cover

ཏཱ་ར་ནཱ་ཐའི་གསུང་འབུམ།

པོད། ན༽

ཏཱ་ར་ནཱ་ཐ།

Nitartha international

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

རྡོ་རྗེ་རྣལ་འབྱོར་མ་སྒྲུབ་ཅིང་མཆོད་པའི་ཆོ་ག་ངག་འདོན།


TNT12_Page_0007
[མ་དཔེ་གཟིགས་ན་འདིར་གནོན།]

རྡོ་རྗེ་རྣལ་འབྱོར་མ་སྒྲུབ་ཅིང་མཆོད་པའི་ཆོ་ག་ངག་འདོན་བཞུགས།


TNT12_Page_0008
[མ་དཔེ་གཟིགས་ན་འདིར་གནོན།]

ཨོཾ་སྭཱ་སྟི། དཔལ་ལྡན་རྡོ་རྗེ་ཟླ་བར་རབ་ཆགས་ཀུན་རྟོག་རབ་སྤངས་ཕྱོགས་ཀྱི་གོས་ཅན་མ། །བདེན་གཉིས་ཟུང་འཇུག་མཆོག་ཏུ་སྦྱོར་བས་ཁྲོ་ཞིང་འདོད་ཆགས་ཉམས་བརྒྱའི་རོས་སྒེག་མ། །བདེ་ཆེན་མྱོས་བྱེད་བཟློས་གར་བསྒྱུར་མཁས་ཧེ་རུ་ཀ་དཔལ་དགྱེས་པའི་ནཱ་ཌ་ཀ །བདེ་གཤེགས་ཀུན་ཡུམ་རྣལ་འབྱོར་མ་དཔལ་བཏུད་ནས་དཔལ་མོ་དེ་ཡི་སྒྲུབ་ཐབས་བཤད། །འདི་ཡི་བསྙེན་པ་ཙམ་ལ་ཡང༌། །མན་ངག་གཞན་ལས་རྟོགས་བྱའི་ཕྱིར། །སློབ་མ་རྗེས་འཛིན་དང་འབྲེལ་བའི། །ལག་ལེན་མདོ་ཙམ་བྲི་བར་བྱ། །གནས་དུས་བཟང་པོར་མཎྜལ་ཆོས་འབྱུང་ཉིས་བརྩེགས་རྡུལ་ཚོན་གྱིས་བྲིས་ལ། དེར་མཉྫི་ལ་ཀ་པཱ་ལ་ཆང་ལ་བདུད་རྩི་སྦྱར་བས་བཀང༌། མེ་ལོང་ལ་སིནྡྷཱུ་ར་བཀྲམ། གསེར་གྱི་ཐུར་མས་ཆོས་འབྱུང་སོགས་རང་གི་སྙིང་ཁའི་སྔགས་འཁོར་ལྟར་འབྲི། སྟེང་ནས་དར་དམར་པོས་བཀབ། ནང་གི་གཏོར་མ་གཉིས་དང༌། དཀྱིལ་འཁོར་གྱི་མཆོད་པ་རྣམས་གཡོན་བསྐོར་ཏུ་བཤམས། ཚོགས་ཀྱི་ཡོ་བྱད་དང༌། སྔོན་འགྲོ་གཏོར་མ་དང༌། རོལ་མོ་དང༌། རྡོར་དྲིལ། ཌཱ་མ་རུ། ནང་མཆོད། གོས་ཟུང་སོགས་སྒྲུབ་མཆོད་ཀྱི་ཡོ་བྱད་དང༌།


TNT12_Page_0009
[མ་དཔེ་གཟིགས་ན་འདིར་གནོན།]

བུམ་པ། དུང་ཆོས། གཟུངས་ཐག་ཆུ་གཉིས་ཉེར་སྤྱོད་ལྔ་སྟེ་བུམ་སྒྲུབ་ལ་དགོས་པ་དང༌། མིག་དར། མེ་ཏོག །ཏིང་ལོ། མཎྜལ། འབྲུ་ནས་སོགས་སློབ་མ་ལ་དགོས་པ་རྣམས་ཚང་བར་བྱས་ལ། སྔོན་འགྲོ་གཏོར་མ་ནི། ཨོཾ་སུམྦྷ་ནི་སུམྦྷ་ཧཱུཾ་ཧཱུཾ་ཕཊ། ཨོཾ་གྲྀཧྞ་གྲྀཧྞ་ཧཱུཾ་ཧཱུཾ་ཕཊ། ཨོཾ་གྲྀཧྣ་པཱ་ཡ། གྲྀཧྣ་པཱ་ཡ་ཧཱུཾ་ཧཱུཾ་ཕཊ། ཨོཾ་ཨཱ་ན་ཡ་ཧོ་བྷ་ག་ཝཱན་བཛྲ་རཱ་ཛ་ཧཱུཾ་ཧཱུཾ་ཕཊ། ཨོཾ་སྭ་བྷ་ཝ་ཤུདྡྷོཿ སརྦ་དྷརྨཱཿ སྭ་བྷ་ཝ་ཤུདྡྷོ྅ཧཾ། ཨོཾ་ཨཱཿ ཧཱུཾ་ཧ་ཧོཿཧྲིཿ ཕཻཾ་བཛྲ་ཨ་རལླི་ཧོ། ཛཿཧཱུཾ་བཾ་ཧོཿབཛྲ་ཌཱ་ཀི་ནི་ས་མ་ཡ་སྟྭཾ། དྲྀ་ཤྱ་ཧོ། ཨོཾ་ཁ་ཁ་ཁཱ་ཧི་ཁཱ་ཧི། སརྦ་ཡཀྵ། རཀྵ་ས། བྷཱུ་ཏ་པྲེ་ཏ་པི་ཤ་ཙ། ཨུནྨ་ད། ཨ་པསྨཱ་ར། ཌཱ་ཀ །ཌཱ་ཀི་ནྱཱ་ད་ཡ། ཨི་དཾ་བ་ལིཾ་གྲྀ་ཧྞནྟུ་ས་མ་ཡ་རཀྵནྟུ། མ་མ་སརྦ་སིདྡྷི་མྨེ། པྲ་ཡཙྪནྟུ། ཡ་ཐཻ་བཾ། ཡ་ཐཻ་ཥྟཾ། བྷུཉྫ་ཐ། པི་ཝ་ཐ། ཛི་གྷྲ་ཐ། མ་ཏི་ཀྲ་མ་ཐ། མ་མ་སརྦ་ཀརྟ་ཡཾ། སཏྶུ་ཁཾ། བི་ཤུདྡྷ། ས་ཧ་ཡི་ཀ་བྷ་ཝནྟུ་ཧཱུཾ་ཧཱུཾ་ཕཊ་ཕཊ་སྭཱཧཱ། ཌཱ་ཀི་ནི་ཨརྒྷཾ། པ་དྱཾ། པུཥྤེ། དྷཱུ་པེ། ཨཱ་ལོ་ཀེ །གནྡྷེ། ནཻ་


TNT12_Page_0010
[མ་དཔེ་གཟིགས་ན་འདིར་གནོན།]

བི་དྱཻ། ཤཔྟ་ཨཱཿཧཱུཾ། སངས་རྒྱས་མཁའ་འགྲོ། རྡོ་རྗེ་མཁའ་འགྲོ། རིན་ཆེན་མཁའ་འགྲོ། པདྨ་མཁའ་འགྲོ། སྣ་ཚོགས་མཁའ་འགྲོ། ཕོ་ཉ་གནས་ལས་སྐྱེས་པ། རིགས་ལས་སྐྱེས་པ། སྔགས་ལས་སྐྱེས་པ། ལས་ལས་སྐྱེས་པའི་མཁའ་འགྲོ་མ་རྣམས་དང༌། གནས་གསུམ་གྱི་རྡོ་རྗེ་མཁའ་འགྲོ་མ་རྣམས་ཀྱི་ཞལ་དུ་མཆོད་པ་དམ་པ་འབུལ་ལོ། །ཨོཾ་ཨཱཿཧཱུཾ། ལྷ་ཡི་ཚོགས་རྣམས་མ་ལུས་དང༌། །ཀླུ་ཡི་ཚོགས་རྣམས་མ་ལུས་དང༌། །གནོད་སྦྱིན་ཚོགས་རྣམས་མ་ལུས་དང༌། །སྲིན་པོའི་ཚོགས་རྣམས་མ་ལུས་དང༌། །འབྱུང་པོའི་ཚོགས་རྣམས་མ་ལུས་དང༌། །ཡི་དྭགས་ཚོགས་རྣམས་མ་ལུས་དང༌། །ཤ་ཟའི་ཚོགས་རྣམས་མ་ལུས་དང༌། །སྨྱོ་བྱེད་ཚོགས་རྣམས་མ་ལུས་དང༌། །བརྗེད་བྱེད་ཚོགས་རྣམས་མ་ལུས་དང༌། །མཁའ་འགྲོའི་ཚོགས་རྣམས་མ་ལུས་དང༌། །མ་མོའི་ཚོགས་རྣམས་མ་ལུས་དང༌། །མ་ལུས་པ་ནི་ཐམས་ཅད་དག འདིར་གཤེགས་བདག་ལ་དགོངས་སུ་གསོལ། །བསྟན་པ་བསྲུང་དང་འགྲོ་བའི་དོན་མཛད་ཕྱིར། །ཐུགས་དམ་བཅས་ཤིང་ཞལ་གྱིས་འཆེས་པ་རྣམས། །དཔལ་ཆེན་བཀའ་སྡོད་ཡིད་ལྟར་མགྱོགས་པ་ཡི། །འཇིགས་པའི་གཟུགས་ཅན་དྲག་གཏུམ་མི་བཟད་པ། །གདུག་པ་འདུལ་མཛད་ནག་པོའི་ཕྱོགས་རྣམས་འཇོམས། །རྣལ་འབྱོར་ལས་ལ་འབྲས་བུ་སྟེར་


TNT12_Page_0011
[མ་དཔེ་གཟིགས་ན་འདིར་གནོན།]

མཛད་ཅིང༌། །མཐུ་སྟོབས་བྱིན་རླབས་བསམ་གྱིས་མི་ཁྱབ་པའི། །གནོད་སྤྱིན་ཚོགས་བསོག་བརྒྱད་ལ་ཕྱག་འཚལ་བསྟོད། །སྡེ་བརྒྱད་བཙུན་མོ་སྲས་དང་གཡོག་བཅས་པས། །དངོས་གྲུབ་ཀུན་གྱི་བཀའ་དྲིན་བདག་ལ་སྩོལ། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང༌། །དཔལ་དང་གྲགས་དང་སྐལ་པ་བཟང༌། །ལོངས་སྤྱོད་རྒྱ་ཆེན་ཀུན་ཐོབ་ཅིང༌། །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །སྲུང་མས་རྟག་ཏུ་གྲོགས་མཛོད་ཅིག །དུས་མིན་འཆི་དང་ནད་རྣམས་དང༌། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང༌། །འབྲུ་རྣམས་འཕེལ་དང་ཆོས་འཕེལ་དང༌། །དགེ་ལེགས་ཐམས་ཅད་འབྱུང་བའི་གནས། །ཡིད་ལ་འདོད་པ་ཀུན་འགྲུབ་ཤོག །དཔལ་ལྡན་བླ་མ་དམ་པ་རྣམས་ཀྱི་ཐུགས་ཀྱི་དགོངས་པ་ཁྱད་པར་ཅན་གོང་ནས་གོང་དུ་ཡོངས་སུ་རྫོགས་པའི་ཕྱིར་དང༌། འགྲོ་བ་ནམ་མཁའ་དང་མཉམ་པའི་སེམས་ཅན་ཐམས་ཅད་ཀྱིས་ཕྱག་རྒྱ་ཆེན་པོ་མཆོག་གི་དངོས་གྲུབ་ཐོབ་པར་བྱ་བའི་ཕྱིར། རྡོ་རྗེ་རྣལ་འབྱོར་མའི་དཀྱིལ་འཁོར་ཆེན་པོ་སྒྲུབ་ཅིང་མཆོད་པ་དང༌། བདག་ཉིད་འཇུག་ཅིང་དབང་བླང་བར་འཚལ་ན། དཀར་པོའི་ཕྱོགས་ལ་མངོན་པར་དགའ་བའི་ཕྱོགས་སྐྱོང་རྣམས་ཀྱིས་ཇི་


TNT12_Page_0012
[མ་དཔེ་གཟིགས་ན་འདིར་གནོན།]

སྲིད་དཀྱིལ་འཁོར་ཆེན་པོའི་བྱ་བ་མཐར་མ་ཕྱིན་གྱི་བར་དུ། མཆོད་སྦྱིན་གྱི་གཏོར་མ་རྒྱ་ཆེན་པོ་འདི་བཞེས་ལ་བར་ཆད་བསྲུང་བའི་འཕྲིན་ལས་མཛོད་ཅིག །གང་དག་ནག་ཕྱོགས་ལ་མངོན་པར་དགའ་བའི་འབྱུང་པོ་གདུག་པ་ཅན་གསང་སྤྱོད་ལྟ་བར་མི་དབང་པོ་རྣམས་གཏོར་མའི་ལྷག་མ་འདིས་ཚིམ་པར་གྱིས་ལ་སའི་ཕྱོགས་འདིར་མ་གནས་པར་གཞན་དུ་སོང་ཞིག །སུམ་བྷ་དྲག་ཏུ་བཟླས་ལ་རོལ་མོའི་སྒྲ་དང་བཅས་ཏེ་གཏོར་མ་ཕྱི་རོལ་དུ་དོར། དེ་ནས་བསྲུང་བ་ནི། རང་སྐད་ཅིག་གིས་རྡོ་རྗེ་རྣལ་འབྱོར་མར་གསལ་བའི་གནས་རྣམས་སུ། ཟླ་བའི་དཀྱིལ་འཁོར་གྱི་སྟེང་དུ། ཨོཾ་བཾ། ཧཾ་ཡོཾ། ཧྲིཾ་མོཾ། ཧྲེཾ་ཧྲིཾ། ཧཱུཾ་ཧཱུཾ། ཕཊ་ཕཊ། ཅེས་བདག་དང་རྣལ་འབྱོར་བསྲུང་བ་དང༌། ཨོཾ་སུམྦྷ་ནས། བཛྲ་རཱ་ཛ་ཧཱུཾ་ཧཱུཾ་ཕཊ། ཅེས་ལན་གཉིས་བརྗོད། སེ་གོལ་ཕྱོགས་བཅུར་བརྡབ་པ། ཚམས་རྔམ་ལག་ལེན་བཞིན་བྱས་ལ་བསྲུང་འཁོར་དུ་གྱུར་པ་མོས་པར་ནི་གནས་བསྲུང་བའོ། ། ནང་མཆོད་སུམྦྷས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་ཡཾ་ལས་རླུང་དང༌། རཾ་ལས་མེའི་དཀྱིལ་འཁོར་གྱི་སྟེང་དུ་ཨ་ལས་ཐོད་པ་དཀར་པོ་དུམ་བུ་གསུམ་པ་དཔྲལ་བ་རང་ལ་བསྟན་པ་ཡངས་ཤིང་རྒྱ་ཆེ་བའི་ནང་དུ། ཨ་ལས་ཟླ་བའི་དཀྱིལ་འཁོར་གྱི་སྟེང་དུ། ཤ་ལྔ་བདུད་རྩི་ལྔ་ཡེ་ཤེས་ལྔ་ཞུ་བ་ལས་བྱུང་བའི་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུཾ་ཧ་ཧོཿཧྲཱིཿ འདིར་ལག་པ་བྱིན་རླབས་སྔོན་དུ་འགྲོ་བའི་ཕྱི་རོལ་མཆོད་པ་སྤྲོ་ན་བྱས་ཀྱང་ལེགས་མོད། ཆོ་གའི་རིམ་པ་ལ་མི་དགོས་སོ། །དེ་ནས་གནས་དང་ཡོ་བྱད་


TNT12_Page_0013
[མ་དཔེ་གཟིགས་ན་འདིར་གནོན།]

བྱིན་གྱིས་བརླབ་པ་ནི། གོང་བཞིན་བསངས་སྦྱངས། སྟོང་པའི་ངང་ལས། གནས་ཁང་ལྷ་རྫས་ལས་གྲུབ་པའི་གཞལ་མེད་ཁང་དྭངས་ཤིང་ཐོགས་པ་མེད་པའི་དབུས་སུ། ཨ་ལས་ཡེ་ཤེས་ཀྱི་ཀ་པཱ་ལ་ཡངས་ཤིང་རྒྱ་ཆེ་བ་རྣམས་ཀྱི་ནང་དུ། ཨོཾ་ཨཱཿཧཱུཾ་ཞུ་བ་ལས་བྱུང་བའི་ལྷ་རྫས་ལས་གྲུབ་པའི་མཆོད་ཡོན། ཞབས་བསིལ། མེ་ཏོག །བདུག་སྤོས། མར་མེ། དྲི་ཆབ་ཞལ་ཟས་རོལ་མོ་རྣམས་རྒྱུ་འཇིག་རྟེན་དང་འཇིག་རྟེན་ལས་འདས་པའི་དགེ་བ་ལས་གྱུར་པ་ངོ་བོ་བཟང་ཞིང་རྒྱ་ཆེ་བ་ཡུལ་ནམ་མཁའི་མཐས་ཁྱབ་པ། དུས་འཁོར་བ་ཇི་སྲིད་མ་སྟོངས་ཀྱི་བར་དུ་བླ་མ་དང་དཀྱིལ་འཁོར་ལོའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་སྤྱན་ལམ་དུ་འབྱུང་ཞིང་རྒྱས་པར་གྱུར་ཅིག །ཨོཾ་བཛྲ་ཨརྒྷཾ་པྲ་ཏཱིཙྪ་སྭཱཧཱ། པཱ་དྱཾ། ཨོཾ་བཛྲ་པུཥྤེ་ཨཱཿཧཱུཾ། ཨོཾ་བཛྲ་དྷཱུ་པེ་ཨཱཿཧཱུཾ། ཨོཾ་བཛྲ་ཨཱ་ལོ་ཀེ་ཨཱཿཧཱུཾ། ཨོཾ་བཛྲ་གནྡྷེ་ཨཱ་ཧཱུཾ། ཨོཾ་བཛྲ་ནཻ་ཝི་དྱེ་ཨཱཿཧཱུཾ། ཨོཾ་བཛྲ་ཤཔྟ་ཨཱཿཧཱུཾ། ཨོཾ་བཛྲ་སྥ་ར་ཁཾ། ཨོཾ་བཛྲ་གྷནྚེ་ར་ཎི་ཏ། པྲ་ར་ཎི་ཏ། སཾ་པྲ་ར་ཎི་ཏ། སརྦ་བུདྡྷ་ཀྵེ་ཊ་པྲ་ཙ་ལི་ཏེ་པྲཛྙཱ་པཱ་ར་མི་ཏ། ནཱ་ད་སཾ་བྷ་ཝ། བཛྲ་དྷརྨ་ཧྲིཿ་ད་ཡ། སནྟོ་ཥ་ཎི་ཧཱུཾ་ཧཱུཾ་ཧཱུཾ་ཧོ་ཧོ་ཧོ་ཨ་ཁཾ་སྭཱཧཱ། དེ་ནས་སྤྲོ་ན་ཞུ་འབུལ་བྱ། སྐྱབས་འགྲོ་ནི། དུས་འདི་ནས་བཟུང་སྟེ། ཇི་སྲིད་བྱང་ཆུབ་སྙིང་པོ་ལ་མཆིས་ཀྱི་བར་དུ། ནམ་མཁའ་དང་མཉམ་པའི་སེམས་ཅན་ཐམས་ཅད་དཔལ་ལྡན་བླ་མ་དམ་པ་རྣམས་ལ་སྐྱབས་སུ་མཆིའོ། །


TNT12_Page_0014
[མ་དཔེ་གཟིགས་ན་འདིར་གནོན།]

རྫོགས་པའི་སངས་རྒྱས་བཅོམ་ལྡན་འདས་རྣམས་ལ་སྐྱབས་སུ་མཆིའོ། །དམ་པའི་ཆོས་རྣམས་ལ་སྐྱབས་སུ་མཆིའོ། །འཕགས་པའི་དགེ་འདུན་རྣམས་ལ་སྐྱབས་སུ་མཆིའོ། །དེ་ནས་བདུད་རྩི་མྱངས་ལ། ཨོཾ་ཨཱཿཧཱུཾ་ཞེས་བརྗོད། ཚད་མེད་ནི། སེམས་ཅན་ཐམས་ཅད་འཁོར་བ་སྡུག་བསྔལ་གྱི་རྒྱ་མཚོ་ལས་བསྒྲལ་ནས་བླ་ན་མེད་པའི་བྱང་ཆུབ་ལ་འགོད་པར་བྱ། དེའི་ཆེད་དུ་རྡོ་རྗེ་རྣལ་འབྱོར་མ་བསྒོམ་པར་བགྱིའོ། །ལན་གསུམ་བྱ། རང་གི་སྤྱི་བོར་པདྨ་དང་ཟླ་བའི་གདན་གྱི་སྟེང་དུ། བཅོམ་ལྡན་འདས་དཔལ་རྡོ་རྗེ་སེམས་དཔའ་ཧེ་རུ་ཀ་སྐུ་མདོག་དཀར་པོ་ཞལ་གཅིག་ཕྱག་གཉིས་རྡོ་རྗེ་དང་དྲིལ་བུ་འཛིན་པ་ཡུམ་ལ་འཁྱུད་པ། རུས་པའི་རྒྱན་དྲུག་གིས་བརྒྱན་པ། ཞབས་རྡོ་རྗེ་སྐྱིལ་ཀྲུང་དུ་བཞུགས་པ། དེའི་པང་ན་ཡུམ་རྡོ་རྗེ་བསྙེམས་མ་སྐུ་མདོག་དཀར་མོ་གྲི་གུག་དང་ཐོད་པ་འཛིན་པས་ཡབ་ལ་འཁྱུད་པ། ཕྱག་རྒྱ་ལྔས་བརྒྱན་པ། ཡབ་ཀྱི་ཐུགས་ཀར་ཟླ་བའི་དཀྱིལ་འཁོརགྱི་སྟེང་དུ་ཧཱུཾ་དཀར་པོ། དེ་ལས་འོད་ཟེར་འཕྲོས་པས། དེ་བཞིན་གཤེགས་པ་ཐམས་ཅད་ཀྱི་ཐུགས་ཀྱི་སྙིང་པོ་ཡེ་ཤེས་ཀྱི་བདུད་རྩིར་སྤྱན་དྲངས། ཧཱུཾ་ལ་ཐིམ། བཅོམ་ལྡན་འདས་བདག་དང་སེམས་ཅན་ཐམས་ཅད་ཀྱི་འཁོར་བ་ཐོག་མ་མེད་པ་ནས་བསགས་པའི་སྡིག་པ་དང་སྒྲིབ་པ་ཉེས་ལྟུང་དྲི་མའི་ཚོགས་ཐམས་ཅད་བྱང་ཞིང་དག་པར་མཛད་དུ་གསོལ། ཨོཾ་ཤྲཱི་བཛྲ་ཧེ་རུ་ཀ །ས་མ་ཡ་མ་ནུ་པཱ་ལ་ཡ། ཧེ་རུ་ཀ་ཏྭེ་ནོ་པ་ཏིཥྛ་ཌི་ཌྷོ་མེ་བྷ་ཝ། སུ་ཏྭོ་ཥྱོ་མེ་བྷ་ཝ། ཨ་ནུ་རཀྟོ་


TNT12_Page_0015
[མ་དཔེ་གཟིགས་ན་འདིར་གནོན།]

མེ་བྷ་ཝ། སུ་པོ་ཥྱོ་མེ་བྷ་ཝ། སརྦ་སིདྡྷི་མྨེ་པྲ་ཡཙྪ། སརྦ་ཀརྨ་སུ་ཙ་མེ། ཙིཏྟཾ་ཤྲི་ཡཾ་ཀུ་རུ་ཧཱུཾ། ཧ་ཧ་ཧ་ཧ་ཧོཿབྷ་ག་ཝཱ་ན། བཛྲ་ཧེ་རུ་ཀ་མཱ་མེ་མུཉྩ་ཧེ་རུ་ཀོ་བྷ་ཝ་མཧཱ་ས་མ་ཡ་ས་ཏྭ་ཨཿཧཱུཾ་ཕཊ། བདག་ནི་མི་ཤེས་རྨོངས་པ་སྟེ། །དམ་ཚིག་ལས་ནི་འགལ་ཞིང་ཉམས། །བླ་མ་མགོན་པོས་སྐྱོབས་མཛད་ཅིག །གཙོ་བོ་རྡོ་རྗེ་འཛིན་པ་སྟེ། །ཐུགས་རྗེ་ཆེན་པོའི་བདག་ཉིད་ཅན། །འགྲོ་བའི་གཙོ་ལ་བདག་སྐྱབས་མཆི། །སྐུ་གསུང་ཐུགས་རྩ་བ་དང་ཡན་ལག་གི་དམ་ཚིག་ཉམས་པ་ཐམས་ཅད་མཐོལ་ལོ་བཤགས་སོ། །སྡིག་སྒྲིབ་ཉེས་ལྟུང་དྲི་མའི་ཚོགས་ཐམས་ཅད་བྱང་ཞིང་དག་པར་བྱིན་གྱིས་བརླབ་ཏུ་གསོལ། དེ་ནས་བླ་མ་བསྒོམ་པ་ནི། རང་གི་མདུན་གྱི་ནམ་མཁའ་རིན་པོ་ཆེའི་ཁྲིའི་སྟེང་དུ། རྩ་བའི་བླ་མ་རྡོ་རྗེ་ཆོས་ཀྱི་རྣམ་པ་ཅན་སྐུ་མདོག་དམར་པོ་ཞལ་གཅིག་ཕྱག་གཉིས་སྤྱན་གསུམ་པ། ཌ་མ་རུ་དང་ཁ་ཊྭཱཾ་ག་དང་ཐོད་པ་བསྣམས་པ། རུས་པའི་རྒྱན་དྲུག་གིས་བརྒྱན་པ། རྡོ་རྗེའི་སྐྱིལ་མོ་ཀྲུང་དུ་བཞུགས་པ། བླ་མ་སངས་རྒྱས་བླ་མ་ཆོས། །དེ་བཞིན་བླ་མ་དགེ་འདུན་ཏེ། །བླ་མ་དཔལ་ལྡན་རྡོ་རྗེ་འཆང༌། །ཀུན་གྱི་བྱེད་པོ་བླ་མ་ཡིན༌། །དུས་གསུམ་སངས་རྒྱས་ཐམས་ཅད་ཀྱི་ངོ་བོ་བླ་མ་དང་རྡོ་རྗེ་རྣལ་འབྱོར་མ་གཉིས་སུ་མེད་པ་ལ་ཕྱག་འཚལ་ཞིང་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། བླ་མ་འོད་དུ་ཞུ་


TNT12_Page_0016
[མ་དཔེ་གཟིགས་ན་འདིར་གནོན།]

ནས་རང་ལ་ཐིམ། དེ་ནས་བདག་ཉིད་ལྷར་བསྐྱེད་པ་ནི། རང་གི་སྙིང་ཁར་ཨེ་ཨེ་ཡོངས་སུ་གྱུར་པ་ལས། ཆོས་འབྱུང་གྲུ་གསུམ་ཉིས་བརྩེགས་ཀྱི་དབུས་སུ་ཟླ་བའི་དཀྱིལ་འཁོར་གྱི་སྟེང་དུ། བཾ་ཡིག་དམར་པོ། དེའི་མཐར་གཡོན་བསྐོར་དུ། ཨོཾ་ཨོཾ་ཨོཾ་སརྦ་བུདྡྷ་ཌཱ་ཀི་ནཱི་ཡེ། བཛྲ་ཝརྞཱ་ནཱི་ཡེ། བཛྲ་བཻ་རོ་ཙ་ནཱི་ཡེ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་སྭཱཧཱ། ཞེས་པས་བསྐོར་བ་ལས་འོད་འཕྲོས་པས། རང་གི་ལུས་ཐམས་ཅད་གང་བས་འཁོར་བ་ཐོག་མ་མེད་པ་ནས་བསགས་པའི་སྡིག་སྒྲིབ་ཐམས་ཅད་བསྲེག་སྦྱངས། ལུས་ཀྱི་གོང་བུར་གྱུར་པའི་སྐད་ཅིག་ལས། རང་ཉིད་རྡོ་རྗེ་རྣལ་འབྱོར་མ་སྣ་ཚོགས་པདྨ་དང་ཉི་མའི་གདན་ལ་ཞབས་གཡས་བརྐྱང་བས་དུས་མཚན་མ་དམར་མོ་དང༌། གཡོན་བསྐུམ་པས་འཇིགས་བྱེད་ནག་པོ་མནན་པ། སྐུ་མདོག་དམར་མོ་ཞལ་གཅིག་ཕྱག་གཉིས་སྤྱན་གསུམ་མ། ཕྱག་གཡས་པས་རྡོ་རྗེས་མཚན་པའི་གྲི་གུག་གམ་རྡོ་རྗེ་ལ་ཌཱ་མ་རུ་དཔྱངས་པ་ཐུར་དུ་སྡིགས་པ། གཡོན་པས་ཐོད་པ་ཁྲག་གིས་གང་བ་སྟེང་གི་ཕྱོགས་སུ་བཟུང་ནས་གདོང་གྱེན་དུ་ཕྱོགས་པས་གསོལ་བ། མཆན་ཁུང་ངམ་ཕྲག་པ་གཡོན་པར་རྡོ་རྗེས་མཚན་པའི་ཁ་ཊྭཱཾ་ག་ལ་དྲིལ་བུ་གཡེར་ཁ་དང་འཕན་ལྕེ་གསུམ་པ་རྣམས་འཕྱང་བཞིན་དུ་བསྣམས་པ། ཁྲོ་ཆགས་འདྲེས་པ། བདེ་བ་རྒྱས་པའི་ཉམས་ཅན་བཞད་ཅིང་མཆེ་བ་གཙིགས་པ། སྒེག་ཅིང་མཛེས་ལ་ནུ་འབུར་རྒྱས་ཤིང་སྐེད་སྐབས་ཕྲ་


TNT12_Page_0017
[མ་དཔེ་གཟིགས་ན་འདིར་གནོན།]

བ། ཀླུ་ཤིང་གི་མེ་ཏོག་སྣ་ལྔས་བརྒྱན་པའི་དབུ་སྐྲ་ནག་པོ་སིལ་བུར་གྲོལ་བ། ཐོད་པ་སྐམ་པོ་ལྔའི་དབུ་རྒྱན་དང༌། རློན་པ་ལྔ་བཅུའི་དོ་ཤལ་ཅན། གཅེར་བུ་རུས་པའི་རྒྱན་ལྔས་བརྒྱན་པ། ཡེ་ཤེས་ཀྱི་མེ་འབར་བའི་དབུས་ན་བཞུགས་པའི་གནས་རྣམས་སུ། ཟླ་བའི་དཀྱིལ་འཁོར་གྱི་སྟེང་དུ། ལྟེ་བར་ཨོཾ་བཾ་དམར་མོ་རྡོ་རྗེ་ཕག་མོ། སྙིང་ཁར་ཧཾ་ཡོཾ་སྔོན་མོ་གཤིན་རྗེ་མ། ཁར་ཧྲིཾ་མོཾ་དཀར་མོ་རྨོངས་བྱེད་མ། དཔྲལ་བར་ཧྲེཾ་ཧྲིཾ་སེར་མོ་བསྐྱོད་བྱེད་མ། སྤྱི་གཙུག་ཏུ་ཧཱུཾ་ཧཱུཾ་ལྗང་ཁུ་སྐྲག་བྱེད་མ། ཡན་ལག་ཐམས་ཅད་ལ་ཕཊ་ཕཊ་དུད་ཁ་ཙཎྜི་ཀའི་རང་བཞིན་ནོ། །དེ་ནས་དཔའ་བོ་དཔའ་མོས་བྱིན་གྱིས་བརླབ་པ་ནི། འབར་བའི་ཕྱག་རྒྱ་བསྐོར་ལ། ཕཻཾ། རང་གི་སྙིང་ཁའི་བཾ་ལས་འོད་འཕྲོས་པས། འོག་མིན་ནས་རྡོ་རྗེ་རྣལ་འབྱོར་མ་ལ་སངས་རྒྱས་བྱང་ཆུབ་སེམས་དཔའ་དཔའ་བོ་རྣལ་འབྱོར་མའི་ཚོགས་བསམ་གྱིས་མི་ཁྱབ་པས་བསྐོར་བ་ཨོཾ་བཛྲ་ས་མཱ་ཛཿཧཱུཾ་བཾ་ཧོཿགཉིས་སུ་མེད་པར་ཐིམ། ཨོཾ་ཡོ་ག་ཤུདྡྷཿསརྦ་དྡྷརྨཱཿསརྦ་དྷརྨཱཿཡོ་ག་ཤུདྡྷོ྅་ཧཾ། དེ་ནས་འགྲོ་བ་དག་པ་ནི། སྙིང་ཁའི་ས་བོན་སྔགས་འཕྲེང་དང་བཅས་པ་ལས་འོད་འཕྲོས། བ་སྤུའི་བུ་ག་ནས་བྱུང༌། སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས། རྡོ་རྗེ་རྣལ་འབྱོར་མའི་སྐུར་གྱུར། ཡང་འོད་འཕྲོས། དེ་རྣམས་དང་སངས་རྒྱས་བྱང་ཆུབ་སེམས་དཔའ་དཔའ་བོ་རྣལ་འབྱོར་མ་ཐམས་ཅད་རྡོ་རྗེ་རྣལ་འབྱོར་མར་གྱུར་པ་མཉེས་པ་བྱས། འོད་


TNT12_Page_0018
[མ་དཔེ་གཟིགས་ན་འདིར་གནོན།]

ཟེར་ཚུར་འདུས་རང་ལ་ཐིམ་པར་བསམ། དེ་ནས་དང་པོར་ངག་བཟླས་དང༌། ཕྱི་ནས་ཡིད་བཟླས་བྱ་སྟེ། སྙིང་ཁའི་སྔགས་འཁོར་རམ་གསང་བའམ་ལྟེ་བར་བསྒོམས་ནས་བཟླས་པ་བྱའོ། །མཐར་བསམ་མི་ཁྱབ་ནི། སྙིང་ཁའི་སྔགས་འཕྲེང་ལས་འོད་འཕྲོས། ཁམས་གསུམ་འོད་ཀྱི་རྣམ་པར་གྱུར། ཚུར་འདུས་གཟུགས་མེད་ཁམས་པ་ཐམས་ཅད་རང་ལུས་ཀྱི་སྟོད་ཀྱི་ཆ་ལ་ཐིམ། གཟུགས་ཁམས་པ་ཐམས་ཅད་བར་གྱི་ཆ་ལ་ཐིམ། འདོད་ཁམས་པ་ཐམས་ཅད་སྨད་ཀྱི་ཆ་ལ་ཐིམ། རང་ཡང་སྙིང་ཁའི་ཟླ་བ་ལ། དེ་སྔགས་འཕྲེང་ལ། དེ་ཡང་བཾ་ལ། དེ་ཡང་ཐིག་ལེ་ལ། དེ་ཡང་ནཱ་དར་གྱུར། ནཱ་ད་ཡང་མི་དམིགས་པར་གྱུར། དེ་ལ་བློ་བཞག་སླར་ཡང་རང་ཉིད་རྡོ་རྗེ་རྣལ་འབྱོར་མའི་སྐུར་གྱུར། ཅེས་བརྗོད་སྤྲོ་ན་མཆོད་བསྟོད་ཅུང་ཟད་བྱས་ལ། མཐར་རྗེ་བཙུན་རྡོ་རྗེ་རྣལ་འབྱོར་མས་བདག་མཁའ་སྤྱོད་དག་པའི་གནས་སུ་འཁྲིད་པ་དང༌། མཐར་ཐུག་ཟུང་འཇུག་རྡོ་རྗེ་འཆང་ཆེན་པོའི་གོ་འཕང་ཐོབ་པར་བྱིན་གྱིས་བརླབ་ཏུ་གསོལ། ཅེས་གསོལ་བ་བཏབ་སྟེ་བདག་བསྐྱེད་དོ། །དེ་ནས་མདུན་བསྐྱེད་བསངས་སྦྱངས། མདུན་བསྐྱེད་ཀྱི་དཀྱིལ་འཁོར་མི་དམིགས་ཏེ་སྟོང་པའི་ངང་ལས་ཆོས་འབྱུང་ཉིས་བརྩེགས་ཀྱི་དབུས་སུ་ཀཾ་ལས་ཐོད་པ་དཀར་བོ་དུམ་བུ་གསུམ་པ་དཔྲལ་བ་རང་ལ་བསྟན་པ་ཡངས་ཤིང་རྒྱ་ཆེ་བ་ནང་བདུད་རྩི་ལྔས་ཡོངས་སུ་གང་བའི་སྤྲིས་མ་སྣ་ཚོགས་རྡོ་རྗེའི་ཚུལ་དུ་གནས་པའི་ལྟེ་བའི་ཧཱུཾ་ལས་འོད་ཟེར་ཕྱོགས་བཅུར་འཕྲོས་


TNT12_Page_0019
[མ་དཔེ་གཟིགས་ན་འདིར་གནོན།]

པས་རྡོ་རྗེའི་ས་གཞི། རྭ་བ་དྲྭ་བ་གུར་བླ་རེ་ཡེ་ཤེས་ཀྱི་མེ་འབར་བའི་བསྲུང་བའི་འཁོར་ལོ་ཡངས་ཤིང་རྒྱ་ཆེ་བའི་ནང་དུ། དུར་ཁྲོད་ཆེན་པོ་བརྒྱད་ཀྱིས་ཡོངས་སུ་བསྐོར་བའི་དབུས་སུ། ཨེ་ཨེ་ཡོངས་སུ་གྱུར་པ་ལས་ཆོས་འབྱུང་གྲུ་གསུམ་ཉིས་བརྩེགས་ཕྱི་དཀར་ལ་ནང་དམར་བ་ཡངས་ཤིང་རྒྱ་ཆེ་བ་མདུན་རྒྱབ་སྤངས་པའི་གྲྭ་བཞིར་དགའ་བ་འཁྱིལ་བ་བཞི་གཡོན་དུ་འཁོར་བ། དེའི་དབུས་སུ་ཟླ་བའི་དཀྱིལ་འཁོར་གྱི་སྟེང་དུ་བཾ་ཡིག་དམར་པོ། དེའི་མཐར་གཡོན་བསྐོར་དུ་ཨོཾ་ཨོཾ་ཨོཾ་ནས་སྭཱཧཱ། ཞེས་པས་བསྐོར་བ་ལས་ས་གསུམ་ཁྱབ་པའི་འོད་ཟེར་འཕྲོས། འཕགས་པ་མཆོད། སེམས་ཅན་གྱི་དོན་བྱས། ཚུར་འདུས་ཡོངས་སུ་གྱུར་པ་ལས། རྡོ་རྗེ་རྣལ་འབྱོར་མ། ཞེས་པ་ནས། ཙཎྜི་ཀའི་རང་བཞིན་དཔྲལ་བར་ཨོཾ། མགྲིན་པར་ཨཱཿ སྙིང་ཁར་ཧཱུཾ། ཕཻཾ་ནས། ཡོ་ག་ཤུདྡྷ྄ོ྅ཧཾ་གི་བར་སྔར་བཞིན་བྱེད། ཐུགས་ཀའི་བཾ་ཡིག་ཟླ་བ་སྔགས་འཕྲེང་དང་བཅས་པ་ལས་ས་གསུམ་ཁྱབ་པའི་འོད་ཟེར་འཕྲོས། འཕགས་པ་མཆོད། སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས། རྡོ་རྗེ་རྣལ་འབྱོར་མའི་གོ་འཕང་ལ་བཀོད། སླར་འདུས་སྙིང་ཁའི་ཆོས་ཀྱི་ཡི་གེ་ལ་ཐིམ། དེ་ནས་བཟླས་པ་བྱེད། རྟེན་དང་བརྟེན་པར་བཅས་པའི་དཀྱིལ་འཁོར་པ་ཐམས་ཅད་གཤེགས་གསོལ་གྱི་ཆོ་ག་མ་བྱས་ཀྱི་བར་དུ་བརྟན་པར་བཞུགས་སུ་གསོལ། བརྟན་པར་བཞུགས་ནས་ཀྱང་བདག་


TNT12_Page_0020
[མ་དཔེ་གཟིགས་ན་འདིར་གནོན།]

དང་སེམས་ཅན་ཐམས་ཅད་ལ་མཆོག་དང་ཐུན་མོང་གི་དངོས་གྲུབ་མ་ལུས་པ་བསྩལ་དུ་གསོལ། ཅེས་གསོལ་བ་བཏབ། རང་གི་སྙིང་ཁའི་ས་བོན་ལས་འོད་ཟེར་འཕྲོས་པས། སངས་རྒྱས་དང་བྱང་ཆུབ་སེམས་དཔའ་དཔའ་བོ་དང་རྣལ་འབྱོར་མའི་ཚོགས་བསམ་གྱིས་མི་ཁྱབ་པ་བཛྲ་ས་མཱ་ཛཿ ཞེས་མགྲོན་སྤྱན་དྲངས། བསངས་སྦྱངས། སྟོང་པའི་ངང་ལས་ཨ་ལས་ཡེ་ཤེས་ཀྱི་ཀ་པཱ་ལ་ཡངས་ཤིང་རྒྱ་ཆེ་བ་རྣམས་ཀྱི་ནང་དུ། ཨོཾ་ཨཱཿཧཱུཾ་ཞུ་བ་ལས་བྱུང་བའི་ལྷ་རྫས་ལས་གྲུབ་པའི་མཆོད་ཡོན། ཞབས་བསིལ། མེ་ཏོག །བདུག་སྤོས། མར་མེ། དྲི་ཆབ། ཞལ་ཟས། རོལ་མོ་རྣམས་བཟང་ཞིང་རྒྱ་ཆེ་ལ་དྭངས་ཤིང་ཐོགས་པ་མེད་པ། ནམ་མཁའི་ཁམས་ཐམས་ཅད་གང་བར་གྱུར། ཨོཾ་བཛྲ་ཨརྒྷཾ། པཱ་དྱཾ། པུཥྤེ། དྷཱུ་པེ། ཨཱ་ལོ་ཀེ གནྡྷེ། ནཻ་ཝི་ཏྱེ། ཤཔྟ་ཨཱཿཧཱུཾ། ཞེས་མཆོད་པ་བྱིན་གྱིས་བརླབས། དེ་ནས་མཆོད་པ་འབུལ་བ་ནི། དྭངས་ཤིང་དྲི་མེད་ཡིད་འོང་བའི། །སྔགས་ཀྱི་ཡོན་ཆབ་མཆོག་འདི་དག །མཆོག་ཏུ་གུས་པས་ཁྱེད་ལ་འབུལ། །ཅི་བདེ་བར་ནི་བཞེས་སུ་གསོལ། །ཨོཾ་སརྦ་ཏ་ཐཱ་ག་བཛྲ་ཡོ་གཱི་ནི་ས་པ་རི་ཝཱ་ར་བཛྲ་ཨརྒྷཾ་པྲ་ཏཱིཙྪ་སྭཱཧཱ། དྭངས་ཤིང་དྲི་མེད་ཡིད་འོང་བའི། །སྔགས་ཀྱི་ཞབས་བསིལ་མཆོག་འདི་དག །མཆོག་ཏུ་གུས་པས་ཁྱེད་ལ་འབུལ། །ཅི་བདེ་བར་ནི་བཞེས་སུ་གསོལ། །ཨོཾ་ནས། བཛྲ་པཱདྱཾ་པྲ་ཏཱིཙྪ་སྭཱཧཱ། ཨོཾ་ལྷ་ཡི་མེ་ཏོག་ཤིན་ཏུ་དམར། །དྲི་ཞིམ་ཤིན་ཏུ་མཛེས་པ་ཡི། །མེ་ཏོག་དེ་རིང་བཞེས་ནས་སུ། །འདི་ལ་བྱིན་


TNT12_Page_0021
[མ་དཔེ་གཟིགས་ན་འདིར་གནོན།]

གྱིས་བརླབ་ཏུ་གསོལ། །ཨོཾ་ནས། བཛྲ་པུཥྤེ་པྲ་ཏཱིཙྪ་ཨཱཿཧཱུཾ་སྭཱཧཱ། ཨོཾ་ཙན་དན་ག་བུར་དང་བཅས་པའི། །དྲི་ཞིམ་སྤོས་མེ་དགེ་བ་ཡི། །མཐུ་དང་ལྡན་པ་བྱ་བ་འདི། །བཞེས་ནས་བྱིན་གྱིས་བརླབ་ཏུ་གསོལ། །ཨོཾ་ནས། དྷཱུ་པཾ༴ ཨོཾ་མར་མེ་འོད་ཟེར་འབར་བ་འདི། །ངན་འགྲོའི་མུན་པ་འཇོམས་པར་བྱེད། །ཨ་ཡིག་མིག་འབྱེད་བཀྲ་ཤིས་པའི། །མར་མེ་ཁྱེད་ཀྱིས་བཞེས་སུ་གསོལ། །ཨོཾ་ནས། དཱི་པཾ༴ ཨོཾ་སྣ་ཚོགས་ལྷ་ཡི་དྲི་ཞིམ་པ། །སྣ་ཚོགས་ག་བུར་རྣམ་བརྒྱན་པ། །སྣ་ཚོགས་ཡི་གེ་ཧཱུཾ་ལས་བྱུང༌། །དྲི་འདི་འབུལ་གྱིས་བཞེས་སུ་གསོལ། །གན་དྷཾ༴ །ཨོཾ་ཁ་དོག་དྲི་དང་རོ་ལྡན་པའི། །བཟའ་བ་མཆོག་དང་ཡང་དག་ལྡན། །ཐམས་ཅད་སྦྱར་བའི་བཤོས་འདི་དག །འབུལ་གྱིས་ཡང་དག་བཞེས་སུ་གསོལ། །ཨོཾ་ནས། ནཻ་ཝི་དྱ༴ ཨོཾ་པ་ཊ་ཧ་དང་ཅང་ཏེའུ་སོགས། །དུང་དང་རྔ་སོགས་སྒྲ་དབྱངས་དང༌། །ཡིད་འཕྲོག་སིལ་སྙན་སྣ་ཚོགས་རྣམས། །འབུལ་གྱིས་ཡང་དག་བཞེས་སུ་གསོལ། །ཨོཾ་ནས། བཛྲ་ཤཔྟ༴ གོས་ཟུང་བསངས་སྦྱངས། སྟོང་པའི་ངང་ལས། ཧཱུཾ་ལས་བྱུང་བའི་གོས་སྲབ་པ་འཇམ་པ་ཡང་དྭངས་ཤིང་ཐོགས་པ་མེད་པ་ལྷ་རེ་རེ་ལ་ཡང་ཟུང་དུ་སྦྱར་བ་དང་ལྡན་པར་གྱུར། སྲབ་འཇམ་ཡང་པ་ལྷ་ཡི་གོས། །མི་བསྐྱོད་རྡོ་རྗེའི་སྐུ་ལ་གསོལ། །མི་ཕྱེད་དད་པས་བདག་འབུལ་ན། །བདག་ཀྱང་རྡོ་རྗེའི་སྐུ་ཐོབ་ཤོག །ཨོཾ་ནས། ཝསྟྲ་སྱ༴ ཨོཾ་ཝཱི་ན་བཛྲ་ཎི་ཧཱུཾ་ཨཱཿ རྡོ་རྗེ་ལྷ་མོ་པི་ཝཾ་མ། །


TNT12_Page_0022
[མ་དཔེ་གཟིགས་ན་འདིར་གནོན།]

སྟོན་མཁའི་མདོག་མཚུངས་པི་ཝཾ་ལག །པི་ཝཾ་སྒྲ་དང་དབྱངས་ལྡན་པ། །ནམ་མཁའ་ཁྱབ་པས་མཆོད་པར་བགྱི། །ཨོཾ་སརྦ་ཏ་ཐཱ་ག་ཏ་བཛྲ་ཡོ་གཱི་ནི་ས་པ་རི་ཝཱ་ར་ཝཱི་ནི་བཛྲི་ཎི་པུ་ཛི་ཏེ་ཨཱ་ཧཱུཾ། ཨོཾ་ཝཾ་སེ་བཛྲི་ཎི་ཧཱུཾ་ཨཱཿ རྡོ་རྗེ་ལྷ་མོ་གླིང་བུ་མ། །གསེར་གྱི་མདོག་ཅན་གླིང་བུའི་ལག །གླིང་བུའི་སྒྲ་དང་དབྱངས་ལྡན་པ། །ནམ་མཁའ་ཁྱབ་པས༴ །ཝཾ་སེ༴ །ཨོཾ་མྲྀ་ཏི་གི་བཛྲི་ཎི་ཧཱུཾ་ཨཱཿ རྡོ་རྗེ་ལྷ་མོ་རྔ་ཟླུམ་མ། །བན་དྷུའི་མདོག་ཅན་རྔ་ཟླུམ་ལག །རྔ་ཟླུམ་སྒྲ་དང་དབྱངས་ལྡན་པ། །ནམ་མཁའ་ཁྱབ༴ །མྲྀ་ཏི་གི༴ །ཨོཾ་མུརྫི༴ །རྡོ་རྗེ་ལྷ་མོ་རྫ་རྔ་མ། །མར་གད་མདོག་མཚུངས་རྫའི་རྔའི་ལག །རྫ་རྔའི་སྒྲ་དང་༴ །ནམ་མཁའ༴ །མུརྫི༴ །ཨོཾ་ཧསྱ༴ རྡོ་རྗེ་ལྷ་མོ་བཞད་པ་མོ། །ཀེ་ཤུའི་མདོག་མཚུངས་བཞད་པའི་ཞལ། །འཛུམ་པའི་བཞིན་དང་དབྱངས༴ ནམ་མཁའ་ཁྱབ༴ །ཧ་སྱེ༴ ཨོཾ་ལཱ་སྱ༴ རྡོ་རྗེ་ལྷ་མོ་སྒེག་པ་མོ། །དབང་སྔོན་མདོག་མཚུངས་སྒེག་པའི་ཚུལ། །བསྙེམས་པའི་ལུས་དང་གླུར་ལྡན་པ། །ནམ་མཁའ༴ །ལཱ་སྱ༴ །ཨོཾ་གཱིརྟི༴ །རྡོ་རྗེ་ལྷ་མོ་གླུ་དབྱངས་མ། །འཆར་ཀའི་མདོག་མཚུངས་གླུ་ལེན་མ། །གླུ་དང་རོལ་མོའི་སྒྲ་ལྡན་པ། །ནམ་མཁའ༴ །གཱིརྟི༴ །ཨོཾ་ནིརྟི༴ །རྡོ་རྗེ་ལྷ་མོ་གར་མཁན་མ། །མར་གད་མདོག་མཚུངས་གར་མཛད་མ། །ལག་པ་གར་བྱེད་རྐང་སྟབས་སྒྱུར། །


TNT12_Page_0023
[མ་དཔེ་གཟིགས་ན་འདིར་གནོན།]

ནམ་མཁའ༴ །ནིརྟི༴ ཨོཾ་པུཥྤེ༴ རྡོ་རྗེ་ལྷ་མོ་མེ་ཏོག་མ། །གུར་ཀུམ་མདོག་མཚུངས་མེ་ཏོག་ལག །མེ་ཏོག་ཆར་དང་རོལ་མོར་བཅས། །ནམ་མཁའ༴ །པུཥྤེ༴ ཨོཾ་དྷཱུ་པེ༴ རྡོ་རྗེ་ལྷ་མོ་བདུག་སྤོས་མ། །དུ་བའི་མདོག་མཚུངས་བདུག་སྤོས་ལག །བདུག་པའི་སྤྲིན་དང་རོལ་མོར་བཅས། །ནམ་མཁའ༴ །དྷུ་པེ༴ ཨོཾ་དཱི་པེ༴ །རྡོ་རྗེ་ལྷ་མོ་མར་མེ་མ། །གློག་འོད་མདོག་མཚུངས་མར་མེའི་ལག །མར་མེའི་འོད་དང་རོལ་མོར་བཅས། །ནམ་མཁའ་ཁྱབ༴ །དཱི་པེ༴ །ཨོཾ་གན་དྷེ༴ །རྡོ་རྗེ་ལྷ་མོ་དྲི་ཆབ་མ། །པྲི་ཡང་མདོག་མཚུངས་དུང་ཆོས་ལག །དྲི་ཡི་ཆར་དང་རོལ་མོར་བཅས། །ནམ་མཁ༴ །གན་དྷེ༴ ཨོཾ་རཱུ་པ༴ རྡོ་རྗེ་ལྷ་མོ་གཟུགས་མཛེས་མ། །སྟོན་ཟླའི་མདོག་མཚུངས་མེ་ལོང་ལག །ཡིད་འོང་གཟུགས་དང་རྒྱན་ལྡན་པ། །ནམ་མཁ༴ །རཱུ་པ༴ ཨོཾ་ར་ས༴ རྡོ་རྗེ་ལྷ་མོ་ཞལ་ཟས་མ། །ཛ་བའི་མདོག་མཚུངས་ཞལ་ཟས་ལག །ཞལ་ཟས་བདུད་རྩིའི་ཆར་འབེབས་མ། །མ་མཁའ༴ །ར་ས༴ ཨོཾ་སྤརྴ༴ རྡོ་རྗེ་ལྷ་མོ་ན་བཟའ་མ། །མར་གད་མདོག་མཚུངས་ན་བཟའི་ལག །གོས་དང་རེག་དང་འཁྱུད་པར་ལྡན། །ནམ་མཁའ༴ །སྤརྴ༴ ཨོཾ་དྷརྨ་དྷཱ་ཏུ་བཛྲཱི་ཎི་ཧཱུཾ་ཨཱཿ རྡོ་རྗེ་ལྷ་མོ་ཆོས་དབྱིངས་མ། །ཀུནྡྷའི་མདོག་མཚུངས་ཆོས་འབྱུང་ལག །ཟག་པ་མེད་པའི་བདེ་སྟེར་མ། །ནམ་


TNT12_Page_0024
[མ་དཔེ་གཟིགས་ན་འདིར་གནོན།]

མཁའ་ཁྱབ་པས་མཆོད་པར་བགྱི། །ཨོཾ་སརྦ་ཏ་ཐཱ་ག་ཏ་བཛྲ་ཡོ་གཱི་ནི་ས་པ་རི་ཝཱ་ར་དྷརྨ་དྷཱ་ཏུ་བཛྲི་ཎི་པཱུ་ཛི་ཏེ་ཨཿཧཱུཾ། བདེ་བར་གཤེགས་པ་ཐམས་ཅད་ལ། །འཁོར་ལོ་རིན་ཆེན་འདི་ཕུལ་བས། །སྲིད་པའི་འཁོར་ལོ་རྒྱུན་ཆད་ནས། །ཆོས་ཀྱི་འཁོར་ལོ་བསྐོར་བར་ཤོག །ཨོཾ་སརྦ་ཏ་ཐཱ་ག་ཏ་བཛྲ་ཡོ་གཱི་ན་ས་པ་རི་ཝཱ་ར་ཙཀྲ་རཏྣ་པུ་ཛི་ཏེ་ཨཱཿཧཱུཾ། རྒྱལ་བ་སྲས་བཅས་ཐམས་ཅད་ལ། །ནོར་བུ་རིན་ཆེན་འདི་ཕུལ་བས། །དབུལ་ཞིང་འཕོངས་པ་རྒྱུན་ཆད་ནས། །འབྱོར་པ་ཕུན་སུམ་ཚོགས་པར་ཤོག །ཨོཾ་ནས་མ་ཎི་རཏྣ་པུ་ཛི་ཏེ༴ །བཙུན་མོ༴ །མ་རིག་མུན་པ་རྒྱུན་ཆད་ནས། །ཤེས་རབ་དབྱིངས་ཀྱི་དོན་རྟོགས་ཏེ། །ཐབས་དང་ཤེས་རབ་འབྲེལ་བར་ཤོག །ཝ་སྟི། །བློན་པོ་རིན་ཆེན་འདི་ཕུལ་བས། །ཕྱི་ནང་གསང་གསུམ་ཐེག་གསུམ་ལྡན། །བསམ་ཡས་བསྟན་པ་རབ་འཛིན་ཅིང༌། །ཡོན་ཏན་ཐམས་ཅད་ལྡན་པར་ཤོག །མཧཱ་ཏ། གླང་པོ་རིན་ཆེན་འདི་ཕུལ་བས། །ལྟ་ངན་རྣམས་ནི་རབ་བསལ་ཞིང། །བླ་མེད་ཐེག་པ་རབ་བཞོན་ནས། །ཐམས་ཅད་མཁྱེན་གྲོང་བགྲོད་པར་ཤོག །ཧ་སྟི་རཏྣ། རྟ་མཆོག་རིན་ཆེན་འདི་ཕུལ་བས། །སྲིད་པའི་གཟེབ་ལས་ངེས་གྲོལ་ནས། །རྫུ་འཕྲུལ་མཆོག་གི་ཤུགས་ཐོབ་སྟེ། །སངས་རྒྱས་ཞིང་ཀུན་བགྲོད་པར་ཤོག །ཏུ་རཾ་ག་ཨ་ཤྭ་རཏྣ། དམག་དཔོན་རིན་ཆེན་འདི་ཕུལ་བས། །ཉོན་མོངས་དགྲ་ལས་རྒྱལ་གྱུར་ནས། །ཕས་ཀྱི་རྒོལ་བ་ཚར་བཅད་དེ། །


TNT12_Page_0025
[མ་དཔེ་གཟིགས་ན་འདིར་གནོན།]

བསྙེངས་བྲལ་མཆོག་ནི་ཐོབ་པར་ཤོག །ཁཊྒ་རཏྣ༴ ཁ་དོག་དབྱིབས་ལེགས་ཡིད་འོངས་རྒྱན་འཕྲེང་ལྡན། །ཕྱོགས་དུས་ཀུན་ན་གཟུགས་མཆོག་ཅི་མཆིས་རྣམས། །མོས་བློས་དཀྱིལ་འཁོར་ལྷ་ལ་བདག་འབུལ་ན། །བཞེས་ཤིག་བླ་མེད་གྲུབ་མཆོག་སྩལ་དུ་གསོལ། །ཨོཾ་སརྦ་ཏ་ཐཱ་ག་ཏ་བཛྲ་ཡོ་གཱི་ན་ས་པ་རི་ཝཱ་ར་རཱུ་པ་ཀཱ་མ་གུ་ཎ་པུ་ཛི་ཏེ་ཨཱཿཧཱུཾ། ཕྱོགས་དུས་ཀུན་ན་ཟིན་དང་མ་ཟིན་དང༌། །ཡོན་ཏན་ཚིག་མཆོག་སྒྲ་དབྱངས་ཅི་མཆིས་རྣམས། །མོས་བློས་དཀྱིལ་འཁོར༴ །བཞེས་ཤིག༴ །ཤཔྟ་ཀཱ་མ་གུ་ཎ། ཕྱོགས་དུས་ཀུན་ན་ཙན་དན་སྤྲུལ་སྙིང་དང༌། །ཨ་ཀར་ལ་སོགས་དབང་པོ་ཚིམ་བྱེད་རྣམས། །མོས་བློས་དཀྱིལ༴ །བཞེས་ཤིག་བླ༴ །གནྡྷེ། ཕྱོགས་དུས་ཀུན་ན་རོ་དང་བཅུད་ལྡན་པའི། །ལུས་སེམས་བརྟས་བྱེད་རོ་མཆོག་ཅི་མཆིས་རྣམས། །མོས་བློས༴ །བཞེས་ཤིག༴ །ར་ས༴ །ཕྱོགས་དུས་ཀུན་ན་འཇམ་མཉེན་འཁྲིལ་ཆགས་པའི། །རེག་བྱའི་ཁྱད་པར་དབང་པོ་ཚིམ་བྱེད་རྣམས། །མོས་བློས༴། བཞེས་ཤིག༴ །ཨོཾ་སརྦ་ཏ་ཐཱ་ག་ཏ་བཛྲ་ཡོ་གཱི་ནི་ས་པ་རི་ཝཱ་ར་སྤརྴ་ཀཱ་མ་གུ་ན་པུ་ཛི་ཏེ་ཨཱཿཧཱུཾ། ཨོཾ་ཨཱཿཧཱུཾ་ཧ་ཧོཿཧྲཱིཿ ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཡོན་ཏན་འཕྲིན་ལས་ཐམས་ཅད་གཅིག་ཏུ་བསྡུས་པའི་ངོ་བོ། མཁྱེན་པའི་ཡེ་ཤེས་བརྩེ་བའི་ཐུགས་རྗེ། མཛད་པའི་འཕྲིན་


TNT12_Page_0026
[མ་དཔེ་གཟིགས་ན་འདིར་གནོན།]

ལས་བསམ་གྱིས་མི་ཁྱབ་པ་མངའ་བ་དྲིན་ཅན་རྩ་བའི་བླ་མ་འདི་ཞེས་བྱ་བའི་ཞལ་དུ་མཆོད་པ་དམ་པ་འབུལ་ལོ། །ཨོཾ་ཨཱཿཧཱུཾ། ཁྱབ་བདག་གར་གྱི་དབང་ཕྱུག་བཅོམ་ལྡན་འདས། །རྡོ་རྗེ་ཕག་མོ་བདེ་ཆེན་བསྐྱེད་པའི་ཡུམ། །བདེ་སྟོང་ཉམས་ཀྱིས་མྱོས་པའི་དྲིལ་བུ་པ། །རྣམ་དག་བདུད་རྩིའི་མཉེས་མཆོད་དམ་པ་འབུལ། །ཨོཾ་ཨཱཿཧཱུཾ། ཆང་འཚོང་མཁའ་འགྲོའི་ཡབ་གྱུར་ཌེཾ་གི་པ། །བར་མའི་སློབ་དཔོན་མཆོག་གྲགས་རྣམ་རྒྱལ་ཞབས། །བརྟུལ་ཞུགས་རིག་པའི་རྣལ་འབྱོར་ཏི་ལོ་པ། །རྣམ་དག༴ །པཎ་གྲུབ་མཁའ་སྤྱོད་གཤེགས་པའི་ནཱ་རོ་པ། །དེ་སྲས་ཐུ་བོ་ཕམ་ཐིང་སྐུ་མཆེད་གཉིས། །སྐད་གཉིད་སྨྲ་མཁས་ལོ་ཙཱ་རྣམ་གཉིས་ལ། །རྣམ་དག༴ །ཁམས་གསུམ་འགྲོ་བའི་བླ་མ་ས་སྐྱ་པ། །རིག་འཛིན་མཁའ་སྤྱོད་དབང་པོ་བསོད་ནམས་རྩེ། །རྣལ་འབྱོར་དབང་ཕྱུག་གྲགས་པ་རྒྱལ་མཚན་ལ། །རྣམ་དག༴ །དྲི་མེད་མངོན་པར་སངས་རྒྱས་ས་པཎ་ཆེན། །འཛམ་གླིང་བསྟན་པའི་མངའ་བདག་འཕགས་པའི་མཚན། །ཆོས་བརྒྱད་འཆིང་བ་ལས་གྲོལ་ཞང་པ་ལ། །རྣམ་དག༴ །རྩེ་གཅིག་སྒྲུབ་པ་མཐར་ཕྱིན་བྲག་ཕུག་པ། །འགྲོ་བའི་བླ་མ་བསོད་ནམས་རྒྱལ་མཚན་དཔལ། །གདམས་པའི་གཏེར་མཛོད་དཔལ་ལྡན་ཚུལ་ཁྲིམས་ལ། །རྣམ་དག༴ །ཆོས་ཀྱི་རྗེ་བོ་ཡེ་ཤེས་རྒྱལ་མཚན་དཔལ། །སྡོམ་བརྩོན་རྡོ་རྗེ་འཛིན་མཆོག་ངོར་ཆེན་པ། །


TNT12_Page_0027
[མ་དཔེ་གཟིགས་ན་འདིར་གནོན།]

རྒྱལ་ཚབ་དམ་པ་ཀུན་དགའ་དབང་ཕྱུག་ལ། །རྣམ་དག༴ །རྗེ་བཙུན་སྦས་པའི་སངས་རྒྱས་བླ་མའི་མཆོག །འཇམ་མགོན་གྲུབ་པའི་དཔའ་བོ་དམ་པའི་རྗེ། །རྩ་བ་བརྒྱུད་པའི་བླ་མ་ཐམས་ཅད་ལ། །རྣམ་དག༴ །ཨོཾ་ཨཱཿཧཱུཾ། ཡང་ན་ངོར་ཆེན་པའི་རྗེས་ལ། འཇམ་དཔལ་དགྱེས་པའི་བཤེས་གཉེན་ཤཱཀྱའི་མཚན། །རྣམ་དག༴ །གཞོན་ནུ་ཆོས་གྲུབ་བྱིན་རླབས་ཡིད་བཞིན་གཏེར། །འཇམ་མགོན་གྲུབ་པའི་དཔའ་བོ་གྲོལ་མཆོག་ཞབས། །རྣམ་དག་ཡེ་ཤེས་ཐུགས་མངའ་རྡོ་རིངས་དབོན། །རྣམ་དག༴ །ཡང་ན་ཆོས་རྗེ་བླ་མ་བསོད་ནམས་རྒྱལ་མཚན་གྱི་རྗེས་སུ། ནུས་པ་མཐར་ཕྱིན་མཁན་པོ་སངས་རྒྱས་སྐྱབས། །བློ་ལྡན་མཁས་པའི་རྒྱལ་མཚན་ཚུལ་ཁྲིམས་དང༌། །དཀྱིལ་འཁོར་རྒྱ་མཚོའི་མངའ་བདག་སྐམ་དགོན་པ། །འཇམ་དཔལ་དགྱེས་པའི་སོགས་གོང་བཞིན། དེ་བཞིན་དུ་ཆོས་རྗེ་བླ་མ་ས་སྐྱ་བུ་སྟོན། ཐེག་ཆེན་ཆོས་རྗེ་སྤྱང་ལུང་པ་གཞོན་ནུ་བློ་གྲོས། ཡོན་ཏན་རྒྱལ་མཚན་པ། གཞོན་ནུ་ཆོས་གྲུབ་མན་སྔར་བཞིན། གཞན་ཡང་བརྒྱུད་པའི་ཁྱད་པར་སྣ་ཚོགས་ཡོད་པས་ཇི་ལྟར་འདོད་པར་སྦྱར་རོ། །སྐྱབས་གསུམ་ཀུན་འདུས་དོན་དམ་དགའ་བཞིའི་དངོས། །བརྟན་གཡོའི་སྙིང་པོ་གཅིག་གྱུར་གསལ་མཛད་པ། །བརྒྱུད་པ་ཀུན་འདུས་རྩ་བའི་བླ་མ་ལ། །རྣམ་དག༴ །གཞན་ཡང་རྩ་བའི་བླ་མ་བརྒྱུད་པའི་བླ་མ། དབང་བསྐུར། རྒྱུད་བཤད། མན་ངག་ནོས། ཆོས་ཀྱི་འབྲེལ་བའི་བླ་མ་དམ་པ་


TNT12_Page_0028
[མ་དཔེ་གཟིགས་ན་འདིར་གནོན།]

རྣམས་ཀྱི་ཞལ་དུ་མཆོད་པ་དམ་པ་འབུལ་ལོ། །ཨོཾ་ཨཱཿཧཱུཾ། ཨོཾ་གསུམ་མ་ཚར་གཅིག་བརྗོད། ཕྱོགས་བཅུ་དུས་གསུམ་རྒྱལ་བ་ཐམས་ཅད་ཀྱི། །ཡུམ་གྱུར་སྒྱུ་འཕྲུལ་ཆེན་མོ་བཅོམ་ལྡན་མ། །མཁའ་སྤྱོད་གཙོ་མོ་རྡོ་རྗེ་ཕག་མོ་ལ། །རྣམ་བདག༴ །བྱ་བའི་རྒྱུད། སྤྱོད་པའི་རྒྱུད། རྣལ་འབྱོར་གྱི་རྒྱུད། རྣལ་འབྱོར་བླ་ན་མེད་པའི་རྒྱུད་དེ་རྒྱུད་སྡེ་ཆེན་པོ་བཞི་དང་འབྲེལ་བའི་ཡི་དམ་ལྷ་ཚོགས་རྣམས་ཀྱི༴ ཨོཾ་གྲཱི་རཱ་ཛ་གྲཱི་རཱ་ཛ་ཀུ་མ་ཀུ་མ་ཁུམ་ཐིས་སྭཱཧཱ། དཔའ་བོ་དུར་ཁྲོད་ཀྱི་བདག་པོ་ལྕམ་དྲལ་བྲན་གཡོག་བཀའ་སྡོད་འཁོར་དང་བཅས་པ་ཐམས་ཅད་ཀྱི༴ གཞན་ཡང་ཆོས་འཁོར་བསྲུང་ཞིང་བསྟན་པ་སྐྱོང་བར་ཞལ་གྱིས་བཞེས་པའི་ཆོས་སྐྱོང་བསྲུང་མ་རྣམས་ཀྱི༴ གནས་དང་ཉེ་བའི་གནས། ཞིང་དང་ཉེ་བའི་ཞིང༌། ཚན་དྷོ་དང་ཉེ་བའི་ཚན་དྷོ། འདུ་བ་དང་ཉེ་བའི་འདུ་བ། འཐུང་གཅོད་དང་ཉེ་བའི་འཐུང་གཅོད། དུར་ཁྲོད་དང་ཉེ་བའི་དུར་ཁྲོད། ཡུལ་ཉི་ཤུ་རྩ་བཞི། གནས་སུམ་ཅུ་རྩ་གཉིས། དུར་ཁྲོད་ཆེན་པོ་བརྒྱད་ན་བཞུགས་པའི་དཔའ་བོ་དང་རྣལ་འབྱོར་མ་སྤྲུལ་པའི་སྐུ་འགྲོ་བ་སེམས་ཅན་གྱི་དོན་མཛད་པ་རྣམས་ཀྱི༴ ཞིང་སྐྱོང་བཞི་བཅུ་ཞེ་བརྒྱད། ཕོ་ཉ་གནས་ལས་སྐྱེས་པ། རིགས་ལས་སྐྱེས་པ། སྔགས་ལས་སྐྱེས་པ། ལས་ལས་སྐྱེས་པའི་མཁའ་འགྲོ་མ་རྣམས་ཀྱི༴ གཞན་


TNT12_Page_0029
[མ་དཔེ་གཟིགས་ན་འདིར་གནོན།]

ཡང་གནོད་སྦྱིན། སྲིན་པོ། འབྱུང་པོ། ཡི་དྭགས། ཤ་ཟ། སྨྱོ་བྱེད། བརྗེད་བྱེད། མ་མོ། ཞིང་སྐྱོང༌། ཕོ་ཉ། འཕྲོག་མ། གྲུབ་པ་རྣམས་ཀྱི༴ །གཞན་ཡང་བོད་ཁམས་སྐྱོང་བའི་བསྟན་མ་བཅུ་གཉིས་འཁོར་དང་བཅས་པ་དང༌། གནས་བདག །གཞི་བདག །གྲོང་བདག །གཉུག་མར་གནས་པ་རྣམས་ཀྱི༴ འགྲོ་བ་རིགས་དྲུག་ལམ་རྒྱུད་ལྔ། སྐྱེ་གནས་རྣམ་པ་བཞིས་བསྡུས་པའི་རིགས་དྲུག་གི་སེམས་ཅན་ཐམས་ཅད་ཟག་པ་མེད་པའི་བདེ་བས་རྒྱུད་ཚིམ་ནས། མྱུར་དུ་སངས་རྒྱས་ཀྱི་གོ་འཕང་ཐོབ་པའི་སྐལ་བ་དང་ལྡན་པར་གྱུར་ཅིག །ཨོཾ་སརྦ་ཏ་ཐཱ་ག་ཏ་ཨ་མྲྀ་ཏ་སྭཱ་ད་ན་བཛྲ་སྭ་བྷ་ཝ་ཨཱཏྨ་ཀོ྅ཧཾ། ཞེས་བདུད་རྩི་མྱངས། ཨོཾ་ཨོཾ་ཨོཾ་སརྦ་སོགས་ལན་ལྔ་ཙམ་བྱེད། ཨོཾ་སརྦ་ཏ་ཐཱ་ག་ཏ་ཨ་ནུ་རཱ་ག་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ན་མོ་ཆོས་ཀྱི་དབྱིངས་ཀྱི་བྱིན་རླབས་དང༌། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ཐུགས་རྗེ་རྣམ་པར་དག་པའི་བྱིན་རླབས་དང༌། གསང་སྔགས་དང་ཕྱག་རྒྱའི་མཐུ་དང་བདག་གི་མོས་པ་དང་ཏིང་ངེ་འཛིན་དང༌། སྨོན་ལམ་གྱི་དབང་གིས་འཇིག་རྟེན་གྱི་ཁམས་ན་བདག་པོས་ཡོངས་སུ་མ་བཟུང་བའི་མཆོད་པའི་བྱེ་བྲག་ཇི་སྙེད་ཡོད་པ་དང༌། གཞན་ཡང་བྱང་ཆུབ་སེམས་དཔའ་ཀུན་ཏུ་བཟང་པོའི་མཆོད་སྤྲིན་ལྟ་བུ་བསམ་གྱིས་མི་ཁྱབ་པ་ཞིག་བླ་མ་དང༌། དཀྱིལ་འཁོར་གྱི་འཁོར་ལོའི་སངས་རྒྱས་དང་བྱང་ཆུབ་


TNT12_Page_0030
[མ་དཔེ་གཟིགས་ན་འདིར་གནོན།]

སེམས་དཔའ་ཐམས་ཅད་ཀྱི་སྤྱན་ལམ་དུ་འབྱུང་ཞིང་རྒྱས་པར་གྱུར་ཅིག །ཨོཾ་སརྦ་བིད་པཱུ་ར་པཱུ་ར། སུ་ར་སུ་ར། ཨཱ་བརྟ་ཡ། ཨཱ་བརྟ་ཡ་ཧོ། ན་མཿས་མནྟ་བུདྡྷ་ནཱཾ། ཨབྷི་སྨ་ར་སྥ་ར་ཎ་ཨི་མཾ་ག་ག་ན་ཁཾ། དྷརྨ་དྷཱ་ཏུ་ཨ་ཀ་ཤ་ས་མནྟ་མཾ། སརྦ་ཏ་ཐཱ་ག་ཏ་ཨ་པ་རི་ཤོདྷ་ལེ་མཎྜ་ལེ། མ་མ་པྲ་ནི་དྷི་པཱུ་ཎྱེ་ཛྙ་ན་བ་ལེ་ནཾ། སརྦ་ཏ་ཐཱ་ག་ཏ་བ་ལེ་ན་སཔྟ་སཱ་སྠ་ན་བ་ལེན་ཙ་ཡེ་སྭཱཧཱ། དེ་ནས་བསྟོད་པ་ནི། དཔལ་ལྡན་རྡོ་རྗེ་མཁའ་འགྲོ་མ། །མཁའ་འགྲོ་མ་ཡི་འཁོར་ལོ་སྒྱུར། །ཡེ་ཤེས་ལྔ་དང་སྐུ་གསུམ་ཉིད། །འགྲོ་བ་སྐྱོབ་ལ་ཕྱག་འཚལ་ལོ། །ཇི་སྙེད་རྡོ་རྗེ་མཁའ་འགྲོ་མ། །ཀུན་ཏུ་རྟོག་པའི་འཆིང་གཅོད་ཅིང༌། །འཇིག་རྟེན་བྱ་བ་རབ་འཇུག་མ། །དེ་སྙེད་རྣམས་ལ་ཕྱག་འཚལ་ལོ། །ཨོཾ་ན་མོ་བྷ་ག་ཝ་ཏེ་བཛྲ་ཝཱ་རཱ་ཧཱི་ཝཾ་ཧཱུཾ་ཧཱུཾ་ཕཊ། ཨོཾ་ན་མོ་ཨཱརྱ་ཨ་པ་ར་ཛི་ཏེ་ཏྲཻ་ལོ་ཀྱ་མ་ཏེ་མཧཱ་བི་དྱེ་ཤྭ་རི་ཡེ་ཧཱུཾ་ཧཱུཾ་ཕཊ། ཨོཾ་ན་མཿསརྦ་བྷུ་ཏ་བྷ་ཡ་ཝ་ཧེ་མཧཱ་བཛྲེ་ཧཱུཾ་ཧཱུཾ་ཕཊ། ཨོཾ་ན་མོ་བཛྲ་ཨཱ་ས་ནེ་ཨ་ཛི་ཏེ་ཨ་པ་ར་ཛི་ཏེ་བ་ཤྱཾ་ཀ་རི་ནི་ཏྲ་བྷྲ་མ་ནཱི་ཧཱུཾ་ཧཱུཾ་ཕཊ། ཨོཾ་ན་མཿཤོ་ཥ་ཎི་རོ་ཥ་ཎི་ཀྲོ་དྷ་ཀ་ར་ལི་ནེ་ཧཱུཾ་ཧཱུཾ་ཕཊ། ཨོཾ་ན་མསྟྲ་ས་ནི་མཱ་ར་ཎི་པྲ་བྷེ་ད་ནི་ཨ་པ་ར་ཛ་ཡེ་ཧཱུཾ་ཧཱུཾ་ཕཊ། ཨོཾ་ན་མོ་བི་ཛ་ཡེ་ཛམྦྷ་ནི་སྟམྦྷ་ནི་མོ་ཧ་ནི་ཧཱུཾ་ཧཱུཾ་ཕཊ། ཨོཾ་ན་མོ་བཛྲ་ཝཱ་རཱ་ཧཱི་མཧཱ་ཡོ་གི་ནི་ཀཱ་མེ་ཤྭ་རི་ཁ་གེ་ཧཱུཾ་ཧཱུཾ་ཕཊ། རྒྱལ་བ་རྒྱ་མཚོའི་ཡུམ་གྱུར་བཅོམ་ལྡན་མ། །ཆོས་དབྱིངས་ཤེས་རབ་ཕ་རོལ་ཕྱིན་མའི་དངོས། །ཟག་མེད་


TNT12_Page_0031
[མ་དཔེ་གཟིགས་ན་འདིར་གནོན།]

བདེ་སྟོང་ལྷན་ཅིག་སྐྱེས་མའི་སྐུ། །རྡོ་རྗེ་བཙུན་མོའི་ཞབས་ལ་ཕྱག་འཚལ་ལོ། །རྡོ་རྗེ་ཕག་མོ་སྣ་ཚོགས་བདེ་མ་དང༌། །བདག་མེད་ཡེ་ཤེས་དབང་ཕྱུག་སྣ་ཚོགས་ཡུམ། །རྡོ་རྗེ་སྒྲོལ་མ་རོ་ལངས་མ་ལ་སོགས། །སྣ་ཚོགས་མཚན་འཆང་ཁྱོད་ལ་ཕྱག༴ །ཨེ་ཡིག་དཔལ་ལྡན་པདྨ་བྷ་ག་དང༌། །གསང་བ་ཆོས་འབྱུང་ཆོས་དབྱིངས་ནམ་མཁའི་ཁམས། །སེང་གེའི་ཁྲི་སོགས་བརྡ་ཐབས་དུ་མས་མཚོན། །ཤེས་རབ་ལྷ་མོའི་གཙོ་ལ༴ །ཆོས་དབྱིངས་རང་བཞིན་མཚན་དང་དཔེ་བྱད་རྫོགས། །དོན་དམ་འཁོར་འདས་སྲིད་པ་གསུམ་གྱི་གཟུགས། །མཐའ་ཡས་སྤྲུལ་པའི་སྣང་བ་ཕྱོགས་བརྒྱར་འབར། །སྐུ་ཡི་དབང་ཕྱུག་མ་ལ༴ །ཟབ་མོ་གསང་སྔགས་ཆོས་དབྱིངས་སྒྲ་བརྒྱ་པ། །ངེས་ཚིག་མིང་དོན་རྒྱ་མཚོའི་འཇུག་པ་ཅན། །མཐའ་དག་མགོན་གྱི་གསུང་དབྱངས་རྡོ་རྗེ་མ། །གཞོམ་མེད་ལྷ་མོ་ཁྱོད་ལ༴ །རང་བཞིན་སྤྲོས་བྲལ་མི་འགྱུར་ཆོས་དབྱིངས་ངང༌། །མ་ལུས་ཤེས་བྱའི་གནས་ཚུལ་ཀུན་གསལ་བ། །ཀུན་མཁྱེན་ཡེ་ཤེས་ལྷུན་གྲུབ་རྣམ་མི་རྟོག །མཁའ་སྤྱོད་ཐུགས་ཀྱི་རྡོ་རྗེར༴ །གང་གི་རྣམ་འཕྲུལ་ཡིད་བཞིན་བསྒྱུར་མཛད་པས། །དཔག་ཡས་འགྲོ་བའི་དོན་སྒྲུབ་མཐུ་དཔལ་ཅན། །འཕྲུལ་ལྡན་དབང་ཕྱུག་མངའ་བདག་རྣལ་འབྱོར་


TNT12_Page_0032
[མ་དཔེ་གཟིགས་ན་འདིར་གནོན།]

མ། །སྒྱུ་འཕྲུལ་བདེ་བའི་གཏེར་ལ༴ །རྡོ་རྗེ་ལྷ་མོ་ཁྱོད་ཐུགས་ཡེ་ཤེས་དང༌། །སྐུ་དང་འཕྲིན་ལས་དབྱིངས་དང་ནམ་མཁའ་སྟེ། །འདི་དག་བརྟན་གཡོ་ཀུན་ལ་ལྷན་ཅིག་ཁྱབ། །ཀུན་ཁྱབ་ཀུན་འགྲོའི་གཙོ་མོར༴ །ཀུན་གཞི་རྣམ་དག་མི་གནས་མྱ་ངན་འདས། །སྣ་ཚོགས་གནས་དང་མཆོད་པའི་བཀོད་པར་བཅས། །ཞིང་ཁམས་འབྱོར་པ་ཕུན་ཚོགས་རྒྱ་མཚོ་ལ། །དབང་ཕྱུག་འཁོར་ལོས་སྒྱུར་མར༴ །ཇི་ལྟར་བཞེད་པའི་དོན་ཀུན་འབད་མེད་པར། །སྨོན་ལམ་དབང་བསྒྱུར་གང་ལ་གང་འདུལ་བའི། །འཕྲིན་ལས་རྒྱུན་མི་འཆད་པར་དོན་མཛད་མ། །འདོད་པ་ཀུན་སྩོལ་ཁྱོད་ལ༴ །སྟོབས་སོགས་ཡོན་ཏན་གཞལ་དུ་མེད་པ་ཡིས། །རབ་གང་རྟག་ཏུ་ཕན་བདེ་སྤྲོ་བ་དང༌། །སྲིད་ཞིའི་དགེ་ལེགས་ཐམས་ཅད་འབབ་པའི་གནས། །ཆུ་གཏེར་དང་མཚུངས་ཁྱོད་ལ་ཕྱག་འཚལ་ལོ། །གྲངས་མེད་བརྗོད་ལས་འདས་པ་མཁའ་འགྲོའི་གཙོ། །བྱེ་བ་ཕྲག་བརྒྱས་ལྷག་བཅས་ཁྲག་ཁྲིག་ཟུང༌། །རྣལ་འབྱོར་མ་དཔལ་ཁྱོད་ཀྱི་ཕོ་ཉར་སྤྲུལ། །མཁའ་འགྲོ་ཀུན་གྱི་བདག་མོར༴ །སུམ་ཅུ་རྩ་བདུན་འཁོར་ལོས་སྒྱུར་མའི་སྐུ། །མྱོས་བྱེད་རི་བོ་མདའ་དང་ཡོན་ཏན་གྲངས། །ཟུང་འཇུག་ལྷན་


TNT12_Page_0033
[མ་དཔེ་གཟིགས་ན་འདིར་གནོན།]

སྐྱེས་ངོ་བོར་སྡོམ་མཁས་མ། །རྗེ་བཙུན་རྣལ་འབྱོར་མ་ལ་ཕྱག་འཚལ་ལོ། །ཕྱི་ནང་གསང་བའི་མཆོད་སྤྲིན་རྒྱ་མཚོ་འབུལ། །ཉེས་བྱས་ཐམས་ཅད་སྙིང་ནས་སོ་སོར་བཤགས། །ཡི་རངས་ཆོས་ཀྱི་འཁོར་ལོ་བསྐོར་བ་བསྐུལ། །རྟག་ཏུ་བཞུགས་གསོལ་དགེ་བ་བྱང་ཆུབ་བསྔོ། །དཀྱིལ་འཁོར་གཙོ་མོ་དཔའ་བོ་དཔའ་མོ་དང༌། །སངས་རྒྱས་སྲས་བཅས་དབང་གི་ལྷ་མོ་ལ། །ཇི་སྲིད་བྱང་ཆུབ་བར་དུ་སྐྱབས་སུ་མཆི། །བླ་མེད་ཐེག་པར་བདག་གིས་སེམས་བསྐྱེད་དོ། །དབང་བཞི་མནོས་ཤིང་དམ་ཚིག་ལམ་ལ་གནས། །བྱིན་རླབས་རྒྱུད་སྦྱངས་རིམ་པ་གཉིས་ལ་སློབ། །ངོ་མཚར་སྤྱོད་པ་གསུམ་གྱི་རོལ་བ་སོགས། །མཐའ་དག་ལམ་རྣམས་བདག་གིས་བསྟེན་པར་བགྱི། །ཏིང་འཛིན་བརྟན་ཅིང་འཕྲིན་ལས་ཐོགས་མེད་འགྲུབ། །ཕོ་ཉ་གསུམ་འདུས་གྲུབ་པ་བརྒྱས་སོགས་ཐོབ། །འགྲོ་བའི་དོན་སྤྱོད་མཐུ་དང་ལྡན་པ་ཡི། །ཚེ་འདིར་ཧེ་རུ་ཀ་དཔལ་ཐོབ་པར་ཤོག །དེ་ནས་གཏོར་མ་བསངས་སྦྱངས། སྟོང་པའི་ངང་ལས་གཏོར་མ་རྣམས་ཀྱི་འོག་ཏུ་ཡཾ་ལས་རླུང་གི་དཀྱིལ་འཁོར། རཾ་ལས་མེའི་དཀྱིལ་འཁོར་གྱི་སྟེང་དུ། ཨ་ལས་ཐོད་པ་དཀར་པོ་དུམ་བུ་གསུམ་པ་དཔྲལ་བ་རང་ལ་བསྟན་པ། ཕྱི་དཀར་ལ་ནང་དམར་བ་ཡངས་ཤིང་རྒྱ་ཆེ་བའི་ནང་དུ། ན་གཽ་ཧ་ད་ཀུ་ལས་ཤ་ལྔ། མུ་བི་མ་ཤུ་ར་ལས་


TNT12_Page_0034
[མ་དཔེ་གཟིགས་ན་འདིར་གནོན།]

བདུད་རྩི་ལྔ་རྣམས་ཧཱུཾ་བྲུཾ་ཁཾ་ཛྲིཾ་ཨཾ་ཡེ་ཤེས་ལྔའི་ངོ་བོས་མཚན་པ་རླུང་གཡོས། མེ་སྦར། ཞུ་ཞིང་ཁོལ། རང་གི་སྙིང་ཁའི་འོད་ཀྱིས་ཡེ་ཤེས་ཀྱི་བདུད་རྩི་སྤྱན་དྲངས་ཏེ་བསྟིམ་པས། གཏོར་མ་ཟག་པ་མེད་པའི་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུཾ་ཧ་ཧོཿ་ཧྲཱིཿ ཨོཾ་གསུམ་མའི་མཐར། ཨ་ཀཱ་རོ་མུ་ཁཾ་སརྦ་དྷརྨ་ནཾ། ཨཱདྱ་ནུཏྤནྣ་ཏྭཱ་ཏ། ཨོཾ་ཨཱཿཧཱུཾ་ཕཊ་སྭཱཧཱ། ལན་ལྔས་དབུལ། བཛྲ་ཡོ་གཱི་ནི་ཨརྒྷཾ་ནས། ཤཔྟའི་བར་གྱིས་མཆོད། ཨོཾ་གསུམ་མ་ཚར་གཅིག་བརྗོད་ནས། རྡོ་རྗེ་རྣལ་འབྱོར་མའི་ཞལ་དུ་མཆོད་པར་འབུལ་ལོ། །ཨོཾ་ཨཱཿཧཱུཾ། དཔལ་ལྡན་རྡོ་རྗེ་མཁའ་འགྲོ་མ། །ཞེས་པ་ནས། དེ་སྙེད་རྣམས་ལ་ཕྱག་འཚལ་ལོ། །ལྷ་མོ་ཚད་མ་དམ་ཚིག་ཚད་མ་དང༌། །དེས་གསུང་ཚིག་ཀྱང་ཚད་མའི་མཆོག་ཡིན་ཏེ། །བདེན་པ་དེ་ཡིས་ལྷ་མོ་དེ་དག་གིས། །བདག་ལ་རྗེས་སུ་འཛིན་པའི་རྒྱུར་གྱུར་ཅིག །འཇིག་རྟེན་འདས་པའི་གཏོར་ཆོག་གོ །ཨོཾ་ཨཱཿཧཱུཾ་ཧ་ཧོ་ཧྲཱིཿཕཻཾ་བཛྲ་ཨ་རལླི་ཧོ། ཞེས་པ་ནས། ཡིད་ལ་འདོད་པ་ཀུན་འགྲུབ་ཤོག་གི་བར་གྱི་མཁའ་འགྲོ་སྤྱི་གཏོར་བྱ་སྟེ། འཇིག་རྟེན་པའི་གཏོར་ཆོག་གོ །བུམ་པའི་མཆོད་པ་གོང་ལྟར་བྱིན་གྱིས་བརླབས། བུམ་པ་བསངས་སྦྱངས། སྟོང་པའི་ངང་ལས། པཾ་ལས་པདྨ་དང་ཨ་ལས་ཟླ་བའི་དཀྱིལ་འཁོར་གྱི་སྟེང་དུ། བྷྲུཾ་ལས་རིན་པོ་ཆེའི་བུམ་པ་ཡངས་ཤིང་རྒྱ་ཆེ་བ། ལྷ་རྫས་ཀྱི་གོས་ཀྱིས་མགུལ་བཅིངས་དང༌། དཔག་བསམ་གྱི་ཤིང་གིས་ཁ་བརྒྱན་པ། ནང་ཆུ་དང་བཅུད་ཐམས་ཅད་ཀྱིས་ཡོངས་སུ་གང་བའི་དབུས་སུ། ཨེ་


TNT12_Page_0035
[མ་དཔེ་གཟིགས་ན་འདིར་གནོན།]

ཨེ་ཡོངས་སུ་གྱུར་པ་ལས། ཞེས་པ་ནས། ཨོཾ་ཡོ་ག་ཤུདྡྷ་སརྦ་དྷརྨ་ཡོ་ག་ཤུདྡྷོ྅ཧཾ། ཞེས་པའི་བར་མདུན་བསྐྱེད་བཞིན་བྱེད། ཨོཾ་སརྦ་ཏ་ཐཱ་ག་ཏ་བཛྲ་ཡོ་གཱི་ནི་ས་པ་རི་ཝཱ་ར་ཨརྒྷཾ་པྲ་ཏཱིཙྪ་སྭཱཧཱ། ཞེས་པ་ནས། ཤཔྟའི་བར་བརྗོད། ཨོཾ་བཛྲ་གཎྜེ་ར་ཎི་ཏ་ནས། ཨ་ཁཾ་སྭཱཧཱ། ཞེས་པས་མཆོད། ཨོཾ་གསུམ་མའི་རྗེས་སུ། རྡོ་རྗེ་རྣལ་འབྱོར་མའི་ཞལ་དུ་མཆོད་པ་འབུལ་ལོ། །ཨོཾ་ཨཱཿཧཱུཾ། དཔལ་ལྡན་རྡོ་རྗེ་མཁའ་འགྲོ་མ། །ནས། དེ་སྙེད་རྣམས་ལ་ཕྱག་འཚལ་ལོ། །ཞེས་པས་བསྟོད། རང་གི་སྙིང་ཁ་ནས་སྔགས་ཀྱི་འཕྲེང་བ་གཟུངས་ཐག་ལ་བཞོན་ནས་སོང་བས། བུམ་ནང་གི་རྗེ་བཙུན་མའི་ཐུགས་རྒྱུད་བསྐུལ། དེའི་བ་སྤུའི་བུ་ག་ནས་བདུད་རྩིའི་ཆུ་རྒྱུན་བྱུང་བས། བུམ་པ་ཡེ་ཤེས་ཀྱི་བདུད་རྩིས་གང་བར་གྱུར། དེ་ནས་བཟླས་པ་བྱེད། ཨོཾ་སུམྦྷ་སོགས་དང༌། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུཾ། ཞེས་པའང་བཟླས། མཆོད་བསྟོད་རྣམས་གོང་བཞིན་བྱའོ། །མ་འབྱོར་པ་དང་ཉམས་པ་དང༌། །གང་ཡང་བདག་རྨོངས་བློ་ཡིས་ནི། །བགྱིས་པ་དང་ནི་བགྱིད་སྩལ་བ། །དེ་ཀུན་མགོན་པོས་བཟོད་པར་མཛོད། །དུང་ཆོས་ཀྱི་ཆུ་བུམ་པར་བླུག །ཨོཾ་ཨཱཿཧཱུཾ། མཆོད་ཡོན་ཕུལ་བའི་རྐྱེན་གྱིས་བུམ་ནང་གི་རྗེ་བཙུན་མ་འོད་དུ་ཞུ་ནས། བུམ་པའི་ཆུ་ནུས་པ་ཀུན་དང་ལྡན་པར་གྱུར། དུང་ཆོས་ཀྱི་ཆུ་བླངས་ལ། ཇི་ལྟར་བལྟམས་པ་ཙམ་གྱི་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་སྐུ་


TNT12_Page_0036
[མ་དཔེ་གཟིགས་ན་འདིར་གནོན།]

ཁྲུས་གསོལ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུཾ། ཞེས་ཁྲུས་བྱས་ལ། སློབ་མ་ལ་བྱ་བ་ལྟར་བདག་འཇུག་རྫོགས་པར་བླངས། ཁྱེད་རང་གི་ཞེས་པ་དང༌། ཁྱེད་ཀྱི་ཞེས་པ་དང༌། ཁྱེད་རང་རྣམས་ཞེས་པ་རྣམས་བདག་གི་ཞེས་པ་དང༌། བདག་ཉིད་ཅེས་འདོན་པ་སྤོ། དེ་ནས་སློབ་མ་རྣམས་ལ་ཆབ་བཏང་མེ་ཏོག་བསྐྱེད་བསྡུ་བྱ། སློབ་དཔོན་གྱིས་ཆོས་བཤད། མཎྜལ་འབུལ་བར་བསྐུལ། སློབ་མས་ཀྱང་ཚོམ་བུ་གཡོན་བསྐོར་དུ་བཀོད་ལ། ཨོཾ་བཛྲ་བྷུ་མི་ཨཱཿཧཱུཾ་གཞི་ཡོངས་སུ་དག་པ་དབང་ཆེན་གསེར་གྱི་ས་གཞིའི་སྟེང་དུ། ཨོཾ་བཛྲ་རེ་ཁེ་ཨཱཿཧཱུཾ། ཕྱི་ལྕགས་རི་མུ་ཁྱུད་ཀྱི་བསྐོར་བ། ཧཱུཾ་དབུས་སུ་རིའི་རྒྱལ་པོ་རི་རབ། ཤར་ལུས་འཕགས་པོ། བྱང་སྒྲ་མི་སྙན། ནུབ་བ་ལང་སྤྱོད། ལྷོ་འཛམ་བུ་གླིང༌། ཉི་མ། ཟླ་བ། དབུས་སུ་ལྷ་དང་མིའི་དཔལ་འབྱོར་ཕུན་སུམ་ཚོགས་པ་གང་ཡང་མ་ཚང་བ་མེད་པ་འདི་ཉིད། བླ་མ་དང་དཀྱིལ་འཁོར་གྱི་གཙོ་མོ་གཉིས་སུ་མ་མཆིས་པ་ལ་འཇུག་པའི་ཆོས་འཁོར་བཅས་ཞུ་བའི་ཡོན་དུ་འབུལ་བར་བགྱིའོ། །ཐུགས་རྗེས་འགྲོ་བའི་དོན་དུ་བཞེས་སུ་གསོལ། བཞེས་ནས་བྱིན་གྱིས་བརླབ་ཏུ་གསོལ། ཅེས་མཎྜལ་ཕུལ། གང་གི་དྲིན་གྱིས་བདེ་ཆེན་ཉིད། །སྐད་ཅིག་ཉིད་ལ་འཆར་བ་གང༌། །བླ་མ་རིན་ཆེན་ལྟ་བུའི་སྐུ། །རྡོ་རྗེ་ཅན་ཞབས་པད་ལ་འདུད། །དཔལ་ལྡན་རྡོ་རྗེ་མཁའ་འགྲོ་མ། །ནས། འགྲོ་བ་སྐྱོབ་ལ་ཕྱག་འཚལ་ལོ། །སངས་རྒྱས་ཀུན་གྱི་རང་བཞིན་སྐུ། །སློབ་དཔོན་ལ་ནི་


TNT12_Page_0037
[མ་དཔེ་གཟིགས་ན་འདིར་གནོན།]

བདག་སྐྱབས་མཆི། །དཔལ་ལྡན་རྡོ་རྗེ་རྣལ་འབྱོར་མས། །བདག་ལ་བྱིན་གྱིས་བརླབ་ཏུ་གསོལ། །ལན་གསུམ་གྱིས་གསོལ་བ་གདབ། དཀོན་མཆོག་གསུམ་ལ་བདག་སྐྱབས་མཆི། །སྡིག་པ་ཐམས་ཅད་སོ་སོར་བཤགས། །འགྲོ་བའི་དགེ་ལ་རྗེས་ཡི་རང༌། །སངས་རྒྱས་བྱང་ཆུབ་ཡིད་ཀྱིས་བཟུང༌། །སངས་རྒྱས་ཆོས་དང་ཚོགས་མཆོག་ལ། །བྱང་ཆུབ་བར་དུ་སྐྱབས་སུ་མཆི། །རང་གཞན་དོན་ནི་རབ་སྒྲུབ་ཕྱིར། །བྱང་ཆུབ་སེམས་ནི་བསྐྱེད་པར་བགྱི། །བྱང་ཆུབ་མཆོག་གི་སེམས་ནི་བསྐྱེད་བགྱིས་ནས། །སེམས་ཅན་ཐམས་ཅད་དག་གིས་མགྲོན་དུ་གཉེར། །བྱང་ཆུབ་སྤྱོད་མཆོག་ཡིད་འོང་སྤྱད་པར་བགྱི། །འགྲོ་ལ་ཕན་ཕྱིར་སངས་རྒྱས་གྲུབ་པར་ཤོག །ཅེས་རྒྱུན་བཤགས་ལན་གསུམ་བརྗོད། སྲས་བཅས་སངས་རྒྱས་ཐམས་ཅད་དང༌། །དཔའ་བོ་རྣལ་འབྱོར་མ་རྣམས་ཀུན། །ཐམས་ཅད་བདག་ལ་དགོངས་སུ་གསོལ། བདག་མིང་འདི་ཞེས་བགྱི་བ་ཡི། །དུས་འདི་ནས་ནི་བཟུང་ནས་སུ། །ཇི་སྲིད་བྱང་ཆུབ་སྙིང་པོའི་བར། །ཇི་ལྟར་དུས་གསུམ་མགོན་པོ་རྣམས། །བྱང་ཆུབ་ཏུ་ནི་ངཻས་མཛད་པའི། །བྱང་ཆུབ་སེམས་ནི་བླ་ན་མེད། །དམ་པ་བདག་གིས་བསྐྱེད་པར་བགྱི། །ཚུལ་ཁྲིམས་ཀྱི་ནི་བསླབ་པ་དང༌། །དགེ་བའི་ཆོས་ནི་བསྡུད་པ་དང༌། །སེམས་ཅན་དོན་བྱེད་ཚུལ་ཁྲིམས་གསུམ། །སོ་སོར་བརྟན་པོར་བཟུང་བར་


TNT12_Page_0038
[མ་དཔེ་གཟིགས་ན་འདིར་གནོན།]

བགྱི། །སངས་རྒྱས་ཆོས་དང་དགེ་འདུན་ཏེ། །བླ་ན་མེད་པའི་དཀོན་མཆོག་གསུམ། །སངས་རྒྱས་རྣལ་འབྱོར་ལས་སྐྱེས་པའི། །སྡོམ་པ་དེང་ནས་བཟུང་བར་བགྱི། །རྡོ་རྗེ་རིགས་མཆོག་ཆེན་པོ་ལ། །རྡོ་རྗེ་དྲིལ་བུའི་ཕྱག་རྒྱ་ཡང༌། །ཡང་དག་ཉིད་དུ་བཟུང་བར་བགྱི། །སློབ་དཔོན་དག་ཀྱང་བཟུང་བར་བགྱི། །རིན་ཆེན་རིགས་མཆོག་ཆེན་པོ་ཡི། །དམ་ཚིག་ཡིད་དུ་འོང་བ་ལ། །ཉིན་རེ་བཞིན་ཡང་དུས་དྲུག་ཏུ། །སྦྱིན་པ་རྣམ་བཞི་རྟག་ཏུ་སྦྱིན། །བྱང་ཆུབ་ཆེན་པོ་ལས་བྱུང་བ། །པདྨའི་རིགས་ཆེན་དག་པ་ལ། །ཕྱི་ནང་གསང་བ་ཐེག་པ་གསུམ། །དམ་པའི་ཆོས་ནི་མ་ལུས་བཟུང༌། །ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་ཅད་ལྡན་པར་ནི། །ཡང་དག་ཉིད་དུ་བཟུང་བར་བགྱི། །མཆོད་པའི་ལས་ཀྱང་ཅི་ནུས་བགྱི། །བྱང་ཆུབ་སེམས་ནི་བླ་མེད་མཆོག །དམ་པ་བདག་གིས་བསྐྱེད་བགྱིས་ནས། །སེམས་ཅན་ཀུན་གྱི་དོན་གྱི་ཕྱིར། །བདག་གིས་སྡོམ་པ་མ་ལུས་བཟུང༌། །མ་བསྒྲལ་བ་རྣམས་བདག་གིས་བསྒྲལ། །མ་གྲོལ་བ་རྣམས་བདག་གིས་སྒྲོལ། །དབུགས་མ་ཕྱིན་པ་དབུགས་དབྱུང་ཞིང༌། །སེམས་ཅན་མྱ་ངན་འདས་ལ་འགོད། །ཅེས་ལན་གསུམ་གྱིས་སྡོམ་པ་བཟུང༌། སངས་རྒྱས་ཆོས་དང་དགེ་འདུན་ལ། །རྟག་ཏུ་བདག་ནི་སྐྱབས་སུ་མཆི། །རྣལ་འབྱོར་གསང་སྔགས་མཁའ་འགྲོ་མ། །འཁོར་ལོ་གསུམ་གྱི་བདག་ཉིད་


TNT12_Page_0039
[མ་དཔེ་གཟིགས་ན་འདིར་གནོན།]

ཅན། །ཀུན་ལ་བདག་ནི་སྐྱབས་སུ་མཆི། །དཔའ་བོ་དཔའ་མོ་དབང་ལྷ་མོ། །བྱང་ཆུབ་སེམས་དཔའ་བདག་ཉིད་ཆེ། ཁྱད་པར་དུ་ཡང་སློབ་དཔོན་ལ། །རྟག་པར་བདག་ནི་སྐྱབས་སུ་མཆི། །དཔལ་ལྡན་ཁྲག་འཐུང་སོགས་དཔའ་བོ། །རྣལ་འབྱོར་མ་དང་སྣང་མཛད་སོགས། །བྱང་ཆུབ་སེམས་དཔའ་དཔག་མེད་པ། །ཐམས་ཅད་བདག་ལ་དགོངས་སུ་གསོལ། །བདག་ནི་དུས་འདི་ནས་བཟུང་སྟེ། །ཇི་སྲིད་གཉིས་མེད་ལ་གནས་པར། །དེ་ཡི་ཚངས་སྤྱོད་གཉིས་མེད་པ། །ཉི་ཤུ་རྩ་གཉིས་ལེགས་པར་བསྲུང༌། །ཞེས་ལན་གསུམ་གྱིས་ཐུན་མོང་མ་ཡིན་པའི་སྡོམ་པ་བཟུང༌། ཨོཾ་ཙཀྵུཿབནྡྷ་ཝ་ར་ཨ་མ་ན་ཡེ་ཧཱུཾ། ཞེས་མིག་དར་བཏང༌། ཨཱ་ཁཾ་ཝཱི་ར་ཧཱུཾ་གིས་མེ་ཏོག་གཏད། བུམ་ཆུས་སློབ་མ་ལ་གཏོར་ལ་སུཾ་བྷས་བསངས། ཨོཾ་ཨཱཿཧཱུཾ་བདུད་རྩི་སྦྱིན། བུ་ཁྱོད་སུ་ཡིན་གང་ལ་དགའ་ཞེས་དྲི། སྐལ་བཟང་བདག་བདེ་བ་ཆེན་པོ་ལའོ། །ཞེས་རྗེས་བཟློས་བྱ། དེ་ཡིས་བུ་ལ་ཅི་ཞིག་བྱ། ཞེས་དྲི། སངས་རྒྱས་མཆོག་གི་དམ་ཚིག་གོ །ཞེས་རྗེས་བཟློས་བྱ། སློབ་མའི་སྙིང་ཁར་ཟླ་བ་ལ་རྡོ་རྗེ་དཀར་པོ་བསྒོམ་དུ་བཅུག་ནས། ཨོཾ་སརྦ་ཡོ་ག་ཙིཏྟ་ཨུཏྤ་ད་ཡཱ་མི། ཞེས་རྗེས་བཟློས་བྱར་བཅུག །རྡོ་རྗེ་སྙིང་ཁར་གཏུགས་པས་བརྟན་པར་བྱས་པར་བསྒོམས་ཤིག་བྱས་ལ། སློབ་


TNT12_Page_0040
[མ་དཔེ་གཟིགས་ན་འདིར་གནོན།]

མའི་སྙིང་ཁར་རྡོ་རྗེ་གཏུགས་ལ། སུ་ར་ཏེ་ས་མ་ཡ་སྟྭཾ་ཧོཿསིདྡྷི་བཛྲ་ཡ་ཐཱ་སུ་ཁཾ། རྡོ་རྗེ་སྤྱི་བོར་བཞག་ལ། དེང་ཁྱོད་རྡོ་རྗེ་རྣལ་འབྱོར་མའི་རིགས་སུ་ཞུགས་ཀྱི། དེ་བཞིན་གཤེགས་པ་ཐམས་ཅད་ཀྱི་མཆོག་ཏུ་གསང་བ་དམ་པ་འདི། དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་དུ་མ་ཞུགས་པ་རྣམས་ལ་སྨྲ་བར་མི་བྱ་སྟེ། མ་དད་པ་རྣམས་ལ་ཡང་མ་ཡིན་ནོ། །ཞེས་གསང་བར་གདམས། ཛཿཧཱུཾ་བཾ་ཧོཿ ཞེས་པས་ཡོལ་བའི་ནང་དུ་བཅུག །ཡེ་ཤེས་དབབ་པ་ཞུ་བའི་ཡོན་དུ་མཎྜལ་འབུལ། ཡེ་ཤེས་དབབ་པའི་དོན་དུ་མོས་པ་འདི་བཞིན་མཛོད་བྱས་ལ། མདུན་བསྐྱེད་བཅོམ་ལྡན་འདས་མའི་ཐུགས་ཀའི་བཾ་ཡིག་ལས་འོད་བྱུང༌། ཁྱེད་རང་གི་ལྟེ་བར་ཐིམ། འོད་འདུས་པ་ལས་ཆོས་འབྱུང་ཉིས་བརྩེགས་བཾ་ཡིག་ཟླ་བ་སྔགས་འཕྲེང་དང་བཅས་པ་ལས་འོད་འཕྲོས། ཁྱེད་རང་གི་ལུས་ཐམས་ཅད་གང༌། འཁོར་བ་ཐོག་མ་མེད་པ་ནས་བསགས་པའི་སྡིག་སྒྲིབ་ཐམས་ཅད་བསྲེགས་སྦྱངས། ལུས་འོད་ཀྱི་གོང་བུར་གྱུར་པའི་སྐད་ཅིག་ལས་རང་ཉིད་རྡོ་རྗེ་རྣལ་འབྱོར་མ་སྣ་ཚོགས་པདྨ་ཉི་མ་འཇིགས་བྱེད་དུས་མཚན་གྱི་གདན་ལ་གཡས་བརྐྱང་བས་བཞུགས་པ། སྐུ་མདོག་དམར་མོ་ཞལ་གཅིག་ཕྱག་གཉིས་སྤྱན་གསུམ་མ། གྲི་གུག་དང་ཐོད་པ་ཁ་ཊཱཾ་ག་བསྣམས་པ། རུས་པ་དང༌། མི་མགོའི་འཕྲེང་བས་བརྒྱན་པ། ཡེ་ཤེས་ཀྱི་མེ་འབར་བའི་དབུས་ན་བཞུགས་པའི་གནས་རྣམས་སུ། ཟླ་བའི་དཀྱིལ་འཁོར་གྱི་སྟེང་དུ་


TNT12_Page_0041
[མ་དཔེ་གཟིགས་ན་འདིར་གནོན།]

ཨོཾ་བཾ་ཧཾ་ཡོཾ་ཧྲིཾ་མོཾ་ཧྲེཾ་ཧྲིཾ་ཧཱུཾ་ཧཱུཾ་ཕཊ་ཕཊ། རྣམས་གསལ་བཏབ་ལ་རྗེས་བཟློས་མཛོད། བླ་མ་དང་རྡོ་རྗེ་རྣལ་འབྱོར་མ་གཉིས་སུ་མ་མཆིས་པས་བདག་ལ་ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཡོན་ཏན་འཕྲིན་ལས་དང་བཅས་པའི་དངོས་གྲུབ་དང༌། འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་མ་ལུས་པ་སྩལ་ཞིང་བརྟན་པར་མཛད་དུ་གསོལ། ལན་གསུམ། དེ་ནས་ཏིང་ལོ་སློབ་མའི་ཁར་སྦྱིན་ལ། མདུན་བསྐྱེད་བཅོམ་ལྡན་འདས་མའི་ཐུགས་ཀའི་བཾ་ཡིག་ལས་ངོ་བོ་རྡོ་རྗེ་རྣལ་འབྱོར་མ། རྣམ་པ་མུན་སེལ་གྱི་ཏིང་ལོ་འོད་གསལ་བ་བྱུང༌། ཁྱེད་རང་གི་ཁ་སྒོ་ནས་ཞུགས། དབུ་མའི་ལམ་ནས་རྒྱུད། ལྟེ་བའི་བཾ་ཡིག་དང་རོ་གཅིག་ཏུ་འདྲེས་པ་ལས། ནང་གི་རྣལ་འབྱོར་མ་མཚོན་གང་བར་འགྱུར། དེས་བདེ་བ་ཆེན་པོའི་གར་མཛད། ཆོས་འབྱུང་གི་གྲྭ་བཞིར་དགའ་བ་འཁྱིལ་བ་བཞི་གཡོན་དུ་འཁོར། སྨིན་མཚམས་དང་གསང་སྒོར་ཡང་དགའ་བ་འཁྱིལ་བ་གཡོན་དུ་འཁོར། ཕྱོགས་བཅུའི་སངས་རྒྱས་བྱང་ཆུབ་སེམས་དཔའ་ཐམས་ཅད་རྡོ་རྗེ་རྣལ་འབྱོར་མའི་རྣམ་པར་བྱོན་ནས། ཁྱེད་རང་ལ་ཐིམ་པས་རང་གི་ལུས་ངག་ཡིད་གསུམ་རྡོ་རྗེ་རྣལ་འབྱོར་མའི་སྐུ་གསུང་ཐུགས་ཀྱི་ངོ་བོ་དམ་པར་བྱིན་གྱིས་བརླབས། རོལ་ཆེན་བྱ། ཨོཾ་གསུམ་མ་བརྗོད། ཨོཾ་བཛྲ་ཨཱ་བེ་ཤ་ཨཿ ཡེ་ཤེས་ཕབ་པའི་རྒྱུན་དེ་སྤྱི་བོར་རྡོ་རྗེ་རྒྱ་གྲམ་དུ་བཞག་པས་བརྟན་པར་མོས་མཛོད། ཏིཥྛ་བཛྲ་ལན་གཉིས། མདུན་


TNT12_Page_0042
[མ་དཔེ་གཟིགས་ན་འདིར་གནོན།]

བསྐྱེད་རྡོ་རྗེ་རྣལ་འབྱཽར་མའི་སྐུ་ལ་མེ་ཏོག་ཕུལ་བར་མོས་ལ། མེ་ཏོག་འཐོར་བཞིན་དུ་འདིའི་རྗེས་བཟློས་གྱིས་བྱས་ལ། ཨོཾ་པྲ་ཏཱིཙྪ་བཛྲ་ཧོཿ སླར་ཡང་མེ་ཏོག་དེ་ཉིད་རང་གི་སྤྱི་བོར་བཅིང་པར་མོས་ཤིག་བྱས་ལ། ཨོཾ་པྲ་ཏི་གྲིཧྞ་ཏྭཾ་ཨི་མཾ་སཏྭ་མཧཱ་བ་ལ། རྣལ་འབྱོར་མ་དཔལ་དང་ཁྱོད་ཀྱི། །མིག་འབྱེད་པར་ནི་བརྩོན་པར་མཛད། །ཕྱེ་བས་ཐམས་ཅད་མཐོང་བ་ཡང༌། །རྡོ་རྗེའི་མིག་ནི་བླ་ན་མེད། །ཨོཾ་བཛྲ་ནཻ་ཏྲ་ཨ་པ་ཧ་ར་པ་ཏྲ་ལཾ་ཧྲི་ཏྲཾ། རྟེན་དང་བརྟེན་པར་བཅས་པའི་དཀྱིལ་འཁོར་པ་ཐམས་ཅད་མངོན་སུམ་བཞིན་དུ་གསལ་བར་གྱུར། དབང་གི་དངོས་གཞི་ཞུ་བའི་ཡོན་དུ་མཎྜལ་ཕུལ། རྣལ་འབྱོར་མ་དཔལ་དབང་བསྐུར་བ། །འགྲོ་བ་སྐྱོབ་པའི་གཟི་བརྗིད་ཅན། །ཇི་ལྟར་ཡོན་ཏན་འབྱུང་གནས་སྩལ། །དེ་བཞིན་བདག་ལ་དེང་སྩོལ་ཅིག །ཅེས་ལན་གསུམ་རྗེས་བཟློས་ཀྱི་གསོལ་བ་བཏབ། རིན་པོ་ཆེའི་ཁྲི་ཡངས་ཤིང་རྒྱ་ཆེ་བའི་དབུས་སུ། ཁྱེད་རང་རྣམས་རྡོ་རྗེ་རྣལ་འབྱོར་མར་གསལ་བའི་སྟེང་དུ། གདུགས་དཀར་པོ་མཐའ་བསྐོར་དུ་མཆོད་པའི་སྤྲིན་གྱི་ཕུང་པོས་ས་དང་བར་སྣང་ཐམས་ཅད་གང་བར་གྱུར། མདུན་བསྐྱེད་བཅོམ་ལྡན་འདས་མའི་ཐུགས་ཀ་ནས་དབང་གི་ལྷ་སྤྲུལ་ཏེ། དབང་བསྐུར་བའི་ལས་མཛད་པར་མོས་ཤིག་བྱས་ལ། བུམ་པ་བཟུང༌། མེ་ཏོག་འཐོར་ཞིང༌། ཧེ་རུ་ཀ་དཔལ་འབར་བའི་སྐུ་མངའ་བ། །ཧ་ཧའི་གད་མོས་ས་གསུམ་གཡོ་བར་མཛད། ཧཱུཾ་ཧཱུཾ་ཕཊ་ཀྱིས་བདུད་ཀྱི་ཀླད་པ་འགེམས། །བདེ་མཆོག་


TNT12_Page_0043
[མ་དཔེ་གཟིགས་ན་འདིར་གནོན།]

འཁོར་ལོའི་བཀྲ་ཤིས་དེང་འདིར་སྩོལ། །ཨེ་ཝཾ་མཉམ་པར་སྦྱར་བ་བདེ་བའི་སྐུ། །ཨཱ་ལི་ཀཱ་ལི་རོལ་བའི་གསུང་མངའ་ཞིང༌། །ཨཾགི་ངོ་བོ་སོན་པའི་ཐུགས་མངའ་བའི། །ཤེས་རབ་ཕག་མོའི་བཀྲ་ཤིས་དེང་འདིར་སྩོལ། །ཅེས་ཤིས་པ་བརྗོད། དབང་ལྷ་ལ་གསོལ་བ་འདེབས་པ་འདིའི་རྗེས་བཟློས་མཛོད་བྱས་ལ། དེ་བཞིན་གཤེགས་པ་ཁྱེད་རྣམས་ཀྱིས་བདག་ལ་མངོན་པར་དབང་བསྐུར་བ་སྩལ་དུ་གསོལ། དེ་ནས་དབང་གི་ལྷ་རྣམས་ཀྱིས། ཇི་ལྟར་བལྟམས་པ་ཙམ་གྱི་ནས། དེ་བཞིན་བདག་གིས་སྐུ་ཁྲུས་གསོལ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུཾ། ཨོཾ་ཙཀྲ་ཝཱི་ར་སྟྭཾ་ཨ་བྷི་ཥིཉྩ་ཧཱུཾ། ཞེས་ཆུ་དབང་བསྐུར། ཨོཾ་སརྦ་བུདྡྷ་ཌཱ་ཀི་ནི་ཡེ། བཛྲ་ཝརྞ་ནཱི་ཡེ། མཧཱ་མུ་ཀུ་ཊ་ཧོ། ཨོཾ་བཛྲི་བྷ་ཝ་ཨ་ཥིཉྩ་ཧཱུཾ། ཞེས་གསུང་ཞིང་བུམ་པའི་ཆུས་སྤྱི་བོ་ནས་དབང་བསྐུར། སྐུ་གང༌། དྲི་མ་དག །ཆུའི་ལྷག་མ་ཡར་ལུད་པ་ལས། རང་གི་སྤྱི་བོའི་གཙུག་ཏུ་རྣམ་པར་སྣང་མཛད། དཔྲལ་བར་མི་བསྐྱོད་པ། རྣ་བ་གཡས་པར་རིན་ཆེན་འབྱུང་ལྡན། ལྟག་པར་འོད་དཔག་མེད། རྣ་བར་གཡོན་པར་དོན་ཡོད་གྲུབ་པ་རྣམས་ཀྱིས་དབུ་རྒྱན། དེ་ནས་བརྟན་བཞུགས་སུ་གསོལ་བའི་མོས་པ་གྱིས་བྱས་ལ། རོལ་ཆེན་དང་བཅས་སློབ་མ་ལ་མེ་ཏོག་གཏོར་ལ། ཨོཾ་སུ་པྲ་ཏིཥྛ་བཛྲ་ཡེ་སྭཱཧཱ། ཞེས་བརྗོད། དེ་ནས་བཟླས་ལུང་ནི། མདུན་བསྐྱེད་བཅོམ་ལྡན་འདས་མའི་ཐུགས་ཁའི་བཾ་ཡིག་ལས་སྔགས་


TNT12_Page_0044
[མ་དཔེ་གཟིགས་ན་འདིར་གནོན།]

རྣམས་ཀྱི་འཕྲེང་བ་བྱུང༌། ཁྱེད་རང་གི་ཁ་སྒོ་ནས་ཞུགས། སྙིང་ཁའི་གཟུངས་སྔགས་ལ་ཐིམ་པས་སྔགས་ནུས་པ་མཐུ་དང་ལྡན་པར་བྱིན་གྱིས་བརླབ་པར་མོས་ལ་འདིའི་རྗེས་བཟློས་མཛོད་བྱས་ལ། ཨོཾ་གསུམ་མ་ལན་གསུམ་བརྗོད། དམ་བཅའ་བའི་ལུང་འདིའི་རྗེས་བཟློས་མཛོད་བྱས་ལ། བླ་མ་དང༌། རྡོ་རྗེ་རྣལ་འབྱོར་མ་གཉིས་སུ་མ་མཆིས་པ་བདག་ལ་དགོངས་སུ་གསོལ། བདག་མིང་འདི་ཞེས་བགྱི་བ་དུས་འདི་ནས་བཟུང་སྟེ། ཇི་སྲིད་བྱང་ཆུབ་སྙྀང་པོ་ལ་མཆིས་ཀྱི་བར་དུ་རྡོ་རྗེ་རྣལ་འབྱོར་མ་ཡི་དམ་གྱི་ལྷར་བཟུང་ནས། དེའི་གཟུངས་སྔགས་ཉིན་རེ་ལ་ཅི་ནུས་བཟླ་བར་དམ་འཆའ་ལགས་སོ། །སློབ་དཔོན་ལ་མེ་ཏོག་གཏོར་ལ་འདིའི་རྗེས་བཟློས་མཛོད། བཅོམ་ལྡན་བདག་གིས་བཟུང་ལགས་ཀྱི། །བདག་ལ་འགོ་བར་མཛད་དུ་གསོལ། །མེ་ཏོག་དེ་ཉིད་སླར་ཡང་ཁྱེད་རང་རྣམ་པའི་སྤྱི་བོར་གཏོར་བས་སྔགས་འཕྲེང་གི་རྣམ་པས་སྙིང་ཁར་ཐིམ་སྟེ། རྒྱུད་བྱིན་གྱིས་བརླབས་པར་མོས་མཛོད་བྱས་ལ། མེ་ཏོག་སློབ་མའི་སྤྱི་བོ་དང་སྙིང་ཁར་གཏོར་ཏེ། སྔགས་ཀྱི་དངོས་གྲུབ་སྩལ་དུ་གསོལ། །བརྟུལ་ཞུགས་བརྟན་པར་མཛད་དུ་གསོལ། །རིག་པ་འཛིན་པ་ཁྱེད་ཀྱི་རྒྱུད་ལ་རྡོ་རྗེ་རྣལ་འབྱོར་མའི་གསུང་རིག་སྔགས་ཀྱི་བྱིན་རླབས་དང༌། ནུས་མཐུ་མ་ལུས་པ་ཡོངས་སུ་འཇུག་པར་གྱུར་ཅིག །ཅེས་བརྗོད་དོ། །དེས་བུམ་དབང་ཐོབ་པས་བསྐྱེད་རིམ་སྒོམ་པ་ལ་དབང་བར་བྱས་སོ། །མདུན་བསྐྱེད་ཀྱི་ཐུགས་ཀ་ནས་འོད་ཟེར་འཕྲོས། སངས་རྒྱས་ཐམས་


TNT12_Page_0045
[མ་དཔེ་གཟིགས་ན་འདིར་གནོན།]

ཅད་སྤྱན་དྲངས། ཞལ་དུ་ཞུགས་བྱང་ཆུབ་ཀྱི་སེམས་སུ་ཞུ། གསང་བ་ནས་ཐོན། ཀ་པཱ་ལའི་བདུད་རྩི་དང་འདྲེས། དེ་ཉིད་ལྕེ་ཐོག་ཏུ་བཞག་པར་མོས་ཤིག །ཅེས་ཨོཾ་གསུམ་མའི་མཐར་འབྲུ་གསུམ་བརྗོད་ཅིང༌། དཀྱིལ་འཁོར་གྱི་ནང་མཆོད་ནས་བླངས་ལ་སློབ་མ་ལ་སྦྱིན། དེས་གསང་དབང་ཐོབ་པས། ལམ་རང་ལུས་ལ་བརྟེན་ནས་རྩ་དབུ་མ་ཁ་དབྱེ་བའི་ཐབས་སྒོམ་པ་ལ་དབང་ངོ༌། །དེ་ནས་སིནྡྷུ་རའི་དཀྱིལ་འཁོར་ལས་སིནྡྷཱུ་ར་སློབ་དཔོན་གྱི་འཐེབ་སྲིན་གཡོན་པས་བླངས་ལ། སློབ་མའི་དཔྲལ་བ། མགྲིན་པ། སྙིང་ཁ། ལྟེ་བ་རྣམས་སུ་བྱུགས། འབྲུ་གསུམ་བརྗོད། དེ་ལྟར་གནས་བཞི་བྱིན་གྱིས་བརླབས་པའི་རྐྱེན་གྱིས་ལྟེ་བའི་གཏུམ་མོ་འབར། སྤྱི་བོའི་ཧཾ་ཡིག་ཞུ་བས། དགའ་བ་བཞིའི་ཡེ་ཤེས་སྐྱེས་པར་མོས་ལ། སྔགས་དང་ཕྱག་རྒྱ་འདིའི་རྗེས་བཟློས་གྱིས། ཞེས་བརྗོད་ལ། ཨོཾ་སརྦ་ཏ་ཐཱ་ག་ཏ་ཨ་ནུ་ར་ག་ཎ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཞེས་པ་དང་འཁྱུད་རྒྱ་བྱར་བཅུག །དེས་ཤེས་རབ་ཡེ་ཤེས་ཀྱི་དབང་བསྐུར་བ་ཐོབ་པས་ཕོ་ཉའི་ལམ་སྒོམ་པ་ལ་དབང་བ་ཡིན་ནོ། །དེ་ལྟ་བུའི་ཞུ་བདེ་དེ་ཉིད་དཔེར་བྱས་ཏེ། དོན་རང་སེམས་བདེ་བ་ཆེན་པོ་ལྷན་ཅིག་སྐྱེས་པའི་དོན་སྒོམ་པ་ནི་བཞི་པའི་ཡེ་ཤེས་ཏེ། དངོས་པོ་མེད་པའི་ཆོས་ཉིད་ཆོས། །ནམ་མཁའ་ལྟ་བུར་དྲི་མ་མེད། །སྟོང་ཉིད་ཡེ་ཤེས་རྡོ་རྗེ་ཡི། །སྟོང་པ་ཉིད་ནི་རྣམ་པར་སྒོམ། །ཞེས་པ་ཡིན་པས་སྤྲོས་བྲལ་བདེ་སྟོང་ལ་ཅུང་ཟད་མཉམ་པར་ཞོག་མཛོད། དེ་ནི་དབང་བཞི་པ་སྟེ། ལམ་དེ་ཁོ་ན་ཉིད་དངོས་སུ་སྒོམ་པ་


