བདེ་མཆོག་ཨུཥྞི་ཥའི་ངག་འདོན་ཁྱེར་བདེ་བ།

[Full Size]

བདེ་མཆོག་ཨུཥྞི་ཥའི་ངག་འདོན་ཁྱེར་བདེ་བ་བཞུགས།

[Full Size]

ཨོཾ་སྭ་སྟཱི། དཔལ་འཁོར་ལོ་སྡོམ་པའི་རྒྱུད་ལས་གསལ་བར་གསུངས་པའི་ཕྱིར་བཟློག་ནི་འདི་ཡིན་ཏེ། སྐྱབས་སེམས་ཚད་མེད་བཞི་སྔོན་དུ་འགྲོ་བའི་སྒོ་ནས། ཨོཾ་སྭཱ་བྷཱ་ཝ༴ དང༌། ཤུ་ནྱ་ཏས་སྟོང་པར་སྦྱངས། སྟོང་པའི་ངང་ལས་པད་ཉིའི་སྟེང༌། །སྣ་ཚོགས་རྡོ་རྗེ་ལྟེ་བ་ལ། །བྷྲུཾ་ལས་འཁོར་ལོ་རྩིབས་བཅུ་སེར། ཁོང་སྟོང་གཡས་སུ་དྲག་ཏུ་འཁོར། །རྩེ་མོར་རབ་རྣོ་ལྟེ་བ་དང༌། །རྩིབས་བཅུར་པདྨ་ཉི་མའི་གདན། །ཀུན་གྱི་སྟེང་དུ་ཧཱུཾ་ཡིག་ནི། །ལྷ་རྣམས་སོ་སོའི་རང་མདོག་ཅན། །དེ་ལས་འོད་འཕྲོས་སངས་རྒྱས་མཆོད། །གདུག་ཅན་ཐམས་ཅད་ཚར་བཅད་ནས། །ཚུར་འདུས་སོ་སོར་ཐིམ་པ་ལས། །རང་ཉིད་ཧཱུཾ་མཛད་ཧེ་རུ་ཀ །མཐིང་ཀ་སྔོ་སེར་ལྗང་བའི་ཞལ། །རྩ་ཕྱག་ཧཱུཾ་

[Full Size]

མཛད་ཕྱག་རྒྱ་ཡི། །རྡོ་རྗེ་དྲིལ་བུ་ཐུགས་ཀར་འཛིན། །ཐ་མས་གླང་ལྤགས་སྟོད་གཡོགས་བསྣམས། །འཇིགས་བྱེད་དང་ནི་དུས་མཚན་དག།གཡས་རྐྱང་ཞབས་ཀྱིས་མནན་ཏེ་བཞུགས། ཁྲོ་མོའི་དབང་ཕྱུག་རྣལ་འབྱོར་མ། །རང་དང་མཚུངས་པས་འཁྱུད་པར་གྱུར། །ཤར་དུ་རྡོ་རྗེ་གཏུམ་པོ་ནི། །ནག་པོ་ནག་སེར་ལྗང་བའི་ཞལ། །བྱང་དུ་རྡོ་རྗེ་ཉི་མ་ནི། །སེར་པོ་ཞལ་སུམ་སེར་ནག་ལྗང༌། །ནུབ་ཏུ་རྡོ་རྗེ་གཙུག་ཏོར་དམར། །བནྡྷུ་སྤྲིན་ནག་དུར་བའི་མདོག།ལྷོ་ཕྱོགས་རྡོ་རྗེ་འཁྱིལ་བ་ལྗང༌། །མར་གད་ཟླ་བ་གསེར་གྱི་མདོག།ཤར་ལྷོར་རྡོ་རྗེ་གནོད་སྦྱིན་ནི། །དུད་ཁ་ཞལ་གསུམ་དུད་སེར་ལྗང༌། །ལྷོ་ནུབ་རྡོ་རྗེ་དུས་དམར་པོ། །དམར་དང་སེར་དང་ལྗང་ཁུའོ། །རླུང་དུ་སྟོབས་ཆེན་

[Full Size]

