མཉམ་སྦྱོར་དཀྱིལ་ཆོག
མཉམ་སྦྱོར་དཀྱིལ་ཆོག་བཞུགས། །
ཨོཾ་སྭ་སྟི། དཔལ་ལྡན་བདེ་ཆེན་མགོན་པོ་ནི། །རིགས་དྲུག་འཁོར་ལོས་བསྒྱུར་བའི་སྐུ། །མཐའ་ཡས་དཀྱིལ་འཁོར་བཅས་བཏུད་ནས། །དཀྱིལ་འཁོར་ཆོ་ག་ཅུང་ཟད་འབྲི། །མཁའ་འགྲོ་སྒྱུ་མ་བདེ་མཆོག་གི །རྒྱུད་དོན་རྟོགས་དཀའ་མཁས་རྣམས་ཀྱིས། །ཕྱོགས་འདིར་རྒྱ་ཆེར་བཤད་མིན་ཡང༌། །རང་དང་རྗེས་མཐུན་འགལ་བ་མེད། །འདི་ལ་ས་ཆོག་ནི། གཞུང་རྙིང་མ་གཉིས་ལས་སྤྱི་དང་མི་འདྲ་བ་ཅུང་ཟད་ཡོད་ཀྱང་གནད་ཕལ་ཆེར་གཅིག་པས་གསང་བ་སྤྱིའི་ཆོ་ག་རྣམས་དང་འདྲ་བར་ཤེས་དགོས་ལ། དེས་ན། ཨོཾ་བྷུ་ཁཾ། ཞེས་པའི་ཚབ་ཏུ། ཨོཾ་བྷྲུཾ་ག་ག་ཎ་ཁཾ་ཨཱཿཧཱུཾ། ཞེས་སྦྱར་བ་དང༌། སྲུང་བ་དང༌། ཕུར་བཏབ་སྒྲུབ་ཐབས་ཀྱི་སྲུང་འཁོར་བཞིན་སྦྱར་བས་འགྲུབ་པ་ཉིད་དོ། །གཉིས་པ་སྟ་གོན་ལ། སྔོན་འགྲོ་གཏོར་མ་དང༌། མཆོད་པ་སོགས་འདུས་བྱས། ཨོཾ་སུམྦྷ་ནི་སུམྦྷ་ཧཱུཾ། ཞེས་པ་རྟ་མཆོག་གི་སྙིང་པོའམ། ཨོཾ་བཛྲ་ཨ་མྲྀ་
ཏ་ཀུནྜ་ལི་ཧཱུཾ། ཚིནྡྷ་ཚིནྡྷ་ཧཱུཾ་ཕཊ་ཀྱིས་བསངས། ཨོཾ་སྭ་བྷཱ་ཝ་ཤུདྡྷཿསརྦ་དྷརྨཿསྭ་བྷཱ་ཝ་ཤུདྡྷོ྅ཧཾ། གིས་སྦྱངས། སྲིད་པ་གསུམ་གྱི་འབྱུང་པོ་རྣམས་དང༌། རྡོ་རྗེ་མཁའ་འགྲོ་མའི་ཚོགས་རྣམས་ཕཻཾ། ཞེས་སྤྱན་དྲངས། ཨོཾ་ཁ་ཁ་ཁཱ་ཧི་ཁཱ་ཧི་སརྦ་ཡཀྵ་རཀྵ་ས་བྷུ་ཏ་པྲེ་ཏ་བི་ཤཱ་ཙ། ཨུཏྨ་ད་ཨ་པསྨ་ར་ཌ་ཀ་ཌ་ཀི་ནྱ་ད་ཡ། ཨི་མཾ་བ་ལིཾ་གྲྀཧྞནྟུ་ས་མ་ཡ་རཀྵནྟུ། མ་མ་སརྦ་སིདྡྷི་མྨེ་པྲ་ཡ་ཙྪནྟུ་སྭཱཧཱ། ཞེས་ལན་གསུམ་ལྔ་བདུན་གྱི་བར་དུ་ཕུལ། ཨོཾ་བཛྲ་ཨརྒྷཾ་སྭཱཧཱ། ཨོཾ་བཛྲ་པུཥྤེ་ཨཱཿཧཱུཾ། ནས། ཤཔྟའི་བར་གྱིས་མཆོད། ཨོཾ་ལྷ་ཡི་ཚོགས་རྣམས་མ་ལུས་དང༌། ནས ཡིད་ལ་འདོད་པ་ཀུན་འགྲུབ་ཤོག །དཔལ་ལྡན་བླ་མ་དམ་པ། ཞེས། སོགས་ལས་ལ་གཞོལ་ཞིང་མཚམས་བཅད་པའི་བར་སྤྱི་དང་འདྲ། བསངས་སྦྱངས། སྟོང་པའི་ངང་ལས་ཧཱུཾ་ལས་བྱུང་བའི་སྲུང་
འཁོར་གྱི་ནང་དུ། གནས་ཁང་བྷྲུཾ་ལས་རིན་པོ་ཆེ་སྣ་ཚོགས་ལས་གྲུབ་པའི་གཞལ་མེད་ཁང་པ། རྒྱ་དང་ཚད་ཡོངས་སུ་ཆད་པ་མེད་པ། དབྱིབས་དང་ཁ་དོག་སྣ་ཚོགས་པའི་རྒྱན་ཐམས་ཅད་གྱིས་རྣམ་པར་བརྒྱན་པ། དཔག་བསམ་གྱི་ཤིང་དང་བུམ་པ་བཟང་པོ་དང་གདུགས་དང་བ་དན་ལ་སོགས་པས་མཛེས་པ་ཕྱི་རོལ་ཏུ་དངོས་གྲུབ་འབྱུང་བའི་དུར་ཁྲོད་ཆེན་པོ་བརྒྱད་ལ་སོགས་པས་ཡོངས་སུ་བསྐོར་བ། དེའི་ནང་དུ་ཨ་དང་བྷྲུཾ་ལས་བྱུང་བའི་ཐོད་པ་མཚན་ལྡན་ལ་སོགས་པ་སྣོད་ཀྱི་ཁྱད་པར་རྣམ་པ་སྣ་ཚོགས་པའི་ནང་དུ། ཨོཾ་ཨཱཿཧཱུཾ་རྣམས་ལས་བྱུང་བའི་མཆོད་ཡོན། ཞབས་བསིལ། མེ་ཏོགབདུག་སྤོས། མར་མེ། དྲི་ཆབ། ཞལ་ཟས། རོལ་མོ། གཟུགས། སྒྲ། དྲི་རོ། རེག་བྱ། ཆོས་ཁམས་ཀྱི་ཁྱད་པར་མཐའ་ཡས་པ། རང་བཞིན་བདེ་སྟོང་གི་ཡེ་ཤེས། རྣམ་པ་མཆོད་རྫས་ཀྱི་སྤྲིན་ཕུང༌། བྱེད་ལས་དབང་པོ་མཐའ་དག་ཟག་མེད་ཀྱི་བདེ་བས་ཚིམ་པར་བྱེད་པར་གྱུར། ཨོཾ་མཧཱ་ཀྲོ་དྷེ་ཤྭ་རི་སརྦ་དྲ་བྱ་བི་ཤོ་དྷ་ནི་ཨཱཿཧཱུཾ། ལན་གསུམ། ཨོཾ་བཛྲ་ཨརྒྷཾ་སྭཱཧཱ་ནས། ཤཔྟ་ཨཱཿཧཱུཾ་གིས་བར། ཨོཾ་ཨཱཿརུ་པ་བཛྲ་ཧཱུཾ། ཤཔྟ། གནྡྷ། ར་ས། སྤ་རི་ཤ །དྷརྨ་ར་ཏུ། སོགས་སྦྱར། ཨོཾ་བཛྲ་གྷཎྜེ་ར་ཎི་ཏ་སོགས་རོལ་མོ་བྱིན་དབབ། དེ་ནས་སྐྱབས་འགྲོ་ནས་བརྩམས་ཏེ་བཟླས་པའི་བར་མངོན་རྟོགས་བཞིན་དང༌། རང་གི་སྙིང་གའི་འོད་ཀྱིས་དཀྱིལ་འཁོར་གྱི་འཁོར་ལོ་འོད་དུ་ཞུ་བ་ནས། རྡོ་རྗེ་སེམས་དཔའི་སྐུར་གྱུར་ཞེས་པའི་བར་བརྗོད། དེ་ནས་སའི་ལྷ་མོ་
སྟ་གོན་ནི། ཌཀྐི་ནི་ཧཱུཾ་ཛ། ཨོཾ་ཧཾ། ཧཾ་གི་སྒྲ་དང༌། ཧཱུཾ་གི་འོད་ཀྱིས་བསྐུལ་ནས། ས་འོག་ནས་སའི་ལྷ་མོ་འཁོར་དང་བཅས་པ་བྱུང༌། ཚོམ་བུའི་སྟེང་དུ་བྱོན་པ་ནི། སའི་ལྷ་མོ་གསེར་གྱི་མདོག་ཅན། ཞི་བའི་ཉམས་དང་ལྡན་པ། ཕྱག་གཉིས་ཀྱིས་བདུད་རྩིས་གང་བའི་རིན་པོ་ཆེའི་བུམ་པ་བསྣམས་པ། རྒྱན་དང་ན་བཟའ་དཀར་པོ་ཅན། ཀྱཻ་རིག་པ་འཛིན་པ་བདག་གི་ལས་ཅི་དགོས་པ་བཀའ་སྩལ་དུ་གསོལ། བདག་བསྐྱེད་ལྟར་མཆོད་པ་བྱིན་གྱིས་བརླབས། ཨོཾ་པྲི་ཐི་ཝཱི་དེ་ཝི་བྷྱཿཨརྒྷཾ་པྲ་ཏཱིཙྪ་སྭཱཧཱ། མཚན་སྔགས་དེ་སྔོན་དུ་འགྲོ་བའི། པ་དྱཾ། པུཥྤེ། དྷཱུ་པེ། ཨཱ་ལོ་ཀེ གྷནྡྷེ། ནཻ་ཝི་ཏེ། ཤཔྟ་ཧཱུཾ། གྷཎྜེ་ར་ཎི་ཏ། སོགས། བསངས་སྦྱངས། སྟོང་པའི་ངང་ལས་ཨ་ལས་ཀ་པཱ་ལ་ཡངས་ཤིང་རྒྱ་ཆེ་བའི་ནང་དུ། ཤ་ལྔ་བདུད་རྩྀ་ལྔ་ཡེ་ཤེས་ལྔ་ཞུ་བ་ལས་བྱུང་བའི་གཏོར་མ་ཡེ་ཤེས་ཀྱི་བདུད་རྩིའི་རྒྱ་མཚོར་གྱུར། ཨོཾ་ཨཱཿཧཱུཾ་ཧ་ཧོ་ཧྲིཿ པྲི་ཐི་ཝཱི་དེ་ཝཱི་བྷྱཿ ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷྱཿ སརྦ་ཐ་ཁཾ་ཨུད་ག་ཏེ་སྥ་ར་ཎ་ཨི་མཾ་ག་ག་ན་ཁཾ་གྲྀཧྞེ་དཾ་བ་ལིཾ་ཏ་ཡེ་སྭཱཧཱ། ཨོཾ་ཚུར་བྱོན་ཚུར་བྱོན་ས་ཡི་ནི། །ལྷ་མོ་ཆེན་མོ་འཇིག་རྟེན་ཡུམ། །རིན་ཆེན་ཀུན་གྱིས་རབ་གང་མ། །བཟང་པོའི་རྒྱན་གྱིས་རྣམ་བརྒྱན་མ། །དོ་ཤལ་རྐང་གདུབ་སྒྲ་ལྡན་མ། །རྡོ་རྗེ་སེམས་དཔའ་རབ་མཆོད་མ། །མཆོད་གཏོར་འདི་དག་མཆོད་ནས་སུ། །དཀྱིལ་འཁོར་ལས་ནི་ལེགས་གྲུབ་མཛོད། །སྐྱོབ་པ་སངས་རྒྱས་ཐམས་ཅད་ཀྱི། །
སྤྱོད་པའི་ཚུལ་དང་ཁྱད་པར་གྱི། །ས་དང་ཕ་རོལ་ཕྱིན་པ་ལ། །ལྷ་མོ་ཁྱོད་ནི་དཔང་དུ་གསོལ། །ཧེ་རུ་ཀ་དཔལ་དཔའ་བོ་ཡིས། །ཇི་ལྟར་བདུད་ཀྱི་སྟོབས་བཅོམ་པ། །དེ་བཞིན་བདག་གིས་བདུད་སྡེ་ལས། །རྒྱལ་བར་བྱས་ནས་དཀྱིལ་འཁོར་བྲི། །ཀྱཻ་རིག་པ་འཛིན་པ་དཀྱིལ་འཁོར་གྱི་ལས་ཅི་བདེ་བར་མཛོད་ཅིག །ཨོཾ་པྲི་ཐི་བི་དེ་ཝཱི་བྷྱ ཨརྒྷཾ་པྲ་ཏིཙྪ་སྭཱཧཱ། སའི་ལྷ་མོ་སླར་ཡང་ས་དེ་ཉིད་ལ་ཐིམ་པར་གྱུར། ས་ཆོག་གི་སྐབས་ནམ་མཁར་བཏེགས་པའི་རིགས་ཡིན་ནའང༌། ས་འོག་ནས་སྤྱན་དྲངས་པ་ལ་ཡིད་ཀྱིས་དབྱེར་མེད་བཅུག་ནས། མཆོད་གཏོར་འབུལ་བ་མན་ཆད་བྱས་པས་འདོད་པའི་དོན་འགྲུབ་པར་འགྱུར་རོ། །ལྷ་སྟ་གོན་ནི། དཀྱིལ་འཁོར་གྱི་ས་གཞི་དྲི་བཟང་དང་དམ་རྫས་ཀྱིས་བྱུགས། ལྷག་གནས་མི་འཚོལ་བའི་ཕྱིར་སྐྱ་ཐིག་ཙམ་བཏབ་ལ། ལྷའི་གནས་སུ་དྲི་བཟང་གིས་ཐིག་ལེ་དང་ཚོམ་བུ་བཀོད། ས་ཆོག་སྔོན་དུ་འགྲོ་ན། ནམ་མཁའི་ལྷ་ཕབ་པ་ཙམ་གྱིས་ཆོག་ཀྱང༌། ལག་ལེན་ལ་དམ་ཚིག་པའང་བསྐྱེད་པར་མཛད་པས། དཀྱིལ་འཁོར་གྱི་ས་གཞི་དྭངས་ཤིང་ཐོགས་པ་མེད་པ་ལ། ཚོམ་བུ་རྣམས་ལྷ་སོ་སོར་རང་རང་གི་གདན་ཇི་ལྟ་བ་བཞིན་དུ་གྲུབ་པར་གྱུར། དཀྱིལ་འཁོར་དབུས་མའི་གནས་སུ་ཧཱུཾ་ལས་དཔལ་རྡོ་རྗེ་སེམས་དཔའ་ནས་བཟང་པོ་དང་མཉམ་པར་སྦྱོར་བའོ། །དཀྱིལ་འཁོར་ཤར་མའི་སའི་དབུས་སུ། ཨོཾ་ལས་སངས་རྒྱས་རྒྱལ་བ་རྣམ་པར་ནས་རབ་ཏུ་འཁྱུད་པ་རྡོ་རྗེ་སྐྱིལ་མོ་ཀྲུང་གིས་བཞུགས་པའོ། །དཀྱིལ་འཁོར་ལྷོ་མའི་སའི་དབུས་སུ་ཧྲཱིཿལས་དཔལ་ཧེ་རུ་ཀ་ནས་ཡང་
དག་པར་འཁྱུད་པའོ། །དཀྱིལ་འཁོར་ནུབ་མའི་སའི་དབུས་སུ་ཧྲཱིཿལས་པདྨ་ནས་རིན་པོ་ཆེས་བརྒྱན་པའོ། །དཀྱིལ་འཁོར་བྱང་མའི་སའི་དབུས་སུ་ཏྲཾ་ལས་རྡོ་རྗེ་ནས་ཤིན་ཏུ་འཁྱུད་པའོ། །མཚམས་ཀྱི་དཀྱིལ་འཁོར་གྱི་སའི་དབུས་སུ་ཧཾ་ལས་རྡོ་རྗེ་རྟ་མཆོག་ནས་ངེས་པར་འཁྱུད་པའོ། །ཛཿབདེ་མཆོག་མ་ནས་བུམ་པ་འཛིན་པ་རྡོ་རྗེ་སེམས་དཔའི་ཕྱོགས་བཞིར་གཡས་བསྐོར་གྱིས་གནས་པའོ། །ཨཾ་སངས་རྒྱས་ནས་གར་མཛད་པ་རྣམས་དེའི་ཕྱི་རོལ་གྱི་ཕྱོགས་བཞིར་འཁོད། ཨོཾ་གླིང་བུ་ནས་ལྗང་ཁུ་རྣམས་མེ་ནས་བརྩམས་ཏེ། སོགས། ཛཿརྟ་མགྲིན་ནས་འཛིན་པ་རྣམས་ཤར་སོགས་ཕྱོགས་བཞི་ལ་གཡས་སྐོར་གྱིས་འཁོད། དེ་རྣམས་ནས་ཞུགས་པའོ། །ཧཾ་སངས་རྒྱས་ཀུན་སྤྱོད་མ་ནས་མེ་དཔུང་འབར་བའོའི་བར་ཡང་དཀྱིལ་འཁོར་སྔ་མས་རིགས་འགྲེས་ཏེ། དཀྱིལ་འཁོར་གྱི་པད་འདབ་བཞི་ཞེས་སོགས་ཀྱི་ཚིག་བོར་བས་འགྲུབ་བོ། །ཧྲཱིཿལས་གཽ་རཱི་དཀར་སེར་ནས་གར་སྟབས་ཀྱི་བཞུགས་པའོའི་བར་ལ། རེ་མིག་ལ་ཞེས་པ་ནས་བོར་བའོ། །མཾ་མདའ་འཛིན་མ་ནས་དཔྱངས་པ་འཛིན་པ། གཙོ་བོའི་ཕྱོགས་བཞི་ལ་འཁོད། མཾ་སོགས་སྔར་གྱི་རིགས་འགྲེ། ཛཿརྣམ་གཟིགས་མ་དམར་མོ་ནས་པདྨའི་འཕྲེང་བས་ཀླུབས་པའོའི་བར་ལ་འདོར་ལེན་སྔར་བཞིན་བྱ། ཨོཾ་དབང་བསྐུར་མ་དམར་མོ་ནས་སྐུ་ལ་ནོར་བུ་དམར་པོའི་མདངས་འོད་འཕྲོ་བའི་བར་ལའང་འདོར་ལེན་སྔར་བཞིན་བྱ།
ཛིཿགཙོ་བོའི་གཡས་སུ་ནས་ཁྲོ་མོའི་ཆ་བྱད་རྫོགས་པའོ། །ཧྲཱིཿ གཽ་རཱི་དཀར་སེར་སོགས་ར་བར་གྱི་མཚམས་ལ་འཁོད། དེ་ལྟར་ཁྲོ་མོ་ནས་གར་སྟབས་ཀྱིས་བཞུགས་པའོ། །མཾ་མདའ་འཛིན་མ་སོགས་མི་དགོས་མེ་ཏོག་སྔར་བཞིན། དེ་ཐམས་ཅད་ཀྱི་དཔྲལ་པར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། རང་གི་སྙིང་ག་ནས་འོད་ཟེར་འཕྲོས། ཡེ་ཤེས་སེམས་དཔའ་རིགས་དྲུག་གི་དཀྱིལ་འཁོར་གྱི་འཁོར་ལོ། ཨོཾ་བཛྲ་ས་མཱ་ཛཿཧཱུཾ་ཛཿཧཱུཾ་བཾ་ཧོ། ལན་མང་དུ་བརྗོད། ཨོཾ་བཛྲ་ཨཾ་ཀུ་ཤ་ཛ། ལ་སོགས་པ་བརྗོད་ཀྱང་རུང༌། མཆོད་པ་རྒྱ་ཆེར་བཤམས་ནས། གོང་གི་གནས་ཁང་བྱིན་རླབས་ཀྱི་ཚིག་དོར་ནས། ལྷག་མ་སྔར་བཞིན་བྱིན་གྱིས་བརླབས། ཨོཾ་ཨཱཿཧཱུཾཿཨ་དྷི་བྷུ་ཧོཿ ཞེས་པ་ནས། དམ་ཚིག་མཆོག་གཞུང་དངོས་གྲུབ་དམ་པ་བདག་ལ་སྩོལ་གྱི་བར། རྣལ་འབྱོར་ཆེན་པོའི་ཡན་ལག་གི་སྐབས་ནས་འབྱུང་བ་ལྟར། མཆོད་པས་མཉེས་པར་བྱ། སྤྲོས་པ་ལ་དགའ་ན་དངོས་གཞིའི་སྐབས་ལྟར་མཆོད་པ་ཅུང་ཟད་རྒྱས་པར་སྦྱར་ཀྱང་ལེགས་སོ། །དེ་ནས་སྤོས་དང་བཅས་པའི་རྡོར་དྲིལ་འཛིན་བཞིན་པས། ཐུགས་རྗེ་ཆེན་པོ་བཅོམ་ལྡན་འདས། །མ་ལུས་སེམས་ཅན་དོན་མཛད་པའི། །རྒྱལ་བའི་དཀྱིལ་འཁོར་སྲས་དང་བཅས། །སྟོབས་མཆོག་རྒྱལ་ཆེན་རྣམས་ལ་བསྟོད། །སངས་རྒྱས་ཐམས་ཅད་མཉམ་སྦྱོར་བའི། །མཁའ་འགྲོ་སྒྱུ་མའི་དཀྱིལ་འཁོར་འདིར། །མགོན་གྱུར་ལས་རྣམས་སྒྲུབ་པའི་ཕྱིར། །རྡོ་རྗེ་གསང་བ་བདག་གིས་བྲི། །སློབ་མ་རྣམས་ལ་བརྩེ་ཕྱིར་དང༌། ཁྱེད་རྣམས་ལ་ཡང་མཆོད་པའི་ཕྱིར། །མགོན་པོ་ཐུགས་རྗེའི་བདག་