TNT12_Page_0046
[མ་དཔེ་གཟིགས་ན་འདིར་གནོན།]

ལ་དབང་ངོ༌། །དེ་ནས་རྗེས་ནི་སློབ་མས། གཙོ་བོས་ཇི་ལྟར་བཀའ་སྩལ་བ། །དེ་དག་ཐམས་ཅད་བདག་གིས་བགྱི། །ཞེས་ལན་གསུམ་དང༌། ཨོཾ་བཛྲ་བྷུ་མི་ཨཱཿཧཱུཾ་ནས། བླ་མ་དང་དཀྱིལ་འཁོར་གྱི་གཙོ་མོ་གཉིས་སུ་མ་མཆིས་པ་ལ་དབང་བཞི་བྱིན་རླབས་ཀྱི་ཚུལ་དུ་ཐོབ་པའི་བཀའ་དྲིན་གཏང་རག་གི་ཡོན་དུ་དབུལ་བར་བགྱིའོ། །ཐུགས་རྗེས་འགྲོ་བའི་དོན་དུ་བཞེས་སུ་གསོལ། །བཞེས་ནས་བྱིན་གྱིས་བརླབ་ཏུ་གསོལ། །ཅེས་མཎྜལ་འབུལ། དེང་ནས་བརྩམས་ཏེ་བདག་བྲན་དུ། ཁྱེད་ལ་བདག་ནི་འབུལ་ལགས་ཀྱི། ཁྱེད་ཀྱིས་སློབ་མར་བཟུང་བ་དང༌། །ཆ་ཤས་ཀྱིས་ཀྱང་སྤྱད་དུ་གསོལ། །ཅེས་ཡོན་འབུལ་ལོ། །ཚོགས་འཁོར་གྱི་བྱ་བ་ནི། བདག་འཇུག་གི་སྔ་ཕྱི་གཉིས་དང༌། སྐབས་འདི་གསུམ་གང་ལ་བྱས་ཀྱང་རུང་བ་ལས། དང་པོ་གཉིས་ལྟར་གཙོ་ཆེ་ནའང༌། དེང་སང་ཕྱི་མ་ལྟར་མཛད་དོ། །ལྷག་གཏོར་དང༌། འཇིག་རྟེན་པའི་གཏོར་མ་དུས་གཅིག་ལ་གཏོང༌། དེ་ནས་རྗེས་ཆོག་ནི་མཆོད་པ་རྣམས་ཁ་གསོས་ལ་བསངས་སྦྱངས། སྟོང་པའི་ངང་ལས་ཨ་ལས་ཡེ་ཤེས་ཀྱི་ཀ་པཱ་ལ་ཡངས་ཤིང་རྒྱ་ཆེ་བའི་ནང་དུ༌། ཞེས་པ་ནས། དེ་སྙེད་རྣམས་ལ་ཕྱག་འཚལ་ལོ། །ཞེས་པའི་བར་བུམ་བསྐྱེད་ལྟར་མཆོད་བསྟོད་རྣམས་བྱེད། བཅོམ་ལྡན་འདས་མས་བདག་གི་སྡིག་པ་དང༌། སྒྲིབ་པ་དང༌། དམ་ཚིག་ཉམས་ཆགས་ཐམས་ཅད་རྩ་བ་ནས་བྱང་ཞིང་དག་པར་མཛད་དུ་གསོལ། ཚེ་དང༌། བསོད་ནམས་དང༌། འབྱོར་པ་དང༌། དབང་ཕྱུག་ཕུན་སུམ་ཚོགས་པར་བྱིན་གྱིས་བརླབ་ཏུ་གསོལ།


TNT12_Page_0047
[མ་དཔེ་གཟིགས་ན་འདིར་གནོན།]

འཇིག་རྟེན་དང༌། འཇིག་རྟེན་ལས་འདས་པའི་དངོས་གྲུབ་མ་ལུས་པ་ཚེ་འདི་ཉིད་ལ་སྩལ་དུ་གསོལ། གལ་ཏེ་ཚེ་འདིར་འགྲུབ་པའི་སྐལ་བ་མེད་ན། འཆི་ཚེ་མཁའ་སྤྱོད་ཀྱི་གནས་སུ་འཁྲིད་པ་དང༌། མཐར་ཐུག་ཟུང་འཇུག་རྡོ་རྗེ་འཆང་ཆེན་པོའི་གོ་འཕང་ཐོབ་པར་བྱིན་གྱིས་བརླབ་ཏུ་གསོལ། ཞེས་འདོད་དོན་ཞུ། དེ་ནས་སྟོབས་བཞི་ཚང་བའི་སྒོ་ནས་བཤགས་པ་ནི། དུས་གསུམ་རྒྱལ་བའི་གཉིས་མེད་ཡེ་ཤེས་སྐུ། །འགྲོ་ལ་བརྩེ་བས་རྗེས་ཆགས་ལྷ་མོའི་སྐུར། །སྟོན་མཛད་རྡོ་རྗེ་ཕག་མོ་རྣལ་འབྱོར་མ། །དཔའ་བོ་དཔའ་མོའི་ཚོགས་བཅས་དགོངས་སུ་གསོལ། །བདག་ཅག་འཁྲུལ་བས་སྔོན་བསགས་སྡིག་ཀུན་དང༌། །སྡོམ་པ་གསུམ་དང་འགལ་བ་གང་བགྱིས་པ། །རྡོ་རྗེ་བཙུན་མོའི་དྲུང་དུ་མཐོལ་ལོ་བཤགས། །འགྱོད་ཅིང་སླན་ཆད་སྡོམ་པར་བགྱིད་ལགས་སོ། །རིགས་ལྔའི་དམ་ཚིག་ཚུལ་བཞིན་མ་བསྒྲུབས་དང༌། །རྩ་བའི་ལྟུང་བ་བཅུ་བཞིས་གོས་པ་དང༌། །སྦོམ་པོ་བརྒྱད་སོགས་ཉེས་པ་གང་ལགས་པ། །དྲི་བྲལ་ལྷ་མོའི་སྤྱན་སྔར་མཐོལ་ལོ་བཤགས། །ཐུན་བཞིའི་བསྟན་འཛིན་ཆག་གམ་ནོར་བ་དང༌། །བཟླས་པའི་བྱ་བ་འཁྲུལ་དང་ཆོ་ག་ཉམས། །གུས་པ་ལྷོད་དང་རྣམ་གཡེངས་དབང་གྱུར་དང༌། །ཉོན་མོངས་དྲག་པོའི་དབང་གྱུར་མཐོལ༴ །རྒྱུན་དང་ཁྱད་པར་གཟའ་བའི་དམ་ཚིག་ལ། །ངན་པར་རྟོག་དང་བརྙས་དང་འགོམ་


TNT12_Page_0048
[མ་དཔེ་གཟིགས་ན་འདིར་གནོན།]

པ་དང༌། །ཚེས་བཅུའི་མཆོད་དང་འཁོར་ལོའི་མཆོད་པ་སོགས། །ངན་ཅིང་དུས་སུ་མ་མཐོང་༴ །ཕྱག་རྒྱ་གཞོན་པ་མཚོན་ཆ་མཚན་མ་དང༌། །ལྷག་མ་འགོམ་དང་དམ་ཅན་ལྷ་ཚོགས་བརྙས། །སྔགས་དང་ལྷ་དང་རྒྱུད་ཚིག་དྲི་མེད་ལ། །ཀྱལ་ཀ་བྱས་སོགས་ནོངས་པ༴ །ཤེས་རབ་རིགས་ལ་སྨད་དང་བརྡེག་པ་དང༌། །བསྐོར་དང་ཕྱག་འཚལ་ལ་སོགས་མ་འགྲུབ་དང༌། མ་དད་ཉོན་མོངས་རང་དགར་ཆགས་པ་དང༌། །རང་གཞན་བདེ་ཆེན་རྒྱུ་ཉམས༴ །རྡོ་རྗེ་རྣམ་པ་གསུམ་གྱི་དམ་ཚིག་དང༌། །ཐུན་མོང་མ་ཡིན་དམ་ཚིག་བརྒྱད་པོ་དང༌། །དགོངས་ཏེ་གསུངས་པའི་དམ་ཚིག་རྣམ་བཞི་དང༌། །འགལ་བར་གྱུར་པ་ཐམས་ཅད༴ །སྣོད་མ་ཡིན་ལ་གསང་བ་བསྒྲགས་པ་དང༌། །དབང་བསྐུར་བྱིན་རླབས་རིགས་སྔགས་སྦྱིན་པ་དང༌། །འོས་མིན་འཕྲིན་ལས་གསོལ་དང་གནས་མིན་པར། །སྔགས་རྒྱུད་སྦྱོར་བ་བྱས་སོགས་མཐོལ་ལོ་བཤགས། །བཤགས་དང་བཤགས་བྱ་བཤགས་པར་བྱེད་པོ་བྲལ། །འཛིན་པ་དག་ཕྱིར་དག་ཚངས་ཕུལ་བས་ཀྱང༌། །སྒྲིབ་གཉིས་རང་བཞིན་གདོད་ནས་རྣམ་དག་པའི། །གནས་ལུགས་རྟོགས་ནས་སངས་རྒྱས་ཐོབ་པར་ཤོག །ཨོཾ་ཤྲཱི་བཛྲ་ཧེ་རུ་ཀ་ཞེས་སོགས་ཧེ་རུ་ཀའི་ཡི་གེ་བརྒྱ་པ་ལན་གསུམ་བརྗོད་ལ། མ་འབྱོར་པ་དང་ཉམས་པ་དང༌། །གང་ཡང་བདག་རྨོངས་བློ་ཡིས་ནི། །བགྱིས་


TNT12_Page_0049
[མ་དཔེ་གཟིགས་ན་འདིར་གནོན།]

པ་དང་ནི་བགྱིད་སྩལ་བ། །དེ་ཀུན་མགོན་པོས་བཟོད་པར་མཛོད། །བདག་ཅག་ལས་དང་པོ་པའི་རྟེན་གྱི་གང་ཟག་ཏུ་གྱུར་པས་སེམས་སྒྲིབ་པ་དང་ལྡན་པ་དང༌། ཡོ་བྱད་མ་ཚང་བ་དང༌། ཏིང་ངེ་འཛིན་མི་གསལ་བ་དང༌། སྔགས་མ་དག་དང༌། ཆོ་ག་ལྷག་པ་དང་ཆད་པ་ཐམས་ཅད་ལྷག་ཆད་ཁ་བསྐང་ཞིང༌། བདག་ཅག་གི་ལམ་དང་དངོས་གྲུབ་ཀྱི་བར་ཆད་དུ་མི་འགྱུར་བར་བྱིན་གྱིས་བརླབ་ཏུ་གསོལ། ཅེས་བཟོད་པར་གསོལ། ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། ཇི་སྲིད་ནམ་མཁའ་དང་མཉམ་པའི་སེམས་ཅན་ཐམས་ཅད་མི་གནས་པའི་མྱ་ངན་ལས་འདས་པའི་ས་ལ་མ་བཞག་གི་བར་དུ་རྒྱལ་བ་རྣམས་མྱ་ངན་ལས་མི་འདའ་བར་བརྟན་པར་བཞུགས་སུ་གསོལ། བྱེ་བྲག་ཏུ་རྡོ་རྗེ་རྣལ་འབྱོར་མའི་རྟེན་སྐུ་འདི་ཉིད་ལ་བསྐྱེད་ཅིང་སྤྱན་དྲངས་པའི་ལྷ་ཚོགས་ཐམས་ཅད་འབྱུང་བ་བཞིའི་གནོད་པ་མ་བྱུང་གི་བར་དུ་བརྟན་པར་བཞུགས་སུ་གསོལ། བརྟན་པར་བཞུགས་ནས་ཀྱང་བདག་དང་སེམས་ཅན་ཐམས་ཅད་ཀྱི་མགོན་དང་སྐྱབས་དང༌། དཔུང་གཉེན་དམ་པ་མཛད་དུ་གསོལ། ཨོཾ་སུ་པྲ་ཏིཥྛ་བཛྲ་ཡེ་སྭཱཧཱ། ཞེས་བརྟན་བཞུགས་བྱ། ཁྱོད་ཀྱི་སེམས་ཅན་དོན་ཀུན་མཛད། །སོགས་སིན་དྷུ་རའི་ཡེ་ཤེས་པ་གཤེགས། རང་ཉིད་རྡོ་རྗེ་རྣལ་འབྱོར་མར་གསལ་བའི་གནས་རྣམས་སུ། ཟླ་བའི་དཀྱིལ་འཁོར་གྱི་སྟེང་དུ། ཨོཾ་བཾ། ཧཾ་ཡོཾ། ཧྲིཾ་མོཾ།


TNT12_Page_0050
[མ་དཔེ་གཟིགས་ན་འདིར་གནོན།]

ཧྲེཾ་ཧྲིཾ། ཧཱུཾ་ཧཱུཾ་ཕཊ་ཕཊ། སུམྦྷ་ལན་གཉིས་ཀྱི། ཚམས་རྔམ་སྔགས་ཀྱི་བསྲུང་བ་བྱེད་དོ། །དེ་ནས་སྤྱོད་ལམ་གྱི་རྣལ་འབྱོར་ནི། བདག་དང་སྣང་བའི་དངོས་པོ་ཐམས་ཅད་རྡོ་རྗེ་རྣལ་འབྱོར་མའི་སྐུའི་རང་བཞིན་ཨོཾ་གསུམ་མ་ཚར་གཅིག་བརྗོད་ནས། བརྗོད་པ་དང་གྲག་པའི་སྒྲ་ཐམས་ཅད་རྡོ་རྗེ་རྣལ་འབྱོར་མའི་གསུང་གི་རང་བཞིན། དྲན་རིག་རྣམ་པར་རྟོག་པ་ཐམས་ཅད་རྡོ་རྗེ་རྣལ་འབྱོར་མའི་ཐུགས་ཡེ་ཤེས་ཆེན་པོའི་ཆོ་འཕྲུལ་དུ་རྣམ་པར་དག་པ་ཡིན་ནོ། །དེ་ནས་སྨོན་ལམ་ནི། བདག་གི་དུས་གསུམ་དགེ་བ་ཅི་སྤྱད་པས། །ནམ་མཁའི་མཐའ་ཀླས་གྱུར་བའི་སེམས་ཅན་རྣམས། །བླ་མེད་རྡོ་རྗེ་ཐེག་པའི་སྣོད་གྱུར་ཏེ། །ཀུན་ཀྱང་རྡོ་རྗེ་འཛིན་པ་ཉིད་གྱུར་ཅིག །སྐྱེ་ཞིང་སྐྱེ་བ་དག་ནི་ཐམས་ཅད་དུ། །བློ་ལྡན་རིགས་བཟང་ང་རྒྱལ་མེད་པ་དང༌། །སྙིང་རྗེ་ཆེ་ཞིང་བླ་མ་ལ་གུས་བརྟན། །རྡོ་རྗེ་ཕག་མོ་དམ་ཚིག་ལ་གནས་ཤོག །རྡོ་རྗེ་དྲིལ་བུ་ལ་སོགས་རྟག་ཏུ་འཆང༌། །ཟབ་ཅིང་རྒྱ་ཆེའི་ཆོས་དོན་རྟོགས་པ་དང༌། །གོ་ཀུ་ཤུ་ཀྲ་ལ་སོགས་རྟག་བཟའ་ཞིང༌། །མཐར་ཐུག་བདེ་ཆེན་སྒྲུབ་པའི་སྐལ་ལྡན་ཤོག །བདེ་གཤེགས་སྤྱན་སྔར་གནས་གསུམ་མཁའ་འགྲོ་ཡི། །དམ་བཅས་བསྲུང་ཞིང་དངོས་གྲུབ་མཆོག་སྩོལ་བར། །ཐུགས་དམ་བཅས་ཤིང་རྟག་བསྲུང་དངོས་གྲུབ་ནི། །རྣམ་གསུམ་ཚེ་འདི་ཉིད་ལ་ཐོབ་པར་ཤོག །ལྷ་མོ་ཚད་མ་ནས། རྒྱུར་གྱུར་ཅིག །ཅེས་སྨོན་ལམ་བཏབ། དེ་ནས་རྩ་བརྒྱུད་


TNT12_Page_0051
[མ་དཔེ་གཟིགས་ན་འདིར་གནོན།]

ཀྱི་བླ་མ་ལ་གསོལ་བ་འདེབས་པ་ནི། ཆོས་ཀུན་གདོད་ནས་རྣམ་དག་ངོ་བོ་ཉིད། །དང་པོའི་སངས་རྒྱས་བདེ་ཆེན་ལྷན་ཅིག་སྐྱེས། །དུས་གསུམ་རྒྱལ་བ་ཀུན་གྱི་སྤྱི་ཡི་གཟུགས། །རྩ་བའི་བླ་མའི་ཞབས་ལ་གསོལ་བ་འདེབས། །སངས་རྒྱས་ཀུན་དངོས་ཁྱབ་བདག་རྡོ་རྗེ་འཆང༌། །གདུལ་དཀའ་འདུལ་མཛད་དཔལ་ལྡན་ཧེ་རུ་ཀ །ཤེས་རབ་རང་བཞིན་རྡོ་རྗེ་རྣལ་འབྱོར་མ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །རིམ་ལྔའི་ལམ་ལས་མཆོག་བརྙེས་དྲིལ་བུ་པ། །རིག་པའི་བརྟུལ་ཞུགས་ལེགས་སྤྱོད་ཌེཾ་གི་པ། །མུ་སྟེགས་འདུལ་མཛད་བར་མའི་སློབ་དཔོན་ཞབས། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །འཁོར་འདས་རོ་མཉམ་རྣལ་འབྱོར་ཏིལླི་པ། །དྲེགས་ལྡན་ཆེ་དགུའི་གཙུག་རྒྱན་ནཱ་རོ་པ། །གྲགས་པ་ནམ་མཁའི་མཐར་སོན་ཨ་དེས་པ། །གསོལ་བ༴ །བློ་ལྡན་དམ་པ་ཀློག་སྐྱ་ཤེས་རབ་བརྩེགས། །སློབ་དཔོན་མཆོག་གིས་རྗེས་བཟུང་སྒྲ་བསྒྱུར་མལ། །མཐུ་སྟོབས་མགོན་པོས་བྱིན་རླབས་ས་སྐྱ་པ། །གསོལ་བ༴ །གསང་སྔགས་རྒྱུད་སྡེའི་མཐར་སོན་རྗེ་བཙུན་མཆེད། །གནས་ལྔ་རིག་པའི་མཐར་ཐུག་ཀུན་དགའི་མཚོན། །དམ་ཆོས་འཁོར་ལོས་སྒྱུར་བ་འཕགས་པའི་ཞབས། །གསོལ་བ༴ །མཐའ་ཡས་གདམས་པའི་མངའ་བདག་དཀོན་མཆོག་དཔལ། །རིམ་གཉིས་ཏིང་འཛིན་བསྟན་པའི་བྲག་ཕུག་པ། །བསོད་


TNT12_Page_0052
[མ་དཔེ་གཟིགས་ན་འདིར་གནོན།]

ནམས་རྒྱལ་མཚན་འགྲོ་བའི་འདྲེན་པ་མཆོག །གསོལ་བ༴། ཆོས་བཞིན་ལྷུར་མཛད་དཔལ་ལྡན་ཚུལ་ཁྲིམས་དང༌། །ཡེ་ཤེས་རྒྱལ་མཚན་ཡོན་ཏན་མང་པོས་བརྒྱན། །འགྲོ་ཀུན་དགའ་བའི་འཕྲིན་ལས་བཟང་པོ་ཅན། །གསོལ་བ༴ །ཟབ་དོན་རྒྱ་མཚོའི་མངའ་བདག་ཤཱཀྱའི་མཚན། །ཐུགས་རྗེའི་དབང་ཕྱུག་གཞོན་ནུ་ཆོས་གྲུབ་ཞབས། །གཉིས་འཛིན་འཁྲུལ་བ་སྤངས་པའི་གྲོལ་མཆོག་རྗེ། །གསོལ་བ༴ །ཡང་ཆོས་རྗེ་བླ་མའི་རྗེས་སུ། ཆོས་བཞིན་སྤྱོད་མཛད་མཆོད་རྟེན་དཀར་པོ་བ། །སངས་རྒྱས་བསྟན་པའི་རྒྱལ་མཚན་ཚུལ་ཁྲིམས་འཛིན། །བློ་གྲོས་ཆོས་སྐྱོང་རྡོ་རྗེ་འཛིན་པའི་གཙོ། །གསོལ་བ༴ །ཟབ་དོན་རྒྱ་མཚོའི་སོགས་གོང་བཞིན། མཁྱེན་བརྩེའི་རང་བཞིན་ཀུན་དགའ་རྒྱལ་མཚན་ཞབས། །ཆོས་ཀུན་བདག་པོ་རྩ་བའི་བླ་མ་སྟེ། །རྩ་བ་བརྒྱུད་པའི་བླ་མ་ཐམས་ཅད་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །ཐུབ་པའི་བསྟན་ལ་རྣམ་དག་བསླབ་པ་གསུམ། །ལེགས་མནོས་རྩེ་གཅིག་སྒྲུབ་ལ་བརྩོན་པ་དང༌། །བྱང་ཆུབ་སེམས་བསྐྱེད་ཕ་རོལ་ཕྱིན་དྲུག་སོགས། །ཐེག་མཆོག་ལམ་ལ་འཇུག་པར་བྱིན་གྱིས་རློབས། ཁྱད་པར་གསང་བའི་ཐེག་པ་བླ་མེད་དུ། །དབང་བཞིས་སྨིན་བྱས་རྣམ་དག་དམ་ཚིག་བསྲུང༌། །རྡོ་


TNT12_Page_0053
[མ་དཔེ་གཟིགས་ན་འདིར་གནོན།]

རྗེ་སློབ་དཔོན་མཆོག་དང་ལྷག་པའི་ལྷས། །ཡང་དག་ཡེ་ཤེས་འཕོ་བར༴ །དག་སྣང་ལྷ་ཡི་འཁོར་ལོ་འཇུག་པའི་སྒོ། །ཀུན་རྫོབ་སྣང་ཞེན་སྦྱོང་བའི་ཐབས་ཀྱི་མཆོག །ཟབ་མོ་སྙིང་པོའི་དཀྱིལ་འཁོར་བསྒོམས་པ་ལས། །རབ་འབྱམས་དངོས་གྲུབ་འགྲུབ་པར༴ །སྣ་ཚོགས་སྒྱུ་མའི་འཁྲུལ་འཁོར་བགྲང་ཡས་རྣམས། །དོན་དམ་ལྷན་ཅིག་སྐྱེས་པར་ངེས་བསྡོམས་པ། །བདེ་ཆེན་ཙཎྜ་ལི་དང་མཉམ་སྦྱོར་པའི། །རྫོགས་རིམ་ཡེ་ཤེས་རྟོགས་པར༴ །ལམ་འདི་སྒྲུབ་ལ་བར་ཆད་ཀུན་ཞི་ཞིང༌། །མཐའ་དག་ཉེར་འཚོ་ཕུན་ཚོགས་ཀུན་སྒྲུབ་ནས། །རྡོ་རྗེ་ཕོ་ཉ་གནས་གསུམ་མཁའ་འགྲོ་ཡིས། །ལམ་གྱི་གྲོགས་མཆོག་སྒྲུབ་པར་བྱིན༴ །འཁོར་ལོ་རྣམ་བཞིའི་བགྲོད་པ་རྣམ་དག་ནས། །བཅུ་གཉིས་ས་ཡི་རིམ་པས་ལེགས་བགྲོད་པའི། །སྐུ་བཞི་ཡེ་ཤེས་ལྔ་ལྡན་རྡོ་རྗེ་འཆང༌། །ཚེ་འདི་ཉིད་ལ་འགྲུབ་པར་བྱིན་གྱིས་རློབས། །དེ་ནས་བཀྲ་ཤིས་ནི། བཀྲ་ཤིས་གང་ཞིག་ཆོས་ཀྱི་དབྱིངས་ལས་ལེགས་བྱུང་པའི། །ཧེ་རུ་ཀ་དཔལ་འཇིགས་བྱེད་རྒྱལ་པོ་འབར་བའི་སྐུ། །ཤེས་རབ་ཕག་མོའི་པདྨོར་རྡོ་རྗེ་རོལ་པར་མཛད། །བདེན་པ་དེས་ཀྱང་བདེ་མཆོག་ལ་གནས་བཀྲ་ཤིས་ཤོག །བཀྲ་ཤིས་གང་ཞིག་ཆོས་ཀྱི་འབྱུང་གནས་ཉམས་དགའ་བར། །སྣ་ཚོགས་ཆུ་སྐྱེས་ཉིན་བྱེད་གདན་ལ་བདེ་བར་བཞུགས། །རྒྱལ་བ་


TNT12_Page_0054
[མ་དཔེ་གཟིགས་ན་འདིར་གནོན།]

མ་ལུས་བསྐྱེད་པའི་ཡུམ་མཆོག་རྣལ་འབྱོར་མ། །བདེན་པ་དེས་ཀྱང་བདེ་མཆོག་ལ་གནས་བཀྲ་ཤིས་ཤོག །བཀྲ་ཤིས་གང་ཞིག་གསང་ཆེན་ཟབ་མོའི་དོན་སྟོན་པའི། །མཁའ་འགྲོ་གྲངས་མེད་གསུང་གི་སྙིང་པོ་སུམ་ཅུ་གཉིས། །ས་གསུམ་ཁྱབ་པའི་འོད་ཟེར་བྱེ་བའི་འཕྲོ་འདུ་ཅན། །བདེན་པ༴ །བཀྲ་ཤིས་གང་ཞིག་འགྱུར་མེད་ལྷུན་གྱིས་གྲུབ་པའི་དབྱིངས། ཁམས་གསུམ་ཀུན་ལ་བདེ་བ་ཆེན་པོས་ཁྱབ་པའི་ཐུགས། །ཚད་མེད་ཡོན་ཏན་འཕྲིན་ལས་ཚོགས་ཀྱི་ཉེར་འབར་མ། །བདེན་པ་དེས་ཀྱང་༴ །བཀྲ་ཤིས་གང་ཞིག་ཞིང་སྐྱོང་མ་མོའི་ཚོགས་རྣམས་ཀྱིས། །བདུད་དང་བགེགས་འཇོམས་ཞི་རྒྱས་དབང་གི་ལས་མཛད་ཅིང༌། །བསྲུང་བའི་འཁོར་ལོ་རྒྱ་ཆེན་རྟག་ཏུ་བརྟན་གྱུར་པ། །བདེན་པ་དེས་ཀྱང་བདེ་མཆོག་ལ་གནས་བཀྲ་ཤིས་ཤོག །དུས་རྒྱུན་གྱི་རྣལ་འབྱོར་ལ་གོང་དུ་བསྟན་པ་རྣམས་དང༌། ཉལ་བ་དང༌། ལྡང་བ་སྟེ། རྣལ་འབྱོར་བཅུ་གཅིག་གིས་ཆོག་གོ །རྡོ་རྗེ་ཕག་མོའི་སྒྲུབ་ཐབས་ནི། །ཀུན་གྱི་རྩ་བར་རབ་གྲགས་པ། །ལྷན་ཅིག་སྐྱེས་དགའ་ཐོབ་པའི་ཐབས། །སྙིང་པོའི་ཡི་གེ་བླ་ན་མེད། །རྨད་བྱུང་སྡེབ་ལེགས་འོད་བརྒྱའི་རོ་མོ་བཀྲ། །མཆོག་དང་ཐུན་མོང་སྦྲང་རྩིའི་བཅུད་ཀྱི་གནས། །རིམ་གཉིས་གེ་སར་སྙིང་པོ་བཞད་པའི་དཔལ། །མཆོད་ཆོག་འདབ་བརྒྱའི་དགའ་སྟོན་ཅི་ཡང་ཤར། །དེ་ལས་དགེ་བའི་ཆུ་ཀླུང་བརྒྱ། །མཐའ་དག་འགྲོ་ལ་ཉེར་འཚོའི་གཞི། །ལྷན་ཅིག་སྐྱེས་སྐུ་རྒྱ་མཚོ་ཡི། །ཀློང་དུ་བདེ་བར་


TNT12_Page_0055
[མ་དཔེ་གཟིགས་ན་འདིར་གནོན།]

སོན་གྱུར་ཅིག །རྗེ་བཙུན་རྡོ་རྗེ་རྣལ་འབྱོར་མ་སྒྲུབ་ཅིང་མཆོད་པའི་ཆོ་ག་ངག་འདོན་འདི་ཡང་རྒྱལ་ཁམས་པ་ཏཱ་ར་ནཱ་ཐས་སྨྲས་པའོ།། །།མངྒ་ལཾ།། །།ཨོཾ་སྭཱ་སྟི། དཔལ་ལྡན་ཀུན་ཁྱབ་ཟུང་འཇུག་ཡེ་ཤེས་ནི། །བརྟན་གཡོ་ཀུན་གྱི་སྲོག་ཏུ་རྟག་བཞུགས་ཀྱང༌། །མ་རྟོགས་འགྲོ་བ་རྣམས་ཀྱི་སྒྲིབ་བསལ་ཕྱིར། །རྡོ་རྗེ་འཛིན་པས་ཆོས་ཚུལ་མཐའ་ཡས་གསུངས། །སྡོམ་པའི་རྒྱུད་རྒྱལ་དངོས་གྲུབ་རླབས་འཕྲེང་འཁྲིགས། །ཟབ་དོན་ནོར་བུའི་ཕུང་པོས་གང་བ་ལས། །རྨད་བྱུང་ཆོ་གའི་སྦྱོར་བ་འདིར་འོངས་པ། །ཆུ་གཏེར་བསྲུབས་ལ་ཟླ་བ་གསར་པ་བཞིན། །གང་ལས་དུས་གསུམ་སངས་རྒྱས་སྲས་བཅས་རྣམས། །བསྐྱེད་མཛད་ཤེས་རབ་ཕ་རོལ་ཕྱིན་མ་ནི། །རྡོ་རྗེ་བཙུན་མོ་འཁོར་ལོའི་དབང་ཕྱུག་མའི། །སྒྲུབ་ཐབས་མཆོད་ཆོག་རྣམ་པར་དག་པ་འདི། །སྐལ་ལྡན་འགྲོ་ལ་དར་ཞིང་རྒྱས་པའི་ཕྱིར། །བགྲང་ཡས་གླེགས་བམ་སྣང་བརྙན་འབད་མེད་དུ། །སྤེལ་བར་བྱ་ཕྱིར་ལྷག་བསམ་དག་པ་ཡིས། །པར་གྱི་འཕྲུལ་འཁོར་མི་ཟད་ཆོས་སྦྱིན་བསྒྲུབས། །པར་ཡིག་མཁས་པ་ཨུ་རྒྱན་རྡོ་རྗེ་དང༌། །འདུ་བྱེད་ཕུལ་ཕྱིན་བཀྲ་ཤིས་འབྲུག་རྒྱལ་དང༌། །བསྟན་འཛིན་ཇོ་བོ་བསམ་འགྲུབ་རྣམས་ཡིན་ཏེ། །གང་འདིའི་མཐུན་རྐྱེན་མ་ལུས་སྦྱོར་བ་པོ། །དད་པའི་ནོར་དང་བློ་གྲོས་རྩལ་ལྡན་པའི། །ལྷས་བསྲུང་ཐོག་རྒོད་རྡོ་རྗེ་ཞེས་བྱ་བས། །གཅིག་ཏུ་རྣམ་པར་དཀར་བའི་ལྷག་བསམ་གྱིས། །བསྟན་དང་འགྲོ་ལ་ཕན་ཕྱིར་འབད་པས་བསྒྲུབས། །འདི་ལས་རྒྱ་ཆེན་དགེ་བ་གང་འགྲུབ་པ། །སྲིད་ཞིའི་ལེགས་བྱས་ཀུན་དང་ལྷན་ཅིག་ཏུ། །ཡོངས་སུ་ཞུགས་ལས་མཐའ་དག་འགྲོ་བ་ཀུན། །བླ་མེད་རྒྱལ་པའི་ས་ལ་འཁོད་པར་ཤོག །


TNT12_Page_0056
[མ་དཔེ་གཟིགས་ན་འདིར་གནོན།]

ལས་འདིར་འབད་རྩོལ་འབྲཻལ་པ་ཅན་ཀུན་དང༌། །དགེ་བ་སྒྲུབ་པོ་རང་ཉིད་སྔོན་འགྲོ་བའི། །སྐྱེ་བོ་སྲིད་གསུམ་ལམ་ལ་གནས་པ་ཀུན། །ཇི་སྲིད་བྱང་ཆུབ་སྙིང་པོའི་བར་དུ་ཡང༌། །ཚེ་རིང་ནད་མེད་ལོངས་སྤྱོད་རྒྱས་པ་དང༌། །བདུད་ཀྱི་ལས་དང་མི་མཐུན་ཕྱོགས་ཀུན་ཞི། །བསམ་དོན་དགེ་བ་ཐམས་ཅད་འགྲུབ་པ་དང༌། །དམ་པའི་ཆོས་ཀྱི་དགའ་སྟོན་འགྱེད་པར་ཤོག །བཀྲ་ཤིས་དཔལ་འབར་འཛམ་གླིང་བརྒྱན་དུ་ཤོག། །།དགེའོ།། །།

རྗེ་བཙུན་རྡོ་རྗེ་རྣལ་འབྱོར་མའི་སྲེག་བླུགས་ཀྱི་ལག་ལེན།


TNT12_Page_0057
[མ་དཔེ་གཟིགས་ན་འདིར་གནོན།]

རྗེ་བཙུན་རྡོ་རྗེ་རྣལ་འབྱོར་མའི་སྲེག་བླུགས་ཀྱི་ལག་ལེན་བཞུགས།


TNT12_Page_0058
[མ་དཔེ་གཟིགས་ན་འདིར་གནོན།]

ཨོཾ་སྭཱ་སྟི། དཔལ་རྡོ་རྗེ་རྣལ་འབྱོར་མའི་བསྲེག་བླུགས་འབྲིང་པོའི་ལག་ལེན་ནི་འདི་ཡིན་ཏེ། དང་པོར་ཡོ་བྱད་ཚོགས་པར་བྱ་བ་ལ། དུང་ཆོས་སམ་ཐོད་པར་བསངས་ཆུ་ཀུ་ཤ་དང་བཅས་པ། གཏོར་མ་རྒྱན་གྱིས་བརྒྱན་པ་གཉིས། པད་འདབ་མེད་པ་གཉིས། བསྲེག་རྫས་ཀྱི་ཁྱད་པར་ཏིལ་ནག་ལོགས་སུ་བྱ། གཞན་ནས་གྲོ་སྲན་འབྲས་སོགས་འབྲུ་སྣ་ཚོགས་བསྲེགས་པ། དུར་བ། ཟས་མཆོག །ཀུ་ཤ །བ་གླང་གི་ཤ་སྐམ་པོ་ལ་ཆང་དང་བདུད་རྩི་རིལ་བུ་བསྲེས་པས་བྱུགས་པ་དང༌། དེ་བཞིན་དུ་ཐིག་སྐུད་རྡུལ་ཚོན། རྡོར་དྲིལ། ཌ་མ་རུ། ནང་མཆོད། ཉུངས་ཀར། ཐལ་བ། བ་བྱུང༌། དྲི་བཟང། ཐོད་པའམ། དུང་ཆོས་སུ་མཆོད་ཡོན། གཞན་ཡང་མཆོད་པའི་ཡོ་བྱད་རྣམས་ཚང་བར་བྱས། མར་ཁུ་དང༌། ཡམ་ཤིང་དང༌། དཔལ་འབར་སོགས་ཀྱང་བཞག་གོ །གཉིས་པ་ཆོ་གའི་སྔོན་འགྲོ་ནི། སྐྱབས་འགྲོ་ནས་བཟླས་པའི་བར་བདག་བསྐྱེད་རྫོགས་པར་བསྒོམ། བསངས་ཆུ་ལ་དམིགས་ནས་སུམྦྷ་བརྒྱ་དང༌། མཆོད་ཡོན་ལ་དམིགས་ནས། ཨོཾ་ཨཱཿཧཱུཾ་བརྒྱ་རྩ་བཟླས་ལ་བཞག །ཐབ་གང་དུ་བྱ་བའི་ས་གཞིར། གཏོར་མ་ལྕོག་


TNT12_Page_0059
[མ་དཔེ་གཟིགས་ན་འདིར་གནོན།]

ཟླུམ་དེ་བཞག་ལ། བསངས་སྦྱང་ནས། ཡིད་ལ་འདོད་པ་ཀུན་འགྲུབ་ཤོག་གི་བར་སྔོན་འགྲོ་གཏོར་མ་དང་འདྲ། འཕྲིན་ལས་བཅོལ་བ་ནི། གང་དག་འདིར་གནས་ལྷ་དང་ཀླུ། །གནོད་སྦྱིན་སྲིན་པོས་གཞན་དག་ལ། །ས་འདི་བདག་གིས་བསླང་བར་བགྱི། །སྲེག་བླུག་དོན་དུ་ཁྱོད་ཀྱིས་སྩོལ། །ཞེས་ལན་གསུམ། གང་དག་ནག་པོའི་ཕྱོགས་ལ། ཞེས་སོགས་ཀྱིས་བགེགས་བསྐྲད་ལ་གཏོར་མ་ཕྱིར་དོར། ཨོཾ་བྷུཾ་ཁཾ་ནམ་མཁའ་རང་བཞིན་དུ་གྱུར། ཧཱུཾ་ལཾ་ཧཱུཾ་རྡོ་རྗེའི་རང་བཞིན་དུ་གྱུར། དེ་ནས་སུམྦྷ་བཟླ་བཞིན་དུ་ཉུངས་ཀར་དང་ཐལ་བ་གཏོར་རོ། །བ་བྱུང་དང་དྲི་བཟང་གིས་བྱུགས། ཨོཾ་བཛྲ་རཀྵ་རཀྵ་ཧཱུཾ་ཧཱུཾ་ཧཱུཾ་ཕཊ་སྭཱཧཱ། ཞེས་བསྲུང༌། དེ་ནས་ས་གཞི་དེར་ཐིག་བཏབ་ལ། ཐབ་ཀྱི་དཀྱིལ་འཁོར་ལེགས་པར་བྲིས། དེ་ཡང་ཐབ་སོར་ཉི་ཤུ་ལས་མི་ཆུང་བ། མུ་རན་ཁ་ཁྱེར་སོར་བཞི། དེ་རྣམས་དབྱིབས་གྲུ་གསུམ། རྩེ་མོ་རང་ལ་བསྟན་པ། དབུས་སུ་པད་འདབ་བརྒྱད་ཀྱི་ལྟེ་བར་གྲི་གུག །མུ་རན་ལ་རྡོ་རྗེ་དང༌། ཁ་ཁྱེར་ལ་པདྨ་འམ། གྲི་གུག་གི་འཕྲེང་བ་ཅན། དེ་རྣམས་ཀྱི་གཞི་ཁ་དོག་དམར་པོ་ཡིན། སྟེགས་


TNT12_Page_0060
[མ་དཔེ་གཟིགས་ན་འདིར་གནོན།]

བུ་གྲུ་བཞི་སེར་པོ། ཟུར་བཞིར་མགོ་ནང་དུ་བསྟན་པའི་ཟླ་ཕྱེད་རྡོ་རྗེའོ། །ཐབ་ནང་དུ་བུད་ཤིང་སྙོམས་པར་བརྩིགས་ལ་མེ་ཚང་བཅའ། སྟེགས་བུའི་ཕྱི་རོལ་ཅི་བདེ་བར། ཐབ་ཀྱི་གཡས་སུ་མཆོད་ཡོན་དང་ཞབས་བསིལ། དེའི་ནང་དུ་འཇིག་རྟེན་པའི་མེ་ལྷ་མཆོད་པའི་ཆུ་གཉིས་བཤམས། རང་གི་གཡོན་དུ་སྔ་མའི་འཕྲོ་ལས་མཐུད་དེ་སྲེག་རྫས་རྣམས་བཤམས། ཐབ་ཀྱི་གཡོན་ཀྱི་ཕྱོགས་སུ་ཉེར་སྤྱོད་ལྔ་དང༌། དེའི་ནང་དུ་ཡང་འཇིག་རྟེན་པའི་ཉེར་སྤྱོད་ལྔ་བཤམས། རྒྱབ་ཀྱི་ཕྱོགས་ཅི་བདེ་བར་གཏོར་མ་གསུམ་པོ་རྣམས་བསྒྲིག །རང་དང་ཐབ་ཀྱི་བར་དུ་མེ་ཡོལ་བརྩིགས། རྡོར་དྲིལ་ནང་མཆོད་རྣམས་རང་གི་མདུན་དུ་བཤམས། དགང་བླུགས་ཀྱང་མདུན་དུ་བཞག་གོ །མདུན་དུ་མི་བདེ་ན་གཡས་སུ་འཇོག་ཅིང༌། བུད་ཤིང་མར་ཁུ་ནི་ཅི་བདེ་བར་འཇོག་པ་ལས་གནས་ངེས་པ་མེད། སྒྲུབ་པའི་མཆོད་ཡོན་དང་བསངས་ཆུ་ཡང་གཡོན་གྱི་ཕྱོགས་སུ་འཇོག་པ་ལག་ལན་ཡིན། སུམྦྷ་བཟླས་ཤིང་བསངས་ཆུ་གཏོར་ལ། གནས་ཡོ་བྱིན་རླབས་བཞིན་མཆོད་རྫས་རྣམས་བྱིན་གྱིས་བརླབས། རྡོ་རྗེ་རྩེ་ལྔ་པའི་ཕྱག་རྒྱ་སྲེག་རྫས་རྣམས་ལ་བསྟན་ཏེ། འབྲུ་གསུམ་གང་མང་བཟླས། སུམྦྷས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་ཧཱུཾ་ལས་བྱུང་བའི་ལས་ཐམས་ཅད་པའི་ཐབ་ཁུང་དམར་པོ། ཆོས་འབྱུང་གི་དབྱིབས་ཅན། ཁ་ཁྱེར་དང་མུ་རན་དང༌། སྟེགས་བུ་དང་སོ་སོའི་མཚན་མ་སོགས་མཚན་ཉིད་ཐམས་ཅད་ཡོངས་སུ་རྫོགས་པ། ནང་ལྷ་རྫས་ཀྱི་བུད་ཤིང་གིས་གང་བ་དྭངས་ཤིང་ཐོགས་པ་མེད་པར་གྱུར། ཨོཾ་ཨཿཧཱུཾ་ལན་བདུན་བཟླས་ཏེ་དཔལ་འབར་སྤར། སུམྦྷས་བསངས་ཆུ་གཏོར་


TNT12_Page_0061
[མ་དཔེ་གཟིགས་ན་འདིར་གནོན།]

ལ། ཐབ་ལ་གཡོན་བསྐོར་དུ་ལན་གསུམ་བསྐོར་ནས་མེ་ཚང་དུ་བཅུག །ཨོཾ་ཛྭ་ལ་ཛྭ་ལ་ཧཱུཾ། དེ་ནས་ཧཱུཾ་བདུན་བཟླས་ཏེ་རླུང་གཡབ་ཀྱིས་སྦར། ཡང་སུམྦྷས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་འབར་བའི་མེ་ཉིད། རཾ་ལས་མེ་ལྷ་དཀར་པོ་བགྲང་འཕྲེང་དང་སྤྱི་བླུགས་འཛིན་ཞིང༌། པད་ཟླ་དང་ར་སྐྱེས་ལ་གནས་པ། པདྨ་དཀར་པོ་ལྟ་བུའི་བཞིན་ཅན། མེ་ལྕེ་སྟོང་གི་འཕྲེང་བ་འཁྲིགས་པའི་སྐུ་ཅན་དུ་གྱུར་པའི་ཐུགས་ཀར་མེའི་དཀྱིལ་འཁོར་གྲུ་གསུམ་ལ་གནས་པའི་རཾ། རང་གི་སྙིང་ག་ནས་འོད་ཟེར་འཕྲོས། ཤར་ལྷོ་ནས་མེ་ལྷ་འཁོར་དང་བཅས་པ་ཐམས་ཅད་བཛྲ་ས་མཱ་ཛཿ ཨོཾ་ཨེ་ཧྱཻ་ཧི། མཧཱ་བྷཱུ་ཏ། དེ་ཝ་རྀ་ཥི། དྭཱི་ཛཱ། སཏྭ་མ། གྲི་ཧྀ་སྟྭ། ཡུདྡྷཾ། ཨ་སྨིན་པ་ནི། ཧི་ཏྭ་བྷ་བ། བཛྲ་དྷ་ར་ཨཱཛྙཱ་པ་ཡ་ཏི་སྭཱཧཱ། ཞེས་པའི་མཐེ་བོང་ནང་དུ་བསྟན་པའི་ཐལ་མོ་རྣ་བའི་དྲུང་དུ་གཡབ་ཅིང༌། སུམྦྷས་བསངས་ཆུ་གཏོར་ཏེ། ཕྱི་འབྲང་རྣམས་བསྐྲད། ཨོཾ་ཨགྣ་ཡེ་ས་པཱ་རི་ཝཱ་ར་བྷྱཿ བཛྲ་ཨརྒྷཾ་པྲ་ཏཱིཙྪ་སྭཱཧཱ། བསྒྲུབས་པའི་མཆོད་ཡོན་ཏེ། མཆོད་ཡོན་འབུལ་བའི་སྣོད་དུ་བླུག །ཛཿཧཱུཾ་བཾ་ཧོཿ ཨོཾ་ཨགྣི་དེ་བ་ཏ་ས་མ་ཡ་སྟྭཾ། ཞེས་རྡོ་རྗེ་རྩེ་ལྔ་པའི་ཕྱག་རྒྱས་དམ་ལ་བཞག་གོ །ཨོཾ་ཨགྣི་ཡེ་སྭཱཧཱ། ལན་གསུམ་གྱི་དགང་བླུགས་ཕུལ་ལ། ཨོཾ་ཨགྣ་ཡེ་ཨ་དཱི་བྱ་ཨ་དཱི་བྱ་ཨ་བཱི་ཤ་བཱི་ཤ་མཧཱ་ཤྲཱི་ཡེ་ཧ་བྱ་ཀ་བྱ་བཱ་ཧ་ན་ཡ་སྭཱཧཱ། ཨརྒྷཾ་ནས་ཤཔྟའི་བར་གྱི་མཆོད། འཇིག་རྟེན་


TNT12_Page_0062
[མ་དཔེ་གཟིགས་ན་འདིར་གནོན།]

དབང་ཕྱུག་ཚངས་དབང་མགོན་གྱི་སྲས། །མེ་ལྷའི་རྒྱལ་པོ་ཌཱཀྐིས་དབང་བསྐུར་བ། །ཤེས་རབ་མཆོག་གིས་ཉོན་མོངས་ཐམས་ཅད་སྲེག །འཇིག་བྱེད་མེ་ལྷ་ཉིད་ལ་རྣམ་པར་འདུད། །ཅེས་བསྟོད་ཅིང་སྤྲོ་ན། ཚངས་དབང་འཇིག་རྟེན་སོགས་ཀྱང་བྱ། ཡང་གོང་བཞིན་དགང་བླུགས་གཅིག་ཕུལ་ཏེ། འཇིག་རྟེན་པའི་མེ་ལྷ་ཁོ་ན་མཆོད་པའི་ཆོ་གའོ། །ཡང་སུམྦྷས་བསངས། སྭབྷཱ་ཝས་སྦྱངས། སྟོང་པའི་ངང་ལས་འཇིག་རྟེན་པའི་མེ་ལྷའི་ཐུགས་ཀར་ཧཱུཾ་ལས་བྱུང་བའི་སྣ་ཚོགས་རྡོ་རྗེའི་ལྟེ་བའི་ཧཱུཾ་ལས་འོད་ཟེར་ཕྱོགས་བཅུར་འཕྲོས་པས་རྡོ་རྗེའི་ས་གཞི། རྭ་བ་དྲ་བ། ཞེས་པ་ནས། ཡོ་ག་ཤུདྡྷོ྅འི་བར་མདུན་བསྐྱེད་བཞིན་གསལ་བཏབ། མཆོད་པ་ལ་ཕྱི་མཆོད་འབུལ་བ་ནི། རྒྱས་པར་ན་སྒྲུབ་མཆོད་ཀྱི་མཆོད་འཕྲེང་བཞིན་ནམ། བསྡུ་ན་ཚིགས་བཅད་རྣམས་བོར་བའི་སྔགས་དང་ཕྱག་རྒྱས་ཕུལ། ཨོཾ་གསུམ་མའི་མཐར་འབྲུ་གསུམ་བཏགས་པས་ནང་མཆོད་ཕུལ། དཔལ་ལྡན་རྡོ་རྗེ་མཁའ་འགྲོ་མ་སོགས་ཀྱིས་བསྟོད། དེ་ནས་སྲེག་རྫས་འབུལ་བ་ནི། ཨོཾ་གསུམ་མ་དང༌།ན་མཿས་མནྟ་བུདྡྷ་ནཱཾ། ཨོཾ་ཨགྣ་ཡེ་སྭཱཧཱ། ཞེས་པ་ལན་རེ་དང༌། ཨོཾ་ཨགྣ་ཡེ་སྭཱཧཱ། ལན་བདུན་གྱི་མཐར། བདག་གི་སྡིག་སྒྲིབ་ནད་གདོན་བར་ཆད་མི་མཐུན་པའི་ཕྱོགས་ཐམས་ཅད་ཤནྟིཾ་ཀུ་རུ་སྭཱཧཱ། བཏགས་པས་དགང་བླུགས་ཕུལ། ཨོཾ་བོ་དྷི་བྲིཀྵ་ཡེ་སྭཱཧཱ། ཡཾ་ཤིང་དང༌། ཨོཾ་སརྦ་པཱ་པཾ་ད་ཧ་ན་བཛྲ་ཡེ་སྭཱཧཱ། ཏིལ། ཨོཾ་སརྦ་སཾ་པ་དེ་སྭཱཧཱ། ཟས་མཆོག །ཨོཾ་བཛྲ་ཨཱ་ཡུ་ཥེ་སྭཱཧཱ། དུར་བ།


TNT12_Page_0063
[མ་དཔེ་གཟིགས་ན་འདིར་གནོན།]

ཨོཾ་མཧཱ་བེ་ག་ཡེ་སྭཱཧཱ། ཨོཾ་བཛྲ་གྷསྨ་རི་སྭཱཧཱ། ཨོཾ་བཛྲ་བི་ཛ་ཡེ་སྭཱཧཱ། ཨོཾ་བཛྲ་པུཥྟ་ཡེ་སྭཱཧཱ། ཨོཾ་བཛྲ་མཧཱ་བ་ལ་ཡེ་སྭཱཧཱ། ཞེས་པ་རྣམས་ཀྱིས་འབྲུ་སྣ་ཚོགས་བསྲེས་པ་འབུལ། ཨོཾ་མཧཱ་ཤྲཱི་ཕ་ལ་དྷ་ན་སྭཱཧཱ། འབྲས་བུ་སྣ་ཚོགས་དང༌། ཨོཾ་ཨ་པྲ་ཏི་ཧ་ཏ་བཛྲ་ཡེ་སྭཱཧཱ། ཀུ་ཤ་དང༌། ཨོཾ་ཨགྣ་ཡེ་ཧེ་རུ་ཀ་མཧཱ་བཛྲ་ཨགྣ་ཡེ་སྭཱཧཱ། བཅུ་པ་ཞེས་བ་གླང་གི་ཤ་ལ་བདུད་རྩི་བྲན་པ་འབུལ། དེ་ལྟར་སྲེག་རྫས་ཚན་པ་རེ་རེ་ལ། རྫས་སྔགས་ཀྱི་འགོར་ལྷ་སྔགས། ཨོཾ་གསུམ་མ་དང་མེ་ལྷའི་སྔགས། འཇུག་ཏུ་བདག་གི་སྡིག་སྒྲིབ་ནད་གདོན་བར་ཆད་མི་མཐུན་པའི། ཕྱོགས་ཐམས་ཅད་ཤནྟི༵༵༵ཾ་ཀུ་རུ་སྭཱཧཱ། ཞེས་པ་རེ་སྦྱར་ཏེ་ཚར་གཅིག་ཕུལ་ལ། སླར་གྲངས་འཛིན་པ་ནི། སྤྲོ་ན་རྒྱས་པ་ལ་ཨོཾ་གསུམ་མ་དང༌། འབྲིང་དུ་ན་སངས་རྒྱས་ཀུན་གྱི་མཁའ་འགྲོ་མའི་སྔགས། ཤིན་ཏུ་བསྡུ་ན། ཨོཾ་བཛྲ་བཻ་རོ་ཙ་ནི་ཧཱུཾ་ཧཱུཾ་ཕཊ་སྭཱཧཱ། ཞེས་པ་སྟེ་ཅུང་ཟད་རྒྱས་པ་ན། ལྷ་སྔགས་དེ་ལ་གོང་བཞིན་ལས་སྔགས་བཏགས་པ་ཁོ་ནས་བསྲེག་པར་བྱ་སྟེ། སྡིག་པ་ཞི་བ་ལ་རྫས་ཀྱང་ཏིལ་ཉིད་ལ་གཙོ་བོར་བྱ་ཞིང༌། མ་འབྱོར་ན་ཡུངས་ཀར་རོ། །ལྷ་སྔགས་གཙོ་བོར་བཟླ་བ་འདི་ལྟ་བུ་ལ། སྤྱིར་ནི་སྲེག་རྫས་གང་གིས་ཀྱང་ཁ་སྐོང་གི་གྲངས་འཛིན་དུ་རུང་ངོ༌། །ཐུན་གྱི་མཐར། གཏོར་མ་དང་པོ་རྡོ་རྗེ་རྣལ་འབྱོར་མ་ལ་འབུལ་ཞིང༌། གཉིས་པ་མཁའ་འགྲོ་སྤྱི་གཏོར་དེ། དེ་དག་གཏོར་ཆོག་གི་སྐབས་བཞིན་བྱ་ལ། གསུམ་པ་འཇིག་རྟེན་པའི་མེ་ལྷ་ལ་འབུལ་ནི། ཨོཾ་ཨགྣ་ཡེ་ཨ་དི་བྱ་སོགས་ཀྱི་མཐར། ཨ་ཀཱ་རོ་བཏགས་པ་ལན་བདུན་གྱིས་ཕུལ། ཨརྒྷཾ་ནས་ཤཔྟའི་


TNT12_Page_0064
[མ་དཔེ་གཟིགས་ན་འདིར་གནོན།]

བར་གྱིས་མཆོད། གཟི་བརྗིད་ཆེན་པོ་མེ་ཡི་ལྷ༌། །འདོད་པ་ཐམས་ཅད་རབ་སྟེར་བ། །རང་གཞན་དོན་སྦྱོར་ས་ལ་བཞུགས། །ཚངས་སྲས་མཆོག་ལ་ཕྱག་འཚལ་ལོ། །མཆོད་སྦྱིན་གཏོར་མ་འདི་བཞེས་སོགས། སླར་ཡང་མཆོད་པ་ཁ་གསོས་ཏེ། བྱིན་གྱིས་བརླབས། ཨོཾ་སརྦ་ཏ་ཐཱ་ག་ཏ་བཛྲ་ཡོ་གཱི་ནི་སོགས་ཀྱི་འབུལ། དཔལ་ལྡན་རྡོ་རྗེ་མཁའ་འགྲོ་སོགས་དང༌། རྐང་བརྒྱད་ཀྱིས་བསྟོད། འདོད་དོན་ཞུ་བ་ཡིག་བརྒྱ་བཟོད་གསོལ། གཤེགས་གསོལ་རྣམས་དཀྱིལ་འཁོར་ཆོ་གའི་སྐབས་དང་འདྲ། མེ་ལྷ་སྤྱན་འདྲེན་པའི་ཕྱག་རྒྱ་ཕྱིར་བསྐྱེད་ལ། བདག་གི་དོན་དང་གཞན་གྱི་དོན། །བྱིན་ཟ་ཁྱོད་ཀྱིས་མཛད་ལགས་ཀྱིས། །མགུ་ཞིང་ཚིམ་པར་གྱུར་ནས་ཀྱང༌། །རང་གནས་བདེ་བར་གཤེགས་སུ་གསོལ། །གཙྪ་གཙྪ་སྭཱསྠ་ནཾ། ཞེས་གཤེགས་སུ་གསོལ། སྨོན་ལམ་དང་བཀྲ་ཤིས་ཅི་འགྲུབ་བྱའོ། །ཐུན་མང་པོ་དང་ཉིན་ཞག་མང་པོ་སྦྲེལ་ནས་བྱེད་ན། ཐུན་རེ་བཞིན་ནམ་མ་འགྲུབ་ན་ཉིན་རེ་བཞིན། སྔོན་འགྲོ་གཏོར་མ་བཏང༌། བདག་བསྐྱེད་སྔོན་དུ་འགྲོ་བས་མཆོད་རྫས། སྲེག་རྫས་བྱིན་གྱིས་བརླབས་པ་མན་ཆད་གོང་བཞིན་བྱའོ། །བསངས་ཆུ་དང༌། མཆོད་ཡོན་སྒྲུབས་པ་ཡང་ཁ་གསོ་བར་སྤྲོ་ན་བདག་བསྐྱེད་ཀྱི་བཟླས་པའི་མཐར་དེ་དག་ལ་དམིགས་ནས་སུམྦྷ་ནི་དང་འབྲུ་གསུམ་ཅི་རིགས་བཟླའོ། །སྦྱིན་སྲེག་གི་མེ་ཁས་མི་འབུད་པ་དང༌། མེ་མ་ཤི་བར་མི་དཀྲུག་པ་སོགས་སྤྱི་དང་འདྲའོ། །ལག་པ་པུས་མོའི་ཁོང་ལས་མི་འདའ་བ་དང༌། རྡོར་དྲིལ་དང་མ་བྲལ་བ་བྱེད་པ་སོགས་འདི་ལ་མི་དགོས་སོ། །འདིའི་སྲེག་རྫས་རྫས་སྔགས་སོ་སོའི་འབུལ་བའི་སྐབས་དེ་འཇིག་རྟེན་དང༌།


TNT12_Page_0065
[མ་དཔེ་གཟིགས་ན་འདིར་གནོན།]

འཇིག་རྟེན་ལས་འདས་པའི་མེ་ལྷ་ལ་ཐུན་མོང་དུ་འབུལ་བ་ཡིན་ལ། གྲངས་འཛིན་པ་ནི་འཇིག་རྟེན་ལས་འདས་པ་ཁོ་ན་ལའོ། །དེ་ལྟ་ན་འདི་སྦྱིན་སྲེག་འབྲིང་པོ་ཡིན་ལ། བསྡུས་པ་ནི་འཇིག་རྟེན་པའི་མེ་ལྷའི་ཆོ་ག་རྣམས་དོར་ཞིང༌། འཇིག་རྟེན་འདས་པའི་སྐབས་ཀྱི་རྫས་སྔགས་སོ་སོ་བ་ཡང་སྤངས་ཏེ། འབར་བའི་ཕུང་པོ་ཉིད་དྲང་སྲོང་མེ་ལྷའི་ངོ་བོར་ལྷག་པར་མོས་པས་ཆེད་པའོ། །རྒྱས་པ་ནི། བདེ་མཆོག་ལཱུ་ནག་གི་ཆོ་ག་འདོན་པ་སྤོས་པ་ཁོ་ནའོ། །དེ་ལྟར་ན་རྒྱས་འབྲིང་བསྡུས་གསུམ་གྱི་རིམ་པ་རྣམས་མ་འདྲེས་པར་བྱའོ། །ཞེས་པ་ཏཱ་ར་ནཱ་ཐས་སྨྲས་པའོ།། །།མངྒ་ལཾ།། །།

ཕག་མོའི་སྦྱིན་སྲེག་ཤིན་ཏུ་བསྡུས་པ།


TNT12_Page_0066
[མ་དཔེ་གཟིགས་ན་འདིར་གནོན།]

ཕག་མོའི་སྦྱིན་སྲེག་ཤིན་ཏུ་བསྡུས་པ་བཞུགས། ཕག་མོའི་སྦྱིན་སྲེག་ཤིན་ཏུ་བསྡུས་པ་ནི། དཀྱིལ་འཁོར་ཆོས་འབྱུང་གི་དབུས་སུ་པདྨའི་འདབ་བརྒྱད་ཡོད་པ་ལྟེ་བ་ལ་གྲི་གུག་བྲིས་ཏེ། དམར་པོ་ལ་དཀར་པོས་བཅད་རྒྱབ་ཆེ་ཆུང་ཁྲུ་གང་བ་བྱ། ལྕི་བ་གོང་དེ་དང་མཐུན་པར་བརྩིགས་པའམ་ཟླུམ་པོར་བརྩིགས་པ་གང་བདེ་བྱ། གཏོར་མ་ཆེ་ཆུང་གཉིས་སྔོན་འགྲོ་གཏོར་མ་མཆོད་པ་ནང་མཆོད། དཔལ་འབར་ཡམ་ཤིང་ཏིལ་མར་ཁུ་འབྲུ་སྣ་ཚོགས་བ་གླང་གི་ཤ་སྐམ་པོ་ལ་ནང་མཆོད་བདུད་རྩིའི་རིལ་བུ་སྦྱར་བ་བྱུགས་པའི་མཐེ་ཆུང་གི་མགོ་ཙམ་མང་པོ་བཤམས། སྔོན་འགྲོ་གཏོར་མ་ནས་བདག་བསྐྱེད་བཟླས་པ་དང་བཅས་པའི་བར་གཞུང་བཞིན་བྱ། སྲེག་རྫས་རྣམས་སུམྦྷས་བསངས། སྭ་བྷཱ་ཝས་སྦྱངས། ཨོཾ་ཨཱཿཧཱུཾ། ལན་བརྒྱ་ཙམ་གྱིས་བྱིན་གྱིས་བརླབས། ཐབ་བསངས་སྦྱངས་སྟོང་པའི་ངང་ལས་བྷྲུཾ་ལས་བྱུང་བའི་ཐབ་ཁུང་གྲུ་གསུམ་དམར་པོ་ཁ་ཁྱེར་དང་མུ་རན་དང་སྟེགས་བུ་བཅས་པ། ནང་ལྷ་རྫས་ཀྱི་བུད་ཤིང་གིས་གང་བ། ཨོཾ་བཛྲ་ཛྭ་ལ་


TNT12_Page_0067
[མ་དཔེ་གཟིགས་ན་འདིར་གནོན།]

ཧཱུཾ། དཔལ་འབར་མེ་ཚང་དུ་བཅུག །ཐབ་ནང་འབར་བའི་མེའི་དབུས་སུ། ཨེ་ཨེ་ལས་ཞེས་པ་ནས། ཨོཾ་ཡོ་ག་ཤུདྡྷོ྅ཧཾ་གི་བར་བདུན་བསྐྱེད་བཞིན། སྐུའི་གཡོན་དུ་མེ་ལྷ་དམར་པོ་བགྲང་འཕྲེང་སྤྱི་བླུགས་འཛིན་པ་ར་སྐྱེས་ལ་བཞོན་པ། འབར་བའི་འཕྲེང་བ་འཁྲུགས་པ་བཞུགས་པར་གྱུར། དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། དེ་ནས་དང་པོ་མར་ཁུ་དགང་བླུགས་གསུམ་ཕུལ་ཏེ། ཨོཾ་གསུམ་མའི་མཐར། ཨོཾ་ཨགྣ་ཡེ་སྭཱཧཱ། ལན་གསུམ། ཨོཾ་ཨགྣ་ཡེ་ཨ་དཱི་བྷྱཿ ཨ་བྷི་ཤ་ཨ་བྷི་ཤ་མཧཱ་ཤྲཱི་ཡེ་ཧ་བྱ་ཀ་བྱ་བཱ་ཧ་ན་ཡེ་སྭཱཧཱ། ཞེས་བརྗོད། དེ་ནས་དྭངས་ཤིང་དྲི་མེད་ནས་བསྟོད་པའི་བར་བྱ། བསྡུ་ན་ཚིགས་བཅད་བོར། སྔགས་ཀྱི་སྐབས། ཨོཾ་སརྦ་ཏ་ཐཱ་ག་ཏ་བཛྲ་ཡོ་གཱི་ནི་ས་པ་རི་ཝཱ་རེ་བྷྱཿ མཧཱ་ཨགྣེ་དེ་བ་ཏ་ས་པ་རི་ཝཱ་རེ་བྷྱཿ ཨརྒྷཾ་པྲ་ཏཱིཙྪ་སཱཧཱ། ཞེས་སོགས་ཐམས་ཅད་ལ་སྦྱར་རོ། །གཙོ་མོའི་བསྟོད་པའི་མཐར། འཇིག་རྟེན་དབང་ཕྱུག་ཚངས་དབང་མགོན་གྱི་སྲས། །མེ་ལྷའི་རྒྱལ་པོ་ཊཱཀྐིས་དབང་བསྐུར་བ། །ཤེས་རབ་མཆོག་གི་ཉོན་མོངས་ཐམས་ཅད་སྲེག །འཇིགས་བྱེད་མེ་ལྷ་ཉིད་ལ་རྣམ་པར་འདུད། །བདག་ལ་དངོས་གྲུབ་སྩལ་དུ་གསོལ། །དེ་ནས་ཨོཾ་གསུམ་མ་ལ། ཨོཾ་ཨགྣ་ཡེ་སྭཱཧཱ་ཞེས་བཏགས། ཨ་དཱི་བྱ་སོགས་སྦྱར་ལ། མར་ཁུ་ལན་བདུན་ཙམ་ཕུལ་བ་དང༌། ཨོཾ་བོ་དྷི་བྲིཀྵ་ཡ་སྭཱཧཱ་སྦྱར་བས་ཡམ་ཤིང༌། ཨོཾ་བཛྲ་བི་ཛ་ཡ་སྭཱཧཱ་སྦྱར་བས་འབྲུ་སྣ་ཚོགས་ཕུལ།


TNT12_Page_0068
[མ་དཔེ་གཟིགས་ན་འདིར་གནོན།]

ཨོཾ་སརྦ་པཱ་པཾ་ད་ཧ་ན་བཛྲ་སྭཱཧཱ། སྦྱར་བས་ཏིལ་ལན་བདུན་ཕུལ། དངོས་གཞི་ཨོཾ་གསུམ་མ་ཁོ་ན་བཟླ་ཞིང༌། ཏིལ་ཕུལ་ཏེ་གྲངས་འཛིན་ཐུན་གྱི་མཇུག་ཏུ་བ་གླང་གི་ཤ་བརྒྱ་ཙམ་ཕུལ་ལ། ཨོཾ་གསུམ་མ་བརྒྱ་ཐམ་པ་དང་སྦྱར། དེ་ནས་རྣལ་འབྱོར་མའི་གཏོར་བསྔོ་དང༌། ཨ་ཀཱ་རོ་ལན་བདུན་གྱིས་མེ་ལྷ་ལ་ཕུལ། དེ་ནས་ཆོ་གའི་མཇུག་གི་རྗེས་ཆོག་དེ་ཀ་བྱ་བ་ལས། ཁྱད་པར་ནི། ཡེ་ཤེས་པ་གཤེགས་པའི་རྗེས་ལ་ཐལ་བ་ཅུང་ཟད་ཅིག་དཔྲལ་བར་སྐུད། འཇིག་རྟེན་པའི་མེ་ལྷ་མི་དམིགས་པར་གྱུར། ཞེས་བརྗོད་པའོ། །མེ་མ་ཤི་བར་མི་དཀྲུག་གོ །ཞེས་པ་འདི་ཉེ་གནས་ཟེར་བའི་རྟོགས་ལྡན་གྱི་དོན་དུ། ཏཱ་ར་ནཱ་ཐས་བྲིས། དར་རྒྱས་འཕེལ། །མངྒ་ལཾ། དགེའོ།།


TNT12_Page_0069
[མ་དཔེ་གཟིགས་ན་འདིར་གནོན།]

ཤོག་སྟོང་།

རྡོ་རྗེ་ཕག་མོའི་སྒྲུབ་ཐབས་ཆུང་བ།


TNT12_Page_0070
[མ་དཔེ་གཟིགས་ན་འདིར་གནོན།]

རྡོ་རྗེ་ཕག་མོའི་སྒྲུབ་ཐབས་ཆུང་བ་བཞུགས།


TNT12_Page_0071
[མ་དཔེ་གཟིགས་ན་འདིར་གནོན།]

འཇམ་པའི་དབྱངས་བླ་མ་མཆོག་གི་ཞབས་ཀྱི་པདྨོར་གུས་པར་ཕྱག་འཚལ་ལོ། །བསྐལ་པ་ཆེན་པོའི་མེ་དང་མཉམ་པའི་འོད། །ཐུན་མཚམས་འོད་དམར་འཛིན་པའི་མྱོས་ལྡན་མ། །གློག་ཕྲན་ལྟར་གཡོ་མི་འགྱུར་བདེ་བྱིན་མ། །ལྷ་མོ་མཆོག་གི་འགྲོ་འདི་རྗེས་བཟུང་མཛོད། །གངས་རིའི་ཁྲོད་འདིར་རྗེ་བཙུན་མའི་སྒྲུབ་ཐབས། །ཛ་ལནྡྷ་ར་བ་དང་པོའི་མགོན་པོའི་ཞབས་ཀྱིས་མཛད་པ། གཞན་དག་ཀྱང་སྣང་མོད། དེ་ནི་མ་ཐོས་སོ། །འདིར་ནི་སློབ་དཔོན་ཆེན་པོའི་བཞེད་པ་འཕགས་ཡུལ་གྲུབ་ཆེན་མང་པོའི་གཤེགས་ཤུལ། སྒྲུབ་ཐབས་ཆུང་བ་སྙན་རྒྱུད་མའམ་ལས་བདུན་ཅན་དུ་འབྱུང་བའི་དོན། བླ་མའི་ལུང་གིས་ཨིཎྜ་བྷུ་ཏི་དང༌། སྟོང་ཉིད་ཏིང་འཛིན་རྡོ་རྗེ་དང༌། རྔོན་པའི་གཞུང་སོགས་ལས་བག་ཙམ་ཁ་བསྐང༌། མན་ངག་ཞལ་ནས་བརྒྱུད་པས་ཅུང་ཟད་གསལ་བར་བྱས་ཏེ་སྙིང་པོ་མདོ་ཙམ་བྲི་བར་བྱའོ། །དེ་ཡང་དབང་ཐོབ་ཅིང་དམ་ཚིག་དང་ལྡན་པ་འདིའི་བྱིན་རླབས་ཀྱང་ངེས་པར་ཐོབ་པས་དང་པོར་རྒྱལ་བ་རྣམས་ཀྱིས་དབང་བསྐུར་བར་བསམ་ལ་ཁྲུས་བྱ། དེ་ནས། ཧཱུཾ་ལས་རྡོ་རྗེའི་ས་གཞི་རྭ་བ་གུར་ཡེ་ཤེས་ཀྱི་མེ་འབར་བའི་སྲུང་བའི་འཁོར་ལོ་ཨོཾ་བཛྲ་རཀྵ་རཀྵ་ཧཱུཾ་ཧཱུཾ་ཧཱུཾ། རང་གི་སྙིང་ག་ནས་མ་མོ་བཅུ་སྤྲོས། ཨོཾ་གྷ་གྷ་གྷ་ཏཱ་ཡ་སོགས་དང༌།


TNT12_Page_0072
[མ་དཔེ་གཟིགས་ན་འདིར་གནོན།]

ཨོཾ་བཛྲ་མུཏྒར་སོགས་བརྗོད། རང་གི་སྙིང་གའི་འོད་ཀྱིས་བླ་མ་ཡི་དམ་ཕཻཾ། དཀོན་མཆོག་གསུམ་ལ་བདག་སྐྱབས་མཆི། །སོགས་དང༌། དེ་ནས་སྐྱབས་ཡུལ་རྣམས་རང་གི་སྤྱི་བོ་ནས་ཐིམ། ཐོད་པའི་ནང་དུ་ཤ་ལྔ་བདུད་རྩི་ལ་ཡེ་ཤེས་ཀྱི་ངོ་བོའི་དམ་རྫས་ཀྱི་རྒྱ་མཚོར་གྱུར། ཨོཾ་ཨཱཿཧཱུཾ་ཧ་ཧོ་ཧྲཱིཿ ཨོཾ་ཨཱཿཧཱུཾ་བཾ་ཞེས་པ་བཀོད། ཨོཾ་བཛྲ་པུཥྤེ་ཨཱཿཧཱུཾ། ཞེས་ནང་མཆོད་ལ་མེ་ཏོག་དམར་པོས་མཆོད། ནང་མཆོད་དེས་སོར་མོ་རྣམས་དང་རྩ་བ་དང༌། སེན་མོ་ལ་ཐིག་ལེ་བྱས་ལ། ཨོཾ་བཾ་ཧཾ་ཡོཾ་ཧྲིཾ་མོཾ་ཧྲེ༵ཾ་ཧྲིཾ་ཧཱུཾ་ཧཱུཾ་ཕཊ་ཕཊ། ཨོཾ་ཨཱཿཧཱུཾ་ལན་དྲུག་གིས་བདུད་རྩིར་ཕུལ། མཉེས་ཤིང་ཞུ་བར་ལྟའོ། །ལག་པ་ལ་སོགས་པ་རྣམས་གནས་དྲུག་ཏུ་བྱུགས་པས་དེ་དང་དེར་ལྷ་རྣམས་ཐིམ། སྲིན་ལག་གིས་བདུད་རྩི་གཏོར་ཞིང་གནས་དང་མཆོད་པ་དང༌། མཎྜལ་གསང་གཏོར་བྱ། དེ་ནས་མེ་ལོང་དག་པ་སིནྡྷཱུ་ར། རྡུལ་གྱིས་གོས་པའི་སེང་རས་ཀྱིས་རྩགས་ལ། གཡོན་གྱི་མཐེ་སྲིན་ལག་གིས་གསེར་གྱི་སྨྱུག་གུ་བཟུང་ནས་ཆོས་འབྱུང་ཟུར་གསུམ་པ་ཕྱོགས་བཞི་རུ་དགའ་འཁྱིལ་རེ། ནང་དུ་ཨོཾ་གསུམ་མ་ཚན་གསུམ་དུ་བཅད་པའི་འོག་ཏུ་བཾ། སྟེང་དུ་ཧ་དང་བཅས་པ་བྲི། དེ་ཉིད་སྐད་ཅིག་གིས་རྗེ་བཙུན་མ་འཁོར་


TNT12_Page_0073
[མ་དཔེ་གཟིགས་ན་འདིར་གནོན།]

དང་བཅས་པར་གྱུར། ཕཻཾ། འབར་བའི་ཕྱག་རྒྱ་དང་བཅས། ཡེ་ཤེས་སེམས་དཔའ་རྗེ་བཙུན་མ་འཁོར་དང་བཅས་པ་སྔགས་ཀྱི་ཡིག་འབྲུ་དང་རོ་མཉམ་དུ་གྱུར། ཨོཾ་ཨཱཿཧྲཱིཿཔྲ་ཝ་ར་སད་ཀ་རཾ་ཨརྒྷཾ་པྲ་ཏཱིཙྪ་ཡེ་སྭཱཧཱ། ཨཉྩ་མ་ནཾ༴ པཱདྱཾ༴ པྲོཀྵ་ནཾ༴ ཨོཾ་ཨཱཿཧྲིཾ་ཧཱུཾ་ཧཱུཾ་ཧཿཧཿ ཞེས་ཤ་ཆེན་གྱི་སྤོས་ཕུལ། ཨོཾ་བཛྲ་ཡོ་གཱི་ནཱི་པུཥྤཾ་དྷུ་པཾ་དཱི་པཾ་གནྡྷཾ་བཱ་ལིཾ་གྲྀཧྞ་གྲྀཧྞ་མ་མི་རཀྵ་རཀྵ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་སྭཱཧཱ། ལན་བདུན་གྱིས་གཏོར་མ་དབུལ། ཨོཾ་བཛྲ་པུཥྤེ་ཨཱཿཧཱུཾ་ཕཊ་སྭཱཧཱ། སོ་རྩི་དང་ནང་མཆོད་དང༌། ཅང་ཏེའུ་བརྡུང་ཤིང་རྐང་བརྒྱད་དམ། རྩ་སྔགས་ཀྱིས་བསྟོད། ཡི་གེ་བརྒྱ་པ་བཟླས་ནས། ཛཱ་ཞེས་རང་ལ་བསྡུ་བའམ། གཤེགས་སུ་གསོལ་ཏེ་ཕྱི་རོལ་མཆོད་པའོ། །ཨོཾ་ཤཱུའུ་ནྱ་ཏ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅ཧཾ། སྟོང་པའི་ངང་ལས། ཨེ་ལས་ཆོས་འབྱུང་གྲུ་གསུམ་པ་ཕྱི་རོལ་དུར་ཁྲོད་བརྒྱད་དང་བཅས་པ། ཕྱོགས་བཞིར་དགའ་བ་འཁྱིལ་བ་དཀར་པོ་བཞིས་བརྒྱན་པ། དེའི་ནང་དུ་ཀེང་རུས་ཀྱི་ཕུང་པོ་ལ་གནས་པའི་ཁ་ཊྭཱཾ་ག་དཀར་པོ་འགྲེང་བའི་སྟེང་དུ། པདྨ་འདབ་མ་དྲུག་པའི་ལྟེ་བར་ཉི་མ་ལ། མི་རོ་གསེར་མདོག་མིག་གསུམ་ནམ་མཁར་བལྟ་བ། དེའི་སྟེང་དུ་བཾ་དམར་པོ་ཐོག་མ་དང་ཐ་མ་མེད་པའི་སེམས་ཀྱི་ངོ་བོ། དེ་ཡོངས་སུ་གྱུར་པ་ལས། རང་རྡོ་རྗེ་ཕག་མོ་སྐུ་མདོག་སེ་འབྲུའི་མེ་ཏོག་དང་ཛ་བ་ལྟར་དམར་ཤིང་འོད་ཟེར་མེ་ལྟར་འབར་བ། སྨིན་མཚམས་སུ་ཁྲོ་གཉེར་བསྡུས་ཤིང༌། མཆེ་བའི་མྱུ་གུ་ཅན། སྤྱན་གསུམ་གྱེན་དུ་གཟིགས་པ། གཡས་ཕག་


TNT12_Page_0074
[མ་དཔེ་གཟིགས་ན་འདིར་གནོན།]

གདོང་ནག་པོ་གྱེན་དུ་ཕྱོགས་པ། ནུ་འབུར་རྒྱས་ཤིང་ལང་ཚོ་ལ་བབ་པ། འདོད་ཆགས་ཆེན་པོ་ཁ་ཊྭཱཾ་ག་དང་འདུས་པས་བདེ་བ་རྒྱས་པ། ཕྱག་གཡས་གྲི་གུག་འཕྱར་ཐབས་དང༌། གཡོན་ཐོད་པ་བདུད་རྩིས་གང་བ་བསྣམས་པ། རུས་པའི་ཕྱག་རྒྱ་དང༌། ཐོད་སྐམ་གྱི་ཅོད་པན་དང༌། མགོ་བོའི་ཕྲེང་བ་ཅན། སྐྲ་མཚམས་སུ་དར་དཔྱངས་བཅིང་བ། གཡོན་བརྐྱང་གིས་གར་སྟབས་ཅན་མི་བསྐྱོད་པས་དབུ་བརྒྱན་པའོ། །མདུན་ནས་གཡས་སྐོར་གྱིས་འདབ་མ་རྣམས་ལ། ཕག་མོ། །གཤིན་རྗེ་མ། རྨོངས་བྱེད་མ། བསྐྱོད་བྱེད་མ། བཀྲག་བྱེད་མ། ཙནྚི་ཀ་རྣམས་རིམ་པས། དམར་སྔོ་དཀར་སེར་ལྗང་ཁུ་དུད་ཁའི་མདོག་ཅན། གྲི་གུག་དང་ཐོད་པ་ཁ་ཊྭཱཾ་ག་བསྣམས་པ། གཡོན་བརྐྱང་བའི་སྐྱིལ་ཀྲུང་ཕྱེད་པའི་གར་གྱིས་བཞུགས་པའོ། །ཚངས་པ་གསེར་མདོག་བྲམ་ཟེའི་གཟུགས་ཀྱིས་རྔ་ཡབ་གཡོབ་པ། དྲག་པོ་དཀར་པོ་མིག་གསུམ་པ་རལ་པའི་ཅོད་པན་ཅན། ཐལ་མལ་བའི་ཆ་ལུགས་ཀྱིས་སྟོང་པ། འཕྲོག་བྱེད་དམར་པོ་ལྷའི་ལུས་ལ་སེང་གེའི་གདོང་ཅན། རལ་གྲི་མཆན་ཁུང་དུ་བཟུང་ནས་ཐལ་མོ་སྦྱར་བ། བརྒྱ་བྱིན་ལྗང་ཁུ་མིག་སྟོང་ཅན་ཨེ་ན་ཡའི་ལྤགས་པས་དཀྲིད་པས་གདུགས་དཀར་འཛིན་པ། གཞན་ཡང་རོ་ལངས་གར་བྱེད་པ་དང༌། ལྕེ་སྤྱང་གླུ་ལེན་པ་དང༌། སྒྲུབ་པ་པོ་གཏོར་མ་དང༌། ཟས་མཆོག་འབུལ་བ་


TNT12_Page_0075
[མ་དཔེ་གཟིགས་ན་འདིར་གནོན།]

དང༌། མཁའ་ལྡིང་གནོད་སྦྱིན་རིག་འཛིན་འབྱུང་པོ་མ་མོ་རྣམས་ཀྱི་བརྗེད་པར་བྱེད་པ་དང༌། འབར་བའི་ཕྱག་རྒྱ་བཅས་ལ། ཕཻཾ། ཞེས་འོག་མིན་ནས་ཡེ་ཤེས་པ་སྤྱན་དྲངས། ཛཿཧཱུཾ་བཾ་ཧོཿ ཨོཾ་ཡོ་ག་ཤུདྡྷཿསརྦ་དྷརྨཿཡོ་ག་ཤུདྡྷོ྅ཧཾ། ལྟེ་བར་ཨོཾ་བཾ་ཕག་མོ། སྙིང་གར་ཧཾ་ཨོཾ་གཤིན་རྗེ་མ། ཁར་ཧྲིཾ་མོཾ་རྨོངས་བྱེད་མ། དཔྲལ་བར་ཧྲེཾ་ཧྲིཾ་སྐྱོང་བྱེད་མ། སྤྱི་གཙུག་ཏུ་ཧཱུཾ་ཧཱུཾ་སྐྲག་བྱེད་མ། ཡན་ལག་ཀུན་ལ་ཕཊ་ཕཊ་ཙཎྜི་ཀ །འཇིག་རྟེན་ཁམས་ཀྱི་འདོད་ཡོན་ཐམས་ཅད་སྤྱན་དྲངས་ཞལ་དུ་ཞུགས། ཐུགས་ཀར་ཛཿཧཱུཾ་བཾ་ཧོཿཁཾ་རཾ་ཞེས་པའི་ཡི་གེ་རྣམས་ཕྱིར་ཕྱུང༌། ལྷ་མོར་གྱུར་པས་མཆོད་པར་བསམ་སྟེ། ཨརྒྷཾ་ནས་ཤཔྟའི་བར་གྱིས་མཆོད། དེ་ནས་ཡིག་ཆུང་ལྟར་རྫོགས་རིམ་སྒོམ་ལ། སྐྱོ་ན་བཟླས་པ་བྱ་སྟེ་རང་གི་ལྟེ་བར་སིནྡྷུ་རའི་དཀྱིལ་འཁོར་ལྟ་བུ་སྒོམ་ནས། ཨོཾ་གསུམ་གྱི་བདག་ཉིད་ཡི་གེ་སོ་གཉིས་པ་ཁོ་ན་བཟླའོ། །ཕྱི་ནས་བགྲང་ཕྲེང་དང་ངག་ཏུ་བརྗོད་པ་མེད་པར་སྔགས་ཡིད་ཀྱི་བསམ་ནས་བཟླ་བ་ནི་ཡིད་བཟླས་སོ། །དེ་ནས་ཐམས་ཅད་གསལ་སྟོང་དུ་བསྡུས་ནས་ལྡང་བའི་ཚེ། ཨོཾ་གསུམ་གྱི་སྔགས་བརྗོད་ཅིང༌། ཨོཾ་སྭ་བྷཱ་ཝ་སོགས་བརྗོད། གཟུགས་དང་སྒྲ་དང་དྲན་རྟོག་ཐམས་ཅད་སྐུ་གསུང་ཐུགས་སོ། །ཞེས་མོས་ནས། དགེ་བ་བསྔོའོ། །དེ་ལྟར་ཟླ་བ་དྲུག་ཏུ་སྙིང་པོ་འབུམ་ཕྲག་བཞི་བཟླ་ཞིང་སྒོམ་པས་སེམས་བརྟན་པར་འགྱུར་ལ། དེ་ལྟར་ན་བདེ་བ་དམ་པ་ཐོབ་བོ་ཞེས་སོ། །མདོ་ཙམ་དུ་ནི་འདིར་གཞུང་ཁོ་ན་ལས་ཁ་བསྐང་བ་རྣམས་མེད་ཀྱང་རུང་གསུང་


TNT12_Page_0076
[མ་དཔེ་གཟིགས་ན་འདིར་གནོན།]

བ་ལྟར་རོ། །བསྙེན་པའི་ཆོ་ག་སྟེ་དང་པོའོ། །ཕྱི་རོལ་མཆོད་པ་ནི། དུས་རྒྱུན་དུའམ་ཁྱད་པར་གྱི་དུས་ཚེས་བཅུ་ལ་སོགས་པ་ལ། མདུན་དུ་སྟེགས་བུ་བཤམས། ཡོ་བྱད་ཐམས་ཅད་ཚོགས་པ་དང༌། སྔོན་འགྲོ་གཏོར་མ་དང༌། གནས་དང་ཡོ་བྱད་བྱིན་རླབས་དང༌། སྐྱབས་སེམས་སྒོམ་བཟླས་སྔོན་དུ་འགྲོ་བའི་བདག་བསྐྱེད་རྫོགས་པ་དང༌། ཨོཾ་ཧ་ན་ཧ་ན་བཛྲ་ཀྲོདྷ་ཧཱུཾ་ཕཊ། ཞེས་ལག་པ་ས་ལ་རེག་བགེགས་བསྐྲད་དེ་སྟོང་པར་མོས། ཧཱུཾ་གླུརབླངས་ནས་སྐོར་བ་བྱས་ཏེ། ཧཱུཾ་ལས་རྡོ་རྗེ་ནས། མུད་ག་རའི་བར་སྒྲུབ་ཐབས་ལྟར་སྒོམ་པ་ནི་སྲུང་བའོ། །དེ་ནས་འོག་གཞི་མཎྜལ་ས་ལ་བྲི། དེར་མནྡི་ལ་སོགས་པ་ལ། ཐོད་པ་མྱོས་བྱེད་ཀྱི་བཀང་བ་དེའི་སྟེང་དུ་མེ་ལོང་གི་དཀྱིལ་འཁོར་བཞག་གོ །དེ་རྣམས་ཀྱི་ཇི་ལྟར་བྱ་ཚུལ་གོང་གི་ཕྱི་རོལ་མཆོད་པ་ལྟར་བྱ། དེ་ནས། ཨོཾ་བི་ཋོ་བ་བི་ཌཱ་ཡ་སྭཱཧཱ་སོགས་དང༌། དེའི་རྗེས་སུ་སུམྦྷས་བསངས། སྭ་བྷཱ་ཝས་སྦྱངས། སྟོང་པའི་ངང་ལས། ཨེ་ལས་ཆོས་འབྱུང་ཞེས་པ་ནས། བཾ་དམར་པོ་ཞེས་པའི་བར་གང་ལྟར། དེ་ལས་རྡོ་རྗེ་ཕག་མོ་ནས་ཙཎྜི་ཀའི་བར་ཡང་གོང་བཞིན་ནོ། །དེ་ནས་མཆོད་པ་བདེ་མཆོག་ལྟར་བྱིན་གྱིས་བརླབས། བསྡུ་ན། ཨོཾ་ཨཱཿཧཱུཾ་ཞེས་བརྗོད་པས་བྱིན་གྱིས་བརླབས་སོ། །དེ་ནས་མཆོད་པ་འབུལ་ཚུལ་ནི་རྔོན་པའི་གདམས་ངག་གིས་ཡིག་སྣར་བཀོད་པ་ལྟར་སྟེ་ཁྱད་པར་ནི་གཏོར་མའི་སྐབས་འཇིག་རྟེན་ལས་འདས་པའི་གཏོར་མ་འབུལ་བའི་སྔགས། ཨོཾ་གསུམ་གྱི་བདག་ཉིད་སྙིང་པོའི་མཐར་ཨ་ཀཱ་རོ་བཏགས་ནས་འབུལ། མཆོད་པ་རེ་རེའི་མཐར་མཆོག་དང་ཐུན་མོང་གི་དངོས་གྲུབ་དང་ཁྱད་པར་འདི་ལྟ་བུ་ཞིག་སྩལ་དུ་གསོལ་ཞེས་གསོལ་བ་


TNT12_Page_0077
[མ་དཔེ་གཟིགས་ན་འདིར་གནོན།]

བཏབ། མེ་ཏོག་ལ་སོགས་པ་རེ་རེ་ཞིང་རྫས་དང་སྔགས་དང་ཕྱག་རྒྱ་ཏིང་ངེ་འཛིན་མ་ཆད་ཅིང་མ་ནོར་བར། དྲུག་བརྒྱ་བདུན་ཅུ་དོན་ལྔ་རེ་འབུལ་བ་ནི། སྒྲུབ་པ་ལ་འཇུག་པའི་ཚེ་ངེས་པར་དགོས་ལ། བསྙེན་པ་དང༌། གཞན་གྱི་སྐབས་ཅི་རིགས་ལ་མ་བྱུང་ཡང་རུང་ངོ༌། ཁྱད་པར་བསྒྲུབ་པ་ལ་ནི། འབྱུང་པོ་ཐམས་ཅད་པའི་གཏོར་མ་ཁ་སྦྱོར་ལས་འབྱུང་བའམ། ཀུན་སྤྱོད་ལམ་འབྱུང་བའི་མཁའ་འགྲོ་སྤྱི་གཏོར་ཉིད། མཚན་མོ་གཞི་མདོ་དང༌། དུར་ཁྲོད་ལ་སོགས་པར་ལན་འབུམ་ལ་སོགས་པའི་བར་དུ་ཕུལ་བས་འབྲས་བུ་ཤིན་ཏུ་ཆེ་གསུང༌། གཞན་ཡང་བཀའ་སྡོད་ནག་པོ་ཆེན་པོའི་རོ་ལངས་འཇིགས་བྱེད་ལ་གཏོར་མ་འབུལ་ཏེ། དེའི་ཚུལ་ནི་འོག་ནས་སྟོན་ནོ། །གཏོར་མ་དང་བཅས་ཕྱི་རོལ་མཆོད་པ་སྟེ་གཉིས་པའོ། །སྦྱིན་སྲེག་རྒྱས་པ་ནི་སྤྱི་དང་འདྲ་བ་ལས། ཁྱད་པར་འགའ་ཞིག་དང་བཅས་པ་གཞན་དུ་བྲི་བར་འདོད་ལ། གཞུང་གཞན་ལས་ཤིན་ཏུ་བསྡུས་པ་མེ་མར་གྱི་བསྲེགས་བླུགས་ཀྱང་རུང་པར་བཤད་པས་དེ་ཡང་བྱ་མོད། གཞན་དུ་ཤེས་ལ། དེ་བཞིན་དུ་ཟ་བྱེད་རྡོ་རྗེ་མཁའ་འགྲོ་ཡང་ངོ༌། །འདིར་ནང་དང་ཕྱི་ལས་ནང་ནི་བཟླས་པའི་དམིགས་པ་ལྟར་སྒོམས་ལ། ཁ་ཟས་ནང་མཆོད་ལྟར་བྱིན་གྱིས་བརླབས་ལ་བཟའ་བ་ཡིན། ཕྱི་འབྲིང་པོ་ནི། དངོས་གྲུབ་ཀྱི་དོན་དུ་ཐབ་ནི་ཟུར་གསུམ་དམར་པོ་ཁོ་ན་ཡིན། དེ་ཡང་ས་གཞི་བགེགས་སྦྱངས་བ་རྫོགས་པ་ཡན་ཆད་ཕྱི་རོལ་མཆོད་པ་ལྟར་བྱ། དེ་ནས་བུམ་པ་བསྒྲུབས་ནས་ཐབ་ཁུང་གྲུ་གསུམ་ཁྲུ་གང་རྒྱ་ཕྱེད་དཔངས། ཁ་ཁྱེར་དང་མུ་རན་ལ་སྣ་ཚོགས་རྡོ་རྗེ་དང་གྲི་གུག་གིས་མཚན་པ། ཕྱི་རོལ་སྟེགས་བུ་གྲུ་བཞི་པ་བྱ། བུམ་བསྐྱེད་ལྟར་


TNT12_Page_0078
[མ་དཔེ་གཟིགས་ན་འདིར་གནོན།]

བུམ་པ་བསྒྲུབས་པ་ལས། སུམྦྷ་ལན་སྟོང་སོགས་བཟླས་པའི་བུམ་པ་དེ་ཐབ་ཀྱི་གཡས་སུ་བཞག །བུད་ཤིང་རྣམས་བཀོད་ལ། ཐབ་བསངས་སྦྱངས་བསྐྱེད། དེར་མེ་སྤར་ལ། རཾ་ལས་མེ་ལྷ་དམར་པོ་སྤྱི་བླུགས་མཆོག་སྤྱིན། དབྱུག་པ་བགྲང་ཕྲེང་འཛིན་པའི་ཕྱག་བཞི་པ། གནས་གསུམ་དུ་ཨོཾ་ཨཱཿཧཱུཾ། ལྟེ་བར་ཨོཾ་བཾ་སོགས། ཤར་ལྷོ་ནས་མེད་ལྷ་ཡེ་ཤེས་པ་སྤྱན་དྲངས། ཨོཾ་ཨགྣི་དེ་བ་ཏ་ཨཱ་ཀརྵཱ་ཡ་ཛཱཿ ཛཿཧཱུཾ་བཾ་ཧོཿ ཨོཾ་ཨགྣ་ཡེ་སྭཱཧཱ། བྱོན་ཟན་དབུལ། དཀྱིལ་འཁོར་གྱི་གཙོ་མོས་བུམ་པའི་དབང་བསྐུར། མི་བསྐྱོད་པས་རྒྱས་བཏབ། ཨོཾ་ཤྲཱི་ཧེ་རུ་ཀ་ཨགྣ་ཡེ་སྭཱཧཱ། ཞེས་དགང་བླུགས་བདུན་ཕུལ། ཕྱི་རོལ་མཆོད་པ་ལྟར་བྱིན་རླབས་བྱས་ནས། ཉེར་སྤྱོད་དང་ནང་མཆོད་དབུལ། འཇིག་རྟེན་དབང་ཕྱུག་ཚང་དབང་སོགས་ཀྱིས་བསྟོད། གཏོར་མ་བྱིན་རླབས་བྱས་ལ། ཨོཾ་ཨགྣ་ཡེ་ཨོཾ་ཨ་ཀཱ་རོ་སོགས་ཀྱིས་ཕུལ། མཆོད་བསྟོད་འདོད་དོན་གསོལ་བ་བཏབ། སྲེག་རྫས་ཇི་ཙམ་འབྱོར་བ། འབྲུ་གསུམ་དང༌། ཨོཾ་ཀུ་རུ་ཀུ་རུ་སྭཱཧཱས་བྱིན་གྱིས་རློབས། ཨོཾ་ཨགྣེ་དེ་ཝ་ཏ་སྭཱཧཱ་ཞེས་པ་ཁོ་ནས་ཐམས་ཅད་འབུལ་ཞིང་ལས་བཅོལ། དགང་བླུགས་གསུམ་གྱིས་མི་ལྟ་འབར་བའམ། ཤར་ལྷོར་བཞུགས་པར་སྒོམ་པ་དང་ལྟོ་བ་རབ་ཏུ་ཡངས་པ་རྣམས་གང་རུང་སྒོམ། དེ་ནས་སུམྦྷས་བསངས་བ་ནས། གཏོར་མ་གྲུབ་པའི་བར་ཕྱི་རོལ་མཆོད་པ་ལྟར་ལས། འབར་བའི་དབུས་སུ་ཞེས་སམ། ལྟོ་བ་ཡངས་པར་ཨེ་ལས་


TNT12_Page_0079
[མ་དཔེ་གཟིགས་ན་འདིར་གནོན།]

སོགས་བརྗོད་པ་ནི་ཁྱད་པར་རོ། །སྲེག་རྫས་འབུལ་བའང་སྔར་དང་འདྲ་བ་ལས་སྔགས་ནི། ཨོཾ་གསུམ་གྱི་མཐར། ཨོཾ་ཤྲཱི་ཧེ་རུ་ཀ་བིདྨ་ཧེ་བིདྱ་རཱ་ཛ་ཡ། དྷཱི་མ་ཧེ་པྲ་ཙོ་དཱ་ཡ་སྭཱཧཱ། དེ་ནས་མཆོད་བསྟོད་བཟོད་པར་གསོལ་ལ་གཤེགས་སོ། །སླར་འཇིག་རྟེན་པ་མཆོད་པ་ནི། ཅུང་ཟད་ཙམ་གྱི་ཁྱད་པར་ལྟར་ཤེས་ནས་གཞན་སྤྱི་དང་འདྲའོ། །དངོས་གྲུབ་ཀྱི་དོན་དུ་གྲངས་ཚད་མེད་པ་དང༌། ལས་ཀྱི་དོན་དུ་ཕྱོགས་བཞི་རེ་རེར་འབུམ་བདུན་ཁྲི་འབུམ་བདུན་ཁྲི་དབུལ་བས་ངེས་པར་འགྲུབ་སྟེ། དེ་ལྟར་ན་སྦྱིན་སྲེག་སྟེ་གསུམ་པའོ། །གལ་ཏེ་སློབ་མ་རྗེས་སུ་འཛིན་ན་ནི་བདག་བསྐྱེད་དང༌། ཕྱི་རོལ་མཆོད་པ་རྫོགས་པར་བྱས་ལ། བུམ་པ་བསྒྲུབ། དེ་ནས་འགྲུབ་ན་གཞོན་ནུ་མའི་སྟོན་མོ་དང་སྦྱིན་སྲེག་བྱ། མི་འགྲུབ་ན་མཚམས་དེ་ནས། བདག་འཇུག་བླང་ངོ༌། །དེ་ལ་བུམ་པ་སྒྲུབ་ཚུལ་ནི་བསངས་སྦྱངས། བུམ་པར་མདུན་སྐྱེད་ལྟར་ལྷ་བསྐྱེད་ནས། མཆོད་བསྟོད་བསྡུས་པ་གཅིག་བྱ། དུང་ཆོས་སུ་ཨོཾ་ཏཱཔྟེ་ཏཱཔྟེ་མཧཱ་ཏཱཔྟེ་སྭཱཧཱ་གཱངྒའི་རྒྱུན་འབབ་པར་གྱུར། དེ་ནས་བཟླས་པ་བྱས་ལ། གཏོར་མ་ཕུལ། ཡི་གེ་བརྒྱ་པ་བཟླས་བཟོད་པར་གསོལ། མེ་ཏོག་དཀར་པོ་གསུམ་དང་བཅས་པས་སྔར། དུང་ཆོས་ཀྱིས་མཆོད་ཡོན་ཕུལ་བས་རྗེས་སུ་ཆགས་པས་ཞུ་སྟེ། ཆོས་འབྱུང་གསང་བའི་བྷ་ག་བུམ་པ་དང་ལྷ་མོ་འཁོར་བཅས་ཡེ་ཤེས་ཀྱི་བདུད་རྩིའི་ཆུ་བོར་གྱུར། ཨོཾ་ཨཱཿཧཱུཾ་ཞེས་བརྗོད། དེ་ནས་བྱིན་རླབས་དངོས་ནི། དཀྱིལ་འཁོར་དུ་འཇུག་པ་རྫོགས་པ་ཡན་ཆད་རྔོན་པའི་གདམས་ངག་དང་འདྲ། ཁྱད་པར་ནི། མནའ་ཆུ་བླུད་པའི་རྗེས་ལ། སུམྦྷ་བརྗོད་ཅིང་བསངས་ཆུས་འཐོར། དེ་ཡང་ཕྲེང་བ་ཇི་ལྟ་བའམ། ཡང་ན། ཨོཾ་སརྦ་པཱ་པཾ་ད་ཧ་


TNT12_Page_0080
[མ་དཔེ་གཟིགས་ན་འདིར་གནོན།]

ན་བཛྲ་ཡེ་བཛྲ་སི་ཥྱ་སྱ་སརྦ་པཱ་པཾ་བྷཱསྨིན་ཀུ་རུ་ཧཱུཾ་ཕཊ། ཅེས་པས་ཏིལ། བྷསྨིན་ཀུ་རུའི་གནས་སུ། ཨ་པ་ནཱ་ཡ་སྭཱཧཱ། ཞེས་པས་ཡུངས་ཀར་ཆུ་དང་བཅས་པའི་སེང་རས་དང༌། ཁམ་ཕོར་དང༌། དུར་བའི་མྱུ་གུ་དང་བཅས་པའི་ལྕི་ཆངས་རྣམས་རིམ་པས་བྱ། ཨོཾ་པུཥྟིཾ་ཀ་རི་བཛྲ་ཤི་ཥ་སྱ། པུནྱ་ཛྙཱ་ན་སཾ་བྷ་ར་ཌྷོ་པ་ཀཱ་ཡ་སྭཱཧཱ་རྣམས་བཟེད་ཞལ་དུ་བཞག །ཆུ་བཞིན་དབུལ། དྲིལ་བུ་སིལ་ཞིང་བཟེད་ཞལ་གཡོན་དུ་སྐོར་ལ། ཨོཾ་བྷ་ར་བྷ་ར་སཾ་བྷ་ར་སཾ་བྷ་ར་སྭཱཧཱ། ཞེས་ཕྱི་དོར། པུཥྤེ་སོགས་མེ་ཏོག་སྤྱི་བོར་བཞག །ཧཱུཾ་བདུན་དང༌། ལས་ཐམས་ཅད་པའི་སརྫ་རཱ་ཛའི་བདུག་པ་དང་མར་མེ་སྐོར་རོ། །དེ་ལྟར་དྲུག་བཞི་ལྡན་གྱི་སྦྱང་བ་བྱས་རྗེས། རྟོགས་པས་གཡོགས་པའི་སེམས་ཀྱིས་ནི། །ལེགས་པའི་སངས་རྒྱས་ཕྱིར་ལྡོག་ལྟར། །དད་པའི་ཆུ་ཡིས་བཀྲུས་པའི་སེམས། །ཕན་པའི་སེམས་ཀྱིས་འདིར་འཇུག་བྱ། །དད་པ་མེད་པའི་སེམས་ཅན་ལ། །དཀར་པོའི་ཆོས་རྣམས་མི་འབྱུང་སྟེ། །ཇི་ལྟར་ས་བོན་ཚིག་པ་ལ། །མྱུ་གུ་སྔོན་པོ་སྐྱེ་མི་སྲིད། །དེ་བས་ན་དད་པ་བསྐྱེད་པར་བྱའོ། །ཞེས་བརྗོད་པ་ཁྱད་པར་རོ། །དེ་ནས་དངོས་གཞིའི་དོན་དུ་མཎྜལ་ཕུལ། མངོན་རྟོགས་ཇི་ལྟ་བ་འབོགས་པ་ལས། མི་བསྐྱོད་པས་དབུ་བརྒྱན་ཞེས་པ་བོར། དེ་ནས་སློབ་མས། བྱང་ཆུབ་རྡོ་རྗེའི་སངས་རྒྱས་ལ། །མཆོད་ཆེན་ཇི་ལྟར་སྩལ་བ་ལྟར། །ཞེས་སོགས་བྱ། སློབ་དཔོན་གཙོ་བོར་གསལ་བས། བུམ་པས། ཇི་ལྟར་བལྟམས་པ་སོགས་ཀྱི་མཐར། སྙིང་པོ་ལ། ཨོཾ་བཛྲ་ཨ་བྷི་ཥིཉྩ་ཧཱུཾ།


TNT12_Page_0081
[མ་དཔེ་གཟིགས་ན་འདིར་གནོན།]

ཙཀྲ་བཱི་ར་སྟཾ། ཞེས་པས་དབང་བསྐུར་བས། ཆུའི་ལྷག་མ་ཡར་ལུད་པ་ལས་མི་བསྐྱོད་པས་དབུ་བརྒྱན། དེ་ནས་བཟླས་ལུང་སྤྱི་དང་འདྲ་བའམ། ཡང་ན་དངོས་བསྟན་ཡིན་གསུང་སྟེ། ལྟེ་བར་སེམས་དཔའ་གསུམ་རྩིག་ཏུ་བྱས་ལ་སངས་རྒྱས་རྣམས་སྤྱན་དྲངས། ཕྱི་ནང་གི་ཞལ་དུ་ཞུགས། ཏིང་ངེ་འཛིན་སེམས་དཔའ་ལ་ཐིམ། དེ་ལས་བྱུང་ནང་དང་ཕྱིའི་བྷ་ག་ནས་བྱུང༌། ལྟེ་བར་ཆོས་འབྱུང་གི་ཉི་མ་ལ་འཁོད་པར་བསམ་ནས། རྗེས་ཟློས་ལན་གསུམ་བྱ་བ་ཡིན་ནོ། །དེ་ནས་སློབ་དཔོན་དང་མདུན་བསྐྱེད་ཀྱི་གནས་ལྔ་ནས་འོད་ཟེར་འཕྲོས། སངས་རྒྱས་ཐམས་ཅད་འོད་ཟེར་སྣ་ལྔས་མཚན་པའི་བདུད་རྩིར་སྤྱན་དྲངས། གཙོ་མོའི་དཔྲལ་མགྲིན་སྙིང་ག་ལྟེ་བ་གསང་བའི་ཐིག་ལེ་དང་འདྲེས། དེ་རྣམས་བྱང་སེམས་སུ་ཞུ་བ་ལ་ཁར་དབབ་པར་བསམ་ལ། སྙིང་པོའི་མཐར་འབྲུ་གསུམ་བརྟགས་པས་བདུད་རྩི་སྦྱིན། སིནྡྷཱུ་རའི་དཀྱིལ་འཁོར་གྱི་དགའ་བ་འཁྱིལ་བ་ལས་སློབ་དཔོན་གྱི་མིང་མེད་གཡོན་པས་བླངས་ཏེ། སློབ་མའི་གནས་བཞིར་སྙིང་པོ་བརྗོད་ཅིང་ཐིག་ལེ་བྱ། སིནྡྷུ་རའི་མཎྜལ་སྤྱི་བོར་བཞག་སྟེ། ཀ་སོགས་ཡི་གེས་བསྐོར་ཏེ། སྤྲུལ་པའི་རྩིབས་ཅན་ཉི་དབང་དཀྱིལ་འཁོར་ལ་ཞུགས་ཤིང༌། འབར་བའི་མེ་ལྟར་རབ་འབར་བདུད་རྩི་འཛག་པ་པདྨའི་སྐུད་པ་ལྟར་ཕྲ་བ། །རིག་མ་སངས་རྒྱས་ཚོགས་རྣམས་བསྲེགས་ཤིང་འཁོར་ལོ་གསུམ་པོ་བྱེད་པ་གང་ཡིན་པ། །ཀུན་དགའ་དང་བཅས་རོལ་པས་གྱེན་གཤེགས་ཕག་མོ་འདི་ཡི་སེམས་ལ་གསལ་གྱུར་ཅིག །ཞེས་བརྗོད་སློབ་མ།


TNT12_Page_0082
[མ་དཔེ་གཟིགས་ན་འདིར་གནོན།]

རང་གི་ལྟེ་བའི་ཆོས་འབྱུང་གི་འོད་རོ་མ་ནས་བརྒྱུད་ནས་ཕག་གདོང་གི་སྨིན་མཚམས་ཀྱི་དགའ་བ་འཁྱིལ་བ་ལ་རྒྱབ་པས་གཡས་སུ་འཁོར་བར་བསམ་ལ། རླུང་འཛིན་དུ་བཅུག །དགའ་འཁྱིལ་དེ་དབུ་མའི་ལམ་ནས་ཞུགས། ལྟེ་འོག་ཏུ་འཁོར་བ་ལ་ཡང་སེམས་བཞག །དེར་དགའ་བ་བཞིའི་མྱོང་བ་དང་སྲེ་བའམ་མོས་པ་བྱ། འདི་ནི་མངོན་རྟོགས་ཀྱི་སྐབས་སུའང་སྒོམ་སྟེ་གཞན་དང་མཐུན་ནོ། །དེ་ནས། དེའི་འོད་ཀྱིས་ཕྱི་རོལ་སྣང་བ་རང་ལ་ཐིམ། ལུས་ཡས་མས་ཐམས་ཅད་ལྟེ་བར་ཐིམ་སྟེ་སྟོང་པ་ལ་འཇོག །ཡང་སྒྱུ་མ་ལྟ་བུའོ་ཞེས་མོས་ལ་ལྷ་སྐུར་ལྡང༌། དེ་ནས་མཎྜལ་ཕུལ་ལ་དགེ་བ་བསྔོ་རྗེས་ཆོག་ནི་སྤྱི་དང་མཐུན། །སྔ་མའི་སིནྡྷུ་རའི་རྒྱུན་ཕྱི་མ་ལ་ཡོད་ན་བྱིན་རླབས་ཆེ་གསུང༌། རང་གི་བདག་འཇུག་གི་ཚུལ་ཆོ་ག་དེ་རྫོགས་པར་བྱས་ཤིང༌། འོག་ནས་འབྱུང་བ་ལྟར་ཚོགས་འཁོར་དང༌། སྦྱིན་སྲེག་སོགས་སྔར་བཤད་པ་ལྟར་གྲངས་ཚང་བ་ལན་བདུན་གྱིས་བསགས་རྒྱབ་དམན་པས་ཀྱང་འགྲུབ་པར་གསུངས་ཏེ་སྔོན་དུ་བསྙེན་པ་གྲུབ་པས་སོ། །བྱིན་རླབས་སྒོམ་པ་སྟེ་བཞི་པའོ། །གདགས་པའི་སྲུང་བ་ནི། འཁོར་ལོ་རྩིབས་དྲུག་མུ་ཁྱུད་ཕྱི་རོལ་པད་འདབ་བརྒྱད། རྡོ་རྭ་མེ་རི་དང་བཅས་པ། ལྟེ་བར་བཾ། རྩིབས་རྣམས་ལ་གཡས་སྐོར་གྱིས་གོ་ཆའི་ས་བོན། མུ་ཁྱུད་ལ་ཧཱུཾ་ཁོ་ན་བྲིས། ས་བོན་རྣམས་ལ་རང་རང་གི་མདུན་ནས་བརྩམས་ཏེ་སྔགས་ཀྱི་ཐ་མར་ཆེ་གེ་མོ་གནོད་པ་སོགས་འདི་ལྟར་བུ་ལས་རཀྵ་ཀུ་རུ་ཞེས་པ་ཧཱུཾ་གཉིས་ཀྱི་བར་དུ་ཆུད་པ་བྲིས་ཏེ། གྲོ་ག་ལ་གི་ཧཾ་ངམ་གུར་གུམ་གྱིས་སོ། །རབ་གནས་ནི། མཆོད་གཏོར་བཤམས། བདག་བསྐྱེད་སྒོམ། བསང་


TNT12_Page_0083
[མ་དཔེ་གཟིགས་ན་འདིར་གནོན།]

སྦྱངས་ཟླ་བ་ལ། བཾ་དཀར་པོ་ལས། བྲིས་པ་ཇི་ལྟ་བར་བསྐྱེད། ལྷའི་ངོ་བོར་མོས། ཡེ་ཤེས་པ་ཡང་འཁོར་ལོའི་རྣམ་པར་བསྟིམས། མཆོད་བསྟོད་གཏོར་མ་འབུལ། དེ་ནས་མིང་ཡིག་བསྒྲུབ་བྱའི་ངོ་བོར་མོས་ལ་དབང་བསྐུར་ཏེ་གཟུངས་ཐག་བརྟགས་ལ་འབུག་ཕུག་སོགས་ཅི་རིགས་པ་བཟླའོ། །མཐར་བརྟན་བཞུགས་སུ་པྲ་ཏིཥྛ་བཟླས་ཏེ། མཆོད་བསྟོད་བཀྲ་ཤིས་བྱས་ལ། བཏབ་ནས་དཀྲིས་བྱས་ཏེ། མགོ་བོའམ་དཔུང་པར་གདགས་པའམ། ཁམ་ཕོར་དཀར་པོར་སྒྲུབ་ཚུལ་སྤྱི་མཐུན་དུ་བྱའོ། །གདགས་པའི་སྲུང་འཁོར་ཏེ་ལྔ་པའོ། །དྲག་ཤུལ་སྦྱོར་བ་ལ་སྦྱོར་བ་གསུམ་གཅིག་ཏུ་གྲིལ་བསྲུང༌། འདི་ལ་ཏིང་འཛིན་ཆས་གོས་སོགས། ལས་ཀྱི་ཁྱད་པར་བཅུ་ཚང་བས་སྒྲུབ་ཅིང༌། སུམ་བྷའི་འཁོར་ལོ་ནི། རིགས་ལྡན་ཆེ་བ་དང་འདྲ། ཡང་ན་དབྱངས་གསལ་འཁོར་ལོ་དཔེ་ཆུང་ལྟར་བྲི། འཁོར་ལོ་དེ་ཉིད་དང༌། གཤིན་རྗེ་འཁོར་ལོ་ལེའུ་ཚེ་བཅུ་བདུན་པ། དབུས་སུ་ཕག་མོ་གཙོ་འཁོར་བདུན་གྱི་ས་བོན་སྤེལ་ཚིག་རཾ་ཕཊ་གྷུ་གཉིས་ཀྱི་ནང་དུ་ཆུད་པ་དང༌། མུ་ཁྱུད་ཕྱི་མ་ལ་སྙིང་པོ་སྤེལ་ཚིག་ཅན་གྱིས་བསྐོར། མེ་རེའི་ནང་དུ་གྷུ་ཕཊ་ཁོ་ན་བྲིའོ། །འདིར་རང་རྗེ་བཙུན་མ་ནག་མོ་གཤེད་པོ་ཐོད་དབྱུག་འཛིན་པ་བརྒྱད་དང་ལྷ་མོ་རྣལ་འབྱོར་མ་བརྒྱད། རེ་རེའི་མདུན་དུ་མ་མོ་བརྒྱད་དང༌། གཤིན་རྗེ་བརྒྱད་ཀྱིས་བསྐོར་བར་བསམ་པ་སྒྲུབ་ཐབས་ཇི་ལྟ་བར་བསྐྱེད། མདུན་བསྐྱེད་ཀྱི་སྐབས་ཞེ་སྡང་གཤེད་པོ་དང་གོ་ལྡོག་གི་འཁྱུད་པ་གཅིག་སྒོམ། བསྒྲུབ་པ་གྲུབ་ནས་དྲག་པོའི་སྦྱིན་སྲེག་གི་ཐབ་ཀྱི་འོག་གམ། གཡོས་ཁང་ཆེན་པོའི་ཐབ་འོག་ཏུ་གནོན་ནོ། །དེའི་སྤོགས་ཆོག །ཕུར་བུ་གཅིག་གམ། ལྔའམ། བདུན་ནམ། བཅུ་གཅིག་གི་སྒྲུབ་པ་བྱ།


TNT12_Page_0084
[མ་དཔེ་གཟིགས་ན་འདིར་གནོན།]

དགྲ་བོའི་དྲི་མ་སོགས་ལས། གཟུགས་བརྙན་བྱ་དགུག་གཞུག་སོགས་ཀྱི་མཐར། གནས་ལྔ་ཕུར་བུས་གདབ། ཁ་སྦྱོར་དབྱེ་བ་བྱས་ལ་བསྒྲུབ། དེ་ནས་ཆུ་མིག་གི་ཁྱད་པར་ཞིག་ཏུ་སྦས་ལ་བཀའ་བསྒོའོ། །སྔར་གྱི་འཁྲུལ་འཁོར་དང་འདྲ་བ་རྒྱ་སྐྱེགས་ཀྱི་རིལ་བུར་བཅུག་པ་བདུན་ཡང་སྒྲུབ་ནས་ཟླ་བ་རེ་རེ་ཞིང་ཆུ་མིག་ཏུ་དོར་བས། ཐ་མས་ངེས་པར་འགྲུབ་བོ། །ཡང་སྤོགས་པ་ནི། བསྙེན་པ་སོང་ནས་ནག་པོ་ཆེན་པོ་སྒྲུབ་སྟེ། མངོན་རྟོགས་ཀྱི་སྐབས་གཙོ་མོའི་མདུན་དུ། ཧཱུཾ་ལས་ནག་པོ་ཆེན་པོ་རོ་ལངས་འཇིགས་བྱེད་བཀའ་ནོན་པའི་ཚུལ་སྐེམ་ཞིང་ཁྲོས་པ། ཕྱག་གསུམ་པ་གཡས་དང་པོས་རྩེ་གསུམ་གཉིས་པས་གྲི་སྐྱོག་པོ། གཡོན་པས་ཀ་པཱ་ལ་ཤ་ཆེན་གྱིས་གང་བ། བྱ་རོག་གི་ཚོགས་སྤྲོ་བ། ཁྱི་ནག་གིས་དྲངས་པའི་ཤིང་རྟའི་སྟེང་ན་རོལ་པས་གར་མཛད་ཅིང༌། ཕྱོགས་བཞིར་སྐྱེས་བུ་གསལ་ཞིང་ལ་བཙུགས་པ། ཝ་རྣམས་སྒྲ་འབྱིན་པ་དང་བཅས་པའི་དུར་ཁྲོད་ཀྱིས་བསྐོར་བའོ། །ཧྲིཿཀཾ་ཀཾ་བཾ་བེཾ་རྣམས་ལས་བྷ་གཱི་ནཱིས་འཁྱུད་པ། ཀཱ་ལི་དང༌། ཀ་ར་ལཱི་དང་བྷ་ར་ཌཱི་དང༌། བཻ་ཏ་ལི་རྣམས་གྲི་ཐོད་བསྣམས་པས་བསྐོར་བའོ། །རང་གི་བདག་བསྐྱེད་རྫོགས་པ་དང༌། ཡེ་ཤེས་པ་སྤྱན་འདྲེན་དམ་གཞག་དབང་བསྐུར། མཆོད་གཏོར་ཕུལ་ལ། ལས་བཅོལ། མཆོད་གཏོར་གྱི་སྔགས་ནི། ཨོཾ་ཤྲཱི་ཀྵེ་ཨི་དམ་བཱ་ལིང་གྲྀཧྞ་གྲྀཧྞ་ཧཱུཾ་ཕཊ། མཧཱ་མཾ་ས་པུཥྤེ་དྷཱུ་པེ་དཱི་པེ། རཀྵ་ཏཱ་ལ་པ་ཏཱ་ལེ། ཨཥྟ་ནཱ་ག །དེ་བ་ཡཀྵ་རཀྵ་ས། གྲྀཧྞ་པཱ་ཡ་གྲྀཧྞ་པཱ་ཡ་ཨི་


TNT12_Page_0085
[མ་དཔེ་གཟིགས་ན་འདིར་གནོན།]

དམ་བཱ་ལིཾ་ཧ་ཧ་ཧཱུཾ་ཧཱུཾ་ཁ་ཁ་ཁཱ་ཧཱི་ཁཱ་ཧི་ཧཱུཾ་ཛ་ཕཻཾ་མཧཱ་ཨཊྚཊྚ་ཧཱ་ས། གརྫ་ཡ་གརྫ་ཡ། ཏཔྫ་ཡ་ཏཔྫ་ཡ། ཨོཾ་ཀྲིཥྞ་བྷརྞ་ཕཻཾ་ཕཻཾ་ཕཊ། རྩ་སྔགས་ནི། ཤཱ་ས་ནའོ། །དྲག་སྔགས་ནི་འཇིག་རྟེན་པ་རྣམས་ཀྱི་སྟེ། དག་ལས་ཤེས། །འདིས་འཇིག་རྟེན་པའི་གཏོར་སྔགས་ཀྱང་རུང་ངོ༌། །དེར་རྩ་སྔགས། སྙིང་པོ། དྲག་སྔགས་རྣམས་འབུམ་དུ་བཟླས་ལ། སླད་ནས། ཡང་རང་ཉིད་སྒོམ་ནས་མཚན་མ་དམིགས་ཀྱི་བར་བཟླའོ། །དེ་ནས་ནག་པོའི་ཚེས་ལ། སྟན་ནག་པོ་ལ་འདུག །བ་བྱུང་ལྔ་དང་བདུད་རྩི་ལྔ་དང༌། དྲི་བཟང་དང་གྲི་ཁྲག་གིས་ཆག་ཆག་བཏབ་པའི་སྟེགས་བུ་ལ་གཞོན་ནུ་མའི་རྡུལ་དང་རོ་སོལ་གྱིས་དཀྱིལ་འཁོར་གྲུ་གསུམ་བྱས་ལ། མེ་ཏོག་ནག་པོའི་གདན་ལྔ་ཚོམ་བུ་བཀོད། ཤ་ཆེན་གྱིས་སྤོས་དང༌། གཏོར་མ་སོགས་བཤམས། བདག་མདུན་གཉིས་ཀ་རྫོགས་ནས། མཆོད་གཏོར་ཕུལ་ལ་བཟླས་པ་ལ་འབད། ཐུན་མཚམས་སུ་ཚོགས་འཁོར་བྱ་སྟེ། འདི་བསྙེན་བསྒྲུབ་སྦྲགས་མ་སྟེ། ཟླ་དྲུག་སོགས་བྱ། དེ་ནས་ཐུན་དང་པོ་ལ། བདག་བསྐྱེད་དྲན་ཙམ་བྱ། དེ་ནས་ང་རྒྱལ་དེ་ཙམ་ལ་གནས་པས། མདུན་བསྐྱེད་ཁོ་ན་སྒྲུབ་སྟེ། མཐར་དྲག་ཏུ་བསྐུལ་བ་མང་དུ་བྱ། རང་ཉིད་ཚོགས་འཁོར་སོགས་ཀྱི་ཚེ་སྒྲུབ་གྲོགས་ཡོད་ན་དེ་བཟླས་པ་དང་བསྐུལ་བ་བྱེད་དུ་གཞུག་གོ །འདི་རྒྱུན་མི་འཆད་དུ་བྱས་པས་ངེས་པར་ཞག་བདུན་སོགས་ལ་རྟགས་འབྱུང་སྟེ། དེ་ནས་ལས་སྦྱོར་བྱའོ། །དགྲ་བོའི་དྲི་མ་བདུན་པོ་གང་རྙེད་དང༌། རྡོ་དང་ལྕགས་དང་ཟངས་དང༌། ཚ་བ་གསུམ་དང༌། གྲོ་ཕྱེ་ལས། ལིང་ག་བྱས་པའི་སྙིང་གར་དུག་དང་སྐེ་ཚེ་དང༌། གྲི་ཁྲག་དང་བྱ་རོག་གི་ཁྲག་དང་རྒྱ་སྐྱེགས་ཀྱིས་མི་པགས་


TNT12_Page_0086
[མ་དཔེ་གཟིགས་ན་འདིར་གནོན།]