སྐུ་མདོག་ནག །ནག་སེར་པ་ལ་ཤ་ཡི་མདོག །དབང་ལྡན་རྡོ་རྗེ་འཇིགས་རུང་སྔོ། །ནག་སེར་ལྗང་ལ་མིག་ཀྱང་ཡོ། །བརྒྱད་པོ་དེ་རྣམས་རྩ་ཕྱག་གཉིས། །ཅང་ཏེའུ་དང་ནི་དྲིལ་བུ་བསྣམས། །སྟེང་དུ་གཙུག་ཏོར་འཁོར་ལོས་བསྒྱུར། །དཀར་པོ་དཀར་ནག་ལྗང་པའི་ཞལ། །རྩ་ཕྱག་འཁོར་ལོ་དྲིལ་བུ་འཛིན། །འོག་ཏུ་རྡོ་རྗེ་ས་འོག་ནག །དཀར་མིན་སེར་དང་ལྗང་ཁུའོ། །རྩ་ཕྱག་རྩེ་སུམ་དྲིལ་བུ་འཛིན། །ཀུན་ཀྱང་རང་མཚུངས་ཡུམ་གྱིས་འཁྱུད། །ཕྱོགས་སྐྱོང་བཅུ་པོ་ཆུང་མར་བཅས། །སོ་སོའི་ཞབས་ཀྱི་འོག་ཏུ་བརྫིས། ཁྲོ་བོའི་རྒྱལ་པོ་བཅུ་གཅིག་རྣམས། །ཕྱག་དྲུག་གཡས་ཀྱི་ལྷག་མ་གཉིས། །རྡོ་རྗེ་ལྕགས་ཀྱུ་ཞགས་པ་འཛིན། །གཡོན་གཉིས་ཐོད་ཁྲག་ཁ་ཊྭཾ་ག །རབ་ཁྲོས་སྤྱན་གསུམ་མཆེ་བ་གཙིེགས། ཁྲོ་གཉེར་གཡོ་ཞིང་ལྗགས་ཀྱང་འགྲིལ། །སྨ་ར་སྨིན་མ་དབུ་སྐྲ་འབར། །སྟག་གི་པགས་པའི་སྨད་དཀྲིས་ཤིང༌། །ཕྱག་རྒྱ་དྲུག་དང་ཀླུ་ཆེན་བརྒྱད། །མི་མགོའི་དོ་ཤལ་ཅོད་པཎ་ཅན། །གནོད་བྱེད་ཐམས་ཅད་ཞལ་དུ་གསོལ། །འཇིག་རྟེན་འཇིག་རྟེན་འདས་པ་ཡི། །ལྷ་དང་འབྱུང་པོ་ཀུན་ལ་སྡིག །འབར་འཕྲེང་འཁྲུག་པའི་དབུས་ན་བཞུགས། ལྷ་ཐམས་ཅད་ཀྱི་སྙིང་གར་ཨོཾ་ཨོཾ་ཧ་དཀར་པོ་རྡོ་རྗེ་སེམས་དཔའ། མགོ་བོར་ཨོཾ་ན་མ་ཧི་སེར་པོ་རྣམ་པར་སྣང་མཛད། སྤྱི་གཙུག་ཏུ་ཨོཾ་སྭཱཧཱ་ཧུ་དམར་པོ་པདྨ་གར་གྱི་དབང་ཕྱུག ཕྲག་པ་གཉིས་སུ་ཨོཾ་བཽ་ཥ་ཊ་ཧེ་ནག་པོ་དཔལ་ཧེ་རུ་ཀ མིག་

[Full Size]

