མེད་པ་དེ་ཀས་གསལ་བར་འགྲུབ། བིནྡྷུའི་རྟགས་ཅན་འདིར། བོད་འདིར་སྟོན་པའི་དམ་ཆོས་དར་བ་དང་དེ་ལ་བརྟེན་ནས་ཕན་བདེ་རྒྱ་འབྱུང་བ་ཐམས་ཅད་ཀྱི་རྩ་བའི་གླེང་གཞི་ལྟ་བུ་ནི་སྤྱིར་བཅོམ་ལྡན་འདས་ཀྱིས་མི་མཇེད་ཀྱི་ཞིང་འདི་སྔོན་ཡོངས་སུ་སྦྱང་བའི་ལག་རྗེས་ཀྱི་ཁོངས་སུ་ཚང་བ་སྨོས་

― TN03_Page_0394 ―

^{[མ་དཔེ་གཟིགས་ན་འདིར་གནོན།]}

(༣༣༢)མི་དགོས་ཀྱང་། བྱེ་བྲག་ཏུ་ཡུལ་འདིའི་སྐྱེ་བོ་རྣམས་འཕགས་པ་དང་ལས་འབྲེལ་ཆེ་ལ་མང་བ་དང་། འཕགས་པས་དེ་རྣམས་ལ་ཤཱཀྱའི་རྒྱལ་པོའི་ཕྲིན་ལས་ཀྱི་ཆུ་བོའི་འོལ་ཁ་སྒྱུར་བའི་སྨོན་ལམ་དང་ཐབས་མཁས་པའི་ཁྱད་པར་ཉིད་དོ། །ཤཱཀྱའི་རྒྱལ་པོའི་བསྟན་པ་རྫིང་ཆུ། བོད་ཡུལ་ཞིང་ས། ཐུགས་རྗེ་ཆེན་པོའི་ལྷ་སྔགས་ཡུར་བ་རེད་པས་ཞིང་དུ་ཆུ་དཀོན་པོར་སོང་ན་ཡུར་བ་རྩ་ཤིང་རྡོ་གསུམ་མ་གུས་པ་དང་སྙོམ་ལས་སོགས། ལྟ་བུའི་འགག་རྟགས་རེད་པས་དེ་སྦྱང་བ་ལ་འབོད། དེས་ན་བོད་འདིར་དམ་ཆོས་མི་ནུབ་ཆེད་སྲུང་རིམ་གཞན་བྱེད་པ་ལས་མ་ིའི་སྒྲུབ་དང་ལས་སྦྱོར་རྣོ་བ་འདྲ་སྟེ། ཆོས་ཀྱི་དབུ་བརྙེས། སྲོལ་བཏོད། རྒྱས་པར་བྱེད་པ་སོགས་མགོ་འཇོག་ལུགས་ཀྱི་རྟེན་འབྲེལ་ལས་སོ། ༈ །རྣམ་པ་གཅིག་ཏུ་ན། རྒྱལ་བསྟན་བྱ་བ་ལུང་རྟོགས་ཡིན་གྱི་འར་རེ་འུར་རེ་ལ་མི་ཟེར། བོད་འདིར་རྒྱལ་བསྟན་སྤྱི་ཁྱབ་དེའི་ལམ་སྲོལ་འཛུགས་མཁན་དང་འབྱེད་བྱེད་སོགས་མ་ིའི་ལྷ་སྔགས་ཡིན་པའི་རྟེན་འབྲེལ་དེས་སྒོས་ཀྱི་བསྟན་པ་རང་རྒྱུད་ལ་དར་རྒྱས་འབྱུང་བའི་ཐབས་སུའང་མ་ིའི་རྣལ་འབྱོར་ཁོ་ན་ཟབ། དེས་ན་གསང་འདུས་ཀྱི་གོས་དཀར་མོའི་ཕྲེང་སྔགས་ཐད་གསུང་རབ་ཡན་ལག་བཅུ་གཉིས་ལ་སོགས་པའི་ཆོས་ཀྱི་དངོས་གྲུབ་བཤད་པ་དང་འདྲ་བ་མ་ི་ལ་ཆོས་ཀྱི་དངོས་གྲུབ་སྒྲུབ་པར་

― TN03_Page_0395 ―

^{[མ་དཔེ་གཟིགས་ན་འདིར་གནོན།]}

(༣༣༣)ཡིད་གཏོད་པར་བྱའོ། །བཀའ་གདམས་ཐིག་ལེ་བཅུ་དྲུག་ཏུ་བསྟན་པ་རྒྱས་པའི་ཆོ་གར་བསྔགས་པའང་དེ་ལྟར་རོ། ༈ །བ་སྤུའི་ཁུང་བུ་ཀྲིཥྞའི་བྱ་རི་དྭགས་དང་། རིན་ཆེན་རྣ་ཆའི་དྲི་ཟའི་བུ་མོའི་དང་། རྡོ་རྗེ་སྒོའི་མིའམ་ཅིའི་ཐད་ཀུན་ན་མ་ི་དྲན་པའི་མོད་ལ་བདེ་བའི་ཡོ་བྱད་ཐམས་ཅད་རང་འབྱུང་བར་གསུངས་པ་ལ་བརྟེན་ནས། སྒྲིབ་སེལ་གྱིས། ཐེག་པ་ཆེན་པོའི་མདོ་དཀོན་མཆོག་གི་རྒྱལ་པོ་ཟ་མ་ཏོག་གི་མིང་དྲན་པ་ཙམ་ལ་ཡང་དེ་འདྲའི་མཐུ་ཡོད་ན། མདོ་དེ་ཉན་ཀློག་འཛིན་པ་སོགས་ལ་ལྟ་ཅི་སྨོས་ཞེས་ཆེད་དུ་བརྗོད། ཟ་མ་ཏོག་ཅེས་པ་རྣམས་ནི་མ་ི་ཉིད་དོ། ༈ །ཡང་ཡི་གེ་དྲུག་པའི་རིག་སྔགས་ཀྱི་རྒྱལ་མོ་ཆེན་མོའི་མིང་ལན་གཅིག་བཟུང་ན་དེ་བཞིན་གཤེགས་པ་ཐམས་ཅད་ལ་ན་བཟའ་དང་། བཤེས་དང་། གཟིམ་ཆ་དང་། སྙུན་གྱི་གསོས་སྨན་དང་། ཡོ་བྱད་ཐམས་ཅད་ཀྱིས་བསྙེན་བཀུར་བྱས་པར་འགྱུར་རོ། །ཞེས་གསུངས། ཡང་ཡིག་དྲུག་ཟློས་པ་པོ་དེ་ལ་ནོར་བུ་རིན་པོ་ཆེ་འཛིན་པ་དང་། དམྱལ་བ་དང་བྱོལ་སོང་སྐེམ་པ་དང་། རྡོ་རྗེའི་གོ་ཆ་དང་། རྐང་པ་ཤིན་ཏུ་གནས་པ་དང་། ཐབས་མཁས་པ་ཐམས་ཅད་དང་། བསམ་གཏན་གྱི་རྒྱན་དང་། ཆོས་ཀྱི་ཤིང་རྟ་ལ་འཇུག་པ་དང་། སངས་རྒྱས་ཀྱི་ཞིང་ཐམས་ཅད་སྟོན་པ་དང་། དེ་བཞིན་གཤེགས་པ་ཐམས་ཅད་མཐོང་བ་ལ་

― TN03_Page_0396 ―

^{[མ་དཔེ་གཟིགས་ན་འདིར་གནོན།]}

(༣༣༤)སོགས་པ་ཏིང་ངེ་འཛིན་བརྒྱ་རྩ་བརྒྱད་ཐོབ་པར་འགྱུར་རོ། །ཞེས་གསུངས། ༈ །ཐེག་ཆེན་ཐུན་མོང་མ་ཡིན་པའི་ལམ་གནད་ཆེ་ཤོས་ཞི་མཐའ་འགོག་བྱེད་རྣམས་ཡིན་པས་བྱང་སེམས་ཀྱིས་དེ་ལ་གཙོ་བོར་འཛིན་དགོས་ཤིང་། ལུང་ལས། འཆག་པས་ཐོབ་པའི་ཏིང་ངེ་འཛིན་ནི་རིང་དུ་གནས་སོ་ཞེས་པ་ལྟར། དེའི་ནང་ནས་ཀྱང་གཙོ་ཆེར་རམ་ཤས་ཆེར་སེམས་ཅན་གདུལ་གང་དཀའ། བསྐྱབ་གང་དཀའ། ལས་སྒྲིབ་གང་འཐུག །སྡིག་སྟོབས་གང་ཆེན་རྣམས་ཁོ་ན་ལ་ཀྱོག་པའི་ཤིང་ལ་སྲོང་བའི་ཚུལ་བཞིན་དམིགས་ཕུག་སྟེ་ཐབས་ཤེས་ཀྱི་ལམ་ཐམས་ཅད་ཆེད་གཏད་ཀྱིས་དུས་མཐའ་ཡས་པར་རྩལ་སྦྱང་བ་ནི་མགོན་མེད་ཀྱི་འགྲོ་བ་རྗེས་འཛིན་གྱི་རྩལ་ཐོན་ཕྱོགས་དང་། རྣོ་ནུས་སྐྱེ་ཕུལ་གཞན་དང་ཁྱད་ཞུགས་པ་ཡིན། བྱང་སེམས་ན་མཉམ་ལའང་དེ་འདྲའི་ཁྱད་འོང་བ་ནི་འགལ་ཏེ། ཉན་ཐོས་དགྲ་བཅོམ་ཡིན་མཉམ་ལའང་མཆོག་ཟུང་འགྲན་མེད་དུ་གསུངས་པ་བཞིན་ནོ། །ཕལ་ཆེར་དོན་ཡོད་དང་། རྣམ་ཀུན་དོན་ཡོད་སོགས་ཀྱང་ཆོས་དབྱིངས་མངོན་སུམ་རྟོགས་པར་འདྲ་ཡང་ཐབས་ཤེས་ཀྱི་རྟོགས་པ་རྩལ་བྱང་མ་བྱང་དང་། མཐུ་ཆེ་ཆུང་ཡིན་ལ། དེ་བཞིན་དུ་སྤྱིར་སེམས་ཅན་སྒྲོལ་བ་ལ་རྟོགས་པའི་རྩལ་བྱང་མཉམ་ཡིན་ཡང་ཆེས་ཆེར་སྙིགས་ཤིང་རྒྱུད་ཚིག་

― TN03_Page_0397 ―

^{[མ་དཔེ་གཟིགས་ན་འདིར་གནོན།]}

(༣༣༥)པའི་གདུལ་དཀའི་འགྲོ་བ་ལྷག་པར་སྐྱོབ་པ་ལ་རྟོགས་པའི་རྩལ་བྱང་ཚབས་ཆེ་ཆུང་། བུར་ཤིང་འོ་མ་བུ་རམ་གྱི། །མངར་བ་ཉིད་ནི་ཁྱད་པར་ཆེ། །ཞེས་པ་ལྟ་བུ་ཡོད་པའོ།། ༈ །རྗེ་བཙུན་གྱིས་སྟོང་ཉིད་སྙིང་རྗེའི་ལམ་འདི་སངས་རྒྱས་གྲངས་མེད་མཆོད་ནས་བཙལ། རྙེད་ནས་སྨོན་ལམ་གྲངས་མེད་འབུམ་བཅུ་སོགས་དང་། སྦྱིན་སོགས་སྤྱོད་པ་དཔག་མེད་ཚད་མེད་ཀྱིས་བརྒྱན། རྟག་འགྲུས་རྒྱུན་མི་འཆད་དང་། སྒོ་ཐམས་ཅད་ཀྱི་ཕུན་སུམ་ཚོགས་ཤིང་རྣམ་པར་དག་ལ་ཆེས་ཕུལ་བྱུང་དང་མི་འཕྲོགས་པའི་སྒྲུབ་པ་མཛད་དེ། ཤིན་ཏུ་མཐར་ཕྱིན་ཅིང་ཡོངས་སུ་རྫོགས་པ་ན་དེ་ཉིད་ཡིག་དྲུག་ཏུ་བརླབས་པ་རེད་པས་དེ་ཐམས་ཅད་ཀྱི་ནུས་པ་ཡིག་དྲུག་ཁོ་ན་ལ་ཡོད་དོ། །དེས་ན་མནར་མེད་དུ་བྱོན་ཚེ་ཡང་མ་ི་ཚར་རེ་གསུངས་པ་རྐྱང་པས་ས་ཆེན་པོའི་རྡུལ་ལྟར་མཐའ་ཡས་པའི་དམྱལ་བ་ཚང་སྤྲུགས་སུ་སྤྲུགས་ནུས་པ་རེད་དོ། །ཡང་། སོ་སྐྱེས་ཆོས་སྨྲ་སོགས་སྟོང་གསུམ་གྱི་རྡུལ་སྙེད་ཀྱིས་བསྐལ་བ་མཐའ་ཡས་པར་ཆོས་རྒྱ་ཆེར་བཤད་པ་བས། རྗེ་བཙུན་གྱིས་མ་ི་རྡོག་གཅིག་གསུངས་པ་གཞན་ཕན་གྲངས་མེད་འགྱུར་དུ་ཆེ་བ་ནི། སྟོབས་བཅུ་མངའ་བའི་གནད་ཀྱིས་ཡིན་ཏེ། སྟོབས་རྣམས་མ་རིག་སྒྲིབ་ལ་རྡོ་རྗེ་བཞིན། །ཞེས་པའང་གཞན་རྒྱུད་

― TN03_Page_0398 ―

^{[མ་དཔེ་གཟིགས་ན་འདིར་གནོན།]}

(༣༣༦)ཀྱི་མ་རིག་སྒྲིབ་ལ་ཞེས་པའོ། །འདོམས་པར་བྱེད་པ་པོ་ཉམས་ཆེ་ཆུང་གིས་འཁོར་གདུལ་བ་ཁྱད་ཞུགས་པ་ཐམས་ཅད་འདི་དང་འགྲོ་ཕྱོགས་འདྲའོ། ༈ །སྔར་ཀླད་བྲིས་སྐོར་འཁྲུལ་པ་ལ་ཡང་བྲི་བྱས་པ། མངོན་སྤྱོད་མཁན་ཙ་ན་ཀྱས་མི་བརྒྱ་སྟོང་མང་པོ་ལ་གདུང་བ་བསྐྱེད་པ་ནི་སེམས་ཅན་དེ་དག་གི་ལས་ངན་གྱི་ནུས་པ་དྲག་སྔགས་ཀྱི་ལྷན་ཅིག་བྱེད་རྐྱེན་གྱིས་བསླང་བ་ཡིན་ཅིང་། མངོན་སྤྱོད་དེའི་རྣམ་སྨིན་ནི་ཕྱི་མར་ཡི་དྭགས་ཀྱི་རྗེ་བོར་སྐྱེ་བ་དེ་རེད། དེར་མ་ཟད། ཙ་ན་ཀྱའི་བརླང་སྤྱོད་དེ་ལས་ཤིན་ཏུ་སྟོབས་ལྡན་ཡིན་པས་མཐོང་ཆོས་མྱོང་འགྱུར་རེད་པས། ཚེ་དེར་ལུས་ཚལ་བར་གས་པའི་ནད་ཀྱིས་ཤི་བ་རེད། དེ་གོ་བཟློག་སྟེ་ཚེ་སྒྲུབ་སོགས་ལའང་འདོན་པ་སྒྱུར་ཆོག་འདུག །དེའི་འགྲེས་ཀྱིས་མ་ིའི་རྒྱབ་ཆོག །གོ་འཚོགས་སོགས་ཀྱིས་སྔོན་ལས་ངན་པའི་འབྲས་བུ་ནད་གནོད་བྱུང་ཆག་སོགས་ལ་ལོ་ཏོག་སེར་བས་བཅོམ་ལྟར་འགལ་རྐྱེན་བྱས་ནས་ཕྱིར་བཟློག་པ་དང་། རྒྱལ་པོ་ལ་ཙན་དན་ཕུལ་བས་ཡུལ་ཐོབ་པ་ལྟར། ཚེ་རིང་ནད་མེད་སོགས་ཀྱི་རྒྱུའི་སྔོན་ལས་ཚེ་འདིར་འདྲེན་པའི་རྐྱེན་བྱེད་པ་ཙམ་རེད་ལ། མ་ིའི་ཆོས་འདོན་ལ་ཡོན་ཕུལ་བའི་ལས་འབྲས་ནི་ད་གཟོད་ཚེ་རབས་ཕྱི་མ་ལ་སྨིན་རྒྱུ་ཡིན་ལ། ཞིང་དང་བསམ་པ་ཕྱུལ་བྱུང་འགའ་ཞིག་མཐོང་ཆོས་མྱོང་འགྱུར་ཡང་

― TN03_Page_0399 ―

^{[མ་དཔེ་གཟིགས་ན་འདིར་གནོན།]}

(༣༣༧)ཡོད། སྔོན་འབྲེལ་ཆེ་ཆུང་སོགས་ཀྱི་དབང་གིས་རྒྱབ་ཆོག་སྐུ་རིམ་ལའང་སྔོན་གྱི་དགེ་བའི་ལས་གཞན་གྱི་འབྲས་བུ་འཕྲལ་ལ་སད་རྐྱེན་བྱེད་ནུས་མི་ནུས་མང་པོ་ཡོད་ཀྱང་གསོལ་བ་བཏབ་ན་སྔོན་གྱི་དགེ་འབྲས་ནམ་འདོད་དེར་འདྲོང་ཐུབ་པ་ལ་མ་ི་སྟོབས་ཆེ། རྣམ་སྨིན་སྟོབས་ཆེ་བ་ནི་སླའོ། །དེས་ན་ལས་གཞན་གྱི་སད་རྐྱེན་བྱེད་ལུགས་ལའང་། གཞན་རྒྱུད་ལ་དང་། རང་རྒྱུད་ལ་བྱེད་ཚུལ་གཉིས་ཡོད་པར་སྣང་། འདི་ཞ་དམར་ལམ་རིམ་ལྟར་ན་མ་ི་བཏོན་པའི་སྐྱེས་བུ་བྱེད་འབྲས་སུ་བྱའམ་སྙམ། ༈ །རྩི་ཤིང་གི་བཅུད་དབྱར་ཀ་རྩེ་ན་ཡོད་རྟགས་སུ་དེའི་རོ་ནུས་ཁྱད་པར་འཕགས་བྱས་པ་རྐྱང་དམ་ཡེའི་རྡོ་རྗེ་གསུམ་དབྱེར་མེད། གིས་མི་ཆོག་བཅུད་རྩེ་མོར་ཡོད་རྟགས་སུ་འབྲས་བུའམ་ཐོག་འབྲུ་གསུམ། གུ་ཆགས་དགོས། ༈ གནས་གསུམ་གོ་ཆ་ནི་རང་རྒྱུད་ཀྱི་སྒོ་གསུམ་དང་སངས་རྒྱས་རྣམས་ཀྱི་རྡོ་རྗེ་གསུམ་གཅིག་ཏུ་སྦྱར་ནས་མདུད་པ་བརྒྱབ་པ་ཡིན་པས། སངས་རྒྱས་རྣམས་ཀྱི་རྡོ་རྗེ་གསུམ་གྱི་དབྱིངས་སུ་རང་གི་སྒོ་གསུམ་སྦ་བ་སྟེ། ཆུ་ཐིགས་རྒྱ་མཚོ་ལ་བཞག་ནས་ཉི་མའི་གདུང་བ་ལས་སྲུང་བ་བཞིན་ནོ། ༈ །པདྨའི་རིགས་ལ་དམ་པའི་ཆོས་ཀྱི་འོད་ཟེར་དང་། མདོ་སྡེ་བཤད་པའི་མཐུ་རྙེད་ཕྱིར་སོགས་ཡོ་གར་བཤད་པ་ནི། གཏི་མུག་གི་གཉེན་པོ་ཤེས་ཕྱིན་གྱི་ངོ་བོ་ཉིད་པདྨ་འགྲོ་

― TN03_Page_0400 ―

^{[མ་དཔེ་གཟིགས་ན་འདིར་གནོན།]}

(༣༣༨)འདུལ་གྱི་རིགས་ས་དཔལ་མཆོག་འགྲེལ་ཆེན་དུ་བཤད་པས། ཤེར་ཕྱིན་གྱི་མཚོན་བྱེད་གླེགས་བམ་དུ་བྱེད་པ་དང་། ཆོས་དབྱིངས་རྟོགས་པའི་རྒྱུ་མཐུན་པའི་གསུང་རབ་ཅེས་པ་དང་འདྲ་བས་མི་གོས་པའི་དེ་ཉིད་ཀྱི་སྟེང་ནས་ཤེས་པར་བྱ་སྙམ། འདི་ལྟར་ཡིན་ངེས་ཏེ། ཀུན་སྙིང་གི་ཧྲཱིཿབཤད་དུ། ཆོས་ཀྱི་རིགས་ཞེས་པའི་ཆོས་ནི་རང་བཞིན་དག་པའི་ཆོས་ལ་གཟིགས་པའི་ཤེས་ཕྱིན་དུ་གསུངས་པའི་ཕྱིར་རོ། །དེའང་ཉན་རང་གིས་ནི་དག་བྱ་ཉོན་སྒྲིབ་ལ་ལྟོས་ཏེ་རང་བཞིན་དག་པའི་ཆ་ཙམ་མངོན་སུམ་རྟོགས་ཏེ། དེའི་དབང་གིས་དག་པ་ཕྱོགས་གཅིག་པ་དེ་ལ་བརྟེན་པའམ་དེའི་ཡིན་ཏན་དུ་གྱུར་པའི་འཕགས་པའི་ཆོས་ཀྱང་ཉེ་ཚེ་བ་ཙམ་བརྙེས་ལ། ཐེག་ཆེན་ནས་སྒྲིབ་གཉིས་བག་ཆགས་དང་བཅས་པ་དག་བྱར་བཞག་པའི་རང་བཞིན་དག་པ་མཐའ་དག་མངོན་དུ་བྱེད་དེ་དེའི་དབང་གིས་དག་པ་མ་ལུས་པ་དེའི་ཡོན་ཏན་དག་པ་དེ་ལ་བརྟེན་པའང་མཐའ་དག་པ་འཐོབ་སྟེ། འདི་ནི་རང་བཞིན་དག་པ་དེ་སྒོམ་བྱེད་ལམ་གྱི་དབང་གིས་ཆོས་ཀྱི་དབྱིངས་སམ་འཕགས་ཆོས་ཀྱི་འབྱུང་ཁུངས་སུ་འགྱུར་ཚུལ་རྒྱ་ཆེ་ཆུང་ངོ། །རྟོགས་པའི་ཆོས་ཀྱི་འབྱུང་ཁུངས་ཡིན་པར་མ་ཟད་ལུན་གི་ཆོས་ཐམས་ཅད་ཀྱི་འབྱུང་མཐར་ཐུག་ཀྱང་ཡིན་ཏེ། རྒྱུ་མཐུན་དེ་དག་ཐུབ་པ་བཞེད། ཅེས་ཆོས་དབྱིངས་རྟོགས་

― TN03_Page_0401 ―

^{[མ་དཔེ་གཟིགས་ན་འདིར་གནོན།]}

(༣༣༩)པའི་རྒྱུ་མཐུན་པའི་གསུང་རབ་ཅེས་གྲགས་པ་ལྟར་རོ། །སོ་སོ་ཡང་དག་རིག་བཞི་ཞེས་པའི་སྒྲ་བཤད་ཀྱིས་ཀྱང་ཤེས། དེས་ན་ལུང་གི་ཆོས་ཐམས་ཅད་ཀྱང་འགོག་བདེན་ཆོས་དབྱིངས་རྣམ་དག་གི་ཡོན་ཏན་ཁོ་ནའོ། །ལམ་རིམ་གྱི་ལྷག་མཐོང་གི་སྟོང་ཉིད་བཙལ་དགོས་པའི་རྒྱུ་མཚན་ཐད་ལྟར་དེ་ཁོ་ན་ཉིད་འཚོལ་བ་ནི་གློ་བུར་གྱི་དྲི་མ་སྦྱངས་ནས་དག་པར་བྱ་བའི་ཆེད་དོ། །དྲི་མའི་གཙོ་བོ་ནི་རྨོངས་པ་བག་ཆགས་དང་བཅས་པ་སྟེ། དེ་རང་བཞིན་གྱིས་དག་ཚུལ་འདི་རང་བཞིན་དག་པ་ཞེས་པའི་གཙོ་བོར་བཟུང་ངོ་། ༈ །རྒྱུན་འཁྱེར་དུ་བཟླ་ན། སྐྱབས་སེམས་དང་ཤུནྱཏའི་དོན་དྲན་སྔོན་བཏང་སོགས་མ་བྱུང་རུང་སྔར་གྱི་གོམས་ཤུགས་ལྟར་ལྷ་གསལ་བཏབ་སྟེ་རྡོ་རྗེ་ཕྲེང་བཟུང་ལུགས་སུ་བཟླས་པས་འགྲུབ་པ་དང་། དེའང་ལྷའི་རྣམ་པ་གསལ་བར་མ་གྱུར་ཀྱང་ཡེ་ནས་རང་གི་སྒོ་གསུམ་ལྷའི་རང་བཞིན་དུ་སངས་རྒྱས་པའི་ང་རྒྱལ་གྱིས་བཟླས་པས་ཀྱང་ཆོག་པ་མན་ངག་གི་གནད་དང་འབྲེལ་བ་ཡིན་ཞེས་རིག་འཛིན་ཐུགས་ཐིག་གི་བསྙེན་ཡིག་ཏུ་གཏེར་ཆེན་གྱིས་བཤད། ༈ །ལྷུན་གྱིས་གྲུབ་པའི་ཆོས་ཉིད་ཐོབ་རྣམས་གཞན་ལས་བྱ་དཀའ་ཞེས་བྱ་འགའ་ཡོད་མིན། ༈ །ཕྱག་དྲུག་པའི་ཡུམ་གྱི་སྔགས་ལ་ཡང་། བྷྱོ་ནག་མོ་བཻཏ་ལི་ཞེས་རྒྱུད་ལས་གསུངས་སོ། ༈ །འོ་རྐྱལ་ སྒོམ་

― TN03_Page_0402 ―

^{[མ་དཔེ་གཟིགས་ན་འདིར་གནོན།]}

(༣༤༠)བཟླས། བསྲུབ་བསྒྲིལ་ཡུས་ཆེ་བས་མི་ཆོག ཟོ་མར་དྲོད་ཚད་གྱི་གོང་བུ་ཐོན་པ་དགོས། ༈ །རྡོ་རྗེའི་དེ་ཉིད་ནི་མི་ཆོད་མི་ཤིགས་མི་ཕྱེད་པ་སྟེ། དེ་དྲན་ནས་ལི་པི་ཤ་ཏ་བཟླས་པས་ཤིན་ཏུ་བརྟན་པར་བྱེད། ༈ འཕགས་མཆོག་གང་དུ་དམིགས་པ་དེར་ས་བཅུ་པར་ལག་ན་རྡོ་རྗེ་སྟོང་ཕྲག་བརྒྱ་རྟག་ཏུ་ཕྱི་བཞིན་འབྲང་བར་གསུང་པ་ལྟར་གྱི་ལག་ན་རྡོ་རྗེའི་སྲུང་མ་དང་། རྟ་མཆོག་རིག་པ་བྱེ་བའི་འཁོར་དང་བཅས་པ་སོགས་འཁོར་དག་པ་གཞལ་མེད་རྣམས་མིའི་ལུས་ཤིག་མེད་ན་མེད་དུ་ཟད། ཡོད་ཕན་ཆད་གྲིབ་མ་ཞིག་ངེས་པར་ཡོད་པ་དང་། ག་བུར་ཞིག་ཡོད་ན་དྲི་བསུང་ངེས་པར་ཡོད་པ་ལྟར་འབྲལ་མེད་དུ་ཡོད་ངེས་པ་དམིགས་འོག་ཏུ་ཆུག་དགོས། ཁོང་རིགས་ཀྱི་འཁོར་ལོས་སྒྱུར་བ་རེད་པ། འཁོར་ལོ་སྒྱུར་བའི་རྒྱལ་པོ་དཔུང་ཚོགས་ཡན་ལག་བཞི་དང་མི་ལྡན་པ་ཞིག་ཤེས་བྱ་ལ་མི་སྲིད་དེས་ན་རྡོ་རྗེ་ཁྲོ་བོའི་དམག་དཔུང་བྱེ་བ་ཁྲག་ཁྲིག་རང་ཤུགས་ཀྱིས་རྗེས་སུ་འབྲང་བ་ཡིན་པར་ཤེས་པར་བྱའོ། ༈ །པདྨའི་མི་གོས་པའི་དེ་ཉིད་དང་། ཆུ་འདམ་ནས་སྐྱེས་ཤིང་ཆུ་འདམ་ན་གནས་པའི་དེ་ཉིད་གཉིས་རིམ་བཞིན་དོན་དམ་སེམས་བསྐྱེད་དང་ཀུན་རྫོབ་སེམས་བསྐྱེད། ཤེས་པ་རྣམ་དག་དང་། ཤེས་བྱ་རྣམ་དག །སྲིད་མཐའ་འགོག་བྱེད་དང་། ཞི་མཐའ་འགོག་བྱེད། མངོན་མཐོ་མཐར་ཐུག་

― TN03_Page_0403 ―

^{[མ་དཔེ་གཟིགས་ན་འདིར་གནོན།]}

(༣༤༡)དང་ངེས་ལེགས་མཐར་ཐུག །རང་དོན་དམ་པ་ཕུན་ཚོགས་དང་གཞན་དོན་དམ་པ། ཐུགས་དབེན་པའི་བདེ་མཐོང་ཆོས་བདེ་གནས་སོགས་ཀྱང་བས་གང་ཞིང་། སྐུ་འདུ་འཛིའི་ཁྲོད་ན་ཡང་སྤྱོད་པ། ༈ །ཕྱག་སྟོང་སྤྱན་སྟོང་གི་མདོར། གལ་ཏེ་ཆོས་བཞིན་དུ་བཟླས་བརྗོད་བྱས་ཏེ་སེམས་ཅན་རྣམས་ལ་སྙིང་བརྩེ་བའི་སེམས་བསྐྱེད་པར་གྱུར་ན་བདག་ཀྱང་དེའི་ཚེ་དགེ་བའི་ལྷ་དང་། ཀླུའི་རྒྱལ་པོ་ཐམས་ཅད་དང་། ལག་ན་རྡོ་རྗེ་གསང་བ་རྣམས་ལ་རྟག་པར་དེའི་རྗེས་སུ་འབྲང་ཞིང་ཡོངས་སུ་སྲུང་བ་གྱིས་ཤིག །དེའི་ཉེ་འཁོར་ན་གནས་ནས་མིག་གི་འབྲས་བུ་བཞིན་དུ་ཡོངས་སུ་སྲུངས་ཤིག རང་གི་སྲོག་གི་དབང་པོ་བཞིན་དུ་ཡོངས་སུ་སྐྱོབས་ཤིག་ཅེས་བསྒོ་བར་འགྱུར་རོ། །བདག་གིས་གསང་བའི་བདག་པོ་རྡོ་རྗེ་འཆང་། །བདུད་རྩི་འཁྱིལ་བ་སྨེ་བརྩེགས་ལྕགས་ཀྱུ་ཅན། །སྟོབས་ལྡན་ཤཾ་ཀ་ར་དང་སྡེ་བརྒྱད་དག །བཏང་ནས་རྟག་ཏུ་གཟུངས་འཛིན་སྲུང་བར་བྱེད། །ཅེས་སོགས་མང་དུ་གསུངས་ཏེ། མ་ི་ཟློས་ཚེ་ལྷ་ཀླུ་མང་པོས་སྲུང་ཚུལ་ཀ་རཎྜར་གསུངས་པ་དང་འདྲའོ། །དེ་ལྟར་སྲུང་མ་རང་འཁོར་བའི་དབང་གིས་འབྲོག་དགོན་སོགས་སུ་གཅིག་པུར་ཉལ་ཡང་གདོན་བགེགས་ཀྱིས་གཙེ་མི་ནུས་པ་དང་། མྱ་ངམ་སོགས་སུ་ལམ་གོལ་བར་འཁྱམ་ཡང་། ལྷ་ཀླུའི་སྤྲུལ་པས་ལམ་སྟོན་

― TN03_Page_0404 ―

^{[མ་དཔེ་གཟིགས་ན་འདིར་གནོན།]}

(༣༤༢)བ་དང་། ནགས་ཚལ་སྟོང་པ་སོགས་སུ་མེའམ་ཆུས་ཕོངས་ན་དེ་དག་སྦྱིན་པར་གསུངས་ཏེ། དགྲ་ཇག་ཆོམ་རྐུན་འཆིང་བ་དང་། མཐུན་པའི་ཡོ་བྱད་གཞན་འདུ་བ་སོགས་མང་པོར་སྦྱོར་ཆོག ༈ །ཐུགས་ཀའི་ཡེ་སེམས་རྟ་མགྲིན་དུ་བྱས་ནས་སྔགས་འཁོར་བཀོད་དེ། རྟ་སྐད་ཀྱིས་བདེ་གཤེགས་གསུང་གི་དངོས་གྲུབ་སྡུད་པ་ལ་དམིགས་པ་གཏད་ནས་བཟླས་ན་སྔགས་ཀྱི་ནུས་པ་སྐྱེ་བའི་ཁྱད་ཆེ་འདྲ། ༈ །མདོར་ན་ཆོས་ནི་མི་འཚེ་བའོ། །ཞེས་རྒྱལ་བའི་བསྟན་པ་སྙིང་རྗེས་ཕྱེ། ༈ །ལྷ་ཆེན་དམོད་པ་གྲུབ་པ་སོགས་ནས། མགོན་ཁྱོད་ཐུགས་རྗེ་གྲུབ་པ་ལས་སོགས་ལྷ་དང་དྲང་སྲོང་དམོད་པའི་མཚོན་ཆ་ཅན་རྣམས་ཀྱི་དམོད་པས་མི་ཁྱིམ་འབུམ་ཕྲག་དུ་མས་གང་བའི་གྲོང་ཆེན་རིང་པོར་མི་ཐོགས་པར་འབྲོག་དགོན་སྟོང་པར་བྱས་སྐད་དེ་རྦབ་ཐུར་ལ་བཏང་བ་ལྟ་བུ་འཇིགས་རུང་གི་དཔེར་བྱེད། སངས་རྒྱས་ཀྱི་ཐུགས་བསྐྱེད་པ་རེ་རེས་སམ་འོད་ཟེར་རེ་རེས་སྟོང་གསུམ་བརྗོད་མེད་བརྗོད་མེད་ཚད་མེད་གཞལ་མེད་ཀྱི་རྡུལ་སྙེད་ཀྱི་འགྲོ་བ་མངོན་མཐོ་ངེས་ལེགས་ཀྱི་བདེ་བ་བཟང་མང་ལ་འཇོག་པ་རེད། རྦབ་གྱེན་ལ་འཐེན་པ་ལྟ་བུ་སྟེ་ཐུར་དུ་རྦབ་སྟོང་སྒྲིལ་བ་བས། གྱེན་དུ་ཕ་བོང་གཅིག་འདྲེན་པ་ཆེས་དཀའ་བས་ཡ་མཚན་དཔེ་མེད། མཐུ་ཕྱི་མ་འདིས་དང་པོའི་ཡོན་ཏན་བརྒྱ་ཕྲག་བཅུ་གཉིས་ནས་རིམ་གྱིས་ནར་སོན་ཚུལ་སོགས། ༈ །དང་པོ་རྩ་བ་ཐ་མ་འབྲས་མཆོག་ལྡན། །

― TN03_Page_0405 ―

^{[མ་དཔེ་གཟིགས་ན་འདིར་གནོན།]}

(༣༤༣)སོགས་དང་། རྣམ་སྣང་མངོན་བྱང་ལས། སྙིང་རྗེའི་རྩ་བ་ཅན་ཡིན་ཞེས། །སྒྲུབ་བྱེད་ཐུགས་རྗེ་གོམས་ལས་དེ། །ཞེས། ༈ །ཐེག་ཆེན་ཕྱིར་མི་ལྡོག་གི་རྟགས་ཀྱང་རང་དོན་ཡིད་བྱེད་བསྡམ་པའི་སྟེང་ནས་བཞག་ཡོད། ༈ །མཛོད་འགྲེལ་དང་རྣམ་འགྲེལ་རང་འགྲེལ་ལས་སོགས་འཐད་སྒྲུབ་སྐོར། ༈ །ཚད་ཆེན་འགྲེལ་པར། དེ་འདོད་པའི་ཕྱིར་རོ་ཞེས་སོགས་ཀྱིས་གཞན་དོན་རང་གི་འདོད་དོན་ཡིན་ལུགས་བདག་གཅེས་འཛིན་གྱིས་ཕོངས་ཤིང་རང་དོན་ཕུན་ཚོགས་མི་འབྱུང་ལ་བཟློག་ན་དོན་གཉིས་འབྱུང་ལུགས་གཉིས་ཀྱིས་སྙིང་རྗེ་སྐྱེད་ནུས་དང་། སྐྱེད་དགོས་གཉིས་བསྟན། དང་པོ་ནི། བརྩེ་མེད་གོམས་ན་དེར་འགྱུར་བ་རོ་སྲེག་མཁན་བརྩེ་བྲལ་དང་། བྲམ་ཟེ་གཙང་ཞེན་སོགས་ཀྱིས་བསྒྲུབ་ཡོད། དགྲ་གསོད་ཕྲོག་ལ་རང་དོན་དུ་ཞེན་པ་ལ་འདོད་པའི་ཕྱིར་རོ་ཞེས་པ་ལས་སྒྲུབ་བྱེད་གཞན་མེད་དེའི་རིགས་པས་སྙིང་རྗེ་ཤིན་ཏུ་གོམས་ན་ཞེས་སོགས་ཁ་བསྒྱུར། ༈ །གཞན་ཕན་དགའ་བ་སོགས་སློབ་སྤྲིང་དང་། སེམས་ཅན་རྣམས་ནི་གྲོལ་བ་ན་སོགས། འགྲོ་དྲུག་སྐྱེད་ཚུལ་དུས་སྟོན་ལྟར། །རང་གི་ཡོན་ཏན་སེམས་ཅན་ཕན་འདོགས་དགའ། ༈ །ཐུབ་པའི་སྐྱེས་རབ་ཐམས་ཅད་བདག་པས་གཞན་གཅེས་མཛད་ཚུལ་ཁོ་ནར་གསུངས། ༈ །མཐོང་བའམ་གྲོང་ཁྱེར་རྒྱུ་བ་ན། །ལོང་བས་

― TN03_Page_0406 ―

^{[མ་དཔེ་གཟིགས་ན་འདིར་གནོན།]}

(༣༤༤)མིག་ཐོབ་སོགས། མཚན་བཟུང་བ་ཙམ་ཡང་བརྒྱད་བརྒྱ་པ་སོགས་ལྟར། སྟོན་པ་དང་ཤཱ་རིའི་བུའི་སྣམ་སྦྱར་སྟེང་ཕུག་རོན་བབས་པ། སྟོན་པ་དང་ཀུན་དགའ་བོས་སེངྒེལ་རེག་པ། རྣམ་ཀུན་དོན་ཡོད་ནི། སངས་རྒྱས་རྣམས་ཀྱི་གཡོ་བ་ནི་སོགས། ༈ །དགེ་རྩ་དང་མཚུངས་ལྡན་གྱི་ཉོན་མོངས་བརྒྱད། ༈ །བརྒྱ་ལྔ་བཅུ་བའི་ཐུགས་རྗེ་ལ་བསྟོད་པ། ༈ །གང་ཕྱིར་བརྩེ་ཉིད་རྒྱལ་བའི་སོགས། ༈ །སྙིང་རྗེས་སྤྱོད་པ་རྒྱས། སྤྱོད་པས་སྙིང་རྗེ་རྒྱས། ༈ །བསོད་ནམས་དག་གི་རྒྱུ་མཐུན་པ་ཞེས་སྙིང་རྗེའི་སྤྱོད་པ་མཐའ་དག་སྙིང་རྗེའི་རྒྱུར་བསྔོས། ༈ །དེ་པ་ཐམས་ཅད་ཆོས་ཀྱི་དབྱིངས་ནས་རྫུ་འཕྲུལ་དང་ཆོས་སྟོན་སོགས་འགྲོ་འདུལ་གྱི་མཛད་པ་ལ་སྐུལ་བའི་བྱེད་པོ་གཅིག་པུ་ནི་སྐྱེ་ལ་ཐུགས་རྗེ་ཆེན་པོ་ཡིན་པས། ཐལ་མོ་སྦྱར་བའི་ཕྱག་ལ་ངེས་པ་སྟེར། དེར་མ་ཟད་བགྲང་ནོར་གྱི་ལས་ཕྱག་སྟོང་སྤྱན་སྟོང་མདོར་འབྱུང་བ་དང་བགྲང་ནོར་སྙིང་རྗེ་སྦྱར་བ་གཉིས་བསྒྲིགས་པའང་འདི་དང་བསྟུན་ན་ལེགས་འདྲ། ༈ །ཅི་ཙམ་བཙལ་ཡང་ཆོས་དབྱིངས་གཏིང་མཐའ་ལ། །ཐུག་པ་ཡོད་མིན་དེ་ཚུལ་མ་ལུས་པར། །མངོན་མཛད་སོར་རྟོག་ཡེ་ཤེས་མཁྱེན་པའང་དེ་བཞིན་ཏེ། །དེ་ཡི་དབང་གི་དབང་དང་མངོན་ཤེས་སོགས། །དེ་ཡི་བྱིན་རླབས་མཐུ་ཡང་ཐུག་པ་མེད། །སོར་རྟོག་ཡེ་ཤེས་སྔགས་སུ་

― TN03_Page_0407 ―

^{[མ་དཔེ་གཟིགས་ན་འདིར་གནོན།]}

(༣༤༥)བྱིན་བརླབ་པའི། །སྔགས་ཀྱི་བྱིན་རླབས་མཐུ་ཡང་དེ་ཉིད་དེ། །ཅི་ཙམ་སྔགས་ཀྱི་དངོས་གྲུབ་གཏེར་ཕྱུང་ཡང་། །དེ་ལ་ཚད་དང་མཐའ་མ་དམིགས་མི་འགྱུར། །དེ་བཞིན་རྒྱ་ཆེའི་ལམ་གྱི་རྟོགས་པ་ཡང་། །སོ་སོར་ཚད་མེད་རེ་རེའི་རྣོ་ནུས་ཀྱང་། །ཐུག་པ་ཡོང་མེད་དེ་ཀུན་གཅིག་བསྡོམ་ནས། །སྔགས་སུ་ཤར་བའི་ནུས་མཐུ་དེ་ཡི་ཤེས། ༈ །སྒྲ་གཅན་འཛིན་ཆེན་པོ། །ཆུང་བ་བློ་བརྟན། ཧ་ཡ་ལི་ལ། ཧ་ཡ་གྷོ་ཥ། ཉི་མ་སྦས་པ། ཐམས་ཅད་མཁྱེན་བཤེས། ཀ་ན་ཀ་ཤྲི། ཀནྡྷ་པ། ཏཱ་ར་ཤྲི། ཋཀྐི་ནག་ན་པ། མནྡིར་པ་ལ། ཤཱཀྱ་རཀྵི་ཏ། ལོ་ཀ་པྲ་དཱ་པ། ངག་དབང་གྲགས་པ། དགེ་བསྙེན་བཙུན་པ། དཀོན་མཆོག་གསུམ་གྱི་འབངས། ཛེ་ཏ་རི། ཙནྡྲ་གོ་མི། ཇོ་བོ་རྗེ། ཏུ་རུཥྐ་མང་པོས་བཀུར་བ། སེངྒེ་ལྔ་པ། ༈ འཕགས་ཡུལ་དུ་ཁ་སརྤ་ིའི་གཙུག་ལག་ཁང་དུ་ས་ཐེ་བཙུགས་ནས་གང་གསོལ་འགྲུབ་པར་གྲགས། བོད་དུ་དེའི་དོད་ལྔ་ལྡན་རང་བྱོན་ལ་ཇོ་བོ་རྗེས་ལྷ་དངོས་རེད་གསུངས། མངའ་བདག་ཉང་གིས་འདིའི་ཞབས་འོག་ནས་གཏེར་བཞེས་ཤིང་འདས་དུས་གདུང་ཁང་ནས་འཇའ་ཟུག སངས་གླིང་ལ་མ་ིའི་གསུང་བྱོན། སྤྱན་སྔ་གྲགས་བྱང་བས་བསྐོར་བ་མཛད་པས་དར་ལམ་བརྐྱངས། རྗེ་རིན་པོ་ཆེས་སྨྱུང་གནས་མཛད་པས་སྐུ་ཚེའི་ལུང་བསྟན་བརྙེས། ཞང་སྟོན་དར་མ་

― TN03_Page_0408 ―

^{[མ་དཔེ་གཟིགས་ན་འདིར་གནོན།]}

(༣༤༦)རྒྱལ་མཚན་གྱིས། ཆོས་ཡང་དག་པར་སྡུད་པར་དཔེ་གསུམ་དང་སྦྱར་བའི་སྙིང་རྗེའི་ཆེ་བ་གསུངས། དེ་ལས་བར་བར་བྱང་སེམས་ཀྱི་དགེ་ཆོས་ཀྱི་སྤྱོད་པ་ཕྱིན་དྲུག་བསྡུ་བཞི་སོགས་དཔུང་གི་ཚོགས། སྙིང་རྗེའི་འཁོར་ལོ་དེ་ཐམས་ཅད་ཀྱི་སྔོན་དུ་འགྲོ་བ་དངོས་ཟིན། འཁོར་ལོ་བྱུང་ན་དཔུང་ཚོགས་ཐམས་ཅད་མ་བརྩལ་བར་འབྱུང་། འཁོར་ལོ་མ་བྱུང་བར་ལ་གཞན་མི་མཆི་བས་གཅིག་ཡོད་ན་ཐམས་ཅད་ཤུགས་འབྱུང་དུ་འོང་བ་ནི་འཁོར་ལོ་ཁོ་ན་རེད་པ་དེ་ལྟར་སྙིང་རྗེ་ཆེན་པོ་ཡོད་ན་སྤྱོད་པ་ཐམས་ཅད་ལྷུན་གྲུབ་ཏུ་འབྱུང་། ༈ །བྱང་སེམས་ནི་ཆོས་ངན་པ་ལ་དམིགས་པའི་སྙིང་རྗེ་ལས་གོ་འཕང་མཆོག་གྲུབ། ཉན་རང་དེ་ལས་ཟློག ༈ །སྐྱེ་བ་དཔག་ཏུ་མེད་པར་ལྷ་མི་ཡི། །འཇིག་རྟེན་ཀུན་གྱི་རྣལ་འབྱོར་དབང་མཛད་ནས། །ཞེས་པར་བསམ་གཏན་གཟུགས་མེད་ཀྱི་མཐར་སོན་པའི་སྙིང་རྗེས་འཇིག་རྟེན་ལ་དབང་སྒྱུར་སོགས། ༈ །སྙིང་རྗེ་ཆེན་པོ་ཁོ་རང་ཞི་མཐའ་འགོག་བྱེད། སྙིང་རྗེའི་རྒྱུ་ཡིད་འོང་དང་སྡུག་བསྔལ་སེམས་པ། ཕྱི་མ་ལ་སྡུག་བསྔལ་བརྒྱ་རྩ་བཅུ་སོགས་ཇི་ཙམ་བསམ་ནས་ཡིད་འབྱུང་རྒྱས་པ་དེ་ཙམ་དུ་སྙིང་རྗེ་འཕེལ་བ། སྲིད་མཐའ་འགོག་བྱེད། སྐྱོན་མཐོང་ཕྱིར་ནི་སྲིད་པ་མིན། ཞེས་སྲིད་པའི་ཉེས་དམིགས་རིག་པ་སྟེ། མི་རྟག་སྡུག་བསྔལ་སོགས་ཀྱི་རྣམ་ཅན།

― TN03_Page_0409 ―

^{[མ་དཔེ་གཟིགས་ན་འདིར་གནོན།]}

(༣༤༧)རྒྱ་མའི་བློ་སྦྱོང་གི་འགྲོ་དོན་རབ་ཐད་ན། འདོད་འདུ་ལ་ཡིད་མ་ལོག་པ་ལ་སྙིང་རྗེ་རྣལ་མ་གཏན་མེད་གསུངས་ཏེ། འདོད་བདེ་ཅན་བདུད་དང་། སེམས་བདེ་ཅན་ཚངས་པ་ལྟ་བུ་མན་ཆད་ཐམས་ཅད་སྙིང་རྗེ་བའི་གནས་སུ་འཆར་བ་ལ། སྲིད་བདེ་དེ་ཐམས་ཅད་སྡུག་བསྔལ་དུ་མཐོང་བ་དགོས། དེས་ན་སྙིང་རྗེའི་རྩ་བའི་རྒྱུས་སྲིད་མཐའ་ཁེགས་པས་སྙིང་རྗེ་ཆེན་པོ་གོམས་པས་སྲིད་ཞིའི་མཐའ་གཉིས་ཀ་སེལ་བྱས་ཀྱང་རུང་བར་གོ ༈ །སེམས་ཅན་རང་ངོས་ནས་གྲུབ་ན། ཐེར་ཟུག་ཆོས་ནི་མྱ་ངན་འདའ་མི་འགྱུར། །ཞེས་པ་ལྟར་རེད་ལ། རྟེན་ཅིང་འབྲེལ་འབྱུང་སྤྲུལ་པའི་གྲོང་ཁྱེར་ལྟ་བུར་མཐོང་ཕུལ་ཆེ་ན། མྱ་ངན་ཟློ་བ་ལ་མི་འཇིགས་ཏེ། རེ་ཞིག་སྒྱུ་མ་མཁན་པོའང་སྐྱེ་བོའི་མིག་ཁྲལ་ཁྲུལ་དུ་སྦྲིད་པར་བྱེད་པའི་སྒྱུ་མའི་གྲོང་ཁྱེར་མང་ལ་རྒྱ་ཆེ་བ་ཡང་། རིག་སྔགས་ཕྱིར་བརྟུལ་བ་ཙམ་གྱིས་བསྡུ་ནུས་པར་ཤེས་ནས་ཕྱིར་བསྡུ་བ་ལ་མི་ཞུམ་ན། འགྲོ་བ་དང་སྐྱེ་གནས་དང་སྡུག་བསྔལ་གྱི་གྲོང་ཁྱེར་ཚད་མེད་པ་ཐམས་ཅད་མ་རིག་པའི་འཁྲུལ་འཁོར་རྒྱས་པ་ཙམ་དུ་མཐོང་ཞིང་། རང་ཉིད་དག་པའི་ཆོས་ཀྱི་ཕ་རོལ་ཏུ་ཕྱིན་པའི་གཙང་མ་དམ་པ་བརྙེས་པས་མཚན་བརྒྱ་ནས་བཤད་ལྟར་གཞན་རྒྱུད་ཀྱང་རྣམ་པར་དག་པའི་བདག་ཉིད་དུ་སྦྱོར་ནུས་པར་གཟིགས་ནས་མི་འཇིགས་པ་

― TN03_Page_0410 ―

^{[མ་དཔེ་གཟིགས་ན་འདིར་གནོན།]}

(༣༤༨)བརྙེས་ཤིང་དགྱེས་པ་འཕེལ་བའི་སྙིང་རྗེའི་རྩལ་རྫོགས་པའོ། །ལས་ཉོན་གྱི་རིག་སྔགས་ཀྱིས་སྤྲུལ་པའི་བདེན་སྟོང་རྟེན་འབྲེལ་ཙམ་དུ་མཐོང་བས། ཤེར་ཕྱིན་གྱི་རིག་སྔགས་ཀྱིས་ལས་ཉོན་གྱི་སྒྱུ་མའི་རིག་སྔགས་དེ་བཅད་ཅིང་བརྟུལ་བ་ཙམ་གྱིས་སྡུད་པར་རིག་སྟེ་སྤྲོ་བ་འཕེལ། ཀུན་ཉོན་རྐྱེན་བྱུང་གི་ཆོས་ཐམས་ཅད་རྐྱེན་དབང་གིས་འབྱུང་ཞིང་། །རྐྱེན་བཤིགས་ན་ནུབ་པ་ཁོ་ན། དེའི་རྐྱེན་དེའང་གློ་བུར་བ་ཁོ་ནར་རིག་ནས་མི་འཇིགས་པའོ། །དམིགས་མེད་སྙིང་རྗེ་ནི་ཡིད་བཞིན་ནོར་བུ་ལྟར་སེམས་ཅན་གྱི་རེ་བ་སྐོང་བར་བསྔགས་ཏེ། ཆོས་ཀྱི་དབྱིངས་ཀྱི་རང་བཞིན་གྱི་ཡོན་ཏན་ནམ་བྱིན་གྱི་རླབས་སོ། ༈ །བྱང་འཕགས་ཀྱི་དམིགས་མེད་སྙིང་རྗེ་ནི་གཉིས་སྣང་འཁྲུལ་པའི་བསླད་པ་ཅན་དང་། སངས་རྒྱས་ཀྱི་ནི་བསླད་པ་དེ་མེད་པས་ཁྱད་པར་གནམ་ས་ཙམ་མོ། ༈ །སྐྱེ་བོ་ཆེ་ཆུང་གི་ཁྱད་པར་ནི། སེམས་རྒྱ་ཆེ་ཆུང་ངམ། བསམ་པ་རྒྱ་ཆེ་ཆུང་གིས་འབྱེད་དེ། དབུ་མ་སྙིང་པོར། ཝ་ནི་གླང་ཆེན་དྲེགས་ཁྱུ་ཡི། །སོགས་ལྟ། རྟོག་གེ་འབར་བར། མེ་ཁྱེར་དང་ཉི་མའི་དཔེ་བསྟན་པ་སོགས་ཀྱང་དེ་བཞིན་ནོ། །དེས་ན། ཆོས་ཀྱི་དབྱིངས་ན་སྐྱེས་བུ་གཅིག་པུ་བ། །ཞེས་སོགས་འབྱུང་ངོ་། ༈ །པདྨའི་ཁ་དོག་དཀར་བས་རང་བཞིན་དག་པའི་ཆོས་ལ་གཟིགས་པའི་སོར་རྟོག་ཡེ་ཤེས་མཚོན།

― TN03_Page_0411 ―

^{[མ་དཔེ་གཟིགས་ན་འདིར་གནོན།]}

(༣༤༩)དམར་བས་སྲིད་པར་ཆགས་པའི་སྙིང་རྗེ་མཚོན་མོད་ཀྱི་ཕྱི་མས་ཤིན་སྦྱང་གི་དགའ་བདེ་འདྲེན་པའི་ཏིང་ངེ་འཛིན་གྱི་དམར་བའང་སྟོན་ལུགས་ཡོད་དམ་དཔྱད། པད་དཀར་ཅན་ནི་སྐུ་མདོག་དང་ཧྲཱིཿཡང་དཀར། སྐུ་མདོག་དམར་པོ་ཅན་ནི་ཕྱག་མཚན་དང་སྲོག་ཡིག་ཀྱང་དམར་ཏེ་དེ་ཐམས་ཅད་དེ་ཉིད་གཅིག་པས་སོ། ༈ །བྱང་སེམས་ཀྱི་སྙིང་རྗེ་ལ་བརྩེ་བ་ཙམ་གྱིས་མི་ཆོག་སེམས་ཅན་གྲངས་མང་། བྱེད་པ་ངན་པ། སྡུག་བསྔལ་གྱི་རྒྱ་མཚོ་ཚད་མེད་པ་སོགས་གང་གིས་ཀྱང་མི་ཟློག་ཅིང་མི་འཇིགས་པ་དང་། སྒྱིད་ལུག་པ་མེད་པར་ཤིན་ཏུ་དཔའ་བའི་སྙིང་རྗེ་སྟོབས་ལྡན་རླབས་ཆེ་བ་བློ་གྲོས་རྒྱ་མཚོས་ཞུས་པར། གྲོང་དཔོན་ཕ་མ་གཉིས་ཀྱི་དཔེ་གསུངས་པ་ལྟ་བུ། དགོས་ལ། དེ་ལ་སྡུག་བསྔལ་འབྲལ་འདོད་ཀྱིས་བསྐྱབ་དགོས་སུ་མཐོང་བ་ཙམ་གྱིས་མི་ཆོག །བསྐྱབ་ནུས་སུ་མཐོང་བ་སྟོབས་ལྡན་དགོས། དེ་ལ་དབང་རྣོན་གྱིས་སེམས་ཅན་སྐྱོབ་པར་ཁུར་འཁྱེར་བའི་སྙིང་རྗེ་སྐྱེ་བའི་སྔོན་འགྲོ། ཡང་དག་ཤེས་ཚོལ་སྔོན་བཏང་སྟེ་སོགས་ལྟར་དགོས། དབང་རྣོན་ལ་འབྲལ་འདོད་ཀྱི་སྙིང་རྗེ་ཆེན་པོ་སྐྱེ་བ་ལ་སྟོང་རྟོགས་སྔོན་འགྲོ་མི་དགོས་ཀྱང་། སྐྱོབ་འདོད་ཀྱི་བརྩེ་ཆེན་མཚན་ཉིད་རྫོགས་པ་ལ་དགོས་ཞེས་པ། །ལུང་འདིའི། འགྲོ་དོན་བྱེད་པར་དཔའ་གྱུར་པ། །ཞེས་པ་གོ་རྒྱུ་ཆེ་སྟེ། སྙིང་རྗེ་ཡོད་ཀྱང་སྔར་བག་དང་བཅས་པ་

― TN03_Page_0412 ―

^{[མ་དཔེ་གཟིགས་ན་འདིར་གནོན།]}

(༣༥༠)མང་བས་དེ་ལས་ཁྱད་སྐྱོབ་འདོད་འདོན་ནོ། །དེས་ན་སེམས་ཅན་ཐམས་ཅད་གཤོབ་གཅིག་གི་བདེན་འཛིན་འཁྲུལ་འཁོར་ཁོ་ན་ལ་བརྟེན་ནས་མ་རིག་པའི་འཁྲུལ་འཁོར་རྒྱས་པ་ཙམ་དུ་ཤེས་ནས། སྡུག་བསྔལ་བའི་གནད་ཤེས་ནས་གཤོབ་དེའི་མཚང་བརྟོལ་བ་ཙམ་ཞིག་སེམས་ཅན་དགྲོལ་བའི་གནད་དུ་མཐོང་ན་ཞུམ་པ་སོགས་མི་སྐྱེ་བས་སེམས་ཅན་ཐམས་ཅད་དགྲོལ་བའི་སྙིང་རྗེ་ལ་དམིགས་མེད་ཀྱི་སྙིང་རྗེ་བསྔགས། དེའང་སྙིང་རྗེ་དང་བདག་མེད་རྟོགས་པ་རྒྱུད་ན་སོ་སོར་ཡོད་ཙམ་ཉན་རང་ལའང་ཡོད་པས། དེ་གཉིས་སྦྱར་ནས་ཕན་ཚུན་གཅིག་གིས་གཅིག་ཟིན་པར། བོགས་འདོན་རེས་ཀྱིས་དམིགས་ཕུག་སྟེ་རྒྱ་ཆེར་སྦྱང་དགོས། ༈ །སྟོང་ཉིད་རྟོགས་པའི་ཤེས་རབ་ཀྱི་བདུད་རྩི་གྱ་ནོམ་པ་དེ་ཉན་རང་གིས་ངེས་འབྱུང་གི་བསམ་པས་ཟོས་ན་རང་གི་སྡུག་བསྔལ་གཏན་ཞི་བ་ཙམ་དུ་འགྱུར་ལ། རྒྱལ་སྲས་ཀྱིས་སྙིང་རྗེ་ཆེན་པོའི་བློས་ཟོས་ནས་འཁོར་བར་བསྔོས་ན་ནི་གཞན་དོན་གྱི་བྱ་བ་སྒྲུབ་པ་ལ་ཡིད་བཞིན་གྱི་ནོར་བུ་ལྟ་བུ་ཁོ་ནར་འགྱུར་ཏེ། ཀེ་ཏ་ཀའི་མེ་ཏོག་གླང་པོ་ཆེ་གཞན་གྱིས་ཟོས་ན་ལྕི་བ་དང་། སྤོས་གླང་གིས་ཟོས་ན་གླ་རྩི་ལྟ་བུར་འགྱུར་བ་དང་མཚུངས། སྟོང་རྟོགས་ཀྱིས་མ་བརྒྱན་པའི་སྙིང་རྗེ་ནི་ནོར་བུ་ཕལ་པ་དང་འདྲ། སྙིང་རྗེའི་སྤྲུལ་ཆེན་ཟབ་མོའི་ཤེས་རབ་ཀྱི་ནམ་མཁའ་ལྡིང་གི་ལྟོ་བའི་མེས་ལེགས་པར་སྦྱང་ན་གཞན་སྐྱོབ་པ་ལ་ནོར་བུ་

― TN03_Page_0413 ―

^{[མ་དཔེ་གཟིགས་ན་འདིར་གནོན།]}

(༣༥༡""ཏོག་གི་བློ་གྲོས་ལྟ་བུར་འགྱུར། སྙིང་རྗེ་ཛམ་བུའི་ཤིང་ཐོག་དང་འདྲ། ཟབ་མོའི་ཤེས་རབ་མ་དྲོས་མཚོ་དང་འདྲ། དེ་དེས་བཟུང་ཞིང་རིང་དུ་བཟུང་ན་སྒྱུ་མ་ལྟ་བུའི་དབང་འབྱོར་གྱི་མཐུ་ཕུལ་བྱུང་ཛམ་བུའི་ཆུ་གསེར་དུ་འོང་སྟེ་སྙིང་རྗེ་དེ་ལ་ཆོས་ཀྱི་དབྱིངས་བསམ་མི་ཁྱབ་ཀྱི་བྱིན་རླབས་ཞུགས་པས་སོ། །འདི་ལྟར་སྙིང་རྗེ་དེ་ཆོས་དབྱིངས་རྟོགས་པའི་འབྱུང་ཁུངས་མཆོག་ནས་བྱུང་བའི་ཡོན་ཏན་ཡིན་པའི་ཕྱིར་ཏེ། དོན་ལ་ཆོས་དབྱིངས་རྟོགས་པས་ཤིན་ཏུ་ཟིན་པའོ། །སེམས་ཅན་ལ་དམིགས་པའི་སྙིང་རྗེ་སོགས་ནི་རྡོའི་ནོར་བུ་ལྟར་བཟང་ཡང་འོད་ཟེར་ཅང་མེད། དམིགས་མེད་ཀྱི་བརྩེ་བ་ནི་ཤེས་རབ་ཀྱ་སྣང་པ་འབར་བས་འཇིག་རྟེན་སྣང་ནུས། ༈ སྟོང་རྟོགས་ཀྱིས་ཟིན་ན་སྐྱོབ་ནུས་སུ་མཐོང་བ་ལྷག་པར་མ་ཟད། སྐྱོབ་དགོས་སུ་མཐོང་བའང་ཁྱད་འདོན་ཏེ། བདག་གཞན་མཉམ་པ་ཉིད་དུ་ལྷག་བསམ་དག་པའི་ས་ཞེས་པ་ལྟ་བུ། མཐོང་ནས་སོ། །བདག་ཆགས་ལྷག་པའི་སྐྱོན་ལྔ་དེ་དག་ལ། ཡོད་པ་དེ་དག་དེ་སྤོང་དོན་དུ་གསུངས། ཞེས་སོ། ༈ །རྟག་པ་དམ་པའི་ལག་རྗེས་འཇོག་བྱེད། ༈ །མྱ་ངན་འདས་ལ་མངོན་དགའི་ཕྱིར་ཞེས་འདི་སྐོར་མི་མཐུན་ཕྱོགས་དང་གཉེན་པོ་ཕྱོགས་ཀྱི་གཞི་ཤེས་ཀྱི་ཐད་དང་སྒྲིགས་དང་ལེགས་པོ་གོའོང་། ཞི་བདེ་དང་འཁོར་བའི་སྡུག་བསྔལ་ཁ་ཐག་རིང་བས་ཉན་རང་གི་ཐུགས་ལ་འགྲོ་བའི་སྡུག་བསྔལ་

― TN03_Page_0414 ―

^{[མ་དཔེ་གཟིགས་ན་འདིར་གནོན།]}

(༣༥༢)གྱི་རྣམ་པ་འཆར་བའང་དཀའ། གོང་མའི་ལུགས་ལའང་། སྲིད་པའི་ཆོས་ཉིད་སྟོང་ཉིད་ཡིན་ཡང་། སྟོང་ཉིད་དང་ཀུན་རྫོབ་གཉིས་བློ་ངོར་རང་བཞིན་ཆེས་བསྐལ་བས་སྙིང་རྗེ་བྲལ་བས་སྟོང་རྟོགས་ལ་ཆིག་དྲིལ་བྱས་ན། མཐར་སྟོང་དབྱིངས་སུ་གཉིད་ལ་གཡུར་བ་ལྟ་བུ་དང་། འདུས་བྱས་འཁོར་བ་ལ་བློ་གཏན་མི་འཇུག་པ་འདྲ་མོ་ཡོང་། སྟོང་པ་ནམ་བསྒོམ་ལ་སྙིང་རྗེའི་རྩི་དྲག་པོས་ཟིན་ངེས་དང་། སྟོང་ཉིད་རྟོགས་རིམ་བཞིན་དེ་སྙིང་རྗེའི་གྲོགས་སུ་འགྲོ་ཚབས་ཇེ་ཆེ་དང་། སྙིང་རྗེ་ཡང་སྟོང་པའི་གྲོགས་སུ་ཇེ་འགྲོར་བསླབ་པས། བློ་གྲོས་རྒྱ་མཚོ་ཞུས་པར། ཤིང་སྡོང་གཅོད་པའི་དཔེ་དང་ཞིང་ལ་ཆུ་བཀྱེ་བའི་དཔེ་ལྟར། སྟོང་ཉིད་ལ་ཞུགས་ཚབས་ཆེ་རུང་། སྙིང་རྗེའི་ཤུགས་ན་རེ་བ་དང་། སྙིང་རྗེའི་དྲན་པ་མ་ཉམས་པར་ཡོད་པས། སྟོང་ཉིད་ལ་མཉམ་པར་བཞག་པའི་དུས་ཉིད་ན་འཁོར་བ་བློས་མ་དོར་བར་ཡོད་ཕྱིར། ནམ་ལྡང་བ་ན་དེ་མ་རྟོགས་པ་ལ་བརྩེ་བའི་སྙིང་རྗེའི་སྟེང་དུ་ཧྲིལ་གྱིས་འོང་། རིང་དུ་སོང་བར་བློ་ལྷག་པའང་སྟོང་ཉིད་སྙིང་རྗེ་སྦྲེལ་བའི་ལག་རྗེས་སོགས། ཉན་རང་གི་སྟོང་ཉིད་རྟོགས་པའི་ལྷག་མཐོང་ནི་ས་སྐམ་ལྟར་ཧྲོག་ཧྲོག་ཡིན། བྱང་སེམས་ཀྱི་ལྷག་མཐོང་ནི་སྙིང་རྗེའི་ཟིལ་བ་ཧྲོལ་ལེ་བ་རེད། ལར་སྟོང་ཉིད་སྙིང་རྗེའི་སྙིང་པོ་ཅན་དང་། སྙིང་རྗེ་སྟོང་པའི་སྙིང་པོ་ཅན་ཟེར་ཏེ།

― TN03_Page_0415 ―

^{[མ་དཔེ་གཟིགས་ན་འདིར་གནོན།]}

(༣༥༣)དེ་དག་ཙམ་མིན་གྱི། སྟོང་ཉིད་སྙིང་རྗེའི་སྙིང་པོ་ཅན་གྱི་སྦྱིན་སོགས་སྤྱོད་པ་རྒྱ་ཆེན་པོ་ཐམས་ཅད་བྱའོ། །སྦྱིན་པའང་དེ་གཉིས་ཀྱི་སྙིང་པོ་ཅན་ཡིན་དུས་གཞན་ཅི་སྨོས། ཤིན་ཏུ་ཕྲ་བའི་སྟོང་ཉིད་ལ་དམིགས་པའི་ཤེས་རབ་དང་། ཆེས་རགས་པའི་སྲིད་པའི་སྡུག་བསྔལ་ལ་དམིགས་པའི་སྙིང་རྗེ་གཉིས་ཟབ་པ་དང་གསལ་བ་སྟེ། ཕན་ཚུན་གཅིག་གིས་གཅིག་རྩལ་འབྱིན་ཅིང་རྒྱས་པར་བྱེད་པ་འདི་ནི་རང་སེམས་ལ་འདོད་དགུར་དབང་སྒྱུར་བའི་གནད་ཆེན་པོ་སྟེ། ཐོད་རྒལ་གྱི་ཏིང་ངེ་འཛིན་ཡང་གནད་འདི་ལས་སླ་བར་གོ ༈ །ས་ཐོབ་ནས་སྨོན་ལམ་ཆེན་པོ་གྲངས་མེད་འབུམ་ཕྲག་བཅུ་བྱང་སེམས་ཀྱི་བསླབ་པ་མཐའ་དག་པའི་ཚུལ་ཁྲིམས་ཀྱི་གཞི་བླངས་པ་ལ་རྩལ་ཤིན་ཏུ་འབྱོར་བརགྱུར་ཏེ། དེ་འདྲ་བའི་ཀུན་ཏུ་བཟང་པོའི་སྨོན་ལམ་ཐམས་ཅད་པའི་རྩིའམ། འདུ་བྱེད་དམ་ཤུགས་དྲག་པོས། རང་བཞིན་དག་པའི་དེ་ཁོ་ན་ཉིད་རྟོགས་པའི་ཤེར་ཕྱིན་གྱི་མཉམ་བཞག་སེམས་ཅད་ཐམས་ཅད་དང་ཐུན་མོང་དུ་བསྔོས་པའམ། སྙིང་རྗེས་ཤེར་ཕྱིན་ལུས་ཅན་མ་ལུས་པའི་ཐུན་མོང་གི་སྤྱད་བྱར་བསྔོས་ཚུལ་ལམ་བརླབ་ཚུལ་ནི། མ་མཐའ་ཐེག་ཆེན་ཚོགས་ལམ་དུས་ནས་སྟོང་ཉིད་ལ་དམིགས་པའི་བསམ་བྱུང་ནམ་སྒོམ་དུ་དེ་གཞན་དོན་ཁོ་ན་ལ་དམིགས་ནས་སམ་གཞན་དོན་ཆེད་དུ་བྱ་བར་བཞག་ནས་སྒོམ་ལ། དེ་གོང་ནས་གོང་དུ་ནར་སོན་ནས་ས་ཐོབ་བར་དུ་མཐུ་ཇེ་ཆེར་འགྱུར་བའོ། །སེམས་ཅན་

― TN03_Page_0416 ―

^{[མ་དཔེ་གཟིགས་ན་འདིར་གནོན།]}

(༣༥༤)ཐམས་ཅད་ཀྱི་ཉེར་འཚོར་བྱིན་གྱིས་བརླབས་པ་ཡིན་ལ། དེའི་རྒྱུ་མཚན་གྱིས་མཉམ་བཞག་དེ་ལ་འཁོར་བ་འཛིན་བྱེད་དམ་མངོན་མཐོ་སྒྲུབ་བྱེད་ཐབས་བསོད་ནམས་ཀྱི་ཚོགས་ཐམས་ཅད་ཀྱང་ནུས་པ་མཐུ་ཅན་དུ་ཚང་སྟེ། དེ་ཕར་ཕྱིན་དྲུག་ལྡན་དང་། སྒྲིབ་གཉིས་སྤོང་བའི་ནུས་ལྡན་དང་། ལོངས་སྐུའི་འཁོར་དུ་སྐྱེ་བ་ལེན་པའི་རྣམ་སྨིན་གྱི་རྒྱུ་སོགས་ཡིན་པའི་ཕྱིར་རོ། །དེས་ན་མཉམ་བཞག་དེ་ཀ་འཁོར་བ་ལས་འདའ་བྱེད་དུ་མ་ཟད། འཁོར་བར་གནས་བྱེད་ཀྱི་རྒྱུར་ཡང་འགྱུར། དེ་བཞིན་དུ་ཤེར་ཕྱིན་ངེས་བཟུང་བའི་འམ། དེ་སྙིང་པོར་ཡོད་པའི་སྙིང་རྗེའང་འཁོར་བར་གནས་བྱེད་དུ་མ་ཟད། འཁོར་བའི་ཉེས་པ་ལས་འདའ་བྱེད་དུའང་འགྱུར། བྱམས་སྙིང་རྗེ་འཇིག་རྟེན་གྱི་གཙོ་བོའི་གོ་འཕང་བྱེད་ཡིན་ལུགས་ཐད། རྒྱུ་བྱམས་པའི་དམིགས་རྣམ་རྒྱ་ཆེ་ཆུང་ལྟར། འབྲས་བུ་རྒྱལ་སྲིད་ཆེ་ཆུང་དུ་འགྱུར་ཚུལ། སྟོང་གསུམ་བྱམས་པའི་དམིགས་འོག་ཏུ་ཆུག་ན་ཚངས་ཆེན་དང་མི་མཇེད་བདག་པོར་སྐྱེ་བ་སོགས་བེ་བུ་མོ་སྔོན་པོ་ལྟར། ༈ །རྒྱུད་བླའི། ཇི་བཞིན་ཡང་དག༴ སྐྱེ་སོགས་རྣམས་ལས་ཞེས་པ་ནི་ཁྱད་གཞི་དཀར་བ་དང་། ཁྱད་ཆོས་མི་གོས་པ། སྙིང་རྗེའི་བདག་ཉིད༴ འཆི་དང་རྒ་དང་། ཞེས་པ་འདམ་ལས་སྐྱེས་དང་འདམ་ན་གནས་པའི་དེ་ཉིད། དེ་ནི་སྙིང་རྗེས་འཇིག་རྟེན་

― TN03_Page_0417 ―

^{[མ་དཔེ་གཟིགས་ན་འདིར་གནོན།]}

(༣༥༥)སྡུག །དེ་ཉིད་ཀྱིས་ནི་ཡུན་རིང་གནས། །ཞེས་སོ། །ལུས་མི་གོས་པ་ནས། ངག །ཡིད། སྤྱོད་པ་མི་གོས་ཚུལ་མང་། སྐྱེ་འཆི་བར་དོའི་ཉེས་པ་དང་། སྙིགས་མ་ལྔས་མི་གོས་ཚུལ་སོགས། ༈ །རང་བཞིན་དག་པར་རྟོགས་པའི་བར་ཆད་མེད་ལམ། དེས་ལག་རྗེས་བཞག་པའི་རྣམ་གྲོལ་ལམ། ཐག་བསྲིང་གི་གཉེན་པོ་ཁྱད་པར་ལམ། དེའང་ས་བཅུའི་རིམ་པས་གོང་ནས་གོང་དུ་ཁྱད་ཞུགས་པས་ཁམས་གསུམ་ལས་ཤིན་ཏུ་འདས་པ་ཡིན། དེ་ལྟར་འདས་པ་དང་ཁྱད་དུ་འཕགས་པ་དོན་འདྲ། གོང་མས་འོག་མ་ཟིལ་གྱིས་གནོན་པ་དང་། དབང་བསྒྱུར་ནུས་པ་ནི་ཚངས་པས་འདོད་ལྷ་བཞིན་ནོ། །དེ་ལྟར་ཁམས་གསུམ་ལས་ཤིན་ཏུ་ཐག་བསྲིང་བའི་དབེན་པ་མཐར་ཐུག་བརྙེས་པ་ན། དབང་མེད་དུ་ཁམས་གསུམ་ན་སྤྱོད་པའི་ཆ་ཐམས་ཅད་ལྷག་མ་མེད་པར་གཏན་ལོག་ཏུ་སོང་བ་ཡིན་ཅིང་། དེ་ཉིད་ཀྱང་བསྐལ་པ་མཐའ་ཡས་པར་གོམས་ནས་ངང་དུ་གྱུར་པའི་དམིགས་མེད་ཀྱི་སྙིང་རྗེ་ཆེན་པོས་འཁོར་བར་བསྡོས་པས། རང་དབང་ཆེན་པོ་ཐོབ་པས་དབང་ཕྱུག་ཅེས་བྱ། སྤྱན་རས་གཟིགས་ཞེས་པ་ལ་ཟབ་རྒྱ་ཆེའི་ཕྱོགས་ཀྱི་བཤད་ཚུལ་གཉིས་ཡོད་པ་བཞིན་དུ། དབང་ཕྱུག་ཅེས་པ་ལའང་ཟབ་རྒྱས་ཀྱི་ཕྱོགས་ནས་བཤད་ཚུལ་གཉིས་ཡོད་ལ། དེའི་ནང་ནས་རྒྱ་ཆེའི་ཕྱོགས་ལྟར་སྤྱོར་དུས་ཆོས་ཀྱི་དབྱིངས་དྲི་མ་མེད་པའི་རྒྱལ་

― TN03_Page_0418 ―

^{[མ་དཔེ་གཟིགས་ན་འདིར་གནོན།]}

(༣༥༦)སྲིག་བརྙེས་ཀྱང་། ཞི་བདེ་དེས་ཅུང་ཟད་ཀྱང་མི་འཕྲོག་པར་མཐའ་དང་དབུས་མེད་པའི་འཁོར་བའི་གཟུགས་བཟུང་སྟེ་ཁམས་དབང་མོས་པ་ཚད་མེད་པའི་སེམས་ཅན་སྣ་ཚོགས་པའི་ཐབས་ཀྱིས་སོ་སོའི་དུས་ལས་སྐད་ཅིག་ཀྱང་མི་འདའ་བར་འདུལ་བ་དེ་ཡིན་འདྲ། དེའི་ཚེ་སྨོན་ལམ་དང་དམིགས་མེད་ཀྱི་སྙིང་རྗེ་ཡོངས་དག་ཁོ་ནས་ཆུའི་ཟླ་བ་དང་སྒྱུ་མའི་རྒྱལ་ཐབས་ལྟ་བུའི་གཟུགས་བཟུང་སྟེ། སྔོན་བསྐལ་པ་གྲངས་མེད་གསུམ་དུ་སེམས་ཅན་ཐམས་ཅད་བདག་གིར་བཟུང་། བདག་ཏུ་བཟུང་བའི་གཞན་གཅེས་འཛིན་གྱི་ནུས་པ་རྫོགས་ཤིང་ཀློང་དུ་གྱུར་པའི་དབང་གིས་མཐའ་ཡས་པའི་འཇིག་རྟེན་གྱི་ཁམས་སུ་གདུལ་བྱའི་དཀྱིལ་འཁོར་ལ་དབང་བསྒྱུར་བའི་འཇིག་རྟེན་དབང་ཕྱུག་མིང་དོན་མཐུན་པར་འགྱུར་བ་ཡིན་ནོ། །འདི་ལྟར་བྱས་ན་ཁམས་གསུམ་གྱི་དབང་པོའི་ལག་རྗེས་འཇོག་བྱེད་ཀྱང་ཤེས་རབ། ཏིང་ངེ་འཛིན་སྙིང་རྗེ་ཆེན་པོ་གསུམ་ཀ་ཡིན་ལུགས་དཔྱད་སླ། ༈ །སྒྲོལ་མའི་མཚན་བརྒྱ་འགྱུར་གསར་ལེགས་པ་ལས། དཔལ་ལྡན་ཡིད་འོང་པོ་ཊ་ལ། སྣ་ཚོགས་ཁམས་ཀྱིས་རྣམ་པར་སྤྲས། སྣ་ཚོགས་ལྗོན་པ་འཁྲི་ཤིང་བཀྲམ། །འདབ་ཆགས་དུ་མ་སྒྲ་འབྱིན་པ། །འབབ་ཆུ་སྣ་ཚོགས་ལྷུང་ལྷུང་སྒྲོགས། །རི་དྭགས་མང་པོས་ཀུན་ཏུ་དཀྲིག །མེ་ཏོག་སྣ་ཚོགས་རིགས་རྣམས་ཀྱིས། །ཀུན་ཏུ་དྲི་ཡིས་བཀང་བ་སྟེ། །སྣ་ཚོགས་ཡིད་

― TN03_Page_0419 ―

^{[མ་དཔེ་གཟིགས་ན་འདིར་གནོན།]}

(༣༥༧)།འོང་འབྲས་བུར་ལྔན། །རྐང་དྲུག་པ་རྣམས་གླུ་སྒྲ་འབྱིན། །མིའམ་ཅི་རྣམས་དབྱངས་སྙན་ལེན། །གླང་པོ་མྱོས་པས་རབ་ཏུ་གཏམས། །གྲུབ་པ་རིག་འཛིན་ཚོགས་དང་ནི། །དྲི་ཟ་རྣམས་ཀྱིས་གླུ་བླངས་པ། །ཐུབ་པ་འདོད་ཆགས་བྲལ་རྣམས་ཀྱིས། །རྟག་ཏུ་ལེགས་པར་བསྟེན་པ་ན། །བྱང་ཆུབ་སེམས་དཔའི་ཚོགས་གཞན་དང་། །ས་བཅུའི་དབང་ཕྱུག་རྣམས་ཀྱང་སྟེ། །འཕགས་མ་སྒྲོལ་སོགས་ལྷ་མོ་རྣམས། རིག་པའི་རྒྱལ་མོ་སྟོང་རྣམས་དང་། ཁྲོ་བོའི་རྒྱལ་པོའི་ཚོགས་གཞན་དང་། །རྟ་མགྲིན་ལ་སོགས་ཀྱིས་བསྐོར་བའི། །སེམས་ཅན་ཀུན་ལ་ཕན་བརྩོན་པ། །བཅོམ་ལྡན་འདས་ནི་སྤྱན་རས་གཟིགས། །བཞུགས་ཏེ་དེ་ནས་དཔལ་དང་ལྡན། །པདྨའི་སྙིང་པོའི་གདན་བཞུགས་པའི། །དཀའ་ཐུབ་ཆེན་པོ་དང་ལྡན་པ། །བྱམས་དང་སྙིང་རྗེ་ལྡན་པ་ཡིས། །ལྷ་ཡི་འཁོར་ནི་ཆེན་པོ་ལ། །དེ་ཡི་ཆོས་ནི་སྟོན་པར་བཞེད། །ཅེས་གསུངས། ཡང་དེ་ལས། སྐྱོབ་པ་འོད་དཔག་མེད་པ་ཡི། །སྨོན་ལམ་དབང་གིས་བྱུང་བ་སྟེ། །བདག་གི་ཨརྱ་པ་ལོ། །བཀའ་ཡིས་འཇིག་རྟེན་མ། །སྙིང་རྗེ་ཆེ་དང་ལྡན་པ་ཡིས། །འགྲོ་བ་འདོན་པར་བརྩོན་པ་མོ། །ཉི་མ་ཤར་བ་དང་འདྲ་བ། །ཟླ་བ་ཉ་འདྲ་བྱད་ཀྱི་འོད། །ལྷ་དང་ལྷ་མིན་མིར་བཅས་པ། །

― TN03_Page_0420 ―

^{[མ་དཔེ་གཟིགས་ན་འདིར་གནོན།]}

(༣༥༨)འདི་རྣམས་སྒྲོལ་ཞིང་སྣང་བར་བྱེད། །འཇིག་རྟེན་གསུམ་པོ་གཡོ་བར་བྱེད། །གནོད་སྦྱིན་སྲིན་པོ་འཇིགས་པར་བྱེད། །ལྷ་མོ་ཨུཏྤལ་སྔོན་པོའི་ཕྱག །མ་འཇིགས་མ་འཇིགས་ཞེས་བརྗོད་མ། །འགྲོ་བ་ཡང་དག་བསྲུང་དོན་དུ། །རྒྱལ་བ་རྣམས་ཀྱིས་བདག་བསྐྱེད་པས། །འབྲོག་དགོན་མཚོན་ཆ་ལྟུང་བ་དང་། །སྣ་ཚོགས་འཇིགས་པ་འཁྲུགས་པའི་ཚེ། །མིང་རྣམས་དྲན་པ་ཉིད་ཀྱིས་ནི། །བདག་གིས་རྟག་ཏུ་སེམས་ཅན་སྲུང་། །སྣ་ཚོགས་འཇིགས་པའི་རྒྱ་མཚོ་ལས། །སེམས་ཅན་ཐམས་ཅད་བདག་གིས་བསྒྲལ། །དེས་ན་བདག་ལ་འཇིག་རྟེན་དུ། །ཐུབ་པའི་ཚོགས་ཀྱིས་སྒྲོལ་མར་སྒྲོགས། །ཞེས་སོ། ༈ །བཟླས་པའི་ངེས་ཚིག་ནི་དགེ་བ་ལ་བརྩོན་པས་རྒྱལ་བར་འགྱུར་ཞིང་ཡོན་ཏན་རྨད་དུ་བྱུང་བས་བཟླས་པ་སྟེ། རྩེ་མོ་ལས། རྨད་བྱུང་ཆེན་པོའི་བཟླས་པ་བྱ། །ཅི་ཡི་ཕྱིར་ན་བཟླས་པར་བརྗོད། །དགེ་བ་ལ་བརྩོན་རྒྱལ་འགྱུར་ཞིང་། །རྨད་བྱུང་རྣམས་ཀྱང་མཐོང་བར་འགྱུར། །བྱང་ཆུབ་སྤྱོད་པ་རྒྱལ་འགྱུར་ཞིང་། །སངས་རྒྱས་རོལ་པ་མངོན་པར་འགྱུར། །ཞེས་སོ། །ཞེས་པ་ཀུན་རིག་ཊི་ཀ་ཆེན་ལས་སོ། ༈ །རྣམ་སྣང་མངོན་བྱང་གི་རྒྱུད་ཕྱི་མར་སྤྱན་རས་གཟིགས་ཀྱི་རྣལ་འབྱོར་ལ་གནས་པས་གཏོར་མ་སྦྱིན་པར་གསུངས་ཞེས་ཀུན་རིག་

― TN03_Page_0421 ―

^{[མ་དཔེ་གཟིགས་ན་འདིར་གནོན།]}

(༣༥༩)ཊི་ཀ་ཆེན་ལས་ཆ་གསུམ་འགྲེལ་ཐད་དུའོ། ༈ །འཕགས་མཆོག་འཇིག་རྟེན་དབང་ཕྱུག །ཉག་གཅིག་དཔའ་བ། འཇིག་རྟེན་མ་ལུས་པ་ལ་སྲུང་བ་གཅིག་པུ་མཛད་པ། ཞེས་སོ། ༈ །ཇི་ལྟར་སྙིང་རྗེ་གོམས་པ་དེ་ལྟར་སྙིང་རྗེའི་བྱེ་བྲག་ཏུ་འགྱུར། སྙིང་རྗེའི་སྲོག་ཚུལ་ཁྲིམས་ཀྱིས་འཛིན་ཏེ། བྱང་སྡོམ་གྱི་སྲོག་ཀྱང་སོ་ཐར་གྱི་སྡོམ་པའི་ཚུལ་ཁྲིམས་ཡིན་ཅིང་། དེའི་སྲོག་ཀྱང་གཞན་ལ་མི་འཚེ་བའི་བརྟུལ་ཞུགས་རེད་པས་ཚུལ་ཁྲིམས་ལྡན་ན་ངང་གིས་སྙིང་རྗེ་དང་མཐུན་པའི་རྒྱུད་བཟང་པོར་འགྱུར། སྡུག་བསྔལ་བརྒྱ་རྩ་བཅུ་སོགས་དམིགས་པ་མང་ཞིང་རྒྱ་ཆེ་བ། སྦྱོང་ཚུལ་རྒྱུ་འབྲས་བདུན་མ་དང་མཉམ་བརྗེ་སོགས་མང་ངོ་། །སྙིང་རྗེའི་རྣལ་འབྱོར་རྒྱུན་མི་འཆད་པའི་འཕེན་སྨོན་དང་རྒྱུ་མཐུན་གྱིས་སྐྱེ་བ་དཔག་མེད་དང་བསྐལ་པ་ཚད་མེད་པར་སྦྱང་བ། འགྲུས་པར་རམ་བསྒྲིམས་ཏེའམ་སེམས་ཐམས་ཅད་ཀྱིས་བསླབ་པ་བར་མ་ཆད་པར་སྦྱང་བ། བཟོད་པའི་སྒོ་ནས་ལོག་སྒྲུབ་སོགས་ཀྱིས་མི་འཕྲོག་པའི་རྩལ་ཐོན་པ་སྟེ་བྱང་བ། བསམ་གཏན་གྱི་སེམས་རྟེན་ལ་སྙིང་རྗེ་སྦྱང་བ། ཤེས་རབ་ཀྱི་སྟོབས་ཀྱིས་དམིགས་མེད་ཀྱི་སྙིང་རྗེར་བྱས་པ། སྙིང་རྗེ་དང་སྦྱིན་སོགས་ལ་གང་བསླབ་སྙིང་རྗེ་ཆེན་པོ་བརྒྱུད་པའི་ཆེད་དུ་བསྔོ་བ། སྙིང་རྗེ་འཕེལ་བ་བརྟན་

― TN03_Page_0422 ―

^{[མ་དཔེ་གཟིགས་ན་འདིར་གནོན།]}

(༣༦༠)སོགས་ཕྱིར་སངས་རྒྱས་གྲངས་མེད་མཆོད་པ་སོགས་སྒོ་ཚད་མེད་ནས་སྙིང་རྗེའི་ཤུགས་རྒྱས་པ་རེད། ཅི་ཙམ་དུ་སྙིང་རྗེ་ལྷག་པ་དེ་ལྟར་གཞན་ཕན་གྱི་དགའ་བ་ལྷག་པར་འགྱུར་བ་ནི། དམིགས་ཡུལ་གྱི་སེམས་ཅན་ཅི་ཙམ་ཕོངས་ཤིང་རྒུད་པས་ཉེན་པ་དེ་ལྟར་དེ་ལ་དམིགས་པའི་སྙིང་རྗེ་ལྷག་པར་འགྱུར་ལ། དེ་ཅི་ཙམ་ལྷག་པའི་ཚོད་ཙམ་དུ་དེ་དག་བསྐྱབ་པ་ལས་བྱུང་བའི་དགའ་བ་ལྷག་སྟེ། བུ་ལ་ཚེར་མ་ཟུག་པ་དང་། བུ་རྒྱལ་པོ་གདུག་པའི་ཁྲི་མུན་དུ་ཆུད་པ་གཉིས་མ་ལ་སེམས་ཁྲལ་སྐྱེ་ཕུལ་མི་འདྲ། དེའི་དབང་གིས་སྔ་མ་ཐོན་པ་དང་། ཕྱི་མ་ལས་ཐར་པའང་དགའ་བ་ཆེ་ཆུང་ཕྱོགས་མི་འདྲ་བ་ལྟ་བུའོ། །འཕགས་མཆོག་དམྱལ་བར་མང་དུ་འབྱོན་པའང་དེར་འབྱོན་པ་ལ་དགྱེས་ནས་ཡིན་གྱི། མི་དགྱེས་བཞིན་མིན་ལ། དེའང་དམྱལ་བ་ན་ཆེན་པོའི་འབྱོར་པ་བླ་མེད་ཡོད་པའི་དབང་གིས་ཏེ། ཆེན་པོའི་འབྱོར་པ་ནི། ཆེན་པོ་ནི་འཁྲི་ཤིང་ལ། ཟླ་བའི་ཀུན་དགའ་ཉི་མའི་རབ་གསལ་དང་། །སོགས་དང་། སློབ་སྤྲིང་དུ། རང་དོན་འགལ་མེད་ཆེན་པོ་རྣམས་ཀྱི་རང་བཞིན་དེ་འདྲ་སྟེ། །ཞེས་དང་། དབུ་མ་སྙིང་པོའི་ལེའུ་དང་པོར། རིགས་ངན་དང་རྒྱལ་པོ་ཆེན་པོའི་དཔེས་བཤད་པ་ལྟར་ཡིན་ཅིང་། དེའི་འབྱོར་པ་ནི་སེམས་ཅན་ཡོངས་སུ་སྨིན་པའི་གཞན་ཕན་གྱི་

― TN03_Page_0423 ―

^{[མ་དཔེ་གཟིགས་ན་འདིར་གནོན།]}

(༣༦༡)དགའ་བའོ། །དེའི་ཕྱིར་འཁོར་སྒྱུར་ལྷའི་སྐྱེད་ཚལ་དུ་འཇུག་པ་ལྟ་བུར་ཟ་མ་ཏོག་ལས་གསུངས། གཞན་ཕན་གྱི་དགའ་བ་ཅི་ཙམ་ཡོད་པ་གསལ་བར་ཕོངས་པ་ལ་རང་སྲོག་དང་རྒྱལ་སྲིད་ཆེན་པོ་བྱིན་ཚེ་རྟེན་གྱི་དགའ་བ་ཕུལ་བྱུང་གི་ཚོད་ཙམ་ཡུལ་ལ་མེད་པར་མདོ་རྒྱན་ལས་དང་། འཇུག་པར། །ཇི་ལྟར་བྱིན་ཅིག་ཅེས་སྒྲ་སོགས་ཀྱི་འགྲེས་སྦྱར་ན་སླ། །དེ་འདྲའི་གཞན་ཕན་གྱི་བདེ་བ་ནི་གཞན་འཕྲུལ་འདོད་བདེ་དང་ཚངས་པའི་བསམ་གཏན་བདེ་བ་དང་ཉན་རང་གི་ཞི་བའི་བདེ་བ་གང་གིས་ཀྱང་མི་མཚོན་པར། སློབ་སྤྲིང་གི །གཞན་ཕན་དགའ་བ་རྣམས་ཀྱི་སོགས་དང་། སྤྱོད་འཇུག་གི སེམས་ཅན་རྣམས་ནི་གྲོལ་བ་ན། །སོགས་ལྟར་རོ། །སྤྱན་རས་གཟིགས་ཀྱི་དབང་པོའི་མཚན་དོན་ཐད། རང་བཞིན་དག་པའི་ཆོས་ལ་གཟིགས་པ་ལ་དབང་ཐོབ་པའམ་དབང་སྒྱུར་བརྙེས་པའི་དོན་ནི། །སྙིང་རྗེ་ཤིན་ཏུ་ཤུགས་དྲག་སྟོབས་ལྡན་གྱི་རྩིའི་གཞན་དབང་དུ་གྱུར་པའི་སྟོང་ཉིད་རྟོགས་པའི་ཞི་ལྷག་ཟུང་འབྲེལ་གྱི་ཏིང་འཛིན་ཕུལ་བྱུང་གི་མཐུས་བསམ་གཏན་རྣམས་བཟློག་ནས་འདོད་ཁམས་སུ་འགྲོ་བ་ལྔའི་གཟུགས་སྣ་ཚོགས་སུ་སྐྱེ་བ་སྟོན་པ་དང་། རང་བཞིན་དག་པའི་ཆོས་ལ་དམིགས་པའི་ཏིང་འཛིན་གོམས་པས་འགོག་པ་ཐོབ་པ་ཞེས་བསྐལ་བ་ལ་སོགས་པར་

― TN03_Page_0424 ―

^{[མ་དཔེ་གཟིགས་ན་འདིར་གནོན།]}

(༣༦༢)རང་བཞིན་དག་པའི་དབྱིངས་ལས་མི་ལྡང་བའི་མཐུ་ཡུན་རིང་མོ་ནས་ཐོབ་ཀྱང་། ས་བདུན་པར་བློ་ལྷག་སྟོབས་ཀྱིས་ཞི་མཐའ་འགོག་པའི་ནུས་པ་ཐོབ་ཅིང་། ས་དགུ་པར་ཞི་མཐའི་འཇིགས་པ་དང་བྲལ་ནས་ཡུན་རིང་ལོན་པ་ལ་སོགས་པའི་སྒོ་ནས་ཟག་མེད་ཀྱི་དབྱིངས་སུ་མི་ལྷུང་བར་འཁོར་བར་གཟུགས་སྣ་ཚོགས་འཛིན་པ་སྟེ། མདོར་ན་རང་བཞིན་དག་པའི་དབྱིངས་ལ་གཟིགས་པའི་ཏིང་ངེ་འཛིན་རྩལ་རྫོགས་ཀྱང་རྣལ་འབྱོར་པ་ཏིང་ངེ་འཛིན་གྱི་གཞན་དབང་དུ་ཕར་མི་འཆོར་བར། ཏིང་ངེ་འཛིན་དེ་རྣལ་འབྱོར་པའི་རང་དབང་དུ་ཚུར་འདུས་ནས་གང་འདོད་བྱར་ཡོད་པ་སྟེ། འདི་ཀོ་ས་ལའི་རྒྱན་ལ་བརྟེན་ནས་བཤད་དོ། ༈ །པད་གླིང་གཏེར་བྱོན་གཡུ་སྒྲོན་མའི་སྒྲུབ་ཐབས་དང་པྲ་སྒྲུབ་ན། བདག་བསྐྱེད་ཐུགས་རྗེ་ཆེན་པོའི་བྱེད་པར་བཤད་དེ། པྲ་སྒྲུབ་ལ་བདག་བསྐྱེད་དེ་ལྟར་བསྔགས་པ་ནི། པྲ་སྔགས་ལ་ཆུ་བུར་མིག་གི་སྒོ་སོལ། ཞེས་མེད་པར་སྔགས་འབྲུ་དྲུག་དང་། སྤྱན་རས་གཟིགས་ཀྱི་མོ་སྟོན་ཞེས་འབྱུང་བ་ལྟར་སྤྱན་རས་གཟིགས་མིག་འབྱེད་དམ་སྤྱན་འབྱེད་ཀྱི་ལྷར་བསྔགས་པའི་རྒྱུ་མཚན་གྱིས་ཡིན་པར་མངོན། ཡོ་ག་ལས་མངོན་ཤེས་ཀྱི་ལྷར་བསྔགས་པ་ཏིང་ངེ་འཛིན་གྱི་ལྷར་སེམས་དཔའ་བཅུ་དྲུག་འབྱུང་བའི་ཐད་ནས་གསུངས་པ་ལྟ་བུའི་གནད་

― TN03_Page_0425 ―

^{[མ་དཔེ་གཟིགས་ན་འདིར་གནོན།]}

(༣༦༣)ཀྱིས་ཡིན་ཏེ། དེའི་སྟེང་ནས་ཀྱང་རྣོ་མཐོང་མངོན་ཤེས་རིགས་སྤྱི་ལ་བསྔགས་པར་རྟོགས་ནུས་པ་འདྲ་སྟེ་ གསང་བ་ཐམས་ཅད་ཀྱི་སྤྱིའི་ཆོ་ག་དཀྱིལ་ཆོག་རྔོར་ཕྲེང་དང་སྔགས་རིམ་ལས་ཀྱང་སྤྱན་རས་གཟིགས་ལ་བརྟེན་ནས་རྨི་ལམ་བརྟགས་པ་གསུངས་སོ། ༈ །སྤྱན་རས་གཟིགས་དབང་ཕྱུག་གི་སྒྲའི་ཟུར་ཕྱི་མ་འདིར་འདི་ངེས་ན་བྲིས་པ་འདིའི་རིགས་པ་སྦྱར་ན། སྲིབ་ངོ་འདིར་འཁོད་འདི་ནི་སྟོང་རྟོགས་སོར་རྟོག་ཡེ་ཤེས་ལ་སྦྱར་བ་སྟེ། དེས་དཔགས་ནས་སྙིང་རྗེ་ལ་སྦྱར་ན། འཁོར་བ་པ་རྣམས་ལ་སྙིང་རྗེའི་འཛུམ་མིག་རྟག་ཏུ་ཆགས་པས་འཁོར་བར་སྐྱེ་བ་འཛིན་ཀྱང་མི་དམིགས་པའི་ཤེས་རབ་ཀྱིས་ཤིན་ཏུ་ཟིན་པའམ་དམིགས་མེད་ཀྱི་སྙིང་རྗེ་ཡིན་ཕྱིར་རང་དབང་བརྙེས་པས་ཅི་འདོད་དུ་འཁོར་བ་ན་གཟུགས་འཛིན་པར་ཟད་ཀྱི། འོན་ཏེ་སྙིང་རྗེ་འབའ་ཞིག་བསྒོམ་པས་ཀྱང་་། སོགས་ལྟར་དབང་མེད་དུ་སྐྱེ་བ་སོགས་མིན་གྱི། སྙིང་རྗེས་འཁོར་བ་འཛིན་བཞིན་དུ་དག་པའི་ཆོས་དབྱིངས་སུ་འདོད་དགུར་སྤྱོད་ནུས་པའོ། །སོར་རྟོག་དང་སྦྱོར་ཚེ་ཀུན་སྙིང་དང་ཤཱཀྱ་མི་ཏྲ་ཅུང་མི་འདྲའམ་དཔྱོད། གྲུབ་ཆེན་མི་ཏྲ་ལྟར་ན། ཡོ་ག་དང་བསྟུན་ཚེ་མ་ི་རང་བཞིན་དག་པའི་རྣལ་འབྱོར་དང་། པདྨེ་གཟུགས་སྣ་ཚོགས་ལ་སྦྱར་ནས་ཟབ་རྒྱས་ཀྱི་མདོ་སྡེ་བསྡུས་པར་

― TN03_Page_0426 ―

^{[མ་དཔེ་གཟིགས་ན་འདིར་གནོན།]}

(༣༦༤)བཤད་ལོ། བཀའ་འབུམ་ན་པདྨེ་ཤེས་རབ་དང་། མི་ཏྲས་པདྨེ་ཐབས་ལ་སྦྱར་མོད། གཉིས་ཀ་ཕྱག་མཚན་བཞིན་དུ་བྱ་རྒྱུ་ཡིན་ཏེ། མ་ི་པདྨེ་ཞེས་པའང་ནོར་བུ་པདྨ་ཅན་ཞེས་པར་བཤད་པས་ནོར་པད་འཛིན་པ་ཞེས་པའམ་ཕྱག་ན་ནོར་པད་ཞེས་པར་འགྱུར་བས་སོ། །གུར་འགྲེལ་དང་བསྟུན་ཚེ་ཕྱག་མཚན་ལ་མི་བྱེད་པ་འདྲ། དེས་ན་གུར་འགྲེལ་ན་མ་ི་པདྨེ་གཉིས་ཀ་སོར་རྟོག་ལ་སྦྱར་ཡང་། བཀའ་འབུམ་ན་མ་ི་སྟེ་བགྲང་ནོར་སྙིང་རྗེར་སྦྱར་བ་་འགྲོས་ཐ་དད་རེད་དམ་བརྟགས། ཡང་ན་མི་ཏྲའི་བཤད་ཚུལ་ཡང་ཕྱག་མཚན་ལ་སྦྱོར་མི་དགོས་སམ་སྟེ། རྗེ་དགེ་འདུན་རྒྱ་མཚོས་ཡེ་ཞེས་པ་ཅན་ལ་མ་བཤད་པར་འབོད་པ་ལ་བཤད་པ་ལྟ་བུ། གལ་ཏེ་མི་ཏྲ་དང་བཀའ་འབུམ་བསྟུན་རྒྱུ་བྱེད་ན། ཀྲི་ཡོག་གི་པདྨའི་བཤད་ལུགས་མི་འདྲ་སྟེ། བྱ་སྤྱོད་དུ་པདྨ་དཀར་པོ་མཛད་ནས་པདྨ་སྙིང་རྗེ་དང་། དེའི་ཁ་དོག་དཀར་པོ་རང་བཞིན་དག་པ་མཁྱེན་པའི་སོར་རྟོག་ཡེ་ཤེས་ལ་སྦྱར། ཡོ་གར་པདྨ་དམར་པོ་མཛད་ནས་པདྨ་ཆོས་ཀྱི་ཏིང་འཛིན་ནམ་རང་བཞིན་དག་པའི་ཏིང་འཛིན་དང་། དམར་བ་སྙིང་རྗེ་ལ་སྦྱར། དེ་བཞིན་དུ་པད་དཀར་ཁོ་ནའང་ཁྱད་གཞི་འམ་རྟེན་གཞིའི་སྟེང་ནས་བཤད་ཚེ་མི་ཏྲ་ལྟར་དང་། ཁྱད་ཆོས་སམ་རྟེན་ཆོས་ཀྱི་ངོས་ནས་བཤད་ན་བཀའ་འབུམ་ལྟར་

― TN03_Page_0427 ―

^{[མ་དཔེ་གཟིགས་ན་འདིར་གནོན།]}

(༣༦༥)འགྱུར། །མ་ི་བགྲང་ནོར་དུ་བྱེད་ཚེའང་། ཡིད་སྐྱོབ་ཀྱི་ཆ་ནས་རང་རྒྱུད་ལྡན་སྐྱོབ་ཚེ་མི་ཏྲ་ལྟར། གཞན་རྒྱུད་སྐྱོབ་པར་སྦྱར་ཚེ་བཀའ་འབུམ་ལྟར། འདི་ཐམས་ཅད་དཔྱད་གཞིར་བཀོད། ༈ །དཔའ་བར་འགྲོ་བའི་ཏིང་ངེ་འཛིན་ཐོབ་པ་རྣམས་ཀྱི་ལུས་ནི་ཐེག་པ་ཆེན་པོའི་དམ་པའི་ཆོས་ཀྱི་རང་བཞིན་གྱི་ལུས་ཡིན་ཕྱིར། གོམ་པ་འདེགས་འཇོག །ལག་པ་བརྐྱང་བསྐུམ། དབུགས་འབྱུང་རྔུབ། སེམས་སེམས་བྱུང་། སེམས་བསྐྱེད་པའི་སྐད་ཅིག་ཐམས་ཅད་ཕ་རོལ་ཕྱིན་དྲུག་དང་ལྡན་པ་ཁོ་ནར་འབྱུང་སྟེ། སྤོས་ཀྱི་རིགས་འབུམ་ཕྲག་སྦྱར་བའི་ཕྱི་མའམ་ལྡེ་གུ་ལ་སྤོས་སྣ་གཞན་དང་མ་འདྲེས་མ་བསྒོས་པའི་སྤོས་རྡུལ་ཅིག་ལེན་རྒྱུ་མེད་པ་ལྟ་བུར་མདོ་ལས་གསུངས། ཡིག་དྲུག་ཕྱིན་དྲུག་གི་ངོ་བོ་ཉིད་ཡིན་ཅིང་། ལྷ་སྔགས་ཡེ་ཤེས་དབྱེར་མེད་པས་སྤྱན་རས་གཟིགས་ཀྱི་གསང་གསུམ་གྱི་ཆ་ཕྲ་མོ་རེའང་ཡིག་དྲུག་འདུས་པའི་རང་བཞིན་མ་ཡིན་པ་མེད་ལ། ཡིག་དྲུག་གི་ཡིག་འབྲུ་རེ་རེའི་ཐོག་མཐའ་དབུས་ཀྱི་ཆ་ཕྲ་མོ་རེ་ཡང་རྗེ་བཙུན་གྱི་ཐུགས་རྒྱུད་ཀྱི་ཕྱིན་དྲུག་ཀུན་འདུས་ཀྱི་རང་བཞིན་མིན་པ་ཡོང་ཡེ་མེད་པར་ཤེས་པར་བྱའོ། ༈ །གཡས་པའི་ཕྲེང་བ་སྙིང་རྗེ། གཡོན་པའི་པདྨ་ཤེས་རབ་ལྟ་བུ་མི་ཟེར་བར། ཕྲེང་བས་སྟོང་ཉིད་

― TN03_Page_0428 ―

^{[མ་དཔེ་གཟིགས་ན་འདིར་གནོན།]}

(༣༦༦)སྙིང་རྗེས་གྲངས་མེད་པའི་སེམས་ཅན་ཡང་ཡང་སྐྱོབ་པའི་ཡོན་ཏན་དང་། པདྨས་སྟོང་ཉིད་སྙིང་རྗེའི་མི་གོས་པའི་ཡོན་ཏན་མཚོན་ཏེ། མདོར་ན་སྟོང་ཉིད་སྙིང་རྗེ་ཟུང་འཇུག་གི་རྣལ་འབྱོར་གྱིས་གཞན་ཡིད་སྐྱོབ་པ་དང་། རང་རྒྱུད་མི་གོས་པའི་ཡོན་ཏན་སོ་སོར་སྟོན་ནམ་བྱའམ་དཔྱད། ༈ །འོག་བྲིས་འདིས་དག་ཐེར། གླེང་གཞི་ནི། སྤྱིར་བོད་དང་བོད་ཆེན་གྱི་ཡུལ་ཡང་མི་མཇེད་ཀྱི་ཞིང་གི་ཁོངས་སུ་ཐུབ་པས་བཟུང་བ་སྨོས་མི་དགོས་ཀྱང་། ནང་གསེས་སུ་རྒྱལ་སྲས་ཆེན་པོ་སོ་སོ་བཞུགས་ནས་བརྐྱང་བའི་ཁྱད་པར་དུ་མ་ཡོད་པ་ལས། བོད་འདྲེ་སྲིན་གདུག་པའི་ཡུལ་འདི་སྔ་ནས་རྗེ་འདིས་རང་གི་བཞུགས་གནས་དང་གདུལ་ཞིང་དུ་ཐུགས་རྗེ་དང་སྨོན་ལམ་གྱི་ས་བཟུང་ཞིང་བྱིན་གྱིས་བརླབས་ནས། ཁོ་བོ་ལ་སོགས་འོག་བྲིས་ལྟར་རོ། །དེས་ན་བདེ་བ་ཅན་དུ་སྐྱེས་ཚད་འོད་དཔག་མེད་ལ་འབྲེལ་བ་ཆེ་བ་ཁོ་ན་ཡིན་པར་དཔོགས་ནུས་པ་ལྟར་བསྟན་པ་འདི་ལ་མི་མཇེད་དུ་སྐྱེས་ཚད་ཤཱཀྱའི་རྒྱལ་པོས་སྔོན་བསྡུ་བཞིའི་སྤྱོད་པའི་ཤས་ཀྱིས་ཟིན་པ་རེ་ཡིན་དགོས་ཏེ། དེའི་ཞིང་ཡིན་པའི་ཕྱིར། དེ་ལས་ཀྱང་བོད་དུ་སྐྱེས་ཚད་སྤྱན་རས་གཟིགས་ལ་ལྷག་པར་ལས་འབྲེལ་ཆེ་བ་ཁོ་ན་ཡིན་པར་བསྟན་པ་འདིར་བོད་དུ་སྐྱེས་པའི་རྟགས་ཀྱི་དཔོགས་ནུས། དེས་ན་འདི་ཐམས་ཅད་

― TN03_Page_0429 ―

^{[མ་དཔེ་གཟིགས་ན་འདིར་གནོན།]}

(༣༦༧)ཀྱི་རྩ་བར་སྟོན་པས་བོད་འདི་འཕགས་པ་འདི་ལ་གཏད་ཅིང་ལུང་བསྟན་པ་དེ་གྲུབ་ན་དེས་འཐུས་ལ། དེ་ནི་ཆོས་རྒྱལ་བཀའ་འབུམ་དང་། བཀའ་ཆེམས་ཀ་ཁོལ་མ་སོགས་ཀྱིས་འགྲུབ་ཅིང་། ཕྱག་རྡོར་དབང་བསྐུར་གྱི། བྱང་ཕྱོགས་སུ་ནི་བྱང་ཆུབ་སེམས་དཔའ་ལག་ན་པདྨ་འགྲུབ་བོ། །ཞེས་པའང་དེ་ལྟར་རོ། །བོད་འདི་ཤཱཀྱའི་རྒྱལ་པོའི་ཞིང་གི་ཆ་ཤས་སུ་འདོད་དགོས་ལ། ཞིང་གཅིག་ན་སྟོན་པ་གཅིག་ཏུ་ཟད་པས་སྤྱན་རས་གཟིགས་ཀྱི་ཞིང་དུ་ཇི་ལྟར་རུང་ཞེ་ན། གླིང་བཞི་ཡོངས་རྫོགས་འཁོར་སྒྱུར་གཅིག་གི་མངའ་འོག་ཡིན་ཡང་། ནང་གསེས་སུ་ཁམས་ཀྱི་རྒྱལ་པོ་བརྒྱད་ཁྲི་སོགས་ལ་སོ་སོར་དབང་བའི་ཡུལ་འཁོར་རིས་སུ་བཅད་པ་རེ་ཡོད་པ་མི་འགལ་བ་ལྟ་བུ་སྟེ། རྗེ་བཙུན་འདི་འོག་མིན་དུ་སངས་རྒྱས་ཟིན་དང་། བདེ་བ་ཅན་ན་རྒྱལ་ཚབ་གཅིག་པུ་ཡིན་ཡང་ཞིང་འདིར་མཛད་པ་བསྟན་ཚུལ་ལ་བསམ་དགོས། ༈ །མ་ི་ནི་ནོར་བུ་སྟེ། རྟོག་པ་མེད་པ་དང་། དགོས་འདོད་སྦྱིན་པ་གཉིས་ཀྱི་གཞི་མཐུན་ལྟར། སྤྲོས་པའི་རྟོག་པ་མེད་པ་དང་། གཞན་དོན་གྱི་ཕྲིན་ལས་རྟག་ཁྱབ་ཏུ་འབྱུང་བའི་གཞི་མཐུན་ཏེ། དེ་འདྲ་སྟོང་རྟོགས་ཀྱི་ཤེས་རབ་རྐྱང་པ་གོམས་པ་ལ་མེད་ཀྱི། སྟོང་རྟོགས་དེ་སྙིང་རྗེའི་སྙིང་པོ་ཅན་དུ་བྱས་ནས་མཐར་ཕྱིན་པ་ཁོ་ན་

― TN03_Page_0430 ―

^{[མ་དཔེ་གཟིགས་ན་འདིར་གནོན།]}

(༣༦༨)ལས་སོ། །དེས་ན་མ་ི་ཞེས་པས་སྟོང་རྟོགས་ཀྱི་ཤེས་རབ་བསྟན་པ་ཙམ་མིན་ཏེ། དེ་ལ་དགོས་འདོད་འབྱུང་བའི་དོན་མ་ཚང་བའི་ཕྱིར་རོ། །དེས་ན་ཤེས་རབ་དེ་སྙིང་རྗེའི་སྙིང་པོ་ཅན་དང་། ཤེས་རབ་དེ་ཉིད་ཀྱིས་སྲིད་ཞིའི་མཐའ་གཉིས་སེལ་ཚུལ་ལམ། དོན་གཉིས་ཕུན་ཚོགས་སྟེར་ཚུལ་སྟོན་པའི་ཚིག་ནུས་ཆེན་པོ་དང་། སྟོན་ཚུལ་ཁྱད་པ་ཅན་ཡིན་པས་འཇམ་ཞུད་མ་བྱེད། དེའི་འགྲོས་ཀྱིས། པདྨ་ཡང་ཆུ་ལས་སྐྱེས་ཤིང་ཆུའི་དཔལ་དུ་གྱུར་པ་དང་། སྙིང་རྗེ་དེ་ཕུལ་དུ་བྱུང་བའི་ཡོན་ཏན་གྱི་ལང་ཚོ་འཇིག་རྟེན་སྡུད་པས་འཁོར་བའི་གནས་ལ་མཛེས་པ་སྐྱེད་ཅིང་ཉམ་དགའ་དགའ་ལྟར་བྱེད་པས། ཡོན་ཏན་ནི་གཞན་ལ་ཕན་འདོགས་པའི་ཡོན་ཏན་ནོ། །ཆུའི་ཉེས་པ་ཉ་ལྕི་བས་དང་འདམ་གྱི་སྐྱ་དྲི་སོགས་ཀྱིས་མ་གོས་ཤིང་དཀར་མདངས་དྲི་མེད་ཉིས་ཚོགས་ཀྱི་སྟེང་ནས་སྙིང་རྗེ་སྟོང་ཉིད་ཀྱི་སྙིང་པོ་ཅན་ཞེས་དམིགས་མེད་ཀྱི་སྙིང་རྗེ་འཆད་ཚུལ་ཤེས་སླ། ༈ །འཕགས་པས་པདྨ་དམ་པ་ལ་མ་ི་བྱིན་པའི་ཚེ་གླིང་བཞི་ལྷ་གནས་དང་བཅས་པ་ཤིང་ཆུ་སྐྱེས་ཀྱི་འདབ་མ་བཞིན་དུ་འགུལ། རྒྱ་མཚོ་བཞི་ཡང་འཁྲུགས། བགེགས་དང་བར་ཆད་བྱེད་པ་ཐམས་ཅད་ཀྱང་སྐྲག་ཅིང་བྲོས་པར་གསུངས་ཏེ། ཕྱག་སྟོང་སྤྱན་སྟོང་གི་མདོར། རིག་སྔགས་འདིས་ནི་རི་རྣམས་འཇོམས་ཤིང་རྒྱ་མཚོ་ཆེན་པོ་སྐེམ་པར་བྱེད་དོ། །ལྷ་མ་ཡིན་གྱི་དམག་རྣམས་རྣམ་པར་བཅོམ་

― TN03_Page_0431 ―

^{[མ་དཔེ་གཟིགས་ན་འདིར་གནོན།]}

(༣༦༩)ནས་ཕམ་པར་བྱེད་དོ། །ཡུལ་འཁོར་རྣམས་དང་། གྲོང་དང་། གྲོང་ཁྱེར་དང་། གྲོང་རྡལ་རྣམས་ཡོངས་སུ་སྲུང་བར་བྱེད་དོ། །འདྲེ་གདོན་དང་། ནད་དང་། སྨན་གྱི་དུག་དང་། སྲིན་བུའི་དུག་དང་། ལོག་པ་དང་། མ་རུངས་པའི་མི་རྣམས་ཕམ་ཞིང་རབ་ཏུ་ཞི་བར་བྱེད་དོ། །སུམ་ཅུ་རྩ་གསུམ་པའི་ལྷ་རྣམས་བཏུལ་ནས་རབ་ཏུ་དུལ་བར་བྱེད་དོ། །ཞེས་གསུངས་པ་དང་འདྲའོ། །ཟ་མ་ཏོག་གི་གོང་འོག་གཉིས་ཙམ་ན། ཕྱག་བརྒྱ་སྟོང་པ། སྤྱན་བྱེ་བ་བརྒྱ་སྟོང་པ། །དབུ་བཅུ་གཅིག་པ་ཞེས་འབྱུང་ཞིང་། དོན་ཡོད་པའི་ཞགས་པ་སྟོན་པ། ཞེས་འབྱུང་བ་འཕགས་པ་ཡི་གེ་དྲུག་པ་ལ་བསྔགས་པའི་སྐབས་ཡིན་པས། ཡིག་དྲུག་ཉིད་བཅུ་གཅིག་ཞལ་དང་དོན་ཞགས་ཀྱི་སྔགས་སུ་ཡང་འགྱུར་བར་ཤེས་ནུས་སམ་དཔྱོད། ༈ །ཡང་གཤིན་རྗེའི་རྒྱལ་པོས་བསྟོད་པར། ནད་ལས་ཡོངས་སུ་ཐར་བར་མཛད་པ། ཞེས་པས་ནད་ཞིའི་སྔགས་སུ་འགྲུབ་བམ་སྙམ་པའང་དེ་བཞིན་ནོ། ༈ །ཡང་ཕྱག་སྟོང་སྤྱན་སྟོང་ལས། ཟས་སྐོམ་དུག་ཅན་གྱིས་ནི་གསོད་པའི་ཚེ། །རྩེ་གཅིག་ཐུགས་རྗེ་ཆེན་པོའི་གཟུངས་བཟླས་ན། །དུག་ཉིད་ཟིལ་མངར་ཟས་སྐོམ་ཉིད་དུ་འགྱུར། །ཞེས་སོ། ༈ །ཀུན་སྙིང་གི་འགྲོ་འདུལ་འགྲེལ་པར། ཆོས་ཐམས་ཅད་རང་

― TN03_Page_0432 ―

^{[མ་དཔེ་གཟིགས་ན་འདིར་གནོན།]}

(༣༧༠)བཞིན་གྱིས་རྣམ་པར་དག་པ་བདག་ཡིན་ནོ་ཞེས་བསྒོམ་ལ་ནང་གི་བདག་ཉིད་ཅན་གྱི་ཁྲུས་བྱས་ཏེ། སྙིང་པོ་བྱང་ཆུབ་ལ་ཐུག་གི་བར་དུ་དངོས་པོར་འཛིན་པའི་མངོན་པར་ཞེན་པ་མི་བྱའོ། །ཞེས་སོ། །འདི་དང་ཨ་བ་ཏ་རའི། དཔའ་བོའི་རང་བཞིན་གྱི་ང་རྒྱལ་བྱ་སོགས་བསྒྲིག་ཚེ་པདྨ་དཀར་པོའི་ཁ་དོག་གི་དེ་ཉིད་ཀྱིས་བགེགས་དང་ཉམས་གྲིབ་སོགས་སེལ་ཚུལ་ཤེས། ༈ །རྡོ་རྗེ་ཆོས་ནི་གླུར་བླང་བས། ཞེས་བྱ་བ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་ངོ་བོའི་སེམས་དང་སེམས་ལས་བྱུང་བ་དང་པདྨའི་རིགས་ནི་རྡོ་རྗེ་ཆོས་སོ། །དེ་གླུར་བླང་བ་ནི་ཆོས་ཐམས་ཅད་ནི་རང་བཞིན་གྱིས་རྣམ་པར་དག་པའོ། །ཞེས་སོ་སོར་རྟོག་པ་སྟེ། །དེའང་གསལ་བའི་དབྱེ་བས་རྣམ་པ་སྣ་ཚོགས་སོ་སོར་རྟོག་པ་ཡིན་ཏེ། དེ་བས་ན་གླུར་བླངས་པ་ཞེས་གསུངས་པ་ཡིན་ནོ། །ཞེས་དེ་ཉིད་སྣང་བ་ལས་སོ། ༈ །ལོ་རྒྱུས་ཐད། བོད་འདིར་ཕན་བདེའི་སྣང་བ་རྒྱ་ཆེར་འཆར་བའི་གླེང་གཞི་གཙོ་ཆེ་ཤོས་ནི། ཕྱོགས་འདིའི་འགྲོ་བ་རྣམས་འཕགས་པ་ལ་ལས་ཀྱི་འབྲེལ་བ་ལྷག་པར་ཆེ་ཞིང་། །འཕགས་པ་ཉིད་ཀྱི་སྔོན་གྱི་སྨོན་ལམ་གྱི་དབང་དང་། སྟོན་པས་ཀྱང་ཡུལ་འདི་རྗེ་བཙུན་འདིའི་གདུལ་ཞིང་དུ་བྱིན་གྱིས་བརླབས་པའི་མཐུས་སོ། །སྨོན་ལམ་ནི། །གངས་རིའི་ལྗོང་དེ་སྙིང་རྗེའི་བསིལ་འོད་དང་རྗེས་སུ་

― TN03_Page_0433 ―

^{[མ་དཔེ་གཟིགས་ན་འདིར་གནོན།]}

(༣༧༡)མཐུན་པས་བདག་གི་ཞིང་དུ་དང་། དེར་ཁོ་བོ་ལ་ལས་སྨོན་གྱི་འབྲེལ་བ་ཅན་རྣམས་ཤས་ཆེར་འབྱུང་བར་དང་། །བདག་གི་མཐུས་དེ་ན་ཐམས་ཅད་ཀྱང་རིག་སྔགས་ཀྱི་རྒྱལ་མོ་སྨྲ་བར་གྱུར་ཅིག་སོགས་ཡིན་ཏེ། བྲམ་ཟེ་རྒྱ་མཚོའི་རྡུལ་གྱི་སྨོན་ལམ་གྱི་རིགས་པ་སྦྱར་བའོ། ༈ །འཕགས་པའི་རྣམ་ཐར་ནི་མདོ་སྡེ་བཞི་དང་མདོ་སྡེ་དུ་མའི་གླེང་གཞི་སོགས་ནས་རྒྱས་པར་འབྱུང་ལ། སྔགས་དང་དཀྱིལ་འཁོར་དང་བསམ་གཏན་དང་ཕྲིན་ལས་ལ་སོགས་པའི་སྒོ་ནས་རྒྱུད་སྡེ་བཞི་ཀ་ལས་ཡང་ཡང་གསུངས། འཕགས་མ་སྒྲོལ་མ་དཀར་སྔོ་དང་། གོས་དཀར་མོ། །ལོ་གྱོན་མ། རྨ་བྱ་ཆེན་མོ་སོགས་མགོན་པོ་འདིའི་ཏིང་ངེ་འཛིན་གྱི་སྐུའི་ཆ་ཤས་ལས་བྱུང་བར་གསུངས་ལ། དཔལ་ན་ག་ཛུ་ནས་དེ་དག་གི་ནང་ཚན་རྨ་བྱ་ཆེན་མོའི་རིག་སྔགས་ལ་བརྟེན་ནས་ཀླུའི་འཇིག་རྟེན་དུ་འགྲོ་བའི་དོན་མཛད་ཅིང་། རྒྱལ་བའི་ཡུམ་རྒྱས་པ་སོགས་མི་ཡུལ་དུ་སྤྱན་དྲངས་པར་གྲགས་ཏེ། འཇམ་དཔལ་རྩ་རྒྱུད་ལས། རིག་པ་རྨ་བྱ་ཆེན་མོ་ནི། །བདག་ཉིད་ཆེན་པོ་དེས་ཀྱང་འགྲུབ། །ཅེས་གསུངས་པ་དང་མཐུན་ཏེ། ཀླུ་སྒྲུབ་ཀྱིས་ལྷ་འདི་གྲུབ་ལ་ཚད་བཟུང་མེད་ཀྱང་། འཇིག་རྟེན་ཡོངས་གྲགས་ལ་སྨོས་མ་ཐག་པའི་མཛད་པ་འདི་ཁོ་ན་གྲགས་ཆེ་བར་མ་

― TN03_Page_0434 ―

^{[མ་དཔེ་གཟིགས་ན་འདིར་གནོན།]}

(༣༧༢)ཟད་ཀླུ་སྒྲུབ་ཅེས་པའི་མཚན་ཡང་དེའི་སྒོ་ནས་གསོལ་བ་ཡིན་ཅིང་། མཛད་པ་དེ་རྨ་བྱ་ཆེན་མོའི་རིག་སྔགས་ཀྱི་སྒོ་ནས་མཛད་ཅེས་བྱས་ན་ཐུགས་དམ་ལྷའི་ནང་ནས་དེ་ཁོ་ན་སྨོས་པའི་རྒྱུ་མཚན་ཡང་བཤད་བདེ་བ་འདྲ། དེར་མ་ཟད་བཤད་བྱ་ཤེར་ཕྱིན་གྱི་མདོ་སྡེ་སྤྱན་དྲངས། འཆད་བྱེད་དབུ་མ་རྩ་བ་མཛད་ནས་དེའི་མཚན་ལའང་ཤེས་མདོ་ལས་ཤེས་རབ་ཅེས་བཏགས་ཏེ། འདི་གཉིས་ཤིང་རྟའི་སྲོལ་འབྱེད་ཀྱི་དང་པོར་འཇོག་བྱེད་དང་། ཐེག་ཆེན་གྱི་བསྟན་པ་ལ་བཀའ་དྲིན་ཆེ་བར་བྱེད་པའི་སྒོ་ཆེ་ཤོས་སོ། །གཞན་ཡང་ཡེ་ཤེས་སྙིང་པོ། །ཙནྡྲ་གོ་མི། ཙརྤར་ཏི་པ། སྒྲ་མཁན་པ་ི། བྲམ་ཟེ་མོ་རབ་གསལ་ངང་ཚུལ། བྲམ་ཟེ་མཆོག་སྲེད། བྲམ་ཟེ་བ་སུ་ནེ་ཏྲ། དགེ་སློང་མ་དཔལ་མོ། ཚོང་དཔོན་གྱི་བུ་སུ་ཁ་དེ་བ་ཁྱོ་ཤུག་ཁངྒ་པ། ཀ་མ་ལ་གོ་མི། །དགེ་བསྙེན་ཞི་བའི་གོ་ཆ། བཛྲ་དེ་བ། དཔལ་ལྡན་མར་མེ་མཛད་ཡེ་ཤེས། གྲུབ་ཆེན་དཔེ་མེད་འཚོ། མི་ཏྲ་ཛོ་ཀི །རྣམ་རྒྱལ་གྲགས་པའི་ལྷ། སངས་རྒྱས་གསང་བ། སངས་རྒྱས་ཞི་བ་སོགས་འཕགས་པའི་རིག་སྔགས་གྲུབ་པའི་གཏམ་རྒྱུད་མང་། ལྷོ་ཕྱོགས་དཔལ་གྱི་རིར་ཀླུ་སྒྲུབ་ཀྱི་སྐུ་གདུང་གི་རྫུ་འཕྲུལ་གྱིས་རྡོ་ལ་བྱོན་པའི་འཕགས་པ་གཙོ་འཁོར་ལྔ་པ། ཨོ་ཊི་བི་ཤར་རྡོ་རྗེ་དྲིལ་བུ་པས་རྫུ་

― TN03_Page_0435 ―

^{[མ་དཔེ་གཟིགས་ན་འདིར་གནོན།]}

(༣༧༣)འཕྲུལ་གྱིས་སྤྱན་དྲངས་པའི་རྡོ་སྐུ། ཤར་ཕྱོགས་ཁར་ས་པ་ིའི་ལྷ་ཁང་སོགས། ༈ །མི་དབང་གཽ་སཱ་ལ་ནི་ཁ་སར་པ་ིའི་གཙུག་ལག་ཁང་དུ་ཕྱིན་ནས་གསོལ་བ་བཏབ་པས་རྒྱལ་སྲིད་ཐོབ་བའོ། །གཏེར་སྟོན་ཆེན་པོ་ཕལ་ཆེར་གྱི་ཐུགས་དམ་གྱི་མཐིལ་ཡང་འདི་ལ་མཛད་དེ། ཉང་། ཆོས་དབང་། སངས་གླིང་། གཏེར་བདག་གླིང་པ་སོགས་ཀྱི་ལོ་རྒྱུས་ཀྱིས་ཤེས། ཕྱི་མ་འདིའང་བདེ་གཤེགས་ཀུན་འདུས་སུ། པདྨ་དབང་གི་སྙིང་ཁྲག་གཏེར་སྒོ་འབྱེད། །ཅེས་དང་། འགྱུར་མེད་རྡོ་རྗེ་པདྨའི་རིགས༔ ཞེས་སོ། །གློང་གཉིང་གི་དང་པོར་ཡང་ཐུགས་རྗེ་ཆེན་པོའི་སྐོར་བྱུང་ཚུལ་ཌ་ཀིའི་གསང་གཏམ་ལྟར། དེར། ཐུགས་རྗེ་ཆེན་པོའི་ཞལ་མཐོང་ཞིང་། །ཞེས་པ་ལྟར། བོད་གངས་ཅན་གྱི་ལྷ་གཅིག་སྙིང་རྗེའི་གཏེར། །སོགས་དང་། གསོལ་འདེབས་ཞལ་གཟིགས་མར། འཕགས་པས་རྗེས་སུ་བཟུང་བའི་རྟགས༔ སོགས། ༈ ཡི་གེ་ཕྱེད་བཞི་པ་དང་། ཁརྶ་པ་ིའི་ཡིག་བཞི་དང་། བྱ་རྒྱུད་དུ་ཛི་ཛི་ཛི་ནཾ་སོགས་དང་། དོན་ཞགས་དང་བཅུ་གཅིག་ཞལ་གྱི་གཟུངས་རིང་སོགས། འཕགས་པའི་རིག་སྔགས་མཐའ་ཡས་ཀྱང་། བྱིས་པ་བརྡ་མི་འཕྲོད་པ་ལ་ཡང་། བསླབ་མི་དགོས་པར་རང་ཤེས་སུ་འོང་བའི་སྒོ་ནས་སྐྱོབ་པ་

― TN03_Page_0436 ―

^{[མ་དཔེ་གཟིགས་ན་འདིར་གནོན།]}

(༣༧༤)འཇིག་རྟེན་དབང་ཕྱུག་མི་མཆོག་དམན་མེད་པའི་སྙིང་དང་ཁའི་སྒོར་རིག་སྔགས་ཀྱི་གཟུགས་ཀྱིས་བཞུགས་ནས་བྱིན་གྱིས་རློབས་པའི་རྟགས་མི་འཁྲུལ་བ་མ་ི་འདི་ལ་མངོན་སུམ་དུ་གྲུབ་པ་འདྲ་བ་གང་ཡང་མི་སྣང་སྟེ། དེ་ལྟར་སྔགས་འདི་ནི་བོད་ལ་རང་བཞིན་གྱིས་གྲུབ་པར་ཤིན་ཏུ་གསལ་བ་ཡིན་ཞིང་། བོད་སྤྱིའི་ཆོས་སྐལ་གཅིག་པུ་ཟླ་མེད་ཅིང་། གཅིག་ཆོག་ཡིད་བཞིན་ནོར་བུའི་གཏེར་ཡིན་པར་ཤེས། ཟླ་མེད་པ་ཞེས་པ་འདི་ལ་མྱང་རྒྱུ་ཞིམ་པོ་ཡོད། ༈ །བཀའ་གདམས་བརྒྱུད་པ་ན་ཡང་། ཐུགས་རྗེ་ཆེན་པོའི་གྲུབ་ཐོབ། ཡོལ་ཆོས་དབང་། རྔོག་སྒོམ་ཡོན་ཏན་རྒྱལ་པོ། ཆག་ཁྲི་མཆོག་སོགས་ཇོ་བོའི་དངོས་སློབ་དང་། སླད་ནས་རྒྱལ་སྲས་རིན་པོ་ཆེ་ཐོགས་མེད་བཟང་པོ་དཔལ་སོགས་སྨྱུང་གནས་བརྒྱུད་པ་ཉི་ཕུག་པ་མན་ཆད་ཐམས་ཅད་དང་ཐིག་ལེ་བཅུ་དྲུག་གི་བརྒྱུད་པའི་བླ་མ་སོགས་བཟང་མང་བྱོན། འཇམ་དབྱངས་ཆོས་རྗེ་བཀྲ་ཤིས་དཔལ་ལྡན་གྱིས་ཀྱང་མ་ི་དུང་ཕྱུར་གཉིས་གསུངས། ༈ །ལྷ་འདིའི་རིགས་ཀྱི་ཞི་དྲག་གི་ལྷ་གཞན་རྣམས་ཀྱང་མཁྱེན་བརྩེ་ནུས་གསུམ་ལས་ཤས་ཆེར་བརྩེ་བའི་རིགས་ཀྱི་ལྷ་ཡིན་སྟབས་གཞན་ལས་བྱིན་རླབས་མྱུར་བ་ཤ་སྟག་སྟེ། སྒྲོལ་མ་དཀར་མོ། ལྗང་མོ། རྟ་མགྲིན། ཛམ་

― TN03_Page_0437 ―

^{[མ་དཔེ་གཟིགས་ན་འདིར་གནོན།]}

(༣༧༥)དཀར། མགོན་པོ་མྱུར་མཛད་སོགས་སོ་ཞེས་ཀོང་སྤྲུལ་རིན་པོ་ཆེ་གསུང་། ༈ །རིགས་གསུམ་བྱེད་དུས། བརྩེ་བའི་རིགས་ལ་ནུས་པའི་རིགས་ཀྱི་དངོས་གྲུབ་ཚང་བ་ཆོས་དམིགས་ཀྱི་སྙིང་རྗེ་ལ་སེམས་ཅན་ལ་དམིགས་པ་ཚང་ཡང་གསུམ་དུ་ཕྱེ་བའི་སེམས་ཅན་ལ་དམིགས་པ་མིན་པ་ལྟ་བུ། བླ་མེད་དུའང་ལས་རིགས་པདྨའི་རིགས་སུ་འདུ་གསུངས། ༈ །བོད་འདིར་ཕྲིན་ལས་ཆེ་བའི་འཕགས་པའི་གདམ་པ་ནི། དཔལ་མོ་ལུགས་ཀྱི་སྨྱུང་གནས། ཇོ་བོའི་ཡི་གེ་དྲུག་པ། སྲོང་བཙན་བཀའ་འབུམ་རྣམས་ཡིན་སྣང་། ཕྱི་མ་འདི་གྲུབ་ཐོབ་དངོས་གྲུབ་ནས་རོག་བདེ་གཤེགས་ཆེན་པོ་ཤེས་རབ་འོད་དང་། མངའ་བདག་ཉང་གཉིས་ལ་བཀའ་བབས་ཤིང་། གྲུབ་མཐའ་ཐམས་ཅད་ལ་དར། ཆོས་དབང་ཡང་སྙིང་འདུས་པའང་ཕྲིན་ལས་ཚད་མེད། གཞན་ཡང་དམ་པ་དམར་པོ་བ་རི་ལྕོ། །གཉན་ཚེམ་བུ་པ་མཚན་དར་མ་འོད་ཟེར་ཏེ། འདི་ལ་འཕགས་པ་ཉིད་ཀྱིས་ཡི་གེ་དྲུག་པའི་བསྐྱེད་རྫོགས་ཀྱི་དམར་ཁྲིད་གནང་བ་ཟབ་པར་གྲགས་ཤིང་དམ་པ་དུ་མས་ཐུགས་དམ་མཛད། སོགས་ནས་བརྒྱུད་པ་མང་། དེ་འདྲ་རྣམས་རབ་བྱུང་དང་སྔགས་པ་རྣམས་ལ་དར་ཆེ་བ་རེད། མི་ནག་ཚོ་ལའང་རིས་མེད་དུ་ཁྱབ་པ་ནི། འབྲུ་དྲུག་ཆིག་རྐྱང་དེའོ། ༈ །ལྷན་སྐྱེས་རོལ་པས་མཛད་པའི་

― TN03_Page_0438 ―

^{[མ་དཔེ་གཟིགས་ན་འདིར་གནོན།]}

(༣༧༦)སྒྲུབ་ཐབས་སུ། སངས་རྒྱས་ཐམས་ཅད་ཀྱི་སྙིང་པོ་རྟོག་པའི་སྔགས་ཀྱི་རྒྱལ་པོ་ཡིད་བཞིན་གྱི་ནོར་བུ་འདི་མཚན་མ་མེད་པའི་སྦྱོར་བས་བལྟ་ཞིང་བཟླས་པ་བྱའོ། །ཨོཾ་མ་ི་པདྨེ་ཧཱུྃ། ཞེས་སོགས་རྒྱ་གཞུང་རྣམས་ལས་ཡིག་དྲུག་ཁོ་ན་འབྱུང་ཡང་། གཏེར་ཕྱོགས་སུ་ཡིག་བདུན་མང་ལ། དེའི་རྒྱུ་མཚན་ཡང་བྱང་གཏེར་ལས། ཕྱི་ནི་སྲོག་སྦས་ཞི་བའི་ཚུལ༔ ཡི་གེ་དྲུག་པ་རྡོ་རྗེའི་སྒྲ༔ ཞེས་པ་ནས། གསང་བ་སྲོག་གི་མཐའ་རྟེན་ཅན༔ སྙིགས་མའི་དུས་སུ་སྲོག་མཐར་རྟེན༔ ཞེས་གསུངས་ཏེ། སྤྱིར་ཡིག་དྲུག་རང་ཡང་ཐུགས་སྲོག་སྐུལ་བའི་སྔགས་ལས་མ་འདས་མོད། འོན་ཀྱང་གཉིས་ཀ་སྐུལ་བྱེད་ཡིག་དྲུག་དང་། བསྐུལ་བྱ་སྲོག་ཡིག །དངོས་སུ་སྦྲེལ་ནས་བཟླས་ན་ཐུགས་རྗེ་གནད་ནས་སྐུལ་བ་ལ་ལྷག་པར་རྣོ་བས། སྔགས་འགྲུབ་པར་དཀའ་བའི་དུས་སུ་འདི་གཙོ་བོར་གཟུང་ཞེས་པ་ཡིན་ནམ་དཔྱད། ༈ །རྡོ་རྗེ་སྙིང་པོ་རྒྱན་ལས་སོགས། འཕགས་ཡུལ་པ་ཆེན་ཚོས་ཀྱང་བྱང་སེམས་ཆེན་པོའི་ནང་ནས་སྤྱོད་པ་རྨད་བྱུང་འབུར་ཆ་ཐོན་པར་བསྔགས་ཏེ། བཤེས་སྤྲིང་དང་སྤྱོད་འཇུག་གསང་བ་གྲུབ་པར་སྔགས་ཀྱི་ལྷའི་ནང་ནས་ཀྱང་འབུར་དོད་དུ་གསུངས་ཤིང་བསྔགས། ལྷ་གཞན་གྱི་བསྟོད་པར་ཡང་བསྔགས་ཏེའམ་གཞན་ལ་བསྟོད་པའི་སྒོ་ནས་ཀྱང་འདི་ལ་སྟེ། ཐམས་ཅད་

― TN03_Page_0439 ―

^{[མ་དཔེ་གཟིགས་ན་འདིར་གནོན།]}

(༣༧༧)མཁྱེན་བཤེས་ཀྱིས། འཕགས་པ་འཇིག་རྟེན་དབང་ཕྱུག་ཞབས་མཐིལ་བཀྲ་ཤིས་ཀྱི། སོགས་དང་། བྲམ་ཟེ་ཕུར་བུས། སྤྱན་རས་གཟིགས་དབང་སོགས་དང་། ཉི་མ་སྦས་པའི་ཕྱག་འཚལ་དང་པོའི་འགྲེལ་པ། དེ་ནས་རྒྱ་གར་དུ་གྲུབ་བརྙེས་བྱུང་རབས། ༈ །བཤེས་སྤྲིང་གི་དོན། བྱང་ཆུབ་སེམས་དཔའི་ཏིང་ངེ་འཛིན་གྱི་བདག་ཉིད་ཆེ་བས་ཁམས་གསུམ་གྱི་དབང་པོ་བརྙེས་ནས་འགྲོ་བ་ཉམ་ཐག་རྣམས་ཀྱི་མགོན་མཛད་པའི་སྒོ་ནས་བྱང་སེམས་གཞན་ལས་འབུར་དོད་དུ་བསྔགས་པར་སྣང་། སྤྱོད་འཇུག་ཏུ། ཐུགས་རྗེའི་སྤྱོད་པ་མ་འཁྲུལ་པ། །ཞེས་ཕུལ་བྱུང་མ་ལྟར། ཐབས་མཁས་པའི་སྙིང་རྗེ་ཆེན་པོའི་སྒོ་ནས་བྱང་སེམས་ཀྱི་སྤྱོད་པ་འཁྲུལ་པ་སྟེ། དྲི་མའི་ནག་ནོག་ཅུང་ཟད་ཀྱང་མེད་པ། དེའི་ཚུལ་ཅུང་རྒྱས་ནི། དེ་བས་ཇི་ལྟར། ཡང་ན་ཐུགས་རྗེའི་སྤྱོད་པ་ནི། རིན་ཆེན་ཕྲེང་བར། རང་གི་དོན་ལ་མི་ལྟ་བར། །སོགས་ལྟར་གཞན་ཕན་གྱི་སྤྱོད་པ་རེད་ལ། དེ་མ་འཁྲུལ་པ་ནི་རང་དོན་ཡིད་བྱེད་སོགས་ཀྱི་དྲི་མ་མེད་པ་ཆུང་ངུ་ན། སོགས་བྱིས་པ་རྣམས་ཅི་བྱེད་རང་བདེ་འདོད་པ་ཕུགས་བཅུག་ལས་མི་འདའ་ཞིང་། རང་འདོད་ལ་བར་གསེང་མི་འཆོར་བ་ལྟར། དེ་གོ་བཟློག་པའི་སྟེང་ནས་བསྔགས་ཏེ། འཁོར་གྱི་འཇིགས་པའང་བསལ་བའི་ཕྱིར། །ཞེས་

― TN03_Page_0440 ―

^{[མ་དཔེ་གཟིགས་ན་འདིར་གནོན།]}

(༣༧༨)སྡོང་པོ་བཀོད་པའི་ལུང་དང་སྦྱར་བར་མཛད། འདིའང་བཤེས་སྤྲིང་གི །འགྲོ་བ་ཉམ་ཐག་མང་པོ་རྗེས་བཟུང་སྟེ། །ཞེས་པའི་རྒྱས་བཤད་ལྟ་བུར་འགྱུར། དེ་ལྟར་བདག་གཞན་མཉམ་བརྗེའི་སྒོ་ནས་བསྔགས་པ་འདིས། དེ་ལྟར་རྒྱུད་ནི་གོམས་གྱུར་པས། །སོགས་ལྟར་ལྷར་བཅས་འཇིག་རྟེན་ཉན་རང་མན་ཆད་དང་ཐུན་མོང་མ་ཡིན་པའི་གཞན་ཕན་གྱི་བདེ་བའི་འབྱོར་པ་རྒྱ་ཆེ་ལ་གྱ་ནོམ་པ་མི་འཕྲོག་པའི་སྒོ་ནས་བསྔགས་པར་ཡང་འགྲོ་སྟེ། ལྷ་དབང་དང་འཁོར་སྒྱུར་ལ་འདོད་ཡོན་གྱི་དཔལ་འབྱོར་དང་། ཚངས་པ་ལ་བསམ་གཏན་གྱི་དགའ་བས་བསྔགས་པ་སོགས་ནི། འདི་དང་གཤིབ་ན་ཉི་མའི་དྲུང་ན་མེ་ཁྱེར་དང་། ཛམ་གསེར་དང་ར་གན་བཞིན་ནོ། །མདོ་རྒྱན་དུ། རྒྱན་དང་སྟོན་མོ་ས་མཆོག་རྩེ་དགའ་བ། །སོགས་དང་གཅིག་རེད། ༈ །བོད་འབངས་སྤྲེའུ་དང་བྲག་སྲིན་ལས་ཆད་ཟེར་ཏེ། དེར་སྒྲོལ་མའི་སྤྲུལ་པ་བྲག་སྲིན་མོ་ཞེས་གྲགས་པ་ལྟར་ན། རང་རེ་ཚོའི་རིགས་བརྒྱུད་ཀྱི་དང་པོ་ནས་འཕགས་མས་བྱིན་གྱིས་བརླབས་པར་མངོན། དེ་ནས་དམ་པའི་ཆོས་ཀྱི་སྲོལ་འཛུགས་པའི་ཐོག་མར་ལྷ་ཅིག་ཀོང་ཇོར་མཛད་དེ་ཇོ་བོ་རིན་པོ་ཆེ་བོད་ཡུལ་གྱི་ལྟེ་བར་སྤྱན་དྲངས་ནས་ས་གཞི་བྱིན་གྱིས་བརླབས། བཙན་པོ་ཁྲི་སྲོང་གིས་བསམ་ཡས་བཞེངས་དུས་ཀྱང་

― TN03_Page_0441 ―

^{[མ་དཔེ་གཟིགས་ན་འདིར་གནོན།]}

(༣༧༩)སློབ་དཔོན་ཆེན་པོས་ཏཱ་རེའི་ལྷ་ཁང་མ་བཞེངས་བར་དུ་གཙུག་ལག་ཁང་བཞེངས་སུ་མི་བཏུབ་གསུངས་ཏེ་ཨརྻ་པ་ལོའི་གླིང་སྔོན་ལ་བརྩིགས། སློབ་དཔོན་ཆེན་པོའི་བཀའ་བརྒྱུད་གཙོ་བོར་གྱུར་པའི་བོད་འབངས་ལ་བཀའ་དྲིན་འགྲན་ཟླ་བྲལ་བ་ཇོ་མོ་མཚོ་རྒྱལ་ཡང་སྒྲོལ་མའི་སྐུའི་རྣམ་འགྱུར་ཁོ་ནར་རད་གླིང་དང་རིག་འཛིན་འཇིགས་མེད་གླིང་པ་དང་ལྔ་པ་ཆེན་པོའི་གདམས་ངག་སྐོར་ནས་གསུངས། ཕྱིས་སུ་གླང་དར་མས་བསྟན་པ་བསྣུབས་སྟེ་ལོ་ཆེན་རིན་བཟང་སོགས་ཀྱིས་ཀྱང་སོར་ཆུད་པར་གསོ་མ་ནུས་པའི་སྐབས་སུ་དཔལ་ལྡན་མར་མེ་མཛད་ཡེ་ཤེས་སྒྲོལ་མའི་ལུང་གིས་བསྐུལ་ནས་བྱོན་ཏེ་རྒྱལ་བསྟན་ཉིན་མོ་ལྟར་གསལ་བར་མཛད། འདིའི་དངོས་སློབ་ལ་ནག་ཚོ་ལོ་ཙཱ་བ་དང་། རྔོག་གསང་ཕུ་བ། ཀ་བ་ཤཱཀྱ་དབང་ཕྱུག །གློ་བོའི་ཡུལ་གྱི་སྟོན་པ་ཡང་རབ། གུང་ཐང་གི་སྒོམ་ཆེན་གཞོན་ནུ་ཚུལ་ཁྲིམས། ཞང་བཙུན་དྲི་མེད། བཙུན་པ་དགེ་བ་སྐྱོང་། རྣལ་འབྱོར་པ་ཁྲི་མཆོག་སོགས་སྒྲོལ་མའི་ཞལ་མཐོང་གི་གྲུབ་ཐོབ་མང་དུ་བྱུང་། རྣལ་འབྱོར་པ་ཁྲི་མཆོག་ཆོམ་རྐུན་གྱི་འཇིགས་པ་ལས་བསྐྱབས་པ་དང་། ཁ་རག་སྒོམ་ཆུང་གིས་སྲོགས་ཆགས་གྲངས་མེད་པ་རི་མེ་ཤོར་བས་འཚིག་ཏུ་ཉེ་བ་གཟིགས་ནས་སྒྲོལ་མ་ལ་

― TN03_Page_0442 ―

^{[མ་དཔེ་གཟིགས་ན་འདིར་གནོན།]}

(༣༨༠)བོས་ཤིང་མེ་ནང་དུ་མཆོང་བས་ཆུས་བཏབ་ལྟར་ཞི་བ་དང་། ས་སྐྱ་བདག་ཆེན་བཟང་པོ་དཔལ་ལ་གདུང་རྒྱུད་ཀྱི་མཆོག་སྩལ་བ་དང་། རོང་པ་སྒ་ལོའི་སྲས་དང་ཉེ་གནས་ཁྲི་མོན་ནས་བཏོན་པ་དང་། གཉན་ལོ་རྒྱ་གར་དུ་དུག་སྦྲུལ་ལས་བསྐྱབས་པ་དང་། འབྲི་གུང་སྤྱན་སྔའི་ཉེ་གནས་ཧོར་མི་ཆེན་གྱི་ཆད་པ་ལས་བསྐྱབས་པ་དང་། སྟེང་བ་ལོ་ཙ། ཆག་དགྲ་བཅོམ། ཞྭ་དམར་རྟོགས་ལྡན་གྲགས་པ་སེང་གེ་སོགས་ཚད་ནད་ལས་དང་། བླ་མ་རིན་ཡེ་བ་ཆུའི་འཇིགས་པ་ལས་དང་། རྟ་པ་བདུན་ཆུས་ཁྱེར་བ་རྒྱལ་སྲས་ཆོས་རྫོངས་བས་སྒྲོལ་མ་ལ་གསོལ་འདེབས་མཛད་པས་བདེ་བར་བསྐྱབས་པ་སོགས་སྔོན་དང་ད་ལྟར་བྱུང་བ་གྲངས་མེད། སྤྱན་སྔ་བའི་སློབ་མ་དགེ་བཤེས་སྒྲེ་པས་སྣེའུ་ཟུར་བ་ལ་བདག་གིས་མི་གཡོ་བའི་ཡིག་བཅུ་བཟླས་པས་མི་གཡོ་བའི་ཞལ་མཐོང་སྟེ། དེའི་ཚེ་སྔོན་ལ་སྒྲོལ་མ་མཐོང་བ་ཞིག་བྱུང་བ་ཅིས་ཡིན་ཞུས་པས། ཡི་དམ་གྱི་ལྷ་གང་གི་ཞལ་མཐོང་ཡང་སྔོན་ལ་ལས་ཀྱི་ལྷ་མོ་ཡིན་པས་སྒྲོལ་མ་མཐོང་བ་ཆོས་ཉིད་ཡིན་གསུང་། ཞང་སྟོན་དགྲ་འཇིགས་ཀྱིས་ཀྱང་སྨན་བླ་དང་འཕགས་པ་བཅུ་གཅིག་ཞལ་མཇལ་ཚེ་ཐོག་མར་སྒྲོལ་མ་ཞལ་གཟིགས་གསུང་། ཆོས་རྒྱལ་འཕགས་པ་རིན་པོ་ཆེར་གཞན་གྱིས་སྔགས་ཀྱི་ལྷའི་ནང་ན་

― TN03_Page_0443 ―

^{[མ་དཔེ་གཟིགས་ན་འདིར་གནོན།]}

(༣༨༡)འགྲུབ་ཐག་ཉེ་ཤོས་གང་ཡིན་དྲིས་པའི་ལན་དུ། གསང་སྔགས་ཕྱི་ནང་ཐུན་མོང་གི་ལྷའི་ནང་ན་འཕགས་མ་སྒྲོལ་མ་དང་། ཐུན་མིན་ལ་བདེ་མཆོག་ཉེ་ཞིང་མྱུར་བར་འཇམ་དབྱངས་ས་པ་གསུངས་པར་བཤད། འཇམ་དཔལ་རྩ་རྒྱུད་དུ། འདི་ནི་འབད་མེད་གྲུབ་པ་སྟེ། །ཞེས་སོ། །ཐུབ་བསྟན་རྒྱས་པའི་ཆེད་དུ་གནས་བརྟན་བཅུ་དྲུག་མཆོད་ཅིང་གསོལ་བ་གདབ་པ་བསྔགས་མོད་ཀྱི། ཐེག་ཆེན་གྱི་བསྟན་པ་རྒྱས་པ་དང་བསྟན་འཛིན་ལ་བར་ཆད་མེད་ཅིང་ཕྲིན་ལས་གོང་འཕེལ་དུ་བྱེད་པ་ལ་དེ་བས་ཀྱང་སྒྲོལ་མ་ལ་གསོལ་བ་བཏབ་ན་ཚན་ཆེ་སྟེ། བོད་ཀྱི་པཎྜི་ཏ་གཅིག་ལ་སྐུ་ཚེ་བརྒྱུད་མར་ཕྲིན་ལས་ཆེ་བ། རྗེ་དགེ་འདུན་གྲུབ་ཀྱིས་གཙང་དུ་ཆོས་གཞི་བཙུགས་པ་ན་སྐུ་རིམ་རྒྱབ་ཆོག་སྣ་ཁ་མང་པོ་མི་མཛད་པར་སྒྲོལ་བསྟོད་ཁོ་ན་འབུམ་ཐེར་མང་པོ་བསགས་པའི་ལོ་རྒྱུས་དང་། དགེ་འདུན་རྒྱ་མཚོའི་བསྟོད་ཊི་ཀ་ལས་ཀྱང་རྗེ་བཙུན་སྒྲོལ་མ་ཕྲིན་ལས་ཀྱི་ལྷ་ཡིན་པས་རྒྱལ་བའི་ཕྲིན་ལས་རྒྱས་པའི་ཆེད་དུ་གསོལ་བ་གདབ་པར་བྱའོ་ཞེས་གསུངས། ཡབ་རྗེ་ཀུན་མཁྱེན་བླ་མ་འཇིགས་མེད་གླིང་པས་ཀྱང་གྲུ་འཛིན་གྱི་བཀོད་པའི་སྟེང་མཁར་སྒྲོལ་མ་བཞུགས་པ་ཞལ་གཟིགས་ཤིང་། སྲོང་བཙན་བང་སོར་སྒྲོལ་བསྟོད་འབུམ་

― TN03_Page_0444 ―

^{[མ་དཔེ་གཟིགས་ན་འདིར་གནོན།]}

(༣༨༢)ཐེར་བསགས་པས་འཇིག་རྟེན་དུ་དགེ་ལེགས་ཀྱི་མཚན་མ་བྱུང་བ་དང་། ཚེ་ལྗོངས་སུ་གཙུག་ལག་ཁང་བཞེངས་ཚེའང་ནང་རྟེན་གྱི་ཐོག་མར་སྒྲོལ་མའི་སྐུ་གཟུགས་བཞེངས་དགོས་པའི་ལུང་བསྟན་བྱུང་ཚུལ་དཀར་ཆག་ཏུ་རྒྱས་པར་བཞུགས། ༈ །ཐུགས་རྗེ་ཆེན་པོ་ཡི་གེ་དྲུག་པའི་ལོ་རྒྱུས་ནི། བླ་མ་ར་ཧུ་ལ་གུབྟ་བཛྲ་གྱིས་རི་ནག་པོའི་ཁོང་གསེང་དུ་སྒྲུབ་པ་མཛད་པས་དགྱེས་རྡོར་སོགས་ཡི་དམ་མང་པོའི་ཞལ་གཟིགས། ཁྱད་པར་འཕགས་པ་ཐུགས་རྗེ་ཆེན་པོ་རྒྱུན་ཆད་མེད་པར་གཟིགས། དེས་དཔལ་ལྡན་ཨ་ཏི་ཤ་ལ་གནང་ནས་སོ་མ་པུ་རིའི་ནགས་སུ་ཟླ་བ་གསུམ་སྒྲུབ་པ་མཛད་པས་ཞལ་དངོས་སུ་བསྟན་ནས་བྱང་ཆུབ་སེམས་སྦྱོང་གི་གདམས་པ་སྩལ། ཇོ་བོ་ལ་ནག་ཚོ་ལོ་ཙཱ་བས་ལོ་བཅུ་དགུ་བསྟེན་ནས་རྒྱུད་དང་སྒྲུབ་ཐབས་མང་པོ་གསན་ཅིང་། ཁྱད་པར་ཇོ་བོའི་ཞལ་ནས། ཐུགས་རྗེ་ཆེན་པོ་སྒྲུབས་ཤིག་གསུངས་ཏེ་སྒྲུབ་པས་ཞལ་མཐོང་ཞིང་ལུང་བསྟན་མང་པོའང་གནང་། རྣལ་འབྱོར་པ་ཤེས་རབ་རྡོ་རྗེས་ཀྱང་ཇོ་བོ་ལས་གདམས་པ་བླངས་ཏེ་སྒྲུབ་པས་ཞལ་གཟིགས། ལན་ཅིག་གི་ཚེ་མ་ི་བཟླས་པས་ཞལ་ནས་འོད་ཟེར་ཤྭ་ཤྭ་འོང་བ་ལ། རྣལ་འབྱོར་པ་ཆེན་པོའི་ཞལ་ནས། སྒོམ་ཆེན་འདི་ཁོ་ན་རེ་སྐྱིད་བྱང་ཆུབ་ཀྱི་ཐུགས་མངའ་བ་གསུང་།

― TN03_Page_0445 ―

^{[མ་དཔེ་གཟིགས་ན་འདིར་གནོན།]}

(༣༨༣)འདིས་གསང་ཕུ་དང་རྭ་སྒྲེང་གི་བར་དུ་འབྱོན་བཞུད་མཛད་པ་ལ་དྲོ་ཟན་འཁྱེར་མི་དགོས་གསུངས་ཏེ། རྐང་མགྱོགས་ཀྱི་རྫུ་འཕྲུལ་ཐོབ་པར་གྲགས། ནག་ཚོས་རོང་བ་ལག་སོར་བ་ཞེས་སྐྱེ་བ་གསུམ་དྲན་ཞིང་བསྒོམས་སྟོབས་ཀྱིས་རིག་པའི་གནས་ལྔ་ལ་མཁས་པ། དགེ་བཤེས་སྟོན་པ། རྣལ་འབྱོར་པ། དགོན་པ་བ། ཇོ་བོ་ལེགས། ཞང་བཙུན་ཡེར་བ་པ་སོགས་ཇོ་བོའི་དངོས་སློབ་བདུན་དང་། ཉིད་སློབ་གཉིས་ལ་ཐུག་པ་དེ་ལ་གནང་ཞིང་ལུང་བསྟན་མཛད། ཁོང་གིས་ལག་སོར་དགོན་དུ་ལོ་གསུམ་སྒྲུབ་པས་འཕགས་པ་དངོས་དང་མཇལ་ནས་ཁྱོད་ཀྱིས་ཚེ་འདི་ཉིད་དུ་གྲུབ་པ་ཐོབ་སྟེ། སློབ་མ་ཡང་སུམ་ཅུ་ཙམ་གྱིས་ང་མཐོང་བར་འགྱུར་ཞེས་ལུང་བསྟན། །ལག་སོར་བས་བ་ཡུ་བ་ཤེས་རབ་ཚུལ་ཁྲིམས་ལ་གདམས། དེས་ལོ་ལྔ་སྒྲུབ་པས་ཞལ་མཐོང་སྟེ་སྦྱོར་ལམ་ཆེན་པོ་བརྙེས། དེ་ལ་འཕགས་པ་ལྕེ་སྒོམ་དང་། མངའ་རིས་པ་ཤེས་རབ་རྒྱལ་མཚན་གཉིས་ཀྱིས་ཞུས་ཏེ། འདི་གཉིས་ཀྱང་ཚོགས་ལམ་ཆེན་པོ་པ་ཡིན་གསུངས། ལྕེ་སྒོམ་གྱིས་བྲག་ལྷ་བློ་ཕུག་ཏུ་སྒྲུབ་པས་ལོ་ངོ་བརྒྱད་ན་མཐོང་། མངའ་རིས་པས་རུ་མཚམས་ཀྱི་བྲག་ཕུག་ཏུ་སྒྲུབ་པས་ལོ་བཞི་ན་ཞལ་མཐོང་། འདི་ལ་རྒྱུན་དུ་མི་མ་ཡིན་རྣམས་ཀྱིས་འཚོ་བ་དྲངས་གསུང་། དེ་གཉིས་ཀ་ལ་གྲུབ་ཐོབ་

― TN03_Page_0446 ―

^{[མ་དཔེ་གཟིགས་ན་འདིར་གནོན།]}

(༣༨༤)ཆེན་པོ་སྐྱེར་སྒང་བས་ཞུས་ཏེ། ལོ་ཕྱེད་དང་བཞིར་སྒྲུབ་པ་མཛད་པས་ཞལ་བསྟན་ནས། སྙིགས་མའི་དུས་སུ་ཞལ་མཐོང་བ་འབའ་ཞིག་གི་བརྒྱུད་པ་འབྱུང་བར་འགྱུར་རོ་ཞེས་ལུང་བསྟན་ཏེ། སློབ་མ་ཡང་ལྔ་བཅུ་ཙམ་གྱིས་ཞལ་མཐོང་། སྒྲུབ་པ་ལོ་གསུམ་བྱེད་པ་སོགས་ཀྱི་སྒོ་ནས་ཆོས་འདི་ལ་འབྲེལ་བ་བཞག་པའི་སློབ་མ་ནི་མཐའ་ཡས། དེས་སངས་རྒྱས་གཉན་སྟོན་ལ་གནང་། ཁོང་གིས་ལོ་གསུམ་སྒྲུབ་པས་ཡི་གེ་དྲུག་པ་དང་། ཁ་སརྤ་ི་དང་། བཅུ་གཅིག་ཞལ་ཕྱག་སྟོང་སྤྱན་སྟོང་རྣམས་ཞལ་གཟིགས་ཤིང་། སློབ་མའང་བཅུ་གཅིག་གིས་ཞལ་མཐོང་བར་འགྱུར་བའི་ལུང་བསྟན་མཛད། ཕྱིས་དེ་ཁོ་ན་བཞིན་བྱུང་གསུང་ངོ། །བླ་མ་དེས་སངས་རྒྱས་སྟོན་པ་ལ་གནང་ནས་དག་པའི་ཞིང་དུ་འགྲོ་ངེས་ཀྱི་སློབ་མ་བརྒྱ་རྩ་བརྒྱད་འབྱུང་བར་ལུང་བསྟན་པ་བཞིན་འགྲོ་བ་མང་པོའི་དོན་མཛད། དེ་ལ་མཁས་གྲུབ་ཤངས་སྟོན་ཆེན་པོས་ཞུས་ཏེ། ཐུགས་དམ་ལྷའི་གཙོ་བོར་མཛད། སྐུ་ལ་སྲིན་འབུ་མེད་ཅིང་། དྲི་མ་རང་སང་ཏེ་ཤེལ་ལྟར་དྭངས་པར་གྱུར་པས་གཙང་མ་ཤངས་སྟོན་དུ་གྲགས། ལྗགས་ཆབ་དང་དྲི་ཆུ་འཐུང་བྱུག་བགྱིས་པ་ཙམ་གྱིས་ནད་གདོན་ལས་གྲོལ་བ་དང་། མཐོང་བ་དང་ཐོས་པ་ཙམ་གྱིས་དགེ་སེམས་ཁྱད་པར་ཅན་སྐྱེ་བ་སོགས་རྣམ་ཐར་ངོ་མཚར་བ་མངའ། ཡང་སངས་རྒྱས་

― TN03_Page_0447 ―

^{[མ་དཔེ་གཟིགས་ན་འདིར་གནོན།]}

(༣༨༥)སྟོན་པ་ལ་བླ་མ་ཨ་སེང་དང་མཁས་བཙུན་གཞོན་ནུ་གྲུབ་ཀྱིས་ཞུས་ནས་ཉམས་བཞེས་མཛད། དེ་དག་ནས་བྲག་པོ་ཆེ་བ་རྡོ་རྗེ་དཔལ། ཆོས་སྒོ་བ་ཆོས་དཔལ་ཤེས་རབ། རྒོད་ཕྲུག་རས་པར་གྲགས་པ་ཆོས་རྗེ་གྲགས་པ་འབྱུང་གནས་སོགས་ལ་བརྒྱུད་དེ་སོ་སོས་ཐུགས་ཉམས་སུ་བཞེས་ཤིང་འགྲོ་དོན་མཛད། དོན་བདུན་མའི་བླ་བརྒྱུད་ནང་གི་མཁན་ཆེན་བདེ་བ་དཔལ་དང་། དཀའ་བཞི་པ་གྲགས་གཞོན། མཁན་ཆེན་བསོད་ནམས་གྲགས་པ་སོགས་ཀྱིས་ཀྱང་ཆོས་འདིའི་ཕྲིན་ལས་བསྐྱངས་ཏེ། མཚོན་བྱེད་ཙམ་བཀོད་པའོ། །ཕྱིས་སུ་གྲུབ་ཆེན་ཐང་སྟོང་རྒྱལ་པོས་སྐྱེར་སྒང་བའི་གདམས་པ་ཐམས་ཅད་ཚང་བར་གསན་ནས་མི་ལོ་བཅུ་བཞིའི་བར་མི་དང་མི་ཕྲད་པའི་སྨྲ་བཅད་ཁོ་ནས་མ་ི་དུང་ཕྱུར་གཉིས་བཟླས། ཁ་ཆེར་དགེ་སློང་པདྨ་ཀ་ར་སོགས་སྐུ་ཚེའི་ཕྲེང་བ་མང་པོར་ཐུགས་རྗེ་ཆེན་པོའི་སྒྲུབ་པ་པོར་གྱུར་བ་དྲན། མགོན་པོ་ཕྱག་དྲུག་སོགས་ཆོས་སྐྱོང་ཆེན་པོ་རྣམས་ཀྱི་སྤྱི་བོར་དམ་ཚིག་གི་རྡོ་རྗེ་བཞག་ཅིང་། ལྷ་འདྲེ་དྲེགས་པ་ཅན་མང་པོ་དམ་ལ་བཞག །རྒྱལ་བསྟན་ལ་གནོད་པའི་བོན་གྱི་འབུམ་པ་སོགས་ནུས་མེད་དུ་མཛད། བདེན་ཚིག་བརྗོད་པ་ཙམ་གྱིས་སྟག་བྱམས་པ་ལ་གནས་པ་དང་། དྲེད་དམག་གིས་ཁལ་བསྐྱལ་བ་སོགས་ནུས་པ་དཔག་ཏུ་མེད།

― TN03_Page_0448 ―

^{[མ་དཔེ་གཟིགས་ན་འདིར་གནོན།]}

(༣༨༦)འཕགས་པའི་ལུང་བཞིན་ལྕགས་ཟམ་བྱང་ཆུབ་རྒྱུན་ལམ་བགྲང་དཀའ་བ་བཙུགས། ཀློ་ཡུལ་དཀར་པོར་བསྒྱུར། དབུས་གཙང་གིས་མདུད་སྒྲུབ་ཁང་གིས་མནན་ཅིང་། ས་གནད་མེ་བཙའ་མང་པོ་བཏབ་ནས་མཐའ་དམག་འབྱུང་བའི་གོ་སྐབས་བཅོམ། ནད་མུག་འཁྲུགས་རྩོད་ཀྱི་སྡུག་བསྔལ་རྒྱུན་བཅད། ལྷ་སའི་ཇོ་ཤཀ་ལ་བརྟན་བཞུགས་མཛད་ཅིང་རྟེན་བཞེངས་གྲངས་མེད་པས་འཇིག་རྟེན་དུ་དགེ་ལེགས་སྤེལ། །ཡི་གེ་དྲུག་པའི་ཕྲིན་ལས་ཀྱིས་བོད་ཁམས་བཀང་། དད་པས་གསོལ་བ་བཏབ་པ་རྣམས་མི་དང་མི་མིན་འབྱུང་བའི་འཇིགས་པ་ལས་བསྐྱབ་ཚུལ་སྒྲོལ་མ་འཇིགས་པ་བརྒྱད་སྐྱོབ་ཀྱི་ལོ་རྒྱུས་ལ་འགྲན་པ་ཡོད། གཞན་ཡང་དོན་ཞགས་པ་སངས་རྒྱས་རིན་ཆེན་གྱི་ཞལ་ནས། །ངའི་བླ་མ་འཕགས་པ་དོན་ཞགས་པ་ཆེན་པོ་ཤེས་རབ་བརྩོན་འགྲུས་ཀྱི་བཀའ་ལས། ཇོ་བོ་ཡི་གེ་དྲུག་པ་འདི་སྙིང་པོའི་དོན་ཡིན་པས་འདི་ལ་དྲིལ་ཅིག་གསུངས་པས་འུ་ཅག་གིས་ཀྱང་བསྙེན་པའི་མཐིལ་འདི་ལ་བྱས་གསུངས། ༈ །ཨོཾ་མ་ི་པདྨེ་ཧཱུྃཿ མཁའ་ལྟར་རྒྱ་ཆེའི་སྐུ་དང་མཆོག་སྩོལ་གསུངས། །ཟབ་བརླིང་ཡེ་ཤེས་ཕུང་པོ་རོ་མཉམ་པ། །དྲན་དང་བརྗོད་པས་བསོད་ནམས་ལེན་པའི་སྔགས། །ཨོཾ་གྱི་དེ་ཉིད་བརྙེས་ལ་ཕྱག་འཚལ་ལོ། །ཨོཾ་ནི་ཨ་ཨུ་མ་གསུམ་འདུས་

― TN03_Page_0449 ―

^{[མ་དཔེ་གཟིགས་ན་འདིར་གནོན།]}

(༣༨༧)པ་ཡིན་ལ་འདུ་རྒྱུའི་ཡི་གེ་གསུམ་པོ་དེས་ཤིན་ཏུ་རྣམ་པར་དག་པའི་སྐུ་གསུང་ཐུགས་རྡོ་རྗེ་རྣམས་མཚོན་ལ། དེ་དག་འདུས་པའི་ཨོཾ་ཡིག་གིས་ནི་རྡོ་རྗེ་གསུམ་དབྱེར་མེད་པའི་ཟུང་འཇུག་གི་གོ་འཕང་སྟོན་ཏེ། སྔགས་དོན་དེ་ལྟར་ཤེས་ནས་ཨོཾ་ཞེས་བརྗོད་པས་བསོད་ནམས་རླབས་པོ་ཆེ་འབྱུང་བར་བྱེད་པས་ན་ནོར་བུ་འཛིན་པའི་སྔགས་ཞེས་རྡོ་རྗེ་རྩེ་མོ་ལས་བཤད་དོ། །སྲིད་ཞིའི་ཕུན་ཚོགས་ཡོངས་ཀྱི་ཟ་མ་ཏོག །རབ་འབྱམས་རྒྱལ་ཀུན་ཨོཾ་གྱི་རིག་སྔགས་ཀྱིས། །ཐར་འདོད་བློ་གྲོས་རྟག་ཏུ་དགེ་བྱེད་ཅིང་། །འགྲོ་ཀུན་ཨོཾ་གྱི་གནས་སུ་འཁོད་པར་ཤོག ༈ །མཐའ་བྲལ་དེ་ཉིད་གཟིགས་པའི་ཡེ་ཤེས་ཀྱིས། །འགྲོ་སེམས་ཐ་མལ་རྟོག་པའི་འཇིགས་པ་ལས། །སྐྱོབ་པའི་བྱ་བ་རྟག་ཏུ་འཇུག་མཚོན་ཕྱིར། །ཟླ་ཤེལ་མ་ི་འཆང་ལ་ཕྱག་འཚལ་ལོ། །མ་ི་ནི་ནོར་བུའི་སྐད་དོད་དེ། འདིར་བགྲང་བའི་ནོར་བུ་ཞེས་གྲགས་པ་བགྲང་ལ་བྱེད་དོ། །བགྲང་ཕྲེང་གི་དེ་ཉིད་ནི་སྔགས་ཡིན་ལ། །སྔགས་ཀྱི་སྐད་དོད། མནྟྲ་ཞེས་པ་ཡིད་སྐྱོབ་པ་ལ་འཇུག་པས་ཡིད་སྡུག་བསྔལ་དང་། དེའི་རྒྱུ་ལས་ཉོན་དང་། ཀུན་གྱི་རྩ་བ་བདག་ཏུ་རྟོག་པ་བག་ཆགས་དང་བཅས་པ་ལས་སྐྱོབ་པར་བྱེད་པའི་ཤེས་རབ། །བདེན་པ་གཉིས་ཀྱི་གནད་ལ་མཁས་པས་རྟག་པ་དང་ཆད་པའི་མཐའ་

― TN03_Page_0450 ―

^{[མ་དཔེ་གཟིགས་ན་འདིར་གནོན།]}

(༣༨༨)གཉིས་ལས་བརྒལ་བ་སྟེ། གྲུབ་ཆེན་མི་ཏྲའི་གསུང་ལ་བརྟེན་པའོ། །ཤེས་རབ་ཀྱི་ཕར་ཕྱིན་དེ་ཉིད་གདུལ་བྱ་གཞན་གྱི་རྒྱུད་འཁོར་བ་ལས་སྐྱོབ་པའི་བྱ་བ་ལ་ལྟོས་ནས་ཡང་དང་ཡང་དུ་འདྲེན་པས་བགྲང་ཕྲེང་གི་མཚོན་དོན་དུ་འཇོག་པར་རྒྱལ་དབང་པདྨས་བཤད་སྣང་ངོ། །འགྲོ་འདི་རྒྱལ་རྣམས་ཤེར་ཕྱིན་མ་ི་ཡིས། །མི་ཤེས་དུག་རྣོན་འཕྲོགས་པའི་སྣོད་གྱུར་ཏེ། །དྲི་བཅས་བློ་གྲོས་ཐ་མལ་རྡོ་ཡི་ཁམས། །ཀུན་མཁྱེན་ཡེ་ཤེས་མ་ིར་འགྱུར་བར་ཤོག ༈ །སྲིད་པའི་ཆུ་ལས་བལྟམས་ཀྱང་དེ་ཡི་སྐྱོན། །མི་ཆགས་སྲིད་གསུམ་སྤྱི་བོར་ལེགས་གྱེས་པའི། །ཐུགས་རྗེས་འཇིག་རྟེན་ཀུན་དགར་མཛད་པའི་དཔེར། །ཡིད་འཛིན་པདྨེ་བསྣམས་ལ་ཕྱག་འཚལ་ལོ། །པདྨེ་ཞེས་པ་པདྨ་འཛིན་པར་མཛད་པ་སྟེ། ཇི་ལྟར་མེ་ཏོག་པདྨ་ནི་ཆུ་ལས་སྐྱེས། འོན་ཀྱང་ཆུའི་སྐྱོན་གྱིས་མ་གོས། མ་གོས་པར་མ་ཟད་མཛེས་སྡུག་དང་དྲི་བསུང་གིས་ཆུའི་རྒྱན་བྱེད་པ་ལྟར། རྒྱལ་བ་རྣམས་ཀྱི་ཐུགས་རྗེ་ཆེན་པོ་ཡང་སེམས་ཅན་སྲིད་པའི་སྡུག་བསྔལ་གྱིས་མནར་བ་ལ་དམིགས་ནས་སྐྱེས་པས། སྲིད་པ་ཡོངས་སུ་མི་གཏོང་བའི་རྣམ་པ་ཅན་ཡིན་ཀྱང་། ཐབས་ལ་མཁས་པའི་ཤེས་རབ་ཀྱིས་བཟུང་བ་ཡིན་པས་འཇིག་རྟེན་གྱི་ཉེས་པས་མི་གོས་ཤིང་། སླར་ལ་ཟང་ཟིང་དང་མི་འཇིགས་པ་དང་

― TN03_Page_0451 ―

^{[མ་དཔེ་གཟིགས་ན་འདིར་གནོན།]}

(༣༨༩)ཆོས་ཀྱི་འབྱོར་བ་ལ་སོགས་སོགས་སྒྲས། ཚུལ་བཟོད་བརྩོན་བསམ་སྡུད། །པས་འཁོར་བའི་རྒྱན་བྱེད་ཅིང་མཁས་པ་རྣམས་ཀྱི་ཡིད་འཕྲོགས་པ་སྟེ། དཔལ་མོས་མཛད་པའི་བསྟོད་པ་དང་། གྲུབ་ཆེན་མི་ཏྲའི་གཞུང་ལ་བརྟེན་ནས་བཤད་དོ། །རྒྱལ་དང་བྱང་སེམས་རྣམས་ཀྱི་རྗེས་བརྩེ་ཡི། །པདྨེའི་བཅུད་ལ་འགྲོ་འདི་རྟག་འཐུང་ཞིང་། །སྐྱེ་དགུའི་བློ་གྲོས་དཔུང་བའི་ལྟ་ཟུར་ངོས། །བརྩེ་ཆེན་པདྨེའི་འཁྲི་ཤིང་གིས་མཛེས་ཤོག ༈ །ཕུལ་བྱུང་ཤེས་རབ་སྙིང་རྗེའི་སྙིང་པོ་ཅན། །ཧཱུྃ་ཞེས་གདུལ་བྱའི་སྙིང་ལ་སྐད་ཅིག་གིས། །གསལ་མཛད་འཇིག་རྟེན་དབང་ཕྱུག་ལ་འདུད་ཀྱི། །བདག་གི་བློ་གྲོས་རྣམ་ཀུན་དགེ་བ་མཛོད། །ཧཱུྃ་ཞེས་པ་ནི་གསལ་བར་བྱེད་པ་སྟེ། སྔར་བཤད་པའི་སྲིད་མཐའ་འགོག་བྱེད་མ་ིའི་དོན་དང་། ཞི་མཐའ་འགོག་བྱེད་པདྨེའི་དོན་ཏེ། ལམ་དེ་གཉིས་སྒྲུབ་པ་པོའི་རྒྱུད་ལ་གསལ་བར་བྱེད་པར་བསྐུལ་བའོ། །ཐེག་པ་ཆེན་པོའི་ལམ་གྱི་ཆ་ཐམས་ཅད་ཐབས་དང་ཤེས་རབ་ཀྱི་ཕྱོགས་གཉིས་སུ་འདུ་ལ། དེ་གཉིས་ཀྱི་སྒོ་ཐམས་ཅད་མ་ིའི་སྔགས་དོན་དྲིལ་བ་འདི་ལ་ཞིབ་ཏུ་བསམ་ནས་ཡིག་དྲུག་ཆོས་ཀྱི་ཡང་སྙིང་དུ་གསུངས་པ་ལ་ངེས་པ་བརྟན་པར་བྱའོ། །འགྲོ་ཀུན་འཇིག་རྟེན་དབང་ཕྱུག་ཉིན་རེ་བཞིན། །ཧཱུྃ་ཞེས་བསྐུལ་བས་སྒྲུབ་ལ་འཇུག་

― TN03_Page_0452 ―

^{[མ་དཔེ་གཟིགས་ན་འདིར་གནོན།]}

(༣༩༠)བྱེད་ཅིང་། །དེ་མཐུས་ཡིད་ཅན་ཀུན་གྱི་བློ་གྲོས་ལ། །མཆོག་བྱེད་ཧཱུྃ་གི་སྔགས་དོན་མྱུར་འགྲུབ་ཤོག ༈ །འགྲོ་དྲུག་རྒྱ་མཚོར་བྱིང་བས་ཉམ་ཐག་རྣམས། །རླབས་ཆེན་ཕ་རོལ་ཕྱིན་དྲུག་སྤྱོད་པའི་གྲུས། །སྒྲོལ་མཛད་སྙིང་རྗེའི་ལྷ་ཁྱོད་བྱང་ཆུབ་བར། །བདག་གི་བློ་གྲོས་བརྒྱན་པར་མཛད་སླད་བཞུགས། །ཨོཾ། མ།ི། པད། མེ། ཧཱུྃ། ཞེས་རེ་རེ་ནས་ཕྲལ་བའི་དྲུག་པོ་དེས་དམྱལ་བ་ལ་སོགས་པའི་འགྲོ་བ་དྲུག་སྦྱོང་བར་བྱེད་ཅིང་། ཕྱིན་དྲུག་གི་ཡོན་ཏན་རྒྱས་པར་བྱེད་པར་མི་ཏྲ་ཛོ་ཀི་དང་། དཔལ་དི་པཾ་ཀཱ་ར་སོགས་ཀྱིས་བཤད་དེ། བཤེས་སྤྲིང་ལས། འཕགས་པ་སྤྱན་རས་གཟིགས་དབང་སྤྱོད་པ་ཡིས། །འགྲོ་བ་ཉམ་ཐག་མང་པོ་རྗེས་བཟུང་སྟེ། །ཞེས་པ་ལྟར། ཕྱིན་དྲུག་གི་སྒོ་ནས་འགྲོ་བ་དྲུག་གི་སྡུག་བསྔལ་རྒྱུ་དང་བཅས་པ་ཞི་བར་བྱེད་པའི་དོན་ཏོ། །འདིར་དོན་གཉིས་དང་། གཞན་དོན་རྣམ་པ་ཐམས་ཅད་པ་སྒྲུབ་པ་སོགས་ལ་ལྟོས་པའི་ཕྱིན་དྲུག་གི་གྲངས་ངེས་རྣམས་ཀྱང་དྲན་པར་བྱ་སྟེ། ཡི་གེ་སོ་སོའི་དོན་འཆད་ཚུལ་གཞན་ཡང་ཡོད་དོ། །དེའང་སྔགས་ཀྱི་མཚོན་དོན་དེ་དང་དེ་མཛུབ་མོས་ཟླ་བ་བཞིན་མཚོན་པ་ཁོ་ན་ཡིན་ནམ་ཞེ་ན་མ་ཡིན་གྱི། སྔགས་ཀྱི་ཆ་དེ་དང་དེ་མཚོན་དོན་ཡེ་ཤེས་ཀྱི་ཆ་དེ་དང་དེ་ལས་སྤྲུལ་པ་དང་། དེའི་དབང་གིས་སྒྲུབ་པ་པོའི་རྒྱུད་ལ་ཡོན་ཏན་དེ་དང་དེ་སད་པར་

― TN03_Page_0453 ―

^{[མ་དཔེ་གཟིགས་ན་འདིར་གནོན།]}

(༣༩༡)བྱེད་པ་ལ་སོ་སོ་སོ་སོར་བསྔགས་པའི་སྒོ་ནས་ལྷ་སྔགས་ངོ་བོ་དབྱེར་མེད་ཀྱི་ངེས་ཤེས་དྲང་དགོས་སོ། །སྨིན་དང་མ་སྨིན་བློ་གྲོས་སྒོ་ངའི་བྱ། །སངས་རྒྱས་བྱིན་རླབས་དྲོད་ཀྱིས་བསྐྱེད་བསྲིང་བས། །བསོད་ནམས་ལུས་ཟུངས་སྨིན་པའི་ཡེ་ཤེས་རྩལ། །རྣམ་གྲོལ་ནམ་མཁའི་རྒྱན་དུ་སྤྱོད་པར་ཤོག ༈ ཡིག་དྲུག་ལན་རེ་བཏོན་པས་ཀྱང་ཚེ་རབས་དུ་མ་ནས་བསགས་པའི་ལས་སྒྲིབ་མང་པོ་བྱང་ཞིང་། གངྒཱའི་ཀླུང་གི་བྱེ་མ་སྙེད་ཀྱི་དེ་བཞིན་གཤེགས་པ་རྣམས་སྒྲུབ་པ་པོའི་ལུས་ལ་ཞུགས་ནས་བྱིན་གྱིས་རློབ་པ་དང་། དེའི་ལུས་ལ་གནས་པའི་སྲིན་བུ་ཚུན་ཆད་བླ་མེད་བྱང་ཆུབ་ཀྱི་སྐལ་བ་ཅན་དུ་བྱེད་པ་ལ་སོགས་པའི་ཕན་ཡོན་མཐའ་ཡས་པ་རྒྱལ་པོ་བཀའ་འབུམ་དུ་གསུང་རབ་མང་པོ་དྲང་བ་ལས་ཤེས་ཤིང་། ཁྱད་པར་དུ་རང་རེ་གངས་ཅན་པ་རྣམས་ལ་ལྷ་དང་སྔགས་འདི་ཉིད་གྲུབ་པ་ལྷག་པར་མྱུར་བའི་རྟགས་སུ། ཐ་ན་བྱིས་པ་ལོ་གསུམ་ལོན་པ་དང་། མུ་ཏོ་དབྱུག་ཐོགས་ཡན་ཆད་ཀྱི་མགྲིན་པར་རིག་སྔགས་འདི་ཉིད་ལི་ཤི་ལ་དྲི་ཞིམ་ལྟར་ངང་གིས་ཐོབ་ཅིང་། ལྷ་སྔགས་གཞན་ནི་སྒོམ་བཟླས་ལ་བརྩོན་མཁན་ཉུང་ཞིང་། ཅུང་ཟད་ཡོད་པ་རྣམས་སུའང་ཚེ་འདིའི་ལག་ཆ་འབའ་ཞིག་ཏུ་འཁྱེར་མཁན་ཁོ་ན་མང་བ། འདི་ནི་ཁྱིམ་པ་ཕོ་མོ་ཡན་ཆད་ཀྱི་ཁྲོད་ན་བྱེ་བ་དང་དུང་

― TN03_Page_0454 ―

^{[མ་དཔེ་གཟིགས་ན་འདིར་གནོན།]}

(༣༩༢)ཕྱུར་སོགས་སུ་ཟློ་བ་སའི་རྩི་ཤིང་ལྟར་མང་ཞིང་དེ་ཡང་འཇིག་རྟེན་ཕྱི་མ་ཕན་ཆད་ཀྱི་ཆེད་དུ་བྱེད་པ་ཁོ་ན་མང་བ་དང་། དེ་ལྟ་ནའང་ཚེ་འདིར་ཚེ་རིང་བ་དང་། ནད་ཉུང་བ་སོགས་ཀྱི་ཕུན་ཚོགས་འཐོབ་པ་ལ་ཡང་མ་ི་ཟློ་མཁན་རྣམས་འབའ་ཞིག་ཁྱད་པར་དུ་འཕགས་པ་སོགས་མངོན་སུམ་དུ་མཐོང་བས། བདག་ལེགས་སུ་འདོད་ན་འདི་ལ་འབད་པར་བྱ་ཞིང་སྔགས་དོན་ཤེས་པ་དང་མི་ཤེས་པའི་བཟླས་བརྗོད་ལ་སྟོབས་ཆེ་ཆུང་ཆེས་མི་འདྲ་བ་ཡོད་པས་མདོར་བསྡུས་ཤིག་བཀོད་དོ། །ཨོཾ་མ་ི་པདྨེ་ཧཱུྃ། སྙིང་ལ་མཛའ་བ་མི་ཕྱེད་དྲང་པོའི་བློ། །འདིར་བདེ་ཕྱི་མར་ལེགས་པའི་འདུན་གྲོས་ཅན། ཁྱོད་དང་ཚེ་རབས་ཕྲེང་བར་ཐེག་མཆོག་གི །ཆོས་ཀྱི་འདུན་སར་ལྷན་ཅིག་ལོངས་སྤྱོད་ཤོག དགེ་རྒན་སྐུ་དྲིན་ཅན་གྱི་བཞེད་པ་དང་མཐུན་པར་བསྟན་པའི་ཉི་མས་བྲིས་པའི་རེ་འདོད་ལ་འཇིག་རྟེན་དབང་པོའི་སྤྱན་རས་ཀྱིས་འཚོ་བར་གྱུར་ཅིག ༈ །ཐུགས་རྗེ་ཆེན་པོའི་བརྡ་དོན་ནི། བཤད་འགྲེལ་ཆེན་མོར། ཞལ་གཅིག་ནི་སེམས་ཅན་ལ་ཐུགས་རྗེ་མི་འགྱུར་བ། ཞེས་སྙིང་རྗེ་ངོ་གཉིས་པ་དང་། ངོ་མི་རྟག་པ་སྤངས་པ། སྒྲུབ་ཐབས་གཅིག་སྐོར་དུ་ནི། ཞལ་གཅིག་ནི་ལྷན་སྐྱེས་ཡེ་ཤེས་རང་དང་གཉིས་སུ་མེད་པའི་བརྡ། །ཞེས་སོ། །འཛུམ་མདངས་ལྡན་པ་ནི་སེམས་

― TN03_Page_0455 ―

^{[མ་དཔེ་གཟིགས་ན་འདིར་གནོན།]}

(༣༩༣)ཅན་ལ་བྱམས་པར་མཛད་པ། སྤྱན་མི་ཟུམ་པ་ནི་སེམས་ཅན་ལ་ཐུགས་རྗེས་གཟིགས་པ། ཕྱག་བཞི་ནི། ཚད་མེད་རྣམ་པ་བཞི་ལྡན་པས། །འགྲོ་དོན་ཕྱོགས་མེད་མཛད་པའི་རྟགས། །ཞེས་སོ། །ཡང་། གཉིས་མེད་ཆོས་སྐུའི་ཕྱག་གཉིས་ཐལ་མོ་སྦྱར། །ལོངས་སྐུ་ཤེས་རབ་པདྨ་གཡོན་ན་འཛིན། །སྤྲུལ་སྐུ་ཐབས་ཀྱི་བགྲང་ཕྲེང་གཡས་ན་འཛིན། །ཞེས་དང་། ཞལ་བཅུ་གཅིག་པའི་ཐད་དུ། རྩ་བ་ཆོས་སྐུའི་ཕྱག་གཉིས་ཐལ་མོ་སྦྱར། །ཡན་ལག་ལོངས་སྐུའི་ཕྱག་གི་དང་པོ་ན། །སྐྱོན་གྱིས་མ་གོས་པདྨ་དཀར་པོ་འཛིན། །ཉིང་ལག་སྤྲུལ་སྐུའི་ཕྱག་གི་དང་པོ་ན། །འཁོར་བའི་སེམས་ཅན་འདྲེན་པའི་བགྲང་ཕྲེང་འཛིན། །ཞེས་ཏེ། ཕྱི་མ་གཉིས་ནི། མུ་ཏིག་གི་ཕྲེང་བ་སྙིང་རྗེ་རྒྱུན་ཆད་མེད་པས་སེམས་ཅན་འཁོར་བ་ནས་བྱང་ཆུབ་ཏུ་འདྲེན་པའོ། །པདྨ་ནི། འཁོར་བར་སེམས་ཅན་གྱི་དོན་མཛད་ཀྱང་འཁོར་བའི་ཉོན་མོངས་པ་དང་རྣམ་རྟོག་གི་སྐྱོན་གྱིས་མ་གོས་པའོ། །ཞེས་སོ། །ཕྱག་བཞི་སྐུ་གསུམ་དང་སྦྱར་བར་མ་ཟད། །ཕྱག་མཚན་དེ་ལྟར་སྦྱར་བའང་སྣང་སྟེ། ཐུགས་སྒྲུབ་བར་ཆད་ཀུན་སེལ་ལས། དང་པོའི་ཕྱག་གཉིས་སྟོང་ཉིད་ཕྱག་རྒྱ་མཛད༔ གཡས་འོག་ཤེལ་ཕྲེང་གྲགས་སྟོང་སྔགས་སྒྲ་སྒྲོགས༔ གཡོན་འོག་

― TN03_Page_0456 ―

^{[མ་དཔེ་གཟིགས་ན་འདིར་གནོན།]}

(༣༩༤)པད་དཀར་སྒྱུ་འཕྲུལ་སྤྲུལ་པ་འགྱེད༔ ཅེས་རྡོ་རྗེ་གསུམ་གྱི་བཤད་པ་མཛད་དེ། སྔ་མ་དང་བསྲེ་རྒྱུ་མིན་པ་འདྲ། །ཚུལ་ཁྲིམས་བཟང་པོའི་ལུགས་ལས། ཞལ་ཆོས་སྐུ་ཐིག་ལེ་གཅིག་ཏུ་འཁྱིལ། །སྤྱན་ཐབས་ཤེས་སྙིང་རྗེས་ཟིམ་བུར་གཟིགས། །ཕྱག་ཚད་མེད་བཞི་ལྡན་འཇམ་ཞིང་མཉེན། །ཞེས་སོ། །སྐུ་མདོག་དཀར་པོ་ནི། ཆོས་སྐུ་དྲི་མ་མེད་པའི་བརྡ། །ཞེས་དང་། དཀར་འཚེར་ཞེས་པ། ཆོས་ཀྱི་དབྱིངས་རང་བཞིན་གྱིས་རྣམ་པར་དག་པ་ལ་འཁོར་བའི་རྟོག་འཛིན་གྱིས་མ་གོས་པ། །ཞེས་སོ། །ཞབས་མཉམ་སྐྱིལ་ནི། །དབྱིངས་དང་ཡེ་ཤེས་གཉིས་སུ་མེད་པའི་དོན་ལ་ཐུགས་མཉམ་པ་ཉིད་ལས་མི་གཡོ་བར་བཞུགས་པ། ཞེས་དང་། ཞབས་གཉིས་མཉམ་པའི་སྐྱིལ་ཀྲུང་བཞུགས། །མཉམ་བཞག་དོན་ལ་མ་གཡོས་རྟགས། །ཞེས་ཏེ། ཞབས་གཉིས་ཆོས་དབྱིངས་དང་ཡེ་ཤེས་གཉིས་སུ་མེད་པའི་བརྡ། ཞེས་དང་། འགྲོ་བའི་དོན་ལ་ཐབས་ཤེས་ཟུང་འཇུག་གིས་མཉམ་པར་བཞུགས་པ། །ཞེས་ཀྱང་ངོ་། །རིན་པོ་ཆེའི་རྒྱན་སྣ་ཚོགས་ཀྱིས་བརྒྱན་པ་ནི། འདོད་པའི་ཡོན་ཏན་ཐམས་ཅད་ལ་སྤྱོད་ཀྱང་ཞེན་མེད་དུ་སེམས་ཅན་གྱི་དོན་དང་ཚུལ་བསྟུན་པའི་བརྡ། ཞེས་དང་། འདོད་ཡོན་མ་སྤངས་པར་ཆོས་ཉིད་རོལ་པའི་རྒྱན་དུ་ཤར་བ། ཞེས་ཏེ། དགོས་འདོད་ཕུན་ཚོགས་

― TN03_Page_0457 ―

^{[མ་དཔེ་གཟིགས་ན་འདིར་གནོན།]}

(༣༩༥)འབྱུང་བའི་རྟགས་སུའང་བཤད་དོ། །ནམ་མཁའི་རྒྱལ་པོའི་སྒྲུབ་ཐབས་སུ། རི་དྭགས་ཀྱི་པགས་པ་ནི་སྙིང་རྗེ་ཆེན་པོ་དང་མ་བྲལ་བ། དར་གྱི་ཤམ་ཐབས་ནི་ཆོས་ཀྱི་ངོ་ཚ་དང་ལྡན་པ། །ཞེས་སོ། །བར་ཆད་ཀུན་སེལ་དུ། སྡུག་བསྔལ་གདུང་སེལ་དར་གྱི་སྟོད་གཡོགས་དང་༔ །ཉོན་མོངས་དྲི་མས་མ་གོས་ཤམ་ཐབས་གསོལ༔ །དགོས་འདོད་རེ་སྐོང་རིན་ཆེན་རྒྱན་གྱིས་སྤྲས༔ །སྙིང་རྗེའི་རི་དྭགས་ལྤགས་པ་ཕྲག་ན་འཆང་༔ །ཞེས་སོ། །ཉི་ཟླ་པདྨའི་གདན་ལ་བཞུགས་པ་ནི། ཐུགས་རྗེ་སེམས་ཅན་ལ་ཉི་ཟླ་ལྟར་སྙོམས་པ་དང་། འཁོར་བའི་སྐྱོན་གྱིས་མི་གོས་པའི་བརྡའོ། །ཡུམ་གསང་ཡེ་ནི། གཟུང་འཛིན་གྱི་དྲི་མ་བྲལ་བས་དཀར་གསལ། འགྲོ་བ་ལ་རྗེས་སུ་ཆགས་པས་དམར་མདངས་འཚེར་བ། ཕྱག་མཚན་ལ། ཐུགས་རྒྱུད་བདེ་སྟོང་གི་རོས་མྱོས་ཤིང་གང་བས་ཐོད་ཆང་། ཡེ་ཤེས་དེས་སྲིད་ཞི་བདེ་སྟོང་ཤེར་ཕྱིན་གྱི་རང་སྒྲས་སངས་རྒྱས་ཀྱི་ཞིང་ཐམས་ཅད་གཡོ། སངས་རྒྱས་ཐམས་ཅད་སྐུལ། འགྲོ་བའི་གནས་ཐམས་ཅད་སྐྱོད། སེམས་ཅན་རྣམས་གཏི་མུག་གི་གཉིད་ལས་སློང་། ཐམས་ཅད་སྐུལ་ཞིང་དབང་དུ་སྡུད་པས་ཌྭ་རུ་སྟེ། ཡེ་ཤེས་དང་། ཕྲིན་ལས་ཀྱི་ཁྱད་དམ། ཡང་ན། སངས་རྒྱས་རྣམས་ཀྱི་ཐུགས་རྒྱུད་བསྐུལ་ནས་བདེ་ཆེན་གྱི་ཡེ་ཤེས་འབེབས་པས་ཌྭ་རུ། ཡེ་ཤེས་ཀྱི་

― TN03_Page_0458 ―

^{[མ་དཔེ་གཟིགས་ན་འདིར་གནོན།]}

(༣༩༦)བཏུང་བའི་རྒྱུན་དེ་ཟད་མི་ཤེས་པར་འཆང་བས་ན་ཐོད་ཆང་སྟེ། བན་སྣོད་ན་གནས་པ་དང་། མྱོས་པར་བྱེད་པ་གཉིས་ཆར་བདེ་བ་ཆེན་པོ་དང་མཐུན་ནོ། ༈ །ཛབ་དབྱངས་ཉེར་གཅིག་ནི་མཁའ་འགྲོ་གསང་སྐོར་དུ་བསྟན་པར་ཟད་ཀྱི། འགྲོ་འདུལ་ཡིད་བཞིན་ནོར་བུའི་གཞུང་དཀྱུས་སུ་བསྟན་པ་ནི། བཟླ་ཚུལ་དྲུག་སྟེ། ཕྱི་མདོ་སྡེ་ལྟར་གཞན་དོན་དུ་བཟླས་པ། ནང་གསང་སྔགས་ལྟར་བསྙེན་སྒྲུབ་ཏུ་བཟླས་པ། གསང་བ་མཁའ་འགྲོ་མས་བྱིན་རླབས་བརྡའི་ཚུལ་དུ་བཟླས་པ། བླ་མ་དང་ལྷ་ལ་གསོལ་བ་གདབ་པ་མ་ལ་བུས་འབོད་ཀྱི་ཚུལ་དུ་བཟླས་པ། སྒྲིབ་སྦྱོང་ཆོས་སྤྱོད་ཀྱི་ཚུལ་དུ་བཟླས་པ། རྡོ་རྗེའི་བཟླས་པ་མཉམ་བཞག་བསམ་གཏན་གྱི་ཚུལ་དུ་བཟླས་པའོ། །དེ་རྣམས་ལ་ཛབ་དགོངས་དྲུག །སྔགས་དོན་འཆད་ཚུལ་དྲུག །དབྱངས་ཀྱི་འདྲེན་སྟངས་དྲུག་སོགས་ཡོད་དེ་བཤད་འགྲེལ་ཆེན་མོ་ལས་ཤེས་པར་བྱའོ། ༈ །ཡི་དམ་ཞི་བའི་ཟིན་བྲིས་ཀུན་ཏུ་བཟང་པོའི་གཞལ་མེད་ཁང་ལ་འཇུག་པའི་སྒོ་ཞེས་བྱ་བ། རྗེ་བླ་མ་གྲུབ་ཐོབ་ཆེན་པོ་ལ་ཕྱག་འཚལ་ལོ། །སྤྱིར་བརྒྱུད་པ་གསུམ་གྱིས་འཕགས་ཤིང་། གུ་རུས་སྙིགས་དུས་ཀྱི་མཐར་བྱིན་རླབས་ཀྱི་རྣོ་སོ་འབྱུང་བར་དགོངས་པའི་དབང་གིས་ཆོས་ལ་གཏེར་ཆོས་རྣོ། །དེ་ལས་ཀྱང་དེང་སང་རང་

― TN03_Page_0459 ―

^{[མ་དཔེ་གཟིགས་ན་འདིར་གནོན།]}

(༣༩༧)འདིའི་དུས་བབས་ཀྱི་ཟབ་ཆོས་མཆོག་ནི་རྗེའི་ཟབ་གཏེར་རྣམས་ཏེ། །གཏེར་བཀའ་དེ་ཉིད་ལ་ལྟོས་པའི་འབྲས་བུའི་དུས་མ་ཡོལ་བའི་བཟང་སྒང་ཡིན། །ངས་ཨ་ཕ། ཨ་ཕས་སངས་རྒྱས་དངོས་ལ་ཐོབ་ཅེས་སྨྲ་ཆོག་པས་བརྒྱུད་པ་ཉེ། །རང་ཉིད་ལ་ཐུགས་རྗེ་གཞན་ཕན་ཀུན་ཁྱབ་ཕྲིན་ལས་རབ་བརྟན་རྣམ་པར་རྒྱལ་བའི་སྡེ། །མཆོག་བརྙེས་པའི་གྲུབ་ཆེན་རྣམས་ཀྱིས་སྐལ་ལྡན་རྩ་བའི་ཆོས་བདག་ཏུ་དགོངས་པ་གཏད་ཡོད་པས་ཆོས་ཚན་འདི་ལྷག་པར་བྱིན་རླབས་ཆེ། ལར་སངས་རྒྱས་ཀྱི་གདུལ་བྱ་རྗེས་སུ་འཛིན་པའི་རྒྱུའི་གཙོ་བོ་ནི་བརྩེ་བ་ཐུགས་རྗེ་ཆེན་པོ་ཡིན་ལ། དེ་རྒྱུ་དང་དམིགས་རྣམ་དང་རྒྱུད་ཀྱི་ཕྱེ་བས་མཐའ་ཡས་པ་ཐམས་ཅད་གཅིག་ཏུ་བསྡུས་ནས་བཞིན་ལག་གི་རྣམ་པར་ཤར་བ་ནི་འཕགས་པ་འདི་ཡིན་པས་སྒྲུབ་ཐག་ཉེ། ཛམ་གླིང་འདི་ཉིད་ཀྱི་རིའི་རྒྱལ་པོ་གྲུ་འཛིན་ན་ད་དུང་ཡང་བཞུགས་ཤིང་། ཟུར་ཐོ་ལྟར་བོད་ཀྱི་ཁྱད་པར་གྱི་ལྷ་སྐལ་ཡིན་པས་ཀྱང་བྱིན་རླབས་ཆེ། དེའང་རིགས་རེ་རེའང་རིགས་ཐམས་ཅད་དང་། སངས་རྒྱས་ཀྱི་ཡེ་ཤེས་གཅིག་ཀྱང་ཡེ་ཤེས་ལྔ་ཀའི་ངོར་བོར་བཤད་པ་ལྟར་སྐབས་འདིར་འཕགས་པ་རིགས་དྲུག་ཏུ་ཕྱེ་སྟེ། རིགས་ལྔའི་དེ་བཞིན་གཤེགས་པ་ཐམས་ཅད་ཐུགས་རྗེ་ཆེན་པོ་ཉིད་ཀྱི་རྣམ་པར་རིགས་བསྡུས་ནས་སྒྲུབ་པ་དང་།

― TN03_Page_0460 ―

^{[མ་དཔེ་གཟིགས་ན་འདིར་གནོན།]}

(༣༩༨)དེ་བཞིན་གཤེགས་མ་རྣམས་དང་། སེམས་དཔའ། སེམས་མ། ཁྲོ་བོ་ཁྲོ་མོ། །གཞང་ཡང་མགྲོན་ཐབས་ཀྱི་ལྷའི་རྣམ་འགྱུར་དཔག་ཏུ་མེད་པ་རྣམས་ཀྱང་ཐུགས་རྗེ་ཆེན་པོའི་རིགས་དང་རྣམ་འཕྲུལ་ཉག་གཅིག་ཏུ་བྱས་པའི་སྒྲུབ་ལུགས་འདི་ནི། ལྷའི་རིགས་ཐམས་ཅད་དང་། རིགས་ཀྱི་ལྷ་ཐམས་ཅད་འགྲུབ་ཐག་ཤིན་ཏུ་ཉེ་བས་འགྲུབ་པའི་ཐབས་མཁས་ཆེན་པོ་སྟེ། དེས་ན་རིགས་ཉེ་ཚེ་བའི་འགྲོ་འདུལ་གྱི་སྒྲུབ་ཚུལ་རྣམས་ལས་ཀྱང་ཁྱད་པར་དུ་འཕགས་སོ། །དེ་ལ་སྐྱེ་འཆི་བར་དོ་སྐུ་གསུམ་དུ་སྦྱོང་ཚུལ་སོགས་ནི་སྒྱུ་འཕྲུལ་ལྟར་བྱ་ལ། ཕྱག་མཚན་སྐབས། རྩ་ཕྱག་ཐལ་མོ་སྦྱར་བ་ནི་རྒྱལ་པོའི་དབང་པོ་ཐམས་ཅད་ཅེས་བྱ་བའི་ཕྱག་རྒྱ་ཡིན་པར་ཟ་མ་ཏོག་ལས་གསུངས། བཀའ་འབུམ་ལས། ཕྱག་གཉིས་ཐུགས་ཀར་ཐལ་མོ་སྦྱར། །སྟོང་དང་སྙིང་རྗེ་དབྱེར་མེད་པས། །སེམས་ཅན་དོན་ལ་གནས་པའི་རྟགས། །རྗེ་མཉམ་ཉིད་ངང་ལ་ཕྱགས་འཚལ་བསྟོད། །ཅེས་གསུངས། འདི་ལ་སྲོང་བཙན་གྱིས་ནམ་མཁའི་རྒྱལ་པོའི་བསྟོད་པར། པདྨའི་འདབ་འདྲ་དང་པོ་ཡི། །ཕྱག་གཉིས་ཐུགས་ཀར་ཐལ་སྦྱར་ནས། །སངས་རྒྱས་ཀུན་གྱི་ཐུགས་རྗེ་རྣམས། །བསྐུལ་བར་མཛད་ལ་ཕྱག་འཚལ་ལོ། །ཞེས་གསུངས་པ་སྔགས་བླ་མེད་

― TN03_Page_0461 ―

^{[མ་དཔེ་གཟིགས་ན་འདིར་གནོན།]}

(༣༩༩)སྐབས། དགོངས་པ་ལུང་སྟོན་ལས། ཕན་ཚུན་སྦྱོར་བ་རྡོ་རྗེ་སེམས། །ཤེས་རབ་ཐབས་ཀྱི་གོ་འཕང་མཆོག །ཐལ་མོ་སྦྱར་བ་ཙམ་གྱིས་ནི། །སངས་རྒྱས་ཐམས་ཅད་ངེས་པར་འགུགས། །ཅེས་སོགས་ལྟར་བྱ་རུང་ངམ་སྙམ། དཔལ་མོས་མཛད་པའི་བསྟོད་པར། ཐུགས་རྗེ་དང་ནི་ཤེས་རབ་གཉིས། །མཉམ་པར་སྦྱོར་བའི་ཐུགས་མངའ་ཞིང་། །ཕྱག་གཉིས་ཐུགས་ཀར་མཉམ་སྦྱོར་བ། །དཔལ་ལྡན་མཉམ་སྦྱོར་ལ་ཕྱག་འཚལ། །ཞེས་སོ། །བགྲང་ཕྲེང་ནི་སྔགས་ཀྱི་ནོར་བུ་སྟེ། །མནྟྲའི་སྒྲ་ལས་ཡིད་སྡུག་བསྔལ་རྒྱུ་བཅས་ལས་སྐྱོབ་པའི་ཤེར་ཕྱིན་ཏེ། དཔལ་མོས། སངས་རྒྱས་ཀུན་གྱི་སྙིང་པོ་གཙོ། །གསང་སྔགས་རྒྱལ་པོའི་བགྲང་ཕྲེང་མཆོག །མུ་ཏིག་ལྟར་དཀར་གཡས་ན་འཛིན། །རིག་སྔགས་འཆང་ལ་ཕྱག་འཚལ་ལོ། །ཞེས་པ་ལས་མི་གསལ་ཡང་མི་ཏྲས་མ་ི་ལ་བཤད་པའི་རིགས་པ་སྦྱར་བའོ། །གཏེར་ཕྱོགས་ལས། ལུས་ཅན་འཁོར་བ་དང་ངན་སོང་ལས་རྒྱུན་མི་འཆད་དུ་འདྲེན་པའི་བརྡར་ཤེལ་ཕྲེང་འདྲེན་པར་བཤད་པའང་། ཤེར་ཕྱིན་ཆོས་རྒྱལ་བཀའ་འབུམ་ལས། ཕྱག་གཡས་མུ་ཏིག་ཕྲེང་བ་བསྣམ། །ཐུགས་རྗེ་རྒྱུན་ཆད་མེད་པ་ཡིས། །འཁོར་བའི་གནས་ནས་འདྲེན་པའི་རྟགས། །རྗེ་ཐུགས་རྗེ་ཅན་ལ་ཕྱག་འཚལ་བསྟོད། །ཅེས་པ་དང་མི་འགྲིགས་

― TN03_Page_0462 ―

^{[མ་དཔེ་གཟིགས་ན་འདིར་གནོན།]}

(༤༠༠)པས་རྩིངས་སམ་སྙམ་སྟེ་དཔྱད། གྱི་རྣལ་འབྱོར་དེ་ཉིད་གདུལ་བྱ་འདྲེན་པའི་ཕྲིན་ལས་ལ་རྒྱུན་མི་འཆད་དུ་འཇུག་པ་ལ་བྱ་དགོས་སམ་བརྟག །པདྨ་དཀར་པོའི་རྣམ་བཤད་ཟུར་དུ་ཡོད། པདྨ་དམར་པོའི་དེ་ཉིད་རྣལ་འབྱོར་རྒྱུད་ན་ཤིན་ཏུ་རྒྱས་པར་བཞུགས་ཀྱང་འདིར་སྐབས་སུ་མ་བབས། །པད་དཀར་གྱི་དེ་ཉིད་བསྡུས་པ་ནི། དཔལ་མོས། འཁོར་བའི་འདམ་གྱིས་མ་གོས་པས། །དག་པའི་ཤེལ་ལྟར་འོད་གསལ་བ། །པདྨ་དཀར་པོ་གཡོན་ན་འཛིན། །ཕྱག་ན་པདྨ་ཕྱག་འཚལ་ལོ། །ཞེས་ཏེ། །གྲུབ་ཆེན་མི་ཏྲ་ལྟར་ན་སྙིང་རྗེ་ཆེན་པོ་དང་སྦྱོར་བ་འདྲ། །དེ་ལྟར་ན་བགྲང་ཕྲེང་ཆོས་སྐུ་སྒྲུབ་བྱེད་ཀྱི་གཙོ་བོ་ཡེ་ཤེས་ཀྱི་ཚོགས་དང་། །པད་དཀར་གཟུགས་སྐུའི་རྒྱུའི་གཙོ་བོ་བསོད་ནམས་ཀྱི་ཚོགས་དང་སྦྱོར་བར་འཐད་དེ། །ཤེས་རབ་དང་ཐབས་ཀྱི་ཕྱོགས་སོ་སོར་འགྱུར་རོ། །ཕྱག་སྟོང་སྤྱན་སྟོང་གི་མདོར། སེམས་ཅན་ཐམས་ཅད་ཀྱིས་གཅེས་ཤིང་ཡིད་དུ་འོང་བར་འདོད་ན་ཐལ་མོ་སྦྱར་བའི་ཕྱག་དང་། །སངས་རྒྱས་ཐམས་ཅད་ཀྱིས་མགོ་ལ་ཕྱག་གིས་ཉུག་ཅིང་ལུང་སྟོན་པར་འདོད་ན་སྔགས་ཀྱི་ནོར་བུ་ཐོགས་པའི་ཕྱག་དང་། ཡོན་ཏན་རྣམ་པ་སྣ་ཚོགས་ཀྱི་ཕྱིར་ནི་པད་དཀར་ཐོགས་པའི་ཕྱག་ལ་མཆོད་ཅིང་བལྟ་ཞེས་བྱེད་ལས་ཀྱི་ཁྱད་པར་ཡང་བསྟན་ནོ། །འདིའི་

― TN03_Page_0463 ―

^{[མ་དཔེ་གཟིགས་ན་འདིར་གནོན།]}

(༤༠༡)ཡུམ་གསང་ཡེ་ནི། ཐུགས་ཆེན་པད་རྒྱལ་དུ། ཡི་གེ་དྲུག་མ་གསང་བ་ཡེ་ཤེས། བཀའ་འབུམ་བཤད་འགྲེལ་ཆེན་མོར། ཕྱི་ལྟར་ན་ཡུམ་ཡི་གེ་དྲུག་མ། ནང་ལྟར་ན་གསང་བ་ཡེ་ཤེས། ཞེས་སོ། །ཞེས་པ་ལྟར་ལྷ་མོ་ཡི་གེ་དྲུག་མར་ཤེས་དགོས་སོ། །བཟླས་པའི་ཐད། ཁྱད་པར་འགྲོ་འདུལ་ཐུགས་རྗེ་ཆེའི༔ བྱིན་རླབས་དངོས་གྲུབ། ཅེས་པ་ནི། འགྲོ་འདུལ་ཐུགས་རྗེའི་དབང་ཕྱུག་འཕགས་པ་སྤྱན་རས་གཟིགས་ཀྱི་བྱིན་རླབས། ཅེས་དང་། འགྲོ་འདུལ་ཐུགས་རྗེའི་དངོས་གྲུབ། ཅེས་དངོས་གྲུབ་ངོས་བཟུང་བ་གཉིས་ཀ་ལ་སྦྱར་བཏུབ། གཞུང་འདིའི་གོང་འོག་ཀུན་ཏུ་སྤྱན་རས་གཟིགས་བརྩེ་བའི་ལྷར་བཟུང་སྟེ་སྒྲུབ་པར་གསུངས་པ་འདི་བཞིན། མདོ་རྒྱུད་མང་པོ་ལས་མཐོང་སྟེ། ཟ་མ་ཏོག་ལས་འཕགས་པ་འདིའི་རྣམ་ཐར་ཐམས་ཅད་སེམས་ཅན་སྡུག་བསྔལ་བ་རྣམས་ལ་རྗེས་བརྩེར་མཛད་ཚུལ་ཁོ་ནའི་སྒོ་ནས་བསྟན་པ་དང་། སྡོང་པོ་བཀོད་པར། བདེ་གཤེགས་སྲས་པོ་ངས་ནི་རྣམ་ཐར་གཅིག་བསྒོམ་སྟེ། །ཡེ་ཤེས་སྙིང་པོ་རྒྱལ་བ་ཀུན་གྱི་ཐུགས་རྗེ་སྡུག །འགྲོ་བ་ཐམས་ཅད་བསྐྱབ་ཅིང་ཡོངས་སུ་བསྡུ་ཕྱིར་བྱུང་། །ཞེས་སོགས་རྒྱ་ཆེར་གསུངས་པ་དང་། ཆོས་ཡང་དག་པར་སྡུད་པའི་གོང་འོག་གཉིས་སུ་རྗེ་བཙུན་འདིས་སྟོན་པའི་སྤྱན་སྔར་རང་གི་རྟོགས་པ་བརྗོད་པ་

― TN03_Page_0464 ―

^{[མ་དཔེ་གཟིགས་ན་འདིར་གནོན།]}

(༤༠༢)ན་སྙིང་རྗེ་ཆེན་པོ་ཉིད་ཀྱི་སྟེང་ནས་བརྗོད་པ་དང་། སྤྱོད་འཇུག་ཏུ། བདག་གཅེས་འཛིན་གོམ་པའི་དབང་གིས་རང་ལ་མི་སྙན་པ་ཆུང་ངུ་ཡང་མི་བཟོད་པ་ལྟར། བརྩེ་བ་གོམས་པའི་ཤུགས་རྒྱས་པ་ན་གཞན་གྱི་མི་བདེ་བ་ཕྲ་མོའང་མི་བཟོད་པའི་དཔེར། རྗེ་བཙུན་འདིའི་རྣམ་ཐར་དྲངས་ཏེ། དེ་བས་ཇི་ལྟར་སོགས་ནས། མཚན་ཡང་བྱིན་གྱི་རླབས། ཅེས་པའི་བར་རོ། །མཚན། སྙིང་རྗེ་པད་དཀར་ལས་སྤྱན་རས་གཟིགས་ཞེས་པའི་མཚན་འདི་ཡང་སྙིང་རྗེ་ཆེན་པོའི་ཡོན་ཏན་གྱི་སྒོ་ནས་སྔོན་གྱི་སངས་རྒྱས་ཀྱིས་བཏགས་པར་གསུངས་པ་དང་། ལག་ན་རྡོ་རྗེ་དབང་བསྐུར་གྱི་གླེང་གཞིར་སངས་རྒྱས་འོད་དཔག་མེད་ཀྱིས་རྗེ་བཙུན་ལ་དེ་བཞིན་གཤེགས་པ་ཐམས་ཅད་ཀྱི་ཐུགས་རྗེ་ཆེན་པོའི་སྟོབས་ཀྱི་རྡོ་རྗེ་པདྨའི་མཆོག་གི་སྙིང་པོ་བྱིན་ནས་གཞི་དང་སྙིང་པོ་མེ་ཏོག་གི་རྒྱན་བཀོད་པའི་ཞིང་འདི་ལུས་ཀྱི་སྤྲིན་རྣམས་ཀྱིས་བཀང་ནས་སྣང་བར་བྱེད་་དུ་བཏང་བར་གསུངས་པ་དང་། དེ་ཉིད་བསྡུས་པར་བདག་ཅག་གི་སྟོན་པ་རྣམ་སྣང་ཉིད་སྙིང་རྗེའི་ཉམས་ཀྱིས་འདུལ་བའི་སེམས་ཅན་གདུལ་ཕྱིར་འཕགས་པ་སྤྱན་རས་གཟིགས་ཀྱི་སྐུར་བསྟན་པར་འགྲོ་བ་འདུལ་བའི་དཀྱིལ་འཁོར་གྱི་ཐད་དུ་གསུངས་པ་དང་། སྤྱན་རས་གཟིགས་ཞེས་པའི་སྒྲ་བཤད་ཀྱང་སོར་རྟོག་ཡེ་ཤེས་ཀྱི་སྤྱན་གྱིས་རང་བཞིན་དག་པའི་ཆོས་ལ་རྟག་ཏུ་གཟིགས་པ་དང་། ཐུགས་རྗེ་ཆེན་པོའི་སྤྱན་གྱིས་འཇིག་རྟེན་ཐམས་ཅད་ལ་གཟིགས་པ་

― TN03_Page_0465 ―

^{[མ་དཔེ་གཟིགས་ན་འདིར་གནོན།]}

(༤༠༣)ལྷུར་ལེན་པའི་ཕྱོགས་ནས་བཤད་ཚུལ་གཉིས་དེ་ཉིད་སྣང་ཆེན་དང་། ཀོ་ས་ལའི་རྒྱན། དཔལ་མཆོག་འགྲེལ་ཆེན། །རྣམ་སྣང་མངོན་བྱང་གི་འགྲེལ་པ་རྣམས་སུ་གསུངས་པའི་ཕྱི་མ་དང་། ལེགས་གྲུབ་ཏུ་ཡང་། སངས་རྒྱས་ཀུན་གྱིས་རབ་ཏུ་བསྔགས། །ཡོན་ཏན་དམ་པ་ཀུན་བསགས་པ། །སྤྱན་རས་གཟིགས་ཞེས་མཚན་གསོལ་བ། །རྟག་པར་བརྩེ་ལ་ཕྱག་འཚལ་ལོ། །ཞེས་སོགས་མཐའ་ཡས་སོ། །རི་དྭགས་ཀྲིཥྞའི་པགས་པས་ནུ་གཡོན་བཀབ་བར་བཤད་པའང་དེ་ལྟར་ཡིན་ཏེ། དབུ་མ་སྙིང་པོར། སྙིང་རྗེའི་པགས་པ་གནག་འཆང་ཞིང་། །ཞེས་པར་འདྲའོ། །འདིར་ལམ་གྱི་གཙོ་བོ་སྙིང་རྗེ་ཆེན་པོར་བྱེད་པའི་རྒྱུ་མཚན་ཡང་། མདོ་སྔགས་ཁྱད་འབྱེད་སྐབས། གཞན་དོན་བཟོ་ཁོག་དང་། རྫོགས་བྱང་སྒྲུབ་པའི་ལམ་ཐམས་ཅད་དེའི་ཆ་ལག་ཏུ་བྱེད་པ་ལ་ཐེག་ཆེན་གཉིས་འདྲ་བར་བཤད་པ་བཞིན། ཚུལ་ཁྲིམས་ཏིང་འཛིན་ཤེས་རབ་གཟུངས་སྤོབས་མངོན་ཤེས་སོགས་ཡོན་ཏན་ཐམས་ཅད་སྙིང་རྗེ་ཆེན་པོའི་བཞེད་དོན་སྒྲུབ་བྱེད་ཀྱི་འཁོར་ཁོ་ནར་ཟད་པས། རིན་ཆེན་བདུན་གྱི་བདག་པོ་འཁོར་སྒྱུར་ཡིན་པ་ལྟར། ཡོན་ཏན་དེ་ཐམས་ཅད་ཀྱི་རྩ་བའི་བདག་པོ་སྙིང་རྗེ་ཆེན་པོ་ཡིན་ནོ། །དེའི་ཕྱིར་སངས་རྒྱས་ཀྱི་སའི་ཡོན་ཏན་ཐམས་ཅད་

― TN03_Page_0466 ―

^{[མ་དཔེ་གཟིགས་ན་འདིར་གནོན།]}

(༤༠༤)ཀྱི་གཙོ་བོའམ་བདག་པོའང་སྐྱེ་ལ་ཐུགས་རྗེ་ཆེན་པོ་ཡིན་ཏེ། འབྲས་དུས་ཀྱི་རྣམ་བཞག་མང་པོ་སྔོན་གྱི་རྗེས་སུ་འབྲང་བའི་སྒོ་ནས་བྱེད་པར་གསུངས་པ་བཞིན་ནོ། །དེའང་སློབ་ལམ་དུ་སྙིང་རྗེ་ཆེན་པོ་དེ་ཐེག་གསུམ་གྱི་རྟོགས་རིགས་མཐའ་དག་དང་འབྲེལ་བར་སྦྱང་བས་མཐར་སོན་པ་ན། བརྩེ་ཆེན་གྱི་བློ་མངོན་གྱུར་པ་དེ་ཉིད་ལམ་གྱི་རྣམ་པ་མ་ལུས་པའི་ངོ་བོར་སྐྱེ་བ་ལ་གེགས་སུ་གྱུར་པའི་གནས་ངན་ལེན་གྱི་ཆ་ཐམས་ཅད་རྒྱུན་མཐའི་རྡོར་ཏིང་གིས་བཅོམ་ནས། དེའི་རྣམ་གྲོལ་ལམ་ལ་སླར་ཡང་སྙིང་རྗེ་ཆེན་པོ་མངོན་གྱུར་དུ་འབྱུང་སྟེ། དེ་ནི་སྟོང་ཉིད་ལ་མཉམ་པར་བཞག་པ་སོགས་ལུང་རྟོགས་ཀྱི་ཡོན་ཏན་རྣམ་པ་ཐམས་ཅད་པའི་མཚན་ཉིད་ཅན་དུ་སྐྱེའོ། །དངོས་གྲུབ་ཀྱི་སྙིང་པོ་དེ་ལྟར་ངོས་ཟིན་པ་དེ་ཉིད་རྒྱ་གང་ཆེ་ནས་སྒྲུབ་དགོས་ཀྱི། །གཞན་དུ་དཔེར་ན་བླ་མ་མཁས་གྲུབ་ཆེན་པོ་དང་མཇལ་ཡང་སྐར་མའི་དཔྱད་ལྟ་བུའི་དོན་དམན་པ་ཞིག་ལས་ཅི་ཡང་མ་དྲིས་ན་གདམས་པའི་མཆོག་རྣམས་ཟུར་ཙམ་ཡང་མི་ཐོབ་པ་དང་འདྲའོ། །སྤྱིར་ཡང་སྒོ་ཐམས་ཅད་ནས་སྙིང་རྗེ་ལ་མང་དུ་གནས་པར་བྱ་བ་ནི་སྤྱན་རས་གཟིགས་ཀྱི་སྔགས་པའི་ཁྱད་པར་གྱི་དམ་ཚིག་ཡིན་པར་ཕྱག་སྟོང་སྤྱན་སྟོང་གི་མདོ་དང་། རྒྱལ་པོ་བཀའ་འབུམ། །ཀུན་བཟང་ཐུགས་གཏེར་སོགས་ལས་ནན་ཏན་དུ་

― TN03_Page_0467 ―

^{[མ་དཔེ་གཟིགས་ན་འདིར་གནོན།]}

(༤༠༥)གསུངས་ཏེ། དེ་ལ་བརྩོན་ན་འཕགས་པ་དང་བརྟུལ་ཞུགས་གཅིག་ལ་གནས་པར་འགྱུར་བས་འཕགས་པ་དགྱེས་པའི་དེའང་སྤྱིར་སྙིང་རྗེ་སྒོམ་པ་ཙམ་གྱིས་མི་ཆོག་གི །དེ་འཕགས་པ་དགྱེས་པའི་ཆེད་དུ་དམིགས་ནས་སྒོམ་པ་ཞིག་དགོས་ཏེ། འདིའི་དམ་ཚིག་ཁྱད་པར་བར་འགྲོ་ལུགས་ཤེས་པའི་སྟེང་ནས་སོ། །དཀའ་ཐུབ་ཀྱི་ནོར་ཅན་ཏེ། རྗེས་འཛིན་གྱི་གནད་ཆེས་ཆེན་པོའོ། །ཐུགས་སྲོག་ཧྲཱིཿཡིག་གི་དོན་ནི། དེ་ཉིད་བསྡུས་པའི་དུམ་བུ་གསུམ་པ་ལས། དེ་ནས་བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཆོས་ཀྱི་དམ་ཚིག་ལས་བྱུང་བའི་བྱིན་གྱིས་རླབས་པདྨོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་དམ་ཚིག་ཅེས་བྱ་བ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ་། ཧྲཱི༔ །དེ་ནས་དེ་ཕྱུང་མ་ཐག་ཏུ་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་པདྨ་ལྟ་བུའི་འོད་ཟེར་ཁ་དོག་དང་གཟུགས་དང་རྟགས་དང་སྤྱོད་ལམ་དང་འོད་རྣམ་པ་དུ་མ་བྱུང་སྟེ། འཇིག་རྟེན་གྱི་ཁམས་ཐམས་ཅད་དུ་འདོད་ཆགས་ལ་སོགས་པ་རྣམ་པར་དག་པ་དང་། ཆོས་ཉིད་ཀྱི་ཡེ་ཤེས་ཡང་དག་པར་སྦྱངས་ནས་ཡང་སླར་ལོག་སྟེ་འཕགས་པ་སྤྱན་རས་གཟིགས་ཀྱི་དབང་པོའི་ཐུགས་ཀར་ཞུགས་སོ། །ཞེས་གསུངས་ཏེ། སྙིང་པོ་

― TN03_Page_0468 ―

^{[མ་དཔེ་གཟིགས་ན་འདིར་གནོན།]}

(༤༠༦)འདི་ལ་དེ་པ་ཐམས་ཅད་ཀྱི་ཆོས་ཀྱི་དམ་ཚིག་ཅེས་གསུངས་པའི་ཆོས་ནི་པདྨའི་རིགས་རྣམས་ཏེ་རང་བཞིན་དག་པའི་ཆོས་མཁྱེན་པའི་ཤེར་ཕྱིན་གྱི་ངོ་བོ་ཉིད་ཡིན་པས་སོ། །དམ་ཚིག་ནི་རྒྱུའི་དོན་ཏེ། རིགས་དེ་སྤྲུལ་པའི་རྒྱུ་ཡིན་པའོ། །དེ་པ་ཐམས་ཅད་ཀྱི་སྙིང་པོ་ཞེས་པ་ནི་ཐུགས་ཀའི་སེམས་དཔའི་རྡོ་རྗེའི་ངོ་བོ་ཉིད་ཡིན་པའོ། །དེ་ཕྱུང་མ་ཐག་ཏུ་སོགས་ཀྱིས་ནི་ཧྲཱིཿ ཞེས་བྱ་བའི་སྙིང་པོ་འདིས་པདྨའི་རིགས་ཐམས་ཅད་སྤྲུལ་ཚུལ་དང་། སྤྲུལ་ནས་རང་གི་རིགས་དང་མཐུན་པའི་མཛད་པ་མཛད་ཚུལ་རྣམས་སྟོན་ཏེ། ཀུན་སྙིང་ལྟར་བྱས་སོ། །དཔལ་མཆོག་ལས་ཀྱང་། དེ་ནས་དེ་བཅོམ་ལྡན་འདས་དེ་བཞིན་གཤེགས་པ་ངོ་བོ་ཉིད་དག་པའི་ཆོས་ཉིད་ཐོབ་པས་ཡང་ཆོས་ཐམས་ཅད་ཀྱི་མཉམ་པ་ཉིད་སྤྱན་རས་གཟིགས་དབང་ཕྱུག་གི་ཡེ་ཤེས་ཀྱི་ཕྱག་རྒྱ་ཞེས་བྱ་བ་ཤེས་རབ་ཀྱི་ཕ་རོལ་ཏུ་ཕྱིན་པའི་ཚུལ་འདི་གསུངས་ཏེ། འདོད་ཆགས་ཐམས་ཅད་རྣམ་པར་དག་པ་ཉིད་ཀྱིས་འཇིག་རྟེན་ན་ཞེ་སྡང་ཐམས་ཅད་རྣམ་པར་དག་པར་འགྱུར་རོ། །དྲི་མ་ཐམས་ཅད་རྣམ་པར་དག་པ་ཉིད་ཀྱིས་འཇིག་རྟེན་ན་སྡིག་པ་ཐམས་ཅད་རྣམ་པར་དག་པར་འགྱུར་རོ། །ཆོས་ཐམས་ཅད་རྣམ་པར་དག་པས་འཇིག་རྟེན་ན་སེམས་ཅན་ཐམས་ཅད་རྣམ་པར་དག་པར་འགྱུར་རོ། །ཤེས་པ་ཐམས་ཅད་

― TN03_Page_0469 ―

^{[མ་དཔེ་གཟིགས་ན་འདིར་གནོན།]}

(༤༠༧)རྣམ་པར་དག་པས་འཇིག་རྟེན་ན་ཤེས་རབ་ཀྱི་ཕ་རོལ་ཏུ་ཕྱིན་པ་རྣམ་པར་དག་པར་འགྱུར་རོ། །ཞེས་པ་ནས། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་དོན་གྱི་གནས་འདི་ཉིད་ཡང་རྒྱ་ཆེར་སྟོན་ཅིང་བཞིན་རབ་ཏུ་འཛུམ་དམུལ་ཏེ། པདྨའི་འདམ་མཁའ་བྱེད་པས་འདོད་ཆགས་ལ་སོགས་པའི་དྲི་མས་མི་གོས་པ་ལ་བལྟ་ཞིང་། འགྲོ་བ་ཐམས་ཅད་ཀྱི་ཕྱིར་པདྨའི་གཟུགས་སྣ་ཚོགས་ཞེས་བྱ་བའི་སྙིང་པོ་འདི་གསུངས་སོ། །ཧྲཱིཿ དེ་ནས་འདི་གསུངས་པ་ཙམ་གྱིས་པདྨ་ཆེན་པོ་དེ་ལས་དེ་བཞིན་གཤེགས་པ་ལ་སོགས་པའི་གཟུགས་ཐམས་ཅད་བཅོམ་ལྡན་འདས་སྤྱན་རས་གཟིགས། དང་འདྲ་བའི་པདྨས་མཚན་པའི་གཟུགས་ཅན་ངེས་པར་བྱུང་ནས་བཅོམ་ལྡན་འདས་སྤྱན་རས་གཟིགས་དབང་ཕྱུག་གི་རིམ་པ་དང་པོའི་དཀྱིལ་འཁོར་གྱི་ཚུལ་དུ་བཞུགས་པར་གྱུར་ཏོ། །ཞེས་གསུངས་ཏེ། དོན་གྱི་གནས་འདི་ཉིད་ཅེས་པ་ནི། འདོད་ཆགས་རྣམ་པར་དག་པ་སོགས་གོང་གི་གཞུང་ཚན་བཞིས་བསྟན་པ་རྣམས་ཏེ། ཡང་རྒྱ་ཆེར་སྟོན་ཅིང་ཞེས་པ་ནི་ཧྲཱིཿཞེས་བྱ་བའི་ཡི་གེ་སྤྲུལ་པའི་སྒོ་ནས་སླར་ཡང་སྟོན་པར་མཛད་པའོ། །འགྲོ་བ་ཐམས་ཅད་ནི་པདྨའི་རིགས་རྣམས་ཏེ། །དེ་ཡོངས་སུ་རྫོགས་པར་སྐྱེད་པའི་ཕྱིར་སྙིང་པོ་འབྲུ་

― TN03_Page_0470 ―

^{[མ་དཔེ་གཟིགས་ན་འདིར་གནོན།]}

(༤༠༨)གཅིག་འདི་གསུངས་པའོ། །པདྨའི་གཟུགས་སྣ་ཚོགས་པ་ཞེས་པ་ནི་སྙིང་པོའི་ཡི་གེ་ཧྲཱིཿཞེས་པ་འདིའི་མིང་ངོ་ཞེས་དཔལ་མཆོག་འགྲེལ་ཆེན་ལས་སོ། །པདྨའི་གཟུགས་སྣ་ཚོགས་ཅེས་བྱ་བའི་སྙིང་པོ་ཞེས་པ་འདི་ལ་ཤེར་དུམ་གྱི་འགྲེལ་པར། འགྲོ་བ་ཐམས་ཅད་ཀྱི་གཟུགས་སུ་སྣང་བས་ན་གཟུགས་སྣ་ཚོགས་དང་། དེ་ལྟར་སྣང་ཡང་འཁོར་བའི་ཉེས་པ་རྣམས་ཀྱིས་མི་གོས་པས་ན་པདྨ། དེ་འདྲའི་སྙིང་པོ་དངོས་ནི་གཟུགས་ཀུན་སྙིང་གི་ཐམས་ཅད་ངེས་པར་སྟོན་པའི་ཡེ་ཤེས་ཉིད་ཡིན་ཡང་། །དེ་མཚོན་པར་བྱེད་པའི་ཧྲཱིཿཡིག་ལ་བཏགས་ནས་བསྟན་གསུངས། འདི་གསུངས་པ་ཙམ་གྱིས་སོགས་ནི། སྙིང་པོ་འདིའི་མཐུས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཕྲ་རབ་དང་མཉམ་པའི་དེ་བཞིན་གཤེགས་པ་ལ་སོགས་པ་ཐམས་ཅད་པདྨའི་རིགས་ཀྱི་རྣམ་པར་གྱུར་ནས་འཕགས་པ་སྤྱན་རས་གཟིགས་ཀྱི་ཕྱག་མཚན་པདྨོ་ལས་བྱུང་ཞེས་པདྨའི་རིགས་སྤྲོ་བྱེད་དུ་གསུངས་པའོ། །མན་སྙེ་ལས། ཧྲཱིཿནི་གསལ་བར་གྱིས་ཤིག་པ་སྟེ། ཉེ་བ་མ་ཡིན་པ་ཉེ་བར་གྱུར་པ་གསལ་པོར་གྱིས་ཤིག་པའོ། །ཞེས་སྐབས་གཞན་དུ་བཤད་དེ། ཤེར་ཕྱིན་གྱི་ས་བོན་ཡིན་པ་དང་གསལ་བར་བྱེད་པ་ལ་སྦྱར་བ་གཉིས་གནད་འདྲ་བར་མཐོང་ཞེས་དམ་པ་དག་འཆད། དེ་དཔལ་མཆོག་དང་སྒྲིགས་ན།

― TN03_Page_0471 ―

^{[མ་དཔེ་གཟིགས་ན་འདིར་གནོན།]}

(༤༠༩)པདྨ་ལྟར་གོས་པ་མེད་པའི་ཤེར་ཕྱིན་གྱི་རིགས་ཀྱི་གཟུགས་སྣ་ཚོགས་གསལ་བར་གྱིས་ཞེས་པར་བཤད་དགོས་པ་འདྲ། གྲོལ་ཐིག་གཏེར་གཞུང་དུ། ཆོས་ཀྱི་དབྱིངས་མཐའ་དང་དབུས་མེད་པར་སྟོན་པར་བྱེད་པའི་ཡི་གེ་ཧྲཱིཿ ཞེས་པ་ལྟར་ན། རྒྱུད་བླ་མར། གཞལ་མེད་གྲངས་མེད་མི་མཉམ་དང་། །སོགས་ངོ་བོ་ཉིད་སྐུ་ཁྱད་པར་ལྔ་ལྡན་དུ་གསུངས་པ་ལྟར། ཤེར་ཕྱིན་གྱི་མཐུས་ཆོས་ཀྱི་དབྱིངས་ཀྱི་གཏིང་གཡོགས་པ་ཐམས་ཅད་དང་བྲལ་བའི་ཚུལ་གྱིས་ས་ལེར་གསལ་བར་གྱིས་ཤིག་ཅེས་འཆད་ཚུལ་ཡང་ཡོད་དམ་སྙམ། ཡིག་དྲུག་གི་སྔགས་དོན་ལ། ཨོཾ་ནི་ཨ་ཨུ་མ་གསུམ་གྱིས་སྐུ་གསུང་ཐུགས་གསུམ་མཚོན་ལ། དེ་གསུམ་གཅིག་ཏུ་སྦྱར་བའི་ཨོཾ་ཡིག་གིས་རྡོ་རྗེ་གསུམ་དབྱེར་མེད་པའི་གོ་འཕང་མཚོན་ཏེ། སྔགས་དོན་དེ་ལྟར་དྲན་ནས་བརྗོད་པས་མཆོག་སྩོལ་ཞིང་བསོད་ནམས་ལེན་པའི་ཕྱིར་ནོར་བུ་འཛིན་པ་ཞེས་རྡོ་རྗེ་རྩེ་མོར་རོ། །དེ་ནས་ནི། རྡོ་རྗེ་གུར་གྱི་ལེའུ་བཅོ་ལྔ་པར་ཡིག་དྲུག་འདི་ནད་ཐམས་ཅད་ཞི་བར་བྱེད་པའི་སྔགས་སུ་གསུངས་པའི་འགྲེལ་པར་ལྷའི་རིགས་ཀྱི་བློ་གྲོས་ཆེན་པོས། །མ་ི་ཞེས་བྱ་བ་ནི་ཤིན་ཏུ་རིན་ཐང་མེད་པའི་ནོར་བུ་དང་འདྲ་བའི་སོ་སོར་རྟོག་པའི་ཡེ་ཤེས་སོ། །ཅི་སྟེ་ཡེ་ཤེས་སོ་སོར་རྟོག་

― TN03_Page_0472 ―

^{[མ་དཔེ་གཟིགས་ན་འདིར་གནོན།]}

(༤༡༠)པ་ཡིན་ན་རྟོག་པ་དང་བཅས་པར་མི་འགྱུར་རམ་ཞེ་ན། པདྨ་ཞེས་བྱ་བ་སྨོས་ཏེ། ཅི་ལྟར་པདྨ་འདམ་གྱིས་མ་གོས་པ་ལྟར་ཡེ་ཤེས་དེ་རྟོག་པའི་སྐྱོན་གྱིས་གོས་པ་མེད་དོ་ཞེས་བྱ་བའི་དོན་ཏོ། །དེ་ཉིད་ཀྱི་ཕྱིར་ཧཱུཾ་ཕཊ་ཅེས་བྱ་བ་སྨོས་ཏེ། ཧཱུཾ་ཞེས་བྱ་བ་ནི་གཟུང་བ་དང་འཛིན་པས་སྟོང་པའི་ཡིད་དོ། །ཕཊ་ཅེས་བྱ་བ་ནི་རྣམ་པར་རྟོག་པ་འདྲལ་བའོ། །ཞེས་གསུངས་ཏེ། སོར་རྟོག་ཡེ་ཤེས་ནོར་བུའི་རྒྱལ་པོ་དང་འདྲ་ཚུལ་ནི་མདོ་རྒྱན་ལས། སོ་སོར་རྟོག་པའི་ཡེ་ཤེས་ནི། །ཤེས་བྱ་ཀུན་ལ་རྟག་མི་ཐོགས། །ཏིང་ངེ་འཛིན་དང་གཟུངས་རྣམས་ཀྱི། །གཏེར་དང་འདྲ་བ་ཁོ་ན་ཡིན། །འཁོར་གྱི་དཀྱིལ་འཁོར་རྣམས་སུ་ནི། །འབྱོར་པ་ཐམས་ཅད་སྟོན་མཛད་པ། །ཐེ་ཚོམ་ཐམས་ཅད་གཅོད་བྱེད་པའི། །ཆོས་ཆེན་ཆར་ནི་རབ་ཏུ་འབེབས། །ཞེས་འཕགས་པ་སངས་རྒྱས་ཀྱི་ས་ལ་བརྟེན་ནས་བཤད་དོ། །ཡེ་ཤེས་དེ་སོ་སོར་རྟོག་པ་ཡིན་ན་རྣམ་པར་མི་རྟོག་པའི་ཡེ་ཤེས་སུ་མི་འཐད་དོ་ཞེ་ན། །རྟོག་པ་ནི་མི་གསལ་བ་སྟེ། འདམ་གྱིས་སྦགས་པས་ནག་ནོག་ཏུ་འགྱུར་བ་དང་འདྲའོ། །ཡེ་ཤེས་འདི་ནི་སོར་རྟོག་ཡིན་ཡང་ཤེས་བྱ་ཐམས་ཅད་མངོན་སུམ་དུ་བལྟ་བ་ལ་བཀྲ་ཞིང་ཤིན་ཏུ་གསལ་བའི་ཡོན་ཏན་གྱིས་མཛེས་པས་སམ། འཁྲུལ་པའི་བག་

― TN03_Page_0473 ―

^{[མ་དཔེ་གཟིགས་ན་འདིར་གནོན།]}

(༤༡༡)ཆགས་ཀྱི་གཉིད་མ་ལུས་པ་སད་པས་ཤིན་ཏུ་རྒྱས་ཤིང་ཁ་ཕྱེ་བས་ན་པདྨ་ལྟ་བུར་བཤད་ཅེས་འཆད་དམ། པདྨ་འདམ་ལས་སྐྱེས་ཀྱང་ཆུ་ཞག་དང་ཉ་ལྕིབས་སོགས་འདམ་གྱི་ཉེས་པ་རྣམས་ཀྱིས་མ་སྦགས་པ་ལྟར། ཡེ་ཤེས་དེ་མིང་ཚིག་ཡི་གེའི་རྣམ་པ་ཅན་གྱི་རྟོག་པ་ཡོངས་སུ་གྱུར་པ་ལས་སྐྱེས་ཀྱང་། ཕྱིན་ཅི་ལོག་གི་ཆ་ཐམས་ཅད་ལོག་པའི་ཕྱིར་གཉིས་སྣང་འཁྲུལ་པའི་རྟོག་པ་གཏན་མིན་ཞེས་པ་སྟེ། སངས་རྒྱས་ལ་ཞེན་རིག་གི་རྟོག་པ་མེད་ཀྱང་ཐ་སྙད་བྱེད་པའི་བློ་རིགས་ཡོད་དགོས་ཏེ། སོ་རིག་བཞིས་ཤེས་པའི་ཕྱིར་རོ། །དེས་ན་གཉིས་སྣང་གི་འཁྲུལ་པའི་རབ་རིབ་མཐའ་དག་དང་བྲལ་བའི་སོ་སོར་རྟོག་པའི་སྤྱན་ཤིན་ཏུ་གསལ་བ་ཡིན་ཞེས་ཧཱཾུ་གིས་བསྟན་ཏོ། །འདི་ལྟར་ན་སོར་རྟོག་ཡེ་ཤེས་གཅིག་པོ་དེ་གདུལ་བྱའི་བསམ་པ་རྫོགས་པར་མཛད་པའི་ཆ་ནས་ནོར་བུ་དང་། དེ་ཉིད་གདུལ་བྱའི་བསམ་པ་ཐ་དད་པ་དང་། དེ་ལ་ཇི་ལྟར་འཚམས་པའི་ཆོས་ཀྱི་ལོངས་སྤྱོད་སྣ་ཚོགས་པ་ཐམས་ཅད་མ་འཛིང་བར་འབྱེད་པའི་སོར་རྟོག་ཡིན་ཡང་། རྟོག་པའི་སྐྱོན་གྱིས་མ་གོས་པར་མི་འགལ་བའི་ཆ་ནས་པདྨ་སྟེ་གཉིས་ཀར་འཇོག་པར་གསལ་ལོ། །ད་དུང་གོ་བདེར་བཤད་ན། སོར་རྟོག་ཡེ་ཤེས་ནི་རྣམ་པར་རྟོག་པ་མེད་པའི་ཕྱིར་

― TN03_Page_0474 ―

^{[མ་དཔེ་གཟིགས་ན་འདིར་གནོན།]}

(༤༡༢)དང་། འགྲོ་བའི་རེ་བ་སྐོང་བའི་མཐུ་ཕུལ་དུ་བྱུང་བའི་ཕྱིར་མ་ི་སྟེ་ནོར་བུའི་རྒྱལ་པོའོ། །དེ་རྣམ་རྟོག་མེད་པར་མི་འཐད་དེ། སོར་རྟོག་ཡིན་པའི་ཕྱིར་རོ་ཞེ་ན། དེ་རྟོག་པ་ལས་སྐྱེས་ཀྱང་། རྟོག་པའི་དྲི་མས་མ་བསླད་པར་སྐྱེས་ཏེ། པདྨ་འདམ་ལས་སྐྱེས་ཀྱང་འདམ་གྱི་ཉེས་པས་མ་གོས་པར་སྐྱེ་བ་བཞིན་ནོ། །དེར་མ་ཟད་སོར་རྟོག་དེ་ཉིད་ཀྱི་མཐུས་གཟུང་འཛིན་འཁྲུལ་པའི་གཡེང་བའི་གནས་ངན་ལེན་གྱི་ཆ་མ་ལུས་པ་འཇོམས་ཤིང་འགོག་པས་ན་ཧཱུཾ་ཞེས་སོ། །བདེ་ཆེན་ཤེས་རབ་སྙིང་རྗེ་མཆོག །ཅེས་པའི་སྒྲུབ་ཐབས་སུ་དཔལ་མི་ཏྲ་ཛོ་ཀིས་ནི། ཨོཾ་མ་ི་ཧཱུཾ། ཤེས་རབ་ཆེན་པོ་དྲི་མ་མེད། །རྣམ་པར་ཤེས་ཀུན་མཚན་ཉིད་དེ། །མ་སྐྱེས་མི་གནས་འགག་པ་མེད། །གདོད་ནས་རྣམ་གྲོལ་མངོན་སུམ་པ། ཨོཾ་ཨཱ་ཿཧྲཱིཿཔདྨེ་ཧཱཱུཾ། སྙིང་རྗེ་ཆེན་པོ་ལྷུན་གྱིས་གྲུབ། །དམིགས་པ་ཀུན་གྱི་མཚན་ཉིད་དེ། །མི་ཕྱེད་མི་འགྱུར་འབྲལ་བ་མེད། །སྐྱོ་མེད་རེ་བ་རྣམ་སྤངས་པའོ། །ཞེས་བཤད་དེ། མ་ི་ནི་ཤེས་རབ་ཀྱི་ཕར་ཕྱིན་ཏེ་རྣམ་རྟོག་མེད་ཅིང་། མཐུ་བསམ་གྱིས་མི་ཁྱབ་པའི་ཕྱིར་རོ། །པདྨ་ནི་སྙིང་རྗེ་ཆེན་པོ་སྟེ། འདམ་རྫབ་ལྟ་བུའི་འཁོར་བ་ལ་བརྟེན་ནས་སམ་དམིགས་ནས་སྐྱེ་བ་དང་། སེམས་ཅན་ཐམས་ཅད་དགའ་བར་བྱེད་པའི་ཕྱིར་རོ། །དེའང་

― TN03_Page_0475 ―

^{[མ་དཔེ་གཟིགས་ན་འདིར་གནོན།]}

(༤༡༣)བྱང་སེམས་ཀྱི་མཉམ་བཞག་ཏུ་ནི་སྙིང་རྗེས་ཟིན་པའི་ཤེས་རབ་མངོན་གྱུར་དུ་འཇུག་སྟེ། སྤང་བྱ་དངོས་སུ་སྤོང་བ་སོགས་ལ་འདི་ཁོ་ན་དགོས་ཤིང་། སྙིང་རྗེའི་མཐུ་དང་བྱེད་ལས་གཞན་ཡང་དེ་ལ་ཡོད་དོ། །རྗེས་ཐོབ་ཏུ་ནི་ཤེས་རབ་ཀྱིས་ཟིན་པའི་སྙིང་རྗེ་སྟེ་དམིགས་མེད་ཀྱི་སྙིང་རྗེ་ཆེན་པོ་མངོན་དུ་འགྱུར་ཏེ། གཞན་དོན་གྱི་བྱ་བ་དངོས་སུ་སྒྲུབ་པ་སོགས་ལ་འདི་ཁོ་ན་དགོས་ཤིང་། ཤེས་རབ་ཀྱི་མཐུ་དང་བྱེད་ལས་གཞན་ཡང་དེ་ལ་ཡོད་དོ། །སངས་རྒྱས་ཀྱིས་ན་ནི་དེ་གཉིས་ཀ་བློ་གཅིག་ལ་མངོན་གྱུར་དུ་ལྡན་པས་སྲིད་ཞིའི་མཐའ་གཉིས་ལ་མི་གནས་པའི་བྱང་ཆུབ་ཅེས་བརྗོད་པ་ཡིན་ཏེ། འདི་དག་ནི་ལམ་དང་འབྲས་བུའི་དུས་ཀུན་ཏུ་མ་ི་དང་པདྨེ་གཉིས་མི་འབྲལ་བར་ཕན་ཚུན་གྲོགས་སུ་འཇུག་པའི་ཚུལ་ལོ། །ཐེག་ཆེན་གྱི་བསམ་སྦྱོར་གཉིས་ལས་བསམ་པ་སྙིང་རྗེ་ཆེན་པོ་པདྨེ་དང་། སྦྱོར་བའམ་སྤྱོད་པའི་གཙོ་བོ་དང་རབ་མཆོག་ཤེར་ཕྱིན་མ་ིར་བཞག་པས། རྡོ་རྗེ་རྒྱལ་མཚན་གྱི་བསྔོ་བ་དང་ས་བཅུ་པར་བཤད་པའི་སྨོན་ལམ་འབུམ་ཕྲག་གྲངས་མེད་བཅུ་སོགས་པདྨེར་སྡུད་ཅིང་། སྦྱིན་སོགས་ཕར་ཕྱིན་སྔ་མ་ལྔ་མ་ིར་བསྡུ་བ་འདྲ། ཕྱི་མ་ཅུང་ཟད་བཤད་ན། དཔེར་ན་མ་རིག་པ་ནི་མ་འདྲེས་པའི་མ་རིག་པ་ཙམ་དུ་མ་ཟད་ཀྱི། ཆགས་སོགས་ཉོན་མོངས་

― TN03_Page_0476 ―

^{[མ་དཔེ་གཟིགས་ན་འདིར་གནོན།]}

(༤༡༤)པའི་སྒོ་སྣ་ཚོགས་དང་བསྡོངས་ནས་ཕྱི་ཕྱིར་སྟོབས་རྒྱས་པར་འགྱུར་བས། ཆགས་སོགས་དེ་དག་ནི་མ་རིག་པའི་དཔུང་གྲགས་སོ། །དེ་བཞིན་དུ་ཤེར་ཕྱིན་ཡང་རང་རྐྱང་ཙམ་སྒོམ་པ་མིན་གྱི། །སྦྱིན་སོགས་རྒྱ་ཆེ་བའི་སྤྱོད་ཕྱོགས་ཐམས་ཅད་དེས་མ་ཟིན་པ་མེད་པར་བྱས་ཏེ་སྦྱང་བས། སྒོ་སྣ་ཚོགས་ཤིག་ནས་ཤེར་ཕྱིན་སྟོབས་རྒྱས་པར་འགྱུར་ཏེ། །དེས་ན་རྣམ་ཀུན་མཆོག་ལྡན་གྱི་སྟོང་ཉིད་ཅེས་རི་མོ་མཁན་དུ་མས་འཁོར་སྒྱུར་གྱི་གཟུགས་གཅིག་འབྲི་བའི་དཔེས་མདོ་དང་རྒྱུད་བླ་མར་བཤད་པའི་རིགས་པས་མཚན་ཉིད་ཡོངས་སུ་རྫོགས་པའི་ཤེར་ཕྱིན་གྱི་རྟོགས་པ་རྙེད་པ་ནི་ཚོགས་མཐའ་ཡས་པ་ལ་ལྟོས་པས། ཚོགས་དེ་དག་ནི་དེའི་དོན་དུ་གསུངས་སོ། །རྐང་པ་གཉིས་པ་གཉིས་ཀྱི་དོན་ནི། མ་ིར་འཇོག་རྒྱུའི་ཤེས་རབ་དེ་ཤེས་པ་རྣམ་པར་དག་པ་རང་དོན་ཕུན་ཚོགས་ཟབ་པ་ཡེ་ཤེས་ཆོས་སྐུའི་ངོ་བོ་ཉིད་དང་། པདྨེར་འགྲོ་རྒྱུའི་སྙིང་རྗེ་དེ་དམིགས་པའམ་ཤེས་བྱ་རྣམ་པར་དག་པ་གཞན་དོན་ཕུན་ཚོགས་རྒྱ་ཆེ་བ་གཟུགས་སྐུའི་མཚན་ཉིད་དམ་འཇོག་བྱེད་ཡིན་པ་སྟེ། དེ་ལྟར་ན་སྔར་ཕྱག་མཚན་ཐད་དུ་བརྗོད་པ་ལྟར་བྱས་ཀྱང་འགྲིགས་པ་ཡོད། པདྨ་ཞེས་བྱ་རྒྱུ་ལ། པདྨེ་ཞེས་སྦྱར་བ་ནི་བོད་པའི་དོན་ཏེ། ནོར་བུ་པདྨ་ཞེས་སྤྱན་རས་གཟིགས་ལ་ཉེ་བའི་སྒོ་ནས་བོད་པའི་དོན་ཡིན་པས་འཕགས་པའི་ཐུགས་རྒྱུད་རང་ལ་ཉེ་ལྷང་བ་ལྟ་བུར་ཡོད་པར་

― TN03_Page_0477 ―

^{[མ་དཔེ་གཟིགས་ན་འདིར་གནོན།]}

(༤༡༥)བསྒོམ་ལ་བཟླ་ཞེས་རྒྱལ་དབང་དགེ་འདུན་རྒྱ་མཚོས་བཤད། དེའང་ཐེག་ཆེན་གཉིས་ཀྱི་ཐུན་མོང་ལྟར་ཡིན་ལ། ད་དུང་བྱ་རྒྱུད་པའི་ཟབ་རྒྱ་ཆེའི་ལམ་གཉིས་སྒྲུབ་ཚུལ་ནས། །སྔགས་བླ་ན་མེད་པའི་ཤེས་པ་འོད་གསལ་དང་། ཤེས་བྱ་ཡེ་ཤེས་ཀྱི་སྐུ་སྒྲུབ་ལུགས་ཀྱི་བར་སོ་སོར་སྦྱར་ནས་བཤད་ན་རླབས་ཆེའོ། །ཡང་སྒྲུབ་ཐབས་དེ་ཉིད་ལས། རྣལ་འབྱོར་རྒྱལ་པོ་ཤེས་རབ་ཐབས། །རིག་འཛིན་དཀྱིལ་འཁོར་བླ་ན་མེད། །དཔལ་ལྡན་ཕ་རོལ་ཕྱིན་དྲུག་དངོས། ཆོ་གའི་དམ་པ་འདི་གསུངས་སོ། །ཨོཾ་མ་ི་པདྨེ་ཧཱུཾ། གསང་སྔགས་རྒྱལ་པོ་ཡི་གེ་དྲུག ལུགས་འབྱུང་བ་དང་ལུགས་བཟློག་ལས། །རྒྱུད་དྲུག་འགོག་དང་ལམ་དྲུག་སྦྱོང་། །འབྲས་བུ་དྲུག་ལ་རབ་སྦྱོར་ཉིད། །དེ་བཞིན་རྒྱུད་དྲུག་བསྐྱེད་པ་དང་། །ལམ་དྲུག་ལ་ནི་སྦྱོར་བ་དང་། །འབྲས་བུ་དྲུག་ནི་མངོན་དུ་བྱ། །གཟི་བརྗིད་དྲུག་པ་ཞེས་བཤད་དོ། །ཞེས་ཡི་གེ་དྲུག་པོ་ཕ་རོལ་ཏུ་ཕྱིན་པ་དྲུག་གི་ངོ་བོ་ཉིད་དང་། འགྲོ་བ་དྲུག་སྦྱོང་བྱེད་སོགས་སུ་གསུངས་ཏེ། འདི་ནི་སྲོང་བཙན་བཀའ་འབུམ་དང་། བཀའ་གདམས་གླེགས་བམ་སོགས་སུའང་བཤད་དོ། །སྲོང་བཙན་བཀའ་འབུམ་ན་གཞན་ཡང་། རྡོ་རྗེ་དང་རིན་པོ་ཆེ་ལ་སོགས་པ་རིགས་ལྔ་རིགས་ཐམས་ཅད་བསྡུས་པ་དང་བཅས་པའི་དྲུག་གི་ངོ་བོར་སྦྱོར་ཚུལ་དང་། ཡེ་ཤེས་ལྔ་ལྷན་སྐྱེས་

― TN03_Page_0478 ―

^{[མ་དཔེ་གཟིགས་ན་འདིར་གནོན།]}

(༤༡༦)ཡེ་ཤེས་དང་དྲུག་ལ་སྦྱར་བ་དང་། སྐུ་གསུང་ཐུགས་ཡོན་ཏན་ཕྲིན་ལས་ལྔའི་བྱིན་རླབས་སོ་སོར་འབེབས་པ། བྱིན་རླབས་ཐམས་ཅད་ཐོགས་མེད་དུ་འབྱུང་བ་དང་བཅས་པའི་དྲུག་ལ་སྦྱར་བ་དང་། དུག་ལྔ་ཉོན་མོངས་སྤྱི་དང་དྲུག་སྦྱོང་བྱེད་དུ་སྦྱར་བ། འབྱུང་བ་ལྔ་སོ་སོ་དང་ཐམས་ཅད་འདུས་པ་སྟེ་དྲུག་ལ་སྦྱར་བ་སོགས་ཆེས་མང་དུ་གསུངས་ཤིང་། ཕྱིན་དྲུག་དང་སྦྱོར་ཚུལ་ལ་ཡང་། ཨོཾ་སྦྱིན་པ་ནས། ཧཱུཾ་ཤེས་རབ་ཀྱི་བར་གོ་རིམ་བཞིན་དུ་སྦྱར་བ་དང་། ཨོཾ་ཤེས་རབ། མ་བསམ་གཏན།ི་ཚུལ་ཁྲིམས། པད་བརྩོན་འགྲུས། མེ་སྦྱིན་པ། ཧཱུཾ་བཟོད་པ་དང་སྦྱར་ཏེ་བསྟན་པ་སོགས་དེ་ཉིད་དུ་ལྟ་བར་བྱའོ། །ལྷན་སྐྱེས་རོལ་པས་མཛད་པའི་སྒྲུབ་ཐབས་སུ། སངས་རྒྱས་ཐམས་ཅད་ཀྱི་སྙིང་པོ་རྟོག་པའི་སྔགས་ཀྱི་རྒྱལ་པོ་ཡིད་བཞིན་གྱི་ནོར་བུ་འདི་མཚན་མ་མེད་པའི་སྦྱར་བས་བལྟ་ཞིང་བཟླས་པ་བྱའོ། །ཨོཾ་མ་ི་པདྨེ་ཧཱུཾ། ཞེས་སོགས་རྒྱ་གཞུང་རྣམས་ལས་ཡིག་དྲུག་ཁོ་ན་འབྱུང་ཡང་། །གཏེར་ཕྱོགས་སུ་ཡིག་བདུན་མང་ལ། །དེའི་རྒྱུ་མཚན་ཡང་བྱང་གཏེར་ལས། ཕྱི་ནི་སྲོག་སྦས་ཞི་བའི་ཚུལ༔ ཡི་གེ་དྲུག་པ་རྡོ་རྗེའི་སྒྲ༔ ཞེས་པ་ནས། གསང་བ་སྲོག་གི་མཐའ་རྟེན་ཅན༔ སྙིགས་མའི་དུས་སུ་སྲོག་མཐར་རྟེན༔ ཞེས་གསུངས་ཏེ། སྤྱིར་ཡིག་དྲུག་རང་ཡང་ཐུགས་སྲོག་སྐུལ་བའི་སྔགས་

― TN03_Page_0479 ―

^{[མ་དཔེ་གཟིགས་ན་འདིར་གནོན།]}

(༤༡༧)ལས་མ་འདས་མོད། འོན་ཀྱང་སྐུལ་བྱེད་ཡིག་དྲུག་དང་། བསྐུལ་བྱ་སྲོག་ཡིག་གཉིས་ཀ་དངོས་སུ་སྦྲེལ་ནས་བཟླས་ན་ཐུགས་རྗེ་གནད་ནས་སྐུལ་བ་ལ་ལྷག་པར་རྣོ་བས། སྔགས་འགྲུབ་པར་དཀའ་བའི་དུས་སུ་འདི་གཙོ་བོར་གཟུང་ཞེས་པ་ཡིན་ནམ་དཔྱད། །ཛབ་དབྱངས་ནི། མོས་གུས་གདུང་དབྱངས་ཀྱི་ཛབ་རྔ་མོ་བུ་སྟོར་བ་ལྟ་བུ་སོགས་ཉེར་གཅིག་བཀའ་འབུམ་དུ་བཤད། །སྒྲུབ་སྔགས་ཐད། ལྷ་མོ་ཡི་གེ་དྲུག་མ་བླ་མེད་ལུགས་ཀྱི་བསྙེན་སྔགས་ཡིག་བདུན་དང་། སྒྲུབ་སྔགས་དྷུ་མ་གྷ་ཡེ་ལ་མཛད་པ་སྟེ། ཡི་གེ་དྲུག་མ་བླ་མེད་ལུགས་ཀྱང་མང་པོ་ཡོད་ཆོག་ཀྱང་གཙོ་བོ་གཅིག་གསང་ཡེ་སྟེ། །གྲོལ་ཐིག་ཏུ། གསང་ཡེ་འདི་གོས་དཀར་མོར་ཡང་བཤད། དེ་ལྟར་བྱས་ན་སྒྲོལ་མ་བླ་མེད་ལུགས་ཀྱི་སྔགས་ཡིག་བཅུར་བྱས་པ་ལྟ་བུར་སྣང་། བསྙེན་སྔགས་གཙོ་བོ་ཡབ་ཡུམ་གྱི་ཐུན་མོང་དང་། སྒྲུབ་སྔགས་སོ་སོར་མཛད་པའོ། །བསྙེན་དུས་གཙོ་བོ་ཡབ་ཡུམ་གྱི་སྔགས་གཅིག་དྲིལ་དང་། སྒྲུབ་དུས་སོ་སོར་ཕྱེ་སྟེ་སྦྲེལ་བ་རེད་པས་ཡབ་ཡུམ་གྱི་སྐུ་དྲིལ་སྒྲུབ་ཏུ་མ་ཟད་གསུང་ཡང་དྲིལ་སྒྲུབ་ཏུ་འགྲོ་བའི་ཟབ་ཁྱད་སྣང་། ཡུམ་གྱི་སྒྲུབ་སྔགས་ལ་ཨོཾ་ལོགས་སུ་མེད་པ་ནི་སྒྲུབ་སྔགས་ཀྱི་ཐོག་མའི་ཨོཾ་དེ་ཡབ་ཡུམ་སྔགས་གཉིས་ཀའི་ཐུན་མོང་གི་མགོ་འདྲེན་དུ་མངོན་ཏེ། ཀློང་སྙིང་བདེ་རྒྱལ་ལས་ཚོགས་སུ་སྒྲོལ་མའི་ཡིག་བཅུ་ཚང་བར་མཛད་རྒྱུར་སྣང་ཡང་ཨོཾ་གཅིག་གིས་མཚོ་རྒྱལ་དང་སྒྲོལ་མ་གཉིས་ཆར་གྱི་མགོ་འདྲེན་གོ་ཆོད་མཛད་པ་ལྟ་བུ། མ་ི་བཀའ་འབུམ་གྱི་གསང་ཡེའི་སྔགས་ཀྱིས་དཔྱོད་ཚུལ་ཡང་ཡོད། ཆོས་དབྱིངས་ཀྱིས་མཐའ་ཀླས་པའི་སྣང་གྲགས་རིག་གསུམ་ཐམས་ཅད་འཕགས་པའི་གསང་གསུམ་སྒྱུ་འཕྲུལ་

― TN03_Page_0480 ―

^{[མ་དཔེ་གཟིགས་ན་འདིར་གནོན།]}

(༤༡༨)དྲྭ་བའི་འཁོར་ལོར་བལྟས་ནས་སྒོམ་པ་ནི། སྤྱན་རས་གཟིགས་ཀྱི་ཁྱད་པར་གྱི་རྣམ་ཐར་སྒྱུ་མ་ལྟ་བུའི་ཏིང་ངེ་འཛིན་ལ་སྔགས་ཀྱི་ཆོ་གའི་སྒོ་ནས་སློབ་ཚུལ་ངོ་མཚར་བ་ཡིན་ཅིང་། སྒྱུ་འཕྲུལ་དང་སྦྱར་ན། དག་པའི་སྣང་ཞེན་རྩལ་རྒྱས་ཆེད་བསམ་ཡས་ལྷུན་གྲུབ་ཀྱི་རྒྱ་སྤྲོས་སོགས་སྒོམ་པ་དང་གནད་འདྲའོ། །ཡུམ་གསང་ཡེ་ལྷ་མོ་ཡི་གེ་དྲུག་མ་ཡིན་ན་དེའི་སྔགས་ཀྱང་ཡིག་དྲུག་ཉིད་དུ་རིགས་ཀྱི། དྷུ་མ་གྷ་ཡེའི་སྔགས་ཟུར་དུ་སྟོན་མི་རིགས་སོ་ཞེ་ན། །གསང་ཡེ་ནི་འཕགས་མ་ཡི་གེ་དྲུག་མ་ཉིད་སྔགས་བླ་མེད་ཀྱི་དགོས་ལྷར་བསྟན་པ་ཡིན་ཅིང་། དེ་བཞིན་དུ་དྷུ་མ་གྷ་ཡེའི་སྔགས་ཀྱང་ཡིག་དྲུག་ཉིད་བླ་མེད་ཀྱི་ལྷན་ཅིག་སྐྱེས་མའི་དགོས་སྔགས་སུ་སྤྲུལ་པ་ཡིན་ཟེར་རམ་བརྟགས། ལས་སྦྱོར་སྐབས། ཡི་དྭགས་སུ་སྐྱེ་བའི་རྒྱུ་ལ་སེར་སྣ་གཙོ་ཆེ་ཡང་དེས་ཁྱབ་པ་ནི་གཏན་མིན་པས་འགྲོ་བ་དེར་སྨིན་རྒྱུའི་ལས་ཉོན་འབྲས་གསུམ་ཐམས་ཅད་འདིར་པྲ་ཡིག་ཏུ་དྲིལ་ནས་ནོར་བུའི་རིགས་ཀྱི་འོད་ཟེར་གྱིས་སྦྱོང་བ་ཡིན་ལ། །དེས་རྡོ་རྗེའི་རིགས་ཀྱིས་སྦྱང་བྱ་ལ་ཁོང་ཁྲོ་རྒྱུ་འབྲས་ཀྱིས་མ་ཁྱབ་པ་སོགས་ཀྱང་འགྲེ། དེ་ལ་ཨ་ནྲྀ་སོགས་ས་བོན་དྲུག་པོ་ནི་རླུང་སེམས་དང་བཅས་པའི་ཐིག་ལེའི་སྙིགས་མ་རིགས་དྲུག་སྟེ། ནྲྀ་ཡིག་ཏུ་འཇོག་རྒྱུའི་རླུང་སེམས་ཀྱི་ཐིག་ལེའི་སྟེང་ན་ཐོག་མེད་ནས་བརྒྱུད་པའི། མིའི་གནས་ལུས་

― TN03_Page_0481 ―

^{[མ་དཔེ་གཟིགས་ན་འདིར་གནོན།]}

(༤༡༩)ལོངས་སྤྱོད་སྤྱོད་ཚུལ་སོགས་མདོར་ན་མིའི་འགྲོ་བའི་ཕྱོགས་ཀྱི་ཐ་མལ་སྣང་ཞེན་གྱི་ནུས་པའི་ཆ་རྣམས་བརྟེན་ནས་གནས་པས། མིར་སྐྱེ་བའི་ལས་ཉོན་གྱི་ཆ་ཐམས་ཅད་དེའི་སྟེང་དུ་སོག་ཅིང་། ལས་ཉོན་དེ་དག་གིས་བསྐྱེད་པའི་ཕྱི་སྣོད་ཀྱི་རྒུད་པ་དང་། ནང་དུ་རྨོངས་དང་བརྗེད་ངས། ངག་ལྐུགས། དབང་པོ་ཉམས་པ། དབུལ་ཕོངས། ནད་མང་། གྲགས་ངན། འཁྲུགས་རྩོད་སོགས་འཇིགས་པ་དང་སྡུག་བསྔལ་ཐམས་ཅད་ཡི་གེ་དེ་ལས་མཆེད་པའི་སྣང་བ་ཡིན་ནོ། །དེས་གཞན་ལྔ་ཡང་ཤེས། དེའང་སྙིགས་མའི་རླུང་སེམས་དང་འགྲོགས་པའི་ཐིག་ལེ་རིགས་དྲུག་པ་དེ། ཡི་གེ་དྲུག་ཏུ་མོས་ནས་སྦྱོང་བ་ཡིན་ལ། ཡི་གེ་འདི་དྲུག་འགྲོ་བ་དྲུག་ལ་སྦྱོར་བའི་རྒྱུ་མཚན་ནི། །ངེས་ཚིག་གི་བཤད་པ་ལ་བརྟེན་པར་མངོན་ལ། འགྲོ་བ་གང་གི་ཡི་གེ་ཡིན་པ་དེ་འགྲོ་བ་དེའི་གནས་སྐབས་སྐྱེད་པའི་ཐིག་ལེའི་མཚན་མར་ཡང་འཐད་དོ། །མིའི་གནས་སྐབས་སྐྱེད་པའི་ཐིག་ལེ་མིའི་ངེས་ཚིག་དང་ལྡན་པའི་ཡི་གེའི་རྣམ་པར་བྱེད་པ་སོགས་སོ། །མཆན། འདི་དག་ཀློང་གསལ་སོགས་ལས་རྐང་མཐིལ་ལ་སོགས་པའི་གནས་དྲུག་ཏུ་སོ་སོར་བརྟེན་པར་བཤད་ཀྱང་། ཐམས་ཅད་ཀྱི་རྩ་བའི་གནས་མཐར་ཐུག་པ་ནི་སྙིང་ཀ་ཡིན་པར་སྒྱུ་འཕྲུལ་སྐོར་ལས་རྒྱས་པར་བཤད་དོ། །དེའི་ཕྱིར་འདི་དག་བཀྲུས་ན་འཁོར་བའི་སྣོད་བཅུད་ཀྱི་རྒུད་པ་མཐའ་དག་བཀྲུས་པར་འགྱུར་ཞིང་།

― TN03_Page_0482 ―

^{[མ་དཔེ་གཟིགས་ན་འདིར་གནོན།]}

(༤༢༠)དེ་དག་གི་བག་ཆགས་ནི་ཤེས་སྒྲིབ་ཡིན་པས་དེ་སྦྱང་ན་སྲིད་ཞིའི་རྒུད་པ་ཐམས་ཅད་སྦྱང་བར་ཡང་འགྲོ་སྟེ། རྟེན་འབྲེལ་སྒྲིགས་ཚུལ་ཙམ་བཤད་པར་ཟད་ཀྱི་ཤེས་སྒྲིབ་བསྐྱེད་བཟླས་ཙམ་གྱིས་ག་ལ་འདག་འབྱུང་འགྱུར་གྱི་དམྱལ་བའི་སྡུག་བསྔལ་སོགས་སྦྱོང་དམིགས་ལ་འབད་པ་ལྟར། །མ་འོངས་པ་ན་གསོག་འགྱུར་དང་བྱེད་འགྱུར་གྱི་ལས་སྒྲིབ་རྣམས། འབྱུང་འགྱུར་གྱི་ནད་སྨན་བཅུད་ཀྱིས་ལེན་གྱིས་བཀག་པ་བཞིན་དུ་རྒྱུན་གཅོད་པའི་ཕྲིན་ལས་ཀྱང་གལ་ཆེ་མོད། བསགས་ཟིན་སྦྱོང་བ་རྐྱང་ལས་མ་གོ་བ་མང་། དེ་ལྟར་ན་ལས་སྦྱོར་འདི་ནི་ཆོས་ཀྱི་དབྱིངས་ཀྱིས་གར་ཁྱབ་ཀྱི་འཇིག་རྟེན་མཐའ་དག་རང་གི་གདུལ་ཞིང་དུ་བྱིན་གྱིས་རློབ་པའི་མན་ངག་ཁྱད་པར་ཅན་ཡིན་པས་ཐད་ཀར་ཝ་ཤཾ་ཀུ་རུ་ཞེས་མ་བཟླས་ཀྱང་ཁམས་གསུམ་གྱི་དབང་ཕྱུག་སྒྲུབ་པའི་ལས་སྦྱོར་ཆེན་པོ་སྟེ། ཚན་ཆེ་ལ་བཀྲ་ཤིས་པ། དབང་སྡུད་སྟོང་གི་ནང་ན་རི་རབ་བཞིན་དུ་འཕགས་པ་ཡིན་ནོ། །ཡོ་གར་རྗེ་བཙུན་འདིས་དམིགས་མེད་ཀྱི་བརྩེ་བའི་སྒོ་ནས་ཁམས་གསུམ་གྱི་དབང་པོ་བརྙེས་པར་གསུངས་པ་དེ་གཞུང་འདིར་ཕྱག་ལེན་ལ་བཏབ་འདུག་གོ མ་ིའི་སྔགས་དོན་སྟོང་ཉིད་རྟོགས་པའི་ཤེས་རབ་དང་སྙིང་རྗེ་ཟུང་འབྲེལ་གྱི་སྒོ་ནས་བཤད་པ་དང་། ཡིག་དྲུག་ཕྱིན་དྲུག་དང་སྔགས་ཀྱི་ལྷའི་རིགས་དྲུག་ལ་

― TN03_Page_0483 ―

^{[མ་དཔེ་གཟིགས་ན་འདིར་གནོན།]}

(༤༢༡)སྦྱར་བ་ལྟར་སྔགས་དེ་ལམ་འབྲས་ཀྱི་ཆོས་དེ་དག་གི་རང་བཞིན་དུ་ང་རྒྱལ་བརྟན་པོ་བཞག་སྟེ་སྔགས་དེའི་འོད་ཟེར་རིགས་སོ་སོའི་ཚུལ་ཁྲིམས་བཟང་པོའི་ཡིག་དྲུག་སྒྲུབ་ཐབས་ལྟར། ཁ་དོག་དང་བྱེད་ལས་ཅན་གྱིས་གཞན་དོན་དེ་ལྟར་བྱེད་པའི་རྣལ་འབྱོར་ལ་སྦྱང་ན་རང་ཉིད་བྱང་ཆུབ་ཀྱི་བར་དུ་སྟོང་ཉིད་སྙིང་རྗེའི་ཐབས་ཤེས་ཟུང་འཇུག་གམ། ཕྱིན་དྲུག་གི་ཆོས་ཀྱི་འོད་ཟེར་གྱི་སྣང་བ་སྟུག་པོས་ཞིང་རབ་འབྱམས་ཀྱི་འགྲོ་བའི་རྒུད་པ་མཐའ་དག་འཕྲོགས་ནུས་ཀྱི་དཔའ་བོ་ཆེན་པོར་སྒྲུབ་པ་དང་། འདི་ནི་ཐུབ་བསྟན་སྒོ་ཐམས་ཅད་ནས་རྒྱས་པར་བྱེད་པའི་དབང་ཕྱུག་གི་མཐུ་སྒྲུབ་བྱེད་དུ་འགྲོ་ལུགས་སོ། །རང་ཉིད་ལ་བརྟེན་ནས་འཁོར་ལོ་དང་རྡོ་རྗེ་དང་རིན་པོ་ཆེ་སོགས་རིགས་དྲུག་གི་རྣམ་པར་ཐར་པའི་སྒོ་ཐམས་ཅད་ནས་དེ་བཞིན་གཤེགས་པ་རྣམས་ཀྱི་འགྲོ་འདུལ་གྱི་ཕྲིན་ལས་དུས་ཀུན་ཏུ་རྟག་པ་དང་ཕྱོགས་ཀུན་ཏུ་ཁྱབ་པ་དང་། འབད་མེད་ལྷུན་གྲུབ་ཏུ་རྒྱས་པར་འགྱུར་བའི་ཐབས་དམ་པར་ཡང་འགྲོ་བས་མཁས་པ་སྒྲུབ་བྱེད་དང་། མངོན་ཤེས་ཀྱི་མཐུ་ཅན་དང་། །ཚུལ་ཁྲིམས་དག་པ་དང་། དཔལ་འབྱོར་མི་ཟད་པ་སོགས་པདྨའི་རིགས་སམ་དམ་པའི་ཆོས་ཀྱི་རིགས་ཀྱི་ཕྲིན་ལས་ཀྱིས་འགྲོ་བ་ཐམས་ཅད་རྣམ་པར་དག་པར་ལྟ་བའི་བསམ་གཏན་ལ་གནས་པ་ནི་དམ་པའི་ཆོས་འཛིན་པའི་རྣམ་པར་ཐར་པ་སྒྲུབ་ཚུལ་

― TN03_Page_0484 ―

^{[མ་དཔེ་གཟིགས་ན་འདིར་གནོན།]}

(༤༢༢)རྨད་དུ་བྱུང་བའོ། །སྒྲུབ་ཐབས་ཀྱི་མན་ངག་ཅི་ཡང་ཟུར་དུ་བཙལ་མི་དགོས་སོ། །རྒྱུ་དང་མི་རྒྱུའི་འཇིག་རྟེན་མ་ལུས་པ་སྙིང་རྗེ་ཆེན་པོའི་ཡེ་ཤེས་སྒྱུ་མའི་རིག་སྔགས་ཀྱིས་ཤིན་ཏུ་རྣམ་དག་གི་གཟུགས་སུ་སྤྲུལ་པར་བྱེད་པའི་བསམ་གཏན་ཡིན་པའི་ཕྱིར་སྒྱུ་མ་ལྟ་བུའི་ཏིང་ངེ་འཛིན་ལ་ལྷག་པར་རྩལ་སྦྱང་བར་ཡང་འགྱུར་ལ། །དེར་མ་ཟད་རང་ཉིད་གང་དུ་འཚང་རྒྱ་བའི་ཞིང་སྦྱོང་བ་སོགས་རྫོགས་སྨིན་སྦྱང་གསུམ་གྱི་གནད་བསྡུས་པའི་མན་ངག་ཀྱང་ཡིན་ཏེ། ཉི་མ་མཁའ་ཁྱབ། ཆུ་བོ་དབྱིངས་ཁྱབ། གཡོས་ཁང་ཟས་སྦྱོར་ལ་སོགས་པ་འགྲོ་འདུལ་གྱི་ལས་ཚོགས་གཞན་མང་པོའི་གནད་ཀྱང་འདི་ལ་མ་ཚང་བ་མེད་དོ། །རྒྱལ་བའི་ཡུམ་སོགས་ལས་བྱང་སེམས་ཀྱི་འཁོར་བསྡུ་བ། ལྷའི་འཁོར་གྱི་དྲེགས་པ་འདུལ་བ། ངན་འགྲོ་སྦྱོང་བ་སོགས་ཐུབ་པས་མཛད་པ་ཕལ་ཆེར་འོད་ཟེར་གྱིས་སྒྲུབ་པར་གསུངས་པ་དང་། འོད་ཟེར་ཀུན་ཏུ་བཀྱེ་བ་བསྟན་པ་དང་། དཀོན་མཆོག་ཏ་ལ་ལས་འོད་ཟེར་གྱི་རབ་དབྱེ་དང་རྒྱུ་དང་བྱ་བའི་ཁྱད་པར་རྒྱ་ཆེར་བསྟན་པ་དང་། སྔགས་ཀྱི་དག་པ་བཞི་ལམ་བྱེད་ཀྱི་ཐད་ན། འོད་ཟེར་གྱིས་རེག་པ་ཙམ་གྱིས་སེམས་ཅན་གྲངས་མེད་པ་རྡོ་རྗེ་སེམས་དཔའི་གོ་འཕང་ལ་འགོད་པ་ལ་སོགས་པའི་མཛད་པ་དང་། ཞེས་པ་སོགས་ཀྱིས་འོད་ཟེར་སྤྲོ་བསྡུའི་དམིགས་རིམ་ལ་ངེས་པ་དྲང་བར་བྱའོ། །

― TN03_Page_0485 ―

^{[མ་དཔེ་གཟིགས་ན་འདིར་གནོན།]}

(༤༢༣)འཇིག་རྟེན་དུ་ནད་དང་། གདོན་དང་། ལྟས་ངན་དང་དབུལ་ཕོངས་དང་། འཐབ་རྩོད་དང་། འབྱུང་བཞིའི་འཇིགས་པ་སོགས་འཇིགས་པ་དང་སྡུག་བསྔལ་ཐམས་ཅད་ཞི་ནས། བདེ་སྐྱིད་བཀྲ་ཤིས་ཀྱི་དཔལ་འཕེལ་ཞིང་རྒྱས་པའི་ལས་སྦྱོར་ལའང་འདི་ལས་ཟབ་པ་མེད་དེ། །རྒྱལ་པོ་འོད་ཆེན་པོའི་རྣམ་ཐར་བཞིན་ནོ། །ལས་སྦྱོར་འདི་ཚང་མ་སྔགས་ཤམ་མེད་པར་ཡིག་དྲུག་རང་རྐྱང་བཟླས་ནས་སྒྲུབ་ལུགས་ཀྱང་། གྲུབ་དབང་ཚུལ་ཁྲིམས་བཟང་པོའི་ལུགས་དང་། ཐུགས་སྒྲུབ་བར་ཆད་ཀུན་སེལ་སོགས་ན་ཡོད་དོ། །རྟགས་མཐོང་འགྱུར༔ ཞེས་པའི་རྟགས་ནི་ཐུགས་སྒྲུབ་ཏུ། དངོས་ཉམས་འཕགས་པའི་ཞལ་མཐོང་ཞིང༔ གཞན་ཕན་སྙིང་རྗེ་རྩོལ་མེད་སྐྱེ༔ རྨི་ལམ་རྣག་ཁྲག་མི་གཙང་འབབ༔ ཁྲུས་བྱས་གོས་དཀར་གྱོན་པ་དང༔ མཁའ་ལ་འཕུར་དང་ཆུ་སྟེང་བགྲོད༔ ཉམ་ངའི་གནས་ལས་འགྲོ་མང་བསྒྲལ༔ དེ་སོགས་དགེ་བའི་མཚན་མ་རྣམས༔ སྒྲིབ་དག་གཞན་ཕན་ལྟས་སུ་ཤེས༔ ཞེས་སོགས་སྒྲས། གངས་རི་མཐོང་ཞིང་དེར་འཛེགས་པ། ཉི་ཟླ་ཤར་བ། རོལ་མོ་འཁྲོལ་བ། ཤེལ་ཕྲེང་དང་མེ་ཏོག་དཀར་པོ་རྙེད་པ་སོགས་གཞན་ལས་མང་དུ་གསུངས་པ་རྣམས་སོ། །གཞན་ཕན་གྱི་ཕྲིན་ལས་འབྱུང་བའི་རྒྱུ་ཐུན་མིན་ནས་ཀྱི་ས་བོན་ལྟ་བུ་ནི། གཞན་ཕན་གྱི་བསམ་པ་ཉིད་ཡིན་ཏེ། །བསམ་པ་དེ་མཐུ་ཇི་ལྟར་ལྷག་པ་དེ་ལྟར་འབྲས་བུ་གཞན་དོན་ཡང་ལྷག་པར་འགྱུར་རོ། །

― TN03_Page_0486 ―

^{[མ་དཔེ་གཟིགས་ན་འདིར་གནོན།]}

(༤༢༤)དེའང་ཐེག་ཆེན་ནས་གསུངས་པ་ལྟ་བུའི་གཞན་ཕན་ཐུག་མེད་འགྲུབ་པ་ལ་ནི་བསམ་པ་དེའི་མཐུན་ཕྱོགས་རེ་སྐྱེས་པས་མི་ཆོག་གི །རྣམ་པ་ཐམས་ཅད་ནས་རྒྱས་དགོས་ལ། དེ་ལྟར་རྒྱས་བྱེད་དུ་སྦྱིན་སོགས་སྤྱོད་པ་ཐུག་མེད་ལ་སློབ་པ་ཡིན་པས་སྤྱོད་པ་དེ་དག་ནི་བསམ་པ་དེའི་གྲོགས་སམ་དཔུང་ངོ། །བསམ་པ་དེ་ཕུལ་དུ་དབྱུང་དུ་མེད་པར་མཐར་ཕྱིན་པ་དེ་བཞིན་གཤེགས་པ་རྣམས་ཀྱི་རྒྱུད་ལ་གྲུབ་ཟིན་པ་རྣམས་ལྷ་གཅིག་གི་རྣམ་པར་བསྡུས་པ་ནི་རྗེ་བཙུན་འདི་ཡིན་པས། དེའི་སྔགས་ཀྱི་ཟླ་ཟེར་རང་རྒྱུད་ལ་གདོད་ནས་བཞུགས་པའི་སྤྱན་རས་གཟིགས་ཀྱི་ཆུ་ཤེལ་ལ་བཅུག་ནས་སྒྲུབ་ལུགས་འདིས་ནི་འགྲོ་འདུལ་ཕྲིན་ལས་ཀྱི་དངོས་གྲུབ་ཡས་བབ་ཐོག་རྒྱགས་ལྟ་བུའི་ཚུལ་དུ་འཐོབ་པར་ནུས་སོ། །དེ་བཞིན་དུ་ཡིག་དྲུག་ཕྱིན་དྲུག་དང་སྦྱོར་སྐབས་ཀྱང་། ལྷ་སྔགས་ཀྱི་མཐུས་ཕྱིན་དྲུག་གི་རྟོགས་པ་སྩོལ་བར་མ་ཟད། ཕྱིན་དྲུག་གི་འབྲས་བུའི་ཡོན་ཏན་ལོངས་སྤྱོད་དང་ལུས་འཁོར་རྩོམ་པ་ཕུན་ཚོགས་སོགས་འཕྲལ་ལ་ཐོད་རྒལ་དུ་སྟེར་བར་ཡང་འགྱུར་ཏེ། འདི་ལྟར་དོན་ཆེན་པོ་དེ་དག་འོ་སྐོལ་རང་གི་མཐུས་སྒྲུབ་པ་དང་། དེ་བཞིན་གཤེགས་པས་ཐོག་མ་མེད་པ་ནས་བསྒྲུབས་ཟིན་པའི་སྙིང་རྗེ་དང་ཕྱིན་དྲུག་རིག་སྔགས་ཀྱི་རྣམ་པར་ཤར་བ་ལ་བརྟེན་ནས་སྒྲུབ་པ་གཉིས་ནི་ཚུལ་ལམ་ལུགས་མི་གཅིག་སྟེ།

― TN03_Page_0487 ―

^{[མ་དཔེ་གཟིགས་ན་འདིར་གནོན།]}

(༤༢༥)རིག་སྔགས་འདི་གྲུབ་པ་ནི་བདེ་བ་ཅན་དུ་སྐྱེས་པ་དང་འདྲ། དེའི་ཚེ་དེ་འདྲ་བའི་དངོས་གྲུབ་མང་པོ་ལ་མྱུར་བ་དེར་དབང་སྒྱུར་ནུས་པ་ནི་ཞིང་དེར་སངས་རྒྱས་བྱང་སེམས་ཀྱི་འབྱོར་པ་བསམ་མི་ཁྱབ་ལ་ཅི་དགར་སྤྱོད་དུ་ཡོད་པ་དང་འདྲ། རིག་སྔགས་ལ་མ་བརྟེན་ན་གྲུབ་པ་དེ་དག་ཚེ་རབས་མང་པོས་ཀྱང་འཐོབ་ཏུ་མེད་པ་ནི་ཞིང་དེའི་ལོངས་སྤྱོད་དེ་དག་གདུལ་བྱའི་དགེ་རྩའི་རང་སྟོབས་ཀྱིས་སྒྲུབ་དགོས་ན་ཤིང་ལོ་གཅིག་ཀྱང་བསྐལ་པ་དུ་མར་ཡང་འགྲུབ་མི་ནུས་པ་དང་འདྲ་བས་སོ། །འོན་ཀྱང་ཕར་ཕྱིན་གཅིག་གི་བྱ་བ་ལའང་ལྷག་མ་རྣམས་ཀྱིས་ཕན་འདོགས་པས་རྩོམ་པ་ཕུན་ཚོགས་ཙམ་སྒྲུབ་ཀྱང་ཡི་གེ་དྲུག་ཀ་ཚང་བ་ཚན་ཆེའི། །བརྩོན་འགྲུས་ཀྱི་ཡི་གེ་རྐྱང་པས་ནི་མིན་ནོ། །མདོ་ལས་ཡིག་དྲུག་འདི་ལྷ་མོ་ཡེ་གེ་དྲུག་མའི་སྲུང་བར་བཤད་ཅིང་། འདིའི་དེ་ཉིད་ཕར་ཕྱིན་དྲུག་གི་རེ་རེར་ཡང་དྲུག་དྲུག་ཚང་བར་བསྡུས་ནས་སྒྲུབ་པ་ལ་གོ་ཆའི་སྒྲུབ་པ་ཞེས་མི་མཐུན་ཕྱོགས་ཀྱིས་མི་བརྫི་བས་རྒྱལ་སྲས་རྣམས་ཀྱི་གོ་ཆ་ཡིན་པར་གསུངས་ཏེ། དེ་ལྟར་བཟླས་ན་འཇིགས་པ་མཐའ་དག་སྲུང་བའི་སྔགས་ཀྱི་དམ་པར་ཡང་། སྔགས་འདིས་ལོངས་སྤྱོད་དང་ཤེས་རབ་དང་སྲུང་བ་སོགས་གང་སྒྲུབ་ཀྱང་དོན་དེ་དང་དེའི་ཆེད་དུ་འདུན་སྟོབས་དང་བསམ་གཏན་གྱིས་ལྡེ་ཁ་

― TN03_Page_0488 ―

^{[མ་དཔེ་གཟིགས་ན་འདིར་གནོན།]}

(༤༢༦)སྒྱུར་བ་ནི་ངེས་པར་དགོས་སོ། །ནོར་བུ་ཆུ་ཤེལ་ཚོན་གང་ལ་ཉེ་བ་དེའི་ཁ་དོག་ཏུ་སྣང་བ་བཞིན་ནོ། །ལས་ཚོགས་རབ་འབྱམས་གཞན་ཡང་སྒྲུབ་ལུགས་ནི། ཉང་གི་འགྲོ་འདུལ་སོགས་ལས་ཤིན་ཏུ་མང་བ་བཤད་ཀྱང་འདིར་བླ་མ་ཞི་བ་ལྟར་ལས་བཞིར་དྲིལ་ན། །རྒྱལ་པོ་བཀའ་འབུམ་དུ་ཡིག་དྲུག་རྐྱང་པ་དེ་དམིགས་མེད་དབང་གིས་ལས་སོ་སོར་བྱེད་པར་གསུངས་པ་ལྟར་རམ། ཉང་གི་འགྲོ་འདུལ་ལས་སོ་སོའི་ཤམ་སྔགས་སྦྲེལ་བར་གསུངས་པ་ལྟར་ན་བླ་མ་ཞི་བ་ལྟར་སྦྱོར། གང་ལྟར་ཡང་ཏིང་ངེ་འཛིན་གལ་ཆེ་བས། དེ་ལ་རྒྱལ་པོ་བཀའ་འབུམ་སོགས་སུ་ལྷའི་སྐུ་མདོག་ཀྱང་ལས་ཀྱི་ཁ་དོག་ཏུ་སྒྱུར་བར་བཤད་ཀྱང་། དེ་མ་བསྒྱུར་བར་འོད་ཟེར་ལས་མདོག་ཅན་གྱིས་ཕྲིན་ལས་སོ་སོར་མཛད་པར་བལྟས་པས་ཀྱང་འགྲུབ་པར་པདྨ་ཞི་ཁྲོར་བཤད་པ་བཞིན་བྱ། །གལ་ཏེ་ལས་བཞིའི་ཆོ་ག་དེ་ལས་རྒྱས་པ་ལ་དགའ་ན། པདྨ་ཞི་ཁྲོའི་སཙྪ་དང་ཆུ་ལ་བརྟེན་པ་སོགས་སྦྱར་ན་ལེགས་པར་མཐོང་ངོ། །སྲུང་འཁོར་འབྲིན་རྒྱལ་པོ་བཀའ་འབུམ་ལྟར་དང་། ཚེ་སྒྲུབ་བྱེད་ན་བླ་མ་ཞི་བ་ནས་བླང་། མཆན། གཏེར་གསར་གྱི་གཞུང་ལ་ལར། མི་ཟབ་པའི་བསྐྱེད་རིམ་གྱི་འོག་ཏུ་ལུས་དཀྱིལ་ལམ་ཟབ་པའི་བསྐྱེད་རིམ་སྒོམ་པར་བཤད་ཀྱང་། འདིར་མ་གསུངས་ཏེ། ལར་འདིའི་ལྷ་བསྐྱེད་ལྟར་རྟེན་དང་བརྟེན་པའི་འཁོར་ལོ་ཐམས་ཅད་ཕུང་ཁམས་དག་པའི་བདེ་ཆེན་ཡེ་ཤེས་

― TN03_Page_0489 ―

^{[མ་དཔེ་གཟིགས་ན་འདིར་གནོན།]}

(༤༢༧)ཀྱི་དག་ལྡོག་སོ་སོའི་སྟེང་ནས་སྒོམ་པ་འདི་ལ་རྩལ་འབྱོང་བར་བྱས་ཀྱང་ཕུང་ཁམས་འོད་གསལ་དུ་དེང་པའི་རྫོགས་རིམ་གྱི་སྨིན་བྱེད་དུ་ལུས་དཀྱིལ་སྒོམ་པའི་གོ་ཆོད་པ་ཞིག་ཡོད་འདྲ་སྟེ། དུས་འཁོར་བཞིན་ནོ། །དེར་མ་ཟད་འདིའི་རྩ་གཞུང་བླ་མ་ཞི་བར། ཕུང་པོ་ཁམས་དང་སྐྱེ་མཆེད་ཀུན༔ གདན་གསུམ་སྒྱུ་འཕྲུལ་ཞི་ཁྲོ་ཡི༔ ཞེས་སོགས་ལྟར་ཕུང་ཁམས་ཐམས་ཅད་ལ་སྒྱུ་འཕྲུལ་ཞི་ཁྲོའི་ལྷ་རྣམས་གཟུགས་སོགས་ནང་གི་ཆོས་དེ་དང་དེར་ཤར་བའི་སྣང་ཞེན་འཇོག་པའང་གལ་ཆེའོ། །སྣང་ཞེན་འཇོག་པའི་གཞི་ལ། རགས་པ་ཕུང་སོགས་དང་། །ཕྲ་བ་རྩ་ཁམས་ཀྱི་ཁྱད་ཡོད་པ་མ་གཏོགས་པ། ཡུམ་ཀ་ལའང་ཚུལ་འདི་འདྲའོ། ༈ །བྱ་བ་སྤྱིའི་རྒྱུད་དཔུང་བཟང་དང་ལེགས་གྲུབ་གསང་བ་སྤྱི་རྒྱུད། བྱེ་བྲག་གི་རྒྱུད་དོན་ཞགས་ཆོ་ག་ཞི་བ་མོ་དང་ཕྱག་སྟོང་སྤྱན་སྟོང་གི་གཟུངས་མདོ་སོགས། སྤྱོད་རྒྱུད་རྣམ་སྣང་མངོན་བྱང་། ཡོ་ག་དེ་ཉིད་བསྡུས་པ་དང་དཔལ་མཆོག །བླ་མེད་གསང་འདུས་དང་བདེ་མཆོག་མངོན་བརྗོད་བླ་མ་དུས་འཁོར་སོགས་ཀུན་ཏུ་གསུངས་པས་འདི་ནི་རྒྱུད་སྡེ་བཞི་ཀའི་ལྷ་ཡིན། ༈ འདི་དེ་ཁོ་ན་ཉིད་ལ་བློ་རྒྱས་པར་བྱེད་པའི་བློ་འཕེལ་གྱི་ལྷར་བསྔགས་ཏེ། དེ་ཉིད་སྣང་བ་དང་དཔལ་མཆོག་འགྲེལ་པར། སེམས་ཅན་གཏི་མུག་

― TN03_Page_0490 ―

^{[མ་དཔེ་གཟིགས་ན་འདིར་གནོན།]}

(༤༢༨)ཤས་ཆེ་བ་རྣམས་སྦྱོང་བྱེད་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་ངོ་བོ་ཉིད་འགྲོ་འདུལ་པདྨའི་རིགས་སྤྲུལ་པར་གསུངས་པ་དང་། རང་བཞིན་དག་པའི་ཆོས་ལ་སོར་རྟོག་ཡེ་ཤེས་ཀྱི་སྤྱན་གྱིས་གཟིགས་པའི་ཆ་ནས་སྤྱན་རས་གཟིགས་སུ་བརྗོད་ཚུལ་དང་། སྒྱུ་མ་ལྟ་བུའི་ཏིང་ངེ་འཛིན་གྱི་མདོ་དང་དོན་ཞགས་སོགས་མང་པོར་སྒྱུ་མ་ལྟ་བུའི་ཏིང་ངེ་འཛིན་གྱི་སྟེང་ནས་སྒོས་ཀྱི་ཆེ་བ་བསྟན་པ་སོགས། ༈ གསུངས་རབས་ཀྱི་མཛོད་ཐམས་ཅད་ཀྱི་བདག་པོར་སྒྲུབ་པའི་ལྷར་བསྔགས་པའང་། །རྣམ་སྣང་མངོན་བྱང་དང་ཡོ་ག་དང་བླ་མེད་རྒྱུད་ཀུན་ཏུ་འདི་སོར་རྟོག་ཡེ་ཤེས་ཀྱི་ལྷ་མཐར་ཐུག་ཏུ་བཤད་ཅིང་། །ཡེ་ཤེས་དེ་སྔོན་ཆོས་བསྟན་པའི་རྒྱུ་ལས་བྱུང་ཞིང་། ཆོས་ཀྱི་ལོངས་སྤྱོད་རྒྱས་པའི་བྱེད་ལས་ཅན་ཡིན་ཚུལ་མདོ་རྒྱན་ལས་དང་། དེ་ཉིད་བསྡུས་པར། འདི་ཉིད་དང་པོར་རྒྱལ་བ་ཐམས་ཅད་ཀྱི་དམ་པའི་ཆོས་ཀྱི་འོད་ཟེར་ལས་སྤྲུལ་ཚུལ་དང་སངས་རྒྱས་རྣམས་ཀྱིས་པདྨ་བྱིན་ནས་བཛྲ་དྷརྨ་ཞེས་མིང་གིས་དབང་བསྐུར་ཚུལ། །སངས་རྒྱས་གསང་བ་དང་ཤཱཀྱ་མི་ཏྲས། མདོ་སྡེ་བཤད་པའི་མཐུ་རྙེད་པའི་ཕྱིར། །ཞེས་སོགས་དུ་མ། གསང་འདུས་སོགས་ལས་འདི་ཉིད་རྡོ་རྗེ་སེམས་དཔའི་ལྗགས་ལྷའི་རྣམ་པར་ཤར་བར་གསུངས་ཏེ། ལྗགས་ནི་གསུང་རབ་ཆོས་ཕུང་ཐམས་ཅད་ཀྱི་བདག་པོ་ཡིན་ཚུལ་བསྔགས་འོས་བསྔགས་བསྟོད་ཀྱི་བཅུ་གཅིག་པ་

― TN03_Page_0491 ―

^{[མ་དཔེ་གཟིགས་ན་འདིར་གནོན།]}

(༤༢༩)ལྟར། འདིའི་རིགས་ཀྱི་དམ་ཚིག་ཏུའང་། དམ་པའི་ཆོས་ནི་མ་ལུས་བཟུང་། །ཞེས་འབྱུང་། ༈ གཟུངས་ཀྱི་སྒོ་ཚད་མེད་པ་སྒྲུབ་པར་ཡང་བསྔགས་ཏེ། མདོ་རྒྱན་ལས་སོར་རྟོག་ཡེ་ཤེས་ལ་དག་གཟུངས་རྣམས་ཀྱི། གཏེར་དང་འདྲ་བ། ཞེས་དང་། ཏིང་ངེ་འཛིན་གྱི་གཟུངས་ཁོ་ན་གཟུངས་ཆེན་པོར་འཇོག་པ་དང་ཆོས་རྒྱུན་གྱི་ཏིང་ངེ་འཛིན་གྱིས་ཆོས་འཛིན་པ་སོགས་རྗེ་བཙུན་འདི་ཏིང་ངེ་འཛིན་གྱི་ལྷར་བསྔགས་ཚུལ་འཆད་འགྱུར་དང་སྒྲིགས་ལ་སོམས། ༈ །སྒྲ་རིག་དང་དེའི་འཁོར་སྙན་ངག་སོགས་ལ་མཁས་པ་དང་། རྩོད་པ་སྨྲ་བའི་ཁྱུ་མཆོག་སོགས་སྒྲུབ་པར་ཡང་བསྔགས་ཏེ། ཐེག་བསྡུས་དབང་འབྱོར་ལྔའི་ཐད། འདུ་ཤེས་གྱུར་བས་སྨྲ་བ་ལ་དབང་འབྱོར་བར་གསུངས་ཤིང་འདི་འདུ་ཤེས་དག་པའི་རིགས་ཀྱི་འཁོར་སྒྱུར་དུ་བཤད་པ། འདུས་པའི་ངག་བྱིན་རླབས་སྐབས་སོ་རིག་བཞི་གསུང་རྡོ་རྗེར་སྦྱར་བ། དབྱངས་ཅན་མའི་བྱུང་བ། ཡོ་གར་རྡོ་རྗེ་གླུ་མའི་ཐད། འདི་དེ་བཞིན་གཤེགས་པའི་རྡོ་རྗེའི་ལྗགས་ཀྱི་ལྷར་བསྟན་པ་སོགས་ཀྱིས་སོ། ༈ །བསྟན་པ་དང་འགྲོ་བ་ལ་རྒྱ་ཆེར་ཕན་འདོགས་པའི་མཐུ་ནི་མངོན་ཤེས་ལ་ལྟོས་ཤིང་། དེ་སྦྱིན་པར་ཡང་བསྔགས་ཏེ། ཀོ་ས་ལའི་རྒྱན་ལས་རྡོ་རྗེ་ཆོས་དང་རྣོན་པོ་གཉིས་ཀྱི་གོ་རིམ་སྐབས། འདི་ཏིང་ངེ་འཛིན་གྱི་ལྷར་ཁྱད་པར་དུ་བསྟན་པ་དང་། ཨ་བ་ཏ་རར་མངོན་

― TN03_Page_0492 ―

^{[མ་དཔེ་གཟིགས་ན་འདིར་གནོན།]}

(༤༣༠)ཤེས་ཀྱི་དངོས་གྲུབ་འཇིག་རྟེན་དབང་པོའི་ཏིང་ངེ་འཛིན་གྱིས་སྒྲུབ་པར་བཤད་པ། མདོ་རྒྱན་ལས་ཏིང་ངེ་འཛིན་གྱི་སྒོ་བསམ་མི་ཁྱབ་རྣམས་སོར་རྟོག་ཡེ་ཤེས་ལ་སྦྱར་བ། སྒྱུ་མ་ལྟ་བུའི་ཏིང་འཛིན་གྱིས་བསྔགས་ཚུལ་གོང་བཞིན་དང་། ཟ་མ་ཏོག་ལས་ཀུན་ཏུ་བཟང་པོ་དང་ཏིང་འཛིན་གྱི་རྩལ་འགྲན་ཚུལ་སོགས་རྒྱ་ཆེར་གསུངས་པའི་རིགས་པས་སོ། ༈ །ས་གསུམ་གྱི་འགྲོ་བ་དབང་དུ་བྱེད་པར་ཡང་བསྔགས་ཏེ། རྡོ་རྗེ་སྙིང་པོ་རྒྱན་དུ། འཇིག་རྟེན་གསུམ་གྱི་རྒྱལ་སྲིད་ནི། །སོགས་དང་། བཤེས་སྤྲིང་དུ། འཇིག་རྟེན་ཀུན་གྱི་རྣལ་འབྱོར་དབང་མཛད་ནས། །ཞེས་པ་རྩ་འགྲེལ་དང་། ཡོ་གའི་མཁས་པ་གསུམ་གྱིས། པདྨའི་དེ་ཉིད་ལ་གཟིགས་པས་ཁམས་གསུམ་གྱི་དབང་པོ་བརྙེས་ཚུལ་རྒྱས་པར་བཤད་པས་སོ། ༈ འདི་ཉིད་རང་ལས་ནི། འབྲེལ་ཚད་དོན་ལྡན་གྱི་ཕྲིན་ལས་སྒྲུབ་པར་བསྔགས་ཏེ། སྡོང་པོ་བཀོད་པར། སེམས་བསྐྱེད་གདུལ་བྱ་འདྲེན་པས་ཆུ་ལྷའི་ཞགས་པ་ལྟ་བུར་གསུངས་པ་དང་། །ལྷག་པར་སྡོང་པོ་བཀོད་པར། རི་རབ་ཀྱི་དཔེ་དང་། རྩི་ཐམས་ཅད་བསྡུས་པའི་དཔེས་གསུངས་པ་གཉིས་འབྱོར། ཀུན་ཏུ་བཟང་པོའི་སྨོན་ལམ་ཐམས་ཅད་ཀྱི་སྡོམ་སེམས་བསྐྱེད་དུ་བཤད་པ་སོགས་མཐའ་ཡས་ཤིང་། འདི་སེམས་བསྐྱེད་ཀྱི་ལྷར་བཀའ་གདམས་གླེགས་བམ་སོགས་ལས་བཤད་པ་དང་། ནོར་བཟང་རྣམ་ཐར་ལས་འབྲེལ་

― TN03_Page_0493 ―

^{[མ་དཔེ་གཟིགས་ན་འདིར་གནོན།]}

(༤༣༡)ཚད་སྨིན་པར་མཛད་ཚུལ་གསུངས་པ། ཀྲི་ཡོག་སྡེ་གསུམ་ཀུན་ཏུ་པདྨའི་དེ་ཉིད་སྙིང་རྗེར་བཤད་པ། ཡོ་གར་འདིའི་མཚན་འགྲོ་བ་འདུལ་བ་ཞེས་བཤད་པ། རྣམ་སྣང་སྙིང་རྗེའི་ཉམས་ཀྱིས་འདུལ་བའི་སེམས་ཅན་ལ་འགྲོ་འདུལ་དུ་བསྟན་པ་སོགས་མཐའ་ཡས། ༈ །བར་དོའི་འཕྲང་དང་མའི་མངལ། །སྙིགས་མ་ལྔ་བདོ་བའི་ཡུལ་དུས་སོགས་སུ་ཡང་དེ་དག་གི་ཉེས་པས་མ་གོས་ཤིང་། དེར་མ་ཟད་དེ་དག་དགེ་ཆོས་ཀྱི་གྲོགས་སུ་འགྱུར་བར་རློབ་པའི་ལྷར་ཁྱད་པར་དུ་བསྔགས་ཏེ། དཔལ་མཆོག་དང་པོར་འདིའི་རྣལ་འབྱོར་འཆང་བ་ལ། ཉོན་མོངས་པ་ཐམས་ཅད་ཀྱི་ནང་ན་འདུག་ཀྱང་པདྨ་ལྟ་བུར་སོགས་གསུངས། འདི་ནི་ཇི་ལྟར་པདྨ་དམར་པོ་འདི། སོགས་པདྨའི་དེ་ཉིད་ལས་ཤེས་དགོས་ཏེ། ཡོ་ག་ན་ཤིན་ཏུ་རྒྱས་ཤིང་། རྣམ་སྣང་མངོན་བྱང་འགྲེལ་པར་ཡང་ཡོད། དཔལ་མོའི་བསྟོད་པ་དང་། སྲོང་བཙན་བཀའ་འབུམ་སོགས་ཀུན་ཏུ་པད་དཀར་མི་གོས་པའི་དེ་ཉིད་དང་སྦྱར་ཡོད། ༈ །འཇིགས་པ་ཐམས་ཅད་མི་འབྱུང་ལ། །གཞན་འཇིགས་པ་ལས་སྐྱོབ་པའི་མཐུ་སྟེར་བར་ཡང་བསྔགས་ཏེ། དམ་ཆོས་པད་དཀར་དང་། ནོར་བཟང་རྣམ་ཐར། ཟ་མ་ཏོག །བཅུ་གཅིག་ཞལ་གྱི་མདོ་གཟུངས་རྣམས་ན་གསལ་ཞིང་རྒྱས། སྤྱོད་འཇུག་ལས་ཀྱང་། འཁོར་གྱི་འཇིགས་པའང་བསལ་

