བྷོ་ཊའི་ཡུལ་གྱི་སློབ་དཔོན་ཆེན་པོ་མཉྫུ་ཤྲཱི་དྷརྨ་མི་ཏྲའི་ཞབས་ཀྱི་རྟོགས་པ་མདོ་ཙམ་དུ་བརྗོད་པ་འཇིག་རྟེན་ཀུན་དུ་དགའ་བའི་གཏེར།
(༢༥)བྷོ་ཊའི་ཡུལ་གྱི་སློབ་དཔོན་ཆེན་པོ་མཉྫུ་ཤྲཱི་དྷརྨ་མི་ཏྲའི་ཞབས་ཀྱི་རྟོགས་པ་མདོ་ཙམ་དུ་བརྗོད་པ་འཇིག་རྟེན་ཀུན་དུ་དགའ་བའི་གཏེར་ཞེས་བྱ་བ་བཞུགས་སོ། །
(༢༦)ན་མོ་གུ་རུ་མཉྫུ་ཤྲཱི་ཡེ། ཚོགས་གཉིས་རི་བོའི་བ་གམ་རྩེར་འཛེགས་ཐུབ་བསྟན་མཁའ་ལ་རྒྱན་དུ་བྱེད། །ཕྲིན་ལས་འོད་ཀྱིས་ཕྱོགས་སྟོང་སྤྱི་བོར་མཛེས་སྡུག་ཅོད་པན་ཉིན་བཞིན་འདོགས། །དམ་པའི་བློ་གྲོས་ཆུ་སྐྱེས་ཚལ་ནང་ཀུན་དགའི་རོལ་པ་འབུམ་འགྱེད་པ། །འཇམ་དབྱངས་རྗེས་བརྩེའི་ཆུ་གཏེར་ལས་བལྟམས་བླ་མའི་ཉིན་བྱེད་རྒྱལ་གྱུར་ཅིག །དེ་ཡི་བཀའ་དྲིན་ལྕགས་ཀྱུས་དྲངས་པའི་ཡིད། །མི་འཕྲོགས་དགའ་བར་ཁོལ་བས་ཉེར་བསྐྱོད་ཅིང་། །འདོད་པའི་གོམ་སྟབས་བསོད་ནམས་ཛམ་བུའི་ནགས། །རྩེ་གཅིག་བསྒྱུར་བའི་ཅ་ཅོ་དབྱངས་སུ་ལེན། །ཟབ་ཅིང་རྒྱ་ཆེའི་སྦྱོར་བ་བརྒྱས་བསགས་པ། །དག་པའི་ཐུགས་མངའ་
(༢༧)རྣམས་ཀྱི་རྣམ་པར་ཐར། །སོ་སོ་རང་རིག་ཡུལ་ལ་བདག་འདྲ་བས། །ཅི་དགར་སྨྲ་བའི་གོ་སྐབས་ག་ལ་རྙེད། །འོན་ཀྱང་བདེན་གསུང་བདུད་རྩིའི་རླབས་ཕྱུར་བ། །དང་བའི་སྙིམ་པར་ཆ་ཙམ་འཐུང་བ་ལས། །བློ་གྲོས་ལང་ཚོ་རྒྱགས་པའི་མྱོས་གླུ་ནི། །རང་བཞིན་བརྗོད་པའི་རྟོགས་བརྗོད་ཕྲེང་བར་སྤེལ། །དེ་ལ་ལྔ་བརྒྱ་པ་རྣམས་ཀྱི་གཙུག་གི་ནོར་བུ། །ཛམ་བུའི་གླིང་ན་ཆེ་བའི་རྣལ་འབྱོར་གྱི་དབང་ཕྱུག །འཇམ་དཔལ་ཆོས་ཀྱི་བཤེས་གཉེན་ཞེས་སྙན་གྲགས་ཀྱི་ཡི་གེས་ས་གཞིའི་དཀྱིལ་འཁོར་བརྒྱན་པར་མཛད་པ་དེ་ཉིད་འཇིག་རྟེན་དུ་ཇི་ལྟར་བྱུང་བའི་ཚུལ་ནི། འཕགས་པ་སྤྱན་རས་གཟིགས་དབང་ཕྱུག་གི་གདུལ་ཞིང་། བོད་ཁ་བ་ཅན་གྱི་ཤར་
(༢༨)ཕྱོགས། མདོ་ཁམས་སྡེ་དགེའི་མངའ་རིས་ལས། ཡུལ་གྱི་དགེ་བཅུ་གཡང་དུ་ཆགས་ཤིང་ཉེ་འཁོར་བཀྲ་ཤིས་རྟགས་བརྒྱད་ཀྱིས་རེ་ཁཱས་བཀྲ་ལ། དཔའ་བོ་མཁའ་འགྲོའི་གྲོང་མང་པོ་དང་འདབ་འབྲེལ་བས་ཁྱད་པར་དུ་འཕགས་པ་གཏེར་ལྷུང་ཞེས་པའི་སའི་ཆ་ཤས། ཉང་རིན་པོ་ཆེའི་གཏེར་ལུང་ལས། རྩེ་སྒང་ཞེས་པའི་རི་བོའི་མདུན༔ ཕ་བོད་ཀླུ་དབང་འཁྱིལ་བའི་སྟེངཿ མངའ་བདག་འཇམ་པའི་དབྱངས་ཞེས་འབྱུང་ཿ བཅུ་གསུམ་ཟབ་མོའི་གཏེར་ལ་སྤྱོད༔ ཅེས་པ་ལྟར། རྒྱབ་རི་རྩེ་སྒང་དུ་གྲགས་པའི་མདུན། བྲག་རི་སྦྲུལ་འཁྱིལ་བ་ལྟ་བུའི་གཟུགས་སུ་གནས་པའི་སྟེང་། དེའུ་མགོ་ཞེས་པའི་གྲོང་དུ་ཡབ་ཚང་ཆགས་ཤིང་། སྐུ་བལྟམས་དངོས་ཁྱུད་ཆེན་བྲག་གི་ཉེ་འདབས་སུ་དབྱར་མལ་ཕོག་ཡོད་པའི་སྐབས། རས་དཀར་གྱི་ལྡིང་གུར་ཕུབ་པའི་ནང་དུ་བྱུང་བས། གུ་རུ་ཚེ་བརྟན་རྒྱལ་མཚན་པའི་གཏེར་ཡིག་ལས། མོན་བུ་སྤྱི་རིང་སྐྲ་ཡི་ལ་བ་ཅནཿ རི་བོ་ཁྱུང་ཆེན་ལྡིང་བའམ་ཞོལ་དུ་འབྱུང་༔ ཞེས་འབྱུང་བ་དང་ཤིན་ཏུ་འགྲིགས། དེའང་མཛེས་སྡུག་གི་ཡོན་ཏན་ལས་མིང་ཆགས་པ་མྱོས་ཀྱི་རིགས་ལས་མི་དབང་སྡེ་དགེའི་དྲུང་ཆེན་གཙུག་ལག་གཉིས་ལ་བློ་གྲོས་མཆོག་ཏུ་ཡངས་པ་རིན་ཆེན་དབང་རྒྱལ་དང་། ཡུམ་མདུན་ན་འདོན་གཙོ་བོའི་རྒྱུད་དུ་བྱུང་བ་དགེར་བ་བུ་མོ་བསོད་
(༢༩)ནམས་མཚོའི་སྲས་སུ་རབ་བྱུང་བཅུ་བཞི་པའི་ས་མོ་ཡོས་ལ་ལྷུམས་སུ་ཞུགས། དེའི་ཚེ་ཡུམ་གྱི་ལུས་མདངས་དང་ལྡན་ཞིང་བདེ་བ་དང་། དགེ་སེམས་རང་བཞིན་གྱིས་འཕེལ་བར་གྱུར་ཏེ། མངལ་དུ་ཟླ་བ་བརྒྱད་བཞུགས་ནས་ལྕགས་འབྲུག་ཆུ་སྟོད་ཟླ་བའི་ཆོས་འཁོར་དུས་ཆེན་དང་ཉེ་བ་དཀར་ཕྱོགས་རྫོགས་པ་དང་པོའི་ཐོ་རངས་ཁྱིམ་ཉི་མ་ཤར་བ་ལྟ་བུའི་འོད་ཀྱིས་གང་བ་དང་། ཉི་མ་ཤར་དུས་སུ་ཆུ་སྣོད་ཀྱི་ཆུ་འོ་མའི་ཕུང་པོར་བསྙོན་མི་ནུས་པར་སོང་བ་སོགས་ལྟས་ཁྱད་པར་ཅན་གྱིས་མདུན་བསུས་ཏེ། དེ་ཉིད་ཀྱི་ཉི་མའི་གུང་ལ་ཀུན་དགའི་ལང་ཚོ་སྨིན་མཚམས་དཔའ་བོའི་རྒྱ་རྟགས་ཀྱིས་སྤྲས་ཤིང་སྐྱེ་མཆེད་ཤིན་ཏུ་དང་བ། ཁོ་ལག་ཡངས་ཤིང་སྐུ་བྱད་ལྟ་ན་སྡུག་པ། འཁྲི་ཤིང་གསར་པའི་འདབ་མ་ལྟར་མཉེན་ལ་གཟི་བརྗིད་ཀྱིས་སྣུམ་པ། སྤོས་ཀྱི་ཤིང་བཞིན་ལྷན་ཅིག་སྐྱེས་པའི་དྲི་བསུང་ཞིམ་པོ་ཅན། དབྱིག་གི་གདངས་སྤྲིན་གྱི་ང་རོ་ལྟ་བུའི་རྒྱན་དང་ལྡན་པ་ཞིག་དབུ་སྐྲ་ནག་པོ་སིལ་བུར་གྱུར་ཅིང་། ཤ་མའི་གཡོགས་ཆོས་གོས་དཀྲི་ཚུལ་ལྟར་མནབ་པ། ཀུ་ཤའི་སེ་རལ་ཁ་དང་བཅས་པའི་རྣམ་པས་ཡུམ་ལ་གནོད་པ་མེད་པར་བལྟམས། བྱང་ཆུབ་སེམས་དཔའ་རིན་པོ་ཆེ་འདི་བྱུང་བའི་མཐུ་ལས་ཁྱིམ་དེ་བཀྲ་ཤིས་ཀྱི་གཟི་དང་ལྡན་པར་གྱུར་པ་ཙམ་དུ་མ་ཟད། རྒྱལ་ཁམས་སྤྱིར་ཡང་བདེ་བ་དང་ལོ་ལེགས་
(༣༠)པ་སོགས་འཇིག་རྟེན་སྐྱོང་བ་རྣམས་བཙས་སྟོན་བྱེད་པ་ལ་བརྩོན་པ་བཞིན་དུ་གྱུར་ཏོ། །མདོ་ཁམས་སྟོད་སྨད་ཕལ་ཆེར་སྡོ་འཇམ་དཔལ་རྟག་དུས་གང་བ་འདིའང་རྗེ་བླ་མ་མ་བྱོན་གོང་དུ་མེད་ཟེར་ཏེ། སི་ཏུ་ཆོས་འབྱུང་གི་དྲིས་ལན་ཞིག་དང་བསྟུན་ན་བདེན་པར་གསལ། བྱིས་པའི་དུས་ནས་ནག་པོ་ཆེན་པོ་དང་རེ་མ་ཏིས་རྒྱུན་དུ་སྲུང་བ་རྣམས་དངོས་སུ་གཟིགས། གཞོན་ནུ་དེ་ནི་རང་བཞིན་གྱིས་བརྩེ་བ་ཆེ་ཞིང་། གཏོང་བ་ལ་དགྱེས་པ་དང་། དེས་ཤིང་འགྲོགས་ན་བདེ་བ་དང་། སྙིང་སྟོབས་ཆེན་པོའི་ངང་ཚུལ་སུས་ཀྱང་དགག་ཏུ་མི་བཏུབ། གྲུབ་ཆེན་དྲིལ་བུ་ཞབས་དང་། པནྜི་ཏ་སྒོ་མཐའ་ཡས་པའི་བློ་གྲོས། ནགས་ཀྱི་རིན་ཆེན། མངའ་སྐྱོང་ཁྲི་ལྡེ། འབྲོམ་ཆོས་ཀྱི་རྒྱལ་པོ། ཐང་རྒྱལ་སོགས་འཕགས་བོད་ཀྱི་སྐྱེས་མཆོག་མང་པོར་འཁྲུངས་པའི་སྔོན་རབས་ཀྱི་མཛད་པ་དང་འབྲེལ་བར་ཆོས་ཀྱི་རྣམ་གྲངས་དང་དགེ་བའི་བཤེས་གཉེན་དགོན་གནས་དཀྱིལ་འཁོར་མང་པོ་སོགས་རྗེས་སུ་དྲན། ལར་ཡང་སྐྱེས་བུ་ཆེན་པོ་འདི་ལོ་རྒྱུས་འཆད་པ་ན་སྔོན་རབས་ཀྱི་ཡི་གེ་སྔ་ཕྱི་རྣམས་སུ་མི་འབྱུང་བའི་གཏམ་གྱི་སྦྱོར་ཞིབ་མོ་རང་ཚིག་གིས་མ་བསལ་བ་ཉན་པ་པོའི་བློས་མཁྱུད་དཀའ་བ་ཤ་སྟག་འབྱུང་སྟེ་སྔོན་གནས་རྗེ་དྲན་གྱི་མཐུར་སྣང་། སྐུ་ཚེ་མང་པོར་བྱང་ཆུབ་སེམས་དཔའི་ཉེས་སྤྱོད་སྡོམ་པའི་ཚུལ་ཁྲིམས་ཁྱད་པར་ཅན་ལེགས་པར་
(༣༡)སྦྱངས་པའི་རྒྱུ་མཐུན་ལས་སྐུ་ན་ཤིན་ཏུ་ཕྲ་མོ་ནས་རབ་བྱུང་ཁོ་ན་ལ་དགྱེས་ཤིང་ཁྱིམ་པའི་རྟགས་རིང་དུ་སྤངས། རྫ་དང་གངས་ཁྲོད་སོགས་དབེན་གནས་འབའ་ཞིག་ལ་རྟག་ཏུ་དགོངས་པའི་རྣམ་འགྱུར་དང་དུས་དང་དུས་སུ་བསམ་གཏན་ལ་མཉམ་པར་འཇོག་པའི་ཀུན་སྤྱོད། ལྡང་བ་ན་ཆོས་འཆད་པའི་ལད་མོ་སོགས་རྨད་དུ་བྱུང་བའི་རོལ་རྩེད་ཀྱང་མཛད། ལྷན་ཅིག་སྐྱེས་པའི་ཤེས་རབ་རླབས་ཆེ་བས་སྐུ་ཚེ་འདིར་སྒྲ་སྙན་སྡེ་བ་སྦྱོར་དང་ནང་གི་རིག་གནས་ཅི་ཡང་མ་བསླབས་པ་དགུང་གྲངས་བཅུ་གཉིས་སྐོར་དུ་ཡང་བསྟོད་ཚོགས་དང་མདོ་སྔགས་ལམ་རིམ། གཞན་དག་ཆོས་ལ་སྐུལ་བའི་གཏམ་སོགས་ཟད་མི་ཤེས་པར་དགོངས་ཉམས་བྱུང་རྒྱལ་གྱི་ངང་ནས་རྩོམ་ཆོག་པ་དང་། དེ་དག་ཀྱང་རྗོད་བྱེད་ཀྱི་ཉམས་འགྱུར། བརྗོད་བྱའི་འགང་། གོང་འོག་གི་འབྲེལ་ཕུན་སུམ་ཚོགས་པས་མཁས་པ་རྣམས་ཀྱི་ཡིད་འཕྲོགས་པ་ཁོ་ན་ཡོད། དགུང་ལོ་བརྒྱད་དུ་ཕེབས་པ་ན་སྙུན་གྱི་ཚོར་བ་རྩུབ་མོས་ཐུགས་བསྡུས་པ་ལྟ་བུའི་རྐྱེན་ལས་མངོན་སུམ་གྱི་སྣང་ཆར་ཨོ་རྒྱན་རིན་པོ་ཆེ་དང་ཌཱ་ཀྐིའི་དབང་མོ་མཁར་ཆེན་བཟས་རྡོ་རྗེ་ཕུར་པའི་དཀྱིལ་འཁོར་དུ་དབང་བསྐུར་བས་བར་ཆད་དངོས་གྲུབ་ཀྱི་གྲོགས་སུ་ལྷོངས་ཤིང་། ལན་གཅིག་གཏེར་ལྷུང་གི་བྲག་སྐྱིབས་ཤིག་ཏུ་ནམ་མཁའ་ནས་དྷཱིའི་རང་སྒྲ་ཆེན་པོ་གྲགས་པས་
(༣༢)ཅུང་ཟད་བརྒྱལ་ཐབས་སུ་སོང་། དེ་ལས་སད་མ་ཐག་རྗེ་བཙུན་མཁྱེན་པའི་གཏེར་དང་སློབ་དཔོན་འཇམ་དཔལ་བཤེས་གཉེན་དབྱེར་མེད་པའི་སྐུའི་སྣང་བ་དང་དགོངས་པ་ཏིང་ངེ་འཛིན་གྱིས་བརླབས། དགུང་ལོ་བཅོ་ལྔ་པར་ཉིན་སྣང་དངོས་དང་དབྱེ་བ་མི་ཕྱེད་པ་ལྟ་བུའི་ཉམས་ཀྱི་གསལ་ཆར་རྒྱ་གར་རྡོ་རྗེ་གདན་གྱི་གནྡྷོ་ལ་རིམ་པ་དགུ་པ་གསེར་གྱི་རྒྱ་ཕུབ་དང་སྨན་ཤིང་ར་བ་སོགས་བཀོད་པ་བཟང་ཞིང་རྒྱ་ཆེ་བར་སློབ་དཔོན་ཆེན་པོ་འཇམ་དཔལ་བཤེས་གཉེན་ལས་ཤེས་རབ་ཀྱི་ཕ་རོལ་ཏུ་ཕྱིན་པ་དང་རྣལ་འབྱོར་བླ་ན་མེད་པའི་ཆོས་ཀྱི་གསང་མཛོད་ཐོབ། གནྡྷོ་ལའི་སྒོ་དྲུང་དུ་མེ་ཕུང་ཆེན་པོ་འབར་བ་ཞིག་གཟིགས་པར་དབང་མེད་དུ་ཞུགས་པས་རགས་ལུས་སྤྱངས། དྭངས་མ་འོད་ཀྱི་ལུས་སུ་སྣང་བའི་ངང་ལ་པ་ཆེན་བི་མ་ལ་དངོས་ཀྱི་ང་རྒྱལ་དུ་འབྱམས་ཀླས། ལོ་དེའི་རྒྱལ་ཟླ་བར་ཚེ་སྒྲུབ་མཛད་པའི་ཐོ་རངས་ཞིག་བཟླས་པ་ལ་བབས་པ་ན་ནམ་མཁའི་དབྱིངས་ནས་ཌཱ་མ་རུའི་སྒྲ་དང་ཤིན་ཏུ་ཞིམ་པའི་དྲི་བསུང་བཅས་འོད་དམར་བཀྲག་མདངས་འབར་བ་ཞིག་སྒྲུབ་རྫས་ཀྱི་སྟེང་ནས་ཞུགས་ཤིང་འདྲེས་པའི་ཀློང་དུ་ཡེ་ཤེས་ཌཱཀྐི་ཙཎྜ་ལི་གར་སྟབས་བསྒྱུར་བའི་ཞལ་ནས་དབང་དང་གདམས་པ་སྩལ་བའི་མཐར་ཤིས་བརྗོད་ཀྱི་མེ་ཏོག་དམར་པོ་ཆར་དུ་བསྙིལ་བའི་གཟིགས་སྣང་དང་ལྷན་ཅིག་སྒྲུབ་དཀྱིལ་སྟེང་དུ་གཡར་མོ་ཐང་ལྟ་བུའི་མེ་ཏོག་
(༣༣)གི་ཆར་པ་དངོས་གནས་ལ་བབས། ལོ་བཅུ་དྲུག་བཞེས་པའི་ས་ག་ཟླ་བའི་ཚེས་བཅུར་པདྨ་འོད་གླིང་དུ་ཕེབས་པར་ཟངས་མདོག་དཔལ་རི་བྲག་རི་ལྷུན་ཆགས་ཀྱི་རྣམ་པར་གཟིགས་པའི་ཁོང་དུ་ཤིང་བལ་གྱི་འདབ་མ་སྤུངས་པ་ལྟ་བུའི་སྤྲིན་གསར་མཛེས་པའི་ཀློང་ན་དཔལ་ཨོ་རྒྱན་ཆོས་ཀྱི་རྒྱལ་པོ་རྡོ་རྗེ་མཁའ་འགྲོ་མའི་འཁོར་རྒྱ་མཚོ་ལྟ་བུ་དང་བཅས་པར་གཟིགས་ཤིང་། སྐུ་གསུམ་ངོ་སྤྲོད་ཀྱི་གདམས་པ་ཐུན་མོང་མ་ཡིན་པ་སྩལ་བ་སོགས་ལས་རྡོ་རྗེ་གསུམ་གྱི་ཡེ་ཤེས་གོང་དུ་འཕེལ། སྐྱེ་བས་ཐོབ་པའི་ཡོན་ཏན་ཕུལ་བྱུང་དང་། །ངང་གིས་རླབས་ཆེན་མགོན་དང་བཅས་གྱུར་པའི། །ཚུལ་འདིས་རྗེ་བཙུན་སྐུ་ཚེ་དུ་མ་ནས། །བསོད་ནམས་ཡེ་ཤེས་ཚོགས་ཆེན་བསགས་པར་རྟོགས། །དགུང་ལོ་བརྒྱད་ནས་ཡབ་དང་བླ་སྨན་ཆོས་གྲགས་རྒྱ་མཚོ་སོགས་ལས་བྲིས་ཀློག་དང་རྩིས་དཀར་ནག །བོད་ཀྱི་བརྡ་སྤྲོད་གཞུང་གཉིས། གསོ་རིག་རྒྱུད་བཞི་ཡན་ལག་ཕྲ་མོ་ཚུན་གྱི་བཤད་པ་དང་ལག་ལེན། སྐུ་གཟུགས་མཆོད་རྟེན་དང་དཀྱིལ་འཁོར་གྱི་ཆ་ཚད་སྤོས་སྦྱོར་སོགས་ཆེས་མཁས་ཤིང་བྱང་བར་བསླབས། དེ་ནས་རིང་པོ་མ་ལོན་པར་ཡབ་གཤེགས་པའི་རྐྱེན་གྱིས་རེ་ཞིག་གསན་སྦྱངས་འཕྲོ་ཅན་དུ་ལུས། ཡབ་ཡུམ་འདས་ནས་ཅིར་འགྱུར་གཟིགས་པས་ཡབ་ལྕང་ལོ་ཅན་དུ་འཕགས་པ་ལག་ན་རྡོ་རྗེའི་ཞལ་མཐོང་བའི་གནོད་སྦྱིན་ཞིག་དང་།
(༣༤)ཡུམ་ཞིང་སྐྱེས་ཤ་ཟ་ཌཀྐི་ཞིག་ཏུ་སྐྱེས་པ་མཐོང་གསུངས། དགུང་ལོ་བཅུ་དགུ་པར་ཟེ་ཆེན་པ་འགྱུར་མེད་མཐུ་སྟོབས་ལས་སྒྲ་ཀ་ཙ་དབྱངས་གསུམ་གྱི་རི་མོ་དང་གོ་དོན་རྒྱས་པ། མངོན་བརྗོད་འཆི་མེད་མཛོད་རྩ་འགྲེལ། སྙན་དངགས་མེ་ལོང་། སྡེབ་སྦྱོར་རིན་འབྱུང་སོགས་གསན་བསམ་མང་དུ་སྦྱངས་པས་སོ་སོ་ལ་མཁས་པའི་ཚད་དུ་ཕྱིན། དགུང་གྲངས་ཉེར་གཅིག་པར་ཨོ་རྒྱན་སྨིན་གྲོལ་གླིང་གི་ཆོས་གྲྭར་མཁན་ཆེན་འགྱུར་མེད་རིག་འཛིན་བཟང་པོ་སོགས་དད་པའི་དགེ་འདུན་གྲངས་ཚང་བ་ལས་བསྙེན་པར་རྫོགས། ས་སྐྱ་བདག་ཆེན་རྡོ་རྗེ་རིན་ཆེན་དང་སྨིན་གླིང་ཁྲི་འགྱུར་མེད་སངས་རྒྱས་ཀུན་དགའ་སོགས་དུ་མ་ལས་སྨོན་འཇུག་གི་ཐུགས་བསྐྱེད་བཞེས། སྔ་ཕྱིར་ངོར་ས་སྐྱ་དཔལ་ལྡན་འབྲས་སྤུང་། བཀྲ་ཤིས་ལྷུན་པོ། མདོ་ཁམས་སོགས་སུ་བཞུགས་ཏེ། གཟིམ་འོག་མཆོག་སྤྲུལ་བྱམས་པ་ངག་དབང་བསྟན་འཛིན་སྙན་གྲགས། སྒོ་མང་ཞབས་དྲུང་དཀོན་མཆོག་བསྟན་པ་རབ་རྒྱས། ཐེ་བོ་སྤྲུལ་སྐུ་ཡེ་ཤེས་ཐུབ་བསྟན་རྒྱ་མཚོ། ལི་ཐང་རབ་འབྱམས་པ་བྱམས་པ་ཕུན་ཚོགས། སེམས་དཔའ་ཆེན་པོ་འཇིགས་མེད་རྒྱལ་བའི་མྱུ་གུ་སོགས་ལས། བྱང་ཆུབ་ལམ་སྒྲོན་དང་པོ་ཏོ་བའི་བེའུ་བུམ་སྔོན་པོ། །བྱང་ཆུབ་ལམ་རིམ་ཆེ་ཆུང་། བློ་སྦྱོང་དོན་བདུན་མ། ལེགས་བཤད་ཀུན་འདུས། ལམ་
(༣༥)རིམ་བདེ་ལམ་དང་། འཇམ་དཔལ་ཞལ་ལུང་། རྙིང་ཕྱོགས་སྔོན་འགྲོའི་ཁྲིད་རིམ་མང་པོ་སོགས་བསྟན་རིམ་གྱི་ཡི་གེ་དུ་མ་དང་དེ་དག་གི་རྒྱབ་ཆོས་འདུལ་བ་མདོ་རྩ། རྒྱན་འཇུག་གཉིས། མཛོད། རྣམ་འགྲེལ། བསྡུས་གྲྭ་ཚུན་ཆད་རྒྱ་ཆེར་སྦྱངས་པས་ས་དགེའི་ལུགས་སྲོལ་པདྨའི་འདབ་མ་ལྟར་བཀྲ་བ་རྣམས་ལ་རབ་བརྟགས་མ་ཡིན་པར་གཏིང་མཐའ་མེད་པའི་བློ་གྲོས་ཀྱི་འཇུག་པ་སད། གཙོ་བོར་སྨོས་པའི་དམ་པ་དེ་དག་དང་། དཔལ་ས་སྐྱ་པ་ཆེན་པོ་བཀྲ་ཤིས་རིན་ཆེན། ངོར་ཆེན་བྱམས་པ་ཀུན་དགའ་བསྟན་འཛིན་དང་། བྱམས་པ་རྣལ་འབྱོར་བཟང་པོ། །དཔོན་སློབ་རིན་པོ་ཆེ་ངག་དབང་ལེགས་གྲུབ། ཞ་ལུ་མཆོག་སྤྲུལ་རིན་ཆེན་བློ་གསལ་བསྟན་སྐྱོང་། འབྲས་སྤུང་ལྷ་བཙུན་རིན་པོ་ཆེ་ཡེ་ཤེས་དོན་གྲུབ་བསྟན་པའི་རྒྱལ་མཚན། རྟ་ནག་སྒྲོལ་མ་བ་འཇམ་དབྱངས་ཆོས་ཀྱི་རྒྱལ་མཚན། རྡོ་རྗེ་འཆང་བློ་གྲོས་མཐའ་ཡས་སོགས་བགྲང་བར་དཀའ་བའི་རྡོ་རྗེའི་སློབ་དཔོན་རྣམས་ལས། བྱ་རྒྱུད་རིགས་གསུམ། རྣམ་སྣང་མངོན་བྱང་། རྡོར་དབྱིངས། འཇམ་དཔལ་གསང་ལྡན་སོགས་ཡོ་གའི་སྐོར་རྡོ་རྗེའི་ཕྲེང་བ། ཀྱེ་རྡོ་རྗེའི་དབང་དང་རྒྱུད་གསུམ་ཡན་ལག་དང་བཅས་པ། གསེར་ཆོས་བཅུ་གསུམ་སོགས་དཔལ་ལྡན་ས་སྐྱ་པའི་དབང་གདམས་ཆེ་ཕྲ་མཐའ་དག སྔགས་རིམ། གསང་
(༣༦)བདེ་དུས་འཁོར་འཇིགས་བྱེད་སྐོར་སོགས་རྗེ་བཙུན་ཙོང་ཁ་པ་རྗེས་འབྲང་དང་བཅས་པའི་གཞུང་ལུགས་རྒྱ་མཚོ། མདོ་སྒྱུ་སེམས་གསུམ་དང་། བཀའ་བརྒྱད་ཡང་ཕུར་སོགས་རྙིང་ཕྱོགས་བཀའ་བབས་ཀྱི་ཆུ་བོ་བཞིའི་ཆོས་ཚུལ་མཐའ་ཡས་པ་ཕལ་ཆེར་རེ་རེའང་ལན་དུ་མར་གསན་ཏེ། དེ་བཞིན་དུ་ཤངས་ཆོས་མར་ལུགས་ཞི་བྱེད་གཅོད་ཡུལ་སོགས་ལའང་འདྲ་སྟེ་མདོར་ན་ཡོངས་འཛིན་དམ་པ་བརྒྱ་ལྔ་བཅུ་བསྟེན་ནས་བོད་གངས་ཅན་ཙམ་ན་རྒྱུན་བཞུགས་ཚད་ཀྱི་དབང་དང་གདམས་པ་ལ་མ་གསན་པ་མེད་པ་ལྟ་བུར་མཛད། བཀའ་འགྱུར་རིན་པོ་ཆེ་དང་། སྔ་འགྱུར་རྒྱུད་འབུམ། བསྟན་འགྱུར་རྒྱུན་གང་བཞུགས་སོགས་བཀླག་ལུང་ཁོ་ན་ཡང་གླེགས་བམ་བདུན་བརྒྱ་ལྷག་ཙམ་གསན། དེའང་འཆད་ཉན་དང་གླེགས་བམ་གྱི་རྒྱུན་རེ་རེའི་ཆེད་དུའང་རིགས་རུས་སྟོབས་འབྱོར་སོགས་ཀྱིས་ཁེངས་པ་དང་། སྡེ་རིས་དང་གྲུབ་མཐའི་ཕྱོགས་ཞེན་ཤུལ་ལམ་རིམ་བགྲོད་དང་ཆོས་སྒུགས་ཀྱི་ངལ་བས་ཞུམ་པ་སོགས་ཡོད་ཡེ་མི་མངའ་བར་དཀའ་སྤྱད་ཁུར་དུ་ཁྱེར་བའི་ཆོས་ཚོལ་གྱི་རྣམ་ཐར་བརྗོད་པར་མི་ནུས་ཤིང་། ངོར་ཆེན་ལས་བདེ་མཆོག་ནག་པོ་ལུགས་ཀྱི་དབང་གསན་སྐབས་བླ་མ་ཧེ་རུ་ཀ་ཞལ་བཞི་ཕྱག་བཅུ་གཉིས་པར་གཟིགས་པ་དང་། རྗེ་འཇམ་དཔལ་བཟང་པོ་རྣལ་འབྱོར་དབང་ཕྱུག་བི་རྦ་པར་གཟིགས་པ་སོགས་བླ་མ་སངས་རྒྱས་སུ་
(༣༧)མཐོང་ཚུལ་རྨད་དུ་བྱུང་བས་བྱང་དྲངས་ཏེ། ཆོས་གསན་པའི་བླ་མ་ཐམས་ཅད་ལ་གཅེས་དགུའི་བདོག་པས་མཆོད་པ་སོགས་སྒོ་དུ་མ་ནས་མཉེས་པ་མ་བསྒྲུབས་པ་དང་། ཕྱིན་ཅི་ལོག་གི་བསམ་སྦྱོར་ངན་པ་གཅིག་བཅངས་པའང་མེད་གསུངས་ཏེ་འདི་ཁོ་ན་ཡང་སྙིགས་མའི་དུས་ཀྱི་རང་བྱུང་གི་ཀུན་མཁྱེན་མང་པོས་བསམ་པར་སླ་བའང་མ་ཡིན་པའི་རྣམ་ཐར་ངོ་མཚར་བར་མཐོང་ངོ། །དབང་ཆོས་གསན་པ་ན་དངོས་གྲུབ་གྲུབ་པའི་ནང་གི་ལྟས་ཁྱད་པར་ཅན་ཡང་མང་དུ་གཟིགས་ཚུལ་མཚན་གཞི་ངོས་འཛིན་ཙམ་བརྗོད་ན། རྡོ་རྗེ་ཕྲེང་བ་གསན་སྐབས་སྟ་གོན་གྱི་ནུབ་མོའི་ཐོ་རངས། སྐྱེས་བུ་བརྗིད་ཆགས་པ་སྣུམ་བག་ཅན་བོང་ཚད་གཞན་ལས་ཉིས་འགྱུར་གྱིས་ཆེ་བ་ཟ་འོག་ནག་པོའི་གོས་ལྷུབ་གྱོན་བྱས་པ་ཞིག་གིས་ཐོག་དྲངས་སྐྱེ་བོའི་རབ་ཏུ་མང་པོས་རང་ཉིད་ལ་འདུད་པ་དང་། ཤར་ཕྱོགས་ནས་ཉི་མ་ཞིག་ཤར་བ་ཐུགས་ཀར་ཐིམ། དེ་ལས་སླར་སྐར་མ་ལྟ་བུའི་ཉི་མ་ཆུང་ངུ་མང་པོ་འཕྲོ་བ་དང་། བྱེའུ་ཆུང་ངུ་ཞིག་ཁྲས་དེད་པ་སྲོག་བསྐྱབ་མཛད་པ་རྣམས་བྱུང་། དེ་ཉིད་ནས་བརྩིས་པའི་ནུབ་བཞི་པར། ཆུ་ཆེན་པོ་ཞིག་བརྒལ་བའི་ཕ་རོལ་ཕ་བོང་ཞིག་གི་སྟེང་དུ་གྲུབ་ཆེན་རྡོ་རྗེ་དྲིལ་བུ་ཞབས་བཞུགས་འདུག །དེའི་འཁྲིས་སུ་ཀུན་ཏུ་རྒྱུའི་ཆ་བྱད་ཅན་ཞིག་གིས་ལི་ཁྲི་དངོས་ཡིན་ཚུལ་གྱིས་ཤིང་ལོ་
(༣༨)དམར་སེར་རེག་པས་ཚོན་དམར་སེར་དུ་འགྱུར་བ་ཞིག་དཔྲལ་བར་བསླན། དཱུརྦ་དངོས་ཡིན་ཞེས་ཤིང་ཏོག་སེར་པོ་ཞིག་བྱིན་པ་གསོལ་བས་རོ་ཁྱད་པར་དུ་འཕགས་པ་བྱུང་། བཅུད་ལེན་མཆོག་ཏུ་འགྱུར་ཞེས་ཟེར། དེ་ནས་རེ་ཞིག་ན་ལྷ་ཁང་གོག་པོ་ཞིག་ཏུ་རྒྱལ་བ་མ་ཕམ་པའི་སྣང་བརྙན་ཁྱད་འཕགས་ཤིག་ཐིགས་པས་འཇིག་ལ་ཁྱད་དུ་འདུག་པ་ཞིག་གསོས་མཛད་པས་དར་གཅིག་ན་ཞལ་རས་ཡན་ཆད་ལེགས་པོ་ཞིག་གྲུབ། དེའི་སྤྱན་སྔར་རབ་གནས་དང་ཚོགས་ཀྱི་འཁོར་ལོ་མཛད་པའི་མཐར། ཨོཾ་ཤྲཱི་ཨ་ལ་ལ་ཧོཿབདེ་ཆེན་གྱི་ཡེ་ཤེས་མཐར་སོན་པས། ཁ་སྦྱོར་ལ་ཡན་ལག་བདུན་དང་ལྡན། །དཔལ་རྡོ་རྗེ་འཆང་ཆེན་མི་གཟུགས་ཅན། །རྗེ་བླ་མའི་ཞབས་པད་སྙིང་ནས་དྲན། །ཕུང་པོ་དང་ཁམས་དང་སྐྱེ་མཆེད་ཀུན། །གདན་གསུམ་གྱི་དཀྱིལ་འཁོར་གཅིག་ཏུ་ཤར། །རྗེ་བླ་མ་སྐུ་ཡི་རྡོ་རྗེ་ལ། །ཡུལ་སྣང་སྟོང་གི་ངང་ནས་གསོལ་བ་འདེབས། །རྩ་ཨ་བ་དྷུ་ཏིའི་རྒྱུད་མངས་ལས། རླུང་མི་ཤིགས་ནཱ་དཱི་དབྱངས་སྙན་ལེན། །རྗེ་བླ་མ་གསུང་གི་རྡོ་རྗེ་ལ། །སྒྲ་གྲགས་སྟོང་གི་ངང་ནས་གསོལ་བ་འདེབས། །ཐབས་བདེ་བ་ཆེན་པོས་དྲངས་པ་ཡི། །སྟོང་ཉིད་ལ་སྙིང་རྗེའི་རང་རྩལ་རྫོགས། །རྗེ་བླ་མ་ཐུགས་ཀྱི་རྡོ་རྗེ་ལ། །བློ་རིག་སྟོང་གི་ངང་ནས་གསོལ་བ་འདེབས། །ཆེས་ཕྲ་བའི་རྩ་རླུང་ཐིག་
(༣༩)ལེའི་ཁམས། །འོད་གསལ་དུ་དྭངས་པའི་ཟུང་འཇུག་སྐུ། །རྗེ་བླ་མ་ཡེ་ཤེས་རྡོ་རྗེ་ལ། །དོན་དབྱེར་མེད་ཀྱི་ངང་ནས་གསོལ་བ་འདེབས། །ངེས་འབྱུང་གི་ཆུ་ཡིས་སྙིང་རབ་བསིལ། །ཚུལ་ཁྲིམས་ཀྱི་བསླབ་པས་ལུས་ངག་དག །ཏིང་འཛིན་གྱི་བྱེད་པོས་སེམས་རྒྱུད་དུལ། །ཤེས་རབ་ཀྱི་མིག་དང་ལྡན་པར་ཤོག །སྣང་བ་ཀུན་འཇའ་ཚོན་ལྷ་སྐུར་ཤར། །སྟོང་པ་ཡང་བདེ་བའི་ཐབས་དང་བཅས། །ཟུང་འཇུག་ལ་དགའ་བཞིའི་རྩལ་རྫོགས་པའི། །གོ་འཕང་དེ་ཚེ་འདིར་འགྲུབ་གྱུར་ཅིག །ཅེས་པའི་གླུ་དབྱངས་མཛད་པ་དང་། ནུབ་བདུན་པར། ལྷ་ལྡན་སྤྲུལ་པའི་གཙུག་ལག་ཁང་དུ་ནང་སྐོར་ལ་ཕེབས་པར་ཕྱག་ཏུ་འབྲས་དཀར་གྱིས་ཁེངས་པའི་རིན་པོ་ཆེའི་ཟ་མ་ཏོག་ཅིག་འདུག་པ་ནས་འཐོར་བཞིན་དུ་བྱོན་པས་ས་ལ་ཆགས་རིམ་བཞིན་དུ་མེ་ཏོག་དཀར་པོ་རེ་ལམ་ལམ་སྐྱེས། ཇོ་བོ་རིན་པོ་ཆེའི་དྲུང་དུ་སྤྲོ་བཞིན་སླེབས། དེར་མར་མེ་བརྒྱ་སྐོང་ཞིག་སྤར་གྲབ་བྱས་འདུག་པའི་འཁྲིས་དེར་ངོ་མི་འཚལ་བའི་མི་ཞིག་གིས། སྐུ་ཞབས་ཀྱི་གྲུབ་རྟགས་ཁྱད་པར་འཕགས། ད་མར་མེ་འདི་རྣམས་ལ་ཐུགས་སྨོན་གནང་ན་རང་འབར་དུ་ཡོང་། དེ་བྱུང་ན་སྨོན་ལམ་གང་བཏབ་མྱུར་དུ་འགྲུབ་ཟེར་བར། མར་མེ་ལ་དམོད་བཙུགས་ཏེ་མེ་ཏོག་འཐོར་བས་རང་འབར་དུ་སོང་། དེར་ཕན་བདེ་འབྱུང་བའི་སོགས་དང་། འཇིག་རྟེན་བདེ་ཞིང་སོགས་ཀྱི་སྨོན་ལམ་བཏབ་