ཉིད་ཅན། །དཀྱིལ་འཁོར་བྲི་བར་བདག་འཚལ་ལོ། །དེ་ཕྱིར་བཅོམ་ལྡན་བདག་གུས་ལ། །བཀའ་དྲིན་གནང་བར་མཛད་པར་རིགས། །སངས་རྒྱས་འགྲོ་འཁོར་བྱ་དོན་སྩོལ། །བྱང་ཆུབ་སེམས་དཔའ་འབྲས་གནས་དང༌། །གཞན་ཡང་གང་དག་གསང་སྔགས་ལྷ། །ལྷ་དང་འཇིག་རྟེན་སྐྱོང་བ་དང༌། །འབྱུང་པོ་བྱང་ཆུབ་བསྟན་གནས་དང༌། །སེམས་ཅན་བསྟན་ལ་མངོན་དགའ་བ། །གང་སུ་རྡོ་རྗེའི་སྤྱན་མངའ་རྣམས། །བདག་ལ་ཡང་དག་དགོངས་སུ་གསོལ། །བདག་ནི་ཆེ་གེ་རྡོ་རྗེ་ཅན། །བདེ་མཆོག་འབྱུང་བའི་དཀྱིལ་འཁོར་ནི། །ཇི་ལྟར་ནུས་པས་ཉེར་སྦྱོར་བས། །འགྲོ་བ་སྦྱངས་ཕྱིར་བྲི་བར་བྱ། །དེ་ཕྱིར་བདག་དང་སློབ་མ་ལ། །རྗེས་སུ་བརྩེ་བས་ཉེར་བཟུང་ནས། །དཀྱིལ་འཁོར་དང་བཅས་ཐམས་ཅད་ནི། །ཉེ་བར་བྱོན་པར་མཛད་པར་རིགས། །ཞེས་ལན་གསུམ་གྱིས་སྙན་གསན་དབབ། ཨརྒྷཾ་ནས་ཤཔྟའི་བར་གྱིས་མཆོད། བརྟན་པར་བཞུགས་སུ་གསོལ། འགྲུབ་ན་སྐབས་འདིར་སྦྱིན་བསྲེག་འབུལ་ལོ། །སློབ་མ་སྟ་གོན་ནི། མཎྜལ་ཕུལ་ལ། སྔགས་ཀྱི་དངོས་གྲུབ་དོན་གཉེར་གང༌། ཞེས་སོགས། མྱ་ངན་ལས་འདས་པའི་བསམ་པ་བརྟན་པོ་བསྐྱེད་པ་དང་ནང་དབང་བསྐུར་བ་དང༌། དགའ་ཆེན་ཁྱོད་བདག་སྟོན་པ་སྟེ། སོགས་ཀྱིས་གསོལ་བ་གདབ་པ་དང༌། བུ་ཚུར་ཤོག་ཤིག་ཐེག་ཆེན་པོས། ཞེས་སོགས་སྤྲོ་བ་བསྐྱེད་པ་རྣམས་སྤྱི་དང་འདྲ། བདག་གི་སྡིག་པ་བགྱིས་པ་དང༌། །བགྱིད་དུ་སྩལ་དང་ཡི་རང་བ། །སངས་རྒྱས་སྤྱན་སྔར་མཆིས་ནས་སུ། །མ་ལུས་སོ་སོར་བཤགས་པར་བགྱི། །སངས་
རྒྱས་བྱང་ཆུབ་སེམས་དཔའ་དང༌། །རང་རྒྱལ་དགྲ་བཅོམ་འགྲོ་རྣམས་དང༌། །བསྒོམ་དང་བཟླས་བརྗོད་བསོད་ནམས་ཀྱི། །ཚོགས་ལ་བདག་ནི་ཡི་རང་ངོ༌། །སེམས་བསྐྱེད་མངོན་པར་སངས་རྒྱས་ནས། །ཆོས་ཀྱི་འཁོར་ལོ་བསྐོར་བ་དང༌། །བྱང་ཆུབ་སེམས་དཔའི་ཚོགས་ཀྱི་མཆོག །དེ་ལ་བདག་ནི་སྐྱབས་སུ་མཆི། །སངས་རྒྱས་འབྱུང་བ་ཇི་ལྟ་བར། །སྐལ་ལྡན་བྱང་ཆུབ་སེམས་དཔའ་ཡིས། །བྱང་ཆུབ་སེམས་ནི་བསྐྱེད་པ་ལྟར། །དེ་བཞིན་བདག་གིས་སེམས་བསྐྱེད་དོ། །བདག་གི་དགེ་བའི་ལམ་རྣམས་ཀྱིས། །འཇིག་རྟེན་འདིར་ནི་སངས་རྒྱས་ཤོག །སེམས་ཅན་འཁོར་བའི་རྒྱ་མཚོ་ལས། །བླ་མེད་གནས་སུ་བསྒྲལ་བར་བགྱི། །ཞེས་རྒྱུན་བཤགས་དང༌། འགྲོ་བའི་མགོན་པོ་བདག་ལ་དགོངས། །མ་ལུས་ཕྱོགས་བཞུགས་བདེ་གཤེགས་རྣམས། །དུས་འདི་ནས་བཟུང་སངས་རྒྱས་བར། །བླ་མེད་བདག་ལ་དགོངས་པར་མཛོད། །ཇི་ལྟར་དུས་གསུམ་མགོན་པོ་རྣམས་ནས་སེམས་ཅན་མྱ་ངན་འདས་ལ་འགོད། ལན་གསུམ་གྱིས་རིགས་ལྔའི་སྡོམ་པ་བཟུང༌། སངས་རྒྱས་ཆོས་དང་དགེ་འདུན་ལ་ཞེས་པ་ནས། དེ་ཡི་ཚངས་སྤྱོད་གཉིས་མེད་པར། །བདག་གི་སྡོམ་པ་ལེགས་པར་བཟུང་གི་བར་ཡང་སྤྲོ་ན་བྱ། ངེས་པར་དགོས་པ་ནི་མིན་ཞིང༌། སྤྲོས་པ་ལ་དགའ་ན་རྡོ་རྗེ་རྩེ་མོ་རྣམས་གསུངས་པ་ལྟར་གྱི། སྡོམ་བཟུང་རྒྱས་པ་བྱས་ནས་སྡོམ་པ་བཟུང་ན་ཤིན་ཏུ་ལེགས། འདིའི་དཀྱིལ་ཆོག་རྙིང་མ་ལས། སངས་རྒྱས་ཆོས་དང་དགེ་འདུན་སོགས། སློབ་དཔོན་གྱི་བཀའ་སྩལ་བའི་ཚུལ་དུ་བྱས་པ་ནི། དོན་ལ་འགལ་བ་མེད་མོད་ཀྱང༌། འདྲ་མིན་དུ་བཅོས་པ་
ཞིག་ཡིན་པ་འདྲའོ། །དེ་ནས་གནས་གསུམ་བྱིན་རླབས་དང༌། མཆོད་པ་བཞི་འབུལ་བ་དང༌། སོ་ཤིང༌། ཁྱོར་ཆུ། སྲུང་སྐུད་རྣམས་སྤྱི་དང་འདྲ། ཀུ་ཤ་ལ། ཧཱུཾ་ཨ་ཨོཾ། ཨ་ཧི་ཨ། ཧྲཱིཿཨ་ཏྲཾ་ཨ་ཧཾ་ཨ། སརྦ་སྭ་པ་ན་ཀུ་རུ་ཀུ་རུ་སྭཱཧཱ། ཞེས་པས་སྦྱིན། འཇིག་རྟེན་དུ་ནི་ཀུན་མཁྱེན་དག།སོགས། ཟབ་མོའི་ཆོས་བཤད་པ་དང༌། རྨི་ལམ་བརྟག་ཅིང་ངན་ན་སྲུང་བ་ནི་སྤྱི་དང་འདྲའོ། །དེ་ནས་བུམ་པ་ལྷག་གནས་ནི། ལྷ་གྲངས་དང་མཉམ་པ་མཆོག་ཡིན་ཡང་འགྲུབ་དཀའ་བས། འཁོར་ལོ་དྲུག་ལ་བུམ་པ་རེ་རེ་དང༌། ལས་བུམ་སྟེ་དྲུག་གམ། དེའི་སྟེང་དུ་བཀྲ་ཤིས་གྱི་བུམ་པ་བརྒྱད་བསྣན་པ་སྟེ། བུམ་པ་བཅུ་བཞི་འགྲུབ་ནའང་ལེགས། ཤིན་ཏུ་བསྡུ་ན་རྣམ་རྒྱལ་དང་ལས་བུམ་གྱིས་ཆོག་སྟེ། སྤྱི་དང་མཐུན་པར་བཤམ། བསངས་སྦྱངས། སྟོང་པའི་ངང་ལས། པཾ་ལས་སྣ་ཚོགས་པདྨ་དང༌། ཨ་ལས་ཟླ་བའི་དཀྱིལ་འཁོར་གྱི་སྟེང་དུ། བྷྲུཾ་ལས་རིན་པོ་ཆེའི་བུམ་པ། ལྟོ་བ་ལྡིར་ཞིང༌། མགྲིན་པ་ཕྲ་བ། མཆུ་འཕྱང་བ། ལྷ་རྫས་ཀྱི་གོས་ཀྱི་མགུལ་ཆིངས་དང༌། དཔག་བསམ་གྱི་ཤིང་གིས་ཁ་བརྒྱན་པ། ནང་ཆུ་དང་བཅུད་སྣ་ཚོགས་ཀྱིས་ཡོངས་སུ་གང་བར་གྱུར། བུམ་པ་གཉིས་ཡོད་ན། རྣམ་རྒྱལ་བུམ་པའི་དབུས་སུ། འཁོར་ལོ་དྲུག་གི་དཀྱིལ་འཁོར་གྱི་ལྷ་ཚོགས་རྣམས་ཀྱི་གདན་ཡོངས་སུ་རྫོགས་པ་གྲུབ་པར་གྱུར། དབུས་ཀྱི་དཀྱིལ་འཁོར་གྱི་གནས་སུ་ཧཱུཾ་ལས་རྡོ་རྗེ་སེམས་དཔའ་ཞེས་སོགས། དཀྱིལ་འཁོར་གྱི་ས་གཞི་ཞེས་པའི་གནས་སུ། ཆ་ཤས་དབུས་མའི་དཀྱིལ་འཁོར་གྱི་གནས་དང༌། ཆ་ཤས་ཤར་མའི་དཀྱིལ་འཁོར་གྱི་གནས་ཞེས་སོགས་འདོན་པ་སྤོས་ནས། གོང་
ལྷ་སྟ་གོན་ལྟར། དམ་ཚིག་པ་བསྐྱེད། ཡེ་ཤེས་པ་བསྟིམ། ཨོཾ་སརྦ་བུདྡྷ་ས་མ་ཡོ་ག་ཌཱ་ཀི་ནི་ཛྭ་ལ་སམྦྷ་ར། མཎྜ་ལ་ས་པ་རི་ཝ་རེ་བྷྱཿ བཛྲ་ཨརྒྷཾ་པྲ་ཏཱིཙྪ་སྭཱཧཱ། དེ་བཞིན་དུ། ཤཔྟའི་བར་གྱིས་མཆོད། བསྟོད་ཐུང་གིས་བསྟོད། མེ་ཏོག་འཕྲེང་བའི་གཟུངས་ཐག་ནས་བཟུང་སྟེ། འཁོར་ལོས་བསྒྱུར་བ་དྲུག་གི་སྙིང་པོ་རྣམས་ཅི་ནུས་སུ་བཟླ། ལས་བུམ་དུ་རྟ་མཆོག་བསྐྱེད་ན། ཆ་ཤས་བྱང་མའི་དབུས་དང་ལས་བུམ་དུ་ཞེས་ལྷན་ཅིག་ཏུ་བསྐྱེད་པས་ཆོག །བདུད་རྩི་འཁྱིལ་བ་བསྐྱེད་ན། ལས་བུམ་དུ་ཧཱུཾ་ལས་བྱུང་བའི་བདུད་རྩི་འཁྱིལ་བ་ནག་པོ། ནག་དཀར་དམར་བའི་ཞལ་གསུམ་སོགས་སྲུང་འཁོར་སྐབས་བཞིན་ལས། སྨད་ཕུར་པའི་དབྱིབས་སུ་མི་བྱེད། ལྷག་མ་འདྲ། སྔགས་ཀྱང་བདུད་རྩི་འཁྱིལ་བ་ཉིད་བཟླ། ཡིག་བརྒྱ་ལན་གསུམ་དང༌། བཟོད་གསོལ་སྤྱྀ་དང་མཐུན་པར་བྱས། མེ་ཏོག་དང་བཅས་པའི་མཆོད་ཡོན་ཕུལ་བུམ་ནང་གི་ཡེ་ཤེས་པ་གཤེགས། དམ་ཚིག་པ་ཞུ་བ་ལས་བྱུང་བའི། བུམ་ཆུ་ནུས་པ་ཀུན་དང་ལྡན་པར་གྱུར། ལས་བུམ་གྱི་ལྷ་ནི་བཞུ་མི་དགོས་སོ། །སྟ་གོན་གྱི་ལྷ་ལ་གོང་བཞིན་མཆོད་བསྟོད་བྱས་ནས། ཡིག་བརྒྱ་བཟོད་གསོལ། ཨོཾ་བཛྲ་ཨུ་ཏིཥྛ། ཞེས་ནམ་མཁར་བཏེགས། སླར་ཡང་མཆོད་པ་དཀྱུས་མ་དང་བསྟོད་ཐུང་གིས་བསྟོད། ནངས་པར་དཀྱིལ་འཁོར་བྱིན་གྱིས་བརླབ་པར་གསོལ་བ་བཏབ་བོ། །དེ་ནས་ཐིག་ཚོན་བསངས་སྦྱངས། ཨོཾ་ལས་བྱུང་བའི་ཐིག་ཚོན་དཀར་པོ། ཧིཿལས་བྱུང་བའི་ཐིག་ཚོན་སྔོན་པོ། ཧྲིཿལས་བྱུང་བའི་ཐིག་ཚོན་དམར་པོ། ཏྲཾ་ལས་བྱུང་བའི་ཐིག་ཚོན་སེར་པོ། ཧཾ་ལས་བྱུང་བའི་ཐིག་ཚོན་ལྗང་ཁུ་རྣམས་དེ་བཞིན་གཤེགས་པ་རིགས་ལྔའི་ངོ་བོར་གྱུར། ཨོཾ་དཱི་པ་ཏ་དྲྀཥྟ་ཨང་ཀུ་ཤི་ཛྫཿ ནམ་མཁར་བཞུགས་
པའི་ལྷ་ཚོགས་དང༌། ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་ཡེ་ཤེས་ཀྱི་ཐིག་ཚོན་སྤྱན་དྲངས་ཏེ་གཉིས་སུ་མེད་པར་འདྲེས། པཉྩ་ཀུ་ལ་ས་པཱ་རི་ཝ་ར་ཨརྒྷཾ། ནས། ཤཔྟའི་བར་གྱིས་མཆོད། མི་བསྐྱོད་རྡོ་རྗེ། སོགས་དེ་ཉིད་ལྔ་པས་བསྟོད། ཐིག་སྐུད་སྒྲིལ་ཞིང༌། རྡོ་རྗེ་སེམས་དཔའི་སྙིང་པོ་སྔོན་དུ་འགྲོ་བས། ཨོཾ་བཛྲ་ས་མཱ་ཡ་སུ་ཏྲཾ་མཱ་ཏི་ཀྲ་མ་ཧཱུཾ། ཨོཾ་ཨཱཿཧཱུཾ། ཞེས་བཟླས། ཨོཾ་ཨཱཿཧཱུཾ་ཛྫ་ཛྫ་ཛྫ། ཞེས་བཏང་ནས། ཨོཾ་བོ་དྷི་ཙིཏྟ་སརྦ་སཏྭ་ཧཱུཾ། ཞེས་ཐིག་སྐུད་དྲངས། ཨོཾ་བཛྲ་ས་མཱ་ཡ་མ་ཏི་ཀྲ་མ་ཧཱུཾ། གི་སྔགས་ཀྱིས་ཡེ་ཐིག་རྣམས་གདབ་པར་བྱ་སྟེ། དཀྱིལ་ཆོག་རྣམ་གསུམ་ལས། ཁ་ལྟ་ཕྱོགས་སོགས་མི་འདྲ་བ་འགའ་རེ་སྣང་ཡང༌། རྩོམ་པ་པོ་སོ་སོའི་འདོད་པ་ཡིན་གྱི། རྒྱུད་སྡེ་འདིའི་ཁྱད་ཆོས་མ་ཡིན་པས་སྤྱི་དང་མཐུན་པར་བཏབ་བོ། །སྔར་ལས་ཐིག་རྫོགས་པར་མ་བཏབ་ན། དེ་ནས་ལས་ཐིག་གི་ཆ་དབྱེ་བར་བྱ་ལ། སྔར་བཏབ་ན་དེར་ཟད་དོ། །ཐིག་གདབ་ཚུལ་ནི་གཞན་དུ་ཤེས་པར་བྱའོ། །ཐིག་གི་བྱ་བ་ཟིན་པ་ན། ཡེ་ཐིག་ལ་མཆོད་བསྟོད་བྱས་ནས། གཙྪ་མུཿ ཞེས་ཡེ་ཤེས་པ་ནམ་མཁའི་དཀྱིལ་འཁོར་ཀྱི་ཐུགས་ཀར་ཐིམ། ཨོཾ་བཛྲ་བེ་ཀྲ་ཨ་ཀྲ་མ་ཧཱུཾ། ཞེས་རི་མོ་བཏེག་ནས་ནང་དུ་འོངས། ཧི་ཧི། ཞེས་སྒོའི་རྩ་ཐིག་དབྱེ། རྡུལ་ཚོན་ལ། ཨོཾ་བཛྲ་ཙི་ཏྲ་ས་མ་ཡ་ཧཱུཾ། མང་དུ་བཟླས། འདི་ནི་ཆོས་དབྱིངས་དག་པ་སྟེ། །སེམས་ཅན་ཁམས་ནི་རབ་སྒྲོལ་བྱེད། །དཔལ་ལྡན་རྒྱལ་པོ་རྡོ་རྗེ་སེམས། །དེ་བཞིན་གཤེགས་པ་ཀུན་གྱི་གནས། །ཡང་དག་བདེ་བའི་བྱིན་རླབས་ཀྱིས། །དཀྱིལ་འཁོར་ལས་རྣམས་ཤེས་པར་མཛོད། །ཅེས་དབང་
ལྡན་གྱི་རྩིག་པ་ནས་འབྲི་ཞིང༌། ཚོན་བཀྲ་བརྟག་པ་སོགས་སྤྱི་དང་འདྲའོ། །དེ་ནས་རྒྱན་དགྲམ་ཞིང་མཆོད་པ་བཤམས་པ་ནི། མེ་ཏོག་དཀར་པོ་སངས་རྒྱས་ལ། །རྡོ་རྗེ་ཅན་ལ་སྣ་ཚོགས་པ། །འཇིག་རྟེན་དབང་ལ་ཁ་དོག་དཀར། །སེར་པོ་མཁའ་ལས་བྱུང་བ་ལ། །ཙན་དན་བདུག་པ་སངས་རྒྱས་ལ། །རྡོ་རྗེ་ཅན་ལ་དུ་རུ་ཀ །སྤྱན་རས་གཟིགས་ལ་ཀ་པི་ཏ། །གུ་གུལ་རྡོ་རྗེ་ཉི་མ་ལ། །མར་མེའི་འཕྲེང་བ་སངས་རྒྱས་ལ། །རྡོ་རྗེ་ཅན་ལ་མར་མེ་བདུན། །སྤྱན་རས་གཟིགས་ལ་མར་མེ་བརྒྱ། །སྟོང་ནི་རྡོ་རྗེ་ཉི་མ་ལ། །སངས་རྒྱས་རྣམས་ལ་ཙན་དན་དྲི། །རྡོ་རྗེ་ཅན་ལ་གུར་གུམ་ཡིན། །སྤྱན་རས་གཟིགས་ལ་ཙན་དན་དམར། །ག་བུར་རྡོ་རྗེ་ཉི་མ་ལ། །མེ་ཏོག་འཕྲེང་བ་བདུག་པ་ཀུན། །དེ་བཞིན་མར་མེ་ཐམས་ཅད་དང༌། །སྤོས་རྣམས་ཐམས་ཅད་ཇི་སྙེད་པ། །རྡོ་རྗེ་འཛིན་ལ་འབུལ་བར་བགྱི། །ཞེས་གསུངས་ཤིང༌། རྡོ་རྗེ་ཅན་ཧེ་རུ་ཀ་དང༌། རྡོ་རྗེ་འཛིན་རྡོ་རྗེ་སེམས་དཔའ་འོ། །འདི་དང་ཕྱོགས་མཚུངས་རྡོ་རྗེ་གུར་ནས་ཀྱང་གསུངས་ཤིང༌། ཁྱད་པར་ཁ་ཟས་ལ། ཁ་བ་ཚ་བ་རྡོ་རྗེར་འབུལ། །མངར་བ་རྡོ་རྗེ་རྟག་པ་ལ། །སྐྱུར་བ་རྡོ་རྗེ་ཉི་མ་ལ། །དེ་བཞིན་ལཉྩ་འཇིག་རྟེན་རྗེར། །རྟ་ཡི་རྒྱལ་པོར་ཐམས་ཅད་དམ། །བསྐ་བ་རབ་ཏུ་རྟག་པར་བྱ། །ཞེས་པ་ལྟ་བུ་དང༌། རྒྱུད་འདི་ལས་སློབ་དཔོན་མཆོད་པའི་ཡོན་དུ་གསུངས་པ། བུ་མོ་ཤིན་ཏུ་བརྒྱན་པའམ། །དེ་བཞིན་ཆུང་མ་སྡུག་པ་དག །ཕུལ་ནས་རིན་གྱིས་བསླུ་བ་ནི། །སངས་རྒྱས་བྱང་ཆུབ་མཆོག་གི་ཡོན། །མི་ཆེན་དག་ནི་ཕུལ་ནས་སུ། །སླར་ཡང་རིན་གྱིས་བསླུ་བ་ནི། །རྡོ་རྗེ་འཛིན་པ་དཔལ་སྦྱོར་བ། །ཡོན་ནི་མཆོག་གི་ཡོན་ཡིན་ནོ། །མུ་ཏིག་བཟངས་དང་ནོར་བུ་དང༌། །ཤིན་ཏུ་དཀར་དང་རས་ཟུང་དང༌། །དེ་བཞིན་རྟ་ནི་དཀར་པོ་དག །པདྨ་ཅན་གྱི་ཡོན་ཡིན་ནོ། །