གཉིས་སུ་ཨོཾ་ཧཱུཾ་ཧཱུཾ་ཧོ་དམར་སེར་རྡོ་རྗེ་ཉི་མ། ཚིགས་ཆེན་བརྒྱད་ལ་ཨོཾ་ཕཊ་ཧཾ་ལྗང་ཁུ་རྟ་མཆོག་གི་ངོ་བོ། ལྟེ་བར་ཨོཾ་ཨོཾ་བམ་དམར་མོ་རྡོ་རྗེ་ཕག་མོ། སྙིང་གར་ཧཾ་ཨོཾ་ཧཾ་ཡོཾ་སྔོན་མོ་གཤིན་རྗེ་མ། ཁར་ཨོཾ་ཧྲི་མོམ་དཀར་མོ་རྨོངས་བྱེད་མ། དཔྲལ་པར་ཨོཾ་ཧྲེཾ་ཧྲིཾ་སེར་མོ་སྐྱོང་བྱེད་མ། སྤྱི་གཙུག་ཏུ་ཨོཾ་ཧཱུཾ་ཧཱུཾ་ལྗང་ཁུ་སྐྲག་བྱེད་མ། ཚིགས་ཆེན་བརྒྱད་ལ་ཨོཾ་ཕཊ་ཕཊ་དུད་ཁ་ཙཎྜི་ཀའི་ངོ་བོ། སྤྱི་བོ་ལ་སོགས་པའི་གནས་རྣམས་སུ་པུ་ཛ་ཨོ་ཨ། གཽ་ར་དེ་མ། ཀ་ཨཽ་ཏྲི་ཀོ ཀ་ལ་ཀ་ཧི། པྲེ་གྲི་སཽ་སུ། ན་སི་མ་ཀུ། ཨོཾ་སྤྱི་བོར་སྐུ་ཡི་རྡོ་རྗེ་དཀར། །ཨཱཿམགྲིན་པར་གསུང་གི་རྡོ་རྗེ་དམར། །ཧཱུཾ་ཐུགས་ཀར་ཐུགས་ཀྱི་རྡོ་རྗེ་མཐིང༌། ཐུགས་ཀའི་ཧཱུཾ་ལས་འོད་ཟེར་འཕྲོས། །རང་དང་འདྲ་བའི་བསྲུང་འཁོར་ནི། ཁྲོ་བོའི་ཚོགས་བཅས་མདུན་དུ་བྱོན། །ཕཻཾ། ཛཿཧཱུཾ་བཾ་ཧོ། ཨོཾ་ཡོ་ག་ཤུདྡྷ་སརྦ་དྡྷརྨ་ཡོ་ག་ཤུདྡྷོ྅ཧཾ། དབང་གི་ལྷ་རིགས་ལྔ་འཁོར་དང་བཅས་པ་ཨོཾ་བཛྲ་ས་མཱ་ཛཿ པུཥྤེ་ལ་སོགས་པ་ལྔས་མཆོད། ཁྱེད་རྣམས་ཀྱི་བདག་ལ་དབང་བསྐུར་དུ་གསོལ། ཞེས་གསོལ་བ་བཏབ་པས། ཇི་ལྟར་བལྟམས་པ་ཙམ༴ ནས་ས་མ་ཡ་ཤྲི་ཧཱུཾ། ཞེས་གསུངས་ཤིང་དབང་བསྐུར། གཙོ་བོ་ལ་རྡོ་རྗེ་སེམས་དཔའ། གཏུམ་པོ་ལ་རྣམ་སྣང༌། ཉི་མ་ལ་རིན་འབྱུང༌། གཙུག་ཏོར་ལ་སྣང་མཐའ། འཁྱིལ་བ་ལ་དོན་གྲུབ། གཞན་རྣམས་ལ་མི་བསྐྱོད་པས་དབུ་རྒྱན། ཨརྒྷཾ༴

[Full Size]