(༤༠)པས་ད་ཅིའི་མི་དེ་ན་རེ། རང་དོན་དུའང་སྨོན་ལམ་ཞིག་མཛོད་དང་ཟེར་བར། ཕར་ལྟོས་དཔོན་མེད་ཚུར་ལྟོས་གཡོག་མེད་ཅིང་། །འདུལ་རྒྱུའི་དགྲ་མེད་སྐྱོང་རྒྱུའི་གཉེན་མེད་པར། །དབེན་པའི་གནས་སུ་རང་སེམས་འདུལ་བ་དང་། །རླབས་ཆེན་རྒྱལ་སྲས་སྤྱོད་པ་མཐར་ཕྱིན་ཤོག །ཅེས་བཏབ་པས་ཡི་རང་བའི་རྣམ་འགྱུར་སྟོན་པ་དང་། ནུབ་བཅུ་པར་རང་ཉིད་འཁྲུངས་ཡུལ་ཡིན་སྙམ་པའི་སྨན་ལྗོངས་ཉམས་དགའ་བ་ཞིག་ཏུ་སླེབས། དེར་བདུད་རྩི་རིལ་བུར་འགྲོ་བའི་སྔོ་སྨན་རྣམས་ཚོལ་བའི་འདུན་པས་ཕེབས་པར་ཕལ་ཆེར་ཞིག་རྙེད། སླར་ཨ་རུ་རའི་ནགས་ཚལ་ཐོལ་ལེ་བ་ཞིག་ཏུ་ཕྱིན། དེ་ན་སྨན་གྱི་དྲང་སྲོང་ཡིན་ཟེར་བའི་དགེ་སློང་བགྲེས་པོ་ཞིག་འདུག་པས་སྔོ་སྨན་མང་པོའི་ངོས་འཛིན་དང་། སྨན་སྦྱོར་ཁ་ཤས་གསུང་། དེ་ལ་ཡུལ་འདི་རྒྱ་བ་ལ་གྱི་ས་ཆ་ཞིག་ཡིན་འདྲ་སྟེ་ཇི་སྐད་ཟེར་བ་ལགས་ཞུས་པས། དཔལ་འཁོར་ལོ་བདེ་མཆོག་གི་གནས་ཁྱད་པར་ཅན་ཡིན། །སྐུ་རང་བྱོན་ཀྱང་བཞུགས་པས་མཇལ་དུ་འདོང་ཞེས་ཁྲིད། ཁང་བཟང་ཅུང་ཟད་གོག་པ་ཞིག་གི་སྒོ་ཕྱེ་བའི་ནང་དུ་མཚོ་ནག་དམ་པ་ཞིག་གི་དབུས་བདེ་མཆོག་གི་སྐུ་བློས་མི་འཆུད་པའི་ཆེན་པོ་ཞིག་མཇལ། ཟིལ་བསམ་གྱིས་མི་ཁྱབ་པས་རེ་ཞིག་བརྒྱལ་བ་སྙམ་བྱེད་པ་སོགས་མནལ་ལྟས་མཐའ་དག་བརྗོད་པར་མི་ནུས་ཤིང་། ཕྱི་རོལ་དུའང་འཇིགས་མེད་རྒྱལ་བའི་མྱུ་གུ་ལས་
(༢༥)བྷོ་ཊའི་ཡུལ་གྱི་སློབ་དཔོན་ཆེན་པོ་མཉྫུ་ཤྲཱི་དྷརྨ་མི་ཏྲའི་ཞབས་ཀྱི་རྟོགས་པ་མདོ་ཙམ་དུ་བརྗོད་པ་འཇིག་རྟེན་ཀུན་དུ་དགའ་བའི་གཏེར་ཞེས་བྱ་བ་བཞུགས་སོ། །
(༢༦)ན་མོ་གུ་རུ་མཉྫུ་ཤྲཱི་ཡེ། ཚོགས་གཉིས་རི་བོའི་བ་གམ་རྩེར་འཛེགས་ཐུབ་བསྟན་མཁའ་ལ་རྒྱན་དུ་བྱེད། །ཕྲིན་ལས་འོད་ཀྱིས་ཕྱོགས་སྟོང་སྤྱི་བོར་མཛེས་སྡུག་ཅོད་པན་ཉིན་བཞིན་འདོགས། །དམ་པའི་བློ་གྲོས་ཆུ་སྐྱེས་ཚལ་ནང་ཀུན་དགའི་རོལ་པ་འབུམ་འགྱེད་པ། །འཇམ་དབྱངས་རྗེས་བརྩེའི་ཆུ་གཏེར་ལས་བལྟམས་བླ་མའི་ཉིན་བྱེད་རྒྱལ་གྱུར་ཅིག །དེ་ཡི་བཀའ་དྲིན་ལྕགས་ཀྱུས་དྲངས་པའི་ཡིད། །མི་འཕྲོགས་དགའ་བར་ཁོལ་བས་ཉེར་བསྐྱོད་ཅིང་། །འདོད་པའི་གོམ་སྟབས་བསོད་ནམས་ཛམ་བུའི་ནགས། །རྩེ་གཅིག་བསྒྱུར་བའི་ཅ་ཅོ་དབྱངས་སུ་ལེན། །ཟབ་ཅིང་རྒྱ་ཆེའི་སྦྱོར་བ་བརྒྱས་བསགས་པ། །དག་པའི་ཐུགས་མངའ་
(༢༧)རྣམས་ཀྱི་རྣམ་པར་ཐར། །སོ་སོ་རང་རིག་ཡུལ་ལ་བདག་འདྲ་བས། །ཅི་དགར་སྨྲ་བའི་གོ་སྐབས་ག་ལ་རྙེད། །འོན་ཀྱང་བདེན་གསུང་བདུད་རྩིའི་རླབས་ཕྱུར་བ། །དང་བའི་སྙིམ་པར་ཆ་ཙམ་འཐུང་བ་ལས། །བློ་གྲོས་ལང་ཚོ་རྒྱགས་པའི་མྱོས་གླུ་ནི། །རང་བཞིན་བརྗོད་པའི་རྟོགས་བརྗོད་ཕྲེང་བར་སྤེལ། །དེ་ལ་ལྔ་བརྒྱ་པ་རྣམས་ཀྱི་གཙུག་གི་ནོར་བུ། །ཛམ་བུའི་གླིང་ན་ཆེ་བའི་རྣལ་འབྱོར་གྱི་དབང་ཕྱུག །འཇམ་དཔལ་ཆོས་ཀྱི་བཤེས་གཉེན་ཞེས་སྙན་གྲགས་ཀྱི་ཡི་གེས་ས་གཞིའི་དཀྱིལ་འཁོར་བརྒྱན་པར་མཛད་པ་དེ་ཉིད་འཇིག་རྟེན་དུ་ཇི་ལྟར་བྱུང་བའི་ཚུལ་ནི། འཕགས་པ་སྤྱན་རས་གཟིགས་དབང་ཕྱུག་གི་གདུལ་ཞིང་། བོད་ཁ་བ་ཅན་གྱི་ཤར་
(༢༨)ཕྱོགས། མདོ་ཁམས་སྡེ་དགེའི་མངའ་རིས་ལས། ཡུལ་གྱི་དགེ་བཅུ་གཡང་དུ་ཆགས་ཤིང་ཉེ་འཁོར་བཀྲ་ཤིས་རྟགས་བརྒྱད་ཀྱིས་རེ་ཁཱས་བཀྲ་ལ། དཔའ་བོ་མཁའ་འགྲོའི་གྲོང་མང་པོ་དང་འདབ་འབྲེལ་བས་ཁྱད་པར་དུ་འཕགས་པ་གཏེར་ལྷུང་ཞེས་པའི་སའི་ཆ་ཤས། ཉང་རིན་པོ་ཆེའི་གཏེར་ལུང་ལས། རྩེ་སྒང་ཞེས་པའི་རི་བོའི་མདུན༔ ཕ་བོད་ཀླུ་དབང་འཁྱིལ་བའི་སྟེངཿ མངའ་བདག་འཇམ་པའི་དབྱངས་ཞེས་འབྱུང་ཿ བཅུ་གསུམ་ཟབ་མོའི་གཏེར་ལ་སྤྱོད༔ ཅེས་པ་ལྟར། རྒྱབ་རི་རྩེ་སྒང་དུ་གྲགས་པའི་མདུན། བྲག་རི་སྦྲུལ་འཁྱིལ་བ་ལྟ་བུའི་གཟུགས་སུ་གནས་པའི་སྟེང་། དེའུ་མགོ་ཞེས་པའི་གྲོང་དུ་ཡབ་ཚང་ཆགས་ཤིང་། སྐུ་བལྟམས་དངོས་ཁྱུད་ཆེན་བྲག་གི་ཉེ་འདབས་སུ་དབྱར་མལ་ཕོག་ཡོད་པའི་སྐབས། རས་དཀར་གྱི་ལྡིང་གུར་ཕུབ་པའི་ནང་དུ་བྱུང་བས། གུ་རུ་ཚེ་བརྟན་རྒྱལ་མཚན་པའི་གཏེར་ཡིག་ལས། མོན་བུ་སྤྱི་རིང་སྐྲ་ཡི་ལ་བ་ཅནཿ རི་བོ་ཁྱུང་ཆེན་ལྡིང་བའམ་ཞོལ་དུ་འབྱུང་༔ ཞེས་འབྱུང་བ་དང་ཤིན་ཏུ་འགྲིགས། དེའང་མཛེས་སྡུག་གི་ཡོན་ཏན་ལས་མིང་ཆགས་པ་མྱོས་ཀྱི་རིགས་ལས་མི་དབང་སྡེ་དགེའི་དྲུང་ཆེན་གཙུག་ལག་གཉིས་ལ་བློ་གྲོས་མཆོག་ཏུ་ཡངས་པ་རིན་ཆེན་དབང་རྒྱལ་དང་། ཡུམ་མདུན་ན་འདོན་གཙོ་བོའི་རྒྱུད་དུ་བྱུང་བ་དགེར་བ་བུ་མོ་བསོད་
(༢༩)ནམས་མཚོའི་སྲས་སུ་རབ་བྱུང་བཅུ་བཞི་པའི་ས་མོ་ཡོས་ལ་ལྷུམས་སུ་ཞུགས། དེའི་ཚེ་ཡུམ་གྱི་ལུས་མདངས་དང་ལྡན་ཞིང་བདེ་བ་དང་། དགེ་སེམས་རང་བཞིན་གྱིས་འཕེལ་བར་གྱུར་ཏེ། མངལ་དུ་ཟླ་བ་བརྒྱད་བཞུགས་ནས་ལྕགས་འབྲུག་ཆུ་སྟོད་ཟླ་བའི་ཆོས་འཁོར་དུས་ཆེན་དང་ཉེ་བ་དཀར་ཕྱོགས་རྫོགས་པ་དང་པོའི་ཐོ་རངས་ཁྱིམ་ཉི་མ་ཤར་བ་ལྟ་བུའི་འོད་ཀྱིས་གང་བ་དང་། ཉི་མ་ཤར་དུས་སུ་ཆུ་སྣོད་ཀྱི་ཆུ་འོ་མའི་ཕུང་པོར་བསྙོན་མི་ནུས་པར་སོང་བ་སོགས་ལྟས་ཁྱད་པར་ཅན་གྱིས་མདུན་བསུས་ཏེ། དེ་ཉིད་ཀྱི་ཉི་མའི་གུང་ལ་ཀུན་དགའི་ལང་ཚོ་སྨིན་མཚམས་དཔའ་བོའི་རྒྱ་རྟགས་ཀྱིས་སྤྲས་ཤིང་སྐྱེ་མཆེད་ཤིན་ཏུ་དང་བ། ཁོ་ལག་ཡངས་ཤིང་སྐུ་བྱད་ལྟ་ན་སྡུག་པ། འཁྲི་ཤིང་གསར་པའི་འདབ་མ་ལྟར་མཉེན་ལ་གཟི་བརྗིད་ཀྱིས་སྣུམ་པ། སྤོས་ཀྱི་ཤིང་བཞིན་ལྷན་ཅིག་སྐྱེས་པའི་དྲི་བསུང་ཞིམ་པོ་ཅན། དབྱིག་གི་གདངས་སྤྲིན་གྱི་ང་རོ་ལྟ་བུའི་རྒྱན་དང་ལྡན་པ་ཞིག་དབུ་སྐྲ་ནག་པོ་སིལ་བུར་གྱུར་ཅིང་། ཤ་མའི་གཡོགས་ཆོས་གོས་དཀྲི་ཚུལ་ལྟར་མནབ་པ། ཀུ་ཤའི་སེ་རལ་ཁ་དང་བཅས་པའི་རྣམ་པས་ཡུམ་ལ་གནོད་པ་མེད་པར་བལྟམས། བྱང་ཆུབ་སེམས་དཔའ་རིན་པོ་ཆེ་འདི་བྱུང་བའི་མཐུ་ལས་ཁྱིམ་དེ་བཀྲ་ཤིས་ཀྱི་གཟི་དང་ལྡན་པར་གྱུར་པ་ཙམ་དུ་མ་ཟད། རྒྱལ་ཁམས་སྤྱིར་ཡང་བདེ་བ་དང་ལོ་ལེགས་
(༣༠)པ་སོགས་འཇིག་རྟེན་སྐྱོང་བ་རྣམས་བཙས་སྟོན་བྱེད་པ་ལ་བརྩོན་པ་བཞིན་དུ་གྱུར་ཏོ། །མདོ་ཁམས་སྟོད་སྨད་ཕལ་ཆེར་སྡོ་འཇམ་དཔལ་རྟག་དུས་གང་བ་འདིའང་རྗེ་བླ་མ་མ་བྱོན་གོང་དུ་མེད་ཟེར་ཏེ། སི་ཏུ་ཆོས་འབྱུང་གི་དྲིས་ལན་ཞིག་དང་བསྟུན་ན་བདེན་པར་གསལ། བྱིས་པའི་དུས་ནས་ནག་པོ་ཆེན་པོ་དང་རེ་མ་ཏིས་རྒྱུན་དུ་སྲུང་བ་རྣམས་དངོས་སུ་གཟིགས། གཞོན་ནུ་དེ་ནི་རང་བཞིན་གྱིས་བརྩེ་བ་ཆེ་ཞིང་། གཏོང་བ་ལ་དགྱེས་པ་དང་། དེས་ཤིང་འགྲོགས་ན་བདེ་བ་དང་། སྙིང་སྟོབས་ཆེན་པོའི་ངང་ཚུལ་སུས་ཀྱང་དགག་ཏུ་མི་བཏུབ། གྲུབ་ཆེན་དྲིལ་བུ་ཞབས་དང་། པནྜི་ཏ་སྒོ་མཐའ་ཡས་པའི་བློ་གྲོས། ནགས་ཀྱི་རིན་ཆེན། མངའ་སྐྱོང་ཁྲི་ལྡེ། འབྲོམ་ཆོས་ཀྱི་རྒྱལ་པོ། ཐང་རྒྱལ་སོགས་འཕགས་བོད་ཀྱི་སྐྱེས་མཆོག་མང་པོར་འཁྲུངས་པའི་སྔོན་རབས་ཀྱི་མཛད་པ་དང་འབྲེལ་བར་ཆོས་ཀྱི་རྣམ་གྲངས་དང་དགེ་བའི་བཤེས་གཉེན་དགོན་གནས་དཀྱིལ་འཁོར་མང་པོ་སོགས་རྗེས་སུ་དྲན། ལར་ཡང་སྐྱེས་བུ་ཆེན་པོ་འདི་ལོ་རྒྱུས་འཆད་པ་ན་སྔོན་རབས་ཀྱི་ཡི་གེ་སྔ་ཕྱི་རྣམས་སུ་མི་འབྱུང་བའི་གཏམ་གྱི་སྦྱོར་ཞིབ་མོ་རང་ཚིག་གིས་མ་བསལ་བ་ཉན་པ་པོའི་བློས་མཁྱུད་དཀའ་བ་ཤ་སྟག་འབྱུང་སྟེ་སྔོན་གནས་རྗེ་དྲན་གྱི་མཐུར་སྣང་། སྐུ་ཚེ་མང་པོར་བྱང་ཆུབ་སེམས་དཔའི་ཉེས་སྤྱོད་སྡོམ་པའི་ཚུལ་ཁྲིམས་ཁྱད་པར་ཅན་ལེགས་པར་
(༣༡)སྦྱངས་པའི་རྒྱུ་མཐུན་ལས་སྐུ་ན་ཤིན་ཏུ་ཕྲ་མོ་ནས་རབ་བྱུང་ཁོ་ན་ལ་དགྱེས་ཤིང་ཁྱིམ་པའི་རྟགས་རིང་དུ་སྤངས། རྫ་དང་གངས་ཁྲོད་སོགས་དབེན་གནས་འབའ་ཞིག་ལ་རྟག་ཏུ་དགོངས་པའི་རྣམ་འགྱུར་དང་དུས་དང་དུས་སུ་བསམ་གཏན་ལ་མཉམ་པར་འཇོག་པའི་ཀུན་སྤྱོད། ལྡང་བ་ན་ཆོས་འཆད་པའི་ལད་མོ་སོགས་རྨད་དུ་བྱུང་བའི་རོལ་རྩེད་ཀྱང་མཛད། ལྷན་ཅིག་སྐྱེས་པའི་ཤེས་རབ་རླབས་ཆེ་བས་སྐུ་ཚེ་འདིར་སྒྲ་སྙན་སྡེབ་སྦྱོར་དང་ནང་གི་རིག་གནས་ཅི་ཡང་མ་བསླབས་པ་དགུང་གྲངས་བཅུ་གཉིས་སྐོར་དུ་ཡང་བསྟོད་ཚོགས་དང་མདོ་སྔགས་ལམ་རིམ། གཞན་དག་ཆོས་ལ་སྐུལ་བའི་གཏམ་སོགས་ཟད་མི་ཤེས་པར་དགོངས་ཉམས་བྱུང་རྒྱལ་གྱི་ངང་ནས་རྩོམ་ཆོག་པ་དང་། དེ་དག་ཀྱང་རྗོད་བྱེད་ཀྱི་ཉམས་འགྱུར། བརྗོད་བྱའི་འགང་། གོང་འོག་གི་འབྲེལ་ཕུན་སུམ་ཚོགས་པས་མཁས་པ་རྣམས་ཀྱི་ཡིད་འཕྲོགས་པ་ཁོ་ན་ཡོད། དགུང་ལོ་བརྒྱད་དུ་ཕེབས་པ་ན་སྙུན་གྱི་ཚོར་བ་རྩུབ་མོས་ཐུགས་བསྡུས་པ་ལྟ་བུའི་རྐྱེན་ལས་མངོན་སུམ་གྱི་སྣང་ཆར་ཨོ་རྒྱན་རིན་པོ་ཆེ་དང་ཌཱ་ཀྐིའི་དབང་མོ་མཁར་ཆེན་བཟས་རྡོ་རྗེ་ཕུར་པའི་དཀྱིལ་འཁོར་དུ་དབང་བསྐུར་བས་བར་ཆད་དངོས་གྲུབ་ཀྱི་གྲོགས་སུ་ལྷོངས་ཤིང་། ལན་གཅིག་གཏེར་ལྷུང་གི་བྲག་སྐྱིབས་ཤིག་ཏུ་ནམ་མཁའ་ནས་དྷཱིའི་རང་སྒྲ་ཆེན་པོ་གྲགས་པས་
(༣༢)ཅུང་ཟད་བརྒྱལ་ཐབས་སུ་སོང་། དེ་ལས་སད་མ་ཐག་རྗེ་བཙུན་མཁྱེན་པའི་གཏེར་དང་སློབ་དཔོན་འཇམ་དཔལ་བཤེས་གཉེན་དབྱེར་མེད་པའི་སྐུའི་སྣང་བ་དང་དགོངས་པ་ཏིང་ངེ་འཛིན་གྱིས་བརླབས། དགུང་ལོ་བཅོ་ལྔ་པར་ཉིན་སྣང་དངོས་དང་དབྱེ་བ་མི་ཕྱེད་པ་ལྟ་བུའི་ཉམས་ཀྱི་གསལ་ཆར་རྒྱ་གར་རྡོ་རྗེ་གདན་གྱི་གནྡྷོ་ལ་རིམ་པ་དགུ་པ་གསེར་གྱི་རྒྱ་ཕུབ་དང་སྨན་ཤིང་གི་ར་བ་སོགས་བཀོད་པ་བཟང་ཞིང་རྒྱ་ཆེ་བར་སློབ་དཔོན་ཆེན་པོ་འཇམ་དཔལ་བཤེས་གཉེན་ལས་ཤེས་རབ་ཀྱི་ཕ་རོལ་ཏུ་ཕྱིན་པ་དང་རྣལ་འབྱོར་བླ་ན་མེད་པའི་ཆོས་ཀྱི་གསང་མཛོད་ཐོབ། གནྡྷོ་ལའི་སྒོ་དྲུང་དུ་མེ་ཕུང་ཆེན་པོ་འབར་བ་ཞིག་གཟིགས་པར་དབང་མེད་དུ་ཞུགས་པས་རགས་ལུས་སྤྱངས། དྭངས་མ་འོད་ཀྱི་ལུས་སུ་སྣང་བའི་ངང་ལ་པ་ཆེན་བི་མ་ལ་དངོས་ཀྱི་ང་རྒྱལ་དུ་འབྱམས་ཀླས། ལོ་དེའི་རྒྱལ་ཟླ་བར་ཚེ་སྒྲུབ་མཛད་པའི་ཐོ་རངས་ཞིག་བཟླས་པ་ལ་བབས་པ་ན་ནམ་མཁའི་དབྱིངས་ནས་ཌཱ་མ་རུའི་སྒྲ་དང་ཤིན་ཏུ་ཞིམ་པའི་དྲི་བསུང་བཅས་འོད་དམར་བཀྲག་མདངས་འབར་བ་ཞིག་སྒྲུབ་རྫས་ཀྱི་སྟེང་ནས་ཞུགས་ཤིང་འདྲེས་པའི་ཀློང་དུ་ཡེ་ཤེས་ཌཱཀྐི་ཙཎྜ་ལི་གར་སྟབས་བསྒྱུར་བའི་ཞལ་ནས་དབང་དང་གདམས་པ་སྩལ་བའི་མཐར་ཤིས་བརྗོད་ཀྱི་མེ་ཏོག་དམར་པོ་ཆར་དུ་བསྙིལ་བའི་གཟིགས་སྣང་དང་ལྷན་ཅིག་སྒྲུབ་དཀྱིལ་སྟེང་དུ་གཡར་མོ་ཐང་ལྟ་བུའི་མེ་ཏོག་
(༣༣)གི་ཆར་པ་དངོས་གནས་ལ་བབས། ལོ་བཅུ་དྲུག་བཞེས་པའི་ས་ག་ཟླ་བའི་ཚེས་བཅུར་པདྨ་འོད་གླིང་དུ་ཕེབས་པར་ཟངས་མདོག་དཔལ་རི་བྲག་རི་ལྷུན་ཆགས་ཀྱི་རྣམ་པར་གཟིགས་པའི་ཁོང་དུ་ཤིང་བལ་གྱི་འདབ་མ་སྤུངས་པ་ལྟ་བུའི་སྤྲིན་གསར་མཛེས་པའི་ཀློང་ན་དཔལ་ཨོ་རྒྱན་ཆོས་ཀྱི་རྒྱལ་པོ་རྡོ་རྗེ་མཁའ་འགྲོ་མའི་འཁོར་རྒྱ་མཚོ་ལྟ་བུ་དང་བཅས་པར་གཟིགས་ཤིང་། སྐུ་གསུམ་ངོ་སྤྲོད་ཀྱི་གདམས་པ་ཐུན་མོང་མ་ཡིན་པ་སྩལ་བ་སོགས་ལས་རྡོ་རྗེ་གསུམ་གྱི་ཡེ་ཤེས་གོང་དུ་འཕེལ། སྐྱེ་བས་ཐོབ་པའི་ཡོན་ཏན་ཕུལ་བྱུང་དང་། །ངང་གིས་རླབས་ཆེན་མགོན་དང་བཅས་གྱུར་པའི། །ཚུལ་འདིས་རྗེ་བཙུན་སྐུ་ཚེ་དུ་མ་ནས། །བསོད་ནམས་ཡེ་ཤེས་ཚོགས་ཆེན་བསགས་པར་རྟོགས། །དགུང་ལོ་བརྒྱད་ནས་ཡབ་དང་བླ་སྨན་ཆོས་གྲགས་རྒྱ་མཚོ་སོགས་ལས་བྲིས་ཀློག་དང་རྩིས་དཀར་ནག །བོད་ཀྱི་བརྡ་སྤྲོད་གཞུང་གཉིས། གསོ་རིག་རྒྱུད་བཞི་ཡན་ལག་ཕྲ་མོ་ཚུན་གྱི་བཤད་པ་དང་ལག་ལེན། སྐུ་གཟུགས་མཆོད་རྟེན་དང་དཀྱིལ་འཁོར་གྱི་ཆ་ཚད་སྤོས་སྦྱོར་སོགས་ཆེས་མཁས་ཤིང་བྱང་བར་བསླབས། དེ་ནས་རིང་པོ་མ་ལོན་པར་ཡབ་གཤེགས་པའི་རྐྱེན་གྱིས་རེ་ཞིག་གསན་སྦྱངས་འཕྲོ་ཅན་དུ་ལུས། ཡབ་ཡུམ་འདས་ནས་ཅིར་འགྱུར་གཟིགས་པས་ཡབ་ལྕང་ལོ་ཅན་དུ་འཕགས་པ་ལག་ན་རྡོ་རྗེའི་ཞལ་མཐོང་བའི་གནོད་སྦྱིན་ཞིག་དང་།
(༣༤)ཡུམ་ཞིང་སྐྱེས་ཤ་ཟ་ཌཀྐི་ཞིག་ཏུ་སྐྱེས་པ་མཐོང་གསུངས། དགུང་ལོ་བཅུ་དགུ་པར་ཟེ་ཆེན་པ་འགྱུར་མེད་མཐུ་སྟོབས་ལས་སྒྲ་ཀ་ཙ་དབྱངས་གསུམ་གྱི་རི་མོ་དང་གོ་དོན་རྒྱས་པ། མངོན་བརྗོད་འཆི་མེད་མཛོད་རྩ་འགྲེལ། སྙན་དངགས་མེ་ལོང་། སྡེབ་སྦྱོར་རིན་འབྱུང་སོགས་གསན་བསམ་མང་དུ་སྦྱངས་པས་སོ་སོ་ལ་མཁས་པའི་ཚད་དུ་ཕྱིན། དགུང་གྲངས་ཉེར་གཅིག་པར་ཨོ་རྒྱན་སྨིན་གྲོལ་གླིང་གི་ཆོས་གྲྭར་མཁན་ཆེན་འགྱུར་མེད་རིག་འཛིན་བཟང་པོ་སོགས་དད་པའི་དགེ་འདུན་གྲངས་ཚང་བ་ལས་བསྙེན་པར་རྫོགས། ས་སྐྱ་བདག་ཆེན་རྡོ་རྗེ་རིན་ཆེན་དང་སྨིན་གླིང་ཁྲི་འགྱུར་མེད་སངས་རྒྱས་ཀུན་དགའ་སོགས་དུ་མ་ལས་སྨོན་འཇུག་གི་ཐུགས་བསྐྱེད་བཞེས། སྔ་ཕྱིར་ངོར་ས་སྐྱ་དཔལ་ལྡན་འབྲས་སྤུང་། བཀྲ་ཤིས་ལྷུན་པོ། མདོ་ཁམས་སོགས་སུ་བཞུགས་ཏེ། གཟིམ་འོག་མཆོག་སྤྲུལ་བྱམས་པ་ངག་དབང་བསྟན་འཛིན་སྙན་གྲགས། སྒོ་མང་ཞབས་དྲུང་དཀོན་མཆོག་བསྟན་པ་རབ་རྒྱས། ཐེ་བོ་སྤྲུལ་སྐུ་ཡེ་ཤེས་ཐུབ་བསྟན་རྒྱ་མཚོ། ལི་ཐང་རབ་འབྱམས་པ་བྱམས་པ་ཕུན་ཚོགས། སེམས་དཔའ་ཆེན་པོ་འཇིགས་མེད་རྒྱལ་བའི་མྱུ་གུ་སོགས་ལས། བྱང་ཆུབ་ལམ་སྒྲོན་དང་པོ་ཏོ་བའི་བེའུ་བུམ་སྔོན་པོ། །བྱང་ཆུབ་ལམ་རིམ་ཆེ་ཆུང་། བློ་སྦྱོང་དོན་བདུན་མ། ལེགས་བཤད་ཀུན་འདུས། ལམ་
(༣༥)རིམ་བདེ་ལམ་དང་། འཇམ་དཔལ་ཞལ་ལུང་། རྙིང་ཕྱོགས་སྔོན་འགྲོའི་ཁྲིད་རིམ་མང་པོ་སོགས་བསྟན་རིམ་གྱི་ཡི་གེ་དུ་མ་དང་དེ་དག་གི་རྒྱབ་ཆོས་འདུལ་བ་མདོ་རྩ། རྒྱན་འཇུག་གཉིས། མཛོད། རྣམ་འགྲེལ། བསྡུས་གྲྭ་ཚུན་ཆད་རྒྱ་ཆེར་སྦྱངས་པས་ས་དགེའི་ལུགས་སྲོལ་པདྨའི་འདབ་མ་ལྟར་བཀྲ་བ་རྣམས་ལ་རབ་བརྟགས་མ་ཡིན་པར་གཏིང་མཐའ་མེད་པའི་བློ་གྲོས་ཀྱི་འཇུག་པ་སད། གཙོ་བོར་སྨོས་པའི་དམ་པ་དེ་དག་དང་། དཔལ་ས་སྐྱ་པ་ཆེན་པོ་བཀྲ་ཤིས་རིན་ཆེན། ངོར་ཆེན་བྱམས་པ་ཀུན་དགའ་བསྟན་འཛིན་དང་། བྱམས་པ་རྣལ་འབྱོར་བཟང་པོ། །དཔོན་སློབ་རིན་པོ་ཆེ་ངག་དབང་ལེགས་གྲུབ། ཞ་ལུ་མཆོག་སྤྲུལ་རིན་ཆེན་བློ་གསལ་བསྟན་སྐྱོང་། འབྲས་སྤུང་ལྷ་བཙུན་རིན་པོ་ཆེ་ཡེ་ཤེས་དོན་གྲུབ་བསྟན་པའི་རྒྱལ་མཚན། རྟ་ནག་སྒྲོལ་མ་བ་འཇམ་དབྱངས་ཆོས་ཀྱི་རྒྱལ་མཚན། རྡོ་རྗེ་འཆང་བློ་གྲོས་མཐའ་ཡས་སོགས་བགྲང་བར་དཀའ་བའི་རྡོ་རྗེའི་སློབ་དཔོན་རྣམས་ལས། བྱ་རྒྱུད་རིགས་གསུམ། རྣམ་སྣང་མངོན་བྱང་། རྡོར་དབྱིངས། འཇམ་དཔལ་གསང་ལྡན་སོགས་ཡོ་གའི་སྐོར་རྡོ་རྗེའི་ཕྲེང་བ། ཀྱེ་རྡོ་རྗེའི་དབང་དང་རྒྱུད་གསུམ་ཡན་ལག་དང་བཅས་པ། གསེར་ཆོས་བཅུ་གསུམ་སོགས་དཔལ་ལྡན་ས་སྐྱ་པའི་དབང་གདམས་ཆེ་ཕྲ་མཐའ་དག སྔགས་རིམ། གསང་
(༣༦)བདེ་དུས་འཁོར་འཇིགས་བྱེད་སྐོར་སོགས་རྗེ་བཙུན་ཙོང་ཁ་པ་རྗེས་འབྲང་དང་བཅས་པའི་གཞུང་ལུགས་རྒྱ་མཚོ། མདོ་སྒྱུ་སེམས་གསུམ་དང་། བཀའ་བརྒྱད་ཡང་ཕུར་སོགས་རྙིང་ཕྱོགས་བཀའ་བབས་ཀྱི་ཆུ་བོ་བཞིའི་ཆོས་ཚུལ་མཐའ་ཡས་པ་ཕལ་ཆེར་རེ་རེའང་ལན་དུ་མར་གསན་ཏེ། དེ་བཞིན་དུ་ཤངས་ཆོས་མར་ལུགས་ཞི་བྱེད་གཅོད་ཡུལ་སོགས་ལའང་འདྲ་སྟེ་མདོར་ན་ཡོངས་འཛིན་དམ་པ་བརྒྱ་ལྔ་བཅུ་བསྟེན་ནས་བོད་གངས་ཅན་ཙམ་ན་རྒྱུན་བཞུགས་ཚད་ཀྱི་དབང་དང་གདམས་པ་ལ་མ་གསན་པ་མེད་པ་ལྟ་བུར་མཛད། བཀའ་འགྱུར་རིན་པོ་ཆེ་དང་། སྔ་འགྱུར་རྒྱུད་འབུམ། བསྟན་འགྱུར་རྒྱུན་གང་བཞུགས་སོགས་བཀླག་ལུང་ཁོ་ན་ཡང་གླེགས་བམ་བདུན་བརྒྱ་ལྷག་ཙམ་གསན། དེའང་འཆད་ཉན་དང་གླེགས་བམ་གྱི་རྒྱུན་རེ་རེའི་ཆེད་དུའང་རིགས་རུས་སྟོབས་འབྱོར་སོགས་ཀྱིས་ཁེངས་པ་དང་། སྡེ་རིས་དང་གྲུབ་མཐའི་ཕྱོགས་ཞེན་ཤུལ་ལམ་རིམ་བགྲོད་དང་ཆོས་སྒུགས་ཀྱི་ངལ་བས་ཞུམ་པ་སོགས་ཡོད་ཡེ་མི་མངའ་བར་དཀའ་སྤྱད་ཁུར་དུ་ཁྱེར་བའི་ཆོས་ཚོལ་གྱི་རྣམ་ཐར་བརྗོད་པར་མི་ནུས་ཤིང་། ངོར་ཆེན་ལས་བདེ་མཆོག་ནག་པོ་ལུགས་ཀྱི་དབང་གསན་སྐབས་བླ་མ་ཧེ་རུ་ཀ་ཞལ་བཞི་ཕྱག་བཅུ་གཉིས་པར་གཟིགས་པ་དང་། རྗེ་འཇམ་དཔལ་བཟང་པོ་རྣལ་འབྱོར་དབང་ཕྱུག་བི་རྦ་པར་གཟིགས་པ་སོགས་བླ་མ་སངས་རྒྱས་སུ་
(༣༧)མཐོང་ཚུལ་རྨད་དུ་བྱུང་བས་བྱང་དྲངས་ཏེ། ཆོས་གསན་པའི་བླ་མ་ཐམས་ཅད་ལ་གཅེས་དགུའི་བདོག་པས་མཆོད་པ་སོགས་སྒོ་དུ་མ་ནས་མཉེས་པ་མ་བསྒྲུབས་པ་དང་། ཕྱིན་ཅི་ལོག་གི་བསམ་སྦྱོར་ངན་པ་གཅིག་བཅངས་པའང་མེད་གསུངས་ཏེ་འདི་ཁོ་ན་ཡང་སྙིགས་མའི་དུས་ཀྱི་རང་བྱུང་གི་ཀུན་མཁྱེན་མང་པོས་བསམ་པར་སླ་བའང་མ་ཡིན་པའི་རྣམ་ཐར་ངོ་མཚར་བར་མཐོང་ངོ། །དབང་ཆོས་གསན་པ་ན་དངོས་གྲུབ་གྲུབ་པའི་ནང་གི་ལྟས་ཁྱད་པར་ཅན་ཡང་མང་དུ་གཟིགས་ཚུལ་མཚན་གཞི་ངོས་འཛིན་ཙམ་བརྗོད་ན། རྡོ་རྗེ་ཕྲེང་བ་གསན་སྐབས་སྟ་གོན་གྱི་ནུབ་མོའི་ཐོ་རངས། སྐྱེས་བུ་བརྗིད་ཆགས་པ་སྣུམ་བག་ཅན་བོང་ཚད་གཞན་ལས་ཉིས་འགྱུར་གྱིས་ཆེ་བ་ཟ་འོག་ནག་པོའི་གོས་ལྷུབ་གྱོན་བྱས་པ་ཞིག་གིས་ཐོག་དྲངས་སྐྱེ་བོའི་རབ་ཏུ་མང་པོས་རང་ཉིད་ལ་འདུད་པ་དང་། ཤར་ཕྱོགས་ནས་ཉི་མ་ཞིག་ཤར་བ་ཐུགས་ཀར་ཐིམ། དེ་ལས་སླར་སྐར་མ་ལྟ་བུའི་ཉི་མ་ཆུང་ངུ་མང་པོ་འཕྲོ་བ་དང་། བྱེའུ་ཆུང་ངུ་ཞིག་ཁྲས་དེད་པ་སྲོག་བསྐྱབ་མཛད་པ་རྣམས་བྱུང་། དེ་ཉིད་ནས་བརྩིས་པའི་ནུབ་བཞི་པར། ཆུ་ཆེན་པོ་ཞིག་བརྒལ་བའི་ཕ་རོལ་ཕ་བོང་ཞིག་གི་སྟེང་དུ་གྲུབ་ཆེན་རྡོ་རྗེ་དྲིལ་བུ་ཞབས་བཞུགས་འདུག །དེའི་འཁྲིས་སུ་ཀུན་ཏུ་རྒྱུའི་ཆ་བྱད་ཅན་ཞིག་གིས་ལི་ཁྲི་དངོས་ཡིན་ཚུལ་གྱིས་ཤིང་ལོ་
(༣༨)དམར་སེར་རེག་པས་ཚོན་དམར་སེར་དུ་འགྱུར་བ་ཞིག་དཔྲལ་བར་བསླན། དཱུརྦ་དངོས་ཡིན་ཞེས་ཤིང་ཏོག་སེར་པོ་ཞིག་བྱིན་པ་གསོལ་བས་རོ་ཁྱད་པར་དུ་འཕགས་པ་བྱུང་། བཅུད་ལེན་མཆོག་ཏུ་འགྱུར་ཞེས་ཟེར། དེ་ནས་རེ་ཞིག་ན་ལྷ་ཁང་གོག་པོ་ཞིག་ཏུ་རྒྱལ་བ་མ་ཕམ་པའི་སྣང་བརྙན་ཁྱད་འཕགས་ཤིག་ཐིགས་པས་འཇིག་ལ་ཁྱད་དུ་འདུག་པ་ཞིག་གསོས་མཛད་པས་དར་གཅིག་ན་ཞལ་རས་ཡན་ཆད་ལེགས་པོ་ཞིག་གྲུབ། དེའི་སྤྱན་སྔར་རབ་གནས་དང་ཚོགས་ཀྱི་འཁོར་ལོ་མཛད་པའི་མཐར། ཨོཾ་ཤྲཱི་ཨ་ལ་ལ་ཧོཿབདེ་ཆེན་གྱི་ཡེ་ཤེས་མཐར་སོན་པས། ཁ་སྦྱོར་ལ་ཡན་ལག་བདུན་དང་ལྡན། །དཔལ་རྡོ་རྗེ་འཆང་ཆེན་མི་གཟུགས་ཅན། །རྗེ་བླ་མའི་ཞབས་པད་སྙིང་ནས་དྲན། །ཕུང་པོ་དང་ཁམས་དང་སྐྱེ་མཆེད་ཀུན། །གདན་གསུམ་གྱི་དཀྱིལ་འཁོར་གཅིག་ཏུ་ཤར། །རྗེ་བླ་མ་སྐུ་ཡི་རྡོ་རྗེ་ལ། །ཡུལ་སྣང་སྟོང་གི་ངང་ནས་གསོལ་བ་འདེབས། །རྩ་ཨ་བ་དྷུ་ཏིའི་རྒྱུད་མངས་ལས། རླུང་མི་ཤིགས་ནཱ་དཱི་དབྱངས་སྙན་ལེན། །རྗེ་བླ་མ་གསུང་གི་རྡོ་རྗེ་ལ། །སྒྲ་གྲགས་སྟོང་གི་ངང་ནས་གསོལ་བ་འདེབས། །ཐབས་བདེ་བ་ཆེན་པོས་དྲངས་པ་ཡི། །སྟོང་ཉིད་ལ་སྙིང་རྗེའི་རང་རྩལ་རྫོགས། །རྗེ་བླ་མ་ཐུགས་ཀྱི་རྡོ་རྗེ་ལ། །བློ་རིག་སྟོང་གི་ངང་ནས་གསོལ་བ་འདེབས། །ཆེས་ཕྲ་བའི་རྩ་རླུང་ཐིག་