― TN03_Page_0494 ―

^{[མ་དཔེ་གཟིགས་ན་འདིར་གནོན།]}

(༤༣༢)བའི་ཕྱིར། །སོགས་དང་། འདི་བྱམས་བརྩེའི་ལྷ་ཡིན་ཅིང་རྒྱལ་པོ་བྱམས་པའི་སྟོབས་ཀྱིས་མངའ་རིས་བསྲུང་བ་དང་། སྟོན་པས་བདུད་དཔུང་བྱམས་པས་བཏུལ་བ། སྒྲོལ་མའི་སྔོན་བྱུང་སོགས་ཀྱིས་ཤེས་སོ། །འཕགས་པ་འདིའི་སྤྱན་ཆབ་ལས་སྒྲོལ་མ་དང་ཁྲོ་གཉེར་གྱི་རྒྱུད་ལས་ཁྲོ་གཉེར་ཅན། མཆེ་བ་ལས་དབྱངས་ཅན་མ་སོགས་བྱུང་ཚུལ་འཇམ་དཔལ་རྩ་རྒྱུད་དང་། གོས་དཀར་མོ་དང་། རྨ་བྱ་ཆེན་མོ། །ཡིད་ཀྱི་ཤིང་རྟ་མ། ལོངས་སྤྱོད་ལྡན་མ་སོགས། ཟ་མ་ཏོག་སོགས་ལས་གསུངས་པ་དང་། དཔལ་མཆོག་འགྲེལ་པར། བརྒྱ་བྱིན། ཁྱབ་འཇུག །དྲག་པོ། ཚངས་པ། སའི་ལྷ། རྒྱ་མཚོའི་ལྷ། ཉི་མ། རླུང་གི་ལྷའི་གཟུགས་ཅན་གྱི་རྗེ་བཙུན་སོགས་གསུངས་ཏེ། འདིས་འཇིགས་རྟེན་དབང་ཕྱུག་ཅེས་པའི་སྒྲ་བཤད་ཀྱང་ཤེས། སྤྱན་རས་གཟིགས་ཞེས་པའི་མཚན་འདི་ཉིད་འཆང་བའི་སྐུ་ལ་ཡང་། བཅུ་གཅིག་ཞལ། མཁའ་སྤྱོད། སེང་གེ་སྒྲ། མགྲིན་སྔོན། འཕྲོགས་བྱེད་གསུམ་ལ་ཞོན་པ། ཧཱ་ལ་ཧཱ་ལ་སོགས་མཐའ་ཡས་ཏེ། སྒྱུ་མའི་རྣམ་པར་ཐར་པ་བསམ་གྱིས་མི་ཁྱབ་པའི་མཐུ་ལ་དད་པར་བྱའོ། །རྡོ་རྗེ་སྙིང་པོ་རྒྱན་ལས། འཇིག་རྟེན་དབང་ཕྱུག་ཐུབ་ཆེན་པོ། །བཅོམ་ལྡན་རྣལ་འབྱོར་ཅན་གྲུབ་ན། །དཔའ་བོ་ཐམས་ཅད་རྩོལ་འགྱུར་ཞིང་། །རང་གི་དངོས་གྲུབ་མཆོག་རྣམས་དང་། །རྣལ་

― TN03_Page_0495 ―

^{[མ་དཔེ་གཟིགས་ན་འདིར་གནོན།]}

(༤༣༣)འབྱོར་ཐམས་ཅད་འཛིན་ཉིད་དང་། །རྣམ་པར་རྒྱས་པའི་ནོར་སྟེར་འགྱུར། །རིག་པ་འཛིན་དང་འཁོར་ལོ་ཅན། །ས་དང་ཕ་རོལ་ཕྱིན་སོགས་དང་། །སངས་རྒྱས་རྣམས་ཀྱང་རྩོལ་འགྱུར་ན། །དངོས་གྲུབ་གཞན་ལྟ་སྨོས་ཅི་དགོས། །ཞེས་གསུངས་སོ། །དམ་ཆོས་པད་དཀར་ལས། དེ་བཞིན་གཤེགས་པ་གངྒའི་ཀླུང་དྲུག་ཅུ་རྩ་གཉིས་ཀྱི་བྱེ་མ་སྙེད་ཀྱི་མཚན་ནས་བརྗོད་ཅིང་ཕྱག་བྱས་པ་དང་། སྤྱན་རས་གཟིགས་ཀྱི་མཚན་ལན་གཅིག་བརྗོད་ཅིང་ཕྱག་གཅིག་བྱས་པ་བསོད་ནམས་མཉམ་པར་གསུངས་ཏེ། དེའི་རྒྱུ་མཚན་ཡང་། རྟོག་གེ་འབར་བར། ཕར་གྱུར་པའི་ཕྱིར་དང་། ཞེས་སོགས་ལྟར་རོ། །ཟ་མ་ཏོག་དང་སྡོང་པོ་བཀོད་པར་ནད་ཀྱི་འཇིགས་པ་སེལ་བའི་ལྷར་བསྔགས་ཤིང་། རྡོ་རྗེ་གུར་ལས་ཡིག་དྲུག་ནད་ཐམས་ཅད་ཞི་བའི་སྔགས་སུ་གསུངས་པ་དང་། །མ་ི་བཀའ་འབུམ་ལས་ནད་འདོན་དྲུག་དང་བརྟུལ་ཞུགས་དྲུག་དབྱུག་བཅོས་སོགས་ནད་གདོན་སེལ་བའི་ཕྲིན་ལས་ཁོ་ན་རྩལ་དུ་བཏོན་ཡོད་པས་ནད་གསོ་བ་ལ་ཆེས་རྣོ། ཁྱད་པར་དུ་གསོ་རིག་ལས་མིག་འབྱེད་ལ་ཟབ་པར་གསུངས་ཤིང་། ཉང་གཏེར་མིག་འབྱེད་སོགས། རྣམ་ཐར་ཟངས་གླིང་མར་ནད་པའི་དོན་དུ་རྐྱེན་ཟློག་རིམ་གྲོ་སྨན་དཔྱད་ཅི་བྱེད་པ་བས་མ་ི་སྟོབས་ཆེ་གསུངས། འདི་དག་རྗེ་ཉིད་ནས་ཟིན་ཐོ་ལྟ་བུར་བཏབ་ཡོད་པ་རྣམས་

― TN03_Page_0496 ―

^{[མ་དཔེ་གཟིགས་ན་འདིར་གནོན།]}

(༤༣༤)གཞན་དུ་འཁྱར་གྱིས་དོགས་ནས་རྗེས་འཇུག་འགའ་ཞིག་གིས་ཕྱོགས་གཅིག་ཏུ་བསྒྲིག་ཁུལ་བྱས་ཏེ་ཕྱག་བྲིས་ཇི་ལྟ་བ་བཞིན་བཅོས་བསླད་མེད་པར་སྤར་དུ་བསྐྲུན་པ་དགེ་ལེགས་འཕེལ། ༈ འཕྲུལ་ཆེན་སྤར་གྱི་ལྗོན་ཤིང་རྒྱས་པའི་རྩེར། །ལེགས་བཤད་མེ་ཏོག་འབྲས་མང་ཆགས་པ་འདི། །ཀུན་མཁྱེན་བསྟན་པའི་སྐྱེད་ཚལ་རྒྱན་གྱུར་ཏེ། །སྐལ་བཟང་སྐྱེ་བོའི་བྱ་ཚོགས་དགའ་བྱེད་ཤོག ཤུ་བྷཾ་མསྟུ་ས་རྦ་ཛ་ག་ཏཾ།

― TN03_Page_0497 ―

^{[མ་དཔེ་གཟིགས་ན་འདིར་གནོན།]}

(༢༨༡)བཤད་པ་སྟེ། བོད་ཀྱི་སྒོས་ཆོས་སོ། །སྔ་ནས་དངོས་གྲུབ་ཀྱི་བྱ་བ་སྒྲུབ་པ་ལ་སྔགས་ཀྱི་རྣལ་འབྱོར་པ་ངོ་ཏི་དགོས། ཕྱི་མའི་སྟེང་ནས་གསོལ་འདེབས་གདུང་དབྱངས་ཀྱི་ཚུལ་དུ་བཏོན་པས་རྗེས་འཛིན་གྱི་བྱ་བ་བྱེད་པ་ནི་མི་ནག་དང་ཡང་ཐུན་མོང་ངོ། །གོང་འོག་ཏུ་བྲིས་ལྟར་འཕགས་པ་ལ་སྔོན་དགེ་རྩ་ཆེ་ཕྲ་ཅི་རིགས་ཀྱིས་འབྲེལ་བའི་ལས་མཐུན་ཁོ་ན་བོད་ཀྱི་ཡུལ་མིར་སྐྱེ། དེ་བསྙེན་འབྲེལ་ཐོགས་པ་དང་དཔེ་དོན་དུ་སྦྱར་བ་ནི་འབྲེལ་བ་ཐོགས་པའི་དཔེ་ཙམ་ཡིན། དེའང་སྔོན་འཕགས་པ་ལ་བསྐྱེད་རྒྱུའི་དགེ་རྩ་ནི་བསམ་སྦྱོར་གྱི་ངོས་ནས་ཆེས་ཆུང་ལ་ཞན་ཡང་ཞིང་གི་མཐུས་ཚད་མེད་པར་འཕེལ་འགྲོ་བ་འདུལ་བ་ལུང་དུ་ནྱ་གྲོ་དྷའི་ལྗོན་པ་དང་དེའི་ས་བོན་གྱི་དཔེ་དང་། ང་ལས་ནུའི་གཏམ་རྒྱུད་སོགས་ལྟ་བུའོ། །དེང་སང་མ་ི་དུང་ཡོན་བརྒྱབ་པ་སོགས་ལས་ཚེ་འདིར་ཕན་ཡོན་འཐོབ་མི་འཐོབ་དང་། ཚེ་སྔོན་འཕགས་པའི་རྟེན་ལ་མཇལ་ཕྱག་ཞུ་བའི་གསེབ་ཏུ་ཕྱིན་པ་སོགས་ཀྱི་ཕན་ཡོན་ཡང་རིགས་འགྲེ་མི་སྦྱོར་ཏེ། སྔ་མ་ནི་དུས་དེ་རང་ལ་འཕགས་པ་ལ་འབྲེལ་བ་ཐེབ་པ་རེད་ཀྱང་། འཕེན་བྱེད་ཀྱིས་འཕང་ཡང་འགྲུབ་བྱེད་ཀྱིས་མ་བསྒྲུབ་པས་སྨིན་དཀའ། དེ་མ་སྨིན་ཡང་སྔོན་དགེ་གཞན་གྱི་འབྲས་བུ་སད་པའི་རྐྱེན་ཙམ་བྱེད་པ་འཐད་དེ་འགབ་ན་ཡོད། ཕྱི་མ་ནི་ལས་དེ་རིམ་གྱིས་བཅུ་པ་སྲིད་པའི་རྟེན་འབྲེལ་དུ་སོང་ནས། ད་ལྟའི་ལུས་རྟེན་འཕེན་རྫོགས་ཅི་རིགས་བྱས་ཟིན་

― TN03_Page_0498 ―

^{[མ་དཔེ་གཟིགས་ན་འདིར་གནོན།]}

(༢༨༢)རེད་པས་སྔ་མ་དཔྱིད་ལས་དང་། ཕྱི་མ་ལས་ཀྱི་སྟོན་ཐོག་ལ་སྤྱོད་སྐབས་ཡིན་པའི་ཕྱིར་རོ། །དེ་ལྟ་བུའི་སྔོན་འབྲེལ་གྱིས་རྒྱུ་བྱས། འཕགས་པ་ཡིད་བཞིན་ནོར་བུའི་སྔོན་གྱི་ཐུགས་བསྐྱེད་སྨོན་ལམ་གྱིས་རྐྱེན་བྱས་ནས་ད་ལྟ་འཕགས་པ་སྤྲེལ་སྒོམ་གྱི་གདུང་བརྒྱུད་དུ་བྱུང་། འཕགས་པ་ལ་བསྐྱེད་པའི་དགེ་རྩའི་དབང་འབྲས་སྨིན་པའི་ཡུལ་དུ་སྐྱེས། ཟང་ཟིང་གི་ལོངས་སྤྱོད་འཕགས་པས་ལྟོ་སྐལ་དུ་གནང་བའི་རྩམ་པ་དང་། ཆོས་ཀྱི་ལོངས་སྤྱོད་ཡིག་དྲུག་ལ་སྤྱོད་པར་སྐྱེས་པ་རེད་པར། བོད་དུ་སྐྱེས་ནས་མ་ི་འདོན་པ་ནི་རང་གི་རིགས་ཆོས་ཀྱི་ཀུན་སྤྱོད་དུ་བསོད་ནམས་ཀྱི་ལས་ཀྱིས་བསྐོས་པ་ཁོ་ནའོ། །དབུ་ཕར་སོགས་དང་ལམ་རིམ་སོགས་ཆོས་ཀྱི་ལོངས་སྤྱོད་ལར་མང་ཡང་། ཆུ་ཐུན་མོང་གི་བཏུང་བ། ཉི་འོད་ཐུན་མོང་གི་གོས་ཡིན་པ་ལྟར། མཆོག་དམན། མཁས་བླུན། སྐྱ་སེར། ཕོ་མོ། རྒན་གཞོན་ཀུན་གྱི་ཐུན་མོང་དུ་ཁྱབ་ཆེ། དར་ཆེ་བའི་མོད་ཤོས་དང་། མོད་ཀྱང་སུས་སྤྱོད་སྲོལ་མེད་པ་མ་ཡིན་པར་ནམ་དང་ནམ་ཡང་ཀུན་གྱི་ཁ་ལ་རང་བབས་ལྟ་བུར་འོང་བ་ནི་མ་ི་ཁོ་ན་སྟེ། དེས་ན་རང་གི་ལྷ་སྐལ་དང་། ཆོས་སྐལ་གར་ཡོད་ཕར་བཙལ་མ་དགོས་པར་ཚུར་ང་ཡིན་ཞེས་གསལ་བར་བསྟན་པ་རེད་པས་འདི་ལ་མི་འཇུ་ན་ཅི་ལ་འཇུ། བློ་ཐག་རྦད་བཅད། བློ་རྩེ་གཅིག་ཧྲིལ་དྲིལ་ནས་འདི་ལ་སྒྲིལ་བར་བྱའོ། །དེས་ན་སྒབ་ཏུ། བོད་མིས་མ་ི་རང་ཤེས་པ་རྒྱུའི་སྟོབས་དང་རྐྱེན་གྱི་སྟོབས་ཡིན་

― TN03_Page_0499 ―

^{[མ་དཔེ་གཟིགས་ན་འདིར་གནོན།]}

(༢༨༣)དཔྱོད་སྨྲས་པ་དེ་རྩིང་བས། གཉིས་ཀའི་སྟོབས་ཡིན་ལུགས་འདི་བཞིན་དགོས་ལ། འཕགས་པའི་སྔོན་སྨོན་གྱིས་མ་ི་རང་ཤེས་དཔེར་ན་འོད་མདོར། བདེ་བ་ཅན་པ་རྣམས་སངས་རྒྱས་གྲངས་མེད་ཀྱི་ཆོས་ཀྱི་ལོངས་སྤྱོད་ལ་རོལ་བར་གསུངས་ནས། དེ་ཅིའི་ཕྱིར་ཞེ་ན། འོད་དཔག་མེད་ཀྱིས་སྔོན་སེམས་ཅན་རྣམས་ལ་ཆོས་མཉན་པ་བྱིན་པ་དང་། སྔོན་སྨོན་ལམ་བཏབ་པ་གྲུབ་བོ། །ཞེས་པ་ལྟ་བུ་འདི་རིགས་རྣལ་འབྱོར་པའི་ཆེ་བས་འཆད་ཚུལ་དང་ཅུང་ཟད་ཚུལ་མི་གཅིག་གམ་དཔྱོད། འཕགས་པ་ལ་སྔོན་འབྲེལ་ཡོད་པས་ད་ལྟ་མ་ིའི་ཞིང་འདིར་སྐྱེས་ཞེས་པའི་སྔོན་འབྲེལ་དེ་ལག་ཚད་དགོས་ཞེ་ན། འཇམ་དཔལ་རྩ་རྒྱུད་དུ་སེམས་ཅན་མིག་ཟུར་གྱིས་བལྟས་པའང་། རྗེས་སུ་བཟུང་བ་ཉིད་དུ་འགྱུར། སོགས་དང་། གཞོན་ནུ་མ་བདུན་གྱི་སྔོན་གྱི་རྒྱུ་སོགས་ཀྱིས་དཔགས་ན་ཆེར་མི་དགོས་པ་འདྲ་སྟེ། ཞིང་གི་ཆེ་བས་སོ། ༈ །ཐུགས་རྗེ་ཆེན་པོའི་འདུལ་སྐལ་མིན་པ་བོད་ཡུལ་གྱི་མིར་མི་སྐྱེ། བོད་ཡུལ་གྱི་མིར་སྐྱེས་པ་ཙམ་ནས་འཕགས་པ་ཐུགས་རྗེ་ཆེན་པོ་བསྒྲུབ་ན་འགྲུབ་ཐག་ཉེ་བ་ཁོ་ནར་ངེས། ༈ སྔོན་གྱི་འབྲེལ་བའི་དབང་གིས་ད་ལྟ་རྡོལ་ཤེས་སམ་རང་ཤེས་སུ་འོང་བ་ནི་དཔེར་ན་ལོ་ཆེན་རིན་བཟང་སྔོན་མཁས་པར་གྱུར་དབང་གིས་ཚེ་འདིར་ཨ་ལི་ཀཱ་ལི་རང་ཤེས་པའམ། དུད་འགྲོ་ཚུན་ཆད་མ་བུ་ཕན་ཚུན་ངོ་རང་འཕྲོད་པ་དང་། ལུང་ཕྲན་ཚེགས་

― TN03_Page_0500 ―

^{[མ་དཔེ་གཟིགས་ན་འདིར་གནོན།]}

(༢༨༤)སུ་རྐུན་ཆེན་གྱི་བུས་པ་མེ་ཏོག་ཕྲེང་གིས་ངོས་བཟུང་བ་ལྟ་བུ་སྟེ། ཚེ་རབས་གཞན་ལ་རྨི་ལམ་བཞིན་དུ་སྤྱོད། །ཅེས་སྐྱེས་རབས་ལས་སོ། །དེ་ལྟར་སྔོན་ནས་མ་ི་ལ་འབྲེལ་བ་སོང་དབང་གིས་འདིར་ཏིང་འཛིན་མེད་པར་ཁ་རྐྱང་བས་བཏོན་པ་ལའང་བྱིན་རླབས་ཆེར་འབྱུང་བ་ནི། དཔེར་ན་དྲག་སྔགས་ལྟ་བུ་ལ་བསྙེན་པ་སྔོན་དུ་བཏང་བའི་མིས་སྔགས་དེ་ངག་ཏུ་བརྗོད་པ་ཁོ་ནའི་ནུས་པ་ཡང་། སྔར་བསྙེན་པ་མ་མྱོང་བའི་མིས་དམིགས་རིམ་དང་སྦྲགས་ནས་བཟླས་པ་ལའང་མེད་པ་དང་འདྲའོ། །འོན་ཀྱང་བོད་མིས་མ་ི་རང་ཤེས་པ་འདི་རྒྱུའི་སྟོབས་ཀྱིས་ཡིན་ནམ། རྐྱེན་གྱི་མཐུས་ཡིན་དཔྱོད་ལ་ཞིབ་ཆ་གྱིས། གལ་ཏེ་རྐྱེན་སྟོབས་ཡིན་ན་འཕགས་པའི་བྱིན་རླབས་ཀྱིས་ཡིན་ཏེ། ལུས་ཅན་ཀུན་གྱིས་བྱ་དང་ནི། །ཤིང་དང་འོད་ཟེར་ཐམས་ཅད་དང་། །སོགས་ལྟར། དེའི་དབང་དུ་བཏང་ཡང་། དེ་ལྟར་འཕགས་པ་ཉིད་ཀྱིས་ངག་དང་ཡིད་བྱིན་རླབས་སྟོབས་ཀྱིས་མ་ི་ལྷན་སྐྱེས་ལྟ་བུར་ཤེས་པ་ནི་འཕགས་པ་ཉིད་ལས་རིག་སྔགས་འདོན་པ་ལ་གནང་བ་ཐོབ་པའི་ཕྱོགས་གཏོགས་ཡིན་པས་ཡུལ་གཞན་གྱི་མིས་བཟླས་པ་དང་ནུས་པ་མི་མཉམ་སྟེ། དཔེར་ན་ལྷས་གནང་བའི་མཚན་མ་ཐོབ་ན་སེམས་བརྟན་པའི་མཚན་མ་མ་རྙེད་ཀྱང་དབང་སྐུར་བའི་ནུས་པ་རྙེད་པར་འཇོག་པ་བཞིན་ནོ། ༈ །ལྷར་སྐྱེ་བའི་ལས་ཅན་རྣམས་ལྷ་ཡུལ་བའི་སྡེ་ཚན། མིར་སྐྱེ་བའི་རྣམས་དེའི་སྡེ་ཚན་དུ་འོང་ལ། །མཐའ་འཁོབ་

― TN03_Page_0501 ―

^{[མ་དཔེ་གཟིགས་ན་འདིར་གནོན།]}

(༢༨༥)ཏུ་སྐྱེ་བའི་ལས་ཅན་རྣམས་སྡེ་ཚན་དུ་བྱས་ནས་དེར་སྐྱེ། ཡུལ་དབུས་སུ་སྐྱེ་བའི་ལས་ཅན་རྣམས་ཀྱང་ལས་ཀྱིས་འཕང་ལུགས་ལྟར་ཡུལ་དབུས་རང་དུ་སྐྱེ། ལྷ་ཡུལ་དེ་སེམས་ཅན་བསོད་ནམས་ཅན་རྣམས་ཀྱི་བསོད་ནམས་ཀྱི་དབང་འབྲས། །མི་ཡུལ་བསོད་ནམས་བར་མ་པ་རྣམས་ཀྱི་སོགས། །ཡུལ་དབུས་སྙིང་པོ་ལྟ་བུའི་སེམས་ཅན་རྣམས་ཀྱི་ལས་དབང་ཤས་ཆེ་བ་ལས། མཐའ་འཁོབ་སྤུན་པ་ལྟ་བུའི་སེམས་ཅན་གྱི་ལས་ཤས་ཆེ་བ་ལས་གྲུབ། དེའི་འགྲེས་ཀྱིས་འཕགས་པ་ལ་བརྟེན་པའི་དགེ་ལས་ཀྱིས་མིར་སྐྱེས་པ་སོགས་འཕགས་པ་ལ་བསྐྱེད་པའི་ལས་མཐུན་རྣམས་སྡེ་ཚན་དུ་འོང་སྟེ་བོད་ཀྱི་མིའོ། །ལྷར་སྐྱེ་བའི་ལས་ཀྱི་དབང་འབྲས་སུ་ལྷ་ཡུལ་གྲུབ་པ་ལྟར། བོད་ཀྱི་ཡུལ་རི་བྲག་ནགས་ཚལ་ཆུ་མཚོ་དང་བཅས་པ་ཡང་འཕགས་པ་མ་ི་དང་ལས་འབྲེལ་ཆེ་བའི་སེམས་ཅན་རྣམས་ཀྱི་ལས་ཀྱི་དབང་འབྲས་སོ། །དེ་ལྟར་ན་བོད་འབངས་སྤྱི་མཐུན་གྱི་ལས་འབྲེལ་ཆེ་ཤོས་སུ་ཡོད་པ་འཕགས་པ་འདི་ཡིན་པས་དེའི་ཕྲིན་ལས་འཇུག་མྱུར། དེ་རྣམས་ཀྱི་ལས་ཀྱི་དབང་འབྲས་སུ་གྲུབ་པའི་ཡུལ་གྲུ་འདི་ཡང་ཡིག་དྲུག་སྒྲུབ་པའི་གནས་སུ་བཀྲ་ཤིས་ཤིང་བྱིན་ཆེའོ། །དགེ་བའི་དབང་འབྲས་རྒུད་ཀྱང་བསོད་ནམས་ཀྱིས་གསོ་ནུས་པ་ཤི་བིའི་རྒྱལ་ཁམས་ཀྱི་གཏམ་རྒྱུད་ལྟ་བུ། སྡིག་པའི་དབང་འབྲས་ཀྱི་ཉེས་པ་དགེ་བའི་གཟི་བརྗིད་ཀྱིས་ཀྱང་སེལ་དཀའ་བ་མཽང་

― TN03_Page_0502 ―

^{[མ་དཔེ་གཟིགས་ན་འདིར་གནོན།]}

(༢༨༦)གལ་བུས་མནར་མེད་དུ་ཆར་ཕབ་པ་ལྟ་བུ། དེའི་རིགས་པས་བོད་ཀྱིས་ཆ་འདིའི་རྒུད་པ་སེལ་བ་དང་ལེགས་ཚོགས་གསོ་བ་ལ་དགེ་ལས་གཞན་པས་ཡིག་དྲུག་ཚོགས་འདོན་སྟོབས་ཤིན་ཏུ་ཆེ་འདྲ། ༈ །ནང་རྣམས་སྨིན་གྱི་ལུས་ལ་ནད་མེད་དང་ཚེ་དང་ལང་ཚོ་སོགས་ཀྱི་དངོས་གྲུབ་སྒྲུབ་པའི་སྒོར་སྔོན་འབྲེལ་ཆེ་བའི་ལྷག་ལྷའི་བཟླས་སྒོམ་རྣོ་བ་ལྟར། ཕྱི་རོལ་ལས་ཀྱི་དབང་འབྲས་ཀྱི་ཡུལ་ལ་རྩི་སྨན་རླུང་ཆུ་སོགས་ཀྱི་ཉེས་རྒུད་སེལ་ཞིང་ཡོན་ཏན་སྐྱེད་པ་ལའང་དེ་ཀ་རང་རྣོ་བར་གསལ། ༈ །གྲུབ་རྗེས་སོགས་ཡུལ་དུ་རྒྱ་མི་མང་པོས་འཛིན་འཆིང་བྱེད་པའི་མནལ་ལྟས་གཟིགས་ཚེ། ཡིག་དྲུག་དུང་ཕྱུར་འུར་འདོན་རྒྱབ་ཆོག་བྱས་པར་གསུངས་ཏེ། གཤིན་རྗེ་ཆོས་རྒྱལ་གྱི་ཆད་པ་ཡིག་དྲུག་གིས་ཞི་ནུས་པར་དགོངས་པར་སྣང་། ༈ །ལན་ཅིག་ཏ་ར་ན་ཐ་བསྙུང་སྟེ། ཉིན་མཚན་ཀུན་ཏུ་སྐུ་ཁམས་ཉོག་ཅིང་དུབ། །མགོ་ལུས་ཚིག་གསུམ་ཐམས་ཅད་མི་ནས་གཅིག་ཀྱང་མེད། ཟུངས་ཤོར། དང་ཁ་འགག །རྟག་ཏུ་མགོ་འཁོར་བའི་རྣམ་པ་ཡོད་པ། མིག་སོགས་དབང་པོ་འགྲིབ་པ་སོགས་ནད་ཚབ་ཆེ་ལ་དོས་དྲག་པ་བྱུང་བར་ཞག་མང་རབས་སོང་། དེ་ནས་སྔ་དྲོ་ཞིག་སྤྱོད་འཇུག་གི །མེ་ཏོག་ཆར་པ་སྤོས་ཆུ་དང་འདྲེས་འབབ་པ་ཡིས། །སོགས་ཡང་ཡང་དྲན་པས་རྐྱེན་བྱས་ནས་འཕགས་པ་སྤྱན་རས་གཟིགས་འབའ་ཞིག་ཡིད་ལ་དྲན་ཞིང་། མོས་གུས་གདུང་ཤུགས་དྲག་པོས་མཆི་མ་རང་དབང་

― TN03_Page_0503 ―

^{[མ་དཔེ་གཟིགས་ན་འདིར་གནོན།]}

(༢༨༧)མེད་པར་འཆོར་བ་ཁོ་ན་ཞག་གཉིས་གསུམ་ལ་ཤུགས་འབྱུང་དུ་བྱུང་། དེ་ཀའི་ངང་ལ་ཉིན་གཅིག་གཉིད་དུ་འཕྲི་ཙམ་སོང་བར། འཕགས་པ་སེམས་ཉིད་ངལ་གསོ་འདྲ་བ་ཞིག་བཀྲ་ལམ་གྱིས་གསལ་པོར་བྱུང་། གཉིད་སད་པ་ན་དེ་འཕྲལ་རང་དུ་ཁམས་ཅུང་ཟད་བདེར་སོང་འདུག །དེ་ནས་ཞག་པོ་གཉིས་གསུམ་ན་ནད་རགས་པ་དེ་དྭངས་གསུངས། ༈ །རི་གངས་དཀར་གྱིས་གཡོགས་པ། ཆུ་དྭངས་བསིལ་དུ་འབྱུང་བ། ཆུ་ལ་ཤེལ་ཟམ་འཆགས་པ། ཆར་ཁ་བར་འབབ་པ། སོགས་རྒྱ་གར་ན་མེད་པའི་བོད་ཡུལ་གྱི་ཁྱད་ཆོས་ཡིན་ལ། གཞན་ཡང་ཇོ་བོས་རྒྱ་གར་ན་མེད་པར་གསུངས་པའི་མེ་ཏོག་ཤང་དྲིལ་སོགས་འབྲུ་སྨན་མེ་ཏོག་གི་རིགས་བཟང་མང་སྐྱེ་བ། བྲག་རིའི་ཕུག་དང་ཤིང་གི་དྲུང་སོགས་བསམ་གཏན་སྤྱོད་པའི་གནས་མང་བ། ས་གཙང་ལ་དབེན་ཞིང་ཉམ་དགའ་བ། མ་ིའི་དར་དང་རྡོ་མཁར་གྱིས་གནས་དང་གནས་རྣམས་མཚན་པ། རྨ་རྒྱལ་ན་ཁ་སར་པ་ིའི་གངས་རི་དང་། བསོ་ཐོག་གནས་ན་རི་གཙོ་སྤྱན་རས་གཟིགས་ཀྱི་གནས་རི། འབྲོང་རི་སྨུག་པོ་སོགས་འཇིག་རྟེན་ཕལ་བའི་ཁ་དང་གསལ་ཡང་ཐུགས་རྗེ་ཆེན་པོའི་ཕོ་བྲང་དུ་གྲགས་ཤིང་དེ་ལྟར་འདུ་ཤེས་པ་མང་བ། རྒྱ་ནག་པདྨེ། ཡིད་ལྷུང་མ་ི། ཁྲོ་སྐྱབ་འུར་འུར། བྲག་དཀར་སྤྲེལ་རྫོང་ན་འཕགས་པའི་སྐུ་དང་ཡིག་དྲུག་རང་བྱོན། མཚམས་ཀྱི་ཡི་གེ་དྲུག་མ་སོགས་འཕགས་པའི་རྟེན་གསུམ་

― TN03_Page_0504 ―

^{[མ་དཔེ་གཟིགས་ན་འདིར་གནོན།]}

(༢༨༨)ཁྱད་པར་ཅན་གྱིས་སྟོད་སྨད་ཀུན་ཏུ་བརྒྱན་པ། རྒྱལ་རབས་གསལ་མེ་སོགས་ལྟར་ན་བོད་འདིར་ཉུང་རྡོག་དང་དེའི་ལོ་མ་ཟ་བ་རྣམས་ཀྱང་ལྷ་ཅིག་ཀོང་ཇོའི་ཕྱག་རྗེས་སུ་གསལ་བ་སོགས་འཕགས་པའི་སྒྲུབ་གནས་ཀྱི་མཚན་ཉིད་མང་པོས་ཁྱད་པར་དུ་བྱས་ཤིང་། སྨྱུང་གནས་པ་སོགས་འཕགས་པའི་སྒྲུབ་པ་པོ་མཐའ་ཡས་པས་སྣོད་བཅུད་ཐམས་ཅད་གྲུ་འཛིན་རི་དང་བདེ་བ་ཅན་གྱི་རྟེན་བརྟེན་པར་ཡང་ཡང་དང་བརྒྱུད་མར་བརླབ། ༈ །ལྷོ་རྒྱུད་ན་མཚམས་ཀྱི་ཡི་གེ་དྲུག་མ་ཟེར་བའི་གནས་རི་ཡོད། ༈ །ལྷ་སྲིན་བཀའ་འོག་ཏུ་སྡུད་པའི་དབང་སྡུད་སྐབས། ང་ནི་འཇིག་རྟེན་ཀུན་གྱི་རྣལ་འབྱོར་དབང་མཛད་ནས། །ཞེས་པ་ལྟར་སའི་ལྷའི་གཙོ་བོ་སོགས་མི་རྒྱུ་བའི་འཇིག་རྟེན་གྱི་དང་། ཚངས་དབང་སོགས་རྒྱུ་བའི་འཇིག་རྟེན་གྱི་དབང་འདི་ལྟར་དཔལ་མཆོག་དང་པོ་དང་ཟ་མ་ཏོག་གཉིས་ཀར་གསུངས་ལ་ཧ་ལམ་དམ་ཆོས་པད་དཀར་སོགས་ལས་ཀྱང་འབྱུང་། ཕྱུག་དང་ཀུན་གྱི་དབང་ཕྱུག་དཔལ་རྟ་མཆོག་རོལ་པ་སོགས་མ་ཧཱ་ཀཱ་ལ་མྱུར་མཛད། ཀྱི་ངོ་བོ་ཉིད་ངའོ་ང་ཁོ་ནའོ་ཞེས་ང་རྒྱལ་གཟུང་བ་ལ་བསླབ་དགོས་ཤིང་། དེའང་ཡིན་ཏེ། འདིར་ལྷ་འདི་ཕྱག་རྡོར་ཡང་ཡིན། ཡ་མཱནྟ་ཀྲིཏ་ནས་བིགྣན་ཏ་ཀྲི་ཏ་བར་ཡང་ཡིན་པའི་ཕྱིར་ཏེ། སེམས་དཔའ་སེམས་མ་བཅུ་དྲུག་དང་། རིག་པའི་ཁྲོ་བོ་ཡབ་ཡུམ་བརྒྱད་འདུས་པ་ཡིན་པའི་ཕྱིར་ཏེ། འདི་རྡོ་རྗེ་དབྱིངས་ཀྱི་དཀྱིལ་འཁོར་གྱི་གཙོ་བོ་ཡིན་པ་གང་ཞིག །རྡོ་རྗེ་དབྱིངས་ཀྱི་དཀྱིལ་འཁོར་གྱི་ལྷ་ཐམས་ཅད་གཙོ་བོ་གཅིག་

― TN03_Page_0505 ―

^{[མ་དཔེ་གཟིགས་ན་འདིར་གནོན།]}

(༢༨༩)པུ་ལ་འདུ་བའི་ཕྱིར་རོ། །དེས་ན་འཁོར་གྱི་ཕྲིན་ལས་ལ་གཙོ་བོའི་ཕྲིན་ལས་སུ་མི་འདུ་བ་ཅུང་ཟད་ཀྱང་མེད་དོ། །དེ་ལྟ་བུའི་གོ་བ་ཡོད་ན་གཙོ་བོའི་ཕྲིན་ལས་ལ་རྩལ་ཐོབ་པ་ཉིད་ཀྱིས་འཁོར་གྱི་ཕྲིན་ལས་རབ་འབྱམས་ལ་རྩལ་ཐོན་འོང་ངོ། །བྱང་སེམས་ཀྱི་སྟོབས་བཅུ་དཀོན་མཆོག་སྤྲིན་དུ་གསུངས་པའི་ནང་གི་བཀའ་མི་གཅོག་པའི་སྟོབས་ལ་སྣང་ཞེན་བསླབ་པ་དང་། བཀའ་འབུམ་ལས་ཚོགས་ཀྱི་དབང་ལས་དང་ཛབ་དབྱངས་ཉེར་གཅིག་སོགས་ལྟོ་སྦྱར། དབང་ལས་དེ་ཁ་སྐོང་བྱ་ན། སྔགས་ལས་འོད་དམར་འཕྲོས། སྡེ་བརྒྱད་གང་ཡིན་དེའི་གནས་ལུས་ཐམས་ཅད་བཏུམ་ནས་དམར་ཁྱིལ་ཁྱིལ། ཡོམ་ཡོམ། དེས་ཁོ་འོད་དམར་གྱི་སྲོག་ཡིག་ཏུ་བཞུ་བ་ཁབ་ལེན་གྱིས་ལྕགས་ཕྱེའམ་རླུང་གིས་རས་བལ་ཁྱེར་བ་ལྟར་ཚུར་དྲངས། ཐུགས་སྲོག་གི་གདན་ལ་བསྟིམ་ནས་མཉམ་བཞག །ད་དུང་ཐུགས་སྒྲུབ་ལས་བཞིའི་ཐད་དང་བསྒྲིགས། ༈སྟོང་ཉིད་སྙིང་རྗེའི་ལམ་སྟོན་པའི་གསུང་རབ་གཞན་ལས་ཀྱང་། ལམ་དེ་རིག་སྔགས་ཀྱི་སྒོ་ནས་བསྟན་པ་འདི་ཁྱད་དུ་འཕགས་ཏེ། དོན་ལ་སྒྲུབ་པ་སྙིང་པོར་བྱས་ན་གོ་འཕང་ཇེ་མཐོར་འགྲོ་བ་ལ་ཁྱད་མེད་ཀྱང་། སྔ་མའི་དོན་ལ་སྦྱངས་ཀྱང་རྟོགས་པ་ཡ་ཚད་ལ་མ་སླེབ་བར་དུ་རྣམ་འགྲེལ་ལས། སྐྱེ་འདོད་ཉེས་པ་བཅོམ་པའི་ཕྱིར། །ནས། ཇི་ལྟར་བྱས་པ་ཉམས་པར་འགྱུར། །ཞེས་པ་ལྟར་ཡིན་ལ། རིག་སྔགས་ནི་སྔགས་ཚིག་ཁོ་རང་

― TN03_Page_0506 ―

^{[མ་དཔེ་གཟིགས་ན་འདིར་གནོན།]}

(༢༩༠)གི་རང་ལྡོག་ནས། རྣལ་འབྱོར་པ་རྣམས་ཀྱི་བསམ་གཏན་གྱི་ཡུལ་དང་། སྨན་དང་ནོར་བུ་དང་རིག་སྔགས་ཀྱི་མཐུ་བསམ་གྱིས་མི་ཁྱབ་ཅེས་བསམ་མི་ཁྱབ་ཀྱི་རིགས་ཐ་དད་དུ་བཞག་པ་ལྟར་ཡིན་ཏེ། སྔགས་ཀྱི་ནུས་པས་མེ་བསིལ་བར་འགྱུར། ཆུ་ཁོལ་བར། དུག་བདུད་རྩིར་བྱེད། རྒས་པ་གཞོན་ནུར་འགྱུར། ན་བ་གསོ། ཤི་བ་སློང་། ཤིང་སྐམ་ལ་མེ་ཏོག་འབྱུང་། ལས་ཀྱི་རྣམ་སྨིན་གྱི་འབྲས་བུའི་མི་ལུས་ཀྱང་དུད་འགྲོར་སྒྱུར་ཞིང་། མིའི་རྟེན་ཉིད་རིག་འཛིན་གྱི་ལུས་སུ་སྒྱུར་བ་སོགས་མཐའ་ཡས་སོ། །དེ་དག་གི་དེ་གཙོ་བོའི་མཐུ། །ཞེས་སོ། །དེའང་རིག་སྔགས་ཡིན་པ། བྱེད་པོ་འཇིག་རྟེན་ལས་འདས་པ། རྒྱལ་བསྟན་དང་ཐེག་ཆེན་ཁོ་ནའི་དབང་དུ་བྱས་ནས་བཤད་པ། དོན་ཟབ་ཅིང་རྒྱ་ཆེ་བ་ཡོངས་སུ་རྫོགས་པ་སོགས་རེ་རེས་ཀྱང་ཕན་བདེ་མཐའ་ཡས་སྟེར་ན་ཀུན་རྫོགས་ན་སྨོས་ཅི་དགོས། ༈ །དོན་དམ་རྟོགས་པའི་ཤེས་རབ་ལས་བྱུང་དམིགས་མེད་སྙིང་རྗེ་ཤིན་ཏུ་སྦྱངས་པས་སྙིང་རྗེ་དེ་ཀས་ཆོས་ཐམས་ཅད་རྣམ་པ་ཐམས་ཅད་དུ་མངོན་པར་རྫོགས་པར་བྱང་ཆུབ་པའམ་སངས་རྒྱས་པ། ༈ །ལོངས་སྤྱོད་ཆེན་པོ་སྒྲུབ་བྱེད་ལ་མ་ི་འཕགས་ཏེ། འཕགས་པའི་སྦྱིན་པའི་ཕར་ཕྱིན་སྔགས་ཀྱི་ཡི་གེར་བརླབས་པ་ཡིན་པས་སོ། །གཟུགས་བཟང་པོ་སྒྲུབ་བྱེད་ལའང་མ་ི་མཆོག་སྟེ། འཕགས་པའི་བཟོད་པའི་ཕར་ཕྱིན་དེར་མཛད་པས་སོ། །སོགས། ༈ །རང་བཞིན་གང་ཁོ་ན་ཕུ་ཐག་

― TN03_Page_0507 ―

^{[མ་དཔེ་གཟིགས་ན་འདིར་གནོན།]}

(༢༩༡)ཆོད་པར་རམ་དཔྱིས་ཕྱིན་པར་མ་རྙེད་པས་ལུས་ཅན་རྣམས་ལས་དང་ཉོན་མོངས་དང་སྡུག་བསྔལ་གྱི་འཁྲུལ་འཁོར་རྒྱུན་མི་འཆད་པ་དང་། བྱིས་པའི་རྒུད་པ་རྣམས་ལས་མི་འདའ་བ་དང་། ཕྱོགས་བཅུར་ཆུ་ཟླ་ལྟ་བུའི་ལས་ཀྱིས་འགྲོ་དོན་བྱེད་པའི་མཐུ་དབང་མི་འཐོབ་པ་དང་། གང་རྟོགས་ཆེད་བྱང་སེམས་རྣམས་དགའ་བ་མཐའ་ཡས་པ་སྤྱོད་པའི་རང་བཞིན་དེ་སེམས་ཅན་ཐམས་ཅད་ལ་ཤིན་ཏུ་བསྟན་པར་བྱའོ་ཞེས་པ་སྐྱོབ་འདོད་ཀྱི་སྙིང་རྗེའི་སྲོག་རེད། ༈ །དྲི་ཟའི་པི་ཝཾ་རྒྱུད་སྟོང་ལྡན་པ་ཡོད་ཀྱང་། མ་་བསྐུལ་བར་སྒྲ་མི་འབྱུང་། དེའང་རྒྱུད་གང་དང་གང་བསྐུལ་བ་དེ་ཁོ་ནའི་སྒྲ་དེ་ལས་གཞན་མི་འབྱུང་། དེ་བཞིན་དུ་འཕགས་པ་ལ་ཐུགས་རྗེ་ཆེན་པོ་ཡོད་རུང་། དངོས་གྲུབ་ཀྱི་དོན་དུ་གསོལ་བ་མ་བཏབ་ན་དོན་དེ་མི་འགྲུབ། དེའང་དངོས་གྲུབ་གང་གསོལ་བ་དེ་ཁོ་ན་བཞིན་དུ་ཐུགས་རྗེ་སྨོན་ལམ་གྱི་བྱིན་རླབས་ཀྱི་ཆ་སོ་སོའི་ལག་རྗེས་འབྱུང་བར་གསལ། ༈ །བླ་མ་ཞལ་དངོས་སུ་ཡུན་རིང་མ་མཇལ་བར་སྒུགས་དགོས་བྱུང་ན། ཡུན་རིང་པོར་ད་ངའི་དགེ་བའི་བཤེས་གཉེན་དེ་ནམ་མཐོང་བར་འགྱུར་སྙམ་དུ་དེ་མཐོང་བ་ལ་སྒོམ་པའི་ཡིད་བྱེད་དང་དོན་གཉེར་ཇི་སྙིད་དང་ཅི་ཙམ་མང་དུ་བྱུང་བ་དེའི་ཚོད་ཙམ་གྱི་ཆོས་ཀྱི་སྒྲིབ་པ་འདག་ཅིང་ཆོས་དང་ཆོས་སྨྲ་བས་བྱིན་རླབས་འཇུག་པའི་བསོད་ནམས་ཀྱི་ཕུང་པོ་མཐའ་ཡས་པ་འཛིན་པས། སྟོན་པ་ཡང་དག་

― TN03_Page_0508 ―

^{[མ་དཔེ་གཟིགས་ན་འདིར་གནོན།]}

(༢༩༢)འཇོག་ལ་བཞུགས་པའི་དགོས་ཆེད་ཀྱི་ནང་ན། སངས་རྒྱས་མཐོང་བ་ལ་སྒོམ་པར་བྱ་བའི་ཕྱིར་དང་། ཞེས་ཡོད་ལ། རྟག་ཏུ་དུས་ཆོས་འཕགས་ལོ་བདུན་དུ་མ་མཇལ་བ་ལྟ་བུ་ཡོད། དཔེ་དེ་བཞིན་བསྒྲུབ་པ་པོ་དད་གུས་ཤིན་ཏུ་བརྟན་ཅིང་བློ་མི་འགྱུར་བ་རྣམས་ཀྱིས་མཐོང་བ་ན་དགའ་བ་ཆེས་ཆེར་ལྷག་པར་སྐྱེ་བའི་ཆེད་ཀྱང་ཡིན་ཏེ། སྙན་ངག་མེ་ལོང་མར་རེ་བ་མེད་པའི་དགའ་བ་དང་རེ་བ་དང་བཅས་པའི་དགའ་བའི་རྒྱན་བཤད་པ་ལྟ་བུ། དགའ་བ་ཇི་ལྟར་ལྷག་པ་ལྟར་དེ་ལ་ཡིད་འགྲུས་ཤིང་གཏོད་པའི་གུས་པ་སྐྱེད། སངས་རྒྱས་མཐོང་བ་རྙེད་དཀར་ཤེས་ན་དེ་ལ་གུས་པ་ཆེན་པོ་སྐྱེ་པའང་འདི་འདྲ་ཞིག་རེད། ཡི་དམ་ཡུན་རིང་བསྒྲུབས་ནས་གྲུབ་རྟགས་མ་ཐོན་ན་ཡང་། དེས་སྒྱིད་མི་ལུག་པར་ཕྱི་ཕྱིར་ལྷ་མཆོག་དེས་མངོན་སུམ་རྗེས་འཛིན་ལ་དོན་གཉེར་གྱི་སྒོམ་ཚད་དྲག་པོ་བཅོས་མིན་དུ་འཕེལ་ནས་སྒྲུབ་ལ་བརྩོན་པར་བྱེད་ལ་དེ་ལྟར་བྱས་པས་མ་འོངས་པ་ན་རྨི་ལམ་དང་ཉམས་སྣང་ལྟ་བུ་མིན་པར་མངོན་སུམ་དུ་རྗེས་སུ་འཛིན་པ་དང་། དངོས་གྲུབ་རླབས་ཆེ་ཞིང་གྱ་ནོམས་པ་མང་པོ་དང་སྣ་ཚོགས་པ་དང་ཆེས་བརྟན་པོ་འཐོབ་པ་དང་། གདོན་མི་ཟ་བར་འཐོབ་པའི་དགེ་རྩ་ཡུན་རིང་དང་། །སྟོབས་ལྡན། རྒྱུན་ཆགས་སུ་སོག་ནས་དོན་ཆེན་པོ་ལ་སྦྱོར་བས། སྒྲུབ་པོ་འདོད་ཐག་ཉེལ་སྒྱིད་ལུག་སྐྱེ་བ་འགའི་བསམ་ངོ་དང་བསྟུན་ནས་གྲུབ་པའི་རྟགས་མཚན་ཐན་ཐུན་འགའ་རེ་མྱུར་

― TN03_Page_0509 ―

^{[མ་དཔེ་གཟིགས་ན་འདིར་གནོན།]}

(༢༩༣)དུ་བསྟན་པ་ལས་དེ་ཆེས་ལྷག་པར་སེམས་ཏེ། དཔེར་ན། ཁྱོད་ཀྱིས་སང་གནངས་སྐོར་ལས་སྒུགས་མི་ནུས་ན་རས་སྦོམ་པོ་དང་སྣམ་ཕྲུག་ངན་ངོན་ཁ་ཤས་སྟེར། སང་ཕོད་རྒྱ་མཚོའི་ཚོང་བ་ཐོན་ཐོན་སྒུགས་ནུས་ན་གསེར་སྤང་བྱེ་བ་བརྒྱ་སྟོང་རི་བའི་རིན་པོ་ཆེ་མང་པོ་སྟེར་ཟེར་ན་ཕྱི་མ་ཆེས་དོན་དུ་གཉེར་བྱ་ཡིན་པ་ལྟ་བུའོ། །དཀའ་སྤྱད་ཀྱིས་སྣ་དྲང་ན་དངོས་གྲུབ་ཚན་ཆེ་ལ་མཐའ་བརྟན་པ་ཡོང་བར་བླ་མ་དམར་ཁྲིད་དུ་གསུངས་པའང་དེ་ལྟར་རེད་སྙམ། ༈ །ཕྱག་སྟོང་སྤྱན་སྟོང་གི་མདོར། ཐེ་ཚོམ་ཟ་བ་དང་། འཕགས་པ་ཉིད་ལ་རྩེ་གཅིག་ཡིད་མ་གཏད་ཅིང་མ་དམིགས་པར་བཟླས་ཀྱང་མི་འགྲུབ་གསུངས་ཤིང་། སེམས་རྩེ་གཅིག་ཏུ་མ་བགྱིས་པ་ནི་མ་གཏོགས་སོ། །ཞེས་གཞན་དུའང་གསུངས་པས་སྔགས་ཀྱི་ལྷ་ལས་གཞན་དུ་གཏན་མ་ཡེངས་པར་བཟླ་དགོས། དམར་པོའི་རྒྱུད་དུ། གཞན་དུ་གཡེངས་པའི་སེམས་ཀྱིས་ནི། །བསྐལ་བར་བཟླས་ཀྱང་འབྲས་མི་འབྱིན། །ཞེས་དང་། ཌོཾ་བྷི་པས། སྐད་ཅིག་ཙམ་ཡང་གཞན་གཟུགས་ཀྱིས། །དངོས་གྲུབ་འདོད་པས་གནས་མི་བྱ། །ཞེས་སོགས་མང་ངོ། །ལས་ཚོགས་སྒྲུབ་དུས་སོགས་ལ་ཐེ་ཚོམ་མི་ཟ་བའི་རོགས་སུ། མཁའ་འགྲོའི་རོལ་རྩེད་ལས་བཤད་པའི་སྨྱོན་པ་དང་བུ་ཆུང་གི་སྣང་ཤས་ལ་གནས་པའང་འགྲོའམ་སྙམ། ༈ །མ་ི་ཡིག་འབྲུ་རྣམས་མཁའ་འགྲོ་སྡེ་

― TN03_Page_0510 ―

^{[མ་དཔེ་གཟིགས་ན་འདིར་གནོན།]}

(༢༩༤)ལྔར་སྦྱོར་བ་འོག་ཏུ་བཤད་ལྟར། མཁའ་འགྲོ་སྡེ་ལྔ་འདི་ནི་འབུམ་ཕྲག་ཡངས་པའི་མཁའ་འགྲོ་རིགས་བསྡུས་པ་སྟེ། བདེ་མཆོག་ལས་རི་རབ་སོ་བདུན་རྡུལ་སྙེད་ཀྱི་ཌ་ཀི་ནི་ཐམས་ཅད་སྙིང་པོའི་རྣལ་འབྱོར་མ་བཞི་ལ་འདུ་བར་གསུངས་པའི་བཞི་པོའང་རྡོ་རྗེ་མཁའ་འགྲོ་སོགས་བཞི་པོ་འདི་ཀ་ཡིན་ནོ། །སྨིན་གླིང་གསང་ཡེའི་དབང་ཆོག་ཏུ། གསང་ཡེའི་དབང་ཐོབ་པ་ཁོ་ནས་ཞིང་སྔགས་ལྷན་སྐྱེས་ཀྱི་ཕོ་ཉ་མོ་ཐམས་ཅད་དང་རྟེན་འབྲེལ་འགྲིགས་ཚུལ་གསུངས་ཡོད། མདོར་ན་ཡོ་ག་དང་གསང་འདུས་སོགས་ཐུན་མོང་དུ་གསུངས་པའི་ཡུམ་བཞི་དང་། རྣལ་འབྱོར་གསང་མཐའི་ཐུན་མིན་སྙིང་པོའི་རྣལ་འབྱོར་མ་བཞི་པོ་རིལ་གྱི་སྔགས་ཡིན། དེའང་སྔགས་འདིའི་ཆ་ཤས་ཀྱི་ཡི་གེ་རྣམས་མཁའ་འགྲོ་སྡེ་བཞི་དང་། ཆ་ཅན་སྔགས་ཉིད་གསང་ཡེ་རེད། དེའང་གསང་ཡེ་ཉིད་མཁའ་འགྲོ་མ་སྟོང་ཕྲག་བདུན་ཅུ་རྩ་གཉིས་གཅིག་ཏུ་དྲིལ་བར་ངེས་ཤེས་སྐྱེད་ཅིང་། སྙིང་གར་བཀོད་པའི་ཡིག་དྲུག་ཀྱང་། སྔགས་ཀྱི་གཟུགས་ཅན་རྣལ་འབྱོར་མ། །ཞེས་པ་ལྟར། གསང་ཡེ་དངོས་རང་ཡིན་པའི་ང་རྒྱལ་བཞག་ནས་བཟླས་པས་བསྐུལ་བས། བཟླས་བརྗོད་ལས་སུ་རུང་བ་ན་གསང་ཡེ་ཉིད་འཕགས་པ་དང་ལྷན་ཅིག་རྒྱུད་ལ་ཞུགས་ནས་སམ་སྙིང་གའི་མི་ཤིགས་པ་ལ་ཞུགས་ནས། དེ་ལས་འཕྲོས་ཏེ་ཆགས་པའི་རྩ་ཐིག་རླུང་གསུམ་གྱི་ཆ་ཐམས་ཅད་བྱིན་གྱིས་བརླབས་པར་མཛད་

― TN03_Page_0511 ―

^{[མ་དཔེ་གཟིགས་ན་འདིར་གནོན།]}

(༢༩༥)ནས་འབར་བ་གསུམ་འབྱུང་སྟེ། དེ་མན་ཕག་མའི་ཟིན་ཐོ་ལྟོས། ༈ །མུས་ཆེན་དཀོན་མཆོག་རྒྱལ་མཚན་གྱིས་མ་ི་དུང་ཕྱུར་ལྷག་བཟླས། འཕགས་པ་ཡི་གེ་དྲུག་པ་ཞག་མང་པོར་གཟིགས། ལས་དག་པས་སྤྱན་རས་གཟིགས་དངོས་སུ་མཐོང་བའང་བྱུང་། རྡོ་རིང་བ་ཆེན་པོས་ཀྱང་སྐྱེར་སྒང་བའི་ཡིག་དྲུག་ཉམས་ལེན་མཛད་འཕགས་པ་ལན་གསུམ་མཇལ། ཆེད་དུ་ཐུགས་གཏད་ན་མདུན་གྱི་བར་སྣང་ལ་ཡིག་དྲུག་གི་སྒྲ་མི་བཅུས་བཟླས་པའི་སྒྲ་ཙམ་རྒྱུན་དུ་གསན། གནས་གསར་བ་མཁྱེན་བརྩེའི་ཞབས་ཀྱིས་བྱང་གཏེར་འགྲོ་བ་ཀུན་སྒྲོལ་གྱིས་མ་ི་རིལ་སྒྲུབ་མཛད་པས་རིལ་བུམ་ལ་གཞི་བདག་གཏེར་སྲུང་གིས་སྐོར་བ་བྱེད་པ། རིལ་བུ་དྲིལ་བུ་བདུན་འཕེལ་བ། འཇའ་གུར་དང་མེ་ཏོག་གི་ཆར་པ། གླིང་ཐམས་ཅད་དྲི་བཟང་གིས་ཁྱབ་པ། །རིལ་བུའི་དབང་གི་སྐབས་གཞི་བདག་འབྲོག་པ་བརྗིད་བག་ཅན་གྱི་རྣམ་པས་དངོས་སུ་དབང་ཞུ་བ་སོགས་བྱུང་། སེམས་ཅན་འབུམ་ཕྲག་གསུམ་འཁོར་བ་ལས་སྒྲོལ་བའི་ལུང་བསྟན་གྱིས་བསྔགས། ཡར་འབྲོག་མཚོ་དང་། གནམ་མཚོ་སོགས་ཐམས་ཅད་དུ་རིལ་བུ་འཁྱོལ་གང་ཆེ་མཛད། །ད་དུང་མ་ི་རིལ་སྒྲུབ་གང་མང་མཛད་པར་ཐུགས་འདུན་ཆེན་པོ་འཁྲུངས། རྒྱ་ཡུལ་དུ་ཧ་ཤང་ཊིའུ་ཥན་བྱ་བའི་དགེ་སློང་བཟང་པོ་ཞིག་རྒྱལ་པོའི་བཀའ་ནན་ལྟར་ཁྲི་རིན་ཐང་ཅན་སྤྱད་པས་པུས་མོའི་ལྷ་ངར་ཕོལ་མིག་སྨིན་མ་དང་མིག་དང་

― TN03_Page_0512 ―

^{[མ་དཔེ་གཟིགས་ན་འདིར་གནོན།]}

(༢༩༦)ཁ་སོགས་དོད་པ། ཁར་ཟས་བཅུག་ན་ཟབ། ན་ཟུག་བཟོད་བླགས་མེད་པ་ཞིག་བྱུང་སྟེ་ཤིན་ཏུ་གདུངས། དེའི་ཚེ་འཕགས་པ་སྤྱན་རས་གཟིགས་ཀྱི་སྤྲུལ་པའི་ཧ་ཤང་ཞིག་གིས། གོང་མ་ཡུང་གི་དུས་ཧ་ཤང་ཊིའུ་ཥན་འདི་ནང་བློན་གི་གིད་དྷི་དང་། ཕོལ་མིག་ཁྱོད་བློན་པོ་བཞོའུ་ཚིར་གྱུར། གིད་དྷིས་དབྱེན་བྱས་ཏེ་གོང་མས་བཞོའུ་ཚི་བསད། དེ་ཚུན་སྐྱེ་བ་བཅུར་ལན་ཆགས་སྙོགས་ཕྱིར་ཁྱོད་འདིའི་རྗེས་སུ་འབྲངས་ཀྱང་། གིད་དྷི་འགྱོད་ནས་རབ་ཏུ་བྱུང་། དེ་ཚུན་སྐྱེ་བ་ཀུན་ཏུ་ཚུལ་ཁྲིམས་དག་པ་ཤ་སྟག་ཏུ་བརྒྱུད་པས་གླག་མ་རྙེད་ཅེས་དེ་རྣམས་ཨེ་ཡིན་ཞེས་རིམ་པར་དྲིས་པས་ཕོལ་མིག་གིས་ཀྱང་སོ་སོར་ཨང་ཞེས་ལན་བཏབ། ད་རེས་བཅས་འགལ་གྱི་ལྟུང་བ་བྱུང་བས་འདི་ལྟར་གླག་རྙེད་འདུག་ཀྱང་ཁྱོད་ལའང་ལས་འདིའི་འབྲས་བུ་ངན་པ་འོང་བས་ངས་བསྡུམ་པ་ཡིན་གྱིས་སོང་ཞིག་ཅེས་ཆུས་བཀྲུས། རྔ་ཡབ་ཀྱིས་བྱབ་པས་འབག་དོར་བ་ལྟར་ལྷུང་བར་བཤད། ༈ །འགུ་སྔགས་འཆང་རྟར་བས་མ་ི་བུམ་སྒྲུབ་མཛད་པར་ཡང་། དུར་ཁྲོད་མ་གསུམ་གྱིས་མདོང་གསོལ་ཕུལ་བ་སོགས་འཇམ་དབྱངས་མཁྱེན་བརྩེ་དང་མཚུངས་པའི་གྲུབ་རྟགས་ཐོན། མཁན་ཆེན་སྡིང་མ་བ་དང་། རྗེ་དབང་རབ་ཀྱིས་ཀྱང་མ་ིའི་རིལ་བུ་སྒྲུབ་པས་སྔ་མ་དང་ཕྱོགས་འདྲ་བྱུང་། གྲུབ་ཐོབ་འདར་ཕྱར་གྱིས་ཉི་ཕུག་པ་ལས་ཐུགས་རྗེ་ཆེན་པོའི་སྐོར་གསན། ཏི་སེ་དར་ནགས་རྒྱལ་གྱི་གནས་སུ་འཕགས་པའི་ཞལ་

― TN03_Page_0513 ―

^{[མ་དཔེ་གཟིགས་ན་འདིར་གནོན།]}

(༢༩༧)གཟིགས། འདས་དུས་དབུ་ཐོད་ལ་ཡི་གེ་དྲུག་པ་ཕྱེད་སྐྱིལ་དུ་བཞུགས་པ་ཤར། སི་ཏུ་ཆོས་འབྱུང་རྣམ་ཐར་ན། གཞི་བདག་གི་གདུག་རྩུབ་སོགས་ལས་ཐོག་སེར་ནམ་བྱུང་དུ། སྣང་གྲགས་ཐམས་ཅད་ཐུགས་རྗེ་ཆེན་པོའི་ཡོ་ལང་དུ་བལྟས་ནས་མ་ི་བཏོན་པ་ཁོ་ནས་ཞི་བར་བཤད་ལ། ཆུའི་འཇིགས་པས་ཉེན་ཚེ་ཆུ་ལ་ཡིག་དྲུག་བསྒོམ་པས་ཐར་རབས་ལམ་འབྲས་བརྒྱུད་པའི་ལོ་རྒྱུས་ཞིག་ན་ཡོད། དེའི་རིགས་པས། དགྲ་བྱུང་ཚེ་ཅིར་སྣང་འཕགས་པར་ལྟ་ཞིང་། མཚོན་ཆར་པུནྡ་རི་ཀའི་ཕྱག་མཚན་དུ་བལྟས་ལ་ཡིག་དྲུག་བཏོན་པས་དགྲའི་སྡང་སེམས་ཞི། མཚོན་ཁ་སྙོལ། དམེ་འདྲེ་མེད་པ་སོགས་དང་། ཡམས་ནད་ལ། ཅིར་སྣང་འཕགས་པའི་དཀྱིལ་འཁོར་དུ་ལྟ་བ་ཐམས་ཅད་ལ་འདྲ། ནད་མ་ིའི་བདུད་རྩིར་བསམ་པས་ཞི་བ་དང་། དུག་ཞི་བར་ཡང་དེ་བཞིན། དབང་སྡུད་ལ། རྟ་མགྲིན་གྱི། སྣང་བ་ལྷ་ལ་གྲགས་པ་སྔགས། སོས་དབང་སྡུད་དུ་འགྱུར་ལུགས་ཟུར་ཐོ་ཤོག་དྲིལ་ལྟར་ལས། རྟ་མགྲིན་ཞེས་པ་འཕགས་པ་ཞི་བར་འདོན་པ་སྤོས་པས་ཆོག་སྟེ། མདོར་ན་སྣང་སྲིད་སྣོད་བཅུད་འཁོར་འདས་ཐམས་ཅད་བདག་ཐུགས་རྗེ་ཆེན་པོའི་དཀྱིལ་འཁོར་རྟེན་དང་བརྟེན་པ་ཉག་གཅིག་གི་རང་བཞིན་དུ་བསྡུ་ཞིང་རྒྱས་འདེབས་པའོ། །གདོན་འདུལ། རྒྱལ་པོའི་ཆད་པ་ཞི་བ། འབྱུང་བའི་དུག་གཞི་ལ་བ། ལྷས་ངན་དང་བྱད་བྱུར་

― TN03_Page_0514 ―

^{[མ་དཔེ་གཟིགས་ན་འདིར་གནོན།]}

(༢༩༨)ཆག་སྒོ་ཞི་བ། གཟའ་སྐར་གྱི་གནོད་པ་ཞི་བ། ནང་འཐབ། སྡེ་འཁྲུགས། ཉམས་གྲིབ། མི་ཁ་བྲ་མཆུ། ལྷ་འཁྲུགས། ནད་སྣ་ཚོགས་ཞི་བར་བྱ་བ་སོགས་མཐའ་ཡས་པར་འཕྲུལ་བ་ནི། གཞུང་གི །གང་འདུལ་ཕྲིན་ལས་ལྷུན་གྲུབ་བསམ༔ ཞེས་པར་ཤིན་ཏུ་འབྱོར། ཨ་བ་ཏ་རར། དཔའ་བོའི་རང་བཞིན་གྱི་ང་རྒྱལ་བྱ་བ་སོགས་དྲང་། ༈ །དངུལ་ཆུ་རྒྱལ་སྲས་རིན་པོ་ཆེས། ཆོས་ཉིད་ཐུགས་ཆད་ཐུགས་ཀར་ཐལ་མོ་སྦྱར། །ཐུགས་རྗེ་རྒྱུན་མི་འཆད་པའི་ཕྲེང་བ་འཛིན། །འཁོར་བའི་འདམ་གྱིས་མ་གོས་པདྨ་བསྣམ། །ཞེས་བཀོད་འདུག །འཕགས་མའི་སྙིང་ཏིག་ལས། རང་འཕགས་མའམ་འཕགས་པར་བསྒོམ། ཐུགས་ཀར་ཚེ་དཔག་མེད་དམ་རྟ་མཆོག །དེའི་ཐུགས་ཀར་ཡིག་བཅུའམ། ཡིག་བདུན་བཀོད། དེ་ངག་ཏུ་བཟླ། ཞར་ལ་ཨ་མ་ར་ིའམ། རྟ་སྔགས་བཟླ་ཞེས་དང་། རིགས་པ་དེས་ཁྲོ་བོར་ཡང་འགྲུབ་པས་ཁྲོ་བོའི་ནང་དུ་མ་ི་འདྲེན་ཆོག་པ། ཀུན་མཁྱེན་ཕྱི་མའི་རྒྱུན་ཁྱེར་གཅིག་པུ་མིན་ཡང་ཁུངས་རྙེད་སྣང་། ༈ །གསང་ཡེ་ནི་ཞིང་རྡོ་རྗེའི་གནས་མཆོག་ཨོ་རྒྱན་གྱི་མཁའ་འགྲོ་མའི་ཚོགས་དཔོན་དུ་སྨིན་གླིང་གསང་ཡེ་དང་། བཀའ་གདམས་གླེགས་བམ་སོགས་ན་ཡོངས་གྲགས། དེ་ཡི་གེ་དྲུག་མར་བསྟན་པས་ནི་ལྷ་མོ་ཡི་གེ་དྲུག་མ་ཉིད་ཛམ་གླིང་འདི་ཉིད་ཀྱི་ཨོ་ཊི་ཡ་ན་གསང་སྔགས་ཀྱི་འབྱུང་གནས་ན་སྐུ་དངོས་ཀྱིས་ད་ལྟའང་བཞུགས་ནས་སྒྲུབ་པ་པོ་བྱིན་གྱིས་རློབས་པར་

― TN03_Page_0515 ―

^{[མ་དཔེ་གཟིགས་ན་འདིར་གནོན།]}

(༢༩༩)སྟོན་པས། བྱིན་ཆེ་ཞིང་མྱུར་བར་སྟོན་ཏེ་གལ་ཆེའོ། །ཡབ་ཀྱི་ཐལ་སྦྱར་སངས་རྒྱས་ཐམས་ཅད་བྱང་ཆུབ་སེམས་གཉིས་ཀྱི་དངོས་གྲུབ་དོན་དུ་སྐུལ། ཡུམ་གྱི་ཅང་ཏེ་འུས་ལས་དང་ཡེ་ཤེས་ཕོ་ཉ་མོ་རྣམས་བདེ་ཆེན་སྐྱེད་དང་ཕྲིན་ལས་དོན་དུ་སྐུལ་སྙམ། ༈ །སྐྱེས་རབས་ཀྱི་ཀུན་ཏུ་རྒྱུ་བྱང་ཆུབ་ཀྱི་ཐད་ནའང་སྤྲེལ་ལྤགས་སྤྲུལ་ཞེས་མ་གསུངས་པར་པགས་པའི་ཆེད་དུ་སྤྲེའུ་འདིའང་འཕགས་པའི་ཕྱག་གཡོན་པའི་འོད་ཟེར་ལས་སྤྲུལ་པར་གུར་བཀྲའི་ཆོས་འབྱུང་གི་བརྒྱ་ཉེར་ལྔ་ན་ཡོད། འཇམ་དཔལ་ཕྱག་རྡོར་དབང་བསྐུལ་རེད་རྩ་རྒྱུད་ལས། བྱང་གི་ཕྱོགས་སུ་ནི་བྱང་ཆུབ་སེམས་དཔའ་ལག་ན་པདྨ་འགྲུབ་བོ། །ཞེས་དང་སོགས་བོད་འབངས་སྤྲེལ་ཚ། བོད་རྗེ་ལི་ཙ་བིའི་རིགས་སོ། །བུའི་རིགས་ཀྱི་ཐུན་མིན་གྱི་རྒྱུ་ཕ་རེད་པས་སྤྲེའུ་ལས་མི་སྐྱེ་ཞེ་ན། བདེན་ཡང་། མིའི་འགྲོ་བ་སྔགས་ཀྱིས་སྤྲེའུ་བྱས་པ་ཡོད་ཀྱང་། དེ་འདྲའི་སྤྲེའུ་དེ་བྱོལ་སོང་གི་འགྲོ་བར་བཞག་དཀའ་སྟེ། འཇམ་མགོན་བླ་མ་ཙོང་ཁ་པས་གྲོང་འཇུག་གི་ལུས་གཞན་བླང་བ་སྐྱེ་འཆི་མཚན་ཉིད་པ་མིན་པར་བཤད་པ་ལྟར་ཏེ། དེ་ལྟར་འདིའང་སྤྲེའུའི་གཟུགས་འཛིན་པའི་མིའི་རྟེན་ཅན་དུ་ཁས་ལེན་ནམ་དཔྱོད། དགེ་བསྙེན་དུ་བཤད་པའང་དེ་ལྟར་རོ། །དེའང་ཡིན་ཏེ། སྤྲེའུ་ལྟ་བུའི་མི་ཡོད་པའི་ཕྱིར་ཏེ། དྲང་སྲོང་ཆེན་པོ་རྔ་བོང་བཞིན་ནོ། ༈ །འཕགས་པ་འདི་ལ་འཇིག་རྟེན་དབང་ཕྱུག་ཅེས་འཇིག་རྟེན་གསུམ་གྱི་རྒྱལ་སྲིད་ཀྱི་

― TN03_Page_0516 ―

^{[མ་དཔེ་གཟིགས་ན་འདིར་གནོན།]}

(༣༠༠)དབང་པོར་བསྔགས་ལ། རྒྱལ་པོ་ནི་འཁོར་སྡུད་པས་རབ་ཏུ་ཕྱེལ་སྟེ་སྟེང་ནས་འཇོག་དགོས་ལ། འཁོར་བསྡུ་བའི་སྒོ་ཡོངས་སུ་རྫོགས་པ་ནི་བསྡུ་དངོས་བཞི་ཡིན་པས་བསྡུ་བཞིའི་ལྷའོ། ༈ །རྡོ་རིང་པའི་རྣམ་ཐར་ཚར་ཆེན་གྱིས་མཛད་པ་ལས་རྒྱ་བོད་ཐམས་ཅད་དུ་ཡོངས་སུ་གྲགས་ཤིང་ཡི་གེ་དྲུག་པའི་ཕྲིན་ལས་ཀྱི་རྒྱུན་གྱིས་འཁོར་བ་མཐའ་ཅན་དུ་མཛད་པ་གྲུབ་ཐོབ་ཐང་སྟོང་རྒྱལ་པོར་གྲགས་པ་ཞེས་དང་། གྲུབ་ཐོབ་ཐང་སྟོང་རྒྱལ་པོ་དང་ངེད་དཔོན་སློབ་ཀྱི་རྣམ་ཐར་སུ་ཡིན་གྱི་བློ་ལ་ཤོང་བ་མེད་གསུང་། །ཞེས་སོ། ༈ །འཁྲུལ་ཞིག་སེང་གེ་རྒྱབ་པ་དང་། རིག་འཛིན་བླ་མ་ཀུ་མ་ར་ཛ། གུ་རུ་འོད་གསལ་རང་གྲོལ་སོགས་ཀྱི་རྣམ་ཐར་ནའང་འཕགས་པས་རྗེས་སུ་བཟུང་རབས་ཡོད། ༈ །རྭ་ལོ་རྡོ་རྗེ་གྲགས་པས་ཀྱང་ཡིག་དྲུག་གི་ཕྲིན་ལས་རྒྱ་ཆེར་སྤེལ་ཞིང་། འཕགས་པ་དབུ་གང་ལ་མཆོད་པ་མཛད་སྐབས། ཕྱག་མཆོད་ཀྱི་ཆུ་དྲི་རོ་བཟང་པོར་གྱུར་ཅིང་འཕགས་པའི་ཐུགས་ཀ་ནས་འོད་ཟེར་དཀར་པོ་མ་ིའི་རང་སྒྲ་སྒྲོགས་པ་ཕྱུང་སྟེ། རྭ་ཆེན་གྱི་ཐུགས་ཀར་ཐིམ་པ་ཀུན་གྱིས་མཐོང་བ་དང་། ལྷ་སར་འཕགས་པ་རང་བྱོན་གྱི་ལྔ་ལྡན་མཇལ་ཚེ་དེའི་ཐུགས་ཀ་ནས་ཆོས་རྒྱལ་སྲོང་བཙན་བྱོན་ནས་གདམས་པ་མང་དུ་སྩལ་བ་དང་། རྒྱ་མར་ཆོས་རྒྱལ་སྲོང་བཙན་གྱི་འཁྲུངས་པ་གཟིགས་པ་ལ་གསོལ་འདེབས་མཛད་པས་ལུང་པ་འཇའ་འོད་ཀྱིས་གང་བའི་གསེབ་ནས་དངུལ་གྱི་ཡིག་དྲུག་ཆར་དུ་

― TN03_Page_0517 ―

^{[མ་དཔེ་གཟིགས་ན་འདིར་གནོན།]}

(༣༠༡)འབབ་པ་ཀུན་གྱིས་མཐོང་བ་དང་། ཆེ་གཉན་གྱི་ཡུལ་མཆོག་མང་པོར་དྲག་ལས་མང་དུ་མཛད་པའང་འཕགས་པ་སྤྱན་རས་གཟིགས་ལས་མངོན་སྤྱོད་ཀྱིས་འགྲོ་དོན་བྱེད་པར་གནང་བ་ནོད་ནས་བྱས་པ་ཡིན་པར་བཤད་པ་སོགས་མང་། ༈ །དམ་པ་དམར་པོ་བྱིས་པའི་དུས་བྲ་མའི་ནང་དུ་ཁྱི་སྨྱོན་རོ་བསྲེགས་པས་ཀླུ་ནད་བྱུང་། ཕྱིས་རྡོ་རྗེ་གདན་པ་ལ་སྒོམ་ལུང་ཞུས། ཟླ་བ་གཅིག་ཏུ་མ་ི་བཟླས་པས་རྨི་ལམ་དུ་སྡིག་སྤྲུལ་མང་པོ་ལུས་ལས་ཐོན་པ་རྨིས། མལ་ཆུ་སེར་གྱིས་གང་། ཡིད་དངས་སིང་བ་བྱུང་། ཤ་རོ་དང་བལ་ལྡོག་སོགས་ཀྱང་མི་འདུག །གྲུབ་རྟགས་ནུས་པ་ཆེར་ཐོན། ༈ །བྱང་སེམས་ཟླ་རྒྱལ་གྱི་སློབ་མ་སྐྱི་ཚ་འོད་འབྱུང་གི་སློབ་མ་ཞང་དབུ་དཀར་བས་ཐུགས་ཆེན་དམར་ཁྲིད་ཀྱི་སྔོན་འགྲོའི་མ་ི་ལ་ནུས་པ་རྙེད་ནས་ལྷ་འདྲེ་ལ་ཕྲིན་བཏང་བས་ཆོག་པ་དང་བདེན་ཚིག་གྲུབ་པ་བྱུང་། འདིའི་སློབ་བརྒྱུད་ལ་འཕགས་པའི་ཞལ་མཐོང་མང་དུ་བྱུང་། ༈ །གཙང་པ་རྒྱ་རས་གཤེགས་ཚེ་སྒལ་ཚིགས་ལ་སྤྱན་རས་གཟིགས་ཀྱི་སྐུ་ཉེར་གཅིག་ཕེབས། ༈ །བྱ་ཡུལ་བའི་ཐུགས་སྲས་གཙང་པ་རིན་ཆེན་རོ་སྟོད་ཆེར་བསྙུང་ཚེ། མི་དཀར་པོ་རལ་པའི་ཐོར་ཅོག་ཅན་ཞིག་གིས་རིལ་བ་སྤྱི་བླུགས་ནས་བདུད་རྩི་བླུགས་པས་ནང་ཐམས་ཅད་གང་བའི་སྣང་བ་བྱུང་ནས་དྭངས། བཀའ་གདམས་པ་ཞིག་མཛེས་བསྙུང་བས་ཅིས་ཀྱང་མ་ཕན་ནས། ད་ང་རང་མི་ཁྱུ་ནས་

― TN03_Page_0518 ―

^{[མ་དཔེ་གཟིགས་ན་འདིར་གནོན།]}

(༣༠༢)བུད་ངོ་ཤེས་པར་བྱས་ཏེ་ཀྱི་མོ་རྫ་འཕྲང་གི་འོག་དེར་ལམ་ཟན་ལ་བརྟེན་ནས་བསྡད་དེ་མ་ི་བགྲང་ལ་ཚེ་བསྐྱལ་ལོ་སྙམ་དུ་ཐག་བཅད་པས་དེ་ནུབ་རང་ཁོང་ཆུས་ཁྱེར་བ་ལས་མི་དཀར་པོ་ཞིག་གིས་བཏོན་ནས་བྲག་ཐོག་ཅིག་ཏུ་བཞག་པས་ལུས་ལས་ཆུ་མང་པོ་ཟག་པ་རྨིས་ནས་སད་པ་དང་མལ་ཐམས་ཅད་ཆུ་སེར་གྱིས་གང་ནས་འདུག་སྟེ་མཛེ་ནད་ཡུལ་ཐོན་ཞེས་རྒྱལ་སྲས་རིན་པོ་ཆེས་གསུངས། ཆོས་རྗེ་དོན་གྲུབ་རིན་ཆེན་གྱིས་གྲྭ་སར་སློབ་གཉེར་མཛད་དུས། ཆོས་ཀྱི་གྲགས་པའི་རིག་གཞུང་གི་གནད་ཕྲ་བ་འཆར་དཀར་བར་བྱུང་བས། ཞྭ་ལུའི་ཐུགས་རྗེ་ཆེན་པོའི་རྡོ་སྐུ་རང་བྱོན་དེ་ལ་སྐོར་བ་མང་པོ་མཛད་དེ་གསོལ་བ་བཏབ་པས། དེའི་མོད་ལ་བློ་གྲོས་ཀྱི་མཐུ་ཆེན་པོ་སྐྱེས་ཏེ། ཀུན་མཁྱེན་བུ་སྟོན་རིན་པོ་ཆེའི་སྤྱན་སྔར་ཡང་མཁས་གྲགས་ཀྱི་རྒྱལ་མཚན་ཐོབ། ༈ །ད་ལྟའི་ཨ་བཟང་རྡོར་གྲགས་ཀྱི་ཨ་ཕྱི་དེ་ལོ་ཉི་ཤུའི་ནང་མིག་ལོང་། མ་ི་འབད་ནས་བཟླས་པས། ལོ་བཞི་བཅུ་སྐོར་ན་མིག་ཕྱེ་སྟེ་སྔོན་བཞིན་གྱུར། རྫོང་མདའི་མི་ཞིག་གི་མིག་ལོང་། མ་ི་རྩེ་གཅིག་བཏོན་པས་ནམ་ཞིག་འཆིར་ཉེ་དུས། ཁྱེའུ་དཀར་པོ་ཞིག་གིས་ལག་ནས་ཁྲིད་དེ་ལམ་དཀར་པོ་ཞིག་རི་རྩེར་ཟུག་པ་ནས་ཕར་ཕྱིན། རི་རྩེར་ས་ཕྱོགས་སྐྱིད་ཉམས་ཅན་ཞིག་ཏུ་སླེབས་པ་རྨིས། །ཕྱིར་ཉིན་ཚེ་འཕོས། མགར་སྐོར་གྱི་ཁང་སྲུང་མི་སྐྱ་རྫུན་མེད་ཞིག་གིས་མ་ི་ཁོ་ན་བཏོན་པས། ཁང་པ་དེར་མི་གཞན་མེད་དུས་ཕལ་ཆེ་བར་

― TN03_Page_0519 ―

^{[མ་དཔེ་གཟིགས་ན་འདིར་གནོན།]}

(༣༠༣)ཁྱེའུ་དཀར་པོ་ཞིག་འོང་ནས་མི་རྒན་ཁོ་རང་ལ་དགའ་ཉམས་སྟོན། ཁོ་ཁང་པའི་སྒོའི་ཐང་ན་གཅིག་པོར་བསྡད་དེ་སྐད་རྒྱང་མཐོན་པོས་མ་ི་འདོན་དུས་ཚོར། ཁང་པའི་སྐར་ཁུང་ནས་ཁྱེའུ་དེས་བཞིན་བསྟན་ནས་དགོད་ཅིང་མ་ིའི་འུར་རྒྱངས་བྱེད་པ་བྱུང་ཟེར་ཏེ། འཕགས་པ་ཡིན་འདྲ་ཡང་ཁོ་རང་གིས་ནི་འདི་ཚང་གི་ཁྱིམ་ལྷ་ཨི་མི་ཡིན་ཞེས་ཟེར། ཁྲ་སྐྱབ་ཚེ་གཟུང་གི་མེས་པོས་མ་ི་འབད་པས་བཏོན་པས་ཡང་ཡང་རྨི་ལམ་དུ་ཁྱེའི་དཀར་པོས་གཅེས་ཉམས་སྟོན་པ་མཐོང་། འདི་རིགས་མི་ནག་ཕོ་མོས་བཏོན་པའི་མཐུ་རེད། འབྲི་ཁོག་གཤེད་མི་རྒན་དད་ཅན་ཞིག་གིས་མ་ི་ཁོ་ན་བརྩོན་པ་ཆེན་པོས་བཟླས་པས་ཁོ་ཤི་ནས་ཡུན་རིང་བར་དུ་སྔོན་མལ་བཅས་ཤུལ་དེའི་ཉེར་ཁོར་ནས་མ་ིའི་རང་སྒྲ་ཁོར་ཡུག་ཏུ་གྲགས་པ་བྱུང་། འདིའི་སྐྱེ་བ་དེ་མ་ཐག་པ་རྗེ་དཔོན་ཀུན་གྲོལ་རྣམ་རྒྱལ་ཡིན་པར་བཤད། ༈ །ཐུགས་རྗེ་ཆེན་པོའི་སྒྲུབ་པས་ནི། དེ་པ་ཐམས་ཅད་ཀྱི་ཐུགས་རྗེ་ཕྱག་ན་རྡོ་རྗེ་གྲུབ་ཟེར་བ་ལྟ་བུ། འགྲུབ་ཡོང་བ་སྟེ། དེ་པ་ཐམས་ཅད་ཀྱི་བདག་ཉིད་སྤྱན་རས་ཀྱིས་བཙའ་བའི་དངོས་གྲུབ་སྒྲུབ་པ་ཞེས་སྣང་། ༈ །ཛམ་བུ་གླིང་པ་འོད་གསལ་གྱི་ལྷའི་རྒྱུད་ལས་མཆེད་ཀྱང་སྤྱིར་བཏང་ཡིན། དམིགས་བསལ་དུ་བོད་མི་ལ་རྗེ་འབངས་གཉིས་ལས་འབངས་རྣམས་ནི་ཐུགས་རྗེ་ཆེན་པོའི་མི་རྒྱུད་ཡིན་ཏེ། སྤྱན་རས་གཟིགས་དང་སྒྲོལ་མ་སྤྲེའུ་དང་བྲག་སྲིན་དུ་

― TN03_Page_0520 ―

^{[མ་དཔེ་གཟིགས་ན་འདིར་གནོན།]}

(༣༠༤)སྤྲུལ་པ་འདུས་པའི་ས་བོན་ལས་གཅིག་ནས་གཅིག་ཏུ་བརྒྱུད་པའི་རྒྱུན་ལ་བྱུང་། མ་ི་འདོན་མཁན་གྱི་དབུགས་ཀྱིས་ཕོག་ཚད་རྣམ་པར་གྲོལ་བའི་སྐལ་བ་ཅན་དུ་འགྱུར་ཞིང་། མ་ི་པ་དེའི་བདུན་བརྒྱུད་ཚུན་ཆད་རྙེད་པ་ལེགས་པར་རྙེད་པ་དང་ཡིད་བཞིན་གྱི་ནོར་བུ་འཛིན་པར་མདོ་སྡེ་ཟ་མ་ཏོག་ལས་བཀའ་སྩལ་བས་མ་ི་པ་གཅིག་ཁོ་ནའི་བྱིན་རླབས་ཡོན་ཏན་ཡང་དེའི་མི་རབས་མི་བརྒྱུད་ཐམས་ཅད་ལ་སྤང་ལ་མེ་ཤོར་ལྟར་མཆེད་འགྲོ་ན་སྤྲེལ་སྒོམ་ལྟ་བུ་འཕགས་པ་དངོས་ཀྱི་རྣམ་འཕྲུལ་ལྟ་ཅི་སྨོས། དེས་ན་རང་ཅག་ལ་འཕགས་པའི་རབ་གནས་ཆགས་སླ་སྟེ། ཆུ་ལས་བྱུང་བའི་ལན་ཚ་ཆུ་ཉིད་དུ་ཞུ་བའི་ཚུལ་དུ་སྒོ་གསུམ་འཕགས་པའི་གསང་བ་གསུམ་དུ་འགྲུབ་པ་ལ་ཚེགས་མེད། བོད་འབངས་འཚོ་བའི་ལོ་ཏོག་གི་ཁྱད་པར་རྣམས་ཀྱང་འཕགས་པས་འབྲུ་སྣ་བདུན་བོད་དུ་གཏོར་ནས་སྨོན་ལམ་བཏབ་པ་ལས་བྱུང་བས་སྤྱན་རས་གཟིགས་ཀྱི་སྨོན་ལམ་ལས་བྱུང་བའི་ཁ་ཟས་ཅན་ཤ་སྟག་གོ །དེས་ན་འཕགས་པ་ལ་སྔོན་ལས་འབྲེལ་ཐོགས་ངེས་མིན་པ་བོད་ཡུལ་གྱི་མིར་མི་སྐྱེ། ལས་འབྲེལ་ཆེ་རྟགས་སུ་བྱིས་པ་ལོ་གསུམ་པ་རྣམས་ཀྱང་མ་ི་འདོན་ཤེས། སྐྱེ་བོ་ཡི་གེ་མི་ཤེས་པ་ཡང་མ་ི་རྐོ་ཤེས། སྤྲང་ཕྲུག་ལྟོ་སློང་བ་ཡང་མ་ི་ལ་ངོ་ཆེན་སྒྲོན། མི་ནག་ཆོས་དྲན་ཡང་མ་ི་སྣ་ལ་འོང་བ་སོགས་ལྟ་ས་ན་ཡོད་པས་ཀྱང་ཆོག །དེ་ལྟར་སྔོན་གྱི་ལས་འཕྲོ་ཡོད་པས་འདི་ལྷ་སྔགས་

― TN03_Page_0521 ―

^{[མ་དཔེ་གཟིགས་ན་འདིར་གནོན།]}

(༣༠༥)གཞན་དང་མི་འདྲ་བའི་ཏིང་འཛིན་མེད་པར་ཁ་ཙམ་ཚིག་ཙམ་གྱིས་མ་ི་བཏོན་བསྡད་ཀྱང་བྱིན་རླབས་འཇུག །སྔགས་གཞན་མང་དུ་བཟླས་པ་བས་མ་ི་ལན་རེ་བཟླས་པ་བྱིན་རླབས་ཆེ་ཞེས་དཔལ་སྤྲུལ་རིན་པོ་ཆེ་གསུང་། དེ་ལྟར་བོད་འབངས་ལ་སྤྱན་རས་གཟིགས་ལ་བརྟེན་པའི་སྤྱི་མཐུན་གྱི་བསོད་ནམས་ཆེན་པོ་ཡོད་པའི་དབང་གིས། འཕགས་པ་ཉིད་སྲིད་སྐྱོང་རྒྱལ་པོའི་རྣམ་པར་དངོས་སུ་བྱོན་ཏེ་ཐུགས་དམ་གྱི་ལྷར་གསོལ་འདེབས་མཛད་དུས་ཚུན་ཆད་ལ། ངའི་བོད་འབངས་རྣམས་ལ་ཐུགས་རྗེས་གཟིགས་ཤིག །ཅེས་གསུངས་ཏེ། མི་བདག་བྱམས་པའི་སྟོབས་ཀྱི་སྐྱེས་རབས་བཞིན། དེ་ལྟར་བདག་ཏུ་བཟུང་ཚད་འཕགས་པའི་མིར་སོང་བ་ཡིན་པས་ཤིན་ཏུ་ཉེ་བ་ཤེས་སླ། སྤྲུལ་པའི་རྒྱལ་པོ་དེས་མ་འོངས་པའི་བོད་འབངས་རྣམས་ལའང་རང་ཉིད་དངོས་སུ་བཞུགས་པ་དང་རྣམ་དབྱེར་མེད་པའི་བྱིན་རླབས་མཛད་ཕྲིན་འཇུག་ཆེད་ཉིད་ཀྱི་སྐུ་འབག་ཏུ་རང་བྱོན་བཅུ་གཅིག་ཞལ་བཞེངས་ནས་ཡབ་ཡུམ་གསུམ་ཀ་དེར་ཐིམ་ཞིང་། སླར་ཐུགས་ཀ་དང་ནུ་མ་ལས་དབུ་ཉུག་མཛད་དེ་ཞལ་ཆེམས་ཡང་སྩལ་བས་ཆོས་རྒྱལ་ཡབ་ཡུམ་དངོས་ཀྱི་འདུ་ཤེས་བརྟན་པར་མཛད། གཞན་ཡང་དམར་པོ་རིའི་རང་བྱོན་ལོ་ཀི་ཤྭ་ར་དང་། དེ་གར་བཞུགས་སུ་ཞལ་གཟིགས་ནས་བོད་འབངས་ཀྱི་ཆེད་དུ་ངོ་ཆེན་ཞུ་བའི་ཚུལ་ཅན་སྲོང་བཙན་ང་འདྲ་མར་གྲགས་པ་དེང་སང་

― TN03_Page_0522 ―

^{[མ་དཔེ་གཟིགས་ན་འདིར་གནོན།]}

(༣༠༦)ཇོ་ཁང་སྟེང་ན་བཞུགས་པ་དང་། ཡར་འཕྲང་གི་ཡི་གེ་དྲུག་མ་དང་། ཚེ་ཆུ་འབུམ་པར་ཆུ་ཤེལ་གྱི་འཕགས་པ་རང་བྱོན་ཡོད་པར་བཤད། རྒྱ་ནག་མདྨེ། ཡིད་ལྷུང་དུ་མ་ི་གད་མགོར་གྲགས་པ། ཁྲོ་སྐྱབས་འཕགས་པ་རང་བྱོན་སོགས་ཀྱང་བོད་འབངས་སྤྱན་རས་གྱིས་འཚོ་བའི་རྗེས་དྲན་གྱི་མཚན་མ་དང་། ཐ་ཚིག་མི་འགྱུར་བའི་དོན་རྟགས་ཡིན། དེ་འདྲའི་རྟེན་འབྲེལ་གྱིས་གངས་ཅན་མཐའ་དབུས་ཀྱི་མི་ཐམས་ཅད་ད་དུང་ལྷ་ས་ལ་མཇལ་ཕྱག་སྐོར་བ་དང་མཆོད་པ་དང་སྨོན་ལམ་གྱི་འབྲེལ་བ་འཇོག་ཏུ་འགྲོ་ཞིང་། ཕྱོགས་ཞེན་མོས་དུང་ཁྱབ་གདལ་དུ་ཆེ་བ་དང་། མཐའ་དབུས་ཀུན་ཏུ་ཆོས་དང་ཟང་ཟིང་གི་དཔལ་འབྱོར་འབྱུང་བའི་རྩ་བའི་ཁུངས་ཀྱང་ལྷ་ལྡན་ཡིན་པ་སོགས་སྲོང་བཙན་དངོས་བཞུགས་དུས་དར་འགྲོ་དོན་ཕྲིན་ལས་ཕྱོགས་མཚུངས་པ་མཐོང་ཆོས་ལ་ཡོད། མདོར་ན་རང་ཅག་བོད་འབངས་རྣམས་སྤྱན་རས་གཟིགས་ཀྱི་མི་རྒྱུད་ཡིན་ཅིང་། གོང་རྗེར་བཅུ་གཅིག་ཞལ་དངོས་རང་བཞུགས་པས་དུས་ཀྱི་མཐར་ཡང་མ་ིའི་ནུས་པ་དང་ཡོན་ཏན་རིག་སྔགས་གཞན་དང་མི་མཉམ་པར་ཐོགས་མེད་དུ་འབྱུང་བ་ཡིན་ནོ། །བོད་འདིར་དམ་པའི་ཆོས་ཀྱི་དབུ་ཡང་མདོ་སྡེ་ཟ་མ་ཏོག་ནས་བརྙེས་པ་དང་། སྤྲུལ་པའི་རྒྱལ་པོས་ཕྱོགས་འདིར་རྒྱལ་བསྟན་རིན་པོ་ཆེའི་གཡང་འཁོར་ཆེད་ཤཱཀྱ་མུ་ནེ་མཆེད་གཉིས་སྤྱན་འདྲེན་པ་དང་། ནག་ཕྱོགས་ཀྱི་འབྱུང་པོ་མང་

― TN03_Page_0523 ―

^{[མ་དཔེ་གཟིགས་ན་འདིར་གནོན།]}

(༣༠༧)པོ་འདུལ་བ་དང་། གཙུག་ལག་ཁང་ཐོག་མར་རྩིགས་པའི་ས་འཚོལ་བ་དང་རྨིང་འདིད་བ་ལ་སོགས་པའི་མཛད་ཆེན་ཐམས་ཅད་འཕགས་པ་ཁོ་ན་ལ་གཞི་རྟེན་དང་སྲོག་ཤིང་བཅོལ། དེའི་སྒོ་ནས་ཁོག་ཕུབ་སྟེ་མཛད་པའང་འདི་བོད་ཀྱི་ལྷ་སྐལ་དང་། བོད་འདིའི་གདུལ་ཞིང་ཡིན་པའི་གནད་ལ་གཟིགས་ནས་ཡིན་ཅིང་། ཕྱིས་རྒྱ་གར་གྱི་པ་གྲུབ་གནམ་གྱི་སྐར་མ་ལྟར་མང་བའི་ནང་ནས་བོད་དུ་བསྟན་པའི་སྲོལ་འབྱེད་མཁན་ལ་རིག་འཛིན་ཡོངས་འདུས་ལས། སྤྱན་རས་གཟིགས་དབང་སྲོང་བཙན་སྒམ་པོ་ཉིད། །དྷ་ན་ཀོ་ཤར་སྐུ་རུ་སྤྲུལ་མཛད་དེ། །ཞེས་དང་། ལོངས་སྐུ་ཐུགས་རྗེ་ཆེན་པོ་སྤྲུལ་སྐུ་པདྨ་འབྱུང་གནས་ཞེས་མང་པོ་ལས་གསུངས་པ་དང་། །བཀའ་རྩིས་དང་རྒྱལ་པོ་བཀའ་འབུམ་སོགས་མཐའ་ཡས་པ་ནས་གསུངས་པ་ལྟར་སྤྱན་རས་གཟིགས་ཉིད་རིག་འཛིན་སློབ་དཔོན་གྱི་གཟུགས་སུ་བྱོན་པ་གུ་རུ་པདྨ་དང་། དེ་དང་ཐུགས་རྒྱུད་གཅིག་པར་བཀའ་གདམས་གླེགས་བམ་ནས་གསུངས་པའི་དཔལ་ལྡན་ཞི་འཚོ་གཉིས་པོ་རང་བྱུང་བ་དང་། བསམ་ཡས་བཞེངས་དུས་ཀྱང་ཐོག་མར་སྤྱན་རས་གཟིགས་དང་སྒྲོལ་མའི་ལྷ་ཁང་མ་བཞེངས་བར་དུ་བརྩིགས་མི་བཏུབ་ཅེས་གསུངས་ནས་ཨརྱ་པ་ལོའི་གླིང་བརྩིགས་པ་དང་། ཁྲི་སྲོང་དང་རལ་པ་ཅན་སོགས་ཀྱིས་ལྷ་ཁང་ནམ་བཞེངས་སུ་བར་ཆད་མེད་ཅིང་བྱིན་ཆགས་

― TN03_Page_0524 ―

^{[མ་དཔེ་གཟིགས་ན་འདིར་གནོན།]}

(༣༠༨)བཀྲ་ཤིས་འབྱུང་ཆེད་སྲོང་བཙན་གྱི་ཕྱག་རྗེས་ར་ས་ལ་བཟོ་ཕུད་ཕུལ་ནས་བཞེངས་པ་དང་། གུ་རུ་རིན་པོ་ཆེས་གསང་སྔགས་སྟོན་དུས་སྤྱི་ཁྱབ་ལ། བོད་ཀྱི་བླ་མའི་སྐལ་བ༴ །ལྷ་སྐལ་ཇོ་བོ༴ །ཞེས་དང་། མཚན་མོ་བྱུང་རེས་པདྨ་ང་ཉིད་སྒོམཿ །རང་གི་དོན་དུ་བཛྲ་གུ་རུ་སྒྲོངསཿ །ཉིན་མོ་འཕགས་པ༴ །སེམས་ཅན་དོན་དུ་མ་ི་ཞེས་གསུངས་ཤིང་། གུ་རུས་བོད་སྤྱི་ཁྱབ་ལ་གདམས་པ་ཡ་གི་ཐམས་ཅད་སྲིན་ཡུལ་བཞུད་ཀ་གནང་བ་ཁོ་ན་རེད། སྲིན་ཡུལ་བཞུད་ཀའང་སྤྱི་ཁྱབ་ལ་ཡིག་དྲུག་གི་ཕན་ཡོན་གསུངས། གཏེར་ཆོས་རྒྱ་ཆེ་བ་སྒྲུབ་སྡེ་བརྒྱད་དང་། ཡན་ལག་ལས་ཚོགས་རབ་འབྱམས་སོགས་ཀྱི་གནད་བསྡུས་སྙིང་པོ་བླ་རྫོགས་ཐུགས་གསུམ་ཞེས་འབྱུང་ཞིང་། དེ་གསུམ་མ་ཚང་ན་གཏེར་ཆེན་མིན་ཞེས་གཏེར་ཆོས་ཀྱི་སྐབས་སུའང་སྲོག་གི་དབང་པོ་ལྟ་བུར་བསྔགས་པ་དང་། ཆོས་དབང་རིན་པོ་ཆེ་དང་རྗེ་ཐང་སྟོང་པ་རད་གླིང་སོགས་ཀྱིས་ཡིག་དྲུག་རྒྱ་ཆེར་སྤེལ་ཞིང་མ་ིའི་རིལ་སྒྲུབ་ཀྱི་རྒྱུན་བཙུགས་པ་དང་། ཇོ་བོ་རྗེ་ལྷ་ཅིག་གི་གསང་ཆོས་བཀའ་གདམས་སྙིང་པོའི་མན་ངག །བསྟན་པ་བསྟན་འཛིན་དང་བཅས་པའི་བློ་རྡོ་ལྟ་བུར་བསྔགས་པ་ཐིག་ལེ་བཅུ་དྲུག་ཀྱང་ཐུགས་རྗེ་ཆེན་པོའི་སྒྲུབ་ཐབས་རང་ཡིན་པ་དང་། མངའ་བདག་ཉང་དང་ཆོས་དབང་རིན་པོ་ཆེས་ལྷ་སར་མར་མེའི་མཆོད་རྒྱུན་བཙུགས་པ་དང་། རྗེ་བཙུན་ཙོང་ཁ་བས་མགོན་པོ་འཇམ་དབྱངས་ཀྱི་བཀའ་བཞིན་མཛད་ཆེན་བཞིའི་ཆེ་

― TN03_Page_0525 ―

^{[མ་དཔེ་གཟིགས་ན་འདིར་གནོན།]}

(༣༠༩)ཤོས་སྨོན་ལམ་ཆེན་མོའང་སྲོང་བཙན་གྱི་དངུལ་དམ་རྟ་མགོ་མ་གཏེར་བཞེས་སོགས་དང་འབྲེལ་བར་ལྷ་སའི་ཞབས་ཏོག་ཏུ་མཛད་པ་སོགས་མཐའ་ཡས་པ་ཞིག་རྒྱུ་མཚན་དེའི་སྟེང་ནས་བཤད་པར་བྱའོ། །དེ་ལྟར་རང་དང་སྔོན་བསོད་ནམས་ཀྱི་ལས་འབྲེལ་ཆེ་བའི་ལྷ་དང་ཆོས་ཤིག་བསྒྲུབས་ནས་རླན་ཤས་ཆེ་སར་ཆུ་ཕོ་བ་དང་འདྲ་བར་སྔོན་དང་ད་ལྟའི་ལས་གཉིས་གཅིག་དཔུང་གཅིག་གིས་བྱས་ནས་འགྲུབ་ཐག་ཉེ། འོན་ཀྱང་ཀོ་སྐམ་སྙུང་བུས་ཕུག་པ་ལྟར་མིག་ཧུ་རེ་བའི་སྒྲུབ་འབྲས་དགོས་ན་ནི་དེ་གཉིས་ནང་འཛོམ་ཙམ་གྱིས་ཀྱང་མི་ཆོག་གི་ལྷ་སྔགས་གཅིག་པོ་དེར་རྩེ་གཅིག་ཏུ་ཕུར་ཚུགས་སུ་གཏད་ནས་བྱ་དགོས། གང་ཟག་སྒོས་བཙན་ལ་འཕགས་པ་དང་སྔོན་འབྲེལ་ཡོད་པས་མ་ི་བཏོན་ན་སྟོབས་ཆེ་བ་དང་། འཕགས་པ་ལ་བསྐྱེད་པའི་སྤྱི་མཐུན་གྱི་བསོད་ནམས་ཀྱི་དབང་གིས་ཡུལ་དུས་འདིར་བཙུགས་འགྲུབ་ཐག་ཉེ་བ་དོན་མི་གཅིག་པས་ཕྱི་མ་འདི་ཡང་གནད་དམ་པ་གཅིག་ཏུ་བཟུང་ངོ་། །ཆོས་ཡང་དག་པར་སྡུད་པ་སོགས་མདོ་སྡེ་དུ་མར་རྗེ་བཙུན་འདི་སོགས་བྱང་སེམས་ཀྱི་ཚོགས་ལ་ཆོས་ཀྱི་མཛོད་གཏད་དེ་ལྔ་བརྒྱ་པ་ཐ་མ་ལ་ཛམ་བུའི་གླིང་དུ་རྒྱས་པར་བྱོས་སོགས་དང་། དེའི་རྒྱུ་མཚན་བྱམས་པ་སེངྒེའི་སྒྲའི་མདོར་འཆིར་ཉེ་བ་དང་མི་ཚེ་རིང་ལ་ནོར་བཅོལ་བའི་དཔེས་བསྟན་ནས་གདུལ་བྱའི་ལྷག་མ་སྐྱོང་བར་བཀའ་

― TN03_Page_0526 ―

^{[མ་དཔེ་གཟིགས་ན་འདིར་གནོན།]}

(༣༡༠)བསྒོས། རི་བོ་ཏ་ལའི་ལམ་ཡིག་སོགས་ལྟར་ད་དུང་གླིང་འདིར་བཞུགས་པ། སྟོན་པ་ལམ་གྲོགས་ཀྱི་འཕྲོས་ཟུར་བྲིས་སོགས་བསྒྲིགས་ན་སྤྱི་དཔོན་ཚངས་རྒྱལ་བ་པ་མི་མཇེད་བདག་པོ་འདྲ་བ་དེ་ལས་ཀྱང་སྒོས་དཔོན་མིའི་ཆོས་རྒྱལ་རྒྱལ་སྲས་འདྲ་བ་འདི་མཇལ་བདེ་འདྲིས་སླ་ཞུ་ལམ་བཙལ་སླ་བ་འདྲ། སྔར་བཤད་དེས་ན་རང་ལ་ཐུགས་རྗེ་ཆེན་པོའི་བུ་རྒྱུད་དང་། ཐུགས་རྗེ་ཆེན་པོ་ལ་ཕ་མེས་ཀྱི་འདུ་ཤེས་བསྐྱེད་དེ། སྙིང་ཉེ་ལྷན་ནེ། ཡིད་དུང་དུན་ནེ་བ་བྱ་སྟེ། སངས་རྒྱས་ཀྱི་ཐུགས་ལ་ཉེ་རིང་མེད། མཐའ་གཅིག་ཏུ་ཉེ་བ་རྐྱང་ཡིན་ཡང་། རང་གི་འདུ་ཤེས་འཇོག་ལུགས་ཀྱིས་ཉེ་རིང་ལྟར་འགྱུར་བས་འགྲུབ་ཐག་ཉེའོ། །གཞན་ཡང་། ལས་ལྔ་དག་གི་རྒྱལ་སྲས་རྣམས། །སེམས་ཅན་ཕ་དང་འདྲ་བ་ཞེས་པའང་དྲན་པར་བྱའོ། །ལྔ་པོའི་ནང་དེར། སངས་རྒྱས་ལ་ནི་གསོལ་བ་དང་། །ཞེས་ཡོད་པ་ཐལ་མོ་སྦྱར་བའི་ཕྱག་གི་གོ་དོན་དང་མཐུན། འདི་དང་བགྲང་ནོར་གྱིས་སངས་རྒྱས་ཐམས་ཅད་ཀྱིས་མགོ་ལ་ཕྱག་གིས་དབང་བསྐུར་བར་གསུངས་པ་ཟ་མ་ཏོག་གི་མདོར་ཡིག་དྲུག་ཟློ་བའི་ཕྱོགས་དེར་སངས་རྒྱས་མང་དུ་འདུ་བར་གསུངས་པ་བཞིན་ཏེ། དམ་ཆོས་པད་དཀར་གྱི་གངྒ་རེ་གཉིས་ཀྱི་བྱེ་སྙེད་ཀྱི་རྒྱལ་བ་མཆོད་པ་སོགས་ལས་འཕགས་པ་འདིའི་མཚན་བརྗོད་པ་ལྷག་པར་བསྔགས་པ་དང་། རྟོག་གེ་འབར་བར་ཕར་གྱུར་པའི་ཕྱིར་དང་སོགས་

― TN03_Page_0527 ―

^{[མ་དཔེ་གཟིགས་ན་འདིར་གནོན།]}

(༣༡༡)ཀྱང་འདིར་མཁོ། རྟ་མགྲིན་རྟ་སྐད་ཀྱིས་མཁའ་འགྲོ་དམ་ཅན་སྡུད་པའི་དོད་དུ། འདིའི་ཤེལ་ཕྲེང་སོགས་ལ་དམིགས་ནས་མ་ི་བཟླས་པས་དེའི་མདོ་ཁོ་ནར་གངྒའི་བྱེ་སྙེད་ཀྱི་དེ་བཞིན་གཤེགས་པའི་ཐུགས་རྗེ་་འཁུལ་ཏེ། དེ་རྣམས་ཀྱིས་ལྷག་པར་དགོངས་ཤིང་བྱིན་གྱིས་རློབས་པ་ཉིད་ཡིན་ཏེ། དེ་ལྟར་དགོངས་ཤིང་བརླབས་པས་རྨི་ལམ་དུ་ཡང་རྒྱལ་བ་སྲས་བཅས་མཐོང་ཞིང་བདུད་དང་ཕྱིར་རྒོལ་བ་ཐམས་ཅད་ཀྱིས་མི་བརྫི་བ་དང་། ཕྱིན་ཅི་ལོག་གི་བློ་སྣ་སོགས་དང་འཇིགས་པ་དང་སྡུག་བསྔལ་དང་ཡིད་མི་བདེ་བའི་ཕྱོགས་ཐམས་ཅད་ངང་གིས་འགྲིབ་ཅིང་། དཀར་པོའི་ཆོས་དང་བདེ་སྐྱིད་ལེགས་ཚོགས་ཐམས་ཅད་སྟོབས་འཕེལ་ནས་གོང་འཕེལ་དུ་འགྲོ། སྒྲུབ་པ་པོས་ཇི་ལྟར་དོན་དུ་གཉེར་བ་དེ་ལྟར་གཟུངས་སྤོབས། ཏིང་འཛིན་མངོན་ཤེས་སྙིང་རྗེ། ཚིག་བཙན་པའི་ངག་གི་དབང་ཕྱུག །ཚེ་སྟོབས་ནད་མེད་བདེ་བ་ལང་ཚོ་དབང་ཕྱུག་གཟི་བརྗིད་གནས་ལུས་འཁོར་དང་ལོངས་སྤྱོད་རྩོམ་པ་ཕུན་ཚོགས་སོགས་ནས་མཁའ་སྤྱོད་དང་མི་སྣང་བ་སོགས་སྒྲུབ་པ་པོའི་ནུས་པ་ཇི་ལྟ་བ་བཞིན་སྩོལ་བར་མཛད། དེས་ན་མཐའ་ཡས་པའི་རྒྱལ་བ་རྣམས་ནི་དཔག་བསམ་གྱི་ནགས་ཚལ། དེ་རྣམས་ཀྱི་བྱིན་རླབས་དངོས་གྲུབ་ནི་ཡོངས་འདུའི་མེ་ཏོག །ཡིག་དྲུག་བཟླས་སྒོམ་ནི་ལྷའི་རླུང་། དེས་དེ་རྣམས་བསྐུལ་བས་

― TN03_Page_0528 ―

^{[མ་དཔེ་གཟིགས་ན་འདིར་གནོན།]}

(༣༡༢)གང་འདོད་བཞིན་འཐོབ་པ་ནི་ཤིང་ལས་མེ་ཏོག་ཕྲུལ་བ་ལྟ་བུར་གོ །དེས་ན་འཁྲུལ་འཁོར་གྱི་གནད་གཅིག་ནས་བསྐུལ་བས་འཁྲུལ་འཁོར་བརྒྱ་སྟོང་མང་པོ་གཡོ་འགུལ་བྱས་ཡོད་པའི་འཕྲུལ་ཐབས། སངས་རྒྱས་ཐམས་ཅད་ཀྱི་སྙིང་རྗེའི་གནད་ཆེ་ཤོས་ཀྱི་གཟེར་བུ་གཅིག་བསྐུལ་བས་རྒྱལ་བ་ཐམས་ཅད་བསྐུལ་ཡོང་བ་སྟེ། སངས་རྒྱས་ཐམས་ཅད་ཀྱི་སྙིང་རྗེའི་གནད་གཟེར་ནི་འཕགས་པའི་ལྷ་སྔགས་དེའི་ནང་ནས་ཀྱང་ཡི་གེ་དྲུག་པ། །དེས་བསྐུལ་ཙ་ན་སངས་རྒྱས་ཐམས་ཅད་ཀྱི་ཐུགས་རྗེ་འཁུལ། དེ་འཁུལ་བ་ཉིད་དེ་རྣམས་ཀྱི་སྟོབས་དང་མི་འཇིགས་མ་འདྲེས་དབང་བཅུ་སོ་རིག་བཞི་སོགས་འབྲས་ཆོས་ཐམས་ཅད་འཁུལ་བ་སྟེ། འབྲས་ཆོས་དེ་ཐམས་ཅད་ཀྱི་གནད་སྲོག་སྐྱེ་ལ་ཐུགས་རྗེ་ཆེན་པོ་ཡིན་པས་སམ། འབྲས་ཆོས་དེ་ཐམས་ཅད་སྙིང་རྗེ་ཆེན་པོས་གཞན་དོན་ཁོ་ནར་བསྒྲུབ་པ་ཡིན་པའི་ཕྱིར་རོ། །སངས་རྒྱས་བསྐུལ་ནས་ཞུ་རྒྱུའི་དངོས་གྲུབ་ཀྱི་གཙོ་བོ་ནི་བྱང་ཆུབ་སེམས་གཉིས་ཀྱི་དངོས་གྲུབ་སྟེ། མི་གོས་པ་དང་། འཇིག་རྟེན་ལ་དབང་བསྒྱུར་བ་གཉིས་ཚོགས་ཀྱི་འགྲོ་བ་འདུལ་བའི་ཡེ་ཤེས་ཞེས་པ་དེའོ། །དངོས་སུ་བསྒྲུབ་བྱ་གཞན་ལ་བྱེད་ན་ནི། འདི་ལ་དགྲའམ་མི་མིན་ནམ་འབྱུང་བའི་གནོད་པ་འདི་ལྟ་བུས་གཙེས་སམ་གཙེར་དོགས་པས་མི་འཇིགས་པ་སྩོལ་ཅིག་ཅེའམ། རྒྱལ་སྲིད་སྩོལ་ཅིག་ཅེས་

― TN03_Page_0529 ―

^{[མ་དཔེ་གཟིགས་ན་འདིར་གནོན།]}

(༣༡༣)པ་ལྟ་བུ་སྟེ། འདི་མ་ི་ལ་ནུས་པ་ཅུང་ཟད་རྙེད་པ་ཡན་ཆད་ཀྱིས་བྱའོ། ༈ །མ་ི་རྟག་ཏུ་འཛིན་ཅིང་རྗེས་སུ་དྲན་པར་བྱེད་པ་རྣམས་འཁོར་བའི་སྡུག་བསྔལ་མཐའ་ཡས་པ་ལས་ཐར་བར་འགྱུར། གང་དང་གང་དུ་སྐྱེས་པ་དེ་དང་དེར་ཚེ་རབས་དྲན་པར་འགྱུར། ལུས་བ་ལང་གི་སྤོས་ཀྱི་ཙན་དན་སྣོམ་པར་འགྱུར། ཁ་ནས་ཨུད་པ་ལའི་དྲི་འབྱུང་། ལུས་ཡོངས་སུ་རྫོགས་པར་འགྱུར། སྟོབས་པོ་ཆེའི་སྟོབས་ཀྱི་ཤུགས་དང་ལྡན་པར་འགྱུར་རོ། །ཞེས་དང་། མ་ིའི་ཡིག་འབྲུ་གཅིག་འདྲིར་བཅུག་ཀྱང་རིགས་ངན་དུ་མི་སྐྱེ། དབང་པོ་ཉམས་པར་མི་འགྱུར། ཐེང་པོ་དང་སྒུར་པོ་དང་མཛེ་ཅན་སོགས་སུ་མི་འགྱུར། ལུས་ལ་ནད་ཀྱིས་འདེབས་པར་མི་འགྱུར་ཏེ། ནད་མེད་པ་དང་། མཐུ་ཆེ་བ་དང་། དབང་པོ་གསལ་བར་འགྱུར་ཞེས་གསུངས་ཤིང་། ཡིག་དྲུག་འདྲིར་འཇུག་པ་དེ་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་འདྲི་བཅུག་པར་འགྱུར་ཞིང་། གླིང་བཞི་ལ་དབང་བའི་འཁོར་སྒྱུར་དུ་འགྱུར་བར་གསུངས་ཏེ་རྡོ་འབུམ་བཞེངས་པ་སོགས་ལ་སྦྱོར། ཕྱི་རོལ་རྡོ་དང་གྲོ་ཤོག་སོགས་ལ་འདྲི་བ་དང་། ནང་བསྒོམ་པས་འདྲི་བ་གཉིས་ཀྱི་ཕྱི་མ་ལའང་སྦྱོར་རུང་ངམ་སྟེ། ཡིད་གཙོ་བོ་ཡིན་པའི་ཕྱིར་ཏེ་འཕགས་པ་ཉིད་ཀྱིས་སངས་རྒྱས་པདྨའི་མཆོག་ལ་རིག་སྔགས་ཕུལ་ཐང་། དཀྱིལ་འཁོར་ཚོན་གྱིས་འདྲི་བ་མ་འབྱོར་ན་ཡིད་ཀྱིས་འབྲི་བ་དེའི་དོད་དུ་

― TN03_Page_0530 ―

^{[མ་དཔེ་གཟིགས་ན་འདིར་གནོན།]}

(༣༡༤)གསུང་བ་བཞིན་ནོ། །ཡང་། ཡིག་དྲུག་རྟག་ཏུ་འཛིན་ཅིང་ཟློས་པ་ལ་བརྩོན་པ་རྣམས་ནི་བསོད་ནམས་ཆེན་པོ་དང་ལྡན་པ་སྟེ། དེ་དག་གིས་ཟློས་པར་བྱེད་པའི་ཚེ་སངས་རྒྱས་བཅོམ་ལྡན་འདས་གང་གཱའི་ཀླུང་དགུ་བཅུ་རྩ་དགུའི་བྱེ་མ་སྙེད་འདུ་བར་འགྱུར། བྱང་སེམས་རྡུལ་ཕྲ་རབ་སྙེད་འདུ་བར་འགྱུར། ཕར་ཕྱིན་དྲུག་སྒོ་ན་གནས་པར་འགྱུར། །གཞན་ཡང་ལྷའི་སྡེ་སུམ་ཅུ་རྩ་གཉིས་ཀྱི་ལྷའི་བུ་དག་འདུ་བར་འགྱུར། རྒྱལ་པོ་ཆེན་པོ་བཞི་ཡང་ཕྱོགས་བཞི་སྲུང་བར་འགྱུར། །ཀླུའི་རྒྱལ་པོ་རྒྱ་མཚོ་དང་། མ་དྲོས་པ་དང་། འཇོག་བོ་སོགས་ཀླུ་བྱེ་བ་ཁྲག་འབུམ་དུ་མས་ཡོངས་སུ་སྲུང་བར་བྱེད། །ས་བླའི་གནོད་སྦྱིན་དག་ནི་བླ་གབ་མེད་པར་སྲུང་བར་བྱེད། རིགས་ཀྱི་བུ་དེའི་བ་སྤུའི་ཁུད་བུ་རེ་རེར་ཡང་སངས་རྒྱས་བྱེ་བ་དག་བཞུགས་ནས་རུས་ཀྱི་རིགས་བདུན་བརྒྱུད་དང་། ལྟོ་ན་གནས་པའི་སྲོག་ཆགས་རྣམས་ཀྱང་དབུགས་འབྱིན་པར་མཛད། འདི་འཆང་བ་དེའི་ལུས་ནི་རྡོ་རྗེའི་ལུས་དང་། རིང་བསྲེལ་གྱི་མཆོད་རྟེན་དང་། དེ་བཞིན་གཤེགས་པའི་ཡེ་ཤེས་བྱེ་བར་རིག་པར་བྱའོ། །འདི་ཟློས་པ་དེ་ནི་སྤོབས་པ་མི་ཟད་པར་འགྱུར། ཡེ་ཤེས་ཀྱི་ཕུང་པོ་རྣམ་པར་དག་པར་འགྱུར། བྱམས་པ་ཆེན་པོ་དང་སྙིང་རྗེ་ཆེན་པོ་དང་ལྡན་པར་འགྱུར། དེ་ཉི་མ་རེ་རེ་ཞིང་ཕར་ཕྱིན་དྲུག་ཡོངས་སུ་རྫོགས་པར་འགྱུར། དེ་རིག་འཛིན་གྱི་འཁོར་ལོས་སྒྱུར་བའི་དབང་ཐོབ་པར་འགྱུར། ལ་ལ་ཞིག་

― TN03_Page_0531 ―

^{[མ་དཔེ་གཟིགས་ན་འདིར་གནོན།]}

(༣༡༥)ལ་དེའི་དབུགས་ཀྱིས་རེག་གམ་ལག་པས་རེག་གམ་ལ་ལ་ཞིག་གིས་དེ་མཐོང་བར་གྱུར་ན་སྐྱེས་པ་བུད་མེད་ཁྱེའུ་བུ་མོ་བྱ་དང་རི་དྭགས་བ་ལང་དང་བོང་བུ་སོགས་གང་སུ་ཡང་རུང་སྟེ་ཐམས་ཅད་བླ་མེད་རྫོགས་བྱང་ལས་ཕྱིར་མི་ལྡོག་པར་འགྱུར། སྐྱེ་རྒ་ན་འཆི་དང་མཛའ་བ་དང་བྲལ་བའི་སྡུག་བསྔལ་མེད་པར་འགྱུར། རྣལ་འབྱོར་བསམ་གྱིས་མི་ཁྱབ་པ་དང་ལྡན་པར་འགྱུར། བསམ་གཏན་དཔག་ཏུ་མ་མཆིས་པ་ཟིལ་གྱིས་གནོན་པར་བགྱིད། ཆོས་ཀྱི་མཛོད་ཡོངས་སུ་གང་བར་བགྱིད་དོ། །ཞེས་གསུངས། དེ་བཞིན་གཤེགས་པ་རྡུལ་ཕྲ་རབ་སྙེད་ཀྱི་སྐུ་གཟུགས་ལྷའི་གསེར་རིན་པོ་ཆེ་ལས་བྱེད་ཅིང་བྱས་ནས་ཉིན་གཅིག་བཞིན་དུ་རིང་བསྲེལ་འཇུག་པ་དེའི་འབྲས་བུ་རྣམ་པར་སྨིན་པ་ནི་ཡི་གེ་དྲུག་པའི་ཡིག་འབྲུ་གཅིག་གི་འབྲས་བུའི་ཡིག་དྲུག་གཅིག་གི་འབྲས་བུ་ཞེས་པ་འདི་ཡིག་འབྲུ་གཅིག་བྲིས་པའི་འབྲས་བུ་སྟེ། དེའི་གོང་ན་དངོས་བསྟན་སྒྲས་ཟིན་ཡོད་དོ། །རྣམ་པར་སྨིན་པ་ཙམ་མོ། །ཞེས་སོ། །ཡུལ་ཁོར་མོར་འཇིག་གི་ཆོས་སྨྲ་མ་ི་བ་བའི་ལོ་རྒྱུས་ཀྱི་ཐད་ན། ལྷ་དང་ཀླུ་དང་གནོད་སྦྱིན་དང་ལྷ་མ་ཡིན་དང་ནམ་མཁའ་ལྡིང་དང་མིའམ་ཅི་དང་ལྟོ་འཕྱེ་ཆེན་པོ་དང་མི་དང་མི་མ་ཡིན་པ་དག་ཁྱོད་ལས་ཆོས་ཉན་ཏེ། ཁྱོད་ལ་ཆོས་ཉན་པའི་ཚེ་ཐམས་ཅད་འདུ་བར་བགྱིད་དོ། ཁྱོད་ནི་རྡོ་རྗེ་ཆེན་པོ་དང་མཉམ་པའི་ཆོས་ཀྱི་རྣམ་གྲངས་འཆད་པར་མཛད་དོ། །སེམས་ཅན་འཁོར་

― TN03_Page_0532 ―

^{[མ་དཔེ་གཟིགས་ན་འདིར་གནོན།]}

(༣༡༦)བའི་བཅིང་བས་བཅིང་བ་མང་པོ་ཐར་བར་མཛད་དོ། །ཞེས་གསུངས་ཏེ་རྡོ་རྗེ་དང་མཉམ་ལུགས་ནི་འོག་ཏུ་འཆིང་བ་གཅོད་པར་གསུངས་པ་འདི་ཡིན་པ་འདྲ་སྟེ། རྡོ་རྗེ་ལྕགས་སྒྲོག་གཅོག་པ་ཡིན་ནོ། །ཡང་། དཔེར་ན་མེས་ནགས་ཀྱི་འདབ་མ་མྱུར་དུ་འཚིག་པར་བགྱིད་པ་དེ་བཞིན་དུ་ཁྱོད་མཐོང་མ་ཐག་ཏུ་སྡིག་པ་ཐམས་ཅད་འཕྲོག་པར་མཛད་དོ། །དེ་བཞིན་གཤེགས་པ་རྣམས་ཀྱང་མཁྱེན་ཏོ། །གཞན་ཡང་བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་དང་། ཚངས་པ་དང་། འཇུག་སྲེད་དང་། དབང་ཕྱུག་ཆེན་པོ་དང་། ཉི་མ་དང་། ཟླ་བ་དང་། རླུང་གི་ལྷ་དང་། ཆུའི་ལྷ་དང་། མེའི་ལྷ་དང་། ཆོས་ཀྱི་རྒྱལ་པོ་གཤིན་རྗེ་དང་། རྒྱལ་པོ་ཆེན་པོ་བཞི་དག་ཁྱོད་ལ་མཆོད་པའི་ལས་བྱ་བའི་ཕྱིར་མཆིའོ། །ཞེས་སོ། །ཡང་། ངེས་པར་འབྱུང་བ་ཚོལ་བ་ཁ་ཅིག་དབང་ཕྱུག་ཆེན་པོ་དང་། འཇུག་སྲེད་སོགས་ལ་རབ་ཏུ་འབྱུང་སྟེ། དེ་དག་ལ་ཡང་ཐར་པ་མེད། མགོན་ཡང་མ་ཡིན། བརྟུལ་ཞུགས་ཅན་ཡང་མ་ཡིན་ནོ། །ལྷ་མང་པོ་དང་། ཚངས་པ་དང་། འཇུག་སྲེད་དང་། དབང་ཕྱུག་ཆེན་པོ་དང་། བརྒྱ་བྱིན་ལྷའི་དབང་པོ་དང་། ཉི་མ་དང་། ཟླ་བ་དང་། རླུང་གི་ལྷ་དང་། ཆུའི་ལྷ་དང་། མེའི་ལྷ་དང་། ཆོས་ཀྱི་རྒྱལ་པོ་གཤིན་རྗེ་དང་། གཤིན་རྗེ་ཆོས་རྒྱལ་གྱིས་ཕྱག་བྱས་ཚུལ་ཟ་མ་ཏོག་དང་འགྲེལ་ཆེན་དྲི་མེད་འོད་ལས་སོ། །དབང་ཕྱུག་དང་གཽ་རི་ལུང་བསྟན་པ། ལྷ་མོ་

― TN03_Page_0533 ―

^{[མ་དཔེ་གཟིགས་ན་འདིར་གནོན།]}

(༣༡༧)དཔལ་གྱིས་གླིང་བཞིའི་སེམས་ཅན་རྣམས་ཀྱི་ལོངས་སྤྱོད་ཀྱི་ཕྱིར་བྲེ་བོ་ལོ་ཏོག་གིས་གང་བ་ཕུལ་བ། ཚོགས་བདག་གླང་པོ་གདོང་གི་ལོ་རྒྱུས༴ །རྒྱལ་པོ་ཆེན་པོ་བཞི་དག་རྟག་ཏུ་ཡི་གེ་དྲུག་པའི་རིག་སྔགས་ཀྱི་རྒྱལ་མོ་ཆེན་མོ་སློང་ངོ་། །ཞེས་དང་། འདི་ལ་ཅུང་ཟད་བཟླས་པས་ཀྱང་ཐེག་པ་ཆེན་པོའི་རྣམ་པ་མང་པོ་མདོ་དང་། དབྱངས་ཀྱིས་བསྙད་པ་ནས་གཏན་ལ་ཕབ་པར་བསྟན་པའི་བར་བཅུ་གཉིས་དང་། ཞི་བ་དང་། ཐར་པ་ཡང་ཐོབ་པར་འགྱུར་རོ། །མང་དུ་བཤད་ཅི་དགོས་ཏེ། སའི་ནང་དུ་གཏོགས་པ་ལ་སྙིང་པོར་འཛིན་པ་ཅི་ཡིན་ཞེ་ན། འབྲས་ནི་སྙིང་པོར་འཛིན་ཏེ་ཁྱེར་ནས་བདག་གི་ཁྱིམ་དུ་སྣོད་རྣམས་ཡོངས་སུ་བཀང་སྟེ་འཇོག་གོ །བཞག་ནས་ཉི་མའི་ཚུལ་བཞིན་དུ་ཉི་མ་ཚ་བ་ལ་སྐེམས་སོ། །བསྐམས་ནས་གཏུན་ལ་བརྡུངས་ཤིང་ཕུབ་མ་རྣམས་སེལ་ཏོ། དེའི་སྙིང་པོ་ནི་འབྲས་རྨེའུ་ཡིན་ཏེ། དེ་བཞིན་དུ་རྣལ་འབྱོར་གཞན་དག་ཕུབ་མ་དང་འདྲའོ། རྣལ་འབྱོར་ཐམས་ཅད་ཀྱི་ནང་ན་ཡིག་དྲུག་གི་རིག་སྔགས་འདི་ནི་འབྲས་རྨེའུར་གྱུར་པའོ། །བྱང་ཆུབ་སེམས་དཔའ་རྣམས་ནི་ཕ་རོལ་ཏུ་ཕྱིན་པ་དྲུག་གི་ཕྱིར་ཚོགས་འབྱིན་ཏེ་བཟླས་པ་གཅིག་བྱས་པས་ཕྱིན་དྲུག་ཡོངས་སུ་རྡོགས་པར་འགྱུར་རོ། །ལ་ལ་ཞིག་གིས་ལག་པས་རེག་ན་དེ་དག་ཀྱང་ཕྱིར་མི་ལྡོག་པའི་ས་འཐོབ་བོ། །འདིའི་མོང་ལན་གཅིག་བཟུང་ན་དེ་བཞིན་གཤེགས་པ་ཐམས་ཅད་ལ་ན་

― TN03_Page_0534 ―

^{[མ་དཔེ་གཟིགས་ན་འདིར་གནོན།]}

(༣༡༨)བཟའ་དང་བཤེས་དང་མལ་སྟན་དང་སྙུན་གྱི་གསོས་སྨན་དང་ཡོ་བྱད་ཐམས་ཅད་ཀྱིས་བཀུར་སྟིར་བྱས་པར་འགྱུར་རོ། །ཞེས་སོ། །འདི་འདྲའི་རྟགས་ལྡན་དེ་ཡིག་དྲུག་ཕྱིན་དྲུག་དང་སྦྱོར་བའི་ཁུངས་སུ་འགྲོའམ་དཔྱོད། འཇམ་དཔལ་རྩ་རྒྱུད་ལས་འཇིག་རྟེན་དབང་པོའི་སྐུའི་ཏིང་ངེ་འཛིན་ལས་སྒྲོལ་མ་དང་གོས་དཀར་མོ་སོགས་བྱུང་གསུངས་ཤིང་། རྣམ་སྣང་མངོན་བྱང་འགྲེལ་པར་ཁྲོ་གཉེར་གྱི་རྒྱུད་ལས་ཁྲོ་གཉེར་ཅན་བྱུང་གསུངས་ལ། ཟ་མ་ཏོག་ལས་བ་སྤུ་རེ་རེར་ཡང་ཏིང་ངེ་འཛིན་མང་པོ་ཡིད་པར་གསུངས་ཏ། བ་སྤུ་རེ་རེ་སྒྲུབ་བྱེད་ཀྱི་ཏིང་ངེ་འཛིན་གྱི་སྟེང་གི་འགྲོ་འདུལ་གྱི་ཕྲིན་ལས་ཀྱང་མཐར་ཐུག་པ་མེད་དོ། །དེའང་ཀ་ན་ཀ་དང་། ཉི་མའི་འོད་དང་། བདུད་རྩི་དང་། རྡོ་རྗེའི་སྒོ་དང་། ཀྲིཥྞ་དང་། སྨན་ཆེན་པོ་སོགས་བ་སྤུའི་ཁུང་བུ་རྣམས་ན། ཨིནྜ་ནཱི་ལ་ལ་སོགས་པ་རིན་པོ་ཆེའི་རང་བཞིན་གྱི་རི་བོ་ཤིན་ཏུ་རྒྱ་ཆེ་ཞིང་ལྷུན་མཐོ་བརྩེ་མོ་སྣ་ཚོགས་ཅན། ངོས་རྣམས་ལྷའི་ནོར་བུ་རིན་པོ་ཆེའི་སྐྱེད་མོའི་ཚལ་གྱིས་བརྒྱན་པ། སིལ་སྙན་གྱི་སྒྲས་ཁྱབ་པ་དང་། ལྷའི་གཞལ་མེད་ཁང་ཤིན་ཏུ་བཟང་ཞིང་ལྟ་ན་སྡུག་ལ་རྣམ་པ་སྣ་ཚོགས་པ། ལྷའི་རིན་པོ་ཆེའི་འོད་ཀྱིས་སྣང་བར་བྱས་པ། ནོར་བུ་དང་། མུ་ཏིག་གི་ཆུན་འཕྱང་དང་སེ་མོ་དང་། དར་གྱི་ལྡ་ལྡི་དང་། གསེར་གྱི་དྲིལ་བུའི་དྲྭ་བས་བརྒྱན་པ། གསེར་གྱི་ཐེམ་སྐས་ཅན་མཆོག་ཏུ་དགའ་བར་བྱེད་པ་མང་

― TN03_Page_0535 ―

^{[མ་དཔེ་གཟིགས་ན་འདིར་གནོན།]}

(༣༡༩)།པོ་དང་། འཆག་ས་དང་སྐྱེད་མོའི་ཚལ་རྣམས་ན་དཔག་བསམ་གྱི་ཤིང་ཁང་པ་བརྩེགས་པ་ལྟ་བུ་ལ་ལྷའི་གོས་དང་རྒྱན་དང་དྲིལ་བུ་འཕྱང་བའི་ནགས་ཚལ་དང་། སྤོས་ཀྱི་ཤིང་གྲངས་མེད་པས་དཀྲིགས་ཤིང་། ལ་ལ་ཆུ་ཡན་ལག་བརྒྱད་དང་ལྡན་པས་གང་། ལ་ལ་ཆུ་དང་མེ་ཏོག་གིས་གང་བའི་རྫིང་བུ་འབུམ་ཕྲག་མང་པོས་མཛེས་པ། དེ་དག་གི་མེ་ཏོག་ཀྱང་ཨུཏྤལ་དང་པདྨ་དང་ཀུ་མུ་ཏ་དང་། པུནྜ་རི་ཀ་དང་། མནྡྷ་ར་བ་ཆེན་པོ་སོགས་སྣ་ཚོགས་པ། རིན་པོ་ཆེ་ཤ་རི་ད་ཀ་ཞེས་བྱ་བ་དང་མེ་ཏོག་པདྨ་ལྟར་སྣང་བ་ཞེས་བྱ་བ་སོགས་བསམ་དགུ་འབྱུང་བའི་ནོར་བུ་རིན་པོ་ཆེའི་ཁྱད་པར་ཡོད་པ། དྲང་སྲོང་མངོན་ཤེས་ཐོབ་པ་དང་། ལྷ་དང་དྲི་ཟ་དང་མི་འམ་ཅི་དང་དྲི་ཟའི་བུ་མོ་དམ་པའི་ཆོས་ཀྱི་དགའ་བའི་ཟས་ཅན་གྲངས་མེད་པ་དང་། རྗེ་བཙུན་གྱི་རྗེས་སུ་སློབ་པའི་བྱང་སེམས་ཕྱིར་མི་ལྡོག་པ་བྱེ་བ་ཁྲག་ཁྲིག་འབུམ་ཕྲག་མང་པོ་ལ་ལ་ནི་བསམ་གཏན་བྱེད། ལ་ལ་ནི་ཐེག་པ་ཆེན་པོའི་ཆོས་ཀྱི་གཏམ་བྱེད་ཅིང་གནས་པ། བྱ་དང་རི་དྭགས་རྣམས་ཀྱང་མདོ་སྡེ་ཟ་མ་ཏོག་རྗེས་སུ་དྲན་པར་བྱེད་པ། རྗེ་བཙུན་གྱི་མཚན་དྲན་པ་ཙམ་གྱིས་ལྷའི་ཟས་རོ་མཆོག་དང་ལྡན་པ་དང་ལྷའི་གོས་སོགས་ལྷ་རྫས་ཀྱི་ལོངས་སྤྱོད་འབྱུང་བ་སྟེ། རྗེ་བཙུན་སྤྱན་རས་གཟིགས་ཡི་གེ་དྲུག་པའི་རིག་སྔགས་ཀྱི་མིང་གིས་རྗེས་སུ་དྲན་ན་

― TN03_Page_0536 ―

^{[མ་དཔེ་གཟིགས་ན་འདིར་གནོན།]}

(༣༢༠)བ་སྤུའི་ཁུང་བུ་དེ་དག་ཏུ་སྐྱེའོ། །སླར་འཁོར་བར་མི་འཁོར་རོ། །བ་སྤུའི་ཁུང་བུ་ནས་བ་སྤུའི་ཁུང་བུར་འགྲོ་སྟེ། མྱ་ངན་ལས་འདས་པ་ཐོབ་ཀྱི་བར་དུ་དེ་དག་ན་གནས་པར་འགྱུར་བར་གསུངས་སོ། །སྤྱན་རས་གཟིགས་ཀྱི་སྤྱོད་ཡུལ་འདིའི་སྤྱོད་ཡུལ་ཞེས་པ་ནི་མངོན་སུམ་གྱི་སྤྱོད་ཡུལ་ལྟ་བུ་ལ་མི་ཟེར་གྱི། སྤྱོད་ཡུལ་གྱི་གྲོང་ཞེས་པ་ལྟར་ཤས་ཆེར་མང་དུ་གནས་པའི་སྤྱོད་ཡུལ་ལོ། །འདྲ་བ་སངས་རྒྱས་རྣམས་ལའང་མེད་གསུང་པའི་དགོངས་པ་བརྟགས་ན། རྨི་ལམ་ཡིད་བཞིན་ནོར་བུའི་གཏམ་ལྟར་སངས་རྒྱས་ཀྱི་ལམ་འབྲས་མཐའ་དག་སེམས་ཅན་རྣམས་ཀྱི་སྡུག་བསྔལ་ཕྲ་རགས་ཐམས་ཅད་བསལ་ཆེད་ཁོ་ནར་བྱུང་བས་སྙིང་རྗེའི་རྩ་བ་ལས་འཕྲོས་པ་ཤ་སྟག་ཡིན་ལ། སེམས་ཅན་གྱི་ནང་ནས་ཀྱང་སེམས་ཀྱི་རྒྱུད་ཚིག་ཅིང་ཉེས་སྤྱོད་རྒྱུ་འབྲས་ཀྱི་སྟོབས་བདོ་བ་རྣམས་ཕྱག་མཚན་གཙོ་བོར་བཞེས་ནས་སྒྲོལ་བའི་ཁུར་བསྣམ་པ་ནི་སངས་རྒྱས་ཀྱི་ནང་ནའང་ལྷང་ངེར་འཕགས་པ་ཡིན་ཏེ། བྱ་དཀའ་བ་ལྷག་པར་མཛད་པའི་ཕྱིར་ཏེ། ཤཱཀྱའི་རྒྱལ་པོ་པད་དཀར་ལྟ་བུར་བསྔགས་པའི་རྒྱུ་མཚན་གྱིས་ཤེས་སོ། །འཕགས་པ་འདི་ས་དང་པོ་ཐུགས་བསྐྱེད་དུས་ནས་རང་དོན་ཡིད་བྱེད་ཀྱི་དྲི་མས་མ་སྦགས་པའི་སྙིང་རྗེ་ཆེན་པོ་དང་། དེའི་ནང་ནས་ཀྱང་དམིགས་མེད་ཀྱི་བརྩེ་ཆེན་རབ་མཐའི་བསམ་གཏན་ལ་བརྟེན་པའི་རྣལ་འབྱོར་ཉིད་རྩལ་འདོན་གྱིས་ལྷུར་མཛད་ཚུལ་དང་། དེའི་སྟེང་ནས་

― TN03_Page_0537 ―

^{[མ་དཔེ་གཟིགས་ན་འདིར་གནོན།]}

(༣༢༡)མ་དག་པའི་ཞིང་གི་འགྲོ་བ་ལས་ཀྱང་ནས་བཀྲབ་སྙིགས་ཀྱི་བྲ་ཡིག་ཕྱག་དར་དུ་བོར་བ་ལྟར་ཅིར་མི་རུང་གི་སེམས་ཅན་ལས་ངན་འཇིགས་པ་དང་སྡུག་བསྔལ་གང་ཆེ་ཆེ་ཐུ་ཐུ་རྣམས་གཙོ་བོར་དང་ལྷག་པར་རྗེས་སུ་འཛིན་པའི་ཐུགས་བསྐྱེད་སྨོན་ལམ་གྱི་ཤུགས་སྦྱང་ཚུལ་དང་དེ་ཐུགས་དམ་གྱི་གཙོ་བོར་བཞེས་པ་འདྲ་བ་བྱང་སེམས་གཞན་ལ་དཀའ་བར་མ་ཟད། དེ་བཞིན་གཤེགས་པ་ལས་ཀྱང་ལྷག་ཚུལ་ཤཱཀྱའི་དབང་པོ་བསྔགས་པའི་ཚུལ་དེས་ཤེས་པས། གང་དང་ཡང་མི་མཉམ་པར་བསྔགས་པ་སྟེ། འདི་འདྲ་མི་འཁྲུགས་པའི་སྤྱོད་པ་འདྲ་བས་སངས་རྒྱས་སྟོང་དང་རིན་ཆེན་ཏོག་སོགས་ལ་མེད་པར་གསུངས་པ་ལྟ་བུ་གཞན་ཡང་སྣང་ངོ་། །ད་དུང་བཤད་ན། མནར་མེད་སོགས་སྡུག་བསྔལ་གང་ཆེ་གདུལ་གང་དཀའ། སྐལ་བ་གང་ངན་གྱི་འགྲོ་བ་རྣམས་ལ་ལྷག་པར་བརྩེ་བས་རང་ཉིད་སྙིང་རྗེ་ཆེན་པོའི་རིག་སྔགས་ཀྱི་ལྷར་ཞལ་གྱིས་བཞེས་ཏེ་ཉིད་ཀྱིས་སེམས་ཅན་ཐམས་ཅད་སྐྱོབ་པའི་སྙིང་རྗེ་དང་སྙིང་རྗེའི་སྤྱོད་པ་མཐའ་དག་སྒྱུ་མ་ལྟ་བུའི་ཏིང་ངེ་འཛིན་གྱི་མཐུ་བསམ་གྱིས་མི་ཁྱབ་པའི་རིག་སྔགས་ཀྱི་ཡི་གེར་བྱིན་གྱིས་བརླབས་ཏེ། དེའི་སྒོ་ནས་སྨོས་མ་ཐག་པའི་སེམས་ཅན་ལས་ངན་རྣམས་ཀྱི་འཇིགས་པ་དང་སྡུག་བསྔལ་ཐམས་ཅད་མིག་འཕྲུལ་བཤིགས་པ་ཙམ་དུ་མྱུར་ལ་ཚེགས་ཆུང་ངུས་ཞི་བར་མཛད་

― TN03_Page_0538 ―

^{[མ་དཔེ་གཟིགས་ན་འདིར་གནོན།]}

(༣༢༢)ཅིང་། བདེ་བ་ཅན་དང་གྲུ་འཛིན་ལ་སོགས་པར་བཙན་ཐབས་སུ་འདྲེན། དེའི་ཆེད་དུ་བྱིས་པ་གཞོན་ནུ་ནི་རྟག་ཏུ་སྤྱོད་པའི་གནས་རྩེ་མོ་བྱེད་པའི་ནང་ཁོ་ན་ཡིན་པ་ལྟར་ཤས་ཆེར་མང་དུ་བཞུགས་པའི་གནས་ངན་སོང་སོགས་གང་དང་གང་ན་སེམས་ཅན་ཕོངས་ཤིང་སྡུག་བསྔལ་བ་གནས་པ་རྣམས་ལ་མཛད་པ་དང་། ཚུལ་དེས་སྐད་ཅིག་རེར་ཡང་ཕྱོགས་བཅུ་མཐའ་ཡས་མུ་མེད་པའི་འཇིག་རྟེན་ཁམས་རྣམས་སུ་ཆུའི་ཟླ་བ་པད་དཀར་དུ། ཐབས་དང་ཡེ་ཤེས་ཡངས་པ་བསླབ་པས་ན། །ཕྱོགས་བཅུའི་འགྲོ་བ་མང་པོ་ཐམས་ཅད་དང་། །མ་ལུས་ཞིང་ཀུན་ཏུ་ཡང་རབ་ཏུ་སྣང་། །ཞེས་སོགས་ལྟར་བཞུགས་པ་སྒྱུ་མ་ལྟ་བུའི་ཏིང་ངེ་འཛིན་གྱི་མདོ་ལྟར་དང་། འཇིག་རྟེན་གྱི་ཁམས་རེ་རེའི་རྡུལ་ཕྲ་རབ་རེ་རེར་ཡང་མཐའ་དང་དབུས་མེད་པའི་འཇིག་རྟེན་དང་དེ་རེ་རེར་ཡང་སྤྲུལ་པའི་སྤྲིན་ཚད་མེད་པ་སོགས་དེ་དག་བྱང་སེམས་གཞན་ལས་ཀྱང་ཤས་ཆེར་མང་དུ་གནས་པས་འཕགས་ལ་མཆོག་ཟུང་ལྟ་བུ། སྔོན་གྱི་རྗེས་སུ་འབྲང་བའི་དབང་གིས་དེ་བཞིན་གཤེགས་པ་ལས་ཀྱང་ལྷག་ཚུལ་སྔ་མ་བཞིན་ནོ། །དེའི་སྟེང་ནས་དཔྱད་ན། མ་ི་འདི་འཕགས་པ་སྤྱན་རས་གཟིགས་ཀྱི་སྙིང་པོ་དམ་པ་ཡིན་པས་སུས་ཀྱང་མི་ཤེས། དེ་བཞིན་གཤེགས་པས་ཀྱང་མི་མཁྱེན་ཞེས་བསྐའ་སྩལ་བའི་དགོངས་པའང་། ཐེག་ཆེན་ཐུན་མོང་མ་ཡིན་པའི་རྟོགས་རིགས་ཀྱི་དབང་དུ་བཏང་ན་ཤེས་རབ་ལས་ཀྱང་སྙིང་རྗེ་ཆེན་པོ་གཙོ་སྟེ། བླ་མེད་

― TN03_Page_0539 ―

^{[མ་དཔེ་གཟིགས་ན་འདིར་གནོན།]}

(༣༢༣)བྱང་ཆུབ་ལས་ཕྱིར་མི་ལྡོག་གི་རྟགས་ཐོབ་མཚམས་ཡང་རང་དོན་ཡིད་བྱེད་ཀྱི་གོ་སྐབས་བཅོམ་པའི་གཞན་ཕན་གྱི་སེམས་རང་གི་ཐོག་ནས་བཞག་འདུག་པ། བླ་མེད་བྱང་ཆུབ་བྱ་བ་དེ། སློབ་དཔོན་སེང་བཟང་ཞབས་ཀྱིས། སྡུད་པའི། བདག་གི་བདེ་བ་བཏང་ནས་རེ་བ་མེད་སེམས་ཀྱིས། །ཞེས་པ་ལ་སྦྱར་བ་ལྟར་ཡིན་པས་སོ། །དེས་ན་སྙིང་རྗེ་ཆེན་པོ་ཇི་ལྟ་ཇི་ལྟར་ཕུལ་བྱུང་དང་ཁྱད་པར་ཅན་དུ་སྐྱེས་པ་དེ་ལྟ་དེ་ལྟར་དེའི་རྟེན་ཅན་གྱི་སྤྱོད་པ་མཐའ་དག་ཕུལ་བྱུང་དང་ཁྱད་པར་ཅན་དུ་སྐྱེ་བ་ཆོས་ཉིད་ཡིན་པས་གོང་ལྟར་རྗེ་བཙུན་གྱིས་སྙིང་རྗེ་ལ་སྒྲུབ་པ་ཉམས་ལེན་ནམ་སྒོམ་པའི་སྦྱོར་བ་བསྟེན་པ་འདྲ་བ་རྒྱལ་སྲས་གཞན་ལ་མེད་བྱས་དུས། དེའི་བྱང་ཆུབ་ཀྱི་སྤྱོད་པ་ཅི་ཙམ་རླབས་ཆེ་བ་དེ་ཙམ་དུ་རླབས་ཆེ་བའི་སྤྱོད་པ་རྒྱལ་སྲས་གཞན་ལ་མེད་ཅེས་པར་ཡང་འགྱུར་རོ། །མ་ི་ཕྱིན་དྲུག་གི་ངོ་བོ་ཉིད་ཡིན་ཞེས་པའི་ཕྱིན་དྲུག་ནི་ཕར་ཕྱིན་དྲུག་ཡིན་ཚད་ལ་མི་བྱེད་ཀྱི། །ཐུགས་རྗེ་ཆེན་པོའི་ཐུགས་རྒྱུད་ཀྱི་དེ་དག་ལ་བྱེད་པས་ཕྱིན་དྲུག་ལ་རིང་དུ་སྤྱད་པའི་རྒྱལ་སྲས་རྣམས་ཀྱིས་ཀྱང་མ་ིའི་སྔགས་དོན་གྱི་གཏིང་སླེབས་པར་དཀའ་བ་མི་འགལ་ལོ། །འདི་བཞིན་བྱས་ན། འདི་ནི་རྣལ་འབྱོར་དཔག་ཏུ་མེད་པའི་ཕྱིར་སྒྲུབ་དཀའ་བའོ། །ཞེས་པའང་བཤད་བདེ། ཚུལ་འདི་གདུལ་བྱ་ལ་བསྟན་ཆེད་སྒྲིབ་སེལ་

― TN03_Page_0540 ―

^{[མ་དཔེ་གཟིགས་ན་འདིར་གནོན།]}

(༣༢༤)ལྟ་བུས་ཀྱང་མ་ི་ལ་སྒོམ་ཚུལ་དང་དེའི་ཆེད་དུ་འོ་བརྒྱལ་མཛད་སྣང་། འདི་ནི་ནོར་བཟངས་ཀྱི་བླ་མ་རྣམས་ཀྱིས། དེ་དག་གི་སྤྱོད་པ་ཤེས་པའམ་ཡོན་ཏན་བརྗོད་པར་ནུས་རེ་སྐན། ཞེས་གསུངས་པ་དང་ཚུལ་མཐུན། དེའི་འགྲེལ་ཀྱིས་མ་ིའི་དེ་ཉིད་ལ་དེ་བཞིན་གཤེགས་པ་མང་པོའི་རྣམ་ཐར་ལས་ཀྱང་ལྷག་པའི་སྒོས་ཆོས་བཤད་ཟིན་ལྟར་ཡོད་པས། འཕགས་པ་ཁོ་རང་གིས་མ་གནང་བར་དུ་ཡིག་དྲུག་རང་དབང་དུ་སྦྱིན་པར་སངས་རྒྱས་ཉིད་ཀྱིས་ཀྱང་མི་སྤྱོད་པས་སངས་རྒྱས་པདྨ་དམ་པ་དེ་བཞིན་གཤེགས་པར་གྱུར་པ་བཞིན་དུ་སངས་རྒྱས་ཀྱི་ཞིང་མང་པོར་ཡིག་དྲུག་འཚོལ་དུ་གཤེགས་པར་བསྟན་ཏེ། སྒྲིབ་སེལ་ཁྱོད་ཀྱིས་ཀྱང་འཕགས་པ་མཉེས་ཕྱིར་མ་ིའི་ཆོས་སྨྲ་བ་ངན་ངོན་ལྟར་སྣང་བ་ལ་ཡང་ང་རྒྱལ་དང་བརྙས་སེམས་རྣམ་པ་ཐམས་ཅད་དུ་བཅོམ་པའི་གུས་པ་ཆེན་པོ་བསྐྱེད་དེ་ཉོན་ཞེས་པ་སྟེ། འདིས་ནི་འདིའི་ཆོས་དང་བླ་མ་ལ་མི་གུས་པ་ལ་མ་ི་མ་སྦྱིན་ཅིག །ཅེས་པ་དང་། གུས་པ་མེད་པས་རིག་སྔགས་ཀྱི་རྒྱལ་མོ་མི་འགྲུབ་ཅེས་དང་། འདི་སྟེར་བའི་བླ་མའི་ཕྱོགས་སུ་དཀའ་སྤྱོད་ཅི་ཙམ་བྱས་པ་དེ་ཙམ་དུ་འདིའི་སྣོད་དུ་འགྱུར་ཞེས་བསྟན་པར་འགྱུར་ཏེ། རྗེ་བཙུན་ཉིད་ཀྱིས་པདྨའི་བླ་མ་ལ་ཕུལ་སྐབས་ན། མ་དད་པ་རྣམས་ལ་སྦྱིན་པར་མི་བྱ། ཞེས་གསུངས་པ་དང་། སྒྲིབ་

― TN03_Page_0541 ―

^{[མ་དཔེ་གཟིགས་ན་འདིར་གནོན།]}

(༣༢༥""སེལ་ཁོར་མོ་འཇིག་གི་ཆོས་སྨྲའི་དྲུང་དུ་བྱོན་ཐད་ན། བྱང་ཆུབ་སེམས་དཔའ་འདིས་དཀའ་བ་མང་པོ་སྤྱད་ཀྱིས་རིག་སྔགས་ཀྱི་རྒྱལ་མོ་བྱིན་ཅིག །ཅེས་གསུངས་སོ། །དེ་དག་གིས་ནི། ཀྱེ་མའོ་བླ་ན་མེད་པའི་རིག་སྔགས་ཀྱི་རྒྱལ་མོ་འདི་ནི་སངས་རྒྱས་མངོན་སུམ་དུ་བཞུགས་པའི་སྤྱན་སྔར་ཞུས་ཀྱང་ཐོབ་དཀའ་བའོ་སྙམ་དུ་ཕྱི་མའི་སྐྱེ་བོ་རྣམས་གུས་པ་ཆེར་བསྐྱེད་པར་མཛད་དོ། །ཇོ་བོ་རྗེས་ང་ལ་ཡོན་ཏན་ཅི་ཡང་མེད་གསུངས། འདི་དང་འདི་འདུག་པ་ཞུས་དུས་དེ་བླ་མའི་དྲིན་ཡིན་གསུངས་པ་ལྟར་འདི་ངས་ཤེས་པ་མིན་གྱི། བླ་མའི་དྲིན་ལས་ཤེས་པས་ཁྱོད་ཀྱང་བླ་མའི་ཕྱིར་དཀའ་སྤྱད་གྱིས་ཞེས་བཤད་ཀྱང་ལོ་མ་ཙམ་སྟེ། སྔ་མ་བཟང་སྙམ། གོང་སྨོས་ཀྱི་ཕྱིན་དྲུག་རླབས་པོ་ཆེ་རྣམས་དམིགས་མེད་ཀྱི་བརྩེ་བ་ཆེན་པོའི་ཏིང་ངེ་འཛིན་གྱི་སྟེང་དུ་འདྲིལ་བའམ། ཕྱིན་དྲུག་དེ་རྣམས་བསྡུས་པའི་རང་བཞིན་གྱི་བརྩེ་ཆེན་ནི་ཡི་གེ་དྲུག་པོ་སྔགས་གཅིག་ཏུ་ཚོགས་པའི་རིག་སྔགས་ཀྱི་རྒྱལ་མོའི་དེ་ཉིད་ཡིན་ལ། དེ་འདྲའི་བརྩེ་ཆེན་དེ་ལ་ནི་ཤེར་ཕྱིན་མས་ཀྱང་ཕྱག་མཛད་དེ། ཤེར་ཕྱིན་སངས་རྒྱས་དང་བྱང་སེམས་ཐམས་ཅད་ཀྱི་ཡུལ་དུ་འགྱུར་བ་ནི་དེ་མགོན་དུ་ཐོབ་པའི་མཐུ་དང་དྲིན་ཡིན་པའི་ཕྱིར་རོ། །དེས་ན་ཡི་གེ་དྲུག་མ་ལ་རྒྱལ་བའི་ཡུམ་གྱིས་ཀྱང་ཕྱག་འཚལ་བར་གསུངས། འཕགས་པའི་བ་སྤུ་

― TN03_Page_0542 ―

^{[མ་དཔེ་གཟིགས་ན་འདིར་གནོན།]}

(༣༢༦)གཅིག་གི་བསོད་ནམས་ཀྱི་ཚད་བཤད་ནས་དེ་འདྲ་སངས་རྒྱས་ལའང་མེད་གསུངས་པའང་། དེའི་བ་སྤུ་གཅིག་འགྲུབ་བྱེད་ཀྱི་བསོད་ནམས་ལ་དགོངས་པ་མིན་ནམ་སྙམ་སྟེ། བསོད་ནམས་དེ་བས་ཆེས་ཆེ་བ་རྩེ་སྦྱོར་ཐོབ་པའི་བྱང་སེམས་ཕལ་ཆེར་ལའང་ཡོད་པར་བཤད་པས་སོ། །དེས་ན་ཚེ་མདོ་ལ་བསྐྱེད་པའི་བསོད་ནམས་ལ་ཚེ་མདོའི་བསོད་ནམས་ཟིལ་གྱིས་གནོན་ཞེས་པ་སྟེ། གོང་དུ་བཤད་པའི་ཚུལ་གྱིས་སེམས་ཅན་ལ་ཕན་འདོགས་པ་ཆེ་བའི་ངོས་ནས་སངས་རྒྱས་ལས་ཀྱང་ལྷག་ཚུལ་ཡོད་པའི་ཕྱིར་ཏེ། དེས་ན་ཕན་འདོགས་ཀྱི་ཞིང་ལ་ལྟོས་ནས་བཞག་པའོ། །མ་ི་འདོན་པའི་མདུན་དུ་དེ་བཞིན་གཤེགས་པ་མང་པོ་འདུ་བར་གསུངས་པའི་རྒྱུ་མཚན་ནི། སྡུད་པའི། མ་ཞིག་ན་བར་གྱུར་པའི་སོགས་དང་། པདྨའི་མཆོག་གིས་ཐག་རིང་དུ་བཙལ་ཞིང་ཆོས་ཀྱི་དགའ་བ་སྩལ་བ། སྒྲིབ་སེལ་གྱིས་བདུད་རྩི་ཐོབ་ན་རོ་མྱང་བས་ཆོག་མ་འཚལ་ཞེས་ཆོས་ཀྱི་མཆོད་པ་ཆེན་པོ་མཛད་དུ་ཕེབས་པ། །སྟོན་པས་ཀུན་དགའ་བོ་ལ་བྱང་ཆུབ་ལན་ལག་གསན་པ། དམ་ཆོས་པད་དཀར་གསན་ཆེད་རིན་ཆེན་མང་བྱོན་པ་སོགས་མང་པོས་དཔྱོད། གཙོ་བོར་དང་པོ་བྱིན་གྱིས་བརླབས་ཚུལ་གྱིས་ཡིན་ཏེ། །དེ་དག་གི་དེ་གཙོ་བོའི་མཐུ་ཞེས་སོ། ༈ །ཡིག་དྲུག་འབྱུང་བར་སྦྱར་བ་

― TN03_Page_0543 ―

^{[མ་དཔེ་གཟིགས་ན་འདིར་གནོན།]}

(༣༢༧)།ལ། ཕྱིའི་ས་ཆུ་མེ་རླུང་དང་། ནང་ལུས་འབྱུང་དང་། གསང་བ་སེམས་ཀྱི་ཆ་ལ་སྦྱར་བ་སོ་སོར་ཡོད། གདོན་སྲུང་བ་ལ་ཡི་གེ་དྲུག་པོ་གོ་རིམ་བཞིན་དུ། ལྷའི་གདོན་དང་མོ་གདོན། རྒྱལ་འགོང་། ས་བདག་གི་གདོན། བདུད་དང་གཤིན་རྗེ། གནོད་སྦྱིན་དང་གཟའ་རྣམས་ཐུབ་པའི་སྲུང་བ་ཡིན། ནད་འདོན་ལ་འདུས་པ། ཚད་པ། རླུང་། བད་ཀན། གྲང་བ། མཁྲིས་པའི་ནད་རྣམས་ཡུལ་འདོན་ཏེ་གོ་རིམ་བཞིན་ནོ། །དེའང་ཐུགས་རྗེ་ཆེན་པོ་ཉིད་ཀྱིས་དེ་ལྟར་ནད་འདོན་དུ་བྱིན་གྱིས་བརླབས་ཚུལ་ཤེས་ནས་ཐེ་ཚོམ་སྤང་ལ། དེ་རྩལ་དུ་བཏོན་པའི་སྟེང་ནས་ལས་རུང་རྙེད་རྙེད་དུ་སྒོམ་བཟླས་བརྩོན་ན་ནད་ཞི་བ་ལ་རྩལ་འཐོན་ཏེ། སྣ་ཚོགས་ནོར་བུ་བཞིན་ནོ། །བྱང་གཏེར་ལས་ཕྲིན་ལས་བཞིའི་སྦྱར་བ་སོགས་ཀུན་ལ་དེ་ལྟར་ཤེས་པར་བྱའོ། །མད་གདོན་ལ་སྦྱར་བ་འདི་དང་བཀའ་འབུམ་ལས་ཚོགས་ཀྱི་ནད་གདོན་དྲུག་ལྟོ་སྦྱར་ན་ཡིད་ཚིམ་ཐུབ་ཡོད། ཡུལ་ཀ་ལ་སྦྱར་ན། ཨོཾ་ཡུམ་ཡི་གེ་དྲུག་མ། ལྷག་མ་ལྔ་སྤྱན་སོགས་ཡུལ་ལྔ་སྟེ། གསང་འདུས་སུ་ཡུམ་བཞིའི་ཕྲེང་སྔགས་བསྟན་པ་སོགས་དྲན་པར་བྱ། ཡང་ཨོཾ་དེ་བཞིན་ཏེ་ཐམས་ཅད་མཁའ་འགྲོ། མ་སངས་རྒྱས་མཁའ་འགྲོ་སོགས་མཁའ་འགྲོ་རིགས་ལྔ་སྟེ། མཁའ་འགྲོ་མའི་བརྡ་སྐ་བྱིན་རླབས་འབེབས་པའི་

― TN03_Page_0544 ―

^{[མ་དཔེ་གཟིགས་ན་འདིར་གནོན།]}

(༣༢༨)སྔགས་ཡིན་གསུངས། དེའང་ཡུལ་ཡི་གེ་དྲུག་མའི་སྔགས་ཀྱི་འོད་ཟེར་གྱིས་གནས་ཉེར་བཞི་དང་། དུར་ཁྲོད་བརྒྱད་ཀྱི་མཁའ་འགྲོ་མ་རྣམས་གནད་ནས་བསྐུལ་ཏེ། རང་དབང་མེད་པར་ཤིང་ལོ་སྐམ་པོ་རླུང་གིས་ཁྱེར་བ་ལྟར་བཀུག །བྱ་ནག་མོའི་ཁྱུ་འདྲོགས་པ་ལྟར་མདུན་དུ་གར་དང་སྟངས་སྟབས་སྒྱུར་ཞིང་སྤུངས་སེ་བྱོན་ནས་བྱིན་རླབས་དངོས་གྲུབ་ཐོགས་མེད་དུ་རྩོལ་བར་བསམ་པ་བཀའ་འབུམ་སྔ་དུམ་སུམ་ཅུ་སོ་གཅིག་ན་ཡོད་ཅིང་། ད་དུང་ཡོད། ༈ ནད་འདོན་དུ་བསྔགས་པ་ནི། ནད་ནི་རྣམ་འཚེའི་ལས་འབྲས་ཡིན་ལ་སྙིང་རྗེའི་རྣམ་པར་མི་འཚེ་བའི་ལས་ཅན་ནོ་ཞེས་མངོན་པ་ལས་འབྱུང་བས་སྙིང་རྗེའི་ལྷ་མཆོག་ཡིན་པའི་རྒྱུ་མཚན་གྱིས་ཏེ། ཇོ་བོའི་ལོ་རྒྱུས་ན་རྣམ་འཚེ་སྤངས་པས་སྙུན་དང་བྲལ་བའི་ཆེ་བ་ཞེས་པ་དང་གནད་གཅིག །དེས་ན་ནད་འདོན་གཙོ་བོར་བྱེད་ན་སྙིང་རྗེའི་དག་དྲན་གཙོ་བོར་བྱ་དགོས། ༈ །ཕྱག་རྡོར་དྲང་སྲོང་གི་ཚུལ་བཟུང་ལོཀྟྲི་པ་ལ་ལྟ་བུ་ཡོད་ཀྱང་། རྩ་བའི་སྤྲུལ་སྐུ་གནོད་སྦྱིན་སྟོབས་པོ་ཆེའི་གཟུགས། རྗེ་བཙུན་ཐུགས་རྗེའི་གཏེར་ནི་གཙོ་བོར་རིག་སྔགས་འཆང་གྲུབ་པའི་ལྷའི་དྲང་སྲོང་ཕན་འདོགས་ནུས་པའི་གཟུགས་ཅན་ཏེ་རི་དྭགས་པགས་པ་རལ་པའི་ཅོད་པན་དང་། བགྲང་ཕྲེང་ཞེས་པ་ནས། དྲང་སྲོང་གཟུགས་ཀྱིས་ཕྱོགས་རྣམས་ཀུན་ཏུ་རྒྱུ། །ཞེས་བླ་མ་

― TN03_Page_0545 ―

^{[མ་དཔེ་གཟིགས་ན་འདིར་གནོན།]}

(༣༢༩)།གསུང་། ཕྲེང་བའམ་བགྲང་ནོར་བསྣམས་པའང་དེ་ལྟར་རོ། །ཆ་བྱད་འགའ་དྲང་སྲོང་དང་བསྟུན་ཡང་ཐམས་ཅད་མཐུན་མི་དགོས། རིག་སྔགས་ནི་འདིར་ཤེས་རབ་སྙིང་རྗེ་སྟེ། མན་ཏྲ་ཡ་ཞེས་ཡིད་སྐྱོབ། ༈ །མ་ིའི་སྲུང་གུར་དང་གནས་ཁང་བྱིན་དབབ་བྱེད་ན། ངོས་བཞི་དང་སྟེང་འོག་རྣམས་འབྲུ་དྲུག་གི་རྣམ་པར་ལྟ་བ་བཀའ་གདམས་ཕ་ཆོས་ལྟར། ༈ །ཡིག་དྲུག་འབྱུང་བཞིར་སྦྱར་ལུགས་བཀའ་འབུམ་ན་བཞུགས་པ། དཔལ་མཆོག་ཏུ་འཕགས་པ་ཉིད་སའི་ལྷ་དང་ཆུའི་ལྷར་བཞེངས་པ་སོགས་བཤད་པ་དང་བསྒྲིགས་ནས་དེ་དག་གི་སྔགས་སུ་ཡང་འགྱུར་ལུགས་ཡོད་པར་ཤེས་ཆོག །དེའི་སྟེང་ནས་ཡིག་དྲུག་ལས་ས་རླུང་རྙེད་ན། ས་བཅུད་དང་ཆུ་བཅུད་གསོ་བ། ས་ལ་དབང་སྒྱུར་བ། ཆར་དབབ་པ། ཆུ་དང་རྩི་ཐོག་ལ་ཕན་པའི་རླུང་དགུག་ཅིང་། དུག་ལྡན་གྱི་རླུང་ཞི་བར་བྱ་བ་སོགས་འབྱུང་བཞིའི་གནོད་པ་ཞི་ཞིང་དངོས་གྲུབ་བྱེད་ཚུལ་མང་པོ་ཡོང་བར་གསལ། ༈ རིག་འཛིན་ཞི་བར། རིགས་ལྔའི་དབུ་རྒྱན་གྱི་གཙོ་བོ་རྣམ་སྣང་། སྤྱི་བོར་རིགས་བདག་ཚེ་དཔག་མེད་རེད། དེའི་རིགས་པས་ཡི་དམ་ཞི་བར་ཡང་རྣམ་སྣང་སོགས་ཀྱིས་རྒྱས་བཏབ་ཀྱང་། རིགས་བདག་འོད་དཔག་མེད་སྒོམ་རུང་ངམ་སྟེ། དཔལ་འདུས་སུའང་མི་བསྐྱོད་པ་སོགས་ཀྱིས་དབུ་བརྒྱན་ཡང་རིགས་བདག་སྣང་མཐས་མཛད་

― TN03_Page_0546 ―

^{[མ་དཔེ་གཟིགས་ན་འདིར་གནོན།]}

(༣༣༠)པ་ལྟ་བུ། ༈ །སྲོང་བཙན་སྒམ་པོའི་ངའི་དབོན་སྲས་རྣམས་ཀྱིས་ལྷ་ཁང་བཞེངས་ནའང་ངའི་ར་ས་ལ་ས་རྡོ་ཤིང་གསུམ་གྱི་ཕུད་བསྐྱལ་ནས་བཞེངས་ན་བར་ཆད་མེད་གསུངས་པ་ལྟར་བསམ་ཡས་བཞེངས་པའི་ཐོག་མར་བཟོ་ཕུད་ཕུལ། དེ་ནས་དང་པོར་ཨརྱ་པ་ལོའི་གླིང་རྩིག་ཅེས་སྒྲོལ་མས་ལུང་བསྟན་ནས་དེ་བཞེངས། གུ་རུ་རིན་པོ་ཆེ་སྲིན་ཡུལ་བཞུད་ཀའང་ཐུགས་རྗེ་ཆེན་པོའི་ལྷ་སྔགས་ཡི་དམ་མཐིལ་དུ་ཟུངས་ཤིག་པའི་ཞལ་གདམས་གནང་། རྗེ་འབངས་འདུས་པ་ཡོངས་ལ་ཐུགས་རྗེ་ཆེན་པོའི་ཆོས་ཀྱི་གཏད་རྒྱ་མཛད་དེ་སླར་བོད་ཡུལ་དུ་དེའི་སྒོ་ནས་ཕྲིན་ལས་བྱེད་པར་ལུང་བསྟན་ཅིང་བྱིན་གྱིས་བརླབས། གངས་བྲག་མཚོ་གསུམ་སོགས་འཕགས་པའི་ཆོས་གཏེར་གྱིས་གཏམས་དེ་ཁོ་ན་ལྟར་ཕྱིས་གཏེར་འདོན་དུས་ཀྱང་བླ་རྫོགས་ཐུགས་གསུམ་ཆ་ཚང་མ་ཐོན་ན་གཏེར་ཆེན་མིན་ཞེས་འབྱུང་བ་བཞིན་ཐུགས་རྗེ་ཆེན་པོའི་གདམས་སྐོར་རེ་མེད་པའི་གཏེར་ཁ་ཆེན་པོ་མི་སྣང་། གཏེར་སྟོན་རྣམས་ཀྱི་རྩ་བའི་ཐུགས་དམ་ཡང་ཕལ་ཆེར་འདི་ལ་མཛད་པ་གོང་འོག་གཉིས་དང་སངས་གླིང་སོགས་ཀྱི་རྣམ་ཐར་གྱིས་མཚོན་ནུས། མ་ིའི་བཟླས་རྒྱུན་སྤེལ་བ་དང་སྐྱེ་བདུན་བུམ་སྒྲུབ་སོགས་མ་ིའི་ཕྲིན་ལས་ཚད་བཟུང་མེད་པར་བསྐྱང་ཚུལ་ཡང་ཆོས་དབང་རིན་པོ་ཆེ་དང་། ཐང་སྟོང་རྒྱལ་པོ། འགྲོ་

― TN03_Page_0547 ―

^{[མ་དཔེ་གཟིགས་ན་འདིར་གནོན།]}

(༣༣༡)འདུལ་ལས་གླིང་། རད་གླིང་། རྡོར་བྲག་རིག་འཛིན་སོགས་ཀྱི་ལོ་རྒྱུས་ལས་ཤེས། ས་གཏེར་ལ་མང་ཤོས་བླ་རྫོགས་ཐུགས་གསུམ་ཡིན་པའི་རྒྱུ་མཚན་དེས་གཏེར་སྲུང་རྣམས་ཀྱང་ཐུགས་རྗེ་ཆེན་པོ་ཞི་དྲག་གི་དཀྱིལ་འཁོར་དུ་ཞུགས་ཤིང་དམ་ཚིག་ནོད་པ་ཤ་སྟག་ཡིན་པར་ཤེས་ནུས། གཏེར་སྲུང་དེ་དག་ནི་བོད་ཀྱི་ས་བདག་ཆུ་བདག་ཆེ་ཤོས་རྣམས་སོ། །དེ་དག་ཐམས་ཅད་ཀྱང་བོད་སྤྱི་མཐུན་ལ་སྔགས་ཀྱི་ལྷའི་ནང་ནས་ལས་སྨོན་གྱི་འབྲེལ་བ་ཆེ་ལ་མང་ཤོས་ཐུགས་རྗེ་ཆེན་པོ་ཡིན་པའི་གནད་ལ་གཏུགས་དགོས། རྗེ་འབངས་ཐམས་ཅད་ལ་འཕགས་པའི་གདམས་སྐོར་གྱི་བཀའ་བབས་སུ་ལུང་བསྟན་མ་ཐོབ་པ་མེད་པ་དང་། ས་གཞི་ཐམས་ཅད་འཕགས་པའི་ཆོས་གཏེར་གྱིས་གཏམས་པར་ཅིས་འགྲུབ་ཅེ་ན། འདི་ལ་ལུང་ཁུངས་མང་པོ་ཡོད་མཆི་སྟེ་ད་རེས་དཔེ་མ་འབྱོར། འོན་ཀྱང་བླ་རྫོགས་ཐུགས་གསུམ་མི་ཚང་བའི་གཏེར་ཆེན་མེད་པ་དེ་ཀས་གསལ་བར་འགྲུབ། བིནྡྷུའི་རྟགས་ཅན་འདིར། བོད་འདིར་སྟོན་པའི་དམ་ཆོས་དར་བ་དང་དེ་ལ་བརྟེན་ནས་ཕན་བདེ་རྒྱ་འབྱུང་བ་ཐམས་ཅད་ཀྱི་རྩ་བའི་གླེང་གཞི་ལྟ་བུ་ནི་སྤྱིར་བཅོམ་ལྡན་འདས་ཀྱིས་མི་མཇེད་ཀྱི་ཞིང་འདི་སྔོན་ཡོངས་སུ་སྦྱང་བའི་ལག་རྗེས་ཀྱི་ཁོངས་སུ་ཚང་བ་སྨོས་

― TN03_Page_0548 ―

^{[མ་དཔེ་གཟིགས་ན་འདིར་གནོན།]}

(༣༣༢)མི་དགོས་ཀྱང་། བྱེ་བྲག་ཏུ་ཡུལ་འདིའི་སྐྱེ་བོ་རྣམས་འཕགས་པ་དང་ལས་འབྲེལ་ཆེ་ལ་མང་བ་དང་། འཕགས་པས་དེ་རྣམས་ལ་ཤཱཀྱའི་རྒྱལ་པོའི་ཕྲིན་ལས་ཀྱི་ཆུ་བོའི་འོལ་ཁ་སྒྱུར་བའི་སྨོན་ལམ་དང་ཐབས་མཁས་པའི་ཁྱད་པར་ཉིད་དོ། །ཤཱཀྱའི་རྒྱལ་པོའི་བསྟན་པ་རྫིང་ཆུ། བོད་ཡུལ་ཞིང་ས། ཐུགས་རྗེ་ཆེན་པོའི་ལྷ་སྔགས་ཡུར་བ་རེད་པས་ཞིང་དུ་ཆུ་དཀོན་པོར་སོང་ན་ཡུར་བ་རྩ་ཤིང་རྡོ་གསུམ་མ་གུས་པ་དང་སྙོམ་ལས་སོགས། ལྟ་བུའི་འགག་རྟགས་རེད་པས་དེ་སྦྱང་བ་ལ་འབོད། དེས་ན་བོད་འདིར་དམ་ཆོས་མི་ནུབ་ཆེད་སྲུང་རིམ་གཞན་བྱེད་པ་ལས་མ་ིའི་སྒྲུབ་དང་ལས་སྦྱོར་རྣོ་བ་འདྲ་སྟེ། ཆོས་ཀྱི་དབུ་བརྙེས། སྲོལ་བཏོད། རྒྱས་པར་བྱེད་པ་སོགས་མགོ་འཇོག་ལུགས་ཀྱི་རྟེན་འབྲེལ་ལས་སོ། ༈ །རྣམ་པ་གཅིག་ཏུ་ན། རྒྱལ་བསྟན་བྱ་བ་ལུང་རྟོགས་ཡིན་གྱི་འར་རེ་འུར་རེ་ལ་མི་ཟེར། བོད་འདིར་རྒྱལ་བསྟན་སྤྱི་ཁྱབ་དེའི་ལམ་སྲོལ་འཛུགས་མཁན་དང་འབྱེད་བྱེད་སོགས་མ་ིའི་ལྷ་སྔགས་ཡིན་པའི་རྟེན་འབྲེལ་དེས་སྒོས་ཀྱི་བསྟན་པ་རང་རྒྱུད་ལ་དར་རྒྱས་འབྱུང་བའི་ཐབས་སུའང་མ་ིའི་རྣལ་འབྱོར་ཁོ་ན་ཟབ། དེས་ན་གསང་འདུས་ཀྱི་གོས་དཀར་མོའི་ཕྲེང་སྔགས་ཐད་གསུང་རབ་ཡན་ལག་བཅུ་གཉིས་ལ་སོགས་པའི་ཆོས་ཀྱི་དངོས་གྲུབ་བཤད་པ་དང་འདྲ་བ་མ་ི་ལ་ཆོས་ཀྱི་དངོས་གྲུབ་སྒྲུབ་པར་

― TN03_Page_0549 ―

^{[མ་དཔེ་གཟིགས་ན་འདིར་གནོན།]}

(༣༣༣)ཡིད་གཏོད་པར་བྱའོ། །བཀའ་གདམས་ཐིག་ལེ་བཅུ་དྲུག་ཏུ་བསྟན་པ་རྒྱས་པའི་ཆོ་གར་བསྔགས་པའང་དེ་ལྟར་རོ། ༈ །བ་སྤུའི་ཁུང་བུ་ཀྲིཥྞའི་བྱ་རི་དྭགས་དང་། རིན་ཆེན་རྣ་ཆའི་དྲི་ཟའི་བུ་མོའི་དང་། རྡོ་རྗེ་སྒོའི་མིའམ་ཅིའི་ཐད་ཀུན་ན་མ་ི་དྲན་པའི་མོད་ལ་བདེ་བའི་ཡོ་བྱད་ཐམས་ཅད་རང་འབྱུང་བར་གསུངས་པ་ལ་བརྟེན་ནས། སྒྲིབ་སེལ་གྱིས། ཐེག་པ་ཆེན་པོའི་མདོ་དཀོན་མཆོག་གི་རྒྱལ་པོ་ཟ་མ་ཏོག་གི་མིང་དྲན་པ་ཙམ་ལ་ཡང་དེ་འདྲའི་མཐུ་ཡོད་ན། མདོ་དེ་ཉན་ཀློག་འཛིན་པ་སོགས་ལ་ལྟ་ཅི་སྨོས་ཞེས་ཆེད་དུ་བརྗོད། ཟ་མ་ཏོག་ཅེས་པ་རྣམས་ནི་མ་ི་ཉིད་དོ། ༈ །ཡང་ཡི་གེ་དྲུག་པའི་རིག་སྔགས་ཀྱི་རྒྱལ་མོ་ཆེན་མོའི་མིང་ལན་གཅིག་བཟུང་ན་དེ་བཞིན་གཤེགས་པ་ཐམས་ཅད་ལ་ན་བཟའ་དང་། བཤེས་དང་། གཟིམ་ཆ་དང་། སྙུན་གྱི་གསོས་སྨན་དང་། ཡོ་བྱད་ཐམས་ཅད་ཀྱིས་བསྙེན་བཀུར་བྱས་པར་འགྱུར་རོ། །ཞེས་གསུངས། ཡང་ཡིག་དྲུག་ཟློས་པ་པོ་དེ་ལ་ནོར་བུ་རིན་པོ་ཆེ་འཛིན་པ་དང་། དམྱལ་བ་དང་བྱོལ་སོང་སྐེམ་པ་དང་། རྡོ་རྗེའི་གོ་ཆ་དང་། རྐང་པ་ཤིན་ཏུ་གནས་པ་དང་། ཐབས་མཁས་པ་ཐམས་ཅད་དང་། བསམ་གཏན་གྱི་རྒྱན་དང་། ཆོས་ཀྱི་ཤིང་རྟ་ལ་འཇུག་པ་དང་། སངས་རྒྱས་ཀྱི་ཞིང་ཐམས་ཅད་སྟོན་པ་དང་། དེ་བཞིན་གཤེགས་པ་ཐམས་ཅད་མཐོང་བ་ལ་

― TN03_Page_0550 ―

^{[མ་དཔེ་གཟིགས་ན་འདིར་གནོན།]}

(༣༣༤)སོགས་པ་ཏིང་ངེ་འཛིན་བརྒྱ་རྩ་བརྒྱད་ཐོབ་པར་འགྱུར་རོ། །ཞེས་གསུངས། ༈ །ཐེག་ཆེན་ཐུན་མོང་མ་ཡིན་པའི་ལམ་གནད་ཆེ་ཤོས་ཞི་མཐའ་འགོག་བྱེད་རྣམས་ཡིན་པས་བྱང་སེམས་ཀྱིས་དེ་ལ་གཙོ་བོར་འཛིན་དགོས་ཤིང་། ལུང་ལས། འཆག་པས་ཐོབ་པའི་ཏིང་ངེ་འཛིན་ནི་རིང་དུ་གནས་སོ་ཞེས་པ་ལྟར། དེའི་ནང་ནས་ཀྱང་གཙོ་ཆེར་རམ་ཤས་ཆེར་སེམས་ཅན་གདུལ་གང་དཀའ། བསྐྱབ་གང་དཀའ། ལས་སྒྲིབ་གང་འཐུག །སྡིག་སྟོབས་གང་ཆེན་རྣམས་ཁོ་ན་ལ་ཀྱོག་པའི་ཤིང་ལ་སྲོང་བའི་ཚུལ་བཞིན་དམིགས་ཕུག་སྟེ་ཐབས་ཤེས་ཀྱི་ལམ་ཐམས་ཅད་ཆེད་གཏད་ཀྱིས་དུས་མཐའ་ཡས་པར་རྩལ་སྦྱང་བ་ནི་མགོན་མེད་ཀྱི་འགྲོ་བ་རྗེས་འཛིན་གྱི་རྩལ་ཐོན་ཕྱོགས་དང་། རྣོ་ནུས་སྐྱེ་ཕུལ་གཞན་དང་ཁྱད་ཞུགས་པ་ཡིན། བྱང་སེམས་ན་མཉམ་ལའང་དེ་འདྲའི་ཁྱད་འོང་བ་ནི་འགལ་ཏེ། ཉན་ཐོས་དགྲ་བཅོམ་ཡིན་མཉམ་ལའང་མཆོག་ཟུང་འགྲན་མེད་དུ་གསུངས་པ་བཞིན་ནོ། །ཕལ་ཆེར་དོན་ཡོད་དང་། རྣམ་ཀུན་དོན་ཡོད་སོགས་ཀྱང་ཆོས་དབྱིངས་མངོན་སུམ་རྟོགས་པར་འདྲ་ཡང་ཐབས་ཤེས་ཀྱི་རྟོགས་པ་རྩལ་བྱང་མ་བྱང་དང་། མཐུ་ཆེ་ཆུང་ཡིན་ལ། དེ་བཞིན་དུ་སྤྱིར་སེམས་ཅན་སྒྲོལ་བ་ལ་རྟོགས་པའི་རྩལ་བྱང་མཉམ་ཡིན་ཡང་ཆེས་ཆེར་སྙིགས་ཤིང་རྒྱུད་ཚིག་

― TN03_Page_0551 ―

^{[མ་དཔེ་གཟིགས་ན་འདིར་གནོན།]}

(༣༣༥)པའི་གདུལ་དཀའི་འགྲོ་བ་ལྷག་པར་སྐྱོབ་པ་ལ་རྟོགས་པའི་རྩལ་བྱང་ཚབས་ཆེ་ཆུང་། བུར་ཤིང་འོ་མ་བུ་རམ་གྱི། །མངར་བ་ཉིད་ནི་ཁྱད་པར་ཆེ། །ཞེས་པ་ལྟ་བུ་ཡོད་པའོ།། ༈ །རྗེ་བཙུན་གྱིས་སྟོང་ཉིད་སྙིང་རྗེའི་ལམ་འདི་སངས་རྒྱས་གྲངས་མེད་མཆོད་ནས་བཙལ། རྙེད་ནས་སྨོན་ལམ་གྲངས་མེད་འབུམ་བཅུ་སོགས་དང་། སྦྱིན་སོགས་སྤྱོད་པ་དཔག་མེད་ཚད་མེད་ཀྱིས་བརྒྱན། རྟག་འགྲུས་རྒྱུན་མི་འཆད་དང་། སྒོ་ཐམས་ཅད་ཀྱི་ཕུན་སུམ་ཚོགས་ཤིང་རྣམ་པར་དག་ལ་ཆེས་ཕུལ་བྱུང་དང་མི་འཕྲོགས་པའི་སྒྲུབ་པ་མཛད་དེ། ཤིན་ཏུ་མཐར་ཕྱིན་ཅིང་ཡོངས་སུ་རྫོགས་པ་ན་དེ་ཉིད་ཡིག་དྲུག་ཏུ་བརླབས་པ་རེད་པས་དེ་ཐམས་ཅད་ཀྱི་ནུས་པ་ཡིག་དྲུག་ཁོ་ན་ལ་ཡོད་དོ། །དེས་ན་མནར་མེད་དུ་བྱོན་ཚེ་ཡང་མ་ི་ཚར་རེ་གསུངས་པ་རྐྱང་པས་ས་ཆེན་པོའི་རྡུལ་ལྟར་མཐའ་ཡས་པའི་དམྱལ་བ་ཚང་སྤུགས་སུ་སྤྲུགས་ནུས་པ་རེད་དོ། །ཡང་། སོ་སྐྱེས་ཆོས་སྨྲ་སོགས་སྟོང་གསུམ་གྱི་རྡུལ་སྙེད་ཀྱིས་བསྐལ་བ་མཐའ་ཡས་པར་ཆོས་རྒྱ་ཆེར་བཤད་པ་བས། རྗེ་བཙུན་གྱིས་མ་ི་རྡོག་གཅིག་གསུངས་པ་གཞན་ཕན་གྲངས་མེད་འགྱུར་དུ་ཆེ་བ་ནི། སྟོབས་བཅུ་མངའ་བའི་གནད་ཀྱིས་ཡིན་ཏེ། སྟོབས་རྣམས་མ་རིག་སྒྲིབ་ལ་རྡོ་རྗེ་བཞིན། །ཞེས་པའང་གཞན་རྒྱུད་

― TN03_Page_0552 ―

^{[མ་དཔེ་གཟིགས་ན་འདིར་གནོན།]}

(༣༣༦)ཀྱི་མ་རིག་སྒྲིབ་ལ་ཞེས་པའོ། །འདོམས་པར་བྱེད་པ་པོ་ཉམས་ཆེ་ཆུང་གིས་འཁོར་གདུལ་བ་ཁྱད་ཞུགས་པ་ཐམས་ཅད་འདི་དང་འགྲོ་ཕྱོགས་འདྲའོ། ༈ །སྔར་ཀླད་བྲིས་སྐོར་འཁྲུལ་པ་ལ་ཡང་བྲི་བྱས་པ། མངོན་སྤྱོད་མཁན་ཙ་ན་ཀྱས་མི་བརྒྱ་སྟོང་མང་པོ་ལ་གདུང་བ་བསྐྱེད་པ་ནི་སེམས་ཅན་དེ་དག་གི་ལས་ངན་གྱི་ནུས་པ་དྲག་སྔགས་ཀྱི་ལྷན་ཅིག་བྱེད་རྐྱེན་གྱིས་བསླང་བ་ཡིན་ཅིང་། མངོན་སྤྱོད་དེའི་རྣམ་སྨིན་ནི་ཕྱི་མར་ཡི་དྭགས་ཀྱི་རྗེ་བོར་སྐྱེ་བ་དེ་རེད། དེར་མ་ཟད། ཙ་ན་ཀྱའི་བརླང་སྤྱོད་དེ་ལས་ཤིན་ཏུ་སྟོབས་ལྡན་ཡིན་པས་མཐོང་ཆོས་མྱོང་འགྱུར་རེད་པས། ཚེ་དེར་ལུས་ཚལ་བར་གས་པའི་ནད་ཀྱིས་ཤི་བ་རེད། དེ་གོ་བཟློག་སྟེ་ཚེ་སྒྲུབ་སོགས་ལའང་འདོན་པ་སྒྱུར་ཆོག་འདུག །དེའི་འགྲེས་ཀྱིས་མ་ིའི་རྒྱབ་ཆོག །གོ་འཚོགས་སོགས་ཀྱིས་སྔོན་ལས་ངན་པའི་འབྲས་བུ་ནད་གནོད་བྱུང་ཆག་སོགས་ལ་ལོ་ཏོག་སེར་བས་བཅོམ་ལྟར་འགལ་རྐྱེན་བྱས་ནས་ཕྱིར་བཟློག་པ་དང་། རྒྱལ་པོ་ལ་ཙ་ན་དན་ཕུལ་བས་ཡུལ་ཐོབ་པ་ལྟར། ཚེ་རིང་ནད་མེད་སོགས་ཀྱི་རྒྱུའི་སྔོན་ལས་ཚེ་འདིར་འདྲེན་པའི་རྐྱེན་བྱེད་པ་ཙམ་རེད་ལ། མ་ིའི་ཆོས་འདོན་ལ་ཡོན་ཕུལ་བའི་ལས་འབྲས་ནི་ད་གཟོད་ཚེ་རབས་ཕྱི་མ་ལ་སྨིན་རྒྱུ་ཡིན་ལ། ཞིང་དང་བསམ་པ་ཕྱུལ་བྱུང་འགའ་ཞིག་མཐོང་ཆོས་མྱོང་འགྱུར་ཡང་

― TN03_Page_0553 ―

^{[མ་དཔེ་གཟིགས་ན་འདིར་གནོན།]}

(༣༣༧)ཡོད། སྔོན་འབྲེལ་ཆེ་ཆུང་སོགས་ཀྱི་དབང་གིས་རྒྱབ་ཆོག་སྐུ་རིམ་ལའང་སྔོན་གྱི་དགེ་བའི་ལས་གཞན་གྱི་འབྲས་བུ་འཕྲལ་ལ་སད་རྐྱེན་བྱེད་ནུས་མི་ནུས་མང་པོ་ཡོད་ཀྱངཨ་ནམ་འདོད་དེར་འདྲོང་ཐུབ་པ་ལ་མ་ི་སྟོབས་ཆེ། རྣམ་སྨིན་སྟོབས་ཆེ་བ་ནི་སླའོ། །དེས་ན་ལས་གཞན་གྱི་སད་རྐྱེན་བྱེད་ལུགས་ལའང་། གཞན་རྒྱུད་ལ་དང་། རང་རྒྱུད་ལ་བྱེད་ཚུལ་གཉིས་ཡོད་པར་སྣང་། འདི་ཞ་དམར་ལམ་རིམ་ལྟར་ན་མ་ི་བཏོན་པའི་སྐྱེས་བུ་བྱེད་འབྲས་སུ་བྱའམ་སྙམ། ༈ །རྩི་ཤིང་གི་བཅུད་དབྱར་ཀ་རྩེ་ན་ཡོད་རྟགས་སུ་དེའི་རོ་ནུས་ཁྱད་པར་འཕགས་བྱས་པ་རྐྱང་དམ་ཡེའི་རྡོ་རྗེ་གསུམ་དབྱེར་མེད། གིས་མི་ཆོག་བཅུད་རྩེ་མོར་ཡོད་རྟགས་སུ་འབྲས་བུའམ་ཐོག་འབྲུ་གསུམ། གུ་ཆགས་དགོས། ༈ གནས་གསུམ་གོ་ཆ་ནི་རང་རྒྱུད་ཀྱི་སྒོ་གསུམ་དང་སངས་རྒྱས་རྣམས་ཀྱི་རྡོ་རྗེ་གསུམ་གཅིག་ཏུ་སྦྱར་ནས་མདུད་པ་བརྒྱབ་པ་ཡིན་པས། སངས་རྒྱས་རྣམས་ཀྱི་རྡོ་རྗེ་གསུམ་གྱི་དབྱིངས་སུ་རང་གི་སྒོ་གསུམ་སྦ་བ་སྟེ། ཆུ་ཐིགས་རྒྱ་མཚོ་ལ་བཞག་ནས་ཉི་མའི་གདུང་བ་ལས་སྲུང་བ་བཞིན་ནོ། ༈ །པདྨའི་རིགས་ལ་དམ་པའི་ཆོས་ཀྱི་འོད་ཟེར་དང་། མདོ་སྡེ་བཤད་པའི་མཐུ་རྙེད་ཕྱིར་སོགས་ཡོ་གར་བཤད་པ་ནི། གཏི་མུག་གི་གཉེན་པོ་ཤེས་ཕྱིན་གྱི་ངོ་བོ་ཉིད་པདྨ་འགྲོ་

― TN03_Page_0554 ―

^{[མ་དཔེ་གཟིགས་ན་འདིར་གནོན།]}

(༣༣༨)འདུལ་གྱི་རིགས་ས་དཔལ་མཆོག་འགྲེལ་ཆེན་དུ་བཤད་པས། ཤེར་ཕྱིན་གྱི་མཚོན་བྱེད་གླེགས་བམ་དུ་བྱེད་པ་དང་། ཆོས་དབྱིངས་རྟོགས་པའི་རྒྱུ་མཐུན་པའི་གསུང་རབ་ཅེས་པ་དང་འདྲ་བས་མི་གོས་པའི་དེ་ཉིད་ཀྱི་སྟེང་ནས་ཤེས་པར་བྱ་སྙམ། འདི་ལྟར་ཡིན་ངེས་ཏེ། ཀུན་སྙིང་གི་ཧྲཱིཿབཤད་དུ། ཆོས་ཀྱི་རིགས་ཞེས་པའི་ཆོས་ནི་རང་བཞིན་དག་པའ་ཆོས་ལ་གཟིགས་པའི་ཤེས་ཕྱིན་དུ་གསུངས་པའི་ཕྱིར་རོ། །དེའང་ཉན་རང་གིས་ནི་དག་བྱ་ཉོན་སྒྲིབ་ལ་ལྟོས་ཏེ་རང་བཞིན་དག་པའི་ཆ་ཙམ་མངོན་སུམ་རྟོགས་ཏེ། དེའི་དབང་གིས་དག་པ་ཕྱོགས་གཅིག་པ་དེ་ལ་བརྟེན་པའམ་དེའི་ཡིན་ཏན་དུ་གྱུར་པའི་འཕགས་པའི་ཆོས་ཀྱང་མ་ཚེ་བ་ཙམ་བརྙེས་ལ། ཐེག་ཆེན་ནས་སྒྲིབ་གཉིས་བག་ཆགས་དང་བཅས་པ་དག་བྱར་བཞག་པའི་རང་བཞིན་དག་པ་མཐའ་དག་མངོན་དུ་བྱེད་དེ་དེའི་དབང་གིས་དག་པ་མ་ལུས་པ་དེའི་ཡོན་ཏན་དག་པ་དེ་ལ་བརྟེན་པའང་མཐའ་དག་པ་འཐོབ་སྟེ། འདི་ནི་རང་བཞིན་དག་པ་དེ་སྒོམ་བྱེད་ལམ་གྱི་དབང་གིས་ཆོས་ཀྱི་དབྱིངས་སམ་འཕགས་ཆོས་ཀྱི་འབྱུང་ཁུངས་སུ་འགྱུར་ཚུལ་རྒྱ་ཆེ་ཆུང་ངོ། །རྟོགས་པའི་ཆོས་ཀྱི་འབྱུང་ཁུངས་ཡིན་པར་མ་ཟད་ལུན་གི་ཆོས་ཐམས་ཅད་ཀྱི་འབྱུང་མཐར་ཐུག་ཀྱང་ཡིན་ཏེ། རྒྱུ་མཐུན་དེ་དག་ཐུབ་པ་བཞེད། ཅེས་ཆོས་དབྱིངས་རྟོགས་

― TN03_Page_0555 ―

^{[མ་དཔེ་གཟིགས་ན་འདིར་གནོན།]}

(༣༣༩)པའི་རྒྱུ་མཐུན་པའི་གསུང་རབ་ཅེས་གྲགས་པ་ལྟར་རོ། །སོ་སོ་ཡང་དག་རིག་བཞི་ཞེས་པའི་སྒྲ་བཤད་ཀྱིས་ཀྱང་ཤེས། དེས་ན་ལུང་གི་ཆོས་ཐམས་ཅད་ཀྱང་འགོག་བདེན་ཆོས་དབྱིངས་རྣམ་དག་གི་ཡོན་ཏན་ཁོ་ནའོ། །ལམ་རིམ་གྱི་ལྷག་མཐོང་གི་སྟོང་ཉིད་བཙལ་དགོས་པའི་རྒྱུ་མཚན་ཐད་ལྟར་དེ་ཁོ་ན་ཉིད་འཚོལ་བ་ནི་གློ་བུར་གྱི་དྲི་མ་སྦྱངས་ནས་དག་པར་བྱ་བའི་ཆེད་དོ། །དྲི་མའི་གཙོ་བོ་ནི་རྨོངས་པ་བག་ཆགས་དང་བཅས་པ་སྟེ། དེ་རང་བཞིན་གྱིས་དག་ཚུལ་འདི་རང་བཞིན་དག་པ་ཞེས་པའི་གཙོ་བོར་བཟུང་ངོ་། ༈ །རྒྱུན་འཁྱེར་དུ་བཟླ་ན། སྐྱབས་སེམས་དང་ཤུནྱཏའི་དོན་དྲན་སྔོན་བཏང་སོགས་མ་བྱུང་རུང་སྔར་གྱི་གོམས་ཤུགས་ལྟར་ལྷ་གསལ་བཏབ་སྟེ་རྡོ་རྗེ་ཕྲེང་བཟུང་ལུགས་སུ་བཟླས་པས་འགྲུབ་པ་དང་། དེའང་ལྷའི་རྣམ་པ་གསལ་བར་མ་གྱུར་ཀྱང་ཡེ་ནས་རང་གི་སྒོ་གསུམ་ལྷའི་རང་བཞིན་དུ་སངས་རྒྱས་པའི་ང་རྒྱལ་གྱིས་བཟླས་པས་ཀྱང་ཆོག་པ་མན་ངག་གི་གནད་དང་འབྲེལ་བ་ཡིན་ཞེས་རིག་འཛིན་ཐུགས་ཐིག་གི་བསྙེན་ཡིག་ཏུ་གཏེར་ཆེན་གྱིས་བཤད། ༈ །ལྷུན་གྱིས་གྲུབ་པའི་ཆོས་ཉིད་ཐོབ་རྣམས་གཞན་ལས་བྱ་དཀའ་ཞེས་བྱ་འགའ་ཡོད་མིན། ༈ །ཕྱག་དྲུག་པའི་ཡུམ་གྱི་སྔགས་ལ་ཡང་། བྷྱོ་ནག་མོ་བཻཏ་ལི་ཞེས་རྒྱུད་ལས་གསུངས་སོ། ༈ །འོ་རྐྱལ་ སྒོམ་

― TN03_Page_0556 ―

^{[མ་དཔེ་གཟིགས་ན་འདིར་གནོན།]}

(༣༤༠)བཟླས། བསྲུབ་བསྒྲིལ་ཡུས་ཆེ་བས་མི་ཆོག ཟོ་མར་དྲོད་ཚད་གྱི་གོང་བུ་ཐོན་པ་དགོས། ༈ །རྡོ་རྗེའི་དེ་ཉིད་ནི་མི་ཆོད་མི་ཤིགས་མི་ཕྱེད་པ་སྟེ། དེ་དྲན་ནས་ལི་པི་ཤ་ཏ་བཟླས་པས་ཤིན་ཏུ་བརྟན་པར་བྱེད། ༈ འཕགས་མཆོག་གང་དུ་དམིགས་པ་དེར་ས་བཅུ་པར་ལག་ན་རྡོ་རྗེ་སྟོང་ཕྲག་བརྒྱ་རྟག་ཏུ་ཕྱི་བཞིན་འབྲང་བར་གསུང་པ་ལྟར་གྱི་ལག་ན་རྡོ་རྗེའི་སྲུང་མ་དང་། རྟ་མཆོག་རིག་པ་བྱེ་བའི་འཁོར་དང་བཅས་པ་སོགས་འཁོར་དག་པ་གཞལ་མེད་རྣམས་མིའི་ལུས་ཤིག་མེད་ན་མེད་དུ་ཟད། ཡོད་ཕན་ཆད་གྲིབ་མ་ཞིག་ངེས་པར་ཡོད་པ་དང་། ག་བུར་ཞིག་ཡོད་ན་དྲི་བསུང་ངེས་པར་ཡོད་པ་ལྟར་འབྲལ་མེད་དུ་ཡོད་ངེས་པ་དམིགས་འོག་ཏུ་ཆུག་དགོས། ཁོང་རིགས་ཀྱི་འཁོར་ལོས་སྒྱུར་བ་རེད་པ། འཁོར་ལོ་སྒྱུར་བའི་རྒྱལ་པོ་དཔུང་ཚོགས་ཡན་ལག་བཞི་དང་མི་ལྡན་པ་ཞིག་ཤེས་བྱ་ལ་མི་སྲིད་དེས་ན་རྡོ་རྗེ་ཁྲོ་བོའི་དམག་དཔུང་བྱེ་བ་ཁྲག་ཁྲིག་རང་ཤུགས་ཀྱིས་རྗེས་སུ་འབྲང་བ་ཡིན་པར་ཤེས་པར་བྱའོ། ༈ །པདྨའི་མི་གོས་པའི་དེ་ཉིད་དང་། ཆུ་འདམ་ནས་སྐྱེས་ཤིང་ཆུ་འདམ་ན་གནས་པའི་དེ་ཉིད་གཉིས་རིམ་བཞིན་དོན་དམ་སེམས་བསྐྱེད་དང་ཀུན་རྫོབ་སེམས་བསྐྱེད། ཤེས་པ་རྣམ་དག་དང་། ཤེས་བྱ་རྣམ་དག །སྲིད་མཐའ་འགོག་བྱེད་དང་། ཞི་མཐའ་འགོག་བྱེད། མངོན་མཐོ་མཐར་ཐུག་

― TN03_Page_0557 ―

^{[མ་དཔེ་གཟིགས་ན་འདིར་གནོན།]}

(༣༤༡)དང་ངེས་ལེགས་མཐར་ཐུག །རང་དོན་དམ་པ་ཕུན་ཚོགས་དང་གཞན་དོན་དམ་པ། ཐུགས་དབེན་པའི་བདེ་མཐོང་ཆོས་བདེ་གནས་སོགས་ཀྱང་བས་གང་ཞིང་། སྐུ་འདུ་འཛིའི་ཁྲོད་ན་ཡང་སྤྱོད་པ། ༈ །ཕྱག་སྟོང་སྤྱན་སྟོང་གི་མདོར། གལ་ཏེ་ཆོས་བཞིན་དུ་བཟླས་བརྗོད་བྱས་ཏེ་སེམས་ཅན་རྣམས་ལ་སྙིང་བརྩེ་བའི་སེམས་བསྐྱེད་པར་གྱུར་ན་བདག་ཀྱང་དེའི་ཚེ་དགེ་བའི་ལྷ་དང་། ཀླུའི་རྒྱལ་པོ་ཐམས་ཅད་དང་། ལག་ན་རྡོ་རྗེ་གསང་བ་རྣམས་ལ་རྟག་པར་དེའི་རྗེས་སུ་འབྲང་ཞིང་ཡོངས་སུ་སྲུང་བ་གྱིས་ཤིག །དེའི་ཉེ་འཁོར་ན་གནས་ནས་མིག་གི་འབྲས་བུ་བཞིན་དུ་ཡོངས་སུ་སྲུངས་ཤིག རང་གི་སྲོག་གི་དབང་པོ་བཞིན་དུ་ཡོངས་སུ་སྐྱོབས་ཤིག་ཅེས་བསྒོ་བར་འགྱུར་རོ། །བདག་གིས་གསང་བའི་བདག་པོ་རྡོ་རྗེ་འཆང་། །བདུད་རྩི་འཁྱིལ་བ་སྨེ་བརྩེགས་ལྕགས་ཀྱུ་ཅན། །སྟོབས་ལྡན་ཤཾ་ཀ་ར་དང་སྡེ་བརྒྱད་དག །བཏང་ནས་རྟག་ཏུ་གཟུངས་འཛིན་སྲུང་བར་བྱེད། །ཅེས་སོགས་མང་དུ་གསུངས་ཏེ། མ་ི་ཟློས་ཚེ་ལྷ་ཀླུ་མང་པོས་སྲུང་ཚུལ་ཀ་རཎྜར་གསུངས་པ་དང་འདྲའོ། །དེ་ལྟར་སྲུང་མ་རང་འཁོར་བའི་དབང་གིས་འབྲོག་དགོན་སོགས་སུ་གཅིག་པུར་ཉལ་ཡང་གདོན་བགེགས་ཀྱིས་གཙེ་མི་ནུས་པ་དང་། མྱ་ངམ་སོགས་སུ་ལམ་གོལ་བར་འཁྱམ་ཡང་། ལྷ་ཀླུའི་སྤྲུལ་པས་ལམ་སྟོན་

― TN03_Page_0558 ―

^{[མ་དཔེ་གཟིགས་ན་འདིར་གནོན།]}

(༣༤༢)བ་དང་། ནགས་ཚལ་སྟོང་པ་སོགས་སུ་མེའམ་ཆུས་ཕོངས་ན་དེ་དག་སྦྱིན་པར་གསུངས་ཏེ། དགྲ་ཇག་ཆོམ་རྐུན་འཆིང་བ་དང་། མཐུན་པའི་ཡོ་བྱད་གཞན་འདུ་བ་སོགས་མང་པོར་སྦྱོར་ཆོག ༈ །ཐུགས་ཀའི་ཡེ་སེམས་རྟ་མགྲིན་དུ་བྱས་ནས་སྔགས་འཁོར་བཀོད་དེ། རྟ་སྐད་ཀྱིས་བདེ་གཤེགས་གསུང་གི་དངོས་གྲུབ་སྡུད་པ་ལ་དམིགས་པ་གཏད་ནས་བཟླས་ན་སྔགས་ཀྱི་ནུས་པ་སྐྱེ་བའི་ཁྱད་ཆེ་འདྲ། ༈ །མདོར་ན་ཆོས་ནི་མི་འཚེ་བའོ། །ཞེས་རྒྱལ་བའི་བསྟན་པ་སྙིང་རྗེས་ཕྱེ། ༈ །ལྷ་ཆེན་དམོད་པ་གྲུབ་པ་སོགས་ནས། མགོན་ཁྱོད་ཐུགས་རྗེ་གྲུབ་པ་ལས་སོགས་ལྷ་དང་དྲང་སྲོང་དམོད་པའི་མཚོན་ཆ་ཅན་རྣམས་ཀྱི་དམོད་པས་མི་ཁྱིམ་འབུམ་ཕྲག་དུ་མས་གང་བའི་གྲོང་ཆེན་རིང་པོར་མི་ཐོགས་པར་འབྲོག་དགོན་སྟོང་པར་བྱས་སྐད་དེ་རྦབ་ཐུར་ལ་བཏང་བ་ལྟ་བུ་འཇིགས་རུང་གི་དཔེར་བྱེད། སངས་རྒྱས་ཀྱི་ཐུགས་བསྐྱེད་པ་རེ་རེས་སམ་འོད་ཟེར་རེ་རེས་སྟོང་གསུམ་བརྗོད་མེད་བརྗོད་མེད་ཚད་མེད་གཞལ་མེད་ཀྱི་རྡུལ་སྙེད་ཀྱི་འགྲོ་བ་མངོན་མཐོ་ངེས་ལེགས་ཀྱི་བདེ་བ་བཟང་མང་ལ་འཇོག་པ་རེད། རྦབ་གྱེན་ལ་འཐེན་པ་ལྟ་བུ་སྟེ་ཐུར་དུ་རྦབ་སྟོང་སྒྲིལ་བ་བས། གྱེན་དུ་ཕ་བོང་གཅིག་འདྲེན་པ་ཆེས་དཀའ་བས་ཡ་མཚན་དཔེ་མེད། མཐུ་ཕྱི་མ་འདིས་དང་པོའི་ཡོན་ཏན་བརྒྱ་ཕྲག་བཅུ་གཉིས་ནས་རིམ་གྱིས་ནར་སོན་ཚུལ་སོགས། ༈ །དང་པོ་རྩ་བ་ཐ་མ་འབྲས་མཆོག་ལྡན། །

― TN03_Page_0559 ―

^{[མ་དཔེ་གཟིགས་ན་འདིར་གནོན།]}

(༣༤༣)སོགས་དང་། རྣམ་སྣང་མངོན་བྱང་ལས། སྙིང་རྗེའི་རྩ་བ་ཅན་ཡིན་ཞེས། །སྒྲུབ་བྱེད་ཐུགས་རྗེ་གོམས་ལས་དེ། །ཞེས། ༈ །ཐེག་ཆེན་ཕྱིར་མི་ལྡོག་གི་རྟགས་ཀྱང་རང་དོན་ཡིད་བྱེད་བསྡམ་པའི་སྟེང་ནས་བཞག་ཡོད། ༈ །མཛོད་འགྲེལ་དང་རྣམ་འགྲེལ་རང་འགྲེལ་ལས་སོགས་འཐད་སྒྲུབ་སྐོར། ༈ །ཚད་ཆེན་འགྲེལ་པར། དེ་འདོད་པའི་ཕྱིར་རོ་ཞེས་སོགས་ཀྱིས་གཞན་དོན་རང་གི་འདོད་དོན་ཡིན་ལུགས་བདག་གཅེས་འཛིན་གྱིས་ཕོངས་ཤིང་རང་དོན་ཕུན་ཚོགས་མི་འབྱུང་ལ་བཟློག་ན་དོན་གཉིས་འབྱུང་ལུགས་གཉིས་ཀྱིས་སྙིང་རྗེ་སྐྱེད་ནུས་དང་། སྐྱེད་དགོས་གཉིས་བསྟན། དང་པོ་ནི། བརྩེ་མེད་གོམས་ན་དེར་འགྱུར་བ་རོ་སྲེག་མཁན་བརྩེ་བྲལ་དང་། བྲམ་ཟེ་གཙང་ཞེན་སོགས་ཀྱིས་བསྒྲུབ་ཡོད། དགྲ་གསོད་ཕྲོག་ལ་རང་དོན་དུ་ཞེན་པ་ལ་འདོད་པའི་ཕྱིར་རོ་ཞེས་པ་ལས་སྒྲུབ་བྱེད་གཞན་མེད་དེའི་རིགས་པས་སྙིང་རྗེ་ཤིན་ཏུ་གོམས་ན་ཞེས་སོགས་ཁ་བསྒྱུར། ༈ །གཞན་ཕན་དགའ་བ་སོགས་སློབ་སྤྲིང་དང་། སེམས་ཅན་རྣམས་ནི་གྲོལ་བ་ན་སོགས། འགྲོ་དྲུག་སྐྱེད་ཚུལ་དུས་སྟོན་ལྟར། །རང་གི་ཡོན་ཏན་སེམས་ཅན་ཕན་འདོགས་དགའ། ༈ །ཐུབ་པའི་སྐྱེས་རབ་ཐམས་ཅད་བདག་པས་གཞན་གཅེས་མཛད་ཚུལ་ཁོ་ནར་གསུངས། ༈ །མཐོང་བའམ་གྲོང་ཁྱེར་རྒྱུ་བ་ན། །ལོང་བས་

― TN03_Page_0560 ―

^{[མ་དཔེ་གཟིགས་ན་འདིར་གནོན།]}

(༣༤༤)མིག་ཐོབ་སོགས། མཚན་བཟུང་བ་ཙམ་ཡང་བརྒྱད་བརྒྱ་པ་སོགས་ལྟར། སྟོན་པ་དང་ཤཱ་རིའི་བུའི་སྣམ་སྦྱར་སྟེང་ཕུག་རོན་བབས་པ། སྟོན་པ་དང་ཀུན་དགའ་བོས་སེངྒེལ་རེག་པ། རྣམ་ཀུན་དོན་ཡོད་ནི། སངས་རྒྱས་རྣམས་ཀྱི་གཡོ་བ་ནི་སོགས། ༈ །དགེ་རྩ་དང་མཚུངས་ལྡན་གྱི་ཉོན་མོངས་བརྒྱད། ༈ །བརྒྱ་ལྔ་བཅུ་བའི་ཐུགས་རྗེ་ལ་བསྟོད་པ། ༈ །གང་ཕྱིར་བརྩེ་ཉིད་རྒྱལ་བའི་སོགས། ༈ །སྙིང་རྗེས་སྤྱོད་པ་རྒྱས། སྤྱོད་པས་སྙིང་རྗེ་རྒྱས། ༈ །བསོད་ནམས་དག་གི་རྒྱུ་མཐུན་པ་ཞེས་སྙིང་རྗེའི་སྤྱོད་པ་མཐའ་དག་སྙིང་རྗེའི་རྒྱུར་བསྔོས། ༈ །དེ་པ་ཐམས་ཅད་ཆོས་ཀྱི་དབྱིངས་ནས་རྫུ་འཕྲུལ་དང་ཆོས་སྟོན་སོགས་འགྲོ་འདུལ་གྱི་མཛད་པ་ལ་སྐུལ་བའི་བྱེད་པོ་གཅིག་པུ་ནི་སྐྱེ་ལ་ཐུགས་རྗེ་ཆེན་པོ་ཡིན་པས། ཐལ་མོ་སྦྱར་བའི་ཕྱག་ལ་ངེས་པ་སྟེར། དེར་མ་ཟད་བགྲང་ནོར་གྱི་ལས་ཕྱག་སྟོང་སྤྱན་སྟོང་མདོར་འབྱུང་བ་དང་བགྲང་ནོར་སྙིང་རྗེ་སྦྱར་བ་གཉིས་བསྒྲིགས་པའང་འདི་དང་བསྟུན་ན་ལེགས་འདྲ། ༈ །ཅི་ཙམ་བཙལ་ཡང་ཆོས་དབྱིངས་གཏིང་མཐའ་ལ། །ཐུག་པ་ཡོད་མིན་དེ་ཚུལ་མ་ལུས་པར། །མངོན་མཛད་སོར་རྟོག་ཡེ་ཤེས་མཁྱེན་པའང་དེ་བཞིན་ཏེ། །དེ་ཡི་དབང་གི་དབང་དང་མངོན་ཤེས་སོགས། །དེ་ཡི་བྱིན་རླབས་མཐུ་ཡང་ཐུག་པ་མེད། །སོར་རྟོག་ཡེ་ཤེས་སྔགས་སུ་

― TN03_Page_0561 ―

^{[མ་དཔེ་གཟིགས་ན་འདིར་གནོན།]}

(༣༤༥)བྱིན་བརླབ་པའི། །སྔགས་ཀྱི་བྱིན་རླབས་མཐུ་ཡང་དེ་ཉིད་དེ། །ཅི་ཙམ་སྔགས་དངོས་གྲུབ་གཏེར་ཕྱུང་ཡང་། །དེ་ལ་ཚད་དང་མཐའ་མ་དམིགས་མི་འགྱུར། །དེ་བཞིན་རྒྱ་ཆེའི་ལམ་གྱི་རྟོགས་པ་ཡང་། །སོ་སོར་ཚད་མེད་རེ་རེའི་རྣོ་ནུས་ཀྱང་། །ཐུག་པ་ཡོང་མེད་དེ་ཀུན་གཅིག་བསྡོམ་ནས། །སྔགས་སུ་ཤར་བའི་ནུས་མཐུ་དེ་ཡི་ཤེས། ༈ །སྒྲ་གཅན་འཛིན་ཆེན་པོ། །ཆུང་བ་བློ་བརྟན། ཧ་ཡ་ལི་ལ། ཧ་ལ་གྷོ་ཥ། ཉི་མ་སྦས་པ། ཐམས་ཅད་མཁྱེན་བཤེས། ཀ་ན་ཀ་ཤྲི། ཀནྡྷ་པ། ཏཱ་ར་ཤྲི། ཋཀྐི་ནག་ན་པ། མནྡིར་པ་ལ། ཤཱཀྱ་རཀྵི་ཏ། ལོ་ཀ་པྲ་དཱ་པ། ངག་དབང་གྲགས་པ། དགེ་བསྙེན་བཙུན་པ། དཀོན་མཆོག་གསུམ་གྱི་འབངས། ཛེ་ཏ་རི། ཙནྡྲ་གོ་མི། ཇོ་བོ་རྗེ། ཏུ་རུཥྐ་མང་པོས་བཀུར་བ། སེངྒེ་ལྔ་པ། ༈ འཕགས་ཡུལ་དུ་ཁ་སརྤ་ིའི་གཙུག་ལག་ཁང་དུ་ས་ཐེ་བཙུགས་ནས་གང་གསོལ་འགྲུབ་པར་གྲགས། བོད་དུ་དེའི་དོད་ལྔ་ལྡན་རང་བྱོན་ལ་ཇོ་བོ་རྗེས་ལྷ་དངོས་རེད་གསུངས། མངའ་བདག་ཉང་གིས་འདིའི་ཞབས་འོག་ནས་གཏེར་བཞེས་ཤིང་འདས་དུས་གདུང་ཁང་ནས་འཇའ་ཟུག སངས་གླིང་ལ་མ་ིའི་གསུང་བྱོན། སྤྱན་སྔ་གྲགས་བྱང་བས་བསྐོར་བ་མཛད་པས་དར་ལམ་བརྐྱངས། རྗེ་རིན་པོ་ཆེས་སྨྱུང་གནས་མཛད་པས་སྐུ་ཚེའི་ལུང་བསྟན་བརྙེས། ཞང་སྟོན་དར་མ་

― TN03_Page_0562 ―

^{[མ་དཔེ་གཟིགས་ན་འདིར་གནོན།]}

(༣༤༦)རྒྱལ་མཚན་གྱིས། ཆོས་ཡང་དག་པར་སྡུད་པར་དཔེ་གསུམ་དང་སྦྱར་བའི་སྙིང་རྗེའི་ཆེ་བ་གསུངས། དེ་ལས་བར་བར་བྱང་སེམས་ཀྱི་དགེ་ཆོས་ཀྱི་སྤྱོད་པ་ཕྱིན་དྲུག་བསྡུ་བཞི་སོགས་དཔུང་གི་ཚོགས། སྙིང་རྗེའི་འཁོར་ལོ་དེ་ཐམས་ཅད་ཀྱི་སྔོན་དུ་འགྲོ་བ་དངོས་ཟིན། འཁོར་ལོ་བྱུང་ན་དཔུང་ཚོགས་ཐམས་ཅད་མ་བརྩལ་བར་འབྱུང་། འཁོར་ལོ་མ་བྱུང་བར་ལ་གཞན་མི་མཆི་བས་གཅིག་ཡོད་ན་ཐམས་ཅད་ཤུགས་འབྱུང་དུ་འོང་བ་ནི་འཁོར་ལོ་ཁོ་ན་རེད་པ་དེ་ལྟར་སྙིང་རྗེ་ཆེན་པོ་ཡོད་ན་སྤྱོད་པ་ཐམས་ཅད་ལྷུན་གྲུབ་ཏུ་འབྱུང་། ༈ །བྱང་སེམས་ནི་ཆོས་ངན་པ་ལ་དམིགས་པའི་སྙིང་རྗེ་ལས་གོ་འཕང་མཆོག་གྲུབ། ཉན་རང་དེ་ལས་ཟློག ༈ །སྐྱེ་བ་དཔག་ཏུ་མེད་པར་ལྷ་མི་ཡི། །འཇིག་རྟེན་ཀུན་གྱི་རྣལ་འབྱོར་དབང་མཛད་ནས། །ཞེས་པར་བསམ་གཏན་གཟུགས་མེད་ཀྱི་མཐར་སོན་པའི་སྙིང་རྗེས་འཇིག་རྟེན་ལ་དབང་སྒྱུར་སོགས། ༈ །སྙིང་རྗེ་ཆེན་པོ་ཁོ་རང་ཞི་མཐའ་འགོག་བྱེད། སྙིང་རྗེའི་རྒྱུ་ཡིད་འོང་དང་སྡུག་བསྔལ་སེམས་པ། ཕྱི་མ་ལ་སྡུག་བསྔལ་བརྒྱ་རྩ་བཅུ་སོགས་ཇི་ཙམ་བསམ་ནས་ཡིད་འབྱུང་རྒྱས་པ་དེ་ཙམ་དུ་སྙིང་རྗེ་འཕེལ་བ། སྲིད་མཐའ་འགོག་བྱེད། སྐྱོན་མཐོང་ཕྱིར་ནི་སྲིད་པ་མིན། ཞེས་སྲིད་པའི་ཉེས་དམིགས་རིག་པ་སྟེ། མི་རྟག་སྡུག་བསྔལ་སོགས་ཀྱི་རྣམ་ཅན།

― TN03_Page_0563 ―

^{[མ་དཔེ་གཟིགས་ན་འདིར་གནོན།]}

(༣༤༧)རྒྱ་མའི་བློ་སྦྱོང་གི་འགྲོ་དོན་རབ་ཐད་ན། འདོད་འདུལ་ཡིད་མ་ལོག་པ་ལ་སྙིང་རྗེ་རྣལ་མ་གཏན་མེད་གསུངས་ཏེ། འདོད་བདེ་ཅན་བདུད་དང་། སེམས་བདེ་ཅན་ཚངས་པ་ལྟ་བུ་མན་ཆད་ཐམས་ཅད་སྙིང་རྗེ་བའི་གནས་སུ་འཆར་བ་ལ། སྲིད་བདེ་དེ་ཐམས་ཅད་སྡུག་བསྔལ་དུ་མཐོང་བ་དགོས། དེས་ན་སྙིང་རྗེའི་རྩ་བའི་རྒྱུས་སྲིད་མཐའ་ཁེགས་པས་སྙིང་རྗེ་ཆེན་པོ་གོམས་པས་སྲིད་ཞིའི་མཐའ་གཉིས་ཀ་སེལ་བྱས་ཀྱང་རུང་བར་གོ ༈ །སེམས་ཅན་རང་ངོས་ནས་གྲུབ་ན། ཐེར་ཟུག་ཆོས་ནི་མྱ་ངན་འདའ་མི་འགྱུར། །ཞེས་པ་ལྟར་རེད་ལ། རྟེན་ཅིང་འབྲེལ་འབྱུང་སྤྲུལ་པའི་གྲོང་ཁྱེར་ལྟ་བུར་མཐོང་ཕུལ་ཆེ་ན། མྱ་ངན་ཟློ་བ་ལ་མི་འཇིགས་ཏེ། རེ་ཞིག་སྒྱུ་མ་མཁན་པོའང་སྐྱེ་བོའི་མིག་ཁྲལ་ཁྲུལ་དུ་སྦྲིད་པར་བྱེད་པའི་སྒྱུ་མའི་གྲོང་ཁྱེར་མང་ལ་རྒྱ་ཆེ་བ་ཡང་། རིག་སྔགས་ཕྱིར་བརྟུལ་བ་ཙམ་གྱིས་བསྡུ་ནུས་པར་ཤེས་ནས་ཕྱིར་བསྡུ་བ་ལ་མི་ཞུམ་ན། འགྲོ་བ་དང་སྐྱེ་གནས་དང་སྡུག་བསྔལ་གྱི་གྲོང་ཁྱེར་ཚད་མེད་པ་ཐམས་ཅད་མ་རིག་པའི་འཁྲུལ་འཁོར་རྒྱས་པ་ཙམ་དུ་མཐོང་ཞིང་། རང་ཉིད་དག་པའི་ཆོས་ཀྱི་ཕ་རོལ་ཏུ་ཕྱིན་པའི་གཙང་མ་དམ་པ་བརྙེས་པས་མཚན་བརྒྱ་ནས་བཤད་ལྟར་གཞན་རྒྱུད་ཀྱང་རྣམ་པར་དག་པའི་བདག་ཉིད་དུ་སྦྱོར་ནུས་པར་གཟིགས་ནས་མི་འཇིགས་པ་

― TN03_Page_0564 ―

^{[མ་དཔེ་གཟིགས་ན་འདིར་གནོན།]}

(༣༤༨)བརྙེས་ཤིང་དགྱེས་པ་འཕེལ་བའི་སྙིང་རྗེའི་རྩལ་རྫོགས་པའོ། །ལས་ཉོན་གྱི་རིག་སྔགས་ཀྱིས་སྤྲུལ་པའི་བདེན་སྟོང་རྟེན་འབྲེལ་ཙམ་དུ་མཐོང་བས། ཤེར་ཕྱིན་གྱི་རིག་སྔགས་ཀྱིས་ལས་ཉོན་གྱི་སྒྱུ་མའི་རིག་སྔགས་དེ་བཅད་ཅིང་བརྟུལ་བ་ཙམ་གྱིས་སྡུད་པར་རིག་སྟེ་སྤྲོ་བ་འཕེལ། ཀུན་ཉོན་རྐྱེན་བྱུང་གི་ཆོས་ཐམས་ཅད་རྐྱེན་དབང་གིས་འབྱུང་ཞིང་། །རྐྱེན་བཤིགས་ན་ནུབ་པ་ཁོ་ན། དེའི་རྐྱེན་དེའང་གློ་བུར་བ་ཁོ་ནར་རིག་ནས་མི་འཇིགས་པའོ། །དམིགས་མེད་སྙིང་རྗེ་ནི་ཡིད་བཞིན་ནོར་བུ་ལྟར་སེམས་ཅན་གྱི་རེ་བ་སྐོང་བར་བསྔགས་ཏེ། ཆོས་ཀྱི་དབྱིངས་ཀྱི་རང་བཞིན་གྱི་ཡོན་ཏན་ནམ་བྱིན་གྱི་རླབས་སོ། ༈ །བྱང་འཕགས་ཀྱི་དམིགས་མེད་སྙིང་རྗེ་ནི་གཉིས་སྣང་འཁྲུལ་པའི་བསླད་པ་ཅན་དང་། སངས་རྒྱས་ཀྱི་ནི་བསླད་པ་དེ་མེད་པས་ཁྱད་པར་གནམ་ས་ཙམ་མོ། ༈ །སྐྱེ་བོ་ཆེ་ཆུང་གི་ཁྱད་པར་ནི། སེམས་རྒྱ་ཆེ་ཆུང་ངམ། བསམ་པ་རྒྱ་ཆེ་ཆུང་གིས་འབྱེད་དེ། དབུ་མ་སྙིང་པོར། ཝ་ནི་གླང་ཆེན་དྲེགས་ཁྱུ་ཡི། །སོགས་ལྟ། རྟོག་གེ་འབར་བར། མེ་ཁྱེར་དང་ཉི་མའི་དཔེ་བསྟན་པ་སོགས་ཀྱང་དེ་བཞིན་ནོ། །དེས་ན། ཆོས་ཀྱི་དབྱིངས་ན་སྐྱེས་བུ་གཅིག་པུ་བ། །ཞེས་སོགས་འབྱུང་ངོ་། ༈ །པདྨའི་ཁ་དོག་དཀར་བས་རང་བཞིན་དག་པའི་ཆོས་ལ་གཟིགས་པའི་སོར་རྟོག་ཡེ་ཤེས་མཚོན།

― TN03_Page_0565 ―

^{[མ་དཔེ་གཟིགས་ན་འདིར་གནོན།]}

(༣༤༩)དམར་བས་སྲིད་པར་ཆགས་པའི་སྙིང་རྗེ་མཚོན་མོད་ཀྱི་ཕྱི་མས་ཤིན་སྦྱང་གི་དགའ་བདེ་འདྲེན་པའི་ཏིང་ངེ་འཛིན་གྱི་དམར་བའང་སྟོན་ལུགས་ཡོད་དམ་དཔྱད། པད་དཀར་ཅན་ནི་སྐུ་མདོག་དང་ཧྲཱིཿཡང་དཀར། སྐུ་མདོག་དམར་པོ་ཅན་ནི་ཕྱག་མཚན་དང་སྲོག་ཡིག་ཀྱང་དམར་ཏེ་དེ་ཐམས་ཅད་དེ་ཉིད་གཅིག་པས་སོ། ༈ །བྱང་སེམས་ཀྱི་སྙིང་རྗ་ལ་བརྩེ་བ་ཙམ་གྱིས་མི་ཆོག་སེམས་ཅན་གྲངས་མང་། བྱེད་པ་ངན་པ། སྡུག་བསྔལ་གྱི་རྒྱ་མཚོ་ཚད་མེད་པ་སོགས་གང་གིས་ཀྱང་མི་ཟློག་ཅིང་མི་འཇིགས་པ་དང་། སྒྱིད་ལུག་པ་མེད་པརཤིན་ཏུ་དཔའ་བའི་སྙིང་རྗེ་སྟོབས་ལྡན་རླབས་ཆེ་བ་བློ་གྲོས་རྒྱ་མཚོས་ཞུས་པར། གྲོང་དཔོན་ཕ་མ་གཉིས་ཀྱི་དཔེ་གསུངས་པ་ལྟ་བུ། དགོས་ལ། དེ་ལ་སྡུག་བསྔལ་འབྲལ་འདོད་ཀྱིས་བསྐྱབ་དགོས་སུ་མཐོང་བ་ཙམ་གྱིས་མི་ཆོག །བསྐྱབ་ནུས་སུ་མཐོང་བ་སྟོབས་ལྡན་དགོས། དེ་ལ་དབང་རྣོན་གྱིས་སེམས་ཅན་སྐྱོབ་པར་ཁུརའཁྱེར་བའི་སྙིང་རྗེ་སྐྱེ་བའི་སྔོན་འགྲོ། ཡང་དག་ཤེས་ཚོལ་སྔོན་བཏང་སྟེ་སོགས་ལྟར་དགོས། དབང་རྣོན་ལ་འབྲལ་འདོད་ཀྱི་སྙིང་རྗེ་ཆེན་པོ་སྐྱེ་བ་ལ་སྟོང་རྟོགས་སྔོན་འགྲོ་མི་དགོས་ཀྱང་། སྐྱོབ་འདོད་ཀྱི་བརྩེ་ཆེན་མཚན་ཉིད་རྫོགས་པ་ལ་དགོས་ཞེས་པ། །ལུང་འདིའི། འགྲོ་དོན་བྱེད་པར་དཔའ་གྱུར་པ། །ཞེས་པ་གོ་རྒྱུ་ཆེ་སྟེ། སྙིང་རྗེ་ཡོད་ཀྱང་སྔར་བག་དང་བཅས་པ་

― TN03_Page_0566 ―

^{[མ་དཔེ་གཟིགས་ན་འདིར་གནོན།]}

(༣༥༠)མང་བས་དེ་ལས་ཁྱད་སྐྱོབ་འདོད་འདོན་ནོ། །དེས་ན་སེམས་ཅན་ཐམས་ཅད་གཤོབ་གཅིག་གི་བདེན་འཛིན་འཁྲུལ་འཁོར་ཁོ་ན་ལ་བརྟེན་ནས་མ་རིག་པའི་འཁྲུལ་འཁོར་རྒྱས་པ་ཙམ་དུ་ཤེས་ནས། སྡུག་བསྔལ་བའི་གནད་ཤེས་ནས་གཤོབ་དེའི་མཚང་བརྟོལ་བ་ཙམ་ཞིག་སེམས་ཅན་དགྲོལ་བའི་གནད་དུ་མཐོང་ན་ཞུམ་པ་སོགས་མི་སྐྱེ་བས་སེམས་ཅན་ཐམས་ཅད་དགྲོལ་བའི་སྙིང་རྗེ་ལ་དམིགས་མེད་ཀྱི་སྙིང་རྗེ་བསྔགས། དེའང་སྙིང་རྗེ་དང་བདག་མེད་རྟོགས་པ་རྒྱུད་ན་སོ་སོར་ཡོད་ཙམ་ཉན་རང་ལའང་ཡོད་པས། དེ་གཉིས་སྦྱར་ནས་ཕན་ཚུན་གཅིག་གིས་གཅིག་ཟིན་པར། བོགས་འདོན་རེས་ཀྱིས་དམིགས་ཕུག་སྟེ་རྒྱ་ཆེར་སྦྱང་དགོས། ༈ །སྟོང་ཉིད་རྟོགས་པའི་ཤེས་རབ་ཀྱི་བདུད་རྩི་གྱ་ནོམ་པ་དེ་ཉན་རང་གིས་ངེས་འབྱུང་གི་བསམ་པས་ཟོས་ན་རང་གི་སྡུག་བསྔལ་གཏན་ཞི་བ་ཙམ་དུ་འགྱུར་ལ། རྒྱལ་སྲས་ཀྱིས་སྙིང་རྗེ་ཆེན་པོའི་བློས་ཟོས་ནས་འཁོར་བར་བསྔོས་ན་ནི་གཞན་དོན་གྱི་བྱ་བ་སྒྲུབ་པ་ལ་ཡིད་བཞིན་གྱི་ནོར་བུ་ལྟ་བུ་ཁོ་ནར་འགྱུར་ཏེ། ཀེ་ཏ་ཀའི་མེ་ཏོག་གླང་པོ་ཆེ་གཞན་གྱིས་ཟོས་ན་ལྕི་བ་དང་། སྤོས་གླང་གིས་ཟོས་ན་གླ་རྩི་ལྟ་བུར་འགྱུར་བ་དང་མཚུངས། སྟོང་རྟོགས་ཀྱིས་མ་བརྒྱན་པའི་སྙིང་རྗེ་ནི་ནོར་བུ་ཕལ་པ་དང་འདྲ། སྙིང་རྗེའི་སྤྲུལ་ཆེན་ཟབ་མོའི་ཤེས་རབ་ཀྱི་ནམ་མཁའ་ལྡིང་གི་ལྟོ་བའི་མེས་ལེགས་པར་སྦྱང་ན་གཞན་སྐྱོབ་པ་ལ་ནོར་བུ་

― TN03_Page_0567 ―

^{[མ་དཔེ་གཟིགས་ན་འདིར་གནོན།]}

(༣༥༡""ཏོག་གི་བློ་གྲོས་ལྟ་བུར་འགྱུར། སྙིང་རྗེ་ཛམ་བུའི་ཤིང་ཐོག་དང་འདྲ། ཟབ་མོའི་ཤེས་རབ་མ་དྲོས་མཚོ་དང་འདྲ། དེ་དེས་བཟུང་ཞིང་རིང་དུ་བཟུང་ན་སྒྱུ་མ་ལྟ་བུའི་དབང་འབྱོར་གྱི་མཐུ་ཕུལ་བྱུང་ཛམ་བུའི་ཆུ་གསེར་དུ་འོང་སྟེ་སྙིང་རྗེ་དེ་ལ་ཆོས་ཀྱི་དབྱིངས་བསམ་མི་ཁྱབ་ཀྱི་བྱིན་རླབས་ཞུགས་པས་སོ། །འདི་ལྟར་སྙིང་རྗེ་དེ་ཆོས་དབྱིངས་རྟོགས་པའི་འབྱུང་ཁུངས་མཆོག་ནས་བྱུང་བའི་ཡོན་ཏན་ཡིན་པའི་ཕྱིར་ཏེ། དོན་ལ་ཆོས་དབྱིངས་རྟོགས་པས་ཤིན་ཏུ་ཟིན་པའོ། །སེམས་ཅན་ལ་དམིགས་པའི་སྙིང་རྗེ་སོགས་ནི་རྡོའི་ནོར་བུ་ལྟར་བཟང་ཡང་འོད་ཟེར་ཅང་མེད། དམིགས་མེད་ཀྱི་བརྩེ་བ་ནི་ཤེས་རབ་ཀྱ་སྣང་པ་འབར་བས་འཇིག་རྟེན་སྣང་ནུས། ༈ སྟོང་རྟོགས་ཀྱིས་ཟིན་ན་སྐྱོབ་ནུས་སུ་མཐོང་བ་ལྷག་པར་མ་ཟད། སྐྱོབ་དགོས་སུ་མཐོང་བའང་ཁྱད་འདོན་ཏེ། བདག་གཞན་མཉམ་པ་ཉིད་དུ་ལྷག་བསམ་དག་པའི་ས་ཞེས་པ་ལྟ་བུ། མཐོང་ནས་སོ། །བདག་ཆགས་ལྷག་པའི་སྐྱོན་ལྔ་དེ་དག་ལ། ཡོད་པ་དེ་དག་དེ་སྤོང་དོན་དུ་གསུངས། ཞེས་སོ། ༈ །རྟག་པ་དམ་པའི་ལག་རྗེས་འཇོག་བྱེད། ༈ །མྱ་ངན་འདས་ལ་མངོན་དགའི་ཕྱིར་ཞེས་འདི་སྐོར་མི་མཐུན་ཕྱོགས་དང་གཉེན་པོ་ཕྱོགས་ཀྱི་གཞི་ཤེས་ཀྱི་ཐད་དང་སྒྲིགས་དང་ལེགས་པོ་གོའོང་། ཞི་བདེ་དང་འཁོར་བའི་སྡུག་བསྔལ་ཁ་ཐག་རིང་བས་ཉན་རང་གི་ཐུགས་ལ་འགྲོ་བའི་སྡུག་བསྔལ་

― TN03_Page_0568 ―

^{[མ་དཔེ་གཟིགས་ན་འདིར་གནོན།]}

(༣༥༢)གྱི་རྣམ་པ་འཆར་བའང་དཀའ། གོང་མའི་ལུགས་ལའང་། སྲིད་པའི་ཆོས་ཉིད་སྟོང་ཉིད་ཡིན་ཡང་། སྟོང་ཉིད་དང་ཀུན་རྫོབ་གཉིས་བློ་ངོར་རང་བཞིན་ཆེས་བསྐལ་བས་སྙིང་རྗེ་བྲལ་བས་སྟོང་རྟོགས་ལ་ཆིག་དྲིལ་བྱས་ན། མཐར་སྟོང་དབྱིངས་སུ་གཉིད་ལ་གཡུར་བ་ལྟ་བུ་དང་། འདུས་བྱས་འཁོར་བ་ལ་བློ་གཏན་མི་འཇུག་པ་འདྲ་མོ་ཡོང་། སྟོང་པ་ནམ་བསྒོམ་ལ་སྙིང་རྗེའི་རྩི་དྲག་པོས་ཟིན་ངེས་དང་། སྟོང་ཉིད་རྟོགས་རིམ་བཞིན་དེ་སྙིང་རྗེའི་གྲོགས་སུ་འགྲོ་ཚབས་ཇེ་ཆེ་དང་། སྙིང་རྗེ་ཡང་སྟོང་པའི་གྲོགས་སུ་ཇེ་འགྲོར་བསླབ་པས། བློ་གྲོས་རྒྱ་མཚོ་ཞུས་པར། ཤིང་སྡོང་གཅོད་པའི་དཔེ་དང་ཞིང་ལ་ཆུ་བཀྱེ་བའི་དཔེ་ལྟར། སྟོང་ཉིད་ལ་ཞུགས་ཚབས་ཆེ་རུང་། སྙིང་རྗེའི་ཤུགས་ན་རེ་བ་དང་། སྙིང་རྗེའི་དྲན་པ་མཉམས་པར་ཡོད་པས། སྟོང་ཉིད་ལ་མཉམ་པར་བཞག་པའི་དུས་ཉིད་ན་འཁོར་བ་བློས་མ་དོར་བར་ཡོད་ཕྱིར། ནམ་ལྡང་བ་ན་དེ་མ་རྟོགས་པ་ལ་བརྩེ་བའི་སྙིང་རྗེའི་སྟེང་དུ་ཧྲིལ་གྱིས་འོང་། རིང་དུ་སོང་བར་བློ་ལྷག་པའང་སྟོང་ཉིད་སྙིང་རྗེ་སྦྲེལ་བའི་ལག་རྗེས་སོགས། ཉན་རང་གི་སྟོང་ཉིད་རྟོགས་པའི་ལྷག་མཐོང་ནི་ས་སྐམ་ལྟར་ཧྲོག་ཧྲོག་ཡིན། བྱང་སེམས་ཀྱི་ལྷག་མཐོང་ནི་སྙིང་རྗེའི་ཟིལ་བ་ཧྲོལ་ལེ་བ་རེད། ལར་སྟོང་ཉིད་སྙིང་རྗེའི་་སྙིང་པོ་ཅན་དང་། སྙིང་རྗེ་སྟོང་པའི་སྙིང་པོ་ཅན་ཟེར་ཏེ།

― TN03_Page_0569 ―

^{[མ་དཔེ་གཟིགས་ན་འདིར་གནོན།]}

(༣༥༣)དེ་དག་ཙམ་མིན་གྱི། སྟོང་ཉིད་སྙིང་རྗེའི་སྙིང་པོ་ཅན་གྱི་སྦྱིན་སོགས་སྤྱོད་པ་རྒྱ་ཆེན་པོ་ཐམས་ཅད་བྱའོ། །སྦྱིན་པའང་དེ་གཉིས་ཀྱི་སྙིང་པོ་ཅན་ཡིན་དུས་གཞན་ཅི་སྨོས། ཤིན་ཏུ་ཕྲ་བའི་སྟོང་ཉིད་ལ་དམིགས་པའི་ཤེས་རབ་དང་། ཆེས་རགས་པའི་སྲིད་པའི་སྡུག་བསྔལ་ལ་དམིགས་པའི་སྙིང་རྗེ་གཉིས་ཟབ་པ་དང་གསལ་བ་སྟེ། ཕན་ཚུན་གཅིག་གིས་གཅིག་རྩལ་འབྱིན་ཅིང་རྒྱས་པར་བྱེད་པ་འདི་ནི་རང་སེམས་ལ་འདོད་དགུར་དབང་སྒྱུར་བའི་གནད་ཆེན་པོ་སྟེ། ཐོད་རྒལ་གྱི་ཏིང་ངེ་འཛིན་ཡང་གནད་འདི་ལས་སླ་བར་གོ ༈ །ས་ཐོབ་ནས་སྨོན་ལམ་ཆེན་པོ་གྲངས་མེད་འབུམ་ཕྲག་བཅུ་བྱང་སེམས་ཀྱི་བསླབ་པ་མཐའ་དག་པའི་ཚུལ་ཁྲིམས་ཀྱི་གཞི་བླངས་པ་ལ་རྩལ་ཤིན་ཏུ་འབྱོར་བརགྱུར་ཏེ། དེ་འདྲ་བའི་ཀུན་ཏུ་བཟང་པོའི་སྨོན་ལམ་ཐམས་ཅད་པའི་རྩིའམ། འདུ་བྱེད་དམ་ཤུགས་དྲག་པོས། རང་བཞིན་དག་པའི་དེ་ཁོ་ན་ཉིད་རྟོགས་པའི་ཤེར་ཕྱིན་གྱི་མཉམ་བཞག་སེམས་ཅད་ཐམས་ཅད་དང་ཐུན་མོང་དུ་བསྔོས་པའམ། སྙིང་རྗེས་ཤེར་ཕྱིན་ལུས་ཅན་མ་ལུས་པའི་ཐུན་མོང་གི་སྤྱད་བྱར་བསྔོས་ཚུལ་ལམ་བརླབ་ཚུལ་ནི། མ་མཐའ་ཐེག་ཆེན་ཚོགས་ལམ་དུས་ནས་སྟོང་ཉིད་ལ་དམིགས་པའི་བསམ་བྱུང་ནམ་སྒོམ་དུ་དེ་གཞན་དོན་ཁོ་ན་ལ་དམིགས་ནས་སམ་གཞན་དོན་ཆེད་དུ་བྱ་བར་བཞག་ནས་སྒོམ་ལ། དེ་གོང་ནས་གོང་དུ་ནར་སོན་ནས་ས་ཐོབ་བར་དུ་མཐུ་ཇེ་ཆེར་འགྱུར་བའོ། །སེམས་ཅན་

― TN03_Page_0570 ―

^{[མ་དཔེ་གཟིགས་ན་འདིར་གནོན།]}

(༣༥༤)ཐམས་ཅད་ཀྱི་ཉེར་འཚོར་བྱིན་གྱིས་བརླབས་པ་ཡིན་ལ། དེའི་རྒྱུ་མཚན་གྱིས་མཉམ་བཞག་དེ་ལ་འཁོར་བ་འཛིན་བྱེད་དམ་མངོན་མཐོ་སྒྲུབ་བྱེད་ཐབས་བསོད་ནམས་ཀྱི་ཚོགས་ཐམས་ཅད་ཀྱང་ནུས་པ་མཐུ་ཅན་དུ་ཚང་སྟེ། དེ་ཕར་ཕྱིན་དྲུག་ལྡན་དང་། སྒྲིབ་གཉིས་སྤོང་བའི་ནུས་ལྡན་དང་། ལོངས་སྐུའི་འཁོར་དུ་སྐྱེ་བ་ལེན་པའི་རྣམ་སྨིན་གྱི་རྒྱུ་སོགས་ཡིན་པའི་ཕྱིར་རོ། །དེས་ན་མཉམ་བཞག་དེ་ཀ་འཁོར་བ་ལས་འདའ་བྱེད་དུ་མ་ཟད། འཁོར་བར་གནས་བྱེད་ཀྱི་རྒྱུར་ཡང་འགྱུར། དེ་བཞིན་དུ་ཤེར་ཕྱིན་ངེས་བཟུང་བའི་འམ། དེ་སྙིང་པོར་ཡོད་པའི་སྙིང་རྗེའང་འཁོར་བར་གནས་བྱེད་དུ་མ་ཟད། འཁོར་བའི་ཉེས་པ་ལས་འདའ་བྱེད་དུའང་འགྱུར། བྱམས་སྙིང་རྗེ་འཇིག་རྟེན་གྱི་གཙོ་བོའི་གོ་འཕང་བྱེད་ཡིན་ལུགས་ཐད། རྒྱུ་བྱམས་པའི་དམིགས་རྣམ་རྒྱ་ཆེ་ཆུང་ལྟར། འབྲས་བུ་རྒྱལ་སྲིད་ཆེ་ཆུང་དུ་འགྱུར་ཚུལ། སྟོང་གསུམ་བྱམས་པའི་དམིགས་འོག་ཏུ་ཆུག་ན་ཚངས་ཆེན་དང་མི་མཇེད་བདག་པོར་སྐྱེ་བ་སོགས་བེ་བུ་མོ་སྔོན་པོ་ལྟར། ༈ །རྒྱུད་བླའི། ཇི་བཞིན་ཡང་དག༴ སྐྱེ་སོགས་རྣམས་ལས་ཞེས་པ་ནི་ཁྱད་གཞི་དཀར་བ་དང་། ཁྱད་ཆོས་མི་གོས་པ། སྙིང་རྗེའི་བདག་ཉིད༴ འཆི་དང་རྒ་དང་། ཞེས་པ་འདམ་ལས་སྐྱེས་དང་འདམ་ན་གནས་པའི་དེ་ཉིད། དེ་ནི་སྙིང་རྗེས་འཇིག་རྟེན་

― TN03_Page_0571 ―

^{[མ་དཔེ་གཟིགས་ན་འདིར་གནོན།]}

(༣༥༥)སྡུག །དེ་ཉིད་ཀྱིས་ནི་ཡུན་རིང་གནས། །ཞེས་སོ། །ལུས་མི་གོས་པ་ནས། ངག །ཡིད། སྤྱོད་པ་མི་གོས་ཚུལ་མང་། སྐྱེ་འཆི་བར་དོའི་ཉེས་པ་དང་། སྙིགས་མ་ལྔས་མི་གོས་ཚུལ་སོགས། ༈ །རང་བཞིན་དག་པར་རྟོགས་པའི་བར་ཆད་མེད་ལམ། དེས་ལག་རྗེས་བཞག་པའི་རྣམ་གྲོལ་ལམ། ཐག་བསྲིང་གི་གཉེན་པོ་ཁྱད་པར་ལམ། དེའང་ས་བཅུའི་རིམ་པས་གོང་ནས་གོང་དུ་ཁྱད་ཞུགས་པས་ཁམས་གསུམ་ལས་ཤིན་ཏུ་འདས་པ་ཡིན། དེ་ལྟར་འདས་པ་དང་ཁྱད་དུ་འཕགས་པ་དོན་འདྲ། གོང་མས་འོག་མ་ཟིལ་གྱིས་གནོན་པ་དང་། དབང་བསྒྱུར་ནུས་པ་ནི་ཚངས་པས་འདོད་ལྷ་བཞིན་ནོ། །དེ་ལྟར་ཁམས་གསུམ་ལས་ཤིན་ཏུ་ཐག་བསྲིང་བའི་དབེན་པ་མཐར་ཐུག་བརྙེས་པ་ན། དབང་མེད་དུ་ཁམས་གསུམ་ན་སྤྱོད་པའི་ཆ་ཐམས་ཅད་ལྷག་མ་མེད་པར་གཏན་ལོག་ཏུ་སོང་བ་ཡིན་ཅིང་། དེ་ཉིད་ཀྱང་བསྐལ་པ་མཐའ་ཡས་པར་གོམས་ནས་ངང་དུ་གྱུར་པའི་དམིགས་མེད་ཀྱི་སྙིང་རྗེ་ཆེན་པོས་འཁོར་བར་བསྡོས་པས། རང་དབང་ཆེན་པོ་ཐོབ་པས་དབང་ཕྱུག་ཅེས་བྱ། སྤྱན་རས་གཟིགས་ཞེས་པ་ལ་ཟབ་རྒྱ་ཆེའི་ཕྱོགས་ཀྱི་བཤད་ཚུལ་གཉིས་ཡོད་པ་བཞིན་དུ། དབང་ཕྱུག་ཅེས་པ་ལའང་ཟབ་རྒྱས་ཀྱི་ཕྱོགས་ནས་བཤད་ཚུལ་གཉིས་ཡོད་ལ། དེའི་ནང་ནས་རྒྱ་ཆེའི་ཕྱོགས་ལྟར་སྤྱོར་དུས་ཆོས་ཀྱི་དབྱིངས་དྲི་མ་མེད་པའི་རྒྱལ་

― TN03_Page_0572 ―

^{[མ་དཔེ་གཟིགས་ན་འདིར་གནོན།]}

(༣༥༦)སྲིག་བརྙེས་ཀྱང་། ཞི་བདེ་དེས་ཅུང་ཟད་ཀྱང་མི་འཕྲོག་པར་མཐའ་དང་དབུས་མེད་པའི་འཁོར་བའི་གཟུགས་བཟུང་སྟེ་ཁམས་དབང་མོས་པ་ཚད་མེད་པའི་སེམས་ཅན་སྣ་ཚོགས་པའི་ཐབས་ཀྱིས་སོ་སོའི་དུས་ལས་སྐད་ཅིག་ཀྱང་མི་འདའ་བར་འདུལ་བ་དེ་ཡིན་འདྲ། དེའི་ཚེ་སྨོན་ལམ་དང་དམིགས་མེད་ཀྱི་སྙིང་རྗེ་ཡོངས་དག་ཁོ་ནས་ཆུའི་ཟླ་བ་དང་སྒྱུ་མའི་རྒྱལ་ཐབས་ལྟ་བུའི་གཟུགས་བཟུང་སྟེ། སྔོན་བསྐལ་པ་གྲངས་མེད་གསུམ་དུ་སེམས་ཅན་ཐམས་ཅད་བདག་གིར་བཟུང་། བདག་ཏུ་བཟུང་བའི་གཞན་གཅེས་འཛིན་གྱི་ནུས་པ་རྫོགས་ཤིང་ཀློང་དུ་གྱུར་པའི་དབང་གིས་མཐའ་ཡས་པའི་འཇིག་རྟེན་གྱི་ཁམས་སུ་གདུལ་བྱའི་དཀྱིལ་འཁོར་ལ་དབང་བསྒྱུར་བའི་འཇིག་རྟེན་དབང་ཕྱུག་མིང་དོན་མཐུན་པར་འགྱུར་བ་ཡིན་ནོ། །འདི་ལྟར་བྱས་ན་ཁམས་གསུམ་གྱི་དབང་པོའི་ལག་རྗེས་འཇོག་བྱེད་ཀྱང་རབ། ཏིང་ངེ་འཛིན་སྙིང་རྗེ་ཆེན་པོ་གསུམ་ཀ་ཡིན་ལུགས་དཔྱད་སླ། ༈ །སྒྲོལ་མའི་མཚན་བརྒྱ་འགྱུར་གསར་ལེགས་པ་ལས། དཔལ་ལྡན་ཡིད་འོང་པོ་ཊ་ལ། སྣ་ཚོགས་ལྗོན་པ་འཁྲི་ཤིང་བཀྲམ། །འདབ་ཆགས་དུ་མ་སྒྲ་འབྱིན་པ། །འབབ་ཆུ་སྣ་ཚོགས་ལྷུང་ལྷུང་སྒྲོགས། །རི་དྭགས་མང་པོས་ཀུན་ཏུ་དཀྲིག །མེ་ཏོག་སྣ་ཚོགས་རིགས་རྣམས་ཀྱིས། །ཀུན་ཏུ་དྲི་ཡིས་བཀང་བ་སྟེ། །སྣ་ཚོགས་ཡིད་

― TN03_Page_0573 ―

^{[མ་དཔེ་གཟིགས་ན་འདིར་གནོན།]}

(༣༥༧)།འོང་འབྲས་བུར་ལྔན། །རྐང་དྲུག་པ་རྣམས་གླུ་སྒྲ་འབྱིན། །མིའམ་ཅི་རྣམས་དབྱངས་སྙན་ལེན། །གླང་པོ་མྱོས་པས་རབ་ཏུ་གཏམས། །གྲུབ་པ་རིག་འཛིན་ཚོགས་དང་ནི། །དྲི་ཟ་རྣམས་ཀྱིས་གླུ་བླངས་པ། །ཐུབ་པ་འདོད་ཆགས་བྲལ་རྣམས་ཀྱིས། །རྟག་ཏུ་ལེགས་པར་བསྟེན་པ་ན། །བྱང་ཆུབ་སེམས་དཔའི་ཚོགས་གཞན་དང་། །ས་བཅུའི་དབང་ཕྱུག་རྣམས་ཀྱང་སྟེ། །འཕགས་མ་སྒྲོལ་སོགས་ལྷ་མོ་རྣམས། རིག་པའི་རྒྱལ་མོ་སྟོང་རྣམས་དང་། ཁྲོ་བོའི་རྒྱལ་པོའི་ཚོགས་གཞན་དང་། །རྟ་མགྲིན་ལ་སོགས་ཀྱིས་བསྐོར་བའི། །སེམས་ཅན་ཀུན་ལ་ཕན་བརྩོན་པ། །བཅོམ་ལྡན་འདས་ནི་སྤྱན་རས་གཟིགས། །བཞུགས་ཏེ་དེ་ནས་དཔལ་དང་ལྡན། །པདྨའི་སྙིང་པོའི་གདན་བཞུགས་པའི། །དཀའ་ཐུབ་ཆེན་པོ་དང་ལྡན་པ། །བྱམས་དང་སྙིང་རྗེ་ལྡན་པ་ཡིས། །ལྷ་ཡི་འཁོར་ནི་ཆེན་པོ་ལ། །དེ་ཡི་ཆོས་ནི་སྟོན་པར་བཞེད། །ཅེས་གསུངས། ཡང་དེ་ལས། སྐྱོབ་པ་འོད་དཔག་མེད་པ་ཡི། །སྨོན་ལམ་དབང་གིས་བྱུང་བ་སྟེ། །བདག་གི་ཨརྱ་པ་ལོ། །བཀའ་ཡིས་འཇིག་རྟེན་མ། །སྙིང་རྗེ་ཆེ་དང་ལྡན་པ་ཡིས། །འགྲོ་བ་འདོན་པར་བརྩོན་པ་མོ། །ཉི་མ་ཤར་བ་དང་འདྲ་བ། །ཟླ་བ་ཉ་འདྲ་བྱད་ཀྱི་འོད། །ལྷ་དང་ལྷ་མིན་མིར་བཅས་པ། །

― TN03_Page_0574 ―

^{[མ་དཔེ་གཟིགས་ན་འདིར་གནོན།]}

(༣༥༨)འདི་རྣམས་སྒྲོལ་ཞིང་སྣང་བར་བྱེད། །འཇིག་རྟེན་གསུམ་པོ་གཡོ་བར་བྱེད། །གནོད་སྦྱིན་སྲིན་པོ་འཇིགས་པར་བྱེད། །ལྷ་མོ་ཨུཏྤལ་སྔོན་པོའི་ཕྱག །མ་འཇིགས་མ་འཇིགས་ཞེས་བརྗོད་མ། །འགྲོ་བ་ཡང་དག་བསྲུང་དོན་དུ། །རྒྱལ་བ་རྣམས་ཀྱིས་བདག་བསྐྱེད་པས། །འབྲོག་དགོན་མཚོན་ཆ་ལྟུང་བ་དང་། །སྣ་ཚོགས་འཇིགས་པ་འཁྲུགས་པའི་ཚེ། །མིང་རྣམས་དྲན་པ་ཉིད་ཀྱིས་ནི། །བདག་གིས་རྟག་ཏུ་སེམས་ཅན་སྲུང་། །སྣ་ཚོགས་འཇིགས་པའི་རྒྱ་མཚོ་ལས། །སེམས་ཅན་ཐམས་ཅད་བདག་གིས་བསྒྲལ། །དེས་ན་བདག་ལ་འཇིག་རྟེན་དུ། །ཐུབ་པའི་ཚོགས་ཀྱིས་སྒྲོལ་མར་སྒྲོགས། །ཞེས་སོ། ༈ །བཟླས་པའི་ངེས་ཚིག་ནི་དགེ་བ་ལ་བརྩོན་པས་རྒྱལ་བར་འགྱུར་ཞིང་ཡོན་ཏན་རྨད་དུ་བྱུང་བས་བཟླས་པ་སྟེ། རྩེ་མོ་ལས། རྨད་བྱུང་ཆེན་པོའི་བཟླས་པ་བྱ། །ཅི་ཡི་ཕྱིར་ན་བཟླས་པར་བརྗོད། །དགེ་བ་ལ་བརྩོན་རྒྱལ་འགྱུར་ཞིང་། །རྨད་བྱུང་རྣམས་ཀྱང་མཐོང་བར་འགྱུར། །བྱང་ཆུབ་སྤྱོད་པ་རྒྱལ་འགྱུར་ཞིང་། །སངས་རྒྱས་རོལ་པ་མངོན་པར་འགྱུར། །ཞེས་སོ། །ཞེས་པ་ཀུན་རིག་ཊི་ཀ་ཆེན་ལས་སོ། ༈ །རྣམ་སྣང་མངོན་བྱང་གི་རྒྱུད་ཕྱི་མར་སྤྱན་རས་གཟིགས་ཀྱི་རྣལ་འབྱོར་ལ་གནས་པས་གཏོར་མ་སྦྱིན་པར་གསུངས་ཞེས་ཀུན་རིག་

― TN03_Page_0575 ―

^{[མ་དཔེ་གཟིགས་ན་འདིར་གནོན།]}

(༣༥༩)ཊི་ཀ་ཆེན་ལས་གསུམ་འགྲེལ་ཐད་དུའོ། ༈ །འཕགས་མཆོག་འཇིག་རྟེན་དབང་ཕྱུག །ཉག་གཅིག་དཔའ་བ། འཇིག་རྟེན་མ་ལུས་པ་ལ་སྲུང་བ་གཅིག་པུ་མཛད་པ། ཞེས་སོ། ༈ །ཇི་ལྟར་སྙིང་རྗེ་གོམས་པ་དེ་ལྟར་སྙིང་རྗེའི་བྱེ་བྲག་ཏུ་འགྱུར། སྙིང་རྗེའི་སྲོག་ཚུལ་ཁྲིམས་ཀྱིས་འཛིན་ཏེ། བྱང་སྡོམ་གྱི་སྲོག་ཀྱང་སོ་ཐར་གྱི་སྡོམ་པའི་ཚུལ་ཁྲིམས་ཡིན་ཅིང་། དེའི་སྲོག་ཀྱང་གཞན་ལ་མི་འཚེ་བའི་བརྟུལ་ཞུགས་རེད་པས་ཚུལ་ཁྲིམས་ལྡན་ན་ངང་གིས་སྙིང་རྗེ་དང་མཐུན་པའི་རྒྱུད་བཟང་པོར་འགྱུར། སྡུག་བསྔལ་བརྒྱ་རྩ་བཅུ་སོགས་དམིགས་པ་མང་ཞིང་རྒྱ་ཆེ་བ། སྦྱོང་ཚུལ་རྒྱུ་འབྲས་བདུན་མ་དང་མཉམ་བརྗེ་སོགས་མང་ངོ་། །སྙིང་རྗེའི་རྣལ་འབྱོར་རྒྱུན་མི་འཆད་པའི་འཕེན་སྨོན་དང་རྒྱུ་མཐུན་གྱིས་སྐྱེ་བ་དཔག་མེད་དང་བསྐལ་པ་ཚད་མེད་པར་སྦྱང་བ། འགྲུས་པར་རམ་བསྒྲིམས་ཏེའམ་སེམས་ཐམས་ཅད་ཀྱིས་བསླབ་པ་བར་མ་ཆད་པར་སྦྱང་བ། བཟོད་པའི་སྒོ་ནས་ལོག་སྒྲུབ་སོགས་ཀྱིས་མི་འཕྲོག་པའི་རྩལ་ཐོན་པ་སྟེ་བྱང་བ། བསམ་གཏན་གྱི་སེམས་རྟེན་ལ་སྙིང་རྗེ་སྦྱང་བ། ཤེས་རབ་ཀྱི་སྟོབས་ཀྱིས་དམིགས་མེད་ཀྱི་སྙིང་རྗེར་བྱས་པ། སྙིང་རྗེ་དང་སྦྱིན་སོགས་ལ་གང་བསླབ་སྙིང་རྗེ་ཆེན་པོ་བརྒྱུད་པའི་ཆེད་དུ་བསྔོ་བ། སྙིང་རྗེ་འཕེལ་བ་བརྟན་

― TN03_Page_0576 ―

^{[མ་དཔེ་གཟིགས་ན་འདིར་གནོན།]}

(༣༦༠)སོགས་ཕྱིར་སངས་རྒྱས་གྲངས་མེད་མཆོད་པ་སོགས་སྒོ་ཚད་མེད་ནས་སྙིང་རྗེའི་ཤུགས་རྒྱས་པ་རེད། ཅི་ཙམ་དུ་སྙིང་རྗེ་ལྷག་པ་དེ་ལྟར་གཞན་ཕན་གྱི་དགའ་བ་ལྷག་པར་འགྱུར་བ་ནི། དམིགས་ཡུལ་གྱི་སེམས་ཅན་ཅི་ཙམ་ཕོངས་ཤིང་རྒུད་པས་ཉེན་པ་དེ་ལྟར་དེ་ལ་དམིགས་པའི་སྙིང་རྗེ་ལྷག་པར་འགྱུར་ལ། དེ་ཅི་ཙམ་ལྷག་པའི་ཚོད་ཙམ་དུ་དེ་དག་བསྐྱབ་པ་ལས་བྱུང་བའི་དགའ་བ་ལྷག་སྟེ། བུ་ལ་ཚེར་མ་ཟུག་པ་དང་། བུ་རྒྱལ་པོ་གདུག་པའི་ཁྲི་མུན་དུ་ཆུད་པ་གཉིས་མ་ལ་སེམས་ཁྲལ་སྐྱེ་ཕུལ་མི་འདྲ། དེའི་དབང་གིས་སྔ་མ་ཐོན་པ་དང་། ཕྱི་མ་ལས་ཐར་པའང་དགའ་བ་ཆེ་ཆུང་ཕྱོགས་མི་འདྲ་བ་ལྟ་བུའོ། །འཕགས་མཆོག་དམྱལ་བར་མང་དུ་འབྱོན་པའང་དེར་འབྱོན་པ་ལ་དགྱེས་ནས་ཡིན་གྱི། མི་དགྱེས་བཞིན་མིན་ལ། དེའང་དམྱལ་བ་ན་ཆེན་པོའི་འབྱོར་པ་བླ་མེད་ཡོད་པའི་དབང་གིས་ཏེ། ཆེན་པོའི་འབྱོར་པ་ནི། ཆེན་པོ་ནི་འཁྲི་ཤིང་ལ། ཟླ་བའི་ཀུན་དགའ་ཉི་མའི་རབ་གསལ་དང་། །སོགས་དང་། སློབ་སྤྲིང་དུ། རང་དོན་འགལ་མེད་ཆེན་པོ་རྣམས་ཀྱི་རང་བཞིན་དེ་འདྲ་སྟེ། །ཞེས་དང་། དབུ་མ་སྙིང་པོའི་ལེའུ་དང་པོར། རིགས་ངན་དང་རྒྱལ་པོ་ཆེན་པོའི་དཔེས་བཤད་པ་ལྟར་ཡིན་ཅིང་། དེའི་འབྱོར་པ་ནི་སེམས་ཅན་ཡོངས་སུ་སྨིན་པའི་གཞན་ཕན་གྱི་

― TN03_Page_0577 ―

^{[མ་དཔེ་གཟིགས་ན་འདིར་གནོན།]}

(༣༦༡)དགའ་བའོ། །དེའི་ཕྱིར་འཁོར་སྒྱུར་ལྷའི་སྐྱེད་ཚལ་དུ་འཇུག་པ་ལྟ་བུར་ཟ་མ་ཏོག་ལས་གསུངས། གཞན་ཕན་གྱི་དགའ་བ་ཅི་ཙམ་ཡོད་པ་གསལ་བར་ཕོངས་པ་ལ་རང་སྲོག་དང་རྒྱལ་སྲིད་ཆེན་པོ་བྱིན་ཚེ་རྟེན་གྱི་དགའ་བ་ཕུལ་བྱུང་གི་ཚོད་ཙམ་ཡུལ་ལ་མེད་པར་མདོ་རྒྱན་ལས་དང་། འཇུག་པར། །ཇི་ལྟར་བྱིན་ཅིག་ཅེས་སྒྲ་སོགས་ཀྱི་འགྲེས་སྦྱར་ན་སླ། །དེ་འདྲའི་གཞན་ཕན་གྱི་བདེ་བ་ནི་གཞན་འཕྲུལ་འདོད་བདེ་དང་ཚངས་པའི་བསམ་གཏན་བདེ་བ་དང་ཉན་རང་གི་ཞི་བའི་བདེ་བ་གང་གིས་ཀྱང་མི་མཚོན་པར། སློབ་སྤྲིང་གི །གཞན་ཕན་དགའ་བ་རྣམས་ཀྱི་སོགས་དང་། སྤྱོད་འཇུག་གི སེམས་ཅན་རྣམས་ནི་གྲོལ་བ་ན། །སོགས་ལྟར་རོ། །སྤྱན་རས་གཟིགས་ཀྱི་དབང་པོའི་མཚན་དོན་ཐད། རང་བཞིན་དག་པའི་ཆོས་ལ་གཟིགས་པ་ལ་དབང་ཐོབ་པའམ་དབང་སྒྱུར་བརྙེས་པའི་དོན་ནི། །སྙིང་རྗེ་ཤིན་ཏུ་ཤུགས་དྲག་སྟོབས་ལྡན་གྱི་རྩིའི་གཞན་དབང་དུ་གྱུར་པའི་སྟོང་ཉིད་རྟོགས་པའི་ཞི་ལྷག་ཟུང་འབྲེལ་གྱི་ཏིང་འཛིན་ཕུལ་བྱུང་གི་མཐུས་བསམ་གཏན་རྣམས་བཟློག་ནས་འདོད་ཁམས་སུ་འགྲོ་བ་ལྔའི་གཟུགས་སྣ་ཚོགས་སུ་སྐྱེ་བ་སྟོན་པ་དང་། རང་བཞིན་དག་པའི་ཆོས་ལ་དམིགས་པའི་ཏིང་འཛིན་གོམས་པས་འགོག་པ་ཐོབ་པ་ཞེས་བསྐལ་བ་ལ་སོགས་པར་

― TN03_Page_0578 ―

^{[མ་དཔེ་གཟིགས་ན་འདིར་གནོན།]}

(༣༦༢)རང་བཞིན་དག་པའི་དབྱིངས་ལས་མི་ལྡང་བའི་མཐུ་ཡུན་རིང་མོ་ནས་ཐོབ་ཀྱང་། ས་བདུན་པར་བློ་ལྷག་སྟོབས་ཀྱིས་ཞི་མཐའ་འགོག་པའི་ནུས་པ་ཐོབ་ཅིང་། ས་དགུ་པར་ཞི་མཐའི་འཇིགས་པ་དང་བྲལ་ནས་ཡུན་རིང་ལོན་པ་ལ་སོགས་པའི་སྒོ་ནས་ཟག་མེད་ཀྱི་དབྱིངས་སུ་མི་ལྷུང་བར་འཁོར་བར་གཟུགས་སྣ་ཚོགས་འཛིན་པ་སྟེ། མདོར་ན་རང་བཞིན་དག་པའི་དབྱིངས་ལ་གཟིགས་པའི་ཏིང་ངེ་འཛིན་རྩལ་རྫོགས་ཀྱང་རྣལ་འབྱོར་པ་ཏིང་ངེ་འཛིན་གྱི་གཞན་དབང་དུ་ཕར་མི་འཆོར་བར། ཏིང་ངེ་འཛིན་དེ་རྣལ་འབྱོར་པའི་རང་དབང་དུ་ཚུར་འདུས་ནས་གང་འདོད་བྱར་ཡོད་པ་སྟེ། འདི་ཀོ་ས་ལའི་རྒྱན་ལ་བརྟེན་ནས་བཤད་དོ། ༈ །པད་གླིང་གཏེར་བྱོན་གཡུ་སྒྲོན་མའི་སྒྲུབ་ཐབས་དང་པྲ་སྒྲུབ་ན། བདག་བསྐྱེད་ཐུགས་རྗེ་ཆེན་པོའི་བྱེད་པར་བཤད་དེ། པྲ་སྒྲུབ་ལ་བདག་བསྐྱེད་དེ་ལྟར་བསྔགས་པ་ནི། པྲ་སྔགས་ལ་ཆུ་བུར་མིག་གི་སྒོ་སོལ། ཞེས་མེད་པར་སྔགས་འབྲུ་དྲུག་དང་། སྤྱན་རས་གཟིགས་ཀྱི་མོ་སྟོན་ཞེས་འབྱུང་བ་ལྟར་སྤྱན་རས་གཟིགས་མིག་འབྱེད་དམ་སྤྱན་འབྱེད་ཀྱི་ལྷར་བསྔགས་པའི་རྒྱུ་མཚན་གྱིས་ཡིན་པར་མངོན། ཡོ་ག་ལས་མངོན་ཤེས་ཀྱི་ལྷར་བསྔགས་པ་ཏིང་ངེ་འཛིན་གྱི་ལྷར་སེམས་དཔའ་བཅུ་དྲུག་འབྱུང་བའི་ཐད་ནས་གསུངས་པ་ལྟ་བུའི་གནད་

― TN03_Page_0579 ―

^{[མ་དཔེ་གཟིགས་ན་འདིར་གནོན།]}

(༣༦༣)ཀྱིས་ཡིན་ཏེ། དེའི་སྟེང་ནས་ཀྱང་རྣོ་མཐོང་མངོན་ཤེས་རིགས་སྤྱི་ལ་བསྔགས་པར་རྟོགས་ནུས་པ་འདྲ་སྟེ་ གསང་བ་ཐམས་ཅད་ཀྱི་སྤྱིའི་ཆོ་ག་དཀྱིལ་ཆོག་རྔོར་ཕྲེང་དང་སྔགས་རིམ་ལས་ཀྱང་སྤྱན་རས་གཟིགས་ལ་བརྟེན་ནས་རྨི་ལམ་བརྟགས་པ་གསུངས་སོ། ༈ །སྤྱན་རས་གཟིགས་དབང་ཕྱུག་གི་སྒྲའི་ཟུར་ཕྱི་མ་འདིར་འདི་ངེས་ན་བྲིས་པ་འདིའི་རིགས་པ་སྦྱར་ན། སྲིབ་ངོ་འདིར་འཁོད་འདི་ནི་སྟོང་རྟོགས་སོར་རྟོག་ཡེ་ཤེས་ལ་སྦྱར་བ་སྟེ། དེས་དཔགས་ནས་སྙིང་རྗེ་ལ་སྦྱར་ན། འཁོར་བ་པ་རྣམས་ལ་སྙིང་རྗེའི་འཛུམ་མིག་རྟག་ཏུ་ཆགས་པས་འཁོར་བར་སྐྱེ་བ་འཛིན་ཀྱང་མི་དམིགས་པའི་ཤེས་རབ་ཀྱིས་ཤིན་ཏུ་ཟིན་པའམ་དམིགས་མེད་ཀྱི་སྙིང་རྗེ་ཡིན་ཕྱིར་རང་དབང་བརྙེས་པས་ཅི་འདོད་དུ་འཁོར་བ་ན་གཟུགས་འཛིན་པར་ཟད་ཀྱི། འོན་ཏེ་སྙིང་རྗེ་འབའ་ཞིག་བསྒོམ་པས་ཀྱང་་། སོགས་ལྟར་དབང་མེད་དུ་སྐྱེ་བ་སོགས་མིན་གྱི། སྙིང་རྗེས་འཁོར་བ་འཛིན་བཞིན་དུ་དག་པའི་ཆོས་དབྱིངས་སུ་འདོད་དགུར་སྤྱོད་ནུས་པའོ། །སོར་རྟོག་དང་སྦྱོར་ཚེ་ཀུན་སྙིང་དང་ཤཱཀྱ་མི་ཏྲ་ཅུང་མི་འདྲའམ་དཔྱོད། གྲུབ་ཆེན་མི་ཏྲ་ལྟར་ན། ཡོ་ག་དང་བསྟུན་ཚེ་མ་ི་རང་བཞིན་དག་པའི་རྣལ་འབྱོར་དང་། པདྨེ་གཟུགས་སྣ་ཚོགས་ལ་སྦྱར་ནས་ཟབ་རྒྱས་ཀྱི་མདོ་སྡེ་བསྡུས་པར་

― TN03_Page_0580 ―

^{[མ་དཔེ་གཟིགས་ན་འདིར་གནོན།]}

(༣༦༤)བཤད་ལོ། བཀའ་འབུམ་ན་པདྨེ་ཤེས་རབ་དང་། མི་ཏྲས་པདྨེ་ཐབས་ལ་སྦྱར་མོད། གཉིས་ཀ་ཕྱག་མཚན་བཞིན་དུ་བྱ་རྒྱུ་ཡིན་ཏེ། མ་ི་པདྨེ་ཞེས་པའང་ནོར་བུ་པདྨ་ཅན་ཞེས་པར་བཤད་པས་ནོར་པད་འཛིན་པ་ཞེས་པའམ་ཕྱག་ན་ནོར་པད་ཞེས་པར་འགྱུར་བས་སོ། །གུར་འགྲེལ་དང་བསྟུན་ཚེ་ཕྱག་མཚན་ལ་མི་བྱེད་པ་འདྲ། དེས་ན་གུར་འགྲེལ་ན་མ་ི་པདྨེ་གཉིས་ཀ་སོར་རྟོག་ལ་སྦྱར་ཡང་། བཀའ་འབུམ་ན་མ་ི་སྟེ་བགྲང་ནོར་སྙིང་རྗེར་སྦྱར་བ་་འགྲོས་ཐ་དད་རེད་དམ་བརྟགས། ཡང་ན་མི་ཏྲའི་བཤད་ཚུལ་ཡང་ཕྱག་མཚན་ལ་སྦྱོར་མི་དགོས་སམ་སྟེ། རྗེ་དགེ་འདུན་རྒྱ་མཚོས་ཡེ་ཞེས་པ་ཅན་ལ་མ་བཤད་པར་འབོད་པ་ལ་བཤད་པ་ལྟ་བུ། གལ་ཏེ་མི་ཏྲ་དང་བཀའ་འབུམ་བསྟུན་རྒྱུ་བྱེད་ན། ཀྲི་ཡོག་གི་པདྨའི་བཤད་ལུགས་མི་འདྲ་སྟེ། བྱ་སྤྱོད་དུ་པདྨ་དཀར་པོ་མཛད་ནས་པདྨ་སྙིང་རྗེ་དང་། དེའི་ཁ་དོག་དཀར་པོ་རང་བཞིན་དག་པ་མཁྱེན་པའི་སོར་རྟོག་ཡེ་ཤེས་ལ་སྦྱར། ཡོ་གར་པདྨ་དམར་པོ་མཛད་ནས་པདྨ་ཆོས་ཀྱི་ཏིང་འཛིན་ནམ་རང་བཞིན་དག་པའི་ཏིང་འཛིན་དང་། དམར་བ་སྙིང་རྗེ་ལ་སྦྱར། དེ་བཞིན་དུ་པད་དཀར་ཁོ་ནའང་ཁྱད་གཞི་འམ་རྟེན་གཞིའི་སྟེང་ནས་བཤད་ཚེ་མི་ཏྲ་ལྟར་དང་། ཁྱད་ཆོས་སམ་རྟེན་ཆོས་ཀྱི་ངོས་ནས་བཤད་ན་བཀའ་འབུམ་ལྟར་

― TN03_Page_0581 ―

^{[མ་དཔེ་གཟིགས་ན་འདིར་གནོན།]}

(༣༦༥)འགྱུར། །མ་ི་བགྲང་ནོར་དུ་བྱེད་ཚེའང་། ཡིད་སྐྱོབ་ཀྱི་ཆ་ནས་རང་རྒྱུད་ལྡན་སྐྱོབ་ཚེ་མི་ཏྲ་ལྟར། གཞན་རྒྱུད་སྐྱོབ་པར་སྦྱར་ཚེ་བཀའ་འབུམ་ལྟར། འདི་ཐམས་ཅད་དཔྱད་གཞིར་བཀོད། ༈ །དཔའ་བར་འགྲོ་བའི་ཏིང་ངེ་འཛིན་ཐོབ་པ་རྣམས་ཀྱི་ལུས་ནི་ཐེག་པ་ཆེན་པོའི་དམ་པའི་ཆོས་ཀྱི་རང་བཞིན་གྱི་ལུས་ཡིན་ཕྱིར། གོམ་པ་འདེགས་འཇོག །ལག་པ་བརྐྱང་བསྐུམ། དབུགས་འབྱུང་རྔུབ། སེམས་སེམས་བྱུང་། སེམས་བསྐྱེད་པའི་སྐད་ཅིག་ཐམས་ཅད་ཕ་རོལ་ཕྱིན་དྲུག་དང་ལྡན་པ་ཁོ་ནར་འབྱུང་སྟེ། སྤོས་ཀྱི་རིགས་འབུམ་ཕྲག་སྦྱར་བའི་ཕྱི་མའམ་ལྡེ་གུ་ལ་སྤོས་སྣ་གཞན་དང་མ་འདྲེས་མ་བསྒོས་པའི་སྤོས་རྡུལ་ཅིག་ལེན་རྒྱུ་མེད་པ་ལྟ་བུར་མདོ་ལས་གསུངས། ཡིག་དྲུག་ཕྱིན་དྲུག་གི་ངོ་བོ་ཉིད་ཡིན་ཅིང་། ལྷ་སྔགས་ཡེ་ཤེས་དབྱེར་མེད་པས་སྤྱན་རས་གཟིགས་ཀྱི་གསང་གསུམ་གྱི་ཆ་ཕྲ་མོ་རེའང་ཡིག་དྲུག་འདུས་པའི་རང་བཞིན་མ་ཡིན་པ་མེད་ལ། ཡིག་དྲུག་གི་ཡིག་འབྲུ་རེ་རེའི་ཐོག་མཐའ་དབུས་ཀྱི་ཆ་ཕྲ་མོ་རེ་ཡང་རྗེ་བཙུན་གྱི་ཐུགས་རྒྱུད་ཀྱི་ཕྱིན་དྲུག་ཀུན་འདུས་ཀྱི་རང་བཞིན་མིན་པ་ཡོང་ཡེ་མེད་པར་ཤེས་པར་བྱའོ། ༈ །གཡས་པའི་ཕྲེང་བ་སྙིང་རྗེ། གཡོན་པའི་པདྨ་ཤེས་རབ་ལྟ་བུ་མི་ཟེར་བར། ཕྲེང་བས་སྟོང་ཉིད་

― TN03_Page_0582 ―

^{[མ་དཔེ་གཟིགས་ན་འདིར་གནོན།]}

(༣༦༦)སྙིང་རྗེས་གྲངས་མེད་པའི་སེམས་ཅན་ཡང་ཡང་སྐྱོབ་པའི་ཡོན་ཏན་དང་། པདྨས་སྟོང་ཉིད་སྙིང་རྗེའི་མི་གོས་པའི་ཡོན་ཏན་མཚོན་ཏེ། མདོར་ན་སྟོང་ཉིད་སྙིང་རྗེ་ཟུང་འཇུག་གི་རྣལ་འབྱོར་གྱིས་གཞན་ཡིད་སྐྱོབ་པ་དང་། རང་རྒྱུད་མི་གོས་པའི་ཡོན་ཏན་སོ་སོར་སྟོན་ནམ་བྱའམ་དཔྱད། ༈ །འོག་བྲིས་འདིས་དག་ཐེར། གླེང་གཞི་ནི། སྤྱིར་བོད་དང་བོད་ཆེན་གྱི་ཡུལ་ཡང་མི་མཇེད་ཀྱི་ཞིང་གི་ཁོངས་སུ་ཐུབ་པས་བཟུང་བ་སྨོས་མི་དགོས་ཀྱང་། ནང་གསེས་སུ་རྒྱལ་སྲས་ཆེན་པོ་སོ་སོ་བཞུགས་ནས་བརྐྱང་བའི་ཁྱད་པར་དུ་མ་ཡོད་པ་ལས། བོད་འདྲེ་སྲིན་གདུག་པའི་ཡུལ་འདི་སྔ་ནས་རྗེ་འདིས་རང་གི་བཞུགས་གནས་དང་གདུལ་ཞིང་དུ་ཐུགས་རྗེ་དང་སྨོན་ལམ་གྱི་ས་བཟུང་ཞིང་བྱིན་གྱིས་བརླབས་ནས། ཁོ་བོ་ལ་སོགས་འོག་བྲིས་ལྟར་རོ། །དེས་ན་བདེ་བ་ཅན་དུ་སྐྱེས་ཚད་འོད་དཔག་མེད་ལ་འབྲེལ་བ་ཆེ་བ་ཁོ་ན་ཡིན་པར་དཔོགས་ནུས་པ་ལྟར་བསྟན་པ་འདི་ལ་མི་མཇེད་དུ་སྐྱེས་ཚད་ཤཱཀྱའི་རྒྱལ་པོས་སྔོན་བསྡུ་བཞིའི་སྤྱོད་པའི་ཤས་ཀྱིས་ཟིན་པ་རེ་ཡིན་དགོས་ཏེ། དེའི་ཞིང་ཡིན་པའི་ཕྱིར། དེ་ལས་ཀྱང་བོད་དུ་སྐྱེས་ཚད་སྤྱན་རས་གཟིགས་ལ་ལྷག་པར་ལས་འབྲེལ་ཆེ་བ་ཁོ་ན་ཡིན་པར་བསྟན་པ་འདིར་བོད་དུ་སྐྱེས་པའི་རྟགས་ཀྱི་དཔོགས་ནུས། དེས་ན་འདི་ཐམས་ཅད་

― TN03_Page_0583 ―

^{[མ་དཔེ་གཟིགས་ན་འདིར་གནོན།]}

(༣༦༧)ཀྱི་རྩ་བར་སྟོན་པས་བོད་འདི་འཕགས་པ་འདི་ལ་གཏད་ཅིང་ལུང་བསྟན་པ་དེ་གྲུབ་ན་དེས་འཐུས་ལ། དེ་ནི་ཆོས་རྒྱལ་བཀའ་འབུམ་དང་། བཀའ་ཆེམས་ཀ་ཁོལ་མ་སོགས་ཀྱིས་འགྲུབ་ཅིང་། ཕྱག་རྡོར་དབང་བསྐུར་གྱི། བྱང་ཕྱོགས་སུ་ནི་བྱང་ཆུབ་སེམས་དཔའ་ལག་ན་པདྨ་འགྲུབ་བོ། །ཞེས་པའང་དེ་ལྟར་རོ། །བོད་འདི་ཤཱཀྱའི་རྒྱལ་པོའི་ཞིང་གི་ཆ་ཤས་སུ་འདོད་དགོས་ལ། ཞིང་གཅིག་ན་སྟོན་པ་གཅིག་ཏུ་ཟད་པས་སྤྱན་རས་གཟིགས་ཀྱི་ཞིང་དུ་ཇི་ལྟར་ཞེ་ན། གླིང་བཞི་ཡོངས་རྫོགས་འཁོར་སྒྱུར་གཅིག་གི་མངའ་འོག་ཡིན་ཡང་། ནང་གསེས་སུ་ཁམས་ཀྱི་རྒྱལ་པོ་བརྒྱད་ཁྲི་སོགས་ལ་སོ་སོར་དབང་བའི་ཡུལ་འཁོར་རིས་སུ་བཅད་པ་རེ་ཡོད་པ་མི་འགལ་བ་ལྟ་བུ་སྟེ། རྗེ་བཙུན་འདི་འོག་མིན་དུ་སངས་རྒྱས་ཟིན་དང་། བདེ་བ་ཅན་ན་རྒྱལ་ཚབ་གཅིག་པུ་ཡིན་ཡང་ཞིང་འདིར་མཛད་པ་བསྟན་ཚུལ་ལ་བསམ་དགོས། ༈ །མ་ི་ནི་ནོར་བུ་སྟེ། རྟོག་པ་མེད་པ་དང་། དགོས་འདོད་སྦྱིན་པ་གཉིས་ཀྱི་གཞི་མཐུན་ལྟར། སྤྲོས་པའི་རྟོག་པ་མེད་པ་དང་། གཞན་དོན་གྱི་ཕྲིན་ལས་རྟག་ཁྱབ་ཏུ་འབྱུང་བའི་གཞི་མཐུན་ཏེ། དེ་འདྲ་སྟོང་རྟོགས་ཀྱི་ཤེས་རབ་རྐྱང་པ་གོམས་པ་ལ་མེད་ཀྱི། སྟོང་རྟོགས་དེ་སྙིང་རྗེའི་སྙིང་པོ་ཅན་དུ་བྱས་ནས་མཐར་ཕྱིན་པ་ཁོ་ན་

― TN03_Page_0584 ―

^{[མ་དཔེ་གཟིགས་ན་འདིར་གནོན།]}

(༣༦༨)ལས་སོ། །དེས་ན་མ་ི་ཞེས་པས་སྟོང་རྟོགས་ཀྱི་ཤེས་རབ་བསྟན་པ་ཙམ་མིན་ཏེ། དེ་ལ་དགོས་འདོད་འབྱུང་བའི་དོན་མ་ཚང་བའི་ཕྱིར་རོ། །དེས་ན་ཤེས་རབ་དེ་སྙིང་རྗེའི་སྙིང་པོ་ཅན་དང་། ཤེས་རབ་དེ་ཉིད་ཀྱིས་སྲིད་ཞིའི་མཐའ་གཉིས་སེལ་ཚུལ་ལམ། དོན་གཉིས་ཕུན་ཚོགས་སྟེར་ཚུལ་སྟོན་པའི་ཚིག་ནུས་ཆེན་པོ་དང་། སྟོན་ཚུལ་ཁྱད་པ་ཅན་ཡིན་པས་འཇམ་ཞུད་མ་བྱེད། དེའི་འགྲོས་ཀྱིས། པདྨ་ཡང་ཆུ་ལས་སྐྱེས་ཤིང་ཆུའི་དཔལ་དུ་གྱུར་པ་དང་། སྙིང་རྗེ་དེ་ཕུལ་དུ་བྱུང་བའི་ཡོན་ཏན་གྱི་ལང་ཚོ་འཇིག་རྟེན་སྡུད་པས་འཁོར་བའི་གནས་ལ་མཛེས་པ་སྐྱེད་ཅིང་ཉམ་དགའ་དགའ་ལྟར་བྱེད་པས། ཡོན་ཏན་ནི་གཞན་ལ་ཕན་འདོགས་པའི་ཡོན་ཏན་ནོ། །ཆུའི་ཉེས་པ་ཉ་ལྕི་བས་དང་འདམ་གྱི་སྐྱ་དྲི་སོགས་ཀྱིས་མ་གོས་ཤིང་དཀར་མདངས་དྲི་མེད་ཉིས་ཚོགས་ཀྱི་སྟེང་ནས་སྙིང་རྗེ་སྟོང་ཉིད་ཀྱི་སྙིང་པོ་ཅན་ཞེས་དམིགས་མེད་ཀྱི་སྙིང་རྗེ་འཆད་ཚུལ་ཤེས་སླ། ༈ །འཕགས་པས་པདྨ་དམ་པ་ལ་མ་ི་བྱིན་པའི་ཚེ་གླིང་བཞི་ལྷ་གནས་དང་བཅས་པ་ཤིང་ཆུ་སྐྱེས་ཀྱི་འདབ་མ་བཞིན་དུ་འགུལ། རྒྱ་མཚོ་བཞི་ཡང་འཁྲུགས། བགེགས་དང་བར་ཆད་བྱེད་པ་ཐམས་ཅད་ཀྱང་སྐྲག་ཅིང་བྲོས་པར་གསུངས་ཏེ། ཕྱག་སྟོང་སྤྱན་སྟོང་གི་མདོར། རིག་སྔགས་འདིས་ནི་རི་རྣམས་འཇོམས་ཤིང་རྒྱ་མཚོ་ཆེན་པོ་སྐེམ་པར་བྱེད་དོ། །ལྷ་མ་ཡིན་གྱི་དམག་རྣམས་རྣམ་པར་བཅོམ་

― TN03_Page_0585 ―

^{[མ་དཔེ་གཟིགས་ན་འདིར་གནོན།]}

(༣༦༩)ནས་ཕམ་པར་བྱེད་དོ། །ཡུལ་འཁོར་རྣམས་དང་། གྲོང་དང་། གྲོང་ཁྱེར་དང་། གྲོང་རྡལ་རྣམས་ཡོངས་སུ་སྲུང་བར་བྱེད་ད། །འདྲེ་གདོན་དང་། ནད་དང་། སྨན་གྱི་དུག་དང་། སྲིན་བུའི་དུག་དང་། ལོག་པ་དང་། མ་རུངས་པའི་མི་རྣམས་ཕམ་ཞིང་རབ་ཏུ་ཞི་བར་བྱེད་དོ། །སུམ་ཅུ་རྩ་གསུམ་པའི་ལྷ་རྣམས་བཏུལ་ནས་རབ་ཏུ་དུལ་བར་བྱེད་དོ། །ཞེས་གསུངས་པ་དང་འདྲའོ། །ཟ་མ་ཏོག་གི་གོང་འོག་གཉིས་ཙམ་ན། ཕྱག་བརྒྱ་སྟོང་པ། སྤྱན་བྱེ་བ་བརྒྱ་སྟོང་པ། །དབུ་བཅུ་གཅིག་པ་ཞེས་འབྱུང་ཞིང་། དོན་ཡོད་པའི་ཞགས་པ་སྟོན་པ། ཞེས་འབྱུང་བ་འཕགས་པ་ཡི་གེ་དྲུག་པ་ལ་བསྔགས་པའི་སྐབས་ཡིན་པས། ཡིག་དྲུག་ཉིད་བཅུ་གཅིག་ཞལ་དང་དོན་ཞགས་ཀྱི་སྔགས་སུ་ཡང་འགྱུར་བར་ཤེས་ནུས་སམ་དཔྱོད། ༈ །ཡང་གཤིན་རྗེའི་རྒྱལ་པོས་བསྟོད་པར། ནད་ལས་ཡོངས་སུ་ཐར་བར་མཛད་པ། ཞེས་པས་ནད་ཞིའི་སྔགས་སུ་འགྲུབ་བམ་སྙམ་པའང་དེ་བཞིན་ནོ། ༈ །ཡང་ཕྱག་སྟོང་སྤྱན་སྟོང་ལས། ཟས་སྐོམ་དུག་ཅན་གྱིས་ནི་གསོད་པའི་ཚེ། །རྩེ་གཅིག་ཐུགས་རྗེ་ཆེན་པོའི་གཟུངས་བཟླས་ན། །དུག་ཉིད་ཟིལ་མངར་ཟས་སྐོམ་ཉིད་དུ་འགྱུར། །ཞེས་སོ། ༈ །ཀུན་སྙིང་གི་འགྲོ་འདུལ་འགྲེལ་པར། ཆོས་ཐམས་ཅད་རང་

― TN03_Page_0586 ―

^{[མ་དཔེ་གཟིགས་ན་འདིར་གནོན།]}

(༣༧༠)བཞིན་གྱིས་རྣམ་པར་དག་པ་བདག་ཡིན་ནོ་ཞེས་བསྒོམ་ལ་ནང་གི་བདག་ཉིད་ཅན་གྱི་ཁྲུས་བྱས་ཏེ། སྙིང་པོ་བྱང་ཆུབ་ལ་ཐུག་གི་བར་དུ་དངོས་པོར་འཛིན་པའི་མངོན་པར་ཞེན་པ་མི་བྱའོ། །ཞེས་སོ། །འདི་དང་ཨ་བ་ཏ་རའི། དཔའ་བོའི་རང་བཞིན་གྱི་ང་རྒྱལ་བྱ་སོགས་བསྒྲིག་ཚེ་པདྨ་དཀར་པོའི་ཁ་དོག་གི་དེ་ཉིད་ཀྱིས་བགེགས་དང་ཉམས་གྲིབ་སོགས་སེལ་ཚུལ་ཤེས། ༈ །རྡོ་རྗེ་ཆོས་ནི་གླུར་བླང་བས། ཞེས་བྱ་བ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་ངོ་བོའི་སེམས་དང་སེམས་ལས་བྱུང་བ་དང་པདྨའི་རིགས་ནི་རྡོ་རྗེ་ཆོས་སོ། །དེ་གླུར་བླང་བ་ནི་ཆོས་ཐམས་ཅད་ནི་རང་བཞིན་གྱིས་རྣམ་པར་དག་པའོ། །ཞེས་སོ་སོར་རྟོག་པ་སྟེ། །དེའང་གསལ་བའི་དབྱེ་བས་རྣམ་པ་སྣ་ཚོགས་སོ་སོར་རྟོག་པ་ཡིན་ཏེ། དེ་བས་ན་གླུར་བླངས་པ་ཞེས་གསུངས་པ་ཡིན་ནོ། །ཞེས་དེ་ཉིད་སྣང་བ་ལས་སོ། ༈ །ལོ་རྒྱུས་ཐད། བོད་འདིར་ཕན་བདེའི་སྣང་བ་རྒྱ་ཆེར་འཆར་བའི་གླེང་གཞི་གཙོ་ཆེ་ཤོས་ནི། ཕྱོགས་འདིའི་འགྲོ་བ་རྣམས་འཕགས་པ་ལ་ལས་ཀྱི་འབྲེལ་བ་ལྷག་པར་ཆེ་ཞིང་། །འཕགས་པ་ཉིད་ཀྱི་སྔོན་གྱི་སྨོན་ལམ་གྱི་དབང་དང་། སྟོན་པས་ཀྱང་ཡུལ་འདི་རྗེ་བཙུན་འདིའི་གདུལ་ཞིང་དུ་བྱིན་གྱིས་བརླབས་པའི་མཐུས་སོ། །སྨོན་ལམ་ནི། །གངས་རིའི་ལྗོང་དེ་སྙིང་རྗེའི་བསིལ་འོད་དང་རྗེས་སུ་

― TN03_Page_0587 ―

^{[མ་དཔེ་གཟིགས་ན་འདིར་གནོན།]}

(༣༧༡)མཐུན་པས་བདག་གི་ཞིང་དུ་དང་། དེར་ཁོ་བོ་ལ་ལས་སྨོན་གྱི་འབྲེལ་བ་ཅན་རྣམས་ཤས་ཆེར་འབྱུང་བར་དང་། །བདག་གི་མཐུས་དེ་ན་ཐམས་ཅད་ཀྱང་རིག་སྔགས་ཀྱི་རྒྱལ་མོ་སྨྲ་བར་གྱུར་ཅིག་སོགས་ཡིན་ཏེ། བྲམ་ཟེ་རྒྱ་མཚོའི་རྡུལ་གྱི་སྨོན་ལམ་གྱི་རིགས་པ་སྦྱར་བའོ། ༈ །འཕགས་པའི་རྣམ་ཐར་ནི་མདོ་སྡེ་བཞི་དང་མདོ་སྡེ་དུ་མའི་གླེང་གཞི་སོགས་ནས་རྒྱས་པར་འབྱུང་ལ། སྔགས་དང་དཀྱིལ་འཁོར་དང་བསམ་གཏན་དང་ཕྲིན་ལས་ལ་སོགས་པའི་སྒོ་ནས་རྒྱུད་སྡེ་བཞི་ཀ་ལས་ཡང་ཡང་གསུངས། འཕགས་མ་སྒྲོལ་མ་དཀར་སྔོ་དང་། གོས་དཀར་མོ། །ལོ་གྱོན་མ། རྨ་བྱ་ཆེན་མོ་སོགས་མགོན་པོ་འདིའི་ཏིང་ངེ་འཛིན་གྱི་སྐུའི་ཆ་ཤས་ལས་བྱུང་བར་གསུངས་ལ། དཔལ་ན་ག་ཛུ་ནས་དེ་དག་གི་ནང་ཚན་རྨ་བྱ་ཆེན་མོའི་རིག་སྔགས་ལ་བརྟེན་ནས་ཀླུའི་འཇིག་རྟེན་དུ་འགྲོ་བའི་དོན་མཛད་ཅིང་། རྒྱལ་བའི་ཡུམ་རྒྱས་པ་སོགས་མི་ཡུལ་དུ་སྤྱན་དྲངས་པར་གྲགས་ཏེ། འཇམ་དཔལ་རྩ་རྒྱུད་ལས། རིག་པ་རྨ་བྱ་ཆེན་མོ་ནི། །བདག་ཉིད་ཆེན་པོ་དེས་ཀྱང་འགྲུབ། །ཅེས་གསུངས་པ་དང་མཐུན་ཏེ། ཀླུ་སྒྲུབ་ཀྱིས་ལྷ་འདི་གྲུབ་ལ་ཚད་བཟུང་མེད་ཀྱང་། འཇིག་རྟེན་ཡོངས་གྲགས་ལ་སྨོས་མ་ཐག་པའི་མཛད་པ་འདི་ཁོ་ན་གྲགས་ཆེ་བར་མ་

― TN03_Page_0588 ―

^{[མ་དཔེ་གཟིགས་ན་འདིར་གནོན།]}

(༣༧༢)ཟད་ཀླུ་སྒྲུབ་ཅེས་པའི་མཚན་ཡང་དེའི་སྒོ་ནས་གསོལ་བ་ཡིན་ཅིང་། མཛད་པ་དེ་རྨ་བྱ་ཆེན་མོའི་རིག་སྔགས་ཀྱི་སྒོ་ནས་མཛད་ཅེས་བྱས་ན་ཐུགས་དམ་ལྷའི་ནང་ནས་དེ་ཁོ་ན་སྨོས་པའི་རྒྱུ་མཚན་ཡང་བཤད་བདེ་བ་འདྲ། དེར་མ་ཟད་བཤད་བྱ་ཤེར་ཕྱིན་གྱི་མདོ་སྡེ་སྤྱན་དྲངས། འཆད་བྱེད་དབུ་མ་རྩ་བ་མཛད་ནས་དེའི་མཚན་ལའང་ཤེས་མདོ་ལས་ཤེས་རབ་ཅེས་བཏགས་ཏེ། འདི་གཉིས་ཤིང་རྟའི་སྲོལ་འབྱེད་ཀྱི་དང་པོར་འཇོག་བྱེད་དང་། ཐེག་ཆེན་གྱི་བསྟན་པ་ལ་བཀའ་དྲིན་ཆེ་བར་བྱེད་པའི་སྒོ་ཆེ་ཤོས་སོ། །གཞན་ཡང་ཡེ་ཤེས་སྙིང་པོ། །ཙནྡྲ་གོ་མི། ཙརྤར་ཏི་པ། སྒྲ་མཁན་པ་ི། བྲམ་ཟེ་མོ་རབ་གསལ་ངང་ཚུལ། བྲམ་ཟེ་མཆོག་སྲེད། བྲམ་ཟེ་བ་སུ་ནེ་ཏྲ། དགེ་སློང་མ་དཔལ་མོ། ཚོང་དཔོན་གྱི་བུ་སུ་ཁ་དེ་བ་ཁྱོ་ཤུག་ཁངྒ་པ། ཀ་མ་ལ་གོ་མི། །དགེ་བསྙེན་ཞི་བའི་གོ་ཆ། བཛྲ་དེ་བ། དཔལ་ལྡན་མར་མེ་མཛད་ཡེ་ཤེས། གྲུབ་ཆེན་དཔེ་མེད་འཚོ། མི་ཏྲ་ཛོ་ཀི །རྣམ་རྒྱལ་གྲགས་པའི་ལྷ། སངས་རྒྱས་གསང་བ། སངས་རྒྱས་ཞི་བ་སོགས་འཕགས་པའི་རིག་སྔགས་གྲུབ་པའི་གཏམ་རྒྱུད་མང་། ལྷོ་ཕྱོགས་དཔལ་གྱི་རིར་ཀླུ་སྒྲུབ་ཀྱི་སྐུ་གདུང་གི་རྫུ་འཕྲུལ་གྱིས་རྡོ་ལ་བྱོན་པའི་འཕགས་པ་གཙོ་འཁོར་ལྔ་པ། ཨོ་ཊི་བི་ཤར་རྡོ་རྗེ་དྲིལ་བུ་པས་རྫུ་

― TN03_Page_0589 ―

^{[མ་དཔེ་གཟིགས་ན་འདིར་གནོན།]}

(༣༧༣)འཕྲུལ་གྱིས་སྤྱན་དྲངས་པའི་རྡོ་སྐུ། ཤར་ཕྱོགས་ཁར་ས་པ་ིའི་ལྷ་ཁང་སོགས། ༈ །མི་དབང་གཽ་སཱ་ལ་ནི་ཁ་སར་པ་ིའི་གཙུག་ལག་ཁང་དུ་ཕྱིན་ནས་གསོལ་བ་བཏབ་པས་རྒྱལ་སྲིད་ཐོབ་བའོ། །གཏེར་སྟོན་ཆེན་པོ་ཕལ་ཆེར་གྱི་ཐུགས་དམ་གྱི་མཐིལ་ཡང་འདི་ལ་མཛད་དེ། ཉང་། ཆོས་དབང་། སངས་གླིང་། གཏེར་བདག་གླིང་པ་སོགས་ཀྱི་ལོ་རྒྱུས་ཀྱིས་ཤེས། ཕྱི་མ་འདིའང་བདེ་གཤེགས་ཀུན་འདུས་སུ། པདྨ་དབང་གི་སྙིང་ཁྲག་གཏེར་སྒོ་འབྱེད། །ཅེས་དང་། འགྱུར་མེད་རྡོ་རྗེ་པདྨའི་རིགས༔ ཞེས་སོ། །གློང་གཉིང་གི་དང་པོར་ཡང་ཐུགས་རྗེ་ཆེན་པོའི་སྐོར་བྱུང་ཚུལ་ཌ་ཀིའི་གསང་གཏམ་ལྟར། དེར། ཐུགས་རྗེ་ཆེན་པོའི་ཞལ་མཐོང་ཞིང་། །ཞེས་པ་ལྟར། བོད་གངས་ཅན་གྱི་ལྷ་གཅིག་སྙིང་རྗེའི་གཏེར། །སོགས་དང་། གསོལ་འདེབས་ཞལ་གཟིགས་མར། འཕགས་པས་རྗེས་སུ་བཟུང་བའི་རྟགས༔ སོགས། ༈ ཡི་གེ་ཕྱེད་བཞི་པ་དང་། ཁརྶ་པ་ིའི་ཡིག་བཞི་དང་། བྱ་རྒྱུད་དུ་ཛི་ཛི་ཛི་ནཾ་སོགས་དང་། དོན་ཞགས་དང་བཅུ་གཅིག་ཞལ་གྱི་གཟུངས་རིང་སོགས། འཕགས་པའི་རིག་སྔགས་མཐའ་ཡས་ཀྱང་། བྱིས་པ་བརྡ་མི་འཕྲོད་པ་ལ་ཡང་། བསླབ་མི་དགོས་པར་རང་ཤེས་སུ་འོང་བའི་སྒོ་ནས་སྐྱོབ་པ་

― TN03_Page_0590 ―

^{[མ་དཔེ་གཟིགས་ན་འདིར་གནོན།]}

(༣༧༤)འཇིག་རྟེན་དབང་ཕྱུག་མི་མཆོག་དམན་མེད་པའི་སྙིང་དང་ཁའི་སྒོར་རིག་སྔགས་ཀྱི་གཟུགས་ཀྱིས་བཞུགས་ནས་བྱིན་གྱིས་རློབས་པའི་རྟགས་མི་འཁྲུལ་བ་མ་ི་འདི་ལ་མངོན་སུམ་དུ་གྲུབ་པ་འདྲ་བ་གང་ཡང་མི་སྣང་སྟེ། དེ་ལྟར་སྔགས་འདི་ནི་བོད་ལ་རང་བཞིན་གྱིས་གྲུབ་པར་ཤིན་ཏུ་གསལ་བ་ཡིན་ཞིང་། བོད་སྤྱིའི་ཆོས་སྐལ་གཅིག་པུ་ཟླ་མེད་ཅིང་། གཅིག་ཆོག་ཡིད་བཞིན་ནོར་བུའི་གཏེར་ཡིན་པར་ཤེས། ཟླ་མེད་པ་ཞེས་པ་འདི་ལ་མྱང་རྒྱུ་ཞིམ་པོ་ཡོད། ༈ །བཀའ་གདམས་བརྒྱུད་པ་ན་ཡང་། ཐུགས་རྗེ་ཆེན་པོའི་གྲུབ་ཐོབ། ཡོལ་ཆོས་དབང་། རྔོག་སྒོམ་ཡོན་ཏན་རྒྱལ་པོ། ཆག་ཁྲི་མཆོག་སོགས་ཇོ་བོའི་དངོས་སློབ་དང་། སླད་ནས་རྒྱལ་སྲས་རིན་པོ་ཆེ་ཐོགས་མེད་བཟང་པོ་དཔལ་སོགས་སྨྱུང་གནས་བརྒྱུད་པ་ཉི་ཕུག་པ་མན་ཆད་ཐམས་ཅད་དང་ཐིག་ལེ་བཅུ་དྲུག་གི་བརྒྱུད་པའི་བླ་མ་སོགས་བཟང་མང་བྱོན། འཇམ་དབྱངས་ཆོས་རྗེ་བཀྲ་ཤིས་དཔལ་ལྡན་གྱིས་ཀྱང་མ་ི་དུང་ཕྱུར་གཉིས་གསུངས། ༈ །ལྷ་འདིའི་རིགས་ཀྱི་ཞི་དྲག་གི་ལྷ་གཞན་རྣམས་ཀྱང་མཁྱེན་བརྩེ་ནུས་གསུམ་ལས་ཤས་ཆེར་བརྩེ་བའི་རིགས་ཀྱི་ལྷ་ཡིན་སྟབས་གཞན་ལས་བྱིན་རླབས་མྱུར་བ་ཤ་སྟག་སྟེ། སྒྲོལ་མ་དཀར་མོ། ལྗང་མོ། རྟ་མགྲིན། ཛམ་

― TN03_Page_0591 ―

^{[མ་དཔེ་གཟིགས་ན་འདིར་གནོན།]}

(༣༧༥)དཀར། མགོན་པོ་མྱུར་མཛད་སོགས་སོ་ཞེས་ཀོང་སྤྲུལ་རིན་པོ་ཆེ་གསུང་། ༈ །རིགས་གསུམ་བྱེད་དུས། བརྩེ་བའི་རིགས་ལ་ནུས་པའི་རིགས་ཀྱི་དངོས་གྲུབ་ཚང་བ་ཆོས་དམིགས་ཀྱི་སྙིང་རྗེ་ལ་སེམས་ཅན་ལ་དམིགས་པ་ཚང་ཡང་གསུམ་དུ་ཕྱེ་བའི་སེམས་ཅན་ལ་དམིགས་པ་མིན་པ་ལྟ་བུ། བླ་མེད་དུའང་ལས་རིགས་པདྨའི་རིགས་སུ་འདུ་གསུངས། ༈ །བོད་འདིར་ཕྲིན་ལས་ཆེ་བའི་འཕགས་པའི་གདམ་པ་ནི། དཔལ་མོ་ལུགས་ཀྱི་སྨྱུང་གནས། ཇོ་བོའི་ཡི་གེ་དྲུག་པ། སྲོང་བཙན་བཀའ་འབུམ་རྣམས་ཡིན་སྣང་། ཕྱི་མ་འདི་གྲུབ་ཐོབ་དངོས་གྲུབ་ནས་རོག་བདེ་གཤེགས་ཆེན་པོ་ཤེས་རབ་འོད་དང་། མངའ་བདག་ཉང་གཉིས་ལ་བཀའ་བབས་ཤིང་། གྲུབ་མཐའ་ཐམས་ཅད་ལ་དར། ཆོས་དབང་ཡང་སྙིང་འདུས་པའང་ཕྲིན་ལས་ཚད་མེད། གཞན་ཡང་དམ་པ་དམར་པོ་བ་རི་ལྕོ། །གཉན་ཚེམ་བུ་པ་མཚན་དར་མ་འོད་ཟེར་ཏེ།་ འདི་ལ་འཕགས་པ་ཉིད་ཀྱིས་ཡི་གེ་དྲུག་པའི་བསྐྱེད་རྫོགས་ཀྱི་དམར་ཁྲིད་གནང་བ་ཟབ་པར་གྲགས་ཤིང་དམ་པ་དུ་མས་ཐུགས་དམ་མཛད། སོགས་ནས་བརྒྱུད་པ་མང་། དེ་འདྲ་རྣམས་རབ་བྱུང་དང་སྔགས་པ་རྣམས་ལ་དར་ཆེ་བ་རེད། མི་ནག་ཚོ་ལའང་རིས་མེད་དུ་ཁྱབ་པ་ནི། འབྲུ་དྲུག་ཆིག་རྐྱང་དེའོ། ༈ །ལྷན་སྐྱེས་རོལ་པས་མཛད་པའི་

