གསལ་རྒྱན་གྱི་དངོས་ཟིན།
གསལ་རྒྱན་གྱི་དངོས་ཟིན་རྣམས་བཀོད་ན། ཕ་མ་སོགས་མི་གུས་པ། དེ་དག་གི་ངག་བཅག་པ། གཞན་ལ་བསམ་ངན་འཆང་བ། ཡོན་གནས་རྣམས་ལས་ཕྱག་དང་བསྙེན་བཀུར་བླངས་པ། དད་རྫས་ལ་སྤྱད་པ། ཕ་རོལ་གྱི་སྡིག་པའི་སྤྱོད་པ་ལ་ཡི་རང་བྱས་པ། དེ་དག་གི་དགེ་བའི་ཆོས་ཀྱི་བར་ཆད་བྱས་པ། གཞན་གྱི་དགེ་བ་བྱས་པ་ལ་མ་རང་བ། བྱམས་ལ་སྙིང་རིང་བྱས་པ། བྱས་པ་མི་གཟོ་བ། རྫུན་སྨྲ་ནས་བདེན་པའི་རྒྱལ་མཚན་མེད་པར་བྱས་པ། ཕྲ་མ་སོགས་ངག་གི་ལྷག་མ་གསུམ། ཕ་རོལ་གྱི་གྲགས་པ་མ་ཡིན་པ་གསལ་བར་བྱེད་པའམ་བླ་བཙག་མ་བསླབས་གསར་བུའི་རྒྱལ་སྲས་ལ་བརྙས་པ། སུ་ལའང་ཁྱད་གསོད་བྱེད་པ། ཆོས་དང་ཆོས་སྨྲ་བ་ལ་བརྟེན་པའི་སྡིག་པ་སྐོར། ཟང་ཟིང་གནས་ཡོ་སོགས་ལ་སེར་སྣ་བྱེད་པ། གཞན་མི་དང་དུད་འགྲོ་ལ་སོགས་པའི་གནས་ཡོ་ཕྲོགས་པ། ཆོས་ལ་དཔེ་མཁྱུད་བྱེད་པ། སུ་ལ་ཅིས་ཀྱང་རུང་སྟེ་གཡོ་སྒྱུ་བྱེད་པ། རང་གི་ཉེས་པ་གཞན་ལ་སྒྱུར་བ། ཁོང་ཁྲོ་དང་འཁོན་འཛིན། ཕྲག་དོག་གཞན་གྱི་དྲན་པ་དང་ཤེས་རབ་འཁྲུགས་སུ་བཅུག་སྟེ་གནོད་པ་བྱེད་པ། སྒྱུ་མའི་དྲྭ་བ་དང་སེམས་སྐོར་སོགས་ཁོང་དུ་ཆུད་ཀྱི་ཕྲིན་ལས་རྒྱས་པའི་གེགས་བྱས་པ། གཞན་ལ་འཇིགས་སྐྲག་དང་སྤ་འགོང་
བའི་སྡུག་བསྔལ་བསྐྱེད་པ། མིའམ་དུད་འགྲོ་སོགས་གཞན་དག་གནས་གྲོགས་འཁོར་ཡོ་སོགས་སྡུག་པ་དང་ཕྲལ་བ། གཞན་གྱི་རེ་ཐག་བཅད་ཅིང་འདོད་དོན་ལ་བར་ཆད་བྱས་རིགས་ངན་གཟུགས་ངན་སོགས་རྒས་པ་ནད་པ། ལ་བརྙས་པ་དང་འཕྱ་བ། ཕ་མ་བླ་མ་ཁྲིམས་ལྡན་སོགས་བརྙས་ཤིང་འཕྱ་བ་དང་སྨོད་པ་སེམས་མི་བདེ་བ་བསྐྱེད་པ། གཞན་ལ་བརྡེག་འཚོག་ཕ་མ་དང་ཁྲིམས་ལྡན་དང་ཕོང་བ་དང་ནད་པ་སོགས་ཀྱི་འཚོ་བ་ཕྲོགས་པ། གཞན་གྱི་གནས་དང་ཡོ་བྱད་མ་རུངས་པར་བྱས་པ། དིག་ལྐུགས་གླེན་གསུམ་སོགས་འཕྱས་ཤིང་བརྙས་པ། ཆོས་ཐུན་ཧ་ཅང་རིང་བ་དང་གཞན་གྱིས་ཀློག་འདོན་ལ་ཚ་འཇུན་བྱས་པ་སོགས་ཀྱིས་སུན་དུས་ཆོས་ལ་འབྲལ་འདོད་སྐྱེས་ཉེན་ཆེ་བས་ཆོས་སྒྲིབ་ཆེ་བ་བཤགས་དགོས། སྐུ་གསུང་ཐུགས་རྟེན་མུན་རྡུལ་ཁྲོད་དུ་འོ་བརྒྱལ་བར་བྱས་ཤིང་དྲི་ང་སོགས་ཀྱིས་བཀུར་སྟི་མིན་གྱིས། ༈ །འཕྲུལ་ཆེན་སྤར་གྱི་ལྗོན་ཤིང་རྒྱས་པའི་རྩེར། །ལེགས་བཤད་མེ་ཏོག་འབྲས་མང་ཆགས་པ་འདི། །ཀུན་མཁྱེན་བསྟན་པའི་སྐྱེད་ཚལ་རྒྱན་གྱུར་ཏེ། །སྐལ་བཟང་སྐྱེ་བོའི་བྱ་ཚོགས་དགའ་བྱེད་ཤོག །ཤུ་བྷཾ་མསྟུ་སརྦ་ཛ་ག་ཏཾ། །