ལ་སོགས་པས་མཆོད། ཧཱུཾ་འཇིགས་བྱེད་འཇིགས་པར་བྱེད་པའི་རྡོ་རྗེ་ནི། །དྲག་གཏུམ་མི་བཟད་མ་རུང་ཐམས་ཅད་འཇོམས། །ཧེ་རུ་ཀ་དཔལ་མཐུ་སྟོབས་བསམ་མི་ཁྱབ། །རྡོ་རྗེ་ཁྲོ་ཚོགས་རྣམས་ལ་ཕྱག་འཚལ་བསྟོད། །སྤྲོ་ཞིང་ནུས་ན་ཡབ་ཡུམ་གྱི་རྐང་པ་བརྒྱད་པས་བསྟོད། ཨོཾ་ཁ་བཛྲ་དྡྷིག་བཛྲ་ཧཱུཾ་ཀ་བཛྲ་ཧཱུཾ་ཕཊ། ཨོཾ་བཛྲ་ཙཎྜ་བཛྲ་ཧཱུཾ་ཕཊ། ཨོཾ་བཛྲ་ཛྭ་ལཱ་ན་ལཱརྐ་བཛྲ་ཧཱུཾ་ཕཊ། ཨོཾ་བཛྲོཥྞི་ཥ་བཛྲ་ཧཱུཾ་ཕཊ། ཨོཾ་བཛྲ་ཀུཎྜ་ལི་བཛྲ་ཧཱུཾ་ཕཊ། ཨོཾ་བཛྲ་ཡཀྵ་བཛྲ་ཧཱུཾ་ཕཊ། ཨོཾ་བཛྲ་ཀཱ་ལི་བཛྲ་ཧཱུཾ་ཕཊ། ཨོཾ་བཛྲ་མཧཱ་བ་ལེ་བཛྲ་ཧཱུཾ་ཕཊ། ཨོཾ་བཛྲ་བྷཱི་ཥ་ཎ་བཛྲ་ཧཱུཾ་ཕཊ། ཨོཾ་བཛྲ་ཨུཥྞི་ཥ་ཙཀྲ་ཝརྟི་བཛྲ་ཧཱུཾ་ཕཊ། ཨོཾ་བཛྲ་པཱ་ཏ་ལ་བཛྲ་ཧཱུཾ་ཕཊ། ཧཱུཾ་སུམྦྷ་ནི་སུམྦྷ་ཧཱུཾ་ཧཱུཾ་ཕཊ། ཨོཾ་གྲྀཧྞ་གྲྀཧྞ་ཧཱུཾ་ཧཱུཾ་ཕཊ། ཨོཾ་གྲྀཧྞ་པཱ་ཡ་གྲྀཧྞ་པཱ་ཡ་ཧཱུཾ་ཧཱུཾ་ཕཊ། ཨོཾ་ཨཱ་ན་ཡ་ཧོ་བྷ་ག་ཝཱན་བཛྲ་རཱ་ཛ་ཧཱུཾ་ཧཱུཾ་ཕཊ། དེ་ལྟར་ན་སྔགས་བཅུ་གཅིག་པོ་ཅི་རིགས་པ་དང༌། སུམ་བྷ་མང་དུ་བཟླ། རང་གི་ཐུགས་ཀའི་ཧཱུཾ་ལས་སྒོ་མཚམས་མ་བརྒྱད་སྤྲུལ། ཁྭ་གདོང་མ་ལས་སྟེང་དུ་ཁྭ་གདོང་མ་དང༌། ཁྱི་གདོང་མ་ལས་འོག་ཏུ་ཁྱི་གདོང་མ་རྣམས་དམར་མོ་ཞགས་པ་དང་ལྕགས་ཀྱུ་ཐོགས་པ་ཕྱོགས་བཅུར་སྤྲོས། ཡང་ན་སྐུ་མདོག་སོ་སོར་བྱས་ཀྱང་རུང་ངོ༌། །སུམ་བྷ་སོགས་ལན་གཉིས། ཕྱོགས་བཅུའི་བགེགས་ཐམས་ཅད་ཚར་གཅོད་པའི་འཕྲིན་ལས་མཛོད། ཅེས་བཀའ་སྒོས་པས། ཕོ་ཉ་རྣམས་ཀྱིས་བགེགས་ཁ་ཅིག་ནི་

[Full Size]