― TN03_Page_0592 ―

^{[མ་དཔེ་གཟིགས་ན་འདིར་གནོན།]}

(༣༧༦)སྒྲུབ་ཐབས་སུ། སངས་རྒྱས་ཐམས་ཅད་ཀྱི་སྙིང་པོ་རྟོག་པའི་སྔགས་ཀྱི་རྒྱལ་པོ་ཡིད་བཞིན་གྱི་ནོར་བུ་འདི་མཚན་མ་མེད་པའི་སྦྱོར་བས་བལྟ་ཞིང་བཟླས་པ་བྱའོ། །ཨོཾ་མ་ི་པདྨེ་ཧཱུྃ། ཞེས་སོགས་རྒྱ་གཞུང་རྣམས་ལས་ཡིག་དྲུག་ཁོ་ན་འབྱུང་ཡང་། གཏེར་ཕྱོགས་སུ་ཡིག་བདུན་མང་ལ། དེའི་རྒྱུ་མཚན་ཡང་བྱང་གཏེར་ལས། ཕྱི་ནི་སྲོག་སྦས་ཞི་བའི་ཚུལ༔ ཡི་གེ་དྲུག་པ་རྡོ་རྗེའི་སྒྲ༔ ཞེས་པ་ནས། གསང་བ་སྲོག་གི་མཐའ་རྟེན་ཅན༔ སྙིགས་མའི་དུས་སུ་སྲོག་མཐར་རྟེན༔ ཞེས་གསུངས་ཏེ། སྤྱིར་ཡིག་དྲུག་རང་ཡང་ཐུགས་སྲོག་སྐུལ་བའི་སྔགས་ལས་མ་འདས་མོད། འོན་ཀྱང་གཉིས་ཀ་སྐུལ་བྱེད་ཡིག་དྲུག་དང་། བསྐུལ་བྱ་སྲོག་ཡིག །དངོས་སུ་སྦྲེལ་ནས་བཟླས་ན་ཐུགས་རྗེ་གནད་ནས་སྐུལ་བ་ལ་ལྷག་པར་རྣོ་བས། སྔགས་འགྲུབ་པར་དཀའ་བའི་དུས་སུ་འདི་གཙོ་བོར་གཟུང་ཞེས་པ་ཡིན་ནམ་དཔྱད། ༈ །རྡོ་རྗེ་སྙིང་པོ་རྒྱན་ལས་སོགས། འཕགས་ཡུལ་པ་ཆེན་ཚོས་ཀྱང་བྱང་སེམས་ཆེན་པོའི་ནང་ནས་སྤྱོད་པ་རྨད་བྱུང་འབུར་ཆ་ཐོན་པར་བསྔགས་ཏེ། བཤེས་སྤྲིང་དང་སྤྱོད་འཇུག་གསང་བ་གྲུབ་པར་སྔགས་ཀྱི་ལྷའི་ནང་ནས་ཀྱང་འབུར་དོད་དུ་གསུངས་ཤིང་བསྔགས། ལྷ་གཞན་གྱི་བསྟོད་པར་ཡང་བསྔགས་ཏེའམ་གཞན་ལ་བསྟོད་པའི་སྒོ་ནས་ཀྱང་འདི་ལ་སྟེ། ཐམས་ཅད་

― TN03_Page_0593 ―

^{[མ་དཔེ་གཟིགས་ན་འདིར་གནོན།]}

(༣༧༧)མཁྱེན་བཤེས་ཀྱིས། འཕགས་པ་འཇིག་རྟེན་དབང་ཕྱུག་ཞབས་མཐིལ་བཀྲ་ཤིས་ཀྱི། སོགས་དང་། བྲམ་ཟེ་ཕུར་བུས། སྤྱན་རས་གཟིགས་དབང་སོགས་དང་། ཉི་མ་སྦས་པའི་ཕྱག་འཚལ་དང་པོའི་འགྲེལ་པ། དེ་ནས་རྒྱ་གར་དུ་གྲུབ་བརྙེས་བྱུང་རབས། ༈ །བཤེས་སྤྲིང་གི་དོན། བྱང་ཆུབ་སེམས་དཔའི་ཏིང་ངེ་འཛིན་གྱི་བདག་ཉིད་ཆེ་བས་ཁམས་གསུམ་གྱི་དབང་པོ་བརྙེས་ནས་འགྲོ་བ་ཉམ་ཐག་རྣམས་ཀྱི་མགོན་མཛད་པའི་སྒོ་ནས་བྱང་སེམས་གཞན་ལས་འབུར་དོད་དུ་བསྔགས་པར་སྣང་། སྤྱོད་འཇུག་ཏུ། ཐུགས་རྗེའི་སྤྱོད་པ་མ་འཁྲུལ་པ། །ཞེས་ཕུལ་བྱུང་མ་ལྟར། ཐབས་མཁས་པའི་སྙིང་རྗེ་ཆེན་པོའི་སྒོ་ནས་བྱང་སེམས་ཀྱི་སྤྱོད་པ་འཁྲུལ་པ་སྟེ། དྲི་མའི་ནག་ནོག་ཅུང་ཟད་ཀྱང་མེད་པ། དེའི་ཚུལ་ཅུང་རྒྱས་ནི། དེ་བས་ཇི་ལྟར། ཡང་ན་ཐུགས་རྗེའི་སྤྱོད་པ་ནི། རིན་ཆེན་ཕྲེང་བར། རང་གི་དོན་ལ་མི་ལྟ་བར། །སོགས་ལྟར་གཞན་ཕན་གྱི་སྤྱོད་པ་རེད་ལ། དེ་མ་འཁྲུལ་པ་ནི་རང་དོན་ཡིད་བྱེད་སོགས་ཀྱི་དྲི་མ་མེད་པ་ཆུང་དུ་ན། སོགས་བྱིས་པ་རྣམས་ཅི་བྱེད་རང་བདེ་འདོད་པ་ཕུགས་བཅུག་ལས་མི་འདའ་ཞིང་། རང་འདོད་ལ་བར་གསེང་མི་འཆོར་བ་ལྟར། དེ་གོ་བཟློག་པའི་སྟེང་ནས་བསྔགས་ཏེ། འཁོར་གྱི་འཇིགས་པའང་བསལ་བའི་ཕྱིར། །ཞེས་

― TN03_Page_0594 ―

^{[མ་དཔེ་གཟིགས་ན་འདིར་གནོན།]}

(༣༧༨)སྡོང་པོ་བཀོད་པའི་ལུང་དང་སྦྱར་བར་མཛད། འདིའང་བཤེས་སྤྲིང་གི །འགྲོ་བ་ཉམ་ཐག་མང་པོ་རྗེས་བཟུང་སྟེ། །ཞེས་པའི་རྒྱས་བཤད་ལྟ་བུར་འགྱུར། དེ་ལྟར་བདག་གཞན་མཉམ་བརྗེའི་སྒོ་ནས་བསྔགས་པ་འདིས། དེ་ལྟར་རྒྱུད་ནི་གོམས་གྱུར་པས། །སོགས་ལྟར་ལྷར་བཅས་འཇིག་རྟེན་ཉན་རང་མན་ཆད་དང་ཐུན་མོང་མ་ཡིན་པའི་གཞན་ཕན་གྱི་བདེ་བའི་འབྱོར་པ་རྒྱ་ཆེ་ལ་གྱ་ནོམ་པ་མི་འཕྲོག་པའི་སྒོ་ནས་བསྔགས་པར་ཡང་འགྲོ་སྟེ། ལྷ་དབང་དང་འཁོར་སྒྱུར་ལ་འདོད་ཡོན་གྱི་དཔལ་འབྱོར་དང་། ཚངས་པ་ལ་བསམ་གཏན་གྱི་དགའ་བས་བསྔགས་པ་སོགས་ནི། འདི་དང་གཤིབ་ན་ཉི་མའི་དྲུང་ན་མེ་ཁྱེར་དང་། ཛམ་གསེར་དང་ར་གན་བཞིན་ནོ། །མདོ་རྒྱན་དུ། རྒྱན་དང་སྟོན་མོ་ས་མཆོག་རྩེ་དགའ་བ། །སོགས་དང་གཅིག་རེད། ༈ །བོད་འབངས་སྤྲེའུ་དང་བྲག་སྲིན་ལས་ཆད་ཟེར་ཏེ། དེར་སྒྲོལ་མའི་སྤྲུལ་པ་བྲག་སྲིན་མོ་ཞེས་གྲགས་པ་ལྟར་ན། རང་རེ་ཚོའི་རིགས་བརྒྱུད་ཀྱི་དང་པོ་ནས་འཕགས་མས་བྱིན་གྱིས་བརླབས་པར་མངོན། དེ་ནས་དམ་པའི་ཆོས་ཀྱི་སྲོལ་འཛུགས་པའི་ཐོག་མར་ལྷ་ཅིག་ཀོང་ཇོར་མཛད་དེ་ཇོ་བོ་རིན་པོ་ཆེ་བོད་ཡུལ་གྱི་ལྟེ་བར་སྤྱན་དྲངས་ནས་ས་གཞི་བྱིན་གྱིས་བརླབས། བཙན་པོ་ཁྲི་སྲོང་གིས་བསམ་ཡས་བཞེངས་དུས་ཀྱང་

― TN03_Page_0595 ―

^{[མ་དཔེ་གཟིགས་ན་འདིར་གནོན།]}

(༣༧༩)སློབ་དཔོན་ཆེན་པོས་ཏཱ་རེའི་ལྷ་ཁང་མ་བཞེངས་བར་དུ་གཙུག་ལག་ཁང་བཞེངས་སུ་མི་བཏུབ་གསུངས་ཏེ་ཨརྻ་པ་ལོའི་གླིང་སྔོན་ལ་བརྩིགས། སློབ་དཔོན་ཆེན་པོའི་བཀའ་བརྒྱུད་གཙོ་བོར་གྱུར་པའི་བོད་འབངས་ལ་བཀའ་དྲིན་འགྲན་ཟླ་བྲལ་བ་ཇོ་མོ་མཚོ་རྒྱལ་ཡང་སྒྲོལ་མའི་སྐུའི་རྣམ་འགྱུར་ཁོ་ནར་རད་གླིང་དང་རིག་འཛིན་འཇིགས་མེད་གླིང་པ་དང་ལྔ་པ་ཆེན་པོའི་གདམས་ངག་སྐོར་ནས་གསུངས། ཕྱིས་སུ་གླང་དར་མས་བསྟན་པ་བསྣུབས་སྟེ་ལོ་ཆེན་རིན་བཟང་སོགས་ཀྱིས་ཀྱང་སོར་ཆུད་པར་གསོ་མ་ནུས་པའི་སྐབས་སུ་དཔལ་ལྡན་མར་མེ་མཛད་ཡེ་ཤེས་སྒྲོལ་མའི་ལུང་གིས་བསྐུལ་ནས་བྱོན་ཏེ་རྒྱལ་བསྟན་ཉིན་མོ་ལྟར་གསལ་བར་མཛད། འདིའི་དངོས་སློབ་ལ་ནག་ཚོ་ལོ་ཙཱ་བ་དང་། རྔོག་གསང་ཕུ་བ། ཀ་བ་ཤཱཀྱ་དབང་ཕྱུག །གློ་བོའི་ཡུལ་གྱི་སྟོན་པ་ཡང་རབ། གུང་ཐང་གི་སྒོམ་ཆེན་གཞོན་ནུ་ཚུལ་ཁྲིམས། ཞང་བཙུན་དྲི་མེད། བཙུན་པ་དགེ་བ་སྐྱོང་། རྣལ་འབྱོར་པ་ཁྲི་མཆོག་སོགས་སྒྲོལ་མའི་ཞལ་མཐོང་གི་གྲུབ་ཐོབ་མང་དུ་བྱུང་། རྣལ་འབྱོར་པ་ཁྲི་མཆོག་ཆོམ་རྐུན་གྱི་འཇིགས་པ་ལས་བསྐྱབས་པ་དང་། ཁ་རག་སྒོམ་ཆུང་གིས་སྲོགས་ཆགས་གྲངས་མེད་པ་རི་མེ་ཤོར་བས་འཚིག་ཏུ་ཉེ་བ་གཟིགས་ནས་སྒྲོལ་མ་ལ་

― TN03_Page_0596 ―

^{[མ་དཔེ་གཟིགས་ན་འདིར་གནོན།]}

(༣༨༠)བོས་ཤིང་མེ་ནང་དུ་མཆོང་བས་ཆུས་བཏབ་ལྟར་ཞི་བ་དང་། ས་སྐྱ་བདག་ཆེན་བཟང་པོ་དཔལ་ལ་གདུང་རྒྱུད་ཀྱི་མཆོག་སྩལ་བ་དང་། རོང་པ་སྒ་ལོའི་སྲས་དང་ཉེ་གནས་ཁྲི་མོན་ནས་བཏོན་པ་དང་། གཉན་ལོ་རྒྱ་གར་དུ་དུག་སྦྲུལ་ལས་བསྐྱབས་པ་དང་། འབྲི་གུང་སྤྱན་སྔའི་ཉེ་གནས་ཧོར་མི་ཆེན་གྱི་ཆད་པ་ལས་བསྐྱབས་པ་དང་། སྟེང་བ་ལོ་ཙ། ཆག་དགྲ་བཅོམ། ཞྭ་དམར་རྟོགས་ལྡན་གྲགས་པ་སེང་གེ་སོགས་ཚད་ནད་ལས་དང་། བླ་མ་རིན་ཡེ་བ་ཆུའི་འཇིགས་པ་ལས་དང་། རྟ་པ་བདུན་ཆུས་ཁྱེར་བ་རྒྱལ་སྲས་ཆོས་རྫོངས་བས་སྒྲོལ་མ་ལ་གསོལ་འདེབས་མཛད་པས་བདེ་བར་བསྐྱབས་པ་སོགས་སྔོན་དང་ད་ལྟར་བྱུང་བ་གྲངས་མེད། སྤྱན་སྔ་བའི་སློབ་མ་དགེ་བཤེས་སྒྲེ་པས་སྣེའུ་ཟུར་བ་ལ་བདག་གིས་མི་གཡོ་བའི་ཡིག་བཅུ་བཟླས་པས་མི་གཡོ་བའི་ཞལ་མཐོང་སྟེ། དེའི་ཚེ་སྔོན་ལ་སྒྲོལ་མ་མཐོང་བ་ཞིག་བྱུང་བ་ཅིས་ཡིན་ཞུས་པས། ཡི་དམ་གྱི་ལྷ་གང་གི་ཞལ་མཐོང་ཡང་སྔོན་ལ་ལས་ཀྱི་ལྷ་མོ་ཡིན་པས་སྒྲོལ་མ་མཐོང་བ་ཆོས་ཉིད་ཡིན་གསུང་། ཞང་སྟོན་དགྲ་འཇིགས་ཀྱིས་ཀྱང་སྨན་བླ་དང་འཕགས་པ་བཅུ་གཅིག་ཞལ་མཇལ་ཚེ་ཐོག་མར་སྒྲོལ་མ་ཞལ་གཟིགས་གསུང་། ཆོས་རྒྱལ་འཕགས་པ་རིན་པོ་ཆེར་གཞན་གྱིས་སྔགས་ཀྱི་ལྷའི་ནང་ན་

― TN03_Page_0597 ―

^{[མ་དཔེ་གཟིགས་ན་འདིར་གནོན།]}

(༣༨༡)འགྲུབ་ཐག་ཉེ་ཤོས་གང་ཡིན་དྲིས་པའི་ལན་དུ། གསང་སྔགས་ཕྱི་ནང་ཐུན་མོང་གི་ལྷའི་ནང་ན་འཕགས་མ་སྒྲོལ་མ་དང་། ཐུན་མིན་ལ་བདེ་མཆོག་ཉེ་ཞིང་མྱུར་བར་འཇམ་དབྱངས་ས་པ་གསུངས་པར་བཤད། འཇམ་དཔལ་རྩ་རྒྱུད་དུ། འདི་ནི་འབད་མེད་གྲུབ་པ་སྟེ། །ཞེས་སོ། །ཐུབ་བསྟན་རྒྱས་པའི་ཆེད་དུ་གནས་བརྟན་བཅུ་དྲུག་མཆོད་ཅིང་གསོལ་བ་གདབ་པ་བསྔགས་མོད་ཀྱི། ཐེག་ཆེན་གྱི་བསྟན་པ་རྒྱས་པ་དང་བསྟན་འཛིན་ལ་བར་ཆད་མེད་ཅིང་ཕྲིན་ལས་གོང་འཕེལ་དུ་བྱེད་པ་ལ་དེ་བས་ཀྱང་སྒྲོལ་མ་ལ་གསོལ་བ་བཏབ་ན་ཚན་ཆེ་སྟེ། བོད་ཀྱི་པཎྜི་ཏ་གཅིག་ལ་སྐུ་ཚེ་བརྒྱུད་མར་ཕྲིན་ལས་ཆེ་བ། རྗེ་དགེ་འདུན་གྲུབ་ཀྱིས་གཙང་དུ་ཆོས་གཞི་བཙུགས་པ་ན་སྐུ་རིམ་རྒྱབ་ཆོག་སྣ་ཁ་མང་པོ་མི་མཛད་པར་སྒྲོལ་བསྟོད་ཁོ་ན་འབུམ་ཐེར་མང་པོ་བསགས་པའི་ལོ་རྒྱུས་དང་། དགེ་འདུན་རྒྱ་མཚོའི་བསྟོད་ཊི་ཀ་ལས་ཀྱང་རྗེ་བཙུན་སྒྲོལ་མ་ཕྲིན་ལས་ཀྱི་ལྷ་ཡིན་པས་རྒྱལ་བའི་ཕྲིན་ལས་རྒྱས་པའི་ཆེད་དུ་གསོལ་བ་གདབ་པར་བྱའོ་ཞེས་གསུངས། ཡབ་རྗེ་ཀུན་མཁྱེན་བླ་མ་འཇིགས་མེད་གླིང་པས་ཀྱང་གྲུ་འཛིན་གྱི་བཀོད་པའི་སྟེང་མཁར་སྒྲོལ་མ་བཞུགས་པ་ཞལ་གཟིགས་ཤིང་། སྲོང་བཙན་བང་སོར་སྒྲོལ་བསྟོད་འབུམ་

― TN03_Page_0598 ―

^{[མ་དཔེ་གཟིགས་ན་འདིར་གནོན།]}

(༣༨༢)ཐེར་བསགས་པས་འཇིག་རྟེན་དུ་དགེ་ལེགས་ཀྱི་མཚན་མ་བྱུང་བ་དང་། ཚེ་ལྗོངས་སུ་གཙུག་ལག་ཁང་བཞེངས་ཚེའང་ནང་རྟེན་གྱི་ཐོག་མར་སྒྲོལ་མའི་སྐུ་གཟུགས་བཞེངས་དགོས་པའི་ལུང་བསྟན་བྱུང་ཚུལ་དཀར་ཆག་ཏུ་རྒྱས་པར་བཞུགས། ༈ །ཐུགས་རྗེ་ཆེན་པོ་ཡི་གེ་དྲུག་པའི་ལོ་རྒྱུས་ནི། བླ་མ་ར་ཧུ་ལ་གུབྟ་བཛྲ་གྱིས་རི་ནག་པོའི་ཁོང་གསེང་དུ་སྒྲུབ་པ་མཛད་པས་དགྱེས་རྡོར་སོགས་ཡི་དམ་མང་པོའི་ཞལ་གཟིགས། ཁྱད་པར་འཕགས་པ་ཐུགས་རྗེ་ཆེན་པོ་རྒྱུན་ཆད་མེད་པར་གཟིགས། དེས་དཔལ་ལྡན་ཨ་ཏི་ཤ་ལ་གནང་ནས་སོ་མ་པུ་རིའི་ནགས་སུ་ཟླ་བ་གསུམ་སྒྲུབ་པ་མཛད་པས་ཞལ་དངོས་སུ་བསྟན་ནས་བྱང་ཆུབ་སེམས་སྦྱོང་གི་གདམས་པ་སྩལ། ཇོ་བོ་ལ་ནག་ཚོ་ལོ་ཙཱ་བས་ལོ་བཅུ་དགུ་བསྟེན་ནས་རྒྱུད་དང་སྒྲུབ་ཐབས་མང་པོ་གསན་ཅིང་། ཁྱད་པར་ཇོ་བོའི་ཞལ་ནས། ཐུགས་རྗེ་ཆེན་པོ་སྒྲུབས་ཤིག་གསུངས་ཏེ་སྒྲུབ་པས་ཞལ་མཐོང་ཞིང་ལུང་བསྟན་མང་པོའང་གནང་། རྣལ་འབྱོར་པ་ཤེས་རབ་རྡོ་རྗེས་ཀྱང་ཇོ་བོ་ལས་གདམས་པ་བླངས་ཏེ་སྒྲུབ་པས་ཞལ་གཟིགས། ལན་ཅིག་གི་ཚེ་མ་ི་བཟླས་པས་ཞལ་ནས་འོད་ཟེར་ཤྭ་ཤྭ་འོང་བ་ལ། རྣལ་འབྱོར་པ་ཆེན་པོའི་ཞལ་ནས། སྒོམ་ཆེན་འདི་ཁོ་ན་རེ་སྐྱིད་བྱང་ཆུབ་ཀྱི་ཐུགས་མངའ་བ་གསུང་།

― TN03_Page_0599 ―

^{[མ་དཔེ་གཟིགས་ན་འདིར་གནོན།]}

(༣༨༣)འདིས་གསང་ཕུ་དང་རྭ་སྒྲེང་གི་བར་དུ་འབྱོན་བཞུད་མཛད་པ་ལ་དྲོ་ཟན་འཁྱེར་མི་དགོས་གསུངས་ཏེ། རྐང་མགྱོགས་ཀྱི་རྫུ་འཕྲུལ་ཐོབ་པར་གྲགས། ནག་ཚོས་རོང་བ་ལག་སོར་བ་ཞེས་སྐྱེ་བ་གསུམ་དྲན་ཞིང་བསྒོམས་སྟོབས་ཀྱིས་རིག་པའི་གནས་ལྔ་ལ་མཁས་པ། དགེ་བཤེས་སྟོན་པ། རྣལ་འབྱོར་པ། དགོན་པ་བ། ཇོ་བོ་ལེགས། ཞང་བཙུན་ཡེར་བ་པ་སོགས་ཇོ་བོའི་དངོས་སློབ་བདུན་དང་། ཉིད་སློབ་གཉིས་ལ་ཐུག་པ་དེ་ལ་གནང་ཞིང་ལུང་བསྟན་མཛད། ཁོང་གིས་ལག་སོར་དགོན་དུ་ལོ་གསུམ་སྒྲུབ་པས་འཕགས་པ་དངོས་དང་མཇལ་ནས་ཁྱོད་ཀྱིས་ཚེ་འདི་ཉིད་དུ་གྲུབ་པ་ཐོབ་སྟེ། སློབ་མ་ཡང་སུམ་ཅུ་ཙམ་གྱིས་ང་མཐོང་བར་འགྱུར་ཞེས་ལུང་བསྟན། །ལག་སོར་བས་བ་ཡུ་བ་ཤེས་རབ་ཚུལ་ཁྲིམས་ལ་གདམས། དེས་ལོ་ལྔ་སྒྲུབ་པས་ཞལ་མཐོང་སྟེ་སྦྱོར་ལམ་ཆེན་པོ་བརྙེས། དེ་ལ་འཕགས་པ་ལྕེ་སྒོམ་དང་། མངའ་རིས་པ་ཤེས་རབ་རྒྱལ་མཚན་གཉིས་ཀྱིས་ཞུས་ཏེ། འདི་གཉིས་ཀྱང་ཚོགས་ལམ་ཆེན་པོ་པ་ཡིན་གསུངས། ལྕེ་སྒོམ་གྱིས་བྲག་ལྷ་བློ་ཕུག་ཏུ་སྒྲུབ་པས་ལོ་ངོ་བརྒྱད་ན་མཐོང་། མངའ་རིས་པས་རུ་མཚམས་ཀྱི་བྲག་ཕུག་ཏུ་སྒྲུབ་པས་ལོ་བཞི་ན་ཞལ་མཐོང་། འདི་ལ་རྒྱུན་དུ་མི་མ་ཡིན་རྣམས་ཀྱིས་འཚོ་བ་དྲངས་གསུང་། དེ་གཉིས་ཀ་ལ་གྲུབ་ཐོབ་

― TN03_Page_0600 ―

^{[མ་དཔེ་གཟིགས་ན་འདིར་གནོན།]}

(༣༨༤)ཆེན་པོ་སྐྱེར་སྒང་བས་ཞུས་ཏེ། ལོ་ཕྱེད་དང་བཞིར་སྒྲུབ་པ་མཛད་པས་ཞལ་བསྟན་ནས། སྙིགས་མའི་དུས་སུ་ཞལ་མཐོང་བ་འབའ་ཞིག་གི་བརྒྱུད་པ་འབྱུང་བར་འགྱུར་རོ་ཞེས་ལུང་བསྟན་ཏེ། སློབ་མ་ཡང་ལྔ་བཅུ་ཙམ་གྱིས་ཞལ་མཐོང་། སྒྲུབ་པ་ལོ་གསུམ་བྱེད་པ་སོགས་ཀྱི་སྒོ་ནས་ཆོས་འདི་ལ་འབྲེལ་བ་བཞག་པའི་སློབ་མ་ནི་མཐའ་ཡས། དེས་སངས་རྒྱས་གཉན་སྟོན་ལ་གནང་། ཁོང་གིས་ལོ་གསུམ་སྒྲུབ་པས་ཡི་གེ་དྲུག་པ་དང་། ཁ་སརྤ་ི་དང་། བཅུ་གཅིག་ཞལ་ཕྱག་སྟོང་སྦྱན་སྟོང་རྣམས་ཞལ་གཟིགས་ཤིང་། སློབ་མའང་བཅུ་གཅིག་གིས་ཞལ་མཐོང་བར་འགྱུར་བའི་ལུང་བསྟན་མཛད། ཕྱིས་དེ་ཁོ་ན་བཞིན་བྱུང་གསུང་ངོ། །བླ་མ་དེས་སངས་རྒྱས་སྟོན་པ་ལ་གནང་ནས་དག་པའི་ཞིང་དུ་འགྲོ་ངེས་ཀྱི་སློབ་མ་བརྒྱ་རྩ་བརྒྱད་འབྱུང་བར་ལུང་བསྟན་པ་བཞིན་འགྲོ་བ་མང་པོའི་དོན་མཛད། དེ་ལ་མཁས་གྲུབ་ཤངས་སྟོན་ཆེན་པོས་ཞུས་ཏེ། ཐུགས་དམ་ལྷའི་གཙོ་བོར་མཛད། སྐུ་ལ་སྲིན་འབུ་མེད་ཅིང་། དྲི་མ་རང་སང་ཏེ་ཤེལ་ལྟར་དྭངས་པར་གྱུར་པས་གཙང་མ་ཤངས་སྟོན་དུ་གྲགས། ལྗགས་ཆབ་དང་དྲི་ཆུ་འཐུང་བྱུག་བགྱིས་པ་ཙམ་གྱིས་ནད་གདོན་ལས་གྲོལ་བ་དང་། མཐོང་བ་དང་ཐོས་པ་ཙམ་གྱིས་དགེ་སེམས་ཁྱད་པར་ཅན་སྐྱེ་བ་སོགས་རྣམ་ཐར་ངོ་མཚར་བ་མངའ། ཡང་སངས་རྒྱས་

― TN03_Page_0601 ―

^{[མ་དཔེ་གཟིགས་ན་འདིར་གནོན།]}

(༣༨༥)སྟོན་པ་ལ་བླ་མ་ཨ་སེང་དང་མཁས་བཙུན་གཞོན་ནུ་གྲུབ་ཀྱིས་ཞུས་ནས་ཉམས་བཞེས་མཛད། དེ་དག་ནས་བྲག་པོ་ཆེ་བ་རྡོ་རྗེ་དཔལ། ཆོས་སྒོ་བ་ཆོས་དཔལ་ཤེས་རབ། རྒོད་ཕྲུག་རས་པར་གྲགས་པ་ཆོས་རྗེ་གྲགས་པ་འབྱུང་གནས་སོགས་ལ་བརྒྱུད་དེ་སོ་སོས་ཐུགས་ཉམས་སུ་བཞེས་ཤིང་འགྲོ་དོན་མཛད། དོན་བདུན་མའི་བླ་བརྒྱུད་ནང་གི་མཁན་ཆེན་བདེ་བ་དཔལ་དང་། དཀའ་བཞི་པ་གྲགས་གཞོན། མཁན་ཆེན་བསོད་ནམས་གྲགས་པ་སོགས་ཀྱིས་ཀྱང་ཆོས་འདིའི་ཕྲིན་ལས་བསྐྱངས་ཏེ། མཚོན་བྱེད་ཙམ་བཀོད་པའོ། །ཕྱིས་སུ་གྲུབ་ཆེན་ཐང་སྟོང་རྒྱལ་པོས་སྐྱེར་སྒང་བའི་གདམས་པ་ཐམས་ཅད་ཚང་བར་གསན་ནས་མི་ལོ་བཅུ་བཞིའི་བར་མི་དང་མི་ཕྲད་པའི་སྨྲ་བཅད་ཁོ་ནས་མ་ི་དུང་ཕྱུར་གཉིས་བཟླས། ཁ་ཆེར་དགེ་སློང་པདྨ་ཀ་ར་སོགས་སྐུ་ཚེའི་ཕྲེང་བ་མང་པོར་ཐུགས་རྗེ་ཆེན་པོའི་སྒྲུབ་པ་པོར་གྱུར་བ་དྲན། མགོན་པོ་ཕྱག་དྲུག་སོགས་ཆོས་སྐྱོང་ཆེན་པོ་རྣམས་ཀྱི་སྤྱི་བོར་དམ་ཚིག་གི་རྡོ་རྗེ་བཞག་ཅིང་། ལྷ་འདྲེ་དྲེགས་པ་ཅན་མང་པོ་དམ་ལ་བཞག །རྒྱལ་བསྟན་ལ་གནོད་པའི་བོན་གྱི་འབུམ་པ་སོགས་ནུས་མེད་དུ་མཛད། བདེན་ཚིག་བརྗོད་པ་ཙམ་གྱིས་སྟག་བྱམས་པ་ལ་གནས་པ་དང་། དྲེད་དམག་གིས་ཁལ་བསྐྱལ་བ་སོགས་ནུས་པ་དཔག་ཏུ་མེད།

― TN03_Page_0602 ―

^{[མ་དཔེ་གཟིགས་ན་འདིར་གནོན།]}

(༣༨༦)འཕགས་པའི་ལུང་བཞིན་ལྕགས་ཟམ་བྱང་ཆུབ་རྒྱུན་ལམ་བགྲང་དཀའ་བ་བཙུགས། ཀློ་ཡུལ་དཀར་པོར་བསྒྱུར། དབུས་གཙང་གིས་མདུད་སྒྲུབ་ཁང་གིས་མནན་ཅིང་། ས་གནད་མེ་བཙའ་མང་པོ་བཏབ་ནས་མཐའ་དམག་འབྱུང་བའི་གོ་སྐབས་བཅོམ། ནད་མུག་འཁྲུགས་རྩོད་ཀྱི་སྡུག་བསྔལ་རྒྱུན་བཅད། ལྷ་སའི་ཇོ་ཤཀ་ལ་བརྟན་བཞུགས་མཛད་ཅིང་རྟེན་བཞེངས་གྲངས་མེད་པས་འཇིག་རྟེན་དུ་དགེ་ལེགས་སྤེལ། །ཡི་གེ་དྲུག་པའི་ཕྲིན་ལས་ཀྱིས་བོད་ཁམས་བཀང་། དད་པས་གསོལ་བ་བཏབ་པ་རྣམས་མི་དང་མི་མིན་འབྱུང་བའི་འཇིགས་པ་ལས་བསྐྱབ་ཚུལ་སྒྲོལ་མ་འཇིགས་པ་བརྒྱད་སྐྱོབ་ཀྱི་ལོ་རྒྱུས་ལ་འགྲན་པ་ཡོད། གཞན་ཡང་དོན་ཞགས་པ་སངས་རྒྱས་རིན་ཆེན་གྱི་ཞལ་ནས། །ངའི་བླ་མ་འཕགས་པ་དོན་ཞགས་པ་ཆེན་པོ་ཤེས་རབ་བརྩོན་འགྲུས་ཀྱི་བཀའ་ལས། ཇོ་བོ་ཡི་གེ་དྲུག་པ་འདི་སྙིང་པོའི་དོན་ཡིན་པས་འདི་ལ་དྲིལ་ཅིག་གསུངས་པས་འུ་ཅག་གིས་ཀྱང་བསྙེན་པའི་མཐིལ་འདི་ལ་བྱས་གསུངས། ༈ །ཨོཾ་མ་ི་པདྨེ་ཧཱུྃཿ མཁའ་ལྟར་རྒྱ་ཆེའི་སྐུ་དང་མཆོག་སྩོལ་གསུངས། །ཟབ་བརླིང་ཡེ་ཤེས་ཕུང་པོ་རོ་མཉམ་པ། །དྲན་དང་བརྗོད་པས་བསོད་ནམས་ལེན་པའི་སྔགས། །ཨོཾ་གྱི་དེ་ཉིད་བརྙེས་ལ་ཕྱག་འཚལ་ལོ། །ཨོཾ་ནི་ཨ་ཨུ་མ་གསུམ་འདུས་

― TN03_Page_0603 ―

^{[མ་དཔེ་གཟིགས་ན་འདིར་གནོན།]}

(༣༨༧)པ་ཡིན་ལ་འདུ་རྒྱུའི་ཡི་གེ་གསུམ་པོ་དེས་ཤིན་ཏུ་རྣམ་པར་དག་པའི་སྐུ་གསུང་ཐུགས་རྡོ་རྗེ་རྣམས་མཚོན་ལ། དེ་དག་འདུས་པའི་ཨོཾ་ཡིག་གིས་ནི་རྡོ་རྗེ་གསུམ་དབྱེར་མེད་པའི་ཟུང་འཇུག་གི་གོ་འཕང་སྟོན་ཏེ། སྔགས་དོན་དེ་ལྟར་ཤེས་ནས་ཨོཾ་ཞེས་བརྗོད་པས་བསོད་ནམས་རླབས་པོ་ཆེ་འབྱུང་བར་བྱེད་པས་ན་ནོར་བུ་འཛིན་པའི་སྔགས་ཞེས་རྡོ་རྗེ་རྩེ་མོ་ལས་བཤད་དོ། །སྲིད་ཞིའི་ཕུན་ཚོགས་ཡོངས་ཀྱི་ཟ་མ་ཏོག །རབ་འབྱམས་རྒྱལ་ཀུན་ཨོཾ་གྱི་རིག་སྔགས་ཀྱིས། །ཐར་འདོད་བློ་གྲོས་རྟག་ཏུ་དགེ་བྱེད་ཅིང་། །འགྲོ་ཀུན་ཨོཾ་གྱི་གནས་སུ་འཁོད་པར་ཤོག ༈ །མཐའ་བྲལ་དེ་ཉིད་གཟིགས་པའི་ཡེ་ཤེས་ཀྱིས། །འགྲོ་སེམས་ཐ་མལ་རྟོག་པའི་འཇིགས་པ་ལས། །སྐྱོབ་པའི་བྱ་བ་རྟག་ཏུ་འཇུག་མཚོན་ཕྱིར། །ཟླ་ཤེལ་མ་ི་འཆང་ལ་ཕྱག་འཚལ་ལོ། །མ་ི་ནི་ནོར་བུའི་སྐད་དོད་དེ། འདིར་བགྲང་བའི་ནོར་བུ་ཞེས་གྲགས་པ་བགྲང་ལ་བྱེད་དོ། །བགྲང་ཕྲེང་གི་དེ་ཉིད་ནི་སྔགས་ཡིན་ལ། །སྔགས་ཀྱི་སྐད་དོད། མནྟྲ་ཞེས་པ་ཡིད་སྐྱོབ་པ་ལ་འཇུག་པས་ཡིད་སྡུག་བསྔལ་དང་། དེའི་རྒྱུ་ལས་ཉོན་དང་། ཀུན་གྱི་རྩ་བ་བདག་ཏུ་རྟོག་པ་བག་ཆགས་དང་བཅས་པ་ལས་སྐྱོབ་པར་བྱེད་པའི་ཤེས་རབ། །བདེན་པ་གཉིས་ཀྱི་གནད་ལ་མཁས་པས་རྟག་པ་དང་ཆད་པའི་མཐའ་

― TN03_Page_0604 ―

^{[མ་དཔེ་གཟིགས་ན་འདིར་གནོན།]}

(༣༨༨)གཉིས་ལས་བརྒལ་བ་སྟེ། གྲུབ་ཆེན་མི་ཏྲའི་གསུང་ལ་བརྟེན་པའོ། །ཤེས་རབ་ཀྱི་ཕར་ཕྱིན་དེ་ཉིད་གདུལ་བྱ་གཞན་གྱི་རྒྱུད་འཁོར་བ་ལས་སྐྱོབ་པའི་བྱ་བ་ལ་ལྟོས་ནས་ཡང་དང་ཡང་དུ་འདྲེན་པས་བགྲང་ཕྲེང་གི་མཚོན་དོན་དུ་འཇོག་པར་རྒྱལ་དབང་པདྨས་བཤད་སྣང་ངོ། །འགྲོ་འདི་རྒྱལ་རྣམས་ཤེར་ཕྱིན་མ་ི་ཡིས། །མི་ཤེས་དུག་རྣོན་འཕྲོགས་པའི་སྣོད་གྱུར་ཏེ། །དྲི་བཅས་བློ་གྲོས་ཐ་མལ་རྡོ་ཡི་ཁམས། །ཀུན་མཁྱེན་ཡེ་ཤེས་མ་ིར་འགྱུར་བར་ཤོག ༈ །སྲིད་པའི་ཆུ་ལས་བལྟམས་ཀྱང་དེ་ཡི་སྐྱོན། །མི་ཆགས་སྲིད་གསུམ་སྤྱི་བོར་ལེགས་གྱེས་པའི། །ཐུགས་རྗེས་འཇིག་རྟེན་ཀུན་དགར་མཛད་པའི་དཔེར། །ཡིད་འཛིན་པདྨེ་བསྣམས་ལ་ཕྱག་འཚལ་ལོ། །པདྨེ་ཞེས་པ་པདྨ་འཛིན་པར་མཛད་པ་སྟེ། ཇི་ལྟར་མེ་ཏོག་པདྨ་ནི་ཆུ་ལས་སྐྱེས། འོན་ཀྱང་ཆུའི་སྐྱོན་གྱིས་མ་གོས། མ་གོས་པར་མ་ཟད་མཛེས་སྡུག་དང་དྲི་བསུང་གིས་ཆུའི་རྒྱན་བྱེད་པ་ལྟར། རྒྱལ་བ་རྣམས་ཀྱི་ཐུགས་རྗེ་ཆེན་པོ་ཡང་སེམས་ཅན་སྲིད་པའི་སྡུག་བསྔལ་གྱིས་མནར་བ་ལ་དམིགས་ནས་སྐྱེས་པས། སྲིད་པ་ཡོངས་སུ་མི་གཏོང་བའི་རྣམ་པ་ཅན་ཡིན་ཀྱང་། ཐབས་ལ་མཁས་པའི་ཤེས་རབ་ཀྱིས་བཟུང་བ་ཡིན་པས་འཇིག་རྟེན་གྱི་ཉེས་པས་མི་གོས་ཤིང་། སླར་ལ་ཟང་ཟིང་དང་མི་འཇིགས་པ་དང་

― TN03_Page_0605 ―

^{[མ་དཔེ་གཟིགས་ན་འདིར་གནོན།]}

(༣༨༩)ཆོས་ཀྱི་འབྱོར་བ་ལ་སོགས་སོགས་སྒྲས། ཚུལ་བཟོད་བརྩོན་བསམ་སྡུད། །པས་འཁོར་བའི་རྒྱན་བྱེད་ཅིང་མཁས་པ་རྣམས་ཀྱི་ཡིད་འཕྲོགས་པ་སྟེ། དཔལ་མོས་མཛད་པའི་བསྟོད་པ་དང་། གྲུབ་ཆེན་མི་ཏྲའི་གཞུང་ལ་བརྟེན་ནས་བཤད་དོ། །རྒྱལ་དང་བྱང་སེམས་རྣམས་ཀྱི་རྗེས་བརྩེ་ཡི། །པདྨེའི་བཅུད་ལ་འགྲོ་འདི་རྟག་འཐུང་ཞིང་། །སྐྱེ་དགུའི་བློ་གྲོས་དཔུང་བའི་ལྟ་ཟུར་ངོས། །བརྩེ་ཆེན་པདྨེའི་འཁྲི་ཤིང་གིས་མཛེས་ཤོག ༈ །ཕུལ་བྱུང་ཤེས་རབ་སྙིང་རྗེའི་སྙིང་པོ་ཅན། །ཧཱུྃ་ཞེས་གདུལ་བྱའི་སྙིང་ལ་སྐད་ཅིག་གིས། །གསལ་མཛད་འཇིག་རྟེན་དབང་ཕྱུག་ལ་འདུད་ཀྱི། །བདག་གི་བློ་གྲོས་རྣམ་ཀུན་དགེ་བ་མཛོད། །ཧཱུྃ་ཞེས་པ་ནི་གསལ་བར་བྱེད་པ་སྟེ། སྔར་བཤད་པའི་སྲིད་མཐའ་འགོག་བྱེད་མ་ིའི་དོན་དང་། ཞི་མཐའ་འགོག་བྱེད་པདྨེའི་དོན་ཏེ། ལམ་དེ་གཉིས་སྒྲུབ་པ་པོའི་རྒྱུད་ལ་གསལ་བར་བྱེད་པར་བསྐུལ་བའོ། །ཐེག་པ་ཆེན་པོའི་ལམ་གྱི་ཆ་ཐམས་ཅད་ཐབས་དང་ཤེས་རབ་ཀྱི་ཕྱོགས་གཉིས་སུ་འདུ་ལ། དེ་གཉིས་ཀྱི་སྒོ་ཐམས་ཅད་མ་ིའི་སྔགས་དོན་དྲིལ་བ་འདི་ལ་ཞིབ་ཏུ་བསམ་ནས་ཡིག་དྲུག་ཆོས་ཀྱི་ཡང་སྙིང་དུ་གསུངས་པ་ལ་ངེས་པ་བརྟན་པར་བྱའོ། །འགྲོ་ཀུན་འཇིག་རྟེན་དབང་ཕྱུག་ཉིན་རེ་བཞིན། །ཧཱུྃ་ཞེས་བསྐུལ་བས་སྒྲུབ་ལ་འཇུག་

― TN03_Page_0606 ―

^{[མ་དཔེ་གཟིགས་ན་འདིར་གནོན།]}

(༣༩༠)བྱེད་ཅིང་། །དེ་མཐུས་ཡིད་ཅན་ཀུན་གྱི་བློ་གྲོས་ལ། །མཆོག་བྱེད་ཧཱུྃ་གི་སྔགས་དོན་མྱུར་འགྲུབ་ཤོག ༈ །འགྲོ་དྲུག་རྒྱ་མཚོར་བྱིང་བས་ཉམ་ཐག་རྣམས། །རླབས་ཆེན་ཕ་རོལ་ཕྱིན་དྲུག་སྤྱོད་པའི་གྲུས། །སྒྲོལ་མཛད་སྙིང་རྗེའི་ལྷ་ཁྱོད་བྱང་ཆུབ་བར། །བདག་གི་བློ་གྲོས་བརྒྱན་པར་མཛད་སླད་བཞུགས། །ཨོཾ། མ།ི། པད། མེ། ཧཱུྃ། ཞེས་རེ་རེ་ནས་ཕྲལ་བའི་དྲུག་པོ་དེས་དམྱལ་བ་ལ་སོགས་པའི་འགྲོ་བ་དྲུག་སྦྱོང་བར་བྱེད་ཅིང་། ཕྱིན་དྲུག་གི་ཡོན་ཏན་རྒྱས་པར་བྱེད་པར་མི་ཏྲ་ཛོ་ཀི་དང་། དཔལ་དི་པཾ་ཀཱ་ར་སོགས་ཀྱིས་བཤད་དེ། བཤེས་སྤྲིང་ལས། འཕགས་པ་སྤྱན་རས་གཟིགས་དབང་སྤྱོད་པ་ཡིས། །འགྲོ་བ་ཉམ་ཐག་མང་པོ་རྗེས་བཟུང་སྟེ། །ཞེས་པ་ལྟར། ཕྱིན་དྲུག་གི་སྒོ་ནས་འགྲོ་བ་དྲུག་གི་སྡུག་བསྔལ་རྒྱུ་དང་བཅས་པ་ཞི་བར་བྱེད་པའི་དོན་ཏོ། །འདིར་དོན་གཉིས་དང་། གཞན་དོན་རྣམ་པ་ཐམས་ཅད་པ་སྒྲུབ་པ་སོགས་ལ་ལྟོས་པའི་ཕྱིན་དྲུག་གི་གྲངས་ངེས་རྣམས་ཀྱང་དྲན་པར་བྱ་སྟེ། ཡི་གེ་སོ་སོའི་དོན་འཆད་ཚུལ་གཞན་ཡང་ཡོད་དོ། །དེའང་སྔགས་ཀྱི་མཚོན་དོན་དེ་དང་དེ་མཛུབ་མོས་ཟླ་བ་བཞིན་མཚོན་པ་ཁོ་ན་ཡིན་ནམ་ཞེ་ན་མ་ཡིན་གྱི། སྔགས་ཀྱི་ཆ་དེ་དང་དེ་མཚོན་དོན་ཡེ་ཤེས་ཀྱི་ཆ་དེ་དང་དེ་ལས་སྤྲུལ་པ་དང་། དེའི་དབང་གིས་སྒྲུབ་པ་པོའི་རྒྱུད་ལ་ཡོན་ཏན་དེ་དང་དེ་སད་པར་

― TN03_Page_0607 ―

^{[མ་དཔེ་གཟིགས་ན་འདིར་གནོན།]}

(༣༩༡)བྱེད་པ་ལ་སོ་སོ་སོ་སོར་བསྔགས་པའི་སྒོ་ནས་ལྷ་སྔགས་ངོ་བོ་དབྱེར་མེད་ཀྱི་ངེས་ཤེས་དྲང་དགོས་སོ། །སྨིན་དང་མ་སྨིན་བློ་གྲོས་སྒོ་ངའི་བྱ། །སངས་རྒྱས་བྱིན་རླབས་དྲོད་ཀྱིས་བསྐྱེད་བསྲིང་བས། །བསོད་ནམས་ལུས་ཟུངས་སྨིན་པའི་ཡེ་ཤེས་རྩལ། །རྣམ་གྲོལ་ནམ་མཁའི་རྒྱན་དུ་སྤྱོད་པར་ཤོག ༈ ཡིག་དྲུག་ལན་རེ་བཏོན་པས་ཀྱང་ཚེ་རབས་དུ་མ་ནས་བསགས་པའི་ལས་སྒྲིབ་མང་པོ་བྱང་ཞིང་། གངྒཱའི་ཀླུང་གི་བྱེ་མ་སྙེད་ཀྱི་དེ་བཞིན་གཤེགས་པ་རྣམས་སྒྲུབ་པ་པོའི་ལུས་ལ་ཞུགས་ནས་བྱིན་གྱིས་རློབ་པ་དང་། དེའི་ལུས་ལ་གནས་པའི་སྲིན་བུ་ཚུན་ཆད་བླ་མེད་བྱང་ཆུབ་ཀྱི་སྐལ་བ་ཅན་དུ་བྱེད་པ་ལ་སོགས་པའི་ཕན་ཡོན་མཐའ་ཡས་པ་རྒྱལ་པོ་བཀའ་འབུམ་དུ་གསུང་རབ་མང་པོ་དྲང་བ་ལས་ཤེས་ཤིང་། ཁྱད་པར་དུ་རང་རེ་གངས་ཅན་པ་རྣམས་ལ་ལྷ་དང་སྔགས་འདི་ཉིད་གྲུབ་པ་ལྷག་པར་མྱུར་བའི་རྟགས་སུ། ཐ་ན་བྱིས་པ་ལོ་གསུམ་ལོན་པ་དང་། མུ་ཏོ་དབྱུག་ཐོགས་ཡན་ཆད་ཀྱི་མགྲིན་པར་རིག་སྔགས་འདི་ཉིད་ལི་ཤི་ལ་དྲི་ཞིམ་ལྟར་ངང་གིས་ཐོབ་ཅིང་། ལྷ་སྔགས་གཞན་ནི་སྒོམ་བཟླས་ལ་བརྩོན་མཁན་ཉུང་ཞིང་། ཅུང་ཟད་ཡོད་པ་རྣམས་སུའང་ཚེ་འདིའི་ལག་ཆ་འབའ་ཞིག་ཏུ་འཁྱེར་མཁན་ཁོ་ན་མང་བ། འདི་ནི་ཁྱིམ་པ་ཕོ་མོ་ཡན་ཆད་ཀྱི་ཁྲོད་ན་བྱེ་བ་དང་དུང་

― TN03_Page_0608 ―

^{[མ་དཔེ་གཟིགས་ན་འདིར་གནོན།]}

(༣༩༢)ཕྱུར་སོགས་སུ་ཟློ་བ་སའི་རྩི་ཤིང་ལྟར་མང་ཞིང་དེ་ཡང་འཇིག་རྟེན་ཕྱི་མ་ཕན་ཆད་ཀྱི་ཆེད་དུ་བྱེད་པ་ཁོ་ན་མང་བ་དང་། དེ་ལྟ་ནའང་ཚེ་འདིར་ཚེ་རིང་བ་དང་། ནད་ཉུང་བ་སོགས་ཀྱི་ཕུན་ཚོགས་འཐོབ་པ་ལ་ཡང་མ་ི་ཟློ་མཁན་རྣམས་འབའ་ཞིག་ཁྱད་པར་དུ་འཕགས་པ་སོགས་མངོན་སུམ་དུ་མཐོང་བས། བདག་ལེགས་སུ་འདོད་ན་འདི་ལ་འབད་པར་བྱ་ཞིང་སྔགས་དོན་ཤེས་པ་དང་མི་ཤེས་པའི་བཟླས་བརྗོད་ལ་སྟོབས་ཆེ་ཆུང་ཆེས་མི་འདྲ་བ་ཡོད་པས་མདོར་བསྡུས་ཤིག་བཀོད་དོ། །ཨོཾ་མ་ི་པདྨེ་ཧཱུྃ། སྙིང་ལ་མཛའ་བ་མི་ཕྱེད་དྲང་པོའི་བློ། །འདིར་བདེ་ཕྱི་མར་ལེགས་པའི་འདུན་གྲོས་ཅན། ཁྱོད་དང་ཚེ་རབས་ཕྲེང་བར་ཐེག་མཆོག་གི །ཆོས་ཀྱི་འདུན་སར་ལྷན་ཅིག་ལོངས་སྤྱོད་ཤོག དགེ་རྒན་སྐུ་དྲིན་ཅན་གྱི་བཞེད་པ་དང་མཐུན་པར་བསྟན་པའི་ཉི་མས་བྲིས་པའི་རེ་འདོད་ལ་འཇིག་རྟེན་དབང་པོའི་སྤྱན་རས་ཀྱིས་འཚོ་བར་གྱུར་ཅིག ༈ །ཐུགས་རྗེ་ཆེན་པོའི་བརྡ་དོན་ནི། བཤད་འགྲེལ་ཆེན་མོར། ཞལ་གཅིག་ནི་སེམས་ཅན་ལ་ཐུགས་རྗེ་མི་འགྱུར་བ། ཞེས་སྙིང་རྗེ་ངོ་གཉིས་པ་དང་། ངོ་མི་རྟག་པ་སྤངས་པ། སྒྲུབ་ཐབས་གཅིག་སྐོར་དུ་ནི། ཞལ་གཅིག་ནི་ལྷན་སྐྱེས་ཡེ་ཤེས་རང་དང་གཉིས་སུ་མེད་པའི་བརྡ། །ཞེས་སོ། །འཛུམ་མདངས་ལྡན་པ་ནི་སེམས་

― TN03_Page_0609 ―

^{[མ་དཔེ་གཟིགས་ན་འདིར་གནོན།]}

(༣༩༣)ཅན་ལ་བྱམས་པར་མཛད་པ། སྤྱན་མི་ཟུམ་པ་ནི་སེམས་ཅན་ལ་ཐུགས་རྗེས་གཟིགས་པ། ཕྱག་བཞི་ནི། ཚད་མེད་རྣམ་པ་བཞི་ལྡན་པས། །འགྲོ་དོན་ཕྱོགས་མེད་མཛད་པའི་རྟགས། །ཞེས་སོ། །ཡང་། གཉིས་མེད་ཆོས་སྐུའི་ཕྱག་གཉིས་ཐལ་མོ་སྦྱར། །ལོངས་སྐུ་ཤེས་རབ་པདྨ་གཡོན་ན་འཛིན། །སྤྲུལ་སྐུ་ཐབས་ཀྱི་བགྲང་ཕྲེང་གཡས་ན་འཛིན། །ཞེས་དང་། ཞལ་བཅུ་གཅིག་པའི་ཐད་དུ། རྩ་བ་ཆོས་སྐུའི་ཕྱག་གཉིས་ཐལ་མོ་སྦྱར། །ཡན་ལག་ལོངས་སྐུའི་ཕྱག་གི་དང་པོ་ན། །སྐྱོན་གྱིས་མ་གོས་པདྨ་དཀར་པོ་འཛིན། །ཉིང་ལག་སྤྲུལ་སྐུའི་ཕྱག་གི་དང་པོ་ན། །འཁོར་བའི་སེམས་ཅན་འདྲེན་པའི་བགྲང་ཕྲེང་འཛིན། །ཞེས་ཏེ། ཕྱི་མ་གཉིས་ནི། མུ་ཏིག་གི་ཕྲེང་བ་སྙིང་རྗེ་རྒྱུན་ཆད་མེད་པས་སེམས་ཅན་འཁོར་བ་ནས་བྱང་ཆུབ་ཏུ་འདྲེན་པའོ། །པདྨ་ནི། འཁོར་བར་སེམས་ཅན་གྱི་དོན་མཛད་ཀྱང་འཁོར་བའི་ཉོན་མོངས་པ་དང་རྣམ་རྟོག་གི་སྐྱོན་གྱིས་མ་གོས་པའོ། །ཞེས་སོ། །ཕྱག་བཞི་སྐུ་གསུམ་དང་སྦྱར་བར་མ་ཟད། །ཕྱག་མཚན་དེ་ལྟར་སྦྱར་བའང་སྣང་སྟེ། ཐུགས་སྒྲུབ་བར་ཆད་ཀུན་སེལ་ལས། དང་པོའི་ཕྱག་གཉིས་སྟོང་ཉིད་ཕྱག་རྒྱ་མཛད༔ གཡས་འོག་ཤེལ་ཕྲེང་གྲགས་སྟོང་སྔགས་སྒྲ་སྒྲོགས༔ གཡོན་འོག་

― TN03_Page_0610 ―

^{[མ་དཔེ་གཟིགས་ན་འདིར་གནོན།]}

(༣༩༤)པད་དཀར་སྒྱུ་འཕྲུལ་སྤྲུལ་པ་འགྱེད༔ ཅེས་རྡོ་རྗེ་གསུམ་གྱི་བཤད་པ་མཛད་དེ། སྔ་མ་དང་བསྲེ་རྒྱུ་མིན་པ་འདྲ། །ཚུལ་ཁྲིམས་བཟང་པོའི་ལུགས་ལས། ཞལ་ཆོས་སྐུ་ཐིག་ལེ་གཅིག་ཏུ་འཁྱིལ། །སྤྱན་ཐབས་ཤེས་སྙིང་རྗེས་ཟིམ་བུར་གཟིགས། །ཕྱག་ཚད་མེད་བཞི་ལྡན་འཇམ་ཞིང་མཉེན། །ཞེས་སོ། །སྐུ་མདོག་དཀར་པོ་ནི། ཆོས་སྐུ་དྲི་མ་མེད་པའི་བརྡ། །ཞེས་དང་། དཀར་འཚེར་ཞེས་པ། ཆོས་ཀྱི་དབྱིངས་རང་བཞིན་གྱིས་རྣམ་པར་དག་པ་ལ་འཁོར་བའི་རྟོག་འཛིན་གྱིས་མ་གོས་པ། །ཞེས་སོ། །ཞབས་མཉམ་སྐྱིལ་ནི། །དབྱིངས་དང་ཡེ་ཤེས་གཉིས་སུ་མེད་པའི་དོན་ལ་ཐུགས་མཉམ་པ་ཉིད་ལས་མི་གཡོ་བར་བཞུགས་པ། ཞེས་དང་། ཞབས་གཉིས་མཉམ་པའི་སྐྱིལ་ཀྲུང་བཞུགས། །མཉམ་བཞག་དོན་ལ་མ་གཡོས་རྟགས། །ཞེས་ཏེ། ཞབས་གཉིས་ཆོས་དབྱིངས་དང་ཡེ་ཤེས་གཉིས་སུ་མེད་པའི་བརྡ། ཞེས་དང་། འགྲོ་བའི་དོན་ལ་ཐབས་ཤེས་ཟུང་འཇུག་གིས་མཉམ་པར་བཞུགས་པ། །ཞེས་ཀྱང་ངོ་། །རིན་པོ་ཆེའི་རྒྱན་སྣ་ཚོགས་ཀྱིས་བརྒྱན་པ་ནི། འདོད་པའི་ཡོན་ཏན་ཐམས་ཅད་ལ་སྤྱོད་ཀྱང་ཞེན་མེད་དུ་སེམས་ཅན་གྱི་དོན་དང་ཚུལ་བསྟུན་པའི་བརྡ། ཞེས་དང་། འདོད་ཡོན་མ་སྤངས་པར་ཆོས་ཉིད་རོལ་པའི་རྒྱན་དུ་ཤར་བ། ཞེས་ཏེ། དགོས་འདོད་ཕུན་ཚོགས་

― TN03_Page_0611 ―

^{[མ་དཔེ་གཟིགས་ན་འདིར་གནོན།]}

(༣༩༥)འབྱུང་བའི་རྟགས་སུའང་བཤད་དོ། །ནམ་མཁའི་རྒྱལ་པོའི་སྒྲུབ་ཐབས་སུ། རི་དྭགས་ཀྱི་པགས་པ་ནི་སྙིང་རྗེ་ཆེན་པོ་དང་མ་བྲལ་བ། དར་གྱི་ཤམ་ཐབས་ནི་ཆོས་ཀྱི་ངོ་ཚ་དང་ལྡན་པ། །ཞེས་སོ། །བར་ཆད་ཀུན་སེལ་དུ། སྡུག་བསྔལ་གདུང་སེལ་དར་གྱི་སྟོད་གཡོགས་དང་༔ །ཉོན་མོངས་དྲི་མས་མ་གོས་ཤམ་ཐབས་གསོལ༔ །དགོས་འདོད་རེ་སྐོང་རིན་ཆེན་རྒྱན་གྱིས་སྤྲས༔ །སྙིང་རྗེའི་རི་དྭགས་ལྤགས་པ་ཕྲག་ན་འཆང་༔ །ཞེས་སོ། །ཉི་ཟླ་པདྨའི་གདན་ལ་བཞུགས་པ་ནི། ཐུགས་རྗེ་སེམས་ཅན་ལ་ཉི་ཟླ་ལྟར་སྙོམས་པ་དང་། འཁོར་བའི་སྐྱོན་གྱིས་མི་གོས་པའི་བརྡའོ། །ཡུམ་གསང་ཡེ་ནི། གཟུང་འཛིན་གྱི་དྲི་མ་བྲལ་བས་དཀར་གསལ། འགྲོ་བ་ལ་རྗེས་སུ་ཆགས་པས་དམར་མདངས་འཚེར་བ། ཕྱག་མཚན་ལ། ཐུགས་རྒྱུད་བདེ་སྟོང་གི་རོས་མྱོས་ཤིང་གང་བས་ཐོད་ཆང་། ཡེ་ཤེས་དེས་སྲིད་ཞི་བདེ་སྟོང་ཤེར་ཕྱིན་གྱི་རང་སྒྲས་སངས་རྒྱས་ཀྱི་ཞིང་ཐམས་ཅད་གཡོ། སངས་རྒྱས་ཐམས་ཅད་སྐུལ། འགྲོ་བའི་གནས་ཐམས་ཅད་སྐྱོད། སེམས་ཅན་རྣམས་གཏི་མུག་གི་གཉིད་ལས་སློང་། ཐམས་ཅད་སྐུལ་ཞིང་དབང་དུ་སྡུད་པས་ཌྭ་རུ་སྟེ། ཡེ་ཤེས་དང་། ཕྲིན་ལས་ཀྱི་ཁྱད་དམ། ཡང་ན། སངས་རྒྱས་རྣམས་ཀྱི་ཐུགས་རྒྱུད་བསྐུལ་ནས་བདེ་ཆེན་གྱི་ཡེ་ཤེས་འབེབས་པས་ཌྭ་རུ། ཡེ་ཤེས་ཀྱི་

― TN03_Page_0612 ―

^{[མ་དཔེ་གཟིགས་ན་འདིར་གནོན།]}

(༣༩༦)བཏུང་བའི་རྒྱུན་དེ་ཟད་མི་ཤེས་པར་འཆང་བས་ན་ཐོད་ཆང་སྟེ། བན་སྣོད་ན་གནས་པ་དང་། མྱོས་པར་བྱེད་པ་གཉིས་ཆར་བདེ་བ་ཆེན་པོ་དང་མཐུན་ནོ། ༈ །ཛབ་དབྱངས་ཉེར་གཅིག་ནི་མཁའ་འགྲོ་གསང་སྐོར་དུ་བསྟན་པར་ཟད་ཀྱི། འགྲོ་འདུལ་ཡིད་བཞིན་ནོར་བུའི་གཞུང་དཀྱུས་སུ་བསྟན་པ་ནི། བཟླ་ཚུལ་དྲུག་སྟེ། ཕྱི་མདོ་སྡེ་ལྟར་གཞན་དོན་དུ་བཟླས་པ། ནང་གསང་སྔགས་ལྟར་བསྙེན་སྒྲུབ་ཏུ་བཟླས་པ། གསང་བ་མཁའ་འགྲོ་མས་བྱིན་རླབས་བརྡའི་ཚུལ་དུ་བཟླས་པ། བླ་མ་དང་ལྷ་ལ་གསོལ་བ་གདབ་པ་མ་ལ་བུས་འབོད་ཀྱི་ཚུལ་དུ་བཟླས་པ། སྒྲིབ་སྦྱོང་ཆོས་སྤྱོད་ཀྱི་ཚུལ་དུ་བཟླས་པ། རྡོ་རྗེའི་བཟླས་པ་མཉམ་བཞག་བསམ་གཏན་གྱི་ཚུལ་དུ་བཟླས་པའོ། །དེ་རྣམས་ལ་ཛབ་དགོངས་དྲུག །སྔགས་དོན་འཆད་ཚུལ་དྲུག །དབྱངས་ཀྱི་འདྲེན་སྟངས་དྲུག་སོགས་ཡོད་དེ་བཤད་འགྲེལ་ཆེན་མོ་ལས་ཤེས་པར་བྱའོ། ༈ །ཡི་དམ་ཞི་བའི་ཟིན་བྲིས་ཀུན་ཏུ་བཟང་པོའི་གཞལ་མེད་ཁང་ལ་འཇུག་པའི་སྒོ་ཞེས་བྱ་བ། རྗེ་བླ་མ་གྲུབ་ཐོབ་ཆེན་པོ་ལ་ཕྱག་འཚལ་ལོ། །སྤྱིར་བརྒྱུད་པ་གསུམ་གྱིས་འཕགས་ཤིང་། གུ་རུས་སྙིགས་དུས་ཀྱི་མཐར་བྱིན་རླབས་ཀྱི་རྣོ་སོ་འབྱུང་བར་དགོངས་པའི་དབང་གིས་ཆོས་ལ་གཏེར་ཆོས་རྣོ། །དེ་ལས་ཀྱང་དེང་སང་རང་

― TN03_Page_0613 ―

^{[མ་དཔེ་གཟིགས་ན་འདིར་གནོན།]}

(༣༩༧)འདིའི་དུས་བབས་ཀྱི་ཟབ་ཆོས་མཆོག་ནི་རྗེའི་ཟབ་གཏེར་རྣམས་ཏེ། །གཏེར་བཀའ་དེ་ཉིད་ལ་ལྟོས་པའི་འབྲས་བུའི་དུས་མ་ཡོལ་བའི་བཟང་སྒང་ཡིན། །ངས་ཨ་ཕ། ཨ་ཕས་སངས་རྒྱས་དངོས་ལ་ཐོབ་ཅེས་སྨྲ་ཆོག་པས་བརྒྱུད་པ་ཉེ། །རང་ཉིད་ལ་ཐུགས་རྗེ་གཞན་ཕན་ཀུན་ཁྱབ་ཕྲིན་ལས་རབ་བརྟན་རྣམ་པར་རྒྱལ་བའི་སྡེ། །མཆོག་བརྙེས་པའི་གྲུབ་ཆེན་རྣམས་ཀྱིས་སྐལ་ལྡན་རྩ་བའི་ཆོས་བདག་ཏུ་དགོངས་པ་གཏད་ཡོད་པས་ཆོས་ཚན་འདི་ལྷག་པར་བྱིན་རླབས་ཆེ། ལར་སངས་རྒྱས་ཀྱི་གདུལ་བྱ་རྗེས་སུ་འཛིན་པའི་རྒྱུའི་གཙོ་བོ་ནི་བརྩེ་བ་ཐུགས་རྗེ་ཆེན་པོ་ཡིན་ལ། དེ་རྒྱུ་དང་དམིགས་རྣམ་དང་རྒྱུད་ཀྱི་ཕྱེ་བས་མཐའ་ཡས་པ་ཐམས་ཅད་གཅིག་ཏུ་བསྡུས་ནས་བཞིན་ལག་གི་རྣམ་པར་ཤར་བ་ནི་འཕགས་པ་འདི་ཡིན་པས་སྒྲུབ་ཐག་ཉེ། ཛམ་གླིང་འདི་ཉིད་ཀྱི་རིའི་རྒྱལ་པོ་གྲུ་འཛིན་ན་ད་དུང་ཡང་བཞུགས་ཤིང་། ཟུར་ཐོ་ལྟར་བོད་ཀྱི་ཁྱད་པར་གྱི་ལྷ་སྐལ་ཡིན་པས་ཀྱང་བྱིན་རླབས་ཆེ། དེའང་རིགས་རེ་རེའང་རིགས་ཐམས་ཅད་དང་། སངས་རྒྱས་ཀྱི་ཡེ་ཤེས་གཅིག་ཀྱང་ཡེ་ཤེས་ལྔ་ཀའི་ངོར་བོར་བཤད་པ་ལྟར་སྐབས་འདིར་འཕགས་པ་རིགས་དྲུག་ཏུ་ཕྱེ་སྟེ། རིགས་ལྔའི་དེ་བཞིན་གཤེགས་པ་ཐམས་ཅད་ཐུགས་རྗེ་ཆེན་པོ་ཉིད་ཀྱི་རྣམ་པར་རིགས་བསྡུས་ནས་སྒྲུབ་པ་དང་།

― TN03_Page_0614 ―

^{[མ་དཔེ་གཟིགས་ན་འདིར་གནོན།]}

(༣༩༨)དེ་བཞིན་གཤེགས་མ་རྣམས་དང་། སེམས་དཔའ། སེམས་མ། ཁྲོ་བོ་ཁྲོ་མོ། །གཞང་ཡང་མགྲོན་ཐབས་ཀྱི་ལྷའི་རྣམ་འགྱུར་དཔག་ཏུ་མེད་པ་རྣམས་ཀྱང་ཐུགས་རྗེ་ཆེན་པོའི་རིགས་དང་རྣམ་འཕྲུལ་ཉག་གཅིག་ཏུ་བྱས་པའི་སྒྲུབ་ལུགས་འདི་ནི། ལྷའི་རིགས་ཐམས་ཅད་དང་། རིགས་ཀྱི་ལྷ་ཐམས་ཅད་འགྲུབ་ཐག་ཤིན་ཏུ་ཉེ་བས་འགྲུབ་པའི་ཐབས་མཁས་ཆེན་པོ་སྟེ། དེས་ན་རིགས་ཉེ་ཚེ་བའི་འགྲོ་འདུལ་གྱི་སྒྲུབ་ཚུལ་རྣམས་ལས་ཀྱང་ཁྱད་པར་དུ་འཕགས་སོ། །དེ་ལ་སྐྱེ་འཆི་བར་དོ་སྐུ་གསུམ་དུ་སྦྱོང་ཚུལ་སོགས་ནི་སྒྱུ་འཕྲུལ་ལྟར་བྱ་ལ། ཕྱག་མཚན་སྐབས། རྩ་ཕྱག་ཐལ་མོ་སྦྱར་བ་ནི་རྒྱལ་པོའི་དབང་པོ་ཐམས་ཅད་ཅེས་བྱ་བའི་ཕྱག་རྒྱ་ཡིན་པར་ཟ་མ་ཏོག་ལས་གསུངས། བཀའ་འབུམ་ལས། ཕྱག་གཉིས་ཐུགས་ཀར་ཐལ་མོ་སྦྱར། །སྟོང་དང་སྙིང་རྗེ་དབྱེར་མེད་པས། །སེམས་ཅན་དོན་ལ་གནས་པའི་རྟགས། །རྗེ་མཉམ་ཉིད་ངང་ལ་ཕྱགས་འཚལ་བསྟོད། །ཅེས་གསུངས། འདི་ལ་སྲོང་བཙན་གྱིས་ནམ་མཁའི་རྒྱལ་པོའི་བསྟོད་པར། པདྨའི་འདབ་འདྲ་དང་པོ་ཡི། །ཕྱག་གཉིས་ཐུགས་ཀར་ཐལ་སྦྱར་ནས། །སངས་རྒྱས་ཀུན་གྱི་ཐུགས་རྗེ་རྣམས། །བསྐུལ་བར་མཛད་ལ་ཕྱག་འཚལ་ལོ། །ཞེས་གསུངས་པ་སྔགས་བླ་མེད་

― TN03_Page_0615 ―

^{[མ་དཔེ་གཟིགས་ན་འདིར་གནོན།]}

(༣༩༩)སྐབས། དགོངས་པ་ལུང་སྟོན་ལས། ཕན་ཚུན་སྦྱོར་བ་རྡོ་རྗེ་སེམས། །ཤེས་རབ་ཐབས་ཀྱི་གོ་འཕང་མཆོག །ཐལ་མོ་སྦྱར་བ་ཙམ་གྱིས་ནི། །སངས་རྒྱས་ཐམས་ཅད་ངེས་པར་འགུགས། །ཅེས་སོགས་ལྟར་བྱ་རུང་ངམ་སྙམ། དཔལ་མོས་མཛད་པའི་བསྟོད་པར། ཐུགས་རྗེ་དང་ནི་ཤེས་རབ་གཉིས། །མཉམ་པར་སྦྱོར་བའི་ཐུགས་མངའ་ཞིང་། །ཕྱག་གཉིས་ཐུགས་ཀར་མཉམ་སྦྱོར་བ། །དཔལ་ལྡན་མཉམ་སྦྱོར་ལ་ཕྱག་འཚལ། །ཞེས་སོ། །བགྲང་ཕྲེང་ནི་སྔགས་ཀྱི་ནོར་བུ་སྟེ། །མནྟྲའི་སྒྲ་ལས་ཡིད་སྡུག་བསྔལ་རྒྱུ་བཅས་ལས་སྐྱོབ་པའི་ཤེར་ཕྱིན་ཏེ། དཔལ་མོས། སངས་རྒྱས་ཀུན་གྱི་སྙིང་པོ་གཙོ། །གསང་སྔགས་རྒྱལ་པོའི་བགྲང་ཕྲེང་མཆོག །མུ་ཏིག་ལྟར་དཀར་གཡས་ན་འཛིན། །རིག་སྔགས་འཆང་ལ་ཕྱག་འཚལ་ལོ། །ཞེས་པ་ལས་མི་གསལ་ཡང་མི་ཏྲས་མ་ི་ལ་བཤད་པའི་རིགས་པ་སྦྱར་བའོ། །གཏེར་ཕྱོགས་ལས། ལུས་ཅན་འཁོར་བ་དང་ངན་སོང་ལས་རྒྱུན་མི་འཆད་དུ་འདྲེན་པའི་བརྡར་ཤེལ་ཕྲེང་འདྲེན་པར་བཤད་པའང་། ཤེར་ཕྱིན་ཆོས་རྒྱལ་བཀའ་འབུམ་ལས། ཕྱག་གཡས་མུ་ཏིག་ཕྲེང་བ་བསྣམ། །ཐུགས་རྗེ་རྒྱུན་ཆད་མེད་པ་ཡིས། །འཁོར་བའི་གནས་ནས་འདྲེན་པའི་རྟགས། །རྗེ་ཐུགས་རྗེ་ཅན་ལ་ཕྱག་འཚལ་བསྟོད། །ཅེས་པ་དང་མི་འགྲིགས་

― TN03_Page_0616 ―

^{[མ་དཔེ་གཟིགས་ན་འདིར་གནོན།]}

(༤༠༠)པས་རྩིངས་སམ་སྙམ་སྟེ་དཔྱད། གྱི་རྣལ་འབྱོར་དེ་ཉིད་གདུལ་བྱ་འདྲེན་པའི་ཕྲིན་ལས་ལ་རྒྱུན་མི་འཆད་དུ་འཇུག་པ་ལ་བྱ་དགོས་སམ་བརྟག །པདྨ་དཀར་པོའི་རྣམ་བཤད་ཟུར་དུ་ཡོད། པདྨ་དམར་པོའི་དེ་ཉིད་རྣལ་འབྱོར་རྒྱུད་ན་ཤིན་ཏུ་རྒྱས་པར་བཞུགས་ཀྱང་འདིར་སྐབས་སུ་མ་བབས། །པད་དཀར་གྱི་དེ་ཉིད་བསྡུས་པ་ནི། དཔལ་མོས། འཁོར་བའི་འདམ་གྱིས་མ་གོས་པས། །དག་པའི་ཤེལ་ལྟར་འོད་གསལ་བ། །པདྨ་དཀར་པོ་གཡོན་ན་འཛིན། །ཕྱག་ན་པདྨ་ཕྱག་འཚལ་ལོ། །ཞེས་ཏེ། །གྲུབ་ཆེན་མི་ཏྲ་ལྟར་ན་སྙིང་རྗེ་ཆེན་པོ་དང་སྦྱོར་བ་འདྲ། །དེ་ལྟར་ན་བགྲང་ཕྲེང་ཆོས་སྐུ་སྒྲུབ་བྱེད་ཀྱི་གཙོ་བོ་ཡེ་ཤེས་ཀྱི་ཚོགས་དང་། །པད་དཀར་གཟུགས་སྐུའི་རྒྱུའི་གཙོ་བོ་བསོད་ནམས་ཀྱི་ཚོགས་དང་སྦྱོར་བར་འཐད་དེ། །ཤེས་རབ་དང་ཐབས་ཀྱི་ཕྱོགས་སོ་སོར་འགྱུར་རོ། །ཕྱག་སྟོང་སྤྱན་སྟོང་གི་མདོར། སེམས་ཅན་ཐམས་ཅད་ཀྱིས་གཅེས་ཤིང་ཡིད་དུ་འོང་བར་འདོད་ན་ཐལ་མོ་སྦྱར་བའི་ཕྱག་དང་། །སངས་རྒྱས་ཐམས་ཅད་ཀྱིས་མགོ་ལ་ཕྱག་གིས་ཉུག་ཅིང་ལུང་སྟོན་པར་འདོད་ན་སྔགས་ཀྱི་ནོར་བུ་ཐོགས་པའི་ཕྱག་དང་། ཡོན་ཏན་རྣམ་པ་སྣ་ཚོགས་ཀྱི་ཕྱིར་ནི་པད་དཀར་ཐོགས་པའི་ཕྱག་ལ་མཆོད་ཅིང་བལྟ་ཞེས་བྱེད་ལས་ཀྱི་ཁྱད་པར་ཡང་བསྟན་ནོ། །འདིའི་

― TN03_Page_0617 ―

^{[མ་དཔེ་གཟིགས་ན་འདིར་གནོན།]}

(༤༠༡)ཡུམ་གསང་ཡེ་ནི། ཐུགས་ཆེན་པད་རྒྱལ་དུ། ཡི་གེ་དྲུག་མ་གསང་བ་ཡེ་ཤེས། བཀའ་འབུམ་བཤད་འགྲེལ་ཆེན་མོར། ཕྱི་ལྟར་ན་ཡུམ་ཡི་གེ་དྲུག་མ། ནང་ལྟར་ན་གསང་བ་ཡེ་ཤེས། ཞེས་སོ། །ཞེས་པ་ལྟར་ལྷ་མོ་ཡི་གེ་དྲུག་མར་ཤེས་དགོས་སོ། །བཟླས་པའི་ཐད། ཁྱད་པར་འགྲོ་འདུལ་ཐུགས་རྗེ་ཆེའི༔ བྱིན་རླབས་དངོས་གྲུབ། ཅེས་པ་ནི། འགྲོ་འདུལ་ཐུགས་རྗེའི་དབང་ཕྱུག་འཕགས་པ་སྤྱན་རས་གཟིགས་ཀྱི་བྱིན་རླབས། ཅེས་དང་། འགྲོ་འདུལ་ཐུགས་རྗེའི་དངོས་གྲུབ། ཅེས་དངོས་གྲུབ་ངོས་བཟུང་བ་གཉིས་ཀ་ལ་སྦྱར་བཏུབ། གཞུང་འདིའི་གོང་འོག་ཀུན་ཏུ་སྤྱན་རས་གཟིགས་བརྩེ་བའི་ལྷར་བཟུང་སྟེ་སྒྲུབ་པར་གསུངས་པ་འདི་བཞིན། མདོ་རྒྱུད་མང་པོ་ལས་མཐོང་སྟེ། ཟ་མ་ཏོག་ལས་འཕགས་པ་འདིའི་རྣམ་ཐར་ཐམས་ཅད་སེམས་ཅན་སྡུག་བསྔལ་བ་རྣམས་ལ་རྗེས་བརྩེར་མཛད་ཚུལ་ཁོ་ནའི་སྒོ་ནས་བསྟན་པ་དང་། སྡོང་པོ་བཀོད་པར། བདེ་གཤེགས་སྲས་པོ་ངས་ནི་རྣམ་ཐར་གཅིག་བསྒོམ་སྟེ། །ཡེ་ཤེས་སྙིང་པོ་རྒྱལ་བ་ཀུན་གྱི་ཐུགས་རྗེ་སྡུག །འགྲོ་བ་ཐམས་ཅད་བསྐྱབ་ཅིང་ཡོངས་སུ་བསྡུ་ཕྱིར་བྱུང་། །ཞེས་སོགས་རྒྱ་ཆེར་གསུངས་པ་དང་། ཆོས་ཡང་དག་པར་སྡུད་པའི་གོང་འོག་གཉིས་སུ་རྗེ་བཙུན་འདིས་སྟོན་པའི་སྤྱན་སྔར་རང་གི་རྟོགས་པ་བརྗོད་པ་

― TN03_Page_0618 ―

^{[མ་དཔེ་གཟིགས་ན་འདིར་གནོན།]}

(༤༠༢)ན་སྙིང་རྗེ་ཆེན་པོ་ཉིད་ཀྱི་སྟེང་ནས་བརྗོད་པ་དང་། སྤྱོད་འཇུག་ཏུ། བདག་གཅེས་འཛིན་གོམ་པའི་དབང་གིས་རང་ལ་མི་སྙན་པ་ཆུང་ངུ་ཡང་མི་བཟོད་པ་ལྟར། བརྩེ་བ་གོམས་པའི་ཤུགས་རྒྱས་པ་ན་གཞན་གྱི་མི་བདེ་བ་ཕྲ་མོའང་མི་བཟོད་པའི་དཔེར། རྗེ་བཙུན་འདིའི་རྣམ་ཐར་དྲངས་ཏེ། དེ་བས་ཇི་ལྟར་སོགས་ནས། མཚན་ཡང་བྱིན་གྱི་རླབས། ཅེས་པའི་བར་རོ། །མཚན། སྙིང་རྗེ་པད་དཀར་ལས་སྤྱན་རས་གཟིགས་ཞེས་པའི་མཚན་འདི་ཡང་སྙིང་རྗེ་ཆེན་པོའི་ཡོན་ཏན་གྱི་སྒོ་ནས་སྔོན་གྱི་སངས་རྒྱས་ཀྱིས་བཏགས་པར་གསུངས་པ་དང་། ལག་ན་རྡོ་རྗེ་དབང་བསྐུར་གྱི་གླེང་གཞིར་སངས་རྒྱས་འོད་དཔག་མེད་ཀྱིས་རྗེ་བཙུན་ལ་དེ་བཞིན་གཤེགས་པ་ཐམས་ཅད་ཀྱི་ཐུགས་རྗེ་ཆེན་པོའི་སྟོབས་ཀྱི་རྡོ་རྗེ་པདྨའི་མཆོག་གི་སྙིང་པོ་བྱིན་ནས་གཞི་དང་སྙིང་པོ་མེ་ཏོག་གི་རྒྱན་བཀོད་པའི་ཞིང་འདི་ལུས་ཀྱི་སྤྲིན་རྣམས་ཀྱིས་བཀང་ནས་སྣང་བར་བྱེད་་དུ་བཏང་བར་གསུངས་པ་དང་། དེ་ཉིད་བསྡུས་པར་བདག་ཅག་གི་སྟོན་པ་རྣམ་སྣང་ཉིད་སྙིང་རྗེའི་ཉམས་ཀྱིས་འདུལ་བའི་སེམས་ཅན་གདུལ་ཕྱིར་འཕགས་པ་སྤྱན་རས་གཟིགས་ཀྱི་སྐུར་བསྟན་པར་འགྲོ་བ་འདུལ་བའི་དཀྱིལ་འཁོར་གྱི་ཐད་དུ་གསུངས་པ་དང་། སྤྱན་རས་གཟིགས་ཞེས་པའི་སྒྲ་བཤད་ཀྱང་སོར་རྟོག་ཡེ་ཤེས་ཀྱི་སྤྱན་གྱིས་རང་བཞིན་དག་པའི་ཆོས་ལ་རྟག་ཏུ་གཟིགས་པ་དང་། ཐུགས་རྗེ་ཆེན་པོའི་སྤྱན་གྱིས་འཇིག་རྟེན་ཐམས་ཅད་ལ་གཟིགས་པ་

― TN03_Page_0619 ―

^{[མ་དཔེ་གཟིགས་ན་འདིར་གནོན།]}

(༤༠༣)ལྷུར་ལེན་པའི་ཕྱོགས་ནས་བཤད་ཚུལ་གཉིས་དེ་ཉིད་སྣང་ཆེན་དང་། ཀོ་ས་ལའི་རྒྱན། དཔལ་མཆོག་འགྲེལ་ཆེན། །རྣམ་སྣང་མངོན་བྱང་གི་འགྲེལ་པ་རྣམས་སུ་གསུངས་པའི་ཕྱི་མ་དང་། ལེགས་གྲུབ་ཏུ་ཡང་། སངས་རྒྱས་ཀུན་གྱིས་རབ་ཏུ་བསྔགས། །ཡོན་ཏན་དམ་པ་ཀུན་བསགས་པ། །སྤྱན་རས་གཟིགས་ཞེས་མཚན་གསོལ་བ། །རྟག་པར་བརྩེ་ལ་ཕྱག་འཚལ་ལོ། །ཞེས་སོགས་མཐའ་ཡས་སོ། །རི་དྭགས་ཀྲིཥྞའི་པགས་པས་ནུ་གཡོན་བཀབ་བར་བཤད་པའང་དེ་ལྟར་ཡིན་ཏེ། དབུ་མ་སྙིང་པོར། སྙིང་རྗེའི་པགས་པ་གནག་འཆང་ཞིང་། །ཞེས་པར་འདྲའོ། །འདིར་ལམ་གྱི་གཙོ་བོ་སྙིང་རྗེ་ཆེན་པོར་བྱེད་པའི་རྒྱུ་མཚན་ཡང་། མདོ་སྔགས་ཁྱད་འབྱེད་སྐབས། གཞན་དོན་བཟོ་ཁོག་དང་། རྫོགས་བྱང་སྒྲུབ་པའི་ལམ་ཐམས་ཅད་དེའི་ཆ་ལག་ཏུ་བྱེད་པ་ལ་ཐེག་ཆེན་གཉིས་འདྲ་བར་བཤད་པ་བཞིན། ཚུལ་ཁྲིམས་ཏིང་འཛིན་ཤེས་རབ་གཟུངས་སྤོབས་མངོན་ཤེས་སོགས་ཡོན་ཏན་ཐམས་ཅད་སྙིང་རྗེ་ཆེན་པོའི་བཞེད་དོན་སྒྲུབ་བྱེད་ཀྱི་འཁོར་ཁོ་ནར་ཟད་པས། རིན་ཆེན་བདུན་གྱི་བདག་པོ་འཁོར་སྒྱུར་ཡིན་པ་ལྟར། ཡོན་ཏན་དེ་ཐམས་ཅད་ཀྱི་རྩ་བའི་བདག་པོ་སྙིང་རྗེ་ཆེན་པོ་ཡིན་ནོ། །དེའི་ཕྱིར་སངས་རྒྱས་ཀྱི་སའི་ཡོན་ཏན་ཐམས་ཅད་

― TN03_Page_0620 ―

^{[མ་དཔེ་གཟིགས་ན་འདིར་གནོན།]}

(༤༠༤)ཀྱི་གཙོ་བོའམ་བདག་པོའང་སྐྱེ་ལ་ཐུགས་རྗེ་ཆེན་པོ་ཡིན་ཏེ། འབྲས་དུས་ཀྱི་རྣམ་བཞག་མང་པོ་སྔོན་གྱི་རྗེས་སུ་འབྲང་བའི་སྒོ་ནས་བྱེད་པར་གསུངས་པ་བཞིན་ནོ། །དེའང་སློབ་ལམ་དུ་སྙིང་རྗེ་ཆེན་པོ་དེ་ཐེག་གསུམ་གྱི་རྟོགས་རིགས་མཐའ་དག་དང་འབྲེལ་བར་སྦྱང་བས་མཐར་སོན་པ་ན། བརྩེ་ཆེན་གྱི་བློ་མངོན་གྱུར་པ་དེ་ཉིད་ལམ་གྱི་རྣམ་པ་མ་ལུས་པའི་ངོ་བོར་སྐྱེ་བ་ལ་གེགས་སུ་གྱུར་པའི་གནས་ངན་ལེན་གྱི་ཆ་ཐམས་ཅད་རྒྱུན་མཐའི་རྡོར་ཏིང་གིས་བཅོམ་ནས། དེའི་རྣམ་གྲོལ་ལམ་ལ་སླར་ཡང་སྙིང་རྗེ་ཆེན་པོ་མངོན་གྱུར་དུ་འབྱུང་སྟེ། དེ་ནི་སྟོང་ཉིད་ལ་མཉམ་པར་བཞག་པ་སོགས་ལུང་རྟོགས་ཀྱི་ཡོན་ཏན་རྣམ་པ་ཐམས་ཅད་པའི་མཚན་ཉིད་ཅན་དུ་སྐྱེའོ། །དངོས་གྲུབ་ཀྱི་སྙིང་པོ་དེ་ལྟར་ངོས་ཟིན་པ་དེ་ཉིད་རྒྱ་གང་ཆེ་ནས་སྒྲུབ་དགོས་ཀྱི། །གཞན་དུ་དཔེར་ན་བླ་མ་མཁས་གྲུབ་ཆེན་པོ་དང་མཇལ་ཡང་སྐར་མའི་དཔྱད་ལྟ་བུའི་དོན་དམན་པ་ཞིག་ལས་ཅི་ཡང་མ་དྲིས་ན་གདམས་པའི་མཆོག་རྣམས་ཟུར་ཙམ་ཡང་མི་ཐོབ་པ་དང་འདྲའོ། །སྤྱིར་ཡང་སྒོ་ཐམས་ཅད་ནས་སྙིང་རྗེ་ལ་མང་དུ་གནས་པར་བྱ་བ་ནི་སྤྱན་རས་གཟིགས་ཀྱི་སྔགས་པའི་ཁྱད་པར་གྱི་དམ་ཚིག་ཡིན་པར་ཕྱག་སྟོང་སྤྱན་སྟོང་གི་མདོ་དང་། རྒྱལ་པོ་བཀའ་འབུམ། །ཀུན་བཟང་ཐུགས་གཏེར་སོགས་ལས་ནན་ཏན་དུ་

― TN03_Page_0621 ―

^{[མ་དཔེ་གཟིགས་ན་འདིར་གནོན།]}

(༤༠༥)གསུངས་ཏེ། དེ་ལ་བརྩོན་ན་འཕགས་པ་དང་བརྟུལ་ཞུགས་གཅིག་ལ་གནས་པར་འགྱུར་བས་འཕགས་པ་དགྱེས་པའི་དེའང་སྤྱིར་སྙིང་རྗེ་སྒོམ་པ་ཙམ་གྱིས་མི་ཆོག་གི །དེ་འཕགས་པ་དགྱེས་པའི་ཆེད་དུ་དམིགས་ནས་སྒོམ་པ་ཞིག་དགོས་ཏེ། འདིའི་དམ་ཚིག་ཁྱད་པར་བར་འགྲོ་ལུགས་ཤེས་པའི་སྟེང་ནས་སོ། །དཀའ་ཐུབ་ཀྱི་ནོར་ཅན་ཏེ། རྗེས་འཛིན་གྱི་གནད་ཆེས་ཆེན་པོའོ། །ཐུགས་སྲོག་ཧྲཱིཿཡིག་གི་དོན་ནི། དེ་ཉིད་བསྡུས་པའི་དུམ་བུ་གསུམ་པ་ལས། དེ་ནས་བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཆོས་ཀྱི་དམ་ཚིག་ལས་བྱུང་བའི་བྱིན་གྱིས་རླབས་པདྨོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་དམ་ཚིག་ཅེས་བྱ་བ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ་། ཧྲཱི༔ །དེ་ནས་དེ་ཕྱུང་མ་ཐག་ཏུ་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་པདྨ་ལྟ་བུའི་འོད་ཟེར་ཁ་དོག་དང་གཟུགས་དང་རྟགས་དང་སྤྱོད་ལམ་དང་འོད་རྣམ་པ་དུ་མ་བྱུང་སྟེ། འཇིག་རྟེན་གྱི་ཁམས་ཐམས་ཅད་དུ་འདོད་ཆགས་ལ་སོགས་པ་རྣམ་པར་དག་པ་དང་། ཆོས་ཉིད་ཀྱི་ཡེ་ཤེས་ཡང་དག་པར་སྦྱངས་ནས་ཡང་སླར་ལོག་སྟེ་འཕགས་པ་སྤྱན་རས་གཟིགས་ཀྱི་དབང་པོའི་ཐུགས་ཀར་ཞུགས་སོ། །ཞེས་གསུངས་ཏེ། སྙིང་པོ་

― TN03_Page_0622 ―

^{[མ་དཔེ་གཟིགས་ན་འདིར་གནོན།]}

(༤༠༦)འདི་ལ་དེ་པ་ཐམས་ཅད་ཀྱི་ཆོས་ཀྱི་དམ་ཚིག་ཅེས་གསུངས་པའི་ཆོས་ནི་པདྨའི་རིགས་རྣམས་ཏེ་རང་བཞིན་དག་པའི་ཆོས་མཁྱེན་པའི་ཤེར་ཕྱིན་གྱི་ངོ་བོ་ཉིད་ཡིན་པས་སོ། །དམ་ཚིག་ནི་རྒྱུའི་དོན་ཏེ། རིགས་དེ་སྤྲུལ་པའི་རྒྱུ་ཡིན་པའོ། །དེ་པ་ཐམས་ཅད་ཀྱི་སྙིང་པོ་ཞེས་པ་ནི་ཐུགས་ཀའི་སེམས་དཔའི་རྡོ་རྗེའི་ངོ་བོ་ཉིད་ཡིན་པའོ། །དེ་ཕྱུང་མ་ཐག་ཏུ་སོགས་ཀྱིས་ནི་ཧྲཱིཿ ཞེས་བྱ་བའི་སྙིང་པོ་འདིས་པདྨའི་རིགས་ཐམས་ཅད་སྤྲུལ་ཚུལ་དང་། སྤྲུལ་ནས་རང་གི་རིགས་དང་མཐུན་པའི་མཛད་པ་མཛད་ཚུལ་རྣམས་སྟོན་ཏེ། ཀུན་སྙིང་ལྟར་བྱས་སོ། །དཔལ་མཆོག་ལས་ཀྱང་། དེ་ནས་དེ་བཅོམ་ལྡན་འདས་དེ་བཞིན་གཤེགས་པ་ངོ་བོ་ཉིད་དག་པའི་ཆོས་ཉིད་ཐོབ་པས་ཡང་ཆོས་ཐམས་ཅད་ཀྱི་མཉམ་པ་ཉིད་སྤྱན་རས་གཟིགས་དབང་ཕྱུག་གི་ཡེ་ཤེས་ཀྱི་ཕྱག་རྒྱ་ཞེས་བྱ་བ་ཤེས་རབ་ཀྱི་ཕ་རོལ་ཏུ་ཕྱིན་པའི་ཚུལ་འདི་གསུངས་ཏེ། འདོད་ཆགས་ཐམས་ཅད་རྣམ་པར་དག་པ་ཉིད་ཀྱིས་འཇིག་རྟེན་ན་ཞེ་སྡང་ཐམས་ཅད་རྣམ་པར་དག་པར་འགྱུར་རོ། །དྲི་མ་ཐམས་ཅད་རྣམ་པར་དག་པ་ཉིད་ཀྱིས་འཇིག་རྟེན་ན་སྡིག་པ་ཐམས་ཅད་རྣམ་པར་དག་པར་འགྱུར་རོ། །ཆོས་ཐམས་ཅད་རྣམ་པར་དག་པས་འཇིག་རྟེན་ན་སེམས་ཅན་ཐམས་ཅད་རྣམ་པར་དག་པར་འགྱུར་རོ། །ཤེས་པ་ཐམས་ཅད་

― TN03_Page_0623 ―

^{[མ་དཔེ་གཟིགས་ན་འདིར་གནོན།]}

(༤༠༧)རྣམ་པར་དག་པས་འཇིག་རྟེན་ན་ཤེས་རབ་ཀྱི་ཕ་རོལ་ཏུ་ཕྱིན་པ་རྣམ་པར་དག་པར་འགྱུར་རོ། །ཞེས་པ་ནས། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་དོན་གྱི་གནས་འདི་ཉིད་ཡང་རྒྱ་ཆེར་སྟོན་ཅིང་བཞིན་རབ་ཏུ་འཛུམ་དམུལ་ཏེ། པདྨའི་འདམ་མཁའ་བྱེད་པས་འདོད་ཆགས་ལ་སོགས་པའི་དྲི་མས་མི་གོས་པ་ལ་བལྟ་ཞིང་། འགྲོ་བ་ཐམས་ཅད་ཀྱི་ཕྱིར་པདྨའི་གཟུགས་སྣ་ཚོགས་ཞེས་བྱ་བའི་སྙིང་པོ་འདི་གསུངས་སོ། །ཧྲཱིཿ དེ་ནས་འདི་གསུངས་པ་ཙམ་གྱིས་པདྨ་ཆེན་པོ་དེ་ལས་དེ་བཞིན་གཤེགས་པ་ལ་སོགས་པའི་གཟུགས་ཐམས་ཅད་བཅོམ་ལྡན་འདས་སྤྱན་རས་གཟིགས། དང་འདྲ་བའི་པདྨས་མཚན་པའི་གཟུགས་ཅན་ངེས་པར་བྱུང་ནས་བཅོམ་ལྡན་འདས་སྤྱན་རས་གཟིགས་དབང་ཕྱུག་གི་རིམ་པ་དང་པོའི་དཀྱིལ་འཁོར་གྱི་ཚུལ་དུ་བཞུགས་པར་གྱུར་ཏོ། །ཞེས་གསུངས་ཏེ། དོན་གྱི་གནས་འདི་ཉིད་ཅེས་པ་ནི། འདོད་ཆགས་རྣམ་པར་དག་པ་སོགས་གོང་གི་གཞུང་ཚན་བཞིས་བསྟན་པ་རྣམས་ཏེ། ཡང་རྒྱ་ཆེར་སྟོན་ཅིང་ཞེས་པ་ནི་ཧྲཱིཿཞེས་བྱ་བའི་ཡི་གེ་སྤྲུལ་པའི་སྒོ་ནས་སླར་ཡང་སྟོན་པར་མཛད་པའོ། །འགྲོ་བ་ཐམས་ཅད་ནི་པདྨའི་རིགས་རྣམས་ཏེ། །དེ་ཡོངས་སུ་རྫོགས་པར་སྐྱེད་པའི་ཕྱིར་སྙིང་པོ་འབྲུ་

― TN03_Page_0624 ―

^{[མ་དཔེ་གཟིགས་ན་འདིར་གནོན།]}

(༤༠༨)གཅིག་འདི་གསུངས་པའོ། །པདྨའི་གཟུགས་སྣ་ཚོགས་པ་ཞེས་པ་ནི་སྙིང་པོའི་ཡི་གེ་ཧྲཱིཿཞེས་པ་འདིའི་མིང་ངོ་ཞེས་དཔལ་མཆོག་འགྲེལ་ཆེན་ལས་སོ། །པདྨའི་གཟུགས་སྣ་ཚོགས་ཅེས་བྱ་བའི་སྙིང་པོ་ཞེས་པ་འདི་ལ་ཤེར་དུམ་གྱི་འགྲེལ་པར། འགྲོ་བ་ཐམས་ཅད་ཀྱི་གཟུགས་སུ་སྣང་བས་ན་གཟུགས་སྣ་ཚོགས་དང་། དེ་ལྟར་སྣང་ཡང་འཁོར་བའི་ཉེས་པ་རྣམས་ཀྱིས་མི་གོས་པས་ན་པདྨ། དེ་འདྲའི་སྙིང་པོ་དངོས་ནི་གཟུགས་ཀུན་སྙིང་གི་ཐམས་ཅད་ངེས་པར་སྟོན་པའི་ཡེ་ཤེས་ཉིད་ཡིན་ཡང་། །དེ་མཚོན་པར་བྱེད་པའི་ཧྲཱིཿཡིག་ལ་བཏགས་ནས་བསྟན་གསུངས། འདི་གསུངས་པ་ཙམ་གྱིས་སོགས་ནི། སྙིང་པོ་འདིའི་མཐུས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཕྲ་རབ་དང་མཉམ་པའི་དེ་བཞིན་གཤེགས་པ་ལ་སོགས་པ་ཐམས་ཅད་པདྨའི་རིགས་ཀྱི་རྣམ་པར་གྱུར་ནས་འཕགས་པ་སྤྱན་རས་གཟིགས་ཀྱི་ཕྱག་མཚན་པདྨོ་ལས་བྱུང་ཞེས་པདྨའི་རིགས་སྤྲོ་བྱེད་དུ་གསུངས་པའོ། །མན་སྙེ་ལས། ཧྲཱིཿནི་གསལ་བར་གྱིས་ཤིག་པ་སྟེ། ཉེ་བ་མ་ཡིན་པ་ཉེ་བར་གྱུར་པ་གསལ་པོར་གྱིས་ཤིག་པའོ། །ཞེས་སྐབས་གཞན་དུ་བཤད་དེ། ཤེར་ཕྱིན་གྱི་ས་བོན་ཡིན་པ་དང་གསལ་བར་བྱེད་པ་ལ་སྦྱར་བ་གཉིས་གནད་འདྲ་བར་མཐོང་ཞེས་དམ་པ་དག་འཆད། དེ་དཔལ་མཆོག་དང་སྒྲིགས་ན།

― TN03_Page_0625 ―

^{[མ་དཔེ་གཟིགས་ན་འདིར་གནོན།]}

(༤༠༩)པདྨ་ལྟར་གོས་པ་མེད་པའི་ཤེར་ཕྱིན་གྱི་རིགས་ཀྱི་གཟུགས་སྣ་ཚོགས་གསལ་བར་གྱིས་ཞེས་པར་བཤད་དགོས་པ་འདྲ། གྲོལ་ཐིག་གཏེར་གཞུང་དུ། ཆོས་ཀྱི་དབྱིངས་མཐའ་དང་དབུས་མེད་པར་སྟོན་པར་བྱེད་པའི་ཡི་གེ་ཧྲཱིཿ ཞེས་པ་ལྟར་ན། རྒྱུད་བླ་མར། གཞལ་མེད་གྲངས་མེད་མི་མཉམ་དང་། །སོགས་ངོ་བོ་ཉིད་སྐུ་ཁྱད་པར་ལྔ་ལྡན་དུ་གསུངས་པ་ལྟར། ཤེར་ཕྱིན་གྱི་མཐུས་ཆོས་ཀྱི་དབྱིངས་ཀྱི་གཏིང་གཡོགས་པ་ཐམས་ཅད་དང་བྲལ་བའི་ཚུལ་གྱིས་ས་ལེར་གསལ་བར་གྱིས་ཤིག་ཅེས་འཆད་ཚུལ་ཡང་ཡོད་དམ་སྙམ། ཡིག་དྲུག་གི་སྔགས་དོན་ལ། ཨོཾ་ནི་ཨ་ཨུ་མ་གསུམ་གྱིས་སྐུ་གསུང་ཐུགས་གསུམ་མཚོན་ལ། དེ་གསུམ་གཅིག་ཏུ་སྦྱར་བའི་ཨོཾ་ཡིག་གིས་རྡོ་རྗེ་གསུམ་དབྱེར་མེད་པའི་གོ་འཕང་མཚོན་ཏེ། སྔགས་དོན་དེ་ལྟར་དྲན་ནས་བརྗོད་པས་མཆོག་སྩོལ་ཞིང་བསོད་ནམས་ལེན་པའི་ཕྱིར་ནོར་བུ་འཛིན་པ་ཞེས་རྡོ་རྗེ་རྩེ་མོར་རོ། །དེ་ནས་ནི། རྡོ་རྗེ་གུར་གྱི་ལེའུ་བཅོ་ལྔ་པར་ཡིག་དྲུག་འདི་ནད་ཐམས་ཅད་ཞི་བར་བྱེད་པའི་སྔགས་སུ་གསུངས་པའི་འགྲེལ་པར་ལྷའི་རིགས་ཀྱི་བློ་གྲོས་ཆེན་པོས། །མ་ི་ཞེས་བྱ་བ་ནི་ཤིན་ཏུ་རིན་ཐང་མེད་པའི་ནོར་བུ་དང་འདྲ་བའི་སོ་སོར་རྟོག་པའི་ཡེ་ཤེས་སོ། །ཅི་སྟེ་ཡེ་ཤེས་སོ་སོར་རྟོག་

― TN03_Page_0626 ―

^{[མ་དཔེ་གཟིགས་ན་འདིར་གནོན།]}

(༤༡༠)པ་ཡིན་ན་རྟོག་པ་དང་བཅས་པར་མི་འགྱུར་རམ་ཞེ་ན། པདྨ་ཞེས་བྱ་བ་སྨོས་ཏེ། ཅི་ལྟར་པདྨ་འདམ་གྱིས་མ་གོས་པ་ལྟར་ཡེ་ཤེས་དེ་རྟོག་པའི་སྐྱོན་གྱིས་གོས་པ་མེད་དོ་ཞེས་བྱ་བའི་དོན་ཏོ། །དེ་ཉིད་ཀྱི་ཕྱིར་ཧཱུཾ་ཕཊ་ཅེས་བྱ་བ་སྨོས་ཏེ། ཧཱུཾ་ཞེས་བྱ་བ་ནི་གཟུང་བ་དང་འཛིན་པས་སྟོང་པའི་ཡིད་དོ། །ཕཊ་ཅེས་བྱ་བ་ནི་རྣམ་པར་རྟོག་པ་འདྲལ་བའོ། །ཞེས་གསུངས་ཏེ། སོར་རྟོག་ཡེ་ཤེས་ནོར་བུའི་རྒྱལ་པོ་དང་འདྲ་ཚུལ་ནི་མདོ་རྒྱན་ལས། སོ་སོར་རྟོག་པའི་ཡེ་ཤེས་ནི། །ཤེས་བྱ་ཀུན་ལ་རྟག་མི་ཐོགས། །ཏིང་ངེ་འཛིན་དང་གཟུངས་རྣམས་ཀྱི། །གཏེར་དང་འདྲ་བ་ཁོ་ན་ཡིན། །འཁོར་གྱི་དཀྱིལ་འཁོར་རྣམས་སུ་ནི། །འབྱོར་པ་ཐམས་ཅད་སྟོན་མཛད་པ། །ཐེ་ཚོམ་ཐམས་ཅད་གཅོད་བྱེད་པའི། །ཆོས་ཆེན་ཆར་ནི་རབ་ཏུ་འབེབས། །ཞེས་འཕགས་པ་སངས་རྒྱས་ཀྱིས་ལ་བརྟེན་ནས་བཤད་དོ། །ཡེ་ཤེས་དེ་སོ་སོར་རྟོག་པ་ཡིན་ན་རྣམ་པར་མི་རྟོག་པའི་ཡེ་ཤེས་སུ་མི་འཐད་དོ་ཞེ་ན། །རྟོག་པ་ནི་མི་གསལ་བ་སྟེ། འདམ་གྱིས་སྦགས་པས་ནག་ནོག་ཏུ་འགྱུར་བ་དང་འདྲའོ། །ཡེ་ཤེས་འདི་ནི་སོར་རྟོག་ཡིན་ཡང་ཤེས་བྱ་ཐམས་ཅད་མངོན་སུམ་དུ་བལྟ་བ་ལ་བཀྲ་ཞིང་ཤིན་ཏུ་གསལ་བའི་ཡོན་ཏན་གྱིས་མཛེས་པས་སམ། འཁྲུལ་པའི་བག་

― TN03_Page_0627 ―

^{[མ་དཔེ་གཟིགས་ན་འདིར་གནོན།]}

(༤༡༡)ཆགས་ཀྱི་གཉིད་མ་ལུས་པ་སད་པས་ཤིན་ཏུ་རྒྱས་ཤིང་ཁ་ཕྱེ་བས་ན་པདྨ་ལྟ་བུར་བཤད་ཅེས་འཆད་དམ། པདྨ་འདམ་ལས་སྐྱེས་ཀྱང་ཆུ་ཞག་དང་ཉ་ལྕི་བས་སོགས་འདམ་གྱི་ཉེས་པ་རྣམས་ཀྱིས་མ་སྦགས་པ་ལྟར། ཡེ་ཤེས་དེ་མིང་ཚིག་ཡི་གེའི་རྣམ་པ་ཅན་གྱི་རྟོག་པ་ཡོངས་སུ་གྱུར་པ་ལས་སྐྱེས་ཀྱང་། ཕྱིན་ཅི་ལོག་གི་ཆ་ཐམས་ཅད་ལོག་པའི་ཕྱིར་གཉིས་སྣང་འཁྲུལ་པའི་རྟོག་པ་གཏན་མིན་ཞེས་པ་སྟེ། སངས་རྒྱས་ལ་ཞེན་རིག་གི་རྟོག་པ་མེད་ཀྱང་ཐ་སྙད་བྱེད་པའི་བློ་རིགས་ཡོད་དགོས་ཏེ། སོ་རིག་བཞིས་ཤེས་པའི་ཕྱིར་རོ། །དེས་ན་གཉིས་སྣང་གི་འཁྲུལ་པའི་རབ་རིབ་མཐའ་དག་དང་བྲལ་བའི་སོ་སོར་རྟོག་པའི་སྤྱན་ཤིན་ཏུ་གསལ་བ་ཡིན་ཞེས་ཧཱཾུ་གིས་བསྟན་ཏོ། །འདི་ལྟར་ན་སོར་རྟོག་ཡེ་ཤེས་གཅིག་པོ་དེ་གདུལ་བྱའི་བསམ་པ་རྫོགས་པར་མཛད་པའི་ཆ་ནས་ནོར་བུ་དང་། དེ་ཉིད་གདུལ་བྱའི་བསམ་པ་ཐ་དད་པ་དང་། དེ་ལ་ཇི་ལྟར་འཚམས་པའི་ཆོས་ཀྱི་ལོངས་སྤྱོད་སྣ་ཚོགས་པ་ཐམས་ཅད་མ་འཛིང་བར་འབྱེད་པའི་སོར་རྟོག་ཡིན་ཡང་། རྟོག་པའི་སྐྱོན་གྱིས་མ་གོས་པར་མི་འགལ་བའི་ཆ་ནས་པདྨ་སྟེ་གཉིས་ཀར་འཇོག་པར་གསལ་ལོ། །ད་དུང་གོ་བདེར་བཤད་ན། སོར་རྟོག་ཡེ་ཤེས་ནི་རྣམ་པར་རྟོག་པ་མེད་པའི་ཕྱིར་

― TN03_Page_0628 ―

^{[མ་དཔེ་གཟིགས་ན་འདིར་གནོན།]}

(༤༡༢)དང་། འགྲོ་བའི་རེ་བ་སྐོང་བའི་མཐུ་ཕུལ་དུ་བྱུང་བའི་ཕྱིར་མ་ི་སྟེ་ནོར་བུའི་རྒྱལ་པོའོ། །དེ་རྣམ་རྟོག་མེད་པར་མི་འཐད་དེ། སོར་རྟོག་ཡིན་པའི་ཕྱིར་རོ་ཞེ་ན། དེ་རྟོག་པ་ལས་སྐྱེས་ཀྱང་། རྟོག་པའི་དྲི་མས་མ་བསླད་པར་སྐྱེས་ཏེ། པདྨ་འདམ་ལས་སྐྱེས་ཀྱང་འདམ་གྱི་ཉེས་པས་མ་གོས་པར་སྐྱེ་བ་བཞིན་ནོ། །དེར་མ་ཟད་སོར་རྟོག་དེ་ཉིད་ཀྱི་མཐུས་གཟུང་འཛིན་འཁྲུལ་པའི་གཡེང་བའི་གནས་ངན་ལེན་གྱི་ཆ་མ་ལུས་པ་འཇོམས་ཤིང་འགོག་པས་ན་ཧཱུཾ་ཞེས་སོ། །བདེ་ཆེན་ཤེས་རབ་སྙིང་རྗེ་མཆོག །ཅེས་པའི་སྒྲུབ་ཐབས་སུ་དཔལ་མི་ཏྲ་ཛོ་ཀིས་ནི། ཨོཾ་མ་ི་ཧཱུཾ། ཤེས་རབ་ཆེན་པོ་དྲི་མ་མེད། །རྣམ་པར་ཤེས་ཀུན་མཚན་ཉིད་དེ། །མ་སྐྱེས་མི་གནས་འགག་པ་མེད། །གདོད་ནས་རྣམ་གྲོལ་མངོན་སུམ་པ། ཨོཾ་ཨཱ་ཿཧྲཱིཿཔདྨེ་ཧཱཱུཾ། སྙིང་རྗེ་ཆེན་པོ་ལྷུན་གྱིས་གྲུབ། །དམིགས་པ་ཀུན་གྱི་མཚན་ཉིད་དེ། །མི་ཕྱེད་མི་འགྱུར་འབྲལ་བ་མེད། །སྐྱོ་མེད་རེ་བ་རྣམ་སྤངས་པའོ། །ཞེས་བཤད་དེ། མ་ི་ནི་ཤེས་རབ་ཀྱི་ཕར་ཕྱིན་ཏེ་རྣམ་རྟོག་མེད་ཅིང་། མཐུ་བསམ་གྱིས་མི་ཁྱབ་པའི་ཕྱིར་རོ། །པདྨ་ནི་སྙིང་རྗེ་ཆེན་པོ་སྟེ། འདམ་རྫབ་ལྟ་བུའི་འཁོར་བ་ལ་བརྟེན་ནས་སམ་དམིགས་ནས་སྐྱེ་བ་དང་། སེམས་ཅན་ཐམས་ཅད་དགའ་བར་བྱེད་པའི་ཕྱིར་རོ། །དེའང་

― TN03_Page_0629 ―

^{[མ་དཔེ་གཟིགས་ན་འདིར་གནོན།]}

(༤༡༣)བྱང་སེམས་ཀྱི་མཉམ་བཞག་ཏུ་ནི་སྙིང་རྗེས་ཟིན་པའི་ཤེས་རབ་མངོན་གྱུར་དུ་འཇུག་སྟེ། སྤང་བྱ་དངོས་སུ་སྤོང་བ་སོགས་ལ་འདི་ཁོ་ན་དགོས་ཤིང་། སྙིང་རྗེའི་མཐུ་དང་བྱེད་ལས་གཞན་ཡང་དེ་ལ་ཡོད་དོ། །རྗེས་ཐོབ་ཏུ་ནི་ཤེས་རབ་ཀྱིས་ཟིན་པའི་སྙིང་རྗེ་སྟེ་དམིགས་མེད་ཀྱི་སྙིང་རྗེ་ཆེན་པོ་མངོན་དུ་འགྱུར་ཏེ། གཞན་དོན་གྱི་བྱ་བ་དངོས་སུ་སྒྲུབ་པ་སོགས་ལ་འདི་ཁོ་ན་དགོས་ཤིང་། ཤེས་རབ་ཀྱི་མཐུ་དང་བྱེད་ལས་གཞན་ཡང་དེ་ལ་ཡོད་དོ། །སངས་རྒྱས་ཀྱིས་ན་ནི་དེ་གཉིས་ཀ་བློ་གཅིག་ལ་མངོན་གྱུར་དུ་ལྡན་པས་སྲིད་ཞིའི་མཐའ་གཉིས་ལ་མི་གནས་པའི་བྱང་ཆུབ་ཅེས་བརྗོད་པ་ཡིན་ཏེ། འདི་དག་ནི་ལམ་དང་འབྲས་བུའི་དུས་ཀུན་ཏུ་མ་ི་དང་པདྨེ་གཉིས་མི་འབྲལ་བར་ཕན་ཚུན་གྲོགས་སུ་འཇུག་པའི་ཚུལ་ལོ། །ཐེག་ཆེན་གྱི་བསམ་སྦྱོར་གཉིས་ལས་བསམ་པ་སྙིང་རྗེ་ཆེན་པོ་པདྨེ་དང་། སྦྱོར་བའམ་སྤྱོད་པའི་གཙོ་བོ་དང་རབ་མཆོག་ཤེར་ཕྱིན་མ་ིར་བཞག་པས། རྡོ་རྗེ་རྒྱལ་མཚན་གྱི་བསྔོ་བ་དང་ས་བཅུ་པར་བཤད་པའི་སྨོན་ལམ་འབུམ་ཕྲག་གྲངས་མེད་བཅུ་སོགས་པདྨེར་སྡུད་ཅིང་། སྦྱིན་སོགས་ཕར་ཕྱིན་སྔ་མ་ལྔ་མ་ིར་བསྡུ་བ་འདྲ། ཕྱི་མ་ཅུང་ཟད་བཤད་ན། དཔེར་ན་མ་རིག་པ་ནི་མ་འདྲེས་པའི་མ་རིག་པ་ཙམ་དུ་མ་ཟད་ཀྱི། ཆགས་སོགས་ཉོན་མོངས་

― TN03_Page_0630 ―

^{[མ་དཔེ་གཟིགས་ན་འདིར་གནོན།]}

(༤༡༤)པའི་སྒོ་སྣ་ཚོགས་དང་བསྡོངས་ནས་ཕྱི་ཕྱིར་སྟོབས་རྒྱས་པར་འགྱུར་བས། ཆགས་སོགས་དེ་དག་ནི་མ་རིག་པའི་དཔུང་གྲགས་སོ། །དེ་བཞིན་དུ་ཤེར་ཕྱིན་ཡང་རང་རྐྱང་ཙམ་སྒོམ་པ་མིན་གྱི། །སྦྱིན་སོགས་རྒྱ་ཆེ་བའི་སྤྱོད་ཕྱོགས་ཐམས་ཅད་དེས་མ་ཟིན་པ་མེད་པར་བྱས་ཏེ་སྦྱང་བས། སྒོ་སྣ་ཚོགས་ཤིག་ནས་ཤེར་ཕྱིན་སྟོབས་རྒྱས་པར་འགྱུར་ཏེ། །དེས་ན་རྣམ་ཀུན་མཆོག་ལྡན་གྱི་སྟོང་ཉིད་ཅེས་རི་མོ་མཁན་དུ་མས་འཁོར་སྒྱུར་གྱི་གཟུགས་གཅིག་འབྲི་བའི་དཔེས་མདོ་དང་རྒྱུད་བླ་མར་བཤད་པའི་རིགས་པས་མཚན་ཉིད་ཡོངས་སུ་རྫོགས་པའི་ཤེར་ཕྱིན་གྱི་རྟོགས་པ་རྙེད་པ་ནི་ཚོགས་མཐའ་ཡས་པ་ལ་ལྟོས་པས། ཚོགས་དེ་དག་ནི་དེའི་དོན་དུ་གསུངས་སོ། །རྐང་པ་གཉིས་པ་གཉིས་ཀྱི་དོན་ནི། མ་ིར་འཇོག་རྒྱུའི་ཤེས་རབ་དེ་ཤེས་པ་རྣམ་པར་དག་པ་རང་དོན་ཕུན་ཚོགས་ཟབ་པ་ཡེ་ཤེས་ཆོས་སྐུའི་ངོ་བོ་ཉིད་དང་། པདྨེར་འགྲོ་རྒྱུའི་སྙིང་རྗེ་དེ་དམིགས་པའམ་ཤེས་བྱ་རྣམ་པར་དག་པ་གཞན་དོན་ཕུན་ཚོགས་རྒྱ་ཆེ་བ་གཟུགས་སྐུའི་མཚན་ཉིད་དམ་འཇོག་བྱེད་ཡིན་པ་སྟེ། དེ་ལྟར་ན་སྔར་ཕྱག་མཚན་ཐད་དུ་བརྗོད་པ་ལྟར་བྱས་ཀྱང་འགྲིགས་པ་ཡོད། །།།པདྨ་ཞེས་བྱ་རྒྱུ་ལ། པདྨེ་ཞེས་སྦྱར་བ་ནི་བོད་པའི་དོན་ཏེ། ནོར་བུ་པདྨ་ཞེས་སྤྱན་རས་གཟིགས་ལ་ཉེ་བའི་སྒོ་ནས་བོད་པའི་དོན་ཡིན་པས་འཕགས་པའི་ཐུགས་རྒྱུད་རང་ལ་ཉེ་ལྷང་བ་ལྟ་བུར་ཡོད་པར་

― TN03_Page_0631 ―

^{[མ་དཔེ་གཟིགས་ན་འདིར་གནོན།]}

(༤༡༥)བསྒོམ་ལ་བཟླ་ཞེས་རྒྱལ་དབང་དགེ་འདུན་རྒྱ་མཚོས་བཤད། དེའང་ཐེག་ཆེན་གཉིས་ཀྱི་ཐུན་མོང་ལྟར་ཡིན་ལ། ད་དུང་བྱ་རྒྱུད་པའི་ཟབ་རྒྱ་ཆེའི་ལམ་གཉིས་སྒྲུབ་ཚུལ་ནས། །སྔགས་བླ་ན་མེད་པའི་ཤེས་པ་འོད་གསལ་དང་། ཤེས་བྱ་ཡེ་ཤེས་ཀྱི་སྐུ་སྒྲུབ་ལུགས་ཀྱི་བར་སོ་སོར་སྦྱར་ནས་བཤད་ན་རླབས་ཆེའོ། །ཡང་སྒྲུབ་ཐབས་དེ་ཉིད་ལས། རྣལ་འབྱོར་རྒྱལ་པོ་ཤེས་རབ་ཐབས། །རིག་འཛིན་དཀྱིལ་འཁོར་བླ་ན་མེད། །དཔལ་ལྡན་ཕ་རོལ་ཕྱིན་དྲུག་དངོས། ཆོ་གའི་དམ་པ་འདི་གསུངས་སོ། །ཨོཾ་མ་ི་པདྨེ་ཧཱུཾ། གསང་སྔགས་རྒྱལ་པོ་ཡི་གེ་དྲུག ལུགས་འབྱུང་བ་དང་ལུགས་བཟློག་ལས། །རྒྱུད་དྲུག་འགོག་དང་ལམ་དྲུག་སྦྱོང་། །འབྲས་བུ་དྲུག་ལ་རབ་སྦྱོར་ཉིད། །དེ་བཞིན་རྒྱུད་དྲུག་བསྐྱེད་པ་དང་། །ལམ་དྲུག་ལ་ནི་སྦྱོར་བ་དང་། །འབྲས་བུ་དྲུག་ནི་མངོན་དུ་བྱ། །གཟི་བརྗིད་དྲུག་པ་ཞེས་བཤད་དོ། །ཞེས་ཡི་གེ་དྲུག་པོ་ཕ་རོལ་ཏུ་ཕྱིན་པ་དྲུག་གི་ངོ་བོ་ཉིད་དང་། འགྲོ་བ་དྲུག་སྦྱོང་བྱེད་སོགས་སུ་གསུངས་ཏེ། འདི་ནི་སྲོང་བཙན་བཀའ་འབུམ་དང་། བཀའ་གདམས་གླེགས་བམ་སོགས་སུའང་བཤད་དོ། །སྲོང་བཙན་བཀའ་འབུམ་ན་གཞན་ཡང་། རྡོ་རྗེ་དང་རིན་པོ་ཆེ་ལ་སོགས་པ་རིགས་ལྔ་རིགས་ཐམས་ཅད་བསྡུས་པ་དང་བཅས་པའི་དྲུག་གི་ངོ་བོར་སྦྱོར་ཚུལ་དང་། ཡེ་ཤེས་ལྔ་ལྷན་སྐྱེས་

― TN03_Page_0632 ―

^{[མ་དཔེ་གཟིགས་ན་འདིར་གནོན།]}

(༤༡༦)ཡེ་ཤེས་དང་དྲུག་ལ་སྦྱར་བ་དང་། སྐུ་གསུང་ཐུགས་ཡོན་ཏན་ཕྲིན་ལས་ལྔའི་བྱིན་རླབས་སོ་སོར་འབེབས་པ། བྱིན་རླབས་ཐམས་ཅད་ཐོགས་མེད་དུ་འབྱུང་བ་དང་བཅས་པའི་དྲུག་ལ་སྦྱར་བ་དང་། དུག་ལྔ་ཉོན་མོངས་སྤྱི་དང་དྲུག་སྦྱོང་བྱེད་དུ་སྦྱར་བ། འབྱུང་བ་ལྔ་སོ་སོ་དང་ཐམས་ཅད་འདུས་པ་སྟེ་དྲུག་ལ་སྦྱར་བ་སོགས་ཆེས་མང་དུ་གསུངས་ཤིང་། ཕྱིན་དྲུག་དང་སྦྱོར་ཚུལ་ལ་ཡང་། ཨོཾ་སྦྱིན་པ་ནས། ཧཱུཾ་ཤེས་རབ་ཀྱི་བར་གོ་རིམ་བཞིན་དུ་སྦྱར་བ་དང་། ཨོཾ་ཤེས་རབ། མ་བསམ་གཏན།ི་ཚུལ་ཁྲིམས། པད་བརྩོན་འགྲུས། མེ་སྦྱིན་པ། ཧཱུཾ་བཟོད་པ་དང་སྦྱར་ཏེ་བསྟན་པ་སོགས་དེ་ཉིད་དུ་ལྟ་བར་བྱའོ། །ལྷན་སྐྱེས་རོལ་པས་མཛད་པའི་སྒྲུབ་ཐབས་སུ། སངས་རྒྱས་ཐམས་ཅད་ཀྱི་སྙིང་པོ་རྟོག་པའི་སྔགས་ཀྱི་རྒྱལ་པོ་ཡིད་བཞིན་གྱི་ནོར་བུ་འདི་མཚན་མ་མེད་པའི་སྦྱར་བས་བལྟ་ཞིང་བཟླས་པ་བྱའོ། །ཨོཾ་མ་ི་པདྨེ་ཧཱུཾ། ཞེས་སོགས་རྒྱ་གཞུང་རྣམས་ལས་ཡིག་དྲུག་ཁོ་ན་འབྱུང་ཡང་། །གཏེར་ཕྱོགས་སུ་ཡིག་བདུན་མང་ལ། །དེའི་རྒྱུ་མཚན་ཡང་བྱང་གཏེར་ལས། ཕྱི་ནི་སྲོག་སྦས་ཞི་བའི་ཚུལ༔ ཡི་གེ་དྲུག་པ་རྡོ་རྗེའི་སྒྲ༔ ཞེས་པ་ནས། གསང་བ་སྲོག་གི་མཐའ་རྟེན་ཅན༔ སྙིགས་མའི་དུས་སུ་སྲོག་མཐར་རྟེན༔ ཞེས་གསུངས་ཏེ། སྤྱིར་ཡིག་དྲུག་རང་ཡང་ཐུགས་སྲོག་སྐུལ་བའི་སྔགས་

― TN03_Page_0633 ―

^{[མ་དཔེ་གཟིགས་ན་འདིར་གནོན།]}

(༤༡༧)ལས་མ་འདས་མོད། འོན་ཀྱང་སྐུལ་བྱེད་ཡིག་དྲུག་དང་། བསྐུལ་བྱ་སྲོག་ཡིག་གཉིས་ཀ་དངོས་སུ་སྦྲེལ་ནས་བཟླས་ན་ཐུགས་རྗེ་གནད་ནས་སྐུལ་བ་ལ་ལྷག་པར་རྣོ་བས། སྔགས་འགྲུབ་པར་དཀའ་བའི་དུས་སུ་འདི་གཙོ་བོར་གཟུང་ཞེས་པ་ཡིན་ནམ་དཔྱད། །ཛབ་དབྱངས་ནི། མོས་གུས་གདུང་དབྱངས་ཀྱི་ཛབ་རྔ་མོ་བུ་སྟོར་བ་ལྟ་བུ་སོགས་ཉེར་གཅིག་བཀའ་འབུམ་དུ་བཤད། །སྒྲུབ་སྔགས་ཐད། ལྷ་མོ་ཡི་གེ་དྲུག་མ་བླ་མེད་ལུགས་ཀྱི་བསྙེན་སྔགས་ཡིག་བདུན་དང་། སྒྲུབ་སྔགས་དྷུ་མ་གྷ་ཡེ་ལ་མཛད་པ་སྟེ། ཡི་གེ་དྲུག་མ་བླ་མེད་ལུགས་ཀྱང་མང་པོ་ཡོད་ཆོག་ཀྱང་གཙོ་བོ་གཅིག་གསང་ཡེ་སྟེ། །གྲོལ་ཐིག་ཏུ། གསང་ཡེ་འདི་གོས་དཀར་མོར་ཡང་བཤད། དེ་ལྟར་བྱས་ན་སྒྲོལ་མ་བླ་མེད་ལུགས་ཀྱི་སྔགས་ཡིག་བཅུར་བྱས་པ་ལྟ་བུར་སྣང་། བསྙེན་སྔགས་གཙོ་བོ་ཡབ་ཡུམ་གྱི་ཐུན་མོང་དང་། སྒྲུབ་སྔགས་སོ་སོར་མཛད་པའོ། །བསྙེན་དུས་གཙོ་བོ་ཡབ་ཡུམ་གྱི་སྔགས་གཅིག་དྲིལ་དང་། སྒྲུབ་དུས་སོ་སོར་ཕྱེ་སྟེ་སྦྲེལ་བ་རེད་པས་ཡབ་ཡུམ་གྱི་སྐུ་དྲིལ་སྒྲུབ་ཏུ་མ་ཟད་གསུང་ཡང་དྲིལ་སྒྲུབ་ཏུ་འགྲོ་བའི་ཟབ་ཁྱད་སྣང་། ཡུམ་གྱི་སྒྲུབ་སྔགས་ལ་ཨོཾ་ལོགས་སུ་མེད་པ་ནི་སྒྲུབ་སྔགས་ཀྱི་ཐོག་མའི་ཨོཾ་དེ་ཡབ་ཡུམ་སྔགས་གཉིས་ཀའི་ཐུན་མོང་གི་མགོ་འདྲེན་དུ་མངོན་ཏེ། ཀློང་སྙིང་བདེ་རྒྱལ་ལས་ཚོགས་སུ་སྒྲོལ་མའི་ཡིག་བཅུ་ཚང་བར་མཛད་རྒྱུར་སྣང་ཡང་ཨོཾ་གཅིག་གིས་མཚོ་རྒྱལ་དང་སྒྲོལ་མ་གཉིས་ཆར་གྱི་མགོ་འདྲེན་གོ་ཆོད་མཛད་པ་ལྟ་བུ། མ་ི་བཀའ་འབུམ་གྱི་གསང་ཡེའི་སྔགས་ཀྱིས་དཔྱོད་ཚུལ་ཡང་ཡོད། ཆོས་དབྱིངས་ཀྱིས་མཐའ་ཀླས་པའི་སྣང་གྲགས་རིག་གསུམ་ཐམས་ཅད་འཕགས་པའི་གསང་གསུམ་སྒྱུ་འཕྲུལ་

― TN03_Page_0634 ―

^{[མ་དཔེ་གཟིགས་ན་འདིར་གནོན།]}

(༤༡༨)དྲྭ་བའི་འཁོར་ལོར་བལྟས་ནས་སྒོམ་པ་ནི། སྤྱན་རས་གཟིགས་ཀྱི་ཁྱད་པར་གྱི་རྣམ་ཐར་སྒྱུ་མ་ལྟ་བུའི་ཏིང་ངེ་འཛིན་ལ་སྔགས་ཀྱི་ཆོ་གའི་སྒོ་ནས་སློབ་ཚུལ་ངོ་མཚར་བ་ཡིན་ཅིང་། སྒྱུ་འཕྲུལ་དང་སྦྱར་ན། དག་པའི་སྣང་ཞེན་རྩལ་རྒྱས་ཆེད་བསམ་ཡས་ལྷུན་གྲུབ་ཀྱི་རྒྱ་སྤྲོས་སོགས་སྒོམ་པ་དང་གནད་འདྲའོ། །ཡུམ་གསང་ཡེ་ལྷ་མོ་ཡི་གེ་དྲུག་མ་ཡིན་ན་དེའི་སྔགས་ཀྱང་ཡིག་དྲུག་ཉིད་དུ་རིགས་ཀྱི། དྷུ་མ་གྷ་ཡེའི་སྔགས་ཟུར་དུ་སྟོན་མི་རིགས་སོ་ཞེ་ན། །གསང་ཡེ་ནི་འཕགས་མ་ཡི་གེ་དྲུག་མ་ཉིད་སྔགས་བླ་མེད་ཀྱི་དགོས་ལྷར་བསྟན་པ་ཡིན་ཅིང་། དེ་བཞིན་དུ་དྷུ་མ་གྷ་ཡེའི་སྔགས་ཀྱང་ཡིག་དྲུག་ཉིད་བླ་མེད་ཀྱི་ལྷན་ཅིག་སྐྱེས་མའི་དགོས་སྔགས་སུ་སྤྲུལ་པ་ཡིན་ཟེར་རམ་བརྟགས། ལས་སྦྱོར་སྐབས། ཡི་དྭགས་སུ་སྐྱེ་བའི་རྒྱལ་སེར་སྣ་གཙོ་ཆེ་ཡང་དེས་ཁྱབ་པ་ནི་གཏན་མིན་པས་འགྲོ་བ་དེར་སྨིན་རྒྱུའི་ལས་ཉོན་འབྲས་གསུམ་ཐམས་ཅད་འདིར་པྲ་ཡིག་ཏུ་དྲིལ་ནས་ནོར་བུའི་རིགས་ཀྱི་འོད་ཟེར་གྱིས་སྦྱོང་བ་ཡིན་ལ། །དེས་རྡོ་རྗེའི་རིགས་ཀྱིས་སྦྱང་བྱ་ལ་ཁོང་ཁྲོ་རྒྱུ་འབྲས་ཀྱིས་མ་ཁྱབ་པ་སོགས་ཀྱང་འགྲེ། དེ་ལ་ཨ་ནྲྀ་སོགས་ས་བོན་དྲུག་པོ་ནི་རླུང་སེམས་དང་བཅས་པའི་ཐིག་ལེའི་སྙིགས་མ་རིགས་དྲུག་སྟེ། ནྲྀ་ཡིག་ཏུ་འཇོག་རྒྱུའི་རླུང་སེམས་ཀྱི་ཐིག་ལེའི་སྟེང་ན་ཐོག་མེད་ནས་བརྒྱུད་པའི། མིའི་གནས་ལུས་

― TN03_Page_0635 ―

^{[མ་དཔེ་གཟིགས་ན་འདིར་གནོན།]}

(༤༡༩)ལོངས་སྤྱོད་སྤྱོད་ཚུལ་སོགས་མདོར་ན་མིའི་འགྲོ་བའི་ཕྱོགས་ཀྱི་ཐ་མལ་སྣང་ཞེན་གྱི་ནུས་པའི་ཆ་རྣམས་བརྟེན་ནས་གནས་པས། མིར་སྐྱེ་བའི་ལས་ཉོན་གྱི་ཆ་ཐམས་ཅད་དེའི་སྟེང་དུ་སོག་ཅིང་། ལས་ཉོན་དེ་དག་གིས་བསྐྱེད་པའི་ཕྱི་སྣོད་ཀྱི་རྒུད་པ་དང་། ནང་དུ་རྨོངས་དང་བརྗེད་ངས། ངག་ལྐུགས། དབང་པོ་ཉམས་པ། དབུལ་ཕོངས། ནད་མང་། གྲགས་ངན། འཁྲུགས་རྩོད་སོགས་འཇིགས་པ་དང་སྡུག་བསྔལ་ཐམས་ཅད་ཡི་གེ་དེ་ལས་མཆེད་པའི་སྣང་བ་ཡིན་ནོ། །དེས་གཞན་ལྔ་ཡང་ཤེས། དེའང་སྙིགས་མའི་རླུང་སེམས་དང་འགྲོགས་པའི་ཐིག་ལེ་རིགས་དྲུག་པ་དེ། ཡི་གེ་དྲུག་ཏུ་མོས་ནས་སྦྱོང་བ་ཡིན་ལ། ཡི་གེ་འདི་དྲུག་འགྲོ་བ་དྲུག་ལ་སྦྱོར་བའི་རྒྱུ་མཚན་ནི། །ངེས་ཚིག་གི་བཤད་པ་ལ་བརྟེན་པར་མངོན་ལ། འགྲོ་བ་གང་གི་ཡི་གེ་ཡིན་པ་དེ་འགྲོ་བ་དེའི་གནས་སྐབས་སྐྱེད་པའི་ཐིག་ལེའི་མཚན་མར་ཡང་འཐད་དོ། །མིའི་གནས་སྐབས་སྐྱེད་པའི་ཐིག་ལེ་མིའི་ངེས་ཚིག་དང་ལྡན་པའི་ཡི་གེའི་རྣམ་པར་བྱེད་པ་སོགས་སོ། །མཆན། འདི་དག་ཀློང་གསལ་སོགས་ལས་རྐང་མཐིལ་ལ་སོགས་པའི་གནས་དྲུག་ཏུ་སོ་སོར་བརྟེན་པར་བཤད་ཀྱང་། ཐམས་ཅད་ཀྱི་རྩ་བའི་གནས་མཐར་ཐུག་པ་ནི་སྙིང་ཀ་ཡིན་པར་སྒྱུ་འཕྲུལ་སྐོར་ལས་རྒྱས་པར་བཤད་དོ། །དེའི་ཕྱིར་འདི་དག་བཀྲུས་ན་འཁོར་བའི་སྣོད་བཅུད་ཀྱི་རྒུད་པ་མཐའ་དག་བཀྲུས་པར་འགྱུར་ཞིང་།

― TN03_Page_0636 ―

^{[མ་དཔེ་གཟིགས་ན་འདིར་གནོན།]}

(༤༢༠)དེ་དག་གི་བག་ཆགས་ནི་ཤེས་སྒྲིབ་ཡིན་པས་དེ་སྦྱང་ན་སྲིད་ཞིའི་རྒུད་པ་ཐམས་ཅད་སྦྱང་བར་ཡང་འགྲོ་སྟེ། རྟེན་འབྲེལ་སྒྲིགས་ཚུལ་ཙམ་བཤད་པར་ཟད་ཀྱི་ཤེས་སྒྲིབ་བསྐྱེད་བཟླས་ཙམ་གྱིས་ག་ལ་འདག་འབྱུང་འགྱུར་གྱི་དམྱལ་བའི་སྡུག་བསྔལ་སོགས་སྦྱོང་དམིགས་ལ་འབད་པ་ལྟར། །མ་འོངས་པ་ན་གསོག་འགྱུར་དང་བྱེད་འགྱུར་གྱི་ལས་སྒྲིབ་རྣམས། འབྱུང་འགྱུར་གྱི་ནད་སྨན་བཅུད་ཀྱིས་ལེན་གྱིས་བཀག་པ་བཞིན་དུ་རྒྱུན་གཅོད་པའི་ཕྲིན་ལས་ཀྱང་གལ་ཆེ་མོད། བསགས་ཟིན་སྦྱོང་བ་རྐྱང་ལས་མ་གོ་བ་མང་། དེ་ལྟར་ན་ལས་སྦྱོར་འདི་ནི་ཆོས་ཀྱི་དབྱིངས་ཀྱིས་གར་ཁྱབ་ཀྱི་འཇིག་རྟེན་མཐའ་དག་རང་གི་གདུལ་ཞིང་དུ་བྱིན་གྱིས་རློབ་པའི་མན་ངག་ཁྱད་པར་ཅན་ཡིན་པས་ཐད་ཀར་ཝ་ཤཾ་ཀུ་རུ་ཞེས་མ་བཟླས་ཀྱང་ཁམས་གསུམ་གྱི་དབང་ཕྱུག་སྒྲུབ་པའི་ལས་སྦྱོར་ཆེན་པོ་སྟེ། ཚན་ཆེ་ལ་བཀྲ་ཤིས་པ། དབང་སྡུད་སྟོང་གི་ནང་ན་རི་རབ་བཞིན་དུ་འཕགས་པ་ཡིན་ནོ། །ཡོ་གར་རྗེ་བཙུན་འདིས་དམིགས་མེད་ཀྱི་བརྩེ་བའི་སྒོ་ནས་ཁམས་གསུམ་གྱི་དབང་པོ་བརྙེས་པར་གསུངས་པ་དེ་གཞུང་འདིར་ཕྱག་ལེན་ལ་བཏབ་འདུག་གོ མ་ིའི་སྔགས་དོན་སྟོང་ཉིད་རྟོགས་པའི་ཤེས་རབ་དང་སྙིང་རྗེ་ཟུང་འབྲེལ་གྱི་སྒོ་ནས་བཤད་པ་དང་། ཡིག་དྲུག་ཕྱིན་དྲུག་དང་སྔགས་ཀྱི་ལྷའི་རིགས་དྲུག་ལ་

― TN03_Page_0637 ―

^{[མ་དཔེ་གཟིགས་ན་འདིར་གནོན།]}

(༤༢༡)སྦྱར་བ་ལྟར་སྔགས་དེ་ལམ་འབྲས་ཀྱི་ཆོས་དེ་དག་གི་རང་བཞིན་དུ་ང་རྒྱལ་བརྟན་པོ་བཞག་སྟེ་སྔགས་དེའི་འོད་ཟེར་རིགས་སོ་སོའི་ཚུལ་ཁྲིམས་བཟང་པོའི་ཡིག་དྲུག་སྒྲུབ་ཐབས་ལྟར། ཁ་དོག་དང་བྱེད་ལས་ཅན་གྱིས་གཞན་དོན་དེ་ལྟར་བྱེད་པའི་རྣལ་འབྱོར་ལ་སྦྱང་ན་རང་ཉིད་བྱང་ཆུབ་ཀྱི་བར་དུ་སྟོང་ཉིད་སྙིང་རྗེའི་ཐབས་ཤེས་ཟུང་འཇུག་གམ། ཕྱིན་དྲུག་གི་ཆོས་ཀྱི་འོད་ཟེར་གྱི་སྣང་བ་སྟུག་པོས་ཞིང་རབ་འབྱམས་ཀྱི་འགྲོ་བའི་རྒུད་པ་མཐའ་དག་འཕྲོགས་ནུས་ཀྱི་དཔའ་བོ་ཆེན་པོར་སྒྲུབ་པ་དང་། འདི་ནི་ཐུབ་བསྟན་སྒོ་ཐམས་ཅད་ནས་རྒྱས་པར་བྱེད་པའི་དབང་ཕྱུག་གི་མཐུ་སྒྲུབ་བྱེད་དུ་འགྲོ་ལུགས་སོ། །རང་ཉིད་ལ་བརྟེན་ནས་འཁོར་ལོ་དང་རྡོ་རྗེ་དང་རིན་པོ་ཆེ་སོགས་རིགས་དྲུག་གི་རྣམ་པར་ཐར་པའི་སྒོ་ཐམས་ཅད་ནས་དེ་བཞིན་གཤེགས་པ་རྣམས་ཀྱི་འགྲོ་འདུལ་གྱི་ཕྲིན་ལས་དུས་ཀུན་ཏུ་རྟག་པ་དང་ཕྱོགས་ཀུན་ཏུ་ཁྱབ་པ་དང་། འབད་མེད་ལྷུན་གྲུབ་ཏུ་རྒྱས་པར་འགྱུར་བའི་ཐབས་དམ་པར་ཡང་འགྲོ་བས་མཁས་པ་སྒྲུབ་བྱེད་དང་། མངོན་ཤེས་ཀྱི་མཐུ་ཅན་དང་། །ཚུལ་ཁྲིམས་དག་པ་དང་། དཔལ་འབྱོར་མི་ཟད་པ་སོགས་པདྨའི་རིགས་སམ་དམ་པའི་ཆོས་ཀྱི་རིགས་ཀྱི་ཕྲིན་ལས་ཀྱིས་འགྲོ་བ་ཐམས་ཅད་རྣམ་པར་དག་པར་ལྟ་བའི་བསམ་གཏན་ལ་གནས་པ་ནི་དམ་པའི་ཆོས་འཛིན་པའི་རྣམ་པར་ཐར་པ་སྒྲུབ་ཚུལ་

― TN03_Page_0638 ―

^{[མ་དཔེ་གཟིགས་ན་འདིར་གནོན།]}

(༤༢༢)རྨད་དུ་བྱུང་བའོ། །སྒྲུབ་ཐབས་ཀྱི་མན་ངག་ཅི་ཡང་ཟུར་དུ་བཙལ་མི་དགོས་སོ། །རྒྱུ་དང་མི་རྒྱུའི་འཇིག་རྟེན་མ་ལུས་པ་སྙིང་རྗེ་ཆེན་པོའི་ཡེ་ཤེས་སྒྱུ་མའི་རིག་སྔགས་ཀྱིས་ཤིན་ཏུ་རྣམ་དག་གི་གཟུགས་སུ་སྤྲུལ་པར་བྱེད་པའི་བསམ་གཏན་ཡིན་པའི་ཕྱིར་སྒྱུ་མ་ལྟ་བུའི་ཏིང་ངེ་འཛིན་ལ་ལྷག་པར་རྩལ་སྦྱང་བར་ཡང་འགྱུར་ལ། །དེར་མ་ཟད་རང་ཉིད་གང་དུ་འཚང་རྒྱ་བའི་ཞིང་སྦྱོང་བ་སོགས་རྫོགས་སྨིན་སྦྱང་གསུམ་གྱི་གནད་བསྡུས་པའི་མན་ངག་ཀྱང་ཡིན་ཏེ། ཉི་མ་མཁའ་ཁྱབ། ཆུ་བོ་དབྱིངས་ཁྱབ། གཡོས་ཁང་ཟས་སྦྱོར་ལ་སོགས་པ་འགྲོ་འདུལ་གྱི་ལས་ཚོགས་གཞན་མང་པོའི་གནད་ཀྱང་འདི་ལ་མ་ཚང་བ་མེད་དོ། །རྒྱལ་བའི་ཡུམ་སོགས་ལས་བྱང་སེམས་ཀྱི་འཁོར་བསྡུ་བ། ལྷའི་འཁོར་གྱི་དྲེགས་པ་འདུལ་བ། ངན་འགྲོ་སྦྱོང་བ་སོགས་ཐུབ་པས་མཛད་པ་ཕལ་ཆེར་འོད་ཟེར་གྱིས་སྒྲུབ་པར་གསུངས་པ་དང་། འོད་ཟེར་ཀུན་ཏུ་བཀྱེ་བ་བསྟན་པ་དང་། དཀོན་མཆོག་ཏ་ལ་ལས་འོད་ཟེར་གྱི་རབ་དབྱེ་དང་རྒྱུ་དང་བྱ་བའི་ཁྱད་པར་རྒྱ་ཆེར་བསྟན་པ་དང་། སྔགས་ཀྱི་དག་པ་བཞི་ལམ་བྱེད་ཀྱི་ཐད་ན། འོད་ཟེར་གྱིས་རེག་པ་ཙམ་གྱིས་སེམས་ཅན་གྲངས་མེད་པ་རྡོ་རྗེ་སེམས་དཔའི་གོ་འཕང་ལ་འགོད་པ་ལ་སོགས་པའི་མཛད་པ་དང་། ཞེས་པ་སོགས་ཀྱིས་འོད་ཟེར་སྤྲོ་བསྡུའི་དམིགས་རིམ་ལ་ངེས་པ་དྲང་བར་བྱའོ། །

― TN03_Page_0639 ―

^{[མ་དཔེ་གཟིགས་ན་འདིར་གནོན།]}

(༤༢༣)འཇིག་རྟེན་དུ་ནད་དང་། གདོན་དང་། ལྟས་ངན་དང་དབུལ་ཕོངས་དང་། འཐབ་རྩོད་དང་། འབྱུང་བཞིའི་འཇིགས་པ་སོགས་འཇིགས་པ་དང་སྡུག་བསྔལ་ཐམས་ཅད་ཞི་ནས། བདེ་སྐྱིད་བཀྲ་ཤིས་ཀྱི་དཔལ་འཕེལ་ཞིང་རྒྱས་པའི་ལས་སྦྱོར་ལའང་འདི་ལས་ཟབ་པ་མེད་དེ། །རྒྱལ་པོ་འོད་ཆེན་པོའི་རྣམ་ཐར་བཞིན་ནོ། །ལས་སྦྱོར་འདི་ཚང་མ་སྔགས་ཤམ་མེད་པར་ཡིག་དྲུག་རང་རྐྱང་བཟླས་ནས་སྒྲུབ་ལུགས་ཀྱང་། གྲུབ་དབང་ཚུལ་ཁྲིམས་བཟང་པོའི་ལུགས་དང་། ཐུགས་སྒྲུབ་བར་ཆད་ཀུན་སེལ་སོགས་ན་ཡོད་དོ། །རྟགས་མཐོང་འགྱུར༔ ཞེས་པའི་རྟགས་ནི་ཐུགས་སྒྲུབ་ཏུ། དངོས་ཉམས་འཕགས་པའི་ཞལ་མཐོང་ཞིང༔ གཞན་ཕན་སྙིང་རྗེ་རྩོལ་མེད་སྐྱེ༔ རྨི་ལམ་རྣག་ཁྲག་མི་གཙང་འབབ༔ ཁྲུས་བྱས་གོས་དཀར་གྱོན་པ་དང༔ མཁའ་ལ་འཕུར་དང་ཆུ་སྟེང་བགྲོད༔ ཉམ་ངའི་གནས་ལས་འགྲོ་མང་བསྒྲལ༔ དེ་སོགས་དགེ་བའི་མཚན་མ་རྣམས༔ སྒྲིབ་དག་གཞན་ཕན་ལྟས་སུ་ཤེས༔ ཞེས་སོགས་སྒྲས། གངས་རི་མཐོང་ཞིང་དེར་འཛེགས་པ། ཉི་ཟླ་ཤར་བ། རོལ་མོ་འཁྲོལ་བ། ཤེལ་ཕྲེང་དང་མེ་ཏོག་དཀར་པོ་རྙེད་པ་སོགས་གཞན་ལས་མང་དུ་གསུངས་པ་རྣམས་སོ། །གཞན་ཕན་གྱི་ཕྲིན་ལས་འབྱུང་བའི་རྒྱུ་ཐུན་མིན་ནས་ཀྱི་ས་བོན་ལྟ་བུ་ནི། གཞན་ཕན་གྱི་བསམ་པ་ཉིད་ཡིན་ཏེ། །བསམ་པ་དེ་མཐུ་ཇི་ལྟར་ལྷག་པ་དེ་ལྟར་འབྲས་བུ་གཞན་དོན་ཡང་ལྷག་པར་འགྱུར་རོ། །

― TN03_Page_0640 ―

^{[མ་དཔེ་གཟིགས་ན་འདིར་གནོན།]}

(༤༢༤)དེའང་ཐེག་ཆེན་ནས་གསུངས་པ་ལྟ་བུའི་གཞན་ཕན་ཐུག་མེད་འགྲུབ་པ་ལ་ནི་བསམ་པ་དེའི་མཐུན་ཕྱོགས་རེ་སྐྱེས་པས་མི་ཆོག་གི །རྣམ་པ་ཐམས་ཅད་ནས་རྒྱས་དགོས་ལ། དེ་ལྟར་རྒྱས་བྱེད་དུ་སྦྱིན་སོགས་སྤྱོད་པ་ཐུག་མེད་ལ་སློབ་པ་ཡིན་པས་སྤྱོད་པ་དེ་དག་ནི་བསམ་པ་དེའི་གྲོགས་སམ་དཔུང་ངོ། །བསམ་པ་དེ་ཕུལ་དུ་དབྱུང་དུ་མེད་པར་མཐར་ཕྱིན་པ་དེ་བཞིན་གཤེགས་པ་རྣམས་ཀྱི་རྒྱུད་ལ་གྲུབ་ཟིན་པ་རྣམས་ལྷ་གཅིག་གི་རྣམ་པར་བསྡུས་པ་ནི་རྗེ་བཙུན་འདི་ཡིན་པས། དེའི་སྔགས་ཀྱི་ཟླ་ཟེར་རང་རྒྱུད་ལ་གདོད་ནས་བཞུགས་པའི་སྤྱན་རས་གཟིགས་ཀྱི་ཆུ་ཤེལ་ལ་བཅུག་ནས་སྒྲུབ་ལུགས་འདིས་ནི་འགྲོ་འདུལ་ཕྲིན་ལས་ཀྱི་དངོས་གྲུབ་ཡས་བབ་ཐོག་རྒྱགས་ལྟ་བུའི་ཚུལ་དུ་འཐོབ་པར་ནུས་སོ། །དེ་བཞིན་དུ་ཡིག་དྲུག་ཕྱིན་དྲུག་དང་སྦྱོར་སྐབས་ཀྱང་། ལྷ་སྔགས་ཀྱི་མཐུས་ཕྱིན་དྲུག་གི་རྟོགས་པ་སྩོལ་བར་མ་ཟད། ཕྱིན་དྲུག་གི་འབྲས་བུའི་ཡོན་ཏན་ལོངས་སྤྱོད་དང་ལུས་འཁོར་རྩོམ་པ་ཕུན་ཚོགས་སོགས་འཕྲལ་ལ་ཐོད་རྒལ་དུ་སྟེར་བར་ཡང་འགྱུར་ཏེ། འདི་ལྟར་དོན་ཆེན་པོ་དེ་དག་འོ་སྐོལ་རང་གི་མཐུས་སྒྲུབ་པ་དང་། དེ་བཞིན་གཤེགས་པས་ཐོག་མ་མེད་པ་ནས་བསྒྲུབས་ཟིན་པའི་སྙིང་རྗེ་དང་ཕྱིན་དྲུག་རིག་སྔགས་ཀྱི་རྣམ་པར་ཤར་བ་ལ་བརྟེན་ནས་སྒྲུབ་པ་གཉིས་ནི་ཚུལ་ལམ་ལུགས་མི་གཅིག་སྟེ།

― TN03_Page_0641 ―

^{[མ་དཔེ་གཟིགས་ན་འདིར་གནོན།]}

(༤༢༥)རིག་སྔགས་འདི་གྲུབ་པ་ནི་བདེ་བ་ཅན་དུ་སྐྱེས་པ་དང་འདྲ། དེའི་ཚེ་དེ་འདྲ་བའི་དངོས་གྲུབ་མང་པོ་ལ་མྱུར་བ་དེར་དབང་སྒྱུར་ནུས་པ་ནི་ཞིང་དེར་སངས་རྒྱས་བྱང་སེམས་ཀྱི་འབྱོར་པ་བསམ་མི་ཁྱབ་ལ་ཅི་དགར་སྤྱོད་དུ་ཡོད་པ་དང་འདྲ། རིག་སྔགས་ལ་མ་བརྟེན་ན་གྲུབ་པ་དེ་དག་ཚེ་རབས་མང་པོས་ཀྱང་འཐོབ་ཏུ་མེད་པ་ནི་ཞིང་དེའི་ལོངས་སྤྱོད་དེ་དག་གདུལ་བྱའི་དགེ་རྩའི་རང་སྟོབས་ཀྱིས་སྒྲུབ་དགོས་ན་ཤིང་ལོ་གཅིག་ཀྱང་བསྐལ་པ་དུ་མར་ཡང་འགྲུབ་མི་ནུས་པ་དང་འདྲ་བས་སོ། །འོན་ཀྱང་ཕར་ཕྱིན་གཅིག་གི་བྱ་བ་ལའང་ལྷག་མ་རྣམས་ཀྱིས་ཕན་འདོགས་པས་རྩོམ་པ་ཕུན་ཚོགས་ཙམ་སྒྲུབ་ཀྱང་ཡི་གེ་དྲུག་ཀ་ཚང་བ་ཚན་ཆེའི། །བརྩོན་འགྲུས་ཀྱི་ཡི་གེ་རྐྱང་པས་ནི་མིན་ནོ། །མདོ་ལས་ཡིག་དྲུག་འདི་ལྷ་མོ་ཡེ་གེ་དྲུག་མའི་སྲུང་བར་བཤད་ཅིང་། འདིའི་དེ་ཉིད་ཕར་ཕྱིན་དྲུག་གི་རེ་རེར་ཡང་དྲུག་དྲུག་ཚང་བར་བསྡུས་ནས་སྒྲུབ་པ་ལ་གོ་ཆའི་སྒྲུབ་པ་ཞེས་མི་མཐུན་ཕྱོགས་ཀྱིས་མི་བརྫི་བས་རྒྱལ་སྲས་རྣམས་ཀྱི་གོ་ཆ་ཡིན་པར་གསུངས་ཏེ། དེ་ལྟར་བཟླས་ན་འཇིགས་པ་མཐའ་དག་སྲུང་བའི་སྔགས་ཀྱི་དམ་པར་ཡང་། སྔགས་འདིས་ལོངས་སྤྱོད་དང་ཤེས་རབ་དང་སྲུང་བ་སོགས་གང་སྒྲུབ་ཀྱང་དོན་དེ་དང་དེའི་ཆེད་དུ་འདུན་སྟོབས་དང་བསམ་གཏན་གྱིས་ལྡེ་ཁ་

― TN03_Page_0642 ―

^{[མ་དཔེ་གཟིགས་ན་འདིར་གནོན།]}

(༤༢༦)སྒྱུར་བ་ནི་ངེས་པར་དགོས་སོ། །ནོར་བུ་ཆུ་ཤེལ་ཚོན་གང་ལ་ཉེ་བ་དེའི་ཁ་དོག་ཏུ་སྣང་བ་བཞིན་ནོ། །ལས་ཚོགས་རབ་འབྱམས་གཞན་ཡང་སྒྲུབ་ལུགས་ནི། ཉང་གི་འགྲོ་འདུལ་སོགས་ལས་ཤིན་ཏུ་མང་བ་བཤད་ཀྱང་འདིར་བླ་མ་ཞི་བ་ལྟར་ལས་བཞིར་དྲིལ་ན། །རྒྱལ་པོ་བཀའ་འབུམ་དུ་ཡིག་དྲུག་རྐྱང་པ་དེ་དམིགས་མེད་དབང་གིས་ལས་སོ་སོར་བྱེད་པར་གསུངས་པ་ལྟར་རམ། ཉང་གི་འགྲོ་འདུལ་ལས་སོ་སོའི་ཤམ་སྔགས་སྦྲེལ་བར་གསུངས་པ་ལྟར་ན་བླ་མ་ཞི་བ་ལྟར་སྦྱོར། གང་ལྟར་ཡང་ཏིང་ངེ་འཛིན་གལ་ཆེ་བས། དེ་ལ་རྒྱལ་པོ་བཀའ་འབུམ་སོགས་སུ་ལྷའི་སྐུ་མདོག་ཀྱང་ལས་ཀྱི་ཁ་དོག་ཏུ་སྒྱུར་བར་བཤད་ཀྱང་། དེ་མ་བསྒྱུར་བར་འོད་ཟེར་ལས་མདོག་ཅན་གྱིས་ཕྲིན་ལས་སོ་སོར་མཛད་པར་བལྟས་པས་ཀྱང་འགྲུབ་པར་པདྨ་ཞི་ཁྲོར་བཤད་པ་བཞིན་བྱ། །གལ་ཏེ་ལས་བཞིའི་ཆོ་ག་དེ་ལས་རྒྱས་པ་ལ་དགའ་ན། པདྨ་ཞི་ཁྲོའི་སཙྪ་དང་ཆུ་ལ་བརྟེན་པ་སོགས་སྦྱར་ན་ལེགས་པར་མཐོང་ངོ། །སྲུང་འཁོར་འབྲིན་རྒྱལ་པོ་བཀའ་འབུམ་ལྟར་དང་། ཚེ་སྒྲུབ་བྱེད་ན་བླ་མ་ཞི་བ་ནས་བླང་། མཆན། གཏེར་གསར་གྱི་གཞུང་ལ་ལར། མི་ཟབ་པའི་བསྐྱེད་རིམ་གྱི་འོག་ཏུ་ལུས་དཀྱིལ་ལམ་ཟབ་པའི་བསྐྱེད་རིམ་སྒོམ་པར་བཤད་ཀྱང་། འདིར་མ་གསུངས་ཏེ། ལར་འདིའི་ལྷ་བསྐྱེད་ལྟར་རྟེན་དང་བརྟེན་པའི་འཁོར་ལོ་ཐམས་ཅད་ཕུང་ཁམས་དག་པའི་བདེ་ཆེན་ཡེ་ཤེས་

― TN03_Page_0643 ―

^{[མ་དཔེ་གཟིགས་ན་འདིར་གནོན།]}

(༤༢༧)ཀྱི་དག་ལྡོག་སོ་སོའི་སྟེང་ནས་སྒོམ་པ་འདི་ལ་རྩལ་འབྱོང་བར་བྱས་ཀྱང་ཕུང་ཁམས་འོད་གསལ་དུ་དེང་པའི་རྫོགས་རིམ་གྱི་སྨིན་བྱེད་དུ་ལུས་དཀྱིལ་སྒོམ་པའི་གོ་ཆོད་པ་ཞིག་ཡོད་འདྲ་སྟེ། དུས་འཁོར་བཞིན་ནོ། །དེར་མ་ཟད་འདིའི་རྩ་གཞུང་བླ་མ་ཞི་བར། ཕུང་པོ་ཁམས་དང་སྐྱེ་མཆེད་ཀུན༔ གདན་གསུམ་སྒྱུ་འཕྲུལ་ཞི་ཁྲོ་ཡི༔ ཞེས་སོགས་ལྟར་ཕུང་ཁམས་ཐམས་ཅད་ལ་སྒྱུ་འཕྲུལ་ཞི་ཁྲོའི་ལྷ་རྣམས་གཟུགས་སོགས་ནང་གི་ཆོས་དེ་དང་དེར་ཤར་བའི་སྣང་ཞེན་འཇོག་པའང་གལ་ཆེའོ། །སྣང་ཞེན་འཇོག་པའི་གཞི་ལ། རགས་པ་ཕུང་སོགས་དང་། །ཕྲ་བ་རྩ་ཁམས་ཀྱི་ཁྱད་ཡོད་པ་མ་གཏོགས་པ། ཡུམ་ཀ་ལའང་ཚུལ་འདི་འདྲའོ། ༈ །བྱ་བ་སྤྱིའི་རྒྱུད་དཔུང་བཟང་དང་ལེགས་གྲུབ་གསང་བ་སྤྱི་རྒྱུད། བྱེ་བྲག་གི་རྒྱུད་དོན་ཞགས་ཆོ་ག་ཞི་བ་མོ་དང་ཕྱག་སྟོང་སྤྱན་སྟོང་གི་གཟུངས་མདོ་སོགས། སྤྱོད་རྒྱུད་རྣམ་སྣང་མངོན་བྱང་། ཡོ་ག་དེ་ཉིད་བསྡུས་པ་དང་དཔལ་མཆོག །བླ་མེད་གསང་འདུས་དང་བདེ་མཆོག་མངོན་བརྗོད་བླ་མ་དུས་འཁོར་སོགས་ཀུན་ཏུ་གསུངས་པས་འདི་ནི་རྒྱུད་སྡེ་བཞི་ཀའི་ལྷ་ཡིན། ༈ འདི་དེ་ཁོ་ན་ཉིད་ལ་བློ་རྒྱས་པར་བྱེད་པའི་བློ་འཕེལ་གྱི་ལྷར་བསྔགས་ཏེ། དེ་ཉིད་སྣང་བ་དང་དཔལ་མཆོག་འགྲེལ་པར། སེམས་ཅན་གཏི་མུག་

― TN03_Page_0644 ―

^{[མ་དཔེ་གཟིགས་ན་འདིར་གནོན།]}

(༤༢༨)ཤས་ཆེ་བ་རྣམས་སྦྱོང་བྱེད་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་ངོ་བོ་ཉིད་འགྲོ་འདུལ་པདྨའི་རིགས་སྤྲུལ་པར་གསུངས་པ་དང་། རང་བཞིན་དག་པའི་ཆོས་ལ་སོར་རྟོག་ཡེ་ཤེས་ཀྱི་སྤྱན་གྱིས་གཟིགས་པའི་ཆ་ནས་སྤྱན་རས་གཟིགས་སུ་བརྗོད་ཚུལ་དང་། སྒྱུ་མ་ལྟ་བུའི་ཏིང་ངེ་འཛིན་གྱི་མདོ་དང་དོན་ཞགས་སོགས་མང་པོར་སྒྱུ་མ་ལྟ་བུའི་ཏིང་ངེ་འཛིན་གྱི་སྟེང་ནས་སྒོས་ཀྱི་ཆེ་བ་བསྟན་པ་སོགས། ༈ གསུངས་རབས་ཀྱི་མཛོད་ཐམས་ཅད་ཀྱི་བདག་པོར་སྒྲུབ་པའི་ལྷར་བསྔགས་པའང་། །རྣམ་སྣང་མངོན་བྱང་དང་ཡོ་ག་དང་བླ་མེད་རྒྱུད་ཀུན་ཏུ་འདི་སོར་རྟོག་ཡེ་ཤེས་ཀྱི་ལྷ་མཐར་ཐུག་ཏུ་བཤད་ཅིང་། །ཡེ་ཤེས་དེ་སྔོན་ཆོས་བསྟན་པའི་རྒྱུ་ལས་བྱུང་ཞིང་། ཆོས་ཀྱི་ལོངས་སྤྱོད་རྒྱས་པའི་བྱེད་ལས་ཅན་ཡིན་ཚུལ་མདོ་རྒྱན་ལས་དང་། དེ་ཉིད་བསྡུས་པར། འདི་ཉིད་དང་པོར་རྒྱལ་བ་ཐམས་ཅད་ཀྱི་དམ་པའི་ཆོས་ཀྱི་འོད་ཟེར་ལས་སྤྲུལ་ཚུལ་དང་སངས་རྒྱས་རྣམས་ཀྱིས་པདྨ་བྱིན་ནས་བཛྲ་དྷརྨ་ཞེས་མིང་གིས་དབང་བསྐུར་ཚུལ། །སངས་རྒྱས་གསང་བ་དང་ཤཱཀྱ་མི་ཏྲས། མདོ་སྡེ་བཤད་པའི་མཐུ་རྙེད་པའི་ཕྱིར། །ཞེས་སོགས་དུ་མ། གསང་འདུས་སོགས་ལས་འདི་ཉིད་རྡོ་རྗེ་སེམས་དཔའི་ལྗགས་ལྷའི་རྣམ་པར་ཤར་བར་གསུངས་ཏེ། ལྗགས་ནི་གསུང་རབ་ཆོས་ཕུང་ཐམས་ཅད་ཀྱི་བདག་པོ་ཡིན་ཚུལ་བསྔགས་འོས་བསྔགས་བསྟོད་ཀྱི་བཅུ་གཅིག་པ་

― TN03_Page_0645 ―

^{[མ་དཔེ་གཟིགས་ན་འདིར་གནོན།]}

(༤༢༩)ལྟར། འདིའི་རིགས་ཀྱི་དམ་ཚིག་ཏུའང་། དམ་པའི་ཆོས་ནི་མ་ལུས་བཟུང་། །ཞེས་འབྱུང་། ༈ གཟུངས་ཀྱི་སྒོ་ཚད་མེད་པ་སྒྲུབ་པར་ཡང་བསྔགས་ཏེ། མདོ་རྒྱན་ལས་སོར་རྟོག་ཡེ་ཤེས་ལ་དག་གཟུངས་རྣམས་ཀྱི། གཏེར་དང་འདྲ་བ། ཞེས་དང་། ཏིང་ངེ་འཛིན་གྱི་གཟུངས་ཁོ་ན་གཟུངས་ཆེན་པོར་འཇོག་པ་དང་ཆོས་རྒྱུན་གྱི་ཏིང་ངེ་འཛིན་གྱིས་ཆོས་འཛིན་པ་སོགས་རྗེ་བཙུན་འདི་ཏིང་ངེ་འཛིན་གྱི་ལྷར་བསྔགས་ཚུལ་འཆད་འགྱུར་དང་སྒྲིགས་ལ་སོམས། ༈ །སྒྲ་རིག་དང་དེའི་འཁོར་སྙན་ངག་སོགས་ལ་མཁས་པ་དང་། རྩོད་པ་སྨྲ་བའི་ཁྱུ་མཆོག་སོགས་སྒྲུབ་པར་ཡང་བསྔགས་ཏེ། ཐེག་བསྡུས་དབང་འབྱོར་ལྔའི་ཐད། འདུ་ཤེས་གྱུར་བས་སྨྲ་བ་ལ་དབང་འབྱོར་བར་གསུངས་ཤིང་འདི་འདུ་ཤེས་དག་པའི་རིགས་ཀྱི་འཁོར་སྒྱུར་དུ་བཤད་པ། འདུས་པའི་ངག་བྱིན་རླབས་སྐབས་སོ་རིག་བཞི་གསུང་རྡོ་རྗེར་སྦྱར་བ། དབྱངས་ཅན་མའི་བྱུང་བ། ཡོ་གར་རྡོ་རྗེ་གླུ་མའི་ཐད། འདི་དེ་བཞིན་གཤེགས་པའི་རྡོ་རྗེའི་ལྗགས་ཀྱི་ལྷར་བསྟན་པ་སོགས་ཀྱིས་སོ། ༈ །བསྟན་པ་དང་འགྲོ་བ་ལ་རྒྱ་ཆེར་ཕན་འདོགས་པའི་མཐུ་ནི་མངོན་ཤེས་ལ་ལྟོས་ཤིང་། དེ་སྦྱིན་པར་ཡང་བསྔགས་ཏེ། ཀོ་ས་ལའི་རྒྱན་ལས་རྡོ་རྗེ་ཆོས་དང་རྣོན་པོ་གཉིས་ཀྱི་གོ་རིམ་སྐབས། འདི་ཏིང་ངེ་འཛིན་གྱི་ལྷར་ཁྱད་པར་དུ་བསྟན་པ་དང་། ཨ་བ་ཏ་རར་མངོན་

― TN03_Page_0646 ―

^{[མ་དཔེ་གཟིགས་ན་འདིར་གནོན།]}

(༤༣༠)ཤེས་ཀྱི་དངོས་གྲུབ་འཇིག་རྟེན་དབང་པོའི་ཏིང་ངེ་འཛིན་གྱིས་སྒྲུབ་པར་བཤད་པ། མདོ་རྒྱན་ལས་ཏིང་ངེ་འཛིན་གྱི་སྒོ་བསམ་མི་ཁྱབ་རྣམས་སོར་རྟོག་ཡེ་ཤེས་ལ་སྦྱར་བ། སྒྱུ་མ་ལྟ་བུའི་ཏིང་འཛིན་གྱིས་བསྔགས་ཚུལ་གོང་བཞིན་དང་། ཟ་མ་ཏོག་ལས་ཀུན་ཏུ་བཟང་པོ་དང་ཏིང་འཛིན་གྱི་རྩལ་འགྲན་ཚུལ་སོགས་རྒྱ་ཆེར་གསུངས་པའི་རིགས་པས་སོ། ༈ །ས་གསུམ་གྱི་འགྲོ་བ་དབང་དུ་བྱེད་པར་ཡང་བསྔགས་ཏེ། རྡོ་རྗེ་སྙིང་པོ་རྒྱན་དུ། འཇིག་རྟེན་གསུམ་གྱི་རྒྱལ་སྲིད་ནི། །སོགས་དང་། བཤེས་སྤྲིང་དུ། འཇིག་རྟེན་ཀུན་གྱི་རྣལ་འབྱོར་དབང་མཛད་ནས། །ཞེས་པ་རྩ་འགྲེལ་དང་། ཡོ་གའི་མཁས་པ་གསུམ་གྱིས། པདྨའི་དེ་ཉིད་ལ་གཟིགས་པས་ཁམས་གསུམ་གྱི་དབང་པོ་བརྙེས་ཚུལ་རྒྱས་པར་བཤད་པས་སོ། ༈ འདི་ཉིད་རང་ལས་ནི། འབྲེལ་ཚད་དོན་ལྡན་གྱི་ཕྲིན་ལས་སྒྲུབ་པར་བསྔགས་ཏེ། སྡོང་པོ་བཀོད་པར། སེམས་བསྐྱེད་གདུལ་བྱ་འདྲེན་པས་ཆུ་ལྷའི་ཞགས་པ་ལྟ་བུར་གསུངས་པ་དང་། །ལྷག་པར་སྡོང་པོ་བཀོད་པར། རི་རབ་ཀྱི་དཔེ་དང་། རྩི་ཐམས་ཅད་བསྡུས་པའི་དཔེས་གསུངས་པ་གཉིས་འབྱོར། ཀུན་ཏུ་བཟང་པོའི་སྨོན་ལམ་ཐམས་ཅད་ཀྱི་སྡོམ་སེམས་བསྐྱེད་དུ་བཤད་པ་སོགས་མཐའ་ཡས་ཤིང་། འདི་སེམས་བསྐྱེད་ཀྱི་ལྷར་བཀའ་གདམས་གླེགས་བམ་སོགས་ལས་བཤད་པ་དང་། ནོར་བཟང་རྣམ་ཐར་ལས་འབྲེལ་

― TN03_Page_0647 ―

^{[མ་དཔེ་གཟིགས་ན་འདིར་གནོན།]}

(༤༣༡)ཚད་སྨིན་པར་མཛད་ཚུལ་གསུངས་པ། ཀྲི་ཡོག་སྡེ་གསུམ་ཀུན་ཏུ་པདྨའི་དེ་ཉིད་སྙིང་རྗེར་བཤད་པ། ཡོ་གར་འདིའི་མཚན་འགྲོ་བ་འདུལ་བ་ཞེས་བཤད་པ། རྣམ་སྣང་སྙིང་རྗེའི་ཉམས་ཀྱིས་འདུལ་བའི་སེམས་ཅན་ལ་འགྲོ་འདུལ་དུ་བསྟན་པ་སོགས་མཐའ་ཡས། ༈ །བར་དོའི་འཕྲང་དང་མའི་མངལ། །སྙིགས་མ་ལྔ་བདོ་བའི་ཡུལ་དུས་སོགས་སུ་ཡང་དེ་དག་གི་ཉེས་པས་མ་གོས་ཤིང་། དེར་མ་ཟད་དེ་དག་དགེ་ཆོས་ཀྱི་གྲོགས་སུ་འགྱུར་བར་རློབ་པའི་ལྷར་ཁྱད་པར་དུ་བསྔགས་ཏེ། དཔལ་མཆོག་དང་པོར་འདིའི་རྣལ་འབྱོར་འཆང་བ་ལ། ཉོན་མོངས་པ་ཐམས་ཅད་ཀྱི་ནང་ན་འདུག་ཀྱང་པདྨ་ལྟ་བུར་སོགས་གསུངས། འདི་ནི་ཇི་ལྟར་པདྨ་དམར་པོ་འདི། སོགས་པདྨའི་དེ་ཉིད་ལས་ཤེས་དགོས་ཏེ། ཡོ་ག་ན་ཤིན་ཏུ་རྒྱས་ཤིང་། རྣམ་སྣང་མངོན་བྱང་འགྲེལ་པར་ཡང་ཡོད། དཔལ་མོའི་བསྟོད་པ་དང་། སྲོང་བཙན་བཀའ་འབུམ་སོགས་ཀུན་ཏུ་པད་དཀར་མི་གོས་པའི་དེ་ཉིད་དང་སྦྱར་ཡོད། ༈ །འཇིགས་པ་ཐམས་ཅད་མི་འབྱུང་ལ། །གཞན་འཇིགས་པ་ལས་སྐྱོབ་པའི་མཐུ་སྟེར་བར་ཡང་བསྔགས་ཏེ། དམ་ཆོས་པད་དཀར་དང་། ནོར་བཟང་རྣམ་ཐར། ཟ་མ་ཏོག །བཅུ་གཅིག་ཞལ་གྱི་མདོ་གཟུངས་རྣམས་ན་གསལ་ཞིང་རྒྱས། སྤྱོད་འཇུག་ལས་ཀྱང་། འཁོར་གྱི་འཇིགས་པའང་བསལ་

― TN03_Page_0648 ―

^{[མ་དཔེ་གཟིགས་ན་འདིར་གནོན།]}

(༤༣༢)བའི་ཕྱིར། །སོགས་དང་། འདི་བྱམས་བརྩེའི་ལྷ་ཡིན་ཅིང་རྒྱལ་པོ་བྱམས་པའི་སྟོབས་ཀྱིས་མངའ་རིས་བསྲུང་བ་དང་། སྟོན་པས་བདུད་དཔུང་བྱམས་པས་བཏུལ་བ། སྒྲོལ་མའི་སྔོན་བྱུང་སོགས་ཀྱིས་ཤེས་སོ། །འཕགས་པ་འདིའི་སྤྱན་ཆབ་ལས་སྒྲོལ་མ་དང་ཁྲོ་གཉེར་གྱི་རྒྱུད་ལས་ཁྲོ་གཉེར་ཅན། མཆེ་བ་ལས་དབྱངས་ཅན་མ་སོགས་བྱུང་ཚུལ་འཇམ་དཔལ་རྩ་རྒྱུད་དང་། གོས་དཀར་མོ་དང་། རྨ་བྱ་ཆེན་མོ། །ཡིད་ཀྱི་ཤིང་རྟ་མ། ལོངས་སྤྱོད་ལྡན་མ་སོགས། ཟ་མ་ཏོག་སོགས་ལས་གསུངས་པ་དང་། དཔལ་མཆོག་འགྲེལ་པར། བརྒྱ་བྱིན། ཁྱབ་འཇུག །དྲག་པོ། ཚངས་པ། སའི་ལྷ། རྒྱ་མཚོའི་ལྷ། ཉི་མ། རླུང་གི་ལྷའི་གཟུགས་ཅན་གྱི་རྗེ་བཙུན་སོགས་གསུངས་ཏེ། འདིས་འཇིགས་རྟེན་དབང་ཕྱུག་ཅེས་པའི་སྒྲ་བཤད་ཀྱང་ཤེས། སྤྱན་རས་གཟིགས་ཞེས་པའི་མཚན་འདི་ཉིད་འཆང་བའི་སྐུ་ལ་ཡང་། བཅུ་གཅིག་ཞལ། མཁའ་སྤྱོད། སེང་གེ་སྒྲ། མགྲིན་སྔོན། འཕྲོགས་བྱེད་གསུམ་ལ་ཞོན་པ། ཧཱ་ལ་ཧཱ་ལ་སོགས་མཐའ་ཡས་ཏེ། སྒྱུ་མའི་རྣམ་པར་ཐར་པ་བསམ་གྱིས་མི་ཁྱབ་པའི་མཐུ་ལ་དད་པར་བྱའོ། །རྡོ་རྗེ་སྙིང་པོ་རྒྱན་ལས། འཇིག་རྟེན་དབང་ཕྱུག་ཐུབ་ཆེན་པོ། །བཅོམ་ལྡན་རྣལ་འབྱོར་ཅན་གྲུབ་ན། །དཔའ་བོ་ཐམས་ཅད་རྩོལ་འགྱུར་ཞིང་། །རང་གི་དངོས་གྲུབ་མཆོག་རྣམས་དང་། །རྣལ་

― TN03_Page_0649 ―

^{[མ་དཔེ་གཟིགས་ན་འདིར་གནོན།]}

(༤༣༣)འབྱོར་ཐམས་ཅད་འཛིན་ཉིད་དང་། །རྣམ་པར་རྒྱས་པའི་ནོར་སྟེར་འགྱུར། །རིག་པ་འཛིན་དང་འཁོར་ལོ་ཅན། །ས་དང་ཕ་རོལ་ཕྱིན་སོགས་དང་། །སངས་རྒྱས་རྣམས་ཀྱང་རྩོལ་འགྱུར་ན། །དངོས་གྲུབ་གཞན་ལྟ་སྨོས་ཅི་དགོས། །ཞེས་གསུངས་སོ། །དམ་ཆོས་པད་དཀར་ལས། དེ་བཞིན་གཤེགས་པ་གངྒའི་ཀླུང་དྲུག་ཅུ་རྩ་གཉིས་ཀྱི་བྱེ་མ་སྙེད་ཀྱི་མཚན་ནས་བརྗོད་ཅིང་ཕྱག་བྱས་པ་དང་། སྤྱན་རས་གཟིགས་ཀྱི་མཚན་ལན་གཅིག་བརྗོད་ཅིང་ཕྱག་གཅིག་བྱས་པ་བསོད་ནམས་མཉམ་པར་གསུངས་ཏེ། དེའི་རྒྱུ་མཚན་ཡང་། རྟོག་གེ་འབར་བར། ཕར་གྱུར་པའི་ཕྱིར་དང་། ཞེས་སོགས་ལྟར་རོ། །ཟ་མ་ཏོག་དང་སྡོང་པོ་བཀོད་པར་ནད་ཀྱི་འཇིགས་པ་སེལ་བའི་ལྷར་བསྔགས་ཤིང་། རྡོ་རྗེ་གུར་ལས་ཡིག་དྲུག་ནད་ཐམས་ཅད་ཞི་བའི་སྔགས་སུ་གསུངས་པ་དང་། །མ་ི་བཀའ་འབུམ་ལས་ནད་འདོན་དྲུག་དང་བརྟུལ་ཞུགས་དྲུག་དབྱུག་བཅོས་སོགས་ནད་གདོན་སེལ་བའི་ཕྲིན་ལས་ཁོ་ན་རྩལ་དུ་བཏོན་ཡོད་པས་ནད་གསོ་བ་ལ་ཆེས་རྣོ། ཁྱད་པར་དུ་གསོ་རིག་ལས་མིག་འབྱེད་ལ་ཟབ་པར་གསུངས་ཤིང་། ཉང་གཏེར་མིག་འབྱེད་སོགས། རྣམ་ཐར་ཟངས་གླིང་མར་ནད་པའི་དོན་དུ་རྐྱེན་ཟློག་རིམ་གྲོ་སྨན་དཔྱད་ཅི་བྱེད་པ་བས་མ་ི་སྟོབས་ཆེ་གསུངས། འདི་དག་རྗེ་ཉིད་ནས་ཟིན་ཐོ་ལྟ་བུར་བཏབ་ཡོད་པ་རྣམས་

― TN03_Page_0650 ―

^{[མ་དཔེ་གཟིགས་ན་འདིར་གནོན།]}

(༤༣༤)གཞན་དུ་འཁྱར་གྱིས་དོགས་ནས་རྗེས་འཇུག་འགའ་ཞིག་གིས་ཕྱོགས་གཅིག་ཏུ་བསྒྲིག་ཁུལ་བྱས་ཏེ་ཕྱག་བྲིས་ཇི་ལྟ་བ་བཞིན་བཅོས་བསླད་མེད་པར་སྤར་དུ་བསྐྲུན་པ་དགེ་ལེགས་འཕེལ། ༈ འཕྲུལ་ཆེན་སྤར་གྱི་ལྗོན་ཤིང་རྒྱས་པའི་རྩེར། །ལེགས་བཤད་མེ་ཏོག་འབྲས་མང་ཆགས་པ་འདི། །ཀུན་མཁྱེན་བསྟན་པའི་སྐྱེད་ཚལ་རྒྱན་གྱུར་ཏེ། །སྐལ་བཟང་སྐྱེ་བོའི་བྱ་ཚོགས་དགའ་བྱེད་ཤོག ཤུ་བྷཾ་མསྟུ་ས་རྦ་ཛ་ག་ཏཾ།

― TN03_Page_0651 ―

^{[མ་དཔེ་གཟིགས་ན་འདིར་གནོན།]}

(༤༣༥)"པདྨ་དབང་ཆེན་གླུ་གར་གྱི་སྒོ་ནས་འཆད་པའི་བཤད་པ་རྒྱས་ཤོས་ནི་བདེ་འདུས་གསང་སྔགས་བཀའི་ཐ་རམ་ཡིན་ཀྱང་དེའི་དཔེ་དག་པ་མ་རྙེད་པས་དངོས་འབྲི་བར་མ་འབད། བཅུད་དྲིལ་ཙམ་ནི་པདྨ་གསུང་གི་སྒྲུབ་པ་ཐམས་ཅད་རྟ་སྐད་ཐང་གསུམ་གྱི་དགོངས་པར་འདུས་པར་བསྟན་པ་ལ། ཐ་རམ་རྣམ་པ་བཞིས་བཤད་དེ། ཐེག་པ་རིམ་པར་བགྲོད་པའི་རྟ་རྐད་རྟ་ཡི་འགྲོས་དགུས་ཐེག་པ་དགུ་རྩེར་ཆུབ་པར་བཤད་པ་དང་། ས་དང་ལམ་ལ་སྦྱར་བའི་རྟ་སྐད་རྟའི་སྐད་བཅུ་གསུམ་དང་སྦྱར་ཏེ་བཤད་པས་ས་བཅུ་ལམ་ལྔ་མྱུར་དུ་བགྲོད་པར་བཤད་པ་དང་། གསང་སྔགས་ལ་ཤན་འབྱེད་པའི་རྟ་སྐད་རྟ་མགོ་ལྗང་ཞུར་གྱིས་དཔལ་རྟ་མགྲིན་ཆེ་བའི་ཡོན་ཏན་གཞན་ལས་འཕགས་པའི་སྒོ་ནས་བཤད་པ་དང་། གདུལ་བྱ་ཐབས་ཀྱི་རྟ་སྐད་དཔལ་དང་མ་མོ་འབུམ་བརྡ་ཕྲད་ཀློང་རྡོལ་དབང་བསྒྱུར་བའི་སྒོ་ནས་བཤད་པའོ། །དང་པོ་ནི། རྟའི་འགྲོས་ལ། སུམ་ལག་སྒྲོག་གི་འགྲོས་དང་། སྡོམ་པ་ལྕགས་ཀྱི་འགྲོས་དང་། ཕོ་ཉ་སྲུན་གྱི་འགྲོས་དང་། མཚམས་ལེགས་གཟེངས་ཀྱི་འགྲོས་དང་། གོམ་བུ་ཉོལ་གྱི་འགྲོས་དང་། སྤྱང་མོ་འདུར་གྱི་འགྲོས་དང་། རོལ་མོ་སྟབས་ཀྱི་འགྲོས་དང་། འཇོལ་མོ་དཀྱུས་ཀྱི་འགྲོས་དང་། དཀྱུས་ཚང་བའི་འགྲོས་དང་དགུའོ། །དེ་རྣམས་དོན་ཐེག་པ་རིམ་དགུ་དང་སྦྱར་བ་ནི། འགྲོས་དང་པོ་ལྟར་ལྷ་མིའི་ཐེག་པ་

― TN03_Page_0652 ―

^{[མ་དཔེ་གཟིགས་ན་འདིར་གནོན།]}

(༤༣༦)ནི། མ་སྐྱེས་མཉམ་པའི་ལྟ་བ་ལ་ནི་སྒྲིབ། དགེ་བ་བཅུ་སོགས་དམ་པའི་ཆོས་ཁྲིམས་སྒྲོག་དང་འདྲ་བས་ནི་བསྡམ་ཏེ། བག་ཡངས་པའི་ལྟ་སྤྱོད་ཀྱི་དབང་མ་ཐོབ་པས་སྒྲོག་ཏུ་ཚུད་པ་དང་འདྲའོ། །གཉིས་པ་ལྟར། ཉན་ཐོས་ཀྱིས་གང་ཟག་གི་བདག་མེད་པར་རྟོགས་པས་སྔ་མ་ལས་འཕགས་ཀྱང་། ཐེག་ཆེན་གྱི་དོན་མ་རྟོགས་པས་ཡོག་ཏུ་ལྕི་བ་འདུལ་བ་ལྕགས་དང་འདྲ་བས་བསྡམ་པས་མཉམ་པ་ཉིད་ཀྱི་དོན་ལ་བག་ཡང་དུ་སྤྱོད་མ་ཤེས་པས་ལྟ་སྤྱོད་ཀྱི་ཆོས་ལ་དབང་མ་ཐོབ་སྟེ་ཤིན་ཏུ་སྡུག་བསྔལ་ཆེའོ། །གསུམ་པ་ལྟར་རང་རྒྱལ་ནི་གོང་མ་གཉིས་ལས་ཁྱད་པར་དུ་གཟུགས་ཕུང་བདག་མེད་པར་ལྟ་བས་འཕགས་ཏེ། རང་བྱང་ཆུབ་ཀྱི་འབྲས་བུ་ཐོབ་པའི་དུས་ན་ཉན་ཐོས་ལྟར་དགེ་བའི་གཤེས་གཉེན་ལ་མི་ལྟོས་པར་སྔོན་གོམས་པའི་ཤུགས་ཀྱིས་རྟེན་ཅིང་འབྲེལ་འབྱུང་བཅུ་གཉིས་ཀྱི་སྒོ་ནས་འཁོར་བ་ཐོག་མ་དང་ཐ་མ་མེད་པར་རྟོགས་ཤིང་རང་བྱུང་ཐོབ་པར་ནུས་ན་ཡང་ཐེག་པ་ཆེན་པོ་མཉམ་པ་ཉིད་ཀྱི་ཆོས། ཐམས་ཅད་སེམས་སུ་འདུས་པར་མ་མཐོང་བས་གཉིས་སུ་མེད་པའི་ས་ལ་མྱུར་དུ་ཕྱིན་པའི་ཐབས་ཆུད་སྟེ་ལམ་མྱུར་བའི་རྩལ་མེད་དོ། །བཞི་པ་ལྟར་ཐེག་པ་ཆེན་པོ་མདོ་སྡེའི་ཐེག་པ་ནི། ཆོས་དང་གང་ཟག་གི་བདག་གཉིས་ཀ་མ་སྐྱེས་པར་རྟོགས་པས་མཉམ་པ་ཉིད་ཀྱི་དོན་ཐུགས་སུ་ཆུད་དེ། འོག་མ་ལས་ཀྱང་བྱང་ཆུབ་མྱུར་བའི་ཕྱིར་འཕགས་སོ། །ལྔ་པ་ལྟར་མདོ་

― TN03_Page_0653 ―

^{[མ་དཔེ་གཟིགས་ན་འདིར་གནོན།]}

(༤༣༧)སྡེ་བས་ཀྱང་ཀྲི་ཡ་འཕགས་ཏེ། མཉམ་པ་ཉིད་ཀྱི་དོན་ཐུགས་སུ་ཆུད་པར་མཚུངས་ཀྱང་། ཀུན་རྫོབ་ཏུ་འདི་བས་བདག་དམ་ཚིག་སེམས་དཔའ་བྲན། ཡེ་ཤེས་སེམས་དཔའ་ཇོ་བོའི་ཚུལ་དུ་རིགས་གསུམ་གྱི་སྐུར་བསྒོམ་སྟེ། སྐུ་མཚན་མ། གསུང་བཟླས་བརྗོད། ཐུགས་ཏིང་ངེ་འཛིན་གྱིས་གཙང་སྦྲ་དང་དུས་ཚིགས་དང་གཟའ་དང་རྒྱུ་སྐར་ལ་སོགས་པ་རྒྱུ་རྐྱེན་གཙོ་བོར་ཚོགས་པའི་མཐུ་ལས་ཚོགས་ཆེན་པོ་སྐྱེ་བས་ཁྱད་པར་དུ་འཕགས་སོ། །དྲུག་པ་ལྟར་ཨུ་པ་ཡ་དེ་ལས་ཀྱང་འཕགས་ཏེ། ཀུན་རྫོབ་ཏུ་ལྷ་ཡེ་ཤེས་སེམས་དཔའ་རིགས་བཞིར་འདོད་པས་ལྷའི་ཏིང་ངེ་འཛིན་ཡིག་འབྲུ་ལས་ཡན་ལག་བཞི་དང་ལྡན་པར་སྒོམ་ཞིང་། ཏིང་ངེ་འཛིན་དང་ཡོ་བྱད་རྒྱུ་རྐྱེན་གཉིས་ཀ་ལ་བརྟེན་ནས་སྒྲུབ་པའོ། །བདུན་པ་ལྟར། །དེ་བས་ཀྱང་ལྟ་སྤྱོད་མ་ཧཱ་ཡོ་ག་འཕགས་ཏེ། ཅིའི་ཕྱིར་ན། །སེམས་ཉིད་གདོད་མ་ནས་མ་སྐྱེས་པ་མཉམ་པ་ཉིད་ཀྱི་དབྱིངས་ལས་རིག་རྩལ་གྱི་ཐབས་ཆོ་འཕྲུལ་ཡི་གེ་འཕྲོ་འདུས་བདག་གཞན་གྱི་དོན་བྱ་བ་ནི་བསོད་ནམས་ཀྱི་ཚོགས། ཡི་གེ་ལས་སྐྱེས་པའི་ཞི་ཁྲོ་རྣམ་གཉིས་ཀྱི་དཀྱིལ་འཁོར་སྣ་ཚོགས་གཟུགས་དང་བཅས་པ་ཉིད། ཡི་གེ་མ་འདི་སྐོར་དཔྱད་སྐྱེས་པའི་སྒོ་ནས་མཚན་ཉིད་དུ་སྣང་བའི་སྒོ་ནས་དཀྱིལ་འཁོར་གྱི་ལྷ་རྣམས་ཀྱང་མ་སྐྱེས་པའི་སྒོ་ནས་རང་བཞིན་མེད་པ་ཆུ་ཟླ་བཞིན་སྤྱོད་ལ་མ་ཆགས་པར་རྟོགས་པའི་དུས་ནས་ཡེ་ཤེས་རྫོགས་ཏེ།

― TN03_Page_0654 ―

^{[མ་དཔེ་གཟིགས་ན་འདིར་གནོན།]}

(༤༣༨)ཚོགས་གཉིས་དུས་གཅིག་ལ་རྫོགས་སོ། །བརྒྱད་པ་ལྟར། དེ་བས་ཀྱང་ཨ་ནུ་ཡོ་ག་འཕགས་ཏེ། རྒྱུ་དག་པའི་དབྱིངས་ནས་འབྲས་བུ་ཡེ་ཤེས་ཀྱི་དཀྱིལ་འཁོར་དུ་སྣང་བས་སོ། །དེའང་གང་ལྟར་ན་སྔ་མ་ལྟར་ཡིག་འབྲུ་ལས་བསྐྱེད་མི་དགོས་ཏེ། ཕུང་པོ་ལྔ་རིགས་ལྔ། རྣམ་ཤེས་བརྒྱད་སེམས་དཔའ་བརྒྱད། ཡུལ་བརྒྱད་སེམས་མ་བརྒྱད་སོགས་སུ་ཡེ་ནས་གནས་ཏེ། ཕུང་ཁམས་སྐྱེ་མཆེད་ཐམས་ཅད་ནི་རྩ་བ་བྱང་ཆུབ་སེམས་སུ་འདུ་ལ། དེ་ཆོས་ཀྱི་དབྱིངས་ལས་མི་གཞན་པས་ཡེ་ནས་སངས་རྒྱས་པའོ། །དགུ་པ་ལྟར། །ཨ་ཏི་ཡོ་ག་བྱ་རྩོལ་ཐམས་ཅད་དང་བྲལ་བ་བདེ་བ་ཆེན་པོའི་དོན་ལྷུན་གྱིས་གྲུབ་པ་ནི། ཕྱི་ནང་གི་ཆོས་ཐམས་ཅད་རང་སེམས་སུ་འདུ་ལ། སེམས་ཀྱི་དེ་ཁོ་ན་ཉིད་ནི་གདོད་མ་ནས་མ་བྱུང་མ་སྐྱེས་ཏེ། མ་བྱུང་བ་ནི་འབྱུང་བའི་རྒྱུ་མེད་ལ། མ་སྐྱེས་པ་ནི་སྐྱེ་བའི་གནས་མེད་དོ། །དེའི་ཕྱིར་ན་ཡེ་ཤེས་འབྱུང་འཇུག་མེད་པའི་ཏིང་ངེ་འཛིན་ནོ། །ངང་གིས་མ་སྐྱེས་པའི་ཐིག་ལེ་ཆེན་པོའོ། །ཡོངས་ཀྱིས་འོད་གསལ་བའི་ཡེ་ཤེས་དང་། ཐམས་ཅད་བདག་གི་དབང་དུ་གྱུར་པའི་བདག་ཉིད་ཆེན་པོ་ཞེས་བྱའོ། །རྫོགས་པ་ཆེན་པོ་ཞེས་བྱའོ། །གཉིས་པ་ནི། རྟའི་སྐད་ལ་ཡོན་ཏན་བཅུ་གསུམ་སྟེ། རྟ་ཡི་སྐད་སྙན་པ་དང་། འཇམ་པ་དང་། གཏང་བ་དང་། གསང་བ་དང་། རིང་བ་དང་། ཡིད་དུ་འོང་བ་དང་། འབྲེལ་བ་དང་། བར་མ་

― TN03_Page_0655 ―

^{[མ་དཔེ་གཟིགས་ན་འདིར་གནོན།]}

(༤༣༩)ཆད་པ་དང་། ཟིལ་ཆེ་བ་དང་། རྩལ་ཆེ་བ་དང་། གདངས་ཆེ་བ་དང་། ངར་ཆེ་བ་དང་། ཕུལ་དུ་ཕྱིན་པའོ། །དང་པོ་ལྟར་དཔལ་རྟ་མགྲིན་ཡང་འགྲོ་བའི་དོན་ལ་དགའ་སྟེ། ས་དང་པོ་རབ་དགའ་དང་སྦྱོར། ལམ་ནི་ཚོགས་ལམ་དང་སྦྱར་རོ། །གཉིས་པ་ལྟར་དཔལ་རྟ་མགྲིན་འགྲོ་བའི་དོན་ལ་ཐུགས་འཇམ་ཞིང་བརྩེ་བར་མཛད་དེ། །ས་གཉིས་པ་དྲི་མ་མེད་པ་དང་། ལམ་སྦྱོར་ལམ་དང་སྦྱར་རོ། །གསུམ་པ་ལྟར་དཔལ་རྟ་མགྲིན་འགྲོ་བའི་དོན་ལ་མི་ཐོས་པ་མེད་པར་གནས་པ་སྟེ། ས་འོད་བྱེད་པ་དང་སྦྱོར། །བཞི་པ་ལྟར་དཔལ་འགྲོ་བའི་དོན་ལ་ཐུགས་སངས་ཤིང་འགྲོ་དོན་མཛད་དེ། །ས་འོད་འཕྲོ་དང་སྦྱོར། ལྔ་པ་ལྟར་དཔལ་འགྲོ་བའི་དོན་ལ་རིང་བ་སྟེ། ས་སྦྱང་དཀའ་དང་སྦྱོར། ལམ་ནི་མཐོང་ལམ་དང་སྦྱོར། དྲུག་པ་ལྟར་དཔལ་ཐམས་ཅད་ལ་ཐུགས་རྗེ་མཉམ་པ་སྟེ། །ས་མངོན་དུ་གྱུར་བ་དང་སྦྱར། བདུན་པ་ལྟར་དཔལ་གྱི་ཐུགས་རྗེས་འགྲོ་བ་རྣམས་ལ་རྒྱུན་ཆད་མེད་པར་གཟིགས་པ་སྟེ། །ས་རིང་དུ་སོང་བ་དང་སྦྱར། བརྒྱད་པ་ལྟར་དཔལ་གྱི་ཐུགས་རྗེས་འགྲོ་བའི་དོན་རྒྱུན་ཆད་མེད་པ་སྟེ། ས་མི་གཡོ་བ་དང་སྦྱོར། །ལམ་ནི་སྒོམ་ལམ་དང་སྦྱོར། དགུ་པ་ལྟར་དཔལ་གྱིས་འགྲོ་བའི་ཉོན་མོངས་པ་འཇོམས་ཤིང་ཟིལ་གྱིས་གནོན་པའོ། །ས་ལེགས་པའི་བློ་གྲོས་དང་སྦྱོར། བཅུ་པ་ལྟར་དཔལ་འགྲོ་བའི་དོན་ལ་རྩལ་དང་

― TN03_Page_0656 ―

^{[མ་དཔེ་གཟིགས་ན་འདིར་གནོན།]}

(༤༤༠)ལྡན་པ་སྟེ། ས་ཆོས་ཀྱི་སྤྲིན་དང་སྦྱོར། ལམ་ནི་མི་སློབ་ལམ་དང་སྦྱོར་རོ། །བཅུ་གཅིག་པ་ལྟར་དཔལ་གྱི་ཐུགས་རྗེ་འཁོར་བ་ན་གདངས་ཆེ་བ་སྟེ། ས་ཀུན་ཏུ་འོད་དང་སྦྱོར། བཅུ་གཉིས་པ་ལྟར་དཔལ་གྱི་ཐུགས་རྗེ་འགྲོ་བ་སྒྲོལ་བ་ལ་ངར་དང་ལྡན་པ་སྟེ། མ་ཆགས་པདྨ་ཅན་གྱི་ས་དང་སྦྱོར། བཅུ་གསུམ་པ་ལྟར་དཔལ་རྟ་མགྲིན་གྱིས་འགྲོ་བའི་དོན་ཕུལ་དུ་ཕྱིན་པ་སྟེ། ས་བཅུ་གསུམ་པ་ཡི་གེ་འཁོར་ལོ་ཚོགས་ཆེན་གྱི་ས་དང་སྦྱོར་རོ། །དེ་ལྟར་དཔལ་རྟ་མགྲིན་གྱི་རྟ་སྐད་ཐང་གཅིག་ལས་བཅུ་གསུམ་མ་བགྲོད་པར་རྫོགས། ལམ་ལྔ་མ་བགྲོད་པར་བགྲོད་དོ། །གསུམ་པ་ནི། །རྟ་ཤུགས་ཆེ། འགྲོ་མགྱོགས་པ་ལྟར། འཁོར་བ་བསྒྲལ་ཤུགས་ཆེ། སངས་རྒྱས་ས་ལ་འགྲོ་བ་མགྱོགས། དེས་ན་རྟ་སྐད་ཅེས་བྱ། རྟ་ཡི་རང་བཞིན་བགྲོད་མཁས་ཏེ། །ཐེག་པ་དགུ་དང་ས་ལམ་བགྲོད། །མཁས་ཤིང་རྩེ་མོར་ཕྱིན་པས་ན། །རྟ་མགྲིན་ཞེས་ནི་དེ་ལ་བྱ། །རྟ་ཡི་རང་བཞིན་ཁ་རྩལ་ཆེ། །དེ་བཞིན་རྟ་མཆོག་གསང་སྔགས་འདི། །གསང་སྔགས་གཞན་པས་ཁ་རྩལ་ཆེ། །རྟ་མགྲིན་ཞེས་ནི་དེ་ལ་བྱ། །རྟ་ནི་དྲག་པོའི་རྔམས་ཚུལ་ལས། །རྟ་མགྲིན་ལས་ནི་བྱེད་པའོ། །རྟ་མགྲིན་དྲག་པོའི་ངར་དང་ལྡན། །མགྲིན་ནི་གདུག་པ་འདུལ་བའོ། །རྟ་ནི་རྫུ་འཕྲུལ་རྐང་པར་ལྡན། །མགྲིན་ནི་སངས་རྒྱས་ས་གནོན་པའོ། །ཕྱི་ནི་རྟ་མགྲིན་

― TN03_Page_0657 ―

^{[མ་དཔེ་གཟིགས་ན་འདིར་གནོན།]}

(༤༣༥)"པདྨ་དབང་ཆེན་གླུ་གར་གྱི་སྒོ་ནས་འཆད་པའི་བཤད་པ་རྒྱས་ཤོས་ནི་བདེ་འདུས་གསང་སྔགས་བཀའི་ཐ་རམ་ཡིན་ཀྱང་དེའི་དཔེ་དག་པ་མ་རྙེད་པས་དངོས་འབྲི་བར་མ་འབད། བཅུད་དྲིལ་ཙམ་ནི་པདྨ་གསུང་གི་སྒྲུབ་པ་ཐམས་ཅད་རྟ་སྐད་ཐང་གསུམ་གྱི་དགོངས་པར་འདུས་པར་བསྟན་པ་ལ། ཐ་རམ་རྣམ་པ་བཞིས་བཤད་དེ། ཐེག་པ་རིམ་པར་བགྲོད་པའི་རྟ་རྐད་རྟ་ཡི་འགྲོས་དགུས་ཐེག་པ་དགུ་རྩེར་ཆུབ་པར་བཤད་པ་དང་། ས་དང་ལམ་ལ་སྦྱར་བའི་རྟ་སྐད་རྟའི་སྐད་བཅུ་གསུམ་དང་སྦྱར་ཏེ་བཤད་པས་ས་བཅུ་ལམ་ལྔ་མྱུར་དུ་བགྲོད་པར་བཤད་པ་དང་། གསང་སྔགས་ལ་ཤན་འབྱེད་པའི་རྟ་སྐད་རྟ་མགོ་ལྗང་ཞུར་གྱིས་དཔལ་རྟ་མགྲིན་ཆེ་བའི་ཡོན་ཏན་གཞན་ལས་འཕགས་པའི་སྒོ་ནས་བཤད་པ་དང་། གདུལ་བྱ་ཐབས་ཀྱི་རྟ་སྐད་དཔལ་དང་མ་མོ་འབུམ་བརྡ་ཕྲད་ཀློང་རྡོལ་དབང་བསྒྱུར་བའི་སྒོ་ནས་བཤད་པའོ། །དང་པོ་ནི། རྟའི་འགྲོས་ལ། སུམ་ལག་སྒྲོག་གི་འགྲོས་དང་། སྡོམ་པ་ལྕགས་ཀྱི་འགྲོས་དང་། ཕོ་ཉ་སྲུན་གྱི་འགྲོས་དང་། མཚམས་ལེགས་གཟེངས་ཀྱི་འགྲོས་དང་། གོམ་བུ་ཉོལ་གྱི་འགྲོས་དང་། སྤྱང་མོ་འདུར་གྱི་འགྲོས་དང་། རོལ་མོ་སྟབས་ཀྱི་འགྲོས་དང་། འཇོལ་མོ་དཀྱུས་ཀྱི་འགྲོས་དང་། དཀྱུས་ཚང་བའི་འགྲོས་དང་དགུའོ། །དེ་རྣམས་དོན་ཐེག་པ་རིམ་དགུ་དང་སྦྱར་བ་ནི། འགྲོས་དང་པོ་ལྟར་ལྷ་མིའི་ཐེག་པ་

― TN03_Page_0658 ―

^{[མ་དཔེ་གཟིགས་ན་འདིར་གནོན།]}

(༤༣༦)ནི། མ་སྐྱེས་མཉམ་པའི་ལྟ་བ་ལ་ནི་སྒྲིབ། དགེ་བ་བཅུ་སོགས་དམ་པའི་ཆོས་ཁྲིམས་སྒྲོག་དང་འདྲ་བས་ནི་བསྡམ་ཏེ། བག་ཡངས་པའི་ལྟ་སྤྱོད་ཀྱི་དབང་མ་ཐོབ་པས་སྒྲོག་ཏུ་ཚུད་པ་དང་འདྲའོ། །གཉིས་པ་ལྟར། ཉན་ཐོས་ཀྱིས་གང་ཟག་གི་བདག་མེད་པར་རྟོགས་པས་སྔ་མ་ལས་འཕགས་ཀྱང་། ཐེག་ཆེན་གྱི་དོན་མ་རྟོགས་པས་ཡོག་ཏུ་ལྕི་བ་འདུལ་བ་ལྕགས་དང་འདྲ་བས་བསྡམ་པས་མཉམ་པ་ཉིད་ཀྱི་དོན་ལ་བག་ཡང་དུ་སྤྱོད་མ་ཤེས་པས་ལྟ་སྤྱོད་ཀྱི་ཆོས་ལ་དབང་མ་ཐོབ་སྟེ་ཤིན་ཏུ་སྡུག་བསྔལ་ཆེའོ། །གསུམ་པ་ལྟར་རང་རྒྱལ་ནི་གོང་མ་གཉིས་ལས་ཁྱད་པར་དུ་གཟུགས་ཕུང་བདག་མེད་པར་ལྟ་བས་འཕགས་ཏེ། རང་བྱང་ཆུབ་ཀྱི་འབྲས་བུ་ཐོབ་པའི་དུས་ན་ཉན་ཐོས་ལྟར་དགེ་བའི་གཤེས་གཉེན་ལ་མི་ལྟོས་པར་སྔོན་གོམས་པའི་ཤུགས་ཀྱིས་རྟེན་ཅིང་འབྲེལ་འབྱུང་བཅུ་གཉིས་ཀྱི་སྒོ་ནས་འཁོར་བ་ཐོག་མ་དང་ཐ་མ་མེད་པར་རྟོགས་ཤིང་རང་བྱུང་ཐོབ་པར་ནུས་ན་ཡང་ཐེག་པ་ཆེན་པོ་མཉམ་པ་ཉིད་ཀྱི་ཆོས། ཐམས་ཅད་སེམས་སུ་འདུས་པར་མ་མཐོང་བས་གཉིས་སུ་མེད་པའི་ས་ལ་མྱུར་དུ་ཕྱིན་པའི་ཐབས་ཆུད་སྟེ་ལམ་མྱུར་བའི་རྩལ་མེད་དོ། །བཞི་པ་ལྟར་ཐེག་པ་ཆེན་པོ་མདོ་སྡེའི་ཐེག་པ་ནི། ཆོས་དང་གང་ཟག་གི་བདག་གཉིས་ཀ་མ་སྐྱེས་པར་རྟོགས་པས་མཉམ་པ་ཉིད་ཀྱི་དོན་ཐུགས་སུ་ཆུད་དེ། འོག་མ་ལས་ཀྱང་བྱང་ཆུབ་མྱུར་བའི་ཕྱིར་འཕགས་སོ། །ལྔ་པ་ལྟར་མདོ་

― TN03_Page_0659 ―

^{[མ་དཔེ་གཟིགས་ན་འདིར་གནོན།]}

(༤༣༧)སྡེ་བས་ཀྱང་ཀྲི་ཡ་འཕགས་ཏེ། མཉམ་པ་ཉིད་ཀྱི་དོན་ཐུགས་སུ་ཆུད་པར་མཚུངས་ཀྱང་། ཀུན་རྫོབ་ཏུ་འདི་བས་བདག་དམ་ཚིག་སེམས་དཔའ་བྲན། ཡེ་ཤེས་སེམས་དཔའ་ཇོ་བོའི་ཚུལ་དུ་རིགས་གསུམ་གྱི་སྐུར་བསྒོམ་སྟེ། སྐུ་མཚན་མ། གསུང་བཟླས་བརྗོད། ཐུགས་ཏིང་ངེ་འཛིན་གྱིས་གཙང་སྦྲ་དང་དུས་ཚིགས་དང་གཟའ་དང་རྒྱུ་སྐར་ལ་སོགས་པ་རྒྱུ་རྐྱེན་གཙོ་བོར་ཚོགས་པའི་མཐུ་ལས་ཚོགས་ཆེན་པོ་སྐྱེ་བས་ཁྱད་པར་དུ་འཕགས་སོ། །དྲུག་པ་ལྟར་ཨུ་པ་ཡ་དེ་ལས་ཀྱང་འཕགས་ཏེ། ཀུན་རྫོབ་ཏུ་ལྷ་ཡེ་ཤེས་སེམས་དཔའ་རིགས་བཞིར་འདོད་པས་ལྷའི་ཏིང་ངེ་འཛིན་ཡིག་འབྲུ་ལས་ཡན་ལག་བཞི་དང་ལྡན་པར་སྒོམ་ཞིང་། ཏིང་ངེ་འཛིན་དང་ཡོ་བྱད་རྒྱུ་རྐྱེན་གཉིས་ཀ་ལ་བརྟེན་ནས་སྒྲུབ་པའོ། །བདུན་པ་ལྟར། །དེ་བས་ཀྱང་ལྟ་སྤྱོད་མ་ཧཱ་ཡོ་ག་འཕགས་ཏེ། ཅིའི་ཕྱིར་ན། །སེམས་ཉིད་གདོད་མ་ནས་མ་སྐྱེས་པ་མཉམ་པ་ཉིད་ཀྱི་དབྱིངས་ལས་རིག་རྩལ་གྱི་ཐབས་ཆོ་འཕྲུལ་ཡི་གེ་འཕྲོ་འདུས་བདག་གཞན་གྱི་དོན་བྱ་བ་ནི་བསོད་ནམས་ཀྱི་ཚོགས། ཡི་གེ་ལས་སྐྱེས་པའི་ཞི་ཁྲོ་རྣམ་གཉིས་ཀྱི་དཀྱིལ་འཁོར་སྣ་ཚོགས་གཟུགས་དང་བཅས་པ་ཉིད། ཡི་གེ་མ་འདི་སྐོར་དཔྱད་སྐྱེས་པའི་སྒོ་ནས་མཚན་ཉིད་དུ་སྣང་བའི་སྒོ་ནས་དཀྱིལ་འཁོར་གྱི་ལྷ་རྣམས་ཀྱང་མ་སྐྱེས་པའི་སྒོ་ནས་རང་བཞིན་མེད་པ་ཆུ་ཟླ་བཞིན་སྤྱོད་ལ་མ་ཆགས་པར་རྟོགས་པའི་དུས་ནས་ཡེ་ཤེས་རྫོགས་ཏེ།

― TN03_Page_0660 ―

^{[མ་དཔེ་གཟིགས་ན་འདིར་གནོན།]}

(༤༣༨)ཚོགས་གཉིས་དུས་གཅིག་ལ་རྫོགས་སོ། །བརྒྱད་པ་ལྟར། དེ་བས་ཀྱང་ཨ་ནུ་ཡོ་ག་འཕགས་ཏེ། རྒྱུ་དག་པའི་དབྱིངས་ནས་འབྲས་བུ་ཡེ་ཤེས་ཀྱི་དཀྱིལ་འཁོར་དུ་སྣང་བས་སོ། །དེའང་གང་ལྟར་ན་སྔ་མ་ལྟར་ཡིག་འབྲུ་ལས་བསྐྱེད་མི་དགོས་ཏེ། ཕུང་པོ་ལྔ་རིགས་ལྔ། རྣམ་ཤེས་བརྒྱད་སེམས་དཔའ་བརྒྱད། ཡུལ་བརྒྱད་སེམས་མ་བརྒྱད་སོགས་སུ་ཡེ་ནས་གནས་ཏེ། ཕུང་ཁམས་སྐྱེ་མཆེད་ཐམས་ཅད་ནི་རྩ་བ་བྱང་ཆུབ་སེམས་སུ་འདུ་ལ། དེ་ཆོས་ཀྱི་དབྱིངས་ལས་མི་གཞན་པས་ཡེ་ནས་སངས་རྒྱས་པའོ། །དགུ་པ་ལྟར། །ཨ་ཏི་ཡོ་ག་བྱ་རྩོལ་ཐམས་ཅད་དང་བྲལ་བ་བདེ་བ་ཆེན་པོའི་དོན་ལྷུན་གྱིས་གྲུབ་པ་ནི། ཕྱི་ནང་གི་ཆོས་ཐམས་ཅད་རང་སེམས་སུ་འདུ་ལ། སེམས་ཀྱི་དེ་ཁོ་ན་ཉིད་ནི་གདོད་མ་ནས་མ་བྱུང་མ་སྐྱེས་ཏེ། མ་བྱུང་བ་ནི་འབྱུང་བའི་རྒྱུ་མེད་ལ། མ་སྐྱེས་པ་ནི་སྐྱེ་བའི་གནས་མེད་དོ། །དེའི་ཕྱིར་ན་ཡེ་ཤེས་འབྱུང་འཇུག་མེད་པའི་ཏིང་ངེ་འཛིན་ནོ། །ངང་གིས་མ་སྐྱེས་པའི་ཐིག་ལེ་ཆེན་པོའོ། །ཡོངས་ཀྱིས་འོད་གསལ་བའི་ཡེ་ཤེས་དང་། ཐམས་ཅད་བདག་གི་དབང་དུ་གྱུར་པའི་བདག་ཉིད་ཆེན་པོ་ཞེས་བྱའོ། །རྫོགས་པ་ཆེན་པོ་ཞེས་བྱའོ། །གཉིས་པ་ནི། རྟའི་སྐད་ལ་ཡོན་ཏན་བཅུ་གསུམ་སྟེ། རྟ་ཡི་སྐད་སྙན་པ་དང་། འཇམ་པ་དང་། གཏང་བ་དང་། གསང་བ་དང་། རིང་བ་དང་། ཡིད་དུ་འོང་བ་དང་། འབྲེལ་བ་དང་། བར་མ་

― TN03_Page_0661 ―

^{[མ་དཔེ་གཟིགས་ན་འདིར་གནོན།]}

(༤༣༩)ཆད་པ་དང་། ཟིལ་ཆེ་བ་དང་། རྩལ་ཆེ་བ་དང་། གདངས་ཆེ་བ་དང་། ངར་ཆེ་བ་དང་། ཕུལ་དུ་ཕྱིན་པའོ། །དང་པོ་ལྟར་དཔལ་རྟ་མགྲིན་ཡང་འགྲོ་བའི་དོན་ལ་དགའ་སྟེ། ས་དང་པོ་རབ་དགའ་དང་སྦྱོར། ལམ་ནི་ཚོགས་ལམ་དང་སྦྱར་རོ། །གཉིས་པ་ལྟར་དཔལ་རྟ་མགྲིན་འགྲོ་བའི་དོན་ལ་ཐུགས་འཇམ་ཞིང་བརྩེ་བར་མཛད་དེ། །ས་གཉིས་པ་དྲི་མ་མེད་པ་དང་། ལམ་སྦྱོར་ལམ་དང་སྦྱར་རོ། །གསུམ་པ་ལྟར་དཔལ་རྟ་མགྲིན་འགྲོ་བའི་དོན་ལ་མི་ཐོས་པ་མེད་པར་གནས་པ་སྟེ། ས་འོད་བྱེད་པ་དང་སྦྱོར། །བཞི་པ་ལྟར་དཔལ་འགྲོ་བའི་དོན་ལ་ཐུགས་སངས་ཤིང་འགྲོ་དོན་མཛད་དེ། །ས་འོད་འཕྲོ་དང་སྦྱོར། ལྔ་པ་ལྟར་དཔལ་འགྲོ་བའི་དོན་ལ་རིང་བ་སྟེ། ས་སྦྱང་དཀའ་དང་སྦྱོར། ལམ་ནི་མཐོང་ལམ་དང་སྦྱོར། དྲུག་པ་ལྟར་དཔལ་ཐམས་ཅད་ལ་ཐུགས་རྗེ་མཉམ་པ་སྟེ། །ས་མངོན་དུ་གྱུར་བ་དང་སྦྱར། བདུན་པ་ལྟར་དཔལ་གྱི་ཐུགས་རྗེས་འགྲོ་བ་རྣམས་ལ་རྒྱུན་ཆད་མེད་པར་གཟིགས་པ་སྟེ། །ས་རིང་དུ་སོང་བ་དང་སྦྱར། བརྒྱད་པ་ལྟར་དཔལ་གྱི་ཐུགས་རྗེས་འགྲོ་བའི་དོན་རྒྱུན་ཆད་མེད་པ་སྟེ། ས་མི་གཡོ་བ་དང་སྦྱོར། །ལམ་ནི་སྒོམ་ལམ་དང་སྦྱོར། དགུ་པ་ལྟར་དཔལ་གྱིས་འགྲོ་བའི་ཉོན་མོངས་པ་འཇོམས་ཤིང་ཟིལ་གྱིས་གནོན་པའོ། །ས་ལེགས་པའི་བློ་གྲོས་དང་སྦྱོར། བཅུ་པ་ལྟར་དཔལ་འགྲོ་བའི་དོན་ལ་རྩལ་དང་

― TN03_Page_0662 ―

^{[མ་དཔེ་གཟིགས་ན་འདིར་གནོན།]}

(༤༤༠)ལྡན་པ་སྟེ། ས་ཆོས་ཀྱི་སྤྲིན་དང་སྦྱོར། ལམ་ནི་མི་སློབ་ལམ་དང་སྦྱོར་རོ། །བཅུ་གཅིག་པ་ལྟར་དཔལ་གྱི་ཐུགས་རྗེ་འཁོར་བ་ན་གདངས་ཆེ་བ་སྟེ། ས་ཀུན་ཏུ་འོད་དང་སྦྱོར། བཅུ་གཉིས་པ་ལྟར་དཔལ་གྱི་ཐུགས་རྗེ་འགྲོ་བ་སྒྲོལ་བ་ལ་ངར་དང་ལྡན་པ་སྟེ། མ་ཆགས་པདྨ་ཅན་གྱི་ས་དང་སྦྱོར། བཅུ་གསུམ་པ་ལྟར་དཔལ་རྟ་མགྲིན་གྱིས་འགྲོ་བའི་དོན་ཕུལ་དུ་ཕྱིན་པ་སྟེ། ས་བཅུ་གསུམ་པ་ཡི་གེ་འཁོར་ལོ་ཚོགས་ཆེན་གྱི་ས་དང་སྦྱོར་རོ། །དེ་ལྟར་དཔལ་རྟ་མགྲིན་གྱི་རྟ་སྐད་ཐང་གཅིག་ལས་བཅུ་གསུམ་མ་བགྲོད་པར་རྫོགས། ལམ་ལྔ་མ་བགྲོད་པར་བགྲོད་དོ། །གསུམ་པ་ནི། །རྟ་ཤུགས་ཆེ། འགྲོ་མགྱོགས་པ་ལྟར། འཁོར་བ་བསྒྲལ་ཤུགས་ཆེ། སངས་རྒྱས་ས་ལ་འགྲོ་བ་མགྱོགས། དེས་ན་རྟ་སྐད་ཅེས་བྱ། རྟ་ཡི་རང་བཞིན་བགྲོད་མཁས་ཏེ། །ཐེག་པ་དགུ་དང་ས་ལམ་བགྲོད། །མཁས་ཤིང་རྩེ་མོར་ཕྱིན་པས་ན། །རྟ་མགྲིན་ཞེས་ནི་དེ་ལ་བྱ། །རྟ་ཡི་རང་བཞིན་ཁ་རྩལ་ཆེ། །དེ་བཞིན་རྟ་མཆོག་གསང་སྔགས་འདི། །གསང་སྔགས་གཞན་པས་ཁ་རྩལ་ཆེ། །རྟ་མགྲིན་ཞེས་ནི་དེ་ལ་བྱ། །རྟ་ནི་དྲག་པོའི་རྔམས་ཚུལ་ལས། །རྟ་མགྲིན་ལས་ནི་བྱེད་པའོ། །རྟ་མགྲིན་དྲག་པོའི་ངར་དང་ལྡན། །མགྲིན་ནི་གདུག་པ་འདུལ་བའོ། །རྟ་ནི་རྫུ་འཕྲུལ་རྐང་པར་ལྡན། །མགྲིན་ནི་སངས་རྒྱས་ས་གནོན་པའོ། །ཕྱི་ནི་རྟ་མགྲིན་

― TN03_Page_0663 ―

^{[མ་དཔེ་གཟིགས་ན་འདིར་གནོན།]}

(༤༤༡)ཁྲོ་བོའི་སྐུ། །ནང་གི་རྟ་མགྲིན་རྣལ་འབྱོར་སྐུ། །གསང་བའི་རྟ་མགྲིན་རང་སེམས་འདི། །སེམས་ལས་ལོགས་ན་སྒྲུབ་ཏུ་མེད། །སེམས་ཉིད་རྟ་མགྲིན་ཡིན་ཤེས་ན། །མཆོག་དང་ཐུན་མོང་དངོས་གྲུབ་འཐོབ། །ཡིད་བཞིན་ནོར་བུ་རང་ལ་རྙེད། །ཅིར་སྣང་ཅིར་རྟོག་ཅིར་ཐོས་པ། །རྟ་མགྲིན་ཉིད་ལས་གཞན་མ་ཡིན། །སྐུ་ཡི་ཆོ་འཕྲུལ་རྟ་མགྲིན་སྐུ་རུ་གསལ། །སྐྱེ་འགག་མེད་པའི་ངང་དུ་མྱ་ངན་འདས། །གསུང་གི་རང་བཞིན་རྟ་སྐད་ཅིར་སྒྲོགས་པ། །མ་སྐྱེས་མི་འགག་གསུང་དུ་མྱ་ངན་འདས། །ཐུགས་ཀྱི་རང་བཞིན་རྟ་མགྲིན་ཅིར་གསལ་ཡང་། །ཆོས་སྐུ་མཚན་མེད་ཀློང་དུ་མྱ་ངན་འདས། །དེ་ལྟར་རྟོགས་ན་རྟ་མགྲིན་རྣལ་འབྱོར་ཡིན། །གསང་སྔགས་ལ་ཤན་འབྱེད་པ་ཁྱད་པར་འཕགས། །ཅེས་གསུངས། བཞི་པ་ལ། །དཔལ་རྟ་མགྲིན་གྱི་རྟ་སྐད་ཐེང་གསུམ་གྱིས་མ་མོ་མཁའ་འགྲོའི་ཚོགས་ལ་བརྡ་སྤྲད་པ་དང་། མ་མོའི་འགྱིང་སྐད་ཐེང་གསུམ་གྱིས་དཔལ་རྡོ་རྗེའི་མིང་སྲིང་བརྡ་ཕྲད་དེ་དགོངས་ཀློང་རྡོལ་བ་དང་། རྣལ་འབྱོར་པའི་བརྡ་སྐད་ཐང་གསུམ་གྱིས་སྣང་སྲིད་མ་མོའི་ཚོགས་ལ་དབང་བསྒྱུར་ཏེ་ལས་བྱེད་པའི་ཚུལ་དང་གསུམ་ལས། དང་པོ་ནི། རྟ་སྐད་དང་པོ་བོས་པས་སྣང་ཞིང་སྲིད་པའི་ཆོས་ཐམས་ཅད་ཡེ་ནས་མ་བཅོས་མ་སྦྱང་བར་དཔལ་རྫབ་དགོངས་ཀྱི་མཚན་ལྟར་མ་མོ་མཁའ་འགྲོ་ལ་དབང་སྡུད་ཟིལ་གནོན་གཏོང་ཚུལ་ཡིན་པས།

― TN03_Page_0664 ―

^{[མ་དཔེ་གཟིགས་ན་འདིར་གནོན།]}

(༤༤༢)མཁས་པའི་ཡིད་འཕྲོགས་ན་འདི་ཐད་བཤད་པ་རྣམས་གསང་རྫོགས་སོགས་ཀྱི་རྟ་སྐད་ཀྱི་སྟེང་དུ་བཤད་ནས་འདི་དང་ཡང་གནད་གཅིག་པ་ཙམ་དུ་བྱས་ན་ལེགས་སམ་སྙམ་རྟ་མགྲིན་གྱི་དཀྱིལ་འཁོར་དུ་ལྷུན་གྱིས་གྲུབ་པར་རྟོགས་པའོ། །རྟ་སྐད་བར་མ་བོས་པས་ཁམས་གསུམ་སྲིད་གསུམ་གྱིས་བསྡུས་པའི་ཆོས་ཐམས་ཅད་ཤ་ཆེན་གྱི་ཕུང་པོ་དང་། ཁྲག་གི་རྒྱ་མཚོ་དང་། ཀེང་རུས་ཀྱི་རི་རབ་ཏུ་གྱུར་པས་མ་མོ་དང་མཁའ་འགྲོ་ཐམས་ཅད་དགྱེས་པའི་ལོངས་སྤྱོད་རྒྱུན་མི་འཆད་པར་བསམ། རྟ་སྐད་ཐ་མ་བོས་པས་མ་མོ་དང་མཁའ་འགྲོ་ཐམས་ཅད་བཀའ་འོག་ཏུ་བསྡུས་ནས་ཕྲིན་ལས་རྣམ་པ་བཞི་ལ་སོགས་པ་ཅི་བཅོལ་བའི་ལས་རྫོགས་པར་བྱེད་དེ། བཀའ་ཉན་གསུང་སྡོད་ཅེས་བྱའོ། །གཉིས་པ་ནི། དཔལ་གྱི་རྟ་སྐད་ཐེང་གསུམ་བོས་པའི་དུས་ན། མ་མོ་རྣམས་འགྱིངས་ཤིང་དམ་ཚིག་དང་སྔོན་གྱི་ཐ་ཚིག་ལས་མི་འདའ་བའི་གླུ། བདག་ཅག་ནམ་མཁའི་དབྱིངས་ནས་མཆི། །ནམ་མཁའ་དབྱིངས་ནས་མི་མཆི་རུ། །བདག་ཅག་གནས་ནི་ནམ་མཁའ་ལགས། །བདག་ཅག་འཐེང་ཞིང་གྲུམ་ཞིང་མཆི། །འཐེང་ཞིང་གྲུམ་ཞིང་མི་མཆི་རུ། །ཀེང་རུས་རི་རབ་རྩེ་མོ་ཚ། །བདག་ཅག་འབོག་ཅིང་བརྒྱལ་ཞིང་མཆིས། །འབོག་ཅིང་བརྒྱལ་ཞིང་མི་མཆི་རུ། །རཀྟའི་རྒྱ་མཚོ་གཏིང་རེ་ཟབ། །བདག་ཅག་ཐང་ཅིག་ཡུད་ལ་མཆི། །ཐང་ཅིག་ཡུད་ལ་མི་མཆི་རུ། །མིང་པོ་རྡོ་རྗེའི་བཀའ་ལུང་གཉན། །ཞེས་

― TN03_Page_0665 ―

^{[མ་དཔེ་གཟིགས་ན་འདིར་གནོན།]}

(༤༤༣)ལན་ནོ། །གསུམ་པ་ནི། ཐལ་མོ་དང་པོ་བརྡབ་པས། ཆོས་ལ་དགྲ་བྱུང་། སངས་རྒྱས་ར་མདའ་ཟློག། ཅེས་པའི་བརྡ་སྐད་ཀྱིས་དཔལ་ཁྲག་འཐུང་རྣམས་དབྱིངས་ནས་སྐུལ། ཐལ་མོ་བར་པ་བརྡབ་པས་ཕྲ་མེན་རྣམས་དབྱིངས་ནས་བསྐུལ། ཐལ་མོ་ཐ་མ་བརྡབ་པས་ལས་ཀྱི་མཁའ་འགྲོ་མ་རྣམས་ལས་ལ་བསྐུལ་ཏེ་བཙུད་པ་རྣམས་སོ། །དེ་དག་ཐམས་ཅད་བསྡུ་ན་གཉིས་ཏེ། རྟ་སྐད་ལྟ་བར་དགོངས་པ་དང་། སྤྱོད་པར་དགོངས་པའོ། །དང་པོ་ལ་གཉིས་ཏེ། ངོ་བོ་དོན་གྱི་རྟ་སྐད། གསང་སྔགས་གནད་ཀྱི་རྟ་སྐད་དོ། །དང་པོ་ནི་གསུམ་སྟེ། རང་བཞིན་ངོ་བོ་དོན་གྱི་རྟ་སྐད་སྣང་སྲིད་ཐམས་ཅད་ཡེ་ནས་མ་བཅོས་མ་སྦྱངས་ལྷུན་གྱིས་གྲུབ་པའི་དཔལ་རྟ་མགྲིན། དེ་ལྟར་རྟོགས་པའོ། །རིག་པ་ངོ་བོ་ཉིད་ཀྱི་རྟ་སྐད་རང་རིག་པ་དཔལ་ཆེན་པོའི་སྐུར་ཡེ་ནས་མ་བཅོས་པར་གནས་པའོ། །གཉིས་སུ་མེད་པ་ངོ་བོ་ཉིད་ཀྱི་རྟ་སྐད་ཐབས་ཤེས་གཉིས་སུ་མེད་པའམ། དོན་དམ་པ་དང་ཀུན་རྫོབ་གཉིས་སུ་མེད་པའམ། དབྱིངས་དང་ཡེ་ཤེས་གཉིས་སུ་མེད་པའམ། སྣང་བ་དང་སྟོང་པ་དབྱེར་མེད་པ་ལ་བྱ་སྟེ། དེ་ཡང་སྣང་སྲིད་ཐམས་ཅད་དཔལ་རྟ་མགྲིན་གྱི་དཀྱིལ་འཁོར་དུ་སྣང་ཙམ་ན་སྣང་ཞིང་སྟོང་སྟེ་སྣང་ལ་རང་བཞིན་མེད། དེ་ཉིད་རིག་པ་བྱང་ཆུབ་ཀྱི་སེམས་སུ་རྟོགས་པའོ། །གཉིས་པ་ལ་གསུམ་སྟེ།

― TN03_Page_0666 ―

^{[མ་དཔེ་གཟིགས་ན་འདིར་གནོན།]}

(༤༤༤)ཐེག་པ་རིམ་པས་བགྲོད་པའི་རྟ་སྐད་ཀྱིས་ཐེག་རིམ་དགུའི་ནང་ནས་དཔལ་རྟ་མགྲིན་གྱི་རྣལ་འབྱོར་སངས་རྒྱས་ཀྱི་ས་ལ་འགྲོ་བ་མགྱོགས་པར་བསྟན་པ་རྟའི་འགྲོས་དགུ་དང་སྦྱར་ནས་སོ། །ས་ལམ་དང་སྦྱར་བའི་རྟ་སྐད་བཅུ་གསུམ་དང་སྦྱར་ཏེ། འདིའི་རྣལ་འབྱོར་པ་ས་ལམ་མྱུར་དུ་བགྲོད་པའི་ཆེ་བ་བསྟན་པ། །གསང་སྔགས་ལ་ཤན་དབྱེ་བའི་རྟ་སྐད། གསང་སྔགས་གཞན་ལས་དཔལ་རྟ་མགྲིན་ཆེ་བའི་ཡོན་ཏན་རྟ་མགོ་དང་སྦྱར་ནས་བསྟན་པའོ། །རྟ་སྐད་སྤྱོད་པར་དགོངས་པ་ལ་གཉིས་ཏེ། གདུལ་བྱ་ཐབས་ཀྱི་རྟ་སྐད་དང་། དཔལ་ཆེན་ཆེ་བའི་རྟ་སྐད་དོ། །དང་པོ་ལ་གསུམ་ལས། དཔལ་གྱི་རྟ་སྐད་ཐེང་གསུམ་ནི། རྟ་སྐད་དང་པོ་དམ་ཚིག་རྗེས་སུ་བསྐུལ་བ། བར་པ་བཀའ་ལ་དྲངས་པ། ཐ་མ་དོན་བྱེད་པའོ། །མ་མོའི་འགྱིང་སྐད་ཐེང་གསུམ་ནི། རང་རྒྱུད་ཆེ་བའི་རྔམས་སྐད། །བྱིན་བརླབ་རྫས་ལེན་གྱི་གདངས་སྐད། དྲག་པོ་ལས་ལ་ཆས་པའི་འགྱིང་སྐད་དོ། །རྣལ་འབྱོར་པའི་བརྡ་སྐད་ཐེང་གསུམ་ནི། ལུས་ཀྱི་བརྡ། ཐལ་མོ་དང་སེ་གོལ་སོགས། ངག་གི་བརྡ། བཤུགས་པའི་གླུ་སོགས། ཡིད་ཀྱི་བརྡ་དགོངས་པ་གཏོད་པ་དང་གསུམ་མོ། །དཔལ་ཆེན་ཆེ་བའི་རྟ་སྐད་ནི། །པདྨ་ཁྲག་འཐུང་ཁྲོས་པའི་སྐུ། །ཐམས་ཅད་དབང་དུ་སྡུད་པར་བྱེད། །སྣང་སྲིད་ལྷ་སྲིན་སྡེ་བརྒྱད་ལ། །བསྙེན་པ་བྱས་པས་ཉེར་མ་འདོད། །བསྒྲུབ་པ་བྱས་པས་རྟགས་མ་ཐོན། །

― TN03_Page_0667 ―

^{[མ་དཔེ་གཟིགས་ན་འདིར་གནོན།]}

(༤༤༥)བསྒོས་པས་ལས་བྱེད་མ་འདོད་ན། །སྡེ་བརྒྱད་སྲིད་པ་དཀྲུགས་པར་བྱེད། །སྤྱོད་བག་ཤོང་བའི་དབེན་གནས་སུ། །ལུས་ངག་ཡིད་གསུམ་ཁྲོས་ཀྱིས་ཀྱང་། དམར་ནག་གཞི་གཅིག་དམིགས་པ་བསྐྱེད། །ཡུལ་གསུམ་གསལ་བར་གྱུར་པ་དང་། །པདྨ་དབང་ཆེན་རྟ་མགྲིན་སྐུ། །ཏིང་འཛིན་བརྟན་པོས་བསྒྲུབ་པ་ལས། །དབང་ཆེན་ཕྱག་རྒྱ་བྱས་ནས་ནི། ཁྲོས་པའི་རྟ་སྐད་ཐེངས་གསུམ་འདོན། ཁྲོས་པའི་རྟ་སྐད་ཐང་གསུམ་གྱིས། །སྣང་སྲིད་ལྷ་སྲིན་སྡེ་བརྒྱད་ཀྱང་། །འབྲོང་རྒོད་འདྲོགས་པ་བཞིན་དུ་ནི། །རང་དབང་མེད་པར་ཧད་ཀྱིས་དངངས། །རྟ་སྐད་ལན་གསུམ་བཏོན་པ་ཡིས། །ཤ་རུལ་དོང་དུ་བཅུག་པ་ལ། །ཤ་སྦྲང་ལ་སོགས་འདུ་བ་བཞིན། །རང་དབང་མེད་པར་དབང་དུ་བསྡུས། །རྟ་སྐད་ཐེང་གསུམ་བཏོན་པ་ཡིས། །སྣང་སྲིད་ལྷ་སྲིན་སྡེ་བརྒྱད་ཀྱང་། །རྒྱལ་ཁྲིམས་དམ་པའི་དམངས་རྣམས་བཞིན། །རང་དབང་མེད་པར་འདུར་གྱིས་བཏང་། །དེ་ནི་རྟ་མགྲིན་རྣལ་འབྱོར་རོ། །པདྨ་གསུང་གི་སྒྲུབ་པའི་ཐ་རམ་བཤད་ཟིན་ཏོ། །ཞེས་པའོ། །གསང་སྔགས་བཀའི་ལྡེ་མིག་ལས། པདྨ་གསུང་གི་སྒྲུབ་ཐབས་ཅུང་ཟད་ཅིག་བཤད་དེ༔ པདྨ་དབང་གི་རྒྱལ་པོ་དཔལ་རྟ་མགྲིན་ལ་གསུམ་སྟེ༔ མཚོན་པ་དཔེའི་རྟ་མགྲིན་དང་༔ ཆོས་ཉིད་དོན་གྱི་རྟ་མགྲིན་དང་༔འཁོར་བ་རྟགས་ཀྱི་རྟ་མགྲིན་ནོ༔ །

― TN03_Page_0668 ―

^{[མ་དཔེ་གཟིགས་ན་འདིར་གནོན།]}

(༤༤༦)མཚོན་པ་དཔེའི་རྟ་མགྲིན་ལ་ངོ་བོ་ངེས་ཚིག་དབྱེ་བ་གསུམ་མོ༔ ངོ་བོ་ནི༔ རྟའི་མགོ་ལྗང་གུར་སྣང་བའོ༔ ངེས་ཚིག་ནི༔ རྫུ་འཕྲུལ་གྱི་རྐང་པ་དང་ལྡན༔ བགྲོད་མཁས༔ སྐད་རིང་༔ ཤུགས་ཆེ་བས༔ དཔལ་རྟ་མགྲིན་ཀྱང་འཁོར་བར་ཐུགས་རྗེའི་རྫུ་འཕྲུལ་དང་ལྡན་ལ༔ ཐེག་དགུའི་ས་ལམ་བགྲོད་མཁས༔ འཁོར་བར་ཐུགས་རྗེའི་སྐད་རིང་ལ༔ སངས་རྒྱས་ཀྱི་ས་ལ་བགྲོད་པ་ལ་ཤུགས་ཆེའོ༔ དབྱེ་ན༔ རྟ་མགོ་ལྗང་ཀུ༔ དཔྲལ་བ་ཞུར་པོ༔ རྔོག་མ་ལེ་བརྒན༔ ཕུམ་ཕུམ་སེར་པོ༔ དོན་གཅིག་ལ་རྟགས་བཞི་ཚང་བའོ༔ ཆོས་ཉིད་དོན་གྱི་རྟ་མགྲིན་ལའང་༔ ངོ་བོ༔ ངེས་ཚིག༔ དབྱེ་བ་གསུམ་མོ༔ ངོ་བོ་ནི༔ ཆོས་ཉིད་བྱང་ཆུབ་སེམས་གཞི་ཅིའི་ངོ་བོར་ཡང་མ་གྲུབ་པའོ༔ ངེས་ཚིག་ནི༔ ཆོས་ཉིད་བྱང་ཆུབ་སེམས་རྟ་ལྟར་མགྱོགས་པའི་སེམས་ཅན་གྱི་དོན་ལ་ཕྲིན་ལས་སྐད་ཅིག་གིས་མཛད་པས་རྟ་མགྲིན་ཞེས་བྱའོ༔ དབྱེ་ན༔ ཕྱིའི་རྟ་མགྲིན༔ ནང་གི་རྟ་མགྲིན༔ གསང་བའི་རྟ་མགྲིན་དང་གསུམ་མོ༔ ཕྱིའི་རྟ་མགྲིན་ནི༔ར ང་གི་རིག་པ་རྟ་མགྲིན་གྱི་སྐུར་སྣང་བའོ༔ ནང་གི་རྟ་མགྲིན་ནི༔ར ང་གི་ལུས་རྟ་མགྲིན་གྱི་སྐུར་སྣང་བའོ༔ གསང་བའི་རྟ་མགྲིན་ནི༔ སེམས་ཉིད་

― TN03_Page_0669 ―

^{[མ་དཔེ་གཟིགས་ན་འདིར་གནོན།]}

(༤༤༧)རྟ་མགྲིན་གྱི་ངོ་བོར་ཡེ་ནས་གྲུབ་པའོ༔ འཁོར་བ་རྟགས་ཀྱི་རྟ་མགྲིན་ལ་ཡང་གསུམ་སྟེ༔ ངོ་བོ༔ ངེས་ཚིག༔ དབྱེ་བ་གསུམ་མོ༔ ངོ་བོ་ནི༔ ལོངས་སྤྱོད་རྫོགས་པའི་སྐུའོ༔ ངེས་ཚིག་ནི༔ འཁོར་བའི་སེམས་ཅན་ལ་ཐུགས་རྗེ་རྟ་ལྟར་ཆགས་པ་ཆེ་བས་དབང་གི་རིགས་སུ་སྐུ་མདོག་དམར་པོར་བསྟན་པའོ༔ དབྱེ་བ་ནི༔ ཕྱི་ཞི་བ་སྤྱན་རས་གཟིགས་ཐུགས་རྗེ་ཆེན་པོ་ལ༔ ནང་པདྨ་དབང་ཆེན་གྱི་སྐུར་བསྟན་པའོ༔ རྟ་མགྲིན་པདྨ་གསུང་གི་ལྡེ་མིག་རྪྱོ་རྪྱོ༔ ཞེས་གསུངས་སོ། །སྒྲུབ་པ་ལུང་གི་བཀའ་སྒོ་ལས། པདྨ་གསུང་གི་སྒྲུབ་པར་གདགས་པ་ཡང་༔ འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་རྟ་སྐད་ཐེང་གསུམ་དུ་འདུས་ཏེ༔ རྟ་སྐད་ལྟ་བར་དགོངས་པ་དང་༔ རྟ་སྐད་སྤྱོད་པར་དགོངས་པའོ། རྟ་སྐད་ལྟ་བར་དགོངས་པ་ནི༔ རྟ་སྐད་ཐེང་གཅིག་བཏོན་པས་སྣང་སྲིད་ཐམས་ཅད་དབང་དུ་བསྡུས༔ གཉིས་ཀྱིས་པདྨའི་རང་བཞིན་དུ་གྱུར༔ གསུམ་གྱིས་བསྐྱེད་རྫོགས་གསུམ་གྱི་ས་ལ་སྦྱངས་སོ༔ རྟ་སྐད་སྤྱོད་པར་དགོངས་པ་ནི། རྟ་སྐད་ཐེང་གཅིག་གིས་ལྷ་འདྲེ་ཐམས་ཅད་སྡངས༔ གཉིས་ཀྱིས་སྔོན་གྱི་དམ་ཚིག་རྗེས་སུ་དྲན༔ གསུམ་གྱིས་དབང་དུ་འདུས་པའོ༔ དེ་བས་ན་སྣང་སྲིད་ཐམས་ཅད་རྟ་སྐད་ཐང་གསུམ་དུ་འདུལ༔ །རྟ་སྐད་པདྨ་དབང་

― TN03_Page_0670 ―

^{[མ་དཔེ་གཟིགས་ན་འདིར་གནོན།]}

(༤༤༨)ཆེན་གྱི་གསུང་དུ་གནས་པས༔ པདྨ་གསུང་གི་སྒྲུབ་པ་ཞེས་བྱའོ༔ པདྨ་ཐམས་ཅད་ཀྱི་མཐའ་གར་ཐུག་ན་རྟ་སྐད་ཐེངས་གསུམ་གྱི་དགོངས་པར་ཐུག་ཅེས་ཀྱང་དེ་ལ་བྱའོ༔ ཞེས་བཤད། མ་ཚང་ཁ་སྐོང་གི་རྒྱུད་དང་། མདོ་རྒྱུད་རྟོག་པ་བསྡུས་པའི་སྒྲོན་མ་སོགས་གཞན་དུ་ཡང་གསུངས་མོད་ཀྱི། །དེ་ཙམ་ལས་མ་བྲིས་སོ། །བཀའ་བརྒྱད་གསང་རྫོགས་ཀྱི་རྒྱུད་ཀྱི་ལེའུ་བརྒྱད་པ་ལས། །འཁོར་འདས་སྣང་སྟོང་དབྱེར་མེད་རྟ་སྐད་གསུམ༔ རང་སེམས་དྲི་མེད་རྣམ་དག་ས་ལམ་བཅད༔ སྣང་སྟོང་གྲགས་སྟོང་དྲན་སྟོང་སོ་མར་ཞོག༔ འཁོར་འདས་ཟིལ་གནོན་རྟ་སྐད་དགོངས་པ་ཡིན༔ ཞེས་གསུངས། དྲག་པོ་རང་བྱུང་རང་ཤར་གྱི་རྫོགས་རིམ་སྙིང་ཏིག་རྣམ་པ་བཅུའི་ནང་ཚན་གཉིས་པ་ནི། ཉོན་ཅིག་གསང་བདག་རྡོ་རྗེ་འཛིན༔རང་རང་དྲི་མ་མེད་པ་དེ༔ རྣམ་དག་སངས་རྒྱས་ཀུན་གྱི་ལམ༔ ཅིར་སྣང་རྟོག་པས་མ་དེད་པར༔ སྣང་སྲིད་ང་བདག་མེད་པ་རུ༔ གཟུགས་སྣང་ཐམས་ཅད་སྣང་སྟོང་ཡིན༔ སྒྲ་རྣམས་གྲགས་སྟོང་ངོ་བོ་མེད༔ དྲན་རྟོག་འགྱུ་བ་རླུང་དང་འདྲ༔ ཐམས་ཅད་དབྱེར་མེད་སོ་མར་ཞོག༔ དེ་ཚེ་འཁོར་བ་ཟིལ་གྱིས་གནོན༔ པདྨ་གསུང་གི་དགོངས་པ་ཡིན༔ ཅེས་གསུངས་སོ༔ ཞེས་པ་འདི་ཡིན་ནོ། །གྲོལ་ཏིག་ཐུགས་སྒྲུབ་པདྨ་རཱ་གར། རྟ་མགོ་ལྗང་ཞུར་རླུང་ལྔ་ཡེ་ཤེས་ལྡན༔ རྟ་སྐད་

― TN03_Page_0671 ―

^{[མ་དཔེ་གཟིགས་ན་འདིར་གནོན།]}

(༤༤༩)རྔམས་སྒྲས་ཆོས་ཀྱི་ཕུང་པོ་སྡུད༔ ཕག་ཞལ་ནག་མོ་དུར་སྒྲ་ཕྱོགས་བཅུར་སྒྲོགས༔ ཁམས་གསུམ་དབང་སྡུད་ཕྱོགས་བཅུའི་དྲེགས་པ་འདུལ༔ གཉིས་མེད་ཧྲཱིཿཧཱུཾ་དུག་ལྔའི་རྟོག་པ་འཇོམས༔ ཞེས་གསུངས་ཤིང་སྐྱབས་རྗེས་ཕག་མོའི་ཁྲིད་གནང་སྐབས་ཤིག་ཏུ་ཡང་། ཕག་ཞལ་གྱི་ངུར་སྒྲས་ཁམས་གསུམ་མ་ལུས་པ་བདེ་བ་ཆེན་པོའི་དབྱིངས་སུ་སྡུད་ནུས་པ༔ ཞེས་བཀའ་སྩལ་པ་དྲན་ནོ། །པྲ་བྷ་ཀ་རས་མཛད་པའི་རྟ་མགྲིན་སྒྲུབ་ཐབས་ལས། པ་ལ་ཤའི་མདོག་ཅན་གྱི་རྟ་གདོང་གསུངས་ནས། རྟའི་གདོང་པ་ནི་གཞན་པ་མེད་པའི་སེམས་ཀྱི་རང་བཞིན་འདི་ཆོས་ཀྱི་དབྱིངས་རྣམ་པར་དག་པ་དང་། །ལམ་རྣམ་པར་དག་པར་གཞོལ་བར་མངོན་པར་བརྗོད་དོ། །ཞེས་དང་། ཐོག་དཔྱད་པ་མེད་པའི་ཡེ་ཤེས་ཀྱི་སེམས་འདུད་འགྲོའི་ཞལ་དུ་བསྟན་ཏོ། །ཞེས་སོ། །སངས་རྒྱས་གསང་བས་རྣམ་སྣང་མངོན་བྱང་གི་འགྲེལ་པར། རྟ་མགྲིན་ཞེས་སུ་གྲགས་ཞེས་པ་ནི་ཆོས་ལ་འབིགས་པའི་ཡེ་ཤེས་མྱུར་ཞིང་མགྱོགས་པ་རྟ་དང་འདྲ་བ་དང་། སེམས་ཅན་གྱི་དོན་བྱ་བ་ལ་མགྱོགས་འདིས་ནི་ཐུགས་རྗེའི་ཤུགས་མྱུར་བར་བསྟན་པས། འགྲུབ་ཐག་ཉེ་བར་ཤེས་ནུས། པ་རྟ་དང་འདྲ་བའི་ཕྱིར་རྟ་མགྲིན་ཞེས་བྱའོ། །ཞེས་སོ། །ཡང་དེ་ཉིད་ལས། ཞི་རྒྱས་དབང་གི་ཕྲིན་ལས་གསུམ་མཚོན་པའི་ཁ་དོག་དཀར་སེར་སྔོན་པོ་རྣམས་འདུས་པའི་ལྗང་ཀུས་ནི་ལས་སྣ་

― TN03_Page_0672 ―

^{[མ་དཔེ་གཟིགས་ན་འདིར་གནོན།]}

(༤༥༠)ཚོགས་ཀྱི་བདག་ཉིད་དུ་མཚོན་ཞེས་ལྷ་མོ་སྒྲོལ་མའི་སྐབས་སུ་གསུངས་སོ། །རྟ་ཞལ་སྟེང་ཕྱོགས་རིང་པོར་བསྟོད་དེ་འཚེར་བས་ནི། ས་བླའི་མཐར་ཐུག་པའི་དྲེགས་ལྡན་དབང་དུ་བྱེད་པར་ཇོ་བོ་རྗེས་མཛད་པའི་རྟ་མགྲིན་སྒྲུབ་ཐབས་ཤིག་ཏུ་སྣང་ངོ་། འདི་བློ་འཆུགས་ཡིན་གྱི། རྟོགས་པ་བདུན་བརྒྱ་པ་ལས་གསུངས་པའི་རྟ་མགྲིན་གྱི་སྒྲུབ་ཐབས་སུ། རྟ་ཞལ་སྔོན་པོ་ཧཱི་ཧཱིའི་སྒྲ་སྒྲོགས་པ། སྲིད་རྩེའི་མཐར་ཐུག་པའི་ཚངས་པའི་སྒོ་ངའི་རྩེ་རྟ་ཞལ་གྱིས་མནན་པ། ཞེས་པ་འདི་ལས་གཞན་མི་སྣང་སྟེ། དེའང་ཇོ་བོའི་གཞུང་ཡིན་པར་མ་བཤད། གཡས་ཕྱོགས་སུ་བལྟས་ཏེ་འཚེར་བའི་རྟས་ས་ཆེན་པོ་ལས་རྣམ་པར་རྒྱལ་བར་བྱེད་པར་ཤ་ལི་ཧོ་ཏྲས་བཤད་པ་སོགས་འགའ་ཞིག་ཀྱང་ཆོས་མཐུན་སྦྱོར་ཡུལ་དུ་ཡོད་དམ་སྙམ། མཆན། ས་གཞི་ལ་རྟའི་མཆོག་ཏུ་གྱུར་པ་རིགས་བཟང་ཞིང་རྣམ་འགྱུར་མེད་པ་ནི། ཨཱ་ཛཱ་ནེ་ཡ༔ ཅང་ཤེས་རྣམས་ཏེ། གཡུལ་དུ་མཚོན་ཆས་ལྕི་བར་བསྣུན་ཀྱང་བདག་པོ་གང་ཡིན་འདོར་བར་མི་བྱེད་པའོ། །ཞེས་འཆི་མེད་མཛོད་ཀྱི་འགྲེལ་པར་བཤད་དེ། །བཀའ་གཏེར་མང་པོར་གཞན་དོན་ལ་སྤྲོ་བ་མི་འཕྲོགས་པའི་བརྩོན་འགྲུས་ཀྱི་ལྷར་མཚོན་པའི་ཕྱིར་རྟ་ཞལ་འཆང་བར་བཤད་པ་ལ་མཁོ། ཡང་དེ་ཉིད་ལས། ཨཱ་ཛཱ་ནེ་ཡའི་ཨཱ་མངོན་པར་ཁྱབ་པ་སྟེ་བགྲོད་བྱའི་གནས་སུ་ཞོན་པ་པོས་བཞིན་ནས་ཤུགས་ཀྱིས་ཕྱིན་པར་བྱེད་པ་ནི་ངེས་པའི་ཚིག་གོ །གང་དུ་ལེགས་པར་ཁུར་འཁྱེར་བའི་ཚུལ་ཅན་བདེ་བར་བཞོན་པར་བྱར་ཡོད་པ་དེ་ནི་པི་ནི་ཏ༔ སྟེ་རྣམ་པར་དུལ་བ་ཞེས་བྱའོ། །

― TN03_Page_0673 ―

^{[མ་དཔེ་གཟིགས་ན་འདིར་གནོན།]}

(༤༥༡)ཞེས་བཤད་དེ་ཆོས་མཚུངས་སྦྱོར་དུས་མཁོའོ། ༈ །སྙན་རྒྱུད་རྟ་མགྲིན་སྙིང་ཏིག་ལས་རྟ་སྐད་ཐང་གསུམ་གྱི་དོན་གཞི་ལམ་འབྲས་གསུམ་དང་སྦྱར་ནས་གསུངས་པ་ནི་ཟུར་དུ་ཤེས། རྟ་སྐད་ཐང་གཅིག་ཀ་དག་གི་དགོངས་པ་ནི་དབང་བཞི་པའི་གཞུང་འདི་ཟབ་ཅིང་གསལ་ཏེ། ཧཱི་ཧཱི་ཧཱི༔ རྡོ་རྗེའི་རྟ་སྐད་འཚེར་བའི་དབྱངས༔ གསལ་ཞིང་བརྗིད་པའི་གདངས་ཆེན་པོ༔ རང་བྱུང་ནམ་མཁའི་དཀྱིལ་ནས་བསྒྲགས༔ བདེ་སྟོང་ཉམས་ཀྱི་ངོ་བོར་ལྟོས༔ དེ་ལ་རྩེ་གཅིག་མཉམ་བཞག་པས༔ དང་པོ་སྐྱེ་མེད་སྟོང་སང་ངེ་༔ བར་དུ་གནས་མེད་ཟང་ཐལ་ལེ༔ ཐ་མ་འགགས་མེད་རྗེན་ཅེ་རེ༔ རང་བཞིན་ཡོངས་ཤེས་དྲན་པའི་ངང་༔ ཡིད་མིག་རླུང་གསུམ་དབྱེར་མེད་འཇོག༔ འདི་དོན་རྟོགས་ན་དོན་གྱི་དབང་༔ པདྨ་དབང་ཆེན་ཚེ་འདིར་འགྲུབ༔ དྷཱ་ཏུ་ཛྙཱ་ན་ཨ་བྷི་ཥིཉྩ་ཧཱུཾཿ ཞེས་བཀའ་སྩལ་བའོ། །དབང་ཆེན་ཡང་གསང་ཁྲོས་པའི་ལ་བཟླ་རྟ་སྐད་ཐང་གཅིག་གི་གཞུང་ནི། བཅོམ་ལྡན་འདས་པདྨ་དབང་ཆེན་ལ་ཕྱག་འཚལ་ལོ། །དབུ་གཙུག་སྤྲུལ་པ་རྡོ་རྗེ་རྟ་ཡི་སྐད། །མི་སྐྱེ་མི་འགག་ནམ་མཁའི་རང་བཞིན་ཅན། །སྣང་སྲིད་ལོ་ཀ་ཐམས་ཅད་ཅིར་མི་དམིགས། །དོན་དམ་ཀུན་རྫོབ་མཚོན་པ་མྱ་ངན་འདས། །རྡོ་རྗེ་རྟ་སྐད་རྣམ་ཤེས་ཐུགས་ཉིད་སེམས། །དམིགས་མེད་ཆོས་ཀྱི་སྐུ་ལ་སྟོང་ཡེ་གསལ། །

― TN03_Page_0674 ―

^{[མ་དཔེ་གཟིགས་ན་འདིར་གནོན།]}

(༤༥༢)ད་ནི་དམིགས་མེད་མཚོན་པ་མྱ་ངན་འདས། །རྡོ་རྗེ་རྟ་སྐད་གཟུགས་སུ་རྣམ་པར་ཏེ། །ལོངས་སྤྱོད་སྐུ་ལ་གསལ་བ་ཡེ་ཤེས་ནི། །གསལ་ལ་རང་བཞིན་མེད་པར་མཚོན་པ་མྱ་ངན་འདས། །རྡོ་རྗེ་རྟ་སྐད་འདུ་བྱེད་གསུང་དུ་སྣང་། །ཅིར་ཡང་སྤྲུལ་ཏེ་ཡེ་ཤེས་སོ་སོར་རྟོག །གཉིས་མཐའ་དངོས་མེད་མཚོན་པ་མྱ་ངན་འདས། །རྡོ་རྗེ་རྟ་སྐད་འདུ་ཤེས་ཕྲིན་ལས་གྲུབ། །མངོན་པར་བྱང་ཆུབ་ཡེ་ཤེས་ནན་ཏན་ཏེ། །མཐར་ཕྱིན་ལྷུན་གྲུབ་མཚོན་པ་མྱ་ངན་འདས། །རྡོ་རྗེ་རྟ་སྐད་ཚོར་བ་ཡོན་ཏན་འབྱུང་། །མི་འགྱུར་སྐུ་ལ་མཉམ་པའི་ཡེ་ཤེས་གསལ། །མི་མཉམ་མཉམ་པར་མཚོན་པས་མྱ་ངན་འདས། །ཀུན་རྫོབ་སྒྲ་དབྱངས་འབྱུང་བའི་གནས་དག་ནི། །དེ་ཉིད་ལས་སྤྲུལ་རྡོ་རྗེ་རྟ་ཡི་དབུ། །མགྲིན་པ་པདྨའི་ཡེ་ཤེས་འཁོར་ལོ་སྟེ། །ཐབས་ཉིད་ཡབ་སྟེ་ཡ་མཁལ་རྟགས། །ཤེས་རབ་ཡུམ་སྟེ་མ་མགལ་མམ། །གཉིས་མེད་ལྕེ་སྟེ་ཧྲཱིཿཉིད་འབྱུང་། །དེ་ཕྱིར་རྡོ་རྗེ་རྟ་ཡི་མགྲིན་པར་བརྗོད། །རྡོ་རྗེ་རྟ་སྐད་དཔེ་ནི་ནམ་མཁར་བཞག །ནམ་མཁའི་རང་བཞིན་མ་སྐྱེས་མ་འགག་པས། །སྣང་སྲིད་ཀུན་ཀྱང་མཚོན་པས་མྱ་ངན་འདས། །རྡོ་རྗེ་རྟ་སྐད་དོན་ནི་ཆོས་ཉིད་དེ། །ཆོས་ཉིད་བདེ་ཆེན་མ་སྐྱེས་མི་བསྐྱེད་པས། །དེ་ཕྱིར་ཆོས་ཉིད་ཀུན་ཀྱང་མྱ་ངན་འདས། །རྡོ་རྗེ་རྟ་སྐད་རྟགས་ནི་སེམས་ཉིད་དེ། །སེམས་ཉིད་རང་བཞིན་མ་སྐྱེས་མི་

― TN03_Page_0675 ―

^{[མ་དཔེ་གཟིགས་ན་འདིར་གནོན།]}

(༤༥༣)འགགས་པས། །དེ་བཞིན་སེམས་ཅན་མཚོན་པ་མྱ་ངན་འདས། །དེ་ལྟར་གདུལ་བྱའི་དོན་དུ་གསུངས་པ་ཡང་། །ཕུང་པོ་ཁམས་དང་སྐྱེ་མཆེད་མ་ལུས་པ། །པདྨ་དབང་གི་དཀྱིལ་འཁོར་ཡེ་ནས་ཡིན། །ཡིན་པའི་དོན་ལ་རིག་པ་གསལ་བཀོད་ནས། །བདེ་ཆེན་བྱང་ཆུབ་སེམས་སུ་སངས་རྒྱས་སོ། །སེམས་དང་ཡེ་ཤེས་དབྱེར་མེད་དོན་གཅིག་པས། །རྟོག་པ་ཡེ་ཤེས་སེམས་སུ་ཀུན་རྟོགས་ན། །བདེ་ཆེན་བྱང་ཆུབ་སེམས་སུ་སངས་རྒྱས་སོ། །འཁོར་བའི་རྒྱུ་ཉིད་ཐར་པའི་ལམ་གྱི་སྐབས། །དུཿཁའི་རྒྱུ་ཉིད་ཆོས་ཉིད་བྱང་ཆུབ་སེམས། །མ་སྤངས་ལྷུན་གྱིས་གྲུབ་པའི་དོན་རྟོགས་ན། །བདེ་ཆེན་བྱང་ཆུབ་སེམས་སུ་སངས་རྒྱས་སོ། །ཡེ་ཤེས་རྟ་མགྲིན་རང་བཞིན་རྟ་མགྲིན་དང་། །ལས་ལ་སོགས་པ་མང་པོའི་ཚིག་བརྗོད་ཀྱང་། །བདག་ནི་བྱིན་རླབས་ཁྲོ་བོར་སྣང་བ་ལས། །གཞན་ན་ཁྲོ་བོར་གྲུབ་པ་ཅི་ཡང་མེད། །བདག་སྣང་བདག་འཁོལ་ལས་ཀུན་བདག་བྱེད་དེ། །བདག་གིས་གཡོས་ན་ཕྱི་ནང་སྣོད་བཅུད་གཡོ། །ཀུན་ཏུ་ཆེ་བཙན་འགྲན་གྱི་ཟླ་མེད་པས། །ཡོངས་ལ་ཐོགས་མེད་བདེ་འབྱམས་རྒྱ་མཚོ་ལ། །བདེ་ཆེན་བྱང་ཆུབ་སེམས་སུ་སངས་རྒྱས་སོ། །ཐམས་ཅད་བྱང་ཆུབ་སེམས་སུ་རྟོགས་པས་གང་ཡང་ལྷུན་གྱིས་གྲུབ། །རྣམ་རྟོག་མིང་ཡང་མེད་པས་གང་བསྒྲལ་ཅི་མི་ལྟས། །ཐབས་མཁས་

― TN03_Page_0676 ―

^{[མ་དཔེ་གཟིགས་ན་འདིར་གནོན།]}

(༤༥༤)རོལ་པ་ཡིན་པས་འཁོར་བའི་སྐྱོན་མ་གོས། །ཐུགས་རྗེ་བྱང་ཆུབ་ཡིན་པས་ཐར་པ་བདེ་ཆེན་ཐོབ། །ཀུན་གྱི་བདག་ཉིད་ཡིན་པས་མཁའ་འགྲོ་ངང་གིས་འཁོལ། །བདེ་ཆེན་རྒྱལ་པོ་ཡིན་པས་འཁོར་གྱི་རྗེ་བོ་ཡིན། །ཐམས་ཅད་བདག་ལས་བྱུང་བས་ཀུན་གྱི་བདག་པོ་ཡིན། །ང་རྒྱལ་རྟགས་སུ་ཆེ་བས་འགྲོ་དྲུག་ཐབས་ཀྱིས་འདུལ། །ཐུགས་རྗེའི་འབྲུག་སྒྲས་ཁམས་གསུམ་ཡོངས་སུ་ལྡིར། །ཐུགས་རྗེའི་བྱམས་ལྡན་ཉི་མའི་འོད་བཞིན་འཆར། །རྣམ་རྟོག་གཉེན་པོར་མི་རྟོག་ཡེ་ཤེས་ཆེ། །འཁོར་བའི་གཉེན་པོར་རང་འབྱུང་སངས་རྒྱས་ཏེ། །རྣམ་རྟོག་ཐབས་ཀྱི་གཉེན་པོར་གང་རྟོགས་ན། །མཁའ་འགྲོ་འདུ་བར་བྱ་བའི་ཐབས་གཞན་མེད། །འཁོར་བ་མྱ་ངན་འདས་པའི་དོན་རྟོགས་ནས། །འཁོར་དགྲ་བསྒྲལ་ཞིང་ཚར་བཅད་བྱ་མི་དགོས། །ཡེ་ཤེས་འཇམ་དཔལ་མཚན་གྱིས་རབ་རྫོགས་ནས། །རྒྱལ་བྱེད་རྟགས་དང་ཕྱག་རྒྱ་བསྒྲུབ་མི་དགོས། །ཕྲིན་ལས་བྱ་རྩོལ་བློ་ལས་ཡེ་འདས་ན། །སྒོམ་གྲུབ་དཀྱིལ་འཁོར་བྱ་བ་ཅི་ཡང་མེད། །འདི་ལྟར་མན་ངག་རྟོགས་པའི་གདེང་གྱུར་ན། །བསྒྲུབ་ན་སྐྱོན་མེད་མ་བསྒྲུབ་འགལ་བ་མེད། །བསྒྲལ་ན་སྐྱོན་མེད་མ་བསྒྲལ་འགལ་བ་མེད། །བསམ་དུ་མེད་དོ་ཆོས་དབྱིངས་ནམ་མཁའ་འདྲ། །སྒོམ་དུ་མེད་དོ་རང་འབྱུང་ཀློང་ནས་ཤར། །བདེ་འབྱམས་དབྱིངས་ཕྱུག་ཡུམ་གྱི་

― TN03_Page_0677 ―

^{[མ་དཔེ་གཟིགས་ན་འདིར་གནོན།]}

(༤༥༥)རྒྱལ་པོ་ཡིན། །མ་འགག་ཅི་བདེར་ཡིན་གྱིས་ཡབ་ཀྱི་མཁའ། །སེམས་ལ་གང་ཡང་མི་རྟོག་རང་འབྱུང་སྐུ། །ཐབས་ལ་གང་ཡང་མི་འགོག་མ་བཅོས་སྐུ། །དོན་ལ་གང་ཡང་མི་རྟོག་ཆོས་ཀྱི་སྐུ། །ཆོས་ཀྱི་སྐུ་ལ་གཡོ་ཞིང་སྐྱེ་བ་མེད། །འཕོ་འགྱུར་མེད་པའི་ཀློང་བཞིན་སྒྲུབ་པ་མེད། །ཡེ་ཤེས་བྱང་ཆུབ་སེམས་སུ་དག་པ་ན། །འདུ་འཛི་བྱིས་པའི་རྩེད་མོས་ཅི་ཞིག་བྱ། །མ་འདས་ཀློང་གི་དམ་ཚིག་བསྲུང་མེད་ན། །ཉོན་མོངས་བདེ་སྡུག་མྱ་ངན་ཅི་ལ་སྤྱོད། །ཐབས་མཁས་རོལ་པའི་ཏིང་འཛིན་ཤར་བ་ལ། །ཕུང་པོ་ཚི་ཆད་སྩོལ་སྒྲུབ་ཅི་ལ་བྱ། །ཕྱི་ནང་སྣོད་བཅུད་ཐིག་ལེར་སངས་རྒྱས་ན། །གཞན་ནས་ཚོལ་ཞིང་སྨོན་དུ་ཅི་ཡང་མེད། །སྐུ་ཡི་ཆོ་འཕྲུལ་རྟ་མགྲིན་སྐུ་ལ་གསལ། །སྐྱེ་འགག་མེད་པའི་ངང་དུ་ལ་བཟླའོ། །གསུང་གི་རང་བཞིན་རྟ་སྐད་ཅི་སྒྲོགས་པ། །མི་སྐྱེ་མི་འགག་གསུང་དུ་ལ་བཟླའོ། །ཐུགས་ཀྱི་རང་བཞིན་རྟ་མགྲིན་ཅི་གསལ་ཡང་། །ཆོས་སྐུ་དངོས་མེད་ངང་དུ་ལ་བཟླའོ། །འདི་ལྟར་རྟོགས་ན་རྟ་མགྲིན་རྣལ་འབྱོར་ཡིན། །གཞན་པས་ཁྱད་འཕགས་གསང་སྔགས་དམ་པའི་ལམ། །ཞེས་སོ། །དཔལ་པདྨ་དབང་ཆེན་གྱི་རྟ་སྐད་ཐང་གཅིག་གི་དགོངས་པ་རྫོགས་སོ།། ཨྀྠི། །ཞེས་པ་སྟེ་དཔེ་སྐྱོན་ནི་ཆེས་མང་བར་སྣང་ཡང་རེ་ཞིག་བསྡུར་ས་མ་རྙེད། །

― TN03_Page_0678 ―

^{[མ་དཔེ་གཟིགས་ན་འདིར་གནོན།]}

(༤༥༦)ཉང་རིན་པོ་ཆེའི་མཁའ་འགྲོ་ཆེན་མོའི་གསང་སྒྲུབ་ཀྱི་ཡབ་རྐྱང་གི་སྒྲུབ་པའི་ལེའུ་ལས། དབུ་གཙུག་རྟ་མགོ་ལྗང་ཀུ་ནི༔ རྟ་འགྲོ་བ་མགྱོགས་ཤིང་ཤུགས་ཆེ་བ་དང་འདྲ་བར༔ དཔལ་རྟ་མགྲིན་སངས་རྒྱས་ས་ལ་འགྲོ་བ་ལ་ལྷ་གཞན་པས་ཤུགས་ཆེ་ཞིང་འགྲོ་བ་མགྱོགས་པའོ༔ ལྗང་ཀུ་ནི་དབང་དྲག་གཉིས་ཀྱིས་འགྲོ་བའི་དོན་མཛད་པའོ༔ དཔྲལ་བ་ཞུར་བ་ནི༔ ཐུགས་རྗེ་དྲི་མ་མེད་པར་གཟིགས་པའོ༔ ཕུམ་ཕུམ་སེར་པོ་ནི་ཆེ་བའི་ཡོན་ཏན་དང་ལྡན་པའོ༔ རྡོག་མ་ལེ་བརྒན་ནི་དབང་གི་ཕྲིན་ལས་མཛད་པའོ༔ གཡས་ཕྱོགས་སུ་ལྟ་བ་ནི་འགྲོ་བའི་དོན་ལ་བདེ་བའོ༔ ཞེས་གསུངས་ཏེ། །དེའི་ཕྱི་མ་ནི་གོང་དུ། དབུ་གཙུག་རྟ་མགོ་ལྗང་ཞུར་གཡས་ཕྱོགས་སུ་ལྟ་བ༔ ཞེས་གསུངས་སོ། །ཡང་བདེ་འདུས་བསྐུལ་ཆེན་ལས། གཡས་ཀྱི་རྟ་སྐད་ལྷང་ལྷང་ཐང་གཅིག་གིས༔ ཞལ་གཡས་མྱ་ངན་འདས་པའི་ཆོས་ཀྱང་སྟོན༔ གཡོན་གྱི་རྟ་སྐད་ལྷང་ལྷང་ཐང་གཅིག་གིས༔ རྣལ་འབྱོར་ཡལ་གམ་ཅན་ལ་སིདྡྷི་སྟེར༔ དབུས་ཀྱི་རྟ་སྐད་ལྷང་ལྷང་ཐང་གཅིག་གིས༔ སྲིད་པའི་མ་མོ་བོས་ཤིང་དམ་ལ་སྡུད༔ ཅེས་དང་། ལྷོ་བྲག་ཕྱག་རྡོར་སྙན་བརྒྱུད་ཀྱི་དྲག་པོ་སུམ་སྒྲིལ་ལས། རྟ་སྐད་གཡས་སུ་བཏོན་པས་ཕོ་རྒྱུད་དང་། གཡོན་དུ་བཏོན་པས་མོ་རྒྱུད་ཐམས་ཅད་དབང་དུ་སྡུད་པ། དབུས་སུ་བཏོན་པས་སྒྲུབ་པ་པོ་ལ་དངོས་གྲུབ་

― TN03_Page_0679 ―

^{[མ་དཔེ་གཟིགས་ན་འདིར་གནོན།]}

(༤༥༧)རྩོལ་བ། ཞེས་འབྱུང་ཞིང་། ཡང་དེ་ཉིད་ལས། །རྟ་སྐད་ལན་གསུམ་བཏོན་པས་ཁམས་གསུམ་དབང་དུ་སྡུད་པ། ཞེས་དང་། ཀློང་སྙིང་བཀའ་བརྒྱད་ལས། དབུ་གཙུག་རྟ་སྐད་ལྷང་ལྷང་འཚེར་བ་ཡིས༔ ངན་སོང་གནས་སྟོང་ཡེ་ཤེས་དོན་ལ་སྐུལཿ ཡེ་ཤེས་མ་མོ་མཁའ་འགྲོ་ཕོ་ཉར་འགྱེདཿ ཅེས་ཀྱང་འབྱུང་། དབང་ཆེན་གདབ་ཁ་ལྷ་གཞུང་གང་དུ་བྱུང་ཡང་། ཕུར་བུའི་སྒོ་ནས་བྱེད་པ་ལྟར། བྲོ་མནན་གང་དུ་བྱུང་ཡང་རྟ་བྲོ་ཞེས་ལྷ་འདིའི་སྒོ་ནས་བྱེད་པ་གྲགས་ཆེའོ། །གྱི་བྲོ། ཕུར་བུའི་གདབ་ཁ། མ་མོའི་ཐུན། ཞེས་མཁས་གྲུབ་མུས་སྲད་པ་སོགས་མང་པོས་བཤད་པའི་རྟ་བྲོའི་དགོངས་པ་ནི། རྒྱལ་པོ་བཀའ་འབུམ་གྱི་ཕྱི་གནོད་སྦྱིན་ཕོ་མོའི་བར་ཆད་འདུལ་བ་བརྟུལ་ཞུགས་གསུམ་གྱི་མན་ངག་ཏུ། ལུས་ཀྱི་བརྟུལ་ཞུགས་ལུས་རྟ་མགྲིན་གྱི་སྐུར་སྒོམ་པ་དང་། ངག་གི་བརྟུལ་ཞུགས་རྟ་སྔགས་དྲག་ཏུ་ཟློ་ཞིང་རྟ་སྐད་བཏོན་པས་དྲེགས་པ་ཐམས་ཅད་དབང་མེད་དུ་འདུ་བར་གསུངས་པའི་འཕྲོར་སེམས་ཏིང་ངེ་འཛིན་གྱི་བརྟུལ་ཞུགས་ལ་བདུན་ལས༔ འབྲུག་ལྟར་ཆེ་བའི་བརྟུལ་ཞུགས་ནི༔ རིག་པ་ངར་དང་ལྡན་པས་ཧུར་འདོན༔ ཐོག་ལྟར་དྲག་པོའི་བརྟུལ་ཞུགས་ནི༔ བར་དུ་གཅོད་པའི་སྟེང་དུ་ཐོག་བབས་པ་ལྟར་དྲག་ཏུ་གཏད༔ གློག་ལྟར་འཁྱུག་པའི་བརྟུལ་ཞུགས་ནི༔ ཏིང་ངེ་འཛིན་གྱི་རྩལ་མྱུར་བར་འདོན༔ ཉི་ཟླ་ལྟར་

― TN03_Page_0680 ―

^{[མ་དཔེ་གཟིགས་ན་འདིར་གནོན།]}

(༤༥༨)གསལ་འགྲིབ་མེད་པའི་བརྟུལ་ཞུགས་ནི༔ ཏིང་ངེ་འཛིན་ལ་གསལ་འགྲིབ་མེད་པར་རིག་པ་གསལ་བཏབ༔ མི་རྟོག་པ་སྦྲུལ་ལྟ་བུའི་བཏུལ་ཞུགས་ནི༔ ཏིང་ངེ་འཛིན་གྱི་དམིགས་པ་ཡུན་རིང་ལ་ཚན་ཆེ་བར་བྱ༔ ཆུ་བོ་ལྟར་རྒྱུན་མི་འཆད་པའི་བརྟུལ་ཞུགས་ནི༔ ཉིན་མཚན་མེད་པར་ལྷའི་ང་རྒྱལ་བྱ༔ རྡོ་རྗེ་ལྟར་མི་འགྱུར་བའི་བརྟུལ་ཞུགས་ནི༔ སེམས་མི་འགྱུར་བའི་གདེངས་དང་ལྡན་པར་བྱའོ༔ ནང་དུག་ལྔའི་རྣམ་རྟོག་གང་སྐྱེས་ཀྱི་སྟེང་དུ་ཡང་བརྟུལ་ཞུགས་འདི་དག་བཏང་ན་ཤིན་ཏུ་ཟབ་པར་སྣང་། །བར་ཆད་མཐར་ཕྱིན་པ་ནི་ནང་གི་བར་ཆད་ཡིན་པས་དེ་འདུལ་བ་ལ་ནན་ཏན་བྱའོ། །ཞེས་གསུངས་ཏེ། གྲོལ་ཏིག་རྟ་མགྲིན་དྲེགས་འདུལ་དང་དེ་གཉིས་ལྷ་སྔགས་དང་བཤད་ཚུལ་གཅིག་ཏུ་འདུག་པས་གྲོལ་ཏིག་གི་ལུང་མཁས་པའི་ཡིད་འཕྲོགས་སུ་བྲིས་པ་དང་བསྒྲིག་རྒྱུ་ཡིན་ནོ། །རྟ་མགྲིན་དྲེགས་པ་དབང་སྡུད་གཅིག་པོ་དེ་ཉིད་བཀའ་འབུམ་གྱི་སྐོར་གཉིས་སུ་བཞུགས་པ་ལས་སྔ་མ་ཞལ་གདམས་སྐོར་པ་ཡིན་ལ། སྒྲུབ་ཐབས་སྐོར་པ་ན། །བརྟུལ་ཞུགས་གསུམ་གྱི་དང་པོ་གཉིས་སྔར་དང་ཧ་ལམ་འདྲ། དེ་ནས། སེམས་ཏིང་ངེ་འཛིན་གྱི་བརྟུལ་ཞུགས་ཀྱིས་མི་འཇིགས་པའི་གདེངས་བཅའ་བ་ནི༔ རང་དང་ལྷ་གཉིས་དབྱེར་མེད་པས༔ སེམས་སྐྱེ་མེད་ཀྱི་རང་བཞིན་ངར་དང་བཅས་ལ༔ གང་ལ་ཡང་འཇིགས་པའི་ཉམ་ང་བ་དང་བག་ཚ་

― TN03_Page_0681 ―

^{[མ་དཔེ་གཟིགས་ན་འདིར་གནོན།]}

(༤༥༩)བ་མེད་པར་གདོན་བགེགས་ཀྱི་སྟེང་དུ་ཐོག་བརྫི་བྱའོ༔ སྐབས་སུ་རྟ་སྐད་འདོན་ཞིང་བརྟུལ་ཞུགས་བྱའོ༔ ལུས་རྟ་མགྲིན་གྱི་སྐུར་གསལ་བས་ལུས་ལྷའི་གདེངས་ཀྱིས་ཟིན་པས་ལྷ་མ་སྲིན་སྡེ་བརྒྱད་དབང་དུ་འདུས༔ ངག་སྔགས་སུ་གསལ་བས་དྲེགས་པ་ཅན་ཐམས་ཅད་བཀའ་ཉན་གསུང་སྡོད༔ ཡིད་ཆོས་ཉིད་དུ་གསལ་བས་འཇིག་རྟེན་ལས་འདས་པ་ཐམས་ཅད་ཟིལ་གྱིས་ནོན་ནོ༔ དེ་ལྟ་བུའི་དགོངས་པ་དང་ལྡན་ཙ་ན་ལྷ་འདྲེ་མི་གསུམ་དབང་དུ་འདུས་པར་འགྱུར་རོ༔ བྱང་གཏེར་གེགས་སེལ་ལས། །གསང་སྤྱོད་འདི་ནི་འདྲེ་རྟོག་གཅིག་པོ་མ་ཡིན་པའི༔ མཛེ་ལྷོག་ནད་རིམ་ཐམས་ཅད༔ ཉམ་ང་བ༔ བག་ཚ་བ༔ མི་གཙངབ༔ མི་སྡུག་པཿ སྐྱུག་བྲོ་བ༔ ཉམས་དམའ་བ༔ ཤེད་ཆུང་བ༔ ངོ་ཚ་བ་ལ་སོགས་མདོར་ན་རྟོག་པ་སྐྱེས་ཚད་གོང་བཞིན་དུ་བཅད་དོ༔ ཞེས་གསུངས་ཏེ་པདྨའི་ལམ་རིམ་འགྲེལ་པར་ཡང་ཞུ་དག་ཕེར། དྲེགས་པ་ཅན་ཐམས་ཅད་ལས་ལ་བཀོལ་ནས་བྲན་བཞིན་དུ་ལས་བྱེད་དེ༔ སརྦ་བྷཱུ་ཏ་ཏྲིག་ནན་ཞེས་པ་སྔགས་ལ་བཏགས་ནས་རྟ་བྲོ་བརྡུང་ངོ་༔ བར་ཆད་ཐམས་ཅད་རྡུལ་དུ་འགྲོའོ༔ ཞེས་གྲོལ་ཏིག་ལྟར་གསུངས་སོ། །ཡང་དཀའ་འབུམ་བྱིན་རླབས་སྦ་ཆོས་ལས། ལྷ་འདྲེ་འགྱུར་མེད་ཀྱི་སྲང་ལ་འཇུག་པ་ལ་གསུམ་སྟེ༔ རི་རབ་ཀྱི་ཁོང་གསེང་དུ་མནན་པ་དང་༔ རྒྱ་མཚོའི་གཏིང་དུ་མནན་པ་དང་༔ ཆུ་བོའི་གཞུང་ལ་མནན་པའོ༔ རི་རབ་ཁོང་སེང་ལ་མནན་པ་ནི༔ འདྲེ་དང་གདོན་རང་

― TN03_Page_0682 ―

^{[མ་དཔེ་གཟིགས་ན་འདིར་གནོན།]}

(༤༦༠)གི་སེམས་སུ་ཤེས༔ སེམས་སྟོང་པར་ཤེས༔ སྟོང་པ་ལ་གནོད་བྱེད་མ་གྲུབ་པས༔ རང་ལྟ་བ་མི་འགྱུར་བའི་གདེངས་དང་ལྡན་པ་ལ་ལྷ་འདྲེ་ལྡང་མི་ནུས་སོ། །རྒྱ་མཚོའི་གཏིང་དུ་མནན་པ་ནི༔ འདྲེ་རྣམ་རྟོག་ཡིན་ཏེ་རྟོག་པ་སེམས་ལས་བྱུང་༔ སེམས་ངོ་བོ་སྟོང་པ་ཡིན༔ གསལ་ལ་དྭངས་པ་ཡིན༔ སྟོང་གསལ་རྟོག་མེད་ལ་ལྷ་འདྲེ་མ་གྲུབ་པ་དེ་སྒོམ་པ་ཡིན་ནོ༔ ཆུ་བོའི་གཞུང་ལ་མནན་པ་ནི༔ ལྷ་འདྲེའི་རྟོག་པ་སེམས་ཡིན༔ རྟོག་པ་རྒྱུན་ཆད་མེད་པར་སེམས་ལས་སྐྱེས༔ ལྷའི་བཟང་རྟོག་དང་འདྲེའི་ངན་རྟོག་ཐམས་ཅད་བྱུང་ཡང་སེམས་ལས་བྱུང་༔ གྲོལ་ཡང་སེམས་སུ་གྲོལ་བས་རང་ཤར་རང་གྲོལ་རྒྱུན་ཆད་མེད་པ་ནི་ཐུགས་རྗེ་ཆེན་པོའི་སྤྱོད་པ་ཡིན་ནོ༔ དེ་ལྟར་དུ་རྟོགས་ཙ་ན་ལྷ་འདྲེ་འགྱུར་མེད་ཀྱི་སྲང་དུ་ཚུད་པ་ཞེས་བྱའོ༔ འདྲེའི་འགྱུ་སྲང་རྣམ་རྟོག་ཡིན་པས། རྣམ་རྟོག་དེ་རོ་སྙོམ་གྱི་གནད་ཀྱིས་ཐད་ཀར་གཅོད་པ་འདི་ལ། བགེགས་ཀྱི་ལམ་སྲང་གཅད་པ་ཞེས་གསུངས། །ཞེས་གསུངས་ཏེ། བྲོ་མནན་རྣམས་སུ་བར་ཆད་རྣམ་ཐར་སྒོ་གསུམ་གྱི་ཀློང་དུ་རྒྱས་འདེབས་བྱེད་པར་གསུངས་པ་དང་། །གོང་གི་བརྟུལ་ཞུགས་བདུན་པ་དང་། །འདི་རྣམས་ལྟོ་སྦྱར་ན་བྲོ་མནན་གྱི་དགོངས་པ་ལ་ངེས་པ་སྟེར་རོ། །འགྱུར་མེད་ཀྱི་སྲང་དུ་འཛུད་ཅེས་པ་ནི་སྐོར་ལྔའི་སྐབས་སུ། བཟློག་སྒྱུར་ཡོངས་གྲུབ་འོད་གསལ་ཆེན་པོའི་དབྱིངས༔ མི་ལྡོག་

― TN03_Page_0683 ―

^{[མ་དཔེ་གཟིགས་ན་འདིར་གནོན།]}

(༤༦༡)ཕྱག་རྒྱས་འདེབས་པའི་ཕྲིན་ལས་མཛོད༔ཅེས་པ་དང་དོན་འདྲ་སྟེ། དེའང་དངོས་འཛིན་གཞིར་བཞག་གི་སྟེང་ནས་བར་ཆད་ཟློག་པའི་ཐབས་མང་པོ་འཚོལ་བ་ནི། ཁྱི་རྡོ་རྗེས་སུ་རྒྱུག་པའི་དཔེ་ལྟར་གནོད་པ་གཅིག་གཉིས་ལས་ཐར་ཡང་ད་དུང་འཛད་མེད་དུ་རྟིང་མནན་ནས་ཡོང་བས་སྙིང་པོ་ཆུང་ལ། འདིར་བཤད་པའི་ཟབ་གནད་འདི་ཡོད་ན། རྨི་ལམ་དུ་འཇིགས་སྐྲག་ཆུ་བོའི་གཉེར་མ་ལྟར་འབྱུང་བཞིན་པའི་འཕྲོ་ལ་གཉིད་གཅིག་པུ་དེ་སད་ན་དེ་ཐམས་ཅད་ཀྱི་རྫུན་ཕུགས་དེར་རྡིབས་ནས་འགྲོ་བ་བཞིན་ཡིན་ཏེ། སྒྲུབ་པ་ལུང་ཆེན་འདུས་པར། ཡང་གསང་དེ་ཁོ་ན་ཉིད་ཀྱི་ཟློག་པའི་གཞུང་། འཁོར་འདས་ཆོས་ཀུན་གདོད་མ་ནས༔ སྟོང་ཆེན་མཁའ་ལྟར་རྣམ་པར་དག༔ དོན་གྱི་ཀུན་བཟང་ཧེ་རུ་ཀའི༔ ཐིག་ལེ་ཆེན་པོར་དབྱེར་མེད་ཀྱང་༔ དེ་ཉིད་མ་རིག་འཁྲུལ་པ་ལས༔ བདག་དང་གཞན་དུ་རྣམ་པར་བརྟགས༔ ཉོན་མོངས་བག་ཆགས་རིམ་གྱིས་འཕེལ༔ འཇིགས་པའི་གདོན་དང་བཞི་བརྒྱའི་ནད༔ ལྡང་བྱེད་དགྲ་དང་གནོད་བྱེད་བགེགས༔ བར་ཆད་རྐྱེན་ངན་ཅི་ཤར་ཡང་༔ འཁྲུལ་པ་རྨི་ལམ་ལྟ་བུར་སྣང་༔ སྣང་དུས་ཉིད་ནས་མ་གྲུབ་པས༔ སྒྱུ་མའི་འཁྲུལ་འཁོར་ཞིག་པ་ལྟར༔ རང་བཞིན་འོད་གསལ་བྱང་ཆུབ་སེམས༔ སྟོང་པ་ཉིད་ཀྱི་ངང་དུ་བྷྱོ༔ མཚན་མ་མེད་པའི་

― TN03_Page_0684 ―

^{[མ་དཔེ་གཟིགས་ན་འདིར་གནོན།]}

(༤༦༢)དབྱིངས་སུ་ཟློག༔ སྨོན་པ་མེད་པའི་མཁའ་ལ་བསྟིམས༔ དུས་གསུམ་འགྱུར་བ་མེད་པ་ཡི༔ ཕྱག་རྒྱ་ཆེན་པོར་རྒྱས་ཐོབ་ཅིག༔ ཅེས་གསུངས་སོ། །ཚུལ་དེ་ཀློང་དུ་གྱུར་པ་ན་ནི་བར་ཆད་ཆེ་ཆུང་གང་ཡིན་ཡང་འདུལ་དཀའ་སླ་མེད་དེ། གོང་གི་དཔེས་ཤེས་སོ། །རྟོགས་པ་མཐོན་པོ་ལ་བཤད་པ་བཞིན་རེ་ཞིག་མི་འོང་ཡང་། འདི་མོས་སྒོམ་ཙམ་བྱས་ཀྱང་སྟོབས་གཞན་དང་ཆེས་མི་འདྲའོ། །རྒྱ་གར་གྱི་པ་གྲུབ་དུ་མའི་གཞུང་དང་། གཏེར་ཕྱོགས་མང་པོར་དོན་དམ་པའི་སྲུང་བ་གསུངས་པ་དང་། དེ་ཁོ་ན་ཉིད་ཀྱི་སྦྱིན་སྲེག་འཇོག་ཚུལ་སོགས་ལ་ལྟོས་དང་། སྲུང་ཟློག་མནན་སྲེག་ཐམས་ཅད་ཀྱི་སྐབས་སུ། གཙོ་བོ་བརྒྱའི་ནང་ནས་གྲོས་ཐག་ཆོད་ནུས་གཅིག་ཟེར་བ་ལྟ་བུ་ནི། དབང་ཆེན་གླུ་གར་གྱི་དེ་ཉིད་བདེ་སྟོང་དབྱེར་མེད་ཀྱི་རྣལ་འབྱོར་འདི་ཉིད་ཡིན་པར་ངེས་སོ། །རྟ་མཆོག་རོལ་པའི་ཏནྟྲ་ལེའུ་བརྒྱ་རེ་གཅིག་པར། ཚངས་སོགས་ཞིང་ཁམས་སྦྱང་བའི་ཕྱིར། །དབྱངས་དྲུག་རྟོགས་པའི་ལྟ་བར་བཞག །བྲོ་དྲུག་རྫོགས་པའི་སྤྱོད་ལམ་ཡིན། །དབྱངས་དྲུག་གདངས་སུ་བླང་བ་ནི། །གྲུབ་པའི་དབྱངས་ཀྱིས་ཐུགས་དམ་བསྐང་། །ཚངས་པའི་དབྱངས་ཀྱིས་ཞིང་ཁམས་སྦྱངས། །གདུང་བའི་དབྱངས་ཀྱིས་མ་སྲིང་མཉེས། །ལས་ཀྱི་དབྱངས་ཀྱིས་ཕོ་ཉ་འགྱེད། །སྒྱུ་མའི་དབྱངས་ཀྱིས་དགོངས་རྒྱུད་

― TN03_Page_0685 ―

^{[མ་དཔེ་གཟིགས་ན་འདིར་གནོན།]}

(༤༦༣)གསལ། །འབར་བའི་དབྱངས་ཀྱིས་བདུད་བཞི་འདུལ། །ཧཱུཾ་གི་དབྱངས་ཀྱིས་འཕྲོ་འདུ་འཁྲུགས། །གྲུ་གུའི་རྟ་མགྲིན་དྲེགས་སྒྲོལ་གྱི་བྲོ་རབས་ལས། གླུ་དྲུག་གསང་བའི་དབྱིངས་དང་སྦྱོར༔ བྲོ་དྲུག་འདུལ་བའི་ལས་དང་སྦྱོར༔ ཞེས་གསུངས། དེ་གླུ་དྲུག་ཀྱང་། གླུ་དྲུག་དབྱངས་སུ་བླང་བ་ནི༔ ཚངས་པའི་གླུས་ནི་ཞིང་ཁམས་སྦྱོང་༔ དཔལ་གྱི་གླུས་ནི་འཕྲོ་འདུ་གསལ༔ ཁྲོ་བོའི་གླུས་ནི་བདུད་བཞི་འདུལ༔ གདུང་བའི་གླུས་ནི་མ་སྲིང་བསྟེན༔ ཧཱུཾ་སྒྲའི་གླུས་ནི་འཕྲོ་འདུ་འཁྲུགས༔ དབུ་མའི་གླུས་ནི་དགོངས་རྒྱུད་གསལ༔ ཞེས་བྱུང་། གར་གྱི་བྲོ་བརྡུང་བྱིན་རླབ་ཆེ། །དབང་གྱི་བྲོ་བརྡུང་དུག་གསུམ་མཇོམས། །པདྨའི་བྲོ་བརྡུང་ཆགས་པ་མེད། ཁྲོ་བོའི་བྲོ་བརྡུང་དྲེགས་པ་འཇོམས། །ཕྲ་མེན་བྲོ་ནི་འགུགས་སྦྱོང་བྱེད། །རྫོགས་པའི་བྲོས་ནི་ལས་རྣམས་འགྲུབ། །ཅེས་གསུང་། གྲུ་གུ་ཡང་དབང་གི་རྟ་མགྲིན་བྲོ་རབས་ལས་ནི། བྲོ་དྲུག་རྫོགས་པར་ལྡན་པར་བརྡུང་༔ ཁྲོ་བོའི་བྲོ་བརྡུང་དྲེགས་པ་འཇོམས༔ དཔལ་གྱི་བྲོ་བརྡུང་བདུད་བཞི་འདུལ༔ མ་སྲིང་བྲོ་བརྡུང་གདུག་པ་འདུལ༔ དབང་གི་བྲོ་བརྡུང་སྲིན་པོ་འདུལ༔ ལས་ཀྱི་བྲོ་བརྡུང་ཕོ་ཉར་འགྱེད༔ རྣལ་འབྱོར་བྲོ་བརྡུང་ཐུགས་དམ་བསྐུལ༔ འདི་ནི་དཔལ་གྱི་ཐུགས་དམ་ཡིན༔ འདི་ནི་ཡུམ་གྱི་གསང་ཚིག་ཡིན༔ འདི་ནི་མ་སྲིང་དངོས་གྲུབ་ཡིན༔ འདི་ནི་ཕོ་ཉའི་ལོངས་སྤྱོད་ཡིན༔ ཞེས་བཤད་དོ། གཞན་ཡང་རྟ་རྒྱུད་ལས། བྲེང་ངེ་བ་དང་། །དུང་ངེ་བ་དང་། ཤ་ཏ་པ་དང་། ག་ཏ་པ་དང་། ཅང་ག་དེའུ་དང་། པང་ཀ་དེའུའི་གླུ་དྲུག་དང་། འདི་དྲུག་ལ་སྒྱུ་འཕྲུལ་ལམ་རིམ་འགྲེལ་

― TN03_Page_0686 ―

^{[མ་དཔེ་གཟིགས་ན་འདིར་གནོན།]}

(༤༦༤""བར། འབྲིང་པོ་གཉིས། རིང་པོ་གཉིས། ཐུང་ངུ་གཉིས་ཞེས་བཤད་དོ། །དེ་དག་དང་སོ་སོར་སྦྱར་རྒྱུའི་བྲོ་དྲུག །སོ་སོའི་ཡོན་ཏན་དང་བཅས་ཏེ་གསུངས་པ་རྣམས་བདེ་འདུས་སྨན་སྒྲུབ་ཏུ་ཡང་འབྱུང་ལ། བདེ་འདུས་ཀྱི་སྐབས་དེར། སྔོན་གྱི་རྒྱལ་བ་གླུ་ཡིས་འགྲུབ༔ རིག་འཛིན་རྡོ་རྗེ་གླུ་ཡིས་འདྲེན༔ རྣལ་འབྱོར་དབང་ཕྱུག་གླུ་ཡིས་འགྲུབ༔ བསྟན་པ་རྒྱ་མཚོ་གླུ་ཡིས་སྤེལ༔ སྨན་གྱི་རིག་འཛིན་གླུ་ཡིས་འབེབས༔ སྲིད་པའི་བུ་མོ་གླུ་ཡིས་བསྟེན༔ བདུད་དང་སྲིན་པོ་གླུ་ཡིས་འདུལ༔ མཁའ་འགྲོ་རྒྱ་མཚོ་གླུ་ཡིས་འབོད༔ དངོས་གྲུབ་རྒྱ་མཚོ་གླུ་ཡིས་ཐོབ༔ ཕྲིན་ལས་རྒྱ་མཚོ་གླུ་ཡིས་བྱེད༔ དེ་ཕྱིར་གླུ་འདི་རྟག་ཏུ་བླངས༔ ཞེས་སོགས་གླུ་བྲོའི་ཡོན་ཏན་རྒྱ་ཆེར་བཤད་དོ། །དབང་ཆེན་ཡང་གསང་རྟ་མགྲིན་གྱི་སྤྱོད་པའི་མན་ངག་ཏུ། དཔལ་རྟ་མགྲིན་བསྒྲུབས་ནས༔ བར་ཆད་འདུལ་བའི་ཕྱིར༔ དུར་ཁྲོད་ཀྱི་གནས་དབེན་པར་གཞན་གྱིས་མ་ཚོར་བར་རྟ་སྐད་འདོན་པའི་རྔམ་སྟབས་བྱའོ༔ བྲོ་བརྡུང་གཟིར་མནན་བྱའོ༔ ཞེས་རྒྱུན་སྤྱོད་ཀྱི་ནང་དུའོ། །སྒྱུ་འཕྲུལ་ལས། །སྤྱུགས་པའི་འཐོར་རླུང་གཡེང་བ་ཆེ། །ཞེས་པར། འཁོར་སྡུད་པའི་བཤུགས་པ་སྙན་པ་དང་། །གདུག་པ་འདུལ་བའི་བཤུགས་པ་དྲག་པ་དང་། །བྱིན་འབེབས་པའི་བཤུགས་པ་བྱིངས་ཆེ་བའམ་གདངས་འཚེར་ལ་ཡུན་རིང་བ་སྟེ། །དེ་གསུམ་པོའི་དབུགས་ཀྱིས་

― TN03_Page_0687 ―

^{[མ་དཔེ་གཟིགས་ན་འདིར་གནོན།]}

(༤༦༥)ཁམས་གསུམ་འཐོར་བར་བྱེད་པའི་རླུང་ཆེན་པོས་གཡེང་བ་འགྲན་ཟླ་མེད་པར་ཆེ་བའོ། །ཞེས་སྒྲོལ་གཡུང་གཉིས་ཀྱིས་བཤད་པའང་རྟ་སྐད་དང་ཚུལ་མཐུན་ནོ། །མཁའ་འགྲོ་ཆེན་མོའི་བམ་སྒྲུབ་ལས། བཤུགས་པའི་རྟ་སྐད་འབོད༔ ཅེས་ཀྱང་ངོ་། །ཉང་གཏེར་མཁའ་འགྲོ་ཆེན་མོའི་ཚོགས་མཆོད་ཀྱི་ཆོ་གར། རྟ་ཕག་ཡབ་ཡུམ་འཁོར་བཅས་ཀྱི་བྲོ་བརྡུང་རྒྱས་པ། །དགྲ་ནི་ཐལ་བར་རློག་པའི་བྲོ༔ བདུད་ནི་ཕྱེ་མར་འཐག་པའི་བྲོ༔ དེ་ཕྱིར་གླུ་བྲོ་རྒྱུན་མི་བཅད༔ ཅེས་པའི་འགྲེས་བྱང་ཅན་ཅིག་གསུངས་པའི་མཐར། བྱིན་རླབས་འབེབས་པའི་དུས་དང་༔ བར་ཆོད་འདུལ་བའི་དུས་དང་༔ གཏོར་གཞོང་གནོན་པའི་དུས་རྣམས་སུ་བྲོ་འདི་བརྡུང་ངོ་༔ ཞེས་བཤད་དོ། ༈ །རྟ་མགྲིན་གྱི་གར་དགུ་ལ་བཤད་ཚུལ་བྱེ་བྲག་པ་ནི། དྲེགས་པ་གནད་འབེབས་རྒྱུད་ལས། ལྷ་ཆེན་གཞོན་ནུ་གདོང་དྲུག་གིས། །ལྷ་མིན་བ་སུ་ཀ་ར་བསད། །དེ་ལ་དཔའ་བོར་མཚན་བཏགས་པས། །དེ་བཅོམ་དཔའ་བོ་ཧེ་རུ་ཀ །དབང་ཕྱུག་ཆེན་པོ་འཁྱུད་ཉམས་སྒེགས། །དེ་བཅོམ་སྐུ་ལ་ཡུམ་འཁྲིལ་སྒེགས། ཁྱབ་འཇུག་ཕག་སེང་འཇིགས་གཟུགས་ཉམས། །དེ་བཅོམ་ཧེ་རུ་ཀ་འཇིགས་རུང་། །སྐུ་ཡི་གར་གསུམ་བསྟན་པ་ནི། །སྐུ་ལ་ཚོར་བ་བདེ་སྡུག་ནུབ། །ཚང་པའི་གསུང་དབྱངས་

― TN03_Page_0688 ―

^{[མ་དཔེ་གཟིགས་ན་འདིར་གནོན།]}

(༤༦༦)རྟ་སྐད་སྙན། དེ་བཅོམ་རྟགས་སུ་ཞལ་གཡས་བཞད། །ཚོགས་ཀྱི་བདག་པོ་གླང་སྣ་གཤེ །དེ་བཅོམ་ཞལ་གཡོན་ཁྲོ་བར་བཤད། །སྒྲ་གཅན་ཉི་ཟླ་ཁར་མིད་རྔམས། །དེ་བཅོམ་དབུས་ཀྱི་ཞལ་དམར་རྔམས། །གསུང་གི་གར་གསུམ་བསྟན་པ་ནི། །གསུང་ལ་ཚོར་བ་བདེ་སྡུག་ནུབ། །བརྒྱ་བྱིན་ལག་ན་རྡོ་རྗེ་ཐོགས། །ལྷ་རྣམས་སྙིང་རྗེའི་སེམས་ཀྱིས་སྐྱོང་། །དེ་བཅོམ་པས་ནི་སྙིང་རྗེ་མཛད། །ཀླུ་ཆེན་སེ་ཤ་ཙ་ར་ཡིས། །འགྲེ་ལྡོག་བྱས་པས་ས་འགུལ་བྱུང་། །དེ་བཅོམ་ཀླུ་བརྒྱན་ངོ་མཚར་ཆེ། །མེ་ལྷས་སྟོང་གསུམ་མེ་ཡིས་བཤིགས། །དེ་བཅོམ་མེ་དཔུང་དབུས་ན་བཞུགས། །ཐུགས་ཀྱི་གར་གསུམ་བསྟན་པ་ནི། །ཐུགས་ལ་ཚོར་བ་བདེ་སྡུག་ནུབ། །ཅེས་སོ། རྔོག་མ་ལེ་བརྒན་ལས་ནི། སྒེགས་པའི་ཉམས་ཀྱིས་སྒེགས་པའི་གར་མཛོད་ལ། །འདོད་ཆགས་དབང་ཕྱུག་འདུལ་བར་མཛོད། ཁྱོད་ནི་དཔའ་བོ་ཆེན་པོ་སྟེ། །ལྷ་མིན་བ་སུ་ཀ་ར་འདུལ་བར་མཛོད། །འཇིགས་བྱེད་ཆེན་པོ་འཇིགས་པའི་སྐུ། ཁྱབ་འཇུག་ཆེན་པོ་འདུལ་བར་མཛོད། །སྐུ་ཡི་གར་གྱིས་སྐུ་ཡི་གར་མཛོད་ལ། །བདག་གི་ལུས་ལ་གར་རྣམས་འཆར་བར་མཛོད། །རྒོད་པའི་ཉམས་ཀྱིས་ཧ་ཧ་བཞད་པ་ནི། །གཞོན་ནུ་སྨིན་དྲུག་རྟ་སྐད་དྲག་པོས་བཏུལ། །གཤེ་བའི་གར་གྱིས་ཧི་ཧི་གཤེ་བ་ནི། །ཚོགས་

― TN03_Page_0689 ―

^{[མ་དཔེ་གཟིགས་ན་འདིར་གནོན།]}

(༤༦༧)ཀྱི་བདག་པོ་གླང་པོའི་སྣ་ཅན་བཏུལ། །རྔམས་པའི་གར་གྱིས་ཧྲིང་ཧྲིང་ཟ་བྱེད་རྔམ། །སྒྲ་གཅན་ར་ཧུ་ལ་ནི་རྔམ་པས་བཏུལ། །གསུང་གི་གར་གྱིས་གསུང་གི་གར་མཛོད་ལ། །བདག་གི་ངག་ལ་སྔགས་སུ་འཆར་བར་མཛོད། །སྙིང་རྗེའི་གར་གྱིས་ཐུགས་རྗེའི་རོལ་བར་མཛད། །བརྒྱ་བྱིན་གླང་ཆེན་ཞོན་པ་སྒྲོལ་བར་མཛོད། །ངོ་མཚར་གར་གྱིས་ངོ་མཚར་བསྐྱེད་པར་མཛད། །ཀླུ་ཆེན་སེ་ཤ་ར་ཙ་བསྒྲལ་བརམཛོད། །ཞི་བའི་གར་གྱིས་ཞི་བ་འདུལ་མཛད་པ། །མེ་ལྷ་དྲང་སྲོང་ཆེན་པོ་སྒྲོལ་བར་མཛོད། །ཐུགས་ཀྱི་གར་གྱིས་ཐུགས་ཀྱི་གར་མཛོད་ལ། །བདག་གི་སེམས་ལ་ཉམས་རྣམས་འཆར་བར་མཛོད། །ཅེས་གསུངས་ཏེ། །ཅུང་ཟད་མི་འདྲའོ། ༈ །འཆི་མེད་མཛོད་ལས། ཤུགས་འགྲོས་མདུར་འགྲོས་གར་འགྲོས་དང་། འགྲོས་ཆེན་གསར་འགྲོས་འདི་རྣམས་ནི། རྟ་འགྲོས་འགྲོ་ལུགས་ལྔ་ཡིན་ཏེ། །ཞེས་པའི་དང་པོ་ནི། ཁྱབ་པར་མཚུངས་པར་འགྲོ་བའོ། །གཉིས་པ་ནི། དེ་ལས་ལྷག་ཅིང་གསལ་བར་འགྲོ་བའོ། །གསུམ་པ་ནི། དཀྱིལ་འཁོར་ཅན་གྱི་གར་གྱིས་འགྲོ་བའོ། །བཞི་པ་ནི། ཤུགས་ཀྱིས་འཕེན་ཅིང་ཡོངས་སུ་འགྲོ་བའོ། །ལྔ་པ་ནི། མྱུར་བར་ལྡེམ་ཞིང་འགྲོ་བའོ། །འདོད་འཇོ་ལས་སོ། ༈ །།མཁའ་འགྲོ་མའི་

― TN03_Page_0690 ―

^{[མ་དཔེ་གཟིགས་ན་འདིར་གནོན།]}

(༤༦༨)གསེར་སྒྲུབ་ཀྱི་འགྲེལ་པ་ལས། དཔའ་བོ་ནི་དབུ་གཙུག་རྟ་སྐད་འགྲོ་བ་མགྱོགས༔ ཤུགས་ཆེ་བ་དང་འདྲ༔ སངས་རྒྱས་ཀྱི་ས་ལ་འགྲོ་བ་མགྱོགས༔ འཁོར་བ་སྒྲོལ་བས་ཤུགས་ཆེ་བའོ༔ ཡུམ་རྡོ་རྗེ་ཕག་མོ་ནི༔ དཔའ་མོའི་གཙུག་ཕག་ནི་རྟོག་པ་ཆུང་ཞིང་༔ ཤུགས་ཆེ་བ་དང་འདྲ་བར༔ འཁོར་བ་ལ་བཟང་ངན་རྟོག་པ་མེད་༔ འཁོར་བ་རྩད་གཅོད་པ་ཤུགས་ཆེ་བ་ཡིན་ནོ༔ ཞེས་སོ། །ཞལ་གཉིས་མའི་སྒྲུབ་ཐབས་ལས། ཁྲོ་ཞལ་དམར་མོ་སྤྱན་གསུམ་ཐུར་ལ་གཟིར་བ༔ ཕག་གདོང་ནག་མོ་སྤྱན་གསུམ་གྱེན་ལ་གཟིགས་པ༔ ཞེས་དང་། དོན་དམ་པ་ཆོས་ཉིད་ཡང་དག་པ་ལ་རྟོག་པས་ཕག་ཞལ༔ གང་གིས་ཀྱང་མི་འགྱུར་བས་ནག་པོར་བསྟན་པ༔ དེ་ཡང་སེམས་ཅན་ལ་ཐུགས་རྗེས་རང་བྱུང་དུ་འབྱུང་བས་ཕག་ཞལ་གཡས་སུ་བྱུང་བའོ༔ ཀུན་རྫོབ་ལོངས་སྐུ་སྤྲུལ་སྐུས་འགྲོ་དོན་མངོན་དུ་བྱེད་པས་གཡོན་ཁྲོ་ཞལ་དུ་བྱུང་བ༔ ཁམས་གསུམ་ཐུགས་རྗེས་གཟིགས་པས་སྤྱན་གསུམ་ཐུར་དུ་གཟིགས་པ༔ རྣམ་ཐར་གསུམ་གྱི་གཟིགས་པས་ཕག་ཞལ་སྤྱན་གསུམ་གྱེན་དུ་གཟིགས་པ༔ ཞེས་སོ། །ཞལ་སྟེང་འོག་གི་སྤྱན་གཟིགས་ཚུལ་འདི་ཡབ་ལའང་འདྲ་བར། མཁའ་འགྲོ་ཡིད་བཞིན་ནོར་བུའི་ཕྲིན་ལས་ཆེན་མོ་ལས། སྤྱི་གཙུག་རྟ་མགོ་ལྗང་ཀུ་འཚེར་བ་ལས༔ རྫུ་འཕྲུལ་མྱུར་མགྱོགས་

― TN03_Page_0691 ―

^{[མ་དཔེ་གཟིགས་ན་འདིར་གནོན།]}

(༤༦༩)སྟོན་པའི་མཁའ་འགྲོ་འབུམ༔ ཁྲོ་ཞལ་དམར་པོ་ཅུང་ཟད་བཞད་པ་ལས༔ བདེ་ཆེན་ལས་ལ་ཁོལ་བའི་མཁའ་འགྲོ་འབུམ༔ བདེ་ཆེན་རྣམ་པར་མི་རྟོག་པའི་ཡེ་ཤེས་ཕག་གི་ཞལ་དང་། ཀུན་རྟོག་བག་ཆགས་དང་བཅས་པ་ཟ་བ་དམེ་བ་ཟ་བའི་དོན་དུ་མངོན། ཡབ་འདོད་ཆགས་རྟའི་གདོང་པས་ལྷན་སྐྱེས་ཀྱི་བདེ་བ་དང་། །ཡུམ་མི་རྟོག་ཕག་གི་གདོང་པས་སྟོང་ཉིད་རྟོགས་པའི་ཤེས་རབ་མཚོན་ཏེ། ཐབས་ཀྱི་སྐུ་མདོག་དམར་པོ་དང་། ཤེས་རབ་མཐིང་ཁར་བསྟན་པའི་དོན་ཡང་དེས་ཤེས། རྟ་ཞལ་སྤྱན་གསུམ་གྱེན་ལ་གཟིགས་པ་ལས༔ སྐུ་གསུམ་ལྷུན་གྱིས་གྲུབ་པའི་ཌྭ་ཀི་འབུམ༔ ཁྲོ་ཞལ་སྤྱན་གསུམ་ཐུར་ལ་གཟིགས་པ་ལས༔ ཁམས་གསུམ་ཟིལ་གྱིས་གནོན་པའི་མཁའ་འགྲོ་འབུམ༔ ཞེས་སོ། །ཡང་ཕག་མོའི་གསང་སྒྲུབ་ལས། ཕག་ཞལ་ནི༔ ཕག་གཏི་མུག་ཆེ་ཞིང་གཙང་བཙོག་མེད་པ་དང་འདྲ་བར༔ གཏི་མུག་མ་སྤངས་པར་རང་སར་དག་ནས་ཐུགས་རྗེ་ཡེ་ཤེས་ཀྱི་བརྟུལ་ཞུགས་ཀྱིས་ཉོན་མོངས་པ་དང་རྣམ་པར་རྟོག་པ་རྩད་ནས་གཅོད་པའོ༔ ཞེས་དང་། ཡང་གསང་སྒྲུབ་ཅིག་ལས། རྣམ་རྟོག་གྲོགས་སུ་ཁྱེར་བས་བཟང་ངན་སྤོང་ལེན་དང་གཙང་བཙོག་མེད་པས་ཕག་ཞལ༔ ཞེས་སོ། །ཕག་མོ་རིགས་འདུས་མའི་སྒྲུབ་ཐབས་ལས། རྣམ་རྟོག་གཙང་དམེ་མེད་པས་ཕག་གདོང་ནག་མོ་སྤྱི་གཙུག་ཏུ་འཐོན་པ༔ དོན་དམ་ཆོས་ཉིད་མི་འགྱུར་བས་ནག་མོ༔ སེམས་ཅན་དོན་ལ་

