བླ་མ་མཆོད་པའི་ཆོ་ག་སྐལ་བ་བཟང་པོའི་འཇུག་ངོགས།
བླ་མ་མཆོད་པའི་ཆོ་ག་སྐལ་བ་བཟང་པོའི་འཇུག་ངོགས་ཞེས་བྱ་བ་བཞུགས།
ཨོཾ་ན་མོ་བཛྲ་དྷ་རཱ་ཡ། བླ་མ་རྡོ་རྗེ་སློབ་དཔོན་མཆོད་པའི་ཆོ་ག་སྐལ་བཟང་འཇུག་ངོགས་ཞེས་བྱ་བ། བླ་མ་དང་དབྱེར་མ་མཆིས་པ་འཇམ་པའི་དབྱངས་ཀྱིས་བྱིན་གྱིས་བརླབ་ཏུ་གསོལ། རབ་རྒྱས་ཨིནྡྲ་ནཱི་ལའི་ལྷུན་པོ་གང༌། །ཉིན་བྱེད་འབུམ་ཕྲག་བརྒྱ་ཡིས་འཁྱུད་པའི་དཔལ། །རྣམ་ཀུན་རིག་མར་ཁ་སྦྱོར་ཡེ་ཤེས་སྐུ། །བདེ་ཆེན་རོལ་པ་རྡོ་རྗེ་འཆང་ཆེན་ལ། །གུས་པས་ཕྱག་འཚལ་གུས་པས་མཆོད་པ་འབུལ། །དང་བའི་ཡིད་ཀྱིས་དང་བས་མཆོད་ཅིང་བསྟོད། །རབ་འབྱམས་མཆོད་སྤྲིན་རབ་འབྱམས་ཞིང་གི་ཚོགས། །ཡོངས་སུ་གང་བས་ཡོངས་སུ་མཆོད་པར་བགྱི། །རབ་མཛེས་མཆོག་ལྡན་བདེ་དཔལ་མཆོག་མཛེས་རབ། །ཕུལ་ཕྱིན་མཆོག་གི་མཆོག་གྱུར་ཕུལ་ཕྱིན་ཕུལ། །མཁྱེན་པས་ཤེས་བྱ་སྟོང་པའི་ཤེས་པས་མཁྱེན། །གུས་པས་འདུད་ཅིང་འདུད་ཅིང་འདུད་པས་གུས། །ཡེ་ཤེས་ཤེས་བྱའི་དཀྱིལ་འཁོར་མཆོག་རྣམ་ཀུན། །རྣམ་ཀུན་ཀུན་ནས་མངོན་གྱུར་ཀུན་ཤེས་རབ། །ཤེས་རབ་རབ་མཆོག་དེ་ཉིད་དངོས་ཀུན་མཁྱེན། །ཀུན་མཁྱེན་མཁྱེན་བརྩེའི་གཏེར་ལ་རབ་བཏུད་དེ། །དངོས་གྲུབ་ཀུན་གྱི་འབྱུང་གནས་ནི། །བླ་མ་རྡོ་རྗེ་སློབ་དཔོན་ལ། །མཆོད་པའི་ཚུལ་ཞིག་འདིར་འབྲི་སྟེ། །རྣལ་འབྱོར་ཅན་རྣམས་
རངས་པར་གྱིས། །འདིར་ཧེ་རུ་ཀ་དཔལ་འཁོར་ལོ་སྡོམ་པའི་ཕྱི་རོལ་མཆོད་པ་ལས་བརྩམས་ཏེ། བླ་མ་དང་དཀྱིལ་འཁོར་གྱི་གཙོ་བོ་དབྱེར་མེད་པར་མཆོད་པའི་ཆོ་ག་ངག་འདོན་ལག་ཏུ་བླང་བ་ནི་འདི་ཡིན་ཏེ། སྔོན་འགྲོ་དངོས་གཞི་རྗེས་གསུམ་ལས། དང་པོ་ལ། སྡོམ་ནི། རྡོར་དྲིལ་བྱིན་རླབས་སྔོན་འགྲོ་གཏོར་མ་དང༌། །བྱིན་དབབ་ཞུ་འབུལ་སྐྱབས་སེམས་རྡོར་སེམས་བསྒོམ། ནང་མཆོད་བྱིན་གྱིས་བརླབ་དང་བདག་བསྐྱེད་བསྒོམ། །དང་པོ་ནི། ཐལ་མོ་སྦྱར། ཨོཾ་ཨ་ཨཱ་ཨི་ཨཱི་ཨུ་ཨཱུ་རྀ་རཱྀ་ལྀ་ལཱྀ་ཨེ་ཨཻ་ཨོ་ཨཽ་ཨཾ་ཨཿ ཀ་ཁ་ག་གྷ་ང༌། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ་ཤ་ཥ་ས་ཧ་ཀྵ་ཧཱུཾ་ཧཱུཾ་ཕཊ་སྭཱ་ཧཱ། ལག་མཐིལ་གཡས་སུ་ཉི་མ། གཡོན་དུ་ཟླ་བ། རྣམ་ལྔ་འདོད་སྐོར་བྱས་ལ། རྡོ་རྗེ་འདི་ཉིད་རྡོ་རྗེ་སེམས་དཔའ། དྲིལ་བུ་འདི་ཉིད་རྡོ་རྗེ་སྙེམས་མའི་ངོ་བོ་གཉིས་ཀའང་སྟོང་པ་དང་སྙིང་རྗེ་དབྱེར་མེད་པའི་བྱང་ཆུབ་ཀྱི་སེམས། ཨོཾ་སརྦ་ཏ་ཐཱ་ག་ཏ་སིདྡྷི་བཛྲ་ས་མ་ཡ་ཏིཥྛ་ཨེ་ཥ་ཏྭཾ་དྷ་ར་ཡ་མི་བཛྲ་རྡོ་རྗེ་མཐེ་བོང་དང་མིང་མེད་ཀྱིས་བཟུང་སཏྭ་ཧཱཾཿཧི་ཧི་ཧི་ཧི་ཧཱུཾ་ཕཊ་སྭཱཧཱ། ཨོཾ་[དྲིལ་བུ་སྙེམས་པ་དང་བཅས་པས་སྟ་ཟུར་གཡོན་དུ་བཟུང༌།]བཛྲ་
གྷནྜེ་ཧཱུཾ། རྡོ་རྗེ་སེམས་དཔའ་ལ་སོགས་པ་མཉེས་པར་བྱའོ། །ཧཱུཾ་སེམས་ཅན་རྨོངས་པ་ལས་སྒྲོལ་བ། །རྣམ་ཐར་ཆོས་ཀྱི་བྱ་བའི་ཕྱིར། །རྡོ་རྗེ་གསོར་པ་མཛེས་པས་ཏེ། སྤྲོ་དང་བཅས་པས་དྲིལ་བུ་བཟུང༌། །ཧཱུཾ་ཧཱུཾ་ཧཱུཾ། ཧོཿཧོཿཧོཿ ཨོཾ་བཛྲ་དྷརྨཱ་ར་ཎི་ཏ་པྲ་ར་ཎི་ཏ་སཾ་པྲ་ར་ཎི་ཏ་སརྦ་བུདྡྷ་ཀྵེ་ཏྲ་པྲ་ཙ་ལཱ་ནི་པྲཛྙ་པཱ་ར་མི་ཏ་ན་ད་སཾ་བྷཱ་ཝེ་བཛྲ་དྷརྨ་ཧྲི་ད་ཡ་ཎི་སནྟོ་ཥ་ཎི། ཧཱུཾ་ཧཱུཾ་ཧཱུཾ། ཧོཿཧོཿཧོཿ ཨཱ་ཁཾ་སྭཱཧཱ། གཉིས་པ་ནི། སྔོན་འགྲོ་གཏོར་མ་དང༌། གསུམ་པ་གནས་ཡོ་བྱིན་རླབས་ནི་སྤྱི་དང་མཐུན་པའོ། །བཞི་པ་ནི། མཎྜལ་བསྐྱེད་བསྡུ་དང་ཐལ་མོ་སྦྱར་ནས། སེམས་ཅན་དོན་དུ་སེམས་དགེ་བས། །རྣལ་འབྱོར་པ་ཡི་ཚོགས་རྣམས་ཀུན། །ཚུལ་བཞིན་ཆོ་གར་ལྡན་པ་ཡི། །རྣལ་འབྱོར་ལ་ནི་ཉེ་གནས་མཛོད། །གལ་ཏེ་ཆོ་གའི་སློབ་དཔོན་ཡོད་ན་ཞུ་བའི་མཎྜལ་འབུལ་ལོ། །ལྔ་པ་སྐྱབས་འགྲོ། དྲུག་པ་སེམས་བསྐྱེད། བདུན་པ་རྡོ་རྗེ་སེམས་དཔའི་བསྒོམ་བཟླས་རྣམས་ནི་བདེ་མཆོག་ཉིད་ཀྱི་ཆོག་རིམ་བཞིན་ནོ། །བརྒྱད་པ་ནི། ཨོཾ་སུམྦྷ། སོགས་ཀྱིས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་ཡཾ་ལས་རླུང་རཾ་ལས་མེ་ཀཾ་ལས་མི་མགོའི་སྒྱེད་པུ་གསུམ་ཨ་ལས་ཐོད་པ་དཀར་པོ་དུམ་བུ་གསུམ་པའི་ནང་དུ་ཧཱུཾ་བྷྲུཾ་ཨཾ་ཛྲིཾ་ཁཾ་ལས་ཤ་ལྔ། བཾ་མཾ་ཏཾ་པཾ་ལཾ་ལས་བདུད་རྩི་ལྔ། རླུང་གཡོས་མེ་སྦར་རྫས་བཅུ་ཞུ་ཞིང་བསྐོལ་བས་ཡེ་ཤེས་ཀྱི་བདུད་རྩི་ཁ་དོག་དྲི་རོ་ནུས་མཐུ་ཕུན་སུམ་ཚོགས་པར་གྱུར། ཨོཾ་ཨཱཿཧཱུཾ་ཧ་ཧོཿཧྲཱིཿཨོཾ་ཨཱཿཧཱུཾ། དགུ་པ་ནི། མངོན་རྟོགས་རྒྱས་པར་བསྒོམ་པར་བྱ་ལ། དེ་ཙམ་མི་ནུས་ན་བསྙེན་སྒྲུབ་བཞི་ཙམ་བསྒོམ། དེ་ཡང་མི་ནུས་ན་འདི་ལྟར།
ཤྲཱི་ཧེ་རུ་ཀོ྅་ཧཾ། ཤྲི་ཡིག་གཉིས་མེད་ཡེ་ཤེས་ཏེ། །ཧེ་ནི་རྒྱུ་སོགས་སྟོང་པ་ཉིད། །རུ་ནི་ཚོགས་དང་བྲལ་བ་སྟེ། །ཀ་ནི་གང་དུའང་མི་གནས་པའོ། །གསུམ། རང་བདེ་མཆོག་ཧེ་རུ་ཀ་ཕྱག་གཉིས་པ། ཨོཾ་ཨ་ཨཱཿཨི་ཨཱི སོགས་ལན་གསུམ། ལྟེ་བར་ཟླ་བ་ལ་ཨཱ་ལི་ཀཱ་ལི་ལན་གསུམ་དུ་གཡོན་དུ་བསྐོར་བ། དེ་ལས་འཁོར་ལོ་ལྔའི་ལྷ་ཚོགས་དཔག་ཏུ་མེད་པ་བ་སྤུའི་ཁུང་བུ་ནས་སྤྲོས། འགྲོ་བ་ཐམས་ཅད་རྣམ་པར་སྦྱངས། འཁོར་ལོ་ལྔའི་གོ་འཕང་ལ་བཀོད། བགེགས་ཐམས་ཅད་ཚར་བཅད། སླར་འདུས་ལྟེ་བ་ལ་ཐིམ། སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག་སོགས་ཚད་མེད་བཞི་བསྒོམ། སྭ་བྷཱ་ཝ་སོགས། ཨོཾ་ཤཱུ་ནྱ་ཏཱ་ཛྙ་ན་བཛྲ་སྭ་བྷ་ཝཱཏྨ་ཀོ྅་ཧཾ། ཨོཾ་ཨཱཿཧཱུཾ། སརྦ་བཱི་ར་ཡོ་གི་ནཱི་ཀཱ་ཡ་ཝཱཀྩི་ཏྟ་བཛྲ་སྭ་བྷཱ་ཝཱཏྨ་ཀོ྅་ཧཾ། གསུམ། ཨོཾ་བཛྲ་ཤུདྡྷ་སརྦ་དྷརྨ་བཛྲ་ཤུདྡྷོ྅་ཧཾ། རང་སྐད་ཅིག་གིས་བདེ་མཆོག་འཁོར་ལོ་སྐུ་མདོག་སྔོན་པོ་ཞལ་གཅིག་ཕྱག་གཉིས་རྡོ་རྗེ་དང་དྲིལ་བུ་འཛིན་པས་ཡུམ་ལ་འཁྱུད་པ། པད་ཉིའི་གདན་ལ་ཞབས་གཡས་བརྐྱང་བའི་སྟབས་ཀྱིས་འཇིགས་བྱེད་དང་དུས་མཚན་མ་མནན་པ། རལ་པའི་ཐོར་ཚུགས་དང༌། སྤྱི་བོའི་ནོར་བུ་དང༌། ཟླ་བ་ཕྱེད་པ་དང༌། སྣ་ཚོགས་རྡོ་རྗེ་དང༌། ཕྱག་རྒྱ་དྲུག་དང༌། སྟག་གི་པགས་པའི་ཤམ་ཐབས་གྲོལ་བ། གར་གྱི་ཉམས་དགུ་དང་ལྡན་པ། མི་བསྐྱོད་པས་དབུ་བརྒྱན་པ། ཡུམ་རྡོ་རྗེ་ཕག་མོ་དམར་མོ་རྡོ་རྗེ་དང་ཐོད་པ་འཛིན་པ། ཞབས་
གཡས་བསྐུམ་གཡོན་བརྐྱང་པས་ཡབ་ལ་འཁྱུད་པ། གཅེར་མོ་ཕྱག་རྒྱ་ལྔ་དང་ལྡན་མ། དབུ་སྐྲ་གྲོལ་བ། བསྐལ་པའི་མེ་ལྟ་བུའི་དབུས་ན་བཞུགས་པའོ། །ཕཻཾ། ཡེ་ཤེས་པ་དང་དམ་ཚིག་པ་གཉིས་སུ་མེད་པར་ཐིམ། ཛཿཧཱུཾ་བཾ་ཧོཿ ཨོཾ་ཡོ་ག་ཤུདྡྷ་སརྦ་དྷརྨ་ཡོ་ག་ཤུདྡྷོ྅ཧཾ། ཡི་གེ་བདུན་པའམ། ཉེར་གཉིས་པ་ཅི་རིགས་པར་བཟླའོ།། སྐབས་འདིར་རྗེས་གཞིག་གི་ཚུལ་བསྒོམས་ལ་ལྡང་ངོ༌། །གཉིས་པ་དངོས་གཞི་ལ། བསྲུང་འཁོར་མཎྜལ་ལྷར་སྐྱེད་དང༌། །ཐུགས་བསྐུལ་མཆོད་གཏོང་དབང་བསྐུར་བླང༌། བདུན་ལས། དང་པོ་ནི། ཨོཾ་སུམྦྷ་ནི་སུམྦྷ་ཧཱུཾ་ཧཱུཾ་ཕཊ། ཨོཾ་གྲྀཧྞ་གྲྀཧྞ་ཧཱུཾ་ཧཱུཾ་ཕཊ། ཨོཾ་གྲྀཧྞ་པཱ་ཡ་གྲྀཧྞ་པཱ་ཡ། ཧཱུཾ་ཧཱུཾ་ཕཊ། ཨོཾ་ཨཱ་ན་ཡ་ཧོ་བྷ་ག་བཱན་བཛྲ་ཧཱུཾ་ཧཱུཾ་ཕཊ། ཨོཾ་སྭ་བྷཱ་ཝ་སོགས། སྟོང་པའི་ངང་ལས་པཾ་ལས་པདྨ། རཾ་ལས་ཉི་མ། ཧཱུཾ་ལས་སྣ་ཚོགས་རྡོ་རྗེའི་ལྟེ་བ་ལ་ཧཱུཾ་གིས་མཚན་པ་ལས་སྔགས་ཀྱི་འོད་ཟེར་འཕྲོས། སུམྦྷ་ལན་གཉིས། ཚངས་པའི་འཇིག་རྟེན་ནས་གསེར་གྱི་ས་གཞིའི་བར་ཁྱབ་པའི་སྔགས་ཀྱི་གཟུགས་ལས། རྡོ་རྗེའི་ས་གཞི་རྭ་བ་གུར་བླ་བྲེ་མདའི་དྲ་བ། ཡེ་ཤེས་ཀྱི་མེ་དཔུང་འབར་བ་དང་བཅས་པ་གྲུབ་པར་གྱུར། ཨོཾ་མེ་དྷི་ནི་བཛྲི་བྷ་ཝ་བྷནྡྷ་ཧཱུཾ། གསུམ། ཨོཾ་བཛྲ་པྲ་ཀཱ་ར་ཧཱུཾ་བཾ་ཧཱུཾ། ཨོཾ་བཛྲ་པཉྩ་ར་ཧཱུཾ་པཾ་ཧཱུཾ། ཨོཾ་བཛྲ་ཝི་ཏ་ན་ཧཱུཾ་ཁཾ་ཧཱུཾ། ཨོཾ་བཛྲ་ས་ར་ཛ་ལ་ཏྲཾ་སཾ་ཏྲཾ། ཨོཾ་བཛྲ་ཛྭ་ལཱ་ན་ལཱརྐ་ཧཱུཾ་ཧཱུཾ་ཧཱུཾ། གཉིས་པ་ནི། མཎྜལ་དངོས་སུ་སྔར་བཤམས་གྲུབ་ན་འདིར་ཡིད་ཀྱིས་དམིགས་པ་དང་ཚིག་ཆ་རྣམས་བརྗོད། སྔར་མ་བཤམས་ན་འདི་ཉིད་དུ་དངོས་སུ་མཎྜལ་བྱའོ། །སྐད་ཅིག་གིས་རྩ་བའི་བླ་མ་མདུན་གྱི་