སྐྱབས་སུ་འགྲོ་བ་དང་བྱང་ཆུབ་ཀྱི་སེམས་ལ་བཀོད། ནག་པོའི་རིགས་ཅན་ཁ་ཅིག་ནི་བསྒྲལ་ཏེ་བདེ་བ་ཅན་ལ་སོགས་པའི་ཞིང་དུ་གནས་སྤར། བགེགས་ཀྱི་གཙོ་བོ་ཕྱོགས་སྐྱོང་བཅུ་ནི་བཀུག་སྟེ་འོངས་པ་ཕྱོགས་བཅུར་མཁོད། ཧཱུཾ་ལས་ཕུར་བུ། བཅུ་སྤྲོས། ཕོ་ཉ་རྣམས་ཀྱི་ལག་པར་བཏད། བགེགས་ཀྱི་སྤྱི་བོར་བཙུགས། ཨོཾ་གྷ་གྷ་གྷཱ་ཏཱ་ཡ་གྷཱ་ཏ་ཡ་སརྦ་དུཥྟཾ་ཕཊ། ཀཱི་ལ་ཡ་ཀཱི་ལ་ཡ་སརྦ་པཱ་པཾ་ཕཊ། ཧཱུཾ་ཧཱུཾ་ཧཱུཾ། བཛྲ་ཀཱི་ལ་བཛྲ་དྷ་རོ་ཨཱ་ཛྙཱ་པ་ཡ་ཏི་སརྦ་བི་གྷ་ན་ཀཱ་ཡ་ཝཱ་ཀ་ཙིཏྟ་བཛྲ་ཀཱི་ལ་ཡ་ཧཱུཾ་ཕཊ། ཡང་ཧཱུཾ་ལས་ཐོ་བ་བཅུ་སྤྲོས། ཕོ་ཉ་རྣམས་ཀྱི་ལག་པ་གཡས་པར་གཏད། ཕུར་བུས་སྤྱི་བོར་བརྡུང༌། ཨོཾ་བཛྲ་མུད་ག་ར་བཛྲ་ཀཱི་ལ་ཨ་ཀོ་ཊ་ཡ་ཧཱུཾ་ཕཊ། བགེགས་རྣམས་ཀྱི་སྤྱི་གཙུག་ནས་རྐང་མཐིལ་གྱིས་བར་ཐལ་བྱུང་ནས། དེ་དག་གི་ལུས་གཡོ་བ་མེད། ངག་རླུང་རྒྱུ་བ་མེད། སེམས་རྣམ་པར་རྟོག་པ་ཐམས་ཅད་བཅོམ་ནས་འོད་གསལ་གྱི་ངོ་བོར་གྱུར་ཞིང༌། སྨོན་ལམ་གྱི་མཐུ་ལས་རྣམ་པར་ཤེས་པ་མི་བསྐྱོད་པའི་ཞིང་དུ་སྐྱེས་པར་གྱུར། སྣ་ཚོགས་རྡོ་རྗེ་ལས་འོག་ཏུ་སྣ་ཚོགས་རྡོ་རྗེ་དཔག་ཏུ་མེད་པ་སྤྲོས། དེ་ལས་རྡོ་རྗེའི་ས་གཞི། ཨོཾ་མེ་དྷི་ན་བཛྲི་བྷ་ཝ་བནྡྷ་ཧཱུཾ། དེ་ལས་ཕྱོགས་མཚམས་སུ་འཕྲོས་པ་ལས་རྡོ་རྗེ་ནག་པོ་གདེངས་པ་འགྲེང་བུར་གྱུར་པའི་ར་བ་དང༌། རྡོ་རྗེ་འཕྲེང་

[Full Size]

ལ་སོང་བའི་དྲ་བ། ཧཱུཾ་བཛྲ་པྲ་ཀ་ར་ཧཱུཾ་པཾ་ཧཱུཾ། སྟེང་དུ་འཕྲོས་པ་ལས་རྡོ་རྗེའི་རྭ་བ་དང་དྲ་བའི་གུར། ཨོཾ་བཛྲ་པཉྩ་ར་ཧཱུཾ་བཾ་ཧཱུཾ། དེའི་འོག་ཏུ་རྡོ་རྗེའི་བླ་རེ། ཨོཾ་བཛྲ་བི་ཏ་ན་ཧཱུཾ་ཁཾ་ཧཱུཾ། དེའི་ཕྱི་རོལ་དུ་འོབས་དང་བཅས་པའི་མདའི་དྲ་བ་མདེའུ་རྣོ་བ་སྲིད་པའི་རྩེ་མོ་ལ་ཐུག་པར་གྱུར། ཨོཾ་བཛྲ་ས་ར་ཛ་ལ་ཏྲཾ་སཾ་ཏྲཾ། དེ་ཐམས་ཅད་ཀྱི་ཕྱི་རོལ་ཏུ་བསྐལ་པའི་མེ་ལྟ་བུའི། མེ་རི་འབར་བ། ཨོཾ་བཛྲ་ཛྭ་ལ་ཨ་ན་ལརྐ་ཧཱུཾ་ཧཱུཾ་ཧཱུཾ། ཕོ་ཉ་རྣམས་ལས་རང་འདྲ་བ་དཔག་ཏུ་མེད་པ་སྤྲོས། རྡོ་རྗེའི་དྲ་མིག་ནས་ཕར་རོ་སྟོད་ཐོན་ཏེ། སྒྲུབ་པ་པོས་ཇི་སྲིད་བྱང་ཆུབ་མ་ཐོབ་ཀྱིས་བར་དུ་གཅོད་པ་ཐམས་ཅད་བསྲུང་བར་མཛད། བཟློག་པ་བྱེད་ན་སླར་ཡང་གོང་བཞིན་མཆོད་བསྟོད་ཅིག་བྱས། ཧཱུཾ་ཞེས་ཁྲོ་བོ་རྣམས་ཞལ་ཕྱིར་གཟིགས་ནས་གནོད་བྱེད་ཐམས་ཅད་ཚར་བཅད་པར་གྱུར། ན་མཿས་མནྟ་ཀཱ་ཡ་ཝཱཀྩིཏྟ་བཛྲ་ཧེ་རུ་ཀ་ནཾ། ཨོཾ་ཨོཾ་ཧཱུཾ་བཛྲ་ཧེ་རུ་ཀ་ཙཀྲ་བརྟི། སརྦ་ལོ་ཀི་ཏ་ལོ་ཀོརྟ་ར་ནི། ཡན་ཏྲ་མན་ཏྲ་རན་ཏྲ་ཙུརྞ་པྲ་ཡོ་ག་རཱི་ནེ། ཡེ་ན་ཀེ་ན་ཙིཏྐྲི་ཏཱ་ནཾ། སརྦཱན། ཨཱ་ཀདཌྷྱ་ཨཱ་ཀདཌྷྱ། ཏཔྫཱ་ཡ་ཏཔྫཱ་ཡ། གྲྀཧྞ་གྲིཧྞ། བྷ་ཀྵ་ཡ་བྷཀྵ་ཡ། ཏྲཱ་ས་ཡ་ཏྲཱ་ས་ཡ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། ཀྵྨཾ་ཀྵྨཾ་ཛྙཽཾ་ཛྙཽཾ། མ་ཐ་མ་ཐ། བི་དྷྭནྶ་ཡ། བི་དྷྱནྶ་ཡ། ཤ་ཏ་ས་ཧ་སྲ།