― TN03_Page_0692 ―

^{[མ་དཔེ་གཟིགས་ན་འདིར་གནོན།]}

(༤༧༠)ཐུགས་རྗེས་འཇུག་པས་བདེ་བས་གཡས་ངོས་སུ་ལྟ་བ༔གདུག་པ་ཅན་ཐམས་ཅད་ཚར་གཅོད་ཅིང་འདུལ་བས་ཕག་སྐད་དུ་ངུར་བ༔ དྲེགས་པ་ཅན་བདུད་དང་དགྲ་བགེགས་ལ་སོགས་པའི་བར་ཆད་ཐམས་ཅད་འཇིགས་པར་མཛད་པ༔ བདག་གི་དབང་དུ་བསྡུས་ནས་བཀའ་ཉན་ལས་ལ་འཁོལ་བར་བྱེད་པ༔ འཇིག་རྟེན་འདས་པའི་ཡེ་ཤེས་ཀྱི་མཁའ་འགྲོ་སྡེ་ལྔ་ལ་སོགས་པ་དང་འཇིག་རྟེན་མ་འདས་པའི་དུར་ཁྲོད་བརྒྱད་ཀྱི་མཁའ་འགྲོ་མ་ཐམས་ཅད་དབང་དུ་སྡུད་པས་བཀའ་ཉན་གསུང་སྡོད་འཁོར་དུ་བསྐོར་བ༔ ཞེས་གསུངས། རྣལ་འབྱོར་མ་ལྷ་ལྔའི་ཆོ་གར་ཡང་། ཁྲོ་ཞལ་དམར་མོ་བཞད་པའི་ཞལ༔ མཁའ་འགྲོའི་ཚོགས་རྣམས་དམ་ལ་སྡུད༔ མཁའ་འགྲོ་རྒྱ་མཚོའི་འགྲེལ་པར། ཐམས་ཅད་འདོད་ཆགས་ཆེན་མོའི་བདག་ཉིད་དུ་ཟ་བས་ན་ཕག་མོའོ། །ཞེས་ཕུང་ཁམས་སྐྱེ་མཆེད་ཐམས་ཅད་མཆོག་གི་དགའ་བའི་ངོ་བོ་ཉིད་དུ་ཟ་བས་ན་ཕག་མོར་བཤད་དེ། འདི་ཕྱི་ནང་གསང་བའི་ཕག་མོ་གསུམ་ཀ་ལ་སྦྱོར་ཆོག་པ་འདྲ། མཆན། ཡང་ན། ཕྱིན་ཅི་ལོག་གི་སྤྲོས་པའི་དམེ་བ་མཐའ་དག་རྣམ་དབྱེ་མེད་པར་བདེ་སྟོང་རང་གི་ངོ་བོར་ཟ་བས་ཏེ། ཕག་མོ་ཤེས་རབ་ཀྱི་ཕྱོགས་ཡིན་པས་སྟོང་ཕྱོགས་གཙོ་སྙམ། སྤྱི་གཙུག་ཕག་གདོང་ངུར་སྒྲ་འདོན༔ འཇིག་རྟེན་དྲེགས་པ་ལས་ལ་འཁོལ༔ ཞེས་སོ། ཕག་མོ་སྔོན་མོའི་སྒྲུབ་ཐབས་ལས། ཕག་མོའི་ངུར་སྒྲས་གདུག་པ་འདུལ༔ སྲིད་པ་གསུམ་པོ་ཟ་བར་བྱེད༔ ཅེས་སོ། །ཕྲིན་ལས་ཆེན་

― TN03_Page_0693 ―

^{[མ་དཔེ་གཟིགས་ན་འདིར་གནོན།]}

(༤༧༡)མོ་ལས༔ ཀུན་རྫོབ་རང་བཞིན་ཁྲོ་ཞལ་དམར་མོ་ལས༔ སྣང་སྲིད་ཟིལ་གྱིས་གནོན་པའི་ཌཱ་ཀི་འབུམ༔ དོན་དམ་རང་བཞིན་ཕག་ཞལ་ནག་མོ་ལས༔ བརྒྱལ་ནད་སྨྱོ་འབོགས་གཏོང་བའི་མཁའ་འགྲོ་འབུམ༔ ཞེས་སོ། །དེ་ཐམས་ཅད་མཁའ་འགྲོ་ཆེན་མོའི་སྐོར་རོ། །ཡང་ཕག་མོ་སྔོན་མོ་སྔ་མ་ལས། ཁྲོ་ཞལ་ཐུགས་ལ་གཟིགས་པ་ཁམས་གསུམ་སེམས་ཅན་ལ་ཀུན་རྫོབ་ཏུ་ཐུགས་རྗེས་གཟིགས་པའོ༔ ཕག་ཞལ་སྔོན་མོ་གྱེན་ལ་གཟིགས་པ་ནི་དོན་དམ་མྱ་ངན་ལས་འདས་པ་ལ་འགོད་པའོ༔ །ཞེས་སོ། ཁྲོས་ནག་གི་སྙན་རྒྱུད་འགྲེལ་པར། སྤྱི་གཙུག་ཕག་ཞལ་ནམ་མཁའི་གནས༔ ཞེས་པས༔ སྤྱི་གཙུག་རལ་པའི་གསེབ་ནས་ཕག་ཞལ་ནག་པོ་བྱུང་ནས་གྱེན་དུ་གཟིགས་པས་རྟོག་མེད་ནམ་མཁའ་ལྟ་བུའི་དགོངས་པ་ལ་དུས་རྟག་ཏུ་གནས་པའི་བརྡའོ༔ དེ་ཡང་ཕག་ཞལ་སྟེང་དུ་ངུར་བས་གཟུགས་མེད་ཀྱི་ཁམས་ཐམས་ཅད་དབང་དུ་སྡུད་པ༔ ཕག་སྐད་བར་དུ་ངུར་བས་གཟུགས་ཁམས་ཐམས་ཅད་དབང་དུ་སྡུད་པ༔ ཕག་སྐད་འོག་ཏུ་ངུར་བས་འདོད་ཁམས་ཐམས་ཅད་དབང་དུ་སྡུད་པ༔ ཕག་སྐད་ཕྱོགས་བཞིར་སྒྲོགས་པས་མཁའ་འགྲོ་རིགས་བཞི་དབང་དུ་སྡུད་པའོ༔ ཞེས་གསུངས། ཁྲོས་མའི་མཆོད་གཞུང་ལས། ཕག་སྐད་ཤར་དུ་བསྒྲགས་པ་ཡིས༔ རྡོ་རྗེ་མཁའ་འགྲོ་ཕོ་ཉར་འགྱེད༔ རྡོ་རྗེ་མཁའ་འགྲོའི་བརྟུལ་ཞུགས་ཀྱིས༔

― TN03_Page_0694 ―

^{[མ་དཔེ་གཟིགས་ན་འདིར་གནོན།]}

(༤༧༢)ཤར་ཕྱོགས་དྲི་ཟའི་གདོན་ཚོགས་དབང་དུ་སྡུས༔ ཤར་དུ་དང་། རྡོ་རྗེམཁའ་འགྲོའི་གནས་སུ། ལྷོ་རུ། རིན་ཆེན་མཁའ་འགྲོ། ནུབ་ཏུ། པདྨ། བྱང་དུ། །ལས་ཀྱི། ཤར་ལྷོར། དམ་ཚིག་མཁའ་འགྲོ། ལྷོ་ནུབ། སྣ་ཚོགས། ནུབ་བྱང་། ཐམས་ཅད། བྱང་ཤར། འཇིག་རྟེན། སྟེང་དུ། སངས་རྒྱས། འོག་ཏུ། ལོག་འདྲེན་མཁའ་འགྲོ། ཞེས་དང་། ཤར་ཕྱོགས་དྲི་ཟའི། ཞེས་པར། ལྷོ་ཕྱོགས་གཤིན་རྗེའི། ཀླུ་དབང་། བྱང་གནོད་སྦྱིན། མེ་ལྷའི། སྲིན་པོའི། རླུང་ལྷའི། འབྱུང་པོའི་ སྟེང་ལྷའི། འོག་ས་གདོན་ཚོགས་རྣམས་དབང་དུ་སྡུད༔ ཅེས་བཅུག་པ་བཤད། དར་སྐུའི་སྒྲུབ་གཞུང་ལས། སྤྱི་གཙུག་ཏུ་ཕག་ཞལ་ནག་མོ་ཚངས་པའི་དབྱིངས་སུ་ངུར་བ༔ ཐེངས་གསུམ་ངུར་བས་ཁམས་གསུམ་དབང་དུ་སྡུད་པ༔ ཐེངས་གསུམ་ངུར་བས་སྲིད་གསུམ་ཟིལ་གྱིས་གནོན་པ༔ ཐེངས་གསུམ་ངུར་བས་དགོས་འདོད་ཐམས་ཅད་ཆར་ལྟར་འབེབས་པ༔ ཞེས་གསུངས་སོ། །མཁའ་འགྲོ་ཆེན་མོའི་དམ་རྫས་བདུད་རྩི་སྒྲུབ་ཚུལ་ལས། མཁའ་འགྲོའི་ཚོགས་རྣམས་དབང་དུ་སྡུད་མཛད་པ༔ དཔའ་བོ་དབང་ཆེན་རྟ་མགྲིན་རྒྱལ་པོ་ལ༔ ཞེས་དང་། །མཁའ་འགྲོའི་ཚོགས་རྣམས་ལས་ལ་ཁོལ་མཛད་མ༔ མཁའ་འགྲོའི་གཙོ་མོ་རྡོ་རྗེ་ཕག་མོ་ལ༔ ཞེས་སོ། ༈ །རྟ་མགྲིན་ཧཱུྃ་མཛད་ཆེན་པོའི་རྒྱུད་ལས། དང་པོ་གསུང་གི་

― TN03_Page_0695 ―

^{[མ་དཔེ་གཟིགས་ན་འདིར་གནོན།]}

(༤༧༣)སྒྲ་བསྒྲགས་པས། །དུས་གསུམ་རྒྱལ་བའི་ཐུགས་དམ་བསྐུལ། །བར་དུ་གསུང་གི་སྒྲ་བསྒྲགས་པས། སྒྲུབ་པ་པོ་ལ་དངོས་གྲུབ་འབེབས། །ཐ་མར་དབང་གི་སྒྲ་བསྒྲགས་པས། །ངན་སོང་འཁོར་བ་གཏན་ནས་སྒྲོལ། །བདུད་སྲིན་ཀླུ་རྣམས་ཟིལ་གྱིས་མནན། །ཞེས་སོགས། སྐུ་ཕྱག་རྒྱ། གསུང་རིག་པ། ཐུགས་ཕྱག་མཚན། ཡོན་ཏན་བཅུད་ལེན། ཕྲིན་ལས་གདབ་ཁའི་ལས་སྦྱོར་སོགས་ལས། ཆེ་མཆོག་རིན་ཆེན་ཉི་མའི་རིགས་ཡིན་པས་བདུད་རྩིའི་སྒྲུབ་ལུགས་དང་སྦྱོར་བ་བཞིན། པདྨ་གསུང་ཡང་རྟ་སྐད་ཀྱི་སྒྲུབ་ལུགས་དང་སྦྱོར་ལ། ང་རྒྱལ་རྡོ་རྗེ་རྒྱས་ལས་ལ་བསྔགས་པས་བདུད་རྩི་སྒྲུབ་སྐབས་དངོས་གྲུབ་ཐམས་ཅད་རྒྱས་ལས་ཀྱི་སྒྲོམ་དུ་བཅུག་ནས་སྒྲུབ་པ་ལྟར། འདོད་ཆགས་རྡོ་རྗེ་གསུང་གི་སྒྲུབ་པར་དངོས་གྲུབ་མཐའ་དག་དབང་གི་ཕྲིན་ལས་ཀྱི་སྒྲོམ་དུ་བཅུག་ནས་སྒྲུབ་བོ། །ཆེ་མཆོག་གི་སྐབས་སུའང་། དངོས་གྲུབ་དབང་བྱེད་ལ་རྟ་མགྲིན་བསྔགས་ཏེ། དཀྱིལ་འཁོར་དྲུག་དང་སྦྱོར་བ་བརྒྱད་ལས་རྗེས་ཆགས་ཀྱི་འོད་ཟེར་སྤྲོ་བ། དེས་འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་ཀྱི་བདུད་རྩི་དགུག་པ། དེ་ཉིད་དཀྱིལ་འཁོར་བའི་སྦྱོར་མཚམས་སུ་བསྐྱིལ་བ། གསང་གནས་ཀྱི་སྒོ་དབྱེ་བ། རྫས་ལ་དབབ་པ་རྣམས་གྲུབ་པའི་

― TN03_Page_0696 ―

^{[མ་དཔེ་གཟིགས་ན་འདིར་གནོན།]}

(༤༧༤)འོག་ཏུ། བདུད་རྩིའི་དངོས་གྲུབ་དེ་ཉིད་གཞན་གྱིས་འཕྲོག་ཏུ་མེད་པ་དང་། སྒྲུབ་པ་པོས་ལོངས་སྤྱོད་དུ་བཏུབ་པའི་ཆེད། །རྟ་མཆོག་དཔལ་གྱི་སྔགས་དང་ཏིང་ངེ་འཛིན་གྱིས་དབང་དུ་བྱ་བའམ་བཅིངས་ཤིང་བརྟན་པར་བྱས་ཏེ། གདོད་དངོས་གྲུབ་ལེན་པར་གསུངས་སོ། །འདིར་དབང་ལས་ཀྱི་སྒོ་ནས་དངོས་གྲུབ་ཐམས་ཅད་བྱེད་ཚུལ་ཡང་། གླུ་གར་གྱིས་སངས་རྒྱས་རྣམས་ཀྱི་ཐུགས་ཆགས་ཤིང་དགྱེས་པར་སྤྱིར་སྐུལ་བ་དང་། དེ་དག་གི་ཐུགས་དངོས་གྲུབ་སྩོལ་བ་ལ་དགྱེས་པར་བྱེ་བྲག་ཏུ་སྐུལ་བའི་སྒོ་ནས་འདོད་པའི་དངོས་གྲུབ་ཡིད་བཞིན་དུ་འབེབས་པ་དང་། བཀའ་སྡོད་མ་མོ་མཁའ་འགྲོའི་ཚོགས་ཀྱི་སྙིང་ཆགས་ཤིང་དགའ་བར་བྱས་ཏེ་སྤྱིར་སྐུལ་བ་དང་། དེ་རྣམས་ཕྲིན་ལས་རྒྱ་མཚོ་གྲུབ་པ་ལ་ཁྱད་པར་དུ་སྤྲོ་བར་བྱས་པའི་སྒོ་ནས་གང་འདོད་ཀྱི་ལས་རྣམས་བྱེད་པ་སྟེ། ཟུར་ཐོའི་རྒྱུད་སྐོར་ན་ཤིན་ཏུ་གསལ་ཞིང་། འདི་ཀའི་བྲོ་གཞུང་ལས་ཀྱང་གསལ་པོར་འབྱུང་ངོ། །རྟ་སྐད་ཀྱི་དེ་ཉིད་དང་སྦྱར་ནའང་། དངོས་གྲུབ་ཅི་འདོད་དུ་བཀོལ་བཏུབ་པའི་ལས་རུང་སྒྲུབ་པ་ནི། དངོས་གྲུབ་དབང་བྱེད་ཀྱི་སྒྲུབ་པར་འགྲོ་བས། བཀའ་བརྒྱད་རང་ཤར་སོགས་ལྟར་རྟ་སྐད་ཀྱི་དགོངས་པས། དེ་བཞིན་གཤེགས་པ་རྣམས་ཀྱི་དངོས་གྲུབ་ཐམས་ཅད་རང་གི་དབང་སྐལ་དུ་འགྱུར་ངེས་པར་བྱས་ནས་གཞན་གྱིས་མི་ཕྱེད་པར་

― TN03_Page_0697 ―

^{[མ་དཔེ་གཟིགས་ན་འདིར་གནོན།]}

(༤༧༥)གྱུར་བ་ལ་དངོས་གྲུབ་ལ་དབང་བསྒྱུར་བ་ཞེས་བྱའོ། །འདི་ནི་དབང་ལས་ཀྱི་སྐབས་སུ་སྦྱོར་ཚུལ་ཙམ་ཡིན་གྱི། དབང་ལས་དང་སྦྱོར་དགོས་པའི་ངེས་པ་ནི་མེད་དམ་སྙམ། ༈ །ཉང་གཏེར་རྟ་མགྲིན་བདེ་གཤེགས་གཅིག་དྲིལ་ལས། དབང་ཆེན་བསྒྲུབ་པའི་ཐུན་མོང་གི་དངོས་གྲུབ་བརྒྱད་ཤུགས་འབྱུང་དུ་འགྲུབ་པར་གསུངས་ཏེ། རྒ་ཤི་མེད་པ་ཚེའི་དངོས་གྲུབ། བྱིན་རླབས་དབང་གི་དངོས་གྲུབ། དྲག་པོ་མཐུའི་དངོས་གྲུབ། བཙན་ཕྱུག་ནོར་གྱི་དངོས་གྲུབ། པུ་ཏྲ་མིའི་དངོས་གྲུབ། འགྲོ་བས་བཀུར་བའི་དངོས་གྲུབ། འཚོ་བ་ཟས་ཀྱི་དངོས་གྲུབ། ཐུན་མོང་དུ་ལས་སྣ་ཚོགས་འགྲུབ་པའི་དངོས་གྲུབ་དང་བརྒྱད་དོ། ༈ །ཡུལ་གསུམ་གྱད་དུ་གྱུར་ཅེས་པའི་དང་པོ་ཡིད་ཀྱི་ཡུལ་དུ་གསལ་བ་ནི་སླ། གཉིས་པ་དབང་པོའི་ཡུལ་དུ་གསལ་བ་ནི་ལྷ་དངོས་ཀྱི་ཞལ་མཐོང་བ་ལྟ་བུ་ལ་མི་བྱེད། སེམས་ཤིན་ཏུ་གོམས་པའི་དབང་གིས་ཧ་ལམ་སྟོང་གཟུགས་ལྟ་བུའི་ལྷའི་སྣང་བ་མཐོང་བ་ལ་བྱེད་གསུངས་ཏེ་ལང་གཤེགས་ལས་ཏིང་ངེ་འཛིན་གྱི་རྟགས་སྣང་ལ་ཟླ་བ་དང་ཉི་མ་འདྲ་བ་སོགས་མཐོང་བར་གསུངས་པ་ལྟ་བུའམ། རྣམ་འགྲེལ་ལས་འདོད་འཇིགས་གོམས་པའི་སྣང་བ་ལྟ་བུ། ཞེས་པས་དཔོགས། གསུམ་པ་ལུས་ཡུལ་དུ་གསལ་བ་ནི་རིས་གཞན་གྱིས་ཀྱང་ལྷར་

― TN03_Page_0698 ―

^{[མ་དཔེ་གཟིགས་ན་འདིར་གནོན།]}

(༤༧༦)མཐོང་དུ་བཏུབ་པ་ཞིག་ཡིན་གསུངས་ཏེ། འདི་སྒྱུ་མ་མཁན་པོས་ནུས་པ་ཐོབ་ཚད་སྒྱུ་མ་མཁན་དང་འདྲ་ཟེར་བ་སོགས་ནི་གཏན་མིན་ནོ། །རྡེ་ཤིང་རྟ་གླང་སོགས་སུ་སྟོན་པ་ལྟ་བུར་མངོན། རྟ་སྐད་གཙུག་ཐོན་ཡང་ཕྱི་མ་སྤྱིར་རྟ་སྐད་གཙུག་ཐོན་ལའང་རིམ་པ་དུ་མ་ཞིག་ཡོད་འདྲ་ཡང་། འདི་མ་མཐའི་མཚམས་བཤད་པའོ། །འདི་ལ་སྦྱར་འདུག་པས་བསྐྱེད་རིམ་རགས་པ་མཐར་སོན་པ་ན་འོང་བར་བཞེད་འདྲ།། ༈ །།རྟ་ཛཔྲ་སྐོར་གྱི་དྲན་ཐོ་དངོས་གྲུབ་རྒྱ་མཚོའི་མཛོད་ཁང་། གསང་རྫོགས་རྒྱུད་ལས། ཡེ་ཤེས་འཇིག་རྟེན་གང་བསྒྲུབ་ཀྱང་༔ སྲོག་སྡོམ་གཟེར་བཞི་མ་ཐེབ་ན༔ ནམ་ཀྱང་དོན་མེད་ཡུག་ས་རྐྱང་༔ དྲང་དོན་རྫུན་གྱི་འཁྲུལ་འཁོར་ཡིན༔ ཡོངས་རྫོགས་དཔལ་གྱི་སྲོག་འཕྲོགས་ཐབས༔ གཅིག་ཤེས་པས་ནི་ཀུན་སྲོག་ཐོབ༔ དཔེར་ན་སྒྲ་གཅན་འཛིན་གྱི་ཁས༔ ནམ་མཁའི་ཉི་མ་གཅིག་ཟིན་པས༔ ཆུ་བྲན་སྟོང་གི་ཉི་མ་ཀུན༔ མ་བཟུང་བར་ཡང་སྟོང་སྲོག་ཐོབ༔ དེ་ཕྱིར་སྲོག་གི་གཟེར་བཞི་གཅེས༔ དབེན་པའི་གནས་སུ་མཎྜལ་བཤམས༔ དབུས་སུ་མཚན་ལྡན་ཀ་པཱ་ལར༔ དཔལ་ཆེན་སྐུ་གཅིག་གསལ་བར་དགོད༔ བསྐྱེད་རྫོགས་གཞུང་བསྲང་འཛཔྲ་རྫོགས་རྗེས༔ མི་རྟོག་བྱ་བྲལ་སོ་མར་བཞག༔ དེ་ནས་དཔལ་གྱི་སྲོག་འཕྲོག་ཐབས༔ ཏིང་འཛིན་གཟེར་དང་སྙིང་པོའི་གཟེར༔ དགོངས་པའི་གཟེར་དང་འཕྲོ་འདུའི་གཟེར༔

― TN03_Page_0699 ―

^{[མ་དཔེ་གཟིགས་ན་འདིར་གནོན།]}

(༤༧༧)ཏིང་འཛིན་གཟེར་ནི་ཐོད་སྐུ་ལ༔ རྩེ་གཅིག་སེམས་བཟུང་ཡེངས་མི་བྱ༔ ཡུལ་གསུམ་གྱད་དུ་གྱུར་བ་དང་༔ དཔལ་ཆེན་ཧེ་རུ་དངོས་དང་མཇལ༔ བཟློག་པ་ཧེ་རུ་ཀས་མི་སྤྱོད༔ ཏིང་འཛིན་མི་འགྱུར་གཟེར་མེད་ན༔ སྐུ་ནི་ནམ་ཡང་མཐོང་མི་འགྱུར༔ སྙིང་པོ་སྔགས་གཟེར་ཡོངས་རྫོགས་ཀྱི༔ གཙོ་བོའི་སྔགས་དག་སེལ་མེད་བཟླས༔ ཐུགས་སྲོག་ཧཱུཾ་ལ་རྩ་སྔགས་འཁོར༔ གསལ་བའི་འཕྲོ་འདུས་སྲོག་སྔགས་བགྲང་༔ དེ་ཚེ་དཔལ་བྱོན་ལུང་ཡང་སྟོན༔ ནུས་པའི་རྩལ་རྫོགས་ལྷ་རྣམས་འཁོལ༔ སྲོག་སྙིང་བསྙེན་རྫོགས་གཟེར་མེད་ན༔ ལྷ་དང་དམ་ཅན་ཁུག་མི་སྲིད༔ དགོངས་པའི་གཟེར་ནི་ཞི་ཁྲོའི་ལྷ༔ ཡོངས་རྫོགས་དཔལ་ཆེན་རང་སེམས་ལས༔ གུད་ན་མེད་ཅིང་རུ་ཏྲ་ཡང་༔ ལོགས་ན་མེད་དོ་རང་གི་སེམས༔ སེམས་ཉིད་སྟོང་པ་ཆོས་ཀྱི་སྐུ༔ གསལ་ལ་མ་འགག་ལོངས་སྤྱོད་རྫོགས༔ སྣ་ཚོགས་རང་ཤར་སྤྲུལ་པའི་སྐུ༔ སྣང་བ་ཡབ་ལ་སྟོང་པ་ཡུམ༔ སྣང་སྟོང་དབྱེར་མེད་ཡེ་ཤེས་སྐུ༔ འགྱུས་དྲན་རྣམ་རྟོག་བསམ་ཡས་ཀྱང་༔ ཡོངས་སུ་རྫོགས་པ་དཔལ་གྱི་འཁོར༔ བསམ་གྱིས་མི་ཁྱབ་ཡེ་སངས་རྒྱས༔ རང་བཞིན་ཉིད་ལས་གཡོ་བ་མེད༔ དགོངས་པ་མི་འགྱུར་གཟེར་མེད་ན༔ དཔལ་ཆེན་འགྲུབ་ཀྱང་ཐུན་མོང་ལས༔

― TN03_Page_0700 ―

^{[མ་དཔེ་གཟིགས་ན་འདིར་གནོན།]}

(༤༧༨)མཆོག་མི་འགྲུབ་ཅིང་རུ་ཏྲར་གོལ༔ འཕྲོ་འདུའི་གཟེར་ནི་དམིགས་པ་ཡི༔ བསྒྱུར་ཁ་ཤེས་ན་འདོད་དགུར་བསྒྱུར༔ ཏིང་ངེ་འཛིན་གྱི་འཕྲོ་འདུ་ཡིས༔ སེམས་ཀྱི་ནུས་པ་རྩལ་རྫོགས་ཏེ༔ གང་ལྟར་བསམ་པ་དེ་ལྟར་སྣང་༔ སྔགས་དང་ཕྱག་རྒྱའི་བྱིན་རླབས་མཐུས༔ ཞི་རྒྱས་དབང་དྲག་ལ་སོགས་པ༔ ཕན་གནོད་ལས་ཀ་གང་ཡང་འགྲུབ༔ དཔེར་ན་ནོར་བུ་གཅིག་ཉིད་ལ༔ མཆོད་གསོལ་རྐྱེན་གྱི་བྱེ་བྲག་ཏུ༔ ཇི་ལྟར་འདོད་པ་སོ་སོར་སྐོང་༔ འཕྲོ་འདུ་སྣ་ཚོགས་གཟེར་མེད་ན༔ དམིགས་གཏད་གཅིག་ལས་དོན་མི་འགྲུབ༔ འཕྲོ་འདུའི་ལས་ཁ་བསྒྱུར་ཤེས་ན༔ ཐེའུ་རང་ཐ་ཆུང་གཅིག་གིས་ཀྱང་༔ ཕྲིན་ལས་ཐོགས་མེད་ལས་ཀུན་འགྲུབ༔ ཐམས་ཅད་སེམས་ཀྱི་ཆོ་འཕྲུལ་ཡིན༔ ཁ་བསྒྱུར་གནད་ཀྱི་མན་ངག་ནི༔ ཡོངས་རྫོགས་དཔལ་ཆེན་ཧེ་རུ་ནས༔ འགོང་པོ་གྲོང་རྒྱུག་ཡན་ཆོད་པོའི༔ ཡེ་ཤེས་འཇིག་རྟེན་གང་ཡིན་ཡང་༔ གཅིག་ལ་བསྙེན་རྫོགས་གྲུབ་ཐོབ་ནས༔ ལས་ཀྱི་ཁ་བསྒྱུར་གང་ཡང་འགྲུབ༔ དཔེར་ན་ལྕགས་རྡོ་སྔར་བཏུལ་ནས༔ གོ་ཁྲབ་མཚོན་ཆ་ཅི་བསྒྱུར་ཉན༔ རྡོ་མ་ཐུལ་ན་ལྕགས་ཡིན་ཀྱང་༔ བསྒྱུར་སོགས་དངོས་ཀྱི་བཟོ་མི་བཏུབ༔ དེ་བཞིན་ལྷ་འདྲེ་གཅིག་འགྲུབ་ན༔ ཁ་བསྒྱུར་གང་ལ་ཞུགས་ཀྱང་འགྲུབ༔ རང་ཤར་གྱི་རྒྱུད་དང་ཡང་ཞུ་བསྡུར་ཕེར་རོ།

― TN03_Page_0701 ―

^{[མ་དཔེ་གཟིགས་ན་འདིར་གནོན།]}

(༤༧༩)འདི་རྣམས་འོག་མིན་བགྲོད་པའི་ཐེམ་སྐས་དང་བསྒྲིགས་ནས་སློབ་པ་གལ་ཆེ། ༈ །པདྨ་གསུང་གི་སྒྲུབ་པ་ཞེས་ཟེར་བ་ལྟར། །སྒྲུབ་ལུགས་འདི་ལ་གསུང་བཟླས་པའི་རྣལ་འབྱོར་གཙོ་བོ་ཡིན་ཅིང་། །དེ་ཉིད་བསྡུས་པའི་འགྲོ་འདུལ་གྱི་དུམ་བུ་ལ་ཆོས་རྒྱ་གཙོ་བོ་ཡིན་པར་བཤད་པ་དང་མཐུན། སྒྲུབ་སྡེ་གཞན་གྱི་ཛཔྲ་ལས་ཀྱང་ཚ་ན་ཆེ་ལ་མྱུར་རོ། །དེ་ལ་གསང་རྫོགས་ཀྱི་ཛབ་དགོངས་ཆེན་མོ་ལས། པདྨ་གསུང་གི་སྒྲུབ་པ་ལ་དགོངས་པ་རྣམ་པ་བཞི་སྟེ༔ དྲག་སྔགས་བསྙེན་པ་བསྐྱལ་བའི་དགོངས་པ་ནི༔ བདག་ཉིད་པདྨ་དབང་ཆེན་དཔའ་བོ་གཅིག་པར་བསྒོམ་པའི་སྤྱི་གཙུག་གི་སྣང་བ་མཐའ་ཡས་ཀྱི་ཐུགས་ཀ་ནས་སྔགས་ཀྱི་འོད་ཟེར་དཀར་པོ་འཕྲོས་པས་བདེ་བར་གཤེགས་པ་རྣམས་ཀྱི་སྐུ་ལ་ཕོག་པས་སྐུ་མཉེས་པའི་མཆོད་པ་ཕུལ༔ སེམས་ཅན་གྱི་ལུས་ཀྱི་སྡིག་སྒྲུབ་སྦྱངས༔ ཚུར་འདུས་པས་བདེ་བར་གཤེགས་པའི་སྐུའི་དངོས་གྲུབ་དབྱིག་བསྡུས༔ དབུ་གཙུག་རྟ་མགྲིན་གྱི་མགྲིན་པ་ནས་འོད་ཟེར་དམར་པོ་འཕྲོས༔ གསུང་ལ་ཕོག་པས་གསུང་མཉེས་པའི་མཆོད་པ་ཕུལ༔ སེམས་ཅན་གྱི་ངག་ལ་ཕོག་པས་ངག་གི་སྒྲིབ་པ་སྦྱངས༔ ཚུར་འདུས་པས་བདེ་བར་གཤེགས་པའི་གསུང་གི་དངོས་གྲུབ་དབྱིག་བསྡུས༔ པདྨ་དབང་ཆེན་གྱི་ཐུགས་ཀ་ནས་འོད་ཟེར་མཐིང་ཁ་འཕྲོས༔ བདེ་བར་

― TN03_Page_0702 ―

^{[མ་དཔེ་གཟིགས་ན་འདིར་གནོན།]}

(༤༨༠)གཤེགས་པའི་ཐུགས་ལ་ཕོག་པས་ཐུགས་མཉེས་པའི་མཆོད་པ་ཕུལ༔ སེམས་ཅན་གྱི་ཡིད་ལ་ཕོག་པས་ཡིད་ཀྱི་སྒྲིབ་པ་སྦྱངས༔ ཚུར་འདུས་པས་ཐུགས་ཀྱི་དངོས་གྲུབ་དབྱིག་བསྡུས་པར་བསྒོམ་མོ༔ ཕར་འཕྲོས་པ་དང་ཚུར་འདུས་པའི་དཔེ་མགལ་མེའི་འཁོར་ལོ་ལྟ་བུའོ༔ ཡེ་ཤེས་ཀྱི་འོད་ཟེར་འཕྲོས་པའི་དཔེ་གསེར་གྱི་བ་ཐག་འཛིངས་པ་ལྟ་བུའོ༔ །དྲག་པོ་སྔགས་ཀྱི་འོད་ཟེར་འཕྲོ་བའི་དཔེ་ལྕགས་ཀྱི་ཚ་ཚ་བརྡབ་པ་ལྟ་བུའོ༔ ལྷ་འདྲེའི་དམག་དཔུང་གཞོམས་པའི་དགོངས་པ་ནི༔ བདག་པདྨ་དབང་ཆེན་དུ་གསལ་བའི་ཞལ་ནས་ཧྲཱི༔ ཞེས་བརྗོད་པས༔ དབྱིངས་གཏིང་མཐའ་མེད་པ་ནས་སྐྱེ་འགྲོ་གཟུགས་སུ་སྣང་བ་ཡན་ཆད་པདྨ་དབང་ཆེན་འདི་ནི་སྣང་སྲིད་ཐམས་ཅད་དབང་གི་རྒྱལ་ཐབས་ཀྱིས་མནན་ནས་ཟིལ་གནོན་འཕེན་ཚུལ་ཡིན་ཏེ། དེས་ལྷ་འདྲེའི་རྫོང་འཕྲོགས་པ་དང་། ལྷ་འདྲེ་རྣམས་རི་དྭགས་རྒྱ་ནང་དུ་བཙུད་པ་ལྟར་བྱེད་དེ། །གཅོད་ཀྱི་ཟིལ་གནོན་དམིགས་སྐོར་དང་ཚུལ་མཐུན་ནོ། །གྱི་ལྷ་ཚོགས་སུ་གྱུར་ཏེ༔ དེ་རྣམས་ཀྱི་ཐུགས་ཀར་ཡེ་ཤེས་སེམས་དཔའ་ཚོན་གང་བ་རེ་རེ༔ དེའི་ཐུགས་རྡོ་རྗེའི་ལྟེ་བ་ལ་ཧྲཱི༔ དེའི་མཐའ་ལ་སྔགས་ཀྱིས་བསྐོར་བར་བསམ་ལ་བཟླས་པའོ༔ དེ་ལྟར་བཟླས་པས་ཐུགས་ཀ་ནས་པདྨ་དབང་ཆེན་གྱི་སྐུ་ཚོན་གང་བ་དཔག་ཏུ་མེད་པ་འཕྲོས༔ པདྨ་གསུང་གི་ལྷ་ཚོགས་རྣམས་ཀྱི་སྐུ་ལ་ཕོག་པས་ཀཱ་ཡ་ཝ་ཀྐ་ཙིཏྟའི་རྒྱུད་བསྐུལ༔ སྐུ་མཉེས་པའི་མཆོད་

― TN03_Page_0703 ―

^{[མ་དཔེ་གཟིགས་ན་འདིར་གནོན།]}

(༤༨༡)པ་ཕུལ༔ སྤྲུལ་པའི་ཕྲ་མེན་གཉིས་ཀྱི་ཚོགས་དང་བཅས་པ་འཕྲོས༔ གནོད་བྱེད་ཀྱི་འབྱུང་པོ་རྣམས་ལྕགས་ཀྱུས་བཟུང་ཞིང་ཞགས་པས་བཅིངས༔ ལྕགས་སྒྲོགས་ཀྱིས་བསྡམ་ཕུར་བུ་བཏབ་སྟེ་རང་དབང་མེད་པར་དབང་དུ་སྡུད་པར་བསམ་མོ༔ ཁྱད་པར་དུ་ཡང་ཀླུ་ཕོ་མོ་དང་ཀླུ་བསེན་ཕོ་མོ་རྣམས་བསྒྲལ་ནས་ལྷ་མ་སྲིན་སྡེ་བརྒྱད་ཐམས་ཅད་བརླག་པར་བྱས་ཏེ༔ བདག་གི་སྐུ་ལ་ཐིམ་ནས་དབང་གི་རྟ་སྐད་ཕྱོགས་བཅུར་བསྒྲགས་པས༔ ཞིང་ཁམས་ཐམས་ཅད་དབང་དུ་བསྡུས་ནས་དབང་གི་འོད་ཟེར་བསྐལ་པའི་མེ་དཔུང་ལྟ་བུར་ལྷབ་ལྷབ་གྱུར་པར་བསྒོམ་མོ༔ དམ་ཅན་ཁྱི་བཞིན་དུ་བཀོལ་བའི་དགོངས་པ་ནི༔ བདག་གིས་ཧྲཱི༔ཧཱུཾ་བརྗོད་པ་ཙམ་གྱིས་པདྨ་དབང་ཆེན་གྱི་སྐུར་གྱུར་ནས༔ ཧྲཱི༔ཧཱུཾ་ཞེས་བརྗོད་པས་ཁམས་གསུམ་མ་ལུས་ཟིལ་གྱིས་མནན་ཏེ༔ སྣང་ཞིང་སྲིད་པས་བསྡུས་པའི་ཆོས་ཐམས་ཅད་པདྨ་དབང་ཆེན་འདི་ཡང་དྲེགས་པ་ཟིལ་གནོན་འཕེན་ཚུལ་ཡིན་ཏེ། གོང་གི་མཆན་ལས་ཤེས་སོ། །གྱི་སྐུ་ལས་གཞན་རྡུལ་ཙམ་ཡང་མ་གྲུབ་སྟེ༔ མ་བཅོས་མ་སྦྱངས་ལྷུན་གྱིས་གྲུབ་པར་རྫོགས་སོ༔ དེ་ནས་རྟ་མགོ་ལྗང་ཀུ་དཔྲལ་བ་ཞུར་པོ་རྡོག་མ་ལེ་བརྒན་ཕུམ་ཕུམ་སེར་པོའི་ཞལ་ནས་ཧྲཱིཿཧྲཱིཿཧྲཱིཿབརྗོད་པས་མ་མོ་དང་མཁའ་འགྲོ་མ༔ རྡོ་རྗེ་གིང་ཕོ་དང་གིང་མོ་ཐམས་ཅད་བཀའ་འོག་ཏུ་བསྡུས་ནས་གཅེར་བུ་

― TN03_Page_0704 ―

^{[མ་དཔེ་གཟིགས་ན་འདིར་གནོན།]}

(༤༨༢)ལྷག་པས་བཏབ་པ་བཞིན་འདར་ཡེད་ཡེད་མིག་རིག་རིག་བཀའ་ཅི་སྩལ་་བགྱིད་ཟེར་བར་བསམ་མོ༔ དེ་ནས་བདག་ཉིད་པདྨ་དབང་ཆེན་ཤར་ཕྱོགས་སུ་རྟ་སྐད་ཐེང་གཅིག་བཏོན་པས་རྡོ་རྗེ་གིང་ཕོ་རྒྱུད་ཐམས་ཅད་དབང་དུ་བསྡུས༔ ལྷོ་ཕྱོགས་སུ་རྟ་སྐད་ཐེང་གཅིག་བཏོན་པས་གཤིན་རྗེ་དང་མོ་རྒྱུད་ཐམས་ཅད་དབང་དུ་བསྡུས༔ ནུབ་ཕྱོགས་སུ་རྟ་སྐད་ཐེང་གཅིག་བཏོན་པས་ཀླུ་དང་ས་བདག་ཐམས་ཅད་དབང་དུ་བསྡུས༔ བྱང་ཕྱོགས་སུ་རྟ་སྐད་ཐེང་གཅིག་བཏོན་པས་གནོད་སྦྱིན་དང་གཟའ་ཐམས་ཅད་དབང་དུ་བསྡུས་ནས་ཞལ་དུ་བདུད་རྩི་དང་༔ ལྕེ་ལ་དམར་གྱི་ཨརྒྷཾ་བཞག་ནས་ལས་ལ་བསྐུལ་བས་བསྟན་པ་སྲུང་བའི་ལས་ལ་ཐོགས་པ་མེད་པར་བྱེད་དེ༔ ཁྱི་གསར་རྦད་པ་བཞིན་དུ་འགྲོའོ༔ ཀླུའི་བར་ཆད་སྲུང་བའི་དགོངས་པ་ནི༔ བདག་པདྨ་དབང་ཆེན་དུ་བསྒོམ་པའི་ཐུགས་ཀ་ནས་སྐུ་རང་ཁོ་ན་འདྲ་བ་གྲངས་མེད་པ་སྤྲོས་པས་ཁམས་གསུམ་སྲིད་གསུམ་ཐམས་ཅད་དཔལ་རྟ་མགྲིན་གྱི་སྐུས་ཐམ་གྱིས་བཀང་ནས་ཀླུ་རིགས་ཐམས་ཅད་ཟིལ་གྱིས་མནན༔ ཕྲ་མེན་བྱི་ལ་པུ་ཤུད་མགོ་ཅན་སྤྲོས༔ དེ་ལས་ཀྱང་ཡང་སྤྲུལ་མང་པོ་སྤྲོས་ནས་གདུག་པའི་སེམས་དང་ལྡན་པའི་ཀླུ་དང་ས་བདག་ལ་སོགས་པ་རྣམས་ལྕགས་ཀྱུས་སྙིང་ནས་བཟུང་༔ ཕུར་བུས་དུམ་བུར་གཏུབ༔ ཀླད་ཁྲག་རྣམས་ཞལ་དུ་གསོལ༔ ཕུང་པོ་ལྷག་མ་མེད་པར་བསྒྲལ་ནས་བདག་གི་

― TN03_Page_0705 ―

^{[མ་དཔེ་གཟིགས་ན་འདིར་གནོན།]}

(༤༨༣)སྐུ་ལ་ཐིམ་པས་སྣང་གྲགས་ཐམས་ཅད་པདྨ་དབང་ཆེན་གྱི་སྐུ་དང་༔ གསུང་དུ་གྱུར་པར་བསམ་ལ་བཟླས་པ་བྱའོ༔ ཞེས་སོ། །བདེ་འདུས་ཛཔྲ་བསྙེན་ལས༔ དབང་ཆེན་འདུས་པའི་རྩ་རྒྱུད་ལས། སྔགས་འདིས་རྣམ་བཞིའི་ཕྲིན་ལས་ཐམས་ཅད་ཐོགས་མེད་དུ་བྱེད་པ་དང་། །རིམ་དགུའི་ཐེག་པའི་ཆོས་ཐམས་ཅད་སྡུད་པར་གསུངས་སོ། །ཨོཾ་པདྨན་ཏ་ཀྲིཏ་བཛྲ་ཀྲོ་དྷ་ཧྱ་གྲི་ཝ་ཧཱུཾ་ཕཊ༔ ཨོཾ་ཡེ་ཤེས་ལྔ་དང་ལྡན་པ༔ པད་མི་འགྱུར་བའི་རིགས༔ མན་བྱམས་པ་ཆེན་པོ༔ ཏ་དགའ་བ་ཆེན་པོ༔ ཀྲི་ཏ་བཏང་སྙོམས་ཆེན་པོ༔ བཛྲ་མི་འགྱུར་བའི་རྡོ་རྗེ༔ ཀྲོ་བདག་ཉིད་ཆེན་པོ༔ ཏ་བདག་གི་སྐུ༔ ཧ་བདེ་བ་ཆེན་པོ༔ ཡ་འདྲེན་པ་ཆེན་པོ༔ གྲྀ་གཅོད་པ་ཆེན་པོ༔ བ་དག་པའི་སྐུ༔ ཧཱུཾ་སྡུད་པ་ཆེན་པོ༔ ཕཊ་གཅོད་པ་ཆེན་པོ༔ དེ་ནི་དོན་ཆོས་ཉིད་དང་སྦྱར་ཏེ་བཤད་པ༔ ཨོཾ་ཡེ་ཤེས་རྣམ་པ་ལྔ༔ པདྨན་ཏ་ཀྲི་ཏ་པདྨ་དབང་ཆེན་གྱི་སྙིང་པོ༔ བཛྲ་ཀྲོ་ཏ་ཟིལ་གནོན་ཁྲོ་བོ་བརྒྱད་ཀྱི་སྙིང་པོ༔ ཧྱ་གྲྀ་ཝ་ཡུམ་རྣམས་ཀྱི་སྙིང་པོའོ༔ ཧཱུཾ་བཀའ་ཉན་ལས་བྱེད་ཀྱི་སྙིང་པོའོ༔ ཕཊ་སྒོ་བ་བཞིའི་སྙིང་པོ༔ པདྨ་དབང་ཆེན་ལྷ་རྒྱུད་དང་སྦྱར་བའོ༔ ཨོཾ་ཡེ་ཤེས་རྣམ་པ་ལྔ༔ པདྨ་པདྨའི་རིགས༔ཨན་ཏ་ཀྲིཏ་རྟ་མགྲིན༔ བཛྲ་རྡོ་རྗེ༔ ཀྲོ་ཏ་ཁྲོ་བོ༔ ཧྱ་གྲྀ་ཝ་རྟ་མགྲིན༔ ཧཱུཾབསྡུས༔ ཕཊ་སོད་སྲེག༔ ལྷ་འདྲེའི་དམག་དཔུང་

― TN03_Page_0706 ―

^{[མ་དཔེ་གཟིགས་ན་འདིར་གནོན།]}

(༤༨༤)གཞོམ་པར་བསྟན་པའོ༔ ཨོཾ་ཡེ་ཤེས་ལྔས་འཁོལ་བ༔ པདྨན་ཏ་ཀྲིཏ་པདྨ་དབང་ཆེན༔ བཛྲ་ཀྲོ་དྷ་རྡོ་རྗེ་ཁྲོ་བོ༔ ཧྱ་གྲྀ་བ་གསུང་རྟ་སྐད་དང་ལྡན་པ༔ ཧཱུཾ་སྡེ་བརྒྱད་ལས་ལ་གཞུག་ཅིང་དབང་དུ་སྡུས་པ༔ ཕཊ་ལས་ལ་བསྐུལ་བའོ༔ དམ་ཅན་ཁྱི་བཞིན་བསྐུལ་བ་དང་སྦྱར་བའོ༔ ཨོཾ་ཡེ་ཤེས་རྣམ་པ་ལྔས་བསྲེག་པ༔ པདྨན་ཏ་ཀྲི་ཏ་པདྨ་དབང་ཆེན༔ བཛྲ་ཀྲོ་དྷ་རྡོ་རྗེ་ཁྲོ་བོ༔ ཧྱ་གྲྀ་ཝ་རྟ་མགྲིན༔ ཧཱུྃ་སྟོབས་ཀྱིས་ཀླུ་གདོལ་ཐུལ་བ༔ ཕཊ་སོད༔ ནཱ་ག་ཀླུ་འདུལ་བའི་དོན་དུ་བཟླས་པའོ༔ དེ་ལྟར་པདྨ་དབང་ཆེན་གྱི༔ བསྙེན་པའི་སྔགས་ཀྱི་དོན་བསྟན་པ༔ དཔལ་གྱི་རྟ་སྐད་ཐེང་གསུམ་དང་༔ མ་མོའི་འགྱིང་སྐད་ཐང་གསུམ་དང་༔ རྣལ་འབྱོར་བརྡ་སྐད་ཐང་གསུམ་གྱི༔ དང་པོས་སྣང་སྲིད་ཐམས་ཅད་ཀུན༔ རྟ་མགྲིན་དབང་གི་ལྷ་རུ་གྱུར༔ གཉིས་པས་སྣང་སྲིད་ཤ་ཁྲག་འགྱུར༔ གསུམ་པས་མ་སྲིང་དབྱིངས་ནས་བསྐུལ༔ བསྟན་པའི་སྤེའུ་བརྩིགས་པའོ༔ འདི་ལྟ་བུ་ཡི་དོན་རྟོགས་ན༔ རྟ་མགྲིན་དབང་གི་རྣལ་འབྱོར་ཡིན༔ ལྷ་སྲིན་ལས་ལ་འདི་ཡིས་འཁོལ༔ ལྷ་འདྲེའི་དམག་དཔུང་འདི་ཡིས་འཇོམས༔ ནཱ་ག་ཀླུ་རྣམས་འདི་ཡིས་ཐུལ༔ དྲག་སྔགས་བསྙེན་པ་འདི་ཡིས་སྐྱོལ༔ །གསུང་གི་དངོས་གྲུབ་འདི་ཡིས་འཐོབ༔དབང་ཆེན་སྐུ་ཡང་འདི་ཡིས་མཐོང༔ གསང་སྔགས་

― TN03_Page_0707 ―

^{[མ་དཔེ་གཟིགས་ན་འདིར་གནོན།]}

(༤༨༥)ཟབ་མོའི་མན་ངག་འདི༔ སྐལ་མེད་རྨོངས་པའི་གང་ཟག་དག༔ ཀུན་ལ་བསྟན་པར་མ་གསུངས་སོ༔ ཞེས་གསུངས། འདི་ནི་ཕྱི་མའི་ཕྱི་མ་སྔགས་ཀྱི་རྒྱུད་ལས་ཀྱང་ཇི་ལྟ་བ་བཞིན་གསུངས་སོ། །འོན་ཀྱང་རྒྱུད་ཀྱི་དཔེ་ལ་འཆད་ཚུལ་དང་པོར། ཏ་བདེ་བ་ཆེན་པོ༔ ཧ་བདག་གི་སྐུ༔ ཞེས་དང་། འཆད་ཚུལ་གསུམ་པར། ཧཱུཾ་གཏུབ་སོད༔ ཕཊ་སྐྲོད་སྲེག༔ ཅེས་སྣང་། གསང་རྫོགས་གདེང་བརྒྱད་ཀྱི་ནང་ཚན་ཀླུ་སྒྲུབ་ཀྱི་གདེང་ལས། རུ་ལུ་རུ་ལུ་མ་མོ་མཁའ་འགྲོ། ཧཱུཾ་དམ་ལ་སྡུད་པ། བྷྱོ་ལས་ལ་འཛུད་པ། ཧཱུཾ་ལས་ལ་རྦད་པའམ་བསྐུལ་བ་ཞེས་བཤད་དེ་ཧ་ལམ་འོག་ཏུ་འབྱུང་བ་དང་འདྲ། འདི་གཙོ་སྔགས་ལ་མི་མཁོ་ཡང་སྤྱི་ཛབ་སྐབས་སྦྱོར་རྒྱུའོ། །བདེ་འདུས་རྩ་རྒྱུད་ལེའུ་བཅུ་བཞི་པར། ཨོཾ་བཛྲ་མ་ཧཱ་ཀྲོ་ཏ་ཧྱ་གྲྀ་ཝ་སྔགས་འདི་ལ། དབང་ཆེན་གཙོ་བོ་དང་རིགས་བདག་འོད་དཔག་མེད། ཡུམ་པདྨ་གཟི་ལྡན་མ། དབང་ཆེན་རིགས་བཞི་ཡབ་ཡུམ། ཟིལ་གནོན་ཡབ་ཡུམ་བཅུ་དྲུག་སྒོ་མ་བཞི་ཁམས་རྒྱ་དམུས་ལོང་སོགས་ཕོ་ཉའི་ཚོགས་དང་བཅས་པ་ཚང་བས་པདྨ་དབང་ཆེན་ཡོངས་རྫོགས་ཀྱི་སྙིང་པོ་ཞེས་བཤད་པར་གསང་རྫོགས་སྔགས་བྱང་ལས་གསུངས། ཧུ་ལུ་ཧུ་ལུ་ཧཱུཾ་ཕཊ༔ ཐོག་མཐའ་ཨོཾ་དང་ཕཊ་བཞག་ནས༔ བར་ན་བཅུ་བཞིའི་གྲོང་མཛེས་པ༔ པདྨའི་ལྷ་རྒྱུད་སྙིང་པོ་ཡིན༔ དབང་གི་ཐུགས་དམ་རྒྱུད་བསྐུལ་ཞིང་༔ ཁྲག་འཐུང་ལྷ་ཚོགས་དགྱེས་པ་དང་༔ རྣལ་འབྱོར་ཉམས་ཆག་སྡིག་སྒྲིབ་སྦྱངས༔ ཡེ་ཤེས་ལྷ་དང་གཉིས་སུ་མེད༔ གསུང་གི་རིག་འཛིན་

― TN03_Page_0708 ―

^{[མ་དཔེ་གཟིགས་ན་འདིར་གནོན།]}

(༤༨༦)ཐོབ་པར་འགྱུར༔ ཞེས་གསུངས་སོ། །བདེ་འདུས་དབང་ཆེན་འདུས་རྒྱུད་ལྟར་སྔགས་དོན་བཤད་ན། ཨོཾ་ཡེ་ཤེས་ལྔ་ཉིད་རྟོགས་པ། པདྨ་དངོས་པོ་ཀུན་ལ་ཆགས་པ། ཏ་ཀྲིཏ་ཁྲོ་བོའི་གར་དགུ་རྫོགས་པ། བཛྲ་ཀྲོ་དྷ་ཆེ་བཙན་ཐམས་ཅད་འདུལ་བའི་རྡོ་རྗེ་ཁྲོ་བོ། ཧྱ་གྲྀ་བ་ཁམས་གསུམ་དབང་དུ་སྡུད་པ་རྟ་མགྲིན་ཉིད་ཡིན་ཞེས་པ། ཧུ་ལུ་ཧུ་ལུ་ཁྲོ་བོའི་ཚོགས་ཀྱི་སྤྲུལ་པ་འགྱེད་པ། རུ་ལུ་སྔོན་རུ་ཏྲས་རང་གི་འཁོར་དབང་དུ་སྡུད་པའི་སྔགས་ཀྱང་རུ་ལུ་རུ་ལུ་ཞེས་པ་འདི་ཡིན་པར་བསྙེན་སྒྲུབ་ཀྱི་ཏི་ཀ་ལས་སོ། །འདི་ལ་དཔྱད་ན་དབང་ཕྱུག་ཉེར་བརྒྱད་ཀྱི་འབོད་སྔགས་ཀྱང་བྷྱོ་ཁོ་ནའི་ངེས་བཟུང་མི་དགོས་པ་འདྲ། རུ་ལུ་ཁྲོ་བོ་ཁྲོ་མོའི་ཚོགས་ཀུན་དང་མཁའ་འགྲོའི་ཚོགས་རྣམས་དབང་དུ་སྡུད་པ། ཧཱུཾ་དྲེགས་པའི་ཚོགས་རྣམས་ལས་ལ་འབོད་པ། བྷྱོ་དེ་དག་ལས་ལ་རྦད་པ། ཧཱུཾ་ནི་དངོས་གྲུབ་ཉེ་བར་བསྡུ་བ། ཞེས་བྱའོ། །པད་ཕྲིན་རྗེའི་རང་ཤར་རྣམ་ངེས་སུ། ཧུ་ལུ་ཧུ་ལུ་འབད་པ་འབད་པ་ཞེས་བསྒྱུར་ཅིང་། དེའང་འདིར་ལས་ཀྱི་དབང་གིས་འབད་ཅིག་འབད་ཅིག་ཅེས་བསྒྱུར་ན་ལེགས་གསུང་། དེ་ནི་དངོས་གྲུབ་སྩོལ་བ་ལ་བརྩོན་འགྲུས་ཀྱི་འབད་པ་མཛོད་ཅིག་པའི་དོན་ཏེ། འདིར། ཆོས་དབང་རྟ་ནག་སོགས་ལས་རྟ་ཞལ་བརྩོན་འགྲུས་ཀྱི་ཤུགས་མྱུར་བའི་མཚན་མར་བཤད་པ་དང་། བྱང་ཆུབ་ཡན་ལག་གི་བརྩོན་འགྲུས་རྟ་མཆོག་དང་སྦྱར་ནས་མདོ་རྒྱན་དུ་བཤད་པའང་དྲན་པར་བྱའོ། །

― TN03_Page_0709 ―

^{[མ་དཔེ་གཟིགས་ན་འདིར་གནོན།]}

(༤༨༧)གུར་གྱི་འགྲེལ་པར། ཧུ་ལུ་ཧུ་ལུ་ཧུ་ལུ་ཞུགས་ཤིག་ཞུགས་ཤིག་པར་བསྒྱུར་བའང་མང་བས། །དཔལ་རྟ་མགྲིན་བདག་གི་སྒོ་གསུམ་ལ་ཞུགས་ཤིག་ཅེས་བཤད་ནའང་རུང་བར་སེམས། མཉམ་སྦྱོར་ལས་སོ། །ཧུ་ལུ་ཞེས་པ་ཞིག་མཛོད་ཅིག་མཛོད་ཅིག་པར་བཤད། ཡང་དབང་ཆེན་འདུས་པས། ཧྲཱིཿནི་ཐམས་ཅད་ང་ཡི་ངང་དུ་བསམཿ ཞེས་དང་། ཧྲཱིཿདབང་དུ་སྡུད་པའི་སྒྲ། ཞེས་ཀྱང་ངོ། ཉང་གི་ཁྲོས་མ་ཧྲཱིཿ ནག་མོའི་སྒྲུབ་ཐབས་ལས། རྡོ་རྗེ་ཕག་མོ་ཁྲོས་ནག་གི་སྲོག་སྔགས་ཀྱང་ཧྲཱིཿར་བཤད་དོ། ༈ །གསུང་རྟ་སྐད་འབྱིན་པའི་དུས་ནི་བཟླས་པ་གསུང་གི་རྣལ་འབྱོར་གྱི་སྐབས་འདི་ཉིད་ཡིན་ཏེ། བདེ་འདུས་ཛཔྲ་བསྙེན་ལས་ཤེས་ཤིང་། གསང་རྫོགས་ཛབ་དགོངས་ཀྱི་གསུམ་པས་ཀྱང་མཚོན་ནོ། །དེས་ན་རྟ་སྐད་ཟིན་བྲིས་སྐོར་ཡང་འདིར་སྦྱར་རོ། ༈ །སྔོན་རྟ་མཆོག་ཧེ་རུ་ཀ་ལ་རིགས་ལྔའི་དེ་བཞིན་གཤེགས་པ་མན་ཆད་ཀྱི་སྲིད་ཞིའི་གཙོ་བོ་རྣམས་ཀྱིས་རང་རང་གི་སྲོག་གི་སྙིང་པོ་ཕུལ་བར་དབང་ཆེན་འདུས་པ་རྩ་བའི་རྒྱུད་ལས་གསུངས་ཏེ། དེ་ནི་འདིའི་སྒྲུབ་པ་པོ་རྣམས་ཀྱིས་འཇིག་རྟེན་དང་འཇིག་རྟེན་ལས་འདས་པའི་ལྷ་ཐམས་ཅད་ཀྱི་དངོས་གྲུབ་བདེ་བླག་ཏུ་དབང་དུ་འགྱུར་བའི་ཆེད་ཡིན་ཏེ། ཛབ་དགོངས་དང་པོ་དང་གསུམ་པ་ལ་གཅེས་སོ། ༈ །བྱེད་ལས་ཀྱི་སྒོ་ནས་ཐུན་མོང་དང་ཐུན་མོང་མ་ཡིན་པའི་ལམ་

― TN03_Page_0710 ―

^{[མ་དཔེ་གཟིགས་ན་འདིར་གནོན།]}

(༤༨༨)ཐམས་ཅད་བསྡུས་པ་ནི་ལྷན་སྐྱེས་ཀྱི་ཡེ་ཤེས་ཡིན་པས། དེ་བརྗོད་བྱར་བླང་ཞིང་། དེའི་རང་བཞིན་ཅན་གྱི་རྟ་སྐད་ཀྱང་རྒྱལ་བའི་ཆོས་མཛོད་མཐའ་དག་བསྡུས་པ་ཡིན་ནོ། །ཡོ་ག་དང་གསང་འདུས་སོགས་ལས་བདེ་ཆེན་སོར་རྟོག་ཡེ་ཤེས་ལ་དམ་པའི་ཆོས་ཀྱི་ཡེ་ཤེས་དང་རྡོ་རྗེ་གསུང་རབ་ཀྱི་ཡེ་ཤེས་སུ་བཤད་ཡོད། དེས་ན་འདི་ཉིད་དབང་བྱེད་ཀྱི་དགོངས་པ་ཟུར་པ་ལ་མི་ལྟོས་པར་ཡང་རྩ་གསུམ་སྲུང་མ་དང་བཅས་པར་རང་འཁོར་བའི་བླ་རྡོ་མཐར་ཐུག་ཏུ་གྲུབ་སྟེ། མདོ་རྒྱུད་ཁྱད་པར་ཅན་རྣམས་ཀྱི་གླེགས་བམ་ཙམ་བཞུགས་པའི་ཕྱོགས་སུ་ཡང་སངས་རྒྱས་བྱང་སེམས་དང་། རིག་འཛིན་མ་མོ་མཁའ་འགྲོ། སྡེ་བརྒྱད་དམ་ཚིག་རྣམས་དབྱར་སྐྱེས་ཀྱི་སྤྲིན་བཞིན་འདུ་བར་གསུངས་ན། །དེ་ལྟ་ཅི་སྨོས་པའི་ཕྱིར། ༈ རྟ་སྐད་ཀྱིས་ལས་དང་ཡེ་ཤེས་ཀྱི་དངོས་གྲུབ་རབ་འབྱམས་དབང་དུ་བྱེད་པའི་མཐུ་སྐྱེ་བ་ལ་ནི་སྒྲུབ་པ་པོ་རང་ཉིད་རྟ་མཆོག་དབང་གི་རྒྱལ་པོར་བྱིན་གྱིས་བརླབས་པ་ཞིག་དགོས་ཏེ། རྩ་བརྔ་བ་དང་། ཟོར་བ་བདར་བའི་རིགས་པ་བཞིན་ནོ། །དེ་ལྟར་བྱིན་རླབས་ཀྱི་རྩལ་ཐོན་པ་ལ་ཡང་། ཉེར་ལེན་གྱི་རྒྱུར་དཔལ་གྱི་སྣང་ཞེན་བརྟན་པ་དང་། ལྷན་ཅིག་བྱེད་རྐྱེན་དུ་ཐོག་མ་མེད་པའི་དུས་ནས་གྲུབ་པའི་དཔལ་ཧེ་རུ་ཀ་རྣམས་ཀྱིས་བྱིན་གྱིས་བརླབས་པ་གཉིས་དགོས་ཏེ། དེ་གཉིས་ཀྱང་ཕན་ཚུན་གྲོགས་སུ་འཇུག་པ་ཅན་ནོ། །དེའི་ཕྱིར་ཛབ་དགོངས་དང་

― TN03_Page_0711 ―

^{[མ་དཔེ་གཟིགས་ན་འདིར་གནོན།]}

(༤༨༩)པོའི་སྒོ་ནས་རྡོ་རྗེ་གསུམ་གྱི་ནུས་པ་སྨིན་པར་བྱེད་པ་འདི་ནི་དངོས་གྲུབ་སྒྲུབ་པ་ལ་སྣེ་གཅིག་ནས་ཟིན་ན་ཀུན་གཡོ་འོང་བའི་ཐབས་དམ་པར་གཟུང་ངོ། །རྟ་མགྲིན་ལའངསྐྱེད་རིམ་པའི་རྟ་མགྲིན་ནས་མི་སློབ་ཟུང་འཇུག་གི་རྟ་མགྲིན་བར་དབྱེ་རྒྱུ་ཡོད་པས་ཤེས་པར་གྱིས། ཉམས་ཆག་སྐོང་བའི་དམིགས་མདེའུ་སྒྱུར་ནའང་ཛབ་དགོངས་དང་པོ་འདི་ལ་སྦྱོར། ༈ ལྷ་སྔགས་ཀྱི་བྱིན་རླབས་གཡེལ་བ་དང་ཞུད་པ་གསོ་ནའང་ཛབ་དགོངས་དང་པོ་རང་ཟབ་པར་མངོན་ཏེ། །རྡོར་གཙུག་ལས་ཐུན་ཞུད་ན་སྔགས་ཀྱིས་དབང་བསྐུར་བས་གསོ་ཞིང་ངར་ལྡུད་པར་བཤད་པས་མཚོན་ནོ། ༈ །འབྲས་དུས་སུ་གསུང་གི་ཕྲིན་ལས་ཀྱིས་འགྲོ་དོན་བྱེད་པ་དང་མཐུན་པར། སྔགས་ཕྲེང་ལས་འོད་ཟེར་སྤྲོས་པས་སེམས་ཅན་ཐམས་ཅད་ཧེ་རུ་ཀའི་གོ་འཕང་ལ་འགོད་པ་འདི་ནི། སྣང་བ་ལྷ་ལ་གྲགས་པ་སྔགས༔སོགས་རྐང་པ་གཉིས་ཀྱི་དོན་ལ་ཚང་བར་འདི་ཉིད་ཀྱི་གུ་རུ་དྲག་པོའི་ཛབ་དགོངས་ལས་གསལ་པོར་ཤེས། འོག་ཏུ་ཡང་བྲིས་ཡོད། ཡང་ཛབ་དགོངས་དང་པོར་བཞུགས་པ་གསང་རྫོགས་སུ་གསལ་ཏེ་གལ་ཆེ། ༈ །ཚེ་དང་ལང་ཚོ། མཐུ་སྟོབས་གཟི་བརྗིད། ཤེས་རབ་དང་སྙིང་རྗེ། གཟུངས་སྤོབས་མངོན་ཤེས། ངག་གི་དེའི་བསྒོ་བ་ལས་ལྷ་རྣམས་ཀྱང་འདའ་བར་མི་ནུས་པའི་ཚིག་བཙན་པ་དང་། ཚིག་ཙམ་གྱིས་དམག་གི་སྡེ་རེངས་བར་བྱ་བ་ལ་སོགས་པའི་ལས་འགྲུབ་པ་དང་།

― TN03_Page_0712 ―

^{[མ་དཔེ་གཟིགས་ན་འདིར་གནོན།]}

(༤༩༠)སྨྲ་བའི་ཁྱུ་མཆོག་གི་གནས་ཐོབ་པ་ཐམས་ཅད་ལ་སྦྱོར་བཏུབ། དབང་ཕྱུག་སོགས་རྡོ་རྗེ་གསུམ་གྱི་དངོས་གྲུབ་ཀྱི་ཆ་ཤས་རང་ཤར་ལྷ་ཁྲིད་ལས་ཀྱང་འདི་མཐུན་འབྱུང་། རེ་ཡིན་པས་ཛབ་དགོངས་དང་པོའི་མདེ་ཁ་སྒྱུར་ལུགས་རེས་གང་འདོད་འགྲུབ་བོ། །འདི་རྡོག་མ་ལེ་བརྒན་ལས། ཐུན་མོང་གྲུབ་ཆེན་བརྒྱད་ལ་སོགས། །མཆོག་གི་སྐུ་གསུམ་རང་གསལ་བ། །ཞེས་པའི་ཐད་དང་བསྒྲིགས་ན་ཤིན་ཏུ་ལེགས་འདྲ། ༈ །ཛབ་དགོངས་གསུམ་པའི་སྐབས་ཀྱི་རྟ་སྐད་འདོན་པ་ན། རྟ་སྐད་ཀྱི་དེ་ཉིད་དང་། དེས་འཇིག་རྟེན་གསུམ་གྱི་སྲོག་འཕྲོགས་ཚུལ་ཟུར་འཁོད་ལྟར་ངེས་པའི་སྟེང་ནས། རྟ་དབྱངས་གསང་མཐོར་བསྒྲགས་པས་སྡེ་བརྒྱད་ཀྱི་སྤྱི་སྲོག་དང་དགོས་སྲོག་སྲོག་རྟེན་ཉི་ཟླའི་དྭངས་མ་དང་བཅས་པ་བསྐུལ་ཞིང་རང་དབང་མེད་པར་དྲངས་པས་རླུང་གིས་བསྐྱོད་པའི་ཤིང་ལོ་ལྟར་ལྷགས་པར་བལྟ་བ་སྟེ། དཔལ་ཆེན་ཆེ་བའི་རྟ་སྐད་ལ་སོགས་པའི་སྐབས་བཞིན་སྦྱར་རོ། །ལེགས་པར་བསྙེན་ན་བྱ་རྒྱུད་ལེགས་གྲུབ་དང་བསྟུན་ན། དམ་ཅན་མཐུ་བོ་ཆེ་རྣམས་ཀྱིས་སངས་རྒྱས་དངོས་ལས་དངོས་གྲུབ་བསླང་སྟེ་སྦྱིན་པའང་ཡོད་པར་མངོན་ནོ། ༈ །རྟ་སྐད་ཀྱིས་དབང་དྲག་གི་ལས་གཉིས་མཛད་ཚུལ་ནི་མི་དང་མི་མིན་གྱི་འགྲོ་བའི་ཡིད་བདག་ལ་འཆོར་བ་ནི། །དེ་དག་གི་རྣམ་ཤེས་ཀྱི་བཞོན་པའི་རླུང་གི་བརྟན་པ་འཕྲོག་པ་ལ་ཐུག་སྟེ། རླུང་གི་རྟ་དང་བྲལ་ན་ཤེས་པ་འཕྱེ་བོ་དང་འདྲ་

― TN03_Page_0713 ―

^{[མ་དཔེ་གཟིགས་ན་འདིར་གནོན།]}

(༤༩༡)བར་གསང་རྫོགས་དང་རྫོགས་ཆེན་སྐོར་དུ་གསུངས་པས་སེམས་འགྲོ་འོང་ནི་རླུང་གིས་ཁྲིད་ནས་བྱེད་པའི་ཕྱིར་རོ། །ཡབ་ཡུམ་གྱི་སྦྱོར་མཚམས་ནས་སྤྲོས་པའི་བདེ་བའི་སྒྲ་དང་། འོད་ཟེར་གྱིས་སངས་རྒྱས་དང་བཙུན་མོར་བཅས་པའི་བདེ་བའི་ཡེ་ཤེས་བསྐུལ་ཏེ་སྤྱན་འདྲེན་པ་བཞིན་དུ། དེ་བཞིན་གཤེགས་པའི་གཞོམ་མེད་ནཱ་དའི་འཚེར་གླུས། ལུས་ཅན་རྣམས་ཀྱི་སྲོག་ཏུ་གྱུར་པའི་རླུང་དེ་རང་དབང་མེད་པར་བསྐུལ་ཞིང་བརླབ་སྟེ། དེའི་གཞན་དབང་ཅན་གྱི་སེམས་རྣམས་མྱོས་པ་དང་། མིའམ་ཅིའི་རྒྱལ་པོ་ལྗོན་པའི་གླུས་དགྲ་བཅོམ་པ་རྣམ་ཐར་བརྒྱད་ལྡན་རྣམས་ཀྱང་རང་དབང་མེད་པར་མྱོས་ནས་གར་བྱས་པར་གསུངས་པ་ལྟ་བུ། འཕར་བ་དང་། ལྡེག་པ་དང་། དཀྲུགས་པ་དང་། དབབ་པ་དང་། དགུག་ཅིང་དྲང་བ་སོགས་བྱེད་དོ། །སྒྱུ་འཕྲུལ་ལས། སྤྱུགས་པའི་འཐོར་རླུང་གཡེང་བ་ཆེ། །ཞེས་དང་། མདོ་ལས་ལྷ་དང་ལྷ་མིན་འཐབ་པའི་སྒྲས་རྒྱ་མཚོའི་སྲོག་ཆགས་མང་པོའི་སྙིང་འགས་པར་གསུངས་པ་བཞིན། །དྲག་པོའི་ང་རོ་མི་བཟད་པས་གདུག་པ་ཅན་རྣམས་ཀྱི་སྲོག་ལ་སོགས་པའི་རླུང་དྲག་ཏུ་སྐུལ་ཞིང་གཏིང་འཁྲུགས་པར་བྱེད་ལ། དེས་ལུས་སེམས་གཏོར་དཀྲུགས་རྨོངས་རེང་བསྐྲད་པ་སོགས་བྱེད་དོ། །སེང་ལྤགས་ཀྱི་རྒྱུད་སྒྲས་རྒྱུད་གཞན་ཐམས་ཅད་ཆད་འགྲོ་བ་ལྟ་བུའང་ཡིན་ནོ། །མཆན། ༈ མ་མོ་རྦོད་གཏོང་གི་

― TN03_Page_0714 ―

^{[མ་དཔེ་གཟིགས་ན་འདིར་གནོན།]}

(༤༩༢)ཛབ་དགོངས་སྐབས། མངོན་རྫོགས་རྒྱལ་པོའི་སྤྱི་གཙུག་རྟ་མགྲིན་གྱི་ཞལ་ནས་འཚེར་སྐད་ཐེང་གསུམ་བསྒྲགས་པས་མ་མོ་མཁའ་འགྲོ་ཐམས་ཅད་དབང་བསྡུས་ཟིལ་གྱིས་མནན་ཅིང་སྲོག་ཕྲོགས་ཏེ་ལས་ལ་འཛུད་པར་གསུངས་པའི་སྐབས་སུ། དེ་ཡང་ཁམས་གསུམ་སྲིད་པ་གསུམ་ན་དབང་ཆེ་བ་མ་མོ་དང་མཁའ་འགྲོ་མ་ཡིན་པས་དབང་གི་མ་མོར་བྱས་ནས་དབང་བསྒྱུར་བ་དང་༔ སེམས་ཅན་གྱི་ཚེ་སྲོག་མ་མོ་དང་མཁའ་འགྲོ་མའི་ཕྱག་ན་མངའ་བས་ཚེའི་མ་མོར་བྱས་ཏེ་ཚེ་སྒྲུབ་པ་དང་༔ ནད་ཀྱི་བདག་མོ་ཡིན་པས་ནད་ངན་གཅོད་པ་དང་༔ དམོད་པ་དྲག་སྔགས་ཀྱི་བདག་མོ་ཡིན་པས་དགྲ་ལ་རྦད་པ་དང་༔ ཐུན་མོང་གི་མཐུ་དང་རྫུ་འཕྲུལ་ཐམས་ཅད་ཀྱི་བདག་མོ་ཡིན་པས་ཐུན་མོང་གི་ལས་གང་འདོད་ལ་སྦྱར་བའོ༔ དེ་ལྟ་བུ་ལ་མ་མོ་རྦོད་གཏོང་གི་སྒྲུབ་པ་ཞེས་བྱའོ༔ ཞེས་བདེ་གསང་གཉིས་ཀར་གསུངས་ཏེ་ཛབ་དགོངས་གསུམ་པ་ལ་མཁོའོ། ༈ སྒྲུབ་ལུང་གི་བཀའ་སྒོ་ལས། པདྨ་ལ་སྒྲུབ་པ་བརྒྱད་དུ་བཀའ་སྩལ་བའི་པདྨ་སྐུའི་སྒྲུབ་པ་ནི༔ པདྨ་སྒྲུབ་པའི་རྣལ་འབྱོར་པའི་ལུས་པདྨ་དབང་ཆེན་གྱི་སྐུར་གསལ་བའི་དུས་ན༔ སྐུ་ལ་བགྲེས་རྒུད་མི་མངའ་སྟེ༔ རང་རིག་པ་པདྨ་དབང་ཆེན་གྱི་སྐུས་ཁམས་གསུམ་དབང་དུ་སྡུད་པ་ལ་པདྨ་སྐུའི་སྒྲུབ་པ་ཞེས་བྱའོ༔ ངག་པདྨ་དབང་ཆེན་གྱི་གསུང་དྲི་མ་མེད་

― TN03_Page_0715 ―

^{[མ་དཔེ་གཟིགས་ན་འདིར་གནོན།]}

(༤༩༣)པ་རྟ་སྐད་ཐང་གསུམ་གྱིས་ཁམས་གསུམ་དབང་དུ་སྡུད་པ་ལ་པདྨ་གསུང་གི་སྒྲུབ་པ་ཞེས་བྱའོ༔ ཡིད་པདྨ་དབང་ཆེན་གྱི་ཐུགས་མི་རྟོག་པའི་ཡེ་ཤེས་ཆེན་པོས་སྣང་སྲིད་ཀྱི་ཆོས་ཐམས་ཅད་བསྡུས་པ་མེད་པར་ཡེ་ནས་དབང་དུ་འདུས་པ་ལ་པདྨ་ཐུགས་ཀྱི་སྒྲུབ་པ་ཞེས་བྱའོ༔ དེ་ལྟར་པདྨ་དབང་ཆེན་གྱི་སྐུ་གསུང་ཐུགས་ཆེ་བའི་ཡོན་ཏན་བསམ་གྱིས་མི་ཁྱབ་པ་ལ་འཕེལ་འགྲིབ་མི་མངའ་བས་པདྨ་ཡོན་ཏན་གྱི་སྒྲུབ་པ་ཞེས་བྱའོ༔ ཕྲིན་ལས་སྣང་སྲིད་ཐམས་ཅད་དབང་དུ་བསྡུས་ནས་ཆོས་ཉིད་སྐྱེ་འགག་མེད་པར་གསལ་འདེབས་པ་ལ་པདྨ་ཕྲིན་ལས་ཀྱི་སྒྲུབ་པ་ཞེས་བྱའོ༔ རྡོ་རྗེའི་གླུས་དབང་གི་ཆེ་བ་བསྟོད་པ་དང་༔ འཁོར་ལོང་བ་རྒྱབ་འབྲེལ་དང་༔ རྨུན་ལོང་འཁོར་བ་མན་ཆད་དབང་གི་ལས་ལ་བསྐུལ་བ་ལ༔ པདྨ་རྦོད་གཏོང་གི་སྒྲུབ་པ་ཞེས་བྱའོ༔ ཁམས་གསུམ་ཡོངས་སྒྲོལ་གྱི་མཆོད་པ་དང་༔ དུག་གསུམ་གཏན་སྤྲུགས་ཀྱི་མཆོད་པ་འབུལ་བ་དང་༔ འཁོར་ཅེ་སྤྱང་དམར་ལ་དབབ་པ་དང་༔ རོ་བཤལ་གཏོད་ལ་བོར་བ་དང་༔ རཀྟ་ཙ་མུན་ཏའི་སྐུ་བཙའ་བ་ལ་པདྨ་མཆོད་བསྟོད་ཀྱི་སྒྲུབ་པ་ཞེས་བྱའོ༔ ཁམས་གསུམ་དབང་དུ་བསྡུ་བའི་སྔགས་དང་༔ སྡེ་བརྒྱད་ལས་ལ་གཟུད་པའི་སྔགས་ལ༔ པདྨ་དྲག་སྔགས་ཀྱི་སྒྲུབ་པ་ཞེས་བྱའོ༔ ཞེས་བཤད་

― TN03_Page_0716 ―

^{[མ་དཔེ་གཟིགས་ན་འདིར་གནོན།]}

(༤༩༤)དོ། ༈ །ཛབ་དགོངས་གཉིས་པའི་ཐད་དུ། མན་ངག་སྙིང་གཟེར་ལས། སྡེ་བརྒྱད་སོ་སོ་ལ་གཉེན་པོ་སྟོབས་ཀྱི་ལྷ་སོ་སོར་འཆད་པའི་སྐབས་སུ། བདུད་དང་རྒྱལ་པོའི་གཉེན་པོ་ནི༔ རྟ་མགྲིན་པདྨ་དབང་ཆེན་ཡིན༔ ཞེས་འབྱུང་། ཉང་གི་སྲིད་པའི་གཏེར་ཁྱིམ་ལས་དྲེགས་པ་ཐམས་ཅད་ཕོ་རྒྱུད་མོ་རྒྱུད་ཀླུ་རྒྱུད་གསུམ་དུ་བསྡུས་ཏེ་འཆད་སྐབས། རྒྱུད་གསུམ་དྲེགས་པའི་ནང་ཚན་ཆེ་བ་ཀླུ་རྒྱུད་དང་། དེའི་གཉེན་པོ་སྟོབས་ཀྱི་ལྷར་བསྔགས་པ་རྟ་མགྲིན་དུ་བཤད། ཀླུ་ལ་ཤིས་པའི་ལྷ་ལྔར་གྲགས་པའི་ནང་ན་ཡང་རྟ་མགྲིན་དང་ཁྱུང་གཉིས་རེ་རེར་བགྲང་ངོ་། །གཉན་དང་ས་བདག་གི་རིགས་ཐམས་ཅད་ཀླུ་རྒྱུད་དུ་བསྡུ་བར་རྡོར་གཙུག་ལས་སོ། །བདེ་འདུས་དབང་ཆེན་འདུས་པའི་རྒྱུད་ལས། ང་ནི་བདེ་གཤེགས་ཀུན་གྱི་གཙོ༔ ང་ནི་སྐྱེ་འགྲོ་ཀུན་གྱི་ཡབ༔ ང་ནི་གཤིན་རྗེ་ཀུན་གྱི་གཤེད༔ ང་ནི་མ་མོ་ཀུན་གྱི་རྗེ༔ ཞེས་པ་ནས། དུས་གསུམ་འདི་ནི་ང་ཡི་དབང་༔ དུས་གསུམ་གྱི་བུདྡྷ་ཐམས་ཅད་ངས་བསྐྱེད་པའི་ཕྱིར། གདུལ་བྱ་ཕོ་རྒྱུད་ཐམས་ཅད་འདུལ་བའི་ཕྱིར། མོ་རྒྱུད་ཐམས་ཅད་འདུལ་བའི་ཕྱིར། ཕྱི་སྣང་བ། དུ་མ་གྱུར་བ་མེད་དོ། །མཆན་རྙིང་ཡིན་ནོ། ཞེས་གསུངས་པ་སོགས་མང་ངོ་། ༈ །ཛབ་དགོངས་བཞི་པོ་དེ་ཤངས་ལུགས་ཀྱི་རྟ་མགྲིན་སྒྲུབ་གཞུང་ལས་ཀྱང་གསུངས་ཏེ། ཞི་ཁྲོ་རབ་འབྱམས་གསང་

― TN03_Page_0717 ―

^{[མ་དཔེ་གཟིགས་ན་འདིར་གནོན།]}

(༤༩༥)བའི་དཀྱིལ་འཁོར་གྱི་ལྷ་ཚོགས་ཐམས་ཅད་རང་བཞིན་གྱིས་སྒྲུབ་པ་པོའི་སྟོང་གྲོགས་མཛད་ཅིང་བྱིན་གྱིས་རློབ༔ ཅེས་ཛབ་དགོངས་དང་པོ་དང་། སྲུང་མ་རྣམས་ཀྱིས་ཕྲིན་ལས་དབང་མེད་དུ་བྱེད༔ ཅེས་གསུམ་པ། ཡང་དྲག་པོའི་སྔགས་བཟླས་པས་སྣང་སྲིད་ཀྱི་ལྷ་སྲིན་སྡེ་བརྒྱད་པོ་ཡང་བསྡད་པའི་དབང་མེད་པར་བསམ༔ ཞེས་པས་ཀྱང་གཉིས་པ་དང་གསུམ་པ། བ་སྤུ་ཉག་མ་རེའི་རྩ་བ་ནས་ཀྱང་བཅོམ་ལྡན་འདས་རྟ་མགྲིན་དཔག་ཏུ་མེད་པར་སྤྲོས་ལ་གདོན་བགེགས་ཐམས་ཅད་རང་སྲོག་རང་གིས་བཅད་པ་ལྟར་བསད་པ་དང་༔ དངངས་པ་དང་༔ རེང་བར་བསམ་མོ༔ ཞེས་སོགས་ཀྱིས་གཉིས་པ་དང་བཞི་པ་བསྟན་ནོ། །དེར། སྔགས་ཀྱི་འོད་ཟེར་གྱིས་སེམས་ཅན་ཐམས་ཅད་ཀྱི་སྡུག་བསྔལ་སྦྱངས་ཏེ་ཐམས་ཅད་བདེ་བ་ཆེན་པོར་ཕྱམ་གྱིས་བཏང་བར་བསམ་པ་ཡང་བཤད་དོ། ༈ །དེ་བཞིན་དུ་གཞུང་འདིར་ཡང་། རྩ་གསུམ་ཞི་ཁྲོ་མཆོད་པས་མཉེས༔ ཞེས་དང་པོ་བསྟན་ཏེ། བླ་སྒྲུབ་ལས་དེ་འབྲེལ་དུ། བྱིན་རླབ་དངོས་གྲུབ་རང་ལ་ཐིམ༔ ཞེས་གསུངས། །སྡེ་བརྒྱད་འབྱུང་པོ་ཟིལ་གྱིས་མནན༔ དགྲ་བགེགས་གདུག་པ་ཚར་ཐག་གཅད༔ ཅེས་གཉིས་པ་དང་བཞི་པ། དམ་ཅན་ཕོ་ཉ་ལས་ལ་བསྐུལ༔ ཞེས་གསུམ་པ་བསྟན་ནོ། །

― TN03_Page_0718 ―

^{[མ་དཔེ་གཟིགས་ན་འདིར་གནོན།]}

(༤༩༦)སྣང་བ་ལྷ་ལ་སོགས་རྐང་པ་གཉིས་ཀྱིས་ནི་བརྟན་གཡོ་ཐམས་ཅད་དབང་ཆེན་གཅིག་པུའི་རྣམ་འཕྲུལ་དུ་ལྟ་བའི། དབང་བྱེད་ཀྱི་ཛབ་དགོངས་ཁྱད་པར་ཅན་ཏེ། རྟ་སྐད་ཟིན་ཏིག་ཏུ་བལྟའོ། ༈ འདིའི་སྒྲུབ་སྔགས་འདི་ལ། སྔོན་འགྲོ། ལས་སྦྱོར། རྒྱུན་སྔགས། བསྙེན་སྔགས་དང་བཞི་གཅིག་ཏུ་དྲིལ་བའི་སྔགས། ཞེས་ཤངས་ལུགས་གཏེར་གཞུང་ལས་སོ། ༈ །ཛབ་དབྱངས་ནི། བདེ་འདུས་བསྙེན་སྒྲུབ་ཀྱི་པྲ་ཁྲིད་ལས། དབང་ཆེན་གྱི་ཛབ་ནི་སེང་གེའི་འགྱིང་ཛབ་ཅེས་བྱ༔ བགྲང་ཐབས་ནི་སྐད་གདངས་ལ་འགྱིང་ཆེ་བར་བགྲང་༔ དགོས་པ་ནི་ནུས་པ་རྒྱས་ཤིང་དྲེགས་པ་ཟིལ་གྱིས་གནོན་པར་བྱེད་དོ༔ ཞེས་སོ། ༈ །སྤྱི་ཛབ་རུ་ལུའི་དོན་ནི་བདེ་འདུས་སྔགས་རྒྱུད་ལས་ཡང་དག་གི་སྐབས་སུ། ཨོཾ་ནི་ཡེ་ཤེས་རྣམ་པ་ལྔའོ༔ རུ་ནི་ཆགས་པ་ཆེན་པོའོ༔ ལུ་ནི་ཀུན་བཟང་ཡུམ་གྱི་མཁའ་འོ༔ རུ་ནི་ཉོན་མོངས་པ་དབང་དུ་བསྡུས་པའོ༔ ལུ་ནི་སྲིད་པ་གསུམ་དབང་དུ་བསྡུད་པའོ༔ ཧྲཱུཾ་ནི་དགྱེས་པ་ཆེན་པོས་སྤྲུལ་པ་མང་པོ་འགྱེད་པོའོ༔ བྷྱོ་ནི་ཆོས་ཀྱི་དབྱིངས་སུ་འཇིག་རྟེན་པ་གནས་གྱུར་པའོ༔ ཧཱུཾ་ཐ་མ་ནི་ཡོན་ཏན་རིནཔོ་ཆེ་ནོར་བུ་རིན་པོ་ཆེའོ༔ ཕཊ་ནི་ཆོས་ཀྱི་དབྱིངས་བདེ་བ་ཆེན་པོར་བསྐུལ་བའོ༔ དེ་ནི་སྔགས་ཀྱི་དོན་དང་སྦྱར་ཏེ་

― TN03_Page_0719 ―

^{[མ་དཔེ་གཟིགས་ན་འདིར་གནོན།]}

(༤༩༧)བསྟན་པའོ༔ ཁྲག་འཐུང་དྲུག་ཅུ་རྩ་བརྒྱད་ཀྱི་སྙིང་པོར་བསྟན་པ་ནི༔ ཨོཾ་ནི་ཁྲག་འཐུང་ཡབ་ཡུམ་བཅུའི་སྙིང་པོའོ༔ རུ་ལུ་གོང་མ་གཽ་རི་བརྒྱད༔ རུ་ལུ་འོག་མ་ཕྲ་མེན་བརྒྱད༔ ཧཱུཾ་ནི་འཇིགས་བྱེད་ཁོ་བོ་བཅུ༔ བྷྱོ་དབང་ཕྱུག་མ་ཉི་ཤུ་བརྒྱད༔ ཧཱུཾ་སྒོ་མ་བཞི༔ ཕཊ་སྤྲོ་བའོ༔ ཞེས་གསུངས་ཤིང་། ཁྲག་འཐུང་ང་བརྒྱད་དང་སྦྱོར་ན་གཞན་དེ་དང་འདྲ་བ་ལས། ཧཱུཾ་སྔ་མ་སྒོམ་བཞི༔ ཧཱུཾ་ཕྱི་མ་དབང་དུ་སྡུད་པར་སྦྱར་ཏེ་གསུངས་སོ། །སྔར་གདེང་བརྒྱད་ཀྱི་གཞུང་སོགས་དྲངས་པ་ལྟར་ན། རུ་ལུ་ཚང་མ་དམ་ཅན་ཡོངས་རྫོགས་ཀྱི་བཟླས་སྔགས་སུ་བྱེད་ཀྱང་ཆོག་པ་ལ། འདིར་བྷྱོ་རྐྱང་མ་གཏོགས་པ་སྦྱར་དུ་མེད་པས་ཅི་སྟེ་མི་འགལ་ཞེ་ན། རྡོ་རྗེའི་ཚིག་གཅིག་ལའང་དོན་མི་འདྲ་བ་དུ་མ་ཞིག་བསྟན་རྒྱུ་ཡོད་པ་རྣལ་འབྱོར་བླ་མེད་ཀྱི་རྒྱུད་སྡེ་སྤྱིའི་ལུགས་ལ་ཡོད་པས་སྐྱོན་མེད་དོ། །གསང་རྫོགས་ཛབ་དགོངས་ལས་ལྷ་ང་བརྒྱད་དང་སྦྱར་ཏེ། ཧཱུཾ་ཕྱི་མ་ལ་ཐུགས་ཀར་སྡུད་པའོ་ཞེས་བཤད། ཡང་གསང་རྫོགས་ལས། ཨོཾ་ཡེ་ཤེས་ལྔའི་རང་བཞིན༔ རུའི་ར་ལ་ངེས་ཚིག་གིས་བཤད་ན། ར་མེའི་སྒྲ་ལས་རྨོངས་པ་མེད་པའི་མཛད་སྤྱོད་དང་ཐུགས་རྗེ་ཆེན་པོས་དགའ་བར་བྱེད་པ་དང་༔ ར་ག་སྟེ་ཆགས་པ༔ ལུ་ལུམ་བིའི་ཚལ་སྟེ། དགའ་བའི་ནགས་

― TN03_Page_0720 ―

^{[མ་དཔེ་གཟིགས་ན་འདིར་གནོན།]}

(༤༩༨)ཚལ་ཆེན་པོ་ལྟར་བདེ་ཆེན་གྱི་འབྱུང་གནས་སུ་གྱུར་པའི་ཡུམ་གྱི་མཁའ་དང་། ཧཱུཾ་གི་ཧ་ཧེ་ཞེས་པ་དགྱེས་པའི་མཆོག བྷྱོའི་བ་ལས། བ་ག་ཅན་དཔྱད་ཞེས་པ་ཆོས་ཀྱི་དབྱིངས་སུ་འཇིག་རྟེན་པ་གྱུར་པ། ཧཱུཾ་ཐ་མ་ཚད་མེད་པའི་ཡོན་ཏན་ཡེ་ཤེས་ལྔ་དང་ལྡན་པ། ཞེས་གསུངས་པ་གོང་གི་བཤད་ཚུལ་དང་པོ་དང་རགས་པ་ཞིག་འདྲའམ་སྙམ་སྟེ། གསང་རྫོགས་ཀྱི་ལྒེགས་བམ་དག་པ་རྙེད་ནས་ད་དུང་ཡང་བསྡུར་བར་བྱའོ། །བདེ་འདུས་སོགས་ལས་རུ་ལུ་ཤེས་པ་བརྒྱད་སོགས་བཤད་ཚུལ་ཁྱད་པར་ཅན་གཞན་ཡང་མང་དུ་མཛད་དོ། །ཡང་ཨོཾ་ནི་སྔར་ལྟར་དང་། རུ་ནི་རུ་ཛོ་ཞེས་པ་འཇིགས་པར་གྱིས། ལུ་ནི་ལུ་ཉ་སྟེ་གཅོད་པ། ཧཱུཾ་ནི་བསྡིགས་པར་གྱིས་ཞེས་སུ་བཤད་པའང་ཡོད་དོ། །རཏྣའི་ཟབ་གཏེར་ལས། རུ་ལུ་ཉམས་ཆག་སྐོང་བའི་མཐར་ཐུག་དང་། རིག་འཛིན་ཚེ་ཡི་མཆོག་སྩོལ་བ་ལ་བསྔགས་པར་གསུངས་སོ། །སྒྱུ་འཕྲུལ་ཁྲོ་བོའི་སྤྱི་སྔགས་རུ་ལུར་བྱེད་ཅིང་། གྲུབ་ཐོབ་བཀའ་བརྒྱད་ལས་དཔལ་དགུའི་སྤྱི་ཛབ་འབུམ་ཕྲག་བཅུ་དང་། སོ་སོའི་སྔགས་འབུམ་ཕྲག་རེ་རེས་འགྲུབ་པར་གསུངས་པའི་སྤྱི་ཛབ་ཀྱང་རུ་ལུ་ཤམ་ལྡན་རང་ཡིན་ནོ། །ལུང་ཁ་ཅིག་ལས་ནི། རུ་ལུ་འདི་སྔོན་ལས་ཀྱི་སྲིན་པོའི་དམ་ཚིག་གི་གདུག་པའི་གླུ། དཔལ་ཆེན་པོས་བྱིན་གྱིས་བརླབས་པའི་སྔགས་སུ་བཤད་དེ་འདིའི་སྟེང་ན་གོ་

― TN03_Page_0721 ―

^{[མ་དཔེ་གཟིགས་ན་འདིར་གནོན།]}

(༤༩༩)རྒྱུ་མང་ངོ། །ཡིག་འབྲུ་སོ་སོར་ལྷ་སོ་སོ་དང་སྦྱར་བ་ན། གཙོ་སྔགས་ཁོ་ནར་ཡང་གཙོ་འཁོར་ཐམས་ཅད་ཚང་མོད་ཀྱི། དེ་རྣམས་འདུས་པ་ལ་བཏགས་པའི་སྔགས་དེ་གཙོ་སྔགས་ཉིད་དུ་བྱས་ནས། སྤྱི་དྲིལ་ཟུར་དུ་བཤད་པ་ནི་ལྷའི་སྐབས་སུ། །གཙོ་བོའི་ཡེ་ཤེས་ཀྱི་ཆ་རྣམས་དཀྱིལ་འཁོར་བ་གཞན་རྣམས་ཀྱི་ངོ་བོར་གནས་པས། ལྷ་དེ་ཐམས་ཅད་གཙོ་བོའི་ཡེ་ཤེས་ཀྱི་རང་བཞིན་དུ་འདུ་མོད་ཀྱི་ཆ་དེ་རྣམས་ཚོགས་པ་ལ་བཏགས་པའི་གཙོ་བོ་ཉིད་མཚན་དང་རྣམ་འགྱུར་དང་རིགས་སོགས་ཀྱི་སྒོ་ནས་འཁོར་རྣམས་ལས་ཐ་དད་པ་མི་འགལ་བ་དང་འདྲ་བར་ཤེས་པར་བྱའོ། །རྣལ་འབྱོར་པ་རབ་ནི་རྒྱུ་མཚན་སྔ་མ་དེ་ཉིད་ཀྱིས། འཁོར་རྣམས་གཙོ་བོའི་ཡན་ལག་ཕྱིར། །ཐ་དད་པར་ནི་བཟླ་མི་བྱ། །ཞེས་ས་ར་ཧའི་ཞབས་ཀྱིས་གསུངས་པ་བཞིན་དུའང་འགྱུར་རོ། ༈ །འདིའི་ཞི་ཁྲོ་གཉིས་ཀ་དང་། འཕགས་མའི་སྙིང་ཏིག་སོགས་མང་པོའི་བསྙེན་སྒྲུབ་ལས་གསུམ་ནང་གི་སྒྲུབ་པ་དང་། འདིའི་བླ་མ་ཞི་བའི་སྒྲུབ་ཆེན་སྐབས་སོགས་སུ་སྣང་སྲིད་ཐམས་ཅད་ལྷ་སྔགས་ཡེ་ཤེས་ཀྱི་འཁོར་ལོར་ཁྱད་པར་དུ་དམིགས་ཚུལ་གསུངས་པ་ནི། བཟླས་བརྗོད་མྱུར་དུ་འགྲུབ་པའི་ཐབས་ཟབ་མོའང་ཡིན་ཏེ། འདི་ལྟར་དེས་ནི་གསུང་རིག་སྔགས་ཀྱི་སྣང་ཞེན་གཉིས་ལས་སྣང་བ་རྒྱས་པར་འགྱུར་ཞིང་།

― TN03_Page_0722 ―

^{[མ་དཔེ་གཟིགས་ན་འདིར་གནོན།]}

(༥༠༠)དེ་ཇི་ལྟར་རྒྱས་པ་དེ་ལྟར་ཞེན་པ་རྒྱས་པར་འགྱུར་ཏེ། སྣང་བས་ཞེན་པའི་གྲོགས་བྱེད་པས་སོ། ཞེན་པ་དེ་ཇི་ལྟར་ལྷགས་པ་དེ་ལྟར་དངོས་གྲུབ་སྒྲུབ་པའི་མཐུ་ལྷག་པར་སྐྱེ་བར་འགྱུར་རོ། །གཙོ་འཁོར་དུ་ཡོད་དང་། ཞལ་དུ་ཡོད་ཐམས་ཅད་ཀྱིས་སྔགས་ཟློ་བར་བསམ་ན་དེ་སྙེད་ཀྱི་འགྱུར་འབྱུང་བར་ལྭ་བ་པ་སོགས་གྲུབ་ཆེན་མང་པོས་བཤད་པ་དང་། འདིར་རིག་སྔགས་ཀྱི་ཏིང་ངེ་འཛིན་རྩལ་སྦྱང་ཚུལ་གསུངས་པ་གུང་བསྒྲིགས་ན་ཤིན་ཏུ་གསལ་ལོ། །སྒྱུ་འཕྲུལ་ལས་གསུངས་པའི་ཚོམ་བུ་ཚོགས་སྒྲུབ་བྱ་མ་རན་པའི་སྔགས་པས་ཀྱང་ཚོགས་སྒྲུབ་བྱ་ཚུལ་གཏེར་ཕྱོགས་ན་མང་དུ་སྣང་བ་ཡང་། དྲོད་ཅུང་ཟད་ཐོབ་པའི་སྔགས་པ་ཆིག་རྐྱང་དང་། མང་པོ་མཐུ་བསྡོང་བྱས་པ་གཉིས། འདོད་པའི་འབྲས་བུ་སྒྲུབ་པ་ལ་སྟོབས་མི་མཚུངས་པར་དགོངས་ནས་ཡིན་ལ། མང་ཉུང་ཡང་བློ་ངོ་གཙོ་བས་སྔ་མ་དང་ཚུལ་མཐུན་ནོ། །འདིར་མང་པོས་གཅིག་བྱེད་པ་ནི་མཁར་ལས་བཞིན་ནོ། །སྟོབས་མི་མཚུངས་པ་ཡང་དེས་ཤེས་ཤིང་། གཅིག་གིས་བསྒུལ་མི་ནུས་པའི་རྡོ་རིང་མང་པོས་བདེ་བླག་ཏུ་དྲང་འོང་བས་མཚོན་ནོ། །སྔགས་པ་སོ་སྐྱེ་ལྟ་བུར་མང་ཉུང་ལ་སྟོབས་ཆེ་ཆུང་འཐད་ཀྱང་། སངས་རྒྱས་གཅིག་དུ་མ་ལ་རྒྱ་ཆེ་ཆུང་དང་ཤུགས་དྲག་ཞན་མི་འཐད་པས་ཚུལ་མཐུན་ཞེས་པ་མི་རིགས་ཞེ་ན། སངས་རྒྱས་གཅིག་བསྒོམ་""ཤོག་ལྷེ་༥༠༡)པ་དང་། མང་པོ་བསྒོམ་པ་ལ་སྟོབས་ཆེ་ཆུང་ཡོད་ཅེས་སྨྲས་ཀྱི། སངས་རྒྱས་གཅིག་དང་མང་པོ་སྟོབས་མི་མཚུངས་ཟེར་བ་ག་ལ་ཡིན། དེ་ཀུན་ཀྱང་སྔགས་པ་ལམ་མཐོན་པོ་པ་ལ་བསམ་པ་མིན་ནོ། ༈ །གཞན་ཡང་རྐང་པ་གཉིས་པོ་འདིར་སེམས་ཅན་གྱི་དོན་བྱེད་པའི་ཛབ་དམིགས་འདི་ནི་གཞུང་འདི་ཀའི་བླ་མ་དྲག་པོའི་ཛབ་དགོངས་ལས་ཀྱང་ཤིན་ཏུ་གསལ་ལོ། །འདི་ལ་གཞན་ཕན་ཕྲིན་ལས་ཀྱི་རྟེན་འབྲེལ་ཀྱི་གནད་ཆེན་པོ་ཡོད་པས་འཇམ་ཞུད་མ་འཐེན་ཅིག ཀྱང་སྟོན་ཏེ། ཟབ་པ་སྐོར་བདུན་ལས་དབང་དང་དངོས་གྲུབ་ཀྱི་ཟབ་པ་རྟ་མགྲིན་དབང་གི་ཆོས་སྡེ། རྟ་མགྲིན་སྙིང་པོ་དོན་འདུས་ལས། ཐུགས་ཀར་ཉི་སྟེང་ཧྲཱིཿདམར་པོ༔ སྔགས་ཀྱི་ཕྲེང་བས་བསྐོར་བ་ལས༔ འོད་འཕྲོས་རྒྱལ་བ་སྲས་བཅས་མཆོད༔ བྱིན་རླབས་དངོས་གྲུབ་རང་ལ་བསྡུས༔ མ་མོ་མཁའ་འགྲོ་ལས་ལ་བཙུད༔ ཕྲིན་ལས་རྣམ་བཞི་ལྷུན་གྱིས་གྲུབ༔ གདུག་པ་ཅན་རྣམས་ཚར་བཅད་ནས༔ ཐམས་ཅད་དཔལ་གྱི་ས་རུ་བཀོད༔ འགྲོ་བ་རྣམས་ཀྱི་སྒྲིབ་པ་སྦྱངས༔ སྣང་སྲིད་དབང་གི་སྐུ་གསུང་ཐུགས༔ ཡེ་ཤེས་དཀྱིལ་འཁོར་ཆེན་པོར་བསམ༔ ཧྲཱི་ཿཔདྨཱནྟ་ཀྲིཏ་བཛྲ་ཀྲོ་དྷ་ཧྱ་གྲཱྀ་ཝ་ཧུ་ལུ་ཧུ་ལུ་ཧཱུཾ་ཕཊ༔ བསྙེན་སྒྲུབ་ལས་གསུམ་རྫོགས་པ་ཡི༔ སྔགས་འདི་ཆུ་བོའི་རྒྱུན་བཞིན་དུ༔ རྟ་ཡི་འགྲོས་སྐད་

― TN03_Page_0723 ―

^{[མ་དཔེ་གཟིགས་ན་འདིར་གནོན།]}

(༥༠༢)སྦྱར་བས་བཟླ༔ ཞེས་སུངས་པས་མཚོན་ནོ། །ལུང་དེའི་རྐྱང་པ་ཐ་མས་ནི་རྟ་སྐད་གང་གི་ཚེ་འདོན་པའི་དུས་ལའང་སྒྲོ་འདོགས་གཅོད་ད། ཆོས་སྡེ་དེའི་རྟ་མགྲིན་ཡང་ཕྱུང་དམར་པོ་ལས་ཀྱང་བསྟོད་པའི་མཐར། དེ་ནས་རྟ་སྐད་སྒྲོགས་པ་ནི༔ ཧཱུཾཿ ཡེ་ཤེས་ལྷ་ཚོགས་མ་ལུས་པ༔ བྱིན་རླབས་དབང་སྐུར་ཆེན་པོ་སྩོལ༔ དཀྱིལ་འཁོར་ཆེན་པོ་འདིར་འདུས་ཤིག༔ དབང་ཆེན་བཀའ་ལས་མ་འདའ་ཞིག༔ ཨི་ཧ་ཧ༔ ཧཱུཾ༔ མ་མོ་མཁའ་འགྲོ་དམ་ཅན་རྣམས༔ མྱུར་དུ་འདུས་ཤིག་ཕྲིན་ལས་མཛོད༔ ཞི་རྒྱས་དབང་དྲག་སོ་སོར་སྒྲུབས༔ དབང་ཆེན་བཀའ་ལས་མ་འདའ་ཞིག༔ ཨི་ཧ་ཧ༔ ཧཱུཾ་ ང་ནི་དབང་ཆེན་ཁྲོ་བོའི་རྒྱལ༔ ཁམས་གསུམ་ཀུན་ལ་འགྲན་ཟླ་མེད༔ དབང་ཆེན་རྟ་སྐད་ཕྱོགས་བཅུར་སྒྲོགས༔ གདུག་པའི་ཚོགས་རྣམས་རྡུལ་དུ་བརླག༔ ཨི་ཧ་ཧ༔ བསྙེན་སྒྲུབ་ཡན་ལག་བཞི་ལྡན་གྱིས༔ ཨོཾ་པདྨཱནྟ་ཀྲིཊ་བཛྲ་ཀྲོ་དྷ་ཧྱ་གྲཱྀ་བ་ཧཱུཾ་ཕཊ༔ ཅེས་གསུངས་ཏེ་ཛབ་དགོངས་གཞན་མ་བཤད་དོ། །བཀའ་བརྒྱད་རྫོང་འཕྲང་ལས་ཀྱང་རྟ་སྐད་གཏོང་དུས་ཛབ་ཀྱི་སྐབས་ཡིན་པར་བཤད་དེ། འདི་ལྟར། དེའི་ལུགས་ལ། ཞི་བ་རིགས་ལྔ་གནས་བསྒྱུར་ཏེ་རིགས་ལྔའི་ཧེ་རུ་ཀར་བསྐྱེད་ལ། དབང་བསྐུར། རྒྱས་གདབ། སྤྱན་འདྲེན། བཞུགས་གསོལ། ཕྱག་

― TN03_Page_0724 ―

^{[མ་དཔེ་གཟིགས་ན་འདིར་གནོན།]}

(༥༠༣)དང་མཆོད་པ་རྣམས་བྱེད་ནས་ཛཔྲ་ལ་བབས་པ་དང་། བུདྡྷ་ཧེ་རུ་ཀ་གནས་བསྒྱུར་ནས་གཤེད་ཛབ་བཟླ་བ་ཡན་སོང་བ་དང་། པདྨ་ཧེ་རུ་ཀ་རྟ་མགྲིན་དུ་བསྒྱུར་ཏེ། ཨོཾ་པདྨན་ཏ་ཀྲིད་མ་ཧཱ་ཀྲོ་ཏ་ཧྱ་གྷྲྀ་ཝ་ཧུ་ལུ་ཧུ་ལུ་ཧཱུཾ་ཕཏ། ཅེས་བརྒྱ་རྩ་བརྒྱད་བཟླས་པས། དབུས་ཀྱི་རྟ་སྐད་ཐང་གཅིག་གིས་ཡེ་ཤེས་ཀྱི་ཁྲོ་བོ་དང་། ཁྲོ་མོ་ཐམས་ཅད་དབང་དུ་བསྡུས། གཡས་ཀྱི་རྟ་སྐད་ཐང་གཅིག་གིས་སྲིད་པའི་གཟའ་ཀླུ་ཕོ་མོ་དབང་དུ་བསྡུས་ཏེ། བཀའ་ཉན་གསུང་སྡོད་པར་བསྒོམ་མོ། །མདོར་ན་འཇིག་རྟེན་ལས་འདས་པ་དང་མ་འདས་པ་ཐམས་ཅད་དབང་དུ་བསྡུ་ཞིང་ལས་ལ་གཟུད་དོ། །དེ་ནས་རྟ་མགྲིན་གྱི་ཛབ་བསྟོད་བྱས་ལ། ཀརྨ་དང་རཏྣ་ཧེ་རུ་གནས་བསྒྱུར་གྱི་བཟླས་པ་སོགས་བྱ་བར་གསུངས་སོ། །འདི་ལ་གོ་རྒྱུ་གཞན་ཡང་སྣང་བས་ཞིབ་ཏུ་བཀོད་དོ། ༈ །སྔགས་གང་བཟླ་ཡང་འདི་ལྟར་ཤེས་དགོས་ཏེ། སྤྱིར་འགྲོ་བ་དང་ཡུལ་ཐ་དད་ཀྱི་སྐད་གང་གི་དབང་དུ་བཏང་ཡང་། སྒྲ་འདིས་དོན་འདི་སྟོན་དང་། འདི་མི་སྟོན་གྱི་རྣམ་བཞག་ཐམས་ཅད་དང་པོར་བརྡ་སྦྱོར་མཁན་གྱི་བརྗོད་འདོད་དང་། དེ་ནས་དེའི་རྗེས་སུ་འབྲངས་ནས་ཐ་སྙད་བྱེད་མཁན་རྣམས་ཀྱི་བརྗོད་འདོད་ཁོ་ནའི་དབང་གིས་བྱེད་པ་ལས་རྒྱུ་མཚན་གཞན་ཅི་ཡང་མེད་དོ། །དེ་བཞིན་དུ་སྔགས་ཀྱི་ཚིག་རྣམས་ཀྱང་དང་པོར་རྩོམ་ཞིང་

― TN03_Page_0725 ―

^{[མ་དཔེ་གཟིགས་ན་འདིར་གནོན།]}

(༥༠༤)བྱིན་གྱིས་རློབ་པ་པོ་གང་ཡིན་པ་དེའི་རྗེས་སུ་འབྲངས་ནས་འདོན་པ་དང་ཟློ་བའི་བསམ་པས་བཟླས་ན། བསམ་པ་དེ་ཉིད་ཀྱི་དབང་གིས་ལྷ་དེ་དང་དེའི་སྔགས་སུ་འགྱུར་ཞིང་། སྔགས་ཀྱི་དེ་ཉིད་དང་། མཐུ་རྣམས་ཀྱང་རང་རང་གི་རྒྱུད་ནས་བཤད་པ་བཞིན་དུ་སྣང་བར་འགྱུར་རོ། །བསམ་པ་དེ་གསལ་པོ་མེད་ན། ལྷ་དེའི་སྔགས་བཟླས་པའི་གོ་ཆོད་ཚབ་ཀྱང་དེའི་ཚོད་ཙམ་དུ་ཆུང་སྟེ། སངས་རྒྱས་པའི་རྒྱུད་སྡེ་དང་། ཁྱབ་འཇུག་གི་རྒྱུད་ནས་བཤད་པའི་ཨོཾ་ཡིག་གཉིས་ལ། ཟློས་མཁན་གྱི་བརྗོད་འདོད་ལ་མ་ལྟོས་པར་ཡིག་འབྲུའི་སྒྲ་གདངས་རྐྱང་པའི་ངོས་ནས་ཁྱད་པར་བསྟན་ག་ལ་ནུས། དེས་ན་འདི་ལྟར་ཡིན་ཏེ། སྔོན་རྟ་མཆོག་ཧེ་རུ་ཀས་བདེ་ཆེན་སྒྱུ་མའི་ཡེ་ཤེས་རྟ་སྐད་དུ་བྱིན་གྱིས་བརླབས་པའི་ཧྲཱི༔ཡིག་རང་མཚན་དེ་ཉིད། འདིར་ཧྲཱིཿབཟླས་ཀྱི་ཀུན་སློང་རྟོག་པ་ལ་དོན་སྤྱི་དང་འདྲེས་ནས་དངོས་སུ་སྣང་བས་ན། དེ་རྟོག་པ་དེའི་དངོས་ཡུལ་ཡིན་ལ། དེའི་གནད་ཀྱིས་རྟོག་པ་དེས་ཡེ་ཤེས་དག་པའི་རྟ་སྐད་དངོས་རང་མངོན་སུམ་དུ་རྗོད་མི་ནུས་ཀྱང་། དངོས་སུ་རྗོད་ནུས་ལ། དེའི་རྒྱུ་མཚན་གྱིས་རྟོག་པ་དེས་རང་གི་དངོས་ཡུལ་གཙོ་བོ་དེ་ངག་ཏུ་རྗོད་པ་དང་། བཟླས་ཏེ་རྗོད་པར་འདོད་ནས་ཧྲཱི༔ཞེས་དབྱངས་སུ་བསྒྲགས་པས་ཀྱང་། ངག་དེས་དཔལ་ཧེ་རུ་ཀའི་རྟ་སྐད་དངོས་ཉིད་

― TN03_Page_0726 ―

^{[མ་དཔེ་གཟིགས་ན་འདིར་གནོན།]}

(༥༠༥)དངོས་སུ་བརྗོད་པར་འགྱུར་ཏེ། དེ་ལྟ་མིན་ན་ནི། སངས་རྒྱས་མིན་པས་སངས་རྒྱས་ཀྱི་བཀའ་དངོས་སུ་ཀློག་མི་ནུས་པ་དང་། ལྷ་སྦྱིན་གྱི་གཏམ་མཆོད་སྦྱིན་གྱིས་སྨྲ་བ་ཡང་མི་སྲིད་པར་ཐལ་ལོ། །དོན་གྱི་དབང་དེའི་ཕྱིར་དེ་བཞིན་གཤེགས་པའི་རྡུལ་བྲལ་ཡེ་ཤེས་ཀྱི་སྐུའི་མགྲིན་པ་དང་ཞལ་ལ་གནས་པའི་རྟ་སྐད་ཉིད་ཀྱང་དེའི་དུས་ཉིད་དུ་བཟླས་བརྗོད་བྱེད་པ་པོའི་སྔགས་ཟློ་བའི་རླུང་དང་། ཟློ་བྱེད་ཀུན་སློང་གི་སེམས་དེ་དག་ལ་འཇུག་པར་འགྱུར་ཏེ། སྔོན་བྱིན་གྱིས་བརླབས་ཚུལ་དང་། སྔོན་གྱི་ཐུགས་དམ་ཆུད་མི་ཟ་བའི་མཐུའོ། །དེའང་སྒྲུབ་ཐབས་ཐོག་མར་སྒོམ་པ་དང་། བཟླས་པ་ལས་སུ་རུང་བའི་དུས་གཉིས། གང་དུ་ཞེན་ནས་བཟླ་རྒྱུའི་སྔགས་གཅིག་ཡིན་ཀྱང་། ཞེན་བྱེད་བློའི་ནུས་པ་ཆེ་ཆུང་ལ་སོགས་པའི་ཁྱད་པར་གྱིས་ལྷས་བྱིན་གྱིས་རློབ་མི་རློབ་སོགས་ཀྱི་ཁྱད་པར་ཡང་འཐད་དོ། །བསྙེན་སྒྲུབ་ཀྱི་སྔགས་སོ་སོ་དང་། འཁོར་སྔགས། ལས་སྦྱོར་གྱི་སྔགས་སོགས་མཐའ་དག་ལའང་དེ་བཞིན་སྦྱོར་ཏེ། སླའོ། །གྲགས་པའི་གསང་གཏམ་ངོ་མཚར་ཅན་ནོ། ༈ །ཞི་བའི་རྒྱུན་ཁྱེར་ཟེར་དུ་མི་ཐོན་ནས་འདི་ཀའི་སྲུབས་སུ་ཡིག་དྲུག་ཅུང་ཟད་རེ་བཟླ་བར་མོས་ན། ཐུགས་ཀའི་ཡེ་ཤེས་སེམས་དཔའ་ལ་དམིགས་ནས་དེ་ལྟར་བྱས་པས་ཆོག་སྟེ། གསུང་གི་རིག་འཛིན་གར་དབང་འཇིགས་གླིང་གིས་གསང་སྒྲུབ་ཀྱི་རྒྱུན་ཁྱེར་དུ་དེ་ལྟར་གསུངས་

― TN03_Page_0727 ―

^{[མ་དཔེ་གཟིགས་ན་འདིར་གནོན།]}

(༥༠༦)པས་སོ། ༈ བསྙེན་སྒྲུབ་ལས་གསུམ་གྱི་གོ་དོན་ཐད། སྤྱིར་འདི་ཉིད་ནས་བསྙེན་པ་སྲོག་སྡོམ་གཟེར་བཞིའི་སྔགས་ཀྱི་གཟེར་དང་། སྒྲུབ་པ་འཕྲོ་འདུའི་གཟེར་ལ་སྦྱར་བ་སོགས་བཤད་ཚུལ་གྱི་རོ་ཉམས་ཐ་དད་པ་མང་དུ་མཛད་ཀྱང་། གནད་རིག་བྱེད་རྩལ་དང་ཤིན་ཏུ་མཐུན་པས། དེ་ལྟར་བཀོད་ན་དེ་ཉིད་ལས། བསྙེན་པ་ཉིད་གང་ཡིན་པ་ནི༔ རྒྱུད་ལས༔ ཉེ་བའི་ཕྱིར་ན་བསྙེན་པ་སྟེ༔ ཞེས་པས་ཡེ་ཤེས་ཀྱི་ལྷ་ལ་བསྙེན་བསྲིང་གི་རྟོག་པ་མི་མངའ་ཡང་༔ སྒྲུབ་པ་པོའི་རྟོག་སྒྲིབ་སྦྱང་བའི་སླད་དུ་ལྷ་མངོན་སུམ་དུ་ཡིད་ལ་བྱས་ཏེ་རིག་པའི་སྔགས་ཀྱིས་ཡང་ཡང་བསྐུལ་བས་ལྷ་སྔགས་ལ་ཞེན་པ་སྐྱེ༔ དེས་ཡེ་ཤེས་ཀྱི་ལྷའི་ཐུགས་རྗེ་དང་སྒྲུབ་པ་པོ་འབྲེལ་ཏེ་ཉེ་བར་འགྱུར་བས་ན་བསྙེན་པ་ཞེས་བྱའོ༔ བསྙེན་པ་མ་ཐེམ་ན་ལྷ་དང་ཉེ་བར་མི་འགྱུར༔ ལྷ་དང་ཉེ་བར་མ་གྱུར་ན་དངོས་གྲུབ་སྒྲུབ་པའི་ཐབས་མེད་ཅིང་༔ འདོད་པའི་དོན་གྲུབ་པའི་གནས་མེད་དོ༔ བསྙེན་པ་ཐེམས་ན་ནི་དེ་ལས་ལྡོག་པ་སྟེ༔ བསྙེན་པས་ལྷའི་ཐུགས་ཉེ་བར་གྱུར་ན་དངོས་གྲུབ་སྐུལ་བ་ལ་དཀའ་བ་མེད་ཅིང་༔ དེས་ལས་དང་ཡེ་ཤེས་ཀྱི་དོན་བདེ་བླག་ཏུ་འཐོབ་པ་ཡིན་ནོ༔ སྒྲུབ་པ་ནི༔ རྒྱུད་ལས༔ དབང་དུ་འགྱུར་བ་སྒྲུབ་པའོ༔ ཞེས་པས་ལྷའི་ཐུགས་ཉེ་བར་གྱུར་པ་ན་དངོས་གྲུབ་ཀྱི་གནས་ལ་བསྐུལ་བས་ལས་ལ་ངོ་མཐོན་གྱི་ཚུལ་དུ་སྒྲུབ་པས་

― TN03_Page_0728 ―

^{[མ་དཔེ་གཟིགས་ན་འདིར་གནོན།]}

(༥༠༧)ན་ལྷ་དབང་དུ་བྱ་བའི་སྒྲུབ་པའོ༔ སྒྲུབ་པ་མ་ཐེམ་ན་ཡེ་ཤེས་ལྷའི་ཐུགས་རྒྱུད་འཁྲུལ་མི་ནུས་ཤིང་༔ ལས་ཀྱི་དངོས་གྲུབ་ལས་རིང་དུ་འགྱུར་རོ༔ ཐེམས་པའི་ཡོན་ཏན་ནི༔ ཡེ་ཤེས་ཐུགས་དམ་བསྐུལ་བས་བྱིན་རླབས་རང་དབང་མེད་པར་ཞུགས་ཤིང་༔ ལས་བརྩམས་པས་རང་གཞན་གྱི་གནས་སྐབས་དང་མཐར་ཐུག་གི་དངོས་གྲུབ་སྩོལ་མེད་དུ་འགྲུབ་པར་འགྱུར་བ་ཉིད་དོ༔ ལས་སྦྱོར་ནི༔ རྒྱུད་ལས། མངོན་དུ་བྱེད་པ་ལས་སྦྱོར་ཏེ༔ ཞེས་པས་བསྙེན་པ་དང་སྒྲུབ་པས་དངོས་གྲུབ་ཀྱི་གཞི་བཏིང་པ་ཉིད༔ སྒོ་གསུམ་གྱི་བྱ་བས་ལས་ལ་སྦྱར་བ་ལ་བརྟེན་དངོས་གྲུབ་མངོན་དུ་བྱ་བ་ནི་ལས་སྦྱོར་རོ༔ བསྙེན་ཅིང་བསྒྲུབས་ཀྱང་ལས་ལ་མ་སྦྱར་ན་འདོད་པའི་དངོས་གྲུབ་འཐོབ་པར་མི་འགྱུར་བས་སྒྲུབ་པ་དོན་མེད་པ་སྟེ༔ གསེར་འགྱུར་གྱི་རྩི་བསྒྲུབས་ཟིན་ཀྱང་ལྕགས་སོགས་ཡུལ་ལ་མ་སྦྱར་ན་གསེར་གྱི་དངོས་པོ་མི་ཐོབ་པ་བཞིན་ནོ༔ བསྙེན་པས་ཡེ་ཤེས་ཀྱི་ལྷའི་ཐུགས་རྗེ་ཡུལ་ལ་འཇུག་པའི་སྐབས་ཕྱེས་ཤིང་སྒྲུབ་པས་དབང་དུ་བྱས་ཏེ་ལས་ལ་སྦྱར་བས་གནས་སྐབས་ཐུན་མོང་གི་དངོས་གྲུབ་དང་མཐར་ཐུག་མཆོག་གི་དངོས་གྲུབ་ཕྱག་རྒྱ་ཆེན་པོའི་ཡེ་ཤེས་ཀྱི་བར་དུ་ཐོབ་པར་བྱེད་པ་སྟེ༔ ལྕགས་ལ་གསེར་འགྱུར་རྩིས་སྦྱར་བས་རིན་ཐང་ཆེན་པོར་དངོས་སུ་གྲུབ་པ་དང་འདྲའོ༔

― TN03_Page_0729 ―

^{[མ་དཔེ་གཟིགས་ན་འདིར་གནོན།]}

(༥༠༨)ཞེས་སོ། །དེ་ལ་ལས་སྦྱོར་སྤུ་གྲིའི་སྒྲུབ་པ་ནི། ཁྲོ་བོའི་དགོས་མཛད་དང་མཐུན་པར་དྲག་སྔགས་ཀྱི་སྒྲུབ་པ་ཟུར་པ་བྱས་ཏེ་གདུག་པ་ཚར་གཅོད་ཀྱི་དངོས་གྲུབ་བྱེ་བྲག་ཏུ་སྒྲུབ་པ་ལ་དགོངས་ཀྱི། དངོས་གྲུབ་སྒྲུབ་པ་ལ་དེ་ངེས་པར་དགོས་པ་ནི་མིན་ཏེ། རིག་བྱེད་རྩལ་ལས། སྒྲུབ་སྔགས་བཟླས་པས་ཕྱག་མཚན་རྙེད་པ་དང་གཏེར་ཆེན་རྡོལ་བ་སོགས་དངོས་གྲུབ་ཀྱི་མཚན་མ་གསལ་བརྟན་མཐོང་བ་ན་དངོས་གྲུབ་ལེན་པར་བཤད་པ་ལྟར་འདིར་ཡང་གུར་དྲག་ཏུ་གསུངས་པའི་རྟགས་ཚད་ལེགས་པར་ཐོན་པ་ན་སྒྲུབ་སྔགས་ཀྱིས་དངོས་གྲུབ་འཁུལ་རྟགས་ཡིན་པས་དངོས་གྲུབ་ལེན་ཆོག་བྱ་བའི་དུས་ཡིན་ཅིང་། དངོས་གྲུབ་ལེན་ཆོག་ཚད་ལྡན་སྐབས་རང་སྐལ་དང་འཚམས་པའི་དངོས་གྲུབ་རེ་ངེས་པར་སྩོལ་བ་ཁ་སྐོང་ཕྲིན་ལས་སུ་གསུངས་པའི་ཕྱིར་དང་། གུར་དྲག་ལས། སྒྲུབ་དང་ལས་སྦྱོར་ཐུན་མོང་བ༔ ཞེས་དངོས་གྲུབ་ཀྱི་ལས་ལ་དངོས་སུ་སྦྱོར་བའི་སྔགས་ཀྱངདེ་ལས་ཟུར་དུ་མི་དགོས་པར་གསུངས་ཤིང་། འདིར། སྒྲུབ་པའི་བྱེ་བྲག་ལས་སྦྱོར་ནི༔ ཞེས་པའང་སྤྱིར་སྒྲུབ་སྔགས་ཉིད་ཀྱིས་དངོས་གྲུབ་རབ་འབྱམས་ཐམས་ཅད་སྒྲུབ་ནུས་མོད། དེ་ཉིད་ལས་སྔགས་སྤུ་གྲི་དང་སྦྲགས་ཏེ་མངོན་སྤྱོད་སྒྲུབ་པ་འདིའང་དངོས་གྲུབ་སྒྲུབ་པའི་བྱེ་བྲག་སྟེ། ནང་གསེས་ཀྱི་ཁྱད་པར་

― TN03_Page_0730 ―

^{[མ་དཔེ་གཟིགས་ན་འདིར་གནོན།]}

(༥༠༩)གཞན་ཅིག་ཡིན་ཅེས་པར་སྣང་བའི་ཕྱིར་དང་། སྐྱེར་སྒང་ལུགས་ལས། འདི་ཡི་སྒྲུབ་སྔགས་འདི་ལ་ལས་སྦྱོར་ཚང་བར་བཤད་པའང་དེ་ལྟར་ཡིན་པས་སོ། །དེ་ལྟར་ན་བདག་དོན་དུ་སྟོད་ལས་ཀྱི་དངོས་གྲུབ་བླང་བ་ནི་སྒྲུབ་སྔགས་ཀྱི་བཟླས་པ་རྫོགས་མཚམས་སུ་བྱེད་ཅིང་། ཐུགས་རྗེས་གཞན་བསྒྲལ་ཟེར་བ་ལྟར་གཞན་དོན་དུ་སྨད་ལས་ཀྱི་དངོས་གྲུབ་ཁྱད་པར་དུ་བླང་བ་ནི་ལས་སྔགས་ཀྱི་བཟླས་པ་རྫོགས་དུས་བྱེད་ནའང་དགོངས་པར་འགྲོའམ་སྙམ། དེའང་གཙོ་བོར་ཞེས་པ་ཡིན་གྱི། སྤྱིར་སྒྲུབ་སྔགས་རྫོགས་དུས་ཀྱི་དངོས་གྲུབ་བླང་བ་ལའང་། དགྲ་བགེགས་གདུག་པ་ཚར་ཐག་བཅད༔ ཅེས་པ་དང་འབྲེལ་བའི་དངོས་གྲུབ་ལེན་པ་ལོས་ཡོད་སྙམ་པ་དཔྱད་རྟེན་ཐོ་ཙམ་མོ། ༈ །ལས་སྦྱོར་སྐབས། ཁྲོ་བོའི་དགོས་མཛད་དང་མཐུན་པར་ཞེས་ཡང་ཡང་བྲིས་པ་ནི། འཇིག་རྟེན་སྙིགས་མ་ལྔས་ཁེབས་པས་མི་དང་མི་མིན་གྱི་འགྲོ་བ་ཕལ་ཆེར་ཤིན་ཏུ་གདུག་ཅིང་གཏུམ་ལ་གདུལ་དཀའ་བ། མི་བཟད་པའི་ལས་རྒྱུན་དུ་བྱེད་པ། བསྟན་པ་ལ་ཞུགས་ཀྱང་དད་པ་མེད་ཅིང་བསམ་པ་ཕྱིན་ཅི་ལོག་ཏུ་བལྟས་པ་དང་། གསང་སྔགས་ཕྱིན་ཅི་ལོག་ཏུ་སྤྱོད་པ་མང་བ། དེའི་རྒྱུས་ནག་ཕྱོགས་ཀྱི་འབྱུང་པོ་རྣམས་ཕྱོགས་ཆེ་ཞིང་དཔུང་ཆེ་བ་དང་སྡེ་དང་སྟོབས་འཕེལ་བར་གྱུར་ཏེ། བདུད་

― TN03_Page_0731 ―

^{[མ་དཔེ་གཟིགས་ན་འདིར་གནོན།]}

(༥༡༠)ཀྱི་གཟི་བྱིན་གྱིས་མནན་ནས་དཀར་ཕྱོགས་ཐན་སྒང་གི་ལོ་ཏོག་ལྟ་བུར་སོང་བ་ན། ཧེ་རུ་ཀའི་གདུལ་ཞིང་ལྷག་པར་རྒྱ་ཆེ་སྟེ། འདི་ལྟར་དེ་རྣམས་མཉམ་སྦྱོར་ལས། ཤིན་ཏུ་གདུག་ཅིང་གཏུམ་པ་ལ། །ཞི་བས་ཕན་པར་མི་འགྱུར་ཏེ། །ཤེས་རབ་ཐབས་ཀྱི་ཕྱག་རྒྱ་ལས། ཁྲོ་བོར་དེ་བཞིན་གཤེགས་ཀུན་མཛད། །ཅེས་པ་ལྟར་སྙིང་རྗེ་དང་ཞི་བའི་ཀུན་སྤྱོད་ཀྱིས་མི་འདུལ་བས་འབར་བ་ཁྲོ་བོའི་དཀྱིལ་འཁོར་སྤྲུལ་ནས་མངོན་སྤྱོད་ཀྱི་ལས་ཀྱིས་རྗེས་སུ་འཛིན་པར་མཛད་པ་ཚར་གཅོད་རྗེས་འཛིན་གཉིས་སུ་ཕྱེ་བའི་རྗེས་འཛིན་མིན་ཡང་། སྤྱིར་གདུལ་བྱ་མི་གཏོང་ཞིང་ཡལ་བར་མི་འདོར་བའི་ཡོངས་འཛིན་གྱི་མཛད་པ་ཡིན་ནོ། །མཆན། ཡིན་པས། དཔལ་ཧེ་རུ་ཀ་ནི་གདུལ་བྱ་གདུག་པ་ཅན་དང་གདུལ་དཀའ་བ་གཙོ་བོར་འདུལ་བའི་ཕྲིན་ལས་ཅན་ནོ། །དེ་འདྲ་བའི་འབྲས་དུས་ཀྱི་མཛད་པ་ཡོངས་སུ་དག་པ་ཐབས་ལ་མཁས་པའི་ཡུལ་བསམ་གྱིས་མི་ཁྱབ་པ་དེ་ལམ་དུ་བྱས་ནས་གདུལ་བྱ་མ་རུངས་པ་གདུལ་དཀའ་བའི་འཇིག་རྟེན་རྣམས་ཀྱི་ཉེས་སྤྱོད་འབྲས་བུ་དང་བཅས་པ་ཨ་བྷི་ཙརྱའི་ཕྲིན་ལས་ཀྱིས་རྒྱུན་བཅད་དེ་བཟོ་ཤིན་ཏུ་ཉེས་པ་གཞི་ནས་བཤིགས་ཏེ་འཆོས་པ་ལྟ་བུ། སྐལ་པ་ཇི་ལྟ་བ་བཞིན་དུ་འདུལ་ནུས་པ་དང་། འཇིག་རྟེན་གསུམ་གྱི་བདེ་སྐྱིད་མ་ལུས་པའི་འབྱུང་གནས་གཅིག་པུ་རྒྱལ་བའི་བསྟན་པ་བསྟན་འཛིན་དང་བཅས་པ་མཐུ་སྟོབས་ཀྱི་དཔུང་བས་སྲུང་བ་དང་། སེམས་ཅན་རྣམས་

― TN03_Page_0732 ―

^{[མ་དཔེ་གཟིགས་ན་འདིར་གནོན།]}

(༥༡༡)ཀྱི་ཆོས་དང་། འདོད་པ་དང་། ནོར་དང་། ཐར་པ་ལ་བགེགས་མེད་པར་བྱ་བའི་རྟེན་འབྲེལ་སྒྲིགས་པའི་ཆེད་དུ་ཏིང་ངེ་འཛིན་དང་རིག་སྔགས་ཀྱི་རྩལ་སྦྱོང་བ་དང་། དེ་ལ་བརྟེན་ནས་གནས་སྐབས་སུ་རང་ཉིད་ཀྱིས་ལམ་སྒྲུབ་པ་ལ་དངོས་སམ་བརྒྱུད་ནས་བར་དུ་གཅོད་པའི་ལོག་འདྲེན་རྣམས་ཚར་གཅོད་པའི་ཆེད་དུ་དྲག་སྔགས་ཀྱི་སྒྲུབ་པ་བྱེད་ན་ཧེ་རུ་ཀའི་གདུང་འཚོབ་པ་ཞེས་བྱ་ཡི། རྙེད་བཀུར་དང་གྲགས་པའི་ཆེད་དུ་དགྲ་གསོད་པ་དང་། འདྲེ་རྡུང་བྱ་བའི་ཕྱིར་ནི་མ་ཡིན་ནོ། ༈ །ཕྲིན་ལས་རྣམ་པ་བཞིའི་ལས་ཚོགས་རབ་འབྱམས་ངེས་པར་སྒྲུབ་ན་ནི། སྔོན་དུ་བསྙེན་སྒྲུབ་ཀྱི་རྗེས་སུ་ཞག་བདུན་ནམ་ཉེར་གཅིག་ལ་སོགས་པར་བླ་མ་ཞི་བ་དང་ཡུམ་ཀ་སྟེ་ཐོག་མཐའ་གཉིས་ལས་གསུངས་པའི་ལས་བཞིའི་བཟླས་པའང་། སྔ་དྲོ་ཞི་རྒྱས་དང་། དགོང་མོ་དབང་སོགས་ལེགས་གྲུབ་དང་སྒྱུ་འཕྲུལ་ལས་གསུངས་པའི་དུས་གནད་དང་བསྟུན་ནས་བཟླས་ན། ཕྱིས་སྒྲུབ་དུས་ཁྱད་ཤིན་ཏུ་ཆེའོ། ༈ །བསྙེན་པ་སོང་ནས་སྒྲུབ་སྔགས་ཟློ་བ་ན་ནི་མདུན་རྟེན་དགོས་ཏེ། ཟུར་ཐོ་ལྟར་རོ། །ཅི་བདག་བསྐྱེད་ཁོ་ན་དང་འབྲེལ་བར་སྒྲུབ་པ་དང་ལས་སྦྱོར་གྱི་བཟླས་པ་བསྐྱལ་ན་མི་རུང་ངམ་ཞེ་ན། རུང་མོད་ཀྱི། དེའི་སྒྲུབ་དང་ལས་སྦྱོར་ནི་བསྙེན་སྒྲུབ་ལས་

― TN03_Page_0733 ―

^{[མ་དཔེ་གཟིགས་ན་འདིར་གནོན།]}

(༥༡༢)གསུམ་གྱི་ནང་གི་བསྙེན་པ་ལ་གསུམ་དུ་ཕྱེ་བའི་སྒྲུབ་དང་ལས་སྦྱོར་ཙམ་དུ་འགྱུར་རོ། །སྒྲུབ་པ་མདུན་བསྐྱེད་དང་འབྲེལ་བར་གསུངས་པ་ཉིད་ཀྱང་ཅི་ལ་དགོངས་ཞེ་ན། ལྷ་དམ་ཡེ་གཉིས་ལས་ཡེ་ཤེས་པ་ལ་དམ་ཚིག་པས་དངོས་གྲུབ་བསླང་བའི་སྒོ་ནས་དངོས་གྲུབ་སྒྲུབ་པའི་དབང་དུ་མཛད་དེ། སྒྲུབ་པའི་སྐབས་འདིར་དེ་ལྟ་བུའི་དངོས་གྲུབ་ལེན་ཆོག་ལས་སུ་རུང་བར་བྱས་ནས། ཚོགས་སྒྲུབ་ཏུ་ཆོ་ག་དེས་དངོས་གྲུབ་ཆེན་པོ་ལ་དངོས་སུ་སྦྱོར་བར་དགོངས་སོ། །དངོས་གྲུབ་སྒྲུབ་པའི་ཚུལ་གཞན་ཡང་ཡོད་ན་ཅིའི་ཕྱིར་མདུན་བསྐྱེད་ཡེ་ཤེས་པ་ལ་དངོས་གྲུབ་སློང་བ་འབའ་ཞིག་གསུང་ཞེ་ན། བརྩོན་འགྲུས་ཆུང་བ་རྣམས་རྗེས་སུ་འཛིན་པའི་ཕྱིར་ཏེ། རང་ཉིད་ཀྱི་མཐུས་དངོས་གྲུབ་རྙེད་པ་ནི་དཀའ་བས་སྒྲུབ་དགོས་ཤིང་། མཐུ་ཆེན་གཞན་ལ་སློང་བ་ཐབས་ཤིན་ཏུ་སླ་བ་ཡིན་པའི་ཕྱིར་རོ། །དེའི་ཕྱིར་སྒྱུ་འཕྲུལ་ལས་ཐབས་སླ་བ་དེ་ལྟ་བུ་གསུངས་པ་བརྩོན་འགྲུས་ཆུང་བ་ཁོ་ནའི་ཆེད་མིན་ཡང་། ཡུལ་མཐའ་འཁོབ་དང་། དུས་ཐ་མར་སྐྱེས་པའི་སྔགས་ཀྱི་གདུལ་བྱ་ལ་དེ་ལས་དཀའ་བ་བསྟན་ཡང་དོན་དུ་འགྱུར་དཀའ་བས་གཏེར་ཕྱོགས་ནས་དེ་ཤ་སྟག་རྩལ་བཏོན་དུ་བཤད་དམ་སྙམ། ཐུགས་རྗེ་ཆེན་པོ་པདྨ་ཞི་ཁྲོལ་བརྟེན་ནས་དཔྱད་པའི་ཐོ་ཡིག་གོ ༈ །།ཡང་ལས་སྦྱོར་སྔགས་ཀྱི་ཐད།

― TN03_Page_0734 ―

^{[མ་དཔེ་གཟིགས་ན་འདིར་གནོན།]}

(༥༡༣)སྤྱིར་ནི་སྡེ་བརྒྱད་དམ་ཚིག་ཅན་རྣམས་སྲོག་འཕྲོགས་པའི་ཆེད་དུ་འདིའི། དབང་སྡུད་ཀྱི་ལས་སྔགས་ཟློས་ནའང་རུང་བར་མངོན་མོད། གཞུང་རང་གི་དངོས་བསྟན་ནི། དབང་དྲག་གི་ལས་སྔགས་གཉིས་སྦྲེལ་ཏེ་བཟླ་བ་ཉིད་ཡིན་ཅིང་། དེས་དགུག་འདྲེན་གཟིར་བ་སོགས་བྱ་ཡུལ་ལ། དགྲ་བགེགས་དམ་སྲི་གདུག་པ་ཅན༔ སོགས་ལས་དཀར་ཕྱོགས་སྐྱོང་བ་ལ་སྦྱར་རུང་ཙམ་ཡང་མི་སྣང་བས། ཆོས་ལམ་ལ་མ་འཁོད་པའི་སྡེ་བརྒྱད་འབྱུང་པོ་མ་རུང་བ་སྤྱི་ལ་ནན་ཏུར་བསྟན་པའི་ཕྱིར། ཁྲོ་མཚོན་མེ་ཕུང་དང་ཕོ་ཉའི་དམག་དཔུང་སྤྲོས་ལ། དེ་རྣམས་ཀྱི་སྙིང་ནས་བཟུང་། སྲོག་ནས་དྲང་བས་རང་དབང་མེད་པར་གཟིར་ཏེ། བཀའ་སྡོད་དང་བྲན་དུ་ཁས་བླང་བྲོ་བོར་དུ་བཅུག་བསྟན་དགྲའི་ལྷ་སྲུང་འཕྲོགས་ཤིང་ཆམ་ལ་དབབ་པའང་འདི་ལྟར་བྱའོ། པའི་སྒོ་ནས་ཧེ་རུ་ཀའི་དམ་འོག་ཏུ་གཞུག་དེས་མི་ཐུལ་བ་རྣམས་བསད་བཅད་གཏུབ་བསྟབ་བྱས་ནས་བརླག་པར་བྱེད་པའི་མངོན་སྤྱོད་ཤས་ཆེ་བའི་དབང་དྲག་སྦྲགས་སྒྲུབ་ཡིན་ཏེ། གཏེར་གསར་སེམས་ཉིད་ངལ་གསོའི་དྲག་པོའི་ལས་སྦྱོར་གྱི་ཛབ་དགོངས་དང་ཇི་བཞིན་མཐུན་ནོ། །འདིའི་དབང་དྲག་གི་མཛད་པ་འཇུག་ཡུལ་གཉིས་ཀ་འཇམ་དཔལ་རྩ་རྒྱུད་ལས་གསུངས་པ་ལྟར་གདུག་ཅིང་གཏུམ་པ་དང་། ཁེངས་ཤིང་དྲེགས་པའི་སེམས་ཅན་བསྡིགས་ནས་

― TN03_Page_0735 ―

^{[མ་དཔེ་གཟིགས་ན་འདིར་གནོན།]}

(༥༡༤)འདུལ་བ་ཤ་སྟག་ཡིན་ཏེ། འདིར་དབང་གི་ལས་ཀྱང་ཡུལ་དེ་དྲག་ཤུལ་གྱི་སྦྱོར་བ་རྣོན་པོས་གཟིར་ནས་བྱེད་པའི་རྒྱུ་མཚན་ཡང་དེ་ཡིན། དཔེར་ན། རྒྱལ་པོ་ཆེན་པོས་དགྲ་ཚན་ཆེན་འདུལ་བ་ན། །ཕ་རོལ་གྱི་ཡུལ་ཁམས་ལུང་འོག་ཏུ་གཞུག་པ་དང་། ཅིས་ཀྱང་མི་འདུད་པ་རྣམས་གཏན་བརླག་ཏུ་གཏོང་བ་གཉིས་ཀ་དྲག་པོའི་དཔུང་གི་ཐོག་ཁོ་ནས་བཙན་ཐབས་སུ་བྱེད་པ་ལྟ་བུའོ། །དགྲ་ཞེས་པ་སྤུ་གྲིའི་ནང་གི །སརྦ་ཤ་ཏྲུན། ཞེས་པའང་དགྲ་ཐམས་ཅད་ཅེས་པའི་སྐད་དོད་དེ། །གཟུགས་ཅན་སྡང་བར་བྱེད་པའི་དགྲ་ཞེས་པ་དེའོ། འདིས་མིའི་འགྲོ་བའང་བསྟན་ནོ། །དེ་དག་ནི་འདི་ལ་དབང་དྲག་སྦྲགས་མའི་གནད་དེ་འདྲ་བ་ཞིག་ཀྱང་ཡོད་པ་དེ་བཤད་ཀྱི། འདིའི་དབང་དྲག་སྦྲགས་ལུགས་གཙོ་བོ་ནི། དམ་ཅན་མཁའ་འགྲོ་དྲག་ཤུལ་ཅན་རྣམས་དབང་དུ་བསྡུས་ནས་མངོན་སྤྱོད་ཀྱི་ལས་ལ་འགྱེད་པའི་དབང་ལས་ཀྱི་སྒྲོམ་ནས་དྲག་པོ་སྒྲུབ་ཚུལ་ཉིད་ཡིན་ཏེ། སྤྱོད་པར་དགོངས་པའི་རྟ་སྐད་ཀྱི་ཐད་ན་རྒྱས་པར་ཡོད་ཅིང་། འདིའི། དམ་ཅན་ཕོ་ཉ་ལས་ལ་བསྐུལ༔ ཞེས་པའང་དེ་ཡིན་ནོ། །དབང་ཕྱུག་ཉེར་བརྒྱད་ལ་དྲག་མོའི་གདོང་ཅན་ཡང་བཤད་དེ། གདོང་བརྙན་ཅན་འདི་ནི་དེ་ལས་ཀྱང་ཁྲོས་པའི་ཤིན་ཏུ་དྲག་ཁྲོས་ཀྱི་གཟུགས་ཡིན་ལ། འདི་འདྲ་བའི་སྐུའི་རྣམ་འགྱུར་དེའི་དགོས་ཀྱི་ཀུན་སྤྱོད་ནི་དྲག་ཤུལ་གྱི་ལས་ཉིད་ཡིན་པས་

― TN03_Page_0736 ―

^{[མ་དཔེ་གཟིགས་ན་འདིར་གནོན།]}

(༥༡༥)སྔགས་པ་མངོན་སྤྱོད་ལ་སྡང་བར་མི་བྱ་སྟེ། དམ་ཅན་རྣམས་ཀྱི་གཙོ་བོའི་ཀུན་སྤྱོད་ལ་མི་མཐུན་པར་བལྟས་ན་ཕན་ཚུན་བློ་མི་མཐུན་པར་སོང་བ་ཡིན་པས་སོ། །དེས་ན་བསམ་པ་རྣམ་དག་གིས་རྒྱལ་བ་དགྱེས་པའི་དྲག་སྔགས་ལ་མོས་སློབ་ཙམ་བྱས་ཀྱང་ཧེ་རུ་ཀའི་རྣམ་ཐར་དང་ཕྲིན་ལས་ཀྱི་རྒྱུན་བསྐྱང་བ་དང་། རྡོ་རྗེའི་དམ་ཅན་རྣམས་དང་བསམ་སྤྱོད་བསྲེས་པར་འགྱུར་བས་ཐུགས་ཉེ་ཞིང་། དྲག་པོའི་ལྷ་དྲག་པོར་བསྒྲུབས་པས་ལྷག་པར་ཡང་ཚན་ཆེའོ། ༈ །རྡོ་རྗེ་ཕུར་པར། སྨད་ལས་དམ་ཅན་ཉེ་བར་བསྙེན་པ་ཞེས་བཤད་པ་ལྟར། །དམ་ཅན་ལ་བརྟེན་ནས་དབང་དྲག་སོགས་ཀྱི་ལས་འགྲུབ་པ་ལ། །སྔོན་དུ་དམ་ཅན་ལས་རུང་གི་བསྙེན་པ་གལ་ཆེ་ལ། དེའི་ཚུལ་ནི། །དང་པོར་གཙོ་བོའི་སྒྲུབས་སྔགས་སྐབས། དམ་ཅན་ཕོ་ཉ་ལས་ལ་བསྐུལ༔ ཞེས་པའི་སྟེང་ནས་དམིགས་བཟླས་ཅུང་ཟད་རེ་བྱ་ཞིང་། སྤྱི་ཛབ་ཀྱི་ཚེ་ཡང་། དབང་མོ་རྣམས་ལ་དམིགས་ནས་བཟླས་བསྒོམ་འཚམས་པ་རེ་རྒྱུན་བསྲིང་བ། ཕྱིས་སྒེར་སྒྲུབ་བྱེད་ན་ཤིན་ཏུ་སྒྲུབ་སླ་བ་ཞིག་འབྱུང་ངོ་། །འདིའི་རྒྱས་བཤད་ནི་ཆུ་ལྷའི་སྦྲུལ་ཞགས་སུ་ཡོད།། ༈ །།སྒྲུབ་ཐབས་དང་བདེ་འདུས་ཐ་རམ་ལས་རྟ་སྐད་རྩལ་དུ་འདོན་ལུགས་མི་འདྲ་ཞེས་བྲིས་པ་དེ་ནི་མི་འཐད་དེ། ཐ་རམ་གྱིས་ཀྱང་པདྨ་གསུང་གི་

― TN03_Page_0737 ―

^{[མ་དཔེ་གཟིགས་ན་འདིར་གནོན།]}

(༥༡༦)སྒྲུབ་པའམ་སྒྲུབ་ཐབས་ཐམས་ཅད་རྟ་སྐད་ཀྱི་དགོངས་པར་བསྟན་པ་ཞེས་སྒྲུབ་ཐབས་ཀྱི་དོན་ཉིད་འཆད་པ་ཡིན་པའི་ཕྱིར་རོ། །ལམ་འབྲས་བུ་ཐམས་ཅད་རྟ་སྐད་ཀྱི་དགོངས་པར་བྱས་པ་ནི་གསུང་རྟ་སྐད་ཀྱི་སྒོ་ནས་ལམ་འབྲས་དེ་རྣམས་ལ་ཕར་འཇུག་ཚུལ་ཡིན་གྱི། ལམ་འབྲས་དེ་དག་གསུང་རྟ་སྐད་སྒྲུབ་ལུགས་སུ་ཚུར་འགྲོ་ཚུལ་བསྟན་པའི་ཆེད་དུ་དེ་ལྟར་བཤད་པ་ནི་མིན་ཏེ། །དཔེར་ན་གཞི་ལམ་འབྲས་བུའི་གནད་གསང་ཐམས་ཅད་རྡོ་རྗེའི་དེ་ཉིད་དུ་བྱས་ནས་གཏན་ལ་འབེབས་པ་ནི། །མཚོན་བྱེད་རྟགས་ཀྱི་རྡོ་རྗེས་རང་གི་དེ་ཉིད་ལ་འཇུག་པའི་ཆེད་ཡིན་གྱི། མཚོན་བྱ་དོན་གྱི་རྡོ་རྗེ་ནི་མཚོན་བྱེད་དཔེའི་རྡོ་རྗེ་སྒྲུབ་པའི་དོན་དུ་གསུངས་ཞེས་གོ་བཟློག་ནས་སྨྲ་མི་རུང་བ་བཞིན་ནོ། །དེས་ན་སྒྲུབ་ཐབས་ཕྲིན་ལས་དང་བཅས་པ་ཐམས་ཅད་རྟ་སྐད་ཀྱི་དགོངས་པའམ་དེ་ཉིད་དམ་བློ་རྩེར་དྲིལ་ནས་དངོས་གྲུབ་སྒྲུབ་པ་ལ་པདྨ་གསུང་གི་སྒྲུབ་པ་ཞེས་བྱ་ཞིང་། དོན་དེ་མཚོན་པའི་ཆེད་དུ་དཀྱིལ་འཁོར་གྱི་བདག་པོའི་ཞལ་ཡང་རྟ་གདོང་གིས་མཚན་པར་བྱེད་དོ། །དང་པོ་ནས་དགོངས་པ་དེ་མཚོན་དོན་དང་། སྤྱི་བོའི་རྟ་སྐད་མཚོན་རྟགས་སུ་བཟུང་ནས་བསྒྲུབ་པས་དགོངས་པ་དེ་ལ་རྩལ་ཐོན་པ་ན། དེའི་རྟགས་སུ་སྤྱི་གཙུག་ནས་རྟ་སྐད་ཤུགས་འབྱུང་དུ་ཐོན་འོང་བ་ཡང་། །ལོ་ལེགས་ན་ཕུབ་མ་ལྟར་ཞར་ལ་འོང་བ་དང་།

― TN03_Page_0738 ―

^{[མ་དཔེ་གཟིགས་ན་འདིར་གནོན།]}

(༥༡༧)རལ་གྲིའི་གྲུབ་རྟགས་འབར་བ་སོགས་གསུམ་ལྟར་དགོངས་པ་དེའི་ནུས་པའི་ཚད་འཛིན་རྟོགས་བྱེད་ཙམ་དུ་ཟད་ཀྱི། དགོངས་པ་དེ་རྟ་སྐད་ཐོན་ཆེད་དུ་བསྒོམ་པའི་གནད་ཀྱིས་གཏན་མིན་ནོ། །བདུད་རྩི་འཆི་མེད་ཀྱི་དང་། ཕུར་པ་ཐལ་འབྱིན་གྱི་དགོངས་པ་ཟེར་བའི་དོད་ནི། རྟ་སྐད་དབང་གི་དགོངས་པ་ཞེས་བྱ་སྟེ། དེས་ན་རྟ་སྐད་ཀྱི་དགོངས་པ་བྱས་ཀྱང་དོན་དུ་དབང་སྡུད་ཀྱི་དགོངས་པ་སྟེ། དེ་ལའང་དྲང་བ་དང་ངེས་པའི་སྣང་སྲིད་དབང་བྱེད་ཀྱི་དགོངས་པ་དུ་མ་ཞིག་དབྱེར་ཡོད་དོ། །གསུང་གི་སྒྲུབ་པ་ཞེས་པའང་གསུང་བསྒྲུབ་བྱའི་གཙོ་བོར་བྱེད་པའི་དོན་མིན། གཙོ་བོར་གསུང་གི་སྒོ་ནས་དངོས་གྲུབ་སྒྲུབ་པའི་དོན་ཡིན་ཏེ། འདིར་དངོས་གྲུབ་བསྒྲུབ་བྱེད་ཀྱི་གཙོ་བོ་གསུང་རྟ་སྐད་ལ་བྱེད་པའི་དོན་ཡིན། །དཔེར་ན་གཤིན་རྗེ་གཤེད་ཀྱི་འཁྲུལ་འཁོར་ཞེས་པའང་དེར་འཁྲུལ་འཁོར་གྱི་སྒོ་ནས་དངོས་གྲུབ་མང་པོ་སྒྲུབ་པ་ལ་བྱེད་ཀྱི། འཁྲུལ་འཁོར་ཁོ་རང་དངོས་གྲུབ་ཏུ་མི་བཞེད་པ་དང་། ཕུར་པར་ཡང་དེའི་དངོས་གྲུབ་གཙོ་བོ་བདུད་འདུལ་མཐུའི་དངོས་གྲུབ་ཡིན་ལ། ཕུར་བུ་ནི་དེ་སྒྲུབ་བྱེད་ཀྱི་བྱེད་པ་གཙོ་བོ་ཡིན་པར་འདོད་པ་བཞིན་ཏེ། །བྱ་བྱེད་ལས་དང་བྱེད་པོ་ཟེར་དགོས་གཉིས་མ་འཛིངས་ཤིག །དེ་འདྲ་བའི་གསུང་རྟ་སྐད་དེ་ལ་ཐ་རམ་སོགས་ལས་སྤྱི་བོའི་དེ་མིན་པ་མི་གསལ་ཞིང་། དེ་ཙམ་གྱིས་ཕྲིན་ལས་སྒྲུབ་

― TN03_Page_0739 ―

^{[མ་དཔེ་གཟིགས་ན་འདིར་གནོན།]}

(༥༡༨)ཚུལ་ལ་ངེས་པ་ཤུགས་དྲག་སྐྱེ་བ་དབང་རྣོན་མིན་ན་དཀའ། ཐུགས་ཏིག་འདིར་ཛབ་ཀྱང་རྟ་སྐད་དུ་གསུངས་པ་ཤིན་ཏུ་ལེགས་ཏེ། འཛབ་ཀྱིས་དངོས་གྲུབ་སྒྲུབ་པ་རྣམས་ཀྱང་རྟ་སྐད་ཀྱིས་དགོས་པ་བྱེད་ལུགས་སུ་འགྲོ་བས་རྒྱ་ཆེ། དེ་ལྟར་ན། མཚོན་བྱེད་བརྡའི་རྟ་སྐད་ལ། སྤྱི་བོའི་རྟ་སྐད་དང་། སྔགས་ཀྱི་བཟླས་པ་གཉིས་ཡོད་དོ། །འདིར་སྔར་དགེ་བྱེད་ལོ་རྔའི་ཟིན་རིས་ནས་སྦྱར་དགོས་པ་མང་། དཔེའི་རྟ་སྐད་ཀྱིས་ཐུན་མོང་གི་དབང་ལས་སྒྲུབ་པ་དང་། དོན་གྱི་རྟ་སྐད་ཀྱིས་ཐུན་མཆོག་གི་དབང་སྒྱུར་གྱི་དངོས་གྲུབ་མཐའ་དག་སྒྲུབ་པ་ཞེས་བཤད་ན་སྙན་བརྒྱུད་ཕུར་པའི་ཐལ་འབྱིན་བཞིའི་ལམ་རིམ་སོགས་དང་འགྲོས་མཐུན། མཆོག་གི་དབང་སྡུད་དེ་ལས་བཞིའི་ནང་གི་དབང་ཡིན་ནམ་ཞེ་ན། མིན་ཏེ། རིག་པ་ཡེ་ཤེས་ཀྱི་ཕུར་བུའི་གདབ་ཁ་དེ་དྲག་ལས་མིན་པ་བཞིན་ནོ། །འོན་ཀྱང་དེ་དྲག་ལས་ཀྱི་ངེས་དོན་དུ་བྱ་རུང་བ་ལྟར། དབང་ལས་ཀྱི་ངེས་དོན་དུ་ནི་བྱ་རུང་ངོ་། ༈ །གཞུང་འདིའི་བྲོ་མནན་སྒྲུབ་ཐབས་དང་། ལས་ཕྲེང་ནས་འབྱུང་བ་གཉིས་ཀའི་སྔགས་སུ་ཧི་གསུམ་རེ་ཡང་དང་ཡང་དུ་གསུངས་པ་ནི་རྟ་སྐད་ཐེང་གསུམ་མཚོན་ཆེད་ཡིན་པ་འདྲ། བྲོ་གཞུང་རྒྱས་པའི་གཏི་མུག་རྡོ་རྗེའི་ཐད་ལ་མཚོན་ན། བུདྡྷ་རིགས་ཀྱི་རྟ་སྐད་ལ། ལྡིར་ཞིང་འཚེར་བ། ཞེས་གསུངས་

― TN03_Page_0740 ―

^{[མ་དཔེ་གཟིགས་ན་འདིར་གནོན།]}

(༥༡༩)པ་དང་། དེའི་རྟ་དགོས་སྔགས་ལའང་ཧི་གསུམ་བྱུང་བ་དང་། ལས་སྒྲུབ་ཀྱི་རྟ་སྐད་ཐང་གསུམ་སྤྱིའི་གཞུང་བདེ་འདུས་ཐ་རམ་གྱི་དེ་ཡིན་པས་དེ་དག་བསྒྲིགས་ན། །ལྡིར་ཞིང་འཚེར་བ་ཞི་བའི་རྟ་སྐད་ཉིད་དབྱེ་གཞིར་བྱས་པ་ལའང་། དང་པོས་ཟིལ་གནོན་གྱི་ཆོ་འཕྲུལ་སྤྲོ། གཉིས་པས་དམ་རྫས་ཀྱི་གཅལ་བཀྲམ། གསུམ་པས་མ་མོ་རྣམས་བསྡུ་ཞིང་རྨོངས་པའི་བདུད་དང་དམ་སྲི་ཚར་གཅོད་དང་ཞི་བའི་ཕྲིན་ལས་ལ་བཏང་བ་སྟེ་རྟ་སྐད་ཐང་གསུམ་འབྱེད་པར་ཤེས་སམ་སྙམ། དབང་མེད་འདུ་ཞིང་ཡིད་འཕྲོགས་པས༔ ཅི་བཅོལ་ལས་ཀུན་ཐོགས་མེད་བྱེད༔ སོགས་གསུངས་པ་དང་སྦྱར་ན་དེ་འདྲ་ཞིག་བཤད་རྒྱུ་ཡོད་དགོས་ཀྱང་དགོས་པ་འདྲ། རྟ་སྐད་འདི་ལྟར་ཤོད་པ་དང་གདོད་རང་ཉིད་ཐང་སྟོང་རྒྱལ་པོའི་བུ་བརྒྱུད་དུ་ངོ་འཕྲོད་དོ། ༈ །བླ་མ་ཐུགས་རྗེའི་དབང་ཕྱུག་ལ་ཕྱག་འཚལ་ལོ། །པདྨ་གསུང་གི་སྐབས་སུ། སྒྲུབ་ལུགས་འདིའི་ཁྱད་ཆོས་ཐུན་མོང་མ་ཡིན་པ། གཤིན་རྗེ་གཤེད་ཀྱི་འཁྲུལ་འཁོར་དང་། རྡོ་རྗེ་ཕུར་པའི་ཐལ་འབྱིན་གྱི་དོད་པོ་ནི་རྡོ་རྗེ་རྟ་སྐད་ཀྱི་དགོངས་པས་ཁམས་གསུམ་ལས་རྣམ་པར་རྒྱལ་བའི་དབང་ཕྱུག་སྒྲུབ་པ་ཉིད་ཡིན་པས་འདི་ལ་མཁས་པར་སྦྱངས་ཏེ་རྩལ་ཐོན་པ་གཅེས་སོ། །དེ་ལ་ཉང་གཏེར་རྟ་མགྲིན་བདེ་འདུས་པདྨ་

― TN03_Page_0741 ―

^{[མ་དཔེ་གཟིགས་ན་འདིར་གནོན།]}

(༥༢༠)གསང་བ་བཀོད་པ་རྔོག་མ་ལེ་བརྒན་གྱི་བརྒྱུད་ཀྱི་ལེའུ་དགུ་པ་ལས། རྣལ་འབྱོར་དབང་ཕྱུག་ཆེན་པོ་ཡི། །ཡང་གསང་རྨད་བྱུང་དགོངས་པ་ལ། །བསྙེན་པ་ཐེམས་པར་གྱུར་པ་ན། །ཆོས་སྐུ་སྙིང་པོ་བྱང་ཆུབ་སེམས། །དེ་ཉིད་ཤེས་པ་སྤྲོས་དང་བྲལ། །ས་ཐོབ་སྤྱོད་ཡུལ་གཞལ་ཡས་ནས། །དགོངས་པ་ལྟ་དཔྱད་ཅན་ལོངས་སྤྱོད་རྫོགས། །མོས་སྤྱོད་འགྲོ་ལ་སྣང་གྱུར་པ། །ཐུབ་པ་ཆོས་ཀྱི་ཕུང་པོ་ཅན། །རྒྱལ་བ་སྐུ་གསུམ་དག་དང་མཉམ། །རྣལ་འབྱོར་རབ་ཀྱི་དགོངས་པར་གསུངས། །ཕྱོགས་བཅུར་བཞུགས་པའི་སངས་རྒྱས་དང་། །དུས་གསུམ་གཤེགས་པའི་རྒྱལ་བ་རྣམས། །ཐུགས་དམ་རྒྱུད་ནས་བསྐུལ་བ་ནི། །རྣལ་འབྱོར་འབྲིང་གི་དགོངས་པ་ཡིན། །ལུས་ནི་ལྷ་སྐུའི་དཀྱིལ་འཁོར་བསྒོམ། །ངག་ནི་བཟླས་པའི་གསང་སྔགས་ཅན། །ཐུགས་ནི་ཡང་དག་དོན་དུ་བལྟ། །རྟགས་ཙམ་འཛིན་པར་རབ་གནས་པ། །རྣལ་འབྱོར་ཀུན་གྱི་དགོངས་པ་སྟེ། །རབ་ཏུ་འབད་ནས་བསྒོམ་པ་ཡང་། །རྣལ་འབྱོར་ཐ་མའི་དགོངས་པ་ཡིན། །དེ་དག་རྣལ་འབྱོར་བརྡ་སྐད་གསུངས། །མ་ལྟར་བྱམས་ལ་སྲིང་ལྟར་གདུང་། །མ་མོ་མཁའ་འགྲོ་རྣལ་འབྱོར་མ། །ཕེམ་ཕེམ་ཧྲཱི་ཡི་སྒྲ་དག་ལ། །ཐལ་མོའི་སྒྲ་དང་རྡེའུ་ཆུང་སྒྲ། །རྐང་གི་གླིང་བུ་ཐོད་པའི་རྔ། །ཅང་ཏེའུ་སྒྲ་རྣམས་

― TN03_Page_0742 ―

^{[མ་དཔེ་གཟིགས་ན་འདིར་གནོན།]}

(༥༢༡)བསྒྲགས་པ་དང་། །ཞིང་གི་གཡབ་མོས་གཡབ་པ་ནི། །དང་པོ་བརྡ་ཡང་སྤྲད་པར་བྱ། །དུར་ཁྲོད་ཆེན་པོའི་གནས་བརྒྱད་ནས། །བདེ་གཤེགས་མཁའ་འགྲོ་ཆེན་མོ་དང་། །རྡོ་རྗེ་ཞེ་སྡང་སྲོག་ལ་རྔམས། །རིན་ཆེན་ང་རྒྱལ་ཤ་ཟ་མོ། །པདྨ་འདོད་ཆགས་ཁྲག་འཐུང་མ། །ལས་ཀྱི་ཕྲིན་ལས་ཆེན་པོ་རྣམས། །ནམ་མཁའ་བར་སྣང་སྤྲིན་བཞིན་དུ། །ཀློང་རྡོལ་བྱ་ནག་འབབ་པ་ལྟར། །གཏི་མུག་ཤ་ཡི་ས་གཞི་ལ། །འདོད་ཆགས་ཁྲག་གི་རྒྱ་མཚོ་འཁྱིལ། །ཞེ་སྡང་རུས་པའི་རི་རབ་ལ། །མི་རྟོག་བདེ་གསལ་ཉམས་སྐྱེ་ཞིང་། ཁམས་གསུམ་གདུག་པའི་དགྲ་དང་བགེགས། །སྒྲོལ་ཕྱིར་འགྱིངས་ཤིང་རྔམས་པ་ཡིས། །རབ་ཏུ་གནས་སུ་འབྱུང་བ་ནི། །བར་དུ་ཀློང་རྡོལ་བྱོན་པ་ཡིན། །དུག་གསུམ་གཏོར་མས་ཚིམ་པ་དང་། །བདུད་རྩི་ཆེན་པོས་ཚིམ་པ་དང་། །རཀྟ་དམར་གྱིས་དགྱེས་པས་ནི། །མངགས་པའི་གནས་སུ་ཡུད་ཙམ་འགྲོ། །དགྲ་དང་བགེགས་རྣམས་རབ་འགུགས་པ། །དཔེར་ན་སྐྱེས་བུ་བཙོན་བཟུང་བཞིན། །རང་དབང་མེད་པར་འགུགས་པ་ནི། །རྨད་བྱུང་དཀྱིལ་འཁོར་ནང་དུ་དྲངས། །རླུང་གི་སྟོབས་ཀྱིས་འོང་བ་ནི། །ཐ་མར་ལས་ལ་བཀྱེ་བའོ། །བདག་གི་རྣལ་འབྱོར་བསམ་གཏན་ཅན། །རྟ་སྐད་ཐེངས་གཅིག་

― TN03_Page_0743 ―

^{[མ་དཔེ་གཟིགས་ན་འདིར་གནོན།]}

(༥༢༢)བསྒྲགས་པ་ཡིས། །བསྒྲུབ་པའི་རྣལ་འབྱོར་ཆེན་པོ་རྣམས། །རྩ་བ་ཡན་ལག་དམ་ཚིག་རྣམས། །ཉམས་ཆགས་བསྐངས་བར་གྱུར་ནས་ནི། །ཐུན་མོང་གྲུབ་ཆེན་བརྒྱད་ལ་སོགས། །མཆོག་གི་སྐུ་གསུམ་རང་གསལ་བ། །གཡར་དམ་ཅན་ལ་དངོས་གྲུབ་སྟེར། །རྟ་སྐད་ཐེངས་གཉིས་བསྒྲགས་པ་ཡིས། །རྗེ་མོ་བློན་མོ་མ་སྲིང་དང་། །བྲན་དང་ཕོ་ཉ་བཀའ་ཉན་དང་། །མ་མོ་མཁའ་འགྲོ་རྣལ་འབྱོར་མ། །དམ་ལ་གནས་པ་ཐམས་ཅད་ཀྱང་། །ཚར་བཅད་རྗེས་འཛིན་ཕྲིན་ལས་མཛད། །ཞི་དང་རྒྱས་དང་དབང་དང་དྲག །དྲག་དབང་རྒྱས་དང་ཞི་བར་བྱེད། །རྟ་སྐད་ཐེངས་གསུམ་བསྒྲགས་པ་ཡིས། །མོས་པ་ཆུང་བའི་ཉན་ཐོས་ལ། །བདེན་པ་བཞི་ཡི་ཆོས་ཀྱང་སྟོན། །དམིགས་པ་ཕྲ་བའི་རང་རྒྱལ་ལ། །རྟེན་འབྲེལ་བཅུ་གཉིས་ཆོས་བཤད་དེ། །ཐེག་ཆེན་བྱང་ཆུབ་སེམས་དཔའ་ལ། །ཀུན་རྫོབ་དོན་དམ་ཆོས་ཀྱང་གསུངས། །བྱ་བ་ལས་ཀྱི་ཀྲི་ཡ་ལ། །རིགས་གསུམ་མགོན་པོར་རྣམ་པར་སྣང་། །ཨུ་པ་ཡ་ལ་རིགས་བཞི་ཉིད། །ལྟ་བ་སྤྱོད་པ་སྟོན་པ་དང་། །ཡོ་ག་རིགས་ལྔ་མངོན་བྱང་ཆུབ། །ཀུན་རིག་རྣམ་སྣང་ཆེན་པོར་གསུངས། །རྣལ་འབྱོར་ཆེ་ལ་ཐབས་ཆེན་སྣང་། །རྗེས་སུ་རྣལ་འབྱོར་ཡབ་ཡུམ་ཆེ། །ཤིན་ཏུ་རྣལ་འབྱོར་ཆོས་ཀྱི་སྐུ། །རྒྱུད་ལུང་མན་ངག་

― TN03_Page_0744 ―

^{[མ་དཔེ་གཟིགས་ན་འདིར་གནོན།]}

(༥༢༣)སྣང་བའོ། །རྟ་སྐད་ཐེངས་གསུམ་དགོངས་པའི་ཏིང་ངེ་འཛིན་ཏོ། །ཞེས་རྒྱ་ཆེར་གསུངས་སོ། །ཉང་གཏེར་པདྨ་དབང་ཆེན་དྲེགས་པ་ཚར་གཅོད་པའི་རྒྱུད་ཀྱི་ལེའུ་དགུ་པ་ནི། དེ་ནས་བཅོམ་ལྡན་འདས་དཔལ་པདྨ་དབང་ཆེན་གྱིས་རྟ་སྐད་ཐེངས་གསུམ་གྱི་ལེའུ་འདི་བཀའ་སྩལ་ཏོ། །བདེ་ཆེན་དོན་དང་ལྡན་པ་ཡི། །རྣལ་འབྱོར་དབང་ཕྱུག་ཆེན་པོ་ཡིས། །དབང་ཆེན་སྐུ་དང་གཉིས་མེད་རྟགས། །དངོས་སུ་རྟོགས་པར་སྣང་མཛད་དེ། །སྤྱོད་པར་ཤོང་བའི་གནས་དག་ཏུ། །རྟ་སྐད་ཐེངས་གཅིག་ཐོས་པ་ཡིས། །ལས་ཀྱིས་བསྐལ་བའི་དྲེགས་པ་ཅན། །འབྲི་རྒོད་འདྲོགས་པ་བཞིན་དུ་ནི། །རང་དབང་མེད་པར་ཡིད་ཀྱིས་སྡངས། །རྟ་སྐད་ཐེངས་གཉིས་ཐོས་པ་ཡིས། །ལས་ཀྱིས་བསྐལ་བའི་མི་མ་ཡིན། །ཤ་རུལ་དོང་དུ་བཅུག་པ་ལ། །ཤ་སྦྲང་མཁའ་ལ་འདུ་བ་བཞིན། །རང་དབང་མེད་པར་དབང་དུ་འདུས། །རྟ་སྐད་ཐེངས་གསུམ་ཐོས་པ་ཡིས། །ལས་ཀྱིས་བསྐལ་བའི་མི་མ་ཡིན། །བཀའ་ཁྲིམས་དམ་པའི་བཀའ་འོག་བཞིན། །རང་དབང་མེད་པར་འདུར་གྱིས་བཏང་། །དེ་ནི་སྤྱོད་པའི་བརྟུལ་ཞུགས་ཏེ། །དགོངས་པའི་གདེངས་ཆེན་དེ་གསུམ་གྱིས། །དྲེགས་པ་ཕོ་མོ་ལས་གཟུང་བྱ། །ལྟ་བའི་གདེངས་གསུམ་རྟ་སྐད་ལམ། །རྟ་སྐད་ཐེངས་གསུམ་དགོངས་པའི་ལམ། །བསྐྱེད་རྫོགས་རྣམ་གསུམ་ས་ལ་སྦྱོར། །རྟ་སྐད་ཐེངས་གཅིག་བསྐྱེད་པའི་ལམ། །ཐབས་དང་

― TN03_Page_0745 ―

^{[མ་དཔེ་གཟིགས་ན་འདིར་གནོན།]}

(༥༢༤)ཤེས་རབ་གདན་སར་སྦྱོར། །གཉིས་ཀྱིས་ཅིག་ཆར་རྫོགས་པའི་ལམ། །དབྱིངས་དང་ཡེ་ཤེས་གདན་སར་སྦྱོར། །གསུམ་གྱིས་ཡེ་ཉིད་ཡིན་པའི་ལམ། །མཉམ་པ་ཉིད་ཀྱི་གདན་སར་སྦྱོར། །མ་ཧཱ་བསྐྱེད་པའི་རིམ་པ་ཡང་། །སྐུ་གསུང་ཐུགས་ཀྱི་འཕྲུལ་གསུམ་ལས། །རིམ་པས་བསྐྱེད་ནས་རྫོགས་པར་འདོད། །ལྷ་ཡི་དཀྱིལ་འཁོར་ཐབས་ཀྱི་མཆོག །མ་སྐྱེས་སྤྲོས་བྲལ་ཤེས་རབ་ལས། །གཉིས་སུ་མེད་པར་རང་སར་སྦྱོར། །ཨ་ནུ་རྫོགས་པའི་རིམ་པ་ཡང་། །ལྷ་ཡི་དཀྱིལ་འཁོར་སྐད་ཅིག་གིས། །ཆུ་ལས་ཆུ་བུར་རྡོལ་བའི་ཚུལ། །གཙོ་འཁོར་དྲན་རིག་རྫོགས་པར་འདོད། །མ་སྐྱེས་སྤྲོས་བྲལ་ཆོས་ཀྱི་དབྱིངས། །རིག་པའི་ཡེ་ཤེས་གཉིས་མེད་པས། །མཉམ་པ་ཉིད་ཀྱི་རང་སར་སྦྱོར། །ཨ་ཏི་ཡེ་ནས་ཡིན་པ་ལ། །དྲི་མེད་སྙིང་པོ་བྱང་ཆུབ་སེམས། །གདོད་ནས་མ་སྐྱེས་རང་བྱུང་བས། །རང་གི་ངོ་བོ་བརྗོད་དུ་མེད། །བརྗོད་མེད་ཇི་ལྟར་བཏགས་པར་སྣང་། །ཅིར་བཏགས་དེར་སྣང་དྲི་མེད་པས། །སྙིང་པོ་བྱང་ཆུབ་ཡེ་ནས་ཡིན། །གཅིག་དང་དུ་མར་རོ་གཅིག་པས། །དེ་ནས་གཉིས་མེད་གདན་སར་སྦྱོར། །རྣལ་འབྱོར་དབང་ཕྱུག་ཆེན་པོ་ཡང་། །རྟ་སྐད་ཐེངས་གསུམ་ཐོས་པ་ཡིས། །ལྟ་བས་ས་གསུམ་མཉམ་སྦྱར་ནས། །སྤྱོད་པས་དྲེགས་པ་ཚར་གཅོད་ན། །རྟ་སྐད་ཐེངས་གསུམ་ཐབས་ཀྱི་མཆོག །ཅེས་བཀའ་སྩལ་

― TN03_Page_0746 ―

^{[མ་དཔེ་གཟིགས་ན་འདིར་གནོན།]}

(༥༢༥)ཏོ། །ཞེས་པའོ། །ལེའུ་བཅུ་པ་བརྟུལ་ཞུགས་བཞིའི་དང་པོའི་གཞུང་དུ། རྟ་ཡི་བརྟུལ་ཞུགས་ཆེན་པོ་ཡིས། ཁམས་གསུམ་འཁོར་བ་སྐྱམ་ལིང་འདེབས། །རྟ་སྐད་ཐེངས་གསུམ་བསྒོམ་པས་ནི། ཁམས་གསུམ་ཡོངས་བསྒྲལ་ས་གསུམ་བསྒྲལ། །བདེ་གཤེགས་མི་འགྱུར་གདན་གསུམ་སྟེ། །བསྐྱེད་རྫོགས་རྣམ་གསུམ་ཀློང་གསུམ་རྡོལ། །ཤུགས་ཆེན་རྟ་ཡི་ར་མདའ་ཡིས། །འཁོར་བའི་སྐྱམ་ལིང་དབྱིངས་སུ་གདབ། །རྟ་སྐད་ཐེང་གཅིག་རིག་པའི་ལམ། །ཀུན་བཟང་མཁའ་དབྱིངས་ཀློང་རྡོལ་ནས། །མཉམ་པ་ཉིད་ཀྱི་རང་སར་སྦྱར། །གཉིས་ནི་ཐབས་དང་ཤེས་རབ་སྟེ། །གསུམ་ནི་སྐུ་གསུམ་ཐུགས་སུས་བྱར། །རྟ་སྐད་བཞི་ནི་ཕྲིན་ལས་བཞི། །ལྔ་ནི་ཡེ་ཤེས་རྣམ་པ་ལྔ། །དྲུག་ནི་འགྲོ་དྲུག་གནས་སུ་སྦྱོང་། །བདུན་ནི་ཕྲིན་ལས་དྲག་ཤུལ་བདུན། །བརྒྱད་ནི་སྡེ་བརྒྱད་དབང་དུ་སྡུད། །དགུ་ནི་ཐེག་པའི་ས་དགུ་བརྟོལ། །བཅུ་ནི་ས་བཅུ་ཟིལ་གྱིས་གནོན། །དབང་ཕྱུག་རོལ་པའི་ཕྲིན་ལས་དེ། །བྱེད་སྤྱོད་རྟ་ཡི་སྐད་ཀྱིས་སྦྱོང་། །གང་ལྟར་སྤྱད་ཀྱང་ཆོས་ཀྱི་དབྱིངས། །ཞེས་ཀྱང་གསུངས་སོ། །དྲེགས་པ་གནད་འབེབས་ཀྱི་རྒྱུད་པདྨ་དང་ཁ་ཆེ་ཨ་ནནྟས་བསྒྱུར་བའི་ལེའུ་ལྔ་པ་ལས། །དེ་ནས་པདྨ་ཧེ་རུ་ཀས་དཔལ་གྱི་རྟ་སྐད་

― TN03_Page_0747 ―

^{[མ་དཔེ་གཟིགས་ན་འདིར་གནོན།]}

(༥༢༦)ཀྱིས་ཕྱོགས་བཅུའི་དྲེགས་པ་ཅན་བཏུལ་ལོ། །ལོ་རྒྱུས་དོན་གྱིས་ཕྱི་རབས་ཡིད་ཆེས་བཤད། །སྣོད་ཀྱི་འཇིག་རྟེན་ལྕགས་རི་ནག་པོའི་ནང་། །ཕྱི་ཡི་རྒྱ་མཚོ་ཞོ་ལས་དཀྲུགས་པའི་མར། །རི་རབ་སྲུབ་ཅིང་ཀླུ་སྦྲུལ་སྲུབ་ཐག་བཅས། །རྒྱལ་ཆེན་སྡེ་བཞིས་རབ་ཏུ་དཀྲུགས་པ་ལས། །དྭངས་མའི་བདུད་རྩི་ཁྱབ་འཇུག་གཟའ་ཡིས་འཐུངས། །ཕྱག་རྡོར་འཁོར་ལོས་ལུས་ཀྱང་དུམ་བུ་བརྒྱད། །སྙིགས་མ་དུག་ཏུ་གྱུར་ཏེ་གནོད་སེལ་ཕྱིར། །སྤྱན་རས་སྐུ་ཁྲོས་མགུར་དུ་ཐིམ་པ་ནི། ཁྲོ་བོ་མདོག་སྔོན་གདུག་པ་མ་ལུས་འདུལ། །ཚངས་པའི་གསུང་གིས་ཆོས་འཁོར་བསྐུལ་མ་འདེབས། །དེས་འདུལ་གསུང་དབྱངས་དྲུག་ཅུ་ཚངས་པའི་སྐད། །འཇིག་རྟེན་འཁོར་བར་ཡུན་རིང་གནས་ནས་ཀྱང་། །རྟ་མཆོག་རིན་ཆེན་ཡིད་བསྲིང་འགྲོ་དོན་མཛད། །ཅང་ཤེས་རྟ་ཡིས་མྱུར་དུ་བགྲོད་པ་ལྟར། །འགྲོ་དྲུག་འཁོར་བའི་གནས་ནས་འདྲེན་པར་མཛད། །དེ་ནི་འགྲོ་བ་ལམ་འདིར་གཞུག་པའི་ཕྱིར། །གདུལ་བྱར་བཤད་པས་འགྲོ་བ་འདུལ་བར་བྱེད། །གཏི་མུག་ཅན་དང་ང་རྒྱལ་ཅན། །འདོད་ཆགས་ཅན་དང་ཕྲག་དོག་ཅན། །ཞི་བའི་ལས་དང་རྒྱས་པའི་ལས། །དབང་དང་དྲག་པོས་འདུལ་བར་སྟོན། །ལྗང་ཀུ་དྲག་པོ་དམར་པོ་དང་། །སེར་པོ་རྒྱས་པ་དཀར་པོ་ཞི། །

― TN03_Page_0748 ―

^{[མ་དཔེ་གཟིགས་ན་འདིར་གནོན།]}

(༥༢༧)རྟ་གདོང་ཕྲིན་ལས་བཞི་མཛད་པས། །རྟ་མགོ་ལ་ཡང་རིགས་བཞིའི་མདོག། གདུལ་བྱ་མ་ལུས་ཐམས་ཅད་ཀུན། །འདུལ་ཕྱིར་ཕྲིན་ལས་དག་ཏུ་བཤད། །ཞལ་ནས་རྟ་སྐད་སྒྲ་སྒྲོགས་པས། །ཕེ༚་ཕེ༚་ཧྲཱི༚་སོགས་གསང་སྔགས་འདྲེན། །རྟ་ཡི་སྐད་ཅེས་བྱ་བ་ཡང་། །རྟ་ཞལ་གསུང་དུ་སྒྲོགས་པའོ། །བརྡ་དང་རྟ་སྐད་འགྱིང་སྐད་གསུམ། །རྣལ་འབྱོར་དགོངས་པས་མ་ཤེས་སྐྱོན། །ཐུགས་དམ་མི་འཁུལ་དབང་མི་འདུས། །དགྲ་བགེགས་མི་ཐུལ་སྐྱོན་དུ་འགྱུར། །རྣལ་འབྱོར་གང་གིས་རྟ་སྐད་ཀྱི། །དགོངས་པ་དོན་ལྡན་ཤེས་པ་ནི། །ཐུགས་རྗེས་བཞེངས་དང་ཁས་བླངས་དྲན། །ཕྲིན་ལས་སྐད་ཅིག་ཡུད་ལ་འགྲུབ། །དེ་ཕྱིར་རྟ་སྐད་དགོངས་པ་ཟབ། །ལུས་ངག་ཡིད་གསུམ་སྐུ་གསུམ་ཉིད། །དུག་ལྔ་ཡེ་ཤེས་ལྔར་གྲོལ་ནས། །གང་གིས་གདེངས་གྱུར་རྣལ་འབྱོར་རབ། །མི་ཞེས་བྱས་ཀྱང་སངས་རྒྱས་ཡིན། །སྣོད་ཀྱི་འཇིག་རྟེན་གཞལ་ཡས་དབྱིངས། །བཅུད་ཀྱི་སེམས་ཅན་ཡེ་ཤེས་ལྷ། །འབྲེལ་བས་བདེ་ཆེན་སྲས་སུ་རིག །རྣལ་འབྱོར་འབྲིང་གི་དགོངས་པའོ། །ལུས་ཉིད་ལྷ་ལ་ངག་ཉིད་སྔགས། །སེམས་ཉིད་ཆོས་ཉིད་ཐ་མའོ། །མྱ་ངན་འདས་པའི་ཆོས་རྣམས་ཀུན། །རྟེན་དུ་གྱུར་པས་ཆོས་ཀྱི་སྐུ། །རང་

― TN03_Page_0749 ―

^{[མ་དཔེ་གཟིགས་ན་འདིར་གནོན།]}

(༥༢༨)བཞིན་སྐྱེ་མེད་བརྡ་སྤྲོད་གོ །དེ་ཉིད་ཆོས་སྐུའི་གསུང་ཡིན་ནོ། །ལོངས་སྐུ་དགོངས་པ་བརྡ་ཡི་གསུང་། །མེ་ལོང་ནང་གི་བྱད་ལྟ་བུ། །གཙོ་བོའི་སྐུ་ལ་བལྟས་པ་ཡིས། །རང་གི་ཤེས་བྱའི་སྒྲིབ་པ་དག །དེ་ནས་ཆོས་སྐུའི་ས་རུ་འགྲོ། །བྱང་ཆུབ་སེམས་དཔའ་མངོན་སངས་རྒྱས། །སྐུ་གསུང་ཐུགས་ནི་རྣམ་པ་གསུམ། །གསང་བ་བསམ་གྱིས་མི་ཁྱབ་ཅིང་། །ཐམས་ཅད་པ་རུ་གནས་པས་ན། །མི་ཟད་རྒྱན་གྱི་འཁོར་ལོ་ཆེ། །ཨོཾ་ནི་རྣམ་པར་བརྗིད་པའི་སྐུ། །ཨཱཿནི་སྨྲ་བརྗོད་འབྱུང་བས་གསུང་། །ཧཱུྃ་ནི་འདོད་དགུར་མཁྱེན་པས་ཐུགས། །རྒྱལ་བའི་ཞིང་ཁམས་འདི་ཡིས་སྐྱོང་། །ཚངས་པའི་ལྷ་ཡི་གསུང་བཞིན་དུ། །སྲིན་པོ་འདུལ་ཡང་སྐྱོན་མ་གོས། །དཔེར་ན་མེ་ཏོག་པདྨ་སྐྱེས། །འདམ་གྱི་སྐྱོན་གྱིས་ག་ལ་གོས། །དེ་ཉིད་གྲོགས་སུ་གྱུར་པ་སྟེ། །འདམ་མེད་པདྨ་གང་ལས་སྐྱེ། །རི་རབ་རྩེ་ནི་ལྷ་གནས་ཏེ། །རི་རབ་ཁོང་སེང་ལྷ་མིན་ཡུལ། །གླིང་བཞིར་མི་གནས་མཐོ་རིས་གསུམ། །ཕྱི་ཡི་རྒྱ་མཚོ་དུད་འགྲོ་ལ། །གྲོང་ཁྱེར་སེར་སྐྱ་ཡི་དྭགས་ཉིད། །རྡོ་རྗེ་གདན་འོག་དམྱལ་བའི་གནས། །ཀུན་གྱི་སྐད་དུ་ཆོས་སྟོན་པས། །ཐུགས་རྗེའི་རྟ་སྐད་རིགས་དྲུག་འདུལ། །ལུས་ངག་ཡིད་ཀྱི་བརྡ་སྤྲད་ན། །ཕོ་མོ་མཐུན་པའི་དཔེ་བཞིན་ཤེས། །དཔེར་ན་ཁྭ་ཏས་གཟན་མཐོང་

― TN03_Page_0750 ―

^{[མ་དཔེ་གཟིགས་ན་འདིར་གནོན།]}

(༥༢༩)ལྟར། །མ་དང་མཁའ་འགྲོ་འགྲུབ་ནས་བྱོན། །མ་མོ་མཁའ་འགྲོ་ལ་སོགས་ལ། །མཐུན་པའི་ཤ་ཁྲག་གཏོར་མ་འབུལ། །ལས་བཞིའི་ཕྲིན་ལས་བཅོལ་བར་བྱ། །ཇི་ལྟར་དམིགས་པ་བཞིན་དུ་འགྲུབ། །ངོ་བོ་ངེས་ཚིག་དབྱེ་བ་དང་། །སྐྱོན་དང་ཡོན་ཏན་རང་བཞིན་བཤད། །རྟ་ཡི་འགྲོས་དགུ་བསྟན་པ་ཡང་། །དཔུང་ལག་སྒྲོགས་འགྲོས་ལྷ་དང་མི། །གདོས་པ་ལྕགས་བཅུག་ཉན་ཐོས་འདྲ། །ཕོ་ཉ་སྲུན་འགྲོས་རང་སངས་རྒྱས། །འཇབ་ཚེ་གཟེངས་ནི་མདོ་སྡེ་ཉིད། །གོམ་བུ་མྱོལ་འགྲོས་ཀྲི་ཡ་པ། །སྤྱང་མོ་མདུར་འགྲོས་ཡོ་ག་ཉིད། །རོལ་མོའི་སྟབས་པ་མ་ཧཱ་ཡིན། །འཇོལ་མོ་དཀྱུས་འགྲོ་ཨ་ནུ་སྟེ། །དཀྱུས་སུ་ཚར་འགྲོས་ཨ་ཏི་ལ། །རྟ་ཡི་འགྲོས་ནི་དགུར་བསྟན་པས། །པདྨ་དབང་ཆེན་རྟ་གདོང་ཞལ། །རྟ་སྐད་དགོངས་པར་འདུས་པས་དཔྱད་གསུངས། ཁམས་གསུམ་དབང་དུ་སྡུད་པར་བྱེད། །འཁོར་འདས་དབང་གི་སྐུར་རྫོགས་ལ། །ཐེག་པའི་རིམ་པ་རྟོགས་པས་ན། །དཔེ་དང་དོན་དུ་བཤད་པའོ། །ཞེས་བཤད་དོ། །དབང་ཆེན་འདུས་པའི་རྒྱུད་རྟ་མགྲིན་དགོངས་པ་ལུང་སྟོན་དུ་གྲགས་པ། །སྦ་དང་ངན་ལམ་སོགས་ཀྱིས་བསྒྱུར་བ་ལས་ལེའུ་བཅུ་བདུན་པ་བརྟུལ་ཞུགས་ཆེན་པོ་བཞིའི་སྐབས་སུ། རྡོ་རྗེ་རྟ་ཡི་བརྟུལ་ཞུགས་ཀྱིས། །

― TN03_Page_0751 ―

^{[མ་དཔེ་གཟིགས་ན་འདིར་གནོན།]}

(༥༣༠)རྟ་སྐད་ཐེངས་གསུམ་འབོད་པར་བྱ། །དཔལ་གྱི་རྟ་སྐད་ཆེན་པོ་ཡིས། །ཡང་དག་སྐུ་གསུམ་དབྱིངས་ནས་བསྐུལ། །མ་མོའི་བརྡ་སྐད་སྦྲན་པ་ཡིས། །བརྡ་འཕྲད་ཀློང་རྡོལ་ལས་ལ་རྦད། །རྣལ་འབྱོར་གསང་བ་བརྡ་སྐད་ཀྱིས། །མཉམ་དང་བསྐུལ་དང་རྟགས་ཙམ་འཛིན། །ཤ་རུལ་དོང་དུ་བཅུག་པ་ལ། །ཤ་སྦྲང་བཞིན་དུ་འདུ་བ་དང་། །སྤྱང་དང་ལུག་བཞིན་བྲེད་པ་དང་། ཁྱི་དང་ཕག་བཞིན་རྦད་སར་འགྲོ། །དཔལ་གྱི་ཕེེ༚་བརྡབས་ཧཱུཾ་སྒྲ་ལས། །བསྒྲུབས་པའི་དབྱངས་དང་ཚངས་པ་ཡིས། །ཞིང་ཁམས་རི་རབ་རྩེ་ལ་བླངས། །གསུམ་ཞེས་བྱ་བ་དགུ་ཡི་ཆོས། །ལྷ་དང་སྤྱོད་དང་སྒོམ་པ་དང་། །འབྲས་བུ་བཞིན་དུ་གར་གྱུར་པ། །རྦད་པས་ཐལ་བ་བཞིན་དུ་རློག །ལྷ་སྲིན་ཐམས་ཅད་དབང་དུ་སྡུས། །དཔལ་གྱི་སྐུ་དང་གཉིས་སུ་མེད། །འདི་ནི་རྣལ་འབྱོར་སྤྱོད་པ་ཡིན། །ཞེས་འབྱུང་ངོ་། །རྟ་མཆོག་རོལ་པ་རྩ་བའི་རྒྱུད་ལས། །མི་གནས་མྱང་འདས་གསུང་རབ་རྒྱ་མཚོ་སྒྲོགས། །མ་བསྒྲིབ་མ་གསལ་གོ་འཕང་མཛེས་པར་མཐོང་། །མི་ལྡོག་ཡུལ་སྒྲོལ་སྟབས་དྲུག་མཛེས་པར་མགྱོགས། །གར་ཡང་ཐོགས་མེད་བྱིན་རླབས་ཤུགས་དང་ལྡན། །འཚེར་སྐད་གདངས་སྙན་མ་སྲིང་སྤྲོ་བ་འགྱེད། ཁམ་དམར་རལ་པའི་དབུས་ནས་དབུགས་འབྱུང་བ། །

― TN03_Page_0752 ―

^{[མ་དཔེ་གཟིགས་ན་འདིར་གནོན།]}

(༥༣༡)དཔྲལ་བ་ཞུར་པོ་བརྗིད་པའི་ཁྱད་པར་དང་། །རྟ་མགྲིན་འོད་འབར་གསལ་བའི་ཁྱད་པ་ནི། །དོན་མཆོག་ཁྱད་པར་ཡོན་ཏན་རྨད་དུ་བྱུང་། །ལྗང་ཀུ་མེ་འབར་རྟ་མགོའི་རང་བཞིན་ནི། །འགྱུར་མེད་ཡེ་ཤེས་ཇི་བཞིན་གསལ། །བྱམས་པའི་མདངས་ཀྱིས་ཁམས་གསུམ་ཁྱབ་པར་གཟིགས། །རྔོག་མ་ལེ་བརྒན་འབར་བའི་ཁྱད་པར་མཆོག །སྟུག་པོ་བཀོད་སོགས་ཞིང་ཁམས་རབ་འབྱམས་ན། །རྡུལ་གཅིག་སྟེང་ན་རྡུལ་སྙེད་ཁྲོ་བོ་ཀུན། །ཞིང་ཁམས་གསུམ་དག་མ་ལུས་དབང་དུ་སྡུད། །ཤེས་རབ་ཐབས་སུ་འབྲེལ་བའི་རྟ་སྐད་ནི། །གྲུབ་པའི་དཔལ་ཚོགས་ཚངས་པའི་རྟ་དབྱངས་ཡིན། །དང་པོའི་གདངས་ཀྱིས་རྒྱལ་བའི་ཞིང་ཁམས་སྒྲོགས། །གདངས་སྐད་གཉིས་པ་རི་རབ་རྩེ་ལ་འཚེར། །གསུང་སྙན་གདངས་གསུམ་སྙན་པའི་ཁྱད་པར་ནི། །བཅུ་དྲུག་སླད་མའི་ངན་རྟོགས་ཐར་ལམ་སྟོན། །སྤྱན་མིག་གློག་ལྟར་འགྱུ་བ་ཆེར་འཕགས་ཤིང་། །ཤ་ཁྲག་རློན་པ་ཟ་བའི་སྲིན་པོ་འཇོམས། །འཚེར་ཅན་ཡིད་ལ་གདུང་བའི་རྟ་སྐད་ནི། །མུན་མཐུའི་འགྲོ་བ་མ་ལུས་གསལ་བར་མཛད། །ཅེས་གསུངས་ཏེ། །འདིའི་གླེགས་བམ་ཡིག་ནོར་གྱི་ཕུང་པོར་སྣང་བས་བརྟགས་དཀའ་ཡང་དཔྱོད་རྟེན་ཙམ་མོ། །རྟ་རྒྱུད་ཁ་ཅིག་ཏུ། །བརྩོན་འགྲུས་ཆུང་བ་

― TN03_Page_0753 ―

^{[མ་དཔེ་གཟིགས་ན་འདིར་གནོན།]}

(༥༣༢)རྣམས་དབུགས་དབྱུང་བའི་ཕྱིར་དང་། མིའམ་ཅིའི་འཁོར་རྟ་མགོ་ཅན་རྣམས་འདུལ་བའི་ཆེད་དུ་རྟའི་གླུ་བྲོ་མཛད་པར་བཤད་དེ། མིའམ་ཅི་དེ་དག་ནི་གླུ་གར་གྱི་ཕ་རོལ་ཏུ་སོན་པ་ཡིན་ནོ། །ཀུན་སྤྱོད་དེས་འགྲོ་བ་གཞན་ཡང་འདུལ་བ་ནི། ཇི་ལྟར་སྲིན་པོ་ལྟར་ཁྲོས་པ་སོགས་བཞིན་ནོ་སྙམ་སྟེ་བསམ་མོ། །བདེ་འདུས་དབང་ཆེན་འདུས་པ་རྩ་བའི་རྒྱུད་ལས། ཨེ་མ་འདུས་པའི་འཁོར་རྣམས་ཉོན༔ ང་ཡི་སྐུ་ཡི་ངོ་བོ་ནི༔ རང་རིག་བྱང་ཆུབ་སེམས་ལས་སྣང་༔ རྟ་མགོས་སྐད་གསང་མཐོན་པོ་ཡིས༔ བདེ་གཤེགས་གསུང་གི་དངོས་གྲུབ་སྡུད༔ ཡང་དག་ངེས་དོན་ཆོས་ཀྱི་སྐུ༔ གཟུགས་སུ་སྣང་བ་མཚོན་པའི་རྟགས༔ དཔེར་ན་རྟ་ཡི་འགྲོས་དགུ་ཡིས༔ ཇི་ལྟར་སྨོན་པའི་སར་འགྲོ་བཞིན༔ ཐེག་པའི་རིམ་པ་ངང་གིས་བགྲོད༔ རྩོལ་མེད་རབ་ཏུ་རྫོགས་པར་སྣང་༔ རྟ་སྐད་ཡོན་ཏན་མང་བ་ལྟར༔ ལམ་ལྔ་དང་ནི་ས་བཅུ་དག༔ ཡོངས་རྫོགས་དེ་ཉིད་ངང་ལ་མངའ༔ དཔེ་དང་དོན་གྱི་རྟགས་རྣམས་ཀྱིས༔ ཕྱི་ནང་གསང་བ་དེ་ཉིད་ཀྱི༔ གསང་སྔགས་ལམ་གྱི་བྱེ་བྲག་ཤེས༔ གདུལ་བྱའི་ཐབས་སུ་སྣང་བ་ཡང་༔ ཆོས་རྣམས་དཀྱིལ་འཁོར་ལྷུན་གྲུབ་ཅིང་༔ སྣང་སྲིད་མ་ལུས་བསྒྲལ་བའི་རྒྱུ༔ བཀའ་སྡོད་ཕྲིན་ལས་རྫོགས་པར་མཛད༔ སྔོན་གྱི་ཐ་ཚིག་དབྱིངས་ནས་བསྐུལ༔ བརྡ་སྤྲད་

― TN03_Page_0754 ―

^{[མ་དཔེ་གཟིགས་ན་འདིར་གནོན།]}

(༥༣༣)ཀློང་རྡོལ་དབང་བསྒྱུར་ཏེ༔ མ་ལུས་འདུལ་བ་ང་ཡི་ཐབས༔ ཡེ་ནས་མ་བཅོས་ང་ཡི་སྐུ༔ ཐབས་དང་ཤེས་རབ་དབྱིངས་ཡེ་ཤེས༔ དོན་དམ་ཀུན་རྫོབ་སྣང་དང་སྟོང་༔ གཉིས་མེད་ངོ་བོའི་དོན་ཡིན་ནོ༔ དབང་གི་རྒྱལ་པོར་བསམ་སྦྱོར་བས༔ ཁྲོས་པའི་ཕྱག་རྒྱ་གསུང་གི་སྒྲ༔ འཇིག་རྟེན་དྲེགས་པའི་ཚོགས་ཆེན་ཀུན༔ དབང་མེད་སྐྲག་པའི་ཚུལ་བཟུང་ཞིང་༔ མྱུར་དུ་ཕྲིན་ལས་གནས་བཞིན་བྱེད༔ དབྱིངས་ནས་གཟུགས་སྣང་ཐམས་ཅད་ཀུན༔ དབང་བསྒྱུར་སྣང་བ་མཉེས་མཛད་དེ༔ འགལ་བ་དེ་ཉིད་ངང་དུ་སྦྱང༔ ཞེས་དང་། ཧྲཱིཿ དབང་གི་རྟ་གདོང་ཕྲིན་ལས་མགྱོགས་པའི་མཐུ༔ ཡེ་ཤེས་མྱུར་མགྱོགས་ཤེས་རབ་ཕ་རོལ་ཕྱིན༔ རྩལ་གྱི་རླབས་ཀྱིས་ས་གསུམ་ཅིག་ཆར་བགྲོད༔ འཚེར་སྐད་གདངས་སྙན་གསང་བའི་ཐུགས་དམ་བསྐུལ༔ རྔམས་པའི་ཁ་རྩལ་འཁོར་ཚོགས་དབང་དུ་སྡུད༔ སྟབས་དྲུག་འགྲོས་ཀྱིས་རྒྱུད་དྲུག་ཐབས་ཀྱིས་འདྲེན༔ རོལ་པའི་རྟ་བྲོས་བདུད་བཞི་ཐལ་བར་བརླག༔ འཇིག་རྟེན་སྒྲོལ་མཁས་མི་བསྙེལ་ཐབས་ཀྱི་མཆོག༔ རྟ་སྐད་རྔམས་པའི་ལྷ་ལ་ཕྱག་འཚལ་བསྟོད༔ ཅེས་བཀའ་སྩལ་ཏོ།། ༈ །།གཞུང་འདི་ལས་དབང་ཆེན་རྩ་བའི་སྒྲུབ་པ་ལ་སྦྱར་རྒྱུའི་ཡན་ལག་གི་སྒྲུབ་ལུགས་བཞི་གསུངས་

― TN03_Page_0755 ―

^{[མ་དཔེ་གཟིགས་ན་འདིར་གནོན།]}

(༥༣༤)ཏེ། །ཐུན་མོང་དྲག་སྔགས་ཀྱི། ཁྱད་པར་ཚེའོ། །མཆོག་སྒྲུབ་བྱིན་རླབས་ཀྱི་སྒྲུབ་པ་སྟེ་གུར་དྲག་དང་ཐུན་མོང་བ་གསུམ། བདེ་ཆེན་གླུ་གར་གྱི་སྒྲུབ་པ་ནི་དགོས་ཆོས་ཏེ་དེ་ལྟར་བཞིའོ། །དང་པོ་ལའང་། སྤྲུ་གྲིའི་སྔགས་སྒྲུབ་དང་། གཏོར་མ་ལ་བརྟེན་པའི་བསད་ཟློག་གཉིས་གསལ་བར་བསྟན། གཉིས་པའི་སྐབས་སུ། །ཚེའི་ལྷ་བསྐྱེད་པ། །ཚེ་བཅུད་བསྡུ་བ། དེ་ལས་ཚེའི་དབང་དང་དངོས་གྲུབ་ལེན་པ། དེ་མི་ཤིགས་པའི་སྲོག་ལ་བརྟན་པར་བྱ་བ་སྟེ་བཞིའི་སྒྲོམ་ནས་དངོས་གྲུབ་རྒྱུད་གསུམ་སྒྲུབ་ལུགས་ཤེས་དགོས། གསུམ་པ་འདི་ལ། དངོས་གྲུབ་བསྡུ་བ། སྦྱོར་མཚམས་སུ་བསྐྱིལ་བ། གསང་སྒོ་དབྱེ་བ། རྟེན་ལ་དབབ་པ། དེ་ཉིད་དབང་དུ་བྱ་བའམ་བརྟེན་པར་བྱ་བ་སོགས་ཡོན་ཏན་བདུད་རྩིའི་རྒྱུད་ལས་གསུངས་པའི་དངོས་གྲུབ་སྒྲུབ་ལུགས་ཀྱི་གདན་ཐམས་ཅད། སྒྲུབ་གཞི་ཕྱི་རོལ་གྱི་སྨན་ལ་བྱེད་པ་དང་། ནང་རྩ་ཐིག་རླུང་སེམས་ལ་བྱེད་པའི་ཁྱད་ཙམ་མ་གཏོགས་ཇི་ལྟ་བ་བཞིན་ཚང་ངོ། དེའང་དཀྱིལ་འཁོར་ཐམས་ཅད་དང་། དབང་བསྐུར་དང་། སྔགས་དང་། ཕྱག་རྒྱ་དང་། །རྒྱུད་དང་། ཆོ་ག་ཞོབ་མོ་དང་། ཕྲིན་ལས་ཀྱི་ཁྱད་པར་ཇི་སྙེད་པ་ཐམས་ཅད་བདེ་ཆེན་ལྷན་སྐྱེས་ཀྱི་ཡེ་ཤེས་ཁོ་ན་དེ་དང་དེའི་རྣམ་པར་ཤར་ནས་གདུལ་བྱའི་སྙིང་ལ་འཇུག་པ་ཡིན་པའི་ཕྱིར། །ཚུལ་དེ་ཤེས་

― TN03_Page_0756 ―

^{[མ་དཔེ་གཟིགས་ན་འདིར་གནོན།]}

(༥༣༥)ནས་བདེ་ཆེན་བྱང་སེམས་ཀྱི་དབང་འདི་བླངས་ན་དེ་དག་ཐམས་ཅད་ཀྱིས་བྱིན་གྱིས་བརླབ་པར་འགྱུར་ཞིང་། ལྷའམ་སྔགས་དག་སྒྲུབ་གཞུང་གང་གི་ངོ་བོར་ཁྱད་པར་ད་བལྟས་ཏེ། བདེ་ཆེན་འབེབས་དམིགས་བྱས་ནའང་དེ་དང་དེའི་དགོས་ཀྱི་དབང་ཆོག་ལྟ་བུར་འགྱུར་རོ། །ཉམས་ཆག་སོགས་ནང་གི་རྟེན་འབྲེལ་ལོག་པ་སྦྱོང་བའི་བྱ་བ་ཁྲུས་མཐར་ཐུག་ཀྱང་འདི་ཡིན། ཁྲུས་ཀྱི་ལྷ་མཆོག་ཏུ་བསྔགས་པའང་དབང་ལྷ་ཡིན། དམ་ཡེ་དབྱེར་མེད་ཀྱི་ཕུང་ཁམས་ལྷ་རྣམས་གཟི་བརྗིད་རྒྱས་པར་བྱེད་པ་དང་དགྱེས་པ་སྐོང་བའི་ཚོགས་མཆོད་ཁྱད་པར་ཅན་ཡང་ཡིན། ངག་ལ་དབང་སྐུར་བ་དང་། ཏིང་ངེ་འཛིན་དང་ཤེས་རབ་སོགས་བྱེ་བྲག་རེ་རེ་འབུར་དོད་དུ་དམིགས་ནས་དེ་ལ་དབང་སྐུར་བར་དམིགས་ནའང་དེ་དང་དེ་རྒྱས་བྱེད་དུ་འགྱུར། གྲུབ་ཆེན་བཀའ་བརྒྱད་ལས་དབང་སྐུར་ཡོན་ཏན་རྡོ་རྗེའི་རིགས་སུ་གསུངས་པ་ཡོ་ག་དང་མཐུན་ཏེ། ཡོན་ཏན་རིགས་རྒྱས་པའི་རིགས་སུ་བསྔགས་པས། སྔགས་ཀྱི་ནུས་པ་དང་། འགྲོ་དོན་རྒྱས་པ་སོགས་ལ་རང་གི་ངག་དང་བྱ་བ་སོགས་ལ་དབང་སྐུར་བ་འདི་ཐབས་ཟབ་པར་ཤེས་སོ། །བཞི་པ་འདི་ལྷ་འདི་ལ་བྱེ་བྲག་ཏུ་བསྔགས་པའི་ཆོ་ག་ཡིན་ཕྱིར་རྒྱས་སྤྲོས་བྱེད་པར་དགའ་ན། སྤྱིར་གྲུ་གུ་ཡང་དབང་གི་རྟ་མགྲིན་དྲེགས་སྒྲོལ་སོགས་བྲོ་

― TN03_Page_0757 ―

^{[མ་དཔེ་གཟིགས་ན་འདིར་གནོན།]}

(༥༣༦)རབས་རྒྱས་པར་བཞུགས་པའི་གཞུང་འགའ་རེ་ཡོད་ནའང་། རྗེ་གྲུབ་ཆེན་ཉིད་ཀྱི་རྩ་བའི་ཐུགས་དམ་ཤངས་ཆོས་དབྱང་གཏེར་གཉིས་ཡིན་པ་དང་། གཏེར་ཁ་རིགས་མཐུན་ཡིན་པའི་གནད་ཀྱིས། མཆན། པས་གྲུབ་ཆེན་བཀའ་བརྒྱད་དང་འབྲེལ་ཆེ་བའི་བྲོ་ཆོག་ནི་རང་ཤར་གྱི་བྲོ་རྡུང་དེར་སྣང་ལ། སྤྱི་བཀའི་རིགས་པ་དགོས་བཀའ་ལ་སྦྱར་ཆོག་པ་དང་། །འདི་ཉིད་རང་ལས་སློབ་མ་ལྟ་གོན་གྲུབ་ཆེན་བཀའ་བརྒྱད་ལ་ཞལ་འཕགས་པའི་རིགས་པས་འདིར་ཡང་དེ་ནས་བླང་བར་བྱའོ། །དེ་དག་ལས་གཞན་པ་མྱུར་མགྱོགས་ཕོ་ཉའི་སྒྲུབ་པའང་ཡོད་མོད་ཀྱི། སྒྲུབ་ཐབས་སྤྱིའི་ཁོག་ཏུ་ཚང་བ་ཡིན་གྱི་ཟུར་དུ་ཡོད་པ་མིན་ནོ། །འགྲོ་འདུལ་ཞི་བ་རྡོ་རྗེ་དབྱིངས་སྐྱི་སྒྲུབ་པ་དང་། ཡུམ་ཀ་བདེན་གཉིས་ཞལ་ཅན་མའི་སྒྲུབ་པ་གཉིས་ཀྱང་འདི་དང་འབྲེལ་ཆགས་སུ་གསུངས་པ་ཡིན་ལ། ལས་ཀྱི་ཕྲེང་བ་ལས་ཚོམ་བུ་ཚོགས་ཀྱི་སྒྲུབ་པའང་གསལ་བར་གསུངས་ཏེ། བསྐྱེད་རིམ་གྱི་ཆོས་སྐོར་རོ། །དེའི་སྟེང་དུ་ཡེ་ཤེས་ཕྲེང་བ་ལས་གསུངས་པའི་དཔེ་དང་དོན་གྱི་ཡེ་ཤེས་ཀྱི་སྒྲུབ་པ་བཅས་རྒྱ་ཆེར་བཞུགས་ཏེ། དེ་དག་རེ་རེ་ཞིང་ངོ་མཚར་བའི་གནད་དུ་མ་དང་ལྡན་པའི་ཚུལ་ལ་ཞིབ་ཏུ་སྦྱང་དགོས་སོ། །རྗེ་གྲུབ་ཐོབ་ཆེན་པོའི་རྟ་མགྲིན་གྱི་སྒྲུབ་ལུགས་ཀྱི་རྣམ་གྲགས་བཀོད་པའོ། ༈། ཛབ་བུའི་

― TN03_Page_0758 ―

^{[མ་དཔེ་གཟིགས་ན་འདིར་གནོན།]}

(༥༣༧)གླིང་འདིར་པདྨ་གསུང་གི་རིག་འཛིན་ཆེས་ཆེ་བ་ནི་མགོན་པོ་ཀླུ་སྒྲུབ་ཡིན་ཏེ། འདི་ལྟར་གཏེར་ཁ་གོང་འོག །བྱང་གཏེར་སོགས་རྩོད་བྲལ་ཀུན་ནས་གསུངས་སོ། ཁ་ཅིག་གིས་གཏེར་ཕྱོགས་ནས་དེ་ལྟར་བཤད་པའི་ཀླུ་སྒྲུབ་དེ་ཕྱིས་ཀྱི་བཱ་ལི༚་ཨ་ཙ་རྱ་ཡིན་ཟེར་བ་རིག་འཛིན་འཇིགས་མེད་གླིང་པས་བཀག་ཅིང་། ཀློང་སྙིང་རྩ་རྒྱུད་ཐོད་དུམ་ལས། བཻ་ཏའི་ཡུལ་འཁྲུངས་བྲམ་ཟེའི་རིགས༔ བློ་ཆེན་ན་ག་རྫུ་ན་ལ༔གསུང་མཆོག་པདྨའི་སྒྲོམ་བུ་གཏད༔ ཅེས་འཁྲུགས་ཡུལ་སོགས་ལང་གཤེགས་ལྟར་བཤད་དེ། བདེ་འདུས་རིག་འཛིན་རྩ་རྒྱུད་ལས་ཀྱང་དེ་བཞིན་བཤད་དོ། །འཇམ་དཔལ་རྩ་རྒྱུད་ལས། རིག་པ་རྨ་བྱ་ཆེན་མོ་ནི། །བདག་ཉིད་ཆེན་པོ་དེས་ཀྱང་འགྲུབ། །ཅེས་གསུངས་ཏེ། དེའི་གླེང་གཞིར་རྨ་བྱ་ཆེན་མོ་འཇིག་རྟེན་དབང་ཕྱུག་གི་རིགས་ཀྱི་ལྷ་མོར་བཤད་པས། ལུང་དེས་ཀྱང་པདྨའི་རིགས་ཀྱི་གསང་སྔགས་འགྲུབ་པ་བསྟན་ནོ། །དེས་ན་མགོན་པོ་འདིས་རྨ་བྱ་ཆེན་མོའི་རིག་སྔགས་ཀྱིས་ཀླུ་ཡུལ་དུ་བྱོན་པར་རྒྱ་གར་པ་ལ་གྲགས་པ་ལྟར་ཀླུ་རྣམས་བཏུལ་བའང་པདྨ་གསུང་གི་རིག་སྔགས་ལ་བརྟེན་ནོ། །སློབ་དཔོན་དེ་ལ་བསིལ་བའི་ཚལ་གྱི་མཆོད་རྟེན་བདེ་བྱེད་བརྩིགས་པར་པདྨ་གསུང་གི་ཟངས་སྒྲོམ་མཁའ་འགྲོ་མས་དངོས་སུ་

― TN03_Page_0759 ―

^{[མ་དཔེ་གཟིགས་ན་འདིར་གནོན།]}

(༥༣༨)ཕུལ་ཞིང་། ཧེ་ཆེན་བརྡལ་བའི་དུར་ཁྲོད་རྟ་མགྲིན་བསྒྲུབ་པས་རྡོ་རྗེ་གསུང་གི་དངོས་གྲུབ་བརྙེས། གུ་རུ་རིན་པོ་ཆེས་ཀྱང་དབང་ཆེན་གསུང་གི་གདམས་སྐོར་རྣམས་འདི་ལས་གསན་ཏེ་གཙོ་བོར་ཆོས་རྒྱལ་ཁྲི་སྲོང་དང་། མཆོག་དབྱངས་གཉིས་ལ་སྩལ་བ་ཡིན་ནོ། །དེ་ལྟ་བུའི་རྟ་མགྲིན་བླ་བརྒྱུད་ཀྱི་སྤྱི་མེས་དེ་འདི་ཀའི་སྒྲུབ་གཞུང་དང་འབྲེལ་བར་ཐུགས་རྒྱུད་སྐུལ་བའི་བླ་མའི་རྣལ་འབྱོར་བྱེ་བྲག་ཏུ་བྱེད་ན། མཆོག་གི་བྱིན་རླབས་དབབ་པའི་སྐབས། ཐོད་ཕྲེང་སྡེ་ལྔ་ཡབ་ཡུམ་སྙོམས་པར་ཞུགས་པའི་བདེ་བའི་འོད་ཟེར་གྱིས་བདེ་བ་ཅན་ནས་འཕགས་པ་ཀླུ་སྒྲུབ་ཀྱི་ཐུགས་རྒྱུད་ལྷག་པར་བསྐུལ། དབང་དང་བྱིན་རླབས་དངོས་གྲུབ་ཐམས་ཅད་བདེ་ཆེན་བདུད་རྩིའི་རྣམ་པར་བསྡུས། དེ་ཉིད་བླ་མ་ཐོད་ཕྲེང་རྩལ་གྱིས་རང་ཉིད་ལ་སྩལ་བར་དམིགས་པའི་བཟླས་སྒོམ་བྱ་ཞིང་ཀླུ་སྒྲུབ་དང་པདྨའི་ཞབས་ཐ་དད་དུ་མི་བལྟའོ། །ཐོག་མའི་བྱིན་འབེབས་སྐབས་ཀྱང་སྡེ་ཁ་འདོགས་པ་ནི་བླ་མ་ཞི་བའི་ཟིན་ཐོ་ལྟར་རོ།། ༈ །།དབང་ཆེན་ལས་ཚོགས་ཀྱི་ཟིན་རིས་ཡིད་བཞིན་རིན་པོ་ཆེའི་སྤྲིན། ཕུར་པ་སྤུ་གྲིའི་གཞན་དོན་ཚོམ་བུ་འབུམ་སྡེའི་སྒྲུབ་པའི་གཏེར་མཆན་དང་། ཕུར་པའི་སྤྱི་སྡོམ་ཇོ་མོའི་ཞུས་ལེན་གཉིས་ཀ་ལས། ལས་ཚོགས་ཀྱི་གནད་ནི་དཔེར་ན་གསེར་ཞུན་མ་ལ་བཟོ་ཅི་བྱས་ཉན་པ་ཡིན་

― TN03_Page_0760 ―

^{[མ་དཔེ་གཟིགས་ན་འདིར་གནོན།]}

(༥༣༩)ཏེ༔ བསྙེན་སྒྲུབ་མཚན་མ་ཐོན་ཕན་ཆད་ཤམ་བུ་ཅི་འདོད་དུ་བསྒྱུར་བས་འགྲུབ་སྟེ། ཞི་རྒྱས་དབང་དྲག༔ གསོ་བསད་དབབ་བཅད༔ དགུག་བསྐྲད༔ མནན་གཟིར་ཇག་ཆིངས༔ ཆོ་འཕྲུལ་སྲོག་ཐུན་སོགས་གང་འདོད་པའི་ཕྲིན་ལས་ཐུགས་ཀའི་འོད་ཟེར་གྱིས་སྒྲུབ་ཅིང་སྙིང་པོ་ལ་འདོད་གསོལ་སྦྱར་བས་འགྲུབ་བོ༔ ཞེས་གསུངས་ཏེ། རྟ་མགྲིན་ཡང་གསང་གི་སྦས་པ་མིག་འབྱེད་ལས་ཀྱང་། མཚན་མ་མ་མཐོང་ལས་བརྩམས་པ༔ འཇའ་ཚོན་སྦར་འཛིན་དོན་མེད་ཡིན༔ ཞེས་གསུངས་པ་དང་འདྲའོ། ༈ །གཞུང་འདི་ལ་སྲུང་བཟློག་གསད་གསུམ་ཚང་བར་ཟིན་ཐོ་ལྗགས་དཔོད་མར་གསུངས་པའི། སྲུང་བ་ལ། སྒོམ་པའི་སྲུང་བ་ནི། གོ་ཆ་ལྷ་ལྔ་དང་། ཁྲོ་ཆུང་གི་གོ་བགོས་གཉིས་ཡིན་ཅིང་། ཁྲོ་བཅུའི་སྲུང་འདི་རྩལ་འདོན་བྱེད་ན་ཁྲག་འཐུང་བདེ་གཤེགས་འདུས་པ་ནས་ཚུར་བླང་ངོ། དམིགས་ཀྱང་ཡོད་པ་གཏོར་བཟློག་ཏུ་གསུངས། སྲུང་སྔགས་ལོགས་སུ་མ་བཤད་ཀྱང་། ལུས་དཀྱིལ་ཁྲོ་བོའི་ཚོགས་ཀྱིས་ཀྱང༔ ཞེས་སོགས་སྐབས་གོ་ཆའི་རྟ་མགྲིན་རྣམས་ཀྱིས་རང་རང་གི་སྔགས་བཟླ་བར་འཆད་པ་ན་རྟ་སྔགས་རང་བཤད་པ་འདིས་རྟ་སྔགས་དེ་གོ་ཆའི་སྔགས་སུ་ཤེས། གནས་ལྔའི་གོ་ཆའི་ལྷ་དང་། ཁྲོ་བོ་བཅུའི་སྔགས་ནི་རུ་ལུ་ཡིན་ཏེ། ཟུར་

― TN03_Page_0761 ―

^{[མ་དཔེ་གཟིགས་ན་འདིར་གནོན།]}

(༥༤༠)དུ་བྲིས་པ་དང་། ཆོས་དབང་ཡང་དག་ལས་རུ་ལུ་སྲུང་མཚམས་སུ་ཤེས་པར་གསུངས་པ་སོགས་དང་སྒྲིགས། གཞན་སྲུང་བའི་དམིགས་པ་ནི། དམིགས་བྱ་སྲུང་གུར་དུ་བཅུག་ནས་སྲུང་བ། འགལ་རྐྱེན་བར་ཆད་རྡོ་རྗེའི་མཁར་དུ་སྲུང༔ ཞེས་ཁ་སྐོང་ཕྲིན་ལས་སུ་གསུངས་པའི་དགོངས་པར་འགྲིགས་ཤིང་། སྤྱིའི་ལུགས་ཀྱང་ཡིན་ནོ། །སྲུང་གུར་གྱི་དམིགས་པ་འདིས་གདོན་བགེགས་སུ་མ་ཟད། ཡམས་ནད། ཤྭ་འུང་། །དམག་འཁྲུགས། ཆོམ་རྐུན། གཅན་ཟན། རྦབ། སྒྱོགས་སོགས་འཁྲུལ་འཁོར་རིགས། སད་སེར། ཁ་ཆར། ཐོགརླུང་། མེ། ལོ་ཏོག་ཟ་བའི་འབུ་སོགས་གཞན་ཡང་སྲུང་སྟེ། དཀྱིལ་ཆོག་རྡོར་ཕྲེང་ལས་རྡུལ་ཚོན་འབྱུང་ལྔའི་གནོད་པས་མི་བརྫི་བའི་ཕྱིར་སྲུང་འཁོར་སྒོམ་པར་བཤད་པ་ལྟ་བུའོ། །བྲིས་པའི་འཁོར་ལོས་སྲུང་བ་ནི་དཀྱུས་སུ་མི་གསལ་ཡང་། བྱེད་ན་སྐྱེར་སྒང་ལུགས་འབྲེལ་ཆེ་བས་དེ་ལ། གཞི་དར་རས་སམ་ཤོག་བུ་གཙང་མར་བྲིས་རྗེས་སུ་གྲི་ཁ་བཏང་མི་དགོས་པ་བྱས་པ་ལ། གྷི་ཧཾ་་དང་ག་པུར་གུར་གུམ་སོགས་ཀྱི་སྣག་ཚ་དང་། གཟུགས་མོ་བྱི་ཐུར་གྱི་སྨྱུ་གུས། འཁོར་ལོ་རྩིབ་བརྒྱད་ལྟེ་བ་མུ་ཁྱུད་དང་བཅས་པ་བྲི། དེའི་ལྟེ་བར་ཧྲཱིཿ ཧྲཱིའི་སྟེང་དུ་ཨོཾ། འོག་ཏུ་ཕཊ། དེའི་མཐར་

― TN03_Page_0762 ―

^{[མ་དཔེ་གཟིགས་ན་འདིར་གནོན།]}

(༥༤༡)སྟེང་ནས་མགོ་བརྩམས་ཏེ་གཡས་སྐོར་དུ། བཅོམ་ལྡན་འདས་རྟ་མགྲིན་དབང་གི་རྒྱལ་པོས་འཆང་བ་པོ་ལ་བྱིན་གྱིས་བརླབ་ཏུ་གསོལ། གནོད་པ་ཐམས་ཅད་ལས་སྲུང་དུ་གསོལ། ཞེས་འབྲི། རྩིབས་བརྒྱད་ལ་སྟེང་ནས་གཡས་སྐོར་གྱི་རིམ་པས། པདྨཱན། ཏ་ཀྲིཏ། བཛྲ། ཀྲོ་དྷ། ཧྱ། གྲྀ་བ། ཧུ་ལུ། ཧུ་ལུ་ཧཱུཾ། ཞེས་པ་རྣམས་དང་། རྩིབས་མཆན་ལ། རྩིབས་སྟེང་མའི་གཡོན་ནས་བརྩམས་ཏེ། ཨོཾ། བཛྲ། དུན། བྷྱོ། ཏྲིག །ནན། ཛ་ཛ། ས་མ་ཡ་སྟྭ་མ། རྣམས་འགོད། དེའི་ཕྱིའི་མུ་ཁྱུད་ལ། ས་མ་ཡ་ཛ། ས་མ་ཡ་ཟློག །ས་མ་ཡ་བྷྱོ། ས་མ་ཡ་གཏུབ། ས་མ་ཡ་བྱེར། ས་མ་ཡ་རྦད་རྦུད་ཕཊ་ཡ། འབྱུང་པོ་མ་ར་ཡ་ཛ་ཛ། ཞེས་འབྲི། དེའི་ཕྱིའི་མུ་ཁྱུད་ལ་རྟེན་སྙིང་དང་། རྡོ་ར། མེ་རི་གཡས་འཁོར་བྱ། སྔགས་རྣམས་ཡིག་མགོ་ཕྱིར་བསྟན་གཡས་སྐོར་ཁོ་ནར་འབྲི། རབ་གནས་བྱས་ལ་གདགས། འདི་སྟེང་འཁོར་རྐྱང་པའི་སྲུང་བ་སྟེ། འདི་ནི་གཙོ་རྐྱང་གི་སྲུང་བ་སྟེ་གཙོ་འཁོར་ཡོངས་རྫོགས་ཀྱི་འཁོར་ལོ་ནི་མ་རྙེད། ལྕགས་ཟམ་ལུགས་ཀྱི་འཁོར་ལོའི་མན་ངག་ཅུང་ཟད་མི་འདྲ་བའང་ཡོད་པར་བཤད་པས་ཚོལ། འཁོར་ལོ་འདིས་ནི་འཇིག་རྟེན་གསུམ་གྱི་བགེགས་ཐམས་ཅད་སྲུང་བར་གཞུང་གི །སྟེང་གདོན་གཟའ་དང་འོག་གདོན་ཀླུཿ སོགས་ཀྱིས་མཚོན་ནོ། །

― TN03_Page_0763 ―

^{[མ་དཔེ་གཟིགས་ན་འདིར་གནོན།]}

(༥༤༢)གསང་སྒྲུབ་ལ་མཁས་པ་ཐོའུ་བཀན་པའི་ཡིག་ཆ་ལྟར་བྲིས། སྟེང་འོག་སྦྱར་མའི་སྲུང་བ་སོགས་འདིར་མ་བཀོད། བྱེད་ན་ཤངས་ལུགས་རང་དུ་ལྟའོ། །བྲི་གཞི་བུག་རྡོལ། རྩིབས་ཀྱི་རྩ་རྩེ་མུ་ཁྱུད་ལ་རེག་པ། མུ་ཁྱུད་རྣམས་ཆད་པ། ཡི་གེ་འབྲི་འཕྲོ་ལུས་པ་ལྟར་མ་ཁེངས་པ། རྩིབས་དང་མུ་ཁྱུད་སོགས་ལ་ཐུག་ཅིང་ཡི་གེ་ཕན་ཚུན་འདྲེས་པ། མ་ཤོང་བ། ཡིག་ཕྲེང་འཁྱོག་གཅུས་གོང་འོག་འཁྲུགས་པ། མིག་ཟུམ། བྲིས་བསུབ། ལྷག་ཆད་སོགས་ཀྱི་སྐྱོན་མེད་པར་བྱ། ཡིག་མགོ་སྟོན་ཕྱོགས། སྲུང་བ་ཕྱི་དང་ཟློག་པ་ནང་། ཞི་རྒྱས་ཕྱི་དང་དབང་དྲག་ནང་དུ་སྟོན་པར་བཤད་པ་ལྟར་རོ། ༈ །འཁོར་ལོ་མ་གྲུབ་ན། སྔོན་དུ་བྱམས་སྙིང་རྗེ་བསྒོམ། །སྲུང་མདུད་ཧྲཱིཿལས་རྟ་མགྲིན་དུ་བསྐྱེད། ལྟོ་བར་གནོད་བྱེད་ཐམས་ཅད་བསྡུས་ལ་ཐར་པའི་སྐབས་མེད་པར་བསམས་ཏེ་གདགས་པ་ཡང་ཤངས་ལུགས་ལས་སོ། ༈ །ལས་སྦྱོར་སྤུ་གྲི་ལ་དབང་སྡུད་དང་། མངོན་སྤྱོད་སྔགས་གཉིས་ཆར་འབྱེད་རྒྱུ་ཡོད་པས། ས་གསུམ་དབང་སྡུད་ཀྱི་བཟླས་པ་དགོས་སུ་བྱེད་ན། ས་མ་ཡ་སྟྭམཿ ཡན་ཆད་ཁོལ་བྱུང་བཟླ་བ་སྐྱེར་སྒང་ལུགས་བཞིན་བྱེད། དབང་སྡུད་སྔགས་འདི་གྲོལ་ཐིག་རྟ་མགྲིན་དང་། ཀློང་སྙིང་གི་རྒྱལ་པོ་ལུགས་ཀྱི་ནང་ནའང་སྣང་། སྔགས་དོན་ནི། ཨོཾ་ཟུར་འཁོད་

― TN03_Page_0764 ―

^{[མ་དཔེ་གཟིགས་ན་འདིར་གནོན།]}

(༥༤༣)ལྟར། ཐུན་བྷྱོ་རྦད་པའི་སྔགས་སུ་སྙིང་གཟེར་ལས་བཤད་པས། ཁྲོ་མཚོན་མེ་ཕུང་གི་ཕོ་ཉ་འགྱེད་པ་ལ་བཛྲ་དུན་བྷྱོ་ཞེས་སྦྱོར་རམ་སྙམ། ཏིག་ནན་ནི་སྙིང་གཟེར་ལས། ཏྲིག་ཤངས་ལུགས་སུ་ཏྲིག་ནན་ཞེས་འདོན་པའང་ཡིན། ནན་གཉིས་ཀྱིས་སྟེང་ནས་གཟིར༔ མེས་མར་གོང་ལྟར་གདུང་བར་བྱེད་པའི་དོན། ཞེས་སྲོག་ལྷ་སྲིན་སྡེ་བརྒྱད་འཁྲུགས་ཤིང་། ཡུལ་ལྷ་ནང་ཞིག་འོང་བའི་རྒྱུའི་གཙོ་བོ་གསར་སྐྱེས་ཀྱི་འབྱུང་པོ་གདུག་པ་ཅན་དང་། གློ་བུར་དུ་ལྷགས་པའི་འདྲེ་སྲིན་རྣམས་ཀྱིས་བྱེད་པར་གསུངས་པས་རྒྱལ་ཁམས་བདེ་བར་འདོད་ཅིང་ནུས་ལྡན་ཡིན་ན་དེ་དག་གཟིར་བ་གལ་ཆེ། །གཟིར་བའི་སྔགས་སུ་བཤད། ཛཿཛཿའཕྲོགས་པར་བྱེད་པའམ་འགུགས་འདྲེན། ས་མ་ཡ་སྟྭམ། དམ་བསྒྲགས་སམ། ཡང་ན་དམ་བཞག །ཅེས་འཆད་དམ་དཔྱད་དགོས་སོ། ༈ །ཚེ་སྒྲུབ་བྱེད་ན་གུ་རུ་དྲག་པོ་ལྟར་བྱ་ཞིང་། དེའང་དཀྱུས་ཀྱི་བསྙེན་སྒྲུབ་ལས་སྦྱོར་གྱི་བཟླས་པའི་མཇུག་ཏུ་གདགས་པར་བྱའོ། །དབང་སྒྲུབ་ལྷ་ལྔའི་བྱིན་འབེབས་ཀྱི་ཆོ་ག་ཡང་དེ་ནས་ལེན། ༈ །ནད་དང་། ཡམས་ནད། ལྷ་འཁྲུགས་སོགས་གདོན་རིགས། དམ་སྲི་སོགས་བགེགས། སྲི་ཀེགས། སྟེང་གྲིབ་དང་མཁོན་གྲིབ་སོགས་གྲིབ་རིགས། བྱད་ཕུར། མེ། ཆུ། དུག །མཚོན་ཆ། འཁྲུགས་རྩོད། རྒྱལ་པོའི་ཆད་པ། གཅན་

― TN03_Page_0765 ―

^{[མ་དཔེ་གཟིགས་ན་འདིར་གནོན།]}

(༥༤༤)གཟན། བཤེས་བྲལ། དོན་ཉམས། དབུལ་ཕོངས། དུས་མིན་འཆི་བ། ཕ་རོལ་གྱི་ལྕེ་འབབ་པ་སོགས་ཞི་བར་གཏི་མུག་རྡོ་རྗེ་བསྐུལ་ཏེ། དེ་གཙོར་གྱུར་ལས་འོད་ཟེར་དཀར་པོའི་སྤྲོ་བསྡུ་བྱེད། སྒྱུ་འཕྲུལ་ལས་ནི་ཞི་ལས་ཕ་རོལ་ཁྲོས་པ་ཞི་བྱེད་ཙམ་དང་སྦྱར་ཡོད། ཚེ། ཤེས་རབ། དྲན་པའི་གཟུངས། ཆོས་དང་རིགས་ཀྱི་བརྒྱུད་འཛིན། འཁོར་དང་གྲོགས། དབང་ཕྱུག །གཟི་བརྗིད། སྙན་གྲགས། ལོངས་སྤྱོད། ལུས་ཤེད་དང་ཀླུང་རྟ་སོགས་ཀྱི་མཐུ་སྟོབས། སེམས་བསྐྱེད་སོགས་དགེ་བའི་ཆོས། རྩི་སྨན་ལོ་ཏོག་གཞོན་ཆུ། དེ་དག་དང་ཆང་སོགས་ཀྱི་རོ་ནུས། ཆར་དང་ཆུ་མིག །སྐལ་པ་བཟང་པོ། ནད་མེད་པའི་བདེ་བ། ཡུལ་ཕྱོགས་སུ་བཟོ་དང་སྒྱུ་རྩལ། ཆོས་ཀྱི་གསང་འདུས་ལེའུ་བཅུ་བཞི་པའི་འགྲེལ་མཆན་དུ། ཆོས་རྒྱས་པ་ཞེས་པ་གསུང་རབ་ཡན་ལག་བཅུ་གཉིས་ལ་མཁས་པ་ལ་བཤད། འབྱོར་པ་དྲི་མེད་སོགས་རྒྱས་པར་སེར་སྣ་རྡོ་རྗེ་བསྐུལ་ཏེ། འོད་སེར་པོ། རྒྱལ་བློན་ཡུལ་ཁམས། ནོར་དབྱིག །གོས་རྒྱན། བཟའ་བཏུང་། སྤོས་དང་རོལ་མོ་སོགས་ཉེར་སྤྱད། ཞིང་ཁང་། སྐྱེད་ཚལ། བུད་མེད། རིག་པ་མཁན། གཞན་འཕྲུལ་བདག་པོ་སོགས་ལྷ་ཀླུ་གཏེར་བདག །གླེགས་བམ། དགེ་འདུན། གཞོན་ནུ་གང་ཞིག་དབང་དུ་གྱུར་

― TN03_Page_0766 ―

^{[མ་དཔེ་གཟིགས་ན་འདིར་གནོན།]}

(༥༤༥)ན་བསྟན་འགྲོའི་དོན་ཆེན་པོ་འགྲུབ་པའི་མི་དབང་དང་། ཆོས་ཀྱི་བརྒྱུད་འཛིན་ཁྱད་པར་ཅན་ལྟ་བུ་གཙོ་བོ་ཡིན། སོགས་དབང་བྱེད་ལ་འདོད་ཆགས་རྡོ་རྗེ་ལས་འོད་དམར། བྱ་མཆུ་མ་སོགས་བསྟན་པ་ལ་གནོད་པ་དང་། འགྲོ་བ་མང་པོའི་བདེ་སྐྱིད་འཕྲོགས་པའི་མི་དང་མི་མིན་བསད་པ་དང་། བསྡིགས་པ་དང་། མྱོས་པ་དང་། བརྒྱལ་བར་བྱེད་ཅིང་། སྟོབས་གཞོམ་པ་སོགས་ལ་ཕྲག་དོག་རྡོ་རྗེ་ལས་འོད་དུས་ཀྱི་མུན་པ་ལྟ་བུ་སྤྲོ་བསྡུ་བྱ་ཞིང་། ཡུམ་ཀའི་སྐབས་ཀྱི་སྔགས་ཤམ་བཏགས། འདི་ནི། རྟ་བྲོའི་ཆོ་ག་དང་། ཡུམ་ཀར། དམིགས་པའི་མདེ་ཁ་སྤྱི་ལྟར་སྦྱར༔ ཞེས་གསུངས་པ་ལ་བརྟེན་པ་སྟེ། རྟ་རྒྱུད་ཀྱི་ཁུངས་ཀྱང་ཆེའོ། ༈ །གླུ་གར་གྱིས་ལས་བཞི་སྒྲུབ་སྐབས། རྒྱས་ལས་ལྟ་བུར་མཚོན་ན། སེར་སྣ་རྡོ་རྗེ་འཁོར་བཅས་བྲོ་རྡུང་བ་རྣམས་ལས་ཡིད་རིན་ཆེན་རིགས་ཀྱི་སྤྲུལ་པ་གཟི་བརྗིད་འབར་བའི་ཚོགས་དཔག་མེད་སྤྲོས་པས། ཚེ་བསོད་སོགས་དགོས་འདོད་ནམ་མཁའ་གང་བར་འབྱུང་བར་བསམ་པ་སྒྲོལ་གཡུང་གཉིས་ཀྱིས་བཤད་དོ། །བཞིན་གྱི་འོད་ཟེར་གསེར་མདོག་ཚད་མེད་པ་སྤྲོས་པས་འབྲུ་ནོར་ལོངས་སྤྱོད་ཀྱི་ཆར་གཟི་ལྡན་ཟད་མི་ཤེས་པར་ཕབ་སྟེ་དམིགས་བྱའི་དབུལ་ཕོངས་བསལ་བར་བསམ་པ་ཀློང་ཆེན་རྒྱུད་ཊིཀ་ལས་སོ། །དེས་འགྲེ། དེ་བཞིན་དུ། སྤྱི་དགོས་ཀྱི་དེ་ཉིད་ཤེས་པས་རིན་ཆེན་རིགས་ཀྱི་རྟ་གླུ་བླངས་པས་

― TN03_Page_0767 ―

^{[མ་དཔེ་གཟིགས་ན་འདིར་གནོན།]}

(༥༤༦)གླུ་སྒྲས་གར་ཁྱབ་ཏུ་དཔལ་འབྱོར་ལོངས་སྤྱོད་ཀྱི་ཆར་ཆེན་པོ་ཕབ་པར་བསམ་པ་སོགས་འགྲེའོ། །རྟ་སྐད་ཀྱིས་ལས་བཞི་བྱེད་པའི་དམིགས་པ་འདི་ནི་ཛབ་ཀྱི་སྐབས་སུ་སྦྱར་ནའང་རུང་བར་སེམས་ཏེ།་ རྟ་སྐད་ཐང་གསུམ་ཛབ་དམིགས་ལ་སྦྱོར་ཞིང་། འདི་དེ་ལྟར་མི་རུང་བའི་ཁྱད་པར་ཅི་ཞིག་ཡོད། དེའང་ཞི་བ་ལ་གཏི་མུག་རྡོ་རྗེ་ནས། དྲག་པོ་ལ་ཕྲག་དོག་རྡོ་རྗེའི་བར་དུ་ཧེ་རུ་ཀ་སོ་སོས་གླུ་སོ་སོར་བླང་བར་བལྟས་ལ། སྔགས་ཤམ་སྔར་ལྟར་འདོགས་ཏེ། ཚུལ་གཉིས་གང་ཡང་རུང་ངོ་། །ལས་རིམ་གཞན་དང་མ་སྤྲད་ཀྱང་ནམ་འདོད་དུ་རྟ་གླུས་ལས་སྒྲུབ་པའང་བྱར་རུང་སྟེ། རེང་བ་ལ་སོགས་པའི་ལྟ་སྟངས་བཞིན་ནོ། །ལས་བཞི་རབ་འབྱམས་བྲོས་སྒྲུབ་པ་མནན་པ་དང་མ་སྦྱར་བ་འདི་སྙན་རྒྱུད་རྟ་མགྲིན་སྙིང་ཏིག་ན་ཤིན་ཏུ་གསལ་ཏེ་ཟུར་དུ་བྲིས་ཡོད། ༈ ཡང་། ཡུལ་འཁོར་སྲུང་ཞིང་བཀྲ་ཤིས་པར་བྱེད་པ། གདོན་བགེགས་དགྲ་གསུམ་སྐྲོད་པ་དང་དབྱེ་བ་དང་རྨོངས་པར་བྱེད་པ། སྲིའུ་གསོ་བ། མ་མོ་རྣམས་བྱིས་པ་ལ་བརྩེ་ཞིང་བྱིས་པ་སྐྱོང་བ་ལ་བསྔགས། དེའང་གླང་ཕྲུག་སེང་གེ་མོས་གསོ་སྣུན་བྱས་པ་ཁྱུ་མཆོག་ཏུ་འགྱུར་བ་ལྟར་གོ་བ་ལེན་རྒྱུ་ཡོད། མཆན། ཁ་ཆར་དང་སེར་བ་གཅོད་འབེབས། གཏད་ཧྲུལ་འབྱིན། འདུན་བཤིགས། ལྟས་དང་ཆོ་འཕྲུལ་གཏོང་བ། གཡུལ་ཟློག་པ། སད་སྲུང་བ། དོན་སྒྲུབ་པ། ལོངས་སྤྱོད་སྤེལ་བ།

― TN03_Page_0768 ―

^{[མ་དཔེ་གཟིགས་ན་འདིར་གནོན།]}

(༥༤༧)ཆོམ་རྐུན་གཅན་གཟན་རྔོན་པ་སོགས་ཀྱི་ཁ་འཆིང་བ། ཚལ་དང་ཁང་བཟང་སོགས་གནས་གཞི་ཕུན་ཚོགས་སྒྲུབ་པ། བཅུད་ལེན་དགུག་པ། བཙོན་འགྲོལ་བ། །དབང་སྡུད་ཀྱི་ཁྱད་པར་མང་པོ་སོགས་ལས་ཚོགས་ཆེས་མང་པོ་ཞིག དམ་ཅན་ཕོ་ཉ་ལས་ལ་བསྐུལ༔ ཞེས་པས་བྱེད་དེ། སྒྱུ་འཕྲུལ་པ་ལ་ཡོངས་གྲགས་ལྟར་སྦྱོར་ན། དབང་མོ་རྣམས་ཀྱི་ཐུགས་ཀར་བྷྱོ་ཡིག་རེས་མཚན་པར་གསལ་བཏབ་སྟེ། གཙོ་བོའི་ཐུགས་ཀའི་འོད་ཟེར་གྱིས་བསྐུལ། དེའང་ཞི་བ་ལ་ཤར་གྱི་མ་མོ་བདུན་གྱི་ཐུགས་སྲོག་ལ་ཕོག་པས་རྒྱུད་བསྐུལ་ཏེ་ཞི་བའི་ཕྲིན་ལས་རབ་འབྱམས་ཐོགས་མེད་དུ་བསྒྲུབ་པར་བསམ། དེའི་འགྲེས་ཀྱིས་ལྷོའི་བདུན་གྱིས་རྒྱས་ལས་སོགས། མ་མོ་མཁའ་འགྲོ་དེ་དག་གི་ཐུགས་དགོངས་ལན་ཅིག་གཏད་པ་ཙམ་རེས་ཀྱང་དེ་འདྲ་དཔག་མེད་འགྲུབ་པའི་ཕྱིར་ཏེ། གསང་རྫོགས་མ་མོའི་ཛབ་དགོངས་ལས་ཤེས་སོ། །དེའི་ཚེ་ལས་སྒྲུབ་ཀྱི་སྔགས་ལའང་རྩ་སྔགས་རང་གིས་ཆོག་སྟེ། སྔ་མ་དེ་དེའི་ཛབ་དགོངས་སུ་བཤད་པས་ཤེས་པའི་ཕྱིར། དམ་ཅན་ཕོ་ཉ་ལ་ཀླུ་དང་གནོད་སྦྱིན་སོགས་གཞན་ཡང་མང་ངོ་། །འདི་སོགས་ནམ་རྦོད་གཏོང་གི་ལས་གྲུབ་པ་ན་སྔར་བཅོལ་ལས་ཀྱི་གཏང་རག་དུས་མི་ཡོལ་བར་གཏང་ཞིང་། ཕྱི་བཅོལ་ལས་ཀྱི་གཉེར་

― TN03_Page_0769 ―

^{[མ་དཔེ་གཟིགས་ན་འདིར་གནོན།]}

(༥༤༨)གཏོད་པ་ནི་གལ་ཆེ་བར་མང་དུ་གསུངས་སོ། ༈ །ལྷ་སྲིན་བྲན་དུ་འཁོལ་བའི་བཟླས་དམིགས་ལ་ཡང་སྒྱུར་ལུགས་མང་དུ་ཡོད་དེ། འདི་ལྟར། ཕྱོགས་སྐྱོང་དང་སྡེ་བརྒྱད་རང་རང་གི་སྡེ་རིས་སུ་གཏོགས་པའི་གདོན་རྣམས་ལ་བཀའ་ནན་འབེབས་པ་དང་། སོ་སོའི་རིགས་ཀྱི་བྲོ་དམ་པོས་བསྒུག་ཏུ་བཅུག་ན་རྒྱལ་བསེན་བཙན་འགོང་ཐེའུ་རང་སོགས་ཐམས་ཅད་ཁྱི་རྒོད་ལྕགས་ཕུར་ལ་བཏགས་པ་བཞིན་འཚེ་མི་ནུས་པར་འགྱུར་ཏེ། འདི་ནི་སྲུང་མཚམས་བཅིང་ལུགས་ཁྱད་པར་ཅན་གཙོ་བོ་དབང་དུ་བསྡུས་པས་འབངས་རང་ཤུགས་ཀྱིས་ནོན་པའི་མན་ངག་གོ །སྒྲུབ་ཆེན་དུས་ཕྱི་མཚམས་རྒྱལ་ཆེན་བཞིའི་སྲུང་བ་དང་། གསར་མའི་དཀྱིལ་ཆོག་དུ་མར། བགེགས་སྲུང་བའི་ཕྱིར་ཕྱོགས་སྐྱོང་ལ་གཏོར་མ་བྱིན་ནས་ལུང་བགོ་བར་བཤད་པ་སོགས་དང་ཚུལ་མཐུན་ཅིང་། སྟོང་ཆེན་རབ་འཇོམས་ན་ཡང་ཕྱོགས་འདྲ་ཡོད། གཞན་དུ་ཞོ་ཆང་ལད་པ་སོགས་ཚུན་ཆད་ལ་རང་ཐད་ཀྱི་སྲུང་བ་རེ་བྱར་ག་ལ་ལང་། དེ་བཞིན་དུ་གཟའ་སྐར་ས་བདག་སོགས་དེ་དག་གིས་དབང་བྱེད་པའི་ལོ་ཟླ་ཞག་དུས་ས་དགྲ་ཕྱོགས་ངན་སོགས་འཇམ་དུ་གཏོང་བ། རང་གཞན་གྱི་བླ་ཚེ་གཏད་དུ་བཟུང་བ་སོགས་ཕྱིར་སྤྲོད་དུ་གཞུག་པ། ཀླུའི་དུག་དང་མ་མོའི་ཚོན་དྲུག་གཤིན་རྗེའི་ཁ་རླངས་སོགས་སླར་

― TN03_Page_0770 ―

^{[མ་དཔེ་གཟིགས་ན་འདིར་གནོན།]}

(༥༤༩)སྡུད་དུ་རྩོལ་བ། སྡེ་བརྒྱད་ཀྱིས་དབང་བྱེད་པའི། ཁྱིམ་གསུམ་ཐོ་ལྟར་བསྟན་དགྲ་ལ་སྡེ་བརྒྱད་གཤེད་དུ་སྐོརབ་། སད་སེར་བཙའ་ཐན་འབུ་སོགས་ལོ་ཏོག་གི་གནོད་འཚེ་སྲུང་བ། གཏེར་ཆོས་དང་སྙན་གྲགས་སོགས་ཕྱོགས་བཅུ་ཀུན་ཏུ་སྒྲོགས་ཤིང་སྤེལ་བ། ཡུལ་མི་རྣམས་ཀྱི་སེམས་བསྒྱུར་ཏེ་སྡེ་འཁྲུགས་དང་ཆོམ་རྐུན་སོགས་ཞི་བར་བྱེད་པ་དང་། ཁྲོམ་ཚོགས་དབང་དུ་སྡུད་པ་དང་ལུང་སྒྱུར་བ། ཕྱི་སྣོད་ཡོ་བྱད་དང་བཅས་པ་དབང་དུ་བྱ་བ། མི་ཆོས་ཀྱི་ཡོན་ཏན་བརྟན་མཛངས་སྒམ་གསུམ་དང་བཙན་ཕྱུག་འཕན་དར་གྱི་དངོས་གྲུབ་ལེན་པ། གཡུལ་ཤོམ་བྱེད་པའི་སྡེ་དཔོན་མ་རུང་བ་སོགས་ལ་ནང་འཐབ་དང་བྲེལ་ཟིང་བརྒྱ་ཕྲག་སློང་བ། ཤག་དང་ཚོང་དང་དམག་དང་ཤྭ་རྒྱན་རྒྱལ་བར་བྱ་བ། མཁར་ལས་དང་ཆུ་རགས་སྐྱེ་ཤིང་འཛུགས་པ་སོགས་རྭ་ལོར་ཤམ་པོས་བཙུན་པ་བརྒྱ་ཕུལ་བ་དང་། འཇམ་དབྱངས་ཆོས་རྗེར་བཙུན་པ་ལྔ་སྟོང་ཕུལ་བའི་ལོ་རྒྱུས་ལྟར་དགེ་འདུན་གྱི་སྡེ་སྤེལ་བ། བརྩམས་པ་དོན་ཡོད་ཅིང་ཆུད་མི་ཟ་བར་བྱེད་པ་སོགས་མཐའ་ཡས་སོ། ༈ །ཡང་། ལོངས་སྤྱོད་རྡོ་རྗེའི་རྟ་སྐད་བཏོན་པས་གང་འདོད་ཀྱི་ཡུལ་དུ་སྨན་གྱི་ནགས་ཚལ་དང་ལྡུམ་ར་དང་། སྐྱེད་མོས་ཚལ་དང་། ཁང་བརྩེགས་དང་། ཚོང་ཁང་གི་ཕྲེང་བ་དང་། གཙུག་ལག་ཁང་གསུང་རབ་ཀྱིས་ཕྱུག་པ་དང་རིན་པོ་ཆེའི་འབྱུང་ཁུངས་སོགས་བཟང་ལ་རྒྱ་ཆེ་བའི་གནས་མང་པོ་བྱུང་བར་བལྟ་བའང་འཐད་དེ།

― TN03_Page_0771 ―

^{[མ་དཔེ་གཟིགས་ན་འདིར་གནོན།]}

(༥༥༠)མདོར་ན་རྟ་སྐད་དེ་ནི་ཀུན་ཏུ་བཟང་པོའི་བུམ་བཟང་དུ་ཤེས་པར་བྱའོ། ༈ །ལྐོག་གྱུར་མཐོང་བའི་ལས་སྦྱོར་ནི། །ཛབ་དགོངས་དང་པོའི་ཐུགས་ཀྱི་དངོས་གྲུབ་སྡུད་སྐབས། །མངོན་ཤེས་ཐོགས་མེད་ཀྱི་དངོས་གྲུབ་བསྡུ་དམིགས་རྩལ་དུ་བཏོན་པས་རབ་མངོན་ཤེས། ཐ་མ་འདོད་དོན་ལ་མི་འཁྲུལ་བའི་རྨི་ལམ་ཁྱད་པར་ཅན་འབྱུང་ངོ། །འདི་དང་གཏོར་ཟློག་སོགས་ཀྱི་ཡིད་ཉམས་གསལ་བ་དང་དཔའ་ངར་སོགས་གང་སྐྱེ་བ་ལ་ཡང་འཁུ་འཁྲིགས་རེ་དོགས་སོགས་ཀྱི་བཅོས་མ་ཤོར་བའི་ཤེས་རིག་སོ་མའི་སྟེང་ནས་དེ་དང་དེ་ལ་དགོངས་པ་གཏོད་རྒྱུ་ཡིན་ནོ། ༈ །བདག་ལ་གཞན་གྱིས་བྱད་ཁ་བྱེད་པའི་རྨི་ལྟས་བྱུང་ན༔ ཞབས་གཡས་པའི་འོག་ཏུ་གནོད་བྱེད་ཀྱི་ས་བོན་བསམ༔ དགྲའི་རྣམ་ཤེས་བཀུག་ལ་སྦྲུལ་གྱིས་དཀྲིས་ལ་ཞབས་ཀྱིས་མནན་པར་བསམ་ནས་སྔགས་བཟླས་ན་ཕྱིར་ཟློག་ཟབ་མོ་ཡིན་ནོ༔ ཞེས་སྐྱེར་སྒང་ལུགས་ཀྱི་རྩ་གཞུང་དུ་གསུངས་སོ། ༈ །བྲོའི་ལས་ཚོགས་ལ། རབ་དགའི་སྤྱོད་པ་འདི་ནི་དབང་གི་ཕྲིན་ལས་ལ་ཁྱད་པར་དུ་བསྔགས་ཏེ། འཇིག་རྟེན་ན་ཡང་བྲོ་གར་དང་གླུས་འགྲོ་བའི་ཡིད་འཕྲོགས་པར་བྱེད་པས་དེ་དག་གར་ཡོད་ན་ལྟད་མོ་བའི་སྐྱེ་བོ་མེ་ཏོག་ལ་བུང་བ་བཞིན་དུ་དགའ་ནས་འདུ་བ་ལྟར། དབང་ཆེན་ཡང་གསང་གི་བྲོ་ཆོག་

― TN03_Page_0772 ―

^{[མ་དཔེ་གཟིགས་ན་འདིར་གནོན།]}

(༥༥༡)ལས། རྟ་བྲོ་འཁོར་གསུམ་མམ་སྐོར་གསུམ་གྱི། དང་པོས་སྟེང་ལྷ་ཁམས། གཉིས་པས་འོག་ཀླུ་ཁམས། གསུམ་པས་བར་གྱི་ལྷ་སྲིན་དབང་དུ་སྡུད་པར་བཤད་ཅིང་། གསང་རྫོགས་རྩ་རྒྱུད་ལས། གླུ་བྲོ་སྐོར་གཅིག་གི་གཟུགས་མེད་ཁམས། གཉིས་པས་གཟུགས་ཁམས། ཐ་མས་འདོད་ཁམས་ཟིལ་གྱིས་གནོན་པར་གསུངས་པ་དང་། །ཞབས་གཡས་ཐབས་ཀྱི་བྲོས་ཁྲོ་བོའི་ཚོགས་དང་། གཡོན་ཤེས་རབ་ཀྱི་བྲོས་ཁྲོ་མོའི་ཚོགས་དབང་དུ་སྡུད་པ་དང་། གཡས་གཡོན་ཐབས་ཤེས་ཀྱི་བྲོས་བདུད་དགྲ་དམ་སྲི་ཐལ་བར་རློག་ཅེས་གཙོ་བོ་ཆེ་མཆོག་གི་བྲོ་ལ་སྦྱར་ཏེ་བཤད་པའང་འདྲ་བར་སེམས། འདི་ཉིད་ལས་ཀྱང་། ས་གསུམ་མ་མོ་མཁའ་འགྲོ་རྣམས༔ དབང་མེད་འདུ་ཞིང་ཡིད་འཕྲོགས་པས༔ཞེས་སོ། །ས་པ་གྱིས། གང་ན་ཐོད་དང་སྐྲ་གསར་དང་། །གར་དང་རོལ་མོའི་སྒྲ་ཡོད་པ། །དེ་ན་མྱ་ངན་ཡོད་མིན་པས། །དེས་ན་རོལ་མོ་བསྔགས་པ་ཡིན། །ཞེས་གསུངས་ཤིང་། རོལ་མོ་གཉིས་ལས་དེར་ལྷན་སྐྱེས་རོལ་མོ་ཞེས་དབྱངས་ལ་སྦྱར་བ་ལྟར། གླུ་གར་འདི་མྱ་ངན་མེད་པའི་བདེ་བའི་རྟེན་འབྲེལ་དུ་བསྔགས་པས་བྱུར་དང་མི་ཤེས་པ་སྦྱོང་བ་དང་བཀྲ་ཤིས་སྤེལ་བ་ལའང་ཟབ། ༈ །རྟ་མཆོག་རོལ་པའི་ཏནྡྲ་ལས། བྲོ་ནི་བརྟུལ་ཞུགས་ཆེན་པོ་སྟེ། །ཞེས་སོ། །ལྷའི་ང་རྒྱལ་དང་། དངོས་སམ་མོས་ངོའི་བདེ་སྟོང་གི་ངང་ནས་གང་སྣང་

― TN03_Page_0773 ―

^{[མ་དཔེ་གཟིགས་ན་འདིར་གནོན།]}

(༥༥༢)ལ་ཐོག་བརྫིས་སམ་བརྟུལ་ཞུགས་བྱས་པས། རྦབ་དང་། གཡངས་དང་། ས་གཡོ་དང་། ཤྭ་འུད་སོགས་ཆུ་བོའི་འཇིགས་པ་དང་། ཐོག་དང་། སེར་བ་དང་། སད་དང་། རླུང་དང་། མེ་དང་། མཚོན་ཆ་དང་། གཅན་ཟན་དང་། གཡུལ་གྱི་སྟོབས་དང་དཔའ་བ་དང་། ཆོམ་རྐུན་དང་། ཕྱོགས་ངན་དང་། ལོ་ཟླ་ཞག་དུས་དང་གཟའ་སྐར་དུས་སྦྱོར་ངན་པ་དང་། སྲི་ཀེགས་དང་། བྱད་ཕུར་རྦོད་གཏོང་དང་། གདོན་བགེགས་མ་རུངས་པ་དང་། ནད་ཡམས་དང་། ལྟས་དང་རྨི་ལམ་ངན་པ་དང་། གནས་དང་རྫས་དང་འཁོར་མི་ཤིས་པ་དང་། གྲིབ་དང་། གྱོད་དང་། གྲགས་པ་ངན་པ་དང་། ཆེར་རློམ་གྱི་ཁེངས་དྲེགས་གཟིག་བརྗིད་དང་། ཕས་རྒོལ་གྱི་སྤོབས་པ་དང་། གྲོས་ངན་དང་། ཀླུ་རིགས་བཞིའི་དུག་སོགས་དུག་རིགས་སོགས་ཕམ་པར་བྱ་བའི་དངོས་པོ་གང་དང་གང་ཡིན་ཡང་ཤིན་ཏུ་གཤེར་བའི་འཇིམ་པ་ལ་སྟོབས་ལྡན་གྱི་རྐང་པས་བརྫིས་པ་ལྟར་བྱེད་དེ། རྣལ་འབྱོར་པའི་ནུས་པའི་བྱེ་བྲག་གིས་རིམ་པ་མང་པོ་ཡོད་དོ། །དེར་མ་ཟད་བར་ཆད་ཀྱི་རུ་འདྲེན་ལ་བརྟུལ་ཞུགས་བཏང་བས་དེ་དག་ཉིད་དངོས་གྲུབ་ཀྱི་གྲོགས་སུ་འགྱུར་བའང་ཡོད་དེ། རྟ་མཆོག་རོལ་པའི་ཏནྡྲ་ལས། སྒྲུབ་པའི་དུས་དང་རྣལ་འབྱོར་པའི་དྲོད་ཉུལ་བའི་ཕྱིར། དང་པོར་ཀླུའི་བུ་མོ་མཛེས་

― TN03_Page_0774 ―

^{[མ་དཔེ་གཟིགས་ན་འདིར་གནོན།]}

(༥༥༣)ཤིང་རྒྱན་གྱིས་བརྒྱན་པ་དང་། ཕྲ་མེན་མ་མི་སྡུག་ཅིང་འབྲུ་ཚུགས་སུ་ལྟ་བ་མི་ཐོད་མང་པོས་བརྒྱན་ཅིང་སོད་ཆོད་ཀྱི་སྒྲ་འབྱིན་པ་དང་། བར་དུ་གནོད་སྦྱིན་རལ་པ་འབར་ཞིང་མིའི་རྒྱུ་མ་དང་མགོ་དང་སྦྲུལ་ནག་གིས་ནག་གིས་སྤྲས་པ་དྲག་པོའི་ང་རོ་ཅན་དུ་མ་དང་། དེའི་འོག་ཏུ་བར་སྣང་གི་ལྷ་དྲག་ཤུལ་ཅན་འཇིགས་ཤིང་མི་བཟད་པའི་ང་རོ་འདོན་པ། ཁ་ནས་སྦྲུལ་དང་མེ་དང་དུག་སྐྱུག་པ། མིག་ཉི་མ་ལྟར་འབར་བར་བསྒྱུར་ནས་ལྟ་བ་དང་། རང་གི་ཁོག་པ་ཕྱེ་བའི་ནང་ནས་མི་རོ་མང་པོ་སྟོན་ཅིང་། རྐང་པ་ཕུར་བུར་བསྒྱུར་ཞིང་ལག་ན་རྡོ་རྗེ་སོགས་ཐོགས་ནས་བདག་ལ་འདེབས་པར་བྱེད་པའི་ཚོགས་ལྷགས་ཏེ། དེ་དག་ཀུན་ལ་ཆགས་པ་དང་འཇིགས་པ་མེད་པར་ལྷའི་ཏིང་ངེ་འཛིན་དང་ལྟ་བས་ཟིལ་གྱིས་མནན་ན་མཐུ་བོ་ཆེའི་འཁོར་དེ་རྣམས་ཀྱི་བདག་པོར་འགྱུར་བར་གསུངས་པ་དང་། གསང་རྫོགས་དམ་སྲི་འདུལ་ཐབས་ལས་དམ་སྲི་བྱ་མཆུ་མ་ལེགས་པར་ཐུལ་ན་དྲག་པོ་མཐུའི་སྣ་ཁྲིད་དང་། ནོར་གྱི་ལྷ་མོ་ཆེན་མོར་འགྱུར་བར་གསུངས་པས་མཚོན་ནོ། ༈ །བྲོ་མནན་སྐབས། རྟ་བྲོས་ས་ལ་སྣ་ཚོགས་རྡོ་རྗེ་འབྲི་བ་སོགས་བཤད་པས། སྤྱན་མའི་མཁའ་དབྱིངས་རྡོ་རྗེར་བྱིན་གྱིས་བརླབས་པའང་ཡིན་ཏེ། ས་ཆོག་གི་སྐབས་གར་གྱིས་ས་གཞི་རྡོ་རྗེའི་རང་བཞིན་དུ་རློབ་པར་

― TN03_Page_0775 ―

^{[མ་དཔེ་གཟིགས་ན་འདིར་གནོན།]}

(༥༥༤)གསུངས་པ་དང་ཕྱོགས་འདྲ། དོན་དུ་དགྲ་བགེགས་རྡོ་རྗེའི་སྒྲོམ་དུ་བཅུག་པ་ཞེས་པར་འགྱུར། ཚུལ་དེས་ས་གཡོ་གནོན་པ་ལའང་ལྷག་པར་བསྔགས་སམ་སྙམ། ༈ བརྟགས་གཉིས་ལས། གླུ་གར་གྱིས་ཚོགས་སྲུང་ཞིང་། བདག་ཉིད་ཀྱང་སྲུང་ཞེས་གསུངས་པའི་རིགས་པས་རང་དང་འཁོར་སྲུང་བ་ལའང་ཟབ་པར་སྣང་། ༈ ནུས་པ་ཐོབ་པས་ནི་ཚོགས་སྤྱོད་དང་འབྲེལ་བར། དཀྱིལ་འཁོར་གྱི་འཁོར་ལོའི་རྣལ་འབྱོར་ལ་གནས་ཏེ་བྲོ་གར་གྱི་འདུ་འཕྲོ་ལས་འོད་ཟེར་སྣ་ཚོགས་འཕྲོས་པས་སངས་རྒྱས་ཀྱི་མཛད་པ་བསྒྲུབ། སླར་འདུས་པས་དཀྱིལ་འཁོར་གྱི་འཁོར་ལོ་འོད་གསལ་བར་བྱས་ཏེ་དབྱིངས་སུ་བཅུག །སླར་ཡང་སྙིང་རྗེའི་དབང་གིས་རིམ་གྱིས་སམ་ལྷག་པར་མོས་པས་ལྷར་ལངས་ཏེ། བྲོ་གར་གྱི་སྒོ་ནས་བསྒྲུབ་ན་དངོས་གྲུབ་ཆེན་པོ་འཐོབ་བོ། །ཡང་ས་གཞི་ཡི་གེ་སྒྱུ་འཕྲུལ་དུ་བསྒོམས་ཏེ། དེ་ལ་ལྷ་མ་ཡིན་གྱི་གནས་ལ་སོགས་པའི་ལམ་དུ་བརྟགས་ནས། བྲོ་གར་གྱིས་ཞུགས་ན་ས་འོག་གི་དངོས་གྲུབ་ཏུ་འགྱུར་རོ། །ནམ་མཁའ་ལ་ཡང་དེ་བཞིན་དུ་སྦྱར་བར་བྱ་སྟེ། ཚུལ་འདིས་ལྷ་དང་ཀླུའི་བུ་མོ་དགུག་པ་སོགས་ཀྱང་བྱེད་དོ། །ལྕེའི་པདྨ་ལ་ཧྲཱིཿཡིག་བསྒོམས་ཏེ། དེའི་འོད་ཟེར་གྱིས་འགྲོ་བ་རྣམས་ལ་སོ་སོའི་སྐད་དུ་ཆོས་སྒྲོགས་པ་

― TN03_Page_0776 ―

^{[མ་དཔེ་གཟིགས་ན་འདིར་གནོན།]}

(༥༥༥)པ་དང་། བདུད་དང་མུ་སྟེགས་ཟིལ་གྱིས་གནོན་པ་ལ་སོགས་པ་སངས་རྒྱས་ཀྱི་མཛད་པ་བསྒྲུབས་ཤིང་། སླར་སངས་རྒྱས་རྣམས་ཀྱི་གསུང་གི་ཚོགས་བསྡུས་ཏེ་ལྕེ་ལ་ཐིམ་པར་བསྒོམས་ནས་གླུ་བླང་བ་ལ་བརྩོན་ན་ཆོས་སྨྲ་བ་ལ་དབང་ཐོབ་པའི་དངོས་གྲུབ་འཐོབ་པ་ནི། གླུ་ཚིག་སྒྲ་ཡི་ཕྱག་རྒྱ་ཡིས། །ཆོས་ཀྱི་དངོས་གྲུབ་ཐོབ་པར་འགྱུར། །ཞེས་གསུངས། འདི་ནི་རྗེ་རོང་ཟོམ་པའི་རྒྱུད་འགྲེལ་ལས་བཤད་དོ། །བྲོ་གར་གྱི་འགྲོས་ཀྱིས་ས་དང་ནམ་མཁའ་ཐོགས་མེད་དུ་གཅོད་པ་འདི་ནི་རལ་གྲིའི་དངོས་གྲུབ་དང་བྱེད་ལས་མཉམ་པ་ཞིག་སྣང་ངོ་། ༈ །རྟ་བྲོ་སྟོན་པའི་རྟ་རྒྱུད་དུ། ངན་སོང་གནས་འཇོམས་ཀྱི་བྲོ་ཞེས་མང་དུ་གསུངས་ཤིང་། རྟ་མཆོག་རོལ་པའི་ཏནྡྲའི་ལེའུ་བརྒྱ་རེ་གཉིས་པར། འཁོར་བ་རུ་ནས་བཟློག་པའི་བྲོ། །ངན་སོང་གནས་ནས་འཇོམས་པར་མཛད། །ཅེས་གསུངས་ཏེ། སྡུག་བསྔལ་ཐུ་ཤོས། རིགས་དྲུག་གི་རུ་སྟེ་དང་པོའི་སྣ་ལ་བགྲེང་རྒྱུ་ནི་ས་འོག་ངན་སོང་གི་འཇིག་རྟེན་ཡིན་ཏེ། དེ་ལ་བདེ་ཆེན་གྱི་སྤྱོད་པ་འདིས་བསྣུན་པས་གཏིང་སྤྲུགས་པར་བྱེད་པར་བསྟན་ནོ། །ཟུར་འཁོད། ཐུགས་རྗེའི་རྟ་སྐད་རིགས་དྲུག་འདུལ། སོགས་དང་། ཐེག་པ་རིམ་པར་བགྲོད་པའི་རྟ་སྐད་ཀྱང་། དོན་དུ། འདིར་ཤོག་

― TN03_Page_0777 ―

^{[མ་དཔེ་གཟིགས་ན་འདིར་གནོན།]}

(༥༥༦)དང་ངས་ཁྱེད་ཆོས་དབྱིངས་སྒྲིབ་པ་མེད་པའི་གྲོང་ཁྱེར་དུ་སྒྲོལ་ལོ་ཞེས་ལུས་ཅན་རྣམས་འབོད་ཅིང་སྐུལ་བར་འགྲོ་བས། ནུས་པ་ཐོབ་པས་ནི་ངན་སོང་བའི་སེམས་ཅན་ལ་དམིགས་ནས་གླུ་བྲོ་བྱས་ན་གནས་ལུང་ཁྱད་པར་ཅན་དུ་འགྲོ་བར་གསལ་ལོ། ༈ །རྟ་སྐད་ཀྱིས་དབང་དྲག་རོལ་པའི་ལས་བྱེད་ཚུལ་ནི་རྫོགས་ལྡན་འཛིན་མ་དབང་བྱེད་ཀྱི་འཁོར་ལོའི་སྐོར་དུ་ལྟའོ། ༈ །བླ་མ་ཞི་བའི་གཞུང་དུ། རབ་གནས་སྲེག་བླུགས་སྐོང་ལ་སོགས༔ ཞེས་གསུངས་པའི་རབ་གནས་ནི་དཀྱུས་སུ་མི་གསལ་བས། སྐྱབས་རྗེས་སྤྱི་ལ་སྦྱོར་རྒྱུར་མཛད་པའི་དགེ་ལེགས་ཆར་འབེབས་བཞིན་བྱ་སྟེ། དེར་ཆོས་དང་ཟང་ཟིང་གི་འབྱོར་པ་རྒྱས་པའི་ཕྱིར་གཙུག་ལག་ཁང་དང་། མཚོ་རྫིང་ལུ་མ་འབབ་ཆུ་སོགས་ཕུན་སུམ་ཚོགས་པར་བྱ་བ་དང་སྐྱེད་ཚལ་དང་རི་དང་དེའུ་དང་ནགས་ལ་སོགས་པ་གཟི་བརྗིད་སྤོར་བ་དང་བཀྲ་ཤིས་ཤིང་ཡུན་དུ་གནས་པའི་ཕྱིར་དེ་དང་དེ་དག་དང་། ས་བཅུད་གསོ་བའི་དོན་དུ་གཏེར་བུམ་དང་། ཡུལ་གྱི་བཀྲ་མི་ཤིས་པ་ཞི་བའི་ཆེད་དུ་དྲིལ་བུ་དང་། གཡུལ་གྱི་ནང་དུ་བརྡུང་བྱའི་རྔ་བོ་ཆེ་དང་། དགེ་འདུན་བསྡུ་བའི་དོན་དུ་དུང་དང་། ནད་མཚོན་གདོན་དུག་སྲུང་བའི་དོན་དུ་སྔགས་མདུད་ལྷག་པར་གནས་པར་བྱ་བ་སོགས་འདི་གཅིག་པུས་ཀྱང་དགོས་པ་མང་པོ་བྱར་

― TN03_Page_0778 ―

^{[མ་དཔེ་གཟིགས་ན་འདིར་གནོན།]}

(༥༥༧)ཡོད་དོ། །གནས་བྱ་གང་ལ་རིགས་གང་གིས་རབ་ཏུ་གནས་པ་ནི། རྗེ་དང་མཆོག་གླིང་ཐུན་མོང་གི་ཟབ་གཏེར་མཉམ་སྦྱོར་རབ་གནས་རིན་དྲ་ལྟར་རམ། གཏེར་བདག་གླིང་པ་སོགས་ཀྱིས་སྤྱིའི་ཆོ་ག་ཕྲེང་བ་ལྟར་མཛད་པས་ཡང་ན་དེ་ལྟར་བྱའོ། ༈ །སྦྱིན་སྲེག་མདོར་བསྡུས་ནི་ཕག་མོའི་གཞུང་ལྟར་བྱ་ལ། རྒྱས་པར་སྤྲོ་ན་ཚར་ཆེན་གྱི་ཡང་གསང་སྦྱིན་སྲེག་ལྟ་བུ་ལ་གཞི་བྱས་ནས་བརྩམ་དུ་རུང་སྟེ། རཏྣ་གླིང་པས་རང་གི་རྟ་གསང་ལ་ཡང་གསང་དང་གསང་སྒྲུབ་ཀྱི་ཆོ་ག་ལས་ཁ་བསྐངས་པ་དང་། གསང་སྒྲུབ་མཁན་པོ་མཁས་པ་དུ་མས་ཡང་གསང་དང་གསང་འདུས་ཀྱི་ཚོགས་མཆོད་དང་གཏོར་བཟློག་སོགས་ནས་གསང་སྒྲུབ་ལ་མང་དུ་སྦྱར་བ་བཞིན་ཏེ། དེ་འདྲ་མང་ངོ་། སློབ་མ་ལྟ་གོན་སྒྱུ་འཕྲུལ་ལས་ལེན་པར་གསུངས་པའི་རིགས་པས། སྒྱུ་དྲའི་སྦྱིན་སྲེག་སྦྱར་ནའང་འབྲེལ་ཆེའོ། ༈ །སྐོང་བཤགས་ནི་རྡོ་རྗེ་ཕག་མོའི་སྒྲུབ་གཞུང་ལྟར་བྱའོ། ༈ །རྟ་སྐད་ཀྱིས་གྲུབ་ཆེན་བརྒྱད་ཀྱང་དབང་དུ་བྱེད་པར་ཟུར་འཁོད་ཀྱིས་ཤེས། དེ་སྒྲུབ་ལུགས་ལ་འདིར་ནི། ཕྲིན་ལས་བཞི་དང་གྲུབ་པ་བརྒྱད༔ ཅེས་དངོས་གྲུབ་གསོལ་ཚིག་ཏུ་འབྱུང་བ་ལས་གཞན་མི་གསལ་ཡང་། དབང་པོ་སྐལ་བའི་ཁྱད་པར་བཞིན༔ དམན་

― TN03_Page_0779 ―

^{[མ་དཔེ་གཟིགས་ན་འདིར་གནོན།]}

(༥༥༨)འབྲིང་མཆོག་གི་དངོས་གྲུབ་འཐོབ༔ འདི་ལ་དཔྱད་ཚུལ་འདི་ལས་ཞིབ་པ་གཅིག་ཟུར་དུ་བྲིས་ཡོད། །ཅེས་དངོས་གྲུབ་འབྲིང་པོ་སྐབས་འདིའི་དངོས་གྲུབ་ལེན་ཆོག་དུས་འཐོབ་པ་ཞིག་ཀྱང་བཤད་དོ། །མཆོག་གི་དངོས་གྲུབ་དེར་འཐོབ་པ་ནི་གཞན་ལས། མཆོག་ལ་དགོངས་པ་གཡོ་འགུལ་མེད༔ ཅེས་པ་ལྟར་བཏགས་པ་བཙམ་ལ་དགོངས་པར་མངོན། རྒྱུད་སྡེ་དུ་མར་བསྐྱེད་རིམ་པས་མཁའ་སྤྱོད་སོགས་འགྲུབ་པ་ལ། བསྐྱེད་རིམ་རགས་པ་ཙམ་མཐར་ཕྱིན་པའི་སྔགས་པས་ནི། རྫས་དང་སྲེག་བླུགས་སོགས་མང་པོ་ལ་བརྟེན་དགོས་པར་གསུངས་པ་ཡོད་དེ། རང་ཉིད་ཀྱིས་ནུས་པ་ཁྱད་པར་ཅན་རྙེད་པའི་སྒོ་ནས་དེ་དག་སྒྲུབ་པ་ལ་དགོངས་སོ། །དེ་དག་གཞན་སྟོབས་ལ་བརྟེན་ནས་འགྲུབ་པ་ལ་ནི་དེ་ཙམ་མི་དགོས་ཏེ། མཛོད་ལས། རྫུ་འཕྲུལ་གཞན་བརྟེན་མ་གཏོགས་པ། །དེ་དག་གོང་མཐོང་བ་མེད། །ཅེས་ཚུལ་གཉིས་བཤད་པ་ལྟ་བུའོ། །རང་ཉིད་ཀྱིས་ནུས་པ་སྔ་མ་ལྟ་བུ་མ་རྙེད་པར་གཞན་སྟོབས་ཀྱིས་དངོས་གྲུབ་ཆེན་པོ་ལ་སྤྱོད་མི་སྲིད་པ་མིན་པ་ནི། ཕྱག་རྡོར་དབང་བསྐུར་ལས། ཞིང་པ་དང་། འཁོར་སྒྱུར་དང་། དབང་ཕྱུག་ཆེན་པོའི་དཔེ་གསུངས་པ་བཞིན་ནོ། །ཀློང་སྙིང་ཡུམ་ཀར། མཁའ་སྤྱོད་ལ་སོགས་ཡོན་ཏན་བརྒྱད༔དངོས་སུ་གྲུབ་ཅིང་། ཞེས་དང་།

― TN03_Page_0780 ―

^{[མ་དཔེ་གཟིགས་ན་འདིར་གནོན།]}

(༥༥༩)ན་རོ་མཁའ་སྤྱོད་མའི་མཁའ་སྤྱོད་སྒྲུབ་ཚུལ་སོགས་ཀྱང་གཞན་སྟོབས་ལ་བརྟེན་པ་འདིར་སྣང་ངོ་། །དེས་ན་ལྷ་སྔགས་ཀྱི་ནུས་པ་ཆེར་སྐྱེས་པའི་མཚམས་ཤིག་ནས་ཡི་དམ་དངོས་ལ་དངོས་གྲུབ་ལེན་ཆོག་གི་བསླང་བ་ཙམ་གྱིས་མཁའ་སྤྱོད་དང་། མི་སྣང་བ་དང་། འཆི་མེད་ལ་སོགས་པ་འཐོབ་པ་ཞིག་ཀྱང་ཡོད་པར་མངོན་པས། གཞུང་འདིར་བསྟན་ཚོད་ནི་དེ་ལ་བྱའོ། ༈ །ལྷན་སྐྱེས་ཀྱི་རྣལ་འབྱོར་ཡོད་ན་ལས་བཞིའི་དངོས་གྲུབ་སྒྲུབ་པ་ལའང་ཁྱད་ཆེ་བ་ནི་སྒྱུ་འཕྲུལ་མཁན་པོ་རྣམས་ལ་ཡང་མ་གྲགས་པ་མིན་ཏེ། ལྗོན་པ་དང་ནི་ལྕུགས་ཕྲན་ཚལ། །སོགས་ཀྱི་ངེས་དོན་ལས་བཞིའི་གཟུངས་མ་ལ་བཞེད་པས་ཤེས་སོ། །ཐུན་མོང་གི་གྲུབ་པ་ཆེན་པོ་སྒྲུབ་ན་ཚོགས་སྤྱོད་སྔོན་དུ་གཏོང་བ་ཡང་དེ་དག་ལ་གྲགས་པ་ཡིན་ཏེ། བསྐྱེད་རིམ་པའི་ཚོམ་བུ་ཚོགས་སྒྲུབ་ཟླ་དྲུག་སོགས་བྱས་པའི་མཐར་འདོད་གཟུགས་ཀྱི་རིག་འཛིན་འགྲུབ་པའི་རྣམ་བཞག་གསུངས་པ་དེ་ཡིན་པའི་ཕྱིར། ༈ །དམ་པ་རྒྱན་ལས། གདུག་པ་སྲིད་གསུམ་འདུལ་བ་ཡི། །ང་རྒྱལ་ཆེན་པོ་བསྟན་པའི་ཕྱིར། །སྒྱུ་འཕྲུལ་དྲྭ་བའི་ཏིང་འཛིན་སྒོམ། །ཞེས་པ་ལྟར། དེ་བཞིན་གཤེགས་པའི་སྐུའི་དངོས་པོ་ཤིན་ཏུ་བསྒྱུར་ནས་ཁྲོ་བོར་མཛད་པའི་སྒོས་མཛད་ནི་བདུད་སྡེའི་དཀྱིལ་འཁོར་

― TN03_Page_0781 ―

^{[མ་དཔེ་གཟིགས་ན་འདིར་གནོན།]}

(༥༦༠)བརླག་པར་བྱེད་པ་དེ་ཡིན་པས། གསང་འདུས་ལེའུར། ཁྲོ་བོ་ཞེ་སྡང་གནས་ལས་སྐྱེས། །གསོད་ལ་རྟག་ཏུ་བརྩོན་པ་དག །གྲུབ་པ་མཆོག་གི་ཆོས་ཅན་ལ། །གསོད་པའི་དོན་གྱིས་གྲུབ་པར་འགྱུར། །ཞེས་གསུངས་ཏེ། གྲུབ་པར་འགྱུར། ཞེས་པ་ནི་འགྲུབ་པར་འགྱུར་ཞེས་པ་མིན་གྱི། དངོས་གྲུབ་ཏུ་འགྱུར། ཞེས་པའོ། །ཤིན་ཏུ་ཆེར་ཁྲོས་ཀྱི་ཧེ་རུ་ཀ་འདི་ལྟ་བུའི་ལས་སྦྱོར་ལ་དྲག་པོའི་ཕྲིན་ལས་གཙོ་ཆེ་སྟེ། རྒྱུད་ཀྱི་བཅུ་བདུན་པར། །སྨུག་ནག་སྔོ་ནག་སེར་ནག །སོགས་ལ་སོ་སོའི་རིགས་མི་འགྱུར་བས་ན་སྔོ་སེར་དམར་པོ་སོགས་སོ་སོ་དང་། དྲག་པོའི་ལས་གཙོ་བོར་མཛད་པས་ཐམས་ཅད་ལ་ནག་པོ་འབྲེལ་བར་བཤད་པ་ལྟ་བུ་དང་། སྒྲུབ་ཆེན་བཀའ་བརྒྱད་ལས་ཀྱང་དྲག་པོའི་གཟེར་ཁ་ཁོ་ན་ལས་སྦྱོར་ཐམས་ཅད་ཀྱི་རྩ་བར་གསུངས་སོ། །དེ་ནི་ཛབ་ཏུ་ཡང་འབྱུང་ལ། ཟུར་དུ་སྒྲུབ་ལུགས་ནི། གཏོར་ཟློག་གུར་དྲག་ནས་སྦྱོར་བར་གསུངས་པ་དེ་དང་། མནན་པ་དཀྱུས་བཤད་དང་། སྲེག་དོན་དུ་དབང་ཆོག་ན་ཧོམ་མཆོད་ཀྱི་ལས་རིམ་ཤོ་ལོ་ཀ་གཅིག་བཞུགས་པ་དེ་ལ་རྩ་ཐོ་བྱས་ན་སྨིན་གླིང་དྲག་མར་སོགས་ཀྱི་ཧོམ་ཆོག་དང་། སྒྱུ་འཕྲུལ་ལུགས་ཀུན་དང་ཤིན་ཏུ་མཐུན་ནོ། པ་ཟུར་ཐོ་ལྟར་ཏེ་འདི་རྣམས་ཡིན་ནོ། །དེ་ལས་གཏོར་ཟློག་ནི་བར་ཆད་ཀྱི་དམག་དཔུང་ལ་རྡོ་རྗེའི་སྒྱོགས་གྲུབ་ཐོབ་བཀའ་བརྒྱད་དུ། །དྲག་སྔགས་བུར་ཞིང་སྒྱོགས་སུ་འཕང་༔ ཞེས་སོ། འཕང་བའི་ཆོ་ག་སྟེ། བརྒྱ་བྱིན་གཡུལ་ངོར་

― TN03_Page_0782 ―

^{[མ་དཔེ་གཟིགས་ན་འདིར་གནོན།]}

(༥༦༡)འཇུག་པ་ན་དམ་བཅའ་གསུམ་ལྡན་གྱི་རྡོ་རྗེ་འཕེན་པའི་དོད་ཡིན་པས། དབང་ཆེན་གྱི་རྒྱལ་ཐབས་བཟུང་ནས་རྒྱལ་བའི་བསྟན་པ་སྲུང་ན་འགལ་ཟླ་ལྷ་མིན་གྱི་སྡེ་དང་གཡུལ་འགྱེད་པའི་མན་ངག་འདི་གཅེས་པའི་མཐར་ཐུག་མཚོན་ཆའི་ནོར་བུ་ཡིན་ནོ། །གཤིན་རྗེ་དྲེགས་འཇོམས་ལས་ཟློག་པའི་མན་ངག་གིས་སྲེད་མེད་བུའི་སྟོབས་ཀྱང་ཇོམས་ནུས་པར་གསུངས་པ་ལྟར། །གཤིན་རྗེའི་བེ་ཅོན་དང་། དྲང་སྲོང་གི་དམོད་པ། ལྷ་མ་ཡིན་གྱི་སྒྱུ་ཐབས་སོགས་གདུག་རྩུབ་ངར་ཤུགས་སེར་སྤྲིན་ཁོལ་མ་ལྟ་བུ་རྣམས་ཀྱང་སོས་ཀའི་ཐན་སྤྲིན་ལྟར་བྱེད་དོ། །དེའང་སོག་སྦུར་བྱེ་བ་ཐེར་འབུམ་གྱི་གདོང་དུ་འདུག་མཁན་ལ་འཐོར་རླུང་དྲག་པོའི་འཁྲུལ་འཁོར་གཅིག་ཁོ་ནས་ཆོག་པ་ལྟར། ནད་རིམས། མཛེ་གདོན། སྨྱོ་འདྲེ་སོགས་གདོན་རྒོད། འཆི་བདག་གི་སུན་མ། ཀླ་ཀློའི་སྲུང་མ་སོགས་ནག་ཕྱོགས་ཀྱི་ཉུལ་མ། སྡེ་བརྒྱད་འཁྲུགས་པའི་དམག་དཔུང་། དགྲ་ཇག །དམག་སྡེ། སད་སེར་བཙའ་འབུ་སོགས་ལོ་ཉེས། གཞན་ཡང་འབྱུང་བཞིའི་འཇིགས་པ། བྱད་ཁ་ཕུར་ཁ། གཏད་དང་འཁྲུལ་འཁོར། མཚོན་གཡང་སོགས་གྲི་རྒོད། དགྲ་དུར་ཕུང་གསུམ་སོགས་སྲི་རིགས། རྒྱལ་པོའི་ཆད་པ། འབངས་ཀྱི་གྲོས་

― TN03_Page_0783 ―

^{[མ་དཔེ་གཟིགས་ན་འདིར་གནོན།]}

(༥༦༢)ངན། གྱོད་དང་མི་ཁ་མི་ཁ་གླེང་གཞིའི་ནུས་པས་བསོད་ནམས་དང་ཚེ་སྲོག་གློ་བུར་དུ་འགྲིབ་ཅིང་བཀྲ་མི་ཤིས་པ་འདུ་བར་ཐུགས་སྒྲུབ་ཞལ་གདམས་སྙིང་བྱང་སོགས་ལས་གསུངས་བས་ལས་སྦྱོར་སྤུ་གྲི་དང་གཏོར་ཟློག་གིས་དེ་འདུལ་བ་གལ་ཆེ། བྲ་མཆུ། བསྟན་འགྲོའི་ལེགས་ཚོགས་སྒྲུབ་པ་ལ་གཉའ་མནན་ནས་རང་དགར་བྱེད་དུ་མི་སྟེར་བའི་གཞན་དབང་མང་པོ་སོགས་མཐའ་ཡས་པ་ཞིག་ལ་འདི་ཕོག་པ་ཙམ་གྱིས་ཆོག་པས། ནད་བདག་སྟོབས་འཇོམས་དང་། དམག་ཟློག་གཤིན་རྗེ་ཚོང་ཟློག སྲི་ཟློག །འགོང་པོ་བསྐྲད་པ། བྱད་ཟློག །དགྲ་རྐུན་འཆིང་བ། གྲི་འདུལ་སོགས་ཀྱི་གོ་ཐམས་ཅད་འདི་གཅིག་པུས་ཆོད་པར་ཤེས་ནས། དཔེ་མང་འཚོལ་བའི་ངལ་བ་བཞག་སྟེ་འདི་རལ་གྲི་ཕྱུངས་རྡེག་ཏུ་སྲེལ་བར་བྱའོ། །ཇག་ཆིངས་ལྟ་བུར། ལམ་དུ་འཇུག་གྲབ་བྱེད་དུས་ནས་དགྲ་ཇག་སོགས་འབྱུང་འགྱུར་ལ་དམིགས་ནས་གཏོར་ཟློག་བྱས་པས། ཕྱིས་རང་ཐད་དུ་རྩོལ་བ་གཞན་མི་དགོས་པར་རླུང་ནུབ་ཏུ་རྒྱུ་བ་ན་རྡུལ་ཤར་ཕྱོགས་སུ་འོང་མི་ནུས་པ་ལྟར་འགྱུར་བ་སྟེ། །དགྲ་ཕྱོགས་སུ་རྫས་གཏོར་བ་དང་མདུད་པའི་རྟེན་འབྲེལ་ལ་སོགས་པའི་ཇག་ཆིངས་རྣམས་ལས་ཀྱང་ཚན་ནི་འདི་ཆེ་ཞིང་། འདིར་ལས་རིམ་གཅིག་པོ་དེས་ནད་དང་དོན་ཉམས་སོགས་རེས་དེའི་ཉེར་འཚེ་མཐའ་དག་འཆིང་ནུས་ལ། ཇག་ཆིང་གཞན་ལ་དེ་མེད་པ་སོགས་ཤེས་

― TN03_Page_0784 ―

^{[མ་དཔེ་གཟིགས་ན་འདིར་གནོན།]}

(༥༦༣)པར་བྱའོ། །མནན་པ་སོགས་ལའང་ཟབ་གནད་དེ་བཞིན་ཡོད་དེ་ཟུར་ཐོའང་ཁྱད་འཕགས་ཡོད། ༈ རྟ་མཆོག་གི་རྒྱུད་དང་མན་ངག་ན་བཞུགས་པའི་ལས་ཚོགས་གཞན་ཡང་འདིར་སྦྱོར་ཞེས། གཞན་ཡང་ལས་ཚོགས་རབ་འབྱམས་རྣམས༔ སོགས་ཀྱིས་བསྟན་མོད། འོན་ཀྱང་འདིར་ནི་རང་གཞུང་གི་ཛབ་དགོངས་དང་བྲོ་ཆོག་སོགས་ལས་ཕྱོགས་མཐོང་ཟིན་སོ་ཆེ་བ་རྣམས་ཁོ་ན་གཞིར་བཟུང་སྟེ། རྩ་བའི་ཁུངས་རྣམས་ལ་ཡང་བལྟས་ནས་རིགས་པ་འཕྲུལ་ཚུལ་གྱི་སྒོ་ཙམ་བྲིས་ཤིང་། ཤངས་ལུགས་རིགས་མཐུན་གྱི་གཏེར་ཁ་ཡིན་པ་དེ་ནས་ཀྱང་ལེགས་པར་ཁ་བཀང་བའོ། ༈ །རྡོ་རྗེ་སྙིང་པོ་རྒྱན་གྱི་རྒྱུད་ཀྱི་རྟ་མགྲིན་སྒྲུབ་ཐབས་ལས། དེ་ཉིད་བཅོམ་ལྡན་རྣལ་འབྱོར་ཏེ། །རྡོ་རྗེ་སེམས་དཔའ་དེ་བཞིན་གཤེགས། །པདྨ་གར་གྱི་དབང་ཕྱུག་གྱུར། ། །རྟ་མགྲིན་ཞེས་སུ་བཤད་པ་ཡིན། །ཞེས་པ་ནས། པདྨའི་དབང་ཕྱུག་རྒྱལ་པོ་འདི། །ཀུན་མཆོག་ས་ཡི་དབང་ཕྱུག་སྟེ། །རྟ་ཡི་མགྲིན་པ་སྟོབས་པོ་ཆེ། །སྟོབས་ཀྱི་སྦྱོར་བས་བསྒྲུབ་པར་བྱ། །དབང་ཕྱུག་ཆེན་པོ་ལ་སོགས་ལྷ། །ཚོགས་ཀྱི་བདག་པོ་གཞན་དག་དང་། །མི་དང་གདུག་པའི་བསམ་པ་ཅན། །ས་རྣམས་ཐམས་ཅད་དགུག་པར་བྱ། །ཞེས་གསུངས་

― TN03_Page_0785 ―

^{[མ་དཔེ་གཟིགས་ན་འདིར་གནོན།]}

(༥༦༤)ཏེ། དྲེགས་པ་དང་། མ་རུང་བ་དང་། ས་ཐམས་ཅད་དབང་བྱེད་ལ་ལྷག་པར་བསྔགས་པའོ། ༈ །གླུ་གར་ཙམ་གྱིས་དངོས་གྲུབ་མང་པོ་བྱེད་པ་ནི་ངོ་མཚར་ཞིང་བསམ་མི་ཁྱབ་པ་སྟེ། ཀླུའི་རྒྱལ་པོ་རྣམས་དགའ་བའི་སེམས་གཟུགས་མེད་ལས་གཞན་འཕྲུལ་དབང་བྱེད་མན་ཆད་ཀྱི་ལྷ་དང་མིའི་གནས་ཐམས་ཅད་དུ་སྤྲིན་དང་གློག་དང་ཆར་དང་འབྲུག་སྒྲའི་རོལ་པ་སྣ་ཚོགས་ཤིང་ཚད་མེད་པ་གཟུགས་ཅན་འབྱུང་བ་བཞིན་ཏེ། འདིར་གྲུབ་པ་བཞིའང་དྲན་པར་བྱའོ།། ༈ །།སྤུ་གྲིའི་སྔགས་སྒྲུབ་ཀྱི་ཐད་དུ། ཐུགས་སྒྲུབ་ཞལ་གདམས་སྙིང་བྱང་ལས། །དངོས་གྲུབ་ཆེན་པོ་སྒྲུབ་པ་དང་། །གཞན་དོན་ལས་ལ་འཇུག་པ་སོགས། །གང་ལའང་སྲི་ཡིས་བར་གཅོད་ན། །རྣམ་པ་ཀུན་ཏུ་དོན་ཉམས་ཤིང་། །མི་མཐུན་ཁོ་ནའི་དབང་དུ་འགྲོ། །ཞེས་སོ། །ཡང་དེར། འགོང་པོ་འཁྲུགས་བྱེད་ལོ་ཉེས་གཏོང་། །མི་ནད་ནོར་ནད་ཆག་སྒོ་ངན། །ལྟས་ངན་དམ་ཉམས་དབྱེན་སྦྱོར་བྱེད། །བསེ་རག་བྱེད་དང་དགུ་པོ་ནི། །ཞེས་འཁྲུགས་བྱེད་ཀྱི་འགོང་པོ་སྤྱང་མགོ་རུ་དར་ཅན་སོགས་དགུ་སྟེ། མ་འོངས་བོད་ཁམས་མཐའ་དབུས་ཀུན། །འགོང་པོ་སྤུན་དགུས་དབང་བྱས་ཏེ། །དུས་འཁྲུགས་ནད་ཡམ་ལོ་ཉེས་གཏོང་། །ཀུན་ཀྱང་

― TN03_Page_0786 ―

^{[མ་དཔེ་གཟིགས་ན་འདིར་གནོན།]}

(༥༦༥)སྙིང་འཕྱོ་ཡིད་མི་དགའ། །སོགས་དང་། མ་འོངས་སྙིགས་མའི་དུས་ཀྱི་ཚེ། །མཐའ་བཞིའི་འགོང་པོས་བོད་ཁམས་ཁེངས། །དབུས་ཀྱི་དམ་སྲི་གློ་བུར་ལྡང་། །བར་ཆད་རླུང་ལྟར་འཚུབ་པའི་ཚེ། །ཚེ་དང་ནོར་དང་ཤེས་རབ་སོགས། །ཡོན་ཏན་ཕུན་སུམ་ཚོགས་གྱུར་ཀྱང་། །རླུང་དམར་དབུས་ཀྱི་མར་མེ་ལྟར། །འགལ་རྐྱེན་དུ་མས་གློ་བུར་གསོད། །ཚེ་ཐུང་ནོར་རྒུད་ཤེས་རབ་འགྲིབ། །བློ་སྣ་འགྱུར་ཞིང་མི་རུང་སྤྱོད། །ཅེས་ཏེ། །དེ་ལྟར་མཐའ་བཞིའི་འབྱུང་བཞིའི་འབྱུང་པོ་དང་། །དབུས་ཀྱི་དམ་སྲི་གློ་བུར་བསྡོང་། །བོད་ཁམས་ཆུ་ལྟར་འཁྲུགས་པའི་ཚེ། །ཞི་བའི་ཐབས་ཀྱིས་མི་འདུལ་བས། །ཞེས་མཐའ་དབུས་བསྡོང་བ་དང་། དེ་གདུལ་དཀའ་བར་བཤད། དེ་ལྟར་མཐའ་དབུས་ཀྱི་འབྱུང་པོ་བསྡེབ་པའི་དབང་གིས། མི་རྣམས་ཀྱང་མཐའ་དབུས་འདྲེས། ཆས་སྤྱོད་འགྱུར། གྲུབ་མཐའ་འཆོལ། བོད་ཁམས་སིལ་བུར་འཐོར། ལྷ་རྒྱུད་ཆད། སྔགས་རྒྱུད་ཉམས། ཆོས་སྲིད་གང་ཡང་རང་ཚུགས་ཤོར། བརྟན་པ་བྲལ་ཏེ། སྡུག་བསྔལ་གྱི་མཚོ་ཆེན་རྡོལ་བར་བཤད་དོ། །དཔལ་འདུས་སུའང་། མ་འོངས་ལྔ་བརྒྱ་ཐ་མའི་ཚེ༔ མཐའ་ཡི་རྒྱ་འདྲེ་འབྱུང་པོ་དང་༔

― TN03_Page_0787 ―

^{[མ་དཔེ་གཟིགས་ན་འདིར་གནོན།]}

(༥༦༦)དབུས་ཀྱི་དམ་སྲི་གློ་བུར་བསྡོངསཿ ཆོས་པའི་སྙིང་ཞུགས་མི་དགེ་སྤྱོདཿ སྐྱེ་བའི་སྙིང་ཞུགས་སྡིག་རྒྱུན་སྤེལཿ རྨི་ལམ་བཙུན་པ་བྱ་སྤྲེལ་རྨིཿ བག་མི་ཕེབས་ཤིང་སྙིང་རླུང་ལྡང་ཿ ཞེས་དང་། མ་འོངས་བསྐལ་པའི་ཐ་མལཿ སྔགས་ལ་སྤྱོད་ཅིང་དམ་ཚིག་བྲལཿ དེ་དག་འགོང་པོའི་དབང་གྱུར་ཏེཿ བྱ་རུ་མི་རུང་སྣ་དགུ་སྤྱོདཿ དེ་ཡི་རྒྱུ་འབྲས་འཇོམས་པ་ལཿ གཉེན་པོ་འདི་ལས་གཞན་དུ་མེདཿ ཅེས་བཤད་དེ། དེ་འདྲ་བ་ལ་སྟོང་ཉིད་སྙིང་རྗེ་ཁྲོས་པའི་ལྷ་སྔགས་འདི་ལྟ་བུ་ཞིག་དགོས་པ་ཡིན་ནོ། །མཐུ་ཆེན་གྱི་འབྱུང་པོ་གཅིག་ཙམ་བཏུལ་བ་ལའང་དགོས་པ་མང་དུ་འབྱུང་སྟེ། དབང་ཆེན་གྱི་མི་དཔོན་རེ་རེ་བཏུལ་བས་ཀྱང་ཡུལ་ཁམས་ཆེན་པོ་བདེ་སྐྱིད་ཆོས་གསུམ་ལ་སྦྱོར་ནུས་པ་བཞིན་ནོ། །རང་བྲག་ཕུག་ཏུ་ཡིབས་ཀྱང་གདུལ་དཀའི་འགྲོ་བ་རྒྱུན་མི་འཆད་དུ་འདུལ་བའི་ཐབས་ཤིག་འདི་ན་ཡོད་པས། ལྷག་བསམ་དང་སྙིང་སྟོབས་ཀྱི་དཔུང་བ་བརྟན་པར་བྱས་ཏེ། སྔགས་ཀྱི་རལ་གྲི་འདི་ཕྱུང་རྒྱག་ཆོག་པ་བྱའོ། །མཁའ་ཁྱབ་ཀྱི་འགྲོ་བ་རིས་མེད་ལ་སྙིང་རྗེ་ཆེན་པོའི་སྟོབས་བསྐྱེད་དེ། དེ་རྣམས་ཀྱི་ཕན་བདེའི་ཆེད་དུ། བདེ་ལེགས་ཐམས་ཅད་ཀྱི་འབྱུང་གནས་རྒྱལ་བསྟན་སྲུང་བ་དང་། བསྟན་དོན་

― TN03_Page_0788 ―

^{[མ་དཔེ་གཟིགས་ན་འདིར་གནོན།]}

(༥༦༧)བྱ་བར་གོ་བགོ །དེའང་ཆོས་ཀྱི་དབྱིངས་ཇི་སྲིད་པའི་ཡུལ་དུས་ཀུན་ཏུ། བསྟན་པ་མདོ་སྔགས་ཀྱི་ཆ་མཐའ་དག་དང་། སངས་རྒྱས་ཐམས་ཅད་ཀྱི་བསྟན་པའི་མཛོད་མ་ལུས་པ་དང་། སྙིགས་མ་ལྔ་དང་ལྡན་པའི་ཞིང་དུ་བྱུང་བའི་བསྟན་འཛིན་གྱི་སྡེ་དང་གང་ཟག་ཡོད་དགུ །སྲུང་བའི་རྟེན་སྐྱེ་བ་ཐུག་མེད་དུ། རྣམ་པའི་སྒོ་ཐམས་ཅད་ནས་སྲུང་ཞིང་རྒྱས་པར་བྱེད་ནུས་པའི་མཐུ་སྒྲུབ་བོ་སྙམ་དུ་སྙིང་སྟོབས་བསྐྱེད་ན། ཆོས་རྣམས་སྔོན་དུ་ཡིད་འགྲོ་ཞིང་། །ཡིད་གཙོ་ཡིད་ནི་མགྱོགས་པ་ཡིན། །ཞེས་བསམ་པའི་ཁྱད་འདི་དང་པོ་ས་བོན་དང་། བར་དུ་ཆུ། ཐ་མ་སྨིན་པ་དང་འདྲ་བས་སྟོབས་གཏན་ནས་མི་མཚུངས་པ་ནམ་མཁའ་དང་ཡུངས་འབྲུ་བཞིན་ནོ། །དམིགས་པ་རྒྱ་ཆེན་སྒྲུབ་པ་རྒྱ་ཆེ། དེ་ཆེན་འབྲས་བུ་རྒྱ་ཆེ་ཞེས་པ་དང་། ཉི་ཚེ་བ་ལས་ཉི་ཚེ་དང་། །མཐའ་དག་པ་ལས་མཐའ་དག་པའི། །འབྲས་བུ་འབྱུང་བར་གསུངས་པའི་ཕྱིར། །ཞེས་པ་འདི་རྐྱེན་ལྟོས་ཀྱི་རྟེན་འབྲེལ་སྨྲ་བའི་རྩ་བའི་གྲུབ་མཐའ་འོ། །སྟོན་པས་རྒྱལ་སྲས་རྒྱ་མཚོའི་དབུས་སུ་ཕྱག་རྡོར་ལ་རྡོ་རྗེ་གནང་སྟེ་མཐུ་སྟོབས་ཀྱི་བདག་པོར་དབང་སྐུར་དུས་ཀྱང་། དེ་བཞིན་གཤེགས་པ་རྣམས་ཀྱིས་ཁྱོད་ལ་བསྟན་པ་སྲུང་བ་དང་། བསྟན་པའི་དོན་

― TN03_Page_0789 ―

^{[མ་དཔེ་གཟིགས་ན་འདིར་གནོན།]}

(༥༦༨)བྱ་བར་གནང་ངོ་ཞེས་བསྟན་པ་གཏད་པས། སངས་རྒྱས་དགྱེས་པའི་ནུས་མཐུ་སྒྲུབ་ལུགས་མ་ནོར་བ་ནི་འདི་ལྟར་ཡིན་ངེས།། ༈ །།གུ་རུ་ཞི་བའི་རྒྱུའི་ས་བོན་དང་ཐུགས་སྲོག་ལ་ཧཱུཾ་དུ་བྱེད་པ་སོགས་ཀྱང་ཡོད་མོད། ཧྲཱི༔ཡིག་ལ་མཛད་པ་འདི་ནི་ཁྱད་པར་འཕགས་ཏེ། ཧྲཱིཿཤེར་ཕྱིན་པདྨའི་རིགས་ཀྱིས་བོན་དུ་བསྔགས་པ་ཐུགས་རྗེ་ཆེན་པོའི་ཟིན་ཐོ་ལྟར་དང་། ཤ་འུག་གཏེར་བྱོན་གར་དབང་ཚེ་སྒྲུབ་ཀྱི་ལོ་རྒྱུས་ལས། རྒྱ་གར་མཁས་པ་པདྨ་འབྱུང་གནས་ང་༔ གདུལ་བྱའི་མོས་ངོར་ཇི་སྙེད་སྤྲུལ་པའི་གར༔ ཆུ་ཟླའི་རོལ་པར་བསམ་མི་ཁྱབ་སྟོན་ཏེ༔ ངོ་བོ་མི་འགྱུར་ཀུན་བཟང་སྣང་མཐའ་ཡས༔ རྒྱལ་བ་རྒྱ་མཚོའི་ཁྱབ་བདག་སྤྱི་མེས་ཡིན༔ དེ་ཕྱིར་ང་བསྒྲུབ་སངས་རྒྱས་ཀུན་བསྒྲུབ་འགྱུར༔ ལྷ་གཞན་བསྒྲུབ་ཀྱང་ང་ཉིད་བསྒྲུབ་པ་སྟེ༔ བཟང་ངན་ཕྱོགས་རིས་འདི་ཞེས་དབྱེ་བ་མེད༔ འོན་ཀྱང་སྔོན་གྱི་སྨོན་ལམ་ཁྱད་པར་གྱིས༔ པདྨའི་རིགས་སུ་བསྒྲུབ་ན་དངོས་གྲུབ་མྱར༔ ཕྲིན་ལས་མཐའ་རྒྱས་གཞན་སྣང་དབང་དུ་སྡུད༔ འགལ་རྐྱེན་མི་འབྱུང་བྱང་ཆུབ་གོ་འཕང་ཉེ༔ ཞེས་གསུངས་པས་གུ་རུའི་རྒྱུ་མ་ནོར་བ་རྩ་བའི་སྔགས་སུ་པདྨའི་རིགས་ཀྱི་རྩ་བའི་ཡི་གེ་ཉིད་ཆེས་འཐད་པའི་ཕྱིར་རོ། །འོན་ཀྱང་འདིའི་གཙོ་བོ་འོད་གསལ་རྡོ་རྗེར་

― TN03_Page_0790 ―

^{[མ་དཔེ་གཟིགས་ན་འདིར་གནོན།]}

(༥༦༩)གསུངས་པ་ནི། རིགས་རེ་རེའང་རིགས་དྲུག་ཀའི་བདག་ཉིད་དང་། ཡེ་ཤེས་རེ་རེའང་ཡེ་ཤེས་དྲུག་ཀའི་ངོ་བོ་ཉིད་ཡིན་པ། །ཕྲེང་བ་ལས་རིགས་རེ་རེའང་ལྔ་ལྔའི་རང་བཞིན་དུ་བཤད་པ་ལྟ་བུ་སྟེ། དེ་ལས་འདིར་པདྨའི་རིགས་ལ་རིགས་དྲུག་ཏུ་ཕྱེ་བའི་རིགས་ཐམས་ཅད་བསྡུས་པའི་དཀྱིལ་འཁོར་གྱི་དབང་དུ་མཛད་པའོ། །ཧྲཱིཿཡིག་གི་བཤད་པ་གཞན་ཡང་ཚེ་སྒྲུབ་ཡེ་ཤེས་འོད་མཆོག་ལས། བཞི་པ་བསྙེན་པ་སྲོག་གི་བཟླས་པ་ནི༔ ཐུགས་ཀར་ཧྲཱིཿགསལ་ཧྲཱིཿཡིག་མང་དུ་བཟླས༔ དེ་བཞིན་གཤེགས་པ་ཀུན་གྱི་སྲོག་ཡིན་ནོ༔ ཧ་ནི་རླུང་ཡིན་ལོངས་སྐུ་ཀུན་གྱི་སྔགས༔ དེ་ཉིད་བཟླས་ན་རླུང་སེམས་གཉིས་མེད་གྲོལ༔ ར་ནི་སྤྲུལ་སྐུ་སྨིན་བྱེད་དེ་ཡིན་ཏེ༔ དེ་བཟླས་དྲོད་ཀྱི་ཡེ་ཤེས་སྐྱེ་བར་འགྱུར༔ ཨ་ནི་སྐྱེ་མེད་ཆོས་ཀྱི་སྐུ་ཡིན་ཏེ༔ ཨི་ནི་དོན་དམ་ངོ་བོ་ཉིད་དང་ལྡན༔ རྟོགས་ཤིང་བཟླས་པས་བདེ་སྟོང་མཆོག་ཏུ་འགྱུར༔ དེས་ན་བདེ་གཤེགས་ཡོངས་འདུས་སྔགས་འདི་བསྙེན༔ ཧྲཱིཿ ཞེས་རླུང་སེམས་ཐམས་ཅད་གཏུམ་མོའི་དབྱིངས་སུ་ཞུགས་པ་ལས་བདེ་སྟོང་ལྷན་སྐྱེས་ཀྱི་ཡེ་ཤེས་འཆར་ཞིང་། དེ་ལས་རྡོ་རྗེ་གསུམ་མམ་སྐུ་གསུམ་དབྱེར་མེད་པའི་གོ་འཕང་ལ་སྦྱོར་བའི་རྡོ་རྗེའི་ལམ་གནད་ཆེས་རྨད་དུ་བྱུང་