ལ་འཁོར་ལོ་མན་ངག་ལྟར་བྲི། འཁོར་ལོ་སྐྱེད་ཆོག་རབ་གནས་དཀྲིས་སོགས་དྲག་ལས་སྤྱི་དང་འདྲ། དེ་ལིང་གའི་སྙིང་གར་བཅུག་ལ་བུ་ག་བཀག །དེའི་བཤང་ལམ་ནས་སྤྱི་བོར་གསལ་ཤིང་ལས་བྱུང་བའམ། ལྕགས་ཀྱི་:གཙངས་[རྩང་]ཀྱིས་འཁོར་ལོ་ལ་མ་གནོད་པར་ཕུག །མི་རུས་ཀྱི་ཕུར་བུ་ཡང་སྒྲུབ་པ་བྱས་ནས་བཞག །དུག་དང་ཁྲག་ཆེན་གྱིས་བྱུགས་པའི་ཚེར་མ་སྔགས་ཀྱིས་བསྒྲུབས་པས་ལུས་བཀང་ནས། ལྷོར་སོར་བཅུ་གཉིས་པའི་དོང་ཟུར་གསུམ་པ། རོ་སོལ་གྱིས་བྱུགས་པར་བཅུག་ལ་སྣ་ཚོགས་རྡོ་རྗེས་མནན། དེ་ནས་བསམ་གཏན་གྱི་ལས་ཚོགས་བཟླས་པ་དང་བཅས་གཙོ་འཁོར་གྱི་སྔགས་ཀུན་དང་དགུག་བཞུགས་གཞུག་དང༌། ཁྲག་སྣ་ཐལ་ཆེན། ཡུངས་ཀར་རྣམས་ཀྱིས་ཐུན་གྱི་བྲབ་པ་དང༌། མི་རུས་ཀྱིས་ཕུར་བུས་བརྡབ་པ་རྣམས་བྱས་ལ། དེ་ལྟར་ཞག་གསུམ་དང་ལྔ་དང་བདུན་བར་མ་ཆད་དུ་བྱ། སླར་རབ་ཆད་ཀྱི་ཐོད་པ་ཁ་སྦྱོར་དུ་བཅུག་ལ། དགུག་བཞུགས་དང༌། ཁ་སྦྱོར་ཕྱེ་ནས་སྐུ་ལས་སྤྲོས་པའི་ཁྭ་དང་ཁྱི་དང༌། གཏུམ་པོ། མཁའ་འགྲོ་དང་མཁའ་འགྲོ་མ་རྣམས་ཀྱིས་གྲི་གུག་གིས་བཏུབ་པ་དང་ཟ་བའི་བར་བྱེད་པར་བསམས་ཤིང༌། རྣམ་པར་ཤེས་པ་དབྱིངས་སུ་སྤར་ལ། སྔགས་ནི་ཧཱུཾ་ཧཱུཾ་ཕཊ་ཀྱི་གོང་དུ་ཆེ་གེ་མོ་མཱ་ར་ཡ་ཞེས་པ་གཞུག་སྟེ། ཐུན་བསྡུ་ཁར་སྤྲུལ་པ་རྣམས་འཁོར་ལོ་ལ་བཅུག་ནས་མཆོད་གཏོར་ཕུལ་ལ་བཟོད་གསོལ་བྱས་ཏེ། ལིང་ག་སྣ་ཚོགས་རྡོ་རྗེས་མནན་ནོ། །དེ་ཡང་ཐུན་བཞིར་བསྒྲུབས་པས། འགུལ་བ་སོགས་མཐོང་ན། མཧཱ་ཀཱ་ལ་མཆོད་ནས། ཡང་ལིང་ག་ལྕགས་ཀྱིས་ཕུག །ལྕགས་ལག་པ་གཡོན་པས་བཟུང༌། ལག་པ་གཡས་པས་ཚེར་མ་དང་ཐུན་གྱིས་བསྣུན་ནས་གསང་སྔགས་བཟླའོ། །མཚན་


TNT12_Page_0087
[མ་དཔེ་གཟིགས་ན་འདིར་གནོན།]

ཕྱེད་ཀྱི་དུས་སུ། ཐབ་ཀྱི་ཐུགས་ཀ་ནས་མེ་བྱུང་བས་བརྡུངས་པར་བསམས་ཤིང༌། དུར་ཁྲོད་ཀྱི་མེའི་རྒྱུན་གྱི་འབྲས་ཕུབ་ཀྱི་མེ་ལ་གདུང་བ་ཞག་བདུན་བྱ་མེ་མ་ཤི་བ་བྱེད་གསུང༌། དེ་ནས་ལིང་ག་དང་འཁོར་ལོ་དེ་གཤིན་རྗེ་ལ་གཏད་པའམ། སྦྱིན་སྲེག་བྱའམ་གཏོར་མར་དབུལ་བ་གང་ཡང་རུང་བ་བྱས་པས་ངེས་པར་འགྲུབ་སྟེ། གལ་ཏེ་ཞིག་རྒྱ་ལ་མ་འགྲུབ་ན། ཁྲོ་བོ་ཧཱུཾ་མཛད་ཀྱི་ཞལ་དུ་ནག་པོ་ཆེན་པོའི་གཟུགས་འབུལ་བའི་སྦྱིན་སྲེག་བྱེད་དེ་དེས་ནི་མི་འགྲུབ་པ་མི་སྲིད་གསུང༌། སྒྲུབས་པའི་སྐབས་ནག་པོ་ཆེན་པོ། རྩེ་གསུམ་ཁ་ཐུར་ལྟས་ལ་གནས་པ་དང་ལས་སྦྱོར་གྱི་སྐབས་ཁྱི་ལ་བཞོན་པ། གཡས་གཡོན་དུ་རང་དང་འདྲ་བ་ལ། ཕྱག་གསུམ་གར་ན་གསལ་ཤིང་རེ་རེ་བཟུང་བ་སྒོམ་པ་ཡིན་ནོ། །དྲག་ཤུལ་གྱི་སྐབས་འདིར་མི་གསལ་བ་ཅུང་ཟད་ཞལ་ལས་ཤེས་པ་དང༌། མ་མོ་དང་གཤིན་རྗེའི་འཁོར་ལོའི་སྐབས། ཁ་བསྐོང་དགོས་པ་ཆེས་མང་བ་ཡོད་དོ། །འདིར་མཧཱ་ཀཱ་ལའི་དྲག་ཤུལ་སྦྱོར་བ་འདི་གཞུང་གི་དངོས་བསྟན་ལ་མེད་ཀྱང༌། མན་ངག །གཞལ་གདམས་ཡིན་ཅིང༌། སྐབས་འདིར་འབྱུང་པོས་འཛིན་པ་དང་སྨྱོ་བར་བྱེད་པ་གཉིས་གསུང་སྟེ། འདིར་མ་བྲིས་སོ། །དེ་ལྟར་དྲག་ཤུལ་གྱི་སྦྱོར་བ་སྟེ་དྲུག་པའོ། །སྒོམ་པའི་ཕྱིར་ཟློག་ནི། མངོན་རྟོགས་རྫོགས་པ་དང༌། སྙིང་གའི་བཾ་ལས། བྷྲུཾ་སྤྲོས། ཉི་མ་ལ་གནས་པའི་འཁོར་ལོ་རིམ་པ་གཉིས། ནང་མ་རྩིབས་བཞི་ལ་སྙིང་པོའི་རྣལ་འབྱོར་མ་བཞི། ཕྱི་མ་བཅུ་ལ་སྒོ་མཚམས་མ་བརྒྱད་དང༌། མཁའ་སྤྱོད་མ་དང་ས་སྤྱོད་མ་རྣམས། འདི་རྣམས་གཞན་ལས་འབྱུང་བ་བཞིན། ཡན་ལག་བཞི་རྫོགས་ཀྱི་བསྐྱེད་ནས། འཁོར་ལོ་སྐོར་ཞིང་སྔགས་བཟླས་ཏེ། བཛྲ་བཻ་རོ་ཙ་ནཱི་ཡེ་སརྦ་དུཥྟན་སྟཾ་བྷ་ཡ་


TNT12_Page_0088
[མ་དཔེ་གཟིགས་ན་འདིར་གནོན།]

པྲ་ཏྱཾ་གི་ར་ཧྲཱིཿཧཱུཾ་ཧཱུཾ་ཕཊ་སྭཱཧཱ། ཞེས་བཟླ་ལ་གཞན་ནི་སྤྱི་དང་འདྲའོ། །བྲི་བའི་ཟློག་པ་ནི། བསྒོམས་པ་ལྟར་འཁོར་ལོ་རྡོ་རྭ་མེ་རི་དང་བཅས་པ་ལ་སྔགས་སྔར་གྱི་ལྷའི་རིམ་པས་བྲིས། ཆེ་གེ་མོ་ལ་གནོད་པའི་སྔགས་དང༌། འཁྲུལ་འཁོར་ངན་པ་བྱེད་པ་ཐམས་ཅད་པྲ་ཏྱཾ་གི་ར་ཧྲཱིཿཞེས་སམ་མཱ་ར་ཡ། སྟྭཾ་བྷ་ཡ་བནྡྷ་ཡ་ཧཱུཾ་ཕཊ། ཅེས་བྲིས་ནས་བསྒྲུབས་པ་ནི་སྤྱི་དང་འདྲ་སྟེ་སྔགས་དང་ལྷའི་ཁྱད་ཙམ་མོ། །དེ་ཡང་རྡུལ་གྱི་རས་ལ་གུར་གུམ་དང་ཙན་དན་དམར་པོས་བྲིས། རྡོ་རྭ་མེ་རིའི་ཕྱི་མ། ཕྱོགས་རེ་རེར་སྔགས་ཐམས་ཅད་ལ་ཧཱུཾ་ཆེ་གེ་མོ་ལ་རཀྵ་ཧཱུཾ་ཞེས་སྤེལ་ལོ། །མཐར་སྒྲུབ་པའམ་འདོགས་པ་གང་རུང་བྱའོ། །ཕྱིར་ཟློག་པ་སྟེ་བདུན་པའོ། །ཚོགས་མཆོད་ནི་དང་པོར་གཞོན་ནུ་མ་ཡི་མཆོད་པ་བྱ་ལ། དེ་ཡང་གཞན་ནས་འབྱུང་བ་ལྟར་སྟེ་མདོར་བསྡུས་རྔོན་པའི་གདམས་ངག་གི་ཡིག་སྣར་བཀོད་ཟིན་ལ། མཆོད་པའི་སྐབས་བཏུང་བ་དང༌། མགོ་ལ་སྐུ་བ་དང་དྲིའི་བྱུགས་པ་དང༌། མིག་སྨན་དང༌། སིནྡྷུ་རའི་ཐིག་ལེ་དང༌། གོས་དམར་པོ་དང༌། མེ་ཏོག་དམར་པོའི་ཕྲེང་བ་དང༌། སོ་རྩི་སོགས་དངོས་སུ་སྦྱིན་ནོ་ཞེས་པ་ནི་ལག་ལེན་ནོ། །ཚོགས་ཀྱི་འཁོར་ལོའི་སྐབས་དཔའ་བོ་དྲུག་དང་རྣལ་འབྱོར་མ་དྲུག་ཅེས་གསུངས་པ་ནི། སློབ་དཔོན་མ་གཏོགས་པ་སྟེ་ཚོགས་ཀྱི་དཀྱིལ་འཁོར་རོ། །མང་པོ་ཡོད་ན་ལྷ་རེ་རེ་ལ་གཉིས་གཉིས་སོགས་བྱས་པས་རུང་ཞིང༌། གང་ལྟར་མཚན་མོའི་དུས་སྔོན་འགྲོ་གཏོར་མ་དང༌། བྱིན་དབབ་ཞུ་འབུལ་དང༌། བདག་བསྐྱེད་དང་ཕྱི་རོལ་མཆོད་པ་གཏོར་མ་བཅས་པ་དང༌། ཚོགས་རྫས་བྱིན་གྱིས་བརླབས་པ་དང༌། ལྷ་ལ་འབུལ་བ་དང༌། ཚོགས་བྱིན་ལེན་དུ་བྱེད་པ་དང༌། མཧཱ་བྷཻ་ར་བ་རོ་ལངས་འཇིགས་བྱེད་མཆོད་པ་དང༌། ལོངས་སྤྱོད་པ་དང༌། བརྡ་དང་གླུ་གར་བྱ་བ་


TNT12_Page_0089
[མ་དཔེ་གཟིགས་ན་འདིར་གནོན།]

དང༌། རྗེས་ཆགས་དང༌། ལྷག་གཏོར་མ་མོ་དགུ་དང༌། འབྱུང་པོ་སོགས་ལ་སྦྱིན་ཏེ་ཆོ་ག་ནི་སྤྱི་དང་མཐུན་ནོ། །ཚོགས་ཀྱི་བྱ་བ་གྲུབ་པ་ན། སློབ་དཔོན་གྱིས་བྱིན་རླབས་བྱས་ནས་བདེ་སྟོང་དབང་བཞི་པ་ཉམས་སུ་བླངས་པས་སྐྱ་རེངས་ཤར་བའི་ཚེ་ཕྱག་རྒྱའི་དངོས་གྲུབ་འགྲུབ་པར་འགྱུར་རོ་ཞེས། གང་ཟག་ལམ་མཐོན་པོར་སོང་བའི་ཁྱད་པར་དང་ལྡན་པ་ཞིག་གིས་ཉེ་རྒྱུ་སྒྲུབ་ཚུལ་གྱི་འཕྲོས་ལ་ཚོགས་འཁོར་གསུངས་པ་སྟེ། ཚོགས་མཆོད་དང་སྤྱོད་པ་སྟེ་བརྒྱད་པའོ། །བསྙེན་པ་དང་ལས་རིམ་བདུན་ཏེ། སྒྲུབ་ཐབས་ལས་བདུན་ཅན་གྱི་མན་ངག་གི་གནས་ཙམ་ཐམས་ཅད་སྟན་ཟིན་ཏོ། །འདིའི་མན་ངག་གི་ཞལ་གདམས་ཅི་རིགས་པ་ཞིག་ད་དུང་ཡོད་སྣང་བས་རྙེད་ན་བསྟན་པར་བྱའོ། །ངག་འདོན་ནམ་ནག་འགྲོས་སུ་བྲིས་ན་ཚོགས་ཆེ་བས་འདིར་མདོ་ཙམ་སྟེ་ལག་ལེན་མཐོང་བ་ལས་ཤེས་སོ། །སྨྲས་པ། ཁེངས་ལྡན་རྣམས་ནི་ཡི་གེ་ཙམ་ལྟ་སྟེ། །མན་ངག་མེད་ན་དེ་དག་རྣམ་པར་འཁྱམས། །རང་བཟོ་ཀུན་ལ་མན་ངག་མཆོག་གོ་ཞེས། །དེང་སང་རབ་རྨོངས་ཕལ་ཆེར་འདི་ན་སྨྲ། །རྒྱུད་དོན་ཡིན་ཡང་མན་ངག་ཞལ་གདམས་ཏེ། །གཞན་ལ་མེད་ཀྱང་གཞན་དང་མི་འགལ་བ། །མཁས་པ་རྣམས་ཀྱིས་ཅི་ཕྱིར་འདི་མི་བརྟེན། །ཕྱོགས་འཛིན་ཅན་རྣམས་ཅི་དགར་བྱེད་ལ་རེག།ཅེས་པའང་སྨྲས་སོ། །འགྲོ་ལ་རྟག་ཏུ་ཕན་པའི་དོན། །མན་ངག་གསལ་བར་བྲིས་པ་ཡི། །དགེ་བས་འགྲོ་ཀུན་མཆོག་ཐོབ་ཤོག །འཁྲུལ་ན་འཕགས་མས་བཟོད་པའི་རིགས། །ཞེས་པའང་དཔལ་སྟག་ལུང་ཐང་པ་ཆེན་པོ་དོན་གྱི་སླད་དུ་མཚན་ནས་སྨོས་ཏེ། རྗེ་བཙུན་ཀུན་དགའ་བཀྲ་ཤིས་ཀྱིས་ཞལ་སྔ་ནས་བཀའ་སྩལ་སྤྱི་བོས་ནོད་དེ། ཏཱ་ར་ནཱ་ཐས་གུ་རུ་ལྷོ་ཕྱོགས་པའི་གསུང་བཞིན་བྲིས་པ་ནི་རང་ལོ་ཉེར་གསུམ་པ་ལའོ། །ཞུས་དག།ཀ་ལྱཱ་ཎ་ཝརྡྷཾ། མངྒ་ལ་བསྟྲཱར།། །།

་རྗེ་རྣལ་འབྱོར་མའི་བསྐྱེད་རིམ་གྱི་མན་ངག་གོ་དོན་དང་བཅས་པ་མདོ་ཙམ་གྱི་ཡི་གེ་བདེ་ཆེན་རོལ་པ།


TNT12_Page_0090
[མ་དཔེ་གཟིགས་ན་འདིར་གནོན།]

རྡོ་རྗེ་རྣལ་འབྱོར་མའི་བསྐྱེད་རིམ་གྱི་མན་ངག་གོ་དོན་དང་བཅས་པ་མདོ་ཙམ་གྱི་ཡི་གེ་བདེ་ཆེན་རོལ་པ་ཞེས་བྱ་བ་བཞུགས།


TNT12_Page_0091
[མ་དཔེ་གཟིགས་ན་འདིར་གནོན།]

ཨོཾ་སྭ་སྟི་སྭ་སྟི་བྷ་བཱནྟུ། ན་མོ་བཛྲ་ཡོ་གི་ནཱི་ནཱཾ། འབུམ་ཕྲག་འཆར་ཀའི་འོད་འཆང་འཁྲིལ་ལྡེམ་སྐུ། །རབ་ཆགས་བདེ་བས་མྱོས་པའི་འཇོ་སྒེག་ཅན། །མི་ཕྱེད་སྔགས་ཀྱི་དེ་ཉིད་རྟག་འཆར་བ། །རྡོ་རྗེ་བཙུན་མོས་བདག་ལ་ཐུགས་བརྩེར་མཛོད། །ཞབས་སེན་སྣར་མའི་མཛའ་བོའི་འོད་རིས་དག །སྲིད་གསུམ་བདེ་བྱེད་ས་འཛིན་རྩེར་བཀོད་ལས། །ཡོན་ཏན་གེ་སར་རྡུལ་གྱིས་ཡོངས་བརྡལ་བས། །ཕྱོགས་ཀུན་ཀུ་མུད་ནགས་ཚལ་སྐལ་བཟང་གྱུར། །གང་གི་བཀའ་དྲིན་ཀུན་དགའི་དགའ་སྟོན་ལ། །བརྩེ་དགར་རོལ་ལས་བདེ་ཆེན་མཛའ་མོ་ཡིས། །རྣམ་ཀུན་རྩེ་འཇོས་ཡིད་དགའ་ཐོབ་འདི་མཚར། །དེ་ཕྱིར་འདི་ནི་བླ་མ་དམ་པའི་ལུང༌། །གང་དག་ཕྱོགས་སུ་ལྷུང་བའི་བློ། །ལེགས་པའི་ཚུལ་ལ་དཔྱོད་མེད་དེ། །རྟ་གདོང་བདག་པོའི་འོད་གསལ་བ། །སྦྱིན་སྐྱེས་རྣམས་ལ་མུན་པ་ཉིད། །སྨྲ་མང་ཡི་གེ་གདམས་པས་དམན། །རྙེད་པའི་ལྕགས་ཀྱུ་ཡ་མཚན་རྨད། །གཞན་དུ་མི་དབང་ཚིག་གཅིག་གིས། །གྲོང་ཁྱེར་ཡུལ་འཁོར་བཅས་མངའ་བདག །


TNT12_Page_0092
[མ་དཔེ་གཟིགས་ན་འདིར་གནོན།]

དེ་ལྟ་བས་ན་བླ་མ་དམ་པ་རྡོ་རྗེ་འཆང་ཆེན་པོ་རྣམས་ཀྱི་ཞལ་ལུང་སྟེ། དེ་ཡང་རྒྱུད་ཐམས་ཅད་ཀྱི་མཐར་ཐུག་པ་དཔལ་འཁོར་ལོ་སྡོམ་པའི་སྙིང་པོའི་ངེས་གསང་མཆོག་ལས་བརྩམས་ཏེ། ཚེ་གཅིག་ཁོ་ནས་རྡོ་རྗེ་སེམས་དཔའ་ཉིད་དུ་བྱེད་པ་སྟེ། རྗེ་བཙུན་རྡོ་རྗེ་རྣལ་འབྱོར་མ་ཁོ་ན་ལ་བརྟེན་ནས་རིམ་པ་གཉིས་བསྒོམ་པར་བྱ་བ་ལས། དང་པོ་བསྐྱེད་པའི་རིམ་པ་ནི་འདིར་བཤད་པར་བྱ་ལ། ཕྱི་མ་རྫོགས་པའི་རིམ་པ་ནི་རེ་ཞིག་གཞན་དུ་ཤེས་སོ། །དེ་ཡང་དཔལ་རྡོ་རྗེ་འཆང་ཧེ་རུ་ཀ་ཡབ་ཡུམ་གྱི་དཀྱིལ་འཁོར་རབ་འབྱམས་ལས་གྲུབ་ཆེན་ནཱ་རོ་པས་དངོས་སུ་བརྙེད་པ་སྟེ། དེ་ལ་འདིར་སྔོན་འགྲོ་དང༌། དངོས་གཞིའི་ཉམས་ལེན་གཉིས་ལས། དང་པོ་ལ། སྐྱབས་སེམས་རྡོ་རྗེ་སེམས་དཔའི་སྒོམ་བཟླས་རྣམས་སྤྱི་དང་མཐུན་པ་ཉིད་དོ། །དེ་ལ་ཡང་ཐོག་མར་རེ་རེ་ལ་རྟགས་ཐོན་ཐོན་སྦྱོང་ཞིང༌། དེ་དག་ཏུ་ཅུང་ཟད་སྤྲོས་པ་ལ་དགའ་བའི་རིགས་ཡིན་ན། ཕྱག་དང་བསྐོར་པ་སཱ་ཙ་གདབ་པ་སོགས་བསགས་སྦྱང་སྤྲོས་པ་མང་དུ་བྱ་ལ། བསྡུས་པ་ལ་དགའ་བའི་རིགས་ནི་བླ་མའི་མོས་གུས་ཀྱིས་བསྐུལ་བའི་དམིགས་པ་སོ་སོ་ཉིད་འབད་དེ་བྱ་བ་ཁོ་ནས་དོན་ཚང་བ་ཡིན་ནོ། །ཕྱིས་ནི་ཐུན་གྱི་ཐོག་མར་ཅི་རིགས་བསྒོམས་པས་འགྲུབ་བོ། །དེ་དག་ཀྱང་རེ་རེ་ཁོ་ན་དང༌། གཉིས་ལྡན་དང༌། གསུམ་ལྡན་དང༌། བཞི་ལྡན་སོགས་རང་རང་གི་བློ་དང་འཚམ་པར་ཅི་རིགས་རིགས་སུ་བསྒོམ་པ་སྟེ། འཁྲིད་ཀྱི་སྔོན་འགྲོའོ། །དེ་ནས་དངོས་གཞིའི་ཉམས་ལེན་ལ་རྣལ་འབྱོར་བཅུ་གཅིག་ཡོད་པ། བསྡུ་


TNT12_Page_0093
[མ་དཔེ་གཟིགས་ན་འདིར་གནོན།]

ན་ཐུན་གྱི་སྔོན་འགྲོ་རྣལ་འབྱོར་དངོས་གཞི། རྗེས་ཐུན་མཚམས་ཏེ་གསུམ་ལས། དང་པོ་ལ། སྤྲོས་པ་ལ་མོས་ན། བར་ཆད་ཞི་བའི་ཕྱིར་སྔོན་འགྲོ་གཏོར་མ། རྟེན་བྱིན་རླབས། རང་ལྷར་བསྒོམས་པས་བདག་བསྲུང། གོ་ཆ་དགོད་པས་རྣལ་འབྱོར་བསྲུང་བ། ཚམས་རྔམ་གྱིས་གནས་བསྲུང་བ། ཞིང་སྦྱོང་ཞིང་ལྷ་མཉེས་པའི་ཕྱིར་གནས་དང་ཡོ་བྱད་བྱིན་རླབས་རྣམས་ཀྱང༌། གཞུང་བཞིན་ཐུན་ཐམས་ཅད་དམ་ཐོག་མ་ལྟ་བུ་གཅིག་ལ་བྱ། མི་སྤྲོ་ན་དེ་དག་བསྙེན་པ་སོགས་རྣལ་འབྱོར་བསྒོམ་པའི་སྐབས་མི་དགོས་ཤིང༌། བསྒྲུབ་མཆོད་སོགས་ལ་ནི་ངེས་པར་བྱ་བ་ཡིན་ནོ། །འདིར་ངེས་པར་སྦྱར་བ་ནི་ལྡང་བའི་རྣལ་འབྱོར་གྱིས་ལངས། དལ་འབྱོར་རྙེད་དཀའ། འཆི་བ་མི་རྟག་པ། འཁོར་བའི་སྡུག་བསྔལ་ལས་འབྲས་མི་བསླུ་བ། ཅིས་ཀྱང་དགོས་མེད་རྣམས་བློ་འགྱུར་བ་ཐོན་ངེས་རེ་བྱ། དེ་ནས་སྐྱབས་འགྲོ་སྤྱི་དང་མཐུན་པར་བསྒོམ། དེ་རྗེས་དམ་རྫས་བྱིན་གྱིས་བརླབས་ནས། བདུད་རྩི་མྱང་བས་སྙིང་གའི་བཾ་ཡིག་ལ་མཆོད་པར་མོས་ཤིང༌། རང་གི་ལུས་འོད་ལྟར་དྭངས་པ་དང་བདེ་བས་ཚིམས་པར་བསམ། འབྲུ་གསུམ་དག་ཏུ་བརྗོད། འདི་ནི་སྔགས་ཀྱི་ཐུན་མོང་མ་ཡིན་པ་ཀུན་རྫོབ་བྱང་སེམས་ཀུནྡ་བདེ་ཆེན་གྱི་སེམས་བསྐྱེད་པའོ། །དེ་རྗེས་སུ་ཚད་མེད་ཀྱི་རྣལ་འབྱོར་ནི། ཚད་མེད་བཞི་ཡང་བྱང་ཆུབ་ཀྱི་སེམས་སུ་འདུས་པ་ཡིན་པས། མདོ་སྔགས་ཐུན་མོང་གི་སེམས་བསྐྱེད་པ་གསལ་འདེབས་པ་ཉིད་ཡིན་ལ།


TNT12_Page_0094
[མ་དཔེ་གཟིགས་ན་འདིར་གནོན།]

དེའི་ཡན་ལག་ཏུ་ཚད་མེད་བཞི་སྤྱི་དང་མཐུན་པར་བསྒོམས་ཀྱང་རུང་ངོ༌། །སྤྲོ་ན་ཡིག་བརྒྱའི་རྣལ་འབྱོར་སྤྱི་དང་མཐུན་པ་ཞིག་བར་འདིར་བྱེད་པའི་སྲོལ་ཡོད་པ་ལྟར་བྱར་རུང་ལ། ངེས་པར་དགོས་པའི་ཆོ་ག་ནི་མ་ཡིན་ནོ། །དེ་ནས་བླ་མའི་རྣལ་འབྱོར་སྐབས། རྡོ་རྗེ་ཆོས་ནི་གསུང་རྡོ་རྗེ་ཡིན་ལ། བླ་མའི་སྐུ་དྲིན་ཡང་གཙོ་བོར་གསུང་གི་སྒོ་ནས་ཐོབ་པའི་རྒྱུ་མཚན་གྱིས་བླ་མ་རྡོ་རྗེ་ཆོས་སུ་སྒོམ་པ་མན་ངག་ཡིན་ཅིང༌། སྐུ་མདོག་དམར་པོས་སེམས་ཅན་ལ་སྙིང་རྗེ་ཆེན་པོས་རྗེས་སུ་ཆགས་པ་མཚོན། ཌ་མ་རུའི་སྒྲས་གྲག་སྟོང་བདེ་སྟོང་ཉིད་སྤྲོས་པ་ཐམས་ཅད་དང་བྲལ་བ། ཐོད་པས་མི་འགྱུར་བའི་བདེ་བ་ཆེན་པོ། ཁ་ཊྭཱཾ་འདིར་ཡུམ་མཚོན་ཅིང༌། དེའི་དོན་ལ་བདེ་སྟོང་དབྱེར་མེད་ཐབས་ཤེས་ངོ་བོ་གཅིག་པའི་ཟུང་འཇུག་ཏུ་མཚོན་པ། ཐུགས་བདེ་སྟོང་གི་སྣང་ཆ་རྡོ་རྗེ་ཆོས་ཀྱི་རྣམ་པར་ཤར་བ་ནི། སྐུ་དང་ཡེ་ཤེས་ཟུང་འཇུག་སྟེ་དེ་མཚོན་བྱེད་དོ། །དེའི་སྐུ་དགེ་འདུན། གསུང་ཆོས། ཐུགས་སངས་རྒྱས་ཏེ། དེ་ཡང་མཐར་ཐུག་གི་སྐྱབས་གསུམ་ངོ་བོ་གཅིག་པའི་གནད་ཀྱིས་ཡིན་ནོ། །དེ་ལྟར་ཡང༌། ཐུབ་པ་ཆོས་ཀྱི་སྐུ་ཅན་ཕྱིར། །ཚོགས་ཀྱང་དེའི་མཐར་ཐུག་ཕྱིར། །ཞེས་སོ། །དེ་ལ་གསོལ་བ་བཏབ་པས་རང་ལ་ཐིམ་པ་ཡན་ཆད་བླ་མའི་རྣལ་འབྱོར་ཏེ། དེ་ལྟར་ན། སྐྱབས་འགྲོ། ཚད་མེད། རྡོར་སེམས་ཀྱི་རྣལ་འབྱོར་རྣམས་སྤྱི་དང་ཐུན་མོང་ཡིན་ལ། བདུད་རྩི་མྱང་བ་དང་བླ་མའི་རྣལ་འབྱོར་ནི་ཐུན་མོང་མ་ཡིན་པ་སྟེ།


TNT12_Page_0095
[མ་དཔེ་གཟིགས་ན་འདིར་གནོན།]

ཁྱད་པར་གྱི་སྔོན་འགྲོའོ། །དངོས་གཞི་ལ། བསྐྱེད་རིམ་དང་བཟླས་པ་གཉིས་ལས། དང་པོ་ལ་གསུམ་སྟེ། མངོན་རྟོགས་དངོས་གཞི་ཇི་ལྟར་བསྒོམ་པའི་རིམ་པ་དང༌། འདི་ཁོ་ནར་བསྐྱེད་རིམ་གྱི་ཡན་ལག་རྣམས་དང་ལམ་ཐམས་ཅད་ཚང་བར་རྩི་བ་དང༌། དམིགས་པའི་གཙོ་བོ་ལྷའི་སྣང་ཞེན་ལ་བསླབ་པའོ། །དང་པོ་ལ། གང་འཚང་རྒྱ་བའི་རང་བཞིན། གང་དུ་འཚང་རྒྱ་བའི་ཞིང༌། ཇི་ལྟར་འཚང་རྒྱ་བའི་ཚུལ། སངས་རྒྱས་པའི་མཛད་པ་བསྒོམ་པ་སྟེ་བཞི་ལས། དང་པོ་ནི། འཆི་བ་ཆོས་སྐུ་ལམ་དུ་འཁྱེར་བ་ཡིན་ཏེ། དེ་ཡང་བླ་མའི་བྱིན་རླབས་ཀྱི་རྐྱེན་ངེས་སད་པ་ལས། རྣམ་པར་མི་རྟོག་པ་ཅུང་ཟད་གཅིག་སྒོམ་པར་བྱ་ལ། དེ་ནི་གོང་དུ་ཚད་མེད་ཀྱི་སྙིང་རྗེ་ཆེན་པོ་དང༌། བླ་མའི་རྣལ་འབྱོར་གྱི་མོས་གུས་བྱིན་རླབས་དང༌། བདུད་རྩི་མྱང་བའི་བདེ་བ་རྣམས། སྐབས་འདིར་མི་རྟོག་པའི་སྟོང་ཉིད་དང་རོ་གཅིག་ཏུ་བསྲེས་པ་ལ་མཉམ་པར་འཇོག་པའི་དོན་ཏེ། རང་བཞིན་བདེ་སྟོང་ཟུང་འཇུག་སྙིང་རྗེ་དང་བྱིན་རླབས་ཀྱི་ཐབས་ལས་མངོན་དུ་གྱུར་པ་མཐར་ཐུག་པ་ནི། སངས་རྒྱས་ཀྱི་ཡེ་ཤེས་ཞེས་བསྙད་པ་ཡིན་ཅིང༌། འདིས་འཆི་སྲིད་སྦྱོང་ཞིང༌། འབྲས་བུ་ཆོས་སྐུ་མངོན་དུ་བྱེད་པའི་ས་བོན་གསོས་འདེབས་པ་དང༌། ལམ་གོང་མ་རྫོགས་རིམ་བསྒོམས་པ་ན། དོན་གྱི་འོད་གསལ་རྒྱུད་ལ་སྐྱེ་བའི་གཞི་འདིངས་པ་ཡིན་ནོ། །འདི་ཁོ་ནར་མ་ཟད། བསྐྱེད་རིམ་གྱི་དམིགས་པའི་གཙོ་བོ་ཐམས་ཅད་ལ། དག་རྫོགས་སྨིན་གསུམ་ཚང་བ་ཞིག་


TNT12_Page_0096
[མ་དཔེ་གཟིགས་ན་འདིར་གནོན།]

དགོས་ཏེ། མར་འཁོར་བ་དང་རྣམ་པ་མཐུན་པས་སྲིད་པ་སྦྱོང་ཞིང་དག་པར་བྱེད་པ་དང༌། ཡར་སངས་རྒྱས་ཀྱི་བཞུགས་ཚུལ་དང་མཐུན་པས་འབྲས་བུ་རྫོགས་བྱེད་དང༌། བར་དུ་རྫོགས་རིམ་གྱི་སྨིན་བྱེད་དུ་འགྲོ་བ་གཅིག་རྣམས་ཚང་དགོས་སོ། །གཉིས་པ་ནི། སྙིང་གར་ཆོས་འབྱུང་གསལ་གདབ་པའི་སྐབས་ཡིན་ཏེ། གཞི་དུས་ཀྱི་སེམས་ཅན་རྣམས་གང་དུ་སྐྱེ་བའི་སྣོད་ཀྱི་འཇིག་རྟེན་འགྲུབ་པའི་བག་ཆགས་སྦྱོང༌། འབྲས་བུའི་དུས་གང་དུ་འཚང་རྒྱ་བའི་ཞིང་རྣམ་པར་དག་པའི་ཐབས་ཏེ། ཆོས་འབྱུང་འོག་མ་སྤྱིར་སྣོད་ཀྱི་འཇིག་རྟེན་དང༌། གོང་མས་མངལ་སྐྱེས་ཀྱི་མངལ་དང༌། སྒོང་སྐྱེས་ཀྱི་སྒོ་ངའི་ཁྱིམ་དང༌། སྐྱེ་གནས་གཞན་གཉིས་ཀྱི་གནས་ཀྱི་བག་ཆགས་སྦྱོང་བར་བྱེད་དོ། །ཆོས་འབྱུང་འོག་མ་ནི་སྟོང་པ་ཉིད། གོང་མ་ནི་སྟོང་པ་དེའི་རང་གདངས་སྙིང་རྗེ། ཕྱི་དཀར་ལ་ནང་དམར་བ་བདེ་བ་ཆེན་པོ། བསྣོལ་མར་གནས་པ་ནི་བདེ་བ་སྟོང་པ་སྙིང་རྗེ་གསུམ་མིང་དང་ལྡོག་པའི་ཆས་ཕྱེ་བ་མ་གཏོགས། ངོ་བོ་སེམས་དང་ཡེ་ཤེས་སུ་གཅིག་པུ་གཉིས་མེད་པར་མཚོན་ཏེ། ཆོས་འབྱུང་དེ་གཉིས་ཀའང་གདེངས་ཀ་ཟུར་གསུམ་གྱེན་བསྟན་པ། རྩ་བ་ཕྲ་ཟུར་གཅིག་པ་ཐུར་དུ་བསྟན་པ་སྟེ། སྤྱིར་ཟུར་བཞི་པ་ཡིན་ལ། ཕྱོགས་གང་ནས་བལྟས་ཀྱང་ཟུར་གསུམ་མོ། །དེ་ཡང་གསང་འདུས་རྒྱུད་ཕྱི་མ་ལས། ལོངས་སྤྱོད་བཞི་དང་ཡང་དག་ལྡན། །རིག་མའི་སྐྱེས་བུ་རྡོ་རྗེ་ཅན། །སྐུ་གསུང་ཐུགས་ཀྱི་དབྱེ་བ་ཡིས། །


TNT12_Page_0097
[མ་དཔེ་གཟིགས་ན་འདིར་གནོན།]

གྲུ་གསུམ་དུ་ནི་རྣམ་པར་སྒོམ། །ཞེས་པས། ཟུར་གསུམ་འོག་མས་རྣམ་པར་ཐར་པའི་སྒོ་སྟོང་པ་ཉིད་དང༌། མཚན་མ་མེད་པ་དང༌། སྨོན་པ་མེད་པ་གསུམ་དང༌། གོང་མས་སེམས་ཅན་ལ་དམིགས་པའི་སྙིང་རྗེ་དང༌། ཆོས་ལ་དམིགས་པའི་སྙིང་རྗེ་དང་དམིགས་པ་མེད་པའི་སྙིང་རྗེ་གསུམ་མཚོན་ནོ། །ཟུར་གསུམ་མཚན་པ་གཉིས་ཀྱང་སྐུ་གསུང་ཐུགས་གསུམ་དང༌། ལུས་ངག་ཡིད་གསུམ་མཚོན་ཏེ། དེ་ལ་ཟུར་འོག་མས་ནི་གསུམ་ཀ་ལ་ཁྱབ་པའི་རྣམ་པར་ཐར་པའི་སྒོ་འདུས་མ་བྱས་དང༌། བདེ་ཆེན་ཀྱི་སྙིང་རྗེ་དང༌། གཞི་དུས་ཀྱི་འགྱུར་བདེ་ལམ་དུས་དང༌། འབྲས་དུས་ཀྱི་ཡེ་ཤེས་རྡོ་རྗེ་ཚོན་པ་སྟེ། ལོངས་སྤྱོད་བཞི་སོགས་ཀྱི་དོན་ནོ། །སྟོང་པ་ཉིད་ཤེས་རབ་ཀྱི་ངོ་བོ་ཡིན་པ་དང༌། གྲུ་གསུམ་གྱི་རྣམ་པས་བདེ་ཆེན་འདྲེན་བྱེད་གསང་བའི་བྷ་ག་མཚོན་པས་རིག་མའི་སྐྱེས་བུ་ཞེས་ཆོས་འབྱུང་ལ་བཏགས་པའོ། །དེ་ལ་རྣམ་པར་ཐར་པ་གསུམ་ནི། ཇི་སྐད་དུ། ངོ་བོ་ཉིད་དང་བྲལ་ཕྱིར་སྟོང་པ་སྟེ། །རང་བཞིན་རྒྱུ་དང་བྲལ་བས་མཚན་མ་མེད། །རྟོག་པ་ཀུན་དང་བྲལ་ཕྱིར་དངོས་རྣམས་ཀུན། །མ་ལུས་སྨོན་པ་ལས་ནི་ངེས་པར་གྲོལ། །ཞེས་གསུངས་པ་ལྟར་ཏེ། འདི་ལ་བཤད་ལུགས་མང་ནའང༌། འདིར་དངོས་པོ་གང་ལ་ཡང་ངོ་བོར་རང་བཞིན་མི་དམིགས་པ་ནི་སྟོང་ཉིད་དང༌། རྒྱུ་རྐྱེན་གྱི་འཆར་སྒོ་མ་འགགས་བཞིན་དུ་རྒྱུ་རྐྱེན་རང་བཞིན་མ་དམིགས་པའི་སྐྱེ་མེད་ནི་མཚན་མ་མེད་པ་དང༌། འབྲས་བུ་རང་བཞིན་མི་དམིགས་པས་དེ་ལ་རྣམ་རྟོག་མེད་པ་ནི་སྨོན་མེད་དེ། སྙིང་རྗེ་གསུམ་


TNT12_Page_0098
[མ་དཔེ་གཟིགས་ན་འདིར་གནོན།]

ལ་ཡང་ངོས་འཛིན་མི་འདྲ་བ་བཤད་ཁུངས་དང་ལྡན་པ་མང་མོད་ཀྱི། འདིར་ན་རེ་ཞིག་སྤྱི་སྐད་དང་མཐུན་པར་བྱ་སྟེ། སེམས་ཅན་རྣམས་སྡུག་བསྔལ་བ་ལས་སྒྲོལ་འདོད་པ་ནི་སེམས་ཅན་ལ་དམིགས་པ། སེམས་ཅན་རྣམས་ཕྲ་བའི་མི་རྟག་པ་སྐད་ཅིག་གིས་སྐྱེ་འཇིག་ཅན་ལས་སྐྱོབ་པར་སེམས་དཔའ་ནི་ཆོས་ལ་དམིགས་པ། སེམས་ཅན་མ་དམིགས་བཞིན་དུ་དེ་ལྟར་མ་རྟོགས་པའི་སེམས་ཅན་ལ་བརྩེ་བ་མི་རྟོག་པའི་རང་བཞིན་དུ་ཤར་བ་ནི་དམིགས་པ་མེད་པའི་སྙིང་རྗེ་སྟེ། ཕྱི་མ་འདི་དངོས་ནི་སོ་སོ་སྐྱེ་བོ་ལ་མེད་མོད། ཕྱོགས་མཐུན་ནི་ཕུང་སོགས་འཁྲུལ་བའི་སྣང་བ་འདི་ཡེ་ནས། གྲུབ་རྒྱུ་མེད་པ་བརྗོད་བྲལ་དུ་འདུག་པ་ལ། དེར་མ་རྟོགས་པ་ལ་སྙིང་རྗེར་ཤར་བའི་གདངས་མ་འགགས་ཤིང༌། དེ་ལ་བདེན་འཛིན་མངོན་གྱུར་གྱི་བདག་པོས་མ་བཅོས་པ་ཞིག་འབྱུང་བའོ། །དེ་ལྟར་ན་གྲུབ་པའི་དོན་སྟོང་པའི་སེམས་ལས་སྐྱེ་སྲིད་ལེན་པའི་སེམས་སོགས་འབྱུང་ཞིང་སྐྱེ་བ་ལེན་པ་སོགས་འཁོར་བའི་འཁོར་ལོ་བསྐོར་བ་དང༌། ཇི་སྐད་དུ། བཙུན་མོའི་བྷ་ག་བདེ་ཆེན་དུ། །སྟོན་པ་སུམ་ཅུ་རྩ་གཉིས་མཚན། །གཙོ་བོ་དཔེ་བྱད་བརྒྱད་ཅུར་ལྡན། །ཞེས་པ་ལྟར། འོག་ནས་འབྱུང་བའི་ལྷ་བསྐྱེད་པ་སོགས་ཐམས་ཅད་སྟོང་པའི་རང་བཞིན་གྱི་གདངས་དེ་ཁོ་ན་ལས་འབྱུང་བ་ཞིག་དགོས་ཏེ། སྟོང་པ་ལས་ལྷ་སྐུ་འབྱུང་བ་མཚོན་ནོ། །གཞན་ཡང་ཆོས་འབྱུང་ནི་ཐུན་མོང་དང་ཐུན་མོང་མ་ཡིན་པའི་ཞིང་ཁམས་རྣམ་པར་དག་པའི་རང་བཞིན་དང༌།


TNT12_Page_0099
[མ་དཔེ་གཟིགས་ན་འདིར་གནོན།]

བཅུ་གསུམ་རྡོ་རྗེ་འཛིན་པའི་ས་མཚོན་པ་ཡིན་ཅིང༌། ཆོས་འབྱུང་འོག་མ་བདེ་སྐྱོང་འཁོར་ལོ་དང༌། སྟེང་མ་སྤྲུལ་པའི་འཁོར་ལོ་དང༌། ཟླ་བ་ཆོས་འཁོར་དང༌། བཾ་ཡིག་ལོངས་སྤྱོད་འཁོར་ལོ་དང༌། ཡི་གེ་སོ་གཉིས་བདེ་ཆེན་འཁོར་ལོ་མཚོན་པས། རྫོགས་རིམ་སྐབས་རྩ་འཁོར་དེ་རྣམས་གྲོལ་ཞིང་དག་པ་དང༌། འོད་ཟེར་སྤྲོ་བསྡུ་དང་འོད་ཀྱི་གོང་བུས་འབར་འཛག་དང༌། དགའ་འཁྱིལ་བཞི་ནི་ཐིག་ལེ་བཞི་དང་འབྱུང་བཞིའི་རླུང༌། ལག་བཅུ་དྲུག་ནི་ཐིག་ལེ་འཕོ་བ་བཅུ་དྲུག་སྟེ། དེ་རྣམས་བྱིན་གྱིས་བརླབས་པའི་རྫོགས་རིམ་གྱི་སྐབས་མི་འགྱུར་བའི་ཐིག་ལེ་ཐོབ་པ་ཡིན་ནོ། །གསུམ་པ་ནི། ཆོས་འབྱུང་དེར་ཟླ་བ་སྒོམ་པ་ནས་གོ་ཆ་མ་བཀོད་པར་ཏེ། དེ་ལ་ཟླ་བ་ནི་ཕའི་ཁུ་བ། བཾ་ཡིག་ནི་བར་དོའི་སེམས་ཉིད། སྔགས་འཕྲེང་མའི་རྡུལ། དེ་གསུམ་འཛོམ་པ་ཡིན་ནི། ཇི་སྐད་དུ། དེ་རྗེས་ཁུ་ཁྲག་ཞུ་ཐིག་ལེ། །འདྲེས་པ་རུ་ནི་གྱུར་པ་ན། །ཀུན་གཞི་ལས་ནི་རྣམ་ཤེས་སྐྱེ། །ཇི་ལྟར་ཆང་རོས་མྱོས་པ་བཞིན། །ཞེས་སོ། །དེ་ལ་ཟླ་བ་ལ་བཾ་ཡིག་བཀོད་པའི་རྗེས་སུ་ཡི་གེ་སོ་གཉིས་གསལ་བཏབ་ན། ཕའི་ཁམས་དཀར་པོ་བར་དོ་ཞུགས་ཟིན་པ་དེ་མངལ་དུ་འཇུག་པ་མཚོན་ཅིང༌། ཟླ་བ་སྔགས་འཕྲེང་སྔོན་ལ་བསྐྱེད་ནས། བཾ་ཡིག་ཕྱིས་བསྒོམས་ན། མངལ་དུ་དཀར་དམར་ཚོགས་ཟིན་པ་ལ་བར་སྲིད་འཇུག་པ་སྤྱོད་པ་དང༌། དུས་མཉམ་དུ་བསྐྱེད་པ་ལྟར་ན། གསུམ་ཚོགས་པ་ཙམ་ལ་བར་དོའི་ལུས་མ་འགག་པའི་སྐབས་དང་སྦྱོར་རོ། །དེ་ནས་དེ་གསུམ་


TNT12_Page_0100
[མ་དཔེ་གཟིགས་ན་འདིར་གནོན།]

འདྲེས་པ་དང༌། འོད་འཕྲོས་པ་ན་རླུང་བཅུ་སོགས་རིམ་པས་གྲུབ་པ། སྡིག་སྒྲིབ་སྦྱངས་པ་ནི་ཡན་ལག་རྫོགས་པར་འགྲུབ་པའི་འགལ་རྐྱེན་སྤངས་པ་ཡིན་ལ། འདི་ཉིད་ཀྱི་ལུགས་སྲོལ་འགའ་ཞིག་ལས། འོད་ཟེར་ཕྱི་རོལ་ཏུ་ཡང་སྤྲོ་བསྡུ་བྱེད་པའི་མན་ངག་ཡོད་པའང་མི་ལེགས་པ་མ་ཡིན་ནོ། །ཚུར་འདུས་ཐིམ་པ་ནི། ཕུང་ཁམས་སྐྱེ་མཆེད་རིམ་པས་གྲུབ་པ། སྐུ་ཡོངས་སུ་རྫོགས་པ་ནི་དབང་པོ་རྣམས་རྫོགས་ནས་བཙས་པ། དེ་ཡང་ཟླ་བ་སྔགས་འཕྲེང་བཾ་ཡིག་དུས་གཅིག་ལ་བསྐྱེད་ནས་རིམ་པས་གསལ་གདབ་པ་འདི་བར་དོ་ལོངས་སྤྱོད་རྫོགས་སྐུ་ལམ་འཁྱེར་ཏེ། དེ་ཡང་གཞི་དུས་འཆི་བ་འོད་གསལ་ལས་ལྡང་བ་དང་བར་དོ་འགྲུབ་པ་དུས་མཉམ། བར་དོ་འགག་པ་དང་སྐྱེ་སྲིད་འགྲུབ་པ་དུས་མཉམ་པ་ཡིན་པ་དེ་སྦྱོང་ཞིང༌། རྫོགས་རིམ་སྐབས་འོད་གསལ་དག་པའི་ལྷར་ལྡང་བའི་སྨིན་བྱེད་དུ་འགྲོ་ལ། འབྲས་དུས་ཆོས་སྐུ་ལས་ལོངས་སྐུར་བཞེངས་པའི་རྟེན་འབྲེལ་དུ་འགྱུར་རོ། །ཟླ་བ་ས་བོན་སྔགས་འཕྲེང་བཅས་གཅིག་ཏུ་འདྲེས་པ་ཕན་ཆད་སྐྱེ་བ་སྤྲུལ་སྐུ་ལམ་འཁྱེར་ཡིན་ནོ། །བསྐྱེད་ཟིན་ནས་ཀྱང་ཆོས་འབྱུང་ཟླ་བ་བཾ་ཡིག་སྔགས་རྣམས་སྔར་ལྟར་བསྒོམ་དགོས་ཤིང༌། སྔགས་རྣམས་ནི་མགོ་གྱེན་བསྟན་བཾ་ཡིག་ལ་ཁ་མངོན་དུ་ཕྱོགས་པའོ། །དེ་ཡང་ཐིག་ལེ་ཟླ་བ་ཁུ་བ་སྐུ། །རྣམ་པར་བཅད་པ་རྡུལ་ཉི་གསུང༌། །ཨ་ཡིག་མུན་ཅན་ཐུགས་རབ་བརྗོད། །ཞེས་པ་ལྟར། འདིར་ཡང་མའི་རཀྟ་གསུང་གི་ཆོས་


TNT12_Page_0101
[མ་དཔེ་གཟིགས་ན་འདིར་གནོན།]

ཡིན་པས་སྔགས་སུ་བཀོད་པ་དང༌། བཾ་གྱི་སྲོག་ལ་ཡང་ཨ་ཡིག་གི་དོན་ཚང་ངོ༌། །སྐྱེ་གནས་གཞན་གྱི་ཚུལ་ལའང༌། ཟླ་བ་སྔགས་འཕྲེང་དང་འོད་ཀྱི་གོང་བུ་སྒོང་སྐྱེས་ཀྱི་ཁུ་བཅུད་དང་སེམས་འདྲེས་པ་སྦྱོང་ཞེས་བླ་མ་དག་གསུང་ལ། དོན་ནི་གཞན་རྣམས་མངའ་སྐྱེས་དང་འདྲ་བ་ལས། འོད་ཀྱི་གོང་བུས་སྒོང་ལས་སྐྱེས་པའི་བག་ཆགས་སྦྱོང་བ་ཡིན་ལ། ཟླ་བ་དང་སྔགས་འཕྲེང་ནི་དྲོད་གཤེར་སྐྱེས་ལ་གཤེར་དང་དྲོད་གཉིས་དང༌། རྫུས་སྐྱེས་ལ། གནས་ལུས་ལ་སྲེད་པ་དང་ལེན་པའི་མཐུ་གསོས་བཏབ་པ་མཚོན་ཅིང་སྦྱོང་བ་ཡིན་ནོ། །རྫོགས་རིམ་སྐབས་ཀྱང་ཁམས་དཀར་དམར་འདུ་འཕྲོད་ལས་བདེ་ཆེན་གྱི་ལྷ་བསྐྱེད་པ་དང༌། འབྲས་བུ་ལོངས་སྐུས་སྤྲུལ་པ་རགས་པའི་སྐུ་འཛིན་པའི་ཚུལ་སྟོན་པ་དང་འདྲའོ། །སྐབས་འདིར་སྐུའི་རྣམ་པའི་མཚོན་དོན་རྣམས་ཀྱང་ཤེས་དགོས་ཏེ། འོག་ཏུ་འཆད་པ་ལྟར་རོ། །བཞི་པ་ནི། གོ་ཆ་འཆིང་བ། ཡེ་ཤེས་པ་དགུག་གཞུགའགྲོ་བ་དག་པ་རྣམས་ཏེ། དེ་ལ་གོ་ཆ་བཅིངས་པས་ཕུང་ཁམས་བྱིན་གྱིས་བརླབ་ཅིང༌། གོ་ཆའི་ཧཾ་ཡོཾ་ནི། སྙིང་ཁའི་བཾ་ཡིག་གི་གོང་ཙམ་དུ་བསྒོམ་པ་ཡིན་ལ། ཕཊ་ནི་ཚིགས་ཆེན་ལ་བསྐོང་བའི་འོད་ཀྱིས་ལུས་ཀྱི་ཕྱི་ཐམས་ཅད་དགང་བར་བསྒོམ་མོ། །འདི་རྣམས་བསྒོམས་པས་བགེགས་དང་བར་ཆད་ཀྱིས་མི་ཚུགས་ཤིང༌། རྫོགས་རིམ་གྱི་སྐབས་འཁོར་ལོ་ལྔ་དང༌། ཚིགས་ཀྱི་འཁོར་ལོ་ཀུན་གྱི་རླུང་དང་ཐིག་ལེ་ལ་དབང་ཐོབ་པས་དབུ་མར་ཐིམ་པར་བྱེད་པའི་རྟེན་


TNT12_Page_0102
[མ་དཔེ་གཟིགས་ན་འདིར་གནོན།]

འབྲེལ་དུ་འགྱུར་ལ། འཚང་རྒྱ་བའི་ཚེ་རིགས་དྲུག་གི་དཀྱིལ་འཁོར་མངོན་དུ་འགྱུར་བའི་རྒྱུའོ། །ཡེ་ཤེས་པ་བསྟིམ་པའི་གནས་སྐབས་སུ། དམ་ཡེ་མཆོག་དམན་ཐ་དད་དུ་འཛིན་པ་སྤོང་ཞིང༌། ཡེ་ཤེས་པ་དེར་རང་སེམས་སུ་ཤེས་ཤིང༌། རྫོགས་རིམ་སྐབས་དཔེའི་འོད་གསལ་གྱི་ཐབས་ཀྱིས་དོན་གྱི་ཡེ་ཤེས་མཚོན་པའི་རྒྱུ་དང༌། འབྲས་བུ་སངས་རྒྱས་པའི་ཚེ་ཐམས་ཅད་ཡེ་ཤེས་གཅིག་ཏུ་འགྱུར་པའི་རྟེན་འབྲེལ་བསྒྲིགས་པའོ། །འགྲོ་བ་དག་པ་ནི། སྙིང་གའི་འོད་ཀྱིས་ཕོག་པས་ཕྱི་ནང་གི་འཇིག་རྟེན་ཐམས་ཅད་རྡོ་རྗེ་རྣལ་འབྱོར་མའི་དཀྱིལ་འཁོར་དུ་བསྒོམ་པ་སྟེ། ཞིང་སྦྱོང་བ་དང་འགྲོ་བ་སྨིན་པའི་ཏིང་ངེ་འཛིན་ནོ། །དེ་ལྟར་གསུམ་ལ། གཞི་དུས་སུ་ཡང་གོ་ཆ་བཀོད་པས་སྐྱེ་མཆེད་དང་སྒོ་གསུམ་གྱི་ནུས་པ་མཐར་གྱིས་ཡོངས་སུ་རྫོགས་པ་དང༌། དམ་ཡེ་བསྲེས་པས་འགྲོ་བ་རིས་མཐུན་སྔ་མ་རྣམས་དང་སེམས་དང་དྲན་པ་དང་བློ་གྲོས་ཀྱི་ནུས་པ་མཉམ་པ་དང༌། ལོ་བཅུ་གཉིས་སམ་བཅུ་དྲུག་གི་མཐར་བདེ་བ་རྫོགས་པ་མཚོན་ཏེ། ཡོ་ག་ཤུདྡྷོའྀ་སྔགས་ཀྱིས་ང་རྒྱལ་འཛིན་པའི་སྐབས་འཁྱུད་རྒྱ་བྱེད་པའི་གནད་ཀྱང་དེ་ཡིན་ནོ། །འགྲོ་བ་དག་པས་ནི། རང་རང་གི་ལས་ཀྱི་བྱ་བ་ལ་གནས་པ་དང་མཚུངས་སོ། ཁ་ཅིག་རིགས་བདག་རང་ཆས་དང༌། ཁ་ཅིག་རིགས་བདག་གི་དོད་དུ་རྡོ་རྗེ་ཕྱེད་པ་བྱེད་དོ། །འོན་ཀྱང་འདིར་དབང་བསྐུར་རྒྱས་བཏབ་སྒོས་སུ་མི་བྱེད་པའི་ལུགས་


TNT12_Page_0103
[མ་དཔེ་གཟིགས་ན་འདིར་གནོན།]

ལ་ཐོད་སྐམ་ལྔ་རིགས་ལྔ་མཚོན་བྱེད་ཀྱི་དབུ་རྒྱན་རང་ཆས་སོ། །གཉིས་པ་འདི་དེ་ཁོ་ནར་བསྐྱེད་རིམ་གྱི་ཡན་ལག་རྣམས་དང༌། ལམ་ཐམས་ཅད་ཚད་རྩི་བ་ནི། ལྷར་བསྒོམ་པ་བུམ་དབང་གི་ལམ། ཆོས་འབྱུང་སོགས་ནི་གསང་དབང་གི་ལམ། གཡོན་བསྐོར་དུ་འཁོར་བའི་བདེ་བ་ཤེས་རབ་ཡེ་ཤེས་ཀྱི་དབང་གི་ལམ། དེ་ལ་མི་རྟོག་པ་བདེ་སྟོང་དབྱེར་མེད་དབང་བཞི་པའི་ལམ། ཆོས་འབྱུང་རང་ཉིད་གསང་དབང༌། དགའ་བ་འཁྱིལ་བ་ཤེས་རབ་ཡེ་ཤེས། མི་རྟོག་པ་དབང་བཞི་པའོ། །ཡང་ཆོས་འབྱུང་འོག་མས་གསང་གནས། གོང་མས་ལྟེ་བ་སྤྲུལ་འཁོར་མཚོན་ཏེ། དེ་གཉིས་ན་རྩ་མདུད་གྲུ་གསུམ་གནས་པས་སོ། །ཟླ་བ་ནི་མི་ཤིགས་པའི་ཐིག་ལེ་མཚོན་པས། སྙིང་ཁ་ཆོས་འཁོར་དང༌། བཾ་གྱིས་མགྲིན་པའི་རྩ་མདུད་མཚོན་པ་དང༌། ཡི་གེ་སོ་གཉིས་ནི་སྤྱི་བོའི་རྩ་སོ་གཉིས་དང་བྱང་སེམས་སོ་གཉིས་འབབ་པ་མཚོན་པས་གསང་དབང་དང༌། འཁོར་ལོ་དེ་དག་ཏུ་དགའ་བ་བཞི་འཆར་བ་ནི་དགའ་བ་འཁྱིལ་བ་བཞིས་མཚོན་ཏེ་ཤེས་དབང་དང༌། དགའ་འཁྱིལ་རེ་རེ་ལ་ལག་བཞི་བཞི་བཅུ་དྲུག་ནི་མས་བརྟན་དགའ་བ་བཅུ་དྲུག་དབང་བཞི་པ་སྟེ། དབང་བཞི་སྟན་ཐོག་གཅིག་ཏུ་དྲིལ་པའོ། །ཞེས་བླ་མ་གོང་མ་རྣམས་གསུང་ངོ༌། །གཞན་ཡང་ཟླ་བ་མེ་ལོང་ཡེ་ཤེས་དང༌། །ཉི་མའི་དོད་སྔགས་འཕྲེང་མཉམ་ཉིད་དང༌། བཾ་ཡིག་ས་བོན་སོར་རྟོག་སྟེ་སྦྱོར་བ་དང༌། རྣལ་འབྱོར་དང་པོ་ཡིན་ལ། འོད་འཕྲོ་འདུ་བྱ་གྲུབ་དང༌། སྐུ་ཡོངས་རྫོགས་ཆོས་དབྱིངས་ཡེ་ཤེས་ལས་


TNT12_Page_0104
[མ་དཔེ་གཟིགས་ན་འདིར་གནོན།]

བྱང་ཆུབ་པའོ། །དེ་རྣམས་བསྙེན་པའི་ཡན་ལག་ཡིན་ཅིང༌། གོ་ཆ་ནི་ཉེར་བསྒྲུབ་སྟེ་ཤིན་ཏུ་རྣལ་འབྱོར་དང༌། ཡེ་ཤེས་པ་བསྟིམ་པ་དཀྱིལ་འཁོར་རྒྱལ་མཆོག་དང༌། ཞིང་སྦྱོང་སོགས་བསྒྲུབས་པ་ཆེན་པོ་དང༌། གོ་ཆ་སོགས་གསུམ་པོ་དེ་ལས་རྒྱལ་མཆོག་དང༌། ཕྱི་མ་གཉིས་རྣལ་འབྱོར་ཆེན་པོའོ། །བདེ་མཆོག་གི་ཐུན་མོང་མ་ཡིན་པའི་སྐུ་གསུམ་ལམ་ཕྱེད་ཀྱང་ཚང་སྟེ། ལྷར་བཞེངས་པ་ཡན་ཆད་སྤྲུལ་སྐུ་ལམ་བྱེད་དང༌། གོ་ཆ་ནས་བཟླས་པའི་བར་ལོངས་སྐུ་ལམ་བྱེད་དང༌། བསམ་མི་ཁྱབ་ཀྱི་རྣལ་འབྱོར་ཆོས་སྐུ་ལམ་ཡིན་ཅིང༌། གཞན་ཡང་དོན་གྱིས་ན་མཁྱེན་གསུམ་ལམ་བྱེད་ཀྱང་ཚང་བར་མངོན་ལ། རྒྱུད་སྡེ་སྤྱི་ལ་གྲགས་པའི་སྐུ་གསུམ་ལམ་བྱེད་ནི་གོང་དུ་བཤད་ཟིན་ཏོ། །འདི་དག་ལུང་དང་སྦྱར་རྒྱུ་མང་མོད་ཀྱི་ཡི་གེ་ཉུང་བ་ལ་མངོན་པར་དགའ་བའི་ཕྱིར་མ་སྤྲོས་སོ། །གཉིས་པ་ལྷའི་སྣང་ཞེན་ལ་བསླབ་པ་ལ་གསུམ། གསལ་སྣང་ལ་བསླབ་པ་དང༌། ང་རྒྱལ་བསླབ་པ་དང༌། བདེ་སྟོང་དུ་འཆར་བ་ལ་བསླབ་པའོ། །དང་པོ་ལ་ཡང་རྣམ་པ་ལ་བསླབ་པ་དང༌། དག་པ་ལ་བསླབ་པའོ། །དང་པོ་ནི། སྤྱི་བོའི་འཁོར་ལོའི་སྟེང་གི་ནོར་བུ་ལ་སེམས་འཛིན་ཏེ། དེ་ཡང་མི་རུས་ཀྱི་འཁོར་ལོའི་ལྟེ་བར་གདན་ཟླུམ་པོ་ལ་གནས་པའི་ཏོག་ཟླུམ་པོའི་རྣམ་པ་ལ་སེམས་འཛིན། སེམས་འཛིན་ཚུལ་སྤྱི་དང་འདྲའོ། །དེ་ནས་འཁོར་ལོ་ལས་གྱེས་པའི་རུས་པའི་དྲྭ་བ་དང༌། དབུ་རྒྱན་རིན་པོ་ཆེའི་རྩེ་ཕྲན་ཅུང་ཟད་དང་


TNT12_Page_0105
[མ་དཔེ་གཟིགས་ན་འདིར་གནོན།]

བཅས་པའི་ཐོད་སྐམ་ལྔ་པོ་ལ་སེམས་འཛིན། དེ་ནས་ཐོད་སྐམ་ལྔའི་སྦྲེལ་ཐག་རྡོ་རྗེ་ནག་པོའི་འཕྲེང་བ་སྟེང་འོག་ཏུ་རིམ་པ་གཉིས་དང༌། སྙན་ལྟག་ཏུ་དཔའ་མོའི་དར་དཔྱངས་ལྗང་ཁུ་གསུམ་འཁྱོག་ཏུ་ལྡིང་བ་དང༌། བུང་བ་ལྟར་གནག་པའི་དབུ་སྐྲ་གྲོལ་བ་སིལ་ལེ་བུན་ནེ་བས་སྐུ་སྟོང་ཁྱབ་པ་ནཱ་ག་གེ་སར་གྱི་མེ་ཏོག་སིལ་མས་བརྒྱན་པ་དང༌། སྤྱན་དབུས་མ་དང༌། སྤྱན་གཉིས་ཏེ་མཐའ་དམར་ཞིང་སྤྱན་འབྲས་ནག་པ། རྣམ་པར་བཀྲ་ལ་གཡོ་ཞིང་ཧུར་བག་ཏུ་གཟིགས་པའི་སྤྱན་གསུམ་དང༌། ཤངས་དཀྱུས་ཟུལ་ཟུལ་ཅུང་ཟད་མཐོ་ཞིང་མཛེས་པ་དང༌། སྨིན་ཕྲག་ཏུ་ཁྲོ་གཉེར་འཁྱོག་པོ་བསྡུས་པ་དང༌། སྙན་ཤལ་རིང་ལ་མཛེས་པ་དང༌། རུས་པའི་སྙན་ཆ་དང༌། མགྲིན་པ་སྒེག་བག་ཆགས་པ་དུང་འཁྱིལ་བའི་རི་མོ་ལྟ་བ་དང༌། མགུལ་རྒྱན་དྲ་ཕྱེད་དང༌། སྐྲ་མཚམས་སུ་རུས་པའི་ཟ་ར་ཚོགས་དང༌། དེ་ནས་འཇམ་ལ་རིང་ཞིང་ཕྲ་སྦོམ་ཕྱེད་ལ་ཤུགས་དང་ལྡན་པའི་ཕྱག་གཡོན་སྟེང་ཕྱོགས་སུ་ཐོད་པ་འཛིན་ཚུལ་དང༌། དེ་ལ་ཞལ་རས་གྱེན་དུ་ཕྱོགས་པ་ནི། བཞིན་གྱི་དཀྱིལ་འཁོར་རབ་ཏུ་གང་བ་ཡིད་ཙམ་འཛུམ་ཞིང༌། ཁྲོ་ཆགས་འདྲེས་པའི་ཉམས་ཅན་མཆེ་བའི་མྱུ་གུ་ལྷག་གེར་གསལ་བ་དང༌། ཕྱག་གཡས་ཐུར་དུ་དྲག་ཏུ་བརྐྱངས་ཤིང་སྡིགས་མཛུབ་དང་བཅས་པའི་བསྣུན་ཐབས་དང༌། རྡོ་རྗེས་མཚན་པའི་གྲི་གུག་གཡས་པས་འཛིན་པ་དང༌། ཡང་ན་འདིར་རྡོ་རྗེ་དང་ཌཱ་མ་རུ་ལྷན་ཅིག་ཏུ་བཟུང་བར་བྱས་ཀྱང་རུང་ལ། སྒྲུབ་ཐབས་ཁུངས་མ་གཞན་ལས་རྡོ་རྗེ་ཁོ་ན་


TNT12_Page_0106
[མ་དཔེ་གཟིགས་ན་འདིར་གནོན།]

ཡང་བཤད་ཅིང་འདིར་ཌཱ་མ་རུ་གཡས་སུ་བཟུང་ན་ཁ་ཊྭཱཾ་ག་ལ་ཌཱ་མ་རུ་བཅངས་པ་མི་བྱེད་ཅིང༌། འདིར་ཌཱ་མ་རུ་མེད་ན་ཁ་ཊྭཱཾ་ག་ལ་ཅང་ཏེའུ་བཏགས་པ་དགོས་སོ་ཞེས་ཀྱང་ལུགས་གཞན་ནོ། །དེ་བཞིན་དུ་རབ་དཀར་ཐོད་པ་དམར་ལ་དྭངས་པའི་རཀྟའི་རྒྱུན་གྱིས་གང་བ་ཅུང་ཟད་ཡོ་བར་བཟུང་བས། ཁྲག་གི་རྒྱུན་ཞལ་ཏུ་གསོལ་བ་དང༌། དེ་ནས་དཔུང་གདུབ་གཉིས་དང༌། ཕྱག་གདུབ་གཉིས་དང༌། མཐོ་ལ་ཟླུམ་ཞིང་མཁྲེགས་པའི་ནུ་འབུར་རྒྱས་པ་དང༌། མཉེན་ལྕུག་འཁྲིལ་བག་ཆགས་པའི་སྐེད་སྐབས་དང༌། ཐོད་དུམ་གྱི་འོག་པག་ཅན་གྱི་སྐེ་རགས་ལས་དྲ་བ་དྲ་ཕྱེད་དྲིལ་བུ་གསིལ་གསིལ་འཕྱང་བ་དང༌། ལྷག་པར་རྒྱས་པའི་སྟ་ཟུར་དང༌། ལྟེ་བའི་དཀྱིལ་འཁོར་དང་བཅས་པའི་ལྟོ་བ་དང༌། ཟེའུ་ལྷག་གེར་བཞད་པའི་བྷ་ག་མཐོ་ལ་སྡུག་པ་དང༌། མཁྲང་བག་ཆགས་པའི་བརླ་དང་བཅས་པའྀ་ཞབས་གཡོན་བསྐུམ་པ་དང༌། གཡས་བརྐྱང་བ་དང༌། ཞབས་གདུབ་ལས་གཡེར་ཁ་འཁྲོལ་བ་དང༌། དེ་ནས་འཇིགས་བྱེད་ཁ་བུབ་ཏུ་བསྒྱེལ་བའི་མགོ་བོ་རྒྱབ་ཏུ་བལྟབ་ནས་རྣ་བ་གཡོན་པ་སྟེང་དུ་ལྟ་བ་མནན་པ་དང༌། དུས་མཚན་མ་ཐལ་མོ་སྤྱི་བོར་སྦྱར་བ་གན་ཀྱལ་དུ་བསྒྱཻལ་བའི་ནུ་མ་ནས། སྐྱེ་གནས་ཀྱི་བར་མནན་པ་དང༌། མནྡ་ར་བ་གསར་དུ་ཁ་བྱེ་བ་ལྟ་བུའི་ཉི་མའི་དཀྱིལ་འཁོར་འོད་ཟེར་འབྲུམ་ཕྲག་འཕྲོ་བ་དང་སྣ་ཚོགས་པདྨ་འདབ་མ་མང་པོ་ཅན་ལྷག་པར་རྒྱས་པའི་གདན་དང༌། མེ་དཔུང་དྲག་ཏུ་འབར་བའི་དབུས་ན། སྐུ་ལུས་ལི་ཁྲིའི་


TNT12_Page_0107
[མ་དཔེ་གཟིགས་ན་འདིར་གནོན།]

མདངས་ཅན་དམར་ལ་དྭངས་ཤིང་འོད་འཕྲེང་འཁྲུག་པ་པདྨ་ར་གའི་ལྷུན་པོ་ལ་ཐུན་མཚམས་ཀྱི་དམར་བས་ཕོག་པ་ལྟ་བུའི་སྐུ་མདོག་དང༌། ཕྲག་པ་གཡོན་ལ་བརྟེན་པའི་ཁ་ཊྭཱཾ་ག་ཡབ་དཔལ་ཧེ་རུ་ཀའི་ངོ་བོ། དེ་ཡང་རྩ་བ་ན་རྡོ་རྗེ་རྩེ་གཅིག །དེའི་སྟེང་དུ་ཀེང་རུས་ཀྱི་དབྱུག་པའི་རྩེ་མོ་ལ་བུམ་པ་སྣ་ཚོགས་རྡོ་རྗེས་ཁ་བརྒྱན་པ་ལས་ཌཱ་མ་རུ་དང་དྲིལ་བུ་གཡེར་ཁ་དང༌། བ་དན་ལྕེ་གསུམ་པ་དཔྱངས་པ། སྣ་ཚོགས་རྡོ་རྗེའི་སྟེང་དུ་མི་མགོ་རློན་པ་སྔོ་ནག།རིད་པ་དམར་པོ། བརླན་བྲལ་གྱི་ཐོད་རིལ་དཀར་པོ་རྣམས་བརྩེགས་པ། རྩེ་མོ་རྡོ་རྗེ་རྩེ་ལྔ་པ་དང་བཅས་པ་ལ་རིམ་པས་སམ། ཅིག་ཅར་སེམས་འཛིན་པ་སྟེ། དེ་ཡང་ཁ་ཊྭཱཾ་ག་ཕྲག་པར་འཕྲེད་ལ་བཀལ་བ་དང༌། མཆན་ཁུང་དུ་བརྟེན་པ་དང༌། ཁ་ཊྭཱཾ་གའི་འོག་གི་རྩེ་མོ་ཐོད་པ་དང་ལྷན་ཅིག་ཕྱག་གཡོན་པས་བཟུང་བར་འདོད་པ་སྟེ་ལུགས་གསུམ་མོ། །དེ་ལྟར་ཆ་སུམ་ཅུ་སོ་བདུན་དུ་རིམ་པས་སློབ་པ་ནི་མན་ངག་གི་རྗེས་སུ་འབྲངས་པའོ། །མཐར་ཅིག་ཅར་གསལ་གདབ་སྟེ། གསལ་དྭངས་སྙོག་པ་མེད་པ་ནམ་མཁར་འཇའ་ཚོན་ཤར་བ་ལྟ་བུ་ལ་རྩེ་གཅིག་ཏུ་མཉམ་པར་བཞག །གང་ལ་དམིགས་པ་འཛིན་པའི་ཡུལ་གྱི་ཁྱད་པར་མ་གཏོགས། འཛིན་ལུགས་ནི་ཐུན་མོང་ཡིན་ནོ། །གོ་རིམ་འདི་ཁོ་ན་དགོས་པ་རང་ཡང་མ་ཡིན་པས། གང་སེམས་བཟུང་གློད་ནས་བཟུང་ནས་ཆོག་སྟེ། བསྐྱེད་རིམ་གྱི་དམིགས་པ་འདི་ལྟ་བུ་དག་ལ། རྒྱ་བོད་ཀྱི་བླ་མ་རྣམས་རིམ་པ་མི་འདྲ་བ་དང༌། ཐུན་གྲངས་མི་འདྲ་བ་སྣ་ཚོགས་མཛད་མོད། འགའ་ཞིག་རིམ་


TNT12_Page_0108
[མ་དཔེ་གཟིགས་ན་འདིར་གནོན།]

གྱིས་བསླབ་མི་དགོས་པ་ཡང་ཡོད་པས་ཅི་རིགས་སུ་བསླབ་བོ། །གཉིས་པ་ནི། དག་པ་དྲན་པ་སངས་རྒྱས་ཆོས། ཞེས་པ་ལྟར། དག་པ་འདི་རྣམས་མངོན་རྟོགས་ནམ་བསྒོམ་པའི་ཚེ་དྲན་པར་ཡང་བྱ་དགོས་ལ། འདིར་དེ་ལ། དེར་མོས་པ་ཤུགས་དྲག་པོས་སྦྱོང་བ་ཡིན་ཏེ། དག་པ་དེ་ལ་བཞི་སྟེ། ཕྱི་དང༌། ནང་དང༌། གསང་བ་དང༌། དེ་ཁོ་ན་ཉིད་དག་པའོ། །དང་པོ་ནི། ཆོས་ཐམས་ཅད་ལ་ཆོས་དབྱིངས་སྟོང་པ་གཉིས་མེད་པས་ཞལ་གཅིག་མ། དེའི་ངང་ལས་གདོད་མ་ནས་མ་གཡོས་ཀྱང༌། ཆ་ཙམ་གྱིས་དབྱེ་ན། གདོད་མའི་བདེན་པ་གཉིས་ཡོད་པའི་ཀུན་རྫོབ་ཕྱག་གཡོན། དོན་དམ་ཕྱག་གཡས་ཏེ། དེ་གཉིས་དབྱེར་མེད་ཟུང་འཇུག་ནི་སྐུ་གཅིག་པུ། ཞབས་གཡོན་ཐབས་སྙིང་རྗེས་འཇིགས་བྱེད་མྱང་འདས་ཀྱི་མཐའ་དང༌། གཡས་ཤེས་རབ་སྟོང་པས་དུས་མཚན་འཁོར་བའི་མཐའ་གནོན་པ་སྟེ། མངོན་རྟོགས་རྒྱན་ལས་ཀྱང༌། ཤེས་པས་སྲིད་ལ་མི་གནས་ཤིང༌། །སྙིང་རྗེས་ཞི་ལ་མི་གནས་པ། །ཞེས་པས། མི་གནས་ཚུལ་འདི་མདོ་དང་ཐུན་མོང་ངོ༌། །ཡང་འཇིགས་དུས་གཉིས་ཆད་པར་ལྟ་བ་དང༌། རྟག་པར་ལྟ་བ་མཚོན་པས་ཐབས་ཤེས་གཉིས་ཀྱིས་དེ་གཉིས་སེལ་བའང་ཡིན་ནོ། །ཞལ་སྟེང་དུ་ཕྱོགས་པ་ཡོན་ཏན་གོང་ནས་གོང་དུ་འཕེལ་བ་དང༌། ཐོད་སྐམ་ལྔ་ནི། སངས་རྒྱས་རིགས་ལྔ། མགོ་འཕྲེང་ལྔ་བཅུ་སེམས་ལས་བྱུང་བ་ལྔ་བཅུ་དག་པ་སྤྱན་གསུམ་ནི་དུས་གསུམ་མཁྱེན་པ། མགུལ་རྒྱན་


TNT12_Page_0109
[མ་དཔེ་གཟིགས་ན་འདིར་གནོན།]

སྦྱིན་པ། གདུ་བུ་ཚུལ་ཁྲིམས། རྣ་ཆ་བཟོད་པ། སྤྱི་བོའི་ནོར་བུ་བརྩོན་འགྲུས། སྐ་རགས་བསམ་གཏན། གང་ལ་རྒྱན་པའི་སྐུ་ཤེས་རབ། གཅེར་མོ་ནི་ཀུན་རྟོག་སྤངས་པ། གྲི་གུག་རང་གཞན་གྱི་འདོད་ཆགས་ཁོང་ཁྲོ་ང་རྒྱལ་མ་རིག་པ་ལྟ་བ་ངན་པ། ཐེ་ཚོམ་སྟེ་རྩ་ཉོན་དྲུག་གཅོད་པ། ཐོད་པ་ནི་རྣམ་རྟོག་གི་མགོ་ཐོད་གཅོད་པ་སྟེ། རྟོག་མེད་ཀྱི་ཡེ་ཤེས་ཡིན་ལ། ནང་བདུད་བཞིའི་ཁྲག་གིས་གང་བ་ནི། ཡེ་ཤེས་དེས་བདུད་བཞི་བཅོམ་པ། སྐྲ་གྲོལ་བ་ནི་སྒྲིབ་གཉིས་དག་པ། ཁ་ཊྭཱཾ་ག་ཞེས་པ་ནི་བོད་སྐད་དུ་བསྒྱུར་ན། མཁའ་དབྱུག་སྟེ། ཆོས་སྐུ་ནམ་མཁའ་ལྟ་བུ་ལས་མ་གཡོས་བཞིན་དུ་གཟུགས་སྐུར་སྟོན་པ༌། ཡེ་ཤེས་ཀྱི་མེ་འབར་བ་ནི་བདག་མེད་རྟོགས་པའི་ཤེས་རབ་ཀྱིས་སྲིད་པ་གསུམ་བསྲེགས་པའོ། །གཉིས་པ་ནི། ཡེ་ཤེས་རྟོག་མེད་ལས་ནམ་ཡང་མ་གཡོས་བཞིན་དུ། དེ་ཉིད་ཀྱི་འཆར་སྒོ་དག་པའི་དཀྱིལ་འཁོར་རབ་འབྱམས་སུ་སྣང་བ་སྐུ་དང་ཡེ་ཤེས་ཟུང་དུ་འཇུག་པ་ནི་ཞལ་གཅིག་མ། །མགོ་འཕྲེང་ནི་ཡི་གེ་ལྔ་བཅུ་ཕྱག་གཉིས་ནི་རྐྱང་མ་དང་རོ་མ། ཕྱག་མཚན་གཉིས་ནི་ཁུ་བ་དང་རཀྟ་ཁ་ཊྭཱཾ་ག་དབུ་མ། ཞབས་གཉིས་ནི་གཟུང་འཛིན་དུ་སྣང་བའི་སེམས་རླུང་ལྡང་འཇུག་དང་བཅས་པའི་རང་བཞིན། འཇིགས་དུས་གཉིས་དེར་བཀག་ཅིང་གནོན་པ། ཞལ་གྱེན་དུ་ཕྱོགས་པ་ནི་གཏུམ་མོ་གྱེན་དུ་འབར་བ། བདུད་རྩིའི་རྒྱུན་ཞལ་དུ་འབབ་པ། ཧཾ་ལས་བྱང་སེམས་འཛག་པ། སྐྲ་གོལ་བ་ནི་བདེ་བ་རྒྱས་


TNT12_Page_0110
[མ་དཔེ་གཟིགས་ན་འདིར་གནོན།]

པ། གཅེར་མོ་ནི་བདེ་བས་རྣམ་རྟོག་གཅོད་པ། ཕྱག་རྒྱ་ལྔ་ནི་ཕུང་པོ་ལྔ་བདེ་བ་ཐོབ་པས་རིགས་ལྔའི་དཀྱིལ་འཁོར་དུ་གྱུར་པའོ། །གསུམ་པ་ནི། གཙོ་མོའི་སྐུ་ནི་ཤེས་རབ་ཡུམ་ཁ་ཊྭཱཾ་གའི་རྡོ་རྗེ་རྩེ་གཅིག་པ་དང༌། བྷ་ག་མཉམ་པར་སྦྱོར་བ། རྩ་དུང་ཅན་དང་མཁའ་འགྲོ་གདོང་མཚོན་ཅིང༌། ཞབས་གཉིས་ཀྱིས་འཇིགས་བྱེད་ཡབ་ཡུམ་མནན་པ་ནི། དེ་ལྟར་སྙོམས་འཇུག་གི་རྐྱེན་གྱིས་གཡས་གཡོན་གྱི་རྒྱུ་བ་དུང་ཅན་མར་འགགས་པ། ཕྱག་གཉིས་ནི་དེའི་རྐྱེན་གྱིས་སྟེང་གི་ལམ་གཉིས་དབུ་མར་ཐིམ་པ། བདེ་བའི་ཡེ་ཤེས་ཀྱིས་ཉོན་མོངས་གཅོད་པ་དང༌། དངོས་གྲུབ་ཐམས་ཅད་སྩོལ་པ་ནི་སྤྱན་གཉིས་ཏེ། གཞན་རྣམས་ནང་བཤད་དང་འདྲའོ། །བཞི་པ་ནི། ལམ་དུས་ཀྱི་སྐབས་རྣམས་སྔར་བཤད་པ་དེ་རྣམས་སུ་ཚང་མོད། འདིར་འབྲས་དུས་ལ་སྦྱོར་བ་གཙོ་ཆེ་བ་ཡིན་ནོ། །ཆོས་དབྱིངས་ཀུན་ཏུ་འགྲོ་བ་རང་བཞིན་བདེ་བ་ཆེན་པོ་ནི་བདེ་ཆེན་གྱི་སྐུ་སྟེ་ཞལ་གཅིག་པ། སྤྱན་གསུམ་ནི་སྐུ་གསུམ། ཕྱག་གཉིས་ནི་ཚོགས་གཉིས་རྫོགས་པ། ཞབས་གཡོན་པ་ནི་ཤེས་རབ་རྣམ་ཀུན་མཆོག་ལྡན་གྱི་སྟོང་པ་ཉིད་རྩལ་འགའ་མེད་དུ་འཆར་བས། ཞི་བ་རྐྱང་པ་ལ་མི་གནས་གཡས་པ་ནི་ཐབས་བདེ་ཆེན་གྱི་ཡེ་ཤེས་ཀྱིས་སྲིད་པའི་ཉོན་མོངས་ཐམས་ཅད་རང་བཞིན་མེད་པར་རང་མཚང་རིག་པའི་ཚུལ་གྱིས་རྟོགས་པས་སྤངས་པའི་སྲིད་པ་ལ་མི་གནས་པ་སྟེ། མི་གནས་ཚུལ་འདི་ནི་སྔགས་ཀྱི་ཐུན་མོང་མ་ཡིན་པའོ། །བདུད་རྩི་གསོལ་བ་ནི། ཞུ་


TNT12_Page_0111
[མ་དཔེ་གཟིགས་ན་འདིར་གནོན།]

བདེའི་རྐྱེན་གྱིས་སེམས་ཀྱི་རང་བཞིན་ལྷན་སྐྱེས་མངོན་དུ་གྱུར་པ། གྲི་གུག་གི་སྒྲིབ་གཉིས་དྲུང་ནས་ཕྱུང་བ། ཁ་ཊྭཱཾ་ག་ཨ་ཝ་དྷཱུ་ཏཱིར་ལས་རླུང་དང༌། ཁམས་དཀར་དམར་གྱི་འགྲོས་ཐམས་ཅད་ཐིམ་པ། ཡང་ཁ་ཊྭཱཾ་ག་ནི་ལྷ་ཡི་སྐུ། །ཤེས་རབ་ཌ་མ་རུ་ཡི་སྒྲ། ཞེས་པ་ལྟར། ཁ་ཊྭཱཾ་ག་ལྷ་སྐུ་དག་པའི་སྒྱུ་ལུས། ཀ་པཱ་ལ་ཞུ་བདེ་མཐར་ཐུག་པའི་ཡེ་ཤེས། ཅང་ཏེའུ་རང་བཞིན་སྟོང་པ་ཉིད་དུ་ཤེས་པའོ། །དེ་ལྟར་ན། དང་པོའི་གྲུབ་དོན་གཞི་དུས་བདེན་གཉིས་དབྱེར་མེད་ཀྱི་གནད་ཀས། ལམ་ཐབས་ཤེས་ཟུང་འཇུག་ཏུ་བསྒོམས་པས། ལྟ་ངན་སེལ་ཞིང་ཡོན་ཏན་གོང་ནས་གོང་དུ་འཕེལ་བ་དང༌། བདུད་དང་ཉོན་མོངས་པ་བཅོམ་ཞིང་སྐུ་གཉིས་ཟུང་འཇུག་མི་གནས་པའི་མྱང་འདས་ཐོབ་པ་དང༌། གཉིས་པའི་དོན་ནི། གཡས་གཡོན་སྟེང་འོག་གི་རྒྱུ་བ་དབུ་མར་འགགས་པས། འབར་འཛག་བདེ་སྟོང་གིས་རྣམ་རྟོག་གཅོད་པ་དང༌། རིགས་ལྔའི་དཀྱིལ་འཁོར་མངོན་དུ་འགྱུར་བ་དང༌། གསུམ་པའི་དོན། སྤྱིར་རིག་མའི་ཁ་སྦྱོར་གྱི་བདེ་བ་དང༌། ཁྱད་པར་ཐུན་མོང་མིན་པ་རྩ་གཡས་སྦྱོར་བའི་རྐྱེན་གྱིས་ཐོག་མ་འོག་གི་ལམ་གཉིས་འགག །དེ་ནས་སྟེང་གི་ལམ་ཡང་འགགས་པས། ཞུ་བདེ་ཁྱད་པར་ཅན་ཡས་བརྟན་མས་བརྟན་གྱི་རིམ་པ་རྫོགས་པའི་བདེ་བས་ཉོན་མོངས་གཅོད་ཅིང་དངོས་གྲུབ་ཐམས་ཅད་འཐོབ་པ་དང༌། བཞི་པའི་དོན། ལུས་སྒྱུ་ལུས། སེམས་བདེ་སྟོང༌། ལུས་སེམས་ངོ་བོར་དབྱེར་མེད། རྩ་འཁོར་རྣམས་སུ་རྩ་རླུང་ཐིག་ལེའི་བགྲོད་པ་


TNT12_Page_0112
[མ་དཔེ་གཟིགས་ན་འདིར་གནོན།]

འགགས་ཤིང་ཐིམ་པས། ཚོགས་གཉིས་རྫོགས་ཤིང་མི་གནས་པའི་མྱང་འདས་སྐུ་བཞི་མངོན་དུ་བྱེད་པ་སྟེ། ལྷ་སྐུ་གཅིག་པུ་འདི་ཉིད་ལ་གཞི་ལམ་འབྲས་བུའི་ཆོས་ཚང་ཚུལ་ཏེ། དེ་དག་རེ་རེ་ལ་མོས་པ་བརྟན་པོ་རེ་བཞག་པའི་མཐར། སྐྱོན་ཀུན་སྤངས། ཡོན་ཏན་ཀུན་རྫོགས་སངས་རྒྱས་ཀུན་གྱི་ཡུམ་རྡོ་རྗེ་རྣལ་འབྱོར་མ་དེ་ཉིད་ངའོ་སྙམ་པའི་ང་རྒྱལ་བསྐྱེད། དེ་ཙམ་གྱིས་བར་ཆད་མང་པོ་སེལ་བ་དང༌། དངོས་གྲུབ་དང་བྱིན་རླབས་ཆེར་འབྱུང་མོད། ང་རྒྱལ་རྣམ་པ་ལྷང་ངེ་བ་དེ་ལ་སྒྱུ་མ་ལྟ་བུའི་རྩིས་བཟུང་ནས། མ་བཅོས་པར་ལམ་དུ་འཁྱེར་ཤེས་ན། བྱང་ཆུབ་སྒྲུབ་པའི་ཉེ་བའི་ཐབས་སུ་གསུངས་ཏེ། ཇི་སྐད་དུ། སངས་རྒྱས་ང་རྒྱལ་རྣལ་འབྱོར་གྱིས། །སངས་རྒྱས་ཉིད་དུ་ངེས་པར་འགྲུབ། །ཅེས་སོ། །དེ་ཡང་ཐ་མལ་མ་དག་པའི་སྣང་བ་དང༌། མ་དག་པར་ཞེན་པའི་ང་རྒྱལ་ཞིག་ཡོད་པ་ལ། དེ་དག་པའི་གསལ་སྣང་དང༌། དག་པའི་ང་རྒྱལ་དུ་བསྒྱུར་བ་ཡིན་ཏེ། ཀྱཻ་རྡོ་རྗེ་ལས། རྣམ་རྟོག་ཉིད་ཀྱིས་རྣམ་རྟོག་དང༌། །སྲིད་པ་ཉིད་ཀྱིས་སྲིད་པ་དག །ཞེས་གསུངས་པ་ལྟར་རོ། །སངས་རྒྱས་ཡེ་ཤེས་ཞལ་སྔ་ནས་ཀྱང༌། ཐ་མལ་རྣམ་རྟོག་རྒྱུན་འདི་མ་གཏོགས་པ། །སྲིད་པའི་སྡུག་བསྔལ་གཞན་ཅིའང་ཡོད་མ་ཡིན། །དེ་དང་རྣམ་པ་འགལ་པར་གྱུར་པའི་ཡིད། །དེས་ནི་མངོན་སུམ་དག་ཏུ་རྟོགས་པར་འགྱུར། །ཟབ་ཅིང་རྒྱ་ཆེ་བ་ཡི་རང་བཞིན་ཅན། །གང་ཡིན་དེ་ནི་ཀུན་རྟོག་འཆར་མི་བྱེད། །ཅེས་སོ། །གསུམ་པ་བདེ་སྟོང་དུ་འཆར་བ་ལ་བསླབ་པ་ནི།


TNT12_Page_0113
[མ་དཔེ་གཟིགས་ན་འདིར་གནོན།]

སྐྱེས་པའི་རྟེན་གྱིས་ནི། ཇི་སྐད་དུ། བུད་མེད་གཟུགས་ནི་སྤངས་ནས་གཞན། །བཅོམ་ལྡན་འདས་ཀྱི་གཟུགས་སུ་བྱ། །ཅེས་པ་ལྟར་རམ། བུད་མེད་ཀྱི་རྟེན་ཅན་ནི་ཐབས་དང་མཉམ་པ་སྦྱོར་བ་ཡིད་ཀྱི་བསྒོམ་པས་ཞུ་བདེ་འདྲེན་པའམ། ཡང་ན་རྣལ་འབྱོར་ལམ་དང་ཕོ་ཉའི་ལམ། རྫོགས་རིམ་གྱི་སྐབས་ལ་བརྟེན་ནས་བདེ་བ་རྫོགས་པར་བྱས་ནས། ལུས་སེམས་བདེ་བར་ཤར་བའི་ངང་ནས་ལྷ་སྐུར་གསལ་ལེ་བ། ང་རྒྱལ་ལམ་མེ་བ་དེ་ལ་རང་བཞིན་མེད་པར་བསླབ་པར་བྱའོ། །འདི་གསུམ་ལ་ཡང་རིམ་པ་འདི་ཁོ་ན་དགོས་པ་མ་ཡིན་ཏེ། ཐོག་མར་གང་ཉམས་སུ་བླང་ཀྱང་འདྲའོ། །ཡང་མན་ངག་ལས་འབྱུང་བ་ལྟར་གསང་བར་ཆོས་འབྱུང་དུ་དགའ་བ་འཁྱིལ་བ་དྲག་ཏུ་འཁོར་བས་བདེ་བ་བསྐྱེད་པར་བསྒོམ་སྟེ། དབང་གི་མྱོང་བ་ཡོད་ན་དྲན་པར་བྱས་པས་བདེ་བ་དང༌། སྨིན་མཚམས་ཀྱི་ཕྱི་ལྤགས་པའི་ནང་ཙམ་དུ་དགའ་བ་འཁྱིལ་བ་བསྒོམ་པའམ། སྨིན་མཚམས་ཀྱི་ནམ་མཁར་དགའ་བ་འཁྱིལ་བ་འཁོར་བས་སྟོང་པ་དང་མི་རྟོག་པའི་ཏིང་ངེ་འཛིན་སྐྱེ་བར་གསུངས་པ་ལྟར་འདི་དག་ཀྱང་བསྒོམ་མོ། །འདི་གཉིས་ནི་ཡས་བབས་དང༌། མས་བརྟན་གྱི་ལྷན་སྐྱེས་འཆར་ས་གཉིས་ལ་གནད་དུ་བསྣུན་པ་ཡིན་ཏེ། གནད་ཆེ་བ་ཞིག་འདུག་གོ །གཉིས་པ་བཟླས་པའི་རྣལ་འབྱོར་གྱི་སྐབས་སྙིང་གར་བྱེད་པའམ། ཡང་ན་མན་ངག་ལས་འབྱུང་བ་འདི་ལས་དང་པོ་པ་ལ་འཕྲལ་དུ་ཟབ་སྟེ། ཆོས་འབྱུང་ས་བོན་སྔགས་འཕྲེང་ལྟེ་འོག་གམ། གསང་གནས་སུ་ཕབ་ལ་ཀློག་པའི་ཚུལ་གྱིས་ཐོག་མར་ངག་བཟླས་དང༌། དེ་ནས་


TNT12_Page_0114
[མ་དཔེ་གཟིགས་ན་འདིར་གནོན།]

ཡིད་བཟླས་བྱ། དེ་ཡང་ངག་བཟླས་སྐབས་གཙོ་བོར་སྤྲོ་བསྡུའི་བཟླས་པ་ཅི་ནུས་བྱའོ། །ཡིད་བཟླས་ལ་ནི་དང་པོར་བཀོད་པའི་བཟླས་པ་དང༌། དེ་ནས་ཆོས་འབྱུང་གཡོན་བསྐོར་དུ་བར་མེད་དུ་འཁོར་ཞིང༌། ཡི་གེ་མི་འཁོར་བར་འདུག་པ་ལ་སེམས་གཏད་དེ། ལག་ལེན་ལྟར་བུམ་པ་ཅན་ཅི་རིགས་སུ་སྒོམ་མོ། །དེ་ལ་ངག་བཟླས་ནི། འཁོར་བར་མིང་ཚིག་ཡི་གེའི་རྣམ་རྟོག་དང་ངག་གི་བག་ཆགས་སྦྱོང༌། རྫོགས་རིམ་རྡོར་བཟླས་བུམ་ཅན་སོགས་རླུང་གི་རྣལ་འབྱོར་གྱི་སྔོན་དུ་འགྲོ་བས་རླུང་དག་པར་བྱེད། འབྲས་བུ་གསུང་གཞོམ་མེད་ཀྱི་ནཱ་དའི་དབྱངས་ཡོངས་སུ་རྫོགས་པའི་རྟེན་འབྲེལ་སྒྲིག་པའོ། །ཡིད་བཟླས་ནི། རྫོགས་རིམ་གྱི་ཡན་ལག་ཏུ་བཞེད་པ་ལྟར་དོན་ལའང་གནས་པས། གོང་གི་ཕྲུགས་གཅིག་པོ་དེའི་སྦྱང་བྱ་དེ་དག་དང་མི་སྦྱོར་ཡང༌། སྨིན་རྫོགས་ཀྱི་ནུས་པ་མཆོག་དང་ལྡན་པའོ། །བཟླས་བྱའི་སྔགས་ནི་གཞུང་ཆུང་ལས་སྙིང་པོ་ཁོ་ན་ལས་མ་གསུངས་ཀྱང༌། མན་ངག་ལས་རྒྱས་པ་ཡི་གེ་སོ་གཉིས་པ་དང༌། འབྲིང་པོ་གཞུང་གི་དངོས་བསྟན་བཞིན་སངས་རྒྱས་མཁའ་འགྲོ་མའི་སྔགས་དང༌། བསྡུས་པ་སྣང་མཛད་མའི་སྔགས་རྣམས་སྤྱིར་གདམ་ངག་ཡིན་པ་ལས། དང་པོ་གཙོ་བོར་བྱེད་དོ། །དེ་ཡན་ཆད་དངོས་གཞིའི་རྣལ་འབྱོར་རོ། །གསུམ་པ་རྗེས་ཐུན་མཚམས་ལ། བསམ་མི་ཁྱབ་ཀྱི་རྣལ་འབྱོར་ནི། ད་ལྟ་སྣོད་བཅུད་འོད་གསལ་དུ་བསྡུས་པ། ལྷར་སྣང་སྟོང་པར་ངེས་པའི་ཕྱིར་དང༌། ཁྱད་པར་ཁམས་གསུམ་གྱི་དངོས་པོ་རྣམས་ལུས་ཀྱི་ཆ་གསུམ་ལ་བསྡུ་བ་ནི།


TNT12_Page_0115
[མ་དཔེ་གཟིགས་ན་འདིར་གནོན།]

རགས་པ་ཐིམ་པ། ལུས་དང་སྔགས་འཁོར་བཾ་ཡིག་རྣམས་རིམ་པས་བསྡུ་བ། སྣང་བ་གསུམ། ནཱ་ད་ཡང་བསྡུས་པ་འོད་གསལ་ཏེ། གཞི་དུས་འཁོར་བའི་འཆི་བ་སླར་ཡང་འབྱུང་བ་མཚོན་པ་དང༌། ལམ་དུས་སུ་འོད་གསལ་སྒྲུབ་པའི་རྒྱུ་དང༌། འབྲས་དུས་སུ་གཟུགས་ཀྱི་སྐུ་མི་སྣང་བར་བསྡུ་བ་མཚོན་ནོ། །སླར་ཡང་ཐུན་མཚམས་ཀྱི་ལྷ་ལྡང་བ་ནི་དེ་དང་དེ་ལས་བར་སྲིད། ཟུང་འཇུག་གི་སྐུར་ལྡང་བ་མཚོན་ཅིང༌། སྐུ་དང་སྤྲུལ་པ་རྒྱུན་མི་འཆད་པ་ཡང་མཚོན་ནོ། །ཡང་ན་འདིའི་ཚབ་ཏུ་ཐུན་མཚམས་ཀྱི་ལྷ་ལ་གསོལ་བ་བཏབ་པའི་རྗེས་ལ། ཆོས་འབྱུང་སྔགས་འཕྲེང་ཟླ་བ་བཾ་ཡིག་རྡོ་རྗེ་རྣལ་འབྱོར་མར་གྱུར། རོ་མ་ནས་བརྒྱུད། སྣ་བུག་གཡས་ནས་ཐོན། སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས། རྣལ་འབྱོར་མར་གྱུར། ཐམས་ཅད་འདུས། སྣ་བུག་གཡོན་ནས་ཞུགས། རྐྱང་མ་ནས་བརྒྱུད་ནས་ལྟེ་བར་བྱོན། ཞབས་གཉིས་རོ་རྐྱང་གི་སྣ་ལ་གཏད་པས་དེ་གཉིས་ཞབས་ལ་ཐིམ། དྷཱུ་ཏཱིར་ཞུགས་ནས་གྱེན་དུ་གཤེགས། དབུ་མ་ལུས་དང་བཅས་པ་ཇེ་ཐུང་ཇེ་ཐུང་ལ་ཡལ། ཅུང་ཟད་མི་རྟོག་པར་བཞག་གོ །སྣ་གཡོན་ནས་ཐོན་པའི་འཕོ་བ་བྱེད་པའང་ཡོད་མོད་ཀྱི། འདི་བཟང་བར་སྣང་ངོ༌། །འདིར་ཡང་གོང་དང་མཚུངས་ཏེ། དེ་ལས་ལྡང་བ་ནི། མྱ་ངན་ལས་འདའ་བའི་ཚུལ་བསྟན་པས་འགྲོ་བ་རྣམས་ཀྱིས་མི་མཐོང་ཡང༌། དོན་ལ་ཆད་པའི་མྱ་ངན་ལས་འདའ་བ་མི་མངའ་ཞིང༌། འཕྲིན་ལས་དུས་རྒྱུན་ཆད་པ་མེད་པར་སྤྱོད་པ་མཚན་ནོ། །དེ་ལྟར་དེ་ཐམས་ཅད་འབྲས་བུ་ལམ་དུ་བྱེད་པ་དང༌། སྲིད་པ་མ་


TNT12_Page_0116
[མ་དཔེ་གཟིགས་ན་འདིར་གནོན།]

སྤངས་པར་ལམ་དུ་བྱེད་པ་གཞི་བསྒྱུར་པ་ཡིན་པས། དམིགས་པ་དེ་དང་དེ་ལ་འབྲས་བུ་དེ་དང་དེའི་ང་རྒྱལ་དང༌། གཞིའི་ཆོས་དེ་དང་དེ་རྣམ་པར་དག་པའི་རང་བཞིན་དུ་མོས་པ་བྱ་དགོས་སོ། །དམིགས་པ་འདི་འཕོ་བ་དང་འབྲེལ་བ་ཡིན་གསུང་ངོ༌། །དེ་ཡང་བཾ་ཡིག་ཟླ་བ་སྔགས་འཕྲེང་དང་བཅས་པས་ཧེ་རུ་ཀ་དཔྱིད་པ་དང༌། ཕག་མོ་ཐིག་ལེ་རོ་གཅིག་ཏུ་བསྲེས་པ་མཚོན་གསུང༌། དེ་ལ། ནང་སེམས་ཀྱི་རང་བཞིན་བཾ་ཡིག་ཤིན་ཏུ་དྭངས་པའི་རླུང་སེམས་ཕྲ་མོ་སྟེ། སྦྱང་བྱ་རླུང་སེམས་ཕྲ་མོ། །དེ་སྦྱོང་བྱེད་ཏིང་ངེ་འཛིན་སེམས་དཔའ་ཡིན། ཟླ་བ་སྔགས་འཕྲེང་རླུང་སེམས་གཙོ་བོར་གང་ལ་རྟེན་པའི་དཀར་དམར་འདྲེས་པའི་ཐིག་ལེ་དཔྱིད་ཅེས་པ་སྟེ། སྦྱང་བྱ་སེམས་རགས་པ་དང༌། ལུས་རགས་པ་བསྐྱེད་བྱེད་ཁམས་དཀར་དམར། སྦྱོང་བྱེད་ཡེ་ཤེས་སེམས་དཔའོ། །ཕྱིའི་སྐུ་ནི་སྦྱང་བྱ། ལུས་སེམས་རྟེན་དང་བརྟེན་པ་ཤིན་ཏུ་རགས་པ། སྦྱོང་བྱེད་དམ་ཚིག་སེམས་དཔའོ། །གཞི་དུས་ཀྱང་འཁོར་བར་འཇུག་པ་སྐྱེ་བའི་ཚེ་དེ་གསུམ་སྔ་མ་སྔ་མ་ལ། ཕྱི་མ་ཕྱི་མ་འབྱུང་ཞིང༌། འཁོར་བ་ལྡོག །འཆི་བ་སོགས་ལ། ཕྱི་མ་ཕྱི་མ། སྔ་མ་སྔ་མ་ལ་ཐིམ་འགྲོ་བས། སྐབས་འདིར་ཡང་དེ་དང་རྣམ་པ་མཐུན་པར་བསྒོམས་པས། རྫོགས་རིམ་དང༌། འབྲས་དུས་འོད་གསལ་ཐམས་ཅད་སྟོང་པ་མངོན་དུ་བྱེད་པའི་རྒྱུ་དམ་པའོ། །འདི་སྐབས་བླ་མ་འགའ་ཞིག་གི་གསུང་གོང་དུ་བཤད་པའི་དཔྱིད་དང་ཐིག་ལེ་དེ། དག་བྱེད་དམར་ཆ་ཉི་མ། དཀར་ཆ་ཐོད་སྐམ་དུ་འགྲོ་བ་སོགས་མང་དུ་བཞེད་མོད།


TNT12_Page_0117
[མ་དཔེ་གཟིགས་ན་འདིར་གནོན།]

དཔྱད་པར་བྱའོ། །སྤྱོད་ལམ་གྱི་རྣལ་འབྱོར་ནི། སྤྱོད་ལམ་ལ་འཇུག་ཁར་བར་ཆད་སྲུང་བའི་དོན་དུ་གོ་ཆ་དགོད་ཅིང༌། མཚམས་བཅིང་བ་དང༌། སྐུ་གསུང་ཐུགས་ཀྱི་ལམ་བྱེད་དང་མི་འབྲལ་བའི་ཕྱིར་དག་པ་གསུམ་དྲན་པ་དང༌། ཐུན་གྱི་དགེ་བ་སྤེལ་བའི་ཕྱིར་གཞན་དོན་དུ་སྨོན་ལམ་གདབ་པ་རྣམས་བྱས་ནས། སྤྱོད་ལམ་ལ་འཇུག་སྟེ། སྐུ་གསུང་ཐུགས་ལམ་ཁྱེར་དང་མ་བྲལ་བར་བྱེད་པའོ། །དེ་ནས་ཉལ་བའི་རྣལ་འབྱོར་ནི། བསྐྱེད་རིམ་ལྟར་ཉལ་ན་ལྷ་རྫས་ཀྱི་གདན་ཁྲིའི་སྟེང་དུ། རྡོ་རྗེ་རྣལ་འབྱོར་མ་རྒྱན་ཅན་ཕྱག་མཚན་སྤངས་པའི་ཚུལ་གྱིས་ཉལ། རྫོགས་རིམ་ལྟར་ཉལ་ན། བསམ་མི་ཁྱབ་ཀྱི་རྣལ་འབྱོར་གྱི་རིམ་པས་ཉལ་ནས་བཞེད་པ་ལྟར་ཡིན་ལ། འོན་ཀྱང་འདི་དང་ཐུན་མཚམས་ཀྱི་ལྷ་སྐུ་ལ། ཕྱག་མཚན་སྤངས་པ་ངེས་པར་སྒོམ་དགོས་པ་ནི་མ་ཡིན་ཅིང༌། ལས་དང་པོ་ལ་ནི་རྩ་བའི་དམིགས་པ་ལ་ཅུང་ཟད་གནོད་པས། ཐུན་གྱི་དམིགས་པ་དེ་ཉིད་དང་མཚུངས་པར་བསྒོམས་ན་ལེགས་སོ། །ལྡང་བའི་རྣལ་འབྱོར་ཡང༌། ནམ་མཁར་གནས་པའི་དཔའ་བོ་རྣལ་འབྱོར་མ་རྣམས་ཀྱིས་ཌཱ་མ་རུའི་སྒྲ་དང་སྙིང་གི་སྒྲ་བསྒྲགས་པས། གཉིད་ཀྱི་འོད་གསལ་སད་པར་མོད་ཏེ། སྟོང་པའི་ངང་ལས་ལྷ་སྐུར་ལངས་པའམ། ལྷ་སྐུའི་རྣམ་པ་དེ་ཉིད་ལ་ཐུགས་མི་རྟོག་པ་སྣང་མེད་དེ་སད་པར་མོས་པ་བྱེད་དགོས་པ་ཡིན་ལ། དེ་ལྟར་ན། བླ་མ་གོང་མ་རྣམས་ཀྱི་གསུང་ལས། ཉལ་དང་ལྡང་དང་བདུད་རྩི་མྱང༌། །ཚད་མེད་བླ་མ་བདག་ལྷར་བསྐྱེད། །འགྲོ་བ་དག་པའི་རྣལ་འབྱོར་དང༌། །དཔའ་བོ་དཔའ་


TNT12_Page_0118
[མ་དཔེ་གཟིགས་ན་འདིར་གནོན།]

མོས་བྱིན་གྱིས་བརླབས། །ངག་བཟླས་ཡིད་བཟླས་གཉིས་གཅིག་ཡིན། །བསམ་གྱིས་མི་ཁྱབ་རྣལ་འབྱོར་དང༌། །སྤྱོད་ལམ་གྱི་རྣལ་འབྱོར་ཏེ། །དེ་ལྟར་རྣལ་འབྱོར་བཅུ་གཅིག་གོ །ཞེས་པ་ལྟར་ལས། འགྲོ་བ་དག་པ་ནི། བྱིན་གྱིས་བརླབས་པའི་རྣལ་འབྱོར་གྱི་རྗེས་ལ་བྱེད་པ། ནཱ་རོ་པའི་རྒྱ་གཞུང་ཉིད་ན་གསལ་བས་དེ་ལྟར་བྱས་ན་ལེགས་ཤིང༌། དེ་བཞིན་དུ་གཞུང་ཆུང་དང་རྣལ་འབྱོར་བཅུ་གཅིག་གི་སྡོམ་ན་མི་གསལ་ཡང༌། གཏོར་མའི་རྣལ་འབྱོར་དང༌། ཁ་ཟས་ཀྱི་རྣལ་འབྱོར་དང༌། ཁྲུས་ཀྱི་རྣལ་འབྱོར་དང༌། རྗེས་ཆགས་རྣལ་འབྱོར་རྣམས། བླ་མེད་སྤྱི་འགྲོས་ཀྱིས་གོ་ནུས་ཤིང༌། ཚེས་བཅུ་མཆོད་པ་དང༌། ཚོགས་འཁོར་དང༌། གཞོན་ནུ་མ་མཆོད་པ་དང༌། སྦྱིན་སྲེག་ཆེ་ཆུང་དང༌། ལག་མཆོད་སོགས་ལ་བསླབ་པ་དང༌། ལམ་གྱི་ཡན་ལག་ལས་ཚོགས་ཕྲ་མོ་རྣམས་ཀྱང་མན་ངག་བཞིན་ཤེས་པར་བྱའོ། །ད་ནི་ལུང་མདོར་བསྡུས་པ་དང་སྦྱར་བར་བྱ་སྟེ། འདི་ཉིད་གྲུབ་ཆེན་ནཱ་རོ་ཏ་པའི་གཞུང་ལས་འབྱུང་བ་ནི་ཡིན་མོད་ཀྱི། རྒྱུད་གང་ལ་རྟེན་ཏེ་གནས་ཞེ་ན། འདིར་འབྱོར་པ་ནི་ཤིན་ཏུ་མང་མོད། རེ་ཞིག་གང་ལ་བརྟེན་ནས་མཛད་པ་ནི། རྩ་རྒྱུད་དང་ཀུན་སྤྱོད་ལ་བརྟེན་ཏེ། ཁྱད་པར་རྫོགས་རིམ་སོགས་གསལ་བར་ཀུན་སྤྱོད་ལ་བརྟེན་ནོ། །དེ་ཡང་རྩ་རྒྱུད་ལེའུ་དང་པོ་ལས། ཕོ་ཉ་ལྷན་ཅིག་སྐྱེས་བསྒྲུབ་ནི། །མཆོག་དང་འབྲིང་དང་ཐ་མ་སྟེ། །ཡིད་ནི་ནང་དུ་ཆུད་པ་ཡིས། །འདོད་པ་ཡི་ནི་དངོས་གྲུབ་བྱ། །འདི་རིམ་པ་གཉིས་ཀའི་མདོར་བསྟན་ཡིན་ལ། འདིར་ནི་ཕོ་ཉ་མོའི་མཆོག་རྡོ་རྗེ་རྣལ་


TNT12_Page_0119
[མ་དཔེ་གཟིགས་ན་འདིར་གནོན།]

འབྱོར་མ་ལྷན་ཅིག་སྐྱེས་མ་ཁོ་ན་བསྒོམས་པས་འདོད་པའི་དངོས་གྲུབ་འགྲུབ་ཅེས་པའོ། །ཇི་ལྟར་བསྒོམ་ན། ལེའུ་གཉིས་པར། རྡོ་རྗེ་ཕག་མོ་རབ་འཇིགས་མ། །ཧེ་རུ་ཀ་ལ་མངོན་ཕྱོགས་པ། །སྤྱན་གསུམ་དྲག་པོའི་གཟུགས་ཅན་མ། ཀ་པཱ་ལ་ནི་ཨནྡྲས་བཀང༌། ཁ་ནས་རུ་ཏི་ར་འཛག་ཤིང༌། །ལྷ་དང་ལྷ་མིན་མིར་བཅས་ལ། །ཕྱོགས་ཀུན་ཏུ་ནི་སྡིགས་མཛུབ་བྱེད། །ཅེས་དང༌། སོ་གཉིས་པར། དེ་ཡི་ཁ་དོག་མཚོན་ཆ་འཆང༌། །ཞེས་ཕྱག་མཚན་བསྟན་ཏེ། ཧེ་རུ་ཀའི་རང་བཞིན་ཁ་ཊྭཱཾ་ག་ལ་ཕྱོགས་པ་སྟེ། ཁ་ཊྭཱཾ་ག་ལྷ་ཕོ་མོ་ཐམས་ཅད་ལ་ཡུམ་དང་ཡབ་ཏུ་མངོན་བརྗོད་སོགས་བཤད་རྒྱུད་རྣམས་ལས་གསུངས་པས་སོ། །གོ་ཆ་ནི། བརྒྱད་པར། ཨོཾ་ཧཾ་ཧྲིཾ་ཧྲེཾ་ཧཱུཾ་ཕཊ། ཡི་གེ་བཾ་ཡོཾ་ཉིད་དང་ནི། །ཡི་གེ་མོཾ་དང་ཧྲིཾ་ཉིད་དང༌། །ཧཱུཾ་དང་ཕཊ་ཅེས་སྦྱར་བ་ནི། །རྣལ་འབྱོར་མ་ནི་དྲུག་ཏུ་གྲགས། །ཞེས་པའོ། །དམ་ཡེ་བསྲེ་བ་ནི། ཉེར་བརྒྱད་པར། མཆོག་འབྲིང་ཐ་མ་ལྷན་ཅིག་འགུགས། །ཞེས་པ་དང༌། སྨིན་མཚམས་ཀྱི་ཆོས་འབྱུང་དང་ཐིག་ལེ་ནི། བཞི་པར། ཨ་ཝ་དྷཱུ་ཏཱིའི་གནས་དེ་བཞིན། །སྨིན་མའི་བར་དུ་ངེས་པར་གཞུག །ཅེས་སོ། །གསང་བར་བསྒོམ་པ་ནི་བཞི་པར། ཁྱིམ་དུ་དཀྱིལ་འཁོར་མཐོང་བ་ཡིན་ཞེས་པས་བསྟན་ཅིང༌། ཉེར་གསུམ་པར། འདི་ཡི་མཚན་མ་ཁྱིམ་དུ་ནི། །རྡོ་རྗེ་ལྟ་བུ་མེ་ལོང་བཅས། །སོགས་ཀྱང་ཕྱོགས་མཐུན་ནོ། །བསྐྱེད་གཞི་དང་ལྟེ་བར་བསྒོམས་པའི་ཆོས་འབྱུང་སོགས་ནི། ལྔ་


TNT12_Page_0120
[མ་དཔེ་གཟིགས་ན་འདིར་གནོན།]

པར། དེ་ནས་ཆོས་ཀུན་འབྱུང་བ་ཡི། །སྣ་ཚོགས་ལྟེ་བར་མི་ཤིགས་དགེ །སྔགས་པས་ཆོ་ག་བཞིན་དུ་བྲི། །ཆོས་ཀུན་གཅིག་ཏུ་བསྡུས་པར་བྱ། །ཞེས་པས་བསྟན་ཏེ། དེའི་དོན་བཤད་རྒྱུད་སཾ་པུ་ཊྀ་ལས། །གྲུ་གསུམ་དག་པ་ཨེ་ཡི་དབྱིབས། །དབུས་སུ་དགྱེས་པའི་ཡི་གེ་བཾ། །གྲུ་གསུམ་དཀྱིལ་འཁོར་ཉམས་དགའ་བར། །རྡོ་རྗེ་རལླི་རྣམ་པར་འབྱུང༌། །བཙུན་མོའི་བྷ་ག་ཞེས་ཀྱང་བྱ། །ཆོས་ཀྱི་འབྱུང་གནས་ཞེས་བྱར་བཤད། །ཅེས་དང༌། དེའི་འགྲེལ་པ་མན་ངག་སྙེ་མ་ལས། འདིས་ནི་ལྟེ་བའི་པདྨ་ལ་སོགས་པ་ཡང་གསུངས་སོ། །ཞེས་བཤད་ཅིང༌། དེ་རྣམས་ཀྱིས་དེ་དག་སྟོན་པར་མན་ངག་ལས་འབྱུང་བར་མ་ཟད། ལྭ་བ་པ་དང༌། ནག་པོ་སྤྱོད་པའི་གཞུང་གིས་ཀྱང་དེ་ལྟར་བཤད་དོ། །འདིས་སྨྲས་པ། སྟོང་ཉིད་མཛེས་མར་རྣམ་ཀུན་རོལ་རྩེད་སྤྱོད། །དགའ་བཞིས་ལང་ཚོས་མང་བཅིངས་ཆགས་ལྡན་སུ། །ཀུན་རྟོག་པིར་གྱིས་རྣམ་བཀྲའི་རི་མོར་བྱས། །དེ་ལས་དངོས་གྲུབ་འདོད་པ་འཇོ་བ་མཚར། །འདིར་འབད་རྣམ་དཀར་ཅི་མཆིས་པས། །འགྲོ་ཀུན་བྱང་ཆུབ་མཆོག་ཐོབ་ཤོག །བདག་ཀྱང་ཧེ་རུ་ཀ་དཔལ་དུ། །རྡོ་རྗེ་བཙུན་མོས་བསྒྲུབ་པར་མཛོད། །བདག་ནི་སྐྱེ་བ་ཐམས་ཅད་དུ། །བླ་མའྀ་བྲན་དུ་འགྱུར་བ་དང༌། །ཞིང་རྣམས་ཐམས་ཅད་ཡོངས་དག་པས། །འགྲོ་བ་སྨིན་པར་བྱེད་གྱུར་ཅིག །འོན་ཏེ་དམྱལ་བར་སྐྱེས་ན་ཡང༌། །དེ་ཉིད་ལས་གཞན་བདེ་བ་ཅན། །ནམ་ཡང་མི་འདོད་དེ་བས་ན། །


TNT12_Page_0121
[མ་དཔེ་གཟིགས་ན་འདིར་གནོན།]

སེམས་ཀྱི་རྡོ་རྗེ་མངོན་སུམ་གྱུར། །རྡོ་རྗེ་སློབ་དཔོན་བཀའ་ཡིས་གནང་བ་དང༌། །སྐྱེ་བོ་མང་པོས་བསྐུལ་ནས་འདི་སྦྱར་རོ། །བཅུ་གཉིས་བཅུ་དྲུག་འཁོར་ལོ་ཡོངས་དག་པས། །མི་འགྱུར་བདེ་ཆེན་དེ་རིང་ཐོབ་པར་ཤོག །རྡོ་རྗེ་རྣལ་འབྱོར་མའི་བསྐྱེད་རིམ་གྱི་མན་ངག་བདེ་ཆེན་རོལ་པ་ཞེས་བྱ་བ། རྗེ་བཙུན་བླ་མ་དམ་པའི་བཀའི་གནང་བ་ཐོབ་པ་དང༌། རྩིབ་རི་བསམ་གླིང་མཁན་པོས་བསྐུལ་ནས། རྒྱལ་ཁམས་པ་ཏཱ་ར་ནཱ་ཐས་ཕྱོགས་མཚོན་ཙམ་ཞིག་རང་ལོ་ཉེར་བཞི་པ་ལ། བྲག་སྟོད་ཆོས་ཀྱི་ཕོ་བྲང་དུ་བརྩམས་པ་ལས། སླར་ཡང་དོན་གཉེར་དུ་མས་བསྐུལ་བའི་ངོར། རང་ལོ་བཞི་བཅུ་པ་ལ་ཅུང་ཟད་ཁ་བསྐོངས་དང་བཅས་ཏེ་ཚང་བར་བསྒྲིགས་པ་ཡིན་ནོ། །མངྒ་ལཾ། རབ་ཏུ་དཀར་བའི་རྟེན་བཞེངས་འདིས། །བདག་ཅག་གིས་ནི་ཐོག་མེད་ནས། །སྡིག་ལྟུང་གང་བསགས་ཡོངས་དག་སྟེ། །རླབས་ཆེན་ཚོགས་གཉིས་མཐར་ཕྱིན་ཤོག། དགེའོ།། །།

རྡོ་རྗེ་རྣལ་འབྱོར་མའི་བསྙེན་ཐབས།


TNT12_Page_0122
[མ་དཔེ་གཟིགས་ན་འདིར་གནོན།]

རྡོ་རྗེ་རྣལ་འབྱོར་མའི་བསྙེན་ཐབས་བཞུགས།


TNT12_Page_0123
[མ་དཔེ་གཟིགས་ན་འདིར་གནོན།]

རྗེ་བཙུན་རྡོ་རྗེ་རྣལ་འབྱོར་མའི་བསྙེན་པ་བྱེད་ལུགས་མདོར་བསྡུས་པ་ནི། ཕྱི་མཚམས་བཅད། དེའི་ནུབ་སྔོན་འགྲོ་གཏོར་མ་བཏང༌། དེའི་ནུབ་ནས་སམ་སང་ཐོ་རངས་ནས་གཟུང་ཞག་བདུན་གྱི་བར་ལ་སྐྱབས་འགྲོ་སེམས་བསྐྱེད་དང་ཁྱད་པར་རྡོ་རྗེ་སེམས་དཔའི་སྒོམ་བཟླས་ལ་གཙོ་བོར་བྱ། ཐུན་འཇོག་ཁར། མགོན་པོ་བདག་ནི། ཞེས་པ་ནས། བྱང་ཞིང་དག་པར་བྱིན་གྱིས་བརླབ་ཏུ་གསོལ་གྱི་བར་དང༌། རྡོ་རྗེ་སེམས་དཔའ་འགྲུབ་གྱུར་ནས། སོགས་བརྗོད། དེ་ནས་ནང་མཚམས་བཅད། ཐོ་བརྩིགས་ཡང་ན་བུག་སྒོ་བྱ། མར་རམ་མར་དང་བསྲེས་པའི་ཟན་ལ་གཏོར་མ་གཉིས་སམ་གཅིག་བཤམས། ཆང་ཆུ་ནང་མཆོད་ཀྱིས་སྦྱངས། རང་ཁ་བལྟ་སར་གཏོར་མ་དང་མཆོད་བཤམས་ཡོང་བ་བྱས། རྣལ་འབྱོར་མའི་སྐུ་ཞིག་ཡོད་ན་མཆོད་པ་རྒྱས་པར་བཤམས། མེད་ཀྱང་བླ་མ་ཡི་དམ་ཀྱི་སྐུ་གཟུགས་གང་རུང་ལ་མཆོད་པ་རྒྱས་པའམ། མ་གྲུབ་ན་ཉེར་སྤྱོད་ལྔ་གཡོན་སྐོར་ལག་ལེན་ལྟར་དང༌། ཉིན་རེ་བཞིན་མཆོད་པ་གཏོར་མ་ཁ་གསོས།


TNT12_Page_0124
[མ་དཔེ་གཟིགས་ན་འདིར་གནོན།]