[Full Size]

ཙུརྞཱ་ཡ་ཙུརྞཱ་ཡ། ཨོཾ་བཛྲ་ཧེ་རུ་ཀོཥྟི་ཥ་ཙཀྲ་བརྟི། ཏ་སྱ་བ་མུ་ཁ་ཙཀྵུ་བནྡ་བནྡ་ཧཱུཾ་ཧཱུཾ། ཨ་མུ་ཀ་སྱ་[མ་མ་ཞེས་པ་འདོན་པ་སྤོ་མཆན] ཤཱན་ཏིཾ་ཀུ་རུ་ཧཱུཾ་ཧཱུཾ་ཕཊ་སྭཱཧཱ། ཞེས་དྲག་ཏུ་བཟླའོ། །དམིགས་པའི་གནད་རྣམས་མན་ངག་ལས་ཤེས་པར་བྱའོ། །དེའི་མཐར་བདེན་སྟོབས་བརྗོད་ཅིང་སྨོད་པ་གདབ་པ་ནི། རྩ་བ་དང་བརྒྱུད་པར་བཅས་པའི་བླ་མ་དམ་པ་རྣམས་ཀྱིས་བཀའ་བདེན་པ་དང༴ ཞེས་པ་ནས། མ་རུང་པ་རྣམས་ཚར་བཅོད་ཤོག གི་བར། ཨུཥྞི་ཥ་རྭ་ལུགས་ཀྱི་ངག་འདོན་ཡིག་ཆུང་དུ་བཤད་པ་བཞིན་བྱ། འོད་གསལ་དུ་བསྡུའམ་མི་བསྡུ་སྐབས་དང་སྦྱར། བཀྲ་ཤིས་དང་སྨོན་ལམ་གང་འགྲུབ་བྱའོ། །ཡང་རྡོ་རྗེ་ཕག་མོའི་རྣལ་འབྱོར་ལ་བསྟེན་པའི་ཕྱིར་བཟློག་བྱེད་ན། སྐྱབས་སེམས་ནས་ཚུར་འདུས་སོར་སོར་ཐིམ་པ་ལས། དབུས་སུ་རང་ཉིད་ཁྲོ་བོ་ཆེ། །གཙུག་ཏོར་འཁོར་ལོས་བསྒྱུར་བ་ནི། །སེར་པོ་སྟེང་དུ་གདུགས་དཀར་ཅན། །ཕྱག་གཡས་འཁོར་ལོ་འབར་བ་བསྐོར། །གཡོན་པ་སྦྲུལ་ཞགས་སྡིགས་མཛུབ་ཅན། །ཤར་དུ་སྔོ་སྐྱ་ཁྭ་གདོང་མ། །བྱང་དུ་ལྗང་སྐྱ་འུག་གདོང་མ། །ནུབ་ཏུ་དམར་སྐྱ་ཁྱི་གདོང་མ། །ལྷོ་ཕྱོགས་སེར་སྐྱ་ཕག་གདོང་མ། །ཤར་ལྷོར་གཤིན་རྗེ་བརྟན་མ་དང༌། །ལྷོ་ནུབ་གཤིན་རྗེ་ཕོ་ཉ་མ། །ནུབ་བྱང་གཤིན་རྗེ་ཆེ་བ་མ། །བྱང་ཤར་གཤིན་རྗེ་འཇོམས་མ་རྣམས། །ཕྱོགས་མདོག་དབང་གིས་ཕྱེད་གཟུགས་ཅན། །སྟེང་དང་འོག་ཏུ་ཁྭ་གདོང་དང༌།