རྒྱལ་སྲིད་རིན་ཆེན་ལྟར་རྣམས་དང༌། །གོས་དང་རྒྱན་གྱི་ཚོགས་རྣམས་དང༌། །དེ་བཞིན་མཆོད་པ་ཐམས་ཅད་དག །རྡོ་རྗེ་ཉི་མའི་ཡོན་ཡིན་ནོ། །རྟ་མཆོག་ཤིན་ཏུ་བརྒྱན་པ་དང༌། །ཤིང་རྟ་རིན་ཆེན་བཀང་བ་དག །རྟ་ཡི་རྒྱལ་པོའི་ཡོན་ཡིན་ནོ། །ཞེས་གསུངས་པ་ལྟ་བུ། དངོས་དང༌། བྲིས་པ་དང༌། ཡིད་ཀྱིས་བསམས་པས་ཀྱང་ངོ༌། །དེའི་རྗེས་སུ། ལྷག་ཆད་ཁ་བསྐང་བའི་ཕྱིར་རོལ་མོའི་སྒྲ་དང་བཅས་ཏེ་ཡིག་བརྒྱ་མང་དུ་བཟླས། བུམ་པ་རྣམས་ཕྱོགས་ཕྱོགས་སུ་སྤྱན་དྲངས། དཀྱིལ་འཁོར་ལ་བགེགས་སྦྱང་བ། སྡིག་སྒྲིབ་སྦྱང་བ། ཁྲུས་གསོལ་རྣམས་བོད་སྔ་མའི་ལག་ལེན་ལྟར་སྤྲོ་ན་བྱ། དེ་ནས་སྔོན་འགྲོ་གཏོར་མ་བཏང༌། སྒྲུབ་ཐབས་ཀྱི་འཇུག་ཏུ་བཤད་པའི་གཏོར་ཆོག་དང་འདྲ་བ་ལས། འཁོར་ལོས་བསྒྱུར་བ་དྲུག་གི་སྔགས་བོར་བའོ། །ཨོཾ་སུམྦྷ་ནི་སུམྦྷ་ནི་ཧཱུཾ། བདག་ཉིད་རྡོ་རྗེ་རྟ་མཆོག་ཏུ་གྱུར། རང་གི་ཐུགས་ཀ་ནས་རྡོ་རྗེ་ཁྲོ་བོ་མཁའ་འགྲོ་མའི་ཚོགས་དང་བཅས་པ་སྤྲོས། བགེགས་བསྐྲད་ཅིང་མཚམས་བཅད་པར་གྱུར། ཧཱུཾ་བཞི་པ་དྲག་ཏུ་བཟླའོ། །རོལ་མོའི་སྒྲ་དང་བཅས་ཏེ། ཡང་དག་གསང་བའི་དཀྱིལ་འཁོར་འདིར། གསང་བའི་དམ་ཅན་སོ་སོ་ནས། །འདུ་བའི་ལས་ནི་མ་གཏོགས་པ། །གསང་བ་ཉན་པར་མི་དབང་བའི། །བགེགས་དང་འབྱུང་པོ་ཐམས་ཅད་ཀུན། །ད་ལྟ་ཉིད་དུ་སོ་སོར་དེངས། །ཅི་སྟེ་བཀའ་ལས་འདས་གྱུར་ན། །རྡོ་རྗེ་འཛིན་རྒྱལ་ཁྲོས་ནས་ཀྱང༌། །རྡོ་རྗེ་མཚོན་ཆེན་འབར་བ་ཡིས། །རྟག་ཏུ་བརླག་ཅིང་ཕུང་བར་འགྱུར། །ཧཱུཾ་བཛྲ་ཛྭ་ལ་རཾ་ཡཾ་ཁཾ་ཙཀྲ་བི་ཤྭ་ཧཱུཾ་ཕཊ། ཁྲོ་བོའི་སྔགས་དྲག་ཏུ་བརྗོད་པས་མཚམས་བཅད། བླ་མ་ཡི་དམ་སངས་རྒྱས་མཁའ་དབྱིངས་
གང་བ་ལ་དམིགས་ཏེ། དེ་དག་ལ་གསོལ་བ་འདེབས་བཞིན་ཏུ། འཕགས་མཆོག་ཐུགས་རྗེའི་དུས་ལ་བབ། །ཅེས་སོགས་བྱིན་ཕབ། དེ་རྗེས་ནང་མཆོད་དང༌། སརྦ་ད་བྱ་གྱི་སྔགས་ཀྱིས་རྫས་གཞན་མཐའ་དག་དང༌། ནང་གིས་གཏོར་མ་རྣམས་བྱིན་གྱིས་བརླབས། རིགས་རྐྱང་ཧེ་རུ་ཀའི་དཀྱིལ་འཁོར་དང༌། རྟ་མཆོག་གི་དཀྱིལ་འཁོར་དང་རིགས་བསྡུས་ཀྱི་སྐབས་འདིར། རཀྟ་ཡང་བཤམས་ལ། ཨོཾ་མཧཱ་རཀྟ་ཛྭ་ལ་མཎྜ་ལ་ཧཱུཾ་ཧྲཱི་ཐ། ཞེས་པས་བྱིན་གྱིས་བརླབས་རིགས་རྐྱང་གཞན་བཞི་ལ། རཀྟ་མི་དགོས། དེ་ནས་གནས་ཁང་དང་མཆོད་པའི་ཡོ་བྱད་གོང་བཞིན་བྱིན་གྱིས་བརླབ། དེ་ནས་སངས་རྒྱས་དང་བྱང་ཆུབ་སེམས་དཔའ་རྣམས་ལ་བཤགས་པ་འབུལ་བ་ནི། ཧཱུཾ་གསང་ལྡན་རྡོ་རྗེ་ཆེ་གེ་མོས། །རྡོ་རྗེ་སློབ་དཔོན་སྨོད་འགལ་ཞིང༌། །ལྷ་སྤངས་མཆོད་ལ་འཁུས་པ་དང༌། །སྔགས་དང་ཕྱག་རྒྱ་སྤངས་པ་དང༌། །སྣོད་མིན་གསང་བ་བསྒྲགས་ལ་སོགས། །གཉིས་གསུམ་ཉི་ཤུ་རྩ་བརྒྱད་དང༌། །ཡན་ལག་ཆ་ཤས་ཉམས་དང་འདས། །འགྱོད་སེམས་ངེས་པར་བཤགས་པར་བགྱི། །ཨོཾ་ན་མ་ཀཱ་ཡ་ཝཱ་ཀ་ཙིཏྟ་སརྦ་པཱ་པཾ་ཤུདྡྷ་ཤུདྡྷ་སྭཱཧཱ། གཞན་ཡང་བཤགས་པའི་ཁྱད་པར་ཇི་ལྟར་འོས་པ་སྦྱར་བས་རུང་ངོ༌། །དེ་ནས་ལག་པ་བྱིན་རླབས། རང་ཉིད་དཔལ་རྡོ་རྗེ་སེམས་དཔའ་སྐུར་ནས་བརྩམས་ཏེ། ལས་མཛད་པར་གྱུར་གྱི་བར་སོང་བ་ན། མདུན་སྐྱེད་ཀྱི་དཀྱིལ་འཁོར་བསངས་སྦྱངས། སྟོང་པའི་ངང་ལས་སྲུང་འཁོར་གཞལ་ཡས་ཁང་ལྷའི་གདན་དང་བཅས་པ་མཚན་ཉིད་ཐམས་ཅད་ཡོངས་སུ་རྫོགས་པ། ལྷའི་མཚན་མ་རྣམས་ལྷ་ཚོགས་སུ་གྱུར་པ་ནི། དབུས་སུ་དཔལ་ལྡན་ཀུན་བཟང་ཡབ་ཡུམ་དང༌། །བདེ་མཆོག་ངོ་མཚར་བདེ་མ་སྣང་
མཛད་མ། །སློབ་མ་སངས་རྒྱས་བྱང་ཆུབ་ཆོས་འཁོར་མ། ཁམས་གསུམ་རྣམ་རྒྱལ་འདོད་པའི་དབང་མོ་བཞུགས། །ཤར་དུ་རྒྱལ་བ་རྟག་པ་ཡབ་ཡུམ་དང༌། །སངས་རྒྱས་ཀུན་བརྗོད་ཤིན་ཏུ་རྒྱལ་མ་དང༌། །ཀུན་བཟང་མི་བཟད་སྣོད་མ་ཀུན་ལྡན་མ། །ཞལ་བཟང་སྤྲིན་ཆེན་ནམ་མཁའི་སྤྱན་མ་བཞུགས། །ལྷ་མོའི་དབུས་སུ་ཁྲག་འཐུང་ཡབ་ཡུམ་རོལ། །ནུབ་ཏུ་པདྨ་གར་དབང་ཡབ་ཡུམ་དང༌། །རྣམ་གཟིགས་སྒྲོལ་མ་ས་འཛིན་ཁྲོ་གཉེར་ཅན། །གཏུམ་པའི་དབང་ཕྱུག་སྣ་ཚོགས་པདྨ་ལ། །པདྨ་ན་བཟའ་པདྨའི་དབང་མོ་བཞུགས། །བྱང་དུ་རྡོ་རྗེ་ཉི་མ་ཡབ་ཡུམ་དང༌། །དབང་བསྐུར་གཏེར་ལྡན་རྒྱལ་མཚན་མཆོག་མ་དང༌། །མཆོད་ཆེན་མ་དང་མདའ་གཞུ་རལ་གྲི་མ། །ཉི་མ་མ་དང་མེ་འབར་བ་མ་རྣམས་བཞུགས། དེ་དག་ཀུན་ལ་ཕྱི་ནང་གྲྭ་རྣམས་སུ། གླིང་བུ་པི་ཝཾ་རྔ་ཆེན་རྫ་རྔ་མ། །མེ་ཏོག་སྤོས་དང་མར་མེ་དྲི་ཆབ་མ། །མཚམས་ཀྱི་དབུས་སུ་རྟ་མཆོག་ཡབ་ཡུམ་དང༌། །སྣ་ཚོགས་པདྨ་སྣ་ཚོགས་རྡོ་རྗེ་མ། །ཕྱི་དང་ནང་གི་དཀྱིལ་འཁོར་ཐམས་ཅད་ལ། །སྒོ་བཞིར་རྟ་གདོང་མ་དང་ཕག་གདོང་མ། །སྣང་བ་མོ་དང་རོ་ལངས་མ་རྣམས་བཞུགས། །ལྷོ་དང་མཚམས་ཀྱི་དཀྱིལ་འཁོར་ཆེན་པོ་ལ། །གཽ་རི་ཙཽ་རཱི་རབ་རྨོངས་བཻ་ཏ་ལཱི། །པུཀྐ་སཱི་དང་གཏུམ་མོ་གྷསྨ་རི། །རྨེ་ཤ་མ་སྟེ་ཁྲོ་མོ་བརྒྱད་པོ་བཞུགས། །རིམ་གཉིས་གྲྭ་བཞིར་འདའ་འཛིན་ཁ་ཊྭཱཾ་མ། །འཁོར་ལོ་འཛིན་མ་སྣ་ཚོགས་བ་དན་འཛིན། །མེ་ཏོག་མ་སོགས་མཆོད་ལྷ་བཞི་དང་བཅས། །དེ་
ལྟར་གདོད་ནས་རྣམ་དག་དམ་ཚིག་གི་དཀྱིལ་འཁོར་མངོན་སུམ་དུ་གྲུབ་པར་གྱུར། རང་གི་སྙིང་གའི་ས་བོན་གྱི་འོད་ཟེར་ལྕགས་ཀྱུ་ལྟ་བུ་འཕྲོས། ཡེ་ཤེས་ཀྱི་དཀྱིལ་འཁོར་དང་བཅས་པ་ཐམས་ཅད་ཨོཾ་བཛྲ་ས་མཱ་ཛཿཧཱུཾ། ཞེས་སྟ་གོན་གྱི་དཀྱིལ་འཁོར་སྤྱན་དྲངས། རྟ་མཆོག་གི་སྙིང་པོ་དང༌། བདུད་རྩི་འཁྱིལ་བའི་སྔགས་ལན་གསུམ་གྱིས་བསངས་གཏོར་བྱ་ཞིང་བགེགས་བསྐྲད། ཧཱུཾ་བཞི་པའི་སྔགས་ཅིག་རྡོ་རྗེ་གསོར་པ་དང་བཅས་པས། སྲུང་འཁོར་གྱི་སྒོ་ཕྱེ་ལ། མཧཱ་ས་མ་ཡ་སྟྭམ། ལག་གཉིས་ཀྱིས་མཆོད་ཡོན་འབུལ་བ་ནས། མཧཱ་སུ་ཁ་ཧཱུཾ། གི་བར་ཚོགས་ཞིང་གི་སྐབས་ལྟར་མཆོད་པ་ཕུལ། འཁོར་ལོས་བསྒྱུར་བ་དྲུག་གི་སྙིང་པོའི་མཐར། ཨ་བེ་ཤྭ་ཡ་ཨ། ཛཿཧཱུཾ་བཾ་ཧོ། བཏགས་པ་དང༌། རྒྱས་པར་སྤྲོ་ན། འཁོར་གྱི་ལྷ་རྣམས་ཀྱི་སྔགས་ཀྱི་མཐར་ཡང་དེ་བཞིན་དུ་བྱ་ལ། མདོར་བསྡུ་ན། ཛཿཧཱུཾ་བཾ་ཧོ་ཨཾ་བྷྲུཾ་ཧཿཁཾ། ཨཾ་ཏཾ་བཾ་སཾ་ཨ་ཨཱ་ཨཾ་ཨཿ ཛཿཧཱུཾ་བཾ་ཧོ། ཧཾ་ཚཾ་ཏྲཾ་དྷཾ་ཨཾ་བྷྲུཾ་ཧ་ཁཾ། ཨོཾ་ཏཾ་ནས་བཾ་ཧོ་གོང་བཞིན་ནོ། །ཧྲཱིཿཧྣི་ནི་ཛྫིཿཛིཿཧཱུཾ་ཕཊ་ཧཱུཾ་ཕཊ། མཾ་བཾ་ཡཾ་རཾ་ཨ་ཨཱ་ཨཾ་ཨཿཛཿཧཱུཾ་བཾ་ཧོ། ཛཿཧཱུཾ་བཾ་ཧོ་ཧཱུཾ་ཧེ་ཨཱཿཧོཿ ཨོཾ་ཏཾ་སོགས་གོང་བཞིན་ནོ། །ཨོཾ་ཧྲཱིཿཧོཿཧཾ་ཛཿཧཱུཾ་བཾ་ཧོ། ཨོཾ་ཏཾ་སོགས་གོང་བཞིན་ནོ། །ཛིཿཧཱཿཧྲིཿཧྣི་སོགས་ཏེ། ས་བོན་སྡེ་ཚན་དེ་རྣམས་ཀྱི་མཐར། ཨ་བེ་ཤ་ཡ་ཨ་ཛཿཧཱུཾ་བཾ་ཧོ། ཞེས་བརྗོད་པས་ཡེ་ཤེས་ཀྱི་ལྷ་རྣམས་གཟུགས་བརྙན་གྱི་དཀྱིལ་འཁོར་དང་བསྲེ་བར་བྱའོ། །སྐབས་འདི་དག་ཏུ་སློབ་དཔོན་ཧཱུཾ་མཛད་ཀྱིས་བརྡའ་སྒོ་དབྱེ་བ་དང༌། བརྡའ་ཕྱག་འཚལ་བ་བཤད་པ་ལྟར་བྱེད་པ་ལེགས་པ་ཡིན་ཏེ། ས་མ་ཡ་ཧོ། ས་མ་ཡ་སྟྭཾ། ཛཿཧཱུཾ་བཾ་ཧོ། ཨོཾཔྲ་བེ་ཤ་ཡ་
ཕཊ། ཨ་ལ་ལ་ལ་ལ་ཧོ། ཞེས་ཕྱོགས་བཞི་ནས་སྒོ་ཕྱེ། སྤྲོ་ན། ཨོཾ་ཧཱུཾ། ཞེས་དབུས་ནས་ས་མནན་ཏེ། ཨོཾ་ཧཱུཾ་ཕཊ། ཤར་དུའོ། །ཨོཾ་ཧཱུཾ་ཨ་ཕཊ། ལྷོ་རུའོ། །ཨོཾ་ཧཱུཾ་ཨ་ཨ་ཨ་ཕཊ། ནུབ་ཏུའོ། །ཨོཾ་ཧ་མ་ར་དུཥྟན། གྷཱ་ཏ་ཡ་གྷཱ་ཏ་ཡ། ཨ་ཨ་ཨ་ཧཱུཾ་ཧྲཱིཿཕཊ། བྱང་དུའོ། །འདི་དག་བགེགས་བསྐྲད་པ་ཡང་ཡིན་ཏེ། སྒོ་དབྱེ་བ་དང་འབྲེལ་ལོ། །བརྡའ་སྒོ་དབྱེ་བའོ། །ཨོཾ་སྟོང་གསུམ་སྟོང་གི་འཇིག་རྟེན་ན། །ཕྱོགས་བཞིའི་དཀྱིལ་འཁོར་དབུས་རྣམས་ཀྱི། །སྐྱེ་འགྲོ་རྡུལ་སྙེད་གནས་པ་ཀུན། །བདེ་གཤེགས་ལྷ་ཡི་དཀྱིལ་འཁོརདབྱིངས། །ཕྱོགས་དུས་ཀུན་ནས་ཚོགས་པའི་ལྷ། །གཉིས་སུ་མེད་པས་ཕྱག་འཚལ་ལོ། །ཨོཾ་ཨཱཿཧཱུཾ་ཨ་ཏི་བྷུ་ཧོ། སརྦ་ཏ་ཐཱ་ག་ཏཱ་ནཱཾ་ཀ་རོ་མི། ཨ་ལ་ལ་ལ་ཧོ། ཨོཾ་ཨཱ་ཏི་བྷུ་ཧཱུཾ། པྲ་ཏི་ཨོ་ཏི་བྷུ། སརྦ་ཏ་ཐཱ་ག་ཏ་ས་མ་ཡ་ཡོ་ག་སིདྡྷི་ཨཱཿཧཱུཾ། ཞེས་པ་ལ་སོགས་པ་སྔགས་བདུན་གྱིས་ཕྱག་འཚལ་བ་ཡིན་ནོ། །ཨོཾ་ཨཱཿཧཱུཾ་རང་ཉིད་རྡོ་རྗེ་སེམས་དཔའ་མདུན་བསྐྱེད་དང་རོ་གཅིག་ཏུ་འདྲེས་པར་གྱུར། ཨོཾ་བཛྲ་ཨཱཏྨ་ཀོ྅ཧཾ། ཨོཾ་སྭ་བྷཱ་ཝ་ཤུདྡྷོ྅ཧཾ། ཨོཾ་སརྦ་ས་མ་ཡོ྅ཧཾ། ཨོཾ་ཨཱཿཧཱུཾ། མང་དུ་བཟླས། ཨོཾ་དྷརྨ་དྷ་ཏུ། ཨོཾ་ཤུ་ནྱ་ཏཱ། སྟོང་པའི་ངང་ལས། སྟོང་གསུམ་གྱི་ཡང་ཐོག་ཏུ་ཞེས་པ་ནས། རྟ་མཆོག་གི་དཀྱིལ་འཁོར་ལ་དབང་བསྐུར་རོ། །ཞེས་པའི་བར་སྒྲུབ་ཐབས་བཞིན་དུ་བྱས་ལ། དེ་ནས་ཆོ་ག་མདོར་བསྡུས་ཙམ་ལ་དགའ་ན། ཨོཾ་ཨཱཿཧཱུཾ་ཨ་ཏི་བྷུ་ཧོ། ཞེས་པ་ནས། ཨཽཾ་བཛྲ་སཏྭ་མཧཱ་ས་མ་ཡ་ཨཱཿཧཱུཾ་སྭཱཧཱ། ཞེས་བཟླས་པ་བྱེད་པའི་བར་སྒྲུབ་ཐབས་ཁོ་ན་བཞིན་བྱས་པས་ཆོ་ག་མ་ཚང་བ་མེད་ལ། ཅུང་ཟད་སྤྲོས་པ་ལ་དགའ་ན།
དྲི་མེད་ཡིད་དུ་འོང་བ་ཡི། །ལྷ་རྫས་དམ་པའི་མཆོད་ཡོན་འདི། །ནམ་མཁའ་མཉམ་པར་སྤྲུལ་ནས་ཀྱང༌། །དཀྱིལ་འཁོར་ལྷ་ལ་མཆོད་པར་འབུལ། །ཨོཾ་ཤྲཱི་སརྦ་བུདྡྷ་ས་མ་ཡོ་ག་ཌཱ་ཀི་ནི་ཛ་ལ་སམྦྷ་ར་ས་པ་རི་ཝ་ར་ཨརྒྷཾ་པྲ་ཏིཙྪ་སྭཱཧཱ། དེ་བཞིན་དུ། ཞབས་བསིལ་དང༌། པཱ་དྱཾ། ཨོཾ་ལྷ་ཡི་མེ་ཏོག་ཤིན་ཏུ་དམར། ཞེས་སོགས་དང༌། བཛྲ་པུཥྤེ་ཨཱཿཧཱུཾ། དེ་བཞིན་དུ་ནཻ་ཝི་ཏེའི་བར་དུ་སྦྱར་རོ། །མེ་ཏོག་ལ་སོགས་པའི་ཚིགས་བཅད་འདི་རྣམས། རྡོ་རྗེ་བདུད་རྩིའི་རྒྱུད་ལས་འབྱུང་བས། རྒྱུད་ཚིག་ལ་བཅོས་མ་བྱས་པ་ཉིད་ལེགས་སོ། །ཕྱོགས་འདིའི་གཞུང་གཉིས་ལས་སྦྱིན་སྲེག་གི་སྐབས་སུ་འབྱུང་བ་ལ། རྒྱུད་ཚིགས་ལ་ཅུང་ཟད་བཅོས་པར་མངོན་ནོ། །ཨོཾ་དཔག་བསམ་ཤིང་སོགས་རྒྱུ་ལས་བྱུང༌། ལྷ་ཡི་ན་བཟའ་ཁྱད་པར་འཕགས། །བཙོ་མ་གསེར་གྱི་མདོག་མཚུངས་དང༌། །སྣ་ཚོགས་རིན་ཆེན་རྒྱན་སོགས་འབུལ། །བཛྲ་ས་མ་ཡེ་སྭཱཧཱ། གཞན་ཡང་མཆོད་པ་རོལ་མོའི་ཚོགས། །སྣ་ཚོགས་རྣམ་པ་དུ་མ་དང༌། །དགའ་བའི་གླུ་དང་དབྱངས་ཀྱི་མཆོག །བཀྲ་ཤིས་སྒྲ་ཀུན་གྱིས་ཀྱང་མཆོད། །བཛྲ་ཤཔྟ་ཨཱཿཧཱུཾ། ཤིན་ཏུ་རྒྱས་པ་ལ་མོས་ན། རྡོར་སེམས་ལྷ་ཉི་ཤུ་རྩ་གཅིག་གི་གླུ་དང་ཕྱག་རྒྱས་མཆོད་དེ། འགྲུབ་ན་ཤིན་ཏུ་གལ་ཆེ་ལ། དེ་བཞིན་དུ་རིགས་དྲུག་གི་གླུ་དབྱངས་རྒྱས་པས་ཀྱང་མཆོད་པར་བྱའོ། །རྡོར་སེམས་ལྷ་ཉེར་གཅིག་དང༌། རིགས་དྲུག་གི་གླུ་དབྱངས་རྒྱས་པ་ནི། ལོགས་སུ་རྟོགས་པར་བྱའོ། །ནང་མཆོད་ཀྱི་སྔོན་དུ། ཨོཾ་ཨཱཿཧཱུཾ་སརྦ་པཉྩ་ཨ་མྲྀ་ཏ་ཧཱུཾ་ཧྲཱིཿཐ། ཞེས་ལན་མང་དུ་བཟླས་ནས། སྤྲོས་པ་ལ་མོས་ན། རང་བྱུང་གདོད་ནས་རྣམ་པར་དག །ཅེས་སོགས་གྱེར།