― TN03_Page_0791 ―

^{[མ་དཔེ་གཟིགས་ན་འདིར་གནོན།]}

(༥༧༠)བ་བསྟན་ནོ། ༈ །འདིའི་འཛབ་མཇུག་བསྡུ་བའི་དངོས་གྲུབ་སྐུལ་བ་དང་འབྲེལ་བར་ཐུགས་རྗེ་སྐུལ་ཆོག་རྒྱས་པར་སྤྲོ་ན་བླ་མ་བསྟན་གཉིས་སྐོར་གསུམ་ལྟར་བྱེད་བཏུབ་ཅིང་། མཆོད་ཕྲེང་རྒྱས་སྤྲོ་བྱེད་ནའང་དེ་ནས་ལེན་ནོ།། ༈ །།ཧྲཱིཿཡིག་ནི་ཧ་དང་ར་དང་ཨི་གསུམ་འདུས་པའི་བདག་ཉིད་ཀྱི་ཡི་གེ་ཐིག་ལེས་བརྒྱན་པ་སྟེ། ཡེ་ཤེས་ཐིག་ལེའི་དཀའ་འགྲེལ་ལས། འདབ་མ་གཉིས་པའི་བཞི་པའོ་ཞེས་བྱ་བ་ནི་ཡི་གེ་ཧའོ། །དེའི་འོག་ཏུ་མེའོ་ཞེས་པ་ནི་ར་དང་ལྡན་པའོ། །དབྱངས་ཡིག་ཅེས་པ་ནི་ཨཱིའི་བདག་ཉིད་དང་སྦྱར་བའོ། །རིག་པའི་རྒྱལ་མོ་མཆོག་ནི་དེ་བཞིན་གཤེགས་པ་ཐམས་ཅད་ཀྱི་ཡི་གེ་ཧྲཱིཿའོ། །ཐིག་ལེ་སྟེང་དུ་ལྡན་པ་ནི་ཧྲཱི༚་གི་དོན་ནོ། །དེ་རང་དང་ཉེ་བ་ནི་ཧྲཱིཿསྟེ་གཉིས་པའོ། །ཞེས་རིག་སྔགས་ཀྱི་རྒྱལ་མོ་ཡི་གེ་གཅིག་མའི་སྔགས་བཏུ་ཚུལ་གསུངས་པ་ལྟར་རོ། །དེའང་གཡུང་དྲུང་འཁྱིལ་བ་གསུམ་གྱི་ཞལ་གདམས་ལས། ཧྲཱིཿནི་ཐིག་ལེ་གསུམ་དུ་བཞུགས། ཨི་ནི་རླུང་གི་ཐིག་ལེ་སྟེ། །ཧ་ནི་བྱང་ཆུབ་ཐིག་ལེའོ། །རཀྟའི་ཡི་གེ་ར་ཡིག་སྟེ། །ཞེས་པ་ལྟར། སྲོག་འཛིན་ཤིན་ཏུ་ཕྲ་བའི་རླུང་དང་། ཁམས་དཀར་དམར་རོ། །ཚེག་དྲག་གཉིས་ཀྱིས་དྷུ་ཏིར་བྱང་སེམས་དཀར་དམར་གྱི་འདུ་འཕྲོད་མཚོན་གསུངས་ཏེ། མདོར་ན་ཁུ་རྡུལ་རླུང་གསུམ་བདེ་སྟོང་དུ་རོ་གཅིག་འདྲེས་པའོ། །ཚེག་དྲག་ཐིག་ལེ་ཡིན་པས་བདེ་བ་ལ་བཤད་ཀྱང་རུང་

― TN03_Page_0792 ―

^{[མ་དཔེ་གཟིགས་ན་འདིར་གནོན།]}

(༥༧༡)ངམ་དཔྱད། གཞན་ཡང་ཧྲཱིཿཡིག་གིས་གཞི་ལ་ཁམས་དཀར་དམར་གྱི་དབུས་སུ་རླུང་སེམས་ཞུགས་པ་དང་། སྒྲུབ་པ་པོའི་ལུས་ངག་ཡིད་གསུམ། རྩ་ཐིག་རླུང་གསུམ་སོགས་སྦྱང་གཞི་དང་། རྡོ་རྗེ་གསུམ་གྱི་རྣལ་འབྱོར་སོགས་སྦྱོང་བྱེད་ཀྱི་ལམ་དང་། སྦྱང་འབྲས་སྐུ་གསུང་ཐུགས་རྡོ་རྗེ་གསུམ་སོགས་མཚོན་ཚུལ་མང་དུ་སྤྲོས་ཀྱང་ཆོག་ཅེས་ཐོའུ་བཀྭན་པས་སོ། །དཔེར་ན་མྱུ་གུའི་ཆ་ཤས་ཐམས་ཅད་རྫོགས་པར་སྐྱེད་པའི་ནུས་པ་དང་ལྡན་པའི་ཆོས་ཞིག་ལ་མྱུ་གུའི་ས་བོན་ཞེས་འདོགས་པ་ལྟར། རྟ་མཆོག་རོལ་པའི་གོ་འཕང་སྐྱེད་པའི་ནུས་པ་ཐམས་ཅད་ཧྲཱིཿཡིག་ལ་ཚང་བས་ས་བོན་གྱི་ཡི་གེར་བཞག་པར་འཆད་དོ། ༈ །འདིའི་ལས་སྔགས་སྐབས། བྱེར་གཏུབ་སོགས་བོད་སྐད་འདྲེས་པས་སྔགས་སུ་མི་འཐད་དོ་ཞེ་ན། དཔལ་ལྡན་ལྷ་མོའི་སྔགས་བྷྱོ་བདུན་མར་ཡང་། ཁ་ལ་རཀ་ཆེན་མོ་ཞེས་ཡོད་པ་སོགས་བཤད་ནས། མདོར་ན་སྔགས་གསུང་བ་པོ་དང་སྔགས་སུ་བྱིན་གྱི་རློབ་པ་པོས་སྐད་གང་དང་གང་དུ་བྱིན་གྱིས་བརླབས་པ་དེ་ཁོ་ན་དབང་བཙན་པར་བྱེད་དགོས་ཀྱི། ཐམས་ཅད་སཾ་སྐྲི་ཏའི་སྐད་ཁོ་ན་དང་མཐུན་དགོས་པའི་ངེས་པ་མེད་པས་འདི་འདྲ་ལ་སྒྲ་པས་དཔྱོད་མི་ནུས་ཤིང་དཔྱད་པས་སྐྱོན་

― TN03_Page_0793 ―

^{[མ་དཔེ་གཟིགས་ན་འདིར་གནོན།]}

(༥༧༢)དུ་སོང་བའང་མང་ངོ་ཞེས་ཀྱང་ཐོའུ་བཀྭན་པས་སོ། །སྒྲ་བཟང་པོ་སྨྲ་བ་རྣམས་ཀྱི་ཞེན་པ་དགགས་པ་དང་། སྒྲ་ངན་པ་སྨྲ་བ་རྣམས་ལ་ཐུགས་བརྩེ་ནས་དེ་དག་གི་སྐད་བྱིན་གྱིས་བརླབས་པའང་ཡོད་དམ་སྙམ། བོད་ཀྱི་འབྱུང་པོ་རྣམས་ཀྱི་སྐད་ཕར་ལ་རང་གཤེད་དུ་སྐོར་ཆེད་དེ་དག་གི་སྐད་དུ་གཉེན་པོའི་དྲག་སྔགས་བྱིན་གྱིས་བརླབས་པར་བཤད་ལུགས་ཀྱང་ཡོད་དམ་སྟེ། ལྷ་བཙུན་བྱང་ཆུབ་འོད་ཀྱི་གཏེར་ཁར་པུ་ཏྲ་མིང་སྲིང་གི་སྔགས་ཞང་ཞུང་གི་སྐད་དུ་མཛད་པ་ལ་རིན་བཟང་དགྱེས་པའི་ལོ་རྒྱུས་བཞིན་ནོ། ༈ །རྣམ་སྣང་མངོན་བྱང་འགྲེལ་པར། ཆོས་ལ་འབིགས་པའི་ཡེ་ཤེས་རྟ་དང་འདྲ་ཞེས་གསུངས་པ་ནི་སོར་རྟོག་ཡེ་ཤེས་ཀྱིས་ཤེས་བྱའི་གཏིང་ལ་མྱུར་ཞིང་མགྱོགས་པར་སླེབ་པ་སྟེ། ཤེས་རབ་ཀྱིས་ནི་བརྟགས་ན་ཕུང་པོའི་གཏིང་མི་རྙེད། །ཅེས་པ་ལྟར་ཆོས་ཀྱི་གཏིང་ནི་སྟོང་པ་ཉིད་དེ། ཆོས་ཀྱི་གཏིང་ལ་ཕུག་པ་ནི་སྟོང་ཉིད་ལ་ཟུག་པའོ། །འཇིག་རྟེན་ཀུན་རྫོབ་ཐལ་མར་ཕྱུང་ནས། དེ་ཕན་ཆད་ཀྱི་གཏིང་མཐར་ཐུག་ལ་འཇུག་པ་ནི་ཆོས་ལ་འབིགས་པའོ། །དེའང་ས་བདུན་པར་མཚན་མེད་ཐོབ་པས་འགོག་པ་ལ་འཇུག་པའི་ཤུགས་མྱུར། བརྒྱད་པར་དེ་འབད་རྩོལ་ཕལ་ཆེར་དང་བྲལ། དགུ་པར་སྟོབས་ཀྱི་ཕར་ཕྱིན་གྱི་

― TN03_Page_0794 ―

^{[མ་དཔེ་གཟིགས་ན་འདིར་གནོན།]}

(༥༧༣)མཐུས་དེ་བས་ཀྱང་ཚབས་ཆེར་ཆོས་དབྱིངས་ཀྱི་གཏིང་དུ་འགྲོ། བཅུ་པར་ཡེ་ཤེས་ལྷག་ཅེས་ཤེས་རབ་དེའི་འོད་ཟེར་གྱི་སྣང་བའི་གཟུངས་དང་ཏིང་ངེ་འཛིན་ཆོས་དབྱིངས་དང་མཉམ་པ་མཆེད། རྒྱུན་མཐར་ཤིན་ཏུ་རྣམ་དག་གི་དབྱིངས་ལ་འབིགས་པའོ། །སེམས་ཅན་གྱི་དོན་བྱ་བ་ལ་མགྱོགས་པ། ཞེས་པར་ཡང་། བདུན་པར་ཐབས་ཀྱི་ཕར་ཕྱིན་གྱི་མཐུས་འགོག་པའི་དབྱིངས་ནས་སྐད་ཅིག་ཁོ་ནར་སེམས་ཅན་གྱི་དོན་ལ་ལྡང་ནུས། བརྒྱད་པར་རྣམ་པར་མི་རྟོག་པ་ལ་དབང་བ་དང་སྨོན་ལམ་གྱི་ཕར་ཕྱིན་ལྷག་པས་གཞན་དོན་ལ་རྩོལ་མེད་དུ་ལྡང་། ས་དེར་དེ་ལྟར་ལྡང་བ་བྱང་བས་དགུ་པར་བརྟགས་པ་མཐའ་བཟུང་གི་ཞི་མཐའ་ལས་འདས་ཚར་བའི་སྒོ་ནས་གཞན་ཕན་ལ་དབང་འབྱོར། དེའི་དབང་གིས་བཅུ་པར་སེམས་ཅན་སྒྲོལ་བའི་ཕྲིན་ལས་སངས་རྒྱས་དང་མཚུངས་པར་འཐོབ། ལར་ས་དང་པོ་ནས་སྐད་ཅིག་གཅིག་ལ་སེམས་ཅན་བརྒྱ་སྨིན་པར་བྱེད་ཀྱང་ཕལ་ཆེར་དོན་ཡོད་ཙམ་ལས་མི་འཇོག་ལ། བརྒྱད་པ་ནས་དབང་བཅུ་ཐོབ་པས་རྣམ་ཀུན་དོན་ཡོད་ཟེར་ཏེ་སྐད་ཅིག་རེར་སེམས་ཅན་ཅི་ཙམ་འདུལ་བའི་མྱུར་ཁྱད་ཀྱང་སྟོང་གསུམ་གྱི་རྡུལ་ཚད་ལ་མ་གཞལ་བར་བསྟན་མི་ནུས་པ་དེའོ། །འདི་དག་ཧང་

― TN03_Page_0795 ―

^{[མ་དཔེ་གཟིགས་ན་འདིར་གནོན།]}

(༥༧༤)འགྲོས་ཙམ་སྟེ། འཕགས་པ་འདི་བར་ཆད་མེད་ལམ་གྱི་རང་བཞིན་དུ་གསུངས་པ་དང་། དཀྱིལ་འཁོར་ནང་མ་ལ་འགོད་པའི་རྒྱུ་མཚན་སོགས་བསྒྲིགས་ནས་དཔྱད་རྒྱུ་ཡོད། མདོར་ན་བློ་ཀུན་རྫོབ་པའི་སྤྱོད་ཡུལ་ནས་ཕར་དོན་དམ་པའི་དབྱིངས་སུ་མངོན་སུམ་དུ་སླེབ་མྱུར་བ་དང་དབྱིངས་དེ་ནས་ཚུར་ཀུན་རྫོབ་ཀྱི་སྤྱོད་ཡུལ་སླེབ་མྱུར་བའི་ཤེས་རབ་དང་ཐབས་ཀྱི་རྟོགས་པ་རིང་དུ་སོང་ཚུལ་གཉིས་ཏེ། ཕྱི་མ་འདི་ནི། མྱ་ངན་འདས་ལ་མངོན་དགའི་ཕྱིར། །རྟོགས་པ་བུལ་བ་ཡིན་པར་འདོད། །ཅེས་པའི་བཟློག་ཟླ་སྟེ། འཇམ་པ་པདྨའི་རིགས་ཀྱི་གཙོ་བོའི་རྣལ་འབྱོར་སྙིང་རྗེའི་ཁྱད་པར་རོ། །སྔ་མ་ཡང་སྟོང་ཉིད་རྟོགས་པ་སྤྱི་ལྡོག་མ་བྱས་པར་སོར་རྟོག་ཡེ་ཤེས་ལ་སྦྱར་ན་པདྨའི་རིགས་ཀྱི་སྒོས་ཆོས་སུ་འགྲིགས། དེ་ལྟར་ན་སྤྱན་རས་གཟིགས་ཀྱི་མཚན་ལ་འཆད་ཚུལ་གཉིས་ཡོད་པ་ལྟར། རིག་པའི་རྒྱལ་པོ་རྟ་མགྲིན་གྱི་མཚན་གྱི་དོན་ཡང་གཉིས་ཡོད་དོ།། ༈ །།རྟ་སྐད་སྐབས། ཁམས་གསུམ་དབང་དུ་སྡུད་ཅིང་སྲིད་གསུམ་ཟིལ་གྱིས་གནོན་པ། ཞེས་མང་དུ་འབྱུང་བ་ནི། དབང་དུ་བསྡུས་ནས་གདུལ་བར་བྱ་བ་རྣམས་སྡུད་པ་དང་། དེ་ལྟར་མི་ཐུལ་བ་རྣམས་སྤ་གོང་རྒྱལ་པོའི་མཐུ་དཔུང་གི་ཟིལ་བསྟན་ནས་ཕ་རོལ་""ཤོག་ལྷེ་༥༧༥)གྱི་རྒོལ་བ་སྤ་གོང་བར་བྱེད་པ་ལྟ་བུའི་ཟིལ་གནོན་ནི་དབང་སྡུད་ཀྱི་སྔོན་དུ་འགྲོ་བ་ཡིན་ནོ། བར་བྱེད་པའི་ཁྱད་དམ་སྙམ། ཡང་ན་ཕྱི་མ། དབང་དུ་བསྡུས་པ་དེ་ལས་སླར་འཕར་ལྡང་མི་ནུས་པར་བྱེད་པའོ། །ཕྱི་ནང་གསང་བའི་བར་ཆད་དྲུ་གུ་འཛིངས་པ་དང་། ཐག་འཁྲུགས་པ་ལྟ་བུ་རྣམས་ཀྱང་། རྟ་སྐད་ཀྱིས་བདེ་བའི་བདུད་རྩི་དང་། ལྷ་སྔགས་ཀྱི་དཔག་བསམ་དགའ་བའི་ཚལ་དུ་སྒྱུར་བ་ནི། རྨ་བྱ་དུག་གི་ལྡུམ་རར་ཕྱིན་པའམ་དུག་སྦྲུལ་མེ་ཏོག་གི་ཕྲེང་བར་སྒྱུར་བའི་མན་ངག་ལྟར་ཡ་མཚན་ཆེའོ། །དེ་ལྟར་བསྒྱུར་ནས་ཀྱང་དེ་དག་ལས་དངོས་གྲུབ་ལེན་པ་ལ་སློབ་ཚུལ་བཅས། འདི་དག་མཁས་པའི་ཡིད་འཕྲོག་ཏུ་ཡང་ཡོད་དེ། ཤིན་ཏུ་ཆེད་ཆེར་བྱའོ། །དེའང་རྩིང་པར་རྟོག་པ་དང་། བར་ཆད་ཀྱི་ངོ་བོ་རབ་དབྱེ་བྱ་བྱེད་ལས་གསུམ་སྐྱེ་འགག་གནས་གསུམ་སོགས་ངོ་བོ་དང་ལྡོག་ཆའི་སྒོ་ཐམས་ཅད་ནས་དག་པ་རབ་འབྱམས་སུ་རྒྱ་ཆེར་དཔྱད་དེ་བློ་རྒྱས་པར་བྱས་ན་དེ་སྙེད་ཀྱི་ལག་རྗེས་འབྱུང་ངོ་། །གལ་ཆེ་བས་ཡང་ཟློས་བྱས་སོ། །ཡང་བར་ཆད་དེ་དག་གི་དེ་ཁོ་ན་ཉིད་ལ། ཐོག་མེད་ནས་གྲུབ་པའི་དེ་བཞིན་གཤེགས་པ་རྟ་སྐད་ཀྱི་རྣལ་བྱོར་མཐར་ཕྱིན་པ་རྣམས་ཀྱི་ཡེ་ཤེས་ཀྱི་སྣང་བས་ཁྱབ་པའི་ཚུལ་

― TN03_Page_0796 ―

^{[མ་དཔེ་གཟིགས་ན་འདིར་གནོན།]}

(༥༧༦)ལ་བློ་བཞག་སྟེ་བསྒོམ་པས། ཐམས་ཅད་དེ་བཞིན་གཤེགས་པའི་རྣམ་འཕྲུལ་དུ་འཆར་ལ། དེའི་ཚེ་རང་གི་རྟ་གླུས་དེ་བཞིན་གཤེགས་པའི་འཁོར་ལོ་དེ་རྣམས་བསྐུལ་བས། བར་ཆད་བྱེད་དུ་འོང་བའི་དངོས་པོ་དེ་དག་གི་སྒོ་ནས་ཀྱང་སངས་རྒྱས་རྣམས་ཀྱིས་དབང་དང་དངོས་གྲུབ་སྩོལ་ཏེ། ཅི་འདི་ངོ་མཚར་མི་ཆེའམ། བརྟན་གཡོའི་དུག་དང་། རིམས་དང་། དམོད་པ་དང་། མི་བཟད་པའི་ལས་ཀྱི་མཐུ་ཐམས་ཅད་ཟིལ་གྱིས་གནོན་པ་དང་། དགྲ་འདྲེ་ཅན་གཟན་རྔོན་པ་སོགས་རྨོངས་རེང་བྱེད་པ། རང་གི་ནོར་དང་འཁོར་སོགས་ཟིལ་གྱིས་མནན་ནས་གཞན་དུ་མི་གཡོ་བར་བྱེད་པ། ནད་པའི་ནད་སྐྱུགས་པར་བྱེད་པ། ལྕགས་སྒྲོགས་དང་བཙོན་ར་རྫས་སེལ་དང་། གཏད་དང་། ཕ་རོལ་གྱི་གདུག་པའི་སེམས་དང་། ལྟ་བ་ངན་པ་དང་། མཐུ་སྟོབས་རྫུ་འཕྲུལ་སོགས། སྔགས་ཕྱག་རྒྱ་འཕྲུལ་འཁོར་གྱི་སྦྱོར་བ་ལ་སོགས་པའི་རྒྱ་བཤིགས་པ། གཞན་གྱི་སྔོན་གནས་ཀྱི་དགེ་བའི་བག་ཆགས་སྐུལ་ཞིང་སད་དུ་གཞུག་པ་དཔའ་བོ་ཌཱཀྐིའི་ཆོས་མཛོད་དང་། གནོད་སྦྱིན་དབང་པོའི་ནོར་གཡང་སོགས་འབོད་པ། གདུལ་བྱ་མཆོག་ལ་རྣམ་གཡེངས་དང་རྨོངས་པའི་གཡོགས་པ་དྲལ་ནས་ནང་གི་ཧེ་རུ་སྐུལ་ཞིང་སད་པར་

― TN03_Page_0797 ―

^{[མ་དཔེ་གཟིགས་ན་འདིར་གནོན།]}

(༥༧༧)བྱས་ཏེ་བྱིན་རླབས་འབེབས་པ་དམ་པའི་ཆོས་སྤྱི་དང་བྱེ་བྲག་པའི་རང་སྒྲས་ཡངས་པའི་ས་ཆེན་པོ་འགེངས་པ་སོགས་ལས་ཚོགས་བྱེད་ཚུལ་ཟད་མི་ཤེས་ཏེ། དཔེར་བརྗོད་ཙམ་མོ། །གཟིར་བའི་བསམ་པས་གཟིར་བར་འགྲོ་ལུགས་ཤེས་ནས་རྟ་སྐད་ཀྱིས་གཅུན་ན། རི་རབ་གཟིར་ཡང་རལ། རྒྱ་མཚོ་གཟིར་ཡང་འཕྱུར་ཐུབ། །བརྒྱ་བྱིན་གཟིར་ནའང་སྐྲ་ཞིག །གོས་ཉིལ་ནས་ལྷུང་ཡོང་ངེས། གོང་སྨོས་ལས་ཡང་ན་ཁམས་གསུམ་གྱི་སྲོག་འདྲེན་པ་དབང་སྡུད་དང་། སྲོག་དེ་གཟིར་བ་ཟིལ་གནོན་དུ་བྱའོ།། །།འདི་དག་རྗེ་ཉིད་ནས་ཟིན་ཐོ་ལྟ་བུར་བཏབ་ཡོད་པ་རྣམས་གཞན་དུ་འཁྱར་གྱི་དོགས་ནས་རྗེས་འཇུག་འགའ་ཞིག་གིས་ཕྱོགས་གཅིག་ཏུ་བསྒྲིག་ཁུར་བྱས་ཏེ་ཕྱག་བྲིས་ཇི་ལྟ་བ་བཞིན་བཅོས་བསླད་མེད་པར་སྤར་དུ་བསྐྲུན་པ་དགེ་ལེགས་འཕེལ། འཕྲུལ་ཆེན་སྤར་གྱི་ལྗོན་ཤིང་རྒྱས་པའི་རྩེར། ལེགས་བཤད་མེ་ཏོག་འབྲས་མང་ཆགས་པ་འདི། །ཀུན་མཁྱེན་བསྟན་པའི་སྐྱེད་ཚལ་རྒྱན་གྱུར་ཏེ། །སྐལ་བཟང་སྐྱེ་བོའི་བྱ་ཚོགས་དགའ་བྱེད་ཤོག །ཤུ་བྷཾ་མསྟུ་སརྦ་ཛ་ག་ཏཾ།

― TN03_Page_0798 ―

^{[མ་དཔེ་གཟིགས་ན་འདིར་གནོན།]}

(༥༧༨)

― TN03_Page_0799 ―

^{[མ་དཔེ་གཟིགས་ན་འདིར་གནོན།]}

(༤༤༡)ཁྲོ་བོའི་སྐུ། །ནང་གི་རྟ་མགྲིན་རྣལ་འབྱོར་སྐུ། །གསང་བའི་རྟ་མགྲིན་རང་སེམས་འདི། །སེམས་ལས་ལོགས་ན་སྒྲུབ་ཏུ་མེད། །སེམས་ཉིད་རྟ་མགྲིན་ཡིན་ཤེས་ན། །མཆོག་དང་ཐུན་མོང་དངོས་གྲུབ་འཐོབ། །ཡིད་བཞིན་ནོར་བུ་རང་ལ་རྙེད། །ཅིར་སྣང་ཅིར་རྟོག་ཅིར་ཐོས་པ། །རྟ་མགྲིན་ཉིད་ལས་གཞན་མ་ཡིན། །སྐུ་ཡི་ཆོ་འཕྲུལ་རྟ་མགྲིན་སྐུ་རུ་གསལ། །སྐྱེ་འགག་མེད་པའི་ངང་དུ་མྱ་ངན་འདས། །གསུང་གི་རང་བཞིན་རྟ་སྐད་ཅིར་སྒྲོགས་པ། །མ་སྐྱེས་མི་འགག་གསུང་དུ་མྱ་ངན་འདས། །ཐུགས་ཀྱི་རང་བཞིན་རྟ་མགྲིན་ཅིར་གསལ་ཡང་། །ཆོས་སྐུ་མཚན་མེད་ཀློང་དུ་མྱ་ངན་འདས། །དེ་ལྟར་རྟོགས་ན་རྟ་མགྲིན་རྣལ་འབྱོར་ཡིན། །གསང་སྔགས་ལ་ཤན་འབྱེད་པ་ཁྱད་པར་འཕགས། །ཅེས་གསུངས། བཞི་པ་ལ། །དཔལ་རྟ་མགྲིན་གྱི་རྟ་སྐད་ཐེང་གསུམ་གྱིས་མ་མོ་མཁའ་འགྲོའི་ཚོགས་ལ་བརྡ་སྤྲད་པ་དང་། མ་མོའི་འགྱིང་སྐད་ཐེང་གསུམ་གྱིས་དཔལ་རྡོ་རྗེའི་མིང་སྲིང་བརྡ་ཕྲད་དེ་དགོངས་ཀློང་རྡོལ་བ་དང་། རྣལ་འབྱོར་པའི་བརྡ་སྐད་ཐང་གསུམ་གྱིས་སྣང་སྲིད་མ་མོའི་ཚོགས་ལ་དབང་བསྒྱུར་ཏེ་ལས་བྱེད་པའི་ཚུལ་དང་གསུམ་ལས། དང་པོ་ནི། རྟ་སྐད་དང་པོ་བོས་པས་སྣང་ཞིང་སྲིད་པའི་ཆོས་ཐམས་ཅད་ཡེ་ནས་མ་བཅོས་མ་སྦྱང་བར་དཔལ་རྫབ་དགོངས་ཀྱི་མཚན་ལྟར་མ་མོ་མཁའ་འགྲོ་ལ་དབང་སྡུད་ཟིལ་གནོན་གཏོང་ཚུལ་ཡིན་པས།

― TN03_Page_0800 ―

^{[མ་དཔེ་གཟིགས་ན་འདིར་གནོན།]}

(༤༤༢)མཁས་པའི་ཡིད་འཕྲོགས་ན་འདི་ཐད་བཤད་པ་རྣམས་གསང་རྫོགས་སོགས་ཀྱི་རྟ་སྐད་ཀྱི་སྟེང་དུ་བཤད་ནས་འདི་དང་ཡང་གནད་གཅིག་པ་ཙམ་དུ་བྱས་ན་ལེགས་སམ་སྙམ་རྟ་མགྲིན་གྱི་དཀྱིལ་འཁོར་དུ་ལྷུན་གྱིས་གྲུབ་པར་རྟོགས་པའོ། །རྟ་སྐད་བར་མ་བོས་པས་ཁམས་གསུམ་སྲིད་གསུམ་གྱིས་བསྡུས་པའི་ཆོས་ཐམས་ཅད་ཤ་ཆེན་གྱི་ཕུང་པོ་དང་། ཁྲག་གི་རྒྱ་མཚོ་དང་། ཀེང་རུས་ཀྱི་རི་རབ་ཏུ་གྱུར་པས་མ་མོ་དང་མཁའ་འགྲོ་ཐམས་ཅད་དགྱེས་པའི་ལོངས་སྤྱོད་རྒྱུན་མི་འཆད་པར་བསམ། རྟ་སྐད་ཐ་མ་བོས་པས་མ་མོ་དང་མཁའ་འགྲོ་ཐམས་ཅད་བཀའ་འོག་ཏུ་བསྡུས་ནས་ཕྲིན་ལས་རྣམ་པ་བཞི་ལ་སོགས་པ་ཅི་བཅོལ་བའི་ལས་རྫོགས་པར་བྱེད་དེ། བཀའ་ཉན་གསུང་སྡོད་ཅེས་བྱའོ། །གཉིས་པ་ནི། དཔལ་གྱི་རྟ་སྐད་ཐེང་གསུམ་བོས་པའི་དུས་ན། མ་མོ་རྣམས་འགྱིངས་ཤིང་དམ་ཚིག་དང་སྔོན་གྱི་ཐ་ཚིག་ལས་མི་འདའ་བའི་གླུ། བདག་ཅག་ནམ་མཁའི་དབྱིངས་ནས་མཆི། །ནམ་མཁའ་དབྱིངས་ནས་མི་མཆི་རུ། །བདག་ཅག་གནས་ནི་ནམ་མཁའ་ལགས། །བདག་ཅག་འཐེང་ཞིང་གྲུམ་ཞིང་མཆི། །འཐེང་ཞིང་གྲུམ་ཞིང་མི་མཆི་རུ། །ཀེང་རུས་རི་རབ་རྩེ་མོ་ཚ། །བདག་ཅག་འབོག་ཅིང་བརྒྱལ་ཞིང་མཆིས། །འབོག་ཅིང་བརྒྱལ་ཞིང་མི་མཆི་རུ། །རཀྟའི་རྒྱ་མཚོ་གཏིང་རེ་ཟབ། །བདག་ཅག་ཐང་ཅིག་ཡུད་ལ་མཆི། །ཐང་ཅིག་ཡུད་ལ་མི་མཆི་རུ། །མིང་པོ་རྡོ་རྗེའི་བཀའ་ལུང་གཉན། །ཞེས་

― TN03_Page_0801 ―

^{[མ་དཔེ་གཟིགས་ན་འདིར་གནོན།]}

(༤༤༣)ལན་ནོ། །གསུམ་པ་ནི། ཐལ་མོ་དང་པོ་བརྡབ་པས། ཆོས་ལ་དགྲ་བྱུང་། སངས་རྒྱས་ར་མདའ་ཟློག། ཅེས་པའི་བརྡ་སྐད་ཀྱིས་དཔལ་ཁྲག་འཐུང་རྣམས་དབྱིངས་ནས་སྐུལ། ཐལ་མོ་ཐ་མ་བརྡབ་པས་ལས་ཀྱི་མཁའ་འགྲོ་མ་རྣམས་ལས་ལ་བསྐུལ་ཏེ་བཙུད་པ་རྣམས་སོ། །དེ་དག་ཐམས་ཅད་བསྡུ་ན་གཉིས་ཏེ། རྟ་སྐད་ལྟ་བར་དགོངས་པ་དང་། སྤྱོད་པར་དགོངས་པའོ། །དང་པོ་ལ་གཉིས་ཏེ། ངོ་བོ་དོན་གྱི་རྟ་སྐད། གསང་སྔགས་གནད་ཀྱི་རྟ་སྐད་དོ། །དང་པོ་ནི་གསུམ་སྟེ། རང་བཞིན་ངོ་བོ་དོན་གྱི་རྟ་སྐད་སྣང་སྲིད་ཐམས་ཅད་ཡེ་ནས་མ་བཅོས་མ་སྦྱངས་ལྷུན་གྱིས་གྲུབ་པའི་དཔལ་རྟ་མགྲིན། དེ་ལྟར་རྟོགས་པའོ། །རིག་པ་ངོ་བོ་ཉིད་ཀྱི་རྟ་སྐད་རང་རིག་པ་དཔལ་ཆེན་པོའི་སྐུར་ཡེ་ནས་མ་བཅོས་པར་གནས་པའོ། །གཉིས་སུ་མེད་པ་ངོ་བོ་ཉིད་ཀྱི་རྟ་སྐད་ཐབས་ཤེས་གཉིས་སུ་མེད་པའམ། དོན་དམ་པ་དང་ཀུན་རྫོབ་གཉིས་སུ་མེད་པའམ། དབྱིངས་དང་ཡེ་ཤེས་གཉིས་སུ་མེད་པའམ། སྣང་བ་དང་སྟོང་པ་དབྱེར་མེད་པ་ལ་བྱ་སྟེ། དེ་ཡང་སྣང་སྲིད་ཐམས་ཅད་དཔལ་རྟ་མགྲིན་གྱི་དཀྱིལ་འཁོར་དུ་སྣང་ཙམ་ན་སྣང་ཞིང་སྟོང་སྟེ་སྣང་ལ་རང་བཞིན་མེད། དེ་ཉིད་རིག་པ་བྱང་ཆུབ་ཀྱི་སེམས་སུ་རྟོགས་པའོ། །གཉིས་པ་ལ་གསུམ་སྟེ།

― TN03_Page_0802 ―

^{[མ་དཔེ་གཟིགས་ན་འདིར་གནོན།]}

(༤༤༤)ཐེག་པ་རིམ་པས་བགྲོད་པའི་རྟ་སྐད་ཀྱིས་ཐེག་རིམ་དགུའི་ནང་ནས་དཔལ་རྟ་མགྲིན་གྱི་རྣལ་འབྱོར་སངས་རྒྱས་ཀྱི་ས་ལ་འགྲོ་བ་མགྱོགས་པར་བསྟན་པ་རྟའི་འགྲོས་དགུ་དང་སྦྱར་ནས་སོ། །ས་ལམ་དང་སྦྱར་བའི་རྟ་སྐད་བཅུ་གསུམ་དང་སྦྱར་ཏེ། འདིའི་རྣལ་འབྱོར་པ་ས་ལམ་མྱུར་དུ་བགྲོད་པའི་ཆེ་བ་བསྟན་པ། །གསང་སྔགས་ལ་ཤན་དབྱེ་བའི་རྟ་སྐད། གསང་སྔགས་གཞན་ལས་དཔལ་རྟ་མགྲིན་ཆེ་བའི་ཡོན་ཏན་རྟ་མགོ་དང་སྦྱར་ནས་བསྟན་པའོ། །རྟ་སྐད་སྤྱོད་པར་དགོངས་པ་ལ་གཉིས་ཏེ། གདུལ་བྱ་ཐབས་ཀྱི་རྟ་སྐད་དང་། དཔལ་ཆེན་ཆེ་བའི་རྟ་སྐད་དོ། །དང་པོ་ལ་གསུམ་ལས། དཔལ་གྱི་རྟ་སྐད་ཐེང་གསུམ་ནི། རྟ་སྐད་དང་པོ་དམ་ཚིག་རྗེས་སུ་བསྐུལ་བ། བར་པ་བཀའ་ལ་དྲངས་པ། ཐ་མ་དོན་བྱེད་པའོ། །མ་མོའི་འགྱིང་སྐད་ཐེང་གསུམ་ནི། རང་རྒྱུད་ཆེ་བའི་རྔམས་སྐད། །བྱིན་བརླབ་རྫས་ལེན་གྱི་གདངས་སྐད། དྲག་པོ་ལས་ལ་ཆས་པའི་འགྱིང་སྐད་དོ། །རྣལ་འབྱོར་པའི་བརྡ་སྐད་ཐེང་གསུམ་ནི། ལུས་ཀྱི་བརྡ། ཐལ་མོ་དང་སེ་གོལ་སོགས། ངག་གི་བརྡ། བཤུགས་པའི་གླུ་སོགས། ཡིད་ཀྱི་བརྡ་དགོངས་པ་གཏོད་པ་དང་གསུམ་མོ། །དཔལ་ཆེན་ཆེ་བའི་རྟ་སྐད་ནི། །པདྨ་ཁྲག་འཐུང་ཁྲོས་པའི་སྐུ། །ཐམས་ཅད་དབང་དུ་སྡུད་པར་བྱེད། །སྣང་སྲིད་ལྷ་སྲིན་སྡེ་བརྒྱད་ལ། །བསྙེན་པ་བྱས་པས་ཉེར་མ་འདོད། །བསྒྲུབ་པ་བྱས་པས་རྟགས་མ་ཐོན། །

― TN03_Page_0803 ―

^{[མ་དཔེ་གཟིགས་ན་འདིར་གནོན།]}

(༤༤༥)བསྒོས་པས་ལས་བྱེད་མ་འདོད་ན། །སྡེ་བརྒྱད་སྲིད་པ་དཀྲུགས་པར་བྱེད། །སྤྱོད་བག་ཤོང་བའི་དབེན་གནས་སུ། །ལུས་ངག་ཡིད་གསུམ་ཁྲོས་ཀྱིས་ཀྱང་། དམར་ནག་གཞི་གཅིག་དམིགས་པ་བསྐྱེད། །ཡུལ་གསུམ་གསལ་བར་གྱུར་པ་དང་། །པདྨ་དབང་ཆེན་རྟ་མགྲིན་སྐུ། །ཏིང་འཛིན་བརྟན་པོས་བསྒྲུབ་པ་ལས། །དབང་ཆེན་ཕྱག་རྒྱ་བྱས་ནས་ནི། ཁྲོས་པའི་རྟ་སྐད་ཐེངས་གསུམ་འདོན། ཁྲོས་པའི་རྟ་སྐད་ཐང་གསུམ་གྱིས། །སྣང་སྲིད་ལྷ་སྲིན་སྡེ་བརྒྱད་ཀྱང་། །འབྲོང་རྒོད་འདྲོགས་པ་བཞིན་དུ་ནི། །རང་དབང་མེད་པར་ཧད་ཀྱིས་དངངས། །རྟ་སྐད་ལན་གསུམ་བཏོན་པ་ཡིས། །ཤ་རུལ་དོང་དུ་བཅུག་པ་ལ། །ཤ་སྦྲང་ལ་སོགས་འདུ་བ་བཞིན། །རང་དབང་མེད་པར་དབང་དུ་བསྡུས། །རྟ་སྐད་ཐེང་གསུམ་བཏོན་པ་ཡིས། །སྣང་སྲིད་ལྷ་སྲིན་སྡེ་བརྒྱད་ཀྱང་། །རྒྱལ་ཁྲིམས་དམ་པའི་དམངས་རྣམས་བཞིན། །རང་དབང་མེད་པར་འདུར་གྱིས་བཏང་། །དེ་ནི་རྟ་མགྲིན་རྣལ་འབྱོར་རོ། །པདྨ་གསུང་གི་སྒྲུབ་པའི་ཐ་རམ་བཤད་ཟིན་ཏོ། །ཞེས་པའོ། །གསང་སྔགས་བཀའི་ལྡེ་མིག་ལས། པདྨ་གསུང་གི་སྒྲུབ་ཐབས་ཅུང་ཟད་ཅིག་བཤད་དེ༔ པདྨ་དབང་གི་རྒྱལ་པོ་དཔལ་རྟ་མགྲིན་ལ་གསུམ་སྟེ༔ མཚོན་པ་དཔེའི་རྟ་མགྲིན་དང་༔ ཆོས་ཉིད་དོན་གྱི་རྟ་མགྲིན་དང་༔འཁོར་བ་རྟགས་ཀྱི་རྟ་མགྲིན་ནོ༔ །

― TN03_Page_0804 ―

^{[མ་དཔེ་གཟིགས་ན་འདིར་གནོན།]}

(༤༤༦)མཚོན་པ་དཔེའི་རྟ་མགྲིན་ལ་ངོ་བོ་ངེས་ཚིག་དབྱེ་བ་གསུམ་མོ༔ ངོ་བོ་ནི༔ རྟའི་མགོ་ལྗང་གུར་སྣང་བའོ༔ ངེས་ཚིག་ནི༔ རྫུ་འཕྲུལ་གྱི་རྐང་པ་དང་ལྡན༔ བགྲོད་མཁས༔ སྐད་རིང་༔ ཤུགས་ཆེ་བས༔ དཔལ་རྟ་མགྲིན་ཀྱང་འཁོར་བར་ཐུགས་རྗེའི་རྫུ་འཕྲུལ་དང་ལྡན་ལ༔ ཐེག་དགུའི་ས་ལམ་བགྲོད་མཁས༔ འཁོར་བར་ཐུགས་རྗེའི་སྐད་རིང་ལ༔ སངས་རྒྱས་ཀྱི་ས་ལ་བགྲོད་པ་ལ་ཤུགས་ཆེའོ༔ དབྱེ་ན༔ རྟ་མགོ་ལྗང་ཀུ༔ དཔྲལ་བ་ཞུར་པོ༔ རྔོག་མ་ལེ་བརྒན༔ ཕུམ་ཕུམ་སེར་པོ༔ དོན་གཅིག་ལ་རྟགས་བཞི་ཚང་བའོ༔ ཆོས་ཉིད་དོན་གྱི་རྟ་མགྲིན་ལའང་༔ ངོ་བོ༔ ངེས་ཚིག༔ དབྱེ་བ་གསུམ་མོ༔ ངོ་བོ་ནི༔ ཆོས་ཉིད་བྱང་ཆུབ་སེམས་གཞི་ཅིའི་ངོ་བོར་ཡང་མ་གྲུབ་པའོ༔ ངེས་ཚིག་ནི༔ ཆོས་ཉིད་བྱང་ཆུབ་སེམས་རྟ་ལྟར་མགྱོགས་པའི་སེམས་ཅན་གྱི་དོན་ལ་ཕྲིན་ལས་སྐད་ཅིག་གིས་མཛད་པས་རྟ་མགྲིན་ཞེས་བྱའོ༔ དབྱེ་ན༔ ཕྱིའི་རྟ་མགྲིན༔ ནང་གི་རྟ་མགྲིན༔ གསང་བའི་རྟ་མགྲིན་དང་གསུམ་མོ༔ ཕྱིའི་རྟ་མགྲིན་ནི༔ར ང་གི་རིག་པ་རྟ་མགྲིན་གྱི་སྐུར་སྣང་བའོ༔ ནང་གི་རྟ་མགྲིན་ནི༔ར ང་གི་ལུས་རྟ་མགྲིན་གྱི་སྐུར་སྣང་བའོ༔ གསང་བའི་རྟ་མགྲིན་ནི༔ སེམས་ཉིད་

― TN03_Page_0805 ―

^{[མ་དཔེ་གཟིགས་ན་འདིར་གནོན།]}

(༤༤༧)རྟ་མགྲིན་གྱི་ངོ་བོར་ཡེ་ནས་གྲུབ་པའོ༔ འཁོར་བ་རྟགས་ཀྱི་རྟ་མགྲིན་ལ་ཡང་གསུམ་སྟེ༔ ངོ་བོ༔ ངེས་ཚིག༔ དབྱེ་བ་གསུམ་མོ༔ ངོ་བོ་ནི༔ ལོངས་སྤྱོད་རྫོགས་པའི་སྐུའོ༔ ངེས་ཚིག་ནི༔ འཁོར་བའི་སེམས་ཅན་ལ་ཐུགས་རྗེ་རྟ་ལྟར་ཆགས་པ་ཆེ་བས་དབང་གི་རིགས་སུ་སྐུ་མདོག་དམར་པོར་བསྟན་པའོ༔ དབྱེ་བ་ནི༔ ཕྱི་ཞི་བ་སྤྱན་རས་གཟིགས་ཐུགས་རྗེ་ཆེན་པོ་ལ༔ ནང་པདྨ་དབང་ཆེན་གྱི་སྐུར་བསྟན་པའོ༔ རྟ་མགྲིན་པདྨ་གསུང་གི་ལྡེ་མིག་རྪྱོ་རྪྱོ༔ ཞེས་གསུངས་སོ། །སྒྲུབ་པ་ལུང་གི་བཀའ་སྒོ་ལས། པདྨ་གསུང་གི་སྒྲུབ་པར་གདགས་པ་ཡང་༔ འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་རྟ་སྐད་ཐེང་གསུམ་དུ་འདུས་ཏེ༔ རྟ་སྐད་ལྟ་བར་དགོངས་པ་དང་༔ རྟ་སྐད་སྤྱོད་པར་དགོངས་པའོ། རྟ་སྐད་ལྟ་བར་དགོངས་པ་ནི༔ རྟ་སྐད་ཐེང་གཅིག་བཏོན་པས་སྣང་སྲིད་ཐམས་ཅད་དབང་དུ་བསྡུས༔ གཉིས་ཀྱིས་པདྨའི་རང་བཞིན་དུ་གྱུར༔ གསུམ་གྱིས་བསྐྱེད་རྫོགས་གསུམ་གྱི་ས་ལ་སྦྱངས་སོ༔ རྟ་སྐད་སྤྱོད་པར་དགོངས་པ་ནི། རྟ་སྐད་ཐེང་གཅིག་གིས་ལྷ་འདྲེ་ཐམས་ཅད་སྡངས༔ གཉིས་ཀྱིས་སྔོན་གྱི་དམ་ཚིག་རྗེས་སུ་དྲན༔ གསུམ་གྱིས་དབང་དུ་འདུས་པའོ༔ དེ་བས་ན་སྣང་སྲིད་ཐམས་ཅད་རྟ་སྐད་ཐང་གསུམ་དུ་འདུལ༔ །རྟ་སྐད་པདྨ་དབང་

― TN03_Page_0806 ―

^{[མ་དཔེ་གཟིགས་ན་འདིར་གནོན།]}

(༤༤༨)ཆེན་གྱི་གསུང་དུ་གནས་པས༔ པདྨ་གསུང་གི་སྒྲུབ་པ་ཞེས་བྱའོ༔ པདྨ་ཐམས་ཅད་ཀྱི་མཐའ་གར་ཐུག་ན་རྟ་སྐད་ཐེངས་གསུམ་གྱི་དགོངས་པར་ཐུག་ཅེས་ཀྱང་དེ་ལ་བྱའོ༔ ཞེས་བཤད། མ་ཚང་ཁ་སྐོང་གི་རྒྱུད་དང་། མདོ་རྒྱུད་རྟོག་པ་བསྡུས་པའི་སྒྲོན་མ་སོགས་གཞན་དུ་ཡང་གསུངས་མོད་ཀྱི། །དེ་ཙམ་ལས་མ་བྲིས་སོ། །བཀའ་བརྒྱད་གསང་རྫོགས་ཀྱི་རྒྱུད་ཀྱི་ལེའུ་བརྒྱད་པ་ལས། །འཁོར་འདས་སྣང་སྟོང་དབྱེར་མེད་རྟ་སྐད་གསུམ༔ རང་སེམས་དྲི་མེད་རྣམ་དག་ས་ལམ་བཅད༔ སྣང་སྟོང་གྲགས་སྟོང་དྲན་སྟོང་སོ་མར་ཞོག༔ འཁོར་འདས་ཟིལ་གནོན་རྟ་སྐད་དགོངས་པ་ཡིན༔ ཞེས་གསུངས། དྲག་པོ་རང་བྱུང་རང་ཤར་གྱི་རྫོགས་རིམ་སྙིང་ཏིག་རྣམ་པ་བཅུའི་ནང་ཚན་གཉིས་པ་ནི། ཉོན་ཅིག་གསང་བདག་རྡོ་རྗེ་འཛིན༔རང་རང་དྲི་མ་མེད་པ་དེ༔ རྣམ་དག་སངས་རྒྱས་ཀུན་གྱི་ལམ༔ ཅིར་སྣང་རྟོག་པས་མ་དེད་པར༔ སྣང་སྲིད་ང་བདག་མེད་པ་རུ༔ གཟུགས་སྣང་ཐམས་ཅད་སྣང་སྟོང་ཡིན༔ སྒྲ་རྣམས་གྲགས་སྟོང་ངོ་བོ་མེད༔ དྲན་རྟོག་འགྱུ་བ་རླུང་དང་འདྲ༔ ཐམས་ཅད་དབྱེར་མེད་སོ་མར་ཞོག༔ དེ་ཚེ་འཁོར་བ་ཟིལ་གྱིས་གནོན༔ པདྨ་གསུང་གི་དགོངས་པ་ཡིན༔ ཅེས་གསུངས་སོ༔ ཞེས་པ་འདི་ཡིན་ནོ། །གྲོལ་ཏིག་ཐུགས་སྒྲུབ་པདྨ་རཱ་གར། རྟ་མགོ་ལྗང་ཞུར་རླུང་ལྔ་ཡེ་ཤེས་ལྡན༔ རྟ་སྐད་

― TN03_Page_0807 ―

^{[མ་དཔེ་གཟིགས་ན་འདིར་གནོན།]}

(༤༤༩)རྔམས་སྒྲས་ཆོས་ཀྱི་ཕུང་པོ་སྡུད༔ ཕག་ཞལ་ནག་མོ་དུར་སྒྲ་ཕྱོགས་བཅུར་སྒྲོགས༔ ཁམས་གསུམ་དབང་སྡུད་ཕྱོགས་བཅུའི་དྲེགས་པ་འདུལ༔ གཉིས་མེད་ཧྲཱིཿཧཱུཾ་དུག་ལྔའི་རྟོག་པ་འཇོམས༔ ཞེས་གསུངས་ཤིང་སྐྱབས་རྗེས་ཕག་མོའི་ཁྲིད་གནང་སྐབས་ཤིག་ཏུ་ཡང་། ཕག་ཞལ་གྱི་ངུར་སྒྲས་ཁམས་གསུམ་མ་ལུས་པ་བདེ་བ་ཆེན་པོའི་དབྱིངས་སུ་སྡུད་ནུས་པ༔ ཞེས་བཀའ་སྩལ་པ་དྲན་ནོ། །པྲ་བྷ་ཀ་རས་མཛད་པའི་རྟ་མགྲིན་སྒྲུབ་ཐབས་ལས། པ་ལ་ཤའི་མདོག་ཅན་གྱི་རྟ་གདོང་གསུངས་ནས། རྟའི་གདོང་པ་ནི་གཞན་པ་མེད་པའི་སེམས་ཀྱི་རང་བཞིན་འདི་ཆོས་ཀྱི་དབྱིངས་རྣམ་པར་དག་པ་དང་། །ལམ་རྣམ་པར་དག་པར་གཞོལ་བར་མངོན་པར་བརྗོད་དོ། །ཞེས་དང་། ཐོག་དཔྱད་པ་མེད་པའི་ཡེ་ཤེས་ཀྱི་སེམས་འདུད་འགྲོའི་ཞལ་དུ་བསྟན་ཏོ། །ཞེས་སོ། །སངས་རྒྱས་གསང་བས་རྣམ་སྣང་མངོན་བྱང་གི་འགྲེལ་པར། རྟ་མགྲིན་ཞེས་སུ་གྲགས་ཞེས་པ་ནི་ཆོས་ལ་འབིགས་པའི་ཡེ་ཤེས་མྱུར་ཞིང་མགྱོགས་པ་རྟ་དང་འདྲ་བ་དང་། སེམས་ཅན་གྱི་དོན་བྱ་བ་ལ་མགྱོགས་འདིས་ནི་ཐུགས་རྗེའི་ཤུགས་མྱུར་བར་བསྟན་པས། འགྲུབ་ཐག་ཉེ་བར་ཤེས་ནུས། པ་རྟ་དང་འདྲ་བའི་ཕྱིར་རྟ་མགྲིན་ཞེས་བྱའོ། །ཞེས་སོ། །ཡང་དེ་ཉིད་ལས། ཞི་རྒྱས་དབང་གི་ཕྲིན་ལས་གསུམ་མཚོན་པའི་ཁ་དོག་དཀར་སེར་སྔོན་པོ་རྣམས་འདུས་པའི་ལྗང་ཀུས་ནི་ལས་སྣ་

― TN03_Page_0808 ―

^{[མ་དཔེ་གཟིགས་ན་འདིར་གནོན།]}

(༤༥༠)ཚོགས་ཀྱི་བདག་ཉིད་དུ་མཚོན་ཞེས་ལྷ་མོ་སྒྲོལ་མའི་སྐབས་སུ་གསུངས་སོ། །རྟ་ཞལ་སྟེང་ཕྱོགས་རིང་པོར་བསྟོད་དེ་འཚེར་བས་ནི། ས་བླའི་མཐར་ཐུག་པའི་དྲེགས་ལྡན་དབང་དུ་བྱེད་པར་ཇོ་བོ་རྗེས་མཛད་པའི་རྟ་མགྲིན་སྒྲུབ་ཐབས་ཤིག་ཏུ་སྣང་ངོ་། འདི་བློ་འཆུགས་ཡིན་གྱི། རྟོགས་པ་བདུན་བརྒྱ་པ་ལས་གསུངས་པའི་རྟ་མགྲིན་གྱི་སྒྲུབ་ཐབས་སུ། རྟ་ཞལ་སྔོན་པོ་ཧཱི་ཧཱིའི་སྒྲ་སྒྲོགས་པ། སྲིད་རྩེའི་མཐར་ཐུག་པའི་ཚངས་པའི་སྒོ་ངའི་རྩེ་རྟ་ཞལ་གྱིས་མནན་པ། ཞེས་པ་འདི་ལས་གཞན་མི་སྣང་སྟེ། དེའང་ཇོ་བོའི་གཞུང་ཡིན་པར་མ་བཤད། གཡས་ཕྱོགས་སུ་བལྟས་ཏེ་འཚེར་བའི་རྟས་ས་ཆེན་པོ་ལས་རྣམ་པར་རྒྱལ་བར་བྱེད་པར་ཤ་ལི་ཧོ་ཏྲས་བཤད་པ་སོགས་འགའ་ཞིག་ཀྱང་ཆོས་མཐུན་སྦྱོར་ཡུལ་དུ་ཡོད་དམ་སྙམ། མཆན། ས་གཞི་ལ་རྟའི་མཆོག་ཏུ་གྱུར་པ་རིགས་བཟང་ཞིང་རྣམ་འགྱུར་མེད་པ་ནི། ཨཱ་ཛཱ་ནེ་ཡ༔ ཅང་ཤེས་རྣམས་ཏེ། གཡུལ་དུ་མཚོན་ཆས་ལྕི་བར་བསྣུན་ཀྱང་བདག་པོ་གང་ཡིན་འདོར་བར་མི་བྱེད་པའོ། །ཞེས་འཆི་མེད་མཛོད་ཀྱི་འགྲེལ་པར་བཤད་དེ། །བཀའ་གཏེར་མང་པོར་གཞན་དོན་ལ་སྤྲོ་བ་མི་འཕྲོགས་པའི་བརྩོན་འགྲུས་ཀྱི་ལྷར་མཚོན་པའི་ཕྱིར་རྟ་ཞལ་འཆང་བར་བཤད་པ་ལ་མཁོ། ཡང་དེ་ཉིད་ལས། ཨཱ་ཛཱ་ནེ་ཡའི་ཨཱ་མངོན་པར་ཁྱབ་པ་སྟེ་བགྲོད་བྱའི་གནས་སུ་ཞོན་པ་པོས་བཞིན་ནས་ཤུགས་ཀྱིས་ཕྱིན་པར་བྱེད་པ་ནི་ངེས་པའི་ཚིག་གོ །གང་དུ་ལེགས་པར་ཁུར་འཁྱེར་བའི་ཚུལ་ཅན་བདེ་བར་བཞོན་པར་བྱར་ཡོད་པ་དེ་ནི་པི་ནི་ཏ༔ སྟེ་རྣམ་པར་དུལ་བ་ཞེས་བྱའོ། །

― TN03_Page_0809 ―

^{[མ་དཔེ་གཟིགས་ན་འདིར་གནོན།]}

(༤༥༡)ཞེས་བཤད་དེ་ཆོས་མཚུངས་སྦྱོར་དུས་མཁོའོ། ༈ །སྙན་རྒྱུད་རྟ་མགྲིན་སྙིང་ཏིག་ལས་རྟ་སྐད་ཐང་གསུམ་གྱི་དོན་གཞི་ལམ་འབྲས་གསུམ་དང་སྦྱར་ནས་གསུངས་པ་ནི་ཟུར་དུ་ཤེས། རྟ་སྐད་ཐང་གཅིག་ཀ་དག་གི་དགོངས་པ་ནི་དབང་བཞི་པའི་གཞུང་འདི་ཟབ་ཅིང་གསལ་ཏེ། ཧཱི་ཧཱི་ཧཱི༔ རྡོ་རྗེའི་རྟ་སྐད་འཚེར་བའི་དབྱངས༔ གསལ་ཞིང་བརྗིད་པའི་གདངས་ཆེན་པོ༔ རང་བྱུང་ནམ་མཁའི་དཀྱིལ་ནས་བསྒྲགས༔ བདེ་སྟོང་ཉམས་ཀྱི་ངོ་བོར་ལྟོས༔ དེ་ལ་རྩེ་གཅིག་མཉམ་བཞག་པས༔ དང་པོ་སྐྱེ་མེད་སྟོང་སང་ངེ་༔ བར་དུ་གནས་མེད་ཟང་ཐལ་ལེ༔ ཐ་མ་འགགས་མེད་རྗེན་ཅེ་རེ༔ རང་བཞིན་ཡོངས་ཤེས་དྲན་པའི་ངང་༔ ཡིད་མིག་རླུང་གསུམ་དབྱེར་མེད་འཇོག༔ འདི་དོན་རྟོགས་ན་དོན་གྱི་དབང་༔ པདྨ་དབང་ཆེན་ཚེ་འདིར་འགྲུབ༔ དྷཱ་ཏུ་ཛྙཱ་ན་ཨ་བྷི་ཥིཉྩ་ཧཱུཾཿ ཞེས་བཀའ་སྩལ་བའོ། །དབང་ཆེན་ཡང་གསང་ཁྲོས་པའི་ལ་བཟླ་རྟ་སྐད་ཐང་གཅིག་གི་གཞུང་ནི། བཅོམ་ལྡན་འདས་པདྨ་དབང་ཆེན་ལ་ཕྱག་འཚལ་ལོ། །དབུ་གཙུག་སྤྲུལ་པ་རྡོ་རྗེ་རྟ་ཡི་སྐད། །མི་སྐྱེ་མི་འགག་ནམ་མཁའི་རང་བཞིན་ཅན། །སྣང་སྲིད་ལོ་ཀ་ཐམས་ཅད་ཅིར་མི་དམིགས། །དོན་དམ་ཀུན་རྫོབ་མཚོན་པ་མྱ་ངན་འདས། །རྡོ་རྗེ་རྟ་སྐད་རྣམ་ཤེས་ཐུགས་ཉིད་སེམས། །དམིགས་མེད་ཆོས་ཀྱི་སྐུ་ལ་སྟོང་ཡེ་གསལ། །

― TN03_Page_0810 ―

^{[མ་དཔེ་གཟིགས་ན་འདིར་གནོན།]}

(༤༥༢)ད་ནི་དམིགས་མེད་མཚོན་པ་མྱ་ངན་འདས། །རྡོ་རྗེ་རྟ་སྐད་གཟུགས་སུ་རྣམ་པར་ཏེ། །ལོངས་སྤྱོད་སྐུ་ལ་གསལ་བ་ཡེ་ཤེས་ནི། །གསལ་ལ་རང་བཞིན་མེད་པར་མཚོན་པ་མྱ་ངན་འདས། །རྡོ་རྗེ་རྟ་སྐད་འདུ་བྱེད་གསུང་དུ་སྣང་། །ཅིར་ཡང་སྤྲུལ་ཏེ་ཡེ་ཤེས་སོ་སོར་རྟོག །གཉིས་མཐའ་དངོས་མེད་མཚོན་པ་མྱ་ངན་འདས། །རྡོ་རྗེ་རྟ་སྐད་འདུ་ཤེས་ཕྲིན་ལས་གྲུབ། །མངོན་པར་བྱང་ཆུབ་ཡེ་ཤེས་ནན་ཏན་ཏེ། །མཐར་ཕྱིན་ལྷུན་གྲུབ་མཚོན་པ་མྱ་ངན་འདས། །རྡོ་རྗེ་རྟ་སྐད་ཚོར་བ་ཡོན་ཏན་འབྱུང་། །མི་འགྱུར་སྐུ་ལ་མཉམ་པའི་ཡེ་ཤེས་གསལ། །མི་མཉམ་མཉམ་པར་མཚོན་པས་མྱ་ངན་འདས། །ཀུན་རྫོབ་སྒྲ་དབྱངས་འབྱུང་བའི་གནས་དག་ནི། །དེ་ཉིད་ལས་སྤྲུལ་རྡོ་རྗེ་རྟ་ཡི་དབུ། །མགྲིན་པ་པདྨའི་ཡེ་ཤེས་འཁོར་ལོ་སྟེ། །ཐབས་ཉིད་ཡབ་སྟེ་ཡ་མཁལ་རྟགས། །ཤེས་རབ་ཡུམ་སྟེ་མ་མགལ་མམ། །གཉིས་མེད་ལྕེ་སྟེ་ཧྲཱིཿཉིད་འབྱུང་། །དེ་ཕྱིར་རྡོ་རྗེ་རྟ་ཡི་མགྲིན་པར་བརྗོད། །རྡོ་རྗེ་རྟ་སྐད་དཔེ་ནི་ནམ་མཁར་བཞག །ནམ་མཁའི་རང་བཞིན་མ་སྐྱེས་མ་འགག་པས། །སྣང་སྲིད་ཀུན་ཀྱང་མཚོན་པས་མྱ་ངན་འདས། །རྡོ་རྗེ་རྟ་སྐད་དོན་ནི་ཆོས་ཉིད་དེ། །ཆོས་ཉིད་བདེ་ཆེན་མ་སྐྱེས་མི་བསྐྱེད་པས། །དེ་ཕྱིར་ཆོས་ཉིད་ཀུན་ཀྱང་མྱ་ངན་འདས། །རྡོ་རྗེ་རྟ་སྐད་རྟགས་ནི་སེམས་ཉིད་དེ། །སེམས་ཉིད་རང་བཞིན་མ་སྐྱེས་མི་

― TN03_Page_0811 ―

^{[མ་དཔེ་གཟིགས་ན་འདིར་གནོན།]}

(༤༥༣)འགགས་པས། །དེ་བཞིན་སེམས་ཅན་མཚོན་པ་མྱ་ངན་འདས། །དེ་ལྟར་གདུལ་བྱའི་དོན་དུ་གསུངས་པ་ཡང་། །ཕུང་པོ་ཁམས་དང་སྐྱེ་མཆེད་མ་ལུས་པ། །པདྨ་དབང་གི་དཀྱིལ་འཁོར་ཡེ་ནས་ཡིན། །ཡིན་པའི་དོན་ལ་རིག་པ་གསལ་བཀོད་ནས། །བདེ་ཆེན་བྱང་ཆུབ་སེམས་སུ་སངས་རྒྱས་སོ། །སེམས་དང་ཡེ་ཤེས་དབྱེར་མེད་དོན་གཅིག་པས། །རྟོག་པ་ཡེ་ཤེས་སེམས་སུ་ཀུན་རྟོགས་ན། །བདེ་ཆེན་བྱང་ཆུབ་སེམས་སུ་སངས་རྒྱས་སོ། །འཁོར་བའི་རྒྱུ་ཉིད་ཐར་པའི་ལམ་གྱི་སྐབས། །དུཿཁའི་རྒྱུ་ཉིད་ཆོས་ཉིད་བྱང་ཆུབ་སེམས། །མ་སྤངས་ལྷུན་གྱིས་གྲུབ་པའི་དོན་རྟོགས་ན། །བདེ་ཆེན་བྱང་ཆུབ་སེམས་སུ་སངས་རྒྱས་སོ། །ཡེ་ཤེས་རྟ་མགྲིན་རང་བཞིན་རྟ་མགྲིན་དང་། །ལས་ལ་སོགས་པ་མང་པོའི་ཚིག་བརྗོད་ཀྱང་། །བདག་ནི་བྱིན་རླབས་ཁྲོ་བོར་སྣང་བ་ལས། །གཞན་ན་ཁྲོ་བོར་གྲུབ་པ་ཅི་ཡང་མེད། །བདག་སྣང་བདག་འཁོལ་ལས་ཀུན་བདག་བྱེད་དེ། །བདག་གིས་གཡོས་ན་ཕྱི་ནང་སྣོད་བཅུད་གཡོ། །ཀུན་ཏུ་ཆེ་བཙན་འགྲན་གྱི་ཟླ་མེད་པས། །ཡོངས་ལ་ཐོགས་མེད་བདེ་འབྱམས་རྒྱ་མཚོ་ལ། །བདེ་ཆེན་བྱང་ཆུབ་སེམས་སུ་སངས་རྒྱས་སོ། །ཐམས་ཅད་བྱང་ཆུབ་སེམས་སུ་རྟོགས་པས་གང་ཡང་ལྷུན་གྱིས་གྲུབ། །རྣམ་རྟོག་མིང་ཡང་མེད་པས་གང་བསྒྲལ་ཅི་མི་ལྟས། །ཐབས་མཁས་

― TN03_Page_0812 ―

^{[མ་དཔེ་གཟིགས་ན་འདིར་གནོན།]}

(༤༥༤)རོལ་པ་ཡིན་པས་འཁོར་བའི་སྐྱོན་མ་གོས། །ཐུགས་རྗེ་བྱང་ཆུབ་ཡིན་པས་ཐར་པ་བདེ་ཆེན་ཐོབ། །ཀུན་གྱི་བདག་ཉིད་ཡིན་པས་མཁའ་འགྲོ་ངང་གིས་འཁོལ། །བདེ་ཆེན་རྒྱལ་པོ་ཡིན་པས་འཁོར་གྱི་རྗེ་བོ་ཡིན། །ཐམས་ཅད་བདག་ལས་བྱུང་བས་ཀུན་གྱི་བདག་པོ་ཡིན། །ང་རྒྱལ་རྟགས་སུ་ཆེ་བས་འགྲོ་དྲུག་ཐབས་ཀྱིས་འདུལ། །ཐུགས་རྗེའི་འབྲུག་སྒྲས་ཁམས་གསུམ་ཡོངས་སུ་ལྡིར། །ཐུགས་རྗེའི་བྱམས་ལྡན་ཉི་མའི་འོད་བཞིན་འཆར། །རྣམ་རྟོག་གཉེན་པོར་མི་རྟོག་ཡེ་ཤེས་ཆེ། །འཁོར་བའི་གཉེན་པོར་རང་འབྱུང་སངས་རྒྱས་ཏེ། །རྣམ་རྟོག་ཐབས་ཀྱི་གཉེན་པོར་གང་རྟོགས་ན། །མཁའ་འགྲོ་འདུ་བར་བྱ་བའི་ཐབས་གཞན་མེད། །འཁོར་བ་མྱ་ངན་འདས་པའི་དོན་རྟོགས་ནས། །འཁོར་དགྲ་བསྒྲལ་ཞིང་ཚར་བཅད་བྱ་མི་དགོས། །ཡེ་ཤེས་འཇམ་དཔལ་མཚན་གྱིས་རབ་རྫོགས་ནས། །རྒྱལ་བྱེད་རྟགས་དང་ཕྱག་རྒྱ་བསྒྲུབ་མི་དགོས། །ཕྲིན་ལས་བྱ་རྩོལ་བློ་ལས་ཡེ་འདས་ན། །སྒོམ་གྲུབ་དཀྱིལ་འཁོར་བྱ་བ་ཅི་ཡང་མེད། །འདི་ལྟར་མན་ངག་རྟོགས་པའི་གདེང་གྱུར་ན། །བསྒྲུབ་ན་སྐྱོན་མེད་མ་བསྒྲུབ་འགལ་བ་མེད། །བསྒྲལ་ན་སྐྱོན་མེད་མ་བསྒྲལ་འགལ་བ་མེད། །བསམ་དུ་མེད་དོ་ཆོས་དབྱིངས་ནམ་མཁའ་འདྲ། །སྒོམ་དུ་མེད་དོ་རང་འབྱུང་ཀློང་ནས་ཤར། །བདེ་འབྱམས་དབྱིངས་ཕྱུག་ཡུམ་གྱི་

― TN03_Page_0813 ―

^{[མ་དཔེ་གཟིགས་ན་འདིར་གནོན།]}

(༤༥༥)རྒྱལ་པོ་ཡིན། །མ་འགག་ཅི་བདེར་ཡིན་གྱིས་ཡབ་ཀྱི་མཁའ། །སེམས་ལ་གང་ཡང་མི་རྟོག་རང་འབྱུང་སྐུ། །ཐབས་ལ་གང་ཡང་མི་འགོག་མ་བཅོས་སྐུ། །དོན་ལ་གང་ཡང་མི་རྟོག་ཆོས་ཀྱི་སྐུ། །ཆོས་ཀྱི་སྐུ་ལ་གཡོ་ཞིང་སྐྱེ་བ་མེད། །འཕོ་འགྱུར་མེད་པའི་ཀློང་བཞིན་སྒྲུབ་པ་མེད། །ཡེ་ཤེས་བྱང་ཆུབ་སེམས་སུ་དག་པ་ན། །འདུ་འཛི་བྱིས་པའི་རྩེད་མོས་ཅི་ཞིག་བྱ། །མ་འདས་ཀློང་གི་དམ་ཚིག་བསྲུང་མེད་ན། །ཉོན་མོངས་བདེ་སྡུག་མྱ་ངན་ཅི་ལ་སྤྱོད། །ཐབས་མཁས་རོལ་པའི་ཏིང་འཛིན་ཤར་བ་ལ། །ཕུང་པོ་ཚི་ཆད་སྩོལ་སྒྲུབ་ཅི་ལ་བྱ། །ཕྱི་ནང་སྣོད་བཅུད་ཐིག་ལེར་སངས་རྒྱས་ན། །གཞན་ནས་ཚོལ་ཞིང་སྨོན་དུ་ཅི་ཡང་མེད། །སྐུ་ཡི་ཆོ་འཕྲུལ་རྟ་མགྲིན་སྐུ་ལ་གསལ། །སྐྱེ་འགག་མེད་པའི་ངང་དུ་ལ་བཟླའོ། །གསུང་གི་རང་བཞིན་རྟ་སྐད་ཅི་སྒྲོགས་པ། །མི་སྐྱེ་མི་འགག་གསུང་དུ་ལ་བཟླའོ། །ཐུགས་ཀྱི་རང་བཞིན་རྟ་མགྲིན་ཅི་གསལ་ཡང་། །ཆོས་སྐུ་དངོས་མེད་ངང་དུ་ལ་བཟླའོ། །འདི་ལྟར་རྟོགས་ན་རྟ་མགྲིན་རྣལ་འབྱོར་ཡིན། །གཞན་པས་ཁྱད་འཕགས་གསང་སྔགས་དམ་པའི་ལམ། །ཞེས་སོ། །དཔལ་པདྨ་དབང་ཆེན་གྱི་རྟ་སྐད་ཐང་གཅིག་གི་དགོངས་པ་རྫོགས་སོ།། །ྀཨྠི །ཞེས་པ་སྟེ་དཔེ་སྐྱོན་ནི་ཆེས་མང་བར་སྣང་ཡང་རེ་ཞིག་བསྡུར་ས་མ་རྙེད། །

― TN03_Page_0814 ―

^{[མ་དཔེ་གཟིགས་ན་འདིར་གནོན།]}

(༤༥༦)ཉང་རིན་པོ་ཆེའི་མཁའ་འགྲོ་ཆེན་མོའི་གསང་སྒྲུབ་ཀྱི་ཡབ་རྐྱང་གི་སྒྲུབ་པའི་ལེའུ་ལས། དབུ་གཙུག་རྟ་མགོ་ལྗང་ཀུ་ནི༔ རྟ་འགྲོ་བ་མགྱོགས་ཤིང་ཤུགས་ཆེ་བ་དང་འདྲ་བར༔ དཔལ་རྟ་མགྲིན་སངས་རྒྱས་ས་ལ་འགྲོ་བ་ལ་ལྷ་གཞན་པས་ཤུགས་ཆེ་ཞིང་འགྲོ་བ་མགྱོགས་པའོ༔ ལྗང་ཀུ་ནི་དབང་དྲག་གཉིས་ཀྱིས་འགྲོ་བའི་དོན་མཛད་པའོ༔ དཔྲལ་བ་ཞུར་བ་ནི༔ ཐུགས་རྗེ་དྲི་མ་མེད་པར་གཟིགས་པའོ༔ ཕུམ་ཕུམ་སེར་པོ་ནི་ཆེ་བའི་ཡོན་ཏན་དང་ལྡན་པའོ༔ རྡོག་མ་ལེ་བརྒན་ནི་དབང་གི་ཕྲིན་ལས་མཛད་པའོ༔ གཡས་ཕྱོགས་སུ་ལྟ་བ་ནི་འགྲོ་བའི་དོན་ལ་བདེ་བའོ༔ ཞེས་གསུངས་ཏེ། །དེའི་ཕྱི་མ་ནི་གོང་དུ། དབུ་གཙུག་རྟ་མགོ་ལྗང་ཞུར་གཡས་ཕྱོགས་སུ་ལྟ་བ༔ ཞེས་གསུངས་སོ། །ཡང་བདེ་འདུས་བསྐུལ་ཆེན་ལས། གཡས་ཀྱི་རྟ་སྐད་ལྷང་ལྷང་ཐང་གཅིག་གིས༔ ཞལ་གཡས་མྱ་ངན་འདས་པའི་ཆོས་ཀྱང་སྟོན༔ གཡོན་གྱི་རྟ་སྐད་ལྷང་ལྷང་ཐང་གཅིག་གིས༔ རྣལ་འབྱོར་ཡལ་གམ་ཅན་ལ་སིདྡྷི་སྟེར༔ དབུས་ཀྱི་རྟ་སྐད་ལྷང་ལྷང་ཐང་གཅིག་གིས༔ སྲིད་པའི་མ་མོ་བོས་ཤིང་དམ་ལ་སྡུད༔ ཅེས་དང་། ལྷོ་བྲག་ཕྱག་རྡོར་སྙན་བརྒྱུད་ཀྱི་དྲག་པོ་སུམ་སྒྲིལ་ལས། རྟ་སྐད་གཡས་སུ་བཏོན་པས་ཕོ་རྒྱུད་དང་། གཡོན་དུ་བཏོན་པས་མོ་རྒྱུད་ཐམས་ཅད་དབང་དུ་སྡུད་པ། དབུས་སུ་བཏོན་པས་སྒྲུབ་པ་པོ་ལ་དངོས་གྲུབ་

― TN03_Page_0815 ―

^{[མ་དཔེ་གཟིགས་ན་འདིར་གནོན།]}

(༤༥༧)རྩོལ་བ། ཞེས་འབྱུང་ཞིང་། ཡང་དེ་ཉིད་ལས། །རྟ་སྐད་ལན་གསུམ་བཏོན་པས་ཁམས་གསུམ་དབང་དུ་སྡུད་པ། ཞེས་དང་། ཀློང་སྙིང་བཀའ་བརྒྱད་ལས། དབུ་གཙུག་རྟ་སྐད་ལྷང་ལྷང་འཚེར་བ་ཡིས༔ ངན་སོང་གནས་སྟོང་ཡེ་ཤེས་དོན་ལ་སྐུལཿ ཡེ་ཤེས་མ་མོ་མཁའ་འགྲོ་ཕོ་ཉར་འགྱེདཿ ཅེས་ཀྱང་འབྱུང་། དབང་ཆེན་གདབ་ཁ་ལྷ་གཞུང་གང་དུ་བྱུང་ཡང་། ཕུར་བུའི་སྒོ་ནས་བྱེད་པ་ལྟར། ཐོ་མནན་གང་དུ་བྱུང་ཡང་རྟ་བྲོ་ཞེས་ལྷ་འདིའི་སྒོ་ནས་བྱེད་པ་གྲགས་ཆེའོ། །གྱི་བྲོ། ཕུར་བུའི་གདབ་ཁ། མ་མོའི་ཐུན། ཞེས་མཁས་གྲུབ་མུས་སྲད་པ་སོགས་མང་པོས་བཤད་པའི་རྟ་བྲོའི་དགོངས་པ་ནི། རྒྱལ་པོ་བཀའ་འབུམ་གྱི་ཕྱི་གནོད་སྦྱིན་ཕོ་མོའི་བར་ཆད་འདུལ་བ་བརྟུལ་ཞུགས་གསུམ་གྱི་མན་ངག་ཏུ། ལུས་ཀྱི་བརྟུལ་ཞུགས་ལུས་རྟ་མགྲིན་གྱི་སྐུར་སྒོམ་པ་དང་། ངག་གི་བརྟུལ་ཞུགས་རྟ་སྔགས་དྲག་ཏུ་ཟློ་ཞིང་རྟ་སྐད་བཏོན་པས་དྲེགས་པ་ཐམས་ཅད་དབང་མེད་དུ་འདུ་བར་གསུངས་པའི་འཕྲོར་སེམས་ཏིང་ངེ་འཛིན་གྱི་བརྟུལ་ཞུགས་ལ་བདུན་ལས༔ འབྲུག་ལྟར་ཆེ་བའི་བརྟུལ་ཞུགས་ནི༔ རིག་པ་ངར་དང་ལྡན་པས་ཧུར་འདོན༔ ཐོག་ལྟར་དྲག་པོའི་བརྟུལ་ཞུགས་ནི༔ བར་དུ་གཅོད་པའི་སྟེང་དུ་ཐོག་བབས་པ་ལྟར་དྲག་ཏུ་གཏད༔ གློག་ལྟར་འཁྱུག་པའི་བརྟུལ་ཞུགས་ནི༔ ཏིང་ངེ་འཛིན་གྱི་རྩལ་མྱུར་བར་འདོན༔ ཉི་ཟླ་ལྟར་

― TN03_Page_0816 ―

^{[མ་དཔེ་གཟིགས་ན་འདིར་གནོན།]}

(༤༥༨)གསལ་འགྲིབ་མེད་པའི་བརྟུལ་ཞུགས་ནི༔ ཏིང་ངེ་འཛིན་ལ་གསལ་འགྲིབ་མེད་པར་རིག་པ་གསལ་བཏབ༔ མི་རྟོག་པ་སྦྲུལ་ལྟ་བུའི་བཏུལ་ཞུགས་ནི༔ ཏིང་ངེ་འཛིན་གྱི་དམིགས་པ་ཡུན་རིང་ལ་ཚན་ཆེ་བར་བྱ༔ ཆུ་བོ་ལྟར་རྒྱུན་མི་འཆད་པའི་བརྟུལ་ཞུགས་ནི༔ ཉིན་མཚན་མེད་པར་ལྷའི་ང་རྒྱལ་བྱ༔ རྡོ་རྗེ་ལྟར་མི་འགྱུར་བའི་བརྟུལ་ཞུགས་ནི༔ སེམས་མི་འགྱུར་བའི་གདེངས་དང་ལྡན་པར་བྱའོ༔ ནང་དུག་ལྔའི་རྣམ་རྟོག་གང་སྐྱེས་ཀྱི་སྟེང་དུ་ཡང་བརྟུལ་ཞུགས་འདི་དག་བཏང་ན་ཤིན་ཏུ་ཟབ་པར་སྣང་། །བར་ཆད་མཐར་ཕྱིན་པ་ནི་ནང་གི་བར་ཆད་ཡིན་པས་དེ་འདུལ་བ་ལ་ནན་ཏན་བྱའོ། །ཞེས་གསུངས་ཏེ། གྲོལ་ཏིག་རྟ་མགྲིན་དྲེགས་འདུལ་དང་དེ་གཉིས་ལྷ་སྔགས་དང་བཤད་ཚུལ་གཅིག་ཏུ་འདུག་པས་གྲོལ་ཏིག་གི་ལུང་མཁས་པའི་ཡིད་འཕྲོགས་སུ་བྲིས་པ་དང་བསྒྲིག་རྒྱུ་ཡིན་ནོ། །རྟ་མགྲིན་དྲེགས་པ་དབང་སྡུད་གཅིག་པོ་དེ་ཉིད་བཀའ་འབུམ་གྱི་སྐོར་གཉིས་སུ་བཞུགས་པ་ལས་སྔ་མ་ཞལ་གདམས་སྐོར་པ་ཡིན་ལ། སྒྲུབ་ཐབས་སྐོར་པ་ན། །བརྟུལ་ཞུགས་གསུམ་གྱི་དང་པོ་གཉིས་སྔར་དང་ཧ་ལམ་འདྲ། དེ་ནས། སེམས་ཏིང་ངེ་འཛིན་གྱི་བརྟུལ་ཞུགས་ཀྱིས་མི་འཇིགས་པའི་གདེངས་བཅའ་བ་ནི༔ རང་དང་ལྷ་གཉིས་དབྱེར་མེད་པས༔ སེམས་སྐྱེ་མེད་ཀྱི་རང་བཞིན་ངར་དང་བཅས་ལ༔ གང་ལ་ཡང་འཇིགས་པའི་ཉམ་ང་བ་དང་བག་ཚ་

― TN03_Page_0817 ―

^{[མ་དཔེ་གཟིགས་ན་འདིར་གནོན།]}

(༤༥༩)བ་མེད་པར་གདོན་བགེགས་ཀྱི་སྟེང་དུ་ཐོག་བརྫི་བྱའོ༔ སྐབས་སུ་རྟ་སྐད་འདོན་ཞིང་བརྟུལ་ཞུགས་བྱའོ༔ ལུས་རྟ་མགྲིན་གྱི་སྐུར་གསལ་བས་ལུས་ལྷའི་གདེངས་ཀྱིས་ཟིན་པས་ལྷ་མ་སྲིན་སྡེ་བརྒྱད་དབང་དུ་འདུས༔ ངག་སྔགས་སུ་གསལ་བས་དྲེགས་པ་ཅན་ཐམས་ཅད་བཀའ་ཉན་གསུང་སྡོད༔ ཡིད་ཆོས་ཉིད་དུ་གསལ་བས་འཇིག་རྟེན་ལས་འདས་པ་ཐམས་ཅད་ཟིལ་གྱིས་ནོན་ནོ༔ དེ་ལྟ་བུའི་དགོངས་པ་དང་ལྡན་ཙ་ན་ལྷ་འདྲེ་མི་གསུམ་དབང་དུ་འདུས་པར་འགྱུར་རོ༔ བྱང་གཏེར་གེགས་སེལ་ལས། །གསང་སྤྱོད་འདི་ནི་འདྲེ་རྟོག་གཅིག་པོ་མ་ཡིན་པའི༔ མཇོ་ལྷོག་ནད་རིམ་ཐམས་ཅད༔ ཉམ་ང་བ༔ བག་ཚ་བ༔ མི་གཙངབ༔ མི་སྡུག་པཿ སྐྱུག་བྲོ་བ༔ ཉམས་དམའ་བ༔ ཤེད་ཆུང་བ༔ ངོ་ཚ་བ་ལ་སོགས་མདོར་ན་རྟོག་པ་སྐྱེས་ཚད་གོང་བཞིན་དུ་བཅད་དོ༔ ཞེས་གསུངས་ཏེ་པདྨའི་ལམ་རིམ་འགྲེལ་པར་ཡང་ཞུ་དག་ཕེར། དྲེགས་པ་ཅན་ཐམས་ཅད་ལས་ལ་བཀོལ་ནས་བྲན་བཞིན་དུ་ལས་བྱེད་དེ༔ སརྦ་བྷཱུ་ཏ་ཏྲིག་ནན་ཞེས་པ་སྔགས་ལ་བཏགས་ནས་རྟ་བྲོ་བརྡུང་ངོ་༔ བར་ཆད་ཐམས་ཅད་རྡུལ་དུ་འགྲོའོ༔ ཞེས་གྲོལ་ཏིག་ལྟར་གསུངས་སོ། །ཡང་དཀའ་འབུམ་བྱིན་རླབས་སྦ་ཆོས་ལས། ལྷ་འདྲེ་འགྱུར་མེད་ཀྱི་སྲང་ལ་འཇུག་པ་ལ་གསུམ་སྟེ༔ རི་རབ་ཀྱི་ཁོང་གསེང་དུ་མནན་པ་དང་༔ རྒྱ་མཚོའི་གཏིང་དུ་མནན་པ་དང་༔ ཆུ་བོའི་གཞུང་ལ་མནན་པའོ༔ རི་རབ་ཁོང་སེང་ལ་མནན་པ་ནི༔ འདྲེ་དང་གདོན་རང་

― TN03_Page_0818 ―

^{[མ་དཔེ་གཟིགས་ན་འདིར་གནོན།]}

(༤༦༠)གི་སེམས་སུ་ཤེས༔ སེམས་སྟོང་པར་ཤེས༔ སྟོང་པ་ལ་གནོད་བྱེད་མ་གྲུབ་པས༔ རང་ལྟ་བ་མི་འགྱུར་བའི་གདེངས་དང་ལྡན་པ་ལ་ལྷ་འདྲེ་ལྡང་མི་ནུས་སོ། །རྒྱ་མཚོའི་གཏིང་དུ་མནན་པ་ནི༔ འདྲེ་རྣམ་རྟོག་ཡིན་ཏེ་རྟོག་པ་སེམས་ལས་བྱུང་༔ སེམས་ངོ་བོ་སྟོང་པ་ཡིན༔ གསལ་ལ་དྭངས་པ་ཡིན༔ སྟོང་གསལ་རྟོག་མེད་ལ་ལྷ་འདྲེ་མ་གྲུབ་པ་དེ་སྒོམ་པ་ཡིན་ནོ༔ ཆུ་བོའི་གཞུང་ལ་མནན་པ་ནི༔ ལྷ་འདྲེའི་རྟོག་པ་སེམས་ཡིན༔ རྟོག་པ་རྒྱུན་ཆད་མེད་པར་སེམས་ལས་སྐྱེས༔ ལྷའི་བཟང་རྟོག་དང་འདྲེའི་ངན་རྟོག་ཐམས་ཅད་བྱུང་ཡང་སེམས་ལས་བྱུང་༔ གྲོལ་ཡང་སེམས་སུ་གྲོལ་བས་རང་ཤར་རང་གྲོལ་རྒྱུན་ཆད་མེད་པ་ནི་ཐུགས་རྗེ་ཆེན་པོའི་སྤྱོད་པ་ཡིན་ནོ༔ དེ་ལྟར་དུ་རྟོགས་ཙ་ན་ལྷ་འདྲེ་འགྱུར་མེད་ཀྱི་སྲང་དུ་ཚུད་པ་ཞེས་བྱའོ༔ འདྲེའི་འགྱུ་སྲང་རྣམ་རྟོག་ཡིན་པས། རྣམ་རྟོག་དེ་རོ་སྙོམ་གྱི་གནད་ཀྱིས་ཐད་ཀར་གཅོད་པ་འདི་ལ། བགེགས་ཀྱི་ལམ་སྲང་གཅད་པ་ཞེས་གསུངས། །ཞེས་གསུངས་ཏེ། བྲོ་མནན་རྣམས་སུ་བར་ཆད་རྣམ་ཐར་སྒོ་གསུམ་གྱི་ཀློང་དུ་རྒྱས་འདེབས་བྱེད་པར་གསུངས་པ་དང་། །གོང་གི་བརྟུལ་ཞུགས་བདུན་པ་དང་། །འདི་རྣམས་ལྟོ་སྦྱར་ན་བྲོ་མནན་གྱི་དགོངས་པ་ལ་ངེས་པ་སྟེར་རོ། །འགྱུར་མེད་ཀྱི་སྲང་དུ་འཛུད་ཅེས་པ་ནི་སྐོར་ལྔའི་སྐབས་སུ། བཟློག་སྒྱུར་ཡོངས་གྲུབ་འོད་གསལ་ཆེན་པོའི་དབྱིངས༔ མི་ལྡོག་

― TN03_Page_0819 ―

^{[མ་དཔེ་གཟིགས་ན་འདིར་གནོན།]}

(༤༦༡)ཕྱག་རྒྱས་འདེབས་པའི་ཕྲིན་ལས་མཛོད༔ཅེས་པ་དང་དོན་འདྲ་སྟེ། དེའང་དངོས་འཛིན་གཞིར་བཞག་གི་སྟེང་ནས་བར་ཆད་ཟློག་པའི་ཐབས་མང་པོ་འཚོལ་བ་ནི། ཁྱི་རྡོ་རྗེས་སུ་རྒྱུག་པའི་དཔེ་ལྟར་གནོད་པ་གཅིག་གཉིས་ལས་ཐར་ཡང་ད་དུང་འཛད་མེད་དུ་རྟིང་མནན་ནས་ཡོང་བས་སྙིང་པོ་ཆུང་ལ། འདིར་བཤད་པའི་ཟབ་གནད་འདི་ཡོད་ན། རྨི་ལམ་དུ་འཇིགས་སྐྲག་ཆུ་བོའི་གཉེར་མ་ལྟར་འབྱུང་བཞིན་པའི་འཕྲོ་ལ་གཉིད་གཅིག་པུ་དེ་སད་ན་དེ་ཐམས་ཅད་ཀྱི་རྫུན་ཕུགས་དེར་རྡིབས་ནས་འགྲོ་བ་བཞིན་ཡིན་ཏེ། སྒྲུབ་པ་ལུང་ཆེན་འདུས་པར། ཡང་གསང་དེ་ཁོ་ན་ཉིད་ཀྱི་ཟློག་པའི་གཞུང་། འཁོར་འདས་ཆོས་ཀུན་གདོད་མ་ནས༔ སྟོང་ཆེན་མཁའ་ལྟར་རྣམ་པར་དག༔ དོན་གྱི་ཀུན་བཟང་ཧེ་རུ་ཀའི༔ ཐིག་ལེ་ཆེན་པོར་དབྱེར་མེད་ཀྱང་༔ དེ་ཉིད་མ་རིག་འཁྲུལ་པ་ལས༔ བདག་དང་གཞན་དུ་རྣམ་པར་བརྟགས༔ ཉོན་མོངས་བག་ཆགས་རིམ་གྱིས་འཕེལ༔ འཇིགས་པའི་གདོན་དང་བཞི་བརྒྱའི་ནད༔ ལྡང་བྱེད་དགྲ་དང་གནོད་བྱེད་བགེགས༔ བར་ཆད་རྐྱེན་ངན་ཅི་ཤར་ཡང་༔ འཁྲུལ་པ་རྨི་ལམ་ལྟ་བུར་སྣང་༔ སྣང་དུས་ཉིད་ནས་མ་གྲུབ་པས༔ སྒྱུ་མའི་འཁྲུལ་འཁོར་ཞིག་པ་ལྟར༔ རང་བཞིན་འོད་གསལ་བྱང་ཆུབ་སེམས༔ སྟོང་པ་ཉིད་ཀྱི་ངང་དུ་བྷྱོ༔ མཚན་མ་མེད་པའི་

― TN03_Page_0820 ―

^{[མ་དཔེ་གཟིགས་ན་འདིར་གནོན།]}

(༤༦༢)དབྱིངས་སུ་ཟློག༔ སྨོན་པ་མེད་པའི་མཁའ་ལ་བསྟིམས༔ དུས་གསུམ་འགྱུར་བ་མེད་པ་ཡི༔ ཕྱག་རྒྱ་ཆེན་པོར་རྒྱས་ཐོབ་ཅིག༔ ཅེས་གསུངས་སོ། །ཚུལ་དེ་ཀློང་དུ་གྱུར་པ་ན་ནི་བར་ཆད་ཆེ་ཆུང་གང་ཡིན་ཡང་འདུལ་དཀའ་སླ་མེད་དེ། གོང་གི་དཔེས་ཤེས་སོ། །རྟོགས་པ་མཐོན་པོ་ལ་བཤད་པ་བཞིན་རེ་ཞིག་མི་འོང་ཡང་། འདི་མོས་སྒོམ་ཙམ་བྱས་ཀྱང་སྟོབས་གཞན་དང་ཆེས་མི་འདྲའོ། །རྒྱ་གར་གྱི་པ་གྲུབ་དུ་མའི་གཞུང་དང་། གཏེར་ཕྱོགས་མང་པོར་དོན་དམ་པའི་སྲུང་བ་གསུངས་པ་དང་། དེ་ཁོ་ན་ཉིད་ཀྱི་སྦྱིན་སྲེག་འཇོག་ཚུལ་སོགས་ལ་ལྟོས་དང་། སྲུང་ཟློག་མནན་སྲེག་ཐམས་ཅད་ཀྱི་སྐབས་སུ། གཙོ་བོ་བརྒྱའི་ནང་ནས་གྲོས་ཐག་ཆོད་ནུས་གཅིག་ཟེར་བ་ལྟ་བུ་ནི། དབང་ཆེན་གླུ་གར་གྱི་དེ་ཉིད་བདེ་སྟོང་དབྱེར་མེད་ཀྱི་རྣལ་འབྱོར་འདི་ཉིད་ཡིན་པར་ངེས་སོ། །རྟ་མཆོག་རོལ་པའི་ཏནྟྲ་ལེའུ་བརྒྱ་རེ་གཅིག་པར། ཚངས་སོགས་ཞིང་ཁམས་སྦྱང་བའི་ཕྱིར། །དབྱངས་དྲུག་རྟོགས་པའི་ལྟ་བར་བཞག །བྲོ་དྲུག་རྫོགས་པའི་སྤྱོད་ལམ་ཡིན། །དབྱངས་དྲུག་གདངས་སུ་བླང་བ་ནི། །གྲུབ་པའི་དབྱངས་ཀྱིས་ཐུགས་དམ་བསྐང་། །ཚངས་པའི་དབྱངས་ཀྱི་ས་ཞིང་ཁམས་སྦྱངས། །གདུང་བའི་དབྱངས་ཀྱིས་མ་སྲིང་མཉེས། །ལས་ཀྱི་དབྱངས་ཀྱིས་ཕོ་ཉ་འགྱེད། །སྒྱུ་མའི་དབྱངས་ཀྱིས་དགོངས་རྒྱུད་

― TN03_Page_0821 ―

^{[མ་དཔེ་གཟིགས་ན་འདིར་གནོན།]}

(༤༦༣)གསལ། །འབར་བའི་དབྱངས་ཀྱིས་བདུད་བཞི་འདུལ། །ཧཱུཾ་གི་དབྱངས་ཀྱིས་འཕྲོ་འདུ་འཁྲུགས། །གྲུ་གུའི་རྟ་མགྲིན་དྲེགས་སྒྲོལ་གྱི་བྲོ་རབས་ལས། གླུ་དྲུག་གསང་བའི་དབྱིངས་དང་སྦྱོར༔ བྲོ་དྲུག་འདུལ་བའི་ལས་དང་སྦྱོར༔ ཞེས་གསུངས། དེ་གླུ་དྲུག་ཀྱང་། གླུ་དྲུག་དབྱངས་སུ་བླང་བ་ནི༔ ཚངས་པའི་གླུས་ནི་ཞིང་ཁམས་སྦྱོང་༔ དཔལ་གྱི་གླུས་ནི་འཕྲོ་འདུ་གསལ༔ ཁྲོ་བོའི་གླུས་ནི་བདུད་བཞི་འདུལ༔ གདུང་བའི་གླུས་ནི་མ་སྲིང་བསྟེན༔ ཧཱུཾ་སྒྲའི་གླུས་ནི་འཕྲོ་འདུ་འཁྲུགས༔ དབུ་མའི་གླུས་ནི་དགོངས་རྒྱུད་གསལ༔ ཞེས་བྱུང་། གར་གྱི་བྲོ་བརྡུང་བྱིན་རླབ་ཆེ། །དབང་གྱི་བྲོ་བརྡུང་དུག་གསུམ་མཇོམས། །པདྨའི་བྲོ་བརྡུང་ཆགས་པ་མེད། ཁྲོ་བོའི་བྲོ་བརྡུང་དྲེགས་པ་འཇོམས། །ཕྲ་མེན་བྲོ་ནི་འགུགས་སྦྱོང་བྱེད། །རྫོགས་པའི་བྲོས་ནི་ལས་རྣམས་འགྲུབ། །ཅེས་གསུང་། གྲུ་གུ་ཡང་དབང་གི་རྟ་མགྲིན་བྲོ་རབས་ལས་ནི། བྲོ་དྲུག་རྫོགས་པར་ལྡན་པར་བརྡུང་༔ ཁྲོ་བོའི་བྲོ་བརྡུང་དྲེགས་པ་འཇོམས༔ དཔལ་གྱི་བྲོ་བརྡུང་བདུད་བཞི་འདུལ༔ མ་སྲིང་བྲོ་བརྡུང་གདུག་པ་འདུལ༔ དབང་གི་བྲོ་བརྡུང་སྲིན་པོ་འདུལ༔ ལས་ཀྱི་བྲོ་བརྡུང་ཕོ་ཉར་འགྱེད༔ རྣལ་འབྱོར་བྲོ་བརྡུང་ཐུགས་དམ་བསྐུལ༔ འདི་ནི་དཔལ་གྱི་ཐུགས་དམ་ཡིན༔ འདི་ནི་ཡུམ་གྱི་གསང་ཚིག་ཡིན༔ འདི་ནི་མ་སྲིང་དངོས་གྲུབ་ཡིན༔ འདི་ནི་ཕོ་ཉའི་ལོངས་སྤྱོད་ཡིན༔ ཞེས་བཤད་དོ། གཞན་ཡང་རྟ་རྒྱུད་ལས། བྲེང་ངེ་བ་དང་། །དུང་ངེ་བ་དང་། ཤ་ཏ་པ་དང་། ག་ཏ་པ་དང་། ཅང་ག་དེའུ་དང་། པང་ཀ་དེའུའི་གླུ་དྲུག་དང་། འདི་དྲུག་ལ་སྒྱུ་འཕྲུལ་ལམ་རིམ་འགྲེལ་

― TN03_Page_0822 ―

^{[མ་དཔེ་གཟིགས་ན་འདིར་གནོན།]}

(༤༦༤""བར། འབྲིང་པོ་གཉིས། རིང་པོ་གཉིས། ཐུང་ངུ་གཉིས་ཞེས་བཤད་དོ། །དེ་དག་དང་སོ་སོར་སྦྱར་རྒྱུའི་བྲོ་དྲུག །སོ་སོའི་ཡོན་ཏན་དང་བཅས་ཏེ་གསུངས་པ་རྣམས་བདེ་འདུས་སྨན་སྒྲུབ་ཏུ་ཡང་འབྱུང་ལ། བདེ་འདུས་ཀྱི་སྐབས་དེར། སྔོན་གྱི་རྒྱལ་བ་གླུ་ཡིས་འགྲུབ༔ རིག་འཛིན་རྡོ་རྗེ་གླུ་ཡིས་འདྲེན༔ རྣལ་འབྱོར་དབང་ཕྱུག་གླུ་ཡིས་འགྲུབ༔ བསྟན་པ་རྒྱ་མཚོ་གླུ་ཡིས་སྤེལ༔ སྨན་གྱི་རིག་འཛིན་གླུ་ཡིས་འབེབས༔ སྲིད་པའི་བུ་མོ་གླུ་ཡིས་བསྟེན༔ བདུད་དང་སྲིན་པོ་གླུ་ཡིས་འདུལ༔ མཁའ་འགྲོ་རྒྱ་མཚོ་གླུ་ཡིས་འབོད༔ དངོས་གྲུབ་རྒྱ་མཚོ་གླུ་ཡིས་ཐོབ༔ ཕྲིན་ལས་རྒྱ་མཚོ་གླུ་ཡིས་བྱེད༔ དེ་ཕྱིར་གླུ་འདི་རྟག་ཏུ་བླངས༔ ཞེས་སོགས་གླུ་བྲོའི་ཡོན་ཏན་རྒྱ་ཆེར་བཤད་དོ། །དབང་ཆེན་ཡང་གསང་རྟ་མགྲིན་གྱི་སྤྱོད་པའི་མན་ངག་ཏུ། དཔལ་རྟ་མགྲིན་བསྒྲུབས་ནས༔ བར་ཆད་འདུལ་བའི་ཕྱིར༔ དུར་ཁྲོད་ཀྱི་གནས་དབེན་པར་གཞན་གྱིས་མ་ཚོར་བར་རྟ་སྐད་འདོན་པའི་རྔམ་སྟབས་བྱའོ༔ བྲོ་བརྡུང་གཟིར་མནན་བྱའོ༔ ཞེས་རྒྱུན་སྤྱོད་ཀྱི་ནང་དུའོ། །སྒྱུ་འཕྲུལ་ལས། །སྤྱུགས་པའི་འཐོར་རླུང་གཡེང་བ་ཆེ། །ཞེས་པར། འཁོར་སྡུད་པའི་བཤུགས་པ་སྙན་པ་དང་། །གདུག་པ་འདུལ་བའི་བཤུགས་པ་དྲག་པ་དང་། །བྱིན་འབེབས་པའི་བཤུགས་པ་བྱིངས་ཆེ་བའམ་གདངས་འཚེར་ལ་ཡུན་རིང་བ་སྟེ། །དེ་གསུམ་པོའི་དབུགས་ཀྱིས་

― TN03_Page_0823 ―

^{[མ་དཔེ་གཟིགས་ན་འདིར་གནོན།]}

(༤༦༥)ཁམས་གསུམ་འཐོར་བར་བྱེད་པའི་རླུང་ཆེན་པོས་གཡེང་བ་འགྲན་ཟླ་མེད་པར་ཆེ་བའོ། །ཞེས་སྒྲོལ་གཡུང་གཉིས་ཀྱིས་བཤད་པའང་རྟ་སྐད་དང་ཚུལ་མཐུན་ནོ། །མཁའ་འགྲོ་ཆེན་མོའི་བམ་སྒྲུབ་ལས། བཤུགས་པའི་རྟ་སྐད་འབོད༔ ཅེས་ཀྱང་ངོ་། །ཉང་གཏེར་མཁའ་འགྲོ་ཆེན་མོའི་ཚོགས་མཆོད་ཀྱི་ཆོ་གར། རྟ་ཕག་ཡབ་ཡུམ་འཁོར་བཅས་ཀྱི་བྲོ་བརྡུང་རྒྱས་པ། །དགྲ་ནི་ཐལ་བར་རློག་པའི་བྲོ༔ བདུད་ནི་ཕྱེ་མར་འཐག་པའི་བྲོ༔ དེ་ཕྱིར་གླུ་བྲོ་རྒྱུན་མི་བཅད༔ ཅེས་པའི་འགྲེས་བྱང་ཅན་ཅིག་གསུངས་པའི་མཐར། བྱིན་རླབས་འབེབས་པའི་དུས་དང་༔ བར་ཆོད་འདུལ་བའི་དུས་དང་༔ གཏོར་གཞོང་གནོན་པའི་དུས་རྣམས་སུ་བྲོ་འདི་བརྡུང་ངོ་༔ ཞེས་བཤད་དོ། ༈ །རྟ་མགྲིན་གྱི་གར་དགུ་ལ་བཤད་ཚུལ་བྱེ་བྲག་པ་ནི། དྲེགས་པ་གནད་འབེབས་རྒྱུད་ལས། ལྷ་ཆེན་གཞོན་ནུ་གདོང་དྲུག་གིས། །ལྷ་མིན་བ་སུ་ཀ་ར་བསད། །དེ་ལ་དཔའ་བོར་མཚན་བཏགས་པས། །དེ་བཅོམ་དཔའ་བོ་ཧེ་རུ་ཀ །དབང་ཕྱུག་ཆེན་པོ་འཁྱུད་ཉམས་སྒེགས། །དེ་བཅོམ་སྐུ་ལ་ཡུམ་འཁྲིལ་སྒེགས། ཁྱབ་འཇུག་ཕག་སེང་འཇིགས་གཟུགས་ཉམས། །དེ་བཅོམ་ཧེ་རུ་ཀ་འཇིགས་རུང་། །སྐུ་ཡི་གར་གསུམ་བསྟན་པ་ནི། །སྐུ་ལ་ཚོར་བ་བདེ་སྡུག་ནུབ། །ཚང་པའི་གསུང་དབྱངས་

― TN03_Page_0824 ―

^{[མ་དཔེ་གཟིགས་ན་འདིར་གནོན།]}

(༤༦༦)རྟ་སྐད་སྙན། དེ་བཅོམ་རྟགས་སུ་ཞལ་གཡས་བཞད། །ཚོགས་ཀྱི་བདག་པོ་གླང་སྣ་གཤེ །དེ་བཅོམ་ཞལ་གཡོན་ཁྲོ་བར་བཤད། །སྒྲ་གཅན་ཉི་ཟླ་ཁར་མིད་རྔམས། །དེ་བཅོམ་དབུས་ཀྱི་ཞལ་དམར་རྔམས། །གསུང་གི་གར་གསུམ་བསྟན་པ་ནི། །གསུང་ལ་ཚོར་བ་བདེ་སྡུག་ནུབ། །བརྒྱ་བྱིན་ལག་ན་རྡོ་རྗེ་ཐོགས། །ལྷ་རྣམས་སྙིང་རྗེའི་སེམས་ཀྱིས་སྐྱོང་། །དེ་བཅོམ་པས་ནི་སྙིང་རྗེ་མཛད། །ཀླུ་ཆེན་སེ་ཤ་ཙ་ར་ཡིས། །འགྲེ་ལྡོག་བྱས་པས་ས་འགུལ་བྱུང་། །དེ་བཅོམ་ཀླུ་བརྒྱན་ངོ་མཚར་ཆེ། །མེ་ལྷས་སྟོང་གསུམ་མེ་ཡིས་བཤིགས། །དེ་བཅོམ་མེ་དཔུང་དབུས་ན་བཞུགས། །ཐུགས་ཀྱི་གར་གསུམ་བསྟན་པ་ནི། །ཐུགས་ལ་ཚོར་བ་བདེ་སྡུག་ནུབ། །ཅེས་སོ། རྔོག་མ་ལེ་བརྒན་ལས་ནི། སྒེགས་པའི་ཉམས་ཀྱིས་སྒེགས་པའི་གར་མཛོད་ལ། །འདོད་ཆགས་དབང་ཕྱུག་འདུལ་བར་མཛོད། ཁྱོད་ནི་དཔའ་བོ་ཆེན་པོ་སྟེ། །ལྷ་མིན་བ་སུ་ཀ་ར་འདུལ་བར་མཛོད། །འཇིགས་བྱེད་ཆེན་པོ་འཇིགས་པའི་སྐུ། ཁྱབ་འཇུག་ཆེན་པོ་འདུལ་བར་མཛོད། །སྐུ་ཡི་གར་གྱིས་སྐུ་ཡི་གར་མཛོད་ལ། །བདག་གི་ལུས་ལ་གར་རྣམས་འཆར་བར་མཛོད། །རྒོད་པའི་ཉམས་ཀྱིས་ཧ་ཧ་བཞད་པ་ནི། །གཞོན་ནུ་སྨིན་དྲུག་རྟ་སྐད་དྲག་པོས་བཏུལ། །གཤེ་བའི་གར་གྱིས་ཧི་ཧི་གཤེ་བ་ནི། །ཚོགས་

― TN03_Page_0825 ―

^{[མ་དཔེ་གཟིགས་ན་འདིར་གནོན།]}

(༤༦༧)ཀྱི་བདག་པོ་གླང་པོའི་སྣ་ཅན་བཏུལ། །རྔམས་པའི་གར་གྱིས་ཧྲིང་ཧྲིང་ཟ་བྱེད་རྔམ། །སྒྲ་གཅན་ར་ཧུ་ལ་ནི་རྔམ་པས་བཏུལ། །གསུང་གི་གར་གྱིས་གསུང་གི་གར་མཛོད་ལ། །བདག་གི་ངག་ལ་སྔགས་སུ་འཆར་བར་མཛོད། །སྙིང་རྗེའི་གར་གྱིས་ཐུགས་རྗེའི་རོལ་བར་མཛད། །བརྒྱ་བྱིན་གླང་ཆེན་ཞོན་པ་སྒྲོལ་བར་མཛོད། །ངོ་མཚར་གར་གྱིས་ངོ་མཚར་བསྐྱེད་པར་མཛད། །ཀླུ་ཆེན་སེ་ཤ་ར་ཙ་བསྒྲལ་བརམཛོད། །ཞི་བའི་གར་གྱིས་ཞི་བ་འདུལ་མཛད་པ། །མེ་ལྷ་དྲང་སྲོང་ཆེན་པོ་སྒྲོལ་བར་མཛོད། །ཐུགས་ཀྱི་གར་གྱིས་ཐུགས་ཀྱི་གར་མཛོད་ལ། །བདག་གི་སེམས་ལ་ཉམས་རྣམས་འཆར་བར་མཛོད། །ཅེས་གསུངས་ཏེ། །ཅུང་ཟད་མི་འདྲའོ། ༈ །འཆི་མེད་མཛོད་ལས། ཤུགས་འགྲོས་མདུར་འགྲོས་གར་འགྲོས་དང་། འགྲོས་ཆེན་གསར་འགྲོས་འདི་རྣམས་ནི། རྟ་འགྲོས་འགྲོ་ལུགས་ལྔ་ཡིན་ཏེ། །ཞེས་པའི་དང་པོ་ནི། ཁྱབ་པར་མཚུངས་པར་འགྲོ་བའོ། །གཉིས་པ་ནི། དེ་ལས་ལྷག་ཅིང་གསལ་བར་འགྲོ་བའོ། །གསུམ་པ་ནི། དཀྱིལ་འཁོར་ཅན་གྱི་གར་གྱིས་འགྲོ་བའོ། །བཞི་པ་ནི། ཤུགས་ཀྱིས་འཕེན་ཅིང་ཡོངས་སུ་འགྲོ་བའོ། །ལྔ་པ་ནི། མྱུར་བར་ལྡེམ་ཞིང་འགྲོ་བའོ། །འདོད་འཇོ་ལས་སོ། ༈ །།མཁའ་འགྲོ་མའི་

― TN03_Page_0826 ―

^{[མ་དཔེ་གཟིགས་ན་འདིར་གནོན།]}

(༤༦༨)གསེར་སྒྲུབ་ཀྱི་འགྲེལ་པ་ལས། དཔའ་བོ་ནི་དབུ་གཙུག་རྟ་སྐད་འགྲོ་བ་མགྱོགས༔ ཤུགས་ཆེ་བ་དང་འདྲ༔ སངས་རྒྱས་ཀྱི་ས་ལ་འགྲོ་བ་མགྱོགས༔ འཁོར་བ་སྒྲོལ་བས་ཤུགས་ཆེ་བའོ༔ ཡུམ་རྡོ་རྗེ་ཕག་མོ་ནི༔ དཔའ་མོའི་གཙུག་ཕག་ནི་རྟོག་པ་ཆུང་ཞིང་༔ ཤུགས་ཆེ་བ་དང་འདྲ་བར༔ འཁོར་བ་ལ་བཟང་ངན་རྟོག་པ་མེད་༔ འཁོར་བ་རྩད་གཅོད་པ་ཤུགས་ཆེ་བ་ཡིན་ནོ༔ ཞེས་སོ། །ཞལ་གཉིས་མའི་སྒྲུབ་ཐབས་ལས། ཁྲོ་ཞལ་དམར་མོ་སྤྱན་གསུམ་ཐུར་ལ་གཟིར་བ༔ ཕག་གདོང་ནག་མོ་སྤྱན་གསུམ་གྱེན་ལ་གཟིགས་པ༔ ཞེས་དང་། དོན་དམ་པ་ཆོས་ཉིད་ཡང་དག་པ་ལ་རྟོག་པས་ཕག་ཞལ༔ གང་གིས་ཀྱང་མི་འགྱུར་བས་ནག་པོར་བསྟན་པ༔ དེ་ཡང་སེམས་ཅན་ལ་ཐུགས་རྗེས་རང་བྱུང་དུ་འབྱུང་བས་ཕག་ཞལ་གཡས་སུ་བྱུང་བའོ༔ ཀུན་རྫོབ་ལོངས་སྐུ་སྤྲུལ་སྐུས་འགྲོ་དོན་མངོན་དུ་བྱེད་པས་གཡོན་ཁྲོ་ཞལ་དུ་བྱུང་བ༔ ཁམས་གསུམ་ཐུགས་རྗེས་གཟིགས་པས་སྤྱན་གསུམ་ཐུར་དུ་གཟིགས་པ༔ རྣམ་ཐར་གསུམ་གྱི་གཟིགས་པས་ཕག་ཞལ་སྤྱན་གསུམ་གྱེན་དུ་གཟིགས་པ༔ ཞེས་སོ། །ཞལ་སྟེང་འོག་གི་སྤྱན་གཟིགས་ཚུལ་འདི་ཡབ་ལའང་འདྲ་བར། མཁའ་འགྲོ་ཡིད་བཞིན་ནོར་བུའི་ཕྲིན་ལས་ཆེན་མོ་ལས། སྤྱི་གཙུག་རྟ་མགོ་ལྗང་ཀུ་འཚེར་བ་ལས༔ རྫུ་འཕྲུལ་མྱུར་མགྱོགས་

― TN03_Page_0827 ―

^{[མ་དཔེ་གཟིགས་ན་འདིར་གནོན།]}

(༤༦༩)སྟོན་པའི་མཁའ་འགྲོ་འབུམ༔ ཁྲོ་ཞལ་དམར་པོ་ཅུང་ཟད་བཞད་པ་ལས༔ བདེ་ཆེན་ལས་ལ་ཁོལ་བའི་མཁའ་འགྲོ་འབུམ༔ བདེ་ཆེན་རྣམ་པར་མི་རྟོག་པའི་ཡེ་ཤེས་ཕག་གི་ཞལ་དང་། ཀུན་རྟོག་བག་ཆགས་དང་བཅས་པ་ཟ་བ་དམེ་བ་ཟ་བའི་དོན་དུ་མངོན། ཡབ་འདོད་ཆགས་རྟའི་གདོང་པས་ལྷན་སྐྱེས་ཀྱི་བདེ་བ་དང་། །ཡུམ་མི་རྟོག་ཕག་གི་གདོང་པས་སྟོང་ཉིད་རྟོགས་པའི་ཤེས་རབ་མཚོན་ཏེ། ཐབས་ཀྱི་སྐུ་མདོག་དམར་པོ་དང་། ཤེས་རབ་མཐིང་ཁར་བསྟན་པའི་དོན་ཡང་དེས་ཤེས། རྟ་ཞལ་སྤྱན་གསུམ་གྱེན་ལ་གཟིགས་པ་ལས༔ སྐུ་གསུམ་ལྷུན་གྱིས་གྲུབ་པའི་ཌྭ་ཀི་འབུམ༔ ཁྲོ་ཞལ་སྤྱན་གསུམ་ཐུར་ལ་གཟིགས་པ་ལས༔ ཁམས་གསུམ་ཟིལ་གྱིས་གནོན་པའི་མཁའ་འགྲོ་འབུམ༔ ཞེས་སོ། །ཡང་ཕག་མོའི་གསང་སྒྲུབ་ལས། ཕག་ཞལ་ནི༔ ཕག་གཏི་མུག་ཆེ་ཞིང་གཙང་བཙོག་མེད་པ་དང་འདྲ་བར༔ གཏི་མུག་མ་སྤངས་པར་རང་སར་དག་ནས་ཐུགས་རྗེ་ཡེ་ཤེས་ཀྱི་བརྟུལ་ཞུགས་ཀྱིས་ཉོན་མོངས་པ་དང་རྣམ་པར་རྟོག་པ་རྩད་ནས་གཅོད་པའོ༔ ཞེས་དང་། ཡང་གསང་སྒྲུབ་ཅིག་ལས། རྣམ་རྟོག་གྲོགས་སུ་ཁྱེར་བས་བཟང་ངན་སྤོང་ལེན་དང་གཙང་བཙོག་མེད་པས་ཕག་ཞལ༔ ཞེས་སོ། །ཕག་མོ་རིགས་འདུས་མའི་སྒྲུབ་ཐབས་ལས། རྣམ་རྟོག་གཙང་དམེ་མེད་པས་ཕག་གདོང་ནག་མོ་སྤྱི་གཙུག་ཏུ་འཐོན་པ༔ དོན་དམ་ཆོས་ཉིད་མི་འགྱུར་བས་ནག་མོ༔ སེམས་ཅན་དོན་ལ་

― TN03_Page_0828 ―

^{[མ་དཔེ་གཟིགས་ན་འདིར་གནོན།]}

(༤༧༠)ཐུགས་རྗེས་འཇུག་པས་བདེ་བས་གཡས་ངོས་སུ་ལྟ་བ༔གདུག་པ་ཅན་ཐམས་ཅད་ཚར་གཅོད་ཅིང་འདུལ་བས་ཕག་སྐད་དུ་ངུར་བ༔ དྲེགས་པ་ཅན་བདུད་དང་དགྲ་བགེགས་ལ་སོགས་པའི་བར་ཆད་ཐམས་ཅད་འཇིགས་པར་མཛད་པ༔ བདག་གི་དབང་དུ་བསྡུས་ནས་བཀའ་ཉན་ལས་ལ་འཁོལ་བར་བྱེད་པ༔ འཇིག་རྟེན་འདས་པའི་ཡེ་ཤེས་ཀྱི་མཁའ་འགྲོ་སྡེ་ལྔ་ལ་སོགས་པ་དང་འཇིག་རྟེན་མ་འདས་པའི་དུར་ཁྲོད་བརྒྱད་ཀྱི་མཁའ་འགྲོ་མ་ཐམས་ཅད་དབང་དུ་སྡུད་པས་བཀའ་ཉན་གསུང་སྡོད་འཁོར་དུ་བསྐོར་བ༔ ཞེས་གསུངས། རྣལ་འབྱོར་མ་ལྷ་ལྔའི་ཆོ་གར་ཡང་། ཁྲོ་ཞལ་དམར་མོ་བཞད་པའི་ཞལ༔ མཁའ་འགྲོའི་ཚོགས་རྣམས་དམ་ལ་སྡུད༔ མཁའ་འགྲོ་རྒྱ་མཚོའི་འགྲེལ་པར། ཐམས་ཅད་འདོད་ཆགས་ཆེན་མོའི་བདག་ཉིད་དུ་ཟ་བས་ན་ཕག་མོའོ། །ཞེས་ཕུང་ཁམས་སྐྱེ་མཆེད་ཐམས་ཅད་མཆོག་གི་དགའ་བའི་ངོ་བོ་ཉིད་དུ་ཟ་བས་ན་ཕག་མོར་བཤད་དེ། འདི་ཕྱི་ནང་གསང་བའི་ཕག་མོ་གསུམ་ཀ་ལ་སྦྱོར་ཆོག་པ་འདྲ། མཆན། ཡང་ན། ཕྱིན་ཅི་ལོག་གི་སྤྲོས་པའི་དམེ་བ་མཐའ་དག་རྣམ་དབྱེ་མེད་པར་བདེ་སྟོང་རང་གི་ངོ་བོར་ཟ་བས་ཏེ། ཕག་མོ་ཤེས་རབ་ཀྱི་ཕྱོགས་ཡིན་པས་སྟོང་ཕྱོགས་གཙོ་སྙམ། སྤྱི་གཙུག་ཕག་གདོང་ངུར་སྒྲ་འདོན༔ འཇིག་རྟེན་དྲེགས་པ་ལས་ལ་འཁོལ༔ ཞེས་སོ། ཕག་མོ་སྔོན་མོའི་སྒྲུབ་ཐབས་ལས། ཕག་མོའི་ངུར་སྒྲས་གདུག་པ་འདུལ༔ སྲིད་པ་གསུམ་པོ་ཟ་བར་བྱེད༔ ཅེས་སོ། །ཕྲིན་ལས་ཆེན་

― TN03_Page_0829 ―

^{[མ་དཔེ་གཟིགས་ན་འདིར་གནོན།]}

(༤༧༡)མོ་ལས༔ ཀུན་རྫོབ་རང་བཞིན་ཁྲོ་ཞལ་དམར་མོ་ལས༔ སྣང་སྲིད་ཟིལ་གྱིས་གནོན་པའི་ཌཱ་ཀི་འབུམ༔ དོན་དམ་རང་བཞིན་ཕག་ཞལ་ནག་མོ་ལས༔ བརྒྱལ་ནད་སྨྱོ་འབོགས་གཏོང་བའི་མཁའ་འགྲོ་འབུམ༔ ཞེས་སོ། །དེ་ཐམས་ཅད་མཁའ་འགྲོ་ཆེན་མོའི་སྐོར་རོ། །ཡང་ཕག་མོ་སྔོན་མོ་སྔ་མ་ལས། ཁྲོ་ཞལ་ཐུགས་ལ་གཟིགས་པ་ཁམས་གསུམ་སེམས་ཅན་ལ་ཀུན་རྫོབ་ཏུ་ཐུགས་རྗེས་གཟིགས་པའོ༔ ཕག་ཞལ་སྔོན་མོ་གྱེན་ལ་གཟིགས་པ་ནི་དོན་དམ་མྱ་ངན་ལས་འདས་པ་ལ་འགོད་པའོ༔ །ཞེས་སོ། ཁྲོས་ནག་གི་སྙན་རྒྱུད་འགྲེལ་པར། སྤྱི་གཙུག་ཕག་ཞལ་ནམ་མཁའི་གནས༔ ཞེས་པས༔ སྤྱི་གཙུག་རལ་པའི་གསེབ་ནས་ཕག་ཞལ་ནག་པོ་བྱུང་ནས་གྱེན་དུ་གཟིགས་པས་རྟོག་མེད་ནམ་མཁའ་ལྟ་བུའི་དགོངས་པ་ལ་དུས་རྟག་ཏུ་གནས་པའི་བརྡའོ༔ དེ་ཡང་ཕག་ཞལ་སྟེང་དུ་ངུར་བས་གཟུགས་མེད་ཀྱི་ཁམས་ཐམས་ཅད་དབང་དུ་སྡུད་པ༔ ཕག་སྐད་བར་དུ་ངུར་བས་གཟུགས་ཁམས་ཐམས་ཅད་དབང་དུ་སྡུད་པ༔ ཕག་སྐད་འོག་ཏུ་ངུར་བས་འདོད་ཁམས་ཐམས་ཅད་དབང་དུ་སྡུད་པ༔ ཕག་སྐད་ཕྱོགས་བཞིར་སྒྲོགས་པས་མཁའ་འགྲོ་རིགས་བཞི་དབང་དུ་སྡུད་པའོ༔ ཞེས་གསུངས། ཁྲོས་མའི་མཆོད་གཞུང་ལས། ཕག་སྐད་ཤར་དུ་བསྒྲགས་པ་ཡིས༔ རྡོ་རྗེ་མཁའ་འགྲོ་ཕོ་ཉར་འགྱེད༔ རྡོ་རྗེ་མཁའ་འགྲོའི་བརྟུལ་ཞུགས་ཀྱིས༔

― TN03_Page_0830 ―

^{[མ་དཔེ་གཟིགས་ན་འདིར་གནོན།]}

(༤༧༢)ཤར་ཕྱོགས་དྲི་ཟའི་གདོན་ཚོགས་དབང་དུ་སྡུས༔ ཤར་དུ་དང་། རྡོ་རྗེམཁའ་འགྲོའི་གནས་སུ། ལྷོ་རུ། རིན་ཆེན་མཁའ་འགྲོ། ནུབ་ཏུ། པདྨ། བྱང་དུ། །ལས་ཀྱི། ཤར་ལྷོར། དམ་ཚིག་མཁའ་འགྲོ། ལྷོ་ནུབ། སྣ་ཚོགས། ནུབ་བྱང་། ཐམས་ཅད། བྱང་ཤར། འཇིག་རྟེན། སྟེང་དུ། སངས་རྒྱས། འོག་ཏུ། ལོག་འདྲེན་མཁའ་འགྲོ། ཞེས་དང་། ཤར་ཕྱོགས་དྲི་ཟའི། ཞེས་པར། ལྷོ་ཕྱོགས་གཤིན་རྗེའི། ཀླུ་དབང་། བྱང་གནོད་སྦྱིན། མེ་ལྷའི། སྲིན་པོའི། རླུང་ལྷའི། འབྱུང་པོའི་ སྟེང་ལྷའི། འོག་ས་གདོན་ཚོགས་རྣམས་དབང་དུ་སྡུད༔ ཅེས་བཅུག་པ་བཤད། དར་སྐུའི་སྒྲུབ་གཞུང་ལས། སྤྱི་གཙུག་ཏུ་ཕག་ཞལ་ནག་མོ་ཚངས་པའི་དབྱིངས་སུ་ངུར་བ༔ ཐེངས་གསུམ་ངུར་བས་ཁམས་གསུམ་དབང་དུ་སྡུད་པ༔ ཐེངས་གསུམ་ངུར་བས་སྲིད་གསུམ་ཟིལ་གྱིས་གནོན་པ༔ ཐེངས་གསུམ་ངུར་བས་དགོས་འདོད་ཐམས་ཅད་ཆར་ལྟར་འབེབས་པ༔ ཞེས་གསུངས་སོ། །མཁའ་འགྲོ་ཆེན་མོའི་དམ་རྫས་བདུད་རྩི་སྒྲུབ་ཚུལ་ལས། མཁའ་འགྲོའི་ཚོགས་རྣམས་དབང་དུ་སྡུད་མཛད་པ༔ དཔའ་བོ་དབང་ཆེན་རྟ་མགྲིན་རྒྱལ་པོ་ལ༔ ཞེས་དང་། །མཁའ་འགྲོའི་ཚོགས་རྣམས་ལས་ལ་ཁོལ་མཛད་མ༔ མཁའ་འགྲོའི་གཙོ་མོ་རྡོ་རྗེ་ཕག་མོ་ལ༔ ཞེས་སོ། ༈ །རྟ་མགྲིན་ཧཱུྃ་མཛད་ཆེན་པོའི་རྒྱུད་ལས། དང་པོ་གསུང་གི་

― TN03_Page_0831 ―

^{[མ་དཔེ་གཟིགས་ན་འདིར་གནོན།]}

(༤༧༣)སྒྲ་བསྒྲགས་པས། །དུས་གསུམ་རྒྱལ་བའི་ཐུགས་དམ་བསྐུལ། །བར་དུ་གསུང་གི་སྒྲ་བསྒྲགས་པས། སྒྲུབ་པ་པོ་ལ་དངོས་གྲུབ་འབེབས། །ཐ་མར་དབང་གི་སྒྲ་བསྒྲགས་པས། །ངན་སོང་འཁོར་བ་གཏན་ནས་སྒྲོལ། །བདུད་སྲིན་ཀླུ་རྣམས་ཟིལ་གྱིས་མནན། །ཞེས་སོགས། སྐུ་ཕྱག་རྒྱ། གསུང་རིག་པ། ཐུགས་ཕྱག་མཚན། ཡོན་ཏན་བཅུད་ལེན། ཕྲིན་ལས་གདབ་ཁའི་ལས་སྦྱོར་སོགས་ལས། ཆེ་མཆོག་རིན་ཆེན་ཉི་མའི་རིགས་ཡིན་པས་བདུད་རྩིའི་སྒྲུབ་ལུགས་དང་སྦྱོར་བ་བཞིན། པདྨ་གསུང་ཡང་རྟ་སྐད་ཀྱི་སྒྲུབ་ལུགས་དང་སྦྱོར་ལ། ང་རྒྱལ་རྡོ་རྗེ་རྒྱས་ལས་ལ་བསྔགས་པས་བདུད་རྩི་སྒྲུབ་སྐབས་དངོས་གྲུབ་ཐམས་ཅད་རྒྱས་ལས་ཀྱི་སྒྲོམ་དུ་བཅུག་ནས་སྒྲུབ་པ་ལྟར། འདོད་ཆགས་རྡོ་རྗེ་གསུང་གི་སྒྲུབ་པར་དངོས་གྲུབ་མཐའ་དག་དབང་གི་ཕྲིན་ལས་ཀྱི་སྒྲོམ་དུ་བཅུག་ནས་སྒྲུབ་བོ། །ཆེ་མཆོག་གི་སྐབས་སུའང་། དངོས་གྲུབ་དབང་བྱེད་ལ་རྟ་མགྲིན་བསྔགས་ཏེ། དཀྱིལ་འཁོར་དྲུག་དང་སྦྱོར་བ་བརྒྱད་ལས་རྗེས་ཆགས་ཀྱི་འོད་ཟེར་སྤྲོ་བ། དེས་འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་ཀྱི་བདུད་རྩི་དགུག་པ། དེ་ཉིད་དཀྱིལ་འཁོར་བའི་སྦྱོར་མཚམས་སུ་བསྐྱིལ་བ། གསང་གནས་ཀྱི་སྒོ་དབྱེ་བ། རྫས་ལ་དབབ་པ་རྣམས་གྲུབ་པའི་

― TN03_Page_0832 ―

^{[མ་དཔེ་གཟིགས་ན་འདིར་གནོན།]}

(༤༧༤)འོག་ཏུ། བདུད་རྩིའི་དངོས་གྲུབ་དེ་ཉིད་གཞན་གྱིས་འཕྲོག་ཏུ་མེད་པ་དང་། སྒྲུབ་པ་པོས་ལོངས་སྤྱོད་དུ་བཏུབ་པའི་ཆེད། །རྟ་མཆོག་དཔལ་གྱི་སྔགས་དང་ཏིང་ངེ་འཛིན་གྱིས་དབང་དུ་བྱ་བའམ་བཅིངས་ཤིང་བརྟན་པར་བྱས་ཏེ། གདོད་དངོས་གྲུབ་ལེན་པར་གསུངས་སོ། །འདིར་དབང་ལས་ཀྱི་སྒོ་ནས་དངོས་གྲུབ་ཐམས་ཅད་བྱེད་ཚུལ་ཡང་། གླུ་གར་གྱིས་སངས་རྒྱས་རྣམས་ཀྱི་ཐུགས་ཆགས་ཤིང་དགྱེས་པར་སྤྱིར་སྐུལ་བ་དང་། དེ་དག་གི་ཐུགས་དངོས་གྲུབ་སྩོལ་བ་ལ་དགྱེས་པར་བྱེ་བྲག་ཏུ་སྐུལ་བའི་སྒོ་ནས་འདོད་པའི་དངོས་གྲུབ་ཡིད་བཞིན་དུ་འབེབས་པ་དང་། བཀའ་སྡོད་མ་མོ་མཁའ་འགྲོའི་ཚོགས་ཀྱི་སྙིང་ཆགས་ཤིང་དགའ་བར་བྱས་ཏེ་སྤྱིར་སྐུལ་བ་དང་། དེ་རྣམས་ཕྲིན་ལས་རྒྱ་མཚོ་གྲུབ་པ་ལ་ཁྱད་པར་དུ་སྤྲོ་བར་བྱས་པའི་སྒོ་ནས་གང་འདོད་ཀྱི་ལས་རྣམས་བྱེད་པ་སྟེ། ཟུར་ཐོའི་རྒྱུད་སྐོར་ན་ཤིན་ཏུ་གསལ་ཞིང་། འདི་ཀའི་བྲོ་གཞུང་ལས་ཀྱང་གསལ་པོར་འབྱུང་ངོ། །རྟ་སྐད་ཀྱི་དེ་ཉིད་དང་སྦྱར་ནའང་། དངོས་གྲུབ་ཅི་འདོད་དུ་བཀོལ་བཏུབ་པའི་ལས་རུང་སྒྲུབ་པ་ནི། དངོས་གྲུབ་དབང་བྱེད་ཀྱི་སྒྲུབ་པར་འགྲོ་བས། བཀའ་བརྒྱད་རང་ཤར་སོགས་ལྟར་རྟ་སྐད་ཀྱི་དགོངས་པས། དེ་བཞིན་གཤེགས་པ་རྣམས་ཀྱི་དངོས་གྲུབ་ཐམས་ཅད་རང་གི་དབང་སྐལ་དུ་འགྱུར་ངེས་པར་བྱས་ནས་གཞན་གྱིས་མི་ཕྱེད་པར་

― TN03_Page_0833 ―

^{[མ་དཔེ་གཟིགས་ན་འདིར་གནོན།]}

(༤༧༥)གྱུར་བ་ལ་དངོས་གྲུབ་ལ་དབང་བསྒྱུར་བ་ཞེས་བྱའོ། །འདི་ནི་དབང་ལས་ཀྱི་སྐབས་སུ་སྦྱོར་ཚུལ་ཙམ་ཡིན་གྱི། དབང་ལས་དང་སྦྱོར་དགོས་པའི་ངེས་པ་ནི་མེད་དམ་སྙམ། ༈ །ཉང་གཏེར་རྟ་མགྲིན་བདེ་གཤེགས་གཅིག་དྲིལ་ལས། དབང་ཆེན་བསྒྲུབ་པའི་ཐུན་མོང་གི་དངོས་གྲུབ་བརྒྱད་ཤུགས་འབྱུང་དུ་འགྲུབ་པར་གསུངས་ཏེ། རྒ་ཤི་མེད་པ་ཚེའི་དངོས་གྲུབ། བྱིན་རླབས་དབང་གི་དངོས་གྲུབ། དྲག་པོ་མཐུའི་དངོས་གྲུབ། བཙན་ཕྱུག་ནོར་གྱི་དངོས་གྲུབ། པུ་ཏྲ་མིའི་དངོས་གྲུབ། འགྲོ་བས་བཀུར་བའི་དངོས་གྲུབ། འཚོ་བ་ཟས་ཀྱི་དངོས་གྲུབ། ཐུན་མོང་དུ་ལས་སྣ་ཚོགས་འགྲུབ་པའི་དངོས་གྲུབ་དང་བརྒྱད་དོ། ༈ །ཡུལ་གསུམ་གྱད་དུ་གྱུར་ཅེས་པའི་དང་པོ་ཡིད་ཀྱི་ཡུལ་དུ་གསལ་བ་ནི་སླ། གཉིས་པ་དབང་པོའི་ཡུལ་དུ་གསལ་བ་ནི་ལྷ་དངོས་ཀྱི་ཞལ་མཐོང་བ་ལྟ་བུ་ལ་མི་བྱེད། སེམས་ཤིན་ཏུ་གོམས་པའི་དབང་གིས་ཧ་ལམ་སྟོང་གཟུགས་ལྟ་བུའི་ལྷའི་སྣང་བ་མཐོང་བ་ལ་བྱེད་གསུངས་ཏེ་ལང་གཤེགས་ལས་ཏིང་ངེ་འཛིན་གྱི་རྟགས་སྣང་ལ་ཟླ་བ་དང་ཉི་མ་འདྲ་བ་སོགས་མཐོང་བར་གསུངས་པ་ལྟ་བུའམ། རྣམ་འགྲེལ་ལས་འདོད་འཇིགས་གོམས་པའི་སྣང་བ་ལྟ་བུ། ཞེས་པས་དཔོགས། གསུམ་པ་ལུས་ཡུལ་དུ་གསལ་བ་ནི་རིས་གཞན་གྱིས་ཀྱང་ལྷར་

― TN03_Page_0834 ―

^{[མ་དཔེ་གཟིགས་ན་འདིར་གནོན།]}

(༤༧༦)མཐོང་དུ་བཏུབ་པ་ཞིག་ཡིན་གསུངས་ཏེ། འདི་སྒྱུ་མ་མཁན་པོས་ནུས་པ་ཐོབ་ཚད་སྒྱུ་མ་མཁན་དང་འདྲ་ཟེར་བ་སོགས་ནི་གཏན་མིན་ནོ། །རྡེ་ཤིང་རྟ་གླང་སོགས་སུ་སྟོན་པ་ལྟ་བུར་མངོན། རྟ་སྐད་གཙུག་ཐོན་ཡང་ཕྱི་མ་སྤྱིར་རྟ་སྐད་གཙུག་ཐོན་ལའང་རིམ་པ་དུ་མ་ཞིག་ཡོད་འདྲ་ཡང་། འདི་མ་མཐའི་མཚམས་བཤད་པའོ། །འདི་ལ་སྦྱར་འདུག་པས་བསྐྱེད་རིམ་རགས་པ་མཐར་སོན་པ་ན་འོང་བར་བཞེད་འདྲ།། ༈ །།རྟ་ཛཔྲ་སྐོར་གྱི་དྲན་ཐོ་དངོས་གྲུབ་རྒྱ་མཚོའི་མཛོད་ཁང་། གསང་རྫོགས་རྒྱུད་ལས། ཡེ་ཤེས་འཇིག་རྟེན་གང་བསྒྲུབ་ཀྱང་༔ སྲོག་སྡོམ་གཟེར་བཞི་མ་ཐེབ་ན༔ ནམ་ཀྱང་དོན་མེད་ཡུགས་རྐྱང་༔ དྲང་དོན་རྫུན་གྱི་འཁྲུལ་འཁོར་ཡིན༔ ཡོངས་རྫོགས་དཔལ་གྱི་སྲོག་འཕྲོགས་ཐབས༔ གཅིག་ཤེས་པས་ནི་ཀུན་སྲོག་ཐོབ༔ དཔེར་ན་སྒྲ་གཅན་འཛིན་གྱི་ཁས༔ ནམ་མཁའི་ཉི་མ་གཅིག་ཟིན་པས༔ ཆུ་བྲན་སྟོང་གི་ཉི་མ་ཀུན༔ མ་བཟུང་བར་ཡང་སྟོང་སྲོག་ཐོབ༔ དེ་ཕྱིར་སྲོག་གི་གཟེར་བཞི་གཅེས༔ དབེན་པའི་གནས་སུ་མཎྜལ་བཤམས༔ དབུས་སུ་མཚན་ལྡན་ཀ་པཱ་ལར༔ དཔལ་ཆེན་སྐུ་གཅིག་གསལ་བར་དགོད༔ བསྐྱེད་རྫོགས་གཞུང་བསྲང་འཛཔྲ་རྫོགས་རྗེས༔ མི་རྟོག་བྱ་བྲལ་སོ་མར་བཞག༔ དེ་ནས་དཔལ་གྱི་སྲོག་འཕྲོག་ཐབས༔ ཏིང་འཛིན་གཟེར་དང་སྙིང་པོའི་གཟེར༔ དགོངས་པའི་གཟེར་དང་འཕྲོ་འདུའི་གཟེར༔

― TN03_Page_0835 ―

^{[མ་དཔེ་གཟིགས་ན་འདིར་གནོན།]}

(༤༧༧)ཏིང་འཛིན་གཟེར་ནི་ཐོད་སྐུ་ལ༔ རྩེ་གཅིག་སེམས་བཟུང་ཡེངས་མི་བྱ༔ ཡུལ་གསུམ་གྱད་དུ་གྱུར་བ་དང་༔ དཔལ་ཆེན་ཧེ་རུ་དངོས་དང་མཇལ༔ བཟློག་པ་ཧེ་རུ་ཀས་མི་སྤྱོད༔ ཏིང་འཛིན་མི་འགྱུར་གཟེར་མེད་ན༔ སྐུ་ནི་ནམ་ཡང་མཐོང་མི་འགྱུར༔ སྙིང་པོ་སྔགས་གཟེར་ཡོངས་རྫོགས་ཀྱི༔ གཙོ་བོའི་སྔགས་དག་སེལ་མེད་བཟླས༔ ཐུགས་སྲོག་ཧཱུཾ་ལ་རྩ་སྔགས་འཁོར༔ གསལ་བའི་འཕྲོ་འདུས་སྲོག་སྔགས་བགྲང་༔ དེ་ཚེ་དཔལ་བྱོན་ལུང་ཡང་སྟོན༔ ནུས་པའི་རྩལ་རྫོགས་ལྷ་རྣམས་འཁོལ༔ སྲོག་སྙིང་བསྙེན་རྫོགས་གཟེར་མེད་ན༔ ལྷ་དང་དམ་ཅན་ཁུག་མི་སྲིད༔ དགོངས་པའི་གཟེར་ནི་ཞི་ཁྲོའི་ལྷ༔ ཡོངས་རྫོགས་དཔལ་ཆེན་རང་སེམས་ལས༔ གུད་ན་མེད་ཅིང་རུ་ཏྲ་ཡང་༔ ལོགས་ན་མེད་དོ་རང་གི་སེམས༔ སེམས་ཉིད་སྟོང་པ་ཆོས་ཀྱི་སྐུ༔ གསལ་ལ་མ་འགག་ལོངས་སྤྱོད་རྫོགས༔ སྣ་ཚོགས་རང་ཤར་སྤྲུལ་པའི་སྐུ༔ སྣང་བ་ཡབ་ལ་སྟོང་པ་ཡུམ༔ སྣང་སྟོང་དབྱེར་མེད་ཡེ་ཤེས་སྐུ༔ འགྱུས་དྲན་རྣམ་རྟོག་བསམ་ཡས་ཀྱང་༔ ཡོངས་སུ་རྫོགས་པ་དཔལ་གྱི་འཁོར༔ བསམ་གྱིས་མི་ཁྱབ་ཡེ་སངས་རྒྱས༔ རང་བཞིན་ཉིད་ལས་གཡོ་བ་མེད༔ དགོངས་པ་མི་འགྱུར་གཟེར་མེད་ན༔ དཔལ་ཆེན་འགྲུབ་ཀྱང་ཐུན་མོང་ལས༔

― TN03_Page_0836 ―

^{[མ་དཔེ་གཟིགས་ན་འདིར་གནོན།]}

(༤༧༨)མཆོག་མི་འགྲུབ་ཅིང་རུ་ཏྲར་གོལ༔ འཕྲོ་འདུའི་གཟེར་ནི་དམིགས་པ་ཡི༔ བསྒྱུར་ཁ་ཤེས་ན་འདོད་དགུར་བསྒྱུར༔ ཏིང་ངེ་འཛིན་གྱི་འཕྲོ་འདུ་ཡིས༔ སེམས་ཀྱི་ནུས་པ་རྩལ་རྫོགས་ཏེ༔ གང་ལྟར་བསམ་པ་དེ་ལྟར་སྣང་༔ སྔགས་དང་ཕྱག་རྒྱའི་བྱིན་རླབས་མཐུས༔ ཞི་རྒྱས་དབང་དྲག་ལ་སོགས་པ༔ ཕན་གནོད་ལས་ཀ་གང་ཡང་འགྲུབ༔ དཔེར་ན་ནོར་བུ་གཅིག་ཉིད་ལ༔ མཆོད་གསོལ་རྐྱེན་གྱི་བྱེ་བྲག་ཏུ༔ ཇི་ལྟར་འདོད་པ་སོ་སོར་སྐོང་༔ འཕྲོ་འདུ་སྣ་ཚོགས་གཟེར་མེད་ན༔ དམིགས་གཏད་གཅིག་ལས་དོན་མི་འགྲུབ༔ འཕྲོ་འདུའི་ལས་ཁ་བསྒྱུར་ཤེས་ན༔ ཐེའུ་རང་ཐ་ཆུང་གཅིག་གིས་ཀྱང་༔ ཕྲིན་ལས་ཐོགས་མེད་ལས་ཀུན་འགྲུབ༔ ཐམས་ཅད་སེམས་ཀྱི་ཆོ་འཕྲུལ་ཡིན༔ ཁ་བསྒྱུར་གནད་ཀྱི་མན་ངག་ནི༔ ཡོངས་རྫོགས་དཔལ་ཆེན་ཧེ་རུ་ནས༔ འགོང་པོ་གྲོང་རྒྱུག་ཡན་ཆོད་པོའི༔ ཡེ་ཤེས་འཇིག་རྟེན་གང་ཡིན་ཡང་༔ གཅིག་ལ་བསྙེན་རྫོགས་གྲུབ་ཐོབ་ནས༔ ལས་ཀྱི་ཁ་བསྒྱུར་གང་ཡང་འགྲུབ༔ དཔེར་ན་ལྕགས་རྡོ་སྔར་བཏུལ་ནས༔ གོ་ཁྲབ་མཚོན་ཆ་ཅི་བསྒྱུར་ཉན༔ རྡོ་མ་ཐུལ་ན་ལྕགས་ཡིན་ཀྱང་༔ བསྒྱུར་སོགས་དངོས་ཀྱི་བཟོ་མི་བཏུབ༔ དེ་བཞིན་ལྷ་འདྲེ་གཅིག་འགྲུབ་ན༔ ཁ་བསྒྱུར་གང་ལ་ཞུགས་ཀྱང་འགྲུབ༔ རང་ཤར་གྱི་རྒྱུད་དང་ཡང་ཞུ་བསྡུར་ཕེར་རོ།

― TN03_Page_0837 ―

^{[མ་དཔེ་གཟིགས་ན་འདིར་གནོན།]}

(༤༧༩)འདི་རྣམས་འོག་མིན་བགྲོད་པའི་ཐེམ་སྐས་དང་བསྒྲིགས་ནས་སློབ་པ་གལ་ཆེ། ༈ །པདྨ་གསུང་གི་སྒྲུབ་པ་ཞེས་ཟེར་བ་ལྟར། །སྒྲུབ་ལུགས་འདི་ལ་གསུང་བཟླས་པའི་རྣལ་འབྱོར་གཙོ་བོ་ཡིན་ཅིང་། །དེ་ཉིད་བསྡུས་པའི་འགྲོ་འདུལ་གྱི་དུམ་བུ་ལ་ཆོས་རྒྱ་གཙོ་བོ་ཡིན་པར་བཤད་པ་དང་མཐུན། སྒྲུབ་སྡེ་གཞན་གྱི་ཛཔྲ་ལས་ཀྱང་ཚ་ན་ཆེ་ལ་མྱུར་རོ། །དེ་ལ་གསང་རྫོགས་ཀྱི་ཛབ་དགོངས་ཆེན་མོ་ལས། པདྨ་གསུང་གི་སྒྲུབ་པ་ལ་དགོངས་པ་རྣམ་པ་བཞི་སྟེ༔ དྲག་སྔགས་བསྙེན་པ་བསྐྱལ་བའི་དགོངས་པ་ནི༔ བདག་ཉིད་པདྨ་དབང་ཆེན་དཔའ་བོ་གཅིག་པར་བསྒོམ་པའི་སྤྱི་གཙུག་གི་སྣང་བ་མཐའ་ཡས་ཀྱི་ཐུགས་ཀ་ནས་སྔགས་ཀྱི་འོད་ཟེར་དཀར་པོ་འཕྲོས་པས་བདེ་བར་གཤེགས་པ་རྣམས་ཀྱི་སྐུ་ལ་ཕོག་པས་སྐུ་མཉེས་པའི་མཆོད་པ་ཕུལ༔ སེམས་ཅན་གྱི་ལུས་ཀྱི་སྡིག་སྒྲུབ་སྦྱངས༔ ཚུར་འདུས་པས་བདེ་བར་གཤེགས་པའི་སྐུའི་དངོས་གྲུབ་དབྱིག་བསྡུས༔ དབུ་གཙུག་རྟ་མགྲིན་གྱི་མགྲིན་པ་ནས་འོད་ཟེར་དམར་པོ་འཕྲོས༔ གསུང་ལ་ཕོག་པས་གསུང་མཉེས་པའི་མཆོད་པ་ཕུལ༔ སེམས་ཅན་གྱི་ངག་ལ་ཕོག་པས་ངག་གི་སྒྲིབ་པ་སྦྱངས༔ ཚུར་འདུས་པས་བདེ་བར་གཤེགས་པའི་གསུང་གི་དངོས་གྲུབ་དབྱིག་བསྡུས༔ པདྨ་དབང་ཆེན་གྱི་ཐུགས་ཀ་ནས་འོད་ཟེར་མཐིང་ཁ་འཕྲོས༔ བདེ་བར་

― TN03_Page_0838 ―

^{[མ་དཔེ་གཟིགས་ན་འདིར་གནོན།]}

(༤༨༠)གཤེགས་པའི་ཐུགས་ལ་ཕོག་པས་ཐུགས་མཉེས་པའི་མཆོད་པ་ཕུལ༔ སེམས་ཅན་གྱི་ཡིད་ལ་ཕོག་པས་ཡིད་ཀྱི་སྒྲིབ་པ་སྦྱངས༔ ཚུར་འདུས་པས་ཐུགས་ཀྱི་དངོས་གྲུབ་དབྱིག་བསྡུས་པར་བསྒོམ་མོ༔ ཕར་འཕྲོས་པ་དང་ཚུར་འདུས་པའི་དཔེ་མགལ་མེའི་འཁོར་ལོ་ལྟ་བུའོ༔ ཡེ་ཤེས་ཀྱི་འོད་ཟེར་འཕྲོས་པའི་དཔེ་གསེར་གྱི་བ་ཐག་འཛིངས་པ་ལྟ་བུའོ༔ །དྲག་པོ་སྔགས་ཀྱི་འོད་ཟེར་འཕྲོ་བའི་དཔེ་ལྕགས་ཀྱི་ཚ་ཚ་བརྡབ་པ་ལྟ་བུའོ༔ ལྷ་འདྲེའི་དམག་དཔུང་གཞོམས་པའི་དགོངས་པ་ནི༔ བདག་པདྨ་དབང་ཆེན་དུ་གསལ་བའི་ཞལ་ནས་ཧྲཱི༔ ཞེས་བརྗོད་པས༔ དབྱིངས་གཏིང་མཐའ་མེད་པ་ནས་སྐྱེ་འགྲོ་གཟུགས་སུ་སྣང་བ་ཡན་ཆད་པདྨ་དབང་ཆེན་འདི་ནི་སྣང་སྲིད་ཐམས་ཅད་དབང་གི་རྒྱལ་ཐབས་ཀྱིས་མནན་ནས་ཟིལ་གནོན་འཕེན་ཚུལ་ཡིན་ཏེ། དེས་ལྷ་འདྲེའི་རྫོང་འཕྲོགས་པ་དང་། ལྷ་འདྲེ་རྣམས་རི་དྭགས་རྒྱ་ནང་དུ་བཙུད་པ་ལྟར་བྱེད་དེ། །གཅོད་ཀྱི་ཟིལ་གནོན་དམིགས་སྐོར་དང་ཚུལ་མཐུན་ནོ། །གྱི་ལྷ་ཚོགས་སུ་གྱུར་ཏེ༔ དེ་རྣམས་ཀྱི་ཐུགས་ཀར་ཡེ་ཤེས་སེམས་དཔའ་ཚོན་གང་བ་རེ་རེ༔ དེའི་ཐུགས་རྡོ་རྗེའི་ལྟེ་བ་ལ་ཧྲཱི༔ དེའི་མཐའ་ལ་སྔགས་ཀྱིས་བསྐོར་བར་བསམ་ལ་བཟླས་པའོ༔ དེ་ལྟར་བཟླས་པས་ཐུགས་ཀ་ནས་པདྨ་དབང་ཆེན་གྱི་སྐུ་ཚོན་གང་བ་དཔག་ཏུ་མེད་པ་འཕྲོས༔ པདྨ་གསུང་གི་ལྷ་ཚོགས་རྣམས་ཀྱི་སྐུ་ལ་ཕོག་པས་ཀཱ་ཡ་ཝཀྐ་ཙིཏྟའི་རྒྱུད་བསྐུལ༔ སྐུ་མཉེས་པའི་མཆོད་

― TN03_Page_0839 ―

^{[མ་དཔེ་གཟིགས་ན་འདིར་གནོན།]}

(༤༨༡)པ་ཕུལ༔ སྤྲུལ་པའི་ཕྲ་མེན་གཉིས་ཀྱི་ཚོགས་དང་བཅས་པ་འཕྲོས༔ གནོད་བྱེད་ཀྱི་འབྱུང་པོ་རྣམས་ལྕགས་ཀྱུས་བཟུང་ཞིང་ཞགས་པས་བཅིངས༔ ལྕགས་སྒྲོགས་ཀྱིས་བསྡམ་ཕུར་བུ་བཏབ་སྟེ་རང་དབང་མེད་པར་དབང་དུ་སྡུད་པར་བསམ་མོ༔ ཁྱད་པར་དུ་ཡང་ཀླུ་ཕོ་མོ་དང་ཀླུ་བསེན་ཕོ་མོ་རྣམས་བསྒྲལ་ནས་ལྷ་མ་སྲིན་སྡེ་བརྒྱད་ཐམས་ཅད་བརླག་པར་བྱས་ཏེ༔ བདག་གི་སྐུ་ལ་ཐིམ་ནས་དབང་གི་རྟ་སྐད་ཕྱོགས་བཅུར་བསྒྲགས་པས༔ ཞིང་ཁམས་ཐམས་ཅད་དབང་དུ་བསྡུས་ནས་དབང་གི་འོད་ཟེར་བསྐལ་པའི་མེ་དཔུང་ལྟ་བུར་ལྷབ་ལྷབ་གྱུར་པར་བསྒོམ་མོ༔ དམ་ཅན་ཁྱི་བཞིན་དུ་བཀོལ་བའི་དགོངས་པ་ནི༔ བདག་གིས་ཧྲཱི༔ཧཱུཾ་བརྗོད་པ་ཙམ་གྱིས་པདྨ་དབང་ཆེན་གྱི་སྐུར་གྱུར་ནས༔ ཧྲཱི༔ཧཱུཾ་ཞེས་བརྗོད་པས་ཁམས་གསུམ་མ་ལུས་ཟིལ་གྱིས་མནན་ཏེ༔ སྣང་ཞིང་སྲིད་པས་བསྡུས་པའི་ཆོས་ཐམས་ཅད་པདྨ་དབང་ཆེན་འདི་ཡང་དྲེགས་པ་ཟིལ་གནོན་འཕེན་ཚུལ་ཡིན་ཏེ། གོང་གི་མཆན་ལས་ཤེས་སོ། །གྱི་སྐུ་ལས་གཞན་རྡུལ་ཙམ་ཡང་མ་གྲུབ་སྟེ༔ མ་བཅོས་མ་སྦྱངས་ལྷུན་གྱིས་གྲུབ་པར་རྫོགས་སོ༔ དེ་ནས་རྟ་མགོ་ལྗང་ཀུ་དཔྲལ་བ་ཞུར་པོ་རྡོག་མ་ལེ་བརྒན་ཕུམ་ཕུམ་སེར་པོའི་ཞལ་ནས་ཧྲཱིཿཧྲཱིཿཧྲཱིཿབརྗོད་པས་མ་མོ་དང་མཁའ་འགྲོ་མ༔ རྡོ་རྗེ་གིང་ཕོ་དང་གིང་མོ་ཐམས་ཅད་བཀའ་འོག་ཏུ་བསྡུས་ནས་གཅེར་བུ་

― TN03_Page_0840 ―

^{[མ་དཔེ་གཟིགས་ན་འདིར་གནོན།]}

(༤༨༢)ལྷག་པས་བཏབ་པ་བཞིན་འདར་ཡེད་ཡེད་མིག་རིག་རིག་བཀའ་ཅི་སྩལ་་བགྱིད་ཟེར་བར་བསམ་མོ༔ དེ་ནས་བདག་ཉིད་པདྨ་དབང་ཆེན་ཤར་ཕྱོགས་སུ་རྟ་སྐད་ཐེང་གཅིག་བཏོན་པས་རྡོ་རྗེ་གིང་ཕོ་རྒྱུད་ཐམས་ཅད་དབང་དུ་བསྡུས༔ ལྷོ་ཕྱོགས་སུ་རྟ་སྐད་ཐེང་གཅིག་བཏོན་པས་གཤིན་རྗེ་དང་མོ་རྒྱུད་ཐམས་ཅད་དབང་དུ་བསྡུས༔ ནུབ་ཕྱོགས་སུ་རྟ་སྐད་ཐེང་གཅིག་བཏོན་པས་ཀླུ་དང་ས་བདག་ཐམས་ཅད་དབང་དུ་བསྡུས༔ བྱང་ཕྱོགས་སུ་རྟ་སྐད་ཐེང་གཅིག་བཏོན་པས་གནོད་སྦྱིན་དང་གཟའ་ཐམས་ཅད་དབང་དུ་བསྡུས་ནས་ཞལ་དུ་བདུད་རྩི་དང་༔ ལྕེ་ལ་དམར་གྱི་ཨརྒྷཾ་བཞག་ནས་ལས་ལ་བསྐུལ་བས་བསྟན་པ་སྲུང་བའི་ལས་ལ་ཐོགས་པ་མེད་པར་བྱེད་དེ༔ ཁྱི་གསར་རྦད་པ་བཞིན་དུ་འགྲོའོ༔ ཀླུའི་བར་ཆད་སྲུང་བའི་དགོངས་པ་ནི༔ བདག་པདྨ་དབང་ཆེན་དུ་བསྒོམ་པའི་ཐུགས་ཀ་ནས་སྐུ་རང་ཁོ་ན་འདྲ་བ་གྲངས་མེད་པ་སྤྲོས་པས་ཁམས་གསུམ་སྲིད་གསུམ་ཐམས་ཅད་དཔལ་རྟ་མགྲིན་གྱི་སྐུས་ཐམ་གྱིས་བཀང་ནས་ཀླུ་རིགས་ཐམས་ཅད་ཟིལ་གྱིས་མནན༔ ཕྲ་མེན་བྱི་ལ་པུ་ཤུད་མགོ་ཅན་སྤྲོས༔ དེ་ལས་ཀྱང་ཡང་སྤྲུལ་མང་པོ་སྤྲོས་ནས་གདུག་པའི་སེམས་དང་ལྡན་པའི་ཀླུ་དང་ས་བདག་ལ་སོགས་པ་རྣམས་ལྕགས་ཀྱུས་སྙིང་ནས་བཟུང་༔ ཕུར་བུས་དུམ་བུར་གཏུབ༔ ཀླད་ཁྲག་རྣམས་ཞལ་དུ་གསོལ༔ ཕུང་པོ་ལྷག་མ་མེད་པར་བསྒྲལ་ནས་བདག་གི་

― TN03_Page_0841 ―

^{[མ་དཔེ་གཟིགས་ན་འདིར་གནོན།]}

(༤༨༣)སྐུ་ལ་ཐིམ་པས་སྣང་གྲགས་ཐམས་ཅད་པདྨ་དབང་ཆེན་གྱི་སྐུ་དང་༔ གསུང་དུ་གྱུར་པར་བསམ་ལ་བཟླས་པ་བྱའོ༔ ཞེས་སོ། །བདེ་འདུས་ཛཔྲ་བསྙེན་ལས༔ དབང་ཆེན་འདུས་པའི་རྩ་རྒྱུད་ལས། སྔགས་འདིས་རྣམ་བཞིའི་ཕྲིན་ལས་ཐམས་ཅད་ཐོགས་མེད་དུ་བྱེད་པ་དང་། །རིམ་དགུའི་ཐེག་པའི་ཆོས་ཐམས་ཅད་སྡུད་པར་གསུངས་སོ། །ཨོཾ་པདྨན་ཏ་ཀྲིཏ་བཛྲ་ཀྲོ་དྷ་ཧྱ་གྲི་ཝ་ཧཱུཾ་ཕཊ༔ ཨོཾ་ཡེ་ཤེས་ལྔ་དང་ལྡན་པ༔ པད་མི་འགྱུར་བའི་རིགས༔ མན་བྱམས་པ་ཆེན་པོ༔ ཏ་དགའ་བ་ཆེན་པོ༔ ཀྲི་ཏ་བཏང་སྙོམས་ཆེན་པོ༔ བཛྲ་མི་འགྱུར་བའི་རྡོ་རྗེ༔ ཀྲོ་བདག་ཉིད་ཆེན་པོ༔ ཏ་བདག་གི་སྐུ༔ ཧ་བདེ་བ་ཆེན་པོ༔ ཡ་འདྲེན་པ་ཆེན་པོ༔ གྲྀ་གཅོད་པ་ཆེན་པོ༔ བ་དག་པའི་སྐུ༔ ཧཱུཾ་སྡུད་པ་ཆེན་པོ༔ ཕཊ་གཅོད་པ་ཆེན་པོ༔ དེ་ནི་དོན་ཆོས་ཉིད་དང་སྦྱར་ཏེ་བཤད་པ༔ ཨོཾ་ཡེ་ཤེས་རྣམ་པ་ལྔ༔ པདྨན་ཏ་ཀྲི་ཏ་པདྨ་དབང་ཆེན་གྱི་སྙིང་པོ༔ བཛྲ་ཀྲོ་ཏ་ཟིལ་གནོན་ཁྲོ་བོ་བརྒྱད་ཀྱི་སྙིང་པོ༔ གྲྀ་ཝ་ཡུམ་རྣམས་ཀྱི་སྙིང་པོའོ༔ ཧཱུཾ་བཀའ་ཉན་ལས་བྱེད་ཀྱི་སྙིང་པོའོ༔ ཕཊ་སྒོ་བ་བཞིའི་སྙིང་པོ༔ པདྨ་དབང་ཆེན་ལྷ་རྒྱུད་དང་སྦྱར་བའོ༔ ཨོཾ་ཡེ་ཤེས་རྣམ་པ་ལྔ༔ པདྨ་པདྨའི་རིགས༔ཨན་ཏ་ཀྲིཏ་རྟ་མགྲིན༔ བཛྲ་རྡོ་རྗེ༔ ཀྲོ་ཏ་ཁྲོ་བོ༔ ཧྱ་གྲྀ་ཝ་རྟ་མགྲིན༔ ཧཱུཾབསྡུས༔ ཕཊ་སོད་སྲེག༔ ལྷ་འདྲེའི་དམག་དཔུང་

― TN03_Page_0842 ―

^{[མ་དཔེ་གཟིགས་ན་འདིར་གནོན།]}

(༤༨༤)གཞོམ་པར་བསྟན་པའོ༔ ཨོཾ་ཡེ་ཤེས་ལྔས་འཁོལ་བ༔ པདྨན་ཏ་ཀྲིཏ་པདྨ་དབང་ཆེན༔ བཛྲ་ཀྲོ་དྷ་རྡོ་རྗེ་ཁྲོ་བོ༔ ཧྱ་གྲྀ་བ་གསུང་རྟ་སྐད་དང་ལྡན་པ༔ ཧཱུཾ་སྡེ་བརྒྱད་ལས་ལ་གཞུག་ཅིང་དབང་དུ་སྡུས་པ༔ ཕཊ་ལས་ལ་བསྐུལ་བའོ༔ དམ་ཅན་ཁྱི་བཞིན་བསྐུལ་བ་དང་སྦྱར་བའོ༔ ཨོཾ་ཡེ་ཤེས་རྣམ་པ་ལྔས་བསྲེག་པ༔ པདྨན་ཏ་ཀྲི་ཏ་པདྨ་དབང་ཆེན༔ བཛྲ་ཀྲོ་དྷ་རྡོ་རྗེ་ཁྲོ་བོ༔ ཧྱ་གྲྀ་ཝ་རྟ་མགྲིན༔ ཧཱུྃ་སྟོབས་ཀྱིས་ཀླུ་གདོལ་ཐུལ་བ༔ ཕཊ་སོད༔ ནཱ་ག་ཀླུ་འདུལ་བའི་དོན་དུ་བཟླས་པའོ༔ དེ་ལྟར་པདྨ་དབང་ཆེན་གྱི༔ བསྙེན་པའི་སྔགས་ཀྱི་དོན་བསྟན་པ༔ དཔལ་གྱི་རྟ་སྐད་ཐེང་གསུམ་དང་༔ མ་མོའི་འགྱིང་སྐད་ཐང་གསུམ་དང་༔ རྣལ་འབྱོར་བརྡ་སྐད་ཐང་གསུམ་གྱི༔ དང་པོས་སྣང་སྲིད་ཐམས་ཅད་ཀུན༔ རྟ་མགྲིན་དབང་གི་ལྷ་རུ་གྱུར༔ གཉིས་པས་སྣང་སྲིད་ཤ་ཁྲག་འགྱུར༔ གསུམ་པས་མ་སྲིང་དབྱིངས་ནས་བསྐུལ༔ བསྟན་པའི་སྤེའུ་བརྩིགས་པའོ༔ འདི་ལྟ་བུ་ཡི་དོན་རྟོགས་ན༔ རྟ་མགྲིན་དབང་གི་རྣལ་འབྱོར་ཡིན༔ ལྷ་སྲིན་ལས་ལ་འདི་ཡིས་འཁོལ༔ ལྷ་འདྲེའི་དམག་དཔུང་འདི་ཡིས་འཇོམས༔ ནཱ་ག་ཀླུ་རྣམས་འདི་ཡིས་ཐུལ༔ དྲག་སྔགས་བསྙེན་པ་འདི་ཡིས་སྐྱོལ༔ །གསུང་གི་དངོས་གྲུབ་འདི་ཡིས་འཐོབ༔དབང་ཆེན་སྐུ་ཡང་འདི་ཡིས་མཐོང༔ གསང་སྔགས་

― TN03_Page_0843 ―

^{[མ་དཔེ་གཟིགས་ན་འདིར་གནོན།]}

(༤༨༥)ཟབ་མོའི་མན་ངག་འདི༔ སྐལ་མེད་རྨོངས་པའི་གང་ཟག་དག༔ ཀུན་ལ་བསྟན་པར་མ་གསུངས་སོ༔ ཞེས་གསུངས། འདི་ནི་ཕྱི་མའི་ཕྱི་མ་སྔགས་ཀྱི་རྒྱུད་ལས་ཀྱང་ཇི་ལྟ་བ་བཞིན་གསུངས་སོ། །འོན་ཀྱང་རྒྱུད་ཀྱི་དཔེ་ལ་འཆད་ཚུལ་དང་པོར། ཏ་བདེ་བ་ཆེན་པོ༔ ཧ་བདག་གི་སྐུ༔ ཞེས་དང་། འཆད་ཚུལ་གསུམ་པར། ཧཱུཾ་གཏུབ་སོད༔ ཕཊ་སྐྲོད་སྲེག༔ ཅེས་སྣང་། གསང་རྫོགས་གདེང་བརྒྱད་ཀྱི་ནང་ཚན་ཀླུ་སྒྲུབ་ཀྱི་གདེང་ལས། རུ་ལུ་རུ་ལུ་མ་མོ་མཁའ་འགྲོ། ཧཱུཾ་དམ་ལ་སྡུད་པ། བྷྱོ་ལས་ལ་འཛུད་པ། ཧཱུཾ་ལས་ལ་རྦད་པའམ་བསྐུལ་བ་ཞེས་བཤད་དེ་ཧ་ལམ་འོག་ཏུ་འབྱུང་བ་དང་འདྲ། འདི་གཙོ་སྔགས་ལ་མི་མཁོ་ཡང་སྤྱི་ཛབ་སྐབས་སྦྱོར་རྒྱུའོ། །བདེ་འདུས་རྩ་རྒྱུད་ལེའུ་བཅུ་བཞི་པར། ཨོཾ་བཛྲ་མ་ཧཱ་ཀྲོ་ཏ་ཧྱ་གྲྀ་ཝ་སྔགས་འདི་ལ། དབང་ཆེན་གཙོ་བོ་དང་རིགས་བདག་འོད་དཔག་མེད། ཡུམ་པདྨ་གཟི་ལྡན་མ། དབང་ཆེན་རིགས་བཞི་ཡབ་ཡུམ། ཟིལ་གནོན་ཡབ་ཡུམ་བཅུ་དྲུག་སྒོ་མ་བཞི་ཁམས་རྒྱ་དམུས་ལོང་སོགས་ཕོ་ཉའི་ཚོགས་དང་བཅས་པ་ཚང་བས་པདྨ་དབང་ཆེན་ཡོངས་རྫོགས་ཀྱི་སྙིང་པོ་ཞེས་བཤད་པར་གསང་རྫོགས་སྔགས་བྱང་ལས་གསུངས། ཧུ་ལུ་ཧུ་ལུ་ཧཱུཾ་ཕཊ༔ ཐོག་མཐའ་ཨོཾ་དང་ཕཊ་བཞག་ནས༔ བར་ན་བཅུ་བཞིའི་གྲོང་མཛེས་པ༔ པདྨའི་ལྷ་རྒྱུད་སྙིང་པོ་ཡིན༔ དབང་གི་ཐུགས་དམ་རྒྱུད་བསྐུལ་ཞིང་༔ ཁྲག་འཐུང་ལྷ་ཚོགས་དགྱེས་པ་དང་༔ རྣལ་འབྱོར་ཉམས་ཆག་སྡིག་སྒྲིབ་སྦྱངས༔ ཡེ་ཤེས་ལྷ་དང་གཉིས་སུ་མེད༔ གསུང་གི་རིག་འཛིན་

― TN03_Page_0844 ―

^{[མ་དཔེ་གཟིགས་ན་འདིར་གནོན།]}

(༤༨༦)ཐོབ་པར་འགྱུར༔ ཞེས་གསུངས་སོ། །བདེ་འདུས་དབང་ཆེན་འདུས་རྒྱུད་ལྟར་སྔགས་དོན་བཤད་ན། ཨོཾ་ཡེ་ཤེས་ལྔ་ཉིད་རྟོགས་པ། པདྨ་དངོས་པོ་ཀུན་ལ་ཆགས་པ། ཏ་ཀྲིཏ་ཁྲོ་བོའི་གར་དགུ་རྫོགས་པ། བཛྲ་ཀྲོ་དྷ་ཆེ་བཙན་ཐམས་ཅད་འདུལ་བའི་རྡོ་རྗེ་ཁྲོ་བོ། ཧྱ་གྲྀ་བ་ཁམས་གསུམ་དབང་དུ་སྡུད་པ་རྟ་མགྲིན་ཉིད་ཡིན་ཞེས་པ། ཧུ་ལུ་ཧུ་ལུ་ཁྲོ་བོའི་ཚོགས་ཀྱི་སྤྲུལ་པ་འགྱེད་པ། རུ་ལུ་སྔོན་རུ་ཏྲས་རང་གི་འཁོར་དབང་དུ་སྡུད་པའི་སྔགས་ཀྱང་རུ་ལུ་རུ་ལུ་ཞེས་པ་འདི་ཡིན་པར་བསྙེན་སྒྲུབ་ཀྱི་ཏི་ཀ་ལས་སོ། །འདི་ལ་དཔྱད་ན་དབང་ཕྱུག་ཉེར་བརྒྱད་ཀྱི་འབོད་སྔགས་ཀྱང་བྷྱོ་ཁོ་ནའི་ངེས་བཟུང་མི་དགོས་པ་འདྲ། རུ་ལུ་ཁྲོ་བོ་ཁྲོ་མོའི་ཚོགས་ཀུན་དང་མཁའ་འགྲོའི་ཚོགས་རྣམས་དབང་དུ་སྡུད་པ། ཧཱུཾ་དྲེགས་པའི་ཚོགས་རྣམས་ལས་ལ་འབོད་པ། བྷྱོ་དེ་དག་ལས་ལ་རྦད་པ། ཧཱུཾ་ནི་དངོས་གྲུབ་ཉེ་བར་བསྡུ་བ། ཞེས་བྱའོ། །པད་ཕྲིན་རྗེའི་རང་ཤར་རྣམ་ངེས་སུ། ཧུ་ལུ་ཧུ་ལུ་འབད་པ་འབད་པ་ཞེས་བསྒྱུར་ཅིང་། དེའང་འདིར་ལས་ཀྱི་དབང་གིས་འབད་ཅིག་འབད་ཅིག་ཅེས་བསྒྱུར་ན་ལེགས་གསུང་། དེ་ནི་དངོས་གྲུབ་སྩོལ་བ་ལ་བརྩོན་འགྲུས་ཀྱི་འབད་པ་མཛོད་ཅིག་པའི་དོན་ཏེ། འདིར། ཆོས་དབང་རྟ་ནག་སོགས་ལས་རྟ་ཞལ་བརྩོན་འགྲུས་ཀྱི་ཤུགས་མྱུར་བའི་མཚན་མར་བཤད་པ་དང་། བྱང་ཆུབ་ཡན་ལག་གི་བརྩོན་འགྲུས་རྟ་མཆོག་དང་སྦྱར་ནས་མདོ་རྒྱན་དུ་བཤད་པའང་དྲན་པར་བྱའོ། །

― TN03_Page_0845 ―

^{[མ་དཔེ་གཟིགས་ན་འདིར་གནོན།]}

(༤༨༧)གུར་གྱི་འགྲེལ་པར། ཧུ་ལུ་ཧུ་ལུ་ཧུ་ལུ་ཞུགས་ཤིག་ཞུགས་ཤིག་པར་བསྒྱུར་བའང་མང་བས། །དཔལ་རྟ་མགྲིན་བདག་གི་སྒོ་གསུམ་ལ་ཞུགས་ཤིག་ཅེས་བཤད་ནའང་རུང་བར་སེམས། མཉམ་སྦྱོར་ལས་སོ། །ཧུ་ལུ་ཞེས་པ་ཞིག་མཛོད་ཅིག་མཛོད་ཅིག་པར་བཤད། ཡང་དབང་ཆེན་འདུས་པས། ཧྲཱིཿནི་ཐམས་ཅད་ང་ཡི་ངང་དུ་བསམཿ ཞེས་དང་། ཧྲཱིཿདབང་དུ་སྡུད་པའི་སྒྲ། ཞེས་ཀྱང་ངོ། ཉང་གི་ཁྲོས་མ་ཧྲཱིཿ ནག་མོའི་སྒྲུབ་ཐབས་ལས། རྡོ་རྗེ་ཕག་མོ་ཁྲོས་ནག་གི་སྲོག་སྔགས་ཀྱང་ཧྲཱིཿར་བཤད་དོ། ༈ །གསུང་རྟ་སྐད་འབྱིན་པའི་དུས་ནི་བཟླས་པ་གསུང་གི་རྣལ་འབྱོར་གྱི་སྐབས་འདི་ཉིད་ཡིན་ཏེ། བདེ་འདུས་ཛཔྲ་བསྙེན་ལས་ཤེས་ཤིང་། གསང་རྫོགས་ཛབ་དགོངས་ཀྱི་གསུམ་པས་ཀྱང་མཚོན་ནོ། །དེས་ན་རྟ་སྐད་ཟིན་བྲིས་སྐོར་ཡང་འདིར་སྦྱར་རོ། ༈ །སྔོན་རྟ་མཆོག་ཧེ་རུ་ཀ་ལ་རིགས་ལྔའི་དེ་བཞིན་གཤེགས་པ་མན་ཆད་ཀྱི་སྲིད་ཞིའི་གཙོ་བོ་རྣམས་ཀྱིས་རང་རང་གི་སྲོག་གི་སྙིང་པོ་ཕུལ་བར་དབང་ཆེན་འདུས་པ་རྩ་བའི་རྒྱུད་ལས་གསུངས་ཏེ། དེ་ནི་འདིའི་སྒྲུབ་པ་པོ་རྣམས་ཀྱིས་འཇིག་རྟེན་དང་འཇིག་རྟེན་ལས་འདས་པའི་ལྷ་ཐམས་ཅད་ཀྱི་དངོས་གྲུབ་བདེ་བླག་ཏུ་དབང་དུ་འགྱུར་བའི་ཆེད་ཡིན་ཏེ། ཛབ་དགོངས་དང་པོ་དང་གསུམ་པ་ལ་གཅེས་སོ། ༈ །བྱེད་ལས་ཀྱི་སྒོ་ནས་ཐུན་མོང་དང་ཐུན་མོང་མ་ཡིན་པའི་ལམ་

― TN03_Page_0846 ―

^{[མ་དཔེ་གཟིགས་ན་འདིར་གནོན།]}

(༤༨༨)ཐམས་ཅད་བསྡུས་པ་ནི་ལྷན་སྐྱེས་ཀྱི་ཡེ་ཤེས་ཡིན་པས། དེ་བརྗོད་བྱར་བླང་ཞིང་། དེའི་རང་བཞིན་ཅན་གྱི་རྟ་སྐད་ཀྱང་རྒྱལ་བའི་ཆོས་མཛོད་མཐའ་དག་བསྡུས་པ་ཡིན་ནོ། །ཡོ་ག་དང་གསང་འདུས་སོགས་ལས་བདེ་ཆེན་སོར་རྟོག་ཡེ་ཤེས་ལ་དམ་པའི་ཆོས་ཀྱི་ཡེ་ཤེས་དང་རྡོ་རྗེ་གསུང་རབ་ཀྱི་ཡེ་ཤེས་སུ་བཤད་ཡོད། དེས་ན་འདི་ཉིད་དབང་བྱེད་ཀྱི་དགོངས་པ་ཟུར་པ་ལ་མི་ལྟོས་པར་ཡང་རྩ་གསུམ་སྲུང་མ་དང་བཅས་པར་རང་འཁོར་བའི་བླ་རྡོ་མཐར་ཐུག་ཏུ་གྲུབ་སྟེ། མདོ་རྒྱུད་ཁྱད་པར་ཅན་རྣམས་ཀྱི་གླེགས་བམ་ཙམ་བཞུགས་པའི་ཕྱོགས་སུ་ཡང་སངས་རྒྱས་བྱང་སེམས་དང་། རིག་འཛིན་མ་མོ་མཁའ་འགྲོ། སྡེ་བརྒྱད་དམ་ཚིག་རྣམས་དབྱར་སྐྱེས་ཀྱི་སྤྲིན་བཞིན་འདུ་བར་གསུངས་ན། །དེ་ལྟ་ཅི་སྨོས་པའི་ཕྱིར། ༈ རྟ་སྐད་ཀྱིས་ལས་དང་ཡེ་ཤེས་ཀྱི་དངོས་གྲུབ་རབ་འབྱམས་དབང་དུ་བྱེད་པའི་མཐུ་སྐྱེ་བ་ལ་ནི་སྒྲུབ་པ་པོ་རང་ཉིད་རྟ་མཆོག་དབང་གི་རྒྱལ་པོར་བྱིན་གྱིས་བརླབས་པ་ཞིག་དགོས་ཏེ། རྩ་བརྔ་བ་དང་། ཟོར་བ་བདར་བའི་རིགས་པ་བཞིན་ནོ། །དེ་ལྟར་བྱིན་རླབས་ཀྱི་རྩལ་ཐོན་པ་ལ་ཡང་། ཉེར་ལེན་གྱི་རྒྱུར་དཔལ་གྱི་སྣང་ཞེན་བརྟན་པ་དང་། ལྷན་ཅིག་བྱེད་རྐྱེན་དུ་ཐོག་མ་མེད་པའི་དུས་ནས་གྲུབ་པའི་དཔལ་ཧེ་རུ་ཀ་རྣམས་ཀྱིས་བྱིན་གྱིས་བརླབས་པ་གཉིས་དགོས་ཏེ། དེ་གཉིས་ཀྱང་ཕན་ཚུན་གྲོགས་སུ་འཇུག་པ་ཅན་ནོ། །དེའི་ཕྱིར་ཛབ་དགོངས་དང་

― TN03_Page_0847 ―

^{[མ་དཔེ་གཟིགས་ན་འདིར་གནོན།]}

(༤༨༩)པོའི་སྒོ་ནས་རྡོ་རྗེ་གསུམ་གྱི་ནུས་པ་སྨིན་པར་བྱེད་པ་འདི་ནི་དངོས་གྲུབ་སྒྲུབ་པ་ལ་སྣེ་གཅིག་ནས་ཟིན་ན་ཀུན་གཡོ་འོང་བའི་ཐབས་དམ་པར་གཟུང་ངོ། །རྟ་མགྲིན་ལའངསྐྱེད་རིམ་པའི་རྟ་མགྲིན་ནས་མི་སློབ་ཟུང་འཇུག་གི་རྟ་མགྲིན་བར་དབྱེ་རྒྱུ་ཡོད་པས་ཤེས་པར་གྱིས། ཉམས་ཆག་སྐོང་བའི་དམིགས་མདེའུ་སྒྱུར་ནའང་ཛབ་དགོངས་དང་པོ་འདི་ལ་སྦྱོར། ༈ ལྷ་སྔགས་ཀྱི་བྱིན་རླབས་གཡེལ་བ་དང་ཞུད་པ་གསོ་ནའང་ཛབ་དགོངས་དང་པོ་རང་ཟབ་པར་མངོན་ཏེ། །རྡོར་གཙུག་ལས་ཐུན་ཞུད་ན་སྔགས་ཀྱིས་དབང་བསྐུར་བས་གསོ་ཞིང་ངར་ལྡུད་པར་བཤད་པས་མཚོན་ནོ། ༈ །འབྲས་དུས་སུ་གསུང་གི་ཕྲིན་ལས་ཀྱིས་འགྲོ་དོན་བྱེད་པ་དང་མཐུན་པར། སྔགས་ཕྲེང་ལས་འོད་ཟེར་སྤྲོས་པས་སེམས་ཅན་ཐམས་ཅད་ཧེ་རུ་ཀའི་གོ་འཕང་ལ་འགོད་པ་འདི་ནི། སྣང་བ་ལྷ་ལ་གྲགས་པ་སྔགས༔སོགས་རྐང་པ་གཉིས་ཀྱི་དོན་ལ་ཚང་བར་འདི་ཉིད་ཀྱི་གུ་རུ་དྲག་པོའི་ཛབ་དགོངས་ལས་གསལ་པོར་ཤེས། འོག་ཏུ་ཡང་བྲིས་ཡོད། ཡང་ཛབ་དགོངས་དང་པོར་བཞུགས་པ་གསང་རྫོགས་སུ་གསལ་ཏེ་གལ་ཆེ། ༈ །ཚེ་དང་ལང་ཚོ། མཐུ་སྟོབས་གཟི་བརྗིད། ཤེས་རབ་དང་སྙིང་རྗེ། གཟུངས་སྤོབས་མངོན་ཤེས། ངག་གི་དེའི་བསྒོ་བ་ལས་ལྷ་རྣམས་ཀྱང་འདའ་བར་མི་ནུས་པའི་ཚིག་བཙན་པ་དང་། ཚིག་ཙམ་གྱིས་དམག་གི་སྡེ་རེངས་བར་བྱ་བ་ལ་སོགས་པའི་ལས་འགྲུབ་པ་དང་།

― TN03_Page_0848 ―

^{[མ་དཔེ་གཟིགས་ན་འདིར་གནོན།]}

(༤༩༠)སྨྲ་བའི་ཁྱུ་མཆོག་གི་གནས་ཐོབ་པ་ཐམས་ཅད་ལ་སྦྱོར་བཏུབ། དབང་ཕྱུག་སོགས་རྡོ་རྗེ་གསུམ་གྱི་དངོས་གྲུབ་ཀྱི་ཆ་ཤས་རང་ཤར་ལྷ་ཁྲིད་ལས་ཀྱང་འདི་མཐུན་འབྱུང་། རེ་ཡིན་པས་ཛབ་དགོངས་དང་པོའི་མདེ་ཁ་སྒྱུར་ལུགས་རེས་གང་འདོད་འགྲུབ་བོ། །འདི་རྡོག་མ་ལེ་བརྒན་ལས། ཐུན་མོང་གྲུབ་ཆེན་བརྒྱད་ལ་སོགས། །མཆོག་གི་སྐུ་གསུམ་རང་གསལ་བ། །ཞེས་པའི་ཐད་དང་བསྒྲིགས་ན་ཤིན་ཏུ་ལེགས་འདྲ། ༈ །ཛབ་དགོངས་གསུམ་པའི་སྐབས་ཀྱི་རྟ་སྐད་འདོན་པ་ན། རྟ་སྐད་ཀྱི་དེ་ཉིད་དང་། དེས་འཇིག་རྟེན་གསུམ་གྱི་སྲོག་འཕྲོགས་ཚུལ་ཟུར་འཁོད་ལྟར་ངེས་པའི་སྟེང་ནས། རྟ་དབྱངས་གསང་མཐོར་བསྒྲགས་པས་སྡེ་བརྒྱད་ཀྱི་སྤྱི་སྲོག་དང་དགོས་སྲོག་སྲོག་རྟེན་ཉི་ཟླའི་དྭངས་མ་དང་བཅས་པ་བསྐུལ་ཞིང་རང་དབང་མེད་པར་དྲངས་པས་རླུང་གིས་བསྐྱོད་པའི་ཤིང་ལོ་ལྟར་ལྷགས་པར་བལྟ་བ་སྟེ། དཔལ་ཆེན་ཆེ་བའི་རྟ་སྐད་ལ་སོགས་པའི་སྐབས་བཞིན་སྦྱར་རོ། །ལེགས་པར་བསྙེན་ན་བྱ་རྒྱུད་ལེགས་གྲུབ་དང་བསྟུན་ན། དམ་ཅན་མཐུ་བོ་ཆེ་རྣམས་ཀྱིས་སངས་རྒྱས་དངོས་ལས་དངོས་གྲུབ་བསླང་སྟེ་སྦྱིན་པའང་ཡོད་པར་མངོན་ནོ། ༈ །རྟ་སྐད་ཀྱིས་དབང་དྲག་གི་ལས་གཉིས་མཛད་ཚུལ་ནི་མི་དང་མི་མིན་གྱི་འགྲོ་བའི་ཡིད་བདག་ལ་འཆོར་བ་ནི། །དེ་དག་གི་རྣམ་ཤེས་ཀྱི་བཞོན་པའི་རླུང་གི་བརྟན་པ་འཕྲོག་པ་ལ་ཐུག་སྟེ། རླུང་གི་རྟ་དང་བྲལ་ན་ཤེས་པ་འཕྱེ་བོ་དང་འདྲ་

― TN03_Page_0849 ―

^{[མ་དཔེ་གཟིགས་ན་འདིར་གནོན།]}

(༤༩༡)བར་གསང་རྫོགས་དང་རྫོགས་ཆེན་སྐོར་དུ་གསུངས་པས་སེམས་འགྲོ་འོང་ནི་རླུང་གིས་ཁྲིད་ནས་བྱེད་པའི་ཕྱིར་རོ། །ཡབ་ཡུམ་གྱི་སྦྱོར་མཚམས་ནས་སྤྲོས་པའི་བདེ་བའི་སྒྲ་དང་། འོད་ཟེར་གྱིས་སངས་རྒྱས་དང་བཙུན་མོར་བཅས་པའི་བདེ་བའི་ཡེ་ཤེས་བསྐུལ་ཏེ་སྤྱན་འདྲེན་པ་བཞིན་དུ། དེ་བཞིན་གཤེགས་པའི་གཞོམ་མེད་ནཱ་དའི་འཚེར་གླུས། ལུས་ཅན་རྣམས་ཀྱི་སྲོག་ཏུ་གྱུར་པའི་རླུང་དེ་རང་དབང་མེད་པར་བསྐུལ་ཞིང་བརླབ་སྟེ། དེའི་གཞན་དབང་ཅན་གྱི་སེམས་རྣམས་མྱོས་པ་དང་། མིའམ་ཅིའི་རྒྱལ་པོ་ལྗོན་པའི་གླུས་དགྲ་བཅོམ་པ་རྣམ་ཐར་བརྒྱད་ལྡན་རྣམས་ཀྱང་རང་དབང་མེད་པར་མྱོས་ནས་གར་བྱས་པར་གསུངས་པ་ལྟ་བུ། འཕར་བ་དང་། ལྡེག་པ་དང་། དཀྲུགས་པ་དང་། དབབ་པ་དང་། དགུག་ཅིང་དྲང་བ་སོགས་བྱེད་དོ། །སྒྱུ་འཕྲུལ་ལས། སྤྱུགས་པའི་འཐོར་རླུང་གཡེང་བ་ཆེ། །ཞེས་དང་། མདོ་ལས་ལྷ་དང་ལྷ་མིན་འཐབ་པའི་སྒྲས་རྒྱ་མཚོའི་སྲོག་ཆགས་མང་པོའི་སྙིང་འགས་པར་གསུངས་པ་བཞིན། །དྲག་པོའི་ང་རོ་མི་བཟད་པས་གདུག་པ་ཅན་རྣམས་ཀྱི་སྲོག་ལ་སོགས་པའི་རླུང་དྲག་ཏུ་སྐུལ་ཞིང་གཏིང་འཁྲུགས་པར་བྱེད་ལ། དེས་ལུས་སེམས་གཏོར་དཀྲུགས་རྨོངས་རེང་བསྐྲད་པ་སོགས་བྱེད་དོ། །སེང་ལྤགས་ཀྱི་རྒྱུད་སྒྲས་རྒྱུད་གཞན་ཐམས་ཅད་ཆད་འགྲོ་བ་ལྟ་བུའང་ཡིན་ནོ། །མཆན། ༈ མ་མོ་རྦོད་གཏོང་གི་

― TN03_Page_0850 ―

^{[མ་དཔེ་གཟིགས་ན་འདིར་གནོན།]}

(༤༩༢)ཛབ་དགོངས་སྐབས། མངོན་རྫོགས་རྒྱལ་པོའི་སྤྱི་གཙུག་རྟ་མགྲིན་གྱི་ཞལ་ནས་འཚེར་སྐད་ཐེང་གསུམ་བསྒྲགས་པས་མ་མོ་མཁའ་འགྲོ་ཐམས་ཅད་དབང་བསྡུས་ཟིལ་གྱིས་མནན་ཅིང་སྲོག་ཕྲོགས་ཏེ་ལས་ལ་འཛུད་པར་གསུངས་པའི་སྐབས་སུ། དེ་ཡང་ཁམས་གསུམ་སྲིད་པ་གསུམ་ན་དབང་ཆེ་བ་མ་མོ་དང་མཁའ་འགྲོ་མ་ཡིན་པས་དབང་གི་མ་མོར་བྱས་ནས་དབང་བསྒྱུར་བ་དང་༔ སེམས་ཅན་གྱི་ཚེ་སྲོག་མ་མོ་དང་མཁའ་འགྲོ་མའི་ཕྱག་ན་མངའ་བས་ཚེའི་མ་མོར་བྱས་ཏེ་ཚེ་སྒྲུབ་པ་དང་༔ ནད་ཀྱི་བདག་མོ་ཡིན་པས་ནད་ངན་གཅོད་པ་དང་༔ དམོད་པ་དྲག་སྔགས་ཀྱི་བདག་མོ་ཡིན་པས་དགྲ་ལ་རྦད་པ་དང་༔ ཐུན་མོང་གི་མཐུ་དང་རྫུ་འཕྲུལ་ཐམས་ཅད་ཀྱི་བདག་མོ་ཡིན་པས་ཐུན་མོང་གི་ལས་གང་འདོད་ལ་སྦྱར་བའོ༔ དེ་ལྟ་བུ་ལ་མ་མོ་རྦོད་གཏོང་གི་སྒྲུབ་པ་ཞེས་བྱའོ༔ ཞེས་བདེ་གསང་གཉིས་ཀར་གསུངས་ཏེ་ཛབ་དགོངས་གསུམ་པ་ལ་མཁོའོ། ༈ སྒྲུབ་ལུང་གི་བཀའ་སྒོ་ལས། པདྨ་ལ་སྒྲུབ་པ་བརྒྱད་དུ་བཀའ་སྩལ་བའི་པདྨ་སྐུའི་སྒྲུབ་པ་ནི༔ པདྨ་སྒྲུབ་པའི་རྣལ་འབྱོར་པའི་ལུས་པདྨ་དབང་ཆེན་གྱི་སྐུར་གསལ་བའི་དུས་ན༔ སྐུ་ལ་བགྲེས་རྒུད་མི་མངའ་སྟེ༔ རང་རིག་པ་པདྨ་དབང་ཆེན་གྱི་སྐུས་ཁམས་གསུམ་དབང་དུ་སྡུད་པ་ལ་པདྨ་སྐུའི་སྒྲུབ་པ་ཞེས་བྱའོ༔ ངག་པདྨ་དབང་ཆེན་གྱི་གསུང་དྲི་མ་མེད་

― TN03_Page_0851 ―

^{[མ་དཔེ་གཟིགས་ན་འདིར་གནོན།]}

(༤༩༣)པ་རྟ་སྐད་ཐང་གསུམ་གྱིས་ཁམས་གསུམ་དབང་དུ་སྡུད་པ་ལ་པདྨ་གསུང་གི་སྒྲུབ་པ་ཞེས་བྱའོ༔ ཡིད་པདྨ་དབང་ཆེན་གྱི་ཐུགས་མི་རྟོག་པའི་ཡེ་ཤེས་ཆེན་པོས་སྣང་སྲིད་ཀྱི་ཆོས་ཐམས་ཅད་བསྡུས་པ་མེད་པར་ཡེ་ནས་དབང་དུ་འདུས་པ་ལ་པདྨ་ཐུགས་ཀྱི་སྒྲུབ་པ་ཞེས་བྱའོ༔ དེ་ལྟར་པདྨ་དབང་ཆེན་གྱི་སྐུ་གསུང་ཐུགས་ཆེ་བའི་ཡོན་ཏན་བསམ་གྱིས་མི་ཁྱབ་པ་ལ་འཕེལ་འགྲིབ་མི་མངའ་བས་པདྨ་ཡོན་ཏན་གྱི་སྒྲུབ་པ་ཞེས་བྱའོ༔ ཕྲིན་ལས་སྣང་སྲིད་ཐམས་ཅད་དབང་དུ་བསྡུས་ནས་ཆོས་ཉིད་སྐྱེ་འགག་མེད་པར་གསལ་འདེབས་པ་ལ་པདྨ་ཕྲིན་ལས་ཀྱི་སྒྲུབ་པ་ཞེས་བྱའོ༔ རྡོ་རྗེའི་གླུས་དབང་གི་ཆེ་བ་བསྟོད་པ་དང་༔ འཁོར་ལོང་བ་རྒྱབ་འབྲེལ་དང་༔ རྨུན་ལོང་འཁོར་བ་མན་ཆད་དབང་གི་ལས་ལ་བསྐུལ་བ་ལ༔ པདྨ་རྦོད་གཏོང་གི་སྒྲུབ་པ་ཞེས་བྱའོ༔ ཁམས་གསུམ་ཡོངས་སྒྲོལ་གྱི་མཆོད་པ་དང་༔ དུག་གསུམ་གཏན་སྤྲུགས་ཀྱི་མཆོད་པ་འབུལ་བ་དང་༔ འཁོར་ཅེ་སྤྱང་དམར་ལ་དབབ་པ་དང་༔ རོ་བཤལ་གཏོད་ལ་བོར་བ་དང་༔ རཀྟ་ཙ་མུན་ཏའི་སྐུ་བཙའ་བ་ལ་པདྨ་མཆོད་བསྟོད་ཀྱི་སྒྲུབ་པ་ཞེས་བྱའོ༔ ཁམས་གསུམ་དབང་དུ་བསྡུ་བའི་སྔགས་དང་༔ སྡེ་བརྒྱད་ལས་ལ་གཟུད་པའི་སྔགས་ལ༔ པདྨ་དྲག་སྔགས་ཀྱི་སྒྲུབ་པ་ཞེས་བྱའོ༔ ཞེས་བཤད་

― TN03_Page_0852 ―

^{[མ་དཔེ་གཟིགས་ན་འདིར་གནོན།]}

(༤༩༤)དོ། ༈ །ཛབ་དགོངས་གཉིས་པའི་ཐད་དུ། མན་ངག་སྙིང་གཟེར་ལས། སྡེ་བརྒྱད་སོ་སོ་ལ་གཉེན་པོ་སྟོབས་ཀྱི་ལྷ་སོ་སོར་འཆད་པའི་སྐབས་སུ། བདུད་དང་རྒྱལ་པོའི་གཉེན་པོ་ནི༔ རྟ་མགྲིན་པདྨ་དབང་ཆེན་ཡིན༔ ཞེས་འབྱུང་། ཉང་གི་སྲིད་པའི་གཏེར་ཁྱིམ་ལས་དྲེགས་པ་ཐམས་ཅད་ཕོ་རྒྱུད་མོ་རྒྱུད་ཀླུ་རྒྱུད་གསུམ་དུ་བསྡུས་ཏེ་འཆད་སྐབས། རྒྱུད་གསུམ་དྲེགས་པའི་ནང་ཚན་ཆེ་བ་ཀླུ་རྒྱུད་དང་། དེའི་གཉེན་པོ་སྟོབས་ཀྱི་ལྷར་བསྔགས་པ་རྟ་མགྲིན་དུ་བཤད། ཀླུ་ལ་ཤིས་པའི་ལྷ་ལྔར་གྲགས་པའི་ནང་ན་ཡང་རྟ་མགྲིན་དང་ཁྱུང་གཉིས་རེ་རེར་བགྲང་ངོ་། །གཉན་དང་ས་བདག་གི་རིགས་ཐམས་ཅད་ཀླུ་རྒྱུད་དུ་བསྡུ་བར་རྡོར་གཙུག་ལས་སོ། །བདེ་འདུས་དབང་ཆེན་འདུས་པའི་རྒྱུད་ལས། ང་ནི་བདེ་གཤེགས་ཀུན་གྱི་གཙོ༔ ང་ནི་སྐྱེ་འགྲོ་ཀུན་གྱི་ཡབ༔ ང་ནི་གཤིན་རྗེ་ཀུན་གྱི་གཤེད༔ ང་ནི་མ་མོ་ཀུན་གྱི་རྗེ༔ ཞེས་པ་ནས། དུས་གསུམ་འདི་ནི་ང་ཡི་དབང་༔ དུས་གསུམ་གྱི་བུདྡྷ་ཐམས་ཅད་ངས་བསྐྱེད་པའི་ཕྱིར། གདུལ་བྱ་ཕོ་རྒྱུད་ཐམས་ཅད་འདུལ་བའི་ཕྱིར། མོ་རྒྱུད་ཐམས་ཅད་འདུལ་བའི་ཕྱིར། ཕྱི་སྣང་བ། དུ་མ་གྱུར་བ་མེད་དོ། །མཆན་རྙིང་ཡིན་ནོ། ཞེས་གསུངས་པ་སོགས་མང་ངོ་། ༈ །ཛབ་དགོངས་བཞི་པོ་དེ་ཤངས་ལུགས་ཀྱི་རྟ་མགྲིན་སྒྲུབ་གཞུང་ལས་ཀྱང་གསུངས་ཏེ། ཞི་ཁྲོ་རབ་འབྱམས་གསང་

― TN03_Page_0853 ―

^{[མ་དཔེ་གཟིགས་ན་འདིར་གནོན།]}

(༤༩༥)བའི་དཀྱིལ་འཁོར་གྱི་ལྷ་ཚོགས་ཐམས་ཅད་རང་བཞིན་གྱིས་སྒྲུབ་པ་པོའི་སྟོང་གྲོགས་མཛད་ཅིང་བྱིན་གྱིས་རློབ༔ ཅེས་ཛབ་དགོངས་དང་པོ་དང་། སྲུང་མ་རྣམས་ཀྱིས་ཕྲིན་ལས་དབང་མེད་དུ་བྱེད༔ ཅེས་གསུམ་པ། ཡང་དྲག་པོའི་སྔགས་བཟླས་པས་སྣང་སྲིད་ཀྱི་ལྷ་སྲིན་སྡེ་བརྒྱད་པོ་ཡང་བསྡད་པའི་དབང་མེད་པར་བསམ༔ ཞེས་པས་ཀྱང་གཉིས་པ་དང་གསུམ་པ། བ་སྤུ་ཉག་མ་རེའི་རྩ་བ་ནས་ཀྱང་བཅོམ་ལྡན་འདས་རྟ་མགྲིན་དཔག་ཏུ་མེད་པར་སྤྲོས་ལ་གདོན་བགེགས་ཐམས་ཅད་རང་སྲོག་རང་གིས་བཅད་པ་ལྟར་བསད་པ་དང་༔ དངངས་པ་དང་༔ རེང་བར་བསམ་མོ༔ ཞེས་སོགས་ཀྱིས་གཉིས་པ་དང་བཞི་པ་བསྟན་ནོ། །དེར། སྔགས་ཀྱི་འོད་ཟེར་གྱིས་སེམས་ཅན་ཐམས་ཅད་ཀྱི་སྡུག་བསྔལ་སྦྱངས་ཏེ་ཐམས་ཅད་བདེ་བ་ཆེན་པོར་ཕྱམ་གྱིས་བཏང་བར་བསམ་པ་ཡང་བཤད་དོ། ༈ །དེ་བཞིན་དུ་གཞུང་འདིར་ཡང་། རྩ་གསུམ་ཞི་ཁྲོ་མཆོད་པས་མཉེས༔ ཞེས་དང་པོ་བསྟན་ཏེ། བླ་སྒྲུབ་ལས་དེ་འབྲེལ་དུ། བྱིན་རླབ་དངོས་གྲུབ་རང་ལ་ཐིམ༔ ཞེས་གསུངས། །སྡེ་བརྒྱད་འབྱུང་པོ་ཟིལ་གྱིས་མནན༔ དགྲ་བགེགས་གདུག་པ་ཚར་ཐག་གཅད༔ ཅེས་གཉིས་པ་དང་བཞི་པ། དམ་ཅན་ཕོ་ཉ་ལས་ལ་བསྐུལ༔ ཞེས་གསུམ་པ་བསྟན་ནོ། །

― TN03_Page_0854 ―

^{[མ་དཔེ་གཟིགས་ན་འདིར་གནོན།]}

(༤༩༦)སྣང་བ་ལྷ་ལ་སོགས་རྐང་པ་གཉིས་ཀྱིས་ནི་བརྟན་གཡོ་ཐམས་ཅད་དབང་ཆེན་གཅིག་པུའི་རྣམ་འཕྲུལ་དུ་ལྟ་བའི། དབང་བྱེད་ཀྱི་ཛབ་དགོངས་ཁྱད་པར་ཅན་ཏེ། རྟ་སྐད་ཟིན་ཏིག་ཏུ་བལྟའོ། ༈ འདིའི་སྒྲུབ་སྔགས་འདི་ལ། སྔོན་འགྲོ། ལས་སྦྱོར། རྒྱུན་སྔགས། བསྙེན་སྔགས་དང་བཞི་གཅིག་ཏུ་དྲིལ་བའི་སྔགས། ཞེས་ཤངས་ལུགས་གཏེར་གཞུང་ལས་སོ། ༈ །ཛབ་དབྱངས་ནི། བདེ་འདུས་བསྙེན་སྒྲུབ་ཀྱི་པྲ་ཁྲིད་ལས། དབང་ཆེན་གྱི་ཛབ་ནི་སེང་གེའི་འགྱིང་ཛབ་ཅེས་བྱ༔ བགྲང་ཐབས་ནི་སྐད་གདངས་ལ་འགྱིང་ཆེ་བར་བགྲང་༔ དགོས་པ་ནི་ནུས་པ་རྒྱས་ཤིང་དྲེགས་པ་ཟིལ་གྱིས་གནོན་པར་བྱེད་དོ༔ ཞེས་སོ། ༈ །སྤྱི་ཛབ་རུ་ལུའི་དོན་ནི་བདེ་འདུས་སྔགས་རྒྱུད་ལས་ཡང་དག་གི་སྐབས་སུ། ཨོཾ་ནི་ཡེ་ཤེས་རྣམ་པ་ལྔའོ༔ རུ་ནི་ཆགས་པ་ཆེན་པོའོ༔ ལུ་ནི་ཀུན་བཟང་ཡུམ་གྱི་མཁའ་འོ༔ རུ་ནི་ཉོན་མོངས་པ་དབང་དུ་བསྡུས་པའོ༔ ལུ་ནི་སྲིད་པ་གསུམ་དབང་དུ་བསྡུད་པའོ༔ ཧྲཱུཾ་ནི་དགྱེས་པ་ཆེན་པོས་སྤྲུལ་པ་མང་པོ་འགྱེད་པོའོ༔ བྷྱོ་ནི་ཆོས་ཀྱི་དབྱིངས་སུ་འཇིག་རྟེན་པ་གནས་གྱུར་པའོ༔ ཧཱུཾ་ཐ་མ་ནི་ཡོན་ཏན་རིནཔོ་ཆེ་ནོར་བུ་རིན་པོ་ཆེའོ༔ ཕཊ་ནི་ཆོས་ཀྱི་དབྱིངས་བདེ་བ་ཆེན་པོར་བསྐུལ་བའོ༔ དེ་ནི་སྔགས་ཀྱི་དོན་དང་སྦྱར་ཏེ་

― TN03_Page_0855 ―

^{[མ་དཔེ་གཟིགས་ན་འདིར་གནོན།]}

(༤༩༧)བསྟན་པའོ༔ ཁྲག་འཐུང་དྲུག་ཅུ་རྩ་བརྒྱད་ཀྱི་སྙིང་པོར་བསྟན་པ་ནི༔ ཨོཾ་ནི་ཁྲག་འཐུང་ཡབ་ཡུམ་བཅུའི་སྙིང་པོའོ༔ རུ་ལུ་གོང་མ་གཽ་རི་བརྒྱད༔ རུ་ལུ་འོག་མ་ཕྲ་མེན་བརྒྱད༔ ཧཱུཾ་ནི་འཇིགས་བྱེད་ཁོ་བོ་བཅུ༔ བྷྱོ་དབང་ཕྱུག་མ་ཉི་ཤུ་བརྒྱད༔ ཧཱུཾ་སྒོ་མ་བཞི༔ ཕཊ་སྤྲོ་བའོ༔ ཞེས་གསུངས་ཤིང་། ཁྲག་འཐུང་ང་བརྒྱད་དང་སྦྱོར་ན་གཞན་དེ་དང་འདྲ་བ་ལས། ཧཱུཾ་སྔ་མ་སྒོམ་བཞི༔ ཧཱུཾ་ཕྱི་མ་དབང་དུ་སྡུད་པར་སྦྱར་ཏེ་གསུངས་སོ། །སྔར་གདེང་བརྒྱད་ཀྱི་གཞུང་སོགས་དྲངས་པ་ལྟར་ན། རུ་ལུ་ཚང་མ་དམ་ཅན་ཡོངས་རྫོགས་ཀྱི་བཟླས་སྔགས་སུ་བྱེད་ཀྱང་ཆོག་པ་ལ། འདིར་བྷྱོ་རྐྱང་མ་གཏོགས་པ་སྦྱར་དུ་མེད་པས་ཅི་སྟེ་མི་འགལ་ཞེ་ན། རྡོ་རྗེའི་ཚིག་གཅིག་ལའང་དོན་མི་འདྲ་བ་དུ་མ་ཞིག་བསྟན་རྒྱུ་ཡོད་པ་རྣལ་འབྱོར་བླ་མེད་ཀྱི་རྒྱུད་སྡེ་སྤྱིའི་ལུགས་ལ་ཡོད་པས་སྐྱོན་མེད་དོ། །གསང་རྫོགས་ཛབ་དགོངས་ལས་ལྷ་ང་བརྒྱད་དང་སྦྱར་ཏེ། ཧཱུཾ་ཕྱི་མ་ལ་ཐུགས་ཀར་སྡུད་པའོ་ཞེས་བཤད། ཡང་གསང་རྫོགས་ལས། ཨོཾ་ཡེ་ཤེས་ལྔའི་རང་བཞིན༔ རུའི་ར་ལ་ངེས་ཚིག་གིས་བཤད་ན། ར་མེའི་སྒྲ་ལས་རྨོངས་པ་མེད་པའི་མཛད་སྤྱོད་དང་ཐུགས་རྗེ་ཆེན་པོས་དགའ་བར་བྱེད་པ་དང་༔ ར་ག་སྟེ་ཆགས་པ༔ ལུ་ལུམ་བིའི་ཚལ་སྟེ། དགའ་བའི་ནགས་

― TN03_Page_0856 ―

^{[མ་དཔེ་གཟིགས་ན་འདིར་གནོན།]}

(༤༩༨)ཚལ་ཆེན་པོ་ལྟར་བདེ་ཆེན་གྱི་འབྱུང་གནས་སུ་གྱུར་པའི་ཡུམ་གྱི་མཁའ་དང་། ཧཱུཾ་གི་ཧ་ཧེ་ཞེས་པ་དགྱེས་པའི་མཆོག བྷྱོའི་བ་ལས། བ་ག་ཅན་དཔྱད་ཞེས་པ་ཆོས་ཀྱི་དབྱིངས་སུ་འཇིག་རྟེན་པ་གྱུར་པ། ཧཱུཾ་ཐ་མ་ཚད་མེད་པའི་ཡོན་ཏན་ཡེ་ཤེས་ལྔ་དང་ལྡན་པ། ཞེས་གསུངས་པ་གོང་གི་བཤད་ཚུལ་དང་པོ་དང་རགས་པ་ཞིག་འདྲའམ་སྙམ་སྟེ། གསང་རྫོགས་ཀྱི་ལྒེགས་བམ་དག་པ་རྙེད་ནས་ད་དུང་ཡང་བསྡུར་བར་བྱའོ། །བདེ་འདུས་སོགས་ལས་རུ་ལུ་ཤེས་པ་བརྒྱད་སོགས་བཤད་ཚུལ་ཁྱད་པར་ཅན་གཞན་ཡང་མང་དུ་མཛད་དོ། །ཡང་ཨོཾ་ནི་སྔར་ལྟར་དང་། རུ་ནི་རུ་ཛོ་ཞེས་པ་འཇིགས་པར་གྱིས། ལུ་ནི་ལུ་ཉ་སྟེ་གཅོད་པ། ཧཱུཾ་ནི་བསྡིགས་པར་གྱིས་ཞེས་སུ་བཤད་པའང་ཡོད་དོ། །རཏྣའི་ཟབ་གཏེར་ལས། རུ་ལུ་ཉམས་ཆག་སྐོང་བའི་མཐར་ཐུག་དང་། རིག་འཛིན་ཚེ་ཡི་མཆོག་སྩོལ་བ་ལ་བསྔགས་པར་གསུངས་སོ། །སྒྱུ་འཕྲུལ་ཁྲོ་བོའི་སྤྱི་སྔགས་རུ་ལུར་བྱེད་ཅིང་། གྲུབ་ཐོབ་བཀའ་བརྒྱད་ལས་དཔལ་དགུའི་སྤྱི་ཛབ་འབུམ་ཕྲག་བཅུ་དང་། སོ་སོའི་སྔགས་འབུམ་ཕྲག་རེ་རེས་འགྲུབ་པར་གསུངས་པའི་སྤྱི་ཛབ་ཀྱང་རུ་ལུ་ཤམ་ལྡན་རང་ཡིན་ནོ། །ལུང་ཁ་ཅིག་ལས་ནི། རུ་ལུ་འདི་སྔོན་ལས་ཀྱི་སྲིན་པོའི་དམ་ཚིག་གི་གདུག་པའི་གླུ། དཔལ་ཆེན་པོས་བྱིན་གྱིས་བརླབས་པའི་སྔགས་སུ་བཤད་དེ་འདིའི་སྟེང་ན་གོ་

― TN03_Page_0857 ―

^{[མ་དཔེ་གཟིགས་ན་འདིར་གནོན།]}

(༤༩༩)རྒྱུ་མང་ངོ། །ཡིག་འབྲུ་སོ་སོར་ལྷ་སོ་སོ་དང་སྦྱར་བ་ན། གཙོ་སྔགས་ཁོ་ནར་ཡང་གཙོ་འཁོར་ཐམས་ཅད་ཚང་མོད་ཀྱི། དེ་རྣམས་འདུས་པ་ལ་བཏགས་པའི་སྔགས་དེ་གཙོ་སྔགས་ཉིད་དུ་བྱས་ནས། སྤྱི་དྲིལ་ཟུར་དུ་བཤད་པ་ནི་ལྷའི་སྐབས་སུ། །གཙོ་བོའི་ཡེ་ཤེས་ཀྱི་ཆ་རྣམས་དཀྱིལ་འཁོར་བ་གཞན་རྣམས་ཀྱི་ངོ་བོར་གནས་པས། ལྷ་དེ་ཐམས་ཅད་གཙོ་བོའི་ཡེ་ཤེས་ཀྱི་རང་བཞིན་དུ་འདུ་མོད་ཀྱི་ཆ་དེ་རྣམས་ཚོགས་པ་ལ་བཏགས་པའི་གཙོ་བོ་ཉིད་མཚན་དང་རྣམ་འགྱུར་དང་རིགས་སོགས་ཀྱི་སྒོ་ནས་འཁོར་རྣམས་ལས་ཐ་དད་པ་མི་འགལ་བ་དང་འདྲ་བར་ཤེས་པར་བྱའོ། །རྣལ་འབྱོར་པ་རབ་ནི་རྒྱུ་མཚན་སྔ་མ་དེ་ཉིད་ཀྱིས། འཁོར་རྣམས་གཙོ་བོའི་ཡན་ལག་ཕྱིར། །ཐ་དད་པར་ནི་བཟླ་མི་བྱ། །ཞེས་ས་ར་ཧའི་ཞབས་ཀྱིས་གསུངས་པ་བཞིན་དུའང་འགྱུར་རོ། ༈ །འདིའི་ཞི་ཁྲོ་གཉིས་ཀ་དང་། འཕགས་མའི་སྙིང་ཏིག་སོགས་མང་པོའི་བསྙེན་སྒྲུབ་ལས་གསུམ་ནང་གི་སྒྲུབ་པ་དང་། འདིའི་བླ་མ་ཞི་བའི་སྒྲུབ་ཆེན་སྐབས་སོགས་སུ་སྣང་སྲིད་ཐམས་ཅད་ལྷ་སྔགས་ཡེ་ཤེས་ཀྱི་འཁོར་ལོར་ཁྱད་པར་དུ་དམིགས་ཚུལ་གསུངས་པ་ནི། བཟླས་བརྗོད་མྱུར་དུ་འགྲུབ་པའི་ཐབས་ཟབ་མོའང་ཡིན་ཏེ། འདི་ལྟར་དེས་ནི་གསུང་རིག་སྔགས་ཀྱི་སྣང་ཞེན་གཉིས་ལས་སྣང་བ་རྒྱས་པར་འགྱུར་ཞིང་།

― TN03_Page_0858 ―

^{[མ་དཔེ་གཟིགས་ན་འདིར་གནོན།]}

(༥༠༠)དེ་ཇི་ལྟར་རྒྱས་པ་དེ་ལྟར་ཞེན་པ་རྒྱས་པར་འགྱུར་ཏེ། སྣང་བས་ཞེན་པའི་གྲོགས་བྱེད་པས་སོ། ཞེན་པ་དེ་ཇི་ལྟར་ལྷགས་པ་དེ་ལྟར་དངོས་གྲུབ་སྒྲུབ་པའི་མཐུ་ལྷག་པར་སྐྱེ་བར་འགྱུར་རོ། །གཙོ་འཁོར་དུ་ཡོད་དང་། ཞལ་དུ་ཡོད་ཐམས་ཅད་ཀྱིས་སྔགས་ཟློ་བར་བསམ་ན་དེ་སྙེད་ཀྱི་འགྱུར་འབྱུང་བར་ལྭ་བ་པ་སོགས་གྲུབ་ཆེན་མང་པོས་བཤད་པ་དང་། འདིར་རིག་སྔགས་ཀྱི་ཏིང་ངེ་འཛིན་རྩལ་སྦྱང་ཚུལ་གསུངས་པ་གུང་བསྒྲིགས་ན་ཤིན་ཏུ་གསལ་ལོ། །སྒྱུ་འཕྲུལ་ལས་གསུངས་པའི་ཚོམ་བུ་ཚོགས་སྒྲུབ་བྱ་མ་རན་པའི་སྔགས་པས་ཀྱང་ཚོགས་སྒྲུབ་བྱ་ཚུལ་གཏེར་ཕྱོགས་ན་མང་དུ་སྣང་བ་ཡང་། དྲོད་ཅུང་ཟད་ཐོབ་པའི་སྔགས་པ་ཆིག་རྐྱང་དང་། མང་པོ་མཐུ་བསྡོང་བྱས་པ་གཉིས། འདོད་པའི་འབྲས་བུ་སྒྲུབ་པ་ལ་སྟོབས་མི་མཚུངས་པར་དགོངས་ནས་ཡིན་ལ། མང་ཉུང་ཡང་བློ་ངོ་གཙོ་བས་སྔ་མ་དང་ཚུལ་མཐུན་ནོ། །འདིར་མང་པོས་གཅིག་བྱེད་པ་ནི་མཁར་ལས་བཞིན་ནོ། །སྟོབས་མི་མཚུངས་པ་ཡང་དེས་ཤེས་ཤིང་། གཅིག་གིས་བསྒུལ་མི་ནུས་པའི་རྡོ་རིང་མང་པོས་བདེ་བླག་ཏུ་དྲང་འོང་བས་མཚོན་ནོ། །སྔགས་པ་སོ་སྐྱེ་ལྟ་བུར་མང་ཉུང་ལ་སྟོབས་ཆེ་ཆུང་འཐད་ཀྱང་། སངས་རྒྱས་གཅིག་དུ་མ་ལ་རྒྱ་ཆེ་ཆུང་དང་ཤུགས་དྲག་ཞན་མི་འཐད་པས་ཚུལ་མཐུན་ཞེས་པ་མི་རིགས་ཞེ་ན། སངས་རྒྱས་གཅིག་བསྒོམ་

― TN03_Page_0859 ―

^{[མ་དཔེ་གཟིགས་ན་འདིར་གནོན།]}

""ཤོག་ལྷེ་༥༠༡)པ་དང་། མང་པོ་བསྒོམ་པ་ལ་སྟོབས་ཆེ་ཆུང་ཡོད་ཅེས་སྨྲས་ཀྱི། སངས་རྒྱས་གཅིག་དང་མང་པོ་སྟོབས་མི་མཚུངས་ཟེར་བ་ག་ལ་ཡིན། དེ་ཀུན་ཀྱང་སྔགས་པ་ལམ་མཐོན་པོ་པ་ལ་བསམ་པ་མིན་ནོ། ༈ །གཞན་ཡང་རྐང་པ་གཉིས་པོ་འདིར་སེམས་ཅན་གྱི་དོན་བྱེད་པའི་ཛབ་དམིགས་འདི་ནི་གཞུང་འདི་ཀའི་བླ་མ་དྲག་པོའི་ཛབ་དགོངས་ལས་ཀྱང་ཤིན་ཏུ་གསལ་ལོ། །འདི་ལ་གཞན་ཕན་ཕྲིན་ལས་ཀྱི་རྟེན་འབྲེལ་ཀྱི་གནད་ཆེན་པོ་ཡོད་པས་འཇམ་ཞུད་མ་འཐེན་ཅིག ཀྱང་སྟོན་ཏེ། ཟབ་པ་སྐོར་བདུན་ལས་དབང་དང་དངོས་གྲུབ་ཀྱི་ཟབ་པ་རྟ་མགྲིན་དབང་གི་ཆོས་སྡེ། རྟ་མགྲིན་སྙིང་པོ་དོན་འདུས་ལས། ཐུགས་ཀར་ཉི་སྟེང་ཧྲཱིཿདམར་པོ༔ སྔགས་ཀྱི་ཕྲེང་བས་བསྐོར་བ་ལས༔ འོད་འཕྲོས་རྒྱལ་བ་སྲས་བཅས་མཆོད༔ བྱིན་རླབས་དངོས་གྲུབ་རང་ལ་བསྡུས༔ མ་མོ་མཁའ་འགྲོ་ལས་ལ་བཙུད༔ ཕྲིན་ལས་རྣམ་བཞི་ལྷུན་གྱིས་གྲུབ༔ གདུག་པ་ཅན་རྣམས་ཚར་བཅད་ནས༔ ཐམས་ཅད་དཔལ་གྱི་ས་རུ་བཀོད༔ འགྲོ་བ་རྣམས་ཀྱི་སྒྲིབ་པ་སྦྱངས༔ སྣང་སྲིད་དབང་གི་སྐུ་གསུང་ཐུགས༔ ཡེ་ཤེས་དཀྱིལ་འཁོར་ཆེན་པོར་བསམ༔ ཧྲཱི་ཿཔདྨཱནྟ་ཀྲིཏ་བཛྲ་ཀྲོ་དྷ་ཧྱ་གྲཱྀ་ཝ་ཧུ་ལུ་ཧུ་ལུ་ཧཱུཾ་ཕཊ༔ བསྙེན་སྒྲུབ་ལས་གསུམ་རྫོགས་པ་ཡི༔ སྔགས་འདི་ཆུ་བོའི་རྒྱུན་བཞིན་དུ༔ རྟ་ཡི་འགྲོས་སྐད་

― TN03_Page_0860 ―

^{[མ་དཔེ་གཟིགས་ན་འདིར་གནོན།]}

(༥༠༢)སྦྱར་བས་བཟླ༔ ཞེས་སུངས་པས་མཚོན་ནོ། །ལུང་དེའི་རྐྱང་པ་ཐ་མས་ནི་རྟ་སྐད་གང་གི་ཚེ་འདོན་པའི་དུས་ལའང་སྒྲོ་འདོགས་གཅོད་ད། ཆོས་སྡེ་དེའི་རྟ་མགྲིན་ཡང་ཕྱུང་དམར་པོ་ལས་ཀྱང་བསྟོད་པའི་མཐར། དེ་ནས་རྟ་སྐད་སྒྲོགས་པ་ནི༔ ཧཱུཾཿ ཡེ་ཤེས་ལྷ་ཚོགས་མ་ལུས་པ༔ བྱིན་རླབས་དབང་སྐུར་ཆེན་པོ་སྩོལ༔ དཀྱིལ་འཁོར་ཆེན་པོ་འདིར་འདུས་ཤིག༔ དབང་ཆེན་བཀའ་ལས་མ་འདའ་ཞིག༔ ཨི་ཧ་ཧ༔ ཧཱུཾ༔ མ་མོ་མཁའ་འགྲོ་དམ་ཅན་རྣམས༔ མྱུར་དུ་འདུས་ཤིག་ཕྲིན་ལས་མཛོད༔ ཞི་རྒྱས་དབང་དྲག་སོ་སོར་སྒྲུབས༔ དབང་ཆེན་བཀའ་ལས་མ་འདའ་ཞིག༔ ཨི་ཧ་ཧ༔ ཧཱུཾ་ ང་ནི་དབང་ཆེན་ཁྲོ་བོའི་རྒྱལ༔ ཁམས་གསུམ་ཀུན་ལ་འགྲན་ཟླ་མེད༔ དབང་ཆེན་རྟ་སྐད་ཕྱོགས་བཅུར་སྒྲོགས༔ གདུག་པའི་ཚོགས་རྣམས་རྡུལ་དུ་བརླག༔ ཨི་ཧ་ཧ༔ བསྙེན་སྒྲུབ་ཡན་ལག་བཞི་ལྡན་གྱིས༔ ཨོཾ་པདྨཱནྟ་ཀྲིཊ་བཛྲ་ཀྲོ་དྷ་ཧྱ་གྲཱྀ་བ་ཧཱུཾ་ཕཊ༔ ཅེས་གསུངས་ཏེ་ཛབ་དགོངས་གཞན་མ་བཤད་དོ། །བཀའ་བརྒྱད་རྫོང་འཕྲང་ལས་ཀྱང་རྟ་སྐད་གཏོང་དུས་ཛབ་ཀྱི་སྐབས་ཡིན་པར་བཤད་དེ། འདི་ལྟར། དེའི་ལུགས་ལ། ཞ་ིབ་རིགས་ལྔ་གནས་བསྒྱུར་ཏེ་རིགས་ལྔའི་ཧེ་རུ་ཀར་བསྐྱེད་ལ། དབང་བསྐུར། རྒྱས་གདབ། སྤྱན་འདྲེན། བཞུགས་གསོལ། ཕྱག་

― TN03_Page_0861 ―

^{[མ་དཔེ་གཟིགས་ན་འདིར་གནོན།]}

(༥༠༣)དང་མཆོད་པ་རྣམས་བྱེད་ནས་ཛཔྲ་ལ་བབས་པ་དང་། བུདྡྷ་ཧེ་རུ་ཀ་གནས་བསྒྱུར་ནས་གཤེད་ཛབ་བཟླ་བ་ཡན་སོང་བ་དང་། པདྨ་ཧེ་རུ་ཀ་རྟ་མགྲིན་དུ་བསྒྱུར་ཏེ། ཨོཾ་པདྨན་ཏ་ཀྲིད་མ་ཧཱ་ཀྲོ་ཏ་ཧྱ་གྷྲྀ་ཝ་ཧུ་ལུ་ཧུ་ལུ་ཧཱུཾ་ཕཏ། ཅེས་བརྒྱ་རྩ་བརྒྱད་བཟླས་པས། དབུས་ཀྱི་རྟ་སྐད་ཐང་གཅིག་གིས་ཡེ་ཤེས་ཀྱི་ཁྲོ་བོ་དང་། ཁྲོ་མོ་ཐམས་ཅད་དབང་དུ་བསྡུས། གཡས་ཀྱི་རྟ་སྐད་ཐང་གཅིག་གིས་སྲིད་པའི་གཟའ་ཀླུ་ཕོ་མོ་དབང་དུ་བསྡུས་ཏེ། བཀའ་ཉན་གསུང་སྡོད་པར་བསྒོམ་མོ། །མདོར་ན་འཇིག་རྟེན་ལས་འདས་པ་དང་མ་འདས་པ་ཐམས་ཅད་དབང་དུ་བསྡུ་ཞིང་ལས་ལ་གཟུད་དོ། །དེ་ནས་རྟ་མགྲིན་གྱི་ཛབ་བསྟོད་བྱས་ལ། ཀརྨ་དང་རཏྣ་ཧེ་རུ་གནས་བསྒྱུར་གྱི་བཟླས་པ་སོགས་བྱ་བར་གསུངས་སོ། །འདི་ལ་གོ་རྒྱུ་གཞན་ཡང་སྣང་བས་ཞིབ་ཏུ་བཀོད་དོ། ༈ །སྔགས་གང་བཟླ་ཡང་འདི་ལྟར་ཤེས་དགོས་ཏེ། སྤྱིར་འགྲོ་བ་དང་ཡུལ་ཐ་དད་ཀྱི་སྐད་གང་གི་དབང་དུ་བཏང་ཡང་། སྒྲ་འདིས་དོན་འདི་སྟོན་དང་། འདི་མི་སྟོན་གྱི་རྣམ་བཞག་ཐམས་ཅད་དང་པོར་བརྡ་སྦྱོར་མཁན་གྱི་བརྗོད་འདོད་དང་། དེ་ནས་དེའི་རྗེས་སུ་འབྲངས་ནས་ཐ་སྙད་བྱེད་མཁན་རྣམས་ཀྱི་བརྗོད་འདོད་ཁོ་ནའི་དབང་གིས་བྱེད་པ་ལས་རྒྱུ་མཚན་གཞན་ཅི་ཡང་མེད་དོ། །དེ་བཞིན་དུ་སྔགས་ཀྱི་ཚིག་རྣམས་ཀྱང་དང་པོར་རྩོམ་ཞིང་

― TN03_Page_0862 ―

^{[མ་དཔེ་གཟིགས་ན་འདིར་གནོན།]}

(༥༠༤)བྱིན་གྱིས་རློབ་པ་པོ་གང་ཡིན་པ་དེའི་རྗེས་སུ་འབྲངས་ནས་འདོན་པ་དང་ཟློ་བའི་བསམ་པས་བཟླས་ན། བསམ་པ་དེ་ཉིད་ཀྱི་དབང་གིས་ལྷ་དེ་དང་དེའི་སྔགས་སུ་འགྱུར་ཞིང་། སྔགས་ཀྱི་དེ་ཉིད་དང་། མཐུ་རྣམས་ཀྱང་རང་རང་གི་རྒྱུད་ནས་བཤད་པ་བཞིན་དུ་སྣང་བར་འགྱུར་རོ། །བསམ་པ་དེ་གསལ་པོ་མེད་ན། ལྷ་དེའི་སྔགས་བཟླས་པའི་གོ་ཆོད་ཚབ་ཀྱང་དེའི་ཚོད་ཙམ་དུ་ཆུང་སྟེ། སངས་རྒྱས་པའི་རྒྱུད་སྡེ་དང་། ཁྱབ་འཇུག་གི་རྒྱུད་ནས་བཤད་པའི་ཨོཾ་ཡིག་གཉིས་ལ། ཟློས་མཁན་གྱི་བརྗོད་འདོད་ལ་མ་ལྟོས་པར་ཡིག་འབྲུའི་སྒྲ་གདངས་རྐྱང་པའི་ངོས་ནས་ཁྱད་པར་བསྟན་ག་ལ་ནུས། དེས་ན་འདི་ལྟར་ཡིན་ཏེ། སྔོན་རྟ་མཆོག་ཧེ་རུ་ཀས་བདེ་ཆེན་སྒྱུ་མའི་ཡེ་ཤེས་རྟ་སྐད་དུ་བྱིན་གྱིས་བརླབས་པའི་ཧྲཱི༔ཡིག་རང་མཚན་དེ་ཉིད། འདིར་ཧྲཱིཿབཟླས་ཀྱི་ཀུན་སློང་རྟོག་པ་ལ་དོན་སྤྱི་དང་འདྲེས་ནས་དངོས་སུ་སྣང་བས་ན། དེ་རྟོག་པ་དེའི་དངོས་ཡུལ་ཡིན་ལ། དེའི་གནད་ཀྱིས་རྟོག་པ་དེས་ཡེ་ཤེས་དག་པའི་རྟ་སྐད་དངོས་རང་མངོན་སུམ་དུ་རྗོད་མི་ནུས་ཀྱང་། དངོས་སུ་རྗོད་ནུས་ལ། དེའི་རྒྱུ་མཚན་གྱིས་རྟོག་པ་དེས་རང་གི་དངོས་ཡུལ་གཙོ་བོ་དེ་ངག་ཏུ་རྗོད་པ་དང་། བཟླས་ཏེ་རྗོད་པར་འདོད་ནས་ཧྲཱི༔ཞེས་དབྱངས་སུ་བསྒྲགས་པས་ཀྱང་། ངག་དེས་དཔལ་ཧེ་རུ་ཀའི་རྟ་སྐད་དངོས་ཉིད་

― TN03_Page_0863 ―

^{[མ་དཔེ་གཟིགས་ན་འདིར་གནོན།]}

(༥༠༥)དངོས་སུ་བརྗོད་པར་འགྱུར་ཏེ། དེ་ལྟ་མིན་ན་ནི། སངས་རྒྱས་མིན་པས་སངས་རྒྱས་ཀྱི་བཀའ་དངོས་སུ་ཀློག་མི་ནུས་པ་དང་། ལྷ་སྦྱིན་གྱི་གཏམ་མཆོད་སྦྱིན་གྱིས་སྨྲ་བ་ཡང་མི་སྲིད་པར་ཐལ་ལོ། །དོན་གྱི་དབང་དེའི་ཕྱིར་དེ་བཞིན་གཤེགས་པའི་རྡུལ་བྲལ་ཡེ་ཤེས་ཀྱི་སྐུའི་མགྲིན་པ་དང་ཞལ་ལ་གནས་པའི་རྟ་སྐད་ཉིད་ཀྱང་དེའི་དུས་ཉིད་དུ་བཟླས་བརྗོད་བྱེད་པ་པོའི་སྔགས་ཟློ་བའི་རླུང་དང་། ཟློ་བྱེད་ཀུན་སློང་གི་སེམས་དེ་དག་ལ་འཇུག་པར་འགྱུར་ཏེ། སྔོན་བྱིན་གྱིས་བརླབས་ཚུལ་དང་། སྔོན་གྱི་ཐུགས་དམ་ཆུད་མི་ཟ་བའི་མཐུའོ། །དེའང་སྒྲུབ་ཐབས་ཐོག་མར་སྒོམ་པ་དང་། བཟླས་པ་ལས་སུ་རུང་བའི་དུས་གཉིས། གང་དུ་ཞེན་ནས་བཟླ་རྒྱུའི་སྔགས་གཅིག་ཡིན་ཀྱང་། ཞེན་བྱེད་བློའི་ནུས་པ་ཆེ་ཆུང་ལ་སོགས་པའི་ཁྱད་པར་གྱིས་ལྷས་བྱིན་གྱིས་རློབ་མི་རློབ་སོགས་ཀྱི་ཁྱད་པར་ཡང་འཐད་དོ། །བསྙེན་སྒྲུབ་ཀྱི་སྔགས་སོ་སོ་དང་། འཁོར་སྔགས། ལས་སྦྱོར་གྱི་སྔགས་སོགས་མཐའ་དག་ལའང་དེ་བཞིན་སྦྱོར་ཏེ། སླའོ། །གྲགས་པའི་གསང་གཏམ་ངོ་མཚར་ཅན་ནོ། ༈ །ཞི་བའི་རྒྱུན་ཁྱེར་ཟེར་དུ་མི་ཐོན་ནས་འདི་ཀའི་སྲུབས་སུ་ཡིག་དྲུག་ཅུང་ཟད་རེ་བཟླ་བར་མོས་ན། ཐུགས་ཀའི་ཡེ་ཤེས་སེམས་དཔའ་ལ་དམིགས་ནས་དེ་ལྟར་བྱས་པས་ཆོག་སྟེ། གསུང་གི་རིག་འཛིན་གར་དབང་འཇིགས་གླིང་གིས་གསང་སྒྲུབ་ཀྱི་རྒྱུན་ཁྱེར་དུ་དེ་ལྟར་གསུངས་

― TN03_Page_0864 ―

^{[མ་དཔེ་གཟིགས་ན་འདིར་གནོན།]}

(༥༠༦)པས་སོ། ༈ བསྙེན་སྒྲུབ་ལས་གསུམ་གྱི་གོ་དོན་ཐད། སྤྱིར་འདི་ཉིད་ནས་བསྙེན་པ་སྲོག་སྡོམ་གཟེར་བཞིའི་སྔགས་ཀྱི་གཟེར་དང་། སྒྲུབ་པ་འཕྲོ་འདུའི་གཟེར་ལ་སྦྱར་བ་སོགས་བཤད་ཚུལ་གྱི་རོ་ཉམས་ཐ་དད་པ་མང་དུ་མཛད་ཀྱང་། གནད་རིག་བྱེད་རྩལ་དང་ཤིན་ཏུ་མཐུན་པས། དེ་ལྟར་བཀོད་ན་དེ་ཉིད་ལས། བསྙེན་པ་ཉིད་གང་ཡིན་པ་ནི༔ རྒྱུད་ལས༔ ཉེ་བའི་ཕྱིར་ན་བསྙེན་པ་སྟེ༔ ཞེས་པས་ཡེ་ཤེས་ཀྱི་ལྷ་ལ་བསྙེན་བསྲིང་གི་རྟོག་པ་མི་མངའ་ཡང་༔ སྒྲུབ་པ་པོའི་རྟོག་སྒྲིབ་སྦྱང་བའི་སླད་དུ་ལྷ་མངོན་སུམ་དུ་ཡིད་ལ་བྱས་ཏེ་རིག་པའི་སྔགས་ཀྱིས་ཡང་ཡང་བསྐུལ་བས་ལྷ་སྔགས་ལ་ཞེན་པ་སྐྱེ༔ དེས་ཡེ་ཤེས་ཀྱི་ལྷའི་ཐུགས་རྗེ་དང་སྒྲུབ་པ་པོ་འབྲེལ་ཏེ་ཉེ་བར་འགྱུར་བས་ན་བསྙེན་པ་ཞེས་བྱའོ༔ བསྙེན་པ་མ་ཐེམ་ན་ལྷ་དང་ཉེ་བར་མི་འགྱུར༔ ལྷ་དང་ཉེ་བར་མ་གྱུར་ན་དངོས་གྲུབ་སྒྲུབ་པའི་ཐབས་མེད་ཅིང་༔ འདོད་པའི་དོན་གྲུབ་པའི་གནས་མེད་དོ༔ བསྙེན་པ་ཐེམས་ན་ནི་དེ་ལས་ལྡོག་པ་སྟེ༔ བསྙེན་པས་ལྷའི་ཐུགས་ཉེ་བར་གྱུར་ན་དངོས་གྲུབ་སྐུལ་བ་ལ་དཀའ་བ་མེད་ཅིང་༔ དེས་ལས་དང་ཡེ་ཤེས་ཀྱི་དོན་བདེ་བླག་ཏུ་འཐོབ་པ་ཡིན་ནོ༔ སྒྲུབ་པ་ནི༔ རྒྱུད་ལས༔ དབང་དུ་འགྱུར་བ་སྒྲུབ་པའོ༔ ཞེས་པས་ལྷའི་ཐུགས་ཉེ་བར་གྱུར་པ་ན་དངོས་གྲུབ་ཀྱི་གནས་ལ་བསྐུལ་བས་ལས་ལ་ངོ་མཐོན་གྱི་ཚུལ་དུ་སྒྲུབ་པས་

― TN03_Page_0865 ―

^{[མ་དཔེ་གཟིགས་ན་འདིར་གནོན།]}

(༥༠༧)ན་ལྷ་དབང་དུ་བྱ་བའི་སྒྲུབ་པའོ༔ སྒྲུབ་པ་མ་ཐེམ་ན་ཡེ་ཤེས་ལྷའི་ཐུགས་རྒྱུད་འཁྲུལ་མི་ནུས་ཤིང་༔ ལས་ཀྱི་དངོས་གྲུབ་ལས་རིང་དུ་འགྱུར་རོ༔ ཐེམས་པའི་ཡོན་ཏན་ནི༔ ཡེ་ཤེས་ཐུགས་དམ་བསྐུལ་བས་བྱིན་རླབས་རང་དབང་མེད་པར་ཞུགས་ཤིང་༔ ལས་བརྩམས་པས་རང་གཞན་གྱི་གནས་སྐབས་དང་མཐར་ཐུག་གི་དངོས་གྲུབ་སྩོལ་མེད་དུ་འགྲུབ་པར་འགྱུར་བ་ཉིད་དོ༔ ལས་སྦྱོར་ནི༔ རྒྱུད་ལས། མངོན་དུ་བྱེད་པ་ལས་སྦྱོར་ཏེ༔ ཞེས་པས་བསྙེན་པ་དང་སྒྲུབ་པས་དངོས་གྲུབ་ཀྱི་གཞི་བཏིང་པ་ཉིད༔ སྒོ་གསུམ་གྱི་བྱ་བས་ལས་ལ་སྦྱར་བ་ལ་བརྟེན་དངོས་གྲུབ་མངོན་དུ་བྱ་བ་ནི་ལས་སྦྱོར་རོ༔ བསྙེན་ཅིང་བསྒྲུབས་ཀྱང་ལས་ལ་མ་སྦྱར་ན་འདོད་པའི་དངོས་གྲུབ་འཐོབ་པར་མི་འགྱུར་བས་སྒྲུབ་པ་དོན་མེད་པ་སྟེ༔ གསེར་འགྱུར་གྱི་རྩི་བསྒྲུབས་ཟིན་ཀྱང་ལྕགས་སོགས་ཡུལ་ལ་མ་སྦྱར་ན་གསེར་གྱི་དངོས་པོ་མི་ཐོབ་པ་བཞིན་ནོ༔ བསྙེན་པས་ཡེ་ཤེས་ཀྱི་ལྷའི་ཐུགས་རྗེ་ཡུལ་ལ་འཇུག་པའི་སྐབས་ཕྱེས་ཤིང་སྒྲུབ་པས་དབང་དུ་བྱས་ཏེ་ལས་ལ་སྦྱར་བས་གནས་སྐབས་ཐུན་མོང་གི་དངོས་གྲུབ་དང་མཐར་ཐུག་མཆོག་གི་དངོས་གྲུབ་ཕྱག་རྒྱ་ཆེན་པོའི་ཡེ་ཤེས་ཀྱི་བར་དུ་ཐོབ་པར་བྱེད་པ་སྟེ༔ ལྕགས་ལ་གསེར་འགྱུར་རྩིས་སྦྱར་བས་རིན་ཐང་ཆེན་པོར་དངོས་སུ་གྲུབ་པ་དང་འདྲའོ༔

― TN03_Page_0866 ―

^{[མ་དཔེ་གཟིགས་ན་འདིར་གནོན།]}

(༥༠༨)ཞེས་སོ། །དེ་ལ་ལས་སྦྱོར་སྤུ་གྲིའི་སྒྲུབ་པ་ནི། ཁྲོ་བོའི་དགོས་མཛད་དང་མཐུན་པར་དྲག་སྔགས་ཀྱི་སྒྲུབ་པ་ཟུར་པ་བྱས་ཏེ་གདུག་པ་ཚར་གཅོད་ཀྱི་དངོས་གྲུབ་བྱེ་བྲག་ཏུ་སྒྲུབ་པ་ལ་དགོངས་ཀྱི། དངོས་གྲུབ་སྒྲུབ་པ་ལ་དེ་ངེས་པར་དགོས་པ་ནི་མིན་ཏེ། རིག་བྱེད་རྩལ་ལས། སྒྲུབ་སྔགས་བཟླས་པས་ཕྱག་མཚན་རྙེད་པ་དང་གཏེར་ཆེན་རྡོལ་བ་སོགས་དངོས་གྲུབ་ཀྱི་མཚན་མ་གསལ་བརྟན་མཐོང་བ་ན་དངོས་གྲུབ་ལེན་པར་བཤད་པ་ལྟར་འདིར་ཡང་གུར་དྲག་ཏུ་གསུངས་པའི་རྟགས་ཚད་ལེགས་པར་ཐོན་པ་ན་སྒྲུབ་སྔགས་ཀྱིས་དངོས་གྲུབ་འཁུལ་རྟགས་ཡིན་པས་དངོས་གྲུབ་ལེན་ཆོག་བྱ་བའི་དུས་ཡིན་ཅིང་། དངོས་གྲུབ་ལེན་ཆོག་ཚད་ལྡན་སྐབས་རང་སྐལ་དང་འཚམས་པའི་དངོས་གྲུབ་རེ་ངེས་པར་སྩོལ་བ་ཁ་སྐོང་ཕྲིན་ལས་སུ་གསུངས་པའི་ཕྱིར་དང་། གུར་དྲག་ལས། སྒྲུབ་དང་ལས་སྦྱོར་ཐུན་མོང་བ༔ ཞེས་དངོས་གྲུབ་ཀྱི་ལས་ལ་དངོས་སུ་སྦྱོར་བའི་སྔགས་ཀྱངདེ་ལས་ཟུར་དུ་མི་དགོས་པར་གསུངས་ཤིང་། འདིར། སྒྲུབ་པའི་བྱེ་བྲག་ལས་སྦྱོར་ནི༔ ཞེས་པའང་སྤྱིར་སྒྲུབ་སྔགས་ཉིད་ཀྱིས་དངོས་གྲུབ་རབ་འབྱམས་ཐམས་ཅད་སྒྲུབ་ནུས་མོད། དེ་ཉིད་ལས་སྔགས་སྤུ་གྲི་དང་སྦྲགས་ཏེ་མངོན་སྤྱོད་སྒྲུབ་པ་འདིའང་དངོས་གྲུབ་སྒྲུབ་པའི་བྱེ་བྲག་སྟེ། ནང་གསེས་ཀྱི་ཁྱད་པར་

― TN03_Page_0867 ―

^{[མ་དཔེ་གཟིགས་ན་འདིར་གནོན།]}

(༥༠༩)གཞན་ཅིག་ཡིན་ཅེས་པར་སྣང་བའི་ཕྱིར་དང་། སྐྱེར་སྒང་ལུགས་ལས། འདི་ཡི་སྒྲུབ་སྔགས་འདི་ལ་ལས་སྦྱོར་ཚང་བར་བཤད་པའང་དེ་ལྟར་ཡིན་པས་སོ། །དེ་ལྟར་ན་བདག་དོན་དུ་སྟོད་ལས་ཀྱི་དངོས་གྲུབ་བླང་བ་ནི་སྒྲུབ་སྔགས་ཀྱི་བཟླས་པ་རྫོགས་མཚམས་སུ་བྱེད་ཅིང་། ཐུགས་རྗེས་གཞན་བསྒྲལ་ཟེར་བ་ལྟར་གཞན་དོན་དུ་སྨད་ལས་ཀྱི་དངོས་གྲུབ་ཁྱད་པར་དུ་བླང་བ་ནི་ལས་སྔགས་ཀྱི་བཟླས་པ་རྫོགས་དུས་བྱེད་ནའང་དགོངས་པར་འགྲོའམ་སྙམ། དེའང་གཙོ་བོར་ཞེས་པ་ཡིན་གྱི། སྤྱིར་སྒྲུབ་སྔགས་རྫོགས་དུས་ཀྱི་དངོས་གྲུབ་བླང་བ་ལའང་། དགྲ་བགེགས་གདུག་པ་ཚར་ཐག་བཅད༔ ཅེས་པ་དང་འབྲེལ་བའི་དངོས་གྲུབ་ལེན་པ་ལོས་ཡོད་སྙམ་པ་དཔྱད་རྟེན་ཐོ་ཙམ་མོ། ༈ །ལས་སྦྱོར་སྐབས། ཁྲོ་བོའི་དགོས་མཛད་དང་མཐུན་པར་ཞེས་ཡང་ཡང་བྲིས་པ་ནི། འཇིག་རྟེན་སྙིགས་མ་ལྔས་ཁེབས་པས་མི་དང་མི་མིན་གྱི་འགྲོ་བ་ཕལ་ཆེར་ཤིན་ཏུ་གདུག་ཅིང་གཏུམ་ལ་གདུལ་དཀའ་བ། མི་བཟད་པའི་ལས་རྒྱུན་དུ་བྱེད་པ། བསྟན་པ་ལ་ཞུགས་ཀྱང་དད་པ་མེད་ཅིང་བསམ་པ་ཕྱིན་ཅི་ལོག་ཏུ་བལྟས་པ་དང་། གསང་སྔགས་ཕྱིན་ཅི་ལོག་ཏུ་སྤྱོད་པ་མང་བ། དེའི་རྒྱུས་ནག་ཕྱོགས་ཀྱི་འབྱུང་པོ་རྣམས་ཕྱོགས་ཆེ་ཞིང་དཔུང་ཆེ་བ་དང་སྡེ་དང་སྟོབས་འཕེལ་བར་གྱུར་ཏེ། བདུད་

― TN03_Page_0868 ―

^{[མ་དཔེ་གཟིགས་ན་འདིར་གནོན།]}

(༥༡༠)ཀྱི་གཟི་བྱིན་གྱིས་མནན་ནས་དཀར་ཕྱོགས་ཐན་སྒང་གི་ལོ་ཏོག་ལྟ་བུར་སོང་བ་ན། ཧེ་རུ་ཀའི་གདུལ་ཞིང་ལྷག་པར་རྒྱ་ཆེ་སྟེ། འདི་ལྟར་དེ་རྣམས་མཉམ་སྦྱོར་ལས། ཤིན་ཏུ་གདུག་ཅིང་གཏུམ་པ་ལ། །ཞི་བས་ཕན་པར་མི་འགྱུར་ཏེ། །ཤེས་རབ་ཐབས་ཀྱི་ཕྱག་རྒྱ་ལས། ཁྲོ་བོར་དེ་བཞིན་གཤེགས་ཀུན་མཛད། །ཅེས་པ་ལྟར་སྙིང་རྗེ་དང་ཞི་བའི་ཀུན་སྤྱོད་ཀྱིས་མི་འདུལ་བས་འབར་བ་ཁྲོ་བོའི་དཀྱིལ་འཁོར་སྤྲུལ་ནས་མངོན་སྤྱོད་ཀྱི་ལས་ཀྱིས་རྗེས་སུ་འཛིན་པར་མཛད་པ་ཚར་གཅོད་རྗེས་འཛིན་གཉིས་སུ་ཕྱེ་བའི་རྗེས་འཛིན་མིན་ཡང་། སྤྱིར་གདུལ་བྱ་མི་གཏོང་ཞིང་ཡལ་བར་མི་འདོར་བའི་ཡོངས་འཛིན་གྱི་མཛད་པ་ཡིན་ནོ། །མཆན། ཡིན་པས། དཔལ་ཧེ་རུ་ཀ་ནི་གདུལ་བྱ་གདུག་པ་ཅན་དང་གདུལ་དཀའ་བ་གཙོ་བོར་འདུལ་བའི་ཕྲིན་ལས་ཅན་ནོ། །དེ་འདྲ་བའི་འབྲས་དུས་ཀྱི་མཛད་པ་ཡོངས་སུ་དག་པ་ཐབས་ལ་མཁས་པའི་ཡུལ་བསམ་གྱིས་མི་ཁྱབ་པ་དེ་ལམ་དུ་བྱས་ནས་གདུལ་བྱ་མ་རུངས་པ་གདུལ་དཀའ་བའི་འཇིག་རྟེན་རྣམས་ཀྱི་ཉེས་སྤྱོད་འབྲས་བུ་དང་བཅས་པ་ཨ་བྷི་ཙརྱའི་ཕྲིན་ལས་ཀྱིས་རྒྱུན་བཅད་དེ་བཟོ་ཤིན་ཏུ་ཉེས་པ་གཞི་ནས་བཤིགས་ཏེ་འཆོས་པ་ལྟ་བུ། སྐལ་པ་ཇི་ལྟ་བ་བཞིན་དུ་འདུལ་ནུས་པ་དང་། འཇིག་རྟེན་གསུམ་གྱི་བདེ་སྐྱིད་མ་ལུས་པའི་འབྱུང་གནས་གཅིག་པུ་རྒྱལ་བའི་བསྟན་པ་བསྟན་འཛིན་དང་བཅས་པ་མཐུ་སྟོབས་ཀྱི་དཔུང་བས་སྲུང་བ་དང་། སེམས་ཅན་རྣམས་

― TN03_Page_0869 ―

^{[མ་དཔེ་གཟིགས་ན་འདིར་གནོན།]}

(༥༡༡)ཀྱི་ཆོས་དང་། འདོད་པ་དང་། ནོར་དང་། ཐར་པ་ལ་བགེགས་མེད་པར་བྱ་བའི་རྟེན་འབྲེལ་སྒྲིགས་པའི་ཆེད་དུ་ཏིང་ངེ་འཛིན་དང་རིག་སྔགས་ཀྱི་རྩལ་སྦྱོང་བ་དང་། དེ་ལ་བརྟེན་ནས་གནས་སྐབས་སུ་རང་ཉིད་ཀྱིས་ལམ་སྒྲུབ་པ་ལ་དངོས་སམ་བརྒྱུད་ནས་བར་དུ་གཅོད་པའི་ལོག་འདྲེན་རྣམས་ཚར་གཅོད་པའི་ཆེད་དུ་དྲག་སྔགས་ཀྱི་སྒྲུབ་པ་བྱེད་ན་ཧེ་རུ་ཀའི་གདུང་འཚོབ་པ་ཞེས་བྱ་ཡི། རྙེད་བཀུར་དང་གྲགས་པའི་ཆེད་དུ་དགྲ་གསོད་པ་དང་། འདྲེ་རྡུང་བྱ་བའི་ཕྱིར་ནི་མ་ཡིན་ནོ། ༈ །ཕྲིན་ལས་རྣམ་པ་བཞིའི་ལས་ཚོགས་རབ་འབྱམས་ངེས་པར་སྒྲུབ་ན་ནི། སྔོན་དུ་བསྙེན་སྒྲུབ་ཀྱི་རྗེས་སུ་ཞག་བདུན་ནམ་ཉེར་གཅིག་ལ་སོགས་པར་བླ་མ་ཞི་བ་དང་ཡུམ་ཀ་སྟེ་ཐོག་མཐའ་གཉིས་ལས་གསུངས་པའི་ལས་བཞིའི་བཟླས་པའང་། སྔ་དྲོ་ཞི་རྒྱས་དང་། དགོང་མོ་དབང་སོགས་ལེགས་གྲུབ་དང་སྒྱུ་འཕྲུལ་ལས་གསུངས་པའི་དུས་གནད་དང་བསྟུན་ནས་བཟླས་ན། ཕྱིས་སྒྲུབ་དུས་ཁྱད་ཤིན་ཏུ་ཆེའོ། ༈ །བསྙེན་པ་སོང་ནས་སྒྲུབ་སྔགས་ཟློ་བ་ན་ནི་མདུན་རྟེན་དགོས་ཏེ། ཟུར་ཐོ་ལྟར་རོ། །ཅི་བདག་བསྐྱེད་ཁོ་ན་དང་འབྲེལ་བར་སྒྲུབ་པ་དང་ལས་སྦྱོར་གྱི་བཟླས་པ་བསྐྱལ་ན་མི་རུང་ངམ་ཞེ་ན། རུང་མོད་ཀྱི། དེའི་སྒྲུབ་དང་ལས་སྦྱོར་ནི་བསྙེན་སྒྲུབ་ལས་

― TN03_Page_0870 ―

^{[མ་དཔེ་གཟིགས་ན་འདིར་གནོན།]}

(༥༡༢)གསུམ་གྱི་ནང་གི་བསྙེན་པ་ལ་གསུམ་དུ་ཕྱེ་བའི་སྒྲུབ་དང་ལས་སྦྱོར་ཙམ་དུ་འགྱུར་རོ། །སྒྲུབ་པ་མདུན་བསྐྱེད་དང་འབྲེལ་བར་གསུངས་པ་ཉིད་ཀྱང་ཅི་ལ་དགོངས་ཞེ་ན། ལྷ་དམ་ཡེ་གཉིས་ལས་ཡེ་ཤེས་པ་ལ་དམ་ཚིག་པས་དངོས་གྲུབ་བསླང་བའི་སྒོ་ནས་དངོས་གྲུབ་སྒྲུབ་པའི་དབང་དུ་མཛད་དེ། སྒྲུབ་པའི་སྐབས་འདིར་དེ་ལྟ་བུའི་དངོས་གྲུབ་ལེན་ཆོག་ལས་སུ་རུང་བར་བྱས་ནས། ཚོགས་སྒྲུབ་ཏུ་ཆོ་ག་དེས་དངོས་གྲུབ་ཆེན་པོ་ལ་དངོས་སུ་སྦྱོར་བར་དགོངས་སོ། །དངོས་གྲུབ་སྒྲུབ་པའི་ཚུལ་གཞན་ཡང་ཡོད་ན་ཅིའི་ཕྱིར་མདུན་བསྐྱེད་ཡེ་ཤེས་པ་ལ་དངོས་གྲུབ་སློང་བ་འབའ་ཞིག་གསུང་ཞེ་ན། བརྩོན་འགྲུས་ཆུང་བ་རྣམས་རྗེས་སུ་འཛིན་པའི་ཕྱིར་ཏེ། རང་ཉིད་ཀྱི་མཐུས་དངོས་གྲུབ་རྙེད་པ་ནི་དཀའ་བས་སྒྲུབ་དགོས་ཤིང་། མཐུ་ཆེན་གཞན་ལ་སློང་བ་ཐབས་ཤིན་ཏུ་སླ་བ་ཡིན་པའི་ཕྱིར་རོ། །དེའི་ཕྱིར་སྒྱུ་འཕྲུལ་ལས་ཐབས་སླ་བ་དེ་ལྟ་བུ་གསུངས་པ་བརྩོན་འགྲུས་ཆུང་བ་ཁོ་ནའི་ཆེད་མིན་ཡང་། ཡུལ་མཐའ་འཁོབ་དང་། དུས་ཐ་མར་སྐྱེས་པའི་སྔགས་ཀྱི་གདུལ་བྱ་ལ་དེ་ལས་དཀའ་བ་བསྟན་ཡང་དོན་དུ་འགྱུར་དཀའ་བས་གཏེར་ཕྱོགས་ནས་དེ་ཤ་སྟག་རྩལ་བཏོན་དུ་བཤད་དམ་སྙམ། ཐུགས་རྗེ་ཆེན་པོ་པདྨ་ཞི་ཁྲོལ་བརྟེན་ནས་དཔྱད་པའི་ཐོ་ཡིག་གོ ༈ །།ཡང་ལས་སྦྱོར་སྔགས་ཀྱི་ཐད།

― TN03_Page_0871 ―

^{[མ་དཔེ་གཟིགས་ན་འདིར་གནོན།]}

(༥༡༣)སྤྱིར་ནི་སྡེ་བརྒྱད་དམ་ཚིག་ཅན་རྣམས་སྲོག་འཕྲོགས་པའི་ཆེད་དུ་འདིའི། དབང་སྡུད་ཀྱི་ལས་སྔགས་ཟློས་ནའང་རུང་བར་མངོན་མོད། གཞུང་རང་གི་དངོས་བསྟན་ནི། དབང་དྲག་གི་ལས་སྔགས་གཉིས་སྦྲེལ་ཏེ་བཟླ་བ་ཉིད་ཡིན་ཅིང་། དེས་དགུག་འདྲེན་གཟིར་བ་སོགས་བྱ་ཡུལ་ལ། དགྲ་བགེགས་དམ་སྲི་གདུག་པ་ཅན༔ སོགས་ལས་དཀར་ཕྱོགས་སྐྱོང་བ་ལ་སྦྱར་རུང་ཙམ་ཡང་མི་སྣང་བས། ཆོས་ལམ་ལ་མ་འཁོད་པའི་སྡེ་བརྒྱད་འབྱུང་པོ་མ་རུང་བ་སྤྱི་ལ་ནན་ཏུར་བསྟན་པའི་ཕྱིར། ཁྲོ་མཚོན་མེ་ཕུང་དང་ཕོ་ཉའི་དམག་དཔུང་སྤྲོས་ལ། དེ་རྣམས་ཀྱི་སྙིང་ནས་བཟུང་། སྲོག་ནས་དྲང་བས་རང་དབང་མེད་པར་གཟིར་ཏེ། བཀའ་སྡོད་དང་བྲན་དུ་ཁས་བླང་བྲོ་བོར་དུ་བཅུག་བསྟན་དགྲའི་ལྷ་སྲུང་འཕྲོགས་ཤིང་ཆམ་ལ་དབབ་པའང་འདི་ལྟར་བྱའོ། །པའི་སྒོ་ནས་ཧེ་རུ་ཀའི་དམ་འོག་ཏུ་གཞུགདེས་མི་ཐུལ་བ་རྣམས་བསད་བཅད་གཏུབ་བསྟབ་བྱས་ནས་བརླག་པར་བྱེད་པའི་མངོན་སྤྱོད་ཤས་ཆེ་བའི་དབང་དྲག་སྦྲགས་སྒྲུབ་ཡིན་ཏེ། གཏེར་གསར་སེམས་ཉིད་ངལ་གསོའི་དྲག་པོའི་ལས་སྦྱོར་གྱི་ཛབ་དགོངས་དང་ཇི་བཞིན་མཐུན་ནོ། །འདིའི་དབང་དྲག་གི་མཛད་པ་འཇུག་ཡུལ་གཉིས་ཀ་འཇམ་དཔལ་རྩ་རྒྱུད་ལས་གསུངས་པ་ལྟར་གདུག་ཅིང་གཏུམ་པ་དང་། ཁེངས་ཤིང་དྲེགས་པའི་སེམས་ཅན་བསྡིགས་ནས་

― TN03_Page_0872 ―

^{[མ་དཔེ་གཟིགས་ན་འདིར་གནོན།]}

(༥༡༤)འདུལ་བ་ཤ་སྟག་ཡིན་ཏེ། འདིར་དབང་གི་ལས་ཀྱང་ཡུལ་དེ་དྲག་ཤུལ་གྱི་སྦྱོར་བ་རྣོན་པོས་གཟིར་ནས་བྱེད་པའི་རྒྱུ་མཚན་ཡང་དེ་ཡིན། དཔེར་ན། རྒྱལ་པོ་ཆེན་པོས་དགྲ་ཚན་ཆེན་འདུལ་བ་ན། །ཕ་རོལ་གྱི་ཡུལ་ཁམས་ལུང་འོག་ཏུ་གཞུག་པ་དང་། ཅིས་ཀྱང་མི་འདུད་པ་རྣམས་གཏན་བརླག་ཏུ་གཏོང་བ་གཉིས་ཀ་དྲག་པོའི་དཔུང་གི་ཐོག་ཁོ་ནས་བཙན་ཐབས་སུ་བྱེད་པ་ལྟ་བུའོ། །དགྲ་ཞེས་པ་སྤུ་གྲིའི་ནང་གི །སརྦ་ཤ་ཏྲུན། ཞེས་པའང་དགྲ་ཐམས་ཅད་ཅེས་པའི་སྐད་དོད་དེ། །གཟུགས་ཅན་སྡང་བར་བྱེད་པའི་དགྲ་ཞེས་པ་དེའོ། །འདིས་མིའི་འགྲོ་བའང་བསྟན་ནོ། །དེ་དག་ནི་འདི་ལ་དབང་དྲག་སྦྲགས་མའི་གནད་དེ་འདྲ་བ་ཞིག་ཀྱང་ཡོད་པ་དེ་བཤད་ཀྱི། འདིའི་དབང་དྲག་སྦྲགས་ལུགས་གཙོ་བོ་ནི། དམ་ཅན་མཁའ་འགྲོ་དྲག་ཤུལ་ཅན་རྣམས་དབང་དུ་བསྡུས་ནས་མངོན་སྤྱོད་ཀྱི་ལས་ལ་འགྱེད་པའི་དབང་ལས་ཀྱི་སྒྲོམ་ནས་དྲག་པོ་སྒྲུབ་ཚུལ་ཉིད་ཡིན་ཏེ། སྤྱོད་པར་དགོངས་པའི་རྟ་སྐད་ཀྱི་ཐད་ན་རྒྱས་པར་ཡོད་ཅིང་། འདིའི། དམ་ཅན་ཕོ་ཉ་ལས་ལ་བསྐུལ༔ ཞེས་པའང་དེ་ཡིན་ནོ། །དབང་ཕྱུག་ཉེར་བརྒྱད་ལ་དྲག་མོའི་གདོང་ཅན་ཡང་བཤད་དེ། གདོང་བརྙན་ཅན་འདི་ནི་དེ་ལས་ཀྱང་ཁྲོས་པའི་ཤིན་ཏུ་དྲག་ཁྲོས་ཀྱི་གཟུགས་ཡིན་ལ། འདི་འདྲ་བའི་སྐུའི་རྣམ་འགྱུར་དེའི་དགོས་ཀྱི་ཀུན་སྤྱོད་ནི་དྲག་ཤུལ་གྱི་ལས་ཉིད་ཡིན་པས་

― TN03_Page_0873 ―

^{[མ་དཔེ་གཟིགས་ན་འདིར་གནོན།]}

(༥༡༥)སྔགས་པ་མངོན་སྤྱོད་ལ་སྡང་བར་མི་བྱ་སྟེ། དམ་ཅན་རྣམས་ཀྱི་གཙོ་བོའི་ཀུན་སྤྱོད་ལ་མི་མཐུན་པར་བལྟས་ན་ཕན་ཚུན་བློ་མི་མཐུན་པར་སོང་བ་ཡིན་པས་སོ། །དེས་ན་བསམ་པ་རྣམ་དག་གིས་རྒྱལ་བ་དགྱེས་པའི་དྲག་སྔགས་ལ་མོས་སློབ་ཙམ་བྱས་ཀྱང་ཧེ་རུ་ཀའི་རྣམ་ཐར་དང་ཕྲིན་ལས་ཀྱི་རྒྱུན་བསྐྱང་བ་དང་། རྡོ་རྗེའི་དམ་ཅན་རྣམས་དང་བསམ་སྤྱོད་བསྲེས་པར་འགྱུར་བས་ཐུགས་ཉེ་ཞིང་། དྲག་པོའི་ལྷ་དྲག་པོར་བསྒྲུབས་པས་ལྷག་པར་ཡང་ཚན་ཆེའོ། ༈ །རྡོ་རྗེ་ཕུར་པར། སྨད་ལས་དམ་ཅན་ཉེ་བར་བསྙེན་པ་ཞེས་བཤད་པ་ལྟར། །དམ་ཅན་ལ་བརྟེན་ནས་དབང་དྲག་སོགས་ཀྱི་ལས་འགྲུབ་པ་ལ། །སྔོན་དུ་དམ་ཅན་ལས་རུང་གི་བསྙེན་པ་གལ་ཆེ་ལ། དེའི་ཚུལ་ནི། །དང་པོར་གཙོ་བོའི་སྒྲུབས་སྔགས་སྐབས། དམ་ཅན་ཕོ་ཉ་ལས་ལ་བསྐུལ༔ ཞེས་པའི་སྟེང་ནས་དམིགས་བཟླས་ཅུང་ཟད་རེ་བྱ་ཞིང་། སྤྱི་ཛབ་ཀྱི་ཚེ་ཡང་། དབང་མོ་རྣམས་ལ་དམིགས་ནས་བཟླས་བསྒོམ་འཚམས་པ་རེ་རྒྱུན་བསྲིང་བ། ཕྱིས་སྒེར་སྒྲུབ་བྱེད་ན་ཤིན་ཏུ་སྒྲུབ་སླབ་ཞིག་འབྱུང་ངོ་། །འདིའི་རྒྱས་བཤད་ནི་ཆུ་ལྷའི་སྦྲུལ་ཞགས་སུ་ཡོད།། ༈ །།སྒྲུབ་ཐབས་དང་བདེ་འདུས་ཐ་རམ་ལས་རྟ་སྐད་རྩལ་དུ་འདོན་ལུགས་མི་འདྲ་ཞེས་བྲིས་པ་དེ་ནི་མི་འཐད་དེ། ཐ་རམ་གྱིས་ཀྱང་པདྨ་གསུང་གི་

― TN03_Page_0874 ―

^{[མ་དཔེ་གཟིགས་ན་འདིར་གནོན།]}

(༥༡༦)སྒྲུབ་པའམ་སྒྲུབ་ཐབས་ཐམས་ཅད་རྟ་སྐད་ཀྱི་དགོངས་པར་བསྟན་པ་ཞེས་སྒྲུབ་ཐབས་ཀྱི་དོན་ཉིད་འཆད་པ་ཡིན་པའི་ཕྱིར་རོ། །ལམ་འབྲས་བུ་ཐམས་ཅད་རྟ་སྐད་ཀྱི་དགོངས་པར་བྱས་པ་ནི་གསུང་རྟ་སྐད་ཀྱི་སྒོ་ནས་ལམ་འབྲས་དེ་རྣམས་ལ་ཕར་འཇུག་ཚུལ་ཡིན་གྱི། ལམ་འབྲས་དེ་དག་གསུང་རྟ་སྐད་སྒྲུབ་ལུགས་སུ་ཚུར་འགྲོ་ཚུལ་བསྟན་པའི་ཆེད་དུ་དེ་ལྟར་བཤད་པ་ནི་མིན་ཏེ། །དཔེར་ན་གཞི་ལམ་འབྲས་བུའི་གནད་གསང་ཐམས་ཅད་རྡོ་རྗེའི་དེ་ཉིད་དུ་བྱས་ནས་གཏན་ལ་འབེབས་པ་ནི། །མཚོན་བྱེད་རྟགས་ཀྱི་རྡོ་རྗེས་རང་གི་དེ་ཉིད་ལ་འཇུག་པའི་ཆེད་ཡིན་གྱི། མཚོན་བྱ་དོན་གྱི་རྡོ་རྗེ་ནི་མཚོན་བྱེད་དཔེའི་རྡོ་རྗེ་སྒྲུབ་པའི་དོན་དུ་གསུངས་ཞེས་གོ་བཟློག་ནས་སྨྲ་མི་རུང་བ་བཞིན་ནོ། །དེས་ན་སྒྲུབ་ཐབས་ཕྲིན་ལས་དང་བཅས་པ་ཐམས་ཅད་རྟ་སྐད་ཀྱི་དགོངས་པའམ་དེ་ཉིད་དམ་བློ་རྩེར་དྲིལ་ནས་དངོས་གྲུབ་སྒྲུབ་པ་ལ་པདྨ་གསུང་གི་སྒྲུབ་པ་ཞེས་བྱ་ཞིང་། དོན་དེ་མཚོན་པའི་ཆེད་དུ་དཀྱིལ་འཁོར་གྱི་བདག་པོའི་ཞལ་ཡང་རྟ་གདོང་གིས་མཚན་པར་བྱེད་དོ། །དང་པོ་ནས་དགོངས་པ་དེ་མཚོན་དོན་དང་། སྤྱི་བོའི་རྟ་སྐད་མཚོན་རྟགས་སུ་བཟུང་ནས་བསྒྲུབ་པས་དགོངས་པ་དེ་ལ་རྩལ་ཐོན་པ་ན། དེའི་རྟགས་སུ་སྤྱི་གཙུག་ནས་རྟ་སྐད་ཤུགས་འབྱུང་དུ་ཐོན་འོང་བ་ཡང་། །ལོ་ལེགས་ན་ཕུབ་མ་ལྟར་ཞར་ལ་འོང་བ་དང་།

― TN03_Page_0875 ―

^{[མ་དཔེ་གཟིགས་ན་འདིར་གནོན།]}

(༥༡༧)རལ་གྲིའི་གྲུབ་རྟགས་འབར་བ་སོགས་གསུམ་ལྟར་དགོངས་པ་དེའི་ནུས་པའི་ཚད་འཛིན་རྟོགས་བྱེད་ཙམ་དུ་ཟད་ཀྱི། དགོངས་པ་དེ་རྟ་སྐད་ཐོན་ཆེད་དུ་བསྒོམ་པའི་གནད་ཀྱིས་གཏན་མིན་ནོ། །བདུད་རྩི་འཆི་མེད་ཀྱི་དང་། ཕུར་པ་ཐལ་འབྱིན་གྱི་དགོངས་པ་ཟེར་བའི་དོད་ནི། རྟ་སྐད་དབང་གི་དགོངས་པ་ཞེས་བྱ་སྟེ། དེས་ན་རྟ་སྐད་ཀྱི་དགོངས་པ་བྱས་ཀྱང་དོན་དུ་དབང་སྡུད་ཀྱི་དགོངས་པ་སྟེ། དེ་ལའང་དྲང་བ་དང་ངེས་པའི་སྣང་སྲིད་དབང་བྱེད་ཀྱི་དགོངས་པ་དུ་མ་ཞིག་དབྱེར་ཡོད་དོ། །གསུང་གི་སྒྲུབ་པ་ཞེས་པའང་གསུང་བསྒྲུབ་བྱའི་གཙོ་བོར་བྱེད་པའི་དོན་མིན། གཙོ་བོར་གསུང་གི་སྒོ་ནས་དངོས་གྲུབ་སྒྲུབ་པའི་དོན་ཡིན་ཏེ། འདིར་དངོས་གྲུབ་བསྒྲུབ་བྱེད་ཀྱི་གཙོ་བོ་གསུང་རྟ་སྐད་ལ་བྱེད་པའི་དོན་ཡིན། །དཔེར་ན་གཤིན་རྗེ་གཤེད་ཀྱི་འཁྲུལ་འཁོར་ཞེས་པའང་དེར་འཁྲུལ་འཁོར་གྱི་སྒོ་ནས་དངོས་གྲུབ་མང་པོ་སྒྲུབ་པ་ལ་བྱེད་ཀྱི། འཁྲུལ་འཁོར་ཁོ་རང་དངོས་གྲུབ་ཏུ་མི་བཞེད་པ་དང་། ཕུར་པར་ཡང་དེའི་དངོས་གྲུབ་གཙོ་བོ་བདུད་འདུལ་མཐུའི་དངོས་གྲུབ་ཡིན་ལ། ཕུར་བུ་ནི་དེ་སྒྲུབ་བྱེད་ཀྱི་བྱེད་པ་གཙོ་བོ་ཡིན་པར་འདོད་པ་བཞིན་ཏེ། །བྱ་བྱེད་ལས་དང་བྱེད་པོ་ཟེར་དགོས་གཉིས་མ་འཛིངས་ཤིག །དེ་འདྲ་བའི་གསུང་རྟ་སྐད་དེ་ལ་ཐ་རམ་སོགས་ལས་སྤྱི་བོའི་དེ་མིན་པ་མི་གསལ་ཞིང་། དེ་ཙམ་གྱིས་ཕྲིན་ལས་སྒྲུབ་

― TN03_Page_0876 ―

^{[མ་དཔེ་གཟིགས་ན་འདིར་གནོན།]}

(༥༡༨)ཚུལ་ལ་ངེས་པ་ཤུགས་དྲག་སྐྱེ་བ་དབང་རྣོན་མིན་ན་དཀའ། ཐུགས་ཏིག་འདིར་ཛབ་ཀྱང་རྟ་སྐད་དུ་གསུངས་པ་ཤིན་ཏུ་ལེགས་ཏེ། འཛབ་ཀྱིས་དངོས་གྲུབ་སྒྲུབ་པ་རྣམས་ཀྱང་རྟ་སྐད་ཀྱིས་དགོས་པ་བྱེད་ལུགས་སུ་འགྲོ་བ་ས་རྒྱ་ཆེ། དེ་ལྟར་ན། མཚོན་བྱེད་བརྡའི་རྟ་སྐད་ལ། སྤྱི་བོའི་རྟ་སྐད་དང་། སྔགས་ཀྱི་བཟླས་པ་གཉིས་ཡོད་དོ། །འདིར་སྔར་དགེ་བྱེད་ལོ་རྔའི་ཟིན་རིས་ནས་སྦྱར་དགོས་པ་མང་། དཔེའི་རྟ་སྐད་ཀྱིས་ཐུན་མོང་གི་དབང་ལས་སྒྲུབ་པ་དང་། དོན་གྱི་རྟ་སྐད་ཀྱིས་ཐུན་མཆོག་གི་དབང་སྒྱུར་གྱི་དངོས་གྲུབ་མཐའ་དག་སྒྲུབ་པ་ཞེས་བཤད་ན་སྙན་བརྒྱུད་ཕུར་པའི་ཐལ་འབྱིན་བཞིའི་ལམ་རིམ་སོགས་དང་འགྲོས་མཐུན། མཆོག་གི་དབང་སྡུད་དེ་ལས་བཞིའི་ནང་གི་དབང་ཡིན་ནམ་ཞེ་ན། མིན་ཏེ། རིག་པ་ཡེ་ཤེས་ཀྱི་ཕུར་བུའི་གདབ་ཁ་དེ་དྲག་ལས་མིན་པ་བཞིན་ནོ། །འོན་ཀྱང་དེ་དྲག་ལས་ཀྱི་ངེས་དོན་དུ་བྱ་རུང་བ་ལྟར། དབང་ལས་ཀྱི་ངེས་དོན་དུ་ནི་བྱ་རུང་ངོ་། ༈ །གཞུང་འདིའི་བྲོ་མནན་སྒྲུབ་ཐབས་དང་། ལས་ཕྲེང་ནས་འབྱུང་བ་གཉིས་ཀའི་སྔགས་སུ་ཧི་གསུམ་རེ་ཡང་དང་ཡང་དུ་གསུངས་པ་ནི་རྟ་སྐད་ཐེང་གསུམ་མཚོན་ཆེད་ཡིན་པ་འདྲ། བྲོ་གཞུང་རྒྱས་པའི་གཏི་མུག་རྡོ་རྗེའི་ཐད་ལ་མཚོན་ན། བུདྡྷ་རིགས་ཀྱི་རྟ་སྐད་ལ། ལྡིར་ཞིང་འཚེར་བ། ཞེས་གསུངས་

― TN03_Page_0877 ―

^{[མ་དཔེ་གཟིགས་ན་འདིར་གནོན།]}

(༥༡༩)པ་དང་། དེའི་རྟ་དགོས་སྔགས་ལའང་ཧི་གསུམ་བྱུང་བ་དང་། ལས་སྒྲུབ་ཀྱི་རྟ་སྐད་ཐང་གསུམ་སྤྱིའི་གཞུང་བདེ་འདུས་ཐ་རམ་གྱི་དེ་ཡིན་པས་དེ་དག་བསྒྲིགས་ན། །ལྡིར་ཞིང་འཚེར་བ་ཞི་བའི་རྟ་སྐད་ཉིད་དབྱེ་གཞིར་བྱས་པ་ལའང་། དང་པོས་ཟིལ་གནོན་གྱི་ཆོ་འཕྲུལ་སྤྲོ། གཉིས་པས་དམ་རྫས་ཀྱི་གཅལ་བཀྲམ། གསུམ་པས་མ་མོ་རྣམས་བསྡུ་ཞིང་རྨོངས་པའི་བདུད་དང་དམ་སྲི་ཚར་གཅོད་དང་ཞི་བའི་ཕྲིན་ལས་ལ་བཏང་བ་སྟེ་རྟ་སྐད་ཐང་གསུམ་འབྱེད་པར་ཤེས་སམ་སྙམ། དབང་མེད་འདུ་ཞིང་ཡིད་འཕྲོགས་པས༔ ཅི་བཅོལ་ལས་ཀུན་ཐོགས་མེད་བྱེད༔ སོགས་གསུངས་པ་དང་སྦྱར་ན་དེ་འདྲ་ཞིག་བཤད་རྒྱུ་ཡོད་དགོས་ཀྱང་དགོས་པ་འདྲ། རྟ་སྐད་འདི་ལྟར་ཤོད་པ་དང་གདོད་རང་ཉིད་ཐང་སྟོང་རྒྱལ་པོའི་བུ་བརྒྱུད་དུ་ངོ་འཕྲོད་དོ། ༈ །བླ་མ་ཐུགས་རྗེའི་དབང་ཕྱུག་ལ་ཕྱག་འཚལ་ལོ། །པདྨ་གསུང་གི་སྐབས་སུ། སྒྲུབ་ལུགས་འདིའི་ཁྱད་ཆོས་ཐུན་མོང་མ་ཡིན་པ། གཤིན་རྗེ་གཤེད་ཀྱི་འཁྲུལ་འཁོར་དང་། རྡོ་རྗེ་ཕུར་པའི་ཐལ་འབྱིན་གྱི་དོད་པོ་ནི་རྡོ་རྗེ་རྟ་སྐད་ཀྱི་དགོངས་པས་ཁམས་གསུམ་ལས་རྣམ་པར་རྒྱལ་བའི་དབང་ཕྱུག་སྒྲུབ་པ་ཉིད་ཡིན་པས་འདི་ལ་མཁས་པར་སྦྱངས་ཏེ་རྩལ་ཐོན་པ་གཅེས་སོ། །དེ་ལ་ཉང་གཏེར་རྟ་མགྲིན་བདེ་འདུས་པདྨ་

― TN03_Page_0878 ―

^{[མ་དཔེ་གཟིགས་ན་འདིར་གནོན།]}

(༥༢༠)གསང་བ་བཀོད་པ་རྔོག་མ་ལེ་བརྒན་གྱི་བརྒྱུད་ཀྱི་ལེའུ་དགུ་པ་ལས། རྣལ་འབྱོར་དབང་ཕྱུག་ཆེན་པོ་ཡི། །ཡང་གསང་རྨད་བྱུང་དགོངས་པ་ལ། །བསྙེན་པ་ཐེམས་པར་གྱུར་པ་ན། །ཆོས་སྐུ་སྙིང་པོ་བྱང་ཆུབ་སེམས། །དེ་ཉིད་ཤེས་པ་སྤྲོས་དང་བྲལ། །ས་ཐོབ་སྤྱོད་ཡུལ་གཞལ་ཡས་ནས། །དགོངས་པ་ལྟ་དཔྱད་ཅན་ལོངས་སྤྱོད་རྫོགས། །མོས་སྤྱོད་འགྲོ་ལ་སྣང་གྱུར་པ། །ཐུབ་པ་ཆོས་ཀྱི་ཕུང་པོ་ཅན། །རྒྱལ་བ་སྐུ་གསུམ་དག་དང་མཉམ། །རྣལ་འབྱོར་རབ་ཀྱི་དགོངས་པར་གསུངས། །ཕྱོགས་བཅུར་བཞུགས་པའི་སངས་རྒྱས་དང་། །དུས་གསུམ་གཤེགས་པའི་རྒྱལ་བ་རྣམས། །ཐུགས་དམ་རྒྱུད་ནས་བསྐུལ་བ་ནི། །རྣལ་འབྱོར་འབྲིང་གི་དགོངས་པ་ཡིན། །ལུས་ནི་ལྷ་སྐུའི་དཀྱིལ་འཁོར་བསྒོམ། །ངག་ནི་བཟླས་པའི་གསང་སྔགས་ཅན། །ཐུགས་ནི་ཡང་དག་དོན་དུ་བལྟ། །རྟགས་ཙམ་འཛིན་པར་རབ་གནས་པ། །རྣལ་འབྱོར་ཀུན་གྱི་དགོངས་པ་སྟེ། །རབ་ཏུ་འབད་ནས་བསྒོམ་པ་ཡང་། །རྣལ་འབྱོར་ཐ་མའི་དགོངས་པ་ཡིན། །དེ་དག་རྣལ་འབྱོར་བརྡ་སྐད་གསུངས། །མ་ལྟར་བྱམས་ལ་སྲིང་ལྟར་གདུང་། །མ་མོ་མཁའ་འགྲོ་རྣལ་འབྱོར་མ། །ཕེམ་ཕེམ་ཧྲཱི་ཡི་སྒྲ་དག་ལ། །ཐལ་མོའི་སྒྲ་དང་རྡེའུ་ཆུང་སྒྲ། །རྐང་གི་གླིང་བུ་ཐོད་པའི་རྔ། །ཅང་ཏེའུ་སྒྲ་རྣམས་

― TN03_Page_0879 ―

^{[མ་དཔེ་གཟིགས་ན་འདིར་གནོན།]}

(༥༢༡)བསྒྲགས་པ་དང་། །ཞིང་གི་གཡབ་མོས་གཡབ་པ་ནི། །དང་པོ་བརྡ་ཡང་སྤྲད་པར་བྱ། །དུར་ཁྲོད་ཆེན་པོའི་གནས་བརྒྱད་ནས། །བདེ་གཤེགས་མཁའ་འགྲོ་ཆེན་མོ་དང་། །རྡོ་རྗེ་ཞེ་སྡང་སྲོག་ལ་རྔམས། །རིན་ཆེན་ང་རྒྱལ་ཤ་ཟ་མོ། །པདྨ་འདོད་ཆགས་ཁྲག་འཐུང་མ། །ལས་ཀྱི་ཕྲིན་ལས་ཆེན་པོ་རྣམས། །ནམ་མཁའ་བར་སྣང་སྤྲིན་བཞིན་དུ། །ཀློང་རྡོལ་བྱ་ནག་འབབ་པ་ལྟར། །གཏི་མུག་ཤ་ཡི་ས་གཞི་ལ། །འདོད་ཆགས་ཁྲག་གི་རྒྱ་མཚོ་འཁྱིལ། །ཞེ་སྡང་རུས་པའི་རི་རབ་ལ། །མི་རྟོག་བདེ་གསལ་ཉམས་སྐྱེ་ཞིང་། ཁམས་གསུམ་གདུག་པའི་དགྲ་དང་བགེགས། །སྒྲོལ་ཕྱིར་འགྱིངས་ཤིང་རྔམས་པ་ཡིས། །རབ་ཏུ་གནས་སུ་འབྱུང་བ་ནི། །བར་དུ་ཀློང་རྡོལ་བྱོན་པ་ཡིན། །དུག་གསུམ་གཏོར་མས་ཚིམ་པ་དང་། །བདུད་རྩི་ཆེན་པོས་ཚིམ་པ་དང་། །རཀྟ་དམར་གྱིས་དགྱེས་པས་ནི། །མངགས་པའི་གནས་སུ་ཡུད་ཙམ་འགྲོ། །དགྲ་དང་བགེགས་རྣམས་རབ་འགུགས་པ། །དཔེར་ན་སྐྱེས་བུ་བཙོན་བཟུང་བཞིན། །རང་དབང་མེད་པར་འགུགས་པ་ནི། །རྨད་བྱུང་དཀྱིལ་འཁོར་ནང་དུ་དྲངས། །རླུང་གི་སྟོབས་ཀྱིས་འོང་བ་ནི། །ཐ་མར་ལས་ལ་བཀྱེ་བའོ། །བདག་གི་རྣལ་འབྱོར་བསམ་གཏན་ཅན། །རྟ་སྐད་ཐེངས་གཅིག་

― TN03_Page_0880 ―

^{[མ་དཔེ་གཟིགས་ན་འདིར་གནོན།]}

(༥༢༢)བསྒྲགས་པ་ཡིས། །བསྒྲུབ་པའི་རྣལ་འབྱོར་ཆེན་པོ་རྣམས། །རྩ་བ་ཡན་ལག་དམ་ཚིག་རྣམས། །ཉམས་ཆགས་བསྐངས་བར་གྱུར་ནས་ནི། །ཐུན་མོང་གྲུབ་ཆེན་བརྒྱད་ལ་སོགས། །མཆོག་གི་སྐུ་གསུམ་རང་གསལ་བ། །གཡར་དམ་ཅན་ལ་དངོས་གྲུབ་སྟེར། །རྟ་སྐད་ཐེངས་གཉིས་བསྒྲགས་པ་ཡིས། །རྗེ་མོ་བློན་མོ་མ་སྲིང་དང་། །བྲན་དང་ཕོ་ཉ་བཀའ་ཉན་དང་། །མ་མོ་མཁའ་འགྲོ་རྣལ་འབྱོར་མ། །དམ་ལ་གནས་པ་ཐམས་ཅད་ཀྱང་། །ཚར་བཅད་རྗེས་འཛིན་ཕྲིན་ལས་མཛད། །ཞི་དང་རྒྱས་དང་དབང་དང་དྲག །དྲག་དབང་རྒྱས་དང་ཞི་བར་བྱེད། །རྟ་སྐད་ཐེངས་གསུམ་བསྒྲགས་པ་ཡིས། །མོས་པ་ཆུང་བའི་ཉན་ཐོས་ལ། །བདེན་པ་བཞི་ཡི་ཆོས་ཀྱང་སྟོན། །དམིགས་པ་ཕྲ་བའི་རང་རྒྱལ་ལ། །རྟེན་འབྲེལ་བཅུ་གཉིས་ཆོས་བཤད་དེ། །ཐེག་ཆེན་བྱང་ཆུབ་སེམས་དཔའ་། །ཀུན་རྫོབ་དོན་དམ་ཆོས་ཀྱང་གསུངས། །བྱ་བ་ལས་ཀྱི་ཀྲི་ཡ་ལ། །རིགས་གསུམ་མགོན་པོར་རྣམ་པར་སྣང་། །ཨུ་པ་ཡ་ལ་རིགས་བཞི་ཉིད། །ལྟ་བ་སྤྱོད་པ་སྟོན་པ་དང་། །ཡོ་ག་རིགས་ལྔ་མངོན་བྱང་ཆུབ། །ཀུན་རིག་རྣམ་སྣང་ཆེན་པོར་གསུངས། །རྣལ་འབྱོར་ཆེ་ལ་ཐབས་ཆེན་སྣང་། །རྗེས་སུ་རྣལ་འབྱོར་ཡབ་ཡུམ་ཆེ། །ཤིན་ཏུ་རྣལ་འབྱོར་ཆོས་ཀྱི་སྐུ། །རྒྱུད་ལུང་མན་ངག་

― TN03_Page_0881 ―

^{[མ་དཔེ་གཟིགས་ན་འདིར་གནོན།]}

(༥༢༣)སྣང་བའོ། །རྟ་སྐད་ཐེངས་གསུམ་དགོངས་པའི་ཏིང་ངེ་འཛིན་ཏོ། །ཞེས་རྒྱ་ཆེར་གསུངས་སོ། །ཉང་གཏེར་པདྨ་དབང་ཆེན་དྲེགས་པ་ཚར་གཅོད་པའི་རྒྱུད་ཀྱི་ལེའུ་དགུ་པ་ནི། དེ་ནས་བཅོམ་ལྡན་འདས་དཔལ་པདྨ་དབང་ཆེན་གྱིས་རྟ་སྐད་ཐེངས་གསུམ་གྱི་ལེའུ་འདི་བཀའ་སྩལ་ཏོ། །བདེ་ཆེན་དོན་དང་ལྡན་པ་ཡི། །རྣལ་འབྱོར་དབང་ཕྱུག་ཆེན་པོ་ཡིས། །དབང་ཆེན་སྐུ་དང་གཉིས་མེད་རྟགས། །དངོས་སུ་རྟོགས་པར་སྣང་མཛད་དེ། །སྤྱོད་པར་ཤོང་བའི་གནས་དག་ཏུ། །རྟ་སྐད་ཐེངས་གཅིག་ཐོས་པ་ཡིས། །ལས་ཀྱིས་བསྐལ་བའི་དྲེགས་པ་ཅན། །འབྲི་རྒོད་འདྲོགས་པ་བཞིན་དུ་ནི། །རང་དབང་མེད་པར་ཡིད་ཀྱིས་སྡངས། །རྟ་སྐད་ཐེངས་གཉིས་ཐོས་པ་ཡིས། །ལས་ཀྱིས་བསྐལ་བའི་མི་མ་ཡིན། །ཤ་རུལ་དོང་དུ་བཅུག་པ་ལ། །ཤ་སྦྲང་མཁའ་ལ་འདུ་བ་བཞིན། །རང་དབང་མེད་པར་དབང་དུ་འདུས། །རྟ་སྐད་ཐེངས་གསུམ་ཐོས་པ་ཡིས། །ལས་ཀྱིས་བསྐལ་བའི་མི་མ་ཡིན། །བཀའ་ཁྲིམས་དམ་པའི་བཀའ་འོག་བཞིན། །རང་དབང་མེད་པར་འདུར་གྱིས་བཏང་། །དེ་ནི་སྤྱོད་པའི་བརྟུལ་ཞུགས་ཏེ། །དགོངས་པའི་གདེངས་ཆེན་དེ་གསུམ་གྱིས། །དྲེགས་པ་ཕོ་མོ་ལས་གཟུང་བྱ། །ལྟ་བའི་གདེངས་གསུམ་རྟ་སྐད་ལམ། །རྟ་སྐད་ཐེངས་གསུམ་དགོངས་པའི་ལམ། །བསྐྱེད་རྫོགས་རྣམ་གསུམ་ས་ལ་སྦྱོར། །རྟ་སྐད་ཐེངས་གཅིག་བསྐྱེད་པའི་ལམ། །ཐབས་དང་

― TN03_Page_0882 ―

^{[མ་དཔེ་གཟིགས་ན་འདིར་གནོན།]}

(༥༢༤)ཤེས་རབ་གདན་སར་སྦྱོར། །གཉིས་ཀྱིས་ཅིག་ཆར་རྫོགས་པའི་ལམ། །དབྱིངས་དང་ཡེ་ཤེས་གདན་སར་སྦྱོར། །གསུམ་གྱིས་ཡེ་ཉིད་ཡིན་པའི་ལམ། །མཉམ་པ་ཉིད་ཀྱི་གདན་སར་སྦྱོར། །མཧཱ་བསྐྱེད་པའི་རིམ་པ་ཡང་། །སྐུ་གསུང་ཐུགས་ཀྱི་འཕྲུལ་གསུམ་ལས། །རིམ་པས་བསྐྱེད་ནས་རྫོགས་པར་འདོད། །ལྷ་ཡི་དཀྱིལ་འཁོར་ཐབས་ཀྱི་མཆོག །མ་སྐྱེས་སྤྲོས་བྲལ་ཤེས་རབ་ལས། །གཉིས་སུ་མེད་པར་རང་སར་སྦྱོར། །ཨ་ནུ་རྫོགས་པའི་རིམ་པ་ཡང་། །ལྷ་ཡི་དཀྱིལ་འཁོར་སྐད་ཅིག་གིས། །ཆུ་ལས་ཆུ་བུར་རྡོལ་བའི་ཚུལ། །གཙོ་འཁོར་དྲན་རིག་རྫོགས་པར་འདོད། །མ་སྐྱེས་སྤྲོས་བྲལ་ཆོས་ཀྱི་དབྱིངས། །རིག་པའི་ཡེ་ཤེས་གཉིས་མེད་པས། །མཉམ་པ་ཉིད་ཀྱི་རང་སར་སྦྱོར། །ཨ་ཏི་ཡེ་ནས་ཡིན་པ་ལ། །དྲི་མེད་སྙིང་པོ་བྱང་ཆུབ་སེམས། །གདོད་ནས་མ་སྐྱེས་རང་བྱུང་བས། །རང་གི་ངོ་བོ་བརྗོད་དུ་མེད། །བརྗོད་མེད་ཇི་ལྟར་བཏགས་པར་སྣང་། །ཅིར་བཏགས་དེར་སྣང་དྲི་མེད་པས། །སྙིང་པོ་བྱང་ཆུབ་ཡེ་ནས་ཡིན། །གཅིག་དང་དུ་མར་རོ་གཅིག་པས། །དེ་ནས་གཉིས་མེད་གདན་སར་སྦྱོར། །རྣལ་འབྱོར་དབང་ཕྱུག་ཆེན་པོ་ཡང་། །རྟ་སྐད་ཐེངས་གསུམ་ཐོས་པ་ཡིས། །ལྟ་བས་ས་གསུམ་མཉམ་སྦྱར་ནས། །སྤྱོད་པས་དྲེགས་པ་ཚར་གཅོད་ན། །རྟ་སྐད་ཐེངས་གསུམ་ཐབས་ཀྱི་མཆོག །ཅེས་བཀའ་སྩལ་

― TN03_Page_0883 ―

^{[མ་དཔེ་གཟིགས་ན་འདིར་གནོན།]}

(༥༢༥)ཏོ། །ཞེས་པའོ། །ལེའུ་བཅུ་པ་བརྟུལ་ཞུགས་བཞིའི་དང་པོའི་གཞུང་དུ། རྟ་ཡི་བརྟུལ་ཞུགས་ཆེན་པོ་ཡིས། ཁམས་གསུམ་འཁོར་བ་སྐྱམ་ལིང་འདེབས། །རྟ་སྐད་ཐེངས་གསུམ་བསྒོམ་པས་ནི། ཁམས་གསུམ་ཡོངས་བསྒྲལ་ས་གསུམ་བསྒྲལ། །བདེ་གཤེགས་མི་འགྱུར་གདན་གསུམ་སྟེ། །བསྐྱེད་རྫོགས་རྣམ་གསུམ་ཀློང་གསུམ་རྡོལ། །ཤུགས་ཆེན་རྟ་ཡི་ར་མདའ་ཡིས། །འཁོར་བའི་སྐྱམ་ལིང་དབྱིངས་སུ་གདབ། །རྟ་སྐད་ཐེང་གཅིག་རིག་པའི་ལམ། །ཀུན་བཟང་མཁའ་དབྱིངས་ཀློང་རྡོལ་ནས། །མཉམ་པ་ཉིད་ཀྱི་རང་སར་སྦྱར། །གཉིས་ནི་ཐབས་དང་ཤེས་རབ་སྟེ། །གསུམ་ནི་སྐུ་གསུམ་ཐུགས་སུས་བྱར། །རྟ་སྐད་བཞི་ནི་ཕྲིན་ལས་བཞི། །ལྔ་ནི་ཡེ་ཤེས་རྣམ་པ་ལྔ། །དྲུག་ནི་འགྲོ་དྲུག་གནས་སུ་སྦྱོང་། །བདུན་ནི་ཕྲིན་ལས་དྲག་ཤུལ་བདུན། །བརྒྱད་ནི་སྡེ་བརྒྱད་དབང་དུ་སྡུད། །དགུ་ནི་ཐེག་པའི་ས་དགུ་བརྟོལ། །བཅུ་ནི་ས་བཅུ་ཟིལ་གྱིས་གནོན། །དབང་ཕྱུག་རོལ་པའི་ཕྲིན་ལས་དེ། །བྱེད་སྤྱོད་རྟ་ཡི་སྐད་ཀྱིས་སྦྱོང་། །གང་ལྟར་སྤྱད་ཀྱང་ཆོས་ཀྱི་དབྱིངས། །ཞེས་ཀྱང་གསུངས་སོ། །དྲེགས་པ་གནད་འབེབས་ཀྱི་རྒྱུད་པདྨ་དང་ཁ་ཆེ་ཨ་ནནྟས་བསྒྱུར་བའི་ལེའུ་ལྔ་པ་ལས། །དེ་ནས་པདྨ་ཧེ་རུ་ཀས་དཔལ་གྱི་རྟ་སྐད་

― TN03_Page_0884 ―

^{[མ་དཔེ་གཟིགས་ན་འདིར་གནོན།]}

(༥༢༦)ཀྱིས་ཕྱོགས་བཅུའི་དྲེགས་པ་ཅན་བཏུལ་ལོ། །ལོ་རྒྱུས་དོན་གྱིས་ཕྱི་རབས་ཡིད་ཆེས་བཤད། །སྣོད་ཀྱི་འཇིག་རྟེན་ལྕགས་རི་ནག་པོའི་ནང་། །ཕྱི་ཡི་རྒྱ་མཚོ་ཞོ་ལས་དཀྲུགས་པའི་མར། །རི་རབ་སྲུབ་ཅིང་ཀླུ་སྦྲུལ་སྲུབ་ཐག་བཅས། །རྒྱལ་ཆེན་སྡེ་བཞིས་རབ་ཏུ་དཀྲུགས་པ་ལས། །དྭངས་མའི་བདུད་རྩི་ཁྱབ་འཇུག་གཟའ་ཡིས་འཐུངས། །ཕྱག་རྡོར་འཁོར་ལོས་ལུས་ཀྱང་དུམ་བུ་བརྒྱད། །སྙིགས་མ་དུག་ཏུ་གྱུར་ཏེ་གནོད་སེལ་ཕྱིར། །སྤྱན་རས་སྐུ་ཁྲོས་མགུར་དུ་ཐིམ་པ་ནི། ཁྲོ་བོ་མདོག་སྔོན་གདུག་པ་མ་ལུས་འདུལ། །ཚངས་པའི་གསུང་གིས་ཆོས་འཁོར་བསྐུལ་མ་འདེབས། །དེས་འདུལ་གསུང་དབྱངས་དྲུག་ཅུ་ཚངས་པའི་སྐད། །འཇིག་རྟེན་འཁོར་བར་ཡུན་རིང་གནས་ནས་ཀྱང་། །རྟ་མཆོག་རིན་ཆེན་ཡིད་བསྲིང་འགྲོ་དོན་མཛད། །ཅང་ཤེས་རྟ་ཡིས་མྱུར་དུ་བགྲོད་པ་ལྟར། །འགྲོ་དྲུག་འཁོར་བའི་གནས་ནས་འདྲེན་པར་མཛད། །དེ་ནི་འགྲོ་བ་ལམ་འདིར་གཞུག་པའི་ཕྱིར། །གདུལ་བྱར་བཤད་པས་འགྲོ་བ་འདུལ་བར་བྱེད། །གཏི་མུག་ཅན་དང་ང་རྒྱལ་ཅན། །འདོད་ཆགས་ཅན་དང་ཕྲག་དོག་ཅན། །ཞི་བའི་ལས་དང་རྒྱས་པའི་ལས། །དབང་དང་དྲག་པོས་འདུལ་བར་སྟོན། །ལྗང་ཀུ་དྲག་པོ་དམར་པོ་དང་། །སེར་པོ་རྒྱས་པ་དཀར་པོ་ཞི། །

― TN03_Page_0885 ―

^{[མ་དཔེ་གཟིགས་ན་འདིར་གནོན།]}

(༥༢༧)རྟ་གདོང་ཕྲིན་ལས་བཞི་མཛད་པས། །རྟ་མགོ་ལ་ཡང་རིགས་བཞིའི་མདོག། གདུལ་བྱ་མ་ལུས་ཐམས་ཅད་ཀུན། །འདུལ་ཕྱིར་ཕྲིན་ལས་དག་ཏུ་བཤད། །ཞལ་ནས་རྟ་སྐད་སྒྲ་སྒྲོགས་པས། །ཕེ༚་ཕེ༚་ཧྲཱི༚་སོགས་གསང་སྔགས་འདྲེན། །རྟ་ཡི་སྐད་ཅེས་བྱ་བ་ཡང་། །རྟ་ཞལ་གསུང་དུ་སྒྲོགས་པའོ། །བརྡ་དང་རྟ་སྐད་འགྱིང་སྐད་གསུམ། །རྣལ་འབྱོར་དགོངས་པས་མ་ཤེས་སྐྱོན། །ཐུགས་དམ་མི་འཁུལ་དབང་མི་འདུས། །དགྲ་བགེགས་མི་ཐུལ་སྐྱོན་དུ་འགྱུར། །རྣལ་འབྱོར་གང་གིས་རྟ་སྐད་ཀྱི། །དགོངས་པ་དོན་ལྡན་ཤེས་པ་ནི། །ཐུགས་རྗེས་བཞེངས་དང་ཁས་བླངས་དྲན། །ཕྲིན་ལས་སྐད་ཅིག་ཡུད་ལ་འགྲུབ། །དེ་ཕྱིར་རྟ་སྐད་དགོངས་པ་ཟབ། །ལུས་ངག་ཡིད་གསུམ་སྐུ་གསུམ་ཉིད། །དུག་ལྔ་ཡེ་ཤེས་ལྔར་གྲོལ་ནས། །གང་གིས་གདེངས་གྱུར་རྣལ་འབྱོར་རབ། །མི་ཞེས་བྱས་ཀྱང་སངས་རྒྱས་ཡིན། །སྣོད་ཀྱི་འཇིག་རྟེན་གཞལ་ཡས་དབྱིངས། །བཅུད་ཀྱི་སེམས་ཅན་ཡེ་ཤེས་ལྷ། །འབྲེལ་བས་བདེ་ཆེན་སྲས་སུ་རིག །རྣལ་འབྱོར་འབྲིང་གི་དགོངས་པའོ། །ལུས་ཉིད་ལྷ་ལ་ངག་ཉིད་སྔགས། །སེམས་ཉིད་ཆོས་ཉིད་ཐ་མའོ། །མྱ་ངན་འདས་པའི་ཆོས་རྣམས་ཀུན། །རྟེན་དུ་གྱུར་པས་ཆོས་ཀྱི་སྐུ། །རང་

― TN03_Page_0886 ―

^{[མ་དཔེ་གཟིགས་ན་འདིར་གནོན།]}

(༥༢༨)བཞིན་སྐྱེ་མེད་བརྡ་སྤྲོད་གོ །དེ་ཉིད་ཆོས་སྐུའི་གསུང་ཡིན་ནོ། །ལོངས་སྐུ་དགོངས་པ་བརྡ་ཡི་གསུང་། །མེ་ལོང་ནང་གི་བྱད་ལྟ་བུ། །གཙོ་བོའི་སྐུ་ལ་བལྟས་པ་ཡིས། །རང་གི་ཤེས་བྱའི་སྒྲིབ་པ་དག །དེ་ནས་ཆོས་སྐུའི་ས་རུ་འགྲོ། །བྱང་ཆུབ་སེམས་དཔའ་མངོན་སངས་རྒྱས། །སྐུ་གསུང་ཐུགས་ནི་རྣམ་པ་གསུམ། །གསང་བ་བསམ་གྱིས་མི་ཁྱབ་ཅིང་། །ཐམས་ཅད་པ་རུ་གནས་པས་ན། །མི་ཟད་རྒྱན་གྱི་འཁོར་ལོ་ཆེ། །ཨོཾ་ནི་རྣམ་པར་བརྗིད་པའི་སྐུ། །ཨཱཿནི་སྨྲ་བརྗོད་འབྱུང་བས་གསུང་། །ཧཱུྃ་ནི་འདོད་དགུར་མཁྱེན་པས་ཐུགས། །རྒྱལ་བའི་ཞིང་ཁམས་འདི་ཡིས་སྐྱོང་། །ཚངས་པའི་ལྷ་ཡི་གསུང་བཞིན་དུ། །སྲིན་པོ་འདུལ་ཡང་སྐྱོན་མ་གོས། །དཔེར་ན་མེ་ཏོག་པདྨ་སྐྱེས། །འདམ་གྱི་སྐྱོན་གྱིས་ག་ལ་གོས། །དེ་ཉིད་གྲོགས་སུ་གྱུར་པ་སྟེ། །འདམ་མེད་པདྨ་གང་ལས་སྐྱེ། །རི་རབ་རྩེ་ནི་ལྷ་གནས་ཏེ། །རི་རབ་ཁོང་སེང་ལྷ་མིན་ཡུལ། །གླིང་བཞིར་མི་གནས་མཐོ་རིས་གསུམ། །ཕྱི་ཡི་རྒྱ་མཚོ་དུད་འགྲོ་ལ། །གྲོང་ཁྱེར་སེར་སྐྱ་ཡི་དྭགས་ཉིད། །རྡོ་རྗེ་གདན་འོག་དམྱལ་བའི་གནས། །ཀུན་གྱི་སྐད་དུ་ཆོས་སྟོན་པས། །ཐུགས་རྗེའི་རྟ་སྐད་རིགས་དྲུག་འདུལ། །ལུས་ངག་ཡིད་ཀྱི་བརྡ་སྤྲད་ན། །ཕོ་མོ་མཐུན་པའི་དཔེ་བཞིན་ཤེས། །དཔེར་ན་ཁྭ་ཏས་གཟན་མཐོང་

― TN03_Page_0887 ―

^{[མ་དཔེ་གཟིགས་ན་འདིར་གནོན།]}

(༥༢༩)ལྟར། །མ་དང་མཁའ་འགྲོ་འགྲུབ་ནས་བྱོན། །མ་མོ་མཁའ་འགྲོ་ལ་སོགས་ལ། །མཐུན་པའི་ཤ་ཁྲག་གཏོར་མ་འབུལ། །ལས་བཞིའི་ཕྲིན་ལས་བཅོལ་བར་བྱ། །ཇི་ལྟར་དམིགས་པ་བཞིན་དུ་འགྲུབ། །ངོ་བོ་ངེས་ཚིག་དབྱེ་བ་དང་། །སྐྱོན་དང་ཡོན་ཏན་རང་བཞིན་བཤད། །རྟ་ཡི་འགྲོས་དགུ་བསྟན་པ་ཡང་། །དཔུང་ལག་སྒྲོགས་འགྲོས་ལྷ་དང་མི། །གདོས་པ་ལྕགས་བཅུག་ཉན་ཐོས་འདྲ། །ཕོ་ཉ་སྲུན་འགྲོས་རང་སངས་རྒྱས། །འཇབ་ཚེ་གཟེངས་ནི་མདོ་སྡེ་ཉིད། །གོམ་བུ་མྱོལ་འགྲོས་ཀྲི་ཡ་པ། །སྤྱང་མོ་མདུར་འགྲོས་ཡོ་ག་ཉིད། །རོལ་མོའི་སྟབས་པ་མ་ཧཱ་ཡིན། །འཇོལ་མོ་དཀྱུས་འགྲོ་ཨ་ནུ་སྟེ། །དཀྱུས་སུ་ཚར་འགྲོས་ཨ་ཏི་ལ། །རྟ་ཡི་འགྲོས་ནི་དགུར་བསྟན་པས། །པདྨ་དབང་ཆེན་རྟ་གདོང་ཞལ། །རྟ་སྐད་དགོངས་པར་འདུས་པས་དཔྱད་གསུངས། ཁམས་གསུམ་དབང་དུ་སྡུད་པར་བྱེད། །འཁོར་འདས་དབང་གི་སྐུར་རྫོགས་ལ། །ཐེག་པའི་རིམ་པ་རྟོགས་པས་ན། །དཔེ་དང་དོན་དུ་བཤད་པའོ། །ཞེས་བཤད་དོ། །དབང་ཆེན་འདུས་པའི་རྒྱུད་རྟ་མགྲིན་དགོངས་པ་ལུང་སྟོན་དུ་གྲགས་པ། །སྦ་དང་ངན་ལམ་སོགས་ཀྱིས་བསྒྱུར་བ་ལས་ལེའུ་བཅུ་བདུན་པ་བརྟུལ་ཞུགས་ཆེན་པོ་བཞིའི་སྐབས་སུ། རྡོ་རྗེ་རྟ་ཡི་བརྟུལ་ཞུགས་ཀྱིས། །

― TN03_Page_0888 ―

^{[མ་དཔེ་གཟིགས་ན་འདིར་གནོན།]}

(༥༣༠)རྟ་སྐད་ཐེངས་གསུམ་འབོད་པར་བྱ། །དཔལ་གྱི་རྟ་སྐད་ཆེན་པོ་ཡིས། །ཡང་དག་སྐུ་གསུམ་དབྱིངས་ནས་བསྐུལ། །མ་མོའི་བརྡ་སྐད་སྦྲན་པ་ཡིས། །བརྡ་འཕྲད་ཀློང་རྡོལ་ལས་ལ་རྦད། །རྣལ་འབྱོར་གསང་བ་བརྡ་སྐད་ཀྱིས། །མཉམ་དང་བསྐུལ་དང་རྟགས་ཙམ་འཛིན། །ཤ་རུལ་དོང་དུ་བཅུག་པ་ལ། །ཤ་སྦྲང་བཞིན་དུ་འདུ་བ་དང་། །སྤྱང་དང་ལུག་བཞིན་བྲེད་པ་དང་། ཁྱི་དང་ཕག་བཞིན་རྦད་སར་འགྲོ། །དཔལ་གྱི་ཕེེ༚བརྡབས་ཧཱུཾ་སྒྲ་ལས། །བསྒྲུབས་པའི་དབྱངས་དང་ཚངས་པ་ཡིས། །ཞིང་ཁམས་རི་རབ་རྩེ་ལ་བླངས། །གསུམ་ཞེས་བྱ་བ་དགུ་ཡི་ཆོས། །ལྷ་དང་སྤྱོད་དང་སྒོམ་པ་དང་། །འབྲས་བུ་བཞིན་དུ་གར་གྱུར་པ། །རྦད་པས་ཐལ་བ་བཞིན་དུ་རློག །ལྷ་སྲིན་ཐམས་ཅད་དབང་དུ་སྡུས། །དཔལ་གྱི་སྐུ་དང་གཉིས་སུ་མེད། །འདི་ནི་རྣལ་འབྱོར་སྤྱོད་པ་ཡིན། །ཞེས་འབྱུང་ངོ་། །རྟ་མཆོག་རོལ་པ་རྩ་བའི་རྒྱུད་ལས། །མི་གནས་མྱང་འདས་གསུང་རབ་རྒྱ་མཚོ་སྒྲོགས། །མ་བསྒྲིབ་མ་གསལ་གོ་འཕང་མཛེས་པར་མཐོང་། །མི་ལྡོག་ཡུལ་སྒྲོལ་སྟབས་དྲུག་མཛེས་པར་མགྱོགས། །གར་ཡང་ཐོགས་མེད་བྱིན་རླབས་ཤུགས་དང་ལྡན། །འཚེར་སྐད་གདངས་སྙན་མ་སྲིང་སྤྲོ་བ་འགྱེད། ཁམ་དམར་རལ་པའི་དབུས་ནས་དབུགས་འབྱུང་བ། །

― TN03_Page_0889 ―

^{[མ་དཔེ་གཟིགས་ན་འདིར་གནོན།]}

(༥༣༡)དཔྲལ་བ་ཞུར་པོ་བརྗིད་པའི་ཁྱད་པར་དང་། །རྟ་མགྲིན་འོད་འབར་གསལ་བའི་ཁྱད་པ་ནི། །དོན་མཆོག་ཁྱད་པར་ཡོན་ཏན་རྨད་དུ་བྱུང་། །ལྗང་ཀུ་མེ་འབར་རྟ་མགོའི་རང་བཞིན་ནི། །འགྱུར་མེད་ཡེ་ཤེས་ཇི་བཞིན་གསལ། །བྱམས་པའི་མདངས་ཀྱིས་ཁམས་གསུམ་ཁྱབ་པར་གཟིགས། །རྔོག་མ་ལེ་བརྒན་འབར་བའི་ཁྱད་པར་མཆོག །སྟུག་པོ་བཀོད་སོགས་ཞིང་ཁམས་རབ་འབྱམས་ན། །རྡུལ་གཅིག་སྟེང་ན་རྡུལ་སྙེད་ཁྲོ་བོ་ཀུན། །ཞིང་ཁམས་གསུམ་དག་མ་ལུས་དབང་དུ་སྡུད། །ཤེས་རབ་ཐབས་སུ་འབྲེལ་བའི་རྟ་སྐད་ནི། །གྲུབ་པའི་དཔལ་ཚོགས་ཚངས་པའི་རྟ་དབྱངས་ཡིན། །དང་པོའི་གདངས་ཀྱིས་རྒྱལ་བའི་ཞིང་ཁམས་སྒྲོགས། །གདངས་སྐད་གཉིས་པ་རི་རབ་རྩེ་ལ་འཚེར། །གསུང་སྙན་གདངས་གསུམ་སྙན་པའི་ཁྱད་པར་ནི། །བཅུ་དྲུག་སླད་མའི་ངན་རྟོགས་ཐར་ལམ་སྟོན། །སྤྱན་མིག་གློག་ལྟར་འགྱུ་བ་ཆེར་འཕགས་ཤིང་། །ཤ་ཁྲག་རློན་པ་ཟ་བའི་སྲིན་པོ་འཇོམས། །འཚེར་ཅན་ཡིད་ལ་གདུང་བའི་རྟ་སྐད་ནི། །མུན་མཐུའི་འགྲོ་བ་མ་ལུས་གསལ་བར་མཛད། །ཅེས་གསུངས་ཏེ། །འདིའི་གླེགས་བམ་ཡིག་ནོར་གྱི་ཕུང་པོར་སྣང་བས་བརྟགས་དཀའ་ཡང་དཔྱོད་རྟེན་ཙམ་མོ། །རྟ་རྒྱུད་ཁ་ཅིག་ཏུ། །བརྩོན་འགྲུས་ཆུང་བ་