ནམ་མཁར་བཞུགས། ཨོཾ་བཛྲོ་ད་ཀེ་ཆུ་བྱིན་རླབས་ཧཱུཾ་སྭཱཧཱ། ཨོཾ་དུང་ཆོས་ལེན་ཧྲིཿསྭཱཧཱ། ཨོཾ་ཝཾ་ཁ་ཁྲུས་སྭཱཧཱ། ཇི་ལྟར་བལྟམས་པ་སོགས། ཨོཾ་སརྦ་ཏ་ཐཱ་ག་ཏཱ་བྷི་ཥེ་གདོང་བཀྲུའོ་ཀ་ཏ་ས་མ་ཡ་ཤྲི་ཡེ་ཧཱུྃ། །ཨོཾ་གནས་གསུམ་དུ་རེག་ཨཱཿཧཱུཾ། ཨོཾ་ཏིཥྛ་གདན་ལ་མེ་ཏོག་བཞགབཛྲ་ཨཱ་ས་ན་ཧཱུཾ། ཨོཾ་བཛྲ་པ་བ་ན་བ་ན་ཡ་སྭཱཧཱ། ཨོཾ་ཁཏྟ་རོ་ཧེ་མེ་ཏོག་རྣ་ལྟག་ཏུ་གཟེར་རཀྵ་མཾ། སརྦ་བིགྷན་བྷྱཿ ཨོཾ་བཛྲོ་ཆུ་བྱིན་བརླབས་ད་ཀེ་ཧཱུཾ་སྭཱཧཱ། ཨོཾ་པུཥྤེ། ཀེ་ཏུ་རཱ་ཛ་ཡ་ཏ་ཐཱ་ག་ཏཱ་ཡ། ཨརྷ་ཏེ་སམྱཀ་སམ་བུ་དྡྷ་ཡ། ཏདྱ་ཐཱ། ཨོཾ་པུཥྤེ། པུཥྤེ། མ་ཧཱ་པུཥྤེ།མེ་ཏོག་བྱིན་རླབས་གུ་པུཥྤེ་པུཥྤ་སཾ་བྷཱ་ཝེ་པུཥྤོ་ཏྦྷ་ཝེ་པུཥྤ་ཀིརྞེ་སྭཱཧཱ། ཨོཾ་གོ་མ་བ་ལྕི་སོགས་བྱིན་རླབས་ཡེ་སྭཱཧཱ། ཨོཾ་བཛྲ་སཏྭ་བགེགས་སྦྱང་བ་ནི་བིགྷྣཾ་ནུ་སཱ་ར་ཡ་ཧཱུཾ་ཕཊ། ཨོཾ་བཛྲ་རེ་ཁ་སུ་རེ་རེ་ཁ་བྲིས་ཁེ་སྭཱཧཱ། བ་ལྕི་ཆུར་བཅས་སྦྱིན་པ་སྟེ། བྱི་དོར་བྱས་པ་ཚུལ་ཁྲིམས་ཡིན། །གྲོག་སྦུར་བསལ་བ་བཟོད་པ་སྟེ། །བརྩོན་འགྲུས་བྱ་བ་བྱེད་ལ་བརྩོན། །བསམ་གཏན་དེར་སེམས་སྐད་ཅིག་མ། །རི་མོ་ལེགས་འབར་ཤེས་རབ་བོ། །ཕ་རོལ་ཕྱིན་པ་དྲུག་རྣམས་ཀྱི། །ཐུབ་པའི་མཎྜལ་ལེགས་བྱས་པའོ། །འདིར་ནི་ལུས་ཀྱི་ལས་བྱས་ནས། ཁ་དོག་གསེར་ལྟར་འགྱུར་བ་དང༌། །ནད་རྣམས་ཀུན་ལས་རྣམ་པར་གྲོལ། །ལྷ་དང་མི་ལས་ཆེས་ལྷག་ཅིང༌། །ཟླ་བ་ལྟ་བུའི་གཟི་བརྗིད་ཅན། །ནོར་དང་གསེར་ནི་ཕུན་སུམ་ཚོགས། །རྒྱལ་པོའི་རིགས་དང་སངས་རྒྱས་པ། །མཆོག་གི་ཁྱིམ་དུ་སྐྱེ་བ་ཉིད། །ཨོཾ་བཛྲ་རེ་ཁེ་སརྦ་བུདྡྷ་ཨ་དྷི་སླར་ཡང་རེ་ཁ་བྱ་ཥྛཱནྟ་སྭཱཧཱ། ཨོཾ་ཝཾབཀྲུའ་ོསྭཱཧཱ། ཨོཾ་ཙནྡྲ་
ཨརྐ་བི་མ་ཕྱིའོ་ལ་སྭཱཧཱ། ཨོཾ་བཛྲ་ས་ཏྭ་ས་མ་མེ་ཏོག་བཀྲམ་ཡ། སོགས། ཧཾ་སུ་མེ་སོ་སོའི་ཚོམ་བུ་བྱ་རུ་ན་མཿ ཡཾ་བི་དེ་ཧ་དྭི་པ་ན་མཿ རཾ་ཛམ་བུ་དྭི་པ་ན་མཿ ལཾ་གོ་ད་ནཱི་དྭི་པ་ན་མཿ ཝཾ་ཀུ་རུ་དྭི་པ་ན་མཿ ཡཿཡཿཨུ་པ་དྭི་པ་ན་མཿ རཿརཿ ཨུ་པ་དྭི་པ་ན་མཿ ལཿ ལཿ ཨུ་པ་དྭི་པ་ན་མཿ ཝཿཝཿཨུ་པ་དྭི་པ་ན་མཿ ལཿཏུ་རངྒ་རཏྣཱ་ཡ་ན་མཿ རཿ མནྟི་རཏྣཱ་ཡ་ན་མཿ ཡ་ག་ཛ་རཏྣཱ་ཡ་ན་མཿ ཝཿསྟྲཱི་རཏྣཱ་ཡ་ན་མཿ ཡཿཁཏྒ་རཏྣཱ་ཡ་ན་མཿ ར་མ་ཎི་རཏྣཱ་ཡ་ན་མཿ ཝཿནི་དྷི་རཏྣཱ་ཡ་ན་མཿ ལཿཙཀྲ་རཏྣཱ་ཡ་ན་མཿ ཨོཾ་ཨ་ཙནྡྲ། ཨོཾ་ཨཿསུརྻ། ཨོཾ་ཨོཾ་འཇིག་རྟེན་དང་འཇིག་རྟེན་ལས་འདས་པའི་ཞིང་འབྱོར་བ་ཚད་མེད་པ་ཀུན་ཏུ་བཟང་པོའི་རྣམ་འཕྲུལ་ལས་བྱུང་བ་ལྟ་བུ་མཆོད་པའི་སྤྲིན་རབ་འབྱམས་ཀྱི་ངོ་བོ་ཉིད་ན་མཿ བདག་གཞན་ལུས་ངག་ཡིད་གསུམ་དུས་གསུམ་དགེ་བའི་ཚོགས། །རིན་ཆེན་ཀུན་བཟང་མཎྜལ་བཟང་པོའི་མཆོད་པ་འདི། །བློ་ཡི་བླངས་ནས་དཔལ་ལྡན་རྩ་བའི་བླ་མར་འབུལ། །ཐུགས་རྗེའི་དབང་གིས་བཞེས་ནས་བྱིན་གྱིས་རླབ་ཏུ་གསོལ། གསུམ་པ་ནི། ཨོཾ་སུམྦྷས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་ཨ་ལས་ཆོས་འབྱུང་དཀར་པོ་བདེ་བ་ཆེན་པོའི་རང་བཞིན། དེའི་ནང་དུ་ཡཾ་རཾ་བཾ་ལཾ་སུཾ་ལས་འབྱུང་བཞི་རི་རབ་དང་བཅས་པའི་སྟེང་དུ། བྷྲུཾ་ལས་གཞལ་ཡས་ཁང་མཚན་ཉིད་ཐམས་ཅད་རྫོགས་པ། དུར་ཁྲོད་བརྒྱད་དང་
བཅས་པ། ནང་གི་ལྷ་སྣམ་ཕྱོགས་ཀྱི་མདོག་ཅན་གྱི་དབུས་སུ་སེང་ཁྲི་སྣ་ཚོགས་པདྨ་ཉི་མ་འཇིགས་བྱེད་དང་དུས་མཚན་མའི་གདན། དེའི་སྟེང་དུ། ནམ་མཁར་བཞུགས་པའི་བླ་མ་ཧཱུཾ་གི་རྣམ་པར་བྱོན་པ། དེ་ལས་འོད་འཕྲོས་འདུས་ཡོངས་སུ་གྱུར་པ་ལས། རྩ་བའི་བླ་མ་བཅོམ་ལྡན་འདས་དཔལ་ཧེ་རུ་ཀ་ཞལ་བཞི། ཕྱག་བཅུ་གཉིས་པ། རྩ་ཞལ་དང་སྐུ་ལུས་ཨིནྡྲ་ནཱི་ལ་འབར་བའི་འོད་ཅན། དུས་མཐའི་སྤྲིན་གནག་ལྟར་འཇིགས་པ། གཡས་ཞལ་སྟོན་ཟླ་ལྟར་དཀར་བ། གཡོན་ཞལ་པདྨ་རཱ་ག་ལྟར་དམར་བ། རྒྱབ་ཞལ་ཛམྦུ་ཆུ་བོའི་གསེར་སྦྱངས་བ་ལྟར་ལྷམ་མེ་བ། ཞལ་རེ་རེ་ལ་སྤྱན་གསུམ་གསུམ་དང༌། མཆེ་བའི་མྱུ་གུ་བཞི་བཞི་གཙིགས་པ། རལ་པའི་ཅོད་པན་ལ་སྣ་ཚོགས་རྡོ་རྗེ་དང༌། ཟླ་བ་ཕྱེད་པ་དང༌། སྤྱི་བོའི་ནོར་བུ་དང༌། མི་བསྐྱོད་པས་རྣམ་པར་བརྒྱན་པ། ཐོད་སྐམ་ལྔ་ལྔའི་ཅོད་པན་ཟ་ར་ཚགས་དང་བཅས་པ། ཕྱག་དང་པོ་གཉིས་ཀྱིས་རྡོ་རྗེ་དང་དྲིལ་བུ་འཛིན་པས་ཡུམ་ལ་འཁྱུད་པ། གཉིས་པ་གཉིས་ཀྱིས་གླང་པོ་ཆེའི་པགས་པ། གཡས་ལྷག་མས་ཌཱ་མ་རུ། དགྲ་སྟ། མདུང་རྩེ་གསུམ། གྲི་གུག གཡོན་ལྷག་མས་ཁ་ཊཱཾ་ག ཞགས་པ། ཐོད་པ། ཚངས་པའི་མགོ་བོ་བསྣམས་པ། ཞབས་གཡས་བརྐྱང་པས་དུས་མཚན་མོ་དང༌། གཡོན་བསྐུམས་པས་འཇིགས་བྱེད་མནན་པ། ཕྱག་རྒྱ་དྲུག་དང༌། མགོ་འཕྲེང་དང༌། ཐལ་བ་དང༌། ཉམས་དགུས་བརྒྱན་པ། སྟག་ལྤགས་ཀྱི་ཤམ་ཐབས་གྲོལ་བ།
ཡུམ་རྡོ་རྗེ་ཕག་མོ། ཐུན་མཚམས་དང་ལི་ཁྲིའི་མདངས་ཅན། རྡོ་རྗེ་དང་མན་ཆད་གོང་བཞིན། གཉིས་ཀའང་བསྐལ་པའི་ནས་པའོ། །ཕཻཾ། རང་བཞིན་གྱི་གནས་ནས་བླ་མ་དང་ཧེ་རུ་ཀ་དབྱེར་མེད་པ། ལུས་ཀྱི་དཀྱིལ་འཁོར་དང་བཅས་པ་སྤྱན་དྲངས་ཏེ། མདུན་གྱི་ནམ་མཁར་བཞུགས། སུམྦྷ་སོགས། ཨོཾ་གུ་རུ་ཙཀྲ་སམྦྷ་ར་མཎྜལ་ལེ་བྷྱ། ཨརྒྷཾ། པཱ་དྱཾ། པུཥྤེ་ནས། ཤཔྟ་ཨཱཿཧཱུཾ། ཨོཾ་ཨཱཿཧཱུཾ་དཀོན་མཆོག་གསུམ་ལ་སོགས་བྱ། ཛཿཧཱུཾ་བཾ་ཧོཿ ཨོཾ་ཡོ་ག་ཤུདྡྷ་སོགས། ཡབ་ཀྱི་གནས་སུ། ཨོཾ་ཨོཾ་ཧ། ན་མ་ཏི། སྭཱཧཱ་ཧཱུཾ། བཽ་ཥ་ཊ་ཧེ། ཧཱུཾ་ཧོ། ཕཊ་ཧཾ། ཡུམ་གྱི་གནས་སུ། ཨོཾ་ཨོཾ་བཾ། ཧཾ་ཡོཾ། ཧྲིཾ། མོཾ། ཧྲེཾཧྲེཾ། ཧཱུཾ་ཧཱུཾ། ཕཊ་ཕཊ། གཟུགས་ཀྱི་ཕུང་པོ་ལ་ནི་རྣམ་པར་སྣང་མཛད་དོ། །ཚོར་བའི་ཕུང་པོ་ལ་ནི་རྡོ་རྗེ་ཉི་མའོ། །འདུ་ཤེས་ཀྱི་ཕུང་པོ་ལ་ནི་པདྨ་གར་གྱི་དབང་ཕྱུག་གོ །འདུ་བྱེད་ཀྱི་ཕུང་པོ་ལ་ནི། རྡོ་རྗེ་རྒྱལ་པོའོ། །རྣམ་པར་ཤེས་པའི་ཕུང་པོ་ལ་ནི་རྡོ་རྗེ་སེམས་དཔའོ། །དེ་བཞིན་གཤེགས་པ་ཐམས་ཅད་ཀྱི་བདག་ཉིད་ནི་ཤྲི་ཧེ་རུ་ཀ་རྡོ་རྗེའོ། །མིག་གཉིས་ལ་ནི་གཏི་མུག་རྡོ་རྗེའོ། །རྣ་བ་གཉིས་ལ་ནི་ཞེ་སྡང་རྡོ་རྗེའོ། །སྣ་ལ་ནི་ཕྲག་དོག་རྡོ་རྗེའོ། །ལྕེ་ལ་ནི་འདོད་ཆགས་རྡོ་རྗེའོ། །ལུས་ལ་ནི་སེར་སྣ་རྡོ་རྗེའོ། །སྐྱེ་མཆེད་ཐམས་ཅད་ལ་ནི་དབང་ཕྱུག་རྡོ་རྗེའོ། །སའི་ཁམས་ལ་ནི་ལྟུང་བྱེད་མའོ། །ཆུའི་ཁམས་ནི་གསོད་བྱེད་མའོ། །མེའི་ཁམས་ལ་ནི་འགུགས་བྱེད་མའོ། །རླུང་གི་ཁམས་ལ་ནི་པདྨ་གར་གྱི་དབང་ཕྱུག་