(༣༩)ལེའི་ཁམས། །འོད་གསལ་དུ་དྭངས་པའི་ཟུང་འཇུག་སྐུ། །རྗེ་བླ་མ་ཡེ་ཤེས་རྡོ་རྗེ་ལ། །དོན་དབྱེར་མེད་ཀྱི་ངང་ནས་གསོལ་བ་འདེབས། །ངེས་འབྱུང་གི་ཆུ་ཡིས་སྙིང་རབ་བསིལ། །ཚུལ་ཁྲིམས་ཀྱི་བསླབ་པས་ལུས་ངག་དག །ཏིང་འཛིན་གྱི་བྱེད་པོས་སེམས་རྒྱུད་དུལ། །ཤེས་རབ་ཀྱི་མིག་དང་ལྡན་པར་ཤོག །སྣང་བ་ཀུན་འཇའ་ཚོན་ལྷ་སྐུར་ཤར། །སྟོང་པ་ཡང་བདེ་བའི་ཐབས་དང་བཅས། །ཟུང་འཇུག་ལ་དགའ་བཞིའི་རྩལ་རྫོགས་པའི། །གོ་འཕང་དེ་ཚེ་འདིར་འགྲུབ་གྱུར་ཅིག །ཅེས་པའི་གླུ་དབྱངས་མཛད་པ་དང་། ནུབ་བདུན་པར། ལྷ་ལྡན་སྤྲུལ་པའི་གཙུག་ལག་ཁང་དུ་ནང་སྐོར་ལ་ཕེབས་པར་ཕྱག་ཏུ་འབྲས་དཀར་གྱིས་ཁེངས་པའི་རིན་པོ་ཆེའི་ཟ་མ་ཏོག་ཅིག་འདུག་པ་ནས་འཐོར་བཞིན་དུ་བྱོན་པས་ས་ལ་ཆགས་རིམ་བཞིན་དུ་མེ་ཏོག་དཀར་པོ་རེ་ལམ་ལམ་སྐྱེས། ཇོ་བོ་རིན་པོ་ཆེའི་དྲུང་དུ་སྤྲོ་བཞིན་སླེབས། དེར་མར་མེ་བརྒྱ་སྐོང་ཞིག་སྤར་གྲབ་བྱས་འདུག་པའི་འཁྲིས་དེར་ངོ་མི་འཚལ་བའི་མི་ཞིག་གིས། སྐུ་ཞབས་ཀྱི་གྲུབ་རྟགས་ཁྱད་པར་འཕགས། ད་མར་མེ་འདི་རྣམས་ལ་ཐུགས་སྨོན་གནང་ན་རང་འབར་དུ་ཡོང་། དེ་བྱུང་ན་སྨོན་ལམ་གང་བཏབ་མྱུར་དུ་འགྲུབ་ཟེར་བར། མར་མེ་ལ་དམོད་བཙུགས་ཏེ་མེ་ཏོག་འཐོར་བས་རང་འབར་དུ་སོང་། དེར་ཕན་བདེ་འབྱུང་བའི་སོགས་དང་། འཇིག་རྟེན་བདེ་ཞིང་སོགས་ཀྱི་སྨོན་ལམ་བཏབ་
(༤༠)པས་ད་ཅིའི་མི་དེ་ན་རེ། རང་དོན་དུའང་སྨོན་ལམ་ཞིག་མཛོད་དང་ཟེར་བར། ཕར་ལྟོས་དཔོན་མེད་ཚུར་ལྟོས་གཡོག་མེད་ཅིང་། །འདུལ་རྒྱུའི་དགྲ་མེད་སྐྱོང་རྒྱུའི་གཉེན་མེད་པར། །དབེན་པའི་གནས་སུ་རང་སེམས་འདུལ་བ་དང་། །རླབས་ཆེན་རྒྱལ་སྲས་སྤྱོད་པ་མཐར་ཕྱིན་ཤོག །ཅེས་བཏབ་པས་ཡི་རང་བའི་རྣམ་འགྱུར་སྟོན་པ་དང་། ནུབ་བཅུ་པར་རང་ཉིད་འཁྲུངས་ཡུལ་ཡིན་སྙམ་པའི་སྨན་ལྗོངས་ཉམས་དགའ་བ་ཞིག་ཏུ་སླེབས། དེར་བདུད་རྩི་རིལ་བུར་འགྲོ་བའི་སྔོ་སྨན་རྣམས་ཚོལ་བའི་འདུན་པས་ཕེབས་པར་ཕལ་ཆེར་ཞིག་རྙེད། སླར་ཨ་རུ་རའི་ནགས་ཚལ་ཐོལ་ལེ་བ་ཞིག་ཏུ་ཕྱིན། དེ་ན་སྨན་གྱི་དྲང་སྲོང་ཡིན་ཟེར་བའི་དགེ་སློང་བགྲེས་པོ་ཞིག་འདུག་པས་སྔོ་སྨན་མང་པོའི་ངོས་འཛིན་དང་། སྨན་སྦྱོར་ཁ་ཤས་གསུང་། དེ་ལ་ཡུལ་འདི་རྒྱ་བ་ལ་གྱི་ས་ཆ་ཞིག་ཡིན་འདྲ་སྟེ་ཇི་སྐད་ཟེར་བ་ལགས་ཞུས་པས། དཔལ་འཁོར་ལོ་བདེ་མཆོག་གི་གནས་ཁྱད་པར་ཅན་ཡིན། །སྐུ་རང་བྱོན་ཀྱང་བཞུགས་པས་མཇལ་དུ་འདོང་ཞེས་ཁྲིད། ཁང་བཟང་ཅུང་ཟད་གོག་པ་ཞིག་གི་སྒོ་ཕྱེ་བའི་ནང་དུ་མཚོ་ནག་དམ་པ་ཞིག་གི་དབུས་བདེ་མཆོག་གི་སྐུ་བློས་མི་འཆུད་པའི་ཆེན་པོ་ཞིག་མཇལ། ཟིལ་བསམ་གྱིས་མི་ཁྱབ་པས་རེ་ཞིག་བརྒྱལ་བ་སྙམ་བྱེད་པ་སོགས་མནལ་ལྟས་མཐའ་དག་བརྗོད་པར་མི་ནུས་ཤིང་། ཕྱི་རོལ་དུའང་འཇིགས་མེད་རྒྱལ་བའི་མྱུ་གུ་ལས་
(༤༡)ཀློང་ཆེན་སྙིང་ཐིག་གི་དབང་ཁྲིད་ཆེ་ལོང་གསན་སྐབས་བཞུགས་སྒར་ལ་འཇའ་ཁ་དོག་ལྔ་པའི་གུར་ཁྱིམ་ཕུབ་པ་སོགས་དགེ་མཚན་ཤར། ཉིད་ཀྱི་ཡོངས་འཛིན་རྣམས་ཀྱང་ཕུལ་དུ་བྱུང་བའི་ཡོན་ཏན་གྱིས་ཐུགས་ཕྲོགས་ཏེ་རྗེ་རང་གི་ཁུ་བོ་རྨོག་སྟོན་མཐུ་སྟོབས་དབང་པོ་འཇིགས་བྲལ་ཆོས་དབྱིངས་རྡོ་རྗེས། ཁྱོད་འཇིགས་བྲལ་གྱི་སློབ་དཔོན་དོན་ཐམས་ཅད་གྲུབ་པ་ཡིན་ནོ་ཞེས་རྗེས་སུ་བསྔགས་པ་དང་། ངོར་ཆེན་ཀུན་དགའ་བསྟན་འཛིན་པས་རྩོད་དུས་ཀྱི་ཐམས་ཅད་མཁྱེན་པར་བཀུར་བ་དང་། ས་སྐྱ་ཁྲི་ཆེན་བཀྲ་ཤིས་རིན་ཆེན་གྱིས། སྲས་ལྕམ་དྲལ་ལ་ཁྱོད་ཚོས་མདོ་ཁམས་མཆོག་སྤྲུལ་འཇམ་དབྱངས་མཁྱེན་བརྩེའི་ཞལ་མཇལ་རྒྱུ་བྱུང་ན་སྐལ་བ་ཕུན་སུམ་ཚོགས་པ་ཡིན་ཏེ་ད་མཇལ་དཀའ། སྐལ་བཟང་ཆོས་སྒྲོན་ཁྱོད་ཀྱིས་མཇལ་ཡོང་གསུང་བ་དང་། གཙང་པ་ཆེན་ཐམས་ཅད་མཁྱེན་པ་བསྟན་པའི་ཉི་མས་ཕྲིན་ཡིག་གི་ལམ་ནས་བསྔགས་ཤིང་། དངོས་མཇལ་དུས་དར་ནང་མཛོད་མགུལ་དུ་གསོལ། གསེར་ཞོལ་འཁོར་ལྔ་ཕྱག་ཏུ་གཏད། དབུ་ལ་ཕྱག་གིས་བྱུགས་ཏེ་ཐར་རྩེ་མ་ཧཱ་པཎྜི་ཏ་ཞེས་གཅེས་སྤྲས་ཀྱིས་བསྟོད་པ་སོགས་མཐའ་ཡས། སྔ་ཕྱི་ཅི་རིགས་པར་གསོ་རིག་རྒྱུད་བཞི་དང་། བཀའ་པོད་ཀྱི་རྩ་བ་སོགས་གཞུང་མང་པོ་ཐུགས་འཛིན་མཛད། རིས་མེད་པའི་གསུང་རབ་ཀྱི་དཔེ་ཀློག་ཚད་བཟུང་མི་བཏུབ་པས་དུས་
(༤༢)མང་འདས། བརྡ་སྤྲོད་ལ་ཐུགས་མ་བསྒྲིམས་ཞིང་བསླབས་ནས་རིང་པོ་མ་ལོན་པར་སློབ་དཔོན་མཉེས་པའི་ཚིག་རྒྱུག་ཕུལ་བ་དང་། སྙན་དངགས་གསལ་བྱེད་ངེས་པའི་བྱ་དཀའ་སཾ་སྐྲི་ཏའི་སྐད་དུ་བརྩམས་པ་དང་། མཛད་པ་བཅུ་གཉིས་དང་སྦྱར་བའི་ཀུན་བཟང་འཁོར་ལོའི་རེ་མིག་དབྱངས་ངེས་པའི་ཚིག་རྒྱུན་གྱི་ཕྲེང་བར་སྤེལ་བ་སོགས་རྩོམ་པའི་ཉམས་འགྱུར་ཕུལ་དུ་བྱུང་བ་མངའ་ཞིང་། རང་གི་མཁྱེན་རབ་ཀྱི་རྩལ་གྱིས་ནད་གང་དང་གང་ལ་གཉེན་པོའི་སྨན་སྦྱོར་ཅི་དང་ཅི་བརྩམས་པ་དེ་དག་དེ་ཁོ་ན་ལྟར་མི་བསླུ་བ་དང་། སྨན་དཔྱད་གང་སྦྱར་བ་ཐམས་ཅད་འཚོ་བྱེད་ཕལ་དང་མི་འདྲ་བའི་ཕན་སྟོབས་ཆེན་པོ་ཅན་དུ་འབྱུང་བ་དང་། ནང་རིག་པའི་གཞུང་ལུགས་ཆེན་པོ་ཅི་འདྲ་ཞིག་གཟིགས་ཀྱང་གཟིགས་པ་ཙམ་གྱིས་གཏིང་སླེབ་པར་ནུས་པ་དང་། ཆོས་ཀྱི་གྲགས་པའི་རིགས་གཞུང་ལ་ཞུགས་མ་ཐག་ནས་མཁས་པའི་མདུན་སར་གཏན་ཚིགས་རིག་པའི་བགྲོ་གླེང་མཁས་པ་མགུ་བའི་ཁྱད་ཆོས་ཅན་མཛད་པ་དང་། གྲུབ་མཐའ་ཕྱོགས་མེད་ཀྱི་དགག་བཞག་དང་། རང་ལུགས་ཀྱི་ཁས་ལེན། མདོ་སྔགས་ཀྱི་ལམ་གནད། གྲུབ་ཆེན་སོ་སོའི་ལུགས་སྲོལ། སྒྲུབ་ཕྲིན་གྱི་ལག་ལེན་ཕྲ་མོ་ཡན་ཆད་རྒྱུ་མཚན་ཞི་བ་ཏིག་དང་བཅས་ཏེ་རང་རང་སོ་སོའི་བརྒྱུད་འཛིན་རྣམས་ཀྱང་སྤ་བཀོད་ནུས་པར་བསྙད་དུ་ཡོད་པ་སོགས་བརྩོན་འགྲུས་དང་
(༤༣)ཤེས་རབ་ཀྱི་རྣམ་འཕྲུལ་བསམ་གྱིས་མི་ཁྱབ། ཇི་སྐད་བརྗོད་པའི་ཆོས་ཚོལ་གྱི་ཁོངས་སུ་བསོད་ནམས་དང་ཡེ་ཤེས་ཀྱི་ཚོགས་རླབས་པོ་ཆེ་རྫོགས་པའི་རྟེན་འབྲེལ་ལས། ལན་ཅིག་དགའ་ལྡན་ནས་འོངས་ཟེར་བའི་པཎྜིི་ཏ་ཆོས་གོས་རྡོ་ཚོས་ཅན་མནབ་པ་ཞིག་གིས་བྱམས་ཆོས་ལྔ་ལ་བརྟེན་ནས་གདམས་ངག་དང་རྗེས་བསྟན་སྩལ་ཏེ། དེ་འཕགས་པ་ཐོགས་མེད་ཡིན་པར་འདུག་གསུངས་པ་དང་སློབ་དཔོན་ཀཱ་མ་ལ་ཤཱི་ལ་ལས་དཔལ་ལྡན་ཞི་བ་འཚོའི་རིགས་པའི་ལམ་སྲོལ་གསན་པ་དང་། ཨོ་རྒྱན་གྱི་སློབ་དཔོན་རྡོ་རྗེ་དྲིལ་བུ་པ་ཡུམ་དང་བཅས་པས་བརྡའི་དབང་བཞི་བསྐུར། ལམ་རིམ་པ་ལྔའི་བཅུད་འདྲི་ལ་གསུངས་པའི་མཐར་སྙིང་དབུས་མི་ཤིགས་པའི་ཐིག་ལེར་ཞུགས་པ་དང་། བྱང་ཤམ་བྷ་ལར་གཤེགས་ཏེ་རིགས་ལྡན་དཔལ་སྐྱོང་ལས་མཆོག་གི་དང་པོའི་སངས་རྒྱས་གསན་པ་དང་། སློབ་དཔོན་སངས་རྒྱས་གསང་བ་ལས་སྒྱུ་འཕྲུལ་དྲ་བའི་ལམ་རིམ་ནོད་པ་དང་། ལྷོ་བྲག་མར་པས་ཕྱག་རྒྱ་ཆེན་པོས་བརྡ་བསྟན་པ་དང་། རིག་འཛིན་དགའ་རབ་རྡོ་རྗེ་གཡས་གཡོན་ན་པདྨ་དང་ཤྲི་སེདྷ་བཞུགས་པས་རྫོགས་ཆེན་གྱི་ལམ་གནད་རྒྱ་ཆེར་ཕྱེ་བ་དང་། བླ་ཆེན་བརྩེ་བ་ཆེན་པོས་མ་རྒྱུད་དགྱེས་པ་རྡོ་རྗེའི་དབང་དང་མན་ངག་གནང་བ་སོགས་སངས་རྒྱས་དང་བྱང་ཆུབ་སེམས་དཔའ་རྣམས་དང་ཐེག་མཆོག་འགྲོ་བའི་
(༤༤)ལོངས་སྤྱོད་རྨི་ལམ་དུའང་རྒྱུན་མི་ཆད་ཅིང་། གཙང་སྟོད་ས་ཆེན་ཕུག་པར་སྨྲ་སེང་གི་སྒྲུབ་པ་མཛད་པའི་ཚེ་རྗེ་བཙུན་འཇམ་པའི་དབྱངས་དམར་སེར་ལི་ཁྲིའི་ཆུ་གཏེར་དྭངས་པའི་འོད་ཕུང་གི་ཀློང་ན་བཞུགས་པའི་ཐུགས་ཀ་ནས་གླེགས་བམ་གྱིས་མཚན་པའི་ཨུཏྤལ་ཁ་ཕྱེ་མ་ཐག་པ་དང་རལ་གྲི་ཞིག་སྤྲོས་ཏེ་རྗེ་ཉིད་ཀྱི་ཐུགས་དང་འདྲེས་པས་ཉིན་ཞག་མང་པོར་ཏིང་ངེ་འཛིན་གྱི་དགྱེས་པས་ཐུགས་དྲངས་པ་སོགས་ལྷག་པའི་ལྷའི་དགོངས་པས་བྱིན་གྱིས་བརླབས་པའི་དབང་གིས་ལྷག་པར་ཡང་མཁྱེན་རབ་དབྱར་གྱི་ཆུ་བོ་ལྟར་རྡོལ། ཚུལ་ཁྲིམས་འཛིན་མར་ཐོས་པའི་ཆུ་ཀླུང་བསགས། །སངས་རྒྱས་ཡེ་ཤེས་ཀླུ་དབང་བྱེ་བས་བཟུང་། །རིགས་ཚུལ་དག་གི་རླབས་ཕྲེང་འབུམ་སྤྲོ་བ། །སྨྲ་བའི་ཁྱུ་མཆོག་རྣམ་པར་བསྒྱིང་བའི་གཏམ། །བསྡུ་བའི་ཚིགས་སུ་བཅད་པའོ། །སྐུ་ན་གཞོན་ནུ་ནས་ཆེན་པོའི་ངོ་སྲུང་དང་ཉེ་དུའི་ཁ་འཛིན་གྱོད་འཁོན་གྱི་གཉེར་བ་སྦྱིན་བདག་ལ་ཁེ་སྤོགས་འཚོལ་བ་དང་གྲོང་ཆོག་ལྡོམ་བུ་བརྒྱ་བཤིག་ནས་སྟོང་འགུགས་པ་སོགས་ཀྱི་བསམ་སྦྱོར་མནལ་ལམ་དུའང་མི་འབྱུང་བའི་བྱ་བཏང་ཆེན་པོར་བཞུགས། དེ་ལྟ་ནའང་དཀྱུས་མའི་མཛད་སྤྱོད་ཀྱི་བབས་ལས་དེ་ལྟར་ཤེས་པ་མ་གཏོགས་སྒེར་གྱི་ཕྱི་ཚུལ་ལ་སྐྱོ་ཤས་ཀྱིས་ཐུགས་ལྷག་པར་གདུང་བ་ལྟ་བུ་དང་། དེའི་ཤན་གྱིས་ཕྱག་དབང་དང་ཆོས་འབྲེལ་ཙམ་ལའང་མི་བཟོད་པའི་རྣམ་པ་འདྲ་པོའི་མངོན་ཚན་ཅན་
(༤༥)ཡེ་ནས་མི་མཛད། མེས་དབོན་གྱི་ཆོས་འཁོར་གསུམ་དང་། སྐུ་གསུང་ཐུགས་ཡོན་ཏན་ཕྲིན་ལས་ཀྱི་གནས་ཆེན་ལྔ་སོགས་སྟོད་ལྷོ་མོན་དང་མངའ་རིས་མན་ཆད་ཀྱི་གཙུག་ལག་ཁང་དང་གྲུབ་པའི་གནས་ཆེན་བགྲང་བར་དཀའ་བ་རྣམས་སུ་མུ་ཏོ་ཀུན་ཏུ་རྒྱུའི་བརྟུལ་ཞུགས་ཀྱིས་དཀའ་བ་དུ་མ་སྤྱད་དེ་རྒྱུ་ཞིང་གཤེགས། ལྷ་ལྡན་ཇོ་བོ་རིན་པོ་ཆེའི་སྤྱན་སྔར་སླེབས་པའི་ཚེ་མཆོག་གི་སྤྲུལ་སྐུ་དངོས་དང་མཇལ་བ་ལྟ་བུའི་མོས་གུས་ཀྱི་འགྱུར་བ་མི་བཟློག་པས་ཐུགས་ཕྲོགས། ཇོ་མདུན་དུ་མཆོད་རྫས་སྣ་གཅིག་འབུལ་རྒྱུ་མེད་པར་འཇུག་མ་མྱོང་ཞིང་། མཇལ་རེས་ཀྱིས་བཀའ་གདམས་ཀྱི་རྣམ་ཐར་གཙང་མ་འཁྱོང་བའི་སྨོན་ལམ་ཁོ་ན་རྩལ་དུ་བཏོན་ནས་བཏབ་གསུངས། གཞན་ཡང་ཆོས་སྡེ་དང་དབེན་གནས་གསུམ་གང་མཇལ་བ་རྣམས་ལ་མཆོད་འབུལ། བསྙེན་སྒྲུབ་ཚོགས་མཆོད། བསྟོད་བསྔགས་དང་སྨོན་ལམ་གྱི་ཚིགས་བཅད་མང་པོ་བརྩམས་ཏེ་ཕུལ་བ་སོགས་ཟད་མི་ཤེས་པའི་བསྟི་སྟངས་མཛད། དེ་དག་ཏུ་བྱིན་རླབས་ཀྱི་ཟིལ་ཆེན་པོས་ཐུགས་སྣང་རང་དབང་མེད་པར་འགྱུར་བ་ལན་མང་དུ་བྱུང་ཞིང་ལྷ་ལྡན་འཕགས་པ་རང་བྱིན་ལྔ་ལྡན་ལས་སྤྲུལ་པའི་རིང་བསྲེལ་འགའ་ཞིག་དང་། ཡར་ཀླུང་ཚེ་ཆུ་འབུམ་པར་ཚེའི་བདུད་རྩི་ཁྱད་པར་ཅན་མིག་འཕྲུལ་ལྟ་བུར་ཕྱག་ཏུ་བབས། ཏི་སྒྲོའི་ཚོགས་ཁང་ཆེན་མོར་ཨོ་རྒྱན་རིན་པོ་ཆེ་ཡབ་ཡུམ་གྱིས་མནལ་ལམ་དུ་དབང་བསྐུར་བ་དང་། བྱང་ར་སྦྲེང་དུ་ཇོ་བོ་འཇམ་པའི་རྡོ་རྗེ་དང་། དཔལ་ལྡན་ཨ་ཏི་ཤའི་འདྲ་སྐུ་དབུ་ཡོན་མ་གཉིས་ལྷ་དང་བླ་མ་དེ་དང་དེ་དངོས་སུ་གཟིགས་པ་ན། དེ་སྐོར་སྦྱར་
(༤༦)དུག་ཏུ་དོགས་པའི་སྙུན་གཞི་ལྕི་བ་ཞིག་ཡོད་པའང་སྐད་ཅིག་ལ་དྭངས་པའི་ཆོ་འཕྲུལ་དང་། རྩི་ཁོག་ཏུ་རྗེ་བཙུན་དམ་པ་སངས་རྒྱས་ཉི་འོད་མའི་ཆ་བྱད་ཅན་གྱིས་དམ་ཆོས་སྡུག་བསྔལ་ཞི་བྱེད་ཕ་ཕོག་ཏུ་སྩལ་བ་དང་། ཟངས་རི་མཁར་དམར་དུ་ཕེབས་དུས་ལབ་ཀྱི་སྒྲོན་མའི་སྐུ་འདྲ་རིན་པོ་ཆེ་ཞལ་བཞད་ཅིང་སྐུ་གཡོ་འགུལ་མཛད་པས་ས་གཡོ་བ་ལྟ་བུའི་ཟིལ་ཆེན་ཟླ་གྲོགས་ཀུན་གྱིས་ཚོར་བ་དང་བཅས། གཅོད་ཡུལ་གྱི་དཀའ་བབས་བརྙེས་ནས་རིག་རྩལ་གདམས་ངག་ཏུ་ཤར་བའི་གླུ་དབྱངས་ཀྱང་མཛད། ཇོ་ནང་སྐུ་འབུམ་ཆེན་མོར་མཁའ་འགྲོའི་རིགས་ཀྱི་མི་མོ་ཞིག་གིས་སྣ་དྲངས་ཏེ་ཕེབས་པས་དེའི་ལུས་ལས་རླངས་ཟིལ་འདྲ་བོ་ཞིག་བྱུང་བ་སྐུར་རེག་པའི་རྐྱེན་གྱིས་བདེ་སྟོང་གི་ཉམས་མུ་མཐའ་མེད་པར་ཤར་བའི་སྣང་ཆར། ས་ཕྱོགས་ཐམས་ཅད་དག་པའི་ཞིང་ཁམས་ལྟ་བུའི་གཟིགས་མོར་འབར་ཞིང་། དེའི་དབུས་སུ་ཤམ་བྷ་ལའི་ཆོས་རྒྱལ་བདུན་དང་རིགས་ལྡན་གྱི་ཕྲེང་བ་མངོན་སུམ་པར་མཇལ་བའི་གསལ་སྣང་ཤིན་ཏུ་བརྟན་པོའི་མཐར། ནམ་མཁའི་དབྱིངས་ནས་ཨེ་ཝཾ་གྱི་སྔགས་སྒྲ་ཞིག་བྱུང་བ་ལ་བརྟེན་ནས་དཔལ་ལྡན་དུས་ཀྱི་འཁོར་ལོའི་རྒྱུད་དོན་མཐའ་དག་ལ་མི་འཇིགས་པ་བརྙེས་པས་མཚོན་ཏེ། དཔའ་བོ་དང་དཔའ་མོའི་དབང་ཕྱུག་མ་རྣམས་ཀྱི་ཐུགས་རྒྱུད་རྟོགས་པའི་བྱིན་རླབས་འཕོས་པའི་མཚན་མདོ་མཚར་ཅན་ཐེང་འགའ་མ་ཡིན་པར་གཟིགས། ལང་ཚོའི་དང་པོ་ནས་བརྩམས་ཏེ་སྔ་ཕྱིར་ལོ་གྲངས་བཅུ་གསུམ་སྙེད་དུ་སྒོམ་སྒྲུབ་ཀྱི་མཚམས་བསྡམ་འབའ་ཞིག་མཛད། སྐུ་ཚེ་སྨད་ཕྱོགས་ཐེམ་སྤང་གདན་གཅིག་པའི་བརྟུལ་ཞུགས་ཁོ་ནས་ལོ་
(༤༧)ཉི་ཤུ་རྩ་གྲངས་བསྐྱལ། དུས་རྒྱུན་དུ་བྱང་ཆུབ་ཀྱི་སེམས་རིན་པོ་ཆེ་རྣམ་པ་གཉིས་ལ་ཐུགས་དམ་གྱི་མཐིལ་དུ་མཛད་པས། མོས་གུས་ཅན་གྱི་སློབ་མལ་རང་གི་ངང་ཚུལ་མ་བཅབས་པའི་སྤྲིང་ཡིག་སྩལ་བ་རྣམས་སུའང་། བྱང་ཆུབ་ཀྱི་སེམས་རྣམ་པ་གཉིས་ལ་ཅི་ནུས་སུ་བློ་སྦྱངས་ཁུལ་གྱིས་གནས་ཞེས་འདི་ཉིད་རྟོགས་པ་བརྗོད་ཚུལ་གྱི་གཙོ་བོར་བསྟན། དེར་མ་ཟད་གསང་སྔགས་ཀྱི་ཉམས་ལེན་གང་གི་ཚེ་ཡང་། ངེས་འབྱུང་གི་བསམ་པ། བྱང་ཆུབ་ཀྱི་སེམས་དང་། མཐའ་བྲལ་གྱི་ལྟ་བ། སྨིན་བྱེད་དབང་། སྲོག་འཛིན་དམ་ཚིག་རྣམས་ངོ་བོ་དང་གྲངས་དང་གོ་རིམ་ངེས་པའི་སྒྲོམ་ནས་འདོན་པའི་ཕྱོགས་ཉག་གཅིག་གཙོ་བོར་མཛད། དོན་འདི་བཀའ་རྩོམ་གྱི་གསོལ་འདེབས་དང་སྨོན་ལམ་ཐན་ཐུན་ཙམ་མམ། གཟིམ་ལམ་དུ་མགུར་བཞེས་པའི་ཚིགས་བཅད་ཙམ་ལ་བལྟས་ཀྱང་མཐོང་བའི་ཆོས་སོ། །དེ་ལྟ་བུའི་ཚུལ་གྱིས་བྱ་རྒྱུད་རིགས་གསུམ་སྤྱི་དང་། སྤྱོད་རྒྱུད་རྣམ་སྣང་མངོན་བྱང་། ཡོ་ག་རྡོ་རྗེ་དབྱིངས་རྣམས་ལ་ལས་རུང་གི་ལྗགས་བསྙེན་དང་ཀུན་རིག་བསྙེན་ཆེན་བཏང་། རྣམ་འཇོམ་དང་གདུགས་དཀར་ལ་སོགས་པའི་བཟླས་སྒོམ་ཐོར་བུ་པའང་མང་དུ་བསྒྲུབས། རྣལ་འབྱོར་བླ་མེད་ཀྱི་གསར་ཕྱོགས་གསང་བདེ་འཇིགས་གསུམ། ཀྱེ་རྡོ་རྗེ་དུས་ཀྱི་འཁོར་ལོ། །རྗེ་བཙུན་མཁའ་སྤྱོད་མ་སོགས་མཁའ་འགྲོ་མའི་བྱེ་བྲག་དུ་མ། གུར་ཞལ་སོགས་ཆོས་སྲུང་མང་པོའི་བསྙེན་པ་དང་། སྒོམ་བཟླས་མཛད་ཅིང་། རྙིང་ཕྱོགས་མདོ་སྒྱུ་གཉིས་བཀའ་བརྒྱད་དང་ཕུར་པ་ལུགས་
(༤༨)སྲོལ་བཅུ་དགུ་ཙམ། གཏེར་ཁ་མང་པོའི་གུ་རུ་ཞི་དྲག་དང་ཐུགས་རྗེ་ཆེན་པོ། །གསར་རྙིང་གི་ཚེ་སྒྲུབ་བརྒྱ་ཕྲག་ལྷག་པ་གཙོ་བོར་བྱས་པའི་བཟླས་བསྙེན་ཆེས་མང་བ་བསྐྱལ། དེ་དག་གི་ཁོངས་སུ་སོ་སོའི་ཁ་སྐོང་སྦྱིན་སྲེག་དང་། ཕལ་མོ་ཆེའི་ལས་ཚོགས་ཀྱི་བསྙེན་པ་བཅས་ཕྱག་ལེན་གཙང་ལ་ཞིབ་པའི་མཐར་ཐུག་པས་གྲུབ་པར་མཛད། ཇི་སྲིད་ཅིག་ཏུ་སྐུ་མཚམས་ཀྱི་དམ་བཅའ་བཞག་པའི་ཡུན་ཚད་དེ་མ་རྫོགས་པར་ལ་ཉེ་དུ་དང་མི་ཆེན་སྦྱིན་བདག་ངོ་གཉན་སུས་ཀྱང་བཅད་རྒྱ་འདྲལ་བར་ནུས་མི་སྲིད་པས་བརྩམས་པའི་དོན་ལ་མ་ཚང་བ་མི་འབྱུང་། ནང་གི་གྲུབ་རྟགས་མནལ་ལམ་གྱི་སྐབས་སུ་དཔལ་ཧེ་རུ་ཀ་རྡོ་རྗེ་གཞོན་ནུས་ཕྱགས་ཐ་མའི་ཕུར་པས་དབང་བསྐུར་ཏེ་མནལ་སད་པ་ན་སྣང་གྲགས་ཐམས་ཅད་རྡོ་རྗེ་ཕུར་པའི་ལྷ་སྔགས་ཀྱི་རོལ་པར་མེར་མེར་ཤིག་ཤིག་གཡོ་བ་གཟིགས་ཤིང་། །འཕགས་མ་ཡིད་བཞིན་འཁོར་ལོ་ཡི་གེ་བཅུ་པའི་གསང་སྔགས་ཀྱི་དབྱངས་ཅན་མངོན་སུམ་དུ་གཤེགས་ནས་ཉིད་དང་མི་གཉིས་པར་བྱིན་གྱིས་བརླབས་པ་སོགས་དང་། ཕྱི་རོལ་གྱི་མཚན་མའང་ཚེ་རྟ་ཟུང་འབྲེལ་གྱི་སྒོམ་བཟླས་དུས་འཆི་མེད་ཀྱི་གྲུབ་ཆུ་བུམ་ཆུང་གང་ནམ་མཁའ་ནས་རྡོལ་བ་དང་། ཕྱིས་སུ་ལོ་གསུམ་ཙམ་ལ་ཚེ་སྒྲུབ་ཆག་མེད་མཛད་སྐབས་ཚེ་ཆང་རྒྱུན་བཞག་དེ་དབྱར་མི་རུལ། དགུན་མི་འཁྱག ཁ་དོག་གསེར་སྨུག་ཤིན་ཏུ་གར་བའི་ཉམས་ཅན། དབུས་ནས་གྱེན་དུ་ཕྱུར་བ་ལ་དྲི་རོ་དཔེ་མེད་པའི་ཡ་མཚན་ཅན་དུ་གྱུར་པ་ལྟ་བུ་མང་ཡང་དངོས་གྲུབ་ཡལ་བའི་རྒྱུ་མི་འབྱུང་བ་ཐོབ་
(༤༩)པས་གྲུབ་པའི་མཚན་མ་ལྟ་ཅི། དེ་ཐད་ཅི་ཞིག་གི་བསྙེན་པ་ལ་བཞུགས་པ་ཙམ་ཡང་ཕལ་ཆེར་ཉེ་གནས་པས་ཀྱང་མི་ཤེས་པ་ཡིན་ལ། ཕྱིས་སུའང་ཁོ་བོས་རྗེ་ཉིད་ཀྱི་ཤིན་ཏུ་གསང་བའི་གཟིགས་སྣང་གི་རྟོགས་བརྗོད་ཅིག་སྩོལ་བར་ཞུས་པས། རྣལ་འབྱོར་པའི་ཉམས་ལ་མི་འཆར་བ་དང་། པྲ་སེ་ནའི་སྣང་བ་ལ་མི་བབ་པ་མེད། དེ་བཤད་བསྡད་ན་སྐྱེས་བུའི་ཚེ་མཐའ་དག་ཟད་ཟད་དུའང་རྫོགས་པ་མི་ཡོང་སྟེ་དགོས་པ་མེད། ཅེས་དང་། གཞན་འགའ་ཞིག་གིས་དེ་རིགས་ཞུས་པ་ལའང་། རླུང་ཁམས་ལྡང་བའི་མིས་མི་རིག་མི་མཐོང་བ་ཅི་ཡོད། དེ་འདྲ་ལ་ཡིད་རྟོན་ཅིའང་མེད་ཅེས་པའི་གསུང་གི་ཟིལ་གྱིས་མནན་པ་ལྟར་དགོས་པའི་དབང་གིས་བརྒྱ་ལམ་ན་རེ་ཟུང་གསུངས་པ་མ་གཏོགས་ཐོས་ཤིན་ཏུ་དཀའ། སྐབས་འགར་རགས་པའི་ཞལ་ཟས་ཕར་ཞོག །གསོལ་ཇའང་འབུལ་ས་མེད་པར་རླུང་འཚོ་ཁོ་ནས་ཞག་བདུན་ཕྲག་དུ་མ་ཡོལ་བར་མཛད་པས་བཅུད་ལེན་གྱི་ནུས་པ་སྟོབས་སུ་གྱུར། ཁྱད་པར་དུ་བདེ་མཆོག་ལཱུ་དྲིལ་དང་ནག་པོ་ལུགས། ཀྱེ་རྡོ་རྗེའི་ལམ་འབྲས། ན་རོ་དང་ནི་གུའི་ཆོས་དྲུག །དུས་ཀྱི་འཁོར་ལོའི་སྦྱོར་དྲུག །རྫོགས་ཆེན་བི་མ་དང་པདྨའི་བཀའ་སྲོལ་སོགས་རྒྱུད་སྡེ་དང་གྲུབ་ཆེན་གྱི་ལམ་སྲོལ་མང་པོ་ལ་བརྟེན་ནས་རྫོགས་པའི་རིམ་པའི་ཏིང་ངེ་འཛིན་གྱི་སྒོ་མཐའ་ཡས་པ་མངོན་དུ་མཛད། རྡོ་རྗེ་ལུས་ཀྱི་རྩ་འཁོར་མངོན་སུམ་དུ་གཟིགས། ཙོང་ཁ་པ་ཆེན་པོའི་ཡི་གེའི་སྟེང་ནས་མངོན་བརྗོད་ཉུད་ངུན་ཐུགས་དཔྱད་མཛད་སྐབས་ཤིག་མནལ་ལམ་དུ། སྐུ་ལུས་
(༥༠)ལས་རྣག་ཁྲག་དང་མི་གཙང་བ་མང་དུ་ཐོན་པའི་མཐར་དག་ཅིང་འཇམ་ལ་ཆེས་ཡངས་པའི་སྐུ་ཅན་ཞིག་ཏུ་སོང་། དེར་ནམ་མཁའ་ལ་གྱ་གྱུར་བཞུད་ནས་བྲག་དང་ནགས་ཚལ་གྱིས་གཏམ་པའི་རི་བོ་ཐང་མཎྜལ་བཀྲམ་པ་ལྟ་བུའི་མཐར་སྣང་བ་ཞིག་ཏུ་ཕེབས། དེའི་མགུལ་ན་གྲུབ་ཆེན་ལཱུ་ཧི་པ་ཡིན་ཟེར་བའི་རྣལ་འབྱོར་པའི་ཆས་ཅན་ཞིག་མདུན་ཕར་ཕྱོགས་ཏེ་ཁོག་མ་ལ་མེ་འབུད་ཅིང་ཚོད་མ་བཙོ་བ་ལྟར་འདུག་པ། རི་བོའི་ཞོལ་ནས་བདག་ལ་དངོས་གྲུབ་ཅིག་སྩོལ་ཞེས་བོས་པས་ཞལ་ཚུར་གཟིགས་པ་ན་གཟི་བརྗིད་ཉི་མ་ལྟར་བཟོད་དཀའ་བ་ཞིག་སྣང་། སླར་མདུན་གྱི་མེ་དེ་དྲག་ཏུ་གཏོར་བྱུང་བའི་གསེབ་ཏུ་ཉུང་མ་བསྲེགས་པའི་རྡོག་པོ་ལྟ་བུའི་གོང་བུ་གཅིག་འདུག དེ་ཁ་ཕྱེ་བའི་ནང་ནས་ཤིང་ཐོག་ལས་གྲུབ་པ་ལྟ་བུའི་དཔལ་ཧེ་རུ་ཀའི་སྐུ་སེར་སྨུག་ཉམས་བརྒྱར་འབར་བ་ཞིག་རྙེད་པ་ཞལ་དུ་གསོལ་བས་སྐུ་ཐུགས་བདེ་སྟོང་ཆེན་པོའི་རོས་གང་བའི་ངང་ལ་སད་པ་ན་དཔལ་བདེ་མཆོག་གི་བྱིན་རླབས་རྫོགས་པར་བརྙེས་པའི་ངེས་ཤེས་འཁྲུངས་པ་ལ་སོགས་པའི་ཚུལ་གྱིས་རྩ་རླུང་ཐིག་ལེ་ལྷག་པར་ཡང་བྱིན་གྱིས་བརླབས། དུས་གཅིག་ན་བརྟན་གཡོ་ཐམས་ཅད་བདེ་སྟོང་རོལ་པའི་མིག་འཕྲུལ་དུ་གཟིགས་པ་དང་། དཔའ་བོ་ཌཱ་ཀྐིའི་བྱིན་རླབས་ནང་འཛོམ་པའི་རྟེན་འབྲེལ་ལས་སྒྱུ་མ་སྤྲུལ་པ་ལྟར་སྣང་བའི་ས་གཞི་ཡངས་ཤིང་རྒྱ་ཆེ་བར། ཤིང་ལོ་སྔོན་པོའི་སྤྱི་ལ་བུ་སྟེང་ཐམས་ཅད་མེ་ཏོག་མང་པོ་དང་། འོག་གཞིར་ཁ་དོག་སྣ་ཚོགས་པའི་མེ་ཏོག་བཀྲམ་ཞིང་དྲི་ཞིམ་ཁོར་ཡུག་ཏུ་ལྡང་བ་ཞིག་ཕུབ་པ་གཟིགས།