མཚམས་ནང་དུ་དགོས་ངེས་ཀྱི་མི་ཡོད་ན་དམིགས་འོག་ཏུ་བཅུག །དེ་ཕྱིན་དོན་ཇི་ལྟར་གལ་ཆེ་ཡང་མི་འཕྲད། ཆས་ཀ་སྔར་ཡོད་ཕྱིར་མི་གཏོང་ཞིང༌། གསར་པ་རང་ཉིད་ཡོད་སར་མི་ལེན། སྐབས་འདི་དག་ཏུ་སྐྱིད་སྡུག་ལེགས་ཉེས། གཏམ་སྙན་མི་སྙན་སོགས་གང་ལའང་རེ་དོགས་མེད་པ་དང༌། རྒྱུན་དུ་རང་ཉིད་རྡོ་རྗེ་རྣལ་འབྱོར་མ་དངོས་ཡིན་སྙམ་པའི་ང་རྒྱལ་དང༌། ཁྱད་པར་སྔགས་འཕྲེང་བསྐོར་རེ་སོང་ནས་རང་ལྷར་མོས་པ་སླར་གསལ་འདེབས་པ་རེ་དང༌། བླ་མ་ལ་མོས་གུས་དུང་པ་དང༌། །སེམས་ལ་སྙིང་རྗེ་དུང་པ་རེ་ངེས་པར་དྲན་པར་བྱའོ། །དེ་ནས་བཟླས་པ་འདི་མ་གྲོལ་བར་ལ་རྐྱེན་གང་གི་ཡང་དབང་དུ་མི་བཏང༌། ན་ན་ཡང་ན་གོ་ཆོད། ཤི་ན་ཡང་ཤི་གོ་ཆོད། སྔར་མི་ལུས་ཐོབ་པ་ཕལ་ཆེར་དོན་མེད་དུ་སོང་བ་ལ། ད་ལྟ་ཡི་དམ་ཀྱི་ལྷ་འདི་ལྟ་བུ་སྒྲུབ་ཏུ་ཡོད་པ་སྐལ་པ་བཟང༌། འབད་རྩོལ་དྲག་པོ་ཞིག་བྱ་སྙམ་པའི་ཞེ་བཅད་ཆེན་པོ་བྱ། དེ་ནས་སྔོན་འགྲོ་གཏོར་མ་བཏང༌། རང་ཉིད་རྡོ་རྗེ་རྣལ་འབྱོར་མར་གསལ་བའི་གནས་རྣམས་སུ་ཞེས་པ་ནས། སུམ་བྷ་ལན་གཉིས་བརྗོད་པའི་


TNT12_Page_0125
[མ་དཔེ་གཟིགས་ན་འདིར་གནོན།]

བར་བྱ། ནང་མཆོད་བྱིན་རླབས་ནི། སུམ་བྷས་བསངས། སྭ་བྷཱ་ཝས་སྦྱངས༌། སྟོང་པའི་ངང་ལས་ཡཾ་ལས་རླུང་ནས། ཧ་ཧོཿཧྲཱིའི་བར་བྱ། གནས་ཡོ་བྱིན་རླབས་ནི་སུམ་བྷས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་གནས་ཁང་ལྷ་རྫས་ཞེས་པ་ནས། ཨ་ཁཾ་སྭཱཧཱའི་བར་བྱ། སྐྱབས་འགྲོ་སེམས་བསྐྱེད། རྡོ་རྗེ་སེམས་དཔའི་སྒོམ་བཟླས་རྣམས་ཡུན་ཐུང་ངུ་རེ་དང༌། དེ་རྗེས་བསྐྱེད་རིམ་ལ་རང་གི་མདུན་གྱི་ནམ་མཁར་རིན་པོ་ཆེའི་ཁྲིའི་སྟེང་དུ་ཞེས་པ་ནས་འོད་ཟེར་ཚུར་འདུས་རང་ལ་ཐིམ་གྱི་བར་བྱ། དེ་ནས་རང་གི་ལྟེ་བར་ཆོས་འབྱུང་ཉིས་བརྩེགས་ཀྱི་དབུས་སུ། ཟླ་བའི་དཀྱིལ་འཁོར་གྱི་སྟེང་དུ་བཾ་ཡིག་དམར་པོ། དེའི་མདུན་ནས་གཡོན་སྐོར་དུ་ཨོཾ་གསུམ་མའི་སྔགས་ཀྱིས་བསྐོར་བའི་ཡི་གེ་མགོ་བོ་གྱེན་བསྟན་དང༌། ཁ་དོག་དམར་པོར་བསམ། སྔགས་བཟླ་སྐབས་ལྟེ་བའི་སྔགས་འཁོར་ལ་སེམས་བརྟད་དལ་བུ་བཟླ། ཐུན་འཇོག་ཁར་ཡིད་བཟླས་བྱ། ཉིན་གཅིག་ལ་ཐུན་གཉིས་བྱེད་ན། སྔ་ཐུན་འཇོག་ཁར། སྙིང་གའི་སྔགས་ཕྲེང་ལས་འོད་ཟེར་འཕྲོས། ཁམས་གསུམ་ཞེས་པ་ནས་སླར་ཡང་རང་ཉིད་རྡོ་རྗེ་རྣལ་འབྱོར་མའི་སྐུར་གྱུར། མཆོད་བསྟོད་ཅུང་ཟད་བྱས་ཀྱང་རུང༌། མ་བྱས་ཀྱང་རུང་ངོ༌། །རྗེ་བཙུན་རྡོ་རྗེ་རྣལ་འབྱོར་མས་བདག་མཁའ་སྤྱོད་དག་པ་ནས། གོ་འཕང་ཐོབ་པར་བྱིན་གྱིས་བརླབས་ཏུ་གསོལ། རང་ཉིད་རྡོ་རྗེ་རྣལ་འབྱོར་མར་གསལ་བའི་གནས་རྣམས་སུ་ཟླ་བའི་ནས། ཐུགས་ཡེ་ཤེས་ཆེན་པོའི་ཆོ་འཕྲུལ་ཏུ་རྣམ་པར་དག་པ་ཡིན་ནོ། །ཞེས་པའི་བར་བྱ། དེ་ནས་ངག་འགྲོལ་བ་དང་ཟས་ཀྱི་


TNT12_Page_0126
[མ་དཔེ་གཟིགས་ན་འདིར་གནོན།]

བྱ་བ་སོགས་བྱ། དགོང་ཐུན་ལ་སྐྱབས་འགྲོས་བརྩམས་ཏེ། གཞན་གོང་དང་འདྲ་བ་ལས། གོ་འཕང་ཐོབ་པར་བྱིན་གྱིས་བརླབ་ཏུ་གསོལ་ཞེས་པའི་རྗེས་སུ་གཏོར་བསྔོ་བྱ། རང་ཉིད་རྡོ་རྗེ་རྣལ་འབྱོར་མར་གསལ་བའི་གནས་རྣམས་སུ་ཟླ་བའི་ནས། ཆོ་འཕྲུལ་རྣམ་པར་དག་པ་ཡིན་ནོ། །ཞེས་པའི་བར་བྱ། ཡི་གེ་བརྒྱ་པའི་རྗེས་སུ། མ་འབྱོར་པ་དང་སོགས་ཤོ་ལོ་ཀ་གཅིག །བདག་གིས་དུས་གསུམ་སོགས་སྨོན་ལམ་དང་བཀྲ་ཤིས་བྱ། ཉལ་བའི་ཚེ་ལྷ་སྐུ་མི་དམིགས་པའི་ངང་དུ་བསྡུས་ལ། བསམ་མེད་ཀྱི་ངང་དུ་ཉལ། ཐོ་རངས་ནམ་མཁར་བཞུགས་པའི་དཔའ་བོ་རྣལ་འབྱོར་མ་རྣམས་ཀྱིས་ཌཱ་མ་རུ་དང༌། ཉེ་བའི་སྙིང་པོའི་སྒྲས་བསྐུལ་བས། འོད་གསལ་ལས་ལྡང་སྟེ། སྐད་ཅིག་གི་རྡོ་རྗེ་རྣལ་འབྱོར་མར་བསམས་ནས་ཐུན་ལ་འཇུག་གོ །ཐུན་གྱི་སྐབས་ངག་མ་ཤོར་བར་གལ་ཆེའོ། །རེ་ཞིག་དེ་ཙམ་མོ། །ཞུས་དག །མངྒ་ལཾ།།


TNT12_Page_0127
[མ་དཔེ་གཟིགས་ན་འདིར་གནོན།]

ཤོག་སྟོང་།

ནཱ་རོ་མཁའ་སྤྱོད་ཀྱི་རྫོགས་རིམ་ཐུན་མོང་མ་ཡིན་པ།


TNT12_Page_0128
[མ་དཔེ་གཟིགས་ན་འདིར་གནོན།]

ནཱ་རོ་མཁའ་སྤྱོད་ཀྱི་རྫོགས་རིམ་ཐུན་མོང་མ་ཡིན་པ་བཞུགས།


TNT12_Page_0129
[མ་དཔེ་གཟིགས་ན་འདིར་གནོན།]

ན་མོ་གུ་རུ། འདིར་བསྐྱེད་པའི་རིམ་པ་ཕག་མོ་མཁའ་སྤྱོད། རྫོགས་པའི་རིམ་པ་རྩ་དབུ་མ། ལམ་གྱི་ཆ་རྐྱེན་པྲ་སེ་ན་དབབ་པ། གནོད་སྦྱིན་མོའི་སྒྲུབ་ཐབས། སྨན་ཆེན་པོའི་བཅུད་ལེན་སོགས་ནཱ་རོ་མཁའ་སྤྱོད་ཀྱི་ཆོས་སྐོར་ཟབ་ཁྱད་ཅན་དུ་བཞུགས་པ་ལས། སྙིང་པོ་བསྡུས་པ་རྡོ་རྗེ་རྣལ་འབྱོར་མ་ཡུམ་བཀའི་ཐུན་མོང་མ་ཡིན་པ་རྫོགས་རིམ་གྱི་ཁྲིད་ནི་འདི་ཡིན་ཏེ། འཁྲིད་ཀྱི་སྔོན་འགྲོ་སྐྱབས་འགྲོ་སེམས་བསྐྱེད། ཡིག་བརྒྱ་མཎྜལ་རྣམས་སྤྱི་དང་འདྲ། འཁྲིད་ཚུལ་དངོས་ཉམས་ལེན་ལ་གཉིས།དེ་ཁོ་ན་ཉིད་ཐབས་ཀྱིས་བསྒོམ་པ་དང༌། དེ་ཁོ་ན་ཉིད་དངོས་སུ་བསྒོམ་པའོ། །དང་པོ་ལ་ཐུན་གྱི་ཐོག་མའི་བྱ་བ། དངོས་གཞི། ཡན་ལག་སྟེ་གསུམ་ལས། དང་པོ་ནི། རྡོ་རྗེ་རྣལ་འབྱོར་མའི་སྒོམ་བཟླས་ཀྱི་འཇུག་ཏུ་རྫོགས་རིམ་འདི་རྣམས་བསྒོམ་ན་དེས་ཁྱབ། སྒོམ་བཟླས་མི་བྱེད་པར་རྫོགས་རིམ་ཁོ་ན་ལ་ཉམས་ལེན་བྱེད་པའི་སྐབས་ཡིན་ན། སྐྱབས་འགྲོ་སེམས་བསྐྱེད་སྤྱི་དང་འདྲ་བར་རྒྱས་བསྡུས་གང་འོས་རེ་བྱ། རང་གི་མདུན་དུ་རྩ་བའི་བླ་མ་རྡོ་རྗེ་ཆོས་སྐུ་མདོག་དམར་པོ་སྤྱན་གསུམ་པ། ཌཱ་མ་རུ་དང༌།


TNT12_Page_0130
[མ་དཔེ་གཟིགས་ན་འདིར་གནོན།]

ཐོད་པ་ཁ་ཊྭཱཾ་ག་བསྣམས་པ། རུས་པ་དང་མི་མགོའི་ཕྲེང་བས་བརྒྱན་པ་ཞིག་བསྒོམས་ཏེ། དཔལ་ལྡན་བླ་མ་དམ་པས་བདག་ལ་བྱིན་གྱིས་བརླབས་ཏུ་གསོལ། དབང་བཞི་བསྐུར་དུ་གསོལ། ཐུགས་རྗེས་བཟུང་དུ་གསོལ། ཅེས་དྲག་ཏུ་གསོལ་བ་གདབ། བླ་མ་འོད་དུ་ཞུ་རང་གི་སྨིན་མཚམས་ནས་ཞུགས། རང་ཉིད་ལ་གཉིས་སུ་མེད་པར་ཐིམ་པར་བསམས་ཏེ་བླ་མའི་རྣལ་འབྱོར་རོ། །དེ་ལྟར་སྐྱབས་སེམས་བླ་མའི་རྣལ་འབྱོར་དེ། འཆད་པར་འགྱུར་བའི་དམིགས་པ་གང་སྒོམ་ཀྱང༌། ཐུན་གྱི་འགོར་ཇི་ལྟར་འོས་པ་སྒོམ་དགོས་པས། ཐུན་གྱི་ཐོག་མའི་བྱ་བའོ། །གཉིས་པ་དངོས་གཞི་ལ། རླུང་སྦྱང་བ་རང་ལྷག་པར་གནས་པ། རླུང་སེམས་འོད་གསལ་དུ་འཇུག་པ་སྟེ་གསུམ་ལས། དང་པོ་ནི། རྩ་ལམ་སྦྱོང་བ་སྟེ་ཐོག་མར་རླུང་རེངས་འདུལ་བ་དང་ཡན་ལག་ལྔ་སྦྱོང་ཅི་ནུས་བྱ། དེ་ནས་རང་རྡོ་རྗེ་རྣལ་འབྱོར་མ་འཇའ་ཚོན་ལྟ་བུའི་སྐུ་ཅན་ཤིན་ཏུ་ཁོང་སྟོང་དུ་གསལ་བའི་ལྟེ་བ་དང༌། གསང་བའི་འཁོར་ལོའི་བར་དུ་ཆོས་འབྱུང་གྲུ་གསུམ་ཉིས་བརྩེགས་ཟུར་བསྣོལ་ཞིང་འབྲེལ་བས་ཟུར་དྲུག་ཏུ་སོང་བ།


TNT12_Page_0131
[མ་དཔེ་གཟིགས་ན་འདིར་གནོན།]

དབུས་སུ་ཟླ་བ་ལ་བཾ་ཡིག་སྔགས་ཀྱི་སྒྲ་སྒྲོག་པ་དང་བཅས་པ་བསྒོམ། དེ་ནས་རླུང་རོ་བསལ། ལུས་གནས་སྤྱི་དང་མཐུན་པར་བཅའ། རླུང་ཕྱི་ལ་འགྲོ་བའི་ཚེ་བཾ་གྱི་འོད་ཟེར་སྣ་སྒོ་ནས་ཕྱིར་སོང༌། བློས་འཁྱུད་ཚད་ཀྱི་ནམ་མཁའ་ཁེངས། རླུང་ནང་དུ་འཇུག་པའི་ཚེ་འོད་ཟེར་དེ་རྣམས་སྣ་སྒོ་ནས་ཞུགས་ཏེ་ལྟེ་བའི་བཾ་ལ་ཐིམ། འདི་ལ་དབུགས་འགྲོ་འོང་རང་བབས་ཀྱི་སྟེང་ནས་བྱེད་པར་བཞེད་པ་ལྟར་ཡང་རུང་མོད་ཀྱི། འགྲོ་འོང་གཉིས་ཀ་དལ་བུས་བྱེད་པ་དང་སྦྱར་ནས་བསྒོམ་ན་ལེགས་པར་འོང་ངོ༌། །དམིགས་སྐོར་དང་པོའོ། །དེ་ནས་གཞན་འདྲ་བ་ལས། རླུང་ཐུར་སེལ་ལ་ལས་མི་འཆོལ། གང་བ་ཅན་སྤྱི་དང་འདྲ་བར་བསྒོམ། ལྟེ་འོག་གི་ཆོས་འབྱུང་དེ་གཡས་སྐོར་གཡོན་སྐོར་གང་རིགས་སུ་འཁོར་ཞིང༌། འོས་ཟེར་སྤྲོ་བསྡུ་མི་བྱེད་པར་དབུས་ཀྱི་བཾ་ཡིག་ཁོ་ན་ལ་སེམས་གཏོད་པ་ནི། དམིགས་སྐོར་གཉིས་པའོ། །སྤྱིར་བཏང་ལ་དམིགས་སྐོར་དང་པོ་ལ་མྱོང་བ་ཐོན་པའི་རྗེས་སུ་གཉིས་པ་འདི་བསྒོམ་པ་ཡིན་ཡང་ལག་ལེན་དུ་འདི་གཉིས་སྤེལ་གྱིན་བསྒོམ་ན་བོགས་ཆེ་ཞིང༌། མྱོང་བ་སྣེ་རྙེད་པ་མྱུར་བའི་དགོས་པ་ཡོད་ཅེས་གསུང་ངོ༌། །དམིགས་པ་འདི་གཉིས་རྡོ་རྗེ་རྣལ་འབྱོར་མའི་བསྐྱེད་རིམ་སྒོམ་བཟླས་དང་འབྲེལ་བའི་སྐབས་ཡིན་ན། སྔགས་འཁོར་གྱི་ཨོཾ་གསུམ་མའི་ཡིག་འབྲུ་རྣམས་དང༌། དགའ་འཁྱིལ་བཾ་ཡིག་ལ་བསྡུས་པའི་ངང་ནས་བསྒོམས་པས་ལེགས་པར་འོང་ངོ༌། །གཉིས་པ་ནི་རྩ་དབུ་མའི་སྒོ་འབྱེད་ཅིང༌། རླུང་སེམས་དབུ་མར་འཇུག་པའི་ཐབས་ཏེ། འདི་ལ་དམིགས་རིམ་གསུམ་ཡོད་པ་ལས་ཐོག་


TNT12_Page_0132
[མ་དཔེ་གཟིགས་ན་འདིར་གནོན།]

མར་རྩ་ཨ་ཝ་དྷུ་ཏཱིའི་དབུས་ཀྱི་ཆ་ལ་གནད་དུ་བསྣུན་པ་ནི། རླུང་གནད་འཇམ་རླུང་ཁ་སྦྱོར་ལ་འབད། ལྟེ་བ་ནས་ལྟེ་འོག་སོར་བཞིའི་བར་དུ་ཆོས་འབྱུང་དམར་པོ་རྐྱང་པ་གཅིག་བསྒོམ་ལུས་ཀྱི་དབུས་སུ་རྩ་དབུ་མ་ཆོས་བཞི་ལྡན་དུ་གྲགས་པ་སྤྱི་དང་མཚུངས་པ་ལས། སྦོམ་ཕྲ་མདའ་སྨྱུག་འབྲིང་པོ་ཙམ། མར་སྣ་ཆོས་འབྱུང་གི་རྩ་བའི་ནང་དུ་ཟུག །ཡར་སྣ་ཚངས་བུག་ལ་རེག་པ་ཅིག་བསྒོམ། དབུ་མའི་ནང་ལྟེ་བའི་ཐད་དེ། ཆོས་འབྱུང་གི་ཁ་མཚམས་དང་མཉམ་པའི་ཐད་དུ། བཾ་ཡིག་གམ་ཨཾ་ཡིག་དམར་པོ་གང་ཡིད་ལ་གསལ་བ་ཅིག་བསྒོམ། རླུང་རོ་བསལ་ནས་རླུང་བུམ་ཅན་དྲག་པོ་བཟུང་བས། སྟེང་འོག་གི་རླུང་གཉིས་ཅར་བཾ་ལ་ཕོག །སོལ་མེ་ངར་མ་བུས་པ་ལྟར་གྱུར་པ་ལས། མེ་ལྕེ་ཕྲ་མོ་ཞིག་ཚེར་གྱིས་འབར། དང་པོར་སོར་གང་ཙམ་ནས། མཐར་སོར་བཞི་ཙམ་གྱི་བར་དུ་རིམ་པས་སྦོར། གང་ལྟར་ཡང་གཏུམ་མོའི་མེ་ལྷག་གེ་འབར་བ་ལ་སེམས་རྩེ་གཅིག་ཏུ་གཏད། སྤྲོས་པ་མང་པོ་སྤངས་ཏེ་འདི་ཁོ་ན་བསྒོམས་ན་འཕྲལ་དུ་གསལ་སྟོང་ངང་བདེ་བ་དང་རླུང་དབུ་མར་ཞུགས་པའི་ཉམས་མྱོང་སྐྱེ་འདི་དྲོད་བསྐྱེད་པ་ལ་ཡང་ཆེས་བསྔགས་པ་ནི་འདིའི་གནས་སྐབས་ཀྱི་ཡོན་ཏན་ཕྲ་མོ་སྟེ། དམིགས་སྐོར་གསུམ་པའོ། །དེ་ནས་ཡང་རྩ་དབུ་མའི་ཡས་སྣའི་སྒོ་དབྱེ་བ་ནི། རང་གི་སྨིན་མཚམས་ཀྱི་ནང་དུ་ཐིག་ལེ་དཀར་པོ་ཟླ་བའི་དཀྱིལ་འཁོར་གྱི་དབྱིབས་ཅན་སེན་མོ་ཟླུམ་པོ་ཙམ་ཟུར་ལངས་སུ་ཡོད་པ། དགའ་འཁྱིལ་ལག་བཞི་པའི་རི་མོ་ཅན་གཅིག་བསྒོམས་ལ། འཇམ་རླུང་


TNT12_Page_0133
[མ་དཔེ་གཟིགས་ན་འདིར་གནོན།]

རན་པར་བཟུང་བའམ། རླུང་འགྲོ་འོང་དལ་བུའི་ངང་ནས། འབུད་རྔུབ་བྱས་པས་སྨིན་མཚམས་ཀྱི་དགའ་འཁྱིལ་གྱི་ཐིག་ལེ་དེ། གཡས་སྐོར་རམ་གཡོན་སྐོར་རེ་མོས་ཀྱིས་དྲག་ཏུ་འཁོར་བས་ལུས་སེམས་བདེ་བས་གང་བ་ལ་སེམས་རྩེ་གཅིག་ཏུ་གཏད། འདི་ལ་དབུ་མའི་ཡས་སྣ་སྨིན་མཚམས་སུ་འཁྱོགས་པའི་ནང་དུ་ཐིག་ལེ་འཁོར་བ་ལ་སེམས་གཏོད་པའི་ལུས་ཀྱང་ཡོད་མོད་ཀྱི། ངེས་པར་རྩའི་དབྱིབས་དེ་ལྟ་བུ་བསྒོམ་དགོས་པའང་མིན་ནོ། །འདི་བདེ་བསྐྱེད་པ་ལ་བསྔགས་ཏེ་དམིགས་སྐོར་བཞི་པའོ། །ཡང་རྩ་དབུ་མའི་མས་སྣའི་སྒོ་དབྱེ་བ་ལ་བསླབ་པ་ནི། ཁ་སྦྱོར་འཇམ་རླུང་དང་བཅས་ཐུར་སེལ་འོག་གི་ལམ་གཉིས་ཀ་དང་པོར་ཅུང་ཟད་ཅུང་ཟད་སྐུལ། གོམས་ནས་དྲག་ཏུ་བསྐུལ། རང་ལུས་ཀྱི་ལྟེ་འོག་སོར་བཞི་ནས་གསང་བའི་བར་དུ་ཆོས་འབྱུང་དམར་པོ་གྲུ་གསུམ་སོར་བཞིའི་ཚད་ཙམ་གཅིག་བསྒོམ། དེའི་ཁ་མཚམས་ཐད་ཀྱི་ནང་གི་དབུས་སུ་ཐིག་ལེ་དམར་པོ་ཉི་མའི་དཀྱིལ་འཁོར་ལྟ་བུ་ལ། དགའ་འཁྱིལ་གྱི་རི་མོ་ཡོད་པ་གཅིག་བསྒོམ། རླུང་ཁ་སྦྱོར་གསང་བར་དྲག་ཏུ་མནན་པས་ཆོས་འབྱུང་མི་འཁོར་ཞིང་དགའ་འཁྱིལ་གྱི་ཐིག་ལེ་མྱུར་བར་འཁོར་བ་ལ་སེམས་རྩེ་གཅིག་ཏུ་གཏད། འདིས་སྟོང་ཉམས་གཙོ་བོར་སྐྱེ་སྟེ། དམིགས་སྐོར་ལྔ་པའོ། །གསུམ་པ་ནི། རླུང་དབུ་མར་འཆིང་བ་སྟེ། འདིར་བུམ་པ་ཅན་དྲག་པོ་སྦྱོར་བ་བཞི་ལྡན་གྱི་ངང་ནས་འདི་ལྟར་བསྒོམ་སྟེ། ལྟེ་བ་ནས་ལྟེ་འོག་སོར་བཞིའི་བར་དུ་ཆོས་འབྱུང་དམར་པོ་ལུས་ཀྱི་དབུས་སུ་རྩ་དབུ་མ་ལྟེ་བའི་ཐད་དུ་ཨཾ་དང་བཅས་པ་གོང་བཞིན་བསྒོམ། དབུ་མའི་ནང་ཡས་སྣར་ཧཾ་ཡིག་དཀར་པོ་


TNT12_Page_0134
[མ་དཔེ་གཟིགས་ན་འདིར་གནོན།]

མགོ་བོ་ཐུར་དུ་ལྟ་བ་བསྒོམ། རླུང་བུམ་ཅན་བཟུང་བས། གོང་བཞིན་ལྟེ་བའི་ཨཾ་ལས་གཏུམ་མོའི་མེ་སོར་བཞི་ཙམ་འབར། དེའི་རྩེ་ནས་དར་དམར་པོའི་རྣལ་མ་བསྐྱང་བ་ཙམ་གྱི་མེ་ལྕེ་ཤིན་ཏུ་ཕྲ་བ་རིམ་གྱིས་འབར་ནས། སྤྱི་བོའི་ཧཾ་ལ་རེག་པ་ལས་ཧཾ་ལས་ཐིག་ལེའི་རྒྱུན་ཕྲ་མོ་བ་ཐག་ལྟ་བུའམ། དར་དཀར་གྱི་རྣལ་མ་བརྐྱང་པ་ལྟ་བུ་རིམ་གྱིས་བབས་ཏེ། ལྟེ་བའི་ཨཾ་ལ་ཐིམ་པས་འབར་འཇག་སྐྲ་ཤད་འཛིངས་པ་ལྟ་བུ་བྱུང་བ་ལ་སེམས་གཏད་དོ། །འདིས་ཀྱང་རྩ་དབུ་མ་ཁ་འབྱེད་པ་ཞེས་གྲགས་ཀྱང༌། དོན་ལ་རོ་རྐྱང་གི་རྒྱུ་བ་འགགས། དབུ་མ་རྒྱས། རླུང་སེམས་བཅིངས་པས་འོད་གསལ་གྱི་རླུང་གི་ངོ་བོར་གནས་གྱུར། འཇིག་རྟེན་དང་འཇིག་རྟེན་ལས་འདས་པའི་ཡོན་ཏན་མཐའ་དག་སྐྱེད་པ་ཡིན་ན། དམིགས་སྐོར་དྲུག་པའོ། །གསུམ་པ་ལམ་གྱི་ཡན་ལག་འཕོ་བའི་རྣལ་འབྱོར་ནི། རང་ལུས་ཐ་མལ་གྱི་རྣམ་པ་ལ་ཤ་ཁྲག་རུས་གསུམ་སྤངས་པའི་སྟོང་སང་ངེ་བ། ལུས་ཀྱི་དབུས་སུ་དབུ་མ་གོང་བཞིན། གཡས་སུ་རོ་མ་དམར་པ་དང༌། གཡོན་དུ་རྐྱང་མ་དཀར་བ་གཉིས་གྲོ་སོག་ཙམ། སྤྱི་བོ་ནས་ལྟེ་བའི་བར་དུ་རྩ་གསུམ་པོ་གསུམ་གཤིབས་སུ་ཡོད་པ། རོ་རྐྱང་གི་མས་སྣ་གཉིས་དབུ་མ་ལས་རིང་བར་ཡོད་པ་དེ། ཡར་ལྡོག་སྟེ་དབུ་མའི་ནང་དུ་ཆུག །ཡས་སྣ་གཉིས་སྤྱི་བོ་ནས་ཚུར་འཁྱོགས་ཏེ་སྣ་བུག་གཡས་གཡོན་དུ་ཟུག །ལྟེ་བའི་བཾ་ཡིག་གཾ་ཨཾ་ཡིག་རྡོ་རྗེ་རྣལ་འབྱོར་མའི་སྐུར་གྱུར་ནས། ཞབས་གཡས་གཡོན་གཉིས་རོ་རྐྱང་གི་མས་སྣ་གཉིས་ལ་རེག་གེ་གཏད་པ། སྐུ་


TNT12_Page_0135
[མ་དཔེ་གཟིགས་ན་འདིར་གནོན།]

ལས་འོད་ཟེར་འཕྲོས་རོ་མའི་ལམ་བརྒྱུད་སྣ་སྒོ་གཡས་ནས་ཐོན། འོད་ཟེར་གྱིས་སྣོད་བཅུད་ཐམས་ཅད་ཁྱབ། འཕགས་པ་མཆོད། སེམས་ཅན་གྱི་དོན་བྱས། ཐམས་ཅད་རྡོ་རྗེ་རྣལ་འབྱོར་མའི་སྐུར་གྱུར། སྣོད་བཅུད་ཐམས་ཅད་འོད་དུ་ཞུ། འོད་ཟེར་ཕར་སྤྲོས་པ་རྣམས་ཚུར་ལྡོག་པ་དང༌། ལྷན་གཅིག་ཏུ་སྣ་བུག་གཡོན་པ་ནས་ཞུགས། རྐྱང་མའི་ལམ་བརྒྱུད་དེ་རྡོ་རྗེ་རྣལ་འབྱོར་མ་ལ་ཐིམ། དེ་འདྲ་ལན་གཅིག་གམ་གསུམ་སོགས་ཇི་ལྟར་འོས་པ་བྱ། དེ་ནས་རྡོ་རྗེ་རྣལ་འབྱོར་མ་དབུ་མའི་ལམ་ནས་ཡར་གཤེགས་པས། རོ་རྐྱང་གི་མས་སྣ་གཉིས། རྡོ་ཁབ་ལེན་གྱིས་ལྕགས་སྐུད་དྲངས་པ་བཞིན་དུ་ཡང་དྲངས་པ་ན། རོ་རྐྱང་གི་ཡས་སྣ་གཉིས་པོ་སྣ་སྒོར་ཟུག་ཡོད་པའི་མཚམས་ནས་བྲལ་ཏེ། གྲུ་གུ་བསྒྲིལ་བ་ལྟར་ཧྲིལ་གྱིས་འགྲིལ་བ་ཞབས་གཡས་གཡོན་ལ་ཐིམ། ཕྱི་རོལ་ལུས་ཀྱི་རྐང་མཐིལ་ནས་བརྩམས་ཏེ་གསང་བའི་བར་རིམ་པས་ཡལ། བཅོམ་ལྡན་འདས་མ་དབུ་མའི་ལམ་ནས་སྙིང་ག་མགྲིན་པ་སྤྱི་བོ་སོགས་སུ་ཡར་བྱོན་པའི་ཚེ། དབུ་མ་ཡང་དེའི་རྗེས་སུ་ཐུང་རི་ལི་ལི་སོང་བ་དང་ལྷན་ཅིག །ཕྱི་དབྱིབས་ཀྱི་ལུས་ཀྱང་དེའི་རིམ་པས་ཡལ། ཚངས་བུག་ནས་རྒྱང་གིས་ཐོན་པ་དང༌། རང་སེམས་བཅོམ་ལྡན་འདས་མའི་སྐུར་གསལ་བ་དེ་ཡང་འོད་གསལ་སྟོང་ཉིད་དུ་ཐིམ་སྟེ། དེ་ཀའི་ངང་དེར་དབྱིངས་རིག་དབྱེར་མེད་ནམ་མཁའ་ལྟ་བུ་ལ་མཉམ་པར་བཞག །དེ་ཀ་བསྐྱར་གྱིན་ཡང་ཡང་བསྒོམ། འདིར་ནི་རང་ལུས་སྟོང་པར་སྦྱངས་པའི་ཕྱིར། སླར་འབེབས་པའི་དམིགས་པ་མི་དགོས་པར་བཞེད། ཡང་རོ་རྐྱང་ནས་འོད་ཟེར་གྱི་སྤྲོ་


TNT12_Page_0136
[མ་དཔེ་གཟིགས་ན་འདིར་གནོན།]

བསྡུ་མི་བྱེད་པར་ལྟེ་བའི་བཅོམ་ལྡན་འདས་མ་ཉིད་འབྱོན་བཞུད་བྱེད་པ་དང༌། འཕོ་བའི་སྐབས་སྣ་སྒོ་གཡོན་པ་ནས་འཕོ་བ་བྱེད་པ་སོགས་དམིགས་པ་མི་འདྲ་ཙམ་གྱི་སྤྲོས་པ་འགའ་རེ་ཡོད་ཀྱང༌། དཀྱུས་སུ་བཤད་པ་ཉིད་མ་ནོར་བ་ཡིན་ནོ། །འདི་ལ་རྡོ་རྗེ་རྣལ་འབྱོར་མའི་འཕོ་ཆུང་ཡང་ཟེར། གསེར་ཆོས་དང་སྙན་བརྒྱུད་དང་ཚིག་བརྒྱུད་དུ་བྱེད་པའི་སྲོལ་ཡོད་དོ། །དམིགས་སྐོར་བདུན་པའོ། །གཉིས་པ་དེ་ཁོ་ན་ཉིད་དངོས་སུ་སྒོམ་པར་བྱེད་པའི་ཐབས་ནི། ལུས་གནད་བཅས་རླུང་རང་བབས་སུ་བཞག །སེམས་མ་བསྒྲིམས། མ་གློད། གང་ཡང་ཡིད་ལ་མི་བྱེད་པར་ཆམ་མེ་བཞག་ཅིང༌། དེ་ཀའི་རང་ངོ་ལ་ཆེར་རེ་བལྟས་པ་ན། གང་དུའང་ངོས་བཟུང་དུ་མེད་ཅིང༌། བློའི་ཡུལ་ལས་འདས་པའི་རང་རིག་རང་གསལ་སྤྲོས་པ་དང་བྲལ་བ་གཅིག་འཆར་བས་དེ་ལ་མཉམ་པར་བཞག །དེ་ཀ་ལ་གནས་ན་ལེགས། གལ་ཏེ་རྣམ་རྟོག་འགྱུ་སྟེ། སྔར་བྱས་སོགས་འདས་པ་དྲན་ན། དེའི་ངོ་བོ་ལ་བརྟགས་ཏེ། འདས་པ་ནི་ཅུང་ཟད་ཀྱང་མེད་པའི་ཕྱིར་ན། ད་ལྟ་བདེ་སྡུག་གི་ཡུལ་དུ་ཡོད་ཡོད་ལྟར་སྣང་བ་ནི་འཁྲུལ་བ་སྟེ། སྐྱེས་ཟིན་སྐྱེ་མེད་ནམ་མཁའ་ལྟ་བུའོ། །མ་འོངས་པ་ལ་བརྟེན་པའི་རེ་དོགས་སོགས་རྣམ་རྟོག་སྐྱེ་ན། དེ་དག་ནི་ད་ལྟ་མ་བྱུང་བའི་ཕྱིར་ཅི་ཡང་མེད་དེ། བདེ་སྡུག་གི་ཡུལ་ལྟར་སྣང་བ་ནི་འཁྲུལ་བའོ་ཞེས་མ་སྐྱེས་པ་སྐྱེ་མེད་ནམ་མཁའ་ལྟ་བུར་ཐག་བཅད། ད་ལྟ་མངོན་དུ་སྣང་བའི་དགྲ་གཉེན་ལ་སོགས་པའི་རྣམ་རྟོག་ཤར་བ་ན། དེ་ཐམས་ཅད་རྨི་ལམ་གྱི་


TNT12_Page_0137
[མ་དཔེ་གཟིགས་ན་འདིར་གནོན།]

སྣང་བ་བཞིན་དུ་འཁྲུལ་སྣང་ཙམ་ཡིན་ནོ་ཞེས་སྐྱེ་བ་སྐྱེ་མེད་ནམ་མཁར་ལྟ་བུར་ཐག་བཅད་དོ། །དམིགས་བསྐོར་བརྒྱད་པའོ། །ཡང་ཞལ་ཤེས་ཁོ་ནའི་མན་ངག་གཅིག་ནི། རླུང་སེམས་འོད་གསལ་དུ་འཇུག་པའི་སྐབས། སྔར་གྱི་དེ་ཟླ་ཤས་གོམས་ན་རྩ་བཟང་ངན་དང༌། རྩོལ་བ་ཆེ་ཆུང་གི་རིམ་པས་ཅུང་ཟད་མྱུར་བུལ་ཙམ་མ་གཏོགས་འབྱོངས་ཡོང་ཞིང༌། དེ་ནས་འབུད་དུས་ལྟོ་བ་བཅེར་ཕྱིར་བཟུང༌། ལུས་སྤྲུག་རྔུབས་ཏེ་བཤང་སྒོར་སྡིག །ཤུགས་བཀྱེད་འདར་ཐོན་པར་བྱ། འབར་བའི་དུས་ཁ་སྦྱོར་ཡང་འཐེན་ཅིང༌། འབབ་པའི་སྐབས་ཁ་སྦྱོར་མདུན་དུ་བརྒྱངས་ནས་སྤྲུག་པ་དང་འཕར་རྡེབ་གཅིག་བྱ་སྟེ། དམིགས་སྐོར་དགུར་ཡང་བྱའོ། །དེ་ལྟར་ན་རྡོ་རྗེ་རྣལ་འབྱོར་མ་ནཱ་རོ་མཁའ་སྤྱོད་ཀྱི་ཐུན་མོང་མ་ཡིན་པའི་རྫོགས་རིམ་གྱི་འཁྲིད་ནི་འདི་ཙམ་ཁོ་ན་ཡིན་ལ། གོ་དོན་ནི་རྩ་དབུ་མའི་འཁྲིད་ཡིག་བླ་མ་རྗེ་བཙུན་ཆེན་པོ་གྲགས་རྒྱལ་གྱི་མཛད་པ་དང་མི་འདྲ་བ་མེད་པས་དེར་རྟོགས་པར་བྱའོ། །སྤྱིར་རྫོགས་རིམ་རྩ་དབུ་མའི་མན་ངག་ཆེན་མོ་ལ་ཡང༌། ཡབ་བཀའ་ཡུམ་བཀའི་རྫོགས་རིམ་གཉིས་སུ་དབྱེ་གསལ་བྱེད་པ་ཅིག་ཡོད་ཅིང༌། མན་ངག་གཅེས་བསྡུས་ཀྱི་ནང་ན་ཡང་ནཱ་རོ་པའི་རྩ་དབུ་མའི་མན་ངག་བྱ་བ། ནག་པོ་ལམ་སློང་གི་གཏུམ་མོའི་ནང་ཚན་གཅིག་དང་འདྲ་རུང་བ་ཞིག་དང༌། བརྒྱུད་པ་གཞན་དང་གཞན་ལས་ཀྱང༌། ནཱ་རོ་པའི་རྩ་དབུ་མའི་མན་ངག་ཏུ་འདོད་པ་ཡོད་མོད་ཀྱི། བཅོམ་ལྡན་འདས་མ་རྡོ་རྗེ་རྣལ་འབྱོར་མ་ནཱ་རོ་མཁའ་སྤྱོད་ཉིད་ཀྱི་ཆོས་སྐོར་ཁོ་ན་ལ་གྲགས་ཤིང་དགོས་ངེས་


TNT12_Page_0138
[མ་དཔེ་གཟིགས་ན་འདིར་གནོན།]

པའི་རྩ་ཨ་ཝ་དྷུ་ཏཱིའི་མན་ངག་ནི་འདི་ཁོ་ན་ཏེ། འདི་ཤིན་ཏུ་འཁྱེར་བདེ། གདམས་ངག་ཆེ། གནད་ཟབ་རྟགས་འཕྲལ་དུ་ཡོང༌། །བཀའ་གཉན་པས་དམ་པོར་བྱའོ་གསུང་ངོ༌། །སྔར་ཡིག་རྙིང་དུམ་དུམ་འཁྲིགས་སུ་ཡོད་པས་གོ་རིམ་བསྒྲིག་ཚུལ་བླ་མའི་ཞལ་ལ་བལྟོས་པ་ཡིན་ན་ཡང༌། དེང་འདིས་བཀླགས་ཆོག་ཏུ་བཀོད་པ་སྟེ། རྒྱལ་ཁམས་པ་ཏཱ་ར་ནཱ་ཐས་སོ། །མངྒ་ལཾ།།


TNT12_Page_0139
[མ་དཔེ་གཟིགས་ན་འདིར་གནོན།]

ཤོག་སྟོང་།

རྗེ་བཙུན་རྔོན་པའི་གདམས་ངག་ལས་འབྱུང་བ་རྡོ་རྗེ་ཕག་མོའི་སྒྲུབ་ཐབས་བདེ་བ་སྦྱིན་པ།


TNT12_Page_0140
[མ་དཔེ་གཟིགས་ན་འདིར་གནོན།]

རྗེ་བཙུན་རྔོན་པའི་གདམས་ངག་ལས་འབྱུང་བ་རྡོ་རྗེ་ཕག་མོའི་སྒྲུབ་ཐབས་བདེ་བ་སྦྱིན་པ་ཞེས་བྱ་བ་བཞུགས།


TNT12_Page_0141
[མ་དཔེ་གཟིགས་ན་འདིར་གནོན།]

ཨོཾ་སྭཱ་སྟི། བདེ་མཆོག་དཔའ་བོའི་ལོངས་སྤྱོད་རྫོགས་གསལ་བ། ཁམས་གསུམ་རྒྱལ་མ་དམར་བའི་འོད་ཆགས་སྐུ། །གློག་ཕྲན་ལྟར་གཡོ་གཉེན་ལྕུག་འཁྲིལ་ལྡེམ་མ། །བཅུ་དྲུག་ལང་ཚོའི་དཔལ་ལྡན་ལ་ཕྱག་འཚལ། །ཤེས་རབ་ཕ་རོལ་ཕྱིན་པའི་ཟློས་གར་ནི། །འཆི་མེད་ན་ཆུང་སྒྱུ་མའི་འཇོ་སྒེག་ཅན། །མཚར་སྡུག་འོད་ཀྱི་ཕྱོགས་ཆ་རྣམས་འགེངས་མའི། སྐུར་སྟོན་རྒྱལ་བའི་ཡུམ་གཅིག་བཅོམ་ལྡན་མ། །འཆར་ཀ་གསར་བའི་འོད་རིས་འཆང་ལྡན་བདེ་བས་མྱོང་བའི་བག་ཡངས་མ། །གཞོམ་མེད་དྷུ་ཏིའི་གླུ་དབྱངས་རྣ་བའི་བཅུད་ལེན་རབ་སྦྱོར་ཆུ་སྐྱེས་དབང༌། །རབ་རྒྱས་མཆོག་ཏུ་བཞད་པའི་ཟེའུ་འབྲུའི་སོ་འཕྲེང་གསལ་མཛེས་ངོམ་པ་འདི། །བདག་ཡིད་རྐང་དྲུག་གཞོན་ནུ་ལྷན་སྐྱེས་སྦྲང་ཆང་གིས་མྱོས་རོལ་བར་མཛོད། །འདོད་པའི་སྒྱུ་རྩལ་རླབས་ཕྲེང་གཡོ་བའི་ཆུ་རླུང་དེ་ཡིས། །བདེ་ཆེན་ཡོངས་འདུ་འབྲས་བུར་སྨིན་པའི་དཔལ་ཡོན་བཟང་པོས། །བདག་སེམས་གཞོན་ནུ་རིང་དུ་དུབ་པ་ངལ་བསོའི་བསྟི་ནས། །གཉུག་མའི་ལུས་ཀྱི་བསྐྱེད་ཚལ་བརྒྱན་པར་མཛོད་ཅིག །ཀ་ཡེ། རབ་ཆགས་ལག་པའི་འཁྲི་ཤིང་ཕྱག་རྒྱར་འཁྱུད། །རབ་བདེ་མ་མཆུའི་སྦྲང་རྩི་འཇིབ་བྱེད་པ། །རྣམ་ཀུན་རྩེ་འཇོའི་རོལ་བའི་དཔའ་བོ་བཞིན། །བདག་ཀྱང་


TNT12_Page_0142
[མ་དཔེ་གཟིགས་ན་འདིར་གནོན།]

བདག་པོའི་གནས་ལ་འགོད་པར་མཛོད། །རྗེ་བཙུན་རྔོན་པའི་གདམས་ངག་ལས་འབྱུང་བ་བཞིན་བཛྲ་ཝ་རཱ་ཧཱི་སྒྲུབ་པར་འདོད་པས། ཡིད་དང་མཐུན་པའི་གནས་སུ་བདེ་བའི་སྟན་ལ་གདོང་བྱང་ངམ་ནུབ་ཏུ་ཕྱོགས་པས། དང་པོར་ཕྱོགས་སྐྱོང་རྣམས་ལ་གཏོར་མ་ཕུལ་ལ། སྐྱབས་སུ་འགྲོ་བ་དང་སེམས་བསྐྱེད་པ་སྔོན་དུ་འགྲོ་བའི་བླ་མའི་མཎྜལ་དང༌། ཡི་གེ་བརྒྱ་པའི་བསྒོམ་བཟླས་ཅི་སྲིད་མཚན་མ་མ་ཐོབ་ཀྱི་བར་དུ་བྱའོ། །བླ་མའི་མཎྜལ་གཞན་དུ་ཤེས་ལ། ཕྱོགས་སྐྱོང་གི་གཏོར་མ་ནི་འོག་ནས་འབྱུང་ངོ༌། །མི་ཤེས་སམ་མི་སྤྲོ་ན་མ་བྱས་ཀྱང་ཆད་པའི་སྐྱོན་མེད་དོ། །དེ་ནས་ཕྱིས་བསྙེན་པའི་སྐབས་སུ་ནི་སྐྱབས་སེམས་སྔོན་དུ་བཏང་སྟེ། ཨཉྩ་མཱ་ནཾ་གྱི་ཁ་དག་པ་སྔོན་དུ་འགྲོ་བས་རང་གི་སྤྱི་བོར་བླ་མ་རྡོ་རྗེ་འཆང་གི་རྣམ་པ་ཅན་ལ། སྤྲོ་ན་འདིར་ཡང་བླ་མའི་མཎྜལ་བྱེད། ཨོཾ་ཨཱཿཤྲཱི་མནྶངྒུ་རུ་ཙ་རཱ་ཎ་ཀ་མ་ལཱ་ཡ། སཾམྱཀྫྙ་ན་བྷ་ས་ན་ཀ་རཱ་ཡ་ན་མསྟེ་ཧཱུཾ། མོས་པ་དྲག་པོས་ཕྱག་བྱས་ལ། ཨོཾ་ཤཱུ་ནྱ་ཏ་ཛྙ་ན་བཛྲ་སྭ་བྷཱ་ཝ་ཨཏྨ་ཀོ྅ཧཾ། ཐོད་པའི་ནང་གི་མྱོས་བྱེད་ཤ་ལྔ་བདུད་རྩི་ལྔ་ཡེ་ཤེས་ལྔའི་རང་བཞིན་དུ་གྱུར། ཨོཾ་ཨཱཿཧཱུཾ་རྩ་སྔགས་བརྗོད་ཅིང་ཆོས་འབྱུང་བྲི་[ཨོཾབཾཨཱཿཧཱུཾ]ཨོཾ་


TNT12_Page_0143
[མ་དཔེ་གཟིགས་ན་འདིར་གནོན།]

ཨཱ་ཧཱུཾ་བཾ་ཟུར་གསུམ་དང་ལྟེ་བར་དགོད། སོར་མོ་བཅུས་མ་ད་ན་བླངས་ལ། སོར་བཅུ་བསྣོལ་བ་སྤྱི་བོ་ནས་རྐང་པའི་བར་དུ་རེག་པས་ཁྲུས་དང༌། བསྲུང་བ་བྱ་སྟེ་ཨོཾ་ཨཱཿཧཱུཾ་ཞེས་བཟླས་བརྗོད་བྱའོ། །དེ་ནས། གཡོན་གྱི་མཐེབ་མཛུབ་གུང་སྲིན་མཐེའུ་ཆུང་རྒྱབ་རྣམས་སུ་པདྨ་དང་ཉི་མའི་གདན་ལ་རིམ་པས། ཨོཾ་བཾ། ཧཾ་ཡོཾ། ཧྲཱིཾ་མོཾ། ཧྲེཾ་ཧྲིཾ། ཧཱུཾ་ཧཱུཾ། ཕཊ་ཕཊ། ལྷ་མོ་དྲུག་གི་ངོ་བོ། ཨོཾ་བཛྲ་པུཥྤེ་ཨཱ་ཧཱུཾ་གིས་རེ་རེ་བཞིན་མེ་ཏོག་ཕུལ། ཨོཾ་ཨ་ཧཱུཾ་གིས་ནང་མཆོད་ཕུལ། དེ་ཞུ་ཞིང་ཐིམ་པ་གནས་དྲུག་ཏུ་སྲུང་ཞིང་ཐིམ་པར་བསམ་མོ། །མདུན་དུ་ས་གཞི་དག་པ་ལ། བདུད་རྩིས་ཆོས་འབྱུང་སོར་གསུམ་པ་བྲིས་པའི་དབུས་སུ་བཾ་དེ་ལ་ཀ་ར་བཱི་ར་ལ་སོགས་པའི་མེ་ཏོག་དམར་པོ་མཆོད། དེའི་སྟེང་དུ་ཀ་པཱ་ལ་བདུད་རྩིས་བཀང་བ། ཨོཾ་ཨཱཿཧཱུཾ། བདུག་པས་བདུག་པར་བྱའོ། །མེ་ལོང་དག་པ་ལ་སིནྡྷུ་རའི་དཀྱིལ་འཁོར་བྱས་ལ་[ཧཱཧྲིཿབཾ]ཚད་མེད་བཞི་བསྒོམས་པར་བྱ་སྟེ། དེ་ནས་འོག་ནས་འབྱུང་བ་ལྟར་དག་པ་གསུམ་དྲན་པར་བྱའོ། །ལྟེ་བའི་ཆོས་འབྱུང་སྔགས་འཕྲེང་ས་བོན་དང་བཅས་པའི་འོད་འཕྲེང་དང་མདུན་གྱི་སྔགས་ཀྱི་འོད་ཟེར་ལྕགས་ཀྱུ་ལྟ་བུས་བཅོམ་ལྡན་འདས་མ་རྡོ་རྗེ་ཕག་མོ་རྡོ་རྗེ་རོལ་པ་མོ་ས་གསུམ་ན་བཞུགས་པ་ཐམས་ཅད་དང༌། རང་བཞིན་གྱི་གྲུབ་པ་ཐམས་ཅད་ཕཻཾ། ཛཿཧཱུཾ་བཾ་ཧོཿ དགུག་གཞུགས་བཅིང་མཉེས་བྱའོ། །ལྷ་མོ་སྔགས་ཀྱི་གཟུགས་བརྙན་སྤྲུལ་པའི་དཀྱིལ་འཁོར་སྤྲོ་བ། ཧཱུཾ་ཨཿརྡོ་རྗེ་དང་དྲིལ་བུ་བཟུང༌། སུམྦྷ་ལན་བདུན་གྱིས་སྔགས་པའི་བསང་ཆུས། ཨོཾ་ཨཱཿཁནྜ་རོ་ཧེ་སརྦ་བིགྷྣ་ནུ་སཱ་ར་ཡ་ཧཱུཾ་ཧཱུཾཾཾ་ཕཊ། ཧཱུཾ་ལས་བྱུང་བའྀ་


TNT12_Page_0144
[མ་དཔེ་གཟིགས་ན་འདིར་གནོན།]

མཆོད་རྫས་རྣམས་སུ་གྱུར། སྔགས་རྒྱས་བྱིན་གྱིས་བརླབས་ནས། ཨོཾ་བཛྲ་པུཥྤེ་ཨཱཿཧཱུཾ་ནས་ནཻ་ཝི་ཏྱའི་བར་གྱིས་མཆོད། འོག་ནས་འབྱུང་བ་ལྟར་ནང་མཆོད་བྱིན་རླབས་རྒྱས་བསྡུས་གང་རུང་བྱས་ལ། སྔགས་ཀྱི་མཐར་འབྲུ་གསུམ་བཏབ་པས་མཆོད། རྐང་བརྒྱད་ཀྱིས་བསྟོད་ཅིང༌། སྤྲོ་ན། རླུང་གིས་བསྐྱོད་པས་འོག་གི་འཁོར་ལོ་ནས་བཞེངས་གློག་གི་ཟེར་ལྟར་འོད་གསལ་ཞིང༌། །རྩིབས་ཅན་གསུམ་པོ་བསྲེགས་ནས་འཇིག་རྟེན་གསུམ་གྱིས་མཆོད་གྱུར་བདུད་རྩིའི་རྒྱུན་རབ་གསལ། །སངས་རྒྱས་ཡེ་ཤེས་བཅུད་དང་འདྲེས་ཤིང་སྐྱོན་བྲལ་ཤིན་ཏུ་ཀུན་དགའི་ཚོགས་སྟེར་བ། །དངོས་དང་དངོས་མེད་རྣམ་དབྱེ་བྲལ་བ་རྡོ་རྗེ་ཕག་མོས་འགྲོ་འདི་སྲུངས། །མུ་ཏིག་གིས་སྤྲས་བྱི་རུའི་ཆུན་པོ་ལྟར་གསལ་སྐར་བཅས་དགོང་ཁའི་ཐུན་མཚམས་འདྲ། །མེ་སྟག་རབ་འཕྲོ་འཇིགས་བྱེད་མེ་འབར་ལྟ་བུར་ཕྱོགས་དང་ནམ་མཁའ་གསལ་བྱེད་ཅིང༌། །མེ་ཏོག་དཀར་པོ་དང་ལྡན་ཀཾ་ཤུ་ཀ་ཡི་མེ་ཏོག་འབར་བའི་ཚོགས་འདྲ་བ། །གཟི་བརྗིད་དུ་མས་རྣམ་བརྒྱན་དམར་བའི་སྐུ་མངའ་རྡོ་རྗེ་ཕག་མོས་ཁྱེད་ལ་སྲུངས། །ཧེ་རུ་ཀའི་ཡིག་བརྒྱ་ལན་གསུམ་བརྗོད། དེ་ནས། དཀོན་མཆོག་གསུམ་ལ་བདག་སྐྱབས་མཆི། །ཞེས་སོགས་ཡན་ལག་བདུན་པ་བྱ། ཀ་སོགས་ཡི་གེས་སྐོར་ཏེ་སྤྲུལ་པའི་རྩིབས་ཅན་ཉི་དབང་དཀྱིལ་འཁོར་ལ་བཞུགས་ཤིང༌། །འབར་བའི་མེ་ལྟར་རབ་འབར་བདུད་རྩི་འཛག་པ་པདྨའི་སྐུད་པ་ལྟར་


TNT12_Page_0145
[མ་དཔེ་གཟིགས་ན་འདིར་གནོན།]

ཕྲ་བ། །རིག་མ་སངས་རྒྱས་ཚོགས་རྣམས་བསྲེག་ཅིང་འཁོར་ལོ་གསུམ་པོ་བྱེད་པ་གང་ཡིན་པ། །ཀུན་དགའ་དང་བཅས་རོལ་བ་གྱེན་གཤེགས་ཕག་མོ་བདག་གི་སེམས་ལ་གསལ་གྱུར་ཅིག།ཛཿཧཱུཾ་བཾ་ཧོཿ རང་གི་སྙིང་གར་སྔགས་ཀྱི་དཀྱིལ་འཁོར་ཐིམ་པར་བསམ། ལྷ་མོ་ཚད་མ་སོགས་འདོན། ཚད་མེད་བཞི་སྒོམ་པར་བྱའོ། །དེ་ནས་ཀླུའི་འདུག་སྟངས་སམ། མིན་ན་སྐྱིལ་ཀྲུང་འཆའ། བརླ་གཡས་དང་གཡོན། དཔུང་པ་གཡོན་པ་རྣམས་སུ་ཐལ་མོ་བརྡབ་པའི་སྒྲ་བྱེད་ཅིང༌། ཨོཾ་སྭ་བྷཱ་ཝ་ཤུདྡྷ་སོགས་དང༌། ཨོཾ་བཛྲ་ཤུདྡྷ་སརྦ་དྷརྨ་བཛྲ་ཤུདྡྷོ྅ཧཾ། ཨོཾ་ཡོ་ག་ཤུདྡྷ་སརྦ་དྷརྨ་ཡོ་ག་ཤུདྡྷོ྅ཧཾ། དག་པ་གསུམ་དྲན་པའོ། །དེ་ནས་སྟོང་པ་ཉིད་སྒོམ་ཞིང༌། ཨོཾ་ཤཱུ་ནྱ་ཏ་ཛྙ་ན་བཛྲ་སྭ་བྷཱ་ཝ་ཨཏྨ་ཀོ྅ཧཾ། ཨོཾ་ཨ་ནི་མི་ཏ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅ཧཾ། ཨོཾ་ཨ་པྲ་ཎི་ཧི་ཏ་ཛྙ་ན་བཛྲ་སྭ་བྷཱ་ཝཱ་ཨཏྨ་ཀོ྅ཧཾ། དེའི་ཚེ་དབུགས་ཕྱི་རོལ་ཏུ་བཀག་གོ །དེ་ནས་རྔུབ་པ་དང་མཉམ་དུ་སྒྱུ་མ་ལྟ་བུར་དྲན་པས། རང་སེམས་ཧྲིཿདེ་ལས་འོད་ཟེར་འཕྲོས། གདུག་པ་ཐམས་ཅད་ཚར་བཅད། ཨོཾ་ཧྲི་གྷ་གྷ་གྷ་ཏཱ་ཡ་གྷ་ཏཱ་ཡ་སརྦ་དུཥྟཾ་ཕཊ། ཧཱུཾ་ལས་རྡོ་རྗེ་གུར་དང་ར་བ་དང་ས་གཞི་དང་མེ་དཔུང་འབར་བའི་སྲུང་བའི་འཁོར་ལོར་གྱུར། སྲུང་འཁོར་གྱིས་དབུས་སུ་སངས་རྒྱས་ཐམས་ཅད་འདུས་པ་ལས། ལྷ་མོ་སྐུ་མདོག་དཀར་མོ་དེའི་བྷ་ག་ལས་འོད་འཕྲོས་པས་སྤྱན་དྲངས་པའི་སངས་


TNT12_Page_0146
[མ་དཔེ་གཟིགས་ན་འདིར་གནོན།]

རྒྱས་ཐམས་ཅད་གཅིག་ཏུ་འདུས་པ་རྡོ་རྗེ་སེམས་དཔའ་ཧེ་རུ་ཀས་བཅོམ་ལྡན་འདས་མ་ལ་འཁྱུད་ཅིང་རྡོ་རྗེ་བདེ་བ་ཆེན་པོའི་དམ་ཚིག་གིས་སྙོམས་པར་ཞུགས། རང་གི་རྣམ་ཤེས་རླུང་དང་བཅས་པ་བཾ་ཡིག་གི་རྣམ་པས་སྦྱོར་མཚམས་སུ་ཞུགས་ནོར་བུའི་ཐིག་ལེ་དཀར་པོ་ལ་ཐིམ། དེ་ཤེས་རབ་མའི་རྡུལ་ལ་ཐིམ་པས་ཡབ་ཡུམ་བདེ་བ་ཆེན་པོའི་ངོ་བོར་ཞུ་ནས་ཐིག་ལེར་གྱུར། དེ་ལས་བྷ་ག་ཆོས་འབྱུང་གྲུ་གསུམ་གདེངས་ག་གྱེན་དུ་བསྟན་པ། ཕྱི་རོལ་དགའ་བ་འཁྱིལ་བ་བཞི་དང་བཅས་པ་ཕྱི་རོལ་དུར་ཁྲོད་དང་སྲུང་བའི་འཁོར་ལོས་བསྐོར་བར་གྱུར། ཧཱུཾ་ཞེས་པའི་སྒྲས་ཐིག་ལེ་དེ་ཉིད་ཆ་གསུམ་དུ་གྱུར་པའི་འོག་མ་ཉི་མ། བར་མ་ཟླ་བ། སྟེང་མ་བཾ་ལས་རྡོ་རྗེ། དེ་རྣམས་འདྲེས་པ་ལས་སྐུ་ཡོངས་སུ་རྫོགས་པར་བཞེངས་ཏེ། པད་ཉིའི་གདན་ལ། རང་ཉིད་རྗེ་བཙུན་རྡོ་རྗེ་ཕག་མོ་ལི་ཁྲིའི་མདངས་ལྡན། ཐུན་མཚམས་ཀྱི་སྤྲིན་ལྟར་དམར་སེར་རྣམ་པར་འགྱུར་བའི་བཞིན། རྩ་ཞལ་ཤིན་ཏུ་མཛེས་ཤིང་ལྷག་པར་ཆགས་པས་འཛུམ་ཞིང་བཞད་པ། མཆེ་བའི་མྱུ་གུ་གཙིགས་ཤིང་ཡིད་ཙམ་ཁྲོ་བ། དམར་ཤིང་བཀྲ་ལ་རབ་ཏུ་གཡོ་བའི་སྤྱན་གཉིས་ཟུར་མིག་ཏུ་བལྟ་ཞིང༌། སྤྱན་དབུས་མ་གཡོ་བ་མེད་པར་གྱེན་དུ་གཟིགས་པ། བུང་བ་ལྟར་གནག་པའི་སྐྲ་ཚོགས་ཕྱེད་ལྟག་པར་བཅིངས། ཕྱེད་སིལ་བུར་གྲོལ་བས་སྐུ་སྟོད་ཁྱབ་པ་ལ་མེ་ཏོག་གི་


TNT12_Page_0147
[མ་དཔེ་གཟིགས་ན་འདིར་གནོན།]

ཕྲེང་བ་མཛེས་པ། སྙན་གཡས་པའི་རྒྱབ་ཏུ་ཕག་ཞལ་མཐིང་ག་ཁྲོ་ཞིང་འཁྲུག་པ། མཆེ་བ་བཟང་རིང་ཅན། གྱེན་དུ་ཕྱོགས་ཤིང་ཧཱུཾ་སྒྲ་སྒྲོག་ལ་རྣ་བ་འཕྱང་བ། ཕྱག་གཡས་དང་པོ་གྲི་གུག་ཐུར་དུ་སྡིགས་པ། གཉིས་པས་ཅང་ཏེ་སྟེང་དུ་ཁྲོལ་བ། གཡོན་དང་པོས་ཐོད་པ་ཟླ་བ་དང་མེ་ཏོག་གི་རྒྱུན་གྱིས་གང་བ་བསྣམས་ནས་གསོལ་བ། གཉིས་པ་རྩེ་གསུམ་འོག་ཏུ་བསྣུན་པ། ཞབས་གཉིས་གཡོན་བརྐྱང་གིས་སྐྱིལ་ཀྲུང་ཕྱེད་པའི་གར་སྟབས་མཛད་པ། གཅེར་མོ་བརྒྱད་གཉིས་ལོན་པ་ལྟར་ལང་ཚོ་བདོ་བ། སྐུ་ཤ་རྒྱས་ཤིང་འཇམ་ལ་མཉེན་ལྕུག་གི་ལུས་ཅན་མ། རབ་ཏུ་ཆགས་པས་པདྨ་བཞད་པའི་ཟེའུ་འབྲུ་འོད་ཕྲེང་འཁྲུག་པ། ནུ་མ་མཐོ་ཟླུམ་མཛེས་ཤིང་སྐེད་སྐབས་ཕྲ་བས་གསུམ་འཁྱོག་གི་གར་སྟབས་ཀྱི་ལྡེམ་སྐྱོག་ཅན། ཉི་མ་བཅུ་གཉིས་ལས་ལྷག་པའི་གཟི་བརྗིད་འབར་ཞིང༌། རང་ཐབས་ཁ་ཊྭཱཾ་ག་དཀར་པོ་མཆན་ཁུང་དུ་གནས་པ་ལ་འཁྱུད་པས་ཡན་ལག་དང་འདུས་པ། མཚན་ཉིད་དང་ལྡན་པའི་བུ་མོ་པདྨ་ཅན་གྱིས་རྣམ་པ། ཕྱག་རྒྱ་ལྔ་དང༌། འཛག་པའི་མགོ་བོ་བརྒྱ་ཕྱེད་ཀྱི་དོ་ཤལ་ཅན། ཀུནྡ་ལྟར་དཀར་བའི་ཐོད་སྐམ་ལྔའི་ཅོད་པན་དང༌། རུས་འཕྲེང་སིལ་སིལ་གྱིས་སྐྲ་མཚམས་རྒྱས་པར་བརྒྱན་པ། མི་རོའི་སྟེང་ན་གར་མཛད་པས། འབར་ཞིང་གཡོ་བའི་བསྐལ་བའི་མེའི་དབུས་ན་


TNT12_Page_0148
[མ་དཔེ་གཟིགས་ན་འདིར་གནོན།]

བཞུགས་པ། སྤྲུལ་པ་མཐའ་ཡས་པ་སྤྲོས་ཤིང་སྡུད་པའི་སྔགས་འཆང་མ། དེའི་ལྟེ་བར་ཨོཾ་བཾ་དམར་མོ་རྡོ་རྗེ་ཕག་མོ། སྙིང་གར་ཧཾ་ཡོཾ་སྔོན་མོ་གཤིན་རྗེ་མ། ཁར་ཧྲིཾ་མོཾ་དཀར་མོ་རྨོངས་བྱེད་མ། དཔྲལ་བར་ཧྲེཾ་ཧྲིཾ་སེར་མོ་བསྐྱོད་བྱེད་མ། སྤྱི་གཙུག་ཏུ་ཧཱུཾ་ཧཱུཾ་ལྗང་ཁུ་སྐྲག་བྱེད་མ། ཚིགས་ཐམས་ཅད་ལ་ཕཊ་ཕཊ་དུད་ཁ་ཙིཎྜ་གའི་རང་བཞིན། དེ་རྣམས་ཡོངས་སུ་གྱུར་པ་ལས་ལྷ་མོ་དྲུག་པོ་གྲི་གུག་དང་ཐོད་པ་ཁ་ཊྭཱཾ་ག་བསྣམས་པའོ། །ཨོཾ་ཝཱ་རཱ་ཧཱི་ཧཱུཾ་ཧཱུཾ་ཕཊ། ཨོཾ་ཡཱ་མཱི་ནི་ཧཱུཾ་ཧཱུཾ་ཕཊ། ཨོཾ་མོ་ཧ་ནཱི་ཧཱུཾ་ཧཱུཾ་ཕཊ། ཨོཾ་སཉྩ་ལཱི་ནཱི་ཧཱུཾ་ཧཱུཾ་ཕཊ། ཨོཾ་སནྟྲ་སཱ་ནཱི་ཧཱུཾ་ཧཱུཾ་ཕཊ། ཨོཾ་ཙཎྜི་ཀཱ་ཧཱུཾ་ཧཱུཾ་ཕཊ། དཔྲལ་བར་འཁོར་ལོ་ལ་ཨོཾ་དཀར་པོ། མགྲིན་པར་པདྨ་ལ་ཨཱཿདམར་པོ། ཐུགས་ཀར་ཉི་མ་ལ་ཧཱུཾ་སྔོན་པོ། འབར་བའི་ཕྱག་རྒྱ་དང་བཅས། ཕཻཾ། རྡོ་རྗེ་རྣལ་འབྱོར་མ་ལ་གནས་གསུམ་གྱི་མཁའ་འགྲོ་མའི་བསྐོར་བ་སྤྱན་དྲངས་མདུན་དུ་བཞུགས་པ་ལ། ཨརྒྷཾ་སོགས་དང༌། ནང་མཆོད་ཀྱིས་མཆོད། དཔལ་ལྡན་རྡོ་རྗེ་མཁའ་འགྲོ་མ་སོགས་ཀྱིས་བསྟོད། ཛཿཧཱུཾ་བཾ་ཧོཿའཁྱུད་རྒྱ་དང་བཅས། ཨོཾ་ཡོ་ག་ཤུདྡྷ་སརྦ་དྷརྨ་ཡོ་ག་ཤུདྡྷོ྅ཧཾ། དབང་གི་ལྷ་དཔལ་ཧེ་རུ་ཀས་རྡོ་རྗེ་རིན་པོ་ཆེའི་བུམ་པས་དབང་བསྐུར། ཨོཾ་བཛྲ་བྷཱ་ཝ་ཨ་བྷི་ཥིཉྩ་ཧཱུཾ། དྲི་མ་ཐམས་ཅད་དག་སྤྱི་བོར་མི་བསྐྱོད་པས་དབུ་བརྒྱན། ཨོཾ་ཨཾ་པྲཾ་ཨཾ་པཱཾ་པུཾ་དྷུཾ་ཙུཾ་ཨཾ་བཾ་གཾ་ཏཱིཾ་ནཾ་ལཾ་བྲུཾ་ཤཾ་ཨཱཿ


TNT12_Page_0149
[མ་དཔེ་གཟིགས་ན་འདིར་གནོན།]

ཧཱུཾ། ཞེས་མཆོད་པའི་གཟུངས་མ་རྣམས་ཕྱིར་ཕྱུང་ནས་མཆོད་པར་གྱུར། ཨོཾ་ཨརྒྷཾ་ཨཱཿཧཱུཾ། དེ་བཞིན། པྲོཀྵ་ནཾ། ཨཉྩ་མ་ནཾ། པཱདྱཾ། པུཥྤེ། དྷཱུ་པེ། དཱི་པེ། ཙུརྞ། ཝཱསྟཾ། གྷནྡྷཾ། ཏཱི་ལཾ། ནེ་ཝཱི་དྱཾ། ལཾ་བ་ནཾ། གྲྀ་ཧཾ། ཨུ་དྱ་ནཾ། ཨོཾ་གཱི་ཏཱི། ནིརྟི། ཤཔྟ་ཨཱཿཧཱུཾ། དེ་ནས་སྒོ་མཚམས་མ་བརྒྱད་གྲི་ཐོད་ཌཱ་མ་རུ། ཁ་ཊྭཱཾ་ག་ཐོགས་པ་ལྗང་ཁུ་རྣམས་ཀྱིས་བསྟོད་པར་བསམ་ཤིང༌། དཔལ་ལྡན་རྡོ་རྗེ་མཁའ་འགྲོ་མ། །མཁའ་འགྲོ་མ་ཡི་འཁོར་ལོར་བསྒྱུར། །ཡེ་ཤེས་ལྔ་དང་སྐུ་གསུམ་བརྙེས། །འགྲོ་བ་སྐྱོབ་ལ་ཕྱག་འཚལ་ལོ། །ཇི་སྙེད་རྡོ་རྗེ་མཁའ་འགྲོ་མ། །ཀུན་ཏུ་རྟོག་པའི་འཆིང་གཅོད་ཅིང༌། །འཇིག་རྟེན་བྱ་བ་རབ་འཇུག་མ། །དེ་སྙེད་རྣམས་ལ་ཕྱག་འཚལ་ལོ། །ཧེ་རུ་ཀ་དཔལ་དཔའ་བོ་ཆེ། །རྣམ་དག་རྡོ་རྗེ་དབང་ཕྱུག་དང༌། །རྗེས་ཆགས་ཆགས་པ་ཆེ་རྣམས་ཀྱི། །རྡོ་རྗེ་ཕག་མོ་ལ་འདུད་དོ། །རྣམ་པར་རྟོག་མེད་ཡང་དག་རྟོག །ཡིད་ནི་རབ་ཏུ་མི་གནས་པ། །ཡིད་ལ་མེད་ཅིང་བསམ་པ་མེད། །དམིགས་མེད་ཁྱོད་ལ་ཕྱག་འཚལ་ལོ། །སྟོང་ཉིད་སྙིང་རྗེ་དབྱེར་མེད་པ། ཁམས་གསུམ་པ་ཡི་ངོ་བོ་ཉིད། །བསྐལ་བའི་མེ་ལྟར་གཟི་བརྗིད་འབར། །རྡོ་རྗེ་ཕག་མོ་ལ་འདུད་དོ། །ཞེས་བསྟོད། དེ་ནས། ལྟེ་བ་དང་སྤྱི་བོ་དང༌། དེ་ནས་ཕག་གདོང་གི་དཔྲལ་བའི་བར་དུ་དྷཱུ་ཏཱི་དམར་པོ་མཚན་ཉིད་བཞི་དང་ལྡན་པ་ལྟེ་བ་ནས་ཟེ་འབྲུའི་བར་དུ་བྱ་གདོང་


TNT12_Page_0150
[མ་དཔེ་གཟིགས་ན་འདིར་གནོན།]

དཀར་ཞིང་ཕྲ་བ། ལྟེ་བའི་ནང་དུ་ཆོས་འབྱུང་གི་དབུས་སུ་ཧྲཱིཿ ཨོཾ་ཨཱཿཧཱུཾ། སྔགས་འཕྲེང་ཚན་པ་གསུམ་དུ་བཀོད་པ་དང༌། དགའ་འཁྱིལ་བཞི་དང་བཅས་པ། ཕག་གདོང་གི་སྨིན་མཚམས་སུ་ཟླ་བ་ལ་བཾ། བྱ་གདོང་གི་རྩེར་ཉི་མ་ལ་བཾ། ཡི་གེ་རྣམས་ལས་སྟེང་འོག་ཏུ་འོད་སྦུ་གུ་ལྟ་བུ་འཕྲོས། སྣ་བུག་གཡོན་དང་བྱ་གདོང་ལས་བྱུང༌། འཇིག་རྟེན་གསུམ་གྱི་བུད་མེད་རྣམས་ཀྱི་སྤྱི་བོ་དང༌། ཁ་ག་མུ་ཁ་ལས་ཁུ་རྡུལ་དང༌། སྐྱེས་བུའི་སྤྱི་བོ་དང༌། ཤཾ་ཁ་ལས་ཁུ་བ་དྲངས་ཏེ། ཉི་ཟླ་གཉིས་དང་འདྲེས། དེ་ཐམས་ཅད་སྟེང་འོག་ནས་སྔགས་ཕྲེང་ལ་ཐིམ། ཐམས་ཅད་བྱ་གདོང་གི་ཁར་བྱོན་པ་ལ་རྩེ་གཅིག་ཏུ་དམིགས་ཤིང་བདེ་བས་མྱོས་པས་འདར་གཡོ་བ་ལ་བསམ་ནས་སྔགས་བཟླ། དམིགས་པ་དེ་ཡང་ཡང་གསལ་བཏབ་ཡང་འཁོར་ལོ་གྲུ་གསུམ་གཡོན་སྐོར་དུ་བར་མེད་དུ་འཁོར་བ། འོད་ཟེར་སྤྲོ་བསྡུའི་བདག་ཉིད་དུ་མོས་ལ། ཐུར་སེལ་དྲངས་ཤིང་རྩེ་གཅིག་ཏུ་སྒོམ། སྐྱོན་སྔགས་བཟླའོ། །ཨོཾ་བཛྲ་ཝཱ་རཱ་ཧཱི་ཨ་བེ་ཤ་ཡ་ཨཱཿ སརྦ་དུཥྟཾ་ཧྲིཿསྭཱཧཱ། སྙིང་པོའོ། །ཨོཾ་ཨོཾ་ཨོཾ་སརྦ་བུདྷ་ཌཱ་ཀི་ནི་སོགས་ནི་རྩ་སྔགས་སོ། །ཨོཾ་བཛྲ་བཻ་རོ་ཙ་ནཱི་ཡེ་ཧཱུཾ་ཧཱུཾ་ཕཊ་སྭཱཧཱ། ཉེ་སྙིང་ངོ༌། །ཨོཾ་ཧྲཱིཿབཾ་ཕཻཾ་ཨཱཿཧཱུཾ། ཤིན་ཏུ་ཉེ་སྙིང་པོའོ། །ཨོཾ་བཛྲ་ཝཱ་རཱ་ཧཱི་ཛྙཱ་ན་ཨ་བེ་ཤ་ཡ་ཨཱཿཨཱཿཧྲཱི་སྭཱཧཱ། ཡེ་ཤེས་དབབ་པའི་སྔགས་སོ། །དེ་ནས་འགོག་པའི་བཟླས་པ་དང༌། རྡོ་རྗེའི་བཟླས་པ་རྣམ་པ་གཉིས་ཀ


TNT12_Page_0151
[མ་དཔེ་གཟིགས་ན་འདིར་གནོན།]

འང་སྤྲོ་ན་བྱའོ། །ཐུན་མཚམས་ལ་འཇུག་པའི་ཚེ་རབ་གནས་དང༌། འཁོར་དང་སྤྲུལ་པ་ཐམས་ཅད་སྒྱུ་མ་ལྟ་བུར་བསམ། རང་བཞིན་གྱིས་དག་པ་སྭ་བྷཱ་ཝ་སོགས་གསུམ་བརྗོད་དེ། རྗེས་གཞིག་གིས་བསྡུས་ལ། སླར་ཡང་སྐད་ཅིག་གིས་ལྷ་མོ་ལངས་ཏེ། དག་པ་རྡོ་རྗེ་གསུམ་དྲན་པར་བྱས་ཏེ་ཐུན་མཚམས་ལ་འཇུག་གོ །མདོར་བསྡུ་ན་གཞུང་གི་དངོས་བསྟན་གྱི་ཆོག་གོ་ཅེས་ཁོ་བོས་སྨྲའོ། །ཐུན་མཚམས་སུ་གཏོར་མ་འབུལ་བར་འདོད་ན། ཟན་དང་ཆང་དང་བྱི་སྐྱུ་སོགས་ལས་གཏོར་མ་བྱ། སུམ་བྷཱས་བསངས། སྭ་བྷཱ་ཝཱས་སྦྱངས། སྟོང་པའི་ངང་ལས་ཡཾ་ལས་རླུང༌། རཾ་ལས་མེ། ཨོཾ་ཨཱཿཧཱུཾ་ལས་མི་མགོའི་སྒྱེད་བུ་གསུམ། ཨ་ལས་ཀ་པཱ་ལ། དེའི་ནང་དུ། ཧཱུཾ་བྲུཾ་ཨཾ་ཛྲིཾ་ཁཾ་ལས་ཤ་ལྔ། བཾ་མཾ་ལཾ་པཾ་ཏཾ་ལས་བདུད་རྩི་ལྔ། རླུང་གཡོས་མེ་སྦར་རྫས་བཅུ་ཞུ་བ་ཉི་མའི་ཁ་དོག་ཅན། ནམ་མཁར་ཁ་ཊྭཱཾ་ག་མགོ་བོ་ཐུར་དུ་སྟན་པ་ལས་བདུད་རྩིའི་རྒྱུན་བབས། དེ་ཞུ་ནས་རྫས་ལ་ཐིམ། ཨོཾ་ཨ་ཨཱཿཨི་ཨཱི་ནས། ཧཀྵ་ཧཱུཾ་ཧཱུཾ་ཕཊ་རྣམས་ཞུ་བ་ཨོཾ་ཨཱཿཧཱུཾ་དུ་གྱུར། དེའི་འོད་ཀྱིས་དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་སེམས་བདུད་རྩིར་སྤྱན་དྲངས་ཏེ། ཡི་གེ་འབྲུ་གསུམ་དང་བཅས་པ་ལ་ཐིམ། དེ་ཡང་གཏོར་མ་ལ་ཐིམ་པས་ཡེ་ཤེས་ཀྱི་བདུད་རྩིའི་རྒྱ་མཚོ་ཟད་མི་ཤེས་པར་གྱུར། ཨོཾ་ཨཱཿཧཱུཾ་ཧ་ཧོ་ཧྲཱིཿ མདུན་བསྐྱེད་མེད་ན་སྐབས་འདིར། ཕཻཾ་ནས། ཡོ་ག་ཤུདྡྷ་སོགས་ཀྱི་བར་གོང་བཞིན། ལྗགས་ཧཱུཾ་ལས་རྡོ་རྗེ་རྩེ་གཅིག་པའི་འོད་ཀྱི་སྦུ་གུས་དྲངས་ཏེ་གསོལ་བར་བསམ། པདྨའི་སྐོར་བས། ཕཻཾ། ཨོཾ་བཛྲ་ཨ་རལླི་


TNT12_Page_0152
[མ་དཔེ་གཟིགས་ན་འདིར་གནོན།]

ཧོ་ཛཿཧཱུཾ་བཾ་ཧོཿ ས་མ་ཡ་སྟྭཾ་དྲི་ཤྱ་ཧོ་ཞེས་ལན་བདུན་ཀྱིས་དབུལ། ཨརྒྷཾ་སོགས་དང༌། ནང་མཆོད་དང༌། བསྟོད་པ་དང༌། རྣལ་འབྱོར་མ་དཔལ་འཁོར་བཅས་རྣམས། །མཆོད་སྦྱིན་གཏོར་མ་ཞེས་སོགས་བརྗོད། སྲིད་དང་ཞི་བ་མཉམ་པར་སོགས་བྱ། དེ་ནས། ཕཻཾ། ཨོཾ་ཁ་ཁ་ཁཱ་ཧི་ཁཱ་ཧི་སརྦ་ཡཀྵ་རཀྵས་སོགས་དང༌། ཨརྒྷཾ་སོགས་དང༌། ནང་མཆོད་དང༌། ལྷ་ཡི་ཚོགས་རྣམས་སོགས་སྤྱི་དང་མཐུན་པར་བྱ་སྟེ་འཇིག་རྟེན་པ་ལ་འབུལ་བའོ། །དེ་ནས་ལས་ཀྱི་མཁའ་འགྲོ་མ་རྗེ་བཙུན་མ་དང་འཇིག་རྟེན་པ་ཕཻཾ། ཨོཾ་བཛྲ་ཌཱ་ཀི་ནཱི་ཨེ་མཾ་བཱ་ལིཾ་གྲྀཧྣ་གྲྀཧྣ་ཧ་ཧ་ཧ་ཧ་ཁ་ཁ་ཁ་ཁ། ཨ་ཨ་ཨ་ཨ་མ་མ་སིདྡྷི་མེ་པྲ་ཡཙྪ་ཧཱུཾ་ཕཊ་སྭཱཧཱ་ཞེས་རྗེ་བཙུན་མ་དང༌། ཨོཾ་ཧྲིཿཧཾ་ཧཱཾ་ཧཿཧཱཿཧིཿཧཱིཿཕཻཾ་ཕཻཾ། ཞེས་འཇིག་རྟེན་པ་ལ་འབུལ་ལོ། །དེ་ནས་ཡང་མཆོད་བསྟོད་དངོས་གྲུབ་བླངས་ཡི་གེ་བརྒྱ་པ་བརྗོད། གཤེགས་སུ་གསོལ་བ་སྟེ། དེ་ཡང་གཙྪ་གཙྪ་སྭ་སྠཱ་ནཾ། ཞེས་འཇིག་རྟེན་པ་རྣམས་གཤེགས་སུ་གསོལ། ཨོཾ་ཡོ་ག་ཤུདྡྷ་སོགས་ཀྱི་ཡེ་ཤེས་པ་རང་ལ་བསྡུའོ། །གཏོར་མའི་ཆོ་གའོ། །ཡང་ཕྱི་རོལ་མཆོད་པ་བསྡུས་པ་ནི། ཕཻཾ་གྱིས་སྤྱན་དྲངས་ནས། ཡོ་ག་ཤུདྡྷའི་བར་བྱ། ཨོཾ་ཨཱཿཧཱུཾ་ཞེས་མཆོད་པ་རྣམས་ཡིད་ཀྱི་བྱིན་གྱིས་བརླབས། ཨོཾ་ཌི་ཡ་པུ་ལི་རཱ་མ་གི་རི་ཀ་མཾ་ཁྱཾ་ཤྲཱི་ཧཱཊྚ་དྷརྨ་སཾ་བྷོ་ག་ནིརྨ་ཎ་མཧཱ་སུ་ཁ་ཀཱ་ཡ་ཞེས་བསྟོད། ཨོཾ་བཛྲ་ཡོ་གི་ནི་པུཥྤེ་དྷུ་པཾ་དཱི་པཾ་གནྡྷཾ་བཱ་ལིཾ་གྲྀཧྣ་གྲྀཧྣ་མ་མ་རཀྵ་རཀྵ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་སྭཱཧཱ། ཞེས་མཆོད་གཏོར་ཆབས་གཅིག་ཏུ་འབུལ། རྗེས་གཏོར་ཆོག་ལྟར་བྱའོ། །འདི་ནི་


TNT12_Page_0153
[མ་དཔེ་གཟིགས་ན་འདིར་གནོན།]

ཡིད་ཀྱི་བསམ་པ་ཁོ་ན་ཡིན་གྱི་རྫས་དང་ཡོ་བྱད་མེད་ཀྱང་ཆོག་གོ །བྱ་རོག་གི་གཏོར་མའི་སྔགས་ནི། ཨོཾ་ཀླཾ་ཀླཾ་ཀླཾ་དྷརྨ་ཏཱ། ཨཱ་ཀཱ་ཤ་ཙཱ་རི་ཎཿསིདྡྷི་དཱ་ཡི་ནཿ ཀཾ་བཱཾ་ཡཾ་ཤཾ་པ་ལ་སིདྡྷི་ཀཱ་ག་སནྟཱ་ན། པྲ་སཱུ་ཏྲཱ། ཀཱ་ཀ་བ་ལིཾ། གྲྀཧྣ་ཏུ་ཀླཾ་ཀླཾ་ཀླཾ་སྭཱཧཱ། ཆུ་གནས་ཀྱི་སེམས་ཅན་ལ་ནི། ཨོཾ་ཤླཾ་ཤླཾ་ཤླཾ་ཨ་པྲ་ཏིཥྛ་ཙཱ་ལ་ཙ་རི་ཎཿཤྱ་མ་ཤ་མ་ལ་སིདྡྷི་ཤུ་ན་ཀ །སཾ་ཏ་ན་ཛཱ་ཤུ་ན་ཀཱ་བཱ་ལིཾ་གྲྀཧྣནྟུ་ཀླཾ་ཀླཾ་ཀླཾ་སྭཱཧཱ། ཁྱི་ལ་སོགས་པ་ས་ལ་རྒྱུ་བ་སྤྱི་ལ། ཨོཾ་བྷྲིམ་བྷྲིམ་བྷྲིམ་ཤུ་ནྱ་ཏཱ། ད་ཤཱ་ཤཱ་ཙཱ་རི་ཎཿནི་སཾ་བ་ལཱ། སིདྡྷ་བྷཱུ་ཏ་གོ་ཏ་ཛཱུ་ནི། བྷཱུ་ཏ་ནི་བཱ་ལིཾ་གྲྀཧྣ་ཏུ་གྲྀཧྣ་ཏུ་བྷྲིཾ་བྷྲིཾ་བྷྲིཾ་སྭཱཧཱ། ལྕེ་སྤྱང་གི་གཏོར་མ་ལ། ཨོཾ་ཧྲོཾ་ཧྲོཾ་ཧྲོཾ་ཕཊེ་ཀླ་ར་ཀླ་རཱི་ཎ་ཀུ་ལ་པྲ་སཱུ་ཏ་སི་པ། ཧི་ལི་ཧི་ལི་བ་ལིཾ་གྲྀཧྣ་ཏུ། སརྦ་སིདྡྷི་མ྄། ད་དནྟུ་ད་དནྟུ་ཧྲོཾ་ཧྲོཾ་ཧྲོཾ་སྭཱཧཱ། དེ་ཡང་ཚེས་བཅུ་ལ་སོགས་པ་ལ་ཐོག་མར་རྡོ་རྗེ་མཁའ་འགྲོ་མ་གཏོར་མ་དང་བནྦྷུ་སོགས་མེ་ཏོག་དམར་པོས་མཆོད། དེ་ནས་བྱ་རོག་ལ་སོགས་དེ་དག་ཡིད་ཀྱིས་བསངས་སྦྱངས། ས་བོན་ལས་ལྷར་བསྐྱེད། ཕཻཾ། གྱི་ཡེ་ཤེས་པ་གཞུག་དབང་བསྐུར་རྒྱས་བཏབ་ཡིད་ཀྱིས་མདོར་བསྡུས་སུ་བྱས་ལ། ལག་གཡས་ནམ་མཁར་རྡོ་རྗེ་སྡིག་འཛུབ་བྱ། གཏོར་མ། ཏིལ་དང༌། ནས་དང༌། ཤ་ཆེན་དང་མར་སྲེས་པ། ཡིད་ཀྱིས་བྱིན་གྱིས་བརླབས་ནས་སྔགས་བརྗོད་ཅིང༌། ལག་གཡོན་པས་སྦྱིན། ལྟས་བརྟག།ཡིག་བརྒྱ་བརྗོད་དེ་བཟོད་པར་གསོལ། གཤེགས་སུ་གསོལ་ཏེ་བཀྲ་ཤིས་བྱའོ། །བསྙེན་པའི་སྐབས་ཅི་རིགས་དང༌། ཚེས་བཅུའི་མཆོད་པ་རྒྱས་བསྡུས་གང་བྱེད་རུང༌། སྐུ་གཟུགས་ཀྱི་དྲུང་དུ་ཤ་ཆེན་གྱི་སྤོས་འབུལ་བའི་སྔགས་ནི། ཨོཾ་ཨཱཿཧྲིཾ་ཧཱུཾ་ཧཱུཾ་ཧཿཧཿཉེར་གཅིག་བརྗོད་


TNT12_Page_0154
[མ་དཔེ་གཟིགས་ན་འདིར་གནོན།]

དོ། །དེ་ལྟར་ན་གཏོར་མའི་ཆོ་གའོ། །གཞོན་ནུ་མའི་མཆོད་པ་ནི། བུ་མོ་གཞོན་ནུ་མ་སྐྱེ་གནས་མ་ཉམས་པ་སུམ་ཅུ་རྩ་བདུན་ནམ། བཅུ་གསུམ་མམ། དྲུག་གམ། ལྔའམ། གཅིག་ཀྱང་རུང༌། ཡན་ལག་མ་ཉམས་པ། རབ་སྔགས་ཀྱི་སྤྱོད་པ་ཅན། འབྲིང་དབང་བསྐུར་བ། ཐ་མ་དབང་མ་ཐོབ་པས་ཀྱང་རུང༌། དམ་ཚིག་ཉམས་པའི་ནི་ཡེ་ནས་མི་བཏུབ་པའི་དེ་ལ་བརྟག་དགོས། གལ་ཏེ་སྐྱེ་གནས་མ་ཉམས་པ་མ་བརྙེས་ན། བུ་མ་བཙས་པ་བཟུང་ངོ༌། །གལ་ཏེ་དེ་ཡི་མ་བཏུབ་ན། ཁྱེའུ་འམ། རིགས་སོ་དྲུག་གི་བུ་མོའི་གཟུགས་བརྙན་གྱིས་ཀྱང་ཆོག་ཙམ་ཡིན་གསུང༌། གང་ལྟར་ཉི་མ་དང་པོ་ལ་ཕྱི་རོལ་མཆོད་པ་རྒྱས་པར་བྱ། གཞོན་ནུ་མ་རྣམས་ལ་སྙན་མནན། ནངས་པར་ཕྱི་རོལ་མཆོད་པ་རྒྱས་བསྡུས་གང་རུང་བྱ། གཞོན་ནུ་མ་རྣམས་དབང་ཐོབ་ན་དཀྱིལ་འཁོར་ཁང་པར་འཇུག །མ་ཐོབ་ན་ཕྱི་རོལ་ལམ་ཡོལ་བས་བཅད། དེ་ཡང་རང་གི་གཉིས་ཀ་མཐོང་བར་བྱེད། ཆོ་ག་ནི་སྔོན་འགྲོ་གཏོར་མ་དང༌། གནས་དང་མཆོད་པ་བྱིན་དབབ། བུ་མོ་རྣམས་བསངས་སྦྱངས་ནས། བསྐྱེད་ཆོག་མདུན་བསྐྱེད་ཇི་ལྟ་བར་བྱེད། སོ་བདུན་ཡོད་ན་ལྷ་སོ་བདུན་དུ་བསྐྱེད། དེ་བཞིན་དུ་གྲངས་བཞིན་དུ་བཅུ་གསུམ་མ་དང༌། གོ་ཆ་དྲུག་གིས་བསྐོར་བའི་བདུན་མ་དང༌། སྙིང་པོའི་རྣལ་འབྱོར་མ་བཞི་ཡིས་བསྐོར་བའི་སྔ་མ་དང༌། གཙོ་མོ་རྐྱང་བ་བསྐྱེད། གཏོར་མའི་བར་མདུན་བསྐྱེད་དང་འདྲ། ཚོགས་མཆོད་བཞིན་བྱིན་གྱིས་བརླབས་ནས། བཟའ་བཅས་སྣ་ཚོགས་སྦྱིན། བར་ཆད་སྲུང་བའི་སྔགས་བཟླས་ཤིང༌། ལྟས་བརྟག །ལྷག་གཏོར་བཏང༌། བཀྲ་ཤིས་བརྗོད་པའི་བར་རྗེས་ཆོག་ཀྱང་འདྲ་བ་ལས་མཆོད་པའི་སྐབས།


TNT12_Page_0155
[མ་དཔེ་གཟིགས་ན་འདིར་གནོན།]

སོ་རྩི་དང༌། མེ་ཏོག་གི་ཕྲེང་བ་དང༌། བཏུང་བའི་ཁྱད་པར་སྦྱིན་པར་བྱ་གསུང་ངོ༌། །དེ་ནས་སྦྱིན་སྲེག་སྔགས་ཀྱི་བཅུ་ཆ་ལས་མི་ཉུང་བས་ལྷ་མཉེས་པར་བྱ་སྟེ། དེའི་ཆོ་ག་ནི་གཞན་ཏུ་ཤེས་པར་བྱའོ། །དེ་ནས་སྒྲུབ་པ་ནི་དཀྱིལ་འཁོར་རྫོགས་པའམ། མེ་ལོང་གི་དཀྱིལ་འཁོར་འོག་ནས་འབྱུང་བ་ལྟར་བྱས་ནས། བདག་མདུན་ཆབས་གཅིག་ཏུ་བྱས་ནས་སྒྲུབ་པ། ཟླ་བ་ཕྱེད་དམ། ཟླ་བ་གཅིག་གམ། ཟླ་བ་དྲུག་ཏུ་བྱའོ། །དེ་ནས་ཡང་ཡང་བསྐུལ་ཚིག་གི་སྔགས་དང༌། སྦྱོར་བ་དྲག་པོས་བསྒྲུབས་པས་གྲུབ་པར་འགྱུར་སྟེ། དེ་ནས་ནི་ལས་དང་དངོས་གྲུབ་ཐོགས་མེད་དུ་འགྲུབ་གསུང༌། དེ་ནས་ཕྱི་རོལ་མཆོད་པ་ནི་འགྲུབ་ན་རྡུལ་ཚོན་གྱི་དཀྱིལ་འཁོར་ནི། ཇི་ལྟར་འཁོར་ལོ་སྡོམ་པའི་ཆོ་ག་བཞིན་ཏེ། འདིར་སྟ་གོན་ནི་མི་བྱེད། གཞན་ས་ཆོག་ནས་བཟུང་རྫོགས་པར་བྱ་གསུང༌། དེ་ཙམ་མ་གྲུབ་ན། གཞལ་མེད་ཁང་རྫོགས་པ་མཐའ་མ་ཉི་མ་ཙམ་བྲི། དབུས་སུ་ཉི་མ་ལ་ཆོས་འབྱུང་བྱ་སྟེ། དེ་ཡང་མ་གྲུབ་ན་བསྡུས་པ་ཆུ་ཚོན་གྱིས་བྲི་བར་བྱ་སྟེ། ད་ལྟར་འདི་ལ་ཕྱག་བཞེས་གཙོ་བོར་མཛད་དོ། །དཀྱིལ་འཁོར་དཀར་པོ་གྲུ་བཞི་པའི་དབུས་སུ་ལྗང་ཁུ། ཟླུམ་པོ་དེའི་དབུས་སུ་ཆོས་འབྱུང་དམར་པོ། ཕྱི་རོལ་ཏུ་དགའ་འཁྱིལ་བཞི། དབུས་སུ་བཾ་ཕྱོགས་བཞིར་ལས་བཞིའི་མཎྜལ། ཡང་མཎྜལ་ལྗང་ཁུ་གཉིས། བུམ་པ་སྒྲུབ་ན་མཎྜལ་ལྗང་ཁུ་དང༌། དབུས་སུ་དཀར་པོ། དེར་མེ་ཏོག་སྣ་ཚོགས་བགྲམ་སྟེ་ལག་ལེན་བཞིན་བྱའོ། །དབུས་སུ་སྒྱེད་བུ་གསུམ་གྱི་སྟེང་དུའམ། མཉྫི་ལ་ཀ་པཱ་ལ་ཆང་དང་བདུད་རྩིས་བཀང་བ་བཞག།དེ་ནས་མེ་ལོང་དག་པ་ལ། གཞོན་ནུ་མའི་མཚལ་གྱི་སྤགས་པའི་རས་དམར་པོ་ལ་སིནྡྷུ་ར་རྩགས་ཏེ་དགྲམ། གསེར་གྱི་སྨྱུག་གུ་མཐེབ་སྲིན་གྱིས་བཟུང་ནས་ལག་ལེན་བཞིན་འདྲི།


TNT12_Page_0156
[མ་དཔེ་གཟིགས་ན་འདིར་གནོན།]

དེ་ནས་སྔོན་འགྲོའི་གཏོར་མ་འབུལ་དེ། སུཾ་བྷས་བསངས། སྭབྷ་ཝས་སྦྱངས། ཨོཾ་ཨཱཿཧཱུཾ་ཧ་ཧོ་ཧྲིཿ ཨོཾ་ད་ཤ་དིཀ་ལོ་ཀ་པཱ་ལ་ཨཱ་ཀརྵ་ཡ་ཛཿ པདྨ་ཀ་མ་ལ་ཡ་སྟཾ། ཨོཾ་ཨིནྡྲ་ཡ། ཨགྣཱ་ཡེ་སོགས་ཀྱི་མཐར་པྲ་བ་ར་སངྐ་རཾ་བཛྲ་ཨརྒྷཾ་པྲ་ཏཱིཙྪ་སྭཱཧཱ། པཱ་དྱཾ། ཨཉྩ་མ་ནཾ། པྲོཀྵ་ནཾ། པུཥྤེ་སོགས་ཀྱིས་མཆོད། ཨ་ཀཱ་རོ་ལན་གསུམ་གྱིས་སམ་བདུན་གྱིས་ཕུལ། ཤར་ཕྱོགས་རྡོ་རྗེ་གདན་གྱི་ལྷ་ཚོགས་སོགས་ཀྱིས་གསོལ་བ་བཏབ་པའམ། གང་དག་འདིར་གནས་ལྷ་དང་ཀླུ། །གནོད་སྦྱིན་སྲིན་པོ་ལ་སོགས་ལ། །གསང་སྤྱོད་དོན་དུ་གཏོར་མ་འདི། །འབུལ་གྱི་ཡང་དག་བཞེས་སུ་གསོལ། །སུཾ་བྷས་བགེགས་སྐྲད། དེ་ནས་གནས་དང་ཡོ་བྱད་བྱིན་གྱིས་བརླབས། བདག་བསྐྱེད་རྫོགས་པར་སྒོམ། མདུན་བསྐྱེད་དཀྱིལ་འཁོར་བསངས་སྦྱངས། སྟོང་པའི་ངང་ལས། ཡཾ་རཾ་བཾ་ལཾ་སུཾ་རོ་གཅིག་ཏུ་འདྲེས་པ་ལ་པདྨ་དང་ཉི་མ། ཆོས་འབྱུང་དང་བཅས་པ། དེའི་ནམ་མཁའ་ལ་ཡཾ་ལས་རླུང༌། རཾ་ལས་མེ། དེའི་སྟེང་དུ་ཨོཾ་ཨཱཿཧཱུཾ་ལས་མི་མགོའི་སྒྱེད་བུ་གསུམ་དེ་ལ་གནས་པའི། ཨ་ལས་ཀ་པཱ་ལ་དུམ་བུ་གཅིག་པ། ནང་དུ་ཧཱུཾ་བྷྲུཾ་ནས་ཧ་ཧོ་ཧྲིཿ ཡི་བར་གཏོར་ཆོག་ལྟར་རོ། །དེའི་སྟེང་དུ་ཧཱུཾ་ལས་སྣ་ཚོགས་རྡོ་རྗེ་ཧཱུཾ་གིས་མཚན་པ་ལས་འོད་འཕྲོས། གདུག་པ་ཐམས་ཅད་ཚར་བཅད། ཞེས་པ་ནས། སྲུང་འཁོར་གྱི་དབུས་སུ་ཞེས་པའི་བར་མངོན་རྟོགས་ལྟར་རོ། །ཨོཾ་པི་ཋོ་པ་པི་ཋཱ་ཡ་སྭཱ་ཧཱ། ཨོཾ་ཀྵེ་ཏྲོ་པ་


TNT12_Page_0157
[མ་དཔེ་གཟིགས་ན་འདིར་གནོན།]

ཀྵེ་ཏྲཱ་ཡ་སྭཱ་ཧཱ། ཨོཾ་ཚནྡོ་པ་ཚནྡཱ་ཡ་སྭཱ་ཧཱ། ཨོཾ་མེ་ལ་པ་ཀོ་པ་མེ་ལ་ཀཱ་ཡ་སྭཱ་ཧཱ། ཨོཾ་ཤྨ་ཤ་ནེ་པ་ཤྨ་ཤ་ནཱ་ཡ་སྭཱ་ཧཱ། ཨོཾ་པི་ལ་པོ་པ་པི་ལ་པཱ་ཡ་སྭཱ་ཧཱ། པུ་ཛ་ཨོ་ཨ་གོ་ར་དེ་མ་ཀ་ཨོ་ཏྲི་ཀོ་ཀ་ལ་ཀ་ཧི། པྲེ་གྲོ་སཽ་སུ་ན་སི་མ་ཀུ། ཧཱུཏ྄་བརྒྱད་བརྗོད་དེ་གནས་བྱིན་གྱིས་བརླབས། ཉི་མའི་སྟེང་དུ། ཨེ་ལས་ཆོས་ཀྱི་འབྱུང་གནས་གྲུ་གསུམ་ཕྱི་དཀར་ལ་ནང་དམར་པ་གདེངས་ཀ་གྱེན་དུ་བསྟན་པ། ཕྱི་རོལ་དགའ་བ་འཁྱིལ་བ་བཞི་དང་བཅས་པ། དུར་ཁྲོད་ཆེན་པོ་བརྒྱད་ཀྱིས་བསྐོར་བ། ཆོས་འབྱུང་དབུས་སུ་པད་ཉི་ལ། བཾ་ལས་འོད་འཕྲོས་འདུས་ཡོངས་སུ་གྱུར་པ་ལས། རྗེ་བཙུན་རྡོ་རྗེ་ཕག་མོ་ནས། དབུ་བརྒྱན་གྱི་བར་གོང་ལྟར་རོ། །རྩ་སྔགས་བརྗོད་པས། གཙོ་མོ་དང་འདྲ་བའི་རྡོ་རྗེ་སངས་རྒྱས་མཁའ་འགྲོ་མ་དང༌། རབ་སྔགས་མ་དང༌། རྡོ་རྗེ་རྣམ་སྣང་མ་དཔག་ཏུ་མེད་པར་གྱུར། ཨོཾ་མཾ་ཏཾ་བཾ་ལཾ་ཨ་ཨཱ། ཨི་ཨཱི། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ། ཨཾ་ཧཱུཾ་ཕཊ་སྭཱ་ཧཱ། །ཡུམ་བཞི་དང་རྣལ་འབྱོར་མ་དཔག་ཏུ་མེད་པ་སྤྲོ་བའི་བདག་ཉིད་དུ་བསམ། འབར་བའི་ཕྱག་རྒྱ་དང་ཕཻཾ་ཞེས་པས་ལས་ཀྱི་མཁའ་འགྲོ་དང༌། སྐྱེ་གནས་གསུམ་གྱི་བདག་ཉིད་འཇིག་རྟེན་དང་འཇིག་རྟེན་ལས་འདས་པ་ཐམས་ཅད་སྤྱན་དྲངས། ཨོཾ་སརྦ་ཏྲ་བྱཾ་བི་ཤོདྷ་ནི་ཧཱུཾ་ཕཊ་ཅེས་པའམ། མཆོད་པ་བསངས་སྦྱངས་བྱིན་རླབས་སྤྱི་དང་མཐུན་པས་ཀྱང་བྱ། དེ་ནས་


TNT12_Page_0158
[མ་དཔེ་གཟིགས་ན་འདིར་གནོན།]

མཆོད་པ་ནི། ཐོག་མར་མེ་ཏོག་འབུལ་ཏེ། སྔགས་རེ་རེའི་མཐར་ཨོཾ་བཛྲ་པུཥྤེ་སོགས་སྦྱར་བ་སྟེ། ཨོཾ་སརྦ་བུདྡྷ་ཌ་ཀི་ནཱི་ཡེ་བཛྲ་པུཥྤེ་ཨཱཿཧཱུཾ་ཕཊ་སྭཱཧཱ། བཛྲ་བརྞ་ནཱི་ཡེ༴ །བཛྲ་བཻ་རོ་ཙ་ནཱི་ཡེ༴ །ཌཱ་ཀི་ནཱི། ལཱ་མེ། ཁནྚ་རོ་ཧེ། རཱུ་པཱི་ནཱི། ཨ་ཨཱ་ནས། ཨཾ༴ །ཨོཾ་བཾ་ཝཱ་ར་ཧཱི། ཧཾ་ཡོཾ་ཡ་མི་ནཱ། ཧྲིཾ་མོཾ་ཧ་ནཱི། ཧྲེཾ་ཧྲིཾ་པཉྩ་ནཱི། ཧཱུཾ་ཧཱུཾ་སནྟྲ་ས་ནཱི༴ །ཕཊ་ཕཊ་ཙཎྜི་ཀཱི༴ ནནྡ་བུརྡྷ་ཡ༴ །དེའི་རྗེས་སུ་ཆུ་བཞི་དང༌། ཉེར་སྤྱོད་ལྔ་དང༌། ཡང་དག་དགའ་བའི་མེ་ཏོག་གི །སོགས་དང༌། རིན་ཆེན་བདུན་དང༌། ལྷ་མོ་བཅུ་དྲུག་དང༌། ནང་མཆོད་དང༌། གསང་མཆོད། རྐང་བརྒྱད་དང༌། ཨོཾ་ཌི་ཡ་སོགས་དང༌། དཔལ་ལྡན་རྡོ་རྗེ་མཁའ་འགྲོ་མ། །སོགས་དང༌། སྐྱེ་བ་དང་ནི་འཇིག་པ་དང་བྲལ་མཆོག་གི་ལུས་ཅན་མ། །དམར་བའི་འོད་ཆགས་རྣམ་པར་རྒྱལ་མ་ཁམས་གསུམ་གཟུགས་ཅན་མ། །ཡོན་ཏན་ཚོགས་ཀྱི་བརྒྱན་པའི་སྐུ་མངའ་རྡོ་རྗེ་ཡན་ལག་མ། །སངས་རྒྱས་ཀུན་གྱི་སྐྱེད་མཛད་མ་ལ་རྟག་ཏུ་མངོན་པར་ཕྱག་བགྱིའོ། །གང་དང་གང་ཞིག་གཤིན་རྗེ་མ་དང་དེ་ནས་བཅོམ་ལྡན་རྨོངས་བྱེད་དུས་ཀུན་སྐྱོང་བྱེད་མ། །གཞན་པ་སྐྲག་བྱེད་མ་དང་གང་ཡང་དྲི་མེད་རྣལ་འབྱོར་མ་ཡི་དབང་ཕྱུག་གཏུམ་བྱེད་མ། འཁོར་ལོ་ལ་གནས་ཞལ་གཅིག་ཕྱག་བཞི་སྔོ་དང་དཀར་མོ་དང་ནི་གསེར་གྱི་མདོག་ཅན་མ། །ལྗང་དང་དུ་བ་དང་མཚུངས་གར་བྱེད་དེ་རྣམས་ཞབས་ལ་རང་གི་


TNT12_Page_0159
[མ་དཔེ་གཟིགས་ན་འདིར་གནོན།]

མགོ་བོས་ཕྱག་བགྱིའོ། །དེ་ནས་རྣལ་འབྱོར་མའི་རྩ་སྔགས་ཆེན་པོ་ཡང་སྤྲོ་ན་བསྟོད་བསྐུལ་དུ་བྱ་གསུངས་དེའི་རྗེས་སུ་གཏོར་མ་ཕུལ་ལ། ཨོཾ་སརྦ་བྷཀྵ་ཀཱ་མོ་ནཱི་སརྦ་བྷཀྵ་ཤོདྷ་ནཱི་གུ་ཧྱ་བཛྲ་ཎཱི་ཀྲོ་དྷེ་ཤྭ་རཱི་སརྦ་དྲ་བྱི་བྱ་བི་ནི་ཤོ་དྷ་ཡ་ཤོ་དྷ་ཡ་ཧཱུཾ། བཟླས་བརྗོད་ཡུན་རིང་དུ་བྱས་ལ། ཚོགས་ལ་ལོངས་སྤྱོད་དེ་དེའི་ཆོ་ག་གཞན་དུ་རྟོགས་པར་བྱའོ། །དེ་ནས་མཆོད་བསྟོད་བྱ། དངོས་གྲུབ་དང་འདོད་པའི་དོན་ལ་གསོལ་བ་གདབ་པ་དང༌། ཡི་གེ་བརྒྱ་པ་མང་དུ་བརྗོད་ནས། སྔགས་དམན་པ་དང་ཆོ་ག་དམན། །བྱ་བ་དམན་པར་གང་གྱུར་པ། །རབ་དང་མཆོག་གི་དངོས་གྲུབ་གཙོ། །ལྷ་མོ་དེ་དག་བཟོད་མཛད་རིགས། །སྲིད་དང་ཞི་བ་སོགས་དང༌། མཉམས་པ་ཆགས་པ་དང་ནི་ཆགས་པ་བཅོམ། ཁྱོད་ཀྱིས་དངོས་ཀུན་རང་བཞིན་ནམ་མཁའ་དང་ནི་འདྲར་གཟུགས་ཀྱང༌། །མགོན་པོ་ཤིན་ཏུ་ལྕི་བའི་ཐུགས་རྗེའི་ཆུ་རྒྱས་སེམས་ལ་ནི། །མཛོད་ཅིང་ལྷ་མོ་རྣམས་ཀྱི་བདག་ལ་རྗེས་བརྩེར་མཛད་དུ་གསོལ། །བདག་ལ་འཕྲིན་ལས་དང་དངོས་གྲུབ་ཐམས་ཅད་གེགས་མེད་པར་སྩལ་བ་དང༌། །མྱུར་དུ་དཔལ་ཧེ་རུ་ཀ་ཉིད་ཀྱི་གོ་འཕང་ཐོབ་པར་མཛད་དུ་གསོལ། ཚུལ་ཁྲིམས་ཙ་དན་གྱི་ལུས་བྱུགས། །བསམ་གཏན་གྱིས་ནི་གོས་དག་གྱོན། །བྱང་ཆུབ་ཡན་ལག་མེ་ཏོག་བཀྲམ། །ཇི་ལྟར་བདེ་བར་བཞུགས་སུ་གསོལ། །ལྷ་མོ་ཚད་མ་སོགས། ཛཿཧཱུཾ་བཾ་ཧོཿ དཀྱིལ་འཁོར་གྱི་འཁོར་ལོ་རང་ལ་ཐིམ། འཇིག་རྟེན་པ་རྣམས་ལ། ཁྱོད་ཀྱིས་སེམས་ཅན་སོགས་དང༌།


TNT12_Page_0160
[མ་དཔེ་གཟིགས་ན་འདིར་གནོན།]

ཨོཾ་གཙྪ་གཙྪ་སྭ་བྷཱ་བཱ་ནཾ་ཀྲྀ་ཏནྟེ་ན་ཏ་ཐཱ་གཙྪ་སརྦ་བུདྡྷ་ཤྩ་བི་སརྫ་ཡ་མ་མ་ཀརྨཾ་ཀུ་རུ་སྭཱ་ཧཱ། ཨ་ཀཱ་རོ་བརྗོད་པས་དཀྱིལ་འཁོར་དབྱེ། ལྟེ་བར་ཨོཾ་བཾ་སོགས་གོ་ཆ་བགོ །སྣང་བ་ལྷར་དྲན་བཞིན་པས། རྡོ་རྗེ་བཙུན་མོ་འགྲུབ་གྱུར་ནས་སོགས་དང༌། རིགས་སུ་སྐྱེ་དང་སོགས་སྨོན་ལམ་བཏབ་བཀྲ་ཤིས་བྱ་སྟེ་མཆོད་པའི་ཆོ་ག་རྒྱས་པའོ། །གལ་ཏེ་བྱིན་རླབས་བྱ་བར་འདོད་ན། བཟླས་པ་ཡན་ཆད་སྔར་ལྟར་བྱ། དེ་ནས་བུམ་པ་སྒྲུབ་སྟེ། སྒྲུབ་ཚུལ་ནི་སྤྱི་དང་མཐུན་ལ་མདུན་བསྐྱེད་དང་བུམ་པ་གཉིས་ཀ་ལ་མཆོད་གཏོར་ཕྱོགས་གཅིག་ཏུ་འབུལ་བ་ཡོད་དེ། དེ་ལ་ནི་མདུན་བསྐྱེད་བཟླས་པ་གྲུབ་ནས་བུམ་པ་བསྐྱེད་ཅིང་བཟླས་ནས། བཞུ་ཟིན་པ་ལ། མཆོད་པ་རྒྱས་པ་མཛད་པ་ཕྱག་ལེན་ཡིན་ཅིང་ཚད་ལྡན་དང་འགལ་བའང་མེད་དོ། །དེ་ནས་བདག་འཇུག་ནི། མིག་དར་འཆིང་བ་མན་ཆད་དང༌། བསྡུ་ན་ཡེ་ཤེས་དབབ་པ་མན་ཆད་མཛད། བོད་ཀྱི་ལག་ལེན་དང་བསྟུན། མཎྜལ་འབུལ་བ་ནས་བརྩམས་ཏེ། སློབ་མའི་བྱ་བ་ཇི་ལྟ་བ་བཞིན་ཡང་རུང་བར་མངོན། དེ་ཡང་ཚོགས་ཀྱི་འཁོར་ལོའི་ལྷ་དང་བླ་མ་མཉེས་པར་བྱས་ལ་ཡོན་ཕུལ་ཏེ། སྒྱུ་མའི་འཁོར་ལོར་རྣམ་པར་འཁོར་བ་རྣམས། །སྐྱོབ་མཛད་ཚིག་འབྲུ་སྤངས་པ་དངོས་ཀུན་རྟོགས། །མགོན་པོ་ཁྱོད་ནུ་ནམ་མཁའི་དཀྱིལ་འཁོར་སྟེ། །འགྲོ་བའི་སྐྱེ་བོ་སྐྱོབ་པ་ཁྱོད་ཀྱིས་སྐྱོངས། །ཞེས་གསོལ་བ་ལན་གསུམ་བཏབ། ས་ཁམས་པ་ལ་སྐྱེས་བུའི་གཟུགས་བྱ། སློབ་མའི་ལྟེ་བར་རཾ། དེའི་གདུང་བས་སྡིག་སྒྲིབ་ཐམས་ཅད་ཤ་ཟའི་གཟུགས་ཀྱིས་གཟུགས་བརྙན་ལ་ཐིམ། ཧཱུཾ་ལས་སྐྱེས་པའི་ཕུར་བུ། ཨོཾ་གྷ་གྷ་གྷ་ཏཱ་ཡ་སོགས་ཀྱིས། ཕུར་བུས་གདབ། ཨོཾ་བཛྲ་མུཏྒ་ར་


TNT12_Page_0161
[མ་དཔེ་གཟིགས་ན་འདིར་གནོན།]

སོགས་ཀྱིས་ཐོ་བས་བརྡུང༌། དེ་ཉིད་སྟོང་པའི་ངང་དུ་ཐིམ། གཏོར་མ་གཅིག་ལ་སྒྲོན་མེ་ལྔ་བཙུག །སློབ་མའི་དཔྲལ་བ་མགྲིན་པ་སྙིང་ག་ལྟེ་བ་རྣམས་ལ་སྐོར་ཞིང༌། ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱཧཱ། ཨོཾ་ཀ་ཊེ་བི་ཀ་ཊེ་ནི་ཀ་ཊེ་ཀཾ་ཊྱཾ་ཀ་ཊེ་སྭཱཧཱ། ཨོཾ་གྷུཊྚ་གྷུཊྚ་གྷཊྚི་ནི་གྷུཊྚི་ནི་གྷ་གྷ་གྷ་ཏཱ་ཡ་གྷ་ཏཱ་ཡ་སྭཱ་ཧཱ། ཨོཾ་རུ་རུ་སྥུ་རུ་ཛྭ་ལ་ཏིཥྛ་སིདྡྷི་ལོ་ཙ་ནི་ཨརྠ་སཱ་དྷ་ནི་སྭཱ་ཧཱ། སློབ་མ་འདིའི་འཁོར་ལོ་བཞིར་གནས་ནས་ཁམས་བཞི་ལ་གནོད་པ་སྐྱེད་པ་ལུས་ངག་སེམས་དང་ཡེ་ཤེས་རྡོ་རྗེ་བཞིར་སྒྲུབ་པ་ལ་བར་དུ་གཅོད་པ་ཐམས་ཅད་ཕྱིར་དེངས་ཤིག །གང་དག་མི་འགྲོ་བ་དེ་རྣམས་རྡོ་རྗེ་ཁ་ཊྭཱཾ་ག་འདིས་ཚལ་བ་རྒྱར་དགས་པར་འགྱུར་རོ། །སུམྦྷ་དང་རོལ་མོ་སྒྲ་བྱ། སྒྲོན་མེ་ཆུར་བཅུག་ལ་ལམ་གྱི་བཞི་མདོར་གཏོར་མ་དོར། སློབ་མའི་མགོ་བོར་རྡོ་རྗེ་བཞག་ནས། སུམྦྷ་བཟླས་པས་སྲུང་ངོ༌། དེ་ནས་མཎྜལ་ཕུལ། དེ་ལ་སློབ་དཔོན་གྱི། ཨཱ་ཁཾ་བཱི་ར་ཧཱུཾ། གིས་མེ་ཏོག་གི་ཕོན་པོ་ལག་ཏུ་གཏད། སྔགས་དེ་ཉིད་ཀྱི་མིག་དར་བཅིང༌། ཨོཾ་ཨཱཿཧཱུཾ་གིས་བདུད་རྩི་མགོ་ལ་གཏོར། ཁ་ཊྭཱཾ་གའི་ཡུ་བ་སློབ་དཔོན་གྱི་བཟུང༌། དེའི་འགྲམ་ནས་སློབ་མས་འཇུས་ཏེ། སྙིང་པོ་བཟླ་ཞིང་ནད་དུ་ཁྲིད། དུར་ཁྲོད་ཀྱི་གནས་སམ། དགའ་འཁྱིལ་གྱི་གནས་ལ་འདུག་པར་མོས་སུ་འཇུག དེང་ཁྱོད་དེ་བཞིན་གཤེགས་པ་ཐམས་ཅད་ཀྱི་རིགས་སུ་ཞུགས་ཀྱི། ཞེས་སོགས་ཀྱི་གསང་བར་གདམས། ཨོཾ་པཉྩ་ཨ་མྲི་ཏོ་ཏ་ཀ་ཋ་ཋཋཿ འདི་ནི་ཁྱོད་ཀྱིས་དམྱལ་བའི་ཆུ། །ཞེས་སོགས་ཀྱིས་དམ་བཞག་དང་མནའ་ཆུ་བླུད། དེ་ནས་སློབ་མ་ཕག་མོར་བསྒོམས་པ་ལ། ལྟེ་བ་ལ་སོགས་པར།


TNT12_Page_0162
[མ་དཔེ་གཟིགས་ན་འདིར་གནོན།]

ཨོཾ་བཾ་དམར་མོ་རྡོ་རྗེ་ཕག་མོ་སོགས། སྒོམ་དུ་བཅུག་ནས། རྡོ་རྗེས་རེག་ཅིང༌། ཨོཾ་བཾ་ཝཱ་རཱ་ཧཱི་ཧཱུཾ་ཕཊ་སྭཱ་ཧཱ། ནས་རྩནྚི་ཀའི་བར་བརྗོད། དེ་ནས་སློབ་མ་ལུས་ཐང་ཤ་བཅད་པའི་ཚུལ་གྱི་ཉ་བཞི་སྒྲིམ། ཨོཾ་སྭ་བྷ་བ་སོགས་དག་པ་གསུམ་དྲན་དུ་བཞུག །སློབ་མའི་རྐང་པ་རླུང་གི་དཀྱིལ་འཁོར། སུམ་མདོ་མེ། དེར་ཆོས་འབྱུང་གྲུ་གསུམ། དབུས་སུ་འབར་བའི་ཀློག་དང་བཅས་པ། སློབ་དཔོན་ལ་མོས་གུས་དུང་བྱས་པས། སློབ་དཔོན་དང་མདུན་བསྐྱེད་དང༌། ཕྱོགས་བཅུའི་དེ་བཞིན་གཤེགས་པ་ཐམས་ཅད་རྡོ་རྗེ་ཕག་མོའི་རྣམ་པས་ལྟེ་བར་སིབ་སིབ་ཐིམ། དེའི་རྐྱེན་གྱིས་དེ་རྗེ་བཙུན་རྡོ་རྗེ་ཕག་མོའི་སྐུར་གྱུར་ནས་བདེ་བའི་གར་མཛད་པས་མེ་ལྕེས་ལུས་ཐམས་ཅད་ཁྱབ་པར་འབར། སྤྱི་བོ་ནས་བྱང་སེམས་བབས། བདེ་བས་ཁྱབ། ལུས་ཀྱི་ནང་འོད་ཟེར་སྣ་ལྔས་ཁྲིག་མེར་གང༌། ཆོས་འབྱུང་མི་མངོན་པ་ཙམ་དུ་གཡོན་དུ་འཁོར་བ་ལ་སེམས་གཏོད་དུ་བཞུག་ཅིང༌། རོལ་མོའི་སྒྲ་བྱ། སློབ་དཔོན་གྱི་ལག་གཡས་རྡོ་རྗེ་གསོར་ཞིང་བདུག་པས་བདུག །ཨོཾ་ཡཾ་རཾ་པཾ་ལཾ་ཧཱུཾ་བཛྲ་བཱ་རཱ་ཧཱི་ཨ་བེ་ཤ་ཡ་ཨཱཿཨཱཿཨཱཿཞེས་དང༌། རྩ་སྔགས་དང་སྙིང་པོའི་མཐར་གོང་གི་དབབ་སྔགས་བཏགས་པ་ལན་བརྒྱའམ་ཅི་རིགས་སུ་བྱ། ཨོཾ་སརྦ་ཏ་ཐཱ་ག་ཏཱ་ཛྙཱ་ཡ་ཏིཥྛ་བྷ་བཱན་ཏུ་ཞེས་མེ་ཏོག་སྤྱི་བོར་བཞག །ཨོཾ་ཏིཥྛ་བཛྲ་སྭཱཧཱ། རྡོ་རྗེ་རྒྱ་ཁྲམ་སྤྱི་བོར་བཞག །དེ་ནས་མེ་ཏོག་ཏྲཾ་ལས་བྱུང་བའི་རིན་པོ་ཆེའི་མེ་ཏོག་ཏུ་མོས་ནས། རྡོ་རྗེ་ཐིག་ལེ་དངོས་ཀུན་ཟ་མ་ཏོག །མ་ལུས་འགྲོ་ལ་བདེ་སྟེར་མིག་འཕྲུལ་ལྟ། །ཀུན་འགྲོ་དཔལ་


TNT12_Page_0163
[མ་དཔེ་གཟིགས་ན་འདིར་གནོན།]

ལྡན་ཕག་མོ་ཆོས་ཀུན་བསྐྱེད། །སྒྱུ་འཕྲུལ་སྙིམ་པའི་མེ་ཏོག་བཞེས་ཤིག་ཧོ། །སྤྲོ་ན་ཏིཥྛ་བཛྲ་ཌི་ཌྷོ་སོགས་བརྗོད་ཅིང་གཏོར། བསྡུ་ན་ཨོཾ་པྲ་ཏིཙྪ་བཛྲ་ཧོཿ དེ་ནས་མེ་ཏོག་སློབ་མའི་སྤྱི་བོར་བཅིངས་ཏེ། པྲ་ཏི་གྲྀཧྣ་སྟྭཾ། ཨི་མཾ་སཏྭ་མཧཱ་བཱ་ལ། རྡོ་རྗེ་སེམས་དཔའ་དེང་ཁྱོད་ཀྱི། །སོགས་དང༌། མིག་གཉིས་ལ་འབར་བ་དང་བཅས་པའི་ཨོཾ་གྱི་འོད་ཀྱིས་གསལ་བར་བསྒོམ་སྟེ་གདོང་གཡོག་དགྲོལ། ཡང་ན་མིག་དར་བཅིངས་དགྲོལ་མི་མཛད་པའང་ཡོད་དེ་དངོས་བསྟན་ནོ། །དེ་ནས་དཀྱིལ་འཁོར་གསལ་བར་སྒོམ་དུ་གཞུག །འཇུག་པ་རྫོགས་སོ། །མཎྜལ་ཕུལ་ལ། ལྷ་མོ་སྐུའི་རྡོ་རྗེ་ནི། སྒྱུ་འཕྲུལ་རྒྱལ་པོ་ཕྱག་འཚལ་བསྟོད། ཁྱོད་ཀྱི་གོ་འཕང་མཉམ་མེད་པ། །བདག་ལ་དེ་རིང་གནང་བར་མཛོད། དེ་བཞིན་དུ། ལྷ་མོ་གསུང་གི༴ །མི་ཤིགས་རྒྱ་མཚོ༴ ཁྱོད་ཀྱི༴ བདག་ལ༴ །ཐུགས་ཀྱི༴ །བདེ་བའི ༴ ཁྱོད་ཀྱི༴ །བདག༴ །ཡེ་ཤེས༴ །ཡེ་ཤེས་རྒྱལ་པོ་ཕྱག་འཚལ་བསྟོད། ཁྱོད་ཀྱི་གོ་འཕང་མཉམ་མེད་པ། །བདག་ལ་དེ་རིང་གནང་བར་གསོལ། །ལན་གསུམ་གྱིས་གསོལ་བ་བཏབ། དེ་ནས། སློབ་མ་རྣམས་པད་ཉི་ལ་བཾ་ལས་རྡོ་རྗེ་རྣལ་འབྱོར་མར། བསྒོམས་པ་ནས། རིགས་བདག་གི་དབུ་རྒྱན་པའི་བར་མངོན་རྟོགས་ལྟར་རམ། དེ་ཙམ་མི་ནུས་ན། གོ་ཆ་འགོད་པ་དང༌། ཡེ་ཤེས་པ་གཞུག་པ་བོར་ཀྱང་ཆོག་གསུང༌། འོན་ཀྱང་གཞུང་གི་དངོས་བསྟན་ནི། ལྷར་བསྐྱེད་དབང་བསྐུར་གོ་ཆ་ས་བོན་ཙམ་གྱི་འགོད་པ་ཡིན་ནོ། །ཨོཾ་སརྦ་ཏ་ཐཱ་ག་ཏ་ཀཱ་ཡ་བཛྲ་སྭབྷཱ་བ་ཨཏྨ་ཀོ྅ཧཾ། བུམ་པའི་དབང་ངོ༌། །སློབ་དཔོན་དང་དབྱེར་