― TN03_Page_0890 ―

^{[མ་དཔེ་གཟིགས་ན་འདིར་གནོན།]}

(༥༣༢)རྣམས་དབུགས་དབྱུང་བའི་ཕྱིར་དང་། མིའམ་ཅིའི་འཁོར་རྟ་མགོ་ཅན་རྣམས་འདུལ་བའི་ཆེད་དུ་རྟའི་གླུ་བྲོ་མཛད་པར་བཤད་དེ། མིའམ་ཅི་དེ་དག་ནི་གླུ་གར་གྱི་ཕ་རོལ་ཏུ་སོན་པ་ཡིན་ནོ། །ཀུན་སྤྱོད་དེས་འགྲོ་བ་གཞན་ཡང་འདུལ་བ་ནི། ཇི་ལྟར་སྲིན་པོ་ལྟར་ཁྲོས་པ་སོགས་བཞིན་ནོ་སྙམ་སྟེ་བསམ་མོ། །བདེ་འདུས་དབང་ཆེན་འདུས་པ་རྩ་བའི་རྒྱུད་ལས། ཨེ་མ་འདུས་པའི་འཁོར་རྣམས་ཉོན༔ ང་ཡི་སྐུ་ཡི་ངོ་བོ་ནི༔ རང་རིག་བྱང་ཆུབ་སེམས་ལས་སྣང་༔ རྟ་མགོས་སྐད་གསང་མཐོན་པོ་ཡིས༔ བདེ་གཤེགས་གསུང་གི་དངོས་གྲུབ་སྡུད༔ ཡང་དག་ངེས་དོན་ཆོས་ཀྱི་སྐུ༔ གཟུགས་སུ་སྣང་བ་མཚོན་པའི་རྟགས༔ དཔེར་ན་རྟ་ཡི་འགྲོས་དགུ་ཡིས༔ ཇི་ལྟར་སྨོན་པའི་སར་འགྲོ་བཞིན༔ ཐེག་པའི་རིམ་པ་ངང་གིས་བགྲོད༔ རྩོལ་མེད་རབ་ཏུ་རྫོགས་པར་སྣང་༔ རྟ་སྐད་ཡོན་ཏན་མང་བ་ལྟར༔ ལམ་ལྔ་དང་ནི་ས་བཅུ་དག༔ ཡོངས་རྫོགས་དེ་ཉིད་ངང་ལ་མངའ༔ དཔེ་དང་དོན་གྱི་རྟགས་རྣམས་ཀྱིས༔ ཕྱི་ནང་གསང་བ་དེ་ཉིད་ཀྱི༔ གསང་སྔགས་ལམ་གྱི་བྱེ་བྲག་ཤེས༔ གདུལ་བྱའི་ཐབས་སུ་སྣང་བ་ཡང་༔ ཆོས་རྣམས་དཀྱིལ་འཁོར་ལྷུན་གྲུབ་ཅིང་༔ སྣང་སྲིད་མ་ལུས་བསྒྲལ་བའི་རྒྱུ༔ བཀའ་སྡོད་ཕྲིན་ལས་རྫོགས་པར་མཛད༔ སྔོན་གྱི་ཐ་ཚིག་དབྱིངས་ནས་བསྐུལ༔ བརྡ་སྤྲད་

― TN03_Page_0891 ―

^{[མ་དཔེ་གཟིགས་ན་འདིར་གནོན།]}

(༥༣༣)ཀློང་རྡོལ་དབང་བསྒྱུར་ཏེ༔ མ་ལུས་འདུལ་བ་ང་ཡི་ཐབས༔ ཡེ་ནས་མ་བཅོས་ང་ཡི་སྐུ༔ ཐབས་དང་ཤེས་རབ་དབྱིངས་ཡེ་ཤེས༔ དོན་དམ་ཀུན་རྫོབ་སྣང་དང་སྟོང་༔ གཉིས་མེད་ངོ་བོའི་དོན་ཡིན་ནོ༔ དབང་གི་རྒྱལ་པོར་བསམ་སྦྱོར་བས༔ ཁྲོས་པའི་ཕྱག་རྒྱ་གསུང་གི་སྒྲ༔ འཇིག་རྟེན་དྲེགས་པའི་ཚོགས་ཆེན་ཀུན༔ དབང་མེད་སྐྲག་པའི་ཚུལ་བཟུང་ཞིང་༔ མྱུར་དུ་ཕྲིན་ལས་གནས་བཞིན་བྱེད༔ དབྱིངས་ནས་གཟུགས་སྣང་ཐམས་ཅད་ཀུན༔ དབང་བསྒྱུར་སྣང་བ་མཉེས་མཛད་དེ༔ འགལ་བ་དེ་ཉིད་ངང་དུ་སྦྱང༔ ཞེས་དང་། ཧྲཱིཿ དབང་གི་རྟ་གདོང་ཕྲིན་ལས་མགྱོགས་པའི་མཐུ༔ ཡེ་ཤེས་མྱུར་མགྱོགས་ཤེས་རབ་ཕ་རོལ་ཕྱིན༔ རྩལ་གྱི་རླབས་ཀྱིས་ས་གསུམ་ཅིག་ཆར་བགྲོད༔ འཚེར་སྐད་གདངས་སྙན་གསང་བའི་ཐུགས་དམ་བསྐུལ༔ རྔམས་པའི་ཁ་རྩལ་འཁོར་ཚོགས་དབང་དུ་སྡུད༔ སྟབས་དྲུག་འགྲོས་ཀྱིས་རྒྱུད་དྲུག་ཐབས་ཀྱིས་འདྲེན༔ རོལ་པའི་རྟ་བྲོས་བདུད་བཞི་ཐལ་བར་བརླག༔ འཇིག་རྟེན་སྒྲོལ་མཁས་མི་བསྙེལ་ཐབས་ཀྱི་མཆོག༔ རྟ་སྐད་རྔམས་པའི་ལྷ་ལ་ཕྱག་འཚལ་བསྟོད༔ ཅེས་བཀའ་སྩལ་ཏོ།། ༈ །།གཞུང་འདི་ལས་དབང་ཆེན་རྩ་བའི་སྒྲུབ་པ་ལ་སྦྱར་རྒྱུའི་ཡན་ལག་གི་སྒྲུབ་ལུགས་བཞི་གསུངས་

― TN03_Page_0892 ―

^{[མ་དཔེ་གཟིགས་ན་འདིར་གནོན།]}

(༥༣༤)ཏེ། །ཐུན་མོང་དྲག་སྔགས་ཀྱི། ཁྱད་པར་ཚེའོ། །མཆོག་སྒྲུབ་བྱིན་རླབས་ཀྱི་སྒྲུབ་པ་སྟེ་གུར་དྲག་དང་ཐུན་མོང་བ་གསུམ། བདེ་ཆེན་གླུ་གར་གྱི་སྒྲུབ་པ་ནི་དགོས་ཆོས་ཏེ་དེ་ལྟར་བཞིའོ། །དང་པོ་ལའང་། སྤྲུ་གྲིའི་སྔགས་སྒྲུབ་དང་། གཏོར་མ་ལ་བརྟེན་པའི་བསད་ཟློག་གཉིས་གསལ་བར་བསྟན། གཉིས་པའི་སྐབས་སུ། །ཚེའི་ལྷ་བསྐྱེད་པ། །ཚེ་བཅུད་བསྡུ་བ། དེ་ལས་ཚེའི་དབང་དང་དངོས་གྲུབ་ལེན་པ། དེ་མི་ཤིགས་པའི་སྲོག་ལ་བརྟན་པར་བྱ་བ་སྟེ་བཞིའི་སྒྲོམ་ནས་དངོས་གྲུབ་རྒྱུད་གསུམ་སྒྲུབ་ལུགས་ཤེས་དགོས། གསུམ་པ་འདི་ལ། དངོས་གྲུབ་བསྡུ་བ། སྦྱོར་མཚམས་སུ་བསྐྱིལ་བ། གསང་སྒོ་དབྱེ་བ། རྟེན་ལ་དབབ་པ། དེ་ཉིད་དབང་དུ་བྱ་བའམ་བརྟེན་པར་བྱ་བ་སོགས་ཡོན་ཏན་བདུད་རྩིའི་རྒྱུད་ལས་གསུངས་པའི་དངོས་གྲུབ་སྒྲུབ་ལུགས་ཀྱི་གདན་ཐམས་ཅད། སྒྲུབ་གཞི་ཕྱི་རོལ་གྱི་སྨན་ལ་བྱེད་པ་དང་། ནང་རྩ་ཐིག་རླུང་སེམས་ལ་བྱེད་པའི་ཁྱད་ཙམ་མ་གཏོགས་ཇི་ལྟ་བ་བཞིན་ཚང་ངོ། དེའང་དཀྱིལ་འཁོར་ཐམས་ཅད་དང་། དབང་བསྐུར་དང་། སྔགས་དང་། ཕྱག་རྒྱ་དང་། །རྒྱུད་དང་། ཆོ་ག་ཞོབ་མོ་དང་། ཕྲིན་ལས་ཀྱི་ཁྱད་པར་ཇི་སྙེད་པ་ཐམས་ཅད་བདེ་ཆེན་ལྷན་སྐྱེས་ཀྱི་ཡེ་ཤེས་ཁོ་ན་དེ་དང་དེའི་རྣམ་པར་ཤར་ནས་གདུལ་བྱའི་སྙིང་ལ་འཇུག་པ་ཡིན་པའི་ཕྱིར། །ཚུལ་དེ་ཤེས་

― TN03_Page_0893 ―

^{[མ་དཔེ་གཟིགས་ན་འདིར་གནོན།]}

(༥༣༥)ནས་བདེ་ཆེན་བྱང་སེམས་ཀྱི་དབང་འདི་བླངས་ན་དེ་དག་ཐམས་ཅད་ཀྱིས་བྱིན་གྱིས་བརླབ་པར་འགྱུར་ཞིང་། ལྷའམ་སྔགས་དག་སྒྲུབ་གཞུང་གང་གི་ངོ་བོར་ཁྱད་པར་ད་བལྟས་ཏེ། བདེ་ཆེན་འབེབས་དམིགས་བྱས་ནའང་དེ་དང་དེའི་དགོས་ཀྱི་དབང་ཆོག་ལྟ་བུར་འགྱུར་རོ། །ཉམས་ཆག་སོགས་ནང་གི་རྟེན་འབྲེལ་ལོག་པ་སྦྱོང་བའི་བྱ་བ་ཁྲུས་མཐར་ཐུག་ཀྱང་འདི་ཡིན། ཁྲུས་ཀྱི་ལྷ་མཆོག་ཏུ་བསྔགས་པའང་དབང་ལྷ་ཡིན། དམ་ཡེ་དབྱེར་མེད་ཀྱི་ཕུང་ཁམས་ལྷ་རྣམས་གཟི་བརྗིད་རྒྱས་པར་བྱེད་པ་དང་དགྱེས་པ་སྐོང་བའི་ཚོགས་མཆོད་ཁྱད་པར་ཅན་ཡང་ཡིན། ངག་ལ་དབང་སྐུར་བ་དང་། ཏིང་ངེ་འཛིན་དང་ཤེས་རབ་སོགས་བྱེ་བྲག་རེ་རེ་འབུར་དོད་དུ་དམིགས་ནས་དེ་ལ་དབང་སྐུར་བར་དམིགས་ནའང་དེ་དང་དེ་རྒྱས་བྱེད་དུ་འགྱུར། གྲུབ་ཆེན་བཀའ་བརྒྱད་ལས་དབང་སྐུར་ཡོན་ཏན་རྡོ་རྗེའི་རིགས་སུ་གསུངས་པ་ཡོ་ག་དང་མཐུན་ཏེ། ཡོན་ཏན་རིགས་རྒྱས་པའི་རིགས་སུ་བསྔགས་པས། སྔགས་ཀྱི་ནུས་པ་དང་། འགྲོ་དོན་རྒྱས་པ་སོགས་ལ་རང་གི་ངག་དང་བྱ་བ་སོགས་ལ་དབང་སྐུར་བ་འདི་ཐབས་ཟབ་པར་ཤེས་སོ། །བཞི་པ་འདི་ལྷ་འདི་ལ་བྱེ་བྲག་ཏུ་བསྔགས་པའི་ཆོ་ག་ཡིན་ཕྱིར་རྒྱས་སྤྲོས་བྱེད་པར་དགའ་ན། སྤྱིར་གྲུ་གུ་ཡང་དབང་གི་རྟ་མགྲིན་དྲེགས་སྒྲོལ་སོགས་བྲོ་

― TN03_Page_0894 ―

^{[མ་དཔེ་གཟིགས་ན་འདིར་གནོན།]}

(༥༣༦)རབས་རྒྱས་པར་བཞུགས་པའི་གཞུང་འགའ་རེ་ཡོད་ནའང་། རྗེ་གྲུབ་ཆེན་ཉིད་ཀྱི་རྩ་བའི་ཐུགས་དམ་ཤངས་ཆོས་དབྱང་གཏེར་གཉིས་ཡིན་པ་དང་། གཏེར་ཁ་རིགས་མཐུན་ཡིན་པའི་གནད་ཀྱིས། མཆན། པས་གྲུབ་ཆེན་བཀའ་བརྒྱད་དང་འབྲེལ་ཆེ་བའི་བྲོ་ཆོག་ནི་རང་ཤར་གྱི་བྲོ་རྡུང་དེར་སྣང་ལ། སྤྱི་བཀའི་རིགས་པ་དགོས་བཀའ་ལ་སྦྱར་ཆོག་པ་དང་། །འདི་ཉིད་རང་ལས་སློབ་མ་ལྟ་གོན་གྲུབ་ཆེན་བཀའ་བརྒྱད་ལ་ཞལ་འཕགས་པའི་རིགས་པས་འདིར་ཡང་དེ་ནས་བླང་བར་བྱའ། །དེ་དག་ལས་གཞན་པ་མྱུར་མགྱོགས་ཕོ་ཉའི་སྒྲུབ་པའང་ཡོད་མོད་ཀྱི། སྒྲུབ་ཐབས་སྤྱིའི་ཁོག་ཏུ་ཚང་བ་ཡིན་གྱི་ཟུར་དུ་ཡོད་པ་མིན་ནོ། །འགྲོ་འདུལ་ཞི་བ་རྡོ་རྗེ་དབྱིངས་སྐྱི་སྒྲུབ་པ་དང་། ཡུམ་ཀ་བདེན་གཉིས་ཞལ་ཅན་མའི་སྒྲུབ་པ་གཉིས་ཀྱང་འདི་དང་འབྲེལ་ཆགས་སུ་གསུངས་པ་ཡིན་ལ། ལས་ཀྱི་ཕྲེང་བ་ལས་ཚོམ་བུ་ཚོགས་ཀྱི་སྒྲུབ་པའང་གསལ་བར་གསུངས་ཏེ། བསྐྱེད་རིམ་གྱི་ཆོས་སྐོར་རོ། །དེའི་སྟེང་དུ་ཡེ་ཤེས་ཕྲེང་བ་ལས་གསུངས་པའི་དཔེ་དང་དོན་གྱི་ཡེ་ཤེས་ཀྱི་སྒྲུབ་པ་བཅས་རྒྱ་ཆེར་བཞུགས་ཏེ། དེ་དག་རེ་རེ་ཞིང་ངོ་མཚར་བའི་གནད་དུ་མ་དང་ལྡན་པའི་ཚུལ་ལ་ཞིབ་ཏུ་སྦྱང་དགོས་སོ། །རྗེ་གྲུབ་ཐོབ་ཆེན་པོའི་རྟ་མགྲིན་གྱི་སྒྲུབ་ལུགས་ཀྱི་རྣམ་གྲགས་བཀོད་པའོ། ༈། ཛབ་བུའི་

― TN03_Page_0895 ―

^{[མ་དཔེ་གཟིགས་ན་འདིར་གནོན།]}

(༥༣༧)གླིང་འདིར་པདྨ་གསུང་གི་རིག་འཛིན་ཆེས་ཆེ་བ་ནི་མགོན་པོ་ཀླུ་སྒྲུབ་ཡིན་ཏེ། འདི་ལྟར་གཏེར་ཁ་གོང་འོག །བྱང་གཏེར་སོགས་རྩོད་བྲལ་ཀུན་ནས་གསུངས་སོ། ཁ་ཅིག་གིས་གཏེར་ཕྱོགས་ནས་དེ་ལྟར་བཤད་པའི་ཀླུ་སྒྲུབ་དེ་ཕྱིས་ཀྱི་བཱ་ལི༚་ཨ་ཙ་རྱ་ཡིན་ཟེར་བ་རིག་འཛིན་འཇིགས་མེད་གླིང་པས་བཀག་ཅིང་། ཀློང་སྙིང་རྩ་རྒྱུད་ཐོད་དུམ་ལས། བཻ་ཏའི་ཡུལ་འཁྲུངས་བྲམ་ཟེའི་རིགས༔ བློ་ཆེན་ན་ག་རྫུ་ན་ལ༔གསུང་མཆོག་པདྨའི་སྒྲོམ་བུ་གཏད༔ ཅེས་འཁྲུགས་ཡུལ་སོགས་ལང་གཤེགས་ལྟར་བཤད་དེ། བདེ་འདུས་རིག་འཛིན་རྩ་རྒྱུད་ལས་ཀྱང་དེ་བཞིན་བཤད་དོ། །འཇམ་དཔལ་རྩ་རྒྱུད་ལས། རིག་པ་རྨ་བྱ་ཆེན་མོ་ནི། །བདག་ཉིད་ཆེན་པོ་དེས་ཀྱང་འགྲུབ། །ཅེས་གསུངས་ཏེ། དེའི་གླེང་གཞིར་རྨ་བྱ་ཆེན་མོ་འཇིག་རྟེན་དབང་ཕྱུག་གི་རིགས་ཀྱི་ལྷ་མོར་བཤད་པས། ལུང་དེས་ཀྱང་པདྨའི་རིགས་ཀྱི་གསང་སྔགས་འགྲུབ་པ་བསྟན་ནོ། །དེས་ན་མགོན་པོ་འདིས་རྨ་བ་ཆེན་མོའི་རིག་སྔགས་ཀྱིས་ཀླུ་ཡུལ་དུ་བྱོན་པར་རྒྱ་གར་པ་ལ་གྲགས་པ་ལྟར་ཀླུ་རྣམས་བཏུལ་བའང་པདྨ་གསུང་གི་རིག་སྔགས་ལ་བརྟེན་ནོ། །སློབ་དཔོན་དེ་ལ་བསིལ་བའི་ཚལ་གྱི་མཆོད་རྟེན་བདེ་བྱེད་བརྟིགས་པར་པདྨ་གསུང་གི་ཟངས་སྒྲོམ་མཁའ་འགྲོ་མས་དངོས་སུ་

― TN03_Page_0896 ―

^{[མ་དཔེ་གཟིགས་ན་འདིར་གནོན།]}

(༥༣༨)ཕུལ་ཞིང་། ཧེ་ཆེན་བརྡལ་བའི་དུར་ཁྲོད་རྟ་མགྲིན་བསྒྲུབ་པས་རྡོ་རྗེ་གསུང་གི་དངོས་གྲུབ་བརྙེས། གུ་རུ་རིན་པོ་ཆེས་ཀྱང་དབང་ཆེན་གསུང་གི་གདམས་སྐོར་རྣམས་འདི་ལས་གསན་ཏེ་གཙོ་བོར་ཆོས་རྒྱལ་ཁྲི་སྲོང་དང་། མཆོག་དབྱངས་གཉིས་ལ་སྩལ་བ་ཡིན་ནོ། །དེ་ལྟ་བུའི་རྟ་མགྲིན་བླ་བརྒྱུད་ཀྱི་སྤྱི་མེས་དེ་འདི་ཀའི་སྒྲུབ་གཞུང་དང་འབྲེལ་བར་ཐུགས་རྒྱུད་སྐུལ་བའི་བླ་མའི་རྣལ་འབྱོར་བྱེ་བྲག་ཏུ་བྱེད་ན། མཆོག་གི་བྱིན་རླབས་དབབ་པའི་སྐབས། ཐོད་ཕྲེང་སྡེ་ལྔ་ཡབ་ཡུམ་སྙོམས་པར་ཞུགས་པའི་བདེ་བའི་འོད་ཟེར་གྱིས་བདེ་བ་ཅན་ནས་འཕགས་པ་ཀླུ་སྒྲུབ་ཀྱི་ཐུགས་རྒྱུད་ལྷག་པར་བསྐུལ། དབང་དང་བྱིན་རླབས་དངོས་གྲུབ་ཐམས་ཅད་བདེ་ཆེན་བདུད་རྩིའི་རྣམ་པར་བསྡུས། དེ་ཉིད་བླ་མ་ཐོད་ཕྲེང་རྩལ་གྱིས་རང་ཉིད་ལ་སྩལ་བར་དམིགས་པའི་བཟླས་སྒོམ་བྱ་ཞིང་ཀླུ་སྒྲུབ་དང་པདྨའི་ཞབས་ཐ་དད་དུ་མི་བལྟའོ། །ཐོག་མའི་བྱིན་འབེབས་སྐབས་ཀྱང་སྡེ་ཁ་འདོགས་པ་ནི་བླ་མ་ཞི་བའི་ཟིན་ཐོ་ལྟར་རོ།། ༈ །།དབང་ཆེན་ལས་ཚོགས་ཀྱི་ཟིན་རིས་ཡིད་བཞིན་རིན་པོ་ཆེའི་སྤྲིན། ཕུར་པ་སྤུ་གྲིའི་གཞན་དོན་ཚོམ་བུ་འབུམ་སྡེའི་སྒྲུབ་པའི་གཏེར་མཆན་དང་། ཕུར་པའི་སྤྱི་སྡོམ་ཇོ་མོའི་ཞུས་ལེན་གཉིས་ཀ་ལས། ལས་ཚོགས་ཀྱི་གནད་ནི་དཔེར་ན་གསེར་ཞུན་མ་ལ་བཟོ་ཅི་བྱས་ཉན་པ་ཡིན་

― TN03_Page_0897 ―

^{[མ་དཔེ་གཟིགས་ན་འདིར་གནོན།]}

(༥༣༩)ཏེ༔ བསྙེན་སྒྲུབ་མཚན་མ་ཐོན་ཕན་ཆད་ཤམ་བུ་ཅི་འདོད་དུ་བསྒྱུར་བས་འགྲུབ་སྟེ། ཞི་རྒྱས་དབང་དྲག༔ གསོ་བསད་དབབ་བཅད༔ དགུག་བསྐྲད༔ མནན་གཟིར་ཇག་ཆིངས༔ ཆོ་འཕྲུལ་སྲོག་ཐུན་སོགས་གང་འདོད་པའི་ཕྲིན་ལས་ཐུགས་ཀའི་འོད་ཟེར་གྱིས་སྒྲུབ་ཅིང་སྙིང་པོ་ལ་འདོད་གསོལ་སྦྱར་བས་འགྲུབ་བོ༔ ཞེས་གསུངས་ཏེ། རྟ་མགྲིན་ཡང་གསང་གི་སྦས་པ་མིག་འབྱེད་ལས་ཀྱང་། མཚན་མ་མ་མཐོང་ལས་བརྩམས་པ༔ འཇའ་ཚོན་སྦར་འཛིན་དོན་མེད་ཡིན༔ ཞེས་གསུངས་པ་དང་འདྲའོ། ༈ །གཞུང་འདི་ལ་སྲུང་བཟློག་གསད་གསུམ་ཚང་བར་ཟིན་ཐོ་ལྗགས་དཔོད་མར་གསུངས་པའི། སྲུང་བ་ལ། སྒོམ་པའི་སྲུང་བ་ནི། གོ་ཆ་ལྷ་ལྔ་དང་། ཁྲོ་ཆུང་གི་གོ་བགོས་གཉིས་ཡིན་ཅིང་། ཁྲོ་བཅུའི་སྲུང་འདི་རྩལ་འདོན་བྱེད་ན་ཁྲག་འཐུང་བདེ་གཤེགས་འདུས་པ་ནས་ཚུར་བླང་ངོ། དམིགས་ཀྱང་ཡོད་པ་གཏོར་བཟློག་ཏུ་གསུངས། སྲུང་སྔགས་ལོགས་སུ་མ་བཤད་ཀྱང་། ལུས་དཀྱིལ་ཁྲོ་བོའི་ཚོགས་ཀྱིས་ཀྱང༔ ཞེས་སོགས་སྐབས་གོ་ཆའི་རྟ་མགྲིན་རྣམས་ཀྱིས་རང་རང་གི་སྔགས་བཟླ་བར་འཆད་པ་ན་རྟ་སྔགས་རང་བཤད་པ་འདིས་རྟ་སྔགས་དེ་གོ་ཆའི་སྔགས་སུ་ཤེས། གནས་ལྔའི་གོ་ཆའི་ལྷ་དང་། ཁྲོ་བོ་བཅུའི་སྔགས་ནི་རུ་ལུ་ཡིན་ཏེ། ཟུར་

― TN03_Page_0898 ―

^{[མ་དཔེ་གཟིགས་ན་འདིར་གནོན།]}

(༥༤༠)དུ་བྲིས་པ་དང་། ཆོས་དབང་ཡང་དག་ལས་རུ་ལུ་སྲུང་མཚམས་སུ་ཤེས་པར་གསུངས་པ་སོགས་དང་སྒྲིགས། གཞན་སྲུང་བའི་དམིགས་པ་ནི། དམིགས་བྱ་སྲུང་གུར་དུ་བཅུག་ནས་སྲུང་བ། འགལ་རྐྱེན་བར་ཆད་རྡོ་རྗེའི་མཁར་དུ་སྲུང༔ ཞེས་ཁ་སྐོང་ཕྲིན་ལས་སུ་གསུངས་པའི་དགོངས་པར་འགྲིགས་ཤིང་། སྤྱིའི་ལུགས་ཀྱང་ཡིན་ནོ། །སྲུང་གུར་གྱི་དམིགས་པ་འདིས་གདོན་བགེགས་སུ་མ་ཟད། ཡམས་ནད། ཤྭ་འུང་། །དམག་འཁྲུགས། ཆོམ་རྐུན། གཅན་ཟན། རྦབ། སྒྱོགས་སོགས་འཁྲུལ་འཁོར་རིགས། སད་སེར། ཁ་ཆར། ཐོགརླུང་། མེ། ལོ་ཏོག་ཟ་བའི་འབུ་སོགས་གཞན་ཡང་སྲུང་སྟེ། དཀྱིལ་ཆོག་རྡོར་ཕྲེང་ལས་རྡུལ་ཚོན་འབྱུང་ལྔའི་གནོད་པས་མི་བརྫི་བའི་ཕྱིར་སྲུང་འཁོར་སྒོམ་པར་བཤད་པ་ལྟ་བུའོ། །བྲིས་པའི་འཁོར་ལོས་སྲུང་བ་ནི་དཀྱུས་སུ་མི་གསལ་ཡང་། བྱེད་ན་སྐྱེར་སྒང་ལུགས་འབྲེལ་ཆེ་བས་དེ་ལ། གཞི་དར་རས་སམ་ཤོག་བུ་གཙང་མར་བྲིས་རྗེས་སུ་གྲི་ཁ་བཏང་མི་དགོས་པ་བྱས་པ་ལ། གྷི་ཧཾ་་དང་ག་པུར་གུར་གུམ་སོགས་ཀྱི་སྣག་ཚ་དང་། གཟུགས་མོ་བྱི་ཐུར་གྱི་སྨྱུ་གུས། འཁོར་ལོ་རྩིབ་བརྒྱད་ལྟེ་བ་མུ་ཁྱུད་དང་བཅས་པ་བྲི། དེའི་ལྟེ་བར་ཧྲཱིཿ ཧྲཱིའི་སྟེང་དུ་ཨོཾ། འོག་ཏུ་ཕཊ། དེའི་མཐར་

― TN03_Page_0899 ―

^{[མ་དཔེ་གཟིགས་ན་འདིར་གནོན།]}

(༥༤༡)སྟེང་ནས་མགོ་བརྩམས་ཏེ་གཡས་སྐོར་དུ། བཅོམ་ལྡན་འདས་རྟ་མགྲིན་དབང་གི་རྒྱལ་པོས་འཆང་བ་པོ་ལ་བྱིན་གྱིས་བརླབ་ཏུ་གསོལ། གནོད་པ་ཐམས་ཅད་ལས་སྲུང་དུ་གསོལ། ཞེས་འབྲི། རྩིབས་བརྒྱད་ལ་སྟེང་ནས་གཡས་སྐོར་གྱི་རིམ་པས། པདྨཱན། ཏ་ཀྲིཏ། བཛྲ། ཀྲོ་དྷ། ཧྱ། གྲྀ་བ། ཧུ་ལུ། ཧུ་ལུ་ཧཱུཾ། ཞེས་པ་རྣམས་དང་། རྩིབས་མཆན་ལ། རྩིབས་སྟེང་མའི་གཡོན་ནས་བརྩམས་ཏེ། ཨོཾ། བཛྲ། དུན། བྷྱོ། ཏྲིག །ནན། ཛ་ཛ། ས་མ་ཡ་སྟྭ་མ། རྣམས་འགོད། དེའི་ཕྱིའི་མུ་ཁྱུད་ལ། ས་མ་ཡ་ཛ། ས་མ་ཡ་ཟློག །ས་མ་ཡ་བྷྱོ། ས་མ་ཡ་གཏུབ། ས་མ་ཡ་བྱེར། ས་མ་ཡ་རྦད་རྦུད་ཕཊ་ཡ། འབྱུང་པོ་མ་ར་ཡ་ཛ་ཛ། ཞེས་འབྲི། དེའི་ཕྱིའི་མུ་ཁྱུད་ལ་རྟེན་སྙིང་དང་། རྡོ་ར། མེ་རི་གཡས་འཁོར་བྱ། སྔགས་རྣམས་ཡིག་མགོ་ཕྱིར་བསྟན་གཡས་སྐོར་ཁོ་ནར་འབྲི། རབ་གནས་བྱས་ལ་གདགས། འདི་སྟེང་འཁོར་རྐྱང་པའི་སྲུང་བ་སྟེ། འདི་ནི་གཙོ་རྐྱང་གི་སྲུང་བ་སྟེ་གཙོ་འཁོར་ཡོངས་རྫོགས་ཀྱི་འཁོར་ལོ་ནི་མ་རྙེད། ལྕགས་ཟམ་ལུགས་ཀྱི་འཁོར་ལོའི་མན་ངག་ཅུང་ཟད་མི་འདྲ་བའང་ཡོད་པར་བཤད་པས་ཚོལ། འཁོར་ལོ་འདིས་ནི་འཇིག་རྟེན་གསུམ་གྱི་བགེགས་ཐམས་ཅད་སྲུང་བར་གཞུང་གི །སྟེང་གདོན་གཟའ་དང་འོག་གདོན་ཀླུཿ སོགས་ཀྱིས་མཚོན་ནོ། །

― TN03_Page_0900 ―

^{[མ་དཔེ་གཟིགས་ན་འདིར་གནོན།]}

(༥༤༢)གསང་སྒྲུབ་ལ་མཁས་པ་ཐོའུ་བཀན་པའི་ཡིག་ཆ་ལྟར་བྲིས། སྟེང་འོག་སྦྱར་མའི་སྲུང་བ་སོགས་འདིར་མ་བཀོད། བྱེད་ན་ཤངས་ལུགས་རང་དུ་ལྟའོ། །བྲི་གཞི་བུག་རྡོལ། རྩིབས་ཀྱི་རྩ་རྩེ་མུ་ཁྱུད་ལ་རེག་པ། མུ་ཁྱུད་རྣམས་ཆད་པ། ཡི་གེ་འབྲི་འཕྲོ་ལུས་པ་ལྟར་མ་ཁེངས་པ། རྩིབས་དང་མུ་ཁྱུད་སོགས་ལ་ཐུག་ཅིང་ཡི་གེ་ཕན་ཚུན་འདྲེས་པ། མ་ཤོང་བ། ཡིག་ཕྲེང་འཁྱོག་གཅུས་གོང་འོག་འཁྲུགས་པ། མིག་ཟུམ། བྲིས་བསུབ། ལྷག་ཆད་སོགས་ཀྱི་སྐྱོན་མེད་པར་བྱ། ཡིག་མགོ་སྟོན་ཕྱོགས། སྲུང་བ་ཕྱི་དང་ཟློག་པ་ནང་། ཞི་རྒྱས་ཕྱི་དང་དབང་དྲག་ནང་དུ་སྟོན་པར་བཤད་པ་ལྟར་རོ། ༈ །འཁོར་ལོ་མ་གྲུབ་ན། སྔོན་དུ་བྱམས་སྙིང་རྗེ་བསྒོམ། །སྲུང་མདུད་ཧྲཱིཿལས་རྟ་མགྲིན་དུ་བསྐྱེད། ལྟོ་བར་གནོད་བྱེད་ཐམས་ཅད་བསྡུས་ལ་ཐར་པའི་སྐབས་མེད་པར་བསམས་ཏེ་གདགས་པ་ཡང་ཤངས་ལུགས་ལས་སོ། ༈ །ལས་སྦྱོར་སྤུ་གྲི་ལ་དབང་སྡུད་དང་། མངོན་སྤྱོད་སྔགས་གཉིས་ཆར་འབྱེད་རྒྱུ་ཡོད་པས། ས་གསུམ་དབང་སྡུད་ཀྱི་བཟླས་པ་དགོས་སུ་བྱེད་ན། ས་མ་ཡ་སྟྭམཿ ཡན་ཆད་ཁོལ་བྱུང་བཟླ་བ་སྐྱེར་སྒང་ལུགས་བཞིན་བྱེད། དབང་སྡུད་སྔགས་འདི་གྲོལ་ཐིག་རྟ་མགྲིན་དང་། ཀློང་སྙིང་གི་རྒྱལ་པོ་ལུགས་ཀྱི་ནང་ནའང་སྣང་། སྔགས་དོན་ནི། ཨོཾ་ཟུར་འཁོད་

― TN03_Page_0901 ―

^{[མ་དཔེ་གཟིགས་ན་འདིར་གནོན།]}

(༥༤༣)ལྟར། ཐུན་བྷྱོ་རྦད་པའི་སྔགས་སུ་སྙིང་གཟེར་ལས་བཤད་པས། ཁྲོ་མཚོན་མེ་ཕུང་གི་ཕོ་ཉ་འགྱེད་པ་ལ་བཛྲ་དུན་བྷྱོ་ཞེས་སྦྱོར་རམ་སྙམ། ཏིག་ནན་ནི་སྙིང་གཟེར་ལས། ཏྲིག་ཤངས་ལུགས་སུ་ཏྲིག་ནན་ཞེས་འདོན་པའང་ཡིན། ནན་གཉིས་ཀྱིས་སྟེང་ནས་གཟིར༔ མེས་མར་གོང་ལྟར་གདུང་བར་བྱེད་པའི་དོན། ཞེས་སྲོག་ལྷ་སྲིན་སྡེ་བརྒྱད་འཁྲུགས་ཤིང་། ཡུལ་ལྷ་ནང་ཞིག་འོང་བའི་རྒྱུའི་གཙོ་བོ་གསར་སྐྱེས་ཀྱི་འབྱུང་པོ་གདུག་པ་ཅན་དང་། གློ་བུར་དུ་ལྷགས་པའི་འདྲེ་སྲིན་རྣམས་ཀྱིས་བྱེད་པར་གསུངས་པས་རྒྱལ་ཁམས་བདེ་བར་འདོད་ཅིང་ནུས་ལྡན་ཡིན་ན་དེ་དག་གཟིར་བ་གལ་ཆེ། །གཟིར་བའི་སྔགས་སུ་བཤད། ཛཿཛཿའཕྲོགས་པར་བྱེད་པའམ་འགུགས་འདྲེན། ས་མ་ཡ་སྟྭམ། དམ་བསྒྲགས་སམ། ཡང་ན་དམ་བཞག །ཅེས་འཆད་དམ་དཔྱད་དགོས་སོ། ༈ །ཚེ་སྒྲུབ་བྱེད་ན་གུ་རུ་དྲག་པོ་ལྟར་བྱ་ཞིང་། དེའང་དཀྱུས་ཀྱི་བསྙེན་སྒྲུབ་ལས་སྦྱོར་གྱི་བཟླས་པའི་མཇུག་ཏུ་གདགས་པར་བྱའོ། །དབང་སྒྲུབ་ལྷ་ལྔའི་བྱིན་འབེབས་ཀྱི་ཆོ་ག་ཡང་དེ་ནས་ལེན། ༈ །ནད་དང་། ཡམས་ནད། ལྷ་འཁྲུགས་སོགས་གདོན་རིགས། དམ་སྲི་སོགས་བགེགས། སྲི་ཀེགས། སྟེང་གྲིབ་དང་མཁོན་གྲིབ་སོགས་གྲིབ་རིགས། བྱད་ཕུར། མེ། ཆུ། དུག །མཚོན་ཆ། འཁྲུག་རྩོ། རྒྱལ་པོའི་ཆད་པ། གཅན་

― TN03_Page_0902 ―

^{[མ་དཔེ་གཟིགས་ན་འདིར་གནོན།]}

(༥༤༤)གཟན། བཤེས་བྲལ། དོན་ཉམས། དབུལ་ཕོངས། དུས་མིན་འཆི་བ། ཕ་རོལ་གྱི་ལྕེ་འབབ་པ་སོགས་ཞི་བར་གཏི་མུག་རྡོ་རྗེ་བསྐུལ་ཏེ། དེ་གཙོར་གྱུར་ལས་འོད་ཟེར་དཀར་པོའི་སྤྲོ་བསྡུ་བྱེད། སྒྱུ་འཕྲུལ་ལས་ནི་ཞི་ལས་ཕ་རོལ་ཁྲོས་པ་ཞི་བྱེད་ཙམ་དང་སྦྱར་ཡོད། ཚེ། ཤེས་རབ། དྲན་པའི་གཟུངས། ཆོས་དང་རིགས་ཀྱི་བརྒྱུད་འཛིན། འཁོར་དང་གྲོགས། དབང་ཕྱུག །གཟི་བརྗིད། སྙན་གྲགས། ལོངས་སྤྱོད། ལུས་ཤེད་དང་ཀླུང་རྟ་སོགས་ཀྱི་མཐུ་སྟོབས། སེམས་བསྐྱེད་སོགས་དགེ་བའི་ཆོས། རྩི་སྨན་ལོ་ཏོགགཞོན་ཆུ། དེ་དག་དང་ཆང་སོགས་ཀྱི་རོ་ནུས། ཆར་དང་ཆུ་མིགསྐལ་པ་བཟང་པོ། ནད་མེད་པའི་བདེ་བ། ཡུལ་ཕྱོགས་སུ་བཟོ་དང་སྒྱུ་རྩལ། ཆོས་ཀྱི་གསང་འདུས་ལེའུ་བཅུ་བཞི་པའི་འགྲེལ་མཆན་དུ། ཆོས་རྒྱས་པ་ཞེས་པ་གསུང་རབ་ཡན་ལག་བཅུ་གཉིས་ལ་མཁས་པ་ལ་བཤད། འབྱོར་པ་དྲི་མེད་སོགས་རྒྱས་པར་སེར་སྣ་རྡོ་རྗེ་བསྐུལ་ཏེ། འོད་སེར་པོ། རྒྱལ་བློན་ཡུལ་ཁམས། ནོར་དབྱིགགོས་རྒྱན། བཟའ་བཏུང་། སྤོས་དང་རོལ་མོ་སོགས་ཉེར་སྤྱད། ཞིང་ཁང་། སྐྱེད་ཚལ། བུད་མེད། རིག་པ་མཁན། གཞན་འཕྲུལ་བདག་པོ་སོགས་ལྷ་ཀླུ་གཏེར་བདགགླེགས་བམ། དགེ་འདུན། གཞོན་ནུ་གང་ཞིག་དབང་དུ་གྱུར་

― TN03_Page_0903 ―

^{[མ་དཔེ་གཟིགས་ན་འདིར་གནོན།]}

(༥༤༥)ན་བསྟན་འགྲོའི་དོན་ཆེན་པོ་འགྲུབ་པའི་མི་དབང་དང་། ཆོས་ཀྱི་བརྒྱུད་འཛིན་ཁྱད་པར་ཅན་ལྟ་བུ་གཙོ་བོ་ཡིན། སོགས་དབང་བྱེད་ལ་འདོད་ཆགས་རྡོ་རྗེ་ལས་འོད་དམར། བྱ་མཆུ་མ་སོགས་བསྟན་པ་ལ་གནོད་པ་དང་། འགྲོ་བ་མང་པོའི་བདེ་སྐྱིད་འཕྲོགས་པའི་མི་དང་མི་མིན་བསད་པ་དང་། བསྡིགས་པ་དང་། མྱོས་པ་དང་། བརྒྱལ་བར་བྱེད་ཅིང་། སྟོབས་གཞོམ་པ་སོགས་ལ་ཕྲག་དོག་རྡོ་རྗེ་ལས་འོད་དུས་ཀྱི་མུན་པ་ལྟ་བུ་སྤྲོ་བསྡུ་བྱ་ཞིང་། ཡུམ་ཀའི་སྐབས་ཀྱི་སྔགས་ཤམ་བཏགས། འདི་ནི། རྟ་བྲོའི་ཆོ་ག་དང་། ཡུམ་ཀར། དམིགས་པའི་མདེ་ཁ་སྤྱི་ལྟར་སྦྱར༔ ཞེས་གསུངས་པ་ལ་བརྟེན་པ་སྟེ། རྟ་རྒྱུད་ཀྱི་ཁུངས་ཀྱང་ཆེའོ། ༈ །གླུ་གར་གྱིས་ལས་བཞི་སྒྲུབ་སྐབས། རྒྱས་ལས་ལྟ་བུར་མཚོན་ན། སེར་སྣ་རྡོ་རྗེ་འཁོར་བཅས་བྲོ་རྡུང་བ་རྣམས་ལས་ཡིད་རིན་ཆེན་རིགས་ཀྱི་སྤྲུལ་པ་གཟི་བརྗིད་འབར་བའི་ཚོགས་དཔག་མེད་སྤྲོས་པས། ཚེ་བསོད་སོགས་དགོས་འདོད་ནམ་མཁའ་གང་བར་འབྱུང་བར་བསམ་པ་སྒྲོལ་གཡུང་གཉིས་ཀྱིས་བཤད་དོ། །བཞིན་གྱི་འོད་ཟེར་གསེར་མདོག་ཚད་མེད་པ་སྤྲོས་པས་འབྲུ་ནོར་ལོངས་སྤྱོད་ཀྱི་ཆར་གཟི་ལྡན་ཟད་མི་ཤེས་པར་ཕབ་སྟེ་དམིགས་བྱའི་དབུལ་ཕོངས་བསལ་བར་བསམ་པ་ཀློང་ཆེན་རྒྱུད་ཊིཀ་ལས་སོ། །དེས་འགྲེ། དེ་བཞིན་དུ། སྤྱི་དགོས་ཀྱི་དེ་ཉིད་ཤེས་པས་རིན་ཆེན་རིགས་ཀྱི་རྟ་གླུ་བླངས་པས་

― TN03_Page_0904 ―

^{[མ་དཔེ་གཟིགས་ན་འདིར་གནོན།]}

(༥༤༦)གླུ་སྒྲས་གར་ཁྱབ་ཏུ་དཔལ་འབྱོར་ལོངས་སྤྱོད་ཀྱི་ཆར་ཆེན་པོ་ཕབ་པར་བསམ་པ་སོགས་འགྲེའོ། །རྟ་སྐད་ཀྱིས་ལས་བཞི་བྱེད་པའི་དམིགས་པ་འདི་ནི་ཛབ་ཀྱི་སྐབས་སུ་སྦྱར་ནའང་རུང་བར་སེམས་ཏེ།་ རྟ་སྐད་ཐང་གསུམ་ཛབ་དམིགས་ལ་སྦྱོར་ཞིང་། འདི་དེ་ལྟར་མི་རུང་བའི་ཁྱད་པར་ཅི་ཞིག་ཡོད། དེའང་ཞི་བ་ལ་གཏི་མུག་རྡོ་རྗེ་ནས། དྲག་པོ་ལ་ཕྲག་དོག་རྡོ་རྗེའི་བར་དུ་ཧེ་རུ་ཀ་སོ་སོས་གླུ་སོ་སོར་བླང་བར་བལྟས་ལ། སྔགས་ཤམ་སྔར་ལྟར་འདོགས་ཏ། ཚུལ་གཉིས་གང་ཡང་རུང་ངོ། །ལས་རིམ་གཞན་དང་མ་སྤྲད་ཀྱང་ནམ་འདོད་དུ་རྟ་གླུས་ལས་སྒྲུབ་པའང་བྱར་རུང་སྟེ། རེང་བ་ལ་སོགས་པའི་ལྟ་སྟངས་བཞིན་ནོ། །ལས་བཞི་རབ་འབྱམས་བྲོས་སྒྲུབ་པ་མནན་པ་དང་མ་སྦྱར་བ་འདི་སྙན་རྒྱུད་རྟ་མགྲིན་སྙིང་ཏིག་ན་ཤིན་ཏུ་གསལ་ཏེ་ཟུར་དུ་བྲིས་ཡོད། ༈ ཡང་། ཡུལ་འཁོར་སྲུང་ཞིང་བཀྲ་ཤིས་པར་བྱེད་པ། གདོན་བགེགས་དགྲ་གསུམ་སྐྲོད་པ་དང་དབྱེ་བ་དང་རྨོངས་པར་བྱེད་པ། སྲིའུ་གསོ་བ། མ་མོ་རྣམས་བྱིས་པ་ལ་བརྩེ་ཞིང་བྱིས་པ་སྐྱོང་བ་ལ་བསྔགས། དེའང་གླང་ཕྲུག་སེང་གེ་མོས་གསོ་སྣུན་བྱས་པ་ཁྱུ་མཆོག་ཏུ་འགྱུར་བ་ལྟར་གོ་བ་ལེན་རྒྱུ་ཡོད། མཆན། ཁ་ཆར་དང་སེར་བ་གཅོད་འབེབས། གཏད་ཧྲུལ་འབྱིན། འདུན་བཤིགས། ལྟས་དང་ཆོ་འཕྲུལ་གཏོང་བ། གཡུལ་ཟློག་པ། སད་སྲུང་བ། དོན་སྒྲུབ་པ། ལོངས་སྤྱོད་སྤེལ་བ།

― TN03_Page_0905 ―

^{[མ་དཔེ་གཟིགས་ན་འདིར་གནོན།]}

(༥༤༧)ཆོམ་རྐུན་གཅན་གཟན་རྔོན་པ་སོགས་ཀྱི་ཁ་འཆིང་བ། ཚལ་དང་ཁང་བཟང་སོགས་གནས་གཞི་ཕུན་ཚོགས་སྒྲུབ་པ། བཅུད་ལེན་དགུག་པ། བཙོན་འགྲོལ་བ། །དབང་སྡུད་ཀྱི་ཁྱད་པར་མང་པོ་སོགས་ལས་ཚོགས་ཆེས་མང་པོ་ཞིག དམ་ཅན་ཕོ་ཉ་ལས་ལ་བསྐུལ༔ ཞེས་པས་བྱེད་དེ། སྒྱུ་འཕྲུལ་པ་ལ་ཡོངས་གྲགས་ལྟར་སྦྱོར་ན། དབང་མོ་རྣམས་ཀྱི་ཐུགས་ཀར་བྷྱོ་ཡིག་རེས་མཚན་པར་གསལ་བཏབ་སྟེ། གཙོ་བོའི་ཐུགས་ཀའི་འོད་ཟེར་གྱིས་བསྐུལ། དེའང་ཞི་བ་ལ་ཤར་གྱི་མ་མོ་བདུན་གྱི་ཐུགས་སྲོག་ལ་ཕོག་པས་རྒྱུད་བསྐུལ་ཏེ་ཞི་བའི་ཕྲིན་ལས་རབ་འབྱམས་ཐོགས་མེད་དུ་བསྒྲུབ་པར་བསམ། དེའི་འགྲེས་ཀྱིས་ལྷོའི་བདུན་གྱིས་རྒྱས་ལས་སོགས། མ་མོ་མཁའ་འགྲོ་དེ་དག་གི་ཐུགས་དགོངས་ལན་ཅིག་གཏད་པ་ཙམ་རེས་ཀྱང་དེ་འདྲ་དཔག་མེད་འགྲུབ་པའི་ཕྱིར་ཏེ། གསང་རྫོགས་མ་མོའི་ཛབ་དགོངས་ལས་ཤེས་སོ། །དེའི་ཚེ་ལས་སྒྲུབ་ཀྱི་སྔགས་ལའང་རྩ་སྔགས་རང་གིས་ཆོག་སྟེ། སྔ་མ་དེ་དེའི་ཛབ་དགོངས་སུ་བཤད་པས་ཤེས་པའི་ཕྱིར། དམ་ཅན་ཕོ་ཉ་ལ་ཀླུ་དང་གནོད་སྦྱིན་སོགས་གཞན་ཡང་མང་ངོ་། །འདི་སོགས་ནམ་རྦོད་གཏོང་གི་ལས་གྲུབ་པ་ན་སྔར་བཅོལ་ལས་ཀྱི་གཏང་རག་དུས་མི་ཡོལ་བར་གཏང་ཞིང་། ཕྱི་བཅོལ་ལས་ཀྱི་གཉེར་

― TN03_Page_0906 ―

^{[མ་དཔེ་གཟིགས་ན་འདིར་གནོན།]}

(༥༤༨)གཏོད་པ་ནི་གལ་ཆེ་བར་མང་དུ་གསུངས་སོ། ༈ །ལྷ་སྲིན་བྲན་དུ་འཁོལ་བའི་བཟླས་དམིགས་ལ་ཡང་སྒྱུར་ལུགས་མང་དུ་ཡོད་དེ། འདི་ལྟར། ཕྱོགས་སྐྱོང་དང་སྡེ་བརྒྱད་རང་རང་གི་སྡེ་རིས་སུ་གཏོགས་པའི་གདོན་རྣམས་ལ་བཀའ་ནན་འབེབས་པ་དང་། སོ་སོའི་རིགས་ཀྱི་བྲོ་དམ་པོས་བསྒུག་ཏུ་བཅུག་ན་རྒྱལ་བསེན་བཙན་འགོང་ཐེའུ་རང་སོགས་ཐམས་ཅད་ཁྱི་རྒོད་ལྕགས་ཕུར་ལ་བཏགས་པ་བཞིན་འཚེ་མི་ནུས་པར་འགྱུར་ཏེ། འདི་ནི་སྲུང་མཚམས་བཅིང་ལུགས་ཁྱད་པར་ཅན་གཙོ་བོ་དབང་དུ་བསྡུས་པས་འབངས་རང་ཤུགས་ཀྱིས་ནོན་པའི་མན་ངག་གོ །སྒྲུབ་ཆེན་དུས་ཕྱི་མཚམས་རྒྱལ་ཆེན་བཞིའི་སྲུང་བ་དང་། གསར་མའི་དཀྱིལ་ཆོག་དུ་མར། བགེགས་སྲུང་བའི་ཕྱིར་ཕྱོགས་སྐྱོང་ལ་གཏོར་མ་བྱིན་ནས་ལུང་བགོ་བར་བཤད་པ་སོགས་དང་ཚུལ་མཐུན་ཅིང་། སྟོང་ཆེན་རབ་འཇོམས་ན་ཡང་ཕྱོགས་འདྲ་ཡོད། གཞན་དུ་ཞོ་ཆང་ལད་པ་སོགས་ཚུན་ཆད་ལ་རང་ཐད་ཀྱི་སྲུང་བ་རེ་བྱར་ག་ལ་ལང་། དེ་བཞིན་དུ་གཟའ་སྐར་ས་བདག་སོགས་དེ་དག་གིས་དབང་བྱེད་པའི་ལོ་ཟླ་ཞག་དུས་ས་དགྲ་ཕྱོགས་ངན་སོགས་འཇམ་དུ་གཏོང་བ། རང་གཞན་གྱི་བླ་ཚེ་གཏད་དུ་བཟུང་བ་སོགས་ཕྱིར་སྤྲོད་དུ་གཞུག་པ། ཀླུའི་དུག་དང་མ་མོའི་ཚོན་དྲུག་གཤིན་རྗེའི་ཁ་རླངས་སོགས་སླར་

― TN03_Page_0907 ―

^{[མ་དཔེ་གཟིགས་ན་འདིར་གནོན།]}

(༥༤༩)སྡུད་དུ་རྩོལ་བ། སྡེ་བརྒྱད་ཀྱིས་དབང་བྱེད་པའི། ཁྱིམ་གསུམ་ཐོ་ལྟར་བསྟན་དགྲ་ལ་སྡེ་བརྒྱད་གཤེད་དུ་སྐོརབ་། སད་སེར་བཙའ་ཐན་འབུ་སོགས་ལོ་ཏོག་གི་གནོད་འཚེ་སྲུང་བ། གཏེར་ཆོས་དང་སྙན་གྲགས་སོགས་ཕྱོགས་བཅུ་ཀུན་ཏུ་སྒྲོགས་ཤིང་སྤེལ་བ། ཡུལ་མི་རྣམས་ཀྱི་སེམས་བསྒྱུར་ཏེ་སྡེ་འཁྲུགས་དང་ཆོམ་རྐུན་སོགས་ཞི་བར་བྱེད་པ་དང་། ཁྲོམ་ཚོགས་དབང་དུ་སྡུད་པ་དང་ལུང་སྒྱུར་བ། ཕྱི་སྣོད་ཡོ་བྱད་དང་བཅས་པ་དབང་དུ་བྱ་བ། མི་ཆོས་ཀྱི་ཡོན་ཏན་བརྟན་མཛངས་སྒམ་གསུམ་དང་བཙན་ཕྱུག་འཕན་དར་གྱི་དངོས་གྲུབ་ལེན་པ། གཡུལ་ཤོམ་བྱེད་པའི་སྡེ་དཔོན་མ་རུང་བ་སོགས་ལ་ནང་འཐབ་དང་བྲེལ་ཟིང་བརྒྱ་ཕྲག་སློང་བ། ཤག་དང་ཚོང་དང་དམག་དང་ཤྭ་རྒྱན་རྒྱལ་བར་བྱ་བ། མཁར་ལས་དང་ཆུ་རགས་སྐྱེ་ཤིང་འཛུགས་པ་སོགས་རྭ་ལོར་ཤམ་པོས་བཙུན་པ་བརྒྱ་ཕུལ་བ་དང་། འཇམ་དབྱངས་ཆོས་རྗེར་བཙུན་པ་ལྔ་སྟོང་ཕུལ་བའི་ལོ་རྒྱུས་ལྟར་དགེ་འདུན་གྱི་སྡེ་སྤེལ་བ། བརྩམས་པ་དོན་ཡོད་ཅིང་ཆུད་མི་ཟ་བར་བྱེད་པ་སོགས་མཐའ་ཡས་སོ། ༈ །ཡང་། ལོངས་སྤྱོད་རྡོ་རྗེའི་རྟ་སྐད་བཏོན་པས་གང་འདོད་ཀྱི་ཡུལ་དུ་སྨན་གྱི་ནགས་ཚལ་དང་ལྡུམ་ར་དང་། སྐྱེད་མོས་ཚལ་དང་། ཁང་བརྩེགས་དང་། ཚོང་ཁང་གི་ཕྲེང་བ་དང་། གཙུག་ལག་ཁང་གསུང་རབ་ཀྱིས་ཕྱུག་པ་དང་རིན་པོ་ཆེའི་འབྱུང་ཁུངས་སོགས་བཟང་ལ་རྒྱ་ཆེ་བའི་གནས་མང་པོ་བྱུང་བར་བལྟ་བའང་འཐད་དེ།

― TN03_Page_0908 ―

^{[མ་དཔེ་གཟིགས་ན་འདིར་གནོན།]}

(༥༥༠)མདོར་ན་རྟ་སྐད་དེ་ནི་ཀུན་ཏུ་བཟང་པོའི་བུམ་བཟང་དུ་ཤེས་པར་བྱའོ། ༈ །ལྐོག་གྱུར་མཐོང་བའི་ལས་སྦྱོར་ནི། །ཛབ་དགོངས་དང་པོའི་ཐུགས་ཀྱི་དངོས་གྲུབ་སྡུད་སྐབས། །མངོན་ཤེས་ཐོགས་མེད་ཀྱི་དངོས་གྲུབ་བསྡུ་དམིགས་རྩལ་དུ་བཏོན་པས་རབ་མངོན་ཤེས། ཐ་མ་འདོད་དོན་ལ་མི་འཁྲུལ་བའི་རྨི་ལམ་ཁྱད་པར་ཅན་འབྱུང་ངོ། །འདི་དང་གཏོར་ཟློག་སོགས་ཀྱི་ཡིད་ཉམས་གསལ་བ་དང་དཔའ་ངར་སོགས་གང་སྐྱེ་བ་ལ་ཡང་འཁུ་འཁྲིགས་རེ་དོགས་སོགས་ཀྱི་བཅོས་མ་ཤོར་བའི་ཤེས་རིག་སོ་མའི་སྟེང་ནས་དེ་དང་དེ་ལ་དགོངས་པ་གཏོད་རྒྱུ་ཡིན་ནོ། ༈ །བདག་ལ་གཞན་གྱིས་བྱད་ཁ་བྱེད་པའི་རྨི་ལྟས་བྱུང་ན༔ ཞབས་གཡས་པའི་འོག་ཏུ་གནོད་བྱེད་ཀྱི་ས་བོན་བསམ༔ དགྲའི་རྣམ་ཤེས་བཀུག་ལ་སྦྲུལ་གྱིས་དཀྲིས་ལ་ཞབས་ཀྱིས་མནན་པར་བསམ་ནས་སྔགས་བཟླས་ན་ཕྱིར་ཟློག་ཟབ་མོ་ཡིན་ནོ༔ ཞེས་སྐྱེར་སྒང་ལུགས་ཀྱི་རྩ་གཞུང་དུ་གསུངས་སོ། ༈ །བྲོའི་ལས་ཚོགས་ལ། རབ་དགའི་སྤྱོད་པ་འདི་ནི་དབང་གི་ཕྲིན་ལས་ལ་ཁྱད་པར་དུ་བསྔགས་ཏེ། འཇིག་རྟེན་ན་ཡང་བྲོ་གར་དང་གླུས་འགྲོ་བའི་ཡིད་འཕྲོགས་པར་བྱེད་པས་དེ་དག་གར་ཡོད་ན་ལྟད་མོ་བའི་སྐྱེ་བོ་མེ་ཏོག་ལ་བུང་བ་བཞིན་དུ་དགའ་ནས་འདུ་བ་ལྟར། དབང་ཆེན་ཡང་གསང་གི་བྲོ་ཆོག་

― TN03_Page_0909 ―

^{[མ་དཔེ་གཟིགས་ན་འདིར་གནོན།]}

(༥༥༡)ལས། རྟ་བྲོ་འཁོར་གསུམ་མམ་སྐོར་གསུམ་གྱི། དང་པོས་སྟེང་ལྷ་ཁམས། གཉིས་པས་འོག་ཀླུ་ཁམས། གསུམ་པས་བར་གྱི་ལྷ་སྲིན་དབང་དུ་སྡུད་པར་བཤད་ཅིང་། གསང་རྫོགས་རྩ་རྒྱུད་ལས། གླུ་བྲོ་སྐོར་གཅིག་གི་གཟུགས་མེད་ཁམས། གཉིས་པས་གཟུགས་ཁམས། ཐ་མས་འདོད་ཁམས་ཟིལ་གྱིས་གནོན་པར་གསུངས་པ་དང་། །ཞབས་གཡས་ཐབས་ཀྱི་བྲོས་ཁྲོ་བོའི་ཚོགས་དང་། གཡོན་ཤེས་རབ་ཀྱི་བྲོས་ཁྲོ་མོའི་ཚོགས་དབང་དུ་སྡུད་པ་དང་། གཡས་གཡོན་ཐབས་ཤེས་ཀྱི་བྲོས་བདུད་དགྲ་དམ་སྲི་ཐལ་བར་རློག་ཅེས་གཙོ་བོ་ཆེ་མཆོག་གི་བྲོ་ལ་སྦྱར་ཏེ་བཤད་པའང་འདྲ་བར་སེམས། འདི་ཉིད་ལས་ཀྱང་། ས་གསུམ་མ་མོ་མཁའ་འགྲོ་རྣམས༔ དབང་མེད་འདུ་ཞིང་ཡིད་འཕྲོགས་པས༔ཞེས་སོ། །ས་པ་གྱིས། གང་ན་ཐོད་དང་སྐྲ་གསར་དང་། །གར་དང་རོལ་མོའི་སྒྲ་ཡོད་པ། །དེ་ན་མྱ་ངན་ཡོད་མིན་པས། །དེས་ན་རོལ་མོ་བསྔགས་པ་ཡིན། །ཞེས་གསུངས་ཤིང་། རོལ་མོ་གཉིས་ལས་དེར་ལྷན་སྐྱེས་རོལ་མོ་ཞེས་དབྱངས་ལ་སྦྱར་བ་ལྟར། གླུ་གར་འདི་མྱ་ངན་མེད་པའི་བདེ་བའི་རྟེན་འབྲེལ་དུ་བསྔགས་པས་བྱུར་དང་མི་ཤེས་པ་སྦྱོང་བ་དང་བཀྲ་ཤིས་སྤེལ་བ་ལའང་ཟབ། ༈ །རྟ་མཆོག་རོལ་པའི་ཏནྡྲ་ལས། བྲོ་ནི་བརྟུལ་ཞུགས་ཆེན་པོ་སྟེ། །ཞེས་སོ། །ལྷའི་ང་རྒྱལ་དང་། དངོས་སམ་མོས་ངོའི་བདེ་སྟོང་གི་ངང་ནས་གང་སྣང་

― TN03_Page_0910 ―

^{[མ་དཔེ་གཟིགས་ན་འདིར་གནོན།]}

(༥༥༢)ལ་ཐོག་བརྫིས་སམ་བརྟུལ་ཞུགས་བྱས་པས། རྦབ་དང་། གཡངས་དང་། ས་གཡོ་དང་། ཤྭ་འུད་སོགས་ཆུ་བོའི་འཇིགས་པ་དང་། ཐོག་དང་། སེར་བ་དང་། སད་དང་། རླུང་དང་། མེ་དང་། མཚོན་ཆ་དང་། གཅན་ཟན་དང་། གཡུལ་གྱི་སྟོབས་དང་དཔའ་བ་དང་། ཆོམ་རྐུན་དང་། ཕྱོགས་ངན་དང་། ལོ་ཟླ་ཞག་དུས་དང་གཟའ་སྐར་དུས་སྦྱོར་ངན་པ་དང་། སྲི་ཀེགས་དང་། བྱད་ཕུར་རྦོད་གཏོང་དང་། གདོན་བགེགས་མ་རུངས་པ་དང་། ནད་ཡམས་དང་། ལྟས་དང་རྨི་ལམ་ངན་པ་དང་། གནས་དང་རྫས་དང་འཁོར་མི་ཤིས་པ་དང་། གྲིབ་དང་། གྱོད་དང་། གྲགས་པ་ངན་པ་དང་། ཆེར་རློམ་གྱི་ཁེངས་དྲེགས་གཟིག་བརྗིད་དང་། ཕས་རྒོལ་གྱི་སྤོབས་པ་དང་། གྲོས་ངན་དང་། ཀླུ་རིགས་བཞིའི་དུག་སོགས་དུག་རིགས་སོགས་ཕམ་པར་བྱ་བའི་དངོས་པོ་གང་དང་གང་ཡིན་ཡང་ཤིན་ཏུ་གཤེར་བའི་འཇིམ་པ་ལ་སྟོབས་ལྡན་གྱི་རྐང་པས་བརྫིས་པ་ལྟར་བྱེད་དེ། རྣལ་འབྱོར་པའི་ནུས་པའི་བྱེ་བྲག་གིས་རིམ་པ་མང་པོ་ཡོད་དོ། །དེར་མ་ཟད་བར་ཆད་ཀྱི་རུ་འདྲེན་ལ་བརྟུལ་ཞུགས་བཏང་བས་དེ་དག་ཉིད་དངོས་གྲུབ་ཀྱི་གྲོགས་སུ་འགྱུར་བའང་ཡོད་དེ། རྟ་མཆོག་རོལ་པའི་ཏནྡྲ་ལས། སྒྲུབ་པའི་དུས་དང་རྣལ་འབྱོར་པའི་དྲོད་ཉུལ་བའི་ཕྱིར། དང་པོར་ཀླུའི་བུ་མོ་མཛེས་

― TN03_Page_0911 ―

^{[མ་དཔེ་གཟིགས་ན་འདིར་གནོན།]}

(༥༥༣)ཤིང་རྒྱན་གྱིས་བརྒྱན་པ་དང་། ཕྲ་མེན་མ་མི་སྡུག་ཅིང་འབྲུ་ཚུགས་སུ་ལྟ་བ་མི་ཐོད་མང་པོས་བརྒྱན་ཅིང་སོད་ཆོད་ཀྱི་སྒྲ་འབྱིན་པ་དང་། བར་དུ་གནོད་སྦྱིན་རལ་པ་འབར་ཞིང་མིའི་རྒྱུ་མ་དང་མགོ་དང་སྦྲུལ་ནག་གིས་ནག་གིས་སྤྲས་པ་དྲག་པོའི་ང་རོ་ཅན་དུ་མ་དང་། དེའི་འོག་ཏུ་བར་སྣང་གི་ལྷ་དྲག་ཤུལ་ཅན་འཇིགས་ཤིང་མི་བཟད་པའི་ང་རོ་འདོན་པ། ཁ་ནས་སྦྲུལ་དང་མེ་དང་དུག་སྐྱུག་པ། མིག་ཉི་མ་ལྟར་འབར་བར་བསྒྱུར་ནས་ལྟ་བ་དང་། རང་གི་ཁོག་པ་ཕྱེ་བའི་ནང་ནས་མི་རོ་མང་པོ་སྟོན་ཅིང་། རྐང་པ་ཕུར་བུར་བསྒྱུར་ཞིང་ལག་ན་རྡོ་རྗེ་སོགས་ཐོགས་ནས་བདག་ལ་འདེབས་པར་བྱེད་པའི་ཚོགས་ལྷགས་ཏེ། དེ་དག་ཀུན་ལ་ཆགས་པ་དང་འཇིགས་པ་མེད་པར་ལྷའི་ཏིང་ངེ་འཛིན་དང་ལྟ་བས་ཟིལ་གྱིས་མནན་ན་མཐུ་བོ་ཆེའི་འཁོར་དེ་རྣམས་ཀྱི་བདག་པོར་འགྱུར་བར་གསུངས་པ་དང་། གསང་རྫོགས་དམ་སྲི་འདུལ་ཐབས་ལས་དམ་སྲི་བྱ་མཆུ་མ་ལེགས་པར་ཐུལ་ན་དྲག་པོ་མཐུའི་སྣ་ཁྲིད་དང་། ནོར་གྱི་ལྷ་མོ་ཆེན་མོར་འགྱུར་བར་གསུངས་པས་མཚོན་ནོ། ༈ །བྲོ་མནན་སྐབས། རྟ་བྲོས་ས་ལ་སྣ་ཚོགས་རྡོ་རྗེ་འབྲི་བ་སོགས་བཤད་པས། སྤྱན་མའི་མཁའ་དབྱིངས་རྡོ་རྗེར་བྱིན་གྱིས་བརླབས་པའང་ཡིན་ཏེ། ས་ཆོག་གི་སྐབས་གར་གྱིས་ས་གཞི་རྡོ་རྗེའི་རང་བཞིན་དུ་རློབ་པར་

― TN03_Page_0912 ―

^{[མ་དཔེ་གཟིགས་ན་འདིར་གནོན།]}

(༥༥༤)གསུངས་པ་དང་ཕྱོགས་འདྲ། དོན་དུ་དགྲ་བགེགས་རྡོ་རྗེའི་སྒྲོམ་དུ་བཅུག་པ་ཞེས་པར་འགྱུར། ཚུལ་དེས་ས་གཡོ་གནོན་པ་ལའང་ལྷག་པར་བསྔགས་སམ་སྙམ། ༈ བརྟགས་གཉིས་ལས། གླུ་གར་གྱིས་ཚོགས་སྲུང་ཞིང་། བདག་ཉིད་ཀྱང་སྲུང་ཞེས་གསུངས་པའི་རིགས་པས་རང་དང་འཁོར་སྲུང་བ་ལའང་ཟབ་པར་སྣང་། ༈ ནུས་པ་ཐོབ་པས་ནི་ཚོགས་སྤྱོད་དང་འབྲེལ་བར། དཀྱིལ་འཁོར་གྱི་འཁོར་ལོའི་རྣལ་འབྱོར་ལ་གནས་ཏེ་བྲོ་གར་གྱི་འདུ་འཕྲོ་ལས་འོད་ཟེར་སྣ་ཚོགས་འཕྲོས་པས་སངས་རྒྱས་ཀྱི་མཛད་པ་བསྒྲུབ། སླར་འདུས་པས་དཀྱིལ་འཁོར་གྱི་འཁོར་ལོ་འོད་གསལ་བར་བྱས་ཏེ་དབྱིངས་སུ་བཅུག །སླར་ཡང་སྙིང་རྗེའི་དབང་གིས་རིམ་གྱིས་སམ་ལྷག་པར་མོས་པས་ལྷར་ལངས་ཏེ། བྲོ་གར་གྱི་སྒོ་ནས་བསྒྲུབ་ན་དངོས་གྲུབ་ཆེན་པོ་འཐོབ་བོ། །ཡང་ས་གཞི་ཡི་གེ་སྒྱུ་འཕྲུལ་དུ་བསྒོམས་ཏེ། དེ་ལ་ལྷ་མ་ཡིན་གྱི་གནས་ལ་སོགས་པའི་ལམ་དུ་བརྟགས་ནས། བྲོ་གར་གྱིས་ཞུགས་ན་ས་འོག་གི་དངོས་གྲུབ་ཏུ་འགྱུར་རོ། །ནམ་མཁའ་ལ་ཡང་དེ་བཞིན་དུ་སྦྱར་བར་བྱ་སྟེ། ཚུལ་འདིས་ལྷ་དང་ཀླུའི་བུ་མོ་དགུག་པ་སོགས་ཀྱང་བྱེད་དོ། །ལྕེའི་པདྨ་ལ་ཧྲཱིཿཡིག་བསྒོམས་ཏེ། དེའི་འོད་ཟེར་གྱིས་འགྲོ་བ་རྣམས་ལ་སོ་སོའི་སྐད་དུ་ཆོས་སྒྲོགས་པ་

― TN03_Page_0913 ―

^{[མ་དཔེ་གཟིགས་ན་འདིར་གནོན།]}

(༥༥༥)པ་དང་། བདུད་དང་མུ་སྟེགས་ཟིལ་གྱིས་གནོན་པ་ལ་སོགས་པ་སངས་རྒྱས་ཀྱི་མཛད་པ་བསྒྲུབས་ཤིང་། སླར་སངས་རྒྱས་རྣམས་ཀྱི་གསུང་གི་ཚོགས་བསྡུས་ཏེ་ལྕེ་ལ་ཐིམ་པར་བསྒོམས་ནས་གླུ་བླང་བ་ལ་བརྩོན་ན་ཆོས་སྨྲ་བ་ལ་དབང་ཐོབ་པའི་དངོས་གྲུབ་འཐོབ་པ་ནི། གླུ་ཚིག་སྒྲ་ཡི་ཕྱག་རྒྱ་ཡིས། །ཆོས་ཀྱི་དངོས་གྲུབ་ཐོབ་པར་འགྱུར། །ཞེས་གསུངས། འདི་ནི་རྗེ་རོང་ཟོམ་པའི་རྒྱུད་འགྲེལ་ལས་བཤད་དོ། །བྲོ་གར་གྱི་འགྲོས་ཀྱིས་ས་དང་ནམ་མཁའ་ཐོགས་མེད་དུ་གཅོད་པ་འདི་ནི་རལ་གྲིའི་དངོས་གྲུབ་དང་བྱེད་ལས་མཉམ་པ་ཞིག་སྣང་ངོ་། ༈ །རྟ་བྲོ་སྟོན་པའི་རྟ་རྒྱུད་དུ། ངན་སོང་གནས་འཇོམས་ཀྱི་བྲོ་ཞེས་མང་དུ་གསུངས་ཤིང་། རྟ་མཆོག་རོལ་པའི་ཏནྡྲའི་ལེའུ་བརྒྱ་རེ་གཉིས་པར། འཁོར་བ་རུ་ནས་བཟློག་པའི་བྲོ། །ངན་སོང་གནས་ནས་འཇོམས་པར་མཛད། །ཅེས་གསུངས་ཏེ། སྡུག་བསྔལ་ཐུ་ཤོས། རིགས་དྲུག་གི་རུ་སྟེ་དང་པོའི་སྣ་ལ་བགྲེང་རྒྱུ་ནི་ས་འོག་ངན་སོང་གི་འཇིག་རྟེན་ཡིན་ཏེ། དེ་ལ་བདེ་ཆེན་གྱི་སྤྱོད་པ་འདིས་བསྣུན་པས་གཏིང་སྤྲུགས་པར་བྱེད་པར་བསྟན་ནོ། །ཟུར་འཁོད། ཐུགས་རྗེའི་རྟ་སྐད་རིགས་དྲུག་འདུལ། སོགས་དང་། ཐེག་པ་རིམ་པར་བགྲོད་པའི་རྟ་སྐད་ཀྱང་། དོན་དུ། འདིར་ཤོག་

― TN03_Page_0914 ―

^{[མ་དཔེ་གཟིགས་ན་འདིར་གནོན།]}

(༥༥༦)དང་ངས་ཁྱེད་ཆོས་དབྱིངས་སྒྲིབ་པ་མེད་པའི་གྲོང་ཁྱེར་དུ་སྒྲོལ་ལོ་ཞེས་ལུས་ཅན་རྣམས་འབོད་ཅིང་སྐུལ་བར་འགྲོ་བས། ནུས་པ་ཐོབ་པས་ནི་ངན་སོང་བའི་སེམས་ཅན་ལ་དམིགས་ནས་གླུ་བྲོ་བྱས་ན་གནས་ལུང་ཁྱད་པར་ཅན་དུ་འགྲོ་བར་གསལ་ལོ། ༈ །རྟ་སྐད་ཀྱིས་དབང་དྲག་རོལ་པའི་ལས་བྱེད་ཚུལ་ནི་རྫོགས་ལྡན་འཛིན་མ་དབང་བྱེད་ཀྱི་འཁོར་ལོའི་སྐོར་དུ་ལྟའོ། ༈ །བླ་མ་ཞི་བའི་གཞུང་དུ། རབ་གནས་སྲེག་བླུགས་སྐོང་ལ་སོགས༔ ཞེས་གསུངས་པའི་རབ་གནས་ནི་དཀྱུས་སུ་མི་གསལ་བས། སྐྱབས་རྗེས་སྤྱི་ལ་སྦྱོར་རྒྱུར་མཛད་པའི་དགེ་ལེགས་ཆར་འབེབས་བཞིན་བྱ་སྟེ། དེར་ཆོས་དང་ཟང་ཟིང་གི་འབྱོར་པ་རྒྱས་པའི་ཕྱིར་གཙུག་ལག་ཁང་དང་། མཚོ་རྫིང་ལུ་མ་འབབ་ཆུ་སོགས་ཕུན་སུམ་ཚོགས་པར་བྱ་བ་དང་སྐྱེད་ཚལ་དང་རི་དང་དེའུ་དང་ནགས་ལ་སོགས་པ་གཟི་བརྗིད་སྤོར་བ་དང་བཀྲ་ཤིས་ཤིང་ཡུན་དུ་གནས་པའི་ཕྱིར་དེ་དང་དེ་དག་དང་། ས་བཅུད་གསོ་བའི་དོན་དུ་གཏེར་བུམ་དང་། ཡུལ་གྱི་བཀྲ་མི་ཤིས་པ་ཞི་བའི་ཆེད་དུ་དྲིལ་བུ་དང་། གཡུལ་གྱི་ནང་དུ་བརྡུང་བྱའི་རྔ་བོ་ཆེ་དང་། དགེ་འདུན་བསྡུ་བའི་དོན་དུ་དུང་དང་། ནད་མཚོན་གདོན་དུག་སྲུང་བའི་དོན་དུ་སྔགས་མདུད་ལྷག་པར་གནས་པར་བྱ་བ་སོགས་འདི་གཅིག་པུས་ཀྱང་དགོས་པ་མང་པོ་བྱར་

― TN03_Page_0915 ―

^{[མ་དཔེ་གཟིགས་ན་འདིར་གནོན།]}

(༥༥༧)ཡོད་དོ། །གནས་བྱ་གང་ལ་རིགས་གང་གིས་རབ་ཏུ་གནས་པ་ནི། རྗེ་དང་མཆོག་གླིང་ཐུན་མོང་གི་ཟབ་གཏེར་མཉམ་སྦྱོར་རབ་གནས་རིན་དྲ་ལྟར་རམ། གཏེར་བདག་གླིང་པ་སོགས་ཀྱིས་སྤྱིའི་ཆོ་ག་ཕྲེང་བ་ལྟར་མཛད་པས་ཡང་ན་དེ་ལྟར་བྱའོ། ༈ །སྦྱིན་སྲེག་མདོར་བསྡུས་ནི་ཕག་མོའི་གཞུང་ལྟར་བྱ་ལ། རྒྱས་པར་སྤྲོ་ན་ཚར་ཆེན་གྱི་ཡང་གསང་སྦྱིན་སྲེག་ལྟ་བུ་ལ་གཞི་བྱས་ནས་བརྩམ་དུ་རུང་སྟེ། རཏྣ་གླིང་པས་རང་གི་རྟ་གསང་ལ་ཡང་གསང་དང་གསང་སྒྲུབ་ཀྱི་ཆོ་ག་ལས་ཁ་བསྐངས་པ་དང་། གསང་སྒྲུབ་མཁན་པོ་མཁས་པ་དུ་མས་ཡང་གསང་དང་གསང་འདུས་ཀྱི་ཚོགས་མཆོད་དང་གཏོར་བཟློག་སོགས་ནས་གསང་སྒྲུབ་ལ་མང་དུ་སྦྱར་བ་བཞིན་ཏེ། དེ་འདྲ་མང་ངོ། སློབ་མ་ལྟ་གོན་སྒྱུ་འཕྲུལ་ལས་ལེན་པར་གསུངས་པའི་རིགས་པས། སྒྱུ་དྲའི་སྦྱིན་སྲེག་སྦྱར་ནའང་འབྲེལ་ཆེའོ། ༈ །སྐོང་བཤགས་ནི་རྡོ་རྗེ་ཕག་མོའི་སྒྲུབ་གཞུང་ལྟར་བྱའོ། ༈ །རྟ་སྐད་ཀྱིས་གྲུབ་ཆེན་བརྒྱད་ཀྱང་དབང་དུ་བྱེད་པར་ཟུར་འཁོད་ཀྱིས་ཤེས། དེ་སྒྲུབ་ལུགས་ལདིར་ནི། ཕྲིན་ལས་བཞི་དང་གྲུབ་པ་བརྒྱད༔ ཅེས་དངོས་གྲུབ་གསོལ་ཚིག་ཏུ་འབྱུང་བ་ལས་གཞན་མི་གསལ་ཡང་། དབང་པོ་སྐལ་བའི་ཁྱད་པར་བཞིན༔ དམན་

― TN03_Page_0916 ―

^{[མ་དཔེ་གཟིགས་ན་འདིར་གནོན།]}

(༥༥༨)འབྲིང་མཆོག་གི་དངོས་གྲུབ་འཐོབ༔ འདི་ལ་དཔྱད་ཚུལ་འདི་ལས་ཞིབ་པ་གཅིག་ཟུར་དུ་བྲིས་ཡོད། །ཅེས་དངོས་གྲུབ་འབྲིང་པོ་སྐབས་འདིའི་དངོས་གྲུབ་ལེན་ཆོག་དུས་འཐོབ་པ་ཞིག་ཀྱང་བཤད་དོ། །མཆོག་གི་དངོས་གྲུབ་དེར་འཐོབ་པ་ནི་གཞན་ལས། མཆོག་ལ་དགོངས་པ་གཡོ་འགུལ་མེད༔ ཅེས་པ་ལྟར་བཏགས་པ་བཙམ་ལ་དགོངས་པར་མངོན། རྒྱུད་སྡེ་དུ་མར་བསྐྱེད་རིམ་པས་མཁའ་སྤྱོད་སོགས་འགྲུབ་པ་ལ། བསྐྱེད་རིམ་རགས་པ་ཙམ་མཐར་ཕྱིན་པའི་སྔགས་པས་ནི། རྫས་དང་སྲེག་བླུགས་སོགས་མང་པོ་ལ་བརྟེན་དགོས་པར་གསུངས་པ་ཡོད་དེ། རང་ཉིད་ཀྱིས་ནུས་པ་ཁྱད་པར་ཅན་རྙེད་པའི་སྒོ་ནས་དེ་དག་སྒྲུབ་པ་ལ་དགོངས་སོ། །དེ་དག་གཞན་སྟོབས་ལ་བརྟེན་ནས་འགྲུབ་པ་ལ་ནི་དེ་ཙམ་མི་དགོས་ཏེ། མཛོད་ལས། རྫུ་འཕྲུལ་གཞན་བརྟེན་མ་གཏོགས་པ། །དེ་དག་གོང་མཐོང་བ་མེད། །ཅེས་ཚུལ་གཉིས་བཤད་པ་ལྟ་བུའོ། །རང་ཉིད་ཀྱིས་ནུས་པ་སྔ་མ་ལྟ་བུ་མ་རྙེད་པར་གཞན་སྟོབས་ཀྱིས་དངོས་གྲུབ་ཆེན་པོ་ལ་སྤྱོད་མི་སྲིད་པ་མིན་པ་ནི། ཕྱག་རྡོར་དབང་བསྐུར་ལས། ཞིང་པ་དང་། འཁོར་སྒྱུར་དང་། དབང་ཕྱུག་ཆེན་པོའི་དཔེ་གསུངས་པ་བཞིན་ནོ། །ཀློང་སྙིང་ཡུམ་ཀར། མཁའ་སྤྱོད་ལ་སོགས་ཡོན་ཏན་བརྒྱད༔དངོས་སུ་གྲུབ་ཅིང་། ཞེས་དང་།

― TN03_Page_0917 ―

^{[མ་དཔེ་གཟིགས་ན་འདིར་གནོན།]}

(༥༥༩)ན་རོ་མཁའ་སྤྱོད་མའི་མཁའ་སྤྱོད་སྒྲུབ་ཚུལ་སོགས་ཀྱང་གཞན་སྟོབས་ལ་བརྟེན་པ་འདིར་སྣང་ངོ་། །དེས་ན་ལྷ་སྔགས་ཀྱི་ནུས་པ་ཆེར་སྐྱེས་པའི་མཚམས་ཤིག་ནས་ཡི་དམ་དངོས་ལ་དངོས་གྲུབ་ལེན་ཆོག་གི་བསླང་བ་ཙམ་གྱིས་མཁའ་སྤྱོད་དང་། མི་སྣང་བ་དང་། འཆི་མེད་ལ་སོགས་པ་འཐོབ་པ་ཞིག་ཀྱང་ཡོད་པར་མངོན་པས། གཞུང་འདིར་བསྟན་ཚོད་ནི་དེ་ལ་བྱའོ། ༈ །ལྷན་སྐྱེས་ཀྱི་རྣལ་འབྱོར་ཡོད་ན་ལས་བཞིའི་དངོས་གྲུབ་སྒྲུབ་པ་ལའང་ཁྱད་ཆེ་བ་ནི་སྒྱུ་འཕྲུལ་མཁན་པོ་རྣམས་ལ་ཡང་མ་གྲགས་པ་མིན་ཏེ། ལྗོན་པ་དང་ནི་ལྕུགས་ཕྲན་ཚལ། །སོགས་ཀྱི་ངེས་དོན་ལས་བཞིའི་གཟུངས་མ་ལ་བཞེད་པས་ཤེས་སོ། །ཐུན་མོང་གི་གྲུབ་པ་ཆེན་པོ་སྒྲུབ་ན་ཚོགས་སྤྱོད་སྔོན་དུ་གཏོང་བ་ཡང་དེ་དག་ལ་གྲགས་པ་ཡིན་ཏེ། བསྐྱེད་རིམ་པའི་ཚོམ་བུ་ཚོགས་སྒྲུབ་ཟླ་དྲུག་སོགས་བྱས་པའི་མཐར་འདོད་གཟུགས་ཀྱི་རིག་འཛིན་འགྲུབ་པའི་རྣམ་བཞག་གསུངས་པ་དེ་ཡིན་པའི་ཕྱིར། ༈ །དམ་པ་རྒྱན་ལས། གདུག་པ་སྲིད་གསུམ་འདུལ་བ་ཡི། །ང་རྒྱལ་ཆེན་པོ་བསྟན་པའི་ཕྱིར། །སྒྱུ་འཕྲུལ་དྲྭ་བའི་ཏིང་འཛིན་སྒོམ། །ཞེས་པ་ལྟར། དེ་བཞིན་གཤེགས་པའི་སྐུའི་དངོས་པོ་ཤིན་ཏུ་བསྒྱུར་ནས་ཁྲོ་བོར་མཛད་པའི་སྒོས་མཛད་ནི་བདུད་སྡེའི་དཀྱིལ་འཁོར་

― TN03_Page_0918 ―

^{[མ་དཔེ་གཟིགས་ན་འདིར་གནོན།]}

(༥༦༠)བརླག་པར་བྱེད་པ་དེ་ཡིན་པས། གསང་འདུས་ལེའུར། ཁྲོ་བོ་ཞེ་སྡང་གནས་ལས་སྐྱེས། །གསོད་ལ་རྟག་ཏུ་བརྩོན་པ་དག །གྲུབ་པ་མཆོག་གི་ཆོས་ཅན་ལ། །གསོད་པའི་དོན་གྱིས་གྲུབ་པར་འགྱུར། །ཞེས་གསུངས་ཏེ། གྲུབ་པར་འགྱུར། ཞེས་པ་ནི་འགྲུབ་པར་འགྱུར་ཞེས་པ་མིན་གྱི། དངོས་གྲུབ་ཏུ་འགྱུར། ཞེས་པའོ། །ཤིན་ཏུ་ཆེར་ཁྲོས་ཀྱི་ཧེ་རུ་ཀ་འདི་ལྟ་བུའི་ལས་སྦྱོར་ལ་དྲག་པོའི་ཕྲིན་ལས་གཙོ་ཆེ་སྟེ། རྒྱུད་ཀྱི་བཅུ་བདུན་པར། །སྨུག་ནག་སྔོ་ནག་སེར་ནག །སོགས་ལ་སོ་སོའི་རིགས་མི་འགྱུར་བས་ན་སྔོ་སེར་དམར་པོ་སོགས་སོ་སོ་དང་། དྲག་པོའི་ལས་གཙོ་བོར་མཛད་པས་ཐམས་ཅད་ལ་ནག་པོ་འབྲེལ་བར་བཤད་པ་ལྟ་བུ་དང་། སྒྲུབ་ཆེན་བཀའ་བརྒྱད་ལས་ཀྱང་དྲག་པོའི་གཟེར་ཁ་ཁོ་ན་ལས་སྦྱོར་ཐམས་ཅད་ཀྱི་རྩ་བར་གསུངས་སོ། །དེ་ནི་ཛབ་ཏུ་ཡང་འབྱུང་ལ། ཟུར་དུ་སྒྲུབ་ལུགས་ནི། གཏོར་ཟློག་གུར་དྲག་ནས་སྦྱོར་བར་གསུངས་པ་དེ་དང་། མནན་པ་དཀྱུས་བཤད་དང་། སྲེག་དོན་དུ་དབང་ཆོག་ན་ཧོ་མ་མཆོད་ཀྱི་ལས་རིམ་ཤོ་ལོ་ཀ་གཅིག་བཞུགས་པ་དེ་ལ་རྩ་ཐོ་བྱས་ན་སྨིན་གླིང་དྲག་མར་སོགས་ཀྱི་ཧོམ་ཆོག་དང་། སྒྱུ་འཕྲུལ་ལུགས་ཀུན་དང་ཤིན་ཏུ་མཐུན་ནོ། །པ་ཟུར་ཐོ་ལྟར་ཏེ་འདི་རྣམས་ཡིན་ནོ། །དེ་ལས་གཏོར་ཟློག་ནི་བར་ཆད་ཀྱི་དམག་དཔུང་ལ་རྡོ་རྗེའི་སྒྱོགས་གྲུབ་ཐོབ་བཀའ་བརྒྱད་དུ། །དྲག་སྔགས་བུར་ཞིང་སྒྱོགས་སུ་འཕང་༔ ཞེས་སོ། །འཕང་བའི་ཆོ་ག་སྟེ། བརྒྱ་བྱིན་གཡུལ་ངོར་

― TN03_Page_0919 ―

^{[མ་དཔེ་གཟིགས་ན་འདིར་གནོན།]}

(༥༦༡)འཇུག་པ་ན་དམ་བཅའ་གསུམ་ལྡན་གྱི་རྡོ་རྗེ་འཕེན་པའི་དོད་ཡིན་པས། དབང་ཆེན་གྱི་རྒྱལ་ཐབས་བཟུང་ནས་རྒྱལ་བའི་བསྟན་པ་སྲུང་ན་འགལ་ཟླ་ལྷ་མིན་གྱི་སྡེ་དང་གཡུལ་འགྱེད་པའི་མན་ངག་འདི་གཅེས་པའི་མཐར་ཐུག་མཚོན་ཆའི་ནོར་བུ་ཡིན་ནོ། །གཤིན་རྗེ་དྲེགས་འཇོམས་ལས་ཟློག་པའི་མན་ངག་གིས་སྲེད་མེད་བུའི་སྟོབས་ཀྱང་ཇོམས་ནུས་པར་གསུངས་པ་ལྟར། །གཤིན་རྗེའི་བེ་ཅོན་དང་། དྲང་སྲོང་གི་དམོད་པ། ལྷ་མ་ཡིན་གྱི་སྒྱུ་ཐབས་སོགས་གདུག་རྩུབ་ངར་ཤུགས་སེར་སྤྲིན་ཁོལ་མ་ལྟ་བུ་རྣམས་ཀྱང་སོས་ཀའི་ཐན་སྤྲིན་ལྟར་བྱེད་དོ། །དེའང་སོག་སྦུར་བྱེ་བ་ཐེར་འབུམ་གྱི་གདོང་དུ་འདུག་མཁན་ལ་འཐོར་རླུང་དྲག་པོའི་འཁྲུལ་འཁོར་གཅིག་ཁོ་ནས་ཆོག་པ་ལྟར། ནད་རིམས། མཛེ་གདོན། སྨྱོ་འདྲེ་སོགས་གདོན་རྒོད། འཆི་བདག་གི་སུན་མ། ཀླ་ཀློའི་སྲུང་མ་སོགས་ནག་ཕྱོགས་ཀྱི་ཉུལ་མ། སྡེ་བརྒྱད་འཁྲུགས་པའི་དམག་དཔུང་། དགྲ་ཇག །དམག་སྡེ། སད་སེར་བཙའ་འབུ་སོགས་ལོ་ཉེས། གཞན་ཡང་འབྱུང་བཞིའི་འཇིགས་པ། བྱད་ཁ་ཕུར་ཁ། གཏད་དང་འཁྲུལ་འཁོར། མཚོན་གཡང་སོགས་གྲི་རྒོད། དགྲ་དུར་ཕུང་གསུམ་སོགས་སྲི་རིགས། རྒྱལ་པོའི་ཆད་པ། འབངས་ཀྱི་གྲོས་

― TN03_Page_0920 ―

^{[མ་དཔེ་གཟིགས་ན་འདིར་གནོན།]}

(༥༦༢)ངན། གྱོད་དང་མི་ཁ་མི་ཁ་གླེང་གཞིའི་ནུས་པས་བསོད་ནམས་དང་ཚེ་སྲོག་གློ་བུར་དུ་འགྲིབ་ཅིང་བཀྲ་མི་ཤིས་པ་འདུ་བར་ཐུགས་སྒྲུབ་ཞལ་གདམས་སྙིང་བྱང་སོགས་ལས་གསུངས་བས་ལས་སྦྱོར་སྤུ་གྲི་དང་གཏོར་ཟློག་གིས་དེ་འདུལ་བ་གལ་ཆེ། བྲ་མཆུ། བསྟན་འགྲོའི་ལེགས་ཚོགས་སྒྲུབ་པ་ལ་གཉའ་མནན་ནས་རང་དགར་བྱེད་དུ་མི་སྟེར་བའི་གཞན་དབང་མང་པོ་སོགས་མཐའ་ཡས་པ་ཞིག་ལ་འདི་ཕོག་པ་ཙམ་གྱིས་ཆོག་པས། ནད་བདག་སྟོབས་འཇོམས་དང་། དམག་ཟློག་གཤིན་རྗེ་ཚོང་ཟློག སྲི་ཟློག །འགོང་པོ་བསྐྲད་པ། བྱད་ཟློག །དགྲ་རྐུན་འཆིང་བ། གྲི་འདུལ་སོགས་ཀྱི་གོ་ཐམས་ཅད་འདི་གཅིག་པུས་ཆོད་པར་ཤེས་ནས། དཔེ་མང་འཚོལ་བའི་ངལ་བ་བཞག་སྟེ་འདི་རལ་གྲི་ཕྱུངས་རྡེག་ཏུ་སྲེལ་བར་བྱའོ། །ཇག་ཆིངས་ལྟ་བུར། ལམ་དུ་འཇུག་གྲབ་བྱེད་དུས་ནས་དགྲ་ཇག་སོགས་འབྱུང་འགྱུར་ལ་དམིགས་ནས་གཏོར་ཟློག་བྱས་པས། ཕྱིས་རང་ཐད་དུ་རྩོལ་བ་གཞན་མི་དགོས་པར་རླུང་ནུབ་ཏུ་རྒྱུ་བ་ན་རྡུལ་ཤར་ཕྱོགས་སུ་འོང་མི་ནུས་པ་ལྟར་འགྱུར་བ་སྟེ། །དགྲ་ཕྱོགས་སུ་རྫས་གཏོར་བ་དང་མདུད་པའི་རྟེན་འབྲེལ་ལ་སོགས་པའི་ཇག་ཆིངས་རྣམས་ལས་ཀྱང་ཚན་ནི་འདི་ཆེ་ཞིང་། འདིར་ལས་རིམ་གཅིག་པོ་དེས་ནད་དང་དོན་ཉམས་སོགས་རེས་དེའི་ཉེར་འཚེ་མཐའ་དག་འཆིང་ནུས་ལ། ཇག་ཆིང་གཞན་ལ་དེ་མེད་པ་སོགས་ཤེས་

― TN03_Page_0921 ―

^{[མ་དཔེ་གཟིགས་ན་འདིར་གནོན།]}

(༥༦༣)པར་བྱའོ། །མནན་པ་སོགས་ལའང་ཟབ་གནད་དེ་བཞིན་ཡོད་དེ་ཟུར་ཐོའང་ཁྱད་འཕགས་ཡོད། ༈ རྟ་མཆོག་གི་རྒྱུད་དང་མན་ངག་ན་བཞུགས་པའི་ལས་ཚོགས་གཞན་ཡང་འདིར་སྦྱོར་ཞེས། གཞན་ཡང་ལས་ཚོགས་རབ་འབྱམས་རྣམས༔ སོགས་ཀྱིས་བསྟན་མོད། འོན་ཀྱང་འདིར་ནི་རང་གཞུང་གི་ཛབ་དགོངས་དང་བྲོ་ཆོག་སོགས་ལས་ཕྱོགས་མཐོང་ཟིན་སོ་ཆེ་བ་རྣམས་ཁོ་ན་གཞིར་བཟུང་སྟེ། རྩ་བའི་ཁུངས་རྣམས་ལ་ཡང་བལྟས་ནས་རིགས་པ་འཕྲུལ་ཚུལ་གྱི་སྒོ་ཙམ་བྲིས་ཤིང་། ཤངས་ལུགས་རིགས་མཐུན་གྱི་གཏེར་ཁ་ཡིན་པ་དེ་ནས་ཀྱང་ལེགས་པར་ཁ་བཀང་བའོ། ༈ །རྡོ་རྗེ་སྙིང་པོ་རྒྱན་གྱི་རྒྱུད་ཀྱི་རྟ་མགྲིན་སྒྲུབ་ཐབས་ལས། དེ་ཉིད་བཅོམ་ལྡན་རྣལ་འབྱོར་ཏེ། །རྡོ་རྗེ་སེམས་དཔའ་དེ་བཞིན་གཤེགས། །པདྨ་གར་གྱི་དབང་ཕྱུག་གྱུར། ། །རྟ་མགྲིན་ཞེས་སུ་བཤད་པ་ཡིན། །ཞེས་པ་ནས། པདྨའི་དབང་ཕྱུག་རྒྱལ་པོ་འདི། །ཀུན་མཆོག་ས་ཡི་དབང་ཕྱུག་སྟེ། །རྟ་ཡི་མགྲིན་པ་སྟོབས་པོ་ཆེ། །སྟོབས་ཀྱི་སྦྱོར་བས་བསྒྲུབ་པར་བྱ། །དབང་ཕྱུག་ཆེན་པོ་ལ་སོགས་ལྷ། །ཚོགས་ཀྱི་བདག་པོ་གཞན་དག་དང་། །མི་དང་གདུག་པའི་བསམ་པ་ཅན། །ས་རྣམས་ཐམས་ཅད་དགུག་པར་བྱ། །ཞེས་གསུངས་

― TN03_Page_0922 ―

^{[མ་དཔེ་གཟིགས་ན་འདིར་གནོན།]}

(༥༦༤)ཏེ། དྲེགས་པ་དང་། མ་རུང་བ་དང་། ས་ཐམས་ཅད་དབང་བྱེད་ལ་ལྷག་པར་བསྔགས་པའོ། ༈ །གླུ་གར་ཙམ་གྱིས་དངོས་གྲུབ་མང་པོ་བྱེད་པ་ནི་ངོ་མཚར་ཞིང་བསམ་མི་ཁྱབ་པ་སྟེ། ཀླུའི་རྒྱལ་པོ་རྣམས་དགའ་བའི་སེམས་གཟུགས་མེད་ལས་གཞན་འཕྲུལ་དབང་བྱེད་མན་ཆད་ཀྱི་ལྷ་དང་མིའི་གནས་ཐམས་ཅད་དུ་སྤྲིན་དང་གློག་དང་ཆར་དང་འབྲུག་སྒྲའི་རོལ་པ་སྣ་ཚོགས་ཤིང་ཚད་མེད་པ་གཟུགས་ཅན་འབྱུང་བ་བཞིན་ཏེ། འདིར་གྲུབ་པ་བཞིའང་དྲན་པར་བྱའོ།། ༈ །།སྤུ་གྲིའི་སྔགས་སྒྲུབ་ཀྱི་ཐད་དུ། ཐུགས་སྒྲུབ་ཞལ་གདམས་སྙིང་བྱང་ལས། །དངོས་གྲུབ་ཆེན་པོ་སྒྲུབ་པ་དང་། །གཞན་དོན་ལས་ལ་འཇུག་པ་སོགས། །གང་ལའང་སྲི་ཡིས་བར་གཅོད་ན། །རྣམ་པ་ཀུན་ཏུ་དོན་ཉམས་ཤིང་། །མི་མཐུན་ཁོ་ནའི་དབང་དུ་འགྲོ། །ཞེས་སོ། །ཡང་དེར། འགོང་པོ་འཁྲུགས་བྱེད་ལོ་ཉེས་གཏོང་། །མི་ནད་ནོར་ནད་ཆག་སྒོ་ངན། །ལྟས་ངན་དམ་ཉམས་དབྱེན་སྦྱོར་བྱེད། །བསེ་རག་བྱེད་དང་དགུ་པོ་ནི། །ཞེས་འཁྲུགས་བྱེད་ཀྱི་འགོང་པོ་སྤྱང་མགོ་རུ་དར་ཅན་སོགས་དགུ་སྟེ། མ་འོངས་བོད་ཁམས་མཐའ་དབུས་ཀུན། །འགོང་པོ་སྤུན་དགུས་དབང་བྱས་ཏེ། །དུས་འཁྲུགས་ནད་ཡམ་ལོ་ཉེས་གཏོང་། །ཀུན་ཀྱང་

― TN03_Page_0923 ―

^{[མ་དཔེ་གཟིགས་ན་འདིར་གནོན།]}

(༥༦༥)སྙིང་འཕྱོ་ཡིད་མི་དགའ། །སོགས་དང་། མ་འོངས་སྙིགས་མའི་དུས་ཀྱི་ཚེ། །མཐའ་བཞིའི་འགོང་པོས་བོད་ཁམས་ཁེངས། །དབུས་ཀྱི་དམ་སྲི་གློ་བུར་ལྡང་། །བར་ཆད་རླུང་ལྟར་འཚུབ་པའི་ཚེ། །ཚེ་དང་ནོར་དང་ཤེས་རབ་སོགས། །ཡོན་ཏན་ཕུན་སུམ་ཚོགས་གྱུར་ཀྱང་། །རླུང་དམར་དབུས་ཀྱི་མར་མེ་ལྟར། །འགལ་རྐྱེན་དུ་མས་གློ་བུར་གསོད། །ཚེ་ཐུང་ནོར་རྒུད་ཤེས་རབ་འགྲིབ། །བློ་སྣ་འགྱུར་ཞིང་མི་རུང་སྤྱོད། །ཅེས་ཏེ། །དེ་ལྟར་མཐའ་བཞིའི་འབྱུང་བཞིའི་འབྱུང་པོ་དང་། །དབུས་ཀྱི་དམ་སྲི་གློ་བུར་བསྡོང་། །བོད་ཁམས་ཆུ་ལྟར་འཁྲུགས་པའི་ཚེ། །ཞི་བའི་ཐབས་ཀྱིས་མི་འདུལ་བས། །ཞེས་མཐའ་དབུས་བསྡོང་བ་དང་། དེ་གདུལ་དཀའ་བར་བཤད། དེ་ལྟར་མཐའ་དབུས་ཀྱི་འབྱུང་པོ་བསྡེབ་པའི་དབང་གིས། མི་རྣམས་ཀྱང་མཐའ་དབུས་འདྲེས། ཆས་སྤྱོད་འགྱུར། གྲུབ་མཐའ་འཆོལ། བོད་ཁམས་སིལ་བུར་འཐོར། ལྷ་རྒྱུད་ཆད། སྔགས་རྒྱུད་ཉམས། ཆོས་སྲིད་གང་ཡང་རང་ཚུགས་ཤོར། བརྟན་པ་བྲལ་ཏེ། སྡུག་བསྔལ་གྱི་མཚོ་ཆེན་རྡོལ་བར་བཤད་དོ། །དཔལ་འདུས་སུའང་། མ་འོངས་ལྔ་བརྒྱ་ཐ་མའི་ཚེ༔ མཐའ་ཡི་རྒྱ་འདྲེ་འབྱུང་པོ་དང་༔

― TN03_Page_0924 ―

^{[མ་དཔེ་གཟིགས་ན་འདིར་གནོན།]}

(༥༦༦)དབུས་ཀྱི་དམ་སྲི་གློ་བུར་བསྡོངསཿ ཆོས་པའི་སྙིང་ཞུགས་མི་དགེ་སྤྱོདཿ སྐྱེ་བའི་སྙིང་ཞུགས་སྡིག་རྒྱུན་སྤེལཿ རྨི་ལམ་བཙུན་པ་བྱ་སྤྲེལ་རྨིཿ བག་མི་ཕེབས་ཤིང་སྙིང་རླུང་ལྡང་ཿ ཞེས་དང་། མ་འོངས་བསྐལ་པའི་ཐ་མལཿ སྔགས་ལ་སྤྱོད་ཅིང་དམ་ཚིག་བྲལཿ དེ་དག་འགོང་པོའི་དབང་གྱུར་ཏེཿ བྱ་རུ་མི་རུང་སྣ་དགུ་སྤྱོདཿ དེ་ཡི་རྒྱུ་འབྲས་འཇོམས་པ་ལཿ གཉེན་པོ་འདི་ལས་གཞན་དུ་མེདཿ ཅེས་བཤད་དེ། དེ་འདྲ་བ་ལ་སྟོང་ཉིད་སྙིང་རྗེ་ཁྲོས་པའི་ལྷ་སྔགས་འདི་ལྟ་བུ་ཞིག་དགོས་པ་ཡིན་ནོ། །མཐུ་ཆེན་གྱི་འབྱུང་པོ་གཅིག་ཙམ་བཏུལ་བ་ལའང་དགོས་པ་མང་དུ་འབྱུང་སྟེ། དབང་ཆེན་གྱི་མི་དཔོན་རེ་རེ་བཏུལ་བས་ཀྱང་ཡུལ་ཁམས་ཆེན་པོ་བདེ་སྐྱིད་ཆོས་གསུམ་ལ་སྦྱོར་ནུས་པ་བཞིན་ནོ། །རང་བྲག་ཕུག་ཏུ་ཡིབས་ཀྱང་གདུལ་དཀའི་འགྲོ་བ་རྒྱུན་མི་འཆད་དུ་འདུལ་བའི་ཐབས་ཤིག་འདི་ན་ཡོད་པས། ལྷག་བསམ་དང་སྙིང་སྟོབས་ཀྱི་དཔུང་བ་བརྟན་པར་བྱས་ཏེ། སྔགས་ཀྱི་རལ་གྲི་འདི་ཕྱུང་རྒྱག་ཆོག་པ་བྱའོ། །མཁའ་ཁྱབ་ཀྱི་འགྲོ་བ་རིས་མེད་ལ་སྙིང་རྗེ་ཆེན་པོའི་སྟོབས་བསྐྱེད་དེ། དེ་རྣམས་ཀྱི་ཕན་བདེའི་ཆེད་དུ། བདེ་ལེགས་ཐམས་ཅད་ཀྱི་འབྱུང་གནས་རྒྱལ་བསྟན་སྲུང་བ་དང་། བསྟན་དོན་

― TN03_Page_0925 ―

^{[མ་དཔེ་གཟིགས་ན་འདིར་གནོན།]}

(༥༦༧)བྱ་བར་གོ་བགོ །དེའང་ཆོས་ཀྱི་དབྱིངས་ཇི་སྲིད་པའི་ཡུལ་དུས་ཀུན་ཏུ། བསྟན་པ་མདོ་སྔགས་ཀྱི་ཆ་མཐའ་དག་དང་། སངས་རྒྱས་ཐམས་ཅད་ཀྱི་བསྟན་པའི་མཛོད་མ་ལུས་པ་དང་། སྙིགས་མ་ལྔ་དང་ལྡན་པའི་ཞིང་དུ་བྱུང་བའི་བསྟན་འཛིན་གྱི་སྡེ་དང་གང་ཟག་ཡོད་དགུ །སྲུང་བའི་རྟེན་སྐྱེ་བ་ཐུག་མེད་དུ། རྣམ་པའི་སྒོ་ཐམས་ཅད་ནས་སྲུང་ཞིང་རྒྱས་པར་བྱེད་ནུས་པའི་མཐུ་སྒྲུབ་བོ་སྙམ་དུ་སྙིང་སྟོབས་བསྐྱེད་ན། ཆོས་རྣམས་སྔོན་དུ་ཡིད་འགྲོ་ཞིང་། །ཡིད་གཙོ་ཡིད་ནི་མགྱོགས་པ་ཡིན། །ཞེས་བསམ་པའི་ཁྱད་འདི་དང་པོ་ས་བོན་དང་། བར་དུ་ཆུ། ཐ་མ་སྨིན་པ་དང་འདྲ་བས་སྟོབས་གཏན་ནས་མི་མཚུངས་པ་ནམ་མཁའ་དང་ཡུངས་འབྲུ་བཞིན་ནོ། །དམིགས་པ་རྒྱ་ཆེན་སྒྲུབ་པ་རྒྱ་ཆེ། དེ་ཆེན་འབྲས་བུ་རྒྱ་ཆེ་ཞེས་པ་དང་། ཉི་ཚེ་བ་ལས་ཉི་ཚེ་དང་། །མཐའ་དག་པ་ལས་མཐའ་དག་པའི། །འབྲས་བུ་འབྱུང་བར་གསུངས་པའི་ཕྱིར། །ཞེས་པ་འདི་རྐྱེན་ལྟོས་ཀྱི་རྟེན་འབྲེལ་སྨྲ་བའི་རྩ་བའི་གྲུབ་མཐའ་འོ། །སྟོན་པས་རྒྱལ་སྲས་རྒྱ་མཚོའི་དབུས་སུ་ཕྱག་རྡོར་ལ་རྡོ་རྗེ་གནང་སྟེ་མཐུ་སྟོབས་ཀྱི་བདག་པོར་དབང་སྐུར་དུས་ཀྱང་། དེ་བཞིན་གཤེགས་པ་རྣམས་ཀྱིས་ཁྱོད་ལ་བསྟན་པ་སྲུང་བ་དང་། བསྟན་པའི་དོན་

― TN03_Page_0926 ―

^{[མ་དཔེ་གཟིགས་ན་འདིར་གནོན།]}

(༥༦༨)བྱ་བར་གནང་ངོ་ཞེས་བསྟན་པ་གཏད་པས། སངས་རྒྱས་དགྱེས་པའི་ནུས་མཐུ་སྒྲུབ་ལུགས་མ་ནོར་བ་ནི་ལྟར་ཡིན་ངེས།། ༈ །།གུ་རུ་ཞི་བའི་རྒྱུའི་ས་བོན་དང་ཐུགས་སྲོག་ལ་ཧཱུཾ་དུ་བྱེད་པ་སོགས་ཀྱང་ཡོད་མོད། ཧྲཱི༔ཡིག་ལ་མཛད་པ་འདི་ནི་ཁྱད་པར་འཕགས་ཏེ། ཧྲཱིཿཤེར་་ཕྱིན་པདྨའི་རིགས་ཀྱིས་བོན་དུ་བསྔགས་པ་ཐུགས་རྗེ་ཆེན་པོའི་ཟིན་ཐོ་ལྟར་དང་། ཤ་འུག་གཏེར་བྱོན་གར་དབང་ཚེ་སྒྲུབ་ཀྱི་ལོ་རྒྱུས་ལས། རྒྱ་གར་མཁས་པ་པདྨ་འབྱུང་གནས་ང་༔ གདུལ་བྱའི་མོས་ངོར་ཇི་སྙེད་སྤྲུལ་པའི་གར༔ ཆུ་ཟླའི་རོལ་པར་བསམ་མི་ཁྱབ་སྟོན་ཏེ༔ ངོ་བོ་མི་འགྱུར་ཀུན་བཟང་སྣང་མཐའ་ཡས༔ རྒྱལ་བ་རྒྱ་མཚོའི་ཁྱབ་བདག་སྤྱི་མེས་ཡིན༔ དེ་ཕྱིར་ང་བསྒྲུབ་སངས་རྒྱས་ཀུན་བསྒྲུབ་འགྱུར༔ ལྷ་གཞན་བསྒྲུབ་ཀྱང་ང་ཉིད་བསྒྲུབ་པ་སྟེ༔ བཟང་ངན་ཕྱོགས་རིས་འདི་ཞེས་དབྱེ་བ་མེད༔ འོན་ཀྱང་སྔོན་གྱི་སྨོན་ལམ་ཁྱད་པར་གྱིས༔ པདྨའི་རིགས་སུ་བསྒྲུབ་ན་དངོས་གྲུབ་མྱར༔ ཕྲིན་ལས་མཐའ་རྒྱས་གཞན་སྣང་དབང་དུ་སྡུད༔ འགལ་རྐྱེན་མི་འབྱུང་བྱང་ཆུབ་གོ་འཕང་ཉེ༔ ཞེས་གསུངས་པས་གུ་རུའི་རྒྱུ་མ་ནོར་བ་རྩ་བའི་སྔགས་སུ་པདྨའི་རིགས་ཀྱི་རྩ་བའི་ཡི་གེ་ཉིད་ཆེས་འཐད་པའི་ཕྱིར་རོ། །འོན་ཀྱང་འདིའི་གཙོ་བོ་འོད་གསལ་རྡོ་རྗེར་

― TN03_Page_0927 ―

^{[མ་དཔེ་གཟིགས་ན་འདིར་གནོན།]}

(༥༦༩)གསུངས་པ་ནི། རིགས་རེ་རེའང་རིགས་དྲུག་ཀའི་བདག་ཉིད་དང་། ཡེ་ཤེས་རེ་རེའང་ཡེ་ཤེས་དྲུག་ཀའི་ངོ་བོ་ཉིད་ཡིན་པ། །ཕྲེང་བ་ལས་རིགས་རེ་རེའང་ལྔ་ལྔའི་རང་བཞིན་དུ་བཤད་པ་ལྟ་བུ་སྟེ། དེ་ལས་འདིར་པདྨའི་རིགས་ལ་རིགས་དྲུག་ཏུ་ཕྱེ་བའི་རིགས་ཐམས་ཅད་བསྡུས་པའི་དཀྱིལ་འཁོར་གྱི་དབང་དུ་མཛད་པའོ། །ཧྲཱིཿཡིག་གི་བཤད་པ་གཞན་ཡང་ཚེ་སྒྲུབ་ཡེ་ཤེས་འོད་མཆོག་ལས། བཞི་པ་བསྙེན་པ་སྲོག་གི་བཟླས་པ་ནི༔ ཐུགས་ཀར་ཧྲཱིཿགསལ་ཧྲཱིཿཡིག་མང་དུ་བཟླས༔ དེ་བཞིན་གཤེགས་པ་ཀུན་གྱི་སྲོག་ཡིན་ནོ༔ ཧ་ནི་རླུང་ཡིན་ལོངས་སྐུ་ཀུན་གྱི་སྔགས༔ དེ་ཉིད་བཟླས་ན་རླུང་སེམས་གཉིས་མེད་གྲོལ༔ ར་ནི་སྤྲུལ་སྐུ་སྨིན་བྱེད་དེ་ཡིན་ཏེ༔ དེ་བཟླས་དྲོད་ཀྱི་ཡེ་ཤེས་སྐྱེ་བར་འགྱུར༔ ཨ་ནི་སྐྱེ་མེད་ཆོས་ཀྱི་སྐུ་ཡིན་ཏེ༔ ཨི་ནི་དོན་དམ་ངོ་བོ་ཉིད་དང་ལྡན༔ རྟོགས་ཤིང་བཟླས་པས་བདེ་སྟོང་མཆོག་ཏུ་འགྱུར༔ དེས་ན་བདེ་གཤེགས་ཡོངས་འདུས་སྔགས་འདི་བསྙེན༔ ཧྲཱིཿ ཞེས་རླུང་སེམས་ཐམས་ཅད་གཏུམ་མོའི་དབྱིངས་སུ་ཞུགས་པ་ལས་བདེ་སྟོང་ལྷན་སྐྱེས་ཀྱི་ཡེ་ཤེས་འཆར་ཞིང་། དེ་ལས་རྡོ་རྗེ་གསུམ་མམ་སྐུ་གསུམ་དབྱེར་མེད་པའི་གོ་འཕང་ལ་སྦྱོར་བའི་རྡོ་རྗེའི་ལམ་གནད་ཆེས་རྨད་དུ་བྱུང་

― TN03_Page_0928 ―

^{[མ་དཔེ་གཟིགས་ན་འདིར་གནོན།]}

(༥༧༠)བ་བསྟན་ནོ། ༈ །འདིའི་འཛབ་མཇུག་བསྡུ་བའི་དངོས་གྲུབ་སྐུལ་བ་དང་འབྲེལ་བར་ཐུགས་རྗེ་སྐུལ་ཆོག་རྒྱས་པར་སྤྲོན་བླ་མ་བསྟན་གཉིས་སྐོར་གསུམ་ལྟར་བྱེད་བཏུབ་ཅིང་། མཆོད་ཕྲེང་རྒྱས་སྤྲོ་བྱེད་ནའང་དེ་ནས་ལེན་ནོ།། ༈ །།ཧྲཱིཿཡིག་ནི་ཧ་དང་ར་དང་ཨི་གསུམ་འདུས་པའི་བདག་ཉིད་ཀྱི་ཡི་གེ་ཐིག་ལེས་བརྒྱན་པ་སྟེ། ཡེ་ཤེས་ཐིག་ལེའི་དཀའ་འགྲེལ་ལས། འདབ་མ་གཉིས་པའི་བཞི་པའོ་ཞེས་བྱ་བ་ནི་ཡི་གེ་ཧའོ། །དེའི་འོག་ཏུ་མེའོ་ཞེས་པ་ནི་ར་དང་ལྡན་པའོ། །དབྱངས་ཡིག་ཅེས་པ་ནི་ཨཱིའི་བདག་ཉིད་དང་སྦྱར་བའོ། །རིག་པའི་རྒྱལ་མོ་མཆོག་ནི་དེ་བཞིན་གཤེགས་པ་ཐམས་ཅད་ཀྱི་ཡི་གེ་ཧྲཱིཿའོ། །ཐིག་ལེ་སྟེང་དུ་ལྡན་པ་ནི་ཧྲཱི༚་གི་དོན་ནོ། །དེ་རང་དང་ཉེ་བ་ནི་ཧྲཱིཿསྟེ་གཉིས་པའོ། །ཞེས་རིག་སྔགས་ཀྱི་རྒྱལ་མོ་ཡི་གེ་གཅིག་མའི་སྔགས་བཏུ་ཚུལ་གསུངས་པ་ལྟར་རོ། །དེའང་གཡུང་དྲུང་འཁྱིལ་བ་གསུམ་གྱི་ཞལ་གདམས་ལས། ཧྲཱིཿནི་ཐིག་ལེ་གསུམ་དུ་བཞུགས། ཨི་ནི་རླུང་གི་ཐིག་ལེ་སྟེ། །ཧ་ནི་བྱང་ཆུབ་ཐིག་ལེའོ། །རཀྟའི་ཡི་གེ་ར་ཡིག་སྟེ། །ཞེས་པ་ལྟར། སྲོག་འཛིན་ཤིན་ཏུ་ཕྲ་བའི་རླུང་དང་། ཁམས་དཀར་དམར་རོ། །ཚེག་དྲག་གཉིས་ཀྱིས་དྷུ་ཏིར་བྱང་སེམས་དཀར་དམར་གྱི་འདུ་འཕྲོད་མཚོན་གསུངས་ཏེ། མདོར་ན་ཁུ་རྡུལ་རླུང་གསུམ་བདེ་སྟོང་དུ་རོ་གཅིག་འདྲེས་པའོ། །ཚེག་དྲག་ཐིག་ལེ་ཡིན་པས་བདེ་བ་ལ་བཤད་ཀྱང་རུང་

― TN03_Page_0929 ―

^{[མ་དཔེ་གཟིགས་ན་འདིར་གནོན།]}

(༥༧༡)ངམ་དཔྱད། གཞན་ཡང་ཧྲཱིཿཡིག་གིས་གཞི་ལ་ཁམས་དཀར་དམར་གྱི་དབུས་སུ་རླུང་སེམས་ཞུགས་པ་དང་། སྒྲུབ་པ་པོའི་ལུས་ངག་ཡིད་གསུམ། རྩ་ཐིག་རླུང་གསུམ་སོགས་སྦྱང་གཞི་དང་། རྡོ་རྗེ་གསུམ་གྱི་རྣལ་འབྱོར་སོགས་སྦྱོང་བྱེད་ཀྱི་ལམ་དང་། སྦྱང་འབྲས་སྐུ་གསུང་ཐུགས་རྡོ་རྗེ་གསུམ་སོགས་མཚོན་ཚུལ་མང་དུ་སྤྲོས་ཀྱང་ཆོག་ཅེས་ཐོའུ་བཀྭན་པས་སོ། །དཔེར་ན་མྱུ་གུའི་ཆ་ཤས་ཐམས་ཅད་རྫོགས་པར་སྐྱེད་པའི་ནུས་པ་དང་ལྡན་པའི་ཆོས་ཞིག་ལ་མྱུ་གུའི་ས་བོན་ཞེས་འདོགས་པ་ལྟར། རྟ་མཆོག་རོལ་པའི་གོ་འཕང་སྐྱེད་པའི་ནུས་པ་ཐམས་ཅད་ཧྲཱིཿཡིག་ལ་ཚང་བས་ས་བོན་གྱི་ཡི་གེར་བཞག་པར་འཆད་དོ། ༈ །འདིའི་ལས་སྔགས་སྐབས། བྱེར་གཏུབ་སོགས་བོད་སྐད་འདྲེས་པས་སྔགས་སུ་མི་འཐད་དོ་ཞེ་ན། དཔལ་ལྡན་ལྷ་མོའི་སྔགས་བྷྱོ་བདུན་མར་ཡང་། ཁ་ལ་རཀ་ཆེན་མོ་ཞེས་ཡོད་པ་སོགས་བཤད་ནས། མདོར་ན་སྔགས་གསུང་བ་པོ་དང་སྔགས་སུ་བྱིན་གྱི་རློབ་པ་པོས་སྐད་གང་དང་གང་དུ་བྱིན་གྱིས་བརླབས་པ་དེ་ཁོ་ན་དབང་བཙན་པར་བྱེད་དགོས་ཀྱི། ཐམས་ཅད་སཾ་སྐྲི་ཏའི་སྐད་ཁོ་ན་དང་མཐུན་དགོས་པའི་ངེས་པ་མེད་པས་འདི་འདྲ་ལ་སྒྲ་པས་དཔྱོད་མི་ནུས་ཤིང་དཔྱད་པས་སྐྱོན་

― TN03_Page_0930 ―

^{[མ་དཔེ་གཟིགས་ན་འདིར་གནོན།]}

(༥༧༢)དུ་སོང་བའང་མང་ངོ་ཞེས་ཡང་ཐོའུ་བཀྭན་པས་སོ། །སྒྲ་བཟང་པོ་སྨྲ་བ་རྣམས་ཀྱི་ཞེན་པ་དགགས་པ་དང་། སྒྲ་ངན་པ་སྨྲ་བ་རྣམས་ལ་ཐུགས་བརྩེ་ནས་དེ་དག་གི་སྐད་བྱིན་གྱིས་བརླབས་པའང་ཡོད་དམ་སྙམ། བོད་ཀྱི་འབྱུང་པོ་རྣམས་ཀྱི་སྐད་ཕར་ལ་རང་གཤེད་དུ་སྐོར་ཆེད་དེ་དག་གི་སྐད་དུ་གཉེན་པོའི་དྲག་སྔགས་བྱིན་གྱིས་བརླབས་པར་བཤད་ལུགས་ཀྱང་ཡོད་དམ་སྟེ། ལྷ་བཙུན་བྱང་ཆུབ་འོད་ཀྱི་གཏེར་ཁར་པུ་ཏྲ་མིང་སྲིང་གི་སྔགས་ཞང་ཞུང་གི་སྐད་དུ་མཛད་པ་ལ་རིན་བཟང་དགྱེས་པའི་ལོ་རྒྱུས་བཞིན་ནོ། ༈ །རྣམ་སྣང་མངོན་བྱང་འགྲེལ་པར། ཆོས་ལ་འབིགས་པའི་ཡེ་ཤེས་རྟ་དང་འདྲ་ཞེས་གསུངས་པ་ནི་སོར་རྟོག་ཡེ་ཤེས་ཀྱིས་ཤེས་བྱའི་གཏིང་ལ་མྱུར་ཞིང་མགྱོགས་པར་སླེབ་པ་སྟེ། ཤེས་རབ་ཀྱིས་ནི་བརྟགས་ན་ཕུང་པོའི་གཏིང་མི་རྙེད། །ཅེས་པ་ལྟར་ཆོས་ཀྱི་གཏིང་ནི་སྟོང་པ་ཉིད་དེ། ཆོས་ཀྱི་གཏིང་ལ་ཕུག་པ་ནི་སྟོང་ཉིད་ལ་ཟུག་པའོ། །འཇིག་རྟེན་ཀུན་རྫོབ་ཐལ་མར་ཕྱུང་ནས། དེ་ཕན་ཆད་ཀྱི་གཏིང་མཐར་ཐུག་ལ་འཇུག་པ་ནི་ཆོས་ལ་འབིགས་པའོ། །དེའང་ས་བདུན་པར་མཚན་མེད་ཐོབ་པས་འགོག་པ་ལ་འཇུག་པའི་ཤུགས་མྱུར། བརྒྱད་པར་དེ་འབད་རྩོལ་ཕལ་ཆེར་དང་བྲལ། དགུ་པར་སྟོབས་ཀྱི་ཕར་ཕྱིན་གྱི་

― TN03_Page_0931 ―

^{[མ་དཔེ་གཟིགས་ན་འདིར་གནོན།]}

(༥༧༣)མཐུས་དེ་བས་ཀྱང་ཚབས་ཆེར་ཆོས་དབྱིངས་ཀྱི་གཏིང་དུ་འགྲོ། བཅུ་པར་ཡེ་ཤེས་ལྷག་ཅེས་ཤེས་རབ་དེའི་འོད་ཟེར་གྱི་སྣང་བའི་གཟུངས་དང་ཏིང་ངེ་འཛིན་ཆོས་དབྱིངས་དང་མཉམ་པ་མཆེད། རྒྱུན་མཐར་ཤིན་ཏུ་རྣམ་དག་གི་དབྱིངས་ལ་འབིགས་པའོ། །སེམས་ཅན་གྱི་དོན་བྱ་བ་ལ་མགྱོགས་པ། ཞེས་པར་ཡང་། བདུན་པར་ཐབས་ཀྱི་ཕར་ཕྱིན་གྱི་མཐུས་འགོག་པའི་དབྱིངས་ནས་སྐད་ཅིག་ཁོ་ནར་སེམས་ཅན་གྱི་དོན་ལ་ལྡང་ནུས། བརྒྱད་པར་རྣམ་པར་མི་རྟོག་པ་ལ་དབང་བ་དང་སྨོན་ལམ་གྱི་ཕར་ཕྱིན་ལྷག་པས་གཞན་དོན་ལ་རྩོལ་མེད་དུ་ལྡང་། ས་དེར་དེ་ལྟར་ལྡང་བ་བྱང་བས་དགུ་པར་བརྟགས་པ་མཐའ་བཟུང་གི་ཞི་མཐའ་ལས་འདས་ཚར་བའི་སྒོ་ནས་གཞན་ཕན་ལ་དབང་འབྱོར། དེའི་དབང་གིས་བཅུ་པར་སེམས་ཅན་སྒྲོལ་བའི་ཕྲིན་ལས་སངས་རྒྱས་དང་མཚུངས་པར་འཐོབ། ལར་ས་དང་པོ་ནས་སྐད་ཅིག་གཅིག་ལ་སེམས་ཅན་བརྒྱ་སྨིན་པར་བྱེད་ཀྱང་ཕལ་ཆེར་དོན་ཡོད་ཙམ་ལས་མི་འཇོག་ལ། བརྒྱད་པ་ནས་དབང་བཅུ་ཐོབ་པས་རྣམ་ཀུན་དོན་ཡོད་ཟེར་ཏེ་སྐད་ཅིག་རེར་སེམས་ཅན་ཅི་ཙམ་འདུལ་བའི་མྱུར་ཁྱད་ཀྱང་སྟོང་གསུམ་གྱི་རྡུལ་ཚད་ལ་མ་གཞལ་བར་བསྟན་མི་ནུས་པ་དེའོ། །འདི་དག་ཧང་

― TN03_Page_0932 ―

^{[མ་དཔེ་གཟིགས་ན་འདིར་གནོན།]}

(༥༧༤)འགྲོས་ཙམ་སྟེ། འཕགས་པ་འདི་བར་ཆད་མེད་ལམ་གྱི་རང་བཞིན་དུ་གསུངས་པ་དང་། དཀྱིལ་འཁོར་ནང་མ་ལ་འགོད་པའི་རྒྱུ་མཚན་སོགས་བསྒྲིགས་ནས་དཔྱད་རྒྱུ་ཡོད། མདོར་ན་བློ་ཀུན་རྫོབ་པའི་སྤྱོད་ཡུལ་ནས་ཕར་དོན་དམ་པའི་དབྱིངས་སུ་མངོན་སུམ་དུ་སླེབ་མྱུར་བ་དང་དབྱིངས་དེ་ནས་ཚུར་ཀུན་རྫོབ་ཀྱི་སྤྱོད་ཡུལ་སླེབ་མྱུར་བའི་ཤེས་རབ་དང་ཐབས་ཀྱི་རྟོགས་པ་རིང་དུ་སོང་ཚུལ་གཉིས་ཏེ། ཕྱི་མ་འདི་ནི། མྱ་ངན་འདས་ལ་མངོན་དགའི་ཕྱིར། །རྟོགས་པ་བུལ་བ་ཡིན་པར་འདོད། །ཅེས་པའི་བཟློག་ཟླ་སྟེ། འཇམ་པ་པདྨའི་རིགས་ཀྱི་གཙོ་བོའི་རྣལ་འབྱོར་སྙིང་རྗེའི་ཁྱད་པར་རོ། །སྔ་མ་ཡང་སྟོང་ཉིད་རྟོགས་པ་སྤྱི་ལྡོག་མ་བྱས་པར་སོར་རྟོག་ཡེ་ཤེས་ལ་སྦྱར་ན་པདྨའི་རིགས་ཀྱི་སྒོས་ཆོས་སུ་འགྲིགས། དེ་ལྟར་ན་སྤྱན་རས་གཟིགས་ཀྱི་མཚན་ལ་འཆད་ཚུལ་གཉིས་ཡོད་པ་ལྟར། རིག་པའི་རྒྱལ་པོ་རྟ་མགྲིན་གྱི་མཚན་གྱི་དོན་ཡང་གཉིས་ཡོད་དོ།། ༈ །།རྟ་སྐད་སྐབས། ཁམས་གསུམ་དབང་དུ་སྡུད་ཅིང་སྲིད་གསུམ་ཟིལ་གྱིས་གནོན་པ། ཞེས་མང་དུ་འབྱུང་བ་ནི། དབང་དུ་བསྡུས་ནས་གདུལ་བར་བྱ་བ་རྣམས་སྡུད་པ་དང་། དེ་ལྟར་མི་ཐུལ་བ་རྣམས་སྤ་གོང་རྒྱལ་པོའི་མཐུ་དཔུང་གི་ཟིལ་བསྟན་ནས་ཕ་རོལ་""ཤོག་ལྷེ་༥༧༥)གྱི་རྒོལ་བ་སྤ་གོང་བར་བྱེད་པ་ལྟ་བུའི་ཟིལ་གནོན་ནི་དབང་སྡུད་ཀྱི་སྔོན་དུ་འགྲོ་བ་ཡིན་ནོ། །བར་བྱེད་པའི་ཁྱད་དམ་སྙམ། ཡང་ན་ཕྱི་མ། དབང་དུ་བསྡུས་པ་དེ་ལས་སླར་འཕར་ལྡང་མི་ནུས་པར་བྱེད་པའོ། །ཕྱི་ནང་གསང་བའི་བར་ཆད་དྲུ་གུ་འཛིངས་པ་དང་། ཐག་འཁྲུགས་པ་ལྟ་བུ་རྣམས་ཀྱང་། རྟ་སྐད་ཀྱིས་བདེ་བའི་བདུད་རྩི་དང་། ལྷ་སྔགས་ཀྱི་དཔག་བསམ་དགའ་བའི་ཚལ་དུ་སྒྱུར་བ་ནི། རྨ་བྱ་དུག་གི་ལྡུམ་རར་ཕྱིན་པའམ་དུག་སྦྲུལ་མེ་ཏོག་གི་ཕྲེང་བར་སྒྱུར་བའི་མན་ངག་ལྟར་ཡ་མཚན་ཆེའོ། །དེ་ལྟར་བསྒྱུར་ནས་ཀྱང་དེ་དག་ལས་དངོས་གྲུབ་ལེན་པ་ལ་སློབ་ཚུལ་བཅས། འདི་དག་མཁས་པའི་ཡིད་འཕྲོག་ཏུ་ཡང་ཡོད་དེ། ཤིན་ཏུ་ཆེད་ཆེར་བྱའོ། །དེའང་རྩིང་པར་རྟོག་པ་དང་། བར་ཆད་ཀྱི་ངོ་བོ་རབ་དབྱེ་བྱ་བྱེད་ལས་གསུམ་སྐྱེ་འགག་གནས་གསུམ་སོགས་ངོ་བོ་དང་ལྡོག་ཆའི་སྒོ་ཐམས་ཅད་ནས་དག་པ་རབ་འབྱམས་སུ་རྒྱ་ཆེར་དཔྱད་དེ་བློ་རྒྱས་པར་བྱས་ན་དེ་སྙེད་ཀྱི་ལག་རྗེས་འབྱུང་ངོ་། །གལ་ཆེ་བས་ཡང་ཟློས་བྱས་སོ། །ཡང་བར་ཆད་དེ་དག་གི་དེ་ཁོ་ན་ཉིད་ལ། ཐོག་མེད་ནས་གྲུབ་པའི་དེ་བཞིན་གཤེགས་པ་རྟ་སྐད་ཀྱི་རྣལ་བྱོར་མཐར་ཕྱིན་པ་རྣམས་ཀྱི་ཡེ་ཤེས་ཀྱི་སྣང་བས་ཁྱབ་པའི་ཚུལ་

― TN03_Page_0933 ―

^{[མ་དཔེ་གཟིགས་ན་འདིར་གནོན།]}

(༥༧༦)ལ་བློ་བཞག་སྟེ་བསྒོམ་པས། ཐམས་ཅད་དེ་བཞིན་གཤེགས་པའི་རྣམ་འཕྲུལ་དུ་འཆར་ལ། དེའི་ཚེ་རང་གི་རྟ་གླུས་དེ་བཞིན་གཤེགས་པའི་འཁོར་ལོ་དེ་རྣམས་བསྐུལ་བས། བར་ཆད་བྱེད་དུ་འོང་བའི་དངོས་པོ་དེ་དག་གི་སྒོ་ནས་ཀྱང་སངས་རྒྱས་རྣམས་ཀྱིས་དབང་དང་དངོས་གྲུབ་སྩོལ་ཏེ། ཅི་འདི་ངོ་མཚར་མི་ཆེའམ། བརྟན་གཡོའི་དུག་དང་། རིམས་དང་། དམོད་པ་དང་། མི་བཟད་པའི་ལས་ཀྱི་མཐུ་ཐམས་ཅད་ཟིལ་གྱིས་གནོན་པ་དང་། དགྲ་འདྲེ་ཅན་གཟན་རྔོན་པ་སོགས་རྨོངས་རེང་བྱེད་པ། རང་གི་ནོར་དང་འཁོར་སོགས་ཟིལ་གྱིས་མནན་ནས་གཞན་དུ་མི་གཡོ་བར་བྱེད་པ། ནད་པའི་ནད་སྐྱུགས་པར་བྱེད་པ། ལྕགས་སྒྲོགས་དང་བཙོན་ར་རྫས་སེལ་དང་། གཏད་དང་། ཕ་རོལ་གྱི་གདུག་པའི་སེམས་དང་། ལྟ་བ་ངན་པ་དང་། མཐུ་སྟོབས་རྫུ་འཕྲུལ་སོགས། སྔགས་ཕྱག་རྒྱ་འཕྲུལ་འཁོར་གྱི་སྦྱོར་བ་ལ་སོགས་པའི་རྒྱ་བཤིགས་པ། གཞན་གྱི་སྔོན་གནས་ཀྱི་དགེ་བའི་བག་ཆགས་སྐུལ་ཞིང་སད་དུ་གཞུག་པ་དཔའ་བོ་ཌཱཀྐིའི་ཆོས་མཛོད་དང་། གནོད་སྦྱིན་དབང་པོའི་ནོར་གཡང་སོགས་འབོད་པ། གདུལ་བྱ་མཆོག་ལ་རྣམ་གཡེངས་དང་རྨོངས་པའི་གཡོགས་པ་དྲལ་ནས་ནང་གི་ཧེ་རུ་སྐུལ་ཞིང་སད་པར་

― TN03_Page_0934 ―

^{[མ་དཔེ་གཟིགས་ན་འདིར་གནོན།]}

(༥༧༧)བྱས་ཏེ་བྱིན་རླབས་འབེབས་པ་དམ་པའི་ཆོས་སྤྱི་དང་བྱེ་བྲག་པའི་རང་སྒྲས་ཡངས་པའི་ས་ཆེན་པོ་འགེངས་པ་སོགས་ལས་ཚོགས་བྱེད་ཚུལ་ཟད་མི་ཤེས་ཏེ། དཔེར་བརྗོད་ཙམ་མོ། །གཟིར་བའི་བསམ་པས་གཟིར་བར་འགྲོ་ལུགས་ཤེས་ནས་རྟ་སྐད་ཀྱིས་གཅུན་ན། རི་རབ་གཟིར་ཡང་རལ། རྒྱ་མཚོ་གཟིར་ཡང་འཕྱུར་ཐུབ། །བརྒྱ་བྱིན་གཟིར་ནའང་སྐྲ་ཞིག །གོས་ཉིལ་ནས་ལྷུང་ཡོང་ངེས། གོང་སྨོས་ལས་ཡང་ན་ཁམས་གསུམ་གྱི་སྲོག་འདྲེན་པ་དབང་སྡུད་དང་། སྲོག་དེ་གཟིར་བ་ཟིལ་གནོན་དུ་བྱའོ།། །།འདི་དག་རྗེ་ཉིད་ནས་ཟིན་ཐོ་ལྟ་བུར་བཏབ་ཡོད་པ་རྣམས་གཞན་དུ་འཁྱར་གྱི་དོགས་ནས་རྗེས་འཇུག་འགའ་ཞིག་གིས་ཕྱོགས་གཅིག་ཏུ་བསྒྲིག་ཁུར་བྱས་ཏེ་ཕྱག་བྲིས་ཇི་ལྟ་བ་བཞིན་བཅོས་བསླད་མེད་པར་སྤར་དུ་བསྐྲུན་པ་དགེ་ལེགས་འཕེལ། འཕྲུལ་ཆེན་སྤར་གྱི་ལྗོན་ཤིང་རྒྱས་པའི་རྩེར། ལེགས་བཤད་མེ་ཏོག་འབྲས་མང་ཆགས་པ་འདི། །ཀུན་མཁྱེན་བསྟན་པའི་སྐྱེད་ཚལ་རྒྱན་གྱུར་ཏེ། །སྐལ་བཟང་སྐྱེ་བོའི་བྱ་ཚོགས་དགའ་བྱེད་ཤོག །ཤུ་བྷཾ་མསྟུ་སརྦ་ཛ་ག་ཏཾ།

― TN03_Page_0935 ―

^{[མ་དཔེ་གཟིགས་ན་འདིར་གནོན།]}

(༥༧༨)

― TN03_Page_0936 ―

^{[མ་དཔེ་གཟིགས་ན་འདིར་གནོན།]}

(༥༧༩)རྡོ་རྗེ་རྟ་སྐད་ཀྱི་ཟིན་བྲིས་དངོས་གྲུབ་གསུམ་གྱི་རྫོགས་ལྡན་འཛིན་མ་དབང་བྱེད་ལྷའི་འཁོར་ལོ་ལ་ཉེ་བར་མཁོ་བའི་དཔྱད་རྟེན་དྲན་ཐོ་ནི། ཐ་རམ་ལས་གསུངས་པའི་ཐེག་རིམ་དང་སྦྱར་བ་དང་། ས་ལམ་དང་སྦྱར་བ་གཉིས་ཀྱིས་རིམ་བཞིན་གར་དང་གླུའི་དེ་ཉིད་དུ་སྦྱར་ནའང་རུང་ངམ་དཔྱོད། ༈ །འགྲོས་དགུ་ཐེག་རིམ་དང་སྦྱར་བ་སོགས་རྟ་སྐད་ཀྱི་བཤད་པར་གསུང་བ་ནི། བཀའ་གདམས་དཔེ་འགྲེལ་ལས། ཨ་ཕའི་སྐད་དུ། ཞེས་པ་ལྟར་རྟ་སྐད་བྱས་པས་རྟར་མཚོན་ལ། རྟའི་མཚོན་དོན་ལ་དེ་རྣམས་ཡོད་པའི་དོན་ཏེ། དེ་དང་འདྲ་བར་རྟ་ཞལ་གྱིས་ཀྱང་རྟར་མཚོན་ཏེ། ཐུགས་རྗེ་ཆེན་པོའི་དབུ་ལ་ཨ་མི་ཏཱ་བྷ་དང་དེའི་ཞལ་གདམ་ང་ཅན་དུ་བྱེད་པ་བཞིན་ནོ། ༈ །འགྲོས་དགུ་ཐེག་དགུ་དང་སྦྱར་བས་ནི་ལམ་འོག་མ་ཐམས་ཅད་ཀྱི་བྱེད་ལས་རྟ་མཆོག་གི་ལམ་མམ་ལྷན་སྐྱེས་ཀྱི་བདེ་བའི་ཆགས་ལམ་ཉིད་ལ་ཚང་ཞིང་། དེའི་བྱེད་ལས་མཐའ་དག་པར་མ་ཚང་བར་བསྟན། །ས་ལམ་སྐད་འགྱུར་དང་སྦྱར་བས་ནི་ཐབས་ཤེས་ཕུལ་དུ་བྱུང་བའི་ལམ་འདིས་ས་བཅུ་ལམ་ལྔ་བདེ་མྱུར་དུ་བགྲོད་ཚུལ་སྟོན་པར་རྟ་རྒྱུད་དང་ཐ་རམ་ལས་སོ། ༈ །འགྲོས་དགུའི་དང་པོ་ནི། སྒྲོགས་གསུམ་ལག་ཏུ་ཚུད་པའི་འགྲོས། གཉིས་པ་ལག་གཉིས་ལྕགས་སྒྲོག་གིས་བསྡམ་པའི་འགྲོས། གསུམ་པ་འཆིང་བྱེད་མེད་པར་རང་ཉིད་དལ་བུས་འགྲོ་བ། བཞི་པ་རྟ་མགོ་འཕང་བསྒྲིམ་ནས་ཅུང་ཟད་མགྱོགས་པར་འགྲོ་བ། ལྔ་པ་

― TN03_Page_0937 ―

^{[མ་དཔེ་གཟིགས་ན་འདིར་གནོན།]}

(༥༨༠)གོམ་པའི་འགྲོས་སུ་མགྱོགས་པར་འགྲོ་བ། དྲུག་པ་འདུར་འགྲོས། བདུན་པ་ལྡང་སྟབས་ཀྱིས་འགྲོ་བ། བརྒྱད་པ་ཤིན་ཏུ་མགྱོགས་པར་རྒྱུག་ཆུང་བྱས་ཏེ་འགྲོ་བ། དགུ་པ་རྒྱུག་རྩལ་ཅི་ཡོད་ཕྱུངས་ཏེ་ཐག་ཐོགས་མེད་པར་འགྲོ་བ་རྣམས་དང་། སྐད་ཀྱི་ཡོན་ཏན་གསུམ་པ་རྒྱང་རིང་དུ་ཐོས་པ། བཞི་པ་སྒྲ་གཞན་དང་ནག་ནོག་མེད་པར་སང་ངེར་ཐོས་པ། ལྔ་པ་དབུགས་སྣ་རིང་བ། བདུན་པ་གདངས་ཆེ་ཆུང་སོགས་ཆ་སྙོམས་པར་འབྲེལ་བ། བརྒྱད་པ་སྐད་གཏོང་ཐེབས་གཅིག་པོ་དེར་སྒྲ་བར་མ་ཆད་པར་སྒྲོགས་པ། བཅུ་པ་སྐད་ཆེ་ཆུང་ཇི་ལྟར་འབྱིན་འདོད་པ་བཞིན་བདེ་བླག་ཏུ་འབྱིན་པའི་རྩལ་ཡོད་པ། བཅུ་གཅིག་པ་སྒྲ་གདངས་ཆེ་བ་ཞེས་བླ་མས་གསུངས། གཞན་སླ། །སྐད་ཀྱི་ཆོས་མཐུན་ལྔ་པ་ཐུགས་རྗེ་ངང་རིང་བ་སྟེ་སྐྱོ་དུབ་མེད་པ། བདུན་པ་ཐུགས་རྗེ་རྒྱུན་ཆགས་པ། བརྒྱད་པ་ཐུགས་རྗེའི་མཛད་པ་རྒྱུན་ཆགས་པ། ༈ཡང་སྐད་བཅུ་གསུམ་སྐབས། ཐུན་མིན་ལྟར་ན། ཡེ་ཤེས་ཐིག་ལེར། འདི་ཀུན་དགའ་བའི་བྱེ་བྲག་སྟེ། །ཞེས་པ་ལྟར་དོན་གྱི་ལྷན་སྐྱེས་ཉིད་ལ་ས་བཅུར་ཕྱེ་བ་སྟེ། འཚེར་སྐད་རྗེས་ཆགས་ཀྱི་བདེ་བའི་གླུར་གསུངས་པ་དང་འགྲིགས། ཐུན་མོང་ལྟར་ན། ཕལ་པོ་ཆེར། བྱང་སེམས་ཀྱི་ས་རྣམ་པར་དགོད་པ་ཐམས་ཅད་ཀྱི་གཞི་ཡིན་པས་གཞལ་མེད་ཁང་ལྟ་བུ། ཞེས་དང་། སེམས་བསྐྱེད་ལ་ས་མཚམས་དང་གྲོགས་ཀྱིས་

― TN03_Page_0938 ―

^{[མ་དཔེ་གཟིགས་ན་འདིར་གནོན།]}

(༥༧༩)རྡོ་རྗེ་རྟ་སྐད་ཀྱི་ཟིན་བྲིས་དངོས་གྲུབ་གསུམ་གྱི་རྫོགས་ལྡན་འཛིན་མ་དབང་བྱེད་ལྷའི་འཁོར་ལོ་ལ་ཉེ་བར་མཁོ་བའི་དཔྱད་རྟེན་དྲན་ཐོ་ནི། ཐ་རམ་ལས་གསུངས་པའི་ཐེག་རིམ་དང་སྦྱར་བ་དང་། ས་ལམ་དང་སྦྱར་བ་གཉིས་ཀྱིས་རིམ་བཞིན་གར་དང་གླུའི་དེ་ཉིད་དུ་སྦྱར་ནའང་རུང་ངམ་དཔྱོད། ༈ །འགྲོས་དགུ་ཐེག་རིམ་དང་སྦྱར་བ་སོགས་རྟ་སྐད་ཀྱི་བཤད་པར་གསུང་བ་ནི། བཀའ་གདམས་དཔེ་འགྲེལ་ལས། ཨ་ཕའི་སྐད་དུ། ཞེས་པ་ལྟར་རྟ་སྐད་བྱས་པས་རྟར་མཚོན་ལ། རྟའི་མཚོན་དོན་ལ་དེ་རྣམས་ཡོད་པའི་དོན་ཏེ། དེ་དང་འདྲ་བར་རྟ་ཞལ་གྱིས་ཀྱང་རྟར་མཚོན་ཏེ། ཐུགས་རྗེ་ཆེན་པོའི་དབུ་ལ་ཨ་མི་ཏཱ་བྷ་དང་དེའི་ཞལ་གདམ་ང་ཅན་དུ་བྱེད་པ་བཞིན་ནོ། ༈ །འགྲོས་དགུ་ཐེག་དགུ་དང་སྦྱར་བས་ནི་ལམ་འོག་མ་ཐམས་ཅད་ཀྱི་བྱེད་ལས་རྟ་མཆོག་གི་ལམ་མམ་ལྷན་སྐྱེས་ཀྱི་བདེ་བའི་ཆགས་ལམ་ཉིད་ལ་ཚང་ཞིང་། དེའི་བྱེད་ལས་མཐའ་དག་པར་མ་ཚང་བར་བསྟན། །ས་ལམ་སྐད་འགྱུར་དང་སྦྱར་བས་ནི་ཐབས་ཤེས་ཕུལ་དུ་བྱུང་བའི་ལམ་འདིས་ས་བཅུ་ལམ་ལྔ་བདེ་མྱུར་དུ་བགྲོད་ཚུལ་སྟོན་པར་རྟ་རྒྱུད་དང་ཐ་རམ་ལས་སོ། ༈ །འགྲོས་དགུའི་དང་པོ་ནི། སྒྲོགས་གསུམ་ལག་ཏུ་ཚུད་པའི་འགྲོས། གཉིས་པ་ལག་གཉིས་ལྕགས་སྒྲོག་གིས་བསྡམ་པའི་འགྲོས། གསུམ་པ་འཆིང་བྱེད་མེད་པར་རང་ཉིད་དལ་བུས་འགྲོ་བ། བཞི་པ་རྟ་མགོ་འཕང་བསྒྲིམ་ནས་ཅུང་ཟད་མགྱོགས་པར་འགྲོ་བ། ལྔ་པ་

― TN03_Page_0939 ―

^{[མ་དཔེ་གཟིགས་ན་འདིར་གནོན།]}

(༥༨༠)གོམ་པའི་འགྲོས་སུ་མགྱོགས་པར་འགྲོ་བ། དྲུག་པ་འདུར་འགྲོས། བདུན་པ་ལྡང་སྟབས་ཀྱིས་འགྲོ་བ། བརྒྱད་པ་ཤིན་ཏུ་མགྱོགས་པར་རྒྱུག་ཆུང་བྱས་ཏེ་འགྲོ་བ། དགུ་པ་རྒྱུག་རྩལ་ཅི་ཡོད་ཕྱུངས་ཏེ་ཐག་ཐོགས་མེད་པར་འགྲོ་བ་རྣམས་དང་། སྐད་ཀྱི་ཡོན་ཏན་གསུམ་པ་རྒྱང་རིང་དུ་ཐོས་པ། བཞི་པ་སྒྲ་གཞན་དང་ནག་ནོག་མེད་པར་སང་ངེར་ཐོས་པ། ལྔ་པ་དབུགས་སྣ་རིང་བ། བདུན་པ་གདངས་ཆེ་ཆུང་སོགས་ཆ་སྙོམས་པར་འབྲེལ་བ། བརྒྱད་པ་སྐད་གཏོང་ཐེབས་གཅིག་པོ་དེར་སྒྲ་བར་མ་ཆད་པར་སྒྲོགས་པ། བཅུ་པ་སྐད་ཆེ་ཆུང་ཇི་ལྟར་འབྱིན་འདོད་པ་བཞིན་བདེ་བླག་ཏུ་འབྱིན་པའི་རྩལ་ཡོད་པ། བཅུ་གཅིག་པ་སྒྲ་གདངས་ཆེ་བ་ཞེས་བླ་མས་གསུངས། གཞན་སླ། །སྐད་ཀྱི་ཆོས་མཐུན་ལྔ་པ་ཐུགས་རྗེ་ངང་རིང་བ་སྟེ་སྐྱོ་དུབ་མེད་པ། བདུན་པ་ཐུགས་རྗེ་རྒྱུན་ཆགས་པ། བརྒྱད་པ་ཐུགས་རྗེའི་མཛད་པ་རྒྱུན་ཆགས་པ། ༈ཡང་སྐད་བཅུ་གསུམ་སྐབས། ཐུན་མིན་ལྟར་ན། ཡེ་ཤེས་ཐིག་ལེར། འདི་ཀུན་དགའ་བའི་བྱེ་བྲག་སྟེ། །ཞེས་པ་ལྟར་དོན་གྱི་ལྷན་སྐྱེས་ཉིད་ལ་ས་བཅུར་ཕྱེ་བ་སྟེ། འཚེར་སྐད་རྗེས་ཆགས་ཀྱི་བདེ་བའི་གླུར་གསུངས་པ་དང་འགྲིགས། ཐུན་མོང་ལྟར་ན། ཕལ་པོ་ཆེར། བྱང་སེམས་ཀྱི་ས་རྣམ་པར་དགོད་པ་ཐམས་ཅད་ཀྱི་གཞི་ཡིན་པས་གཞལ་མེད་ཁང་ལྟ་བུ། ཞེས་དང་། སེམས་བསྐྱེད་ལ་ས་མཚམས་དང་གྲོགས་ཀྱིས་

― TN03_Page_0940 ―

^{[མ་དཔེ་གཟིགས་ན་འདིར་གནོན།]}

(༥༨༡)དབྱེ་བ་ཉེར་གཉིས་ཕྱེ་བའི་རིགས་པ་ལྟར་དམིགས་མེད་ཀྱི་སྙིང་རྗེ་ཆེན་པོ་གོང་འཕེལ་གྱི་ཆ་བཅུ་གསུམ་དང་སྦྱར་བ་སྟེ། སྦྱོར་ཚུལ་ཙམ་ལས་ཁྱབ་མཐའ་མི་དགོས་ཏེ། དྲོ་བ་རྣམས་ཀྱི་དམིགས་པ་འདིར། །སོགས་ལྟ་བུ་སྟེ། སེམས་ཅན་སྨིན་བྱེད་ཆོས་མཆོག་མན་ཆད་དུའང་ཡོད་ཀྱང་ཆོས་མཆོག་ལས་མ་སྦྱར་བ་བཞིན་ནོ། །དབྱིངས་ཤེས་རབ་སྟོང་པ་དོན་དམ་བཞི་རང་བཞིན་ངོ་བོ་དོན་གྱི་རྟ་སྐད་དང་། ཡེ་ཤེས་ཐབས་སྣང་བ་ཀུན་རྫོབ་བཞི་རིག་པ་ངོ་བོ་དོན་གྱི་རྟ་སྐད་དུ་བཤད་པས་མདོར་ན་ཐུན་མོང་མ་ཡིན་པའི་ཐབས་ཤེས་གཉིས་ལ་རྟ་ཞལ་དུ་བཤད་དེ། བསྐྱེད་རིམ་པའི་ཐབས་ཤེས་ནས། མི་སློབ་ཟུང་འཇུག་དང་། དེའི་ཡ་གཉིས་ཀྱི་བར་དངོས་དང་རྗེས་མཐུན་ཅི་རིགས་སུ་སྦྱར་རོ། །དེ་རྣམས་རྟ་ཞལ་དུ་འཇོག་པའི་རྒྱུ་མཚན། ཆགས་པ་ཆེ་བ། ངེས་པར་འབྱུང་བ་ཕྱི་མའི་རྒྱུད་ལས་ཀྱང་། དག་པའི་འདོད་ཆགས་ཀྱི་སྒོས་སྒྲུབ་ལ་པདྨ་གསུང་གི་སྒྲུབ་པ་འཇོག་པར་ལེའུ་བདུན་པའི་ཐད་དུ་གསུངས། སྐད་རིང་། ཤུགས་ཆེ་བ་སོགས་དང་། རྟ་དབུའི་ཁ་དོག་གི་དེ་ཉིད། ཕྲིན་ལས་བཞིས་འགྲོ་བ་སྒྲོལ་ཚུལ་སོ་སོ་དང་སྦྱར་བ་དང་བཀའ་སྒོ་ལས་གསུངས་པའི་དབྱེ་བ་རྣམས་གསང་སྔགས་ལ་ཤན་དབྱེ་བའི་སྐབས་སུ་སྦྱོར། གསང་སྔགས་ལ་ཤན་དབྱེ་བ་ཞེས་པ་ནི་འདིའི་ཟབ་ལམ་ཐེག་པ་དང་རྒྱུད་སྡེ་འོག་མའི་སྐོར་རྣམས་ལས་འཕགས་པའི་ཆེ་

― TN03_Page_0941 ―

^{[མ་དཔེ་གཟིགས་ན་འདིར་གནོན།]}

(༥༨༢)བ་སྟོན་པ་སྟེ། བླ་མེད་ཀྱི་ལྷ་གཞན་ལས་ཀྱང་མྱུར་བ་ཡང་བཤད་རུང་ངམ་དཔྱད། ཡང་སྙིང་འདུས་པར། རྟ་དབུས་གཞན་ལས་ཁྱད་པར་དུ་འཕགས་པར་མཚོན་ཞེས་གསུངས་པའང་དེ་ཀའོ། །ཞལ་གསུམ་གྱིས་ཀྱང་ཟུང་འཇུག་མཚོན་པ་སྒྱུ་འཕྲུལ་ལྟར་ཡིན་མོད། སྐབས་འདིར་རྟ་མགོས་མཚན་པའི་གཡས་ཞལ་གྱིས་སྒྱུ་མའི་དཀྱིལ་འཁོར་མཚོན། ཞེས་སོགས་སུ་སྦྱར་ནས། རྟ་མགོས་མཚན་པར་བསྟན་པའི་རྒྱུ་མཚན། ཁྲོ་ཞལ་གསུམ་གྱི་ངེས་དོན་ནམ་དེ་ཁོ་ན་ཉིད་གསུམ་པོ་རྗེས་ཆགས་ཀྱི་རིགས་ལས་སྐྱེས་པར་མཚོན་པའི་ཆེད་ཡིན་ནོ། །དཔལ་གྱི་རྟ་སྐད་སྐབས། སྙིང་རྗེའི་འཚེར་སྐད་ཀྱི་སྔགས་སྒྲ་དང་པོ་བསྒྲགས་པས་སྣང་སྲིད་ཐམས་ཅད་པདྨ་དབང་གི་དཀྱིལ་འཁོར་དུ་སྤྲུལ་པར་གསུངས་པ་འདི་རྟ་སྐད་ཀྱིས་དབང་སྒྱུར་ལུགས་ཁྱད་པར་ཅན་ཏེ། གསང་རྫོགས་རང་ཤར་གཉིས་ལས་འདི་ཁོ་ན་རྟ་སྐད་ཐང་གསུམ་དུ་བཤད་ཚུལ་འབྱུང་ངོ་། །འདིར་སྣང་སྲིད་ཐམས་ཅད་ཟིལ་གྱིས་གནོན་པའི་དམིགས་གནད་ལ་སྣང་སྲིད་ཐམས་ཅད་རྟ་མགྲིན་དབང་གི་དཀྱིལ་འཁོར་དུ་སད་པར་བསམ་ཚུལ་འདི་ནི། རྣལ་བྱོར་བླ་མེད་སྤྱིར། གང་དུ་བདེ་ཆེན་ཞེས་བྱ་གཅིག་པུ་ཉིད། །ཅེས་པའི་ཏིང་ངེ་འཛིན་གྱིས་ཡུལ་སྣང་ཟིལ་གྱིས་གནོན་ལུགས་དང་ཤིན་ཏུ་མཐུན་ནོ། །འདི་ནི་གང་སྣང་བདེ་སྟོང་གི་རྣམ་རོལ་དང་། དེའང་དག་པའི་དཀྱིལ་འཁོར་དུ་ལྟ་བ་སྟེ། འདི་དང་ལྡན་ན་བསོད་ནམས་ཆུང་བའི་མིས་ཀྱང་

― TN03_Page_0942 ―

^{[མ་དཔེ་གཟིགས་ན་འདིར་གནོན།]}

(༥༨༣)ཚེ་འདི་ཉིད་ལ་མཆོག་འགྲུབ་པར་བརྟགས་གཉིས་ལས་སོ། །རྣམ་པ་གཅིག་ཏུ་ན། བདེ་འདུས་དབང་ཆེན་རྩ་རྒྱུད་ལས། སེམས་ཅན་ཁམས་ཀུན་ཐམས་ཅད་ལཿ ང་ཡི་སྐུ་ནི་རེ་རེ་གནསཿ གོལ་ཏེ་འཁྲུལ་པའི་དབང་གྱུར་པསཿ མ་མཐོང་མ་རྟོགས་ལས་ཀྱིས་ནོངསཿ ཞེས་གསུངས་པ་ལྟར་ལུས་ཅན་ཐམས་ཅད་ཀྱི་སྙིང་དབུས་ན་གཉུག་མ་མི་ཤིགས་པའི་རྟ་མགྲིན་རེ་ཡོད་དེ། དེ་མ་རིག་པའི་བག་ཆགས་ཀྱི་དབང་གིས་རང་གི་གནས་ལུགས་སྟོང་པ་ཉིད་ལས་གོལ་ཏེ་གཉིས་སྣང་འཁྲུལ་པའི་ཕྱོགས་སུ་ཡེངས་ནས་རྩལ་བདེན་འཛིན་དུ་ཤར་ཏེ་འཁོར་བའི་འཁོར་ལོ་སྐོར་བ་དེ་སངས་རྒྱས་ཀྱི་གསུང་རྡོ་རྗེའི་རྐྱེན་ལས་རང་གི་དེ་ཁོ་ན་ཉིད་ལྟ་བའི་དྲན་པ་རྙེད་ཅིང་ཤེས་རབ་ཀྱི་མིག་གཉུག་མ་རང་གི་སྟེང་ནས་སད་དེ། ཁ་ཕྱིར་ཕྱོགས་པའི་ཀུན་རྟོག་གི་གཡེང་བ་རྟེན་ལས་རླུང་དང་བཅས་པ་རང་སར་སྡུད་པ་དང་། དེ་ལས་སྟོང་ཕྱོགས་བདེ་སྟོང་ཡེ་ཤེས་ཀྱི་རྟ་མཆོག་དང་། སྣང་ཕྱོགས་བདེ་ཆེན་སྒྱུ་མའི་རྟ་མཆོག་ཇེ་སད་ཇེ་དག་ལ་འགྲོ་བ་ཡང་རྟ་སྐད་ཀྱིས་སེམས་ཅན་ཐམས་ཅད་དཔལ་ཧེ་རུ་ཀའི་འཁོར་ལོར་སྤྲུལ་པར་བྱེད་པའི་གནད་དོ། །ཚུལ་འདི་ལེགས་པར་བསྒོམ་ན་ལྷ་སྔགས་ཀྱི་ནུས་པ་ཆེར་སོང་སྟེ་རྟ་མཆོག་དངོས་དང་མཇལ་བ་ན་རྟ་ཞལ་བཞད་པའི་སྒྲ་དབྱངས་ཐོས་པ་ཙམ་གྱིས་སྙིང་དབུས་མི་ཤིགས་པའི་ནོར་བུ་ཡིད་བཞིན་གྱི་སྣང་ནས་ཀུན་ཏུ་བཟང་པོའི་སྨོན་ལམ་དང་སྤྱོད་པ་རྒྱ་མཚོའི་དངོས་གྲུབ་ཁ་ཕྱེ་བར་འགྱུར་རོ། །

― TN03_Page_0943 ―

^{[མ་དཔེ་གཟིགས་ན་འདིར་གནོན།]}

(༥༨༤)བཀའ་སྒོའི་རྟ་སྐད་ལྟ་བར་དགོངས་པའི་སྐབས། དང་པོས་གདུལ་བྱ་ཐུན་མོང་གི་ལམ་གྱིས་སྣོད་རུང་དུ་བྱེད། གཉིས་པས་དབང་དང་དམ་ཚིག་ལ་འགོད། གསུམ་པས་སྤྱི་སྦས་མཐར་ཐུག་གི་མངོན་རྟོགས་ལ་འགོད་ཅེས་བཤད་ན་ལམ་རིམ་འགངས་ཆེ་བ་འདྲ་སྟེ་དཔྱད། ༈ རྟ་སྐད་དོན་བསྡུའི་ཐད། ངོ་བོ་དོན་སྐད་ནི་ལྟ་བར་དགོངས་པའི་རྟ་སྐད་དངོས་ཡིན་ཏེ། སྣང་ཕྱོགས། སྟོང་ཕྱོགས། ཟུང་འཇུག་གི་རྟ་སྐད་གསུམ་མོ། །གསང་སྔགས་གནད་སྐད་ནི། དེ་དག་རྟ་སྐད་དུ་འཇོག་པའི་འཐད་པ་བརྡ་དོན་གཉིས་ཆོས་མཐུན་སྦྱོར་ཚུལ་གྱི་སྒོ་ནས་བཤད་པའོ། །སྤྱོད་པར་དགོངས་པའི་སྐབས་སུ། དཔལ་གྱི་རྟ་སྐད་ནི་ཧེ་རུ་ཀའི་རྟ་སྐད་ཉིད་ངོས་བཟུང་བ། གཞན་གཉིས་སླ། དཔལ་ཆེན་ཆེ་སྐད་ནི། དེའི་ཆེ་བ་བསྟན་པ་སྟེ་དབང་གི་ཕྲིན་ལས་ཁྱད་པར་ཅན་དུ་མཛད་ཚུལ་གྱི་སྒོ་ནས་རྟ་སྐད་མཛད་པའི་རྒྱུ་མཚན་གཞན་བཤད་པའོ། །དེའང་མཐུན་རྫས་བསགས་ཡུན་རིང་དུ་བསྒྲུབ་ཀྱང་འདུར་མི་བཏུབ་པའི་སྡེ་བརྒྱད་ཆེ་དྲེགས་ཀྱིས་འགྱིང་བ་རྣམས་རྟ་བསྙེན་ཐེམས་ནས་ཏིང་ངེ་འཛིན་གྱི་འཚེར་སྐད་ཕྱུངས་པ་ཙམ་གྱིས་དེའི་མོད་ལ་རང་དབང་མེད་པར་རྐང་པའི་དྲུང་དུ་བཀུག་འོང་བ་ནི་རྟ་སྐད་དབང་ཆེ་ཞིང་མཐུ་མྱུར་བའི་ཆེ་བ་ཡིན་ཏེ། བསྙེན་བཀུར་རྒྱ་ཆེན་དང་བཅས་ཏེ་འདོད་དོན་ལ་གསོལ་བ་རིང་དུ་བཏབ་ཀྱང་གྲོགས་བྱེད་པ་ལྟ་ཅི། སྙན་གཡར་བ་ཙམ་ཡང་དཀའ་བའི་སྟོབས་ལྡན་གྱི་སྡེ་དཔོན་

― TN03_Page_0944 ―

^{[མ་དཔེ་གཟིགས་ན་འདིར་གནོན།]}

(༥༨༥)ཆེན་པོ་རྣམས་ལ་མིའི་བདག་པོའི་བཀའ་ཡིག་རྟགས་ལྡན་ཁྱེར་ཏེ་འོང་ན་འཁྱེར་མཁན་གདོལ་པ་ཐ་ཤལ་ཅིག་ཡིན་ཡང་མཐོང་བའི་མོད་ལ་དྲེགས་པའི་རལ་པ་བསྙིལ་ནས་སྤྱི་བོས་ནོད་པར་བྱེད་པ་དེ་རྒྱལ་པོ་ཆེན་པོའི་དབང་ཕྱུག་གི་མཐུ་ཡིན་པ་བཞིན་ནོ། ༈ །རྟ་སྐད་ཀྱི་བཤད་པའི་སྐབས་དུ་མར་བསྐྱེད་རྫོགས་རྫོགས་ཆེན་གསུམ་ཞེས་གསུངས་པ་ནི། །རྒྱུད་ཀྱི་ཞུང་ཟུར་དུ་བྲིས་པ་ལྟར་སྤྱི་སྦས་མཐར་ཐུག་གི་ལམ་གསུམ་ལ་བཤད་ན། མན་ངག་ལྟ་ཕྲེང་དང་བདེ་འདུས་བསྐྱེད་རྫོགས་གསུམ་གྱི་གདམས་པ་ལ་འགྲིགས་ཤིང་། མདོ་སྔགས་སྨོན་ལམ་ལས་དེ་ལྟར་གསུངས་པ་དེ། ཕྲེང་པོ་པའི་རྣམ་ཐར་རུ་རིན་ཆེན་ཕུན་ཚོགས་ཀྱི་གསུང་། ཁོ་བོའི་རྡོ་རྗེ་སློབ་དཔོན་མངའ་རིས་པ་ཆེན་རིན་པོ་ཆེ་དེའི་མཁྱེན་རབ་ལ་མཐའ་མེད། དེའི་བཀའ་ལས། རྙིང་མ་ལུགས་མཐུན་ཞིག་བྱེད་ན་གསང་སྔགས་སྔ་འགྱུར་རང་གི་བསྟན་པའི་བབས་ལ་བཀའ་གཏེར་ཟུང་གཅིག་གཅེས། བཀའ་མ་ནི་མདོ་སྒྱུ་སེམས་གསུམ་ལ་བཀའ་བབས་ཆུ་བོ་བཞིའི་སྒོ་ནས་བཤད་རྒྱུན་རྣམ་པར་དག་པ་འདུག་པ་བཞིན་བཤད་པ་ལག་ལེན་དང་བཅས་པ་བཀའ་མ་ལྟར་བྱེད་དགོས། ཆོས་ཀྱི་ཟབ་གནད་རྣམས་ནི་བརྒྱུད་པ་དང་ཆོས་ལ་སེལ་མེད་ཅིང་མཁའ་འགྲོའི་ཁ་རླང་ཆི་ལེ་བ་དེ་གཏེར་མ་ཡིན་པས་གཏེར་ཆོས་ཚད་ལྡན་ལྟར་དགོས། དེ་ལྟར་བྱས་ན་རྙིང་མ་ཚུལ་མཐུན་ཅིག་ཡོང་

― TN03_Page_0945 ―

^{[མ་དཔེ་གཟིགས་ན་འདིར་གནོན།]}

(༥༨༦)གསུང་། ཞེས་སོགས་འབྱུང་བ་ལྟར་པ་ཆེན་ཆོས་ཀྱི་རྒྱལ་པོ་སོགས་རིག་འཛིན་གོང་མའི་མན་ངག་མངའ་བའི་བཤད་སྲོལ་ཡིན་པས་ཆེས་བཟང་བར་མཐོང་ངོ་། ༈ །གསང་རྫོགས་དང་རང་ཤར་གྱི་རྟ་སྐད་རྣམ་བཤད་ལས། རང་སེམས་དྲི་མ་མེད་པ་དང་། །རང་རིག་ཅེས་གསུངས་པ་ནི་འོད་གསལ་མི་ཤིགས་པའི་སེམས་ཡིན་ཏེ། གསང་རྫོགས་ལུས་གནད་རྩའི་མན་ངག་ལས། དྷཱུ་ཏི་འཆད་པ་ན། རྩའི་གཙོ་མཆོག་ཧེ་རུ་ཀ་ཞེས་ཀྱང་བྱ་སྟེ་རང་སེམས་རྣམ་དག་གསལ་བའི་མན་ངག་གོཿ ཞེས་རང་སེམས་རྣམ་དག་དེ་རྩ་དབུ་མའི་གནད་ལ་བརྟེན་ནས་གསལ་དགོས་པར་བཤད་པ་དང་། འགྱུ་བྱེད་རླུང་གི་གདམས་པ་ལས། ཡང་རྔུབ་ཡང་བསྐྱིལ་ཡང་འཕང་བར་བྱ་སྟེ་གནས་པའི་རླུང་ལ་བསྐྱིལ་ཡུན་བསྲིང་བ་ནི་དྷཱུ་ཏིར་ཚུད་པའི་གནད་དོཿ དེ་ལྟར་ཞག་ཉེར་གཅིག་ཚུན་ཆད་འབད་པས་རླུང་ཟིན་རྟགས་ནི་རླུང་འགྱུ་བ་མི་ཚོརཿ གར་སྤྱིན་ལ་སྦྲང་བུ་འབྱར་བ་ལྟར་གཡོ་འགུལ་མི་ནུས་པ་འབྱུང་ཿ དེའི་ཚེ་བླ་མས་ངོ་སྤྲད་པའི་ཆོས་རྣམས་ཀུན་གྱི་དེ་བཞིན་ཉིད་རིག་པ་བྱང་ཆུབ་ཀྱི་སེམས་རྟོགས་ཏེཿ ཉོན་མོངས་རྣམ་རྟོག་ཐམས་ཅད་རང་སངས་ནས་རང་བྱུང་ཡེ་ཤེས་མཐའ་རྒྱས་པར་འགྱུར་རོཿ ཞེས་སྲོག་དྷཱུ་ཏིར་ཚུད་པ་ལས་རིག་པ་ངོ་འཕྲོད་པར་གསུངས་པ་དང་། འབར་འཛག་གཏུམ་མོའི་གདམས་པར་འཁོར་ལོ་བཞིའི་ལྟེ་བར་ཐིག་ལེའི་རང་བཞིན་གྱི་ཡི་གེ་བསྒོམས་ནས་སེམས་འཆིང་བར་བཤད་

― TN03_Page_0946 ―

^{[མ་དཔེ་གཟིགས་ན་འདིར་གནོན།]}

(༥༨༧)པའི་སྐབས་སུ། རང་རིག་སྤྲིན་མེད་པར་སྣང་བཞིནཿ དྭངས་ལ་གསལ་བ་རང་སར་ཞོགཿ མེ་ལོང་ནང་གི་གཟུགས་བརྙན་ལྟརཿ ས་ལེ་ཧྲིག་གེ་འཛིན་མེད་དུ་བཞག་གོཿ དེ་ཁོ་ན་ངོ་སྤྲད་པ་ནིཿ དེ་ལྟར་སྲོག་འཛིན་བྱང་ཆུབ་སེམས་ཀྱི་རང་བཞིནཿ བདེ་སྟོང་འཛིན་མེད་དུ་སྙིང་དབུས་སུ་སད་པསཿ འཁོར་འདས་ཐམས་ཅད་ཡེ་ཤེས་ཀྱི་རྩལ་དུ་ཤེསཿ ལྷན་ཅིག་སྐྱེས་པའི་ཡེ་ཤེས་ངོས་ཟིནཿ ཞེས་གསུངས་ཤིང་། སྲོག་འཛིན་བྱང་ཆུབ་སེམས་ཀྱི་ངོས་འཛིན་ཡང་དེ་ཉིད་ལས། སྲོག་འཛིན་བྱང་ཆུབ་སེམས་ནིཿ སྙིང་དབུས་ཁྲག་གི་དྭངས་མ་བྱེའུ་ལྕོག་གའི་སྒོ་ང་ཙམ་གྱི་ནང་ནཿ འོད་ཀྱི་གའུ་སྲན་མ་ཙམ་པའི་དབུས་ནཿ དྲན་རིག་ཤེས་པ་གནས་སོཿ ཞེས་སོ། །དེ་འདྲ་བའི་རང་སེམས་དྲི་མེད་དེ་ཉིད་བདེ་བའི་ཆགས་ཉམས་དང་ལྡན་པ་དང་། དེའི་སྟེང་ནས་ལམ་བསྒྲུབ་ན་སྒྲུབ་གཞི་རླབས་ཆེ་བའི་དབང་གིས་ས་ལམ་ཆེས་བདེ་མྱུར་དུ་བགྲོད་པས་ན་རྟའི་ཞལ་ལོ། །འཚེར་སྐད་ནི་འབོད་ཅིང་སྐུལ་བར་བྱེད་པའི་ཆགས་སྐད་དེ། གང་སྣང་བརྟན་གཡོ་ཐམས་ཅད་ལྷན་སྐྱེས་ཡེ་ཤེས་ཀྱི་མདངས་སུ་ཁ་དོག་བསྒྱུར་ཏེ། མ་རིག་པའི་གཉིད་ཀྱིས་ནོན་པའི་འཁྲུལ་སྣང་འདི་དག །ལྷ་སྔགས་ཡེ་ཤེས་ཀྱི་འཁོར་ལོ་ཉག་གཅིག་ཏུ་སད་པར་བྱེད་ཅིང་། དེའི་ཚུལ་གྱིས་སྣང་གྲགས་རྟོག་གསུམ་བདེ་ཆེན་བསམ་མི་ཁྱབ་ཀྱི་ཐིག་ལེར་བསྡུས་ནས་འོད་གསལ་དང་

― TN03_Page_0947 ―

^{[མ་དཔེ་གཟིགས་ན་འདིར་གནོན།]}

(༥༨༨)སྒྱུ་འཕྲུལ་དྲ་བའི་ལྟད་མོ་གཉིས་ལ་རྩེ་གཅིག་ཏུ་བྱེད་པའོ། །ཡུལ་སྣང་གང་ཤར་གྱི་སྟེང་དུ་བདེ་བའི་རྩལ་འབར་བའམ་རྒྱས་པ་ལ་བདེ་ཆེན་བཞད་པའི་གད་རྒྱངས་སུ་འཇོག་པ་ནི། མཚན་བརྗོད་ལས། གང་རྒྱངས་ཧ་ཧ་ངེས་པར་སྒྲོགས། །སོགས་དང་ཡང་ཕྱོགས་མཐུན་ནོ། ༈ །སེམས་ཅན་གྱི་དུས་ན་ཤེས་པ་ཡུལ་ལ་གཡོ་བའམ་ཡུལ་བགྲོད་པར་བྱེད་པ་ལ་རླུང་ཞེས་ཟེར་ལ། དེའི་རྩ་བ་མཐར་གཏུག་ན་འོད་གསལ་གྱི་བཞོན་པའམ་འོད་གསལ་སྤྲོ་བསྡུ་བྱེད་མཁན་གྱི་རླུང་མི་ཤིགས་པ་ལ་ཐུག་གོ །འགྲོ་འོང་། འབྲས་དུས་སུ་དེ་འདྲའི་གཡོ་བ་དེ་གཏན་ནས་མེད་ཀྱང་། དེའི་དོན་དུ་ཡེ་ཤེས་རང་གི་སྟེང་ན་བརྟན་གཡོའི་འཇིག་རྟེན་མཐའ་དག་ལ་ཁྱབ་པར་ཞུགས་ནས་དེ་ཐམས་ཅད་བདེ་བའི་རོ་ཉམས་སུ་འཆར་བར་བྱེད་པའི་རྩལ་ཤུགས་མཐར་ཕྱིན་པ་ཡོད་པས། དེ་ཉིད་ལ་སྔོན་གྱི་རྗེས་སུ་འབྲངས་པ་སྟེ། རྒྱུ་དུས་ཀྱི་ཤན་གྱིས་ཡེ་ཤེས་ཀྱི་རླུང་ཞེས་ཐ་སྙད་བྱེད་པ་ཙམ་མོ། །སེམས་ཅན་གྱི་ངག་དག་པ་ནི་གསུང་རྡོ་རྗེ་ཡིན་ཅིང་། ངག་གི་རྩ་བ་རླུང་ཡིན་པས། དེའི་ཤན་གྱིས་གསུང་རྡོ་རྗེའི་འཆར་གཞིའང་ཡེ་ཤེས་ཀྱི་རླུང་དེའོ། །འདི་ལ་སྒྱུ་དྲའི་ལེའུ་བཞི་པ་ལ་སོགས་པར་ཤེས་དང་ཤེས་བྱ་མཚམས་སྦྱོར་བའམ་བརྡ་སྤྲོད་པར་བྱེད་པ་ལ་གསུང་ཞེས་བཤད་པ་སོགས་ལ་བརྟེན་ནས་ཞིབ་ཏུ་བསམ་མོ། །ད་ལྟ་ནས་སངས་རྒྱས་པའི་ཡེ་ཤེས་ཀྱི་རྩལ་ལམ་མཐུའི་ཁྱད་པར་དེ་ལྟ་བུ་དེ་ལག་

― TN03_Page_0948 ―

^{[མ་དཔེ་གཟིགས་ན་འདིར་གནོན།]}

(༥༨༩)རྗེས་སུ་འཇོག་བྱེད་ཀྱི་རྒྱུ་མཐུན་སྒྲུབ་ཚུལ་ནི། བརྟན་གཡོ་ཐམས་ཅད་འོད་གསལ་གྱི་རྣམ་འཕྲུལ་གྱི་ལྷ་སྔགས་རབ་འབྱམས་སུ་དབང་བསྒྱུར་བར་བྱེད་པའི་རྣལ་འབྱོར་འདི་ཉིད་ཡིན་ཅིང་། འདིའི་སྒོ་ནས་ཡང་དང་ཡང་དུ་འོད་གསལ་མངོན་དུ་བྱས་ཏེ། གང་དུ་བདེ་ཆེན་ཞེས་བྱ་གཅིག་པུ་ཉིད། །གཅིག་པུས་ཉམས་ནི་དུ་མས་གར་མཛད་དོ། །ཞེས་པའི་བག་ཆགས་འོད་གསལ་ལ་ཡང་ཡང་བཞག་སྟེ་སྟོབས་སུ་གྱུར་པ་ན། མི་ཤིགས་པའི་རླུང་སེམས་རང་གི་སྟེང་ནས་སྒྱུ་འཕྲུལ་དྲྭ་བའི་གནས་ལུས་ལོངས་སྤྱོད་འབྱམས་ཀླས་པ་སྨིན་ཅིང་སྤྲོ་བའི་ནུས་པའང་ཐོབ་འོང་བས། གསང་རྫོགས་སོགས་སུ་ཡེ་ཤེས་ཀྱིས་ཡུལ་ལ་ལོངས་སྤྱོད་ཚུལ་ཁྱད་པར་བའི་སྟེང་ནས་པདྨ་གསུང་དབང་ཆེན་གྱི་རྟ་སྐད་ལ་བཤད་པ་མཛད་དོ། །དེ་ལྟར་བྱས་ན་གསུང་རྡོ་རྗེ་མི་ཤིགས་ནཱ་དའི་དབྱངས་ཞེས་པ་ལྷན་སྐྱེས་ཀྱི་བདེ་བའི་གདངས་ཉིད་ལ་འཇོག་པས། རྗེས་ཆགས་ཀྱི་འཚེར་སྐད་དུ་ཆེས་འཐད་དོ། ༈ །མཐའ་བྲལ་སྟོང་པ་ཉིད་ནི་ཆོས་ཐམས་ཅད་ཀྱི་གཏིང་མཐར་ཐུག་ཡིན་ཏེ། སྡུད་པར། ཤེས་རབ་ཀྱིས་ནི་བརྟགས་ན་ཕུང་པོའི་གཏིང་མི་རྙེད། །ཅེས་དང་། མཐར་ཐུག་བདེན་པ། ཞེས་དང་། དོན་དམ་བདེན་པ་ནི་ཀུན་རྫོབ་ཀྱི་གནད་གསང་དེ་ཕན་ཆད་དུ་འབྱེད་རྒྱུ་མེད་པ་ཡིན་པས་དེ་རྟོགས་པ་ལ་ཤིན་ཏུ་རྣམ་པར་ཕྱེ་བའི་བློ་ཞེས་བཤད་པར་ས་བཅུ་པའི་དབྱིག་འགྲེལ་ལས་གསུངས་པ་རིགས་པ་མཚུངས་སོ། །དེ་ལྟ་བུའི་གནས་ལུགས་ཀྱི་

― TN03_Page_0949 ―

^{[མ་དཔེ་གཟིགས་ན་འདིར་གནོན།]}

(༥༩༠)གཏིང་ཕིགས་པའི་རྣལ་འབྱོར་བླ་མེད་པའི་བདེ་ཆེན་གྱི་རྟ་སྐད་ནི་རྡོ་རྗེ་རྟ་སྐད་ཅེས་བྱ་སྟེ། སྲིད་ཞིའི་ཆོས་གང་ལ་ཡང་ཐལ་བྱུང་ཐོགས་མེད་དུ་འཇུག་པའི་ཕྱིར་དང་། ཤིན་ཏུ་ཚབས་ཆེར་འཇུག་པའི་ཕྱིར་རོ། །དེ་བས་ན་དངོས་པོ་ཐམས་ཅད་ཀྱི་རང་དབང་གི་རྒྱ་གཏན་ནས་བཤིགས་ཏེ། གནད་སྲོག་ནས་བཟུང་སྟེ་འདྲེན་པར་བྱེད་ལ་ཕ་ལམ་གྱི་ཀྱོ་བས་ལྕགས་འབིགས་པ་ལ་རྩའམ་ཤིང་གི་གོ་ཆས་སྲུང་མི་ནུས་པ་ལྟར། དེ་ལ་བར་ཆད་ཀྱི་རྣམ་པ་གང་གིས་ཀྱང་བགེགས་བྱར་མེད་པ་ཡིན་ནོ། ༈ །བདེ་སྟོང་གི་རྣལ་འབྱོར་གྱིས་ཡུལ་སྣང་ཟིལ་གྱིས་གནོན་པའི་ནུས་པ་ཀློང་དུ་གྱུར་པ་ན། དབང་གི་རྒྱལ་སྲིད་ཐོབ་པ་ཡིན་པས་ཐུན་མོང་གི་དངོས་གྲུབ་དམ་པར་བསྔགས་ཤིང་། རྟ་སྐད་ཀྱི་དགོངས་པ་དེ་དང་མི་མཐུན་པའི་ཡིད་བྱེད་མཉམ་རྗེས་ཐམས་ཅད་དུ་བཀག་སྟེ། ལྷན་སྐྱེས་ཀྱི་བདེ་བའི་སྟེང་ནས་དེ་ཁོ་ན་ཉིད་ལ་སེམས་བརྟན་པར་བྱེད་པ་ནི་ཕྱག་རྒྱ་ཆེན་པོ་མཆོག་གི་དངོས་གྲུབ་ཀྱི་རྩ་བ་དམ་པ་ཡིན་པས། རྟ་སྐད་ཀྱི་རྣལ་འབྱོར་དངོས་གྲུབ་རྒྱ་མཚོའི་སྲག་ཏུ་ཟུང་སྟེ། བདེ་འདུས་མ་ཚང་ཁ་སྐོང་བའི་རྒྱུད་ཀྱི་ལེའུ་དགུ་པ་དབང་ཆེན་སྒྲུབ་པའི་ཁ་སྐོང་གི་ལེའུར། རྟོགས་པའི་རི་བོ་སེམས་ཉིད་དུཿ སྣང་བ་ཐམས་ཅད་དབྱེར་མེད་ནཿ ཐུན་མོང་དངོས་གྲུབ་དམ་པ་ཡིནཿ དབང་གི་དཀྱིལ་འཁོར་རང་ལ་སྣང་ཿ རིག་པའི་རྒྱལ་པོ་རང་དབང་ཐོབཿ རང་རིག་བདེ་བར་གནས་པ་ནིཿ དབང་གི་སྒྲུབ་པའི་མཐར་ཐུག་སྟེཿ མཆོག་གི་དངོས་གྲུབ་རྩ་བ་ཡིནཿ ཞེས་སོ།

― TN03_Page_0950 ―

^{[མ་དཔེ་གཟིགས་ན་འདིར་གནོན།]}

(༥༩༡)སྣང་བ་དབང་དུ་གྱུར་ན་སྣང་སྲིད་ཚུར་འདུ་བའི་ཚུལ་ཁྱིམ་གསུམ་ཟིན་ཐོར་སྡེ་བརྒྱད་དབང་སྡུད་ལ་སྦྱར་བ་དེ་གཞན་རྣམས་ལའང་འདྲ་བས། རང་སྣང་དབང་དུ་འདུས་ན་གཞན་སྣང་ཟིལ་གྱིས་ནོན་ཅེས་རིག་འཛིན་བརྒྱུད་པའི་གསུང་སྒྲོས་ལས་འབྱུང་། དེས་ན་བཀའ་བརྒྱད་བསྡུས་འབྲིང་གཉིས་ལས་གཟུག་འཛིན་དབང་བྱེད་ཀྱི་གནད་འདི་དབང་གི་རྟ་སྐད་ཀྱི་དགོངས་པར་གསུངས་ཏེ། ཤིན་ཏུ་གཅེས་པར་སྣང་ངོ་། ༈ །རྗེ་གྲུབ་ཐོབ་ཆེན་པོའི་པདྨ་སྒྱུ་འཕྲུལ་རོལ་པའི་གཞུང་འདིར་རྟ་སྐད་བཤད་ཚུལ་ནི། རྟ་སྐད་ཀྱི་དབྱེ་བ། དེ་ཉིད། མཛད་པ་དང་གསུམ་ལས། དང་པོ་ནི། བྲོ་ཆོགས་ལས་རིགས་དྲུག་གི་རྟ་སྐད་སོ་སོར་གསུངས་པ་རྣམས་སོ། །གཉིས་པ་ལ། སྤྱི་དང་། བྱེ་བྲག་གི་དེ་ཉིད་གཉིས་ལས། དང་པོ་ནི། དཀྱིལ་ཆོག་ལས། ཡེ་ཤེས་གཟི་འབར་རྔམས་ཤིང་བཞད་པའི་སྒྲསཿ འཁོར་འདས་ཐམས་ཅད་དབང་སྒྱུར་ཟིལ་གྱིས་གནོནཿ ཞེས་གསུངས་པ་དེའོ། །གཉིས་པ་ནི། བདེ་ཆེན་གྱི་ཡེ་ཤེས་ལ་ལྡོག་ཆས་ཕྱེ་བའི་ཡེ་ཤེས་དྲུག །རྟ་སྐད་སོ་སོ་དང་སྦྱར་ནས་བྲོ་ཆོག་ཏུ་གསུངས་པ་རྣམས་སོ། །གསུམ་པ་ལ། སྤྱིའམ་གཙོ་བོའི་མཛད་པ་ནི་དཀྱིལ་ཆོག་གི་གཞུང་དེས། བཞད་སྒྲའི་གཟི་བྱིན་གྱིས་འཁོར་འདས་ཐམས་ཅད་ཟིལ་གྱིས་གནོན་པར་བསྟན་ནོ། །སོ་སོའི་མཛད་པ་ནི། རིགས་སོ་སོའི་རྟ་སྐད་ཞི་སོགས་ལས་སོ་སོ་དངསྦྱར

― TN03_Page_0951 ―

^{[མ་དཔེ་གཟིགས་ན་འདིར་གནོན།]}

(༥༩༢)ནས་བྲོ་ཆོག་ཏུ་གསུངས་པ་རྣམས་སོ། ༈ །དེ་ལྟར་རྟ་གླུ་དེ་ཉིད་རིགས་ཀྱི་དབྱེ་བས་སྒྱུར་ལུག་རེ་བྱས་པས་རྣམ་བཞིའི་ཕྲིན་ལས་རབ་འབྱམས་བྱེད་པར་གསུངས་པ་ནི། རྟ་གླུའི་དེ་ཉིད་རྗེས་ཆགས་ཀྱི་བདེ་བ་གཅིག་པུ་དེ་ཉིད་སྒྱུར་ལུགས་རེ་བྱས་པས་ལས་ཚོགས་རབ་འབྱམས་བྱེད་ཅིང་དེའང་ཐུན་མོང་གི་དངོས་གྲུབ་ཁ་ཅིག་ནི་དེ་མེད་པར་གཏན་མི་འགྲུབ་པའང་ཡོད་ལ། ལས་ཕྲན་ཚེགས་རྣམས་ཀྱང་། དེ་ཡོད་ན་དུས་ཐུང་ངུ་དང་། ཚེགས་ཆུང་ངུས། མཚན་ཉིད་ཡོངས་སུ་རྫོགས་པར། འགལ་རྐྱེན་གང་གིས་ཀྱང་བཟློག་ཏུ་མེད་པའི་ཚུལ་གྱིས་འགྲུབ་པར་བྱེད་པའི་མཐུ་ཕུལ་དུ་བྱུང་བ་ཡོད་པ་ལ་དགོངས་ནས། བདེ་སྟོང་གི་ཡེ་ཤེས་ལ་ལས་སྔགས་སུ་རྒྱུད་ལས་གསུངས་པ་དང་སྦྱར་ནས་ངེས་པ་དྲང་ངོ་། །དངོས་གྲུབ་བསྒྲུབས་ཀྱང་མ་གྲུབ་ན་སྤོགས་ཆོག་བྱ་བའི་སྐབས་སུ་སྤྱོད་རྒྱུད་ལས། སྟོང་ཉིད་སྒོམ་པ་སྤོགས་ཆོག་གི་མཆོག་ཏུ་སུངས་པ་དང་། །སྟོང་ཉིད་སྒོམ་བྱེད་ཀྱི་ཡུལ་ཅན་ལ་ལྷན་སྐྱེས་ཀྱི་བདེ་བ་བསྔགས་པས། དེ་དང་ཡང་སྔ་མ་སྦྱར་ན་དགའ་བ་སྟེར་ཏེ་འདི་གཞན་ནས་བླངས་སོ། ༈ །རྟ་སྐད་ཀྱི་གསལ་བྱེད་དྲན་ཐོ་མཁས་པའི་ཡིད་འཕྲོགས་འདི་ལ་ཞར་བྱུང་གཅེས་པ་འདི་ལྟ་བུ་ཡོད་དེ། འཇིག་རྟེན་དབང་པོའི་མཚན་བརྒྱ་ལ། མཆོག་ཆེན་རྡོ་རྗེའི་གླུ་ལ་བསྟོད་པ། ཞེས་གསུངས་པ་དང་། ཀྱེ་རྡོར་བརྟགས་པ་ཕྱི་མའི་ལྔ་པར། གླུ་གསུང་རྡོ་རྗེའི་རྣལ་འབྱོར་

― TN03_Page_0952 ―

^{[མ་དཔེ་གཟིགས་ན་འདིར་གནོན།]}

(༥༩༣)གྱིས་བླང་། ཞེས་གསུངས་ལ། ཁྱད་པར་འཚེར་སྐད་ནི་རྗེས་ཆགས་ཀྱི་གླུ་དབྱངས་ཡིན་པས་འདོད་ཆགས་རྡོ་རྗེའི་རིགས་སོ། །འདུས་ཀྱེ་སོགས་ལས། པདྨའི་རིགས་ཀྱི་ཕྱག་རྒྱ་གར་མཁན་གྱི་བུ་མོ་ཞེས་བཤད་པ་དང་། འོད་དཔག་མེད་ལ་གར་དབང་ཞེས་རྒྱུད་མང་པོར་གྲགས། རྟ་རྒྱུད་རྣམས་སུ་བྲོ་ཁོ་ན་རྣམ་གྲངས་དུ་མས་ཡང་ཡང་བཤད་ཡོད་པའང་འདི་ལྟར་ཡིན། གསང་རྫོགས་ལས། གླུ་བྲོ་གར་ལ། ཞེས་དང་། སྒྱུ་དྲ་ལས། བྲོ་གར་འདུ་འཕྲོའི་ཡོ་བྱད། ཅེས་པས་བྲོ་གར་འདྲའོ། །དེ་ལྟར་ན་པདྨའི་རིགས་རྣམས་ཀྱི་རིགས་ཆོས་ཀྱི་ལས་སྒོ་གསུམ་གྱི་བྱ་བ་མཐའ་དག་གླུ་གར་གྱི་ཏིང་ངེ་འཛིན་ཁོ་ནའི་སྟེང་ནས་སྐྱོང་བ་ནི། བདེ་མཆོག་པའི་གཡོན་པའི་ཀུན་སྤྱོད་ལྟར་འདིའི་སྔགས་པའི་བསླབ་པའི་ཀུན་སྤྱོད་བླ་ན་མེད་པར་སྣང་བས་ཕའི་རིགས་ཀྱི་ལས་ལ་བུ་ངེས་པར་སྤྱོད་པ་བཞིན་དུ་ཡི་དམ་བྱའོ། ནི་གླུ་བྲོའོ། །དེས་ན་དེ་གཉིས་ཀྱི་སྒོ་ནས་དངོས་གྲུབ་སྒྲུབ་པ་འདི་རྟ་རྒྱུད་ལས་མང་དུ་གསུངས་ལ། གཞུང་འདིར་ཡང་རྟ་བྲོ་རིགས་དྲུག་དང་། དེ་དག་གི་སྒོས་མཛད་དྲུག །སྤྱིའི་ཆེ་བརྗོད་དང་བཅས་པ་གསུངས་སོ། ༈ །གྲོལ་ཐིག་རྟ་མགྲིན་དྲེགས་འདུལ་ལས། འཁོར་འདས་དབང་དུ་སྡུད་པའི་གདེང་ནིཿ དབང་ཆེན་རྟ་མགྲིན་གྱི་ཡེ་ཤེས་ཀྱི་རོལ་པ་ཆེན་པོ་གཅིག་ལས་ནམ་ཡང་གཡོ་བ་མེད་པའི་ངང་ལས་གང་ལ་ཡང་ཉམ་ང་བ་དང་བག་ཚ་བ་མེད་པར་གདོན་བགེགས་ཀྱི་སྟེང་དུ་ཐོག་བརྫི་

― TN03_Page_0953 ―

^{[མ་དཔེ་གཟིགས་ན་འདིར་གནོན།]}

(༥༩༤)བྱའོཿ དེ་ལྟ་བུ་དགོངས་པ་དང་ལྡན་ཙ་ན་ལྷ་འདྲེ་མི་གསུམ་དབང་དུ་འདུ་བར་འགྱུར་རོཿ དྲེགས་པ་ཅན་རྣམས་ལས་ལ་བཀོལ་ནས་བྲན་བཞིན་དུ་ལས་བྱེད་དོཿ གལ་ཏེ་བྲན་དུ་མི་ཁོལ་བའམ་ལས་བྱེད་དུ་མ་འདོད་ནཿ ཨོཾ་བཛྲ་དུན་བྷྱོཿ སོགས། ཞེས་རྩ་སྔགས་ལ་བཏགས་ནས་བྲོ་བརྡུང་བས་བར་ཆད་གདོན་བགེགས་རྡུལ་དུ་བརླག་པར་ཐེ་ཚོམ་མེད་དོཿ ཞེས་སྣང་སྲིད་ཐམས་ཅད་བདེ་ཆེན་གྱི་རོལ་པར་ལྟ་བའི་སྒོ་ནས་མི་ཕོད་པའི་ཡུལ་དུ་ཐོག་བརྫིས་གཏོང་བར་བཤད་དོ། འདི་ནི་བརྟགས་གཉིས་ལས་སྤྱོད་པའི་སྐབས་སུ། ངེས་པར་སྔོན་དུ་ལྷ་མིན་གང་། །བརྒྱ་བྱིན་ལྟ་བུ་ཡིན་ན་ཡང་། །དེ་ལ་འཇིགས་པར་མི་བྱ་སྟེ། །སེང་གེའི་གཟུགས་ཀྱིས་རྣམ་པར་རྒྱུ། །ཞེས་གསུངས་པ་ལྟ་བུ་སྟེ་གལ་ཆེའོ། །དེ་དང་འདྲ་བར་རྟ་མཆོག་རོལ་པའི་རྒྱུད་ལས་ཀྱང་། ཐུག་ཕྲད་ཀྱི་དངོས་པོ་གང་ལ་ཡང་མི་བཟུར་ཞིང་ཐེ་ཚོམ་མེད་པར་སྨྱོན་པའི་བརྟུལ་ཞུགས་ཀྱིས་རྫི་ཞིང་རྡེག་པ་ནི་གདུག་པ་དང་དྲེགས་པ་ཅན་མཐའ་དག་ཐོགས་མེད་དུ་འདུལ་བ་ལ་ངེས་པར་བསྟན་པར་བྱ་བའི་བརྟུལ་ཞུགས་སུ་གསུངས་ཏེ། བར་ཆད་ཀྱི་རྐྱེན་གང་དང་ཕྲད་ཀྱང་དེ་མ་ཐག་སྒྱུ་མ་ལྟ་བུར་ཤེས་པའི་རྣལ་འབྱོར་གྱིས་རྫི་ཞིང་འགྲོ་བ་དང་། དེའང་ཡང་དང་ཡང་དུ་རྡེག་པའམ་རྫི་བའི་ཏིང་ངེ་འཛིན་གྱིས་བརྟུལ་ཞུགས་བྱེད་པ་ཉིད་དོ། །དེ་དག་ཀུན་ཀྱང་རྟ་བྲོའི་དགོངས་སྤྱོད་ཉིད་འཆད་པར་སྣང་ངོ་། །དང་

― TN03_Page_0954 ―

^{[མ་དཔེ་གཟིགས་ན་འདིར་གནོན།]}

(༥༩༥)པོ་ནས་མོས་སྒོམ་ཚུན་ཆད་ཀྱིས་གོམས་པར་བྱས་ན་མཐར་ཡུལ་རྐྱེན་བཟང་ངན་ཐམས་ཅད་ཟིལ་གྱིས་གནོན་ནུས་སོ། །དུས་ངན་གདོན་བགེགས། སྔོན་ལས། དུས་ཀེགས་སོགས་གང་ལའང་བདག་གཉིས་ཀྱི་སྲོག་དང་ལྡན་པར་མཐོང་བའི་ལོག་ཤེས་ཅི་ཙམ་ཤུགས་ཆེ་བ་དེ་ཙམ་དུ་དེའི་རང་མདངས་ཡུལ་ལ་ཤར་ནས་བར་ཆད་གང་ཡང་སྲོག་དང་ལྡན་པ་དང་། དེའང་རྡོ་རྗེ་ལྟར་བརླིང་བའི་སྲོག་དང་ལྡན་པ་བཞིན་དུ་མཐུ་ཆེ་ཞིང་གཞོམ་དཀའ་བར་འགྱུར་ལ། དེ་ལྟ་བུའི་འཛིན་པ་ཕྱིན་ཅི་ལོག་གི་འཁྲིལ་འཁོར་ཞིག་ནས། བར་ཆད་དེ་དག་ཐམས་ཅད་རང་སེམས་ཀྱི་གཤིས་ལ་གཏན་ནས་མ་ཞུགས་པའི་ལོག་རྟོག་གློ་བུར་བ་ཁོ་ནའི་རྩ་བ་ཅན་གྱི་རྒྱུ་རྐྱེན་དང་ཆ་ཤས་མང་པོ་ལ་བརྟེན་ནས་མིང་དང་རྟོག་པ་འབའ་ཞིག་གིས་བཟོ་སྦྱར་བའི་གསོག་ཉག་གཅིག་ཏུ་མཐོང་ནས་གོམས་པར་བྱས་ན། དེ་ཐམས་ཅད་ཀྱང་རི་མོའི་མདུང་ལྟར་མཐུ་མེད་པ་དང་། ལྦུ་བ་ལྟར་ཉམ་ཆུང་བ་ཤ་སྟག་ཏུ་འགྲོ་བས་གཞུང་འདིའི་གཏོར་ཟློག་ལས། དགྲ་གསུམ། བདུད་བཞི། ཆག་ཆེ་ཉམ་ང་ཐམས་ཅད་བདེ་སྟོང་གི་རྟོགས་པས་ཕམ་པར་བྱ་བར་གསུངས་པས་རྟ་བྲོའི་དགོངས་པ་བཤད་མ་ཐག་པའི་ངང་ནས་ཐོག་བརྫིས་གཏོང་བ་ནི་རིག་སྔགས་འཆང་གི་ལག་ཆ་བླ་ན་མེད་པའོ། །དེར་མ་ཟད་སྔགས་ཀྱི་སྐབས་འདིར་རྐྱེན་སྣང་དེ་དག་ཐམས་ཅད་དག་པ་རབ་འབྱམས་སུ་བལྟས་ནས་སློབ་རྒྱུ་ཡོད་པས། དེའི་ལག་རྗེས་ལ་འབྲས་

― TN03_Page_0955 ―

^{[མ་དཔེ་གཟིགས་ན་འདིར་གནོན།]}

(༥༩༦)བུའི་དུས་སུ་རྣམ་དག་གི་ལྷ་སྔགས་ཕྱག་རྒྱའི་འཁོར་ལོ་རབ་འབྱམས་ཤིག་འབྱུང་ཞིང་། ལམ་དུས་སུའང་བགེགས་ཡི་དམ་གྱི་ལྷར་བལྟས་ནས་དངོས་གྲུབ་ལེན་པར་གཏེར་གཞུང་བྱང་གཏེར་གེགས་སེལ་ནོར་མཛོད་དང་། གྲོལ་ཐིག་ཐུགས་རྗེ་ཆེན་པོ་སོགས་ཏེ། སྐྱབས་རྗེའི་བསམ་ལྷུན་ཟིན་བྲིས་སོགས་མང་པོ་མང་པོར་སྣང་། ཚད་ལྡན་ནས་བཤད་པ་ལྟ་བུ་དུ་མ་ཞིག་ཡོད་དོ། ཡུལ་གྱི་སྟེང་གི་མ་དག་པའི་དུག་ཕྲོགས་ནས་དག་པ་དངོས་གྲུབ་ཀྱི་སྒོར་བྱིན་གྱིས་རློབ་པ་འདི་ནི་རྟ་སྐད་ཀྱིས་སྣང་བ་ཟིལ་གྱིས་གནོན་ཚུལ་ཡང་ཡིན་ནོ། །བསམ་རྒྱུད་འདི་ནི་རྣལ་འབྱོར་བླ་མེད་པའི་ལམ་གྱི་གཅེས་ནོར་ཅིག་སྟེ། རྡོ་རྗེ་ཕྲེང་བར། རྣལ་འབྱོར་དབང་པོ་གང་གང་འདོད། དེ་དེ་ཐོགས་པ་མེད་བར་བྱ། མཉམ་པར་མ་བཞག་རྣལ་འབྱོར་གྱིས། །རྟག་ཏུ་མཉམ་པར་འཇོག་པར་འགྱུར། །ཅེས་སོགས་མཐའ་ཡས་པ་གསུངས་སོ། །དེ་ལྟར་གླུ་གར་གཉིས་ཀྱི་དེ་ཉིད་གཅིག་ཡིན་ཀྱང་། རྐང་སྟབས་དང་སྔགས་ཚིག་གི་སྒོ་སོ་སོར་ཤར་ནས་རིམ་བཞིན་སྐུའི་མཛད་པ་དང་གསུང་གི་མཛད་པའི་སྒོས་དངོས་གྲུབ་ཀྱི་རེ་བ་རྫོགས་པར་མཛད་པའོ། །བྲོ་ཕྱག་རྒྱར་འཇོག་ནའང་རུང་སྟེ། བྲོ་གར་གཉིས་ཀྱི་ཁྱད་པར་ནི། རྐང་པའི་བྲོ་དང་། ལག་པའི་གར་ཞེས་པ་སྟེ། བྲོས་རི་བྲག་དང་། ས་འོག་གི་འཁྲུལ་འཁོར་སོགས་ལ་ཐོགས་པ་མེད་པར་འཛུལ་ལམ་གར་གྱིས་ནམ་མཁའ་འགྲོ་བར་འགྱུར་ཞེས་སྒྱུ་འཕྲུལ་བ་རྣམས་གསུང་ངོ་། །འདི་ནི་སྒྱུ་འཕྲུལ་ལས་བཤད་ཚུལ་ཡིན་གྱི་རྣམ་པ་ཀུན་ཏུ་འཁྱེར་མི་བཏུབ་སྙམ། སྒྱུ་

― TN03_Page_0956 ―

^{[མ་དཔེ་གཟིགས་ན་འདིར་གནོན།]}

(༥༩༧)འཕྲུལ་ལས། རྐང་གཉིས་ཆོས་དང་ལས་ཀྱི་སེམས་དཔར་གསུངས་ནས། ཡན་ལག་ཐམས་ཅད་དཀྱིལ་འཁོར་དུ་བྱིན་གྱིས་བརླབས་ནས་ཕྱག་རྒྱ་སྤྲོས་པའི་ལེའུ། ཞེས་གསུངས་པ་སོགས་ཀྱིས་རྐང་པ་བསྒུལ་བསྐྱོད་ཕྱག་རྒྱར་བྱ་བ་བསྟན་ཅིང་གསང་ཞབས་ཀྱི་ལམ་རིམ་ལས་ཀྱང་གསལ་ལོ། །འཇིག་རྟེན་ན་སྐྱིད་པའི་རྐང་བྲོ་ཟེར་བ་ལྟར་ལྷན་སྐྱེས་ཀྱི་དགའ་བའི་ཉམས་འབར་བའི་སྤྱོད་པར་བྲོ་གར་བྱེད་པ་དང་སྤྱོད་པ་དེས་ཀྱང་ཉམས་དེ་སྤོར་བར་བྱེད་པས་དེ་གཉིས་ཕན་ཚུན་གྲོགས་སུ་འཇུག་པ་སྟེ། བརྟུལ་ཞུགས་ཀྱི་སྤྱོད་པའི་སྐབས་ཀྱི་གར་དང་ཡང་ཚུལ་འདྲའོ། །རྗེ་དང་མཆོག་གླིང་ཐུན་མོང་གི་གཏེར་ཁ་གར་ཆོག་རིན་ཆེན་རོལ་བ་སོགས་འགའ་རེ་ན་གསལ་ལོ། །བདེ་ཆེན་གཅིག་པུ་དེ་ཉིད། ཞི་ཞིང་དང་བ་དང་། དགའ་ཞིང་སྤྲོ་བ་དང་། ཆགས་ཤིང་ཞེན་པ་དང་། ཁྲོ་ཞིང་རྔམ་པ་སྟེ་ལས་ཀྱི་སྟོང་སེམས་ཐ་དད་དུ་ཉམས་བསྒྱུར་བའི་བསམ་པའི་ཁྱད་པར་བཞིན་དུ་བྲོ་གར་གྱི་སྤྱོད་པ་ཡང་རྣམ་པ་གཞན་དང་གཞན་དུ་མཛད་ནས་གཞུང་འདིར་གསུངས་ཤིང་། དངོས་གྲུབ་ཀྱང་སོ་སོར་གསུངས་སོ། །བྲོ་འདིས་སྣང་བ་དབང་དུ་བྱེད་པར་མ་ཟད་དབང་དུ་བྱས་པ་དེ་ལས་མི་འདའ་བའམ་མི་ལྡང་བར་ཟིལ་གྱིས་གནོན་ཅིང་རེང་བར་ཡང་བྱེད་དོ། །ཕྱག་རྒྱས་བཏབ་པའི་དོན་དུ་འགྲོ་བ་ཉིད་ཀྱི་ཕྱིར་རོ། །རྣམ་པ་གཅིག་ཏུ་ན། གླུ་བྲོའི་དེ་ཉིད་ཀྱི་ཁྱད་པར། གླུ་ནི་ཡུལ་སྣང་

― TN03_Page_0957 ―

^{[མ་དཔེ་གཟིགས་ན་འདིར་གནོན།]}

(༥༩༨)ཐམས་ཅད་བདེ་ཉམས་སུ་མྱོས་པར་བྱེད་པའི་བདེ་བ་དེ་ཡིན་ཅིང་། བྲོ་ནི་བདེ་བ་དེ་ཉིད་ཡུལ་གྱི་རྣམ་འགྱུར་སྣ་ཚོགས་སུ་ཤར་བའི་ཆ་སྟེ། འདི། གར་མཁན་དག་དང་རི་མོ་བཟང་ལྟར་སྣང་། །གང་དུ་བདེ་ཆེན་ཞེས་བྱ་གཅིག་པུ་ཉིད། །གཅིག་པུས་ཉམས་ནི་དུ་མས་གར་མཛད་དོ། །ཞེས་པར་ཡང་མཐུན། དེའི་ཚེ་བློ་ངོར་སྣང་བ་ཐམས་ཅད་བདེ་བའི་གར་དུ་བྱེད་པས་བྲོས་བརྫི་བྱ་ཟུར་དུ་མི་འཆར་མོད། གནས་ཚོད་ལ། དེ་འདྲའི་རྣལ་འབྱོར་གྱི་བྲོ་འདུལ་བྱེད་དང་། ཡུལ་གྱི་ཕྲ་མེན་མ་འདུལ་རྒྱུ། །ཡུལ་གྱིས་རྒྱུད་ཕུང་བར་བྱེད་པའི་གདུག་རྩུབ་བྲོའི་དེ་ཉིད་ཀྱིས་བཅོམ་ནས་དངོས་གྲུབ་ཀྱི་གྲོགས་སུ་འཁྲོལ་བར་བྱེད་པ་འདུལ་ལུགས་སུ་སོང་ཡོད་དོ། །འདི་ནི་རྣལ་འབྱོར་བླ་མེད་པའི་རྫུ་འཕྲུལ་གྱི་རྐང་པའི་རོལ་རྩེད་སྦྱོང་ཚུལ་རྨད་དུ་བྱུང་བའོ། །འདི་ཀློང་དུ་གྱུར་པ་ན་ལྷ་དབང་དང་། མིའི་རྒྱལ་སྲིད་ཀྱི་གནས་དང་། མཁའ་སྤྱོད་དང་། ས་འོག་བདེ་བ་ཅན་སོགས་གང་དུ་བགྲོད་པར་འདོད་ཀྱང་། དེ་དང་དེར་དགོངས་པ་གཏད་དེ་བྲོ་གར་བྱས་པས་ཐོགས་མེད་དུ་མནན་འགྲོ་སྟེ། མནན་ཞེས་པ་ནི་ས་ནས་ས་མནན་ཞེས་པ་ལྟར་དེར་སླེབས་པའི་དོན་ཏོ། །སྒྱུ་འཕྲུལ་ལས། བྲོ་གར་ཚོགས་ཀྱི་སྤྲིན་ཕུང་ལ། །ཧཱུཾ་དུ་ཤེས་པས་རབ་སྤྱད་ན། །ཞེས་དང་། བྲོ་གར་འདུ་འཕྲོའི་ཕྱག་རྒྱ་ཡིས། །འཛུལ་ལམ་ནམ་མཁར་འགྲོ་བར་འགྱུར། །ཞེས་བྲོ་གར་ལ་ངེས་དོན་

― TN03_Page_0958 ―

^{[མ་དཔེ་གཟིགས་ན་འདིར་གནོན།]}

(༥༩༩)གྱི་སྔགས་ཀྱིས་རྒྱས་བཏབ་ནས་སྤྱད་ན། མཁའ་དང་ས་འོག་སྤྱོད་པ་ལ་སོགས་པའི་དངོས་གྲུབ་ཏུ་འགྱུར་བར་བཤད་དོ། །ལྷན་སྐྱེས་ཀྱིས་མཁའ་སྤྱོད་ལ་སོགས་པ་དེ་དག་གི་གནས་ལུགས་ལ་མཉམ་པར་བཞག་པ་ན་གནས་ལུགས་དང་བདེ་བ་ཆེན་པོའི་རོ་གཉིས་ཐ་དད་དུ་སྣང་བ་ཕལ་ཆེར་ལོག་པའི་དབང་གིས། མཉམ་བཞག་ལས་ལངས་པ་ན་གནས་ལུགས་དེའི་རྣམ་འཕྲུལ་ཐམས་ཅད་བདེ་བའི་རྣམ་འཕྲུལ་དུ་ཡང་འཆར་ལ་དེའི་མཐུས་མཁའ་སྤྱོད་སོགས་དེ་དག་ལ་ཡུལ་དང་རང་བཞིན་གྱིས་བསྐལ་བའི་འཆར་ཚུལ་ཟིལ་གྱིས་གནོན་པའི་ནུས་པ་རྙེད་འོང་ངོ། །ཚུལ་འདིས་བསམ་སླེབ་བམ་ཡིད་མགྱོགས་ཀྱི་རྫུ་འཕྲུལ་སྒྲུབ་པ་ནི་བྲོ་གར་གྱི་མན་ངག་དམ་པའོ། །གཏེར་གསར་མཉམ་སྦྱོར་ལས། གར་གྱི་ཕན་ཡོན་འཆད་པ་ན་ཞིང་མཐའ་ཡས་པའི་སངས་རྒྱས་རིག་པའི་ལྷ་མོར་བཅས་པ་རྣམས་དང་ཐབས་ཅིག་ཏུ་འདུག་པར་གསུངས་པའང་འདི་དང་མཐུན་ནོ། །གླུ་ནི་འགྲོ་བའི་ཡིད་དང་རྗེས་སུ་མཐུན་པའི་དམ་པའི་ཆོས་ཀྱི་དབྱངས་དང་། གར་ནི་གདུལ་བྱ་ངོ་མཚར་བར་བྱེད་པའི་རྫུ་འཕྲུལ་གྱི་སྤྱོད་པ་ཞེས་བཤད་ཚུལ་ཡང་ཡོད་འོང་ངམ་དཔྱོད་དགོས། ༈སླར་ཡང་དཀྱུས་ལ་འཇུག་སྟེ། སྔགས་བླ་མེད་ལྟར་ནའང་། སྐྱོབ་འདོད་ཀྱི་བརྩེ་བ་དང་། སྦྱིན་པ་སོགས་དང་། ཏིང་འཛིན་རྣམ་ཐར་གྱི་སྒོ་མཐའ་ཡས་པ་འབྲས་དུས་ན་ཡོད་པར་ནི་འདོད་ལ། སེམས་གཞན་ནི་

― TN03_Page_0959 ―

^{[མ་དཔེ་གཟིགས་ན་འདིར་གནོན།]}

(༦༠༠)།འབྲས་དུས་ན་མེད་པར་འདོད་པས། དེ་ཐམས་ཅད་རྒྱ་ཆེ་བ། གྱ་ནོམས་པ། ཟག་པ་མེད་པའི་ལྷན་སྐྱེས་ཀྱི་བདེ་བ་སྟོང་ཉིད་དང་སྦྱར་བ་ཁོ་ནའི་སྟེང་ནས་འཇོག་གོ །དེས་ན་སྒྲ་རྟོག་སེལ་འཇུག་ཡིན་པས་སངས་རྒྱས་སའི་འོད་གསལ་ཞེས་ཟེར་ཚེ་ཁོལ་བུ་པ་ཞིག་ལྟར་སྣང་ཡང་མ་འདྲེས་པའི་ཆོས་སུམ་བརྒྱ་ལྟ་བུ་མདོ་ཕལ་པོ་ཆེ་ལ་སོགས་པར་རྒྱ་གང་ཆེར་བཀའ་སྩལ་བ་ཐམས་ཅད་དེའི་ཆ་ཤས་རེ་ཡིན་པས་ཆུང་ཆུང་ཞིག་ཏུ་མི་གཟུང་སྟེ། དཔེར་ན་སེམས་རགས་པ་ཞེས་བྱས་ཚེ་འོལ་ལེ་བ་དུ་མ་ཅིག་ལྟར་སྣང་ཡང་། ལས་དང་ཉོན་མོངས་ལམ་དང་དམིགས་པ་སོགས་ཀྱིས་ཕྱེ་བ་ན་མཐའ་ཀླས་པ་ཞིག་འོང་བ་དང་འདྲའོ། །དེས་ན་འབྲས་དུས་སུ། གང་སྣང་བདེ་སྟོང་གི་རོལ་པར་འཆར་བ་ན་ཡང་། དེར་སྟོང་ཉིད་ལ་མཉམ་པར་བཞག་བཞིན་པའི་སྦྱིན་པ་དང་སྙིང་བརྩེ་སོགས་ཀྱང་ཡོད་པས། སྟོང་པའི་རྣལ་འཕྲུལ་ཐམས་ཅད་བདེ་བའི་འཕྲུལ་དུ་འཆར་བ་ལྟར། བདེ་བ་དེའི་ཆར་གྱུར་པའི་སྦྱིན་པ་དང་ཚུལ་ཁྲིམས་ཀྱི་གསལ་བ་མཐའ་ཡས་པ་སོགས་རེ་རེ་ཞིང་གིའང་འཕྲུལ་དུ་འཆར་རོ། །འདི་ལྟར་བསམ་ན་རིགས་དྲུག་གི་རྟ་སྐད་བྱེད་དུས་སུའང་། སེར་སྣ་རྡོ་རྗེ་ལྟ་བུར་མཚོན་ན། བརྟན་གཡོའི་འཁོར་ལོ་མཐའ་དག །རིན་ཆེན་རིགས་ཀྱི་དམ་ཚིག་ཏུ་སྦྱིན་པ་རྣམབཞི་དུས་དྲུག་ཏུ་གཏོང་བ་མཐར་ཕྱིན་པའི་ནུས་པ་ལྷན་སྐྱེས་ཀྱི་སེམས་སྟེང་ནས་སྨིན་པའི་སྦྱིན་པ་མཐར་ཐུག་དང་

― TN03_Page_0960 ―

^{[མ་དཔེ་གཟིགས་ན་འདིར་གནོན།]}

(༦༠༡)སྦྱོར་བ་དང་། ཚོར་ཕུང་ལ་སེམས་ཅན་རྣམས་ཀྱི་ལོངས་སྤྱོད་དུ་གསུངས་པ་དེ་སྒྲིབ་བྲལ་དུ་བྱས་པའི་ལྷན་སྐྱེས་ཀྱི་ཚོར་ཕུང་རཏྣའི་རྟ་གླུར་བཞག་པའི་རྣམ་འཕྲུལ་དུ་ལྷག་པར་སྦྱར་ནས་སྣང་ཞེན་བསྐྱེད་པས་རྒྱས་ལས་ལ་དབང་བ་སོགས་ཀྱི་རྣམ་བཞག་གསལ་པོར་འཐོན་འོང་ངོ། །བླ་མེད་ཀྱི་དཀྱིལ་ཆོག་ཀུན་ཏུ་གཞལ་མེད་ཁང་གི་ཆ་རྣམས་བྱང་ཕྱོགས་སོ་བདུན་དང་། གཟུངས་བཞི། སོ་རིག་བཞི་སོགས་དང་སྦྱར་ནས་གསུངས་པའང་ཚུལ་འདི་འདྲ་ཡིན་ནོ། ༈ །རྟ་སྐད་དུ་འཇོག་རྒྱུའི་བདེ་བའི་དཔེར། དབང་ཆེན་ཡང་གསང་ལས་ནམ་མཁའ་བསྟན་ཅིང་། སྙན་རྒྱུད་རྟ་མཆོག་སྙིང་ཏིག་གི་གཞུང་ཟུར་གསལ་གྱི་དགོངས་པའང་དེ་ལྟར་མངོན་པས་མཉམ་བཞག་ནམ་མཁའི་དང་རྗེས་ཐོབ་སྒྱུ་མའི་རྣལ་འབྱོར་གཉིས་ལས་སྔ་མར་བྱེད་དམ་སྙམ། གསང་རྫོགས་ལས་རྟ་ཞལ་གྱི་དེ་ཉིད་གཉུག་མ་འོད་གསལ་བའི་སེམས་སུ་གསུངས་པ་དང་འདི་དག་བསྒྲིགས་ན། རྟ་ཞལ་གཉུག་སེམས། རྟ་སྐད་སེམས་དེས་སྟོང་ཉིད་རྟོགས་པ་ཞེས་པར་འགྱུར་བས། ཇི་སྲིད་དུ་འོད་གསལ་གྱིས་ཤེས་བྱའི་དེ་ཁོ་ན་ཉིད་ངེས་མི་ནུས་པའམ། སོ་སོར་ཀུན་ཏུ་རྟོག་པའི་མཐུ་མ་སྐྱེས་པ་དེ་སྲིད་དུ། འོད་གསལ་གྱིས་ཤེས་བྱའི་གནས་ལུགས་བརྗོད་མི་ནུས་པ་དང་། འོད་གསལ་གྱིས་སྔགས་པ་དང་བརྟན་གཡོའི་དེ་ཉིད་བརྡ་སྤྲོད་པའམ་མཚམས་སྦྱོར་བར་མི་ནུས་པ་ཡིན་པས། འོད་གསལ་གྱིས་སྐད་མི་ཐོན་པ་ཞེས་བྱ་ལ། ནམ་

― TN03_Page_0961 ―

^{[མ་དཔེ་གཟིགས་ན་འདིར་གནོན།]}

(༦༠༢)བསྒོམ་སྟོབས་ཀྱིས་རླུང་དབུ་མར་ཐིམ་ནས་མི་ཤིགས་པའི་སེམས་དེའི་རང་ཞལ་དམིགས་རྣམ་ཤིན་ཏུ་གསལ་བར་ཕྱུངས་ཏེ། དེས་ཤེས་བྱའི་གནས་ལུགས་བརྗོད་ནུས་པ་ན་འོད་གསལ་གྱིས་སྐད་འབྱིན་ནུས་པ་ཞེས་བྱའོ། །དེ་ལྟར་སེམས་དེས་ལྷན་སྐྱེས་ཀྱི་བདེ་བའི་ཆགས་ཉམས་དང་སྦྲགས་ནས་དངོས་པོའི་དེ་ཁོ་ན་ཉིད་གླུར་བླངས་པ་ན། སྣང་སྲིད་ཐམས་ཅད་རང་དབང་མེད་པར་ཕྱག་བྱེད་པས་ན། བདེ་སྟོང་སྦྱོར་བའི་རྟ་སྐད་སྣང་སྲིད་ཀྱི་སྲོག་སྔགས་མཐར་ཐུག་པ་ཡིན་ནོ། །དེས་ན་འཁོར་འདས་ཐམས་ཅད་ཀྱི་སྲོག་སྔགས་རྣལ་འབྱོར་པ་རང་ཉིད་ལ་ཡོད་པ་ཡིན་ནོ། །རྟ་སྐད་འདི་དངོས་རྫོགས་རིམ་ནས་དང་། བཅོས་མས་བཏགས་པ་དང་རྗེས་མཐུན་རིམ་པ་དང་པོར་ཡང་ཡོད་དོ། །སྟོང་པའི་ནམ་མཁར་བདེ་བའི་འཚེར་སྐད་འབྱིན་པར་བཤད་པའང་འདི་དང་གཅིག་སྟེ། དྲིལ་བུའི་བརྗོད་པ་སྒྲའི་རྣམ་བཞག་དང་འདྲ་སེ་ཞིག་སྣང་ངོ་། །དབང་ཆེན་གསུང་གི་སྔགས་པའི་ནང་མཛོད་ཆེན་མོ་གུ་ཧྱ་རྒྱ་རྒྱ་རྒྱ། སྒྱུ་འཕྲུལ་སོགས་ལས་ཆོས་ཐམས་ཅད་ཡེ་ནས་སངས་རྒྱས་པ་ཞེས་མང་དུ་གསུངས་པའི་དོན་ནི། དེར་རྣམ་རྟོག་གློ་བུར་བའི་དབང་གིས་མ་དག་པའི་སྣང་བ་བསྐྱེད་པར་གསུངས་པའི་ཤུགས་ཀྱིས་གློ་བུར་བའི་བསླད་རྐྱེན་གྱི་གཞན་དབང་མེད་ན་ཇི་ལྟ་བུ་ཞིག་ཅེ་ན། གདོད་མ་ནས་སངས་རྒྱས་པ་ཞེས་གཉུག་མའི་གནས་ཚོད་བསྟན་པ་ཡིན་ནོ། །གཉུག་མ་བྱས་ཚད་མི་ཤིགས་པ་ལ་གོ་མི་དགོས་ཏེ།

― TN03_Page_0962 ―

^{[མ་དཔེ་གཟིགས་ན་འདིར་གནོན།]}

(༦༠༣)སྒྱུ་མའི་ཁང་བཟང་སྤྲུལ་པ་ན་ཡང་ཁང་བཟང་གི་སྣང་ཆ་དེ་གློ་བུར་བ་དང་། སྣང་གཞིའི་གཉུག་མའི་ངོ་བོ་ཉིད་རྡེའུ་ཤིང་སོགས་སུ་གནས་པར་འདོད་པ་ཡིན་ནོ། །སྔགས་ཀྱི་སྐབས་འདིར་གཉུག་མའི་གནས་ཚོད་མཐར་ཐུག་དེ་སྒོམ་པར་བྱེད་པས་རང་བཞིན་གཞིའི་ཧེ་རུ་ཀ་སྒོམ་པ་དང་འབྲས་བུ་ལམ་བྱེད་གཉིས་ཀར་འཇོག་པ་འདི་ཕ་མེས་ཀྱི་ཁ་ཕོར་ཡིན་ནོ། །དེ་ལ་མཉམ་བཞག་ཏུ་བཤད་མ་ཐག་པའི་རྟ་སྐད་ཀྱིས་གཉུག་མའམ་གདོད་མའི་སྟོང་ཕྱོགས་བཟླས་པས། རྗེས་ཐོབ་ཏུ་ཡང་དག་པར་བ་འབྱམས་གཉུག་མའི་སྣང་ཕྱོགས་ལ་རིག་པ་བདེ་བླག་ཏུ་འཇུག་སྟེ། འདི་ལྟར། བདེ་སྟོང་མཁའ་ལྟར་དག་པའི་ཡེ་ཤེས་དེ་ཉིད་ཕུང་པོ་ལྔར་ཤར་བར་སྣང་བ་དང་། དེའི་དབང་གིས་ཕུང་པོ་ལྔ་ཡང་ཤིན་ཏུ་དག་པའི་རིགས་ལྔ་ཡེ་ཤེས་ལྔར་མཐོང་བར་འགྱུར་བ་ནི། རྡོ་རྗེ་རྟ་སྐད་རྣམ་ཤེས་ཐུགས་ཉིད་ད༔ སོགས་ཀྱི་དོན་ཏེ་རིགས་ལྔའི་དེ་བཞིན་གཤེགས་པ་ཐམས་ཅད་རྟ་སྐད་ཀྱི་སྐྱེ་གནས་པར་བསྟན་ནོ། །དེ་ལྟར་རྗེས་སྣང་ལ་མཉམ་བཞག་གི་རྒྱས་ཐེབས་པའི་སྟོབས་ཀྱིས། གང་སྣང་ཅི་ཤར་ཐམས་ཅད་དག་པའི་འཁོར་ལོ་འབའ་ཞིག་ཏུ་བཟླུམས་ཏེ། དེ་ལྟར་བཟླུམས་པ་དེའང་ལྷའི་དེ་ཉིད་གཅིག་པུ་ལ་ཡིད་གཏད་པའི་སྒོ་ནས་བདེ་སྟོང་ལ་བསྡུ། དེ་ལྟར་སྣང་གྲགས་རིགས་གསུམ་རིམ་གྱིས་བདེ་བའི་རང་བཞིན་དུ་དྲིལ་ནས་བསྒོམ་པས་བསྒོམ་པ་དེ་དབང་དུ་གྱུར་པ་ན་སྣང་བ་ཐམས་

― TN03_Page_0963 ―

^{[མ་དཔེ་གཟིགས་ན་འདིར་གནོན།]}

(༦༠༤)ཅད་ཀྱང་དབང་དུ་འགྱུར་རོ། །དེའི་ཚེ་ན་ཐ་མལ་པའི་ཡུལ་སྣང་ཆམ་ལ་ཕེབ་པའམ་ཟིལ་གྱིས་ནོན་པ་ཞེས་བྱ་བས་ན། དེ་ཚེ་འཁོར་བ་ཟིལ་གྱིས་ནོནཿ ཞེས་དང་། བདེ་ཆེན་བྱང་ཆུབ་སེམས་སུ་སངས་རྒྱས་སོཿ ཞེས་གསུངས། སངས་རྒྱས་སོཿ ནི་གྲོལ་ཞེས་པའོ། །འདི་སྐབས་ཡུལ་རྐྱེན་ཅི་ཙམ་རགས་ལ་རྒོད་པ་དེ་ཙམ་དུ་དེ་ཐམས་ཅད་དག་པ་རབ་འབྱམས་བདེ་བ་ཆེན་པོའི་ཡོ་ལངས་ཁོ་ནར་འཆར་བས། ཇི་ལྟར་ཡོ་ལངས་ཆེན་པོའི་ནང་དུ་འདུ་འཛིས་བློ་ཕྲོགས་ཚབས་ཆེ་བ་ལྟར། རྟ་མཆོག་གི་གླུ་གར་བྱང་བའི་སྔགས་པ་འདུ་འཛིའི་ནང་ན་བདེ་ཆེན་སྒྱུ་མའི་ཉམས་ཆེས་ལྷག་པར་འབར་བར་འགྱུར་རོ། །དེའང་རྟ་སྐད་སྒྲོགས་པའི་དུས་དང་། དེའི་བྱིན་རླབས་ཀྱི་ཟིལ་ཡུལ་སྣང་ལ་ཕོག་པའི་དུས་གཉིས་སོ་སོར་ཆ་ཤས་སུ་ལྡན་པའི་དུས་ལ་ལྟོས་ཏེ། རྟ་གླུས་སྣང་བ་དབང་དུ་སྡུད་པའི་རྣམ་བཞག་བྱེད་ཆོག་པས། དེ་གཉིས་དུས་མཚུངས་མི་དགོས་ཏེ། སྔགས་བཟླས་པས་དངོས་གྲུབ་དབང་དུ་གྱུར་ཟེར་ཚེ་སྔགས་བཟླ་བའི་དུས་དང་། དངོས་གྲུབ་དབང་དུ་གྱུར་པའི་དུས་གཅིག་མི་དགོས་པ་བཞིན་ནོ། །འདི་དང་སྔར་བཤད་ལ་མི་མཐུན་པ་ཡོད་ཀྱང་དཔྱོད་རྟེན་ཙམ་ཡིན། ཚུལ་དེ་ལྟར་བྱས་ན་མཉམ་བཞག་གི་རྟ་སྐད་ཅི་ཙམ་ཤུགས་ཆེ་བ་དེ་ཙམ་དུ། རྗེས་ཐོབ་ཏུ་གང་སྣང་སྟོང་པའི་རོལ་པར་འཆར་སྟོབས་ཆེ། དེ་ཇི་ལྟར་ཆེ་བ་ལྟར་བདེ་བའི་རྣམ་འགྱུར་དུའང་འཆར་ཕུལ་ཆེ།

― TN03_Page_0964 ―

^{[མ་དཔེ་གཟིགས་ན་འདིར་གནོན།]}

(༦༠༥)དེ་ཆེ་བ་ལྟར་ཤིན་ཏུ་དག་པའི་ལྷར་ལྟ་བའང་ཁྱད་པར་ཅན་དུ་འབྱུང་། དེ་འབྱུང་བ་ལྟར་དེས་དྲངས་པའི་མཉམ་བཞག་གི་རྟ་སྐད་དེ་ཐ་མལ་པའི་འཆི་སྲིད་ལྟ་བུའི་སྣང་ཞེན་གྱིས་དག་ཚབས་ཆེ་བས་ཤིན་ཏུ་རྣམ་པར་དག་པའི་སྣང་ཞེན་མཐར་ཕྱིན་པའི། སྟོང་ཕྱོགས་ཀྱི་ཧེ་རུ་ཀ་ཧྱ་གྷྲི་བ་དང་མཐུན་ཤུགས་ཆེ། དུས་དེར་སངས་རྒྱས་ཀྱི་ཡེ་ཤེས་ངའོ་སྙམ་པའི་ང་རྒྱལ་ཀུན་རྫོབ་རྣམ་ཅན་མངོན་དུ་གྱུར་བ་མེད་ཀྱང་། ང་རྒྱལ་དེ་འདྲའི་ཤུགས་མ་ཉམས་པ། ད་ལྟ་རང་རེ་གཉིད་དང་རྨི་ལམ་གྱི་སྐབས་ཚུན་ཆད་དུ་ཐ་མལ་པའི་ཞེན་པ་དང་མི་འབྲལ་བ་ལྟ་བུ་ནི་ཡོད་དགོས་ཏེ། རྫོགས་རིམ་པའི་སྐུ་གསུམ་ལམ་ཁྱེར་གྱིས་སྐྱེ་འཆི་བར་དོའི་ཐ་མལ་གྱི་སྣང་ཞེན་གཅོད་པར་གསུངས་པའི་འཆི་སྲིད་ལམ་འཁྱེར་གྱིས་ཇི་ལྟར་གཅད་དང་། དེ་ཆོས་སྐུ་ལ་ལྟོས་ཏེ་འབྲས་བུ་ལམ་བྱེད་དུ་འགྱུར་ཚུལ་དང་། ལྷ་སྒོམ་པ་དང་། ལྷའི་དེ་ཉིད་སྒོམ་པ་གཉིས་ཀ་ལྷའི་རྣལ་འབྱོར་ཡིན་མཉམ་ཡིན་ཅིང་བདེ་སྟོང་སྦྱོར་བའི་མཉམ་བཞག་ལྷའི་དེ་ཉིད་སྒོམ་པ་ཡིན་ཞེས་པའང་མཉམ་བཞག་དེ་ལྷའི་དེ་ཉིད་དུ་དམིགས་པའི་སྟེང་ནས་རྩེ་གཅིག་ཏུ་དྲན་པར་བྱས་སྟོབས་ཀྱིས་དྲངས་པའི་འོད་གསལ་ལ་དགོངས་པ་ཡིན་གྱི། དེ་ལྷའི་དེ་ཉིད་དུ་བློ་ངོར་བཟུང་མ་བཟུང་ཇི་ལྟར་ཡང་། ལྷའི་དེ་ཉིད་དུ་འགྲོ་རྒྱུ་ཡིན་པ་ཙམ་གྱིས་འོད་གསལ་བསྒོམ་ན་ལྷ་བསྒོམ་པའི་གོ་ཆོད་པར་འགྲུབ་ན་མི་འགྲིགས་པ་མང་དུ་འོང་བ་སོགས་

― TN03_Page_0965 ―

^{[མ་དཔེ་གཟིགས་ན་འདིར་གནོན།]}

(༦༠༦)བསྒྲིགས་ནས་ཤེས་པར་བྱའོ། །སྟོང་ཕྱོགས་ཀྱི་རྟ་མགྲིན་ནམ་རྟ་སྐད་དེ་ཉིད་ཇི་ལྟར་ཤུགས་ཆེ་བ་དེ་ལྟར་ཡང་རྗེས་ཐོབ་དབང་ཆེན་གྱི་རྣལ་འབྱོར་ཕུལ་དུ་བྱུང་བར་འགྱུར་བ་སྔ་མའི་འགྲེས་ཏེ། ཚུལ་འདིས་རྟ་སྐད་ལ་བྱང་བར་བྱེད་པ་ནི་རྟ་ལམ་གྱི་སྲོག་གོ ༈ །རྗེ་གྲུབ་ཆེན་ཉིད་ཀྱི་སྙན་རྒྱུད་ཀྱི་གཅོད་ཡུལ་ལས་ཕཊ་ཀྱིས་ལས་རབ་འབྱམས་བྱེད་པ་ལ་སྔོན་དུ་ཕཊ་བསྙེན་དགོས་པར་གསུངས་པ་ལྟར་རྟ་སྐད་ཀྱིས་དངོས་གྲུབ་སྡུད་པ་ལ་སྔོན་དུ་དེའི་བསྙེན་པ་བྱ་དགོས་ལ། དེའང་ཡང་གསང་གི་རྟ་སྐད་གཅིག་མར་རྟ་སྐད་ཧྲཱིཿཡིག་ཏུ་བཤད་པ་དང་། སྤྱི་མདོ་ལས་ཀྱང་། རྟ་མགྲིན་གྱི་རྡོ་རྗེ་སྟམ་བྷ་ནའི་སྟོབས་ཀྱིས་ཁྲོ་བོ་ཐེག་ཆེན་ཀུན་ཀྱང་འདུར་ཐག་གཅོད་པའི་འདུར་གླུ། ཧྲཱིཿཞེས་པ་ཡིན་པར་བཤད། རྟ་མགྲིན་དགོངས་པ་ལུང་སྟོན་ལས། མུཉྫའི་གསེབ་ནས་ལྗང་ཞུར་ཅན། །གྱེན་དུ་ཁ་གདངས་ཧྲཱིཿསྒྲ་འབྱིན། །ཞེས་འབྱུང་སྟེ་ཤིན་ཏུ་གསལ། གྲོལ་ཏིག་ལས་ཀྱང་གཉིས་མེད་ཧྲཱིཿཧཱུཾ། སོགས་ཟུར་བྲིས་དང་། བདེ་འདུས་མ་མོའི་སྐབས་སུ་གཙོ་བོའི་དབུ་གཙུག་རྟ་མགྲིན་གྱི་ཞལ་ནས་ཧྲཱིཿཞེས་རྟ་སྐད་སྒྲོགས་པར་གསུངས་པ་རྣམས་དང་། བདེ་འདུས་དབང་ཆེན་འདུས་རྒྱུད་ལས། རྟ་མཆོག་གི་གསུང་རིག་པའི་དཀྱིལ་འཁོར་བསམ་གྱིས་མི་ཁྱབ་པ་མཐའ་དག་གི་རྩ་བ་དང་། སྲོག་ནི་ཧྲཱིཿཡིག་ཡིན་པར་གསུངས་ཏེ། དེ་སོགས་དཔྱད་ན་བསྙེན་སྒྲུབ་ཀྱི་སྔགས་ཀྱི་ཐོག་མའི་ཧྲཱིཿདེ་རྟ་སྐད་དུ་ཡང་འགྱུར་བས་འདིའི་གྲངས་བསྙེན་ཐེམས་ན་རྟ་སྐད་འབུམ་

― TN03_Page_0966 ―

^{[མ་དཔེ་གཟིགས་ན་འདིར་གནོན།]}

(༦༠༧)ཕྲག་གཉེར་གཉིས་ཁ་སྐོང་བཅས་འགྲོ་བས་ངོ་ཤེས་པར་བྱའོ། །འདར་ཕྱར་བས་དབང་ཆེན་བསྙེན་སྐབས། གུ་རུ་རིན་པོ་ཆེས། ཐོག་མའི་ཨོཾ་དེ་ཧྲཱིཿར་སྒྱུར་ལ་ཟློས་ཞེས་གསུང་པར་གྲགས། རྟ་མགྲིན་གསང་བ་ཕྲིན་ལས་ཀྱི་རྒྱུད་ལས། དཔལ་གྱི་རྟ་སྐད་ཐེངས་གཅིག་གིསཿ ཁམས་གསུམ་མ་ལུས་དབང་དུ་བསྡུཿ མ་མོའི་བྷྱོ་སྐད་ཐེངས་གཅིག་གིསཿ སྲིད་པའི་མ་མོ་ལས་ལ་བཀོལཿ རྣལ་འབྱོར་བས་ཧྲཱིཿསྐད་ཐེངས་གཅིག་གིསཿ སྲིད་གསུམ་གདུག་པའི་དགྲ་བགེགས་སྒྲོལཿ ཞེས་བཤད་དེ་དཔལ་གྱི་རྟ་སྐད་དེ། རྣལ་འབྱོར་བས་ཧྲཱིཿར་ཉང་གཏེར་མཁའ་འགྲོ་ཆེན་མོ་དང་། མཁའ་འགྲོ་སྙིང་ཏིག་མ་བུ་སོགས་ལས་རྟ་མཆོག་གི་སྔགས་སུ་སྲོག་སྔགས་འབྲུ་གཅིག་འདི་རང་ལས་གཞན་མ་བཤད། ཟློ་བའི་དོན་དུ་འགྲོའམ་དཔྱད་དོ། ༈ །ཛབ་ལས་གཞན་པའི་རྟ་སྐད་འདོན་དུས་ནི། བྲོ་ཆོག་གི་སྐབས་ཏེ། ཤིན་ཏུ་གསལ། དེའང་སྒྲུབ་གཞུང་འདིར་མནན་པའི་ལས་སྒྲུབ་ཟུར་བ་དང་སྦྲགས་ནས་གསུངས་ཀྱང་། དེ་ལས་ཚེགས་ཆུང་བ་རྒྱུན་འཁྱེར་བྱེད་ན་ནི་ཚོགས་མཆོད་ཀྱི་གཏོར་མནན་མཐར། རིགས་དྲུག་གི་བྲོ་གླུ་རྒྱས་པ་བཏགས་པས་རུང་བ་འདྲ་སྟེ། དབང་ཆོག་ཏུ་དེ་གཉིས་སྦྲེལ་མར་བྱ་བ་ཞིག་བསྟན་ཡོད་ཅིང་། རྗེ་བློ་གྲོས་མཐའ་ཡས་ཀྱིས་སྙན་བརྒྱུད་རྟ་མགྲིན་གྱི་ཆོག་བསྒྲིགས་ལས། དེའི་རྩ་གཞུང་དུ་ལས་རབ་འབྱམས་སྒྲུབ་པའི་བྲོ་ཆོག་གསུངས་པ་དེ་ཚོགས་མཆོད་ཀྱི་བྲོ་མནན་དུ་བསྡེབས་པ་བཞིན་ནོ། །

― TN03_Page_0967 ―

^{[མ་དཔེ་གཟིགས་ན་འདིར་གནོན།]}

(༦༠༨)ཚོགས་མཚོད་ཀྱི་སྐབས་ཀྱི་བྲོ་མནན་དང་། བྲོ་ཆོག་རྒྱས་པ་གཉིས་བསྡུས་རྒྱས་ཀྱི་ཁྱད་ཡིན་པས། ཕྱི་མ་བྱེད་ཚེ་སྔ་མ་མི་བྱེད་ཀྱང་རུང་ངམ་སྙམ་སྟེ་སྙན་རྒྱུད་རྟ་མགྲིན་ཆོག་སྒྲིགས་དེར། ཡང་དག་ཟབ་ཏིག་གི་བྲོ་མནན་མེད་དོ། །རཏྣའི་རྟ་གསང་དུ། དབང་གི་རྟ་བྲོ་དང་གླུའི་མཆོད་པ་ཞེས་མཆོད་ཕྲེང་གི་ནང་དུ་གསུངས་པའི་རིགས་པས་བླ་མ་ཞི་བ་སོགས་དང་ཐུན་མོང་བའི་ཕྱག་རྒྱ་གར་མཆོད་ལ་ཚང་བར་བྱེད་ནའང་རུང་ངམ་སྙམ་ཞིང་། ཚོགས་མཆོད་ཀྱི་གླུ་གར་སྐབས་རྟ་སྐད་དང་བྲོའི་དེ་ཉིད་བསྐྱངས་པའང་རུང་ངམ་སྙམ།། ༈ །།འགྲོས་དགུ་རྟ་སྐད་ཀྱི་མཚོན་དོན་དུ་འཆད་སྐབས་སྔར་བཤད་ལས་ཡང་ན། འཚེར་སྐད་ནི་གྲོགས་ཀྱི་དྲུང་ལྟ་བུར་འགྲོ་འདོད་ཀྱི་གདུང་བ་འབར་བའི་ང་རོ་ཡིན་པས། འདོད་པའི་གནས་སུ་བང་འགྲོས་ཀྱི་ཤུགས་ཕྱུངས་ནས་འགྲོ་བ་མཚོན་ནོ། །ཐུབ་པས་གསུངས་པའི་ཐེག་པ་མཐའ་དག་རང་རྒྱུད་ལྡན་གྱི་གདུལ་བྱ་དངོས་སམ་བརྒྱུད་ནས་སངས་རྒྱས་ཀྱི་ས་ལ་འཁྱེར་བའི་ཐེག་པའམ་བཞོན་པར་གཅིག་ཀྱང་། དེའི་ནང་ནས་གོ་འཕང་དེར་བདེ་མྱུར་དུ་དཀྲི་བའི་ཐབས་མཁས་ཀྱི་ཤུགས་གཏིང་ནས་ཕྱུངས་པ་ནི། ཕྱི་ནང་གསང་བའི་རྟ་མགྲིན་ནམ། བསྐྱེད་རྫོགས་གསུམ་གྱི་རྣལ་འབྱོར་ཡིན་པས་དེ་ནི་མྱུར་མགྱོགས་ཀྱི་མཐུ་ཕུལ་དུ་བྱུང་བའི་མཐར་ཐུག་གོ ༈ །ཡང་གོང་དུ། སྣང་སྟོང་ཟུང་འཇུག་དང་། ཡ་གཉིས་ཀྱི་རྟ་སྐད་གསུམ་གསུངས་པ་དེ་ལ། ཞལ་དང་སྐད་གཉིས་སོ་སོར་བཤད་པ་ནི་ཆེས་མི་གསལ་ཡང་། འགྲོ་སྒྲོལ་

― TN03_Page_0968 ―

^{[མ་དཔེ་གཟིགས་ན་འདིར་གནོན།]}

(༦༠༩)གྱི་སྙིང་རྗེ་ཆེན་པོ་གཅིག་པུ་དེ་ཞལ་གསུམ་སོ་སོའི་གླུ་སྐད་དུ་འགྱུར་བར་འཆད་དམ། ཡང་ན། སྟོང་ཕྱོགས་ཀྱི་རྟ་སྐད་གོང་གི་རྟ་སྐད་ཐེངས་གཅིག་ལྟར་དང་། སྣང་ཕྱོགས་ཀྱི་རྟ་སྐད་ནི། སངས་རྒྱས་ཀྱི་གསུང་མི་ཤིགས་ནཱ་དའི་སྒྲ་དབྱངས་ཆོས་ཕུང་རབ་འབྱམས་སུ་འཆར་བ་དེ་དང་། ཟུང་འཇུག་གི་ནི། སྣང་སྟོང་གི་རྟ་སྐད་དེ་གཉིས་གཅིག་ཏུ་སྦྱར་བ་སྟེ། ཆོས་ཀྱི་དབྱིངས་ཐམས་ཅད་ཁྱབ་པར་བཞད་པའི་སོར་རྟོག་ཡེ་ཤེས་དེ་ཉིད་གསུང་དབྱངས་ཀྱི་རྣམ་པར་ཤར་བ། ཞེས་པར་འགྱུར། ཞལ་གསུམ་ཡང་། ཐུགས་འོད་གསལ། སྐུ་བཞིན་ལག་ཅན། དེ་གཉིས་ཟུང་འཇུག་དང་གསུམ་མོ། །འདི་འབྲས་དུས་དང་སྦྱར་བ་སྟེ། ལམ་དུས་ལ་ཡང་བསྒྲེ། གཞན་རང་བཟོར་འགྲོ་དོགས་ཆེ་བས་མ་བྲིས། དབང་སྐད་དུ་འགྲོ་ལུགས་སླ། འདིའི་རྩ་བའི་མན་ངག་ལྟ་ཕྲེང་གི་བརྗོད་བྱ་རྟ་སྐད་ཀྱིས་འཆད་ཚུལ་ནི། ཐེག་དགུའི་རྣམ་བཞག་ནི་འགྲོས་དགུ་དང་སྦྱོར་བ་བདེ་འདུས་ཐ་རམ་ལྟར་དང་། དེ་ལས་ཁྱད་པར་གསང་བ་སྒྱུ་འཕྲུལ་གྱི་ལམ་རིམ་ནི་རྟ་སྐད་ཐང་གསུམ་གྱིས་མཚོན་ཏེ། རྟ་སྐད་དང་པོ་ནི་ཤེས་པའི་མཚན་ཉིད་དེ་བསྒོམ་བྱའམ་ཉམས་ལེན་གྱིས་སྦྱོར་བས་འཇུག་ཡུལ་ཤེས་པར་བྱེད། རྟ་སྐད་གཉིས་པ་ནི་འཇུག་པའི་མཚན་ཉིད་དེ་སྒོམ་བྱེད་ཉམས་ལེན་གྱི་སྦྱོར་བ་སྟེ། འདི་ལ་ལམ་རིམ་ཡེ་ཤེས་སྙིང་པོ་ལྟར་བསྐྱེད་རིམ་པའི་སྟོང་ཆེན་དང་སྙིང་རྗེ་སྒྱུ་མ་སོགས་ལྔ་དང་། རྫོགས་

― TN03_Page_0969 ―

^{[མ་དཔེ་གཟིགས་ན་འདིར་གནོན།]}

(༦༡༠)རིམ་པའི་དེ་ལྔ་དང་། བསྐྱེད་རིམ་ནས་རྫོགས་རིམ་དུ་འཕོ་བྱེད་ཀུན་ཏུ་བཟང་པོའི་མན་ངག་སོགས་གསང་ཐིག་ལྟར་ཡོད་པ་སོགས་སྤྲོས་པས་ཆོག །མཚན་ཉིད་དེ་གཉིས་ནི་མངོན་རྟོགས་རྒྱན་གྱི། འཇུག་ཡུལ་མཁྱེན་གསུམ། ཉམས་ལེན་སྦྱོར་བཞི་ཟེར་བ་ལྟ་བུའི་བཤད་ཚུལ་དུ་སྣང་ངོ་། །རྟ་སྐད་ཐ་མ་ནི་མངོན་དུ་གྱུར་པའི་མཚན་ཉིད་དེ། བསྒོམ་བྱ་དེ་སྒོམ་བྱེད་དེས་བསྒོམས་པ་ལས་གནས་སྐབས་དང་མཐར་ཐུག་གི་འབྲས་བུ་འགྲུབ་ཚུལ་ལོ། །མཚན་ཉིད་ཕྱི་མ་འདི་རྒྱས་པར་ནི་སྐད་འགྱུར་བཅུ་གསུམ་དང་སྦྱར་ནས་ཤེས་ཏེ་ཐ་རམ་བཞིན་ནོ། །ཚུལ་འདི་ནི་སྙན་བརྒྱུད་རྟ་མགྲིན་ལ་བརྟེན་ནས་བཤད་པ་སྟེ། སྙན་བརྒྱུད་ཀྱི་གཞུང་དེ་དང་སྒྱུ་འཕྲུལ་གསང་ཐིག་སོགས་ཀྱི་ཡེ་ཤེས་ཀྱི་སྐུ་སྒྲུབ་ལུགས་འདྲ་བར་སྣང་བའང་ཡིན་ཏེ། རགས་པ་ཙམ་ལ་བསམས་སོ། །རྫོགས་རིམ་པའི་སྟོང་ཆེན་སོགས་ལྔའི་ཐད་ནས་དཔྱད་ན་སྒྱུ་འཕྲུལ་བའི་བཞེད་པ་ཡང་ཚུལ་གཉིས་སུ་སོང་བ་འདྲ་བ་ཞིག་སྣང་ངོ་། །འོན་ཀྱང་འདིའི་རྫོགས་རིམ་པའི་སྙིང་རྗེ་སྒྱུ་མ་དང་། རྒྱ་གཅིག །རླུང་སེམས་ཀྱི་ལྷ་སྐུ་གསུངས་པ་སོགས་མན་ངག་སྡེ་པའི་ལུགས་དང་ཕྱོགས་མཐུན་པར་རླུང་གདངས་སྟོང་གཟུགས་ཀྱི་ལྷ་སྐུ་ལ་བཞེད་པ་འདྲ་ཞིག་སྣང་ཞིང་སྐུ་གསུམ་ལམ་ཁྱེར་སོ་སོར་སྦྱོར་ཚུལ་ལའང་དཔྱད་རྒྱུ་འདུག་པས་རྩད་གཅད་པར་བྱའོ། །དང་པོའི་སངས་རྒྱས་དང་ཡང་ཅུང་ཟད་སྒྲིགས་ཆོག་གམ། ༈ སྣང་

― TN03_Page_0970 ―

^{[མ་དཔེ་གཟིགས་ན་འདིར་གནོན།]}

(༦༡༡)བ་དབང་སྡུད་ཀྱི་གནད་མཐར་ཐུག་སྙིང་པོར་དྲིལ་ན། ཐབས་མཁས་དང་མི་ལྡན་པ་ལ་ནང་རིག་པ་ལ་ལྟོས་མེད་ཀྱི་ཡུལ་སྣང་མགོ་རྒྱལ་བར་ཤར་ནས་སེམས་ཀྱི་དབང་ཕར་འཕྲོགས་པ་དེ་ཐབས་མཁས་དང་ལྡན་པའི་རྣལ་འབྱོར་པ་ལ་བདེ་ཆེན་གཅིག་པུ་ཉིད་ཀྱིས་ཉམས་ཇི་ལྟར་བསྒྱུར་བ་དེ་ལྟར་སྣང་བའི་རང་སེམས་ཀྱི་གར་སྟབས་ཉག་གཅིག་ཏུ་ཤར་ནས་མི་ཤིགས་གཉུག་མའི་རྟ་ཞལ་གཟི་བརྗིད་རྒྱས་བྱེད་ཀྱི་བཅུད་ལེན་དམ་པར་འགྱུར་བ་སྟེ། སྒྱུ་འཕྲུལ་གསང་སྙིང་དུ། སྲིད་ཞིའི་ཆོས་ཐམས་ཅད་སེམས་དང་ཡེ་ཤེས་རང་སྣང་བར་གཏན་ལ་ཕབ་པའང་རྟ་སྐད་ཀྱི་དེ་ཉིད་འདི་འཆད་བྱེད་ཡིན་ནོ། །དེ་ལ་ངེས་དོན་ཤིང་རྟ་ཆེན་པོའི་ལེའུ་དགུ་པར། དཔལ་གསང་བའི་སྙིང་པོའི་ལུགས་ཀྱི་གཏུམ་མོའི་འཁོར་ལོ་བཞི་པ་རྒྱས་པར་བཤད་ནས། ལེའུ་བཅུ་པར་གཞི་རྟོགས་པའི་ཤེས་རབ་མཐའ་གཉིས་ལ་མི་གནས་པ་ཞེས་ལྟ་སྒོམ་གྱི་གནད་རྒྱ་ཆེར་བསྟན་པ་ནི། རྫོགས་རིམ་གྱི་ཡེ་ཤེས་འཆར་བའི་ཐབས་དང་། ཐབས་དེས་གྲུབ་པའི་ཡེ་ཤེས་གཉིས་ལས། སྔ་མ་ལེའུ་དགུ་པ་དང་། ཕྱི་མ་བཅུ་པ། དེ་འཕྲོས་དང་བཅས་པ་བཅུ་གཅིག་པ་སོགས་ཀྱིས་སྟོན་པར་གསལ་ཏེ། བཅུ་པའི་ཀླད་དུ་རྫོགས་རིམ་གྱི་སྙིང་པོའི་ཡེ་ཤེས་འཆད་པར་གསུངས་པའི་ཕྱིར་རོ། །ལེའུ་དེར་དབུ་མའི་ལྟ་བ་སྒོམ་དགོས་པ་དང་། དེའང་དཔྱད་སྒོམ་བྱ་རྒྱུ་མ་ཡིན་ཚུལ་སྦྲགས་ནས་བཤད་དེ།

― TN03_Page_0971 ―

^{[མ་དཔེ་གཟིགས་ན་འདིར་གནོན།]}

(༦༡༢)མཉམ་བཞག་འོད་གསལ་གྱི་སྟེང་ནས་རང་བཞིན་མེད་པའི་དབྱིངས་ལ་འཇོག་པའི་དབྱིངས་རིག་སྲེ་བ་ལ་གདམས་པའོ། །དེར་ཕྱི་ནང་ཡུལ་སེམས་ཐམས་ཅད་དང་སྦྱར་ཏེ་བདེན་མེད་རྟོགས་པའི་ཤེས་རབ་རྩལ་སྦྱོང་ཚུལ་དབུ་མའི་སྐབས་དང་མཐུན་པ་འདྲ་བ་ཞིག་བཤད་པའང་། ནང་འོད་གསལ་གྱི་དགོངས་པ་ལས་མ་གཡོས་པའི་ངང་ནས་གཟུང་འཛིན་བདེན་མེད་དུ་ལྟ་ལུགས་ཁོ་ན་ཡིན་ཏེ། དེ་ལྟར་བལྟས་པ་ཙམ་གྱིས་གདོད་མའམ་གཉུག་མའི་རང་ཀློང་དུ་ཕྱིན་ནས་དཔྱད་མཁན་རང་དག་ལ་འགྲོ་བར་བཤད་པའང་དེའི་གནད་ཀྱིས་ཡིན་ནོ། །ལུགས་འདི་ལ་བསླད་མ་བསླད་ཀྱི་ཁྱད་ཙམ་མ་གཏོགས་མཉམ་རྗེས་གཉིས་འོད་གསལ་གྱི་དགོངས་པ་སྐྱོང་རྒྱུ་ཡོད་པ་ལ་ཁྱད་མེད་པར་བཞེད་དེ། འདི་ནི་རྫོགས་ཆེན་གྱི་སྐོར་དུ་རྒྱས་སོ། །དེར་ཆོས་ཐམས་ཅད་སྟོང་ཉིད་ལས་མ་གཡོ་ཚུལ་དབུ་མ་ནས་བཤད་པ་འདྲ་བ་རེ་བཤད་ནས་འདི་ལྟར་རྟོགས་ན་རྫོགས་ཆེན་དུ་ཆོས་ཀུན་རྫོགས་ཚུལ་རྟོགས་པ་ཡིན་ཞེས་མང་དུ་གསུངས་ཏེ། རིག་པ་དབྱིངས་ཐོག་ཏུ་འཁྱོལ་བའི་རྫོགས་རིམ་པས་བལྟས་ན་གང་སྣང་སྟོང་པའི་རོལ་པར་གནས་པ་དེ་ཉིད་གང་སྣང་འོད་གསལ་གྱི་རིག་པའི་རོལ་པར་གནས་པའི་དོན་དུའང་འགྲོ་བ། དཔེར་ན་དབུ་མ་པའི་ངོར་སྟོང་པ་རྟེན་འབྱུང་གི་དོན་དུ་འགྲོ་བ་ལྟ་བུ་ཞིག་ཡིན་པས། དེ་བཤད་པ་ཡིན་གྱི། སྤྱིར་དེ་ལྟར་བཤད་པ་མིན་ཏེ། དབུ་མ་ཐལ་

― TN03_Page_0972 ―

^{[མ་དཔེ་གཟིགས་ན་འདིར་གནོན།]}

(༦༡༣)འགྱུར་པའི་ལུགས་ཀྱི་ཐད་དུའང་། སྟོང་ཉིད་འདི་ལྟར་རྟོགས་ན་རྫོགས་ཆེན་རྟོགས་པ་ཡིན་ཞེས་ཀུན་མཁྱེན་རང་གིས་ཀྱང་མ་བཤད་དོ། །དེའི་ཕྱིར་གང་ཟག་དེ་འདྲའི་ངོར། ཆོས་ཐམས་ཅད་རྫོགས་པ་ཆེན་པོའི་ཀློང་ལས་མ་གཡོས་ཚུལ་འཆད་པ་ན། དེ་འདྲའི་ངོར་ཆོས་ཐམས་ཅད་སྟོང་ཉིད་ལས་མ་གཡོས་ཚུལ་འབའ་ཞིག་བསྟན་པས་ཆོག་པར་བྱུང་བ་ཡིན་ཏེ། ད་དུང་ཞིབ་ཆ་མང་ངོ་། །མདོར་ན་རྫོགས་ཆེན་ཀ་དག་གི་དབྱིངས་རིག་གཉིས་སོ་སོར་མ་ཕྱེ་བའི་དབང་དུ་མཛད་ནས། རེས་སྟོང་ཉིད་དང་། རེས་རིག་པ་ལ་རྫོགས་ཆེན་དུ་གསུངས་པ་ཡིན་ནོ། །ཀུན་མཁྱེན་གྱི་སེམས་ཕྱོགས་སྐོར་ན་འོད་གསལ་ངང་བཞག་གི་ཏིང་ངེ་འཛིན་མ་བརྗེད་པའི་ངང་ནས་ཡུལ་གང་སྣང་དང་བློ་གང་ཤར་ལ་བལྟ་བ་གོམས་པས། ཇི་ཞིག་ན། བྱ་གར་སོང་ཡང་ནམ་མཁའ་ཟེར་བ་ལྟར། རྣལ་འབྱོར་པས་གར་བལྟས་ཀྱང་རིག་པ་ལས་གཞན་མེད་པ་ཞིག་འོང་ཚུལ་ཡང་ཡང་གསུངས་པ་རྣམས་ཀྱང་དེ་ལྟར་ཡིན་པ་ནི། ཟེར་ས་གང་རྙེད་ནས་སྲ་སྲེ་བྱས་པ་མིན་གྱི་རྩ་བའི་དགོངས་པ་བསླད་མེད་དུ་སྣང་བས་ལམ་གྱི་གནད་འདི་ནི་རྗེ་བཙུན་ཙོང་ཁ་པའི་སྔར་ཡང་རྙིང་ཕྱོགས་ལ་མ་གྲགས་པ་མིན་ནོ། ༈ །མང་དུ་བཤད་པའི་བསྡུ་བ་ནི། རྟ་སྐད་ཀྱིས་དངོས་གྲུབ་དངོས་སུ་སྒྲུབ་ནུས་པ་ལ་ནི། སྒྲུབ་ཐབས་ཐུན་བཞིར་བསྒོམ་པའི་སྒོ་ནས་རྟ་ཞལ་ལ་རེག་མཐོང་གི་མཚན་མ་བརྟན་པོ་རྙེད་ཅིང་། རྟ་སྐད་ལའང་གསལ་བརྟན་དེ་འདྲ་ཐོབ་པ་དང་། རྟ་སྐད་ཀྱི་དེ་ཉིད་ལས་སུ་རུང་བའི་དབང་གིས་སྐད་དེའི་

― TN03_Page_0973 ―

^{[མ་དཔེ་གཟིགས་ན་འདིར་གནོན།]}

(༦༡༤)སྣང་ཞེན་གཉིས་ཀ་ཆེས་ཕུལ་དུ་བྱུང་བའི་ངོ་བོ་ཉིད་དུ་བོགས་ཐོན་པ་གཉིས་ཚོགས་དགོས་སོ། །དེ་གཉིས་ཚང་བ་ན་ནི་རྟ་སྐད་སྟོབས་སུ་གྱུར་པ་དང་། རྟ་སྐད་ལ་ནུས་པ་རྙེད་པ་ཡིན་པས། གསུང་རྟ་དབྱངས་ཀྱི་ང་རོ་ཙམ་གྱིས་དངོས་གྲུབ་རབ་འབྱམས་བྱེད་པའི་དབང་དང་ལྡན་པ་ཡིན་ནོ། །དེའང་ལས་ཀྱི་ཕྲེང་བ་ལྟར་སྒྲུབ་ཐབས་ཀྱི་སྦྱོར་མཆོད་དང་། ཚོགས་མཆོད་ཀྱི་གསང་ཚོགས་དང་། ཐུན་མཚམས་བྲོ་རྡུང་གི་སྐབས་སོགས་སུ་བསྐྱེད་རིམ་པའི་བདེ་སྟོང་ཅི་ནུས་སུ་སྒོམ་ཞིང་། དེ་ཉིད་རྟ་སྐད་དུ་འཆར་བ་ལ་སློབ། ཛབ་དང་བྲོའི་དུས་སུ་རྟ་སྐད་འདོན་པ་རྣམས་རྩ་བའི་མན་ངག་གོ །རྟ་སྐད་ཀྱི་དེ་ཉིད་བརྟན་པའི་དྲོད་ཚད་ནི་ཉམས་དང་རྨི་ལམ་ཙམ་ལས་ཤེས་པར་བྱ་བ་མིན་གྱི། འཇིགས་པ་དང་། ཁྲོ་བ་དང་། མྱ་ངན་སོགས་སྐྱེད་པའི་ཡུལ་རྐྱེན་ཆེན་པོ་རྣམས་ཀྱང་རྣལ་འབྱོར་དེས་ཟིལ་གྱིས་མནན་ནས་དེ་ཐམས་ཅད་བདེ་ཆེན་སྒྱུ་མའི་ཁ་དོག་གཅིག་ཏུ་སྒྱུར་ནུས་པ་ཞིག་དགོས་ཏེ། འདི་ལ་ཡུལ་སྣང་རྟ་སྐད་ཀྱི་དབང་དུ་གྱུར་པ་ཞེས་བྱའོ། །དེ་འདྲ་ཞིག་ནི་བསྐྱེད་རིམ་པའི་ཚོགས་སྒྲུབ་ཀྱི་སྔོན་ནས་འོང་དགོས་པར་མངོན་ལ། སྔགས་ཀྱི་གདུལ་བྱ་ཙནྡན་ལྟ་བུ་སོགས་ནི་མཚམས་དེ་ཤེད་ནས་ཚོགས་སྤྱོད་བྱེད་དོ། ༈ །རྟ་སྐད་སྣང་བ་ཐམས་ཅད་ལ་བདེ་ཆེན་ཡེ་ཤེས་ཀྱི་བྱིན་རླབས་འབེབས་པའི་ཐབས་སུ་བསྔགས་པ་ནི། བྱིན་འབེབས་དུས། བཛྲ་དྷ་རྨ་ར་ྀ་སོགས་ཀྱིས་རོལ་མོས་བྱིན་དབབ་པར་བཤད་པ་ལྟ་བུའོ། །

― TN03_Page_0974 ―

^{[མ་དཔེ་གཟིགས་ན་འདིར་གནོན།]}

(༦༡༥)ཕྱི་ནང་གི་བར་ཆད་གང་བྱུང་ཡང་དེ་ལྟར་བྱིན་འབེབས་བྱས་པས། ཇི་ལྟར་འཕགས་པ་འཇམ་དཔལ་གྱིས་བདུད་སྡིག་ཅན་བྱང་སེམས་རྣམས་ཀྱི་བདུད་ཀྱི་ལྕགས་ཀྱུ་སྤོང་བའི་ཆོས་སྟོན་པ་པོར་བྱིན་གྱིས་བརླབས་ནས་མདོ་སྡེ་བཤད་དུ་བཅུག་པ་དང་འདྲ་བར། འཇིག་རྟེན་དང་འཇིག་རྟེན་ལས་འདས་པའི་དཔལ་མི་ཟད་པ་དག་གི་སྒོར་སྣང་བར་འགྱུར་བ་ཡིན་ནོ། །འདི་ནི་སྔགས་བླ་མེད་པའི་སྒྱུ་མ་ལྟ་བུའི་ཏིང་ངེ་འཛིན་གྱིས་བར་ཆད་འདུལ་ལུགས་ཡིན་ཏེ། རྟ་མགྲིན་གྱི་སྔགས་པ་ནི་གདབ་ལས་སོགས་ལ་གཙོ་བོར་མི་བྱེད། འདི་ཁོ་ན་བྱེད་སྙམ། ཞི་སོགས་ལས་བྱེ་བྲག་པ་སྒྲུབ་པའི་རྟ་སྐད་སོ་སོར་ཡོད་ཀྱང་། འདི་ནི་ལས་སྒྲུབ་ཙམ་གྱི་དབང་དུ་བྱས་པ་མིན་པར་རྒྱུན་འཁྱེར་དུ་སྐྱོང་རྒྱུའི་རྟ་སྐད་སྤྱིའི་ཁོག་ཏུ་བར་ཆད་འདུལ་ལུགས་སོ། །རྟ་སྐད་རང་ཉིད་དབང་གི་རིགས་ཡིན་ཀྱང་། དེ་ལ་བརྟེན་ནས་ཞི་དྲག་སོགས་ལས་གཞན་ཡང་བྱར་ཡོད་པ་ནི་སྦྱིན་སྲེག་དུས་དབང་ཐབས་ལས་ཐམས་ཅད་པ་ཟེར་བ་ལྟ་བུའོ། །རྣམ་པ་གཅིག་ཏུ་ན་དབང་དུ་གྱུར་པའི་དངོས་གྲུབ་དང་། དབང་གི་ལས་ནི་ལས་དང་དངོས་གྲུབ་ཐམས་ཅད་ཀྱི་རྩ་བ་དང་སྲོག་ལྟ་བུ་ཡིན་ཏེ། དངོས་གྲུབ་གང་ཡང་དབང་དུ་མ་གྱུར་པ་ནི་དངོས་གྲུབ་དེ་ལས་སུ་མ་རུང་བ་ཡིན་པས། དེ་སྲིད་དུ་དངོས་གྲུབ་ཀྱི་བྱ་བ་མི་བྱེད་པའི་ཕྱིར་རོ། །དབང་གི་རྟ་སྐད་ཅེས་པའི་ཚིག་ཟུར་གྱི་དབང་དང་། ལས་བཞིའི་ནང་གི་དབང་ལས་གཉིས་ལ་རྒྱ་མཚོ་

― TN03_Page_0975 ―

^{[མ་དཔེ་གཟིགས་ན་འདིར་གནོན།]}

(༦༡༦)དང་ཡ་མུ་ན་ལྟ་བུའི་ཁྱད་ཡོད་པས། ལྷ་འདི་མཆོག་སྒྲུབ་དང་ལས་སྒྲུབ་ཀྱི་ལྷ་གཉིས་ལས་སྔ་མ་ཡིན་པ་དང་། འོན་ཀྱང་ལས་བཞིའི་ནང་ནས་དབང་ལས་ལ་བསྔགས་པ་མི་འགལ་བྱ་བ་སོགས་དཔྱད་དགོས། བཤད་ཚུལ་གཅིག་ལ། ཇི་ལྟར་མི་བསྐྱོད་རྡོ་རྗེ་ཞེ་སྡང་གི་རིགས་ཡིན་པས་མཚན་ཡང་ཞེ་སྡང་རྡོ་རྗེ་ཞེས་གྲགས་ཤིང་། དེའི་གནད་ཀྱིས་ལས་བཞི་ལས་མངོན་སྤྱོད་ལ་བསྔགས་ཀྱང་ལས་ཚོགས་ཀྱི་ལྷར་མི་འདོད་པ་ལྟར། དཔའ་བོའི་དབང་པོ་འདི་ཡང་ལུས་ཅན་རྣམས་ཀྱི་འདོད་ཆགས་སྦྱོང་ཕྱིར་རྗེས་ཆགས་ཀྱི་རིགས་ཀྱི་རྒྱལ་པོར་བཞེངས་པ་ཡིན་པས་ལས་སྒྲུབ་ཀྱི་ཚེ་དབང་གི་ལས་ལ་བསྔགས་ཀྱང་མཆོག་སྒྲུབ་དང་ལས་སྒྲུབ་ཀྱི་ལྷ་གཉིས་ལས་སྔ་མ་ཡིན་ཏེ། འདི་ནི་རིན་པོ་ཆེ་ལྟ་བུའི་གང་ཟག་རིམ་གཉིས་ཀྱི་ལམ་གྱིས་ལྷ་འདིའི་གཟུགས་སུ་འཚང་རྒྱ་བའི་དབང་དུ་མཛད་ནས་རྒྱུད་སྡེ་ཆེན་པོའི་དཀྱིལ་འཁོར་གྱི་རྩ་བའི་བདག་པོར་བཞེངས་པ་ཡིན་གྱི། གཙོ་བོར་ལས་ཚོགས་སྒྲུབ་པའི་སྐབས་ཙམ་དུ་གསུངས་པ་མིན་པའི་ཕྱིར་རོ། །རྟ་སྐད་ལའང་། ལྟ་བར་སྦྱར་བ་དང་། སྤྱོད་པར་སྦྱར་བ་ཞེས་ལམ་གྱི་གཞུང་ཤིང་ཡེ་ཤེས་ཀྱི་དོན་ལ་དགོངས་པ་དང་། ལམ་གྱི་ཆ་ལག་ཕྲིན་ལས་ཀྱི་སྤྱོད་པའམ་མཛད་པ་ལ་དགོངས་པ་གཉིས་ལས། སྔ་མའི་སྐབས་སུ་དབང་ལས་དང་མི་སྦྱོར་གྱི། ལམ་གྱི་སྙིང་པོ་རྗེས་ཆགས་ལམ་བྱེད་ཀྱི་བདེ་སྟོང་དང་། དེའི་སྟེང་ནས་ས་ལམ་བགྲོད་ཚུལ་སོགས་

― TN03_Page_0976 ―

^{[མ་དཔེ་གཟིགས་ན་འདིར་གནོན།]}

(༦༡༧)ལ་སྦྱོར་བ་ཐ་རམ་བཞིའི་དང་པོ་གསུམ་ལྟར་ཏེ། རྟ་སྐད་ཀྱི་ཐ་རམ་དོན་བསྡུའི་ཐད་དང་བསྒྲིགས་ན་གསལ་ལོ། །དེས་ན་དབང་གི་རྟ་སྐད་ནི་རྟ་སྐད་སྤྱོད་པར་དགོངས་པའི་སྐབས་ཡིན་ནོ། །འདི་བཟང་ངམ་དཔྱད། གོང་འོག་ན་མི་མཐུན་པ་བག་ཙམ་ཡོད་དེ་དཔྱད་པ་རྩིང་ཞིབ་ལས་བྱུང་ངོ་། །དེ་ལྟར་ཧེ་རུ་ཀ་འདི་ནི་བདེ་བ་ཆེན་པོའི་རྣམ་འགྱུར་གསལ་ཤོས་ཡིན་པས། རྡོ་རྗེ་ཕུར་པའི་སྐབས་སུ་ཡང་ཡེ་ཤེས་སེམས་དཔའི་སྲོག་ལ་ལྷན་སྐྱེས་ཡེ་ཤེས་ཀྱིས་དབང་བསྐུར་བ་ཞེས་རྡོ་རྗེ་སེམས་དཔའ་ལ་རྟ་མགྲིན་གྱིས་དབང་སྐུར་བའི་ཚུལ་བཤད་དོ། ༈ །སངས་རྒྱས་གསང་བས་རྣམ་སྣང་མངོན་བྱང་གི་འགྲེལ་པར་བཤད་པའི་ཟླ་ལ་དྲང་ན་རྟ་སྐད་ཀྱི་དོན་ཡང་། སྲོང་བཙན་བཀའ་འབུམ་གྱི་ཅང་ཤེས་བཱ་ལ་ཧའི་ཐད་ལྟར། མི་འཇིགས་པའི་གནས་སུ་འགྲོ་བར་འདོད་པ་སུ་ཡོད། ཅེས་མཐོན་པོར་སྒྲོགས་པ་ལ་བཤད་དགོས་པ་འདྲ། ༈ །རྟ་མགྲིན་དགོངས་པ་ལུང་སྟོན་སོགས་ལས། མཉམ་དང་སྐུལ་དང་རྟགས་ཙམ་འཛིན། །ཞེས་གསུངས་པ་ནི། དབང་ཆེན་གྱི་ཏིང་ངེ་འཛིན་གསལ་བརྟན་ཚད་ལ་ཕེབས་པས་རྟ་སྐད་ཇི་ལྟར་འདོད་པ་བཞིན་དངོས་སུ་ཐོན་པ་ཙམ་གྱི་སྤྱི་ལྡོག་ནས་དཔལ་ཁྲག་འཐུང་དབང་པོ་དངོས་དང་མཉམ་པ་ནི་དང་པོ་སྟེ། །འདི་ནི་དངོས་གྲུབ་ལ་གཙོ་བོར་རང་སྟོབས་ཀྱིས་མངའ་དབང་ཐོབ་པ་སྟེ། རིག་འཛིན་གྲུབ་པ་པོའོ། །དངོས་པོ་ལ་རྟ་སྐད་དེ་ལྟར་མི་ཐོན་ཡང་། ཏིང་ངེ་

― TN03_Page_0977 ―

^{[མ་དཔེ་གཟིགས་ན་འདིར་གནོན།]}

(༦༡༨)འཛིན་ལས་སུ་རུང་བས་བསམ་གཏན་གྱི་རྟ་སྐད་ཙམ་གྱིས་དེ་བཞིན་གཤེགས་པ་རྣམས་དངོས་གྲུབ་ལ་སྐུལ་བའི་དགོས་པ་དངོས་སུ་བྱེད་ནུས་པ་ནི་གཉིས་པ་སྟེ། གཙོ་བོར་གཞན་སྟོབས་ཀྱིས་དངོས་གྲུབ་མང་པོ་ལ་དབང་བསྒྱུར་བའི་སྐབས་སོ། །དབང་ཆེན་གྱི་ལྷ་སྔགས་ཡེ་ཤེས་ལ་རྣལ་འབྱོར་བྱེད་ཀྱང་། རྟ་སྐད་ཀྱི་དྲོད་དེ་འདྲ་གང་ཡང་མ་རྙེད་པ་ནི་གསུམ་པ་སྟེ། རྣལ་འབྱོར་པའི་བརྡ་སྐད་དུ་འཇོག་རྒྱུ་དངོས་ནི། རྟ་སྐད་དངོས་སུ་གྲུབ་པ་དང་། དེ་མ་གྲུབ་ཀྱང་ནུས་པ་ཅུང་ཟད་རྙེད་པའི་བཟླས་པའམ་བཤུག་གླུ་སོགས་དང་། ནུས་པ་མ་ཐོབ་པ་ལས་དང་པོ་པའི་རྟ་མཆོག་གི་བརྡ་སྐད་རྣམས་ཏེ། རྣལ་འབྱོར་པའི་གསུང་རྡོ་རྗེ་རིམ་པ་གསུམ་པོ་འདི་ནི་བསྐྱེད་རིམ་པ་ཁོ་ན་ཡང་ཡོད་དོ། །དེ་ལྟར་བཤད་རུང་ངམ་དཔྱད་དགོས། ༈ །རྟ་སྐད་ཡི་གེར་བརྗོད་ན་ཇི་ལྟར་ཡིན་པ་ནི། བཀའ་བརྒྱད་བདེ་གསང་སོགས་སུ་བཤད་ཚུལ་སྔར་བསྟན་ཟིན་པས་གོང་འོག་སྒྲིགས་ལ་ལྟོས། རྣམ་སྣང་མངོན་བྱང་གི་འགྲེལ་པར། རྟ་མགྲིན་གྱི་རྟ་སྐད་ལ་ཨི་ཧི་ཧི་ཞེས་སྙན་རྒྱུད་རྟ་མགྲིན་གྱིའང་སྐབས་གཅིག་ན་འདི་བཞིན་ཡོད། པ་བཤད་ཅིང་། ཀློང་སྙིང་རིག་འཛིན་འཁྲུལ་འཁོར་ལས་ཀྱང་དེ་ལྟར་བཤད། སྤྱིར་ནི། གཞུང་འདིར། ཡེ་ཤེས་གཟི་འབར་རྔམས་ཞིང་བཞད་པའི་སྒྲསཿ ཞེས་རྟ་སྐད་བཞད་སྒྲ་ཡིན་པར་གསུངས་ཏེ། གསང་སྒྲུབ་ཀྱི་བསྟོད་པར། རྟ་མགྲིན་རྟ་སྐད་བཞད་ལ་ཕྱག་འཚལ་བསྟོདཿ ཅེས་སོགས་དེ་འདྲ་གཞན་

― TN03_Page_0978 ―

^{[མ་དཔེ་གཟིགས་ན་འདིར་གནོན།]}

(༦༡༩)ཡང་ཆེས་མང་ངོ། །བཞད་ཚུལ་ཡང་འདིའི་བྲོ་ཆོག་ཏུ། ཧི་ཧི་ཧི་ཞེས་པ་ལ་ཡང་ཡང་བཤད་པ་སྙན་རྒྱུད་རྟ་མགྲིན་དང་ཡང་ཇི་བཞིན་དུ་མཐུན་ནོ། །དེའང་བསྙེན་སྒྲུབ་ཅི་རིགས་འཁྱོལ་བ་ན། དེའི་སྐབས་རྣམས་སུ་རང་གི་ངག་རླུང་རྡོ་རྗེ་རྟ་སྐད་དུ་འཆར་བའི་བག་ཆགས་བརྒྱུད་མར་བཞག་པས། ངག་ལ་རྟ་སྐད་ཀྱི་སྣང་ཞེན་ཤུགས་ཇེ་ཆེར་འགྲོ། དེས་རྐྱེན་བྱས་ནས་དཔལ་གྱི་རྟ་སྐད་དངོས་རང་འབབ་ཅིང་། དེའང་ཕུལ་ཇེ་ཆེར་རིམ་གྱིས་འགྲོ། །དེའི་ཚེ་སླར་ཡང་རང་གི་ངག་རླུང་ཧི་ཧིའི་གད་རྒྱངས་ཀྱི་རྣམ་པར་བཅོས་པ་འདི་ཉིད་སྒྲུབ་རྟེན་དུ་བཟུང་ནས། བྲོ་རྡུང་དང་སྦྲགས་ནས་ཞག་བདུན་ལ་སོགས་པར་བསྒྲུབ་པས། མཁའ་འགྲོ་མ་དང་། སྲིད་གསུམ་དྲེགས་པའི་རྒྱལ་སྲིད་ལ་དབང་སྒྱུར་ཞིང་། བདུད་ལས་རྣམ་པར་རྒྱལ་བའི་མཐུ་གྲུབ་པར་འགྱུར་བ་ནི། སྒྲུབ་ལུགས་འདིའི་སྨད་ལས་ཐུན་མོང་མ་ཡིན་པ་སྟེ། ཚེ་མཆོག་བདུད་རྩིའི་བསྙེན་པ་སོང་བའི་སློབ་དཔོན་གྱིས་རྩི་སྨན་གྱི་སྦྱོར་བ་སྒྲུབ་གཞིར་བཟུང་སྟེ་ཞག་བདུན་ལ་སོགས་པར་བསྒྲུབ་པས་གྲུབ་པའི་བདུད་རྩི་དངོས་སམ་རྗེས་མཐུན་པར་གྱུར་ནས། སྐོང་དང་གཟི་མདངས་འཆི་མེད་སོགས་སྩོལ་ནུས་པ་དང་འདྲའོ། དེང་སང་རྟ་སྐད་ཀྱི་སྒྲུབ་ལུགས་འདི་རྣམས་ས་འོག་གི་གཏེར་བཞིན་སོང་འདུག་ཀྱང་། བླ་མའི་དྲིན་ཁོ་ནས་བདག་གིས་གཏེར་རྡོལ་བ་བཞིན་དུ་བྱས་ཡོད། ༈ རྟ་སྐད་བྲོ་གར་དང་འབྲེལ་བའི་རྒྱུ་མཚན་ནི་

― TN03_Page_0979 ―

^{[མ་དཔེ་གཟིགས་ན་འདིར་གནོན།]}

(༦༢༠)རྟ་སྐད་ནི་གཞན་ལ་འབོད་ཅིང་སྐུལ་བའི་སྒྲ་ཁོ་ན་མིན་ཏེ། ཤིན་ཏུ་ཆགས་ལྡན་འགའ་ཞིག་བདེ་བས་མྱོས་པ་ན་རྟ་སྐད་འབྱིན་པར་གྲགས་པ་ཡིན་ཏེ། བདེ་སྐད་དམ་ཆགས་སྐད་དོ། །བྲོ་ཡང་སྒྱུ་འཕྲུལ་ལུགས་ཟུར་འཁོད་ལྟར་རིག་མ་དང་ལག་པའི་པདྨ་ལུ་གུ་རྒྱུད་དུ་སྦྲེལ་ནས་འཁྲབ་ཅིང་རྩ་བའི་རྗེས་ཆགས་ཀྱི་སྤྱོད་པ་ཡིན་ལ། དེའང་སྙོམས་འཇུག་གི་དགའ་བའི་རོས་མྱོས་དུས་ཀྱི་ཆགས་སྐད་རྟ་མཆོག་འཚེར་བའི་ང་རོ་དང་སྦྲགས་ན་དགའ་བ་འབར་བ་ལ་མཐུ་ཤིན་ཏུ་ཆེ་བས། ལུས་བྲོ་གར་དང་། ངག་འཚེར་སྐད། སེམས་རྗེས་ཆགས་ཏེ་གསུམ་དང་ལྡན་པས་རིག་མ་ལ་རྩེ་བར་བསྟན་ཏེ། འདོད་ཆགས་རྡོ་རྗེའི་རིགས་ལ་ཅི་སྟེ་མི་བསྔགས། མདོར་ན་བྲོས་བདེ་བ་རྒྱས་པའི་གྲོགས་སུ་རྟ་སྐད་དགོས་པའོ། ༈ །རྟ་སྐད་འདོན་པ་དང་བྲོ་རྡུང་གི་དུས་གཅིག་ནི། མཆོད་པའི་སྐབས་ཏེ། རཏྣའི་རྟ་མགྲིན་གསང་འདུས་སུ། དབང་གི་རྟ་བྲོ་དང་གླུའི་མཆོད་པ་ཞེས་རྟ་རྒྱུད་ནས་བཤད་པའི་གླུ་དྲུག་དང་བྲོ་དྲུག་གིས་མཆོད་པ་དེར་གླུའི་སྔགས་དང་། བྲོའི་སྔགས་གཉིས་ཐ་དད་དུ་འབྱུང་བ་ལས། འདི་ནི་བྲོའི་སྔགས་སུ་བྱས་ནས་གསུངས་སོ། །མཆན། ཏེ་ན་ཏེ་ཏེའི་སྔགས་དང་བཅས་པ་གསུངས་ཏེ། འདི་ནི་རྟ་མགྲིན་གྱི་ཐུགས་དམ་རྩ་བ་ཡིན་ཚུལ་བཤད་ཟིན་ལྟར་མཉེས་པའི་མཆོད་པ་མཆོག་གོ །དེ་ལྟར་སྦྱོར་ན་ནི་ཁ་སྐོང་ཕྲིན་ལས་ཀྱི་ཕྱག་རྒྱ་གར་མཆོད་ལ་ཡེ་ཤེས་གླུའི་མཆོད་པའང་ཡོད་པར་མཆོད་སྔགས་ཀྱིས་ཤེས་

― TN03_Page_0980 ―

^{[མ་དཔེ་གཟིགས་ན་འདིར་གནོན།]}

(༦༢༡)པས། དེར་རྟ་བྲོ་དང་འཚེར་གླུའི་མཆོད་པའི་དམིགས་རིམ་བསྐྱང་བས་ཆོག་པ་འདྲ་ལ། དེ་ལས་ཀྱང་སྤྲོ་ན་ཐུགས་ཏིག་འདི་ཀའི་བཀའ་བརྒྱད་ཀྱི་གླུ་གར་མཆོད་པའི་སྐབས་སུ། མ་ཧཱ་ཛྙཱ་ན་ཏེ་ན་ཧཱུཾཿ ཏེ་ན་ཏེ་ཏེ་ཧཱུཾཿ ཞེས་འབྱུང་བ་དེ་གདངས་འགྱུར་མཐོ་དམན་རིང་ཐུང་ཇི་ལྟར་འདོད་པས་གླུར་ལེན་ཅིང་། བྲོ་གར་ཡིད་ལ་གང་ཤར་བཞིན་བྱས་ནས་ཉམས་སྦར་བ་ཡང་རུང་བ་འདྲ་སྟེ། ཐང་སྟོང་སྙན་རྒྱུད་ལས་ཀྱང་། ཏེ་ན་ཏེ་ཏེའི་སྔགས་ཀྱིས་བྲོ་གར་སྣང་བ་ལ་གང་དྲན་བྱས་པས་མཁའ་འགྲོ་མ་རྣམས་ཆགས་ཤིང་གདུང་བར་འགྱུར་བར་ཕག་མོའི་སྐབས་སུ་གསུངས་སོ། །འདི་ནི་ལས་སྒྲུབ་ཀྱི་རྟ་བྲོ་གཏན་མིན་ཏེ། རྟ་གསང་དུའང་བྲོ་མནན་གྱི་ཚིག་ལྟ་བུ་ཡེ་མེད་དོ། །མཆོད་པའི་གླུ་བྲོ་ནི་སྒྱུ་འཕྲུལ་ལས། གླུ་ཚིག་བྲོ་གར་རོལ་མོ་ཡི། །སྤྲིན་ཕུང་ཚོགས་ཀྱིས་རབ་ཏུ་མཆོད། །ཅེས་པ་ལྟ་བུའོ། །དཔྱོད། འདི་དག་ནི། སྤྱིར་འདི་འདྲའང་རུང་དམ་ཞེས་དཔྱད་གཞིར་བཀོད་ཀྱི། གཞུང་རང་ན་གསལ་ཁ་མི་སྣང་ཞིང་། བཀའ་བརྒྱད་སྤྱིའི་ཁོག་ནས་ཀྱང་ཆེར་མ་ཐོན་པས། ཕྱག་རྒྱ་གར་མཆོད་ཅེས་པའི་གར་གྱི་དོན་དངོས་ནི་ལག་པའི་ཕྱག་རྒྱ་སོགས་སྒྱུ་འཕྲུལ་པའི་ཕྱག་རྒྱ་བདུན་སྦྲགས་ལ་བྱ་དགོས། བཀའ་བརྒྱད་གསང་རྫོགས་ཀྱི་སྒོམ་ཁོག་སོགས་ལས་ཀྱང་བཤད་དེ། དེར་ནི། ཕྱག་རྒྱ་གར་མཆོད་ལ་ཕྱག་རྒྱའི་མཆོད་པ་རྒྱས་པར་སྤྲོས་ནས། དེའི་འོག་ཏུ་གླུ་བྲོའི་མཆོད་པ་ཛྙཱ་ན་ཏེ་ཏེའི་སྔགས་

― TN03_Page_0981 ―

^{[མ་དཔེ་གཟིགས་ན་འདིར་གནོན།]}

(༦༢༢)དང་བཅས་པ་འབྱུང་སྟེ་སོ་སོར་མཛད་དོ། ༈ །བདེ་འདུས་བྲོ་མནན་ཆེན་མོར། དབུས་ཀྱི་རྟ་སྐད་ལྷང་ལྷང་ཐེང་གཅིག་གིས༔ རྣལ་འབྱོར་ཡལ་གམ་ཅན་ལ་དངོས་གྲུབ་སྟེརཿ གཡོན་གྱི་རྟ་སྐད་ལྷང་ལྷང་ཐེང་གཅིག་གིས༔ སྣང་སྲིད་ལྷ་སྲིན་སྡེ་བརྒྱད་དབང་དུ་སྡུདཿ ཅེས་གསུངས་ཏེ་བསྐུལ་ཆེན་དང་མི་འདྲའོ། ༈ །སྤྱི་མདོའི་གསང་སྔགས་འབྱུང་བའི་གནས་སྐབས་བཅུ་གཉིས་ཀྱི་དྲུག་པ། གདུལ་བྱའི་སྐབས་ལ་བབས་པ་ན་ཡང་འབྱུང་། ཞེས་པའི་རྒྱས་བཤད་དུ། སྔོན་རུ་ཏྲས་འཇིག་རྟེན་གསུམ་ལ་དབང་བསྒྱུར་བ་ན། ཁོའི་མཐུས་འགྲོ་བ་རྣམས་ཀྱི་སེམས་དང་སྤྱོད་པ་ཤིན་ཏུ་འཁྲུགས་ཏེ་ཕྱིན་ཅི་ལོག་ཏུ་སོང་ཞིང་། དེའི་དབང་གིས་སྣོད་བཅུད་ཐམས་ཅད་ཆེས་ཆེར་སྙིགས་ཤིང་རྒུད་པར་གྱུར་པའི་ཚེ། འཇིག་རྟེན་དབང་ཕྱུག་རྡོ་རྗེ་རྟའི་གདོང་པ་ཅན་སངས་རྒྱས་རྣམས་ཀྱིས་བསྐུལ་ཏེ། རྒྱ་མཚོའི་དོ། ལང་ཀའི་གྲོང་རྡལ་གྱི་དབུས། རིའི་རྒྱལ་པོ་མ་ལ་ཡའི་རྩེར་བྱོན་ནས། ཁམས་གསུམ་ཡོངས་སྒྲོལ། དུག་གསུམ་གཏན་སྤྲུགས་པའི་སྤྱོད་པ་མཛད་ཚུལ་རྒྱ་ཆེར་གསུངས་པའི་སྐབས་སུ་རྟ་སྐད་བཤད་པའི་ཚུལ་ནི། རུ་ཏྲ་ལ་གདུང་བ་བསྐྱེད་པ་ན། ཁོས་རང་གི་བཀའ་འོག་གི་འཇིག་རྟེན་གྱི་དབང་ཕྱུག་ཆེན་པོ་རྣམས་དམག་སྡེ་དང་བཅས་པ། དམོད་པ་གྲུབ་པའི་མཐུ་འབྱུང་པོ་

― TN03_Page_0982 ―

^{[མ་དཔེ་གཟིགས་ན་འདིར་གནོན།]}

(༦༢༣)ཐམས་ཅད་ཀྱིས་བཟོད་པར་དཀའ་བའི་ངག་གིས་རམ་ཟླར་བསྐུལ་ཏེ། དཔུང་ཚོགས་བྱེ་བ་དཔག་མེད་ཀྱི་སྤྲིན་གཏིབས་ནས། བདུད་ཀྱི་སྒྱུ་འཕྲུལ་གྱི་དྲྭ་བ་བཀྲམ་པ་ན། རྟ་མཆོག་ཧེ་རུ་ཀས་རྡོ་རྗེ་ས་གསུམ་གྱི་དཀྱིལ་འཁོར་གནོན་པའི་འདུར་གླུ་བླངས་པར་གསུངས་ཏེ། དེའང་ཧྲཱིཿབླང་བར་བཤད་དོ། འདུར་གླུའི་བསྟན་དོན་ནི། དགའ་རབ་དབང་ཕྱུག་སོགས་ལ་འདོད་དབང་སྟོང་ལས་ལྷག་པར་སྒེགས་པའི་གར་དང་། གཤིན་རྗེའི་རྒྱལ་པོ་སོགས་ལ་གཤིན་རྒྱལ་སྟོང་ལས་ལྷག་པར་འབར་ཞིང་ཁྲོ་བའི་གར་དང་། ཚངས་པ་སོགས་ལ་ཚངས་ཆེན་སྟོང་ལས་ལྷག་པར་ཞི་བའི་གར་རམ་ཉམས་ཀྱི་འགྱུར་བ་སྟེ། མདོར་ན་རྒྱལ་བ་ཀུན་གྱི་སྐུ། མཐུན་པས་མཐུན་པ་འདུལ་བའི་ཉམས་ཐ་དད་དུ་ཤིན་ཏུ་བསྒྱུར་བའི་སྤྲུལ་པའི་རྒྱུད་ཀྱིས་འཇིག་རྟེན་གསུམ་རྒྱས་པར་བཀང་སྟེ། རུ་ཏྲ་དང་། དེའི་དཔུང་དྲེགས་པའི་གཙོ་བོ་ཐམས་ཅད་ཤིན་ཏུ་ཟིལ་གྱིས་ནོན་ཅིག །དེ་དག་གི་དགའ་མའི་ཚོགས་རྣམས་དྲོངས་ཤིག་གམ་འགུག་པར་གྱིས་ཤིག །ཉོན་མོངས་ཤིན་ཏུ་ཤུགས་དྲག་ལ་སྤྱོད་པའི་སེམས་ཅན་རྣམས་གདུལ་དཀའ་སླའི་ངེས་པ་ལ་མི་ལྟོས་པར་སྔགས་ཀྱི་ཐབས་མཁས་ཀྱིས་ཐུལ་ཅིག །ཅེས་པ་ཡིན་པར་བཤད། དེ་ལྟར་འདུར་གླུ་བླངས་པས། བདུད་ཀྱི་དམག་ཚོགས་རྣམས་ནི་རེངས་ཏེ་བག་འཁུམ། མཚོན་ཆའི་སྤྲིན་ཕུང་ནི་སྟོང་པ་ཉིད་དུ་སངས། མི་སྙན་པའི་

― TN03_Page_0983 ―

^{[མ་དཔེ་གཟིགས་ན་འདིར་གནོན།]}

(༦༢༤)ངག་རྒྱ་མཚོ་ནི་ཐེག་པ་ཆེན་པོ་གསང་སྔགས་ཀྱི་སྒྲར་སྣང་བར་གྱུར་ཏོ་ཞེས་བཤད་དོ། །དགེ་བྱེད་ལོ་མཇུག་ནས་དཔྱད་པ་གཙང་དུ་སོང་བ་རྣམས་སླར་ཡང་མཐུད་དེ་བྲིས་པ། ལར་དོགས་པ་ཆེ་བ་ནི། །སྒྲུབ་སྡེ་འདི་ལ་པདྨ་གསུང་རྟ་སྐད་ཀྱི་སྒྲུབ་པ་ཞེས་གྲགས་པས་རྟ་སྐད་ཀྱི་ཏིང་ངེ་འཛིན་རྒྱུན་ལྡན་དུ་སྐྱོང་བ་ཞིག་ལ་བསྙེན་སྒྲུབ་ཀྱི་སྲོག་འཆོལ་དགོས་པར་སྣང་ཡང་། འདི་དང་སྙན་རྒྱུད་རྟ་མགྲིན་སོགས་སུ་ཛབ་དགོངས་སྤྱི་ཁྱབ་ལྟར་ལས་མ་བཤད་པ་ཅི་ཞེས་པ་སྟེ། འདི་ལ་སྤྱིར་ཐུན་རེ་བཞིན་རྟ་སྐད་ཀྱི་སྣང་ཞེན་སྐྱོང་རྒྱུ་ནི་དངོས་བསྟན་ལའང་མི་གསལ་བ་མིན་ཏ། སྤྱི་གཙུག་རྟ་གདོང་རྔམ་བཞད་འཚེརཿ ཞེས་སོ། །འོན་ཏེ་རྟ་སྐད་དེ་ཉིད་ཛབ་དགོངས་སུ་བྱས་ནས་སྐྱོང་རྒྱུ་བསྟན་མ་བསྟན་ནི་ཅུང་དཀའ་བས་དཔྱད་ན། སྤྱིར་ཧེ་རུ་འདི་རྗེས་ཆགས་ཀྱི་ངོ་བོ་ཉིད་ཡིན་པ་དང་། འགྲོ་སྒྲོལ་གྱི་ཤུགས་ཆེ་ཞིང་མྱུར་བ་སོགས་ཀྱིས་རྟ་མཆོག་ཏུ་བཤད་དེ། ཚུལ་དེས་རང་ཉིད་རྟ་མཆོག་ཡིན་པའི་མཚོན་བྱེད་དུ་དབུ་གཙུག་ནས་རྟ་གདོང་ཞལ་གྱི་ཕྱག་རྒྱ་བར་སྤྲུལ་པ་ཡིན་གྱི། རྟ་མགོ་ཡོད་པས་རྟ་མགྲིན་དུ་ཚུར་བཞག་པ་ཡེ་མིན་ནོ། །དེ་བཞིན་དུ་བཅོམ་ལྡན་འདས་འདིའི་གསུང་ཡང་རིལ་གྱིས་རྟ་སྐད་དུ་བཤད་རྒྱུ་ཡིན་གྱི། རྟ་སྐད་ཅེས་བྱས་ཚེ་རྟ་གདོང་གི་ཁ་ལས་སྐྱེས་པ་འབའ་ཞིག་མི་དགོས་ཏེ། རྟ་བྲོ་ཞེས་པའང་རྟ་མགྲིན་གྱི་ཞབས་བྲོ་ལ་ཟེར་གྱི། རྟ་རྨིག་གི་རྣམ་པས་འཁྲབ་པར་སྒོམ་

― TN03_Page_0984 ―

^{[མ་དཔེ་གཟིགས་ན་འདིར་གནོན།]}

(༦༢༥)མི་དགོས་པ་བཞིན་ནོ། །དེ་ལྟར་འཕགས་པ་འདིའི་གསུང་ཐམས་ཅད་རྗེས་ཆགས་ཀྱི་གླུའི་རང་བཞིན་གྱི་རྟ་སྐད་ཁོ་ན་ཡིན་པའི་མཚོན་བྱེད་དུ། དབུ་གཙུག་གི་རྟ་ཞལ་ལས་རྟ་སྐད་དངོས་འབྱིན་པར་ཟད་དེ། སྒྲུབ་ཐབས་སྒོམ་དུས་སུའང་རང་གི་ངག་རླུང་ཐམས་ཅད་རྟ་སྔགས་སུ་བལྟ་ཞིང་། རྟ་སྔགས་ཀྱང་རྟ་སྐད་ཁོ་ན་ཡིན་པའི་བརྡ་རྟགས་སུ་སྤྱི་བོ་ནས་རྟ་སྐད་དངོས་འབྱིན་བཞིན་པར་བལྟ་ཡི། རྩ་ཞལ་སོགས་ནས་འབྱུང་བའི་སྔགས་སྒྲ་རྟ་སྐད་མིན་པ་དང་། རྟ་སྐད་རྟ་གདོང་ཁོ་ན་ལས་འབྱུང་དགོས་པར་ནི་མི་བཟུང་ངོ་། །མདོར་ན་ལྷ་འདིའི་གསུང་གསང་སྔགས་ཀྱི་བརྗོད་པ་ཐམས་ཅད་ཆགས་པའི་རྟ་སྐད་ཀྱི་ངོ་བོ་ཉིད་ཡིན་པ་འདི་ནི་གསང་སྔགས་དེ་དག་གི་ཐུན་མོང་མ་ཡིན་པའི་ཁྱད་ཆོས་ཆེན་པོ་ཡིན་ལ། དེའི་རང་རྟགས་སུ་སྤྱི་གཙུག་ཏུའང་རྟ་སྐད་དངོས་རང་བཞག་ལ། དི་ཉིད་རྟ་ཛབ་རྟ་སྐད་ཡིན་པའི་དྲན་པའི་འཛིན་ཕུར་དུ་བྱས་ཏེ། ཛབ་བཟླས་ལ་བརྩོན་པས། ནམ་ཞིག་བཟླས་བརྗོད་ལ་རྟ་སྐད་དངོས་ཀྱི་ནུས་པ་སྐྱེས་པ་ན། དེའི་རྟགས་མཚན་དུ་སྤྱི་གཙུག་ནས་རྟ་སྐད་སྒྲ་རྟ་སྔགས་ཀྱི་བྲག་ཆ། བརྙན་ལྟ་བུར་ཐོན་འོང་བ་ཡིན་གྱི། ཛབ་ལ་རྟ་སྐད་དུ་ཤེས་པས་རྒྱས་བཏབ་ནས་བཟླ་བ་མིན་པའི། རྟ་སྐད་གཙུག་འབྱིན་གྱི་གནད་ཟུར་དུ་འཚོལ་བ་ངལ་བ་ཙམ་མོ། །དེས་ན་རྟ་མགྲིན་གྱི་ཛབ་འདི་དང་པོ་ཟློ་དུས་ནས་སྒྲུབ་སྡེ་གཞན་ལས་ཀྱང་ཆེས་ལྷག་པར་ལྷ་དང་མཁའ་འགྲོ་དམ་

― TN03_Page_0985 ―

^{[མ་དཔེ་གཟིགས་ན་འདིར་གནོན།]}

(༦༢༦)ཅན་ཐམས་ཅད་རང་འཁོར་དུ་འོང་ཚབ་ཆེ་བའི་གནད་གཅིག་ཡོད་དེ། ཛབ་རྟ་སྐད་དབང་གི་གླུར་བྱས་ནས་ཟློ་བ་འདི་སྒྲུབ་སྡེ་གཞན་ལ་མེད་པའི་ཕྱིར་རོ། །མཁའ་འགྲོ་དམ་ཅན་རྣམས་དགྱེས་ནས་འདུས་པ་ཙམ་གྱིས་བདུད་བགེགས་བར་ཆད་བྱུར་དང་མི་ཤིས་པ་ཐམས་ཅད་དྲག་ཤུལ་གྱི་གཟི་བརྗིད་རྣོན་པོ་ཅན་དེ་དག་གི་མདུན་དུ་གནས་མི་ནུས་ཤིང་། མེ་ཕུང་གི་འཁོར་དུ་གྲང་རེག་ལྟར་མཐུ་མེད་པར་འགྱུར་བས་བར་ཆད་སེལ་ཐབས་ཀྱང་ཟབ་པའི་ཕུལ་ཡིན་ནོ། །མཆན། བདེ་འདུས་ཀྱི་མ་ཚང་ཁ་སྐོང་རྒྱུད་ལས་རྟ་མགྲིན་གྱི་སྒྲུབ་ལུགས་ལ་བསྙེན་སྒྲུབ་གསུམ་གྱི་བཟླས་ཛབ་གཙོ་བོར་བྱེད་པའི་རྒྱུ་མཚན་གྱིས་གསུང་གི་སྒྲུབ་པར་བཤད་ཅེས་གསུངས་པའང་དེ་ལ་དགོངས་ཤིང་། འདི་ཉིད་ལས། དབང་ཆེན་རྟ་སྐད་བཞད་པའི་སྒྲཿ ནུས་པ་སྔགས་ཀྱི་ཕྲེང་བ་ཡིསཿ ཞེས་བཟླས་སྔགས་ཉིད་རྟ་སྐད་དུ་གསུངས་སོ། །དེའང་བདག་དོན་ཡེ་ཤེས་སྒྲུབ་པ་སྟོད་ལས་ཀྱི་ཛབ་ཀྱི་ཚེ། དེའི་རང་རྟགས་སུ་སྤྱི་གཙུག་གི་རྟ་མགོས་ཀྱང་ལྟ་བར་དགོངས་པའི་རྟ་སྐད་རྩལ་བཏོན་དུ་སྒྲོགས་པ་དང་། གཞན་དོན་ཕྲིན་ལས་སྒྲུབ་པ་སྨད་ལས་ཀྱི་ཛབ་ཀྱི་ཚེ་རྟ་མགོས་ཀྱང་དེའི་རྟགས་སུ་སྤྱོད་པར་དགོངས་པའི་རྟ་སྐད་འབྱིན་ཏེ། ཛབ་ཇི་ལྟར་བསྒྱུར་བ་དེ་ལྟར་དེའི་སྒྲ་བརྙན་རྟ་མགོའི་འཚེར་སྐད་ཀྱང་འགྱུར་འགྲོའོ་སྙམ་སྟེ་ད་དུང་དཔྱད། འོ་ན་བདེ་འདུས་ཐར་མ་སོགས་ལས་སྤྱི་གཙུག་རྟ་ཞལ་གྱི་འཚེར་སྐད་ཁོ་ན་བཤད་པ་ཅི་ཞེ་ན། འདིའི་ལན་འདེབས་ཚུལ། དེ་ཁོ་ན་བཤད་པ་མ་གྲུབ་སྟེ། སྤྱི་བོའི་རྟ་སྐད་

― TN03_Page_0986 ―

^{[མ་དཔེ་གཟིགས་ན་འདིར་གནོན།]}

(༦༢༧)བཤད་པ་ཉིད་ཀྱིས་རྟ་སྔགས་སྤྱིར་བཤད་པ་ཡིན་པའི་ཕྱིར་རོ། །ཞེས་ཟུར་འཁོད་ལྟར་དགོས་ཀྱང་འདིར་ཐག་ཆ་འཛིང་བ་ལྟར་སོང་ཡོད། དེར་ནི་སྔོན་བྱུང་ཧེ་རུ་ཀ་ཉིད་ཀྱིས་སྒྲ་ཚིག་ཐམས་ཅད་འདོད་ཆགས་ཆེན་པོའི་ཡེ་ཤེས་ཀྱི་རང་སྒྲར་འཆར་བའི་རྣལ་འབྱོར་ལ་སྦྱང་བ་མཐར་ཕྱིན་པའི་རྒྱུ་མཐུན་རྟགས་ཀྱི་ཕྱག་རྒྱ་ཐུན་མོང་མ་ཡིན་པ་ཇི་ལྟ་བུ་བརྙེས་པ་དེ་གཙོ་བོར་བྱས་ནས་བཤད་ཅིང་སྒྲུབ་ཐབས་སུ་ནི་རྗེས་འཇུག་རྣལ་འབྱོར་པས་རྩོམ་པ་དང་པོ་ལ་རྟ་སྐད་སྒྲུབ་ཚུལ་གཙོ་བོར་མཛད་ནས་བཤད་པའི་ཁྱད་དོ། །དེའང་སྤྱིར་པདྨ་གསུང་གི་ཁྱད་ཆོས་གཙོ་བོ་དེ་གང་ཡིན་འཆད་པ་ཡིན་ན། དེ་རྩོལ་པ་དང་པོ་ལ་གང་གི་སྟེང་ནས་སྒྲུབ་པ་དང་བསྟུན་ཏེ་འཆད་མི་དགོས་ཀྱི། སྤྱིར་དེ་ལ་གསུང་གི་ཁྱད་ཆོས་ཐུན་མོང་མ་ཡིན་པ་ཇི་ལྟ་བུ་ཡོད་པ་དེ་འཆད་དགོས་ལ། དེའི་ཚེ་གསུང་རིགས་སྔགས་ཀྱི་རང་ལྡོག་ཙམ་ནས་བསྟན་ན་ནི་སྒྲུབ་སྡེ་གཞན་དང་ཐུན་མོང་བར་འགྲོ་བས་རྟ་སྐད་ཀྱི་ལྡོག་པ་ནས་བསྟན་པར་བྱ་ཞིང་། སྐུ་གསུང་གཉིས་གདུལ་བྱ་གཞན་སྣང་གི་ཡོན་ཏན་ཡིན་པས་གསུང་རྟ་སྐད་དུ་འཇོག་པའང་གདུལ་བྱས་རྟ་སྐད་དུ་གསལ་པོར་ཤེས་པ་ཞིག་ལ་བྱེད་པའི་ཕྱིར་རྟ་སྐད་ཀྱི་དེ་ཉིད་ཚང་བ་ཙམ་གྱིས་མི་ཆོག་རྣམ་པའང་རྟ་སྐད་ཡིན་པ་ཅིག་གི་སྟེང་ནས་གསུང་གི་དགོས་དེ་འདིའི་གསུང་གི་དགོས་ཆོས་གཙོ་ཆེ་ཤོས་སམ་གསལ་ཤོས་ཡིན་པས་སོ། །མཆན་ཆོས་བསྟན་དགོས་སོ། །ད་ལྟ་རྣལ་འབྱོར་པས་གསུང་དེ་སྒྲུབ་ལུགས་འཆད་པ་ཡིན་ན་ནི། །སྤྱིར་འདི་ལ་དགོས་