མདོར་བསྡུས་ན་མི་དགོས་ཏེ། ཨོཾ་འབྱུང་བ་ཐམས་ཅད་སོགས། ཨཱཿཧཱུཾ་སྭཱཧཱའི་བར་འདོན། ཨོཾ་ཨཱཿཧཱུཾ། ཧཱུཾ་ཨོཾ་ཧཱིཿཧྲཱིཿདྲཾ་ཧཾ། ཧེ་པཉྩ་ཨ་མྲྀ་ཏ་ར་ས་ཡ་ན་སིདྡྷི་སརྦ་པཉྩ་སིདྡྷི་ཧཱུཾ་ཨོཾ་ཧཱི་ཧྲི་ཐ། ཞེས་མང་དུ་བཟླས་ལ། ཨོཾ་བ་ཧུ་བི་བྷི་དྷ་ཛི་བན་སནྟ་ཀི་ཨེ་ཤེ་ཤ་ནི་ཤེ་ཤ་ས་དྷ་བི་ན་ཡ། སརྦ་ཏ་ཐ་ག་ཏ་ཛ་ལེ་པྲ་ཛ་ལེ་གུརྦ་བི་གརྦ་སརྦ་ཤམྦ་རེ་ཧཱུཾ། བིཥྱ་བི་ཤ་ཧཱུཾ། དེ་བཞིན་ཏུ་ཛི་བན་གྱི་སར། རཱ་ག་དང༌། སུ་ར་ཏ་དང༌། རོ་ཏྲ་སྦྱར་བའམ། ཡང་ན། རྣམ་པ་མང་པོས་སྲོག་གི་རྒྱུད། སོགས་བོད་སྐད་དུ་རྡོ་རྗེའི་གླུ་བླངས་ནས། ཤན་ཏིང་ཀུ་རུ། པ་ཤྱཾ་ཀུ་རུ། པུཥྟིཾ་ཀུ་རུ། མཧཱ་ར་ཡ། བཾ་ཧཱུཾ་སྭཱཧཱ་ཕཊ། ཅེས་གླུ་བླང་ངོ༌། །ཆོས་སྐུ་ཀུན་བཟང་རྒྱལ་བ་རིགས་ལྔ་དང༌། །ཕྱག་ན་རྡོ་རྗེ་དྲི་མ་མེད་པ་དང༌། །རྒྱལ་པོ་ཛ་དང་ཨུ་པ་ར་ཛ་དང༌། །ཀུ་ཀུ་ར་ཛ་མུ་ཏི་ཏ་དང་ནི། །བ་ཧུ་མུ་སྟེ་སངས་རྒྱས་གསང་བ་དང༌། །དྲི་མེད་བཤེས་གཉེན་རྨ་ལོ་རིན་ཆེན་མཆོག །གྱེ་རེ་ཕྱོགས་སྐྱོང་རིན་ཆེན་གཞོན་ནུ་དང༌། །གོའོ་ཚུལ་བྱང་དེ་སྲས་རྣམ་གསུམ་སྟེ། །ཅོ་རོ་རྒྱལ་ཡོན་ལ་གསུམ་གཞོན་ནུ་མཆོག།སྟག་ཚེར་འཇམ་པའི་དཔལ་ཞེས་གྲགས་པ་ཡིན། །བྱང་ཆུབ་འོད་དང་བློ་གྲོས་རྒྱལ་མཚན་དང༌། །རོང་བན་ཚུལ་རིན་རོང་ཟོམ་ཆོས་བཟང་དང༌། །ཡཾ་ཞུད་བློ་ཆེན་མགོ་ཡི་རིགས་བྱུང་ལྔ། །དེ་ཡང་ཟླ་བ་འབར་དང་འབུམ་གྲགས་དང༌། །དངོས་གྲུབ་རྒྱལ་མཚན་དགེ་སློང་ཆོས་རྡོར་དང༌། །མགོ་སྟོན་དངོས་གྲུབ་འབུམ་ཞེས་རིམ་པས་སོ། །དབུས་པ་སངས་འབུམ་ཀུན་མཁྱེན་ཆོས་འོད་དང༌། །མི་བསྐྱོད་རྡོ་རྗེ་བྱང་ཆེན་བསོད་ནམས་
འཕེལ། །བག་སྟོན་པ་དང་ཚུལ་རྒྱལ་ཡོན་པོ་བ། །བླ་ཆེན་བསོད་རྒྱལ་གྲུབ་ཆེན་ཀུན་བློ་པ། །རྩ་བ་རྒྱུད་པའི་བླ་མ་ཐམས་ཅད་ལ། །རྣམ་དག་བདུད་རྩིའི་མཉེས་མཆོད་དམ་པ་འབུལ། །འཁོར་ལོས་བསྒྱུར་བ་དྲུག་གི་སྙིང་པོ་དང༌། །སྤྲོ་ན་ལྷ་ཐམས་ཅད་ཀྱི་སྔགས་ཀྱི་མཐར་འབྲུ་གསུམ་སྦྱར་བས་འབུལ། ཡང་ན། སརྦ་པཉྩ་ཨ་མྲྀ་ཏ་ལ་ཁཱ་ཧི། ཞེས་བཏགས་པས་ཀྱང་རུང༌། བྱིན་རླབས་མཚན་དང་ནས་དམ་པ་བདག་ལ་སྩོལ་གྱི་བར་ཡང་སྒྲུབ་ཐབས་བཞིན། སངས་རྒྱས་ཐམས་ཅད་མཉམ་སྦྱོར་བ། །མཁའ་འགྲོ་སྒྱུ་མ་བདེ་བའི་མཆོག །འདི་ནི་རང་བྱུང་བཅོམ་ལྡན་འདས། །ཆེ་བའི་ལྷ་ལ་ཕྱག་འཚལ་བསྟོད། །འཁོར་བའི་ཉེས་པའི་མ་གོས་ཤིང༌། །འགྲོ་ལ་རྗེས་སུ་ཆགས་པའི་སྐུ། །ཟླ་བ་ལྟར་དཀར་རྩ་དམར་འགྱིང༌། །རྡོར་སེམས་བདེ་བ་ཆེ་ལ་འདུད། །སྟོང་པ་མ་ཡིན་མི་སྟོང་མིན། །དབུ་མའི་ལམ་ལ་རབ་འཇོག་པ། །གཏི་མུག་རྒྱ་མཚོ་ཞི་བར་མཛོད། །རྒྱལ་བ་རྟག་པ་ལ་ཕྱག་འཚལ། །ཤིན་ཏུ་གདུལ་དཀའ་དྲག་པོ་ལ། །ཞི་བས་ཕན་པར་མི་འགྱུར་བས། །དེ་བཞིན་གཤེགས་ཀུན་ཁྲོ་བོར་གྱུར།། ཁྲག་འཐུང་ལྷ་ཚོགས་ལ་ཕྱག་འཚལ། །ཆགས་ཆེན་རྡོ་རྗེ་ཆོས་ཀྱི་སྐུ། །ལྟ་བ་ངན་རྣམས་སྦྱང་བའི་ཕྱིར། །སྒྱུ་མ་སྣ་ཚོགས་ཚུལ་སྟོན་པ། །པདྨ་གར་དབང་ལ་ཕྱག་འཚལ། །ཡིད་བཞིན་ནོར་བུ་སྦྱིན་པ་པ། །སེར་སྣས་ཟིལ་གནོན་འགྲོ་བ་སྒྲོལ། །བསམ་པ་ཐམས་ཅད་རྫོགས་མཛད་པ། །རྡོ་རྗེ་ཉི་མ་ལ་ཕྱག་འཚལ། །རྡོ་རྗེ་ལས་ནི་བརྩོན་འགྲུས་ཆེ། །ཁྲོ་དང་ང་རྒྱལ་ལེ་
ལོ་འཇོམས། །ཕ་རོལ་གནོན་པ་ཤིན་ཏུ་སྟོབས། །རྟ་མཆོག་དཔལ་ལ་ཕྱག་འཚལ་ལོ། །ལྷན་ཅིག་སྐྱེས་པའི་བདེ་བ་ཆེ། །སྙིང་པོའི་ཡེ་ཤེས་ཀུན་ཏུ་སྟོན། །མཉམ་ཉིད་གསང་བ་ཆེན་པོའི་དབྱིངས། །འཁོར་ལོས་བསྒྱུར་མ་རྣམས་ལ་འདུད། །འགྲོ་ཀུན་སྒྱུ་མ་བདེ་མཆོག་ལ། །བདེ་བ་ཆེན་པོའི་ཏིང་འཛིན་སྦྱོར། །ལྷ་མོ་ལྷན་ཅིག་སྤྱོད་རྣམས་ལ། །རབ་ཏུ་དང་བས་ཕྱག་འཚལ་ལོ། །སེམས་ཅན་ཚོགས་རྣམས་ཡོངས་སྦྱངས་ཕྱིར། །རྗེས་སུ་འབྲང་བ་ལྷ་མོའི་སྐུ། །བདེ་བའི་གར་གྱིས་རོལ་མཛད་པ། །ལྷ་མོ་དེ་རྣམས་ལ་ཡང་འདུད། །མི་ཟད་རྡོ་རྗེ་ནམ་མཁའི་དབྱིངས། །བླ་མེད་མཆོད་པས་རྣམ་འཕྲུལ་བ། །མཆོད་པའི་ལྷ་མོ་ཐམས་ཅད་ལ། །ཚོགས་གཉིས་སྒྲུབ་ཕྱིར་ཕྱག་འཚལ་ལོ། །དགུག་གཞུག་ལ་སོགས་ལས་མཛད་ཅིང༌། །འཕྲིན་ལས་ཐམས་ཅད་སྒྲུབ་པ་པོ། །སྒོ་སྐྱོང་གནས་པ་ཐམས་ཅད་ལ། །རྟག་ཏུ་གུས་པས་ཕྱག་འཚལ་ལོ། །ཕྱི་རོལ་གནས་པའི་དམ་ཅན་ཚོགས། །སྒྲུབ་ལ་རྟག་ཏུ་ཕན་པར་བརྩོན། །གཞན་ཡང་དུར་ཁྲོད་གནས་རྣམས་ལ། །རབ་དང་སེམས་ཀྱིས་ཕྱག་འཚལ་ལོ། །ཡེ་ཤེས་ལས་གྲུབ་གཞལ་མེད་ཁང༌། །བདུད་བཞིའི་སྟོབས་ནི་འཕྲོག་བྱེད་པ། །སྲུང་པའི་འཁོར་ལོ་བཅས་རྣམས་ལ། །རབ་ཏུ་གུས་པས་ཕྱག་འཚལ་ལོ། །ཨོཾ་ཨཱཿཧཱུཾ། རབ་ཏུ་དགའ་བའི་བདག་ལ་ཕྱག་འཚལ་ལོ། །དེ་བཞིན་གཤེགས་པ་དམ་པ་གྲུབ་པར་མཛོད། དམ་ཚིག་དམ་པ་གྲུབ་པར་མཛད་དུ་གསོལ། །མཆོད་པ་ཆེན་པོ་ཐམས་
ཅད་དག་པར་མཛོད། མཆོད་པ་ཆེན་པོ་ཐམས་ཅད་གྲུབ་པ་མཛོད། །ཨ་ལ་ལ་སྟེ་མཆོད་པར་འབུལ། ཨ་ལ་ལ་སྟེ་དམ་ཚིག་སྐོངས། ཨ་ལ་ལ་སྟེ་དགྱེས་པར་མཛོད། ཨ་ལ་ལ་སྟེ་དངོས་གྲུབ་སྩོལ། དགྱེས་མཉམ་ལོངས་སྤྱོད་མཆོག་ལ་རོལ། ཨོཾ་ཤྲཱི་རཱ་ག་ཧཱུཾ། ཛཿཧཱུཾ་བཾ་ཧོ། རུ་ཊ་མ་ཊ། སྨ་ར་ཏ་ཏི། རུ་ལུ་རུ་ལུ། པྲ་ཧླ་དི་ཛ། ཊཀྐི་ཧཱུཾ་ཛ། ཧུ་ལུ་ཧུ་ལུ། ཨ་ཤུདྡྷ་སདྷ། ད་ཤ་ཡ་སརྦཾ། ཀ་ནི་གུ་ནི་ཧཱུཾ་ཧཱུཾ་ཏ་གྷ་ན་གྷེ་ཏ་གྷེ་གྷེ་ཊ་ཊ་གྷེ་གྷེ་གྷེ། ཏ་གྷེ་ཏ་གྷེ། གྷེ་གྷེ། ཏ་ཏ། ཏ་གྷེ་ཏ་གྷེ། ཧེན་དོན་ཊཀྐི་ཧཱུཾ་ཛ། གྷེ་ཏ། གྷེ་དོན་ཊཀྐི་ཧཱུཾ་ཛཿ ཏྲ་ན་ཨ་ལ་ལ་ལ་ལ་ཧོ། ཞེས་ཐལ་མོ་བརྡབ་པ་སོགས་ལ་རོལ་མོའི་མཆོད་པའོ། །ཏ་གྷེ་གྷེ། ཏ་གྷན་ཏ་གྷན། གྷན་གྷན། རྡོ་རྗེ་སེམས་དཔའི་རོལ་མོའོ། །ཨཾ་ཨཾ་ཨཾ་ཧཾ་ཧཾ་ཧཾ། བཾ་བཾ་བཾ་དྷཾ་དྷཾ་དྷཾ། དམ་ཚིག་གསུམ་གྱིས་བརྡུང་བ་སྟེ་རྟག་པའི་འོ། །དྷེ་ཀོང་ཀོང་ཀོང༌། དྷེ་བཛྲ་བཛྲ་ནུར་ནེ། ཀོང་ཀོང་ཀོང་ཀོང༌། ཧཱུཾ་བྷྱོཿཧཱུཾ་བྷྱོཿཧཱུཾ་བྷྱོ། རུ་ལུ་རུ་ལུ་ཧཱུཾ་བྷྱོཿ བེཾ་ཀོང་ཀོང་ཀོང༌། ཀཽཾ་ཀཽཾ་ཀཽཾ བྷེ་ཀཽཾ་ཀཽཾ་ཀཽཾ ཧེ་རུ་ཀའིའོ། །པད་མ་པདྨ་ཧྲཱིཿ ཚར་གསུམ་གར་དབང་གིའོ། །ཏྲཾ་ཏྲཾ་ཏྲཾ། བ་བ་བ་བ་བ་བ་བ། ཊ་ཊ་ཊ་ཊ་ཊ་ཊ་ཊ། ཏྲན་ཏྲ་ན་ཏྲ་ན། ཏྲན་ཏྲ་ཏེ། ཊ་ཏུཏྟེ་ཊ་ཏུཏྟེ། ཏུཏྟ་ཏྟ། རྒྱལ་པོ་སྟེ་རྡོ་རྗེ་ཉི་མའི་རོལ་མོའི་འོ། །ཊཀྐི་ཧཱུཾ་ཛ། ལན་གསུམ་སྙེམ་པའི་འགྲོས་སོ། །ཏྲ་ཏྲ་ཏྲ་ཏྲ་ཏྲ་ཏྲ་ཏྲ། འགྱུར་བའི་འོ། །ཊ་ཏ་བ་ཊ་ཏ་བ། ཧཱུཾ་ཊ་ཏ་བ་ཊ་ཏ་བ་ཧཱུཾ། རྟ་མཆོག་གིའོ། །ཊ་ཏ་བ་ཊ་ཏ་བ་ཊ་ཏ་བ། ཊ་ཊ་བ་ཊ་ཊ་བ་ཊ་ཊ་བ། ཊ་ཏ་ཤིན་ཏུ་མྱུར་བའི་རོལ་མོའི་འོ། །ཡང་ན། ཨོཾ་ཀོ་ཀོ་པདྨ་པདྨ་ཏྲཾ་ཏྲཾ་ཊཀྐི་ཧཱུཾ། ཞེས་རིགས་
ལྔ་ཆར་གྱིས་བརྡུང་བའོ། །བདག་ཅག་དམ་ཚིག་སོགས་བརྗོད། བཟླས་པ་ཡང་སྔགས་མཆོད་ཀྱི་ཚུལ་ཏུ་བྱ། དག་དྲན་འདིར་བྱེད་ཀྱི་གསལ་ཁ་མེད་ཀྱང༌། སྐབས་འདི་ཁོ་ནར་བྱས་ན་ལེགས་པ་ཡིན་ནོ། །བར་འདིར་སྦྱིན་སྲེག་ལ་སོགས་པ་སྤྲོ་ཞིང་ནུས་ན་འབུལ། དེ་ནས་གཏོར་མའི་ཆོ་ག་ནི་ནང་གཏོར་སྔར་བཞིན་ཕུལ་ལ། ཕྱི་རོལ་པའི་གཏོར་མ་ནི། འདི་སྐོར་གྱི་གཞུང་ལས་འབྱུང་བའི་གཏོར་ཆོག་རྒྱས་པའམ། འབྲིང་པོར་ན་ཕྱོགས་བཞིར་གཏོར་མ་གཏོང་བའམ། ཡང་ན་མ་རྒྱུད་སྤྱི་འགྲོས་ལ་འབྱུང་བའི་ཕྱོགས་གཏོར་བཞིན་དུ་འབུལ། བསྡུ་ན་དཀྱིལ་འཁོར་ཁང་པའི་ཕྱི་རོལ་གཏོར་མ་བཞི་བཤམ། སྒྲུབས་ཐབས་ལས་བཤད་པའི་གཏོར་ཆོག་ཁོ་ནས་སྔོས་ཏེ་ཕྱོགས་བཞིར་གཏོང༌། གཏོར་མ་དང་སྦྱིན་སྲེག་དང་རབ་གནས་ལ་སོགས་པའི་སྐབས་སམ། དཀྱིལ་འཁོར་མཆོད་པའི་ཐ་མར་བཀྲ་ཤིས་ཀྱི་ཚིགས་སུ་བཅད་པ་བརྗོད་དེ། ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ། །འཇིག་རྟེན་གསུམ་གྱི་མགོན་པོ་དྲི་མ་གསུམ་སྤངས་པ། །སངས་རྒྱས་པདྨ་རྒྱས་པ་འདབ་འདྲའི་སྤྱན་མངའ་བ། །བཀྲ་ཤིས་དེས་ནི་སྐྱེ་རྒུ་ཞི་བྱེད་དང་པོའོ། །དེ་ཡི་ཉེ་བར་བསྟན་པའི་མཆོག་རབ་མི་གཡོ་བ། །འཇིག་རྟེན་གསུམ་ན་གྲགས་ཤིང་ལྷ་དང་མིས་མཆོད་པ། །ཆོས་ཀྱི་དམ་པ་སྐྱེ་རྒུ་རྣམས་ལ་ཞི་བྱེད་པ། །འདི་ནི་འཇིག་རྟེན་དགེ་བའི་བཀྲ་ཤིས་གཉིས་པ་ཡིན། །དགེ་འདུན་དམ་པ་ཆོས་ལྡན་ཐོས་པའི་བཀྲ་ཤིས་ཕྱུག །མི་དང་ལྷ་དང་ལྷ་མ་ཡིན་གྱིས་མཆོད་པའི་གནས། །ཚོགས་ཀྱི་མཆོག་རབ་ངོ་ཚ་ཤེས་དང་དཔལ་གྱི་གཞི། །འདི་ནི་འཇིག་རྟེན་དགེ་བའི་བཀྲ་ཤིས་གསུམ་པའོ། །སེམས་ཅན་ཀུན་
ལ་ཕན་ཕྱིར་བྱང་ཆུབ་མངའ་བ་པོ། དོན་རྣམས་ཐམས་ཅད་གྲུབ་པར་བརྟུལ་བ་ཡོངས་ལྡན་པ། །ཚོགས་ཀྱི་ལེགས་དགྱེས་ཐུབ་པའི་བཀྲ་ཤིས་གང་བྱུང་བ། །བཀྲ་ཤིས་དེས་ནི་སྐྱེ་རྒུ་རྣམས་ལ་ཞི་བྱེད་ཤོག །འགྲོ་ལ་ཕན་ཕྱིར་དེ་བཞིན་གཤེགས་པ་དགའ་ལྡན་ལྷའི། །གཞལ་མེད་ཁང་གི་སྙིང་པོ་ནས་ནི་འདིར་གཤེགས་ཏེ། །དབང་བཅས་ལྷས་བསྐོར་པ་ཡི་བཀྲ་ཤིས་གང་བྱུང་བ། །བཀྲ་ཤིས་དེས་ནི༴ །ལོ་མ་མེ་ཏོག་འོད་འབར་ཉམས་དགའ་ལུམྦའི་ཚལ། །ལྷ་མང་དག་གིས་བསྟན་པར་མགོན་པོ་བལྟམས་པ་ན། །སྲིད་པ་མཐར་ཕྱིན་པ་ཡི་བཀྲ་ཤིས་གང་བྱུང་བ། །བཀྲ་ཤིས༴ གྲོང་ཁྱེར་སེར་སྐྱའི་གནས་ནས་རྒྱལ་པོའི་ཕོ་བྲང་དུ། །ལྷུམས་ནས་བལྟམས་པ་སྟོན་པ་བདེ་གཤེགས་ཟས་གཙང་སྲས། །མྱུར་བསྐྲུན་བདུད་རྩིའི་ཆུས་གཏོར་བ་ཡི་བཀྲ་ཤིས་གང༌། །བཀྲ་ཤིས༴ །གྲོང་ཁྱེར་དམ་པ་སེར་སྐྱའི་གནས་ཞེས་བྱ་བར་ནི། །རྨད་དུ་གྲགས་པ་ཆེན་པོ་ལྷ་ཡིས་མངོན་བསྟོད་པ། །བསམ་ཡས་དགེ་སྒྲུབ་བསོད་ནམས་ཕུང་པོའི་བཀྲ་ཤིས་གང༌། །བཀྲ་ཤིས༴ །དགེ་ཤིང་ནམ་ཕྱེད་གྲོང་ཁྱེར་ནས་ནི་མངོན་ཕྱུང་སྟེ། །དཀའ་ཐུབ་ཚལ་དུ་མངོན་པར་གཤེགས་ཤིང་ཚངས་ལ་སོགས། །ལྷ་ཡི་ཚོགས་ཀྱིས་ཡོངས་སུ་བསྐོར་བའི་བཀྲ་ཤིས་གང༌། །བཀྲ་ཤིས་དེས་ནི༴ །རབ་ཏུ་འོད་འབར་གསེར་དང་འདྲ་བའི་སྐུ་མངའ་ཞིང༌། །བཻ་ཌཱུརྱ་ལྟར་སྔོན་པོའི་རྩ་བཏིང་སྟེང་བཞུགས་ཏེ། །སྐྱིལ་མོ་ཀྲུང་བཅས་མི་གཡོ་མཆོག་གི་བཀྲ་ཤིས་གང༌། །བཀྲ་ཤིས་དེས་ནི༴ །ཆུ་བོའི་འགྲམ་ན་
ཙར་ཀའི་འཕྲེང་གིས་ཡོངས་བསྐོར་བ། །ཤིན་ཏུ་རྨད་དུ་བྱུང་བའི་སྲིད་པ་སེལ་མཛད་པ། །ཀླུའི་རྒྱལ་པོའི་ཕྱག་བྱས་པ་ཡི་བཀྲ་ཤིས་གང༌། །བཀྲ་ཤིས་དེས་ན༴ །ཤིང་རྒྱལ་དྲུང་གཤེགས་བྱམས་པས་སྟོབས་ཀྱིས་བདུད་ཀྱི་ཕྱོགས། །མང་པོ་བཏུལ་ཚེ་ས་སྟེང་དང་ནི་ནམ་མཁའ་ལ། །བཅོམ་ལྡན་བཀྲ་ཤིས་རྣམ་པ་སྣ་ཚོགས་གང་བྱུང་བ། །བཀྲ་ཤིས་དེས་ནི༴ སྡུག་བསྔལ་མཐའ་དག་གཞིག་ཕྱིར་རྡོ་རྗེའི་གདན་བཞུགས་ཏེ། །ནམ་གྱི་ཐོ་རངས་བདུད་བཞི་པོ་དག་རྣམ་བཏུལ་བ། །སྟོན་པ་བདེ་བར་གཤེགས་པའི་བཀྲ་ཤིས་གང་ཡིན་པ། །བཀྲ་ཤིས་དེས་ནི༴ །གྲོང་ཁྱེར་ཝ་ར་ན་སིར་དྲང་སྲོང་མཆོག་བཞུགས་ནས། །ལྷ་ཡུལ་དང་འདིར་ཤིན་ཏུ་རྨད་དུ་བྱུང་གྱུར་པ། །ཆོས་ཀྱི་འཁོར་ལོ་མཆོག་བསྟན་པ་ཡི་བཀྲ་ཤིས་གང་ཡིན་པ། །བཀྲ་ཤིས་དེས་ནི༴ །བཀྲ་ཤིས་གང་ཞིག་ཕན་བྱེད་དམ་པ་དག་བྱེད་པ། །བསོད་ནམས་དག་བྱེད་འཕགས་པའྀ་སྐྱེ་བོས་མངོན་བསྟོད་པ། །བཅོམ་ལྡན་ཤཱཀྱ་ཐུབ་པ་སེང་གེས་གང་གསུངས་པ། །བཀྲ་ཤིས་དེས་ནི༴ མུ་སྟེགས་བྱེད་པ་ཀུན་གྱི་ང་རྒྱལ་གཞོམས་པ་དང༌། །འགྲོ་ལ་བདེ་བ་བསྐྱེད་ཕྱིར་ཆོ་འཕྲུལ་དམ་པ་དག ཉེ་བར་སྟོན་པའི་རྒྱལ་པོའི་བཀྲ་ཤིས་གང་ཡིན་པ། །བཀྲ་ཤིས་དེས་ནི༴ །འགྲོ་ལ་ཕན་ཕྱིར་མཐོ་རིས་གནས་ནས་འདིར་གཤེགས་ཏེ། །ཚངས་པ་ལ་སོགས་ལྷ་ཚོགས་ལག་ན་རྔ་ཡབ་གདུགས། །སྣ་ཚོགས་ཐོགས་པས་ཡོངས་སུ་བསྐོར་བའི་བཀྲ་ཤིས་གང༌། །བཀྲ་ཤིས་དེས་ནི༴ །དེ་བཞིན་གཤེགས་