TNT12_Page_0164
[མ་དཔེ་གཟིགས་ན་འདིར་གནོན།]

མེད་པའི་སངས་རྒྱས་རིགས་ལྔའི་ངོ་བོ་རྡོ་རྗེ་སེམས་དཔའ་འམ། ཧེ་རུ་ཀ་ཡབ་ཡུམ་སྙོམས་པར་ཞུགས། བྱང་སེམས་དཀར་དམར་ལྕེ་ཐོག་ཏུ་མྱངས་པར་བསམ་ལ་སྦྱིན་ཅིང་བཏུང༌། བདུད་རྩི་དེ་ཉིད་ལྟེ་བའི་བཾ་ལ་ཐིམ། དེ་ལས་མེ་འབར་སྤྱི་བོའི་ཧཾ་ཞུ་བའི་བདེ་བ་ལ་མཉམ་པར་འཇོག །ཨོཾ་ཨཱཿཧཱུཾ། ཨོཾ་སརྦ་ཏ་ཐཱ་ག་ཏ་ཝཱ་ཀ་བཛྲ་སྭ་བྷཱ་ཝ་ཝཱཏྨ་ཀོ྅ཧཾ། གསང་དབང་ངོ༌། །སློབ་མ་ཧེ་རུ་ཀའི་ངོ་བོ་རྡོ་རྗེ་སེམས་དཔར་སྒྱུར་གསུང༌། བུད་མེད་གཟུགས་ནི་སྤངས་ནས་གཞན། །བཅོམ་ལྡན་འདས་ཀྱི་གཟུགས་སུ་བྱ། །ནུ་མ་སྤངས་པ་བོ་ལར་གྱུར། །ལྷག་མ་བདག་ཉིད་ཆེན་པོ་ཉིད། །འདིའི་ངེས་པ་ལས་ལྷ་མོའི་མཚན་རྣམས་བསྒྱུར་གྱི་ཕྱག་མཚན་སོགས་མི་བསྒྱུར་བར་བཞེད་ཀྱིན་སྣང་བས་གང་མོས་སོ། །དེ་ནས་ཕྱག་རྒྱ་མཚན་ཉིད་རྫོགས་པ་གཏད་ལ། སྤྱི་བོར་རྡོ་རྗེ་བཞག་སྟེ། ལྷ་མོ་འདི་ནི་ཁྱོད་དང་མཐུན། །འདི་ནི་སངས་རྒྱས་ཀུན་གྱིས་བསྔགས། །གཉིས་སུ་མེད་དང་བདག་མེད་པའི། །འདོད་པ་ལྔ་ལ་སྤྱད་པར་གྱིས། །ཞེས་བརྗོད་དེ། དེ་རྡོ་རྗེ་ཕག་མོར་གྱུར། སྙོམས་པར་ཞུགས། ལྷ་མོ་དམ་འཁྱུད་ཙུམ་པ་ན། །རྣལ་འབྱོར་གསལ་པའི་རྣམ་ཤེས་སོ། །འདོད་བཅས་སྦྱོར་བ་གཉིས་པ་ནི། །རྗེས་སུ་རྣལ་འབྱོར་ཡིན་པར་འདོད། །རྩོལ་བྲལ་ཤིན་ཏུ་རྣལ་འབྱོར་ནི། །ལྷག་པའི་བདེ་བ་གསུམ་པའོ། །རྣལ་འབྱོར་ཆེན་པོ་གསུམ་ལས་གཞན། །མཚན་ཉིད་བྲལ་བའི་སྐད་ཅིག་མའོ། །སྦྱོར་དང་འཛག་དང་ལྷུང་བ་ལས། །སྐད་ཅིག་


TNT12_Page_0165
[མ་དཔེ་གཟིགས་ན་འདིར་གནོན།]

བཞི་བོ་མཐོང་ཞེས་གསུང༌། །བདེ་བའི་ཉམས་མྱོང་དྲན་པར་བྱས་ཏེ་མཉམ་པར་བཞག །གནས་བཞིར་དཀྱིལ་འཁོར་གྱིས་སིནྡྷྲུ་རའི་ཐིག་ལེ་བྱ། ཨོཾ་ཨཱཿཧཱུཾ་ཨཱཾ། ཨོཾ་སརྦ་ཏ་ཐཱ་ག་ཏ་ཙིཏྟ་བཛྲ་སྭབྷ་ཝཱ་ཝཱཏྨ་ཀོ྅ཧཾ། ཤེས་རབ་ཡེ་ཤེས་ཀྱི་དབང་ངོ༌། །དེ་ནས་ལུས་གནད་བཅས་དབུགས་ཕྱིར་དབྱུང༌། རང་རྡོ་རྗེ་སེམས་དཔའ་ཁ་སྦྱོར་སྒྱུ་མ་ལྟ་བུ། རླུང་ནང་དུ་རྔུབ། དེ་ཉིད་མཐའ་ནས་དབུས་སུ་ཡལ་བ་ལ་དམིགས་མེད་དུ་མཉམ་པར་བཞག །དེ་ནས་བདེ་སྟོང་དབྱེར་མེད་དེ་ཉིད་ལྷ་སྐུར་ལྡང༌། སྡུག་མ་ནམ་མཁའི་ནོར་བུ་དང༌། །འདུས་བྱས་སྤྲོས་པ་ཀུན་ཟློག་ཀྱང༌། །དེ་ནི་རྒྱ་ཆེན་ཡིད་ལ་བྱེད། །ཨཱ་ཧོ་འོད་གསལ་མཛེས་མའོ། །ཤེས་རབ་མཛེས་མ་ལ་ཆགས་སྦྱོར་བ་ཡིས། །འདུས་བྱས་འདུས་མ་བྱས་པ་ལས་གྲོལ་བ། །བསྐལ་བའམ་བསྐལ་པ་སྟོང་གི་བར་དུ་ཡང༌། །ཡེ་ཤེས་འདི་སྦྱོར་སྒྲུབ་པས་གནས་པར་བྱོས། །ཨ་རེ་ཨ་རེ་ཨཱ་ཧོ། དབང་བཞི་པའོ། །གཙོ་བོས་ཇི་ལྟར་སོགས་དང༌། མཎྜལ་འབུལ། དེ་ནས་སྤྱི་ལྟར། དེང་ནས་བརྩམས་ཏེ་སོགས་བྱ་སྟེ་བོད་སྔ་མའི་ཕྱག་ལེན་ལྟར་རུང་ངོ༌། །བླ་མ་རྒྱ་གར་བའི་ཕྱག་བཞེས་ནི། མཎྜལ་དང་ཡོན་ཕུལ་ཏེ། དེང་དུ་བདག་ཚེ་འབྲས་བུ་ཡོད། །དེ་རིང་གསོན་པའང་འབྲས་བུར་བཅས། །དེ་རིང་སངས་རྒྱས་རིགས་སུ་སྐྱེས། །སངས་རྒྱས་སྲས་སུ་བདག་དེང་གྱུར། །ཞེས་སློབ་མས་རྗེས་ཟློས་བྱེད་པའོ། །རྗེས་ཀྱི་བྱ་བ་ནི་སྔར་མཆོད་པའི་སྐབས་དང་འདྲའོ། །ལུགས་འདི་ལ་ཉལ་བ་དང༌། ལྡང་བ་དང་ཟས་ཀྱི་རྣལ་འབྱོར་ལ་སོགས་པ་ནི་ཁྱད་པར་ཟུར་པ་མེད་པས་མ་སྤྲོས་སོ། །སྤྱིར་འདིའི་གཞུང་ནི་ཟབ་དོན་རིམ་གཉིས་ཁོ་ན་ལས་འཕྲོས་པའི་རིམ་པ་ཆེར་མ་


TNT12_Page_0166
[མ་དཔེ་གཟིགས་ན་འདིར་གནོན།]

བཤད་པ། བླ་མའི་མན་ངག་གིས་རྒྱས་པར་བསྟན་པ་དེ་དག་གོ །བྱིན་རླབས་ཀྱི་ཆོ་ག་ནི་རྩེན་མས་ཁ་བསྐངས་པའང་མཛད་མོད་ཀྱི་གཞུང་གི་དངོས་བསྟན་འདི་ཁོ་ན་ལེགས་པ་ཡིན་ནོ། །གོ་དོན་ནི་གཞུང་གི་སྟེང་དུ་རྟོགས་པར་བྱའོ། །གང་ཞིག་མཐའ་ལ་མི་གནས་དབུ་མར་གཤེགས། །འགྲོ་འོང་མེད་ལས་སྲིད་པའི་གནས་ཀུན་ཏུ། །དམིགས་མེད་ཐུགས་རྗེས་སེམས་ཅན་མ་དམིགས་ཀྱང༌། །འགྲོ་ཀུན་སྒྲོལ་མཛད་འདི་ནི་ཡ་མཚན་རྨད། །དེ་འདྲའི་རྗེ་བཙུན་བླ་མ་ལ་ཕྱག་འཚལ། །འདི་ན་མན་ངག་ལྡན་པར་རབ་སྦྱར་ཡང༌། །བྱིས་པའི་བློ་ནི་དོན་ལ་རྣམ་པར་འཁོར། །དེ་བས་འཁྲུལ་ན་དམ་པ་རྣམས་བཟོད་མཛོད། །ཀུན་དགའ་སྙིང་པོས་འདིར་ནི་རྣམ་ཕྱེ་བའི། །དགེ་བ་གང་ཡིན་དེ་ཡང་ང་རྒྱལ་མེད། །གལ་ཏེ་ཡོད་ནའང་འགྲོ་ཀུན་ཐར་བར་ཤོག །འདི་དག་གིས་ཀྱང་དོན་མཆོག་མི་འགྱུར་རམ།། །།ཞེས་པ་རྔོན་པའི་གདམས་ངག་ལས་འབྱུང་བའི་སྒྲུབ་ཐབས་བདེ་བ་སྦྱིན་པ་ཞེས་བྱ་བ་འདི་ནི་དཔལ་སྟག་ལུང་ཐང་པ་རྗེ་བཙུན་བླ་མ་དོན་གྱི་སླད་དུ་མཚན་ནས་སྨོས་ཏེ། མི་འཕྲོག་པའི་ཐུགས་རྗེའི་མངའ་བདག་རྗེ་བཙུན་ཀུན་དགའ་བཀྲ་ཤིས་ཀྱི་བཀའ་སྩལ་སྤྱི་བོས་ནོད་ཏེ་ཏཱ་ར་ནཱ་ཐས་རང་ལོ་ཉེར་གསུམ་ལ་སྦྱར་བའོ། །།མངྒ་ལཾ་བཱི་པཱུ་ལཾ། །


TNT12_Page_0167
[མ་དཔེ་གཟིགས་ན་འདིར་གནོན།]

ཤོག་སྟོང་།

རྗེ་བཙུན་རྔོན་པའི་གདམས་ངག་གི་དམར་ཁྲིད།


TNT12_Page_0168
[མ་དཔེ་གཟིགས་ན་འདིར་གནོན།]

རྗེ་བཙུན་རྔོན་པའི་གདམས་ངག་གི་དམར་ཁྲིད་བཞུགས།


TNT12_Page_0169
[མ་དཔེ་གཟིགས་ན་འདིར་གནོན།]

ཨོཾ་སྭཱ་སྟི། སྲིད་པ་གསུམ་གྱིས་ཕྱག་བྱས་པ། །རྗེ་བཙུན་སྒྲོལ་བའི་མགོན་པོ་ནི། །བླ་མ་དམ་པ་ལ་བཏུད་དེ། །མན་ངག་ཡོངས་སུ་བྲི་བར་བྱ། །ཚེ་འདི་ཉིད་ལ་མི་འགྱུར་བའི། །བདེ་ཆེན་འབྲས་རབ་སྩོལ་བྱེད་པ། །གཞན་དུ་བསྟན་བྱ་མ་ཡིན་པས། །འདི་ནི་སྐལ་ལྡན་ཉིད་ལ་འོས། །འདིར་གྲུབ་ཆེན་ཤ་བ་རིའི་ཞལ་གདམས། གྲུབ་ཐོབ་སློབ་དཔོན་རྣལ་འབྱོར་པའི་དབང་ཕྱུག་དཔའ་བོ་ཞེས་བྱ་བའི་གཞུང་ལུགས་རྫོགས་པའི་རིམ་པ་མན་ངག་གསུམ་པ་འདི་ཉམས་སུ་ལེན་པ་ལ་གཏུམ་མོ་དང༌། དགའ་བ་འཁྱིལ་བ་གང་རུང་རེ་བྱས་ལ། ཐ་མར་འོད་ཟེར་བསྡུ་བ་དང༌། ཐོག་མར་སྔགས་ཀྱི་ཏིང་འཛིན་གཉིས་སྦྱར་བ་དང༌། གཏུམ་མོ། དགའ་བ་འཁྱིལ་བ། འོད་ཟེར་བསྡུ་བ། རེ་རེས་ཀྱང་ཆོག་པར་བཞེད་པ་དང༌། ཐམས་ཅད་རིམ་ཅན་དུ་བསྒོམས་པས་ལམ་རྫོགས་པར་འདོད་པ་གསུམ་ལས་བདག་གི་རྡོ་རྗེ་སློབ་དཔོན་ཕྱི་མ་འདི་བཞེད་དོ། །སྔགས་ཀྱི་ཏིང་འཛིན་འདི་ཡང་ཐོག་མར་གཞིའི་ཚུལ་ཏུ་སྒོམ་པ་དང༌། རེ་རེ་བཞིན་དུ་ཐོག་མར་རྫོགས་རིམ་སྒོམ་ལ་སྔགས་ཀྱི་ཏིང་འཛིན་གྱིས་བོགས་


TNT12_Page_0170
[མ་དཔེ་གཟིགས་ན་འདིར་གནོན།]

ཕྱུང་ནས། ངོ་སྤྲོད་པ་སོགས་ཕྱག་ལེན་དུ་མཛད་དོ། །སྔགས་ཀྱི་ཏིང་ངེ་འཛིན་ལ་རྡོ་རྗེ་སེམས་དཔའི་ཏིང་ངེ་འཛིན་ཞེས་ཀྱང་ཟེར་རོ། །དེ་དག་སྒོམ་པའི་ལག་ལེན་ནི་འདི་ལྟར་ཡིན་ཏེ། དང་པོ་བསགས་སྦྱངས་དང་ལམ་ཐུན་མོང་བས་རྒྱུད་སྦྱངས། དེ་ནས་རང་ཕག་མོར་ལམ་གྱིས་བསྒོམ་པའི་དང་པོར་ཕག་གདོང་གི་སྣ་དང༌། དེ་ནས་མིག་དང༌། གདོང་དང༌། རྣ་བ་འཕྱང་བ་དང༌། མཆེ་བ་དང༌། ཁ་དོག་སྔོན་པོ་དང༌། རྩ་ཞལ་གྱི་ཤངས་དང༌། ཞལ་དང༌། མཆེ་བའི་མྱུ་གུ་དང༌། སྤྱན་གཉིས་དང༌། སྤྱན་དབུས་མ་དང༌། སྙན་དང༌། སྐྲ་མཚམས་དང༌། དབུ་སྐྲ་དང༌། མཁུར་ཚོས་དང༌། འགྲམ་པ་དང༌། མགྲིན་པ་དང༌། ཞལ་རས་བྱིངས་དང༌། ཕྱག་བཞི་ཀ་ལ་རེ་རེ་དང༌། ནུ་མ་རེ་རེ་དང༌། སྐུ་སྟོད་དང༌། སྐེད་སྐབས་ཕྲ་ལྡེམ་དང༌། ལྟེ་བ་དང༌། བྷ་ག་དང༌། རོ་སྨད་དང༌། ཞབས་རེ་རེ་དང༌། སྐུ་མདོག་དམར་སེར་དང༌། རོ་དང༌། ཉི་མ་དང༌། པདྨ་དང༌། བ་སྤུ་གྱེན་ལ་ལྟ་བ་དང༌། དབུ་རྒྱན་དང༌། ཕྱག་རྒྱ་དྲུག་དང༌། མགོ་ཕྲེང་དང༌། མེ་ཏོག་ཕྲེང་དང༌།


TNT12_Page_0171
[མ་དཔེ་གཟིགས་ན་འདིར་གནོན།]

མེ་དཔུང་དང༌། ཕྱག་མཚན་རེ་རེ་དང༌། སྐུ་རིལ་པོ་སྟེ་དེ་རྣམས་ལ་ཞག་རེ་རེ་སྦྱང་ངོ༌། །རྗེ་བཙུན་མའི་ང་རྒྱལ་ལ་ཞག་བཅོ་ལྔ་བསླབ། ང་རྒྱལ་དང་གསལ་སྣང་གཉིས་ཀ་སྦྲགས་ནས་ཞག་བདུན་ནམ་ཟླ་བ་གཅིག་ཙམ་བསླབ་བོ། །དེ་ནས་རྗེ་བཙུན་མའི་བྲིས་སྐུ་དང༌། མཆོད་ཡུལ་རྣལ་འབྱོར་མར་སྒོམ་པ་དང༌། གནས་ཁང་དང༌། བླ་མ་སོགས་དང༌། ཕ་མ་དང་གནོད་བྱེད་དང༌། ཆགས་ཡུལ་དང༌། སྙིང་དུ་མི་སྡུག་པ་རྣམས་སེམས་ཅན་ཐམས་ཅད་དང༌། སྣོད་ཐམས་ཅད་ལ་ཞག་གསུམ་གསུམ་མམ་རེ་རེ་བསླབ། དེ་ནས་རེ་ཞིག་རྡོ་རྗེ་སེམས་དཔའི་ཏིང་འཛིན་སྒོམ་སྟེ། རང་གི་སེམས་ཀྱི་ངོ་བོ་ལ་ཆེ་རེ་ལྟ་ཞིང་གྲིམ་གྱི་བསྒྲིམས་པའི་འདུན་པ་ཙམ་མ་གཏོགས་ཅི་ཡང་མི་སེམས་པར་བཞག །རྣམ་རྟོག་ཐོལ་སྐྱེས་ན་འཕྲོ་བཅད་ནས་སེམས་རིག་གེ་བ་འདི་ལ་ཆེར་རེ་བལྟ་བ་རེ་བྱས་ནས་བཞག་གོ །གལ་ཏེ་འདི་གལ་ཆེ་བས་དོན་འདི་ལ་མནོ་བསམ་བྱེད་དགོས་སྙམ་པ་བྱུང་ན་བདུད་ཡིན། དེ་མ་ཐག་གཞོམ་དགོས་གསུང༌། གང་ལའང་ཐུག་ཕྲད་དུ་གཏད་མེད་ཡང་ཡུད་དུ་བྱ། རྣམ་རྟོག་ཤས་ཆེ་ཞིང་ད་དུང་འཛིན་པ་དམ་ན་རིག་པས་ཆོས་ཐམས་ཅད་རང་བཞིན་མེད་པར་གཏན་ལ་ཕབ་ཅིང༌། ཕབ་པ་རེ་རེའང་མཐར་དམིགས་མེད་སྔ་མ་ལྟ་བུས་ཟིན་པར་བྱས་ནས་སྒོམ། དེ་ལ་ཟླ་བ་ཙམ་བྱ་གསུང༌། ༡ དེ་ནས་རེ་ཞིག་རྫོགས་རིམ་སྒོམས་ལ་ཕྱིས་རྡོ་རྗེ་སེམས་དཔའི་ཏིང་ངེ་འཛིན་གྱིས་དུག་དབྱུང་ངོ༌། །རང་གི་ལྟེ་བར་ཆོས་འབྱུང་དམར་པོ་སོར་གསུམ་པ་དེའི་ནང་ལ་དབུ་མ་ཟུག་པའི་ནང་དུ། གཏུམ་མོ་སོར་གང་


TNT12_Page_0172
[མ་དཔེ་གཟིགས་ན་འདིར་གནོན།]

ཙམ་དབུས་སུ་བཾ་དང་བཅས་པ་སྒོམ་ནས་རླུང་ཁ་སྦྱར་ཁྱད་པར་བཤང་ལམ་བསྡམས་པས་ཐུར་སེལ་དྲངས། ཆོས་འབྱུང་གཡོན་སྐོར་དུ་འཁོར་བ། ཤིན་ཏུ་དྲག་པ་ལ་སེམས་བཟུང༌། ༢ བཾ་ལས་མེ་རླུང་ཤུགས་དྲག་དབུ་མ་ནས་བྱུང་སྣ་སྒོ་ནས་ཐོན་སོར་བཅུ་གཉིས་ཀྱི་བར་སྣང་ལ་དགའ་འཁྱིལ་ཡོད་པ་ལ་ཕོག་པས་གཡོན་སྐོར་དུ་དྲག་ཏུ་འཁོར་བ་སྒོམ། རླུང་སྦྱོར་བ་འཇམ་པོས་བུམ་ཅན་བྱ་གསུང༌། ༣ དེ་ནས་སོར་བརྒྱད་ཙམ་དང༌། སོར་བཞི་ཙམ་དང༌། ༤ སྣ་རྩེ་ལ་རག་ཙམ་དང༌། སྣ་རྩེའི་ནང་དུ་འཁོར་བ། ༦ རྣམས་ལ་ཞག་དྲུག་དྲུག་གོ །ཡང་སྣ་ནང་དུ་འཁོར་བ་འདི་གེགས་ཆུང་ལ་ཕན་ཡོན་ཆེ་བས་ཟླ་བ་ཙམ་བྱས་ན་ཡང་ལེགས། དེ་ནས་གཏུམ་མོ་དངོས་ནི། དབུ་མའི་ནང་གི་ལྟེ་བར་ཆོས་འབྱུང་སོར་ཕྱེད་པ་གཏུམ་མོ་སྐྲ་རྩེ་ལྟར་ཕྲ་བ་སོར་གང་སྒོམ། །འདི་མན་ངག་ནི་ལྟེ་འོག་སོར་བཞིར་བྱེད་གསུང༌། དེ་ལྟར་ན་ཉིན་རེ་བཞིན་ནམ། དེ་ཙམ་མ་ལྕོགས་ན་ཐུན་རེ་རེ་ལ་མེ་སོར་རེ་རེ་རིང་དུ་སྤར་རོ། །རྩ་ཐམས་ཅད་གསལ་སལ་མཐོང་བ་དང༌། འཁོར་ལོ་རེ་རེའི་བར་བཀག་ཕུག་པ་ན་དེ་ལས་རྒྱུད་པའི་རྩ་ཐམས་ཅད་མེས་གང་བར་སྒོམ། དེ་ལྟར་སོར་ལྔ་བཅུས་སྤྱི་བོའི་ཧཾ་ལ་རེག་ཅིང་ཕུག་པར་སྒོམ། དེ་དག་ཏུ་རླུང་སྟོད་དུ་འཚངས་ན། འོག་རླུང་ལྟེ་བ་མན་ཆད་དུ་བསྡམས། དེ་ལ་སྟེང་རླུང་ཡང་ཡང་བརྡེག་པ་ནང་གི་གཏུན་ཤིང་དང༌། བརླ་ཁུལ་ནས་བརྒྱུད་ལག་པ་གཏན་ལ་བཙུགས་ནས་ལུས་འདེགས་ཤིང་བརྡབས་པ་ཕྱིའི་གཏུན་


TNT12_Page_0173
[མ་དཔེ་གཟིགས་ན་འདིར་གནོན།]

ཤིང་སྟེ། སྨད་ཀྱི་བ་སྤུ་ནས་དུ་བ་ལྟ་བུའི་རླུང་མཐོན་པའམ། བཤང་སྒོ་དང་གསང་བ་དང་གང་ན་ས་ནས་མངོན་པ་སོགས་ཅི་རིགས་པ་ཡོད་དོ། །ཡང་བརླ་སྟེང་དུ་རྐང་པ་གཅིག་ཤོས་བཞག་ནས་དལ་བུས་ལྡང་ཡང་བསྡད། ཡང་ལྡང་བ་ལན་གསུམ་བྱས་ཏེ། མཐར་ལུས་ཐམས་ཅད་ལ་ཕུར་མཉེ་བྱ། དེ་ནས་གཡས་གཡོན་དུ་ཕར་འགྱེལ་ཚུར་འགྱེལ་བྱ་བ་ལྗོན་པའི་འཁྲུལ་འཁོར་ཞེས་སོ། །ཡང་ཕྱག་རྒྱའི་མཁའམ་རང་གི་ལག་གིས་རྡོ་རྗེ་དབབ་པ་ནི། འདིའི་བོགས་འདོན་དང༌། གཏུམ་མོ་ཤིན་ཏུ་གོམས་པའི་གེགས་སེལ་ཡང་ཡིན་གྱི་ད་ལྟ་མི་མཁོ་ཞིང༌། འཕྲལ་དུ་གནོད་པ་ཡོད། དེ་ཡང་འོད་ཀྱི་འཁོར་ལོ་དཔག་ཚད་ཙམ་མགོ་བོ་ལ་བསྐོར་ཞིང་སྟེང་དུ་འགྲོ་བ་དང༌། གློག་གི་དབྱུག་པ་མཐོང་བ་དང༌། བརྒྱལ་ཤིང་སྤྱི་བོར་ཕུག་པ་ལ། རྩོལ་བ་ཀློང་ནས་སྦྱོར་བ་དེས་གེགས་སེལ་བར་སྣང་གསུང༌། དེ་ནས་ཧཾ་ལས་བྱང་སེམས་ཀྱང་ཐུན་རེ་ལ་སོར་གང་ཙམ་རེ་འབེབས་ཤིང་བ་ཐག་ལྟ་བུ་དབུ་མ་ནས་འཇུག་ཅིང༌། གཞན་རྩ་ཐམས་ཅད་གང་བར་བསམ་སྟེ། འཁོར་ལོ་བཞི་སོ་སོར་ཕྱིན་པ་ན་དགའ་བ་བཞི་སྐྱེ་ཞིང༌། གལ་ཏེ་མ་སྐྱེས་ན་མྱོང་བ་དྲན་ནས་མོས་པ་བྱ། འདི་ལ་དང་པོར་མུན་ནག་ཏུ་འདུག་ལ་རྟགས་སྣང་དམིགས་ཀྱི་བར་དུ་ལྟེ་འོག་ཏུ་སྒོམ། རྟགས་སྣང་ལྔ་པ་དམིགས་ནས་མེ་སྤོར་ལུགས་སྔ་མ་ལྟར་བྱེད་པ་དང༌། རྟགས་སྣང་དམིགས་རུང་མ་དམིགས་རུང་དེ་ཡན་ཆད་དེ་ལྟར་བྱས་ནས། དེ་ནས་རླུང་ཐེངས་རེ་ལ་ལྟེ་རླུང་ལྟེ་ལ་འོག་རླུང་ལ་


TNT12_Page_0174
[མ་དཔེ་གཟིགས་ན་འདིར་གནོན།]

བརྡབས་པས། ཡར་ཐབས་སུ་དབུ་མར་ཞུགས་ནས་མེ་ཡུད་ཀྱི་སྤར། བྱང་སེམས་ཡུད་ཀྱི་ཞུ། ལྟེ་བའི་གཏུམ་མོ་དང་འདྲེས་པའི་བདེ་བ་ལ་སེམས་རྩེ་གཅིག་ཏུ་བྱེད་པ་གོམས་པས་རྟགས་ལྔ་དང་འགོག་པའི་རྡོ་རྗེ་འབྱུང༌། ཡོན་ཏན་བརྒྱད་ཚན་གཉིས་འཐོབ་སྟེ། སྤྱོད་པས་བོགས་ཕྱུང་བས་ཚེ་འདི་ཉིད་ལ་སངས་རྒྱས་ཞེས་བྱ་བ་ཡིན་གསུང༌། མེ་དམིགས་ཀྱི་གཏུམ་མོའི་རིམ་པའོ། །ད་ནི་འདི་ལས་ཀྱི་གཏུམ་མོ་ཡིན་གསུང་སྟེ་གཙོ་བོར་ནི་ཡིན་ལ། མཐའ་གཅིག་ཏུ་མ་ཡིན་ཏེ། རྣལ་འབྱོར་གྱི་གཏུམ་མོ་ཡང་ཡོད་པས་སོ། །དེ་ལ་རིམ་པ་འདི་ལ་གསུམ། རང་བཞིན་གྱི་གཏུམ་མོ། རྣལ་འབྱོར་གྱི་གཏུམ་མོ། ལས་ཀྱི་གཏུམ་མོ་གསུམ་ལས། དང་པོ་ནི་སྔར་གྱི་གཏུམ་མོ་དང་རིམ་པ་འདིའི་གཏུམ་མོ་ཕྱི་མ་གཉིས་དང༌། འོད་ཟེར་བསྡུ་བ་རྣམས་ལ་ཤིན་ཏུ་གོམས་པས་གཡས་གཡོན་དང་སྲོག་ཐུར་འདྲེས་པ་བརྟན་པོར་སོང༌། དེ་ནས་ཁམས་འོད་གསལ་དུ་ཐིམ་པས་རླུང་སེམས་ཙམ་གྱི་དཀྱིལ་འཁོར་གྲུབ་ནས་དེའི་ཕྱག་རྒྱ་དང༌། སྙོམ་པར་ཞུགས་གཏུམ་མོ་སྦར་བས་ཐོབ་པའི་ལྷན་སྐྱེས་ཀྱི་བདེ་བ་ལུགས་འབྱུང་ལུགས་ལྡོག་བརྟན་པར་བྱས་པས། ཐ་མལ་པས་ལུས་ཟད་ནས་རྡོ་རྗེའི་སྐུར་འགྱུར་རོ། །ལས་ཀྱི་གཏུམ་མོ་ནི་ལས་ཀྱི་ཕྱག་རྒྱ་དང་ཡེ་ཤེས་ཀྱི་ཕྱག་རྒྱའི་ལམ་ཡིན་ཏེ། འདི་སྐབས་ཐ་མལ་གྱི་ཕྱག་རྒྱའི་མཚན་ཉིད། ཁྱད་པར་གྱི་ཕྱག་རྒྱའི་བརྟགས་ཐབས། གནོད་སྦྱིན་མོ་སོགས་བསྒྲུབས་པ། ཕྱག་རྒྱ་དགུག་པ། སྦྱོར་ཐབས་སྒོམ་ཚུལ། གནད་བཞི་དང་


TNT12_Page_0175
[མ་དཔེ་གཟིགས་ན་འདིར་གནོན།]

ཐོར་བུ་བའི་ཞལ་གདམས་ཀྱང་མང་དུ་ཡོད་པར་སྣང༌། ཅི་རིགས་ནི་བཀའ་དྲིན་དུའང་ཐོབ་མོད། རྣམ་རྟོག་ཤས་ཆེ་བ་འགའ་ཞིག་གི་དབང་ལས། ཁ་ཅིག་མ་ནོད་པ་ཡང་ཡོད་པས་མ་སྤྲོས་སོ། །རྣལ་འབྱོར་གྱི་གཏུམ་མོ་ལ་བརྟེན་པ་ནི་འདི་ཡིན་སྟེ་རང་ཧེ་རུ་ཀ་དང་ཡེ་ཤེས་ཀྱི་རིག་མའི་མཁའ་གསང་བྱིན་གྱིས་བརླབས་ནས་སྙོམ་པར་ཞུགས་པའི་རྐྱེན་གྱིས་རྡོ་རྗེའི་གཏུམ་མོ་སྦར་བའམ། རང་རྣལ་འབྱོར་མར་སྒོམ་ནས་རླུང་གཉིས་རྩེ་སྤྲད་པས་གསང་བའི་གཏུམ་མོ་སྦར་བར་སྒོམ་པ་གདམས་ངག་ཡིན་ཅིང་གང་ལྟར་གསང་བ་ནས་ཐིག་ལེ་དམར་པོ་ལས་མེ་ཁྱུག་གིས་སོང༌། ཁུ་བའི་རྩ་ནས་ཞུགས། ལྟེ་བའི་གཏུམ་མོ་དང་འདྲེས། དབུ་མའི་ལམ་ནས་སོང༌། བ་སྤུ་ནས་མེའི་ཟེར་ཕྱིར་སྤྲོས་ལྷ་དང་ལྷ་མིན་སོགས་ཐམས་ཅད་བསྲེགས། མེ་ལྕེ་སྤྱི་བོའི་ཐིག་ལེ་ལ་རེག་རེག་འདུག །རྩ་ནང་གི་བྱང་སེམས་ཐམས་ཅད་ཞུ། སྤྱི་བོའི་རྩ་རྒྱུད་ཀྱི་བྱང་སེམས་ཐམས་ཅད་ཧཾ་ལས་བརྒྱུད་ནས་བབས། དེ་བཞིན་དུ་འཁོར་ལོ་བཞི་ཀར་སོང་ནས་གོང་མ་རྣམས་འོག་མ་དང་འདྲེས། ལྟེ་བ་ཡན་ཆད་དུ་བརྟན་པར་བྱས། དྭངས་མའི་དྭངས་མ་ཡུངས་འབྲུ་ཙམ་དཀར་པོ་འོད་ཟེར་སྣ་ལྔ་འཕྲོ་བ་དགའ་བ་འཁྱིལ་བའི་རྣམ་པ་ནོར་བུའི་ནང་གི་རྩེའམ། བྱ་གདོང་གི་རྩེ་མོར་ཁོར་ཁོར་འཁོར་བས། བདེ་བ་བཟོད་དཀའ་བ་ཆིལ་ཆིལ་བ་ལ་སེམས་བཟུང༌། ཡང་དེ་ལས་ལྷན་སྐྱེས་འདྲེན་ཅིང༌། དེ་ཤིན་ཏུ་བརྟན་ན་དང་པོར་ནོར་བུར་ཕུབ། དེ་ཡར་དྲངས་ཏེ་རིམ་གྱི་སོར་རེ་རེ་སྟེང་དེ། མཐར་སྤྱི་བོར་འཁོར་བ་ལ་སེམས་གཏད་པས་མས་བརྟན་གྱི་


TNT12_Page_0176
[མ་དཔེ་གཟིགས་ན་འདིར་གནོན།]

ལྷན་སྐྱེས་འཆར་བ་ཡིན། དེ་ཡང་བརྟན་ན་འོད་ཟེར་བསྡུ་བ་སྒོམས་པས་འོད་གསལ་དངོས་ལ་འཇུག་པར་འགྱུར། དེ་ཡན་ཆད་དུ་མཚན་མོའི་ཉམས་ལེན་ཇི་ལྟར་བྱ་བ་ནི་དང་པོར་གཏུམ་མོ་སྒོམ་པའི་སྐབས་ཐིག་ལེ་ལྟེ་བར་ཕྱིན་པ་ཡན་ཆད་དུ་ཆེད་གཉེར་མི་བྱེད། དེ་ནས་ལྟེ་བའི་ཐིག་ལེ་འདྲེས་པའི་བདེ་བ་ལ་སེམས་བཟུང་བའི་ངང་ནས་གཉིད་ལོགདེས་གཉིད་མཐུག་པོ་བདེ་བར་ཆུད་གསུང༌། དེ་མན་ཆད་དུ་ཉིན་མོ་གང་ལ་གོམས་པའི་རྒྱུན་དེ་ཉིད་ལ་འཕེན་པ་ཤུགས་ཆེར་བཅུག་སྟེ་གཉིད་དུས་སུ་འཁྱེར། གལ་ཏེ་རྨི་ལམ་བཟུང་འདོད་ན་མེ་དམིགས་ཀྱི་མེ་དང༌། དགའ་བ་འཁྱིལ་བའི་ཐིག་ལེ་མགྲིན་པར་སྒོམ་ལ་རྨི་ལམ་ཡིན་སྙམས་དུ་བྱས་པས་ཟིན་འོང༌། དེ་ནས་གཉིད་དུས་སུ་ལྷར་བསྒོམ་སྙམ་པའི་འདུན་པ་དང་དམིགས་པ་སྦྱོང༌། དེ་ནས་གཉིད་ཀྱི་སྐབས་སུ་རྨི་ལམ་ཟིན། ཉིན་མོའི་དམིགས་པ་དྲན་ནས་ཐམས་ཅད་ལྷ་སྐུར་འབྱོངས་ཤིང༌། དེར་གཏུམ་མོ་དང༌། འོད་ཟེར་བསྡུ་བ་དགའ་བ་འཁྱིལ་བ་གང་སྒོམ་པས་ཀྱང་རྨི་ལམ་གྱི་ལྷ་སྐུར་སླར་ཡང་འོད་གསལ་དུ་འཇུག །དེ་ལྟར་ན་གཉིད་ཐུན་གཅིག་གི་ནང་དུ་ཡང་ལྡང་འཇུག་ཡང་ཡང་ནུས་གསུང༌། འོད་ཟེར་བསྡུ་བ་ཐོག་མའི་སྐབས་སུ་སྒོམ་ན་ཡང༌། དེ་དག་དང་འདྲ་ལ། དང་པོར་གཞན་ལ་གོམས་ནས་དེ་ནས་ལམ་རེ་མཐོར་སོང་བའི་སྐབས་ནི་འཕེན་པ་བཏང་ནས་སྟོང་པར་བསྡུས་པའི་ངང་ལ་རིང་དུ་འཇོག །དེར་སེམས་མི་གནས་ན་སྐད་ཅིག་གིས་ལྷར་བསྐྱེད་ལ་ཡང་ཡང་སྦྱང་ངོ༌། །གཉིད་དུ་འགྲོ་ཁར་ཡང་དེ་


TNT12_Page_0177
[མ་དཔེ་གཟིགས་ན་འདིར་གནོན།]

བཞིན་དུ་བྱའོ། །དགའ་བ་འཁྱིལ་བ་འཁོར་དང་བཅས་པའོ། །འདི་ནི་རྗེས་ཞིག་གི་རིམ་པ་ཡིན་ཏེ། དབུ་མའི་ནང་གི་ལྟེ་སྙིང་གང་རུང་དུ་ཀྵུཾ་ལྗང་ཁུ་སྒོམ། དེ་ལས་སྣ་གཡས་ནས་འོད་འཕྲོས་སྣོད་བཅུད་ཐམས་ཅད་འོད་དུ་ཞུ། དེ་དག་ཐམས་ཅད་སྣ་བུ་གཡོན་ནས་ཞུགས་ཀྵུཾ་ལ་ཐིམ་པས་ཐིག་ལེ་སྲན་མ་ཙམ་བཾ་ཡིག་དང་བཅས་པའམ། ནཱ་དས་མཚོན་པར་གྱུར། དེའི་འོད་ཀྱིས་ལུས་ཀྱང་ནང་གི་རླུང་འོད་ཟེར་གྱི་ཚུལ་དུ་བསྡུས། ཐིག་ལེ་ལ་ཐིམ། སྐུ་ཡང་ཡལ། བཾ་དང་ཐིག་ལེ་ནཱ་དའི་བར་དུ་བསྡུས་ནས་སྟོང་པ་ལ་རིང་དུ་བཞག །དེ་ནས་ཡང་ལྷར་ལྡང༌། དེའི་མཚོན་པའི་སྣང་བ་གང་སྣང་ཡང་ལྷར་སྒོམ་པ་ནི་འོད་ཟེར་བསྡུ་བ་ཞེས་བྱ་སྟེ་ལྡང་འཇུག་འདི་ཡང་ཡང་སྒོམ་མོ། །འདིར་ཉམས་ཀྱི་ཁྲིད་པ་ཅི་རིགས་པ་ལ། འོད་ཟེར་བསྡུ་བའི་ཚན་བདུན་པོ་རེ་རེ་ལ་ཞག་དྲུག་དྲུག་བྱ། དེ་རྣམས་སོང་བའི་རྗེས་སུ་སླར་ལམ་གྱི་རིམ་པ་ཇི་ལྟ་བ་བཞིན་དུ་སྒོམ་དགོས་སོ། །དེ་དག་ཏུ་ཉམས་ཅི་རིགས་པ་སྐྱེས་ན། དུག་དང་བྲལ་བ་སྟེ། དེ་ཉིད་སེམས་དང་གཅིག་གམ་ཐ་དད་ཉམས་སྣ་ཚོགས་དང༌། ཁྱད་པར་བདེ་བ་ནམ་ཤར་དུས་དེ་ཉིད་ཡང་ཡང་བཙལ། གཞན་ཡང་དེའི་ཚེ་སྐྱོ་བ་དང་དགའ་བ་ཉོན་མོངས་ཅི་སྐྱེས་ཐམས་ཅད་ལེགས་པར་བཙལ། མཐར་གང་དུ་ཡང་མ་གྲུབ་པའི་ངོ་བོ་ལ་འཇོག་ཚུལ། བདེ་བའི་རྩལ་དང༌། རིག་པའི་འཆར་སྒོ་མ་འགགས་པ་དེ་ཉིད་རྟག་ཏུ་བསྐྱངས་ཤིང༌། ཕྱོགས་མེད་དུ་སྦྱོང༌། གང་སྣང་ཐམས་ཅད་དེ་ལྟར་ངོ་འཕྲོད་པར་བྱའོ། །གཏུམ་མོའི་མེ་ནང་དང༌། དགའ་བ་འཁྱིལ་བའི་ཐིག་ལེའི་ནང་དང༌།


TNT12_Page_0178
[མ་དཔེ་གཟིགས་ན་འདིར་གནོན།]

ཀྵུཾ་གི་ཐིག་ལེའི་ནང་དུ་ལྷ་སྐུ་ཐིག་ལེ་སོགས་སྐྱེད་ཆོག་ཇི་ལྟ་བར་སྒོམ། ཡང་དེའི་ནང་དུ་གཏུམ་མོ་དང༌། ལྷ་སྐུ་ལ་སོགས་པ་ཐུག་མེད་དུ་སྒོམ་སྟེ། བསྐྱེད་རིམ་དང་རྫོགས་རིམ་ཕན་ཚུན་རྒྱས་འདེབས་པ་ཡིན་གསུང་སྟེ། ཕྱོགས་འདྲ་བ་ཡིན་ནོ། །གོ་དོན་ནི་གཞུང་ཉིད་ཀྱི་སྟེང་དུ་རྟོགས་པར་བྱའོ། །རྔོན་པའི་གདམས་ངག་གི་དམར་ཁྲིད་ལག་ལེན་རྫོགས་སོ།། །།བདེ་བའི་འཇུག་ངོགས་རྨད་དུ་བྱུང༌། །ཤིན་ཏུ་མྱུར་བའི་མན་ངག་ནི། །ཚེ་འདིར་བྱང་ཆུབ་འགྲུབ་ངེས་པས། །ཐོབ་པ་འདི་ལ་དགའ་བར་བྱོས། །དེ་སྐད་ཀྱང་གསུང་ངོ༌། །ཞེས་པ་འདི་ཡང་འགྲོ་བའི་འདྲེན་པ་དམ་པ་རྗེ་བཙུན་དཔལ་སྟག་ལུང་ཐང་པ་དོན་གྱི་སླད་དུ་མཚན་ནས་སྨོས་ཏེ། བླ་མ་དམ་པ་ཀུན་དགའ་བཀྲ་ཤིས་ཀྱི་བཀའ་སྩལ་སྤྱི་བོས་ནོད་དེ་ཏཱ་ར་ནཱ་ཐས་རང་ལོ་ཉེར་གསུམ་པ་ལ་བྲིས། །ཞུ་དག། མངྒ་ལཾ་ཤུབྷ་ཝསྟུ།།


TNT12_Page_0179
[མ་དཔེ་གཟིགས་ན་འདིར་གནོན།]

ཤོག་སྟོང་།

རྗེ་བཙུན་རྡོ་རྗེ་རྣལ་འབྱོར་མ་བདེན་གཉིས་ཞལ་ཅན་སྒྲུབ་ཅིང་མཆོད་པའི་ཆོ་ག་བདེ་བ་ཆེན་པོའི་དཔལ་འབར་བ།


TNT12_Page_0180
[མ་དཔེ་གཟིགས་ན་འདིར་གནོན།]

རྗེ་བཙུན་རྡོ་རྗེ་རྣལ་འབྱོར་མ་བདེན་གཉིས་ཞལ་ཅན་སྒྲུབ་ཅིང་མཆོད་པའི་ཆོ་ག་བདེ་བ་ཆེན་པོའི་དཔལ་འབར་བ་ཞེས་བྱ་བ་བཞུགས།


TNT12_Page_0181
[མ་དཔེ་གཟིགས་ན་འདིར་གནོན།]

ཨོཾ་སྭཱ་སྟི། ན་མོ་གུ་ར་ཝེ། ཡེ་ཤེས་བསྐལ་བའི་མེ་ཡི་གཟི་འོད་ཅན། །སྒེག་འཆང་དུ་མས་རྣམ་བརྒྱན་དྲག་མོ་ཆེ། །མི་ཕྱེད་སྔགས་ཀྱི་དེ་ཉིད་རྟག་འཆར་བ། །རྡོ་རྗེ་བཙུན་མོས་བདག་ལ་ཐུགས་བརྩེར་མཛོད། །དཔག་ཡས་སྒྲུབ་ཐབས་ཆུ་གཏེར་བསྲུབས་པ་ལས། །ནམ་མཁའི་ནོར་བུ་དང་མཚུངས་སྙིང་པོ་སྟེ། །གསང་བའི་མན་ངག་ཨོ་རྒྱན་ལས་བྱུང་བ། །བདེན་གཉིས་ཞལ་ཅན་མཆོད་པའི་ཆོ་ག་བརྩམ། །དེ་ཡང་དུས་བཟང་པོ་ལ་སྟེགས་བུའི་སྟེང་དུ་རྡུལ་ཚོན་གྱི་མཎྜལ་འདྲི་སྟེ། པདྨ་དམར་པོའམ། སྣ་ཚོགས་པདྨ་འདབ་བརྒྱད། ལྟེ་བ་ཟླུམ་པོ་ལ་ཆོས་འབྱུང་གྲུ་གསུམ་དམར་པོ་རྩེ་མོ་མདུན་དུ་བསྟན་པ། གྲུ་བཅར་ལྗང་ཁུ་བྱ། པདྨའི་ཕྱི་རོལ་དུ་རྒྱས་པར་ན་དུར་ཁྲོད་རྡོ་རྭ་འོད་ཟེར་འཕྲེང་བས་བསྐོར་བ་འབྲི། བསྡུ་ན་དུར་ཁྲོད་མེད་ཀྱང་ཆོག།ཤིན་ཏུ་བསྡུ་ན་རྡོ་རྭ་མེ་རིའི་ཚབ་ཏུ་རེ་ཁ་ནག་པོ་དང་དམར་པོས་བསྐོར་བ་ཙམ་བྱེད་པའང་ཡོད། དེའི་སྟེང་དུ་མཉྫི་ལ་ཐོད་པ་མྱོས་བྱེད་ཀྱིས་བཀང་བ་དང༌། མེ་ལོང་ཆང་གིས་བརླན་པ་ལ་སིནྡྷུ་ར་སྙོམས་པར་བཀྲམ། གསེར་གྱི་སྨྱུ་གུ་གཡོན་པའི་མཐེབ་སྲིན་གྱིས་གཟུང་ནས་འབྲི་བར་བཤད་ཀྱང༌། མྱུ་གུ་ཇི་ལྟར་འོས་པ་གསེར་གྱི་མཚན་


TNT12_Page_0182
[མ་དཔེ་གཟིགས་ན་འདིར་གནོན།]

པར་བྱས་ཏེ་གཡས་པའི་མཐེབ་མཛུབ་གིས་བཟུང༌། གཡོན་པའི་མཐེབ་སྲིན་གྱིས་ཀྱང་སྨྱུ་གུའི་རྩ་བ་ནས་འཛིན་པ་ཙམ་མཛད་པའི་སྲོལ་ཡིན། ཆོས་འབྱུང་གྲུ་གསུམ་གྱི་ནང་དུ། རྩ་སྔགས་ཡིག་འཕྲེང་བདུན་པ་འབྲི་ན། ཨོཾ་གསུམ་ལ་འཕྲེང་གཅིག །སྔགས་ཚན་གསུམ་ལ་རེ་རེ། ཧཱུཾ་གསུམ་ལ་གཅིག །ཕཊ་གསུམ་ལ་གཅིག །སྭཱཧཱ་ལ་གཅིག་གོ །གསུམ་དུ་བྱེད་ན། ཡིག་འབྲུ་དང་པོ་བཅུ་བདུན་ལ་གཅིག །དེ་ནས་བཅུ་གཅིག་ལ་གཅིག །དེ་ནས་བཞི་ལ་གཅིག་གོ །ཆོས་འབྱུང་གི་ཕྱི་རོལ་ཕྱོགས་བཞིར་དགའ་བ་འཁྱིལ་བ་ལག་བཞི་པ་རེ་རེ་འབྲི། མདུན་གྱི་དེ་མདུན་དྲང་ཐད་ལ་མི་བྱེད་དེ། རྩེ་མོ་གཡོན་དུ་བྱ། ངག་སྦྱོར་གྱི་གནད་གཅིག་ཀྱང་ཡོད་དོ། ཁ་ཅིག་སིནྡྷུ་རའི་དཀྱིལ་འཁོར་སྣོད་དུ་བཅུག་དར་དམར་གྱིས་འགེབས་པའི་སྲོལ་ཡང་ཡོད་དེ་ཕལ་ཆེར་མི་བྱེད་པའི་དར་དམར་པོའི་གུར་ཁང་ངམ། བླ་བྲེའམ། ཡོལ་ཁང་གིས་བཅད། ཆུ་གཉིས་སྔོན་དུ་འགྲོ་བའི་ཉེར་སྤྱད་དང་གཏོར་མ་ལྔ་བཤམས། རྡོར་དྲིལ། ནང་མཆོད། ཌཱ་མ་རུ། རོལ་མོ་དང་མིག་དར་སོགས་འོག་ཏུ་དགོས་པ་རྣམས་ཚོགས་པར་བཤམས། བུམ་པ་ཡང་སྤྱི་དང་མཐུན་པར་འཆའོ། །སྔོན་འགྲོ་གཏོར་མ་


TNT12_Page_0183
[མ་དཔེ་གཟིགས་ན་འདིར་གནོན།]

གནས་ཡོ་བྱིན་རླབས་དང༌། །ཞུ་འབུལ་སྐྱབས་འགྲོ་སེམས་བསྐྱེད་རྡོར་སེམས་བསྒོམ། །དྲུག་པོ་སྤྱི་མཐུན་སྔོན་འགྲོ་ཡིན་ཞེས་བྱ། །དེ་ནས་ཆོ་གའི་རིམ་པ་ལ་འཇུག་སྟེ། ཐོག་མར་སྔོན་འགྲོ་གཏོར་མ་ནི། ཨོཾ་སུམྦྷ་ནི་སུམྦྷ་ཧཱུཾ་ཧཱུཾ་ཕཊ། ཨོཾ་གྲྀཧྞ་གྲྀཧྞ་ཧཱུཾ་ཧཱུཾ་ཕཊ། ཨོཾ་གྲྀཧྞ་པཱ་ཡ་གྲྀཧྞ་པཱ་ཡ་ཧཱུཾ་ཧཱུཾ་ཕཊ། ཨོཾ་ཨཱ་ན་ཡ་ཧོ་བྷ་ག་ཝཱན་བཛྲ་རཱ་ཛ་ཧཱུཾ་ཧཱུཾ་ཕཊ་ཀྱིས་བསངས། ཨོཾ་སྭ་བྷཱ་ཝ་ཤུདྡྷ་སརྦ་དྷརྨ་སྭ་བྷཱ་ཝ་ཤུདྡྷོ྅ཧཾ། ཞེས་པས་སྦྱངས། ཨོཾ་ཨཱཿཧཱུཾ་ཧ་ཧོཿཧྲཱིཿ ཞེས་པས་བྱིན་གྱིས་བརླབས། ཕཻཾ་བཛྲ་ཨ་རལླི་ཧོ། ཛཿཧཱུཾ་བཾ་ཧོཿ བཛྲ་ཌཱ་ཀཱི་ནི་ས་མ་ཡ་སྟྭཾ། དྲྀ་ཤྱཧོ། ཞེས་པས་སྤྱན་དྲངས། ཨོཾ་ཁ་ཁ་ཁཱ་ཧི་ཁཱ་ཧི། སརྦ་ཡཀྵ། རཱཀྵ་ས། བྷཱུ་ཏ་པྲེ་ཏ་བི་ཤཱ་ཙ། ཨུནྨ་ད། ཨ་པསྨཱ་ར། ཌཱ་ཀ་ཌཱ་ཀི་ནྱཱ་ད་ཡ། ཨི་མཾ་བ་ལིཾ་གྲྀཧྞཱནྟུ་ས་མ་ཡ་རཱཀྵནྟུ། མ་མ་སརྦ་སིདྡྷི་མྨེ་པྲ་ཡཙྪཱནྟུ། ཡ་ཐཻ་བཾ། ཡ་ཐཻ་ཥཾ། བྷུཉྫ་ཐ། པི་ཝ་ཐ། ཛི་གྷྲ་ཐ། མ་ཏི་ཀྲ་མ་ཐ། མ་མ་སརྦ་ཀརྟ་ཡ། སཏྶུ་ཁཾ། བི་བྲྀདྡྷ། ས་ཧ་ཡི་ཀ་བྷ་ཝཱནྟུ་ཧཱུཾ་ཧཱུཾ་ཕཊ་ཕཊ་སྭཱཧཱ། ལན་གསུམ། ཨོཾ་བཛྲ་ཨརྒྷཾ་སྭཱཧཱ། པཱ་དྱཾ། ཨོཾ་བཛྲ་པུཥྤེ་ཨཱཿཧཱུཾ། དྷཱུ་པེ། ཨཱ་ལོ་ཀེ གནྡྷེ། ནཻ་བེ་ཏྱེ། ཤཔྟ་ཨཱཿཧཱུཾ། སངས་རྒྱས་མཁའ་འགྲོ། རྡོ་རྗེ་མཁའ་འགྲོ། རིན་ཆེན་མཁའ་འགྲོ། པདྨ་མཁའ་འགྲོ། སྣ་ཚོགས་མཁའ་འགྲོ། ཕོ་ཉ་གནས་ལས་སྐྱེས་པ། རིགས་ལས་སྐྱེས་པ། སྔགས་ལས་སྐྱེས་


TNT12_Page_0184
[མ་དཔེ་གཟིགས་ན་འདིར་གནོན།]

པ། ལས་ལས་སྐྱེས་པའི་མཁའ་འགྲོ་མ་རྣམས་དང༌། གནས་གསུམ་གྱི་རྡོ་རྗེ་མཁའ་འགྲོ་མ་རྣམས་དང༌། སྲིད་པ་གསུམ་གྱི་འབྱུང་པོའི་ཚོགས་ཐམས་ཅད་ཀྱི་ཞལ་དུ་མཆོད་པ་དམ་པ་འབུལ་ལོ། །ཨོཾ་ཨཱཿཧཱུཾཿ ལྷ་ཡི་ཚོགས་རྣམས་མ་ལུས་དང༌། །ཀླུ་ཡི་ཚོགས་རྣམས་མ་ལུས་དང༌། །གནོད་སྦྱི་ཚོགས་རྣམས་མ་ལུས་དང༌། །སྲིན་པོའི་ཚོགས་རྣམས་མ་ལུས་དང༌། །འབྱུང་པོའི་ཚོགས་རྣམས་མ་ལུས་དང༌། །ཡི་དྭགས་ཚོགས་རྣམས་མ་ལུས་དང༌། །ཤ་ཟའི་ཚོགས་རྣམས་མ་ལུས་དང༌། །སྨྱོ་བྱེད་ཚོགས་རྣམས་མ་ལུས་དང༌། །བརྗེད་བྱེད་ཚོགས་རྣམས་མ་ལུས་དང༌། །མཁའ་འགྲོའི་ཚོགས་རྣམས་མ་ལུས་དང༌། །མ་མོའི་ཚོགས་རྣམས་མ་ལུས་དང༌། །མ་ལུས་པ་ནི་ཐམས་ཅད་དག །འདིར་གཤེགས་བདག་ལ་དགོངས་སུ་གསོལ། །བསྟན་པ་བསྲུང་དང་འགྲོ་བའི་དོན་མཛད་ཕྱིར། །ཐུགས་དམ་བཅས་ཤིང་ཞལ་གྱིས་འཆེས་པ་རྣམས། །དཔལ་ཆེན་བཀའ་སྡོད་ཡིད་ལྟར་མགྱོགས་པ་ཡི། །འཇིགས་པའི་གཟུགས་ཅན་དྲག་གཏུམ་མི་བཟད་པ། །གདུག་པ་འདུལ་མཛད་ནག་པོའི་ཕྱོགས་རྣམས་འཇོམས། །རྣལ་འབྱོར་ལས་ལ་འབྲས་བུ་སྟེར་མཛད་ཅིང༌། །མཐུ་སྟོབས་བྱིན་རླབས་བསམ་གྱིས་མི་ཁྱབ་པའི། །གནོད་སྦྱིན་ཚོགས་སོགས་བརྒྱད་ལ་ཕྱག་འཚལ་བསྟོད། །སྡེ་བརྒྱད་བཙུན་མོ་སྲས་དང་གཡོག་བཅས་པས། །དངོས་གྲུབ་ཀུན་གྱི་


TNT12_Page_0185
[མ་དཔེ་གཟིགས་ན་འདིར་གནོན།]

བཀའ་དྲིན་བདག་ལ་སྩོལ། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང༌། །དཔལ་དང་གྲགས་དང་སྐལ་པ་བཟང༌། །ལོངས་སྤྱོད་རྒྱ་ཆེན་ཀུན་ཐོབ་ཅིང༌། །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་གསུངས། །སྲུང་མས་རྟག་ཏུ་གྲོགས་མཛོད་ཅིག །དུས་མིན་འཆི་དང་ནད་རྣམས་དང༌། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང༌། །འབྲུ་རྣམས་འཕེལ་དང་ཆོས་འཕེལ་དང༌། །དགེ་ལེགས་ཐམས་ཅད་འབྱུང་བའི་གནས། །ཡིད་ལ་འདོད་པ་ཀུན་འགྲུབ་ཤོག །དཔལ་ལྡན་བླ་མ་དམ་པ་རྣམས་ཀྱི་ཐུགས་ཀྱི་དགོངས་པ་ཁྱད་པར་ཅན་གོང་ནས་གོང་དུ་ཡོངས་སུ་རྫོགས་པའི་ཕྱིར་དང༌། འགྲོ་བ་ནམ་མཁའ་དང་མཉམ་པའི་སེམས་ཅན་ཐམས་ཅད་ཀྱིས་ཕྱག་རྒྱ་ཆེན་པོ་མཆོག་གི་དངོས་གྲུབ་ཐོབ་པར་བྱ་བའི་ཕྱིར། རྡོ་རྗེ་རྣལ་འབྱོར་མའི་དཀྱིལ་འཁོར་ཆེན་པོ་སྒྲུབ་ཅིང་མཆོད་པ་དང༌། བདག་ཉིད་འཇུག་ཅིང་དབང་བླང་པར་འཚལ་ན། དཀར་པོའི་ཕྱོགས་ལ་མངོན་པར་དགའ་བའི་ཕྱོགས་སྐྱོང་རྣམས་ཀྱིས་མཆོད་སྦྱིན་གྱི་གཏོར་མ་རྒྱ་ཆེན་པོ་འདི་བཞེས་ལ། ཇི་སྲིད་དཀྱིལ་འཁོར་ཆེན་པོའི་བྱ་བ་མཐར་མ་ཕྱིན་གྱི་བར་དུ་བར་ཆད་སྲུང་བའི་འཕྲིན་ལས་མཛོད་ཅིག །


TNT12_Page_0186
[མ་དཔེ་གཟིགས་ན་འདིར་གནོན།]

གང་དག་ནག་པོའི་ཕྱོགས་ལ་མངོན་པར་དགའ་བའི་འབྱུང་པོ་གདུག་པ་ཅན་གསང་སྤྱོད་ལྟ་བར་མི་དབང་བ་རྣམས་གཏོར་མའི་ལྷག་མ་འདིས་ཚིམ་པར་གྱིས་ལ། སའི་ཕྱོགས་འདིར་མ་གནས་པར་གཞན་དུ་སོང་ཞིག །སུམྦྷ་དྲག་ཏུ་བཟླས་ལ་རོལ་མོའི་སྒྲ་དང་བཅས་ཏེ་གཏོར་མ་ཕྱི་རོལ་དུ་དོར། དེ་ནས་གནས་དང་ཡོ་བྱད་བྱིན་གྱིས་བརླབས་པ་ནི། གོང་བཞིན་བསངས་སྦྱངས། སྟོང་པའི་ངང་ལས་གནས་ཁང་བྷྲུཾ་ལས་བྱུང་བའི་རིན་པོ་ཆེ། སྣ་ཚོགས་ལས་གྲུབ་པའི་གཞལ་མེད་ཁང་དང་བཅས་ཤིང་ཐོགས་པ་མེད་པའི་དབུས་སུ། ཨཱཿལས་ཡེ་ཤེས་ཀྱི་ཀ་པཱ་ལ་ཡངས་ཤིང་རྒྱ་ཆེ་བ་རྣམས་ཀྱི་ནང་དུ། ཨོཾ་ཨཱཿཧཱུཾ་ཞུ་བ་ལས་བྱུང་བའི་ལྷ་རྫས་ལས་གྲུབ་པའི་མཆོད་ཡོན། ཞབས་བསིལ། མེ་ཏོགབདུག་སྤོས། མར་མེ། དྲི་ཆབ། ཞལ་ཟས། རོལ་མོ་རྣམས་རྒྱུ་འཇིག་རྟེན་དང་འཇིག་རྟེན་ལས་འདས་པའི་དགེ་བ་ལས་གྱུར་པ་ངོ་བོ་བཟང་ཞིང་རྒྱ་ཆེ་བ། ཡུལ་ནམ་མཁའི་མཐས་ཁྱབ་པ། དུས་འཁོར་བ་ཇི་སྲིད་མ་སྟོངས་ཀྱི་བར་དུ། བླ་མ་དང་དཀྱིལ་འཁོར་གྱི་འཁོར་ལོའི་ལྷ་ཚོགས་རྣམས་དང༌། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་སྤྱན་ལམ་དུ་འབྱུང་ཞིང་རྒྱས་པར་གྱུར་ཅིག །ཨོཾ་བཛྲ་ཨརྒྷཾ་པྲ་ཏཱིཙྪ་སྭཱཧཱ། པཱ་དྱཾ། ཨོཾ་བཛྲ་པུཥྤེ་ཨཱཿཧཱུཾ། ཨོཾ་བཛྲ་ཧཱུཾ་པེ་ཨཱཿཧཱུཾ། ཨོཾ་བཛྲ་ཨཱ་ལོ་ཀེ་ཨཱཿཧཱུཾ། ཨོཾ་བཛྲ་གནྡྷེ་ཨཱཿཧཱུཾ། ཨོཾ་བཛྲ་ནཻ་ཝེ་


TNT12_Page_0187
[མ་དཔེ་གཟིགས་ན་འདིར་གནོན།]

ཏྱེ་ཨཱཿཧཱུཾ། ཨོཾ་བཛྲ་ཤཔྟ་ཨཱཿཧཱུཾ། ཨོཾ་བཛྲ་སྥ་ར་ཎ་ཁཾ། ཨོཾ་བཛྲ་གཎྜེ་ར་ཎི་ཏ། པྲ་ར་ཎི་ཏ། སཾ་པྲ་ར་ཎི་ཏ། སརྦ་བུདྡྷ་ཀྵེ་ཊ་པྲ་ཙ་ལི་ཏེ་པྲཛྙཱ་པ་ར་མི་ཏ་ནཱ་ད་སཾ་བྷ་ཝཏ། བཛྲ་དྷརྨ་ཧྲིཿད་ཡ། སནྟོ་ཥ་ནི་ཧཱུཾ་ཧཱུཾ་ཧཱུཾ་ཧོ་ཧོ་ཧོ་ཨཱ་ཁཾ་སྭཱ་ཧཱ། དེ་ནས་སྤྲོ་ན་ཞུ་འབུལ་བྱ། བསྡུ་ན་མ་བྱས་ཀྱང་འགལ་བ་མེད། སྐྱབས་འགྲོ་ནི། ནམ་མཁའ་དང་མཉམ་པའི་སེམས་ཅན་ཐམས་ཅད་དུས་འདི་ནས་བཟུང་སྟེ་ཇི་སྲིད་བྱང་ཆུབ་སྙིང་པོ་ལ་མཆིས་ཀྱི་བར་དུ། དཔལ་ལྡན་བླ་མ་དམ་པ་རྣམས་ལ་སྐྱབས་སུ་མཆིའོ། །རྫོགས་པའི་སངས་རྒྱས་བཅོམ་ལྡན་འདས་རྣམས་ལ་སྐྱབས་སུ་མཆིའོ། །དམ་པའི་ཆོས་རྣམས་ལ་སྐྱབས་སུ་མཆིའོ། །འཕགས་པའི་དགེ་འདུན་རྣམས་ལ་སྐྱབས་སུ་མཆིའོ། །སེམས་ཅན་ཐམས་ཅད་འཁོར་བ་སྡུག་བསྔལ་གྱི་རྒྱ་མཚོ་ལས་བསྒྲལ་ནས། བླ་ན་མེད་པའི་བྱང་ཆུབ་ལ་དགོད་པར་བྱ། དེའི་ཆེད་དུ་རྡོ་རྗེ་རྣལ་འབྱོར་མ་བསྒོམ་པར་བགྱིའོ། །ལན་གསུམ་བྱ། རང་གི་སྤྱི་བོར་པདྨ་དང་ཟླ་བའི་གདན་གྱི་སྟེང་དུ་བཅོམ་ལྡན་འདས་དཔལ་རྡོ་རྗེ་སེམས་དཔའ་ཧེ་རུ་ཀ་སྐུ་མདོག་དཀར་པོ་ཞལ་གཅིག་ཕྱག་གཉིས་རྡོ་རྗེ་དང་དྲིལ་བུ་འཛིན་པས་ཡུམ་ལ་འཁྱུད་པ། རུས་པའི་རྒྱན་དྲུག་གིས་བརྒྱན་པ། ཞབས་རྡོ་རྗེའི་སྐྱིལ་ཀྲུང་དུ་བཞུགས་པ། དེའི་པང་ན་ཡུམ་རྡོ་རྗེ་སྙེམས་མ་སྐུ་མདོག་དཀར་མོ་གྲི་གུག་དང་ཐོད་པ་འཛིན་པས་ཡབ་ལ་འཁྱུད་པ་ཕྱག་རྒྱ་ལྔས་


TNT12_Page_0188
[མ་དཔེ་གཟིགས་ན་འདིར་གནོན།]

བརྒྱན་པ་དང་མཉམ་པར་སྦྱོར་བ། ཡབ་ཀྱི་ཐུགས་ཀར་ཟླ་བའི་དཀྱིལ་འཁོར་གྱི་སྟེང་དུ་ཧཱུཾ་དཀར་པོ། དེ་ལས་འོད་ཟེར་འཕྲོས་པས། དེ་བཞིན་གཤེགས་པ་ཐམས་ཅད་ཀྱི་ཐུགས་ཀྱི་སྙིང་པོ་ཡེ་ཤེས་ཀྱི་བདུད་རྩིར་སྤྱན་དྲངས། ཧཱུཾ་ལ་ཐིམ་བཅོམ་ལྡན་འདས་བདག་དང་སེམས་ཅན་ཐམས་ཅད་ཀྱི་འཁོར་བ་ཐོག་མ་མེད་པ་ནས་བསགས་པའི་སྡིག་སྒྲིབ་ཉེས་ལྟུང་དྲི་མའི་ཚོགས་ཐམས་ཅད་བྱང་ཞིང་དག་པར་མཛད་དུ་གསོལ། ཨོཾ་ཤྲཱི་བཛྲ་ཧེ་རུ་ཀ་ས་མ་ཡ་མ་ནུ་པཱ་ལ་ཡ། བཛྲ་ཧེ་རུ་ཀ་ཏྭེ་ནོ་པ་ཏིཥྛ་ཌི་ཌྷོ་མེ་བྷ་ཝ། སུ་ཏོ་ཥྱོ་མེ་བྷ་ཝ། ཨ་ནུ་རཀྟོ་མེ་བྷ་ཝ། སུ་པོ་ཥྱོ་མེ་བྷ་ཝ། སརྦ་སིདྡྷི་མྨེ་པྲ་ཡཙྪ། སརྦ་ཀརྨ་སུ་ཙ་མེ། ཙིཏྟཾ་ཤྲེ་ཡཿཀུ་རུ་ཧཱུཾ་ཧ་ཧ་ཧ་ཧ་ཧོཿ བྷ་ག་ཝན་བཛྲ་ཧེ་རུ་ཀ་མཱ་མེ་མུཉྩ་ཧེ་རུ་ཀ་བྷ་ཝ་མཧཱ་ས་མ་ཡ་སཏྭ་ཨཱཿཧཱུཾ་ཕཊ། ཅེས་མང་དུ་བཟླ། བདག་ནི་མི་ཤེས་རྨོངས་པ་སྟེ། །དམ་ཚིག་ལས་ནི་འགལ་ཞིང་ཉམ། །བླ་མ་མགོན་པོས་སྐྱོབས་མཛོད་ཅིག །གཙོ་བོ་རྡོ་རྗེ་འཛིན་པ་སྟེ། །ཐུགས་རྗེ་ཆེན་པོ་བདག་ཉིད་ཅན། །འགྲོ་བའི་གཙོ་ལ་བདག་སྐྱབས་མཆི། །སྐུ་གསུང་ཐུགས་རྩ་བ་དང་ཡན་ལག་གི་དམ་ཚིག་ཉམས་པ་ཐམས་ཅད་མཐོལ་ལོ་བཤགས་སོ། །སྡིག་སྒྲིབ་ཉེས་ལྟུང་དྲི་མའི་ཚོགས་ཐམས་ཅད་བྱང་ཞིང་དག་པར་བྱིན་གྱིས་བརླབ་ཏུ་གསོལ། གནས་ཀྱི་ངེས་པ་བླ་མར་གསོལ་འདེབས་དང༌། །ཚོགས་ཞིང་གོ་ཆ་ནང་


TNT12_Page_0189
[མ་དཔེ་གཟིགས་ན་འདིར་གནོན།]

མཆོད་བྱིན་རླབས་གཉིས། །ལག་པའི་བྱ་བ་སྲུང་འཁོར་སྔོན་འགྲོ་ཡིན། །ངག་གསུམ་གཞལ་ཡས་ཁང་དང་དམ་ཚིག་བསྐྱེད། །ཡེ་ཤེས་སྤྱན་འདྲེན་གོ་ཆ་དབང་བསྐུར་བྱ། །དག་དྲན་མཆོད་དང་བསྟོད་པ་བཟླས་པ་དང༌། །སླར་ཡང་མཆོད་བསྟོད་གསོལ་བ་འདེབས་པ་སྟེ། །དེ་དག་བདག་བསྐྱེད་སྒོམ་པའི་དངོས་གཞི་ཡིན། །དེ་ཡང་རང་ཉིད་ནུབ་ཕྱོགས་ཨོ་རྒྱན་གྱི་ཡུལ་དུ་གདོང་ཕྱོགས་པའམ་ཕྱོགས་པར་མོས་ལ། འདི་སྐད་ཅེས་བརྗོད་དེ། བདག་ཉིད་གང་དུ་གནས་པའི་ས་ཕྱོགས་འདི་ཉིད་ཆོས་ཀྱི་དབྱིངས་ཆོས་ཀྱི་འབྱུང་གནས་ཨོ་ཌྀ་ཡ་ན་རྡོ་རྗེའི་གནས་སུ་གྱུར། རང་གི་སྤྱི་བོར་རྩ་བའི་བླ་མ་ཧེ་རུ་ཀ་དང་གཉིས་སུ་མེད་པ་འཛུམ་བག་དང་བཅས་ཤིང༌། རུས་པའི་རྒྱན་གྱིས་སྤྲས་པ། སྐྱབས་གནས་ཐམས་ཅད་ཀྱི་ངོ་བོར་བཞུགས། གང་གི་དྲིན་གྱིས་བདེ་ཆེན་ཉིད། །སྐད་ཅིག་ཉིད་ལ་འཆར་བ་གང༌། །བླ་མ་རིན་ཆེན་ལྟ་བུའི་སྐུ། །རྡོ་རྗེ་ཅན་ཞབས་པད་ལ་འདུད། །བླ་མ་སངས་རྒྱས་བླ་མ་ཆོས། །དེ་བཞིན་བླ་མ་དགེ་འདུན་ཏེ། །བླ་མ་དཔལ་ལྡན་རྡོ་རྗེ་འཆང༌། །གསོལ་བ་འདེབས་སོ་བྱིན་གྱིས་རློབས། །ཞེས་ལན་གསུམ། བླ་མ་ཡི་དམ་སངས་རྒྱས་བྱང་ཆུབ་སེམས་དཔའ་མཁའ་འགྲོའི་ཚོགས་དང་བཅས་པ་རྣམས་ཀྱང་སྟེང་གི་ནམ་མཁའ་ལ་བཞུགས་པར་གྱུར། ཨོཾ་བཛྲ་ཨརྒྷཾ་པྲ་ཏཱིཙྪ་སྭཱཧཱ། ཨོཾ་བཛྲ་པཱདྱཾ་པྲ་ཏཱིཙྪ་སྭཱཧཱ། ཨོཾ་བཛྲ་པུཥྤེ་ཨཱཿཧཱུཾ། ཨོཾ་བཛྲ་དྷཱུ་པེ་ཨཱཿཧཱུཾ། ཨཱ་ལོ་ཀེ །གནྡྷེ། ནཻ་ཝེ་ཏྱེ། ཨོཾ་བཛྲ་ཤཔྟ་ཨཱཿཧཱུཾ། ཅེས་བྱའོ། །འོག་ནས་ཨརྒྷཾ་ནས་ཤཔྟ་འབར་གྱིས་མཆོད་ཅེས་བྱུང་ཚད་འདི་དང་འདྲ་བར་བྱ།


TNT12_Page_0190
[མ་དཔེ་གཟིགས་ན་འདིར་གནོན།]

ཐལ་མོ་སྙིང་ཁར་སྦྱོར་བཞིན་པས། དཀོན་མཆོག་གསུམ་ལ་བདག་སྐྱབས་མཆི། །སྡིག་པ་ཐམས་ཅད་སོ་སོར་བཤགས། །འགྲོ་བའི་དགེ་ལ་རྗེས་ཡི་རང༌། །སངས་རྒྱས་བྱང་ཆུབ་ཡིད་ཀྱིས་བཟུང༌། །ཐེག་ཆེན་བདུད་རྩི་རབ་བཤད་པར། །འཁོར་ལོ་བསྐོར་བར་གསོལ་བ་འདེབས། །ཇི་སྲིད་འཁོར་བ་གནས་ཀྱི་བར། །མྱ་ངན་མི་འདའ་གསོལ་བར་འཚལ། །སངས་རྒྱས་ཆོས་དང་ཚོགས་མཆོག་ལ། །བྱང་ཆུབ་བར་དུ་བདག་སྐྱབས་མཆི། །རང་གཞན་དོན་ནི་རབ་བསྒྲུབ་ཕྱིར། །བྱང་ཆུབ་སེམས་ནི་བསྐྱེད་པར་བགྱི། །བྱང་ཆུབ་མཆོག་གི་སེམས་ནི་བསྐྱེད་བགྱིད་ནས། །སེམས་ཅན་ཐམས་ཅད་བདག་གིས་མགྲོན་དུ་གཉེར། །བྱང་ཆུབ་སྤྱོད་མཆོག་ཡིད་འོང་སྤྱད་པར་བགྱི། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ལན་གསུམ། བླ་མ་ཡི་དམ་སངས་རྒྱས་བྱང་ཆུབ་སེམས་དཔའ་མཁའ་འགྲོའི་ཚོགས་དང་བཅས་པ་འོད་དུ་ཞུ་ནས་བདག་ཉིད་ལ་ཐིམ། རང་གི་གནས་རྣམས་སུ་ཟླ་བའི་དཀྱིལ་འཁོར་གྱི་སྟེང་དུ། ཨོཾ་བཾ་ཧཾ་ཡོཾ། ཧྲིཾ་མོཾ། ཧྲེཾ་ཧྲིཾ། ཧཱུཾ་ཧཱུཾ། ཕཊ་ཕཊ། ནང་མཆོད་བྱིན་རླབས་ཐུན་མོང་བ་ནི། སུམྦྷས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་ཡཾ་ལས་རླུང༌། རཾ་ལས་མེ། ཀཾ་ལས་མི་མགོའི་སྒྱེད་པུ་གསུམ་གྱི་སྟེང་དུ། ཨ་ལས་ཐོད་པ་དཀར་པོ་དུམ་བུ་གསུམ་པ། དེའི་ནང་གི་ཤར་དུ་གོ་ལས་བ་ལང་གི་ཤ་བྲུཾ་གྱིས་མཚན་པ། བྱང་དུ་ཧ་ལས་གླང་པོ་ཆེའི་ཤ་ཁཾ་གིས་མཚན་པ། ནུབ་ཏུ་ད་ལས་རྟའི་ཤ་ཛྲིཾ་གིས་མཚན་པ། ལྷོ་རུ་ཀུ་


TNT12_Page_0191
[མ་དཔེ་གཟིགས་ན་འདིར་གནོན།]

ལས་ཁྱིའི་ཤ་ཨཾ་གིས་མཚན་པ། དབུས་སུ་ན་ལས་མིའི་ཤ་ཧཱུཾ་གིས་མཚན་པ། ཤར་ལྷོར་བཾ་ལས་དྲི་ཆེན་ལམ་གྱིས་མཚན་པ། ལྷོ་ནུབ་ཏུ་ར་ལས་རཀྟ་མཱཾ་གྱིས་མཚན་པ། ནུབ་བྱང་དུ་མ་ལས་རྐང་མར་བཾ་གྱིས་མཚན་པ། བྱང་ཤར་དུ་མུ་ལས་དྲི་ཆུ་ཏཱཾ་གིས་མཚན་པ། དབུས་སུ་ཤུ་ལས་བྱང་སེམས་བཾ་གྱིས་མཚན་པ། དེའི་སྟེང་གི་ནམ་མཁའ་ལ་ཁ་ཊྭཱཾ་ག་དཀར་པོ་མགོ་བོ་ཐུར་དུ་ལྟ་བའི་སྟེང་དུ་བཾ་དམར་པོ་དེ་ལས་འོད་འཕྲོས། ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་དཔའ་བོ་དང་མཁའ་འགྲོ་མ་ཐམས་ཅད་ཀྱི་བྱིན་རླབས་ཡེ་ཤེས་ཀྱི་བདུད་རྩི་བྱང་ཆུབ་སེམས་ཀྱི་རྣམ་པར་སྤྱན་དྲངས་ཏེ་བཾ་ལ་ཐིམ། བཾ་ཡིག་ཁ་ཊྭཱཾ་ག་དང་བཅས་པ་ཞུ་ནས་རྫས་ལ་ཐིམ། རླུང་གིས་མེ་འབར། རྫས་རྣམས་ཞུ་ཞིང་ཁོལ་ནས་མང་པོར་སྤེལ་ཏེ་བདུད་རྩིའི་རྒྱ་མཚོར་གྱུར། ཨོཾ་ཨཱཿཧཱུཾ་ལན་གསུམ་དུ་བརྗོད། ཁྱད་པར་གྱི་ནང་མཆོད་བྱིན་རླབས་ནི། གཡོན་པའི་མཐེབ་སྲིན་གྱིས་དབུས་ནས་བརྩམས་ཏེ་ཆོས་འབྱུང་གཡོན་སྐོར་དུ་བྲི་ཚུལ་བྱ་ཞིང༌། ཨོཾ་གསུམ་མ་ཚར་གཅིག་བརྗོད། མཐེ་བོང་གི་རྩེར་ཨོཾ། མཐེ་ཆུང་གི་རྩེར་ཨཱཿ འཁྲིག་མའི་ངོས་ལ་ཧཱུཾ། ལག་མཐིལ་དུ་བཾ། དེ་ཉིད་ཀྱི་གཟུགས་བརྙན་ཤར་བ་ལྟར་ཆོས་འབྱུང་གི་ནང་གཡོན་ཟུར་དུ་ཨོཾ། གཡས་ཟུར་དུ་ཨཱཿ མདུན་ཟུར་ཧཱུཾ། དབུས་སུ་བཾ་ཡིག་སྟེ་ཡི་གེ་བཞི་འཁོད་པར་གྱུར་པ་ལས་འོད་འཕྲོས། ཕྱོགས་བཅུའི་རྒྱལ་བ་ཡབ་ཡུམ་ཐམས་ཅད་ཀྱི་ཐུགས་རྒྱུད་


TNT12_Page_0192
[མ་དཔེ་གཟིགས་ན་འདིར་གནོན།]

བསྐུལ། ཡེ་ཤེས་ཀྱི་བདུད་རྩི་བྱང་ཆུབ་ཀྱི་སེམས་དཀར་དམར་གྱི་རྣམ་པ་ཅན་སྦྱོར་མཚམས་ནས་སྤྱན་དྲངས་ལ་ཐོད་པའི་ནང་གི་བདུད་རྩི་ལ་ཐིམ། ཨོཾ་ཨཱཿཧཱུཾ། ལན་གསུམ་གཡས་པའི་མཐེབ་སྲིན་གྱིས་བདུད་རྩི་བླངས་ལ། གཡོན་པའི་མཐེ་ཆུང་ནས་མཐེ་བོའི་བར་སོར་མོ་ལྔ་དང༌། ཐམས་ཅད་འདུས་པའི་སེན་མོའི་ངོས་ལ་བདུད་རྩིའི་ཐིག་ལེ་བྱ་ཞིང༌། ཨོཾ་བཾ་ནས་ཕཊ་ཕཊ་ཀྱི་བར་བརྗོད། ཡི་གེ་འབྲུ་གསུམ་ལན་དྲུག་བརྗོད་ཅིང༌། དེ་རྣམས་ལ་བདུད་རྩི་གཏོར། ཡང་འབྲུ་གསུམ་ལན་གསུམ་བརྗོད་ཅིང་ལག་པའི་ལུས་ཐམས་ཅད་ལ་བྱུག་ཚུལ་བྱ། གོ་ཆ་དྲུག་པོ་རང་ལུས་ལ་ཐིམ་པར་གྱུར། གཡོན་པའི་མཐེབ་སྲིན་གྱིས་གནས་དང་རྫས་ལ་ཕྱོགས་ཀུན་དུ་གཏོར། ཨོཾ་ཨཱཿཧཱུཾ། ཨོཾ་ཧྲི་གྷ་གྷ། གྷ་ཏ་ཡ། གྷ་ཏ་ཡ། སརྦ་དུཥྟཾ་ཧཱུཾ་ཕཊ། ལན་གསུམ། བགེགས་ཐམས་ཅད་བསྐྲད། སྟེང་འོག་ཕྱོགས་མཚམས་ཐམས་ཅད་དུ་རྡོ་རྗེའི་ས་གཞི་རྭ་བ་དྲྭ་བ་གུར་བླ་བྲེ་ཡེ་ཤེས་ཀྱི་མེ་དཔུང་འབར་བ་དང་བཅས་པའི་སྲུང་བའི་འཁོར་ལོ་གྱུར། ཨོཾ་སྭ་བྷཱ་ཝ་ཤུདྡྷ་སརྦ་དྷརྨ་སྭ་བྷཱ་ཝ་ཤུདྡྷོ྅ཧཾ། ཨོཾ་བཛྲ་ཤུདྡྷ་སརྦ་དྷརྨ་བཛྲ་ཤུདྡྷོ྅ཧཾ། ཨོཾ་ཡོ་ག་ཤུདྡྷ་སརྦ་དྷརྨ་ཡོ་ག་ཤུདྡྷོ྅ཧཾ། ཞེས་དག་པ་གསུམ་གྱི་སྔགས་བརྗོད། སྟོང་པའི་ངང་ལས་རང་ལུས་གཞལ་ཡས་ཁང་གྲུ་བཞི་སྒོ་བཞི་རྟ་བབས་དང་བཅས་པ། རྒྱན་ཐམས་ཅད་ཀྱིས་བརྒྱན་པ། མཚན་ཉིད་ཐམས་ཅད་ཡོངས་སུ་རྫོགས་པ་ཕྱི་རོལ་ཏུ་དུར་ཁྲོད་ཆེན་པོ་བརྒྱད་སྲུང་བའི་འཁོར་ལོ་དང་བཅས་པས་ཡོངས་སུ་བསྐོར་བའི་གཞལ་མེད་ཁང་གི་དབུས་སུ།


TNT12_Page_0193
[མ་དཔེ་གཟིགས་ན་འདིར་གནོན།]

ཆོས་འབྱུང་གྲུ་གསུམ་ཕྱི་དཀར་ལ་ནང་དམར་བ་རྩ་བ་ཕྲ་བ་ཐུར་དུ་བསྟན་ཅིང༌། གདེངས་ཀ་རྒྱས་པ་གྱེན་དུ་ཕྱོགས་པའི་སྟེང་གུར་དུ་ཕུབ་པའི་ཚུལ་རུས་སྦལ་གྱི་རྒྱབ་ལྟར་མཐོ་བ། ཕྱི་རོལ་ཏུ་དགའ་བ་འཁྱིལ་བ་བཞི་དང་བཅས་པའོ། །དེའི་ནང་དུ་ངག་སྔགས་ཀྱི་ཡིག་འབྲུ་དང༌། སེམས་ལྷ་སྐུའི་རྣམ་པར་གྱུར་པ་ནི། པཾ་ལས་སྣ་ཚོགས་པདྨ་འདབ་མ་བརྒྱད་པའི་ལྟེ་བར་མི་རོ་སེར་པོ་མགོ་གཡོན་དུ་བསྟན་པའི་སྙིང་གར་ཨོཾ་ལས་ཉི་མའི་དཀྱིལ་འཁོར། དེའི་སྟེང་དུ་བཾ་དམར་པོ་ལས་འོད་འཕྲོས། ས་གསུམ་གྱི་དྲི་མ་སྦྱངས། ཕྱོགས་བཅུའི་རྒྱལ་བ་ཐམས་ཅད་ཚུར་གཅིག་ཏུ་འདུས་ཤིང་ཐིམ་པ་ལས་བདག་ཉིད་རྡོ་རྗེ་རྣལ་འབྱོར་མ་སྐུ་མདོག་པདྨ་རཱ་ག་ལྟར་དམར་བ། བནྡྷུ་ཛི་བ་ཀ་དང༌། སིནྡྷུ་ར་དང༌། སེ་འབྲུའི་མེ་ཏོག་དང་འཆར་ཀའི་མདངས་ཀྱིས་འཁྱུད་པ། དྲག་པོ་ཆེན་མོ་འཇིགས་པའང་འཇིགས་པར་མཛད་པ་མོ་ཉི་མ་བྱེ་བའི་འོད་དང་མཚུངས་པའི་གཟི་བརྗིད་ཅན་རྩ་ཞལ་ལྷ་མོའི་རྣམ་པ་འཛུམ་ཁྲོ་ཆགས་པའི་ཉམས་ཅན་ཧུར་བག་ཆགས་པ། མཆེ་བའི་མྱུ་གུ་ལྷག་གེར་གཙིགས་ཤིང་རྒྱ་ཆེར་བཞད་པ་མོ། གཡས་ཞལ་ཕག་གདོང་ཤིན་ཏུ་ཁྲོས་ཤིང་གྱེན་དུ་ཕྱོགས་པས་གཟིགས་པ། དྲག་ཤུལ་ཆེན་པོའི་ང་རོ་ཅན། ཕྱག་གཡས་རྡོ་རྗེའི་གྲི་གུག་འཕྱར་ཞིང༌། གཡོན་ཐོད་ཁྲག་ཐུགས་ཀར་འཛིན་པ། མཆན་ཁུང་གཡོན་དུ་རྡོ་རྗེ་ཁ་ཊྭཱཾ་ག་དཀར་པོ་གྱེན་དུ་བསྒྲེང་བ། དབུ་སྐྲ་ནག་པོ་ཅུང་ཟད་ལི་བ་སིལ་བུར་གྲོལ་ཞིང་བན་བུན་དུ་བསྐྱོད་པས་ཕྱོགས་ཆ་


TNT12_Page_0194
[མ་དཔེ་གཟིགས་ན་འདིར་གནོན།]

འགེངས་པ། དམར་ཞིང་བཀྲ་ལ་ཟླུམ་པོར་གཡོ་བའི་སྤྱན་གསུམ་དང་ལྡན་ཅིང་ཁྲོ་གཉེར་གཡོ་བ། རྡོ་རྗེ་ནག་པོའི་འཕྲེང་བ་ལ་བརྒྱུས་པའི་ཐོད་སྐམ་ལྔའི་འཕྲེང་བ་ཅན། རྒྱུ་མས་སྦྲེལ་བའི་ཁྲག་འཛག་མི་མགོ་ལྔ་བཅུའི་དོ་ཤལ་འཕྱང་བ། འཁོར་ལོ་དང༌། རྣ་ཆ་དང༌། མགུལ་རྒྱན་དང༌། གདུ་བུ་སྟེ་མི་རུས་ལས་གྲུབ་པའི་ཕྱག་རྒྱ་ལྔས་བརྒྱན་པ། གཅེར་བུ་ལོ་བཅུ་དྲུག་ལོན་པ་ལྟར་ལང་ཚོ་ལ་བབ་པའི་གཞོན་ནུ་མ་ཟེའུ་འབྲུ་གསལ་བར་བཞད་པའི་མཚོ་སྐྱེས་དང་ནུ་འབུར་ཟུང་དག་མཐོ་ལ་རྒྱས་པ། སྐེད་སྐབས་ཕྲ་ཞིང་སྐུ་ལུས་གསུམ་འཁྱོག་ཉིད་ཀྱི་ལྡེམ་བག་ཅན། ཞབས་གཡོན་རྐྱང་བའི་སྐྱིལ་ཀྲུང་ཕྱེད་པའི་གར་སྟབས་ཀྱི་བཞུགས་པ། མ་ལུས་པའི་སྤྲུལ་པ་འཆར་བའི་སྐུ་ཅན་བསྐལ་བའི་མེ་ལྟ་བུའི་ཡེ་ཤེས་ཀྱི་མེ་དཔུང་འབར་བའི་དབུས་ན་སྒེག་ཅིང་རོལ་བའོ། །ལྟེ་བར་ཆོས་ཀྱི་འབྱུང་གནས་ཀྱི་ནང་དུ་ཉི་མའི་དཀྱིལ་འཁོར་གྱི་སྟེང་དུ་བཾ་ཡིག་དམར་པོ་དེ་ལས་འོད་ཟེར་འཕྲོས། རང་བཞིན་གྱི་གནས་ནས་རྡོ་རྗེ་རྣལ་འབྱོར་མ་ལ་དཔའ་དང་རྣལ་འབྱོར་མའི་ཚོགས་ཐམས་ཅད་ཀྱིས་བསྐོར་བ་སྤྱན་དྲངས། འབར་བའི་ཕྱག་རྒྱ་དཔྲལ་བར་བསྐོར་བཞིན་པས་ཕཻཾ་ཞེས་བརྗོད། ཛཿཧཱུཾ་བཾ་ཧོཿ གནས་རྣམས་སུ་ཟླ་བའི་དཀྱིལ་འཁོར་གྱི་སྟེང་དུ། ལྟེ་བར་ཨོཾ་བཾ་དམར་མོ་རྡོ་རྗེ་ཕག་མོ། སྙིང་གར་ཧཾ་ཡོཾ་སྔོན་མོ་གཤིན་རྗེ་མ། ཁར་ཧྲིཾ་མོཾ་དཀར་མོ་རྨོངས་བྱེད་མ། དཔྲལ་བར་ཧྲེཾ་ཧྲིཾ་སེར་མོ་སྐྱོང་བྱེད་མ། སྤྱི་གཙུག་ཏུ་ཧཱུཾ་ཧཱུཾ་ལྗང་ཁུ་སྐྲག་


TNT12_Page_0195
[མ་དཔེ་གཟིགས་ན་འདིར་གནོན།]

བྱེད་མ། ཚིགས་ཆེན་བརྒྱད་ལ་ཕཊ་ཕཊ་དུད་ཁ་ཙཎྜི་ཀཱའི་ངོ་བོ་རྣམས་སུ་གྱུར། སླར་ཡང་བཾ་ལས་འོད་ཟེར་འཕྲོས། དབང་གི་ལྷ་དཔལ་ཧེ་རུ་ཀའི་དཀྱིལ་འཁོར་མདུན་གྱི་ནམ་མཁར་ཕཻཾ། དབང་གི་ལྷ་རྣམས་ཀྱིས་བདུད་རྩིའི་གང་བའི་བུམ་ཐོད་ཐོགས་ཏེ་མདུན་གྱི་ནམ་མཁར་བཞུགས་པ་ལ། བདག་ལ་དབང་བསྐུར་དུ་གསོལ་ཞེས་གསོལ་བ་བཏབ་པས། ཇི་ལྟར་བལྟམས་པ་ཙམ་གྱིས་ནི། །དེ་བཞིན་གཤེགས་ཀུན་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་ཁྲུས་བགྱིའོ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུཾ། ཞེས་པ་དང༌། རང་སྔགས་གསུང་བཞིན་པས་དབང་བསྐུར། སྐུ་གང་དྲི་མ་དག་ཆུའི་ལྷག་མ་ཡར་ལུད་པ་ལས་མི་བསྐྱོད་པའི་ངོ་བོ་རྡོ་རྗེ་སྔོན་པོ་རྩེ་ལྔ་པས་དབུ་བརྒྱན་དབང་གི་ལྷ་རྣམས་ཀྱང་རང་ལ་ཐིམ། དེ་ནས་དག་པ་དྲན་པ་ནི། པདྨའི་གདན་ནི་ཉོན་མོངས་པས་མ་གོས་པའོ། །མི་རོའི་གདན་ནི་རྟོག་པ་ཐམས་ཅད་དང་བྲལ་བའི་སྟོང་ཉིད་དོ། །ཉི་མ་ནི་བདེ་བ་ཆེན་པོའི་སྣང་བ་རྒྱས་པའོ། །སྐུ་མདོག་དམར་མོ་ནི་ཐུགས་རྗེས་སེམས་ཅན་ལ་ཆགས་པའོ། །ཞབས་གཉིས་ནི་བདེན་གཉིས་ཟུང་དུ་འཇུག་པའོ། །གྲི་གུག་ནི་དུག་གསུམ་གཅོད་པའོ། །ཐོད་པ་ནི་བདེ་བ་སྐྱོང་བའོ། །ཐོད་སྐམ་ལྔ་ནི་རིགས་ལྔའོ། །མགོ་རློན་གྱི་འཕྲེང་བ་ནི་ཡི་གེ་ལྔ་བཅུ་དག་པའོ། །ཕྱག་རྒྱ་ལྔ་ནི་ཕ་རོལ་ཏུ་ཕྱིན་པ་ལྔའོ། །


TNT12_Page_0196
[མ་དཔེ་གཟིགས་ན་འདིར་གནོན།]

ཞབས་གཡས་བསྐུམས་ཤིང་གཡོན་བརྐྱང་བ་ནི་མི་གནས་པའི་མྱ་ངན་ལས་འདས་པའོ། །སྐྲ་གྲོལ་བ་ནི་མཚན་མས་མ་བཅིངས་པའོ། ཁ་ཊྭཱཾ་ག་ནི་ཐབས་དང་མ་བྲལ་བའོ། །སྐུ་གཅིག་པུ་ནི་ཤེས་རབ་ཀྱི་ཕ་རོལ་ཏུ་ཕྱིན་པའོ། །གཅེར་བུ་ནི་སྒྲིབ་པ་ཐམས་ཅད་དང་བྲལ་བའོ། །མེ་དཔུང་འབར་བ་ནི། ཀུན་ཏུ་ཁྱབ་པའི་ཡེ་ཤེས་ཀྱི་སྣང་བ་སྤྲོ་བའོ། །ཞེས་སོ། །ལྟེ་བའི་བཾ་ཡིག་ལས། ཁྭ་གདོང་མ་དང་འུག་གདོང་མ། ཁྱི་གདོང་མ་དང་ཕག་གདོང་མ། །གཤིན་རྗེ་བརྟན་མ་ཕོ་ཉ་མོ། །མཆེ་བ་མ་དང་འཇོམས་མ་སྟེ། །མ་མོ་བརྒྱད་པོ་སྐུ་མདོག་ལྗང་ཁུ། ཅང་ཏེའུ་དང༌། ཁ་ཊྭཱཾ་ག་དང༌། ཐོད་པ་བདུད་རྩིས་གང་བ་ཐོགས་ཤིང༌། མཆོད་རྫས་སྣ་ཚོགས་འཛིན་པའི་མཁའ་འགྲོ་མའི་ཚོགས་ཀྱིས་བསྐོར་བ་སྤྲོས་ཏེ། མཆོད་པ་དང་བསྟོད་པའི་ལས་མཛད་པར་གྱུར། ཨརྒྷཾ་ནས་ཤཔྟའི་བར་གྱི་ཕྱི་མཆོད་དང་ཨོཾ་གསུམ་མའི་མཐར། ཨོཾ་ཨཱཿཧཱུཾ་གིས་ནང་མཆོད་ཕུལ། དཔལ་ལྡན་རྡོ་རྗེ་མཁའ་འགྲོ་མ། །མཁའ་འགྲོ་མ་ཡི་འཁོར་ལོས་བསྒྱུར། །ཡེ་ཤེས་ལྔ་དང་སྐུ་གསུམ་ཉིད། །འགྲོ་བ་སྐྱོབ་ལ་ཕྱག་འཚལ་ལོ། །ཇི་སྙེད་རྡོ་རྗེ་མཁའ་འགྲོ་མ། །ཀུན་ཏུ་རྟོག་པའི་འཆིང་གཅོད་ཅིང༌། །འཇིག་རྟེན་བྱ་བ་རབ་འཇུག་མ། །དེ་སྙེད་རྣམས་ལ་ཕྱག་འཚལ་ལོ། །ཧེ་རུ་ཀ་དཔལ་དཔའ་བོ་ཆེ། །རྣམ་དག་རྡོ་རྗེའི་དབང་ཕྱུག་དང༌། །རྗེས་ཆགས་ཆགས་པ་ཆེ་རྣམས་ཀྱི། །རྡོ་རྗེ་


TNT12_Page_0197
[མ་དཔེ་གཟིགས་ན་འདིར་གནོན།]

ཕག་མོ་ལ་འདུད་དོ། །རྣམ་པར་རྟོག་མེད་ཡང་དག་རྟོག །ཡིད་ནི་རབ་ཏུ་མི་གནས་ཤིང༌། །ཡིད་ལ་མེད་ཅིང་དྲན་པ་མེད། །དམིགས་མེད་ཁྱོད་ལ་ཕྱག་འཚལ་ལོ། །སྟོང་ཉིད་སྙིང་རྗེའི་བདག་ཉིད་ཅན། ཁམས་གསུམ་པ་ཡི་ངོ་བོ་ཉིད། །བསྐལ་པའི་མེ་ལྟར་གཟི་བརྗིད་འབར། །རྡོ་རྗེ་ཕག་མོ་ལ་འདུད་དོ། །ཞེས་པས་བསྟོད། མཆོད་མ་རྣམས་ལྟེ་བའི་བམ་ལ་ཐིམ། ཡི་གེ་འབྲུ་གསུམ་ལན་གསུམ་བརྗོད་ཅིང་བདུད་རྩི་ལན་གསུམ་མྱངས། ཨོཾ་ཨོཾ་ཨོཾ་སརྦྦ་བུདྡྷ་ཌཱ་ཀི་ནི་ཡེ། བཛྲ་ཝརྞ་ནཱི་ཡེ། བཛྲ་བཻ་རོ་ཙ་ནཱི་ཡེ། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ་སྭཱཧཱ། ཟེས་ངག་བཟླས་དང༌། ཡིད་བཟླས་དང༌། འགོག་པའི་བཟླས་པ་རྣམས་ཅི་རིགས་པར་བྱའོ། །སླར་ཡང༌། ཨོཾ་སརྦ་ཏ་ཐཱ་ག་ཏ་བཛྲ་བཱ་རཱ་ཧཱི་ས་པཱ་རི་ཝ་ར་ཨརྒྷཾ་པྲ་ཏཱིཙྪ་སྭཱཧཱ། དེ་བཞིན་དུ། པདྱཾ་ནས་ཤཔྡའི་བར་ལའང་སྦྱར། ཨོཾ་གསུམ་མའི་མཐར། ཨོཾ་ཨཱཿཧཱུཾ་བདུད་རྩི་མྱང༌། འོག་ནས་འབྱུང་བ་ལྟར། ཨོཾ་ན་མོ་བྷ་ག་ཝ་ཏཱི་ནས། ཁ་གེ་ཧཱུཾ་ཧཱུཾ་ཕཊ། ཀྱི་བར་རྐང་བརྒྱད་ཀྱིས་བསྟོད། བཅོམ་ལྡན་འདས་མ་རྡོ་རྗེ་ཕག་མོའི་ལྷ་ཚོགས་འཁོར་དང་བཅས་པ་རྣམས་ཀྱིས་བདག་ལ་མཆོག་དང་ཐུན་མོང་གི་དངོས་གྲུབ་མ་ལུས་པ་སྩལ་ཞིང་བརྟན་པར་མཛད་དུ་གསོལ། ཞེས་བརྗོད། དེ་ནས་མདུན་བསྐྱེད་ནི། བསང་སྦྱངས་གཟུགས་བརྙན་གསུམ་བསྐྱེད་ཅིང༌། དཀྱིལ་འཁོར་དམ་ཡེ་གོ་ཆ་དང༌། །དབང་བསྐུར་མཆོད་བསྟོད་བཟླས་པ་དང༌། །གསོལ་བཏབ་མདུན་བསྐྱེད་བསྒྲུབ་པ་ཡིན། །དཀྱིལ་འཁོར་ལ་དམིགས་ཏེ།


TNT12_Page_0198
[མ་དཔེ་གཟིགས་ན་འདིར་གནོན།]

སུམྦྷས་བསངས། ཨོཾ་སྭ་བྷཱ་ཝ་ནས། ཡོ་ག་ཤུདྡྷོ྅ཧཾ་གིས་སྟོང་པར་སྦྱངས། སྟོང་པའི་ངང་ལས་དཀྱིལ་འཁོར་འོག་མ་རྡུལ་ཚོན་གྱི་དཀྱིལ་འཁོར་ནི། ཧཱུཾ་ཡིག་ལས་བྱུང་བའི་སྲུང་འཁོར་དུར་ཁྲོད་པདྨའི་ཁོར་ཡུག་དང་བཅས་པའི་ལྟེ་བར་གཞལ་ཡས་ཁང་ཆོས་འབྱུང་དང་བཅས་པ་དང༌། དཀྱིལ་འཁོར་བར་མ་བདུད་རྩིའི་དཀྱིལ་འཁོར་ནི། མི་མགོའི་སྒྱེད་པུ་གསུམ་གྱི་སྟེང་དུ། ཨཱཿལས་བྱུང་བའི་ཀ་པཱ་ལ་ཡངས་ཤིང་རྒྱ་ཆེ་བའི་ནང་དུ། ཡེ་ཤེས་ཀྱི་བདུད་རྩི་རྒྱ་མཚོ་ལྟ་བུར་འཁྱིལ་བའི་དབུས་སུ་ཆོས་འབྱུང་དམར་པོའི་གཡོན་གྱི་ཟུར་དུ་ཨོཾ། གཡས་ཀྱིས་ཟུར་དུ་ཨཱཿ མདུན་གྱི་ཟུར་དུ་ཧཱུཾ། དེ་རྣམས་ཀྱི་དབུས་སུ་བཾ། ཡི་གེ་དེ་རྣམས་ལས་འོད་ཟེར་འཕྲོས། ཕྱོགས་བཅུའི་ཞིང་ཁམས་ཐམས་ཅད་ཁྱབ། སངས་རྒྱས་བྱང་ཆུབ་སེམས་དཔའ་དཔའ་བོ་རྣལ་འབྱོར་མའི་ཚོགས་ཐམས་ཅད། བྱང་ཆུབ་ཀྱི་སེམས་ཀྱི་རྣམ་པར་སྤྱན་དྲངས། སྣོད་བཅུད་ཐམས་ཅད་ཀྱི་དྭངས་མ་རྣམས་ཀྱང་ཡེ་ཤེས་ཀྱི་བདུད་རྩིའི་རྣམ་པར་བསྡུས། ཐོད་པའི་ནང་གི་བདུད་རྩི་ལ་ཐིམ་པས་ཡེ་ཤེས་རྣམ་པ་ལྔའི་ངོ་བོར་གྱུར། ཨོཾ་ཨཱཿཧཱུཾ་ལན་ལྔ། དཀྱིལ་འཁོར་སྟེང་མ་སིནྡྷུ་རའི་དཀྱིལ་འཁོར་ནི། བདུད་རྩིའི་དཀྱིལ་འཁོར་གྱི་དབུས་ཀྱི་སྟེང་དུ། ཨོཾ་ལས་བྱུང་བའི་ཆོས་འབྱུང་ཕྱི་དཀར་ལ་ནང་དམར་བ་བདེ་བ་ཆེན་པོའི་རང་བཞིན་ཅན་གྱི་ནང་གི་དབུས་ཀྱི་ཆ་ལ། རྟེན་དང་བྲལ་བའི་


TNT12_Page_0199
[མ་དཔེ་གཟིགས་ན་འདིར་གནོན།]

ཚུལ་གྱི་བར་སྣང་ལ། ཨོཾ་ཨོཾ་ཨོཾ་ནས་སྭཱཧཱ། ཕྱི་རོལ་ཕྱོགས་བཞིར་གཡུང་དྲུང་འཁྱིལ་བ་དཀར་པོ་ལག་བཞི་དང་ལྡན་ཞིང་གཡོན་སྐོར་དུ་འཁོར་བ། རྡོ་རྗེ་མཁའ་འགྲོ་མ་རྣམས་ཀྱི་གནས་སུ་གྱུར་པའོ། །དེ་ལྟར་རྡོ་རྗེ་གསུམ་གྱི་རང་བཞིན་སྐུ་གསུམ་རྣམ་པར་དག་པའི་དཀྱིལ་འཁོར་གསུམ་པོ་དེ་ཐམས་ཅད་རོ་གཅིག་ཏུ་འདྲེས་པ་ལས་གཞལ་ཡས་ཁང་གྲུ་བཞི་སྒོ་བཞི་ཞེས་པ་ནས། རུས་སྦལ་གྱི་རྒྱབ་ལྟར་མཐོ་བ། ཕྱི་རོལ་དགའ་བ་འཁྱིལ་བ་བཞི་དང་བཅས་པའོ། །དེའི་དབུས་སུ་པཾ་ལས་སྣ་ཚོགས་པདྨ་ཞེས་པ་ནས། འདུས་ཤིང་ཐིམ་པ་ལས། རྡོ་རྗེ་རྣལ་འབྱོར་མ་ཞེས་པ་ནས། རྩེ་ལྔ་པས་དབུ་བརྒྱན། དབང་གི་ལྷ་རྣམས་ཀྱང་མདུན་བསྐྱེད་ལ་གཉིས་སུ་མེད་པར་ཐིམ། ཨརྒྷཾ་ནས། ཤཔྟའི་བར་གྱིས་མཆོད། འོག་ནས་འབྱུང་བའི་རྐང་བརྒྱད་ཀྱི་བསྟོད། རང་གི་སྙིང་ག་ནས་འོད་ཟེར་འཕྲོས། མདུན་བསྐྱེད་ཀྱི་ཐུགས་རྒྱུད་བསྐུལ། མདུན་བསྐྱེད་བཅོམ་ལྡན་འདས་མའི་ཐུགས་ཀ་ནས་འོད་ཟེར་གྱིས་ཚོགས་དཔག་ཏུ་མེད་པ་སྤྲོས། ཕྱོགས་བཅུའི་འཇིག་རྟེན་ཐམས་ཅད་ཁྱབ། སངས་རྒྱས་ཐམས་ཅད་མཆོད། སེམས་ཅན་ཐམས་ཅད་ཀྱི་དོན་མཛད། བཅོམ་ལྡན་འདས་མ་ཉིད་ཀྱི་གོ་འཕང་ལ་བཀོད། སླར་འདུས་ཏེ་ཐུགས་ཀའི་སྔགས་འཕྲེང་ལ་ཐིམ་པར་གྱུར། དེ་ལས་ཀྱང་འོད་ཟེར་བྱུང་བདག་གི་སྙིང་གར་ཐིམ། སྐབས་འདིར། ཨོཾ་གསུམ་མ་ཅི་ནུས་བཟླ། བཟླས་པ་འཇོག་ཁར། ཨོཾ་སུམྦྷ་སོགས་རིག་པའི་རྒྱལ་པོ་ལན་བདུན་ཙམ་བཟླ། ཧེ་རུ་ཀའི་ཡི་གེ་


TNT12_Page_0200
[མ་དཔེ་གཟིགས་ན་འདིར་གནོན།]

བརྒྱ་པའང་ལན་དགུ་སོགས་ཇི་ལྟར་འོས་པ་བཟླ། དེ་ནས་པད་སྐོར་དུ་འགྲོ་བའི་ཐལ་མོ་སྦྱར་ནས། །བཅོམ་ལྡན་འདས་མ་རྡོ་རྗེ་རྣལ་འབྱོར་མ་རྡོ་རྗེ་ཕག་མོའི་ལྷ་ཚོགས་འཇིག་རྟེན་དང་འཇིག་རྟེན་ལས་འདས་པའི་དཔའ་བོ་མཁའ་འགྲོའི་ཚོགས་དང་བཅས་པ་ཐམས་ཅད་དང༌། སངས་རྒྱས་དང་བྱང་ཆུབ་སེམས་དཔའ་མ་ལུས་ཤིང་ལུས་པ་མེད་པ་རྣམས་ཀྱིས་བདག་དང་སེམས་ཅན་ཐམས་ཅད་ལ་ཕྱག་རྒྱ་ཆེན་མོ་མཆོག་གི་དངོས་གྲུབ་ཀྱི་གོ་འཕང་ཐོབ་པའི་འཕྲིན་ལས་མཛད་དུ་གསོལ། ཇི་སྲིད་དེ་མ་ཐོབ་ཀྱི་བར་དུ་ཡང་འཇིག་རྟེན་དང་འཇིག་རྟེན་ལས་འདས་པའི་ཕུན་སུམ་ཚོགས་པ་ཐམས་ཅད་སྩོལ་བ་དང༌། སྡིག་སྒྲིབ་བར་ཆད་མི་མཐུན་པའི་ཕྱོགས་ཐམས་ཅད་ཞི་བ་དང༌། གནོད་པ་ཐམས་ཅད་ལས་སྐྱབ་པ་དང༌། བགེགས་དང་ཉེ་བར་འཚེ་བ་ཐམས་ཅད་བཟློག་པར་མཛད་དུ་གསོལ། ཚེ་དང་བསོད་ནམས་དང་དཔལ་དང་འབྱོར་པ་དང་ཡེ་ཤེས་དང༌། ཡོན་ཏན་གྱི་ཆོས་ཐམས་ཅད་གོང་ནས་གོང་དུ་འཕེལ་ཞིང་རྒྱས་པར་མཛད་དུ་གསོལ། ཁམས་གསུམ་གྱི་སྐྱེ་འགྲོ་ཐམས་ཅད་དབང་དུ་བསྡུ་བ་དང༌། གདུལ་དཀའ་མ་ལུས་པ་ཚར་གཅོད་ཅིང་འདུལ་བ་དང༌། རིག་པ་འཛིན་པ་དང༌། རལ་གྲི་དང༌། རོ་ལངས་དང༌། གནོད་སྦྱིན་མོ་དང༌། བཅུད་ཀྱི་ལེན་དང༌། གཏེར་ཆེན་པོ་ལ་སོགས་པའི་དངོས་གྲུབ་ཐམས་ཅད་སྩོལ་བ་དང༌། ཡང་དག་པ་མཁའ་སྤྱོད་ཀྱི་གནས་སུ་དཀྲི་བར་


TNT12_Page_0201
[མ་དཔེ་གཟིགས་ན་འདིར་གནོན།]

མཛད་དུ་གསོལ། ཁྱད་པར་དུ་ཡང་རྟེན་དང་བརྟེན་པར་བཅས་པའི་དཀྱིལ་འཁོར་པ་ཐམས་ཅད་གཤེགས་གསོལ་གྱི་ཆོ་ག་མ་བྱས་ཀྱི་བར་དུ་བརྟན་པར་བཞུགས་སུ་གསོལ། བརྟན་པར་བཞུགས་ནས་ཀྱང་བདག་ཅག་གིས་མཆོད་པ་ཕུལ་བ་རྣམས་དགྱེས་པའི་ཐུགས་ཀྱིས་བཞེས་པར་མཛད་དུ་གསོལ། ཞེས་གསོལ་བ་བཏབ། སྤྱན་འདྲེན་མཆོད་པ་བྱིན་གྱིས་བརླབས། །ཆུ་གཉིས་ཉེར་སྤྱོད་གོས་ཟུང་དང༌། རིག་མ་བཅུ་དྲུག་རིན་ཆེན་བདུན། །འདོད་ཡོན་ལྔ་དང་ནང་མཆོད་གཉིས། རྗེས་ཆགས་ཡིད་བྱུང་བསྟོད་དང་གླུ། །གཏོར་ཆོག་རྣམས་ཏེ་མཆོད་པའི་སྡོམ། །རང་གི་སྙིང་གའི་ས་བོན་ལས་འོད་ཟེར་འཕྲོས་པས་སངས་རྒྱས་དང་བྱང་ཆུབ་སེམས་དཔའ་དཔའ་བོ་དང་རྣལ་འབྱོར་མའི་ཚོགས་བསམ་གྱིས་མི་ཁྱབ་པ་བཛྲ་ས་མཱ་ཛཿ ཞེས་མགྲོན་སྤྱན་དྲངས། མཆོད་པ་རྣམས་བསངས་སྦྱངས། སྟོང་པའི་ངང་ལས་ཨཱཿལས་ཡེ་ཤེས་ཀྱི་ཀ་པཱ་ལ་ཡངས་ཤིང་རྒྱ་ཆེ་བ་རྣམས་ཀྱི་ནང་དུ། ཨོཾ་ཨཱཿཧཱུཾ་ཞུ་བ་ལས་བྱུང་བའི་ལྷ་རྫས་ལས་གྲུབ་པའི་མཆོད་ཡོན། ཞབས་བསིལ། མེ་ཏོག །བདུག་སྤོས། མར་མེ། དྲི་ཆབ། ཞལ་ཟས། རོལ་མོ་རྣམས་བཟང་ཞིང་རྒྱ་ཆེ་ལ་དྭངས་ཤིང་ཐོགས་པ་མེད་པ་ནམ་མཁའི་ཁམས་ཐམས་ཅད་གང་པར་གྱུར། ཨོཾ་བཛྲ་ཨརྒྷཾ པཱདྱཾ། པུཥྤེ། དྷཱུ་པེ། ཨཱ་ལོ་ཀེ གནྡྷེ། ནཻ་ཝི་དྱེ། ཤཔྟ་ཨཱཿཧཱུཾ། ཞེས་མཆོད་པ་བྱིན་གྱིས་བརླབས། དེ་ནས་མཆོད་པ་འབུལ་བ་ནི། དྭངས་ཤིང་དྲི་མེད་ཡིད་འོང་བའི། །


TNT12_Page_0202
[མ་དཔེ་གཟིགས་ན་འདིར་གནོན།]

སྔགས་ཀྱི་ཡོན་ཆབ་མཆོག་འདི་དག །མཆོག་ཏུ་གུས་པས་ཁྱེད་ལ་འབུལ། །ཅི་བདེ་བར་ནི་བཞེས་སུ་གསོལ། །ཨོཾ་སརྦ་ཏ་ཐཱ་ག་ཏ་བཛྲ་ཡོ་གི་ནི་ས་པ་རཱི་ཝ་ར་བཛྲ་ཨརྒྷཾ་པྲཏཱིཙྪ་སྭཱཧཱ། དྭངས་ཤིང་དྲི་མེད་ཡིད་འོང་བའི། །སྔགས་ཀྱི་ཞབས་བསིལ་མཆོག་འདི་དག །མཆོག་ཏུ་གུས་པས་ཁྱེད་ལ་འཕུལ། །ཅི་བདེ་བར་ནི་བཞེས་སུ་གསོལ། །ཨོཾ་ནས་བཛྲ་པཱདྱཾ་པྲ་ཏཱིཙྪ་སྭཱཧཱ། ཨོཾ་ལྷ་ཡི་མེ་ཏོག་ཤིན་ཏུ་དམར། །དྲི་ཞིམ་ཤིན་ཏུ་མཛེས་པ་ཡི། །མེ་ཏོག་དེ་རིང་བཞེས་ནས་སུ། །འདི་ལ་བྱིན་གྱིས་བརླབ་ཏུ་གསོལ། །ཨོཾ་ནས་བཛྲ་པུཥྤེ་པྲ་ཏཱིཙྪ་ཨཱཿཧཱུཾ་སྭཱཧཱ། ཨོཾ་ཙན་དན་ག་བུར་དང་བཅས་པའི། །དྲི་ཞིམ་སྤོས་མེ་དགེ་བ་ཡི། །མཐུ་དང་ལྡན་པར་བྱ་བ་འདི། །བཞེས་ནས་བྱིན་གྱིས་བརླབ་ཏུ་གསོལ། །དྷཱུ་པཾ༴ ཨོཾ་མར་མེ་འོད་ཟེར་འབར་བ་འདི། །ངན་འགྲོའི་མུན་པ་འཇོམས་པར་བྱེད། །ཨ་ཡི་མིག་འབྱེད་བཀྲ་ཤིས་པའི། །མར་མེ་ཁྱེད་ཀྱིས་བཞེས་སུ་གསོལ། །དཱི་པཾ༴ ཨོཾ་སྣ་ཚོགས་ལྷ་ཡི་དྲི་ཞིམ་པ། །སྣ་ཚོགས་ག་བུར་རྣམ་བརྒྱན་པ། །སྣ་ཚོགས་ཡི་གེ་ཧཱུཾ་ལས་བྱུང༌། །དྲི་འདི་འབུལ་གྱི་བཞེས་སུ་གསོལ། །གནྡྷ༴ ཨོཾ་ཁ་དོག་དྲི་དང་རོ་ལྡན་པའི། །བཟའ་བ་མཆོག་དང་ཡང་དག་ལྡན། །ཐམས་ཅད་སྦྱར་བའི་བཤོས་འདི་དག །འབུལ་གྱི་ཡང་དག་བཞེས་སུ་གསོལ། །ནཻ་ཝི་ཏྱ༴ །ཨོཾ་པ་ཊ་ཧ་དང་


TNT12_Page_0203
[མ་དཔེ་གཟིགས་ན་འདིར་གནོན།]

ཅང་ཏེའུ་སོགས། དུང་དང་རྔ་སོགས་སྒྲ་དབྱངས་དང༌། །ཡིད་འཕྲོག་སིལ་སྙན་སྣ་ཚོགས་རྣམས། །འབུལ་གྱི་ཡང་དག་བཞེས་སུ་གསོལ། །བཛྲ་ཤཔྟ༴ གོས་ཟུང་བསངས་སྦྱངས། སྟོང་པའི་ངང་ལས་ཧཱུཾ་ལས་བྱུང་བའི་གོས་སྲབ་པ་འཇམ་པ་ཡང་བ་དྭངས་ཤིང་ཐོགས་པ་མེད་པ་ལྷ་རེ་རེ་ལ་ཡང་ཟུང་དུ་སྦྱར་བ་དང་ལྡན་པར་གྱུར། སྲབ་འཇམ་ཡང་པ་ལྷ་ཡི་གོས། །མི་བསྐྱོད་རྡོ་རྗེའི་སྐུ་ལ་གསོལ། །མི་ཕྱེད་དད་པས་བདག་འབུལ་ན། །བདག་ཀྱང་རྡོ་རྗེའི་སྐུ་ཐོབ་ཤོག༴། ཝསྟྲ་ཡེ༴ །ཨོཾ་ཝཱི་ནི་བཛྲི་ཎི་ཧཱུཾ་ཨཱཿ རྡོ་རྗེ་ལྷ་མོ་པི་ཝཾ་མ། །སྟོན་མཁའི་མདོག་མཚུངས་པི་ཝཾ་ལག །པི་ཝཾ་སྒྲ་དང་དབྱངས་ལྡན་པ། །ནམ་མཁའ་ཁྱབ་པས་མཆོད་པར་བགྱི། །ཨོཾ་སརྦ་ཏ་ཐཱ་ག་ཏ་བཛྲ་ཡོ་གི་ནི་ས་པ་རི་ཝཱ་ར་ཝཱི་ནི་བཛྲི་ཎི་པཱུ་ཛི་ཏེ་ཨཱཿཧཱུཾ། ཨོཾ་ཝཱཾ་སེ་བཛྲི་ཎི་ཧཱུཾ་ཨཱཿ རྡོ་རྗེ་ལྷ་མོ་གླིང་བུ་མ། །གསེར་གྱི་མདོག་ཅན་གླིང་བུའི་ལག །གླིང་བུའི་སྒྲ་དང་དབྱངས་ལྡན་པ། །ནམ་མཁའ་ཁྱབ་པས༴ །ཝཾ་སེ༴ ཨོཾ་མྲི་ཏཾ་ག་བཛྲི་ཎི་ཧཱུཾ་ཨཱཿ རྡོ་རྗེ་ལྷ་མོ་རྫ་རྔ་མ། །བནྡྷུའི་མདོག་ཅན་རྫ་རྔའི་ལག །རྫ་རྔའི་སྒྲ་དང་དབྱངས་ལྡན་པ། །ནམ་མཁའ་ཁྱབ་པས༴ །མྲི་ཏཾ་ག༴ །ཨོཾ་མུ་ར་ཛེ༴ །རྡོ་རྗེ་ལྷ་མོ་རྔ་ཟླུམ་མ། །མརྒད་མདོག་མཚུངས་རྔ་ཟླུམ་ལག །རྔ་ཟླུམ་སྒྲ་དང་དབྱངས་ལྡན་པ། །ནམ་མཁའ་ཁྱབ་པས ༴ །མུ་ར་ཛེ༴ །ཨོཾ་ཧ་སྱ༴ །རྡོ་རྗེ་ལྷ་མོ་བཞད་པ་མོ། །


TNT12_Page_0204
[མ་དཔེ་གཟིགས་ན་འདིར་གནོན།]

ཀང་ཤུའི་མདོག་མཚུངས་བཞད་པའི་ཞལ། །འཛུམ་པའི་བཞིན་དང་དབྱངས་ལྡན་པ། །ནམ་མཁའ་ཁྱབ་པས༴ །ཧ་སྱ༴ །ཨོཾ་ལཱ་སྱ༴ །རྡོ་རྗེ་ལྷ་མོ་སྒེག་པ་མོ། །དབང་སྔོན་མདོག་མཚུངས་སྒེག་པའི་ཚུལ། །སྙེམས་པའི་ལུས་དང་གླུར་ལྡན་པ། །ནམ་མཁའ་ཁྱབ་པས༴ །ལཱ་སྱ༴ །ཨོཾ་གཱི་ཏི༴ །རྡོ་རྗེ་ལྷ་མོ་གླུ་དབྱངས་མ། །འཆར་ཀའི་མདོག་མཚུངས་གླུ་ལེན་མ། །གླུ་དང་རོལ་མོའི་སྒྲ་ལྡན་པ། །ནམ་མཁའ་ཁྱབ་པས༴ །གཱི་ཏ༴ །ཨོཾ་ནྲྀ་ཏི༴ །རྡོ་རྗེ་ལྷ་མོ་གར་མཁན་མ། །མ་རྒད་མདོག་མཚུངས་གར་མཛད་མ། །ལག་པ་གར་བྱེད་རྐང་སྟབས་བསྒྱུར། །ནམ་མཁའ་ཁྱབ་པས༴ །ནྲྀ་ཏ༴ །ཨོཾ་པུཥྤེ༴ །རྡོ་རྗེ་ལྷ་མོ་མེ་ཏོག་མ། །གུར་གུམ་མདོག་མཚུངས་མེ་ཏོག་ལག །མེ་ཏོག་ཆར་དང་རོལ་མོར་བཅས། །ནམ་མཁའ་ཁྱབ་པས༴ །པུཥྤེ༴ །ཨོཾ་དྷཱུ་པེ༴ །རྡོ་རྗེ་ལྷ་མོ་བདུག་སྤོས་མ། །དུ་བའི་མདོག་མཚུངས་བདུག་སྤོས་ལག །བདུག་པའི་སྤྲིན་དང་རོལ་མོར་བཅས། །ནམ་མཁའ་ཁྱབ་པས༴ །དྷཱུ་པེ༴ །ཨོཾ་དཱི་པེ༴ །རྡོ་རྗེ་ལྷ་མོ་མར་མེ་མ། །གློག་འོད་མདོག་མཚུངས་མར་མེའི་ལག །མར་མེའི་འོད་དང་རོལ་མོར་བཅས། །ནམ་མཁའ་ཁྱབ་པས༴ །དཱི་པེ༴ །ཨོཾ་གནྡྷེ༴ །རྡོ་རྗེ་ལྷ་མོ་དྲི་ཆབ་མ། །པྲི་ཡང་མདོག་མཚུངས་དུང་ཆོས་ལག །