(༥༡)དེའི་ནང་དུ་རྒྱལ་པོའི་ཆས་ཅན། སྐུ་བོང་མི་ཚད་གཉིས་འགྱུར་ཙམ། གཟི་བརྗིད་ཤིན་ཏུ་ཆེ་བ་ཞིག་བཞུགས་འདུག་པའི་སྤྱན་སྔར་ཕེབས། དེས་ཁྱོད་ཀྱིས་ང་སུ་ཡིན་ཤེས་སམ་གསུང་། མི་ཤེས་ཞུས་པས། ང་ནི་གནས་བརྟན་རྣམས་ཀྱི་གཙོ་བོ་ས་ར་ཧ་ཞེས་གྲགས་པ་དེ་ཡིན་གསུང་། དེར་རྒྱལ་ཆེན་ཨིནྡྲ་བྷུ་ཏི་མིན་ནམ་དགོངས་པ་ཞིག་བྱུང་བའི་སྐབས། དེའི་ཞལ་ནས། ངས་ནི་མི་དུང་ཕྱུར་ཅིག་བསྙེན་པར་རྫོགས་པ་ཡིན། ཁྱོད་ཀྱིས་ཀྱང་ད་སྟེ་མི་ལྔ་བཅུ་བསྙེན་པར་རྫོགས་དགོས་ཀྱི། དོ་ནུབ་ངས་ཁྱོད་བསྙེན་པར་རྫོགས་པར་བྱ་གསུང་། ལས་བྱེད་པའི་དགེ་འདུན་མི་འདུག་སྙམ་དུ་དགོངས་པ་ན། དེས་ལས་བྱེད་འདི་ལྟར་ཡོད་གསུངས་ཏེ་དབང་གི་ལྟ་སྟངས་དང་ལྕགས་ཀྱུའི་ཕྱག་རྒྱ་ཞིག་མཛད་མ་ཐག །གནམ་ཁོལ་བ་དང་། ས་བེར་བསྙམ་བྱེད་པའི་རོལ་མོའི་སྒྲ་དང་ལྷན་ཅིག་གློག་འོད་འཁྱུག་པའི་རུ་མ་ནས་མཁའ་འགྲོ་མ་གཞོན་ནུ་སྔོ་སངས་རུས་པའི་རྒྱན་ཅན་མཛེས་སྡུག་ལྟ་བས་མི་ངོམས་པ་ཞིག་སྐད་ཅིག་ལ་མདུན་དུ་ལྷགས། དེ་ནས་ལེགས་སྦྱར་སྐད་ཤ་སྟག་གིས་དབང་ཞིག་བསྐུར། བུམ་དབང་གི་གནས་སུ་ཕྱག་སྤྱི་བོར་བཞག །གསང་དབང་སྙོམས་འཇུག་གི་བདུད་རྩི་དངོས་ཀྱིས་བསྐུར། ཤེར་དབང་ལ་མཁའ་འགྲོ་མ་དེ་རྩལ་བ་ལས་རྙེད་པའི་དགའ་བཞི་དད་དབང་བཞི་པ་ཚིག་གི་ངོ་སྤྲོད་མཛད་པ་རྣམས་སོ་སོའི་ཐད་དུ་ཡེ་ཤེས་ཀྱི་ཉམས་མི་འདྲ་བ་རེ་རེ་སྐྱེས། མཐར་
(༥༢)བོད་ཀྱི་སྐད་དུ། དེ་རྣམས་ཀྱིས་དགེ་བསྙེན། དགེ་ཚུལ། དགེ་སློང་། གནས་བརྟན་རྒན་པོའི་གོ་འཕང་རྣམས་རིམ་བཞིན་གྲུབ་པ་ཡིན་ནོ། །ཞེས་གསན་མཐར་འོད་གསལ་མཁའ་ལྟར་ཞི་བའི་དབྱིངས་སུ་སྙོམས་པར་ཞུགས། དེ་ཕྱིན་ཀྱང་མདའ་བསྣུན་ཆེན་པོར་ཕོ་ཉའི་ཟབ་ལམ་གྱི་གཞུང་ཆེན་ཞིག་གསན། མཁའ་སྤྱོད་རྡོ་རྗེ་བཙུན་མོ་ལ་སོགས་པ་ལྷན་སྐྱེས་དང་རྡོ་རྗེ་གཡར་མོ་བསིལ་ལ་སོགས་པ་ཞིང་སྐྱེས་ཀྱི་ཌཱཀྐི་རྣམས་དང་འདུ་བ་ཐོབ་སྟེ་བླ་ན་མེད་པའི་བརྟུལ་ཞུགས་ཀྱི་མཐུ་ཆེན་པོ་གྲུབ། སྐུ་ལུས་ཀྱི་དབྱིངས་ལ་དཔའ་བོ་མཁའ་འགྲོ་ཏིལ་གྱི་གོང་བུ་རྡོལ་བ་ལྟ་བུས་རྡོ་རྗེའི་རྒྱུད་དང་སྔགས་ཀྱི་སྒྲ་མུ་མཐའ་མེད་པར་སྒྲོགས་པ་དང་། དཔལ་དུས་ཀྱི་འཁོར་ལོའི་སྐུར་གྱུར་ཏེ་བདེ་བ་ཆེན་པོའི་མེ་ལོང་དུ་རྣམ་པ་ཀུན་གྱི་མཆོག་དང་ལྡན་པའི་ཤེས་བྱའི་དཀྱིལ་འཁོར་རབ་འབྱམས་ཅིག་ཆར་དུ་གསལ་བར་རྫོགས་པ་ལ་སོགས་ཏེ་བདེ་ཆེན་སྒྱུ་མའི་རིག་རྩལ་ཕྱོགས་མེད་དུ་ཤར། སྐུ་དངོས་ལས་རྡོ་རྗེ་སེམས་པའི་དབང་ཐོབ་ཚད་ཕྱིར་མི་ལྡོག་པའི་སྐལ་བ་ཅན་དུ་དཀྱིལ་འཁོར་གྱི་གཙོ་བོས་ལུང་བསྟན། ཆོས་དབང་གཏེར་བྱོན་ཐུགས་རྗེ་ཆེན་པོའི་གདམས་པ་ཉམས་བཞེས་དུས། སྟོབས་བཅུ་མངའ་བའི་གདུང་སྤེལ་བ་པོར་བསྔགས་པའི་ལྟས་སུ། རྗེ་རང་གི་ཕྱག་མཐིལ་ན་དེ་བཞིན་གཤེགས་པའི་རིང་བསྲེལ་གཅིག་འདུག་པར་འཁོར་བ་དོང་སྤྲུགས་ཀྱི་གཟུངས་སྔགས་ཟློས་བཞིན་ཞལ་ཕུ་བཏབ་པས་རིང་བསྲེལ་གྲངས་མེད་པ་སྐད་ཅིག་ལ་འཕེལ་པའི་གཟིམ་ལམ་བྱུང་། ཚད་
(༥༣)ལ་མ་ནོར་ཐབས་མཁས་ཕུལ་བྱུང་བའི། །རྣལ་འབྱོར་བདུད་རྩིས་སིམ་པའི་ཐུགས་ཅན་རྣམས། །མཁས་པ་མིན་པས་སྨྲར་ཡང་ནུས་མིན་པ། །འདི་འདྲའི་ཡོན་ཏན་འཐོབ་ཀྱི་གཞན་དུ་མིན། །ད་ནི་རྡོ་རྗེ་མཁའ་འགྲོ་མ་རྣམས་ཀྱི་གསང་མཛོད་མ་གཏོགས་གཞན་དུ་མ་གྲགས་པའི་ཆོས་ཚུལ་རྒྱ་མཚོའི་གཏེར་ལ་རྫོགས་པར་དབང་བསྒྱུར་བའི་སྒོ་ནས་རྡོ་རྗེ་ཐེག་པའི་ལུང་རྟོགས་ཇེ་རྒྱས་སུ་མཛད་པའི་ཚུལ་གྱི་ཕྱོགས་གཅིག་ཞར་བྱུང་དང་བཅས་པ་བརྗོད་པར་བྱ་སྟེ། དེའང་སྐུ་གཞོན་ནུ་ནས་རྫས་ཆོས་ཀྱི་གཏེར་ཁ་མང་པོར་དབང་བའི་རྟེན་འབྲེལ་སད་ཀྱང་ཆེད་གཉེར་མ་མཛད། ཕྱིས་སུ་ཨོ་རྒྱན་རིན་པོ་ཆེའི་སྨོན་ལམ་གྱི་རི་མོ་བསུབ་ཏུ་མེད་པས། དབུས་སུ་ཕེབས་ལམ་བྱང་འབྲོག་དགེ་རྒྱལ་དུ་ཚེས་བཅུའི་མཆོད་པ་མཛད་སྐབས། སློབ་དཔོན་ཆེན་པོའི་དངོས་ཞལ་གྱི་སྣང་བ་བསྟན་ནས་རྗེས་སུ་བཟུང་། བསམ་ཡས་སུ་ཉང་གཏེར་མཚོ་སྐྱེས་རྡོ་རྗེའི་སྐུ་ཚབ་རིན་པོ་ཆེའི་དྲུང་དུ་མཆོད་པ་རྒྱས་པར་མཛད་པས་སྣང་བརྙན་དེ་མཚོ་སྐྱེས་རྡོ་རྗེ་འཆང་དངོས་སུ་གྱུར་ཏེ་མཚོ་སྐྱེས་སྙིང་ཐིག་གི་གདམས་པ་སྩལ་ཞིང་དགོངས་ཀློང་དབྱེར་མེད་དུ་བྱིན་གྱིས་བརླབས། ལན་ཅིག་ཚེས་བཅུའི་ཉི་ཤར་ལ་མངའ་བདག་ཁྲི་སྲོང་འཁྲུངས་ཡུལ་བྲག་དམར་མགྲིན་བཟང་དུ་ཕེབས་པ་ན། ས་གཡོ་བ་ལྟ་བུའི་རྐྱེན་ལས་སྣོད་བཅུད་ཐམས་ཅད་དཔལ་ཧེ་རུ་ཀའི་ཞིང་ཁམས་སུ་གཟིགས་པའི་མོད། ཡེ་ཤེས་མཁའ་འགྲོས་གཏེར་སྒྲོམ་ལ་བསེའི་གའུ་ཞིག་དངོས་སུ་
(༥༤)སྩལ་བར་འགྲོ་འདུལ་འཕགས་པ་སེམས་ཉིད་ངལ་གསོའི་ཐུགས་ཏིག་དང་། རྒྱལ་བ་རྒྱ་མཚོའི་གདམས་པ་ཡེ་ཤེས་འོད་ཀྱི་སྙིང་པོ། བྲམ་ཟེ་ཉེར་གཅིག་གི་གདུང་སོགས་བྱོན་པ། མི་ལོ་བཅུ་གསུམ་བར་ཤིན་ཏུ་གསང་ཞིང་གཏེར་ཆོས་ཐུགས་ཉམས་སུ་བཞེས་པ་ལས་གཞན་ལ་འཕྲིགས་ཙམ་ཡང་མ་བྱུང་། རྗེ་བཙུན་ཉིད་ཀྱི་བར་ཆད་ཞི་ཞིང་འགྲོ་འདུལ་གྱི་ཕྲིན་ལས་རྒྱས་པའི་རྟེན་འབྲེལ་ཁྱད་པར་ཅན་འགྲིགས། ཕྱིས་སེམས་ཉིད་ངལ་གསོའི་ཆོས་སྐོར་འགའ་ཞིག་གཏེར་ལུང་ལས། དབང་གི་གནས་སུ་དབང་གི་དུསཿ དབང་ཆེན་པདྨའི་རིགས་སྐྱེས་པའིཿ རྣམ་འཕྲུལ་ཟུང་གི་དོན་དུ་སྟོནཿ ཚོམ་བུ་དང་བཅས་སྐལ་བཟང་འགྱུརཿ ཞེས་པའི་རྟེན་འབྲེལ་མ་བསྒྲིགས་ལྷུན་གྲུབ་ཀྱིས་དཔལ་རི་བོ་དབང་ཞུའི་སྙིང་པོ་བཀྲ་ཤིས་ཟླ་གམ་དབང་ཕུག་ཏུ། དབང་ཆེན་ལྕགས་སྤྲེལ་ལོ་སྤྲེལ་ཟླ་བའི་ཚེས་བཅུར། དབང་ཆེན་གྲུབ་པ་རྒྱལ་བ་མཆོག་དབྱངས་ཀྱི་སྤྲུལ་པ་དཔལ་ཀརྨ་པ་ཐེག་མཆོག་རྡོ་རྗེ་དང་། པདྨ་རིགས་ཀྱི་དབའ་བོ་ཏཱའི་སི་ཏུ་པདྨ་ཀུན་བཟང་ཆོས་རྒྱལ་གཉིས་དང་། གཞན་ཡང་རྗེ་པདྨ་གར་དབང་སོགས་འདུས་པ་དགུ་ལ་ཤོག་སེར་ཕབ་འཕྲེལ་དུ་སྩལ། གཏེར་ཁ་འདི་བཞེས་དུས་དང་ལོ་ཟླ་ཚེས་གྲངས་ཆུ་ཚོད་ཚུན་གཅིག་པར་གཏེར་ཆེན་མཆོག་གྱུར་བདེ་ཆེན་གླིང་པས་ཀྱང་ཆོས་རྒྱལ་ཡབ་སྲས་ཀྱི་སྐབས་སྨོན་ལམ་གཅིག་པའི་རྟེན་འབྲེལ་གྱིས་མདོ་ཁམས་ཁ་ལ་རོང་སྒོ་ནས་ཐུགས་སྒྲུབ་བར་ཆད་ཀུན་སེལ་བཞེས་ཏེ། དེ་ནས་ལོ་ལྔ་ཙམ་
(༥༥)འདས་སྐབས་རྗེ་བླ་མ་དང་མཇལ་ནས་དབང་ཆོས་མང་པོ་གསན། སྙིང་ཐིག་གོང་མའི་དབང་གི་དུས་བླ་མ་པ་ཆེན་བི་མ་ལ་དངོས་སུ་གཟིགས་པ་སོགས་དག་པའི་སྣང་བ་ཁྱད་པར་ཅན་གྱིས་གོ་ཕྱེས་ཏེ་གནས་ལུགས་ཀྱི་རང་ཞལ་རྗེན་པར་མཇལ། སྔགས་སྲུང་མའི་སྲོག་དབང་གནང་ཚེ་སྣོད་ཀྱི་འཇིག་རྟེན་འཁྲུགས་པ་ལྟ་བུའི་འཇིགས་ཟིལ་དང་བཅས་རལ་གཅིག་མ་དངོས་སུ་གཟིགས། དཔོན་སློབ་གཉིས་ཆར་ལ་ལོ་གསུམ་མཚམས་སུ་དངོས་གྲུབ་ཆེན་པོ་སྦྱིན་ཞེས་རྫོགས་ཆེན་སྡེ་གསུམ་གྱི་གཏེར་ཁའང་ལུང་བསྟན། །དཔལ་ཡང་དག་ལྷ་དགུའི་དབང་ཆེན་གསན་པ་ན་མགོན་པོ་འདི་དཔལ་ལྡན་ཧེ་རུ་ཀའི་སྐུ་དངོས་སུ་གཟིགས་པའི་མོས་གུས་ཀྱི་རྐྱེན་ལས་ཐུགས་ཀ་ནས་འོད་ཟེར་མཐིང་ཁའི་གོང་བུ་ཧཱུཾ་ཡིག་གིས་མཚན་པ་ཞིག་ཐོན་ཏེ་གཏེར་སྟོན་རང་གི་དབུ་གཙུག་ནས་ཐིམ་པའི་གསལ་སྣང་ཤར་བས་ནང་གི་རྩ་མདུད་ཞིག །རྡོ་རྗེའི་གླུའི་དཀོར་མཛོད་འཛད་མེད་དུ་གྲོལ། སྔོན་ཆད་ཐུགས་སྒྲུབ་བར་ཆད་ཀུན་སེལ་གྱི་བརྡ་ཇི་བཞིན་མ་ཁྲོལ་བའང་ཚེགས་མེད་པར་མཁྱེན་ཏེ། སྤྱིར་རྗེ་རིན་པོ་ཆེ་དགུང་ལོ་བཅུ་དྲུག་གི་དུས་རྩ་གསུམ་ཐུགས་སྒྲུབ་ཧྲཱིཿརྒྱ་ཅན་བདེ་གཤེགས་འདུས་པས་གཏེར་དུ་བཞེས་པ་ཡོད་ཀྱང་། རྗེས་སུ་མཆོག་གླིང་གིས་ས་གཏེར་ཐོན་ཞིང་། དེ་གཉིས་ཚིག་དོན་གཅིག་ཏུ་འདུག་པས་ཟུར་དུ་མ་སྤེལ་ཞེས་གསུངས་པར་མ་ཟད་སྔ་མ་ཆ་ཤས་ཙམ་ཕབ་པའང་དེ་ཁོ་ན་ལྟར་ཡོད་དེ། ཤོག་སེར་འབེབས་པ་དང་གཏེར་སྒྲུབ་ཀྱང་གཉིས་
(༥༦)འདུས་སུ་མཛད་པས་རྗེ་འདིའི་གཏེར་ཁར་ཡང་བགྲང་རུང་། ལྕགས་ཕག་ལོར་རྒྱང་ཡོན་པོ་ལུང་གི་གུ་རུའི་སྒྲུབ་ཕུག་ཏུ་ཚོགས་ཀྱི་མཆོད་པ་མཛད་པའི་ཚེ་ཕུག་དེའི་སྒོ་གོང་དུ་གུ་རུའི་སྐུ་ཚབ་དང་། གསོལ་འདེབས་བསམ་པ་ལྷུན་གྲུབ་མའི་ཆོས་སྐོར་བཞུགས་པ་གཟིགས་ཤིང་། ཆོས་ཀྱི་ཞིབ་རྒྱུས་ཀྱང་གཏིང་ཐུག་པར་མཁྱེན། ཕྱིས་སྐུ་ཚབ་རིན་པོ་ཆེ་དངོས་གྲུབ་དཔལ་འབར་དང་། ཐུགས་སྒྲུབ་ཡིད་བཞིན་ནོར་བུའི་ཤོག་སེར། དོན་ཀུན་གྲུབ་པའི་གི་ཝཾ་གི་བམ་པོ་རྣམས་རྩི་སྐེ་ནོར་བུ་སྤུན་གསུམ་དུ་བཞུགས་པ་གསལ་བར་གཟིགས་ནས་གཏེར་ཆེན་མཆོག་གྱུར་གླིང་པ་ལ་བཀའ་གནང་སྟེ་སྤྱན་དྲངས། ཤོག་སེར་ལ་བརྡ་ཡིག་མ་གསལ་བ་ཡབ་སྲས་ཞལ་འཛོམ་པས་གཏེར་སྒྲུབ་ཞག་བདུན་དང་སྦྲགས་བདུད་རྩི་ལྔའི་ཆུ་ལ་སྤང་པས་ཞག་ལྔ་ནས་བརྡ་ཡིག་གི་གྲོང་ཁྱེར་བདུན་ལམ་མེར་ཤར། ཐུགས་སྒྲུབ་ཆ་ཙམ་གཏན་ལ་ཕབ། སྒྲུབ་ཆེན་མཛད་པས་གཞལ་མེད་ཁང་རྒྱ་ཁྱོན་བཀོད་པ་བློས་མི་ཁྱུད་པ་ཞིག་ཏུ་ཐུགས་སྒྲུབ་གཉིས་ཀྱི་ལྷ་ཚོགས་བླ་འོག་གི་རྣམ་པར་བཞུགས་པའི་གཙོ་བོའི་ཞལ་ནས། གསོལ་འདེབས་ཚུལ་བཞིས་འཆད་པའི་མན་ངག་སོགས་གསུང་གི་བདུད་རྩི་མང་དུ་གསོལ་ཞིང་། གཏེར་སྲུང་རྣམས་ཀྱིས་ཕྲིན་ལས་སྒྲུབ་པའི་གཡར་དམ་བླངས། ཤངས་ཟམ་བུ་ལུང་གི་ནེའུ་སེང་ཉམས་དགའ་བ་ཞིག་ཏུ་གསོལ་ཚིགས་མཛད་པར། དེའི་བྲག་ལ་རང་གི་གཏེར་སྐལ་གྱི་རྗེ་བཙུན་སྒྲོལ་མའི་ཆོས་སྐོར་རྒྱས་པ་ཞིག་བཞུགས་པ་ཆེས་གསལ་
(༥༧)བར་མཁྱེན་ཀྱང་གཏེར་ཤོག་བཞེས་རྒྱུ་མ་བྱུང་། འོན་ཀྱང་དེའི་ཚིག་དོན་མཐའ་དག་ཐུགས་སུ་ཆུད་དེ་རྩ་བ་ཤོག་ལྡེབ་གསུམ་བཞི་སྙེད་ཕྱག་བྲིས་མཛད་པ་ན། ཇོ་ཇོ་ཞིག་གིས་འཕགས་པ་ཀླུ་སྒྲུབ་ཀྱི་ཐུགས་དམ་རྟེན་རྗེ་བཙུན་མའི་སྐུ་རྙིང་ཞིག་ཕུལ། འདི་ལ་ཡོན་དུ་གསེར་ཞོ་བདུན་དགོས་ཟེར་ནས། སྐུ་ཆས་ལ་གསེར་ཞོ་བདུན་ཁོ་ན་བཏགས་ཡོད་པ་སྩལ། མི་དེ་ནི་ཉེ་གནས་སྐུ་འཁྲིས་སུ་ཡོད་པས་ཀྱང་མ་མཐོང་སྟེ་གཏེར་སྲུང་དང་། གསེར་རྣམས་གཏེར་ཚབ་ཏུ་དགོས་པ་ཡིན་པར་མངོན། སླད་ནས་སྐུ་གཟུགས་འདིས་གཏེར་ཆེན་མཆོག་གྱུར་གླིང་པར་ལེགས་སོ་གསུམ་གྱི་དབུགས་དབྱུང་བྱིན། དེ་བཞིན་དུ་ཇོ་མོ་ཁ་རག་ཏུ་ཕེབས་ཚེ་རང་གཏེར་གྱི་སྲུང་མས་ཕུར་པ་ཁྱད་པར་ཅན་དངོས་སུ་ཕུལ། རྗེས་ནས་ཁམས་སུ་བཞུགས་རིང་ཞིག །འདམ་ཤོད་ཀྱི་གཏེར་ཁ་ཀླུའི་འཇིམ་པ་ལས་གྲུབ་པའི་གུ་རུའི་སྐུ་ཚབ་ཐོད་ཕྲེང་སྡེ་ལྔ་ཡབ་ཡུམ་གྱི་བྱང་སེམས་ཉི་ཟླའི་ཞུན་གྱིས་གཡོགས་པ་དང་། བླ་མ་སྐུ་བཞིའི་སྒྲུབ་སྐོར། སློབ་དཔོན་ཆེན་པོའི་ཚེམས་ལས་སྤྲུལ་པའི་རིང་བསྲེལ། བླངས་པས་འཛད་པ་མེད་པའི་ངོ་མཚར་ཅན་རྣམས་གཉན་ཆེན་ཐང་ལྷས་སྤྱན་དྲངས་ཏེ་ཕུལ་བ། རིང་བསྲེལ་གྱི་འབྱུང་ཁུངས་རྗེ་ཉིད་གཤེགས་ཁའི་སྔ་ལོ་ཙམ་ནས་གཏེར་སྲུང་གིས་ཕྱིར་ཁྱེར་བས་མ་བཞུགས། དེ་ནས་རབ་ཡིད་རྫོགས་པ་ཟད་པར་གྱི་ལོར། རཏྣྣ་གླིང་པའི་ཕྱག་ཆེན་ཉི་སྙིང་མར། སྟག་ཚང་རོང་དུ་སྦས་པ་འདིཿ མངའ་བདག་
(༥༨)ཉང་གི་གདུང་བརྒྱུད་ནིཿ མི་རབས་ཡང་བརྒྱུད་བཅུ་གསུམ་ནཿ འཇམ་དབྱངས་སྤྲུལ་པ་བློ་གྲོས་ཅནཿ འཇམ་དཔལ་བཤེས་གཉེན་ཞེས་པས་འདོནཿ གདུལ་བྱ་གངས་ཅན་ཡུལ་ཁྱབ་འབྱུངཿ ཞེས་གསུངས་པ་ལྟར་ཐོ་རང་ཞིག་རྔ་ཡབ་གླིང་ནས་དཔའ་བོའི་ཆས་ཅན་གཉིས་བྱུང་ཏེ། འདི་སྤྲོད་པའི་དུས་ཚོད་དངོས་ཤིང་སྟག་ལོ་ཡིན་ཀྱང་རྟེན་འབྲེལ་ཡོལ། ད་རེས་སློབ་དཔོན་པདྨའི་བཀས་ཁྱོད་ལ་སྤྲོད་དུ་ཕྱིན་ཟེར། ཤོག་དྲིལ་ཞིག་བྱིན་ནས་མི་སྣང་བར་སོང་། ཤོག་དྲིལ་དེ་འཐོར་འབྲུའི་ཟ་མ་ཏོག་ཏུ་བཅུག་སྟེ་ནམ་ལངས་པ་དང་གཟིགས་པས་གཏེར་གྱི་ཁ་བྱང་དུ་འདུག །དེ་དང་མཐུན་པར་ལོ་དེ་ཉིད་ཀྱི་སྨིན་དྲུག་ཟླ་བའི་ཚེས་བཅུར་གཏེར་ཆེན་མཆོག་གླིང་དང་ལྷན་ཅིག་རོང་མེ་འཆི་མེད་དཀར་མོ་སྟག་ཚང་དུ་ཕེབས། བྲག་གི་རྒྱ་བཅུ་གསུམ་བཤིག་སྟེ་རིག་འཛིན་རྡོ་རྗེ་དྲག་རྩལ་གྱི་སྐུ། ཤོག་སེར། ཕྱག་མཚན་གནམ་ལྕགས་ཀྱི་རྡོ་རྗེ་རྣམས་ཁྲོམ་གཏེར་དུ་སྤྱན་དྲངས། དེའི་ཕྱི་ཉིན་ཡང་ཁྲོམ་ཚོགས་མང་པོའི་དབུས་སུ་མ་ཕམ་སེང་རྒོད་གཡུ་མཚོ་ནས། མཇའ་དང་འོད་དང་མེ་ཏོག་གི་ཆར་སོགས་ངོ་མཚར་བའི་ལྟས་དང་བཅས་ཏེ། རྫུ་འཕྲུལ་རྡོ་རྗེའི་བཀོད་པས་གཏེར་ཁ་གསེར་གྱི་སྒྲོམ་བུ་ཧེ་རུ་ཀ་ཞལ་སྦྱོར་གྱི་རྣམ་པ་ཅན་སོགས་བཞེས་པ་ན་གཏེར་སྲུང་ཀླུའི་རྒྱལ་པོ་གསེར་གྱི་གདུགས་ཅན་འོང་བ་དངོས་སུ་གཟིགས་ཤིང་། ཐུན་མོང་གི་སྣང་བར་མཚོ་ཕྱུར་བ་དང་ལྷན་ཅིག་དར་ཁུང་གི་ཉེ་འགྲམ་
(༥༩)ཐམས་ཅད་གསེར་ཕྱེས་སེར་ཉུལ་གྱིས་ཁྱབ་པ་མཐོང་། འགའ་ཞིག་གིས་གསེར་ཅུང་ཟད་རྙེད་ཀྱང་རྙེད། །དེར་ཐུགས་སྒྲུབ་རྡོ་རྗེ་དྲག་རྩལ་དང་། རྩ་གསུམ་སྒྱུ་འཕྲུལ་དྲ་བའི་ཆོས་སྡེ་བྱོན་ཀྱང་ལམ་རིམ་ཡེ་ཤེས་སྙིང་པོ་ཙམ་ལས་གཞན་འཆད་སྤེལ་མ་གནང་། རབ་ཚེས་སྨིན་དྲུག་ཟླ་བའི་ཚེས་བཅུར་སྟོད་འབྲས་མོ་ལྗོངས་ནས་སྨད་གཡུ་ལུང་གངས་ར་ཡན་ཆད་ཀྱི་གནས་ཆེ་ཆུང་སྟོང་ཕྲག་ལྷག་པའི་བཀོད་པ་དང་གཏེར་ཁ་སོགས་སྒྲིབ་མེད་དུ་གཟིགས། ཞེ་དགའི་ཕྱོགས་བཀྲ་ཤེས་གནས་ཀྱི་ཤར་ཕྱོགས་ཞི་ཁྲོ་ཤེས་ཕུག་ཅེས་སྔོན་ཆད་ཡུལ་དེར་གནས་པས་ཀྱང་རྒྱུས་མེད་པར་རྗེ་ཉིད་ཀྱིས་ལམ་མཚོན་ནས་ཕེབས་ཤིང་གྲོལ་ཏིག་སྐོར་གསུམ་དང་གནས་ཡིག་འགའ་ཞིག་གིས་ཤོག་སེར་བཞེས། རིན་པོ་ཆེ་བློ་གྲོས་མཐའ་ཡས་ཀྱིས་ཡི་གེ་པ་མཛད་དེ་ཤོག་སེར་ལས་ཆ་ཙམ་ཕབ་པ་ན་འཇའ་ཚོན་གྱི་བླ་རེ་བྲེས་ཤིང་མེ་ཏོག་སིལ་མའི་ཆར་བབས། ཁྱུང་ཚང་བྲག་གི་གཏེར་ཁ་རིག་འཛིན་ཡོངས་རྫོགས་ཀྱི་ཐུགས་ཏིག་སོགས་གཏེར་སྲུང་ཀླུ་མོས་གསལ་བར་བསྟན་ནས་རྗེ་མཆོག་གླིང་དང་གདན་འཛོམས་པས་བཞེས། གཏེར་ལྷུང་ཁང་དམར་མདོར་བཞུད་སྐབས་རྗེ་བློ་གྲོས་མཐའ་ཡས་ཀྱིས་ཕྱོག་འདིར་རྡོར་སེམས་ཀྱི་གཏེར་ཁ་ཡོད་པར་བདུད་འདུལ་གཏེར་ལུང་ལས་བཤད་པས། དེ་ལས་སྣ་གཅིག་བཞེས་དགོས་ཞེས་གསོལ་བ་བཏབ་པས། བཻ་རོའི་གསང་ཕུག་ཏུ་ཚོགས་ཀྱི་འཁོར་ལོ་མཛད་པའི་མཐར་
(༦༠)དེ་ཉིད་ནས་སློབ་དཔོན་བཻ་རོ་ཙ་ནའི་ཐུགས་དམ་རྟེན་གྱི་རྡོ་རྗེ་སེམས་དཔའི་ལི་སྐུ་ཁྱད་འཕགས་ཤིག་བླངས་ནས་སྩལ། རྫོང་ཤོད་བདེ་གཤེགས་འདུས་པའི་སྐུའི་གནས་ནས་དཔག་བསམ་ཤིང་གི་འབྲས་བུ་ལས་གྲུབ་པའི་པདྨ་རྒྱལ་པོའི་སྐུ་རྒྱན་ཤིན་ཏུ་ངོ་མཚར་བ་བཞེས་ཤིང་། དེར་ཚ་སྒང་པ་རིན་ཆེན་རྣམ་རྒྱལ་ཞམ་རིང་དུ་ཁྲིད་དེ་སྔར་མེད་པའི་ཕུག་པ་ཡ་མཚན་ཅན་གྱི་སྒོ་ཕྱེ་ནས་མགོན་པོ་ཕྱག་བཞི་པའི་སྒྲུབ་སྐོར་དང་། ཉང་རིན་པོ་ཆེའི་ཡང་གཏེར་གནམ་ལྕགས་ཀྱི་རྡོ་རྗེ་ཞིག་ཕྱུང་། ཁྲོ་ཟིལ་ཁྲོམ་གྱི་མདུན་ངོས་ཆུ་མིག་གཅིག་ནས་མཁའ་འགྲོ་ལས་ཀྱི་དབང་མོ་ཆེའི་རང་བྱུང་གསང་བའི་བདུད་རྩི་བཏོན། བཀྲ་ཤིས་ཟླ་གམ་དབང་ཕུག་གི་གནམ་ཁུང་ནས་མགོན་པོ་ཛཾ་བྷ་ལའི་སྐུ་དང་སྒྲུབ་སྐོར། དེའི་ཉེ་ཕྱོགས་ཀྱི་བྲག་ནས་རྗེ་བཙུན་སྒྲོལ་མའི་ཚེ་རིལ་ཟླ་བའི་སྙིང་པོ། སེང་གེ་གཡུ་མཚོ་ནས་མོན་མོ་བཀྲ་ཤིས་ཁྱེའུ་འདྲེན་གྱི་དར་ཤམ་དང་། བྱང་ཆུབ་ཤིང་གི་ལོ་མ་སོགས་གཞན་ཡང་བཞེས། དེ་རྗེས་ཐེམ་པ་མི་འདའ་བར་བཞུགས་དུས་ཤིག་གཏེར་སྟོན་ཀུན་གྲོལ་གསང་བ་ལ། ཕ་བོད་གསེར་གདུགས་ཅན་ན་སངས་རྒྱས་དཔའ་བོ་བདུན་གྱི་རིང་བསྲེལ་དང་། པདྨ་ཤེལ་རིར་ཡང་གཏེར་ཁ་ཞིག་ཡོད་པ་དེ་ལེན་དུ་སོང་བཀའ་སྩལ་བ་ལྟར། ཁོང་གིས་གཏེར་གནས་སུ་ཕེབས་ཏེ་ཚོགས་སྐོང་གསེར་སྐྱེམས་གསོལ་འདེབས་སོགས་མཛད་ཀྱང་རིང་བསྲེལ་མ་རྙེད། ཟླ་གམ་དབང་ཕུག་ཏུ་ཞག་གསུམ་སྒྲུབ་པ་ཚོགས་
(༦༡)མཆོད་བཅས་གྲུབ་པའི་སྔ་དྲོ་གནས་རིའི་དབུ་རྩེར་ལྷ་སྲིན་དམ་བསྒྲགས་པས། པདྨ་ཤེལ་རི་ནས་བྱ་རྒོད་ཅིག་འཇའ་སྤྲིན་འཁྲིགས་པའི་ནང་དུ་འཕུར་ཞིང་འོངས་ཏེ་འོག་གི་བྲག་རྩེར་བབས། སིནྡྷུ་རའི་འཇིམ་པ་རློན་པས་བསྟུམས་པའི་གཏེར་སྒྲོམ་ཞིག་དེར་བཞག་ནས་སོང་བས། སྒྲོམ་བུ་དེ་ཀ་ལྟར་བསྣམས་ཏེ་རྗེ་བླ་མའི་སྤྱན་སྔར་ཕུལ། དེ་ཞལ་ཕྱེས་པའི་ནང་ནས་ཚེ་དབང་རིག་འཛིན་གྱི་སྐུ་ཚབ་ལི་སྨུག་ལས་གྲུབ་པ། རྩ་གསུམ་སྤྱི་འདུས་ཆོས་སྐོར། གནས་ཆེན་མང་པོའི་མདོ་བྱང་གི་ཤོག་སེར་རྣམས་བྱོན། སྐུ་ཚེ་འདིའི་ཟབ་གཏེར་གྱི་གཙོ་བོ་གཙང་གཡས་རུ་རྩིས་ཀྱི་ལྷ་ཁང་གི་ཀ་ཞུ་ལ་བཞུགས་པའི་རྩ་གསུམ་བཀའ་འདུས་ཆེན་མོ་ཡིན་ཡང་། འདོན་པའི་དུས་ཐོག་ལ་ཕེབས་སྟབས་མ་འགྲིགས་པས་ཚོད་ལས་ཡོལ་བ། ཕྱིས་གཙུག་ལག་ཁང་འཇིག་ཏུ་ཉེ་བའི་དབང་གིས་གནས་འཕོས་ཏེ། དེའི་ཉེ་འཁོར་གྱི་བྲག་གཅིག་ལ་བཞུགས་པ་ས་ལེར་གཟིགས་ཤིང་། གཏེར་རྫས་གནམ་ལྕགས་ཀྱི་རྡོ་རྗེ་ཁྱད་འཕགས་ཤིག་ཕྱག་ཏུའང་སོན། དགུང་ལོ་བཞི་བཅུ་པ་དོན་གྲུབ་ཀྱི་ལོར། ཨོ་རྒྱན་རིན་པོ་ཆེ་གཏེར་ཆེན་སངས་རྒྱས་གླིང་པའི་སྐུའི་རྣམ་པར་བསྟན་ནས་གཏེར་འབྱུང་གི་གླེགས་བམ་སྩལ་ཞིང་བྱིན་གྱིས་བརླབས་པས་ཉིད་ཀྱི་སྐུ་གླེགས་བམ་དེར་གྱུར་པ་ལྟ་བུའི་མནལ་ལམ་བརྟན་པོ་ཤར། དེ་ཚུན་ཆད་ནས་བོད་ཡུལ་འདིར་བྱོན་དང་འབྱོན་འགྱུར་གྱི་སྤྲུལ་པའི་
(༦༢)གཏེར་ཆེན་སྟོང་རྩ་སྙེད་ཀྱི་རྣམ་ཐར་དང་ཟབ་གཏེར་གང་བཞུགས་ཐམས་ཅད་ཅུང་ཟད་ཀྱང་ལྐོག་ཏུ་མ་གྱུར་པའི་ཡེ་ཤེས་ཀྱི་སྤྱན་རྣོན་པོ་བརྙེས་ཤིང་། ཆོས་གཏེར་དེ་ཐམས་ཅད་ཀྱི་བཀའ་བབས་སུ་གྱུར། དེའི་མཐུ་ལས་གཏེར་སྟོན་སངས་རྒྱས་བླ་མའི་གཏེར་ཁ་རྩ་གསུམ་དྲིལ་སྒྲུབ་དངོས་གྲུབ་བརྟན་གཟིགས་ཞུས་ལན་ཉེར་གཅིག་པ་དང་། རྒྱ་ལོ་རྩའི་བླ་མ་བསྟན་གཉིས་སྐོར་གསུམ། ཉི་མ་སེང་གེའི་ཐུགས་རྗེ་ཆེན་པོ་པདྨ་ཞི་ཁྲོ། རོང་ཟོམ་ལོ་ཙཱའི་མཁའ་འགྲོ་རིག་བྱེད་རྩལ། ཨོ་རྒྱན་གླིང་པའི་བཀའ་འདུས་ཆོས་ཀྱི་རྒྱ་མཚོའི་བཅུད་དྲིལ། ར་མོ་ཤེལ་སྨན་གྱི་རྡོ་རྗེ་བདུད་རྩི། རྒྱ་སྟོན་པདྨའི་དབང་ཕྱུག་གི་འཁོར་ལོ་བདེ་མཆོག་དམར་པོ། ལྷ་བཙུན་རྒྱ་མཚོ་བློ་གྲོས་ཀྱི་ཞི་བྱེད་བདུན་པ། གཡག་ཕྱར་སྔོན་མོའི་སྒྲོ་ལ་ལྗང་འཇིགས་པ་ཀུན་སྐྱོབ། བལ་པོ་ཨ་ཧཱུྃ་འབར་གྱི་ཡཀྵ་ཛམ་བྷ་ལ་ནག་པོ། མངའ་བདག་མོ་ལ་མི་འཁྱིལ་གྱི་རྒྱལ་བསེན་གནད་འབེབ་འཁོར་ལོའི་མན་ངག །གར་དབང་ལས་འཕྲོ་གླིང་པའི་ཕག་དཀར་ཤེས་རབ་འཁོར་ལོ། །སྣ་ནམ་ཐུབ་རྒྱལ་གྱི་རྟེན་འབྲེལ་ཡང་སྙིང་འདུས་པ། གཙུག་ལག་དཔལ་དགེའི་དྲག་སྔགས་ཐེམ་འདུན། ཁྱུང་པོ་དཔལ་དགེའི་རྒྱལ་པོ་མདོས་བཅུ། རོང་སྨན་ཉི་འོད་གསལ་གྱི་གསོ་དཔྱད་རྫོང་འཕྲང་སྙིང་ཐིག་སོགས་མཐའ་ཡས་པ་ཞིག་རྡོ་རྗེའི་གནས་ཀྱི་མཁའ་འགྲོ་མ་རྣམས་ཀྱིས་བརྡ་ཡིག །རྒྱ་དཔེ། བོད་ཀྱི་ཡིག་རྙིང་ཅི་རིགས་པར་པུ་སྟི་ཀ་