མའོ། །ནམ་མཁའི་ཁམས་ལ་ནི་པདྨ་དྲ་བ་ཅན་ནོ། །རྩ་སུམ་ཅུ་རྩ་དྲུག་རྣལ་འབྱོར་མ་སུམ་ཅུ་རྩ་དྲུག རྐྱང་མ་རོ་མ་དབུ་མ་བདུད་འབྲལ་མ་གཏུམ་མོ་རྣམས་རྡོ་རྗེ་ཕག་མོ། ཁམས་ཉེར་བཞི་ནི་དཔའ་བོ་ཉེར་བཞི། དཔྱིད་ཀྱི་དཔའ་བོ་མི་ཤིགས་པ་གཞོམ་དུ་མེད་པའི་ཐིག་ལེ་ནི་དཔལ་ཧེ་རུ་ཀའོ། །སྤྲོ་ན་ལུས་དཀྱིལ་ཞལ་ཕྱག་རྫོགས་པར་བསྐྱེད་ན་ལེགས། ལོང་མེད་པ་དང་མི་སྤྲོ་ན་དེ་དང་དེར་མོས་པ་ཙམ་བྱའོ། །ཨོཾ་ཨཱཿཧཱུཾ། སརྦ་བཱི་ར་ཡོ་གི་སོགས་གསུམ། བཛྲ་ཤུདྡྷ་སོགས། བཞི་པ་ནི། ཨོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧཱུཾ་ཧཱུཾ་ཕཊ་ཌཱ་ཀི་ནི་ཛཱ་ལ་སམྦཱ་ར་སྭཱཧཱ། ཨོཾ་སརྦ་བུདྡྷ་ཌཱ་ཀི་ནཱི་ཡེ་བཛྲ་ཝརྞ་ནཱི་ཡེ་ཧཱུཾ་ཧཱུཾ་ཕཊ་སྭཱཧཱ། ཨོཾ་ཌཱ་ཀི་ནཱ་ཡེ་ཧཱུཾ་ཧཱུཾ་ཕཊ། ལཱ་མེ༴ ཁཎྚ་རོ་ཧེ༴ རུ་པི་ནཱི་ཡེ༴ ཨོཾ་པུ་ཛ་ཨོ་ཨ་གོ་རཱ་དེ་མ། ཀ་ཨོ་ཏྲི་ཀོ་ཀ་ལ་ཀ་ཧི། པྲེ་གྲི་སོ་སུན་སི་མ་ཀུ་ཧཱུཾ་ཧཱུཾ་ཕཊ། ཀཱ་ཀཱ་སྱ་ཨཱ་ལུ་ཀ་སྱ། ཤྭཱ་ན་སྱ། སཱུ་ཀ་ར་སྱ། ཡ་མ་ཌ་ཌྷཱི༴ ཡ་མ་དུ་ཏཱི་ཡཻ། ཡ་མ་དཾཥྟི་ཎེ༴ ཡ་མ་མ་ཐ་ནཱི༴ རྣལ་འབྱོར་རོ་གཅིག་བདུད་རྩི་འཐུང་བས་རྣམ་པར་དག་པའི་ཐུགས། །གནས་ལ་སོགས་པ་ཡུལ་དུ་བགྲོད་པ་རྣམ་པར་དག་པའི་གསུང༌། །དཔལ་ལྡན་གནས་ཀྱི་དབུས་སུ་འཁོར་ལོའི་དཀྱིལ་འཁོར་མགོན་པོ་མཆོག།བླ་མ་མཆོག་ལ་མགོ་བོས་བཏུད་དེ་རྟག་པར་ཕྱག་བགྱིའོ། །དེ་ནས་ཞེས་སོགས་ངག་ཆེན་པོས། །རྒྱུད་ནི་རྫོགས་པར་གྱུར་པ་གང༌། །འཁོར་ལོ་སྡོམ་པའི་འདྲེན་པ་མོ། །རྡོ་རྗེ་ཕག་མོ་ལ་འདུད་དོ། །ལྷ་མོ་འཕྲེང་བས་བརྒྱན་པའི་སྐུ་ཡི་རིན་པོ་ཆེ་
ལུས་ཀུན་དཔའ་བོའི་དབང་ཕྱུག་མ་ཡིས་རྟག་ཏུ་མཛེས། །འཁོར་ལོ་གནས་ཀྱི་མགོན་པོ་དྲི་མེད་ལྷན་ཅིག་སྐྱེས། །སྡོམ་པའི་རྣལ་འབྱོར་སྙིང་པོ་ལ་ནི་རྟག་ཕྱག་འཚལ། །ཨེ་ཡིག་རྣམ་པའི་སྙིང་པོ་ཁུ་བའི་གནས་གྱུར་པདྨའི་སྦུབས་ནི་དམ་པ་སྟེ། །དེ་ཡི་དབུས་སུ་སྐྱེས་པའི་དང་མོ་དམ་པ་ཀུནྡ་ལྟར་དཀར་ཐམས་ཅད་དག །ཀུན་མཁྱེན་སངས་རྒྱས་ཤིན་ཏུ་རྣམ་པར་དག་པའི་གནས་ཏེ་ལྷ་མོ་མཛེས་མའི་གཞི། །དྲི་མེད་ལྷན་ཅིག་སྐྱེས་པའི་གྲུ་བཞི་འདྲེན་པ་ལ་ནི་བདག་ཕྱག་འཚལ། །སྐྱེ་བ་དང་ནི་འཇིག་པ་དང་བྲལ་མཆོག་གི་ལུས་ཅན་མ། །དམར་བའི་འོད་ཆགས་རྣམ་པར་རྒྱལ་མ་ཁམས་གསུམ་གཟུགས་ཅན་མ། །ཡོན་ཏན་ཚོགས་ཀྱིས་བརྒྱན་པའི་སྐུ་མངའ་རྡོ་རྗེའི་ཡན་ལག་མ། །སངས་རྒྱས་ཀུན་གྱི་བསྐྱེད་མཛད་མ་ལ་རྟག་ཏུ་མངོན་པར་ཕྱག་བགྱིའོ། །དཔལ་ལྡན་རྡོ་རྗེ་མཁའ་འགྲོ་དང༌། །མཁའ་འགྲོ་མ་ཡི་འཁོར་ལོ་བསྒྱུར། །ཡེ་ཤེས་ལྔ་དང་སྐུ་གསུམ་བརྙེས། །འགྲོ་བ་སྐྱོབ་ལ་ཕྱག་འཚལ་ལོ། །ཇི་སྙེད་རྡོ་རྗེ་མཁའ་འགྲོ་མ། །ཀུན་ཏུ་རྟོག་པའི་འཆིང་གཅོད་ཅིང༌། །འཇིག་རྟེན་བྱ་བར་རབ་འཇུག་མ། །དེ་སྙེད་རྣམས་ལ་རྟག་ཕྱག་འཚལ། །ཧེ་རུ་ཀ་དཔལ་དཔའ་བོ་ཆེ། །རྣམ་དག་རྡོ་རྗེ་དབང་ཕྱུག་དང༌། །རྗེས་ཆགས་ཆགས་པ་ཆེ་རྣམས་ཀྱི། །རྡོ་རྗེ་ཕག་མོ་ལ་འདུད་དོ། །རྣམ་པར་རྟོག་མེད་ཡང་དག་རྟོག །ཡིད་ནི་རབ་ཏུ་མི་གནས་པ། །ཡིད་ལ་མེད་ཅིང་དམིགས་པ་མེད། །དམིགས་མེད་ཁྱོད་ལ་ཕྱག་འཚལ་ལོ། །སྐབས་འདིར་
ཨརྒྷཾ་སོགས་མཆོད་པ་དང༌། རྐང་བརྒྱད་ཀྱི་བསྟོད་པ་ལྟ་བུ་མཆོད་བསྟོད་བསྡུས་པ་ཞིག་བྱས། དཔྱིད་ཀྱི་རྒྱལ་པོའི་གླུ་དབྱངས་བྱ་སྟེ། སྤྲོ་ན། སྤེལ་མར་སྦྱར་བ་བདག་གི་ཟུར་དུ་བཀོད་པ་བཞིན་དང༌། བསྡུ་ན། རྒྱུད་ཚིག་ཁོ་ན་བྱ་སྟེ། ཧཱུཾ་ཁྲོ་བོ་བདེ་བ་དགྱེས་པ་ཡི། །བདེ་བའི་ལོངས་སྤྱོད་ལས་བྱུང་བ། །བདེ་བ་དབབ་པའི་སྦྱོར་བ་ཡིས། །རབ་ཏུ་རྨོངས་པས་སྟེན་པར་བྱེད། །ཨ་ལ་ལ་ལ་ལ་ཧོ། ཨ་ཨི་ཨཱ་ཨཱ་ར་ལི་ཧོ། བདེ་ཆེན་བདེ་བའི་གར་གྱིས་རོལ། །རྣལ་འབྱོར་མ་མཆོག་པདྨའི་བདེ། །ཨ་ལ་ལ་ལ་ལ་ཧོ། དགྱེས་པ་རྣམས་ཀྱིས་བདེ་བ་མཆོག།རྣལ་འབྱོར་མ་མཆོག་མཆོད་པར་མཛོད། །ཨ་ཨི་ཨཱ་ཨཱ་ར་ལི་ཧོ། རབ་དགྱེས་མགོན་པོ་ཁྱོད་བཞུགས་མཛོད། །མཁའ་འགྲོ་དྲ་བའི་བདེ་བ་སྩོལ། །དགྱེས་མའི་བདེ་བ་གསོལ་བར་མཛོད། །ཞི་བའི་གར་གྱི་གར་མཛད་པ། །བདག་ལ་བདེ་ཆེན་བདེ་བ་སྩོལ། །ཐར་བའི་མཚན་ཉིད་ལྡན་པ་ཁྱོད། །ཨ་ལ་ལ་ལ་ལ་ཧོ། ཨ་ཨི་ཨཱ་ཨཱ་ར་ལི་ཧོ། བདེ་བ་སྤངས་པས་གྲོལ་མི་འགྱུར། །བདེ་མེད་སྡུག་བསྔལ་གྱིས་མི་གྲོལ། །བདེ་དེ་ཆུ་སྐྱེས་དབུས་ན་གནས། །ཆགས་པའི་དངོས་པོར་ཁྱོད་མ་གྱུར། །བདེ་བ་ཆེ་ཡིས་གྲོལ་བར་མཛོད། །པདྨ་དགྱེས་པའི་རོ་ཉིད་ཀྱིས། །བུང་བ་ལྟ་བུར་ཚིམ་པར་མཛོད། །དེ་ཡིས་མགོན་པོ་བསྐུལ་ན་ནི། །དཀྱིལ་འཁོར་དུ་ནི་ངེས་པར་འགྲུབ། །སྙན་ཞིང་འཇེབས་པའི་དབྱངས་ཀྱིས་ནི། །དཔྱིད་ཀྱི་རྒྱལ་པོའི་གླུ་བླངས་པས། །དྲི་མེད་མཁའ་འགྲོ་དྲ་བ་ཡི། །གཟིགས་ཤིང་ལས་ཀུན་མཛད་པ་
ཡིན། ཞེས་གསོལ་བ་བཏབ་པས་མཉེས་ནས་དངོས་སུ་མཆོད་པ་བདག་གིར་མཛད་པར་བསམས་ལ། ལྔ་པ་མཆོད་པ་དངོས་ནི། སླར་ཡང་སྙིང་ག་ནས་འོད་འཕྲོས། །བརྒྱུད་པའི་བླ་མ་རྣམས་དང་ཕྱོགས་བཅུའི་སངས་རྒྱས་བྱང་སེམས་དཔའ་བོ་རྣལ་འབྱོར་མ་གསང་སྔགས་གྲུབ་པ་རིག་པ་འཛིན་པའི་ཚོགས་དང་མཆོད་པར་འོས་པ་ཐམས་ཅད་བཛྲ་ས་མཱ་ཛཿ སུམྦྷས་བསངས། སྭ་བྷཱས་སྦྱངས། སྟོང་པའི་ངང་ལས། ཨ་ལས་ཡེ་ཤེས་ཀྱི་ཀ་པཱ་ལ་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཧཱུཾ་ཞུ་བ་ལས་མཆོད་ཡོན། ཞབས་བསིལ། མེ་ཏོག བདུག་སྤོས། མར་མེ། དྲི་ཆབ། ཞལ་ཟས་རོལ་མོ་རྣམས་རང་བཞིན་བདེ་སྟོང༌། རྣམ་པ་མཆོད་རྫས་འབྱམས་ཀླས་པར་གྱུར། ཨོཾ་བཛྲ་ཨརྒྷཾ་སྭཱཧཱ་སོགས། སྙིང་ག་ནས་མཆོད་པའི་ལྷ་མོ་ནམ་མཁའ་གང་བ་སྤྲོས་ནས་མཆོད། སྡོམ་ནི། ༡ ཆུ་དང་༢ ཉེར་སྤྱོད་༣ གཉིས་དང་༤འདོད་ཡོན་༥གཉིས། །༦རིན་ཆེན་༧ཉེ་བའི་རིན་ཆེན་༨བཀྲ་ཤིས་རྟགས། །༩སྒེག་སོགས་༡༠རིག་མ་༡༡བླ་མེད་༡༢ན་བཟའ་༡༣ཟས། །༡༤མཎྜལ་༡༥ཁྲུས་དང་༡༦ཉེར་མཁོ་༡༧ནང་དང་༡༨གསང༌། །༡༩དེ་ཉིད་༢༠བསྟོད་པ་༢༡རྒྱུན་བཤགས་༢༢སྡོམ་བཟུང་དང༌། །༢༣ལག་མཆོད་ཅེས་བྱ་མཆོད་པ་ཉེར་གསུམ་མོ། །དང་པོ་ནི། མཆོད་ཡོན་ཕལ་ཆེར་སོགས་དང༌། རབ་འབྱམས་རྒྱ་མཚོ་སོགས་སམ། ཡང་ན་འདི་ལྟར། རྣམ་དག་ཡིད་འོང་ལྷ་ཡི་རྫས། །ཡན་ལག་བདུན་ལྡན་ཨརྒྷའི་རྒྱུན། །མཆོག་ཏུ་དད་པས་བདག་འབུལ་ན། །ཅི་བདེ་བར་ཡང་བཞེས་སུ་གསོལ། ཨོཾ་ཨཱཿཧྲི་པྲ་ཝ་ར་སཏྐ་རཾ་ཨརྒྷཾ་པྲ་ཏཱིཙྪ་སྭཱཧཱ། རྣམ་དག་ཡིད་འོང་༴ ཞབས་ཀྱི་པདྨའི་རྙོགས་སེལ་སྤོས་ཀྱི་ཆུ། མཆོག་ཏུ་སོགས། ཨོཾ་ལྷ་ཡི་མེ་ཏོག་ཤིན་ཏུ་འབར། །དྲི་ཞིམ་ཤིན་ཏུ་མཛེས་པ་ཡི། །