TNT12_Page_0205
[མ་དཔེ་གཟིགས་ན་འདིར་གནོན།]

དྲི་ཡི་ཆར་དང་རོལ་མོར་བཅས། །ནམ་མཁའ་ཁྱབ་པས༴ །གནྡྷེ༴ །ཨོཾ་རཱུ་པ༴ རྡོ་རྗེ་ལྷ་མོ་གཟུགས་མཛེས་མ། །སྟོན་ཟླའི་མདོག་མཚུངས་མེ་ལོང་ལག །ཡིད་འོང་གཟུགས་དང་རྒྱན་ལྡན་པ། །ནམ་མཁའ་ཁྱབ་པས༴ །རཱུ་པ༴ །ཨོཾ་ར་ས༴ །རྡོ་རྗེ་ལྷ་མོ་ཞལ་ཟས་མ། །ཛ་པའི་མདོག་མཚུངས་ཞལ་ཟས་ལག །ཞལ་ཟས་བདུད་རྩིའི་ཆར་འབེབས་མ། །ནམ་མཁའ་ཁྱབ་པས༴ །ར་ས༴ །ཨོཾ་སྤརྵེ༴ །རྡོ་རྗེ་ལྷ་མོ་ན་བཟའ་མ། །མརྒད་མདོག་མཚུངས་ན་བཟའི་ལག །གོས་དང་རེག་དང་འཁྱུད་པར་ལྡན། །ནམ་མཁའ་ཁྱབ་པས༴ །སྤརྵེ༴ །ཨོཾ་དྷརྨ་དྷཱ་ཏུ་བཛྲི་ཎི་ཧཱུཾ་ཨཱཿ རྡོ་རྗེ་ལྷ་མོ་ཆོས་དབྱིངས་མ། །ཀུནྡའི་མདོག་མཚུངས་ཆོས་འབྱུང་ལག །ཟག་པ་མེད་པའི་བདེ་སྟེར་མ། །ནམ་མཁའ་ཁྱབ་པས་མཆོད་པར་བགྱི། །ཨོཾ་སརྦ་ཏ་ཐཱ་ག་ཏ་བཛྲ་ཡོ་གི་ནི་ས་པ་རི་ཝཱ་ར་དྷརྨ་དྷཱ་ཏུ་བཛྲི་ཎི་པཱུ་ཛི་ཏེ་ཨཱཿཧཱུཾ། བདེ་བར་གཤེགས་པ་ཐམས་ཅད་ལ། །འཁོར་ལོ་རིན་ཆེན་འདི་ཕུལ་བས། །སྲིད་པའི་འཁོར་ལོ་རྒྱུན་ཆད་ནས། །ཆོས་ཀྱི་འཁོར་ལོ་བསྐོར་བར་ཤོག །ཨོཾ་སརྦ་ཏ་ཐཱ་ག་ཏ་བཛྲ་ཡོ་གི་ནི་ས་པ་རི་ཝ་ར་ཙཀྲ་རཏྣ་པཱུ་ཛི་ཏེ་ཨཱཿཧ྄ཱུཾ། རྒྱལ་བ་སྲས་བཅས་ཐམས་ཅད་ལ། །ནོར་བུ་རིན་ཆེན་འདི་ཕུལ་བས། །དབུལ་ཞིང་འཕོངས་པ་རྒྱུན་ཆད་ནས། །འབྱོར་པ་ཕུན་སུམ་ཚོགས་པར་ཤོག༴ །མ་ཎི་རཏྣ་


TNT12_Page_0206
[མ་དཔེ་གཟིགས་ན་འདིར་གནོན།]

པཱུ་ཛི་ཏེ༴ །བཙུན་མོ༴ མ་རིག་མུན་པ་རྒྱུན་ཆད་ནས། །ཤེས་རབ་དབྱིངས་ཀྱི་དོན་རྟོགས་ཏེ། །ཐབས་དང་ཤེས་རབ་འབྲེལ་བར་ཤོག །ཝ་སྟཱི༴ །བློན་པོ་རིན་ཆེན༴ །ཕྱི་ནང་གསང་གསུམ་ཐེག་གསུམ་ལྡན། །བསམ་ཡས་བསྟན་པ་རབ་འཛིན་ཅིང༌། །ཡོན་ཏན་ཐམས་ཅད་ལྡན་པར་ཤོག༴ །མ་ཧཱ་སྟ༴ །གླང་པོ་རིན་ཆེན༴ །ལྟ་ངན་རྣམས་ནི་རབ་བསལ་ཞིང༌། །བླ་མེད་ཐེག་པ་རབ་བཞོན་ནས། །ཐམས་ཅད་མཁྱེན་གྲོང་བགྲོད་པར་ཤོག༴ །ཧ་སྟཱི་རཏྣ༴ །རྟ་མཆོག་རིན་ཆེན༴ །སྲིད་པའི་གཟེབ་ལས་ངེས་གྲོལ་ནས། །རྫུ་འཕྲུལ་མཆོག་གི་ཤུགས་ཐོབ་སྟེ། །སངས་རྒྱས་ཞིང་ཀུན་བགྲོད་པར་ཤོག༴ །ཏུ་རཾ་ག་ཨ་ཤྭ༴ །དམག་དཔོན་རིན་ཆེན༴ །ཉོན་མོངས་དགྲ་ལས་རྒྱལ་གྱུར་ནས། །ཕས་ཀྱི་རྒོལ་བ་ཚར་བཅད་དེ། །བསྙེངས་བྲལ་མཆོག་ནི་ཐོབ་པར་ཤོག༴ །ཁཌྒ༴༴ ཁ་དོག་དབྱིབས་ལེགས་ཡིད་འོང་རྒྱན་འཕྲེང་ལྡན། །ཕྱོགས་དུས་ཀུན་ན་གཟུགས་མཆོག་ཅི་མཆིས་རྣམས། །མོས་བློས་དཀྱིལ་འཁོར་ལྷ་ལ་བདག་འབུལ་ན། །བཞེས་ཤིག་བླ་མེད་གྲུབ་མཆོག་སྩལ་དུ་གསོལ། །ཨོཾ་རཱུ་པ་ཀ་མ་གུ་ཎ་པཱུ་ཛི་ཏེ་ཨཱཿཧཱུཾ། །ཕྱོགས་དུས་ཀུན་ན་ཟིན་དང་མ་ཟིན་དང༌། །ཡོན་ཏན་ཚིག་མཆོག་སྒྲ་དབྱངས་ཅི་མཆིས་རྣམས། །མོས་བློས་དཀྱིལ་འཁོར༴ །བཞེས་ཤིག༴ །ཤཔྟ་ཀ་མ་གུ་ཎ༴ །ཕྱོགས་དུས་ཀུན་ན་ཙན་དན་སྦྲུལ་སྙིང་དང༌། །ཨ་ཀ་ར་ལ་སོགས་


TNT12_Page_0207
[མ་དཔེ་གཟིགས་ན་འདིར་གནོན།]

དབང་པོ་ཚིམ་བྱེད་རྣམས། །མོས་བློས་དཀྱིལ་འཁོར་ལྷ༴ །བཞེས་ཤིག༴ །གནྡྷེ༴ །ཕྱོགས་དུས་ཀུན་ན་རོ་དང་བཅུད་ལྡན་པའི། །ལུས་སེམས་བརྟས་བྱེད་རོ་མཆོག་མཆིས་པ་རྣམས། །མོས་བློས་དཀྱིལ་འཁོར༴ །བཞེས་ཤིག༴ །ར་ས༴ །ཕྱོགས་དུས་ཀུན་ན་འཇམ་མཉེན་འཁྲིལ་ཆགས་པའི། །རེག་བྱའི་ཁྱད་པར་དབང་པོ་ཚིམ་བྱེད་རྣམས༴ །མོས་བློས་དཀྱིལ་འཁོར༴ །བཞེས་ཤིག༴ །ཨོཾ་སརྦ་ཏ་ཐཱ་ག་ཏ་བཛྲ་ཡོ་གི་ནི་ས་པཱ་རི་ཝཱ་ར་སྤརྵེ་ཀ་མ་གུ་ཎ་པཱུ་ཛི་ཏྱེ་ཨཱཿཧཱུཾ། ཁྱད་པར་གྱི་མཆོད་པ་ནི། ནང་མཆོད་ལ་གཉིས་ཀྱི་སྐབས་འདིར་ཚེས་བཅུའི་དུས་སམ༴ །རང་གཞན་གྱི་དོན་གལ་ཆེ་བའི་གནས་སྐབས་སུ། བདུད་རྩིའི་མཆོད་པ་རྒྱས་པ་འབུལ་བར་སྤྲོ་ན། དཀྱིལ་འཁོར་གྱི་མདུན་ཕྱོགས་སུ། དམ་རྫས་སྦྱར་བའི་མྱོས་བྱེད་ཀྱིས་གང་བའི་ཐོད་པ་སྟེགས་བུ་ལ་བཀོད་པ་དང༌། ཆང་ཕལ་པའང་དྲི་བཟང་གི་ཆུ་དང༌། དམར་ཆེན་དང་འོ་མ་ལ་སོགས་པ་མཆོད་ཡོན་གྱི་སྣོད་སོ་སོར་འགྲུབ་ན་བཟང༌། བསྡུ་ན་དེ་དག་གཅིག་ཏུ་བསྲེས་པའི་མཆོད་ཡོན་གྱི་སྣོད་དུང་ཆོས་དང་བུམ་པ་སོགས་ཇི་ལྟར་འོས་པ་དང༌། སྣོད་གཅིག་ཏུ་མཐེབ་ཀྱུ་བ་ལས་བརྒྱན་པ་སུམ་ཅུ་སོ་ལྔ་ནས་བརྒྱ་ལྔ་བཅུའི་བར་ཇི་ལྟར་འོས་པ་སྤུངས། སྣོད་གཅིག་ཏུ་མེ་ཏོག་དམར་པོ་དངོས་སམ་འབྲུ་ཁ་དོག་བསྒྱུར་བ་བླུགས། དེ་ལྟར་ནང་མཆོད་མཆོད་ཡོན་མཐེབ་ཀྱུ་མེ་ཏོག་རྣམས་བཞི་ཚོམས་སུ་བཞག་པའི་དཀྱིལ་དུ་སྟེགས་བུ་ལ་བཟེད་ཞལ་བཀོད། སྤོས་ཕོར། མར་མེ། དྲི་ཆབ་རྣམས་ཅུང་ཟད་ཐག་རིང་པ་གཅིག་གི་རྒྱབ་ཕྱོགས་སུ་བཤམས། ནང་མཆོད་བསངས་སྦྱངས་ནས། ཨོཾ་ཨཱཿཧཱུཾ།


TNT12_Page_0208
[མ་དཔེ་གཟིགས་ན་འདིར་གནོན།]

ལན་གསུམ་གྱི་བར་གོང་བཞིན་བྱིན་གྱིས་བརླབས། མཆོད་པ་རྣམས་ཀྱང་བསངས་སྦྱངས། སྟོང་པའི་ངང་ལས་ཞེས་པ་ནས་ཤཔྟ་ཨཱཿཧཱུཾ་གིས་བར་གོང་བཞིན་བྱིན་གྱིས་བརླབས། ཨོཾ་གསུམ་མའི་མཐར། ཨོཾ་ཨཱཿཧཱུཾ། ཞེས་བཏགས་པ་ཉེར་གཅིག་ནས་བརྒྱ་རྩའི་བར་བརྗོད། སྔགས་རེ་རེ་བཞིན་ལས་བྱེད་པ་བཞིན། ནང་མཆོད་མཆོད་ཡོན། མཐེབ་ཀྱུ། མེ་ཏོག་རྣམས་ནས་ལན་རེ་འབུལ། སློབ་དཔོན་གྱིས་ཅང་ཏེའུ་དང་དྲིལ་བུའི་སྒྲ་བྱེད། དེའི་རྗེས་སུ། ཨོཾ་བཛྲ་པཱ་རཱ་ཧཱི་ཧཱུཾ་ཧཱུཾ་ཕཊ། ཨོཾ་ཡ་མི་ནཱི་ཧཱུཾ་ཧཱུཾ་ཕཊ། ཨོཾ་བཛྲ་མོ་ཧ་ནི་ཧཱུཾ་ཧཱུཾ་ཕཊ། ཨོཾ་བཛྲ་སཉྩ་ལི་ནི་ཡེ་ཧཱུཾ་ཧཱུཾ་ཕཊ། ཨོཾ་བཛྲ་སནྟྲ་ས་ནི་ཡེ་ཧཱུཾ་ཧཱུཾ་ཕཊ། ཨོཾ་བཛྲ་ཙཎྜི་ཀཱ་ཡེ་ཧཱུཾ་ཧཱུཾ་ཕཊ། ཨོཾ་ཀ་ཀ་སྱེ་ཧཱུཾ་ཧཱུཾ་ཕཊ། ཨོཾ་ཨུ་ལུ་ཀ་སྱཻ་ཧཱུཾ་ཧཱུཾ་ཕཊ། ཨོཾ་ཤྭ་ན་སྱཻ་ཧཱུཾ་ཧཱུཾ་ཕཊ། ཨོཾ་སཱུ་ཀ་ར་སྱཻ་ཡེ་ཧཱུཾ་ཧཱུཾ་ཕཊ། ཨོཾ་ཡ་མ་ཌྀ་ཌྷྲ་ཡེ་ཧཱུཾ་ཧཱུཾ་ཕཊ། ཨོཾ་ཡ་མ་དུ་ཏི་ཡེ་ཧཱུཾ་ཧཱུཾ་ཕཊ། ཨོཾ་ཡ་མ་དཾ་ཥྟི་ཎེ་ཡེ་ཧཱུཾ་ཧཱུཾ་ཕཊ། ཨོཾ་ཡ་མ་མ་ཐ་ནི་ཡེ་ཧཱུཾ་ཧཱུཾ་ཕཊ། རྣམས་ལའང༌། ཨོཾ་ཨཱཿཧཱུཾ། ལན་གསུམ་གསུམ་བཏགས་པས་འབུལ། མཇུག་ཏུ་རོལ་ཆེན་དང་རྐང་བརྒྱད་ལྟ་བུའི་བསྟོད་པ་གང་རུང་གཅིག་བྱའོ། །དེ་ནས་དཀྱུས་ཀྱི་ནང་མཆོད་འབུལ་ཏེ། ཨོཾ་ཨཱཿཧཱུཾ་ཧ་ཧོ་ཧྲཱིཿ ཞེས་ནང་མཆོད་བྱིན་རླབས་ཁ་གསོ། ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཡོན་ཏན་འཕྲིན་ལས་ཐམས་ཅད་ཀྱི་ངོ་བོ། མཁྱེན་པའི་ཡེ་ཤེས། བརྩེ་བའི་ཐུགས་རྗེ། མཛད་པའི་འཕྲིན་ལས་རྨད་བྱུང་བསམ་གྱིས་མི་ཁྱབ་པ་མངའ་བ། དྲིན་ཅན་རྩ་བའི་བླ་མ་མཚན་འདི་ཞེས་བྱ་བའི་


TNT12_Page_0209
[མ་དཔེ་གཟིགས་ན་འདིར་གནོན།]

ཞལ་དུ་མཆོད་པ་དམ་པ་འབུལ་ལོ། །ཨོཾ་ཨཱཿཧཱུཾ དབང་ཕྱུག་བརྒྱད་ལྡན་ཁྱབ་བདག་རྡོ་རྗེ་འཆང༌། །རྒྱལ་བའི་ཡུམ་གཅིག་རྡོ་རྗེ་རྣལ་འབྱོར་མ། །མཁའ་འགྲོའི་དབང་ཕྱུག་ལྷ་ལྕམ་དཔལ་མོ་མཛད། །མུ་སྟེགས་འདུལ་མཛད་དཔའ་བོ་བི་རཱུ་པ། །སྤྲོས་བྲལ་དོན་གཟིགས་ཨ་ཝ་དྷཱུ་ཏིའི་ཞབས། །གདོད་མའི་མགོན་པོ་དཔལ་ལྡན་ཤཱ་བཱ་རི། །མཐུ་སྟོབས་ནུས་པ་མངོན་གྱུར་རྒྱལ་པས་བྱིན། །རྡོ་རྗེ་བཙུན་མོས་བྱིན་བརླབས་སངས་རྒྱས་བྱིན། །གནས་ལྔ་མཐར་སོན་དེ་ཝ་ཨཱ་ཀ་ར། །འགྲོ་བའི་དོན་མཛད་ཧ་དུ་དཀར་པོའི་ཞབས། །ཟབ་དོན་མངའ་བདག་དཔྱལ་ལོ་ཀུན་རྡོར་མཚན། །བླ་མ་མཉེས་མཛད་སྐྱི་སྟོན་དཀོན་མཆོག་འབར། །བཤེས་གཉེན་དམ་པ་རྒྱལ་ཚབ་རིན་པོ་ཆེ། །བྱང་ཆུབ་ཐུགས་ལྡན་ལོ་ཙྪ་བྱམས་པ་དཔལ། །ཆེན་པོའི་གཙུག་རྒྱན་མཁན་པོ་བསོད་ནམས་དབང༌། །བྱང་ཆུབ་ཐུགས་ལྡན་སེམས་དཔའ་ཆེན་པོའི་ཞབས། །དཔག་ཡས་གདམས་པའི་མཛོད་འཛིན་ཡང་རྩེ་བ། །མཐའ་ཡས་ཤེས་བྱའི་གནས་རིག་རིན་ཆེན་གྲུབ། །གཞོན་ནུ་བསོད་ནམས་མཚན་ཅན་བྲག་ནག་པ། །མཁས་བཙུན་དམ་པ་མཁན་ཆེན་རིན་རྒྱལ་བ། །དམ་པས་རྗེས་བཟུང་རྒྱལ་དབང་གྲགས་པ་དང༌། །མཚན་མཆོག་ལྡན་པ་རྒྱལ་བ་ཕྱག་ན་བ། །བྱིན་རླབས་མཆོག་ལྡན་འཛིམས་ཆེན་བསོད་རྒྱལ་བ། །ངེས་དོན་བསྟན་འཛིན་


TNT12_Page_0210
[མ་དཔེ་གཟིགས་ན་འདིར་གནོན།]

ཆོས་ཀྱི་དབང་ཕྱུག་མཚན། །ལེགས་པའི་ལམ་སྟོན་ཀུན་དགའ་དཔལ་འབྱོར་ཏེ། །བསླབ་གསུམ་ལྡན་པ་དཀོན་མཆོག་རིན་ཆེན་ཞབས། །གནས་ལུགས་མངོན་གྱུར་ལུང་རིག་རྒྱ་མཚོའི་དཔལ། །ཡོངས་རྫོགས་བསྟན་པའི་སྲོག་ཤིང་རྗེ་བཙུན་མགོན། །བརྒྱུད་པ་ཀུན་འདུས་རྩ་བའི་བླ་མ་ལ། །རྣམ་དག་བདུད་རྩིའི་མཉེས་མཆོད་དམ་པ་འབུལ། །མཐའ་ཡས་འགྲོ་ཀུན་འཆི་མེད་བདུད་རྩིའི་དཔལ། །ཡེ་ཤེས་རྣམ་ལྔའི་རྒྱ་མཚོ་ཐོབ་པར་ཤོག །ཨོཾ་ཨཱཿཧཱུཾ། སྤྲོ་ན་རེ་རེ་བཞིན་དུ་རྣམ་དག་བདུད་རྩི་སོགས་ཚིག་གསུམ་སྦྱར་བར་བྱའོ། །དེ་ནས་འདི་སྐད་ཅེས། གཞན་ཡང་རྩ་བའི་བླ་མ། བརྒྱུད་པའི་བླ་མ། དབང་བསྐུར་རྒྱུད་བཤད། མན་ངག་ནོས། ཆོས་ཀྱི་འབྲེལ་བའི་སྔ་མ་དམ་པ་རྣམས་ཀྱི་ཞལ་དུ་མཆོད་པ་དམ་པ་འབུལ་ལོ། །ཨོཾ་ཨཱཿཧཱུཾ། ཨོཾ་གསུམ་མ་ཚར་གཅིག་བརྗོད། ཕྱོགས་བཅུ་དུས་གསུམ་རྒྱལ་བ་ཐམས་ཅད་ཀྱི། །ཡུམ་གྱུར་སྒྱུ་འཕྲུལ་ཆེན་མོ་བཅོམ་ལྡན་མ། །མཁའ་སྤྱོད་གཙོ་མོ་རྡོ་རྗེ་ཕག་མོ་ལ། །རྣམ་དག༴ །རྡོ་རྗེ་ཕག་མོ་གཞན་དང་གཤིན་རྗེ་མ། །རྨོངས་བྱེད་མ་དང་དཔལ་ལྡན་སྐྱོང་བྱེད་མ། །སྐྲག་བྱེད་མ་དང་རྡོ་རྗེ་ཙཎྜི་ཀ །རྣམ་དག༴ །རིགས་ཀྱི་བཙུན་མོ་འཁོར་ལོས་བསྒྱུར་མ་བཞི། །ཉི་ཤུ་རྩ་བཞི་གནས་སོགས་རྣལ་འབྱོར་མ། །རྡོ་རྗེ་མ་མོ་མ་རུང་འཇོམ་མཛད་བརྒྱད། །རྣམ་དག༴ །སྟོང་ཕྲག་ཉི་ཤུ་རྩ་གཅིག་རྣལ་འབྱོར་མ། །


TNT12_Page_0211
[མ་དཔེ་གཟིགས་ན་འདིར་གནོན།]

རེ་རེའང་བྱེ་བ་ཕྲག་རེའི་རྗེས་འབྲང་བཅས། །ཐུན་མོང་མིན་གྱུར་མཁའ་འགྲོའི་ཚོགས་རྣམས་ལ། །རྣམ་དག༴ གཞན་ཡང་བྱ་བའི་རྒྱུད། སྤྱོད་པའི་རྒྱུད། རྣལ་འབྱོར་གྱི་རྒྱུད། རྣལ་འབྱོར་བླ་ན་མེད་པའི་རྒྱུད་དེ། རྒྱུད་སྡེ་ཆེན་པོ་བཞི་དང་འབྲེལ་བའི་ཡི་དམ་ལྷ་ཚོགས་རྣམས་ཀྱི༴ །གཞན་ཡང་ཕྱོགས་བཅུ་དུས་གསུམ་གྱིས་སངས་རྒྱས་བྱང་སེམས་འཕགས་ཚོགས་ཐམས་ཅད་ཀྱི༴༴ །དཔལ་ཡེ་ཤེས་ཀྱི་མགོན་པོ་ནག་པོ་ཆེན་པོ་ལྕམ་དྲལ་བྲན་གཡོག་བཀའ་སྡོད་འཁོར་དང་བཅས་པ་ཐམས་ཅད་ཀྱི༴༴ གཞན་ཡང་ཆོས་འཁོར་སྲུང་ཞིང་བསྟན་པ་སྐྱོང་བར་ཞལ་གྱིས་བཞེས་པའི་ཆོས་སྐྱོང་སྲུང་མ་རྣམས་ཀྱི༴༴ །གནས་དང་ཉེ་བའི་གནས། ཞིང་དང་ཉེ་བའི་ཞིང༌། ཚན་དོ་དང་ཉེ་བའི་ཚན་དོ། འདུ་བ་དང་ཉེ་བའི་འདུ་བ། འཐུང་གཅོད་དང་ཉེ་བའི་འཐུང་གཅོད། དུར་ཁྲོད་དང་ཉེ་བའི་དུར་ཁྲོད། ཡུལ་ཉི་ཤུ་རྩ་བཞི། གནས་སུམ་ཅུ་རྩ་གཉིས། དུར་ཁྲོད་ཆེན་པོ་བརྒྱད་ན་བཞུགས་པའི་དཔའ་བོ་དང་རྣལ་འབྱོར་མ་སྤྲུལ་པའི་སྐུ་འགྲོ་བ་སེམས་ཅན་གྱི་དོན་མཛད་པ་རྣམས་ཀྱི༴༴ །ཞིང་སྐྱོང་བཞི་བཅུ་ཞེ་བརྒྱད། ཕོ་ཉ་གནས་ལས་སྐྱེས་པ། རིགས་ལས་སྐྱེས་པ། སྔགས་ལས་སྐྱེས་པ། ལས་ལས་སྐྱེས་པའི་མཁའ་འགྲོ་མ་རྣམས་ཀྱི༴ གཞན་ཡང་གནོད་སྦྱིན།


TNT12_Page_0212
[མ་དཔེ་གཟིགས་ན་འདིར་གནོན།]

སྲིན་པོ། འབྱུང་པོ། ཡི་དྭགས། ཤ་ཟ། སྨྱོ་བྱེད། བརྗེད་བྱེད། མ་མོ། ཞིང་སྐྱོང༌། ཕོ་ཉ། འཕྲོག་མ། གྲུབ་པ་རྣམས་ཀྱི༴ །གཞན་ཡང་བོད་ཁམས་སྐྱོང་བའི་བསྟན་མ་བཅུ་གཉིས་འཁོར་དང་བཅས་པ་དང༌། གནས་བདག་གཞི་བདག །གྲོང་བདག །གཉུག་མར་གནས་པ་རྣམས་ཀྱི༴ །འགྲོ་བ་རིགས་དྲུག །ལམ་རྒྱུད་ལྔ། སྐྱེ་གནས་རྣམ་པ་བཞིས་བསྡུས་པའི་རིགས་དྲུག་གི་སེམས་ཅན་ཐམས་ཅད་ཟག་པ་མེད་པའི་བདེ་བས་རྒྱུད་ཚིམ་ནས། མྱུར་དུ་སངས་རྒྱས་ཀྱི་གོ་འཕང་ཐོབ་པའི་སྐལ་བ་དང་ལྡན་པར་གྱུར་ཅིག །ཨོཾ་སརྦ་ཏ་ཐཱ་ག་ཏ་ཨ་མྲྀ་ཏ་སྭཱ་ད་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཞེས་བདུད་རྩི་མྱངས། དེ་ནས་རྗེས་ཆགས་ནི། ཨོཾ་ཨོཾ་ཨོཾ་སརྦ་སོགས་ལན་ལྔ་ཙམ་བྱེད། ཨོཾ་སརྦ་ཏ་ཐཱ་ག་ཏ་ཨ་ནུ་རཱ་ག་ཎ་བཛྲ་སྭ་བྷཱ་ཝ་ཨཏྨ་ཀོ྅ཧཾ། དེ་ནས་ཡིད་བྱུང་ནི། ནམ་མཁའ་མཛོད་ཀྱི་སྔགས་རྒྱ་ལན་གསུམ་བྱེད་པའམ་ཡང་ན་འདི་སྐད་ཅེས། ན་མོ་ཆོས་ཀྱི་དབྱིངས་ཀྱི་བྱིན་རླབས་དང༌། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ཐུགས་རྗེ་རྣམ་པར་དག་པའི་བྱིན་རླབས་དང༌། གསང་སྔགས་དང་ཕྱག་རྒྱའི་མཐུ་དང་བདག་གི་མོས་པ་དང་ཏིང་ངེ་འཛིན་དང་སྨོན་ལམ་གྱི་དབང་གིས་འཇིག་རྟེན་གྱི་ཁམས་ན་བདག་པོས་ཡོངས་སུ་མ་བཟུང་བའི་མཆོད་པའི་བྱེ་བྲག་ཇི་སྙེད་ཡོད་པ་དང༌། གཞན་ཡང་བྱང་ཆུབ་སེམས་དཔའ་


TNT12_Page_0213
[མ་དཔེ་གཟིགས་ན་འདིར་གནོན།]

ཀུན་ཏུ་བཟང་པོའི་མཆོད་སྤྲིན་ལྟ་བུ་བསམ་གྱིས་མི་ཁྱབ་པ་ཞིག་བླ་མ་དང༌། དཀྱིལ་འཁོར་གྱི་འཁོར་ལོའི་ལྷ་ཚོགས་རྣམས་དང༌། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་སྤྱན་ལམ་དུ་འབྱུང་ཞིང་རྒྱས་པར་གྱུར་ཅིག །ཨོཾ་སརྦ་བིད་པཱུ་ར་པཱུ་ར། སུ་ར་སུ་ར། ཨཱ་བརྟ་ཡ། ཨཱ་བརྟ་ཡ་ཧོ། ན་མཿས་མནྟ་བུངྔྷཱ་ནཱཾ། ཨ་བྷི་སྨ་ར་སྥ་ར་ཎ་ཨི་མཾ་ག་ག་ན་ཁཾ་དྷརྨ་དྷཱ་ཏུ་ཨ་ཀ་ཤ་ས་མནྟ་མཾ། སརྦ་ཏ་ཐཱ་ག་ཏ་ཨ་པ་རི་ཤོ་དྷ་མཎྜ་ལེ་མ་མ་པྲ་ཎི་དྷི་པུཎྱེ་ཛྙཱ་ན་བ་ལེ་ན། སརྦ་ཏ་ཐཱ་ག་ཏ་བ་ལེ་ན་སཔྟ་སྭ་སྠཱ་ན་བ་ལཉྩ་ཡེ་སྭཱཧཱ། དེ་ནས་བསྟོད་པ་ནི། ཨོཾ་ན་མོ་བྷ་ག་ཝ་ཏེ། བཛྲ་ཝཱ་རཱ་ཧཱི་ཝཾ་ཧཱུཾ་ཧཱུཾ་ཕཊ། ཨོཾ་ན་མ་ཨཱརྱ་ཨ་པ་ར་ཛི་ཏེ་ཏྲཻ་ལོ་ཀྱ་མཱ་ཏེ་མཧཱ་བི་དྱཻ་ཤྭ་རི་ཧཱུཾ་ཧཱུཾ་ཕཊ། ཨོཾ་ན་མཿསརྦ་བྷུ་ཏ་བྷ་ཡ་ཝ་ཧེ་མཧཱ་བཛྲེ་ཧཱུཾ་ཧཱུཾ་ཕཊ། ཨོཾ་ན་མོ་བཛྲ་ཨཱ་ས་ན་ཨ་ཛི་ཏེ་ཨ་པ་ར་ཛི་ཏེ་བ་ཤྱཾ་ཀ་རི་ནཻ་ཏྲ་བྷྲ་མ་ནཱི་ཧཱུཾ་ཧཱུཾ་ཕཊ། ཨོཾ་ན་མོ་བི་ཥ་ཎི་ཤོ་ཥ་ཎི་རོ་ཥ་ཎི་ཀྲོ་དྷ་ཀ་རཱ་ལི་ནཻ་ཧཱུཾ་ཧཱུཾ་ཕཊ། ཨོཾ་ན་མསྟྲ་ས་ནི་མཱ་ར་ཎི་པྲ་བྷེ་ད་ནི་ཨ་པ་ར་ཛ་ཡེ་ཧཱུཾ་ཧཱུཾ་ཕཊ། ཨོཾ་ན་མོ་བི་ཛ་ཡེ་ཛམྦྷ་ནི་སྟམྦྷ་ནི་མོ་ཧ་ནི་ཧཱུཾ་ཧཱུཾ་ཕཊ། ཨོཾ་ན་མོ་བཛྲ་ཝ་རཱ་ཧཱི་མཧཱ་ཡོ་གི་ནི་ཀཱ་མེ་ཤྭ་རི་ཁ་གེ་ཧཱུཾ་ཧཱུཾ་ཕཊ། ཅེས་རྐང་བརྒྱད་ལ་རོལ་ཆེན་བྱེད། དེ་ནས་དྲིལ་གསིལ་དང་བཅས་ཏེ། རྒྱལ་བ་རྒྱ་མཚོའི་ཡུམ་གྱུར་བཅོམ་ལྡན་མ། །ཆོས་དབྱིངས་ཤེས་རབ་ཕ་རོལ་ཕྱིན་མའི་དངོས། །ཟག་མེད་བདེ་སྟོང་ལྷན་ཅིག་


TNT12_Page_0214
[མ་དཔེ་གཟིགས་ན་འདིར་གནོན།]

སྐྱེས་མའི་སྐུ། །རྡོ་རྗེ་བཙུན་མོའི་ཞབས་ལ་ཕྱག་འཚལ་ལོ། །རྡོ་རྗེ་ཕག་མོ་སྣ་ཚོགས་བདེ་མ་དང༌། །བདག་མེད་ཡེ་ཤེས་དབང་ཕྱུག་སྣ་ཚོགས་ཡུམ། །རྡོ་རྗེ་སྒྲོལ་མ་རོ་ལངས་མ་ལ་སོགས། །སྣ་ཚོགས་མཚན་འཆང་ཁྱོད་ལ་ཕྱག་འཚལ་ལོ། །ཨེ་ཡིག་དཔལ་ལྡན་པདྨ་བྷ་ག་དང༌། །གསང་བ་ཆོས་འབྱུང་ཆོས་དབྱིངས་ནམ་མཁའི་ཁམས། །སེང་གེའི་ཁྲི་སོགས་བརྡ་ཐབས་དུ་མས་མཚོན། །ཤེས་རབ་ལྷ་མོའི་གཙོ་ལ༴། ཆོས་དབྱིངས་རང་བཞིན་མཚན་དང་དཔེ་བྱད་རྫོགས། །དོན་དམ་འཁོར་འདས་སྲིད་པ་གསུམ་གྱི་གཟུགས། །མཐའ་ཡས་སྤྲུལ་པའི་སྣང་བ་ཕྱོགས་བརྒྱར་འབར། །སྐུ་ཡི་དབང་ཕྱུག་མ་ལ༴ །ཟབ་མོ་གསང་སྔགས་ཆོས་དབྱིངས་སྒྲ་བརྒྱ་པ། །ངེས་ཚིག་མིང་དོན་རྒྱ་མཚོའི་འཇུག་པ་ཅན། །མཐའ་དག་མགོན་གྱི་གསུང་དབྱངས་རྡོ་རྗེ་མ། །གཞོམ་མེད་ལྷ་མོ་ཁྱོད་ལ་ཕྱག་འཚལ་ལོ། །རང་བཞིན་སྤྲོས་བྲལ་མི་འགྱུར་ཆོས་དབྱིངས་དང༌། །མ་ལུས་ཤེས་བྱའི་གནས་ཚུལ་ཀུན་གསལ་བ། །ཀུན་མཁྱེན་ཡེ་ཤེས་ལྷུན་གྲུབ་རྣམ་མི་རྟོག །མཁའ་སྤྱོད་ཐུགས་ཀྱི་རྡོ་རྗེར༴ །གང་གི་རྣམ་འཕྲུལ་ཡིད་བཞིན་སྒྱུར་མཛད་པས། །དཔག་ཡས་འགྲོ་བའི་དོན་སྒྲུབ་མཐུ་དཔལ་ཅན། །འཕྲུལ་ལྡན་དབང་ཕྱུག་མངའ་བདག་རྣལ་འབྱོར་མ། །སྒྱུ་འཕྲུལ་བདེ་བའི་གཏེར་ལ༴ །རྡོ་རྗེ་ལྷ་མོ་ཁྱོད་ཐུགས་ཡེ་ཤེས་དང༌། །སྐུ་དང་འཕྲིན་ལས་དབྱིངས་


TNT12_Page_0215
[མ་དཔེ་གཟིགས་ན་འདིར་གནོན།]

དང་ནམ་མཁའ་སྟེ། །འདི་དག་བརྟན་གཡོ་ཀུན་ལ་ལྷན་ཅིག་ཁྱབ། །ཀུན་ཁྱབ་ཀུན་འགྲོའི་གཙོ་མོར༴ །ཀུན་གཞི་རྣམ་དག་མི་གནས་མྱ་ངན་འདས། །སྣ་ཚོགས་གནས་དང་མཆོད་པའི་བཀོད་པར་བཅས། །ཞིང་ཁམས་འབྱོར་པ་ཕུན་ཚོགས་རྒྱ་མཚོ་ལ། །དབང་ཕྱུག་འཁོར་ལོས་བསྒྱུར་མ༴། ཇི་ལྟར་བཞེད་པའི་དོན་ཀུན་འབད་མེད་པར། །སྨོན་ལམ་དབང་བསྒྱུར་གང་ལ་གང་འདུལ་བའི། །འཕྲིན་ལས་རྒྱུན་མི་འཆད་པར་དོན་མཛད་མ། །འདོད་པ་ཀུན་སྩོལ་ཁྱོད་ལ༴ །སྟོབས་སོགས་ཡོན་ཏན་གཞལ་དུ་མེད་པ་ཡིས། །རབ་གང་རྟག་ཏུ་ཕན་བདེ་སྤྲོ་བ་དང༌། །སྲིད་ཞིའི་དགེ་ལེགས་ཐམས་ཅད་འབབ་པའི་གནས། །ཆུ་གཏེར་དང་མཚུངས་ཁྱོད་ལ༴ གྲངས་མེད་བརྗོད་ལས་འདས་པ་མཁའ་འགྲོའི་གཙོ། །བྱེ་བ་ཕྲག་སྟོང་ལྷག་བཅས་ཁྲག་ཁྲིག་ཟུང༌། །རྣལ་འབྱོར་མ་དཔལ་ཁྱོད་ཀྱི་ཕོ་ཉར་སྤྲུལ། །མཁའ་འགྲོ་ཀུན་གྱི་བདག་མོ༴ །སུམ་ཅུ་རྩ་བདུན་འཁོར་ལོས་བསྒྱུར་མའི་སྐུ། །མྱོས་བྱས་རི་བོ་མངའ་དང་ཡོན་ཏན་གྲངས། །ཟུང་འཇུག་ལྷན་སྐྱེས་ངོ་བོར་སྡོམ་མཁས་མ། །རྗེ་བཙུན་རྣལ་འབྱོར་མ་ལ་ཕྱག་འཚལ་ལོ། །ཕྱི་ནང་གསང་བའི་མཆོད་སྤྲིན་རྒྱ་མཚོ་འབུལ། །ཉེས་བྱས་ཐམས་ཅད་སྙིང་ནས་སོ་སོར་བཤགས། །ཡི་རང་ཆོས་ཀྱི་འཁོར་ལོ་བསྐོར་བར་བསྐུལ། །རྟག་ཏུ་བཞུགས་གསོལ་དགེ་བ་བྱང་ཆུབ་བསྔོ། །དཀྱིལ་འཁོར་གཙོ་བོ་དཔའ་བོ་


TNT12_Page_0216
[མ་དཔེ་གཟིགས་ན་འདིར་གནོན།]

དཔའ་མོ་དང༌། །སངས་རྒྱས་སྲས་བཅས་དབང་གི་ལྷ་མོ་ལ། །ཇི་སྲིད་བྱང་ཆུབ་བར་དུ་སྐྱབས་སུ་མཆི། །བླ་མེད་ཐེག་པར་བདག་གིས་སེམས་བསྐྱེད་དོ། །དབང་བཞི་མནོས་ཤིང་དམ་ཚིག་ལམ་ལ་གནས། །བྱིན་རླབས་རྒྱུད་སྦྱངས་རིམ་པ་གཉིས་ལ་སློབ། །ངོ་མཚར་སྤྱོད་པ་གསུམ་གྱི་རོལ་པ་སོགས། །མཐའ་དག་ལམ་རྣམས་བདག་གིས་བསྟེན་པར་བགྱི། །ཏིང་འཛིན་བརྟན་ཅིང་འཕྲིན་ལས་ཐོགས་མེད་འགྲུབ། །ཕོ་ཉ་གསུམ་འདུས་གྲུབ་པ་བརྒྱད་སོགས་ཐོབ། །འགྲོ་བའི་དོན་སྤྱོད་མཐུ་དང་ལྡན་པ་ཡི། །ཚེ་འདིར་ཧེ་རུ་ཀ་དཔལ་ཐོབ་པར་ཤོག །རྣལ་འབྱོར་རོ་གཅིག་བདུད་རྩི་འཐུང་བས་རྣམ་པར་དག་པའི་ཐུགས། །གནས་ལ་སོགས་པའི་ཡུལ་དུ་བགྲོད་པས་རྣམ་པར་དག་པའི་གསུང༌། །དཔལ་ལྡན་གནས་ཀྱི་དབུས་སུ་འཁོར་ལོའི་དཀྱིལ་འཁོར་མགོན་པོ་མཆོག །བླ་མ་མཆོག་ལ་མགོ་བོས་བཏུད་དེ་རྟག་པར་ཕྱག་བགྱིའོ། །དེ་ནས་ཞེས་སོགས་དག་ཆེན་པོས། །རྒྱུད་ནི་རྫོགས་པར་གྱུར་པ་གང༌། །འཁོར་ལོ་སྡོམ་པའི་འདྲེན་པ་མོ། །རྡོ་རྗེ་ཕག་མོ་ལ་འདུད་དོ། །ལྷ་མོ་འཕྲེང་བས་བརྒྱན་པའི་སྐུ་ཡི་རིན་པོ་ཆེ། །ལུས་ཀུན་དབང་པོའི་དབང་ཕྱུག་མ་ཡིས་རྟག་ཏུ་མཛེས། །འཁོར་ལོའི་གནས་ཀྱི་མགོན་པོ་དྲི་མེད་ལྷན་ཅིག་སྐྱེས། །སྡོམ་པའི་རྣལ་འབྱོར་སྙིང་པོ་ལ་ནི་རྟག་ཕྱག་འཚལ། །ཨེ་ཡིག་རྣམ་པའི་སྙིང་པོ་ཁུ་བའི་གནས་གྱུར་


TNT12_Page_0217
[མ་དཔེ་གཟིགས་ན་འདིར་གནོན།]

པདྨའི་སྦུབས་ནི་དམ་པ་སྟེ། །དེ་ཡིས་དབུས་སུ་སྐྱེས་པའི་ངང་མོ་དམ་པ་ཀུནྡ་ལྟར་དཀར་ཐམས་ཅད་དག །ཀུན་མཁྱེན་སངས་རྒྱས་ཤིན་ཏུ་རྣམ་པར་དག་པའི་གནས་ཏེ་ལྷ་མོ་མཛེས་མའི་གཞི། །དྲི་མེད་ལྷན་ཅིག་སྐྱེས་པའི་གྲུབ་གཞི་འདྲེན་པ་ལ་ནི་བདག་ཕྱག་འཚལ། །སྐྱེ་བ་དང་ནི་འཇིག་པ་དང་བྲལ་མཆོག་གི་ལུས་ཅན་མ། །དམར་བའི་འོད་ཆགས་རྣམ་པར་རྒྱལ་མ་ཁམས་གསུམ་གཟུགས་ཅན་མ། །ཡོན་ཏན་ཚོགས་ཀྱིས་བརྒྱན་པའི་སྐུ་མངའ་རྡོ་རྗེའི་ཡན་ལག་མ། །སངས་རྒྱས་ཀུན་གྱི་བསྐྱེད་མཛད་མ་ལ་རྟག་ཏུ་མངོན་པར་ཕྱག་བགྱིའོ། །དཔལ་ལྡན་རྡོ་རྗེ་མཁའ་འགྲོ་མ། ནས། ཕག་མོ་ལ་འདུད་དོ། །དཔྱིད་ཀྱི་རྒྱལ་པོའི་གླུ་དབྱངས་ཀྱི་མཆོད་པ་ནི། ཧཱུཾ་ཁྲོ་བོ་བདེ་བ་དགྱེས་པ་ཡི། །བདེ་བའི་ལོངས་སྤྱོད་ལས་བྱུང་བ། །བདེ་བ་དབབ་པའི་སྦྱོར་བ་ཡིས། །རབ་ཏུ་རྨོངས་པ་བསྟེན་པར་བྱེད། །ཨ་ལ་ལ་ལ་ལ་ཧོ། ཨ་ཨི་ཨཱ༔ ཨ་རལླི་ཧོ། བདེ་ཆེན་བདེ་བའི་གར་གྱིས་རོལ། །རྣལ་འབྱོར་མ་མཆོག་པདྨའི་བདེ། །ཨ་ལ་ལ་ལ་ལ་ཧོ། དགྱེས་པ་རྣམས་ཀྱི་བདེ་བ་མཆོག །རྣལ་འབྱོར་མ་མཆོག་མཆོད་པར་མཛོད། །ཨ་ཨི་ཨཱ་ཨ་རལླི་ཧོ། རབ་དགྱེས་མགོན་པོ་ཁྱོད་བཞུགས་མཛོད། །མཁའ་འགྲོ་དྲྭ་བའི་བདེ་བ་སྩོལ། །དགྱེས་པའི་བདེ་བ་གསོལ་བར་མཛོད། །ཞི་བའི་གར་གྱིས་གར་མཛད་པ། །བདག་ལ་བདེ་ཆེན་བདེ་བ་སྩོལ། །ཐར་བའི་མཚན་ཉིད་ལྡན་པ་ཁྱོད། །


TNT12_Page_0218
[མ་དཔེ་གཟིགས་ན་འདིར་གནོན།]

ཨ་ལ་ལ་ལ་ལ་ཧོ། ཨ་ཨི་ཨཱ་ཨ་རལླི་ཧོ། བདེ་བ་སྤངས་པས་གྲོལ་མི་འགྱུར། །བདེ་མེད་སྡུག་བསྔལ་གྱིས་མི་གྲོལ། །བདེ་དེ་ཆུ་སྐྱེས་དབུས་ན་གནས། །ཆགས་པའི་དངོས་པོར་ཁྱོད་མ་གྱུར། །བདེ་བ་ཆེ་ཡིས་གྲོལ་བར་མཛོད། །པདྨ་རྒྱས་པའི་རོ་ཉིད་ཀྱིས། །བུང་བ་ལྟ་བུར་ཚིམ་པར་མཛོད། །འདི་ཡིས་མགོན་པོ་བསྐུལ་ན་ནི། །དཀྱིལ་འཁོར་དུ་ནི་ངེས་པར་འགྲུབ། །སྙན་ཅིང་འཇེབས་པའི་དབྱངས་ཀྱིས་ནི། །དཔྱིད་ཀྱི་རྒྱལ་པོས་གླུ་བླངས་པས། །དྲི་མེད་མཁའ་འགྲོ་དྲྭ་བ་ཡིས། །གཟིགས་ཤིང་ལས་ཀུན་མཛད་པ་ཡིན། །དེ་ནས་གཏོར་མ་འབུལ་བ་ནི། །གཏོར་མ་རྣམས། སུམྦྷས་བསངས། སྭ་བྷཱ་ཝས་སྦྱངས། ཡཾ་ལས་རླུང་ནས། བདུད་རྩིའི་རྒྱ་མཚོར་གྱུར། ཨོཾ་ཨཱཿཧཱུཾ་གི་བར་གོང་ནང་མཆོད་བྱིན་རླབས་ལྟར་གཏོར་མ་བྱིན་གྱིས་བརླབས་འདིར་མདུན་བསྐྱེད་ཀྱི་ཡེ་ཤེས་པ་སྤྱན་འདྲེན་མི་དགོས་ཀྱང༌། ཐུགས་དམ་བསྐུལ་བའི་ཕྱིར་དང༌། ཞིང་སྐྱོང་སོགས་མགྲོན་གཞན་སྤྱན་འདྲེན་དགོས་པའི་ཕྱིར། འབར་བའི་ཕྱག་རྒྱ་དང་བཅས་དེ། ཕཻཾ་བཛྲ་ཨ་རལླི་ནས། དྲྀ་ཤྱ་ཧོ་ཞེས་པས་སྤྱན་དྲངས། མདུན་བསྐྱེད་ལྷ་ཚོགས་རྣམས་ཀྱི་ལྗགས་རྡོ་རྗེའི་སྦུ་གུ་ཅན་གྱིས་གཏོར་མ་དྲངས་ཏེ་གསོལ་བར་གྱུར། ཨོཾ་ཨོཾ་ཨོཾ་སརྦ་བུདྡྷ་ཌཱ་ཀི་ནཱི་ཡེ། བཛྲ་ཝརྞྞ་ནཱི་ཡེ། བཛྲ་བཻ་རོ་ཙ་ནཱི་ཡེ། ཨི་དཾ། པུཥྤེ། དྷུ་པེ། དཱི་པཾ། གནྡྷེ། བ་ལིཾ། གྲྀཧྞ་གྲྀཧྞ་མ་མ་རཀྵ་རཀྵ་ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ་སྭཱཧཱ་ལན་གསུམ་གྱིས་ཡེ་ཤེས་མཁའ་འགྲོ་མ་ལ་འབུལ།


TNT12_Page_0219
[མ་དཔེ་གཟིགས་ན་འདིར་གནོན།]

ཨརྒྷཾ་ནས། ཤཔྟའི་བར་གྱིས་མཆོད། ཨོཾ་གསུམ་མ་ཚར་གཅིག་བརྗོད་ནས། རྗེ་བཙུན་རྡོ་རྗེ་རྣལ་འབྱོར་མའི་ཞལ་དུ་མཆོད་པ་འབུལ་ལོ། །ཨོཾ་ཨཱཿཧཱུཾ། ལན་གསུམ་གྱིས་ནང་མཆོད་འབུལ། རོལ་མོའི་སྒྲ་དང་བཅས་རྐང་བརྒྱད་ཀྱིས་བསྟོད། ལྷ་མོ་ཚད་མ་དམ་ཚིག་ཚད་མ་དང༌། །དེས་གསུངས་ཚིག་ཀྱང་ཚད་མའི་མཆོག་ཡིན་ཏེ། །བདེན་པ་དེ་ཡིས་ལྷ་མོ་དེ་དག་གིས། །བདག་ལ་རྗེས་སུ་འཛིན་པའི་རྒྱུར་གྱུར་ཅིག།རྣལ་འབྱོར་མ་དཔལ་འཁོར་བཅས་རྣམས། །མཆོད་སྦྱིན་གཏོར་མ་འདི་བཞེས་ལ། །ཞེས་པ་ནས། བདག་ལ་སྲུངས། དངོས་གྲུབ་ཀུན་གྱི་སྟཽངས་གྲོགས་མཛོད། །དུས་མིན་ནས་ཀུན་འགྲུབ་ཤོག །ཨོཾ་ཨཱཿཧཱུཾ་ཧ་ཧོ་ཧྲཱིཿ ཕཻཾ་བཛྲ་ཨ་རལླི་ཧོཿ བཛྲ་ཌཱ་ཀི་ནཱི། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ལན་བདུན་གྱིས་རྡོ་རྗེ་མཁའ་འགྲོ་མ་ཡེ་ཤེས་པ་སྤྱི་ལ་འབུལ། གཏོར་མ་གཉིས་པ་ནི། ཨོཾ་ཧྲིཾ་ཧཾ་ཧཾ། ཧེ་ཧེ། ཧ་ཧ། ཧི་ཧི། ཕཻཾ་ཕཻཾ། ཞེས་ལན་བདུན་གྱིས་ལས་ཀྱི་མཁའ་འགྲོ་ལ་འབུལ། དེ་ནས་གཏོར་མ་གསུམ་པ་ནི། སྒོས་ཀྱི་ཆོས་སྐྱོང་བྱེད་ན། དང་པོར་ཕུལ་བའི་རྗེས་ལ་དང༌། མིན་ན་སྐབས་དེ་ནས་སྤྱི་གཏོར་གྱིས་ཆོག་སྟེ། ཨོཾ་ཁ་ཁ་ཁཱ་ཧི་ཁཱ་ཧི། སརྦ་ཡཀྵ་ནས། འདོད་པ་ཀུན་འགྲུབ་ཤོག་གི་བར། སྔོན་འགྲོ་གཏོར་མ་དང་མཚུངས་པས། འཇིག་རྟེན་མཁའ་འགྲོ་དང་འབྱུང་པོ་སྤྱི་ལ་འབུལ། དེ་ནས་གཏོར་མ་བཞི་པ་གཞི་བདག་དང༌། ལྔ་པ་རིགས་དྲུག་དང་ཡི་དྭགས་ལ་ཁ་འབར་མའི་སྔགས་ཀྱིས་སྦྱིན་ནོ། །སྐབས་འདིར་ཡི་གེ་བརྒྱ་པ་ལན་གསུམ་བརྗོད་དེ་གཏོར་མའི་ཆོ་གའོ། །དེ་ནས་


TNT12_Page_0220
[མ་དཔེ་གཟིགས་ན་འདིར་གནོན།]

བུམ་པ་སྒྲུབ་པ་ནི། བུམ་པའི་མཆོད་པ་བཤམས། བསངས་སྦྱངས། སྟོང་པའི་ངང་ལས་ཨཱཿལས་ཡེ་ཤེས་ནས། ཤཔྟ་ཨཱཿཧཱུཾ་གི་བར་གོང་བཞིན་མཆོད་པ་བྱིན་གྱིས་བརླབས། བསངས་སྦྱངས། སྟོང་པའི་ངང་ལས་པཾ་ལས་པདྨ་དང༌། ཨ་ལས་ཟླ་བའི་དཀྱིལ་འཁོར་གྱི་སྟེང་དུ། བྷྲུཾ་ལས་རིན་པོ་ཆེའི་བུམ་པ་ཡངས་ཤིང་རྒྱ་ཆེ་བ། ལྟོ་བ་ལྡིར་ཞིང་མགྲིན་པ་ཕྲ་བ། མཆུ་འཕྱང་བ། ལྷ་རྫས་ཀྱི་གོས་ཀྱི་མགུལ་ཆིངས་དང༌། དཔག་བསམ་གྱི་ཤིང་གི་ཁ་རྒྱན་དང་བཅས་པ། ནང་ཆུ་དང་བཅུད་ཐམས་ཅད་ཀྱིས་ཡོངས་སུ་གང་བའི་དབུས་སུ། པཾ་ལས་སྣ་ཚོགས་པདྨ་འདབ་མ་བརྒྱད་པ་ཞེས་པ་ནས། རྡོ་རྗེ་སྔོན་པོ་རྩེ་ལྔ་པའི་དབུ་བརྒྱན། ཨརྒྷཾ་ནས། ཤཔྟའི་བར་གྱིས་མཆོད། དཔལ་ལྡན་རྡོ་རྗེ་མཁའ་འགྲོ་མ་སོགས་ཀྱིས་བསྟོད། རང་གི་སྙིང་ག་ནས་སྔགས་ཀྱི་འཕྲེང་བ་བྲེང་མ་ཆད་པར་སྤྲོས་གཟུངས་ཐག་ལ་བརྟེན་ནས་སོང་བས། བུམ་ནང་གི་རྗེ་བཙུན་མའི་ཐུགས་རྒྱུད་བསྐུལ། དེའི་སྐུ་ལས་བདུད་རྩིའི་ཆུ་རྒྱུན་བབས་པས་བུམ་པ་ཡེ་ཤེས་ཀྱི་བདུད་རྩིས་གང་བར་གྱུར། ཨོཾ་གསུམ་མ་བརྒྱ་རྩ་སོགས་དང༌། ཨོཾ་སུམྦྷ་སོགས་ཉི་ཤུ་རྩ་གཅིག་དང༌། ཨོཾ་སརྦ་ཏཱ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུཾ། ཞེས་པའང་ཇི་ལྟར་འོས་པ་བཟླ། དེ་ནས། ཨོཾ་སརྦ་ཏ་ཐཱ་ག་ཏ་བཛྲ་བཱ་རཱ་ཧཱི་ཨརྒྷཾ་པྲ་ཏིཙྪ་སྭཱ་ཧཱ་ནས་ཤཔྟའི་བར་དུ་སྦྱར། ཨོཾ་བཛྲ་གནྡྷེ་ནས་ཨཱ་ཁཾ་སྭཱཧཱ། ཞེས་རོལ་ཆེན་ཕུལ། ཨོཾ་གསུམ་མའི་རྗེས་སུ། རྗེ་


TNT12_Page_0221
[མ་དཔེ་གཟིགས་ན་འདིར་གནོན།]

བཙུན་རྡོ་རྗེ་རྣལ་འབྱོར་མའི་ཞལ་དུ་མཆོད་པ་དམ་པ་འབུལ་ལོ། །ཨོཾ་ཨཱཿཧཱུཾ། ལན་གསུམ་གྱི་ནང་མཆོད། ཨོཾ་ན་མོ་ནས། ཁ་གེ་ཧཱུཾ་ཧཱུཾ་ཕཊ་ཀྱིས་བསྟོད། མ་འབྱོར་པ་དང་ཉམས་པ་དང༌། །སོགས་ཤོ་ལོ་ཀ་གཅིག །ཡིག་བརྒྱ་ལན་གསུམ། ཨོཾ་གསུམ་མའི་མཐར། ཨོཾ་ཨཱཿཧཱུཾ། ལན་བདུན་གྱི་དུང་ཆོས་ཀྱི་ཆུ་ཕུལ། སྐབས་འདིར་བུམ་པའི་ལྷ་ཞུ་བ་དང་གཤེགས་སུ་གསོལ་བར་མི་བཞེད། རྗེས་ཆོག་གི་སྐབས་ལྷན་ཅིག་ཏུ་བྱེད་པ་ཡིན། དེ་ནས་བདག་འཇུག་ནི། ཚོགས་པ་ཡོད་ན་བུམ་ཆུ་འགྱེད། གང་ལྟར་ཡང༌། སུམྦྷ་བཟླས་ཏེ་གནས་དང་ཡོ་བྱད་ལ་གཏོར། ཇི་ལྟར་བལྟམས་པ་ནས། སྐུ་ཁྲུས་གསོལ། ཨོཾ་སརྦ་ནས་ཤྲཱི་ཡེ་ཧཱུཾ་དེ་ནས། ཨོཾ་བཛྲ་བྷཱུ་མེ་ཨཱཿཧཱུཾ། སོགས་མཎྜལ་ཕུལ། བླ་མ་དང་དཀྱིལ་འཁོར་གྱི་གཙོ་མོ་དབྱེར་མེད་མ་མཆིས་པ་ལ་དཀྱིལ་འཁོར་དུ་འཇུག་པའི་ཆོས་སྤྱིའི་ཡོན་དུ་མཎྜལ་འབུལ་བར་བགྱིའོ། །ཞེས་བརྗོད། དགའ་ཆེན་ཁྱོད་བདག་སྟོན་པ་སྟེ། ཞེས་པ་ནས། མགོན་པོས་བདག་ནི་གཞུག་ཏུ་གསོལ། ལན་གསུམ་སློབ་མ་དབང་བསྐུར་ཡིན་ན་སྐབས་འདིར་བགེགས་གཏོར་གཏོང་དགོས་ཀྱང༌། བདག་འཇུག་གི་སྐབས་འདིར་རྡོ་རྗེ་གསོར། ཡུངས་ཀར་སོགས་འཐོར་ཞིང༌། དྲག་རོལ་དང་བཅས། ཨོཾ་སུམྦྷ་སོགས་བཟླའོ། །མདུན་བསྐྱེད་དཀྱིལ་འཁོར་གྱི་གཙོ་མོའི་ལྟེ་བའི་བཾ་ལས་མེ་འོད་འཕྲོས། བདག་གི་སྤྱི་བོ་ནས་ཞུགས་རྩ་ཐམས་ཅད་ཀྱི་ནང་གང༌། བགེགས་དང་སྡིག་སྒྲིབ་དྲི་མ་ཐམས་ཅད་བསྲེགས་ཤིང་སྦྱངས་པར་གྱུར། ཨོཾ་ཨཱཿབིགྷྣན་ཏ་ཀྲྀ་ཏ་ཧཱུཾ་ཧཱུཾ། ལན་བདུན། སྤྱི་བོ་ཚངས་བུག་སྣ་ཚོགས་རྡོ་རྗེས་བཀག་པར་


TNT12_Page_0222
[མ་དཔེ་གཟིགས་ན་འདིར་གནོན།]

གྱུར། ལྟེ་བར་ཨོཾ་བཾ་དམར་མོས་ནས། ཙཎྜི་ཀའི་ངོ་བོ་རྣམས་སུ་གྱུར། དེ་སྐབས་གནས་རྣམས་སུ་རྡོ་རྗེ་རྒྱ་གྲམ་དུ་རེགཨོཾ་ཨཱཿཧཱུཾ། ལན་གསུམ་གྱིས་ནང་མཆོད་མྱང༌། དཀོན་མཆོག་གསུམ་ལ་བདག་སྐྱབས་མཆི། །སྡིག་པ་ཐམས་ཅད་སོ་སོར་བཤགས། །འགྲོ་བའི་དགེ་ལ་རྗེས་ཡི་རང༌། །སངས་རྒྱས་བྱང་ཆུབ་ཡིད་ཀྱི་བཟུང༌། །ཐེག་ཆེན་བདུད་རྩིར་རབ་བཤད་པར། །འཁོར་ལོ་བསྐོར་བར་གསོལ་བ་འདེབས། །ཇི་སྲིད་འཁོར་བ་གནས་ཀྱི་བར། །མྱ་ངན་མི་མདའ་གསོལ་བར་འཚལ། །སངས་རྒྱས་ཆོས་དང་ཚོགས་མཆོག་སོགས་ལན་གསུམ་གོང་བཞིན། ཨརྒྷཾ་ནས་ཤཔྟའི་བར་གྱིས་མཆོད། ཨོཾ་ཧྲིཿབི་ཤུདྡྷ་དྷརྨ་སརྦ་པཱ་པཾ་ནིཥྩ་ཨ་སྱེ་ཤོ་དྷ་ཡ་ཤོ་དྷ་ཡ། སརྦ་བི་ཀལྤ་ན་ཨ་པ་ན་ཡ་ཧཱུཾ། ཁྲུས་ཆུ་ཅུང་ཟད་བཏུང༌། སློབ་མའི་བྱ་བ་ཡིན་ན། སྐབས་འདིར་སྡོམ་བཟུང་གི་དོན་དུ་མཎྜལ་རྒྱས་པ་འབུལ། བདག་འཇུག་གི་སྐབས་འདིར། བདག་གཞན་ལུས་ངག་ཡིད་གསུམ་དུས་གསུམ་དགེ་ཚོགས་བཅས། །རིན་ཆེན་མཎྜལ་ཀུན་བཟང་མཆོད་པའི་ཚོགས་བཅས་པ། བློ་ཡིས་བླངས་ནས་བླ་མ་དཀྱིལ་འཁོར་ལྷ་ལ་འབུལ། ཐུགས་རྗེའི་དབང་གིས་བཞེས་ནས་བྱིན་གྱིས་བརླབ་ཏུ་གསོལ། ཞེས་མཎྜལ་བསྡུས་པ་འབུལ། སངས་རྒྱས་ཀུན་གྱི་རང་བཞིན་སྐུ། །བླ་མའི་སྐུ་ལ་སྐྱབས་སུ་མཆི། །སངས་རྒྱས་ཀུན་གྱི་རང་བཞིན་གསུང༌། །བླ་མའི་གསུང་ལ་སྐྱབས་སུ་མཆི། །སངས་རྒྱས་ཀུན་གྱི་


TNT12_Page_0223
[མ་དཔེ་གཟིགས་ན་འདིར་གནོན།]

རང་བཞིན་ཐུགས། །བླ་མའི་ཐུགས་ལ་སྐྱབས་སུ་མཆི། །སངས་རྒྱས་གྲོང་ཁྱེར་ཉམས་དགའ་བ། །རྣལ་འབྱོར་མ་ཚོགས་འཁོར་ལོ་ཡི། །སྙིང་པོའི་དཀྱིལ་འཁོར་འདི་རུ་ནི། །མགོན་པོས་བདག་ནི་འཇུག་པར་མཛོད། །ཅེས་ལན་གསུམ་གསོལ་བ་བཏབ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། བདག་མིང་འདི་ཞེས་བགྱི་བ། དུས་འདི་ནས་བཟུང་སྟེ། ཇི་སྲིད་བྱང་ཆུབ་སྙིང་པོ་ལ་མཆིས་ཀྱི་བར་དུ། ཇི་ལྟར་དུས་གསུམ་མགོན་པོ་རྣམས། ཞེས་པ་ནས། སེམས་ཅན་མྱ་ངན་འདས་ལ་དགོད་ཀྱི་བར་རིགས་ལྔའི་སྡོམ་བཟུང་སྤྱི་དང་མཐུན་པར་བྱ། སངས་རྒྱས་ཆོས་དང་དགེ་འདུན་ལ། །རྟག་ཏུ་བདག་ནི་སྐྱབས་སུ་མཆི། །རྣལ་འབྱོར་གསང་སྔགས་མཁའ་འགྲོ་མ། །འཁོར་ལོ་གསུམ་གྱི་བདག་ཉིད་ཅན། །ཀུན་ལ་བདག་ནི་སྐྱབས་སུ་མཆི། །དཔའ་བོ་དཔའ་མོ་དབང་ལྷ་མོ། །བྱང་ཆུབ་སེམས་དཔའ་བདག་ཉིད་ཆེ། ཁྱད་པར་དུ་ཡང་སློབ་དཔོན་ལ། །རྟག་པར་བདག་ནི་སྐྱབས་སུ་མཆི། །དཔལ་ལྡན་ཁྲག་འཐུང་སོགས་དཔའ་བོ། །རྣལ་འབྱོར་མ་དང་སྣང་མཛད་སོགས། །བྱང་ཆུབ་སེམས་དཔའ་དཔག་མེད་པ། །ཐམས་ཅད་བདག་ལ་དགོངས་སུ་གསོལ། །བདག་ནི་དུས་འདི་ནས་བཟུང་སྟེ། །ཇི་སྲིད་གཉིས་མེད་ལ་གནས་པ། །དེའི་ཚངས་སྤྱོད་གཉིས་མེད་པར། །ཉི་ཤུ་རྩ་གཉིས་ལེགས་པར་བསྲུང༌། །ལན་གསུམ་གྱིས་འཁོར་


TNT12_Page_0224
[མ་དཔེ་གཟིགས་ན་འདིར་གནོན།]

ལོ་སྡོམ་པའི་ཐུན་མོང་མ་ཡིན་པའི་སྡོམ་བཟུང་བྱ། ཨོཾ་ཙཀྵུ་བནྡྷ་བཱ་ར་མཱ་ན་ཡ་ཧཱུཾ། མིག་དར། ཨཱ་ཁཾ་ཝཱི་ར་ཧཱུཾ། མེ་ཏོག །ཨོཾ་ཨཱཿཧཱུཾ། གནས་གསུམ་དུ་བདུད་རྩིའི་ཐིག་ལེ་བྱ། རང་གི་སྙིང་གར་ཀུན་རྫོབ་བྱང་སེམས་ཀྱི་ངོ་བོ་ཟླ་བའི་སྟེང་དུ་དོན་དམ་བྱང་ཆུབ་ཀྱི་སེམས་རྡོ་རྗེ་དཀར་པོ་རྩེ་ལྔ་པ་གྱེན་དུ་ལངས་པའོ། །ཨོཾ་སརྦ་ཡོ་ག་ཙིཏྟ་ཨུཏྤ་ཏ་ཡ་མི། རྡོ་རྗེ་སྙིང་གར་གཏུགས། སུ་ར་ཏེ་ས་མ་ཡ་སྟྭཾ་ཧོ་སིདྡྷི་བཛྲ་ཡ་ཐ་སུ་ཁཾ། ཞེས་བརྟན་པར་བྱས། ཛཿཧཱུཾ་བཾ་ཧོ། དཀྱིལ་འཁོར་དུ་ཞུགས་པར་གྱུར། སློབ་མ་འཇུག་ན་སྐབས་འདིར་ཡོལ་བ་བསལ། དེང་ཁྱོད་དེ་བཞིན་གཤེགས་པ་ཐམས་ཅད་དང་དཔའ་བོ་དང་རྣལ་འབྱོར་མ་ཐམས་ཅད་ཀྱིས་བྱིན་གྱིས་རློབས་པར་འགྱུར་གྱི། དེ་བས་ན་ངས་ཁྱོད་ལ་རྡོ་རྗེ་ཡེ་ཤེས་བསྐྱེད་པར་བྱ་སྟེ། ཡེ་ཤེས་གང་གིས་ཁྱོད་དཔལ་ཧེ་རུ་ཀ་དང༌། རྡོ་རྗེ་རྣལ་འབྱོར་མའི་དངོས་གྲུབ་ཀྱང་ཐོབ་པར་འགྱུར་ན། དངོས་གྲུབ་གཞན་ལྟ་སྨོས་ཀྱང་ཅི་དགོས། ཁྱོད་ཀྱིས་འདི་དཀྱིལ་འཁོར་ཆེན་པོ་མ་མཐོང་བ་རྣམས་ཀྱི་མདུན་དུ་སྨྲ་བར་མ་བྱེད་ཅིག །སྨྲས་ན་དམ་ཚིག་ཉམས་པར་འགྱུར་ཏ་རེ། རྡོ་རྗེ་སྙིང་གར་གཏུགས། རྣལ་འབྱོར་མ་དཔལ་དེང་ཁྱོད་ཀྱི། །སྙིང་ལ་ཡང་དག་ཞུགས་པར་གྱུར། །གལ་ཏེ་ཚུལ་འདི་སྨྲས་ན་ནི། །དེ་མ་ཐག་ཏུ་དྲལ་དེ་གཤེགས། །དེང་ཕྱིན་ཆད་བུ་ཁྱོད་ཀྱི་དཔལ་རྡོ་རྗེ་རྣལ་འབྱོར་མ་ང་ཡིན་གྱི་ངས་འདི་བྱོས་ཤིག་ཅེས་བསྒོ་བ་


TNT12_Page_0225
[མ་དཔེ་གཟིགས་ན་འདིར་གནོན།]

གང་ཡིན་པ་དེ་ཁྱོད་ཀྱིས་བྱ་དགོས་སོ། ཁྱོད་ཀྱིས་ང་ལ་བརྙས་པར་ཡང་མ་བྱེད་ཅིག །བྱས་ན་ཡ་ང་བ་མ་སྤངས་པར་འཆི་བའི་དུས་བྱས་ནས་དམྱལ་བར་ལྷུང་བར་གྱུར་ཏ་རེ། བུམ་ཆུ་ཅུང་ཟད་བཏུང་ཞིང༌། ཨོཾ་ཨཱཿཧཱུཾ། འདི་ནི་ཁྱོད་ཀྱི་དམྱལ་བའི་ཆུ། །དམ་ཚིག་འདས་ན་སྲེག་པར་བྱེད། །དམ་ཚིག་བསྲུངས་ན་དངོས་གྲུབ་ནི། །རྡོ་རྗེ་བདུད་རྩིའི་ཆུ་འདིས་འགྲུབ། །ཨོཾ་པཉྩ་ཨ་མྲྀ་ཏ་ཨུ་ཏ་ཀ་ཋ་ཋ་ཋ་ཧཱུཾ། དཔའ་བོ་དང་རྣལ་འབྱོར་མ་ཐམས་ཅད་ཀྱིས་བྱིན་གྱིས་རློབས་ཤིག །དཔལ་རྡོ་རྗེ་ཕག་མོ་བདག་ལ་དབབ་དུ་གསོལ། ལན་གསུམ། རང་གཞན་སྲིད་པ་གསུམ་གྱིས་བསྡུས་པའི་སྣོད་བཅུད་ཐམས་ཅད་སྒྱུ་མ་ལྟར་རང་བཞིན་དང་བྲལ་བའོ། །རང་གི་སྤྱི་བོར་རྩ་བའི་བླ་མ་འཁོར་ལོ་སྡོམ་པའི་རྣམ་པ་ཅན་དུ་བཞུགས། རྡོ་རྗེ་སློབ་དཔོན་དང་དཀྱིལ་འཁོར་གྱི་ལྷ་ཚོགས་གཉིས་སུ་མེད་པ་འདི་ནི། སྲིད་ཞི་མ་ལུས་པའི་ལེགས་པ་ཐམས་ཅད་གཅིག་ཏུ་བསྡུས་པའི་ངོ་བོ་སྟེ། བདག་ལ་ཐུགས་རྗེས་བཟུང་དུ་གསོལ། རང་ཉིད་འོད་ཀྱི་རང་བཞིན་གྱི་ལུས་རྩ་ཨ་ཝ་དྷཱུ་ཏི་ཆོས་བཞི་ལྡན་གཙོ་བོར་གྱུར་པའི་རྩ་གསུམ་འཁོར་ལོ་བཞི་སྐུ་གསུང་ཐུགས་ཀྱི་སྒོ་དང་བཅས་པ་གསལ་བར་གྲུབ་ཅིང༌། ལྟེ་བར་ཆོས་འབྱུང་གི་དབུས་སུ་བཅོམ་ལྡན་འདས་མ་རྡོ་རྗེ་ཕག་མོའི་སྐུ་ཚོན་གང་པ་གར་བསྒྱུར་བས་བཞུགས་ཤིང་འབར་བའི་འོད་ཅན་ལྷག་གེར་སྣང་བའོ། །མདུན་བསྐྱེད་དཀྱིལ་འཁོར་གྱི་


TNT12_Page_0226
[མ་དཔེ་གཟིགས་ན་འདིར་གནོན།]

གཙོ་མོའི་ལྟེ་བའི་བཾ་ལས་འོད་འཕྲོས། རང་གི་ལྟེ་བར་གནས་པའི་རྡོ་རྗེ་ཕག་མོའི་སྐུ་ལ་ཐིམ་པས། དྲོད་དང་བདེ་བའི་ཉམས་ཆེར་གཡོ་བ་དང་ལྷན་ཅིག་སྐུ་ལས་སྐྱེས་པའི་མེ་ལྕེ་འབར་བའི་སྣང་བས་ལུས་གང༌། སྡིག་སྒྲིབ་ཐམས་ཅད་བསྲེགས། སངས་རྒྱས་བྱང་སེམས་དཔའ་བོ་མཁའ་འགྲོ་ཐམས་ཅད་རྡོ་རྗེ་ཕག་མོའི་རྣམ་པར་གྱུར། བཅོམ་ལྡན་འདས་མ་མཁའ་དབྱིངས་གང་བ་རྣམས་ཆར་བཞིན་བབས་ཏེ། རང་ལ་གཉིས་སུ་མེད་པར་ཐིམ་པར་གྱུར། རོལ་མོ་སྒྲ་དང་བཅས། ཨོཾ་གསུམ་མའི་མཐར། ཨོཾ་བཛྲ་བཱ་རཱ་ཧཱི་ཛྙཱ་ན་ཨ་བེ་ཤཱ་ཡ། ཨ་ཨ་ཧྲཱིཿཧྲཱིཿསྭཱཧཱ། ཞེས་མང་དུ་བརྗོད་དེ་ཡེ་ཤེས་དབབ་པ་དང་པོའོ། །དེ་ནས་ལངས་ཏེ་རྐང་པ་གཤིབས། བྲང་པ་ས་ལ་བཙུགས། ལག་པ་ཐལ་མོ་སྦྱར་བ་སྤྱི་བོར་བརྐྱང༌། ཞེས་བཤད་པ་དངོས་སུ་མ་འགྲུབ་ན་ཡིད་ཀྱིས་མོས། སྣ་རྩེ་ནས་སོར་བརྒྱད་གཞལ་བའི་ནམ་མཁའ་ལ་གཡུང་དྲུང་རིས་དཀར་པོ་མེ་ཏོག་འབར་བ་གནས་པར་གྱུར། རང་གི་ལྟེ་བའི་བཅོམ་ལྡན་འདས་མའི་སྐུ་ལས་ཡང་དག་པ་ཡེ་ཤེས་ཀྱི་གཏུམ་མོ་འབར་བའི་ངོ་བོ་གློག་དང་མཚུངས་པའི་འོད་ཟེར་བྱུང༌། དབུ་མའི་ལམ་བརྒྱུད། སྨིན་མཚམས་གནད་ཀྱི་སྒོ་ཕྱེ་ཞིང་སྣ་སྒོ་ནས་འཐོན། གཡུང་དྲུང་འཁྱིལ་བ་ལ་རེག་པས་དེ་ཉིད་གཡོན་སྐོར་དུ་དྲག་ཏུ་འཁོར་ཏེ། སྣོད་བཅུད་ཐམས་ཅད་གསལ་སྟོང་གཉིས་སུ་མེད་པའི་ཡེ་ཤེས་ཀྱི་ངོ་བོར་གྱུར། རླུང་ཕྱིར་བཟུང་བ་དང་ལྷན་ཅིག་རོལ་མོའི་སྒྲ་བྱའོ། །སྤོགས་པའི་ཆོ་གའོ། །རང་གི་སྤྱི་བོའི་སྟེང་


TNT12_Page_0227
[མ་དཔེ་གཟིགས་ན་འདིར་གནོན།]

གི་ནམ་མཁའ་ལ་བླ་མ་ཧེ་རུ་ཀ་བཞུགས་པའི་ཐུགས་ཀ་ནས་འོད་ཟེར་འཕྲོས། སངས་རྒྱས་བྱང་སེམས་དཔའ་བོ་མཁའ་འགྲོ་དཔག་ཏུ་མེད་པ་སྤྱན་དྲངས། སྤྱི་བོའི་སྟེང་གི་ནམ་མཁར་བྱོན། རྗེས་སུ་ཆགས་པའི་སྙོམས་པར་ཞུགས་པའི་བྱང་ཆུབ་ཀྱི་སེམས་ཆུ་རྒྱུན་ལྟར་བབས་ཏེ། སྤྱི་བོ་ཚངས་བུག་ནས་ཞུགས། རྩ་འཁོར་ལོ་བཞི་བརྒྱུད་དེ་ལུས་ཐམས་ཅད་གང་བས་རང་གི་ལུས་ངག་ཡིད་གསུམ་དང་ཕྱི་ནང་གི་སྣང་བ་ཐམས་ཅད་བདེ་བ་ཆེན་པོའི་ཡེ་ཤེས་གཅིག་གི་ངོ་བོར་གྱུར། མཐར་སངས་རྒྱས་བྱང་སེམས་དཔའ་བོ་མཁའ་འགྲོའི་ཚོགས་རྣམས་དང༌། རྩ་བའི་བླ་མ་ཡང་བདུད་རྩི་ཐིག་ལེའི་ངོ་བོར་ཞུ་སྟེ། བདག་ཉིད་ལ་ཐིམ། རོལ་མོའི་སྒྲ་བྱ། ཤིན་ཏུ་སྤོགས་པའི་ཆོ་གའོ། །ཡེ་ཤེས་འབེབས་པ་ཕྱི་མ་གཉིས་ཀྱི་སྐབས་འདིར། ཨོཾ་གསུམ་མའི་མཐར། ཕཻཾ་ཕཻཾ་ཧྲཱིཿཧྲཱིཿ ཅེས་བཏགས་པ་བཟླ་སྟེ། རྗེ་བཙུན་མའི་བྱིན་རླབས་དབང་བཞིའི་སྐབས་འདིར་ཡེ་ཤེས་འབེབས་པ་འདི་རྣམས་གནད་ཀྱི་དམ་པ་གལ་ཆེ་ཤོས་ཤིག་ཡིན་ཏེ། དབང་གི་སྔོན་འགྲོའི་མིང་བཏགས་ཀྱང་དངོས་གཞི་རྐུ་ཐབས་སུ་བསྟན་པ་ཡིན་པས། ཡེ་ཤེས་འཕོ་བའི་དབང་ཞེས་པ་ལ་ཡང་ངེས་པ་རྙེད་པར་བྱའོ། །ཡང་འདི་སྐད་དུ། ལྟོས་ཤིག་རང་གི་སེམས་ལ་ལྟོས། །སེམས་ཉིད་ཅིར་ཡང་གྲུབ་པ་མེད། །གྲུབ་པ་མེད་པའི་སེམས་ཉིད་ལ། །སྣ་ཚོགས་སྣང་བ་ངོ་མཚར་ཆེ། །སྣང་ཙམ་ཉིད་ཀྱང་སེམས་སུ་འདུག །སྣང་བ་སེམས་ཀྱི་དེ་ཉིད་འདི། །བདེ་བ་ཆེན་པོའི་ཡེ་ཤེས་ཡིན། །རྣམ་པར་མི་རྟོག་བསམ་མི་


TNT12_Page_0228
[མ་དཔེ་གཟིགས་ན་འདིར་གནོན།]

ཁྱབ། །གསལ་བ་དེ་ཡི་ངོ་བོར་སྣང༌། །མོས་པ་དུ་མའི་སེམས་ཅན་ལ། །ཐབས་རྣམས་སྣ་ཚོགས་ཀུན་ཏུ་སྟོན། །སྣ་ཚོགས་སྒྱུ་མའི་སྦྱོར་བ་ཡིས། །དཔའ་བོ་སེང་གེ་བཞིན་དུ་སྤྱོད། །བསམ་གྱིས་མི་ཁྱབ་གོ་འཕང་ཐོབ། །འདི་ནི་རྗེ་བཙུན་བྱིན་རླབས་ཏེ། །སྣ་ཚོགས་ནོར་བུ་ཇི་བཞིན་དུ། །སྐལ་ལྡན་རྣམས་ཀྱི་སྤྱོད་ཡུལ་ཡིན། །ཞེས་བརྗོད་ཅིང་དོན་ལ་མཉམ་པར་བཞག །ཏིཥྛ་བཛྲ། ལན་གཉིས། ཡང་དག་པ་ཡི་དཀྱིལ་འཁོར་འདིར། །བདག་གིས་སློབ་མ་གཞུག་པར་བགྱི། །ལྷ་ཡི་རིགས་ཀྱི་རིམ་པ་དང༌། །བསོད་ནམས་རིམ་པའང་དེ་བཞིན་ཤོག །ལན་གསུམ། ཨོཾ་པྲ་ཏཱིཙྪ་བཛྲ་ཧོ། མེ་ཏོག་འབུལ། ཨོཾ་པྲ་ཏི་གྲྀ་ཧྞ་སྟཾ། ཨི་མཾ་ས་ཏྭ་མཧཱ་བ་ལ། མེ་ཏོག་མགོ་བོར་བཞག །མིག་འབྲས་གཉིས་ཨོཾ་ཡིག་འོད་དུ་འབར་བར་གྱུར། རྣལ་འབྱོར་མ་དཔལ་དེང་ཁྱོད་ཀྱི། །མིག་འབྱེད་པར་ནི་བརྩོན་པར་མཛད། །ཕྱེ་བས་ཐམས་ཅད་མཐོང་གྱུར་པ། །རྡོ་རྗེའི་མིག་ནི་བླ་ན་མེད། །ཧེ་བཛྲ་པ་ཤྱ། མིག་དར་ཕྱེ། དཀྱིལ་འཁོར་བཟང་པོ་འདི་ལ་ལྟོས། །ད་ནི་དད་པ་རབ་ཏུ་སྐྱེ། ཁྱོད་ནི་རྣལ་འབྱོར་མ་རིགས་སྐྱེས། །སྔགས་དང་ཕྱག་རྒྱས་བྱིན་གྱིས་བརླབས། །འགྲོ་བ་ཕུན་ཚོགས་དངོས་གྲུབ་ཀུན། ཁྱོད་ལ་མྱུར་དུ་མངོན་དུ་གྱུར། །དམ་ཚིག་ཐམས་ཅད་བསྐྱང་བ་དང༌། །གསང་སྔགས་སྒྲུབ་ལ་བརྩོན་པར་བགྱི། །རྟེན་དང་བརྟེན་པར་བཅས་པའི་དཀྱིལ་འཁོར་ཐམས་ཅད་མངོན་སུམ་


TNT12_Page_0229
[མ་དཔེ་གཟིགས་ན་འདིར་གནོན།]

ཉིད་དུ་མཐོང་བར་གྱུར། སློབ་མ་དབང་བསྐུར་ལ་སྐབས་འདིར་དཀྱིལ་འཁོར་དང་ལྷའི་རྣམ་པ་བཤད་དོ། །འོག་གཞིའི་ཆོས་འབྱུང་ནི། དུག་གསུམ་གྱི་ཆོས་ཉིད། བདུད་རྩིའི་ནང་གི་ཆོས་འབྱུང་ནི་ཁམས་གསུམ་གྱི་དེ་བཞིན་ཉིད། མེ་ལོང་གི་ཆོས་འབྱུང་ནི་སྐུ་གསུམ་གྱི་ཡེ་ཤེས་སོ། །གཡུང་དྲུང་རིས་ནི་ཆོས་ཉིད་མི་འགྱུར་བ། བཞི་ནི་དགའ་བ་བཞི། ཡིག་འབྲུ་རྣམས་སྐུ་གསུང་ཐུགས་གཅིག་ཏུ་འདུས་པ། ཟུར་གསུམ་ནི་རྣམ་ཐར་གསུམ། ནང་སྟོང་པ་ནི་སྤྲོས་བྲལ། དམར་བ་ནི་སྙིང་རྗེ། རྩ་བ་ཕྲ་བ་ནི་ཉོན་མོངས་པ་སྤངས་པ། གདེངས་ཀ་ཆེ་བ་ནི་ཡེ་ཤེས་དང་ཡོན་ཏན་རྒྱས་པའོ། །པདྨའི་གདན་ཉོན་མོངས་པས་མ་གོས། ཞེས་པ་ནས། ཡེ་ཤེས་ཀྱི་སྣང་བ་སྤྲོས་པའོ་ཅེས་པའི་བར་ཡང་གོང་བཞིན་བརྗོད། དེ་ཐམས་ཅད་ཀྱང་རྡོ་རྗེ་སློབ་དཔོན་གྱི་སྐུ་གསུང་ཐུགས་ལ་ཚང་བའོ། །དེ་ནས་དབང་གི་དངོས་གཞི་བུམ་དབང་ཞུ་བའི་ཡོན་དུ་མཎྜལ་རྒྱས་པར་ཕུལ། བྱང་ཆུབ་རྡོ་རྗེས་སངས་རྒྱས་ལ། །མཆོད་ཆེན་ཇི་ལྟར་སྩལ་བ་ལྟར། །བདག་ཀྱང་བསྐྱབས་པའི་དོན་གྱི་ཕྱིར། །ནམ་མཁའི་རྡོ་རྗེས་དེང་བདག་སྩོལ། །ལན་གསུམ། ཆོས་ཀྱི་འབྱུང་གནས་དཀྱིལ་འཁོར་གྱི་དམ་པའི་ཤར་ཕྱོགས་སུ་དབང་སྟེགས་རིན་པོ་ཆེའི་ཁྲིའི་སྟེང་དུ། རང་སྐད་ཅིག་གིས་བཅོམ་ལྡན་འདས་མ་རྡོ་རྗེ་རྣལ་འབྱོར་མའི་སྐུར་གྱུར། མདུན་བསྐྱེད། བཅོམ་


TNT12_Page_0230
[མ་དཔེ་གཟིགས་ན་འདིར་གནོན།]

ལྡན་འདས་མའི་ཐུགས་ཀ་ནས་འོད་ཟེར་འཕྲོས། ཕྱོགས་བཅུའི་དེ་བཞིན་གཤེགས་པ་ཧེ་རུ་ཀ་ཡབ་ཡུམ། བྱང་ཆུབ་སེམས་དཔའ་ཡབ་ཡུམ། རྡོ་རྗེ་ཁྲོ་བོ་མཁའ་འགྲོ་མའི་ཚོགས་དང་བཅས་པ་རྣམས་མཁའ་དབྱིངས་གང་བ་དབང་གི་དོན་དུ་སྤྱན་དྲངས། ཕཻཾ། ཨརྒྷཾ་ནས། ཤཔྟའི་བར་གྱིས་མཆོད། དེ་བཞིན་གཤེགས་པ་ཐམས་ཅད་ཀྱིས་བདག་ལ་དབང་བསྐུར་སྩལ་དུ་གསོལ། ཨོཾ་སུམྦྷ་ལན་གསུམ་བཟླས་ཏེ་བྱུར་བསལ། ཨོཾ་ཕུན་སུམ་ཚོགས་པ་མངའ་བ་སོགས། མེ་ཏོག་དོར་ཞིང་ཤིས་པ་བརྗོད། སློབ་དཔོན་དང་དཀྱིལ་འཁོར་གྱི་ལྷ་དང༌། སངས་རྒྱས་བྱང་ཆུབ་སེམས་དཔའ་ཐམས་ཅད་ཀྱི་ཐུགས་ཀ་ནས་སྤྲུལ་པའི་རྡོ་རྗེ་མཁའ་འགྲོ་མ་དཔག་ཏུ་མེད་པ་རྣམས་ཀྱིས་དབང་བསྐུར་བར་གྱུར། དབང་བསྐུར་རྡོ་རྗེ་ཆེན་པོ་ནི། ཁམས་གསུམ་ཀུན་གྱིས་ཕྱག་བྱས་པ། །སངས་རྒྱས་ཀུན་གྱི་གསང་གསུམ་གྱི། །གནས་ལས་བྱུང་བ་སྦྱིན་པར་བྱ། །ཨོཾ་གསུམ་མའི་མཐར། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུཾ། བུམ་པ་སྤྱི་བོར་འཇོག །བུམ་ཆུ་བཏུང༌། བུམ་ནང་གི་ལྷ་ལས་ལྷ་སྐུ་གཉིས་པ་ཞིག་ཆད་རང་ལ་ཐིམ། ཡེ་ཤེས་ཀྱི་ཆུས་ལུས་ཀྱི་ནང་ཐམས་ཅད་གང༌། འཁོར་ལོ་བཞི་གང་བས་དགའ་བ་བཞིའི་ཡེ་ཤེས་བརྟན་པར་བྱས། སྐུ་གསུང་ཐུགས་དང་ཡེ་ཤེས་རྡོ་རྗེ་སྒྲིབ་པ་དང་བྲལ་བར་གྱུར། མས་བརྟན་གྱིས་རིམ་པས་བདེ་ཆེན་འཁོར་ལོའི་བར་དུ་སྟེང་དུ་གཤེགས་པས་བྱང་ཆུབ་སེམས་ཀྱི་ཆུ་རྒྱུན་


TNT12_Page_0231
[མ་དཔེ་གཟིགས་ན་འདིར་གནོན།]

བརྟན་པར་གྱུར། དབུ་རྒྱན་དང་དར་དཔྱངས། བྷྲུཾ་ཧཱུཾ་ཛྲིཾ་ཁཾ་མཾ་ཏཱཾ་པཾ་ལཾ་རྣམས་ལས་བྱུང་བའི་དེ་བཞིན་གཤེགས་པ་རིགས་ལྔ་ཡབ་ཡུམ་གྱི་ངོ་བོར་གྱུར། དབང་གི་ལྷ་རྣམས་ཀྱི་ཕྱག་ཏུ་ཐོགས་ཏེ་བདག་ཉིད་ལ་དབང་བསྐུར། དབང་བསྐུར་རྡོ་རྗེ་སོགས་དང༌། ཨོཾ་གསུམ་མའི་མཐར། ཨོཾ་རཏྣ་མུ་ཀུ་ཊ་ཨ་བྷི་ཥིཉྩ་ཧཱུཾ། ཅེས་དབུ་རྒྱན་འཆིང་བའམ། རིན་པོ་ཆེའི་ཕྱག་རྒྱ་སྤྱི་བོར་འཇོག ཨོཾ་མཾ་ཏཱཾ་པཾ་ལཾ་ཧཱུཾ། བཛྲ་པཊྚ་ཀ་ཨ་ར་ལི་ཧོ། ཅེས་པའི་དར་དཔྱངས་བཅིང་པའམ། འཆིང་བའི་ཚུལ་བྱ། དེ་ལྟར་ན་བུམ་པའི་དབང་བསྐུར་བ་ཐོབ་པས། ལུས་ཀྱི་དྲི་མ་དག །ལམ་བསྐྱེད་རིམ་སྒོམ་པ་ལ་དབང༌། སྐུ་རྡོ་རྗེ་སྤྲུལ་སྐུ་མངོན་དུ་འགྱུར་པའི་རྟེན་འབྲེལ་བསྒྲིགས་སོ། །མཎྜལ་བསྡུས་པའམ། གསང་དབང་ཞུ་བའི་ཡོན་དུ་ཅེས་འདོན་པ་སྤོས་པའི་འབྲིང་རྒྱས་གང་རུང་ཕུལ། ཁྱོད་ཞབས་པདྨོ་སྤངས་ནས་ནི། །གཙོ་བོ་གཞན་ལ་སྐྱབས་མ་མཆིས། །ངག་གི་དྲི་མ་སྦྱོང་མཛད་པའི། །གསང་བའི་དབང་བསྐུར་བདག་ལ་སྩོལ། །མདུན་བསྐྱེད་བཅོམ་ལྡན་འདས་མའི་ཐུགས་ཀ་ནས་འོད་འཕྲོས། དེ་བཞིན་གཤེགས་པ་ཡབ་ཡུམ་ཐམས་ཅད་སྤྱན་དྲངས། བདུད་རྩིའི་དཀྱིལ་འཁོར་དང་རོ་གཅིག་ཏུ་འདྲེས། དེ་ཉིད་བདག་གི་ལྕེ་ཐོག་ཏུ་བཞག་པར་གྱུར། ཇི་ལྟར་འདས་པའི་སངས་རྒྱས་ཀྱིས། །བྱང་ཆུབ་སྲས་རྣམས་དབང་བསྐུར་ལྟར། །བདག་གི་གསང་བའི་དབང་གི་ནི། །སེམས་ཀྱི་རྒྱུན་གྱི་དབང་བསྐུར་རོ། །ཨོཾ་གསུམ་མའི་མཐར། ཨོཾ་ཨཱཿཧཱུཾ། བདུད་


TNT12_Page_0232
[མ་དཔེ་གཟིགས་ན་འདིར་གནོན།]

རྩི་མྱང༌། རྩ་ཐམས་ཅད་བྱང་ཆུབ་སེམས་ཀྱི་བདུད་རྩིས་གང༌། དུག་གསུམ་གྱི་རྣམ་རྟོག་འགགས། གསལ་སྟོང་བདེ་བའི་ཡེ་ཤེས་སྐྱེས་པར་གྱུར། དེ་ལྟར་ན་གསང་དབང་ཐོབ་པས། ངག་གི་དྲི་མ་དག །ལམ་རང་ལུས་ཐབས་ལྡན་སྒོམ་པ་ལ་དབང༌། གསུང་རྡོ་རྗེ་ལོངས་སྐུ་མངོན་དུ་འགྱུར༴ །ཡང་མཎྜལ་བསྡུས་པའམ། ཤེས་རབ་ཡེ་ཤེས་ཀྱི་དབང་ཞུ་བའི་ཡོན་དུ་ཞེས་འདོན་པ་སྤོས། སློབ་དཔོན་བདག་ལ་དགོངས་སུ་གསོལ། །དཔལ་ལྡན་ཆོས་ཀྱི་རྡོ་རྗེ་ལ། །གསང་བའི་དེ་ཉིད་བསྟན་པ་ལྟར། །དབང་བསྐུར་བ་ནི་བདག་ལ་སྩོལ། །ལན་གསུམ། སིནྡྷུ་རའི་དཀྱིལ་འཁོར་ལས་ལྷ་སྐུ་དང་ཡིག་འབྲུ་དང་ཕྱག་མཚན་དཔག་ཏུ་མེད་པ་བྱུང༌། རང་གི་གནས་གསུམ་དུ་ཐིམ་པས་ལུས་ངག་ཡིད་གསུམ། བདེ་སྟོང་ཟུང་འཇུག་ཏུ་བྱིན་གྱིས་བརློབས། བླ་མ་རྡོ་རྗེ་འཆང་གི་རྣམ་པ་མང་དུ་བྱུང་སྟེ་སྤྱི་བོར་ཐིམ། བཅོམ་ལྡན་འདས་མ་ཉིད་ཀྱི་སྐུ་མང་དུ་བྱོན་ནས་ལྟེ་བའི་བཾ་ཡིག་ལ་ཐིམ་པས། དེ་ཉིད་རྡོ་རྗེ་རྣལ་འབྱོར་མའི་སྐུར་བཞེངས། སློབ་མ་དབང་བསྐུར་གྱི་སྐབས་ཡིན་ན། གནས་དེ་དང་དེ་དག་ཏུ་སིནྡྷུ་རའི་ཐིག་ལེ་བྱེད་པ་ཡིན། བདག་འཇུག་གི་སྐབས་སུ་མོས་པ་ཙམ་བྱ། ཨོཾ་ཨཱཿཧཱུཾ། ལན་གསུམ་བྱ། ལྟེ་བའི་རྡོ་རྗེ་རྣལ་འབྱོར་མའི་སྐུ་ལུས་གཏུམ་མོ་འབར་ཏེ། སྤྱི་བོར་ཧཾ་ཡིག་ཞུ་བས། དགའ་བ་དང༌། མཆོག་ཏུ་དགའ་བ་དང༌། ཁྱད་པར་གྱི་དགའ་བ་དང༌། ལྷན་ཅིག་


TNT12_Page_0233
[མ་དཔེ་གཟིགས་ན་འདིར་གནོན།]

སྐྱེས་པའི་དགའ་བ་རྣམས་ལུགས་འབྱུང་ལུགས་ལྡོག་གི་རིམ་པའི་ཤར་བར་གྱུར། དེ་ལྟར་ན་ཤེས་རབ་ཡེ་ཤེས་ཀྱི་དབང་ཐོབ་པས་ཡིད་ཀྱི་དྲི་མ་དག །ལམ་གཞན་ལུས་ཤེས་རབ་སྒོམ་པ་ལ་དབང༌། ཐུགས་རྡོ་རྗེ་ཆོས་སྐུ་མངོན་དུ་འགྱུར༴ །མཎྜལ་བསྡུས་པའམ། དབང་བཞི་ཞུ་བའི་ཡོན་དུ་ཅེས་འདོན་པ་སྤོས། ཁྱོད་ཞབས་པདྨའི་བཀའ་དྲིན་གྱིས། །གཙོ་བོ་དབང་བསྐུར་རྣམས་གསུམ་ཐོབ། །དེ་དང་རིན་ཆེན་བཞི་པ་ཡང༌། །བདག་ལ་བཀའ་དྲིན་བསྐྱབ་ཏུ་གསོལ། །ལན་གསུམ། ཡེ་ཤེས་འདི་ནི་ཆེས་ཕྲ་ཞིང༌། །རྡོ་རྗེ་སྙིང་པོ་ནམ་མཁའ་མཚུངས། །རྡུལ་བྲལ་མཐར་སྦྱིན་ཞི་བ་ཉིད། ཁྱོད་ཀྱི་ཕ་ནི་ཁྱོད་ཉིད་དོ། །དེ་ལྟར་ན་དབང་བཞི་པ་ཐོབ། སྒོ་གསུམ་གྱི་དྲི་མ་བག་ཆགས་དང་བཅས་པ་དག །ལམ་ཕྱག་རྒྱ་ཆེན་པོ་སྒོམ་པ་ལ་དབང༌། ཡེ་ཤེས་རྡོ་རྗེ་ངོ་བོ་ཉིད་སྐུ་མངོན་དུ་འགྱུར༴ །མཐའ་བསྟེན་རྗེས་གནང་དྲུག་ལས། དང་པོ་སྐུའི་རྗེས་གནང་ནི་སློབ་མ་དབང་བསྐུར་ལ། དག་པ་གསུམ་ནས། རིགས་བདག་གི་བར་གྱི་དམིགས་པ་འབོགས་པ་ཡིན་ཡང༌། སྐབས་འདིར་འདི་སྐད་ཅེས་བྱ་སྟཻ། ཚོགས་བསགས་བྱིན་རླབས་སྲུང་འཁོར་བསྒོམ། །དག་པ་གསུམ་པོ་སྔོན་འགྲོ་བས། །ལུས་ནི་སྲུང་འཁོར་གཞལ་ཡས་ཁང༌། །ངག་དང་ཡིད་ནི་ལྷ་མོའི་སྐུ། །ས་བོན་དང་བཅས་དམ་ཚིག་པ། །ཡེ་ཤེས་སྤྱན་འདྲེན་གོ་ཆ་དགོད། །དབང་བསྐུར་རྒྱས་བཏབ་མཆོད་བསྟོད་དོ། །ཞེས་བརྗོད་ཅིང་དོན་དྲན་


TNT12_Page_0234
[མ་དཔེ་གཟིགས་ན་འདིར་གནོན།]

ཙམ་བྱ། གཉིས་པ་གསུང་གི་རྗེས་གནང་ནི། མདུན་བསྐྱེད་བཅོམ་ལྡན་འདས་མའི་ཐུགས་ཀའི་བཾ་ཡིག་ལས་སྔགས་རྣམས་ཀྱི་འཕྲེང་བ་བྱུང༌། རང་གི་ཁ་སྒོ་ནས་ཞུགས། སྙིང་ཁའི་གཟུངས་སྔགས་ལ་ཐིམ་པའི་སྔགས་ནུས་པ་མཐུ་དང་ལྡན་པར་བྱིན་གྱིས་རླབས། ཨོཾ་གསུམ་མ་ལན་གསུམ། བར་འདིར་དམ་བཅའ་བའི་ལུང་བྱས་ནའང་ལེགས། བཅོམ་ལྡན་བདག་གིས་བཟུང་ལགས་ཀྱི། །བདག་ལ་འགོ་བར་མཛད་དུ་གསོལ། ལན་གསུམ་མེ་ཏོག་སྤྱི་བོར་བཞག །བཅོམ་ལྡན་འདི་ལ་རྩལ་ལགས་ཀྱི། །འདི་ལ་འགོ་བར་མཛད་དུ་གསོལ། །སྔགས་ཀྱི་དངོས་གྲུབ་སྩལ་དུ་གསོལ། །བརྟུལ་ཞུགས་བརྟན་པར་མཛད་དུ་གསོལ། །རིག་པ་འཛིན་པ་བདག་གི་རྒྱུད་ལ་རྡོ་རྗེ་རྣལ་འབྱོར་མའི་གསུང་རིག་སྔགས་ཀྱི་བྱིན་རླབས་དང་ནུས་མཐུ་མ་ལུས་པ་ཐོགས་མེད་དུ་ཡོངས་སུ་འཇུག་པར་གྱུར་ཅིག།གསུམ་པ་ལྷ་མཆོད་པའི་རྗེས་གནང་ནི། ཨོཾ་བཛྲ་པུཥྤེ་ཨཱཿཧཱུཾ་སོགས། ཤཔྟའི་བར། བདག་ཉིད་དཔའ་བོ་ཀུན་གྱི་དངོས། །བདག་ཉིད་ལྷ་མོ་ཀུན་གྱི་གནས། །དེ་ཕྱིར་བདག་གིས་ཐམས་ཅད་བྱ། །བདག་ཉིད་རྣལ་འབྱོར་མ་དཔལ་མཆོད། །བཞི་པ་སྤྱོད་པའི་རྗེས་གནང་ནི། རྣལ་འབྱོར་མ་དཔལ་ཕྱག་རྒྱ་ནི། །ཕྱི་དང་ནང་དུ་ཡང་དག་གནས། ཁ་ཊྭཱཾ་ཅང་ཏེ་ལྷུང་བཟེད་བཟུང༌། །དཔའ་བོ་ཆེན་པོས་བླང་བར་གྱིས། །བུད་མེད་ཡིན་ན། རྣལ་འབྱོར་མ་ཡིས་ཞེས་འདོན་པ་སྤོས། གཞན་རྣམས་ཐུན་མོང་དུ་སྟེར་བས་འདོན་པ་སྤོ་མི་དགོས།


TNT12_Page_0235
[མ་དཔེ་གཟིགས་ན་འདིར་གནོན།]

དེ་ཉིད་རིག་པའི་རྣལ་འབྱོར་པས། །མི་བྱ་བ་ནི་ཅི་ཡང་མེད། །དེ་ཉིད་ཤེས་ནས་དེ་ནས་ནི། །དཔའ་བོས་འདོད་པ་ལྔ་སྤྱད་དོ། །ལྔ་པ་ཆོས་བཤད་པའི་རྗེས་གནང་ནི་དུང་དང་པོ་ཏི་སོགས་གཏད་པར་མོས་ལ། རྟེན་ཅིང་འབྲེལ་བར་འབྱུང་ཆོས་ཅན། །སེམས་ཅན་སྒྱུ་མའི་རང་བཞིན་ནོ། ཁམས་གསུམ་དེ་ལྟར་ཤེས་ནས་ནི། །འགྲོ་བའི་དོན་ནི་མཉམ་མེད་བྱོས། །དྲུག་པ་སྲུང་བའི་བྱིན་རླབས་ནི། ལྟེ་བར་ཨོཾ་བཾ་ནས། ཙཎྜི་ཀཱའི་ངོ་བོ། སྤྱི་བོར་རྡོ་རྗེ་རྒྱ་གྲམ་དུ་བཞག་ལ། ཨོཾ་གསུམ་མ་དང༌། སུམྦྷ་ཚར་གཅིག་བརྗོད། སློབ་མ་དབང་བསྐུར་ཡིན་ན་སྐབས་འདིར། སྲུང་འཁོར་རམ། དཔུང་སྐུད་འདོགས། དེ་ནས། གཙོ་བོའི་ཇི་ལྟར་བཀའ་སྩལ་པ། །དེ་དག་ཐམས་ཅད་བདག་གིས་བགྱི། །ལན་གསུམ། མཎྜལ་རྒྱས་འབྲིང་གང་རུང་ཕུལ་ལ། བྱིན་རླབས་འཕོ་བའི་དབང་བཞི་རྫོགས་པར་ཐོབ་པའི་བཀའ་དྲིན་གཏང་རག་གི་དོན་དུ། ཞེས་འདོན་པ་སྤོ། དེང་ནས་བརྩམས་ཏེ་བདག་བྲན་དུ། ཁྱེད་ལ་བདག་ནི་འབུལ་ལགས་ན། ཁྱེད་ཀྱི་སློབ་མར་བཟུང་བ་དང༌། །ཆ་ཤས་ཀྱིས་ཀྱང་སྤྱད་དུ་གསོལ། །ལན་གསུམ། བསོད་ནམས་འདི་ཡིས་སོགས། དགེ་བ་བསྔོ། བར་འདིར་ཚོགས་མཆོད་བྱ་སྟེ། རྡོ་རྗེ་རྣལ་འབྱོར་མའི་ཚོགས་མཆོད་གཞན་དང་འདྲའོ། །ལྷག་གཏོར་དང་འཇིག་རྟེན་པའི་གཏོར་མ་དུས་གཅིག་ལ་གཏོང༌། དེ་ནས་རྗེས་ཆོག་ནི་མཆོད་པ་རྣམས་ཁ་གསོས་ལ་བསངས་སྦྱངས། སྟོང་པའི་ངང་ལས་ཨ་ལས་ཡེ་ཤེས་ཀྱི་ཀ་པཱ་ལ་ཡངས་ཤིང་རྒྱ་ཆེ་བའི་ནང་དུ་ཞེས་པ་ནས།


TNT12_Page_0236
[མ་དཔེ་གཟིགས་ན་འདིར་གནོན།]

ཤཔྟ་ཨཱཿཧཱུཾ་གི་བར་གོང་ལྟར་མཆོད་པ་བྱིན་གྱིས་བརླབས། ཨོཾ་སརྦ་ཏ་ཐཱ་ག་ཏ་ནས་ཁ་གེ་ཧཱུཾ་ཧཱུཾ་ཕཊ། ཞེས་པའི་བར་བུམ་བསྐྱེད་ལྟར་མཆོད་བསྟོད་བྱེད། བཅོམ་ལྡན་འདས་མའི་བདག་གི་སྡིག་པ་དང་སྒྲིབ་པ་དང༌། དམ་ཚིག་ཉམས་ཆག་ཐམས་ཅད་རྩ་བ་ནས་བྱང་ཞིང་དག་པར་མཛད་དུ་གསོལ། ཚེ་དང་བསོད་ནམས་དང་འབྱོར་པ་དང་དབང་ཕྱུག་ཕུན་སུམ་ཚོགས་པར་བྱིན་གྱིས་བརླབ་ཏུ་གསོལ། འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་མ་ལུས་པ་ཚེ་འདི་ཉིད་ལ་སྩལ་ཏུ་གསོལ། གལ་ཏེ་ཚེ་འདིར་འགྲུབ་པའི་སྐལ་བ་མེད་ན་འཆི་ཚེ་མཁའ་སྤྱོད་ཀྱི་གནས་སུ་འཁྲིད་པ་དང༌། མཐར་ཐུག་ཟུང་འཇུག་རྡོ་རྗེ་འཆང་ཆེན་པོའི་གོ་འཕང་ཐོབ་པར་བྱིན་གྱིས་བརླབས་ཏུ་གསོལ། ཞེས་འདོད་དོན་ཞུ། དེ་ནས་སྟོབས་བཞི་ཚང་པའི་སྒོ་ནས་བཤགས་པ་ནི། དུས་གསུམ་རྒྱལ་བའི་གཉིས་མེད་ཡེ་ཤེས་སྐུ། །འགྲོ་ལ་བརྩེ་བས་རྗེས་ཆགས་ལྷ་མོའི་སྐུར། །སྟོན་མཛད་རྡོ་རྗེ་ཕག་མོ་རྣལ་འབྱོར་མ། །དཔའ་བོ་དཔའ་མོའི་ཚོགས་བཅས་དགོངས་སུ་གསོལ། །བདག་ཅག་འཁྲུལ་བས་སྔོན་བསགས་སྡིག་ཀུན་དང༌། །སྡོམ་པ་གསུམ་དང་འགལ་བ་གང་བགྱིས་པ། །རྡོ་རྗེ་བཙུན་མོའི་དྲུང་དུ་མཐོལ་ལོ་བཤགས། །འགྱོད་ཅིང་སླན་ཆད་སྡོམ་པར་བགྱི་ལགས་སོ། །རིགས་ལྔའི་དམ་ཚིག་ཚུལ་


TNT12_Page_0237
[མ་དཔེ་གཟིགས་ན་འདིར་གནོན།]

བཞིན་མ་བསྒྲུབས་དང༌། །རྩ་བའི་ལྟུང་བ་བཅུ་བཞིས་གོས་པ་དང༌། །སྦོམ་པོ་བརྒྱད་སོགས་ཉེས་པ་གང་ལགས་པ། །དྲི་བྲལ་ལྷ་མོའི་སྤྱན་སྔར་མཐོལ་ལོ་བཤགས། །ཐུན་བཞིའི་ཏིང་འཛིན་ཆགས་གམ་ནོར་བ་དང༌། །བཟླས་པའི་བྱ་བ་འཁྲུལ་དང་ཆོ་ག་ཉམ། །གུས་པ་ལྷོད་དང་རྣམ་གཡེང་དབང་གྱུར་དང༌། །ཉོན་མོངས་དྲག་པོའི་དབང་གྱུར༴ །རྒྱུན་དང་ཁྱད་པར་བཟའ་བའི་དམ་ཚིག་ལ། །ངན་པར་རྟོག་དང་བརྙས་དང་འགོམས་པ་དང༌། །ཚེས་བཅུའི་མཆོད་དང་འཁོར་ལོའི་མཆོད་པ་སོགས། །ངན་ཅིང་དུས་སུ་མ་ཐོངས༴ །ཕྱག་རྒྱ་བཞོན་པ་མཚོན་ཆ་མཚན་མ་དང༌། །ལྷག་མ་འགོམ་དང་དམ་ཅན་ལ་སོགས་བརྙས། །སྔགས་དང་ལྷ་དང་རྒྱུད་ཚིག་དྲི་མེད་ལ། །ཀྱལ་ཀ་བྱས་སོགས་ནོངས་པ་ཤེས་རབ་རིགས་ལ་སྨད་དང་བརྡེག་པ་དང༌། །སྐོར་དང་ཕྱག་འཚལ་ལ་སོགས་མ་གྲུབ་དང༌། །མ་དད་ཉོན་མོངས་རང་དགར་ཆགས་པ་དང༌། །རང་གཞན་བདེ་ཆེན་རྒྱུ་ཉམ་རྡོ་རྗེ་རྣམ་པ་གསུམ་གྱི་དམ་ཚིག་དང༌། །ཐུན་མོང་མ་ཡིན་དམ་ཚིག་བརྒྱད་པོ་དང༌། །དགོངས་ཏེ་གསུངས་པའི་དམ་ཚིག་རྣམ་བཞི་དང༌། །འགལ་བར་གྱུར་པ་ཐམས་ཅད་མཐོལ་ལོ་བཤགས། །སྣོད་མ་ཡིན་ལ་གསང་བ་བསྒྲགས་པ་དང༌། །དབང་བསྐུར་བྱིན་རླབས་རིགས་སྔགས་སྦྱིན་པ་དང༌། །འོས་མིན་འཕྲིན་ལས་གསོལ་དང་གནས་མིན་པར། །སྔགས་རྒྱུད་སྦྱོར་བ་བྱས་སོགས༴ །བཤགས་


TNT12_Page_0238
[མ་དཔེ་གཟིགས་ན་འདིར་གནོན།]

བྱུང་གི་བར་དུ་བརྟན་པར་བཞུགས་སུ་གསོལ། བརྟན་པར་བཞུགས་ནས་ཀྱང་བདག་དང་སེམས་ཅན་ཐམས་ཅད་ཀྱི་མགོན་དང་སྐྱབས་དང་དཔུང་གཉེན་དམ་པ་མཛད་དུ་གསོལ། །ཨོཾ་སུ་པྲ་ཏིཥྛ་བཛྲ་ཡེ་སྭཱཧཱ། ཞེས་བརྟན་བཞུགས་བྱ། ཁྱེད་ཀྱིས་སེམས་ཅན་དོན་ཀུན་སོགས་སིནྡྷུ་རའི་ཡེ་ཤེས་པ་བཤེགས། རང་ཉིད་རྡོ་རྗེ་རྣལ་འབྱོར་མར་གསལ་བའི་གནས་རྣམས་སུ་ཟླ་བའི་དཀྱིལ་འཁོར་གྱི་སྟེང་དུ། ཨོཾ་བཾ། ཧཾ་ཡོཾ། ཧྲིཾ་མོ། ཧྲེཾ་ཧྲིཾ། ཧཱུཾ་ཧཱུཾ། ཕཊ་ཕཊ། སུམྦྷ་ནས་ལན་གཉིས་ཀྱི་ཚམས་རྔམ། སྔགས་ཀྱི་སྲུང་བ་བྱེད་དོ། །བདག་དང་སྣང་བའི་དངོས་པོ་ཐམས་ཅད་རྡོ་རྗེ་རྣལ་འབྱོར་མའི་སྐུའི་རང་བཞིན། ཨོཾ་གསུམ་མ་ཚར་གཅིག་བརྗོད་ནས། བརྗོད་པ་དང་གྲགས་པའི་སྒྲ་ཐམས་ཅད་རྡོ་རྗེ་རྣལ་འབྱོར་མའི་གསུང་གི་རང་བཞིན། དྲན་རིག་རྣམ་པར་རྟོག་པ་ཐམས་ཅད་རྣལ་འབྱོར་མའི་ཐུགས་ཡེ་ཤེས་ཆེན་པོའི་ཆོ་འཕྲུལ་དུ་རྣམ་པར་དག་པ་ཡིན་ནོ། །དེ་ནས་སྨོན་ལམ་ནི། བདག་གི་དུས་གསུམ་དགེ་བ་ཅི་སྤྱད་པ། །ནམ་མཁའི་མཐའ་ཀླས་གྱུར་པའི་སེམས་ཅན་རྣམས། །བླ་མེད་རྡོ་རྗེ་ཐེག་པའི་སྣོད་གྱུར་ཏེ། །ཀུན་ཀྱང་རྡོ་རྗེ་འཛིན་པ་ཉིད་གྱུར་ཅིག །སྐྱེ་ཞིང་སྐྱེ་བ་དག་ནི་ཐམས་ཅད་དུ། །བློ་ལྡན་རིགས་བཟང་ང་རྒྱལ་མེད་པ་དང༌། །སྙིང་རྗེ་ཆེ་ཞིང་བླ་མ་ལ་གུས་བསྟན། །རྡོ་རྗེ་ཕག་མོའི་དམ་ཚིག་ལ་གནས་ཤོག །རྡོ་རྗེ་དྲིལ་བུ་ལ་སོགས་རྟག་ཏུ་འཆང༌། །ཟབ་ཅིང་རྒྱ་ཆེའི་ཆོས་དོན་རྟོགས་པ་དང༌། །གོ་ཀུ་ཤུ་ཀྲ་ལ་


TNT12_Page_0239
[མ་དཔེ་གཟིགས་ན་འདིར་གནོན།]

དང་བཤགས་བྱ་བཤགས་པར་བྱེད་པོ་བྲལ། །འཛིན་པ་དག་ཕྱིར་དག་འཚངས་ཕུལ་བས་ཀྱང༌། །སྒྲིབ་གཉིས་རང་བཞིན་གདོད་ནས་རྣམ་དག་པའི། །གནས་ལུགས་རྟོགས་ནས་སངས་རྒྱས་ཐོབ་པར་ཤོག །ཨོཾ་ཤྲཱི་བཛྲ་ཧེ་རུ་ཀ་ཞེས་སོགས་ཧེ་རུ་ཀའི་ཡི་གེ་བརྒྱ་པ་ལན་གསུམ་བརྗོད་ལ། མ་འབྱོར་པ་དང་ཉམས་པ་དང༌། །གང་ཡང་བདག་རྨོངས་བློ་ཡིས་ནི། །བགྱིས་པ་དང་ནི་བགྱིད་སྩལ་པ། །དེ་ཀུན་མགོན་པོས་བཟོད་པར་མཛོད། །བདག་ཅག་ལས་དང་པོ་པའི་རྟེན་གྱི་གང་ཟག་ཏུ་གྱུར་པས་སེམས་སྒྲིབ་པ་དང་ལྡན་པ་དང༌། ཡོ་བྱད་མ་ཚང་བ་དང༌། ཏིང་ངེ་འཛིན་མི་གསལ་བ་དང༌། སྔགས་མ་དག་པ་དང༌། ཆོ་ག་ལྷག་པ་དང་ཆད་པ་ཐམས་ཅད་ལྷག་ཆད་ཁ་བསྐང་ཞིང༌། བདག་ཅག་གི་ལམ་དང་དངོས་གྲུབ་ཀྱི་བར་ཆད་དུ་མི་འགྱུར་བར་བྱིན་གྱིས་བརླབ་ཏུ་གསོལ། ཞེས་བཟོད་པར་གསོལ། ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། ཇི་སྲིད་ནམ་མཁའ་དང་མཉམ་པའི་སེམས་ཅན་ཐམས་ཅད་མི་གནས་པའི་མྱ་ངན་ལས་འདས་པའི་ས་ལ་མ་བཞག་གི་བར་དུ་རྒྱལ་བ་རྣམས་མྱ་ངན་ལས་མི་འདའ་བར་བརྟན་པར་བཞུགས་སུ་གསོལ། བྱེ་བྲག་ཏུ་རྡོ་རྗེ་ཕག་མོ་ལ་སོགས་པའི་རྟེན་སྐུ་འདི་རྣམས་ལ་བསྐྱེད་ཅིང་སྤྱན་དྲངས་པའི་ལྷ་ཚོགས་ཐམས་ཅད་ཇི་སྲིད་འབྱུང་བ་བཞིས་གནོད་པ་མ་


TNT12_Page_0240
[མ་དཔེ་གཟིགས་ན་འདིར་གནོན།]

སོགས་རྟག་བཟའ་ཞིང༌། །མཐར་ཐུག་བདེ་ཆེན་སྒྲུབ་པའི་སྐལ་ལྡན་ཤོག །བདེ་གཤེགས་སྤྱན་སྔར་གནས་གསུམ་མཁའ་འགྲོ་ཡི། །དམ་བཅས་སྲུང་ཞིང་དངོས་གྲུབ་མཆོག་སྩོལ་བར། །ཐུགས་དམ་བཅས་ཤིང་རྟག་སྲུང་དངོས་གྲུབ་ནི། །རྣམ་གསུམ་ཚེ་འདི་ཉིད་ལ་ཐོབ་པར་ཤོག །ལྷ་མོ་ཚད་མ་ནས་རྒྱུར་གྱུར་ཅིག །ཅེས་སྨོན་ལམ་བཏབ། དེ་ནས་རྩ་རྒྱུད་ཀྱི་བླ་མ་ལ་གསོལ་བ་འདེབས་པ་ནི། ཆོས་ཀུན་གདོད་ནས་རྣམ་དག་ངོ་བོ་ཉིད། །དང་པོའི་སངས་རྒྱས་བདེ་ཆེན་ལྷན་ཅིག་སྐྱེས། །དུས་གསུམ་རྒྱལ་བ་ཀུན་གྱི་སྤྱི་ཡི་གཟུགས། །རྩ་བའི་བླ་མའི་ཞབས་ལ་གསོལ་བ་འདེབས། །སངས་རྒྱས་ཀུན་དངོས་ཁྱབ་བདག་རྡོ་རྗེ་འཆང༌། །གདུལ་དཀའ་འདུལ་མཛད་དཔལ་ལྡན་ཧེ་རུ་ཀ །ཤེས་རབ་རང་བཞིན་རྡོ་རྗེ་རྣལ་འབྱོར་མ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །ལཀྵིཾ་ཀ་ར་རྣལ་འབྱོར་མ་དཔལ་དངོས། །སྦས་པའི་རྣལ་འབྱོར་ཨོ་རྒྱན་བིརྺ་པ། །ཀུན་འདར་གསང་སྟེ་སྤྱོད་པའི་གཉིས་སྤངས་ཞབས། །རི་ཁྲོད་དབང་ཕྱུག་མཐའ་དག་གྲུབ་པའི་གཙོ། །ཡི་དམ་དངོས་སུ་ཞལ་གཟིགས་བསོད་སྙོམས་པ། །བླ་མས་རྗེས་བཟུང་བུདྡྷ་དདྡའི་ཞབས། །ཕག་མོས་རྗེས་བཟུང་ལྷོ་འབྱུང་ཟླ་བ་སྟེ། །མཆོག་དབང་མཛེས་པ་མཁས་ཤིང་གྲུབ་པའི་ཕུལ། །བླ་མ་མཉེས་མཛད་ཀུན་དགའ་རྡོ་རྗེའི་ཞབས། །མཚན་རྟགས་མངོན་


TNT12_Page_0241
[མ་དཔེ་གཟིགས་ན་འདིར་གནོན།]

གྱུར་མངའ་རིས་དཀོན་མཆོག་འབར། །སྔགས་སྟོན་ནུས་ལྡན་རྒྱལ་ཚབ་རིན་པོ་ཆེ། །འགྲོ་ལ་ཕན་མཛད་བྱམས་དཔལ་ལོ་ཙྪ་བ། །བླ་ཆེན་བསོད་དབང་མན་ངག་གདམས་པའི་མཛོད། །སེམས་དཔའ་བསོད་སེང་དུས་ངན་འགྲོ་བའི་སྐྱབས། །ཆོས་སྒོ་དུ་མའི་བརྒྱུད་འཛིན་རིན་བཟང་བ། གནས་ལྔ་རིག་པའི་དབང་ཕྱུག་བུ་སྟོན་རྗེ། །བཤེས་གཉེན་བཟང་པོའི་རང་བཞིན་བྲག་ནག་པ། །སྡོམ་བརྩོན་མཁས་པ་འཇམ་དབྱངས་རིན་རྒྱལ་བ། །ངུར་སྨྲིག་འཛིན་མཆོག་རྒྱལ་དབང་གྲགས་པ་དང༌། །རྒྱལ་བ་ཕྱག་ན་བསྟན་སྲུང་བྲན་དུ་ཁོལ། །ཟབ་དོན་རྣལ་འབྱོར་བསོད་ནམས་རྒྱལ་མཚན་དཔལ། །འཇམ་དབྱངས་ཆོས་དབང་མཁས་བཙུན་བཟང་པོ་ཕུལ། །ཀུན་དགའ་དཔལ་འབྱོར་ཡོན་ཏན་དུ་མས་བརྒྱན། །དམ་པའི་རྗེས་འཇུག་དཀོན་མཆོག་རིན་ཆེན་ཞབས། །ལུང་རིག་རྒྱ་མཚོ་སྤྲོས་བྲལ་གནས་ལུགས་གཟིགས། །རྩ་བའི་བླ་མ་སྐྱབས་གནས་ཀུན་གྱི་དངོས། །རེ་རེའི་མཐར། ཕྱག་འཚལ་མཆོད་དོ་སྙིང་ནས་གསོལ་བ་འདེབས། །ཐུབ་པའི་བསྟན་ལ་རྣམ་དག་བསླབ་པ་གསུམ། །ལེགས་ནོས་རྩེ་གཅིག་སྒྲུབ་ལ་བརྩོན་པ་དང༌། །བྱང་ཆུབ་སེམས་བསྐྱེད་ཕ་རོལ་ཕྱིན་དྲུག་སོགས། །ཐེག་མཆོག་ལམ་ལ་འཇུག་པར་བྱིན་གྱིས་རློབས། ཁྱད་པར་གསང་བའི་ཐེག་པ་བླ་མེད་དུ། །དབང་བཞིས་སྨིན་བྱས་རྣམ་དག་དམ་ཚིག་སྲུང༌། །རྡོ་རྗེ་སློབ་དཔོན་མཆོག་དང་ལྷག་པའི་