པ་ཞི་བའི་མཆོག་ཏུ་ཉེར་གཤེགས་པ། །མན་ད་ར་ཡི་མེ་ཏོག་མང་པོས་མངོན་མཆོད་པ། །ལྷ་མཆོག་རྣམས་ཀྱིས་མངོན་པར་བསྟོད་པའི་བཀྲ་ཤིས་གང༌། །བཀྲ་ཤིས་དེས་ནི༴ །ལྷ་དབང་ཀླུ་དང་མི་ཡི་དབང་པོས་ཕྱག་བྱས་པ། །མཁའ་ལྡིང་གནོད་སྦྱིན་དྲི་ཟའི་དབང་པོས་མཆོད་གྱུར་པ། །དེ་བཞིན་གཤེགས་པ་སྟོབས་བཅུ་ལྡན་པའི་བཀྲ་ཤིས་གང༌། །བཀྲ་ཤིས་དེས་ནི་སྐྱེ་རྒུ་རྣམས་ལ་ཞི་བྱེད་ཤོག །དེ་ནས་བར་འདིར་སློབ་དཔོན་བདག་ཉིད་འཇུག་པ་བྱ། རྗེས་སུ་དམ་ཚིག་གསུམ་གྱི་གླུ་བླང་བར་བྱ་སྟེ། ཤྲཱི་སུ་ཁ་བཛྲ་སཏྭ་སུ་བྷ་ག་ཏྭཾ་ཨ་ཧཾ། ཨོཾ་ནམ་མཁའ་སྐྱེ་བ་མཚོན་དོན་ཕྱིར། །ཞེས་པ་ལ་སོགས་པའོ། །དེའི་རྗེས་སུ་སློབ་མ་ལ་དབང་བསྐུར་བ་བྱ་སྟེ། འདིར་རེ་ཞིག་སློབ་མ་ལ་དབང་བསྐུར་བ་ནི། འདོན་པ་བསྒྱུར་བ་ཙམ་གྱིས་ཆོག་པས། བདག་འཇུག་གཙོ་ཆེ་བའི་དབང་དུ་བྱས་ནས་བརྗོད་པར་བྱའོ། །དེ་ཡང་འདི་ལྟར་ལས་ཐམས་ཅད་པའི་བུམ་པས་བསངས། མེ་ཏོག་ལ་སོགས་པ་མཆོད་པ། བཞིས་མཆོད། མཎྜལ་ཕུལ། དགའ་ཆེན་ཁྱོད་བདག་སྟོན་པ། སོགས་ཀྱིས་གསོལ་བ་བཏབ། ཨཱ་ཁཾ་ཝཱི་ར་ཧཱུཾ། ལན་གཉིས་ཀྱིས་མིག་དར་དང་མེ་ཏོག་གཏད། ཀྱཻ་ཁྱོད་ཅི་ལ་དགའ། བསྐལ་བ་བཟང་ལ་བདག་དགའོ། །ཐུགས་རྗེས་བདག་ལ་དགོངས་སུ་གསོལ། །སངས་རྒྱས་ཀུན་གྱི་རང་བཞིན་མཆོག །སློབ་དཔོན་མགོན་ལ་སྐྱབས་སུ་མཆི། །གཙོ་བོ་ལྷ་མོའི་ཚོགས་བཅས་པའི། །དཀྱིལ་འཁོར་ཚོགས་ལ་ཕྱག་འཚལ་ལོ། །ཐར་པ་ཆེན་པོའི་གྲོང་མཆོག་དུ། །མགོན་པོས་བདག་ནི་གཞུག་ཏུ་གསོལ། །ལན་གསུམ། དེ་བཞིན་གཤེགས་པ་ཀུན་གྱི་གནས། །
དཀྱིལ་འཁོར་ཆེན་པོ་ཉམས་དགའ་བ། །སྙིང་པོའི་དཀྱིལ་འཁོར་ཆེན་པོ་འདིར། །བདག་གི་སློབ་མ་གཞུག་པར་བགྱི། །སྙིང་གར་ཀུན་རྫོབ་བྱང་སེམས་ཀྱི་ངོ་བོ་ཟླ་བའི་སྟེང་དུ། དོན་དམ་བྱང་ཆུབ་སེམས་ཀྱི་ངོ་བོ་རྡོ་རྗེའོ། །ཨོཾ་སརྦ་ཡོ་ག་ཙིཏྟ་ཨུད་པཱ་ད་ཡ་མི། ཡང་སྔགས་དེ་ཉིད་ཀྱིས་སློབ་མའི་ལག་ནས་འཇུས་ཏེ་ནང་དུ་ཁྲིད་པར་མོས། པད་སྐོར་ལན་གསུམ། གཡོན་པའི་ཐལ་མོ་ཁ་ཕུབ་པའི་སྟེང་དུ། གཡས་པའི་ཐལ་མོ་སྐན། མཐེ་ཆུང་མཐེ་བོང་སྦྲེལ་བས་རིན་ཆེན་འཕྲེང་བ་བཟུང་ནས་ཡོལ་བའི་ནང་དུ་འཇུག་པར་འདོད་དོ། །བར་འདིར་རྒྱུན་བཤགས་བྱ་སྟེ། དཀྱིལ་འཁོར་རྙིང་མ་གཉིས་ལས། ཐོག་མ་མེད་དུས་འཁོར་བ་ནས། སོགས་ཡོད་ཀྱང༌། སྟ་གོན་གྱི་སྐབས་བཞིན། རྒྱུན་བཤགས་དང་རིགས་ལྔའི་སྡོམ་བཟུང་བྱས་ན་ལེགས་པར་མངོན་ལ། མདོར་བསྡུ་ན་གུར་ནས་འབྱུང་བའི་རྒྱུན་བཤགས་ཉིད་བྱས་པས། དོན་ཚང་ཞིང་ལེགས་ལ་ཟོར་ཡང་བ་ཡིན་ནོ། །གསང་བར་གདམས་པ་ནི། དེང་ཁྱོད་དེ་བཞིན་གཤེགས་པ་ཐམས་ཅད་ཀྱི་རིགས་སུ་ཞུགས་པས། དེ་བཞིན་གཤེགས་པ་ཐམས་ཅད་ཀྱི་མཆོག་ཏུ་གསང་བའི་དཀྱིལ་འཁོར་འདི། དེ་བཞིན་གཤེགས་པ་རྣམས་ཀྱི་དཀྱིལ་འཁོར་དུ་མ་ཞུགས་པ་རྣམས་ཀྱི་མདུན་དུ་སྨྲ་བར་མི་བྱ་སྟེ། མ་དད་པར་ཡང་མ་ཡིན་ནོ། །ཨོཾ་སུ་ར་ཏེ་ས་མ་ཡ་སྟྭཾ་ཧོ་སིདྡྷི་བཛྲ་ཡ་ཐཱ་སུ་ཁ། ཨོཾ་རྡོ་རྗེ་སེམས་དཔའ་དེང་ཁྱོད་ཀྱི། །སྙིང་ལ་ཡང་དག་ཞུགས་པར་གྱུར། །གལ་ཏེ་ཚུལ་འདི་སྨྲས་ན་ནི། །དེ་མ་ཐག་ཏུ་དྲལ་ཏེ་གཤེགས། །དེ་ནས་དམ་ལ་བཞག་པ་ནི། །ཨོཾ་མཧཱ་ས་མ་ཡ་ཨུ་ཏ་ཀ་ཋ། འདི་ནི་ཁྱོད་ཀྱི་དམྱལ་བའི་ཆུ། །དམ་ཚིག་འདས་
ན་སྲེག་པར་བྱ། །དམ་ཚིག་སྲུངས་ན་དངོས་གྲུབ་ནི། །རྡོ་རྗེ་བདུད་རྩིའི་ཆུ་འདིས་འགྲུབ། །ཨོཾ་ཨཱཿཧཱུཾ། སརྦ་པཉྩ་ཨ་མྲྀ་ཏ་ཧཱུཾ། བཛྲ་ཨུ་ཏ་ཀ་ཧྲཱིཿཋ། དེ་རིང་ཕྱིན་ཆད་ཁྱོད་ཉིད་ཀྱི། རྡོ་རྗེ་སེམས་དཔའ་ང་ཡིན་གྱི། །གང་ཞིག་བསྒོ་བའི་ལས་རྣམས་བྱོས། །ང་ལ་བརྙས་པར་མ་ཕྱེད་ཅིག །གལ་ཏེ་ཅུང་ཟད་བརྙས་ན་ཡང༌། །དུས་མིན་འཆི་ཞིང་དམྱལ་བར་ལྷུང༌། །ཡེ་ཤེས་དབབ་པ་ནི། རྒྱལ་བ་ཀུན་གྱི་ཡེ་ཤེས་ཐུགས། །སྐུ་དང་གསུང་འཕྲུལ་ལས་མཛད་པ། །ཕྱག་རྒྱའི་ཆོ་ག་གང་དག་གིས། །དེ་རིང་བདག་ལ་དབབ་ཏུ་གསོལ། །ལན་གསུམ། རང་གི་རྐང་མཐིལ་དུ་ཡཾ། སྙིང་གར་རཾ། མགྲིན་པར་ལཾ། སྤྱི་བོར་ཁཾ། ཨོཾ་སུམྦྷ་ནི་སུམྦྷ་ཧཱུཾ། ཞེས་རྟ་མཆོག་གི་སྔགས་དྲག་ཏུ་བཟླས་པས་སྲུངས་ལ། བདུད་རྩི་ལྔ་དཔའ་བོ་འབྲུ་དགུས་ལྕེ་ཐོག་ཏུ་བཞག །སྙིང་གའི་དབུས་སུ་དཔལ་རྡོ་རྗེ་སེམས་དཔའ་ཡབ་ཡུམ་མམ། གསལ་བར་ནུས་ན། རིགས་དྲུག་གི་འཁོར་ལོས་བསྒྱུར་བའི་ཡབ་ཡུམ་རྣམས་རྗེས་སུ་ཆགས་པའི་བདེ་བའི་འོད་ཟེར་གྱིས་སངས་རྒྱས་དང་བྱང་ཆུབ་སེམས་དཔའ་དཔའ་བོ་རྣལ་འབྱོར་མའི་ཚོགས་ཐམས་ཅད་རིགས་དྲུག་གི་འཁོར་ལོས་བསྒྱུར་བའི་རྣམ་པར་སྤྱན་དྲངས་ཏེ། སྙིང་གར་ཐིམ་པར་གྱུར། ཐུན་མོང་མ་ཡིན་པའི་རྫས་ཀྱི་དུད་པས་བདུགས། རྡོ་རྗེ་གསོར་ཞིང་དྲིལ་བུ་འཁྲོལ་བ་དང༌། རོལ་མོ་སྣ་ཚོགས་པའི་སྒྲ་སྦྱར་ཏེ། ཨོཾ་ཛྙཱ་ན་ཨ་བེ་ཤ་ཡ། ར་ར་ར་ར་ཙཱ་ལ་ཡ་ཙཱ་ལ་ཡ་ཧཱུཾ་ཨཱཿཧཿཛྷཻ། ཞེས་བརྒྱ་རྩ་སོགས་རྟག་ཏུ་བརྗོད་ལ། དེས་ཡེ་ཤེས་ཕེབས་ན་ཡེ་ཤེས་པ་བསྐུལ་བ་དང༌། མ་ཕེབས་ན་དབབ་
པའི་དོན་ཏུ། རྣམ་པ་མང་པོས་འདོད་ཆགས་རྒྱུད་ཀྱི་སེམས་ཅན་མ་ལུས་ལུས་པ་མེད་པར་འདུལ་མཁས་པ། །དེ་བཞིན་གཤེགས་པ་ཀུན་གྱི་སྒྱུ་མ་བདེ་མཆོག་སྒྱུ་མས་ཐམས་ཅད་རབ་ཏུ་རྣམ་པར་འཕྲུལ། །ཏེ་ན་ཏེ་ཏེ་ཧཱུཾ། ཞེས་གླུ་བླངས་ནས། ཨ་ལ་ལ་ལ་ལ་ཧོ། སརྦ་ཏ་ཐཱ་ག་ཏ་བི་ཙཾ་ཏྲ་ཌཱ་ཀི་ནི་ཛཱ་ལེ། ཞེས་རྟག་ཏུ་བཟླས་སྔར་བཞིན་དབབ། རྣམ་པ་མང་པོས་རབ་ཏུ་དགའ་བའི་རྒྱུད་ཀྱི་སེམས་ཅན་མ་ལུས་ལུས་པ་མེད་པར་འདུལ་མཁས་པ། །སྒྱུ་མས་ཐམས་ཅད་རབ་ཏུ་སྤྲུལ་རོལ་རྣམ་པར་སྤྲུལ། །ཧཱུཾ་ཧཱུཾ་ཧཱུཾ་ཧཱུཾ། ཞེས་དབབ། རྣམ་པ་མང་པོ་ཁྲོ་བོའི་རྒྱུད་ཀྱི་སེམས་ཅན་མ་ལུས་ལུས་པ་མེད་པར་འདུལ་མཁས་པ། །སྒྱུ་མས་རབ་སྤྲུལ་རྣམ་པར་འཕྲུལ། རུ་ལུ་རུ་ལུ་ཧཱུཾ་བྷྱོ་ཧཱུཾ་ཞེས་སྔར་བཞིན་དབབ། རྣམ་པ་མང་པོས་སྲོག་གི་རྒྱུད་ཀྱི་སེམས་ཅན་མ་ལུས་ལུས་པ་མེད་པར་འདུལ་མཁས་པ། རྣམ་པར་འཕྲུལ་ཧཱུཾ་ཤིཥྱ་བི་ཤ་ཧཱུཾ། ཞེས་ཀྱང་དབབ་སྟེ། སྐུ་དང་གསུང་དང་ཐུགས་དང་ཡེ་ཤེས་འབེབས་པའི་ཆོ་ག་ཡིན་ནོ། །ཞེས་བཤད་དོ། །སྐབས་འདིར་སློབ་མ་དབང་བསྐུར་བའི་ཚེ། ནམ་མཁའི་ཁ་དོག་དྲི་ཞིང་ལུང་སྟོན། ཡང་དག་གསང་བའི་དཀྱིལ་འཁོར་འདིར། །བདག་གི་སློབ་མ་གཞུག་པར་བགྱི། །ལྷ་ཡི་རིགས་ཀྱི་རིམ་པ་སྟེ། །བསོད་ནམས་རིམ་པ་དེ་བཞིན་ཤོག །ཨོཾ་པྲ་ཏཱིཙྪ་བཛྲ་ཧོ། སྟོབས་དང་ལྡན་པའི་སེམས་དཔའ་ཁྱོད། །འདི་ནི་རབ་ཏུ་བཟུང་བར་བགྱི། །ཨོཾ་རཏྣ་མཱ་ལ་ཨབྷི་ཥིཉྩ་ཏྲཱཾ། ཨོཾ་གྱི་སྔགས་པའི་མིག་ཐུར་པྲ་ཡིག་གིས་མཚན་པས་རབ་རིབ་
བསལ། ཨོཾ་རྡོ་རྗེ་སེམས་དཔའ་དེང་ཉིད་ཀྱི། །མིག་འབྱེད་པར་ནི་བརྩོན་པར་མཛད། །ཕྱེ་བས་ཐམས་ཅད་མཐོང་གྱུར་པ། །རྡོ་རྗེའི་མིག་ནི་བླ་ན་མེད། །ཨོཾ་བཛྲ་ཙཀྵུ་ཛྙཱ་ན་པྲ་བེ་ཤ་ཡ་ཕཊ། ཐར་པ་ཆེན་པོའི་གྲོང་ཁྱེར་མཆོག །ལྟོས་ཤིག་ལྟོས་ཤིག་སེམས་དཔའ་ཆེ། །མེ་ཏོག་གང་དག་ལྷུངས་གྱུར་པ། །དེ་ནི་ཁྱོད་ཀྱི་རིགས་ཀྱི་ལྷ། །རྟེན་དང་བརྟེན་པར་བཅས་པའི་དཀྱིལ་འཁོར་ཐམས་ཅད་མངོན་སུམ་བཞིན་དུ་མཐོང་བར་གྱུར། སློབ་མ་ལ་སྐབས་འདིར་ལྷ་ངོ་སྟོན། དཀྱིལ་འཁོར་བཟང་པོ་འདི་ལ་ལྟོས། །ད་ནི་དད་པ་རབ་ཏུ་སྐྱེད། །སངས་རྒྱས་ཐམས་ཅད་མཉམ་སྦྱོར་བའི། །མཁའ་འགྲོ་དྲ་བའི་རིགས་མཆོག་འཛིན། །འགྲོ་བ་ཕུན་སུམ་ཚོགས་ཀུན་དང༌། །དངོས་གྲུབ་ཐམས་ཅད་མངོན་དུ་འགྱུར། །དམ་ཚིག་ཏིང་འཛིན་རྗེས་ཆགས་དང༌། །གསང་སྔགས་སྙིང་པོ་འཛིན་པར་གྱིས། །དངོས་གཞི་སློབ་མའི་དབང་གི་དོན་དུ་མཎྜལ་ཕུལ་ལ།མཁའ་འགྲོ་སྒྱུ་མའི་དབང་བསྐུར་བ། འགྲོ་བ་སྐྱོབ་པའི་གཟི་བརྗིད་ཅན། །ཇི་ལྟར་ཡོན་ཏན་འབྱུང་གནས་སྩལ། །དེ་བཞིན་བདག་ལ་དབང་བསྐུར་སྩོལ། །དཔའ་བོ་ཆེན་པོ་མི་ལྡོག་པའི། །དབང་བསྐུར་བ་ནི་བདག་ལ་སྩོལ། །སེམས་ཅན་ཀུན་གྱི་དོན་གྱི་ཕྱིར། །བདག་ནི་རྡོ་རྗེ་སློབ་དཔོན་གྱུར། །བདག་ཉིད་དབང་སྟེགས་ཀྱི་སྟེང་དུ་གནས་ཤིང༌། མཆོད་པའི་ཚོགས་ཀྱིས་བསྐོར་བར་གྱུར། ཨོཾ་ཧཱུཾ་ཌ་ཊི་ཏ་ཕཊ། ཅེས་དྲི་བཟང་གི་ཆུ་དང༌། ཨོཾ་སརྦ་པཱ་པཾ་ད་ཧ་ན་བཛྲ་སྭཱཧཱ། ཞེས་པས་ཉུང་ཀར་མེ་ནང་དུ་དོར། ཨོཾ་སརྦ་སཾ་ཤོ་དྷ་ནི་སྭཱཧཱ། ཞེས་པས་ཀུ་ཤ་དང་བཅས་པའི་ཆུས་གཏོར་ཞིང་བྱ་བ།
བྱུར་དང་སྐལ་བ་ངན་པ་དང་བཀྲ་མི་ཤིས་པ་ཐམས་ཅད་ཤིནྟཾ་ཀུ་རུ་སྭཱཧཱ། ལས་བུམ་མམ་ནང་མཆོད་ཀྱིས་བསངས་གཏོར་བྱས་ལ། རྟ་མཆོག་གི་སྔགས་ལན་གསུམ་གྱི་སྲུངས། དཔྲལ་པར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། ཨོཾ་ཕུན་སུམ་ཚོགས་པ་མངའ་བ། སོགས་ཚིགས་སུ་བཅད་པ་གསུམ་དང༌། སྤྲོ་ན་གོང་དུ་སྨོས་པའི་མཛད་པ་བཅུ་གཉིས་སོགས་ཀྱི་ཤིས་བརྗོད་རྒྱས་པར་བྱའོ། །དེ་ནས་བཀྲ་ཤིས་ཀྱི་བུམ་པ་བླངས་ལ། ཏིལ་གྱི་གོང་བུ་བཞིན་གང་བའི། །རྒྱལ་བས་བུམ་པ་བཟུང་ནས་ནི། །འདི་ཉིད་དུ་ནི་བླུགས་མཛད་པས། །བག་ཆགས་མ་ལུས་དག་གྱུར་ཅིག །ཅེས་ཕྱི་བུམ་གྱི་ཁྲུས་སོ། །སློབ་དཔོན་གྱི་ཐུགས་ཀ་ནས་འོད་ཟེར་ལྕགས་ཀྱུ་ལྟ་བུ་འཕྲོས་པས། དབང་གི་ལྷ་རིགས་དྲུག་གི་དཀྱིལ་འཁོར་ཁྲོ་བོ་བཅུ་དང་བཅས་པ། སངས་རྒྱས་དང་བྱང་ཆུབ་སེམས་དཔའ་དཔའ་བོ་རྣལ་འབྱོར་མའི་ཚོགས་ཐམས་ཅད་ཀྱིས་བསྐོར་བ་མདུན་གྱི་ནམ་མཁར་བཛྲ་ས་མཱ་ཛཿ མཧཱ་ས་མ་ཡ་སྟྭཾ། ལན་གཉིས་ཀྱིས་ཆུ་གཉིས། ཨོཾ་རྡོ་རྗེ་སེམས་དཔའ་བསྡུས་པ་ནི། །ཞེས་པ་ནས། སྥ་ར་ཎ་ཧཱུཾ། ཞེས་པའི་བར་ཚོགས་ཞིང་གི་སྐབས་ལྟར་མཆོད་དོ། །རིག་པའི་དབང་ལྔ་ལ། ཆོ་ག་སྤྱི་འགྲོས་དང་མཐུན་པར། སློབ་མ་དབང་རྫས་གཉིས་ཀའམ། གང་རུང་རིགས་ལྔ་ཕྱག་གཉིས་པར་བསྒོམ་ཀྱང་ལེགས་པར་ནི་འགྱུར་ལ། འོན་ཀྱང་སྐབས་འདིར་རྡོ་རྗེ་སེམས་དཔའ་རིགས་རྐྱང་གི་དབང་ལ་སློབ་མ་རྡོ་རྗེ་སེམས་དཔའ་ཉིད་དུ་བསྐྱེད་ཅིང༌། རིགས་རྐྱང་གཞན་རྣམས་ལའང༌། རྣམ་སྣང་དང་ཧེ་རུ་ཀ་སོགས་གང་དུ་དབང་བསྐུར་བའི་གཙོ་བོ་དེ་ཀར་བསྐྱེད་ནས། དབང་རྫས་རྣམས་ཧེ་རུ་ཀ་ལ་སོགས་པ་ཐུན་མོང་མ་ཡིན་པའི་རིགས་ལྔར་