(༦༣)དངོས་སུ་ཕུལ། འོན་ཀྱང་དེ་དག་ལ་འཆད་སྤེལ་གྱིས་ཕྲིན་ལས་བསྐྱང་མ་བསྐྱང་དང་བསྐྱངས་ཀྱང་ཚང་བར་བསྐྱང་མ་བསྐྱང་ནི་སྣ་ཚོགས་ཤིག་ཡོད་པར་སྣང་། ཇོ་མོ་སྨན་མོ་པདྨ་མཚོ་སྐྱིད་ཀྱི་གཏེར་སྐལ་མཁའ་འགྲོ་མའི་གསང་བ་ཀུན་འདུས་ཀྱི་སྐོར་རྣམས་རྗེ་ཉིད་ཆོས་དབང་རིན་པོ་ཆེར་གྱུར་དུས་གཏེར་ཆེན་མ་དང་ཐབས་ཤེས་ཀྱི་རྟེན་འབྲེལ་སྟོབས་སུ་གྱུར་པའི་དབང་གིས་རྗེས་སུ་དྲན་པའི་ཆོ་འཕྲུལ་དང་། ཇོ་མོ་ཆེན་མོས་བཛྲ་ཨ་ར་ལིའི་སྦྱོར་བས་བྱིན་རླབས་བསྟབས་པ་དང་། དགོངས་པ་ནམ་གཏད་དུ་གཏེར་ཡིག་པྲ་ཕབ་པ་ལྟར་འཆར་བ་སྟེ་གསུམ་ལྡན་གྱིས་གཏན་ལ་ཕབ། ལང་གྲོ་ལོ་ཙཱ་བ་དཀོན་མཆོག་འབྱུང་གནས་ཀྱི་ཐུགས་ཀྱི་གསང་བ་རྗེས་སུ་དྲན་ནས་དེའི་ཐུགས་དམ་ཚེ་སྒྲུབ་ཀྱི་མན་ངག་སྣང་བར་མཛད། སྔོན་ཆད་དགུང་གྲངས་ཉེར་བཞི་པར་འོ་ཡུག་གི་མཐིལ་དུ་གཤེགས་པའི་སྐབས་ཐ་མལ་གྱི་སྣང་ཞེན་དབྱིངས་སུ་ཐིམ་པའི་ཡེ་ཤེས་མེ་ལོང་གཙང་མའི་ངོས་སུ་ལྕེ་བཙུན་སེང་གེ་དབང་ཕྱུག་འོད་ལུས་སུ་བཞེངས་པའི་གནས་དུས་སྟོན་འཁོར་གྱི་ཚོམ་བུ་དང་བཅས་པ་གསལ་བར་ཤར་ནས་ཀློང་ལྔའི་ཡི་གེ་དུམ་བུ་གསུམ་པ་ཐུགས་གཏེར་དུ་བབས་པ་ཡུན་རིང་པོར་གསང་རྒྱས་བཏབ། མཐར་དབྱིངས་ཕྱུག་ཨེ་ཀ་ཛ་ཊིས་ཆོས་སྒོ་དབྱེ་བར་བསྐུལ་ནས་རིམ་པར་སྤེལ། རྗེ་བཙུན་ཡིད་བཞིན་འཁོར་ལོ་དང་རྣལ་འབྱོར་དབང་ཕྱུག་ཐང་སྟོང་པའི་བྱིན་རླབས་ལས་འཆི་
(༦༤)མེད་འཕགས་མོའི་སྙིང་ཐིག་དང་། གྲུབ་ཐོབ་ཐུགས་ཐིག་གི་སྐོར་རྣམས་རང་ཤར་བའི་བྱུང་ཚུལ་ཡང་ཡོད་དེ་གཞན་དུ་ཤེས། རྫོང་ཤོད་བདེ་གཤེགས་འདུས་པའི་ཕོ་བྲང་དུ་བཞུགས་སྐབས་ནུབ་གཅིག་འོད་གསལ་གྱི་སྣང་བར། མཆོད་རྟེན་བདེ་བྱེད་བརྩེགས་པའི་དྲུང་དུ་སླེབས། དེར་སྒྲུབ་སྡེའི་བཀའ་བབས་ཀྱི་རིག་འཛིན་བརྒྱད་རྣམས་གུ་རུ་མཚན་བརྒྱད་ཀྱི་རྣམ་ཅན་དང་། ཀུན་འདུས་སློབ་དཔོན་པདྨ་ཐོད་ཕྲེང་བཅས་ཚོམ་བུར་བཞུགས་པའི་སྤྱན་སྔར། བཀའ་བརྒྱད་ཀྱི་གཞུང་མན་ངག སྒྱུ་འཕྲུལ་ཞི་ཁྲོ། ཨ་ནུ་ཡོ་ག །རྫོགས་ཆེན་གྱི་གདམས་པ་རྣམས་རྒྱ་ཆེར་གསན་པས་མཚོན། སྐད་ཅིག་རེ་རེར་ཆོས་ཀྱི་རྣམ་གྲངས་ཇི་སྙེད་ཅིག་དབང་དུ་གྱུར་པའི་ཕ་མཐའ་ཡང་སུ་ཞིག་གིས་བརྗོད་ནུས། དེར་ཡང་མ་ཟད་རྡོ་རྗེ་བདུད་རྩིའི་གཏེར་ཡིག་ལས་ཐོག་མར་བསྒྱུར་བ་ན། ཨོ་རྒྱན་རིན་པོ་ཆེར་གསོལ་འདེབས་མང་དུ་མཛད་པས། སྣྲོན་ཟླའི་ཚེས་བཅུར་པདྨ་འོད་ཀྱི་གཞལ་མེད་ཁང་དུ་གུ་རུ་རིན་པོ་ཆེ་རིག་འཛིན་ཌཱཀྐིའི་ཚོགས་དང་བཅས་པས་སྤྲུལ་པའི་དཀྱིལ་འཁོར་དུ་དབང་བསྐུར་ཞིང་གདམས་ངག་རྩལ་སྤྲུགས་སུ་གནང་བ་དང་། རྩ་བའི་ཆོས་བདག་ལ་དབང་བཀའ་གནང་བར་བཞེད་པའི་ཚེ་འོད་གསལ་སྒྱུ་མའི་རོལ་པར། སོ་མ་པུ་རིའི་ལྷ་ཁང་ནམ་མཁའི་ཟུར་ཕུད་ལ་སོན་པ་སྙམ་བྱེད་པའི་མཐོན་པོ་ཞིག་ཏུ་ཕེབས། དེར་ཁྲི་སྟན་སྟོང་པ་ཞིག་འདུག་པ་དེ་ལ་བཞུགས་པ་དང་། མི་
(༦༥)དབང་ཨིནྡྲ་བྷུ་ཏི་མཁའ་འགྲོ་མ་ལས་ཀྱི་དབང་མོ་ཆེ་དང་དབྱེར་མེད་པའི་ཕྱག་ན་ཆང་སྣོད་ལྟ་བུའི་བུམ་པ་ཞིག་ཐོགས་ཏེ། འདི་དེ་དག་གི་དགོངས་པ་གཏད་པ་ལ་བསམ་གྱི་དངོས་སུ་རྗེ་རང་གི་བླ་མའི་ཕྱག་ཡིན་མཆན། འདི་རྒྱལ་པོ་ཛཿལ་བཀའ་བབས་ཀྱི་ཆུ་བོ་བཞི་འདུས་བའི་དབང་གི་ཆུ་རྒྱུན་མ་ཉམས་པ་ཡིན་གསུངས་ནས་གར་ཆང་འདྲ་བའི་བདུད་རྩི་ཞིག་ལྗགས་ལ་ཕབ་པས་སྟོང་གསལ་བདེ་བས་མྱོས་པའི་ཡེ་ཤེས་ཀྱི་ཉམས་འབར་བ་སོགས་ཆོས་སྒོ་རེ་རེ་ལ་བརྟེན་ནས་བྱིན་རླབས་ཀྱི་ཕ་ཕོག་ཐོབ་པའི་ཚུལ་ཡང་དཔག་པར་སླ་བ་མ་ཡིན་ནོ། །དཔའ་བོ་དང་རྣལ་འབྱོར་མའི་ཁྱུ་མཆོག་རྣམས་ཀྱི་དགོངས་དོན་བརྡའི་དེ་ཉིད་ལ་ཆེས་ཆེར་ནང་བྱན་ཚུད་པས། རྗེ་བཙུན་འདིས་བསྒྱུར་ཚད་ཀྱི་གཏེར་གཞུང་ཐམས་ཅད་རྗོད་བྱེད་དབྱིངས་ཆེ་ལ་རྒྱས་བསྡུས་འཚམས། བརྗོད་བྱ་གནད་འདྲིལ་ལ་ཟབ་ཅིང་རྒྱ་ཆེ། བློའི་མཐུ་མི་དམན་པ་རྣམས་ལ་གཞུང་ལུགས་རེ་རེས་ཀྱང་སྔོན་ཡོངས་སུ་གྲགས་པ་དང་མ་གྲགས་པའི་གྲུབ་པའི་གསེང་ལམ་མི་འདྲ་བ་དུ་མ་མཚོན་ནུས་པ་ཤ་སྟག་བཞུགས། རིག་འཛིན་གཏེར་བདག་གླིང་པའི་བཞེད་པས། མཆོག་གི་དངོས་གྲུབ་སྒྲུབ་པའི་ཐབས་ཆ་ཚང་འདོམས་པ་ཞིག་གཏེར་སྐལ་དུ་དབང་བ་ལ་གཏེར་སྟོན་ཆེན་པོར་འཇོག་སྟེ། དེ་ལྟར་བྱས་ན་མགོན་པོ་འདིའི་གཏེར་གཞུང་སྣ་རེ་ཙམ་ལ་དབང་བས་ཀྱང་གཏེར་ཆེན་གྱི་གྲལ་དུ་བསྒྱིངས་ཆོག་པ་ཡོད། བརྒྱུད་པའི་བབས་སོ་བརྙེས་ཚུལ་ལ་ཡང་།
(༦༦)རིང་བརྒྱུད། གཏེར་བརྒྱུད། དག་སྣང་སྟེ་གསུམ། གཏེར་ལ་དངོས་གཏེར་རམ་ས་གཏེར་དང་དགོངས་གཏེར་གཉིས། ས་གཏེར་ལ་རང་གཏེར་དང་ཡང་གཏེར་གཉིས། དགོངས་གཏེར་ལ་སྤྱི་མིང་ཕྱོགས་གཅིག་ལ་བཏགས་པའི་དགོངས་གཏེར་དང་རྗེས་དྲན་གྱི་གཏེར་གཉིས། དག་སྣང་ལ་ཞལ་གཟིགས་དང་སྙན་བརྒྱུད་གཉིས་ཏེ་བཀའ་བབས་ཀྱི་ཆུ་བོ་བདུན་འདྲེས་ཤིང་། ཡང་གཏེར་གྱི་གསང་མཛོད་ཁོ་ན་ལའང་གཏེར་འབྱིན་གཞན་མཐའ་དག་གི་ཆོས་སྡེ་ཐམས་ཅད་རྫོགས་པ་དང་། དེ་དག་ཀྱང་གཏེར་གནས་ཐག་རིང་པོར་བགྲོད་པའི་དཀའ་ལས་དང་། གཏེར་བདག་མཆོད་པ། རྟེན་འབྲེལ་གྱི་སྣ་ཁ་མི་ལོག་པའི་ཆེད་དུ་སྲུང་རིམ་ཆེན་པོའི་ཡོ་ལང་སོགས་འབད་རྩོལ་སྣ་གཅིག་མི་དགོས་པར་མཁའ་འགྲོ་མའི་འཁོར་ལོས་སྒྱུར་བ་ཆེན་པོའི་གོ་འཕང་བརྙེས་པའི་ལག་རྗེས་སུ་ནམ་མཁའ་དང་ས་འོག་གི་ནོར་བུ་ཆར་བཞིན་དུ་འབྱུང་བ་སོགས་ནི་བདག་ཉིད་ཆེན་པོ་འདིའི་ཁྱད་པར་འཕགས་ཆོས་རྣམ་དག་ཡིན་ནོ། །དེ་འདྲ་བ་རྣམས་ཨོ་རྒྱན་དུས་གསུམ་མཁྱེན་པས་ལུང་སྟོན་པ་ཆོས་ཉིད་ཡིན་པས། ཨུ་རྒྱན་གླིང་པའི་ཐུགས་རྗེ་ཆེན་པོ་ཡེ་ཤེས་འོད་མཆོག་གི་གཏེར་ལུང་ལས། མ་འོངས་ཆོས་ཀྱི་བདག་པོ་དེ་ཉིད་ཀྱངཿ ཤར་གྱི་ཕྱོགས་ནས་འབྲུག་གི་ལོ་པ་འབྱུངཿ རང་ནོར་སྤྱོད་པས་བསྟན་པའི་མེ་རོ་གསོཿ ཞེས་དང་། རིག་འཛིན་ཡོངས་འདུས་ཀྱི་ལུང་བྱང་དུའང་།
(༦༧)བདག་དང་ནམ་མཁའི་སྙིང་པོའི་སྨོན་ལམ་ལསཿ ཁམས་ཀྱི་ཕྱོགས་སུ་འབྲུག་གམ་བྱི་ཕག་ལོཿསྡེ་སྣོད་རྒྱུད་སྡེའི་གསང་བ་ཀུན་བསྡུས་ནསཿརིག་འཛིན་རྣམ་བཞིའི་བརྒྱུད་པ་རྒྱས་པར་བྱེདཿ མཐར་ནི་དཔལ་ཆེན་ཐུགས་དང་གཉིས་སུ་མེདཿ ཅེས་པ་གཉིས་ཀས་འཁྲུངས་ཡུལ། དགུང་སྙིང་སྐྱེས་རབས་སྒོས་མཛད་དང་བཅས་པ་གསལ་བར་བསྟན་ལ། རྡོ་རྗེ་གླིང་པ་དང་རིན་ཆེན་གླིང་པ་བདུད་འདུལ་རྡོ་རྗེ་རོལ་པའི་རྡོ་རྗེ་སོགས་ཀྱི་གཏེར་ལུང་ནའང་རྗེ་བླ་མ་འདི་གསལ་བར་ཟིན་ཚུལ་ཡོད། ལུང་ཟིན་གྱི་སྐྱེས་བུ་འདྲ་མིན་ཤན་འབྱེད་དགོངས་འདུས་ལུང་བསྟན་བཀའ་རྒྱ་མར། གང་ཡང་མི་འགྱུར་བརྡ་རྟགས་གསུམ་དང་ལྡནཿ ལུས་ལ་ལྟེ་སྨེ་སྙིང་གར་ཤ་མཚན་ནམཿ སྨེ་བ་དཀར་དམར་ཐིག་ལེས་སྤྲས་དང་གཅིགཿ ངག་ནི་སྙན་འགྱུར་ངག་ཚིག་རྩོལ་བ་ཅནཿ ཡང་ན་མགྲིན་པར་ཤ་མཚན་ཐིག་ལེའམཿ པདྨ་ལས་བྱུང་པདྨའི་མིང་ལྡན་གཉིསཿ ཡིད་ནི་རྩེ་གཅིག་གདུང་ཤུགས་ང་ཉིད་དྲནཿ ཕུར་ཚུགས་འདི་མིན་ཡིད་ལ་མི་བྱེད་གསུམཿ དེ་གསུམ་གསུམ་འཛོམ་མཆོག་ཡིན་གཉིས་འཛོམ་འབྲིངཿ གཅིག་འཛོམ་ཐ་མ་གང་ཡང་ལས་ཅན་ཏེཿ ཞེས་གསུངས་པའི་མཚན་མ་གསུམ་པོའང་རྗེ་འདི་ལ་ཚང་བར་མངའ། དངོས་གཏེར་ལ་དབང་བའི་རྒྱལ་སྲས་ལྷ་རྗེའི་སྐྱེ་བ་བཅུ་གསུམ་པའང་འདི་ཉིད་ཡིན་པར་རང་གཏེར་གྱི་ལུང་བྱང་ལས་བཤད་དོ། །
(༦༨)དགུང་ལོ་ཉེར་གཅིག་སྐོར་ནས་ས་ངོར་སོགས་ཀྱི་གདན་སར། བརྡ་སྤྲོད་དང་སྙན་ངགས་སོགས་རིག་གནས་མང་པོའི་བསླབ་གྲྭ་བཙུགས་པས། ས་སྐྱ་གོང་མ་བཀྲ་ཤིས་རིན་ཆེན། ཐར་རྩེ་ཞབས་དྲུངས་བྱམས་པ་ཀུན་དགའ་བསྟན་པའི་རྒྱལ་མཚན། དཔོན་སློབ་རིན་པོ་ཆེ་ངག་དབང་ལེགས་གྲུབ། ན་ལེནྡྲའི་གཟིམ་འོག་མཆོག་སྤྲུལ་བསྟན་འཛིན་སྙན་གྲགས་སོགས་ཆེར་མཁས་པའི་སློབ་མའང་ཐོན། ངོར་དུ་བཞུགས་དུས་བོད་སྟོན་ཞིག་གིས་འདི་སེམས་ཅན་འབུམ་ཕྲག་འདྲེན་པའི་སྟོན་པར་འགྱུར་ཏེ། དེའི་མཚན་མར་ཞབས་གཡས་པའི་མཐེ་བོང་ལ་སྨེ་བ་ཀླུའི་མིག་ལྟ་བུ་ཞིག་སྣང་ཞེས་ལུང་བསྟན། སྐུ་ཚེ་རིལ་པོ་ངུར་སྨྲིག་འཆང་བའི་ཀུན་སྤྱོད་དུལ་བ་དང་ཞི་བའི་དཔལ་གྱིས་བརྒྱན་པ་འབའ་ཞིག་གིས་བསྐྱངས་པར་མཛད། ལར་ཡང་ད་ལྟ་གྲུབ་སྤྱོད་ཡིན་ཞེས་ཉག་ཧོར་གྱི་སྐྱ་ཆས་བྱེད། ནག་ཆད་སྤྱོད། རྟ་རྒྱུགས་མདའ་འཕེན་རི་དྭགས་བཤོར། གླུ་ལེན་བྲོ་རྡུང་ལྷ་བབས་འདྲེ་བབས་ཟེར་ནས་སྲོག་རླུང་ཅན་ཨ་རག་གིས་གཡེངས་པ་ལྟ་བུར་རྫུ་མཁན་མང་སྟེ། ངེད་རང་འདྲ་བས་གཞན་གྱི་རྒྱུད་ཚོད་ལ་ཁ་ཚོན་མི་ཆོད་ཀྱང་། སྦྱིར་བཏང་མཁན་སློབ་ཆོས་གསུམ་གྱི་རིང་ནས། དབུ་ཟླུམ་རབ་བྱུང་དང་། ལྕང་ལོ་སྔགས་པའི་སྡེ་གཉིས་བྱ་བ་ལས། ཁྲམ་ཆས་རྐུན་མའི་སྡེ་ཟེར་རྒྱུའི་ཕུང་པོ་གསུམ་པ་ཞིག་སྲོལ་འཛུགས་
(༦༩)མ་མྱོང་ཞེས་བསྟན་པའི་མིག་ལྟོས་ལ་དགོངས་པའི་གསུང་བགྲོས་ཀྱང་བྱོན། རིང་མོའི་དུས་ནས་ཚུལ་ཁྲིམས་ནག་ནོག་མེད་པར་བསྲུངས་པའི་བྱིན་གྱིས་རླབས་དང་། སྙིང་རྗེ་ཆེན་པོ་དང་འགྲོ་འདུལ་གྱི་སྨོན་ལམ་བསམ་གྱིས་མི་ཁྱབ་པའི་རྟགས་སྣང་ཕྱི་རོལ་དུ་ཤར་བས་ཞལ་གྱི་འགྱུར་བ་དང་ཕྱག་གི་སྒུལ་སྐྱོད་ལྟ་བུའི་སྤྱོད་ལམ་ཕྲ་མོས་ཀྱང་གཞན་སེམས་དང་བའི་ཤུགས་ཀྱིས་འཁོལ་ནུས་པ་མངའ། དེ་ལྟ་ནའང་དད་མེད་འགའ་ཞིག་གིས། དེ་མཐོང་མ་ཐག་ཏུ་སྣང་བ་སྒྱུར་ཡོང་རྒྱུ་དེ་མགུལ་དུ་ཡིད་བཞིན་ནོར་བུ་འདྲ་བ་ཅང་ཡོད་པ་མིན་ནམ་ཞེས་སྨྲས་འདུག །སྐུའི་ཉེར་སྤྱོད་དང་། དེར་མ་ཟད་གཟིམ་ཁང་གི་སྒོ་ཡོལ་བཏེགས་པ་ཙམ་ནས་སྤོས་དྲི་མ་ཡིན་པའི་དྲི་བསུང་ཤིན་ཏུ་ཞིམ་པ་ཞིག་ཁྱབ་པར་ལྡང་བ་དང་། གང་དུ་བཞུགས་ཀྱང་མེ་ཕུང་གི་ཉེ་འཁོར་ལྟར་ཚ་དྲོད་འཐིབས་པ་ཞིག་རྒྱུན་དུ་ཡོད། སྐལ་བ་དང་ལྡན་པ་འགས་ཐོག་མར་མཇལ་དུས་ཐང་སྟོང་རྒྱལ་པོ་སོགས་སྐུའི་རྣམ་པ་ཐ་དད་དུ་མཐོང་བའི་ལོ་རྒྱུས་ཀྱང་སྣང་། གནས་བྱིན་གྱིས་བརླབས་པས་མ་རུངས་པ་དག་གིས་སྒྲུབ་ཁང་ལ་མེ་སྦར་ཡང་ཞུགས་ཀྱིས་ཟ་བར་མ་ནུས་ཤིང་། བཞུགས་པའི་ཡུལ་ཕྱོགས་སུ་ཡང་ཆོས་སྲིད་ཀྱི་ཕྱྭ་གཡང་ཆགས་པས་ཆུ་སྟོད་ཅན་གྱི་ཟླ་བ་ལྟར་ཉམས་དགའ། རྒྱལ་སྲས་ཆེན་པོ་རྣམས་གདུལ་བྱའི་ཚོགས་སུ་སྤྱོད་མཁས་པས་སུ་དང་
(༧༠)ཡང་མི་མཐུན་པ་མེད་པའི་སྙོམ་ཆུང་དང་། སྔོན་དུ་སྨྲ་བ་དང་ཕེབས་པར་སྨྲ་བའི་ངང་ཚུལ་བྱིས་པ་མཛངས་པ་ལྟ་བུར་བཞུགས། ལྷག་པར་ཡང་ཕོངས་ཤིང་ཉམ་ཆུང་བའི་འགྲོ་བ་རྣམས་ལ་ཤིན་ཏུ་ཞི་ཞིང་སྨན་པའི་གསུང་གིས་ཀུན་ཏུ་དགའ་བར་མཛད། དུས་འཁྲུགས་ཀྱི་ཡོ་ལང་ཆེན་མོས་འཇིག་རྟེན་མི་ཆོས་ཀྱི་ཕྱོགས་ནས་ཕོ་རྩལ་སྣ་དགུ་དང་། དམ་པའི་ལྷ་ཆོས་ཀྱི་ཕྱོགས་ནས་མངོན་ཤེས་རྫུ་འཕྲུལ་གྱིས་སྙེམས་པས་རྒྱ་སྟག་ངར་མ་ལྟར་འགྱིང་བ་རྣམས་ཀྱང་སྡ་བསམ་ཕྱི་མནོ་ཐམས་ཅད་སྟོར་ཞིང་སྙིང་ལྐོག་མར་ལྷུད་དེ། ཕྱི་མིག་མི་ལྟ་བར་འབྲོས་པའམ། ཤེས་བཞིན་དུ་དགྲའི་དྭངས་མར་བློ་གཏད་ལིང་བསྐྱུར། མགོ་བཅད་པང་བཞག་གི་ངང་ལ་འཕྱན་པའམ། གདོལ་སྤྱོད་ཀྱི་འཁྲུལ་འཁོར་མིག་མང་བཞིན་དུ་རྩེ་བའི་ཕོངས་ཆོས་སོགས་ཅི་བྱེད་འདི་བྱེད་མེད་པར་ཐལ་བ་དེ་འདྲ་བའི་སྐབས་སུའང་། ཕ་རོལ་གྱི་ཚམ་རྔ་འཇིགས་ཟིལ་ཇི་ཙམ་ཆེ་བ་དེ་ཙམ་དུ་ཐུགས་སྟོབས་ལྷག་པར་རྒྱས་ཏེ་ཤིན་ཏུ་ཟུང་ཐུབ་པ་ལྷུན་པོའི་དབང་པོ་ལྟར་བརྗིད་པས་གང་དགའ་བར་བརྫིས་ཏེ་བཞུགས། གཞན་དྲིང་མི་འཇོག་པའི་ཤེས་པ་དང་མཐུའི་རྩལ་གྱིས་རྟག་ཏུ་བསྒྱིངས་ཤིང་རེ་དོགས་ཀྱི་ཟུག་རྔུ་ཐོན་པས་ཕྲིན་ལས་ཐམས་ཅད་གྲགས་ལྡན་གྱི་ཤེས་རློམ་དང་དབང་ཅན་གཞན་སུ་ལའང་ལྟོས་པ་མེད་པར་ཁྱུ་མཆོག་གི་རྗེས་བཞིན་འཇུག །རང་བཞེད་ཀྱི་
(༧༡)མཛད་པ་ཅི་དང་ཅི་བསྐྱངས་ཀྱང་དེ་ལ་སྟོབས་ལྡན་གྱི་ཆེ་དགུ་སུ་འདྲ་བས་ཀྱང་འགོང་བར་མི་ནུས་པས་སའི་སྟེང་ན་གཅིག་པུར་དབང་ཆེ། མཁས་པའི་སྙེམས་པ་དང་། གྲུབ་པའི་ཧུར་སྤྱོད་དང་། མཐོན་པོའི་ཐོབ་ཐང་གིས་ཉི་མ་ལྟར་བསྙེན་དཀའ་བ་རྣམས་ཀྱང་སྐུ་དྲུང་དུ་ཕྱིན་པ་ཙམ་ན་ཟིལ་གྱིས་གནོན་ནུས་པའི་བསོད་ནམས་བརྒྱ་པའི་མཐུ་དཔལ་དང་ཡེ་ཤེས་ཀྱི་གཟི་བརྗིད་མཐོང་བའི་ཆོས། སྔ་ཕྱིར་ལུང་བསྟན་མང་དུ་བཞུགས་ཀྱང་། དེར་གསུངས་པའི་སྤང་བླང་གི་བགྱི་འོས་རིགས་ནི་དུས་ངན་པའི་སེམས་ཅན་དམུ་རྒོད་ཀྱིས་ཐོག་ཁེལ་མི་ནུས། གཏེར་སྟོན་ལུང་བསྟན་གྱིས་ཕུང་བྱ་བ་དེར་ཟད་གསུངས་ནས་སྤྱིར་བརྟགས་ལུང་ཞུས་པ་ལ་མི་མཉེས་ནའང་མདོ་ཁམས་དུས་འགྱུར་ཆེན་མོའི་སྐབས་སོགས་གལ་ཆེ་དུས་གང་གསུང་ཐོག་ཏུ་མ་ཁེལ་བ་མེད་ཅིང་། ཐུགས་དྲང་ཞིང་གཟུ་བོར་གནས་པ་དང་། ལྷ་ཆོས་མི་ཆོས་གང་ལའང་ཐུགས་རབ་རྒྱ་ཆེ་བས་དཔྱོད་ལྡན་མཆོག་དམན་ཀུན་གྱིས་བཀའ་ལ་གསེར་བཞིན་དུ་བརྩི་ཞིང་གསུང་འཕྲོས་ཀྱི་ཚིག་ཟུར་ཡན་ཆད་ལ་སྙིང་པོ་ཅི་ལོན་བྱེད། བླ་ཆེན་ཆོས་བརྒྱད་མཁན་རྣམས་ཀྱི་མདུན་སར་གཏམ་གྱི་མེ་ཏོག་མེད་དུ་མི་རུང་བ་རང་ཉིད་ལ་ངོ་བསྟོད་དང་། ཆེན་པོ་གཞན་ལ་ཟུར་ཟ་སོགས་གསན་མ་ཐག་ནས་དགོངས་པ་ཁྲེལ་པའི་རྣམ་འགྱུར་མཛད་པས་མཚོན།
(༧༢)གྱ་གྱུ་ཅན་གྱི་སྒྱུ་མ་གང་གིས་ཀྱང་བསྙེན་དཀའ། གང་འདུལ་གྱི་མཛད་པ་ལ་ལོག་པར་ལྟ་ཞིང་ཡ་ག་འབོད་པའི་ལོག་སྒྲུབ་མཁན་མང་དུ་མཆིས་ཀྱང་། འདི་ལྟ་མ་ཡིན་ན་དྲང་སྲོང་ཆེན་པོས་སེམས་ཅན་གྱི་བསམ་སྤྱོད་སྣ་ཚོགས་སུ་མི་གསུང་ཞེས་བདེན་ཁ་སྟེར་བས་རྒྱབ་སྐྱོར་བ་མ་གཏོགས་མི་དགྱེས་པ་བག་ཙམ་མི་གནང་། ལྷུན་གྲུབ་སྟེང་དུ་ཆོས་སྟོན་སྐབས་སྐྱེ་བོ་གླང་སྙིང་བ་ཞིག་གིས་དུག་དྲངས་པ་མཁྱེན་བཞིན་དུ་བཞེས་པས་ཚེམ་ནག་པོར་གྱུར་པ་དང་། སྐུ་ལུས་ལ་དུག་གི་མེ་ཏོག་ཤར་བ་སོགས་ཚབ་ཆེར་འཁྲུགས་པ་ལྟར་བྱུང་བའི་ཚེའང་ངན་ལན་གཞན་ལྟ་ཅི། སྦྱོར་ངན་མཁན་སུ་ཡིན་ཙམ་ཡང་མི་སྟོན་པར་སླར་ལ་ཐུགས་གཅུགས་པར་མཛད་པས་སྐྱེས་བུ་ཆེན་པོའི་སེམས་སྟོབས་ཀྱི་ཆེ་བ་བསྟན། གསོལ་ངན་དེའི་རྐྱེན་དང་གཞན་ཡང་ཀུན་མཁྱེན་བླ་མ་འདི་བོད་ཁམས་སྤྱི་ཁྱབ་སྐྱོབ་པའི་མགོན་དུ་བྱོན་པ་ལ་གངས་ཅན་པ་སྤྱིའི་བསོད་ནམས་ཀྱི་དབང་གིས། དེ་སྐོར་ཚུན་ནས་རིམ་གྱིས་སྐུ་ཁམས་ཇེ་ཞན་དང་། སྙུན་གཞི་ཡང་ཇེ་ཆེར་འདྲ་བོར་སོང་། དེ་དག་ཀུན་ཏུའང་སྨན་སྔགས་དཔྱད་སྦྱོར་སོགས་ཅི་དྲག་གི་ངལ་བ་རྒྱང་བཏང་སྟེ། ངེད་ལྟ་བུ་ན་དགའ་ཤི་སྐྱིད་ཡིན་དོགས་མེད། ཆུ་ཚོད་རེར་བདེ་བར་འདུག་རྒྱུ་བྱུང་ནའང་དགའ་སྟེ། དེ་ལས་བདག་གིར་བྱ་བ་ལས་ཐབས་མ་མཆིས་ཞེས་ཁུ་སིམ་མེར་བཞུགས། ཐུགས་ཆེས་སྒམ་པས་ལུགས་
(༧༣)གཉིས་ཀྱི་ཕོ་སྒོ་ཤིན་ཏུ་ཡངས་པ་རྣམས་ཀྱིས་དྲུང་དུ་ཡུན་རིང་པོར་བརྟགས་ཀྱང་དགོངས་པའི་གསོང་མི་ཤེས་པས། རྗེ་བཙུན་མི་ཕམ་པས་བསྟོད་པ་སྦྱར་བ་ལས་ཀྱང་། མཁས་དང་གྲུབ་པའི་སྙན་གྲགས་གཏམ། །རྒྱང་ནས་ཐོས་པའི་རྗེ་བསྙགས་ཏེ། །དྲུང་དུ་ཡུན་རིང་བརྟགས་ན་ཡང་། །ཕྱི་ཕྱིར་གཏིང་དཔག་དཀའ་བ་ཁྱོད། །ཅེས་འབྱུང་། རྙེད་བཀུར་དང་འཁོར་བསྡུ་བའི་རྩོལ་སྒྲུབ་ལྷག་མ་སྨོས་ཅི་དགོས། རང་གཏེར་ཆོས་བདག་གི་རྟེན་འབྲེལ་ཙམ་ཡང་ཆེད་དུ་སྒྲིགས་པའི་སྤྲོས་པ་མི་མཛད་པའི་ཀུན་སྤངས་སྲན་མ་ལྟར་ཟླུམ་པ་ཁོ་ནར་བཞུགས་ཀྱང་། །འདུ་བ་གསུམ་གྱི་རྟེན་འབྲེལ་ལས་སློབ་ཚོགས་ངང་གིས་འདུས་པའི་ཚུལ་ཡང་། དཔལ་ལྡན་ས་སྐྱ་བདག་ཆེན་དང་། རྗེ་བཙུན་མ་རྣམ་གསུམ། ངོར་ཆེན་ཀུན་དགའ་བསྟན་འཛིན་དང་། གཞན་ཡང་ཨེ་ཝཾ་ཐར་བ་རྩེའི་མཁན་པོ་དང་ཞབས་དྲུང་ཕལ་ཆེ་བ། རྗེ་ཞྭ་ལུ་རིན་ཆེན་བློ་གསལ་བསྟན་སྐྱོང་། གཟི་འོག་ཆོས་རྗེ་བསྟན་འཛིན་སྙན་གྲགས། ཡར་ཀླུང་དཔོན་རིན་པོ་ཆེ། ས་སྐྱ་དགའ་ལྡན་དཔོན་སློབ། འདར་གྲོང་ཆེན་སློབ་དཔོན་ཀུན་དགའ་འཇམ་དཔལ། ཤར་བླ་མ་ཀུན་དགའ་དཔལ་ལྡན། དཔལ་ཀརྨ་པ་བཅུ་བཞི་པ་དང་བཅོ་ལྔ་པ། སྟག་ལུང་མ་རིན་པོ་ཆེ་གོང་འོག་
(༧༤)ཁམས་རི་བོ་ཆེའི་ཞབས་དྲུང་ནོ་མི་ཧན་སོགས་སྤྲུལ་སྐུ་རྣམ་གསུམ། སི་ཏུ་པདྨ་ཉིན་བྱེད། ཟླ་བཟང་སྤྲུལ་སྐུ། དཔལ་སྤུངས་དབོན་སྤྲུལ་སྐུ་མཆེད། དཔལ་མདོ་ཁམས་སྤྲུལ། པཎིྜ་ཏ་ཀརྨ་ངེས་དོན། ཁྱབ་བདག་ཀརྨ་ངག་དབང་ཡོན་ཏན་རྒྱ་མཚོའི་སྡེ། སྦྱོར་ར་རིན་པོ་ཆེ། བསམ་སྡིངས་རྡོ་རྗེ་ཕག་མོ། ལྕགས་ཟམ་ཉི་མ་ཆོས་འཕེལ། བཀྲ་ཤིས་འཁྱིལ་བ་ཆེན་པོ་དཀོན་མཆོག་བསྟན་པ་རབ་རྒྱས། ལྷ་བཙུན་དོན་གྲུབ་རྒྱལ་མཚན། བཀྲ་ཤིས་ལྷུན་པོ་དང་སེར་འབྲས་ཀྱི་མཁས་པ་དུ་མ། བྲག་ཡབ་ནོ་མི་ཧན་ཆེན་པོ། ཧོར་ཁང་གསར་སྐྱབས་མགོན། ལི་ཐང་བྱམས་པ་ཕུན་ཚོགས། རྡོར་སྨིན་དཔལ་རི་ལྕགས་ཟམ་སོགས་ཀྱི་བླ་མ་དགེ་འདུན་མང་པོ། ཀ་ཐོག་སི་ཏུ་གོང་འོག །རྨོག་ཚ་སྤྲུལ་སྐུ། རྫོགས་ཆེན་མཆོག་སྤྲུལ་རིན་པོ་ཆེ་དང་། ཟེ་ཆེན་སྐུ་སྐྱེ་རྣམ་གཉིས། རྒྱ་རོང་ནམ་སྤྲུལ་རིན་པོ་ཆེ་དང་རྗེ་དབོན་སྤྲུལ་སྐུ། རྡོ་རྗེ་འཛིན་པ་ཆེན་པོ་པདྨ་བཛྲ། ར་ཤར་པ་ཆེན་ཐུབ་བསྟན་ཆོས་གྲགས་དང་། རྗེ་མི་ཕམ་རྣམ་རྒྱལ་ཞབས། ར་སྒང་པ་ཆོས་ཀྱི་སེང་གེ་སོགས་གོ་ས་དང་ཡོན་ཏན་གྱིས་ཆེ་བའི་བླ་མ་དཔོན་སློབ་དང་། རྒྱ་དཔོན་རྨ་དཱ་ལོ་ཨེ་དང་། བོད་ཀྱིས་དབང་ཆེན་མོ་སོགས་མི་ཆེན་བཀའ་མདའ་རྩིས་གསུམ། སྡེ་དགེ་ཆོས་རྒྱལ། གླིང་ཚང་རྒྱལ་པོ་སོགས་མིའི་གཙོ་བོ་དུ་མས་ཞབས་ལ་གཏུགས།
(༧༥)སྔོན་ཆད་རྒྱལ་སྲས་གཞན་ཕན་མཐའ་ཡས་པས་ཀྱང་ཉང་གཏེར་ཁྲོས་མ་ནག་མོ་སོགས་ཀྱི་སྨིན་གྲོལ་རྒྱ་ཆེར་གསན་རྩིས་དོན་གཉེར་ཆེར་མཛད་ནའང་སྐུ་ཚེ་མཐར་མ་འཁྱོལ་བས་ལུས། ཕྱི་དུས་འདིར་འགྲན་ཟླ་དང་བྲལ་བའི་རྒྱལ་སྲས་དཔའ་བོ་ཆེན་པོ་ཨོ་རྒྱན་འཇིགས་མེད་ཆོས་ཀྱི་དབང་པོས་ཀྱང་རིགས་གསུམ་སྙིང་ཐིག་མཆོག་གླིང་ལས་གསན་ཅིང་། རྗེ་རིན་པོ་ཆེ་འདི་རྒྱ་གར་གྱི་གྲུབ་ཆེན་ལྟ་བུར་འདུག་ཅེས་ཆེད་བརྗོད་མཛད་ལ། ཚེ་སྐུ་དང་བརྟན་བཞུགས་ཀྱི་སྤྲིང་ཡིག་ལན་མང་པོར་ཕུལ། ཁམས་སུ་ཐེམ་སྤངས་ལ་བཞུགས་དུས་ཀྱང་སྡེ་དགེ་ལྷོ་བྱང་། ཀོ་འཇོ་བྲག་གཡབ་ཆ་མདོ་ལྷོ་ནང་ཆེན་སྤུ་བོ། ཁྱུང་པོ་མགོ་ལོག །གསེར་ཐལ་གླིང་ཚང་ཉག་བརྒྱུད་རྒྱལ་མོ་རོང་སོགས་སྐད་རིགས་མི་གཅིག་པའི་ཡུལ་ཐ་དད་ནས་འདུས་པའི་སྡེ་རིས་དང་ཆོས་རྒྱུད་སྣ་ཚོགས་པའི་བླ་མ། སྡེ་དཔོན་རབ་བྱུང་། སྔགས་པ་དམངས་ཕལ་པ་སོགས་ཕྱག་མཇལ་དང་ཆོས་ཉན་དུ་ལྷག་པ་ཟླ་བ་སྔ་ཕྱིའི་ཁོངས་སུའང་སྟོང་ཕྲག་ལྡང་བ་ལྟ་བུ་རྟག་ཏུ་ཡོད། སྐབས་འདི་ཤེད་ཅིག་ལ་གཙང་པ་ཆེན་བསྟན་པའི་དབང་ཕྱུག་གིས་ཀྱང་རྗེ་འདི་གདན་འདྲེན་ལ་རང་གི་གཟིམ་དཔོན་འཁོར་བཅས་ཆེད་མངགས་མཛད་པར་གཟིམ་དཔོན་ལམ་ནས་གྲོངས། གཡོག་རྣམས་ཀྱིས་བཀའ་ཤོག་འབུལ་དུ་འོང་བས། ཕེབས་མི་ཐུབ་ཚུལ་གྱིས་བཀའ་ལན་སྤྲིང་། །