― TN03_Page_0987 ―

^{[མ་དཔེ་གཟིགས་ན་འདིར་གནོན།]}

(༦༢༨)ཆོས་ཇི་འདྲ་ཡོད་བསྟན་པ་ཙམ་གྱིས་མི་ཆོག་གི །ད་ལྟ་ནས་རང་གི་ངག་རླུང་འདི་གསུང་དེའི་བཟླས་བརྗོད་ཀྱི་ངོ་བོར་སྒྲུབ་པའི་ཚུལ་དང་། དེ་ལས་པདྨ་གསུང་ཞེས་པའི་གསུང་གི་ཁྱད་ཆོས་ཐུན་མིན་དེའང་འགྲུབ་འོང་བ་ཞིག་བསྟན་ནས། དེ་དང་གཙོ་བོར་སྦྱར་བའི་འཆད་ཚུལ་ལ་རྩལ་འདོན་དགོས་སོ། །དེས་ན་སྤྱིའི་འཆད་ཐབས་སུ་སྤྱི་བོའི་རྟ་སྐད་དང་། སྒྲུབ་ཐབས་སུ་བཟླས་སྔགས་ལ་སྦྱར་ནས་བཤད་པར་ཤེས་པར་བྱའོ། །མདོར་ན་དཔལ་ཧེ་རུ་ཀས་སྔོན་སྤྱི་བོའི་རྟ་སྐད་ཀྱིས་དམ་ཅན་ལས་ལ་བཀྱེ་བའི་ཆོ་འཕྲུལ་མཛད་པ་ནི། རྗེས་འཇུག་ལ་དངོས་གྲུབ་ཀྱི་སྒོ་བྱིན་གྱིས་བརླབས་པ་སྟེ། འདི་ལྟར་རྗེས་འཇུག་རྣམས་རྟ་སྐད་ཀྱི་སྒོ་ནས་ཁམས་གསུམ་ལས་རྣམ་པར་རྒྱལ་བའི་སྲིད་ཐོབ་པར་བྱ་བའི་ཕྱིར་རོ། །འདི་སྤྱིར་ཡང་མཁོ་རྒྱུ་ཞིག་རེད་དོ། །ཅི་སྟེ་དབུ་གཙུག་གི་རྟ་སྐད་ཀྱིས་ལྷ་འདི་ཉིད་རང་དང་། འདིའི་སྐུ་དང་། སྔགས་དང་། ཡེ་ཤེས་ཐམས་ཅད་རྟ་མཆོག་དང་། རྟ་མཆོག་གི་རིགས་ཀྱི་སྐུ་དང་སྔགས་དང་ཡེ་ཤེས་སུ་བསྟན་ནས། འདིའི་ལམ་རིམ་གྱི་ཁོག་ཐམས་ཅད་རྟ་མཆོག་གི་རིག་ཀྱི་དེ་ཉིད་ཀྱི་སྒྲོམ་དུ་བཅུག་ནས་སྒྲུབ་ཚུལ་གསལ་བར་མཚོན་ནུས་པ་མ་ཡིན་ནམ། དེའི་ཕྱིར་དེ་ཐམས་ཅད་ཀྱི་སྣང་ཞེན་བརྟན་པའི་འཛིན་ཕུར་དུ་སྤྱི་གཙུག་གི་རྟ་གདོང་བཞད་པའི་དབྱངས་དེ་བཏབ་ནས་བསྒོམ་པས། དེ་རྣམས་ཀྱི་སྣང་

― TN03_Page_0988 ―

^{[མ་དཔེ་གཟིགས་ན་འདིར་གནོན།]}

(༦༢༩)ཞེན་ལ་ནུས་པ་ཐོན་པ་ན། །གྲུབ་རྟགས་སུ་དཔལ་གྱི་རྟ་སྐད་སྤྱི་གཙུག་ནས་རང་གི་ངང་གིས་ཐོན་ཕུར་པའི་སྐབས་བསྙེན་ཕུར་འབར་དང་བཞད་པ་སོགས་ཀྱི་དོད་ཡིན། འོང་བ་ཡིན་པས། དེ་བཟླས་བརྗོད་ཁོ་ན་ལ་སྦྱོར་བ་ཅི་ལྟར་རིགས་ཤེ་ན། དེ་ལའང་ཞི་བ་ཆ་ཕྱེ་ན། སྐུའི་སྣང་ཞེན་གྲུབ་རྟགས་སུ་རྟ་ཞལ་རྨ་བྱའི་མདོག་ཅན་སྤྱི་བོ་ནས་དངོས་སུ་ཐོན་པ་དང་། གསུང་གི་སྣང་ཞེན་གྲུབ་རྟགས་དེ་ལས་རྟ་སྐད་ཀྱི་རོལ་མོ་འཁྲོལ་བ་དང་། ཐུགས་ཀྱི་གྲུབ་རྟགས་བདེ་སྟོང་གི་ཉམས་ཚད་བཟུང་མེད་པར་འབར་བའི་ཁྱད་ཡོད་པས། གཙོ་ཆེ་བའི་དབང་དུ་བཏང་སྟེ་གསུང་བཟླས་པ་སྔགས་ལ་སྦྱར་བ་འཐད་དོ། །འོན་ཀྱང་སྤྱིར་རྟ་མགྲིན་གྱི་སྐུ་དང་ཐུགས་དང་ཕྲིན་ལས་སོགས་ཀྱང་གསུང་གི་རིགས་ཡིན་པས། དེ་དག་གི་མཚོན་རྟགས་སུ་རྟ་སྐད་འཇོག་པའི་རྣམ་གཞག་ཀྱང་འདོད་པར་ནི་བྱ་སྟེ། གསང་སྔགས་ལ་ཤན་འབྱེད་པའི་རྟ་སྐད་ཀྱིས་ཤེས། དེའི་དབང་དུ་ན་སྒྲུབ་ལུགས་འདིའི་སྐུ་ཕྱག་རྒྱའི་རྣལ་འབྱོར་སོགས་ཀྱང་གསུང་རྟ་སྐད་སྒྲུབ་བྱེད་དུ་འགྱུར་ཏེ། དེ་དག་གི་རྟགས་ཚད་མཐིལ་གཏད་སའང་རྟ་སྐད་ལ་བྱེད་པའི་ཕྱིར་རོ། །དེའི་སྤྱིར་ཡང་སྒྲུབ་ལུགས་འདི་ལ་གསུང་རྟ་སྐད་ཀྱི་སྒྲུབ་པ་ཞེས་བྱ་བ་ཡིན་ནོ། །ཡང་ན་ཐ་རམ་གྱི་དགོངས་པ་འདི་ལྟར་བཤད་དེ། དཔལ་ཧེ་རུ་ཀའི་སྐུ་ཕྱག་རྒྱའི་དང་། གསུང་བཟླས་པའི་དང་། ཐུགས་འོད་གསལ་གྱི་རྣལ་འབྱོར་སོགས། ལམ་འབྲས་བུ་དང་བཅས་པ་དང་། ལམ་གྱི་ཆ་རྐྱེན་ཕྲིན་

― TN03_Page_0989 ―

^{[མ་དཔེ་གཟིགས་ན་འདིར་གནོན།]}

(༦༣༠)ལས་ཀྱི་སྦྱོར་བ་ཡོངས་རྫོགས་རྟ་སྐད་ཁོ་ནའི་སྟེང་ནས་བཤད་པ་འདིས་སྒྲུབ་ལུགས་འདི་ལ་གསུང་དང་། དེ་ལས་ཀྱང་རྟ་སྐད་གཙོ་བོར་བྱེད་པར་སྟོན་ལ། བྱེད་ཚུལ་ཡང་ལམ་འབྲས་ཆ་ལག་དང་བཅས་པ་ཐམས་ཅད་རྟ་སྐད་ཀྱི་དེ་ཉིད་དུ་བྱེད་པ་དང་། རྟ་སྐད་དེ་རྣམས་ཀྱི་མཚན་མར་འཛིན་ཚུལ་དང་། ཚུལ་དེ་གཉིས་ནི་འདིའི་ལམ་འབྲས་ཆ་ལག་དང་བཅས་པ་གང་ལ་བསླབ་ཀྱང་སྤྱི་བོའི་རྟ་སྐད་སྒྲུབ་པའི་ཐབས་འབའ་ཞིག་ཏུ་ཧྲིལ་ཧྲིལ་འགྲོ་བའི་གནད་དམར་བཅང་མར་བསྟན་པ་སྟེ། ཞེས་པ་ལྷག་པར་ཇེ་གསལ་དུ་བཏང་བའོ། །དེ་ལྟར་འབད་ནས་སློབ་པ་ནི་སྒྲུབ་སྡེ་འདི་གྲུབ་རྟགས་ཀྱི་གཙོ་བོ་རྟ་སྐད་གཙུག་ནས་འབྱིན་པའི་གནད་དངོས་གཞི་ཡིན་པར་བསྟན་པ་སྟེ། རྟ་སྐད་ལ་བཟླས་སྒོམ་བྱེད་པ་རལ་གྲི་སྒྲུབ་པ་དང་འདྲ། རྟ་སྐད་སྤྱི་བོ་ནས་ཐོན་པ་དེ་རལ་གྲི་འབར་བ་དང་འདྲ། དེ་ལྟར་གྲུབ་པའི་རྟ་སྐད་ཐོབ་ནས་ལས་དང་ཡེ་ཤེས་ཀྱི་དངོས་གྲུབ་རབ་འབྱམས་ལ་དེ་ཉིད་ཀྱིས་དབང་སྒྱུར་བ་རལ་གྲི་དངོས་གྲུབ་ཏུ་འགྱུར་ཚུལ་དང་འདྲ་བས། རྟ་སྐད་དངོས་གྲུབ་ཀྱི་རྟགས་མཚན་ནམ་ཕྱག་རྒྱར་བཤད་པ་ནི་རྟགས་མཚན་གཞན་དང་མི་འདྲའོ། །འདིའི་ཁྱད་པར་གྱི་དངོས་གྲུབ་གཙོ་ཤོས་རང་ཡིན་པས་སོ། །འདིའི་རྟ་སྐད་ནི་སྤྱི་བོའི་རྟ་སྐད་དོ། །དེ་ལྟར་ན་འདིའི་སྒྲུབ་ཐབས་ཀྱི་རིམ་པ་ཐམས་ཅད་སྤྱི་བོའི་རྟ་སྐད་མ་གྲུབ་པ་སྒྲུབ་པ་དང་། གྲུབ་པ་ཁྱད་པར་དུ་འགྲོ་བའི་སྒྲུབ་ལུགས་སུ་མཛད་ནས་སྟོན་པས། པདྨ་གསུང་གི་སྒྲུབ་པ་ཐམས་ཅད་རྟ་སྐད་ཀྱི་སྒྲུབ་པར་བསྡུས་ནས་འཆད་པ་ཞེས་ཡང་ཡང་གསུངས་པ་སྟེ། དེའི་ཕྱིར་བཟླས་པ་རྟ་སྐད་དུ་འཇོག་པའང་འབུར་

― TN03_Page_0990 ―

^{[མ་དཔེ་གཟིགས་ན་འདིར་གནོན།]}

(༦༣༡)དོད་དུ་མ་གསུངས་པ་མ་གཏོགས། བཤད་པའི་སྒྲོམ་ན་ཚང་བར་ཡོད་དོ། །དེའང་སྤྱིར་ཐེག་རིམ་དང་། ས་ལམ་ལ་སྦྱར་བའི་དགོངས་པ་གཉིས་དང་། བྱེ་བྲག་ཏུ་དབང་ཆེན་གྱི་རྡོ་རྗེ་གསུམ་གྱི་རྣལ་འབྱོར་དང་སྦྱར་བ་རྣམས་ཀྱིས་ནི་ཡེ་ཤེས་དག་པའི་རྟ་སྐད་སྒྲུབ་པར་བྱེད་ལ། སྤྱོད་པར་དགོངས་རྟ་སྐད་སྤྱོད་པར་དགོངས་པའི་དགོངས་པ་རྣམས་ཀྱིས་ནི། ཞེས་ཟེར་དགོས། པའི་རྟ་སྐད་རྣམས་ཀྱིས་ནི་དབང་དྲག་ལས་ཀྱི་རྟ་སྐད་སྒྲུབ་བོ། །སྤྱི་བོའི་རྟ་སྐད་སྒྲུབ་ཚུལ་འབའ་ཞིག་གི་སྒྲོམ་ནས་སྤྱིར་ཐེག་དགུའི་རྟོགས་རིགས་དང་། ས་ལམ་གྱི་རིམ་པ། བྱེ་བྲག་དབང་ཆེན་ཧེ་རུ་ཀའི་ལྷ་སྔགས་ཆོས་གསུམ་གྱི་རྣལ་འབྱོར། ཕྲིན་ལས་ཀྱི་སྦྱོར་བ་དང་བཅས་པ་སྒྲུབ་ལུགས་ཚང་བར་འཆད་པས་ན་པདྨ་གསུང་གི་སྒྲུབ་པར་བརྗོད་ཅེས་བཤད་ཀྱང་ཆོག་སྟེ་གནད་འདྲའོ། །སྤྱིར་ཚུལ་འདིའི་ལམ་རིམ་ཐམས་ཅད་རྟ་སྐད་སྒྲུབ་བྱེད་དུ་འགྲོ་བ་དང་། དེའི་ནང་ནས་ཀྱང་རྟ་སྐད་སྒྲུབ་ཐབས་ཀྱི་གཙོ་བོ་ཛབ་ལ་བྱེད་པ་གཉིས་ཅུང་ཟད་ཀྱང་མི་འགལ་བས་གོང་གི་ཐ་རམ་ལ་བརྟེན་པའི་དོགས་པ་ཆོད་སླ། ཛབ་རྟ་སྐད་སྒྲུབ་བྱེད་ཀྱི་གཙོ་བོ་ཡིན་པའི་ཁུངས་ནི་བདེ་གསང་ གཉིས་སོགས་སྔར་བྲིས་ལྟར་རོ། ༈ །དྲག་པོའི་སྨད་ལས་ནི་གཞུང་རང་ན་རྒྱས་མོད། རྟ་མགྲིན་གྱི་དགོས་ཀྱི་སྨད་ལས་ཆེ་མཆོག་གི་སྨན་སྒྲུབ་ཀྱི་དོད་ནི་དམ་ཅན་དབང་སྡུད་ཀྱི་དབང་ལས་ཞིག་དགོས་པར་དབང་གི་སྒྲུབ་ལུགས་ཡིན་པ་ཉིད་

― TN03_Page_0991 ―

^{[མ་དཔེ་གཟིགས་ན་འདིར་གནོན།]}

(༦༣༢)ཀྱིས་ཤེས་ཀྱང་མི་གསལ་བས་ཇི་ལྟར་བྱ་ཞེ་ན། འདིར་ནི་སྟོད་ལས་བདག་ཉིད་ནུས་ལྡན་དུ་བྱེད་པ་དང་། སྨད་ལས་མ་ཚོགས་དབང་དུ་བྱེད་པ་གཉིས་ཀ་གཙོ་བོར་ཛབ་དང་རྟ་སྐད་སྦྱར་བའི་སྟེང་ནས་བྱེད་དེ། ཕུར་པའི་དགྲ་ཛབ། ཆེ་མཆོག་གི་སྨན་ཛབ་སོགས་སྒྲུབ་སྡེ་གཞན་ལའང་རང་རང་གི་སྨད་ལས་སམ་དེའི་དོད་ལྟ་བུའི་དགོས་སྒྲུབ་ཀྱི་ཁྱད་པར་དང་འབྲེལ་བའི་ཛབ་དགོངས་བྱེ་བྲག་པ་རེ་ཡོད་མོད་ཀྱི། དེ་དག་གི་ལས་སྦྱོར་གྱི་དངོས་གཞི་དེ་ཛབ་དགོངས་ཀྱི་སྟེང་ནས་མི་འཇོག་གི །གདབ་ཁ་དང་རྩི་སྒྲུབ་སོགས་ཆོ་ག་གཞན་གྱི་སྟེང་ནས་ཁོག་ཕུབ་པ་ཤ་སྟག་ཡིན་ལ། འདིར་ནི་རང་གི་ཐུན་མིན་གྱི་ལས་སྦྱོར་ཡང་གསུང་བཟླས་བརྗོད་སྒྲུབ་སྡེ་ཞེས་ཛབ་ཀྱི་ཀློང་སྒྲོལ་ནས་རྒྱ་འབག་གི་མིག་ལྟར་འཕྲུལ་ལུགས་ཁོ་ན་གཙོ་བོར་བྱེད་པས་ཁྱད་པར་ཆེའོ། །དེས་ན་སྟོད་ལས་ཀྱི་དངོས་གཞི་ནི་རྟ་སྐད་ལྟ་བར་དགོངས་པ་དང་། སྨད་ལས་ཀྱི་དངོས་གཞི་སྤྱོད་པར་དགོངས་པ་ལ་བྱ་སྟེ། ཞིབ་པར་ན། སྤྱོད་པར་དགོངས་པ་ལ་རྩལ་དུ་འདོན་པ་སྨད་ལས་སྐབས་ཡིན་ཀྱང་། སྤྱིར་སྟོད་ལས་སྒྲུབ་པའི་དུས་ནས་ལྟ་སྤྱོད་ལ་དགོངས་པ་གཉིས་ཀ་བྱེད་དེ། དམ་ཅན་ཕོ་ཉ་ལས་ལ་བསྐུལཿ ཞེས་པའང་སྤྱོད་པར་དགོངས་པའོ། །དེའི་རྒྱུ་མཚན་ཡང་། སྒྲུབ་པའི་བྱེ་བྲག་ལས་སྦྱོར་ནིཿ ཞེས་པ་ལྟར་ཡིན་པས། སྒྲུབ་པའི་ཛབ་དགོངས་ཀྱི་བྱེ་བྲག་ཅིག་ལས་སྦྱོར་གྱི་ཚེ་རྩལ་འདོན་བྱེད་པ་ནི་

― TN03_Page_0992 ―

^{[མ་དཔེ་གཟིགས་ན་འདིར་གནོན།]}

(༦༣༣)འགྲིགས་པ་ཡིན་ནོ། །ད་ནི་ལྟ་བར་དགོངས་པ་གཙོ་བོ་དང་། སྤྱོད་པར་དགོངས་པ་ཞར་བྱུང་ཙམ་དུ་བྱས་ནས་སྒྲུབ་པ་སྟོད་ལས་དང་། སྤྱོད་པར་དགོངས་པ་གཙོ་བོ་དང་། ཅིག་ཤོས་དེའི་གྲོགས་ཙམ་དུ་བྱེད་པ་སྨད་ལས་ཀྱི་སྒྲུབ་པར་ཤེས་པར་འགྱུར་ལ། ཕྱི་མ་ལའང་སྔོན་དུ་བསྙེན་པའི་ཆེད་དང་། ཕྱིས་ཕྲིན་ལས་དངོས་སུ་སྒྲུབ་ཆེད་དུ་བྱ་བ་གཉིས་ཡོད། ད་དུང་བཤད་ན་རྡོ་རྗེ་ཕུར་པ་ལ་བར་ཆད་འདུལ་བའི་སྟོབས་གཞན་ལས་ལྷག་པ་ཞིག་ཡོད་པ་ནི་གདབ་ཁ་ཡིན་ལ། དེ་ནི་ཛབ་ལ་གཙོ་བོར་མི་འཇོག་སྟེ། ཆེ་མཆོག་སོགས་ལའང་དེ་དང་འདྲའོ། །ལམ་གྱི་ཁོག་ཡེ་ཤེས་ཀྱི་དོན་དང་སྦྱར་བ་ནི་ལྟ་བར་དགོངས་པ་དང་། ལམ་གྱི་ཆ་ལག་ཕྲིན་ལས་ཀྱི་དོན་དང་སྦྱར་བ་ནི་སྤྱོད་པར་དགོངས་པའི་རྟ་སྐད་དོ། །སྒྲུབ་སྡེ་འདི་ལ་མཁའ་འགྲོ་དམ་ཅན་དབང་སྡུད་ཀྱི་གནད་གཞན་ལས་རྣོ་ཞིང་ཟབ་ལ་ཕུལ་དུ་བྱུང་བ་ཞིག་ཡོད་པ་ནི་གཙོ་བོར་ཛབ་ལ་འཇོག་པར་གོང་དུ་བརྗོད་ཟིན་པས་དེ་དག་ལ་སྨད་ལས་ཀྱི་ཆོག་རིམ་ཟུར་པ་ལ་རྩལ་དུ་འདོན་དགོས་མི་དགོས་སམ། ལྟོས་ཚབས་ཆེ་ཆུང་མི་འདྲ་བར་ཤེས་སོ། །འོན་ཀྱང་རྟ་སྐད་དེ་ཉིད་བྲོ་རྡུང་གི་གྲོགས་དང་སྦྲགས་ནས་ཀྱང་ཉམས་སུ་བླང་ན་རྣོ་ལ་ངར་བཏགས་ལྟར་འགྱུར་བ་ནི་སྲོང་བཙན་བཀའ་འབུམ་སོགས་ཀྱི་ལུང་ཟུར་འཁོད་ཀྱིས་ཤེས་པས་གལ་ཆེའོ། །དེའི་རྒྱུ་མཚན་ཡང་། བཞད་པ་དང་བྲོ་རྡུང་གཉིས་ཀ་ཚོགས་པའི་བརྗིད་ཟིལ་དང་། ནང་

― TN03_Page_0993 ―

^{[མ་དཔེ་གཟིགས་ན་འདིར་གནོན།]}

(༦༣༤)དུ་བརྟུལ་ཞུགས་ཀྱི་ཉམས་སྤོར་བའི་ནུས་པ་འདྲ་བ་ལ་རེ་རེ་བར་མེད་ཅིང་། འཇིག་རྟེན་ན་ཡང་གླུ་གར་གཉིས་འདུས་ཀྱིས་ཡིད་འཕྲོགས་པ་ལྟ་བུ་རྐྱང་པ་ལ་མེད་པས་བར་ཆད་ལ་རྫི་བ་དང་། མཁའ་འགྲོ་མའི་ཡིད་འཕྲོག་པ་གང་ལའང་གླུ་ལ་བྲོས་བོགས་དབྱུང་བ་ཡིན། སྒྱུ་འཕྲུལ་ལྟར་ན་བུད་མེད་དང་རྩེ་བའི་གར་གྱིས་བདེ་བའི་གླུ་སྤྱི་དང་ཁྱད་པར་རྗེས་ཆགས་ཀྱི་ཤུགས་མ་བཟོད་པའི་ཤུགས་འབྱུང་གི་རྟ་སྐད་དམ་འཚེར་གླུ་ལ་གྲོགས་བྱེད་པའོ། །དེའང་ཚོགས་མཆོད་མཐར་བྱེད་པ་ནི་སྔར་བྲིས་ལྟར་དང་། ཐུན་མཚམས་སུ་བྱེད་ན། ཏེ་ན་ཏེ་ཏེ་དང་སྦྱོར་བ་སོགས་ནི་རྩ་གཞུང་དང་མི་འབྱོར་བས། ལས་ཕྲེང་གི་བྲོ་མནན་མཐའི། ཨོཾ་བཛྲ་ཀྲོ་དྷ་ཧྱ་གྲཱི་བ་ཧི་ཧི་ཧི་ཧཱུཾ་ཕཊཿ ཅེས་པ་འདི་ཤམ་མེད་དུ་ཟློ་བ་དང་སྦྲགས་པས་འགྲུབ་པར་མངོན་ཏེ་ཧི་གསུམ་པོ་ནི་རྟ་གླུ་ཡིན་ནོ། །ཡང་ཕུར་པའི་སྐབས་སུ་ལས་རབ་འབྱམས་སྒྲུབ་ལུགས་ལ། ཞི་ལས་དངུལ་ལམ་ཤིང་དཀར་པོའི་ཕུར་བུ་ཟླུམ་པོས་བྱ་བ་སོགས་ཕུར་གདབ་ཉིད་ཀྱིས་སྒྲུབ་ཚུལ་དང་། སྦྱོར་བ་སྣ་ཚོགས་གཞན་གྱི་སྒོ་ནས་སྒྲུབ་ཚུལ་གཉིས་ཡོད་པ་ལྟར། འདིར་ཡང་ལས་རབ་འབྱམས་གླུ་བྲོ་ཉིད་ཀྱིས་སྒྲུབ་པ་དང་། ཚེ་བརྟན་རྒྱལ་མཚན་གྱི་རྟ་མགྲིན་བརྒྱ་རྩ་ལྟར་སྦྱོར་བ་གཞན་སྣ་ཚོགས་ཀྱིས་སྒྲུབ་ཚུལ་གཉིས་ཡོད་ཅིང་། ལས་མཐུན་གྱི་འོད་ཟེར་ལ་བརྟེན་ནས་ལས་བཞི་སྒྲུབ་པའི་སྔགས་དང་བསམ་གཏན་གྱི་སྦྱོར་བ་རིག་འཛིན་ཞི་བ་ནས་འགེབས་ཚུལ་ལས་

― TN03_Page_0994 ―

^{[མ་དཔེ་གཟིགས་ན་འདིར་གནོན།]}

(༦༣༥)ཚོགས་བརྗེད་ཐོར་བཀོད་པ་དེའང་ཚུལ་ཕྱི་མ་འདིའོ། །འཇིག་རྟེན་ལས་འདས་པའི་དེ་བཞིན་གཤེགས་པ་སྲས་དང་བཙུན་མོར་བཅས་པ་ཡེ་ཤེས་དག་པའི་དངོས་གྲུབ་ཀྱི་ཆེད་དུ་དབང་སྡུད་བྱ་བ་ནི་ལྟ་བར་དགོངས་པའི་ཐད་དུ་ཡིན་ཏེ་རྔོག་མ་ལེ་བརྒན་སོགས་ལས་ཤེས་སོ། །དེ་ལྟ་ནའང་ཕུར་གདབ་བསྔགས་པའི་ལས་གཙོ་བོ་མངོན་སྤྱོད་ཡིན་པ་ལྟར། རྟ་སྐད་བསྔགས་པའི་ལས་གཙོ་བོ་དབང་དྲག་སྦྲགས་མ་ཡིན་ལ། གལ་ཏེ་རྟའི་གླུ་བྲོ་ཁོ་ནས་ལས་གཞན་སྒྲུབ་ན་དེའི་ཚུལ་ནི། སྤྱོད་པར་དགོངས་པའི་རྟ་སྐད་ཀྱི་ཛབ་ཏུ་དམ་ཅན་དབང་དུ་སྡུད་སྐབས། ཕན་གནོད་ཀྱི་ལས་དེ་དང་དེ་གཉེར་གཏད་ལ་གཙོ་བོར་བྱ་ཞིང་། དེའི་ངར་འདོགས་སུ་ལས་དེ་དང་དེའི་བྲོ་རྡུང་ཡང་ཇི་རིགས་རེ་བྱ་བ་ཡིན་ཏེ། སྨད་ལས་ཀྱི་བཤད་པ་ཞིག་སྔར་ཡང་ཡོད་མོད་དེ་ཁ་ཕོ་ཆེས་པ་ཙམ་ལས་ཕལ་ཆེར་བར་སྣང་ལ་བསྡད་པར་སྣང་། ༈ །སྤྱི་གཙུག་རྟ་གདོང་རྔམས་བཞད་འཚེརཿ ཞེས་པའི་སྐབས་སུ། རྟའི་ཞལ་དང་ང་རོ་ཙམ་གྱིས་ལྷ་དེ་རིལ་རྟ་མཆོག་ཏུ་མཚོན་པའམ་ཤེས་ནུས་པ་ནི་འཇིག་རྟེན་ནའང་སྐྱེས་བུ་དེ་ཉེར་སྦས་སུ་ཤེས་པའི་སྒོར་དེའི་རྐང་ལག་དང་ལྟོ་བ་སོགས་ནི་ཆེས་མི་གསལ་ཀྱི་བྱད་བཞིན་དང་སྐད་ཁོ་ན་ལས་ཤེས་པར་བྱེད་དོ། །དེ་ལྟར་སྔོན་བྱུང་དུ་གདུལ་བྱ་ལ་རྗེས་ཆགས་ཀྱི་རིགས་ཀྱི་བདེ་བའི་དེ་ཉིད་སོགས་བསྟན་ཕྱིར་ཞལ་དང་ང་རོ་དེ་ལྟར་མཛད་པ་ལྟར་རྗེས་འཇུག་གིས་ཀྱང་དེ་གཉིས་རང་གི་སྒོ་གསུམ་རྟ་མཆོག་གི་རྡོ་རྗེ་གསུམ་ལས་མི་འཕྱུག་པའི་གཟེར་བུར་བཏབ་

― TN03_Page_0995 ―

^{[མ་དཔེ་གཟིགས་ན་འདིར་གནོན།]}

(༦༣༦)སྟེ་བསྒོམ་པས་དཔལ་གྱི་སྣང་ཞེན་སྐྱེ་སླ་ཞིང་ཧེ་རུ་ཀའི་འཁོར་གྱི་མ་ཚོགས་རྣམས་ཀྱིས་སྒྲུབ་པ་པོ་དང་དེའི་བཟླས་བརྗོད་ལ་རྟ་མགྲིན་དང་དེའི་གསུང་དུ་མཐོང་སླ་བས་བསྐྱེད་རིམ་པའི་རྟ་མགྲིན་དང་མ་མོ་རྣམས་བརྡ་ཕྲད་སླ་བའི་མན་ངག་གོ །ཐ་རམ་གྱི་རྟ་སྐད་ཐེང་གསུམ་ལྟ་བར་དགོངས་སྐབས་མི་སྦྱོར་ཡང་། སྤྱིར་ལྟ་བར་དགོངས་པའི་རྟ་སྐད་ཐེང་གསུམ་མེད་པ་མིན་ཏེ། རྡོག་མ་ལེ་བརྒན་དང་ལུང་བཀའ་སྒོ་སོགས་ན་ཡོད། །རྟ་སྐད་སྤྱོད་པར་དགོངས་པའི་དཔལ་གྱི་རྟ་སྐད་དང་པོའི་དགོངས་པ་འདི་གལ་ཆེ་བས་བཤད་ན། གང་དུ་བདེ་ཆེན་ཞེས་བྱ་གཅིག་པུ་ཉིད། །སོགས་གང་སྣང་བདེ་སྟོང་། བདེ་སྟོང་ལྷ་སྐུར་ལྟ་བར་གསུངས་པ་དང་མཐུན་པར། སྣང་སྲིད་ཐམས་ཅད་འདོད་ཆགས་རྡོ་རྗེའི་ཏིང་ངེ་འཛིན་གྱི་རོལ་པ་དང་། དེ་ཉིད་རྟ་མགྲིན་དབང་གི་དཀྱིལ་འཁོར་ཉག་གཅིག་ཏུ་འབར་བར་བྱེད་པ་སྟེ། འདི་ནི་འཇིག་རྟེན་གསུམ་གྱི་དྲེགས་པའི་རིགས་ཐམས་ཅད་ཀྱི་སྲོག་རྟ་མཆོག་གི་རིགས་གཅིག་ཏུ་སྒྱུར་བར་བྱེད་པའི་སྲོག་སྒྱུར་གྱི་མན་ངག་རྣོན་པོའོ། །གསང་རྫོགས་ཛབ་ཐ་རམ་གྱི་དོན་བསྡུའི་ཐད་དང་བཀའ་སྒོ་སོགས་ཁུངས་གཞན་ཡང་མང་། དགོངས་སུ་དྲེགས་པ་སྤྱིར་སྡུད་ཚུལ་གསུངས་པས་དེ་ལྟར་འདོད་དགོས་མོད། ཐ་རམ་སོགས་ལས་འབུར་བཏོད་དུ་གསུངས་པ་ནི་མ་མོ་མཁའ་འགྲོའི་འཁོར་ལོ་དབང་དུ་སྡུད་པ་ཉིད་དེ། དེའང་རྟ་སྐད་ནི་འབོད་པ་ཙམ་མིན་གྱི། རྗེས་ཆགས་ཀྱིས་འབོད་ཅིང་སྐུལ་བའི་བརྡ་ཐུན་མིན་ཏེ། དེའི་ཕྱིར་འབོད་ཡུལ་ཡང་མ་མོ་མཁའ་འགྲོ་

― TN03_Page_0996 ―

^{[མ་དཔེ་གཟིགས་ན་འདིར་གནོན།]}

(༦༣༧)རྣམས་གཙོ་བོ། །སྡེ་བརྒྱད་གཞན་སོགས་འབོད་པ་ནའང་དེ་དག་རྗེས་ཆགས་ཀྱི་རྣམ་འཕྲུལ་དུ་བལྟས་ཏེ། བདེ་བ་འབར་བའི་གྲོགས་སུ་ཁྱེར་བའི་སྟེང་ནས་འབོད་པ་དེ་ཡིན་ནོ། །དེའང་མོ་རྒྱུད་ཀྱི་སྲོག་འདོད་ཆགས་ཡིན་པར་ཡང་དང་ཡང་དུ་གསུངས་པ་ལྟར་ས་གསུམ་གྱི་མ་མོ་རབ་འབྱམས་ཐམས་ཅད་འདོད་ཆགས་ཀྱི་རིགས་ཀྱི་སྲོག་ལ་བརྟེན་པ་ཤ་སྟག་ཡིན་པས། རྟ་སྐད་དང་པོ་འདིས་འདོད་ཆགས་ཆེན་པོའི་ངོ་བོ་ཉིད་ཀྱི་ཆོས་ཀྱི་དབྱིངས་ཀྱི་བྱིན་རླབས་ཀྱིས་ཁམས་གསུམ་མ་ལུས་པ་འདོད་ཆགས་རྡོ་རྗེའི་དཀྱིལ་འཁོར་དུ་སད་པར་བྱས་པའི་སྒོ་ནས་སྣང་སྲིད་ལས་དང་ཡེ་ཤེས་ཀྱི་མ་མོའི་ཚོགས་རྣམས་རྗེས་ཆགས་ཀྱི་ཤུགས་གཏིང་ནས་རང་དབང་མེད་པར་བསྐུལ་ཞིང་གཡོ་བར་བྱེད་པ་ནི་མ་མོའི་སྲོག་གི་སྒོ་ལྕགས་དབང་ཆེན་གྱི་ལྡེ་མིག་གིས་འབྱེད་ཚུལ་ཡིན་ནོ། །སྤྱི་མདོར། སྟོང་ཁམས་ཐམས་ཅད་རྟ་མགྲིན་གྱི་གར་དགུའི་རོལ་པ་མཐའ་ཡས་པས་ཆེམ་མེར་མནན་ཏེ། དབང་ཕྱུག་འདི་གླུ་གར་གྱིས་མ་མོ་མཁའ་འགྲོའི་ཡིད་འཕྲོགས་ཚུལ་ལོ། མ་རྣམས་ཀྱི་སྙིང་འདོད་པ་བཟོད་མེད་དུ་གཡོ་བར་བྱས་པའི་སྒོ་ནས་དྲང་བར་བཤད་པའང་དེ་ལྟར་ཡིན་པས། ཁམས་གསུམ་གར་གྱིས་འགེངས་པའི་གླུའོ། །འོ་ན་འདི་ལའང་མ་མོའི་སྲོག་གི་དེ་ཉིད་ཤེས་པར་བྱས་ནས་མ་མོ་དབང་བྱེད་ཀྱི་སྒྲུབ་ལུགས་འདུག་པས་རྦོད་གཏོང་མ་མོའི་སྒྲུབ་པར་ཡང་ཐལ་ལོ་ཞེ་ན། སྒྲུབ་ལུགས་འདི་མ་མོའི་

― TN03_Page_0997 ―

^{[མ་དཔེ་གཟིགས་ན་འདིར་གནོན།]}

(༦༣༨)དེ་ཉིད་ཀྱིས་ཁོག་ཕུབ་པ་མིན་ཞིང་མ་མོའི་དེ་ཉིད་གཙོ་བོར་བྱེད་པའང་མིན་གྱི། རྟ་སྐད་ཀྱི་སྒྲུབ་པའི་སྒྲོམ་ནས་དགོས་མཛད་དུ་མ་མོ་དབང་སྡུད་སྒྲུབ་པ་ཙམ་དུ་ཟད་པས་མ་མོའི་སྒྲུབ་སྡེར་ག་ལ་འཐད་དེ་དཔེར་ན་མ་མོ་རྦོད་གཏོང་དུའང་། རྟ་སྐད་ཀྱིས་མ་མོ་དབང་དུ་སྡུད་ཚུལ་གསུངས་ཀྱང་། སྒྲུབ་ལུགས་དེའི་ཁོག་རྟ་སྐད་ཀྱི་སྟེང་ནས་སོང་བ་མིན་པས་པདྨའི་སྒྲུབ་སྡེར་མི་འཇོག་པ་བཞིན་ནོ། །དེ་ལྟར་ན་དཔལ་གྱི་རྟ་སྐད་དང་པོ་འདིས་དྲེགས་པ་སྤྱི་དང་། ཁྱད་པར་མ་མོ་རྣམས་ཀྱི་སྲོག་བདག་ཉིད་རྟ་མཆོག་གི་རྡོ་རྗེ་ཆགས་པའི་དགོངས་ཀློང་དུ་སྲེ་བར་བྱེད་དེ། སྣང་སྲིད་རྗེས་ཆགས་ཀྱི་བདེ་བའི་དབྱིངས་སུ་གདོད་ནས་སངས་རྒྱས་པར་ལྟ་བ་འདིས་སོ། །དེ་ལྟར་བསྲེས་ནས་དེ་ལ་རྟ་མགྲིན་གྱི་དཀྱིལ་འཁོར་གྱིས་རྒྱས་འདེབས་པར་བྱེད་དེ། སྣང་སྲིད་བདེ་བའི་ངོ་བོར་སངས་རྒྱས་པའི་བདེ་བ་དེ་ཉིད་རྟ་མཆོག་གི་དཀྱིལ་འཁོར་རྒྱ་མཚོའི་སྤྲིན་དུ་འཆར་བར་བྱེད་པ་འདིས་སོ། །དེ་དག་ཀྱང་རྩ་བ་རང་བཞིན་དག་པའི་དེ་ཁོ་ན་ཉིད་ཀྱི་ལྟ་བའི་སྟེང་ནས་འགྲོ་བས་རྟ་མགྲིན་གྱི་སྔགས་པ་ལ་གཞན་གྱིས་ལྷ་དབྱེ་དང་སྲུང་མ་གཤེད་འབེབས་སོགས་བྱར་མེད་དོ། །མ་མོ་དང་དེའི་དེ་ཉིད་རྒྱས་པར་བཤད་ཤོས་མ་མོ་རྦོད་གཏོང་ཡིན་ཡང་། མ་མོ་མཁའ་འགྲོའི་སྲོག་གི་གནད་མཐར་ཐུག་པ་དམར་འབྱིན་བྱེད་པའི་གནད་འདི་ལས་རྣོ་བ་དང་ཟབ་པ་མེད་དེ། དཔེར་ན་གཤེད་སྐོར་དུ་སྲོག་ལས་ཀྱི་གནད་རྒྱས་པར་བཤད་པ་འདྲ་བ་ཕུར་པ་

― TN03_Page_0998 ―

^{[མ་དཔེ་གཟིགས་ན་འདིར་གནོན།]}

(༦༣༩)ན་མི་རྒྱས་ཀྱང་། ཕུར་པའི་ཐལ་འབྱིན་ནམ་གདབ་ལས་ཀྱི་གནད་གཅིག་པོ་དེ་ལ་དེ་ཐམས་ཅད་ཀྱི་རྣོ་ནུས་ལྷག་དང་བཅས་ཏེ་ཡོད་པ་དང་འདྲའོ། །འདིར་མ་མོ་རྣམས་སྤྱི་བོའི་རྟ་སྐད་ཀྱིས་དབང་དུ་བྱ་བ་དང་། དགུག་པ་གཉིས་ལས་རྟ་སྐད་དང་པོ་འདི་སྔ་མའི་ཆེད་དང་། རྟ་སྐད་ཐ་མ་ཕྱི་མའི་ལས་ཅན་ཏེ། སྔ་མ་ནི་ཕྱི་མའི་གཞི་བཏིང་བ་ཡིན་ཅིང་། ལས་ལ་འཁོལ་བ་དངོས་ནི་ཕྱི་མས་བྱེད་དོ། །སྤྱི་གཙུག་རྟ་སྐད་ཀྱིས་དམ་ཅན་འགུག་ནུས་པ་དང་ལས་ལ་རྦད་གཏོང་ནུས་པ་ལ། དངོས་པོ་ལ་རྟ་སྐད་གཙུག་འབྱིན་ནུས་པ་ནི་མི་དགོས་ཏེ། སྔགས་ལས་འོད་ཟེར་སྤྲོ་བསྡུའི་དམིགས་རིམ་གྱིས་ལས་དངོས་སུ་འགྲུབ་པ་ལ་འོད་ཟེར་དེ་དངོས་གནས་ལ་འགྲུབ་མི་དགོས་པ་བཞིན་ཏེ། འདི་ནས་བསམ་གཏན་གྱི་སྦྱིན་སྲེག་སྐབས་སངས་རྒྱས་དང་བྱང་སེམས་རྣམས་ཀྱི་དངོས་གྲུབ་ནི་སྒྱུ་མ་ལྟ་བུ་ཞེས་སོགས་ཨ་བྷྱས་གསུངས་པ་དང་ཚུལ་མཐུན་ནོ། ༈ །དེ་ལྟར་ཕྱོགས་འདིའི་གྲུབ་པའི་རྟགས་སམ་མཚན་མ་ཐམས་ཅད་ཀྱི་གཙོ་བོ་རྟ་སྐད་གཙུག་ཐོན་ལ་ཡང་། དངོས་སུ་དང་། ཉམས་ལ་དང་། རྨི་ལམ་དུ་ཐོན་པའི་རིམ་པ་གསུམ་གྲུ་གུ་ཡང་དབང་གི་རྟ་མགྲིན་ལས་བཤད་ཅིང་། དེ་དག་ཀྱང་གདང་གསལ་མི་གསལ། ཟབ་མི་ཟབ། །མཐོ་དམན་སོགས་ཀྱི་རིམ་པ་ཐ་དད་པ་མང་དུ་འོང་ཞིང་། དེའི་ཁྱད་པར་ལྟར་དངོས་གྲུབ་ཀྱི་ཁྱད་པར་ཡང་སྣ་ཚོགས་སུ་འགྱུར་བར་སྣང་ཏེ། སྔོན་བྱོན་རིགས་

― TN03_Page_0999 ―

^{[མ་དཔེ་གཟིགས་ན་འདིར་གནོན།]}

(༦༤༠)འཛིན་རྣམས་ཀྱི་ལོ་རྒྱུས་ཀྱི་ཕྲེང་བ་ལས་ཀྱང་ཤེས་པར་བྱའོ།། །།

― TN03_Page_1000 ―

^{[མ་དཔེ་གཟིགས་ན་འདིར་གནོན།]}

(༥༨༡)དབྱེ་བ་ཉེར་གཉིས་ཕྱེ་བའི་རིགས་པ་ལྟར་དམིགས་མེད་ཀྱི་སྙིང་རྗེ་ཆེན་པོ་གོང་འཕེལ་གྱི་ཆ་བཅུ་གསུམ་དང་སྦྱར་བ་སྟེ། སྦྱོར་ཚུལ་ཙམ་ལས་ཁྱབ་མཐའ་མི་དགོས་ཏེ། དྲོ་བ་རྣམས་ཀྱི་དམིགས་པ་འདིར། །སོགས་ལྟ་བུ་སྟེ། སེམས་ཅན་སྨིན་བྱེད་ཆོས་མཆོག་མན་ཆད་དུའང་ཡོད་ཀྱང་ཆོས་མཆོག་ལས་མ་སྦྱར་བ་བཞིན་ནོ། །དབྱིངས་ཤེས་རབ་སྟོང་པ་དོན་དམ་བཞི་རང་བཞིན་ངོ་བོ་དོན་གྱི་རྟ་སྐད་དང་། ཡེ་ཤེས་ཐབས་སྣང་བ་ཀུན་རྫོབ་བཞི་རིག་པ་ངོ་བོ་དོན་གྱི་རྟ་སྐད་དུ་བཤད་པས་མདོར་ན་ཐུན་མོང་མ་ཡིན་པའི་ཐབས་ཤེས་གཉིས་ལ་རྟ་ཞལ་དུ་བཤད་དེ། བསྐྱེད་རིམ་པའི་ཐབས་ཤེས་ནས། མི་སློབ་ཟུང་འཇུག་དང་། དེའི་ཡ་གཉིས་ཀྱི་བར་དངོས་དང་རྗེས་མཐུན་ཅི་རིགས་སུ་སྦྱར་རོ། །དེ་རྣམས་རྟ་ཞལ་དུ་འཇོག་པའི་རྒྱུ་མཚན། ཆགས་པ་ཆེ་བ། ངེས་པར་འབྱུང་བ་ཕྱི་མའི་རྒྱུད་ལས་ཀྱང་། དག་པའི་འདོད་ཆགས་ཀྱི་སྒོས་སྒྲུབ་ལ་པདྨ་གསུང་གི་སྒྲུབ་པ་འཇོག་པར་ལེའུ་བདུན་པའི་ཐད་དུ་གསུངས། སྐད་རིང་། ཤུགས་ཆེ་བ་སོགས་དང་། རྟ་དབུའི་ཁ་དོག་གི་དེ་ཉིད། ཕྲིན་ལས་བཞིས་འགྲོ་བ་སྒྲོལ་ཚུལ་སོ་སོ་དང་སྦྱར་བ་དང་བཀའ་སྒོ་ལས་གསུངས་པའི་དབྱེ་བ་རྣམས་གསང་སྔགས་ལ་ཤན་དབྱེ་བའི་སྐབས་སུ་སྦྱོར། གསང་སྔགས་ལ་ཤན་དབྱེ་བ་ཞེས་པ་ནི་འདིའི་ཟབ་ལམ་ཐེག་པ་དང་རྒྱུད་སྡེ་འོག་མའི་སྐོར་རྣམས་ལས་འཕགས་པའི་ཆེ་

― TN03_Page_1001 ―

^{[མ་དཔེ་གཟིགས་ན་འདིར་གནོན།]}

(༥༨༢)བ་སྟོན་པ་སྟེ། བླ་མེད་ཀྱི་ལྷ་གཞན་ལས་ཀྱང་མྱུར་བ་ཡང་བཤད་རུང་ངམ་དཔྱད། ཡང་སྙིང་འདུས་པར། རྟ་དབུས་གཞན་ལས་ཁྱད་པར་དུ་འཕགས་པར་མཚོན་ཞེས་གསུངས་པའང་དེ་ཀའོ། །ཞལ་གསུམ་གྱིས་ཀྱང་ཟུང་འཇུག་མཚོན་པ་སྒྱུ་འཕྲུལ་ལྟར་ཡིན་མོད། སྐབས་འདིར་རྟ་མགོས་མཚན་པའི་གཡས་ཞལ་གྱིས་སྒྱུ་མའི་དཀྱིལ་འཁོར་མཚོན། ཞེས་སོགས་སུ་སྦྱར་ནས། རྟ་མགོས་མཚན་པར་བསྟན་པའི་རྒྱུ་མཚན། ཁྲོ་ཞལ་གསུམ་གྱི་ངེས་དོན་ནམ་དེ་ཁོ་ན་ཉིད་གསུམ་པོ་རྗེས་ཆགས་ཀྱི་རིགས་ལས་སྐྱེས་པར་མཚོན་པའི་ཆེད་ཡིན་ནོ། །དཔལ་གྱི་རྟ་སྐད་སྐབས། སྙིང་རྗེའི་འཚེར་སྐད་ཀྱི་སྔགས་སྒྲ་དང་པོ་བསྒྲགས་པས་སྣང་སྲིད་ཐམས་ཅད་པདྨ་དབང་གི་དཀྱིལ་འཁོར་དུ་སྤྲུལ་པར་གསུངས་པ་འདི་རྟ་སྐད་ཀྱིས་དབང་སྒྱུར་ལུགས་ཁྱད་པར་ཅན་ཏེ། གསང་རྫོགས་རང་ཤར་གཉིས་ལས་འདི་ཁོ་ན་རྟ་སྐད་ཐང་གསུམ་དུ་བཤད་ཚུལ་འབྱུང་ངོ་། །འདིར་སྣང་སྲིད་ཐམས་ཅད་ཟིལ་གྱིས་གནོན་པའི་དམིགས་གནད་ལ་སྣང་སྲིད་ཐམས་ཅད་རྟ་མགྲིན་དབང་གི་དཀྱིལ་འཁོར་དུ་སད་པར་བསམ་ཚུལ་འདི་ནི། རྣལ་བྱོར་བླ་མེད་སྤྱིར། གང་དུ་བདེ་ཆེན་ཞེས་བྱ་གཅིག་པུ་ཉིད། །ཅེས་པའི་ཏིང་ངེ་འཛིན་གྱིས་ཡུལ་སྣང་ཟིལ་གྱིས་གནོན་ལུགས་དང་ཤིན་ཏུ་མཐུན་ནོ། །འདི་ནི་གང་སྣང་བདེ་སྟོང་གི་རྣམ་རོལ་དང་། དེའང་དག་པའི་དཀྱིལ་འཁོར་དུ་ལྟ་བ་སྟེ། འདི་དང་ལྡན་ན་བསོད་ནམས་ཆུང་བའི་མིས་ཀྱང་

― TN03_Page_1002 ―

^{[མ་དཔེ་གཟིགས་ན་འདིར་གནོན།]}

(༥༨༣)ཚེ་འདི་ཉིད་ལ་མཆོག་འགྲུབ་པར་བརྟགས་གཉིས་ལས་སོ། །རྣམ་པ་གཅིག་ཏུ་ན། བདེ་འདུས་དབང་ཆེན་རྩ་རྒྱུད་ལས། སེམས་ཅན་ཁམས་ཀུན་ཐམས་ཅད་ལཿ ང་ཡི་སྐུ་ནི་རེ་རེ་གནསཿ གོལ་ཏེ་འཁྲུལ་པའི་དབང་གྱུར་པསཿ མ་མཐོང་མ་རྟོགས་ལས་ཀྱིས་ནོངསཿ ཞེས་གསུངས་པ་ལྟར་ལུས་ཅན་ཐམས་ཅད་ཀྱི་སྙིང་དབུས་ན་གཉུག་མ་མི་ཤིགས་པའི་རྟ་མགྲིན་རེ་ཡོད་དེ། དེ་མ་རིག་པའི་བག་ཆགས་ཀྱི་དབང་གིས་རང་གི་གནས་ལུགས་སྟོང་པ་ཉིད་ལས་གོལ་ཏེ་གཉིས་སྣང་འཁྲུལ་པའི་ཕྱོགས་སུ་ཡེངས་ནས་རྩལ་བདེན་འཛིན་དུ་ཤར་ཏེ་འཁོར་བའི་འཁོར་ལོ་སྐོར་བ་དེ་སངས་རྒྱས་ཀྱི་གསུང་རྡོ་རྗེའི་རྐྱེན་ལས་རང་གི་དེ་ཁོ་ན་ཉིད་ལྟ་བའི་དྲན་པ་རྙེད་ཅིང་ཤེས་རབ་ཀྱི་མིག་གཉུག་མ་རང་གི་སྟེང་ནས་སད་དེ། ཁ་ཕྱིར་ཕྱོགས་པའི་ཀུན་རྟོག་གི་གཡེང་བ་རྟེན་ལས་རླུང་དང་བཅས་པ་རང་སར་སྡུད་པ་དང་། དེ་ལས་སྟོང་ཕྱོགས་བདེ་སྟོང་ཡེ་ཤེས་ཀྱི་རྟ་མཆོག་དང་། སྣང་ཕྱོགས་བདེ་ཆེན་སྒྱུ་མའི་རྟ་མཆོག་ཇེ་སད་ཇེ་དག་ལ་འགྲོ་བ་ཡང་རྟ་སྐད་ཀྱིས་སེམས་ཅན་ཐམས་ཅད་དཔལ་ཧེ་རུ་ཀའི་འཁོར་ལོར་སྤྲུལ་པར་བྱེད་པའི་གནད་དོ། །ཚུལ་འདི་ལེགས་པར་བསྒོམ་ན་ལྷ་སྔགས་ཀྱི་ནུས་པ་ཆེར་སོང་སྟེ་རྟ་མཆོག་དངོས་དང་མཇལ་བ་ན་རྟ་ཞལ་བཞད་པའི་སྒྲ་དབྱངས་ཐོས་པ་ཙམ་གྱིས་སྙིང་དབུས་མི་ཤིགས་པའི་ནོར་བུ་ཡིད་བཞིན་གྱི་སྣང་ནས་ཀུན་ཏུ་བཟང་པོའི་སྨོན་ལམ་དང་སྤྱོད་པ་རྒྱ་མཚོའི་དངོས་གྲུབ་ཁ་ཕྱེ་བར་འགྱུར་རོ། །

― TN03_Page_1003 ―

^{[མ་དཔེ་གཟིགས་ན་འདིར་གནོན།]}

(༥༨༤)བཀའ་སྒོའི་རྟ་སྐད་ལྟ་བར་དགོངས་པའི་སྐབས། དང་པོས་གདུལ་བྱ་ཐུན་མོང་གི་ལམ་གྱིས་སྣོད་རུང་དུ་བྱེད། གཉིས་པས་དབང་དང་དམ་ཚིག་ལ་འགོད། གསུམ་པས་སྤྱི་སྦས་མཐར་ཐུག་གི་མངོན་རྟོགས་ལ་འགོད་ཅེས་བཤད་ན་ལམ་རིམ་འགངས་ཆེ་བ་འདྲ་སྟེ་དཔྱད། ༈ རྟ་སྐད་དོན་བསྡུའི་ཐད། ངོ་བོ་དོན་སྐད་ནི་ལྟ་བར་དགོངས་པའི་རྟ་སྐད་དངོས་ཡིན་ཏེ། སྣང་ཕྱོགས། སྟོང་ཕྱོགས། ཟུང་འཇུག་གི་རྟ་སྐད་གསུམ་མོ། །གསང་སྔགས་གནད་སྐད་ནི། དེ་དག་རྟ་སྐད་དུ་འཇོག་པའི་འཐད་པ་བརྡ་དོན་གཉིས་ཆོས་མཐུན་སྦྱོར་ཚུལ་གྱི་སྒོ་ནས་བཤད་པའོ། །སྤྱོད་པར་དགོངས་པའི་སྐབས་སུ། དཔལ་གྱི་རྟ་སྐད་ནི་ཧེ་རུ་ཀའི་རྟ་སྐད་ཉིད་ངོས་བཟུང་བ། གཞན་གཉིས་སླ། དཔལ་ཆེན་ཆེ་སྐད་ནི། དེའི་ཆེ་བ་བསྟན་པ་སྟེ་དབང་གི་ཕྲིན་ལས་ཁྱད་པར་ཅན་དུ་མཛད་ཚུལ་གྱི་སྒོ་ནས་རྟ་སྐད་མཛད་པའི་རྒྱུ་མཚན་གཞན་བཤད་པའོ། །དེའང་མཐུན་རྫས་བསགས་ཡུན་རིང་དུ་བསྒྲུབ་ཀྱང་འདུར་མི་བཏུབ་པའི་སྡེ་བརྒྱད་ཆེ་དྲེགས་ཀྱིས་འགྱིང་བ་རྣམས་རྟ་བསྙེན་ཐེམས་ནས་ཏིང་ངེ་འཛིན་གྱི་འཚེར་སྐད་ཕྱུངས་པ་ཙམ་གྱིས་དེའི་མོད་ལ་རང་དབང་མེད་པར་རྐང་པའི་དྲུང་དུ་བཀུག་འོང་བ་ནི་རྟ་སྐད་དབང་ཆེ་ཞིང་མཐུ་མྱུར་བའི་ཆེ་བ་ཡིན་ཏེ། བསྙེན་བཀུར་རྒྱ་ཆེན་དང་བཅས་ཏེ་འདོད་དོན་ལ་གསོལ་བ་རིང་དུ་བཏབ་ཀྱང་གྲོགས་བྱེད་པ་ལྟ་ཅི། སྙན་གཡར་བ་ཙམ་ཡང་དཀའ་བའི་སྟོབས་ལྡན་གྱི་སྡེ་དཔོན་

― TN03_Page_1004 ―

^{[མ་དཔེ་གཟིགས་ན་འདིར་གནོན།]}

(༥༨༥)ཆེན་པོ་རྣམས་ལ་མིའི་བདག་པོའི་བཀའ་ཡིག་རྟགས་ལྡན་ཁྱེར་ཏེ་འོང་ན་འཁྱེར་མཁན་གདོལ་པ་ཐ་ཤལ་ཅིག་ཡིན་ཡང་མཐོང་བའི་མོད་ལ་དྲེགས་པའི་རལ་པ་བསྙིལ་ནས་སྤྱི་བོས་ནོད་པར་བྱེད་པ་དེ་རྒྱལ་པོ་ཆེན་པོའི་དབང་ཕྱུག་གི་མཐུ་ཡིན་པ་བཞིན་ནོ། ༈ །རྟ་སྐད་ཀྱི་བཤད་པའི་སྐབས་དུ་མར་བསྐྱེད་རྫོགས་རྫོགས་ཆེན་གསུམ་ཞེས་གསུངས་པ་ནི། །རྒྱུད་ཀྱི་ཞུང་ཟུར་དུ་བྲིས་པ་ལྟར་སྤྱི་སྦས་མཐར་ཐུག་གི་ལམ་གསུམ་ལ་བཤད་ན། མན་ངག་ལྟ་ཕྲེང་དང་བདེ་འདུས་བསྐྱེད་རྫོགས་གསུམ་གྱི་གདམས་པ་ལ་འགྲིགས་ཤིང་། མདོ་སྔགས་སྨོན་ལམ་ལས་དེ་ལྟར་གསུངས་པ་དེ། ཕྲེང་པོ་པའི་རྣམ་ཐར་རུ་རིན་ཆེན་ཕུན་ཚོགས་ཀྱི་གསུང་། ཁོ་བོའི་རྡོ་རྗེ་སློབ་དཔོན་མངའ་རིས་པ་ཆེན་རིན་པོ་ཆེ་དེའི་མཁྱེན་རབ་ལ་མཐའ་མེད། དེའི་བཀའ་ལས། རྙིང་མ་ལུགས་མཐུན་ཞིག་བྱེད་ན་གསང་སྔགས་སྔ་འགྱུར་རང་གི་བསྟན་པའི་བབས་ལ་བཀའ་གཏེར་ཟུང་གཅིག་གཅེས། བཀའ་མ་ནི་མདོ་སྒྱུ་སེམས་གསུམ་ལ་བཀའ་བབས་ཆུ་བོ་བཞིའི་སྒོ་ནས་བཤད་རྒྱུན་རྣམ་པར་དག་པ་འདུག་པ་བཞིན་བཤད་པ་ལག་ལེན་དང་བཅས་པ་བཀའ་མ་ལྟར་བྱེད་དགོས། ཆོས་ཀྱི་ཟབ་གནད་རྣམས་ནི་བརྒྱུད་པ་དང་ཆོས་ལ་སེལ་མེད་ཅིང་མཁའ་འགྲོའི་ཁ་རླང་ཆི་ལེ་བ་དེ་གཏེར་མ་ཡིན་པས་གཏེར་ཆོས་ཚད་ལྡན་ལྟར་དགོས། དེ་ལྟར་བྱས་ན་རྙིང་མ་ཚུལ་མཐུན་ཅིག་ཡོང་

― TN03_Page_1005 ―

^{[མ་དཔེ་གཟིགས་ན་འདིར་གནོན།]}

(༥༨༦)གསུང་། ཞེས་སོགས་འབྱུང་བ་ལྟར་པ་ཆེན་ཆོས་ཀྱི་རྒྱལ་པོ་སོགས་རིག་འཛིན་གོང་མའི་མན་ངག་མངའ་བའི་བཤད་སྲོལ་ཡིན་པས་ཆེས་བཟང་བར་མཐོང་ངོ་། ༈ །གསང་རྫོགས་དང་རང་ཤར་གྱི་རྟ་སྐད་རྣམ་བཤད་ལས། རང་སེམས་དྲི་མ་མེད་པ་དང་། །རང་རིག་ཅེས་གསུངས་པ་ནི་འོད་གསལ་མི་ཤིགས་པའི་སེམས་ཡིན་ཏེ། གསང་རྫོགས་ལུས་གནད་རྩའི་མན་ངག་ལས། དྷཱུ་ཏི་འཆད་པ་ན། རྩའི་གཙོ་མཆོག་ཧེ་རུ་ཀ་ཞེས་ཀྱང་བྱ་སྟེ་རང་སེམས་རྣམ་དག་གསལ་བའི་མན་ངག་གོཿ ཞེས་རང་སེམས་རྣམ་དག་དེ་རྩ་དབུ་མའི་གནད་ལ་བརྟེན་ནས་གསལ་དགོས་པར་བཤད་པ་དང་། འགྱུ་བྱེད་རླུང་གི་གདམས་པ་ལས། ཡང་རྔུབ་ཡང་བསྐྱིལ་ཡང་འཕང་བར་བྱ་སྟེ་གནས་པའི་རླུང་ལ་བསྐྱིལ་ཡུན་བསྲིང་བ་ནི་དྷཱུ་ཏིར་ཚུད་པའི་གནད་དོཿ དེ་ལྟར་ཞག་ཉེར་གཅིག་ཚུན་ཆད་འབད་པས་རླུང་ཟིན་རྟགས་ནི་རླུང་འགྱུ་བ་མི་ཚོརཿ གར་སྤྱིན་ལ་སྦྲང་བུ་འབྱར་བ་ལྟར་གཡོ་འགུལ་མི་ནུས་པ་འབྱུང་ཿ དེའི་ཚེ་བླ་མས་ངོ་སྤྲད་པའི་ཆོས་རྣམས་ཀུན་གྱི་དེ་བཞིན་ཉིད་རིག་པ་བྱང་ཆུབ་ཀྱི་སེམས་རྟོགས་ཏེཿ ཉོན་མོངས་རྣམ་རྟོག་ཐམས་ཅད་རང་སངས་ནས་རང་བྱུང་ཡེ་ཤེས་མཐའ་རྒྱས་པར་འགྱུར་རོཿ ཞེས་སྲོག་དྷཱུ་ཏིར་ཚུད་པ་ལས་རིག་པ་ངོ་འཕྲོད་པར་གསུངས་པ་དང་། འབར་འཛག་གཏུམ་མོའི་གདམས་པར་འཁོར་ལོ་བཞིའི་ལྟེ་བར་ཐིག་ལེའི་རང་བཞིན་གྱི་ཡི་གེ་བསྒོམས་ནས་སེམས་འཆིང་བར་བཤད་

― TN03_Page_1006 ―

^{[མ་དཔེ་གཟིགས་ན་འདིར་གནོན།]}

(༥༨༧)པའི་སྐབས་སུ། རང་རིག་སྤྲིན་མེད་པར་སྣང་བཞིནཿ དྭངས་ལ་གསལ་བ་རང་སར་ཞོགཿ མེ་ལོང་ནང་གི་གཟུགས་བརྙན་ལྟརཿ ས་ལེ་ཧྲིག་གེ་འཛིན་མེད་དུ་བཞག་གོཿ དེ་ཁོ་ན་ངོ་སྤྲད་པ་ནིཿ དེ་ལྟར་སྲོག་འཛིན་བྱང་ཆུབ་སེམས་ཀྱི་རང་བཞིནཿ བདེ་སྟོང་འཛིན་མེད་དུ་སྙིང་དབུས་སུ་སད་པསཿ འཁོར་འདས་ཐམས་ཅད་ཡེ་ཤེས་ཀྱི་རྩལ་དུ་ཤེསཿ ལྷན་ཅིག་སྐྱེས་པའི་ཡེ་ཤེས་ངོས་ཟིནཿ ཞེས་གསུངས་ཤིང་། སྲོག་འཛིན་བྱང་ཆུབ་སེམས་ཀྱི་ངོས་འཛིན་ཡང་དེ་ཉིད་ལས། སྲོག་འཛིན་བྱང་ཆུབ་སེམས་ནིཿ སྙིང་དབུས་ཁྲག་གི་དྭངས་མ་བྱེའུ་ལྕོག་གའི་སྒོ་ང་ཙམ་གྱི་ནང་ནཿ འོད་ཀྱི་གའུ་སྲན་མ་ཙམ་པའི་དབུས་ནཿ དྲན་རིག་ཤེས་པ་གནས་སོཿ ཞེས་སོ། །དེ་འདྲ་བའི་རང་སེམས་དྲི་མེད་དེ་ཉིད་བདེ་བའི་ཆགས་ཉམས་དང་ལྡན་པ་དང་། དེའི་སྟེང་ནས་ལམ་བསྒྲུབ་ན་སྒྲུབ་གཞི་རླབས་ཆེ་བའི་དབང་གིས་ས་ལམ་ཆེས་བདེ་མྱུར་དུ་བགྲོད་པས་ན་རྟའི་ཞལ་ལོ། །འཚེར་སྐད་ནི་འབོད་ཅིང་སྐུལ་བར་བྱེད་པའི་ཆགས་སྐད་དེ། གང་སྣང་བརྟན་གཡོ་ཐམས་ཅད་ལྷན་སྐྱེས་ཡེ་ཤེས་ཀྱི་མདངས་སུ་ཁ་དོག་བསྒྱུར་ཏེ། མ་རིག་པའི་གཉིད་ཀྱིས་ནོན་པའི་འཁྲུལ་སྣང་འདི་དག །ལྷ་སྔགས་ཡེ་ཤེས་ཀྱི་འཁོར་ལོ་ཉག་གཅིག་ཏུ་སད་པར་བྱེད་ཅིང་། དེའི་ཚུལ་གྱིས་སྣང་གྲགས་རྟོག་གསུམ་བདེ་ཆེན་བསམ་མི་ཁྱབ་ཀྱི་ཐིག་ལེར་བསྡུས་ནས་འོད་གསལ་དང་

― TN03_Page_1007 ―

^{[མ་དཔེ་གཟིགས་ན་འདིར་གནོན།]}

(༥༨༨)སྒྱུ་འཕྲུལ་དྲ་བའི་ལྟད་མོ་གཉིས་ལ་རྩེ་གཅིག་ཏུ་བྱེད་པའོ། །ཡུལ་སྣང་གང་ཤར་གྱི་སྟེང་དུ་བདེ་བའི་རྩལ་འབར་བའམ་རྒྱས་པ་ལ་བདེ་ཆེན་བཞད་པའི་གད་རྒྱངས་སུ་འཇོག་པ་ནི། མཚན་བརྗོད་ལས། གང་རྒྱངས་ཧ་ཧ་ངེས་པར་སྒྲོགས། །སོགས་དང་ཡང་ཕྱོགས་མཐུན་ནོ། ༈ །སེམས་ཅན་གྱི་དུས་ན་ཤེས་པ་ཡུལ་ལ་གཡོ་བའམ་ཡུལ་བགྲོད་པར་བྱེད་པ་ལ་རླུང་ཞེས་ཟེར་ལ། དེའི་རྩ་བ་མཐར་གཏུག་ན་འོད་གསལ་གྱི་བཞོན་པའམ་འོད་གསལ་སྤྲོ་བསྡུ་བྱེད་མཁན་གྱི་རླུང་མི་ཤིགས་པ་ལ་ཐུག་གོ །འགྲོ་འོང་། འབྲས་དུས་སུ་དེ་འདྲའི་གཡོ་བ་དེ་གཏན་ནས་མེད་ཀྱང་། དེའི་དོན་དུ་ཡེ་ཤེས་རང་གི་སྟེང་ན་བརྟན་གཡོའི་འཇིག་རྟེན་མཐའ་དག་ལ་ཁྱབ་པར་ཞུགས་ནས་དེ་ཐམས་ཅད་བདེ་བའི་རོ་ཉམས་སུ་འཆར་བར་བྱེད་པའི་རྩལ་ཤུགས་མཐར་ཕྱིན་པ་ཡོད་པས། དེ་ཉིད་ལ་སྔོན་གྱི་རྗེས་སུ་འབྲངས་པ་སྟེ། རྒྱུ་དུས་ཀྱི་ཤན་གྱིས་ཡེ་ཤེས་ཀྱི་རླུང་ཞེས་ཐ་སྙད་བྱེད་པ་ཙམ་མོ། །སེམས་ཅན་གྱི་ངག་དག་པ་ནི་གསུང་རྡོ་རྗེ་ཡིན་ཅིང་། ངག་གི་རྩ་བ་རླུང་ཡིན་པས། དེའི་ཤན་གྱིས་གསུང་རྡོ་རྗེའི་འཆར་གཞིའང་ཡེ་ཤེས་ཀྱི་རླུང་དེའོ། །འདི་ལ་སྒྱུ་དྲའི་ལེའུ་བཞི་པ་ལ་སོགས་པར་ཤེས་དང་ཤེས་བྱ་མཚམས་སྦྱོར་བའམ་བརྡ་སྤྲོད་པར་བྱེད་པ་ལ་གསུང་ཞེས་བཤད་པ་སོགས་ལ་བརྟེན་ནས་ཞིབ་ཏུ་བསམ་མོ། །ད་ལྟ་ནས་སངས་རྒྱས་པའི་ཡེ་ཤེས་ཀྱི་རྩལ་ལམ་མཐུའི་ཁྱད་པར་དེ་ལྟ་བུ་དེ་ལག་

― TN03_Page_1008 ―

^{[མ་དཔེ་གཟིགས་ན་འདིར་གནོན།]}

(༥༨༩)རྗེས་སུ་འཇོག་བྱེད་ཀྱི་རྒྱུ་མཐུན་སྒྲུབ་ཚུལ་ནི། བརྟན་གཡོ་ཐམས་ཅད་འོད་གསལ་གྱི་རྣམ་འཕྲུལ་གྱི་ལྷ་སྔགས་རབ་འབྱམས་སུ་དབང་བསྒྱུར་བར་བྱེད་པའི་རྣལ་འབྱོར་འདི་ཉིད་ཡིན་ཅིང་། འདིའི་སྒོ་ནས་ཡང་དང་ཡང་དུ་འོད་གསལ་མངོན་དུ་བྱས་ཏེ། གང་དུ་བདེ་ཆེན་ཞེས་བྱ་གཅིག་པུ་ཉིད། །གཅིག་པུས་ཉམས་ནི་དུ་མས་གར་མཛད་དོ། །ཞེས་པའི་བག་ཆགས་འོད་གསལ་ལ་ཡང་ཡང་བཞག་སྟེ་སྟོབས་སུ་གྱུར་པ་ན། མི་ཤིགས་པའི་རླུང་སེམས་རང་གི་སྟེང་ནས་སྒྱུ་འཕྲུལ་དྲྭ་བའི་གནས་ལུས་ལོངས་སྤྱོད་འབྱམས་ཀླས་པ་སྨིན་ཅིང་སྤྲོ་བའི་ནུས་པའང་ཐོབ་འོང་བས། གསང་རྫོགས་སོགས་སུ་ཡེ་ཤེས་ཀྱིས་ཡུལ་ལ་ལོངས་སྤྱོད་ཚུལ་ཁྱད་པར་བའི་སྟེང་ནས་པདྨ་གསུང་དབང་ཆེན་གྱི་རྟ་སྐད་ལ་བཤད་པ་མཛད་དོ། །དེ་ལྟར་བྱས་ན་གསུང་རྡོ་རྗེ་མི་ཤིགས་ནཱ་དའི་དབྱངས་ཞེས་པ་ལྷན་སྐྱེས་ཀྱི་བདེ་བའི་གདངས་ཉིད་ལ་འཇོག་པས། རྗེས་ཆགས་ཀྱི་འཚེར་སྐད་དུ་ཆེས་འཐད་དོ། ༈ །མཐའ་བྲལ་སྟོང་པ་ཉིད་ནི་ཆོས་ཐམས་ཅད་ཀྱི་གཏིང་མཐར་ཐུག་ཡིན་ཏེ། སྡུད་པར། ཤེས་རབ་ཀྱིས་ནི་བརྟགས་ན་ཕུང་པོའི་གཏིང་མི་རྙེད། །ཅེས་དང་། མཐར་ཐུག་བདེན་པ། ཞེས་དང་། དོན་དམ་བདེན་པ་ནི་ཀུན་རྫོབ་ཀྱི་གནད་གསང་དེ་ཕན་ཆད་དུ་འབྱེད་རྒྱུ་མེད་པ་ཡིན་པས་དེ་རྟོགས་པ་ལ་ཤིན་ཏུ་རྣམ་པར་ཕྱེ་བའི་བློ་ཞེས་བཤད་པར་ས་བཅུ་པའི་དབྱིག་འགྲེལ་ལས་གསུངས་པ་རིགས་པ་མཚུངས་སོ། །དེ་ལྟ་བུའི་གནས་ལུགས་ཀྱི་

― TN03_Page_1009 ―

^{[མ་དཔེ་གཟིགས་ན་འདིར་གནོན།]}

(༥༩༠)གཏིང་ཕིགས་པའི་རྣལ་འབྱོར་བླ་མེད་པའི་བདེ་ཆེན་གྱི་རྟ་སྐད་ནི་རྡོ་རྗེ་རྟ་སྐད་ཅེས་བྱ་སྟེ། སྲིད་ཞིའི་ཆོས་གང་ལ་ཡང་ཐལ་བྱུང་ཐོགས་མེད་དུ་འཇུག་པའི་ཕྱིར་དང་། ཤིན་ཏུ་ཚབས་ཆེར་འཇུག་པའི་ཕྱིར་རོ། །དེ་བས་ན་དངོས་པོ་ཐམས་ཅད་ཀྱི་རང་དབང་གི་རྒྱ་གཏན་ནས་བཤིགས་ཏེ། གནད་སྲོག་ནས་བཟུང་སྟེ་འདྲེན་པར་བྱེད་ལ་ཕ་ལམ་གྱི་ཀྱོ་བས་ལྕགས་འབིགས་པ་ལ་རྩའམ་ཤིང་གི་གོ་ཆས་སྲུང་མི་ནུས་པ་ལྟར། དེ་ལ་བར་ཆད་ཀྱི་རྣམ་པ་གང་གིས་ཀྱང་བགེགས་བྱར་མེད་པ་ཡིན་ནོ། ༈ །བདེ་སྟོང་གི་རྣལ་འབྱོར་གྱིས་ཡུལ་སྣང་ཟིལ་གྱིས་གནོན་པའི་ནུས་པ་ཀློང་དུ་གྱུར་པ་ན། དབང་གི་རྒྱལ་སྲིད་ཐོབ་པ་ཡིན་པས་ཐུན་མོང་གི་དངོས་གྲུབ་དམ་པར་བསྔགས་ཤིང་། རྟ་སྐད་ཀྱི་དགོངས་པ་དེ་དང་མི་མཐུན་པའི་ཡིད་བྱེད་མཉམ་རྗེས་ཐམས་ཅད་དུ་བཀག་སྟེ། ལྷན་སྐྱེས་ཀྱི་བདེ་བའི་སྟེང་ནས་དེ་ཁོ་ན་ཉིད་ལ་སེམས་བརྟན་པར་བྱེད་པ་ནི་ཕྱག་རྒྱ་ཆེན་པོ་མཆོག་གི་དངོས་གྲུབ་ཀྱི་རྩ་བ་དམ་པ་ཡིན་པས། རྟ་སྐད་ཀྱི་རྣལ་འབྱོར་དངོས་གྲུབ་རྒྱ་མཚོའི་སྲག་ཏུ་ཟུང་སྟེ། བདེ་འདུས་མ་ཚང་ཁ་སྐོང་བའི་རྒྱུད་ཀྱི་ལེའུ་དགུ་པ་དབང་ཆེན་སྒྲུབ་པའི་ཁ་སྐོང་གི་ལེའུར། རྟོགས་པའི་རི་བོ་སེམས་ཉིད་དུཿ སྣང་བ་ཐམས་ཅད་དབྱེར་མེད་ནཿ ཐུན་མོང་དངོས་གྲུབ་དམ་པ་ཡིནཿ དབང་གི་དཀྱིལ་འཁོར་རང་ལ་སྣང་ཿ རིག་པའི་རྒྱལ་པོ་རང་དབང་ཐོབཿ རང་རིག་བདེ་བར་གནས་པ་ནིཿ དབང་གི་སྒྲུབ་པའི་མཐར་ཐུག་སྟེཿ མཆོག་གི་དངོས་གྲུབ་རྩ་བ་ཡིནཿ ཞེས་སོ།

― TN03_Page_1010 ―

^{[མ་དཔེ་གཟིགས་ན་འདིར་གནོན།]}

(༥༩༡)སྣང་བ་དབང་དུ་གྱུར་ན་སྣང་སྲིད་ཚུར་འདུ་བའི་ཚུལ་ཁྱིམ་གསུམ་ཟིན་ཐོར་སྡེ་བརྒྱད་དབང་སྡུད་ལ་སྦྱར་བ་དེ་གཞན་རྣམས་ལའང་འདྲ་བས། རང་སྣང་དབང་དུ་འདུས་ན་གཞན་སྣང་ཟིལ་གྱིས་ནོན་ཅེས་རིག་འཛིན་བརྒྱུད་པའི་གསུང་སྒྲོས་ལས་འབྱུང་། དེས་ན་བཀའ་བརྒྱད་བསྡུས་འབྲིང་གཉིས་ལས་གཟུག་འཛིན་དབང་བྱེད་ཀྱི་གནད་འདི་དབང་གི་རྟ་སྐད་ཀྱི་དགོངས་པར་གསུངས་ཏེ། ཤིན་ཏུ་གཅེས་པར་སྣང་ངོ་། ༈ །རྗེ་གྲུབ་ཐོབ་ཆེན་པོའི་པདྨ་སྒྱུ་འཕྲུལ་རོལ་པའི་གཞུང་འདིར་རྟ་སྐད་བཤད་ཚུལ་ནི། རྟ་སྐད་ཀྱི་དབྱེ་བ། དེ་ཉིད། མཛད་པ་དང་གསུམ་ལས། དང་པོ་ནི། བྲོ་ཆོགས་ལས་རིགས་དྲུག་གི་རྟ་སྐད་སོ་སོར་གསུངས་རྣམས་སོ། །གཉིས་པ་ལ། སྤྱི་དང་། བྱེ་བྲག་གི་དེ་ཉིད་གཉིས་ལས། དང་པོ་ནི། དཀྱིལ་ཆོག་ལས། ཡེ་ཤེས་གཟི་འབར་རྔམས་ཤིང་བཞད་པའི་སྒྲསཿ འཁོར་འདས་ཐམས་ཅད་དབང་སྒྱུར་ཟིལ་གྱིས་གནོནཿ ཞེས་གསུངས་པ་དེའོ། །གཉིས་པ་ནི། བདེ་ཆེན་གྱི་ཡེ་ཤེས་ལ་ལྡོག་ཆས་ཕྱེ་བའི་ཡེ་ཤེས་དྲུག །རྟ་སྐད་སོ་སོ་དང་སྦྱར་ནས་བྲོ་ཆོག་ཏུ་གསུངས་པ་རྣམས་སོ། །གསུམ་པ་ལ། སྤྱིའམ་གཙོ་བོའི་མཛད་པ་ནི་དཀྱིལ་ཆོག་གི་གཞུང་དེས། བཞད་སྒྲའི་གཟི་བྱིན་གྱིས་འཁོར་འདས་ཐམས་ཅད་ཟིལ་གྱིས་གནོན་པར་བསྟན་ནོ། །སོ་སོའི་མཛད་པ་ནི། རིགས་སོ་སོའི་རྟ་སྐད་ཞི་སོགས་ལས་སོ་སོ་དངསྦྱར

― TN03_Page_1011 ―

^{[མ་དཔེ་གཟིགས་ན་འདིར་གནོན།]}

(༥༩༢)ནས་བྲོ་ཆོག་ཏུ་གསུངས་པ་རྣམས་སོ། ༈ །དེ་ལྟར་རྟ་གླུ་དེ་ཉིད་རིགས་ཀྱི་དབྱེ་བས་སྒྱུར་ལུག་རེ་བྱས་པས་རྣམ་བཞིའི་ཕྲིན་ལས་རབ་འབྱམས་བྱེད་པར་གསུངས་པ་ནི། རྟ་གླུའི་དེ་ཉིད་རྗེས་ཆགས་ཀྱི་བདེ་བ་གཅིག་པུ་དེ་ཉིད་སྒྱུར་ལུགས་རེ་བྱས་པས་ལས་ཚོགས་རབ་འབྱམས་བྱེད་ཅིང་དེའང་ཐུན་མོང་གི་དངོས་གྲུབ་ཁ་ཅིག་ནི་དེ་མེད་པར་གཏན་མི་འགྲུབ་པའང་ཡོད་ལ། ལས་ཕྲན་ཚེགས་རྣམས་ཀྱང་། དེ་ཡོད་ན་དུས་ཐུང་ངུ་དང་། ཚོགས་ཆུང་ངུས། མཚན་ཉིད་ཡོངས་སུ་རྫོགས་པར། འགལ་རྐྱེན་གང་གིས་ཀྱང་བཟློག་ཏུ་མེད་པའི་ཚུལ་གྱིས་འགྲུབ་པར་བྱེད་པའི་མཐུ་ཕུལ་དུ་བྱུང་བ་ཡོད་པ་ལ་དགོངས་ནས། བདེ་སྟོང་གི་ཡེ་ཤེས་ལ་ལས་སྔགས་སུ་རྒྱུད་ལས་གསུངས་པ་དང་སྦྱར་ནས་ངེས་པ་དྲང་ངོ་། །དངོས་གྲུབ་བསྒྲུབས་ཀྱང་མ་གྲུབ་ན་སྤོགས་ཆོག་བྱ་བའི་སྐབས་སུ་སྤྱོད་རྒྱུད་ལས། སྟོང་ཉིད་སྒོམ་པ་སྤོགས་ཆོག་གི་མཆོག་ཏུ་སུངས་པ་དང་། །སྟོང་ཉིད་སྒོམ་བྱེད་ཀྱི་ཡུལ་ཅན་ལ་ལྷན་སྐྱེས་ཀྱི་བདེ་བ་བསྔགས་པས། དེ་དང་ཡང་སྔ་མ་སྦྱར་ན་དགའ་བ་སྟེར་ཏེ་འདི་གཞན་ནས་བླངས་སོ། ༈ །རྟ་སྐད་ཀྱི་གསལ་བྱེད་དྲན་ཐོ་མཁས་པའི་ཡིད་འཕྲོགས་འདི་ལ་ཞར་བྱུང་གཅེས་པ་འདི་ལྟ་བུ་ཡོད་དེ། འཇིག་རྟེན་དབང་པོའི་མཚན་བརྒྱ་ལ། མཆོག་ཆེན་རྡོ་རྗེའི་གླུ་ལ་བསྟོད་པ། ཞེས་གསུངས་པ་དང་། ཀྱེ་རྡོར་བརྟགས་པ་ཕྱི་མའི་ལྔ་པར། གླུ་གསུང་རྡོ་རྗེའི་རྣལ་འབྱོར་

― TN03_Page_1012 ―

^{[མ་དཔེ་གཟིགས་ན་འདིར་གནོན།]}

(༥༩༣)གྱིས་བླང་། ཞེས་གསུངས་ལ། ཁྱད་པར་འཚེར་སྐད་ནི་རྗེས་ཆགས་ཀྱི་གླུ་དབྱངས་ཡིན་པས་འདོད་ཆགས་རྡོ་རྗེའི་རིགས་སོ། །འདུས་ཀྱེ་སོགས་ལས། པདྨའི་རིགས་ཀྱི་ཕྱག་རྒྱ་གར་མཁན་གྱི་བུ་མོ་ཞེས་བཤད་པ་དང་། འོད་དཔག་མེད་ལ་གར་དབང་ཞེས་རྒྱུད་མང་པོར་གྲགས། རྟ་རྒྱུད་རྣམས་སུ་བྲོ་ཁོ་ན་རྣམ་གྲངས་དུ་མས་ཡང་ཡང་བཤད་ཡོད་པའང་འདི་ལྟར་ཡིན། གསང་རྫོགས་ལས། གླུ་བྲོ་གར་ལ། ཞེས་དང་། སྒྱུ་དྲ་ལས། བྲོ་གར་འདུ་འཕྲོའི་ཡོ་བྱད། ཅེས་པས་བྲོ་གར་འདྲའོ། །དེ་ལྟར་ན་པདྨའི་རིགས་རྣམས་ཀྱི་རིགས་ཆོས་ཀྱི་ལས་སྒོ་གསུམ་གྱི་བྱ་བ་མཐའ་དག་གླུ་གར་གྱི་ཏིང་ངེ་འཛིན་ཁོ་ནའི་སྟེང་ནས་སྐྱོང་བ་ནི། བདེ་མཆོག་པའི་གཡོན་པའི་ཀུན་སྤྱོད་ལྟར་འདིའི་སྔགས་པའི་བསླབ་པའི་ཀུན་སྤྱོད་བླ་ན་མེད་པར་སྣང་བས་ཕའི་རིགས་ཀྱི་ལས་ལ་བུ་ངེས་པར་སྤྱོད་པ་བཞིན་དུ་ཡི་དམ་བྱའོ། །ནི་གླུ་བྲོའོ། །དེས་ན་དེ་གཉིས་ཀྱི་སྒོ་ནས་དངོས་གྲུབ་སྒྲུབ་པ་འདི་རྟ་རྒྱུད་ལས་མང་དུ་གསུངས་ལ། གཞུང་འདིར་ཡང་རྟ་བྲོ་རིགས་དྲུག་དང་། དེ་དག་གི་སྒོས་མཛད་དྲུག །སྤྱིའི་ཆེ་བརྗོད་དང་བཅས་པ་གསུངས་སོ། ༈ །གྲོལ་ཐིག་རྟ་མགྲིན་དྲེགས་འདུལ་ལས། འཁོར་འདས་དབང་དུ་སྡུད་པའི་གདེང་ནིཿ དབང་ཆེན་རྟ་མགྲིན་གྱི་ཡེ་ཤེས་ཀྱི་རོལ་པ་ཆེན་པོ་གཅིག་ལས་ནམ་ཡང་གཡོ་བ་མེད་པའི་ངང་ལས་གང་ལ་ཡང་ཉམ་ང་བ་དང་བག་ཚ་བ་མེད་པར་གདོན་བགེགས་ཀྱི་སྟེང་དུ་ཐོག་བརྫི་

― TN03_Page_1013 ―

^{[མ་དཔེ་གཟིགས་ན་འདིར་གནོན།]}

(༥༩༤)བྱའོཿ དེ་ལྟ་བུ་དགོངས་པ་དང་ལྡན་ཙ་ན་ལྷ་འདྲེ་མི་གསུམ་དབང་དུ་འདུ་བར་འགྱུར་རོཿ དྲེགས་པ་ཅན་རྣམས་ལས་ལ་བཀོལ་ནས་བྲན་བཞིན་དུ་ལས་བྱེད་དོཿ གལ་ཏེ་བྲན་དུ་མི་ཁོལ་བའམ་ལས་བྱེད་དུ་མ་འདོད་ནཿ ཨོཾ་བཛྲ་དུན་བྷྱོཿ སོགས། ཞེས་རྩ་སྔགས་ལ་བཏགས་ནས་བྲོ་བརྡུང་བས་བར་ཆད་གདོན་བགེགས་རྡུལ་དུ་བརླག་པར་ཐེ་ཚོམ་མེད་དོཿ ཞེས་སྣང་སྲིད་ཐམས་ཅད་བདེ་ཆེན་གྱི་རོལ་པར་ལྟ་བའི་སྒོ་ནས་མི་ཕོད་པའི་ཡུལ་དུ་ཐོག་བརྫིས་གཏོང་བར་བཤད་དོ། འདི་ནི་བརྟགས་གཉིས་ལས་སྤྱོད་པའི་སྐབས་སུ། ངེས་པར་སྔོན་དུ་ལྷ་མིན་གང་། །བརྒྱ་བྱིན་ལྟ་བུ་ཡིན་ན་ཡང་། །དེ་ལ་འཇིགས་པར་མི་བྱ་སྟེ། །སེང་གེའི་གཟུགས་ཀྱིས་རྣམ་པར་རྒྱུ། །ཞེས་གསུངས་པ་ལྟ་བུ་སྟེ་གལ་ཆེའོ། །དེ་དང་འདྲ་བར་རྟ་མཆོག་རོལ་པའི་རྒྱུད་ལས་ཀྱང་། ཐུག་ཕྲད་ཀྱི་དངོས་པོ་གང་ལ་ཡང་མི་བཟུར་ཞིང་ཐེ་ཚོམ་མེད་པར་སྨྱོན་པའི་བརྟུལ་ཞུགས་ཀྱིས་རྫི་ཞིང་རྡེག་པ་ནི་གདུག་པ་དང་དྲེགས་པ་ཅན་མཐའ་དག་ཐོགས་མེད་དུ་འདུལ་བ་ལ་ངེས་པར་བསྟན་པར་བྱ་བའི་བརྟུལ་ཞུགས་སུ་གསུངས་ཏེ། བར་ཆད་ཀྱི་རྐྱེན་གང་དང་ཕྲད་ཀྱང་དེ་མ་ཐག་སྒྱུ་མ་ལྟ་བུར་ཤེས་པའི་རྣལ་འབྱོར་གྱིས་རྫི་ཞིང་འགྲོ་བ་དང་། དེའང་ཡང་དང་ཡང་དུ་རྡེག་པའམ་རྫི་བའི་ཏིང་ངེ་འཛིན་གྱིས་བརྟུལ་ཞུགས་བྱེད་པ་ཉིད་དོ། །དེ་དག་ཀུན་ཀྱང་རྟ་བྲོའི་དགོངས་སྤྱོད་ཉིད་འཆད་པར་སྣང་ངོ་། །དང་

― TN03_Page_1014 ―

^{[མ་དཔེ་གཟིགས་ན་འདིར་གནོན།]}

(༥༩༥)པོ་ནས་མོས་སྒོམ་ཚུན་ཆད་ཀྱིས་གོམས་པར་བྱས་ན་མཐར་ཡུལ་རྐྱེན་བཟང་ངན་ཐམས་ཅད་ཟིལ་གྱིས་གནོན་ནུས་སོ། །དུས་ངན་གདོན་བགེགས། སྔོན་ལས། དུས་ཀེགས་སོགས་གང་ལའང་བདག་གཉིས་ཀྱི་སྲོག་དང་ལྡན་པར་མཐོང་བའི་ལོག་ཤེས་ཅི་ཙམ་ཤུགས་ཆེ་བ་དེ་ཙམ་དུ་དེའི་རང་མདངས་ཡུལ་ལ་ཤར་ནས་བར་ཆད་གང་ཡང་སྲོག་དང་ལྡན་པ་དང་། དེའང་རྡོ་རྗེ་ལྟར་བརླིང་བའི་སྲོག་དང་ལྡན་པ་བཞིན་དུ་མཐུ་ཆེ་ཞིང་གཞོམ་དཀའ་བར་འགྱུར་ལ། དེ་ལྟ་བུའི་འཛིན་པ་ཕྱིན་ཅི་ལོག་གི་འཁྲིལ་འཁོར་ཞིག་ནས། བར་ཆད་དེ་དག་ཐམས་ཅད་རང་སེམས་ཀྱི་གཤིས་ལ་གཏན་ནས་མ་ཞུགས་པའི་ལོག་རྟོག་གློ་བུར་བ་ཁོ་ནའི་རྩ་བ་ཅན་གྱི་རྒྱུ་རྐྱེན་དང་ཆ་ཤས་མང་པོ་ལ་བརྟེན་ནས་མིང་དང་རྟོག་པ་འབའ་ཞིག་གིས་བཟོ་སྦྱར་བའི་གསོག་ཉག་གཅིག་ཏུ་མཐོང་ནས་གོམས་པར་བྱས་ན། དེ་ཐམས་ཅད་ཀྱང་རི་མོའི་མདུང་ལྟར་མཐུ་མེད་པ་དང་། ལྦུ་བ་ལྟར་ཉམ་ཆུང་བ་ཤ་སྟག་ཏུ་འགྲོ་བས་གཞུང་འདིའི་གཏོར་ཟློག་ལས། དགྲ་གསུམ། བདུད་བཞི། ཆག་ཆེ་ཉམ་ང་ཐམས་ཅད་བདེ་སྟོང་གི་རྟོགས་པས་ཕམ་པར་བྱ་བར་གསུངས་པས་རྟ་བྲོའི་དགོངས་པ་བཤད་མ་ཐག་པའི་ངང་ནས་ཐོག་བརྫིས་གཏོང་བ་ནི་རིག་སྔགས་འཆང་གི་ལག་ཆ་བླ་ན་མེད་པའོ། །དེར་མ་ཟད་སྔགས་ཀྱི་སྐབས་འདིར་རྐྱེན་སྣང་དེ་དག་ཐམས་ཅད་དག་པ་རབ་འབྱམས་སུ་བལྟས་ནས་སློབ་རྒྱུ་ཡོད་པས། དེའི་ལག་རྗེས་ལ་འབྲས་

― TN03_Page_1015 ―

^{[མ་དཔེ་གཟིགས་ན་འདིར་གནོན།]}

(༥༩༦)བུའི་དུས་སུ་རྣམ་དག་གི་ལྷ་སྔགས་ཕྱག་རྒྱའི་འཁོར་ལོ་རབ་འབྱམས་ཤིག་འབྱུང་ཞིང་། ལམ་དུས་སུའང་བགེགས་ཡི་དམ་གྱི་ལྷར་བལྟས་ནས་དངོས་གྲུབ་ལེན་པར་གཏེར་གཞུང་བྱང་གཏེར་གེགས་སེལ་ནོར་མཛོད་དང་། གྲོལ་ཐིག་ཐུགས་རྗེ་ཆེན་པོ་སོགས་ཏེ། སྐྱབས་རྗེའི་བསམ་ལྷུན་ཟིན་བྲིས་སོགས་མང་པོ་མང་པོར་སྣང་། ཚད་ལྡན་ནས་བཤད་པ་ལྟ་བུ་དུ་མ་ཞིག་ཡོད་དོ། ཡུལ་གྱི་སྟེང་གི་མ་དག་པའི་དུག་ཕྲོགས་ནས་དག་པ་དངོས་གྲུབ་ཀྱི་སྒོར་བྱིན་གྱིས་རློབ་པ་འདི་ནི་རྟ་སྐད་ཀྱིས་སྣང་བ་ཟིལ་གྱིས་གནོན་ཚུལ་ཡང་ཡིན་ནོ། །བསམ་རྒྱུད་འདི་ནི་རྣལ་འབྱོར་བླ་མེད་པའི་ལམ་གྱི་གཅེས་ནོར་ཅིག་སྟེ། རྡོ་རྗེ་ཕྲེང་བར། རྣལ་འབྱོར་དབང་པོ་གང་གང་འདོད། དེ་དེ་ཐོགས་པ་མེད་བར་བྱ། མཉམ་པར་མ་བཞག་རྣལ་འབྱོར་གྱིས། །རྟག་ཏུ་མཉམ་པར་འཇོག་པར་འགྱུར། །ཅེས་སོགས་མཐའ་ཡས་པ་གསུངས་སོ། །དེ་ལྟར་གླུ་གར་གཉིས་ཀྱི་དེ་ཉིད་གཅིག་ཡིན་ཀྱང་། རྐང་སྟབས་དང་སྔགས་ཚིག་གི་སྒོ་སོ་སོར་ཤར་ནས་རིམ་བཞིན་སྐུའི་མཛད་པ་དང་གསུང་གི་མཛད་པའི་སྒོས་དངོས་གྲུབ་ཀྱི་རེ་བ་རྫོགས་པར་མཛད་པའོ། །བྲོ་ཕྱག་རྒྱར་འཇོག་ནའང་རུང་སྟེ། བྲོ་གར་གཉིས་ཀྱི་ཁྱད་པར་ནི། རྐང་པའི་བྲོ་དང་། ལག་པའི་གར་ཞེས་པ་སྟེ། བྲོས་རི་བྲག་དང་། ས་འོག་གི་འཁྲུལ་འཁོར་སོགས་ལ་ཐོགས་པ་མེད་པར་འཛུལ་ལམ་གར་གྱིས་ནམ་མཁའ་འགྲོ་བར་འགྱུར་ཞེས་སྒྱུ་འཕྲུལ་བ་རྣམས་གསུང་ངོ་། །འདི་ནི་སྒྱུ་འཕྲུལ་ལས་བཤད་ཚུལ་ཡིན་གྱི་རྣམ་པ་ཀུན་ཏུ་འཁྱེར་མི་བཏུབ་སྙམ། སྒྱུ་

― TN03_Page_1016 ―

^{[མ་དཔེ་གཟིགས་ན་འདིར་གནོན།]}

(༥༩༧)འཕྲུལ་ལས། རྐང་གཉིས་ཆོས་དང་ལས་ཀྱི་སེམས་དཔར་གསུངས་ནས། ཡན་ལག་ཐམས་ཅད་དཀྱིལ་འཁོར་དུ་བྱིན་གྱིས་བརླབས་ནས་ཕྱག་རྒྱ་སྤྲོས་པའི་ལེའུ། ཞེས་གསུངས་པ་སོགས་ཀྱིས་རྐང་པ་བསྒུལ་བསྐྱོད་ཕྱག་རྒྱར་བྱ་བ་བསྟན་ཅིང་གསང་ཞབས་ཀྱི་ལམ་རིམ་ལས་ཀྱང་གསལ་ལོ། །འཇིག་རྟེན་ན་སྐྱིད་པའི་རྐང་བྲོ་ཟེར་བ་ལྟར་ལྷན་སྐྱེས་ཀྱི་དགའ་བའི་ཉམས་འབར་བའི་སྤྱོད་པར་བྲོ་གར་བྱེད་པ་དང་སྤྱོད་པ་དེས་ཀྱང་ཉམས་དེ་སྤོར་བར་བྱེད་པས་དེ་གཉིས་ཕན་ཚུན་གྲོགས་སུ་འཇུག་པ་སྟེ། བརྟུལ་ཞུགས་ཀྱི་སྤྱོད་པའི་སྐབས་ཀྱི་གར་དང་ཡང་ཚུལ་འདྲའོ། །རྗེ་དང་མཆོག་གླིང་ཐུན་མོང་གི་གཏེར་ཁ་གར་ཆོག་རིན་ཆེན་རོལ་བ་སོགས་འགའ་རེ་ན་གསལ་ལོ། །བདེ་ཆེན་གཅིག་པུ་དེ་ཉིད། ཞི་ཞིང་དང་བ་དང་། དགའ་ཞིང་སྤྲོ་བ་དང་། ཆགས་ཤིང་ཞེན་པ་དང་། ཁྲོ་ཞིང་རྔམ་པ་སྟེ་ལས་ཀྱི་སྟོང་སེམས་ཐ་དད་དུ་ཉམས་བསྒྱུར་བའི་བསམ་པའི་ཁྱད་པར་བཞིན་དུ་བྲོ་གར་གྱི་སྤྱོད་པ་ཡང་རྣམ་པ་གཞན་དང་གཞན་དུ་མཛད་ནས་གཞུང་འདིར་གསུངས་ཤིང་། དངོས་གྲུབ་ཀྱང་སོ་སོར་གསུངས་སོ། །བྲོ་འདིས་སྣང་བ་དབང་དུ་བྱེད་པར་མ་ཟད་དབང་དུ་བྱས་པ་དེ་ལས་མི་འདའ་བའམ་མི་ལྡང་བར་ཟིལ་གྱིས་གནོན་ཅིང་རེང་བར་ཡང་བྱེད་དོ། །ཕྱག་རྒྱས་བཏབ་པའི་དོན་དུ་འགྲོ་བ་ཉིད་ཀྱི་ཕྱིར་རོ། །རྣམ་པ་གཅིག་ཏུ་ན། གླུ་བྲོའི་དེ་ཉིད་ཀྱི་ཁྱད་པར། གླུ་ནི་ཡུལ་སྣང་

― TN03_Page_1017 ―

^{[མ་དཔེ་གཟིགས་ན་འདིར་གནོན།]}

(༥༩༨)ཐམས་ཅད་བདེ་ཉམས་སུ་མྱོས་པར་བྱེད་པའི་བདེ་བ་དེ་ཡིན་ཅིང་། བྲོ་ནི་བདེ་བ་དེ་ཉིད་ཡུལ་གྱི་རྣམ་འགྱུར་སྣ་ཚོགས་སུ་ཤར་བའི་ཆ་སྟེ། འདི། གར་མཁན་དག་དང་རི་མོ་བཟང་ལྟར་སྣང་། །གང་དུ་བདེ་ཆེན་ཞེས་བྱ་གཅིག་པུ་ཉིད། །གཅིག་པུས་ཉམས་ནི་དུ་མས་གར་མཛད་དོ། །ཞེས་པར་ཡང་མཐུན། དེའི་ཚེ་བློ་ངོར་སྣང་བ་ཐམས་ཅད་བདེ་བའི་གར་དུ་བྱེད་པས་བྲོས་བརྫི་བྱ་ཟུར་དུ་མི་འཆར་མོད། གནས་ཚོད་ལ། དེ་འདྲའི་རྣལ་འབྱོར་གྱི་བྲོ་འདུལ་བྱེད་དང་། ཡུལ་གྱི་ཕྲ་མེན་མ་འདུལ་རྒྱུ། །ཡུལ་གྱིས་རྒྱུད་ཕུང་བར་བྱེད་པའི་གདུག་རྩུབ་བྲོའི་དེ་ཉིད་ཀྱིས་བཅོམ་ནས་དངོས་གྲུབ་ཀྱི་གྲོགས་སུ་འཁྲོལ་བར་བྱེད་པ་འདུལ་ལུགས་སུ་སོང་ཡོད་དོ། །འདི་ནི་རྣལ་འབྱོར་བླ་མེད་པའི་རྫུ་འཕྲུལ་གྱི་རྐང་པའི་རོལ་རྩེད་སྦྱོང་ཚུལ་རྨད་དུ་བྱུང་བའོ། །འདི་ཀློང་དུ་གྱུར་པ་ན་ལྷ་དབང་དང་། མིའི་རྒྱལ་སྲིད་ཀྱི་གནས་དང་། མཁའ་སྤྱོད་དང་། ས་འོག་བདེ་བ་ཅན་སོགས་གང་དུ་བགྲོད་པར་འདོད་ཀྱང་། དེ་དང་དེར་དགོངས་པ་གཏད་དེ་བྲོ་གར་བྱས་པས་ཐོགས་མེད་དུ་མནན་འགྲོ་སྟེ། མནན་ཞེས་པ་ནི་ས་ནས་ས་མནན་ཞེས་པ་ལྟར་དེར་སླེབས་པའི་དོན་ཏོ། །སྒྱུ་འཕྲུལ་ལས། བྲོ་གར་ཚོགས་ཀྱི་སྤྲིན་ཕུང་ལ། །ཧཱུཾ་དུ་ཤེས་པས་རབ་སྤྱད་ན། །ཞེས་དང་། བྲོ་གར་འདུ་འཕྲོའི་ཕྱག་རྒྱ་ཡིས། །འཛུལ་ལམ་ནམ་མཁར་འགྲོ་བར་འགྱུར། །ཞེས་བྲོ་གར་ལ་ངེས་དོན་

― TN03_Page_1018 ―

^{[མ་དཔེ་གཟིགས་ན་འདིར་གནོན།]}

(༥༩༩)གྱི་སྔགས་ཀྱིས་རྒྱས་བཏབ་ནས་སྤྱད་ན། མཁའ་དང་ས་འོག་སྤྱོད་པ་ལ་སོགས་པའི་དངོས་གྲུབ་ཏུ་འགྱུར་བར་བཤད་དོ། །ལྷན་སྐྱེས་ཀྱིས་མཁའ་སྤྱོད་ལ་སོགས་པ་དེ་དག་གི་གནས་ལུགས་ལ་མཉམ་པར་བཞག་པ་ན་གནས་ལུགས་དང་བདེ་བ་ཆེན་པོའི་རོ་གཉིས་ཐ་དད་དུ་སྣང་བ་ཕལ་ཆེར་ལོག་པའི་དབང་གིས། མཉམ་བཞག་ལས་ལངས་པ་ན་གནས་ལུགས་དེའི་རྣམ་འཕྲུལ་ཐམས་ཅད་བདེ་བའི་རྣམ་འཕྲུལ་དུ་ཡང་འཆར་ལ་དེའི་མཐུས་མཁའ་སྤྱོད་སོགས་དེ་དག་ལ་ཡུལ་དང་རང་བཞིན་གྱིས་བསྐལ་བའི་འཆར་ཚུལ་ཟིལ་གྱིས་གནོན་པའི་ནུས་པ་རྙེད་འོང་ངོ། །ཚུལ་འདིས་བསམ་སླེབ་བམ་ཡིད་མགྱོགས་ཀྱི་རྫུ་འཕྲུལ་སྒྲུབ་པ་ནི་བྲོ་གར་གྱི་མན་ངག་དམ་པའོ། །གཏེར་གསར་མཉམ་སྦྱོར་ལས། གར་གྱི་ཕན་ཡོན་འཆད་པ་ན་ཞིང་མཐའ་ཡས་པའི་སངས་རྒྱས་རིག་པའི་ལྷ་མོར་བཅས་པ་རྣམས་དང་ཐབས་ཅིག་ཏུ་འདུག་པར་གསུངས་པའང་འདི་དང་མཐུན་ནོ། །གླུ་ནི་འགྲོ་བའི་ཡིད་དང་རྗེས་སུ་མཐུན་པའི་དམ་པའི་ཆོས་ཀྱི་དབྱངས་དང་། གར་ནི་གདུལ་བྱ་ངོ་མཚར་བར་བྱེད་པའི་རྫུ་འཕྲུལ་གྱི་སྤྱོད་པ་ཞེས་བཤད་ཚུལ་ཡང་ཡོད་འོང་ངམ་དཔྱོད་དགོས། ༈སླར་ཡང་དཀྱུས་ལ་འཇུག་སྟེ། སྔགས་བླ་མེད་ལྟར་ནའང་། སྐྱོབ་འདོད་ཀྱི་བརྩེ་བ་དང་། སྦྱིན་པ་སོགས་དང་། ཏིང་འཛིན་རྣམ་ཐར་གྱི་སྒོ་མཐའ་ཡས་པ་འབྲས་དུས་ན་ཡོད་པར་ནི་འདོད་ལ། སེམས་གཞན་ནི་

― TN03_Page_1019 ―

^{[མ་དཔེ་གཟིགས་ན་འདིར་གནོན།]}

(༦༠༠)།འབྲས་དུས་ན་མེད་པར་འདོད་པས། དེ་ཐམས་ཅད་རྒྱ་ཆེ་བ། གྱ་ནོམས་པ། ཟག་པ་མེད་པའི་ལྷན་སྐྱེས་ཀྱི་བདེ་བ་སྟོང་ཉིད་དང་སྦྱར་བ་ཁོ་ནའི་སྟེང་ནས་འཇོག་གོ །དེས་ན་སྒྲ་རྟོག་སེལ་འཇུག་ཡིན་པས་སངས་རྒྱས་སའི་འོད་གསལ་ཞེས་ཟེར་ཚེ་ཁོལ་བུ་པ་ཞིག་ལྟར་སྣང་ཡང་མ་འདྲེས་པའི་ཆོས་སུམ་བརྒྱ་ལྟ་བུ་མདོ་ཕལ་པོ་ཆེ་ལ་སོགས་པར་རྒྱ་གང་ཆེར་བཀའ་སྩལ་བ་ཐམས་ཅད་དེའི་ཆ་ཤས་རེ་ཡིན་པས་ཆུང་ཆུང་ཞིག་ཏུ་མི་གཟུང་སྟེ། དཔེར་ན་སེམས་རགས་པ་ཞེས་བྱས་ཚེ་འོལ་ལེ་བ་དུ་མ་ཅིག་ལྟར་སྣང་ཡང་། ལས་དང་ཉོན་མོངས་ལམ་དང་དམིགས་པ་སོགས་ཀྱིས་ཕྱེ་བ་ན་མཐའ་ཀླས་པ་ཞིག་འོང་བ་དང་འདྲའོ། །དེས་ན་འབྲས་དུས་སུ། གང་སྣང་བདེ་སྟོང་གི་རོལ་པར་འཆར་བ་ན་ཡང་། དེར་སྟོང་ཉིད་ལ་མཉམ་པར་བཞག་བཞིན་པའི་སྦྱིན་པ་དང་སྙིང་བརྩེ་སོགས་ཀྱང་ཡོད་པས། སྟོང་པའི་རྣལ་འཕྲུལ་ཐམས་ཅད་བདེ་བའི་འཕྲུལ་དུ་འཆར་བ་ལྟར། བདེ་བ་དེའི་ཆར་གྱུར་པའི་སྦྱིན་པ་དང་ཚུལ་ཁྲིམས་ཀྱི་གསལ་བ་མཐའ་ཡས་པ་སོགས་རེ་རེ་ཞིང་གིའང་འཕྲུལ་དུ་འཆར་རོ། །འདི་ལྟར་བསམ་ན་རིགས་དྲུག་གི་རྟ་སྐད་བྱེད་དུས་སུའང་། སེར་སྣ་རྡོ་རྗེ་ལྟ་བུར་མཚོན་ན། བརྟན་གཡོའི་འཁོར་ལོ་མཐའ་དག །རིན་ཆེན་རིགས་ཀྱི་དམ་ཚིག་ཏུ་སྦྱིན་པ་རྣམབཞི་དུས་དྲུག་ཏུ་གཏོང་བ་མཐར་ཕྱིན་པའི་ནུས་པ་ལྷན་སྐྱེས་ཀྱི་སེམས་སྟེང་ནས་སྨིན་པའི་སྦྱིན་པ་མཐར་ཐུག་དང་

― TN03_Page_1020 ―

^{[མ་དཔེ་གཟིགས་ན་འདིར་གནོན།]}

(༦༠༡)སྦྱོར་བ་དང་། ཚོར་ཕུང་ལ་སེམས་ཅན་རྣམས་ཀྱི་ལོངས་སྤྱོད་དུ་གསུངས་པ་དེ་སྒྲིབ་བྲལ་དུ་བྱས་པའི་ལྷན་སྐྱེས་ཀྱི་ཚོར་ཕུང་རཏྣའི་རྟ་གླུར་བཞག་པའི་རྣམ་འཕྲུལ་དུ་ལྷག་པར་སྦྱར་ནས་སྣང་ཞེན་བསྐྱེད་པས་རྒྱས་ལས་ལ་དབང་བ་སོགས་ཀྱི་རྣམ་བཞག་གསལ་པོར་འཐོན་འོང་ངོ། །བླ་མེད་ཀྱི་དཀྱིལ་ཆོག་ཀུན་ཏུ་གཞལ་མེད་ཁང་གི་ཆ་རྣམས་བྱང་ཕྱོགས་སོ་བདུན་དང་། གཟུངས་བཞི། སོ་རིག་བཞི་སོགས་དང་སྦྱར་ནས་གསུངས་པའང་ཚུལ་འདི་འདྲ་ཡིན་ནོ། ༈ །རྟ་སྐད་དུ་འཇོག་རྒྱུའི་བདེ་བའི་དཔེར། དབང་ཆེན་ཡང་གསང་ལས་ནམ་མཁའ་བསྟན་ཅིང་། སྙན་རྒྱུད་རྟ་མཆོག་སྙིང་ཏིག་གི་གཞུང་ཟུར་གསལ་གྱི་དགོངས་པའང་དེ་ལྟར་མངོན་པས་མཉམ་བཞག་ནམ་མཁའི་དང་རྗེས་ཐོབ་སྒྱུ་མའི་རྣལ་འབྱོར་གཉིས་ལས་སྔ་མར་བྱེད་དམ་སྙམ། གསང་རྫོགས་ལས་རྟ་ཞལ་གྱི་དེ་ཉིད་གཉུག་མ་འོད་གསལ་བའི་སེམས་སུ་གསུངས་པ་དང་འདི་དག་བསྒྲིགས་ན། རྟ་ཞལ་གཉུག་སེམས། རྟ་སྐད་སེམས་དེས་སྟོང་ཉིད་རྟོགས་པ་ཞེས་པར་འགྱུར་བས། ཇི་སྲིད་དུ་འོད་གསལ་གྱིས་ཤེས་བྱའི་དེ་ཁོ་ན་ཉིད་ངེས་མི་ནུས་པའམ། སོ་སོར་ཀུན་ཏུ་རྟོག་པའི་མཐུ་མ་སྐྱེས་པ་དེ་སྲིད་དུ། འོད་གསལ་གྱིས་ཤེས་བྱའི་གནས་ལུགས་བརྗོད་མི་ནུས་པ་དང་། འོད་གསལ་གྱིས་སྔགས་པ་དང་བརྟན་གཡོའི་དེ་ཉིད་བརྡ་སྤྲོད་པའམ་མཚམས་སྦྱོར་བར་མི་ནུས་པ་ཡིན་པས། འོད་གསལ་གྱིས་སྐད་མི་ཐོན་པ་ཞེས་བྱ་ལ། ནམ་

― TN03_Page_1021 ―

^{[མ་དཔེ་གཟིགས་ན་འདིར་གནོན།]}

(༦༠༢)བསྒོམ་སྟོབས་ཀྱིས་རླུང་དབུ་མར་ཐིམ་ནས་མི་ཤིགས་པའི་སེམས་དེའི་རང་ཞལ་དམིགས་རྣམ་ཤིན་ཏུ་གསལ་བར་ཕྱུངས་ཏེ། དེས་ཤེས་བྱའི་གནས་ལུགས་བརྗོད་ནུས་པ་ན་འོད་གསལ་གྱིས་སྐད་འབྱིན་ནུས་པ་ཞེས་བྱའོ། །དེ་ལྟར་སེམས་དེས་ལྷན་སྐྱེས་ཀྱི་བདེ་བའི་ཆགས་ཉམས་དང་སྦྲགས་ནས་དངོས་པོའི་དེ་ཁོ་ན་ཉིད་གླུར་བླངས་པ་ན། སྣང་སྲིད་ཐམས་ཅད་རང་དབང་མེད་པར་ཕྱག་བྱེད་པས་ན། བདེ་སྟོང་སྦྱོར་བའི་རྟ་སྐད་སྣང་སྲིད་ཀྱི་སྲོག་སྔགས་མཐར་ཐུག་པ་ཡིན་ནོ། །དེས་ན་འཁོར་འདས་ཐམས་ཅད་ཀྱི་སྲོག་སྔགས་རྣལ་འབྱོར་པ་རང་ཉིད་ལ་ཡོད་པ་ཡིན་ནོ། །རྟ་སྐད་འདི་དངོས་རྫོགས་རིམ་ནས་དང་། བཅོས་མས་བཏགས་པ་དང་རྗེས་མཐུན་རིམ་པ་དང་པོར་ཡང་ཡོད་དོ། །སྟོང་པའི་ནམ་མཁར་བདེ་བའི་འཚེར་སྐད་འབྱིན་པར་བཤད་པའང་འདི་དང་གཅིག་སྟེ། དྲིལ་བུའི་བརྗོད་པ་སྒྲའི་རྣམ་བཞག་དང་འདྲ་སེ་ཞིག་སྣང་ངོ་། །དབང་ཆེན་གསུང་གི་སྔགས་པའི་ནང་མཛོད་ཆེན་མོ་གུ་ཧྱ་རྒྱ་རྒྱ་རྒྱ། སྒྱུ་འཕྲུལ་སོགས་ལས་ཆོས་ཐམས་ཅད་ཡེ་ནས་སངས་རྒྱས་པ་ཞེས་མང་དུ་གསུངས་པའི་དོན་ནི། དེར་རྣམ་རྟོག་གློ་བུར་བའི་དབང་གིས་མ་དག་པའི་སྣང་བ་བསྐྱེད་པར་གསུངས་པའི་ཤུགས་ཀྱིས་གློ་བུར་བའི་བསླད་རྐྱེན་གྱི་གཞན་དབང་མེད་ན་ཇི་ལྟ་བུ་ཞིག་ཅེ་ན། གདོད་མ་ནས་སངས་རྒྱས་པ་ཞེས་གཉུག་མའི་གནས་ཚོད་བསྟན་པ་ཡིན་ནོ། །གཉུག་མ་བྱས་ཚད་མི་ཤིགས་པ་ལ་གོ་མི་དགོས་ཏེ།

― TN03_Page_1022 ―

^{[མ་དཔེ་གཟིགས་ན་འདིར་གནོན།]}

(༦༠༣)སྒྱུ་མའི་ཁང་བཟང་སྤྲུལ་པ་ན་ཡང་ཁང་བཟང་གི་སྣང་ཆ་དེ་གློ་བུར་བ་དང་། སྣང་གཞིའི་གཉུག་མའི་ངོ་བོ་ཉིད་རྡེའུ་ཤིང་སོགས་སུ་གནས་པར་འདོད་པ་ཡིན་ནོ། །སྔགས་ཀྱི་སྐབས་འདིར་གཉུག་མའི་གནས་ཚོད་མཐར་ཐུག་དེ་སྒོམ་པར་བྱེད་པས་རང་བཞིན་གཞིའི་ཧེ་རུ་ཀ་སྒོམ་པ་དང་འབྲས་བུ་ལམ་བྱེད་གཉིས་ཀར་འཇོག་པ་འདི་ཕ་མེས་ཀྱི་ཁ་ཕོར་ཡིན་ནོ། །དེ་ལ་མཉམ་བཞག་ཏུ་བཤད་མ་ཐག་པའི་རྟ་སྐད་ཀྱིས་གཉུག་མའམ་གདོད་མའི་སྟོང་ཕྱོགས་བཟླས་པས། རྗེས་ཐོབ་ཏུ་ཡང་དག་པར་བ་འབྱམས་གཉུག་མའི་སྣང་ཕྱོགས་ལ་རིག་པ་བདེ་བླག་ཏུ་འཇུག་སྟེ། འདི་ལྟར། བདེ་སྟོང་མཁའ་ལྟར་དག་པའི་ཡེ་ཤེས་དེ་ཉིད་ཕུང་པོ་ལྔར་ཤར་བར་སྣང་བ་དང་། དེའི་དབང་གིས་ཕུང་པོ་ལྔ་ཡང་ཤིན་ཏུ་དག་པའི་རིགས་ལྔ་ཡེ་ཤེས་ལྔར་མཐོང་བར་འགྱུར་བ་ནི། རྡོ་རྗེ་རྟ་སྐད་རྣམ་ཤེས་ཐུགས་ཉིད་ད༔ སོགས་ཀྱི་དོན་ཏེ་རིགས་ལྔའི་དེ་བཞིན་གཤེགས་པ་ཐམས་ཅད་རྟ་སྐད་ཀྱི་སྐྱེ་གནས་པར་བསྟན་ནོ། །དེ་ལྟར་རྗེས་སྣང་ལ་མཉམ་བཞག་གི་རྒྱས་ཐེབས་པའི་སྟོབས་ཀྱིས། གང་སྣང་ཅི་ཤར་ཐམས་ཅད་དག་པའི་འཁོར་ལོ་འབའ་ཞིག་ཏུ་བཟླུམས་ཏེ། དེ་ལྟར་བཟླུམས་པ་དེའང་ལྷའི་དེ་ཉིད་གཅིག་པུ་ལ་ཡིད་གཏད་པའི་སྒོ་ནས་བདེ་སྟོང་ལ་བསྡུ། དེ་ལྟར་སྣང་གྲགས་རིགས་གསུམ་རིམ་གྱིས་བདེ་བའི་རང་བཞིན་དུ་དྲིལ་ནས་བསྒོམ་པས་བསྒོམ་པ་དེ་དབང་དུ་གྱུར་པ་ན་སྣང་བ་ཐམས་

― TN03_Page_1023 ―

^{[མ་དཔེ་གཟིགས་ན་འདིར་གནོན།]}

(༦༠༤)ཅད་ཀྱང་དབང་དུ་འགྱུར་རོ། །དེའི་ཚེ་ན་ཐ་མལ་པའི་ཡུལ་སྣང་ཆམ་ལ་ཕེབ་པའམ་ཟིལ་གྱིས་ནོན་པ་ཞེས་བྱ་བས་ན། དེ་ཚེ་འཁོར་བ་ཟིལ་གྱིས་ནོནཿ ཞེས་དང་། བདེ་ཆེན་བྱང་ཆུབ་སེམས་སུ་སངས་རྒྱས་སོཿ ཞེས་གསུངས། སངས་རྒྱས་སོཿ ནི་གྲོལ་ཞེས་པའོ། །འདི་སྐབས་ཡུལ་རྐྱེན་ཅི་ཙམ་རགས་ལ་རྒོད་པ་དེ་ཙམ་དུ་དེ་ཐམས་ཅད་དག་པ་རབ་འབྱམས་བདེ་བ་ཆེན་པོའི་ཡོ་ལངས་ཁོ་ནར་འཆར་བས། ཇི་ལྟར་ཡོ་ལངས་ཆེན་པོའི་ནང་དུ་འདུ་འཛིས་བློ་ཕྲོགས་ཚབས་ཆེ་བ་ལྟར། རྟ་མཆོག་གི་གླུ་གར་བྱང་བའི་སྔགས་པ་འདུ་འཛིའི་ནང་ན་བདེ་ཆེན་སྒྱུ་མའི་ཉམས་ཆེས་ལྷག་པར་འབར་བར་འགྱུར་རོ། །དེའང་རྟ་སྐད་སྒྲོགས་པའི་དུས་དང་། དེའི་བྱིན་རླབས་ཀྱི་ཟིལ་ཡུལ་སྣང་ལ་ཕོག་པའི་དུས་གཉིས་སོ་སོར་ཆ་ཤས་སུ་ལྡན་པའི་དུས་ལ་ལྟོས་ཏེ། རྟ་གླུས་སྣང་བ་དབང་དུ་སྡུད་པའི་རྣམ་བཞག་བྱེད་ཆོག་པས། དེ་གཉིས་དུས་མཚུངས་མི་དགོས་ཏེ། སྔགས་བཟླས་པས་དངོས་གྲུབ་དབང་དུ་གྱུར་ཟེར་ཚེ་སྔགས་བཟླ་བའི་དུས་དང་། དངོས་གྲུབ་དབང་དུ་གྱུར་པའི་དུས་གཅིག་མི་དགོས་པ་བཞིན་ནོ། །འདི་དང་སྔར་བཤད་ལ་མི་མཐུན་པ་ཡོད་ཀྱང་དཔྱོད་རྟེན་ཙམ་ཡིན། ཚུལ་དེ་ལྟར་བྱས་ན་མཉམ་བཞག་གི་རྟ་སྐད་ཅི་ཙམ་ཤུགས་ཆེ་བ་དེ་ཙམ་དུ། རྗེས་ཐོབ་ཏུ་གང་སྣང་སྟོང་པའི་རོལ་པར་འཆར་སྟོབས་ཆེ། དེ་ཇི་ལྟར་ཆེ་བ་ལྟར་བདེ་བའི་རྣམ་འགྱུར་དུའང་འཆར་ཕུལ་ཆེ།

― TN03_Page_1024 ―

^{[མ་དཔེ་གཟིགས་ན་འདིར་གནོན།]}

(༦༠༥)དེ་ཆེ་བ་ལྟར་ཤིན་ཏུ་དག་པའི་ལྷར་ལྟ་བའང་ཁྱད་པར་ཅན་དུ་འབྱུང་། དེ་འབྱུང་བ་ལྟར་དེས་དྲངས་པའི་མཉམ་བཞག་གི་རྟ་སྐད་དེ་ཐ་མལ་པའི་འཆི་སྲིད་ལྟ་བུའི་སྣང་ཞེན་གྱིས་དག་ཚབས་ཆེ་བས་ཤིན་ཏུ་རྣམ་པར་དག་པའི་སྣང་ཞེན་མཐར་ཕྱིན་པའི། སྟོང་ཕྱོགས་ཀྱི་ཧེ་རུ་ཀ་ཧྱ་གྷྲི་བ་དང་མཐུན་ཤུགས་ཆེ། དུས་དེར་སངས་རྒྱས་ཀྱི་ཡེ་ཤེས་ངའོ་སྙམ་པའི་ང་རྒྱལ་ཀུན་རྫོབ་རྣམ་ཅན་མངོན་དུ་གྱུར་བ་མེད་ཀྱང་། ང་རྒྱལ་དེ་འདྲའི་ཤུགས་མ་ཉམས་པ། ད་ལྟ་རང་རེ་གཉིད་དང་རྨི་ལམ་གྱི་སྐབས་ཚུན་ཆད་དུ་ཐ་མལ་པའི་ཞེན་པ་དང་མི་འབྲལ་བ་ལྟ་བུ་ནི་ཡོད་དགོས་ཏེ། རྫོགས་རིམ་པའི་སྐུ་གསུམ་ལམ་ཁྱེར་གྱིས་སྐྱེ་འཆི་བར་དོའི་ཐ་མལ་གྱི་སྣང་ཞེན་གཅོད་པར་གསུངས་པའི་འཆི་སྲིད་ལམ་འཁྱེར་གྱིས་ཇི་ལྟར་གཅད་དང་། དེ་ཆོས་སྐུ་ལ་ལྟོས་ཏེ་འབྲས་བུ་ལམ་བྱེད་དུ་འགྱུར་ཚུལ་དང་། ལྷ་སྒོམ་པ་དང་། ལྷའི་དེ་ཉིད་སྒོམ་པ་གཉིས་ཀ་ལྷའི་རྣལ་འབྱོར་ཡིན་མཉམ་ཡིན་ཅིང་བདེ་སྟོང་སྦྱོར་བའི་མཉམ་བཞག་ལྷའི་དེ་ཉིད་སྒོམ་པ་ཡིན་ཞེས་པའང་མཉམ་བཞག་དེ་ལྷའི་དེ་ཉིད་དུ་དམིགས་པའི་སྟེང་ནས་རྩེ་གཅིག་ཏུ་དྲན་པར་བྱས་སྟོབས་ཀྱིས་དྲངས་པའི་འོད་གསལ་ལ་དགོངས་པ་ཡིན་གྱི། དེ་ལྷའི་དེ་ཉིད་དུ་བློ་ངོར་བཟུང་མ་བཟུང་ཇི་ལྟར་ཡང་། ལྷའི་དེ་ཉིད་དུ་འགྲོ་རྒྱུ་ཡིན་པ་ཙམ་གྱིས་འོད་གསལ་བསྒོམ་ན་ལྷ་བསྒོམ་པའི་གོ་ཆོད་པར་འགྲུབ་ན་མི་འགྲིགས་པ་མང་དུ་འོང་བ་སོགས་

― TN03_Page_1025 ―

^{[མ་དཔེ་གཟིགས་ན་འདིར་གནོན།]}

(༦༠༦)བསྒྲིགས་ནས་ཤེས་པར་བྱའོ། །སྟོང་ཕྱོགས་ཀྱི་རྟ་མགྲིན་ནམ་རྟ་སྐད་དེ་ཉིད་ཇི་ལྟར་ཤུགས་ཆེ་བ་དེ་ལྟར་ཡང་རྗེས་ཐོབ་དབང་ཆེན་གྱི་རྣལ་འབྱོར་ཕུལ་དུ་བྱུང་བར་འགྱུར་བ་སྔ་མའི་འགྲེས་ཏེ། ཚུལ་འདིས་རྟ་སྐད་ལ་བྱང་བར་བྱེད་པ་ནི་རྟ་ལམ་གྱི་སྲོག་གོ ༈ །རྗེ་གྲུབ་ཆེན་ཉིད་ཀྱི་སྙན་རྒྱུད་ཀྱི་གཅོད་ཡུལ་ལས་ཕཊ་ཀྱིས་ལས་རབ་འབྱམས་བྱེད་པ་ལ་སྔོན་དུ་ཕཊ་བསྙེན་དགོས་པར་གསུངས་པ་ལྟར་རྟ་སྐད་ཀྱིས་དངོས་གྲུབ་སྡུད་པ་ལ་སྔོན་དུ་དེའི་བསྙེན་པ་བྱ་དགོས་ལ། དེའང་ཡང་གསང་གི་རྟ་སྐད་གཅིག་མར་རྟ་སྐད་ཧྲཱིཿཡིག་ཏུ་བཤད་པ་དང་། སྤྱི་མདོ་ལས་ཀྱང་། རྟ་མགྲིན་གྱི་རྡོ་རྗེ་སྟམ་བྷ་ནའི་སྟོབས་ཀྱིས་ཁྲོ་བོ་ཐེག་ཆེན་ཀུན་ཀྱང་འདུར་ཐག་གཅོད་པའི་འདུར་གླུ། ཧྲཱིཿཞེས་པ་ཡིན་པར་བཤད། རྟ་མགྲིན་དགོངས་པ་ལུང་སྟོན་ལས། མུཉྫའི་གསེབ་ནས་ལྗང་ཞུར་ཅན། །གྱེན་དུ་ཁ་གདངས་ཧྲཱིཿསྒྲ་འབྱིན། །ཞེས་འབྱུང་སྟེ་ཤིན་ཏུ་གསལ། གྲོལ་ཏིག་ལས་ཀྱང་གཉིས་མེད་ཧྲཱིཿཧཱུཾ། སོགས་ཟུར་བྲིས་དང་། བདེ་འདུས་མ་མོའི་སྐབས་སུ་གཙོ་བོའི་དབུ་གཙུག་རྟ་མགྲིན་གྱི་ཞལ་ནས་ཧྲཱིཿཞེས་རྟ་སྐད་སྒྲོགས་པར་གསུངས་པ་རྣམས་དང་། བདེ་འདུས་དབང་ཆེན་འདུས་རྒྱུད་ལས། རྟ་མཆོག་གི་གསུང་རིག་པའི་དཀྱིལ་འཁོར་བསམ་གྱིས་མི་ཁྱབ་པ་མཐའ་དག་གི་རྩ་བ་དང་། སྲོག་ནི་ཧྲཱིཿཡིག་ཡིན་པར་གསུངས་ཏེ། དེ་སོགས་དཔྱད་ན་བསྙེན་སྒྲུབ་ཀྱི་སྔགས་ཀྱི་ཐོག་མའི་ཧྲཱིཿདེ་རྟ་སྐད་དུ་ཡང་འགྱུར་བས་འདིའི་གྲངས་བསྙེན་ཐེམས་ན་རྟ་སྐད་འབུམ་

― TN03_Page_1026 ―

^{[མ་དཔེ་གཟིགས་ན་འདིར་གནོན།]}

(༦༠༧)ཕྲག་གཉེར་གཉིས་ཁ་སྐོང་བཅས་འགྲོ་བས་ངོ་ཤེས་པར་བྱའོ། །འདར་ཕྱར་བས་དབང་ཆེན་བསྙེན་སྐབས། གུ་རུ་རིན་པོ་ཆེས། ཐོག་མའི་ཨོཾ་དེ་ཧྲཱིཿར་སྒྱུར་ལ་ཟློས་ཞེས་གསུང་པར་གྲགས། རྟ་མགྲིན་གསང་བ་ཕྲིན་ལས་ཀྱི་རྒྱུད་ལས། དཔལ་གྱི་རྟ་སྐད་ཐེངས་གཅིག་གིསཿ ཁམས་གསུམ་མ་ལུས་དབང་དུ་བསྡུཿ མ་མོའི་བྷྱོ་སྐད་ཐེངས་གཅིག་གིསཿ སྲིད་པའི་མ་མོ་ལས་ལ་བཀོལཿ རྣལ་འབྱོར་བས་ཧྲཱིཿསྐད་ཐེངས་གཅིག་གིསཿ སྲིད་གསུམ་གདུག་པའི་དགྲ་བགེགས་སྒྲོལཿ ཞེས་བཤད་དེ་དཔལ་གྱི་རྟ་སྐད་དེ། རྣལ་འབྱོར་བས་ཧྲཱིཿར་ཉང་གཏེར་མཁའ་འགྲོ་ཆེན་མོ་དང་། མཁའ་འགྲོ་སྙིང་ཏིག་མ་བུ་སོགས་ལས་རྟ་མཆོག་གི་སྔགས་སུ་སྲོག་སྔགས་འབྲུ་གཅིག་འདི་རང་ལས་གཞན་མ་བཤད། ཟློ་བའི་དོན་དུ་འགྲོའམ་དཔྱད་དོ། ༈ །ཛབ་ལས་གཞན་པའི་རྟ་སྐད་འདོན་དུས་ནི། བྲོ་ཆོག་གི་སྐབས་ཏེ། ཤིན་ཏུ་གསལ། དེའང་སྒྲུབ་གཞུང་འདིར་མནན་པའི་ལས་སྒྲུབ་ཟུར་བ་དང་སྦྲགས་ནས་གསུངས་ཀྱང་། དེ་ལས་ཚེགས་ཆུང་བ་རྒྱུན་འཁྱེར་བྱེད་ན་ནི་ཚོགས་མཆོད་ཀྱི་གཏོར་མནན་མཐར། རིགས་དྲུག་གི་བྲོ་གླུ་རྒྱས་པ་བཏགས་པས་རུང་བ་འདྲ་སྟེ། དབང་ཆོག་ཏུ་དེ་གཉིས་སྦྲེལ་མར་བྱ་བ་ཞིག་བསྟན་ཡོད་ཅིང་། རྗེ་བློ་གྲོས་མཐའ་ཡས་ཀྱིས་སྙན་བརྒྱུད་རྟ་མགྲིན་གྱི་ཆོག་བསྒྲིགས་ལས། དེའི་རྩ་གཞུང་དུ་ལས་རབ་འབྱམས་སྒྲུབ་པའི་བྲོ་ཆོག་གསུངས་པ་དེ་ཚོགས་མཆོད་ཀྱི་བྲོ་མནན་དུ་བསྡེབས་པ་བཞིན་ནོ། །

― TN03_Page_1027 ―

^{[མ་དཔེ་གཟིགས་ན་འདིར་གནོན།]}

(༦༠༨)ཚོགས་མཚོད་ཀྱི་སྐབས་ཀྱི་བྲོ་མནན་དང་། བྲོ་ཆོག་རྒྱས་པ་གཉིས་བསྡུས་རྒྱས་ཀྱི་ཁྱད་ཡིན་པས། ཕྱི་མ་བྱེད་ཚེ་སྔ་མ་མི་བྱེད་ཀྱང་རུང་ངམ་སྙམ་སྟེ་སྙན་རྒྱུད་རྟ་མགྲིན་ཆོག་སྒྲིགས་དེར། ཡང་དག་ཟབ་ཏིག་གི་བྲོ་མནན་མེད་དོ། །རཏྣའི་རྟ་གསང་དུ། དབང་གི་རྟ་བྲོ་དང་གླུའི་མཆོད་པ་ཞེས་མཆོད་ཕྲེང་གི་ནང་དུ་གསུངས་པའི་རིགས་པས་བླ་མ་ཞི་བ་སོགས་དང་ཐུན་མོང་བའི་ཕྱག་རྒྱ་གར་མཆོད་ལ་ཚང་བར་བྱེད་ནའང་རུང་ངམ་སྙམ་ཞིང་། ཚོགས་མཆོད་ཀྱི་གླུ་གར་སྐབས་རྟ་སྐད་དང་བྲོའི་དེ་ཉིད་བསྐྱངས་པའང་རུང་ངམ་སྙམ།། ༈ །།འགྲོས་དགུ་རྟ་སྐད་ཀྱི་མཚོན་དོན་དུ་འཆད་སྐབས་སྔར་བཤད་ལས་ཡང་ན། འཚེར་སྐད་ནི་གྲོགས་ཀྱི་དྲུང་ལྟ་བུར་འགྲོ་འདོད་ཀྱི་གདུང་བ་འབར་བའི་ང་རོ་ཡིན་པས། འདོད་པའི་གནས་སུ་བང་འགྲོས་ཀྱི་ཤུགས་ཕྱུངས་ནས་འགྲོ་བ་མཚོན་ནོ། །ཐུབ་པས་གསུངས་པའི་ཐེག་པ་མཐའ་དག་རང་རྒྱུད་ལྡན་གྱི་གདུལ་བྱ་དངོས་སམ་བརྒྱུད་ནས་སངས་རྒྱས་ཀྱི་ས་ལ་འཁྱེར་བའི་ཐེག་པའམ་བཞོན་པར་གཅིག་ཀྱང་། དེའི་ནང་ནས་གོ་འཕང་དེར་བདེ་མྱུར་དུ་དཀྲི་བའི་ཐབས་མཁས་ཀྱི་ཤུགས་གཏིང་ནས་ཕྱུངས་པ་ནི། ཕྱི་ནང་གསང་བའི་རྟ་མགྲིན་ནམ། བསྐྱེད་རྫོགས་གསུམ་གྱི་རྣལ་འབྱོར་ཡིན་པས་དེ་ནི་མྱུར་མགྱོགས་ཀྱི་མཐུ་ཕུལ་དུ་བྱུང་བའི་མཐར་ཐུག་གོ ༈ །ཡང་གོང་དུ། སྣང་སྟོང་ཟུང་འཇུག་དང་། ཡ་གཉིས་ཀྱི་རྟ་སྐད་གསུམ་གསུངས་པ་དེ་ལ། ཞལ་དང་སྐད་གཉིས་སོ་སོར་བཤད་པ་ནི་ཆེས་མི་གསལ་ཡང་། འགྲོ་སྒྲོལ་

― TN03_Page_1028 ―

^{[མ་དཔེ་གཟིགས་ན་འདིར་གནོན།]}

(༦༠༩)གྱི་སྙིང་རྗེ་ཆེན་པོ་གཅིག་པུ་དེ་ཞལ་གསུམ་སོ་སོའི་གླུ་སྐད་དུ་འགྱུར་བར་འཆད་དམ། ཡང་ན། སྟོང་ཕྱོགས་ཀྱི་རྟ་སྐད་གོང་གི་རྟ་སྐད་ཐེངས་གཅིག་ལྟར་དང་། སྣང་ཕྱོགས་ཀྱི་རྟ་སྐད་ནི། སངས་རྒྱས་ཀྱི་གསུང་མི་ཤིགས་ནཱ་དའི་སྒྲ་དབྱངས་ཆོས་ཕུང་རབ་འབྱམས་སུ་འཆར་བ་དེ་དང་། ཟུང་འཇུག་གི་ནི། སྣང་སྟོང་གི་རྟ་སྐད་དེ་གཉིས་གཅིག་ཏུ་སྦྱར་བ་སྟེ། ཆོས་ཀྱི་དབྱིངས་ཐམས་ཅད་ཁྱབ་པར་བཞད་པའི་སོར་རྟོག་ཡེ་ཤེས་དེ་ཉིད་གསུང་དབྱངས་ཀྱི་རྣམ་པར་ཤར་བ། ཞེས་པར་འགྱུར། ཞལ་གསུམ་ཡང་། ཐུགས་འོད་གསལ། སྐུ་བཞིན་ལག་ཅན། དེ་གཉིས་ཟུང་འཇུག་དང་གསུམ་མོ། །འདི་འབྲས་དུས་དང་སྦྱར་བ་སྟེ། ལམ་དུས་ལ་ཡང་བསྒྲེ། གཞན་རང་བཟོར་འགྲོ་དོགས་ཆེ་བས་མ་བྲིས། དབང་སྐད་དུ་འགྲོ་ལུགས་སླ། འདིའི་རྩ་བའི་མན་ངག་ལྟ་ཕྲེང་གི་བརྗོད་བྱ་རྟ་སྐད་ཀྱིས་འཆད་ཚུལ་ནི། ཐེག་དགུའི་རྣམ་བཞག་ནི་འགྲོས་དགུ་དང་སྦྱོར་བ་བདེ་འདུས་ཐ་རམ་ལྟར་དང་། དེ་ལས་ཁྱད་པར་གསང་བ་སྒྱུ་འཕྲུལ་གྱི་ལམ་རིམ་ནི་རྟ་སྐད་ཐང་གསུམ་གྱིས་མཚོན་ཏེ། རྟ་སྐད་དང་པོ་ནི་ཤེས་པའི་མཚན་ཉིད་དེ་བསྒོམ་བྱའམ་ཉམས་ལེན་གྱིས་སྦྱོར་བས་འཇུག་ཡུལ་ཤེས་པར་བྱེད། རྟ་སྐད་གཉིས་པ་ནི་འཇུག་པའི་མཚན་ཉིད་དེ་སྒོམ་བྱེད་ཉམས་ལེན་གྱི་སྦྱོར་བ་སྟེ། འདི་ལ་ལམ་རིམ་ཡེ་ཤེས་སྙིང་པོ་ལྟར་བསྐྱེད་རིམ་པའི་སྟོང་ཆེན་དང་སྙིང་རྗེ་སྒྱུ་མ་སོགས་ལྔ་དང་། རྫོགས་

― TN03_Page_1029 ―

^{[མ་དཔེ་གཟིགས་ན་འདིར་གནོན།]}

(༦༡༠)རིམ་པའི་དེ་ལྔ་དང་། བསྐྱེད་རིམ་ནས་རྫོགས་རིམ་དུ་འཕོ་བྱེད་ཀུན་ཏུ་བཟང་པོའི་མན་ངག་སོགས་གསང་ཐིག་ལྟར་ཡོད་པ་སོགས་སྤྲོས་པས་ཆོག །མཚན་ཉིད་དེ་གཉིས་ནི་མངོན་རྟོགས་རྒྱན་གྱི། འཇུག་ཡུལ་མཁྱེན་གསུམ། ཉམས་ལེན་སྦྱོར་བཞི་ཟེར་བ་ལྟ་བུའི་བཤད་ཚུལ་དུ་སྣང་ངོ་། །རྟ་སྐད་ཐ་མ་ནི་མངོན་དུ་གྱུར་པའི་མཚན་ཉིད་དེ། བསྒོམ་བྱ་དེ་སྒོམ་བྱེད་དེས་བསྒོམས་པ་ལས་གནས་སྐབས་དང་མཐར་ཐུག་གི་འབྲས་བུ་འགྲུབ་ཚུལ་ལོ། །མཚན་ཉིད་ཕྱི་མ་འདི་རྒྱས་པར་ནི་སྐད་འགྱུར་བཅུ་གསུམ་དང་སྦྱར་ནས་ཤེས་ཏེ་ཐ་རམ་བཞིན་ནོ། །ཚུལ་འདི་ནི་སྙན་བརྒྱུད་རྟ་མགྲིན་ལ་བརྟེན་ནས་བཤད་པ་སྟེ། སྙན་བརྒྱུད་ཀྱི་གཞུང་དེ་དང་སྒྱུ་འཕྲུལ་གསང་ཐིག་སོགས་ཀྱི་ཡེ་ཤེས་ཀྱི་སྐུ་སྒྲུབ་ལུགས་འདྲ་བར་སྣང་བའང་ཡིན་ཏེ། རགས་པ་ཙམ་ལ་བསམས་སོ། །རྫོགས་རིམ་པའི་སྟོང་ཆེན་སོགས་ལྔའི་ཐད་ནས་དཔྱད་ན་སྒྱུ་འཕྲུལ་བའི་བཞེད་པ་ཡང་ཚུལ་གཉིས་སུ་སོང་བ་འདྲ་བ་ཞིག་སྣང་ངོ་། །འོན་ཀྱང་འདིའི་རྫོགས་རིམ་པའི་སྙིང་རྗེ་སྒྱུ་མ་དང་། རྒྱ་གཅིག །རླུང་སེམས་ཀྱི་ལྷ་སྐུ་གསུངས་པ་སོགས་མན་ངག་སྡེ་པའི་ལུགས་དང་ཕྱོགས་མཐུན་པར་རླུང་གདངས་སྟོང་གཟུགས་ཀྱི་ལྷ་སྐུ་ལ་བཞེད་པ་འདྲ་ཞིག་སྣང་ཞིང་སྐུ་གསུམ་ལམ་ཁྱེར་སོ་སོར་སྦྱོར་ཚུལ་ལའང་དཔྱད་རྒྱུ་འདུག་པས་རྩད་གཅད་པར་བྱའོ། །དང་པོའི་སངས་རྒྱས་དང་ཡང་ཅུང་ཟད་སྒྲིགས་ཆོག་གམ། ༈ སྣང་

― TN03_Page_1030 ―

^{[མ་དཔེ་གཟིགས་ན་འདིར་གནོན།]}

(༦༡༡)བ་དབང་སྡུད་ཀྱི་གནད་མཐར་ཐུག་སྙིང་པོར་དྲིལ་ན། ཐབས་མཁས་དང་མི་ལྡན་པ་ལ་ནང་རིག་པ་ལ་ལྟོས་མེད་ཀྱི་ཡུལ་སྣང་མགོ་རྒྱལ་བར་ཤར་ནས་སེམས་ཀྱི་དབང་ཕར་འཕྲོགས་པ་དེ་ཐབས་མཁས་དང་ལྡན་པའི་རྣལ་འབྱོར་པ་ལ་བདེ་ཆེན་གཅིག་པུ་ཉིད་ཀྱིས་ཉམས་ཇི་ལྟར་བསྒྱུར་བ་དེ་ལྟར་སྣང་བའི་རང་སེམས་ཀྱི་གར་སྟབས་ཉག་གཅིག་ཏུ་ཤར་ནས་མི་ཤིགས་གཉུག་མའི་རྟ་ཞལ་གཟི་བརྗིད་རྒྱས་བྱེད་ཀྱི་བཅུད་ལེན་དམ་པར་འགྱུར་བ་སྟེ། སྒྱུ་འཕྲུལ་གསང་སྙིང་དུ། སྲིད་ཞིའི་ཆོས་ཐམས་ཅད་སེམས་དང་ཡེ་ཤེས་རང་སྣང་བར་གཏན་ལ་ཕབ་པའང་རྟ་སྐད་ཀྱི་དེ་ཉིད་འདི་འཆད་བྱེད་ཡིན་ནོ། །དེ་ལ་ངེས་དོན་ཤིང་རྟ་ཆེན་པོའི་ལེའུ་དགུ་པར། དཔལ་གསང་བའི་སྙིང་པོའི་ལུགས་ཀྱི་གཏུམ་མོའི་འཁོར་ལོ་བཞི་པ་རྒྱས་པར་བཤད་ནས། ལེའུ་བཅུ་པར་གཞི་རྟོགས་པའི་ཤེས་རབ་མཐའ་གཉིས་ལ་མི་གནས་པ་ཞེས་ལྟ་སྒོམ་གྱི་གནད་རྒྱ་ཆེར་བསྟན་པ་ནི། རྫོགས་རིམ་གྱི་ཡེ་ཤེས་འཆར་བའི་ཐབས་དང་། ཐབས་དེས་གྲུབ་པའི་ཡེ་ཤེས་གཉིས་ལས། སྔ་མ་ལེའུ་དགུ་པ་དང་། ཕྱི་མ་བཅུ་པ། དེ་འཕྲོས་དང་བཅས་པ་བཅུ་གཅིག་པ་སོགས་ཀྱིས་སྟོན་པར་གསལ་ཏེ། བཅུ་པའི་ཀླད་དུ་རྫོགས་རིམ་གྱི་སྙིང་པོའི་ཡེ་ཤེས་འཆད་པར་གསུངས་པའི་ཕྱིར་རོ། །ལེའུ་དེར་དབུ་མའི་ལྟ་བ་སྒོམ་དགོས་པ་དང་། དེའང་དཔྱད་སྒོམ་བྱ་རྒྱུ་མ་ཡིན་ཚུལ་སྦྲགས་ནས་བཤད་དེ།

― TN03_Page_1031 ―

^{[མ་དཔེ་གཟིགས་ན་འདིར་གནོན།]}

(༦༡༢)མཉམ་བཞག་འོད་གསལ་གྱི་སྟེང་ནས་རང་བཞིན་མེད་པའི་དབྱིངས་ལ་འཇོག་པའི་དབྱིངས་རིག་སྲེ་བ་ལ་གདམས་པའོ། །དེར་ཕྱི་ནང་ཡུལ་སེམས་ཐམས་ཅད་དང་སྦྱར་ཏེ་བདེན་མེད་རྟོགས་པའི་ཤེས་རབ་རྩལ་སྦྱོང་ཚུལ་དབུ་མའི་སྐབས་དང་མཐུན་པ་འདྲ་བ་ཞིག་བཤད་པའང་། ནང་འོད་གསལ་གྱི་དགོངས་པ་ལས་མ་གཡོས་པའི་ངང་ནས་གཟུང་འཛིན་བདེན་མེད་དུ་ལྟ་ལུགས་ཁོ་ན་ཡིན་ཏེ། དེ་ལྟར་བལྟས་པ་ཙམ་གྱིས་གདོད་མའམ་གཉུག་མའི་རང་ཀློང་དུ་ཕྱིན་ནས་དཔྱད་མཁན་རང་དག་ལ་འགྲོ་བར་བཤད་པའང་དེའི་གནད་ཀྱིས་ཡིན་ནོ། །ལུགས་འདི་ལ་བསླད་མ་བསླད་ཀྱི་ཁྱད་ཙམ་མ་གཏོགས་མཉམ་རྗེས་གཉིས་འོད་གསལ་གྱི་དགོངས་པ་སྐྱོང་རྒྱུ་ཡོད་པ་ལ་ཁྱད་མེད་པར་བཞེད་དེ། འདི་ནི་རྫོགས་ཆེན་གྱི་སྐོར་དུ་རྒྱས་སོ། །དེར་ཆོས་ཐམས་ཅད་སྟོང་ཉིད་ལས་མ་གཡོ་ཚུལ་དབུ་མ་ནས་བཤད་པ་འདྲ་བ་རེ་བཤད་ནས་འདི་ལྟར་རྟོགས་ན་རྫོགས་ཆེན་དུ་ཆོས་ཀུན་རྫོགས་ཚུལ་རྟོགས་པ་ཡིན་ཞེས་མང་དུ་གསུངས་ཏེ། རིག་པ་དབྱིངས་ཐོག་ཏུ་འཁྱོལ་བའི་རྫོགས་རིམ་པས་བལྟས་ན་གང་སྣང་སྟོང་པའི་རོལ་པར་གནས་པ་དེ་ཉིད་གང་སྣང་འོད་གསལ་གྱི་རིག་པའི་རོལ་པར་གནས་པའི་དོན་དུའང་འགྲོ་བ། དཔེར་ན་དབུ་མ་པའི་ངོར་སྟོང་པ་རྟེན་འབྱུང་གི་དོན་དུ་འགྲོ་བ་ལྟ་བུ་ཞིག་ཡིན་པས། དེ་བཤད་པ་ཡིན་གྱི། སྤྱིར་དེ་ལྟར་བཤད་པ་མིན་ཏེ། དབུ་མ་ཐལ་

― TN03_Page_1032 ―

^{[མ་དཔེ་གཟིགས་ན་འདིར་གནོན།]}

(༦༡༣)འགྱུར་པའི་ལུགས་ཀྱི་ཐད་དུའང་། སྟོང་ཉིད་འདི་ལྟར་རྟོགས་ན་རྫོགས་ཆེན་རྟོགས་པ་ཡིན་ཞེས་ཀུན་མཁྱེན་རང་གིས་ཀྱང་མ་བཤད་དོ། །དེའི་ཕྱིར་གང་ཟག་དེ་འདྲའི་ངོར། ཆོས་ཐམས་ཅད་རྫོགས་པ་ཆེན་པོའི་ཀློང་ལས་མ་གཡོས་ཚུལ་འཆད་པ་ན། དེ་འདྲའི་ངོར་ཆོས་ཐམས་ཅད་སྟོང་ཉིད་ལས་མ་གཡོས་ཚུལ་འབའ་ཞིག་བསྟན་པས་ཆོག་པར་བྱུང་བ་ཡིན་ཏེ། ད་དུང་ཞི་བ་ཆ་མང་ངོ་། །མདོར་ན་རྫོགས་ཆེན་ཀ་དག་གི་དབྱིངས་རིག་གཉིས་སོ་སོར་མ་ཕྱེ་བའི་དབང་དུ་མཛད་ནས། རེས་སྟོང་ཉིད་དང་། རེས་རིག་པ་ལ་རྫོགས་ཆེན་དུ་གསུངས་པ་ཡིན་ནོ། །ཀུན་མཁྱེན་གྱི་སེམས་ཕྱོགས་སྐོར་ན་འོད་གསལ་ངང་བཞག་གི་ཏིང་ངེ་འཛིན་མ་བརྗེད་པའི་ངང་ནས་ཡུལ་གང་སྣང་དང་བློ་གང་ཤར་ལ་བལྟ་བ་གོམས་པས། ཇི་ཞིག་ན། བྱ་གར་སོང་ཡང་ནམ་མཁའ་ཟེར་བ་ལྟར། རྣལ་འབྱོར་པས་གར་བལྟས་ཀྱང་རིག་པ་ལས་གཞན་མེད་པ་ཞིག་འོང་ཚུལ་ཡང་ཡང་གསུངས་པ་རྣམས་ཀྱང་དེ་ལྟར་ཡིན་པ་ནི། ཟེར་ས་གང་རྙེད་ནས་སྲ་སྲེ་བྱས་པ་མིན་གྱི་རྩ་བའི་དགོངས་པ་བསླད་མེད་དུ་སྣང་བས་ལམ་གྱི་གནད་འདི་ནི་རྗེ་བཙུན་ཙོང་ཁ་པའི་སྔར་ཡང་རྙིང་ཕྱོགས་ལ་མ་གྲགས་པ་མིན་ནོ། ༈ །མང་དུ་བཤད་པའི་བསྡུ་བ་ནི། རྟ་སྐད་ཀྱིས་དངོས་གྲུབ་དངོས་སུ་སྒྲུབ་ནུས་པ་ལ་ནི། སྒྲུབ་ཐབས་ཐུན་བཞིར་བསྒོམ་པའི་སྒོ་ནས་རྟ་ཞལ་ལ་རེག་མཐོང་གི་མཚན་མ་བརྟན་པོ་རྙེད་ཅིང་། རྟ་སྐད་ལའང་གསལ་བརྟན་དེ་འདྲ་ཐོབ་པ་དང་། རྟ་སྐད་ཀྱི་དེ་ཉིད་ལས་སུ་རུང་བའི་དབང་གིས་སྐད་དེའི་

― TN03_Page_1033 ―

^{[མ་དཔེ་གཟིགས་ན་འདིར་གནོན།]}

(༦༡༤)སྣང་ཞེན་གཉིས་ཀ་ཆེས་ཕུལ་དུ་བྱུང་བའི་ངོ་བོ་ཉིད་དུ་བོགས་ཐོན་པ་གཉིས་ཚོགས་དགོས་སོ། །དེ་གཉིས་ཚང་བ་ན་ནི་རྟ་སྐད་སྟོབས་སུ་གྱུར་པ་དང་། རྟ་སྐད་ལ་ནུས་པ་རྙེད་པ་ཡིན་པས། གསུང་རྟ་དབྱངས་ཀྱི་ང་རོ་ཙམ་གྱིས་དངོས་གྲུབ་རབ་འབྱམས་བྱེད་པའི་དབང་དང་ལྡན་པ་ཡིན་ནོ། །དེའང་ལས་ཀྱི་ཕྲེང་བ་ལྟར་སྒྲུབ་ཐབས་ཀྱི་སྦྱོར་མཆོད་དང་། ཚོགས་མཆོད་ཀྱི་གསང་ཚོགས་དང་། ཐུན་མཚམས་བྲོ་རྡུང་གི་སྐབས་སོགས་སུ་བསྐྱེད་རིམ་པའི་བདེ་སྟོང་ཅི་ནུས་སུ་སྒོམ་ཞིང་། དེ་ཉིད་རྟ་སྐད་དུ་འཆར་བ་ལ་སློབ། ཛབ་དང་བྲོའི་དུས་སུ་རྟ་སྐད་འདོན་པ་རྣམས་རྩ་བའི་མན་ངག་གོ །རྟ་སྐད་ཀྱི་དེ་ཉིད་བརྟན་པའི་དྲོད་ཚད་ནི་ཉམས་དང་རྨི་ལམ་ཙམ་ལས་ཤེས་པར་བྱ་བ་མིན་གྱི། འཇིགས་པ་དང་། ཁྲོ་བ་དང་། མྱ་ངན་སོགས་སྐྱེད་པའི་ཡུལ་རྐྱེན་ཆེན་པོ་རྣམས་ཀྱང་རྣལ་འབྱོར་དེས་ཟིལ་གྱིས་མནན་ནས་དེ་ཐམས་ཅད་བདེ་ཆེན་སྒྱུ་མའི་ཁ་དོག་གཅིག་ཏུ་སྒྱུར་ནུས་པ་ཞིག་དགོས་ཏེ། འདི་ལ་ཡུལ་སྣང་རྟ་སྐད་ཀྱི་དབང་དུ་གྱུར་པ་ཞེས་བྱའོ། །དེ་འདྲ་ཞིག་ནི་བསྐྱེད་རིམ་པའི་ཚོགས་སྒྲུབ་ཀྱི་སྔོན་ནས་འོང་དགོས་པར་མངོན་ལ། སྔགས་ཀྱི་གདུལ་བྱ་ཙནྡན་ལྟ་བུ་སོགས་ནི་མཚམས་དེ་ཤེད་ནས་ཚོགས་སྤྱོད་བྱེད་དོ། ༈ །རྟ་སྐད་སྣང་བ་ཐམས་ཅད་ལ་བདེ་ཆེན་ཡེ་ཤེས་ཀྱི་བྱིན་རླབས་འབེབས་པའི་ཐབས་སུ་བསྔགས་པ་ནི། བྱིན་འབེབས་དུས། བཛྲ་དྷ་རྨ་ར་ྀ་སོགས་ཀྱིས་རོལ་མོས་བྱིན་དབབ་པར་བཤད་པ་ལྟ་བུའོ། །

― TN03_Page_1034 ―

^{[མ་དཔེ་གཟིགས་ན་འདིར་གནོན།]}

(༦༡༥)ཕྱི་ནང་གི་བར་ཆད་གང་བྱུང་ཡང་དེ་ལྟར་བྱིན་འབེབས་བྱས་པས། ཇི་ལྟར་འཕགས་པ་འཇམ་དཔལ་གྱིས་བདུད་སྡིག་ཅན་བྱང་སེམས་རྣམས་ཀྱི་བདུད་ཀྱི་ལྕགས་ཀྱུ་སྤོང་བའི་ཆོས་སྟོན་པ་པོར་བྱིན་གྱིས་བརླབས་ནས་མདོ་སྡེ་བཤད་དུ་བཅུག་པ་དང་འདྲ་བར། འཇིག་རྟེན་དང་འཇིག་རྟེན་ལས་འདས་པའི་དཔལ་མི་ཟད་པ་དག་གི་སྒོར་སྣང་བར་འགྱུར་བ་ཡིན་ནོ། །འདི་ནི་སྔགས་བླ་མེད་པའི་སྒྱུ་མ་ལྟ་བུའི་ཏིང་ངེ་འཛིན་གྱིས་བར་ཆད་འདུལ་ལུགས་ཡིན་ཏེ། རྟ་མགྲིན་གྱི་སྔགས་པ་ནི་གདབ་ལས་སོགས་ལ་གཙོ་བོར་མི་བྱེད། འདི་ཁོ་ན་བྱེད་སྙམ། ཞི་སོགས་ལས་བྱེ་བྲག་པ་སྒྲུབ་པའི་རྟ་སྐད་སོ་སོར་ཡོད་ཀྱང་། འདི་ནི་ལས་སྒྲུབ་ཙམ་གྱི་དབང་དུ་བྱས་པ་མིན་པར་རྒྱུན་འཁྱེར་དུ་སྐྱོང་རྒྱུའི་རྟ་སྐད་སྤྱིའི་ཁོག་ཏུ་བར་ཆད་འདུལ་ལུགས་སོ། །རྟ་སྐད་རང་ཉིད་དབང་གི་རིགས་ཡིན་ཀྱང་། དེ་ལ་བརྟེན་ནས་ཞི་དྲག་སོགས་ལས་གཞན་ཡང་བྱར་ཡོད་པ་ནི་སྦྱིན་སྲེག་དུས་དབང་ཐབས་ལས་ཐམས་ཅད་པ་ཟེར་བ་ལྟ་བུའོ། །རྣམ་པ་གཅིག་ཏུ་ན་དབང་དུ་གྱུར་པའི་དངོས་གྲུབ་དང་། དབང་གི་ལས་ནི་ལས་དང་དངོས་གྲུབ་ཐམས་ཅད་ཀྱི་རྩ་བ་དང་སྲོག་ལྟ་བུ་ཡིན་ཏེ། དངོས་གྲུབ་གང་ཡང་དབང་དུ་མ་གྱུར་པ་ནི་དངོས་གྲུབ་དེ་ལས་སུ་མ་རུང་བ་ཡིན་པས། དེ་སྲིད་དུ་དངོས་གྲུབ་ཀྱི་བྱ་བ་མི་བྱེད་པའི་ཕྱིར་རོ། །དབང་གི་རྟ་སྐད་ཅེས་པའི་ཚིག་ཟུར་གྱི་དབང་དང་། ལས་བཞིའི་ནང་གི་དབང་ལས་གཉིས་ལ་རྒྱ་མཚོ་

― TN03_Page_1035 ―

^{[མ་དཔེ་གཟིགས་ན་འདིར་གནོན།]}

(༦༡༦)དང་ཡ་མུ་ན་ལྟ་བུའི་ཁྱད་ཡོད་པས། ལྷ་འདི་མཆོག་སྒྲུབ་དང་ལས་སྒྲུབ་ཀྱི་ལྷ་གཉིས་ལས་སྔ་མ་ཡིན་པ་དང་། འོན་ཀྱང་ལས་བཞིའི་ནང་ནས་དབང་ལས་ལ་བསྔགས་པ་མི་འགལ་བྱ་བ་སོགས་དཔྱད་དགོས། བཤད་ཚུལ་གཅིག་ལ། ཇི་ལྟར་མི་བསྐྱོད་རྡོ་རྗེ་ཞེ་སྡང་གི་རིགས་ཡིན་པས་མཚན་ཡང་ཞེ་སྡང་རྡོ་རྗེ་ཞེས་གྲགས་ཤིང་། དེའི་གནད་ཀྱིས་ལས་བཞི་ལས་མངོན་སྤྱོད་ལ་བསྔགས་ཀྱང་ལས་ཚོགས་ཀྱི་ལྷར་མི་འདོད་པ་ལྟར། དཔའ་བོའི་དབང་པོ་འདི་ཡང་ལུས་ཅན་རྣམས་ཀྱི་འདོད་ཆགས་སྦྱོང་ཕྱིར་རྗེས་ཆགས་ཀྱི་རིགས་ཀྱི་རྒྱལ་པོར་བཞེངས་པ་ཡིན་པས་ལས་སྒྲུབ་ཀྱི་ཚེ་དབང་གི་ལས་ལ་བསྔགས་ཀྱང་མཆོག་སྒྲུབ་དང་ལས་སྒྲུབ་ཀྱི་ལྷ་གཉིས་ལས་སྔ་མ་ཡིན་ཏེ། འདི་ནི་རིན་པོ་ཆེ་ལྟ་བུའི་གང་ཟག་རིམ་གཉིས་ཀྱི་ལམ་གྱིས་ལྷ་འདིའི་གཟུགས་སུ་འཚང་རྒྱ་བའི་དབང་དུ་མཛད་ནས་རྒྱུད་སྡེ་ཆེན་པོའི་དཀྱིལ་འཁོར་གྱི་རྩ་བའི་བདག་པོར་བཞེངས་པ་ཡིན་གྱི། གཙོ་བོར་ལས་ཚོགས་སྒྲུབ་པའི་སྐབས་ཙམ་དུ་གསུངས་པ་མིན་པའི་ཕྱིར་རོ། །རྟ་སྐད་ལའང་། ལྟ་བར་སྦྱར་བ་དང་། སྤྱོད་པར་སྦྱར་བ་ཞེས་ལམ་གྱི་གཞུང་ཤིང་ཡེ་ཤེས་ཀྱི་དོན་ལ་དགོངས་པ་དང་། ལམ་གྱི་ཆ་ལག་ཕྲིན་ལས་ཀྱི་སྤྱོད་པའམ་མཛད་པ་ལ་དགོངས་པ་གཉིས་ལས། སྔ་མའི་སྐབས་སུ་དབང་ལས་དང་མི་སྦྱོར་གྱི། ལམ་གྱི་སྙིང་པོ་རྗེས་ཆགས་ལམ་བྱེད་ཀྱི་བདེ་སྟོང་དང་། དེའི་སྟེང་ནས་ས་ལམ་བགྲོད་ཚུལ་སོགས་

― TN03_Page_1036 ―

^{[མ་དཔེ་གཟིགས་ན་འདིར་གནོན།]}

(༦༡༧)ལ་སྦྱོར་བ་ཐ་རམ་བཞིའི་དང་པོ་གསུམ་ལྟར་ཏེ། རྟ་སྐད་ཀྱི་ཐ་རམ་དོན་བསྡུའི་ཐད་དང་བསྒྲིགས་ན་གསལ་ལོ། །དེས་ན་དབང་གི་རྟ་སྐད་ནི་རྟ་སྐད་སྤྱོད་པར་དགོངས་པའི་སྐབས་ཡིན་ནོ། །འདི་བཟང་ངམ་དཔྱད། གོང་འོག་ན་མི་མཐུན་པ་བག་ཙམ་ཡོད་དེ་དཔྱད་པ་རྩིང་ཞིབ་ལས་བྱུང་ངོ་། །དེ་ལྟར་ཧེ་རུ་ཀ་འདི་ནི་བདེ་བ་ཆེན་པོའི་རྣམ་འགྱུར་གསལ་ཤོས་ཡིན་པས། རྡོ་རྗེ་ཕུར་པའི་སྐབས་སུ་ཡང་ཡེ་ཤེས་སེམས་དཔའི་སྲོག་ལ་ལྷན་སྐྱེས་ཡེ་ཤེས་ཀྱིས་དབང་བསྐུར་བ་ཞེས་རྡོ་རྗེ་སེམས་དཔའ་ལ་རྟ་མགྲིན་གྱིས་དབང་སྐུར་བའི་ཚུལ་བཤད་དོ། ༈ །སངས་རྒྱས་གསང་བས་རྣམ་སྣང་མངོན་བྱང་གི་འགྲེལ་པར་བཤད་པའི་ཟླ་ལ་དྲང་ན་རྟ་སྐད་ཀྱི་དོན་ཡང་། སྲོང་བཙན་བཀའ་འབུམ་གྱི་ཅང་ཤེས་བཱ་ལ་ཧའི་ཐད་ལྟར། མི་འཇིགས་པའི་གནས་སུ་འགྲོ་བར་འདོད་པ་སུ་ཡོད། ཅེས་མཐོན་པོར་སྒྲོགས་པ་ལ་བཤད་དགོས་པ་འདྲ། ༈ །རྟ་མགྲིན་དགོངས་པ་ལུང་སྟོན་སོགས་ལས། མཉམ་དང་སྐུལ་དང་རྟགས་ཙམ་འཛིན། །ཞེས་གསུངས་པ་ནི། དབང་ཆེན་གྱི་ཏིང་ངེ་འཛིན་གསལ་བརྟན་ཚད་ལ་ཕེབས་པས་རྟ་སྐད་ཇི་ལྟར་འདོད་པ་བཞིན་དངོས་སུ་ཐོན་པ་ཙམ་གྱི་སྤྱི་ལྡོག་ནས་དཔལ་ཁྲག་འཐུང་དབང་པོ་དངོས་དང་མཉམ་པ་ནི་དང་པོ་སྟེ། །འདི་ནི་དངོས་གྲུབ་ལ་གཙོ་བོར་རང་སྟོབས་ཀྱིས་མངའ་དབང་ཐོབ་པ་སྟེ། རིག་འཛིན་གྲུབ་པ་པོའོ། །དངོས་པོ་ལ་རྟ་སྐད་དེ་ལྟར་མི་ཐོན་ཡང་། ཏིང་ངེ་

― TN03_Page_1037 ―

^{[མ་དཔེ་གཟིགས་ན་འདིར་གནོན།]}

(༦༡༨)འཛིན་ལས་སུ་རུང་བས་བསམ་གཏན་གྱི་རྟ་སྐད་ཙམ་གྱིས་དེ་བཞིན་གཤེགས་པ་རྣམས་དངོས་གྲུབ་ལ་སྐུལ་བའི་དགོས་པ་དངོས་སུ་བྱེད་ནུས་པ་ནི་གཉིས་པ་སྟེ། གཙོ་བོར་གཞན་སྟོབས་ཀྱིས་དངོས་གྲུབ་མང་པོ་ལ་དབང་བསྒྱུར་བའི་སྐབས་སོ། །དབང་ཆེན་གྱི་ལྷ་སྔགས་ཡེ་ཤེས་ལ་རྣལ་འབྱོར་བྱེད་ཀྱང་། རྟ་སྐད་ཀྱི་དྲོད་དེ་འདྲ་གང་ཡང་མ་རྙེད་པ་ནི་གསུམ་པ་སྟེ། རྣལ་འབྱོར་པའི་བརྡ་སྐད་དུ་འཇོག་རྒྱུ་དངོས་ནི། རྟ་སྐད་དངོས་སུ་གྲུབ་པ་དང་། དེ་མ་གྲུབ་ཀྱང་ནུས་པ་ཅུང་ཟད་རྙེད་པའི་བཟླས་པའམ་བཤུག་གླུ་སོགས་དང་། ནུས་པ་མ་ཐོབ་པ་ལས་དང་པོ་པའི་རྟ་མཆོག་གི་བརྡ་སྐད་རྣམས་ཏེ། རྣལ་འབྱོར་པའི་གསུང་རྡོ་རྗེ་རིམ་པ་གསུམ་པོ་འདི་ནི་བསྐྱེད་རིམ་པ་ཁོ་ན་ཡང་ཡོད་དོ། །དེ་ལྟར་བཤད་རུང་ངམ་དཔྱད་དགོས། ༈ །རྟ་སྐད་ཡི་གེར་བརྗོད་ན་ཇི་ལྟར་ཡིན་པ་ནི། བཀའ་བརྒྱད་བདེ་གསང་སོགས་སུ་བཤད་ཚུལ་སྔར་བསྟན་ཟིན་པས་གོང་འོག་སྒྲིགས་ལ་ལྟོས། རྣམ་སྣང་མངོན་བྱང་གི་འགྲེལ་པར། རྟ་མགྲིན་གྱི་རྟ་སྐད་ལ་ཨི་ཧི་ཧི་ཞེས་སྙན་རྒྱུད་རྟ་མགྲིན་གྱིའང་སྐབས་གཅིག་ན་འདི་བཞིན་ཡོད། པ་བཤད་ཅིང་། ཀློང་སྙིང་རིག་འཛིན་འཁྲུལ་འཁོར་ལས་ཀྱང་དེ་ལྟར་བཤད། སྤྱིར་ནི། གཞུང་འདིར། ཡེ་ཤེས་གཟི་འབར་རྔམས་ཞིང་བཞད་པའི་སྒྲསཿ ཞེས་རྟ་སྐད་བཞད་སྒྲ་ཡིན་པར་གསུངས་ཏེ། གསང་སྒྲུབ་ཀྱི་བསྟོད་པར། རྟ་མགྲིན་རྟ་སྐད་བཞད་ལ་ཕྱག་འཚལ་བསྟོདཿ ཅེས་སོགས་དེ་འདྲ་གཞན་

― TN03_Page_1038 ―

^{[མ་དཔེ་གཟིགས་ན་འདིར་གནོན།]}

(༦༡༩)ཡང་ཆེས་མང་ངོ། །བཞད་ཚུལ་ཡང་འདིའི་བྲོ་ཆོག་ཏུ། ཧི་ཧི་ཧི་ཞེས་པ་ལ་ཡང་ཡང་བཤད་པ་སྙན་རྒྱུད་རྟ་མགྲིན་དང་ཡང་ཇི་བཞིན་དུ་མཐུན་ནོ། །དེའང་བསྙེན་སྒྲུབ་ཅི་རིགས་འཁྱོལ་བ་ན། དེའི་སྐབས་རྣམས་སུ་རང་གི་ངག་རླུང་རྡོ་རྗེ་རྟ་སྐད་དུ་འཆར་བའི་བག་ཆགས་བརྒྱུད་མར་བཞག་པས། ངག་ལ་རྟ་སྐད་ཀྱི་སྣང་ཞེན་ཤུགས་ཇེ་ཆེར་འགྲོ། དེས་རྐྱེན་བྱས་ནས་དཔལ་གྱི་རྟ་སྐད་དངོས་རང་འབབ་ཅིང་། དེའང་ཕུལ་ཇེ་ཆེར་རིམ་གྱིས་འགྲོ། །དེའི་ཚེ་སླར་ཡང་རང་གི་ངག་རླུང་ཧི་ཧིའི་གད་རྒྱངས་ཀྱི་རྣམ་པར་བཅོས་པ་འདི་ཉིད་སྒྲུབ་རྟེན་དུ་བཟུང་ནས། བྲོ་རྡུང་དང་སྦྲགས་ནས་ཞག་བདུན་ལ་སོགས་པར་བསྒྲུབ་པས། མཁའ་འགྲོ་མ་དང་། སྲིད་གསུམ་དྲེགས་པའི་རྒྱལ་སྲིད་ལ་དབང་སྒྱུར་ཞིང་། བདུད་ལས་རྣམ་པར་རྒྱལ་བའི་མཐུ་གྲུབ་པར་འགྱུར་བ་ནི། སྒྲུབ་ལུགས་འདིའི་སྨད་ལས་ཐུན་མོང་མ་ཡིན་པ་སྟེ། ཚེ་མཆོག་བདུད་རྩིའི་བསྙེན་པ་སོང་བའི་སློབ་དཔོན་གྱིས་རྩི་སྨན་གྱི་སྦྱོར་བ་སྒྲུབ་གཞིར་བཟུང་སྟེ་ཞག་བདུན་ལ་སོགས་པར་བསྒྲུབ་པས་གྲུབ་པའི་བདུད་རྩི་དངོས་སམ་རྗེས་མཐུན་པར་གྱུར་ནས། སྐོང་དང་གཟི་མདངས་འཆི་མེད་སོགས་སྩོལ་ནུས་པ་དང་འདྲའོ། དེང་སང་རྟ་སྐད་ཀྱི་སྒྲུབ་ལུགས་འདི་རྣམས་ས་འོག་གི་གཏེར་བཞིན་སོང་འདུག་ཀྱང་། བླ་མའི་དྲིན་ཁོ་ནས་བདག་གིས་གཏེར་རྡོལ་བ་བཞིན་དུ་བྱས་ཡོད། ༈ རྟ་སྐད་བྲོ་གར་དང་འབྲེལ་བའི་རྒྱུ་མཚན་ནི་

― TN03_Page_1039 ―

^{[མ་དཔེ་གཟིགས་ན་འདིར་གནོན།]}

(༦༢༠)རྟ་སྐད་ནི་གཞན་ལ་འབོད་ཅིང་སྐུལ་བའི་སྒྲ་ཁོ་ན་མིན་ཏེ། ཤིན་ཏུ་ཆགས་ལྡན་འགའ་ཞིག་བདེ་བས་མྱོས་པ་ན་རྟ་སྐད་འབྱིན་པར་གྲགས་པ་ཡིན་ཏེ། བདེ་སྐད་དམ་ཆགས་སྐད་དོ། །བྲོ་ཡང་སྒྱུ་འཕྲུལ་ལུགས་ཟུར་འཁོད་ལྟར་རིག་མ་དང་ལག་པའི་པདྨ་ལུ་གུ་རྒྱུད་དུ་སྦྲེལ་ནས་འཁྲབ་ཅིང་རྩ་བའི་རྗེས་ཆགས་ཀྱི་སྤྱོད་པ་ཡིན་ལ། དེའང་སྙོམས་འཇུག་གི་དགའ་བའི་རོས་མྱོས་དུས་ཀྱི་ཆགས་སྐད་རྟ་མཆོག་འཚེར་བའི་ང་རོ་དང་སྦྲགས་ན་དགའ་བ་འབར་བ་ལ་མཐུ་ཤིན་ཏུ་ཆེ་བས། ལུས་བྲོ་གར་དང་། ངག་འཚེར་སྐད། སེམས་རྗེས་ཆགས་ཏེ་གསུམ་དང་ལྡན་པས་རིག་མ་ལ་རྩེ་བར་བསྟན་ཏེ། འདོད་ཆགས་རྡོ་རྗེའི་རིགས་ལ་ཅི་སྟེ་མི་བསྔགས། མདོར་ན་བྲོས་བདེ་བ་རྒྱས་པའི་གྲོགས་སུ་རྟ་སྐད་དགོས་པའོ། ༈ །རྟ་སྐད་འདོན་པ་དང་བྲོ་རྡུང་གི་དུས་གཅིག་ནི། མཆོད་པའི་སྐབས་ཏེ། རཏྣའི་རྟ་མགྲིན་གསང་འདུས་སུ། དབང་གི་རྟ་བྲོ་དང་གླུའི་མཆོད་པ་ཞེས་རྟ་རྒྱུད་ནས་བཤད་པའི་གླུ་དྲུག་དང་བྲོ་དྲུག་གིས་མཆོད་པ་དེར་གླུའི་སྔགས་དང་། བྲོའིསྔགས་གཉིས་ཐ་དད་དུ་འབྱུང་བ་ལས། འདི་ནི་བྲོའི་སྔགས་སུ་བྱས་ནས་གསུངས་སོ། །མཆན། ཏེ་ན་ཏེ་ཏེའི་སྔགས་དང་བཅས་པ་གསུངས་ཏེ། འདི་ནི་རྟ་མགྲིན་གྱི་ཐུགས་དམ་རྩ་བ་ཡིན་ཚུལ་བཤད་ཟིན་ལྟར་མཉེས་པའི་མཆོད་པ་མཆོག་གོ །དེ་ལྟར་སྦྱོར་ན་ནི་ཁ་སྐོང་ཕྲིན་ལས་ཀྱི་ཕྱག་རྒྱ་གར་མཆོད་ལ་ཡེ་ཤེས་གླུའི་མཆོད་པའང་ཡོད་པར་མཆོད་སྔགས་ཀྱིས་ཤེས་

― TN03_Page_1040 ―

^{[མ་དཔེ་གཟིགས་ན་འདིར་གནོན།]}

(༦༢༡)པས། དེར་རྟ་བྲོ་དང་འཚེར་གླུའི་མཆོད་པའི་དམིགས་རིམ་བསྐྱང་བས་ཆོག་པ་འདྲ་ལ། དེ་ལས་ཀྱང་སྤྲོ་ན་ཐུགས་ཏིག་འདི་ཀའི་བཀའ་བརྒྱད་ཀྱི་གླུ་གར་མཆོད་པའི་སྐབས་སུ། མ་ཧཱ་ཛྙཱ་ན་ཏེ་ན་ཧཱུཾཿ ཏེ་ན་ཏེ་ཏེ་ཧཱུཾཿ ཞེས་འབྱུང་བ་དེ་གདངས་འགྱུར་མཐོ་དམན་རིང་ཐུང་ཇི་ལྟར་འདོད་པས་གླུར་ལེན་ཅིང་། བྲོ་གར་ཡིད་ལ་གང་ཤར་བཞིན་བྱས་ནས་ཉམས་སྦར་བ་ཡང་རུང་བ་འདྲ་སྟེ། ཐང་སྟོང་སྙན་རྒྱུད་ལས་ཀྱང་། ཏེ་ན་ཏེ་ཏེའི་སྔགས་ཀྱིས་བྲོ་གར་སྣང་བ་ལ་གང་དྲན་བྱས་པས་མཁའ་འགྲོ་མ་རྣམས་ཆགས་ཤིང་གདུང་བར་འགྱུར་བར་ཕག་མོའི་སྐབས་སུ་གསུངས་སོ། །འདི་ནི་ལས་སྒྲུབ་ཀྱི་རྟ་བྲོ་གཏན་མིན་ཏེ། རྟ་གསང་དུའང་བྲོ་མནན་གྱི་ཚིག་ལྟ་བུ་ཡེ་མེད་དོ། །མཆོད་པའི་གླུ་བྲོ་ནི་སྒྱུ་འཕྲུལ་ལས། གླུ་ཚིག་བྲོ་གར་རོལ་མོ་ཡི། །སྤྲིན་ཕུང་ཚོགས་ཀྱིས་རབ་ཏུ་མཆོད། །ཅེས་པ་ལྟ་བུའོ། །དཔྱོད། འདི་དག་ནི། སྤྱིར་འདི་འདྲའང་རུང་དམ་ཞེས་དཔྱད་གཞིར་བཀོད་ཀྱི། གཞུང་རང་ན་གསལ་ཁ་མི་སྣང་ཞིང་། བཀའ་བརྒྱད་སྤྱིའི་ཁོག་ནས་ཀྱང་ཆེར་མ་ཐོན་པས། ཕྱག་རྒྱ་གར་མཆོད་ཅེས་པའི་གར་གྱི་དོན་དངོས་ནི་ལག་པའི་ཕྱག་རྒྱ་སོགས་སྒྱུ་འཕྲུལ་པའི་ཕྱག་རྒྱ་བདུན་སྦྲགས་ལ་བྱ་དགོས། བཀའ་བརྒྱད་གསང་རྫོགས་ཀྱི་སྒོམ་ཁོག་སོགས་ལས་ཀྱང་བཤད་དེ། དེར་ནི། ཕྱག་རྒྱ་གར་མཆོད་ལ་ཕྱག་རྒྱའི་མཆོད་པ་རྒྱས་པར་སྤྲོས་ནས། དེའི་འོག་ཏུ་གླུ་བྲོའི་མཆོད་པ་ཛྙཱ་ན་ཏེ་ཏེའི་སྔགས་

― TN03_Page_1041 ―

^{[མ་དཔེ་གཟིགས་ན་འདིར་གནོན།]}

(༦༢༢)དང་བཅས་པ་འབྱུང་སྟེ་སོ་སོར་མཛད་དོ། ༈ །བདེ་འདུས་བྲོ་མནན་ཆེན་མོར། དབུས་ཀྱི་རྟ་སྐད་ལྷང་ལྷང་ཐེང་གཅིག་གིས༔ རྣལ་འབྱོར་ཡལ་གམ་ཅན་ལ་དངོས་གྲུབ་སྟེརཿ གཡོན་གྱི་རྟ་སྐད་ལྷང་ལྷང་ཐེང་གཅིག་གིས༔ སྣང་སྲིད་ལྷ་སྲིན་སྡེ་བརྒྱད་དབང་དུ་སྡུདཿ ཅེས་གསུངས་ཏེ་བསྐུལ་ཆེན་དང་མི་འདྲའོ། ༈ །སྤྱི་མདོའི་གསང་སྔགས་འབྱུང་བའི་གནས་སྐབས་བཅུ་གཉིས་ཀྱི་དྲུག་པ། གདུལ་བྱའི་སྐབས་ལ་བབས་པ་ན་ཡང་འབྱུང་། ཞེས་པའི་རྒྱས་བཤད་དུ། སྔོན་རུ་ཏྲས་འཇིག་རྟེན་གསུམ་ལ་དབང་བསྒྱུར་བ་ན། ཁོའི་མཐུས་འགྲོ་བ་རྣམས་ཀྱི་སེམས་དང་སྤྱོད་པ་ཤིན་ཏུ་འཁྲུགས་ཏེ་ཕྱིན་ཅི་ལོག་ཏུ་སོང་ཞིང་། དེའི་དབང་གིས་སྣོད་བཅུད་ཐམས་ཅད་ཆེས་ཆེར་སྙིགས་ཤིང་རྒུད་པར་གྱུར་པའི་ཚེ། འཇིག་རྟེན་དབང་ཕྱུག་རྡོ་རྗེ་རྟའི་གདོང་པ་ཅན་སངས་རྒྱས་རྣམས་ཀྱིས་བསྐུལ་ཏེ། རྒྱ་མཚོའི་དོ། ལང་ཀའི་གྲོང་རྡལ་གྱི་དབུས། རིའི་རྒྱལ་པོ་མ་ལ་ཡའི་རྩེར་བྱོན་ནས། ཁམས་གསུམ་ཡོངས་སྒྲོལ། དུག་གསུམ་གཏན་སྤྲུགས་པའི་སྤྱོད་པ་མཛད་ཚུལ་རྒྱ་ཆེར་གསུངས་པའི་སྐབས་སུ་རྟ་སྐད་བཤད་པའི་ཚུལ་ནི། རུ་ཏྲ་ལ་གདུང་བ་བསྐྱེད་པ་ན། ཁོས་རང་གི་བཀའ་འོག་གི་འཇིག་རྟེན་གྱི་དབང་ཕྱུག་ཆེན་པོ་རྣམས་དམག་སྡེ་དང་བཅས་པ། དམོད་པ་གྲུབ་པའི་མཐུ་འབྱུང་པོ་

― TN03_Page_1042 ―

^{[མ་དཔེ་གཟིགས་ན་འདིར་གནོན།]}

(༦༢༣)། ཐམས་ཅད་ཀྱིས་བཟོད་པར་དཀའ་བའི་ངག་གིས་རམ་ཟླར་བསྐུལ་ཏེ། དཔུང་ཚོགས་བྱེ་བ་དཔག་མེད་ཀྱི་སྤྲིན་གཏིབས་ནས། བདུད་ཀྱི་སྒྱུ་འཕྲུལ་གྱི་དྲྭ་བ་བཀྲམ་པ་ན། རྟ་མཆོག་ཧེ་རུ་ཀས་རྡོ་རྗེས་གསུམ་གྱི་དཀྱིལ་འཁོར་གནོན་པའི་འདུར་གླུ་བླངས་པར་གསུངས་ཏེ། དེའང་ཧྲཱིཿབླང་བར་བཤད་དོ། འདུར་གླུའི་བསྟན་དོན་ནི། དགའ་རབ་དབང་ཕྱུག་སོགས་ལ་འདོད་དབང་སྟོང་ལས་ལྷག་པར་སྒེགས་པའི་གར་དང་། གཤིན་རྗེའི་རྒྱལ་པོ་སོགས་ལ་གཤིན་རྒྱལ་སྟོང་ལས་ལྷག་པར་འབར་ཞིང་ཁྲོ་བའི་གར་དང་། ཚངས་པ་སོགས་ལ་ཚངས་ཆེན་སྟོང་ལས་ལྷག་པར་ཞི་བའི་གར་རམ་ཉམས་ཀྱི་འགྱུར་བ་སྟེ། མདོར་ན་རྒྱལ་བ་ཀུན་གྱི་སྐུ། མཐུན་པས་མཐུན་པ་འདུལ་བའི་ཉམས་ཐ་དད་དུ་ཤིན་ཏུ་བསྒྱུར་བའི་སྤྲུལ་པའི་རྒྱུད་ཀྱིས་འཇིག་རྟེན་གསུམ་རྒྱས་པར་བཀང་སྟེ། རུ་ཏྲ་དང་། དེའི་དཔུང་དྲེགས་པའི་གཙོ་བོ་ཐམས་ཅད་ཤིན་ཏུ་ཟིལ་གྱིས་ནོན་ཅིག །དེ་དག་གི་དགའ་མའི་ཚོགས་རྣམས་དྲོངས་ཤིག་གམ་འགུག་པར་གྱིས་ཤིག །ཉོན་མོངས་ཤིན་ཏུ་ཤུགས་དྲག་ལ་སྤྱོད་པའི་སེམས་ཅན་རྣམས་གདུལ་དཀའ་སླའི་ངེས་པ་ལ་མི་ལྟོས་པར་སྔགས་ཀྱི་ཐབས་མཁས་ཀྱིས་ཐུལ་ཅིག །ཅེས་པ་ཡིན་པར་བཤད། དེ་ལྟར་འདུར་གླུ་བླངས་པས། བདུད་ཀྱི་དམག་ཚོགས་རྣམས་ནི་རེངས་ཏེ་བག་འཁུམ། མཚོན་ཆའི་སྤྲིན་ཕུང་ནི་སྟོང་པ་ཉིད་དུ་སངས། མི་སྙན་པའི་

― TN03_Page_1043 ―

^{[མ་དཔེ་གཟིགས་ན་འདིར་གནོན།]}

(༦༢༤)ངག་རྒྱ་མཚོ་ནི་ཐེག་པ་ཆེན་པོ་གསང་སྔགས་ཀྱི་སྒྲར་སྣང་བར་གྱུར་ཏོ་ཞེས་བཤད་དོ། །དགེ་བྱེད་ལོ་མཇུག་ནས་དཔྱད་པ་གཙང་དུ་སོང་བ་རྣམས་སླར་ཡང་མཐུད་དེ་བྲིས་པ། ལར་དོགས་པ་ཆེ་བ་ནི། །སྒྲུབ་སྡེ་འདི་ལ་པདྨ་གསུང་རྟ་སྐད་ཀྱི་སྒྲུབ་པ་ཞེས་གྲགས་པས་རྟ་སྐད་ཀྱི་ཏིང་ངེ་འཛིན་རྒྱུན་ལྡན་དུ་སྐྱོང་བ་ཞིག་ལ་བསྙེན་སྒྲུབ་ཀྱི་སྲོག་འཆོལ་དགོས་པར་སྣང་ཡང་། འདི་དང་སྙན་རྒྱུད་རྟ་མགྲིན་སོགས་སུ་ཛབ་དགོངས་སྤྱི་ཁྱབ་ལྟར་ལས་མ་བཤད་པ་ཅི་ཞེས་པ་སྟེ། འདི་ལ་སྤྱིར་ཐུན་རེ་བཞིན་རྟ་སྐད་ཀྱི་སྣང་ཞེན་སྐྱོང་རྒྱུ་ནི་དངོས་བསྟན་ལའང་མི་གསལ་བ་མིན་ཏ། སྤྱི་གཙུག་རྟ་གདོང་རྔམ་བཞད་འཚེརཿ ཞེས་སོ། །འོན་ཏེ་རྟ་སྐད་དེ་ཉིད་ཛབ་དགོངས་སུ་བྱས་ནས་སྐྱོང་རྒྱུ་བསྟན་མ་བསྟན་ནི་ཅུང་དཀའ་བས་དཔྱད་ན། སྤྱིར་ཧེ་རུ་འདི་རྗེས་ཆགས་ཀྱི་ངོ་བོ་ཉིད་ཡིན་པ་དང་། འགྲོ་སྒྲོལ་གྱི་ཤུགས་ཆེ་ཞིང་མྱུར་བ་སོགས་ཀྱིས་རྟ་མཆོག་ཏུ་བཤད་དེ། ཚུལ་དེས་རང་ཉིད་རྟ་མཆོག་ཡིན་པའི་མཚོན་བྱེད་དུ་དབུ་གཙུག་ནས་རྟ་གདོང་ཞལ་གྱི་ཕྱག་རྒྱ་བར་སྤྲུལ་པ་ཡིན་གྱི། རྟ་མགོ་ཡོད་པས་རྟ་མགྲིན་དུ་ཚུར་བཞག་པ་ཡེ་མིན་ནོ། །དེ་བཞིན་དུ་བཅོམ་ལྡན་འདས་འདིའི་གསུང་ཡང་རིལ་གྱིས་རྟ་སྐད་དུ་བཤད་རྒྱུ་ཡིན་གྱི། རྟ་སྐད་ཅེས་བྱས་ཚེ་རྟ་གདོང་གི་ཁ་ལས་སྐྱེས་པ་འབའ་ཞིག་མི་དགོས་ཏེ། རྟ་བྲོ་ཞེས་པའང་རྟ་མགྲིན་གྱི་ཞབས་བྲོ་ལ་ཟེར་གྱི། རྟ་རྨིག་གི་རྣམ་པས་འཁྲབ་པར་སྒོམ་

― TN03_Page_1044 ―

^{[མ་དཔེ་གཟིགས་ན་འདིར་གནོན།]}

(༦༢༥)མི་དགོས་པ་བཞིན་ནོ། །དེ་ལྟར་འཕགས་པ་འདིའི་གསུང་ཐམས་ཅད་རྗེས་ཆགས་ཀྱི་གླུའི་རང་བཞིན་གྱི་རྟ་སྐད་ཁོ་ན་ཡིན་པའི་མཚོན་བྱེད་དུ། དབུ་གཙུག་གི་རྟ་ཞལ་ལས་རྟ་སྐད་དངོས་འབྱིན་པར་ཟད་དེ། སྒྲུབ་ཐབས་སྒོམ་དུས་སུའང་རང་གི་ངག་རླུང་ཐམས་ཅད་རྟ་སྔགས་སུ་བལྟ་ཞིང་། རྟ་སྔགས་ཀྱང་རྟ་སྐད་ཁོ་ན་ཡིན་པའི་བརྡ་རྟགས་སུ་སྤྱི་བོ་ནས་རྟ་སྐད་དངོས་འབྱིན་བཞིན་པར་བལྟ་ཡི། རྩ་ཞལ་སོགས་ནས་འབྱུང་བའི་སྔགས་སྒྲ་རྟ་སྐད་མིན་པ་དང་། རྟ་སྐད་རྟ་གདོང་ཁོ་ན་ལས་འབྱུང་དགོས་པར་ནི་མི་བཟུང་ངོ་། །མདོར་ན་ལྷ་འདིའི་གསུང་གསང་སྔགས་ཀྱི་བརྗོད་པ་ཐམས་ཅད་ཆགས་པའི་རྟ་སྐད་ཀྱི་ངོ་བོ་ཉིད་ཡིན་པ་འདི་ནི་གསང་སྔགས་དེ་དག་གི་ཐུན་མོང་མ་ཡིན་པའི་ཁྱད་ཆོས་ཆེན་པོ་ཡིན་ལ། དེའི་རང་རྟགས་སུ་སྤྱི་གཙུག་ཏུའང་རྟ་སྐད་དངོས་རང་བཞག་ལ། དི་ཉིད་རྟ་ཛབ་རྟ་སྐད་ཡིན་པའི་དྲན་པའི་འཛིན་ཕུར་དུ་བྱས་ཏེ། ཛབ་བཟླས་ལ་བརྩོན་པས། ནམ་ཞིག་བཟླས་བརྗོད་ལ་རྟ་སྐད་དངོས་ཀྱི་ནུས་པ་སྐྱེས་པ་ན། དེའི་རྟགས་མཚན་དུ་སྤྱི་གཙུག་ནས་རྟ་སྐད་སྒྲ་རྟ་སྔགས་ཀྱི་བྲག་ཆ། བརྙན་ལྟ་བུར་ཐོན་འོང་བ་ཡིན་གྱི། ཛབ་ལ་རྟ་སྐད་དུ་ཤེས་པས་རྒྱས་བཏབ་ནས་བཟླ་བ་མིན་པའི། རྟ་སྐད་གཙུག་འབྱིན་གྱི་གནད་ཟུར་དུ་འཚོལ་བ་ངལ་བ་ཙམ་མོ། །དེས་ན་རྟ་མགྲིན་གྱི་ཛབ་འདི་དང་པོ་ཟློ་དུས་ནས་སྒྲུབ་སྡེ་གཞན་ལས་ཀྱང་ཆེས་ལྷག་པར་ལྷ་དང་མཁའ་འགྲོ་དམ་

― TN03_Page_1045 ―

^{[མ་དཔེ་གཟིགས་ན་འདིར་གནོན།]}

(༦༢༦)ཅན་ཐམས་ཅད་རང་འཁོར་དུ་འོང་ཚབ་ཆེ་བའི་གནད་གཅིག་ཡོད་དེ། ཛབ་རྟ་སྐད་དབང་གི་གླུར་བྱས་ནས་ཟློ་བ་འདི་སྒྲུབ་སྡེ་གཞན་ལ་མེད་པའི་ཕྱིར་རོ། །མཁའ་འགྲོ་དམ་ཅན་རྣམས་དགྱེས་ནས་འདུས་པ་ཙམ་གྱིས་བདུད་བགེགས་བར་ཆད་བྱུར་དང་མི་ཤིས་པ་ཐམས་ཅད་དྲག་ཤུལ་གྱི་གཟི་བརྗིད་རྣོན་པོ་ཅན་དེ་དག་གི་མདུན་དུ་གནས་མི་ནུས་ཤིང་། མེ་ཕུང་གི་འཁོར་དུ་གྲང་རེག་ལྟར་མཐུ་མེད་པར་འགྱུར་བས་བར་ཆད་སེལ་ཐབས་ཀྱང་ཟབ་པའི་ཕུལ་ཡིན་ནོ། །མཆན། བདེ་འདུས་ཀྱི་མ་ཚང་ཁ་སྐོང་རྒྱུད་ལས་རྟ་མགྲིན་གྱི་སྒྲུབ་ལུགས་ལ་བསྙེན་སྒྲུབ་གསུམ་གྱི་བཟླས་ཛབ་གཙོ་བོར་བྱེད་པའི་རྒྱུ་མཚན་གྱིས་གསུང་གི་སྒྲུབ་པར་བཤད་ཅེས་གསུངས་པའང་དེ་ལ་དགོངས་ཤིང་། འདི་ཉིད་ལས། དབང་ཆེན་རྟ་སྐད་བཞད་པའི་སྒྲཿ ནུས་པ་སྔགས་ཀྱི་ཕྲེང་བ་ཡིསཿ ཞེས་བཟླས་སྔགས་ཉིད་རྟ་སྐད་དུ་གསུངས་སོ། །དེའང་བདག་དོན་ཡེ་ཤེས་སྒྲུབ་པ་སྟོད་ལས་ཀྱི་ཛབ་ཀྱི་ཚེ། དེའི་རང་རྟགས་སུ་སྤྱི་གཙུག་གི་རྟ་མགོས་ཀྱང་ལྟ་བར་དགོངས་པའི་རྟ་སྐད་རྩལ་བཏོན་དུ་སྒྲོགས་པ་དང་། གཞན་དོན་ཕྲིན་ལས་སྒྲུབ་པ་སྨད་ལས་ཀྱི་ཛབ་ཀྱི་ཚེ་རྟ་མགོས་ཀྱང་དེའི་རྟགས་སུ་སྤྱོད་པར་དགོངས་པའི་རྟ་སྐད་འབྱིན་ཏེ། ཛབ་ཇི་ལྟར་བསྒྱུར་བ་དེ་ལྟར་དེའི་སྒྲ་བརྙན་རྟ་མགོའི་འཚེར་སྐད་ཀྱང་འགྱུར་འགྲོའོ་སྙམ་སྟེ་ད་དུང་དཔྱད། འོ་ན་བདེ་འདུས་ཐར་མ་སོགས་ལས་སྤྱི་གཙུག་རྟ་ཞལ་གྱི་འཚེར་སྐད་ཁོ་ན་བཤད་པ་ཅི་ཞེ་ན། འདིའི་ལན་འདེབས་ཚུལ། དེ་ཁོ་ན་བཤད་པ་མ་གྲུབ་སྟེ། སྤྱི་བོའི་རྟ་སྐད་

― TN03_Page_1046 ―

^{[མ་དཔེ་གཟིགས་ན་འདིར་གནོན།]}

(༦༢༧)བཤད་པ་ཉིད་ཀྱིས་རྟ་སྔགས་སྤྱིར་བཤད་པ་ཡིན་པའི་ཕྱིར་རོ། །ཞེས་ཟུར་འཁོད་ལྟར་དགོས་ཀྱང་འདིར་ཐག་ཆ་འཛིང་བ་ལྟར་སོང་ཡོད། དེར་ནི་སྔོན་བྱུང་ཧེ་རུ་ཀ་ཉིད་ཀྱིས་སྒྲ་ཚིག་ཐམས་ཅད་འདོད་ཆགས་ཆེན་པོའི་ཡེ་ཤེས་ཀྱི་རང་སྒྲར་འཆར་བའི་རྣལ་འབྱོར་ལ་སྦྱང་བ་མཐར་ཕྱིན་པའི་རྒྱུ་མཐུན་རྟགས་ཀྱི་ཕྱག་རྒྱ་ཐུན་མོང་མ་ཡིན་པ་ཇི་ལྟ་བུ་བརྙེས་པ་དེ་གཙོ་བོར་བྱས་ནས་བཤད་ཅིང་སྒྲུབ་ཐབས་སུ་ནི་རྗེས་འཇུག་རྣལ་འབྱོར་པས་རྩོམ་པ་དང་པོ་ལ་རྟ་སྐད་སྒྲུབ་ཚུལ་གཙོ་བོར་མཛད་ནས་བཤད་པའི་ཁྱད་དོ། །དེའང་སྤྱིར་པདྨ་གསུང་གི་ཁྱད་ཆོས་གཙོ་བོ་དེ་གང་ཡིན་འཆད་པ་ཡིན་ན། དེ་རྩོལ་པ་དང་པོ་ལ་གང་གི་སྟེང་ནས་སྒྲུབ་པ་དང་བསྟུན་ཏེ་འཆད་མི་དགོས་ཀྱི། སྤྱིར་དེ་ལ་གསུང་གི་ཁྱད་ཆོས་ཐུན་མོང་མ་ཡིན་པ་ཇི་ལྟ་བུ་ཡོད་པ་དེ་འཆད་དགོས་ལ། དེའི་ཚེ་གསུང་རིགས་སྔགས་ཀྱི་རང་ལྡོག་ཙམ་ནས་བསྟན་ན་ནི་སྒྲུབ་སྡེ་གཞན་དང་ཐུན་མོང་བར་འགྲོ་བས་རྟ་སྐད་ཀྱི་ལྡོག་པ་ནས་བསྟན་པར་བྱ་ཞིང་། སྐུ་གསུང་གཉིས་གདུལ་བྱ་གཞན་སྣང་གི་ཡོན་ཏན་ཡིན་པས་གསུང་རྟ་སྐད་དུ་འཇོག་པའང་གདུལ་བྱས་རྟ་སྐད་དུ་གསལ་པོར་ཤེས་པ་ཞིག་ལ་བྱེད་པའི་ཕྱིར་རྟ་སྐད་ཀྱི་དེ་ཉིད་ཚང་བ་ཙམ་གྱིས་མི་ཆོག་རྣམ་པའང་རྟ་སྐད་ཡིན་པ་ཅིག་གི་སྟེང་ནས་གསུང་གི་དགོས་དེ་འདིའི་གསུང་གི་དགོས་ཆོས་གཙོ་ཆེ་ཤོས་སམ་གསལ་ཤོས་ཡིན་པས་སོ། །མཆན་ཆོས་བསྟན་དགོས་སོ། །ད་ལྟ་རྣལ་འབྱོར་པས་གསུང་དེ་སྒྲུབ་ལུགས་འཆད་པ་ཡིན་ན་ནི། །སྤྱིར་འདི་ལ་དགོས་

― TN03_Page_1047 ―

^{[མ་དཔེ་གཟིགས་ན་འདིར་གནོན།]}

(༦༢༨)ཆོས་ཇི་འདྲ་ཡོད་བསྟན་པ་ཙམ་གྱིས་མི་ཆོག་གི །ད་ལྟ་ནས་རང་གི་ངག་རླུང་འདི་གསུང་དེའི་བཟླས་བརྗོད་ཀྱི་ངོ་བོར་སྒྲུབ་པའི་ཚུལ་དང་། དེ་ལས་པདྨ་གསུང་ཞེས་པའི་གསུང་གི་ཁྱད་ཆོས་ཐུན་མིན་དེའང་འགྲུབ་འོང་བ་ཞིག་བསྟན་ནས། དེ་དང་གཙོ་བོར་སྦྱར་བའི་འཆད་ཚུལ་ལ་རྩལ་འདོན་དགོས་སོ། །དེས་ན་སྤྱིའི་འཆད་ཐབས་སུ་སྤྱི་བོའི་རྟ་སྐད་དང་། སྒྲུབ་ཐབས་སུ་བཟླས་སྔགས་ལ་སྦྱར་ནས་བཤད་པར་ཤེས་པར་བྱའོ། །མདོར་ན་དཔལ་ཧེ་རུ་ཀས་སྔོན་སྤྱི་བོའི་རྟ་སྐད་ཀྱིས་དམ་ཅན་ལས་ལ་བཀྱེ་བའི་ཆོ་འཕྲུལ་མཛད་པ་ནི། རྗེས་འཇུག་ལ་དངོས་གྲུབ་ཀྱི་སྒོ་བྱིན་གྱིས་བརླབས་པ་སྟེ། འདི་ལྟར་རྗེས་འཇུག་རྣམས་རྟ་སྐད་ཀྱི་སྒོ་ནས་ཁམས་གསུམ་ལས་རྣམ་པར་རྒྱལ་བའི་སྲིད་ཐོབ་པར་བྱ་བའི་ཕྱིར་རོ། །འདི་སྤྱིར་ཡང་མཁོ་རྒྱུ་ཞིག་རེད་དོ། །ཅི་སྟེ་དབུ་གཙུག་གི་རྟ་སྐད་ཀྱིས་ལྷ་འདི་ཉིད་རང་དང་། འདིའི་སྐུ་དང་། སྔགས་དང་། ཡེ་ཤེས་ཐམས་ཅད་རྟ་མཆོག་དང་། རྟ་མཆོག་གི་རིགས་ཀྱི་སྐུ་དང་སྔགས་དང་ཡེ་ཤེས་སུ་བསྟན་ནས། འདིའི་ལམ་རིམ་གྱི་ཁོག་ཐམས་ཅད་རྟ་མཆོག་གི་རིག་ཀྱི་དེ་ཉིད་ཀྱི་སྒྲོམ་དུ་བཅུག་ནས་སྒྲུབ་ཚུལ་གསལ་བར་མཚོན་ནུས་པ་མ་ཡིན་ནམ། དེའི་ཕྱིར་དེ་ཐམས་ཅད་ཀྱི་སྣང་ཞེན་བརྟན་པའི་འཛིན་ཕུར་དུ་སྤྱི་གཙུག་གི་རྟ་གདོང་བཞད་པའི་དབྱངས་དེ་བཏབ་ནས་བསྒོམ་པས། དེ་རྣམས་ཀྱི་སྣང་

― TN03_Page_1048 ―

^{[མ་དཔེ་གཟིགས་ན་འདིར་གནོན།]}

(༦༢༩)ཞེན་ལ་ནུས་པ་ཐོན་པ་ན། །གྲུབ་རྟགས་སུ་དཔལ་གྱི་རྟ་སྐད་སྤྱི་གཙུག་ནས་རང་གི་ངང་གིས་ཐོན་ཕུར་པའི་སྐབས་བསྙེན་ཕུར་འབར་དང་བཞད་པ་སོགས་ཀྱི་དོད་ཡིན། འོང་བ་ཡིན་པས། དེ་བཟླས་བརྗོད་ཁོ་ན་ལ་སྦྱོར་བ་ཅི་ལྟར་རིགས་ཤེ་ན། དེ་ལའང་ཞི་བ་ཆ་ཕྱེ་ན། སྐུའི་སྣང་ཞེན་གྲུབ་རྟགས་སུ་རྟ་ཞལ་རྨ་བྱའི་མདོག་ཅན་སྤྱི་བོ་ནས་དངོས་སུ་ཐོན་པ་དང་། གསུང་གི་སྣང་ཞེན་གྲུབ་རྟགས་དེ་ལས་རྟ་སྐད་ཀྱི་རོལ་མོ་འཁྲོལ་བ་དང་། ཐུགས་ཀྱི་གྲུབ་རྟགས་བདེ་སྟོང་གི་ཉམས་ཚད་བཟུང་མེད་པར་འབར་བའི་ཁྱད་ཡོད་པས། གཙོ་ཆེ་བའི་དབང་དུ་བཏང་སྟེ་གསུང་བཟླས་པ་སྔགས་ལ་སྦྱར་བ་འཐད་དོ། །འོན་ཀྱང་སྤྱིར་རྟ་མགྲིན་གྱི་སྐུ་དང་ཐུགས་དང་ཕྲིན་ལས་སོགས་ཀྱང་གསུང་གི་རིགས་ཡིན་པས། དེ་དག་གི་མཚོན་རྟགས་སུ་རྟ་སྐད་འཇོག་པའི་རྣམ་གཞག་ཀྱང་འདོད་པར་ནི་བྱ་སྟེ། གསང་སྔགས་ལ་ཤན་འབྱེད་པའི་རྟ་སྐད་ཀྱིས་ཤེས། དེའི་དབང་དུ་ན་སྒྲུབ་ལུགས་འདིའི་སྐུ་ཕྱག་རྒྱའི་རྣལ་འབྱོར་སོགས་ཀྱང་གསུང་རྟ་སྐད་སྒྲུབ་བྱེད་དུ་འགྱུར་ཏེ། དེ་དག་གི་རྟགས་ཚད་མཐིལ་གཏད་སའང་རྟ་སྐད་ལ་བྱེད་པའི་ཕྱིར་རོ། །དེའི་སྤྱིར་ཡང་སྒྲུབ་ལུགས་འདི་ལ་གསུང་རྟ་སྐད་ཀྱི་སྒྲུབ་པ་ཞེས་བྱ་བ་ཡིན་ནོ། །ཡང་ན་ཐ་རམ་གྱི་དགོངས་པ་འདི་ལྟར་བཤད་དེ། དཔལ་ཧེ་རུ་ཀའི་སྐུ་ཕྱག་རྒྱའི་དང་། གསུང་བཟླས་པའི་དང་། ཐུགས་འོད་གསལ་གྱི་རྣལ་འབྱོར་སོགས། ལམ་འབྲས་བུ་དང་བཅས་པ་དང་། ལམ་གྱི་ཆ་རྐྱེན་ཕྲིན་

― TN03_Page_1049 ―

^{[མ་དཔེ་གཟིགས་ན་འདིར་གནོན།]}

(༦༣༠)ལས་ཀྱི་སྦྱོར་བ་ཡོངས་རྫོགས་རྟ་སྐད་ཁོ་ནའི་སྟེང་ནས་བཤད་པ་འདིས་སྒྲུབ་ལུགས་འདི་ལ་གསུང་དང་། དེ་ལས་ཀྱང་རྟ་སྐད་གཙོ་བོར་བྱེད་པར་སྟོན་ལ། བྱེད་ཚུལ་ཡང་ལམ་འབྲས་ཆ་ལག་དང་བཅས་པ་ཐམས་ཅད་རྟ་སྐད་ཀྱི་དེ་ཉིད་དུ་བྱེད་པ་དང་། རྟ་སྐད་དེ་རྣམས་ཀྱི་མཚན་མར་འཛིན་ཚུལ་དང་། ཚུལ་དེ་གཉིས་ནི་འདིའི་ལམ་འབྲས་ཆ་ལག་དང་བཅས་པ་གང་ལ་བསླབ་ཀྱང་སྤྱི་བོའི་རྟ་སྐད་སྒྲུབ་པའི་ཐབས་འབའ་ཞིག་ཏུ་ཧྲིལ་ཧྲིལ་འགྲོ་བའི་གནད་དམར་བཅང་མར་བསྟན་པ་སྟེ། ཞེས་པ་ལྷག་པར་ཇེ་གསལ་དུ་བཏང་བའོ། །དེ་ལྟར་འབད་ནས་སློབ་པ་ནི་སྒྲུབ་སྡེ་འདི་གྲུབ་རྟགས་ཀྱི་གཙོ་བོ་རྟ་སྐད་གཙུག་ནས་འབྱིན་པའི་གནད་དངོས་གཞི་ཡིན་པར་བསྟན་པ་སྟེ། རྟ་སྐད་ལ་བཟླས་སྒོམ་བྱེད་པ་རལ་གྲི་སྒྲུབ་པ་དང་འདྲ། རྟ་སྐད་སྤྱི་བོ་ནས་ཐོན་པ་དེ་རལ་གྲི་འབར་བ་དང་འདྲ། དེ་ལྟར་གྲུབ་པའི་རྟ་སྐད་ཐོབ་ནས་ལས་དང་ཡེ་ཤེས་ཀྱི་དངོས་གྲུབ་རབ་འབྱམས་ལ་དེ་ཉིད་ཀྱིས་དབང་སྒྱུར་བ་རལ་གྲི་དངོས་གྲུབ་ཏུ་འགྱུར་ཚུལ་དང་འདྲ་བས། རྟ་སྐད་དངོས་གྲུབ་ཀྱི་རྟགས་མཚན་ནམ་ཕྱག་རྒྱར་བཤད་པ་ནི་རྟགས་མཚན་གཞན་དང་མི་འདྲའོ། །འདིའི་ཁྱད་པར་གྱི་དངོས་གྲུབ་གཙོ་ཤོས་རང་ཡིན་པས་སོ། །འདིའི་རྟ་སྐད་ནི་སྤྱི་བོའི་རྟ་སྐད་དོ། །དེ་ལྟར་ན་འདིའི་སྒྲུབ་ཐབས་ཀྱི་རིམ་པ་ཐམས་ཅད་སྤྱི་བོའི་རྟ་སྐད་མ་གྲུབ་པ་སྒྲུབ་པ་དང་། གྲུབ་པ་ཁྱད་པར་དུ་འགྲོ་བའི་སྒྲུབ་ལུགས་སུ་མཛད་ནས་སྟོན་པས། པདྨ་གསུང་གི་སྒྲུབ་པ་ཐམས་ཅད་རྟ་སྐད་ཀྱི་སྒྲུབ་པར་བསྡུས་ནས་འཆད་པ་ཞེས་ཡང་ཡང་གསུངས་པ་སྟེ། དེའི་ཕྱིར་བཟླས་པ་རྟ་སྐད་དུ་འཇོག་པའང་འབུར་

― TN03_Page_1050 ―

^{[མ་དཔེ་གཟིགས་ན་འདིར་གནོན།]}

(༦༣༡)དོད་དུ་མ་གསུངས་པ་མ་གཏོགས། བཤད་པའི་སྒྲོམ་ན་ཚང་བར་ཡོད་དོ། །དེའང་སྤྱིར་ཐེག་རིམ་དང་། ས་ལམ་ལ་སྦྱར་བའི་དགོངས་པ་གཉིས་དང་། བྱེ་བྲག་ཏུ་དབང་ཆེན་གྱི་རྡོ་རྗེ་གསུམ་གྱི་རྣལ་འབྱོར་དང་སྦྱར་བ་རྣམས་ཀྱིས་ནི་ཡེ་ཤེས་དག་པའི་རྟ་སྐད་སྒྲུབ་པར་བྱེད་ལ། སྤྱོད་པར་དགོངས་རྟ་སྐད་སྤྱོད་པར་དགོངས་པའི་དགོངས་པ་རྣམས་ཀྱིས་ནི། ཞེས་ཟེར་དགོས། པའི་རྟ་སྐད་རྣམས་ཀྱིས་ནི་དབང་དྲག་ལས་ཀྱི་རྟ་སྐད་སྒྲུབ་བོ། །སྤྱི་བོའི་རྟ་སྐད་སྒྲུབ་ཚུལ་འབའ་ཞིག་གི་སྒྲོམ་ནས་སྤྱིར་ཐེག་དགུའི་རྟོགས་རིགས་དང་། ས་ལམ་གྱི་རིམ་པ། བྱེ་བྲག་དབང་ཆེན་ཧེ་རུ་ཀའི་ལྷ་སྔགས་ཆོས་གསུམ་གྱི་རྣལ་འབྱོར། ཕྲིན་ལས་ཀྱི་སྦྱོར་བ་དང་བཅས་པ་སྒྲུབ་ལུགས་ཚང་བར་འཆད་པས་ན་པདྨ་གསུང་གི་སྒྲུབ་པར་བརྗོད་ཅེས་བཤད་ཀྱང་ཆོག་སྟེ་གནད་འདྲའོ། །སྤྱིར་ཚུལ་འདིའི་ལམ་རིམ་ཐམས་ཅད་རྟ་སྐད་སྒྲུབ་བྱེད་དུ་འགྲོ་བ་དང་། དེའི་ནང་ནས་ཀྱང་རྟ་སྐད་སྒྲུབ་ཐབས་ཀྱི་གཙོ་བོ་ཛབ་ལ་བྱེད་པ་གཉིས་ཅུང་ཟད་ཀྱང་མི་འགལ་བས་གོང་གི་ཐ་རམ་ལ་བརྟེན་པའི་དོགས་པ་ཆོད་སླ། ཛབ་རྟ་སྐད་སྒྲུབ་བྱེད་ཀྱི་གཙོ་བོ་ཡིན་པའི་ཁུངས་ནི་བདེ་གསང་ གཉིས་སོགས་སྔར་བྲིས་ལྟར་རོ། ༈ །དྲག་པོའི་སྨད་ལས་ནི་གཞུང་རང་ན་རྒྱས་མོད། རྟ་མགྲིན་གྱི་དགོས་ཀྱི་སྨད་ལས་ཆེ་མཆོག་གི་སྨན་སྒྲུབ་ཀྱི་དོད་ནི་དམ་ཅན་དབང་སྡུད་ཀྱི་དབང་ལས་ཞིག་དགོས་པར་དབང་གི་སྒྲུབ་ལུགས་ཡིན་པ་ཉིད་

― TN03_Page_1051 ―

^{[མ་དཔེ་གཟིགས་ན་འདིར་གནོན།]}

(༦༣༢)ཀྱིས་ཤེས་ཀྱང་མི་གསལ་བས་ཇི་ལྟར་བྱ་ཞེ་ན། འདིར་ནི་སྟོད་ལས་བདག་ཉིད་ནུས་ལྡན་དུ་བྱེད་པ་དང་། སྨད་ལས་མ་ཚོགས་དབང་དུ་བྱེད་པ་གཉིས་ཀ་གཙོ་བོར་ཛབ་དང་རྟ་སྐད་སྦྱར་བའི་སྟེང་ནས་བྱེད་དེ། ཕུར་པའི་དགྲ་ཛབ། ཆེ་མཆོག་གི་སྨན་ཛབ་སོགས་སྒྲུབ་སྡེ་གཞན་ལའང་རང་རང་གི་སྨད་ལས་སམ་དེའི་དོད་ལྟ་བུའི་དགོས་སྒྲུབ་ཀྱི་ཁྱད་པར་དང་འབྲེལ་བའི་ཛབ་དགོངས་བྱེ་བྲག་པ་རེ་ཡོད་མོད་ཀྱི། དེ་དག་གི་ལས་སྦྱོར་གྱི་དངོས་གཞི་དེ་ཛབ་དགོངས་ཀྱི་སྟེང་ནས་མི་འཇོག་གི །གདབ་ཁ་དང་རྩི་སྒྲུབ་སོགས་ཆོ་ག་གཞན་གྱི་སྟེང་ནས་ཁོག་ཕུབ་པ་ཤ་སྟག་ཡིན་ལ། འདིར་ནི་རང་གི་ཐུན་མིན་གྱི་ལས་སྦྱོར་ཡང་གསུང་བཟླས་བརྗོད་སྒྲུབ་སྡེ་ཞེས་ཛབ་ཀྱི་ཀློང་སྒྲོལ་ནས་རྒྱ་འབག་གི་མིག་ལྟར་འཕྲུལ་ལུགས་ཁོ་ན་གཙོ་བོར་བྱེད་པས་ཁྱད་པར་ཆེའོ། །དེས་ན་སྟོད་ལས་ཀྱི་དངོས་གཞི་ནི་རྟ་སྐད་ལྟ་བར་དགོངས་པ་དང་། སྨད་ལས་ཀྱི་དངོས་གཞི་སྤྱོད་པར་དགོངས་པ་ལ་བྱ་སྟེ། ཞིབ་པར་ན། སྤྱོད་པར་དགོངས་པ་ལ་རྩལ་དུ་འདོན་པ་སྨད་ལས་སྐབས་ཡིན་ཀྱང་། སྤྱིར་སྟོད་ལས་སྒྲུབ་པའི་དུས་ནས་ལྟ་སྤྱོད་ལ་དགོངས་པ་གཉིས་ཀ་བྱེད་དེ། དམ་ཅན་ཕོ་ཉ་ལས་ལ་བསྐུལཿ ཞེས་པའང་སྤྱོད་པར་དགོངས་པའོ། །དེའི་རྒྱུ་མཚན་ཡང་། སྒྲུབ་པའི་བྱེ་བྲག་ལས་སྦྱོར་ནིཿ ཞེས་པ་ལྟར་ཡིན་པས། སྒྲུབ་པའི་ཛབ་དགོངས་ཀྱི་བྱེ་བྲག་ཅིག་ལས་སྦྱོར་གྱི་ཚེ་རྩལ་འདོན་བྱེད་པ་ནི་

― TN03_Page_1052 ―

^{[མ་དཔེ་གཟིགས་ན་འདིར་གནོན།]}

(༦༣༣)འགྲིགས་པ་ཡིན་ནོ། །ད་ནི་ལྟ་བར་དགོངས་པ་གཙོ་བོ་དང་། སྤྱོད་པར་དགོངས་པ་ཞར་བྱུང་ཙམ་དུ་བྱས་ནས་སྒྲུབ་པ་སྟོད་ལས་དང་། སྤྱོད་པར་དགོངས་པ་གཙོ་བོ་དང་། ཅིག་ཤོས་དེའི་གྲོགས་ཙམ་དུ་བྱེད་པ་སྨད་ལས་ཀྱི་སྒྲུབ་པར་ཤེས་པར་འགྱུར་ལ། ཕྱི་མ་ལའང་སྔོན་དུ་བསྙེན་པའི་ཆེད་དང་། ཕྱིས་ཕྲིན་ལས་དངོས་སུ་སྒྲུབ་ཆེད་དུ་བྱ་བ་གཉིས་ཡོད། ད་དུང་བཤད་ན་རྡོ་རྗེ་ཕུར་པ་ལ་བར་ཆད་འདུལ་བའི་སྟོབས་གཞན་ལས་ལྷག་པ་ཞིག་ཡོད་པ་ནི་གདབ་ཁ་ཡིན་ལ། དེ་ནི་ཛབ་ལ་གཙོ་བོར་མི་འཇོག་སྟེ། ཆེ་མཆོག་སོགས་ལའང་དེ་དང་འདྲའོ། །ལམ་གྱི་ཁོག་ཡེ་ཤེས་ཀྱི་དོན་དང་སྦྱར་བ་ནི་ལྟ་བར་དགོངས་པ་དང་། ལམ་གྱི་ཆ་ལག་ཕྲིན་ལས་ཀྱི་དོན་དང་སྦྱར་བ་ནི་སྤྱོད་པར་དགོངས་པའི་རྟ་སྐད་དོ། །སྒྲུབ་སྡེ་འདི་ལ་མཁའ་འགྲོ་དམ་ཅན་དབང་སྡུད་ཀྱི་གནད་གཞན་ལས་རྣོ་ཞིང་ཟབ་ལ་ཕུལ་དུ་བྱུང་བ་ཞིག་ཡོད་པ་ནི་གཙོ་བོར་ཛབ་ལ་འཇོག་པར་གོང་དུ་བརྗོད་ཟིན་པས་དེ་དག་ལ་སྨད་ལས་ཀྱི་ཆོག་རིམ་ཟུར་པ་ལ་རྩལ་དུ་འདོན་དགོས་མི་དགོས་སམ། ལྟོས་ཚབས་ཆེ་ཆུང་མི་འདྲ་བར་ཤེས་སོ། །འོན་ཀྱང་རྟ་སྐད་དེ་ཉིད་བྲོ་རྡུང་གི་གྲོགས་དང་སྦྲགས་ནས་ཀྱང་ཉམས་སུ་བླང་ན་རྣོ་ལ་ངར་བཏགས་ལྟར་འགྱུར་བ་ནི་སྲོང་བཙན་བཀའ་འབུམ་སོགས་ཀྱི་ལུང་ཟུར་འཁོད་ཀྱིས་ཤེས་པས་གལ་ཆེའོ། །དེའི་རྒྱུ་མཚན་ཡང་། བཞད་པ་དང་བྲོ་རྡུང་གཉིས་ཀ་ཚོགས་པའི་བརྗིད་ཟིལ་དང་། ནང་

― TN03_Page_1053 ―

^{[མ་དཔེ་གཟིགས་ན་འདིར་གནོན།]}

(༦༣༤)དུ་བརྟུལ་ཞུགས་ཀྱི་ཉམས་སྤོར་བའི་ནུས་པ་འདྲ་བ་ལ་རེ་རེ་བར་མེད་ཅིང་། འཇིག་རྟེན་ན་ཡང་གླུ་གར་གཉིས་འདུས་ཀྱིས་ཡིད་འཕྲོགས་པ་ལྟ་བུ་རྐྱང་པ་ལ་མེད་པས་བར་ཆད་ལ་རྫི་བ་དང་། མཁའ་འགྲོ་མའི་ཡིད་འཕྲོག་པ་གང་ལའང་གླུ་ལ་བྲོས་བོགས་དབྱུང་བ་ཡིན། སྒྱུ་འཕྲུལ་ལྟར་ན་བུད་མེད་དང་རྩེ་བའི་གར་གྱིས་བདེ་བའི་གླུ་སྤྱི་དང་ཁྱད་པར་རྗེས་ཆགས་ཀྱི་ཤུགས་མ་བཟོད་པའི་ཤུགས་འབྱུང་གི་རྟ་སྐད་དམ་འཚེར་གླུ་ལ་གྲོགས་བྱེད་པའོ། །དེའང་ཚོགས་མཆོད་མཐར་བྱེད་པ་ནི་སྔར་བྲིས་ལྟར་དང་། ཐུན་མཚམས་སུ་བྱེད་ན། ཏེ་ན་ཏེ་ཏེ་དང་སྦྱོར་བ་སོགས་ནི་རྩ་གཞུང་དང་མི་འབྱོར་བས། ལས་ཕྲེང་གི་བྲོ་མནན་མཐའི། ཨོཾ་བཛྲ་ཀྲོ་དྷ་ཧྱ་གྲཱི་བ་ཧི་ཧི་ཧི་ཧཱུཾ་ཕཊཿ ཅེས་པ་འདི་ཤམ་མེད་དུ་ཟློ་བ་དང་སྦྲགས་པས་འགྲུབ་པར་མངོན་ཏེ་ཧི་གསུམ་པོ་ནི་རྟ་གླུ་ཡིན་ནོ། །ཡང་ཕུར་པའི་སྐབས་སུ་ལས་རབ་འབྱམས་སྒྲུབ་ལུགས་ལ། ཞི་ལས་དངུལ་ལམ་ཤིང་དཀར་པོའི་ཕུར་བུ་ཟླུམ་པོས་བྱ་བ་སོགས་ཕུར་གདབ་ཉིད་ཀྱིས་སྒྲུབ་ཚུལ་དང་། སྦྱོར་བ་སྣ་ཚོགས་གཞན་གྱི་སྒོ་ནས་སྒྲུབ་ཚུལ་གཉིས་ཡོད་པ་ལྟར། འདིར་ཡང་ལས་རབ་འབྱམས་གླུ་བྲོ་ཉིད་ཀྱིས་སྒྲུབ་པ་དང་། ཚེ་བརྟན་རྒྱལ་མཚན་གྱི་རྟ་མགྲིན་བརྒྱ་རྩ་ལྟར་སྦྱོར་བ་གཞན་སྣ་ཚོགས་ཀྱིས་སྒྲུབ་ཚུལ་གཉིས་ཡོད་ཅིང་། ལས་མཐུན་གྱི་འོད་ཟེར་ལ་བརྟེན་ནས་ལས་བཞི་སྒྲུབ་པའི་སྔགས་དང་བསམ་གཏན་གྱི་སྦྱོར་བ་རིག་འཛིན་ཞི་བ་ནས་འགེབས་ཚུལ་ལས་

― TN03_Page_1054 ―

^{[མ་དཔེ་གཟིགས་ན་འདིར་གནོན།]}

(༦༣༥)ཚོགས་བརྗེད་ཐོར་བཀོད་པ་དེའང་ཚུལ་ཕྱི་མ་འདིའོ། །འཇིག་རྟེན་ལས་འདས་པའི་དེ་བཞིན་གཤེགས་པ་སྲས་དང་བཙུན་མོར་བཅས་པ་ཡེ་ཤེས་དག་པའི་དངོས་གྲུབ་ཀྱི་ཆེད་དུ་དབང་སྡུད་བྱ་བ་ནི་ལྟ་བར་དགོངས་པའི་ཐད་དུ་ཡིན་ཏེ་རྔོག་མ་ལེ་བརྒན་སོགས་ལས་ཤེས་སོ། །དེ་ལྟ་ནའང་ཕུར་གདབ་བསྔགས་པའི་ལས་གཙོ་བོ་མངོན་སྤྱོད་ཡིན་པ་ལྟར། རྟ་སྐད་བསྔགས་པའི་ལས་གཙོ་བོ་དབང་དྲག་སྦྲགས་མ་ཡིན་ལ། གལ་ཏེ་རྟའི་གླུ་བྲོ་ཁོ་ནས་ལས་གཞན་སྒྲུབ་ན་དེའི་ཚུལ་ནི། སྤྱོད་པར་དགོངས་པའི་རྟ་སྐད་ཀྱི་ཛབ་ཏུ་དམ་ཅན་དབང་དུ་སྡུད་སྐབས། ཕན་གནོད་ཀྱི་ལས་དེ་དང་དེ་གཉེར་གཏད་ལ་གཙོ་བོར་བྱ་ཞིང་། དེའི་ངར་འདོགས་སུ་ལས་དེ་དང་དེའི་བྲོ་རྡུང་ཡང་ཇི་རིགས་རེ་བྱ་བ་ཡིན་ཏེ། སྨད་ལས་ཀྱི་བཤད་པ་ཞིག་སྔར་ཡང་ཡོད་མོད་དེ་ཁ་ཕོ་ཆེས་པ་ཙམ་ལས་ཕལ་ཆེར་བར་སྣང་ལ་བསྡད་པར་སྣང་། ༈ །སྤྱི་གཙུག་རྟ་གདོང་རྔམས་བཞད་འཚེརཿ ཞེས་པའི་སྐབས་སུ། རྟའི་ཞལ་དང་ང་རོ་ཙམ་གྱིས་ལྷ་དེ་རིལ་རྟ་མཆོག་ཏུ་མཚོན་པའམ་ཤེས་ནུས་པ་ནི་འཇིག་རྟེན་ནའང་སྐྱེས་བུ་དེ་ཉེར་སྦས་སུ་ཤེས་པའི་སྒོར་དེའི་རྐང་ལག་དང་ལྟོ་བ་སོགས་ནི་ཆེས་མི་གསལ་ཀྱི་བྱད་བཞིན་དང་སྐད་ཁོ་ན་ལས་ཤེས་པར་བྱེད་དོ། །དེ་ལྟར་སྔོན་བྱུང་དུ་གདུལ་བྱ་ལ་རྗེས་ཆགས་ཀྱི་རིགས་ཀྱི་བདེ་བའི་དེ་ཉིད་སོགས་བསྟན་ཕྱིར་ཞལ་དང་ང་རོ་དེ་ལྟར་མཛད་པ་ལྟར་རྗེས་འཇུག་གིས་ཀྱང་དེ་གཉིས་རང་གི་སྒོ་གསུམ་རྟ་མཆོག་གི་རྡོ་རྗེ་གསུམ་ལས་མི་འཕྱུག་པའི་གཟེར་བུར་བཏབ་

― TN03_Page_1055 ―

^{[མ་དཔེ་གཟིགས་ན་འདིར་གནོན།]}

(༦༣༦)སྟེ་བསྒོམ་པས་དཔལ་གྱི་སྣང་ཞེན་སྐྱེ་སླ་ཞིང་ཧེ་རུ་ཀའི་འཁོར་གྱི་མ་ཚོགས་རྣམས་ཀྱིས་སྒྲུབ་པ་པོ་དང་དེའི་བཟླས་བརྗོད་ལ་རྟ་མགྲིན་དང་དེའི་གསུང་དུ་མཐོང་སླ་བས་བསྐྱེད་རིམ་པའི་རྟ་མགྲིན་དང་མ་མོ་རྣམས་བརྡ་ཕྲད་སླ་བའི་མན་ངག་གོ །ཐ་རམ་གྱི་རྟ་སྐད་ཐེང་གསུམ་ལྟ་བར་དགོངས་སྐབས་མི་སྦྱོར་ཡང་། སྤྱིར་ལྟ་བར་དགོངས་པའི་རྟ་སྐད་ཐེང་གསུམ་མེད་པ་མིན་ཏེ། རྡོག་མ་ལེ་བརྒན་དང་ལུང་བཀའ་སྒོ་སོགས་ན་ཡོད། །རྟ་སྐད་སྤྱོད་པར་དགོངས་པའི་དཔལ་གྱི་རྟ་སྐད་དང་པོའི་དགོངས་པ་འདི་གལ་ཆེ་བས་བཤད་ན། གང་དུ་བདེ་ཆེན་ཞེས་བྱ་གཅིག་པུ་ཉིད། །སོགས་གང་སྣང་བདེ་སྟོང་། བདེ་སྟོང་ལྷ་སྐུར་ལྟ་བར་གསུངས་པ་དང་མཐུན་པར། སྣང་སྲིད་ཐམས་ཅད་འདོད་ཆགས་རྡོ་རྗེའི་ཏིང་ངེ་འཛིན་གྱི་རོལ་པ་དང་། དེ་ཉིད་རྟ་མགྲིན་དབང་གི་དཀྱིལ་འཁོར་ཉག་གཅིག་ཏུ་འབར་བར་བྱེད་པ་སྟེ། འདི་ནི་འཇིག་རྟེན་གསུམ་གྱི་དྲེགས་པའི་རིགས་ཐམས་ཅད་ཀྱི་སྲོག་རྟ་མཆོག་གི་རིགས་གཅིག་ཏུ་སྒྱུར་བར་བྱེད་པའི་སྲོག་སྒྱུར་གྱི་མན་ངག་རྣོན་པོའོ། །གསང་རྫོགས་ཛབ་ཐ་རམ་གྱི་དོན་བསྡུའི་ཐད་དང་བཀའ་སྒོ་སོགས་ཁུངས་གཞན་ཡང་མང་། དགོངས་སུ་དྲེགས་པ་སྤྱིར་སྡུད་ཚུལ་གསུངས་པས་དེ་ལྟར་འདོད་དགོས་མོད། ཐ་རམ་སོགས་ལས་འབུར་བཏོད་དུ་གསུངས་པ་ནི་མ་མོ་མཁའ་འགྲོའི་འཁོར་ལོ་དབང་དུ་སྡུད་པ་ཉིད་དེ། དེའང་རྟ་སྐད་ནི་འབོད་པ་ཙམ་མིན་གྱི། རྗེས་ཆགས་ཀྱིས་འབོད་ཅིང་སྐུལ་བའི་བརྡ་ཐུན་མིན་ཏེ། དེའི་ཕྱིར་འབོད་ཡུལ་ཡང་མ་མོ་མཁའ་འགྲོ་

― TN03_Page_1056 ―

^{[མ་དཔེ་གཟིགས་ན་འདིར་གནོན།]}

(༦༣༧)རྣམས་གཙོ་བོ། །སྡེ་བརྒྱད་གཞན་སོགས་འབོད་པ་ནའང་དེ་དག་རྗེས་ཆགས་ཀྱི་རྣམ་འཕྲུལ་དུ་བལྟས་ཏེ། བདེ་བ་འབར་བའི་གྲོགས་སུ་ཁྱེར་བའི་སྟེང་ནས་འབོད་པ་དེ་ཡིན་ནོ། །དེའང་མོ་རྒྱུད་ཀྱི་སྲོག་འདོད་ཆགས་ཡིན་པར་ཡང་དང་ཡང་དུ་གསུངས་པ་ལྟར་ས་གསུམ་གྱི་མ་མོ་རབ་འབྱམས་ཐམས་ཅད་འདོད་ཆགས་ཀྱི་རིགས་ཀྱི་སྲོག་ལ་བརྟེན་པ་ཤ་སྟག་ཡིན་པས། རྟ་སྐད་དང་པོ་འདིས་འདོད་ཆགས་ཆེན་པོའི་ངོ་བོ་ཉིད་ཀྱི་ཆོས་ཀྱི་དབྱིངས་ཀྱི་བྱིན་རླབས་ཀྱིས་ཁམས་གསུམ་མ་ལུས་པ་འདོད་ཆགས་རྡོ་རྗེའི་དཀྱིལ་འཁོར་དུ་སད་པར་བྱས་པའི་སྒོ་ནས་སྣང་སྲིད་ལས་དང་ཡེ་ཤེས་ཀྱི་མ་མོའི་ཚོགས་རྣམས་རྗེས་ཆགས་ཀྱི་ཤུགས་གཏིང་ནས་རང་དབང་མེད་པར་བསྐུལ་ཞིང་གཡོ་བར་བྱེད་པ་ནི་མ་མོའི་སྲོག་གི་སྒོ་ལྕགས་དབང་ཆེན་གྱི་ལྡེ་མིག་གིས་འབྱེད་ཚུལ་ཡིན་ནོ། །སྤྱི་མདོར། སྟོང་ཁམས་ཐམས་ཅད་རྟ་མགྲིན་གྱི་གར་དགུའི་རོལ་པ་མཐའ་ཡས་པས་ཆེམ་མེར་མནན་ཏེ། དབང་ཕྱུག་འདི་གླུ་གར་གྱིས་མ་མོ་མཁའ་འགྲོའི་ཡིད་འཕྲོགས་ཚུལ་ལོ། །མ་རྣམས་ཀྱི་སྙིང་འདོད་པ་བཟོད་མེད་དུ་གཡོ་བར་བྱས་པའི་སྒོ་ནས་དྲང་བར་བཤད་པའང་དེ་ལྟར་ཡིན་པས། ཁམས་གསུམ་གར་གྱིས་འགེངས་པའི་གླུའོ། །འོ་ན་འདི་ལའང་མ་མོའི་སྲོག་གི་དེ་ཉིད་ཤེས་པར་བྱས་ནས་མ་མོ་དབང་བྱེད་ཀྱི་སྒྲུབ་ལུགས་འདུག་པས་རྦོད་གཏོང་མ་མོའི་སྒྲུབ་པར་ཡང་ཐལ་ལོ་ཞེ་ན། སྒྲུབ་ལུགས་འདི་མ་མོའི་

― TN03_Page_1057 ―

^{[མ་དཔེ་གཟིགས་ན་འདིར་གནོན།]}

(༦༣༨)དེ་ཉིད་ཀྱིས་ཁོག་ཕུབ་པ་མིན་ཞིང་མ་མོའི་དེ་ཉིད་གཙོ་བོར་བྱེད་པའང་མིན་གྱི། རྟ་སྐད་ཀྱི་སྒྲུབ་པའི་སྒྲོམ་ནས་དགོས་མཛད་དུ་མ་མོ་དབང་སྡུད་སྒྲུབ་པ་ཙམ་དུ་ཟད་པས་མ་མོའི་སྒྲུབ་སྡེར་གལ་འཐད་དེ་དཔེར་ན་མ་མོ་རྦོད་གཏོང་དུའང་། རྟ་སྐད་ཀྱིས་མ་མོ་དབང་དུ་སྡུད་ཚུལ་གསུངས་ཀྱང་། སྒྲུབ་ལུགས་དེའི་ཁོག་རྟ་སྐད་ཀྱི་སྟེང་ནས་སོང་བ་མིན་པས་པདྨའི་སྒྲུབ་སྡེར་མི་འཇོག་པ་བཞིན་ནོ། །དེ་ལྟར་ན་དཔལ་གྱི་རྟ་སྐད་དང་པོ་འདིས་དྲེགས་པ་སྤྱི་དང་། ཁྱད་པར་མ་མོ་རྣམས་ཀྱི་སྲོག་བདག་ཉིད་རྟ་མཆོག་གི་རྡོ་རྗེ་ཆགས་པའི་དགོངས་ཀློང་དུ་སྲེ་བར་བྱེད་དེ། སྣང་སྲིད་རྗེས་ཆགས་ཀྱི་བདེ་བའི་དབྱིངས་སུ་གདོད་ནས་སངས་རྒྱས་པར་ལྟ་བ་འདིས་སོ། །དེ་ལྟར་བསྲེས་ནས་དེ་ལ་རྟ་མགྲིན་གྱི་དཀྱིལ་འཁོར་གྱིས་རྒྱས་འདེབས་པར་བྱེད་དེ། སྣང་སྲིད་བདེ་བའི་ངོ་བོར་སངས་རྒྱས་པའི་བདེ་བ་དེ་ཉིད་རྟ་མཆོག་གི་དཀྱིལ་འཁོར་རྒྱ་མཚོའི་སྤྲིན་དུ་འཆར་བར་བྱེད་པ་འདིས་སོ། །དེ་དག་ཀྱང་རྩ་བ་རང་བཞིན་དག་པའི་དེ་ཁོ་ན་ཉིད་ཀྱི་ལྟ་བའི་སྟེང་ནས་འགྲོ་བས་རྟ་མགྲིན་གྱི་སྔགས་པ་ལ་གཞན་གྱིས་ལྷ་དབྱེ་དང་སྲུང་མ་གཤེད་འབེབས་སོགས་བྱར་མེད་དོ། །མ་མོ་དང་དེའི་དེ་ཉིད་རྒྱས་པར་བཤད་ཤོས་མ་མོ་རྦོད་གཏོང་ཡིན་ཡང་། མ་མོ་མཁའ་འགྲོའི་སྲོག་གི་གནད་མཐར་ཐུག་པ་དམར་འབྱིན་བྱེད་པའི་གནད་འདི་ལས་རྣོ་བ་དང་ཟབ་པ་མེད་དེ། དཔེར་ན་གཤེད་སྐོར་དུ་སྲོག་ལས་ཀྱི་གནད་རྒྱས་པར་བཤད་པ་འདྲ་བ་ཕུར་པ་

― TN03_Page_1058 ―

^{[མ་དཔེ་གཟིགས་ན་འདིར་གནོན།]}

(༦༣༩)ན་མི་རྒྱས་ཀྱང་། ཕུར་པའི་ཐལ་འབྱིན་ནམ་གདབ་ལས་ཀྱི་གནད་གཅིག་པོ་དེ་ལ་དེ་ཐམས་ཅད་ཀྱི་རྣོ་ནུས་ལྷག་དང་བཅས་ཏེ་ཡོད་པ་དང་འདྲའོ། །འདིར་མ་མོ་རྣམས་སྤྱི་བོའི་རྟ་སྐད་ཀྱིས་དབང་དུ་བྱ་བ་དང་། དགུག་པ་གཉིས་ལས་རྟ་སྐད་དང་པོ་འདི་སྔ་མའི་ཆེད་དང་། རྟ་སྐད་ཐ་མ་ཕྱི་མའི་ལས་ཅན་ཏེ། སྔ་མ་ནི་ཕྱི་མའི་གཞི་བཏིང་བ་ཡིན་ཅིང་། ལས་ལ་འཁོལ་བ་དངོས་ནི་ཕྱི་མས་བྱེད་དོ། །སྤྱི་གཙུག་རྟ་སྐད་ཀྱིས་དམ་ཅན་འགུག་ནུས་པ་དང་ལས་ལ་རྦད་གཏོང་ནུས་པ་ལ། དངོས་པོ་ལ་རྟ་སྐད་གཙུག་འབྱིན་ནུས་པ་ནི་མི་དགོས་ཏེ། སྔགས་ལས་འོད་ཟེར་སྤྲོ་བསྡུའི་དམིགས་རིམ་གྱིས་ལས་དངོས་སུ་འགྲུབ་པ་ལ་འོད་ཟེར་དེ་དངོས་གནས་ལ་འགྲུབ་མི་དགོས་པ་བཞིན་ཏེ། འདི་ནས་བསམ་གཏན་གྱི་སྦྱིན་སྲེག་སྐབས་སངས་རྒྱས་དང་བྱང་སེམས་རྣམས་ཀྱི་དངོས་གྲུབ་ནི་སྒྱུ་མ་ལྟ་བུ་ཞེས་སོགས་ཨ་བྷྱས་གསུངས་པ་དང་ཚུལ་མཐུན་ནོ། ༈ །དེ་ལྟར་ཕྱོགས་འདིའི་གྲུབ་པའི་རྟགས་སམ་མཚན་མ་ཐམས་ཅད་ཀྱི་གཙོ་བོ་རྟ་སྐད་གཙུག་ཐོན་ལ་ཡང་། དངོས་སུ་དང་། ཉམས་ལ་དང་། རྨི་ལམ་དུ་ཐོན་པའི་རིམ་པ་གསུམ་གྲུ་གུ་ཡང་དབང་གི་རྟ་མགྲིན་ལས་བཤད་ཅིང་། དེ་དག་ཀྱང་གདང་གསལ་མི་གསལ། ཟབ་མི་ཟབ། །མཐོ་དམན་སོགས་ཀྱི་རིམ་པ་ཐ་དད་པ་མང་དུ་འོང་ཞིང་། དེའི་ཁྱད་པར་ལྟར་དངོས་གྲུབ་ཀྱི་ཁྱད་པར་ཡང་སྣ་ཚོགས་སུ་འགྱུར་བར་སྣང་ཏེ། སྔོན་བྱོན་རིགས་

― TN03_Page_1059 ―

^{[མ་དཔེ་གཟིགས་ན་འདིར་གནོན།]}

(༦༤༠)འཛིན་རྣམས་ཀྱི་ལོ་རྒྱུས་ཀྱི་ཕྲེང་བ་ལས་ཀྱང་ཤེས་པར་བྱའོ།། །།

― TN03_Page_1060 ―

^{[མ་དཔེ་གཟིགས་ན་འདིར་གནོན།]}

(༦༤༡)སམ་ཊ་དཔེ་བཤུ །རྟ་སྐད་ཀྱིས་སྣང་ཕྱོགས་སྟོང་ཕྱོགས་ཟུང་འཇུག་གི་ལམ་གསུམ་སྟོན་ཏེ། དེ་རྟ་སྔགས་ཀྱི་རང་བཞིན་ཡིན་པ་གང་ཞིག །སྔགས་ཀྱིས་ཡེ་ཤེས་དེ་དག་སྐུལ་བར་བྱེད་པའི་ཕྱིར་ཏེ། སྔགས་ནི་སྙན་གསན་འབེབས་པའོ། །ཞེས་གསུངས་པའི་ཕྱིར། སྐུལ་ཞེས་པ་ནི་དབྱུག་པས་རྔ་བརྡུང་བ་ལྟར་བསྐུལ་བྱ་སྐུལ་བྱེད་ངོ་བོ་ཐ་དད་པ་མིན་གྱི། ཡེ་ཤེས་དེ་དག་སྔགས་དེར་ཤར་བ་ཡིན་པའི་ཕྱིར་དེ་བཟླས་པས་ཡེ་ཤེས་དེ་དག་བསྐུལ་བར་འགྱུར་བའོ། །དེས་ན་རྟ་སྔགས་ཀྱི་དགོངས་པའམ་དོན་དེ་རྟ་སྐད་ཀྱི་དེ་ཉིད་ཀྱང་ཡིན་པས་རྟ་ཞལ་དང་རྟ་སྐད་ཀྱི་དེ་ཉིད་སོ་སོར་མི་བྱེད་དམ་སྙམ་སྟེ། ཡེ་ཤེས་དེ་དག་རྟ་སྐད་དང་རྟ་གདོང་གི་སྒྲ་གཟུགས་སུ་མཛད་པའི་རྒྱུ་མཚན་ནི། ཐེག་རིམ་བགྲོད་ཚུལ་སོགས་སོ། །སྤྱོད་པར་དགོངས་སྐབས། རྟ་སྐད་ཀྱི་མཚོན་དོན་བདེ་འདུས་ལས། ཐུན་མོང་དངོས་གྲུབ་དམ་པ་ཡིན། སོགས་ལྟར་སྣང་བ་བདེ་བར་ཤར་བ་ལ་བྱེད་དམ་བརྟགས། ཕོངས་ཤིང་སྡུག་བསྔལ་བའི་སེམས་ཅན་སྐྱབས་མེད་ཅིང་སྐྱོབ་པ་མེད་པ། སྐྱབས་ཚོལ་ཞིང་རྒྱུག་པ་རྣམས། འཚེ་བ་དག་ནི་ཐམས་ཅད་དང་སོགས་ལྔ་དང་། ཐ་མལ་སྣང་ཞེན་གྱི་འཇིགས་པ་ལས་བདེ་མྱུར་དུ་སྒྲོལ་ཞིང་། ཐར་པ་ཆེན་པོའི་གྲོང་ཁྱེར་དུ་ཕྱིན་པར་བྱེད་པས་ན་རྟ་རྒྱལ་བཞོན་པའི་མཆོག་གོ །དེས་ན་གཞན་ཕན་ཕྲིན་ལས་ཀྱི་ལྷ་ཁྱད་པར་ཅན་ཏེ།

― TN03_Page_1061 ―

^{[མ་དཔེ་གཟིགས་ན་འདིར་གནོན།]}

(༦༤༢)འཇིགས་པ་མེད་པའི་གནས་སུ་འབྲེལ་ཚད་སྒྲོལ་བས་སོ། །ལམ་གྱིས་ངལ་བ་སྲིད་ཞིའི་མཐའི་གཡང་ལ་སྐྲག་པ་རྣམས་ལ་སྟོབས་བཅུ་ལྡན་པའི་བཞོན་པ་འདི་འཇིག་རྟེན་དབང་པོས་སྩལ་བ་ཡིན་ནོ། །ཐེག་པ་རིམ་བགྲོད་ཀྱི་རྟ་སྐད་དུས་ཡ་ན་ཞེས་པ་བཞོན་པའི་སྐད་དོད་ཡིན་པ་དང་། འདོད་པའི་གནས་སུ་ཞོན་པོ་འཁྱེར་བར་བྱེད་པའི་ཆོས་མཐུན་གྱི་སྒོ་ནས་ཐེག་མཆོག་གི་བརྡར་རྟ་མཆོག་བཞག་སྟེ། དེ་ལ་ཐེག་པ་གཞན་གྱི་སྒྲོལ་ཤུགས་སམ་བྱེད་ལས་ཐམས་ཅད་རྟ་མཆོག་ལ་སྒྲོགས་འགྲོས་དང་ལྕགས་འགྲོས་སོགས་ལྟར་ཚང་ཚུལ་བཤད་པས། ཐེག་པ་ཐམས་ཅད་ཀྱི་སྒྲོལ་ཤུགས་རྟ་མགྲིན་ལ་ཡོད་ཚུལ་བསྟན་ཏེ། འགྲོ་སྒྲོལ་གྱི་ཤུགས་ཆེ་ལུགས་སྟོན་ནོ། །རྟ་སྐད་དམ་རྟ་སྔགས་ལྟ་བར་དགོངས་སྐབས། སྣང་ཕྱོགས་དང་སྟོང་ཕྱོགས་ཀྱིའམ། ཟབ་རྒྱ་ཆེའི་བྱང་ཆུབ་ལམ་གྱི་རྟོགས་པ་མྱུར་བ་སྟེར་བ་ལ་བསྔགས་པའི་སྔགས་ཡིན་ཏེ། དཀྱུས་ཚང་བའི་འགྲོས་དང་སྦྱར་བ་དང་། སྐད་འགྱུར་དང་སྦྱར་བའི་བདེ་སྟོང་ཡེ་ཤེས་སྔགས་ཀྱི་དེ་ཉིད་དུ་བྱས་པ་ལ་དཔྱད་ན་ཤེས་སོ། །སྔགས་ཀྱི་དངོས་གྲུབ་སྒྲུབ་ཐག་ཉེ་བའང་འདིས་ཤེས། གསང་སྔགས་གནད་སྐད་དུས། །གང་ལས་ལྡོག་པའི་འཁོར་བ་ལས་སྒྲོལ་ཤུགས་ཆེ་བ། གང་དུ་འཇུག་པའི་སངས་རྒྱས་སར་བགྲོད་ཤུགས་ཆེ་བ་དང་། ཁ་རྩལ་ཆེ་ཞེས་པ་ནི་སྟེང་དུ་འཐོན་ཤུགས་ཆེ་བ་སྟེ། གོང་ནས་གོང་དུ་

― TN03_Page_1062 ―

^{[མ་དཔེ་གཟིགས་ན་འདིར་གནོན།]}

(༦༤༣)རྟོགས་པ་ཁྱད་འཇུག་སྟོབས་གསང་སྔགས་གཞན་པས་ཆེ་བའོ། །དེའང་ཕྱི་ནང་གསང་བའི་རྟ་མགྲིན་གསུམ་བཤད་ཀྱང་གཙོ་བོར་གསང་རྫོགས་དང་ལྡེ་མིག་ལྟར་ཆོས་ཉིད་བྱང་ཆུབ་སེམས་ཞེས་ལྷན་སྐྱེས་ཡེ་ཤེས་ལ་སྦྱར་རྒྱུ་ཡིན་ནོ། །འདིའི་བགྲོད་ཤུགས་ཆེ་བའང་གསང་རྫོགས་ཀྱི། །ས་ལམ་བཅད་དང་འདྲའོ། །དེ་ནས་སྐུའི་ཆོ་འཕྲུལ་རྟ་མགྲིན་ཅིར་སྣང་ཡང་། མྱ་ངན་ལས་འདས་ཚུལ་སོགས་ནི་གསང་རྫོགས་རང་ཤར་གཉིས་ལས་སྣང་སྟོང་གྲགས་སྟོང་སོགས་དང་འདྲ་སྟེ། བྱང་ཆེན་དུ་བགྲོད་པ་ལ་བར་དུ་གཅོད་པའི་གཟུང་འཛིན་འཁྲུལ་པའི་འཇིགས་པ་མཐའ་དག་ཡེ་ཤེས་ཆེན་པོའི་བང་འགྲོས་ཀྱི་འོག་ཏུ་ཅི་བདེར་འགོམ་ནས་ཐགས་ཐོགས་མེད་པར་འགྲོ་ཚུལ་སྟེ། སྣང་སེམས་ལ་དབང་སྡུད་ཟིལ་གནོན་བྱེད་ཚུལ་ཡང་དེ་ཀའོ། །འདི་ངེས་པར་འབྱུང་བ་ཕྱི་མའི་རྒྱུད་དུ་འདོད་ཆགས་ཀྱིས་སྒྲུབ་པར་གསུངས་པ་དང་བཀའ་སྒོ་ལས་འདོད་ཆགས་ཀྱིས་དམར་པོར་བསྟན་གསུངས་པ་ལ་བརྟེན་དགོས་སམ་སྙམ་སྟེ། སྣང་སེམས་དབང་སྡུད་ཟིལ་གནོན་ནི་བདེ་ཆེན་གྱི་གནད་ལ་ཐུག་ཅིང་། ལྷན་སྐྱེས་ཀྱི་བདེ་བ་ནི་རྗེས་ཆགས་ཀྱི་རིགས་ལ་ཁྱད་པར་དུ་ལྷག་པས་སོ། །འཁོར་འདས་ཟིལ་གནོན་དབང་ཆེན་དགོངས་པ་ཡིནཿཞེས་དང་། དེ་ཚེ་འཁོར་བ་ཟིལ་གྱིས་གནོནཿ ཞེས་སོ། །འདས་པ་ཟིལ་གནོན་ནི་ཞོར་ལ་བསྟན་ནོ། །འདི་རྟ་སྐད་ཀྱི་མཚོན་

― TN03_Page_1063 ―

^{[མ་དཔེ་གཟིགས་ན་འདིར་གནོན།]}

(༦༤༤)དོན་དུ་བྱེད་ལུགས་ལ། འགྲོས་དགུས་ཐེག་རིམ། སྐད་འགྱུར་གྱིས་ས་ལམ། རྟ་དབུས་ལ་ཤན་སྟོན་པར་གསུངས་པས། ཁྲོ་ཞལ་གྱི་སྟེང་དུ་རྟ་དབུའི་རྣམ་པ་ལྷག་པོར་ཡོད་པས། ཕྲིན་ལས་མྱུར་མགྱོགས་ཀྱི་ཆ་ནས་སྔགས་ཀྱི་ལྷ་གཞན་ལས་ལྷག་ཅིང་འཕགས་པར་སྟོན་ནམ། ང་ནི་སྔགས་གཞན་ལས་མྱུར་བས་ཆེའོ་ཞེས་འཚེར་སྐད་ཀྱིས་སྒྲོགས་སམ་དཔྱད་དགོས། ༈ །བདེ་གཤེགས་གསུང་གི་དངོས་གྲུབ་སྡུད་ལུགས་ནི། སྤྱིར་བཟླས་པ་གསུངས་རྡོ་རྗེ་ཡིན་པར་མ་ཟད་འདིའི་ལྷ་སྔགས་ཡེ་ཤེས་ཐམས་ཅད་གསུང་རྡོ་རྗེའི་རིགས་གཙོར་བཏོན་ཡིན་པས་རྟ་སྔགས་དེ་སངས་རྒྱས་ཐམས་ཅད་ཀྱི་གསུང་རྡོ་རྗེ་བསྡུས་པར་དམིགས་ནས་བཟླས་པས། རྒྱལ་བ་རྣམས་ཀྱི་གསུང་གི་དངོས་གྲུབ་དབང་དུ་སྡུད་པའི་དོན་རེད། ཆོས་ཕུང་སྡུད་པར་བཤད་པའང་དེ་ལྟར་བྱས་པས་ཆོས་ཕུང་རབ་འབྱམས་ལ་དབང་སྒྱུར་བའི་དོན་རེད། གལ་ཆེ། ཐུགས་ཀར་སྔགས་འཁོར་འགོད་པ་ཛབ་ཀྱི་དགོངས་པར་བཞག་པ་ནི། ལྷ་དེ་དང་དེའི་ཐུགས་ཏིང་ངེ་འཛིན་གྱི་ཡེ་ཤེས་རིག་སྔགས་ཀྱི་རྣམ་པར་ཡི་གེར་བྱིན་གྱིས་བརླབས་པ་ཉིད་ཐུགས་ཀ་མི་ཤིགས་པའི་གནས་སུ་བཞག་སྟེ། དེ་ཉིད་སྐུལ་ཞིང་ཀློག་པའི་ཚུལ་དུ་ཟློ་བ་སྟེ། སྔགས་ཐོག་མར་བྱེད་པ་པོའི་རྗེས་སུ་འབྲང་བའི་བསམ་པས་བཟླ་དགོས་གསུངས་པ་ལྟར། ལྷ་དེས་བྱེ་བྲག་ཏུ་བྱིན་གྱིས་བརླབས་པའི་ཡི་གེའི་ཕྲེང་བ་ཁྱད་

― TN03_Page_1064 ―

^{[མ་དཔེ་གཟིགས་ན་འདིར་གནོན།]}

(༦༤༥)པར་ཅན་ལ་སྒོས་སུ་དམིགས་ནས་བཟླ་ལུགས་ཐུན་མིན་ནི་འདི་ཀ་རེད་པས་ངོ་ཤེས་པར་བྱ། བསྐྱོད་དང་བཟླས་པ་བསྐུལ་བ་སྟེ། །འཁུལ་བ་རྒྱས་དང་འབར་བར་འདོད། །དེ་དག་རྡོ་རྗེ་སྔགས་ཕྲེང་ལ། །རིམ་བཞིན་དུ་ནི་ཤེས་བྱར་བརྗོད། །ཨ་མཚར། མཚམས་དམ་རྒྱ་དགོས་པའི་རྒྱུ་མཚན་བཟླས་སྒོམ་རྟག་འགྲུས་གཉིས་ཀའི་ཆེད་དེ། ཤིན་ཏུ་གནད་ཆེ། རི་ཆོས་ཞལ་གདམས་ལས། ཤེས་རྒྱུད་སྔར་ལས་སོགས་ཀྱི་ཤེས་རྒྱུད་ལ་བཟང་སྐྱེད་འཐོན་པའི་གནད་ཀྱང་། མཚམས་ནང་དེར་གཡེང་བའི་ཡུལ་རྐྱེན་བསྡམས་ནས་དགེ་སེམས་རྒྱུན་ཆགས་སུ་གོམས་པ་དང་། དགེ་སེམས་རྒྱུད་དང་འདྲེས་ངེས་ཀྱི་འགྲུས་པར་བསླབ་པས་བློ་དགེ་བ་ལ་ལོབ་པའོ། །དེར་མ་ཟད་བཟླས་རྒྱུན་བཙུགས་ནས་བཟླས་པ་འདིར་སྔགས་ཀྱི་ནུས་པ་སྐྱེ་བ་ལའང་གཙུབ་ཤིང་བར་མ་ཆད་དུ་བརྡར་བ་ལྟར་ཁྱད་ཆེ་བ་ཡོད་འདྲ། ཐུན་བར་དུའང་མཆུ་དལ་མེད་དུ་བཟླ་བ་དང་། བཟླས་འཕྲོ་མདུན་བསྐྱེད་ལ་འཆོལ་བ་སོགས་བཤད་པ་ལྟར་ཛབ་ཀྱི་རྒྱུན་མ་ཆད་པ་འདི་གཅེས་ཤིང་། ཁྱད་པར་སྒྲུབ་པའི་དུས་གལ་ཆེ། སྒྱུ་འཕྲུལ་ཞི་བ་ལས་ཁྲོ་བོ་མྱུར་བའི་རྒྱུ་མཚན། སྔ་མ་གདུལ་བྱ་དག་པ་རང་བཞིན་བཟང་བའི་ངོར་སྣང་བའི་སྐུ་དང་། ཕྱི་མ་མ་དག་པའི་ངོར་བཙན་ཐབས་སུ་སྣང་བ་བསྟན་པའི་སྐུ་ཡིན་པ་དང་། ཤིན་ཏུ་

― TN03_Page_1065 ―

^{[མ་དཔེ་གཟིགས་ན་འདིར་གནོན།]}

(༦༤༦)གདུལ་དཀའ་བའི་ཡུལ་ལ་བཙན་རྒྱགས། ཐབས་སུ་འཇུག་པའི་ཕྲིན་ལས་ཅན་དུ་བསྟན་པའི་ཆ་ནས་ཡིན་ནམ་སྙམ། ༈ རྫོང་འཕྲང་གཉིས་ཀྱིས་རང་ཉིད་དགྲ་གསུམ་བདུད་བཞི་སོགས་ལ་ཉམ་ང་མེད་པར་བྱེད་པ་ནི་མཁར་བཙན་པོ་འཛིན་པ་དང་འདྲ། དེ་ལ་གདེངས་རྙེད་ནས་སྲོག་གི་ཆོས་གསུམ་གྱིས་ཚར་གཅོད་རྗེས་འཛིན་གྱི་ལས་རབ་འབྱམས་ལ་དབང་སྒྱུར་བ་ནི་མཁར་ཟིན་ནས་སྲིད་སྐྱོང་གི་བྱ་བ་ལ་དབང་སྒྱུར་བ་དང་འདྲའོ། །སྐྱེར་སྒང་བས་ནི་འདི་ཉིད་ལས་སྒྲུབ་ཀྱི་ལྷར་བྱས་པའི་དཔའ་གཅིག་གི་སྒྲུབ་སྐོར་ཙམ་བཏོན་ལ། འདིར་ནི་མཆོག་སྒྲུབ་ཀྱི་ལྷར་བྱས་ནས་དཀྱིལ་འཁོར་རྒྱས་པར་བསྟན་ཅིང་རིམ་གཉིས་ཆ་ཚང་ཐོན། འཕགས་མའི་སྙིང་ཏིག་གི་བསྙེན་པས་བདག་དོན་ཚེ་སྒྲུབ། ལས་སྦྱོར་གྱིས་གཞན་དོན་འགྲོ་འདུལ། སྒྲུབ་པས་ཕྱི་མ་དེ་སྒྲུབ་པར་གསལ་བས། འདིར་ཡང་ལས་སྦྱོར་དུས་ཀྱི་དངོས་གྲུབ་དེ་སྒྲུབ་པའི་དུས་སུ་སྤྱིར་འོད་ཟེར་སྤྲོ་བསྡུ་ལ་རྩལ་སྦྱངས་ནས་སྒྲུབ་པ་སྟེ། སྤྲོ་བསྡུ་འདི་ཕྲིན་ལས་ཀྱི་དགོངས་པར་སྲོག་སྡོམ་གཟེར་བཞིར་ཡང་ངོ། །སྣང་གྲགས་ལྷ་སྔགས་སོགས་སུ་སྦྱོང་བའང་དེས་ཡིན་ཏེ། རྒྱལ་བའི་ཕྲིན་ལས་དངོས་གཞི་ནི་སྣོད་བཅུད་ཐམས་ཅད་དག་པ་རབ་འབྱམས་སུ་སྦྱོང་བའི་གཞན་དོན་གྱི་བྱ་བ་འདི་རང་ཡིན་པས་རྒྱལ་བའི་ཕྲིན་ལས་ལ་སློབ་ན་འདི་ཉིད་མཐིལ་དུ་བཟུང་དགོས་པས་སོ། །ཨེ་མ་བླ་མའི་དྲིན་ལས་ཤེས། །སྒྲུབ་པའི་བྱེ་བྲག་ལས་སྦྱོར། ཞེས་པར་ཡང་ཆེས་འགྲིགས།

― TN03_Page_1066 ―

^{[མ་དཔེ་གཟིགས་ན་འདིར་གནོན།]}

(༦༤༧)འདིའི་ཟློག་སྔགས་ཀྱི་དམིགས་པ་གྲུབ་ཐོབ་བཀའ་བརྒྱད་ལྟར། ༈ ཁྲོ་བོའི་སྒྲུབ་ཐབས་སུ། གདོད་མའི་དཔའ་བོ་སྐུལ་བྱེད་རྡོ་རྗེའི་དབྱངས། །ཞེས་དང་། ཡང་དག་ཏུ། ལྷན་སྐྱེས་གདོད་མའི་དཔའ་བོ་མཚོན་མིན་ནམ། །ཞེས་གསུངས་ལྟར་སྣོད་བཅུད་རྒྱུད་གསུམ་གྱི་གཉུག་མའི་དེ་ཉིད་ཡེ་ནས་ཧེ་རུ་ཀའི་དཀྱིལ་འཁོར་དུ་གནས་པ་དེ་བཟླས་སྒོམ་གྱིས་བསྐུལ་བས་སད་པར་བྱེད་པ་འདི་གོ་དགོས་ཏེ། རྡོ་རྗེ་སེམས་དཔའ་རྒྱལ་པོ་ཆེ། །ཡང་དང་ཡང་དུ་སྐུལ་བར་བྱ། །ཞེས་པ་བཞིན་ཏེ། བསྐྱེད་རྫོགས་ཀྱིས་མོས་ངོར་དང་དངོས་སུ་སྐུལ་ཚུལ་ཐ་དད་ཡོད། ཟབ། ༈ དམ་ཡེ་སྲེ་དུས། རང་ཉིད་ཡེ་ནས་སངས་རྒྱས་ཚུལ་ལྟར་རང་གིས་བསྒོམ་པ་དམ་ཚིག་པ། རང་རེའི་ཕུང་ཁམས་ཀྱི་དེ་ཉིད་སངས་རྒྱས་སུ་བཞུགས་ཚུལ་དཔྱིས་ཕྱིན་པ་སངས་རྒྱས་རྣམས་ཀྱིས་གཟིགས་པ་འདྲ་བ་རང་རེ་ལ་འཆར་མི་ཐུབ་པས་དེ་ལྟར་རྟོགས་པ་མངོན་དུ་གྱུར་བའི་སངས་རྒྱས་ཐམས་ཅད་རང་ལ་བཅུག་ནས་རང་དང་སངས་རྒྱས་དེ་དག་གི་རྟོགས་པ་རོ་མཉམ་དུ་གྱུར་པར་མོས་པ་ཡིན་ཞེས་བཤད་ན་པདྨའི་ལམ་རིམ་རང་འགྲེལ་དང་མཐུན་ནམ་འདི་དཔྱད་དགོས། ༈ ལས་བྱང་མཐའི་ཤིས་བརྗོད་རྣམས་ནི་ལས་རིམ་གྱི་མཐའ་ཤིས་པས་བསྡུ་བ་སྟེ། སྒྲུབ་པ་མཐར་དགེ་བཀྲ་ཤིས་སུ་བྱེད་པའོ། ༈ ཁྱིམ་གསུམ་ཐད། ལར་འདི་གསུམ་བསྟན་སྲུང་གི་མན་ངག་ཡིན་ལ། དེ་ལ་དག་པའི་རྣལ་འབྱོར་ལ་

― TN03_Page_1067 ―

^{[མ་དཔེ་གཟིགས་ན་འདིར་གནོན།]}

(༦༤༨)བརྟེན་ནས་རང་ལ་སྲུང་མར་བསླང་བ། མ་དག་འཁྲུལ་པའི་གཞན་དབང་དུ་གྱུར་པའི་བསྟན་དགྲ་ལ་གཤེད་དུ་བསླང་བ་སྟེ་སྣང་ཕྱོགས་ལ་བརྟེན་པ་གཉིས། སྣང་མེད་སྟོང་ཕྱོགས་ལ་བརྟེན་ནས་བསྟན་སྲུང་ལ་དབང་སྒྱུར་གྱི་མཐུ་ཕུལ་བྱུང་ངམ་བརྟན་པོར་དབང་དུ་གྱུར་པ་སྒྲུབ་པ་སྟེ་གསུམ། སྔ་མ་གཉིས་སྣང་ཕྱོགས་སྡེ་བརྒྱད་དྲེགས་པ་ཉིད་ལ་བརྟེན་ནས་ལས་སྲུང་གསད་། ཀྱི་དངོས་གྲུབ་སྒྲུབ་ཚུལ་དང་། ཕྱི་མ་སྟོང་ཕྱོགས་སྡེ་བརྒྱད་ཀྱི་དེ་ཉིད་ལ་བརྟེན་ནས་ཡེ་ཤེས་ཀྱི་དངོས་གྲུབ་སྒྲུབ་ཚུལ་ཡིན་འདྲ། གནས་ཁྱིམ་ཞེས་པའི་གནས་ཀྱི་དོན་ནི། ནང་དུ་རང་སྣང་དག་པར་གནས་གྱུར་པའི་རྩལ་ལས་ཕྱི་རུ་ལྷ་སྲིན་སྡེ་བརྒྱད་ཐམས་ཅད་སྲུང་མར་གནས་འགྱུར་ཞིང་གོ་འཕོ་བའི་དོན་ཏེ། མདོར་ན་གནས་གྱུར་པའི་ཁྱིམ་ཞེས་པའོ། །ཚིག་ཟིན་དང་མཐུན་ཤས་མི་ཆེ་ཡང་དགོངས་པ་བཙལ་ནས་སོ། ཁྱིམ་དང་པོར་ཕྱིའི་སྡེ་བརྒྱད་ནང་ཚོགས་བརྒྱད་ཀྱི་རླུང་སེམས་ཀྱི་ངོ་བོར་བལྟས་ནས། དེ་ལ་བདེ་སྟོང་གི་ལྷ་སྐུས་རྒྱས་འདེབས་བྱེད་པ་ནི་ཕྱིའི་སྡེ་བརྒྱད་ནང་རླུང་སེམས་ལ་བསྲེས་པས་སྡེ་བརྒྱད་རང་སེམས་ཀྱིས་དབང་དུ་བྱེད་ཅིང་། དེ་ཉིད་ཀྱང་དག་པ་གཉུག་མའི་ཧེ་རུ་ཀས་དབང་དུ་བསྡུ་ཆེད་དོ། །དེ་ཉིད་སྣང་ལ་རང་བཞིན་མེད་པར་རྟོགས་པས་ཞེས་ཧེ་རུ་ཀ་རེ་རེ་ཞིང་གི་ཐད་དུ་སྣང་བས་བདེ་སྟོང་ཞེས་པ་འགྲིགས། དགྲའི་ཚོགས་བརྒྱད་སྡེ་བརྒྱད་དུ་བལྟས་ནས་སྡེ་བརྒྱད་གཤེད་འབེབས་ཀྱིས་གཤེད་དུ་སྐོར་བ་ནི་རང་སྲོག་རང་གིས་

― TN03_Page_1068 ―

^{[མ་དཔེ་གཟིགས་ན་འདིར་གནོན།]}

(༦༤༩)གཅོད་པའི་ཆེད་དེ། ཁོ་ཉིད་ཀྱི་རླུང་སེམས་ཁོ་རང་གི་གཤེད་ཡིག་སློང་རྐྱེན་དུ་བསྒྱུར་བའོ། ཁྱིམ་གསུམ་པར་བདག་གཞན་གཉིས་སུ་མེད་པ་ཞེས་པའི་གཞན་ནི་སྡེ་བརྒྱད་ལྷ་སྲུང་ལ་བྱ་སྟེ་དེའི་རྒྱས་བཤད་དུ་གསལ། གསུམ་པ་འདིར་ཚོགས་བརྒྱད་དུག་ལྔ་སོགས་འོད་གསལ་དུ་སྦྱངས་པའི་རང་རིག་གི་དག་ལྡོག་རྣམས་སྡེ་བརྒྱད་དང་དྲེགས་པ་སྡེ་ལྔ་སོགས་ཀྱི་དེ་ཉིད་དུ་བཞག་ནས་དེ་ལ་གོམས་པར་བྱ་བ་ཡིན་ཏེ་གཞུང་ལས། སེམས་ཉིད་དྲི་མ་དག་པ་སྟེཿ སྣང་སྲིད་ལྷ་འདྲེར་ལྷུན་གྱིས་གྲུབཿ བྱས་པ་མེད་པ་རང་བྱུང་བསཿ མི་འགྱུར་རྡོ་རྗེའི་ཁྱིམ་ཞེས་བྱཿ ཞེས་སོ། །ལྷ་འདྲེ་ཆུང་ངུ་ལས་ཀྱང་དངོས་གྲུབ་ཆེ་ལ་མང་བ་འབྱིན་པའི་གནད་ནི་གསུམ་པ་འདི་ཡིན་ཏེ། ཟབ། ༈ བརྟན་གཡོ་ཐམས་ཅད་ཟིལ་གནོན་འཁོར་འདས་ཀུན་ལ་དབང་སྒྱུར་བདེ་ཆེན་རྟོགས་པ་ཕུལ་དུ་བྱུང་བའི་རྒྱལ་སྲིད་མི་འཕྲོགས་པ་སྟེར་ཆེད་བཞེངས་ཕྱིར་ཚོང་པ་རྫས་མང་བཞིན་དུ་དངོས་གྲུབ་ཆེ་ལ་ཟིལ་གནོན་དེ་ཀའི་གནད་ཀྱིས་བར་ཆད་ལྡང་མེད་བྱེད་པས་སྐྱེལ་མ་དཔུང་ཆེན་འདྲ། སོར་རྟོག་ཡེ་ཤེས་ཆོས་སྨྲ་མཁས་པ་ཡིན་ཏེ་སྙིང་རྗེའི་རྒྱ་མཚོ་འགྲོ་འདུལ་ཕྲིན་ལས་བདག་པོའང་དེར་བསྔགས། དེ་ཡི་དཔུང་ནི་རིག་སྔགས་རྡོ་རྗེའི་ལུས་མངའ་འཇིག་རྟེན་དབང་མཛད་ཁམ་གསུམ་རྫུ་འཕྲུལ་རྐང་པས་མཐར་བྱེད་ཉིད་དུ་གནས། ༈ ཐུགས་ཡིད་སྲེ་དུས། ཇོ་བོས་དེ་ལ་མི་ཕན་ན་

― TN03_Page_1069 ―

^{[མ་དཔེ་གཟིགས་ན་འདིར་གནོན།]}

(༦༥༠)བླ་མས་ཅི་བྱེད་ཅེས་དང་། བློ་གྲོས་རྒྱ་མཚོས་ཞུས་པར། ཞིང་པ་གཉིད་ལོག་ཀྱང་ཞིང་ཐམས་ཅད་དུ་ཆུ་འཛུག་པའི་དཔེས་གསུངས་ལྟར། བླ་མ་ཉིད་འོལ་སྤྱི་མིན་པར་སེམས་ཅན་ཐམས་ཅད་ཀྱི་དོན་དུ་རྣལ་འབྱོར་བླ་མེད་པའི་ཤེར་ཕྱིན་མཐར་ཐུག་གི་ཏིང་ངེ་འཛིན་ལ་མཉམ་པར་བཞག་པ། སེམས་ཅན་རེ་རེ་ནས་དེ་ཁོ་ནའི་ཆེད་དུ་ཆོས་དབྱིངས་བསམ་མི་ཁྱབ་ཀྱི་བསམ་གཏན་མཛད་པ་འདྲ་བ་ཡོད་པས། གདུལ་བྱས་དེ་ལ་ཡིད་ཆེས་ཐོབ་ནས་རིག་པ་གཏད་ཐུབ་པ་ཙམ་གྱིས་བྱིན་རླབས་འཇུག་པ་ཡིན་ནོ།། ༈ །།ཤར་གྲོལ་གྱི་གནད་ལ། རྣམ་རྟོག་ཤར་དུས་དེའི་ངོ་བོ་བལྟས་ན་འཁྲུལ་པ་ལ་རྗེས་འདེད་བཏང་བ་སྟེ་ཀུན་རྟོག་ལུ་གུ་རྒྱུད། རྣམ་རྟོག་ཡལ་བའི་ངང་ལ་གློད་ན་རང་ངོ་ཤེས་པའི་ལྷག་མཐོང་གི་གནད་མེད་པས་མུན་སྒོམ། རྣམ་རྟོག་སྔ་ཕྱིའི་བར་སེངས་ཀྱི་དྭངས་བཙལ་ན་བླང་དོར་རིས་ཆད་ཅན་ཡིན་པས་དེ་འདྲ་ཐམས་ཅད་ཐུན་མོང་གི་ཚུལ་དང་འདྲེས་པ་རེད། སྙིང་ཐིག་གསང་བའི་གནད་ནི། རིག་པ་ཟང་ཐལ་རྗེན་ལ་བུད་པའི་དང་དེར་རང་བབས་སུ་འཇོག་པ་ཉིད་ལས་གཞན་གང་ལའང་ལྟོས་མི་དགོས་ཞེས་ཀུན་མཁྱེན་ཆོས་ཀྱི་རྒྱལ་པོ་གསུངས། ཁ་ཅིག་ངོ་བོ་མི་རྟོག་པར་སྐྱོང་། རྩལ་ཤར་གྲོལ་དུ་འཁྱེར་ཟེར་བའང་ཉམས་ལེན་ཆ་གཉིས་སུ་གཅོད་པ་མི་རིགས་ཞེས་ཀུན་མཁྱེན་སྔ་ཕྱི་གཉིས་ཀས་གསུངས། ༈ རྟ་སྐད་ལ། རྗེས་ཆགས་

― TN03_Page_1070 ―

^{[མ་དཔེ་གཟིགས་ན་འདིར་གནོན།]}

(༦༥༡)ཀྱི་འཚེར་སྒྲ་ཞེས་པ་བདེ་བས་ཐབས་བྱས་པའི་རིག་པ། རྟ་སྐད་ནམ་མཁར་བསྟོད་དེ་འཚེར་བ་ཐུགས་རྗེའི་རིག་པ་ངོ་བོ་སྟོང་པའི་དབྱིངས་སུ་རྒྱ་གྲོལ་དུ་སྲེ་བ། དེ་ལྟར་འཚེར་བས་སྣོད་བཅུད་དབང་དུ་བྱེད་པ་རིག་པ་དབྱིངས་ཐོག་ནས་མ་གཡོས་པར་བཞག་པ་རང་གིས་སྣང་སྲིད་ཅིར་སྣང་ཐམས་ཅད་རང་སྣང་ཟང་ཐལ་དག་མཉམ་རིས་མེད་དུ་ཤར་ནས་རིག་ཐོག་ཏུ་ཚུར་འདུ་བ། རྟ་ཁ་རྩལ་ཆེ་ཞིང་སྒྲོལ་ཤུགས་ཆེ་བ་འོད་གསལ་ལམ་བྱེད་ཀྱི་གནད་དེས་ས་ལམ་རིམ་བགྲོད་ལ་མི་ལྟོས་པར། ཡེ་ཤེས་བླ་མའི་ས་ལ་ད་ལྟ་ཕྱིན་ཞེས་པ་ལྟར་ཏེ། འདི་སྐུ་གསུམ་རང་བབས་ཀྱི་དགོངས་པས་ཤེས་ལ། གོལ་སྒྲིབ་ཐམས་ཅད་རིག་པ་ཟང་ཐལ་གྱི་རྟོགས་པ་དེ་ཁོ་ནས་འབད་མེད་དུ་ཆོད་པ། རྟ་སྐད་གསལ་ལ་ངར་ཆེ་བ་རིག་པ་ལ་རང་བབས་ཀྱི་གསལ་ཆ་དང་། ངོ་བོའི་བཞུགས་ཚུལ་རྗེན་པར་རྟོགས་ནུས་ཀྱི་ངར་ཆའི་ཤུགས་རྣོ་བ། རྟ་མཆོག་བདེ་མྱུར་གྱི་ཐེག་པའམ་བཞོན་པའི་རྒྱལ་པོ་ཡིན་པ་རྩོལ་མེད་ཀྱི་ལམ་འདི་ཐེག་པའི་རྒྱལ་པོ་ཡིན་པ། རྩལ་གྱི་རིག་པ་འབྲལ་མེད་དུ་ཡོད་ཀྱང་ཇི་སྲིད་གཟུང་འཛིན་གྱི་རྣམ་རྟོག་ཁོ་ནས་འདི་དང་འདིའོ་ཞེས་རང་སྐད་སྨྲ་ཞིང་བརྡ་སྤྲོད་པའི་རིང་ལ་རིག་པས་རང་སྐད་མི་ཐོན་ལ། མན་ངག་ཟབ་མོས་རིག་པ་རྗེན་ལ་ཕྱུངས་པ་ན། དེ་ཉིད་ཀྱིས་རང་གི་ངོ་བོའི་དབྱིངས་གསལ་བར་ངེས་པའམ་རྟོགས་པའམ་བརྡ་

― TN03_Page_1071 ―

^{[མ་དཔེ་གཟིགས་ན་འདིར་གནོན།]}

(༦༥༢)ཕྲད་པ་ནི་ནམ་མཁའ་ལ་སྒྲ་བརྙན་སྣང་བ་ལྟ་བུའི་རིག་པའི་རང་སྐད་ཐོན་པ་སྟེ། དེ་ལྟར་ཟབ་མོ་འབྱེད་པའི་ཤེས་རབ་ཀྱིས་ངེས་པའི་རང་སྐད་ཕུལ་དུ་བྱུང་བ་ཐོན་ཡང་འདི་དང་འདིའོ་ཞེས་ཡིད་ཀྱིས་བརྗོད་པའི་རྣམ་པར་མི་གསལ་བས། ནཱ་ད་མི་གསལ་བའི་སྒྲ་ལའོ། །ཞེས་པ་ལྟར་ནཱ་དའི་རང་བཞིན་གྱི་བཞད་པ་སྟེ་ཚིག་འབྲུ་འདི་ཞེས་བྱར་མེད་པ་རེད་དམ་བརྟགབདེ་བས་ཐབས་བྱས་པའི་རིག་པ་ཞེས་པ་འཚེར་སྐད་ལ་སྦྱར་བ་དེ་ནི། སྙན་རྒྱུད་རྟ་མགྲིན་ལས། དབང་གསུམ་པས་དགའ་བཞི་ངོ་སྤྲོད་བསྟན་པའི་དེ་མ་ཐག་པར། རྡོ་རྗེ་རྟ་སྐད་འཚེར་བའི་དབྱངསཿ གསལ་ཞིང་༴ རང་བྱུང་དཀྱིལ་ནས་བསྒྲགསཿ ཞེས་འབྱུང་བར་མཐུན་ཏེ། གསུམ་པའི་དཔེའི་ཡེ་ཤེས་ཀྱིས་མཚོན་ནས་བཞི་པའི་ཡེ་ཤེས་ངོ་སྤྲོད་ལུགས་ཀྱིས་ཤེས་པའི་ཕྱིར། འོད་གསལ་གྱིས་རང་གི་གནས་ལུགས་རྟོགས་པའམ་བརྗོད་པ་ལ་རྟ་སྐད་དུ་འཇོག་པ་ནི་རྟ་སྐད་ཐག་རིང་དུ་ཐོས་པས་མཐོར་ཐོས་ཞེས་སྐད་གསལ་བའི་དཔེར་བྱེད་པ་ལྟར་འོད་གསལ་ནང་དུ་མ་གབ་པར་ནང་ཕུང་ཁམས་དང་། ཕྱི་ཡུལ་སྣང་གང་ཤར་ཅི་སྣང་ཐམས་ཅད་ཀྱི་སྟེང་དུ་འོད་གསལ་གྱི་རང་སྐད་གསལ་བར་ཐོན་ནས་ཡུལ་སེམས་ཇི་ལྟར་ཤར་ཅི་ཙམ་སྣང་ཡང་སྐད་དེས་མ་ནོན་མ་ཁེབ་པ་མེད་པར་རམ་སྐད་དེ་ལས་ཕྱི་རོལ་དུ་འགྲོ་ས་མེད་པར་ཟིལ་གྱིས་མནན་པ་ཅིག་གི་སྟེང་ནས་འཇོག་དགོས་པས་རླུང་སེམས་དབུ་མར་ཐིམ་པའི་འོད་གསལ་ལྟ་

― TN03_Page_1072 ―

^{[མ་དཔེ་གཟིགས་ན་འདིར་གནོན།]}

(༦༥༣)བུ་རྩལ་དུ་འདོན་ཕྱོགས་མ་མཛད་པར་ཐུགས་རྗེའི་རིག་པ་ཡུལ་ཐོག་ཏུ་འཆར་བར་འདྲ་བའི་སྟེང་ནས་བཞག་སྟེ། རོལ་པ་ཆོས་ཉིད་དུ་ཤར་བའི་སྟེང་ནས་སྣང་སེམས་དབང་དུ་སྡུད་ལུགས་བཞག་དགོས་པས་ས། །ཧྲཱི་དང་ཧཱུཾ་ཡིག་སོགས་འབྲི་དུས་ནཱ་ད་སྟེང་དུ་འཇོག་པ་ལྟར། ཧེ་རུ་ཀས་གསང་སྔགས་ཞལ་ནས་ཟློས་པའི་སྒྲ་བརྙན་ནཱ་ད་སྤྱི་གཙུག་ནས་འཚེར་སྒྲའི་རྣམ་པར་འབྱུང་བའོ། །དྲིལ་བུའི་སྒྲ་གདངས་མི་གསལ་བར་སོང་བའི་ནཱ་ད་ལྟ་བུ། ༈ དབང་དྲག་གི་མེ་འོད་ཚ་ཞིང་རྣོ་བས་སྡེ་བརྒྱད་ཐམས་ཅད་ཀྱི་རླུང་སེམས་ཐིག་ལེ་ཆེས་ཆེར་གདུང་སྟེ་གདུག་སེམས་ཁེངས་དྲེགས། དཔའ་བརྟན་གྱི་བརླིང་ཆ་ཐམས་ཅད་མར་གོང་འཁོང་པ་ལ་མེ་ཟེར་བརྒྱབ་པ་ལྟར་རང་དབང་མེད་པར་བཤིགས་ཏེ། སླར་རྒོལ་བ་དང་། གཞན་དུ་འབྲོས་པའི་མཐུ་མེད་པར་རིམ་དྲག་པོས་མྱོས་པ་བཞིན་དུ་སོང་བར་བསམ་པ་ནི་ཛབ་དགོངས་གསུམ་པ་སྟེ་སྡེ་བརྒྱད་དབང་སྡུད་ཀྱི་གཞི་སྒྲུབ་པ་རེད་དམ་དང་། དེ་ནས་ཛབ་དགོངས་ལྔ་པ་ཟུར་ཐོ་ལྟར་བྱས་པས་དབང་དུ་སྡུད་པའོ་སྙམ་དཔྱད། ཡང་ན་མྱོས་པ་བཞིན་དུ་སོང་བའི་བར་དེ་བཞིན་ལ། སོང་བའི་མཐར་ཀེ་ཏ་ཀའི་མེ་ཏོག་སྤོས་ཀྱི་གླང་པོ་ཆེའི་མེ་དྲོད་ཀྱིས་གདུང་བའི་དབང་གིས་གླ་རྩི་ལྟ་བུའི་ཁམས་སུ་འགྱུར་བའམ། རྒྱ་མཚོའི་ཀླུ་མཁའ་ལྡིང་གིས་མེར་སྦྱང་བས་ནོར་བུ་ཏོག་གི་བློ་གྲོས་སུ་འགྲོ་བ་ལྟར་བདག་ཧེ་རུ་ཀ་ལ་

― TN03_Page_1073 ―

^{[མ་དཔེ་གཟིགས་ན་འདིར་གནོན།]}

(༦༥༤)དགའ་གུས་དུང་གསུམ་གྱི་རང་བཞིན་ཁོ་ནར་ཞུ་སོངས་བར་བསམ། ༈ མཉམ་བཞག་གི་སྟེང་དུ་དྲན་པ་མི་འཇོག་པར། དྲན་པ་རང་མཉམ་བཞག་གི་ངོ་བོར་རྫོགས་པ་ཞེའོ། །དེ་རབ་ཡིན། དེའི་སྔོན་དུ་དྲན་པ་རྣམ་རྟོག་ཏུ་སོང་ཚེ་ཡེངས་པ་རེད་ལ། སླར་དྲན་པ་སླེབས་ནས་མཉམ་བཞག་གི་སྟེང་དུ་ཐོན་དུས་སྒོམ་རེད། ཇི་ཞིག་ན་འདུ་བྱེད་ཀྱི་དྲན་པ་ཤུགས་ཆེར་སོང་ནས་རྣམ་རྟོག་སྐྱེས། ཅི་ཙམ་སྐྱེས་ཀྱང་དྲན་པ་འཕྲོག་མི་ཐུབ་པར་རྣམ་རྟོག་དྲན་པར་ཆ་གསུངས། ༈ རྩ་བ་ནང་དུ་ཆོད་ཚེ་རྣམ་རྟོག་ཤར་ཡང་དྲེས་ཐག་མེས་ཚིག་གི་ཐལ་བ་འདྲ་གསུང་། དང་པོར་དྲན་པ་ལ་མཐིལ་བཅོལ་དགོས། མཐར་དྲན་པ་རང་དག་ལ་འགྲོ་དགོས་པ་ནི་འདག་བཟོ་བྱེད་དུས་དང་པོ་འདམ་པ་གལ་ཆེ། མཐར་སྐམ་ཐག་ཆོད་པ་གལ་ཆེ་བ་ལྟ་བུ་སོགས། ༈ ཐ་མལ་གྱི་སྣང་ཞེན་གཉིས་སྦྱོང་ལུགས་ཁྲེགས་ཆོད་དུས་གང་སྣང་ཡེ་ཤེས་ཀྱི་རང་སྣང་ཁོ་ནར་ཤར་བས་སྣང་བ་སྦྱོང་། རྩ་བ་ཆད་པས་ཞེན་པ་སྦྱོང་། ཐོད་རྒལ་གྱིས་སྣང་བ་གཅོད་པ་སླ། ཤེས་རབ་རང་བྱུང་སྒྲོན་མས་ཞེན་པ་གཅོད། འོན་ཀྱང་གཙོ་བོར་ཁྲེགས་ཆོད་ཀྱིས་ཞེན་པ་དང་། ཐོད་རྒལ་གྱིས་སྣང་བ་སྦྱོང་། མ་དག་འཁྲུལ་པའི་གཞི་རྩ་ཁྲེགས་ཆོད་ཀྱིས་གཅོད། དག་པ་ཡེ་ཤེས་ཀྱི་སྣང་བའི་རྩལ་ཆེན་ཐོད་རྒལ་གྱིས་རྫོགས། ༈ རྩལ་གྱི་རིག་པ་རྟ་སྐད་དུ་འཇོག་པའི་གནད་ནི་འདི་ལྟར་ཡིན་ནམ་སྟེ། ད་ལྟ་འདིའོ་

― TN03_Page_1074 ―

^{[མ་དཔེ་གཟིགས་ན་འདིར་གནོན།]}

(༦༥༥)ཞེས་དང་འདི་ལྟ་བུའོ་ཞེས་ངོ་བོ་དང་ཁྱད་པར་སོགས་སུ་རྟོག་པའི་ཡིད་ཀྱི་བརྗོད་པ་ནི་རྣམ་རྟོག་ཕྲེང་བ་རེད་ལ། དེ་དངོས་གློ་བུར་གྱི་དྲི་མ་སྦྱང་བྱའི་ཆར་གཏོགས་རེད་ཀྱང་། རོང་ཟོམ་གྱིས་སེམས་ཀྱི་གཤིས་ལ་དེ་ལྟ་བུའི་རྩལ་ཡོད་པས། ཞེས་པ་ལྟར་དེ་འདྲའི་ཀུན་རྟོག་སྤྲོ་བའི་རྩལ་གྱི་ཆ་གཉུག་མའི་སྟེང་ན་ཡོད་པས་དེ་ལྟར་ཤར་ལ། གཉུག་མའི་སྟེང་གི་རྩལ་དེ་ནི་ཀུན་རྟོག་སྤྲོ་བྱེད་ཀྱི་འཆར་གཞིའམ་རྩལ་དུ་ཤར་ཡང་། འདི་དང་འདིའོ་ཞེས་པའི་འཛིན་ཆའམ་འཛིན་སྟངས་ཀྱི་བརྗོད་པར་མི་གསལ་བས། སྒྲ་ཐམས་ཅད་ལ་ང་རོའམ་ནཱ་དས་ཁྱབ་པ་ལྟར། ཡིད་ཀྱི་བརྗོད་པ་ཐམས་ཅད་ཀྱི་དབྱིངས་སམ་ཁམས་ན་ནཱ་དའི་ཚུལ་དུ་ཁྱབ་པར་བཞུགས་སོ། །བསམ་གཏན་གཉིས་ཀྱི་སྡུད་རིམ་སོགས་ཀྱིས་འོད་གསལ་འཆར་དུས་ནི་བརྗོད་པ་དང་ནཱ་ད་དེ་དག་གཉིས་ཆར་བསྡུས་འགྲོ་ཞིང་། ད་ལྟ་ཡིད་ཀྱི་བརྗོད་པ་སྣ་ཚོགས་དང་འདྲེས་ཚེ་ནི་ཆུ་རྙོག་མས་བསླད་ཚེ་དྭངས་ཆ་མི་མངོན་པ་ལྟ་བུར་ནཱ་ད་དེ་གསལ་བར་མི་རྟོག་ལ། བཞག་ཐབས་ཟབ་མོས་ཡིད་ཀྱི་བརྗོད་པ་རྣམས་བཅད་དེ་ནཱ་ད་རྗེན་ལ་བཏོན་དུས་ངོ་བོ་སྟོང་པའི་དབྱིངས་སུ་ལྷག་མཐོང་གི་ནཱ་ད་གསལ་ཞིང་ངར་ཆེ་ལ་ངོས་བཟུང་མེད་པར་མཆེད་འགྲོ་སྟེ། དེ་ཉིད་ལ་འཚེར་སྐད་ཅེས་བྱའོ། །ཐུགས་རྗེའི་རིག་པ་ལ་མཁྱེན་ཆ་ལྷག་པའི་གནད་ཀྱང་འོད་གསལ་

― TN03_Page_1075 ―

^{[མ་དཔེ་གཟིགས་ན་འདིར་གནོན།]}

(༦༥༦)གྱི་སྟེང་གི་སོ་སོར་ཀུན་ཏུ་རྟོག་པའི་རང་རྩལ་རྗེན་ལ་ཐོན་པ་འདིའི་སྟེང་ནས་ཤེས་དགོས། འདི་རྫོགས་ཆེན་ལྟར་སྦྱོར་བའི་འཆར་གཞི་ཡིན་གྱི། །རྫོགས་རིམ་པའི་ནཱ་ད་སྤྱིའི་འགྲོས་ཙམ་མི་བཏུབ་བམ་སྟེ་བདེ་ཆོག་སོགས་ཀྱི་རྫོགས་རིམ་དུས་དྷ་ཏིར་ནཱ་ད་འཇོག་ཐད་ལྟོས། འདི་ལྟར་དེ་རྣམས་ཀྱི་ནཱ་ད་ནི་རླུང་སེམས་ཀྱི་ཆ་ལ་འཇོག །དེ་ལ་རྫོགས་ཆེན་པས་བལྟས་དུས་རླུང་སེམས་གར་ཡོད་ལ་བཤད་མ་ཐག་གི་ནཱ་ད་དེ་སྲོག་ཏུ་ཡོད་ཅིང་། རླུང་སེམས་དབུ་མར་བསྡུ་བའི་མན་ངག་གིས་དེ་རྣམས་ཕྱོགས་གཅིག་ཏུ་འདྲིལ་ནས་དྷུ་ཏིར་གོང་བུའི་ཚུལ་དུ་གྱུར་པ་དེ་དྷུ་ཏིའི་ནང་གི་ནཱ་དར་བྱེད་པར་སོང་བ་འདྲ། མདོར་ན་སེམས་ཅན་དུས་རིག་པའི་ནཱ་ད་དེ་འཁྲུལ་པའི་བརྗོད་པ་ཐམས་ཅད་ཀྱི་རྒྱུ་ཡིན་ཅིང་། སངས་རྒྱས་དུས་མི་ཤིགས་གཉུག་མའི་ནཱ་ད་རྗེན་པ་ཁོ་རང་སོར་རྟོག་གི་རྩལ་མཆེད་ཅིང་དེ་ཉིད་བརྗོད་པ་ཟད་མེད་དུ་ཤར་བ་ལ་གསུང་རྡོ་རྗེ་ཟེར་བས་གསུང་རྟ་སྐད་ལ་ངེས་པ་སྟེར་རོ། །རྟ་སྐད་ཐེང་གཅིག་གི་དགོངས་པ། ༈ ལུགས་འདིར་སྣང་བ་ཐམས་ཅད་རིག་པའི་རང་རྩལ་དུ་ལྟ་བ་གོ་བ་དེ་ཡང་། སྣང་ཡུལ་འདི་ལྟར་ལྟ་བ་མི་གསལ་བས་སྣང་སྲིད་ཐམས་ཅད་རང་སྣང་རིས་མེད་དུ་མི་འཆར་རམ་ཞེ་ན། སྐྱོན་མེད་དེ། སྣང་བ་རིག་རྩལ་དུ་ཤར་བ་ཉིད་ཀྱིས་སྣང་ཡུལ་ཡང་དེ་ལྟར་འཆར་ཐུབ་པའི་ཕྱིར་ཏེ། འདིར་

― TN03_Page_1076 ―

^{[མ་དཔེ་གཟིགས་ན་འདིར་གནོན།]}

(༦༥༧)སྣང་ཡུལ་གྱིས་སྣང་བ་ཚུར་མ་སྤྲུལ་གྱི། སྣང་བས་སྣང་ཡུལ་ཕར་བཞག་པའི་ཕྱིར་ཏེ། སྣང་བ་དགའམ་སྡུག་ཉམས་གྱིས་སྣང་ཡུལ་ཡིད་འོང་ཡིན་མིན་སྤྲུལ་ཞིང་ངམ་འཇོག་ཅིང་། སྣང་བ་ཕྱིན་ལོག་པའི་དབང་གིས་སྣང་ཡུལ་བསླུ་བ་དང་རྫུན་པར་འཇོག་པ་སོགས་ལྟ་བུའོ། །འདི་ལ་ཕན་པའི་ལུང་ཞིག་ཡེ་ཤེས་ཀློང་རྒྱུད་ན་ཡོད་སྣང་ཤར། ༈ བླ་མེད་རྒྱུད་གཞན་དུ་རྫོགས་རིམ་ལམ་གྱི་འོད་གསལ་འཆར་བ་ལ་སྔོན་དུ་རགས་པའི་རྩ་རླུང་ཐིག་ལེ་ལས་སུ་རུང་བར་སྒྲུབ་དགོས་པས་ཡེ་ཤེས་སྐྱེ་བ་ལ་ཅུང་ཟད་ཡུན་རིང་དགོས། དེ་དག་ལས་རུང་ཕྱོགས་ཐམས་ཅད་ནས་ཕུལ་དུ་བྱུང་བ་ཐོབ་པ་ལ་མི་ཤིགས་པའི་སེམས་འཛིན། རྡོར་བཟླས། དྷུ་ཏིའི་ཡར་སྣ་མར་སྣ། ལྟེ་བའི་གཏུམ་མོ་སོགས་ཀྱི་སེམས་འཛིན་སྣ་ཚོགས་དང་། ལས་རྒྱའི་ཐབས་སོགས་བརྟེན་དགོས་པས་ཚེགས་ཀྱང་ཆེ། ཐུན་བར་དུ་ལས་རླུང་ལང་ཡོད་བས་འོད་གསལ་བརྟན་དཀའ་བ་སོགས་རེད། འདིའི་རིག་པ་རང་སྣང་གི་བློ་ཅན་འཁྲིད་དུས། འོད་གསལ་རྩལ་ཐོག་ཉིད་ནས་ཐད་ཀར་ངོ་སྤྲོད་པ། འོད་གསལ་ལམ་བྱེད་རྐྱང་བས་རླུང་སེམས་རགས་པ་ཐམས་ཅད་ལས་རུང་དུ་བྱེད་པ། འོད་གསལ་དང་སྒོམ་བརྟན་ནས་མཉམ་རྗེས་ཀུན་ཏུ་དྭངས་ཆ་དང་གསལ་ཆ་ཆེ་ཆུང་ཙམ་ལས་འོད་གསལ་རིས་མེད་དུ་འཆར་བའི་ཁྱད་སོགས་ཡོད། ཨཱང་རྟགས་ཅན་ལ། གཞན་གྱི་གཏུམ་མོ་དང་། རྡོར་བཟླས་སོགས་སེམས་འཛིན་དེ་

― TN03_Page_1077 ―

^{[མ་དཔེ་གཟིགས་ན་འདིར་གནོན།]}

(༦༥༨)ཙམ་མང་བ་ལས། རླུང་སེམས་འདུལ་བ་རིག་པ་རྐྱང་དེ་དག་གཅིག་པུ་རང་རྣོལ་མཐུ་ཆེ་བ་ནི། རྩ་རླུང་ཐིག་ལེ་ཐམས་ཅད་ཀྱི་རྩ་བའི་གནད་མཐར་ཐུག་འོད་གསལ་གཅིག་པུ་ཡིན་པའི་རྒྱུ་མཚན་གྱིས་སོ། ༈ །ལུགས་འདིར་སོ་རིག་བཞི་དང་མངོན་ཤེས་དྲུག་སོགས་མཐར་ཐུག་མངོན་དུ་ནམ་འགྱུར་ཞེ་ན། ཆོས་ཟད་ཀྱི་མཐར་སྒྲིབ་པ་ཀུན་བྲལ་གྱིའམ་ཤིན་ཏུ་རྣམ་དག་གི་ངོ་བོ་སྟོང་པའི་དབྱིངས་མཐར་ཐུག་མངོན་དུ་གྱུར་པ་དང་དུས་མཉམ་དུ་མེ་ལོང་གཡའ་དྲི་ཕྱིས་མ་ཐག་གཟུགས་བརྙན་བཀྲ་ལམ་མེ་འཆར་བ་ལྟར་སངས་རྒྱས་ཀྱི་ཆོས་ཐམས་ཅད་མངོན་གྱུར་དུ་འོང་སྟེ། དེའི་དུས་སུ་རང་བཞིན་གསལ་བའི་སྣང་ཆ་སྤྲོ་སྡུད་དང་། ཐུགས་རྗེའི་རིག་པ་སྤྲོ་སྡུད་བྱེད་པའི་རླུང་གི་ཆ་མ་ལུས་པར་དག་ནས། གདོད་མའི་གཤིས་ལ་ངོ་བོ་རང་བཞིན་ཐུགས་རྗེའི་ཆ་ཇི་ལྟར་ཡོད་པ་མཐའ་དག་འཆར་ནུབ་འཕེལ་འབྲི་མེད་པར་ལྷང་ལ་བུད་པའི་ཕྱིར་ཏེ། ཡེ་ཤེས་གཅིག་ཉིད་ཡེ་ཤེས་རྣམ་པ་ཐམས་ཅད་པར་སོང་བའོ། །ངོ་བོའི་དབྱིངས་མངོན་དུ་བྱས་སྟོབས་ཁོ་ནས་སྣང་ཕྱོགས་ཀྱི་ཡོན་ཏན་མཐའ་དག་མངོན་དུ་འགྱུར་བ་འདི་ནི་ཇི་ལྟ་བའི་ཡེ་ཤེས་ཉི་མའི་སྙིང་པོ་དང་། ཇི་སྙེད་པའི་ཡེ་ཤེས་སམ་མཁྱེན་ཆ་དེའི་འོད་ལྟ་བུར་རྒྱུད་བླའི་ཐོགས་འགྲེལ་དུ་གསུངས་པ་དང་། ཆོས་ཀྱི་དབྱིངས་ཞེས་པའི་སྒྲ་དོན་སོགས་དང་ཆེས་འགྲིགས་སོ། །གཞི་ལས་འཕགས་དུས་ཀུན་བཟང་ཁྱད་ཆོས་དྲུག་གིས་སངས་རྒྱས་ཏེ། ཐམས་ཅད་མཁྱེན་པ་དང་རྣམ་པ་ཐམས་

― TN03_Page_1078 ―

^{[མ་དཔེ་གཟིགས་ན་འདིར་གནོན།]}

(༦༥༩)ཅད་མཁྱེན་པ་གཉིས་གྲུབ་ཚུལ་ཐེག་མཛོད་གཞི་སྣང་གི་རིམ་ཁང་ལས་བཤད་པ་སོགས་དང་ཡང་སྒྲིགས། ༈ ངོ་བོ་དང་རང་བཞིན་གཉིས་ཀ་བལྟ་བའི་མིག་མཐར་ཐུག་ནི་ཐུགས་རྗེའི་རིག་པ་སྟེ། འདིས་ངོ་བོའི་དབྱིངས་ལ་འཇུག་ཚུལ་ཁྲེགས་ཆོད་ཀྱི་མན་ངག་དང་། རང་བཞིན་གསལ་བ་དྲུངས་བཏོན་ནས་བལྟ་བ་ནི་རིག་པ་དེ་རྒྱ་མཚོ་གསེར་གྱི་ཉི་མའི་རྩ་ནས་ནམ་མཁའ་ལ་གཏད་པས་འགྲུབ་བོ། །སྙིང་རྗེ་ཅན་ཡིན་ཡང་སྙིང་རྗེའི་ཤུགས་ཕྱུང་མ་ཕྱུང་གི་སྐབས་མང་པོ་ཡོད་ལ། སྙིང་རྗེའི་དབང་གིས་བ་སྤུ་གཡོ་བ་ནི་སྙིང་རྗེའི་ཤུགས་ཕྱུངས་པ་ཡིན་ཏེ། སྙིང་རྗེ་ལྤགས་ལ་བབ་པ་རེད། ངུས་ནས་མཆི་མ་འབྱིན་པ་ནི་དེ་བས་ཀྱང་ཤུགས་ཕྱུངས་པ་ཡིན་ཏེ། ཤ་ལ་བབས་པ་ཞེས་བྱ། ཚིག་ཏུ་རང་དབང་མེད་པར་འབྱིན་པ་ནི་དེ་བས་ཀྱང་ཤུགས་ཕྱུངས་ནས་རྩལ་སྤྲུགས་སུ་བྱས་པ་ཡིན་ཏེ། སྙིང་རྗེ་རུས་ལ་བབས་པའོ། །དེའི་རིགས་པས་དཔྱད་ཚེ། ལྷ་མོ་སྒྲོལ་མ་ནི་འཕགས་པ་འཇིག་རྟེན་དབང་ཕྱུག་བཤུམ་པའི་སྤྱན་ཆབ་ལས་འཁྲུངས་པའམ་སྤྲུལ་པས་འཇིགས་པས་ཉེན་པ་རྣམས་ལ་ཐུགས་རྗེ་ཆེན་པོའི་ཤུགས་ལྷག་པར་ཕྱུངས་པའི་རྣམ་འཕྲུལ་ཡིན་ལ། རྟ་མགྲིན་ནི་ཐུགས་རྗེའི་ཤུགས་ཀྱིས་སྐད་ཕྱུངས་པའི་རྣམ་འཕྲུལ་ཡིན་པས་མྱུར་བའི་ནང་ནས་ཀྱང་མགྱོགས་སོ། །དེས་ན་སེམས་ཅན་སྒྲོལ་བའི་སྟོབས་མཚུངས་མེད་འཕགས་པ་ལོ་ཀི་ཤྭ་ར་ནི་འཁོར་སྒྱུར་གྱི་གླང་པོ་རིན་ཆེན་

― TN03_Page_1079 ―

^{[མ་དཔེ་གཟིགས་ན་འདིར་གནོན།]}

(༦༦༠)ལྟར་གཞན་ཕན་གྱི་སྟོབས་ཀྱི་རྩ་བའི་བདག་པོ་དང་། པདྨའི་རིགས་ཀྱི་ལྷ་གཞན་ཡང་དེའི་སྙིང་རྗེའི་རྩལ་ཤུགས་ལས་སྤྲུལ་མོད་ཀྱི། གླང་པོ་རིན་ཆེན་བང་ཧ་ཅང་བཏང་སྟེ་གླིང་བཞི་རི་མཚོར་བཅས་པ་རྫ་མཁན་གྱི་འཁོར་ལོ་ལྟར་སྣང་བའི་གནས་སྐབས་ལས་ཀྱང་བརྒལ་ནས། མི་གཡོ་བར་ལྷན་ནེ་གནས་པར་སྣང་བའི་གནས་སྐབས་སུ་འདུག་པ་ལྟ་བུར་ཐུགས་རྗེའི་ཤུགས་ཕྱུངས་པའི་གནས་སྐབས་མཐར་ཐུག་ལ་བཞུགས་པ་ནི་སྒྲོལ་མ་དང་། རྟ་མགྲིན་ཏེ། དེ་ལས་ཀྱང་བརྩེ་བའི་ཉམས་སྐད་ཀྱི་སྒོར་ཐོན་པའི་སྤྲུལ་པ་ཕྱི་མའོ། །ཐུགས་རྗེའི་རྩལ་ཤུགས་མ་ལུས་པ་རྫོགས་པར་ཕྱུང་བའི་སྐུའི་རྣམ་འགྱུར་ཐུན་མིན་ཡིན་པ་འདི་འདྲའི་གནད་ཀྱིས། དཔུང་བཟང་ལས་འདི་ཉིད་པདྨའི་རིགས་ཏེ་སྙིང་རྗེའི་རིགས་ཀྱི་ལྷ་ཐམས་ཅད་ཀྱི་དབང་ཕྱུག་ཡིན་པར་གསུངས་སྙམ། ༈ ཁྲེགས་ཆོད་དུ་རིག་ཆ་ངོ་བོའི་དབྱིངས་སུ་འདྲེས་པའི་རིགས་པས། ཐོད་རྒལ་དུ་རིག་ཆས་གསལ་དྭངས་ཕུལ་བྱུང་རང་བཞིན་གྱི་ཆ་མངོན་དུ་བྱེད་ཕུལ་ཆེ། དེའང་རིམ་བཞིན་རིག་པ་མི་རྟོག་པའི་ངོ་བོ་སྐྱེ་ཕུལ་དང་། གསལ་དྭངས་ཀྱི་ངོ་བོར་སྐྱེ་ཕུལ་ཆེ་བའམ། མི་རྟོག་པ་འཐུག་ཚབས་དང་། གསལ་ཆ་འཐུག་ཚབས་ཆེ་བའོ། །དེ་ལྟར་རིག་ཆ་ལ་རང་བཞིན་གསལ་བའི་ངར་ཕུལ་བྱུང་ཐོགས་པ་འདི་རིག་པའི་དྭངས་མ་བསམ་གཏན་གྱི་ཐིག་ལེར་འདུས་པའི་དོན་ཏེ། རིག་པ་ངོ་བོའི་དབྱིངས་སུ་ཞུགས་ཚབས་ཆེ་རིམ་ལྟར་གསལ་མདངས་ཆེ་བས་དབྱིངས་སྒྲོན་གྱིས་ལུག་རྒྱུད་