བསྐྱེད་པ་དང༌། དབུ་རྒྱན་ལ་རིགས་སོ་སོའི་དཀྱིལ་འཁོར་མི་འདྲ་བ་ཡོད་པ་བཞིན་དུ། གཞན་རྣམས་ལ་ཡང་དབང་རྫས་ཅུང་ཟད་མི་འདྲ་བའི་ཁྱད་པར་དང༌། སྔགས་ཀྱི་མགོ་འདྲེན་མི་འདྲ་བ་དང༌། དབང་གི་ལས་བྱེད་པའི་ལྷ་མོ་རྣམས་ལ་ཡང་མི་འདྲ་བའི་ཁྱད་པར་ཅུང་ཟད་ཡོད་ལ། རིགས་བསྡུས་ཡིན་ཡང་དབང་སོ་སོར་བསྐུར་ན་དེ་དག་དགོས་མོད་ཀྱི། ཆབས་ཅིག་ཏུ་དབང་བསྐུར་བ་ལ། ལ་ལར་རིགས་ཀུན་གྱི་ཁྱབ་བདག་ཡིན་པའི་ཕྱིར། རྡོ་རྗེ་སེམས་དཔའ་བཞིན་དང༌། ཁ་ཅིག་ཏུ་དྲུག་ཀ་སྡོམ་པ་བཞིན་དུ་བྱས་ན་འདིར་དེའི་དབང་དུ་བྱས་ནས་བཤད་པར་བྱའོ། །བུམ་ཆུ་རྣམས་གཙོ་བོའི་བུམ་པའམ། དུང་ཆོས་ལ་སོགས་པར་བསྡུས། འཁོར་ལོས་བསྒྱུར་བ་དྲུག་གི་སྔགས་བརྗོད། ཨོཾ་སྭ་བྷཱ་ཝས་སྦྱངས། བདག་དང་དབང་རྫས་རྣམ་རྒྱལ་བུམ་པའི་ཆུ་མི་དམིགས་ཏེ། སྟོང་པའི་ངང་ལས། ཧྲཱིཿ ལས་དཔལ་ཧེ་རུ་ཀ་ཕྱག་བཞི་པ། གཡས་གཉིས་རྡོ་རྗེ་དང་དུང་ཁྲག གཡོན་གཉིས་ཤོར་ཐོད་དང་ཞགས་པ་འཛིན་པ། ཡུམ་ཀྲོ་དྷཱི་ཤྭ་རི་སྔོ་སྐྱ་ཐོད་ཁྲག་དང་བ་དན་རྩེ་གསུམ་པའི་ཕྱག་རྒྱ་ཅན་གྱིས་ཡང་དག་པར་འཁྱུད་པར་གྱུར། དབང་རྫས་ཀྱི་ལྷའི་དཔྲལ་པར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། ཐུགས་ཀའི་ས་བོན་ལས་འོད་ཟེར་འཕྲོས། སངས་རྒྱས་ཐམས་ཅད་ཧེ་རུ་ཀ་ཡབ་ཡུམ་གྱི་རྣམ་པར་བཛྲ་ས་མཱ་ཛ། ཛཿཧཱུཾ་བཾ་ཧོ། དབང་རྫས་ཀྱི་ལྷ་དང་གཉིས་སུ་མེད་པར་ཐིམ། ཡབ་ཡུམ་སྙོམས་པར་ཞུགས་ཏེ་དེ་ཞུ་བ་ལས་བྱུང་བའི་བྱང་ཆུབ་ཀྱི་སེམས་རྣམ་རྒྱལ་བུམ་པའི་ཆུར་གྱུར། མདུན་བསྐྱེད་དཀྱིལ་འཁོར་དང༌། དབང་
ལྷ་ཡབ་ཡུམ་རྣམས་སྙོམས་པར་ཞུགས་པའི་བྱང་ཆུབ་སེམས་དང་འདྲེས། བདག་ཉིད་ཟླ་བའི་དཀྱིལ་འཁོར་ལ་བཞག་ཅིང་དབང་གི་ལྷ་རྣམས་ཀྱི་ཐུགས་ཀ་ནས། སྤྲུལ་པའི་ཀུན་ཏུ་བཟང་མོ་ལ་སོགས་པ་འཁོར་ལོའི་བདག་མོ་རྣམས་དང༌། བདེ་མཆོག་མ་ལ་སོགས་པ་ལྷ་མོ་བཞི་པོ་རྣམས་ཀྱིས་ཕྱོགས་བཞི་ནས་ཁྲིད་ཅིང་བུམ་པའི་ཆུས་དབང་བསྐུར་བར་གྱུར། བཀྲ་ཤིས་གང་ཞིག་སེམས་ཅན་ཀུན་གྱི། སོགས་དབྱངས་དང་བཅས་པ་དང༌། ཨོཾ་ལྷ་ཡི་ཆུ་ནི་རྣམ་དག་པས། །རྡོ་རྗེ་གསང་གསུམ་གནས་ལས་བྱུང༌། །རིག་པའི་ལྷ་མོའི་ཚོགས་ལྡན་པས། རང་བཞིན་གཅིག་ཏུ་གྱུར་པ་ཡིན། །ཨོཾ་བཛྲ་ཨ་བྷི་ཥིཉྩ་མི། དཀྱིལ་འཁོར་གྱི་ལྷ་ཚོགས་ཐམས་ཅད་དམ། འཁོར་ལོས་བསྒྱུར་བ་དྲུག་གམ། རྡོ་རྗེ་སེམས་དཔའ་སྙིང་པོའི་དཔའ་བོ་འབྲུ་དགུའི་མཐར། ཨ་བྷི་ཥིཉྩ། ཞེས་བཏགས་ལ་ཆུ་དབང་བསྐུར། དེ་ནི་མེ་ལོང་ལྟ་བུའི་ཡེ་ཤེས་ཀྱི་རང་བཞིན་ཧེ་རུ་ཀར་མཚོན་པའི་དབང་བསྐུར་བ་སྟེ། ཆོས་ཐམས་ཅད་ཀྱི་རང་བཞིན་དཔལ་ཧེ་རུ་ཀར་རྟོགས་པར་བྱའོ། །དབུ་རྒྱན་གྱི་དབང་ལ། རྡོ་རྗེ་སེམས་དཔའི་རིགས་ལ་དབུ་རྒྱན། རྩེ་མོ་ལྔ་པ་རིན་པོ་ཆེའི་ཁང་བུ་སྒོ་ཅན་གྱི་དབུས་ན་སངས་རྒྱས་ལྔ་བཞུགས་པ། དར་དཀར་དམར་གྱི་ལག་དང་བཅས་པ། རྒྱུ་རིན་པོ་ཆེ་སོགས་ཁམས་སྲོག་རྩ་བ་གང་ཡང་རུང་བ་དང༌། བརྒྱུད་ཐག་སངས་རྒྱས་དྲུག་མཚོན་པའི་ཐོད་པ་དྲུག་གི་འཕྲེང་བ་ཅན། གཙུག་གི་ནོར་བུ་རྡོ་རྗེའོ། །རྣམ་སྣང་ལ་རྩེ་མོ་གཅིག་པ། རྒྱུ་རིན་པོ་ཆེ་ཁོག་གཅིག་པ། ཁང་བུ་དང༌། སངས་རྒྱས་ཀྱི་སྐུ་དང་ཐོད་པ་ཡང་གཅིག་པ། རྒྱུན་ཐག་འཁོར་ལོའི་འཕྲེང་བ་དང༌། དར་དཔྱངས་ཅན་ནོ། །ཧེ་རུ་ཀའི་ནི་རྒྱུ་རིན་པོ་ཆེ་སྣ་
ཚོགས་པ། རྡོ་རྗེ་ཕྱེད་པས་མཚན་པ། ཁང་པ་སྒོ་ཅན་དུ་རང་ཉིད་ཞུགས་པ། རྡོ་རྗེའི་འཕྲེང་བ་ཅན་ནོ། །པདྨ་གར་དབང་གི་ཡང་དེ་དང་འདྲ་བ་ལས། ནོར་བུ་དམར་པོས་བརྒྱན་པ་པདྨའི་འཕྲེང་བ་ཅན་དང༌། རྡོ་རྗེ་ཉི་མ་ལ་དབུ་རྒྱན་རྩེ་མོ་བརྒྱད་པ། ཐོར་ཚུགས་ཀྱི་རྩེ་མོ་ལ་རིན་པོ་ཆེ་འབར་བས་མཚན་པ་ལ་རང་ཉིད་བཞུགས་ཤིང༌། རིན་པོ་ཆེའི་འཕྲེང་བ་ཅན་ནོ། །རྟའི་རྒྱལ་པོ་ལ་དེ་དག་ལས་ཇི་ལྟར་རིགས་པའོ། །ཡང་ན་རིགས་ལྷག་མ་རྣམས་ལ། །སངས་རྒྱས་རྡོ་རྗེ་རིན་ཆེན་ཕྱེད། །རྡོ་རྗེ་རིགས་ལ་རྡོ་རྗེ་ཡིན། །སྤྱན་རས་གཟིགས་ལ་སངས་རྒྱས་སྐུ། །ནོར་བུ་འཛིན་གྱི་ནོར་བུ་ཡིན། །ཞེས་ཀྱང་བཤད་དོ། །ཨོཾ་སྭ་བྷཱ་ཝ༴ དབང་རྫས་ཅོད་པན་མི་དམིགས་ཏེ། སྟོང་པའི་ངང་ལས། ཏྲཾ་ལས་བྱུང་བའི་རྡོ་རྗེ་ཉི་མ། ཞལ་བཞི་སེར་བ། ཕྱག་དང་པོ་གཉིས་མདའ་དང་གཞུ། འོག་མ་གཉིས་ཀྱིས་རལ་གྲི་འཕྱར་ཞིང༌། ཉི་མའི་དཀྱིལ་འཁོར་དང་རྡོ་རྗེས་མཚན་པའི་པདྨ་བསྣམས་པ། ཡུམ་མཱ་མ་ཀི་སྔོན་མོ་རིན་པོ་ཆེ་དང་ཐོད་པ་འཛིན་པས་འཁྱུད་པ། དཔྲལ་པར་ཨཽཾ། སོགས་འདོན་པ་བསྒྱུར་བ་མ་གཏོགས་གོང་གི་རིགས་འགྲེ། ཞུ་བ་ལས་བྱུང་བའི་དབུ་རྒྱན་རྒྱལ་བ་རིགས་ལྔ་ཁང་བུ་དང་བཅས་པ་དང༌། ཐོད་པའི་འཕྲེང་བ་དང་དར་དཔྱངས་དང་བཅས་པར་གྱུར། ཨོཾ་སངས་རྒྱས་ཀུན་གྱིས་བསྔགས་པ་ཡི། །རིན་ཆེན་ལས་བྱུང་དབུ་རྒྱན་ཆེ། །ཐོར་ཚུགས་ཅོད་པན་གྱིས་བརྒྱན་པའི། །དར་དཔྱངས་དབང་བསྐུར་སྦྱིན་པར་བྱ། །ཨོཾ་བཛྲ་བ་ར་ཏ་ཀ་བཛྲ་ཨ་ར་ལི་ཧོ། ཨ་བྷི་ཥིཉྩ་ཏྲཾ། ཐོད་པའི་མཚན་མ་དྲུག་དང་བཅས་པའི་དར་དཔྱངས་ཡང་བཅིངས་ཏེ། ཧཱུཾ་བཛྲ་ཀ་པཱ་ལ་ཨ་བྷི་ཥིཉྩ་མི། དེས་
ནི་མཉམ་པ་ཉིད་ཀྱི་ཡེ་ཤེས་ཀྱི་རང་བཞིན་རྡོ་རྗེ་ཉི་མར་མཚོན་པའི་དབང་བསྐུར་བ་སྟེ། ཆོས་ཐམས་ཅད་ཀྱི་རང་བཞིན་རྡོ་རྗེ་ཉི་མར་རྟོགས་པར་བྱའོ། །རྡོ་རྗེའི་དབང་ནི། སྭ་བྷཱ་ཝ༴ རྡོ་རྗེ་མི་དམིགས་ཏེ་སྟོང་པའི་ངང་ལས། ཧྲཱིཿ ལས་པདྨ་གར་གྱི་དབང་ཕྱུག་དཀར་ལ་དམར་བའི་མདངས་ཅན། ཞལ་གཅིག་ཕྱག་བཞིའི་དང་པོ་གཉིས་ཆོས་འཆད་ཀྱིས་པདྨའི་སྡོང་བུ་གཉིས་དང༌། འོག་མ་གཉིས་ཀྱིས་མདའ་གཞུ་འཛིན་པ། ཡུམ་གོས་དཀར་མོ་དམར་མོ་པདྨ་དང་ཐོད་པ་འཛིན་པས་འཁྱུད་པ། དཔྲལ་པར་ཨོཾ། སོགས་གོང་བཞིན་ལས་འདོན་པ་བསྒྱུར་ཏེ། རྡོ་རྗེར་གྱུར། ཨོཾ་འདི་ནི་སངས་རྒྱས་ཐམས་ཅད་ཀྱི། །རྡོ་རྗེ་གསང་བ་ཆེན་པོའི་དོན། །དེ་རིང་ཁྱོད་ལ་དབང་བསྐུར་ཏེ། །རབ་ཏུ་གྲུབ་ཕྱིར་བཟུང་བར་གྱིས། །ཨོཾ་བཛྲ་སཏྭ་སྟྭཾ། ཨ་བྷི་ཥིཉྩ་མི། ལན་གསུམ་དུ་གསོར་ཏེ་སྙིང་གར་གཏད། ཨོཾ་ཐོག་མཐའ་མེད་པའི་སེམས་དཔའ་ནི། །རྡོ་རྗེ་སེམས་དཔའ་དགའ་བ་ཆེ། །ཀུན་ཏུ་བཟང་པོ་ཀུན་བདག་ཉིད། །རྡོ་རྗེ་སྙེམས་ཚུལ་བདག་པོའི་བདག །ཅེས་རྡོ་རྗེའི་དེ་ཁོ་ན་ཉིད་བརྗོད་དོ། །དེ་ནི་སོ་སོར་རྟོག་པའི་ཡེ་ཤེས་ཀྱི་རང་བཞིན་པདྨ་གར་དབང་དུ་མཚོན་པའི་དབང་བསྐུར་བ་སྟེ། ཆོས་ཐམས་ཅད་ཀྱི་རང་བཞིན་པདྨ་གར་དབང་དུ་རྟོགས་པར་བྱའོ། །དྲིལ་བུའི་དབང་ནི། ཨོཾ་སྭ་བྷཱ་ཝ་སོགས། དབང་རྫས་དྲིལ་བུ། ཧཾ་ལས་རྡོ་རྗེ་རྟ་མཆོག་ལྗང་ཁུ། ཞལ་གསུམ་སྟེང་ཞལ་རྟ་གདོང་ལྗང་ཁུ། ཕྱག་དང་པོ་གཉིས་སྣ་ཚོགས་རྡོ་རྗེ་དང༌། སྣ་ཚོགས་པད་མ།
འོག་མ་གཉིས་པ་དང་གསུམ་པ་རང་རལ་གྲི་འཛིན་པ། ཡུམ་དམ་ཚིག་སྒྲོལ་མ་ལྗང་སྐྱ་གྲི་གུག་དང་ཐོད་ཁྲག་འཛིན་པས་འཁྱུད་པ། ཁྲོ་བོ་ཁྲོ་མོའི་ཆ་བྱད་རྫོགས་པའོ། །དཔྲལ་པར་ཨོཾ། སོགས་གོང་བཞིན་ལ་འདོན་པ་སྤོས་ཏེ་དྲིལ་བུར་གྱུར། འདི་ནི་རྣལ་འབྱོར་མ་ཀུན་གྱི། །ཤེས་རབ་དབྱངས་ཀྱི་རྗེས་འགྲོར་བཤད། །ཁྱོད་ཀྱིས་ཀྱང་ནི་རྟག་ཏུ་བཅངས། །བྱང་ཆུབ་མཆོག་ཏུ་རྒྱལ་བ་བཞེད། །ཨོཾ་ཨ་དྷི་པ་ཏི་སྟྭམ་ཨ་བྷི་ཥིཉྩ་མི། དྲིལ་བུ་བཀྲོལ་བཞིན་དུ། སྲིད་པ་ངོ་བོ་ཉིད་ཀྱིས་དག །ངོ་བོ་ཉིད་ཀྱིས་སྲིད་བྲལ་བྱས། །རང་བཞིན་དག་པའི་སེམས་དཔའ་མཆོག།དམ་པའི་སྲིད་པ་བྱེད་པར་འགྱུར། །ཞེས་དྲིལ་བུའི་དེ་ཁོ་ན་ཉིད་བཟུང༌། དེ་ནི་བྱ་བ་སྒྲུབ་པའི་ཡེ་ཤེས་ཀྱི་རང་བཞིན་རྟ་མཆོག་དཔལ་ཏུ་མཚོན་པའི་དབང་བསྐུར་བ་སྟེ། ཆོས་ཐམས་ཅད་ཀྱི་རང་བཞིན་རྟ་མཆོག་དཔལ་ཏུ་རྟོགས་པར་བྱའོ། །དཀྱིལ་ཆོག་རྙིང་མ་གཉིས་ནས་བཤད་པ་ལྟར་གྱི་དབང་དུ་བྱས་པ་ནི་དེ་ལྟར་ཡིན་ལ། ཡོངས་ནས་སློབ་དཔོན་གྱི་དབང་ལ་སོགས་པ། འོག་ཏུ་བྱེད་པ་འདི་རིགས་ལ། རྡོ་རྗེ་དྲིལ་བུའི་དམ་ཚིག་བཟུང་བ་ཡང་འདིར་མི་བྱེད་པར་དེ་སྐབས་བྱས་ན་ལེགས་པ་ཡིན་ནོ། །མིང་གི་དབང་ནི། ཨོཾ་སྭ་བྷཱ་ཝ། སོགས། དབང་རྫས་རྡོ་རྗེ་དྲིལ་བུ། ཨོཾ་ལས་རྣམ་པར་སྣང་མཛད་དཀར་པོ། དཀར་སེར་དམར་ལྗང་བའི་ཞལ། ཕྱག་དང་པོ་གཉིས་ཀྱིས་ཆོས་གོས་དང་ལྷུང་བཟེད། འོག་མ་གཉིས་ཀྱིས་མཁར་སིལ་དང་གླེགས་བམ་འཛིན་པ། ཡུམ་སངས་རྒྱས་སྤྱན་མ་དཀར་མོ་འཁོར་ལོ་དང་ཐོད་པ་འཛིན་པས་
འཁྱུད་པ། དཔྲལ་པར། སོགས་འདོན་པ་བསྒྱུར་ཏེ། རྡོ་རྗེ་དང་དྲིལ་བུར་གྱུར། ཐབས་ཤེས་སྦྱོར་བ་སྟེ་འཁྱུད་རྒྱས་རྡོར་དྲིལ་སྤྱི་བོར་བཟུང་ལ། གང་ཕྱིར་ཆོས་རྣམས་རྣམ་དག་པས། །སངས་རྒྱས་ཡེ་ཤེས་རང་བཞིན་ཉིད། །དབང་པོའི་སྤྱོད་ཡུལ་གང་དང་གང༌། །བདེ་མཆོག་སྒྱུ་མའི་དཀྱིལ་འཁོར་ཉིད། །ཨོཾ་ཀྱེ་དཔལ་ཆེ་གེ་མོ། ཨ་བྷི་ཥིཉྩ་མི། བཛྲ་ན་མ་ཨ་བྷི་ཥེ་ཀ་ཏ་ཧོ། གསང་མིང་དྲན་པར་བྱ། དེ་ནི་ཆོས་ཀྱི་དབྱིངས་ཤིན་ཏུ་རྣམ་པར་དག་པའི་ཡེ་ཤེས་ཀྱི་རང་བཞིན། རྣམ་པར་སྣང་མཛད་དུ་མཚོན་པའི་དབང་བསྐུར་བ་སྟེ། ཆོས་ཐམས་ཅད་ཀྱི་རང་བཞིན་དཔལ་རྣམ་པར་སྣང་མཛད་དུ་རྟོགས་པར་བྱའོ། །དེ་ནས་ཕན་ཡོན་དང་ཉེས་དམིགས་སྒྲགས་པ་ནི། སངས་རྒྱས་ཐམས་ཅད་མཉམ་སྦྱོར་བའི། །མཁའ་འགྲོ་སྒྱུ་མ་བདེ་མཆོག་ཀྱང༌། །རྒྱས་མི་ཐེབས་ཤིང་མི་རྨོངས་ཏེ། །དེ་ལ་གནོད་པར་མི་འགྱུར་རོ། །སངས་རྒྱས་ཐམས་ཅད་མཉམ་སྦྱོར་བའི། །སྡོམ་པ་ཉམས་པར་ཁྱེད་བྱེད་ན། །ཇི་སྙེད་སངས་རྒྱས་ཐམས་ཅད་དང༌། །བྱང་ཆུབ་སེམས་དཔའ་རྡོ་རྗེ་འཛིན། །ལྷ་རྣམས་དང་ནི་མི་རྣམས་དང༌། །དེ་བཞིན་རྣལ་འབྱོར་སྒྲུབ་པ་པོ། །དེ་དག་ལ་ནི་སྙིང་རིང་ནས། །སྙིང་ལས་ཁྲག་ཆེན་འཐུང་བར་འགྱུར། །སེམས་ཅན་ཁམས་རྣམས་མ་ལུས་དོན། །སྲིད་པ་ཤིན་ཏུ་དག་བྱའི་ཕྱིར། །མི་འགོག་ཆོས་ཉིད་སྦྱོར་བ་ཡིས། །རྟག་པ་ཉིད་དུ་བསྒྲུབ་པར་བྱ། །བདག་གི་ངོ་བོ་རྣམས་སྤངས་ཤིང༌། །དཀའ་ཐུབ་ཀྱིས་ནི་གཟིར་མི་བྱ། །ཅི་བདེ་བར་ནི་བདེ་བར་སྤྱད། །འདི་ནི་ཕྱི་