མེ་ཏོག་དེ་རིང་བཞེས་ནས་སུ། །འདི་ལ་བྱིན་གྱིས་བརླབས་ཏུ་གསོལ། །ཨོཾ་གུ་རུ་ཤྲཱི་ཧེ་རུ་ཀ་མཎྜ་ལེ་བྷྱཿཔུཥྤེ་པྲ་ཏཱིཙྪ་ཧཱུཾ། ཨོཾ་ཙནྡན་ག་བུར་སྦྱར་བ་ཡི། །དྲི་ཞིམ་བདུག་སྤོས་དགེ་བ་ཡི། །མཐུ་དང་ལྡན་པར་བྱ་བ་འདི། །བཞེས་ནས་བྱིན་གྱིས་རླབས་ཏུ་གསོལ། དྷུ་པེ། ཨོཾ་མར་མེ་འོད་ཟེར་འབར་བ་འདི། །ངན་འགྲོའི་འཇིགས་པ་འཇོམས་པར་བྱེད། །ལྷ་ཡི་མིག་འབྱེད་བཀྲ་ཤིས་པ། །མར་མེ་ཁྱེད་ཀྱི་བཞེས་སུ་གསོལ། ཨཱ་ལོ་ཀེ ཨོཾ་སྣ་ཚོགས་ལྷ་ཡི་དྲི་ཞིམ་པ། །སྣ་ཚོགས་ག་པུར་སོགས་བརྒྱན་པ། །སྣ་ཚོགས་ཡི་གེ་ཧཱུཾ་ལས་བྱུང༌། །དྲི་འདི་འབུལ་གྱི་བཞེས་སུ་གསོལ། གནྡྷེ། ཁ་དོག་དྲི་དང་རོར་ལྡན་པའི། །བཟའ་བ་མཆོག་དང་ཡང་དག་ལྡན། །ཐམས་ཅད་སྦྱར་བའི་བཤོས་འདི་དག །འབུལ་གྱི་ཡང་དག་བཞེས་སུ་གསོལ། ནཻ་ཝི་དྱ། པ་ཊ་ཧ་དང་ཅང་ཏེའུ་སོགས། །དུང་དང་རྔ་སོགས་སྒྲ་དབྱངས་དང༌། །ཡིད་འཕྲོག་སིལ་སྙན་སྣ་ཚོགས་པ། །འབུལ་གྱི་ཡང་དག་བཞེས་སུ་གསོལ། ཤཔྟ། དཀྱིལ་འཁོར་ཀུན་ཏུ་རྒྱལ་བ་མཉེས་བྱེད་པ། །མཛེས་ལྡན་དཀར་མོ་རྡོ་རྗེ་དྲིལ་བུ་དང༌། །མེ་ཏོག་སྤུངས་པའི་རིན་ཆེན་སྣོད་འཛིན་མ། །ནམ་མཁའ་གང་བས་དཀྱིལ་འཁོར་ལྷ་ཚོགས་མཆོད། །ཨོཾ་བཛྲ་པུཥྤེ་ཨཱཿཧཱུཾ། ཚིག་ཐོག་མཐའ་གཉིས་དང་སྔགས་ཀྱི་ཐོག་མཐའ་འགྲེ ཡིད་འོང་དུད་ཀ་རྡོ་རྗེ་དྲིལ་བུ་དང༌། །བདུག་སྤོས་འཐུལ་བའི་རིན་ཆེན་སྣོད་འཛིན་མ། དྷུ་པེ། ཀུན་སྣང་དམར་སེར༴ མར་མེས་གང་བའི༴ ཨཱ་ལོ་ཀེ གདུང་སེལ་ལྗང་ཁུ༴ དྲི་
མཆོག་བྱུག་པའི༴ གནྡྷེ། ཞལ་ཟས་སྣ་ཚོགས༴ བདུད་རྩིས་གང་བའི༴ ནཻ་ཝི་དྱ༴ ཆོས་རྣམས་གཟུགས་བརྙན་ལྟ་བུ་སྟེ། །སྲིད་པའི་མཚོ་ལས་རྣམ་པར་རྒྱལ། །ཆོས་རྣམས་གཟུགས་བརྙན་ལྟ་བུར་ནི། །སེམས་ཅན་ཀུན་ལ་བསྟན་པར་བགྱི། །ཨོཾ་ཨཱཿབཛྲ་ཨཱ་དརྵེ་ཧཱུཾ། དེ་བཞིན་གཤེགས་པ་ཐམས་ཅད་ཀྱི། །སྒྲ་ཡི་རྗེས་སུ་འགྲོ་བ་ཡིས། །གང་གིས་འཇིག་རྟེན་ཐམས་ཅད་དུ། །ཆོས་ཀྱི་འཁོར་ལོ་བསྐོར་བར་བགྱི། ཝཱི་ནི། གང་གི་སངས་རྒྱས་ཞིང་ཀུན་དང༌། །འཇིག་རྟེན་པ་ཡི་ཁམས་ཀུན་དུ། །བླ་མེད་བསམ་མི་ཁྱབ་པའི་དྲི། །རང་གི་ལུས་ལ་སྤྲོ་བར་བྱ། གནྡྷེ། གང་གིས་སངས་རྒྱས་བྱང་སེམས་དང༌། །སྲོག་ཆགས་གྱུར་པ་ཐམས་ཅད་ལ། །ལྷ་རྫས་དཔེ་མེད་རོ་ཡི་མཆོག །སྤྲུལ་ནས་སུ་ནི་སྦྱིན་པར་བྱ། །རྭ་ས། དེ་བཞིན་གཤེགས་པ་ཀུན་དང་ཡང༌། །བྱང་ཆུབ་སེམས་དཔའ་སོགས་ཀུན་ལ། །ཡང་དག་སྦྱོར་བ་རེག་བྱའི་བདེ། །ངེས་པར་སྦྱར་བ་བྱ་བ་ཡིན། སྤརྴེ། རྒྱལ་བ་རྣམས་ཀྱི་འདོད་འབྱུང་ལྷ་མོའི་ཚུལ། །གཟུགས་སྒྲ་དྲི་རོ་རེག་བྱའི་བདེ་སྟེར་མ། །མེ་ལོང་པི་ཝང་སྤོས་ཁང་བཟའ་བཏུང་སྣོད། །རས་ཕྲན་བཟང་དང་པདྨ་བྷཉྫ་ནཾ། །ཅང་ཏེའི་སྒྲ་སྒྲོགས་ཁ་ཊཱཾ་ལ་བརྟེན་མ། །དཀར་སྔོ་སེར་དང་དམར་དང་ལྗང་བའི་གཟུགས། །གཟུགས་མཛེས་དབྱངས་སྙན་དྲི་ལྡན་བཅུད་ལྡན་དང༌། །བདེ་ལྡན་ལང་ཚོས་དྲེགས་པའི་སྨིན་ལེགས་མ། །ནམ་མཁའ་གང་བས་དཀྱིལ་འཁོར་ལྷ་ཚོགས་མཆོད། པཉྩ་ཀཱ་མ་གུ་ཎ༴ འདོད་ཡོན་གྱི་ཚིགས་
བཅད། ཁ་དོག་དབྱིབས་ལེགས་སོགས་ཀྱང་བྱའོ། །དྲི་མེད་ཛམྦུ་ཆུ་བོའི་གསེར་བཟང་ལས། །བསོད་ནམས་བཟོ་བོས་མཆོག་ཏུ་རྣམ་འཕྲུལ་བ། །ལྷ་མིའི་མཛེས་པ་ཀུན་ལས་ཕུལ་བྱུང་ཞིང༌། །བལྟ་བས་མི་ངོམ་རྫུ་འཕྲུལ་ཤུགས་ཉིད་ལས། །རང་བྱུང་རྩིབས་སྟོང་ཏ་ལ་བདུན་སྲིད་དུ། །བྱུང་ཚེ་ཕྱོགས་ལས་རྒྱལ་བ་མཆོག་ཐོབ་པ། །འཁོར་ལོ་རིན་ཆེན་དམ་པ་འདི་འབུལ་བས། །རྒྱལ་བྱེད་དྲན་པའི་འཁོར་ལོ་ཐོབ་པར་ཤོག །ཨོཾ་སངྒུ་རུ་ཤྲཱི་ཙཀྲ་སམྦྷ་ར་མཎྜལ་ཙཀྲ་སརྦ་བཱི་ར་ཡོ་གི་ནཱི་ནཱཾ་ཙཀྲ་རཏྣཱ་པྲ་ཏཱིཙྪ་ཧཱུཾ་སྭཱཧཱ། ཆུ་ཞེང་ཕུན་ཚོགས་ཐལ་ཀར་ཟླ་འོད་ཅན། །མཆེ་བ་དྲུག་ལྡན་དུལ་བའི་སྤྱོད་པས་མཛེས། །སྔོན་ཆད་ལེགས་པར་བྱས་པའི་མཐུ་ཉིད་ལས། །རྫུ་འཕྲུལ་ཤུགས་ཀྱིས་མཁའ་ལ་རབ་འགྲོ་ཞིང༌། །མཁའ་ལྡིང་ས་སྲུངས་བུ་ལྟར་མགྱོགས་པ་ཡིས། །ས་ཆེན་རྒྱ་མཚོ་འཁོར་བཅས་ཀུན་ཏུ་བསྐོར། །གླང་པོ་རིན་ཆེན་ཕུལ་བས་མཚན་མ་རྣམས། །འཇོམས་བྱེད་ཤེས་རབ་གླང་པོ་ཐོབ་པར་ཤོག །ཧསྟི་རཏྣ། རབ་མཛེས་རྨ་བྱའི་མགྲིན་འདྲའི་སྤུ་སྡུག་ཅན། །ཡིད་བཞིན་ནོར་བུ་ལྟ་བུར་འདོད་པ་ཡི། །དོན་ཀུན་རྫོགས་པར་སྒྲུབ་བྱེད་ནམ་མཁའི་ལམ། །གུས་པར་སྤྱོད་པ་གསེར་གྱི་རྒྱལ་མཚན་ཅན། །ཅང་ཤེས་རླུང་ལས་རྒྱལ་བ་སྤྲིན་གྱི་ཤུགས། །ཡིད་ལྟར་མགྱོག་པའི་རྟ་མཆོག་འདི་ཕུལ་བས། །མ་ལུས་ཆོས་ལ་
མངོན་ཤེས་བགྲོད་པ་ཅན། །བརྩོན་འགྲུས་བཞོན་པ་མཆོག་གི་འགྲོ་བར་ཤོག །ཨ་ཤྭ་རཏྣ། ཀུན་ཏུ་སྔོ་བ་མཚུངས་མེད་བཻཌཱུརྱ། །ལེགས་པར་སྦྱངས་པའི་རིན་ཆེན་ཆ་བརྒྱད་པ། །བྱེད་པོ་མེད་ཅིང་ཕུན་ཚོགས་འོད་ཟེར་གྱིས། །མེ་དང་ཉི་མའི་འོད་ཀྱང་རྣམ་པར་གནོན། །དགའ་མགུར་འགྲོ་ཤིང་དགོས་པ་མཆོག་སྟེར་ལ། །འཁོར་ཀུན་ཁྱབ་པའི་འོད་ཟེར་དཔག་ཡས་ཅན། །བསམ་པ་རྫོགས་བྱེད་ནོར་བུ་འདི་འབུལ་བས། །ཆོས་ཀྱི་སྣང་བའི་དགའ་བས་ཚིམ་པར་ཤོག །མ་ཎི་རཏྣ། དགའ་ཚལ་ལྷ་ཡི་བུ་མོའི་གཟུགས་མཛེས་ཅན། །འདུལ་བའི་ཆོ་ག་ཕུན་ཚོགས་བསྟན་བཅོས་དང༌། །བཟོ་དང་སྙན་ངག་སྒྱུ་རྩལ་ཀུན་ཤེས་ཤིང༌། །འཛུམ་ཞིང་སྙན་པར་སྨྲ་མཁས་མཚུངས་པའི་གཟུགས། །རེག་པ་མཆོག་ལྡན་ལུས་སེམས་བདེ་བའི་རྒྱུ། །ཧ་ཅང་ཆེ་ཆུང་གཟུགས་མིན་དྲི་བཟང་སྟེར། །ཕུལ་བས་སྒྲིབ་པ་ཀུན་ལས་རྣམ་ཐར་བའི། །ཤིན་ཏུ་སྦྱངས་པའི་བདེ་བའི་འཚོ་བར་ཤོག།སྟྲཱི་རཏྣ། ལག་ན་རྡོ་རྗེ་སྲེད་མེད་བུ་ཡི་སྟོབས། །འཇམ་ཤིང་ཡིད་འོང་སྙན་པའི་ཚིག་ཀྱང་འབྱིན། །འཛངས་ཤིང་གསལ་ལ་ཡིད་གཞུང་ལྷ་མིག་ལྡན། ཁོར་ཡུག་གཏེར་གྱི་བདག་པོའི་དོན་ཀུན་བྱེད། །བྱམས་དང་སྙིང་རྗེ་མངའ་བ་དགེ་བའི་བདག །འདོད་དགུར་འཛུད་པའི་མི་མཆོག་འདི་ཕུལ་བས། །འཇིག་རྟེན་འཇིག་རྟེན་འདས་པའི་ཕུན་ཚོགས་དོན། །ཀུན་འབྱོར་ཏིང་འཛིན་མཆོག་ལ་དབང་ཐོབ་ཤོག །གྲྀ་ཧསྤ་ཏི་རཏྣ། དཔའ་ཞིང་བརྟུལ་ཕོད་ཡན་ལག་མཆོག་གི་གཟུགས། །
ཕ་རོལ་དཔུང་འཇོམས་མི་མཐུན་མེད་བྱེད་པ། །སྔར་ལྡང་བསམ་པ་དགེ་ཞིང་ལྟ་བས་གོ །མ་སྨད་རྒྱས་ཤིང་རྫོགས་པའི་ལེགས་བྱས་ཅན། །འདོད་དགུར་འགྲོ་བའི་བློན་པོ་རིན་ཆེན་འདི། །ཕུལ་བས་ཇི་ལྟ་ཇི་སྙེད་ཆོས་རྣམས་ལ། །རྣམ་པར་མི་རྟོག་ཡེ་ཤེས་དམ་པ་ཡིས། །རྩོལ་མེད་གནས་པའི་བཏང་སྙོམས་ཐོབ་པར་ཤོག པུ་རུ་ཥ་རཏྣ། དེ་ཙམ་མི་ནུས་ན། ལྷ་རྫས་ལས་གྲུབ་སོགས་སམ། བདེ་བར་གཤེགས་པ་སོགས་བྱ། རལ་གྲི་ལྤགས་པ་སྐྱེད་ཚལ་ཁང་ཁྱིམ་དང༌། །གཟིམས་ཆ་གོས་དང་མཆིལ་ལྷམ་རིན་པོ་ཆེ། །བླ་མ་དཀྱིལ་འཁོར་ལྷ་ཚོགས་བཅས་ལ་འབུལ། །བཞེས་ནས་བདག་ལ་བྱིན་གྱིས་བརླབ་ཏུ་གསོལ། ཁཊྒ ཏྭ་ཀ བ་ན གྲྀ་ཧ ཤ་སསྱ བསྟྲ མོ་ཙ ཨུ་པ རཏྣ་པདྨ་ཅན་དཀར་དཔལ་བེའུ་འཛིན། །འཇིགས་བྱེད་མ་དཀར་འཁོར་ལོ་བསྣམས། །འོད་ལྡན་སྔོན་མོ་པདྨ་ཐོགས། །རྣམ་རྒྱལ་མ་སྔོན་རྒྱལ་མཚན་ཅན། །མདངས་ལྡན་དམར་མོ་གདུགས་དཀར་འཛིན། །དཀར་ཤམ་དམར་སྐྱ་གཏེར་གྱི་བུམ། །དྲི་མེད་ལྗང་ཁུ་དུང་དཀར་བསྣམས། །ཡིད་གཞུང་ལྗང་ཁུ་གསེར་ཉ་ཐོགས། །བཀྲ་ཤིས་ལྷ་མོ་བརྒྱད་པོ་ཡིས། །རྩ་བརྒྱུད་བླ་མ་མཆོད་པར་བགྱི། །བདེ་ལེགས་ཕུན་ཚོགས་སྩལ་ནས་ཀྱང༌། །ཀུན་ཏུ་ཞི་ཞིང་དགེ་གྱུར་ཅིགའདིར་སྤྲོ་ན། དེང་ནས་བརྩམ་སྟེ་རྫོགས་སངས་རྒྱས། སོགས། སྒེགས་སོགས་བརྒྱད་དང༌། གདན་བཞི་ལས་འབྱུང་མཆོད་པ་ཉི་ཤུ་དང་སྒྱུ་མ་བདེ་མཆོག་གི་ལྷ་མོ་ཉི་ཤུའི་མཆོད་པ་བྱ་སྟེ་ཤིན་ཏུ་