(༧༦)དེ་བཞིན་དུ་ཐར་རྩེ་ཕྱོགས་ནས་ཀྱང་ཕེབས་བསྐུལ་གྱི་ཡི་གེ་མང་དུ་བྱུང་བ་ཐམས་ཅད་ཇི་མི་སྙམ་པར་བཞག་སྟེ། ད་ང་དབུས་གཙང་དུ་ཕྱིན་ན་རྙེད་བཀུར་སྙན་གྲགས་ཆེན་པོ་ཞིག་འོང་བར་འདུག་སྟེ། དེ་ལ་བརྟེན་ནས་བར་ཆད་འབྱུང་བ་མཐོང་གསུང་། ལྷུན་གྲུབ་སྟེང་དུ་བརྟགས་གཉིས་ཀྱི་བཤད་པ་མཛད་སྐབས་རྒྱལ་པོ་ཤུགས་ལྡན་ཆོས་ཉན་ལ་འོང་། ཁྱོད་ཀྱི་བཤད་པ་སྙན་ཅིང་ཆོས་ལེགས་པས་ཉན་འདོད་སྐྱེས་པ་ཡིན་ཟེར། ཁོ་རང་ལ་དབུ་ཕར་གྱི་དཀའ་གནད་མང་པོ་བཤད་དུ་བཅུག་པས་ཐོགས་པ་མ་བྱུང་གསུངས་པ་ལྟ་བུ་གདུག་པའི་འདྲེ་རྣམས་ཀྱང་ཞལ་གྱི་བདུད་རྩི་འཐུང་བ་ལ་འདུན་པས་མཚོན་ཏེ་མི་མིན་གྱི་གདུལ་བྱ་རྩིས་ཀྱིས་མི་ཆོད། ས་དགེའི་ཕྱོགས་ཀྱི་དོན་གཉེར་གཙོར་གྱུར་ལ་རྡོ་རྗེ་རྣལ་འབྱོར་མའི་སིན་དཀྱིལ་གྱི་བྱིན་རླབས་ཁོ་ནའང་བདུན་ཅུ་རྩ་གྲངས་སོང་། གཞན་དུ་སྨིན་གླིང་རྡོར་སེམས་གཅིག་པོའི་དབང་ཡང་ལྔ་བཅུ་སྐོར་དང་། ཀློང་ཆེན་སྙིང་ཏིག་གི་དབང་ཁྲིད་ཉི་ཤུ་རྩ་སྐོར་རྩ་དབང་རྒྱལ་ཐབས་སྤྱི་བླུགས་བརྒྱ་ཕྲག་ཐལ་བ་སོགས་ནས་བསྟན་བཅོས་མངོན་རྟོགས་རྒྱན་གྱི་བཤད་པ་སོགས་མདོ་ཕྱོགས་དང་། དུས་འཁོར་དབང་ཆེན་དང་འགྲེལ་ཆེན་དྲི་མེད་འོད་ཀྱི་བཤད་པ་སོགས་སྔགས་ཕྱོགས་ཀྱི་གཞུང་བཤད་པ་དང་ལག་ལེན་ལྕི་བ་རྣམས་ཀྱི་འཆད་སྤེལ་བར་ཕྱོགས་ལྷུང་དང་བྲལ་བར་མཛད། གཏེར་ཕྱོགས་སྔོན་འགྲོའི་གདམས་ཁྲིད་དང་། དཀའ་
(༧༧)གདམས་པའི་བློ་སྦྱོང་གི་སྐོར་མང་པོས་གདུལ་བྱ་ཕལ་པ་རྣམས་ལའང་ཐེག་པ་ཆེན་པོའི་ཕྱོགས་སྣང་བའི་བཀའ་དྲིན་བསྐྱངས། ཀུན་མཁྱེན་བླ་མ་འདི་འཁོར་གང་དུ་ཆོས་འཆད་ཀྱང་སེང་གེ་ལྟར་མ་ཞུམས་ཤིང་། དྲན་པ་ཆུ་ཀླུང་བཞིན་དུ་མྱུར་བས། སའི་ཕྱོགས་རྒྱ་མཚོ་ལྟར་ཟབ་པའི་དབྱངས་ཀྱིས་ཁྱབ་པར་མཛད་དེ། ཕྱག་དང་ཞབས་མི་གཡོ་ཞིང་སྨིན་མ་མི་སྐྱོད་པ་སོགས་སྤྱོད་ལམ་མཛེས་པས་ཡིད་དང་བ་འདྲེན་པར་ཆོས་སྟོན་ཏེ། སྤྱིར་སྡེ་སྣོད་མཐའ་དག་དང་། ཁྱད་པར་རྡོ་རྗེ་ཐེག་པའི་གསུང་རབ་འཆད་པ་ན་ཆོས་སྐད་གཙང་ཞིང་བརླིང་ལ་འབྲེལ་ཆགས་པ་དང་། ལུང་དང་རིགས་པའི་རྒྱན་རྒྱ་ཆེན་པོ་དང་ལྡན་པའི་གཏམ་གྱི་སྦྱོར་བས་མཁས་པ་རྣམས་མགུ་བར་མཛད། ཚུལ་དེ་ལྟ་བུས་སྐབས་འགར་ཉིན་རེ་འཁྱོང་བར་ཞལ་ཟས་ཀྱི་བྱ་བའང་བཏང་སྟེ་ཆོས་སྦྱིན་ཉིན་མཚན་སྦྲེལ་མ་བརྒྱ་ཕྲག་བགྲང་བ་སྐྱོ་དུབ་མི་མངའ་བར་ཚར་དུ་དངར། དེ་ལྟར་ཡིན་ཀྱང་དུས་དང་དུས་མིན་གྱི་རྣམ་དབྱེ་ལ་གཟིགས་པས་བཅད་རྒྱའི་སྒང་ལ་རྒྱ་བོད་ཀྱི་ཆེ་དགུ་སུ་འདྲས་ཀྱང་ཟླ་བ་དང་ཞག་བགྲང་ནས་ཆོས་སྒུགས་ལ་སྡོད་དགོས་པ་མཐོང་སྟེ་སྐྱེས་བུ་ཆེན་པོ་འདི་ལས་གདམས་ངག་འཐོབ་པ་ལ་རྙེད་དཀའ་བའི་འདུ་ཤེས་མི་སྐྱེ་བ་མེད་དེ། འདི་གཅིག་པོས་ཀྱང་སེམས་ཅན་མང་པོ་ཆོས་ལ་གུས་པའི་དགེ་ཚོགས་གསོག་པར་སྣང་།
(༧༨)བོད་ཀྱི་བཀའ་བློ་ན་ཕུང་ལུང་པ་དང་། སྡེ་དགེ་གཉེར་ཆེན་རྒྱ་མཁར་བསོད་ནམས། ཨ་རྡོག་ལ་ཁ་བ་འབྱོར་ལྡན་མཁའ་འགྲོ་སོགས་ཁྱིམ་གནས་ཀྱི་དད་ཅན་མང་པོ་རབ་བྱུང་ལ་བཀོད། བསྟན་པའི་གཞི་མ་རིང་དུ་མི་ནུབ་པའི་ཕྱིར། ཆོས་སྡེ་མང་པོར་གཞི་གསུམ་གྱི་ལག་ལེན་རྣམ་པར་དག་པའི་སྲོལ་འཆད་ཉན་དང་བཅས་པ་བཙུགས། སྐུ་དངོས་ཡུན་རིང་པོར་ཐུགས་ལས་ཆུང་ངུ་ལྟ་བུར་བཞུགས་ཀྱང་རྡོ་རྗེ་གསུམ་གྱི་གཟི་བརྗིད་ཀྱིས་ཇི་སྲིད་ཟླ་ཞལ་གྱི་སྣང་བ་མ་བསྡུས་པ་དེ་སྲིད་ཡུལ་ཕྱོགས་ཀུན་ཏུ་དམ་པའི་ཆོས་ཉན་བཤད་དང་སྒོམ་སྒྲུབ། བསགས་སྦྱངས་རྨ་མེད་པའི་ཀུན་དགའི་ལོངས་སྤྱོད་ཤུགས་འབྱུང་དུ་འཕེལ། ལར་སྔོན་དུས་སུ་སྲོག་ཆགས་འབུམ་ཕྲག་བགྲང་བ་ཁ་ལོ་གྱེན་ལ་བསྒྱུར་བ་བས་སྙིགས་མ་བས་ཀྱང་ཆེར་སྙིགས་པའི་དུས་མཐའ་འདིར་སེམས་ཅན་བཅུ་ཕྲག་རེ་ཙམ་ལ་བྱང་ཆུབ་ཀྱི་མྱུ་གུ་བསྐྲུན་པའང་ཡ་མཚན་ཆེ་བའི་ཚོད་ཡིན་ཏེ། མཆོག་ཟུང་དང་ཀ་པི་ན་ཆེན་པོས་སློབ་མ་ལྔ་བརྒྱ་བཏུལ་བའི་ལོ་རྒྱུས་བཞིན་ནོ། །དེ་ཕྱིར་བདག་ཉིད་ཆེན་པོ་འདིའི་མཛད་པ་རྣམས་ནི། ལྟོ་ཕྱིར་རྒྱལ་ཁམས་སྐོར་བ་དང་། གྲགས་སྐམ་གྱི་ཕྱིར་དུ་གཟི་བྱིན་སྒྲུབ་པ། བརྒྱ་བཤིག་ནས་སྟོང་འགུགས་པའི་གཡོ་ཐབས་སོགས་ལ་བྱ་བ་ལས་ཀྱི་འཁོར་ལོ་ཞེས་མིང་
(༧༩)ཚོན་པོ་བཏགས་པའི་རྣམ་ཐར་རྣམས་དང་འདྲ་བའི་གོ་སྐབས་ག་ལ་ཡོད། ལྷག་པར་ཡང་རྗེ་རང་གི་མནལ་ལྟས་ཤིག་ཏུ། རང་ཉིད་བསམ་ཡས་ཀྱི་ཕོ་བྲང་ཞིག་ཏུ་རྒྱལ་པོའི་གཟུགས་ཀྱིས་བཞུགས་ཏེ་འདུག །དེའི་གཡས་ངོས་ཀྱིས་ཕྱོགས་ཡངས་པ་ཞིག་ན་མི་འགའ་ཞིག་སློབ་དཔོན་པདྨ་བོད་ཡུལ་དུ་འབྱོན་པའི་སྐས་འཛུགས་པ་ཡིན་ཟེར་ནས་སྒྲོམ་སྐས་ཆེན་པོ་ཞིག་བར་སྣང་ལ་འཛུགས་གྲབས་བྱེད་ཅིང་། དེར་སྐྱེ་བོ་ཤིན་ཏུ་མང་པོས་ཅ་ཅོ་དང་སྐོར་འཚུབ་ཟིང་ཟིང་བྱེད་པར་འདུག་ཀྱང་། ཤིང་ཐུང་བས་རིང་དུ་མི་སླེབ་པ་དང་། ལྕིད་ཀྱིས་མི་ཐེག་པ་སོགས་ལས་ཕེབས་སུ་རུང་བ་ཞིག་མི་ཡོང་བར་གཟིགས། ཕྱོགས་དེ་ན་མི་གཟི་བརྗིད་ཅན་ཞིག་འདུག་པ། དེ་ན་རེ། འདི་ཚོས་འུད་ཆེན་པོ་བྱེད་ཀྱང་། དོན་ལ་ཁྱོད་དང་། རྗེ་པདྨ་གར་དབང་། མཆོག་གྱུར་གླིང་པ་རྣམས་མ་གཏོགས་སྐས་འདི་འཛུགས་ནུས་མཁན་ནི་སུ་ཡང་མི་འདུག །ཅིས་གསུང་རྡོ་རྗེ་པདྨ་སཾ་བྷ་བའི་ཕྲིན་ལས་ཀྱི་བྱེད་པོའི་ནང་ན་ཁྱུ་མཆོག་ལྟ་བུར་བསྔགས་པ་བཞིན། གཏེར་རྙིང་རིང་བརྒྱུད་མ་ནུབ་པ་རྣམས་རྒྱ་ཆེར་སྤེལ། ནུབ་པ་རྣམས་ཉེ་བརྒྱུད་ལ་བརྟེན་ནས་རྒྱུན་བསབ། གཏེར་གསར་གྱི་རྣམ་གྲངས་དུ་མའི་ཆོས་སྒོ་ཕྱེས། ཟབ་གཏེར་དག་སྣང་གི་ཆོས་
(༨༠)ཚུལ་གསར་རྙིང་མང་པོ་རྒྱུན་གཅིག་ཏུ་བསྡུ་བ་མཛད་དེ། པུ་སྟི་བཅོ་ལྔ་ཙམ་བསྒྲིགས་ནས་འཕྲོ་རྡོ་རྗེའི་སློབ་དཔོན་པདྨ་གར་དབང་ལ་རྩོམ་པའི་གནང་བ་བྱིན་ཏེ་རིན་ཆེན་གཏེར་གྱི་གསང་མཛོད་གསར་པ་བཞེངས། ཉང་གཏེར་རྡོ་རྗེ་ཁྲོས་མའི་དབང་གནང་སྐབས་འདུད་རྩིའི་ཐོད་པ་རེག་ཏུ་མི་བཟོད་པ་ལྟ་བུའི་དྲོད་འབར་བ་དང་། རང་ཉིད་ཀྱི་ཡང་གཏེར་པདྨ་གཏུམ་པོའི་དབང་དུས་མེ་ལོང་ལ་བྲིས་པའི་སྔགས་ཕྲེང་ཕྱིས་བསུབ་ཏུ་མེད་པའི་རང་བྱོན་དུ་གྱུར་པ་དང་། ཁྱུང་ཁྲས་འོག་གདོན་གྱིས་ཟིན་པའི་སློབ་མའི་ནད་གཞི་མེད་དུ་སངས་བ་དང་། གང་ཟག་བཟང་པོ་ཞིག་ལ་འཕགས་མའི་སྙིང་ཏིག་གི་དབང་བསྐུར་མཛད་པ་ན། སྤྱན་བདུན་པོ་ཁྲ་ཧྲིག་གེར་བཀྲ་བ་མཇལ་བས་དད་པའི་ཤུགས་ཀྱིས་ཤེས་པ་བརྒྱལ་ཐབས་སུ་སོང་བ་དང་། མཆོག་གླིང་དང་། ཀུན་མཁྱེན་བླ་མ་འདི། རྗེ་བློ་གྲོས་མཐའ་ཡས་ཏེ་སྤྲུལ་པའི་སྐུ་འདི་གསུམ་གཞོན་རིམ་ནས་སྡུད་པའི་ལུང་བསྟན་ཡོད་པ་ལྟར་ལྕགས་རྟ་ལོར་གཏེར་ཆེན་མཆོག་གླིང་པ་སྐུ་བསྙུན་ཚུལ་བསྟན་ཅིང་ཉིད་ལ་སངས་རྒྱས་ཀྱི་ཞིང་ཡོངས་སུ་དག་པར་བཞུད་པའི་གསལ་སྣང་ཤར། མི་རིང་བར་ས་གཡོ་དང་འཇའ་འོད་སོགས་ཀྱི་ཆོ་འཕྲུལ་བཅས་ཞི་བར་གཤེགས་པའི་ཞལ་ཆེ་མས་སྐོར་རྗེ་རིན་པོ་ཆེར་བབས་པ་རྒྱལ་ཟླའི་ཚེས་བཅུར་ཚོགས་མཆོད་དང་འབྲེལ་བར་ཁྱབ་བདག་བློ་གྲོས་མཐའ་ཡས་ཞབས་ཀྱིས་ཡི་གེ་པ་མཛད་དེ་གཏན་ལ་ཕབ་པ་ནས་གཞིའི་ཁྱོན་ལ་དྲོད་ཆེན་པོ་ལྷུང་ཐབས་
(༨༡)སུ་བབས་པས་འཁྱགས་པ་རྣགས་ཆུ་བོའི་རྒྱུན་དུ་ཞུ་བའི་མངོན་རྟགས་སོགས་བྱིན་རླབས་ཀྱི་མཚན་མའང་མང་དུ་བསྟན། གཏེར་གཞུང་སྤྱི་དང་བྱེ་བྲག་པའི་ཁོག་དབུབ་མདོར་བསྡུས་ཙམ་རེ་གསུངས་པ་ལའང་རྒྱུད་དོན་འཕགས་ཡུལ་གྱི་གྲུབ་པའི་དབང་པོ་རྣམས་ཀྱིས་འགྲེལ་ལུགས་ལྟ་བུའི་བཤད་ཚུལ་རྨད་དུ་བྱུང་བ་དུ་མ་ཞིག་ཡོད་དེ་ཀུན་ཀྱང་ཉི་མ་དང་འོད་ཟེར་ལྟར་རང་གི་གཟུགས་སྐུའི་སྣང་བ་དང་མཉམ་དུ་བསྡུས་པས་ཡིད་ཕྱ། ཞལ་མཐོང་གི་འབྲེལ་བས་བསྡུས་ཚད་ལ་སྐུ་ཚབ་རིན་པོ་ཆེའི་རྟེན་དབང་མ་ཐོབ་པ་ནི་ཡེ་མི་སྣང་བས་ཨོ་རྒྱན་གུ་རུའི་ཕྲིན་ལས་རྣམ་པ་ཐམས་ཅད་ནས་རྒྱས། བདུད་རྩིའི་སྒྲུབ་པ་ཆེས་མང་དུ་མཛད་ཅིང་། ཆོས་སྨན་དང་། སྐྱེས་བདུན་རིལ་བུ། ཚེ་རྫས་སོགས་རང་ཉིད་དང་སྤྲུལ་པའི་གཏེར་འབྱིན་གཞན་གྱི་གཏེར་བྱོན་རྣམ་གྲངས་བརྒྱ་ཕྲག་དུ་མ་ཕབ་གཏེར་བསྡུས་པ་དང་། སངས་རྒྱས་གཉིས་པའི་ཚེམ་ལས་སྤྲུལ་པའི་རིང་བསྲེལ་སོགས་ཀྱི་སྦྱིན་པས་ནི་གངས་ཅན་མཐའ་དབུས་ཀུན་ཏུའང་ཁྱབ་སྟེ་གྲོལ་བ་བཞི་ལྡན་གྱི་ཕྲིན་ལས་ཆ་གཅིག་ཡིན། ཕྱོགས་དང་ཕྱོགས་ནས་སྐུ་གསུང་ཐུགས་རྟེན་དང་། རྒྱ་བོད་ཀྱི་ནོར་སྣ་ཁྱད་འཕགས་ཕལ་གྱིས་ཡུན་རིང་དུ་བསྒྲུབས་པས་འཐོན་དཀའ་བ་རྣམས་དང་མཁོ་དགུའི་ཉེར་སྤྱོད་སོགས་རྒྱ་ཆེ་ལ་རྒྱུན་མི་ཆད་པར་རྩོལ་མེད་དུ་འདུ། ཡོ་བྱད་ཐམས་ཅད་རྡོ་རྗེའི་ལོངས་སྤྱོད་དུ་བྱིན་གྱིས་བརླབས་པའི་གཟུགས་བརྙན་ཕྱིར་ཤར་བས་
(༨༢)ཕྱག་ཏུ་བཞུགས་ཚད་ཀྱི་སྤྱད་པ་རྣམས་ངན་དོན་ཞིག་ཡིན་རུང་སྤུས་དག་དང་གཞན་དང་མི་འདྲ་བའི་བཀྲག་ཟིལ་ཅན་ལྟ་བུ་འབའ་ཞིག་ཡོད། དབུལ་ཞིང་ཕོངས་པ་རྣམས་ཀྱིས་དངོས་པོ་ངན་ཉུང་ཙམ་ཕུལ་བ་ལའང་། འདི་ཕྱུག་པོ་ཞིག་ཡིན་ན་གསེར་དངུལ་གོས་དར་གྱི་འབུལ་བའི་ཚོད་དུ་འདུག་ཅེས་ཕྲ་ཞིང་ཕྲ་བ་རྣམས་ཀྱང་གནས་མིན་དུ་ཆུད་ཟོས་མི་འགྲོ་བར་མཛད། ནོར་སྲེད་ཀྱི་གསོག་འཇོག་ཡེ་མི་མངའ་བས་རྙེད་པ་གང་བྱུང་བླ་ན་མེད་པ་པའི་བྱང་ཆུབ་ཀྱི་ཚོགས་སུ་འདབ་གཏེར་སྦ་བའི་ཕྱིར། རང་ཉིད་ཀྱི་བླ་མ་རྣམས་ལ་ཆོས་གསན་པའི་ཐོག་མར་མཎྜལ་གྱི་འབུལ་བ་དང་། མཐར་གཏང་རག་གི་མཆོད་པ་དུས་གཞན་དུའང་ཞབས་བརྟན་གྱི་མངའ་དབུལ་སོགས་དག་ཅིང་བཟང་ལ་རྒྱ་ཆེ་བའི་མཆོད་སྤྲིན་ཡང་དང་ཡང་དུ་སྤྲོས་ཏེ་ཕུལ། །དགོན་གནས་གསར་བཞེངས་རིགས། དུས་དབང་གིས་དགོས་པ་ཆུང་བར་གཟིགས་ཏེ་མ་མཛད་ཀྱང་། བར་སྐབས་སུ་སྟོད་སྨད་འཁྲུགས་ལོང་ཀྱི་དབང་གིས་སྡེ་དགེ་ལྷོ་བྱང་ཕྱོགས་ཀྱིས་སྐྱ། རྙིང་མ། དགེ་ལུགས་ཀྱི་དགོན་སྡེ་མང་པོ་ཉམས་ཤིང་ཞིག་རལ་དུ་སོང་བ་ན། ཞིག་གསོའི་ཆ་རྐྱེན་དངོས་ཇ་སུམ་སྟོང་ལྷག་པ་སྩལ་ཞིང་། རྒྱ་བོད་ཀྱི་དཔོན་ཆེན་དང་། མི་དབང་སྡེ་དགེ་རྣམས་ལ་མཐུན་སྦྱོར་སྒྲུབས་ཤིག་པའི་བཀའ་ཕབས་ཏེ་གཞི་བཞེངས་གྲུབ་པ་དང་། མཆོད་ཐེབས་ཞལ་འདེབས་དང་། འཕྲལ་ཡུན་ཀུན་ཏུ་དགེ་བའི་བསླབ་སྟོན་སྒོ་དུ་མས་གཞལ་
(༨༣)བར་དཀའ་བའི་བཀའ་དྲིན་གྱི་ཕུང་པོ་འདུ་མཛད་ཀྱང་། ངས་བྱས་ཀྱི་ཞལ་ཕོ་དང་དྲིན་ཡུས་འདྲེན་པའི་ཚིག་ཟུར་གཅིག་ཙམ་མི་འབྱུང་། ཉེ་བའི་ཆར་འཁོད་པའི་ཆོས་སྡེ་རྣམས་ལ་ལོ་རེ་བཞིན་གཟུངས་སྔག་ཀློག་སྒྲོག་དང་། བཟང་པོ་སྤྱོད་པའི་སྨོན་ལམ་གྱི་ཡོན་སྦྱར་གོང་འོག་བསྡོམ་ན་དངོས་ཇ་བཞི་སྟོང་ལྷག་པའི་རྒྱུ་འགྲོ་ཕུལ། མདོར་ན་ཀུ་སུ་ལི་བྲག་སྐྱིབས་ན་སྤྱོད་པ་ཚུན་ཆད་ཀྱི་གང་ཟག་དང་དགེ་འདུན་ལ་མཆོད་པ་མཛད་པའི་རྣམ་གྲངས་བགྲང་བར་དཀའ། རབ་བྱུང་གིས་རྟེན་བཞེངས་སོགས་ཀྱི་ཆེད་དུ་ཤ་ཐང་ཐང་ལ་ལོངས་སྤྱོད་སྒྲུབ་པ་གསུང་རབ་ལས་བཀག་ཀྱང་། དེ་ལྟར་མ་བསྒྲུབས་བཞིན་དུ་རྙེད་པ་རྣམས་དཀོན་མཆོག་གསུམ་ལ་བསྙེན་བཀུར་བྱ་བའི་ཆ་རྐྱེན་དུ་སྦྱོར་བར་གསུངས་པའི་སྲོལ་གསོ་བ་དང་། རང་ཉིད་ལ་ཟང་ཟིང་འབའ་ཞིག་གི་འབྲེལ་བས་བསྡུས་པ་རྣམས་ཀྱང་མཐའ་ཡས་པའི་རྒྱལ་དང་དེ་སྲས་ལ་དགེ་བའི་རྩ་བ་རྒྱ་ཆེར་སྐྱེད་པའི་རྟེན་འབྲེལ་དང་བསྟན་འགྲོའི་རྒུད་པ་ཞི་བའི་དགོས་དབང་ཁྱད་པར་ཅན་གཟིགས་ནས། སངས་རྒྱས་དང་བྱང་ཆུབ་སེམས་དཔའི་སྐུའི་རྣམ་འགྱུར་ཐུན་མོང་བ་དང་། ཐུན་མོང་མ་ཡིན་པ་རྩ་གསུམ་ཆོས་སྲུང་དང་བཅས་པའི་སྣང་བརྙན་གཟུངས་ལྡན་གསེར་ཟངས་ལས་གྲུབ་པ་ཉིས་སྟོང་སོར་དང་། གྱང་རིས་ཀྱི་བསྐལ་བཟང་སངས་རྒྱས་སྟོང་སྐུ་གསེར་དུལ་མ་ལྗིབ་ཐུག་ཅན། བྲིང་ཐང་གསེར་
(༨༤)ཆབ་དང་ཟ་འོག་གིས་བྱུགས་པ་བརྒྱ་ཕྲག་བརྒལ་བ། གསར་རྙིང་གི་ཡི་དམ་མང་པོའི་ཆུ་ཚོན་དཀྱིལ་འཁོར་སོགས་བཞེངས། བཀའ་བསྟན་རིན་པོ་ཆེ་རྣམ་གཉིས་དང་། གངས་རིའི་ཁྲོད་ཀྱི་ཤིང་རྟ་ཆེན་པོ་རྣམས་ཀྱི་གསུང་རབ་བྲིས་སྤར་བསྡོམ་པ་གླེགས་བམ་སྟོང་ཕྲག་གཉིས་ཙམ་གླེགས་ཤིང་། ན་བཟའ་གདོང་དར་འཆིང་ཐག །སེང་མགོ་བཅས་སྒྲོས་གཙང་འགང་ལེགས་ཀྱིས་སྤྲས་པ་བསྒྲུབས། རྒྱ་བོད་ཀྱི་གསུང་རབ་པུ་སྟི་བཞི་བཅུར་ཉེ་བ་སྤར་དུ་བཀོད། ལྷུན་གྲུབ་སྟེང་གི་མཆོད་སྡོང་མཐོང་གྲོལ་ཆེན་མོ་དངུལ་སྲང་འཁོར་ལྔ་སྟོང་བཞི་བརྒྱ་ཙམ་གྱིས་བསྐྲུན་པ་གཙོ་བོར་གྱུར་པའི་གསེར་ཟངས་ཀྱི་མཆོད་རྟེན་གཟུངས་ལྡན་ཆ་ཚད་ལེགས་པ་བརྒྱ་རྩ་ལྷག་གསར་བསྐྲུན་མཛད། དེ་རྣམས་ཀྱི་བཞུགས་གནས་ལྷ་ཁང་ཆེ་ཆུང་བཅུ་གསུམ་ཙམ་མཆོད་པའི་ཡོ་བྱད་རྒྱུ་བཟང་ལ་བཟོ་ཁྱད་གཙང་བ་སྣ་ཚོགས་ཀྱིས་བཀོད་ལེགས་པར་བརྒྱན་པ་བཞེངས། འདི་ལྟ་བུའི་མཛད་པའི་བབས་ཀྱིས་སྐུའི་ཉེ་འཁོར་དུ་ཡིག་མཁན། ལྷ་རིས་པ། ཤིང་བཟོ་བརྐོས་མཁན་མགར་བ་གོས་བཟོ་སོགས་བཟོ་རིག་པའི་འདུ་བ་རྒྱུན་ཆད་མེད། དེ་འདྲ་བ་རྣམས་ཀྱང་འབྲེལ་ཚད་དོན་ལྡན་གྱི་སྨོན་ལམ་རླབས་པོ་ཆེའི་བདེན་པས་གཞན་ཕན་གྱི་ཕྲིན་ལས་གཏིང་དཔག་དཀའ་བ་ཤ་སྟག་ཏུ་འཇུག་གི མངགས་གཞུག་ཐ་མལ་བ་གཏན་མིན། དེ་ལ་བཟོ་གནས་པ་ཁ་ཅིག་ནི་ཟླ་བ་མང་པོར་ལྟོ་ཆས་ཕྱག་རྫས་
(༨༥)ནས་འབོགས་ཤིང་། མི་གཞན་གྱི་ལས་ཀར་བརྩོན་པའམ། རང་དགར་གནས་པས་དུས་འདའ་བར་བྱེད་ཀྱང་། ཐུགས་མི་འཁྲུགས་པར་མ་ཟད། མཐར་གནང་སྐྱེས་བཟང་པོ་རེས་དགའ་བ་བསྐྱེད་དེ་དགྱེས་བཞིན་དུ་གཏོང་བ་དང་། ཉམ་ཐག་འགའ་ཞིག་ནི་བཟོ་གནས་ཅི་ཡང་མི་ཤེས་བཞིན་དུ་མངོན་ཚན་ཆུང་ངུས་གླ་ལྟོ་སྟེར་བའི་ཐབས་ཙམ་ལ་དགོངས་ཏེ་ལས་ཀ་བའི་གྲལ་དུ་འཇོག་པ་སོགས་ཅི་དང་ཅི་ནས་ཀྱང་མ་ལྟར་མཉེས་ཤིང་གཤིན་པས་བཟོ་བོ་རྣམས་མ་བསྡུས་པར་ཡང་ཡུལ་ཕྱོགས་དུ་མ་ནས་པདྨའི་དྲི་ལ་བུང་བ་ལྟར་དགའ་ཞིང་འདུ། དེ་དག་ལ་བཟོ་འདི་གྱིས་ཀྱི་བཀའ་སོ་སོར་སྩོལ་བ་ཙམ་ལས་དྲག་འཇུན་དང་མགོ་རྫི་བརྐོ་བཞག་སོགས་ཅི་ཡང་མི་མཛད་རུང་། ངང་གིས་གཡོ་མེད་པར་རང་རང་གི་བགྱི་བ་གང་ཡིན་པ་དེ་ལ་འཇུག་ཅིང་། ཡུན་རིང་པོར་མི་སྐྱོ་བའི་ཡིད་ཀྱིས་གནས། ལས་གྲུབ་ནས་གླ་རྔན་ཡུལ་ལུགས་ལས་ལྷག་པ་ཙམ་ལ། ངོ་སོ་འདོན་པའི་གཏང་རག་ཟུར་པ་དང་བཅས་ཏེ་དངོས་གཙང་ལ་རྔམས་འཐུག་པར་སྩལ་བས། རང་རང་གི་ཞོ་ཤའི་འབྲེལ་འཇོག་ཀྱང་མཇུག་རྗེས་སུ་ཡི་རང་དང་འབྲེལ་བའི་སྒོ་ནས་སྟོབས་དང་ལྡན་པའི་བསོད་ནམས་སུ་གྲུབ་པར་མཛད། གཞན་པ་སུ་དག་རྟེན་བཞེངས་ལ་སྤྲོ་བས་གྲབ་བཤམ་ཡང་ཡོ་བྱད་ཀྱིས་དབུལ་བ་གཟིགས་ཚེ་དེའི་འདུན་པའི་ཡོལ་གོ་གང་ངེས་པའི་ནོར་དབྱིག་སོགས་སྩལ།
(༨༦)གྲྭ་རྐྱང་དཀྱུས་མའི་རིགས་ཀྱིས་འཇིམ་སྐུ་དང་དྲྭ་མིག་ཙམ་བཞེངས་པ་ལའང་ཚོན་རྩི་སོགས་མཐུན་འགྱུར་གྱི་སྦྱིན་པ་དང་བཅས་སྤྲོ་བས་གཟེང་བསྟོད། ལྷག་གནས་ཀྱི་ཆེད་དུ་གཞན་གྱིས་བཅོལ་ཞུ་ཕུལ་བའི་སྐུ་གཟུགས་རྣམས་ཀྱང་གསེར་བྱུགས་ཀྱིས་ཞལ་རས་སྣུམ་པར་མཛད་དེ་ན་བཟའ་སོགས་ཀྱི་བསྟི་སྟངས་སྟོབས། མཆོག་དམན་བར་མའི་འགྲོ་བ་ལ་ཕྱག་མཆོད་ཀྱི་ཞིང་དཀྱུས་མ་དང་། རྟེན་གཞན་བཞེངས་སུ་འཇུག་རྒྱུ་སོགས་ལ་སྐུ་གསུང་ཐུགས་རྟེན་རྙེད་དཀའ་ཁྱད་འཕགས་རིགས་འབྱམས་ཀླས་པ་བཀྱེས་ཤིང་། ཕྱག་དཔེ་གང་བཞུགས་ལ་ཆེ་ཆུང་སུས་ཀྱང་བལྟ་ཞིང་ཀློག་པ་དང་། དཔེ་རྒྱུན་འབྲི་བ་སོགས་བསོད་ནམས་དང་ཡེ་ཤེས་ཀྱི་བྱ་བ་མང་དུ་བྱེད་པའི་གོ་སྐབས་ཡངས་པས་རྟེན་གསུམ་ལ་ནང་རྫས་དང་། གཡང་རྟེན་དང་གཟི་བྱིན་སྒྲུབ་པའི་འཕྱོར་ཆས་ཙམ་དུ་འདུ་ཤེས་ཤིང་སེར་སྣས་དམ་དུ་སྲུང་བའི་དྲེགས་ལྡན་རྣམས་སྨ་ཕབ་ཀྱི་གནས་སུ་བཀོད། སྨོས་མ་ཐག་པའི་ལྷ་ཁང་རྣམས་སུ་སྤོས་དང་མར་མེ་སོགས་ཀྱི་རྒྱུན་ཐེབས་སྦྱོར་འཇག་དང་། དཔལ་ཐམས་ཅད་རིག་པ། བདེ་མཆོག་ནག་པོ་ལུགས། གསང་འདུས་འཇམ་པའི་རྡོ་རྗེ། གཏེར་གསར་རིགས་གསུམ་སྙིང་ཐིག་སོགས་གསར་རྙིང་གི་ཐུགས་དམ་དུ་མའི་སྒྲུབ་མཆོད་ཡོ་བྱད་ཀྱིས་ཕྱུགས་པ་རྒྱུན་བཙུགས། དབྱར་ཀ་ཆུ་ཀླུང་གི་འགྲམ་དུ་ཆུ་མཆོད་སྟོང་ཕྲག་དུ་མ་འབུལ་བའི་ཕྱིར་སྐུ་འཁོར་
(༨༧)ཆེད་མངགས་གནང་བ་དང་། དུས་རྒྱུན་དུ་གཟིམ་སྤྱིལ་གྱི་ལྷ་ཁང་ཕྱི་ནང་བར་ཁྱམས་ཀུན་ཏུ་མར་མེའི་ཕྲེང་བ་ཉིན་མཚན་རྒྱུན་ཆད་མེད་པ་དང་བཟང་སྤོས་རྒྱུན་སྤར། མཆོད་ཡོན་དང་མེ་ཏོག་གི་བྱེ་བྲག་མང་པོ། ཞལ་ཟས་ཀྱི་སྦྲང་ཚར་སོགས་བཀོད་ལེགས་ཤིང་གཙང་སྦྲ་ཐོན་པ་དང་། ཉིན་རེ་ཞིང་བདའ་དགུའི་བཟའ་བཏུང་གི་ལོངས་སྤྱོད་དང་ལྡན་པའི་ཚོགས་ཀྱི་མཆོད་པ་རེ་ཆག་མེད། ཡར་མར་གྱི་ཚེས་བཅུའི་མཆོད་པ་རྣམས་སུ་མར་མེ་ཁོ་ནའང་བརྒྱ་ཕྲག་མ་མཐར་བཞག་པས་མཚོན་ཚོགས་མཆོད་ཀྱི་ཡོ་བྱད་རྒྱས་སྤྲོས། རྒྱལ་བའི་དུས་ཆེན་བཞི་དང་། ཉ་སྟོང་བརྒྱད་གསུམ་ནམ་བྱུང་ལ་སྤོས་དང་མར་མེ་བརྒྱ་རྩའི་ཕྲེང་བ་རབ་ཏུ་མང་བ་གཙོར་བཏོན་གྱི་དངོས་བཤམས་དང་། དེའང་གཟུངས་དང་རིག་པ་དང་མོས་པའི་སྟོབས་ཀྱིས་ཆོས་དབྱིངས་དང་མཉམ་པར་སྤེལ་ཏེ་འབུལ་ཞིང་བཟང་པོ་སྤྱོད་པའི་སྨོན་ལམ་གྱིས་རྒྱས་འདེབས་མཛད། རྣམ་པར་ཐར་པ་འདི་ལ་ནི་ད་ལྟ་ངེས་དོན་གྱི་ལྟ་བ་ལ་ཁག་བཅོལ་ནས་སྤྱོད་ཕྱོགས་ཐབས་ཀྱི་ཆ་ཆེན་པོ་རྣམས་ལ་མཆིལ་མའི་ཐལ་བ་བས་ཀྱང་ལོད་པར་བརྩི་བའི་སྒོམ་ཆེན་དང་གྲུབ་གཏེར་རྣམས་ཀྱིས་ཅུང་ཟད་རེ་དཔྱོད་དགོས་པར་མངོན་ནོ། །སྡེ་དགེ་བློན་ཆེན་པདྨ་ལེགས་གྲུབ་རྒྱལ་པོའི་ཐུགས་སུ་མ་འཐད་པའི་རྐྱེན་གྱིས་ཁམས་བྲག་གཡབ་དང་། སྡེ་དགེ་འགྲས་གཞི་ཆེན་པོ་བྱུང་སྐབས། དེ་ལ་བརྟེན་ནས་དམེ་འཁྲུགས་
(༨༨)འཇིགས་སུ་རུང་བ་ཞིག་ཡོང་བར་མཁྱེན་ཏེ། མི་ཕང་ནོར་ལས་བྱས་པའི་འཁོན་བསྡུམ་མཛད། བསྟན་འགྲོ་སྤྱིའི་བྱུར་སེལ་དུ་ནཻ་པ་ལའི་དོང་ཙེ་གསུམ་བཞི་སྐོར་གྱི་རིན་ཐང་རྫོང་འདེབས་སུ་བཏང་བའི་གླུད་བསྔོ་རེ་ཉིན་བཞིན་མ་ཆག་པ་མཛད། མུ་ཏོ་དང་བྱ་ཁྱིའི་སྐྱེ་གནས་པ་རྣམས་ལ་བརྒྱགས་དང་རྒྱགས་རྟེན་གནང་བའང་ཚད་མེད། དེ་འདྲ་ལ་དགོངས་ནས་ཁྱབ་བདག་བློ་གྲོས་མཐའ་ཡས་པས། བསྟན་འགྲོའི་དོན་དུ་གཅེས་དགུའི་བདོག་པ་ཡང་། །རྩ་བཞིན་གཏོང་བར་མཛད་ལ་གསོལ་བ་འདེབས། །ཞེས་རང་བཞིན་བརྗོད་པའི་གཏམ་དུ་གསུང་། དབུས་གཡོ་རུའི་ཁྲ་འབྲུག་ཏུ་ལུང་བསྟན་གྱི་ངེས་པ་གཟིགས་པ་བཞིན་དཔལ་ཆུ་བོ་རིའི་གུ་རུའི་སྒྲུབ་ཕུག་ནམ་མཁའ་ལྡིང་དུ་བོད་ཁམས་བདེ་ཐབས་ཀྱི་ཕྲིན་ལས་མཛད་པས། ཨོ་རྒྱན་བདེ་བ་ཆེན་པོ་གཙོ་འཁོར་གྲངས་མེད་པས་ནམ་མཁའ་ཁེངས་པ་དང་། སྤྲུལ་པའི་འདུ་འཕྲོས་བོད་ལ་མི་འཇིགས་པ་སྩལ་བ་གཟིགས་ཤིང་། ལོ་སྐོར་གཅིག་ཏུ་མཐའ་དམག་གི་འཚེ་བ་མི་འབྱུང་བའི་མཚན་མ་བརྟན་པོ་བརྙེས། དུས་གཅིག་ན་སྣང་སྲིད་རྨི་ལམ་ལྟར་གཟིགས་པའི་ཏིང་ངེ་འཛིན་ཤིན་ཏུ་བརྟན་པོ་གསལ་སྣང་ལ་ཆོས་འཁོར་ལྷ་སའི་བར་སྐོར་དུ་ཕེབས། དེ་ན་མཁར་ཆེན་བཟའ་མི་ལས་འདས་པའི་མཚར་སྡུག་རྒྱན་ཆས་ཅན་གཟི་བརྗིད་མཆོག་ཏུ་འབར་བའི་རྣམ་པའི་ཕྱག་ན་མེ་ཏོག་དམར་པོས་བཀང་བའི་བུམ་པ་ཞིག་བསྣམས་ཏེ་བྱུང་བ་དང་མཇལ།