[Full Size]

ཁྱི་གདོང་མ་ཡང་རྣམ་པར་གནས། །དེ་ལྟར་དེ་རྣམས་ཐམས་ཅད་ཀྱང༌། །རབ་ཁྲོས་སྤྱན་གསུམ་མཆེ་བ་གཙིགས་ནས། འབར་འཕྲེང་འཁྲུག་པའི་དབུས་ན་བཞུགས། །གཙུག་ཏོར་འཁོར་ལོས་བསྒྱུར་བ་ཡི། །ཐུགས་ཀ་རབ་ཏུ་ཡངས་པའི་ནང༌། །ཨེ་ལས་ཆོས་འབྱུང་གྲུ་གསུམ་དབུས། །འཁོར་ལོ་དམར་པོ་རྩིབས་དྲུག་ལ། །རྡོ་རྗེ་ཕག་མོ་གཤིན་རྗེ་མ། །རྨོངས་བྱེད་མ་དང་སྐྱོད་བྱེད་མ། །སྐྲག་བྱེད་མ་དང་ཙཎྜི་ཀ །འཁོར་ལོའི་ལྟེ་བ་ཟླུམ་པོ་ལ། །རང་སེམས་བཾ་ཡིག་གྱུར་པ་ལས། ཞེས་པའི་རྗེས་སུ། རང་ཉིད་རྡོ་རྗེ་རྣལ་འབྱོར་མ། །སྐུ་མདོག་དམར་མོ་ཞེས་པ་ནས། ཡེ་ཤེས་ཀྱི་མེ་དཔུང་འབར་བའི་དབུས་ན་བཞུགས་པའོ། །ཅེས་པའི་བར་བརྗོད། དེས་མཚོན་ནས་རྡོ་རྗེ་ཕག་མོའི་རིགས་གང་ལ་སྦྱར་ཀྱང་འདྲ། ལྷ་ཐམས་ཅད་ཀྱི་སྙིང་གར་ཨོཾ་ཨོཾ་ཧ། ཞེས་པ་ནས། གསུངས་ཤིང་དབང་བསྐུར། ཞེས་པའི་བར་སྔ་མ་དང་འདྲ་བ་ལས། ཁྲོ་བོའི་ཞེས་པ་ལ་ལྷ་ཚོགས་ཞེས་པ་མདུན་དུ་བྱོན་ཞེས་འདོན་པ་བསྒྱུར། གཙོ་མོ་དང་རྣལ་འབྱོར་མ་དྲུག་ལ་མི་བསྐྱོད་པ། གཙུག་ཏོར་འཁོར་ལོས་བསྒྱུར་བ་ལ་རྣམ་སྣང༌། འཁོར་གཞན་རྣམས་ལ་དོན་ཡོད་གྲུབ་པའི་དབུ་རྒྱན། ཨརྒྷཾ༴ ལ་སོགས་པའི་མཆོད། ཡུམ་གྱི་རྐང་བརྒྱད་ཀྱིས་བསྟོད། ཧྲཱིཿའཇིགས་བྱེད༴ སོགས་ལ། ཧེ་རུ་ཀ་དཔལ་ཞེས་པ་རྣལ་འབྱོར་མ་དཔལ་ཞེས་འདོན་པ་བསྒྱུར་བ་གོང་བཞིན་གྱིས་ཀྱང་བསྟོད་དོ། །དེ་ནས་ཨོཾ་གསུམ་མ་ལྟ་བུ་རྡོ་རྗེ་རྣལ་འབྱོར་