― TN03_Page_1080 ―

^{[མ་དཔེ་གཟིགས་ན་འདིར་གནོན།]}

(༦༦༡)ཐིག་སྒྲོན་དུ་འདྲེན་འགྲོ་བ་རེད། རང་བཞིན་གསལ་བ་འདི་ནི་ཏིང་ངེ་འཛིན་གྱི་ཆའོ། །དེ་ལྟར་ན་ལུག་རྒྱུད་ཐིག་སྒྲོན་དུ་ཚུད་པ་ནི། རིག་ཆ་ལ་གསལ་དྭངས་ཀྱི་ཏིང་འཛིན་གྱི་རྫོང་ཐོབ་པ་སྟེ། རིག་ཆ་ལ་གསལ་མདངས་སུ་འབར་བ་འདིའི་དབང་གིས་ཁྲེགས་ཆོད་ལས་ཐོད་རྒལ་ཤེས་རབ་ལྷག་པ་སྟེ། དེ་ལ་ཤེས་རབ་རང་བྱུང་སྒྲོན་མ་ཞེས་བྱ། །རིག་པས་ངོ་བོའི་དབྱིངས་རྟོགས་ཞེས་པ་ངོ་བོའི་དབྱིངས་ངོས་ཟིན་པ་དེ་བཞིན་དུ་རང་བཞིན་གསལ་བ་རྟོགས་པའང་དེ་ངོས་ཟིན་ནས་རང་ཉིད་དེར་འདྲེས་པ་རེད། རིག་ཆས་གསལ་མདངས་དེ་རྗེན་ལ་བཏོན་ནས་འབར་བར་བྱེད་ཅིང་རྒྱས་པར་བྱེད། གསལ་ཆ་དེས་ཀྱང་རིག་ཆ་གོང་འཕེལ་དུ་སྨིན་པར་བྱེད། དེ་དག་གི་རྩ་བ་རིག་ཆ་གསལ་མདངས་ཀྱི་ཐིག་ལེར་བཅུག་ནས་སྒོམ་པ་ལ་ཐུག་སྟེ། དེའི་ཕྱིར་ལུག་རྒྱུད་ཀྱིས་ཐིག་སྒྲོན་རྒྱས་པར་བྱེད། ཐིག་ལེས་ལུག་རྒྱུད་སྨིན་པར་བྱེད། གཉིས་ཀའི་རྩ་བ་ལུག་རྒྱུད་ཐིག་ལེར་བཅུག་ནས་སྒོམ་པའོ། །གསལ་ཆའི་བཅུད་རིག་ཆར་སྨིན་པ་འདི་ཉམས་གོང་འཕེལ་ནས་དང་། ངོ་བོའི་བཅུད་རིག་པར་སྨིན་པ་ཚད་ཕེབས།

― TN03_Page_1081 ―

^{[མ་དཔེ་གཟིགས་ན་འདིར་གནོན།]}

(༦༦༢)

― TN03_Page_1082 ―

^{[མ་དཔེ་གཟིགས་ན་འདིར་གནོན།]}

(༦༦༣)རྟ་སྐད་ཀྱི་དཀའ་གནད། ཕུར་པ་ཕྲིན་ལས་ཞེས་ཕུར་པ་ནི་ཕྲིན་ལས་ཀྱི་སྒོ་ནས་འཆད་ཅིང་། དེའང་ཐལ་འབྱིན་གྱི་ཕྲིན་ལས་སུ་རྫས་ཕུར་གྱི་བརྡ་རྟགས་ལས་སྟོན་ཏེ། རྡོ་རྗེ་ཕུར་པ་ཞེས་པའི་མཚན་ལས་ཀྱང་ཤེས་སོ། །དེ་བཞིན་དུ་པདྨ་གསུང་ཞེས་སྒྲུབ་ལུགས་འདི་ནི་གསུང་གི་སྒྲུབ་ལུགས་ཀྱི་སྒོ་ནས་འཆད་དེ། དེའང་འདིར་གསུང་ནི་རྗེས་ཆགས་ཀྱི་བདེ་བའི་རང་བཞིན་དང་། དབང་བྱེད་ཀྱི་ལས་ཅན་དུ་དབུ་གཙུག་རྟ་སྐད་ཀྱི་བརྡ་རྟགས་ལས་སྟོན་ཅིང་། གསུང་དེ་ལ་བརྟེན་པའི་སྒྲུབ་ལུགས་ཀྱང་སྤྱི་བོའི་རྟ་སྐད་ཀྱི་རྣམ་བཞག་རྒྱས་པར་བཤད་པ་ཉིད་ཀྱིས་སྟོན་ཏོ། །རྟ་མགྲིན་ཞེས་པའི་མཚན་གྱིས་ཀྱང་ཤེས་སོ། །རྣལ་འབྱོར་པས་རྡོ་རྗེ་ཕུར་པའི་ཐལ་འབྱིན་གྱི་ཕྲིན་ལས་གྲུབ་པ་ན་ཕྲིན་ལས་ཀྱི་དངོས་གྲུབ་དེ་སྔགས་པའི་རྒྱུད་ཀྱིས་བསྡུས་པ་ཡིན་ཡང་། དེའི་གྲུབ་རྟགས་སུ་རྫས་ཕུར་བཞད་པ་དང་མེ་འབར་བ་སོགས་འོང་བ་ལྟར། སྔགས་པའི་ངག་ལ་འཁོར་འདས་དབང་བྱེད་རྗེས་ཆགས་ཀྱི་བདེ་བའི་རིགས་ཀྱི་གསུང་གྲུབ་པའི་ཚེ་ནའང་དེར་གྲུབ་རྒྱུ་ནི་སྔགས་པ་རང་གི་ངག་རླུང་ཉིད་ཡིན་ཡང་། དེའི་གྲུབ་རྟགས་སུ་རྟ་སྐད་གཙུག་འབྱིན་འོང་བས། དེ་ནི་ངག་ལ་གསུང་རྡོ་རྗེ་གྲུབ་པའི་དྲོད་རྟགས་ཡིན་ནོ། །དེས་ན་དབང་ཆེན་ཧེ་རུ་ཀས་རང་ཉིད་ཀྱི་གསུང་དེ་རང་བཞིན་དང་བྱེད་ལས་ཇི་ལྟ་བུ་ཞིག་ཡིན་པ་བརྡ་རྟགས་ཀྱི་སྒོ་ནས་གདུལ་བྱ་ལ་

― TN03_Page_1083 ―

^{[མ་དཔེ་གཟིགས་ན་འདིར་གནོན།]}

(༦༦༤)གསལ་པོར་སྟོན་ཆེད་རྟ་སྐད་གཙུག་བཞད་ཀྱི་རྣམ་པར་མཛད་པ་ཡིན་པས་སྤྱི་བོའི་རྟ་སྐད་ཀྱི་རང་བཞིན་དང་བྱེད་ལས་རྒྱ་ཆེར་བཤད་པ་ཉིད་ཀྱིས། །ངག་ལ་པདྨ་གསུང་གྲུབ་ཅེས་པའི་གསུང་དེའི་ངོ་བོ་ཉིད་དང་མཛད་པ་ཇི་ལྟ་བུ་ཡིན་པ་མཐའ་དག་གཏན་ལ་འབེབས་ནུས་པས་སྤྱི་བོའི་དེ་ཁོ་ན་བཤད་པ་ཡིན་པ་ལ། རང་བཞིན་དང་བྱེད་ལས་དེ་དག་སྤྱི་བོའི་རྟ་སྐད་ཁོ་ནའི་ཡིན་པར་གོ་བ་ནི་མཛུབ་མོས་ཟླ་བ་བསྟན་ཚེ་མཛུབ་རྩེར་ལྟ་བ་དང་འདྲའོ། །རྟ་སྐད་ཀྱི་དོན་ནི་རྗེས་ཆགས་ཀྱི་དབང་སྐད་ཅེས་པ་ཡིན་པས་ཚུལ་འདིས་དཔྱད་ན་རྟ་སྔགས་ཀྱི་བཟླས་པ་སོགས་རྟ་སྐད་དུ་མི་ཤེས་པར་རྟ་མགོའི་ཁ་ནས་བྱུང་བ་ཁོ་ན་རྟ་སྐད་ཀྱི་དོན་དུ་བཟུང་ན། རྒྱ་མཚོ་ལས་རླང་འཕྱུར་བ་བལྟས་ནས་ཆུ་ནི་སྐྱ་རྫས་འདི་ཉིད་དོ་ཞེས་པ་དང་འདྲའོ། ༈ འདིར་བྲིས་པ་འདི་ལྟར་ཤེས་ན་རྟ་སྔགས་ལ་བསྙེན་པ་བཏང་བ་ཉིད་རྟ་སྐད་ལ་བསྙེན་པ་བཏང་བར་འགྱུར་བས་སྔར་ཧྲཱིཿབཟླས་རྟ་སྐད་ཀྱི་བཟླས་པར་བཤད་པའི་སྐོར་སོགས་ནི་བྱིས་པའི་གཏམ་མོ། །དཔལ་ཧེ་རུ་ཀའི་དབང་དྲག་གི་གསུང་གི་ཆེ་རྟགས་རྫུ་འཕྲུལ་གྱི་བཞད་སྒྲ་སྤྲོ་ཚུལ་ལ་ལྟོས་ཏེ་དཔལ་གྱི་རྟ་སྐད། བཞད་པའི་ཡུལ་མ་མོ་མཁའ་འགྲོ་དེ་བཞིན་གཤེགས་པའི་ཕྱག་བརྙན་ཆེན་མོ་རྣམས་དབང་དུ་འདུ་ཚུལ་གྱི་རིམ་པ་ལ་ལྟོས་ཏེ་མ་མོའི་འགྱིང་སྐད། རྗེས་འཇུག་རྣལ་འབྱོར་པས་རྟ་སྐད་དེ་ཉིད་བསྙེན་སྒྲུབ་ཀྱིས་གྲུབ་པའི་རིམ་པ་ལ་ལྟོས་ཏེ་རྣལ་འབྱོར་བརྡ་སྐད་ཅེས་བྱས་ན་རྔོག་མ་ལེ་བརྒན་སོགས་ལ་

― TN03_Page_1084 ―

^{[མ་དཔེ་གཟིགས་ན་འདིར་གནོན།]}

(༦༦༥)འགྲིགས་སམ་དཔྱད། ཕྱི་མ་འདིའི་ཐད། བསྙེན་པ་ཐེམས་པར་གྱུར་པ་ན། ཞེས་གསུངས་པས་མཚན་མའི་བསྙེན་པ་རབ་འབྲིང་ཐ་མའི་ཚད་ཀྱི་ཁྱད་པར་བཤད་པ་སྟེ། བཟླས་པ་ལ་རྟ་སྐད་ཀྱི་དྲོད་རྟགས་དངོས་རང་ཐོན་པ་དང་། རྗེས་མཐུན་ཙམ་ཐོན་པ་དང་། དྲོད་མ་ཐོབ་ཀྱང་རྟ་སྐད་དུ་མོས་པ་བརྟན་པ་ཙམ་ལ་བརྟེན་ནས་རྟ་སྐད་དུ་བཞག་པའོ། །ཕྱི་མ་འདི་ལ་རྟགས་ཙམ་འཛིན་པ་ཞེས་བཤད་པའི་ཟླས་དྲང་ན། སྔ་མ་གཉིས་རྟ་སྐད་ཀྱི་དྲོད་ཐོབ་པར་གསལ་ལོ། །དེའང་དང་པོ་ནི་རྟ་སྐད་ཀྱི་དགོངས་པ་མཚན་ཉིད་ཡོངས་སུ་རྫོགས་པ་ལ་རྩལ་ཐོན་པ་སྟེ། དགོངས་པ་དེ་མཚན་ཉིད་རྫོགས་པར་གྲུབ་པའི་རྟགས་སུ་རྟ་སྐད་དངོས་སུ་ཐོན་པ་ཡིན་པས་སོ། །འདིར་སྐུ་གསུམ་དང་མཉམ་པར་གསུངས་པ། བསྐྱེད་རིམ་པའི་སྐུ་གསུམ་གྲུབ་པ་ཡན་ཆད་ལ་བྱེད་རུང་ངམ་བརྟགས། གཉིས་པ་ནི་དེ་ལྟར་མཚན་ཉིད་མ་རྫོགས་ཀྱང་རྟ་སྐད་ཀྱི་དེ་ཉིད་ཆ་འདྲ་ཙམ་གྲུབ་པའི་སྟོབས་ཀྱིས་སངས་རྒྱས་ཀྱི་ཐུགས་རྒྱུད་འཁུལ་བ་སོགས་རྟ་སྐད་ཀྱི་བྱེད་ལས་རྗེས་མཐུན་ཙམ་ཐོབ་པ་སྟེ། འདིའང་ལྷས་བྱིན་གྱིས་བརླབས་པའི་མཚན་མ་ཅི་རིགས་མཐོང་བའོ། །གསུམ་པ་ནི་རྟ་མཆོག་གི་རྡོ་རྗེ་གསུམ་གྱི་སྣང་ཞེན་བརྟན་པ་ཙམ་སྟེ། སེམས་བརྟན་པའི་མཚན་མ་རྙེད་པའོ། །འདི་ལ་བསྐྱེད་རིམ་པའི་ལྷན་སྐྱེས་ཀྱི་རྟོགས་པ་ཐོབ་མི་དགོས་ལ།

― TN03_Page_1085 ―

^{[མ་དཔེ་གཟིགས་ན་འདིར་གནོན།]}

(༦༦༦)སྔ་མ་གཉིས་ལ་དེ་དགོས་སམ་སྙམ་སྟེ་དཔྱད་དོ། ༈ །སངས་རྒྱས་མཉམ་སྦྱོར་ལ་བརྟེན་ནས་རྟ་མཆོག་གི་གོ་བ་བླང་ཚུལ་ནི། རྟ་ནི་འགྲོས་སྣ་ཚོགས་དང་ལྡན་པས་གར་མཁན་ཏེ། གར་མཁན་ནི་ཆ་བྱད་ཉམས་འགྱུར་དུ་མར་སྣང་བ་ལྟར་ཞི་དྲག་གི་ཉམས་སྣ་ཚོགས་མངའ་བ་སྟེ། མདོར་ན་རྟའི་འགྲོས་སྟབས་སྣ་ཚོགས་ལྟར་རྣམ་འཕྲུལ་སྣ་ཚོགས་སུ་སྟོན་པ། མཛད་པ་སྣ་ཚོགས་འདྲེས་པས་ལྗང་ཀུ། རྟ་མཆོག་བསྐུལ་མི་དགོས་པར་བདག་པོའི་ཡིད་བཞིན་དུ་འཇུག་པ་ལྟར། གཞན་དོན་གྱི་བྱ་བ་སྒྲུབ་པ་ལ་ནུས་སམ་མི་ནུས་སམ་མི་ནུས་སྙམ་དུ་སྔར་བག་མེད་པར་སྤྲོ་ཤུགས་ཀྱིས་འཇུག་པའི་ལྡང་བ་ཡང་བ། རྟ་མཆོག་བདག་པོ་སྒྲོལ་བ་ལ་སྤྲོ་བའི་སྙིང་སྟོབས་མཚོན་ཆས་བསྣུན་ཡང་མི་ཉམས་པ་ལྟར། གཞན་དོན་སྒྲུབ་ལ་སྤྲོ་བའི་སྙིང་སྟོབས་ཕྱིར་མི་ལྡོག་པ། ཕྱི་མ་འདི་ནི། མཛའ་བོའི་མི་ལ་བྱའམ་མི་བྱ་ཡོངས་རྟོག་དེ་དག་མེད་ཀྱང་བླ། །དེ་འདྲའི་མཛའ་བོ་སྒྱུ་མ་ཡིན་ཏེ་དེ་ལ་མཛའ་ཞེས་སུ་ཞིག་ཟེར། སོགས་ལྟར་རྟུལ་ཕོད་པའི་དཔའ་བ་དང་བརྟན་པའི་མཚན་ཉིད་དོ། །ལེ་ལོ་མེད་པར་སྙིང་སྟོབས་དྲག་པོའི་ཤུགས་ཀྱིས་སྒྲུབ་དཀའི་བྱ་བ་ཐམས་ཅད་ཀྱི་ཐོག་མར་སླེབས་པ་ནི་མྱུར་མགྱོགས་ཏེ་དྲག་ཤུལ་གྱི་མཐུ་ཡང་ཡིན། །གྲངས་མེད་གསུམ་དུའམ་དེ་དང་དོད་ཐུབ་ཏུ་བརྩོན་འགྲུས་དེ་

― TN03_Page_1086 ―

^{[མ་དཔེ་གཟིགས་ན་འདིར་གནོན།]}

(༦༦༧)སྦྱངས་པས་བརྟུལ་ཞུགས་དེ་ཤིན་ཏུ་གྲུབ་པ་ན་སྲིད་ཞིའི་འཁོར་ལོ་མཐའ་དག་རྟུལ་ཕོད་ཀྱི་སྤྱོད་པ་དེས་འདོད་དགུར་གནོན་ཅིང་ངོ་འཐོན་མངོན་སུམ་དུ། དུ་གནོན་ནུས་པའི་མཐུ་གྲུབ་པ་སྟེ། དེའི་ཕྱིར་གདུལ་དཀའ་གདུག་པ་ཅན་རྣམས་ཀྱང་བཤིག་ཅིང་གནོན་པའོ། །

― TN03_Page_1087 ―

^{[མ་དཔེ་གཟིགས་ན་འདིར་གནོན།]}

(༦༦༨)

― TN03_Page_1088 ―

^{[མ་དཔེ་གཟིགས་ན་འདིར་གནོན།]}

(༦༦༩)ཨྃ༔ །ཤྲི་ཧེ་རུ་ཀ་ལ་ཕྱག་འཚལ་ལོ། །བཀའ་བརྒྱད་ཡོངས་རྫོགས་བྲོའི་ལས་ནི༔ དཔལ་ཆེན་ཡོངས་རྫོགས་ང་རྒྱལ་དང་ལྡན་པར་བྱས་ལ༔ བགེགས་རྣམས་རྡུལ་དུ་བརླག་པར་བསམས་ཏེ༔ འཁོར་བཅས་ལག་པ་ལུ་གུ་རྒྱུད་དུ་སྦྲེལ་ལ༔ རྐང་པ་རྡོ་རྗེ་རྒྱ་གྲམ་འགྲོས་སམ༔ རང་ལུགས་སུ་བྲོ་བརྡུང་སྟེ༔ དང་པོ་གླུས་སྤྱན་དྲངས་པ་ནི༔ ཧཱུཾ༔ ཞི་ཁྲོ་བཀའ་བརྒྱད་དཀྱིལ་འཁོར་དུ༔ ཆེ་མཆོག་དཔལ་དགུ་སྐུ་སྤྲུལ་ནས༔ མཁའ་འགྲོའི་ཚོགས་དང་རོལ་བ་ནི༔ ཐབས་ཤེས་གཉིས་སུ་མེད་པར་སྦྱོར༔ བྱང་ཆུབ་སེམས་ཀྱི་འཕྲོ་འདུ་ལས༔ ཁྲོ་བོ་ཁྲོ་མོའི་སྤྲིན་འཕྲོས་ནས༔ གླུ་བྲོ་གར་ནི་ཐུགས་དམ་སྟེ༔ རྒྱུན་ཆད་མེད་པར་བསྟེན་པར་བྱ༔ བྲོ་ནི་འབར་བའི་ཕྱག་རྒྱ་སྟེ༔ རྒྱལ་བ་སྟོད་དང་མཉམ་པར་སྦྱོར༔ གླུ་ནི་ཚངས་པའི་དབྱངས་ཀྱིས་འདྲེན༔ མ་དང་མཁའ་འགྲོའི་ཐུགས་དམ་བསྐུལ༔ ཚིགས་ནི་དོན་དམ་རྟོགས་པའི་ཚིག༔ ཆོས་སེམས་གཉིས་སུ་མེད་པར་སྟོན༔ འདི་ནི་གླུ་བྲོ་གར་གྱི་བརྡ༔ གར་གྱི་ཁྱབ་གདལ་ཆེན་པོའི་གར༔ ཕྱོགས་བཅུའི་ཞིང་ཁམས་ཁྱབ་པར་བྱེད༔ ཕྱག་རྒྱ་སྣ་ཚོགས་ལུ་གུ་རྒྱུད༔ དུས་གསུམ་རྒྱལ་བ་ཞི་ཁྲོ་བསྐུལ༔ ཁྲག་འཐུང་རོལ་པའི་དཀྱིལ་འཁོར་ནས༔ ཆེ་མཆོག་དཔལ་དགུ་འཁོར་དང་བཅས༔ མ་མོ་མཁའ་འགྲོ་མ་ལུས་ཀུན༔ སྔོན་གྱི་ཐུགས་དམ་ཇི་བཞིན་དུ༔ གླུ་བྲོ་གར་ལ་གཤེགས་སུ་གསོལ༔ཧཱུཾ་ཧཱུཾ་ཧཱུཾ་བཛྲ་མ་ཧཱ་ཀྲོ་དྷ་སརྦ་ཨ་བེ་

― TN03_Page_1089 ―

^{[མ་དཔེ་གཟིགས་ན་འདིར་གནོན།]}

(༦༧༠)ཤ་ཡ་ཛཿཧཱུཾ་བཾ་ཧོ༔ དེ་ནས་བྲོ་བསྐོར་གྱིས་གཟིར་བ་རྡོ་རྗེའི་འགྲོས་སུ་བྱས་ཏེ༔ ཕོ་མོ་སྤེལ་ཏེ་ཁ་སྦྱོར་དུ་བཞེངས་ལ༔ ཕྱག་རྒྱ་བསྒྱུར་ཞིང་གླུ་གར་བྱའོ༔ རྡོ་རྗེ་རྒྱ་གྲམ་མམ་རང་ལུགས་སུ་འགྲོས་བྱའོ༔ ཧཱུཾ༔ ཞི་ཁྲོ་ཡོངས་རྫོགས་དཀྱིལ་འཁོར་འདིར༔ ཁྲག་འཐུང་རོལ་པའི་བྲོ་ཅིག་བརྡུང་༔ ཕྱོགས་བཅུ་ནམ་མཁའི་ཁམས་ཀུན་ནས༔ ཁྲོ་བོ་ཁྲོ་མོའི་བྲོ་བརྡུང་བས༔ ལ་ལ་ཐབས་དང་ཤེས་རབ་བྲོ༔ ལ་ལ་རྡོ་རྗེ་པདྨའི་བྲོ༔ ལ་ལ་དབང་པོ་ཡུལ་གྱི་བྲོ༔ ལ་ལ་འཇིག་རྟེན་དབང་སྡུད་བྲོ༔ ལ་ལ་འདུལ་སྦྱོང་རྟགས་ཀྱི་བྲོ༔ ལ་ལ་དྲེགས་པ་འདུལ་སྦྱོང་བྲོ༔ ལ་ལ་མོས་པ་རྐྱེན་གྱི་བྲོ༔ ལ་ལ་ལོངས་སྤྱོད་དཔལ་གྱི་བྲོ༔ ལ་ལ་སྤོར་བྱེད་གནས་ཀྱི་བྲོ༔ ལ་ལ་སྤུད་བྱེད་ཐབས་ཀྱི་བྲོ༔ བྲོ་ལ་རྣམ་གྲངས་བསམ་མི་ཁྱབ༔ གླུ་ལ་ཡོན་ཏན་བརྗོད་མི་ལང་༔ ཚིག་ལ་མན་ངག་སྣ་ཚོགས་གསལ༔ བྲོ་ནི་ཕྲིན་ལས་རྒྱ་མཚོའི་བྲོ༔ གླུ་ནི་ལྟ་བ་རྒྱ་མཚོའི་གླུ༔ ཚིག་ནི་འདུ་འབྲལ་མེད་པའི་ཚིག༔ བྲོ་ཡི་མིང་ནི་སྟྭམ་བྷ་ནན༔ གླུ་ཡི་མིང་ནི་པ་ཤ་ཧཱུཾ༔ ཚིག་གི་མིང་ནི་ཨཾ་ཀུ་ཤ༔ རྒྱལ་བ་ཀུན་དང་མཉམ་པར་སྦྱོར༔ ཀུན་གྱི་ཐུགས་དམ་ཆེན་པོ་ཡིན༔ ཧྲི་ཧྲི་ཧྲི༔ ཧཱུཾ་ཧཱུཾ་ཧཱུཾ༔ ཕཊ་ཕཊ་ཕཊ༔ དེ་ནས་ལས་ཀྱི་སྒོས་བྲོས་ཚར་བཅད་དེ༔ ཧཱུཾ༔ གསང་བ་ཡུམ་གྱི་མཁའ་དབྱིངས་སུ༔ བདེ་ཆེན་རོལ་པའི་བྲོ་གཅིག་བརྡུང་༔ དང་པོ་པདྨ་རོལ་པའི་བྲོ༔ ཆགས་པ་མེད་པའི་ཚུལ་

― TN03_Page_1090 ―

^{[མ་དཔེ་གཟིགས་ན་འདིར་གནོན།]}

(༦༧༡)ཨྃ༔ གྱིས་བརྡུང་༔ དེ་ནས་རྡོ་རྗེ་རོལ་པའི་བྲོ༔ ཞེ་སྡང་མེད་པའི་ཚུལ་གྱིས་བརྡུང་༔ དེ་ནས་ཐབས་དང་ཤེས་རབ་བྲོ༔ བྷ་གའི་དཀྱིལ་དུ་དགྲ་བགེགས་བརྡུང་༔ དེ་ནས་དབང་པོ་ཡུལ་གྱི་བྲོ༔ ལྷ་མོ་བརྒྱ་དང་ཐབས་ཅིག་རོལ༔ དེ་ནས་རྡོ་རྗེ་པདྨའི་བྲོ༔ ཕྱག་རྒྱ་ཆེན་པོར་རྒྱས་འདེབས་སོ༔ དེ་ནས་གདུལ་བྱ་དྲག་པོའི་བྲོ༔ ཁྲག་འཐུང་རྒྱལ་པོས་འཁོར་ལ་བརྡུང་༔ དེ་ནས་མོས་པ་རྐྱེན་གྱི་བྲོ༔ མ་སྲིང་རྒྱ་མཚོའི་ཚོགས་ལ་བརྡུང་༔ དེ་ནས་འདུལ་བྱེད་ཐབས་ཀྱི་བྲོ༔ ཕྱོགས་བཅུའི་རྣལ་འབྱོར་མ་ལུས་བརྡུང་༔ དེ་ནས་སྤོར་བ་གནས་ཀྱི་བྲོ༔ རྒྱུད་དྲུག་སེམས་ཅན་གནས་སུ་སྤོར༔ ཐབས་དང་ཤེས་རབ་གཉིས་མེད་པས༔ གླུ་བྲོ་དམ་ཚིག་རྒྱལ་པོ་ཡིན༔ བདེན་པས་བདུད་བཞི་འདུལ་བའི་བྲོ༔ བྲོ་ནི་བར་ཆད་མེད་པར་བརྡུང༔ ལྷ་བ་དྲན་པར་བྱ་བའི་ཕྱིར༔ གླུ་ནི་འདུ་འབྲལ་མེད་པར་བླངས༔ དཀྱིལ་འཁོར་རང་ལ་གསལ་བྱའི་ཕྱིར༔ ཚིག་ནི་སྙིང་པོ་འཛབ་ཏུ་བཟླས༔ ཡེ་ཤེས་དཔལ་གྱི་བྲོ་ར་ཚུགས༔ བདུད་བགེགས་བར་ཆད་མིང་ཡང་མེད༔ ཨ་ལ་ལ་ཧོ་དགྱེས་པ་ཆེ༔ ༈ དེ་ནས་ཡོངས་རྫོགས་བྲོས་མཐར་དབྱུང་སྟེ༔ ཧཱུཾ་ཧཱུཾ་ཧཱུཾ༔ ཧཱུཾ༔ཆེ་མཆོག་འཁོར་བཅས་རོལ་པའི་བྲོ༔ དགྲ་བགེགས་དམ་སྲིའི་སྲོག་ལ་བརྡུང་༔ བཛྲ་ཧེ་རུ་ཀ་རོལ་པའི་བྲོ༔ དགྲ་བགེགས་དམ་སྲིའི་སྙིང་ལ་བརྡུང་༔ གཤིན་རྗེ་གཤེད་པོ་རོལ་པའི་བྲོ༔ དགྲ་བགེགས་དམ་སྲའི་

― TN03_Page_1091 ―

^{[མ་དཔེ་གཟིགས་ན་འདིར་གནོན།]}

(༦༧༢)ཀླད་ལ་བརྡུང་༔ རྟ་མགྲིན་རྒྱལ་པོ་རོལ་པའི་བྲོ༔ དགྲ་དགེགས་དམ་སྲིའི་མགྲིན་པར་བརྡུང་༔ རྡོ་རྗེ་གཞོན་ནུ་རོལ་པའི་བྲོ༔ དགྲ་བགེག་དམ་སྲིའི་ལྟེ་བར་བརྡུང་༔ བླ་མེད་ཧེ་རུ་ཀ་རོལ་པའི་བྲོ༔ དགྲ་བགེགས་དམ་སྲིའི་གསང་བར་བརྡུང་༔ རིག་འཛིན་དྲག་རྩལ་རོལ་པའི་བྲོ༔ དགྲ་བགེགས་དམ་སྲིའི་སྤྱི་བོར་བརྡུང་༔ དྲེགས་པ་ཀུན་འདུལ་རོལ་པའི་བྲོ༔ དགྲ་བགེགས་དམ་སྲིའི་བརླ་གཡས་བརྡུང་༔ སྟོབས་ལྡན་ནག་པོ་རོལ་པའི་བྲོ༔ དགྲ་བགེགས་དམ་སྲིའི་བརླ་གཡོན་བརྡུང་༔ ཞི་ཁྲོ་བཀའ་བརྒྱད་རོལ་པའི་བྲོ༔ གཡས་སུ་བསྐོར་ཏེ་དགྲ་ལ་བརྡུང་༔ དགྲ་ཡང་དུམ་བུར་གཏུབ་པའི་བྲོ༔ གཡོན་དུ་བསྐོར་ཏེ་བགེགས་ལ་བརྡུང་༔ བགེགས་ཀྱང་ཕྱེ་མར་འཐག་པའི་བྲོ༔ གཡས་གཡོན་ཐབས་དང་ཤེས་རབ་བྲོ༔ ཞི་རྒྱས་དབང་དྲག་ལྷུན་གྲུབ་བྲོ༔ རུ་ཏྲ་དམ་སྲི་ཐལ་བར་རློག༔ ཧཱུཾ་སྟམ་བྷ་ཡ་རཀྴ་ནན༔ བདུད་པྲ་མ་ཡ་རྦད་ནན༔ ཁ་ལ་ཛ་མ་ལི་རྦད་ནན༔ ཤིག་ཤིག་དུམ་དུམ་རྦད་ནན༔ ཁྲ་མ་ཁྲམ་བྷྱོ་རྦད་ནན༔ རྨུག་རྨུག་རྦད་ནན༔ ཏིར་ཏིར་རྦད་ནན༔ ཚལ་དུ་ཚལ་དུ་རྦད་ནན༔ ཅེས་རྩ་སྔགས་དང་སྦྲེལ་ལ་བདུན་ནམ་ཉེར་གཅིག་བཟླས་ལ་ཕྱག་རྒྱ་བཀྲོལ་ལོ༔ དེས་ནི་བདུད་དང་དགྲ་བགེགས་ཕུར་ཁ་དམ་སྲི་ཐམས་ཅད་ཐུབ་ཅིང་སྨྱོ་བ་ཐུལ་ལོ༔ བཀའ་བརྒྱད་ཡོངས་རྫོགས་ཀྱི་བྲོ་ཨྀིྛ༔ ཞེས་པ་བྱང་གཏེར་རང་ཤར་དཔེ་ལེགས་པོ་ཞིག་ལས་བཤུས་སོ། །གསང་རྫོགས་

― TN03_Page_1092 ―

^{[མ་དཔེ་གཟིགས་ན་འདིར་གནོན།]}

(༦༧༣)ཨྃ༔ ཀྱི་བྲོ་ཆོག་རྒྱས་པའང་འདི་དང་ཞུ་དག་ཕེར་ཞིང་། །རང་ཤར་རྒྱུད་ཀྱི་ལེའུ་ལྔ་པ་ལས། བགེགས་ཀྱང་ཕྱེ་མར་འཐག་པའི་བྲོ༔ རུ་ཏྲ་དམ་སྲི་ཐལ་བར་རློག༔ ཧཱུཾཿ སངས་རྒྱས་ཀུན་གྱི་སྐུ་གསུང་ཐུགས༔ ཡོན་ཏན་ཕྲིན་ལས་ཡོངས་རྫོགས་དཔལ༔ དཔལ་ཆེན་ཁྲོ་རྒྱལ་འཁོར་བཅས་ཀྱིས༔ འཇིག་རྟེན་ཁམས་ནི་རབ་བཀང་ནས༔ ནད་གདོན་སྡིག་སྒྲིབ་ཞི་བ་དང་༔ ཚེ་དང་བསོད་ནམས་རྒྱས་པ་དང་༔ ཁམས་གསུམ་སྲིད་གསུམ་དབང་དུ་སྡུས༔ གནོད་བྱེད་དགྲ་བགེགས་བརླག་པར་མཛོད༔ ཤནྟི་པུཥྚི༚་པ་ཤཾ་མ་ར་ཡ་ཕཊ༔ ཧཱུཾ་སྟཾ་བྷ་ཡ་རཀྴ་ནན༔ སོགས་གསུངས་ལ། གསང་རྫོགས་བྲོ་ཆོག་ཟུར་བཀོལ་ན་མཇུག་གི་ལས་བཞིའི་བྲོ་ཚིག་དེ་ལས་རྒྱས་པ་ཞིག་འབྱུང་ངོ། །དཔལ་དགུ་སོ་སོའི་བྲོ་ཚིག་མ་གཏོགས་པ་ཕལ་ཆེར་རྟ་རྒྱུད་ཀྱི་ཚིག་ཇི་བཞིན་དུ་འདུག་པས། ཧཱུཾ༔ སྒྱུ་འཕྲུལ་དྲྭ་བའི་དཀྱིལ་འཁོར་དུ། །རྟ་མཆོག་རིགས་དྲུག་ཞེས་དང་། རྟ་མཆོག་རྒྱལ་པོ་འཁོར་དང་བཅས། །ཞེས་པ་ལྟ་བུ་འདོན་པ་བསྒྱུར་ནས། ཨ་ལ་ལ་ཧོ་དགྱེས་པ་ཆེ༔ ཞེས་པའི་མཐར། འདི་ཉིད་ཀྱི། ཧཱུཾ༔ དབང་ཆེན་རྒྱལ་པོ་དེ་བཞིན་གཤེགས༔ སོགས་སྦྱར་ན་རུང་བར་སེམས་མོད། དཔྱད་པར་བྱའོ། ༈ །རྟ་སྐད་བྲོའི་དེ་ཉིད་ལ་སློབ་སྐབས་སུ་ཡུལ་སྣང་གང་ཤར་ཡང་གསལ་བའི་རྣམ་པ་ལ་སྤུ་རིས་ཕྱེ་ནས་དཔྱོད་མི་རུང་ལ། ཅིར་སྣང་སྟོང་པ།

― TN03_Page_1093 ―

^{[མ་དཔེ་གཟིགས་ན་འདིར་གནོན།]}

(༦༧༤)དེ་བདེ་བ། དེ་ལྟར་ཤར་བའི་རྣམ་པ་ལ་ནི། དང་པོར་རྟོག་པ་དང་། དེ་ནས་དཔྱོད་དགོས་ཏེ་རྫོགས་རིམ་པའི་བསམ་གཏན་ཡན་ལག་ལྔ་ལས་ཤེས་སོ། །འདི་གལ་ཆེ། རྟ་སྐད་ཀྱི་དེ་ཉིད་ཀྱིས་གཤིན་རྗེའི་ཞགས་པ་དང་ཀླུའི་མདུད་རྒྱ་སེམས་སྒྱུར་གྱི་སྦྱོར་བ་སོགས་གཟིར་ནས་འགྲོལ་བ་ནི་ཉི་མས་ཤིན་ཏུ་གདུང་ཞིང་གཟིར་བའི་ཆབ་རོམ་བཞིན་ནོ། །བདུད་དཔུང་རྣམས་ཀྱི་དེ་ཁོ་ན་ཉིད་ལ་ཞུགས་པའི་བདེ་ཆེན་གྱི་གར་རྩེ་བ་ནི་བདུད་ཚོགས་དེ་དག་གི་སྒོ་གསུམ་གྱི་གཏིང་དུ་ཕྱིན་ནས་བྲོ་རྡུང་བ་སྟེ། དེའང་བདག་དང་བདག་གི་བའི་སྲོག་དང་བྲལ་བའི་ཕུང་ཁམས་སྐྱེ་མཆེད་ཀྱི་བམ་རོའི་ནང་གནས་ལུགས་ཀྱི་ཁོག་པ་ཟབ་མོར་འཇུག་པའི་ལམ་སྲོལ་སྦྱང་བ་ཡིན་པས། མ་ཏྲཾ་གི་ཁོག་པ་བྲོས་སྦྱོང་བ་ཡང་དེ་ལྟར་ཡིན་ནོ། །བྲོ་བརྡུང་གིས་གཞན་གྱི་ཁེངས་པ་དང་སྡང་སེམས་དང་འཆི་བ་དང་མཐུ་སྟོབས་ཀྱི་རྒྱ་བཤིགས་ཏེ། གདུག་པ་ཅན་རྣམས་བསྡིགས། སྒྱུ་ཅན་རྣམས་སྤ་བཀོང་། བགེགས་བྱེད་རྣམས་ཚར་ཐག་གཅོད་པ་ཐམས་ཅད་དེའི་སྟེང་ནས་གོ་དགོས་སོ། །གཞན་ཡང་གླུ་གར་ལ་བསླབ་པ་དེ་ལ་ཧེ་རུ་ཀ་བཙུན་མོར་བཅས་པས་རིགས་ཀྱི་བྱ་བ་ལས་མ་ཉམས་པའི་སྲས་ཁྱད་པར་ཅན་དུ་དགོངས་ནས་སྤྱན་རས་ཀྱིས་སྐྱོང་བའམ་འཚོ་ཞིང་། དཔའ་བོ་ཌ་ཀི་ཐམས་ཅད་དང་། ཁྱད་པར་ཀླུ་སྒྲུབ་སྙིང་པོ་དང་པདྨ་ཀ་རའི་ཞབས་སོགས་གསུང་གི་རིགས་ཀྱི་དཔའ་བོ་དང་རྣལ་འབྱོར་མ་ཡོན་ཏན་གྱི་ཕུང་པོ་རྣམས་དང་ཀུན་

― TN03_Page_1094 ―

^{[མ་དཔེ་གཟིགས་ན་འདིར་གནོན།]}

(༦༧༥)སྤྱོད་གཅིག་པའི་གནད་ཀྱིས་དེ་དག་གིས་སྤུན་དང་མིང་པོ་ལྟ་བུར་དགོངས་ནས་བྱིན་གྱིས་རློབ་ཅིང་བདེ་བ་ཆེན་པོའི་ལམ་གྱི་གྲོགས་མཛད་དོ། །བདེ་བ་ཆེན་པོའི་སྤྱོད་པའི་དགའ་སྟོན་དེ་ལ་ས་གསུམ་གྱིའམ་གནས་གསུམ་གྱི་མ་མོ་མཁའ་འགྲོ་རབ་འབྱམས་ཐམས་ཅད་སྙིང་ཆགས་ནས་འདུ་བར་འགྱུར་ཏེ། བདག་ཏུ་མ་ཟད་གནས་ཡོ་ཐམས་ཅད་ལའང་ཡེ་ཤེས་མཆོག་གི་བྱིན་འབེབས་པར་འགྱུར་རོ། །དེ་ལྟར་རྩ་གསུམ་ཆོས་སྲུང་རབ་འབྱམས་དབང་དུ་གྱུར་པའི་རྣལ་འབྱོར་པ་དེ་ལ་ནི་མ་འབད་བཞིན་དུ་དངོས་གྲུབ་ཐམས་ཅད་འབྱོར་བར་འགྱུར་ཏེ། ཀླུའི་མཆོག་རྣམས་བརྟེན་པའི་ས་ཕྱོགས་སུ་ཆུ་ངང་གིས་མོད་པ་བཞིན་ནོ། །དགའ་བའི་ཚུལ་དུ་ལྷ་རྣམས་དང་། །པདྨའི་མཚོ་ལ་ངང་པ་ཡི། །ཕུང་ཕུང་རྟག་ཏུ་ཆགས་པ་ལྟར། །གར་གྱིས་གཞིར་རྒྱལ་བ་རྣམས། །ཞེས་བྱའོ། །སྔར་མང་དུ་བཤད་པའི་བྲོ་རྡུང་གི་དེ་ཉིད་དེ་ངེས་དོན་གྱི་མནན་ཆོག་ཏུ་འགྲོ་ལུགས་སྒོས་སུ་བཤད་ན། བདེ་སྟོང་གི་རྟོགས་པ་གཟི་ལྡན་གྲུབ་པའི་དབང་གིས་བདུད་དཔུང་ཟིལ་གྱིས་གནོན་ནུས་པ་སྤྱིར་ཡོད་ཀྱང་། དེ་ཙམ་གྱིས་བྲོ་མནན་གྱི་དགོངས་པར་མི་འཇོག་གི །བདུད་དམ་བདུད་རིགས་ཀྱི་བར་ཆད་གང་ཡིན་པ་དེ་ལ་དགོངས་པ་དེ་གཏད་ནས་ཆེད་དུ་ཟིལ་གྱིས་གནོན་པ་ཞིག་ལ་འཇོག་སྟེ། དེ་ལྟར་ལྟ་བ་དང་ཏིང་ངེ་འཛིན་གྱིས་ཡུལ་དེ་ལ་ཆེད་དུའམ་ལྷག་པར་དམིགས་ནས་ཟིལ་གནོན་བྱེད་པ་ནི་ཡུལ་གྱི་སྙིང་ཀར་རྫུ་འཕྲུལ་གྱི་

― TN03_Page_1095 ―

^{[མ་དཔེ་གཟིགས་ན་འདིར་གནོན།]}

(༦༧༦)རྐང་པ་བཞག་ནས་མནན་པར་འགྲོ་བའི་ཕྱིར་རོ། །ཇི་ཙམ་དུ་མནན་ཞེ་ན། ཡུལ་དེ་དག་གི་གཏིང་མཐར་ཐུག་དེ་ཁོ་ན་ཉིད་ལ་ཐུག་ཐུག་ཏུ་མནན་ནོ། །མདོར་ན་ཡུལ་གྱི་སྟེང་དུ་རིག་པའི་རྩལ་སྦྱངས་ཏེ་ཡུལ་དེའི་ཉེས་པ་མི་ལྡང་བར་བྱེད་པའོ། །ཡང་ན། ལྷ་དང་ལྷ་མིན་ཆེན་པོ་རྣམས་ནས་ཤ་ཟ་ཕྲ་མོའི་བར་དུ་རང་གི་དངོས་གྲུབ་ཀྱི་བགེགས་སུ་འགྱུར་བ་དང་། བདེ་སྡུག་འབྱོར་རྒུད་བསྟོད་སྨད་སོགས་ཐམས་ཅད་བྱང་ཆུབ་སྒྲུབ་པའི་བར་ཆད་དུ་འགྲོ་བ་ཇི་སྙེད་པ་ནང་བདག་འཛིན་གྱི་འདྲེག་གཅིག་པུ་འདིའི་རྣམ་འཕྲུལ་ལམ་ཆོ་འཕྲུལ་ཁོ་ནར་ཟད་པས། དེ་ལྟ་བུའི་འདྲེ་ཆེན་པོ། །གདོན་བགེགས་དགྲ་འདྲེ་ཐམས་ཅད་ཀྱི་ཕུག་ཐུག་ས་དེ། ཡུལ་རྐྱེན་དེ་དག་གི་སྟེང་ནས་འཕར་འོང་རྒྱུ་ཡིན་པ་ལ་དེ་འཕར་དུ་མི་སྟེར་བར། ཡུལ་རྐྱེན་དེ་དག་ཉིད་ཀྱི་དབྱིངས་ཀློང་ངམ་དེ་ཁོ་ན་ཉིད་ཀྱི་དོང་རིང་པོ་རྣམ་ཐར་སྒོ་གསུམ་གྱི་ཟུར་གསུམ་དང་ལྡན་པའི་ཞབས་སུ་མནན་སྟེ། བདེ་བ་ཆེན་པོའི་བྲོའི་རྒྱས་འདེབས་བྱེད་པ་ཡིན་ཏེ། ཧཱུཾ་ བདག་ཏུ་ལྟ་བའི་དམ་སྲིའི་དཔུང་༔ བདག་མེད་རྡོ་རྗེའི་ཨེ་དབྱིངས་མནན༔ རྣམ་ཐར་གསུམ་གྱི་བྲོ་བརྡུང་བས༔ དུས་གསུམ་མཚན་མ་དབྱིངས་སུ་ཡལ༔ ཞེས་སོ། །རྣམ་ཐར་གསུམ་གྱི་བྲོ་ཞེས་པ་ནི་ཡུལ་ཅན་རྣམ་ཐར་སྒོ་གསུམ་ལ་བྱེད་དམ་སྙམ་མོ། །དེ་ལ་བཤད་ཚུལ་སྔ་མའི་བྲོ་མནན་གྱི་དེ་ཉིད་ནི་སྲོང་བཙན་བཀའ་འབུམ་ལས་ལྷ་འདྲེ་རི་རབ་སོགས་ཀྱི་ཞབས་སུ་གནོན་ཚུལ་བཤད་པ་དང་ཕྱོགས་

― TN03_Page_1096 ―

^{[མ་དཔེ་གཟིགས་ན་འདིར་གནོན།]}

(༦༧༧)མཐུན་ལ། དེའི་སྒོ་ནས་ལས་སྣ་ཚོགས་སྒྲུབ་ཚུལ་ནི། ཚར་གཅོད་སྐབས། བྲུབ་ཁུང་ངམ་མནན་སྣོད་ནི་ཚར་གཅད་རྒྱུའི་བདུད་གང་ཡིན་པ་དེ་ཉིད་ཀྱི་དེ་ཁོ་ན་ཉིད་ལ་བྱ་སྟེ། ལས་གཞན་ལའང་། དེ་བཞིན་དུ་ཕྲིན་ལས་བྱ་བའི་ཡུལ་དེ་དང་དེའི་གནས་ལུགས་སྟོང་པ་ཉིད་དེ་ལས་ཁུང་དུ་འཇོག་གོ །དེའི་རྒྱུ་མཚན་ནི། ལས་གང་ལ་བྱ་བའི་ཡུལ་དེ་ཁོ་རང་གི་དེ་ཁོ་ན་ཉིད་ཀྱི་ནང་དུ་བཞག་ནས་སེམས་དེ་ཁོ་ན་ཉིད་ལས་ཕྱི་རོལ་དུ་མ་གྱུར་པར་བལྟས་ནས་ལས་བརྩམས་ན་དམིགས་བྱེད་རྣམ་པ་གཞན་དུ་འཆོར་བའམ་འདའ་མི་སྲིད་པས་ན་ལས་ཁུང་ཡིན་ཅིང་། དེའང་སྒྲུབ་བྱེད་དམ་རྒྱས་འདེབས་བྱེད་ཏིང་ངེ་འཛིན་གྱིས་བལྟ་ཚུལ་ཐ་དད་པའི་ཁྱད་པར་ལས་བསྒྲུབ་བྱ་གདུང་བ་དང་ཚིམ་པ་ལ་སོགས་པའི་གནས་སོ་སོར་འགྱུར་བས་དྲག་པོའི་ལས་ཁུང་དང་རྒྱས་པའི་ལས་ཁུང་སོགས་སོ་སོར་འཇོག་གོ །དྲི་ཟའི་རྒྱལ་ཁམས་དབང་དུ་སྡུད་པ་ལྟ་བུ་ལ། །རྒྱུད་བླ་མ་ལས། འབྱུང་བཞིའི་གནས་ནམ་མཁའ་ཡིན་པ་བཞིན་དུ་སྲིད་པའི་འགྲོ་བ་ཐམས་ཅད་རང་བཞིན་མེད་པའི་ཆོས་ཉིད་ལ་བརྟེན་པར་གསུངས་པ་ལྟར། རོལ་མོ་སའི་རྒྱལ་ཁམས་དེ་སྔགས་པ་རང་གི་རྡོ་རྗེའི་སེམས་དང་ཆུ་ལ་ཆུ་བཞག་ལྟར་མོས་པའི་སྟོང་ཉིད་ཀྱི་དབྱིངས་སུ་གནས་པ་ལ་དམིགས་ཏེ། རྗེས་སུ་ཆགས་པའི་སྟོང་སེམས་ཀྱིས་བསྒྱུར་བའི་བདེ་བའི་བྲོ་བརྡུང་བྱས་པས་དྲི་ཟའི་དབང་པོ་འཁོར་བཅས་སྙིང་རང་དབང་མེད་པར་དཀྲུགས་

― TN03_Page_1097 ―

^{[མ་དཔེ་གཟིགས་ན་འདིར་གནོན།]}

(༦༧༨)ནས་འདུད་པ་སྟེ། རྒྱས་པའི་ལས་སྒྲུབ་སོགས་གཞན་ལའང་དེས་དཔགས་ཏེ་ཤེས་པར་བྱའོ། །གཞུང་འདི་ཉིད་ཀྱི་བྲོ་ཆོག་དང་སྦྱར་ན། ཕྱིའི་བགེགས་ལ་ཞེ་སྡང་ལས་གྱུར་པ་ལ་སོགས་པའི་རིགས་དྲུག་ཏུ་ཕྱེ་ནས། དེ་རྣམས་རིགས་དྲུག་གི་ལྷ་སྔགས་དང་ཡེ་ཤེས་ཀྱི་རོ་ཉམས་ཐ་དད་ཀྱིས་སོ་སོར་མནན་པའི་དོན་དུ་བྱས་ན་ནི་བཤད་ཚུལ་དང་པོ་འདི་དང་ཆེས་མཐུན་ཏེ། དེ་ནི་གདུལ་བྱ་གདུལ་དཀའ་བའི་ཡུལ་ལ་ལྟོས་ནས་བྲོ་བརྡུང་དྲུག་ཀ་ཚར་གཅོད་ཀྱི་ལས་དང་སྦྱར་བ་ཡིན་ལ། སྙིང་རྗེ་དང་སྒེགས་པའི་ཀུན་སྤྱོད་ཀྱིས་འདུལ་བ་ལ་སོགས་པའི་གདུལ་བྱ་སྣ་ཚོགས་ལ་ལྟོས་ན་ནི། རྡོ་རྗེ་རོལ་པ་བརྡུང་ཡུལ་ཞི་བྱེད་ཀྱི་བྲོ་དང་། རིན་ཆེན་རོལ་པ་བརྡུང་ཡུལ་འབྱོར་བྱེད་ཀྱི་བྲོ་སོགས་ཟིན་ཐོ་འདི་ལྟར་བྱར་ཡོད་པ། རིན་ཆེན་རོལ་པའི་བྲོ་བརྡུང་བས༔ རྒྱས་པའི་ལས་ཀུན་ལྷུན་གྱིས་གྲུབ༔ ཅེས་སོགས་ཀྱིས་བསྟན་ཏེ། འདི་རང་གི་རྒྱུད་གསང་སྙིང་གི་ཉི་ཤུ་པ་དང་བསྒྲིགས་ན་ཤིན་ཏུ་གསལ་ལོ། །དེ་ལྟར་ན་གཏེར་གཞུང་གི་དངོས་བསྟན་ལ་ཚུལ་གཉིས་ཏེ། འདི་ནི་རྩ་རྒྱུད་ལས་རིགས་སོ་སོའི་ཁ་དོག་དཀར་ནག་དང་། སེར་ནག་སོགས་སུ་གསུངས་པས་ཀྱང་ཤེས་ཏེ། བུདྡྷ་ཧེ་རུ་ཀའི་ཁ་དོག་ལ་དཀར་པོ་དང་ནག་པོ་འདྲེས་མར་འབྱུང་བས། ལྷ་དེ་ཞི་བ་དང་མངོན་སྤྱོད་གཉིས་ཀ་ལ་བསྔགས་པར་མཚོན་ནུས་པ་སོགས་སོ། །འཁོར་ལོའི་རིགས་ཞི་ལས་ལ་བསྔགས་པ་དང་། ཁྲོ་བོའི་རྣམ་པར་བཞེངས་

― TN03_Page_1098 ―

^{[མ་དཔེ་གཟིགས་ན་འདིར་གནོན།]}

(༦༧༩)པ་མངོན་སྤྱོད་ཀྱི་ཆེད་དུ་ཡིན་པ་གཉིས་སྦྱར་བ་སོགས་ཀྱིས་ཀྱང་ཤེས་སོ། །ཡང་། གཏེར་གཞུང་གི །རྨོངས་པའི་བདུད་དང་དམ་སྲི་ཀུན༔ ཞེས་སོགས་ནང་ཉོན་མོངས་ཀྱི་འདྲེ་ལ་སྦྱོར་ན་ནི་བཤད་ཚུལ་ཕྱི་མ་དང་བསྟུན་ཡང་རུང་སྟེ། ནང་གི་འདྲེ་དེ་ལ་རིགས་དྲུག་དང་། དེ་རྣམས་འདུལ་བྱེད་ཀྱི་གཉེན་པོའི་ལྡོག་ཆ་དྲུག་སོགས་དོན་སྤྲོ་ཚུལ་རྒྱ་ཆེ་བར་སྣང་སྟེ། རྡོ་རྗེའི་ཚིག་བརླིང་བའི་ཁྱད་པར་དུ་གོ །གླུ་བྲོའི་དེ་ཉིད་ཐ་དད་དུ་བྱེད་ན། གང་སྣང་ཐམས་ཅད་ཤིན་ཏུ་དག་པའི་བརྟན་གཡོ་ཉག་གཅིག་ཏུ་ལྟ་བའི་ཏིང་ངེ་འཛིན་ནི་རྫུ་འཕྲུལ་གྱི་རྐང་པ་ཡིན་ལ། དེ་རྩལ་སྦྱོང་བ་ནི་བྲོ་བརྡུང་ཡིན་ནོ། །དེ་འདྲ་བའི་ཏིང་ངེ་འཛིན་དེ་ཕྱི་རོལ་ཀླུ་གདོན་ལྟ་བུའི་སྟེང་དུ་ཆེད་གཏད་བྱས་ནས་རྩལ་སྦྱོང་བ་ནི་ཀླུ་སོགས་ཀྱི་སྙིང་ཀར་རྐང་པ་བཀོད་དེ་བྲོ་རྡུང་བའོ། །དེའང་ཆ་ཅན་ནོར་རྒྱས་སོགས་དང་། ཆ་ཤས་དེའི་ཕུང་ཁམས་སྐྱེ་མཆེད་ངོ་བོ་དང་ཁྱད་པར་སོགས་ཇི་ཙམ་མིང་དང་རྟོག་པས་བཏགས་ཤིང་ཡོད་པ་དེ་ཙམ་དུ་ལྷའི་རོལ་པར་འཆར་བ་ནི་ཀླུ་གདོན་ལ་ལྟོས་པའི་ཆོས་དང་གང་ཟག་གི་དངོས་པོ་ཐམས་ཅད་ཀྱི་སྟེང་དུ་རྟ་མཆོག་རོལ་པའི་དཀྱིལ་འཁོར་གྱི་འཁོར་ལོ་སྤྲོས་ནས་གདོན་དེ་ཆ་ཤས་ཙམ་ཡང་གཞན་དུ་གཡོ་བའི་གླགས་མེད་པར་མནན་པ་སྟེ། ཐ་མལ་པའི་ཆ་རེངས་པར་བྱེད་པའོ། །འདི་དག་གིས་སྦྲུལ་གྱི་རྒྱལ་པོ་ཆེན་པོ་བརྒྱད་ཀྱི་མགོ་བོར་རྣམ་ཐར་བརྒྱད་ཀྱི་ཞབས་བཞག་སྟེ་བྲོ་རྡུང་གི་རོལ་པ་དུ་མས་བཞུགས་པའི་དེ་ཉིད་ལའང་

― TN03_Page_1099 ―

^{[མ་དཔེ་གཟིགས་ན་འདིར་གནོན།]}

(༦༨༠)ངེས་པ་འདྲོང་། མ་ཏྲཾ་གི་ཁོག་པ་བྲོས་སྦྱོང་བ་ལ་ཡང་འདི་ཉིད་ཆེས་འགྲིགས་པ་ཡིན་ནོ། །འདི་ནི་བཤད་ཚུལ་དང་པོ་དང་སྦྱོར་དགོས་སོ། །ཞི་བ་ལ་བྱམས་བརྩེ། རྒྱས་པས་དགའ་ཞིང་ཚིམ་པ། དབང་ལ་ཆགས་པ། མངོན་སྤྱོད་ལ་རྩུབ་པའི་ཡིད་ཉམས་ཅན་གྱི་བདེ་སྟོང་ལྷར་ཤར་བ་ལ་སོ་སོར་དམིགས་ཏེ། དེའི་སྟེང་ནས་ལས་སྒྲུབ་ཀྱི་དགོངས་པ་གཏོད་ལུགས་སོ་སོར་བྱའོ། །མཆན། ལྷག་མ་ནི་སྔ་མ་ཇི་ལྟ་བ་བཞིན་བྱའོ། ༈ །ཕྱོགས་འདིའི་ཐོག་བརྫིས་ཐམས་ཅད་ཀྱི་གནད་གཏིང་ཕྱིན་པ་ནི། ནང་ཐ་མལ་སྣང་ཞེན་གྱི་རྣམ་རྟོག་ལ་ཐོག་རྫིས་བྱེད་པ་ཉིད་ཡིན་ཏེ། དེ་འདྲའི་རྣམ་རྟོག་ལ་ཐོག་རྫིས་བྱེད་པའི་སྒོ་ནས་ཕྱི་རོལ་གྱི་ཡུལ་ལ་ཐོག་རྫིས་བྱེད་པ་དང་། རྣམ་རྟོག་དེ་ཆམ་ལ་ཕེབས་སྟོབས་ཀྱིས་ཕྱི་ཡུལ་ཟིལ་གྱིས་ནོན་པ་ཡིན་གྱི། །ཡུལ་སྣང་གི་ཐོག་རྫི་བའི་གནད་གཞན་མེད་པའི་ཕྱིར་རོ། །ཐ་མལ་གྱི་འཁྲུལ་རྟོག་ལ་རྫི་བ་ན། ཕྱིའི་ཡུལ་རྐྱེན་དང་བསྲེས་ནས་བྱེད་པའི་རྒྱུ་མཚན་ནི། དེ་ལྟར་བྱེད་པ་དེ་རྣམ་རྟོག་དང་གཉེན་པོ་འཕྱུག་མེད་ཀྱི་གཟེར་ཐེབས་པའི་ཆེད་ཡིན་ཏེ། ཐལ་འགྱུར་པ་རྣམས་ཡུལ་མྱོང་བ་མིན་པའི་ཡུལ་ཅན་མྱོང་ཚུལ་གཞན་མེད་ཅེས་འཆད་པ་ལྟར། རྣམ་རྟོག་དེ་ཡུལ་རྐྱེན་གྱི་སྟེང་དུ་འཇིགས་སྐྲག་མྱ་ངན་ཆགས་ཁྲོ་ཕྲག་དོག་ལ་སོགས་པའི་ཉམས་དང་སྦྲགས་ནས་དམར་རྗེན་ལ་བུད་དེ་འགྱུ་བས། དེ་དུས་རྫི་སླ་བ་ཡིན་ནོ། །འདི་ནི་གཅོད་ཡུལ་བས་བདག་འཛིན་དང་བདག་གཅེས་འཛིན་གྱི་རྟོག་པ་རྣམས་ལྷ་

― TN03_Page_1100 ―

^{[མ་དཔེ་གཟིགས་ན་འདིར་གནོན།]}

(༦༨༡)འདྲེའི་འཚུབ་ལྷོང་གི་སྟེང་དུ་རྦད་ཆད་བྱེད་པ་དང་ཕྱོགས་མཚུངས་སོ། །ཟབ། དེའང་དག་པའི་སྣང་ཞེན་ལ་རྒྱུན་དུ་གནས་པའི་རྣལ་འབྱོར་པ་ལ་ཡུལ་རྐྱེན་དྲག་པོའི་དབང་གིས་ཐ་མལ་གྱི་སྣང་ཞེན་འཕར་བ་ལ་ཕྱོགས་པའམ་འཕར་གྲབ་བྱེད་པ་དེ། སྔར་བཤད་རྫུ་འཕྲུལ་གྱི་རྐང་པས་དྲག་ཏུ་མནན་ནས་གཉའ་བརྫི་བྱེད་པ་ཡིན་གྱི། དང་པོར་ཐ་མལ་པའི་རྣམ་རྟོག་མངོན་གྱུར་དུ་འཕར་བཅུག་ནས་གཟོད་ཐོག་རྫིས་རྒྱགས་པ་ནི་མིན་ནོ། །སླད་ནས་ཡང་བཤད་པ། ཡུལ་རྐྱེན་དྲག་པོ་དང་ཕྲད་པ་ན་ཕལ་པ་ལ་བདག་འཛིན་དང་ཐ་མལ་པའི་སྣང་ཞེན་རགས་ལ་གསལ་བའི་ཚབས་ཆེན་དུ་སྐྱེ་བ་དེའི་དོད་དུ། བདེ་སྟོང་དང་དག་པ་རབ་འབྱམས་ཀྱི་སྣང་ཞེན་འབའ་ཞིག་འོང་བ་ནི་མི་འཕྲོགས་པའི་རྣལ་འབྱོར་བརྟན་པོ་ཐོབ་པ་ཡིན་ལ། དེ་སྒྲུབ་བྱེད་དུ། སྔ་ནས་ཡུལ་སྣང་དེ་རྣམས་སྟོང་ཕྱོགས་དང་སྣང་ཕྱོགས་ཀྱི་ཧེ་རུ་ཀའི་འཁོར་ལོར་བལྟ་བ་ལ་རྩལ་ལྷག་པར་སྦྱོང་བ་ཡིན་ཏེ། འདི་ནི་ཡུལ་སྣང་ཟིལ་གྱིས་གནོན་པའམ་ཡུལ་ལ་ཐོག་རྫིས་རྒྱགས་པ་ཞེས་བྱའོ། །ཡང་དེ་འདྲའི་ཡུལ་རྐྱེན་དང་བསྡོངས་ནས་ནང་ཐ་མལ་གྱི་རྣམ་རྟོག་ལྡང་བ་ན། དེའི་རྒྱུན་ལྡང་བའི་གོ་སྐབས་རྣལ་འབྱོར་གྱི་སྟོབས་ཀྱིས་མོད་ལ་ཕྲོགས་པ་ནི། རྣམ་རྟོག་ལ་ཐོག་རྫིས་གཏོང་བའི་དོན་ནོ། །འདི་དག་ཀྱང་བརྟགས་གཉིས་ལས། སྔར་བཤད་འཇིགས་པའི་གཟུགས་ཅན་གྱི། །སྤྱོད་པ་ལོངས་སྤྱོད་ཕྱིར་མ་གསུངས། །

― TN03_Page_1101 ―

^{[མ་དཔེ་གཟིགས་ན་འདིར་གནོན།]}

(༦༨༢)ཡིད་ནི་བརྟན་ནམ་གཡོའམ་ཅི། །རང་གི་སེམས་ལ་སོ་སོར་བརྟགས། །ཞེས་ཡུལ་སྣང་ལམ་འཁྱེར་གྱི་སྐོར་འདི་དེ་ཁོ་ན་ཉིད་ཀྱི་རྣལ་འབྱོར་རམ་རྟོགས་པ་བརྟན་པའི་ཆེད་ཡིན་པར་གསུངས་པ་དང་ཕྱོགས་འདྲའོ། ༈ དབང་ཆེན་འདུས་པའི་ལེའུ་བཅུ་གསུམ་པར། བསྒྲལ་ལས་ཀྱི་མཇུག་ཏུ་གཟས་པོའི་ཕུང་པོ་ལ་བྲོ་རྡུང་རྒྱས་པ་བྱས་ཏེ། གདོད་ཚོགས་ལ་རོལ་ཞིང་སྨོན་ལམ་གདབ་པ་དང་། ལྷག་ཆོག་བྱེད་པར་བཤད་པ་སྒྱུ་འཕྲུལ་བཀའ་མའི་ལུགས་དང་མཐུན། དེ་ལྟར་བསྒྲལ་ལས་དང་འབྲེལ་བར་བསྒྲལ་བྱའི་ལུས་ལ་བྲོ་བརྡུང་བྱེད་པའི་རྒྱུ་མཚན་ནི། བསྒྲལ་ཆོག་གིས་སྲོག་གི་གནད་བཅད་པ་དེ་སླར་མི་ལྡོག་པའི་ཆེད་དུ། ལུས་དེས་བླ་སྲོག་དང་ཡིད་ཀྱི་རྟེན་བྱེད་རུང་གི་ནུས་པ་ལྷག་མེད་དུ་བཤིགས་ཤིང་སྦྱང་བའི་ཕྱིར་བརྟུལ་ཞུགས་བྲོའི་ལས་ཀྱིས་རྒྱས་འདེབས་བྱེད་པ་ཡིན་ཅིང་། དེར་མ་ཟད་ཁོའི་རྣམ་ཤེས་ངན་སོང་དུ་འགྲོ་བའི་སྒོ་དང་། ངན་སོང་གི་ལུས་སྣང་སྐྱེད་པའི་རྩ་རླུང་ཁམས་གསུམ་གྱི་གནས་རྣམས་སུ་ཡེ་ཤེས་དག་པའི་བྲོ་བརྡུང་བས་ངན་འགྲོར་སྐྱེ་བའི་སྒོ་ཆོད་ཅིང་། དེར་སྐྱེ་བའི་ནུས་པ་བཀག་ནས་ལྡང་དུ་མི་སྟེར་བར་བྱེད་པས་དེའི་ཆེད་དུའང་ཡིན་ཏེ། འདི་དག་ནི་རྟ་མཆོག་རོལ་པ་དང་དབང་ཆེན་འདུས་པ་ལས་ཤིན་ཏུ་གསལ་བར་བཤད་དོ། །དེའང་དཔེར་ན་གདབ་ལས་བྱས་ནས་ཟླ་བ་གསུམ་ལྟ་བུ་ན་བསྒྲལ་བྱ་དེ་འཕོ་ངེས་པ་རེད་

― TN03_Page_1102 ―

^{[མ་དཔེ་གཟིགས་ན་འདིར་གནོན།]}

(༦༨༣)ཡོད་ན། གནས་སྐབས་དེར་ཟླ་བ་གསུམ་ན་ཁོ་ལུས་དེ་བོར་ནས་སྔར་གནས་ལུང་བྱས་པ་ལྟར་བདེ་བའི་གནས་སུ་འགྲོ་བའི་ཚོད་དུ་བསྒྲལ་བྱའི་རྒྱུད་ལ་དྲག་སྔགས་ཀྱི་ནུས་པ་སྨིན་ཐུབ་ཡོད་པ་ཡིན་ཡང་། ད་དུང་དེའི་བར་ལ་ཁོའི་ཚེ་ལ་གསོས་ཐེབས་པ་དང་། དེ་མིན་ཡང་ཁོ་ངན་སོང་དུ་འགྲོ་བའི་ནུས་པ་སླར་སོས་ནས་སྔ་མའི་སྟེང་དུ་འགྲོ་མི་ཐུབ་པ་སྲིད་དེ། ཉེ་བའི་འཆི་ལྟས་འགའ་ཞིག་མཐོ་མཚམས་སུ་འཆི་བསླུའི་རྐྱེན་དང་ཕྲད་ནས་དེའི་དབང་དུ་འགྲོ་བ་སྲིད་པ་བཞིན་ནོ། །དེས་ན་ཚེ་འདིའི་ཁོག་པ་དང་། ཕྱི་མའི་ངན་འགྲོ་གཉིས་ཀར་མི་ལྡོག་པའི་ཆེད་དུ་བྲོ་ཆོག་བྱེད་དེ། ཞལ་བསྟབས་དང་། སྦྱིན་སྲེག་གི་མངོན་སྤྱོད་ལའང་སྡིག་ཅན་གྱི་རྟེན་འདིར་སླར་མི་འཚོ་བ་དང་། ཕྱི་མར་ངན་སོང་དང་སྡིག་སྤྱོད་ཀྱི་ལུས་སུ་མི་སྐྱེ་བའི་གནད་གཉིས་རེ་ཡོད་དོ། །རྣལ་འབྱོར་པ་ཆེས་མཐུ་ཆེན་ནི་དེ་འདྲའི་ལས་རིམ་དུ་མ་ལ་མི་ལྟོས་ཀྱང་། དེ་འདྲའི་རྣལ་འབྱོར་པ་ལ་མི་མཁོ་བའི་གསེར་སྐྱེམས་གཟུ་དཔང་སོགས་གཞན་ཡང་མང་སྟེ། འདི་དགོས་དོན་ཡང་བློའི་མུན་སེལ་དུ་ཡོད་དོ། །དེ་དག་ནི་བསད་པའི་ལས་མཇུག་བྲོས་བསྡུས་ཚུལ་ལོ། །སྲུང་བའི་མཐའ་སྡུད་མནན་པ་ཞེས་པའི་བྲོ་མནན་དང་། བྲོ་མནན་སྒོས་སུ་སྒྲུབ་པ་གཉིས་ནི་དེ་དང་མི་འདྲ་སྟེ། སྔ་མ་བསྒྲལ་བའི་ཕུང་པོ་དང་། ཕྱི་མ་གཉིས་

― TN03_Page_1103 ―

^{[མ་དཔེ་གཟིགས་ན་འདིར་གནོན།]}

(༦༨༤)མ་བསྒྲལ་བའི་ཕུང་པོ་ལ་བྲོ་བྱེད་ཚུལ་དུ་སྣང་བའི་ཕྱིར་ཏེ། བསྒྲལ་བ་དང་མ་བསྒྲལ་བའི་ཕུང་པོ་ལ་བྲོ་བྱེད་པ་གཉིས་ནི་ཚུལ་ཐ་དད་དུ་དབང་ཆེན་འདུས་པ་ལས་གསུངས་སོ། །གཏེར་མའི་ལུགས་ཀྱིས་བརྟན་སྐྱོང་གི་མཐར་རྟ་བྲོ་བྱེད་པ་འདིའང་མ་བསྒྲལ་བའི་ཕུང་པོ་ལ་བྱེད་པར་གསལ་ལོ། །སྒྱུ་འཕྲུལ་ལེའུ་ཉི་ཤུ་པའི་དང་། བཅུ་གཉིས་པའི་བྲོ་གཉིས་ཀྱང་ཤིན་ཏུ་མི་གཅིག་སྟེ། བཅུ་གཉིས་པའི་དེ་ནི་གཟས་པོའི་ལུས་ལ་རྡུང་བ་མིན་གྱི། མཆོད་པའི་ཡོ་བྱད་ལྔའི་ཡ་གྱལ་དུ་བྱེད་དེ། སྔར་འདི་ཙམ་ལའང་མགོ་འཁོར་ནས་སྲ་སྲེ་བྱས་ཡོད་དོ། །དེས་ན་ཁོའི་རྣམ་དབྱེ་པདྨའི་འདབ་མ་ལྟར་མ་འཛིང་མ་འཁྲུགས་པར་ཤེས་པའང་བླ་མའི་དྲིན་ནོ། །གཏེར་གཞུང་འདིར་མནན་པའི་སྔོན་དུ་བསད་པ་བསྟན་ཡང་། དེ་ནི་རེངས་པར་བྱས་པ་ལ་བསད་པར་བརྗོད་པར་ཟད་པས། དོན་དུ་མ་བསྒྲལ་བའི་ཕུང་པོ་ལ་བྲོ་བྱེད་པའི་ཕྱོགས་སོ། ༈ །གནས་སྐབས་ཕྲིན་ལས་རྣམ་པ་བཞི༔ རྡོ་རྗེ་བྲོ་ཡི་ཆོ་གས་བསྒྲུབ༔ ཚོགས་ཀྱི་དཀྱིལ་འཁོར་ཆེན་པོ་རུ༔ ལུ་གུ་རྒྱུད་དུ་སྦྲེལ་བསྡམས་ནས༔ སོ་སོའི་ལས་ཀྱི་དབྱིབས་མཐུན་པའི༔ བྲོ་ར་བཅའ་ཞིང་སྔགས་ཚིག་བསྐུལ༔ རྐང་པའི་སྟབས་ཀྱིས་གར་བསྒྱུར་བས༔ ལས་ཀུན་འགྲུབ་ཅིང་ཕྱིར་མི་ལྡོག༔ ཨོཾ༔ ཨེ་ཡི་ཚོགས་ཀྱི་དཀྱིལ་འཁོར་དུ༔ རྡོ་རྗེ་རྟ་མཆོག་ང་རྒྱལ་གྱིས༔ མེ་ལོང་ཡེ་ཤེས་བྲོ་བརྡུངས་པས༔ ནད་གདོན་འཇིགས་བརྒྱད་ཞི་བར་

― TN03_Page_1104 ―

^{[མ་དཔེ་གཟིགས་ན་འདིར་གནོན།]}

(༦༨༥)ཤོག༔ ཨོཾ་ཤཱནྟི༚་ཀུ་རུ་སྭཱ་ཧཱ༔ བྷྲཱུྃ༔ ཝཾ་གི་ཚོགས་ཀྱི་དཀྱིལ་འཁོར་དུ༔ རཏྣ་རྟ་མཆོག་ང་རྒྱལ་གྱིས༔ མཉམ་ཉིད་ཡེ་ཤེས་བྲོ་བརྡུངས་པས༔ ཚེ་བསོད་དཔལ་འབྱོར་རྒྱས་པར་ཤོག༔ བྷྲུྃ་པུཥྚི༚་ཀུ་རུ་ཨོཾ༔ ཧྲཱི༔ མ་ཡི་ཚོགས་ཀྱི་དཀྱིལ་འཁོར་དུ༔ པདྨ་རྟ་མཆོག་ང་རྒྱལ་གྱིས༔ སོར་རྟོག་ཡེ་ཤེས་བྲོ་བརྡུངས་པས༔ ཁམས་གསུམ་དབང་དུ་འདུ་བར་ཤོག༔ ཧྲཱི་ཝ་ཤཾ་ཀུ་རུ་ཧོ༔ ཧཱུཾ༔ ཡ་ཡི་ཚོགས་ཀྱི་དཀྱིལ་འཁོར་དུ༔ ཀརྨ་རྟ་མཆོག་ང་རྒྱལ་གྱིས༔ བྱ་གྲུབ་ཡེ་ཤེས་བྲོ་བརྡུངས་པས༔ མི་མཐུན་ཕྱོགས་ཀུན་ཚར་གཅད་ཤོག༔ ཧཱུཾ་མཱ་ར་ཡ་ཕཊ༔ ཐལ་མོ་སྤྲུགས་པའི་འོད་ཟེར་སྤྲིན༔ ལས་མཐུན་འཇིག་རྟེན་ཁམས་ཀུན་ཁྱབ༔ ཞི་རྒྱས་དབང་དང་མངོན་སྤྱོད་ཀྱི༔ ཕྲིན་ལས་མཐའ་དག་ལྷུན་གྲུབ་བསམ༔ ས་མ་ཡ༔ ཞེས་པ་སྙན་རྒྱུད་རྟ་མགྲིན་གྱི་གཞུང་གི་དུམ་བུ་སྟེ། དེར་ལས་སྣ་ཚོགས་སྒྲུབ་པའི་ཆོ་ག་ལ་འདི་མ་གཏོགས་པ་ཅི་ཡང་མ་གསུངས་པས་ལས་ཚོགས་ཀྱི་སྒྲོམ་ཆེན་པོར་ཟུངས་ཤིག །ཡང་དེའི་ཚེ་སྒྲུབ་ཀྱི་ཐད་དུ། སྤྱི་གཙུག་རྟ་མགོ་ལྗང་ཞུར་ལས༔ ཧི་ཧིའི་དབྱངས་སུ་རབ་འཚེར་བས༔ འཁོར་འདས་དྭངས་བཅུད་དབང་མེད་སྡུད༔ ཅེས་རྟ་སྐད་གྱིས་བརྟན་གཡོའི་སྟོབས་དང་གཟི་བརྗིད་སོགས་ཚེ་བཅུད་སྡུད་པར་བཤད་དེ། ཛབ་ཀྱི་དམིགས་མདེའུ་སྒྱུར་ཚུལ་ལ་མཁོའོ། །བྲོ་རྡུང་གིས་ལས་གསོར་མི་རུང་དུ་

― TN03_Page_1105 ―

^{[མ་དཔེ་གཟིགས་ན་འདིར་གནོན།]}

(༦༨༦)བྱེད་པར་སྒྱུ་འཕྲུལ་ལས་གསུངས་ཏེ། དེའི་གནད་ཀྱིས་སྒྲུབ་གཞུང་ཀུན་ཏུ་ལས་ཀྱི་མཐའ་སྡུད་དུ་གསུངས་སོ། །དེའི་རྒྱུ་མཚན་ནི། །དཔེར་ན་ལྷ་དམ་ཡེ་བསྲེས་པའི་རྗེས་སུ་དགའ་བས་རྒྱས་འདེབས་བྱེད་པར་བཤད་པ་ལྟར་ལས་གང་བརྩམས་ཀྱང་མཐར་དགའ་བའི་བྲོ་བརྡུང་གིས་རྟོགས་པའི་ཉམས་སྤར་ནས་ལས་ལ་རྒྱས་འདེབས་པ་རེད་དམ་དཔྱད། དེའང་རྒྱུ་མཚན་དེ་ལ་དགོངས་ནས་བྲོ་ལས་ཀྱི་མཐའ་སྡུད་དུ་བྱིན་གྱིས་བརླབས་པ་ཡིན་ཞེས་དཔལ་ཆེན་པོའི་དགོངས་པ་བླངས་པའོ། ༈ །སྒྱུ་འཕྲུལ་ལུགས་ལྟར་བཤད་ན། བྲོ་གར་གྱིས་དངོས་གྲུབ་སྒྲུབ་པའི་ཚེ། དཔའ་བོ་དང་རྣལ་འབྱོར་མ་ཟུང་དུ་ཚོགས་པ་གལ་ཆེ་སྟེ། དེ་གཉིས་ཀྱིས་ཡིད་བདེ་ཆེན་ལས་གཞན་དུ་མི་གཡོ་བ་དང་། དགའ་བ་གོང་འཕེལ་དུ་སྤེལ་བའི་ཆེད་དུ་གླུ་གར་བྱེད་པར་མཉམ་སྦྱོར་དུ་གསུངས་ཧེ་རུ་ཀའི་སྙེམ་པས་གནས་ཡུལ་སྒོ་དབང་གི་ལྷ་མོའི་འཁོར་ལོ་རྣམས་དང་ལྷན་ཅིག་གླུ་གར་འབྲེལ་མར་རྩེན་པ་འདི་ས་གསུམ་གྱི་མཁའ་འགྲོ་མའི་ཡིད་འཕྲོག་པའི་གནད་དུ་སྣང་། ཞེ་སྡང་རྡོ་རྗེ་འཁོར་བཅས་ཀྱིས༔ ཞེས་པས་ལྷ་མོའི་འཁོར་དང་ལྷན་ཅིག་པས། ཞེས་བསྟན་ནོ། །མཉམ་སྦྱོར་གྱི་ལུང་འདིས་ཚོགས་གླུའི་དུས་ཀྱང་རྣལ་འབྱོར་མའི་ཚོགས་དང་ལྷན་ཅིག་བླང་བར་ཤེས་སྙམ་པས་མོས་པ་ཙམ་ཡང་བྱ་བ་ལྟ་བུའོ། །འོན་ཀྱང་བསྒོམ་པའི་ལྷ་མོ་གྲོགས་སུ་བཟུང་བས་ཆོག་པའང་ཡོད། ཇི་ལྟར་བྱ་

― TN03_Page_1106 ―

^{[མ་དཔེ་གཟིགས་ན་འདིར་གནོན།]}

(༦༨༧)བའི་རིམ་པ་ནི། རང་དང་བུད་མེད་གཉིས་ཧེ་རུ་ཀ་ཡབ་ཡུམ་དུ་བསྒོམ། རྒྱུད་ཀྱི་བརྒྱད་པའི་རིགས་པ་ཁ་སྤོས་ལ་ཡན་ལག་རྣམས་རིགས་ལྔ་ཧེ་རུ་ཀའི་ངོ་བོར་ཤེས་པས་རྒྱས་བཏབ། དེ་ཉིད་རིགས་ལྔའི་ཁྲོ་བོ་ཡེ་ཤེས་པ་དང་བསྲེས། རྐང་མཐིལ་གཉིས་སུ་ཉི་ཟླ་ལ་གནས་པའི་རྡོ་རྗེ་རེ་རེ་དང་། ས་གཞི་ལ་པདྨ་བསྒོམ་ཏེ། དེ་གཉིས་སྦྱར་བས་སེམས་ཅན་ཐམས་ཅད་སྲས་སུ་བྱ་བའང་བཤད། མདོར་ན་དག་པའི་སྣང་ཞེན་བརྟན་པོ་ལ་གནས་ཏེ། གླུ་དབྱངས་དང་བཅས་བྲོ་གར་གྱི་བསྒུལ་བསྐྱོད་མང་དུ་བྱས་པས་དགའ་བ་འབར་བའི་དགའ་བདེ་ལ་སྒྱུ་མ་ལྟ་བུར་ཤེས་པའི་རྒྱས་བཏབ་སྟེ་བདེ་སྟོང་གི་ཉམས་ཅི་རིང་དུ་བསྐྱང་། དེའང་བུདྡྷའི་རིགས་ཀྱི་གླུ་བྲོ་བྱེད་སྐབས་བདེ་བ་དེ་ཆོས་དབྱིངས་ཡེ་ཤེས་དང་། རྡོ་རྗེའི་རིགས་ལ་མེ་ལོང་ཡེ་ཤེས་སོགས་སོ་སོར་ང་རྒྱལ་བཞག་སྟེ་ཡེ་ཤེས་དེ་དང་དེའི་ཉམས་སྤར། དེ་ལྟར་བདེ་བའི་གཟི་བྱིན་མཆོག་ཏུ་འབར་བ་ལས་འོད་ཟེར་སྤྲུལ་པའི་ཚོགས་དང་བཅས་པ་སྤྲོས་ནས་ཕྱོགས་བཅུ་རྒྱས་པས་བཀང་སྟེ། ཞི་བ་ལ་སོགས་པའི་ཕྲིན་ལས་གང་འདོད་བསྒྲུབས། སླར་བདག་ལ་བསྟིམ་པས་གཟི་བརྗིད་རྒྱས་པར་བསམ་ལ་ལྟ་ཐོག་ཏུ་བཞག །དེ་འདྲའི་ལས་བྱེ་བྲག་པ་སྒྲུབ་པ་མིན་པའི་སྤྱི་འགྲོ་ལ། སྔར་ལྟར་ཡན་ལག་བྱིན་གྱིས་བརླབས་ནས། མགོ་བོ་བསྐྱོད་པས་སངས་རྒྱས་ཐམས་ཅད་འགྲོ་དོན་ལ་སྐུལ་བ་དང་།

― TN03_Page_1107 ―

^{[མ་དཔེ་གཟིགས་ན་འདིར་གནོན།]}

(༦༨༨)ལག་སྟབས་བསྐྱོད་པས་རིག་འཛིན་གྱི་ཞིང་ཐམས་ཅད་གཡོ་ཞིང་རིག་འཛིན་རྣམས་ས་ནས་སར་སྤར་ཏེ་གཞན་དོན་ལ་ལྷག་པར་འཇུག་ཏུ་སྩོལ་བ་དང་། རྐང་སྟབས་བསྒྱུར་བས་འགྲོ་དྲུག་གི་སྡུག་བསྔལ་སྦྱོར་ཞིང་བགེགས་ཚོགས་གནོན་པ་དང་། མིག་ཕྱོགས་ཀུན་ཏུ་བལྟས་པས་བདུད་དཔུང་སྲེག་པ་དང་། ལུས་ཐམས་ཅད་བསྐྱོད་པས་བ་སྤུའི་སྒོ་ཀུན་ནས་ཁྲོ་བོའི་སྤྲིན་སྤྲོས་ཏེ་གདུག་པ་ཅན་རྣམས་བཏུལ་བར་དམིགས་པའི་མཐར་དབྱིངས་ལ་བཞག་གོ །གཞན་ཡང་དབང་པོ་ལྔ་ལ་ཡི་གེ་བཀོད་དེ་བྲོ་བརྡུང་བས་མངོན་ཤེས་འགྲུབ་པ་སོགས་ཀྱང་བཤད་དོ། །བྲོ་བརྡུང་འདི་ཟུར་ལུགས་ལ་ཚོགས་མཆོད་ཀྱི་རིམ་པ་གསུམ་དང་། ཚོགས་ལ་རོལ་པ་རྣམས་ཟིན་པའི་འོག་ཏུ་དང་། ཀློང་ཊིག་ལྟར་ན་ཚོགས་ལ་རོལ་བའི་སྔོན་དུ་བྱེད་པ་འདྲ་ཞིག་སྣང་སྟེ་གང་ལྟར་ཡང་ལྷག་མའི་ལས་རིམ་གྱི་སྔོན་དུ་མཛད་དོ། །ད་དུང་ལས་རིམ་ལ་མང་དུ་ཡོད་དེ་འདིའི་སྦྱིན་སྲེག་གི་ཡི་གེ་ལས་ཚོལ་དགོས་སོ། །གནད་དོན་རྣམས་ནི་རྒྱས་པའི་དོན་གཅིག་ གླུ་གར་རྩེད་འཇོའི་དམ་ཚིག་གི་ལེའུ་ པ་དང་། ལམ་རིམ་རྩ་འགྲེལ་ཞིབ་ཏུ་བལྟས་ནས་ཐོར་བཏབ། འདི་ཡང་རྗེ་ཉིད་ཀྱི་ཕྱག་བྲིས་ཇི་ལྟ་བ་བཞིན་བཅོས་བསླད་མེད་པར་སྤར་དུ་བསྐྲུན་པ་དགེ་ལེགས་འཕེལ།། །།

― TN03_Page_1108 ―

^{[མ་དཔེ་གཟིགས་ན་འདིར་གནོན།]}

(༦༨༡)འདྲེའི་འཚུབ་ལྷོང་གི་སྟེང་དུ་རྦད་ཆད་བྱེད་པ་དང་ཕྱོགས་མཚུངས་སོ། །ཟབ། དེའང་དག་པའི་སྣང་ཞེན་ལ་རྒྱུན་དུ་གནས་པའི་རྣལ་འབྱོར་པ་ལ་ཡུལ་རྐྱེན་དྲག་པོའི་དབང་གིས་ཐ་མལ་གྱི་སྣང་ཞེན་འཕར་བ་ལ་ཕྱོགས་པའམ་འཕར་གྲབ་བྱེད་པ་དེ། སྔར་བཤད་རྫུ་འཕྲུལ་གྱི་རྐང་པས་དྲག་ཏུ་མནན་ནས་གཉའ་བརྫི་བྱེད་པ་ཡིན་གྱི། དང་པོར་ཐ་མལ་པའི་རྣམ་རྟོག་མངོན་གྱུར་དུ་འཕར་བཅུག་ནས་གཟོད་ཐོག་རྫིས་རྒྱགས་པ་ནི་མིན་ནོ། །སླད་ནས་ཡང་བཤད་པ། ཡུལ་རྐྱེན་དྲག་པོ་དང་ཕྲད་པ་ན་ཕལ་པ་ལ་བདག་འཛིན་དང་ཐ་མལ་པའི་སྣང་ཞེན་རགས་ལ་གསལ་བའི་ཚབས་ཆེན་དུ་སྐྱེ་བ་དེའི་དོད་དུ། བདེ་སྟོང་དང་དག་པ་རབ་འབྱམས་ཀྱི་སྣང་ཞེན་འབའ་ཞིག་འོང་བ་ནི་མི་འཕྲོགས་པའི་རྣལ་འབྱོར་བརྟན་པོ་ཐོབ་པ་ཡིན་ལ། དེ་སྒྲུབ་བྱེད་དུ། སྔ་ནས་ཡུལ་སྣང་དེ་རྣམས་སྟོང་ཕྱོགས་དང་སྣང་ཕྱོགས་ཀྱི་ཧེ་རུ་ཀའི་འཁོར་ལོར་བལྟ་བ་ལ་རྩལ་ལྷག་པར་སྦྱོང་བ་ཡིན་ཏེ། འདི་ནི་ཡུལ་སྣང་ཟིལ་གྱིས་གནོན་པའམ་ཡུལ་ལ་ཐོག་རྫིས་རྒྱགས་པ་ཞེས་བྱའོ། །ཡང་དེ་འདྲའི་ཡུལ་རྐྱེན་དང་བསྡོངས་ནས་ནང་ཐ་མལ་གྱི་རྣམ་རྟོག་ལྡང་བ་ན། དེའི་རྒྱུན་ལྡང་བའི་གོ་སྐབས་རྣལ་འབྱོར་གྱི་སྟོབས་ཀྱིས་མོད་ལ་ཕྲོགས་པ་ནི། རྣམ་རྟོག་ལ་ཐོག་རྫིས་གཏོང་བའི་དོན་ནོ། །འདི་དག་ཀྱང་བརྟགས་གཉིས་ལས། སྔར་བཤད་འཇིགས་པའི་གཟུགས་ཅན་གྱི། །སྤྱོད་པ་ལོངས་སྤྱོད་ཕྱིར་མ་གསུངས། །

― TN03_Page_1109 ―

^{[མ་དཔེ་གཟིགས་ན་འདིར་གནོན།]}

(༦༨༢)ཡིད་ནི་བརྟན་ནམ་གཡོའམ་ཅི། །རང་གི་སེམས་ལ་སོ་སོར་བརྟགས། །ཞེས་ཡུལ་སྣང་ལམ་འཁྱེར་གྱི་སྐོར་འདི་དེ་ཁོ་ན་ཉིད་ཀྱི་རྣལ་འབྱོར་རམ་རྟོགས་པ་བརྟན་པའི་ཆེད་ཡིན་པར་གསུངས་པ་དང་ཕྱོགས་འདྲའོ། ༈ དབང་ཆེན་འདུས་པའི་ལེའུ་བཅུ་གསུམ་པར། བསྒྲལ་ལས་ཀྱི་མཇུག་ཏུ་གཟས་པོའི་ཕུང་པོ་ལ་བྲོ་རྡུང་རྒྱས་པ་བྱས་ཏེ། གདོད་ཚོགས་ལ་རོལ་ཞིང་སྨོན་ལམ་གདབ་པ་དང་། ལྷག་ཆོག་བྱེད་པར་བཤད་པ་སྒྱུ་འཕྲུལ་བཀའ་མའི་ལུགས་དང་མཐུན། དེ་ལྟར་བསྒྲལ་ལས་དང་འབྲེལ་བར་བསྒྲལ་བྱའི་ལུས་ལ་བྲོ་བརྡུང་བྱེད་པའི་རྒྱུ་མཚན་ནི། བསྒྲལ་ཆོག་གིས་སྲོག་གི་གནད་བཅད་པ་དེ་སླར་མི་ལྡོག་པའི་ཆེད་དུ། ལུས་དེས་བླ་སྲོག་དང་ཡིད་ཀྱི་རྟེན་བྱེད་རུང་གི་ནུས་པ་ལྷག་མེད་དུ་བཤིགས་ཤིང་སྦྱང་བའི་ཕྱིར་བརྟུལ་ཞུགས་བྲོའི་ལས་ཀྱིས་རྒྱས་འདེབས་བྱེད་པ་ཡིན་ཅིང་། དེར་མ་ཟད་ཁོའི་རྣམ་ཤེས་ངན་སོང་དུ་འགྲོ་བའི་སྒོ་དང་། ངན་སོང་གི་ལུས་སྣང་སྐྱེད་པའི་རྩ་རླུང་ཁམས་གསུམ་གྱི་གནས་རྣམས་སུ་ཡེ་ཤེས་དག་པའི་བྲོ་བརྡུང་བས་ངན་འགྲོར་སྐྱེ་བའི་སྒོ་ཆོད་ཅིང་། དེར་སྐྱེ་བའི་ནུས་པ་བཀག་ནས་ལྡང་དུ་མི་སྟེར་བར་བྱེད་པས་དེའི་ཆེད་དུའང་ཡིན་ཏེ། འདི་དག་ནི་རྟ་མཆོག་རོལ་པ་དང་དབང་ཆེན་འདུས་པ་ལས་ཤིན་ཏུ་གསལ་བར་བཤད་དོ། །དེའང་དཔེར་ན་གདབ་ལས་བྱས་ནས་ཟླ་བ་གསུམ་ལྟ་བུ་ན་བསྒྲལ་བྱ་དེ་འཕོ་ངེས་པ་རེད་

― TN03_Page_1110 ―

^{[མ་དཔེ་གཟིགས་ན་འདིར་གནོན།]}

(༦༨༣)ཡོད་ན། གནས་སྐབས་དེར་ཟླ་བ་གསུམ་ན་ཁོ་ལུས་དེ་བོར་ནས་སྔར་གནས་ལུང་བྱས་པ་ལྟར་བདེ་བའི་གནས་སུ་འགྲོ་བའི་ཚོད་དུ་བསྒྲལ་བྱའི་རྒྱུད་ལ་དྲག་སྔགས་ཀྱི་ནུས་པ་སྨིན་ཐུབ་ཡོད་པ་ཡིན་ཡང་། ད་དུང་དེའི་བར་ལ་ཁོའི་ཚེ་ལ་གསོས་ཐེབས་པ་དང་། དེ་མིན་ཡང་ཁོ་ངན་སོང་དུ་འགྲོ་བའི་ནུས་པ་སླར་སོས་ནས་སྔ་མའི་སྟེང་དུ་འགྲོ་མི་ཐུབ་པ་སྲིད་དེ། ཉེ་བའི་འཆི་ལྟས་འགའ་ཞིག་མཐོ་མཚམས་སུ་འཆི་བསླུའི་རྐྱེན་དང་ཕྲད་ནས་དེའི་དབང་དུ་འགྲོ་བ་སྲིད་པ་བཞིན་ནོ། །དེས་ན་ཚེ་འདིའི་ཁོག་པ་དང་། ཕྱི་མའི་ངན་འགྲོ་གཉིས་ཀར་མི་ལྡོག་པའི་ཆེད་དུ་བྲོ་ཆོག་བྱེད་དེ། ཞལ་བསྟབས་དང་། སྦྱིན་སྲེག་གི་མངོན་སྤྱོད་ལའང་སྡིག་ཅན་གྱི་རྟེན་འདིར་སླར་མི་འཚོ་བ་དང་། ཕྱི་མར་ངན་སོང་དང་སྡིག་སྤྱོད་ཀྱི་ལུས་སུ་མི་སྐྱེ་བའི་གནད་གཉིས་རེ་ཡོད་དོ། །རྣལ་འབྱོར་པ་ཆེས་མཐུ་ཆེན་ནི་དེ་འདྲའི་ལས་རིམ་དུ་མ་ལ་མི་ལྟོས་ཀྱང་། དེ་འདྲའི་རྣལ་འབྱོར་པ་ལ་མི་མཁོ་བའི་གསེར་སྐྱེམས་གཟུ་དཔང་སོགས་གཞན་ཡང་མང་སྟེ། འདི་དགོས་དོན་ཡང་བློའི་མུན་སེལ་དུ་ཡོད་དོ། །དེ་དག་ནི་བསད་པའི་ལས་མཇུག་བྲོས་བསྡུས་ཚུལ་ལོ། །སྲུང་བའི་མཐའ་སྡུད་མནན་པ་ཞེས་པའི་བྲོ་མནན་དང་། བྲོ་མནན་སྒོས་སུ་སྒྲུབ་པ་གཉིས་ནི་དེ་དང་མི་འདྲ་སྟེ། སྔ་མ་བསྒྲལ་བའི་ཕུང་པོ་དང་། ཕྱི་མ་གཉིས་

― TN03_Page_1111 ―

^{[མ་དཔེ་གཟིགས་ན་འདིར་གནོན།]}

(༦༨༤)མ་བསྒྲལ་བའི་ཕུང་པོ་ལ་བྲོ་བྱེད་ཚུལ་དུ་སྣང་བའི་ཕྱིར་ཏེ། བསྒྲལ་བ་དང་མ་བསྒྲལ་བའི་ཕུང་པོ་ལ་བྲོ་བྱེད་པ་གཉིས་ནི་ཚུལ་ཐ་དད་དུ་དབང་ཆེན་འདུས་པ་ལས་གསུངས་སོ། །གཏེར་མའི་ལུགས་ཀྱིས་བརྟན་སྐྱོང་གི་མཐར་རྟ་བྲོ་བྱེད་པ་འདིའང་མ་བསྒྲལ་བའི་ཕུང་པོ་ལ་བྱེད་པར་གསལ་ལོ། །སྒྱུ་འཕྲུལ་ལེའུ་ཉི་ཤུ་པའི་དང་། བཅུ་གཉིས་པའི་བྲོ་གཉིས་ཀྱང་ཤིན་ཏུ་མི་གཅིག་སྟེ། བཅུ་གཉིས་པའི་དེ་ནི་གཟས་པོའི་ལུས་ལ་རྡུང་བ་མིན་གྱི། མཆོད་པའི་ཡོ་བྱད་ལྔའི་ཡ་གྱལ་དུ་བྱེད་དེ། སྔར་འདི་ཙམ་ལའང་མགོ་འཁོར་ནས་སྲ་སྲེ་བྱས་ཡོད་དོ། །དེས་ན་ཁོའི་རྣམ་དབྱེ་པདྨའི་འདབ་མ་ལྟར་མ་འཛིང་མ་འཁྲུགས་པར་ཤེས་པའང་བླ་མའི་དྲིན་ནོ། །གཏེར་གཞུང་འདིར་མནན་པའི་སྔོན་དུ་བསད་པ་བསྟན་ཡང་། དེ་ནི་རེངས་པར་བྱས་པ་ལ་བསད་པར་བརྗོད་པར་ཟད་པས། དོན་དུ་མ་བསྒྲལ་བའི་ཕུང་པོ་ལ་བྲོ་བྱེད་པའི་ཕྱོགས་སོ། ༈ །གནས་སྐབས་ཕྲིན་ལས་རྣམ་པ་བཞི༔ རྡོ་རྗེ་བྲོ་ཡི་ཆོ་གས་བསྒྲུབ༔ ཚོགས་ཀྱི་དཀྱིལ་འཁོར་ཆེན་པོ་རུ༔ ལུ་གུ་རྒྱུད་དུ་སྦྲེལ་བསྡམས་ནས༔ སོ་སོའི་ལས་ཀྱི་དབྱིབས་མཐུན་པའི༔ བྲོ་ར་བཅའ་ཞིང་སྔགས་ཚིག་བསྐུལ༔ རྐང་པའི་སྟབས་ཀྱིས་གར་བསྒྱུར་བས༔ ལས་ཀུན་འགྲུབ་ཅིང་ཕྱིར་མི་ལྡོག༔ ཨོཾ༔ ཨེ་ཡི་ཚོགས་ཀྱི་དཀྱིལ་འཁོར་དུ༔ རྡོ་རྗེ་རྟ་མཆོག་ང་རྒྱལ་གྱིས༔ མེ་ལོང་ཡེ་ཤེས་བྲོ་བརྡུངས་པས༔ ནད་གདོན་འཇིགས་བརྒྱད་ཞི་བར་

― TN03_Page_1112 ―

^{[མ་དཔེ་གཟིགས་ན་འདིར་གནོན།]}

(༦༨༥)ཤོག༔ ཨོཾ་ཤཱནྟི༚་ཀུ་རུ་སྭཱ་ཧཱ༔ བྷྲཱུྃ༔ ཝཾ་གི་ཚོགས་ཀྱི་དཀྱིལ་འཁོར་དུ༔ རཏྣ་རྟ་མཆོག་ང་རྒྱལ་གྱིས༔ མཉམ་ཉིད་ཡེ་ཤེས་བྲོ་བརྡུངས་པས༔ ཚེ་བསོད་དཔལ་འབྱོར་རྒྱས་པར་ཤོག༔ བྷྲུྃ་པུཥྚི༚་ཀུ་རུ་ཨོཾ༔ ཧྲཱི༔ མ་ཡི་ཚོགས་ཀྱི་དཀྱིལ་འཁོར་དུ༔ པདྨ་རྟ་མཆོག་ང་རྒྱལ་གྱིས༔ སོར་རྟོག་ཡེ་ཤེས་བྲོ་བརྡུངས་པས༔ ཁམས་གསུམ་དབང་དུ་འདུ་བར་ཤོག༔ ཧྲཱི་ཝ་ཤཾ་ཀུ་རུ་ཧོ༔ ཧཱུཾ༔ ཡ་ཡི་ཚོགས་ཀྱི་དཀྱིལ་འཁོར་དུ༔ ཀརྨ་རྟ་མཆོག་ང་རྒྱལ་གྱིས༔ བྱ་གྲུབ་ཡེ་ཤེས་བྲོ་བརྡུངས་པས༔ མི་མཐུན་ཕྱོགས་ཀུན་ཚར་གཅད་ཤོག༔ ཧཱུཾ་མཱ་ར་ཡ་ཕཊ༔ ཐལ་མོ་སྤྲུགས་པའི་འོད་ཟེར་སྤྲིན༔ ལས་མཐུན་འཇིག་རྟེན་ཁམས་ཀུན་ཁྱབ༔ ཞི་རྒྱས་དབང་དང་མངོན་སྤྱོད་ཀྱི༔ ཕྲིན་ལས་མཐའ་དག་ལྷུན་གྲུབ་བསམ༔ ས་མ་ཡ༔ ཞེས་པ་སྙན་རྒྱུད་རྟ་མགྲིན་གྱི་གཞུང་གི་དུམ་བུ་སྟེ། དེར་ལས་སྣ་ཚོགས་སྒྲུབ་པའི་ཆོ་ག་ལ་འདི་མ་གཏོགས་པ་ཅི་ཡང་མ་གསུངས་པས་ལས་ཚོགས་ཀྱི་སྒྲོམ་ཆེན་པོར་ཟུངས་ཤིག །ཡང་དེའི་ཚེ་སྒྲུབ་ཀྱི་ཐད་དུ། སྤྱི་གཙུག་རྟ་མགོ་ལྗང་ཞུར་ལས༔ ཧི་ཧིའི་དབྱངས་སུ་རབ་འཚེར་བས༔ འཁོར་འདས་དྭངས་བཅུད་དབང་མེད་སྡུད༔ ཅེས་རྟ་སྐད་གྱིས་བརྟན་གཡོའི་སྟོབས་དང་གཟི་བརྗིད་སོགས་ཚེ་བཅུད་སྡུད་པར་བཤད་དེ། ཛབ་ཀྱི་དམིགས་མདེའུ་སྒྱུར་ཚུལ་ལ་མཁོའོ། །བྲོ་རྡུང་གིས་ལས་གསོར་མི་རུང་དུ་

― TN03_Page_1113 ―

^{[མ་དཔེ་གཟིགས་ན་འདིར་གནོན།]}

(༦༨༦)བྱེད་པར་སྒྱུ་འཕྲུལ་ལས་གསུངས་ཏེ། དེའི་གནད་ཀྱིས་སྒྲུབ་གཞུང་ཀུན་ཏུ་ལས་ཀྱི་མཐའ་སྡུད་དུ་གསུངས་སོ། །དེའི་རྒྱུ་མཚན་ནི། །དཔེར་ན་ལྷ་དམ་ཡེ་བསྲེས་པའི་རྗེས་སུ་དགའ་བས་རྒྱས་འདེབས་བྱེད་པར་བཤད་པ་ལྟར་ལས་གང་བརྩམས་ཀྱང་མཐར་དགའ་བའི་བྲོ་བརྡུང་གིས་རྟོགས་པའི་ཉམས་སྤར་ནས་ལས་ལ་རྒྱས་འདེབས་པ་རེད་དམ་དཔྱད། དེའང་རྒྱུ་མཚན་དེ་ལ་དགོངས་ནས་བྲོ་ལས་ཀྱི་མཐའ་སྡུད་དུ་བྱིན་གྱིས་བརླབས་པ་ཡིན་ཞེས་དཔལ་ཆེན་པོའི་དགོངས་པ་བླངས་པའོ། ༈ །སྒྱུ་འཕྲུལ་ལུགས་ལྟར་བཤད་ན། བྲོ་གར་གྱིས་དངོས་གྲུབ་སྒྲུབ་པའི་ཚེ། དཔའ་བོ་དང་རྣལ་འབྱོར་མ་ཟུང་དུ་ཚོགས་པ་གལ་ཆེ་སྟེ། དེ་གཉིས་ཀྱིས་ཡིད་བདེ་ཆེན་ལས་གཞན་དུ་མི་གཡོ་བ་དང་། དགའ་བ་གོང་འཕེལ་དུ་སྤེལ་བའི་ཆེད་དུ་གླུ་གར་བྱེད་པར་མཉམ་སྦྱོར་དུ་གསུངས་ཧེ་རུ་ཀའི་སྙེམ་པས་གནས་ཡུལ་སྒོ་དབང་གི་ལྷ་མོའི་འཁོར་ལོ་རྣམས་དང་ལྷན་ཅིག་གླུ་གར་འབྲེལ་མར་རྩེན་པ་འདི་ས་གསུམ་གྱི་མཁའ་འགྲོ་མའི་ཡིད་འཕྲོག་པའི་གནད་དུ་སྣང་། ཞེ་སྡང་རྡོ་རྗེ་འཁོར་བཅས་ཀྱིས༔ ཞེས་པས་ལྷ་མོའི་འཁོར་དང་ལྷན་ཅིག་པས། ཞེས་བསྟན་ནོ། །མཉམ་སྦྱོར་གྱི་ལུང་འདིས་ཚོགས་གླུའི་དུས་ཀྱང་རྣལ་འབྱོར་མའི་ཚོགས་དང་ལྷན་ཅིག་བླང་བར་ཤེས་སྙམ་པས་མོས་པ་ཙམ་ཡང་བྱ་བ་ལྟ་བུའོ། །འོན་ཀྱང་བསྒོམ་པའི་ལྷ་མོ་གྲོགས་སུ་བཟུང་བས་ཆོག་པའང་ཡོད། ཇི་ལྟར་བྱ་

― TN03_Page_1114 ―

^{[མ་དཔེ་གཟིགས་ན་འདིར་གནོན།]}

(༦༨༧)བའི་རིམ་པ་ནི། རང་དང་བུད་མེད་གཉིས་ཧེ་རུ་ཀ་ཡབ་ཡུམ་དུ་བསྒོམ། རྒྱུད་ཀྱི་བརྒྱད་པའི་རིགས་པ་ཁ་སྤོས་ལ་ཡན་ལག་རྣམས་རིགས་ལྔ་ཧེ་རུ་ཀའི་ངོ་བོར་ཤེས་པས་རྒྱས་བཏབ། དེ་ཉིད་རིགས་ལྔའི་ཁྲོ་བོ་ཡེ་ཤེས་པ་དང་བསྲེས། རྐང་མཐིལ་གཉིས་སུ་ཉི་ཟླ་ལ་གནས་པའི་རྡོ་རྗེ་རེ་རེ་དང་། ས་གཞི་ལ་པདྨ་བསྒོམ་ཏེ། དེ་གཉིས་སྦྱར་བས་སེམས་ཅན་ཐམས་ཅད་སྲས་སུ་བྱ་བའང་བཤད། མདོར་ན་དག་པའི་སྣང་ཞེན་བརྟན་པོ་ལ་གནས་ཏེ། གླུ་དབྱངས་དང་བཅས་བྲོ་གར་གྱི་བསྒུལ་བསྐྱོད་མང་དུ་བྱས་པས་དགའ་བ་འབར་བའི་དགའ་བདེ་ལ་སྒྱུ་མ་ལྟ་བུར་ཤེས་པའི་རྒྱས་བཏབ་སྟེ་བདེ་སྟོང་གི་ཉམས་ཅི་རིང་དུ་བསྐྱང་། དེའང་བུདྡྷའི་རིགས་ཀྱི་གླུ་བྲོ་བྱེད་སྐབས་བདེ་བ་དེ་ཆོས་དབྱིངས་ཡེ་ཤེས་དང་། རྡོ་རྗེའི་རིགས་ལ་མེ་ལོང་ཡེ་ཤེས་སོགས་སོ་སོར་ང་རྒྱལ་བཞག་སྟེ་ཡེ་ཤེས་དེ་དང་དེའི་ཉམས་སྤར། དེ་ལྟར་བདེ་བའི་གཟི་བྱིན་མཆོག་ཏུ་འབར་བ་ལས་འོད་ཟེར་སྤྲུལ་པའི་ཚོགས་དང་བཅས་པ་སྤྲོས་ནས་ཕྱོགས་བཅུ་རྒྱས་པས་བཀང་སྟེ། ཞི་བ་ལ་སོགས་པའི་ཕྲིན་ལས་གང་འདོད་བསྒྲུབས། སླར་བདག་ལ་བསྟིམ་པས་གཟི་བརྗིད་རྒྱས་པར་བསམ་ལ་ལྟ་ཐོག་ཏུ་བཞག །དེ་འདྲའི་ལས་བྱེ་བྲག་པ་སྒྲུབ་པ་མིན་པའི་སྤྱི་འགྲོ་ལ། སྔར་ལྟར་ཡན་ལག་བྱིན་གྱིས་བརླབས་ནས། མགོ་བོ་བསྐྱོད་པས་སངས་རྒྱས་ཐམས་ཅད་འགྲོ་དོན་ལ་སྐུལ་བ་དང་།

― TN03_Page_1115 ―

^{[མ་དཔེ་གཟིགས་ན་འདིར་གནོན།]}

(༦༨༨)ལག་སྟབས་བསྐྱོད་པས་རིག་འཛིན་གྱི་ཞིང་ཐམས་ཅད་གཡོ་ཞིང་རིག་འཛིན་རྣམས་ས་ནས་སར་སྤར་ཏེ་གཞན་དོན་ལ་ལྷག་པར་འཇུག་ཏུ་སྩོལ་བ་དང་། རྐང་སྟབས་བསྒྱུར་བས་འགྲོ་དྲུག་གི་སྡུག་བསྔལ་སྦྱོར་ཞིང་བགེགས་ཚོགས་གནོན་པ་དང་། མིག་ཕྱོགས་ཀུན་ཏུ་བལྟས་པས་བདུད་དཔུང་སྲེག་པ་དང་། ལུས་ཐམས་ཅད་བསྐྱོད་པས་བ་སྤུའི་སྒོ་ཀུན་ནས་ཁྲོ་བོའི་སྤྲིན་སྤྲོས་ཏེ་གདུག་པ་ཅན་རྣམས་བཏུལ་བར་དམིགས་པའི་མཐར་དབྱིངས་ལ་བཞག་གོ །གཞན་ཡང་དབང་པོ་ལྔ་ལ་ཡི་གེ་བཀོད་དེ་བྲོ་བརྡུང་བས་མངོན་ཤེས་འགྲུབ་པ་སོགས་ཀྱང་བཤད་དོ། །བྲོ་བརྡུང་འདི་ཟུར་ལུགས་ལ་ཚོགས་མཆོད་ཀྱི་རིམ་པ་གསུམ་དང་། ཚོགས་ལ་རོལ་པ་རྣམས་ཟིན་པའི་འོག་ཏུ་དང་། ཀློང་ཊིག་ལྟར་ན་ཚོགས་ལ་རོལ་བའི་སྔོན་དུ་བྱེད་པ་འདྲ་ཞིག་སྣང་སྟེ་གང་ལྟར་ཡང་ལྷག་མའི་ལས་རིམ་གྱི་སྔོན་དུ་མཛད་དོ། །ད་དུང་ལས་རིམ་ལ་མང་དུ་ཡོད་དེ་འདིའི་སྦྱིན་སྲེག་གི་ཡི་གེ་། །། བཏབ། མེད་པར་སྤར་དུ་བསྐྲུན་པ་དགེ་ལེགས་འཕེལ།། །།

― TN03_Page_1116 ―

^{[མ་དཔེ་གཟིགས་ན་འདིར་གནོན།]}

(༦༨༩)ཅི་བགྱིའི་བཀའ་ཉན་གྱི་ཟིན་བྲིས་དོན་ཀུན་གྲུབ་པའི་སྦྲུལ་ཞགས། ཕོ་ཉ་དམ་ཅན་སྤྲིན་ལྟར་གཏིབས༔ ཅེས་པར། ཁམས་རྒྱ་མོ་དྲུག ལོང་བ་སོ་གཉིས། ཁྱི་སྤྱང་བཅུ་དྲུག །ཟླ་ཉི་མེ་ཆུའི་འདབས་ཅན་བཞི། ས་ཆུ་མེ་རླུང་གི་འབྲུག་བཞི་སོགས་རྟ་མཆོག་གི་དགོས་ཀྱི་སྲུང་མ་རྣམས་དང་གོ་ཆའི་འཇམ་དཔལ་གྱི་ཕོ་ཉ། གྲི་ཐོགས་གིང་། ཤོ་ཐོགས་རྩིས་པ། ཁྲམ་ཐོགས་བདུད་སོགས་དང་། གུར་དྲག་གི་ལྷ་སྲིན་སྡེ་བརྒྱད། བླ་མེད་ཧེ་རུ་ཀའི་ཨེ་ཀ་སྤུན་དྲུག་དང་རྣམ་མཁའི་རྒྱལ་མོ་སྤུན་གཉིས། འདོད་ཁམས་གཙོ་མོ་སྤུན་གསུམ། དབང་གི་གྲུ་འདེགས་བཞི། དམག་གི་རྒྱལ་མོ་མཆེད་བཞི། གླིང་བཞིའི་རྒྱལ་མོ་བཞི་སོགས་དང་། ཕུར་པའི་མ་མོ་བཅུ་གཉིས་དང་མིང་པོ་གསུམ་སོགས་ཇི་སྙེད་བསྡུ་སྟེ། གཏོར་ཟློག་ལས་གོ་ཆ་ལྔ་རེ་རེ་ཞིང་། གཙོ་འཁོར་སྤྲུལ་པར་བཅས་པ་དབྱིངས་ནས་བཞེངས༔ཞེས་སོ། །ལུང་དེ་བླ་མེད་ཧེ་འཁོར་ཞེས་པ་ལས་གྲགས་ཚབས་འདི་ཆེ། རུ་ཀ་སྲིད་པ་མ་མོ་འཇིག་འདས་ཐམས་ཅད་ཀྱི་ངོ་བོའམ་སྤྱི་གཟུགས་སུ་སྒོམ་པ་སོགས་ལས་ལོགས་སུ་སྒོམ་པ་ལ་མ་བཤད་ཀྱང་རུང་སྟེ། གནད་འདྲའོ། །གཞན་ཡང་རྒྱུད་དང་སྒྲུབ་སྡེ་སྤྱི་ལ་གྲགས་པའི་མཁའ་འགྲོ་སོ་གཉིས། སྤོར་མའམ་འབར་མ་བརྒྱད། གིང་བཅོ་བརྒྱད། མགྱོགས་མ་བཞི། མ་བདུན། སྲིད་བཞི། ཕོ་ཉ་སུམ་བརྒྱ་དྲུག་ཅུ། ལངྐ་འབུམ། འབུམ་ཕྲག་ཡངས་པའི་མཁའ་འགྲོ་སོགས་མཐའ་ཡས་པ་དྲང་ངོ། །འོན་ཀྱང་གཙོ་བོ་ནི་

― TN03_Page_1117 ―

^{[མ་དཔེ་གཟིགས་ན་འདིར་གནོན།]}

(༦༩༠)དབང་ཕྱུག་ཉེར་བརྒྱད་གལྤོ་ལས། མཁའ་འགྲོ་སོ་གའི་ས། གིང་ཆེན་ཁྱོ་ཤུག་བརྒྱད། ལངྐ་འབུམ། འབར་མ་བརྒྱད། མ་བདུན་སྲིང་བཞི། ཕོ་ཉ་དྲུག་ཅུ་རྩ་བཞི་རྣམས་མར་གནས་ལྷག་མ་ལ་དབང་བ་དང་། དབང་ཕྱུག་མ་ཉེར་བརྒྱད་ཕུད་ལྷག་གཉིས་ཀ་ལ་དབང་བས་མར་ཡར་གྱི་གནས་གཉིས་ཀར་འཇོག་པར་བཤད་དེ། དེ་ཐམས་ཅད་ཀྱི་ནང་ན་གཙོ་བོར་གྱུར་པ་དབང་མོ་འདི་རྣམས་ཡིན་པར་སྟོན་པ་ཤིན་ཏུ་གསལ་པོ་རུ་གསུངས་ཤིང་། གཏོར་ཟློག་ཏུ། ཞི་ཁྲོ་རབ་འབྱམས་མངག་གཞུག་ལས་ཀུན་མཛད༔ ཅེས་གསུངས་ལ། སྒྱུ་འཕྲུལ་ལས་ཀྱང་། རྦད་ཅིང་གཏང་བར་བྱ་བ་སྟེ། །ཐམས་ཅད་ཐམས་ཅད་བྱེད་པ་ཡིན། །ཞེས་ལས་ཀྱི་དངོས་གྲུབ་མཐའ་དག་བྱེད་པ་དང་། དེའང་རྦོད་གཏོང་གི་སྒོ་ནས་བྱེད་པར་བསྔགས་ཏེ། སྒྱུ་འཕྲུལ་གྱི་གོང་འོག་གཞན་དུ་མར་ཡང་དེ་ལྟར་འབྱུང་ངོ་། །གནས་མ་ཡུལ་མ་མན་ཆད་ལ། ལེའུ་བཅུ་གཅིག་པར། ཕོ་ཉ་ཕྱག་བརྙན་བཀའ་ཉན་ཚོགས། །ཅི་བགྱི་ལ་སོགས་ཚོགས་རྣམས་ཀྱིས། །ཞེས་གསུངས་ཏེ། འདིར་ཕོ་ཉ་ཕྱག་བརྙན་སོགས་ཐམས་ཅད་བུད་མེད་ཀྱི་འཁོར་ཤ་སྟག་མཛད་པ་ནི། སྤྱོད་པ་གསུམ་གྱི་ཁྱད་པར་རིག་མའི་འཁོར་མང་ཉུང་གིས་ཕྱེ་བའི་རིགས་པ་ལྟར། དཀྱིལ་འཁོར་འདི་བདེ་བ་ཆེན་པོའི་རྒྱལ་ཐབས་སུ་བསྟན་པའི་ཆེད་དེ། འཇིག་རྟེན་ན་ཡང་ཆེན་པོ་རྣམས་ཀྱི་དགའ་བའི་འབྱོར་པ་འཆད་སྐབས་བུད་མེད་འབའ་ཞིག་གིས་བྱས་པའི་རོལ་མོ་ལ་རྩི་བ་བཞིན་དང་། ཡོ་གའི་དཀྱིལ་འཁོར་སྐབས་འཁོར་སྒྱུར་གྱི་བཙུན་མོ་དང་། གཡོག་མོའི་གཙོ་མོ་དང་། གསོལ་ཀ་མ་སོགས་དང་

― TN03_Page_1118 ―

^{[མ་དཔེ་གཟིགས་ན་འདིར་གནོན།]}

(༦༩༡)ཚུལ་བསྟུན་ནས་སྒེགས་སོགས་ལྷ་མོ་བརྒྱད་བཞག་པ་སོགས་ཀྱིས་འཕྲུལ་ཏེ་དཔྱད་དོ། །འཇིག་རྟེན་གྱི་ན་ཆུང་ལ་རིགས་གཟུགས་བློ་དང་སྒྱུ་རྩལ་བསོད་ནམས་སོགས་ཡོན་ཏན་ཐམས་ཅད་ཆེས་ཕུལ་དུ་བྱུང་བ་ནི། དྲག་པོ་དང་ཁྱབ་འཇུག་སོགས་འཇིག་རྟེན་གྱི་དབང་ཕྱུག་ཆེན་པོ་རྣམས་ཀྱི་ཆུང་མར་འཐོབ་སྟེ། དེ་དག་པས་ཆེས་དམན་པའི་འཁོར་སྒྱུར་གྱི་བཙུན་མོ་ཡང་ཆེས་བཟང་བར་བཤད་པ་ཡིན་ནོ། །དབང་མོ་འདི་རྣམས་གཙོ་བོའི་དགའ་མའང་ཡིན་ཏེ་སྒྱུ་འཕྲུལ་ལེའུ་བཅོ་ལྔ་པར་གསལ་ཞིང་རྒྱས་སོ། །དེས་ན་འཇིག་རྟེན་ན་རབ་མཆོག་ཏུ་གྱུར་པའི་བུད་མེད་རྣམས་དཔལ་ཧེ་རུ་ཀའི་རེས་འགའ་བའི་ཡུམ་མམ། ཡུམ་ཕལ་པར་བྱིན་གྱིས་བརླབས་པ་ཡིན་ནོ། །གཙོ་བོའི་ཡུམ་ཡིན་ཀྱང་དཀྱིལ་འཁོར་གྱི་ལྷ་གནས་ཟུར་པ་ལ་འགོད་པ་ནི། ཀྱེ་རྡོར་གྱི་དཀར་མོ་སོགས་དང་། དུས་འཁོར་གྱི་དུ་བ་མ་སོགས་ལྟ་བུའོ། །སྔ་མ་དག་མོ་རྒྱུད་སྦྱོར་བས་བཏུལ་བ་ནི་སྔོན་བྱུང་ཡིན་ལ། རྗེས་འཇུག་ནི་ལས་ཀྱི་སྲིན་མོ་ལ་མོས་པ་མི་སྐྱེ་བས་སྒྲུབ་ཐབས་ལས་དབྱིངས་ཡུམ་སྡེ་ལྔ་ཁོ་ན་ཡུམ་དུ་བསྟན་གསུངས་ཏེ་བདེ་ཆེན་མཆོག་གི་ཡེ་ཤེས་སྟེར་བ་ལ་དབྱིངས་ཡུམ་ལྔ་གཙོ་ཞིང་། སྣ་ཚོགས་ལས་ཀྱི་དངོས་གྲུབ་སྟེར་བ་ལ་འཇིག་རྟེན་གྱི་གཙོ་མོ་རྣམས་བསྔགས་པས་སྒྲུབ་ཐབས་ཀྱི་བཤད་ཚུལ་དེ་ལྟར་འོང་ཞེས་གཟུང་ངོ་། །ཕྱི་མ་དེ་ལྟར་གཙོ་བའི་རྒྱུ་མཚན་ནི། མྱུར་བ་དང་ཚན་ཆེ་བ་གཉིས་ཚོགས་པའི་སྟེང་ནས་

― TN03_Page_1119 ―

^{[མ་དཔེ་གཟིགས་ན་འདིར་གནོན།]}

(༦༩༢)ཤེས་པར་བྱ་སྟེ། མྱུར་བ་ནི། དམ་ཅན་འདི་དག་འཇིག་རྟེན་པའི་སྐྱེ་རྒྱུད་ལྟར་གྲུབ་པའི་ལུས་དེ་ཉིད་མ་སྤངས་པར་ད་དུང་འཇིག་རྟེན་ཉུལ་བའི་ལྷ་ཡིན་པས། སྟོང་ཁམས་ཡོངས་ལ་མངའ་མཛད་པའི། །དབང་ཕྱུག་ཉི་ཤུ་རྩ་བརྒྱད་ཀྱང་། །ད་དུང་འཇིག་རྟེན་མ་འདས་པས། །འཇིག་རྟེན་ལས་ཀུན་ཁྱོད་ལ་བཅོལ། །ཞེས་སོ། །ལས་ཉོན་དང་ཡེ་ཤེས་ལས་གྲུབ་པའི་ལུས་གཉིས་ནི་ཤིན་ཏུ་རང་བཞིན་བསྐལ་པ་ཡིན་པས། དེ་ལྟར་མ་བསྐལ་བའི་རྣམ་པར་སྣང་བ་འདི་དག་ནི་གདུལ་བྱའི་བསམ་པའི་དབང་གིས་ཡེ་ཤེས་ཀྱི་ལྷ་ལས་མཐོང་བ་དང་ཁོལ་བ་གཉིས་ཀ་སླའོ། །སངས་རྒྱས་འཇིག་རྟེན་དུ་མ་བྱུང་གོང་གི་ལྷ་དང་མ་མོ་སོགས་འཇིག་རྟེན་པའི་སྔགས་ཐམས་ཅད། དེ་བཞིན་གཤེགས་པའི་སྤྱན་སྔར་ཕུལ་བའི་ལྷ་དང་མ་མོ་ལ་སོགས་པའི་སྔགས་ཀྱིས་ཐོགས་མེད་དུ་བཅད་འགྲོ་བར་ཡོ་ག་ལས་གསུངས་ཏེ། སངས་རྒྱས་ཀྱིས་མངོན་སུམ་དུ་བྱིན་གྱིས་བརླབས་ཤིང་དགོངས་པའི་ཁྱད་དོ། །དེས་ན་འདི་དག་གི་ཡང་བྲན་ཐ་ཆུང་རྣམས་ཀྱི་སྔགས་དང་དམོད་པའང་དེ་ལས་གཞན་པའི་འབྱུང་པོའི་སྔགས་ཐམས་ཅད་ལས་རྣམ་པར་རྒྱལ་བ་ཡིན་ནོ། །སྒྱུ་འཕྲུལ་ཞི་བ་ལས་ཁྲོ་བོ་མྱུར་བའི་རྒྱུ་མཚན་ཡང་། སྔ་མ་དག་ཛབ་འདྲིལ་བ་སོགས་འགའ་རེ་བཞེད་དེ། ཕལ་ཆེར། ཁྲོ་བོ་རྣམས་དངོས་གྲུབ་འབེབས་པ་ལ་བཙན་ཐབས་ཀྱི་སྤྱོད་པ་ཅན་དུ་གནས་པ་དང་། འཁོར་འདས་གཉིས་ཀྱི་ས་མཚམས་ན་བཞུགས་པའི་དངོས་གྲུབ་ཀྱི་ཕོ་ཉ་

― TN03_Page_1120 ―

^{[མ་དཔེ་གཟིགས་ན་འདིར་གནོན།]}

(༦༩༣)ཁྱད་པར་ཅན། འདི་དག་གི་དབང་གིས་ཡིན་ནམ་སྙམ་སྟེ། སྒྲུབ་ཆེན་ཟིན་བྲིས་སུ་ཡང་ཕྱོགས་འདྲ་བཤད་ཡོད། ཕྱག་རྡོར་དབང་བསྐུར་ལས། གསང་བ་པའི་བདག་པོའི་བྲན་མོ་རྣམས་འཆད་པ་ན། དེ་དག་ནི་རང་བཞིན་གྱིས་གྲུབ་པ་སྟེ། སུས་བཅོལ་ཡང་ང་རྒྱལ་བཅག་པ། ལས་སྣ་ཚོགས་མི་བྱེད་པ་ཅི་ཡང་མེད་པ་ཞེས་གསུངས་པ་དང་ཚུལ་མཚུངས་པར་འདི་དག་ཀྱང་དེ་བཞིན་གཤེགས་པའི་བྲན་མོ་རང་བཞིན་གྱིས་གྲུབ་པ་ཡིན་ནོ། །མཆན། ཚན་ཆེ་བ་ནི། འཁོར་བའི་སྐྱེ་རྒྱུད་ཀྱི་དབང་དུ་དྲེགས་པ་ལ་ཆེ་ཆུང་མཆོག་དམན་གྱི་རིམ་པ་མང་ལ། ཚུལ་བསྟན་བྱས་ཀྱང་། རླབས་ཆེ་ཆུང་གང་གི་རྣམ་པ་བཟུང་བ་དེ་ལྟར་གདུལ་བྱའི་བསམ་དབང་གིས་རེ་ཞིག་ལ་ཚན་ཆེ་ཆུང་ཡང་འཐད་དོ། །མི་ལ་ལྷ་དང་འདྲ་བའི་མཐུ་དཔལ་ཚེ་དེར་ཐོབ་ན་དངོས་གྲུབ་བཟང་ཤོས་སུ་འགྲོ་ཡང་། ལྷ་ལ་དེས་མི་འགྲོ་བ་ལྟར་སྐྱེ་རྒྱུད་ཀྱིས་ཞན་པ་དང་ཆེས་ཆེ་བ་གཉིས་དངོས་གྲུབ་བརྙེས་རྗེས་སུ་ཡང་མཐུ་ཆེ་ཆུང་ཡོད་ཆོག་གོ །འདི་དག་ནི་དང་པོ་ཉིད་ནས། རྒྱུད་ཀྱི་བཅོ་ལྔ་པར་བྲན་དང་ཡང་བྲན་དང་། གཡོག་དང་ཡང་གཡོག་འཁོར་ཞིང་གི་རྡུལ་སྙེད་ཅན་དུ་གསུངས་པ་ལྟར་འཇིག་རྟེན་གསུམ་གྱི་འབྱུང་མོ་ཐམས་ཅད་ལ་བཀའི་འཁོར་ལོ་སྦྱོར་བའི་གཟི་བརྗིད་ཅན་ཡིན་པའི་སྟེང་དུ་དཔལ་ཧེ་རུ་ཀས་ཐོགས་མེད་མཐུ་སྟོབས་ཀྱི་དངོས་གྲུབ་སྩལ་བས་ཚན་ཆེ་བ་ཡིན་ནོ། །དེའང་འདི་དག་ཏུ་གདུལ་བྱའི་བསམ་དབང་གིས་ཞེས་པ་ནི་གལ་ཆེ་སྟེ། སྲུང་མ་ནང་འབྲས་མཐུན། ཐུགས་ཉེ་རིང་། ཚན་ཆེ་ཆུང་། ལས་

― TN03_Page_1121 ―

^{[མ་དཔེ་གཟིགས་ན་འདིར་གནོན།]}

(༦༩༤)མྱུར་འབུལ། དངོས་གྲུབ་གང་ལ་རྩལ་ཐོན་ཐམས་ཅད་སྒྲུབ་པ་པོའི་བློའི་ཞེན་ཚུལ་ལ་ཐུག་ཡོད་པར་མང་དུ་བཤད་དོ། །སོ་སོའི་ལོ་རྒྱུས་ཀྱི་རྩ་ཐོ་ནི། སྲིན་པོ་དྷ་ཤ་གྲི་བའི་ཆུང་མ་རྡོ་རྗེ་མིའི་སྲིན་མོ་དང་། ཚངས་པའི་ཆུང་མ་ཚངས་མ་དང་། ལྷ་ཆེན་དྲག་པོའི་འཁྲུགས་མོ་དང་། བརྒྱ་བྱིན་གྱི་དབང་མོ། ཁྱབ་འཇུག་གི་འཇུག་སྲེད་མོ། །གདོང་དྲུག་གི་གཞོན་ནུ་མོ་སྟེ་ཤར་གྱི་མ་མོ་དྲུག །འཇུག་སྲེད་ཀྱི་དམར་མོ། ཉི་མའི་བདུད་རྩི་མོ། ཟླ་བའི་ཞི་བ་མོ། བེ་ཅོན་གྱི་བེ་ཅོན་མོ། །སྲིན་པོ་ཁྲག་མིག་གི་སྲིན་མོ། །ལྷ་ཟ་བྱེད་ཀྱི་ཟབ་མོ་སྟེ་ལྷོའི་དང་། དགའ་བྱེད་དབང་ཕྱུག་གི་དགའ་བ་མོ། །སྟོབས་བཟང་གི་ར་རོ་ཁྲག་འཐུང་མྱོས་མ་བྷྲི༚་གི་རི་ཏིའི་གཅིག་པུར་སྤྱོད་མ། འདོད་ལྷའི་ཡིད་འཕྲོགས་མ། ནོར་སྲུང་གི་གྲུབ་མོ། །རླུང་ལྷའི་རླུང་མོ་སྟེ་ནུབ་ཀྱི་དང་། ལྷ་གསོད་བྱེད་ཀྱི་གསོད་བྱེད་མོ། མེ་ལྷའི་མེ་མོ། །ས་དག་ཕག་ཆེན་གྱི་ཕག་མོ། །གཤིན་རྗེའི་རྒན་བྱེད་མོ། །ཚོགས་བདག་གི་སྣ་ཆེན་མོ། །ཆུ་ལྷའི་ཆུ་ལྷ་མོ་སྟེ་བྱང་གི་དང་། ལྷ་ནག་པོ་ཆེན་པོའི་ནག་མོ་ཆེན་མོ། །ར་གདོང་ཆེན་པོའི་ར་མགོ་དམར་སེར་ཆེན་མོ། །སྲིན་པོ་བུམ་སྣའི་བུམ་སྣ་སྔོ་ནག་ཆེན་མོ། །གསུས་པོ་ཆེའི་གསུས་འཛིན་སེར་ནག་ཆེན་མོ་སྟེ་སྒོའི་མ་མོའོ། །མ་མོ་འདི་རྣམས་ལས་མང་པོ་ཞིག་འཇམ་དཔལ་རྩ་རྒྱུད་ཀྱི་གླེང་གཞི་ལ་སོགས་པར་ཡང་འབྱུང་ངོ་། །དེར་ཡང་མ་མོའི་འཁོར་བྱེ་བ་བརྒྱ་སྟོང་དང་ལྡན་པར་བཤད་ཡོད། འདིར་ཚངས་པ་ལ་ཆུང་མ་བཤད་པ་ཆོས་མངོན་པ་

― TN03_Page_1122 ―

^{[མ་དཔེ་གཟིགས་ན་འདིར་གནོན།]}

(༦༩༥)དང་འགལ་བ་སྤོང་བ་ནི་མན་སྙེ་ལྟར་བྱའོ། །དང་པོ་མི་སྲིན་གཡག་མགོ་ནི་འདོད་ཁམས་དབང་མོ་རྗེ་ཁོལ་གཉིས་ཀྱི་རྗེ་མོ་དང་གཅིག་པར། དགེ་འདུན་རྒྱ་མཚོས། དབང་ཕྱུག་ཉི་ཤུ་རྩ་བརྒྱད་ཀྱི། གཙོ་མོ་མཛད་པ་དེ་ཡི་ཚེ། །མི་སྲིན་གཡག་མགོ་ཐོད་རློན་འཆང་། །དེ་ཡང་བྱང་ཤར་རེ་མ་ཏི། །ཞེས་ཏེ་ཀློང་སྙིང་གཡུལ་མདོས་ལས་ཀྱང་ངོ་། ༈ །ཤར་གྱི་མ་མོ་བདུན་རྡོ་རྗེའི་རིགས་སོགས་བུདྡྷའི་རིགས་མ་གཏོགས་པ་བཞི་དང་སྦྱོར་བར་ཁ་ཅིག་ཏུ་བཤད་དེ། རྒྱུད་ཀྱི་བཅོ་ལྔ་པ་དཀྱིལ་གསལ་ལྟར་ན། རྡོ་རྗེའི་རིགས་བརྒྱད། ལྷག་པ་བཞི་ལ་ལྔ་ལྔར་བྱེད་དམ་དཔྱད། འཇིག་རྟེན་ལས་འདས་པའི་རིགས་གར་གཏོགས་ལའོ། །མཆན། ལྷ་གཅིག་གིས་རིགས་གཉིས་འཛིན་པའང་ཡོད་པས་མི་འགལ་ལམ། ༈ དེའང་མགྲིན་བཅུའི་ཆུང་མ་བྱེད་དུས་སྲིན་ཞལ་ཅན་ཡིན་པ་ལས། རུ་ཏྲས་ཕྲོགས་པ་ན་ཁོ་མགོ་བརྙན་ལ་དགའ་བས་སྲིན་ཞལ་གཡག་གདོང་དུ་བསྒྱུར་ཞེས་བཤད་དེ། དེས་ལྷག་མ་རྣམས་མགོ་བརྙན་འཆང་བའི་རྒྱུ་མཚན་ཡང་འགྲེ། གཟུགས་འདོད་དགུར་སྒྱུར་བའི་རྫུ་འཕྲུལ་ཅན་དུ་བསྟན་པའི་ཕྱིར་རྣལ་མའི་བྱད་བཞིན་ལས་གཞན་དུ་བསྒྱུར་བའང་ཡིན་ཏེ་བཤགས་རྒྱུད་ལས། ནམ་མཁའི་ལུས་ཅན་གར་ཡང་ཐོགས་མེད་ཅིང་། །འདོད་དགུར་སྒྱུར་བའི་གཟུགས་ཅན་འཕྲུལ་མོ་ཆེ། །ཞེའོ། །སྤྲུལ་གཞི་ཉེར་བརྒྱད་དྲག་མོའི་གདོང་ཅན་དང་། སྤྲུལ་པ་ཉེར་བརྒྱད་གདོང་བརྙན་ཅན་ཏེ་གཉིས་སུ་བཤད་པའང་ཡོད། ལོ་རྒྱུས་འདི་ལྟར་ཤེས་ན་དམ་ཅན་ཐུགས་ཉེ་བའི་དགོས་པའང་ཡོད་པར་མངོན་

― TN03_Page_1123 ―

^{[མ་དཔེ་གཟིགས་ན་འདིར་གནོན།]}

(༦༩༦)ཏེ། ལག་ན་རྡོ་རྗའི་བུ་ལག་མྱུར་སོགས་རང་གི་མིང་དང་རུས་ཤེས་པ་རྣམས་ལ་སྲུང་སྐྱོབ་སྦེད་གསུམ་བྱེད་པར་གསང་སྔགས་རྗེས་འཛིན་ལས་གསུངས་པ་བཞིན་ནོ། །སྒྱུ་འཕྲུལ་གྱི་བཅོ་ལྔ་པར། སྟོན་པས་འདི་རྣམས་ལ་ལག་ཏུ་རྡོ་རྗེ་བྱིན་ནས་ཕྱི་རོལ་གྱི་སྲུང་མར་བཀོད་པར་བཤད་པ་ནི། རྡོ་རྗེའི་དེ་ཉིད་ནི། བདེ་སྟོང་མི་ཕྱེད་པའི་དོན་དམ་བྱང་ཆུབ་ཀྱི་སེམས་ཏེ། དེའི་སྒོ་ནས་གསང་སྔགས་ཀྱིས་སྟན་པ་སྲུང་བ་དང་། བསྟན་པའི་དོན་བྱ་བ་ལ་དབང་བའི་ཅི་བགྱི་མོར་གནང་སྟེ་དབང་སྐུར་རོ་ཞེས་ཤེས་པའི་ཆེད་དེ། དེས་ན་འདི་དག་གིས་བསྟན་པ་སྲུང་བའི་ཡུལ་ནི་ནམ་མཁའ་ལྟར་ཐུག་པ་མེད་པ་ཡིན་གྱི། ཕྱོགས་རེ་བ་མིན་ནོ། །མཆན། སྒྲུབ་སྡེའི་སྐོར་ལས་ཀྱང་། མ་མོ་རྦོད་གཏོང་ཞེས་རྦོད་གཏོང་ཕོ་ཉའི་ལས་ལ་མ་མོ་བསྔགས་ཏེ། དེའི་རྒྱུ་མཚན་ཡང་། སྤྱིར་མ་མོ་རྦོད་གཏོང་རྩ་རླུང་ཐིག་ལེའི་སྒོ་ནས་འཆད་པ་ན། མ་མོ་རྣམས་ཧེ་རུ་ཀའི་རྩ་རླུང་ཁམས་གསུམ་གྱི་ཆ་རྣམས་ལས་སྤྲུལ་པ་དང་། སྲིད་པའི་གནས་ལུས་ལོངས་སྤྱོད་དག་ཡིད་བྱེད་སྦྱོང་མཐའ་དག་རྩ་ཐིག་རླུང་གསུམ་གྱི་རང་རྩལ་ཡིན་པ་དང་། མ་མོ་རྩ་རླུང་གི་བདག་མོར་ཞལ་གྱིས་བཞེས་པས་སྐྱེ་འགྲོའི་རྩ་རླུང་ལ་གནས་ནས་སྲོག་དབུགས་དང་སྣོད་བཅུད་ཀྱི་གཟི་མདངས་ལ་མངའ་མཛད་པར་བཤད་དེ་མ་མོ་ནད་ཡམ་ལ་མངའ་མཛད་པར་བཤད་པའང་རྩ་རླུང་གི་རྟེན་འབྲེལ་དུ་མངོན་ལ། མ་མོའི་དེ་ཉིད་ལ། མ་དབྱིངས་དང་། མོ་རིག་པའི་ཡེ་ཤེས་ཏེ་དབྱིངས་རིག་ཟུང་འཇུག་ཉིད་ལན་ཅིག་མ་ཡིན་པར་བཤད་པ་དང་། བདེ་འདུས་མ་མོའི་རྩ་རྒྱུད་ལས། མ་སྐྱེད་པ་དང་། མོ་སྡུད་པའི་དོན་དུ་བཤད་དེ་སྲིད་པ་སྐྱེད་སྡུད་ཀྱི་རྩ་བ་མ་མོའི་

― TN03_Page_1124 ―

^{[མ་དཔེ་གཟིགས་ན་འདིར་གནོན།]}

(༦༩༧)དེ་ཉིད་ཀྱི་སྒྲུབ་གཞི་ཉིད་ཡིན་ཞེས་པ་སྟེ། འདི་དག་ཡང་ནས་ཡང་དུ་བཤད་པས། དེ་རྣམས་བསྒྲིགས་ན། མ་མོའི་དེ་ཉིད་རྩ་ཐིག་རླུང་གསུམ་ཐམས་ཅད་ཁན་སྐྱེས་ཀྱི་ཡེ་ཤེས་སམ་དབྱིངས་རིག་དབྱེར་མེད་ཀྱི་ཐིག་ལེར་བསྟིམ་པའི་ཏིང་ངེ་འཛིན་དངོས་སམ་བཅོས་མའི་སྟེང་ནས་སྔགས་ཀྱི་ལས་རབ་འབྱམས་བྱེད་པ་འདི་རྩལ་དུ་བཏོན་ནས་སྒྲུབ་པའི་ཆེད་ཡིན་ཏེ། བདེ་མཆོག་གི་གཡོན་པའི་ཀུན་སྤྱོད་བཞིན་ནོ། །དེ་ལྟར་ན་སྲིད་པ་མ་མོའི་རྒྱུད་ཀྱི་བཞེད་པས། སྣང་སྲིད་ཐམས་ཅད་ཀྱི་རྩ་བ་མ་མོ་ཡིན་ཅིང་། རྒྱུ་དང་མི་རྒྱུའི་སྲིད་པ་ཐམས་ཅད་མ་མོའི་མཁའ་དབྱིངས་ན་གནས་པར་བཞེད་དེ། བདེ་མཆོག་ཏུ། བརྟན་གཡོ་ཐམས་ཅད་གཡོན་ནས་འབྱུང་། ཞེས་པ་བཞིན་ནོ། ཁམས་གསུམ་ན་དབང་ཆེ་བ་མ་མོ་ཡིན་པའི་རྒྱུ་མཚན་ཡང་དེ་ཡིན་ནོ། །གལ་ཆེ། མ་མོའི་གསང་རྒྱུད་ལས། མ་མོའི་དེ་ཉིད་དེ་ལྟ་སྒོམ་སྤྱོད་གསུམ་སྦྱོར་སྒྲོལ་གསོ་བསད་ཀྱི་དགོངས་པ་སོགས་མང་པོར་སྦྱར་ནས་བཤད་པས་ཀྱང་ངེས་པ་སྟེར་རོ། །བདེ་འདུས་འབྱེད་ལྡེའི་རྒྱུད་ལས། སྡེ་བརྒྱད་ཐམས་ཅད་ཀྱི་བསྐྱེད་གཞི་དང་རྟེན་གནས་མ་མོར་བཤད་ཅིང་། ཚོགས་བརྒྱད་དང་སྦྱོར་བ་ན་ཡང་། ཀུན་གཞི་མ་མོ། ཡིད་ཤེས་གཤིན་རྗེ་སོགས་སུ་བཤད་དེ། མ་མོ་ལས་ཁྱབ་རྒྱ་ཆེ་བའི་ཐོགས་པ་མེད་ཚུལ་གཞན་ཡང་ཡོད་དོ། །དེས་ན་ལྷ་སྲུང་བརྗེ་ལེན་སོས་ཀའི་གནམ་འཐིབ་དང་ལྟར་མང་དུ་བྱས་བྱས་ནས་གཅིག་ཀྱང་འགྲུབ་དུས་མེད་པའི་ཅོལ་ཆུང་གི་ལས་སྤངས་ལ། བློ་སྣ་གཅིག་ཐོག་ཏུ་བཞག་ནས་དབང་ཕྱུག་མ་འདི་རྣམས་སྲུང་

― TN03_Page_1125 ―

^{[མ་དཔེ་གཟིགས་ན་འདིར་གནོན།]}

(༦༩༨)མ་དེས་ཆོག་མར་གཟུང་ངོ། །དེ་ལ་སྔགས་ཀྱི་ཆོས་སྒོར་ཞུགས་མྱོང་གི་མི་མ་ཡིན་ལ་སྔོན་དམ་ལས་ལོག་པས་དམ་ཚིག་ཅན་ལ་གནོད་པའི་འདྲེར་གྱུར་པ་ཞིག་དང་། །དམ་ཚིག་སྲོག་ལྟར་བཙའ་བ་གོམས་པས་ཉམས་པའི་བདུད་བྱེད་ཅིང་དམ་ལྡན་ལ་ཤིས་པའི་ལྷར་གྱུར་པ་ཞིག་སྟེ་གཉིས་ཀྱི་སྔ་མ་ལ་དམ་སྲི་དང་། ཕྱི་མ་ལ་དམ་ཅན་ཞེས་བྱ་སྟེ། དམ་ཚིག་ཉམས་པ་རྣམས་ལ་དམ་སྲི་དང་། དམ་ཚིག་ཅན་རྣམས་ལ་དམ་ཅན་ངང་གིས་འགོ་བ་ནི་ལུགས་ཡིན་ནོ། །དེའང་བཤགས་རྒྱུད་ལས། བདག་གི་དམ་ཚིག་རྡོ་རྗེ་མཆོག་གསུམ་པོ། ཁྱེད་ཀྱི་ཐུགས་དམ་མཆོག་ཀྱང་དེ་ལགས་པས། །རིགས་མི་མཐུན་ཀྱང་དམ་ཚིག་གིས་བསྡུས་ན། ལྕམ་དྲལ་ཚུལ་དུ་ཉེ་ཞིང་གདུང་བར་མཛོད། ཅེས་དམ་ཚིག་ལ་གནས་ན་དཔལ་གྱི་བཀའ་སྡོད་རྣམས་དང་ཀུན་སྤྱོད་མཐུན་པའམ་བསླབ་པ་གཅིག་པས་མིང་སྲིད་ལྟར་གཟིགས་པར་གསུངས་ཏེ། དབང་བསྐུར་གྱིས་ཧེ་རུ་ཀའི་རིགས་སུ་སྐྱེས་པར་མཉམ་པས་རིགས་གཅིག་པའི་མིང་འདི་ནི་མི་གཙང་བ་ལ་ལྟོས་ནས་བཞག་པའི་མིང་སྲིང་གནས་སྐབས་པ་དང་ཆེས་མི་འདྲའོ། །སྲིང་ལྟ་བུའང་ཡིན་ནོ། །དེས་ན་རྒྱུ་འཕྲུལ་རྩ་བ་རྒྱལ་བའི་རིགས་མཆོག་འཛིན་པ་དེ། །འཇིག་རྟེན་གཙོ་དང་འཁོར་གྱིས་བཀུར། །ཞེས་སོ། །དང་ཡན་ལག་གི་དམ་ཚིག་བཅོ་ལྔ་སོགས་ཚུལ་བཞིན་སྲུང་བ་ནི་སྲུང་མའི་བླ་རྡོ་འཆའ་བ་ཡིན་ཅིང་། ལྷག་པར། ཚོགས་ཀྱི་དཀྱིལ་འཁོར་ཆེན་པོ་འདིའི། །མིང་ཙམ་འཛིན་པར་བྱེད་པ་ཡང་། །གཙུག་གི་ནོར་བུ་འབར་བ་ལྟར། །

― TN03_Page_1126 ―

^{[མ་དཔེ་གཟིགས་ན་འདིར་གནོན།]}

(༦༩༩)ཞེས་པ་ནས། མ་ལུས་རྫོགས་པར་བདག་ཅག་སྒྲུབ། །ཞེས་པ་ལྟར་སྒྱུ་འཕྲུལ་ཧེ་རུ་ཀའི་རྣལ་འབྱོར་འཆང་ བ་ལ་དབང་མོ་རྣམས་རང་འཁོར་ཞིང་འདིས་ནི་རང་གི་ཇོ་བོའི་སྙིང་མཐའ་གཅིག་ཏུ་ཉེ་བའི་བྲན་བཟང་མོ་ཡིན་པར་སྟོན། མ་བཅོལ་བར་ཡང་ལས་ཐམས་ཅད་བྱེད་པར་རྡོ་རྗེའི་བྲོ་བོར་བ་ཡིན་ནོ། །དེ་དག་སྲུང་མར་བསྟེན་ལུགས་འདིར་དམིགས་ཕུག་སྟེ་གསུངས་པ་ནི། ཕྱི་ཁྱམས་ལ་འགོད་པ། དེ་ལ་ཡེ་ཤེས་པ་བཅུག་སྟེ་བྱིན་གྱིས་བརླབ་པ། དྲག་མཆོད་འབུལ་བ། རྟ་སྐད་ཀྱིས་འབོད་ཅིང་བརྔན་ནས་ལས་འཆོལ་བ། རུ་ལུའི་ཛབྲ་ཀྱིས་བསྙེན་པ། ལྷག་གཏོར་གྱིས་མཆོད་པ་སོགས་སོ། །དེའང་རྒྱུད་ཀྱི་བཅོ་ལྔ་པར། སྔོན་བྱུང་དུ་ཧེ་རུ་ཀས། ཧཱུཾ་ཧཱུཾ་ཧཱུཾ་བྷྱོ་ཨེ་ཨ་ར་ལླི་སོགས་བརྗོད་པས་ཕྱོགས་བཅུ་འཇིག་རྟེན་གྱི་ཁམས་ནམ་མཁའ་དང་བཅས་པ་ཡུང་འབྲུ་ཙམ་དུ་བསྡུ་བའི་ཆོ་འཕྲུལ་གྱིས་དབང་མོ་རྣམས་བསྡུས་པར་གསུངས་པའི་ཧཱུཾ་གསུམ་པོ་མ་མོ་རྣམས་ཀྱི་ལུས་ངག་ཡིད་གསུམ་ཧེ་རུ་ཀ་རང་གི་ཐུགས་གཉིས་སུ་མེད་པའི་ཡེ་ཤེས་ཕྲ་མོ་ལ་སྡུད་པའི་སྔགས་ཡིན་པར་སྔགས་འཆང་ཆེན་པོ་དག་གསུང་སྟེ། འདིའི་རྟ་སྐད་ཀྱི་དགོངས་པར་དོན་གྱིས་འབབ་མོད། མཁའ་འགྲོ་དམ་ཅན་ཐམས་ཅད་གླུ་གཅིག་གི་བཀའ་འོག་ན་གནས་ཚུལ་རྒྱས་པར་འཆད་པ་ནི་རྟ་མགྲིན་སྐོར་རང་ཡིན་ནོ། །རུ་ལུ་བཞི་འབུམ་བཟླས་ན་བྷྱོ་བསྙེན་བཞི་འབུམ་དེའི་ཁོངས་སུ་འགྲོ་སྟེ། རྩ་རྒྱུད་ལས་དབང་མོ་རྣམས་ཀྱི་སྔགས་ལ་བྷྱོ་མིན་བྷྱོ་ནི་མ་མོའི་ཚོགས་ཀྱི་དོན་དང་། རོང་ཟོམ།

― TN03_Page_1127 ―

^{[མ་དཔེ་གཟིགས་ན་འདིར་གནོན།]}

(༧༠༠)སྙིང་པོའང་ཡིན་ལ་འབོད་པ་དང་སྐུལ་བའང་ཡིན་ནོ། །རྣམ་པ་གཅིག་ཏུ་ཀློང་ཆེན་བྷ་གི་ནཱི་སྲིང་མོ་དང་བྷརྻ་ཆུང་མ་ལ་འཇུག་པའི་སྒྲ་བསྡུས་པའམ། མན་སྙེར་འཇིགས་པར་བྱེད་པའི་དོན་ལ་བཤད་པ་ལྟར་ན་འཇིགས་བྱེད་མ་ཞེས་བོད་པའོ། །དགོངས་རྒྱན་ལས་སོ། །པ་ཅིའང་མ་བཤད་ཅིང་། འགྲེལ་པར་རྒྱུ་མ་ནོར་བ་རྩ་བའི་སྔགས་ཀྱི་དབང་དུ་མཛད་པར་གསུངས་ལ། མ་མོའི་སྒོས་སྒྲུབ་ཐམས་ཅད་དུའང་བྷྱོ་སྲོག་སྔགས་སུ་བཤད། ཡོ་ག་དེ་ཉིད་བསྡུས་པར་ཡང་མ་བྷྱོ་ཞེས་བྱ་བ་གཅིག་པོ་འདིས་ནག་པོ་ཆེན་པོ་མ་མོའི་ཚོགས་དང་བཅས་པའི་དཀྱིལ་འཁོར་གྱི་བྱ་བ་ཐམས་ཅད་དང་། ལས་ཀྱི་དངོས་གྲུབ་ཐམས་ཅད་བྱེད་ཚུལ་དཔལ་མཆོག་རྩ་འགྲེལ་ན་རྒྱས་པར་བཤད། བདེ་འདུས་ལས་ཀྱང་། མ་མོའི་ལས་ཀ་བྷྱོ་ལ་ཐུག༔ ཅེས་སོ། །མོའི་སྲོག་སྙིང་ལ་འབྲུ་གཅིག་པོ་འདི་རང་བཤད་དོ། །རྟ་སྐད་ཐ་མའི་ལས་འཆོལ་སྐབས། བདུད་ཚོགས་འགུགས་བསྒྲལ་ཁོ་ན་ཤས་ཆེར་བཤད་པ་ནི་ཁྲོ་བོའི་དགོས་མཛད་མངོན་སྤྱོད་ཡིན་པས་དེའི་དབང་དུ་མཛད་ཀྱི། སྔར་དྲང་བའི། ཐམས་ཅད་ཐམས་ཅད་བྱེད་པ་ཡིན། །ཞེས་དང་། རྔོག་མ་ལེ་བརྒན་ལས། དྲག་དབང་རྒྱས་དང་ཞི་བར་བྱེད། ཤར་གྱི་བདུན་ཞིག །ལྷོའི་བདུན་རྒྱས་ལས་ལ་བསྔགས་སོགས། ཅེས་པ་ལྟར་ཕྲིན་ལས་གཞན་ཡང་འཆོལ་ཆོག་སྟེ། རྣལ་འབྱོར་བརྡ་སྐད་དུ། སངས་རྒྱས་སྐུལ་བ་ན་ཡང་། དྲག་པོའི་ལས་ལ་སྐུལ་བ་ཙམ་ལས་མི་གསལ་ཡང་། གཞན་དུ་གྲུབ་པ་བརྒྱད་འགུགས་པ་སོགས་ཀྱང་བཤད་པ་བཞིན་ནོ། །གཙོ་ཆེ་ཆུང་ཙམ་ལས་སྤྱིར་ནི་དབང་མོ་འདི་དག་འཇིག་རྟེན་གྱི་དངོས་གྲུབ་སྦྱིན་པའི་ནུས་པ་དང་པོ་ནས་བརྙེས་ཤིང་། སླར་ཧེ་རུ་ཀས་དམ་པའི་བདེ་བ་སྩལ་ཞིང་ངོ་མཚར་ཚོགས་

― TN03_Page_1128 ―

^{[མ་དཔེ་གཟིགས་ན་འདིར་གནོན།]}

(༦༨༩)ཅི་བགྱིའི་བཀའ་ཉན་གྱི་ཟིན་བྲིས་དོན་ཀུན་གྲུབ་པའི་སྦྲུལ་ཞགས། ཕོ་ཉ་དམ་ཅན་སྤྲིན་ལྟར་གཏིབས༔ ཅེས་པར། ཁམས་རྒྱ་མོ་དྲུག ལོང་བ་སོ་གཉིས། ཁྱི་སྤྱང་བཅུ་དྲུག །ཟླ་ཉི་མེ་ཆུའི་འདབས་ཅན་བཞི། ས་ཆུ་མེ་རླུང་གི་འབྲུག་བཞི་སོགས་རྟ་མཆོག་གི་དགོས་ཀྱི་སྲུང་མ་རྣམས་དང་གོ་ཆའི་འཇམ་དཔལ་གྱི་ཕོ་ཉ། གྲི་ཐོགས་གིང་། ཤོ་ཐོགས་རྩིས་པ། ཁྲམ་ཐོགས་བདུད་སོགས་དང་། གུར་དྲག་གི་ལྷ་སྲིན་སྡེ་བརྒྱད། བླ་མེད་ཧེ་རུ་ཀའི་ཨེ་ཀ་སྤུན་དྲུག་དང་རྣམ་མཁའི་རྒྱལ་མོ་སྤུན་གཉིས། འདོད་ཁམས་གཙོ་མོ་སྤུན་གསུམ། དབང་གི་གྲུ་འདེགས་བཞི། དམག་གི་རྒྱལ་མོ་མཆེད་བཞི། གླིང་བཞིའི་རྒྱལ་མོ་བཞི་སོགས་དང་། ཕུར་པའི་མ་མོ་བཅུ་གཉིས་དང་མིང་པོ་གསུམ་སོགས་ཇི་སྙེད་བསྡུ་སྟེ། གཏོར་ཟློག་ལས་གོ་ཆ་ལྔ་རེ་རེ་ཞིང་། གཙོ་འཁོར་སྤྲུལ་པར་བཅས་པ་དབྱིངས་ནས་བཞེངས༔ཞེས་སོ། །ལུང་དེ་བླ་མེད་ཧེ་འཁོར་ཞེས་པ་ལས་གྲགས་ཚབས་འདི་ཆེ། རུ་ཀ་སྲིད་པ་མ་མོ་འཇིག་འདས་ཐམས་ཅད་ཀྱི་ངོ་བོའམ་སྤྱི་གཟུགས་སུ་སྒོམ་པ་སོགས་ལས་ལོགས་སུ་སྒོམ་པ་ལ་མ་བཤད་ཀྱང་རུང་སྟེ། གནད་འདྲའོ། །གཞན་ཡང་རྒྱུད་དང་སྒྲུབ་སྡེ་སྤྱི་ལ་གྲགས་པའི་མཁའ་འགྲོ་སོ་གཉིས། སྤོར་མའམ་འབར་མ་བརྒྱད། གིང་བཅོ་བརྒྱད། མགྱོགས་མ་བཞི། མ་བདུན། སྲིད་བཞི། ཕོ་ཉ་སུམ་བརྒྱ་དྲུག་ཅུ། ལངྐ་འབུམ། འབུམ་ཕྲག་ཡངས་པའི་མཁའ་འགྲོ་སོགས་མཐའ་ཡས་པ་དྲང་ངོ། །འོན་ཀྱང་གཙོ་བོ་ནི་

― TN03_Page_1129 ―

^{[མ་དཔེ་གཟིགས་ན་འདིར་གནོན།]}

(༦༩༠)དབང་ཕྱུག་ཉེར་བརྒྱད་གལྤོ་ལས། མཁའ་འགྲོ་སོ་གའི་ས། གིང་ཆེན་ཁྱོ་ཤུག་བརྒྱད། ལངྐ་འབུམ། འབར་མ་བརྒྱད། མ་བདུན་སྲིང་བཞི། ཕོ་ཉ་དྲུག་ཅུ་རྩ་བཞི་རྣམས་མར་གནས་ལྷག་མ་ལ་དབང་བ་དང་། དབང་ཕྱུག་མ་ཉེར་བརྒྱད་ཕུད་ལྷག་གཉིས་ཀ་ལ་དབང་བས་མར་ཡར་གྱི་གནས་གཉིས་ཀར་འཇོག་པར་བཤད་དེ། དེ་ཐམས་ཅད་ཀྱི་ནང་ན་གཙོ་བོར་གྱུར་པ་དབང་མོ་འདི་རྣམས་ཡིན་པར་སྟོན་པ་ཤིན་ཏུ་གསལ་པོ་རུ་གསུངས་ཤིང་། གཏོར་ཟློག་ཏུ། ཞི་ཁྲོ་རབ་འབྱམས་མངག་གཞུག་ལས་ཀུན་མཛད༔ ཅེས་གསུངས་ལ། སྒྱུ་འཕྲུལ་ལས་ཀྱང་། རྦད་ཅིང་གཏང་བར་བྱ་བ་སྟེ། །ཐམས་ཅད་ཐམས་ཅད་བྱེད་པ་ཡིན། །ཞེས་ལས་ཀྱི་དངོས་གྲུབ་མཐའ་དག་བྱེད་པ་དང་། དེའང་རྦོད་གཏོང་གི་སྒོ་ནས་བྱེད་པར་བསྔགས་ཏེ། སྒྱུ་འཕྲུལ་གྱི་གོང་འོག་གཞན་དུ་མར་ཡང་དེ་ལྟར་འབྱུང་ངོ་། །གནས་མ་ཡུལ་མ་མན་ཆད་ལ། ལེའུ་བཅུ་གཅིག་པར། ཕོ་ཉ་ཕྱག་བརྙན་བཀའ་ཉན་ཚོགས། །ཅི་བགྱི་ལ་སོགས་ཚོགས་རྣམས་ཀྱིས། །ཞེས་གསུངས་ཏེ། འདིར་ཕོ་ཉ་ཕྱག་བརྙན་སོགས་ཐམས་ཅད་བུད་མེད་ཀྱི་འཁོར་ཤ་སྟག་མཛད་པ་ནི། སྤྱོད་པ་གསུམ་གྱི་ཁྱད་པར་རིག་མའི་འཁོར་མང་ཉུང་གིས་ཕྱེ་བའི་རིགས་པ་ལྟར། དཀྱིལ་འཁོར་འདི་བདེ་བ་ཆེན་པོའི་རྒྱལ་ཐབས་སུ་བསྟན་པའི་ཆེད་དེ། འཇིག་རྟེན་ན་ཡང་ཆེན་པོ་རྣམས་ཀྱི་དགའ་བའི་འབྱོར་པ་འཆད་སྐབས་བུད་མེད་འབའ་ཞིག་གིས་བྱས་པའི་རོལ་མོ་ལ་རྩི་བ་བཞིན་དང་། ཡོ་གའི་དཀྱིལ་འཁོར་སྐབས་འཁོར་སྒྱུར་གྱི་བཙུན་མོ་དང་། གཡོག་མོའི་གཙོ་མོ་དང་། གསོལ་ཀ་མ་སོགས་དང་

― TN03_Page_1130 ―

^{[མ་དཔེ་གཟིགས་ན་འདིར་གནོན།]}

(༦༩༡)ཚུལ་བསྟུན་ནས་སྒེགས་སོགས་ལྷ་མོ་བརྒྱད་བཞག་པ་སོགས་ཀྱིས་འཕྲུལ་ཏེ་དཔྱད་དོ། །འཇིག་རྟེན་གྱི་ན་ཆུང་ལ་རིགས་གཟུགས་བློ་དང་སྒྱུ་རྩལ་བསོད་ནམས་སོགས་ཡོན་ཏན་ཐམས་ཅད་ཆེས་ཕུལ་དུ་བྱུང་བ་ནི། དྲག་པོ་དང་ཁྱབ་འཇུག་སོགས་འཇིག་རྟེན་གྱི་དབང་ཕྱུག་ཆེན་པོ་རྣམས་ཀྱི་ཆུང་མར་འཐོབ་སྟེ། དེ་དག་པས་ཆེས་དམན་པའི་འཁོར་སྒྱུར་གྱི་བཙུན་མོ་ཡང་ཆེས་བཟང་བར་བཤད་པ་ཡིན་ནོ། །དབང་མོ་འདི་རྣམས་གཙོ་བོའི་དགའ་མའང་ཡིན་ཏེ་སྒྱུ་འཕྲུལ་ལེའུ་བཅོ་ལྔ་པར་གསལ་ཞིང་རྒྱས་སོ། །དེས་ན་འཇིག་རྟེན་ན་རབ་མཆོག་ཏུ་གྱུར་པའི་བུད་མེད་རྣམས་དཔལ་ཧེ་རུ་ཀའི་རེས་འགའ་བའི་ཡུམ་མམ། ཡུམ་ཕལ་པར་བྱིན་གྱིས་བརླབས་པ་ཡིན་ནོ། །གཙོ་བོའི་ཡུམ་ཡིན་ཀྱང་དཀྱིལ་འཁོར་གྱི་ལྷ་གནས་ཟུར་པ་ལ་འགོད་པ་ནི། ཀྱེ་རྡོར་གྱི་དཀར་མོ་སོགས་དང་། དུས་འཁོར་གྱི་དུ་བ་མ་སོགས་ལྟ་བུའོ། །སྔ་མ་དག་མོ་རྒྱུད་སྦྱོར་བས་བཏུལ་བ་ནི་སྔོན་བྱུང་ཡིན་ལ། རྗེས་འཇུག་ནི་ལས་ཀྱི་སྲིན་མོ་ལ་མོས་པ་མི་སྐྱེ་བས་སྒྲུབ་ཐབས་ལས་དབྱིངས་ཡུམ་སྡེ་ལྔ་ཁོ་ན་ཡུམ་དུ་བསྟན་གསུངས་ཏེ་བདེ་ཆེན་མཆོག་གི་ཡེ་ཤེས་སྟེར་བ་ལ་དབྱིངས་ཡུམ་ལྔ་གཙོ་ཞིང་། སྣ་ཚོགས་ལས་ཀྱི་དངོས་གྲུབ་སྟེར་བ་ལ་འཇིག་རྟེན་གྱི་གཙོ་མོ་རྣམས་བསྔགས་པས་སྒྲུབ་ཐབས་ཀྱི་བཤད་ཚུལ་དེ་ལྟར་འོང་ཞེས་གཟུང་ངོ་། །ཕྱི་མ་དེ་ལྟར་གཙོ་བའི་རྒྱུ་མཚན་ནི། མྱུར་བ་དང་ཚན་ཆེ་བ་གཉིས་ཚོགས་པའི་སྟེང་ནས་

― TN03_Page_1131 ―

^{[མ་དཔེ་གཟིགས་ན་འདིར་གནོན།]}

(༦༩༢)ཤེས་པར་བྱ་སྟེ། མྱུར་བ་ནི། དམ་ཅན་འདི་དག་འཇིག་རྟེན་པའི་སྐྱེ་རྒྱུད་ལྟར་གྲུབ་པའི་ལུས་དེ་ཉིད་མ་སྤངས་པར་ད་དུང་འཇིག་རྟེན་ཉུལ་བའི་ལྷ་ཡིན་པས། སྟོང་ཁམས་ཡོངས་ལ་མངའ་མཛད་པའི། །དབང་ཕྱུག་ཉི་ཤུ་རྩ་བརྒྱད་ཀྱང་། །ད་དུང་འཇིག་རྟེན་མ་འདས་པས། །འཇིག་རྟེན་ལས་ཀུན་ཁྱོད་ལ་བཅོལ། །ཞེས་སོ། །ལས་ཉོན་དང་ཡེ་ཤེས་ལས་གྲུབ་པའི་ལུས་གཉིས་ནི་ཤིན་ཏུ་རང་བཞིན་བསྐལ་པ་ཡིན་པས། དེ་ལྟར་མ་བསྐལ་བའི་རྣམ་པར་སྣང་བ་འདི་དག་ནི་གདུལ་བྱའི་བསམ་པའི་དབང་གིས་ཡེ་ཤེས་ཀྱི་ལྷ་ལས་མཐོང་བ་དང་ཁོལ་བ་གཉིས་ཀ་སླའོ། །སངས་རྒྱས་འཇིག་རྟེན་དུ་མ་བྱུང་གོང་གི་ལྷ་དང་མ་མོ་སོགས་འཇིག་རྟེན་པའི་སྔགས་ཐམས་ཅད། དེ་བཞིན་གཤེགས་པའི་སྤྱན་སྔར་ཕུལ་བའི་ལྷ་དང་མ་མོ་ལ་སོགས་པའི་སྔགས་ཀྱིས་ཐོགས་མེད་དུ་བཅད་འགྲོ་བར་ཡོ་ག་ལས་གསུངས་ཏེ། སངས་རྒྱས་ཀྱིས་མངོན་སུམ་དུ་བྱིན་གྱིས་བརླབས་ཤིང་དགོངས་པའི་ཁྱད་དོ། །དེས་ན་འདི་དག་གི་ཡང་བྲན་ཐ་ཆུང་རྣམས་ཀྱི་སྔགས་དང་དམོད་པའང་དེ་ལས་གཞན་པའི་འབྱུང་པོའི་སྔགས་ཐམས་ཅད་ལས་རྣམ་པར་རྒྱལ་བ་ཡིན་ནོ། །སྒྱུ་འཕྲུལ་ཞི་བ་ལས་ཁྲོ་བོ་མྱུར་བའི་རྒྱུ་མཚན་ཡང་། སྔ་མ་དག་ཛབ་འདྲིལ་བ་སོགས་འགའ་རེ་བཞེད་དེ། ཕལ་ཆེར། ཁྲོ་བོ་རྣམས་དངོས་གྲུབ་འབེབས་པ་ལ་བཙན་ཐབས་ཀྱི་སྤྱོད་པ་ཅན་དུ་གནས་པ་དང་། འཁོར་འདས་གཉིས་ཀྱི་ས་མཚམས་ན་བཞུགས་པའི་དངོས་གྲུབ་ཀྱི་ཕོ་ཉ་

― TN03_Page_1132 ―

^{[མ་དཔེ་གཟིགས་ན་འདིར་གནོན།]}

(༦༩༣)ཁྱད་པར་ཅན། འདི་དག་གི་དབང་གིས་ཡིན་ནམ་སྙམ་སྟེ། སྒྲུབ་ཆེན་ཟིན་བྲིས་སུ་ཡང་ཕྱོགས་འདྲ་བཤད་ཡོད། ཕྱག་རྡོར་དབང་བསྐུར་ལས། གསང་བ་པའི་བདག་པོའི་བྲན་མོ་རྣམས་འཆད་པ་ན། དེ་དག་ནི་རང་བཞིན་གྱིས་གྲུབ་པ་སྟེ། སུས་བཅོལ་ཡང་ང་རྒྱལ་བཅག་པ། ལས་སྣ་ཚོགས་མི་བྱེད་པ་ཅི་ཡང་མེད་པ་ཞེས་གསུངས་པ་དང་ཚུལ་མཚུངས་པར་འདི་དག་ཀྱང་དེ་བཞིན་གཤེགས་པའི་བྲན་མོ་རང་བཞིན་གྱིས་གྲུབ་པ་ཡིན་ནོ། །མཆན། ཚན་ཆེ་བ་ནི། འཁོར་བའི་སྐྱེ་རྒྱུད་ཀྱི་དབང་དུ་དྲེགས་པ་ལ་ཆེ་ཆུང་མཆོག་དམན་གྱི་རིམ་པ་མང་ལ། ཚུལ་བསྟན་བྱས་ཀྱང་། རླབས་ཆེ་ཆུང་གང་གི་རྣམ་པ་བཟུང་བ་དེ་ལྟར་གདུལ་བྱའི་བསམ་དབང་གིས་རེ་ཞིག་ལ་ཚན་ཆེ་ཆུང་ཡང་འཐད་དོ། །མི་ལ་ལྷ་དང་འདྲ་བའི་མཐུ་དཔལ་ཚེ་དེར་ཐོབ་ན་དངོས་གྲུབ་བཟང་ཤོས་སུ་འགྲོ་ཡང་། ལྷ་ལ་དེས་མི་འགྲོ་བ་ལྟར་སྐྱེ་རྒྱུད་ཀྱིས་ཞན་པ་དང་ཆེས་ཆེ་བ་གཉིས་དངོས་གྲུབ་བརྙེས་རྗེས་སུ་ཡང་མཐུ་ཆེ་ཆུང་ཡོད་ཆོག་གོ །འདི་དག་ནི་དང་པོ་ཉིད་ནས། རྒྱུད་ཀྱི་བཅོ་ལྔ་པར་བྲན་དང་ཡང་བྲན་དང་། གཡོག་དང་ཡང་གཡོག་འཁོར་ཞིང་གི་རྡུལ་སྙེད་ཅན་དུ་གསུངས་པ་ལྟར་འཇིག་རྟེན་གསུམ་གྱི་འབྱུང་མོ་ཐམས་ཅད་ལ་བཀའི་འཁོར་ལོ་སྦྱོར་བའི་གཟི་བརྗིད་ཅན་ཡིན་པའི་སྟེང་དུ་དཔལ་ཧེ་རུ་ཀས་ཐོགས་མེད་མཐུ་སྟོབས་ཀྱི་དངོས་གྲུབ་སྩལ་བས་ཚན་ཆེ་བ་ཡིན་ནོ། །དེའང་འདི་དག་ཏུ་གདུལ་བྱའི་བསམ་དབང་གིས་ཞེས་པ་ནི་གལ་ཆེ་སྟེ། སྲུང་མ་ནང་འབྲས་མཐུན། ཐུགས་ཉེ་རིང་། ཚན་ཆེ་ཆུང་། ལས་

― TN03_Page_1133 ―

^{[མ་དཔེ་གཟིགས་ན་འདིར་གནོན།]}

(༦༩༤)མྱུར་འབུལ། དངོས་གྲུབ་གང་ལ་རྩལ་ཐོན་ཐམས་ཅད་སྒྲུབ་པ་པོའི་བློའི་ཞེན་ཚུལ་ལ་ཐུག་ཡོད་པར་མང་དུ་བཤད་དོ། །སོ་སོའི་ལོ་རྒྱུས་ཀྱི་རྩ་ཐོ་ནི། སྲིན་པོ་དྷ་ཤ་གྲི་བའི་ཆུང་མ་རྡོ་རྗེ་མིའི་སྲིན་མོ་དང་། ཚངས་པའི་ཆུང་མ་ཚངས་མ་དང་། ལྷ་ཆེན་དྲག་པོའི་འཁྲུགས་མོ་དང་། བརྒྱ་བྱིན་གྱི་དབང་མོ། ཁྱབ་འཇུག་གི་འཇུག་སྲེད་མོ། །གདོང་དྲུག་གི་གཞོན་ནུ་མོ་སྟེ་ཤར་གྱི་མ་མོ་དྲུག །འཇུག་སྲེད་ཀྱི་དམར་མོ། ཉི་མའི་བདུད་རྩི་མོ། ཟླ་བའི་ཞི་བ་མོ། བེ་ཅོན་གྱི་བེ་ཅོན་མོ། །སྲིན་པོ་ཁྲག་མིག་གི་སྲིན་མོ། །ལྷ་ཟ་བྱེད་ཀྱི་ཟབ་མོ་སྟེ་ལྷོའི་དང་། དགའ་བྱེད་དབང་ཕྱུག་གི་དགའ་བ་མོ། །སྟོབས་བཟང་གི་ར་རོ་ཁྲག་འཐུང་མྱོས་མ་བྷྲི༚་གི་རི་ཏིའི་གཅིག་པུར་སྤྱོད་མ། འདོད་ལྷའི་ཡིད་འཕྲོགས་མ། ནོར་སྲུང་གི་གྲུབ་མོ། །རླུང་ལྷའི་རླུང་མོ་སྟེ་ནུབ་ཀྱི་དང་། ལྷ་གསོད་བྱེད་ཀྱི་གསོད་བྱེད་མོ། མེ་ལྷའི་མེ་མོ། །ས་དག་ཕག་ཆེན་གྱི་ཕག་མོ། །གཤིན་རྗེའི་རྒན་བྱེད་མོ། །ཚོགས་བདག་གི་སྣ་ཆེན་མོ། །ཆུ་ལྷའི་ཆུ་ལྷ་མོ་སྟེ་བྱང་གི་དང་། ལྷ་ནག་པོ་ཆེན་པོའི་ནག་མོ་ཆེན་མོ། །ར་གདོང་ཆེན་པོའི་ར་མགོ་དམར་སེར་ཆེན་མོ། །སྲིན་པོ་བུམ་སྣའི་བུམ་སྣ་སྔོ་ནག་ཆེན་མོ། །གསུས་པོ་ཆེའི་གསུས་འཛིན་སེར་ནག་ཆེན་མོ་སྟེ་སྒོའི་མ་མོའོ། །མ་མོ་འདི་རྣམས་ལས་མང་པོ་ཞིག་འཇམ་དཔལ་རྩ་རྒྱུད་ཀྱི་གླེང་གཞི་ལ་སོགས་པར་ཡང་འབྱུང་ངོ་། །དེར་ཡང་མ་མོའི་འཁོར་བྱེ་བ་བརྒྱ་སྟོང་དང་ལྡན་པར་བཤད་ཡོད། འདིར་ཚངས་པ་ལ་ཆུང་མ་བཤད་པ་ཆོས་མངོན་པ་

― TN03_Page_1134 ―

^{[མ་དཔེ་གཟིགས་ན་འདིར་གནོན།]}

(༦༩༥)དང་འགལ་བ་སྤོང་བ་ནི་མན་སྙེ་ལྟར་བྱའོ། །དང་པོ་མི་སྲིན་གཡག་མགོ་ནི་འདོད་ཁམས་དབང་མོ་རྗེ་ཁོལ་གཉིས་ཀྱི་རྗེ་མོ་དང་གཅིག་པར། དགེ་འདུན་རྒྱ་མཚོས། དབང་ཕྱུག་ཉི་ཤུ་རྩ་བརྒྱད་ཀྱི། གཙོ་མོ་མཛད་པ་དེ་ཡི་ཚེ། །མི་སྲིན་གཡག་མགོ་ཐོད་རློན་འཆང་། །དེ་ཡང་བྱང་ཤར་རེ་མ་ཏི། །ཞེས་ཏེ་ཀློང་སྙིང་གཡུལ་མདོས་ལས་ཀྱང་ངོ་། ༈ །ཤར་གྱི་མ་མོ་བདུན་རྡོ་རྗེའི་རིགས་སོགས་བུདྡྷའི་རིགས་མ་གཏོགས་པ་བཞི་དང་སྦྱོར་བར་ཁ་ཅིག་ཏུ་བཤད་དེ། རྒྱུད་ཀྱི་བཅོ་ལྔ་པ་དཀྱིལ་གསལ་ལྟར་ན། རྡོ་རྗེའི་རིགས་བརྒྱད། ལྷག་པ་བཞི་ལ་ལྔ་ལྔར་བྱེད་དམ་དཔྱད། འཇིག་རྟེན་ལས་འདས་པའི་རིགས་གར་གཏོགས་ལའོ། །མཆན། ལྷ་གཅིག་གིས་རིགས་གཉིས་འཛིན་པའང་ཡོད་པས་མི་འགལ་ལམ། ༈ དེའང་མགྲིན་བཅུའི་ཆུང་མ་བྱེད་དུས་སྲིན་ཞལ་ཅན་ཡིན་པ་ལས། རུ་ཏྲས་ཕྲོགས་པ་ན་ཁོ་མགོ་བརྙན་ལ་དགའ་བས་སྲིན་ཞལ་གཡག་གདོང་དུ་བསྒྱུར་ཞེས་བཤད་དེ། དེས་ལྷག་མ་རྣམས་མགོ་བརྙན་འཆང་བའི་རྒྱུ་མཚན་ཡང་འགྲེ། གཟུགས་འདོད་དགུར་སྒྱུར་བའི་རྫུ་འཕྲུལ་ཅན་དུ་བསྟན་པའི་ཕྱིར་རྣལ་མའི་བྱད་བཞིན་ལས་གཞན་དུ་བསྒྱུར་བའང་ཡིན་ཏེ་བཤགས་རྒྱུད་ལས། ནམ་མཁའི་ལུས་ཅན་གར་ཡང་ཐོགས་མེད་ཅིང་། །འདོད་དགུར་སྒྱུར་བའི་གཟུགས་ཅན་འཕྲུལ་མོ་ཆེ། །ཞེའོ། །སྤྲུལ་གཞི་ཉེར་བརྒྱད་དྲག་མོའི་གདོང་ཅན་དང་། སྤྲུལ་པ་ཉེར་བརྒྱད་གདོང་བརྙན་ཅན་ཏེ་གཉིས་སུ་བཤད་པའང་ཡོད། ལོ་རྒྱུས་འདི་ལྟར་ཤེས་ན་དམ་ཅན་ཐུགས་ཉེ་བའི་དགོས་པའང་ཡོད་པར་མངོན་

― TN03_Page_1135 ―

^{[མ་དཔེ་གཟིགས་ན་འདིར་གནོན།]}

(༦༩༦)ཏེ། ལག་ན་རྡོ་རྗའི་བུ་ལག་མྱུར་སོགས་རང་གི་མིང་དང་རུས་ཤེས་པ་རྣམས་ལ་སྲུང་སྐྱོབ་སྦེད་གསུམ་བྱེད་པར་གསང་སྔགས་རྗེས་འཛིན་ལས་གསུངས་པ་བཞིན་ནོ། །སྒྱུ་འཕྲུལ་གྱི་བཅོ་ལྔ་པར། སྟོན་པས་འདི་རྣམས་ལ་ལག་ཏུ་རྡོ་རྗེ་བྱིན་ནས་ཕྱི་རོལ་གྱི་སྲུང་མར་བཀོད་པར་བཤད་པ་ནི། རྡོ་རྗེའི་དེ་ཉིད་ནི། བདེ་སྟོང་མི་ཕྱེད་པའི་དོན་དམ་བྱང་ཆུབ་ཀྱི་སེམས་ཏེ། དེའི་སྒོ་ནས་གསང་སྔགས་ཀྱིས་སྟན་པ་སྲུང་བ་དང་། བསྟན་པའི་དོན་བྱ་བ་ལ་དབང་བའི་ཅི་བགྱི་མོར་གནང་སྟེ་དབང་སྐུར་རོ་ཞེས་ཤེས་པའི་ཆེད་དེ། དེས་ན་འདི་དག་གིས་བསྟན་པ་སྲུང་བའི་ཡུལ་ནི་ནམ་མཁའ་ལྟར་ཐུག་པ་མེད་པ་ཡིན་གྱི། ཕྱོགས་རེ་བ་མིན་ནོ། །མཆན། སྒྲུབ་སྡེའི་སྐོར་ལས་ཀྱང་། མ་མོ་རྦོད་གཏོང་ཞེས་རྦོད་གཏོང་ཕོ་ཉའི་ལས་ལ་མ་མོ་བསྔགས་ཏེ། དེའི་རྒྱུ་མཚན་ཡང་། སྤྱིར་མ་མོ་རྦོད་གཏོང་རྩ་རླུང་ཐིག་ལེའི་སྒོ་ནས་འཆད་པ་ན། མ་མོ་རྣམས་ཧེ་རུ་ཀའི་རྩ་རླུང་ཁམས་གསུམ་གྱི་ཆ་རྣམས་ལས་སྤྲུལ་པ་དང་། སྲིད་པའི་གནས་ལུས་ལོངས་སྤྱོད་དག་ཡིད་བྱེད་སྦྱོང་མཐའ་དག་རྩ་ཐིག་རླུང་གསུམ་གྱི་རང་རྩལ་ཡིན་པ་དང་། མ་མོ་རྩ་རླུང་གི་བདག་མོར་ཞལ་གྱིས་བཞེས་པས་སྐྱེ་འགྲོའི་རྩ་རླུང་ལ་གནས་ནས་སྲོག་དབུགས་དང་སྣོད་བཅུད་ཀྱི་གཟི་མདངས་ལ་མངའ་མཛད་པར་བཤད་དེ་མ་མོ་ནད་ཡམ་ལ་མངའ་མཛད་པར་བཤད་པའང་རྩ་རླུང་གི་རྟེན་འབྲེལ་དུ་མངོན་ལ། མ་མོའི་དེ་ཉིད་ལ། མ་དབྱིངས་དང་། མོ་རིག་པའི་ཡེ་ཤེས་ཏེ་དབྱིངས་རིག་ཟུང་འཇུག་ཉིད་ལན་ཅིག་མ་ཡིན་པར་བཤད་པ་དང་། བདེ་འདུས་མ་མོའི་རྩ་རྒྱུད་ལས། མ་སྐྱེད་པ་དང་། མོ་སྡུད་པའི་དོན་དུ་བཤད་དེ་སྲིད་པ་སྐྱེད་སྡུད་ཀྱི་རྩ་བ་མ་མོའི་

― TN03_Page_1136 ―

^{[མ་དཔེ་གཟིགས་ན་འདིར་གནོན།]}

(༦༩༧)དེ་ཉིད་ཀྱི་སྒྲུབ་གཞི་ཉིད་ཡིན་ཞེས་པ་སྟེ། འདི་དག་ཡང་ནས་ཡང་དུ་བཤད་པས། དེ་རྣམས་བསྒྲིགས་ན། མ་མོའི་དེ་ཉིད་རྩ་ཐིག་རླུང་གསུམ་ཐམས་ཅད་ལྷན་སྐྱེས་ཀྱི་ཡེ་ཤེས་སམ་དབྱིངས་རིག་དབྱེར་མེད་ཀྱི་ཐིག་ལེར་བསྟིམ་པའི་ཏིང་ངེ་འཛིན་དངོས་སམ་བཅོས་མའི་སྟེང་ནས་སྔགས་ཀྱི་ལས་རབ་འབྱམས་བྱེད་པ་འདི་རྩལ་དུ་བཏོན་ནས་སྒྲུབ་པའི་ཆེད་ཡིན་ཏེ། བདེ་མཆོག་གི་གཡོན་པའི་ཀུན་སྤྱོད་བཞིན་ནོ། །དེ་ལྟར་ན་སྲིད་པ་མ་མོའི་རྒྱུད་ཀྱི་བཞེད་པས། སྣང་སྲིད་ཐམས་ཅད་ཀྱི་རྩ་བ་མ་མོ་ཡིན་ཅིང་། རྒྱུ་དང་མི་རྒྱུའི་སྲིད་པ་ཐམས་ཅད་མ་མོའི་མཁའ་དབྱིངས་ན་གནས་པར་བཞེད་དེ། བདེ་མཆོག་ཏུ། བརྟན་གཡོ་ཐམས་ཅད་གཡོན་ནས་འབྱུང་། ཞེས་པ་བཞིན་ནོ། ཁམས་གསུམ་ན་དབང་ཆེ་བ་མ་མོ་ཡིན་པའི་རྒྱུ་མཚན་ཡང་དེ་ཡིན་ནོ། །གལ་ཆེ། མ་མོའི་གསང་རྒྱུད་ལས། མ་མོའི་དེ་ཉིད་དེ་ལྟ་སྒོམ་སྤྱོད་གསུམ་སྦྱོར་སྒྲོལ་གསོ་བསད་ཀྱི་དགོངས་པ་སོགས་མང་པོར་སྦྱར་ནས་བཤད་པས་ཀྱང་ངེས་པ་སྟེར་རོ། །བདེ་འདུས་འབྱེད་ལྡེའི་རྒྱུད་ལས། སྡེ་བརྒྱད་ཐམས་ཅད་ཀྱི་བསྐྱེད་གཞི་དང་རྟེན་གནས་མ་མོར་བཤད་ཅིང་། ཚོགས་བརྒྱད་དང་སྦྱོར་བ་ན་ཡང་། ཀུན་གཞི་མ་མོ། ཡིད་ཤེས་གཤིན་རྗེ་སོགས་སུ་བཤད་དེ། མ་མོ་ལས་ཁྱབ་རྒྱ་ཆེ་བའི་ཐོགས་པ་མེད་ཚུལ་གཞན་ཡང་ཡོད་དོ། །དེས་ན་ལྷ་སྲུང་བརྗེ་ལེན་སོས་ཀའི་གནམ་འཐིབ་དང་ལྟར་མང་དུ་བྱས་བྱས་ནས་གཅིག་ཀྱང་འགྲུབ་དུས་མེད་པའི་ཅོལ་ཆུང་གི་ལས་སྤངས་ལ། བློ་སྣ་གཅིག་ཐོག་ཏུ་བཞག་ནས་དབང་ཕྱུག་མ་འདི་རྣམས་སྲུང་

― TN03_Page_1137 ―

^{[མ་དཔེ་གཟིགས་ན་འདིར་གནོན།]}

(༦༩༨)མ་དེས་ཆོག་མར་གཟུང་ངོ། །དེ་ལ་སྔགས་ཀྱི་ཆོས་སྒོར་ཞུགས་མྱོང་གི་མི་མ་ཡིན་ལ་སྔོན་དམ་ལས་ལོག་པས་དམ་ཚིག་ཅན་ལ་གནོད་པའི་འདྲེར་གྱུར་པ་ཞིག་དང་། །དམ་ཚིག་སྲོག་ལྟར་བཙའ་བ་གོམས་པས་ཉམས་པའི་བདུད་བྱེད་ཅིང་དམ་ལྡན་ལ་ཤིས་པའི་ལྷར་གྱུར་པ་ཞིག་སྟེ་གཉིས་ཀྱི་སྔ་མ་ལ་དམ་སྲི་དང་། ཕྱི་མ་ལ་དམ་ཅན་ཞེས་བྱ་སྟེ། དམ་ཚིག་ཉམས་པ་རྣམས་ལ་དམ་སྲི་དང་། དམ་ཚིག་ཅན་རྣམས་ལ་དམ་ཅན་ངང་གིས་འགོ་བ་ནི་ལུགས་ཡིན་ནོ། །དེའང་བཤགས་རྒྱུད་ལས། བདག་གི་དམ་ཚིག་རྡོ་རྗེ་མཆོག་གསུམ་པོ། ཁྱེད་ཀྱི་ཐུགས་དམ་མཆོག་ཀྱང་དེ་ལགས་པས། །རིགས་མི་མཐུན་ཀྱང་དམ་ཚིག་གིས་བསྡུས་ན། ལྕམ་དྲལ་ཚུལ་དུ་ཉེ་ཞིང་གདུང་བར་མཛོད། ཅེས་དམ་ཚིག་ལ་གནས་ན་དཔལ་གྱི་བཀའ་སྡོད་རྣམས་དང་ཀུན་སྤྱོད་མཐུན་པའམ་བསླབ་པ་གཅིག་པས་མིང་སྲིད་ལྟར་གཟིགས་པར་གསུངས་ཏེ། དབང་བསྐུར་གྱིས་ཧེ་རུ་ཀའི་རིགས་སུ་སྐྱེས་པར་མཉམ་པས་རིགས་གཅིག་པའི་མིང་འདི་ནི་མི་གཙང་བ་ལ་ལྟོས་ནས་བཞག་པའི་མིང་སྲིང་གནས་སྐབས་པ་དང་ཆེས་མི་འདྲའོ། །སྲིང་ལྟ་བུའང་ཡིན་ནོ། །དེས་ན་རྒྱུ་འཕྲུལ་རྩ་བ་རྒྱལ་བའི་རིགས་མཆོག་འཛིན་པ་དེ། །འཇིག་རྟེན་གཙོ་དང་འཁོར་གྱིས་བཀུར། །ཞེས་སོ། །དང་ཡན་ལག་གི་དམ་ཚིག་བཅོ་ལྔ་སོགས་ཚུལ་བཞིན་སྲུང་བ་ནི་སྲུང་མའི་བླ་རྡོ་འཆའ་བ་ཡིན་ཅིང་། ལྷག་པར། ཚོགས་ཀྱི་དཀྱིལ་འཁོར་ཆེན་པོ་འདིའི། །མིང་ཙམ་འཛིན་པར་བྱེད་པ་ཡང་། །གཙུག་གི་ནོར་བུ་འབར་བ་ལྟར། །

― TN03_Page_1138 ―

^{[མ་དཔེ་གཟིགས་ན་འདིར་གནོན།]}

(༦༩༩)ཞེས་པ་ནས། མ་ལུས་རྫོགས་པར་བདག་ཅག་སྒྲུབ། །ཞེས་པ་ལྟར་སྒྱུ་འཕྲུལ་ཧེ་རུ་ཀའི་རྣལ་འབྱོར་འཆང་ བ་ལ་དབང་མོ་རྣམས་རང་འཁོར་ཞིང་འདིས་ནི་རང་གི་ཇོ་བོའི་སྙིང་མཐའ་གཅིག་ཏུ་ཉེ་བའི་བྲན་བཟང་མོ་ཡིན་པར་སྟོན། མ་བཅོལ་བར་ཡང་ལས་ཐམས་ཅད་བྱེད་པར་རྡོ་རྗེའི་བྲོ་བོར་བ་ཡིན་ནོ། །དེ་དག་སྲུང་མར་བསྟེན་ལུགས་འདིར་དམིགས་ཕུག་སྟེ་གསུངས་པ་ནི། ཕྱི་ཁྱམས་ལ་འགོད་པ། དེ་ལ་ཡེ་ཤེས་པ་བཅུག་སྟེ་བྱིན་གྱིས་བརླབ་པ། དྲག་མཆོད་འབུལ་བ། རྟ་སྐད་ཀྱིས་འབོད་ཅིང་བརྔན་ནས་ལས་འཆོལ་བ། རུ་ལུའི་ཛབྲ་ཀྱིས་བསྙེན་པ། ལྷག་གཏོར་གྱིས་མཆོད་པ་སོགས་སོ། །དེའང་རྒྱུད་ཀྱི་བཅོ་ལྔ་པར། སྔོན་བྱུང་དུ་ཧེ་རུ་ཀས། ཧཱུཾ་ཧཱུཾ་ཧཱུཾ་བྷྱོ་ཨེ་ཨ་ར་ལླི་སོགས་བརྗོད་པས་ཕྱོགས་བཅུ་འཇིག་རྟེན་གྱི་ཁམས་ནམ་མཁའ་དང་བཅས་པ་ཡུང་འབྲུ་ཙམ་དུ་བསྡུ་བའི་ཆོ་འཕྲུལ་གྱིས་དབང་མོ་རྣམས་བསྡུས་པར་གསུངས་པའི་ཧཱུཾ་གསུམ་པོ་མ་མོ་རྣམས་ཀྱི་ལུས་ངག་ཡིད་གསུམ་ཧེ་རུ་ཀ་རང་གི་ཐུགས་གཉིས་སུ་མེད་པའི་ཡེ་ཤེས་ཕྲ་མོ་ལ་སྡུད་པའི་སྔགས་ཡིན་པར་སྔགས་འཆང་ཆེན་པོ་དག་གསུང་སྟེ། འདིའི་རྟ་སྐད་ཀྱི་དགོངས་པར་དོན་གྱིས་འབབ་མོད། མཁའ་འགྲོ་དམ་ཅན་ཐམས་ཅད་གླུ་གཅིག་གི་བཀའ་འོག་ན་གནས་ཚུལ་རྒྱས་པར་འཆད་པ་ནི་རྟ་མགྲིན་སྐོར་རང་ཡིན་ནོ། །རུ་ལུ་བཞི་འབུམ་བཟླས་ན་བྷྱོ་བསྙེན་བཞི་འབུམ་དེའི་ཁོངས་སུ་འགྲོ་སྟེ། རྩ་རྒྱུད་ལས་དབང་མོ་རྣམས་ཀྱི་སྔགས་ལ་བྷྱོ་མིན་བྷྱོ་ནི་མ་མོའི་ཚོགས་ཀྱི་དོན་དང་། རོང་ཟོམ།

― TN03_Page_1139 ―

^{[མ་དཔེ་གཟིགས་ན་འདིར་གནོན།]}

(༧༠༠)སྙིང་པོའང་ཡིན་ལ་འབོད་པ་དང་སྐུལ་བའང་ཡིན་ནོ། །རྣམ་པ་གཅིག་ཏུ་ཀློང་ཆེན་བྷ་གི་ནཱི་སྲིང་མོ་དང་བྷརྻ་ཆུང་མ་ལ་འཇུག་པའི་སྒྲ་བསྡུས་པའམ། མན་སྙེར་འཇིགས་པར་བྱེད་པའི་དོན་ལ་བཤད་པ་ལྟར་ན་འཇིགས་བྱེད་མ་ཞེས་བོད་པའོ། །དགོངས་རྒྱན་ལས་སོ། པ་ཅིའང་མ་བཤད་ཅིང་། འགྲེལ་པར་རྒྱུ་མ་ནོར་བ་རྩ་བའི་སྔགས་ཀྱི་དབང་དུ་མཛད་པར་གསུངས་ལ། མ་མོའི་སྒོས་སྒྲུབ་ཐམས་ཅད་དུའང་བྷྱོ་སྲོག་སྔགས་སུ་བཤད། ཡོ་ག་དེ་ཉིད་བསྡུས་པར་ཡང་མ་བྷྱོ་ཞེས་བྱ་བ་གཅིག་པོ་འདིས་ནག་པོ་ཆེན་པོ་མ་མོའི་ཚོགས་དང་བཅས་པའི་དཀྱིལ་འཁོར་གྱི་བྱ་བ་ཐམས་ཅད་དང་། ལས་ཀྱི་དངོས་གྲུབ་ཐམས་ཅད་བྱེད་ཚུལ་དཔལ་མཆོག་རྩ་འགྲེལ་ན་རྒྱས་པར་བཤད། བདེ་འདུས་ལས་ཀྱང་། མ་མོའི་ལས་ཀ་བྷྱོ་ལ་ཐུག༔ ཅེས་སོ། །མོའི་སྲོག་སྙིང་ལ་འབྲུ་གཅིག་པོ་འདི་རང་བཤད་དོ། །རྟ་སྐད་ཐ་མའི་ལས་འཆོལ་སྐབས། བདུད་ཚོགས་འགུགས་བསྒྲལ་ཁོ་ན་ཤས་ཆེར་བཤད་པ་ནི་ཁྲོ་བོའི་དགོས་མཛད་མངོན་སྤྱོད་ཡིན་པས་དེའི་དབང་དུ་མཛད་ཀྱི། སྔར་དྲང་བའི། ཐམས་ཅད་ཐམས་ཅད་བྱེད་པ་ཡིན། །ཞེས་དང་། རྔོག་མ་ལེ་བརྒན་ལས། དྲག་དབང་རྒྱས་དང་ཞི་བར་བྱེད། ཤར་གྱི་བདུན་ཞིག །ལྷོའི་བདུན་རྒྱས་ལས་ལ་བསྔགས་སོགས། ཅེས་པ་ལྟར་ཕྲིན་ལས་གཞན་ཡང་འཆོལ་ཆོག་སྟེ། རྣལ་འབྱོར་བརྡ་སྐད་དུ། སངས་རྒྱས་སྐུལ་བ་ན་ཡང་། དྲག་པོའི་ལས་ལ་སྐུལ་བ་ཙམ་ལས་མི་གསལ་ཡང་། གཞན་དུ་གྲུབ་པ་བརྒྱད་འགུགས་པ་སོགས་ཀྱང་བཤད་པ་བཞིན་ནོ། །གཙོ་ཆེ་ཆུང་ཙམ་ལས་སྤྱིར་ནི་དབང་མོ་འདི་དག་འཇིག་རྟེན་གྱི་དངོས་གྲུབ་སྦྱིན་པའི་ནུས་པ་དང་པོ་ནས་བརྙེས་ཤིང་། སླར་ཧེ་རུ་ཀས་དམ་པའི་བདེ་བ་སྩལ་ཞིང་ངོ་མཚར་ཚོགས་

― TN03_Page_1140 ―

^{[མ་དཔེ་གཟིགས་ན་འདིར་གནོན།]}

(༧༠༡)དཀྱིལ་གྱི་སྐྱེད་ཡུམ་དུ་བརླབས་པ་ནས་འཇིག་རྟེན་ལས་འདས་པའི་དངོས་གྲུབ་སྩོལ་བ་ལ་ཡང་དབང་བ་ཡིན་ནོ། །མ་མོའི་གསོ་བ་ལྷག་པར་མཁོ་བས་འདི་ལྟར། ཡུལ་ལ་མི་འཕོ་བའི་ལྷན་སྐྱེས་ཀྱི་དགའ་བའི་བཅུད་ཀྱིས་རྒས་པ་དང་ན་བ་དང་ཤི་བ་གསོ། བརྗེད་ངས་ཆེ་བ་ལ་རྣམ་གཡེངས་མེད་པའི་བདེ་སྟོང་གི་ཏིང་ངེ་འཛིན་བརྟན་པོས་དྲན་པ་གསོ། དབྱིངས་རིག་གི་སྣང་བ་རབ་རིབ་མེད་པས་ཤེས་རབ་གསོ། ཐ་མལ་པའི་སྣང་ཞེན་གྱི་དམེ་བ་བསང་བྱེད་བདེ་སྟོང་མི་ཕྱེད་པའི་གཙང་སྦྲས་གྲིབ་ཅན་གསོ། རྡོ་རྗེ་གསུམ་གྱི་དམ་ཚིག་ལ་དྲན་པ་རྟག་ཏུ་གནས་པའི་ཡེ་སྲུང་ཆེན་པོའི་དམ་ཚིག་གི་བདེ་བའི་བདུད་རྩིས་དམ་ཚིག་ཉམས་ཆག་གསོ། དེ་ཐམས་ཅད་ཐུགས་རྗེ་ཆེན་པོའི་ནུས་པ་ཡོངས་སུ་སྨིན་པའི་བདེ་བའམ་རང་རིག་བྱང་ཆུབ་ཀྱི་སེམས་ཀྱིས་བྱེད་དེ། མ་མོའི་རྒྱུད་ཚིག་ལ་ཅུང་ཟད་དཔྱད་ནས་བློ་རྟེན་བྲིས། སྒྲུབ་སྡེའི་སྐོར་དུ། མ་མོ་གྲུབ་ཀྱང་ལས་འགྱང་བས་ཤིས་བསྟན་པ་གཅེས་ཞེས་དང་། མ་མོ་དབང་དུ་བསྡུ་བའི་གནད་ཀྱིས་བསྒྲུབ་ན་འགྲུབ། གནད་དེ་མེད་ན་གཟའ་དཔོན་མེད་པའི་བྱི་མོ་དང་འདྲ་སྟེ་འཁུ་ལྡོག་མང་ཞིང་ལས་ལ་གཡེལ་ཞེས་གསུངས་ཤིང་། མ་མོ་རྦོད་གཏོང་སྐབས། མ་མོ་ཐམས་ཅད་སྟན་དུ་འདིང་བ་དང་སྙིང་ཁྲག་དྲང་བ་ལ་སོགས་པའི་སྒྲུབ་ལུགས་དང་། ལས་ལ་རྦོད་སྐབས། འགྱང་ན་སྲོག་ཡིག་དཀྲུགས་པ་སོགས་མང་དུ་བཤད་པའང་ཡིན་ནོ། །དེའི་དོན་ནི་འདིར་ཡང་ཡོད་དེ། རྟ་སྐད་

― TN03_Page_1141 ―

^{[མ་དཔེ་གཟིགས་ན་འདིར་གནོན།]}

(༧༠༢)ཀྱི་དགོངས་པས་མ་མོ་མཁའ་འགྲོའི་སྲོག་གཅུན་པ་ཉིད་གནད་དབབ་མཐར་ཐུག་ཏུ་འགྲོ་ཚུལ་ཡོད་པའི་ཕྱིར་ཏེ། བདེ་འདུས་བཀའ་སྒོ་ལས། ཕྱིའི་མ་མོ་མ་ཤེས་ན་ལས་མི་འགྲུབ། དེ་ཤེས་ཀྱང་ཕྱིའི་དང་ནང་གསལ་གྱི་མ་མོ་གཉིས་མེད་དུ་ཤེས་པའི་སྒོ་ནས་ཕྱི་ནང་གསང་བའི་མ་མོ་སྲེ་མི་ཤེས་ན་མ་མོ་དམ་ལ་མི་འདུ་ཞིང་ལས་ལ་བཀོལ་དུ་མི་བཏུབ་པར་གསུངས་པའི་ཤུགས་ལས་མ་མོ་གསུམ་བསྲེའི་དགོངས་པ་དེ་མ་མོ་ལས་འཁོལ་གྱི་ཟབ་གནད་དུ་བསྟན་པ། །ཀློང་སྙིང་སོགས་ལས། དྲན་པ་རང་བྱུང་ཡེ་ཤེས་ནི༔ མ་མོ་འབུམ་གྱི་སྟོང་སྲོག་ཡིན༔ སོགས་སྟོང་སྲོག་འཕྲོགས་ཚུལ་བཤད་པ་དང་གཅིག་ཏུ་གཞོལ་ཞིང་། བདེ་འདུས་ལྡེ་མིག་གི་མ་མོའི་ཤིས་གསུམ་གྱི་སྐབས་སུའང་། གསང་བ་ལྟར་ན། རིག་པ་བྱང་ཆུབ་ཀྱི་སེམས་མ་མོའི་ཤི་སར་བཤད་ཡོད་དོ། །དེའང་མི་དབང་བཀའ་འབུམ་ལས། ལྷ་འདྲེ་རི་རབ་ཀྱི་ཞབས་སུ་མནན་པ་སོགས་ཀྱི་དགོངས་པ་བཤད་ཚུལ་ཟུར་ཐོ་ལྟར་དང་བསྒྲིགས་ན་གསལ་ལོ། །འོན་ཀྱང་འདི་འདྲ་རྣམས་ཚོན་བརྒྱར་ཉེ་བའི་ནོར་བུ་ཆུ་ཤེལ་ལྟར་སྟོང་སེམས་ཀྱིས་ཁ་བསྒྱུར་འགྲོ་བ་བྲོའི་ཟིན་ཐོ་ལྟར་ཡིན་པས་བདེ་སྟོང་གི་ཏིང་འཛིན་དེ་ཉིད་དྲེགས་པ་གཟིར་བའི་བསམ་པའི་དབང་གིས་གནད་གཟིར་དུ་འགྱུར་བ་འདྲ་སྟེ། འདི་དག་བསྙེན་རྫོགས་རྟོགས་པ་བརྟན་པའི་སྔགས་པའི་དབང་དུ་བྱས་སོ། །སྒྱུ་འཕྲུལ་ལེའུ་ཉི་ཤུ་པར། ལྷག་མའི་གཏོར་བསྔོ་དང་། དམ་བསྒྲགས། ཕྲིན་བཅོལ་ཏེ་འདི་གསུམ་

― TN03_Page_1142 ―

^{[མ་དཔེ་གཟིགས་ན་འདིར་གནོན།]}

(༧༠༣)གྱིས་དབང་མོ་རྣམས་འཁོར་བར་གསུངས་ཤིང་། ཐར་ལོ་འགྱུར་དུ། ཞེས་པ་ཁྲོ་བོའི་སྒྲུབ་ཐབས་ཀྱི། །ལས་རྣམས་ཀུན་ལ་བརྗོད་པར་བྱ། །ངེས་པར་གཙོ་བོ་འདི་ཡིན་ཏེ། །རྣམ་པ་གཞན་དུ་གདུལ་དཀའ་འགྱུར། །ཞེས་གསུངས། རྒྱུད་ཀྱི་དགོངས་པས་ལྷག་ཆོག་མིན་པའི་བཀའ་ཉན་གྱི་གཏོར་ཆོག་ཟུར་པ་མི་དགོས་པར་གསལ་བས། འདིར་ཡང་། ལྷག་མ་སངས་རྒྱས་མཉམ་སྦྱོར་དུ་ལྷག་ཆོག་དང་གཏོར་ཆོག་གཅིག་ཏུ་བྱས་ནས་གསུངས་པས་ཀྱང་ངེས་པ་སྟེར་རོ། །ཆད་བརྟན་རྣམས་ཀྱིས་གསོལ་ཀ་རྒྱས་པའི་གོ་ཆོད་པར་བཟུང་སྟེ། བསྟན་མའི་གསོལ་ཁ་ཟུར་པ་དང་། ཚོགས་མཆོད་སྐབས་ཀྱི་བརྟན་སྐྱོང་གཉིས་ལ་ཚིག་མང་ཉུང་ཙམ་མ་གཏོགས་ཁྱད་པར་མི་སྣང་བ་བཞིན་ནོ། །ལྷག་ཆོག་གི་སྐབས་འདིར་སྔོན་གྱི་ཆད་མདོའི་དབང་གིས་གཏོར་ལེན་དུ་ངེས་པར་འབྱོན་པས་དུས་གཞན་དང་མི་འདྲ་ཞིང་། དེ་བཞིན་གཤེགས་པའི་ཞལ་ཟས་ཀྱི་ལྷག་མ་དངོས་གྲུབ་ཆེན་པོའི་བགོ་སྐལ་དུ་ཤེས་ནས་གཏོར་མ་གཞན་དང་མི་འདྲ་བར་ངེས་པར་བཞེས་པ་ཡིན་ལ། བདེ་གཤེགས་ལྷག་མ་འདི་དག་ནི། །གསོལ་ཞིག་སྡིག་པ་བྱང་བར་འགྱུར། །ཞེས་པའི་རིགས་པ་ལྟར་ཧེ་རུ་ཀའི་ཕམ་ཕབ་ཀྱིས་དེ་དག་གི་གཟི་བརྗིད་དང་མཐུ་སྟོབས་ཆེས་ལྷག་པར་རྒྱས་པར་བྱེད་འདི་རྟ་མཆོག་རོལ་པའི་རྒྱུད་ལས་གསལ་བར་གསུངས། པས་ཀྱང་གཏོར་མ་གཞན་དང་མི་འདྲ་སྟེ་སྣང་ཚུལ་ཐུན་མོང་བའི་དབང་དུ་བྱས་དེས་ན་འདི་ཉིད་དཔལ་ལྡན་ཧེ་རུ་ཀ་རང་གིས་དབང་ཕྱུག་མའི་གཏོར་ཆོག་

― TN03_Page_1143 ―

^{[མ་དཔེ་གཟིགས་ན་འདིར་གནོན།]}

(༧༠༤)ཏུ་བྱིན་གྱིས་བརླབས་པའི་ཟབ་གནད་ཅན་ཡིན་པ་འདི་ངོ་ཤེས་པར་གྱིས་ལ་ཕྲིན་ལས་གང་དགོས་འདིའི་སྒྲོམ་ནས་འཚོལ་བྱང་གཏེར་མ་མོའི་ལས་རྫོགས་ལས། རང་གཞན་གྱི་ཚེ་སྲིང་བ་དང་། འཁོར་དང་ལོངས་སྤྱོད་སྤེལ་བ། སྲིའུ་གསོ་བ། དབབ་པ། བཅད་པ། སྲུང་བ། ཟློག་པ། མི་ཕྱུགས་ནད་ཡམ་གཅོད་པ། བར་ཆད་འདུལ་བ་དགྲ་བགེགས་སྒྲོལ་བ་གང་ཡིན་ཀྱང་གསོལ་མཆོད་ཀྱི་མཐར་བཅོལ་གཏད་བྱས་པ་ཁོ་ནས་འདོད་པ་ལྟར་འགྲུབ་པར་གསུངས་པ་དང་ཚུལ་མཚུངས། བ་དང་། ལྷག་གཏོར་བཟང་ལ་རྒྱ་ཆེ་བ་བཤམས་པ་སོགས་ལ་བརྩོན་པར་བྱའོ། །གྱེར་ཚིག་མང་བ་དང་རྔ་རྡུང་བ་ཙམ་ལ་ཞེན་པར་མི་བྱའོ། །ལྷག་མ་ཆད་ཐོ་གཉིས་ཀྱི་ཁྱད་ནི། ལྷག་མགྲོན་ནི། སྔོན་དཔལ་གྱིས་རུ་ཏྲ་འདུལ་དུས་ལག་ཏུ་རྡོ་རྗེ་བྱིན་ནས་མིང་བཏགས་ཏེ་དལ་གྱི་ཕྱི་ཁྱམས་ལ་བཀོད་པ་ལྟར། ཧེ་རུ་ཀའི་གྲོང་ཁྱེར་གྱི་མཐའ་ན་རྒྱུན་དུ་གནས་ནས་དེ་བཞིན་གཤེགས་པའི་གསོལ་ལྷག་སྡུད་པ་རྣམས་ཡིན་ཅིང་། ཆད་ཐོའི་མགྲོན་ལ། གསང་རྫོགས་སོགས་ལས་ཀཻ་སེར་དབང་མོ་སོགས་ནས་གཏེར་སྲུང་གཞི་བདག་བར་ཀུན་བཤད་པས། བཀའ་སྲུང་། གཏེར་སྲུང་ཐུན་མོང་དུ་ཆད་ཐོ་བརྗོད་པར་སྣང་བས། དཀྱིལ་འཁོར་གྱི་མཐའ་ན་རྟག་ཆགས་ཡིན་མིན་ཀུན་ཡོད་དམ་དཔྱོད། ཐོ་ནི་ཟུར་ཆག་པ་སྟེ་ཆད་མདོ་ཞེས་པ་ཡིན་ལ། །དེའང་ཆད་མཚམས་ཀྱི་མདོ་འགག་ཅེས་པ་སྟེ། རྒྱལ་བ་དང་རིག་འཛིན་གོང་མའི་སྤྱན་སྔར་བརྒྱུད་འཛིན་སྐྱོང་བར་ཆད་ཞུས་པའི་ཆད་མཚམས་ཡོད་པ་དེབསྒྲགས་ཤིང་སྐུལ་བ། དཔེར་ན་ཕ་མེས་གོང་མའི་བརྩེ་གྲོགས་

― TN03_Page_1144 ―

^{[མ་དཔེ་གཟིགས་ན་འདིར་གནོན།]}

(༧༠༥)འདིས་གཞུང་ཅན་ལ་སྔོན་རབས་ཀྱི་རྒྱུས་བརྗོད་ནས་མཛའ་བའི་འཕྲོ་མཐུད་པ་ལྟ་བུ་ཡིན་པས་ན་ཆད་མདོ་མཐུད་པ་ཟེར། དེ་ལྟར་ཆད་བརྗོད་པ་ལ་ནི། གཏོར་མགྲོན་དུ་ངེས་པར་གཤེགས་པ་དང་། ཐུགས་ཆགས་ཤིང་དུང་བས་བགོ་བ་ཉན་པའི་དགོས་ཆེད་གཉིས་ཀ་ཡོད་དེ། །གསང་རྫོགས་དང་། ཀུན་མཁྱེན་ཆོས་རྗེའི་ཞི་ཁྲོའི་སྒྲུབ་དཀྱིལ་རིན་གཏེར་སོགས་ལས། བཀའ་ཡི་གཏོར་མ་ལེན་པར་མ་ཆད་དམ༔ རྣལ་འབྱོར་ཚེ་སྲོག་སྲིང་བར་མ་ཆད་དམ༔ བཅོལ་པའི་ཕྲིན་ལས་མཛད་པར་མ་ཆད་དམ༔ ཞེས་སོ། །འོ་ན་དབང་མོ་དང་ཌཱཀྐི་སོ་གཉིས་སོགས་ལ་ལྟོས་ན་ལྷག་མ་དང་ཆད་གཏོར་མི་ཟློས་སམ་ཞེ་ན། དེར་ཡང་ལྷག་ཆོག་ནི་ཧེ་རུ་ཀའི་བཀས་བཅད་ཀྱི་སྲོལ་དཀྱུས་མ་བརྐྱང་བ་ཡིན་ཅིང་། ཆད་ཐོ་ནི། ད་དུང་དེ་ལས་ཟུར་དུ་སྔོན་གྱི་ཐ་ཚིག་རིམ་གསུམ་རྒྱས་པར་གླེང་ནས་ལས་འཆོལ་བའི་ཕྱིར། གཏོར་མ་ཟུར་པ་ཕུལ་ཏེ། སྔར་ལྷག་ཆོག་གིས་ཐུགས་ཉེ་བར་བྱས་པ་དེ་དན་བརླིང་དུ་བྱེད་པ་སྟེ། ཉེ་བའི་ནང་ནས་དགོས་མཛའ་ལྟ་བུར་དགོངས་པའི་ཆེད་དོ། །བདེ་འདུས་པྲ་ཁྲིད་ལས། ནང་གི་ཆོས་སྐྱོང་ལྷག་མགྲོན་དང་ཕྱིའི་ཆོས་སྐྱོང་བརྟན་མ་ཞེས་བཤད་དེ། ནང་གི་དོན་གོང་བཤད་ལྟར་བྱའམ་དཔྱད། མདོ་ཚོགས་ཆེན་ཧེ་རུ་ཀ་གལྤོའི་དགོངས་པ་ལྟར། འདུས་པའི་སྒྱུ་འཕྲུལ་ཁྲོ་བོ་དང་ལྷག་ཆོག་ཏུ། ལྷག་ཕུད་ཀྱི་མཁའ་འགྲོ་དམ་ཅན་རྣམས་བཀུག་ནས། རྟ་གདོང་གི་ཕྱག་རྒྱ་སྤྱི་བོར་བཞག་སྟེ། ཧྲཱིཿཔདྨ་བ་ཌ་སོགས་ནས། ཧ་ཧ་ཧི་ཧི།

― TN03_Page_1145 ―

^{[མ་དཔེ་གཟིགས་ན་འདིར་གནོན།]}

(༧༠༦)ཞེས་དབང་དུ་བསྡུས་ནས་བཀའ་ནོད་དུ་གཞུག་པར་བཤད་པ་དང་། ལྷ་ཆེན་དབང་ཕྱུག་ཆེན་པོ་དང་། ཚོགས་བདག་གླང་པོ་གདོང་། འདོད་ཁམས་དབང་མོ་རེ་མ་ཏི་རྗེ་འབངས་གཉིས། བེ་ཧར། རྡོར་ལེགས། ཡང་ལེ་བེར་སོགས་དྲེགས་པའི་དབང་ཕྱུག་རྣམས་ཀྱི་སྐྱེ་རྒྱུད་ན། དཔལ་རྟ་མཆོག་རྒྱལ་པོར་སྲོག་སྙིང་ཕུལ་བ་དང་། བྲན་དུ་ཁས་བླངས་པ་དང་། རྡོ་རྗེའི་མིང་ནོད་པ་སོགས་རྒྱ་ཆེར་བཤད་པ་དང་། པདྨའི་མན་ངག་གསེར་ཕྲེང་དུ། དྲེགས་པའི་རིགས་སོ་སོ་ལ་གཉེན་པོ་སྟོབས་ཀྱི་ལྷ་གཤིན་རྗེ་གཤེད་སོགས་སོ་སོ་བསྔགས་པ་ན། རྣམ་དབྱེ་མེད་པར་དྲེགས་པ་ཅན་ཕོ་རྒྱུད་མོ་རྒྱུད་ཀྱི་རིགས་མཐའ་དག་འདུལ་བའི་ལྷར་ཁྱད་པར་དུ་བསྔགས་པ་ནི་པདྨ་དབང་ཆེན་ཡིན་པར་བཤད་པ་དང་། མཁའ་འགྲོ་ཆེན་མོ་ལས། སངས་རྒྱས་འོད་དཔག་མེད་ཀྱིས། འཇིག་རྟེན་གྱི་དྲེགས་པ་ཅན་ལྷ་མ་སྲིན་སྡེ་བརྒྱད་དང་༔ ཁྱད་པར་དུ་མ་མོ་དང་མཁའ་འགྲོ་མ་གདུལ་བའི་ཕྱིར་དཔལ་རྟ་མགྲིན་དུ་སྤྲུལ་ཏེ༔ ཁམས་གསུམ་དབང་བསྡུས་སོ༔ ཞེས་སོ། །གུ་རུ་རིན་པོ་ཆེ་ལ་མཁའ་འགྲོ་མ་ཀུན་དགའ་མོས་ལྷ་སྲིན་སྡེ་བརྒྱད་འདུལ་བའི་མཐུ་དབང་རྟ་མགྲིན་གྱི་སྒོ་ནས་སྩལ་བར་གསུངས་པ་ལ་སོགས་པས་ལྷ་འདིའི་ཛཔྲ་དགོངས་སུ། དམ་ཅན་ཕོ་ཉ་ལས་ལ་བསྐུལ༔ ཞེས་པ་ལ་ངེས་ཤེས་སྐྱེད་དོ། །ཨོ་རྒྱན་གླིང་པའི་བཀའ་འདུས་ཆེན་མོ་ལས། །གདུལ་བྱ་རུ་ཏྲ་དྲག་པོ་འདུལ་བའི་ཕྱིར༔ རྟ་ཕག་ཡབ་ཡུམ་རྔམས་པའི་ཆོ་འཕྲུལ་གྱིས༔ ཀེ་སེང་ཕྲ་མེན་དབང་ཕྱུག་བྲན་དུ་བཀོལ༔

― TN03_Page_1146 ―

^{[མ་དཔེ་གཟིགས་ན་འདིར་གནོན།]}

(༧༠༧)ཞེས་གསུངས་ཏེ། རུ་ཏྲ་འཁོར་བཅས་འདུལ་མཁན་རྟ་ཕག་ཏུ་བཤད་པ་གཞན་ཚུལ་འདི་རྒྱས་པར་སྟོན་པ་ནི་སྤྱི་མདོ་དགོངས་འདུས་ཡིན་ཏེ། བཀའ་ཐང་ཤེལ་བྲག་མ་སོགས་ཀྱང་དེའི་རྗེས་སུ་འབྲང་བར་སྣང་ངོ་། །ཡང་མང་ངོ་། །རྟ་མཆོག་རོལ་པའི་རྒྱུད་ཀྱི་བཅུ་དྲུག་པར་རྟ་མགྲིན་གྱིས་རུ་ཏྲ་བཏུལ། དབང་མོ་རྣམས་དབང་དུ་བསྡུས་པའི་ཚེ། དྲེགས་པ་ཅན་རྣམས་བསྒྲལ་བའི་ཤ་ཁྲག་རུས་པ་རྟ་མཆོག་རྒྱལ་པོ་ཉིད་ཀྱིས་གསོལ་བའི་ཞལ་ལྷག་རྣམས་བདུད་རྩིར་བརླབས་ནས་དབང་ཕྱུག་མའི་ཚོགས་ལ་བྱིན་པས། དེ་རྣམས་སྔོན་པས་ཀྱང་ཆེས་ཆེར་མཐུ་སྐྱེས་ཤིང་། གཟུགས་གཞན་གྱི་བལྟར་མི་སྣང་བ་དང་། སྣ་ཚོགས་ཀྱི་གཟུགས་ཀྱི་རྣམ་པར་སྣང་བའི་རྫུ་འཕྲུལ་ཐོགས་པ་མེད་པར་གྱུར་ཏེ། བྷྱོ་བཟློག་ལས་ཀྱི་ཕོ་ཉ་སྐོས་ལ་བཏབ་པར་གསུངས་པ། རྟ་མགྲིན་དྲེགས་སྒྲོལ་ལས། དབང་གི་ལྷ་མོ་དབང་ཕྱུག་ཉི་ཤུ་བརྒྱད༔ ལོང་བ་རྒྱབ་སྦྲེལ་རོ་བཤལ་སྦྱང་མོ་དང་༔ དྲ་བ་ཅན་དང་གློག་འགྱུ་མ་མོའི་ཚོགས༔ ཟ་བྱེད་ལྕགས་ཀྱི་ཁྱི་སྟེ་རྐང་གསུམ་སོགས༔ པདྨ་དབང་ཆེན་ལྷ་རྒྱུད་ཐུགས་དམ་ཅན༔ ཞེས་གསུངས་ཤིང་། དེའི་ལྷག་ཆོག་ཆེན་མོར། །དབང་མོ་རྣམས་གསེར་གྱི་སེང་གེའི་གཟུགས་ཀྱིས་རྟ་མགྲིན་གྱི་གདན་དུ་བཞུགས་ཚུལ་རྟ་མཆོག་རོལ་པའི་རྒྱུད་ལྟར་རྒྱ་ཆེར་གསུངས། འདི་དག་གིས་དབང་ཕྱུག་ཉེར་བརྒྱད་རྟ་མགྲིན་གྱི་ཕོ་ཉར་དགོས་སུ་བསྔགས་པའང་ཤེས་ནུས། །

― TN03_Page_1147 ―

^{[མ་དཔེ་གཟིགས་ན་འདིར་གནོན།]}

(༧༠༨)འདི་དག་གི་ནང་ནས་ཚངས་མ་དང་། ཡིད་འཕྲོགས་མ་སོགས་ས་བླ་བ་དང་། རླུང་ལྷ་མོ་དང་། བུམ་སྣ་མོ་སོགས་ས་སྟེང་པ་དང་། ཕག་ཆེན་མོ་དང་། ཆུ་ལྷ་མོ་སོགས་ས་འོག་གི་འཇིག་རྟེན་ལ་དབང་བྱེད་པ་སྟེ། འདི་དག་དབང་དུ་འདུས་ན་འཇིག་རྟེན་གསུམ་གྱི་གཙོ་མོ་རྣམས་ལས་ལ་ཁོལ་བ་ཡིན་པས། ས་གསུམ་གྱི་དབང་ཕྱུག་བརྙེས་པ་ཞེས་བྱ་བ་ཡིན་ནོ། །རྟ་རྒྱུད་རྣམས་སུ་དབང་གི་རྟ་སྐད་སྟོན་པ་ན་མི་དབང་སྡུད་རྩལ་དུ་བཏོན་ནས་མ་བཤད་ཀྱི། དྲེགས་པ་སྡེ་བརྒྱད་དང་ཁྱད་པར་དུ་མ་མོ་མཁའ་འགྲོའི་འཇིག་རྟེན་ལ་དབང་སྒྱུར་ཚུལ་འབའ་ཞིག་རྒྱ་ཆེར་གསུངས་ཏེ། མིའི་རྒྱལ་སྲིད་ཆེ་ཤོས་འཁོར་སྒྱུར་ལྟ་བུ་ནི་རྩོད་ལྡན་གྱི་དུས་མཐར་སྒྲུབ་ཏུ་ཡང་མེད་ལ། དངོས་གྲུབ་ཀྱི་འབྱོར་པ་ཤིན་ཏུ་རྒྱ་ཆེ་བའི་རྒྱལ་སྲིད་ནི་མི་མ་ཡིན་གྱི་རྒྱལ་སྲིད་ཡིན་ནོ། །དམ་ཅན་བྲན་དུ་ཁོལ་བ་ལའང་རླབས་ཆེ་ཆུང་གི་རིམ་པ་མང་པོ་ཡོད་དོ། །སྔགས་ཕྱི་རྒྱུད་དུའང་འཇིག་རྟེན་གསུམ་གྱི་རྒྱལ་སྲིད་སྒྲུབ་ཚུལ་གསུངས་མོད་ཀྱི། དེ་དག་ཏུ་མན་ངག་གི་སྙིང་པོ་ལྷན་སྐྱེས་ཡེ་ཤེས་ཀྱི་རྟ་སྐད་མ་བསྟན་པས། འདི་ཁོ་ན་མཆོག་ཏུ་གྱུར་པ་ཡིན་ནོ། ༈ །བཀའ་མ་རྫོང་འཕྲང་ལས། འཇིག་རྟེན་ལས་འདས་པའི་སྒྲུབ་སྡེ་ལྔ་པོ་སྒྲུབ་ཚུལ་ལ། བཟླས་པའི་སྐབས་ལ་བབས་པ་ན། བུདྡྷ་ཧེ་རུ་ཀ་གཤིན་རྗེ་གཤེད་དུ་བསྒྱུར་ནས་ཚེ་སྒྲུབ་ཀྱི་བཟླས་པ་ནས། ཀརྨ་དང་པདྨ་ཧེ་རུ་ཀ་ཕུར་པ་དང་ཆེས་ཆོག་ཏུ་བསྒྱུར་ནས་ཐལ་འབྱིན་དང་བདུད་རྩིའི་བཟླས་པ་བྱ་བའི་

― TN03_Page_1148 ―

^{[མ་དཔེ་གཟིགས་ན་འདིར་གནོན།]}

(༧༠༩)བར་དུ་གསུངས་ནས། མ་མོ་རྦོད་གཏོང་མན་ཆད་ནི་ཚོགས་མཆོད་ཀྱི་ལྷག་ཆོག་ཁོ་ན་ལ་འཇོག་པར་གསུངས་ཏེ། འདི་ལྟར། ཚོགས་ལ་རོལ་བའི་འོག་ཏུ། ལྷག་མ་བསྡུས་ལ། རང་ཉིད་བླ་མེད་ཧེ་རུ་ཀར་བསྒྱུར། དེའི་སྔགས་ལན་གཅིག་ལན་ཅིག་གི་གསལ་ཁ་གཞུང་ན་མེད་པས་ཅུང་མ་ལེགས། བརྗོད་པས་མ་མོ་མཁའ་འགྲོ་རྣམས་དབང་དུ་བསྡུས་ཏེ། ལྷག་གཏོར་བརླབ་དེ་ཆ་བཞིར་ཕྱེ་བའི་དང་པོས་ཡེ་ཤེས་ཀྱི་མཁའ་འགྲོ་མ་རྣམས་མཆོད་དེ། རྣལ་འབྱོར་པའི་རྒྱུད་བྱིན་གྱིས་རློབ་པར་གསོལ་བ་བཏབ། གཉིས་པས་དམ་ཚིག་མཁའ་འགྲོ་རྣམས་མཆོད་དེ་བསྟན་པ་སྲུང་བར་ལུང་བགོ །གསུམ་པས་ལས་ཀྱི་མཁའ་འགྲོ་རྣམས་མཆོད་དེ་རྐྱེན་དབང་ཟློག་པའི་ལས་འཆོལ། དེ་ནས་སྲིད་ཞིའི་མ་མོ་རབ་འབྱམས་ཀྱི་ཁྱབ་བདག་བླ་མེད་ཧེ་རུ་ཀའི་སྔགས་ཁོ་ནས་སྲོག་དྲང་བ་རྣམས་ནི་མ་མོ་རྦོད་གཏོང་ངོ་། །དེ་ནས་ལྷག་མའི་ཆ་བཞི་པ་དེ་དྲེགས་པ་སྡེ་བརྒྱད་ལ་བསྔོས་ནས། དམོད་བཅོལ་བྱ་བ་ནི་སྒྲུབ་སྡེ་ཐ་མ་གཉིས་པོའི་སྒྲུབ་ལུགས་ཏེ། དེ་གསུམ་ལ་ཛབ་དགོངས་སོགས་གཞན་ཅིའང་མ་བཤད་དོ། །འདིས་ནི་བདེ་འདུས་ལས། མ་མོའི་སྤྱི་འདུན་བྱ་བ། དམག་དཔུང་བསྡུ་ཞིང་དམག་དྲང་བ། དམག་དཔོན་བསྐོ་བ། ལས་ཀྱི་ངོ་བླང་བ་སོགས་དང་། འཇིག་རྟེན་མཆོད་བསྟོད་མཆོད་པ་བསྙེན་སྒྲུབ་གསུམ་གྱི་རྣམ་གྲངས་ཉེར་བཞིས་བཤད་པ་ལ་སོགས་པ་ཀུན་གྱི་སྙིང་པོའི་དོན་ལྷག་ཆོག་ལ་འདུ་བར་བསྟན་པས། སྲུང་མའི་

― TN03_Page_1149 ―

^{[མ་དཔེ་གཟིགས་ན་འདིར་གནོན།]}

(༧༡༠)གཏོར་བསྔོ་དང་འབོད་རྦད་ཀྱི་བཟླས་པ་སོགས་གང་ཡང་ལྷག་ཆོག་ཚད་ལྡན་འཁྱོལ་ན་དེ་ལས་ཟུར་དུ་མ་དགོས་པར་ངེས་པ་ཆེན་པོ་སྟེར་ཞིང་། ཁ་ཅིག་ཏུ་ཆད་བརྟན་གཉིས་ལྷག་ཆོག་ཏུ་བསྡུས་པ་སོགས་གཞན་མང་པོར་ཡང་ངེས་པ་སྦྱིན་ནོ་གཞུང་འདིའི་ལྷག་ཆོག་ལ། ལས་དང་ཡེ་ཤེས་ལས་གྲུབ་པའི་རྣམ་གྲངས་སྨོས་ནས་མགྲོན་འབོད་པ། གཏོར་མ་བསྔོ་བ། ལས་བཅོལ། སྟོབས་སྔགས་ཀྱིས་གཏོང་བ་རྣམས་སུ་ཡོད་ཅིང་། སྲོག་ནས་དྲང་བ་ནི་སྔར་བཟླས་པའི་སྐབས་ཀྱི་རུ་ལུའི་བཟླས་པ་ཉིད་ཀྱིས་ཆོག་སྟེ། ལས་རིམ་གྱི་རྒྱུན་གཅིག་ལ་ཚང་ན་གནད་གཅིག་ཏུ་འགྲོ་བའི་ཕྱིར་རོ། །དེར་མ་ཟད་མགོན་པོ་བདུན་རྫོགས་ཀྱི་གསོལ་ཁའང་ཆད་ཐོ་བསྒྲགས་པའི་ལས་རིམ་ལ་ཚང་བར་ལུང་སྔ་མ་ལས་དཔགས་ནས་ཤེས་ཏེ། འདི་ནི་ལྕེ་བཙུན་སྙིང་ཏིག་ཐོབ་ནས་བཀའ་སྲུང་གསུམ་གྱི་གསོལ་ཁ་ཆག་མེད་བྱེད་དགོས་པ། དོན་ཕྲིན་གྱི་ཆད་ཐོ་ལ་མཛད་པས་ཀྱང་རྟོགས་པ་ཡོད་དོ། །འདི་འདྲ་བླ་མའི་བྱིན་རླབས་ཀྱིས་རྙེད་བྱུང་། །གཞུང་སེན་རྩེ་ཙམ་རྣམ་བཤད་ཛམ་གླིང་ལྟར་ཡངས་པ་གཟུགས་བརྙན་བཞིན་དུ་འཆར་བའི་སྒོ་བཏོད་ཡོད་དོ། །དབང་ཕྱུག་མ་རྣམས་བསྙེན་ཐབས་ཀྱི་ངོས་འཛིན་དེ་ལས་ཀྱང་གསལ་བ་བཤད་ན། རྟ་མགྲིན་དབང་གི་སྒྲུབ་པ་ལྟར། སྒྱུ་འཕྲུལ་ཁྲོ་བོའི་མན་ངག་ལྟར་བཤད་པ་གཉིས་ལས། དང་པོ་ནི། ཛཔྲ་དགོངས་སུ། །དམ་ཅན་ཕོ་ཉ་ལས་ལ་བསྐུལ༔ ཞེས་གསུངས་ཏེ། སྤྱིར་ཛབ་

― TN03_Page_1150 ―

^{[མ་དཔེ་གཟིགས་ན་འདིར་གནོན།]}

(༧༡༡)དམིགས་སུ་དེ་འདྲ་རེ་ཡོད་ཀྱང་། དེ་ལ་རྩལ་འདོན་མི་འདོན་གཞུང་དེའི་རྩ་བའི་དགོངས་པས་དམ་ཅན་བསྙེན་ཐབས་ཀྱི་དངོས་གཞི་གང་ལས་བྱེད་ཀྱི་སྟེང་ནས་ལེགས་པར་དཔྱོད་དགོས་ཏེ། ཨོ་ཧཱུཾ་ཛམ་ནག་གི་བདག་བསྐྱེད་དུའང་། ཕྱག་རྡོར་ཐུགས་ཀའི་འོད་ཀྱིས་ནོར་བདག་ལས་ལ་སྐུལ་བར་བཤད་ཀྱང་དེའི་ལུགས་ཀྱིས་གནོད་སྦྱིན་སྒྲུབ་ཚུལ་གྱི་མན་ངག་དངོས་དེ་ལ་མི་བྱེད་པས། དེ་རྩལ་དུ་བཏོན་ཕྱོགས་མིན་པ་བཞིན་ནོ། །འདིར་ནི་སྒྲུབ་ལུགས་འདིའི་དགོས་ཆོས་དབང་གི་སྒྲུབ་པའི་མཐིལ་གཏད་སའང་དེ་ཉིད་ཡིན་པར་རྟ་སྐད་སྤྱོད་པར་དགོངས་པའི་ཐད་དུ་ཤེས་པས་དེ་དང་ཆེས་མི་འདྲ་ལ། མཐར་ཕུར་པ་གྲུབ་པ་ན་གདབ་ལས་རྩལ་ཐོན་ཏེ་རྫས་ཕུར་གདེངས་པ་ཙམ་གྱིས་བརྟན་གཡོའི་དངོས་པོ་གང་ཡིན་ཡང་ཐལ་མར་འབྱིན་པའི་དོད་ཀྱང་འདིའི་སྨད་ལས་སྤྱོད་པར་དགོངས་པའི་རྟ་སྔགས་ལ་རྩལ་ཐོན་ཏེ་ཛབ་དབྱངས་བླངས་པ་ཙམ་གྱིས་དམ་ཅན་མཁའ་འགྲོ་ཐམས་ཅད་སྤུངས་སེ་ཐིབས་སེ་བྱིན་ཆིལ་གྱིས་འདུས་ནས་ཅི་བཅོལ་ཐོགས་མེད་དུ་བྱེད་པ་ཉིད་ཡིན་པས་ཆེས་རྩལ་དུ་བཏོན་ཕྱོགས་ཡིན་ནོ། །ལར་དམ་ཅན་སྲུང་མ་སྒྲུབ་ལུགས་ལ། དྲེགས་པ་ཁོ་རང་ཚོའི་སྔགས་རྒྱུད་ལ་བརྟེན་ནས་སྒྲུབ་པ་དང་། དེ་དག་གི་གཉེན་པོ་སྟོབས་ཀྱི་ལྷའི་རིག་སྔགས་ཁོ་ནས་ལས་ལ་འཁོལ་བ་གཉིས་ཚུལ་ཐ་དད་ཡིན་ལ། དྲེགས་པའི་བླ་རྟེན་འཛུགས་པ་དང་། གཟའ་ལ་ཨོལ་དགག །མ་མོ་ལ་ཤི་ས་བསྟན་པ།

― TN03_Page_1151 ―

^{[མ་དཔེ་གཟིགས་ན་འདིར་གནོན།]}

(༧༡༢)བཙན་ལ་སེ་ལོང་སོགས་དགོས་པའང་སྔ་མའི་ལུགས་ཡིན་གྱི། ཕྱི་མ་ལ་ནི་ཡེ་ཤེས་ལྷའི་བསྙེན་སྒྲུབ་ལས་སུ་རུང་བ་གཅིག་པུས་ཆོག་གོ །འདི་ལྟར་དྲེགས་པ་ཁོ་རང་ཚོའི་སྔགས་རྒྱུད་ན་དྲེགས་པ་དེ་དག་ཉིད་ཀྱི་སྐྱེ་རྒྱུད། རིག་སྔགས། བླ་རྟེན། མཐུན་རྫས། གནད་དབབ། ལོག་གནོན། དེ་ཉིད་སོགས་ཇི་སྙེད་ཅིག་འཆད་པ་དང་། གཉེན་པོ་ཡེ་ཤེས་ལྷའི་རྒྱུད་ན་དེ་གཙོ་བོར་མི་སྟོན་པར་ཧེ་རུ་ཀ་ཉིད་ཀྱི་རིག་སྔགས། ཆོ་ག །དེ་ཉིད། དེའི་སྒོ་ཁོ་ནས་དྲེགས་པ་དབང་དུ་བྱ་བ་ལ་སོགས་པའི་དངོས་གྲུབ་སྒྲུབ་ཚུལ་སོགས་རྒྱ་ཆེར་འབྱུང་བ་ནི་ཆེས་འཐད་པ་ཡིན་ནོ། །དེ་བས་ན་འདིར་དབང་ཕྱུག་མའི་བསྙེན་ཐབས་ཉུང་ཆེས་སོ་སྙམ་དུ་མི་བསམ་སྟེ། གོང་ནོན་གྱི་སྔགས་ཁོ་ནས་ཆིག་ཆོད་བྱེད་པ་ཡིན་པའི་ཕྱིར་རོ། །གཉིས་པ་ནི། སྤྱི་ཛབ་བཞི་འབུམ་བཟླ་སྐབས་དབང་མོ་རྣམས་ཀྱི་ཐུགས་ཀར་ཉི་གདན་ལ་བྷྱོ་ཡིག་རེའི་མཐར་རུ་ལུས་བསྐོར་བ་གསལ་བཏབ་སྟེ། བདག་གི་ཐུགས་ཀའི་འོད་ཀྱིས་ཕོག་པས་དགྱེས་པ་བསྐྱེད་ཅིང་། ཐུགས་རྒྱུད་བསྐུལ། དངོས་གྲུབ་ཐམས་ཅད་འོད་ཟེར་གྱི་རྣམ་པར་བདག་གི་ཐུགས་ལ་བསྡུ་བའི་དམིགས་རིམ་དགོས་པས། དེར་དབང་ཕྱུག་བསྙེན་སྒྲུབ་ཀྱི་གནད་ཚང་བར་འགྱུར་མོད། ད་དུང་ཟུར་དུ་ཡང་ཟློ་བར་སྤྲོ་ན། ཁྲག་ཐུང་སྤྱི་ཛབ་ཏུ་བྱས་ནས་བཟླས་པ་འཁྱོལ་རྗེས་དེར། སླར་ཡང་རུ་ལུ་ཉིད་དབང་མོའི་སྒོས་ཛབ་ཏུ་བྱས་ནས་འབུམ་ཕྲག་སོགས་ཅི་རིགས་

― TN03_Page_1152 ―

^{[མ་དཔེ་གཟིགས་ན་འདིར་གནོན།]}

(༧༡༣)བཟླ་བར་རུང་ངམ་སྙམ་སྟེ་རུ་ལུ་འཇིག་རྟེན་པའི་སྒྲུབ་པ་ཟེར་བ་བཞིན་ནོ། །རུ་ལུ་ནི་དམ་ཅན་འབོད་རྦད་ཀྱི་སྔགས་གཉིས་ཀར་འཁྱེར་ཆོག་ཅིང་ཕོ་ཉའི་ཛབ་ཏུ་རིལ་གྱིས་སྦྱོར་ནའང་བཏུབ་པ་ནི་རུ་ལུའི་རྣམ་བཤད་རྣམས་སུ་ཤེས་སོ། །ལྷག་མའི་གཏོར་བསྔོ་ནི་དེ་གཉིས་ཀའི་ལུགས་སོ། །དེ་ལ་རྟ་སྔགས་ཀྱིས་དབང་དུ་བྱ་བའི་དུས་སུ་ནི་དབང་མོ་ཉེར་བརྒྱད་དུ་མ་ཟད་གཏོར་ཟློག་ལས། འཁོར་འདས་མ་ངེས་སྡེ་བརྒྱད་དྲེགས་པའི་ཚོགས༔ ཞེས་པ་རྣམས་ཀྱང་སྦྱར་དགོས་ལ། དམ་ཅན་རང་གི་སྔགས་ཟློ་བ་ན་ནི་དབང་ཕྱུག་མའི་ཛབ་ལས་གཞན་བཟླ་བར་མ་བཤད་དེ། དཀྱིལ་འཁོར་འདིའི་རྩ་བའི་ལྷ་ནི་དེ་བརྒྱད་དུ་ངེས་པར་ཛབ་ཀྱང་དེའི་དབང་དུ་མཛད་པའི་ཕྱིར་ཏེ། མགྲོན་ཐབས་ཀྱི་ལྷ་རབ་འབྱམས་གསུངས་པ་ཡང་རྩ་བའི་ལྷ་གྲངས་མ་ཡིན་པའི་རྒྱུ་མཚན་གྱིས་རྭ་སྤྲོད་རྒྱུའི་ཛབ་མ་གསུངས་པ་བཞིན་ནོ། །དེ་ཡི་དགོས་པ་ཅི་ཡང་རུང་། །མ་ལུས་རྫོགས་པར་བདག་ཅག་སྒྲུབ། །ཅེས་རྣལ་འབྱོར་པའི་དངོས་གྲུབ་ཀྱི་དགོས་པ་ཅི་དང་ཅི་ཡང་སྒྲུབ་པ་དང་། མ་ལུས་པར་སྒྲུབ་པ་དང་། རྫོགས་པར་སྒྲུབ་པར་འབུར་དོད་དུ་གསུངས་པས་ཡིད་བཞིན་གྱི་ནོར་བུ་ལྟ་བུར་བཟུང་ངོ་། །ཐུན་མཐའི་བསྡུའི་སྐབས་དབང་མོ་རྣམས་ཀྱང་གཙོ་བོའི་ཐུགས་སྲོག་ལ་འཇུག་པར་བྱེད་པ་ནི་དམ་ཅན་ནམ་ཡང་གཞན་དུ་མི་གཡོ་བར་བྱེད་པའམ་རང་དང་འབྲལ་བ་མེད་པར་བྱེད་པའི་གནད་ཟབ་པའོ། ༈ །

― TN03_Page_1153 ―

^{[མ་དཔེ་གཟིགས་ན་འདིར་གནོན།]}

(༧༡༤)རྡོ་རྗེ་དཔལ་ཆེན་དུ། དབང་ཕྱུག་ལ་སོགས་བྱེད་པོར་ཁས་འཆེས་ཀྱང་། །དེ་ཉིད་དངོས་པོར་ལྟ་བས་བྱེད་མི་ནུས། ཁྱེད་ནི་སྒྱུ་མའི་ཆོས་ལ་མངའ་བརྙེས་པས། །སྒྱུ་མའི་རང་བཞིན་ཅི་ཡང་གྲུབ་པར་མཛོད། ༈ །དམ་ཚིག་ཉམས་པ་ལ་སོགས་ཉེས་པ་རྣམས། །ཚེ་རབས་འདི་ལ་ཉམས་སུ་མྱོང་གྱུར་པ། །ཆོས་དབྱིངས་འགྲོ་དོན་བདག་གིས་རྟོགས་བར་དུ། །ཆོས་ལ་དབང་སྒྱུར་ཁྱེད་ཀྱིས་ཟློག་ཏུ་གསོལ། །ཞེས་ཏེ་བསྟན་དང་བསྟན་འཛིན་སྲུང་སྐྱོབ་སྦེད་གསུམ་བྱེད་པའི། ཆོས་ཀྱི་དབྱིངས་ཀུན་ཏུ་འགྲོ་བའི་དོན་དུ་རྟོགས་པའི་ས་རབ་ཏུ་དགའ་བ་བདག་གིས་རྟོགས་པ་སྟེ་ཐོབ་ཀྱི་བར་དུ། ཞེས་པར་སྣང་། བྱ་བ་ལ་འདོད་དགུར་དབང་བསྒྱུར་ནུས་པའི་སྲུང་མ་དེ་ལས་ཀྱིས་མཐུ་བོ་ཆེར་སྐྱེས་པ་ཙམ་མིན་པར་ཤེས་རབ་ཀྱི་ཕ་རོལ་ཏུ་ཕྱིན་པ་ལས་སྐྱེས་པའི་མངོན་ཤེས་ཀྱི་མཐུས་དབང་བཅུའི་དབང་ལ་མངའ་བསྒྱུར་བ་ཞིག་དགོས་སོ། ༈ །རྡོ་རྗེའི་སྲིན་མོ་འདི་དག་ནི་རྣལ་འབྱོར་བླ་མེད་ཀྱི་དགེ་འདུན་དཀོན་མཆོག་ཡིན་པའི་ཕྱིར་འདི་དག་གིས་ཕྲིན་ལས་གང་བསྒྲུབ་ཀྱང་དངོས་སམ་བརྒྱུད་ནས་བྱང་ཆུབ་སྒྲུབ་པའི་མཐུན་རྐྱེན་གྱི་ཕྱོགས་འབའ་ཞིག་ཏུ་འགྲོ་ལ། དེའི་ཚུལ་གྱིས་བྱང་ཆུབ་སྙིང་པོའི་བར་གྱི་ཚེ་རབས་ཐམས་ཅད་དུ་ལམ་བཟང་སྒྲུབ་པའི་འགལ་རྐྱེན་འགོག་ཅིང་སེལ་བ་དང་། མཐུན་རྐྱེན་སྒྲུབ་ཅིང་སྤེལ་བར་ནུས་པ་ཡིན་ཏེ། །དྲེགས་པ་ཐ་མལ་པ་ལ་དེ་ལྟ་བུ་མེད་དོ། །འདིར་བསྟན་

― TN03_Page_1154 ―

^{[མ་དཔེ་གཟིགས་ན་འདིར་གནོན།]}

(༧༡༥)པ་སྤྱིའི་ལུགས་ཀྱིས་དགེ་འདུན་དཀོན་མཆོག་ལ་སྟོན་པ་ལམ་གྲོགས་ཞེས་པའི་གྲོགས་སུ་འཇོག་ཚུལ་དང་། སོ་སྐྱེའི་སར་དགེ་འདུན་དཀོན་མཆོག་མི་འཇོག་པའང་དེའི་རྒྱུ་མཚན་གྱིས་ཡིན་ཚུལ་རྣམས་དྲན་དགོས་སོ། །དེ་ལྟར་ན་འདི་དག་ལ་སྡོང་པོ་བཀོད་པ་ལས་གསུངས་པའི་མཚན་མོའི་ལྷ་མོ་སྐྲ་རྒྱ་མཚོ་རབ་ཏུ་ཞི་བ་དང་ལྡན་པ་སོགས་དང་། ལྷ་མོ་བརྟན་མ་ལ་སོགས་པ་ལྟ་བུའི་འདུ་ཤེས་ཙམ་ཡང་མེད་ན། ཐེག་ཆེན་ཐུན་མོང་བའི་རྣམ་ཐར་གྱི་གསང་བ་ཙམ་ཡང་མ་ཤར་བར་ཟད་དོ། །དེའི་ཕྱིར་དངོས་པོའི་གནས་ཚོད་གཅིག་པུས་མི་ཆོག་གི །བློའི་འཆར་ཚུལ་ལ་ལས་ཀྱི་སྲིན་མོའི་རྣམ་པ་ཅན་མ་ཡིན་པར། ཐུན་མོང་མ་ཡིན་པའི་དགེ་འདུན་དཀོན་མཆོག་ཁོ་ནར་བལྟ་དགོས་ཏེ། དེ་ལྟར་བལྟས་ན་དགེ་འདུན་དཀོན་མཆོག་གི་ཕྲིན་ལས་འབྱུང་གི །སངས་རྒྱས་ལ་ཡང་ཐ་མལ་པར་བལྟས་ན་སངས་རྒྱས་ཀྱི་བྱིན་རླབས་མི་འབྱུང་བའི་ཕྱིར་ཏེ། དབང་ཕྱུག་ལྷར་འཛིན་པའི་མུ་སྟེགས་ཅན་ལ་འཇིག་རྟེན་དབང་ཕྱུག་གི་བྱིན་རླབ་དངོས་མི་འབྱུང་བ་བཞིན་ནོ། །འདི་དག་དཔལ་ཧེ་རུ་ཀས་གསང་སྔགས་སྙིང་པོའི་བསྟན་སྲུང་དུ་བསྐོས་ཤིང་བྱིན་གྱིས་བརླབས་པ་ཡིན་པས། རང་རེ་རྣམས་ཀྱིས་ཀྱང་བདེ་ལེགས་ཀྱི་རྩ་བ་སངས་རྒྱས་ཀྱི་བསྟན་པ་ཡིན་ཚུལ་དང་། བསྟན་པའི་སྙིང་པོ་གསང་སྔགས་འབྲས་བུའི་ཐེག་པ་ཡིན་ཚུལ། དེའི་ཕྱིར་རང་གཞན་གྱི་མངོན་མཐོ་ངེས་ལེགས་ཀྱི་དོན་ཐམས་ཅད་

― TN03_Page_1155 ―

^{[མ་དཔེ་གཟིགས་ན་འདིར་གནོན།]}

(༧༡༦)དེ་ཁོ་ན་ལས་དངོས་བརྒྱུད་ཅི་རིགས་ཀྱིས་འབྱུང་བའི་ཚུལ་རྣམས་ཞིབ་ཏུ་ཤེས་པར་བྱས་ལ། དེ་འདྲ་བའི་བསྟན་པ་དེ་སྲུང་བ་དང་། བརྟན་པའི་དོན་བྱ་བའི་ཆེད་ཁོ་ནར་དམིགས་ནས་བསྒྲུབ་ན་ཤིན་ཏུ་སྒྲུབ་སླ་ཞིང་རྣོ་ལ་ལས་མྱུར། ཤིས་ལ་ཚན་ཆེ་བ་ཡིན་ནོ། །ལྷག་པར་མཐའ་བཟང་ལ་བློ་གཏད་ཐུབ་པ་ཞེ་གཙང་བ་འབྱུང་ངོ། ༈ སྡེ་བརྒྱད་ཐམས་ཅད་སྦྲུལ་གྱི་རྣམ་པར་རྣམ་ཐར་ཞབས་བརྒྱད་ཀྱིས་ལྗིད་ཕབ་སྟེ་བརྫིས་ཤིང་བཟུང་བས་ནི་རྡོ་རྗེའི་ཕ་བོང་རི་བོ་ལྟ་བུའི་ཞབས་སུ་ཤོར་བའི་རྡོ་ལེབ་གཞན་གྱིས་འཐེན་མི་ནུས་པ་ལྟར། སྡེ་བརྒྱད་དེ་དག་སྔགས་པ་རང་གི་ཞབས་འོག་ནས་གཞན་གྱིས་དགུག་ཅིང་འཕྲོགས་མི་ནུས་པའམ། བྲལ་མི་ནུས་པ་སྟེ། བརྟན་པོར་དབང་དུ་གྱུར་པའོ། །དེས་ནི་འཇིག་རྟེན་གསུམ་དབང་དུ་བྱ་བའང་འཐོན་ཏེ། འཇིག་རྟེན་གསུམ་གྱི་བདག་པོ་ནི་སྡེ་བརྒྱད་དེ་དག་ཡིན་པའི་ཕྱིར་རོ། །དེ་དག་རྗེ་ཉིད་ནས་ཟིན་ཐོ་ལྟ་བུར་བཏབ་ཡོད་པ་རྣམས་གཞན་དུ་འཁྱར་གྱི་དོགས་ནས་རྗེས་འཇུག་འགའ་ཞིག་གིས་ཕྱོགས་གཅིག་ཏུ་བསྒྲིག་ཁུར་བྱས་ཏེ་ཕྱག་བྲིས་ཇི་ལྟ་བཞིན་བཅོས་བསླད་མེད་པར་སྤར་དུ་བསྐྲུན་པ་དགེ་ལེགས་འཕེལ། ༈ འཕྲུལ་ཆེན་སྤར་གྱི་ལྗོན་ཤིང་རྒྱས་པའི་རྩེར། །ལེགས་བཤད་མེ་ཏོག་འབྲས་མང་ཆགས་པ་འདི། །ཀུན་མཁྱེན་བསྟན་པའི་སྐྱེད་ཚལ་རྒྱན་གྱུར་ཏེ། །སྐལ་བཟང་སྐྱེ་བོའི་བྱ་ཚོགས་དགའ་བྱེད་ཤོག ་ཤུ་བྷཾ་མསྟུ་སརྦ་ཛ་ག་ཏཾ།། །།

― TN03_Page_1156 ―

^{[མ་དཔེ་གཟིགས་ན་འདིར་གནོན།]}

(༧༠༡)དཀྱིལ་གྱི་སྐྱེད་ཡུམ་དུ་བརླབས་པ་ནས་འཇིག་རྟེན་ལས་འདས་པའི་དངོས་གྲུབ་སྩོལ་བ་ལ་ཡང་དབང་བ་ཡིན་ནོ། །མ་མོའི་གསོ་བ་ལྷག་པར་མཁོ་བས་འདི་ལྟར། ཡུལ་ལ་མི་འཕོ་བའི་ལྷན་སྐྱེས་ཀྱི་དགའ་བའི་བཅུད་ཀྱིས་རྒས་པ་དང་ན་བ་དང་ཤི་བ་གསོ། བརྗེད་ངས་ཆེ་བ་ལ་རྣམ་གཡེངས་མེད་པའི་བདེ་སྟོང་གི་ཏིང་ངེ་འཛིན་བརྟན་པོས་དྲན་པ་གསོ། དབྱིངས་རིག་གི་སྣང་བ་རབ་རིབ་མེད་པས་ཤེས་རབ་གསོ། ཐ་མལ་པའི་སྣང་ཞེན་གྱི་དམེ་བ་བསང་བྱེད་བདེ་སྟོང་མི་ཕྱེད་པའི་གཙང་སྦྲས་གྲིབ་ཅན་གསོ། རྡོ་རྗེ་གསུམ་གྱི་དམ་ཚིག་ལ་དྲན་པ་རྟག་ཏུ་གནས་པའི་ཡེ་སྲུང་ཆེན་པོའི་དམ་ཚིག་གི་བདེ་བའི་བདུད་རྩིས་དམ་ཚིག་ཉམས་ཆག་གསོ། དེ་ཐམས་ཅད་ཐུགས་རྗེ་ཆེན་པོའི་ནུས་པ་ཡོངས་སུ་སྨིན་པའི་བདེ་བའམ་རང་རིག་བྱང་ཆུབ་ཀྱི་སེམས་ཀྱིས་བྱེད་དེ། མ་མོའི་རྒྱུད་ཚིག་ལ་ཅུང་ཟད་དཔྱད་ནས་བློ་རྟེན་བྲིས། སྒྲུབ་སྡེའི་སྐོར་དུ། མ་མོ་གྲུབ་ཀྱང་ལས་འགྱང་བས་ཤིས་བསྟན་པ་གཅེས་ཞེས་དང་། མ་མོ་དབང་དུ་བསྡུ་བའི་གནད་ཀྱིས་བསྒྲུབ་ན་འགྲུབ། གནད་དེ་མེད་ན་གཟའ་དཔོན་མེད་པའི་བྱི་མོ་དང་འདྲ་སྟེ་འཁུ་ལྡོག་མང་ཞིང་ལས་ལ་གཡེལ་ཞེས་གསུངས་ཤིང་། མ་མོ་རྦོད་གཏོང་སྐབས། མ་མོ་ཐམས་ཅད་སྟན་དུ་འདིང་བ་དང་སྙིང་ཁྲག་དྲང་བ་ལ་སོགས་པའི་སྒྲུབ་ལུགས་དང་། ལས་ལ་རྦོད་སྐབས། འགྱང་ན་སྲོག་ཡིག་དཀྲུགས་པ་སོགས་མང་དུ་བཤད་པའང་ཡིན་ནོ། །དེའི་དོན་ནི་འདིར་ཡང་ཡོད་དེ། རྟ་སྐད་

― TN03_Page_1157 ―

^{[མ་དཔེ་གཟིགས་ན་འདིར་གནོན།]}

(༧༠༢)ཀྱི་དགོངས་པས་མ་མོ་མཁའ་འགྲོའི་སྲོག་གཅུན་པ་ཉིད་གནད་དབབ་མཐར་ཐུག་ཏུ་འགྲོ་ཚུལ་ཡོད་པའི་ཕྱིར་ཏེ། བདེ་འདུས་བཀའ་སྒོ་ལས། ཕྱིའི་མ་མོ་མ་ཤེས་ན་ལས་མི་འགྲུབ། དེ་ཤེས་ཀྱང་ཕྱིའི་དང་ནང་གསལ་གྱི་མ་མོ་གཉིས་མེད་དུ་ཤེས་པའི་སྒོ་ནས་ཕྱི་ནང་གསང་བའི་མ་མོ་སྲེ་མི་ཤེས་ན་མ་མོ་དམ་ལ་མི་འདུ་ཞིང་ལས་ལ་བཀོལ་དུ་མི་བཏུབ་པར་གསུངས་པའི་ཤུགས་ལས་མ་མོ་གསུམ་བསྲེའི་དགོངས་པ་དེ་མ་མོ་ལས་འཁོལ་གྱི་ཟབ་གནད་དུ་བསྟན་པ། །ཀློང་སྙིང་སོགས་ལས། དྲན་པ་རང་བྱུང་ཡེ་ཤེས་ནི༔ མ་མོ་འབུམ་གྱི་སྟོང་སྲོག་ཡིན༔ སོགས་སྟོང་སྲོག་འཕྲོགས་ཚུལ་བཤད་པ་དང་གཅིག་ཏུ་གཞོལ་ཞིང་། བདེ་འདུས་ལྡེ་མིག་གི་མ་མོའི་ཤིས་གསུམ་གྱི་སྐབས་སུའང་། གསང་བ་ལྟར་ན། རིག་པ་བྱང་ཆུབ་ཀྱི་སེམས་མ་མོའི་ཤི་སར་བཤད་ཡོད་དོ། །དེའང་མི་དབང་བཀའ་འབུམ་ལས། ལྷ་འདྲེ་རི་རབ་ཀྱི་ཞབས་སུ་མནན་པ་སོགས་ཀྱི་དགོངས་པ་བཤད་ཚུལ་ཟུར་ཐོ་ལྟར་དང་བསྒྲིགས་ན་གསལ་ལོ། །འོན་ཀྱང་འདི་འདྲ་རྣམས་ཚོན་བརྒྱར་ཉེ་བའི་ནོར་བུ་ཆུ་ཤེལ་ལྟར་སྟོང་སེམས་ཀྱིས་ཁ་བསྒྱུར་འགྲོ་བ་བྲོའི་ཟིན་ཐོ་ལྟར་ཡིན་པས་བདེ་སྟོང་གི་ཏིང་འཛིན་དེ་ཉིད་དྲེགས་པ་གཟིར་བའི་བསམ་པའི་དབང་གིས་གནད་གཟིར་དུ་འགྱུར་བ་འདྲ་སྟེ། འདི་དག་བསྙེན་རྫོགས་རྟོགས་པ་བརྟན་པའི་སྔགས་པའི་དབང་དུ་བྱས་སོ། །སྒྱུ་འཕྲུལ་ལེའུ་ཉི་ཤུ་པར། ལྷག་མའི་གཏོར་བསྔོ་དང་། དམ་བསྒྲགས། ཕྲིན་བཅོལ་ཏེ་འདི་གསུམ་

― TN03_Page_1158 ―

^{[མ་དཔེ་གཟིགས་ན་འདིར་གནོན།]}

(༧༠༣)གྱིས་དབང་མོ་རྣམས་འཁོར་བར་གསུངས་ཤིང་། ཐར་ལོ་འགྱུར་དུ། ཞེས་པ་ཁྲོ་བོའི་སྒྲུབ་ཐབས་ཀྱི། །ལས་རྣམས་ཀུན་ལ་བརྗོད་པར་བྱ། །ངེས་པར་གཙོ་བོ་འདི་ཡིན་ཏེ། །རྣམ་པ་གཞན་དུ་གདུལ་དཀའ་འགྱུར། །ཞེས་གསུངས། རྒྱུད་ཀྱི་དགོངས་པས་ལྷག་ཆོག་མིན་པའི་བཀའ་ཉན་གྱི་གཏོར་ཆོག་ཟུར་པ་མི་དགོས་པར་གསལ་བས། འདིར་ཡང་། ལྷག་མ་སངས་རྒྱས་མཉམ་སྦྱོར་དུ་ལྷག་ཆོག་དང་གཏོར་ཆོག་གཅིག་ཏུ་བྱས་ནས་གསུངས་པས་ཀྱང་ངེས་པ་སྟེར་རོ། །ཆད་བརྟན་རྣམས་ཀྱིས་གསོལ་ཀ་རྒྱས་པའི་གོ་ཆོད་པར་བཟུང་སྟེ། བསྟན་མའི་གསོལ་ཁ་ཟུར་པ་དང་། ཚོགས་མཆོད་སྐབས་ཀྱི་བརྟན་སྐྱོང་གཉིས་ལ་ཚིག་མང་ཉུང་ཙམ་མ་གཏོགས་ཁྱད་པར་མི་སྣང་བ་བཞིན་ནོ། །ལྷག་ཆོག་གི་སྐབས་འདིར་སྔོན་གྱི་ཆད་མདོའི་དབང་གིས་གཏོར་ལེན་དུ་ངེས་པར་འབྱོན་པས་དུས་གཞན་དང་མི་འདྲ་ཞིང་། དེ་བཞིན་གཤེགས་པའི་ཞལ་ཟས་ཀྱི་ལྷག་མ་དངོས་གྲུབ་ཆེན་པོའི་བགོ་སྐལ་དུ་ཤེས་ནས་གཏོར་མ་གཞན་དང་མི་འདྲ་བར་ངེས་པར་བཞེས་པ་ཡིན་ལ། བདེ་གཤེགས་ལྷག་མ་འདི་དག་ནི། །གསོལ་ཞིག་སྡིག་པ་བྱང་བར་འགྱུར། །ཞེས་པའི་རིགས་པ་ལྟར་ཧེ་རུ་ཀའི་ཕམ་ཕབ་ཀྱིས་དེ་དག་གི་གཟི་བརྗིད་དང་མཐུ་སྟོབས་ཆེས་ལྷག་པར་རྒྱས་པར་བྱེད་འདི་རྟ་མཆོག་རོལ་པའི་རྒྱུད་ལས་གསལ་བར་གསུངས། པས་ཀྱང་གཏོར་མ་གཞན་དང་མི་འདྲ་སྟེ་སྣང་ཚུལ་ཐུན་མོང་བའི་དབང་དུ་བྱས་དེས་ན་འདི་ཉིད་དཔལ་ལྡན་ཧེ་རུ་ཀ་རང་གིས་དབང་ཕྱུག་མའི་གཏོར་ཆོག་

― TN03_Page_1159 ―

^{[མ་དཔེ་གཟིགས་ན་འདིར་གནོན།]}

(༧༠༤)ཏུ་བྱིན་གྱིས་བརླབས་པའི་ཟབ་གནད་ཅན་ཡིན་པ་འདི་ངོ་ཤེས་པར་གྱིས་ལ་ཕྲིན་ལས་གང་དགོས་འདིའི་སྒྲོམ་ནས་འཚོལ་བྱང་གཏེར་མ་མོའི་ལས་རྫོགས་ལས། རང་གཞན་གྱི་ཚེ་སྲིང་བ་དང་། འཁོར་དང་ལོངས་སྤྱོད་སྤེལ་བ། སྲིའུ་གསོ་བ། དབབ་པ། བཅད་པ། སྲུང་བ། ཟློག་པ། མི་ཕྱུགས་ནད་ཡམ་གཅོད་པ། བར་ཆད་འདུལ་བ་དགྲ་བགེགས་སྒྲོལ་བ་གང་ཡིན་ཀྱང་གསོལ་མཆོད་ཀྱི་མཐར་བཅོལ་གཏད་བྱས་པ་ཁོ་ནས་འདོད་པ་ལྟར་འགྲུབ་པར་གསུངས་པ་དང་ཚུལ་མཚུངས། བ་དང་། ལྷག་གཏོར་བཟང་ལ་རྒྱ་ཆེ་བ་བཤམས་པ་སོགས་ལ་བརྩོན་པར་བྱའོ། །གྱེར་ཚིག་མང་བ་དང་རྔ་རྡུང་བ་ཙམ་ལ་ཞེན་པར་མི་བྱའོ། །ལྷག་མ་ཆད་ཐོ་གཉིས་ཀྱི་ཁྱད་ནི། ལྷག་མགྲོན་ནི། སྔོན་དཔལ་གྱིས་རུ་ཏྲ་འདུལ་དུས་ལག་ཏུ་རྡོ་རྗེ་བྱིན་ནས་མིང་བཏགས་ཏེ་དལ་གྱི་ཕྱི་ཁྱམས་ལ་བཀོད་པ་ལྟར། ཧེ་རུ་ཀའི་གྲོང་ཁྱེར་གྱི་མཐའ་ན་རྒྱུན་དུ་གནས་ནས་དེ་བཞིན་གཤེགས་པའི་གསོལ་ལྷག་སྡུད་པ་རྣམས་ཡིན་ཅིང་། ཆད་ཐོའི་མགྲོན་ལ། གསང་རྫོགས་སོགས་ལས་ཀཻ་སེར་དབང་མོ་སོགས་ནས་གཏེར་སྲུང་གཞི་བདག་བར་ཀུན་བཤད་པས། བཀའ་སྲུང་། གཏེར་སྲུང་ཐུན་མོང་དུ་ཆད་ཐོ་བརྗོད་པར་སྣང་བས། དཀྱིལ་འཁོར་གྱི་མཐའ་ན་རྟག་ཆགས་ཡིན་མིན་ཀུན་ཡོད་དམ་དཔྱོད། ཐོ་ནི་ཟུར་ཆག་པ་སྟེ་ཆད་མདོ་ཞེས་པ་ཡིན་ལ། །དེའང་ཆད་མཚམས་ཀྱི་མདོ་འགག་ཅེས་པ་སྟེ། རྒྱལ་བ་དང་རིག་འཛིན་གོང་མའི་སྤྱན་སྔར་བརྒྱུད་འཛིན་སྐྱོང་བར་ཆད་ཞུས་པའི་ཆད་མཚམས་ཡོད་པ་དེབསྒྲགས་ཤིང་སྐུལ་བ། དཔེར་ན་ཕ་མེས་གོང་མའི་བརྩེ་གྲོགས་

― TN03_Page_1160 ―

^{[མ་དཔེ་གཟིགས་ན་འདིར་གནོན།]}

(༧༠༥)འདིས་གཞུང་ཅན་ལ་སྔོན་རབས་ཀྱི་རྒྱུས་བརྗོད་ནས་མཛའ་བའི་འཕྲོ་མཐུད་པ་ལྟ་བུ་ཡིན་པས་ན་ཆད་མདོ་མཐུད་པ་ཟེར། དེ་ལྟར་ཆད་བརྗོད་པ་ལ་ནི། གཏོར་མགྲོན་དུ་ངེས་པར་གཤེགས་པ་དང་། ཐུགས་ཆགས་ཤིང་དུང་བས་བགོ་བ་ཉན་པའི་དགོས་ཆེད་གཉིས་ཀ་ཡོད་དེ། །གསང་རྫོགས་དང་། ཀུན་མཁྱེན་ཆོས་རྗེའི་ཞི་ཁྲོའི་སྒྲུབ་དཀྱིལ་རིན་གཏེར་སོགས་ལས། བཀའ་ཡི་གཏོར་མ་ལེན་པར་མ་ཆད་དམ༔ རྣལ་འབྱོར་ཚེ་སྲོག་སྲིང་བར་མ་ཆད་དམ༔ བཅོལ་པའི་ཕྲིན་ལས་མཛད་པར་མ་ཆད་དམ༔ ཞེས་སོ། །འོ་ན་དབང་མོ་དང་ཌཱཀྐི་སོ་གཉིས་སོགས་ལ་ལྟོས་ན་ལྷག་མ་དང་ཆད་གཏོར་མི་ཟློས་སམ་ཞེ་ན། དེར་ཡང་ལྷག་ཆོག་ནི་ཧེ་རུ་ཀའི་བཀས་བཅད་ཀྱི་སྲོལ་དཀྱུས་མ་བརྐྱང་བ་ཡིན་ཅིང་། ཆད་ཐོ་ནི། ད་དུང་དེ་ལས་ཟུར་དུ་སྔོན་གྱི་ཐ་ཚིག་རིམ་གསུམ་རྒྱས་པར་གླེང་ནས་ལས་འཆོལ་བའི་ཕྱིར། གཏོར་མ་ཟུར་པ་ཕུལ་ཏེ། སྔར་ལྷག་ཆོག་གིས་ཐུགས་ཉེ་བར་བྱས་པ་དེ་དན་བརླིང་དུ་བྱེད་པ་སྟེ། ཉེ་བའི་ནང་ནས་དགོས་མཛའ་ལྟ་བུར་དགོངས་པའི་ཆེད་དོ། །བདེ་འདུས་པྲ་ཁྲིད་ལས། ནང་གི་ཆོས་སྐྱོང་ལྷག་མགྲོན་དང་ཕྱིའི་ཆོས་སྐྱོང་བརྟན་མ་ཞེས་བཤད་དེ། ནང་གི་དོན་གོང་བཤད་ལྟར་བྱའམ་དཔྱད། མདོ་ཚོགས་ཆེན་ཧེ་རུ་ཀ་གལྤོའི་དགོངས་པ་ལྟར། འདུས་པའི་སྒྱུ་འཕྲུལ་ཁྲོ་བོ་དང་ལྷག་ཆོག་ཏུ། ལྷག་ཕུད་ཀྱི་མཁའ་འགྲོ་དམ་ཅན་རྣམས་བཀུག་ནས། རྟ་གདོང་གི་ཕྱག་རྒྱ་སྤྱི་བོར་བཞག་སྟེ། ཧྲཱིཿཔདྨ་བ་ཌ་སོགས་ནས། ཧ་ཧ་ཧི་ཧི།

― TN03_Page_1161 ―

^{[མ་དཔེ་གཟིགས་ན་འདིར་གནོན།]}

(༧༠༦)ཞེས་དབང་དུ་བསྡུས་ནས་བཀའ་ནོད་དུ་གཞུག་པར་བཤད་པ་དང་། ལྷ་ཆེན་དབང་ཕྱུག་ཆེན་པོ་དང་། ཚོགས་བདག་གླང་པོ་གདོང་། འདོད་ཁམས་དབང་མོ་རེ་མ་ཏི་རྗེ་འབངས་གཉིས། བེ་ཧར། རྡོར་ལེགས། ཡང་ལེ་བེར་སོགས་དྲེགས་པའི་དབང་ཕྱུག་རྣམས་ཀྱི་སྐྱེ་རྒྱུད་ན། དཔལ་རྟ་མཆོག་རྒྱལ་པོར་སྲོག་སྙིང་ཕུལ་བ་དང་། བྲན་དུ་ཁས་བླངས་པ་དང་། རྡོ་རྗེའི་མིང་ནོད་པ་སོགས་རྒྱ་ཆེར་བཤད་པ་དང་། པདྨའི་མན་ངག་གསེར་ཕྲེང་དུ། དྲེགས་པའི་རིགས་སོ་སོ་ལ་གཉེན་པོ་སྟོབས་ཀྱི་ལྷ་གཤིན་རྗེ་གཤེད་སོགས་སོ་སོ་བསྔགས་པ་ན། རྣམ་དབྱེ་མེད་པར་དྲེགས་པ་ཅན་ཕོ་རྒྱུད་མོ་རྒྱུད་ཀྱི་རིགས་མཐའ་དག་འདུལ་བའི་ལྷར་ཁྱད་པར་དུ་བསྔགས་པ་ནི་པདྨ་དབང་ཆེན་ཡིན་པར་བཤད་པ་དང་། མཁའ་འགྲོ་ཆེན་མོ་ལས། སངས་རྒྱས་འོད་དཔག་མེད་ཀྱིས། འཇིག་རྟེན་གྱི་དྲེགས་པ་ཅན་ལྷ་མ་སྲིན་སྡེ་བརྒྱད་དང་༔ ཁྱད་པར་དུ་མ་མོ་དང་མཁའ་འགྲོ་མ་གདུལ་བའི་ཕྱིར་དཔལ་རྟ་མགྲིན་དུ་སྤྲུལ་ཏེ༔ ཁམས་གསུམ་དབང་བསྡུས་སོ༔ ཞེས་སོ། །གུ་རུ་རིན་པོ་ཆེ་ལ་མཁའ་འགྲོ་མ་ཀུན་དགའ་མོས་ལྷ་སྲིན་སྡེ་བརྒྱད་འདུལ་བའི་མཐུ་དབང་རྟ་མགྲིན་གྱི་སྒོ་ནས་སྩལ་བར་གསུངས་པ་ལ་སོགས་པས་ལྷ་འདིའི་ཛཔྲ་དགོངས་སུ། དམ་ཅན་ཕོ་ཉ་ལས་ལ་བསྐུལ༔ ཞེས་པ་ལ་ངེས་ཤེས་སྐྱེད་དོ། །ཨོ་རྒྱན་གླིང་པའི་བཀའ་འདུས་ཆེན་མོ་ལས། །གདུལ་བྱ་རུ་ཏྲ་དྲག་པོ་འདུལ་བའི་ཕྱིར༔ རྟ་ཕག་ཡབ་ཡུམ་རྔམས་པའི་ཆོ་འཕྲུལ་གྱིས༔ ཀེ་སེང་ཕྲ་མེན་དབང་ཕྱུག་བྲན་དུ་བཀོལ༔

― TN03_Page_1162 ―

^{[མ་དཔེ་གཟིགས་ན་འདིར་གནོན།]}

(༧༠༧)ཞེས་གསུངས་ཏེ། རུ་ཏྲ་འཁོར་བཅས་འདུལ་མཁན་རྟ་ཕག་ཏུ་བཤད་པ་གཞན་ཚུལ་འདི་རྒྱས་པར་སྟོན་པ་ནི་སྤྱི་མདོ་དགོངས་འདུས་ཡིན་ཏེ། བཀའ་ཐང་ཤེལ་བྲག་མ་སོགས་ཀྱང་དེའི་རྗེས་སུ་འབྲང་བར་སྣང་ངོ་། །ཡང་མང་ངོ་། །རྟ་མཆོག་རོལ་པའི་རྒྱུད་ཀྱི་བཅུ་དྲུག་པར་རྟ་མགྲིན་གྱིས་རུ་ཏྲ་བཏུལ། དབང་མོ་རྣམས་དབང་དུ་བསྡུས་པའི་ཚེ། དྲེགས་པ་ཅན་རྣམས་བསྒྲལ་བའི་ཤ་ཁྲག་རུས་པ་རྟ་མཆོག་རྒྱལ་པོ་ཉིད་ཀྱིས་གསོལ་བའི་ཞལ་ལྷག་རྣམས་བདུད་རྩིར་བརླབས་ནས་དབང་ཕྱུག་མའི་ཚོགས་ལ་བྱིན་པས། དེ་རྣམས་སྔོན་པས་ཀྱང་ཆེས་ཆེར་མཐུ་སྐྱེས་ཤིང་། གཟུགས་གཞན་གྱི་བལྟར་མི་སྣང་བ་དང་། སྣ་ཚོགས་ཀྱི་གཟུགས་ཀྱི་རྣམ་པར་སྣང་བའི་རྫུ་འཕྲུལ་ཐོགས་པ་མེད་པར་གྱུར་ཏེ། བྷྱོ་བཟློག་ལས་ཀྱི་ཕོ་ཉ་སྐོས་ལ་བཏབ་པར་གསུངས་པ། རྟ་མགྲིན་དྲེགས་སྒྲོལ་ལས། དབང་གི་ལྷ་མོ་དབང་ཕྱུག་ཉི་ཤུ་བརྒྱད༔ ལོང་བ་རྒྱབ་སྦྲེལ་རོ་བཤལ་སྦྱང་མོ་དང་༔ དྲ་བ་ཅན་དང་གློག་འགྱུ་མ་མོའི་ཚོགས༔ ཟ་བྱེད་ལྕགས་ཀྱི་ཁྱི་སྟེ་རྐང་གསུམ་སོགས༔ པདྨ་དབང་ཆེན་ལྷ་རྒྱུད་ཐུགས་དམ་ཅན༔ ཞེས་གསུངས་ཤིང་། དེའི་ལྷག་ཆོག་ཆེན་མོར། །དབང་མོ་རྣམས་གསེར་གྱི་སེང་གེའི་གཟུགས་ཀྱིས་རྟ་མགྲིན་གྱི་གདན་དུ་བཞུགས་ཚུལ་རྟ་མཆོག་རོལ་པའི་རྒྱུད་ལྟར་རྒྱ་ཆེར་གསུངས། འདི་དག་གིས་དབང་ཕྱུག་ཉེར་བརྒྱད་རྟ་མགྲིན་གྱི་ཕོ་ཉར་དགོས་སུ་བསྔགས་པའང་ཤེས་ནུས། །

― TN03_Page_1163 ―

^{[མ་དཔེ་གཟིགས་ན་འདིར་གནོན།]}

(༧༠༨)འདི་དག་གི་ནང་ནས་ཚངས་མ་དང་། ཡིད་འཕྲོགས་མ་སོགས་ས་བླ་བ་དང་། རླུང་ལྷ་མོ་དང་། བུམ་སྣ་མོ་སོགས་ས་སྟེང་པ་དང་། ཕག་ཆེན་མོ་དང་། ཆུ་ལྷ་མོ་སོགས་ས་འོག་གི་འཇིག་རྟེན་ལ་དབང་བྱེད་པ་སྟེ། འདི་དག་དབང་དུ་འདུས་ན་འཇིག་རྟེན་གསུམ་གྱི་གཙོ་མོ་རྣམས་ལས་ལ་ཁོལ་བ་ཡིན་པས། ས་གསུམ་གྱི་དབང་ཕྱུག་བརྙེས་པ་ཞེས་བྱ་བ་ཡིན་ནོ། །རྟ་རྒྱུད་རྣམས་སུ་དབང་གི་རྟ་སྐད་སྟོན་པ་ན་མི་དབང་སྡུད་རྩལ་དུ་བཏོན་ནས་མ་བཤད་ཀྱི། དྲེགས་པ་སྡེ་བརྒྱད་དང་ཁྱད་པར་དུ་མ་མོ་མཁའ་འགྲོའི་འཇིག་རྟེན་ལ་དབང་སྒྱུར་ཚུལ་འབའ་ཞིག་རྒྱ་ཆེར་གསུངས་ཏེ། མིའི་རྒྱལ་སྲིད་ཆེ་ཤོས་འཁོར་སྒྱུར་ལྟ་བུ་ནི་རྩོད་ལྡན་གྱི་དུས་མཐར་སྒྲུབ་ཏུ་ཡང་མེད་ལ། དངོས་གྲུབ་ཀྱི་འབྱོར་པ་ཤིན་ཏུ་རྒྱ་ཆེ་བའི་རྒྱལ་སྲིད་ནི་མི་མ་ཡིན་གྱི་རྒྱལ་སྲིད་ཡིན་ནོ། །དམ་ཅན་བྲན་དུ་ཁོལ་བ་ལའང་རླབས་ཆེ་ཆུང་གི་རིམ་པ་མང་པོ་ཡོད་དོ། །སྔགས་ཕྱི་རྒྱུད་དུའང་འཇིག་རྟེན་གསུམ་གྱི་རྒྱལ་སྲིད་སྒྲུབ་ཚུལ་གསུངས་མོད་ཀྱི། དེ་དག་ཏུ་མན་ངག་གི་སྙིང་པོ་ལྷན་སྐྱེས་ཡེ་ཤེས་ཀྱི་རྟ་སྐད་མ་བསྟན་པས། འདི་ཁོ་ན་མཆོག་ཏུ་གྱུར་པ་ཡིན་ནོ། ༈ །བཀའ་མ་རྫོང་འཕྲང་ལས། འཇིག་རྟེན་ལས་འདས་པའི་སྒྲུབ་སྡེ་ལྔ་པོ་སྒྲུབ་ཚུལ་ལ། བཟླས་པའི་སྐབས་ལ་བབས་པ་ན། བུདྡྷ་ཧེ་རུ་ཀ་གཤིན་རྗེ་གཤེད་དུ་བསྒྱུར་ནས་ཚེ་སྒྲུབ་ཀྱི་བཟླས་པ་ནས། ཀརྨ་དང་པདྨ་ཧེ་རུ་ཀ་ཕུར་པ་དང་ཆེས་ཆོག་ཏུ་བསྒྱུར་ནས་ཐལ་འབྱིན་དང་བདུད་རྩིའི་བཟླས་པ་བྱ་བའི་

― TN03_Page_1164 ―

^{[མ་དཔེ་གཟིགས་ན་འདིར་གནོན།]}

(༧༠༩)བར་དུ་གསུངས་ནས། མ་མོ་རྦོད་གཏོང་མན་ཆད་ནི་ཚོགས་མཆོད་ཀྱི་ལྷག་ཆོག་ཁོ་ན་ལ་འཇོག་པར་གསུངས་ཏེ། འདི་ལྟར། ཚོགས་ལ་རོལ་བའི་འོག་ཏུ། ལྷག་མ་བསྡུས་ལ། རང་ཉིད་བླ་མེད་ཧེ་རུ་ཀར་བསྒྱུར། དེའི་སྔགས་ལན་གཅིག་ལན་ཅིག་གི་གསལ་ཁ་གཞུང་ན་མེད་པས་ཅུང་མ་ལེགས། བརྗོད་པས་མ་མོ་མཁའ་འགྲོ་རྣམས་དབང་དུ་བསྡུས་ཏེ། ལྷག་གཏོར་བརླབ་དེ་ཆ་བཞིར་ཕྱེ་བའི་དང་པོས་ཡེ་ཤེས་ཀྱི་མཁའ་འགྲོ་མ་རྣམས་མཆོད་དེ། རྣལ་འབྱོར་པའི་རྒྱུད་བྱིན་གྱིས་རློབ་པར་གསོལ་བ་བཏབ། གཉིས་པས་དམ་ཚིག་མཁའ་འགྲོ་རྣམས་མཆོད་དེ་བསྟན་པ་སྲུང་བར་ལུང་བགོ །གསུམ་པས་ལས་ཀྱི་མཁའ་འགྲོ་རྣམས་མཆོད་དེ་རྐྱེན་དབང་ཟློག་པའི་ལས་འཆོལ། དེ་ནས་སྲིད་ཞིའི་མ་མོ་རབ་འབྱམས་ཀྱི་ཁྱབ་བདག་བླ་མེད་ཧེ་རུ་ཀའི་སྔགས་ཁོ་ནས་སྲོག་དྲང་བ་རྣམས་ནི་མ་མོ་རྦོད་གཏོང་ངོ་། །དེ་ནས་ལྷག་མའི་ཆ་བཞི་པ་དེ་དྲེགས་པ་སྡེ་བརྒྱད་ལ་བསྔོས་ནས། དམོད་བཅོལ་བྱ་བ་ནི་སྒྲུབ་སྡེ་ཐ་མ་གཉིས་པོའི་སྒྲུབ་ལུགས་ཏེ། དེ་གསུམ་ལ་ཛབ་དགོངས་སོགས་གཞན་ཅིའང་མ་བཤད་དོ། །འདིས་ནི་བདེ་འདུས་ལས། མ་མོའི་སྤྱི་འདུན་བྱ་བ། དམག་དཔུང་བསྡུ་ཞིང་དམག་དྲང་བ། དམག་དཔོན་བསྐོ་བ། ལས་ཀྱི་ངོ་བླང་བ་སོགས་དང་། འཇིག་རྟེན་མཆོད་བསྟོད་མཆོད་པ་བསྙེན་སྒྲུབ་གསུམ་གྱི་རྣམ་གྲངས་ཉེར་བཞིས་བཤད་པ་ལ་སོགས་པ་ཀུན་གྱི་སྙིང་པོའི་དོན་ལྷག་ཆོག་ལ་འདུ་བར་བསྟན་པས། སྲུང་མའི་

― TN03_Page_1165 ―

^{[མ་དཔེ་གཟིགས་ན་འདིར་གནོན།]}

(༧༡༠)གཏོར་བསྔོ་དང་འབོད་རྦད་ཀྱི་བཟླས་པ་སོགས་གང་ཡང་ལྷག་ཆོག་ཚད་ལྡན་འཁྱོལ་ན་དེ་ལས་ཟུར་དུ་མ་དགོས་པར་ངེས་པ་ཆེན་པོ་སྟེར་ཞིང་། ཁ་ཅིག་ཏུ་ཆད་བརྟན་གཉིས་ལྷག་ཆོག་ཏུ་བསྡུས་པ་སོགས་གཞན་མང་པོར་ཡང་ངེས་པ་སྦྱིན་ནོ་གཞུང་འདིའི་ལྷག་ཆོག་ལ། ལས་དང་ཡེ་ཤེས་ལས་གྲུབ་པའི་རྣམ་གྲངས་སྨོས་ནས་མགྲོན་འབོད་པ། གཏོར་མ་བསྔོ་བ། ལས་བཅོལ། སྟོབས་སྔགས་ཀྱིས་གཏོང་བ་རྣམས་སུ་ཡོད་ཅིང་། སྲོག་ནས་དྲང་བ་ནི་སྔར་བཟླས་པའི་སྐབས་ཀྱི་རུ་ལུའི་བཟླས་པ་ཉིད་ཀྱིས་ཆོག་སྟེ། ལས་རིམ་གྱི་རྒྱུན་གཅིག་ལ་ཚང་ན་གནད་གཅིག་ཏུ་འགྲོ་བའི་ཕྱིར་རོ། །དེར་མ་ཟད་མགོན་པོ་བདུན་རྫོགས་ཀྱི་གསོལ་ཁའང་ཆད་ཐོ་བསྒྲགས་པའི་ལས་རིམ་ལ་ཚང་བར་ལུང་སྔ་མ་ལས་དཔགས་ནས་ཤེས་ཏེ། འདི་ནི་ལྕེ་བཙུན་སྙིང་ཏིག་ཐོབ་ནས་བཀའ་སྲུང་གསུམ་གྱི་གསོལ་ཁ་ཆག་མེད་བྱེད་དགོས་པ། དོན་ཕྲིན་གྱི་ཆད་ཐོ་ལ་མཛད་པས་ཀྱང་རྟོགས་པ་ཡོད་དོ། །འདི་འདྲ་བླ་མའི་བྱིན་རླབས་ཀྱིས་རྙེད་བྱུང་། །གཞུང་སེན་རྩེ་ཙམ་རྣམ་བཤད་ཛམ་གླིང་ལྟར་ཡངས་པ་གཟུགས་བརྙན་བཞིན་དུ་འཆར་བའི་སྒོ་བཏོད་ཡོད་དོ། །དབང་ཕྱུག་མ་རྣམས་བསྙེན་ཐབས་ཀྱི་ངོས་འཛིན་དེ་ལས་ཀྱང་གསལ་བ་བཤད་ན། རྟ་མགྲིན་དབང་གི་སྒྲུབ་པ་ལྟར། སྒྱུ་འཕྲུལ་ཁྲོ་བོའི་མན་ངག་ལྟར་བཤད་པ་གཉིས་ལས། དང་པོ་ནི། ཛཔྲ་དགོངས་སུ། །དམ་ཅན་ཕོ་ཉ་ལས་ལ་བསྐུལ༔ ཞེས་གསུངས་ཏེ། སྤྱིར་ཛབ་

― TN03_Page_1166 ―

^{[མ་དཔེ་གཟིགས་ན་འདིར་གནོན།]}

(༧༡༡)དམིགས་སུ་དེ་འདྲ་རེ་ཡོད་ཀྱང་། དེ་ལ་རྩལ་འདོན་མི་འདོན་གཞུང་དེའི་རྩ་བའི་དགོངས་པས་དམ་ཅན་བསྙེན་ཐབས་ཀྱི་དངོས་གཞི་གང་ལས་བྱེད་ཀྱི་སྟེང་ནས་ལེགས་པར་དཔྱོད་དགོས་ཏེ། ཨོ་ཧཱུཾ་ཛམ་ནག་གི་བདག་བསྐྱེད་དུའང་། ཕྱག་རྡོར་ཐུགས་ཀའི་འོད་ཀྱིས་ནོར་བདག་ལས་ལ་སྐུལ་བར་བཤད་ཀྱང་དེའི་ལུགས་ཀྱིས་གནོད་སྦྱིན་སྒྲུབ་ཚུལ་གྱི་མན་ངག་དངོས་དེ་ལ་མི་བྱེད་པས། དེ་རྩལ་དུ་བཏོན་ཕྱོགས་མིན་པ་བཞིན་ནོ། །འདིར་ནི་སྒྲུབ་ལུགས་འདིའི་དགོས་ཆོས་དབང་གི་སྒྲུབ་པའི་མཐིལ་གཏད་སའང་དེ་ཉིད་ཡིན་པར་རྟ་སྐད་སྤྱོད་པར་དགོངས་པའི་ཐད་དུ་ཤེས་པས་དེ་དང་ཆེས་མི་འདྲ་ལ། མཐར་ཕུར་པ་གྲུབ་པ་ན་གདབ་ལས་རྩལ་ཐོན་ཏེ་རྫས་ཕུར་གདེངས་པ་ཙམ་གྱིས་བརྟན་གཡོའི་དངོས་པོ་གང་ཡིན་ཡང་ཐལ་མར་འབྱིན་པའི་དོད་ཀྱང་འདིའི་སྨད་ལས་སྤྱོད་པར་དགོངས་པའི་རྟ་སྔགས་ལ་རྩལ་ཐོན་ཏེ་ཛབ་དབྱངས་བླངས་པ་ཙམ་གྱིས་དམ་ཅན་མཁའ་འགྲོ་ཐམས་ཅད་སྤུངས་སེ་ཐིབས་སེ་བྱིན་ཆིལ་གྱིས་འདུས་ནས་ཅི་བཅོལ་ཐོགས་མེད་དུ་བྱེད་པ་ཉིད་ཡིན་པས་ཆེས་རྩལ་དུ་བཏོན་ཕྱོགས་ཡིན་ནོ། །ལར་དམ་ཅན་སྲུང་མ་སྒྲུབ་ལུགས་ལ། དྲེགས་པ་ཁོ་རང་ཚོའི་སྔགས་རྒྱུད་ལ་བརྟེན་ནས་སྒྲུབ་པ་དང་། དེ་དག་གི་གཉེན་པོ་སྟོབས་ཀྱི་ལྷའི་རིག་སྔགས་ཁོ་ནས་ལས་ལ་འཁོལ་བ་གཉིས་ཚུལ་ཐ་དད་ཡིན་ལ། དྲེགས་པའི་བླ་རྟེན་འཛུགས་པ་དང་། གཟའ་ལ་ཨོལ་དགག །མ་མོ་ལ་ཤི་ས་བསྟན་པ།

― TN03_Page_1167 ―

^{[མ་དཔེ་གཟིགས་ན་འདིར་གནོན།]}

(༧༡༢)བཙན་ལ་སེ་ལོང་སོགས་དགོས་པའང་སྔ་མའི་ལུགས་ཡིན་གྱི། ཕྱི་མ་ལ་ནི་ཡེ་ཤེས་ལྷའི་བསྙེན་སྒྲུབ་ལས་སུ་རུང་བ་གཅིག་པུས་ཆོག་གོ །འདི་ལྟར་དྲེགས་པ་ཁོ་རང་ཚོའི་སྔགས་རྒྱུད་ན་དྲེགས་པ་དེ་དག་ཉིད་ཀྱི་སྐྱེ་རྒྱུད། རིག་སྔགས། བླ་རྟེན། མཐུན་རྫས། གནད་དབབ། ལོག་གནོན། དེ་ཉིད་སོགས་ཇི་སྙེད་ཅིག་འཆད་པ་དང་། གཉེན་པོ་ཡེ་ཤེས་ལྷའི་རྒྱུད་ན་དེ་གཙོ་བོར་མི་སྟོན་པར་ཧེ་རུ་ཀ་ཉིད་ཀྱི་རིག་སྔགས། ཆོ་ག །དེ་ཉིད། དེའི་སྒོ་ཁོ་ནས་དྲེགས་པ་དབང་དུ་བྱ་བ་ལ་སོགས་པའི་དངོས་གྲུབ་སྒྲུབ་ཚུལ་སོགས་རྒྱ་ཆེར་འབྱུང་བ་ནི་ཆེས་འཐད་པ་ཡིན་ནོ། །དེ་བས་ན་འདིར་དབང་ཕྱུག་མའི་བསྙེན་ཐབས་ཉུང་ཆེས་སོ་སྙམ་དུ་མི་བསམ་སྟེ། གོང་ནོན་གྱི་སྔགས་ཁོ་ནས་ཆིག་ཆོད་བྱེད་པ་ཡིན་པའི་ཕྱིར་རོ། །གཉིས་པ་ནི། སྤྱི་ཛབ་བཞི་འབུམ་བཟླ་སྐབས་དབང་མོ་རྣམས་ཀྱི་ཐུགས་ཀར་ཉི་གདན་ལ་བྷྱོ་ཡིག་རེའི་མཐར་རུ་ལུས་བསྐོར་བ་གསལ་བཏབ་སྟེ། བདག་གི་ཐུགས་ཀའི་འོད་ཀྱིས་ཕོག་པས་དགྱེས་པ་བསྐྱེད་ཅིང་། ཐུགས་རྒྱུད་བསྐུལ། དངོས་གྲུབ་ཐམས་ཅད་འོད་ཟེར་གྱི་རྣམ་པར་བདག་གི་ཐུགས་ལ་བསྡུ་བའི་དམིགས་རིམ་དགོས་པས། དེར་དབང་ཕྱུག་བསྙེན་སྒྲུབ་ཀྱི་གནད་ཚང་བར་འགྱུར་མོད། ད་དུང་ཟུར་དུ་ཡང་ཟློ་བར་སྤྲོ་ན། ཁྲག་ཐུང་སྤྱི་ཛབ་ཏུ་བྱས་ནས་བཟླས་པ་འཁྱོལ་རྗེས་དེར། སླར་ཡང་རུ་ལུ་ཉིད་དབང་མོའི་སྒོས་ཛབ་ཏུ་བྱས་ནས་འབུམ་ཕྲག་སོགས་ཅི་རིགས་

― TN03_Page_1168 ―

^{[མ་དཔེ་གཟིགས་ན་འདིར་གནོན།]}

(༧༡༣)བཟླ་བར་རུང་ངམ་སྙམ་སྟེ་རུ་ལུ་འཇིག་རྟེན་པའི་སྒྲུབ་པ་ཟེར་བ་བཞིན་ནོ། །རུ་ལུ་ནི་དམ་ཅན་འབོད་རྦད་ཀྱི་སྔགས་གཉིས་ཀར་འཁྱེར་ཆོག་ཅིང་ཕོ་ཉའི་ཛབ་ཏུ་རིལ་གྱིས་སྦྱོར་ནའང་བཏུབ་པ་ནི་རུ་ལུའི་རྣམ་བཤད་རྣམས་སུ་ཤེས་སོ། །ལྷག་མའི་གཏོར་བསྔོ་ནི་དེ་གཉིས་ཀའི་ལུགས་སོ། །དེ་ལ་རྟ་སྔགས་ཀྱིས་དབང་དུ་བྱ་བའི་དུས་སུ་ནི་དབང་མོ་ཉེར་བརྒྱད་དུ་མ་ཟད་གཏོར་ཟློག་ལས། འཁོར་འདས་མ་ངེས་སྡེ་བརྒྱད་དྲེགས་པའི་ཚོགས༔ ཞེས་པ་རྣམས་ཀྱང་སྦྱར་དགོས་ལ། དམ་ཅན་རང་གི་སྔགས་ཟློ་བ་ན་ནི་དབང་ཕྱུག་མའི་ཛབ་ལས་གཞན་བཟླ་བར་མ་བཤད་དེ། དཀྱིལ་འཁོར་འདིའི་རྩ་བའི་ལྷ་ནི་དེ་བརྒྱད་དུ་ངེས་པར་ཛབ་ཀྱང་དེའི་དབང་དུ་མཛད་པའི་ཕྱིར་ཏེ། མགྲོན་ཐབས་ཀྱི་ལྷ་རབ་འབྱམས་གསུངས་པ་ཡང་རྩ་བའི་ལྷ་གྲངས་མ་ཡིན་པའི་རྒྱུ་མཚན་གྱིས་རྭ་སྤྲོད་རྒྱུའི་ཛབ་མ་གསུངས་པ་བཞིན་ནོ། །དེ་ཡི་དགོས་པ་ཅི་ཡང་རུང་། །མ་ལུས་རྫོགས་པར་བདག་ཅག་སྒྲུབ། །ཅེས་རྣལ་འབྱོར་པའི་དངོས་གྲུབ་ཀྱི་དགོས་པ་ཅི་དང་ཅི་ཡང་སྒྲུབ་པ་དང་། མ་ལུས་པར་སྒྲུབ་པ་དང་། རྫོགས་པར་སྒྲུབ་པར་འབུར་དོད་དུ་གསུངས་པས་ཡིད་བཞིན་གྱི་ནོར་བུ་ལྟ་བུར་བཟུང་ངོ་། །ཐུན་མཐའི་བསྡུའི་སྐབས་དབང་མོ་རྣམས་ཀྱང་གཙོ་བོའི་ཐུགས་སྲོག་ལ་འཇུག་པར་བྱེད་པ་ནི་དམ་ཅན་ནམ་ཡང་གཞན་དུ་མི་གཡོ་བར་བྱེད་པའམ་རང་དང་འབྲལ་བ་མེད་པར་བྱེད་པའི་གནད་ཟབ་པའོ། ༈ །

― TN03_Page_1169 ―

^{[མ་དཔེ་གཟིགས་ན་འདིར་གནོན།]}

(༧༡༤)རྡོ་རྗེ་དཔལ་ཆེན་དུ། དབང་ཕྱུག་ལ་སོགས་བྱེད་པོར་ཁས་འཆེས་ཀྱང་། །དེ་ཉིད་དངོས་པོར་ལྟ་བས་བྱེད་མི་ནུས། ཁྱེད་ནི་སྒྱུ་མའི་ཆོས་ལ་མངའ་བརྙེས་པས། །སྒྱུ་མའི་རང་བཞིན་ཅི་ཡང་གྲུབ་པར་མཛོད། ༈ །དམ་ཚིག་ཉམས་པ་ལ་སོགས་ཉེས་པ་རྣམས། །ཚེ་རབས་འདི་ལ་ཉམས་སུ་མྱོང་གྱུར་པ། །ཆོས་དབྱིངས་འགྲོ་དོན་བདག་གིས་རྟོགས་བར་དུ། །ཆོས་ལ་དབང་སྒྱུར་ཁྱེད་ཀྱིས་ཟློག་ཏུ་གསོལ། །ཞེས་ཏེ་བསྟན་དང་བསྟན་འཛིན་སྲུང་སྐྱོབ་སྦེད་གསུམ་བྱེད་པའི། ཆོས་ཀྱི་དབྱིངས་ཀུན་ཏུ་འགྲོ་བའི་དོན་དུ་རྟོགས་པའི་ས་རབ་ཏུ་དགའ་བ་བདག་གིས་རྟོགས་པ་སྟེ་ཐོབ་ཀྱི་བར་དུ། ཞེས་པར་སྣང་། བྱ་བ་ལ་འདོད་དགུར་དབང་བསྒྱུར་ནུས་པའི་སྲུང་མ་དེ་ལས་ཀྱིས་མཐུ་བོ་ཆེར་སྐྱེས་པ་ཙམ་མིན་པར་ཤེས་རབ་ཀྱི་ཕ་རོལ་ཏུ་ཕྱིན་པ་ལས་སྐྱེས་པའི་མངོན་ཤེས་ཀྱི་མཐུས་དབང་བཅུའི་དབང་ལ་མངའ་བསྒྱུར་བ་ཞིག་དགོས་སོ། ༈ །རྡོ་རྗེའི་སྲིན་མོ་འདི་དག་ནི་རྣལ་འབྱོར་བླ་མེད་ཀྱི་དགེ་འདུན་དཀོན་མཆོག་ཡིན་པའི་ཕྱིར་འདི་དག་གིས་ཕྲིན་ལས་གང་བསྒྲུབ་ཀྱང་དངོས་སམ་བརྒྱུད་ནས་བྱང་ཆུབ་སྒྲུབ་པའི་མཐུན་རྐྱེན་གྱི་ཕྱོགས་འབའ་ཞིག་ཏུ་འགྲོ་ལ། དེའི་ཚུལ་གྱིས་བྱང་ཆུབ་སྙིང་པོའི་བར་གྱི་ཚེ་རབས་ཐམས་ཅད་དུ་ལམ་བཟང་སྒྲུབ་པའི་འགལ་རྐྱེན་འགོག་ཅིང་སེལ་བ་དང་། མཐུན་རྐྱེན་སྒྲུབ་ཅིང་སྤེལ་བར་ནུས་པ་ཡིན་ཏེ། །དྲེགས་པ་ཐ་མལ་པ་ལ་དེ་ལྟ་བུ་མེད་དོ། །འདིར་བསྟན་

― TN03_Page_1170 ―

^{[མ་དཔེ་གཟིགས་ན་འདིར་གནོན།]}

(༧༡༥)པ་སྤྱིའི་ལུགས་ཀྱིས་དགེ་འདུན་དཀོན་མཆོག་ལ་སྟོན་པ་ལམ་གྲོགས་ཞེས་པའི་གྲོགས་སུ་འཇོག་ཚུལ་དང་། སོ་སྐྱེའི་སར་དགེ་འདུན་དཀོན་མཆོག་མི་འཇོག་པའང་དེའི་རྒྱུ་མཚན་གྱིས་ཡིན་ཚུལ་རྣམས་དྲན་དགོས་སོ། །དེ་ལྟར་ན་འདི་དག་ལ་སྡོང་པོ་བཀོད་པ་ལས་གསུངས་པའི་མཚན་མོའི་ལྷ་མོ་སྐྲ་རྒྱ་མཚོ་རབ་ཏུ་ཞི་བ་དང་ལྡན་པ་སོགས་དང་། ལྷ་མོ་བརྟན་མ་ལ་སོགས་པ་ལྟ་བུའི་འདུ་ཤེས་ཙམ་ཡང་མེད་ན། ཐེག་ཆེན་ཐུན་མོང་བའི་རྣམ་ཐར་གྱི་གསང་བ་ཙམ་ཡང་མ་ཤར་བར་ཟད་དོ། །དེའི་ཕྱིར་དངོས་པོའི་གནས་ཚོད་གཅིག་པུས་མི་ཆོག་གི །བློའི་འཆར་ཚུལ་ལ་ལས་ཀྱི་སྲིན་མོའི་རྣམ་པ་ཅན་མ་ཡིན་པར། ཐུན་མོང་མ་ཡིན་པའི་དགེ་འདུན་དཀོན་མཆོག་ཁོ་ནར་བལྟ་དགོས་ཏེ། དེ་ལྟར་བལྟས་ན་དགེ་འདུན་དཀོན་མཆོག་གི་ཕྲིན་ལས་འབྱུང་གི །སངས་རྒྱས་ལ་ཡང་ཐ་མལ་པར་བལྟས་ན་སངས་རྒྱས་ཀྱི་བྱིན་རླབས་མི་འབྱུང་བའི་ཕྱིར་ཏེ། དབང་ཕྱུག་ལྷར་འཛིན་པའི་མུ་སྟེགས་ཅན་ལ་འཇིག་རྟེན་དབང་ཕྱུག་གི་བྱིན་རླབ་དངོས་མི་འབྱུང་བ་བཞིན་ནོ། །འདི་དག་དཔལ་ཧེ་རུ་ཀས་གསང་སྔགས་སྙིང་པོའི་བསྟན་སྲུང་དུ་བསྐོས་ཤིང་བྱིན་གྱིས་བརླབས་པ་ཡིན་པས། རང་རེ་རྣམས་ཀྱིས་ཀྱང་བདེ་ལེགས་ཀྱི་རྩ་བ་སངས་རྒྱས་ཀྱི་བསྟན་པ་ཡིན་ཚུལ་དང་། བསྟན་པའི་སྙིང་པོ་གསང་སྔགས་འབྲས་བུའི་ཐེག་པ་ཡིན་ཚུལ། དེའི་ཕྱིར་རང་གཞན་གྱི་མངོན་མཐོ་ངེས་ལེགས་ཀྱི་དོན་ཐམས་ཅད་

― TN03_Page_1171 ―

^{[མ་དཔེ་གཟིགས་ན་འདིར་གནོན།]}

(༧༡༦)དེ་ཁོ་ན་ལས་དངོས་བརྒྱུད་ཅི་རིགས་ཀྱིས་འབྱུང་བའི་ཚུལ་རྣམས་ཞིབ་ཏུ་ཤེས་པར་བྱས་ལ། དེ་འདྲ་བའི་བསྟན་པ་དེ་སྲུང་བ་དང་། བརྟན་པའི་དོན་བྱ་བའི་ཆེད་ཁོ་ནར་དམིགས་ནས་བསྒྲུབ་ན་ཤིན་ཏུ་སྒྲུབ་སླ་ཞིང་རྣོ་ལ་ལས་མྱུར། ཤིས་ལ་ཚན་ཆེ་བ་ཡིན་ནོ། །ལྷག་པར་མཐའ་བཟང་ལ་བློ་གཏད་ཐུབ་པ་ཞེ་གཙང་བ་འབྱུང་ངོ། ༈ སྡེ་བརྒྱད་ཐམས་ཅད་སྦྲུལ་གྱི་རྣམ་པར་རྣམ་ཐར་ཞབས་བརྒྱད་ཀྱིས་ལྗིད་ཕབ་སྟེ་བརྫིས་ཤིང་བཟུང་བས་ནི་རྡོ་རྗེའི་ཕ་བོང་རི་བོ་ལྟ་བུའི་ཞབས་སུ་ཤོར་བའི་རྡོ་ལེབ་གཞན་གྱིས་འཐེན་མི་ནུས་པ་ལྟར། སྡེ་བརྒྱད་དེ་དག་སྔགས་པ་རང་གི་ཞབས་འོག་ནས་གཞན་གྱིས་དགུག་ཅིང་འཕྲོགས་མི་ནུས་པའམ། བྲལ་མི་ནུས་པ་སྟེ། བརྟན་པོར་དབང་དུ་གྱུར་པའོ། །དེས་ནི་འཇིག་རྟེན་གསུམ་དབང་དུ་བྱ་བའང་འཐོན་ཏེ། འཇིག་རྟེན་གསུམ་གྱི་བདག་པོ་ནི་སྡེ་བརྒྱད་དེ་དག་ཡིན་པའི་ཕྱིར་རོ། །དེ་དག་རྗེ་ཉིད་ནས་ཟིན་ཐོ་ལྟ་བུར་བཏབ་ཡོད་པ་རྣམས་གཞན་དུ་འཁྱར་གྱི་དོགས་ནས་རྗེས་འཇུག་འགའ་ཞིག་གིས་ཕྱོགས་གཅིག་ཏུ་བསྒྲིག་ཁུར་བྱས་ཏེ་ཕྱག་བྲིས་ཇི་ལྟ་བཞིན་བཅོས་བསླད་མེད་པར་སྤར་དུ་བསྐྲུན་པ་དགེ་ལེགས་འཕེལ། ༈ འཕྲུལ་ཆེན་སྤར་གྱི་ལྗོན་ཤིང་རྒྱས་པའི་རྩེར། །ལེགས་བཤད་མེ་ཏོག་འབྲས་མང་ཆགས་པ་འདི། །ཀུན་མཁྱེན་བསྟན་པའི་སྐྱེད་ཚལ་རྒྱན་གྱུར་ཏེ། །སྐལ་བཟང་སྐྱེ་བོའི་བྱ་ཚོགས་དགའ་བྱེད་ཤོག ་ཤུ་བྷཾ་མསྟུ་སརྦ་ཛ་ག་ཏཾ།། །།