(༨༩)ཕན་ཚུན་མ་བུ་ལྟ་བུའི་བརྩེ་གདུང་གིས་གསུང་གླེང་མང་ཞིག་མཛད་པའི་མཐར། ཇོ་བོ་ཡིད་བཞིན་ནོར་བུའི་སྤྱན་སྔར་འགྲོགས་ཏེ་བྱོན། དེར་བོད་འབངས་བདེ་བའི་སྨོན་ལམ་མང་པོ་མཛད། ཇོ་མོས་བོད་སྤྱི་ལ་ཕན་པའི་ལུང་བསྟན་རྒྱ་ཆེར་སྩལ་ནས་བར་སྣང་ཌཱ་མ་རུའི་སྒྲས་བཀང་། སྟེང་གི་ནམ་མཁའ་ལ་ཐལ་ལེར་གཤེགས། འོན་ཀྱང་དགུང་ལོ་བཅུ་དྲུག་པར་རོང་བཙན་ཁ་བ་དཀར་པོར་མཚོ་རྒྱལ་སྤྲུལ་པའི་མི་མོ་ཞིག་ཕྲིན་ལས་ཀྱི་སྒོ་འབྱེད་དུ་བྱོན་ཡང་དེ་དང་ཞལ་འཛོམ་པའི་མཐུན་རྐྱེན་མ་ཚོགས་པ་དང་། ཕྱིས་མཆོག་གྱུར་གླིང་པ་དབུས་སུ་ཕེབས་སྐབས་མོན་ཡུལ་དཀར་མོ་བྲག་གི་གཏེར་ཁ་འདོན་དགོས་ཚུལ་དུས་གནད་དང་བཅས་པ་ནན་ཆེར་གདམས་ཀྱང་། ཁོང་དཔོན་སློབ་ལམ་བར་ནས་འགྱང་བས་ཐོག་ཏུ་མ་ཁེལ་བ་སོགས་གངས་ཅན་ཕན་བདེ་འབྱུང་བའི་རྟེན་འབྲེལ་གྱི་སྒོ་ཁྱད་པར་ཅན་རྣམས་གདུལ་བྱའི་བསོད་ནམས་ཀྱིས་རྫོགས་པར་མ་ལྕིགས་པས་རགས་པ་མཐུན་སྣང་དུ་བྱིན་རླབས་ཀྱི་ལག་རྗེས་འབྲེང་ཙམ་ཞིག་ལས་ཡུལ་ལ་སྨིན་མ་ཐུབ་པར་གསུང་། ཉག་དཔོན་ཨ་མགོན་རྣམ་པ་གཡུལ་འཁྲུགས་ཀྱི་ཤེ་མོང་དར་བའི་དུས་སུ་སྡེ་དགེའི་རྒྱལ་སྲིད་ཕྲོགས། རྒྱལ་པོ་ཡུམ་སྲས་གསུམ་བཙོན་དུ་བཟུང་ནས་བློན་འབངས་སུས་ཀྱང་ཐར་བའི་རེ་བ་ཟད་པ་ན་རྗེ་བླ་མ་འདིས་སྒྲོལ་མ་བཙོན་འདོན་མའི་ཕྲིན་ལས་ཀྱི་སྦྱོར་བ་མཛད་དེ། མ་རྨས་པར་ཐར་འོང་བའི་ལུང་
(༩༠)བསྟན་གནང་བ་ཇི་བཞིན་དུ་བྱུང་། ཕྱིས་ཤིག་ཏུ་ཉག་རོང་ཨ་མགོན་དང་ངེད་གཉིས་ལ་སྔོན་གྱི་འབྲེལ་བ་འདུག་པས་ཚེ་འདིར་ཕྲད་མ་ཐུབ་པ་མ་གཏོགས། ཕྲད་ན་ངས་དེ་ལ་ཆོས་ཀྱི་ཕན་ཐོགས་ཤིག་ཡོང་རྒྱུ་ཡིན་པར་འདུག་གསུངས། དཀར་པོའི་ཕྱོགས་ལ་བློ་མི་འཇུག་ཅིང་། རླབས་པོ་ཆེའི་སྡིག་སྟོབས་དང་ལྡན་པ་ཉག་བློན་ལུ་གུ་ཚེ་རིང་ལྟ་བུའི་མ་རུངས་པ་ཡང་། རྗེ་བཙུན་ཐུགས་རྗེའི་དབང་ཕྱུག་འདིའི་མཚན་གྱི་བདུད་རྩིས་ཕོག་པས་ཅུང་ཟད་དུལ་བར་གྱུར་ཏེ། ཟང་ཟིང་གིས་བསྙེན་བཀུར་བསྟབས། ཕྱིས་དམེ་ཤོད་ཕྱོགས་པའི་བྱས་ཉེས་ལ་བསྟེན་ནས་ཁོའི་དམག་གིས་རྫོང་གསར་དགོན་ཁང་མེ་ལ་སྦྱངས་མོད། དེར་ཡང་རྗེ་བླ་མ་འདི་ལ་དམག་དཔོན་རྣམས་ཀྱིས་བརླད་སྤྱོད་བརྙས་ཐབས་སྤུ་ཙམ་མ་བྱས་པར་མ་ཟད། ཕྱག་དཔེ་རྣམས་མི་འཇིགས་པའི་ཕྱོགས་སུ་ཐབས་རྩོལ་དུ་མས་སྐྱེལ་བ་སོགས་རང་ཕྱོགས་ལས་ཀྱང་ལྷག་པའི་ཞབས་ཏོག་བྱས། དེ་ནས་མི་འགྱང་བའི་དུས་སུ་རྗེ་རང་གི་ཐབས་ལ་མཁས་པའི་འཕྲུལ་གྱིས་ཆོས་གཞི་སླར་གསོས་ཏེ། བཀྲ་ཤིས་ལྷ་རྩེའི་མདུན་ཐད་དུ་སཱ་ལའི་ནགས་ཆེན་པོ་སྦྲུལ་གྱིས་གང་བ་ཞིག་ཡོད་པ་དེ་ཤིན་ཏུ་གཉན་པས་སྔོན་ཆད་ལྕུགས་ཕྲན་གཅིག་ཀྱང་འབྲེག་ཕོད་མཁན་མེད་པ་ལས། དེ་དུས་རྗེ་བླ་མ་འདི་ཤིང་སློང་མཛད་པས། དེ་ཚུན་ཆད་ནགས་དེར་སྦྲུལ་
(༩༡)གྱི་རྒྱུ་བ་འགག་ཅིང་ཤིང་ཅི་འདོད་དུ་ལེན་བཏུབ། སྔར་དགོན་དེའི་གཙུག་ལག་ཁང་ཞིག་གསོལ་འཚུབ་འགྱུར་ཆེར་ལྡང་བ་ཞིག་ཡོད་པའང་། རྗེ་འདིས་ཉམས་གསོ་མཛད་པ་ནས་བཟུང་རང་འཇམ་ལ་སོང་བར་གླེང་། རབ་བྱུང་བཅོ་ལྔ་པའི་ཐོག་མར་ཁང་དམར་ལུང་མདོར་བསྟན་འགྲོ་སྤྱིའི་སྲུང་བར་དགོངས་ཏེ་སྒྲུབ་ཆེན་མང་པོ་མཛད་པའི་སྐབས་ཤེད་ཅིག །སྡེ་དགེའི་ཆབ་སྲིད་འདི་ལ་སྔར་ཡང་སྟོན་ལོག་གི་སེམས་ཅན་ཉེ་ཆར་འཁོད་པ་འགའ་རེའི་བྱ་བའི་བབས་ཀྱིས་རྨ་ཉེས་མང་པོ་བཏང་། ད་གཟོད་ཀྱང་ལས་སྨོན་ལོག་པ་མང་པོས་མཚམས་སྦྱོར་གྱིས་དོན་ཉན་འོང་དཀའ། འོན་ཀྱང་ད་རེས་ཀྱི་སྲུང་བ་འདིས་ལོ་སྐོར་གཉིས་ལ་བདེ་འཇག་ཡོང་ཤས་ཆེ་གསུངས་པ་ལྟར་དེ་ནས་བརྩམས་ཏེ་རྣམ་འགྱུར་ལྕགས་སྟག་བར་ཆབ་སྲིད་འཇམ་དར་དུ་གནས་ཤིང་། དེའི་ཕྱི་ལོ་ནས་རྒྱལ་བློན་ནང་འཁྲུགས་སོགས་མི་ཤིས་པ་གང་མང་བྱུང་བས་བདེན་པའི་ལུང་དོན་མངོན་སུམ་པར་མཐོང་། གཞུང་སའི་བཀའ་བློན་ཕུ་ལུང་བ་རབ་ཏུ་བྱུང་རྗེས་ཤིག་ལ་དགའ་ལྡན་སྣ་རིང་གི་འཇིགས་པས་ཉེན་པར་གྱུར་ནས། ཚེ་ལྷ་རྣམ་གསུམ་ལ་བརྟེན་པའི་རིམ་གྲོ་མཛད་པས། ཅང་མ་ཕན་གསུང་། དེ་ནས་མི་རིང་བར་ཆུ་ལ་གཡུགས། ཁོང་ཤི་ནས་ཡར་འབྲོག་གི་ལུག་ཅིག་ཏུ་སྐྱེས། དེ་ནས་ས་སྐྱའི་སྐུ་ངོ་ཞིག་ཏུ་སྐྱེ་བར་འགྱུར་
(༩༢)གསུངས། འདི་རིགས་གཞན་ཡང་སློབ་མ་དད་ཅན་ལ་སོ་སོར་འགྱེས་སྐབས་ད་རང་རེ་གཉིས་ཚེ་འདིར་ཕྲད་པར་དཀའ་གསུངས་པ་དང་། ད་དུང་ཐུག་ཡོང་གསུངས་པ་རྣམས་དེ་ཁོ་ན་ལྟར་གྱུར་པ་དང་། རྫོང་གསར་དུ་བཞུགས་སྐབས་ཤིག །དགོན་སྟོད་ལ་མེའི་དོགས་པ་གྱིས་གསུངས་པ་དང་། ལན་ཅིག་དགོན་སླད་དུ་མེ་ཟོན་གྱིས་གསུངས་ནས་བལྟར་ཕྱིན་པས། ཕྱོགས་དེ་དང་དེར་འཁྲིས་སུ་ཡོད་པའི་མི་རྣམས་ཀྱིས་ཀྱང་མ་ཚོར་བར་མེ་ཤོར་ནས་འདུག་པ་དང་། ཞབས་ཏོག་པར་ཕྱི་རོལ་གྱི་ཁད་པའི་ནང་དུ་ཡི་གེ་འབྲི་བའི་ལས་ཀ་སོགས་གནང་བ་ཇི་སྲིད་མ་གྲུབ་བར་ཉིན་ཞག་མང་པོ་སོང་ཡང་དེའི་གླེང་མོ་མི་མཛད་ལ། ཟིན་མཚམས་ཁོ་ནར་ཁྱེར་ཤོག་གི་དྲིལ་བརྡ་གནང་བ་ཞིག་སྟེས་དབང་མིན་པར་ཕལ་ཆེར་ལ་འོང་བ་དང་། སྐུ་མདུན་དུ་གློ་བུར་བའི་སྐྱེ་བོ་སོགས་ཀྱིས་ཞུ་ཕྲིན་བསྐུར་བ་ཉེ་གནས་རྣམས་ཀྱིས་ཞུ་བར་བརྩམས་པ་ན། དེ་བཤད་མི་དགོས། ཧ་གོ །གསུངས་པ་སོགས་དབང་འདས་ཀྱི་དོན་གཟིགས་པའི་མངོན་མཁྱེན་མངའ་བའི་གསུང་ཅི་རིགས་ཀྱང་ཞལ་ལ་བྱོན། སྣོད་བཅུད་ཀྱི་དགེ་ལེགས་ཉམས་པ་གསོ་བའི་ཕྱིར་ལྷག་གནས་དང་བྱིན་འཇུག་གཏེར་བུམ་སྒྲུབ་པ་སོགས་མང་དུ་མཛད། འགྲོ་འདུལ་རྒྱལ་སྲས་དཔའ་བོ་འཇིགས་མེད་ཆོས་དབང་ཞབས་ཀྱིས་ལྷ་རྫས་རིན་ཆེན་གཉིས་པའི་འབུལ་བ་དང་
(༩༣)བཅས་བསྐུལ་མ་མཛད་པ་ལྟར་རྫ་སྟོད་རྡོ་རིང་ཆེན་མོར་ཡེ་ཤེས་བརྟན་བཞུགས་ཀྱི་དགོངས་པ་གཏད་པས། དེའི་ཕྱོགས་དང་རྟ་པའི་ཉིན་ལམ་བདུན་བརྒྱད་ཀྱིས་བར་དུ་ཆོད་ཀྱང་རྟེན་ལ་ལྷག་པར་གནས་པའི་མེ་ཏོག་སེར་པོ་མཐའ་ཡས་པ་བབས་པ་རྡོ་རིང་ཕྱག་མཇལ་བའི་ཕོ་མོ་བརྒྱ་ཕྲག་དུ་མས་མངོན་སུམ་དུ་གྲུབ། གཤིན་པོའི་འགྲོ་བ་རྣམས་ལ་ཕན་གདགས་ཕྱིར་དུས་དང་དུས་སུ་གནས་ལུང་གི་ཆོ་ག་སྲེག་སྦྱོང་སཙྪ་གདབ་ཆོ་ག་དང་བཅས་པ་མཛད་ཅིང་། འདུས་པའི་དགེ་འདུན་ལ་ཀུན་རིག་གི་བྱང་བསྲེག་བགྱིད་དུ་སྩོལ་བ་དང་། སྐུ་ཚེའི་སྨད་ལ་ཉིན་རེ་བཞིན་ཚོགས་མཆོད་ཚར་གསུམ་དང་སྦྲེལ་བའི་སྐོང་བཤགས་ཀྱི་ཆོ་ག་རྒྱས་བསྡུས་གཉིས་རེ་ཆག་མེད་མཛད་པ་སོགས་རྗེས་འཛིན་གྱི་ཕྲིན་ལས་བསྐྱང་བའི་སྒོ་མང་། ཨ་བྷི་ཙརྱའི་ཕྲིན་ལས་ལ་རྩལ་དུ་བཏོན་པའི་བཟླས་བསྒོམ་སྣ་གཅིག་ཙམ་ཡང་མཛད་མ་མྱོང་བ་འདྲ་བོར་ཡོད་ཀྱང་། ཉག་མིའི་འཁྲུགས་ལོང་གིས་མདོ་ཁམས་པ་རྣམས་སྡུག་ལ་སྦྱོར་བའི་སྐབས་ཤིག །མནལ་ལམ་དུ་རང་ཉིད་ཀྱི་མདུན་སར་ལྕགས་གླང་ཞིག་ཏུ་ལིང་ཆུང་སྙིང་གར་སྟག་མའི་ལོ་མ་ལ། ཨེ་རྣི་ཏྲི་ཛཿཞེས་ཁྲག་གིས་བྲིས་པ་རེ་རེས་མཚན་པ་བཞི་བཅུ་རྩ་བཞི་བཀོད་འདུག །དེར་སྐྱེས་བུ་བརྗིད་ལྡན་ཞིག་གིས། འཁྲུགས་པ་འདིའི་རྗེས་འབྲང་ལ་ཕུང་བྱེད་ཀྱི་དམ་སྲི་བཞི་བཅུ་རྩ་བཞི་ཡོད་པས་
(༩༤)དེ་རྣམས་སྒྲོལ་དགོས་ཞེས་ནན་གྱིས་བཏུད་ནས་གསོལ་བ་འདེབས་པར། བྱུང་རྒྱལ་དུ་གུ་རུ་དྲག་པོའི་སྒོམ་བཟླས་ཤིག་བརྩམས་པའི་རྐྱེན་གྱིས་རང་གི་སྐུ་དཔལ་མགོན་མ་ནིང་གི་རྣམ་པར་སྐད་ཅིག་ལ་སོང་། དེ་ཡོངས་སུ་གྱུར་པ་ལས་ཀུན་ཐུབ་རྒྱལ་མོ་སྐུ་མི་ཚད་ལས་ལྷག་པ་ཞིག་ཏུ་བཞེངས། དགུགས་བསྟིམ་གྱི་ཏིང་ངེ་འཛིན་རེ་མཛད་པས། དམ་སྲི་གཅན་གཟན་དང་ཀླུ་ནོར་འདབ་ཆགས་ཤ་ཟན་འཇིགས་རུང་གི་མགོ་ཅན་གྲངས་མེད་པ་འདུས་ཏེ་ལིང་གཟུགས་རྣམས་ལ་ཞུགས། དེའི་མདོ་ལ་དེ་དག་རེ་རེ་ཞིང་གཟུགས་ཆེན་པོ་སྲོག་དང་བཅས་པར་གྱུར་བ། མཐར་གྱིས་མཚོན་ཆ་སྣ་ཚོགས་ཀྱིས་བསྒྲལ། ཁྲག་གི་རྒྱུན་འོ་ཆུ་ལྟར་བབས། ཤ་ཁྲག་དྭངས་སྙིགས་མེད་པར་གསོལ་ཏེ་སླར་ལྡང་བའི་གོ་སྐབས་བཅོམ། དེ་འདྲ་བ་ཉེར་བཞི་རྫོགས་པ་དང་མན་ལ་སད། སད་སྣང་དུའང་ཁྲག་གི་དྲི་ཚོར་བ་སོགས་བྱུང་སྟེ། དེ་སྐབས་སྲུང་ཟློག་གི་འཁྲུལ་འཁོར་སྐོར་རློམ་མང་ཡང་དོན་དུ་ཀུན་མཁྱེན་བླ་མ་འདི་ཁོ་ནའི་གཞན་ཕན་གྱི་ཐུགས་བསྐྱེད་ལ་ཧེ་རུ་ཀའི་བྱིན་རླབས་སྲོག་ཏུ་ཞུགས་ཟིལ་གྱིས་ནག་ཕྱོགས་གདུག་པའི་ཚ་ངར་ཕྱེད་ཙམ་ཞིག་ཞི་བ་ཡིན་པར་སྣང་ངོ། །དེ་རྗེས་ཉག་དཔོན་མགོན་རྣམ་དགའ་ལྡན་ཕོ་བྲང་པའི་དཔུང་གིས་མཐར་སྐྲོད་བཏང་། རྗེ་འདི་ལས་ཞལ་བཀོད་ནོད་པ་ལྟར་ཕོགས་དཔོན་ཕུན་རབས་སྤྱི་ཁྱབ་དཔོན་དུ་བསྐོས། ད་དུང་ཡང་འཕྲལ་
(༩༥)ལ་འཚུབ་འགྱུར་ཞིག་འོང་བར་ལུང་བསྟན་སྩལ་བ་བཞིན། སླར་ཉག་རོང་པ་རྣམས་ངོ་ལོག་ནས་རི་ནང་འབྲུག་རྫོང་གི་མཐའ་ཉིན་ཞག་མང་པོར་དམག་གིས་བསྐོར་ཏེ་བརྒལ་བས་རྫོང་སྡོད་རྣམས་རྔ་ཐོག་ཏུ་སྲན་མ་ལྷུང་བ་ལྟར་བག་མི་ཕེབས་པར་གནས་པའི་ཚེ་རྗེ་འདིས་རྒྱལ་ཁམས་བདེ་བའི་མཐུན་གྲོགས་ལ་རྣམ་སྲས་རྟ་སྔོན་ཅན་གྱི་བསྐུལ་བ་མཛད་པས། ནུབ་གཅིག་སྤྱི་ཁྱབ་དཔོན་གྱི་རྨི་ལམ་དུ། རི་ནང་གི་མདུན་རི་སྤང་འབུར་རྩེར་མི་ནག་པོ་མདུང་དར་ཐོགས་པ་ཤིང་སཱ་ལའི་སྡོང་པོ་བས་བོད་མཐོ་ཞིང་འཇིགས་སུ་རུང་བ་ཞིག་མདུང་རྟིང་ས་ལ་ལན་གསུམ་རྡེག་པའི་མོད་འཛམ་གླིང་གི་ས་གཞི་གཡོ་སྙམ་བྱེད་ཅིང་། ཀྭའི་ཕུན་རབ་པ་ཁྱོད་མ་འཇིགས་ཤིག ངེད་རང་སྡེ་དགེ་དགོན་ཆེན་ནས་འཇམ་དབྱངས་མཁྱེན་བརྩེས་བཏང་བ་ཡིན་ནོ་ཞེས་གསང་མཐོར་སྒྲོག་པའི་དང་ལ་གཉིད་སད། དེར་ཞག་གསུམ་ནས་ཉག་སྡེ་རྣམས་ཀྱིས་བཟོད་གསོལ་དང་བཅས་མགོ་ཚུར་བཏགས་བྱུང་བ་ཡིན་སྐད། སངས་རྒྱས་ཀྱི་ཕྲིན་ལས་པ་རྣམས་ཀྱི་ཐུ་བོ་འདི་ལ་ཀླ་ཀློའི་སྲུང་མ་རྣམས་རང་གི་རྒུད་པ་མི་ཟད་པ་ལྟ་བུར་མཐོང་སྟེ་ལྷག་པར་སྡང་བའི་ཕྱིར་ལན་གཅིག་ཀླ་ཀློའི་ཞགས་པ་བྱུང་ཟེར་ནས་དྲུ་གུ་འདྲ་བ་ཞིག་བབས་ཏེ་སྐུ་ལུས་བཅིངས། དགུ་ཚིགས་ཀྱི་ངོས་ཤིག་ལ་བསྡམས་སོང་བར། ནག་པོ་ཆེན་པོ་ཕྱག་བཞི་པ་
(༩༦)འོང་ནས་གྲི་གུག་བསྣུན་པས་བྱད་ཐག་དུམ་བུར་སོང་། གནམ་དཔག་ཚད་སྟོང་ཕྲག་དུ་མའི་སྟེང་ནས་ཛམ་བུའི་གླིང་གི་ས་ལ་ལྷུང་བར་རྩོམ་པ་ན། དམ་ཅན་རྡོ་རྗེ་ལེགས་པས་ས་ལྟར་ཡངས་པའི་ཐུ་བ་བཟེད་དེ། མགོན་ཆེན་སྡེ་བཞི་འདྲ་པོ་མ་གཏོགས། བདག་འདྲས་གཏོར་མ་ཙམ་ཡང་ཐོབ་མ་མྱོང་སྟེ། འདི་ལྟ་བུའི་གནས་སྐབས་ན་ང་ཡང་དགོས་དགོས་འདྲ་ཟེར་ནས་ཉེ་ཞོ་མེད་པར་བླངས་པའི་མནལ་ལྟས་ཤར། བདེ་ཆེན་པདྨ་ཤལ་ཕུག་ཏུ་གཏེར་གསར་ཐུགས་སྒྲུབ་ཀྱི་ཚོགས་སྐོང་མཛད་དུས་ཁྲོམ་མང་དུ་འདུས་པ་ལ་དབང་ཞིག་མཛད་པར་དགོངས་པའི་ཚེ། དམ་ཅན་དངོས་སུ་འོངས་ནས། འདིར་མི་ཉི་ཤུ་ལས་མང་བ་འཛུད་མི་ཉན་ཞུས་པས་ཁྲོམ་དབང་རྒྱབ་ཏུ་མཛད། པདྨ་ཤེལ་རིར་བཞུགས་དུས་ཕྱི་དྲོ་ཞིག་ལ། ད་ལྟ་འོག་གི་ཕ་བོང་འགྲམ་འདིར་རྡོ་རྗེ་ལེགས་པ་བྱུང་ནས་གཡས་ཀྱི་རྡོ་རྗེས་ཡར་གྱི་བྲག་ལ་བསྟན། མིག་ཟུར་གྱིས་མར་གྱི་སྒྲུབ་ཕུག་འདི་ལ་བལྟས་སོང་བས་འདི་གཉིས་ལ་གཏེར་ཁ་རེ་རེ་ཡོད་པར་འདུག་གསུངས་ཏེ། ཕྱིར་ཉིན་བྲག་གཉིས་པོ་ནས་གཏེར་རེ་རེ་བཞེས། ཟླ་གམ་དབང་ཕུག་ཏུ་བཞུགས་སྐབས། ཁྱབ་བདག་བློ་གྲོས་མཐའ་ཡས་པས་དཔལ་སྤུངས་རི་ཁྲོད་ཀྱི་རྟེན་གཙོ་གསར་བཞེངས་མཛད་པའི་ནང་དུ་གཞུག་རྒྱུའི་བྱིན་རྟེན་ཁྱད་འཕགས་ཤིག་དགོས་ཞུས་པར། རྡོ་རྗེ་གཡུ་སྒྲོན་མ་ལ་ཕྲིན་ལས་བཅོལ་
(༩༧)བས་དེས་རིན་པོ་ཆེ་ཨསྨ་གྷ་ལས་གྲུབ་པའི་རྡོ་རྗེ་སེམས་དཔའི་སྐུ་གཟུགས་ཁྱད་པར་ཅན་དངོས་སུ་ཕུལ། བྱང་ཆུབ་གླིང་པའི་ཟབ་གཏེར་ཀུན་བཟང་ཐུགས་གཏེར་འཁོར་འདས་རང་གྲོལ་གྱི་ཆོས་རྒྱུན་གསོས་སྐབས། ཇོ་མོ་རྒྱ་གར་མ་ཤིང་ལོའི་གོས་ཅན་མནལ་ལམ་དུ་འོངས་ནས། དགའ་རྟགས་འབྲས་ཀྱི་སྙེ་མ་ཞིག་དང་། དེའི་ཕྱི་ནུབ་ཀྱི་མཚན་ཐོག་ཐག་བསྙེན་བཀུར་ཞབས་ཏོག་ཕུལ་བ་སོགས་སྲུང་མའི་དབང་པོ་རྣམས་བྲན་བཞིན་རྟག་ཏུ་གནས་པས་ཕྲིན་ལས་ཐམས་ཅད་ཤུགས་འབྱུང་དུ་འགྲུབ། དེ་ལྟ་བུའི་རྣམ་པར་ཐར་པ་རྣམས་རྗེ་རང་ཉིད་ཀྱིས་མགུར་དུ་བཞེངས་པའང་སྣང་སྟེ། ཨ་ཧོ། དྲན་པས་གདུང་སེལ་ཁྱབ་བདག་གི་བླ་མ། །ཡེ་ཤེས་སྐུ་ཅན་སྙིང་དབུས་སུ་བཞུགས་ནས། །འབྲེལ་ཚད་རྣམ་གྲོལ་གོ་འཕང་ལ་སྦྱོར་བའི། །བྱིན་རླབས་ཟབ་མོ་མངོན་སུམ་དུ་སྩོལ་ཅིག །སྔོན་སྨོན་དཀར་པོའི་ཉེ་རྒྱུ་ལ་བརྟེན་ནས། མ་བསྒྲུབས་ཡི་དམ་ལྷ་ཞལ་དང་མཇལ་བ། བསོད་ཟད་འདྲེ་མཐོང་མཁན་པོ་ནི་མ་ལགས། །མངོན་སུམ་བྱིན་རླབས་ཐོབ་པ་འདི་དགའ་ཡོ། །མཚོ་སྐྱེས་བླ་མའི་ཐུགས་རྗེ་ལ་བརྟེན་ནས། །མ་འབད་ཆོས་ཀྱི་མཛོད་ཆེན་དུ་གྱུར་པ། །ས་རྐོ་རྡོ་རློག་རྫུན་རིབ་ནི་མ་ལགས། །སྤོབས་པའི་གཏེར་ཆེན་གྲོལ་བ་འདི་དགའ་ཡོ། །དྭངས་མ་ལས་རུང་གཟི་བརྗིད་ལ་བརྟེན་ནས། །མ་བོས་ཞིང་སྐྱེས་ཕོ་
(༩༨)ཉ་རྣམས་འདུ་བ། །ལས་ངན་མུ་གེ་རྐུབ་འཕེལ་ནི་མ་ལགས། །བདེ་སྟོང་བརྟུལ་ཞུགས་གྲུབ་པ་འདི་དགའ་ཡོ། །རྩ་རླུང་དྭངས་པའི་རྟེན་འབྲེལ་ལ་བརྟེན་ནས། །གསལ་སྣང་མེ་ལོང་གཟུགས་བརྙན་བཞིན་ཤར་བ། །མི་ཆོས་བླ་མའི་མགོ་སྐོར་ནི་མ་ལགས། །གང་སྨྲས་ཐོག་ཏུ་ཕེབས་པ་འདི་དགའ་ཡོ། །གནས་ལུགས་གཉུག་མའི་གསེང་ལམ་ལ་བརྟེན་ནས། །མ་བསྒོམ་དོན་དམ་མངོན་སུམ་དུ་གྱུར་པ། །ང་རྒྱལ་སྒོམ་ཆེན་རྒན་པོ་ནི་མ་ལགས། །རེ་དོགས་རྩད་ནས་ཟད་པ་འདི་དགའ་ཡོ། །བརྒྱུད་ལྡན་དམ་པའི་གཞུང་བཟང་ལ་བརྟེན་ནས། མ་འབད་གྲུབ་པའི་ངེས་གསང་ཀུན་མཐོང་བ། །རྩལ་བཤད་རྟོག་གེའི་ཚིག་སྐམ་ནི་མ་ལགས། །དོན་གྱི་དགོངས་ཟབ་རྟོགས་པ་འདི་དགའ་ཡོ། །རྩ་གསུམ་བྱིན་རླབས་སྙིང་དབུས་སུ་བཞུགས་པས། །མ་བརྩམས་ལས་བཞི་ཐོགས་མེད་དུ་གྲུབ་པ། །རྔ་གོག་ཟད་ཟད་སྡུག་ཡུས་ནི་མ་ལགས། །རང་གཞན་ཕན་བདེར་སྦྱོར་བ་འདི་དགའ་ཡོ། །སྔོན་བསགས་བསོད་ནམས་འཕེན་ཤུགས་ལ་བརྟེན་ནས། །མ་བསྡུས་ཟང་ཟིང་སྤྲིན་བཞིན་དུ་འདུ་བ། །བརྒྱ་བཤིག་སྟོང་བསྒུགས་བསེ་རག་ནི་མ་ལགས། །འཕྲལ་བྱུང་འཕྲལ་དགའ་མཆོད་སྦྱིན་འདི་དགའ་ཡོ། །གཞན་ཕན་བཟང་པོའི་ལེགས་སྨོན་ལ་བརྟེན་ནས། །མ་བསྐུལ་ཁྲོམ་ཚོགས་ལང་ལོང་དུ་འུར་བ། ཁྱི་རྒན་ལྷག་སྡུད་སློང་མཁན་ནི་མ་ལགས། །འབྲེལ་ཚད་དོན་
(༩༩)དང་ལྡན་པ་འདི་དགའ་ཡོ། །སྣང་བ་དབང་འདུས་རྟེན་འབྲེལ་ལ་བརྟེན་ནས། །མ་བསྟུན་བླ་དཔོན་དྲེགས་ལྡན་ཀུན་འདུད་པ། །ཅི་རག་ངོ་སྲུང་ཡི་དྭགས་ནི་མ་ལགས། །ཀུན་ལ་ཞེན་མེད་ཧུར་སྤྱོད་འདི་དགའ་ཡོ། །ལྷག་བསམ་དཀར་པོའི་རྟེན་འབྲེལ་ལ་བརྟེན་ནས། །མ་བཤད་མོས་ལྡན་ཐར་ལམ་དུ་འཁྲིད་པ། །སྐྱིད་སྡུག་སྒོས་ཁུར་ཚོགས་དཔོན་ནི་མ་ལགས། །གཞན་རྒྱུད་ངང་གིས་འགྱུར་བ་འདི་དགའ་ཡོ། །ཉེ་འཁོན་མེད་པའི་རྟེན་འབྱུང་ལ་བརྟེན་ནས། །མ་རྩོལ་བསྟན་པ་རིས་མེད་དུ་སྤེལ་བ། །རེ་བས་བསྒྲིབས་པའི་ལས་ཐབས་ནི་མ་ལགས། །ཕྱོགས་མེད་རིས་མེད་བློ་བདེ་འདི་དགའ་ཡོ། །ཡོངས་ལ་སྙིང་བརྩེའི་གཞན་དབང་ལ་བརྟེན་ནས། །མ་ཆགས་མི་འཁོན་ཐམས་ཅད་དང་མཛའ་བ། །ངོ་སྲུང་མཐུན་འཇུག་བསླུ་བྲིད་ནི་མ་ལགས། །རྒྱལ་ཁམས་གཅེས་ཕྲུག་གཞོན་ནུ་འདི་དགའ་ཡོ། །གང་ལ་བལྟས་ཀྱང་སྐྱོ་ཤས་དང་ངེས་འབྱུང་། མ་བཅོས་སྙིང་ནས་ལམ་ལམ་དུ་འཆར་བ། །རྟོགས་ལྡན་གསར་པའི་ཙབ་ཙུབ་ནི་མ་ལགས། །མངོན་ཞེན་གཏིང་ནས་ཐོངས་པ་འདི་དགའ་ཡོ། །ཆོས་འགལ་བྱ་བ་རླབས་ཆེན་གྱི་བདུད་ལས། །མ་སྤང་རང་བཞིན་ཤུགས་འབྱུང་གིས་དག་པ། །དགེ་སློང་གཞོན་ནུའི་ཚུལ་འཆོས་ནི་མ་ལགས། །ཆོས་དང་ཞུ་དག་ཕེར་བ་འདི་དགའ་ཡོ། །བླ་མ་ལྷ་ཡི་བྱིན་རླབས་ལ་བརྟེན་ནས། །མ་བཏུལ་རང་རྒྱུད་ཕྱོགས་མེད་དུ་གྲོལ་བ། །སྔགས་པ་རྒན་པོའི་རྦད་ཁམས་ནི་མ་ལགས། །ཤི་ཡང་འགྱོད་པ་མེད་པ་འདི་དགའ་ཡོ། །དགའ་བ་བཅུ་དྲུག་སྙེ་མ་དང་འགྲོགས་ནས། །དྲང་
(༡༠༠)སྲོང་དྲེགས་པའི་ངག་ཚིག་གི་གླིང་བུ། །རེ་དོགས་མེད་པར་ཐོལ་བྱུང་དུ་སྦྲེངས་པས། །འབྲེལ་ཚད་དོན་ལྡན་དགེ་ལེགས་སུ་གྱུར་ཅིག །ཅེས་བཀའ་སྩལ་ཏོ། །སྲིད་ན་གནས་ཀྱང་དེ་ཡི་ཉེས་པའི་རྡུལ། །ཆགས་པའི་གནས་མེད་ཀུན་དགའི་རོལ་རྩེད་ཅན། །ཚུལ་འདིས་བརྟན་རྣམས་འཇིག་རྟེན་དབང་ཕྱུག་གི །ཕྱག་ཡངས་པདྨས་བརྒྱན་པ་བཞིན་དུ་མཛེས། །སྤོང་ཀློག་ལས་གསུམ་དབྱར་གྱི་ཕུན་ཚོགས་བཞིན། །ཕན་ཚུན་མི་འདྲའི་ངོ་མཚར་བརྒྱས་གང་ཞིང་། །ཀུན་ཀྱང་འགལ་མེད་གྲོགས་སུ་སོང་བའི་ཚུལ། །འདི་འདྲའི་གནས་ལ་དཔྱོད་ཤེས་སུ་མི་དད། །བསྡུ་བའི་ཚིགས་སུ་བཅད་པའོ། །དེ་དག་གིས་ནི་དང་པོར་རྣམ་སྨིན་གྱི་ཡོན་ཏན་བརྒྱད་དང་ལྡན་པའི་རྟེན་ཇི་ལྟར་བཞེས་ཚུལ། དེ་ནས་རྟེན་དེ་ལ་དགེ་བའི་བཤེས་གཉེན་ཚུལ་བཞིན་དུ་བརྟེན་ཏེ་ཐོས་པའི་གྲུ་བོ་ཆེས་ལུང་གི་བསྟན་པ་རྒྱ་མཚོ་ལྟ་བུའི་ཕ་རོལ་ཏུ་སོན་ཚུལ། དེའི་འོག་ཏུ་བསམ་སྒོམ་གྱི་མཁྱེན་རབ་རྨད་དུ་བྱུང་བའི་རྩལ་གྱིས་ཐུན་མོང་དང་ཐུན་མོང་མ་ཡིན་པའི་རྟོགས་པའི་བསྟན་པ་ལ་མངའ་བརྙེས་ཚུལ། མཐར་གཏིང་དཔག་དཀའ་བའི་ཐབས་མཁས་ཀྱི་འཇུག་པ་བསམ་གྱིས་མི་ཁྱབ་པས་འགྲོ་བའི་དོན་མཛད་ཚུལ་ཏེ་རྒྱལ་བས་བསྔགས་པའི་རྣམ་ཐར་གྱི་རྩལ་བཞི་པོ་འདི་བརྗོད་པ་ཡིན་ལ། དེ་དག་གི་ཁོངས་སུ་ཐེག་པ་ཆེན་པོའི་དགེ་བའི་བཤེས་གཉེན་གྱི་མཚན་ཉིད་རྣམས་ཀྱང་ཚང་བར་བསྙད་དེ། མཚན་ཉིད་དེ་དག་
(༡༠༡)ཀྱང་གང་ཞེ་ན། འདི་ལ་མདོ་བསྟན་བཅོས་ནས་མང་དུ་གསུངས་ཀྱང་། རེ་ཞིག་མདོ་སྡེ་རྒྱན་ལས་གསུངས་པ་འདི་དོན་གསལ་ཞིང་རྒྱས་པས། དེ་དང་སྦྱོར་ན། བཤེས་གཉེན་དུལ་བ་ཞི་བ་ཉེར་ཞི་བ། །ཡོན་ཏན་ལྷག་པ་བརྩོན་བཅས་ལུང་གིས་ཕྱུག །དེ་ཉིད་རབ་ཏུ་རྟོགས་པ་སྨྲ་མཁས་ལྡན། །བརྩེ་བའི་བདག་ཉིད་སྐྱོ་ངལ་སྤངས་ལ་བསྟེན། །ཞེས་གསུངས་ཏེ། དེ་ལ་དུལ་བ་ནི་ཚུལ་ཁྲིམས་ཀྱི་བསླབ་པས་ཐུགས་སྦྱངས་པ་ལ་བྱེད་པས། དེ་ནི་སྔར་སོ་བྱང་གི་སྡོམ་པ་བཞེས་ཚུལ་དང་། བྱང་ཆུབ་ཀྱི་སེམས་གཉིས་སྦྱངས་པར་བཤད་པའི་ནང་ནས་འཇུག་སེམས་སྦྱངས་པ་དང་། སྐབས་ཕྱི་མར་བསྙེན་རྫོགས་ཀྱི་བསླབ་པ་ལ་གཅེས་སྤྲས་མཛད་ཚུལ་བརྗོད་པ་རྣམས་ཀྱིས་མཚོན་ཞི་བ་དང་། ཉེ་བར་ཞི་བ་ནི་གོ་རིམ་བཞིན་དུ་ཏིང་ངེ་འཛིན་དང་ཤེས་རབ་ཀྱི་བསླབ་པས་ཐུགས་རྒྱུད་བཏུལ་བ་ལ་བྱེད་དེ། དེ་ནི་བྱང་ཆུབ་སེམས་གཉིས་ལ་ཐུགས་སྦྱངས་པར་བསྟན་པའི་ནང་ཚན། དོན་དམ་སེམས་བསྐྱེད་སྦྱངས་པས་བསྡུས་ཏེ། བྱང་ཆུབ་སེམས་དཔས་ཞི་ལྷག་ཟུང་འབྲེལ་གྱི་སྦྱོང་བས་དེ་ཁོ་ན་ཉིད་སྒོམ་པ་ལ་དོན་དེས་སེམས་བསྐྱེད་ཉམས་སུ་ལེན་པར་འཇོག་པས་སོ། །ལུང་གིས་ཕྱུག་པ་ནི་ཐེག་ཆེན་གྱི་གསུང་རབ་རིས་སུ་མ་ཆད་པ་རྣམས་ལ་ལེགས་པར་སྦྱངས་པས་གདམས་ངག་སྟོང་གི་གླེགས་བམ་དུ་གྱུར་ཚུལ་ཇི་སྐད་བརྗོད་པ་རྣམས་ཀྱིས་བསྟན། དེ་ཁོ་ན་ཉིད་གཟིགས་པ་