[Full Size]

མའི་རྩ་སྔགས་སྙིང་པོ་སྐབས་སུ་གང་བབས་དེ་དང༌། སུམ་བྷ༴ མང་དུ་བཟླས། བྷྲུཾ་ཞེས་བྱ་བའང་མང་དུ་བརྗོད་ནས། ཨོཾ་ཨུཥྞི་ཥ་ཙཀྲ་བཱརྠི་བཛྲ་ཧཱུཾ་ཕཊ། ཅེས་པ་དང༌། ཀ་ཀ་སྱ་ལ་སོགས་པ་ཡང་མང་དུ་བཟླས། རང་གི་ཐུགས་ཀའི་ཧཱུཾ་ལས་སྒོ་མཚམས་མ་བརྒྱད་སྤྲུལ། ཅེས་པ་ནས། བར་དུ་གཅོད་པ་ཐམས་ཅད་བསྲུང་བར་མཛད། དེ་ནས་སྤྲོ་ན་གོང་བཞིན་མཆོད་བསྟོད་ཚར་གཅིག་བྱ། ཨུཥྞི་ཥའི་སྔགས་ལ། བཛྲ་ཧེ་རུ་ཀ ཞེས་པའི་གནས་གསུམ་དུ། བཛྲ་བཱ་ར་ཧཱི། ཞེས་པ་བཅུག་སྟེ་དྲག་ཏུ་བཟླའོ། །ཕག་མོ་ལས་བཅུའི་གཞུང་ན་གསང་འདུས་ཨུཥྞི་ཥའི་སྔགས་ལ། ཨུཥྞི་ཥ་ཙཀྲ་བཱརྟི། ཞེས་པའི་སྔོན་དུ། བཛྲ་བཱ་ར་ཧི། ཞེས་འདོན་པ་དང༌། སྟེང་འོག་གི་ཁྲོ་མོ་མཁའ་སྤྱོད་མ་དང་ས་སྤྱོད་མ་ཡིན་པར་མཛད་པས། སྤྱིར་ཇི་ལྟར་མོས་པ་དེ་བཞིན་དུ་བྱས་པས་ཆོག་ཀྱང༌། སྐབས་སུ་བབས་པ་ནི་འཁོར་ལོ་སྡོམ་པ་ཉིད་ཀྱི་བཤད་རྒྱུད་ལས་བྱུང་བ་ཡིན་པས། གོང་དུ་སྨོས་པའི་སྔགས་ལ་འདོན་པ་སྤོ་བར་བྱའོ། །ཡང་རྡོ་རྗེ་ཕག་མོའི་ཕྱིར་བཟློག་འདི་ལ། ཁྲོ་བོ་གཙུག་ཏོར་གོང་དུ་སྨོས་པའི་དཀར་པོ་ཞལ་གསུམ་ཕྱག་དྲུག་པར་སྒོམ་ནའང་ལེགས་ལ་གཙུག་ཏོར་འཁོར་ལོའི་བསྒྱུར་བའི་ཚབ་ཏུ་འཆི་མེད་རྡོ་རྗེ་ལྷ་མོ་སྒོམ་ནའང་ཤིན་ཏུ་ལེགས་པ་དང༌། རྡོ་རྗེ་ལྷ་མོ་ཁོ་ན་ལ་བརྟེན་ཏེ་ཕྱིར་བཟློག་བྱས་ཀྱང་རུང་བ་ཡིན་ནོ། །དེ་དག་གི་དོན་རྒྱས་པར་བདེ་མཆོག་ཁྲོ་བོ་རྣམ་རོལ་ཏུ་བཤད་ཟིན་པ་ལྟར་ཡང་ལེགས་པར་རྟོགས་ན་འཕྲིན་ལས་མཐའ་ཡས་བསྒྲུབ་ཏུ་རུང་ངོ༌། །ཞེས་པ་འཁོར་ལོ་བདེ་མཆོག་ཡབ་ཡུམ་ལ་བརྟེན་པའི་བསྲུང་བཟློག་གི་ངག་འདོན་ཡིག་ཆུང་འདི་ཡང༌། ཏཱ་ར་ནཱ་ཐས་སྨྲས་པའོ།། །།

[Full Size]

ཤོག་སྟོང་།