ལེགས་སོ། །འདིར་ནི་རེ་ཞིག་བཞག་གོ། རང་གི་སྙིང་ག་ནས་ཨཱ་ལི་བཅུ་དྲུག་སྤྲོས། ལྷ་མོ་བཅུ་དྲུག་ཏུ་གྱུར། ཨོཾ་ཝཱི་ནི་བཛྲི་ཎཱི་ཧཱུཾ་ཨཿ རྡོ་རྗེ་ལྷ་མོ་པི་ཝཾ་མ། སོགས་སམ། མཐོན་མཐིང་ལང་ཚོས་དྲེགས་པའི་ཡིད་འཕྲོག་མ། སོགས་གང་རུང་བྱ། དེ་ཙམ་མི་ནུས་ན། བདེ་མཆོག་སྒྱུ་མའི་ལོངས་སྤྱོད་རྫོགས་གསལ་བ། །པི་ཝཾ་གླིང་བུར་རྔ་ཟླུམ་རྫ་རྔ་ཅན། །རྒོད་དང་སྒེག་དང་གླུ་ལེན་བྲོ་གར་མཁན། །མེ་ཏོག་བདུག་པ་སྣང་གསལ་དྲི་མཆོག་མ། །གཟུགས་མ་རོ་མ་རེག་མ་ཆོས་འབྱུང་མ། །བཅུ་དྲུག་དགའ་བའི་ཆ་ཤས་ཡོངས་རྫོགས་མ། །རྡོ་རྗེ་རིག་མ་དགའ་བའི་རོལ་པ་འདིས། །ཧེ་རུ་ཀ་ཁྱོད་རྡོ་རྗེ་ཡིད་དགེས་མཛོད། ཨོཾ་ཝཱི་ནི་བཛྲི་ཎཱི་ཧཱུཾ་ཧཱུཾ་ཕཊ་སྭཱཧཱ། ཨོཾ་ཝཾ་སེ་བཛྲི་ཎཱི་ཧཱུཾ་ཧཱུཾ་ཕཊ་སྭཱཧཱ། དེ་བཞིན་དུ། མྲི་ཏཾ་གི མུ་ར་ཛེ ཧ་སེ ལཱ་སེ གཱི་ཏི ནིརྟི པུཥྤེ དྷུ་པེ དཱི་པེ གནྡྷེ ར་ས སྤརྴེ དྷརྨཱ་དྷཱ་ཏུ། འདི་དག་རྒྱས་པ་ལ་དགའ་ན་ཁོ་བོས་ཟུར་དུ་དགོད་པར་བྱའོ། །ཤིན་ཏུ་ཉུང་ངུས་ནི་ཚིགས་བཅད་མེད་ཀྱང་ཆོག་གོ། དེ་ལས་གཞན་ཡང་མཆོད་པའི་ཚོགས། །རོལ་མོ་དབྱངས་སྙན་ཡིད་འོང་ལྡན། །སེམས་ཅན་གདུང་བ་ཚིམ་བྱེད་པའི། །སྤྲིན་རྣམས་སོ་སོར་གནས་གྱུར་ཅིག །དམ་ཆོས་དཀོན་མཆོག་ཐམས་ཅད་དང༌། །མཆོད་རྟེན་རྣམས་དང་སྐུ་གཟུགས་ལ། །རིན་ཆེན་མེ་ཏོག་ལ་སོགས་ཆར། །རྒྱུན་མི་ཆད་པ་འབབ་པར་ཤོག །ཇི་ལྟར་འཇམ་དབྱངས་ལ་སོགས་པས། །རྒྱལ་བ་རྣམས་ལ་མཆོད་མཛད་པ། །དེ་བཞིན་བདག་གི་དེ་བཞིན་གཤེགས། །མགོན་པོ་སྲས་དང་བཅས་
པ་མཆོད། །ཡོན་ཏན་རྒྱ་མཚོ་ཁྱེད་རྣམས་ལ། །བསྟོད་དབྱངས་ཡན་ལག་རྒྱ་མཚོས་བསྟོད། །བསྟོད་དབྱངས་སྙན་སྤྲིན་དེ་དག་ལས། །ངེས་པར་ཀུན་ཏུ་འབྱུང་གྱུར་ཅིག ཨོཾ་ལས་བྱུང་བའི་གོས་ཟུང་ཆོས་ཀྱི་དབྱིངས་ཀྱི་རབ་འབྱམས་མཐའ་ཀླས་པར་གྱུར། སྣ་ཚོགས་དབང་པོའི་གཞུ། སོགས། མགོན་ཁྱོད་བཀྲེས་སྐྱེམས་མི་མངའ་ཡང༌། །འོ་ཐུག་བུར་ཁུ་བདུད་རྩིའི་ཆུ། །བཟའ་དང་བཅའ་བ་རྒྱ་ཆེན་པོ། ཁ་དོག་དྲི་དང་རོ་ལྡན་པ། །ཐམས་ཅད་སྦྱར་བའི་བཤོས་ཀྱི་མཆོག།ཀུན་བཟང་བདེ་ཆེན་བཞེས་སུ་གསོལ། ཨ་ཀཱ་རོ། སོགས། མཎྜལ་རྒྱས་པ་འབུལ་བ་དང་བསྡུས་པ་ལན་མང་དུ་བྱ། རི་མཆོག་གསེར་གྱི་རི་དང་རོལ་མཚོ་རྒྱ་ལྡན་ཁོར་ཡུག་བཅས། །གླིང་རྣམས་ལྷ་དང་མི་ཡི་འབྱོར་པ་ཀུན་གྱིས་རྣམ་པར་བརྒྱན། །གཟུགས་མཛེས་ཡན་ལག་མཆོག་ལྡན་ཟག་མེད་བདེ་སྟེར་ལྷ་མོས་སྤྲས། །སངས་རྒྱས་ཀུན་གྱི་རྣམ་དག་ཞིང་དུ་ཡོངས་སུ་བསྔོ་བར་བགྱི། ཇི་ལྟར་ལྟམས་པ་སོགས་ཀྱི་ཁྲུས་གསོལ། སྐུ་ཕྱིས་དང༌། དྲི་དང་ན་བཟའ་འབུལ་བ་ནི་སྤྱི་དང་འདྲའོ། ཁྲུས་ཀྱི་རྫིང་བུ་དམ་པ་དང༌། །རེག་ན་བདེ་བ་ལྷ་ཡིས་གོས། །མཁའ་ལྡིང་ཁྱུ་མཆོག་རྨ་བྱ་དང༌། །གླང་པོ་རྟ་སོགས་ཐེག་པའི་མཆོག །དགོས་འདོད་འབྱུང་བ་འདོད་འཇོའི་བ། །མ་རྨོས་འཁྲུངས་པའི་ལོ་ཐོག་དང༌། །དཔག་བསམ་ཤིང་དང་འབྲས་བུའི་ཚོགས། །བུམ་བཟང་ནམ་མཁའ་གང་བས་མཆོད། །བདག་གིས་ལུས་དང་ལོངས་སྤྱོད་དང༌། །དུས་གསུམ་དགེ་བ་ཀུན་ཡང་འབུལ། །གསེར་དངུལ་མུ་ཏིག་བཻཌཱུརྱ། །རིན་ཆེན་ཞིང་རྣམས་
བཀང་ནས་འབུལ། །དབང་སྔོན་རྡོ་རྗེ་པདྨ་དམར། །མརྐཏ་བྱུ་རུ་ཛམྦུའི་གསེར། །ཟླ་ཤེལ་རིན་ཆེན་བདུན་གྱི་རི། །ཞིང་གི་རྡུལ་སྙེད་དབུལ་བར་བགྱི། །ཨུཏྤལ་པདྨ་ཁ་དོག་ལྔ། །ཛཱ་ཏི་ཁ་དོག་རྣམ་པ་གསུམ། །མེ་ཏོག་ཀརྞི་ཀ་ར་དང༌། །མཱ་ལི་ཀ་དང་ཡུ་ཐིག་ཀ །མེ་ཏོག་ཀཱ་ར་བཱི་ར་ཡང༌། །བསམ་གཏན་སྟོབས་ཀྱིས་ཁྱེད་ལ་འབུལ། །མི་འཇིགས་སེང་གེ་རིན་ཆེན་ཁྲི། །པདྨ་ཉི་ཟླའི་གདན་མཆོག་དང༌། །རྣ་རྒྱན་དང་ནི་གདུབ་བུ་དང༌། །མགུལ་རྒྱན་སོར་གདུབ་དམ་པ་དང༌། །གསེར་ལས་བྱས་པའི་མཆོད་ཕྱིར་ཐོགས། །དབུ་རྒྱན་དར་དཔྱངས་དོ་ཤལ་བཅས། །རྒྱལ་མཚན་དམར་དང་དེ་བཞིན་སེར། །དཀར་དང་ནག་དང་སེར་སྐྱ་དང༌། །དེ་བཞིན་གོས་ནི་སྣ་ཚོགས་དང༌། །མེ་ཏོག་ཕྲེང་བ་དུ་མ་དང༌། །བླ་བྲེ་དག་དང་དར་དཔྱངས་པའི། །མདའ་དང་ཡོལ་བས་ཤིན་ཏུ་མཛེས། །དེ་བཞིན་བཟའ་བྱ་བཏུང་བ་ཡིས། །རབ་མཉམ་བཞག་པས་མཆོད་པར་བྱ། །གསེར་ནི་བརྒྱ་སྟོང་དུ་མ་དང༌། །རིན་ཆེན་རྣམ་པ་སྣ་ཚོགས་དང༌། །རས་ནི་ཟུང་གྱུར་བརྒྱ་ཉིད་དང༌། །གླང་པོ་རྟ་དང་ཡུལ་འཁོར་དང༌། །ཆུང་མ་བཟང་དང་བུ་མོ་ཉིད། །བྲན་ཕོ་བྲན་མོ་སྲིང་མོ་དང༌། །བློ་ལྡན་ཀུན་ནས་དང་བ་ཡིས། །བདག་ཉིད་ཀྱང་ནི་དབུལ་བར་བགྱི། ཨོཾ་བཛྲ་ཨུ་པསྠ་ན་ནིརྱ་ཏྱ་མི། དེ་ནས་ནང་མཆོད་སྔར་བཞིན་བྱིན་བརླབ་བྱ། བླ་མ་དང་དཀྱིལ་གྱི་འཁོར་ལོ་རབ་འབྱམས་ཀྱི་ཆོས་བདུད་རྩི་བདེ་བ་ཆེན་པོས་མཉེས་པར་གྱུར་ཅིགཨོཾ་ཨཱཿཧཱུཾ། བདུད་རྩི་ལྔ་ཡི་བཟའ་བ་ནི། །དངོས་གྲུབ་ཀུན་གྱི་དེ་ཉིད་མཆོག །
སྒྲོན་མ་ལྔ་ཡི་བཟའ་བ་ནི། །སངས་རྒྱས་ཀུན་གྱི་དམ་ཚིག་གཙོ། །ཉེས་བྲལ་ཞི་བའི་བཏུང་བ་མཆོག །སྦྲང་རྩི་བུ་རམ་འབྲུ་དང་ཤིང༌། །བཅོས་པའི་མྱོས་བྱེད་རྣམ་པ་ལྔ། །ཤེས་རབ་རང་བཞིན་དབུལ་བར་བགྱི། ཨོཾ་ཨཱཿཧཱུཾ། ཨོཾ་སརྦ་བཛྲ་གཱ་མི་ནི་སརྦ་བྷ་ཀྵཾ་ཤོདྷ་ཡ་གུཧྱ་བཛྲི་ཎཱི་ཧཱུཾ། རང་གི་སྙིང་ག་ནས་རིག་མའི་ཚོགས་སྤྲོས་ཏེ། བདེ་སྟོང་གིས་མཆོད་པར་གྱུར། ས་ཁམས་དག་པའི་དཔའ་མོ་ཆེ། །ལྟུང་བྱེད་རྡོ་རྗེ་སངས་རྒྱས་སྤྱན། །རྟག་པའི་སངས་རྒྱས་ཤེས་རབ་ཡུམ། །གཏི་མུག་དགའ་མས་དགེས་པར་མཛོད། ཨོཾ་ཨཱཿམོ་ཧ་ར་ཏི་ཧཱུཾ། ཆུ་ཁམས༴ གསོད་བྱེད། མཱ་མ་ཀཱི རྡོ་རྗེ་ཉི་མའི་ཞེ་སྡང་དགའ་མས། དྭེ་ཥ་ར་ཏི མེ་ཁམས༴ འགུགས་བྱེད་གོས་དཀར་མོ། པདྨ་གར་གྱི་འདོད་ཆགས་དགའ་མས། རཱ་ག་ར་ཏི། རླུང་ཁམས༴ གར་དབང་སྒྲོལ་མ་སྟེ། རྟ་ཡི་རྒྱལ་པོའི། རྡོ་རྗེ་དགའ་མས། བཛྲ་ར་ཏི། མཁའ་དབྱིངས་པད་ཅན་དབྱིངས་ཕྱུག་མ་ཁྲག་འཐུང་རྡོ་རྗེ། རྡོ་རྗེ་སེམས་མས༴ ཨོཾ་ཨཱཿསཏྭ་བཛྲི་ཎི་ཧཱུཾ། རིག་ལྔ་ལས་བྱུང་ཕྱག་རྒྱ་མཆོག །གར་མ་ཆོས་མ་རྡོ་རྗེ་མ། །གདོལ་མ་དེ་བཞིན་བྲམ་ཟེ་མོ། །ལྷན་སྐྱེས་གནས་སྐྱེས་རིགས་སྐྱེས་དང༌། །མཐར་སྐྱེས་མ་ཡིས་མཆོད་པར་བགྱི། །གཽ་རཱི་ལ་སོགས་ལྷ་མོ་བརྒྱད། ཁྭ་གདོང་མ་སོགས་མ་མོའི་ཚོགས། །གཟུགས་ཅན་མ་དང་ཙུམྦི་ཀ །ལཱ་མ་ཡོངས་གྱུར་བྱིས་བཅས་མོ། །