(༡༠༢)ནི་ཟབ་མོ་དབུ་མའི་གཞུང་དོན་ལ་བློ་གྲོས་ཀྱི་སྣང་བ་ཐོབ་པར་བརྗོད་པ་དེས་བསྟན། ཡོན་ཏན་ལྷག་པ་ནི་སྙིགས་མའི་མཐའ་འདིར་གྲགས་ལྡན་གྱི་ཆེན་པོ་རྣམས་ཀྱི་ནང་ན་ཡང་སྐྱེས་བུ་དམ་པ་འདི་ལྟ་བུ་འབྱོན་པར་དཀའ་ཚུལ་དངོས་ཤུགས་ཅི་རིགས་སུ་བསྟན་པས་མཚོན། སྨྲ་མཁས་པ་དང་ལྡན་པ་ནི་ཆོས་སྟོན་པའི་རྒྱུན་དང་ལྡན་ཚུལ་རྣམས་ཀྱིས་བཤད། བརྩེ་བའི་བདག་ཉིད་ནི་ཅི་མཛད་གཞན་ཕན་དུ་འཇུག་ཚུལ་དང་། དམན་ལ་ལྷག་པར་བརྩེ་བ། གདུལ་བྱའི་ལོག་སྒྲུབ་བཟོད་ཚུལ་རྣམས་ཀྱིས་འཕངས་ཏེ་བསྟན། དེའི་སྔ་མས་གཞན་ཕན་ལ་སྤྲོ་བ་ཆེ་བའི་བརྩོན་བཅས་ཀྱང་འཕེན། སྐྱོ་ངལ་སྤངས་པ་ནི་ཆོས་འཆད་པ་ལ་སྐྱོ་དུབ་མེད་ཚུལ་བཤད་པས་སྟོན་ཏེ། དང་པོ་དྲུག་གིས་རང་རྒྱུད་ཕྱོགས་མེད་དུ་གྲོལ་ཚུལ་དང་། ཕྱི་མ་བཞིས་དེ་ཉིད་སེམས་ཅན་ཐམས་ཅད་ཀྱི་གྲོགས་སུ་གཏོར་ཚུལ་བརྗོད་པ་ཡིན་ནོ། ཁྱད་པར་དུ་གསང་སྔགས་སྟོན་པའི་སློབ་དཔོན་གྱི་མཚན་ཉིད་ལ། རྒྱུད་སྡེ་ཕྱི་ནང་དང་། ནང་པའི་ཡང་རྒྱུད་སྡེ་སོ་སོར་ཆེས་མང་དུ་གསུངས་མོད། གསང་སྔགས་ཀྱི་བླ་མ་བསྟེན་ཚུལ་སྤྱིའི་གཞུང་བླ་མ་ལྔ་བཅུ་པ་ལས་གསུངས་པ་ནི། བརྟན་ཅིང་དུལ་ལ་བློ་གྲོས་ལྡན། །བཟོད་ལྡན་དྲང་ལ་གཡོ་སྒྱུ་མེད། །སྔགས་དང་རྒྱུད་ཀྱི་སྦྱོར་བ་ཤེས། །སྙིང་བརྩེར་ལྡན་ཞིང་བསྟན་བཅོས་མཁས། །དེ་ཉིད་བཅུ་ནི་ཡོངས་སུ་ཤེས། །དཀྱིལ་འཁོར་འདྲི་བའི་ལས་ལ་མཁས། །སྔགས་བཤད་པ་ཡི་
(༡༠༣)སྦྱོར་བ་ཤེས། །རབ་ཏུ་དང་ཞིང་དབང་པོ་དུལ། །ཞེས་པ་སྟེ། འདི་དག་ནི་འགྲེལ་ཆེན་དྲི་མེད་འོད་དུའང་དྲངས་སོ། །དེ་ལ་བརྟན་པ་ནི་ལུས་ཀྱི་ཉེས་སྤྱོད་བསྡམས་པ་དང་། དུལ་བ་ནི་ངག་གི་ཉེས་སྤྱོད་བསྡམས་པ་སྟེ། དེ་གཉིས་ནི་གོང་དུ་སྐུ་གསུང་གི་མཛད་སྤྱོད་ཡོངས་སུ་དག་ཚུལ་ཉུག་ཙམ་སྨོས་པས་བརྗོད། བློ་གྲོས་ལྡན་པ་ནི། སྐྱེས་སྦྱངས་ཀྱི་མཁྱེན་རབ་ཕུལ་དུ་བྱུང་ཚུལ་རྣམས་ཀྱིས་བཤད། །བཟོད་ལྡན་ནི་གཞན་གྱིས་ལོག་སྒྲུབ་བཟོད་ཅིང་ཟབ་མོའི་ལྟ་བ་རྙེད་ཚུལ་བསྟན། དྲང་བ་སྟེ་ལྷག་བསམ་བཟང་བ་ནི་བཀའ་བཙན་ཚུལ་བརྗོད་པའི་སྐབས་སུ་ཐུགས་དགོངས་དྲང་བར་བསྟན་པ་དེས་ཟིན། གཡོ་སྒྱུ་མེད་པ་ནི་གསང་བ་སྲུང་བ་ལ་ཐུགས་སྒམ་པར་བསྟན་པས་མཚོན་ཏེ། རང་གི་ཡོན་ཏན་རྣམ་པར་དག་པ་རྣམས་ཀྱང་གཏེར་བཞིན་དུ་མི་མངོན་པར་མཛད་ན། ཡོན་ཏན་མེད་བཞིན་དུ་ཡོད་རྫུ་དང་། སྐྱོན་ཡོད་པ་ཟོལ་གྱིས་སྒྲིབ་པའི་སྐབས་མེད་པའི་ཕྱིར་རོ། །གཡོ་སྒྱུ་རྙེད་བཀུར་ལ་ཆགས་པས་འདྲེན་པར་བཤད་པས་ཞེན་མེད་ཀྱི་ཀུན་སྤངས་ཆེན་པོར་བཞུགས་ཚུལ་རྣམས་ཀྱིས་ཀྱང་སྟོན་ནོ། །བློ་ལྡན་ནས་འདིའི་བར་ཡིད་བསྡམས་པ་ཡིན་ཞིང་། ལུས་ངག་ཡིད་གསུམ་བསྡམ་ཚུལ་གྱི་གཙོ་བོ་ནི་སྐབས་གསུམ་པར་རྡོ་རྗེ་ཐེག་པའི་དམ་ཚིག་ལ་གཅེས་ནོར་ལྟར་གཟིགས་པར་བསྟན་པ་དེ་ཡིན་ནོ། །འདི་ཡན་ཆད་གྱིས་རྟོགས་བརྗོད་རྣམས་སུ་སྒོ་
(༡༠༤)གསུམ་བསྡམས་པ་དེ་ཉིད་ལ་དབང་སྒྱུར་ཐོབ་ཚུལ་ཡང་བསྡུ་ཡོད་པས་འོག་ནས་འབྱུང་བའི་དབང་པོ་དུལ་བའང་ཚང་། སྔགས་དང་རྒྱུད་ཀྱི་སྦྱོར་བ་ཞེས་པའི་རྒྱུད་ཀྱི་སྦྱོར་བ་ནི་སྨན་སྦྱོར་གྱི་བྱ་བ་ལ་གསུངས་ཏེ། སྔགས་དང་རྫས་ཀྱི་སྒོ་ནས་བགེགས་ཟློག་པ་སོགས་ཤེས་པའོ། །དེ་ནི་འཆད་འགྱུར་གྱི་དེ་ཉིད་བཅུ་སྟོན་བྱེད་དང་ཚིག་གི་རིམ་པ་གཅིག་གོ །སྙིང་བརྩེར་ལྡན་པ་ནི་གོང་སྨོས་བརྩེ་བའི་བདག་ཉིད་དང་གཉིས་ལ། ཐེག་ཆེན་གྱི་བླ་མ་སྤྱིའི་མཚན་ཉིད་དང་། བྱེ་བྲག་ཏུ་རྡོ་རྗེ་སློབ་དཔོན་གྱི་མཚན་ཉིད་དུ་འགྲོ་བའི་ཆ་ཐ་དད་པ་མ་གཏོགས། ངོ་བོའི་བྱེད་པར་གཞན་མེད་པས་འཆད་བྱེད་ཀྱི་ཟུར་དུ་མ་བཀོད། བསྟན་བཅོས་ལ་མཁས་པ་ནི་བཅུ་ཕྲག་རིག་པའི་གཞུང་ལུགས་ལ་ནང་བྱན་ཆུད་ཚུལ་བཤད་པས་ཟིན། དེ་ཉིད་བཅུ་ཤེས་ཞེས་པའི་དེ་ཉིད་བཅུ་ལ་རྒྱུད་སྡེ་འོག་མའི་རྡོ་རྗེ་སློབ་དཔོན་གྱིས་མཁས་པར་བྱ་དགོས་པ་དང་། བླ་མེད་རྒྱུད་ཀྱི་སློབ་དཔོན་གྱིས་བྱེ་བྲག་ཏུ་སློབ་དགོས་པའི་དེ་ཉིད་བཅུ་ཚན་གཉིས་ལས། དང་པོ། དཀྱིལ་འཁོར། ཏིང་འཛིན། ཕྱག་རྒྱ། སྟངས་སྟབས། འདུག་སྟངས། བཟླས་བརྗོད། སྦྱིན་སྲེག །མཆོད་པ། ལས་སྦྱོར། གཤེགས་གསོལ་ཏེ་བཅུ་དང་། ཕྱི་མ་བསྒོམ་པ་དང་བྲིས་པའི་སྲུང་འཁོར་གྱིས་བགེགས་ཟློག་པ། གསང་ཤེར་གཉིས་ཀྱིས་མཚོན་པའི་དབང་བཞི། དགྲ་ཁ་སྦྱོར་དབྱེ་བ། གཏོར་མ། རྡོར་བཟླས་མཚོན་བྱེད་དུ་བྱས་པའི་བཟླས་པ་སྒོ་མང་པོ། ལྷ་ལ་དྲག་ཤུལ་སྒྲུབ་པ།
(༡༠༥)རབ་གནས། དཀྱིལ་འཁོར་སྒྲུབ་པ་སྟེ་བཅུ། དེ་ཐམས་ཅད་ལ་མཁས་པ་ནི་རྒྱུད། སྒྲུབ་ཐབས། ལེ་ལག་མན་ངག །ལག་ལེན་དང་བཅས་པ་ཕྱོགས་ལྷུང་མེད་པར་མཁྱེན་རབ་གཟོ་ཚུལ་གྱིས་བསྙད། ཚིག་གི་རིམ་པ་དེ་ཉིད་ཀྱིས་དཀྱིལ་འཁོར་འདྲི་བའི་ལས་ལ་མཁས་པ་ཡང་བསྟན། སྔགས་བཤད་པའི་སྦྱོར་བ་ཤེས་པ་སྟེ་གསང་སྔགས་འཆད་མཁས་པ་ནི། དཔའ་བོ་མཁའ་འགྲོའི་གསང་མཛོད་ལ་དབང་བསྒྱུར་བའི་སྟོབས་ཀྱིས་གསང་སྔགས་སྨྲ་བའི་ཁྱུ་མཆོག་ཏུ་གྱུར་ཚུལ་ཕྱི་མས་དངོས་སུ་ཟིན། རབ་ཏུ་དང་བསྟེ་ཐེག་ཆེན་ཐུན་མོང་མ་ཡིན་པའི་ཚུལ་རྣམས་ལ་དད་པ་མི་ཕྱེད་པ་ནི། ཆོས་ཚུལ་དེ་དག་ལ་བརྩོན་པ་དྲག་པོས་བྱ་བ་མཛད་ཚུལ་རྣམས་ཀྱིས་འཕེན་ཏེ། བརྩོན་འགྲུས་དད་པའི་རྩ་བ་ཅན་ཡིན་པར་ཤིང་རྟ་ཆེན་པོས་གསུངས་པའི་ཕྱིར་རོ། །གཞུང་དེ་དང་དུས་འཁོར་བསྡུས་རྒྱུད་སོགས་ཀྱི་བླ་མར་མི་རུང་བའི་མཚན་ཉིད་སྟོན་པའི་སྐབས་ལས་བཟློག་པའི་དོན་ལ་ཡོ་བྱད་ལ་སེར་སྣའི་ཀུན་འཛིན་བྲལ་བའང་ཡོད་པས། དེ་ནི་ནོར་གང་བྱུང་ཚོགས་བསགས་སུ་བཏང་བའི་ཚུལ་དང་སྦྱར་རོ། །གཞན་ཡང་རྡོ་རྗེ་གུར་ལས། ཉན་ཐོས་སྤྱོད་པ་སྐྱོང་བྱེད་ཅིང་། །སྔགས་ཀྱི་ཐེག་པའི་རིམ་པར་གུས། །གཟུགས་ལྡན་མཐོང་ན་དགའ་བ་དང་། དཀྱིལ་འཁོར་འདྲི་མཁས་བཟླས་པར་ལྡན། །ཞེས་གསུངས་པའི་དང་པོ་ནི་སྤྱོད་པ་དམ་པའི་ཆོས་འདུལ་བ་དང་བསྟུན་ཚུལ་བཤད་པ་དེས་བསྟན། དུས་ཀྱི་
(༡༠༦)འཁོར་ལོར་བཤད་མ་ཐག་པའི་མཚན་ཉིད་དང་ལྡན་པའི་སློབ་དཔོན་ལ་དགེ་སློང་། དགེ་ཚུལ། ཁྱིམ་པ་སྟེ་གསུམ་ལས། དང་པོ་རབ། དེ་ནས་རིམ་བཞིན་འབྲིང་དང་ཐ་མར་གསུམ་པ་ལ་སྦྱར་ནའང་། མགོན་པོ་འདི་རྡོ་རྗེ་འཛིན་པ་རབ་ཏུ་འགྱུར་ཏེ་དེའི་ཚིག་འཛིན་ཤིན་ཏུ་སླ། སྔགས་ཀྱི་ཐེག་པའི་རིམ་པར་གུས་པ་ནི་རབ་ཏུ་དང་བའི་ཐད་དུ་འདུ། གཟུགས་ལྡན་མཐོང་ན་དགའ་བ་ནི་སྐུའི་གཟི་བྱིན་ཐུན་མོང་མ་ཡིན་པར་བརྗོད་པས་བསྟན། དཀྱིལ་འཁོར་འདྲི་མཁས་ཀྱི་དོན་གོང་དུ་བསྡུས་ཟིན། བཟླས་པར་ལྡན་ཚུལ་ལྷག་པའི་ལྷ་མང་པོའི་བསྙེན་པ་མཛད་ཚུལ་གྱིས་བསྟན། དེའང་རབ་འཁོར་ལོ་ཅན་གྱིས་གནང་བ་དང་། མིན་ཡང་དེས་མ་བཀག་པའི་སྒོ་ནས་དཀྱིལ་འཁོར་ཆེན་པོའི་སློབ་དཔོན་དུ་བྱེད་པར་གསུངས་པའི་ནང་ཚན་སྔ་མ་ཟུང་འཇུག་གྲུབ་པ་རྣམས་ཀྱིས་རྗེས་སུ་བཟུང་ལུགས་ཁྱད་པར་ཅན་བསྟན་པས་བསྙད། བདུད་རྩི་འཁྱིལ་བ་འཆི་མེད་ཚེའི་རྒྱུད་ལས། དངོས་གྲུབ་ཀྱིས་གཞན་ལ་ཕན་འདོགས་པའི་སློབ་དཔོན་ལ་མཐུ་བྱིན་ཆེ་ཞིང་དམ་ཅན་ཉེ་བ་སོགས་དགོས་པར་གསུངས་པའང་དངོས་ཟིན་དུ་ཐོབ་པས་མཚོན། དུས་ཀྱི་འཁོར་ལོ་དང་རྫོགས་ཆེན་གྱི་རྒྱུད་སོགས་དུ་མ་དང་སྦྱར་དུ་ཡོད་མོད་ཀྱི། མང་བས་འཇིགས་ནས་མ་སྤྲོས་སོ། །དེ་ལྟ་བུའི་ཡོན་ཏན་རྣམས་རྫོགས་པར་ཚང་བ་མ་རྙེད་ན་ཡོན་ཏན་གྱི་ཕྱོགས་མང་པོ་ཙམ་ཡང་རྡོ་རྗེ་སློབ་དཔོན་དུ་བྱ་རུང་བར་དོན་དམ་བསྙེན་པ་ལས་གསུངས་ཤིང་། དེ་འདྲ་བ་ལ་བསྟེན་པའི་རྒྱུ་མཚན་དུ། རྩོད་ལྡན་དབང་གིས་བླ་མ་སྐྱོན་དང་ཡོན་ཏན་འདྲེས། །རྣམ་པ་ཀུན་ཏུ་སྡིག་པ་མེད་པ་ཡོང་མ་ཡིན། །ཞེས་མཚན་ཉིད་རྫོགས་པའི་བླ་མ་རྙེད་
(༡༠༧)དཀའ་བ་བཀོད་དོ། །དེ་བཞིན་དུ་ཐེག་ཆེན་སྤྱིའི་བླ་མ་ལའང་སྔར་བཤད་པའི་མཚན་ཉིད་ཐམས་ཅད་ཚང་བ་མ་རྙེད་ན། བྱ་རྒྱུད་དཔུང་བཟང་ལས་སྔགས་གཡོག་ལ་གསུངས་པའི་རིགས་པ་སྦྱར་ཏེ་མཚན་ཉིད་ཇི་སྐད་བཤད་པའི་བརྒྱད་ཆ་ཚང་བས་ཀྱང་རུང་བར་བཀའ་གདམས་པ་ཆེན་པོ་དག་གིས་གསུངས་ཏེ། དེ་ལྟར་ན་བདག་ཉིད་ཆེན་པོ་འདིའི་ཡོན་ཏན་གྱི་ཆ་ཕྲ་མོ་རེ་ཙམ་མངའ་བ་ལའང་ཐེག་མཆོག་དགེ་བའི་བཤེས་གཉེན་དང་། རྡོ་རྗེ་ཐེག་པའི་སློབ་དཔོན་གྱི་དོན་དང་ཐ་སྙད་གཉིས་ཀ་གནས་པ་ཡིན་ནོ། །ཚུལ་དེས་འདི་ལྟ་བུའི་རྒྱལ་བའི་གདུང་འཚོ་བ་ཡོན་ཏན་གྱི་ཕུང་པོ་རྣམས་ལ་ནི། བལྟ་བ་དང་། བསྙེན་བཀུར་བྱ་བ་དང་། གདམས་ངག་ལེན་པའི་སླད་དུ་གངྒཱའི་ཀླུང་གི་བྱེ་མ་སྙེད་ཀྱི་སངས་རྒྱས་ཀྱི་ཞིང་གི་བྱང་ཆུབ་སེམས་དཔའ་དང་། ཁྱད་པར་གསང་སྔགས་ཀྱི་སྒོ་ལ་སྤྱད་པ་སྤྱོད་པའི་རྒྱལ་སྲས་དཔའ་བོ་རྣམས་ཀྱང་དཀའ་བ་མཐའ་ཡས་པ་སྤྱད་དེ་སྐྱེས་བུའི་རྩལ་ཅི་ཡོད་ཀྱིས་འཇུག་པ་ནི། རང་གི་བླ་མ་ལ་ཕྱོགས་ཞེན་བྱས་པའི་གཏམ་མིན་གྱི། དེ་བཞིན་གཤེགས་པའི་གསུང་ཚད་མར་བགྱིས་ནས་ཅུང་ཟད་དཔྱད་པའོ། །ཚིག་ཚོགས་འདབ་མ་མི་རིང་ཡང་། །རྟོགས་བརྗོད་སྡོང་པོ་མཛེས་བྱེད་རྒྱན། །སྐལ་བཟང་རབ་དགའི་མེ་ཏོག་འདི། །སྨྲ་བའི་བྱིས་པ་བདག་གིས་བསྐྱེད། །བར་སྐབས་ཀྱི་ཚིགས་བཅད་དོ། །གཤེགས་ཀའི་
(༡༠༨)ཕྱོགས་ཀྱི་ལོ་སྔ་ཕྱིར་ཕྱག་འཇལ་བ་སྔར་ལས་ཀྱང་ཆེས་མང་བར་འདུས་པས་སྐུ་དངོས་ཀྱི་གདུལ་བྱ་རྫོགས་པར་མཛད། མེ་ཕག་ལོར་བདག་ཅག་གིས་ཞབས་པད་རིང་དུ་བརྟན་པར་གསོལ་བ་བཏབ་སྐབས། ཁོ་བོ་སྐྱེ་འཆི་ལ་རང་དབང་ཡོད་ཟེར་རྒྱུ་དཀའ་ཡང་། བསྟན་འགྲོ་དོན་ཆེན་འགྲུབ་པའི་སྒོར་འགྱུར་ངེས་སུ་མཐོང་ན་ལོ་བརྒྱར་ཡང་སྡོད་མི་ཆོག་རྒྱུ་ཆེར་མེད། ཅེས་གསུངས་ནའང་། དེ་ལྟ་བུའི་ལེགས་ཚོགས་བྱང་ཕྱོགས་པའི་སྐལ་བར་མ་ཤོངས་པས། རབ་ཚེས་ཆུ་འབྲུག་གི་གནམ་ལོ་གསར་དུ་འཆར་སྐོར་ཅིག་ལ། ཨ་ཙ་རའི་ཆས་ཅན་གཉིས་བྱུང་སྟེ། ངེད་གཉིས་རྒྱ་གར་ནས་འོངས། ད་ལྟ་རྡོ་རྗེ་གདན་ན་དགེ་འདུན་གྱི་སྡེ་དང་། འཆད་ཉན། མཆོད་པ་སོགས་ཀྱི་སྲོལ་རྣམ་དག་ཡོད་ཀྱང་། མཁན་པོ་མེད་ནས་རྗེ་ཉིད་མཁན་པོར་གདན་འདྲེན་དུ་བཏང་བ་ཡིན་ཟེར་བའི་རྨི་ལམ་ཅིག་བྱུང་ཅི་ཞིག་ཡིན་ཨང་། དེ་སུ་ལ་མ་ཟེར་ཞེས་པ་དང་། བདེ་བ་ཅན་ན་དེ་བཞིན་གཤེགས་པ་འོད་དཔག་མེད་དགེ་སློང་གི་དགེ་འདུན་རྒྱ་མཚོའི་ནང་ན་བཞུགས་པའི་སྣང་བ་འབའ་ཞིག་འཆར་བར་འདུག །ཅིས་ཡིན་མི་ཤེས་ཞེས་ཉེ་གནས་ལ་གསུངས། རྣམ་རྒྱལ་ཆོ་འཕྲུལ་ཟླ་བའི་ཉེར་ལྔ་ལ་དུས་མཆོད་རྒྱས་པ་མཛད། སྐུ་འཁྲིས་ཀྱི་དཔེ་ཉོ་བ་སོགས་དག་པར་བསྡུས་ནས། མཆོད་དཔོན་བླ་མ་ལ་དེ་རིང་ནས་བརྩམས་ཏེ་ཁྱོད་ཀྱི་དཀའ་ལས་ཅིའང་མི་དགོས་གསུངས། དེའི་ཕྱི་ཉིན་ནས་སྐུ་ཁམས་ཅུང་ཟད་རྙོག་པའི་ཚུལ་བསྟན། དྲུང་འཁོར་རྣམས་ཀྱིས་སྐུ་རིམ་སྒྲུབ་དགོས་ཚུལ་ཞུས་
(༡༠༩)པས། ཅི་ཡང་མི་དགོས། ཟླ་བ་རྗེས་མའི་ཉི་ཤུ་སྐོར་ལ་དྭངས་འགྲོ་གསུངས། ནན་གྱིས་ཞུས་པས། ད་འོ་ན་ངས་ཚེ་རིལ་པོར་དབང་ཆོས་ཧ་ཅང་བཤད་ཆེས་ཤིང་། དམ་ཚིག་ལ་སོ་ནམ་བྱེད་མཁན་ཉུང་བར་འདུག་པས་ནད་འདི་བྱུང་བ་ཡིན། རྡོ་རྗེ་སེམས་དཔའི་ཡིག་བརྒྱ་ཅི་འགྲུབ་རེ་བསྒྲུབ་ན་ལེགས་པ་ཡོད། ངེད་ཀྱི་རིང་ལ་གཏོར་བཅའ་མ་མྱོང་བས་དེ་རིགས་ཀྱིས་ནི་དགོས་པ་མི་མཆི་གསུངས། སྨོན་ལམ་གྱི་བྱིན་གྱིས་བརླབས་པའི་སྤྲུལ་པ་ལྔ་འབྱུང་ཞིང་། དེ་ལས་བཞིས་གསུང་སྔགས་སྔ་འགྱུར། ས་སྐྱ། དགེ་ལུགས། བཀའ་རྒྱུད་པ་རྣམས་ཀྱི་རིང་ལུགས་སོ་སོར་བཟུང་སྟེ་བསྟན་པ་ལ་བྱ་བ་བྱེད་ཅིང་། གཅིག་བོན་ལུགས་པ་རྣམས་ལ་མངོན་མཐོའི་འཇུགས་ངོགས་སྟོན་པའི་སླད་དུ་གཡུང་དྲུང་གི་ལུགས་འཛིན་པར་སྔ་གོང་ནས་ལུང་བསྟན། ཉིན་གཅིག་འོ་མ་གསོལ་ཞལ་གང་བཞེས་པ་ལ་སྐྱེམས་ཀྱི་ཕྱི་མར་མཛད། དེ་ནས་དབོ་ཟླ་བའི་དམར་ཕྱོགས་ཀྱི་དགའ་བ་གཉིས་པའི་ནང་སྔ་ཕྱག་བསིལ་ནས། ད་ལས་ཀ་ཚར་བར་འདུག་བཅའ་ལག་ཕར་ཁྱེར་གསུང་། མེ་ཏོག་འཐོར་བ་དང་སྦྲགས་ནས་ཤིས་བརྗོད་ཀྱི་བདེན་ཚིག་མང་གསུང་གི་ཐ་མར་སྩལ། དེར་ཉིས་དྲོས་ཀྱི་ཆ་ཙམ་ན་བི་མའི་ཐུགས་ཏིག་གི་ལུང་བསྟན་ལྟར་ཡེ་ཤེས་ཀྱི་སྐུ་ཕུང་པོ་རགས་པའི་ཟ་མ་ཏོག་སྤངས་ཏེ་འཇམ་དབྱངས་སྤྲུལ་པའི་ཕོ་བྲང་དཔལ་རི་བོ་རྩེ་ལྔའི་གཞལ་མེད་ཁང་ལ་སོགས་པར་ཆུ་ནང་གི་ཟླ་བ་ལྟ་
(༡༡༠)བུའི་གར་གྱིས་གཤེགས། དེ་དང་མི་རིང་པའི་སྔ་ལོགས་ས་གཡོ་འཇམ་པོ་དང་། གཤེགས་རྗེས་སུ་ཞལ་གྱི་དཀྱིལ་འཁོར་ཟླ་བ་ལྟར་དག་པ་དང་། སྐུ་ཤིང་བལ་ལྟར་ཡང་བ་སོགས་བྱུང་། དེར་ཁྱབ་བདག་རྡོ་རྗེ་འཆང་བློ་གྲོས་མཐའ་ཡས་ཞབས་དང་། ཐར་རྩེ་མཁན་ཆེན་རིན་པོ་ཆེ་གཉིས་ཀྱིས་བླ་མ་མཆོད་པ་ཐུགས་རྒྱུད་སྐུལ་བའི་གསོལ་འདེབས་དང་བཅས་པ་རྒྱ་ཆེར་བསྒྲུབས། ཟླ་བ་དེའི་རྫོགས་པ་ཕྱི་མར་སྐུ་གདུང་རིན་པོ་ཆེ་ཙནྡ་ན་དང་དང་ཨ་ཀ་རུ་སོགས་བཟང་ཤིང་འབའ་ཞིག་གི་ཞུགས་ལ་སྤྱན་དྲངས་པས་མེ་ཏོག་དཀར་པོའི་ཆར་པ་ཡང་ཤིན་ཏུ་འཐུག་པར་བབས། སྐྱེ་དགུའི་ཉིན་བྱེད་ནུབ་པའི་བྱུང་བ་འདི། །ཡིད་ལ་གདུང་བསྐྱེད་པས་སྨྲར་མི་སེམས། །དེ་ལྟའང་ཞི་བར་གཟིམས་པའི་གཏམ་གྱིས་ཀྱང་། །སངས་རྒྱས་ཕྲིན་ལས་བྱེད་སྙམས་ཆ་ཙམ་བསྙད། །བར་སྐབས་ཀྱི་ཚིགས་སུ་བཅད་པའོ། །དེ་ནས་རྗེ་རང་གི་སྐུའི་དབོན་པོ་གཙུག་ལག་གཉིས་ལ་རྣམ་དཔྱོད་ཆེ་ཞིང་ལྷག་བསམ་རླབས་པོ་ཆེའི་མཐུ་ཅན་སྐལ་བཟང་རྡོ་རྗེ་ཞེས་རྗེ་ཉིད་ཆོས་དབང་རིན་པོ་ཆེར་གྱུར་དུས། ལྷོ་བྲག་ན་རྡོ་རྗེ་སྒྲོན་མ་ཟེར་བའི་སྦྱིན་བདག་མོ་ཞིག་ཡོད་པ་དེའི་སྐྱེ་བར་ལུང་བསྟན་པ་དེ་དང་། དུལ་ཞིང་བརྟན་ལ་བློ་ཆེ་བ་སོགས་དམ་པའི་ཡོན་ཏན་གྱིས་བརྒྱན་པ། ཁྱད་པར་དུའང་བླ་མ་སངས་རྒྱས་ལྟར་བསྙེན་བཀུར་བའི་མཐུ་ལས་རྒྱལ་བའི་ལུང་རྟོགས་ཀྱི་སྒོ་དུ་མ་ལ་ཞུགས་པ་ཉེ་གནས་ཆེན་པོ་འཇམ་དབྱངས་ལེགས་པའི་བློ་གྲོས་དང་
(༡༡༡)མ་ཏི་རིན་པོ་ཆེ་རྣམ་གཉིས་ལ་སོགས་པས་དབུས་གཙང་ཁམས་གསུམ་དུ་མཆོད་འབུལ། མང་བསྐོལ། འགྱེད་གཏོང་རིགས་བགྲང་བར་དཀའ་བ་དང་། རྟེན་བཞེངས་ཀྱི་བགྱི་བ་རྒྱ་ཆེན་པོས་དགོངས་པ་རྫོགས་པའི་ཐབས་ཚུལ་གསོལ་སྨོན་དང་བཅས་པ་བསྒྲུབས་པ་སྟེ། འདི་དག་གི་དྲིན་ལས་ཀུན་མཁྱེན་བླ་མའི་སྐུ་གདུང་དེ་བཞིན་གཤེགས་པའི་རྡུལ་ཕྲ་རབ་ཀྱི་རང་བཞིན་ཅན་ཕྱི་མཐའི་བར་དུ་ལྷ་དང་མི་རྣམས་ཀྱི་བསོད་ནམས་ཀྱི་ཞིང་དུ་མངོན་པར་སྣང་བས། སྐྱེས་བུ་ཆེན་པོའི་ཟླ་བ་ཆོས་དབྱིངས་སུ་མནལ་ཡང་། གྲོལ་བ་བཞི་ལྡན་གྱི་ཕྲིན་ལས་བདུད་རྩི་དཀར་པོའི་དགའ་བ་ནི་ད་དུང་ཡང་ཉམས་པ་མེད་པར་གྱུར་ཏོ། །དེ་དག་ནི་མདོར་བསྡུས་པ་ཙམ་སྟེ། རྒྱ་ཆེར་ཁྱབ་བདག་བླ་མ་བློ་གྲོས་མཐས་ཡས་ཀྱི་གསུང་རབ་ལས་ཤེས་པར་བྱའོ། །སླར་སྨྲས་པ། མང་ཐོས་ཆུ་གཏེར་བཞི་ཡི་མཚམས་ལས་བརྒལ། །མི་མཉམ་ཡོན་ཏན་རིན་ཆེན་རྡུལ་མང་བརྩེགས། །གཞན་ཕན་རང་འོད་མཁའ་དང་སྙོམས་འཇུག་པ། །རྒྱལ་བསྟན་མཐོ་རིས་འདེགས་པ་གཞན་ཡོད་མིན། །བོད་ཆེན་འཛིན་མའི་ཉུང་འབྲུར་སྲིད་ཞིའི་ཁྱོན། །དོགས་པོར་འགེངས་པའི་རྣམ་ཐར་སྟོང་གསུམ་གཟུགས། །གསལ་རྫོགས་དབང་འབྱོར་སྐྱེ་བའི་ཡ་མཚན་གཏམ། །ཐུན་མོང་མཐོང་བ་དང་སྦྱར་ཆ་ཙམ་བསྙད། །བསྔགས་པའི་གནས་འདི་དུས་མང་སྦྱང་བའི་བློ། །མཐའ་ཡས་རྩལ་མངའ་དེ་ཡིས་ལེགས་ཕྱེ་
(༡༡༢)མོད། །བརྒྱ་བྱིན་རོལ་པ་ཡོངས་འདུའི་མེ་ཏོག་ནང་། རྩེ་བའི་སྐལ་བཟང་བུང་བ་སུ་ཞིག་འགོག །ཀྭ་ཡེ་གྲོགས་དག་མཁྱེན་རབ་ཉིན་བྱེད་ནི། སྨོན་ལམ་དྲོ་བ་སྙིང་རྗེའི་འོད་རྣོན་དང་། །ལྷན་ཅིག་འགྱེད་འདིས་ཁྱེད་བློ་སྨིན་འགྱུར་གྱིས། །ངོ་མཚར་རྟོགས་བརྗོད་རི་བོའི་ཟོམ་འདི་བསྟེན། །བསོད་ནམས་འདི་ཡིས་མཐའ་ཀླས་འགྲོ་བ་ཀུན། །ལམ་སྟོན་ཕྱི་དང་ཐབས་ཤེས་ནང་གི་ནི། །ཡོངས་སུ་འཛིན་པས་སྲིད་ཞིའི་མཐའ་བཀག་སྟེ། །སྐུ་བཞིའི་རྒྱལ་སྲིད་མཆོག་ལ་སྤྱོད་གྱུར་ཅིག །བྷོ་ཊའི་ཡུལ་གྱི་སློབ་དཔོན་ཆེན་པོ་མཉྫུ་ཤྲཱི་དྷརྨ་མི་ཏྲའི་རྟོགས་པ་མདོ་ཙམ་དུ་བརྗོད་པ་འཇིག་རྟེན་ཀུན་ཏུ་དགའ་བའི་གཏེར་ཞེས་བྱ་བ་འདི་ནི། རྗེ་བཙུན་བླ་མ་དེ་ཉིད་ཀྱི་ཉེ་གནས་ཆེན་པོ་འཇམ་དབྱངས་ལེགས་པའི་བློ་གྲོས་པས། བླ་མའི་རྣམ་ཐར་མདོ་རྒྱུད་ནས་གསུངས་པའི་སློབ་དཔོན་གྱི་མཚན་ཉིད་རྣམས་དང་སྦྱར་བ་ཞིག་བྲིས་ཞེས་བཀྲ་ཤིས་པའི་དར་དཀར་སྲིད་དུ་རིང་བ་དང་བྲི་གཞི་སྩལ་བ་བཅས་བསྐུལ་མ་མཛད་ཅིང་། རང་གི་མོས་གུས་ཀྱི་གསོས་སུ་དམིགས་ཏེ། སླར་ལ་བསྐུལ་ཞུ་ཕུལ་བ་ལྟར་གནང་བའི་ཟིན་བྲིས་ཀྱི་ཡི་གེ་ཐོར་བུ་དང་། ལྔ་རིག་སྨྲ་བའི་དབང་པོ་ཀརྨ་ཚེ་དཔལ་བས་ཀྱང་ཟིན་ཐོ་གནང་བ་དག་ལ་བརྟེན་ཅིང་། ཁྱད་པར་བཻ་རོ་དངོས་བྱོན་བཀའ་གཏེར་བསྟན་པའི་ཤིང་རྟ་བླ་མ་རྗེ་བཙུན་བློ་གྲོས་མཐའ་ཡས་ཀྱི་ཞལ་སྔ་ནས་མཛད་པའི་རྟོགས་བརྗོད་རིན་པོ་ཆེ་ལ་གཞི་བྱས། དེར་ཕྱི་ནང་གསང་བའི་རྣམ་ཐར་ཁུག་པའི་ཚུལ་
(༡༡༣)དུ་གསུངས་པ་རྣམས་འཁོར་ལོ་གསུམ་གྱི་རྟོགས་བརྗོད་ཀྱི་དཀྱུས་སུ་བསྐྱར། ཚིག་རྒྱས་པ་རྣམས་ཅུང་ཟད་བསྡུས། དེར་མི་གསལ་བ་འགའ་ཞིག་ཁ་བསྐངས་ཏེ། རྒྱས་བསྡུས་འབྲིང་པོའི་ཚུལ་དུ། མགོན་པོ་དེ་ཉིད་ཀྱི་ཞབས་རྡུལ་རིན་པོ་ཆེའི་ཕྲེང་བ་གཙུག་གི་རྒྱན་དུ་ཐོབ་པ། མདོ་སྨད་ཀྱི་སྤྲང་པོ་འཇིགས་མེད་བསྟན་པའི་ཉི་མ་ཕྲིན་ལས་ཀུན་ཏུ་ཁྱབ་པའི་དཔལ་གྱིས་མྱོས་བྱེད་ཀྱི་ལོ་ས་ག་ཉ་བའི་དཀར་ཕྱོགས་དགའ་བ་དང་པོར། བརྫི་མེད་ཆོས་ལུང་བསམ་གཏན་དགའ་འཁྱིལ་གྱི་རི་རྩེར་ཉིས་བྲིས་མ་བྱས་པར་གང་དྲན་ཅི་ཐོན་ཆུ་བབས་ཀྱི་རྩ་ཐོར་བཀོད་པ་འདིས་ཀྱང་འགྲོ་ཀུན་ཟུང་འཇུག་བླ་ན་མེད་པའི་རྒྱལ་ཐབས་ལ་རེག་པར་གྱུར་ཅིག །མངྒ་ལཾ།། །།འདི་ནི་དང་པོའི་འཆར་གཞི་ཙམ་བཀོད་པ་ལས་ཕྱིས་ཉིས་བྲིས་མ་ཐུབ་པར་སོར་གནས་སྟེང་མགོ་མཇུག་གི་ཚིགས་བཅད་ཙམ་བསྣན་ནས་སྦྱར་བྱང་བརྒྱབ་པ་ཡིན་པས་བློ་གསལ་མཁས་པས་གཟིགས་ཉན་ཆེར་མེད་ཀྱང་རྐྱེན་འགས་བསྐུལ་ནས་སྤར་དུ་བརྐོས་པ་དགེ། །
(༡༡༤)