དུས་སངས་རྒྱས་ཡིན། །རྣལ་འབྱོར་ལོངས་སྤྱོད་ཐམས་ཅད་ལ། །ཅིས་ཀྱང་མི་འཇིགས་དགའ་བར་གྱིས། །མ་འཇིགས་ཁྱོད་ལ་སྡིག་པ་མེད། །དམ་ཚིག་འདའ་བར་དཀའ་བའོ། །གྲུབ་པ་གཅིག་པུ་གཅིག་ལ་སྤྱོད། །ལྷན་ཅིག་སྤྱོད་དང་རྗེས་སྤྱོད་སྡུག །སངས་རྒྱས་བྱང་ཆུབ་བླ་མེད་ཡིན། །ཡན་དག་ཉིད་ཀྱིས་རྟག་ཏུ་བསྟེན། སྤྲོ་ན་དེ་ནས། སློབ་དཔོན་གྱི་དབང་གི་དོན་དུ་མཎྜལ་ཕུལ། སྤྱིར་གོང་དུ་ཐུན་མོང་དུ་མཎྜལ་གསོལ་བཏབ་གཉིས་སོང་བས་འདིར་མ་བྱས་ཀྱང་ཆོག་གོ །བདག་ཉིད་རྡོ་རྗེ་སློབ་དཔོན་མཆོག་ཏུ་མངའ་གསོལ་བའི་དཀྱིལ་འཁོར་ཆེན་པོའི་དབུས། དབང་སྟེགས་ཀྱི་སྟེང་དུ་གནས་ཤིང་མཆོད་པའི་ཚོགས་ཀྱིས་བསྐོར་བར་གྱུར། བདག་ཉིད་དཔལ་རྡོ་རྗེ་སེམས་དཔའ་བདེ་བ་ཆེན་པོ་ནས་རྣམ་པར་བརྒྱན་པར་གྱུར། དབང་རྫས་རྡོ་རྗེ་དང་དྲིལ་བུ་མི་དམིགས་ཏེ། སྟོང་པའི་ངང་ལས། ཧཱུཾ་དང་ཨ་ལས་ཀུན་ཏུ་བཟང་པོ་དཀར་པོ། དཀར་སྔོ་དམར་སེར་བའི་ཞལ་བཞི་ཕྱག་དང་པོ་གཉིས་ཀྱིས་རྡོ་རྗེ་དར་དང་ཁ་ཊྭཱཾ་ག འོག་མ་གཉིས་ཀྱིས་མདའ་དང་གཞུ་འཛིན་པ། ཡུམ་ཤེས་རབ་ཀྱི་ཕ་རོལ་ཏུ་ཕྱིན་མ་རང་དང་འདྲ་བའི་སྐུ་ཅན་གྱིས་འཁྱུད་པར་གྱུར། དཔྲལ་པར་ཨོཾ། སོགས་གོང་བཞིན་འདོན་པ་སྤོས་པ་ལས། ཞུ་བ་ལས་རྡོ་རྗེ་དང་དྲིལ་བུར་གྱུར། རྡོ་རྗེ་དྲིལ་བུ་ཕྱག་རྒྱ་ཆེ། །ཟུང་ཅིག་ཡང་དག་བཟུང་བར་བགྱི། །དེ་རིང་རྡོ་རྗེ་སློབ་དཔོན་ཆེ། །སློབ་མའི་ཚོགས་རྣམས་བསྡུ་བར་གྱིས། །ཞེས་ཆེད་དུ་བརྗོད་ནས། འདི་སྟེ་སངས་རྒྱས་ཐམས་ཅད་ཉིད། །རྡོ་རྗེ་སེམས་དཔའི་ཕྱག་ན་གནས། ཁྱོད་
ཀྱིས་ཀྱང་ནི་རྟག་ཏུ་བཅངས། །ཕྱག་ན་རྡོ་རྗེའི་བརྟུལ་ཞུགས་བརྟན། །ཨོཾ་མཧཱ་བཛྲ་ཧཱུཾ། ཨོཾ་སརྦ་ཏ་ཐཱ་ག་ཏ་སིདྡྷི་བཛྲ་ས་མ་ཡ་ཏིཥྛ། ཨེ་ཥ་སྟྭཾ་དྷ་ར་ཡ་མི་ཧི་ཧི་ཧི་ཧི་ཧཱུཾ། འདི་སྟེ་སངས་རྒྱས་ཐམས་ཅད་ཀྱི། །ཤེས་རབ་དབྱངས་ཀྱི་རྗེས་འགྲོར་བཤད། ཁྱོད་ཀྱིས་ཀྱང་ནི་རྟག་ཏུ་བཅང༌། །བྱང་ཆུབ་མཆོག་ཏུ་རྒྱལ་བ་བཞེད། །ཨོཾ་བཛྲ་གྷཎྜེ་ཨཿ བདག་ཉིད་དཔལ་རྡོ་རྗེ་སེམས་དཔའ་བདེ་བ་ཆེན་པོའི་པང་དུ་གནས་པའི་མཚན་ཉིད་ལྡན་པའི་རིག་མ། རང་དང་འདྲ་བའི་ཡུམ་ཀུན་ཏུ་བཟང་མོ་ལོ་བཅུ་དྲུག་ལོན་པ་ལྟ་བུའི་ན་ཚོད་ཅན་དུ་གྱུར་པ་ལ་འཁྱུད་པ་ཙུམ་པ་དང་མཉམ་པར་སྦྱར་བ་ལས། ཡང་དག་པའི་བདེ་བ་དམ་པ་ཐོབ་པར་གྱུར། ཡིད་ཀྱི་ལུས་རྟེན་དེ་ཉིད་ནི། །ཕྱག་རྒྱའི་དམ་ཚིག་རབ་ཏུ་བརྗོད། །གང་གི་ལུས་ནི་ཐམས་ཅད་བརྟན། །དེས་ན་ཕྱག་རྒྱར་རབ་ཏུ་བསྒྲགས། ཨོཾ་མཧཱ་ཀཱ་ཡ་ཝཱ་ཀ་ཙིཏྟ་བཛྲ་ས་མ་ཡ་ཧཱུཾ། གཞུང་རྙིང་མ་གཉིས་ནས་སྤྱོད་པའི་བརྟུལ་ཞུགས་མ་བཤད་ཀྱང༌། སློབ་དཔོན་རིན་ཆེན་རྡོ་རྗེས་བཤད་པ་ལྟར་བྱ་སྟེ། རྒྱས་པ་བྱེད་ནའང་མ་རྒྱུད་སྤྱིས་རིགས་འགྲེ་བ་གཞན་དུ་ཤེས་པར་བྱ་ཤིང༌། བསྡུས་པ་ནི། རྡོ་རྗེ་སེམས་དཔའི་ཕྱག་རྒྱ་འདི། །ཕྱི་དང་ནང་དུ་ཡང་དག་གནས། ཁ་ཊྭཱཾ་ཅང་ཏེའུ་ལྷུང་བཟེད་དག །བྱིན་པ་དཔའ་བོས་བཟུང་བར་གྱིས། །རྡོ་རྗེ་སེམས་དཔའ་ཁ་ཊྭཱཾ་ག །རྣལ་འབྱོར་མ་ནི་ཌཱ་མ་རུ། །རྡོ་རྗེ་ཁ་ཊྭཱཾ་རྡོ་རྗེར་བཅས། །དྲིལ་བུ་སིལ་སིལ་སྒྲ་སྒྲོགས་པ། །ཚངས་པའི་སྐུད་ཐོགས་རྣལ་འབྱོར་བདག
ཁ་ཊྭཱཾ་ག་ད་རྣལ་འབྱོར་སྣོད། །དཔའ་བོ་ཆེན་པོས་བླང་བར་གྱིས། །ཞེས་སོ། །རིན་ཆེན་རྡོ་རྗེའི་ལུགས་ལ་སློབ་དཔོན་གྱི་དབང་ནི་སྔོན་དུ་འབྱུང་ཡང༌། འདི་ཆོ་ག་རྙིང་མའི་ནང་དུ་འཇུག་པར་འདོད་ན་སྐབས་འདིར་བྱ་སྟེ། དམ་ཚིག་གསུམ་པོ་རྡོ་རྗེ་བརྟུལ་ཞུགས་སུ་བྱེད་པའི་ལུགས་ཡིན་པའི་ཕྱིར། རྡོ་རྗེའི་བརྟུལ་ཞུགས་ཀྱི་རྗེས་སུ་སྤྱོད་པའི་བརྟུལ་ཞུགས་འབྱུང་བ་ནི་ཐམས་ཅད་ཀྱི་སྤྱི་འགྲོས་ཡིན་པའི་ཕྱིར་རོ། །སྤྱོད་པའི་བརྟུལ་ཞུགས་བྱེད་པ་ནི་ངེས་པར་ལེགས་ཏེ། རྒྱུད་འདིར་བསྐྱེད་རིམ་གྱི་རིག་པའི་བརྟུལ་ཞུགས་དང༌། སྤྲོས་བཅས་ཀྱི་སྤྱོད་པ་རྩལ་འདོན་དུ་གསུངས་པའི་ཕྱིར་རོ། །དེ་ནས་གཞུང་རྙིང་མ་གཉིས་ནས་མི་གསལ་ཡང༌། སྤྱི་དང་མཐུན་པར་ཆུ་དབང་བསྐུར་ན་སྤྱི་ལྡོག་ནས་ལེགས་པར་མངོན་ཞིང༌། གཞུང་རྙིང་གཉིས་ཀྱི་ལུགས་ལ། ཅོད་པན་དང་འདིའི་བར་ལྔ་པོ་འདི། ཆུ་དབང་གི་རྗེས་འགྲོའི་དབང་ཞེས་བཏགས་ནས། འདིར་ཆུ་དབང་མི་བྱེད་པ་ཉིད་དེའི་རང་ལུགས་སུ་ནི་སྣང་ངོ༌། །གང་ལྟར་ཡང་བཀྲ་ཤིས་ཀྱི་གླུ་དབྱངས་སྔོན་དུ་འགྲོ་བའི་རོལ་མོའི་སྒྲ་དང་བཅས་ཏེ། ཨོཾ་སུ་པྲ་ཏིཥྛ་བཛྲེ་སྭཱཧཱ། ཞེས་མེ་ཏོག་དོར་ཞིང་བརྟན་པར་བཞུགས་སུ་གསོལ་ལོ། །དེ་ནས་མཆོད་པ་ནི། དེང་ནས་བརྩམས་ཏེ་རྫོགས་སངས་རྒྱས། །རྣལ་འབྱོར་མ་དང་དཔའ་ཚོགས་དང༌། །ཤེས་རབ་ཐབས་བཅས་སྙེམས་ཅན་གྱི། །གར་མཆོད་བདེ་བའི་དགའ་སྟོན་གྱིས། །ཨོཾ་བཛྲ་ལ་སྱ་ཧཱུཾ། སྒེག་དང་བཅས་པའི་འཕྲེང་བ་འཕངས། །སངས་རྒྱས་ཀུན་སོགས་རྣལ་འབྱོར་མ། །དེ་ནི་འབྲལ་བར་མི་འགྱུར་ཏེ། །འཕྲེང་བ་དེ་ཡི་རྒྱན་ཡིན་ནོ། །ཨོཾ་བཛྲ་མཱ་ལེ་ཧཱུཾ། ལུས་ཅན་ཀུན་
ལ་དམ་ཆོས་ཀྱི། །གླུ་ནི་ཁྱོད་ཀྱིས་བླང་བར་གྱིས། །དེས་ནི་རྣལ་འབྱོར་མ་དེ་དང༌། །མྱུར་དུ་བདེ་བ་མྱོང་བར་འགྱུར། །ཨོཾ་བཛྲ་གཱི་ཏེ་ཧཱུཾ། དེ་ཉིད་ཐལ་མོ་གར་གྱིས་ནི། །སངས་རྒྱས་ཐམས་ཅད་མཆོད་པར་གྱིས། །སངས་རྒྱས་འདུལ་བའི་འཕྲིན་ལས་ཀྱིས། །གར་མཁན་ཚུལ་དུ་བསྒྱུར་བར་གྱིས། །ཨོཾ་བཛྲ་ནིརྟི་ཧཱུཾ། སངས་རྒྱས་རྣམས་ལ་སྤོས་ཕུལ་བས། །བརྟུལ་ཞུགས་བཟང་པོས་ལེགས་ཚིམ་གྱིས། །ལུས་ཅན་བདེ་གཤེགས་ཆ་ལུགས་སུ། །ཡེ་ཤེས་ཀྱིས་ནི་ཚིམ་པར་གྱིས། །ཨོཾ་བཛྲ་དྷཱུ་པེ་ཧཱུཾ། སངས་རྒྱས་རྣམས་ལ་མེ་ཏོག་གཏོར། །བྱང་ཆུབ་ཡན་ལག་ཚོགས་གྱུར་པ། །མཚན་དང་དཔེ་བྱད་ལྡན་པ་ཡི། །བདེ་གཤེགས་སྐུ་ནི་ཐོབ་པར་འགྱུར། །ཨོཾ་བཛྲ་པུཥྤེ་ཧཱུཾ། ཆོས་ཀྱི་མེ་ནི་ལེགས་སྦར་བས། །པདྨ་གར་དབང་རང་ཉིད་དེ། །སེམས་ཅན་མ་རིག་ལྡོངས་རྣམས་ལ། །ཡེ་ཤེས་སྒྲོན་མེ་སྣང་བར་གྱིས། །ཨོཾ་བཛྲ་ཨཱཿལོ་ཀེ་ཧཱུཾ། ཁྱོད་ཀྱིས་རྒྱལ་ལ་དྲི་ཕུལ་བས། །ཚུལ་ཁྲིམས་ཏིང་འཛིན་ཤེས་རབ་དང༌། །རྣམ་གྲོལ་ཡེ་ཤེས་མཐོང་བ་ཡིས། །བྱང་ཆུབ་ལུས་ཅན་རྣམས་ལ་བགོས། །ཨོཾ་བཛྲ་གནྡྷེ་ཧཱུཾ། དེ་དག་ནི་སློབ་དཔོན་གྱི་དབང་ངོ༌། །ཇི་ལྟར་མིག་མཁན་རྒྱལ་པོ་ཡིས། །འཇིག་རྟེན་རབ་རིབ་བསལ་བ་ལྟར། །བུ་ཁྱོད་ཀྱིས་ནི་མི་ཤེས་པའི། །རབ་རིབ་རྒྱལ་བ་རྣམས་ཀྱིས་བསལ། །ཨོཾ་བཛྲ་ནཻ་ཏྲེ་ཨ་པ་ཧ་ར་པ་ཊ་ལཾ་ཧྲཱི། ཞེས་མིག་ཐུར་དང༌། ཆོས་རྣམས་གཟུགས་བརྙན་ལྟ་བུ་སྟེ། །དག་ཅིང་
གསལ་ལ་རྙོག་པ་མེད། །བཟུང་དུ་མེད་ཅིང་བརྗོད་དུ་མེད། །རྒྱུ་དང་ལས་ལས་ཡང་དག་བྱུང༌། །ངོ་བོ་ཉིད་མེད་གནས་མེད་པ། །དེ་ལྟར་ཆོས་རྣམས་ཤེས་ཀྱིས་ལ། །སེམས་ཅན་དོན་ནི་མཉམ་མེད་བྱོས། །འོན་ཀྱང་སངས་རྒྱས་སྲས་སུ་སྐྱེས། །ཞེས་མེ་ལོང་དང༌། ཐམས་ཅད་ནམ་མཁའི་མཚན་ཉིད་དེ། །ནམ་མཁའ་ལ་ཡང་མཚན་ཉིད་མེད། །ནམ་མཁའ་དང་ནི་མཉམ་སྦྱོར་བས། །ཀུན་མཆོག་མཉམ་པ་ཉིད་དུ་གསལ། །ཞེས་དྲིལ་བུ་དང༌། ཨོཾ་རྡོ་རྗེ་སེམས་དཔའ་མེ་ལོང་བཞིན། །གསལ་ཞིང་དྭངས་ལ་རྙོག་པ་མེད། །བུ་ཁྱོད་ཀྱི་ནི་སྙིང་ལ་ཞུགས། །རྡོ་རྗེ་སེམས་དཔའི་རང་བཞིན་གཙོ། །ཛཿབཛྲ་དྲྀཥྟི་ས་མ་ཀེ་མ་ཊ། ཞེས་མདའ་གཞུ་སྦྱིན། ཨོཾ་བཛྲ་ཧེ་ཏུ་མཾ། ཨོཾ་བཛྲ་བྷ་ག་རཾ། ཨོཾ་བཛྲ་གྷཎྜེ་ཨཿ ཨ་དེང་ནས་བརྩམས་ཏེ་སེམས་བསྐྱེད་པ། །ཙམ་གྱིས་ཆོས་ཀྱི་འཁོར་ལོ་བསྐོར། ཁྱོད་ཀྱི་ཐེ་ཚོམ་དོགས་མེད་པར། །ཡིད་གཉིས་མེད་པའི་སེམས་ཀྱིས་སུ། །ཆོས་ཀྱི་དུང་ནི་བླ་མེད་པ། །ཆོས་ཀྱི་འཁོར་ལོ་ཀུན་ཏུ་ནི། །དྲི་མེད་ཀུན་ཏུ་གང་བར་གྱིས། །སྔར་བཤད་ཚུལ་གྱིས་ཆོ་ག་ཡིས། །སྐྱེ་བོ་ཀུན་ལ་རྟག་ཏུ་ཤོད། །དེ་ལྟར་བྱས་ན་རྒྱལ་བ་ལ། །ཕན་འདོགས་དྲིན་དུ་གཟོ་ཞེས་བྱ། །མཁའ་འགྲོ་སྒྱུ་མའི་དཀྱིལ་འཁོར་གྱིས། ཁྱོད་ལ་རྟག་ཏུ་བསྲུང་བར་མཛད། །ཅེས་ཆོས་བཤད་དང༌། མདོར་ན་འཇིག་རྟེན་ཁམས་རྣམས་སུ། །སེམས་ཅན་ཀུན་ལ་ཕན་པའི་ཕྱིར། །ཇི་ལྟར་འདུལ་
བ་སྣ་ཚོགས་ཀྱིས། །རྡོ་རྗེའི་འཁོར་ལོ་རབ་ཏུ་བསྐོར། །བདེ་གཤེགས། ཁྲོ་བོ། པདྨ། རིན་ཆེན། ལས་ཀྱི་འཁོར་ལོ་རབ་ཏུ་བསྐོར། །ཞེས་ཏེ་རིགས་ལྔའི་སྤྲུལ་བཤད་དོ། །མདོར་བསྡུ་ན། མེ་ལོང་ནས་འདིའི་བར་མ་བྱས་ཀྱང་རུང་ལ། རིགས་དྲུག་གི་སྤྲུལ་བཤད་ཁོ་ན་བྱས་ཀྱང་ལེགས་སོ། །བདག་གཞན་དོན་གྲུབ་ལས་ཀྱི་ཚོགས། །ཐུན་མོང་འབྲིང་པོ་མཆོག་གྱུར་པའི། །ཞི་རྒྱས་དབང་དྲག་དགུག་པ་དང༌། །སྡང་གནོད་རེངས་པའི་ལས་ཀུན་དང༌། །དབྱེ་རྨོངས་སྐྲད་པའི་ཆོ་ག་རྣམས། །ཐོག་པ་མེད་པར་སྒྲུབ་པར་གྱིས། །རྣམ་ཤེས་སྒྲུབ་དང་ཡེ་ཤེས་སྒྲུབ། །ཕྱག་རྒྱ་ཤེས་པའི་དངོས་གྲུབ་དང༌། །ཐམས་ཅད་གྲུབ་ཅིང་གྲོལ་བ་ཡིས། །དོན་གཉིས་ཡང་དག་སྦྱོར་བར་གྱིས། །རྒྱལ་བ་ཀུན་གྱི་གནས་འཇུག་ཅིང༌། །སྐུ་གསུང་ཐུགས་མཆོག་ཡོན་ཏན་རྒྱན། །འཕྲིན་ལས་བདག་གཞན་གནས་སྦྱར་བའི། །མཁའ་འགྲོ་སྒྱུ་མའི་དངོས་གྲུབ་བསྒྲུབས། །ཞེས་ལས་དང་དངོས་གྲུབ་ཀྱི་སྒོ་ནས་རྗེས་སུ་གནང་ངོ༌། །འདི་ལྟར་ངས་ཁྱོད་ལུང་བསྟན་ཏེ། རྡོ་རྗེ་དཔལ་ལྡན་གསང་བའི་བདག །དངོས་པོ་མཆོག་ཏུ་གྲུབ་པའི་ཕྱིར། །སྲིད་པའི་ངན་འགྲོ་རྣམས་ལས་གྲོལ། །ཀྱཻ། ཆེ་གེ་མོ། ཞེས་བྱ་བའི་དེ་བཞིན་གཤེགས་པ་བྷུརྦྷུ་ཝ་སྭཿ འདོད་ཆགས་བྲལ་བ་ལྟ་བུར་སྡིག ཁམས་གསུམ་ན་ནི་གཞན་མེད་དེ། །དེ་བས་འདོད་ལ་ཆགས་བྲལ་བ། ཁྱོད་ཀྱིས་ནམ་
ཡང་མི་བྱའོ། །མཧཱ་ས་མ་ཡ་ཧཱུཾ་ཕཊ། དེ་རིང་དཀྱིལ་འཁོར་སློབ་དཔོན་གྱུར། །སྔགས་དང་རྒྱུད་རྣམས་འཛིན་གྱུར་པ། །སངས་རྒྱས་བྱང་ཆུབ་སེམས་དཔའ་དང༌། །ལྷ་རྣམས་ཀུན་གྱིས་མཐུན་པར་གསུངས། །སེམས་ཅན་རྣམས་ལ་རྗེས་བརྩེ་བས། །དཀྱིལ་འཁོར་ཆོ་ག་བཞིན་དུ་བྲི། ཁྱོད་ཀྱིས་ནན་ཏན་བསྐྱེད་ནས་ནི། །སྒྲུབ་པ་པོ་རྣམས་རྒྱུད་ལ་སྦྱོར། །ལུང་བསྟན་ཞིང་གཟེངས་བསྟོད་པའོ། །མཆོག་ཏུ་གསང་བའི་དཀྱིལ་འཁོར་འདིར། །ཞུགས་པ་དང་ནི་མཐོང་བས་ཀྱང༌། །སྡིག་པ་ཀུན་ལས་རྣམ་གྲོལ་ནས། །དེ་རིང་ཁྱེད་རྣམས་བདེ་བར་གནས། །བདེ་ཆེན་ཐེག་པ་འདི་ལ་ནི། །ཕྱིན་ཆད་འཆིང་བ་ཡོངས་མེད་དེ། །ཚུགས་མེད་ཐུབ་པར་མི་འགྱུར་བས། །ཅིས་ཀྱང་མི་འཇིགས་དགའ་བར་གྱིས། །སྲིད་པ་ཤིན་ཏུ་དག་པས་ན། །སྲིད་པའི་ངན་འགྲོ་ལས་འདས་སོ། །རྡོ་རྗེ་ཞེས་བྱའི་ཕྱག་རྒྱ་ནི། གང་ཞིག་བསྐྱེད་པ་ཙམ་གྱིས་ནི། །སངས་རྒྱས་ཉིད་དུ་ཐེ་ཙོམ་མེད། །བྱང་ཆུབ་སེམས་ནི་ཡོངས་མི་སྤངས། དམ་པའི་ཆོས་ལ་མི་སྨད་ཅིང༌། །མི་ཤེས་པའམ་རྨོངས་པ་ཡིས། །དེ་ཉིད་ངེས་པར་བསྟན་མི་བྱ། །རྡོ་རྗེ་དྲིལ་བུ་མི་སྤང་སྟེ། །སློབ་དཔོན་དག་ལ་གུས་པར་བྱ། །རང་གི་བདག་ཉིད་ཡོངས་སྤངས་ཏེ། །དཀའ་ཐུབ་ཀྱིས་ནི་མི་གདུང་ཞིང༌། །ཅི་བདེ་བར་ནི་བདེ་བ་ཟུང༌། །འདི་ནི་མ་བྱིན་རྫོགས་སངས་རྒྱས། ཁམས་གསུམ་གྱི་ནི་རྒྱལ་སྲིད་ཆེ། །རྒྱལ་བའི་བདག་པོར་གནས་པ་དང༌། །དེར་ནི་བདུད་ལས་རྣམ་རྒྱལ་ཞིང༌། །གྲོང་ཁྱེར་མཆོག་ཏུ་