མི་ལྡོག་ཨེ་ཧི་ཀ་ལྷ་མོ། །མཁའ་འགྲོ་མ་རྣམས་བདུན་གྱིས་མཆོད། །རྡོ་རྗེ་པདྨ་བྱིན་བརླབ་ནས། །སྙོམས་འཇུག་འཕོ་མེད་བདེ་ཆེན་ཐོབ། །རང་བཞིན་སྣང་བ་ཡོངས་དག་པ། །ཞུ་བདེས་ཁམས་གསུམ་ཀུན་ཁྱབ་པ། །གསང་བའི་མཆོད་པས་མཉེས་པར་བགྱི། ཨོཾ་ཧྲིཿཧ་ཧ་ཧཱུཾ་ཧཱུཾ་ཕཊ། ལན་བདུན། ཨོཾ་སརྦ་ཏ་ཐཱ་ག་ཏ་ཨ་ནུ་རཱ་ག་ན་བཛྲ་སཱབྷ་ཝཱཏྨ་ཀོ྅ཧཾ། ཡང་དག་དགའ་བའི་མེ་ཏོག་གིས། །རྡོ་རྗེ་ཉི་མ་པདྨར་ཕྱུང༌། །མེ་ཏོག་བདག་ཉིད་ལ་མཆོད་པ། །རྡོ་རྗེ་གསུམ་གྱི་བདག་ཉིད་མཆོག །རྣམ་རྟོག་ཚོགས་ཀྱི་ཡུལ་མིན་ཞིང༌། །ལྟེ་བར་གཏུམ་མོ་འབར་བ་ཡིས། །ངེས་པར་སྲེགས་པ་དེ་ཡི་སྤོས། །ཐུགས་ཀྱི་རྡོ་རྗེ་ལ་ནི་དབུལ། །ཡི་གེ་ཧཱུཾ་ལས་ཡང་དག་བྱུང༌། །སྔགས་ཀྱི་འོད་ཟེར་ཤིན་ཏུ་གསལ། །མར་མེ་འབར་བའི་ཡང་དག་འོད། །ཐུགས་ཀྱི་རྡོ་རྗེ་ལ་དབུལ་བྱ། །བདེ་ཆེན་པོའི་ནམ་མཁར་གནས། །བྱང་ཆུབ་སེམས་ནི་སད་པ་དང༌། །དེ་ཉིད་ཀྱིས་ཀྱང་བྱུགས་པ་ནི། །ཐུགས་ཀྱི་རྡོ་རྗེ་ལ་དབུལ་བྱ། །འདིར་ནི་གང་དག་གང་ལོངས་སྤྱོད། །དབང་པོ་ཐམས་ཅད་ཡང་དག་བསྟེན། །དེ་དག་ཐམས་ཅད་ཐུགས་རྡོ་རྗེ། །བཟའ་བའི་མཆོད་པས་མཆོད་པར་བྱ། །འགོག་པའི་རྡོ་རྗེར་ཞུགས་པའི་སེམས། །རང་ཉམས་དཔྱིད་ཀྱི་དཔའ་བོ་གླུ། །གཞོམ་མེད་ན་དའི་སྒྲ་དབྱངས་ཀྱིས། །ཐུགས་ཀྱི་རྡོ་རྗེ་མཆོད་པར་བགྱི། །སྔགས་ནི་སྤྱི་དང་འདྲའོ། །བསྟོད་པ་ནི་སྤྲོ་ཞིང་ལོང་ཡོད་ན། རྒྱུན་ཆགས་དང༌། སྒྱུ་འཕྲུལ་སྦྱིན་པ་ལ་སོགས་པ་བྱ།
དེ་ཙམ་མི་ཤེས་ན། བསྐལ་པའི་མེ་འབར་སོགས་སམ། རྒྱལ་བ་སྤྲུལ་པ་སོགས་དང༌། མཚན་བརྒྱ་བྱ། དེ་ཡང་མི་ནུས་ན། རྐང་བརྒྱད། རྐང་བརྒྱད་གཉིས་དང་རོལ་མོ་དཀྲོལ་བའམ་ཡང་ན་དྲིལ་བུ་ཙམ་དཀྲོལ། མཆན། གང་གི་དྲིན་གྱིས་སོགས་དང༌། དཔལ་ལྡན་རྡོ་རྗེ་མཁའ་འགྲོ་དང༌། སོགས་བྱ། ཆོས་དབྱིངས་རྣམ་དག་དབྱིངས་ལས་མ་གཡོས་ཀྱང༌། །ཐབས་ཀྱི་ཁྲོ་བོའི་སྐུར་སྟོན་གདུག་པ་འདུལ། །ཆེ་བའི་ཆེ་མཆོག་ལྷ་ཡི་ལྷར་གྱུར་པ། །ཀུན་བཟང་ཁྲག་འཐུང་བླ་མར་ཕྱག་འཚལ་ལོ། །བདག་མེད་དབང་ཕྱུག་སྐུ་དང་དབྱེར་མེད་ཅིང༌། །བདེ་ཆེན་འོད་གསལ་དག་པའི་དཀྱིལ་འཁོར་ནས། །རྒྱལ་བ་སྲས་བཅས་ལ་སོགས་སྤྲིན་སྤྲོ་བ། །རྡོ་རྗེ་ཕག་མོའི་སྐུ་ལ༴ དུས་གསུམ་བདེ་བར་གཤེགས་པ་ཆོས་ཀྱི་སྐུ། །འཁོར་འདས་སྟོང་པར་མཛད་པའི་ཐུགས་རྗེ་ཅན། །གདུལ་བྱ་ཀུན་མཁྱེན་ས་ལ་འགོད་མཛད་པའི། །རིགས་ལྔ་བདེ་བར་གཤེགས་ལ༴ །ནམ་མཁའ་ལྟ་བུར་ཐམས་ཅད་ཐོགས་མེད་ཅིང༌། །འདོད་དགུར་བསྒྱུར་བའི་རྫུ་འཕྲུལ་ཤུགས་དང་ལྡན། །ཐུགས་དམ་དབང་གིས་སྒྲུབ་ལ་རྩེར་དགོངས་པའི། །གནས་གསུམ་མཁའ་འགྲོའི་ཚོགས་ལ༴ །ཉོན་མོངས་རྣམ་དག་ཡེ་ཤེས་སྐུ་བརྙེས་ཏེ། །སྲིད་པའི་འཁོར་ལོ་མ་ལུས་བཅད་པའི་ཕྱིར། །ཐབས་མཁས་ཐུགས་རྗེས་འགྲོ་བ་འདྲེན་མཛད་པའི། །རྒྱལ་གཉིས་རྡོ་རྗེའི་ཞབས་ཀྱི་པདྨོར་འདུད། །དེ་ནས་བླ་མ་སྤྱི་དང་སྒོས་ཀྱི་བསྟོད་པ་རྣམས་འདི་ལ་དྲིལ་བུ་སོགས་
མི་བྱེད། ཅི་རིགས་པར་བྱའོ། །དེ་ནས་ཡན་ལག་བདུན་པ་ནི་ཤེས་ན་བྷུ་བ་རི་པའི་རྒྱུན་བཤགས་བྱ། དེ་མི་ཤེས་ན་དཱ་རི་ཀའི་རྒྱུན་བཤགས་སམ། ཡང་ན་འདི་ལྟར། ཨོཾ་ཨཱཿདཔལ་ལྡན་རྡོ་རྗེ་བླ་མ་དམ་པའི་ཞབས་ཀྱི་པད་མོ་ཡང་དག་པའི་ཡེ་ཤེས་གསལ་བར་བྱེད་པ་དེ་ལ་ཕྱག་འཚལ་ལོ། །ཧཱུཾ། བྱང་ཆུབ་སྙིང་པོར་མཆིས་ཀྱི་བར། །བླ་མ་སངས་རྒྱས་ལ་ཕྱག་འཚལ། །སྐྱོབ་པ་ཆོས་ལ་ཕྱག་འཚལ་ལོ། །དགེ་འདུན་རྗེ་ལ་ཕྱག་འཚལ་ལོ། །ཕྱག་འོས་སངས་རྒྱས་ཐམས་ཅད་དང༌། །རྒྱལ་བས་གསུང་བའི་ཆོས་རྣམས་དང༌། །ཚུལ་ཁྲིམས་བཟང་ལྡན་དགེ་འདུན་ཏེ། །དཀོན་མཆོག་གསུམ་ལ་བདག་སྐྱབས་མཆི། །བྱས་དང་བྱེད་དུ་བཅུག་དང་ཡིད་རངས་པའི། །སྡིག་པ་མ་ལུས་སྐྱོན་ཀུན་འཇིག་བྱེད་པའི། །སྤྱན་སྔར་སོ་སོར་བཤགས་ཤིང་སླར་ཡང་ནི། །མི་བྱེད་པ་ཡི་སྡོམ་པ་བླང་བར་བགྱི། །ཉན་ཐོས་རང་རྒྱལ་བླ་མེད་རྒྱལ་བ་དང༌། །རྒྱལ་བའི་སྲས་ཀྱི་དགེ་བ་གང་མཛད་པ། །དེ་དག་ཀུན་ལ་ཡང་དག་ཡིད་རངས་ཤིང༌། །བྱང་ཆུབ་ཏུ་ནི་ཡོངས་སུ་བསྔོ་བར་བགྱི། །རྒྱལ་བ་དཀོན་མཆོག་ལ་སོགས་གསུམ་པོ་ལ། །དངོས་པོ་ཀུན་གྱི་བདག་ནི་སྐྱབས་སུ་མཆི། །བྱང་ཆུབ་མཆོག་ཏུ་སེམས་སྐྱེད་དེ་བཞིན་དུ། །བླ་ན་མེད་པའི་ལམ་ལ་བརྟེན་པར་བགྱི། །བདག་གི་དུས་གསུམ་དགེ་བ་ཅི་སྤྱད་པས། །ནམ་མཁའི་མཐའ་ཀླས་གྱུར་པའི་སེམས་ཅན་རྣམས། །བླ་མེད་རྡོ་རྗེ་ཐེག་པའི་སྣོད་གྱུར་ཏེ། །ཀུན་ཀྱང་རྡོ་རྗེ་འཛིན་པ་མྱུར་ཐོབ་ཤོག །བསྡུ་ན་
དེ་ཙམ་བྱ། སྤྲོ་ན། སྐྱེ་ཞིང་སྐྱེ་བ་སོགས་ཀྱང་གདོན་ནོ། །དེ་ནས། སྲས་བཅས་སངས་རྒྱས་སོགས་དང༌། སྤྲོ་ན། སངས་རྒྱས་ཆོས་དང་དགེ་འདུན་ལ་སོགས་དང༌། ནངས་པར་སྔར་ལངས་སེམས་དག་ཉིད། སོགས་ཀྱང་བྱ། བསྡུ་ན་རིགས་ལྔའི་སྡོམ་པར་མ་འདུས་པ་མེད་དོ། །བསངས་སྦྱངས། ལག་པ་གཡོན་པའི་མཐེ་བོང་དང་ལག་མཐིལ་གྱི་སྣ་ཚོགས་པདྨའི་འདབ་མ་གཉིས་པར་ཟླ་བ། སོར་མོ་དང་སེན་མོ་རྣམས་དང་འདབ་མ་གཞན་དང་ལྟེ་བར་ཉི་མ། ཨོཾ་ཨཱཿཧཱུཾ། བཅུ་གཉིས། ཨོཾ་ཧ་ན་མ་ཧི་སོགས་དང༌། ཨོཾ་བཾ་ཧཾ་ཡོཾ་སོགས། རྡོ་རྗེ་སེམས་དཔའ་རྣམ་སྣང་མཛད། །པདྨ་གར་དབང་ཧེ་རུ་ཀ །རྡོ་རྗེ་ཉི་མ་རྟ་མཆོག་དང༌། །རྡོ་རྗེ་ཕག་མོ་ཤིན་རྗེ་མ། །རྨོངས་བྱེད་སྦྱོང་བྱེད་སྐྲག་བྱེད་མ། །ཙཎྜི་ཀ་ཡི་ངོ་བོར་གནས། ཕཻཾ། མདུན་བསྐྱེད་ཀྱི་ལྷ་ཚོགས་ཐམས་ཅད་ལས་ལྷ་ཚོགས་གཉིས་པ་རྣམས་ལག་པའི་མཁྲིག་མར་བྱོན་སྟེ་དཀྱིལ་འཁོར་ཡོངས་སུ་རྫོགས་པར་གྱུར། ཧཱུཾ་བཾ་མཾ་ཏཾ་པཾ་ལཾ་པུཾ་ཛཾ་ཨོཾ་ཨཾ་གོཾ་རཾ་དེཾ་མཾ་ཀཾ་ཨོཾ་ཏྲིཾ་ཀོཾ་ཀཾ་ལཾ་ཀཾ་ཧིཾ། པྲེཾ་གྲེཾ་སཽོཾ་སུཾ་ནཾ་སཾ་མཾ་ཀུཾ་ཧཱུཾ། བརྒྱད་བརྗོད། ལག་པའི་སའི་ཁམས་ལ་ནི་ལྟུང་བྱེད་མའོ། །སོགས་དྲ་བ་ཅན་ནོ། །དེ་ནས། ཨོཾ་ཧ་སོགས་དང་ཧཱུཾ་བཾ་སོགས་ཀྱི་མཐར། ཨོཾ་ཨཱཿཧཱུཾ་ཞེས་དང་པོར་ནང་མཆོད། དེ་ནས་ཁུ་བའི་རྫས་གཞན། དེ་ནས་གོང་བུའི་རྫས། མཐར་མེ་ཏོག་འབུལ་ཏེ། ཨོཾ་བཾ། སོགས་དང༌། ཧཱུཾ་བཾ། སོགས་ཀྱི་མཐར། ཨོཾ་བཛྲ་པུཥྤེ་ཏཱིཙྪ་སྭཱཧཱ། ཞེས་སོ། །ཨརྒྷཾ་སོགས་དང༌། ཝཱི་ནི་བཛྲི་སོགས་དང༌། རྐང་བརྒྱད་ཀྱིས་བསྟོད། ཡི་གེ་བརྒྱ་པ་བརྗོད། མ་འབྱོར་
བ་དང་སོགས། ཨོཾ་ཡོ་ག་ཤུདྡྷ་སོགས། ཨོཾ་ཨཱཿཧཱུཾ། ཨོཾ་ཨཱཿཧཱུཾ། དེ་ནས་མདུན་བསྐྱེད་བླ་མ་ཧེ་རུ་ཀ་ལ་མེ་ཏོག་དབུལ་ཏེ། ཨོཾ་མཆོག་ཏུ་བདེ་བའི་སེམས་ནི་རོལ་པར་ལྡན། །སྒེག་པའི་ཕྱག་གིས་བཅོམ་ལྡན་འདས་ལ་འདུད། ཛཿཧཱུཾ་བཾ་ཧོཿརབ་ཏུ་གྲུབ་པར་མཛོད། །མགོན་པོ་སྙིམ་པའི་མེ་ཏོག་བཞེས་ཤིག་ཧོ། ཨོཾ་ཤྲི་བཛྲ་ཧཻ་ཧེ་སོགས་ལ། སྔགས་རེ་རེའི་མཐར། ཨོཾ་ཨཱཿཧཱུཾ། པུཥྤཾ་པྲ་ཏིཙྪ་ན་མཿ ཞེས་པ་བཏགས་སོ། །དྲུག་པ་ནི། བསངས་སྦྱངས། སྟོང་པའི་ངང་ལས། ཡཾ་ལས་རླུང་ནས། བདུད་རྩི་ལྔའི་བར་གོང་བཞིན། རླུང་གཡོས་མེ་སྦར། རྫས་རྣམས་ཞུ་ཞིང་ཁོལ། ཉི་མ་འཆར་ཀའི་ཁ་དོག་ལྟར་གྱུར་པའི་རླངས་པ་ལས་གྲུབ་པ་ཧཱུཾ་ལས་ཁ་ཊྭཱཾ་ག་ཧཱུཾ་གིས་མཚན་པ་མགོ་བོ་ཐུར་དུ་བལྟ་བ་བདུད་རྩིའི་རང་བཞིན་ལ་བདུད་རྩི་བབས། དེ་ཉིད་ཞུ་སྟེ་འདྲེས། དེའི་སྟེང་གི་ནམ་མཁའ་ལ། ཨོཾ་ཨ་ཨཱ་ནས། ཀྵ་ཧཱུཾ་ཧཱུཾ་ཕཊ་སྭཱཧཱ་ཡོངས་སུ་གྱུར་པས། ཨོཾ་དཀར་པོ། ཨཱ་དམར་པོ། ཧཱུཾ་སྔོན་པོ། དེའི་འོད་ཀྱིས་སངས་རྒྱས་ཐམས་ཅད་ཀྱི་ཡེ་ཤེས་ཀྱི་བདུད་རྩི་སྤྱན་དྲངས་ཏེ་ཡི་གེ་འབྲུ་གསུམ་ལ་ཐིམ། དེ་རྣམས་བདུད་རྩིར་ཞུ་སྟེ་གཏོར་མ་ལ་ཐིམ་པས་ཁ་དོག་དང་དྲི་རོ་ནུས་མཐུ་ཕུན་སུམ་ཚོགས་པར་གྱུར། ཨོཾ་ཨཱཿཧཱུཾ་ཧ་ཧོ་ཧྲིཿ ཕཻཾ། ཨོཾ་བཛྲ་ཨཱ་རལླི་ཧོ་ཛཿཧཱུཾ་བཾ་ཧོཿས་མ་ཡ་སྟཾ་དྲི་ཤྱ་ཧོ། ལན་ལྔ། ཨརྒྷཾ་སོགས་དང་རྐང་བརྒྱད་ཀྱིས་བསྟོད། སྲིད་དང་ཞི་བ་མཉམ་པ་ཆགས་དང་ཀུན་རྟོག་ཆགས་པ་བཅོམ། ཁྱོད་ཀྱི་དངོས་པོ་མཐའ་དག་ནམ་མཁའ་དང་ནི་འདྲ་བར་གཟིགས། །མགོན་པོ་ཤིན་ཏུ་ལྕི་བའི་ཐུགས་རྗེའི་ཆུས་རླན་སེམས་ལ་ནི། །