TNT12_Page_0242
[མ་དཔེ་གཟིགས་ན་འདིར་གནོན།]

ལྷས། །ཡང་དག་ཡེ་ཤེས་འཕོ་བར་དག་སྣང་ལྷ་ཡི་འཁོར་ལོར་འཇུག་པའི་སྒོ། །ཀུན་རྫོབ་སྣང་ཞེན་སྦྱོང་བའི་ཐབས་ཀྱི་མཆོག །ཟབ་མོ་སྙིང་པོའི་དཀྱིལ་འཁོར་བསྒོམས་པ་ལས། །རབ་འབྱམས་དངོས་གྲུབ་འགྲུབ་པར༴ །སྣ་ཚོགས་སྒྱུ་མའི་འཁྲུལ་འཁོར་བགྲང་ཡས་རྣམས། །དོན་དམ་ལྷན་ཅིག་སྐྱེས་པར་ངེས་སྡོམ་པ། །བདེ་ཆེན་ཙཎྜ་ལི་དང་མཉམ་སྦྱོར་བའི། །རྫོགས་རིམ་ཡེ་ཤེས་རྟོགས་པར༴ །ལམ་འདི་སྒྲུབ་ལ་བར་ཆད་ཀུན་ཞི་ཞིང༌། །མཐའ་དག་ཉེར་འཚོ་ཕུན་ཚོགས་ཀུན་བསྒྲུབ་ནས། །རྡོ་རྗེ་ཕོ་ཉ་གནས་གསུམ་མཁའ་འགྲོ་ཡིས། །ལམ་གྱི་གྲོགས་མཆོག་སྒྲུབ་པར༴ འཁོར་ལོ་རྣམ་བཞིའི་བསྒྲོད་པ་རྣམ་དག་ནས། །བཅུ་གཉིས་ས་ཡི་རིམ་པས་ལེགས་བགྲོད་པའི། །སྐུ་བཞི་ཡེ་ཤེས་ལྔ་ལྡན་རྡོ་རྗེ་འཆང༌། །ཚེ་འདི་ཉིད་ལ་འགྲུབ་པར་བྱིན་གྱིས་རློབས། །དེ་ནས་བཀྲ་ཤིས་ནི། བཀྲ་ཤིས་གང་ཞིག་ཆོས་ཀྱི་དབྱིངས་ལས་ལེགས་བྱུང་པའི། །ཧེ་རུ་ཀ་དཔལ་འཇིགས་བྱེད་རྒྱལ་པོ་འབར་བའི་སྐུ། །ཤེས་རབ་ཕག་མོའི་པདྨོར་རྡོ་རྗེ་རོལ་པར་མཛད། །བདེན་པ་དེས་ཀྱང་གནས་འདིར་བཀྲ་ཤིས་ཕུན་ཚོགས་ཤོག །བཀྲ་ཤིས་གང་ཞིག་ཆོས་ཀྱི་འབྱུང་གནས་ཉམས་དགའ་བར། །སྣ་ཚོགས་ཆུ་སྐྱེས་ཉིན་བྱེད་གདན་ལ་བདེ་བར་བཞུགས། །རྒྱལ་བ་མ་ལུས་བསྐྱེད་པའི་ཡུམ་མཆོག་རྣལ་འབྱོར་མ། །བདེན་པ་དེས་ཀྱང་༴ །


TNT12_Page_0243
[མ་དཔེ་གཟིགས་ན་འདིར་གནོན།]

བཀྲ་ཤིས་གང་ཞིག་གསང་ཆེན་ཟབ་མོའི་དོན་སྟོན་པའི། །མཁའ་འགྲོ་གྲངས་མེད་གསུང་གི་སྙིང་པོ་སུམ་ཅུ་གཉིས། །ས་གསུམ་ཁྱབ་པའི་འོད་ཟེར་བྱེ་བའི་འཕྲོ་འདུ་ཅན་བདེན་པ༴ །བཀྲ་ཤིས་གང་ཞིག་འགྱུར་མེད་ལྷུན་གྱིས་གྲུབ་པའི་དབྱིངས། ཁམས་གསུམ་ཀུན་ལ་བདེ་བ་ཆེན་པོས་ཁྱབ་པའི་ཐུགས། །ཚད་མེད་ཡོན་ཏན་འཕྲིན་ལས་ཚོགས་ཀྱི་ཉེར་འབར་མ། །བདེན་པ་དེས་ཀྱང་༴ །བཀྲ་ཤིས་གང་ཞིག་ཞིང་སྐྱོང་མ་མོའི་ཚོགས་རྣམས་ཀྱིས། །བདུད་དང་བགེགས་འཛོམས་ཞི་རྒྱས་དབང་གི་ལས་མཛད་ཅིང༌། །སྲུང་བའི་འཁོར་ལོ་རྒྱ་ཆེན་རྟག་ཏུ་བརྟན་གྱུར་པ། །བདེན་པ་དཻས་ཀྱང་གནས་འདིར་བཀྲ་ཤིས་ཕུན་ཚོགས་སྩོལ། །ཡང་བརྗོད་པ། གྲུབ་པའི་གཞུང་ལུགས་མཁས་པའི་ལེགས་བཤད་ཅན། །དམ་པའི་མན་ངག་བྱིན་རླབས་མ་ཉམས་པ། །རྫོགས་རིམ་ལས་ཚོགས་ལ་སོགས་ཡན་ལག་རྒྱས། །ལམ་བཟང་འདི་དང་ཕྲད་པ་སྐལ་པ་བཟང༌། ཁུངས་མེད་གཏམ་གྱིས་བླུན་པོ་མགོ་བསྐོར་ནས། །རྒྱལ་བའི་བསྟན་འཛིན་ཡིན་སྙམ་གད་མོའི་གནས། །འགྲོ་མང་དེ་རྗེས་འཇུག་པ་བླུན་མོད་ཀྱི། །དགེ་མིན་ལས་ཀྱི་འབྲས་བུར་ཐུབ་པས་གསུངས། །གསར་རྙིང་ཕན་ཚུན་བསྲེས་པའི་རྫུན་ཆོག་དང༌། །ལྷ་ལྔ་མ་ལ་ལྷན་སྐྱེས་ཟེར་ཞིང་འཁྲུལ། །རྒྱ་གར་ནག་ཆུང་ཏེ་པུ་ཟངས་གླིང་པའི། །ལུགས་ལ་ཏེ་ན་མར་མི་བརྒྱུད་པར་འདྲེན། །གདོན་གྱིས་བསྐུལ་ནས་བརྡོལ་ཐབས་སྨྲས་པ་ལ། ལས་


TNT12_Page_0244
[མ་དཔེ་གཟིགས་ན་འདིར་གནོན།]

ཟད་སྐྱ་སེར་ཕོ་མོ་ཆུ་ལྟར་རྒྱུག།མ་རྟོགས་ན་ཡང་རྟོགས་ཞེས་རྫུན་ཚིག་སྨྲ། །བསོད་ནམས་བློ་གྲོས་ཅན་རྣམས་བག་ཡོད་བྱེད། །ཅེས་པའང་སྨྲས་སོ། །མཆོག་གྱུར་སྒྲུབ་ཐབས་མཆོག་འདི་བཤད་པ་ལས། །མཁའ་སྤྱོད་ཆེན་པོ་མཁའ་ཁམས་ཆོས་ཀྱི་དབྱིངས། །བདེ་ཆེན་དཀྱིལ་འཁོར་བདེ་བའི་ལམ་གྱིས་བསྒྲུབས། །བླ་མེད་བྱང་ཆུབ་བླ་མའི་དྲིན་ཐོབ་ཤོག། །།ཅེས་རྗེ་བཙུན་རྡོ་རྗེ་རྣལ་འབྱོར་མ་བདེན་གཉིས་ཞལ་ཅན་སྒྲུབ་ཅིང་མཆོད་པའི་ཆོ་ག་བདེ་བ་ཆེན་པོའི་དཔལ་འབར་བ་ཞེས་བྱ་བ་འདི་ཡང༌། དབང་ཕྱུག་དམ་པའི་མངའ་བདགས་སྐྱོང་གཞོན་ནུ་ཆོས་བཞིན་པ་ཀུན་དགའ་རབ་བརྟན་དབང་གི་རྒྱལ་པོའི་བཀས་བསྐུལ་ནས། །ཏཱ་ར་ནཱ་ཐས་ངེས་པར་བརྗོད་པའོ། །མདྒ་ལཾ་བི་སྟཱ་རཾ། །གཅིག་ཞུས།།


TNT12_Page_0245
[མ་དཔེ་གཟིགས་ན་འདིར་གནོན།]

ཤོག་སྟོང་།

སྨོན་ལམ་དང་བཀྲ་ཤིས།


TNT12_Page_0246
[མ་དཔེ་གཟིགས་ན་འདིར་གནོན།]

སྨོན་ལམ་དང་བཀྲ་ཤིས་བཞུགས། སྨོན་ལམ་ནི་སྒྲུབ་ཐབས་ནས་འབྱུང་བའི། སྐྱེ་ཞིང་སྐྱེ་བར་རིགས་མཆོག་ཏུ་ཞེས་སོགས་ཐུན་མོང་མ་ཡིན་པའི་བསྔོ་སྨོན་རྒྱས་པར་བརྗོད། བཀྲ་ཤིས་ནི། ཨོཾ་ཕུན་སུམ་ཚོགས་པ་མངའ་བ་གསེར་གྱི༴ ཞེས་སོགས་ཞལ་ནས་གསུངས་པའི་ཚིགས་སུ་བཅད་པ་སྔོན་དུ་འགྲོ་བས་མེ་ཏོག་ཆར་དུ་བསྙིལ་ཞིང༌། བཀྲ་ཤིས་འབྱུང་གནས་རིགས་དང་དཀྱིལ་འཁོར་རྒྱ་མཚོར་ཁྱབ་ཅིང་བདག །ཡིད་བཞིན་ནོར་ལྟར་གསོལ་བཏབ་འདོད་དོན་ཐོགས་པ་མེད་པར་སྩོལ། །བྱིན་རླབས་ཆར་བས་སྐལ་ལྡན་ཞིང་སར་སྨིན་གྲོལ་འབྲས་བུ་བསྐྱེད། །དཔལ་ལྡན་བླ་མའི་བཀྲ་ཤིས་སྣང་བས་ཁམས་གསུམ་ཡོངས་གྲོལ་ཤོག །བཀྲ་ཤིས་གང་ཞིག་བདེ་ཆེན་ཆོས་སྐུའི་ནམ་མཁའ་ཡངས་པ་ལ། །འོད་གསལ་ལོངས་སྐུ་ངེས་པ་ལྔ་ལྡན་ཉི་ཟླའི་དཀྱིལ་འཁོར་རྒྱས། །གང་འདུལ་སྤྲུལ་སྐུའི་འོད་ཟེར་དྲྭ་བས་འགྲོ་བློའི་པད་ཚལ་འབྱེད། །སྐུ་བཞི་དབྱེར་མེད་བཀྲ་ཤིས་དཔལ་འབར་མ་རིག་མུན་སེལ་ཤོག །བཀྲ་ཤིས་གང་ཞིག་དཔལ་ལྡན་འབྲས་སྤུངས་ཆོས་དབྱིངས་ཕོ་བྲང་དུ། །རྡོ་རྗེ་འཆང་ཆེན་ནཱ་དའི་སྒྲས་བསྟན་རིན་ཆེན་རྒྱ་མཚོའི་རྒྱུད། །ཕྱག་རྒྱ་སྔགས་དང་ཡེ་ཤེས་མཐར་ཐུག་སྟོན་པ་རྣམ་ལྔའི་ལྷ། །ངོ་མཚར་དཀྱིལ་འཁོར་བཀྲ་ཤིས་དཔལ་འབར་ལྔ་ཕུང་དབྱིངས་གྲོལ་ཤོག །བཀྲ་ཤིས་གང་ཞིག་ཆོས་ཀྱི་


TNT12_Page_0247
[མ་དཔེ་གཟིགས་ན་འདིར་གནོན།]

འབྱུང་གནས་ཐར་པ་ཆེན་པོའི་གྲོང༌། །བྱང་ཆུབ་ཕྱོགས་ཆོས་བཀོད་པས་རབ་མཛེས་ཀུན་བཟང་མཆོད་སྤྲིན་འཁྲིགས། །ཚོགས་བརྒྱད་རྣམ་དག་དུར་ཁྲོད་བརྒྱད་ལྡན་རྡོ་རྗེ་བསྲུང་འཁོར་གཏམས། །གཞལ་མེད་ཁང་ཆེན་བཀྲ་ཤིས་དཔལ་འབར་དག་པ་རབ་འབྱམས་ཤོག །བཀྲ་ཤིས་གང་ཞིག་རྡོ་རྗེ་བཙུན་མོའི་བྷ་གར་ལེགས་བཞུགས་པ། དགྱེས་པའི་རྡོ་རྗེ་སྐུ་བཞི་ཡེ་ཤེས་རྣམ་པ་ལྔ་ཡི་དངོས། །ཤེས་རབ་ཐབས་ཀྱི་བདག་ཉིད་ཨེ་ཝཾ་རང་བཞིན་ཟུང་དུ་འཇུག །དཀྱིལ་འཁོར་གཙོ་མཆོག་བཀྲ་ཤིས་དཔལ་འབར་དངོས་གྲུབ་གཉིས་ཐོབ་ཤོག །བཀྲ་ཤིས་གང་ཞིག་ཆོས་དབྱིངས་གསང་བ་མཆོག་གི་དགྱེས་པ་ན། །ཐམས་ཅད་བདག་ཉིད་སྒྱུ་འཕྲུལ་དྲྭ་བ་སྣ་ཚོགས་རོལ་པ་ཅན། །མི་ཕྱེད་རྡོ་རྗེ་གསུམ་བདག་རྒྱལ་དང་རྒྱལ་བའི་སྲས་རྣམས་ཀྱི། །གསང་བ་འདུས་པའི་བཀྲ་ཤིས་དཔལ་འབར་རྣམ་དག་ཤོག །བཀྲ་ཤིས་གང་ཞིག་སྙིང་པོའི་མཆེ་བ་གཙིགས་ཤིང་འཇིགས་པ་ཆེ། །དགའ་ཆེན་སྔགས་ཀྱི་མེ་ཏོག་ཕྲེང་བས་མཁའ་མཉམ་སྐུ་ལུས་བརྒྱན། །གཉིས་སྣང་ཤ་ཆེན་རྟོག་མེད་གསོལ་མཛད་དཔལ་ལྡན་ཐུགས་རྗེའི་སྟོབས། །སྒྱུ་འཕྲུལ་ཆེན་པོའི་བཀྲ་ཤིས་དཔལ་འབར་ཉོན་མོངས་འཆིང་གཅོད་ཤོག །བཀྲ་ཤིས་གང་ཞིག་འཁོར་འདས་རྟོག་པའི་དྲྭ་བ་ཇི་སྙེད་པ། །ལྷན་སྐྱེས་འོད་


TNT12_Page_0248
[མ་དཔེ་གཟིགས་ན་འདིར་གནོན།]

གསལ་ཕྱག་རྒྱས་མི་ཤིགས་ཆེན་པོ་སྡོམ། །དཀྱིལ་འཁོར་འདྲེན་པ་རྣལ་འབྱོར་མ་དཔལ་དཔྱིད་ཀྱི་བདུད་རྩིས་དགྱེས། །འཁོར་ལོ་སྡོམ་པའི་བཀྲ་ཤིས་དཔལ་འབར་བདེ་བ་མཆོག་བརྙེས་ཤོག བཀྲ་ཤིས་གང་ཞིག་རྒྱལ་ཀུན་མཐུ་སྟོབས་འཕྲིན་ལས་བསྡུས་པའི་སྐུ། །དྲན་པ་ཙམ་གྱིས་བདུད་སྡེ་ལྷ་མིན་དུས་ཀྱི་མུན་པ་ཀུན། །ཅིག་ཅར་འཇོམས་པའི་ཉིན་བྱེད་ཡེ་ཤེས་གཟི་བརྗིད་འབུམ་འཕྲོ་བ། །འཇིགས་མཛད་རྡོ་རྗེའི་བཀྲ་ཤིས་དཔལ་འབར་བདུད་བཞི་ལས་རྒྱལ་ཤོག །བཀྲ་ཤིས་གང་ཞིག་ནམ་མཁའ་དང་མཉམ་སྙིང་པོའི་ཡེ་ཤེས་ལྔ། །སྐུ་གསུང་ཐུགས་དང་ཡོན་ཏན་འཕྲིན་ལས་མཐའ་ཡས་སྒྱུ་མའི་གར། །དུག་ལྔའི་དཔུང་འཇོམས་དཀྱིལ་འཁོར་རྣམ་ལྔ་རྟེན་དང་བརྟེན་པར་བཅས། །གདོད་ནས་ཡོངས་གྲུབ་བཀྲ་ཤིས་དཔལ་འབར་སྐུ་ལྔ་ལྷུན་གྲུབ་ཤོག །བཀྲ་ཤིས་གང་ཞིག་སངས་རྒྱས་རྡོ་རྗེ་རིན་ཆེན་པདྨ་ལས། །ཡེ་ཤེས་རིགས་ལྔའི་སྤྲིན་འཕྲོ་དངོས་གྲུབ་གཉིས་སུ་ཆར་རྒྱུན་འབེབས། །གནས་གསུམ་དཔའ་བོ་རྣལ་འབྱོར་མ་ཚོགས་ཞིང་སྔགས་ལྷན་ཅིག་སྐྱེས། །རྡོ་རྗེ་མཁའ་འགྲོའི་བཀྲ་ཤིས་དཔལ་འབར་སྒྲུབ་ལ་མཆོག་སྩོལ་ཤོག །བཀྲ་ཤིས་གང་ཞིག་སྙིང་རྗེ་རབ་ཁྲོས་མྱུར་མཛད་ནག་པོ་ཆེ། །


TNT12_Page_0249
[མ་དཔེ་གཟིགས་ན་འདིར་གནོན།]

ཕྱོགས་སྐྱོང་མ་མོ་འབྱུང་པོ་ཚོགས་བཅས་བཀའ་ཡི་གཉེར། །རྟག་ཏུ་ཞི་ཡང་འབར་བའི་གཟུགས་ཀྱིས་རྣལ་འབྱོར་བུ་བཞིན་སྐྱོང༌། །དམ་ཅན་རྒྱ་མཚོའི་བཀྲ་ཤིས་དཔལ་འབར་བསམ་དོན་ཡོངས་འགྲུབ་ཤོག །བཀྲ་ཤིས་གང་ཞིག་དོན་དམ་བདེན་པ་འོད་གསལ་འདུས་མ་བྱས། །བརྟན་གཡོ་ཀུན་ཁྱབ་སྙིང་པོའི་རང་བཞིན་ལྷུན་གྲུབ་ཡོན་ཏན་ལྡན། །སྲིད་དང་ཞི་བའི་དགེ་ལེགས་ཀུན་འབྱུང་གཞོམ་དུ་མེད་པའི་དབྱིངས། །རྣམ་ཀུན་མཆོག་ལྡན་བཀྲ་ཤིས་དཔལ་འབར་རྟག་བརྟན་ཀུན་ཁྱབ་ཤོག །ཅེས་པའམ། ཡང་ན། ཡོན་ཏན་རབ་རྫོགས་གངས་ཀྱིས་རི་བོ་བཞིན། །ཞེས་སོགས་བཀྲ་ཤིས་བཀའ་རྒྱ་མ་ལྟ་བུའི་ཤིས་པའི་ཚིག་རྒྱ་ཆེར་བརྗོད་དོ། །ལྷག་བསམ་དགེ་བས་རབ་དཀར་བསོད་ནམས་འདིས། །རྩ་བའི་བླ་མ་དགྱེས་བྱེད་མཆོད་སྤྲིན་དང༌། །བདག་གཞན་སྒྲིབ་སྦྱོང་ཚོགས་ཆེན་རབ་རྫོགས་ཤིང༌། །དོན་གཉིས་རྒྱ་མཚོའི་དཔལ་ཡོན་མྱུར་སྤྱོད་ཤོག། །།

རྗེ་བཙུན་རྡོ་རྗེ་ཕག་མོ་དོན་གྲུབ་མའི་སྒྲུབ་མཆོད་ཀྱི་ཡི་གེ


TNT12_Page_0250
[མ་དཔེ་གཟིགས་ན་འདིར་གནོན།]

རྗེ་བཙུན་རྡོ་རྗེ་ཕག་མོ་དོན་གྲུབ་མའི་སྒྲུབ་མཆོད་ཀྱི་ཡི་གེ་བཞུགས།


TNT12_Page_0251
[མ་དཔེ་གཟིགས་ན་འདིར་གནོན།]

ཨོཾ་སྭཱ་སྟི། རྗེ་བཙུན་ཕག་མོ་དོན་གྲུབ་མའི་མཆོད་ཆོག་བྱེད་པར་འདོད་ན། འོག་གཞི་དཀྱིལ་འཁོར་པདྨ་དམར་པོ་འདབ་བཞི། ལྟེ་བར་ཆོས་འབྱུང་དམར་པོ། མཐའ་སྐོར་རྡོ་རྭ་མེ་རི་བྱུང་ན་ལེགས། མ་གྲུབ་ན་མུ་ཁྱུད་སྔོན་པོ་གཅིག་གིས་བསྐོར། དེར་མཉྫི་ལ་ཐོད་པ་ཆང་གིས་བཀང་བ་དང༌། དེའི་སྟེང་དུ་མེ་ལོང་ལ་ཆོས་འབྱུང་རྐྱང་པ། ཕྱི་རོལ་ཕྱོགས་བཞི་སྣ་ཚོགས་རྡོ་རྗེ་རེ། དབུས་སུ་ཧྲཱི༔ ཟུར་གསུམ་གྱི་ནང་དུ། ཨོཾ་ཨཱ༔ཧཱུཾ་འབྲི་སྟེ། སིནྡྷུ་རའི་དཀྱིལ་འཁོར་ཡིན། གཞན་ཤོམས་རྣམས་ཞལ་གཉིས་མ་དང་འདྲ། ཆོ་གའི་རིམ་པ་ནི། ཨོཾ་སུམྦྷ་ནས་བརྩམས། སྔོན་འགྲོ་གཏོར་མ་གནས་ཡོ་བྱིན་རླབས་ཞུ་འབུལ། སྐྱབས་འགྲོ་སེམས་བསྐྱེད། རྡོར་སེམས་སྒོམ་བཟླས་རྣམས་ཀྱང་ཞལ་གཉིས་མའི་སྐབས་བཞིན། ནང་མཆོད་སུམྦྷས་བསངས། སྭ་བྷཱས་སྦྱངས། སྟོང་པའི་ངང་ལས་ཡཾ་ལས་རླུང༌། རཾ་ལས་མེ་ཞེས་པ་ནས་ཨོཾ་ཨཱ༔ཧཱུཾ྄་ལན་གསུམ། བདུད་རྩིའི་དབུས་སུ་ཆོས་འབྱུང་གི་ལྟེ་བར་ཧྲཱིཿ ཟུར་གསུམ་ལ་གཡོན་སྐོར་གྱི་ཨོཾ་ཧཱུཾ་ཧ། དེའི་འོད་ཀྱིས་སྣོད་བཅུད་ཐམས་ཅད་དང༌། ཁྱད་པར་རྒྱལ་བ་


TNT12_Page_0252
[མ་དཔེ་གཟིགས་ན་འདིར་གནོན།]

སྲས་བཅས་ཐམས་ཅད་ཀྱི་སྐུ་གསུང་ཐུགས་ཀྱི་བདུད་རྩི་བྱང་ཆུབ་ཀྱི་སེམས་སུ་སྤྱན་དྲངས་ཏེ་ཐིམ། ཨོཾ་ཨཱཿཧཱུཾ་ཧ་ཧོ་ཧྲཱིཿལན་གསུམ། བདག་དང་གནས་ལ་བདུད་རྩི་གཏོར། ཨོཾ་ཧྲཱིཿགྷ་གྷ་གྷཱ་ཏ་ཡ་གྷཱ་ཏ་ཡ་སརྦ་དུཥྟན་ཧཱུཾ་ཕཊ། རྡོ་རྗེ་ཁྲོ་མོ་དང་ཁྲོ་བོའི་ཚོགས་དཔག་ཏུ་མེད་པ་སྤྲོས་ཏེ་བགེགས་རྣམས་ཐམས་ཅད་ཚར་བཅད། སྟེང་འོག་ཕྱོགས་མཚམས་ཐམས་ཅད་དུ་སྲུང་བའི་འཁོར་ལོ་གྲུབ་པར་གྱུར། རང་གི་ལྟེ་བར་ཨོཾ་བཾ་དམར་མོ་རྡོ་རྗེ་ཕག་མོ་ནས། ཡན་ལག་ཐམས་ཅད་ལ་ཕཊ་ཕཊ་དུད་ཁ་ཙཎྜི་ཀཱའི་ངོ་བོ་རྣམས་ཀྱིས་རྒྱས་བཏབ་པར་གྱུར། ཨོཾ་སྭ་བྷཱ་ཝ༴ ཨོཾ་བཛྲ་ཤུདྡྷ༴ ཨོཾ་ཡོ་ག་ཤུདྡྷ༴ སྟོང་པའི་ངང་ལས། ཆོས་ཀྱི་འབྱུང་གནས་གྲུ་གསུམ་པ། ཁ་དོག་དམར་པོ། རྩ་བ་ཕྲ་བ་ཐུར་དུ་བསྟན་ཅིང༌། གདེངས་ཀ་རྒྱས་པ་གྱེན་དུ་ཕྱོགས་པ། ཕྱིའི་ཕྱོགས་བཞིར་སྣ་ཚོགས་རྡོ་རྗེ་བཞི་དང་བཅས་པ། དུར་ཁྲོད་བརྒྱད་སྲུང་བའི་འཁོར་ལོ་དང་བཅས་པས་བསྐོར་བ་དེའི་དབུས་སུ་པདྨ་དམར་པོ་འདབ་མ་བཞི་པའི་ལྟེ་བར། འོད་


TNT12_Page_0253
[མ་དཔེ་གཟིགས་ན་འདིར་གནོན།]

སྟོང་བདག་པོའི་དཀྱིལ་འཁོར་ལ་གནས་པའི་མི་རོ་སེར་པོ་མགོ་བོ་གཡོན་དུ་བསྟན་པ། ཁམས་གསུམ་གྱི་བདག་ཉིད་ཅན་གྱི་སྙིང་གར། རང་སེམས་ཧྲཱིཿ ཡིག་དམར་པོ་བསྐལ་བའི་མེ་ལྟར་སྣང་བ། དེ་ཡོངས་སུ་གྱུར་པ་ལས། བདག་ཉིད་རྡོ་རྗེ་ཕག་མོ་ཐུན་མཚམས་ཀྱི་དམར་བ་ལྟ་བུའི་སྐུ་མདོག་ཅན། སྐུ་སྦོམ་ཞིང་ཐུང་ལ་གསུས་ཁྱིམ་རྒྱས་པ། པདྨ་དང་ཉི་མ་དང་དབུགས་བྲལ་གྱི་གདན་ལ་ཞབས་གཡས་བརྐྱང་བའི་གྱད་ཀྱི་དོར་སྟབས་ཀྱིས་ས་གསུམ་གནོན་པ། ཞལ་གཅིག་ཕྱག་བཞི་སྤྱན་གསུམ། མེ་ལྟར་འབར་བའི་སྡང་མིག་ཅན། ཁྲོ་གཉེར་བསྡུས་པ། དྲག་མོ་ཆེན་མོ་འཇིགས་སུ་རུང་བ། འཇིགས་པའི་ང་རོ་ཅན། ཕག་གི་གདོང་པ་ཅན། ཤིན་ཏུ་ཁྲོས་པའི་ཞལ་རྡོ་རྗེའི་མེ་འོད་མངའ་ཞིང་ལྗགས་སྐྱོད་པ། དབུ་སྐྲ་ཁམ་པ་གྱེན་དུ་འཁྱིལ་བ། བ་སྤུ་དང་མཆན་ཁུང་དང༌། གསང་བའི་སྤུ་གྱེན་དུ་ལངས་པ། ཐོད་པ་སྐམ་པོ་ལྔས་དཔྲལ་བར་བརྒྱན་ཅིང༌། ཁྲག་འཛག་མིའི་མགོ་བོའི་དོ་ཤལ་སྐུ་ལ་འཆང་བ། གཅེར་བུ་རུས་པའི་ཕྱག་རྒྱ་ལྔས་མཛེས་པ། ཕྱག་གཡས་ཀྱི་དང་པོ་འབར་བའི་རྡོ་རྗེ་གསོར་བ། གཉིས་པས་ཁམས་གསུམ་འགུགས་པའི་རྡོ་རྗེ་ལྕགས་ཀྱུ་འཛིན་པ། གཡོན་གྱི་དང་པོས་ཐོད་པ་ཁྲག་གིས་གང་བ་ཐུགས་ཀར་གཏོད་ཅིང༌། གཉིས་པས་གདུག་ཅན་མ་ལུས་པ་སྡིགས་པར་བྱེད་པའི་སྡིགས་འཛུབ་དང་བཅས་


TNT12_Page_0254
[མ་དཔེ་གཟིགས་ན་འདིར་གནོན།]

པས། བསྒྲུབ་བྱ་འཆིང་བར་བྱེད་པའི་རྡོ་རྗེ་ཞགས་པ་བསྣམས་པ། མཆན་ཁུང་དུ་ཐབས་ཀྱི་རང་བཞིན་རྡོ་རྗེའི་ཁ་ཊྭཱཾ་ག་དཀར་པོ་བསྒྲེང་བ། གདུག་པ་ཅན་ཐམས་ཅད་ཀྱིས་བཟོད་པར་དཀའ་བའི་གད་མོ་དགོད་པ། བསྐལ་བའི་མེ་ལྟ་བུའི་མེ་དཔུང་འབར་བའི་དབུས་ན་བཞུགས་པའོ། །ཕཻཾ་ཛཿཧཱུཾ་བཾ་ཧོ། ཡོ་ག་ཤུདྡྷ༴ གནས་རྣམས་སུ་ཟླ་བའི་དཀྱིལ་འཁོར་གྱི་སྟེང་དུ་ཨོཾ་བཾ་ནས་ཙནྚི་ཀཱའི་ངོ་བོ་རྣམས་སུ་གྱུར། ལྟེ་བའི་ཧྲཱིཿ ལས་འོད་ཟེར་འཕྲོས། དབང་གི་ལྷ་དཔལ་ནས་ཁྲུས་བགྱིའོ། །ཨོཾ་བཛྲི་བྷ་ཝ་ཨ་བྷི་ཥིཉྩ་ཧཱུཾ། ཞེས་པ་དང༌། རང་སྔགས་ནས། ཡར་ལུད་པ་ལས་རྒྱལ་བ་རིགས་ལྔའི་ངོ་བོ་སྣ་ཚོགས་རྡོ་རྗེས་དབུ་བརྒྱན། ཨོཾ་བཛྲ་ཨརྒྷཾ་པྲ་ཏཱིཙྪ་སྭཱཧཱ། དེ་བཞིན་དུ། ཨོཾ་བཛྲ་པུཥྤེ་ཨཱཿཧཱུཾ་ནས་ཤཔྟའི་བར་དང༌། སྙིང་པོའི་མཐར། ཨོཾ་ཨཱཿཧཱུཾ། ནང་མཆོད་ཕུལ། དཔལ་ལྡན་རྡོ་རྗེ་མཁའ་འགྲོ་མ་ནས་རྡོ་རྗེ་ཕག་མོ་ལ་འདུད་དོ། །ཕྱི་མའི་བར་གྱིས་བསྟོད། ཨོཾ་བཛྲ་བཱ་རཱ་ཧཱི་ཨཱ་བེ་ཤ་ཡ་སརྦ་དུཥྟན་ཧྲཱིཿསྭཱ་ཧཱ། ཞེས་ཅི་ནུས་སུ་བཟླ། ཨོཾ་སརྦ་ཏ་ཐཱ་ག་ཏ་བཛྲ་བཱ་རཱ་ཧཱི་ཞེས་པ་ནས། བརྟན་པར་མཛད་དུ་གསོལ་གྱི་བར་ཡང་འདྲ། བདག་བསྐྱེད་ཀྱི་ཁྱད་པར་རོ། །མདུན་བསྐྱེད་སུམྦྷས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་ནས་ཨོཾ་ཨཱཿཧཱུཾ། ལན་ལྔའི་བར་ཞལ་གཉིས་མ་དང་འདྲ་བ་ལས། དཀྱིལ་འཁོར་འོག་མའི་སྐབས་


TNT12_Page_0255
[མ་དཔེ་གཟིགས་ན་འདིར་གནོན།]

གཞལ་ཡས་ཁང་ཞེས་པ་དོར། བར་པའི་སྐབས་དེ་རྣམས་ཀྱི་དབུས་སུ་ཧྲཱིཿཞེས་འདོན་པ་སྤོ། དཀྱིལ་འཁོར་སྟེང་མ་སིནྡྷུ་རའི་དཀྱིལ་འཁོར་ནི་བདུད་རྩིའི་དཀྱིལ་འཁོར་གྱི་དབུས་ཀྱི་སྟེང་དུ། ཆོས་འབྱུང་གྲུ་གསུམ་པདྨ་རཱ་ག་ལྟར་དམར་བ། བདེ་བ་ཆེན་པོའི་རང་བཞིན་ཅན་གྱི་ནང་གི་དབུས་ཀྱི་ཆ་ལ་ཧྲཱིཿ ཟུར་གསུམ་ལ་གཡོན་སྐོར་གྱི་ཨོཾ་ཨཱཿཧཱུཾ། ཕྱི་རོལ་ཕྱོགས་བཞིར་སྣ་ཚོགས་རྡོ་རྗེ་རྭ་ཉི་ཤུ་པ་བཞི་སྟེ། རྡོ་རྗེ་མཁའ་འགྲོ་མ་རྣམས་ཀྱི་གནས་སུ་གྱུར་པའོ། །དེ་ལྟར་རྡོ་རྗེ་གསུམ་གྱི་རང་བཞིན། སྐུ་གསུམ་རྣམ་པར་དག་པའི་དཀྱིལ་འཁོར་གསུམ་པོ་དེ་ཐམས་ཅད་རོ་གཅིག་ཏུ་འདྲེས་པ་ལས། ཆོས་ཀྱི་འབྱུང་གནས་གྲུ་གསུམ་པ་ཁ་དོག་དམར་པོ་ཞེས་པ་ནས་སྣ་ཚོགས་རྡོ་རྗེས་དབུ་བརྒྱན་གྱི་བར་བདག་བསྐྱེད་བཞིན་ལས། རང་སེམས་ཞེས་པ་དང༌། བདག་ཉིད་ཅེས་པ་དོར་རོ། །གོང་བཞིན་ཨརྒྷཾ་ནས་ཤཔྟའི་བར་གྱིས་མཆོད། རྐང་བརྒྱད་ཀྱིས་བསྟོད། །བཟླས་པ་ཅུང་ཟད་སུམྦྷ་ཡང་ཅི་རིགས་པ་བཟླས། ཧེ་རུ་ཀའི་ཡི་གེ་བརྒྱ་པ་ལན་བདུན་བརྗོད། བཅོམ་ལྡན་འདས་མ་རྡོ་རྗེ་རྣལ་འབྱོར་མ་རྡོ་རྗེ་ཕག་མོ་དོན་གྲུབ་མའི་ལྷ་ཚོགས་ཞེས་པ་ནས། གཟིགས་ཤིང་ལས་ཀུན་མཛད་པ་ཡིན། ཞེས་པའི་བར་དུ་གསོལ་བ་བཏབ་པ། མཆོད་པ། བསྟོད་པ། རྡོ་རྗེའི་གླུ་བླང་བ་རྣམས་ཞལ་གཉིས་མའི་སྐབས་དང་ཁྱད་པར་མེད་དེ། གཏོར་མ་རྣམས་སུམྦྷས་བསངས་ནས། གསོལ་བར་གྱུར་གྱི་བར། ཨོཾ་བཛྲ་བཱ་རཱ་ཧཱི།


TNT12_Page_0256
[མ་དཔེ་གཟིགས་ན་འདིར་གནོན།]

ཨ་བེ་ཤ་ཡ། སརྦ་དུཥྟན་ཧྲཱིཿསྭཱ་ཧཱ། ཞེས་པ་ལ། ཨོཾ་ཧྲཱིཾ་ཧཾ་ཧཾ་ཧེ་ཧེ་ཧ་ཧ་ཧི་ཧི། ཕཻཾ་ཕཻཾ་ཞེས་བཏགས་པ་ལན་བདུན་གྱིས་ཕུལ། ཨརྒྷཾ་ནས། ཤཔྟའི་བར་གྱིས་མཆོད། སྙིང་པོའི་མཐར་རྗེ་བཙུན་རྡོ་རྗེ་རྣལ་འབྱོར་མའི་ཞལ་དུ་ནས། ཀུན་འགྲུབ་ཤོགགོང་མའི་བར། ཨོཾ་ཁ་ཁ་ནས་ཀུན་འགྲུབ་ཤོག །འོག་མའི་བར། མཁའ་འགྲོ་སྤྱི་གཏོར་བཏང༌། བུམ་སྒྲུབ་ཀྱང་འདྲ་བ་ལས། ཡོངས་སུ་གང་བའི་དབུས་སུ། ཆོས་ཀྱི་འབྱུང་གནས་གྲུ་གསུམ་པའི་ཅེས་པ་ནས་རྡོ་རྗེ་ཕག་མོ་ལ་འདུད་དོའི་བར་བདག་བསྐྱེད་བཞིན། བཟླས་པ་ནི། ཨོཾ་བཛྲ་བཱ་རཱ་ཧཱི། སོགས་སྙིང་པོ་དང༌། སུམྦྷ་ཅི་རིགས་པ་བཟླ་བ་ནི་ཁྱད་པར་རོ། །བདག་འཇུག་གི་སྐབས། ཇི་ལྟར་བལྟམས་པ་ནས་སུམྦྷ་བཟླ་བའི་བར། ལྟེ་བར་ཨོཾ་བཾ་ནས། དཀོན་མཆོག་གསུམ་ལ་སོགས་ལན་གསུམ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། ཞེས་པ་ནས། སྨྲས་ནས་དམ་ཚིག་ཉམས་པར་འགྱུར་ཏ་རེ། དཔའ་བོ་དང་རྣལ་འབྱོར་མ་ཐམས་ཅད་ཀྱིས་བྱིན་གྱིས་རློབས་ཤིག་ནས། ཨོཾ་ཨཱ་ཧྲི་ཧྲི་སྭཱ་ཧཱའི་བར། ཏིཥྵ་བཛྲ་ནས། མངོན་སུམ་ཉིད་དུ་མཐོང་བར་གྱུར། འོག་གཞི་ཆོས་འབྱུང་ནི། ཞེས་པ་ནས། སྐུ་གསུམ་གྱི་ཡེ་ཤེས་སོ། །རྡོ་རྗེ་རྒྱ་གྲམ་བཞི་འཕྲིན་ལས་རྣམ་བཞིས་སེམས་ཅན་གྱི་དོན་མཛད་པའོ། །ཡིག་འབྲུ་རྣམས་ནས་ཡེ་ཤེས་དང་ཡོན་ཏན་རྒྱས་པའོ། །པདྨའི་གདན་ནི་ཉོན་མོངས་པས་མ་གོས་པ་ནས་ཟུང་དུ་


TNT12_Page_0257
[མ་དཔེ་གཟིགས་ན་འདིར་གནོན།]

འཇུག་པའོ། །ཞལ་གཅིག་ཕག་གི་ཞལ་ནི་རྟོག་མེད་དེ་བཞིན་ཉིད་དུ་ཆོས་ཐམས་ཅད་རོ་གཅིག་པའོ། །ཕྱག་བཞི་ནི་སྐུ་བཞི་བརྙེས་པའོ། །རྡོ་རྗེ་ནི་ཡེ་ཤེས་ཏེ་ཉོན་མོངས་པ་འཇོམ་པའོ། །ཐོད་པ་ནི་བདེ་བ་སྐྱོང་བའོ། །ལྕགས་ཀྱུ་ནི་འཁོར་བ་པ་རྣམས་ཐར་པར་འདྲེན་པའོ། །ཞགས་པ་ནི་གདུག་པ་ཅན་རྣམས་འཆིང་བའོ། །ཐོད་སྐམ་ལྔ་ནི་ཕ་རོལ་ཏུ་ཕྱིན་པ་ལྔའོ། །ཞབས་གཡོན་བསྐུམ་གཡས་བརྐྱང་བ་ནི་མི་གནས་པའི་མྱ་ངན་ལས་འདས་པའོ། །སྐྲ་གྱེན་དུ་བརྫེས་པ་ནི་ཡོན་ཏན་གོང་ནས་གོང་དུ་འཕེལ་བའོ། ཁ་ཊྭཱཾ་ག་ནི་ནས་སྣང་བ་འཕྲོ་བའོ། །དེ་ཐམས་ཅད་རྡོ་རྗེ་སློབ་དཔོན་གྱི་སྐུ་གསུང་ཐུགས་ལ་ཚང་བའོ། །དངོས་གཞིའི་མཎྜལ་ཕུལ། བྱང་ཆུབ་རྡོ་རྗེ་ནས། སྤྲུལ་སྐུ་མངོན་དུ་འགྱུར་བའི་རྟེན་འབྲེལ་བསྒྲིགས་སོ། །ཞེས་པའི་བར་ཡང་འདྲ་བ་ལས། ཨོཾ་གསུམ་མའི་དོད་དུ་འདི་ཉིད་ཀྱི་སྙིང་པོ་བཟླ། ཁྱོད་ཞབས་པདྨོ་ནས། ངོ་བོ་ཉིད་སྐུ་མངོན་དུ་གྱུར། གྱི་བར་ཡང་འདྲ་བ་ལས། ཨོཾ་གསུམ་མའི་དོད་དུ་འདི་ཉིད་ཀྱི་འདོན་པ་སྤོ། སྟོང་པའི་ངང་ལས་ནས། སྣ་ཚོགས་རྡོ་རྗེས་དབུ་བརྒྱན། མདུན་བསྐྱེད་བཅོམ་ལྡན་འདས་མའི་ཐུགས་ཀའི་བཾ་ཡིག་ལས་ཞེས་པ་ནས་འཇུག་པར་གྱུར་ཅིག་འདི་ལའང་སྔགས་འདོན་པ་སྤོ་པུཥྤེ་ནས་ཤཔྟའི་བར་རོ། །གཙོ་བོས་ཇི་ལྟར་བཀའ་སྩལ་པ་ནས་བསོད་ནམས་འདི་ཡི་སོགས་ལྷག་མ་མཆོད་པ་ཁ་གསོ་ནས། བཀྲ་ཤིས་ཀྱི་བར་ལའང་ཁྱད་པར་མེད་དེ། སྙིང་པོ་འདོན་པ་སྤོ་བ་ཙམ་བྱའོ། །ཚོགས་ཀྱི་འཁོར་


TNT12_Page_0258
[མ་དཔེ་གཟིགས་ན་འདིར་གནོན།]

ལོ་སོགས་ཆོ་གའི་ཡན་ལག་རྣམས་ཀྱང་འདྲ་བ་ལ། །ཚོགས་ཕུད་འབུལ་བའི་སྐབས་ཐོག་མར་འདི་ཉིད་ཀྱི་གཏོར་སྔགས་ཀྱིས་འབུལ་དགོས་སོ། །དེ་ལྟར་ན་རྗེ་བཙུན་རྡོ་རྗེ་ཕག་མོ་བདེན་གཉིས་ཞལ་ཅན་གྱི་ཆོ་ག་བདེ་ཆེན་དཔལ་འབར་ལ་འདོན་པ་བསྒྱུར་ཏེ། རྗེ་བཙུན་རྡོ་རྗེ་ཕག་མོ་དོན་ཐམས་ཅད་ཡོངས་སུ་གྲུབ་པའི་སྒྲུབ་མཆོད་ཀྱི་ཆོ་ག་བདེ་བླག་ཏུ་གྲུབ་པ་འདི་ཡང༌། དེང་སང་གི་བླ་རུལ་རྣམས་ལས། དམ་པའི་ཆོས་ཀྱི་བགོ་སྐལ་ཆེན་པོས་ཁྱད་པར་དུ་གྱུར་པ། ཏཱ་ར་ནཱ་ཐས་བློ་དམན་མིག་ཕུག་ལུང་རྒྱུས་ཀྱང་མི་ཤེས་པ་རྣམས་ཀྱི་དོན་དུ་སྨྲས་པའོ།། །།ཧ་ཧ།། ཞུས་དག།


TNT12_Page_0259
[མ་དཔེ་གཟིགས་ན་འདིར་གནོན།]

ཤོག་སྟོང་།

སྐུ་གསུམ་རྡོ་རྗེ་ཕག་མོ་ཞེས་བྱ་བ་དབུ་བཅད་མར་གྲགས་པའི་སྒྲུབ་མཆོད་ངག་འདོན།


TNT12_Page_0260
[མ་དཔེ་གཟིགས་ན་འདིར་གནོན།]

སྐུ་གསུམ་རྡོ་རྗེ་ཕག་མོ་ཞེས་བྱ་བ་དབུ་བཅད་མར་གྲགས་པའི་སྒྲུབ་མཆོད་ངག་འདོན་བཞུགས།


TNT12_Page_0261
[མ་དཔེ་གཟིགས་ན་འདིར་གནོན།]

ན་མོ་གུ་རུ། རྗེ་བཙུན་རྡོ་རྗེ་རྣལ་འབྱོར་མ་སྐུ་གསུམ་རྡོ་རྗེ་ཕག་མོ་ཞེས་བྱ་བའི་སྒྲུབ་ཐབས། དཔལ་གྱི་བློ་གྲོས་མའི་རང་བཞིན་དེའི་སྒྲུབ་མཆོད་ཀྱི་ཆོ་ག་བཤད་པར་བྱའོ། །དེ་ཡང་རྡོ་རྗེ་ཕག་མོ་དབུ་བཅད་མའི་ལག་ལེན་འདི་ལ་འཇུག་པར་འདོད་པས། རྗེ་བཙུན་ཞལ་གཉིས་མའི་སྒྲུབ་མཆོད་ཀྱི་ཚིག་དོན་གཉིས་ཀ་བློ་ལ་ངེས་པོར་བྱའོ། །འོག་གཞིའི་དཀྱིལ་འཁོར་ལ་པདྨ་འདབ་བརྒྱད། ལྟེ་བར་ཆོས་འབྱུང་ཅན། མེ་ལོང་ལ་ཆོས་འབྱུང་རྐྱང་པ་དགའ་འཁྱིལ་བཞི་དང་བཅས་པ། དབུས་ཀྱི་ཆ་ལ་གཙོ་མོའི་སྔགས་ཡིག་འབྲུ་རྣམས་བརྩེགས་པ་དང༌། དེའི་གཡས་ཕྱོགས་སུ་བཻ་རོ་ཙ་ནའི་སྔགས་དང༌། གཡོན་དུ་བརྞའི་སྔགས་རྣམས་བརྩེགས་ཏེ་འབྲི། གཞན་མདུན་བསྐྱེད་ཀྱི་བཤམས་ལ་ཁྱད་པར་མེད། སྒྲུབ་པ་པོ་རང་ཉིད་ཀྱི་མདུན་དུ་ཙནྡན་དམར་པོའི་ལྡེ་གུས་བྱུགས་པའམ། ཕྱེ་མ་བཀྲམ་པའི་མཎྜལ་ཚོམ་བུ་གསུམ་པ། གཏོར་ཕྲན་གཅིག་དང་མཆོད་པར་བཅས་པ་བཤམས། ཆོ་གའི་རིམ་པ་ལ། ཨོཾ་སུམྦྷ་ནས་བཟུང༌། འོད་དུ་ཞུ་ནས་བདག་ཉིད་ལ་ཐིམ་གྱི་བར་དང༌། ནང་མཆོད། སུམྦྷས་བསངས་ནས། ཨོཾ་ཨཱཿཧཱུཾ་ལན་གསུམ་གྱི་བར་བདུད་རྩིའི་དབུས་སུ་ཆོས་འབྱུང་གི་


TNT12_Page_0262
[མ་དཔེ་གཟིགས་ན་འདིར་གནོན།]

ལྟེ་བར་ཧྲཱིཿཟུར་གསུམ་ལ་གཡོན་བསྐོར་གྱི། ཨོཾ་ཨཱཿཧཱུཾ། དེའི་འོད་ཀྱིས་སྣོད་བཅུད་ཐམས་ཅད་དང༌། ཁྱད་པར་རྒྱལ་བ་སྲས་བཅས་ཐམས་ཅད་ཀྱི་སྐུ་གསུང་ཐུགས་ཀྱི་བདུད་རྩི་བྱང་ཆུབ་ཀྱི་སེམས་སུ་སྤྱན་དྲངས་ཏེ་ཐིམ། ཨོཾ་ཨཱཿཧཱུཾ་ཧ་ཧོ་ཧྲི། བདག་དང་གནས་ལ་བདུད་རྩི་གཏོར། ཨོཾ་ཧྲཱིཿགྷ་གྷ་གྷཱ་ཏ་ཡ་གྷཱ་ཏ་ཡ་སརྦ་དུཥྟན་ཧཱུཾ་ཕཊ། རྡོ་རྗེ་མཁའ་འགྲོ་མའི་ཚོགས་དཔག་ཏུ་མེད་པ་སྤྲོས་ཏེ། བགེགས་རྣམས་ཐམས་ཅད་ཚར་བཅད། སྟེང་འོག་ཕྱོགས་མཚམས་ཐམས་ཅད་དུ་སྲུང་བའི་འཁོར་ལོ་གྲུབ་པར་གྱུར། རང་གི་ལྟེ་བར་ཨོཾ་བཾ་དམར་མོ་ནས། ཙཎྜི་ཀའི་ངོ་བོ་རྣམས་ཀྱི་རྒྱས་བཏབ་པར་གྱུར། ཨོཾ་སྭ་བྷཱ་ཝ༴ ཨོཾ་བཛྲ་ཤུདྡྷོ྅༴ ཨོཾ་ཡོ་ག་ཤུདྡྷོ༴ སྟོང་པའི་ངང་ལས་རང་གི་ལྟེ་བར་རཾ་ཡིག་དམར་པོ་གནས་པ་ལས། ཡེ་ཤེས་ཀྱི་མེ་འོད་འཕྲོས། ལུས་འོད་ཀྱི་གོང་བུར་གྱུར་པ་ལས། ཆོས་འབྱུང་གྲུ་གསུམ་དམར་པོ་རྩ་བ་ཕྲ་བ་ཐུར་དུ་བསྟན་ཅིང༌། གདེངས་ཀ་ཆེ་བ་གྱེན་དུ་ཕྱོགས་པའི་ཕྱི་རོལ་ཕྱོགས་བཞིར། དགའ་བ་འཁྱིལ་བ་བཞི་དང་བཅས་པ། དུར་ཁྲོད་བརྒྱད་སྲུང་བའི་འཁོར་ལོ་དང་བཅས་པས་བསྐོར་བའི་དབུས་སུ། དྲི་བྲལ་ཆུ་སྐྱེས་དཀར་པོ་འདབ་མ་བཞི་པའི་ལྟེ་བ་ལ། རང་གི་སེམས་ཉིད་ཀྱི་ངོ་བོ་འོག་ཏུ་ཟླ་བ་དང༌། སྟེང་དུ་ཉི་མའི་དཀྱིལ་འཁོར་ཁ་སྦྱོར་གྱི་དབུས་སུ་ཧྲཱིཿཡིག་དམར་སེར་རོ། །དེ་ལས་གྲི་གུག་ཧྲིཿས་མཚན་པ། དེ་ཐམས་


TNT12_Page_0263
[མ་དཔེ་གཟིགས་ན་འདིར་གནོན།]

ཅད་གཅིག་ཏུ་འདྲེས་པ་ཡོངས་སུ་གྱུར་པ་ལས། དབུས་སུ་སངས་རྒྱས་མཁའ་འགྲོ་མ་སྐུ་མདོག་ཉི་མ་འཆར་ཀའི་མདངས་ལྟར་དམར་སེར་འོད་དུ་འབར་བ། ཞབས་གཡས་བརྐྱང་བས་དུས་མཚན་མ་དམར་མོ་དང༌། གཡོན་བསྐུམ་པས་འཇིགས་བྱེད་ནག་པོ་མནན་པ། ཕྱག་གཡས་རྡོ་རྗེ་གྲི་གུག་ཅུང་ཟད་ཐུར་དུ་སྡིགས་པའི་ཚུལ་གྱིས་བསྣམས་པ། གཡོན་ཐོད་ཁྲག་སྟེང་ཕྱོགས་སུ་གཏོད་པའི་ཚུལ་གྱིས་འཛིན་པ། ཕྱི་རོལ་གཡོན་དུ་ཐབས་ཀྱི་རང་བཞིན་གྱི་ཁ་ཊྭཱཾ་ག་དཀར་པོ་བསྒྲེངས་པ་སྐུའི་གཡོན་ངོས་སུ་རྡོ་རྗེ་རབ་བསྔགས་མ་ལྗང་ཁུ་ཞབས་གཡས་བསྐུམ་གཡོན་བརྐྱང་བ། ཕྱག་གཡས་ཐོད་ཁྲག་འཕྱར་ཞིང༌། གཡོན་གྲི་གུག་ཐུར་དུ་སྡིགས་པ། གཡས་སུ་རྡོ་རྗེ་རྣམ་པར་སྣང་མཛད་མ་སེར་མོ་ཞབས་གཡོན་བསྐུམ་གཡས་བརྐྱང་བ། ཕྱག་གཡོན་ཐོད་ཁྲག་འཕྱར་ཞིང༌། གཡས་གྲི་གུག་ཐུར་དུ་སྡིགས་པ། གཙོ་འཁོར་གསུམ་ཀར་ཡང་གཅེར་བུ་མོ་དམར་ལ་ཟླུམ་པའི་སྤྱན་གསུམ་སྡང་མིག་ཏུ་གཟིགས་པ། མི་བཟད་པའི་ཞལ་ཅུང་ཟད་གདངས་ཤིང་ཧ་ཧར་བཞད་པ། ཁྲོ་གཉེར་བསྐྱོད་པས་འཇིགས་པ་ཡང་འཇིགས་པར་མཛད་པ། དབུ་སྐྲ་ནག་པོ་སིལ་བུར་གྲོལ་བ། ལང་ཚོ་ལ་བབ་ཅིང་ནུ་འབུར་རྒྱས་པ། མི་མགོ་སྐམ་པོ་ལྔའི་དབུ་རྒྱན་དང་རློན་པ་ལྔ་བཅུའི་དོ་ཤལ་ཅན། རུས་པའི་ཕྱག་རྒྱ་ལྔ་དང་ལྡན་པ་ཡེ་ཤེས་ཀྱི་མེ་དཔུང་འབར་བའི་དབུས་ན་བཞུགས་པའོ། །བཅོམ་


TNT12_Page_0264
[མ་དཔེ་གཟིགས་ན་འདིར་གནོན།]

ལྡན་འདས་མ་སངས་རྒྱས་མཁའ་འགྲོ་མའི་གསང་བར། ཆོས་ཀྱི་འབྱུང་གནས་ཀྱི་ནང་དུ། ཨོཾ་སརྦ་བུདྡྷ་ཌཱ་ཀི་ནི་ཡེ་ཧཱུཾ་ཕཊ་སྭཱཧཱ། ཞེས་པའི་ཡི་གེ་བརྩེགས་མ་རྣམས་དང༌། རྡོ་རྗེ་རབ་བསྔགས་མའི་གསང་བར། ཆོས་འབྱུང་གི་ནང་དུ། ཨོཾ་བཛྲ་བརྞ་ནཱི་ཡེ་ཧཱུཾ་ཕཊ། ཅེས་པའི་ཡི་གེ་བརྩེགས་མ་རྣམས་དང༌། རྡོ་རྗེ་རྣམ་སྣང་མའི་གསང་བར། ཆོས་འབྱུང་གི་ནང་དུ། ཨོཾ་བཛྲ་བཻ་རོ་ཙ་ནཱི་ཡེ་ཧཱུཾ་ཕཊ། ཅེས་པའི་ཡི་གེ་བརྩེགས་མ་རྣམས་ཏེ། ཆོས་འབྱུང་རྣམས་དམར་པོ། སྔགས་རྣམས་ལྷ་རང་རང་གི་སྐུ་མདོག་དང་མཚུངས་པ། འོད་ཟེར་འབར་བའོ། །གཙོ་མོའི་ཕྱག་གཡས་ཀྱི་གྲི་གུག་གིས་རང་ཉིད་ཀྱི་མགྲིན་པ་ནས་བཅད་པས། རྩ་ཨ་བ་དྷུ་ཏཱི་དང་རྐྱང་མ་དང༌། རོ་མ་གསུམ་ཆད་པ་ན། བདག་དང་སེམས་ཅན་ཐམས་ཅད་ཀྱི་འདོད་ཆགས་ཞེ་སྡང་གཏི་མུག་རྣམས་རྒྱུན་ཆད། མ་རུངས་པ་ཐམས་ཅད་ཤིན་ཏུ་སྐྲག་པར་གྱུར། ཕྱག་གཡོན་པས་དབུ་སྐྲའི་ཕྱེད་ནས་བཟུང༌། སྤྱན་གསུམ་ཐུར་དུ་གཟིགས་པས་ས་འོག་གི་འཇིག་རྟེན་བསྐྱོད་པར་བྱས། རྩ་གསུམ་བཅད་མཚམས་ཀྱི་ཨ་བ་དྷུ་ཏཱི་ནས་མེ་དང་མུན་པའི་རང་བཞིན་ཁུ་རྡུལ་འདྲེས་པའི་རྒྱུན་བྱུང་སྟེ། གཙོ་མོ་རང་ཉིད་ཀྱི་ཞལ་དུ་འཇུག་པར་གྱུར། གཡོན་རྐྱང་མ་ནས་མི་བསྐྱོད་པ་དང་འདྲེས་པའི་ཀུནྡའི་རྒྱུན་བྱུང་སྟེ། གཡོན་རྡོ་རྗེ་རབ་བསྔགས་མའི་ཞལ་དུ་བབས། རོ་མ་ནས། རང་བྱུང་དང་འདྲེས་པའི་རཀྟའི་རྒྱུན་བྱོན་པ།


TNT12_Page_0265
[མ་དཔེ་གཟིགས་ན་འདིར་གནོན།]

གཡས་རྡོ་རྗེ་རྣམ་པར་སྣང་མཛད་མའི་ཞལ་དུ་བབས། ལྷ་སྐུ་སྣང་སྟོང་སྒྱུ་མ་ལྟ་བུའོ། །འདིར་སྔགས་གསུམ་པོ་མང་ཉུང་ཇི་ལྟར་འོས་པ་བཟླའོ། །ཐུར་སེལ་གྱེན་དུ་དྲངས་པའི་སྦྱོར་བ་ལས། གཙོ་མོའི་གསང་བར་གནས་པའི་སྔགས་ལས་འོད་ཟེར་འཕྲོས། རྩ་གསུམ་གྱི་ལམ་ནས་བྱུང༌། གཡོན་གྱི་རྡོ་རྗེ་རབ་བསྔགས་མ་འོད་ཟེར་གྱིས་དྲངས་ཏེ། བདག་ཉིད་ལ་ཐིམ། བཛྲ་བརྞའི་སྐབས་རྐྱང་མ་ནས་ཞུགས་ཏེ། གཙོ་མོའི་གསང་བའི་ཆོས་འབྱུང་གི་ནང་དུ། གཙོ་མོ་ཉིད་ཀྱི་སྔགས་ཀྱི་གཡོན་དུ། སྔར་གྱི་རྣམ་པས་བཞུགས་པར་གྱུར། གཡས་ཀྱི་རྡོ་རྗེ་རྣམ་པར་སྣང་མཛད་མ་ཡང་འོད་ཟེར་གྱིས་དྲངས། རང་ཉིད་ལ་ཐིམ། བཻ་རོ་ཙ་ནའི་སྔགས། རོ་མའི་ལམ་ནས་བརྒྱུད། གསང་བའི་ཆོས་འབྱུང་གི་ནང་དུ། གཙོ་མོའི་སྔགས་ཀྱི་གཡས་སུ་སྔར་གྱི་རིམ་པས་འཁོད། གཙོ་མོ་ཉིད་ཀྱི་དབུ་ཡང་རང་གནས་སུ་བྱོན། གཅིག་ཏུ་འབྲེལ་བར་གྱུར། རང་གི་མདུན་གྱི་མཎྜལ་ལ་དམིགས་ཏེ། སུམྦྷས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་ཆོས་འབྱུང་གྲུ་གསུམ་དམར་པོ་རྩ་བ་ཕྲ་བ་ཅེས་པ་ནས། སྐུ་མདོག་དང་མཚུངས་པ་འོད་ཟེར་འབར་བའོ། །ཞེས་པའི་བར་གོང་བཞིན་ལས། རང་གི་སེམས་ཉིད་ཀྱི་ངོ་བོ་ཞེས་པ་བོར། ལྟེ་བར་ཨོཾ་བཾ་དམར་མོ་ནས། ཙཎྜི་ཀའི་ངོ་བོ་རྣམས་སུ་གྱུར། ཕཻཾ་ཛཿཧཱུཾ་བཾ་ཧོ། ཨོཾ་ཡོ་ག་ཤུདྡྷ་སརྦ་དྷརྨ་ཡོ་ག་ཤུདྡྷོ྅ཧཾ། མེ་ཏོག་ལ་སོགས་པའི་མཆོད་པ་


TNT12_Page_0266
[མ་དཔེ་གཟིགས་ན་འདིར་གནོན།]

འབུལ་བཞིན་དུ། ཨོཾ་བཛྲ་བཻ་རོ་ཙ་ནཱི་ཡེ་ཧཱུཾ་ཕཊ་སྭཱ་ཧཱ། ཨོཾ་བཛྲ་པུཥྤེ་ཨཱཿཧཱུཾ། ཨོཾ་བཛྲ་བརྞ་ནཱི་ཡེ་ཧཱུཾ་ཕཊ། ཨོཾ་བཛྲ་པུཥྤེ་ཨཱཿཧཱུཾ། ཨོཾ་བཛྲ་བཻ་རོ་ཙ་ནཱི་ཡེ་ཧཱུཾ་ཕཊ། ཨོཾ་བཛྲ་པུཥྤེ་ཨཱཿཧཱུཾ། ཞེས་གཡོན་པའི་མཐེབ་སྲིན་གྱིས་མེ་ཏོག་ཕུལ། ཨོཾ་སརྦ་ཏ་ཐཱ་ག་ཏ་བཛྲ་ཡོ་གི་ནི་ས་པ་རི་ཝ་ར་ཨརྒྷཾ་པྲ་ཏཱིཙྪ་སྭཱཧཱ། དེ་བཞིན་དུ། པུཥྤེ་ནས་ཤཔྟའི་བར་གྱིས་འབུལ། ནུས་ན་དེ་ཐམས་ཅད་ལ་སྔགས་གསུམ་པོ་རེ་རེ་བཞིན། མཆོད་སྔགས་སྦྱར་ཏེ་འབུལ་བ་ཡིན་ནོ། །དེ་བཞིན་དུ་སྔགས་གསུམ་པོ་རེ་རེའི་མཐར། འབྲུ་གསུམ་བཏགས་པས་ནང་མཆོད་ཕུལ། ཨོཾ་ཌི་ཡ་པུལླི་ར་མ་གི་ཏི་ཀཱ་མ་ཀྵཾ་ཤི་ཧཊྚ། དྷརྨ་སམྦྷོ་ག་ནི་རྨ་ཎ་མཧཱ་སུ་ཁ་ཀཱ་ཡ་ན་མཿ ཅེས་པ་ལན་གསུམ་གྱིས་བསྟོད། དཔལ་ལྡན་རྡོ་རྗེ་མཁའ་འགྲོ་མ་ནས། རྡོ་རྗེ་ཕག་མོ་ལ་འདུད་དོ། །འོག་མའི་བར་བྱ། གཏོར་མ་འབྲུ་གསུམ་ལན་བདུན་སོགས་ཀྱིས་བྱིན་གྱིས་རླབས། ཨོཾ་བཛྲ་ཨ་རལླི་ཧོཿ ཛཿཧཱུཾ་བཾ་ཧོཿ བཛྲ་ཌཱ་ཀི་ནི་ས་མ་ཡ་སྟྭཾ་དྲྀ་ཤྱ་ཧོ། ལན་བདུན་གྱིས་ཕུལ། སྔགས་གསུམ་ཚར་གཅིག་བརྗོད་དེ། མདུན་བསྐྱེད་ཀྱི་སྔགས་གསལ་བཏབ། རླུང་ཕྱིར་བསལ། ཡང་སྔགས་གསུམ་ཚར་གཅིག་བརྗོད། རང་གི་སྔགས་གསུམ་གསལ་བཏབ། རླུང་ནང་དུ་རྔུབས། ཐུར་སེལ་སྟེང་དུ་བསྐྱོད་པའི་སྦྱོར་བས། རང་གི་གསང་བའི་སྔགས་གསུམ་ལས་འདོ་ཟེར་འཕྲོས། དབུ་མའི་ལམ་བརྒྱུད། ཤངས་ཀྱི་བུ་ག་གཡས་པ་ནས་ཐོན། མདུན་གྱི་ལྷ་མོ་གསུམ་གྱིས་ཤངས་བུག་གཡོན་ནས་ཞུགས་སྐུ་ལུས་ཀྱི་ནང་གང༌། གསང་བའི་སྔགས་ལས་འོད་ཟེར་ཉམས་བདེ་བ་དང་ལྡན་པ་སྤྱན་དྲངས། རང་རང་གི་


TNT12_Page_0267
[མ་དཔེ་གཟིགས་ན་འདིར་གནོན།]

ཤངས་བུག་གཡས་ནས་ཐོན། བདག་ཉིད་ཀྱི་སྣ་གཡོན་གྱི་སྒོ་ནས་ཞུགས། ཨ་བ་དྷཱུ་ཏིའི་ལམ་བརྒྱུད། གསང་བར་གནས་པའི་ཆོས་འབྱུང་གི་སྔགས་གསུམ་ལ་ཐིམ། དམིགས་པ་དེ་ཉིད་ཡང་ཡང་གསལ་བཏབ་ཅིང༌། སྤྲོ་བསྡུའི་དམིགས་པ་ཡང་ལྷག་པོར་བསྣན་ཏེ། ཨོཾ་སརྦ་བུདྡྷ་ཌཱ་ཀི་ནཱི་ཡེ། ཨོཾ་བཛྲ་བརྞ་ནཱི་ཡེ། ཨོཾ་བཛྲ་བཻ་རོ་ཙ་ནཱི་ཡེ་ཧཱུཾ་ཧཱུཾ་ཕཊ་ཕཊ་སྭཱཧཱ། ཅེས་ཅི་ནུས་སུ་བཟླས། སླར་ཡང་གོང་བཞིན་ཨརྒྷཾ་ནས་ཤཔྟའི་བར་གྱིས་མཆོད་རྐང་བརྒྱད་ཀྱིས་བསྟོད། མདུན་དུ་བཞུགས་པའི་བཅོམ་ལྡན་འདས་མ་གསུམ་ཡང་འོད་དུ་ཞུ་ནས་བདག་ཉིད་ལ་ཐིམ། ཨོཾ་ཡོ་ག་ཤུདྡྷ༴ མདུན་བསྐྱེད་བསངས་སྦྱངས། སྟོང་པའི་ངང་ལས། དཀྱིལ་འཁོར་འོག་མ་ཧཱུཾ་ལས་བྱུང་བའི་ནས། དེ་རྣམས་ཀྱི་དབུས་སུ་ཧྲཱིཿ ཡི་གེ་དེ་རྣམས་ལས་ནས། ཆོས་འབྱུང་གྲུ་གསུམ་ཁ་དོག་དམར་བ། བདེ་བ་ཆེན་པོའི་ནས་བར་སྣང་ལ་དབུས་སུ་ཨོཾ་སརྦ་བུདྡྷ་ཌཱ་ཀི་ནཱི་ཡེ་ཧཱུཾ་ཕཊ་སྭཱ་ཧཱ། གཡོན་དུ༌། ཨོཾ་བཛྲ་བརྞ་ནཱི་ཡ་ཧཱུཾ་ཕཊ། གཡས་སུ། ཨོཾ་བཛྲ་བཻ་རོ་ཙ་ནཱི་ཡེ་ཧཱུཾ་ཕཊ། ཅེས་པའི་ཡི་གེ་བརྩིགས་མ་རྣམས་སོ། །ཕྱི་རོལ་ཕྱོགས་བཞིར་ནས། གཅིག་ཏུ་འདྲེས་པ་ལས། ཆོས་འབྱུང་གྲུ་གསུམ་དམར་པོ་རྩ་བ་ཕྲ་བ་ཞེས་པ་ནས་འོད་ཟེར་འབར་བའོ། །ལྟེ་བར་ཨོཾ་བཾ་དམར་མོ་ནས། ཙཎྜི་ཀའི་ངོ་བོ། །ཕཻཾ་ཛཿཧཱུཾ་བཾ་ཧོཿ ཨོཾ་ཡོ་ག་ཤུདྡྷོ྅༴ ཨོཾ་སརྦ་ཏ་ཐཱ་ག་ཏ་བཛྲ་ཡོ་གི་ནཱི་ས་པ་རི་ཝ་ར་ཨརྒྷཾ་སྭཱཧཱ་ནས། ཤཔྟ་ཨཱཿཧཱུཾ་གི་བར་གྱིས་མཆོད། དཔལ་ལྡན་རྡོ་རྗེ་མཁའ་


TNT12_Page_0268
[མ་དཔེ་གཟིགས་ན་འདིར་གནོན།]

འགྲོ་མ་སོགས། ཤློ་ཀ་གཉིས་ཀྱིས་བསྟོད། བར་འདིར་ཨོཾ་སརྦ་བུདྡྷ་སོགས་སྔགས་གསུམ་སོ་སོར་ཅུང་ཟད་བཟླས་ནས། མཐར་གཅིག་ཏུ་དྲིལ་བ་གོང་བཞིན་བཟླ་བར་བྱའོ། །མཐར་སུམྦྷ་དང༌། ཡི་གེ་བརྒྱ་པ་ཡང་ཅུང་ཟད་བཟླས། བཅོམ་ལྡན་འདས་མ་རྡོ་རྗེ་རྣལ་འབྱོར་མ་སྐུ་གསུང་རྡོ་རྗེ་ཕག་མོའི་ལྷ་ཚོགས་འཇིག་རྟེན་དང་འཇིག་རྟེན་ལས་འདས་པའི་ལྷ་ཚོགས་ཞེས་པ་ནས། གཟིགས་ཤིང་ལས་ཀུན་མཛད་པ་ཡིན། །ཞེས་པའི་བར་དུ་ཞལ་གཉིས་མའི་ཆོ་ག་བཞིན་ནོ། །དེ་ནས་གཏོར་མ་བསངས་སྦྱངས། ཡཾ་ལས་ནས་གསོལ་བར་གྱུར། ཨོཾ་སརྦ་བུདྡྷ་ཌཱ་ཀི་ནཱི་ཡེ། ཨོཾ་བཛྲ་བརྞ་ནཱི་ཡེ། ཨོཾ་བཛྲ་བཻ་རོ་ཙ་ནཱི་ཡེ་ཨི་དཾ་པུཥྤེ་སོགས་ཀྱིས་འབུལ་བ་ནས། ཀུན་འགྲུབ་ཤོག །གོང་མའི་བར་དང༌། ཁ་ཁ་ཁཱ་ཧཱི་ཁཱ་ཧི་ནས། ཡིག་བརྒྱ་ལན་གསུམ་བར་གྱི་གཏོར་ཆོག་བྱས། བུམ་པ་བསངས་སྦྱངས་ནས། ཡོངས་སུ་གང་བའི་དབུས་སུ། ཆོས་འབྱུང་གྲུ་གསུམ་དམར་པོ་རྩ་བ་ཕྲ་བ་ནས། ཡོ་ག་ཤུདྡྷོའི་བར་གོང་མདུན་བསྐྱེད་བཞིན། དེ་ནས་ཨརྒྷཾ་ནས་ཤཔྟའི་བར་གྱིས་མཆོད་པ་སོགས། ཆོ་ག་ལྷག་མ་རྣམས་ཞལ་གཉིས་མའི་སྐབས་དང་ཁྱད་པར་མེད་དེ། འོན་ཀྱང་བཟླས་པའི་སྐབས་སུ་སྔགས་གསུམ་སོ་སོ་དང་ཅི་རིགས་པར་སྦྲེལ་བ་ནི་ཁྱད་པར་རོ། །དེ་ནས་བདག་འཇུག་གི་རིམ་པ་ཡང༌། ཕལ་ཆེར་མཚུངས་ཏེ། ཇི་ལྟར་བལྟམས་པ་ནས་སུམྦྷ་བཟླ་བའི་བར། ལྟེ་བར་ཨོཾ་བཾ་ནས། དཀོན་མཆོག་གསུམ་ལ་སོགས་ལན་གསུམ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ་ཞེས་པ་ནས།


TNT12_Page_0269
[མ་དཔེ་གཟིགས་ན་འདིར་གནོན།]

ཉམས་པར་འགྱུར་ཏ་རེ། དཔའ་བོ་དང་རྣལ་འབྱོར་མ་ཐམས་ཅད་ཀྱི་བྱིན་གྱིས་རློབས་ཤིག་པ་ནས། ཨ་ཨ་ཧྲི་ཧྲི་སྭཱཧཱའི་བར། ཏིཥྛ་བཛྲ་ནས། མངོན་སུམ་ཉིད་དུ་མཐོང་བར་གྱུར། །པདྨའི་གདན་ནི་ཉོན་མོངས་པ་མ་གོས་པའོ། །འཇིགས་བྱེད་ཆེན་པོ་དང་དུས་མཚན་མ་ནི་གཟུང་བ་དང་འཛིན་པ་སྤངས་པའོ། །ཉི་མ་ནི་བདེ་བ་ཆེན་པོའི་ནས། ཐབས་དང་མ་བྲལ་བའོ། །ལྷ་གསུམ་ནི་ཆོས་དང་ལོངས་སྤྱོད་རྫོགས་པ་དང་སྤྲུལ་པའོ། །དབུ་བཅད་པ་ནི་སྒྲིབ་པ་ཐམས་ཅད་སྤངས་པའོ། །རྩ་གསུམ་བཅད་པ་ནི། ཉོན་མོངས་པ་གསུམ་དང༌། ཁམས་གསུམ་རྣམ་པར་དག་པའོ། །གཅེར་བུ་ནི་རྣམ་པར་མི་རྟོག་པའོ། །མེ་དཔུང་འབར་བ་ནི་ཀུན་ཏུ་ཁྱབ་པའི་ཡེ་ཤེས་ཀྱི་སྣང་བ་སྤྲོ་བའོ། །འོག་གི་གཞིའི་ཆོས་འབྱུང་ནི། དུག་གསུམ་གྱི་ཆོས་ཉིད་ཅེས་པ་ནས། ཡེ་ཤེས་དང་ཡོན་ཏན་རྒྱས་པའོ། །དེ་ཐམས་ཅད་ཀྱང་རྡོ་རྗེ་སློབ་དཔོན་གྱི་སྐུ་གསུང་ཐུགས་ལ་ཚང་བའོ། །དངོས་གཞིའི་མཎྜལ་འབུལ་བ་ནས། ཡེ་ཤེས་རྡོ་རྗེ་ངོ་བོ་ཉིད་སྐུ་མངོན་དུ་གྱུར། ཞེས་པའི་བར་ཡང་འདྲ་བ་ལས། རང་སྐད་ཅིག་གི་བཅོམ་ལྡན་འདས་མ་སྐུ་གསུམ་གྱི་བདག་ཉིད་རྡོ་རྗེ་རྣལ་འབྱོར་མ་གཙོ་འཁོར་གསུམ་གྱི་སྐུར་གྱུར། ཞེས་པ་དང༌། ཨོཾ་གསུམ་མའི་གནས་སུ། གསུམ་དྲིལ་བའི་སྙིང་པོ་འཇུག་པ་ནི་ཁྱད་པར་རོ། །ཆོས་འབྱུང་གྲུ་གསུམ་དམར་པོ་རྩ་བ་ཕྲ་བ་ཞེས་པ་ནས། གཅིག་ཏུ་འབྲེལ་བར་གྱུར་གྱི་བར། སྐུའི་རྗེས་གནང་ངོ༌། །མདུན་བསྐྱེད་བཅོམ་ལྡན་འདས་མའི་ནས། ཤཔྟའི་བར་ཡང་


TNT12_Page_0270
[མ་དཔེ་གཟིགས་ན་འདིར་གནོན།]

འདྲ་བ་ལས། སྔགས་ཀྱི་ཐད་འདོན་པ་སྒྱུར་རོ། །གཙོ་བོས་ཇི་ལྟར། མཎྜལ། དེང་ནས་བརྩམས་ཏེ་སོགས། བཀྲ་ཤིས་ཀྱི་མཐར་ཐུག་པར། རྗེས་ཆོག་ཀྱང་འདྲ་བ་ལས། འདོན་པ་སྒྱུར་བ་ཕྲན་ཚེགས་རྣམས་དྲན་པར་བྱའོ། །དེ་ལྟར་ན་སྐུ་གསུམ་རྡོ་རྗེ་ཕག་མོའི་སྒྲུབ་མཆོད་ཀྱི་རིམ་པ་ངག་འདོན་མ་བདེན་གཉིས་ཞལ་ཅན་གྱི་ཆོ་ག་ལ་འདོན་པ་སྒྱུར་བ་འདི་ཡང༌། བློ་གྲོས་ཤིན་ཏུ་དམན་པ་རྣམས་ལ་དགོས་པར་བྱུང་ནས། ཏཱ་ར་ནཱ་ཐས་སྨྲས་པའོ།། །།ཞུས་དག། བཀྲཤིས།།


TNT12_Page_0271
[མ་དཔེ་གཟིགས་ན་འདིར་གནོན།]

ཤོག་སྟོང་།

རྡོ་རྗེ་ཕག་མོ་དཔྱལ་ལུགས་ཀྱི་ཁྲིད་ཡིག་དངོས་གྲུབ་འདོད་འཇོ།


TNT12_Page_0272
[མ་དཔེ་གཟིགས་ན་འདིར་གནོན།]

རྡོ་རྗེ་ཕག་མོ་དཔྱལ་ལུགས་ཀྱི་ཁྲིད་ཡིག་དངོས་གྲུབ་འདོད་འཇོ་ཞེས་བྱ་བ་བཞུགས།


TNT12_Page_0273
[མ་དཔེ་གཟིགས་ན་འདིར་གནོན།]

ཨོཾ་སྭཱ་སྟི། རྗེ་བཙུན་རྡོ་རྗེ་ཕག་མོ་སྒྲུབ་པའི་ཐབས་ལས། རྫོགས་རིམ་སྒོམ་ཐབས་ཀྱི་མན་ངག །དངོས་གྲུབ་ཀྱི་འདོད་འཇོ་ཞེས་བྱ་བ། བླ་མ་དང་རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །འདིར་རྣལ་འབྱོར་མའི་རྒྱུད་ལས་བརྩམས་ཏེ། ཟབ་མོའི་རིམ་པ་ལ་བརྟེན་ནས་གྲུབ་པའི་གོ་འཕང་མཐོ་བར་གཤེགས་པ། སློབ་དཔོན་ཆེན་པོ་ཨིནྡྲ་བྷཱུ་ཏིའམ། ལྡོང་ངར་བ་དང༌། ལྷ་མོ་དཔལ་གྱི་བློ་གྲོས་དང༌། བིརྺ་པ་དང༌། ཨ་ཝ་དྷུ་ཏཱི་པ་དང༌། ཐུན་མོང་བརྙེས་པ་སྟོང་པ་ཉིད་ཏིང་ངེ་འཛིན་རྡོ་རྗེ་ལ་སོགས་པ་རྣམས་ཀྱི་དགོངས་པ་གཅིག་ཏུ་བསྡུས་པའི་མན་ངག །བལ་ཡུལ་གྱི་པཎྜི་ཏ་བ་རེན་དྲ་རུ་ཙེ་ཅེས་བྱ་བ། དཔལ་ཧ་དུ་དཀར་པོར་གྲགས་པ་ལ། དཔྱལ་ལོ་ཙ་བ་ཀུན་དགའ་རྡོ་རྗེས་དཀའ་བ་དང་འབད་པ་དུ་མས་བླ་མ་མཉེས་པར་བྱས་ཏེ། ཡང་དག་པར་ཐོབ་པའི་གདམ་པ། ཉམས་ལེན་སྒོམ་པ་དྲུག་གམ་སྒོམ་ཐབས་དྲུག་གི་འཁྲིད་ཚུལ་དུ་གྲགས་པ་འདི་ལ། སྔོན་འགྲོ་དང༌། དངོས་གཞི་གཉིས་ལས། དང་པོ་ལ། ཐུན་མོང་དང༌། ཐུན་མོང་མ་ཡིན་


TNT12_Page_0274
[མ་དཔེ་གཟིགས་ན་འདིར་གནོན།]

པའི་སྔོན་འགྲོ་གཉིས་སོ། །དང་པོ་ནི། དལ་འབྱོར་རྙེད་དཀའ། འཆི་བ་མི་རྟག་པ། འཁོར་བའི་སྡུག་བསྔལ། ལས་རྒྱུ་འབྲས། བྱམས་སྙིང་རྗེ་རྣམས་སྔོན་ཏུ་བཏང་སྟེ། སྐྱབས་འགྲོའི་ཁྲིད། སེམས་བསྐྱེད་ཀྱི་ཁྲིད། མཎྜལ་གྱི་ཁྲིད། ཡིག་བརྒྱའི་ཁྲིད། བླ་མའི་རྣལ་འབྱོར་གྱི་ཁྲིད་རྣམས་རིམ་གྱིས་འབོགས་ཤིང༌། རྟགས་ཐོན་ཐོན་དུ་སྒོམ་དགོས་ཏེ། དེ་དག་གི་དམིགས་རིམ་ནི་བདེ་མཆོག་གི་ཁྲིད་ཡིག་རྣམས་སུ་ཤེས་པར་བྱའོ། །གཉིས་པ་ཐུན་མོང་མ་ཡིན་པའི་སྔོན་འགྲོ་གསོལ་འདེབས་ནི། སྟན་བདེ་བ་ལ་ལུས་གནད་བཅས། རང་གི་སྤྱི་བོར་པདྨ་ཉི་ཟླ་བརྩེགས་པའི་གདན་ལ། རྩ་བའི་བླ་མ་སྐུ་གཟི་བརྗིད་དང་ལྡན་པ། ཞལ་འཛུམ་པ། ཕྱག་གཉིས་ཆོས་འཆད་མཛད་པ། ཞབས་སྐྱིལ་ཀྲུང་དུ་བཞུགས་པ། གཅེར་བུ་རུས་པའི་རྒྱན་ཅན་ཞིག་བསྒོམ་སྟེ། ཕྱོགས་བཅུ་དུས་གསུམ་གྱི་སྐྱབས་གནས་ཐམས་ཅད་བླ་མའི་སྐུའི་བ་སྤུ་ཉག་རེ་ལ་ཡང་འདུས་པར་མོས། སྙིང་ཐག་པ་ནས་


TNT12_Page_0275
[མ་དཔེ་གཟིགས་ན་འདིར་གནོན།]

མོས་གུས་དུང་དུང་པས། བླ་མ་སངས་རྒྱས་རིན་པོ་ཆེ་ལ་གསོལ་བ་འདེབས་སོ། །རྡོ་རྗེ་འཆང་ཆེན་སྐུ་དྲིན་ཅན་ལ་གསོལ་བ་འདེབས་སོ། །ཧེ་རུ་ཀ་དཔལ་རྗེ་བཙུན་ཁྱེད་ལ༴ མཁའ་མཉམ་ངོ་བོ་ཉིད་ཀྱི་སྐུ་ལ༴ །བླ་མ་ཡེ་ཤེས་ཆོས་ཀྱི་སྐུ་ལ༴ །ཟུང་འཇུག་ལོངས་སྤྱོད་རྫོགས་པའི་སྐུ་ལ༴ །དམིགས་མེད་ཐུགས་རྗེ་སྤྲུལ་པའི་སྐུ༴ །བདག་དང་སེམས་ཅན་ཐམས་ཅད་ཀྱི་རྒྱུད་ལ་ཉམས་དང་རྟོག་པ་མཆོག་ཏུ་གྱུར་པ་སྐྱེ་བར་བྱིན་གྱིས་བརླབ་ཏུ་གསོལ། །ཞེས་བྱ་བ་ལ་སོགས་པ་གསོལ་བ་དྲག་ཏུ་བཏབ། སེམས་ཅན་ཐམས་ཅད་སྙིང་ཁོངས་སུ་བཅུག་ནས། བླ་མ་ལ་ཡིད་ཆེས་པའི་མོས་གུས་ཀྱི་གསོལ་བ་དྲག་ཏུ་བཏབ་པ་ཁོ་ན་གནད་དུ་ཆེའོ། །མཐར་བླ་མ་འོད་དུ་ཞུ་ནས་རང་ལ་ཐིམ། འདི་འོག་ཏུ་དངོས་གཞིའི་དམིགས་པ་རེ་རེ་བཞིན་ཐམས་ཅད་ཀྱི་ཐུན་མགོར་སྦྱོར་ཡང་དགོས་ལ། འདི་ཉིད་ཐོག་མར་ཡུན་རིང་དུ་དམིགས་ཁྲིད་དུ་བཅད་ནས་ཀྱང་བསྒོམ་པར་བྱ་སྟེ་དམིགས་སྐོར་དང་པོའོ།། །།༈ གཉིས་པ་དངོས་གཞི་ལ། དབྱིབས་ལ་བསླབ་པ། རླུང་ལ་བསླབ་པ། ཡིག་འབྲུ་ལ་བསླབ་པ། འོད་ལུས་ལ་བསླབ་པ། འོད་གསལ་ལ་བསླབ་པ། ཟུང་འཇུག་ལ་བསླབ་པ་སྟེ་དྲུག་གོ །དང་པོ་དབྱིབས་ལ་བསླབ་པ་ལ་གསུམ་སྟེ། བདག་དབྱིབས་ལ་བསླབ་པ་དང༌། དབྱིབས་སྤོ་བ་ལ་བསླབ་པ་དང༌། སྣང་བ་དབྱིབས་ལ་བསླབ་པའོ། །དང་པོ་བདག་


TNT12_Page_0276
[མ་དཔེ་གཟིགས་ན་འདིར་གནོན།]

དབྱིབས་ལ་བསླབ་པ་ནི། རྗེ་བཙུན་རྡོ་རྗེ་རྣལ་འབྱོར་མ་ཞལ་གཉིས་མའམ། དོན་གྲུབ་མའམ། དབུ་བཅད་མ་ལ་སོགས་པ་གང་ལ་བརྟེན་ཀྱང་རུང་མོད་ཀྱི་གཙོ་བོར་ཞལ་གཉིས་མ་ཉིད་ལ་བརྟེན་ནས་མཛད་དོ། །དེ་ཡང་མངོན་རྟོགས་བླངས་པའི་གཞུག་ཏུ་སྒོམ་པ་ཡིན་ན། དེ་ཁའི་ངང་ལ་ཡིད་ཀྱིས་ཡང་ཡང་གསལ་བཏབ་པས་ཆོག །ཐུན་མཚམས་གཞན་དུ་བསྒོམ་ན། སྐྱབས་འགྲོ་སེམས་བསྐྱེད་བླ་མའི་གསོལ་འདེབས་རྣམས་སྔོན་དུ་བཏང༌། རང་ལུས་ཅི་ཡང་མི་དམིགས་པ་སྟོང་པའི་ངང་ལ། ཆུ་ལས་ཆུ་བུར་བརྡོལ་བའི་ཚུལ་གྱིས། བཾ་ཡིག་ཡོངས་སུ་གྱུར་པ་ལས། རང་སྐད་ཅིག་གིས་རྡོ་རྗེ་ཕག་མོའི་སྐུའི་རྣམ་པ། སྐུ་མདོག་ཕྱག་མཚན་རྒྱན་ཆ་ལུགས་གདན་དང་བཅས་པར་ཝལ་གྱིས་གསལ་བཏབ། རྒྱན་ཆ་ལུགས་སོགས་ཡོངས་རྫོགས་དམིགས་པ་གསལ་པོ་བྱུང་ན་རབ་ཡིན། གསལ་བ་དེ་ཁའི་རྒྱུན་ལ་སེམས་བཟུང༌། དེ་ཙམ་མི་གསལ་ན། ཐོག་མར་ཡོངས་རྫོགས་གསལ་འདེབས་ཐེངས་གཅིག་བྱས་ནས། སྐུ་མདོག་དམར་མོ། །རྩ་ཞལ་ཁྲོ་མོ། གཡས་ཞལ་ཕག་གདོང༌། གྲི་གུག།ཐོད་པ། ཁ་ཊྭཱཾ་ག་བསྣམས་པ། པད་ཉི་རོ་གདན་ལ་གཡོན་བརྐྱང་གི་གར་གྱིས་བཞུགས་པ་ཙམ་ཞིག་ལམ་གྱིས་གསལ་བཏབ། རྒྱན་ཆ་ལུགས་ཆ་ཤས་ཕྲ་མོ་རྣམས་ཡོད་སྙམ་པ་ཙམ་བྱ། དེ་ཁ་ལ་ཡུད་ཙམ་ཞིག་བསྒོམ་སྟེ་འཕྲོ་བཅད། ཡང་ཞིབ་མོར་གསལ་འདེབས་ཐེང་གཅིག་བྱས་ཏེ་སྔར་བཞིན་སེམས་བཟུང༌། དེ་ལྟར་ཡང་ཡང་བསྒོམ། བར་སྐབས་


TNT12_Page_0277
[མ་དཔེ་གཟིགས་ན་འདིར་གནོན།]

སུ་ངལ་གསོ་བ་དང༌། འཇུག་ཏུ་ཐུན་འཇོག་པའི་སྐབས། རང་གཞན་སྣོད་བཅུད་ཐམས་ཅད་སྨིག་རྒྱུ་ལྟ་བུའི་རྟགས་སུ་མོས་པ་བྱས་ལ། ཤེས་པ་ཁོང་ལྷོད་ཀྱིས་གློད། གོམས་ནས་སྨིག་རྒྱུ་ལྟ་བུའི་རྟགས་འབྱུང་ཡང་འབྱུང་བ་ཡིན། དམིགས་སྐོར་གཉིས་པའོ། །གཉིས་པ་དབྱིབས་སྤོ་བ་ལ་བསླབ་པ་ནི། དམིགས་པ་སྔ་མ་ལ་གོམས་ན། འདི་སྒོམ་པ་ཡིན་ཏེ། དེ་ཡང་རང་གི་མདུན་དུ་མཎྜལ་གྱི་སྟེང་དུ་ལུགས་སྐུའམ། རྡོ་རྗེ་དྲིལ་བུ་ལྟ་བུ་གང་ཡང་རུང་བ་ཞིག་བཞག།རང་ལྷ་སྐུར་སྒོམ་པ་བཞིན། དེ་རྡོ་རྗེ་ཕག་མོར་བསྒོམ། དེ་ཡང་ཞིབ་ཏུ་གསལ་བཏབ་པའི་རྗེས་སུ། རགས་པ་ལ་སེམས་འཛིན་ཚུལ་སོགས་གོང་དང་འདྲ། དམིགས་པ་མཚམས་གཅོད་ཚུལ་གོང་དང་འདྲ་ཞིང༌། ངལ་གསོ་དང་ཐུན་མཚམས་སྐབས་ཀྱང་དེ་ཁོ་ན་བཞིན་ནོ། །ཐུན་འཇོག་པའི་ཚེ་མདུན་གྱི་ལྷ་རང་གི་ལྟེ་བའི་བཾ་ལ་ཐིམ་པར་བསམ། དམིགས་སྐོར་གསུམ་པའོ། །གསུམ་པ་སྣང་བ་དབྱིབས་ལ་བསླབ་པ་ནི། སྐྱབས་སེམས་གསོལ་འདེབས་གོང་བཞིན་སོང་ནས། ཀ་བ་བུམ་པ་རྩིག་པ་ཤིང་བུ་རྡེའུ་སོགས། རང་གི་ཉེ་སྐོར་ན་ཡོད་པའི་དངོས་པོ་ཐམས་ཅད། རྡོ་རྗེ་ཕག་མོའི་སྐུར་ལམ་སྟེ་བསྒོམས་ནས། དེ་དག་ལས་དམིགས་པའི་ཡུལ་གང་ཡང་རུང་བ་རྣམ་པ་གསལ་བ་ཞིག། རྡོ་རྗེ་ཕག་མོར་ནན་ཏན་དུ་གསལ་བཏབ་ཅིང་ཤེས་པ་དྲག་ཏུ་བསྟད་ལ་བསྒོམ། གཞན་རྣམས་ལྷ་སྐུར་ལམ་མེ་ཡོད་པའི་མོས་པ་ཙམ་བྱ། ངལ་གསོ་སོགས་དམིགས་པའི་ཡན་ལག་


TNT12_Page_0278
[མ་དཔེ་གཟིགས་ན་འདིར་གནོན།]

རྣམས་གོང་དང་མཚུངས། གཅིག་ལ་གསལ་ན་གཉིས་གསུམ་ལ་བསླབ་པ་སོགས། རིམ་གྱིས་རིམ་གྱིས་སྦྱོང་བ་ཡིན། དམིགས་སྐོར་བཞི་པའོ། །དེས་སྒོམ་ཐབས་དང་པོ་དབྱིབས་ལ་བསླབ་པ་ཞེས་བྱ་བ་ལེགས་པར་ཚར་བ་ཡིན། གཉིས་པ་རླུང་ལ་བསླབ་པ་ལ། རླུང་བསྡུ་བ་དང༌། རླུང་སྦྱང་བ་གཉིས་ལས། དང་པོ་ནི། ཐུན་མོང་གི་ཞལ་གདམས་ལས་འབྱུང་སྟེ། སྐྱབས་སེམས་གསོལ་འདེབས་ཏེ་ཐུན་གྱི་སྔོན་འགྲོ་སྔར་ལྟར་ལས། ལུས་གནད་རྣམ་སྣང་གི་ཆོས་བདུན་སྤྱི་དང་འདྲ་བར་བཅས། རང་རྡོ་རྗེ་ཕག་མོའི་སྐུར་གསལ་བའི་ལུས་ཀྱི་དབུས་ལྟེ་བའི་ཐད་དུ་བཾ་དམར་པོ། རྩ་ཞལ་གྱི་སྣ་རྩེ་ནས་ཡར་གཞལ་བའི་སོར་བརྒྱད་ཀྱི་ཐད་ཙམ་གྱི་ནམ་མཁའ་ལ་དགའ་བ་འཁྱིལ་བ། ལག་བཞི་པ་ཁ་དོག་དམར་པོ་རྒྱ་སྐྱེགས་ཀྱི་ཁུ་བས་བྲིས་པ་ལྟ་བུ་རང་ལ་མདུན་བསྟན་པའི་དབང་དུ་བྱས་པའི་གཡོན་སྐོར་དུ་འཁྱིལ་བ་གཅིག་བསྒོམ། འདི་སྒོམ་ས་ངེས་པ་ཅན་ནི། སྣ་རྩེ་ནས་ཡར་སོར་བརྒྱད་དྲང་ཐད་དུ་གཞལ་བ་མ་ཡིན། གྱེན་སོགས་ཅུང་ཟད་ཡོད་པ་ལ་རྩི་བ་ཡིན་པས། དོན་དཔྲལ་བའི་དབྱིངས་དང་མཐོ་དམན་མཉམ་པའི་ཚད་ལས། དཔྲལ་བ་ལ་སོར་བཞིས་མ་རེག་པའི་བར་སྟོང་ཡོད་པའི་ནམ་མཁའ་ལ་སྒོམ་པ་ཡིན། དགའ་འཁྱིལ་གྱི་ཚད་ལ་སྤྱིར་ངེས་པ་མེད་ཀྱང༌། མཐེ་བོང་གི་སེན་མོའི་རྒྱ་ཙམ་སྒོམ་པར་བཞེད་དོ། །དེ་རྗེས་རླུང་རོ་ལན་གསུམ་བསལ། འཇམ་རླུང་ཁ་སྦྱོར་དུ་བཟུང༌། འདི་ལ་ཐུར་སེལ་རང་གནས་སུ་བཅིང་བ་


TNT12_Page_0279
[མ་དཔེ་གཟིགས་ན་འདིར་གནོན།]

མ་གཏོགས་ཡར་འཐེན་མི་དགོས། ལྟེ་བའི་བཾ་ལས་རླུང་སྤོས་རིང་གི་དུ་བ་ལྟ་བུ་སྔོ་སྐྱ་ཞིག་གྱེན་དུ་ནར་གྱིས་བྱུང༌། རླུང་གང་ནས་རྒྱུ་བའི་སྣ་བུག་ནས་འཐོན། ནམ་མཁར་གནས་པའི་དགའ་བ་འཁྱིལ་བ་ལ་ཕོག་པས། གཡོན་སྐོར་དུ་ཁྱིལ་ལི་ལི་མྱུར་དུ་འཁོར་བ་ལ་ཤེས་པ་བསྟད། རླུང་གཡས་གཡོན་གྱི་རྒྱུ་བ་གསལ་བའི་ཚེ་ན་དེ་བཞིན་ཡིན་ལ། རྒྱུ་བ་མི་གསལ་བའམ་མཉམ་རྒྱུའི་སྐབས་ཡིན་ན། སྣ་བུག་གཉིས་ཀ་ནས་རྒྱུ་བར་མོས་དགོས་པ་ཡིན། འདི་ཞག་ཤས་སྒོམ་དགོས་པས་དམིགས་ཆུང་དམིགས་སྐོར་གཅིག་ཏུ་བྱ། ཐུན་གྱི་རྗེས་ཡན་ལག་རྣམས་སྔ་མ་དང་འདྲ་བ་ལས། སྨིག་རྒྱུར་མོས་པའི་ཚབ་ཏུ་དུ་བ་ལྟ་བུར་མོས་པ་བྱ། དེ་ལ་གོམས་ནས་སྣ་རྩེ་ནས་སོར་དྲུག་གི་ཐད་ཀྱི་ནམ་མཁའ་ལ་དགའ་འཁྱིལ་འཁོར་བར་སྒོམ། གཞན་སྔར་དང་འདྲ། འདི་ཡང་ཞག་ཤས་བསྒོམ་དགོས་པས་དམིགས་སྐོར་གཅིག་ཏུ་རྩི། དེ་བཞིན་དུ་སྣ་རྩེ་ནས་སོར་བཞི་གཞལ་བའི་སར་དགའ་འཁྱིལ་འཁོར་བར་སྒོམ། གཞན་འདྲ། འདི་ཡང་ཞག་ཤས་བསྒོམ་དགོས་པས་དམིགས་སྐོར་གཅིག་ཏུ་བརྩི་ཡང་སྣ་རྩེའི་ནང་དུ་དགའ་འཁྱིལ་འཁོར་བ་ལ་སེམས་གཏོད། གཞན་སྔར་དང་འདྲ། འདི་ཡང་དམིགས་སྐོར་ཆུང་བ་གཅིག་སྟེ། མདོར་ན་ཚན་པ་བཞི་པོ་དེ་ལ། སྤྱིར་དམིགས་པ་གསལ་མི་གསལ་དང༌། རྩོལ་བ་ཆེ་ཆུང་གིས་ཡུན་རིང་ཐུང་སྦྱོར་བ་ཡིན་གྱི། ཞག་གྲངས་ལ་ངེས་པ་ཆེར་མེད་ནའང༌། དམིགས་པ་གསལ་མི་གསལ་འབྲིང་བ་ཞིག་གིས་ཐུན་བཞི་ལ་རླུང་ཐེངས་དྲུག་ཅུ་རྩ་བཞི་ཙམ་རེ་སྒོམ་པ་


TNT12_Page_0280
[མ་དཔེ་གཟིགས་ན་འདིར་གནོན།]

ཡིན་ན། དེ་རྣམས་ལ་ཞག་བདུན་རེ་བསྒོམ་པར་བྱའོ། །དེའི་རྗེས་སུ་སྔ་དྲོ་སོགས་ཐུན་རེ་རེ་བཞིན་དུམ་བུ་བཞི་བཞིར་བཅད་པ་ཐུན་ཆུང་རེ་རེར་བྱས་ཏེ། ཐུན་ཆུང་དང་པོ་ལ་སྣ་རྩེ་ནས་སོར་བརྒྱད་པའི་མཚམས་སུ་དགའ་འཁྱིལ་འཁོར་བར་བསྒོམ། གཉིས་པ་ལ་དྲུག གསུམ་པ་ལ་བཞི། བཞི་པ་ལ་སྣ་རྩེར་འཁོར་བར་བསྒོམ། གཞན་གོང་དང་འདྲ། འདི་ལ་རྟགས་མ་བྱུང་གི་བར་དུ་སྒོམ་པ་གལ་ཆེ། མ་མཐའ་ཡང་ཟླ་བ་ཕྱེད་དང་གཉིས་ཙམ་ཐུན་བཞི་སོ་སོར་རླུང་ཐེངས་བརྒྱ་རྩ་བརྒྱད་རེ་བསྒོམ་པར་བྱའོ། །ཕལ་ཆེར་ལ་དེ་ཙམ་སྒོམ་པ་ལའང་རྟགས་ཅུང་ཟད་ཅིང་འོང་ངོ༌། །དམིགས་ཆེན་དམིགས་སྐོར་ལྔ་པའོ། །གཉིས་པ་རླུང་སྦྱང་བ་ནི། མཆོག་གི་ཞལ་གདམས་ལས་འབྱུང་བ་སྟེ། མིག་སྣ་རྩེར་ལྟ་དགོས། གཞན་ལུས་གནད་སྤྱི་དང་འདྲ། ཐུན་གྱི་སྔོན་འགྲོ་དང་དམིགས་པའི་ཡན་ལག་སྔ་མ་དང་མཚུངས། དངོས་གཞིའི་དམིགས་པ་ནི་གསང་གནས་སུ། ཆོས་འབྱུང་དམར་པོ། རྩ་བ་ཕྲ་བ་ཐུར་བསྟན། གདེངས་ཀ་གྱེན་དུ་ཕྱོགས་པ་སོར་བཞིའི་ཚད་ཙམ་དབུ་མ་ཟངས་དུང་ཁ་གྱེན་དུ་བསྟན་པ་ལྟ་བུ་ཡར་སྣ་སྤྱི་བོའི་ཐད་དུ་སླེབ་པ། ཁ་དོག་དམར་པོའོ། །གཡས་སུ་རོ་མ་དམར་པོ་དང༌། གཡོན་དུ་རྐྱང་མ་དཀར་པོ་གཉིས། ཡས་སྣ་སྣ་བུག་གཉིས་ལ་ཟུག་ཅིང༌། དེ་ནས་མར་ཡོང་སྟེ་མགྲིན་པ་མན་ཆད་ལ་དབུ་མའི་གཡས་གཡོན་ལ་གཤིབས་ཏེ་སོང་བས། མགྲིན་པ་ནས་རྒྱུ་ཞབས་ཀྱི་བར་དུ་རྩ་གསུམ་གསུམ་གཤིབས་སུ་ཐལ་ལེ་


TNT12_Page_0281
[མ་དཔེ་གཟིགས་ན་འདིར་གནོན།]

བསྒོམ། རྩ་གསུམ་གྱི་མས་སྣ་གསང་བའི་ཆོས་འབྱུང་གི་ནང་གི་དབུས་སུ་སླེབ་པ་སྟེ། ཆོས་འབྱུང་གི་ཁ་མཚམས་ནས་སོར་དོ་ཙམ་ཐུར་དུ་གཞལ་བའི་ཐད་དུ་ཕྱིན་པའོ། །རྩ་གསུམ་འདུས་པའི་མས་སྣ་དེ། བཾ་དམར་པོ་འོད་འཕྲོ་བ་གཅིག་གི་འོད་ཟེར་རྒྱ་མདུད་ལྟར་སྤྱི་དབྱིབས་སྒོར་སྒོར་བ་ཡིན་པ་ལ་ཟུར་ཆུང་འབར་འབུར་མང་དུ་ཡོད་པ་གཅིག་བསྒོམ་སྟེ། དེ་ལ་ཟུག་པ། ལྟེ་བར་བཾ་སེར་པོ་མགོ་བོ་ཐུར་བསྟན་མེའི་རང་བཞིན་ཅན་འོད་འཕྲོ་བ། འོད་ཀྱི་དབྱིབས་ཟླུམ་རིལ་ལེ་བ་ལ། འོག་ཕྱོགས་སུ་རྩ་བ་ཕྲ་ཞིང༌། རྩ་བདེ་ཉིད་ཀྱི་འོག་གི་ཁ་གཡེལ་བའི་རྣམ་པ་ཅན་སྒོམ་སྟེ། བཾ་ཡིག་བུམ་པ་ཁ་བུབ་ལྟ་བུ་ཞེས་གྲགས་པའོ། །བཤང་ལམ་དུ་ཀྵ་དམར་ནག་ཅིག་དང༌། སྤྱི་བོའི་ཚངས་བུག་ཏུ་བླ་མའི་ངོ་བོ་རྡོ་རྗེ་རྒྱ་གྲམ་སྒོམ། ཞག་ཤས་དམིགས་པ་དེ་ལ་བསླབ། དམིགས་ཆུང་དམིགས་སྐོར་གཅིག་བྱེད། དེ་ནས་རླུང་ནང་དུ་འཇུག་པ་དལ་བུས་དྲངས་ཤིང༌། གནས་པ་དང་ཕྱིར་འབྱུང་བ་རང་བབས་སུ་བཞག །དམིགས་པ་སྔ་མ་དེ་ཀ་ཡིན། ཡང་ཕྱི་ལ་དལ་བུས་དབྱུང་བ་ཡུན་རིང་དུ་འབྱུང་བ་ལ་བསླབ། འཇུག་པ་དང་གནས་པ་རང་བབས། སེམས་ཀྱི་དམིགས་པ་སྔར་དང་འདྲ་སྟེ་ཞག་བདུན་ཙམ་བསྒོམ། འདི་ལ་ཡང་དམིགས་ཆུང་ཐུན་གཅིག་གོ །དེ་ནས་དམིགས་པའི་གཞི་སྔ་མ་དང་འདྲ་བ་ལས། དབུ་མ་ལ་སརྦ་བུདྡྷའི་སྔགས། རོ་མ་ལ་བཛྲ་བརྞྞ་དང༌། རྐྱང་མ་ལ་བཻ་རོ་ཙ་ནིའི་སྔགས་རྣམས་ལྟེ་བ་ནས་མས་


TNT12_Page_0282
[མ་དཔེ་གཟིགས་ན་འདིར་གནོན།]

སྣའི་བར་ལ། ཡིག་འབྲུ་རྣམས་བརྩེགས་མར་ཡོད་པ། ཁ་དོག་དམར་པོའམ། རྩའི་ཁ་དོག་དང་མཐུན་པའམ། དབུ་བཅད་མ་གཙོ་འཁོར་གསུམ་གྱི་སྐུ་མདོག་དང་མཐུན་པའམ། ཡང་ན་དབུས་ཀྱི་ཡི་གེ་ནག་པོར་བསྒོམ་ཀྱང་རུང་སྟེ། དམིགས་པ་གསལ་ཞིང་གསལ་ཐེབས་ན། ལྷ་དང་སྔགས་ཀྱི་བྱིན་རླབས་ཁྱད་པར་ཅན་འཇུག་པའི་གནད་ཡོད་པས་སྔགས་འབྲུ་དེ་དག་ངེས་པར་སྒོམ་དགོས། ཅི་སྟེ་ཤིན་ཏུ་མི་གསལ་ན། ཐུན་གྱི་མགོ་ལ་ལན་གཅིག་གསལ་བཏབ་ནས། དེ་ཕྱིན་ཐུན་དེའི་ནང་དུ་མ་བསྒོམས་ཀྱང་ཆོག །དེ་ནས་རླུང་རོ་ཞི་བ་ལན་གསུམ་དང༌། དྲག་པོ་ལན་གསུམ་འབུད། རླུང་ཕྱིར་འགྲོ་བ་ན་རྩ་གསུམ་ནས་ཧཱུཾ་སྔོན་པོ་ཕྲེང་མ་ཆད་པར་འདོན། ནང་དུ་འོང་བ་ན། ཨོཾ་དཀར་པོ་མུ་ཏིག་གི་ཕྲེང་བ་ལྟ་བུ་ཕྱི་རོལ་ནས་སྣ་སྒོར་ཞུགས་ལྕེའི་རྩ་བའི་ཐད་ཙམ་དུ་སླེབ་པ་ན། བདུད་རྩི་བྱང་ཆུབ་ཀྱི་སེམས་སུ་དཀར་མེར་རེ་རེ་ཞུ་ནས། རོ་རྐྱང་གཉིས་ཀྱི་ནང་ན་མར་ན་ར་ར་སོང༌། མས་སྣའི་ཡིག་འབྲུ་དང་འདྲེས། ཨཾ་ཝ་དྷུ་ཏཱིའི་ནང་ནས་ཡར་བྱུང༌། འོག་རླུང་འཐེན། རླུང་ཁ་སྦྱོར་དྲག་པོར་བཟུང་བའི་སྐབས་དེར། བདུད་རྩི་དཀར་ལ་དམར་བའི་མདངས་ཆགས་པ་ཡར་བྱུང་བ་དེ། དབུ་མའི་ནང་གི་བཾ་ཡིག་ལ་ཐིམ་པས། བཾ་ཡིག་ཁ་ཐུར་བསྟན་དེ་ཉིད་གྱེན་དུ་ལོག་པར་བསམ། མགྲིན་པ་དང་སྐེད་པ་རྒྱབ་ཏུ་ཅུང་ཟད་སྐྱེད། ལྕེ་རྩེ་རྐན་ལ་སྦྱར།


TNT12_Page_0283
[མ་དཔེ་གཟིགས་ན་འདིར་གནོན།]

མིག་གྱེན་དུ་བལྟ། སྟེང་རླུང་ཤིན་ཏུ་དྲག་ཏུ་མནན། རླུང་གཞལ་བ་ཅིག་ཀྱང་བྱ། ཡང་མི་བདེ་ན་ཧཱུཾ་གིས་ཕྱིར་བསལ་བ་སོགས་སྔར་བཞིན་བསྒོམ་མོ། །ཚུལ་དེ་ཐུན་རེའི་ནང་དུ་རླུང་ཐེང་བརྒྱ་རྩ་རེ་ཙམ་སོགས་ཇི་ལྟར་འོས་པ་བསྒོམ། ཐུན་ཆེན་རེའི་ནང་དུ་ཐུན་ཆུང་བཞི་སོགས་བཅད་ནས་བསྒོམ་ནའང་ལེགས། དེའི་ཚེ་ཐུན་ཆུང་རེའི་འཇུག་ཏུ་ཡན་ལག་ལྔ་སྦྱོང་ལྟ་བུའི་ལུས་སྦྱོང་གང་འགྲུབ་རེ་བྱ་ཞིང༌། ཐུན་ཆུང་མི་གཅོད་ན་ཐུན་ཆེན་པོའི་མཐར་ལུས་སྦྱོང་གང་མང་བྱའོ། །དེ་དག་ནི་དམིགས་ཆེན་གཅིག་སྟེ་དམིགས་བསྐོར་ཆེན་པོ་དྲུག་པའོ། །དེས་སྒོམ་ཐབས་དྲུག་ལས་རླུང་ལ་བསླབ་པའི་དམིགས་པ་ཚར་བ་ཡིན། གསུམ་པ་ཡིག་འབྲུ་ལ་བསླབ་པ་ལ་ལྔ་སྟེ། ནང་གི་བཟླས་པ་ལ་བསླབ། གཏུམ་མོའི་རྣལ་འབྱོར་བསྡུས་པ་དང༌། འབྲིང་པོ་དང༌། རྒྱས་པ་དང༌། ཤིན་ཏུ་རྒྱས་པ་ལ་བསླབ་པའོ། །དང་པོ་ནི། ཐུན་མོང་གི་ཞལ་གདམས་ཀྱི་ངོ་སྤྲོད་རྒྱབ་སྐྱོར་སྐབས་ལས་འབྱུང་སྟེ། ཐུན་གྱི་སྔོན་འགྲོ་སྔར་དང་འདྲ། གསང་གནས་སུ་ཆོས་འབྱུང་དམར་པོ་སོར་བཞི་པ། དབྱིབས་སྤྱི་དང་འདྲ་བ་ལས། ཆོས་འབྱུང་གི་ཁའི་སྟེང་དུ་འདབ་མ་གསུམ། དབྱི་མོང་གི་མེ་ཏོག་ཁ་ཟུམ་པ་འདྲ་བ་བསྒོམ། གཡས་ཞལ་ཕག་གདོང་གི་སྨིན་ཕྲག་ནས། སོར་བརྒྱད་གཞལ་བའི་བར་སྣང་ལ་དགའ་བ་འཁྱིལ་བ། ཟླུམ་པོའམ། གཡུང་དྲུང་གྲུ་བཞིའི་དབྱིབས་ཅན་གང་ལྟར་བསྒོམ་ཀྱང་འདྲ་སྟེ། གདུགས་ལྟ་བུར་གཡོན་སྐོར་དུ་འཁོར་


TNT12_Page_0284
[མ་དཔེ་གཟིགས་ན་འདིར་གནོན།]

བ། ལུས་ཀྱི་དབུས་སུ་རྩ་གསུམ་སྤྱི་དང་འདྲ་བ་ལས། མས་སྣ་ཆོས་འབྱུང་གི་འདབ་མ་ལ་རེག་ཙམ། རོ་མའི་ཡས་སྣ་སྤྱི་བོ་ནས་གཡས་ལ་འཁྱོགས་ཏེ་ཕག་ཞལ་གྱི་སྣ་བུག་གཡས་པར་ཟུག་པ་བསྒོམ། ཆོས་འབྱུང་གི་ནང་དུ་སྔགས་གསུམ་གྱེན་འགྲེང་དུ་ཡོད་པའམ། ཨོཾ་གསུམ་མའི་སྔགས་འཕྲེང་གཡོན་སྐོར་དུ་དགོད་པ་དམིགས་པ་གང་གསལ་བ་ཞིག་པ་སྒོམ་པས་ཆོག །དབུ་མའི་ནང་གི་ལྟེ་བར་བཾ་དམར་པོ་མེ་འོད་འབར་བ་ཞིག་སྒོམ། ལུས་གནད་གྲུ་མོ་བསྲངས། མཉམ་བཞག་དམ་པོ་བཅས། རླུང་ཁ་སྦྱོར་དྲག་པོ་བསྒོམ་པས། ཆོས་འབྱུང་གི་འདབ་མ་ཁ་བྱེ། སྔགས་འཕྲེང་ལས་མེ་འོད་འཕྲོས། དབུ་མའི་ནང་དུ་དམར་ནར་གྱིས་འབར། ལྟེ་བའི་བཾ་ལ་ཕོག་པས་དེའི་མེ་ལྕེ་དང་ཡང་འདྲེས། ལྟེ་བ་ནས་གཡས་རོ་མ་ཕུག་སྟེ་རོ་མའི་ལམ་ནས་བརྒྱུད། ཕག་ཞལ་གྱི་སྣ་བུག་གཡས་ནས་ཐོན། དགའ་ཁྱིལ་ལ་ཕོག་པས་གཡོན་སྐོར་དུ་དྲག་ཏུ་འཁོར་བར་བསྒོམ། ཡང་མེ་ལྕེ་དེ་ཉིད་རྩ་ཞལ་གྱི་སྣ་བུག་གཡོན་ནས་ཞུགས། རྐྱང་མའི་ལམ་ནས་བརྒྱུད། གསང་གནས་ཀྱི་ཆོས་འབྱུང་སྔགས་བཅས་ལ་ཕོག་པས། གཡོན་སྐོར་དུ་དྲག་ཏུ་འཁོར་བ་ལ་སེམས་བཟུང༌། འདི་ཞལ་གཉིས་མ་བསྒོམ་པའི་དབང་དུ་བྱས་པ་ཡིན། རྗེ་བཙུན་ཞལ་གཅིག་མ་བསྒོམ་ན། ཤངས་གཡས་གཡོན་དཀྱུས་མ་ལས་འགྲོ་འོང་བྱའོ། །འདི་ལ་བདེ་བ་ཤས་ཆུང་ན། ལྟེ་བའི་བཾ་ལ་ཤེས་པ་གཏོད་པ་དང༌། གསང་གནས་


TNT12_Page_0285
[མ་དཔེ་གཟིགས་ན་འདིར་གནོན།]

ཀྱི་ཆོས་འབྱུང་འཁོར་བ་ལ་སེམས་གཏོད། གསལ་སྣང་ཤས་ཆུང་ན་སྟེང་གི་དགའ་འཁྱིལ་འཁོར་བ་ལ་གཏོད། མི་རྟོག་པ་ཤས་ཆུང་ན་སྟེང་གི་དགའ་འཁྱིལ་ཡང་སྣ་སྒོ་ནས་ཞུགས་ཏེ་ལྟེ་བའི་བཾ་ལ་ཐིམ་པར་བསམ་སྟེ་ཤེས་པ་ཁོང་གློད་ལ་བཞག།རྗེས་དམིགས་པའི་ཡན་ལག་གོང་དང་མཚུངས་པ་ལས། དུ་བའི་དོད་དུ་སྲིན་བུ་མེ་ཁྱེར་གྱི་སྣང་བ་དང་འདྲ་བར་བསྒོམ། དམིགས་སྐོར་བདུན་པའོ། །གཉིས་པ་གཏུམ་མོ་བསྡུས་པ་ནི། ཐུན་མོང་གི་གདམས་པ་ལས་འབྱུང་སྟེ། རང་གི་ལྟེ་བར་པདྨ་འདབ་བཞི་དམར་སོལ་ལེ་བ་ཞིག་གི་པདྨའི་ལྟེ་བར་བཾ་དམར་པོ་སྒོམ། རླུང་འཇམ་རླུང་ཁ་སྦྱོར་ལས། འོན་ཀྱང་རིང་དུ་བཟུང་བ་གནད་དུ་ཆེ་བ་ལ་སེམས་དྲག་ཏུ་བསྟད་པས། མེ་རླུང་འདྲེས་པ་སྔོ་དམར་དར་སྐུད་ཙམ་ཞིག་ནར་གྱིས་གྱེན་དུ་འབར། སོར་གཉིས་ཀྱི་ཚད་ཙམ་ལ་གནས་པར་བསྒོམ། ཐུན་འཇོག་ཙ་ན་འབར་བ་དེ་བཾ་ལ་བསྡུའོ། །དམིགས་ཆུང་ཐུན་གཅིག་གོ །དེ་བཞིན་དུ་སོར་བཞི་འབར། ཐུན་ཆུང་གཅིག །བརྒྱད་ཙམ་དུ་འབར། ཐུན་ཆུང་གཅིག་སྟེ། དེ་རྣམས་ལའང་རྩོལ་བ་དང་དམིགས་པ་འབྲིང་གིས་ཞག་བདུན་རེ་ཙམ་བསྒོམ་ན་ལེགས་སོ། །དམིགས་ཆེན་དམིགས་སྐོར་བརྒྱད་པའོ། །གསུམ་པ་གཏུམ་མོ་འབྲིང་པོ་ནི། ཐུན་མོང་གདམས་པའི་ངོ་སྤྲོད་ནང་ནས་འབྱུང་སྟེ། ལུས་ཀྱི་དབུས་སུ་རྩ་དབུ་མ་དྭངས་ཤིང་ཕྲ་ལ་དམར་བ་ཁོང་སྟོང་གི་ནང་དུ། ཡར་སྣར་ཧཾ་དཀར་པོ་མགོ་བོ་ཐུར་བསྟན། ལྟེ་བར་བཾ་དམར་པོ་མེའི་


TNT12_Page_0286
[མ་དཔེ་གཟིགས་ན་འདིར་གནོན།]

རང་བཞིན་མགོ་གྱེན་བསྟན། གསང་གནས་སུ་ཆོས་འབྱུང་སྔགས་བཅས་སྔར་བཞིན་དང༌། དབུ་མའི་མས་སྣ་ཆོས་འབྱུང་དུ་ཆུད་ཙམ་ཡོད་པ་སྒོམ། རླུང་བུམ་ཅན་ཞི་དྲག་གང་ཡང་རུང་བ་བསྒོམ་པས། ཆོས་འབྱུང་སྔགས་བཅས་ལས་མེ་འབར། དབུ་མའི་ནང་དུ་ཞུགས། བཾ་ལ་ཕོག །དེ་ལས་མེ་ལྕེ་དར་དམར་པོའི་སྐུད་པ་ཙམ་འབར་ཏེ། ཧཾ་ལ་རེག་པས། ཧཾ་ཞུ་སྟེ་བདུད་རྩི་དཀར་ནར་རར་བབས། བཾ་ལ་ཐིམ་པས་ཐིག་ལེ་དཀར་དམར་འདྲེས་པས་བདུད་རྩིའི་རྣམ་པར་གྱུར། ཆུ་རྒྱུན་ཕྲ་མོ་ལྟར་བབས་པ་གསང་བའི་ཆོས་འབྱུང་སྔགས་ཕྲེང་དང་བཅས་པ་ལ་ཐིམ། ཤེས་པ་ཡང་དེར་དྲག་ཏུ་བསྟད་དོ། །དམིགས་སྐོར་དགུ་པའོ། །བཞི་པ་གཏུམ་མོ་རྒྱས་པ་ནི། ཞལ་གདམས་ཐོར་བུ་པའི་ནང་ནས་འབྱུང་ཞིང༌། ཞལ་གཉིས་མའི་སྒྲུབ་ཐབས་ཆེ་བ་ཡེ་ཤེས་གྲུབ་པའི་མཆོད་བརྗོད་ལ་བརྟེན་པའི་ཉམས་ལེན་ཏེ། འདི་ལ་རྩ་དབུ་མ་རྩ་འཁོར་བཞི་དང་བཅས་པ་རགས་པ་ཙམ་གསལ་བཏབ་ལ། དབུ་མའི་ནང་ལྟེ་བར་བཾ་དམར་པོ། སྙིང་གར་ཧཱུཾ་སྔོན་པོ། མགྲིན་པར་ཨོཾ་སེར་པོ་རྣམས་མགོ་གྱེན་བསྟན་དང༌། སྤྱི་བོར་ཧཾ་དཀར་པོ་མགོ་བོ་ཐུར་བསྟན་ནོ། །རླུང་ཁ་སྦྱོར་དྲག་པོའི་ངང་ནས་འོག་རླུང་ཤུགས་བསྐྱེད་དེ་དྲངས་པས། བཾ་ལས་མེ་ལྕེ་གློག་གི་འོད་ལྟ་བུ་གྱེན་དུ་འབར། ཧཱུཾ་དང་ཨོཾ་བསྲེགས་པས་མེའི་རང་བཞིན་དུ་དམར་ཧྲམ་གྱིས་སོང༌། ཧཾ་ལ་རེག་པས་ཞུ་སྟེ་བྱང་ཆུབ་ཀྱི་སེམས་འོ་མའི་རྒྱུན་ལྟར་བབས། མགྲིན་པ་དང་སྙིང་


TNT12_Page_0287
[མ་དཔེ་གཟིགས་ན་འདིར་གནོན།]