ཞུགས་པ་ཡིན། །དེར་ནི་སངས་རྒྱས་རིགས་ཐོབ་པར། །ཁྱེད་རྣམས་ཐེ་ཚོམ་མེད་པ་ཡིན། །དབང་འདི་བསྐུར་བ་ཙམ་གྱིས་ནི། །སློབ་མ་ཡོན་ཏན་བདག་པོར་འགྱུར། སློབ་དཔོན་ཉིད་ཀྱང་བདེ་བ་ཡི། །བརྟན་གཡོ་ཀུན་གྱི་དམ་ཚིག་ཡིན། །དེ་ཁོ་ན་ཉིད་སྟོན་པར་སྤྲོ་ན། རྒྱས་པར་གཞུང་རྙིང་མ་ལས་ཤེས་པར་བྱའོ། །མདོ་ཙམ་མངོན་རྟོགས་ནས་འབྱུང་བ་ལྟར་བྱ་ཞིང༌། སློབ་དཔོན་གྱི་དེ་ཁོ་ན་ཉིད་ནི། དཀྱིལ་འཁོར་ཏིང་འཛིན་ཕྱག་རྒྱ་དང༌། །སྟང་སྟབས་འདུག་སྟངས་བཟླས་བརྗོད་དང༌། །སྦྱིན་སྲེག་མཆོད་པ་ལས་ལ་སྦྱོར། །སླར་བསྡུ་བ་ཡི་རྣམ་པའོ། །དེ་ལྟར་དེ་ཁོ་ན་ཉིད་བཅུ་ནི་སློབ་དཔོན་གྱི་བྱ་བའོ། །དེ་ལྟར་ན་བུམ་པའི་དབང་བསྐུར་བ་ཐོབ་པས། ཇི་ལྟར་སྣང་བ་ཐམས་ཅད་ལྷའི་འཁོར་ལོ་བསྒྱུར་བའི་བདེ་མཆོག་གི་ཡེ་ཤེས་མངོན་དུ་བྱས་པར་མོས། གསང་དབང་གི་དོན་དུ་མཎྜལ་ཕུལ། དཔལ་ལྡན་མགོན་པོ་བདེ་བ་ཆེ། །བདེ་ཆེན་བདེ་བའི་གནས་ན་བཞུགས། །སངས་རྒྱས་ཐམས་ཅད་མཉམ་སྦྱོར་བ། །མཁའ་འགྲོ་སྒྱུ་མའི་བདེ་སྩོལ་མཛད། །བྱང་ཆུབ་སེམས་དཔའ་ཆེ་རྣམས་ཀྱི། །ཡང་དག་དོན་མཆོག་རྣམ་དག་པ། །ཇི་ལྟར་དེ་ཉིད་བདུད་རྩི་ཡིས། །མཆོག་གི་དབང་ནི་བསྐུར་བ་བཞིན། །དེ་བཞིན་བདག་ལའང་འགྲོ་བ་ཡི། །སྡུག་བསྔལ་ཐམས་ཅད་སེལ་བར་མཛོད། །རྣལ་འབྱོར་བདུད་རྩི་དྲི་མེད་མཆོག །མི་ཤེས་པ་ཡི་རབ་རིབ་སེལ། །གང་གི་བྱང་ཆུབ་བླ་མེད་པ། །དེ་རིང་
བདག་གིས་ཐོབ་པར་མཛོད། །ལན་གསུམ། བུ་ཁྱོད་ཇི་ལྟར་འདོད་པ་བཞིན། །རྒྱལ་བ་ཀུན་གྱི་བདེ་ཆེན་སྦྱིན། །ཞེས་གནང་བ་རྩལ། མཚན་ཉིད་ཐམས་ཅད་ཡོངས་སུ་རྫོགས་པའི་ཕྱག་རྒྱ་ཤེས་རབ་ཀྱི་ཕ་རོལ་ཏུ་ཕྱིན་པར་གྱུར། རྗེས་སུ་ཆགས་པ་རྣམ་མང༌། ནས་ཐམས་ཅད་ཀྱི་དྲི་མ་སྦྱངས་པར་གྱུར། གྱི་བར་རྗེས་སུ་རྣལ་འབྱོར་བཞིན། དེ་ལྟ་བུའི་ལྷན་ཅིག་སྐྱེས་པའི་རྟེན་དུ་གྱུར་པ། ཀུན་ད་བྱང་ཆུབ་ཀྱི་སེམས་མཐེ་བོང་དང༌། མིང་མེད་ཀྱིས་བླངས་ནས་ལྕེ་ཐོག་ཏུ་བཞག །ཇི་ལྟར་རྒྱལ་བ་བདེ་གཤེགས་ཀྱིས། །རང་གི་སྲས་མཆོག་དབང་བསྐུར་བཞིན། །བྱང་ཆུབ་སེམས་ཏེ་དག་པའི་ཆོས། །རྟོག་པའི་དྲི་མ་དག་པར་བྱ། །ཨོཾ་མཧཱ་བོ་དྷི་ཙིཏྟ་ས་མ་ཡ་ཨ་བྷི་ཥིཉྩ་ཧཱུཾ། ཨ་ཧོ་མཧཱ་སུ་ཁ། ཆེད་དུ་བརྗོད་པ་བརྗོད། དེ་ལྟར་གསང་བའི་དབང་བསྐུར་བ་ཐོབ་པས། སྒྱུ་མ་ཆུ་ཟླ་ལྟ་བུ་བདག་བྱིན་རླབས་པའི་བདེ་མཆོག་གི་ཡེ་ཤེས་མངོན་དུ་བྱས་སོ། །ཡང་ཤེར་དབང་གི་དོན་དུ་མཎྜལ་ཕུལ་ནས། གསོལ་བཏབ་གསང་དབང་བཞིན་ནམ། བཅོམ་ལྡན་འདས་ཞི་བ་ཆེན་པོ་སོགས་དགྱེས་རྡོར་ལྟར་རམ། སྐྱོབ་པ་སྐྱབས་མེད་རྣམས་ཀྱི་སྐྱབས། །སྒྱུ་མ་བདེ་མཆོག་བདག་སྐྱོབ་མཛོད། །རྒྱུ་མེད་པར་ནི་ཐུགས་རྗེ་ཆེ། །མགོན་མེད་བདག་གི་མགོན་མཛོད་ཅིག །བདག་ཉིད་ཆེ་ཁྱོད་ཇི་ལྟ་བར། །གཙོ་བོས་བདག་ཀྱང་དེ་ལྟར་མཛོད། །འཁོར་བ་འདམ་གྱི་ཚོགས་ནང་དུ། །བྱིང་པ་བདག་ལ་སྐྱབས་སུ་གསོལ། །ཞེས་གསོལ་བ་བཏབ། དགའ་སྟེར་གནས་སྟེར་ལྷ་མོ་ནི། །
སྣ་ཚོགས་གཟུགས་ཅན་ཡིད་འོང་མ། །ཟུང་ཅིག་ཁྱེར་ཅིག་སེམས་དཔའ་ཆེ། །བཟུང་ལ་མཆོད་པ་རྟག་ཏུ་གྱིས། །ཐབས་གཞན་གྱིས་ནི་སངས་རྒྱས་མིན། །འགྲོ་བ་གསུམ་དུ་དག་པ་ཡིན། །དེ་ཕྱིར་འདི་དང་བྲལ་བར་ནི། ཁྱོད་ཀྱིས་ནམ་ཡང་མ་བྱེད་ཅིག །འདི་སྟེ་སངས་རྒྱས་ཐམས་ཅད་ཀྱི། །རིག་པའི་བརྟུལ་ཞུགས་བླ་ན་མེད། །རྨོངས་པ་གང་ཞིག་འདའ་བྱེད་པ། །དངོས་གྲུབ་མཆོག་ཀྱང་ཡོངས་མེད་དོ། །ལྷ་མོ་དེས་གསང་བའི་དཀྱིལ་འཁོར་གསལ་བར་བྱས་ཏེ། རྨད་བྱུང་གསང་བའི་པདྨ་འདི། །བདེ་བ་ཀུན་དང་ཡང་དག་ལྡན། །རྟག་ཏུ་རིམ་བཞིན་སྤྱོད་བྱེད་ན། །དེ་ཉིད་བདེ་ཆེན་འབྲལ་མི་འགྱུར། །ཆོས་དབྱིངས་འདི་ནི་རྣམ་པར་དག །སེམས་ཅན་ཐམས་ཅད་རབ་སྒྲོལ་བྱེད། །ནང་གི་རྩ་ཡི་འཁོར་ལོ་ལ། །པདྨ་ཞེས་ནི་རབ་ཏུ་བརྗོད། །བྷ་གའི་མཁའ་དབྱིངས་ནམ་མཁའ་བཞིན། །འབྱུང་བ་བཞི་པོ་དག་གིས་བརྒྱན། །དེ་ཡི་དབུས་སུ་གནས་པ་ནི། །དེ་ཉིད་བདུད་རྩི་བདེ་ཆེན་གཟུགས། །བྷཉྫ་མོ་ཀྵ་ཧོཿ ཡང་དག་པའི་རིག་མ་དང་མཉམ་པར་སྦྱར་བ་ལས། དགའ་བ་བཞྀའི་རིམ་པས་ལྷན་ཅིག་སྐྱེས་པ་མངོན་དུ་བྱས་པར་གྱུར། དེ་ལྟར་ཤེས་རབ་ཡེ་ཤེས་ཀྱི་དབང་བསྐུར་བས་ཆོས་ཐམས་ཅད་ཀྱི་རང་བཞིན་བདེ་བ་ཆེན་པོར་རྟོགས་པའི་བདེ་མཆོག་གི་ཡེ་ཤེས་མངོན་དུ་བྱས། བཞི་པའི་དོན་དུ་མཎྜལ་ཕུལ་ལ། བྱང་ཆུབ་རྡོ་རྗེ་སངས་རྒྱས་ལ། །མཆོད་ཆེན་ཇི་ལྟར་
སྩལ་བ་ལྟར། །བདག་ཀྱང་སྐྱོབ་པའི་དོན་གྱི་ཕྱིར། །ནམ་མཁའི་རྡོ་རྗེ་དེང་བདག་སྩོལ། །ལན་གསུམ། དེ་ལྟར་ཡང༌། སེམས་དཔའ་སངས་རྒྱས་ཀུན་གྱིས་དངོས། །རྡོ་རྗེ་སེམས་དཔའ་བདེ་བའི་མཆོག །གསང་བ་མཆོག་གི་དགྱེས་པ་ན། །ཐམས་ཅད་བདག་ཉིད་རྟག་ཏུ་བཞུགས། །ཞེས་པ་དང༌། ཐབས་དང་ཤེས་རབ་གཉིས་མེད་པའི། །རྣམ་གསུམ་ཕྱག་རྒྱ་གང་རུང་ལས། །གཉིས་མེད་བདེ་བའི་ཡེ་ཤེས་སྟོང༌། །མངོན་སུམ་མཉམ་མྱོང་རྒྱུད་ལ་སྐྱེ། །ཞེས་པ་ལྟར་ཅུང་ཟད་མཉམ་པར་བཞག་གོ ཁྱོད་ཀྱིས་སྲོག་ཆགས་བསད་པར་བྱ། །རྫུན་གྱི་ཚིག་ཀྱང་སྨྲ་བར་བྱ། །མ་བྱིན་པར་ཡང་བླང་བར་བྱ། །འདོད་པས་ལོག་པར་གཡེམ་པར་བྱ། །རྡོ་རྗེ་མ་དང་བྱང་ཆུབ་སེམས། །སྲོག་གི་ཕྱིར་ཡང་བཏང་མི་བྱ། །དྲན་པ་གསལ་བས་བཟུང་བྱས་ནས། །ལྷག་པའི་ལྷ་བཞིན་རིན་ཆེན་ཏོག །དབང་བཞི་པ་ཐོབ་པས་ཤིན་ཏུ་རྣམ་པར་དག་པ་ལྷན་ཅིག་སྐྱེས་པའི་བདེ་མཆོག་གི་ཡེ་ཤེས་མངོན་དུ་བྱས། གཙོ་བོས་ཇི་ལྟར་སོགས་དང༌། གཏང་རག་གི་མཎྜལ་ཕུལ། དེང་ནས་བརྩམས་ཏེ་སོགས་དང་དགེ་བ་བསྔོ། རྗེས་ཆོག་ནི་མཆོད་པ་བཤམས། གོང་བཞིན་བྱིན་རླབས་བྱ། ཆུ་གཉིས་ཉེར་སྤྱོད་རོལ་མོ་དང་བཅས་པ་སྔགས་ཙམ་གྱིས་ཕུལ་ནས། བསྟོད་པ་མཉམ་ཉིད་མི་གཡོ་མས་བསྟོད། སྤྲོ་ན་བར་འདི་བསྐང་བ་དང༌། བཤགས་པ་དང༌། དཀྱིལ་འཁོར་ལྷའི་བཀྲ་ཤིས་དང༌། སྦྱིན་སྲེག་དང༌། རྡོ་རྗེའི་གླུ་དབྱངས་ལ་སོགས་པ་བྱ། མ་འགྲུབ་ན་མོས་པ་ཙམ་དུ་བྱས་ནས།
གསོལ་བཏབ་དང༌། ཡིག་བརྒྱ་དང༌། བཟོད་གསོལ་རྣམས་སྤྱི་དང་མཐུན་པར་བྱས། རས་བྲིས་ཡིན་ན་བརྟན་བཞུགས་བྱས་ལ། བདག་སྲུང་བ་དང༌། སྨོན་ལམ་བཀྲ་ཤིས་རྣམས་བྱའོ། །རྡུལ་ཚོན་གྱི་ཆོ་ག་ཞག་སྦྲེལ་མར་བྱེད་པའི་ཉི་མ་སྔ་མ་རྣམས་ལ་ཡང་དེ་བཞིན་ནོ། །དཀྱིལ་འཁོར་གཤེགས་སུ་གསོལ་བར་བྱེད་ན། ཨོཾ་བཛྲ་ཨུ་ཏིཥྟཿ ཞེས་ལན་མང་པོས་ཡེ་ཤེས་ཀྱི་དཀྱིལ་འཁོར་ནམ་མཁར་བཏེག་ལ། སྔགས་ཙམ་གྱི་སྒོ་ནས་མཆོད་པ་ཕུལ། བསྟོད་ཐུང་ཤླཽ་ཀ་གཅིག་གིས་བསྟོད། ཨོཾ་ཁྱོད་ཀྱིས་སེམས་ཅན༴ སོགས་ཀྱི་མཐར། ཨོཾ་བཛྲ་གཙྪ་མུཿ ཞེས་གཤེགས་སུ་གསོལ་བ་དང༌། ཨོཾ་ཨཱཿཧཱུཾ། ཞེས་བདག་ཉིད་ལ་བསྡུ་བ་ལན་གསུམ་བྱས་ནས་གཟུགས་བརྙན་གྱི་དཀྱིལ་འཁོར་སྤྱི་དང་མཐུན་པར་བསྡུ། ཡང་ཕུར་བུའི་ཁྲོ་བོ་ལ་མཆོད་བསྟོད་དཀྱུས་མར་བྱས་ནས་ཕུར་བུ་ཕྱུང་ཚོགས་ཀྱི་འཁོར་ལོའམ། མ་གྲུབ་ན་གཏོར་མ་བཏང༌། སྨོན་ལམ་དང་ཤིས་བརྗོད་བྱ་སྟེ། དེ་དག་ཐམས་ཅད་ནི་ཆོས་སྤྱི་འགྲོས་དང་འདྲའོ། །དཔལ་སངས་རྒྱས་ཐམས་ཅད་མཉམ་པར་སྦྱོར་བའི་དཀྱིལ་འཁོར་འདི་ལ། སློབ་དཔོན་བྲམ་ཟེ་རིན་ཆེན་རྡོ་རྗེ་ཆོ་གའི་རིམ་པ་སྒྲིག་ལུགས་ལེགས་ཤིང༌། ཞལ་གསལ་བ་སློབ་མ་དབང་བསྐུར་གྱི་ཐད་རྣམས། བཤད་རྒྱུད་རྡོར་འཕྲེང་ངམ། དྲིལ་བུ་ལུས་དཀྱིལ་གྱི་དབང་ཆོག་དང་མཐུན་ཤས་ཆེ་བའི་དཀྱིལ་ཆོག་ཁྱད་པར་ཅན་བདེ་བ་སྐྱེད་མར་གྲགས་པ་ཞིག་མཛད་ཡོད་ནའང༌། དེང་སང་གི་དབང་རྒྱུན་འདི་རྙིང་མ་ཡིན་པས། གཙོ་ཆེར་དཀྱིལ་ཆོག་རྙིང་མ་གཉིས་དང་མཐུན་པར་བྱས་ལ། འགྱུར་ཁྱད་རྣམས་འགྱུར་བདེ་བའི་ཕྱོགས་
དང་མཐུན་པར་བྱས། རྒྱུད་སྡེ་གཞན་གྱི་རྒྱུད་ཚིག་ལ་བཅོས་སླད་ལྟར་སྣང་བ་འགའ་རེ་འདུག་པ། སོ་སོའི་རྒྱུད་ཚིག་བཞིན་དུ་བཅོས། དཀྱིལ་ཆོག་རྙིང་མ་འདི་གཉིས། གསང་སྔགས་རྙིང་མ་དངོས་ཡིན་ཡང༌། ཆོག་སྒྲིགས་རྣམས་རྙིང་མ་བཀའ་གཏེར་ཞེས་ཕྱོགས་འདི་ན་གྲགས་པ་རྣམས་དང༌། མི་འདྲ་བར། གསར་མའི་ཆོ་ག་རྣམས་དང་ཁྱད་པར་མི་སྣང་བའི་ཕྱིར། ཆོ་གའི་རིམ་པ་མི་བདེ་བ་འགའ་རེ་ཡོད་པ་རྣམས། དཀྱིལ་ཆོག་སྤྱི་དང་མཐུན་པར་ཡང་སྦྱར་རོ། །དེ་ལ་སློབ་དཔོན་ཀུ་ཀུ་ར་ཛས་མཛད་པའི་གསང་དོན་རྣམ་པར་བཀོད་པ་དྲུག་དང༌། ཆོ་ག་ལྔ་པ་དང༌། དབང་མཆོག་རྣམས་སྡོམ་པ་རང་གཞན་གྱི་དོན་ཉམས་སུ་བླང་བའི་ལག་ལེན་ཆ་ཚང་བ་གཅིག་ཡིན་ལ། སློབ་དཔོན་ཧཱུཾ་ཀ་རས་མཛད་པའི་ཧེ་རུ་ཀའི་སྒྲུབ་ཐབས་དང༌། ཡན་ལག་བཞིའི་སྣང་བ་དང༌། དབང་ཆོག་སྟེ་གསུམ་སྡོམ་པས་ཀྱང་ཆ་ཚང་གཅིག་གོ །དེ་གཉིས་ནང་སེལ་མི་འདྲ་བ་འཕྲན་བུ་མ་གཏོགས། རྐང་པ་གཅིག་པར་སྣང་ཞིང་རྒྱུད་དང་འགྲེལ་པ་རྣམས་དང་རིན་ཆེན་རྡོ་རྗེའི་དཀྱིལ་ཆོག་སོགས་ལས། དེ་དག་དང་མི་འདྲ་བ་མང་དུ་སྣང་གཞན་སྒྲུབ་ཐབས་ཐོར་བུ་པ་འགའ་རེ་ཡང་ནི་སྣང་ངོ༌། །ཀུ་ཀུར་ར་ཛ་དང༌། ཧཱུཾ་མཛད་ཀྱི་གཞུང་རྣམས་དང༌། བརྒྱ་བྱིན་སྡོང་པོའི་འགྲེལ་ཆེན་རྣམས་ཚིག་ལེགས་ཤིང་དོན་གྱི་དབྱིངས་བཟང་བ། མཁས་གྲུབ་ཁྱད་པར་ཅན་གྱིས་མཛད་པར་ནི་ཐེ་ཚོམ་མེད་ལ། སློབ་དཔོན་དེ་དང་དེ་དག་གིས་མཛད་ངེས་པའམ། བསྟན་པ་སྔ་དར་གྱྀ་ལོ་ཙཱ་བ་ཆེན་པོ་འགའ་ཞིག་གིས་དེ་དང་དེའི་མན་ངག་ཟིན་བྲིས་ཀྱི་ཚུལ་དུ་བཀོད་པ་ཡིན་བརྟག་པར་བྱ་བའི་གནས་ཏེ། ཚིག་ཟུར་དང་བརྗོད་ཚུལ་མང་པོ་ཞིག་ལ། རྒྱ་གཞུང་ཁོ་ན་མིན་ནམ་སྙམ་པ་ཡང་སྣང་ངོ༌། །
ཡང་སློབ་དཔོན་དེ་དང་དེས་མཛད་པ་དངོས་ཡིན་དུ་ཆུག་ཀྱང༌། བར་བར་དུ་གོ་བདེ་བའི་ཕྱིར་ཚིག་སྣ་བསྲིངས་པ་ཡང་སྲིད་དེ། གང་ལྟར་ཡང་གཞུང་བཟང་པོར་ནི་སྣང་ངོ༌། །འདི་ལ་བོད་ཀྱི་མཁས་པས་ལག་ལེན་གསལ་པོར་སྦྱར་བའི་ཡི་གེ་གཞན་ཉུང་བར་སྣང་ཞིང༌། ཕྱིས་བྱོན་གྱི་མཁས་གྲུབ་འགའ་ཞིག་གིས་མཛད་པ་མཐོང་ཡང༌། རྒྱས་ཆེས་པ་དང་གོ་དཀའ་བར་གྱུར་པས་དུས་མཐའི་འགྲོ་བ་ལ་ཕན་ཆུང་བར་སྣང་ངོ༌། །དེས་ན་འདི། རྒྱལ་ཁམས་པ་ཏཱ་ར་ནཱ་ཐས་ཚིག་ཟོར་ཡང་ཞིང༌། དོན་ཚང་ལ་ངག་འདོན་ལྷན་ཐབས་སོགས་ལ་མ་ལྟོས་པར་བཀླགས་ཆོག་ཏུ་སྦྱར་བ་ཡིན་ནོ། །རྣལ་འབྱོར་མ་རྒྱུད་ཐམས་ཅད་ཀྱི། །རྩ་བར་གྲགས་པའི་ཆོས་མཆོག་འདི། །ཤིན་ཏུ་དར་བར་གྱུར་ཅིག་སྙམ། །ལྷག་བསམ་དག་པས་འདི་བྲིས་ཏེ། །དེ་ལས་བྱུང་བའི་དགེ་བ་ནི། །སྟོན་ཀའི་ཟླ་བ་ལྟར་དཀར་པོས། །འགྲོ་བའི་མི་ཤེས་མུན་བསལ་ནས། །བདེ་ཆེན་ལམ་བཟང་མཐོང་བར་ཤོག། །། མངྒཾ་ལཾ། ཞུས་དག།
ཤོག་སྟོང་།