མཛོད་ཅིག་མཛོད་ཅིག་ལྷ་མོ་བདག་ལ་དགེས་པར་མཛོད། ཨོཾ་ཁ་ཁ སོགས་དང༌། ཨོཾ་ཌཱ་ཀི་ནཱི་ཨརྒྷཾ སོགས། གནས་གསུམ་གྱི་རྡོ་རྗེ་མཁའ་འགྲོའི་ཞལ་དུ་ཨོཾ་ཨཱཿཧཱུཾ། ལྷ་ཡི་ཚོགས་རྣམས་མ་ལུས་དང༌། སོགས་སམ། ཨོཾ་འཇིག་རྟེན་ཀུན་གཙོ་མངའ་མཛད་པའི། །འཇིགས་བྱེད་དྲག་པོ་སྟོབས་ལྡན་པ། །བདེ་གཤེགས་སྲས་སོགས་བྲན་མཛད་པའི། །བྱང་ཆུབ་སེམས་དཔའ་སྙིང་རྗེ་ཅན། །དབང་ཕྱུག་ཆེན་པོ་ཆུང་མར་བཅས། །དེ་བཞིན་ཁྱབ་འཇུག་ཚངས་པ་དང༌། །བརྒྱ་བྱིན་འདོད་དགའ་ཆུང་མར་བཅས།།ལྷ་ཆེན་འཁོར་བཅས་ཚོགས་རྣམས་དང༌། །ཕྱོགས་སྐྱོང་བརྒྱད་པོ་འཁོར་དང་བཅས། །ཀླུ་ཆེན་བརྒྱད་པོ་འཁོར་དང་བཅས། །མཁའ་འགྲོ་དྲག་མོ་བསུས་འཛིན་མ། །དུར་ཁྲོད་མ་མོའི་ཚོགས་དང་བཅས། །གཞན་ཡང་ལྷ་སྲིན་སྡེ་བརྒྱད་དང༌། །འགྲོ་བ་དྲུག་པོ་འཁོར་བཅས་རྣམས། །ལུས་ངག་ཡིད་གསུམ་སྦྱངས་བྱས་ནས། །རང་གི་ལྷ་ཡི་གཟུགས་འཛིན་རྣམས། །གནས་འདིར་འདུས་པའི་དམ་ཚིག་ཅན། །མཆོད་གཏོར་རྒྱན་དང་བཅས་པ་བཞེས། །དམ་ཚིག་སྲུངས་ཤིག་དམ་ཚིག་ཅན། །ལས་ལ་བརྩོན་པའི་མཁའ་འགྲོ་རྣམས། །རྣལ་འབྱོར་སྒྲུབ་པའི་གྲོགས་མཛོད་ཅིག།ལས་མཛད་རྡོ་རྗེ་བྲན་བཅས་པས། །ཞི་རྒྱས་དབང་དྲག་ལས་སྒྲུབ་ཅིང༌། །ཐེག་ཆེན་གསང་སྔགས་བསྲུང་བ་དང༌། །ནད་དང་གདོན་སོགས་ཞི་བ་དང༌། །ཚེ་དབང་བཀྲ་ཤིས་
འཕེལ་བ་དང༌། །དགེ་ལེགས་འབྲས་བུ་གྲུབ་པར་མཛོད། འདིར་ནི་ལག་མཆོད་གཏོར་ཆོག་ཤིན་ཏུ་བསྡུས་པ་སྟེ། རྒྱས་འབྲིང་གཞན་དུ་བཙལ་བར་བྱའོ། །སྒོས་ཀྱི་ཆོས་སྐྱོང་ལ་གཏོར་མ་གཏོང་ནའང༌། འདིར་གཏོང་བཟླས་པའང་སྐབས་འདིར་བྱ་སྟེ། ཐུན་མོངས་མ་ཡིན་པའི་གནད་ཞལ་ལས་ཤེས་སོ། །བདུན་པ་ནི། ཆོས་འདི་ཉིད་ཀྱི་རྩ་བརྒྱུད་ཀྱི་བླ་མའི་བསྟོད་པ་དང༌། གསོལ་འདེབས་རྣམས་བྱ། སྔར་བཞིན་དཔྱིད་ཀྱི་རྒྱལ་པོའི་གླུས་གསོལ་བ་བཏབ། མཎྜལ་ཕུལ་ཏེ། དཔལ་ལྡན་བླ་མ་དམ་པ་ལ་དབང་བསྐུར་བ་ཞུ་བའི་ཡོན་དུ་དབུལ་བར་བགྱིའོ།། སོགས་བྱ། དགའ་ཆེན་ཁྱོད་བདག་སྟོན་པ་སྟེ། སོགས་གསུམ། དཔའ་བོ་ཆེན་པོ་མི་ལྡོག་པའི། །དབང་བསྐུར་བ་ནི་བདག་ལ་སྩོལ། །སེམས་ཅན་ཀུན་གྱི་དོན་བགྱིད་ཕྱིར། །བདག་ནི་རྟག་ཏུ་སློབ་དཔོན་གྱུར། ལན་གསུམ། རྡོ་རྗེ་འདི་ཉིད་རྡོ་རྗེ་སེམས་དཔའ་ཞེས་པ་དང༌། ཧི་ཧི་ཧི་ཧཱུཾ་ཕཊ། ཐོག་མཐའ་མེད་པའི་སེམས་དཔའ་ནི། །རྡོ་རྗེ་སེམས་དཔའ་དགའ་བ་ཆེ། །ཀུན་ཏུ་བཟང་པོ་ཀུན་བདག་ཉིད། །རྡོ་རྗེ་སྙེམ་ཚུལ་བདག་པོའི་བདག །ཨོཾ་བཛྲ་གྷནྡྷེ་ར་ཎི་ནས། ཨ་ཁཾ་སྭཱཧཱ། སྲིད་པ་ངོ་བོ་ཉིད་ཀྱི་དག །ངོ་བོ་ཉིད་ཀྱིས་སྲིད་བྲལ་བྱས། །རང་བཞིན་དག་པའི་སེམས་དཔའ་ཆོག །སྲིད་པ་དམ་པ་བྱེད་པར་འགྱུར། །ཡིད་ཀྱི་ལུས་སུ་བརྟན་པའི་ཕྱིར། །ཕྱག་རྒྱའི་དམ་ཚིག་རབ་ཏུ་བརྗོད། །གང་གི་ལུས་ནི་ཐམས་ཅད་བརྟན། །དེས་ན་ཕྱག་རྒྱར་རབ་ཏུ་སྒྲགས། །དབང་བསྐུར་
རྡོ་རྗེ་ཆེན་པོ་ནི། ཁམས་གསུམ་པ་ཡིས་ཕྱག་བྱས་པ། །སངས་རྒྱས་ཀུན་གྱི་གསང་གསུམ་གྱི། །གནས་ལས་བྱུང་བ་སྦྱིན་པར་བྱ། ཨོཾ་བཛྲ་ཨུ་ད་ཀ་ཨ་བྷི་ཥིཉྩ་ཧཱུཾ་སུ་ར་ཏ་སྟཾ་ཨཱ་ཧཾ། དབང་བསྐུར་ཏེ་སྤྱི་བོར་མི་བསྐྱོད་པས་དབུ་བརྒྱན། རྡོ་རྗེ་ཆེ་དང་དྲིལ་བུ་ཆེ། །ཟུང་ཤིག་རྡོ་རྗེ་བྱིན་གྱིས་རློབས། །དེ་རིང་རྡོ་རྗེ་སློབ་དཔོན་གྱུར། །སློབ་མའི་ཚོགས་རྣམས་བསྡུ་བར་གྱིས། ཨོཾ་སུ་པྲ་ཏིཥྛ་བཛྲ་ཡེ་སྭཱཧཱ། བླ་མ་ཧེ་རུ་ཀ་ཡབ་ཡུམ་སྙོམས་པར་ཞུགས་པའི་བྱང་ཆུབ་ཀྱི་སེམས་དེ་བཞིན་གཤེགས་པ་ཐམས་ཅད་ཀྱི་རྡུལ་ཕྲ་རབ་ཏུ་གྱུར་པ་ལྷན་ཅིག་སྐྱེས་པ་བརྟན་པའི་མཐར་བདག་གི་ལྕེ་ཐོག་ཏུ་བཞགའདས་པའི་རྡོ་རྗེ་འཆང་སོགས་ཀྱིས། །ཇི་ལྟར་སངས་རྒྱས་སྲས་དབང་བསྐུར། །བྱང་ཆུབ་སེམས་ནི་བཟང་པོ་ཡིས། །དེ་རིང་བུ་ཁྱོད་དབང་བསྐུར་རོ། ཨོཾ་ཨཱཿཧཱུཾ། ཡེ་ཤེས་ལས་སྤྲུལ་པའི་རིག་མའི་ལྷ་མོ་བདག་ལ་གནང༌། ལྷ་མོ་དགའ་སྦྱིན་གནས་སྦྱིན་མ། །སྣ་ཚོགས་གཟུགས་ཅན་ཡིད་འོང་མ། ཁྱེར་ཅིག་ཁྱེར་ཅིག་སེམས་དཔའ་ཆེ། །ཁྱེར་ལ་མཆོད་པ་རྟག་ཏུ་གྱིས། ཨོཾ་ཤཱི་ཤཱི་ཤཱིཏ་ཧ་ཧ་ཧ་སྭཱཧཱ། ཨོཾ་སརྦ་ཏ་ཐཱ་ག་ཏ་ཨ་ནུ་རཱ་ག་ན་བཛྲ་སྭ་བྷཱ་ཨཱཏྨ་ཀོ྅ཧཾ། ཡེ་ཤེས་འདི་ནི་ཆེས་ཕྲ་ཞིང༌། རྡོ་རྗེ་སྙིང་པོ་ནམ་མཁའ་མཚུངས། །རྡུལ་བྲལ་ཐར་སྦྱིན་ཞི་བ་ཉིད། ཁྱོད་ཀྱི་ཕ་ནི་ཁྱོད་ཉིད་དོ། །འདི་ནི་རང་ཉིད་མཛེས་མ་སྟེ། །ཕྱི་རོལ་ཡུལ་ནི་སྡངས་པའོ། །རིག་འདི་བོར་ནས་འདི་ལས་ནི། །
གཞན་པའི་ཐབས་ཀྱི་སངས་རྒྱས་མེད། །རིག་པའི་བརྟུལ་ཞུགས་སྤྱོད་ཅིག་བུ། །བརྟུལ་ཞུགས་ཀུན་གྱི་བླ་མའི་བླ། །དེར་ཅུང་ཟད་མཉམ་པར་བཞགདེང་ནས་བརྩམས་ཏེ་བུ་ཁྱོད་ཀྱིས། །ཇི་སྲིད་བྱང་ཆུབ་སྙིང་པོའི་བར། །རྨི་འདྲར་སེམས་ཅན་ཐམས་ཅད་ཀྱི། །དོན་ནི་བདག་ཉིད་ཀུན་གྱིས་ཀྱཻ། །གཙོ་བོས་ཇི་ལྟར་བཀའ་སྩལ་བ། །དེ་དག་ཐམས་ཅད་བདག་གིས་བགྱི། ལན་གསུམ། དེང་ནས་བརྩམས་ཏེ་བདག་བྲན་དུ། སོགས་བྱ། གལ་ཏེ་ཚོགས་ཀྱི་བྱ་བ་དང་འབྲེལ་ན། སྐབས་འདིར་ཚོགས་མཆོད་བཞིན་བྱ་སྟེ། ལྷག་གཏོར་རྫོགས་ཀྱི་བར་དུ་བཏང་ངོ༌། །གསུམ་པ་རྗེས་ལ། སྔར་བཞིན་མཆོད་པ་བྱིན་རླབས་དང༌། སྔར་ཡེ་ཤེས་པའི་མཆོད་པ་བཞིན་མཆོད་པ་བྱ། རྐང་བརྒྱད་ཀྱིས་བསྟོད། བདག་དང་སེམས་ཅན་ཐམས་ཅད་ལ་མཆོག་དང་ཐུན་མོང་གི་དངོས་གྲུབ་མ་ལུས་པ་སྩལ་དུ་གསོལ། ཧེ་རུ་ཀའི་ཡིག་བརྒྱ་མང་དུ་བརྗོད། བདག་ནི་མི་ཤེས་ནས། བདག་སྐྱབས་མཆི། མ་འབྱོར་པ་དང༴ ལྷག་མ་དང་ནི་སོགས། ཚུལ་ཁྲིམས་ཙནྡན་གྱིས་ལུས་བྱུགས། །བསམ་གཏན་གྱི་ནི་གོས་དག་གྱོན། །བྱང་ཆུབ་ཡན་ལག་མེ་ཏོག་བཀྲམ། །ཇི་ལྟར་བདེ་བར་བཞུགས་སུ་གསོལ། །སོ་སོའི་སྐྱེ་བོར་གྱུར་གང་དང༌། །རྣལ་འབྱོར་མ་ཐོབ་དབང་གིས་དང༌། །ཉེ་བར་མཁོ་བ་མ་ཡིན་དང༌། །བརྗེད་ངད་ཤེས་བཞིན་མ་ཡིན་པས། །ཅུང་ཟད་ཆོ་ག་ཉེར་མ་ཚང༌། །དེ་དག་བཀྲུ་ཞིང་བཟོད་མཛད་རིགས། །ཆོ་གའི་བྱ་བ་མ་ཚང་བ། །རྫོགས་སངས་རྒྱས་དང་
ལྷ་རྣམས་དང༌། །དེ་སྲས་རྣམས་དང་ཚངས་ལ་སོགས། །འཇིག་རྟེན་སྐྱོང་རྣམས་བཟོད་མཛད་རིགས། །གནས་དང་ཉེ་བའི་གནས་དང་ཞིང༌། །འདུ་དང་དུར་ཁྲོད་གནས་པ་ཡི། །དཔའ་བོ་དཔའ་མོའི་དབང་ཕྱུག་མ། །ཀུན་ལ་བདག་ནི་གུས་ཕྱག་འཚལ། ལྷ་མོ་ཚད་མ་སོགས། སྲིད་དང་ཞི་བ་མཉམ་པ༴ སོགས་རྣམ་ལྔ་འདོད་སྐོར་དང་འཁྱུད་རྒྱ་བྱ། ཡོ་ག་ཤུདྡྷ་སོགས། གཙྪ་གཙྪ་སྭ་བྷཱ་ཝ་ནཾ། བཛྲ་མུཿ དཀྱིལ་འཁོར་ལ་རེགགཏོར་མགྲོན་རྣམས་གཤེགས། དཔལ་ལྡན་བླ་མ་དམ་པས་བདག་ལ་བྱིན་གྱིས་བརླབ་ཏུ་གསོལ། ཞེས་གསོལ་བ་བཏབ་པས། བླ་མ་རང་གི་སྤྱི་བོར་བྱོན་འོད་དུ་ཞུ། དཔྲལ་བ་ཡན་ཆད་གང༌། བུམ་དབང་ཐོབ། མགྲིན་པ་ཡན་ཆད་གང༌། གསང་དབང་ཐོབ། སྙིང་ག་ཡན་ཆད་གང༌། ཤེས་རབ་ཡེ་ཤེས་ཀྱི་དབང་ཐོབ། ལུས་ཐམས་ཅད་གང༌། དབང་བཞི་པ་ཐོབ། ལུས་ངག་ཡིད་གསུམ་གྱི་དྲི་མའི་བག་ཆགས་ཐམས་ཅད་སྦྱངས། བླ་མའི་སྐུ་གསུང་ཐུགས་དང༌། རང་གི་ལུས་ངག་ཡིད་གསུམ་དབྱེར་མེད་མཉམ་པ་ཉིད་ལ་འཇོག རང་ཧེ་རུ་ཀར་གསལ་བའི་གནས་རྣམས་སུ། ཨོཾ་ཨོཾ་ཧ་སོགས། ཡུམ་གྱི་གནས་རྣམས་སུ། ཨོཾ་ཨོཾ་བཾ་སོགས། སུམྦྷ་ཚར་གཉིས་ཀྱིས་མཚམས་རྔམ་བྱ། བདག་དང་སྣང་བའི་དངོས་པོ་ཐམས་ཅད་འཁོར་ལོ་སྡོམ་པའི་སྐུའི་རང་བཞིན། ཨོཾ་ན་མོ་བྷ་ག་ཝ་ཏེ། སོགས། བརྗོད་པ་དང་གྲགས་པའི་སྒྲ་ཐམས་ཅད་གསུང་གི་རང་བཞིན། དྲན་རིག་དྲན་རྟོག་
ཐམས་ཅད་ཐུགས་བདེ་བ་ཆེན་པོའི་ཆོ་འཕྲུལ་དུ་རྣམ་པར་དག་གོ །བདག་གིས་དུས་གསུམ་དགེ་བ༴ སོགས། སྐྱེ་ཞིང་སྐྱེ་བ་དག་ནི་ཐམས་ཅད་དུ་ནས། འཁོར་ལོ་སྡོམ་པའི་དམ་ཚིག་ལ་གནས་ཤོག རྡོ་རྗེ་དྲིལ་བུ་ལ་སོགས་རྟག་ཏུ་འཆང་ནས། མཁའ་ལ་སྤྱོད་པའི་གནས་སུ་འཁྲིད་པར་ཤོག ཤེས་ཤིང་སྤྲོ་ན། འཁོར་ལོ་མ་ལུས་འདྲེན་པའི་དཔལ་དུ་ཤོག །གི་བར་ཡང་བྱ། གལ་ཏེ་ཚོགས་འཁོར་དང་འབྲེལ་བ་དང༌། ཡོན་བདག་ཡོད་ན། མཁའ་འགྲོ་མ་རྣམས་འདུས་ལ་གུས་པས་མཆོད་པ་དང༌། དཔའ་བོ་རྣམས་ལ་བཟའ་དང་བཏུང་བ་ཁྱོད་ཀྱིས་དྲངས། ཁྱོད་ལ་རྟག་ཏུ་བསྲུང་བ་མཆོག་གི་སྦྱོར་བ་དང༌། ཡང་ན། ཡིད་ལ་འདོད་པ་ཕུན་སུམ་ཚོགས་པར་ཤོག ཅེས་པའང་བྱའོ། །སེམས་ཅན་ཐམས་ཅད་བདེ་གྱུར་ཅིག །སེམས་ཅན་ཐམས་ཅད་ནད་མེད་ཅིང༌། གང་གི་ལམ་ནས་གྲོལ་བ་ཡི། །སངས་རྒྱས་ཉིད་དུ་གྲུབ་གྱུར་ཅིག །མ་བསྒྲལ་བ་རྣམས་བདག་གིས་བསྒྲལ། །མ་གྲོལ་བ་རྣམས་བདག་གིས་དགྲོལ། །རྣལ་འབྱོར་གཙུག་ལག་བསྟན་བཅོས་ལ། །ད་ལྟ་ཉིད་དུ་གནས་པར་ཤོག །སྲིད་པ་གསུམ་འབར་སྐུ་སོགས་དང༌། །བདེ་བ་ཕུན་ཚོགས་ཡང་དག་ལྡན། །ནད་མེད་དགེ་བའི་སེམས་དང་ནི། །འདོད་དང་ཐར་སོགས་ཡང་དག་ཐོབ། །ཕུན་སུམ་ཚོགས་པ་འགྲུབ་གྱུར་ཅིག དེ་ནས། དཔའ་བོ་གཉིས་མེད་མཆོད་པས་སྐྱེ་བ་འདི་ལ་ནི། །སྒྲིབ་པ་ཟད་དང་ཕྱག་རྒྱའི་དངོས་གྲུབ་འགྱུར་བར་ཤོག །སྐྱེ་བ་ཀུན་ཏུ་མཆོག་ཏུ་བདེ་བར་གཤེགས་པ་ཡི། །གྲུབ་པའི་འཇིག་རྟེན་དབུས་སུ་
འགྲོ་བ་ཉིད་གྱུར་ཅིག །ཞིང་དང་ཉེ་བའི་ཞིང་སོགས་བཅུ་གཉིས་སུ། །དམ་ཚིག་བརྡ་དང་བདེ་སྤྱོད་རོལ་བ་ཡིས། །བུ་བཞིན་དགོངས་པས་བདག་སྒྲིབ་དག་གྱུར་ཏེ། །བདེ་བ་མཆོག་གི་ས་ལ་འགོད་པར་ཤོག །བླ་མའི་ཞབས་ལ་རྟག་ཏུ་འདུད་བྱེད་ཅིང༌། །རྡོ་རྗེ་དབང་མོའི་ཞབས་དྲན་གྱུར་ནས་ཀྱང༌། །བཙུན་མོའི་ཤུ་ཀྲའི་ཚོགས་ལ་རྟག་སྤྱོད་ཅིང༌། །གསང་བའི་པདྨོར་རོལ་ཞིང་མཆོད་བྱེད་ཤོག །དཔལ་ལྡན་དཔའ་བོ་དཔའ་མོ་ཉི་ཤུ་བཞིའི། །ཞལ་མཐོང་དེ་ཡི་ངོ་བོར་བདག་གྱུར་ཏེ། །འགྲོ་བ་བདེ་བ་དམ་པས་འཕོངས་རྣམས་ཀྱི། །ཉེར་འཚོ་རིན་ཆེན་ལྟ་བུར་བདག་གྱུར་ཅིག །རྣམ་པ་མང་པོའི་བསོད་ནམས་འདི་དག་ཀྱང༌། །བདག་གཞན་དགེ་བ་མཆོག་ནི་བསྐྱེད་པའི་གཞི། །དེ་ཉིད་གསལ་བྱེད་རྨོངས་པ་རབ་འཇོམས་པ། །འགྲོ་ལ་མི་འཇིགས་སྟེར་བའི་མངའ་བདག་ཤོག །རྣམ་པར་རྟོག་པ་ཀུན་ལས་འདས་པ་ཡི། །བདེ་ཆེན་འཁོར་ལོ་ཟག་པ་མེད་པའི་དབྱིངས། །ཨཱ་ལི་ཀཱ་ལི་རྟོག་མེད་སྙོམས་འཇུག་མར། །བསགས་པའི་དགེ་རྣམས་ཡོངས་སུ་བསྔོ་བར་བགྱི། །བདག་གི་བསོད་ནམས་འདི་ཡིས་ཡང་ཡང་སྐྱེ་བའི་རིམ་པ་རྣམས་སུ་ཡང༌། །ཡུན་རིང་འགྲོ་བའི་དོན་བསྒྲུབ་དོན་ལ་འཇིགས་པ་མེད་པར་དགའ་བ་དང༌། །གཙོ་བོ་སྐུ་ཡི་འོད་ཟེར་ནམ་མཁའ་ཁྱབ་པར་འགྲོ་བས་དབང་བསྐུར་བ། །སྲིད་གསུམ་རྡོ་རྗེ་རོལ་པར་ལྷན་ཅིག་དེ་ཡི་གོ་འཕང་ཐོབ་པར་ཤོག །རྣམ་རྟོག་གཏི་མུག་གྲོང་ཁྱེར་
མཐའ་དག་བསལ་ནས་ཧེ་རུ་ཀ་གཙོ་མཁའ་འགྲོ་མའི། །འཁོར་ལོས་ཡོངས་བསྐོར་རྒྱལ་བ་བླ་མེད་ཡེ་ཤེས་འབྱུང་གནས་ཐར་པ་དམ་པའི་གྲོང༌། །སྦྱིན་པ་ལ་སོགས་རྣམས་ཀྱིས་འགྲོ་བའི་ཡིད་ལ་རེ་བ་ཡང་དག་རྫོགས་པའི་མཆོག །འདིར་ནི་ཤིན་ཏུ་བརྩེ་བ་ཆེ་ལྡན་འཕགས་པའི་དཔལ་འབྱོར་རྟག་པར་མྱོང་བར་ཤོག །དེ་ནས་བཀྲ་ཤིས་ནི་བླ་མའི་རིམ་པ་རྣམས་ཀྱང་སྤྲོ་ན་བྱ་བ་དང༌། དཀྱིལ་འཁོར་ལྷ་ཚོགས་ལ་བྲམ་ཟེ་རིན་ཆེན་རྡོ་རྗེས་མཛད་པའི་བཀྲ་ཤིས་དང༌། བདག་གིས་ཀྱང་འབྲི་བར་འགྱུར་བས་དེ་ལྟར་ཡང་བྱ་ལ། དེ་ཙམ་མི་ནུས་ན། རྒྱལ་མཚན་རྩེ་མོ༴ སོགས་དང༌། ཕུན་སུམ་ཚོགས་པ་མངའ་བ༴ སོགས་ཅི་རིགས་བྱས་ལ། མཐར། ཉིན་མོ་བདེ་ལེགས༴ སོགས། སངས་རྒྱས་རྣམས་ཀྱིས་དེང་འདིར་སྩོལ། དེ་བཞིན་དུ་འདོན་པ་སྤྲོས་ལ། དམ་ཆོས་ཚོགས་ཀྱིས༴ དགེ་འདུན་རྣམས་ཀྱིས༴ མེས་པོ་ཡིས་ཀྱང༴ དབང་པོ་ཡིས་ཀྱང༴ འཇིག་རྟེན་སྐྱོང་བས༴ དཀར་ཕྱོགས་སྐྱོང་བས་དེང་འདིར་སྩོལ། ཞེས་བྱའོ། །གང་ལྟར་བཀྲ་ཤིས་དང་སྨོན་ལམ་ཡང་རྒྱལ་བའི་བཀའ་ལས་བྱུང་བ་ཞིག་གིས་ཐོག་དྲངས་ནས་བྱིན་ཆགས་པར་བྱའོ། །ཡི་དམ་སྒྲུབ་མཆོད་ལས་གཞན་དུ་བླ་མ་དང༌། བླ་མ་མཆོད་པ་ལས་གཞན་དུ་ཡི་དམ་མཆོད་པར་སེམས་ན་གནད་ལས་གོལ་བར་འགྱུར་བའི་ཕྱིར་བླ་མ་དང་ལྷན་ཅིག་ཏུ་ཤེས་པས་མཆོད་དོ། །འདི་ལྟར་ཉམས་སུ་བླངས་པས་བླ་མའི་བསྒྲུབ་པར་འགྱུར་བ་དང༌། ཕོ་ཉ་ལྷན་ཅིག་སྐྱེས་གྲུབ་ནི། །མཆོག་དང་འབྲིང་དང་ཐ་མ་སྟེ། །ཡིད་ནི་ནང་དུ་ཆུད་པ་ཡིས། །འདོད་པ་ཡི་
ནི་དངོས་གྲུབ་བྱ། ཞེས་གསུངས་ཏེ། བདེ་མཆོག་གི་རྒྱུད། གཞུང་མཉམ་པའམ་མཐོང་བས་ལྷག་པར་ཡིད་ཆེས་དང་ངོ་མཚར་སྐྱེའོ། །སློབ་དཔོན་སྟོན་པ་རྡོ་རྗེ་སེམས་དཔའ་ཉིད། །མཆོད་པའི་ཆོ་ག་ཡི་གེར་བྲིས་པ་ལས། །དཔག་ཡས་བསོད་ནམས་ཐོབ་པ་གང་ཡིན་དེས། །ཕན་བདེས་ས་དང་བར་སྣང་གང་བར་ཤོག །དེ་ལྟར་འདི་ནི་འཁོར་ལོ་སྡོམ་པའི་རྒྱུད་ཐམས་ཅད་དང་རྒྱ་གཞུང་ཡིད་ཆེས་པ་མང་པོ་དང༌། ཁྱད་པར་ནཱ་རོ་ཏ་པའི་སྲས་ཀྱི་ཐུ་བོ་པྲཛྙཱ་རཀྵི་ཏིའི་གཞུང་གཞིར་བྱས། ད་རི་ཀ་དང༌། ཨ་བྷ་ཡ་དང༌། མཻ་ཏྲི་པ། ཤུ་བྷཱ་ཀ་ར་གུཔྟ་སོགས་དང༌། བོད་ཀྱི་སྔ་ཕྱིའི་བླ་མ་མང་པོའི་གསུང་གིས་བརྒྱན། བླ་མའི་རྣལ་འབྱོར་དང༌། བླ་མའི་སྒྲུབ་ཐབས་ཐུན་མོང་མ་ཡིན་པ་དག་གིས་གནད་ནས་བཟུང་སྟེ། རྒྱུ་མཚན་ཡིད་ཆེས་ཅན་དུ་བྲིས། དེ་ཡང་དང་པོར། སྒྲུབ་པའི་རྒྱལ་མཚན་སྒྲེང་བ་ལ་ལྷོད་པ་མི་མངའ་བ་རིན་པོ་ཆེ་ཀ་བཞི་པས་བདེ་མཆོག་གི་བླ་མཆོད་བསྡུས་པ་ཞིག་གྱིས་ཞེས་བསྐུལ་བས་མཆོད་བརྗོད་ཙམ་འཕྲལ་དུ་བྲིས་པ་ལས། གཞན་དུ་ལེ་ལོས་ཕྱིར་ཤོལ་བ་ལ། བར་དུ་ཡང་དད་ལྡན་མང་པོ་བདག་གིས་བསྐུལ་བ་དང༌། ཕྱིས་བླ་མའི་བཀས་འཕྲལ་དུ་བསྐུལ་བས་འདུས་ཤིང་འཁྱེར་བདེ་བར་ཐུན་གཉིས་ལ་མྱུར་བར་སྦྱར་ཏེ། ཏཱ་ར་ནཱ་ཐས་རང་ལོ་ཉེར་གསུམ་གྱི་དང་པོར་ནག་པའི་ཟླ་བའི་ཚེས་བཅུ་བདུན་ལའོ།། མངྒ་ལཾ་ཀུ་རུ་བནྟུ་ཤུ་བྷ་མ་སྟུ་སརྦ་ཛཱ་ག་ཏཾ། ཞུས་དག། །།བདག་གིས་དགེ་བ་གང་བསགས་འདི་ཡིས་ནི། །སེམས་ཅན་ཐམས་ཅད་བདེ་ཞིང་སྐྱིད་པ་དང་། །གནས་སྐབས་མཐར་ཐུགས་ཕན་བདེ་མཆོག་སྤེལ་བའི། །བླ་ན་མེད་པའི་རྒྱ་ཚོགས་ཉིད་གྱུར་ཅིག །ཅེས་པའི་དགེ་བསྔོ་བ་འདི་ཉིས་བྲིས། །
ཤོག་སྟོང་།