གའི་འཁོར་ལོ་རིམ་པས་གང་བས། ཨོཾ་དང་ཧཱུཾ་སོས་ཏེ་ཁ་དོག་སྔོན་བཞིན་ལས་ཤིན་ཏུ་འོད་གསལ་བར་གྱུར། ལྟེ་བའི་འཁོར་ལོ་གང་བའི་མཐར། བཾ་ལ་ཐིམ་པས་ཟག་མེད་ཀྱི་བདེ་བ་སྐྱེ་བར་བསམ། དེ་ཉིད་ཡང་ཡང་བསྒོམ་སྟེ་དམིགས་སྐོར་བཅུ་པའོ། །ལྔ་པ་གཏུམ་མོ་ཤིན་ཏུ་རྒྱས་པ་ནི། འདི་ཡང་ཞལ་གདམས་ཐོར་བུ་པའི་ནང་ནས་འབྱུང་སྟེ། ཡེ་ཤེས་གྲུབ་པའི་མཆོད་བརྗོད་ཀྱི་དོན་ཉམས་སུ་ལེན་ཚུལ་ལོ། །དེ་ཡང་ཆོས་འབྱུང་དམར་པོའི་རྩ་བ་ལྟེ་འོག་སོར་བཞིའམ་རྒྱུ་ཞབས་སུ་ཟུག །གདེངས་ཀ་ལྟེ་བའི་ཐད་དང་མཉམ་པ། ལུས་ཀྱི་དབུས་སུ་རྩ་རོ་རྐྱང་དབུ་གསུམ་སྤྱི་དང་མཐུན་པ་གསལ་གདབ། འཁོར་ལོ་བཞི་པོ་ཡང་སྤྱི་དང་མཐུན་པ་ལས། ཐམས་ཅད་ཀྱང་པདྨ་འདབ་མ་བཞི་པའི་རྣམ་པ་ཅན་ལྟེ་བ་དམར། སྙིང་ག་སྔོ། མགྲིན་པ་སེར། སྤྱི་བོ་དཀར་བའོ། །དབུ་མའི་ནང་ལྟེ་བར་བཾ་དམར་པོ། ཉི་མའི་དཀྱིལ་འཁོར་ལ་གནས་པ། དམིགས་པ་གསལ་ན་བཾ་གྱི་མཐར་སྐོར་དུ་དབྱངས་ཡིག་བཅུ་དྲུག་དམར་ཞིང་ཕྲ་བས་གཡོན་སྐོར་དུ་བསྐོར་བ་བསྒོམ། སྙིང་གའི་དབུས་སུ་ཧཱུཾ་སྔོན་པོ། འདབ་མ་བཞི་ལ་མདུན་དུ་ཨོཾ་དཀར་པོ། གཡས་སུ་ཏྲཾ་སེར་པོ། རྒྱབ་ཏུ་ཧྲིཿདམར་པོ། གཡོན་དུ་ཨཱཿལྗང་ཁུ། མགྲིན་པར་དབུས་སུ་མུཾ་ཡིག་ནག་པོ། ཤར་དུ་ལཾ་དཀར་པོ། ལྷོར་མཱཾ་སེར་པོ། ནུབ་ཏུ་པཾ་དམར་པོ། བྱང་དུ་ཏྲཱཾ་ལྗང་ཁུ། སྤྱི་བོར་ཧཾ་སྔོ་སྐྱ་མགོ་བོ་ཐུར་དུ་བསྟན་པ་བསམ། བཤང་ལམ་དུ་ཡཾ་སྔོན་པོ། སུམ་མདོར་རཾ་དམར་པོ་གསལ་བཏབ་སྟེ་རླུང་རོ་བསལ། བུམ་ཅན་ཁ་སྦྱོར་དྲག་


TNT12_Page_0288
[མ་དཔེ་གཟིགས་ན་འདིར་གནོན།]

ཏུ་བཟུང༌། ཡཾ་ལས་རླུང་གཡོས། རཾ་མེར་འབར་བ་ཆོས་འབྱུང་གི་མས་སྣ་ནས་ཞུགས། དབུ་མའི་ལམ་བརྒྱུད། ལྟེ་བའི་འཁོར་ལོ་བསྲེགས་ཤིང༌། བཾ་ལས་ཀྱང་མེ་འབར་བ་དང་ལྷན་ཅིག་ཡར་སོང༌། སྙིང་ག་མགྲིན་པ་སྤྱི་བོའི་འཁོར་ལོ་རྣམས་ལྕགས་བསྲེགས་པ་བཞིན་དམར་ལམ་གྱིས་བསྲེགས། དབུ་མའི་ཡས་སྣ་ནས་འཐོན་ཏེ། གཡས་སུ་འཁྱོགས། ཕག་ཞལ་གྱི་སྣ་བུག་གཡས་ནས་ཐོན། ནམ་མཁའ་གང་བའི་སངས་རྒྱས་རྣམས་ཀྱི་ཤངས་བུག་གཡོན་ནས་ཞུགས། སྐུ་ལུས་གང༌། ཟག་མེད་ཀྱི་བདེ་བ་བདུད་རྩི་བྱང་སེམས་ཀྱི་རྣམ་པར་ཚུར་དྲངས་ཏེ། དེ་རྣམས་ཀྱི་ཤངས་བུག་གཡས་ནས་བྱུང་ཚུར་འདུས། ཕག་ཞལ་གྱི་ཤངས་བུག་གཡོན་ནས་ཞུགས། སྤྱི་བོའི་ཧཾ་ལ་ཐིམ། ཧཾ་ལས་བྱང་ཆུབ་ཀྱི་སེམས་ཀྱི་རྒྱུན་བབས། རྩ་འཁོར་རེ་རེ་གང་ཞིང༌། སྔར་མེས་བསྲེགས་པའི་ཚ་དཔལ་ཞི་སྟེ་གསོས་ཤིང་དྲི་མ་མེད་པར་བྱས་ནས། མཐར་ཐམས་ཅད་ལྟེ་བའི་བཾ་ལ་ཐིམ་པས། ལྷན་ཅིག་སྐྱེས་པའི་ཡེ་ཤེས་རྒྱུད་ལ་སྐྱེས་པར་བསམ། འདི་ཞལ་གཉིས་མ་བསྒོམ་པའི་དབང་དུ་བྱས་པ་ཡིན། གཡས་ཞལ་མེད་པ་དབུ་བཅད་མ་ལྟ་བུ་ལ། མེ་ལྕེ་དབུ་མའི་མས་སྣ་ནས་མདུན་དུ་འཁྱོགས་ཏེ། ཤངས་དངོས་ཀྱི་བུ་ག་ནས་འགྲོ་འོང་བྱེད་དགོས་སོ། །དམིགས་སྐོར་བཅུ་གཅིག་པའོ། །དེ་ལྟར་གཏུམ་མོའི་རྣལ་འབྱོར་འདི་རྣམས་བསྒོམ་ན། རྟགས་ལྔ་དང་ཡོན་ཏན་བརྒྱད་སྐྱེ་བ་ལ་ཤིན་ཏུ་མྱུར་བ་ཡིན་ནོ། །དེ་ཡན་ཆད་ཀྱིས་སྒོམ་ཐབས་དྲུག་ལས། ཡི་གེ་ལ་བསླབ་པ་ཞེས་བྱ་བ་གཏུམ་མོའི་མན་ངག་ཚར་


TNT12_Page_0289
[མ་དཔེ་གཟིགས་ན་འདིར་གནོན།]

རོ། །བཞི་པ་འོད་ལུས་ལ་བསླབ་པ་ལ། གཉིད་སད་དུས་ཀྱི་གདམས་ངག་དང༌། རྨི་ལམ་གྱི་གདམ་པ་གཉིས་སོ། །དང་པོ་ནི། ཐུན་གྱི་སྔོན་འགྲོ་སྔར་དང་འདྲ། རང་གི་སྤྱི་བོར་བླ་མ་སྐུ་དངོས་སམ་རྡོ་རྗེ་འཆང༌། ལྟེ་བར་བཾ་དམར་པོ། རང་གི་སྐྱིལ་ཀྲུང་གི་འོག་ཕྱོགས་སམ། ལྷའི་རྣམ་པ་བཞེངས་པར་བསྒོམས་ཡོད་ན་དེའི་རྐང་པའི་བར་དུ་ཡཾ་སྔོན་པོ། བརླའི་བར་དུ་རཾ་དམར་པོ། རླུང་འཇམ་རླུང་བཟུང་ལ། ཡཾ་གྱིས་རླུང་གཡོས། རཾ་གྱིས་མེ་སྤར་བ་རང་གི་ལུས་ལ་ཞུགས་པས། བཾ་ཡིག་ལ་རེག །བཾ་ལས་མེ་ལྕེ་ཕྱོགས་བཅུར་འབར་བས། རང་ལུས་ཐ་མལ་གྱི་རྣམ་པ་བསྲེགས་པའམ། ལྷའི་སྐུའི་རྣམ་པ་ཅན་དུ་བསྒོམ་པ་ཡིན་ཡང་ཐོགས་བཅས་རྣམས་བསྲེགས་པར་བསམ། ལྷ་སྐུ་འཇའ་ཚོན་ལྟར་འོད་དུ་ཡལ་ཡལ་བ་ལ། སྒྱུ་མ་ལྟ་བུའོ་ཞེས་དྲན་པར་བྱས་ནས་ཅི་ནུས་སུ་མཉམ་པར་འཇོག་ཅིང་ཡང་ཡང་བསྒོམ། དམིགས་པའི་ཡན་ལག་སྔར་དང་འདྲ་བ་ལས། མེ་ཁྱེར་ཀྱི་དོད་དུ་མར་མེའི་རྟགས་སྦྱར་རོ། །འདི་ཐུན་མོང་གི་གདམ་པ་ལས་འབྱུང་བ་ཡིན། དམིགས་སྐོར་བཅུ་གཉིས་པའོ། །གཉིས་པ་རྨི་ལམ་གྱི་གདམས་ངག་ནི། མཆོག་གི་གདམས་པ་ལས་འབྱུང་སྟེ། གཞུང་ལས། གང་ཚེ་རྨི་ལམ་དུ་ནི་བླ་མེད་བྱང་ཆུབ་མཆོག།ཐོབ་ནས་རིང་པོར་མི་ཐོགས་བརྟན་པས་མཆོག་འགྲུབ་བོ། །ཅེས་རྨི་ཉམས་ཙམ་ཞིག་བསྟན་པས་ཀྱང༌། དོན་གྱིས་རྨི་ལམ་གྱི་གདམས་ངག་བསྟན་པར་བཞེད་དེ། དེ་ཡང་སྔོན་འགྲོར། རླུང་ལ་


TNT12_Page_0290
[མ་དཔེ་གཟིགས་ན་འདིར་གནོན།]

བསླབ་པ་དང༌། འོད་ལུས་ལ་བསླབ་པ་དངོས་ལ་ཅུང་ཟད་སྦྱངས། དམིགས་པའི་ཡན་ལག་གི་སྐབས་སུ། དོ་ནུབ་ཅིས་ཀྱང་རྨི་ལམ་ཟིན་པར་བྱ་སྙམ་པའི་འདུན་པ་དྲག་པོ་རེ་དང༌། མགྲིན་པར་ཨོཾ་སེར་པོ་ལ་སེམས་ཅུང་ཟད་གཏོད་པ་སྤེལ་ཏེ་ལན་མང་དུ་སྒོམ། མཚན་མོ་ཉལ་ཁར་རླུང་ལ་བསླབ་པ་དང༌། འོད་ལུས་ལ་བསླབ་པའི་དམིགས་པ་ནན་ཏན་དུ་བསྒོམ་ནས། ཐུན་མཚམས་མི་བྱེད་པར་དེའི་འཕྲོས་ལ། ཙོག་པུའམ་སེང་གེའི་ཉལ་སྟབས་བྱ། གོང་གི་ཉམས་དང་མ་བྲལ་བའི་ངང་ནས། རྨི་ལམ་ཟིན་པར་བྱའོ་སྙམ་པའི་འདུན་པ་ཅུང་ཟད་དང༌། མགྲིན་པའི་ཨོཾ་སེར་པོ་ལ་སེམས་བག་རེ་བསྟད་པའི་ངང་ནས། རླུང་རང་བབས་སུ་བཞག་ནས་གཉིད་ལོག །ནངས་པར་གཉིས་སད་ནས་གཏོར་མ་ལ་སོགས་པ་ཐུན་མཚམས་ཀྱི་བྱ་བ་ཅི་རིགས་པ་བྱའོ། །དེ་ལྟར་སྒོམ་པས་མྱུར་དུ་རྨི་ལམ་ཟིན་པར་འགྱུར་ཞིང༌། འོན་ཀྱང་ལན་གཅིག་ཟིན་པས་མི་ཆོགཟིན་པ་བརྟན་པོར་མ་སོང་གི་བར་དུ་འབད་དེ་བསྒོམ་དགོས། དམིགས་སྐོར་བཅུ་གསུམ་པའོ། །དེ་ནས་རྨི་ལམ་ལྷར་སྦྱང་བ་ནི། ཉིན་པར་རླུང་སྦྱང་བ་སྔོན་དུ་འགྲོ་བས་འོད་ལུས་ཀྱི་རྣལ་འབྱོར་ལ་བསླབ། དེའི་སྐབས་ཐམས་ཅད་ལ་དོ་ནུབ་རྨི་ལམ་དུ་ཡང༌། ལྷ་སྐུ་སྣང་སྟོང་འདི་ཁོ་ན་བསྒོམ་པར་བྱ་སྙམ་དུ་འདུན་པ་དུང་དུང་པོ་ཡང་ཡང་སྦྱར། ཉལ་ཁར་ཡང་སྔར་བཞིན་ལས། འདུན་པ་དེ་ཉིད་ཡང་ཡང་སྦྱོང་བ་གནད་དུ་ཆེ། དེ་ལྟར་གོམས་


TNT12_Page_0291
[མ་དཔེ་གཟིགས་ན་འདིར་གནོན།]

པས་ཐོག་མར་རྨི་ལམ་དུ་ལྷ་སྐུ་གཅིག་ཙམ་རང་ཤར་དུ་འབྱུང་ཞིང༌། མཐར་སྣང་བ་ཐམས་ཅད་ལྷ་སྐུར་བསྒྱུར་བའི་བར་དུ་འབྱུང་སྟེ། གཞན་གྱི་ལུགས་ཀྱི་སྤྲུལ་སྒྱུར་སོགས་ཐམས་ཅད་ཞོར་ལ་འབྱུང་བའོ། །དམིགས་སྐོར་བཅུ་བཞི་པའོ། །དེས་སྒོམ་ཐབས་བཞི་པ་འོད་ལུས་ལ་བསླབ་པ་ཚར། ལྔ་པ་འོད་གསལ་ལ་བསླབ་པ་ལ། འོད་གསལ་དངོས་དང༌། འོད་གསལ་གྱི་ཡན་ལག་གཉིས་སོ། །དང་པོ་ནི། ཐུན་གྱི་སྔོན་འགྲོ་སྔར་བཞིན། དངོས་གཞི་འོད་ལུས་སུ་སྦྱོང་བའི་དམིགས་པ་དེ་ཚར་གཅིག་སོང་བའི་རྗེས་ལ། རང་ལུས་འཇའ་ཚོན་ལྟ་བུའི་ལྷ་སྐུ་དེ་ཡང་ཤིན་ཏུ་དྭངས་པ། ཇེ་དྭངས་ཇེ་དྭངས་སུ་སོང༌། ཇེ་སྲབ་ཇེ་སྲབ་ལ་ནམ་མཁའ་ལ་འཇའ་ཡལ་བ་བཞིན་དུ་གྱུར་ཏེ་སྤྲོས་པ་ཐམས་ཅད་དང་བྲལ་བའི་ངང་དུ་རྩེན་ནེ་བཞག །འཛིན་པ་མེད་པར་ལྷོད་དེ་ཤིག་སེ་བཞག །བཅས་བཅོས་མེད་པ་རང་སོར་བཞག །བསལ་འགྲིབ་མེད་པར་རྗེན་ནེ་བཞག་གོ །ཡང་སྔར་བཞིན་ལྷ་སྐུར་སྐད་ཅིག་གིས་གསལ་བཏབ་སྟེ་སྟོང་པར་སྦྱང་བ་ལན་འགའ་ཡར་སོང་བ་ན། ཡང་ཐོགས་བཅས་ཀྱི་ལུས་བསྲེག་པའི་དམིགས་པ་མགོར་སྦྱར་བའི་འོད་ལུས་སྟོང་པར་སྦྱང་བ་རྒྱས་པ་དེ་ཚར་རེ་བྱས་ནས། ལྷ་སྐུ་སྟོང་པར་སྦྱང་བ་བསྡུས་པ་དེ་སྔར་ལྟར་ལན་མང་དུ་སྒོམ། དེ་ལྟར་སྤེལ་གྱིས་སྒོམ་མོ། དམིགས་པའི་ཡན་ལག་སྔར་དང་འདྲ་བ་ལས། མར་མེའི་རྟགས་ཀྱི་དོད་དུ་ནམ་མཁའ་སྤྲིན་མེད་


TNT12_Page_0292
[མ་དཔེ་གཟིགས་ན་འདིར་གནོན།]

པའི་རྟགས་སྦྱར་རོ། །འདི་ཐུན་མོང་གི་ཞལ་གདམས་ལས་འབྱུང་བ་ཡིན། དམིགས་སྐོར་བཅོ་ལྔ་པའོ། །གཉིས་པ་འོད་གསལ་གྱི་མན་ངག་ནི། མཆོག་གི་ཞལ་གདམས་ལས་འབྱུང་བ་ཡིན་ཏེ། དེ་ལ་བཞི། གཉིད་འོད་གསལ་དང་བསྲེ་བ། འཆི་བ་འོད་གསལ་དང་བསྲེ་བ། དེ་དང་བར་དོ་བསྲེ་བ། འདའ་ཀ་འཕོ་བའི་གདམས་པ་སྟེ་བཞིའོ། །དང་པོ་ནི་ཉིན་མོའི་འོད་གསལ་ལ་ཅུང་ཟད་གོམས་ཤིང་ཉམས་ཅི་རིགས་པ་ཤར་ན། ཉལ་ཁར་ལྟེ་བའི་བཾ་ལ་སེམས་བསྟད། སྔར་གྱི་ཉམས་མྱོང་དེ་ཀ་ལ་མཉམ་པར་བཞག་སྟེ་གཉིད་ལོག་པས། མི་རིང་བར་གཉིད་འོད་གསལ་དུ་ཆུག་པར་འགྱུར་རོ། །དམིགས་སྐོར་བཅུ་དྲུག་པའོ། །རྨི་ལམ་དང་འོད་གསལ་སྒོམ་པའི་སྐབས་ཐམས་ཅད་དུ་དབུ་བཅད་མའི་རྩ་གསུམ་གྱི་གདམས་པ་བསྒོམ་པ་ཤིན་ཏུ་གནད་དུ་ཆེ་ཞིང་གདམས་པ་གཞན་མེད་ཀྱང་ཆོག་པར་བཞེད་དོ། །གཉིས་པ་ནི། ད་ལྟ་རྒྱུན་གྱི་ཉམས་ལེན་ལ། འཆི་ཁ་དང༌། འཆི་སེམས་དངོས་ཀྱི་ཚེ་ཡང༌། སེམས་བདེ་གསལ་གྱི་རང་ངོས་བཟུང་ཐམས་ཅད་དང་བྲལ་བ་འདི་ཀ་སྐྱོང་རྒྱུ་ཡིན་ཞིང༌། ད་ལྟ་རྟགས་ལྔའི་ཉམས་མྱོང་སྐྱོང་བ་བཞིན་དུ། འཆི་ཁའི་རྟགས་ཐམས་ཅད་ལ་ཡང༌། རྟགས་གང་ཤར་དེ་ཁའི་སྟེང་དུ་བཟོ་བཅོས་མེད་པར་མཉམ་པར་འཇོག་རྒྱུ་ཡིན། ད་ལྟ་ཡང་མཉམ་བཞག་ཐུན་མཚམས་ཀྱི་སྒོམ་རེ་བྱེད་བཞིན་དུ། འཆི་བའི་དུས་སུ་ཡང་འདི་ཁོ་ན་ལྟར་བྱེད་སྙམ་པའི་འདུན་པ་ཡང་


TNT12_Page_0293
[མ་དཔེ་གཟིགས་ན་འདིར་གནོན།]

ཡང་གཏོང་བ་ཉིད་ཡིན། ཕྱིས་འཆི་བའི་ཚེ། ལས་ལ་སྦྱོར་ཚུལ་ནི་འདི་ལྟར་བྱ་སྟེ། དང་པོར་ན་འཆི་བ་དྲན་པ་ནི། ལུས་ཅན་ཐམས་ཅད་ཀྱི་ཐ་མ་འཆི་བ་ལ་ཐུག་པས། འཆི་བ་ལ་གདུང་བ་བྱར་མེད། སྐབས་འདིར་ཆོས་ཀྱི་སླེབ་པར་བྱ་དགོས་སྙམ་པའོ། །གཉིས་པར་ན། འཆི་བ་ལ་མི་འགྱོད་པ་བྱ་བ། ཉེས་ལྟུང་རྣམས་བཤགས། ཤ་འཁོན་རྣམས་སྦྱངས། ཞེན་ཆགས་རྣམས་བཅད་པར་བྱའོ། །གསུམ་པར་ན། འཆི་བ་དངོས་གྲུབ་ཏུ་ལེན་པ་ཞེས་བྱ་བ་ཡོ་བྱད་ཐམས་ཅད་སྦྱིན་པར་བཏང༌། བླ་མ་ཡི་དམ་ལ་གསོལ་བ་དྲག་ཏུ་བཏབ། བདག་འཆི་བ་ཆོས་ཀྱི་སྐུར་ཉམས་སུ་བླངས་པས་ཆོག་པ་རེ་དགའ་ན་སྙམ་བུ་ཕ་ཁྱིམ་དུ་འཇུག་པ་ལྟར་སྤྲོ་སིང་ངེ་བྱ། བཞི་པར་ན། འཆི་བ་ངོ་ཤེས་པར་བྱ་བ་ནི། འབྱུང་བཞི་ཐིམ་རིམ་སྣང་གསུམ་འོད་གསལ་རྣམས། གང་ཤར་བའི་ཚེ་དེ་ལ་ངོ་ཤེས་བྱས་ནས་ཆེ་རེ་མཉམ་པར་འཇོག་པ་ཡིན་ནོ། །ལྔ་པར་ན། འཆི་བ་ཆོས་སྐུར་འཁྱེར་བའི་གནད་ནི། རང་ལུས་དང་སྣང་བ་ཐམས་ཅད་རྨི་ལམ་ལྟར་བདེན་མེད་དུ་ཐག་བཅད། ནུས་ན་རླུང་ཁ་སྦྱོར་དུ་བཟུང༌། མི་ནུས་ན་རང་བབས་སུ་བཞག །སེམས་འོད་གསལ་སྤྲོས་བྲལ་དེ་ཀའི་ངང་བསྐྱང་བར་བྱའོ། །དམིགས་སྐོར་བཅུ་བདུན་པའོ། །གསུམ་པ་ནི། སྔར་ལྟར་འོད་གསལ་སྒོམ་པའི་ངང་ནས། རང་ཉིད་རྡོ་རྗེ་ཕག་མོའི་སྐུ་འཇའ་ཚོན་ལྟ་བུར་ཁྲོང་གྀས་གསལ་བ་དང༌། སྣང་བ་ཐམས་ཅད་ཀྱང་དཀྱིལ་འཁོར་དུ་མོས། བདག་བར་དོའི་གནས་སྐབས་སུ་ཡང་འདི་ཁོ་ན་བསྒོམ་པར་བྱའོ་སྙམ་


TNT12_Page_0294
[མ་དཔེ་གཟིགས་ན་འདིར་གནོན།]

པའི་འདུན་པ་སྦྱངས་ཤིང༌། ཐུན་མཚམས་སྤྱོད་ལམ་ཀུན་ཏུ་འདི་ཐམས་ཅད་བར་དོ་ཡིན་པར་འདུག །ད་མ་འཁྲུལ་བ་བྱེད་དགོས་སྙམ་པས་འོད་གསལ་དང༌། ལྷ་སྐུ་དང༌། སྒྱུ་མ་ལྟ་བུ་དེ་ཡང་ཡང་དྲན་པར་བྱ། དམིགས་སྐོར་བཅོ་བརྒྱད་པའོ། །བཞི་པ་ནི། རླུང་སྦྱངས་པ་ཅི་རིགས་པ་སྔོན་དུ་བཏང་ནས། ལྟེ་བའི་བཾ་ལས་འོད་ཀྱི་གོང་བུ་རེའམ་ཧཱུཾ་རེ་ཆད་ནས། བཤང་ལམ་ཆུ་སོ། ལྟེ་བ། ཁ། སྣ་བུག རྣ་བ། མིག །དཔྲལ་བའི་སྒོ་རྣམས་བཀག །གོང་མའི་ཡི་གེ་ན་མི་གསལ་ཡང༌། སྙིང་ག །དཔུང་པ། སྤྱི་གཙུག་གི་སྒོ་ཕྱི་ནང་གཉིས་ལས། གཙུག་སྒོ་ཕྱི་མ་སྟེ་གསུམ་པོ་འདི་རྣམས་ཀྱང་བཀག་ན་ལེགས། ལུས་ཀྱི་དབུས་སུ་རྩ་དབུ་མ་ཟངས་དུང་ལྟ་བུའི་ནང་ནས། པདྨ་དམར་པོ་ཉི་ཤུ་རྩ་བརྒྱད་བརྩེགས་པ། རང་སེམས་བཾ་ཡིག་གམ་ཐིག་ལེ་དཀར་པོའི་རྣམ་པ། ལྟེ་འོག་སོར་བཞི། པདྨ་རྣམས་ཀྱི་འོག་ན་ཡོད་པར་དམིགས། རླུང་ཁ་སྦྱོར་ཅུང་ཟད་བཟུང༌། རླུང་ཕྱིར་འགྲོ་དང་བསྟུན་ཏེ་ཧལ་གྱི་སྒྲ་ལྔས། རླུང་སེམས་རྣམས་བཾ་ལ་བསྡུས་པ་དེ། སྒྲ་རེ་རེས་པདྨ་རེ་རེའི་སྟེང་དུ། ཡར་ཡར་སྤར་བར་བྱའོ། །ཧིག་གི་སྒྲ་ལྔ་ལའང་དེ་བཞིན་དུ་སྦྱར། ཡང་ན། འདི་ལ་ཧལ་གྱི་སྒྲས་བཀུག་ནས་ཧིཀ་གིས་འཛིན་ཅེས་ཟེར་བའང་འདུག །དེ་བཞིན་དུ་ཧིཀ་ཅེས་པའི་སྒྲ་ལྔ་དང༌། ཧཱུཾ་གི་སྒྲ་ལྔ་དང༌། ཧཀ་གི་སྒྲ་ལྔ་དང༌། ཧཱུཾ་ཡིག་གི་སྒྲ་ལྔས་ཀྱང༌། གོང་བཞིན་སྤར་ཏེ། སྒྲ་ཐ་མ་ལ་བཾ་ཡིག་སྤྱི་གཙུག་གི་སྟེང་དུ་འབུར་རེ་ཐོན་པར་བསམ། དེ་རྗེས་རླུང་ནང་དུ་


TNT12_Page_0295
[མ་དཔེ་གཟིགས་ན་འདིར་གནོན།]

དལ་བུས་ཤུགས་བསྐྱེད་དེ་རྔུབ་པ་དང༌། བཾ་དེ་མར་ལ་རིམ་གྱིས་བབས་ནས་ལྟེ་འོག་སྔར་ཤུལ་དུ་འདུག་པར་བསམ། རྐང་མཐིལ་བརྡུང་བའམ་འབེབས་ཆུང་གཅིག་གཉིས་བྱས་ན་ལེགས། མྱུར་དུ་འཕོ་བ་འབྱོངས་པའི་རྟགས་འབྱུང༌། འཆི་བའི་ཚེ་ལས་ལ་སྦྱར་བ་ནི། གཞན་སྔར་དང་འདྲ་བ་ལས། མར་འབེབས་པ་མི་དགོས། བཾ་དེ་སྤྱི་གཙུག་ནས་རྒྱང་འཐོན་ནས། དགའ་ལྡན་ནམ་བདེ་བ་ཅན་ལ་སོགས་པར་འཕོས་ན་སྤྲུལ་སྐུའི་འཕོ་བ་ཡིན། བླ་མ་ཡི་དམ་སོགས་ཀྱི་ཐུགས་ཀར་འཕོས་ན་ལོངས་སྐུའི་འཕོ་བ་ཡིན། འདི་ལ་དམིགས་པ་མི་གསལ་ན་ཐང་ཁ་ལ་སོགས་པ་ལ་དམིགས་པ་གཏོད་པ་ཡིན། དབྱིངས་སུ་འཕོས་ཏེ་རིག་པ་ནམ་མཁའ་དང་བསྲེས་ནས། སྤྲོས་བྲལ་དུ་མཉམ་པར་བཞག་ན་ཆོས་སྐུའི་འཕོ་བའོ། །སྣ་བུག་ནས་འཕོ་བར་ཡང་བཞེད་དེ་མི་ལེགས་ཞེས་ཀྱང་གསུང་ལ། ལུས་ཀྱི་སྒོ་དགུ་བག་ཟན་གྱིས་དགག་པ་དང༌། མགྲིན་པའི་རྩ་སྡོམ་པ་དང༌། ཚངས་སྦུག་གི་སྐྲ་བཏོགས་ཏེ་ལྷ་ལ་འབུལ་བ་སོགས་ཀྱང༌། མན་ངག་གི་རྣམ་གྲངས་ཙམ་དུ་མཛད་དོ། །དམིགས་སྐོར་བཅུ་དགུ་པའོ། །དེས་སྒོམ་ཐབས་དྲུག་ལས། འོད་གསལ་སྒོམ་པའི་མན་ངག་ཚར། དྲུག་པ་ཟུང་འཇུག་ལ་བསླབ་པ་ལ། དངོས་དང་བོགས་འདོན་གཉིས། དང་པོ་ནི། ཐུན་མོང་གི་གདམས་པ་ལས་འབྱུང་སྟེ། ཐུན་གྱི་སྔོན་འགྲོ་སྔར་ལྟར། ལྷ་སྐུ་སྣང་སྟོང་འོད་གསལ་གྱི་དམིགས་པ་སྒོམ་པའི་རྗེས་ལ། སྟོང་པའི་ངང་ལས། ཆུ་ལས་རླབས་རྡོལ་བ་ལྟར། བཾ་དམར་པོ་ཞིག་ཝལ་གྱིས་བྱུང༌། དེའི་སྟེང་ཁྲུ་གང་ཙམ་གྱི་ནམ་


TNT12_Page_0296
[མ་དཔེ་གཟིགས་ན་འདིར་གནོན།]

མཁའི་མཐོངས་སུ་ཧཾ་དཀར་པོ་ཞིག་ཀྱང་ལམ་གྱིས་བྱུང༌། བཾ་གྱི་མེ་འོད་ཀྱིས་གདུང་བ་ཇེ་ཆེ་ཇེ་ཆེར་འབར་བས། ཧཾ་ཞུ་བའི་བྱང་ཆུབ་ཀྱི་སེམས་ཀྱི་རྒྱུན་དངུལ་ཆུའི་ཐིགས་པ་ལྟར་ཐིགས་པའམ། བ་ཐག་ལྟར་ཕྲ་ན་ར་ར་བབས། བཾ་ལ་ཐིམ་པས་བཾ་ཡིག་གཟི་བརྗིད་རྒྱས་པར་གྱུར། ཡིག་འབྲུ་གཉིས་ལ་ཤེས་པ་ཆེ་རེ་གཏད་པས། དེ་གཉིས་ཇེ་ཉེ་ཇེ་ཉེར་སོང་སྟེ། ཧཾ་དང་བཾ་ཁྲུག་ཆིལ་གྱིས་འདྲེས། ལྷན་ཅིག་སྐྱེས་པའི་ཡེ་ཤེས་རྒྱུད་ལ་སྐྱེས་པར་བསམ། བདེ་སྟོང་ཟུང་འཇུག་དེ་ཉིད་རང་རྗེ་བཙུན་རྡོ་རྗེ་རྣལ་འབྱོར་མའི་སྐུར་ཁྲ་གསལ་ཏེ་སོང་བ་ལ་མཉམ་པར་བཞག །སྣང་བ་ཐམས་ཅད་ལ་དེ་ཀས་རྒྱས་བཏབ། དམིགས་པའི་ཡན་ལག་ལོགས་པ་མི་དགོས། རྒྱས་བཏབ་དེ་ཁོ་ན་ཡིན་ནོ། །དམིགས་ཆེན་སྐོར་ཉི་ཤུ་པ་སྟེ། རང་ལུས་ཐབས་ལྡན་གྱི་དམིགས་པ་རྣམས་རྫོགས་སོ། །གཉིས་པ་ནི། གཞན་ལུས་ལས་ཀྱི་ཕྱག་རྒྱའི་མན་ངག་སྟེ། མཆོག་གི་གདམས་པའི་ནང་ནས་འབྱུང་བ་ཐིག་ལེའི་ཞལ་གདམས་ཞེས་བྱ་བ་དེ་ཡིན་ལ། འདི་ལ་ཡི་གེ་ལོགས་སུ་བཀོད་ཡོད་ཅིང༌། བླ་མའི་མན་ངག་ལས་རྟོགས་དགོས་པའི་ཕྱིར་འདིར་མ་བཤད་དོ། །དེ་ཡང་སྒོམ་པ་དྲུག་པོ་འདི་དག །གཞུང་ལས། དང་པོ་རི་དྭགས་སྲེད་བྱེད་སྣང་བ་སྟེ། །ཅེས་པ་ལ་སོགས་པ་རྟགས་ལྔ་དང་འབྲས་བུའི་རྣམ་བཞག་གསལ་བར་གསུངས་པའི་ལག་ལེན་མན་ངག་ཏུ་བཞེད་ཅིང༌། གང་ཟག་གཅིག་གིས་དྲུག་ཅར་རིམ་ཅན་དུ་སྒོམ་པའི་དབང་དུ་བྱས་ནས། སྒོམ་པ་དང་པོ་ལྔ་ལ། ཐུན་མཚམས་


TNT12_Page_0297
[མ་དཔེ་གཟིགས་ན་འདིར་གནོན།]

ཀྱི་སྐབས་སུ་རྟགས་ལྔ་རིམ་ཅན་དུ་སྦྱར་བ་ཡིན་གྱི། ལམ་བློ་ཆོད་ལྟར་བསྒོམས་ན། དྲུག་པོ་དེ་དག་ལས་རང་གང་མོས་པ་རེ་རེའམ་གཉིས་གཉིས་སོགས་ནས་བསྒོམས་པས་ཆོ་ག་སྟེ། དེའི་ཚེ་ན་རེ་རེ་ལ་ཡང་རིམ་གྱིས་རྟགས་ལྔ་འཆར་བར་འགྱུར་བ་ཡིན་པས། དམིགས་པའི་ཡན་ལག་ཐུན་མཚམས་ལམ་འཁྱེར་ལ། རྟགས་ལྔ་སོ་སོའི་མོས་པ་མི་དགོས། སྒྱུ་མ་ལྟ་བུར་མོས་ནས་རང་བབས་སུ་གློད་པ་ཁོ་ནས་ཆོག་གོ །འོན་ཏེ་དྲུག་པོ་ཁྲིགས་ཆགས་སུ་སྒོམ་པ་ལ་ཡང༌། རེ་རེའི་སྐབས་སུ་རྟགས་ལྔ་ཚང་བར་འཆར་བ་མིན་ནམ་སྙམ་ན། མཐོང་སྣང་གི་རྟགས་ལྔ་འཆར་མོད། འདིར་རྟགས་ཅན་གྱི་ཡེ་ཤེས་བརྟན་གཡོའི་ཚད་ཀྱི་དཔེར་སྦྱར་བའི་རྟགས་ལྔར་བཞེད་པས། རིམ་པ་ལྔ་ལ་རྟགས་ལྔ་རེ་རེ་སྦྱར། དྲུག་པ་ལ་འབྲས་བུ་དང་སྦྱར་བ་མི་འགལ་ལོ། །སྒོམ་ཐབས་དྲུག་པོ་ཨཱརྱ་དེ་བའི་སྤྱོད་བསྡུས་ཀྱི་རིམ་པ་དྲུག་གི་མན་ངག་དང་འབྱོར་ཏེ། དབྱིབས་ལུས་དབྱེ་ན། རླུང་ངག་དབྱེ་ན། ཡིག་འབྲུ་སེམས་དབྱེ་ན། ཞེས་བྱ་ཞིང༌། འོད་ལུས་བདག་བྱིན་བརླབ་པ་ཡིན་ལ། འོད་གསལ་དང་ཟུང་འཇུག་གི་དོན་དུ་མ་ཟད་མིང་ཡང་གཅིག་གོ །རྒྱུན་གྱི་གེགས་སེལ་བོགས་འདོན་གཉིས་ནི། སྒོམ་པ་དྲུག་པོ་གང་ལ་བརྟེན་ཡང་འདྲ་སྟེ། སེམས་ཅུང་ཟད་ནི་གནས། བརྟན་པ་མ་ཐོབ་པའི་སྐབས་དེར། བྱིངས་རྒོད་ཀྱི་གེགས་མང་དུ་འབྱུང་བས། བྱིངས་རྒོད་བསལ་ཚུལ་ཐུན་མོང་བ་རྣམས་སྤྱི་དང་འདྲ། གནད་ཀྱི་གཙོ་བོ་བྱིངས་ན་བྱིངས་པ་ཉིད་ཀྱི་རང་ངོ་ལ་བལྟས་པས། ངོས་བཟུང་མེད་པ་གསལ་ཧྲིག་གེ་བ་ལ་མཉམ་


TNT12_Page_0298
[མ་དཔེ་གཟིགས་ན་འདིར་གནོན།]

པར་བཞག །བྱིངས་པ་མཉམ་བཞག་མི་རྟོག་པ་ལ་ངོ་སྤྲད་ཅིང་བོགས་འདོན། འཕྲོ་རྒོད་བྱུང་ན། འཕྲོ་རྒོད་རེ་རེ་བཞིན་ཁོ་རང་གི་རང་ཞལ་ལ་ཆེ་རེ་བལྟས་ཤིང་བཅོས་མེད་དུ་བཞག་པས། རིག་པ་གསལ་སིང་ངེ་བ། སྣང་བ་བཀྲ་ལམ་མེ་བ། འཛིན་མེད་ངོས་བཟུང་དང་བྲལ་བ་དེ་ཀ་སྐྱོང་དགོས་ཏེ། རྒོད་པ་མཉམ་ལངས་གསལ་བའི་ཏིང་ངེ་འཛིན་དུ་ངོ་སྤྲོད་པའོ། །གེགས་སེལ་བོགས་འདོན་གྱི་རྣམ་གྲངས་ཅིག་ལ་རླུང་སྟོད་དུ་ཚངས་ཤིང་སེམས་མི་གནས་ན། འོག་རླུང་དྲག་ཏུ་འཐེན། བཤང་ལམ་དམར་ཟིང་ངེ་བ་ལ་སེམས་བསྟད། བདེ་བ་ཤས་ཆུང་ན་ལྟེ་བའི་བཾ་ལ་སེམས་གཏོད། འོག་སྒོ་འབྱེད་འཛུམ་བྱ། ཡང་རླུང་སྨད་དུ་འདུས་པས་མི་བདེ་ན། དམིགས་པ་སྤྱི་བོར་བསྟད་ལ། ལྟེ་བའི་དབུས་ནས་རླུང་སྤོས་རིང་གི་དུང་པ་ལྟ་བུ་བྱུང༌། ཚངས་བུག་ནས་ཐོན། སྟེང་དུ་གདུགས་ཕུབ་པ་ལྟར་འདུག་པར་བསམ། རླུང་ཁ་སྣ་རེ་མོས་ནས་དྲག་ཏུ་འབུད། སྟོད་དུ་མེ་བདེ་ན་རླུང་སྟོད་དུ་ལོག་པ་ཡིན་པས། རླུང་རྣམས་སྤྱི་བོ་ནས་མར་དུ་བ་དྲག་ཏུ་འཕྱུར་བ་བཞིན་བྱུང༌། ལུས་ཀྱི་དབུས་བརྒྱུད། བཤང་ལམ་ཟངས་དུང་གི་ཕོད་ཀ་འདྲ་བ་ནས་མར་ཐོན། འོག་ཕྱོགས་ཐག་རིང་པོར་འཁྱིལ་ཏེ། ཕུབ་ཀྱི་དབྱིབས་ལྟར་སྒོར་རོ་རོ་འདུག་པ་ལ་སེམས་གཏད། འབེབས་ཆེ་ཆུང་ཅི་རིགས་པ་རན་པར་བྱའོ། །གཞན་ཡང་མེ་ཤས་ཆེ་བས་སྐད་འགག།རོ་སྟོད་ན། ཁྲག་མཁྲིས་རྒྱས་ན། ལྟེ་བའི་བཾ་ལས་མེ་འབར། སྤྱི་བོའི་ཧཾ་ཞུ། ལུས་ཐམས་ཅད་ཁེངས་


TNT12_Page_0299
[མ་དཔེ་གཟིགས་ན་འདིར་གནོན།]

པར་བསམ་པས་སེལ། ཡང་ན་འབབ་ཆུ་རྙོག་མེད་དྭངས་པོ་མཐོང་སར་ཕྱིན། སྣ་བུག་ནས་འོད་ཟེར་སོག་མའི་སྦུབས་ལྟ་བུ་སོང་སྟེ། ཆུ་དཀར་ལ་བསིལ་བ་དྭངས་པ་རྣམས་དྲངས། སྣ་བུག་ནས་ཞུགས། དོན་སྙིང་རྣམས་གྲང་སིལ་གྱིས་བྱུང་བར་བསམ་པས་ངེས་པར་སེལ། ཡང་ཆུ་ཁམས་རྒྱས་པས་ལུས་འདར་ཞིང༌། སྒྱིད་ལུག་ན། སུམ་མདོར་ཆོས་འབྱུང་དམར་པོའི་ནང་དུ། རྡོ་རྗེ་སྔོན་པོ་མེ་འབར་བ་བསྒོམ། ཡང་ན་སྤྱི་བོར་བླ་མ་བསྒོམ། རང་གི་སྤྱི་བོའི་རྩ་ཨ་ཝ་དྷུ་ཏཱིའི་སྒོ་བླ་མའི་གསང་བས་མནན། སྐུ་ལས་མེ་འབར་བས་ལུས་ཀྱི་རྐང་མཐིས་ཡན་ཆད་རིམ་གྱིས་ཁེངས་པར་བསམ། ས་ཁམས་རྒྱས་པས་ལུས་ལྕི་ཞིང་བྱིངས་ན། འོག་རླུང་བསྡམས། གསང་གནས་ནས་མེ་རླུང་འདྲེས་པ་གྱེན་དུ་སོང༌། སྤྱི་བོའི་སྟེང་གི་སྣ་ཚོགས་རྡོ་རྗེ་ལ་ཕོག་པས། གཡོན་སྐོར་དུ་འཁོར་བར་བསྒོམ། ཡང་ན་སྣ་བུག་གི་སྟེང་དུ་སྣ་ཚོགས་རྡོ་རྗེ་བསམས་ལ། རླུང་འཕོག་པས་དྲག་ཏུ་འཁོར་བ་ལ་སེམས་བསྟད་པས་སེལ། རླུང་ཁམས་རྒྱས་པས་ཤེས་པ་འཕྱོ། སྙིང་མི་དགའ་བ་སོགས་བྱུང་ན། གློ་གཡོན་པ་འོག་ཏུ་བཅུག་ནས་ཉལ། སུམ་མདོའི་རཾ་ལས་མེ་སྦར། སྤྱི་བོའི་ཧཾ་ལས་བདུད་རྩི་ཞུན་མར་རམ་ཏིལ་མར་ལྟ་བུ་བབས། ལུས་ཁེངས་པར་བསམ་པས་སེལ། ཐུར་སེལ་གྱི་རྒྱུན་སྡོམ་པའམ། དུས་མིན་དུ་འཆོར་ན། ལྟེ་འོག་ཏུ་བླ་མ་མེ་འབར་བ་བསྒོམ། བླ་མའི་ཞབས་ཀྱིས་གང་ན་སའི་འོག་སྒོ་མནན་པར་བསམ། སྟེང་རླུང་


TNT12_Page_0300
[མ་དཔེ་གཟིགས་ན་འདིར་གནོན།]

གློད་དོ། །གཞན་ཡང་གང་ན་སར་བུ་ག་བརྟོད་ལ། སྒོ་དེ་ནས་ནད་རྣམས་ཐོན་འགྲོ་བར་བསམ། རླུང་དྲག་ཏུ་འབུད་པའམ་ཧ་འདོན། གཞན་ཡང་སྙིང་ལས་སྦྲིད་པ་འབྱུང༌། གློ་བ་ལས་གློ། མཆིན་པ་ལས་གཡལ། མཁལ་མ་ལས་སྐྱིགས་བུ་མཆེར་བ་ལས་སྒྲེགས་པ་འབྱུང་བས། དེ་དང་དེའི་ནད་ལ་དོན་སྣོད་དེ་དག་ལ་དམིགས་ནས་རླུང་ཁ་སྦྱོར་དུ་བཟུང་ཞིང༌། སྐབས་སྐབས་སུ་སྤྲུག་འཁོར་བྱས་ལ། ཧ་འདོན་པ་དང་སྒྲེགས་པ་བཏོན་པས་སེལ། གེགས་སེལ་ཐམས་ཅད་ལ་ཡུལ་སྣ་ཚོགས་ཀྱི་བདུད་རྩི་བསྟེན་པས་ཀྱང་སེལ་ལོ། །ཕག་མོ་དཔྱལ་ལུགས་ཀྱི་གདམས་པ་ཟབ་མོ་འདི་ཡི་གེ་རྙིང་པ་རྣམས་སུ། ཐུན་མོང་གི་གདམས་པ། ཁྱད་པར་གྱི་གདམས་པ་ཐུན་མོང་དང་ཁྱད་པར་གྱི་ངོ་སྤྲོད་རྒྱབ་སྐྱོར། མཆོག་གི་གདམས་པ་ཐོར་བུའི་ཞལ་གདམས་སོགས་སྣ་ཚོགས་ཀྱི་ནང་ན། དཀྲུགས་པ་དང༌། འཐོར་བ་དང༌། གབ་པའི་ཚུལ་གྱི་ཡོད་པ་རྣམས་གབ་འཁྲུགས་མེད་པ་བཀླགས་ཆོག་གི་ཚུལ་དུ་བསྒྲིགས་པའི་ཁྲིད་ཡིག་དངོས་གྲུབ་ཀྱི་འདོད་འཇོ་ཞེས་བྱ་བ་འདི་ཡང༌། ཆོས་ཚུལ་འདི་མི་ནུབ་པར་བྱ་བའི་ཕྱིར་དུ། རྒྱལ་ཁམས་པ་ཏཱ་ར་ནཱ་ཐས་སྦྱར་བའོ།། །།གོ་དོན་རྒྱས་པར་ཡིག་རྙིང་དུ་ཡང་བལྟ་བར་བྱ་ཞིང༌། བློ་གྲོས་དང་ལྡན་པས་རྒྱུད་སྡེ་ལ་སྦྱངས་ན་འབད་མེད་དུ་རྟོགས་པར་འགྱུར་རོ། ཁུངས་ཆེ་བ་དང༌། བྱིན་རླབས་ཆེ་བ་དང༌། རྒྱུད་དོན་དང་འབྲེལ་བ་དང༌། ལམ་རྒྱས་པ་དང༌། ལམ་ཆ་ཚང་བ་སྟེ་ཁྱད་པར་ལྔའི་སྒོ་ནས།


TNT12_Page_0301
[མ་དཔེ་གཟིགས་ན་འདིར་གནོན།]

ཡུམ་བཀའ་རྡོ་རྗེ་ཕག་མོའི་ཁྲིད་ཚུལ་གཞིར་བཞག་པ་ལ། ཁྲིད་ཚུལ་གཞན་ཀུན་ལས་ལུགས་འདི་མཆོག་ཏུ་གྱུར་པར་ངེས་སོ།། །།ཞུས་དག། བཀྲ་ཤིས།། བདག་གིས་དགེ་པ་གང་བསགས་པ། །དཀོམ་མཆོག་ཆོས་ལུགས་རབ་དར་ཞིང་། །སེམས་ཅན་མང་པོར་ཕན་ཡོགས་ནས། །བསྟན་འགྲོའི་དོན་ཆེན་མྱུར་འགྲུབ་ཤོག །ཅེས་པའི་བསྟན་བརྒྱས་སྨོན་བསྡུས་པ་འདིའི་དགྲ་གླ་འཛིན་མ་ལམ་བོ་ནས། མ་ཏིས་བྲིས། དགེ་འོ།

འཕྲིན་ལས་ཐམས་ཅད་འབྱུང་བའི་སྒྲོལ་མ་འདུས་པ་དོན་དམ་པ་ཞེས་བྱ་བ་རྣལ་འབྱོར་མའི་རྒྱུད་ཀྱི་རྒྱལ་པོ།


TNT12_Page_0302
[མ་དཔེ་གཟིགས་ན་འདིར་གནོན།]

འཕྲིན་ལས་ཐམས་ཅད་འབྱུང་བའི་སྒྲོལ་མ་འདུས་པ་དོན་དམ་པ་ཞེས་བྱ་བ་རྣལ་འབྱོར་མའི་རྒྱུད་ཀྱི་རྒྱལ་པོ་བཞུགས།


TNT12_Page_0303
[མ་དཔེ་གཟིགས་ན་འདིར་གནོན།]

ན་མ་སྟཱ་རཱ་ཡཻ། རྒྱ་གར་སྐད་དུ། ས་མ་ཛ་པ་ར་མཱརྠ་སརྦ་ཀརྨོ་ད་ཡ་ནཱ་མ་ཏཱ་རཱ་ཡོ་གི་ནཱི་ཏནྟྲ་ནཱ་ཛ། བོད་སྐད་དུ། འཕྲིན་ལས་ཐམས་ཅད་འབྱུང་བའི་སྒྲོལ་མ་འདུས་པ་དོན་དམ་པ་ཞེས་བྱ་བ་རྣལ་འབྱོར་མའི་རྒྱུད་ཀྱི་རྒྱལ་པོ། སྒྲོལ་མ་ལ་ཕྱག་འཚལ་ལོ། །དེ་ནས་[ལམ་གྱི་ཕན་ཡོན་མདོར་བསྟན་པ་ནི།] དངོས་གྲུབ་ཐམས་ཅད་ནི། །རབ་ཏུ་སྒྲུབ་བྱེད་བཤད་པར་བྱ། །བུད་མེད་[ས་ཀྱི་དངོས་གྲུབ། ]བྱེ་བ་ཕྲག་བརྒྱ་ཡང༌། །བདག་ལ་དད་པས་འདུད་པར་བྱེད། །ལྷ་དང་ལྷ་མིན་རིག་འཛིན་དང༌། །མི་ཡི་གཙོ་བོ་དབང་དུ་བྱེད། །ཉི་མ་ཟླ་བ་དང་མཚུངས་ཤིང༌། །མཁའ་ལྡིང་རྒྱལ་པོས་རྣམ་པར་འདུད། །ཀླུ་རྣམས་སྡིགས་པར་བྱེད་པ་དང༌། །མི་དང་མི་མིན་གང་གིས་[རྫོགས་རིམ་གྱི་རྒྱུ་བདེ་བ་འགྲུབ་]ཡང༌། །བུ་མོ་ཐམས་ཅད་འཛག་བྱེད་པ། །སྐྱེས་པ་གཅིག་གིས་འདོད་ཆེན་གྱིས། །མི་ཡི་


TNT12_Page_0304
[མ་དཔེ་གཟིགས་ན་འདིར་གནོན།]

བུ་མོ་ཁྲི་ཕྲག་དང༌། །ཉིན་རེར་ལྷ་དང་ལྷ་མིན་མོ། །བུད་མེད་འབུམ་ཕྲག་ཟིལ་གནོན་པ། ཁུ་བ་རེངས་པའི་བྱེད་པ་ལས། །གཅིག་གིས་ཐམས་ཅད་འདོད་སྤྱོད་པ། །རྡོ་རྗེར་བྱེད་པ་རབ་ཏུ་བཤད། །འཇིགས་པ་ཀུན་ལས་ཐར་པ་དང༌། །བསྐལ་པ་ཆེན་པོར་ཚེ་ཡང་གནས། །མཁའ་[འཇིག་རྟེན་པའི་དངོས་གྲུབ་གཞན་བསྟན་པ།]ལ་འགྲོ་དང་མི་སྣང་དང༌། །རི་ལུ་ལ་སོགས་རིག་འཛིན་དང༌། །བཅུད་ཀྱིས་ལེན་དང་གནོད་སྦྱིན་མོ། །རབ་ཏུ་སྒྲུབ་བྱེད་སྔགས་ཆེན་པོ། ཁྲག་ཁྲིག་བཅུ་གཉིས་མཁའ་འགྲོ་མ། །འབྱུང་པོ་བྱེ་བ་མཐུ་ཆེན་དང༌། །གྲོང་ཁྱེར་གསུམ་འཇོམས་ཚངས་སོགས་ལྷ། །མངག་གཞུག་ཉིད་དུ་བྱེད་པར་འགྱུར། འདས་[རྒྱུད་ཀྱི་བྱུང་ཚུལ།] པའི་དུས་ན་རྡོ་རྗེ་ཅན། །


TNT12_Page_0305
[མ་དཔེ་གཟིགས་ན་འདིར་གནོན།]

སངས་རྒྱས་དབུགས་དབྱུང་དཀྱིལ་འཁོར་སྤྲུལ། །བདེ་མཆོག་བདེ་མཆོག་དགོས་རྡོ་རྗེ། །ཡིད་བདེ་ཐིག་ལེ་ལ་སོགས་བསྟན། །འབུམ་ཕྲག་བརྒྱ་པ་སྒྲོལ་མ་ཡི། །སྔགས་ཀྱི་རྒྱལ་པོ་སྔོན་བཤད་པ། །རྫོགས་ལྡན་དུས་སུ་མི་རྣམས་སྤྱོད། །དེ་ནས་འབུམ་ཕྲག་དྲུག་པ་བཤད། །དེ་ཡང་ནུབ་ནས་ཁྲི་ཉིས་སྟོང༌། །ཕྱི་མའི་དུས་སུ་བཤད་པ་ཡིན། །དེ་ཡི་སྙིང་པོ་རྩོད་དུས་འདིར། །གཡོན་པའི་སྤྱོད་པས་རྣམ་སྤྱོད་པས། །ངེས་བརྗོད་འབུམ་གྱི་རྗེས་འབྲང་པ། །སླར་ཡང་རྒྱུད་འདི་སྣང་བར་འགྱུར། །ངེས་པར་[གསུངས་པའི་དགོས་པ།]འདོད་ཆགས་ཆགས་ཆེན་འདིས། །འདོད་ལྡན་[ལོངས་སྤྲུལ།]རྣམས་ལ་བྱང་ཆུབ་སྟེར། །སངས་རྒྱས་ཕྲིན་ལས་ཐམས་ཅད་འབྱུང༌། །དམ་ཚིག་སྒྲོལ་མ་ཞེས་བྱའི་སྔགས། །མཁའ་འགྲོ་མ་ཀུན་འདུས་པ། ལས། །དམ་པའི་དོན་ཡང་འགྲུབ་པའོ། །དེ་ནས་བདེ་ཆེན། བཅོམ་ལྡན་འདས་མ་དམ་ཚིག་སྒྲོལ་མས་རིག་སྔགས་ཀྱི་རྒྱལ་མོ་འདི་གསུངས་སོ། །ཨོཾ་ཏཱ་རེཏུཏྟཱ་རེ་ཏུ་རེ་སྭཱ་ཧཱ། འདི་ནི། [ཆོས་སྐུ།]དངོས་གྲུབ་ཐམས་ཅད་བྱེད་པའོ། །ཨོཾ་ཀུ་རུ་ཀུལླེ་ཧྲཱིཿསྭཱཧཱ། ཀུ་རུ་ཀུལླེའོ། །ཨོཾ་ཏཱ་རེ་ཏུཏྟཱ་རེ་ཏུ་རེ་ཧཱུཾ་ཕཊ། སྙིང་པོའོ། ཨོཾ་ཏཱ་རེ་སྭཱཧཱ། གསུང་བསྐུལ་བར་བྱེད་པའོ། །ཨོཾ་ཨཱཿཏཱཾ་ཧཱུཾ། ཐུགས་བསྐུལ་བར་བྱེད་པའོ། །ན་མོ་རཏྣ་ཏྲ་ཡཱ་ཡ། ན་མོ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་ས ཏྭཱ་ཡ། མཧཱ་སཏྭཱ་ཡ། མཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་ཏཱ་རེ་ཏུཏྟཱ་རེ་ཏུ་རེ་སརྦ་དུཥྟཾ། པྲ་དུཥྟཾ་མ་མ་ཀྲྀ་ཏེ། ཛམྦྷ་ཡ། སྟཾ་བྷ་ཡ། མོ་ཧཱ་ཡ། བནྡྷ་ཡ་


TNT12_Page_0306
[མ་དཔེ་གཟིགས་ན་འདིར་གནོན།]

ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། སརྦ་དུཥྟཾ་སྟཾ་བྷ་ནི་ཏཱ་རེ་སྭཱཧཱ། འདི་ནི་ལས་ཐམས་ཅད་བྱེད་པའོ། །ལཾ་མཾ་པཾ་ཏཾ་ཧཱུཾ། ལྷ་མོ་ལྔའི་འོ། །ཨོཾ་ཨ་རལླི་བྷྱོ་བྷྱོ་ཧ་ཧ་ཧ་ཧ་སི་སི་སི་སི། ཞེས་པ་ནི་ཧེ་རུ་ཀའི་སྔགས་སོ། །ཨོཾ་ཨ་རལླྀ་རྀ་གི་ཕེཾ་ཕེཾ་ཕེཾ་བྷྱོ་སྭཱཧཱ། ཞེས་པ་ནི་སྔགས་གཉིས་པའོ། །ཨོཾ་བཛྲ་བཱ་ར་ཧཱི་ཨ་བེ་ཤཱ་ཡ་སརྦ་ཛྭ་ར་ཎ་ཧྲཱིཿསྭཱཧཱ། རྡོ་རྗེ་ཕག་མོའི་འོ། ཨོཾ་མཱ་རི་ཙཻ་མཾ་སྭཱཧཱ། འོད་ཟེར་ཅན་མའི་འོ། ཨོཾ་ཧྲིཾ་ཧྲིཾ་ཧཱུཾ་ཕཊ། རལ་གཅིག་མའི་འོ། ཨོཾ་སྭཱཧཱ། ཞི་བར་བྱེད་པའོ། །ཨོཾ་ཨོཾ་རྒྱས་པར་བྱེད་པའོ། །ཨོཾ་བཱི་ཥ་ཊ་ཧོ་དབང་དུ་བྱེད་པའོ། །ཨོཾ་ཕཊ་གསོད་པར་བྱེད་པའོ། །སྭཱ་ཧཱ་ལཾ་ལཾ་ལཾ་ཧྲཱིཿཛཿཕཊ་ཕཊ། ཅེས་པ་ནི་ལས་བརྒྱད་བྱེད་པའོ། །ཛཿཧཱུཾ་བཾ་ཧོཿ དགུག་པར་བྱེད་པའོ། །ཨོཾ་བཛྲ་རཀྵ་རཀྵ་ཧཱུཾ་ཧཱུཾ་ཕཊ་སྭཱཧཱ། བསྲུང་བའི་འོ། །སྥ་ར་ཎ་ཕཊ། སྤྲོ་བའི་འོ། ཨོཾ་ཨ་ཀྲོ་དྷཻ་ཀ་ཡ་མཱནྟ་ཀ་ཧཱུཾ། གཤིན་རྗེ་གཤེད་ཀྱིའོ། །ཨོཾ་ན་མོ་ཨ་ཙ་ལ་ཀཱ་ན་ཙེཊྚ་ཙེཊྚ་མོཊྚ་མོཊྚ་ཏུཊྚ་ཏུཊྚ་གྷ་གྷ་གྷཱ་ཏ་ཡ་གྷཱ་ཡ་ཧཱུཾ་ཕཊ། གཏུམ་པོའི་འོ། །ཨོཾ་པདྨན་ཏ་ཀྲྀ་ཏ་བཛྲ་ཀྲོ་དྷ་ཧ་ཡ་གྲཱྀ་བ་ཧཱུཾ་ཧུ་ལུ་ཧུ་ལུ་ཧཱུཾ་ཕཊ། རྟ་མགྲིན་གྱིའོ། །ན་མཿས་མནྟ་བུདྡྷོ་བྷྱོ་ན་མོ་མཧཱ་བཛྲ་ཀྲོ་དྷཱ་ཡ། མཧཱ་དོཥྟོཏྐི་ཊི་བྷཱི་ཥ་ཎ་བྷཻ་ར་བཱ་ཡ། བཛྲ་སནྡོ་ཧ་དརྦཱ་ཡ། ཨོཾ་ཨ་མྲྀ་ཏ་ཀུཎྜ་ལི་ཧཱུཾ་ཕཊ། བདུད་རྩི་འཁྱིལ་བའི་འོ། །ཨོཾ་ཧཱུཾ་ཤྲཱི་ཡ་དེ་བཱི་ཀ་ལཱི་ཀ་ལཱི་མཧཱ་ཀ་ལཱི་ཧཱུཾ་བྷྱོ། ཨོཾ་མཧཱ་ཀ་ལཱི་དེ་བཱི་ཀ་ར་ལཱི་བི་ཀྲནྟ་ཀཱ་ལ་རཱ་ཏྲཱི་ཙཎྜ་རཱུ་པི་ཎཱི་ཧཱུཾ་ཕཊ། ལྷ་མོ་ནག་མོའི་སྔགས་སོ། །ཨོཾ་བཛྲ་ཀི་ལི་ཀི་ལཱ་ཡ་


TNT12_Page_0307
[མ་དཔེ་གཟིགས་ན་འདིར་གནོན།]

སརྦ་བིགྷྣནྦྷནྡྷ་ཧཱུཾ་ཕཊ། ཕུར་བུས་གདབ་པའི་འོ། །སྔགས་ཀྱི་ལེའུ་སྟེ་དང་པོའོ། །དེ་ནས་[ལམ་གྱི་སྔོན་འགྲོ་ཕུར་གདབ། ལས་ཏིང་ངེ་འཛིན་གྱི་ཕུར་གདབ་ནི་]བཅོམ་ལྡན་འདས་མའི་ཐུགས་ཀ་ནས་ཞགས་པ་དང་ལྕགས་ཀྱུའི་ཚོགས་སྤྲོས་ཏེ། ན་མཿས་མནྟ་ཀཱ་ཡ་ཝཱཀྩིཏྟི་བཛྲ་ཎཾ། ཨོཾ་ཊཀྐི་ཧཱུཾ་ཛཿ ཞེས་པའི་སྔགས་འདི་ཕྱུང་ངོ༌། །གདུག་པ་ཐམས་ཅད་བཀུག་ནས་ཀྱང༌། །ནམ་མཁའི་དབྱིངས་སུ་བསྒྱེལ་ནས་ནི། །རྡོ་རྗེ་ཕུར་བུའི་ཚོགས་སྤྲོས་ནས། །གནས་ལྔ་དག་ཏུ་ཕུར་བུས་བཏབ། །བདུད་རྩི་འཁྱིལ་བ་ཁྲོ་བོ་ཆེ། །རྡོ་རྗེ་ཕུར་བུ་བསྐུལ་བར་མཛོད། །སྟོང་གསུམ་དག་གི་ཁོར་ཡུག་ལ། །བགེགས་རྣམས་ཐམས་ཅད་བཅིངས་པར་མཛད། །ཨོཾ་ལཾ་སྟམྦྷ་ཡ་ལཾ། གྲོང་[དགྲ་ལ་ཕུར་གདབ་]མཁར་ས་ལ་གཟུགས་བྱས་ནས། །རྐང་པ་གཡོན་པས་མནན་བྱས་ལ། །མི་རུས་ལས་སྐྱེས་ཕུར་བུ་ཡིས། །བཏབ་ན་དེ་ཡི་མོད་ལ་འཆི། །སྦུལ་[གནོད་བྱེད་གཞན་ལ་གདབ་པ་]དང་སེདྒེ་གླང་པོ་དང༌། རྐུན་པོའི་ཡན་ལག་དག་ལ་གདབ། །འདི་ཡིས་གདུག་ཅིང་སྡང་སེམས་ལྡན། །ལོག་འདྲེན་དག་ལ་གདབ་པར་བྱ། །ཡེ་ཤེས་པདྨ་ཁ་ཕྱེ་ནས། །རྡོ་རྗེ་ཕུར་བུའི་རབ་སྦྱོར་བས། །རང་རང་རིགས་ཀྱི་ཁྲོ་བོར་བཅས། །རྡོ་རྗེ་སེམས་སོགས་སྔགས་ལ་གདབ། །འདི་ཡིས་རྡོ་རྗེ་འགྲུབ་པར་འགྱུར། རྡོ་རྗེ་[རྡོ་རྗེ་སེམས་དཔའ་ལ་ཕུར་གདབ]ཕུར་བུས་བཏབ་པ་ན། ཕུང་པོ་རབ་ཏུ་འཇིག་པ་དང༌། རྡོ་རྗེའི་གནས་ཀྱང་ཐོབ་པར་འགྱུར། །ཞེས་གསུངས་སོ། །དེ་ལ་འདི་ནི་རྣལ་འབྱོར་ཆེན་པོའི་དམ་ཚིག་གོ །ཟླ་འབྲས་བུ་རྣལ་འབྱོར་ཆེན་པོ་བ་ཉི་མའི་


TNT12_Page_0308
[མ་དཔེ་གཟིགས་ན་འདིར་གནོན།]

རླུང་གི་དབུས། །རང་སྔགས་ས་བོན་བསྒོམ་པར་བྱ། །ལྷ་ཡི་དེ་ཉིད་དམིགས་གྱུར་ན། །བཅུ་དྲུག་པ་ལ་དེ་འགྲུབ་འགྱུར། །སེམས་ནི་ནམ་མཁར་གྱུར་པ་ལ། །ཟླ་བ་ཉི་མ་ནུབ་པ་དང༌། །མུན་པའི་ཡེ་ཤེས་ཐིམ་པ་ན། །རྡོ་རྗེའི་ལྷ་ནི་འགྲུབ་པར་འགྱུར། །ཡང་ན་རྡོ་རྗེའི་བརྟུལ་ཞུགས་ཀྱིས། །ལུས་ཀྱི་དྲི་མ་རབ་སྦྱངས་ནས། །ཡེ་ཤེས་ཆེན་པོ་རང་སྔགས་ལྷ། །ཟླ་བ་ཉ་ལ་འགྲུབ་པར་འགྱུར། །རང་སྔགས་ས་བོན་འོད་ཟེར་གྱིས། །རྡོ་རྗེ་གུར་སོགས་བརྟག་པར་བྱ། །འཇིགས་པ་བརྒྱད་ལས་བསྲུང་བ་དང༌། །ལུས་མེད་རྣམས་ཀྱིས་ཀྱང་མི་མཐོང༌། །སྤུ་ལས་ནད་རྣམས་སྤྲེའུ་འམ། ཁྱི་དང་འདྲ་བར་རབ་ཏུ་དབྱུང༌། །ཡེ་ཤེས་སེམས་དཔའི་དམ་ཚིག་འདིས། །རྡོ་རྗེ་མཚོན་ཆས་བསྣུན་པར་བྱ། །ནམ་མཁའི་དབྱིངས་ཀྱི་དབུས་སུ་ནི། །ཡེ་ཤེས་མེ་དཔུང་དཀར་པོ་བསམ། །སེམས་ཅན་ཁམས་ནི་མ་ལུས་པའི། །གནས་ལས་མེ་ནི་འབར་བར་བསྒྲུབ། །མཚམས་མེད་ལྔ་དག་བྱེད་པ་ཡང༌། །གཙང་མའི་གནས་སུ་འགྲོ་བར་འགྱུར། །སྡིག་པ་རྡོ་རྗེའི་ཡེ་ཤེས་འདིས། །སྐད་ཅིག་གིས་ནི་དཔལ་ལྡན་འགྱུར། །ལྟེ་བའི་[རྫོགས་རིམ་རྣལ་འབྱོར་ཆེན་པོ།]དབུས་སུ་རེ་ཁ་བསམ། །ཨ་ནི་མཆོག་ཏུ་ཕྲ་བ་སྟེ། །མི་འགྱུར་ཉམས་དགའ་བདེ་བའི་གནས། །མི་ཤིགས་ཚངས་པ་འགྲུབ་པར་འགྱུར། །རང་སྔགས་ཧཱུཾ་དང་ཡི་གེ་ཨོཾ། །རྡོ་རྗེ་ཨཱཿཡིག་བསམ་པར་བྱ། །རླུང་གི་དེ་ཉིད་རབ་གྲུབ་ནས། །མི་འགྲོ་དྲག་པོའི་ངག་ཏུ་འགྱུར། །འོད་ཟེར་རྣམ་ལྔ་སྙིང་གར་གནས། །པདྨས་རྡོ་རྗེ་རབ་དབྱེ་བ། །ཐིག་ལེ་རྡོ་རྗེ་བྱེད་པ་སྟེ། །


TNT12_Page_0309
[མ་དཔེ་གཟིགས་ན་འདིར་གནོན།]

ཡེ་ཤེས་ཁྱབ་འཇུག་རྒྱལ་པོར་འགྱུར། [རྒྱས་བཤད་ནི།] དེ་ནས་རྡོ་རྗེ་སྙིང་པོ་ལ་སོགས་པ་རྣལ་འབྱོར་གྱི་དབང་ཕྱུག་རྣམས་ཀྱིས་གསོལ་པ། བཅོམ་ལྡན་འདས་མ་འདི་ཅི་ཞིག་ལགས། ལྟེ་བ་ལས་ནི་རླུང་ཁམས་འབྱུང༌། །ཅི་ཕྱིར་ལུས་ཀྱི་ཆོས་སུ་འགྱུར། །བདུད་ལས་འདས་པའི་ལམ་བསྒོམས་པས། །ཇི་ལྟར་ཚངས་པ་ལ་སོགས་འགྱུར། །པདྨས་རྡོ་རྗེ་འབྱེད་བྱེད་ཅི། །འདི་དག་ཅི་ཕྱིར་འགལ་མི་འགྱུར། །དམ་ཚིག་དེ་ཉིད་མཁྱེན་པས་གསུངས། །ཉོན་ཅིག་རྡོ་རྗེ་ཇི་བཞིན་ཉོན། །ལུས་ནི་གཞན་དག་ཡོད་མ་ཡིན། །སེམས་ཀྱི་རང་བཞིན་རྣམ་གཡོ་བ། །དེ་ལས་འཁྲུལ་བའི་ལུས་པོ་བྱུང༌། །ལྟེ་བ་སྐུ་ཞེས་བཤད་པ་དེ། །དེ་དག་དེ་ལས་བྱུང་བ་ཡིན། །བྲམ་ཟེ་མོ་ལ་འདོད་སྤྱོད་པ། །རྡོ་རྗེ་སྐུ་རུ་འགྱུར་བའོ། །རླུང་གིས་སྨྲ་བར་བྱེད་པའི་ཕྱིར། །རྡོ་རྗེའི་ངག་སྟེ་དེ་ཉིད་བརྗོད། །དབྱངས་མཁན་བུ་མོའི་དམ་ཚིག་གིས། །རྡོ་རྗེ་གསུང་དུ་འགྱུར་བ་ཡིན། །འཁྲུལ་བས་གཉིས་སུ་རྟོག་པའི་སེམས། །ཐིག་ལེ་འདི་ལས་བྱུང་བའི་ཕྱིར། །མིག་མཛེས་གཡུང་མོའི་དམ་ཚིག་གིས། །རྡོ་རྗེ་ཐུགས་སུ་འགྱུར་བའོ། །ང་ནི་འགྲོ་བས་མི་ཤེས་ཏེ། །ཚངས་པ་ཁྱབ་འཇུག་དབང་ཕྱུག་ཆེ། །འཕྲུལ་ལྡན་ལྷ་ཞེས་འཇིག་རྟེན་རྟོག །སྐུ་དང་གསུང་ཐུགས་རྡོ་རྗེ་སྟེ། །ཐམས་ཅད་ང་ཡི་རྣམ་པར་འཕྲུལ། །སྐུ་ཡི་རྡོ་རྗེ་ཚངས་པར་འགྱུར། །གསུང་གི་རྡོ་རྗེ་དབང་ཕྱུག་ཆེ། །འཇུག་སེལ་ཐུགས་ཀྱི་རྡོ་རྗེའོ། །འདི་ན་ཡང་དག་རྫོགས་སངས་རྒྱས། །སེམས་ཅན་ཁམས་ལ་དབྱེར་མེད་དེ། །དེ་དག་རྣམས་ཀྱི་ལུས་ངག་


TNT12_Page_0310
[མ་དཔེ་གཟིགས་ན་འདིར་གནོན།]

ཡིད། །མཉམ་འགྱུར་ཚངས་ལ་སོགས་པར་སྣང༌། །ལུས་ནི་སྤྲུལ་པའི་འཁོར་ལོར་གནས། །མགྲིན་པར་དེ་བཞིན་རྨི་ལམ་མོ། །གཉིད་ཀྱི་རྣལ་འབྱོར་སྙིང་གར་དགོད། །བདེ་བ་སྤྱི་བོར་མངོན་པར་བརྗོད། །གཞན་ཡང་རྩ་ལྕུག་ལྗོན་པ་དང༌། །རི་བོང་སྟག་སོགས་ཆུ་བོ་དང༌། །ཉིན་མཚན་ལ་སོགས་དངོས་ཀུན་ཏུ། །སངས་རྒྱས་གར་མཁན་ཟློས་གར་མཛད། །གཉིད་ལ་རྡོ་རྗེས་རྣམ་བསྒོམ་པ། །ཚངས་པའི་དམ་ཚིག་གཏི་མུག་སྤོང༌། །གཞན་གྱིས་གཉིད་དག་སྤོང་བར་དཀའ། །བུད་མེད་བྲལ་ལ་སྡོམ་བརྩོན་མེད། །འདོད་ལྡན་ཚངས་སྤྱོད་ཆེན་པོ་ནི། །ཞི་བའི་དམ་ཚིག་འདོད་ཆགས་སྤོང༌། །ཞེ་སྡང་རྡོ་རྗེར་རྣམ་བསྒོམས་ན། །རྨོངས་སེལ་ཁྱབ་འཇུག་དམ་ཚིག་གོ །གཞན་དུ་བྱམས་པས་སྤང་བར་དཀའ། །རྣམ་པ་འདི་གསུམ་གསང་ཆེན་པོ། །ལྷ་ཡི་བདེ་བ་སེར་སྣར་བཅས། །བརྩོན་འགྲུས་ཕྲག་དོག་དམ་ཚིག་སྟེ། །གཡོ་སྒྱུས་བཏུད་རྣམས་འདུལ་བྱེད་པ། །དམ་ཚིག་ཤིན་ཏུ་འདའ་བར་དཀའ། །པདྨའི་སྙིང་པོ་བདེ་བ་ཅན། །ཇི་སྲིད་མ་རྙེད་འབྲས་བུ་མེད། །རྡོར་དབྱིངས་དབང་ཕྱུག་རྩ་འདི་ཡིས། །རྡོ་རྗེ་གཉིས་སྤངས་འབྱེད་པར་བྱེད། །ཤེས་རབ་རྟོགས་པར་བྱེད་པ་ཐབས། །ཤེས་རབ་མེད་ལ་ཐབས་མཁས་མེད། །རྡོ་རྗེས་པདྨ་རྒྱས་བྱེད་ཀྱི། །པདྨས་རྡོ་རྗེ་འབྱེད་པར་བྱེད། །སྤྲུལ་པ་བདེ་ཆེན་འཁོར་ལོས་ཀྱང༌། །ཆོས་དང་ལོངས་སྤྱོད་རྣམ་པར་འབྱེད། །དེ་ལྟས་འདི་ནི་གསང་ཆེན་ཏེ། །རྒྱུད་གཞན་དུ་ནི་འབད་པས་སྦས། །དེ་ལ་འདི་ནི་སྐུ་གསུམ་


TNT12_Page_0311
[མ་དཔེ་གཟིགས་ན་འདིར་གནོན།]

རྡོ་རྗེའི་གསང་བའོ། །སེམས་མེད་གནས་དང་འཁྲུལ་བསྐྱེད་དང༌། །སྔོན་ནས་རྣམ་པར་འཁྲུལ་བ་ཡི། །འཇིག་རྟེན་འདི་ལ་སྐུ་གསུམ་གནས། ཆོས་དང་ལོངས་སྤྱོད་རྫོགས་སྤྲུལ་པའོ། །རང་བྱུང་ངོ་བོ་བརྗོད་མེད་པ། །ཆོས་ཀུན་རང་བཞིན་ཞི་བ་བརྙེས། །རྐྱེན་ནི་རྣམ་པར་བཀྲ་བ་མཁྱེན། །རྡོ་རྗེ་ཅན་གྱིས་ཆོས་སྐུའོ། །མེ་ལོང་གཟུགས་བརྙན་ལྟར་སེམས་འདི། །ཕྲ་ཞིང་ལུས་ནི་རྡུལ་མེད་པ། །སྐད་ཀྱང་སྒྲ་བརྙན་ལྟ་བུ་སྟེ། །དག་པའི་དཀྱིལ་འཁོར་སྣང་བའོ། །སེམས་ཅན་བསམ་པ་ཇི་བཞིན་དུ། །སྤྲུལ་པ་ཐ་དད་སྣ་ཚོགས་འཇུག །ལོངས་སྤྱོད་རྫོགས་དང་སྤྲུལ་པ་སྟེ། །གཅིག་གྱུར་འདྲེན་པ་བདེ་བ་ཆེ། །རྩ་ཡི་དྲ་བ་ལྷ་མོ་སྟེ། །དེ་བཞིན་ཁམས་དང་ཉེར་བཅས་པ། །བུད་མེད་རྣལ་འབྱོར་མའི་དཀྱིལ་འཁོར། །སྤངས་ནས་རི་མོ་སུ་ཞིག་ལེན། །དེ་ལ་འདི་ནི་རྗེས་སུ་རྣལ་འབྱོར་གྱི་དམ་ཚིག་གོ །དྲི་མས་སེམས་ནི་མངོན་བསྒོམ་པས། །རྣམ་ཤེས་ཡེ་ཤེས་དག་མི་འགྱུར། །ཐེག་པ་མཆོག་གིས་བགྲོད་པའི་གནས། །ཡེ་ཤེས་དབང་མོ་ཉན་པར་འཚལ། །ཉོན་ཅིག་ཇི་བཞིན་རྡོ་རྗེ་ཉོན། །དངོས་པོ་བདེན་བརྫུན་རྣམ་དཔྱད་ན། །བརྫུན་པའི་རྡོ་རྗེ་ཡང་དག་མཐོང༌། །རང་བཞིན་དག་པའི་དེ་ཁོ་ན། །ཨ་ཞེས་བྱ་བ་ནི་མ་སྐྱེས་པའི་གཟུངས་ཀྱི་སྒོའོ། །ཧཱུཾ་ཞེས་བྱ་བ་ནི་ཡེ་ཤེས་དང་ལྡན་པའི་གཟུངས་ཀྱི་སྒོའོ། །ཕཊ་ཅེས་བྱ་བ་ནི་དགས་པར་བྱེད་པའི་གཟུངས་ཀྱི་སྒོའོ། །ཏྲཾ་ཅེས་བྱ་བ་ནི་ཉི་མའི་འོད་ཀྱི་གཟུངས་ཀྱི་སྒོའོ། །ཨཱཿ


TNT12_Page_0312
[མ་དཔེ་གཟིགས་ན་འདིར་གནོན།]

ཞེས་བྱ་བ་ནི་སྨྲ་བ་ཐམས་ཅད་ཀྱི་གཟུངས་ཀྱི་སྒོའོ། །ཧ་ཞེས་བྱ་བ་ནི་འཆི་བ་མེད་པའི་གཟུངས་ཀྱི་སྒོའོ། །ཧྲཱིཿཞེས་བྱ་བ་ནི་རྗེས་སུ་ཆགས་པའི་གཟུངས་ཀྱི་སྒོའོ། །ཨོཾ་ཞེས་བྱ་བ་ནི་ལུས་འཇིག་པར་བྱེད་པའི་གཟུངས་ཀྱི་སྒོའོ། ཁཾ་ཞེས་བྱ་བ་ནི་ནམ་མཁའ་ལྟ་བུའི་གཟུངས་ཀྱི་སྒོའོ། །ཨཾ་ཞེས་བྱ་བ་ནི་བདེ་བ་ཆེན་པོའི་གཟུངས་ཀྱི་སྒོའོ། །ཀྵ་ཞེས་བྱ་བ་ནི་རབ་ཏུ་མི་གནས་པའི་གཟུངས་ཀྱི་སྒོའོ། །ཨཿཞེས་བྱ་བ་ནི་གཉིས་སུ་མེད་པའི་གཟུངས་ཀྱི་སྒོའོ། །ཡ་ཞེས་བྱ་བ་ནི་རྡོ་རྗེ་རླུང་སྟེ་གཟུངས་ཀྱི་སྒོའོ། །ར་ཞེས་བྱ་བ་ནི་རྡོ་རྗེའི་མེ་སྟེ་གཟུངས་ཀྱི་སྒོའོ། །ཝ་ཞེས་བྱ་བ་ནི་རྡོ་རྗེ་ཆུ་སྟེ་གཟུངས་ཀྱི་སྒོའོ། །ལ་ཞེས་བྱ་བ་ནི་རྡོ་རྗེའི་ས་སྟེ་གཟུངས་ཀྱི་སྒོའོ། །ཏཾ་ཞེས་བྱ་བ་ནི་རྡོ་རྗེའི་སེམས་ཏེ་གཟུངས་ཀྱི་སྒོའོ། །ཨིཾ་ཞེས་བྱ་བ་ནི་རྡོ་རྗེའི་དབང་པོ་རྣམས་ཏེ་གཟུངས་ཀྱི་སྒོའོ། །བཾ་ཞེས་བྱ་བ་ནི་ནམ་མཁའི་ཁམས་སུ་བྱེད་པ་སྟེ་གཟུངས་ཀྱི་སྒོའོ། །ཨཱཿཞེས་བྱ་བ་ནི་ཆོས་ཐམས་ཅད་ཀྱི་གཟུངས་ཀྱི་སྒོའོ། །རྣམ་ཤེས་ཡེ་ཤེས་རྣལ་འབྱོར་ཏེ། །དེ་དག་རྡོ་རྗེ་རབ་སྦྱོར་བས། །རྣལ་འབྱོར་ལ་ནི་རྣལ་འབྱོར་བསྒོམ། །རྗེས་ཀྱི་རྣལ་འབྱོར་ཞེས་བྱའོ། །དེ་ལ་འདི་ནི་ཤིན་ཏུ་རྣལ་འབྱོར་གྱི་དམ་ཚིག་གོ །སྤྲེའུ་དང་གློག་ལྟར་མི་གནས་པ། །རབ་ཏུ་བཟུང་བར་དཀའ་བའི་སེམས། །འདོད་པའི་རྡོ་རྗེ་རྣམ་དཔྱད་པ། །ཡེ་ཤེས་དབང་མོ་ཉན་པར་འཚལ། །ཉོན་ཅིག་ཇི་བཞིན་རྡོ་རྗེ་ཉོན། །གསེར་ཁམས་རྡོ་ལ་རྣམ་གནས་པ། །མངོན་པར་ཞི་བ་ཡོད་མ་ཡིན། །སྲེག་དང་དབྱེ་


TNT12_Page_0313
[མ་དཔེ་གཟིགས་ན་འདིར་གནོན།]

བའི་ཐབས་ཀྱིས་ནི། །ཉི་མ་བཞིན་དུ་རྣམ་པར་གསལ། །ལྕགས་བཞིན་མེ་ལ་རྣམ་བཟོད་ན། །གཞན་དག་ཅི་ཕྱིར་མི་བཟོད་བྱེད། །དེ་ཕྱིར་ཡེ་ཤེས་རྣམ་ཤེས་དག །ཆ་གཉིས་རྣམ་པར་རྟོག་མི་བྱ། །ཆ་གཉིས་ལས་ནི་སྡིག་པ་འབྱུང༌། །སྡིག་པས་བསོད་ནམས་ཟད་པར་འགྱུར། །སྡུག་བསྔལ་སྡིག་པ་ཞེས་བརྗོད་དེ། །བླ་མེད་བདེ་བ་བསོད་ནམས་སོ། །བདེ་དང་སྡུག་བསྔལ་མཉམ་གྱུར་པ། །བསོད་ནམས་སྡིག་མེད་རྣམ་པར་ཐར། །སྡུག་བསྔལ་གྱིས་ནི་སེམས་གཡེངས་ཏེ། །དགེ་དང་སྡིག་པ་རྣམ་པར་འབྱེད། །བུ་མོའི་ལོངས་སྤྱོད་བདེ་བ་ཡིས། །རྣམ་པར་མི་རྟོག་གཉིས་མེད་འགྲུབ། །རི་བོ་ཉམས་ནི་དགའ་བ་དང༌། །ནགས་ཚལ་དབེན་པའི་ས་ཕྱོགས་སུ། །མིག་བཟང་བརྟན་པའི་བློ་ལྡན་བཟུང༌། །དང་པོར་འདུས་པ་བྱས་ནས་ནི། །རྡོ་རྗེ་ཆོ་ག་རབ་ཏུ་བསྒྲུབ། །དེ་བཞིན་གཤེགས་པའི་བཙུན་མོའི་མཆོག །དམ་ཚིག་ཆེན་པོར་བྱིན་གྱིས་བརླབས། ཁྱོགས་དང་བརླ་ཞེས་བྱ་བ་དང༌། །དེ་བཞིན་ཤིན་ཏུ་བརྐྱང་བ་དང༌། ཁབ་དང་གྲུ་མོའི་མཚན་ཉིད་ཀྱི། །བུང་བ་ལྟ་བུར་ཨི་ཡི་སྒྲ། །ངེས་པར་བློ་དང་ལྡན་པས་བསྐུལ། །སྒེག་འཆོས་སྟབས་ཀྱིས་འཁྱུད་ནས་ནི། །མགོ་བོའི་སྐྲ་བཟུང་ལྐོག་མ་གཟིར། །མ་མཆུའི་སྦྲང་རྩི་གཞིབ་པར་བྱ། །རྡོ་རྗེ་འཁྱུད་པས་འཁྱུད་པ་དང༌། །རྡོ་རྗེ་འོ་ཡིས་འོ་གདབ་ཅིང༌། །སོ་དང་སེན་མོས་བསྣུན་པར་བྱ། །རྡོ་རྗེ་པདྨར་རབ་འཇུག་ཅིང༌། །སཱིད་ཀྱི་སྒྲ་རྣམས་བྱེད་པ་དང༌། །ནུ་མ་འཚིར་དང་སྐྱེས་པའི་ཚུལ། །སྦྱོར་བ་ཐམས་ཅད་བྱ་བར་བྱ། །


TNT12_Page_0314
[མ་དཔེ་གཟིགས་ན་འདིར་གནོན།]

ནུ་མ་སོར་མོ་སྐེ་དང་མ་མཆུ་དང༌། །རྣ་བ་མིག་དང་སྤྱི་བོ་བྷ་གར་ཡང༌། །འོ་བྱ་རྣ་བ་མཆན་ཁུང་སྐེ་དང་རྟགས། །སེན་མོས་བཏབ་བྱ་ནུ་མ་མཆན་ཁུང་དང༌། །མཁུར་ཚོས་འགྲམ་དང་རྐང་ལག་མཐིལ་དག་ཏུ། །མཉེད་པར་བྱ་ཞིང་འཁྱུད་པའི་སྟབས་བརྒྱད་བྱ། །སོར་མོ་ལིང་ག་ལྕེ་དང་ལྕེས་བསྐྱོད་ནས། །པདྨ་བསྐུལ་ཞིང་རྩ་མཆོག་སད་པར་བྱ། །ཟབ་ཆེས་པ་དང་ཤིན་ཏུ་ཆུང་བ་དང༌། ལྷོད་པ་དང༌། རྩུབ་པ་དང༌། རྟག་ཏུ་འཛག་པ་དང༌། དྲོད་དང་གཤེར་བ་དཔྲལ་བའི་བྷ་ག་ནི་སྤང་ངོ༌། །དཔངས་མཐོ་བ་དང༌། འཇམ་པ་དང༌། སྟོང་མཉམ་པ་དང༌། ཁ་རྒྱས་ཤིང་དམ་པ་དང༌། ཁྲག་དང་ཁུ་བར་ལྡན་པ་དང༌། སྤུ་ཉུང་བ་དང༌། དུས་མ་ཡིན་པར་མི་འཛག་པ་དང༌། རིང་ཞིང་སྙིང་པོ་ཟླུམ་པ་ནི་སྐལ་པ་བཟང་མོའོ། །དེ་ཡོངས་སུ་བསྐུལ་བས་ཇི་སྲིད་དུ་ཁོང་ནས་སཱིཏ་ཀྱི་སྒྲ་འབྱུང་བ་དེ་སྲིད་དུའོ། །ཧཿཞེས་བྱ་བས་མཆོག་ཏུ་དགའ་བའི་ཚེ་བཅིངས་པར་བྱའོ། །ཡང་ན་ཧཱུཾ་ཞེས་བྱ་བ་སྙིང་ག་ལ་གནས་པའི་སྒྲ་ཡིས་སོ། །ཡང་ན་ཧྲིཾ་ཧ་ཞེས་བྱ་བ་མགྲིན་པ་ལ་གནས་པའི་སྒྲ་ཡིས་སོ། །ཧཱུཾ་དང་ཕཊ་ཀྱི་བྱ་བ་དང༌། མདའ་བོ་ཆེའི་སྦྱོར་བ་བྱས་ལ་ཁུ་བ་བཅིང་བར་བྱའོ། །གཞན་ཡང་ཆ་བཞི་པའི་ཕྱེད་ཀྱི་མཚམས་སུ་ལྷན་ཅིག་སྐྱེས་པ་བསྒོམ་པར་བྱ་སྟེ་གལ་ཏེ་བྷ་གའི་ཟེ་འབྲུ་ལ་གནས་པའི་ཐིག་ལེ་ཡང་རྡོ་རྗེའི་ཁས་བཏུང་བར་བྱའོ། །བསྐོར་བ་ལ་སོགས་པའི་སྦྱོར་བ་དང༌། །རླུང་གི་སྦྱོར་བས་མཉམ་པར་བྱའོ། །འདི་ལ་དགང་བ་དང༌། གཞིལ་བ་


TNT12_Page_0315
[མ་དཔེ་གཟིགས་ན་འདིར་གནོན།]

དང༌། རེངས་པ་དང༌། །བུམ་པ་ཅན་གྱི་སྦྱོར་བས་དག་པར་བྱས་ནས། མི་མོ་རྣམས་ཀྱི་སྦྱོར་བ་ལ་འཇུག་སྟེ། ལུས་འདི་ཉིད་ཀྱིས་དངོས་གྲུབ་ཐོབ་པ་ཞེས་བྱའོ། །དེ་ལས་དགའ་བ་བཞིའི་དབྱེ་བས་སྒྲུབ་པ་པོ་ལ་རེངས་པ་དང༌། རྔུལ་བ་དང༌། བ་སྤུ་ལྡང་བ་དང༌། དབུགས་འགྱུར་བ་དང༌། འདར་བ་དང༌། ཁ་དོག་ལོག་པ་དང༌། མཆི་མ་འབྱུང་བ་དང༌། ཐིམ་པ་ཞེས་བྱ་བ་སྙིང་སྟོབས་བརྒྱད་འབྱུང་ངོ༌། །བུ་མོས་ཡེ་ཤེས་ཐོབ་པ་ནི། སྙིང་ནི་འགུལ་ཞིང་བསྐྱོད་པ་དང༌། །འདར་དང་དྲན་པ་ཉམས་པ་དང༌། །སྐྲ་གྲོལ་གཅེར་བུ་གཤེར་བས་ཁྱབ། །མདོག་དམར་རབ་ཏུ་ཕྲ་བའི་མིག །ཡེ་ཤེས་ལྔ་ཡི་རྣམ་པར་འཕྲུལ། །བུད་མེད་ཤེས་རབ་ཡེ་ཤེས་ཏེ། །དེ་ལས་ཡེ་ཤེས་ལྔ་ཐོབ་འགྱུར། །རྡོ་རྗེ་ཆུ་སྐྱེས་སྦྱོར་ལྡན་པ། །སྐུ་ཡི་རྡོ་རྗེ་བསྙེན་པར་བརྗོད། །རླུང་ནི་མཉམ་པར་གྱུར་པ་དང༌། །སཱིཏ་ཀྱི་སྒྲ་དང་སྐད་འགྱུར་བ། །གསུང་ནི་ཉེ་བར་བསྒྲུབ་པའོ། །བསྐྱོད་པ་ལས་ནི་རབ་ཞུ་བ། །ནོར་བུ་བཅུ་དྲུག་ཆ་བབས་ཏེ། །ཡིད་ཀྱི་བདེ་བས་གཉིས་འགགས་པ། །ཐུགས་ཀྱི་དེ་ཉིད་བསྒྲུབ་པར་བརྗོད། །གཞུ་ཡི་གཟུགས་ཅན་རབ་སྦྱོར་བས། །དུང་དང་ཀུནྡ་ལྟར་ཐིག་ལེ། །སྡོམ་བརྩོན་བདེ་བས་བཟུང་བར་བྱ། །རང་གིས་རིག་པའི་ཡེ་ཤེས་མཆོག །བསྒྲུབ་པ་ཆེན་པོའི་དེ་ཉིད་དེ། །རྣམ་ཤེས་ཡེ་ཤེས་དག་པར་བྱེད། །འདི་ཡིས་རྡོ་རྗེ་བདག་ཉིད་ཆེ། །སྐུ་གསུམ་མི་ཕྱེད་ལས་བྱུང་བ། །ཡེ་ཤེས་རྒྱ་མཚོ་འགྲུབ་པར་འགྱུར། །ཡེ་ཤེས་ཆེན་པོར་རབ་སྦྱོར་བས། །ཤིན་ཏུ་རྣལ་འབྱོར་མཁས་པས་བསྟོད། །བུད་


TNT12_Page_0316
[མ་དཔེ་གཟིགས་ན་འདིར་གནོན།]

མེད་སྒྱུ་མའི་ཕྱག་རྒྱ་འདི། །དམ་ཚིག་རྣམས་ཀྱི་མཆོག་གི་མཆོག།ངན་ཟོས་ངན་སྤྱོད་ཐམས་ཅད་ཀྱིས། །སྒྲིབ་པ་དག་ཏུ་ཡོངས་མི་འགྱུར། །དེ་སྐད་ཅེས་གསུངས་སོ། །དེ་ལ་འདི་ནི་རྣལ་འབྱོར་དང་པོའི་དམ་ཚིག་གོ །ཨུཏྤལ་མི་འཇིགས་ཕྱག་རྒྱ་ཅན། །ཕྱག་གཉིས་རྣལ་འབྱོར་བསྒོམས་བྱས་ལ། །ནམ་མཁའ་དབྱིངས་ཀྱི་དབུས་གནས་པར། །དཀྱིལ་འཁོར་གྲུ་བཞི་སྒོ་བཞི་པ། །དབུས་སུ་ཀུན་ནས་ཟླུམ་པོ་སྟེ། །ལས་ཀྱི་སྣམ་བུ་ལྔ་དང་ལྡན། །ཨུཏྤལ་དམར་པོ་སིལ་མར་བཀྲམ། །ཟླ་བ་ཉི་མའི་སྦྱོར་བ་ལས། །དམ་ཚིག་སྒྲོལ་མ་བསམ་པར་བྱ། །ལྗང་སྔོན་འོད་ཟེར་དམར་པོ་འཁྱིལ། །མཆེ་བ་གཙིགས་པ་མེ་སྟག་འབར། །མཆོག་སྦྱིན་གྲི་གུག་ཌཱ་མ་རུ། །མདའ་དང་ཨུཏྤལ་སྡོང་བུ་དང༌། །ཐོད་པ་ཁྲག་ཅན་རྩེ་གསུམ་དང༌། །བཞི་པ་མེ་ཏོག་གཞུ་འཛིན་པའོ། །དུར་ཁྲོད་རྒྱན་དང་ཨུཏྤལ་རྒྱན། །གཡས་བརྐྱང་རོལ་པའི་སྐྱིལ་ཀྲུང་ཅན། །རང་རང་སྔགས་ལས་ལྷ་མོའི་ཚོགས། །སྙིང་གའི་དབུས་ནས་སྤྲོ་བར་བྱ། །ཨོཾ་ཏཱ་རེ་སྭཱཧཱ། མིག་ལའོ་ཨོཾ་ཏུཏྟཱ་རེ་སྭཱཧཱ། རྣ་བ་ལའོ། །ཨོཾ་ཏུ་སྭཱཧཱ། ལྕེ་ལའོ། །ཨོཾ་རེ་སྭཱཧཱ། སྙིང་ག་ལའོ། །ཨོཾ་ཏྭཱ་རེ་ཎི་སྭཱཧཱ། སྤྱི་བོ་ལའོ། །སྔགས་ཀྱི་བདག་པོས་བྱིན་རླབས་དང༌། ཡེ་ཤེས་དམ་ཚིག་མཉམ་པར་བྱ། །དབང་གི་དོན་ནི་བསྒོམས་བྱས་ལ། །རང་ལྷར་སེམས་ནི་བརྟན་བྱའོ། །རྣལ་འབྱོར་ཆེན་པོའི་ལེའུ་སྟེ་གཉིས་པའོ། །དེ་ནས་སྒྲོལ་མས་བཀའ་སྩལ་པ། ཨོཾ་ལཾ་མཾ་པཾ་ཏཾ་


TNT12_Page_0317
[མ་དཔེ་གཟིགས་ན་འདིར་གནོན།]

ཧཱུཾ་བཛྲ་ཨ་བྷི་ཥིཉྩ་ཧཱུཾ། ཨོཾ་བྲུཾ་ཨཾ་ཛྲིཾ་ཁཾ་ཧཱུཾ། རཏྣ་མུ་ཀུ་ཊ་ཨ་བྷི་ཥིཉྩ་ཧཱུཾ། ཨོཾ་ཧཱུཾ་ཁཾ་ཧཱུཾ་བཛྲ་ཨ་བྷི་ཥིཉྩ་ཧཱུཾ། ཨོཾ་ཧཱུཾ་ཏཾ་ཧཱུཾ་བཛྲ་ཨ་དྷི་པ་ཏི་སྟྭཾ་ཨ་བྷི་ཥིཉྩ་ཧཱུཾ། ཨོཾ་ཛཿཧཱུཾ་བཾ་ཧོཿབཛྲ་སཏྭ། སྟྭཾ་བཛྲ་ན་མ་ཨ་བྷི་ཥིཉྩ་ཧཱུཾ། དབང་བསྐུར་བའི་སྔགས་སོ། །རྡོ་རྗེ་དཀྱིལ་འཁོར་བྲི་བར་བྱ། །ཀ་བ་བརྒྱད་ཀྱིས་ཉེ་བར་མཛེས། །ཐིག་བཞི་དང་ནི་ཡང་དག་ལྡན། །ཕྱི་རོལ་ར་བ་མེ་རིར་བཅས། །དུར་ཁྲོད་དག་ཀྱང་བྲི་བར་བྱ། །དབུས་སུ་ཨུཏྤལ་མཐིང་ཁ་དགོད། །ཤར་དུ་ཞི་བའི་ཨུཏྤལ་དང༌། །བྱང་དུ་བུམ་པ་བྲི་བར་བྱ། །ནུབ་ཏུ་ལྕགས་ཀྱུ་འབར་བ་སྟེ། །རལ་གྲི་ལྷོ་རུ་དགོད་པར་བྱ། །ཞི་དང་རྒྱས་དང་དབང་དང་ནི། །གསོད་བྱེད་རྣམས་ཀྱི་མཚན་མའོ། །གྲྭ་བཞིར་རིགས་ཀྱི་ལྷ་མོ་སྟེ། །ཨུཏྤལ་མཛེས་པ་རེ་རེ་བྲི། །ལྕགས་ཀྱུ་ལ་སོགས་སྒོ་རུ་དགོད། །སྟོབས་ཆེན་ཕ་རོལ་གནོན་པ་ཡི། ཁྲོ་བོ་རྣམས་ཀྱང་གྲྭར་དགོད་དོ། །ལས་རྣམས་བྱེད་པའི་ལྷ་མོའི་ཚོགས། །ཕྱི་རོལ་དག་ཏུ་བྲི་བར་བྱ། །དབུས་སུ་བདག་ཉིད་གནས་བྱས་ནས། །རྡོ་རྗེ་མཚན་མའི་ཚོགས་སྤྲོས་པས། །སེམས་ཅན་ཁམས་རྣམས་སྦྱངས་པར་བྱ། །མཆོད་པའི་སྤྲིན་གྱིས་ནམ་མཁའི་ཁམས། །མཆོག་ཏུ་གང་བ་སྤྲོ་བར་བྱ། །མེ་ཏོག་ག་བུར་མ་ཉམས་པ། །བྷ་ག་མཆོག་ལས་ཡང་དག་བླངས། །རྣལ་འབྱོར་མ་ཡི་འཁོར་ལོས་མཆོད། །ཡང་གསུངས་པ། སྒོ་དགུ་ངེས་པར་བཀག་བྱས་ནས། །རྒྱས་པ་ལྔ་ཡི་མཆོད་རྟེན་ལས། །སྲོག་ཤིང་རྩེ་མོར་རང་གིས་སེམས། །མདའ་གཞུའི་སྦྱོར་བས་འཕོ་


TNT12_Page_0318
[མ་དཔེ་གཟིགས་ན་འདིར་གནོན།]

བར་བྱ། མཚམས་མེད་ལྔ་པོ་བྱེད་པ་ཡང༌། །འདི་ཡིས་གྲོལ་འགྱུར་ཐེ་ཚོམ་མེད། །རིག་པའི་བརྟུལ་ཞུགས་སྤྱད་བྱ་སྟེ། །མི་ལྤགས་རས་རྙིང་བགོ་བའམ། །གཅེར་བུའི་བརྟུལ་ཞུགས་བྱས་ནས་ནི། །དོགས་པའི་སེམས་ནི་ཀུན་སྤངས་ནས། །ཇི་ལྟ་བུར་ན་སྣང་བ་འདི། །འདོད་སྤྱོད་བདེ་བ་ལ་བསྡུས་ནས། །ངན་ཟོས་ངན་སྤྱོད་ཐམས་ཅད་ཀྱིས། །བླ་མེད་བྱང་ཆུབ་བསྒྲུབ་པར་བྱ། །དེ་ལ་འདི་ནི་རྡོ་རྗེ་དམ་ཚིག་གོ །གང་ལས་སློབ་དཔོན་དབང་བསྐུར་བ། །སློབ་དཔོན་གཅིག་ཏུ་གྱུར་པ་ཡི། །སྲིང་མོ་སྒྲོལ་མ་དང་མཉམ་བརྟག །རྡོ་རྗེ་སློབ་དཔོན་དེ་བཞིན་དུ། །རིག་མའམ་བདག་གི་རིག་མ་ཡང༌། །སློབ་དཔོན་མཆོག་ཏུ་ཡོངས་སུ་བརྗོད། །བླ་མ་སངས་རྒྱས་ཀུན་མཉམ་པས། །དེ་ཡི་གྲིབ་མའང་འགོམ་མི་བྱ། །འོན་ཀྱང་དགའ་མ་དགེས་དབང་མོ། །གཉིས་ཀྱི་སྒོ་དགུ་ལས་བྱུང་བ། །མི་རྟོག་སྣོད་གཅིག་ཟ་བ་དང༌། །གཙང་སྦྲའི་སེམས་ཀྱིས་ཙུམ་པ་དབུལ། །ལྷན་ཅིག་མལ་སྟན་ལོངས་སྤྱད་ནས། །ལག་གིས་རྡོ་རྗེ་བཟུང་གསོར་ཏེ། །ཡོ་ནིར་སོར་བྱ་དམ་འཁྱུད་ནས། །ཚིག་དང་ཡི་གེས་དགེས་བསྐུལ་བས། །སོ་དང་སེན་རིས་འདྲུད་པ་དང༌། །འཇིབ་དང་སྒོ་ཡིས་ཟས་འབུལ་བ། །གུས་དང་ཕྱག་བཅས་བག་བརྐྱང་བས། །འགོངས་པ་འདི་ལ་ཉེས་མེད་དེ། །སློབ་དཔོན་དགེས་ལས་དངོས་གྲུབ་ཀུན། །བཟང་མོ་དེ་ཡིས་རྟག་ཏུ་ཐོབ། །ཡུ་ཛ་གུས་པས་གཞིབ་པ་དང༌། །ཕྱག་བྱ་གལ་ཏེ་སེམས་ལྷུང་


TNT12_Page_0319
[མ་དཔེ་གཟིགས་ན་འདིར་གནོན།]

གྱུར། །འདབ་ལྡན་ལས་བྱུང་ཟ་བར་བྱ། །ཡོ་ནིས་ཙ་རུ་དབུལ་བ་དང༌། །འཁྲིག་ཐབས་འཁྲུལ་འཁོར་ཉེས་མེད་དེ། །གང་དེས་དེ་ཉིད་མཉེས་བྱེད་པའོ། །དེ་ནས་ལས་སྣ་ཚོགས་པ་རྣམས་གསུངས་པ་ཕྱོགས་བཞི་དང་གྲྭ་བཞིར་ཨུཏྤལའི་གཟུགས་བྱ། །རེ་རེ་ཡང་ཏཱཾ་གསུམ་གྱིས་མཚན་པ། ལྟེ་བ་ཀུན་ནས་ཟླུམ་པོ་ལ། ཨོཾ་པྲ་སནྣ་ཏཱ་རེ་ཨ་མྲྀ་ཏ་མུ་ཁི་ཨ་མྲྀ་ཏ་ལོ་ཙ་ནི། སརྦ་ཨརྠ་སྭ་དྷ་ནི། སརྦ་སཏྭ་བཱ་ཤཾ་ཀ་རི། སྟྲི་བཱ་སུ་རུ་ཥོ་བཱ་རཱ་ཛཱ་ནོ་བཱ་བ་ཤཾ་ཀུ་རུ་ཏཱཾ་སྭཱཧཱ། ཞེས་པ་ལྟེ་བར་བཀོད་པ། འཁོར་ལོ་རྩིབས་བཅུ་པར་པདྨ་ལ་ཡི་གེ་བཅུ་པའོ། །ཧྲཱིཿ གཉིས་ཀྱི་ནང་དུ་མིང་ཆུད་པར་བྱས་ན་དབང་དུ་བྱེད་དོ། །ཡང་ན་རྩིབས་བརྒྱད་པ། ཡི་གེ་ཡང་བརྒྱད་པ་སྟེ་དབུས་སུ་ཟླ་བ་ལ་ཏཱཾ་ཡིག་གོ །འཁོར་ལོ་ཁ་སྦྱོར་དུ་བྱས་ན་ཉི་མ་བདུན་ན་ངེས་པར་དབང་དུ་འགྱུར་རོ། །ཡང་ན་རྩིབས་དྲུག་པ་ཡི་གེ་ཡང་དྲུག་པའོ། །དབུས་སུ་ཧྲིཿ བཱ་ཤཾ་ཀུ་རུ་ཧྲིཿསྭཱཧཱ། གོ་རོ་ཙ་ན་དང་ཙནྡན་དམར་པོ་དང༌། རྒྱ་སྐྱེགས་དང༌། ཁྲག་གི་བྷོ་ཛ་པ་ཊ་ལ་བྲི་བར་བྱ་སྟེ། སྲིད་པ་གསུམ་ཡང་དབང་དུ་བྱེད་དོ། །གུར་གུམ་ལ་སོགས་འཁོར་ལོ་ནི། །རྩིབས་བརྒྱད་མར་དང་སྦྲང་རྩིར་བཅས། ཁ་སྦྱོར་སྦྱོར་བས་དབང་དུ་བྱེད། །སརྦ་མོ་ཧཱ་ནི་ཏཱ་རེ་ཏུཏྟཱ་རེ་སརྦ་དུཥྟཾ་མོ་ཧཱ་ཡ་བྷ་ག་ཝཱ་དཱི་སརྦ་དུཥྟ་ནཾ་བནྡྷ་བནྡྷ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་སྭཱཧཱ། གོས་ཀྱི་མཐའ་ནི་མདུད་བྱས་ན། །ཆོམ་རྐུན་འཆིང་བར་བྱེད་པའི་མཆོག །ཨུཏྤལ་ལ་མངོན་བསྔགས་པས། །


TNT12_Page_0320
[མ་དཔེ་གཟིགས་ན་འདིར་གནོན།]

གང་ལ་བྱིན་པ་དེ་དབང་འགྱུར། །ཨུཏྤ་ལས་མཚན་འཁོར་ལོའོ། །ཆུ་དབུས་སྣ་ཚོགས་རྡོ་རྗེའི་ལྟེར། །ཐོད་ལེས་མིང་མཐར་ཧྲཱིའི་བྲིས་ལ། ཁམ་པོར་དབུས་སུ་བཞག་ན་རེངས། །འདབ་བརྒྱད་པདྨར་ག་ཡིག་ནང༌། །ཆུད་ཅིག་ལྟེ་བར་ག་བརྒྱད་བྲིས། །ཡུང་བས་རྡོ་ལེབ་དག་ལ་སྟེ། ཁ་ཕུབ་བཞག་ན་ཤིན་ཏུ་རེངས། །འཁོར་ལོ་དེ་ནི་དུག་དང་ཁྲག །སྐེ་ཚེ་མི་རུས་བཏགས་པའི་ཆུས། །ཐོད་པར་ཧཱུཾ་ཕཊ་མཚན་པར་བྲི། །འདི་ཡིས་ངེས་པར་གསོད་པར་བྱེད། །གྲོ་གར་གུར་གུམ་གྱིས་བྲིས་ལ། །ཨོཾ་བཅས་མེ་ཏོག་སེར་པོས་མཆོད། །ཡང་ན་སྭཱཧཱར་ཆུད་པར་བྲི། །རྒྱས་དང་བསྲུང་བ་བྱེད་པའི་མཆོག །རྩིབས་བཅུ་ཨ་ཡིག་ནང་ཆུད་པ། །ཙནྡན་ཆུས་བྲི་ཁམ་ཕོར་བཅས། །མེ་ཏོག་དྲི་བཟང་གིས་མཆོད་ན། །ཤིན་ཏུ་ཞི་བའི་ལས་ལ་མཆོག །བྷ་ག་ལིངྒ་ཧྲཱིཿཡིག་གིས། །བསྐོར་བ་མིང་དང་བསྐུལ་སྔགས་བཅས། །འདི་ཡིས་བསྒྲུབ་བྱ་འགུགས་པར་འགྱུར། །པདྨ་འདབ་མ་ཉི་ཤུ་བཞིར། །རེ་ཁ་གསུམ་བསྐོར་ཨོཾ་ཧྲིཾ་ཀླིཾ། །རྒྱལ་ལ་བྲིས་ནས་རེག་བྱས་ན། །བྲན་ཕོ་བྲན་མོ་ལྟར་ལས་བྱེད། །འཁྲུལ་འཁོར་གྲུ་བཞི་སྒོ་བཞི་པ། །སྣ་ཚོགས་རྡོ་རྗེ་སྟེགས་བུས་བརྒྱན། །ཐོ་བ་དབྱིག་ཐོ་པདྨ་དང༌། །རལ་གྲི་སྒོ་དང་ཨུཏྤ་ལ། །ཐོད་བཅས་ལྕགས་ཀྱུ་མཚམས་སུའོ། །དེ་དབུས་འདབ་མ་བཅུ་པ་བྲི། །ཨོཾ་པྲ་སན་ཏཱ་རེ་ཨ་མྲྀ་ཏ་མུ་ཁི་ཨ་མྲྀ་ཏ་ལོ་ཙ་ནེ་སརྦ་ཨརྠ་སཱ་དྷ་ནི་སྭཱཧཱ། དབང་དུ་བྱེད་པའི་སྔགས་


TNT12_Page_0321
[མ་དཔེ་གཟིགས་ན་འདིར་གནོན།]

སོ། །དེ་ནས་བཀའ་སྩལ་པ། །ཨོཾ་སརྦ་མོ་ཧ་ནི་ཏཱ་རེ་ཏུཏྟཱ་རེ་སརྦ་དུཥྟན་མོ་ཧ་ཡ་བྷ་ག་བ་ཏཱི་སརྦ་དུཥྟཱ་ནཾ་བནྡྷ་བནྡྷ་ཧཱུཾ་ཧཱུཾ་ཕཊ་སྭཱཧཱ། དེ་དབུས་ཟླ་བ་ཏཱཾ་ཡིག་བཅས། །དབུས་རྩིབས་དྲུག་ལ་ཀུ་རུ་ཀུལླེ། །སྔགས་ནི་ཧྲཱིཿགཉིས་དབུས་ཆུད་པའི། །མིང་དང་བསྐུལ་བས་ལས་ཀུན་བྱེད། །འབུམ་ཕྲག་བཟླས་པས་ས་གཡོ་ཞིང༌། །རྒྱ་མཚོ་བདུན་བསྐམས་དུག་ཞིར་བྱེད། །གྱོ་མོའི་སྦྱོར་བས་འབྱུང་བོ་ཀུན། །བཅིངས་ནས་ཀླུ་དང་མཁའ་འགྲོ་མའི། །སྦྱོར་བ་འཕྲོག་ཅིང་ཆར་འབེབས་དང༌། །མཚོན་ཆས་མི་གནོད་ལུས་སུ་འགྱུར། །དཔྱིད་ཟླ་ར་བར་བུ་མོ་མཛེས། །རྡུལ་ལྡན་གྱི་ནི་རས་བཏགས་ལ། །ཟླ་མཚན་གྱིས་བསྒོས་དེ་ལ་ནི། །རི་མོར་དམ་ཚིག་ལྡན་པས་བྲི། །སྒྲོལ་མ་འོད་ཟེར་ཅན་མ་དང༌། །ཕག་མོའི་གཟུགས་ལ་མངོན་མཆོད་ན། །གང་གང་འདོད་པའི་ལས་ཐམས་ཅད། །ཐོགས་པ་མེད་པར་འགྲུབ་པར་འགྱུར། །གཞན་ཡང་རྩ་བའི་གཟུངས་ཀྱི་མཐུ་གསུངས་པ། གོས་མཐའ་འམ་སྐྲ་ལ་མངོན་བསྔགས་བཅིངས། །འབྲོག་དགོན་དག་ཏུ་འཇིགས་མེད་འགྱུར། །ཨུཏྤལ་སྦྱིན་སྲེག་བརྒྱ་རྩ་ཡིས། །ངེས་པར་དབང་དུ་བྱེད་པ་ཡིན། །ཨོཾ་ཏཱ་རེ་ཏུཏྟཱ་རེ་ཏུ་རེ་ཨ་མུ་ཀཾ་མེ་བ་ཤ་མ་ན་ཡེ་སྭཱཧཱ། བྱ་རོག་གཤོག་པར་བསྔགས་ནས་ནི། །དགྲ་བོའི་ཁྱིམ་དུ་སྦོས་ན་སྐྲོད། །ཨོཾ་ཏཱ་རེ་ཏུཏྟཱ་རེ་ཏུ་རེ་ཙ་ལ་པྲ་ཙ་ལ་ཤཱི་གྷྲཾ་ག་མི་ནི་དེ་བ་ད་ཏྟཾ་ཨུཏ་ཙ་ཊ་ཡ་ཧཱུཾ་ཕཊ། སོ་སོ་འཆའ་དང་ཡུངས་ཀར་དང༌། །ཐང་ཕྲོམ་ཨ་ཤྭ་ཀའི་མེ་


TNT12_Page_0322
[མ་དཔེ་གཟིགས་ན་འདིར་གནོན།]

ཏོག། འདབ་བཅས་སྦྱིན་སྲེག་བྱེད་པའམ། །ཡང་ན་མངར་གསུམ་བསྲེགས་བྱས་ན། །ཉིན་བདུན་བུ་མོ་མཆོག་ཐོབ་འགྱུར། །ཨོཾ་ཏཱ་རེ་ཏུཏྟཱ་རེ་ཏུ་རེ་ཨ་མུ་ཀ་བྷི་དྷ་ནཱཾ། །ཀུ་མཱ་རཱི། མ་ཧྱ་མུདྤ་ཏེ་ན་ཏ་སྱཱཿསི་ཏ་པྲ་ཡཙྪནྟུ་སྭཱཧཱ། ཟླ་མཚན་རས་ལ་སྒྲོལ་མ་ནི། །ཨུཏྤལ་ཞགས་པ་བསྣམས་པ་བྲི། །མཆོད་ཅིང་ལྔ་སྟོང་བཟླས་ནས་ནི། །ཞགས་པ་ལྕགས་ཀྱུའི་སྦྱོར་བས་སྤྱད། །ཨོཾ་ཏཱ་རཻ་ཏུཏྟཱ་རེ་ཏུ་ཡེ་ཨ་མུ་ཀཱི་མ་མ་བ་སི་ཏཾ། སྭ་སྣ་ཀརྞེ་ཀ་ཐཱ་ཡ་ཧཱུཾ་ཕཊ། རེག་ཕྲུག་ཚེར་མ་ཟླ་མཚན་བཅས། །སྲེག་བླུགས་སྟོང་ཕྲག་གཅིག་གིས་ནི། །མི་བདག་བུ་མོ་མཆོག་ཀྱང་འགུགས། །ཨོཾ་ཏཱ་རེ་ཏུཏྟཱ་རེ་ཏུ་རེ་ཨ་མུ་ཀ་བི་དྷ་ནཾ་སྭསྠཱ་ནཱ་དཱ་ཀརྵཱ་ཡ་མ་མཱནྟི་ཀེ་ཛཿ ཟླ་བ་གཟས་བཟུང་འཇིག་རྟེན་དབང༌། །དུང་དང་བཏགས་ཏེ་འདོད་མར་སྦྱིན། །ཡང་ན་སྦྲུལ་མགོ་གཉིས་པའི་ཤ །ཨརྐའི་བལ་ལ་དྲིལ་བྱས་ལ། །བ་དམར་མར་ཁུས་མིག་སྨན་བྱ། །རྡོ་རྗེ་ཆོས་དང་ཉི་མ་དང༌། །རྟ་རྒྱལ་མཆོག་གི་སྤོས་བདུག་ནས། །བལྟས་པས་པདྨ་གར་དབང་འབབ། །ཧ་ལ་ཧ་ལའི་མཇུག་མ་དང༌། །འཇམ་འབྲས་རྩངས་པའི་མཇུག་མ་དང༌། །འགྲོན་བུ་རོར་བཅས་ཁུ་བ་འཛིན། །སྡིག་པའམ་སྦལ་པའི་ཞག་གིས་སམ། །འོ་མ་རྣམ་གསུམ་སྦྱར་བ་དང༌། །ཨ་ཕུ་མཚལ་དང་སྦྱར་བ་ནི། །གུ་གུལ་བཅས་པའི་རིལ་བུས་ཀྱང༌། །རྟག་ཏུ་ཁུ་བ་རེངས་པར་འགྱུར། །


TNT12_Page_0323
[མ་དཔེ་གཟིགས་ན་འདིར་གནོན།]

ཨོཾ་ཏཱ་རེ་ཏུཏྟཱ་རེ་ཏུ་རེ་སནྟ་ར་ཎི་ཧྲཱིཿ དེ་བ་དཏྟ་བཱ་ཤཾ་ཀུ་རུ་ཧོ། པདྨ་ལྕགས་ཀྱུ་བཅས་པ་ཡི། །སྤུ་ཏ་ལིངྒས་འགུགས་པར་བྱ། །ཞགས་པ་ལྕགས་ཀྱུ་བསྣམས་པ་ཡི། །ལྷ་མོས་འགུགས་པར་བྱེད་པ་ཡིན། །ཨོཾ་ཙ་ཏུརྦྷ་ཛ་ཥཎྨུ་ཁ་བི་ཀྲི་ཏཱ་ན་ན་ཀརྞ་བི་ཤཱ་ཙི་ཧཱུཾ་ཕཊ། གཤིན་རྗེ་གཤེད་ཀྱི་བྲིས་སྐུའི་མདུན་དུ་ཞག་བདུན་བཟླས་ན། རྣ་བར་སྒྲོག་པ་གྲུབ་བོ། །ཨོཾ་བུདྷ་ཙུ་རུ་མཱ་ཙུ་རུ་ཀེ་སྭཱཧཱ། མཆོད་རྟེན་གྱི་དྲུང་དུ་གཙང་སྦྲ་དང་བཅས་པས་བཟླས་ན། བདག་ཉིད་གང་དུ་སྐྱེ་བར་འགྱུར་བ་དང༌། ཚེ་ཟད་པ་དང༌། རིང་དུ་འཚོ་བ་ཡང་ཤེས་པར་འགྱུར་རོ། །སྦྲུལ་གྱིས་སྦལ་པའི་བཟུང་བ་ན། །དེ་དག་དུད་མེད་ཐལ་བར་བྱ། །སྦྲང་རྩིར་སྦྱར་བ་མཆན་ཁུང་དུ། །ཐིག་ལེ་བྱས་ན་འགུགས་པར་འགྱུར། །མི་ཚིལ་མི་ཡི་ཐོད་པར་བཞག །ནརྨའི་བལ་གྱིས་སྡོང་བུར་བྱ། །གཟུགས་འཚོང་ཐོད་པ་དག་ལས་ནི། །སྣག་ཚ་བླངས་ཏེ་བུ་མོ་ལ། །ཐིག་ལེ་བྱས་ན་འགུགས་པར་འགྱུར། །ཨོཾ་བཛྲ་ཏཱིཀྵ་ཡ་ཧཱུཾ་སྭཱཧཱ། འོ་མ་ལ་ལན་བདུན་མངོན་པར་བསྔགས་ནས་བཀྲུས་ན་མིག་གི་རབ་རིབ་སེལ་བར་འགྱུར་རོ། །མིའི་རྟིང་པའི་ཤ་དང༌། བྱི་ལ་ནག་མོའི་མཆིན་པའི་བདུག་པས་གནས་དང་རྫས་ཀྱི་འབྱུང་པོ་སྐྲོད་པར་འགྱུར་རོ། །ནིརྒུ་ཊ་དང་མུནྚི་དང་བྷདྒ་ར་ནག་པོ་དང༌། །བྷདྒ་དང་ནིམྦ་ཏིག་ཏ་རྣམས་གྲིབ་མ་ལ་བསྐམས་པ་དང༌། བེ་ལ་ཝ་དང༌། ཛདྒི་ཧ་རི་ཏ་ཀི་རྣམས་བུ་རམ་ལ་སྦྱར་ནས་དང་པོ་ལྔ་


TNT12_Page_0324
[མ་དཔེ་གཟིགས་ན་འདིར་གནོན།]

དང་ཕྱི་ནས་ཆུ་ཚོད་གཅིག་ནས་ལྷག་མ་ཡང་སོར་མོ་གསུམ་གྱི་ཚད་དུ་ཟོས་ན་ཟླ་བ་དྲུག་ནས་རྒན་པོ་ཡང་གཞོན་ནུར་བྱེད་པ་ལ་ཐེ་ཚོམ་མེད་དོ། །ན་མོ་བི་ག་ཏ་རཱ་ག་མེ་ཏྲི་ཡ་སིདྷ་ལོ་ཙ་ནེ་སྭཱཧཱ། ཞེས་པས་ཀྱང་རབ་རིབ་སེལ་བར་བྱེད་དོ། །ཟླུམ་པོ་མཚམས་སུ་རྡོ་རྗེས་བརྒྱན། །ཧཱུཾ་བཞིས་རྡོ་རྗེ་ལེགས་པར་མཚན། །ཨོཾ་པ་ད་ཀྲ་མ་སཱི། པ་ར་ཀྲ་མ་སཱི། ཨུ་ད་ཡ་མ་སཱི། ནིརྨ་མ་སཱི། ཨརྐ་མ་སཱི། མརྒ་མ་སཱི། ཨུརྨ་མཱ་སཱི། བ་ན་མ་སཱི། གུལྨ་མ་སཱི། ཙི་བ་ར་མ་སཱི། མཧཱ་ཙི་བ་ར་མ་སཱི། ཨནྟདྡྷ་ན་མ་སཱི་སྭཱཧཱ། ལྟེ་བ་ལ་བྲི་སྟེ་ཨོཾ་ནི་ཐམས་ཅད་དུའོ། །དབུས་སུ་རྡོ་རྗེའི་གཡས་དང་གཡོན་དུ། ཨོཾ་བརྟ་ལཱི་ཨོཾ་བ་རཱ་ལི། ཨོཾ་བ་རཱ་ཧ་མུ་ཁཱི་ཞེས་བྲིའོ། །མཚམས་སུ་ཡང༌། ཨོཾ་མཱ་རི་ཙྱེ་ཞེས་བྲིའོ། །དབུས་སུ་ཨོཾ་བཱ་རཱ་ལཱི། ཨོཾ་བ་ཏཱ་ལཱི། ཨོཾ་པ་རཱ་ཧ་མུ་ཁཱི་སརྦ་དུཥྟཾ་པྲ་དུཥྟཾ་ཀཱ་ཡེ་བཱཀྩིཏྟེ་མུ་ཁཾ་ཛམྦྷ་ཡ། སྟཾ་བྷ་ཡ་ཞེས་སོ། །དབུས་སུ་མཾ་ཡིག་གོ །དེའི་ནང་དུ་དེ་བ་དཏྟ་རཀྵ་རཀྵའོ། །འདི་ནི་གྲོ་ག་ལ་གུར་གུམ་གྱིས་བྲིས་ན་ཐམས་ཅད་དུ་བསྲུང་བ་སྟེ། འོད་ཟེར་ཅན་མའི་འཁོར་ལོའོ། །ཡང་གསུངས་པ། དབུས་སུ་ལྷ་མོ་གསེར་མཚུངས་པ། །གསེར་གྱི་རྣ་ཆ་གཡོ་བ་ཅན། །ཞལ་བཞི་ཕྱག་བརྒྱད་འདོད་པའི་གཟུགས། །རྡོ་རྗེ་འཛིན་མའི་དཀྱིལ་འཁོར་བསྒོམ། །རྣལ་འབྱོར་མ་ནི་བཅུ་དང་བཅས། །གྲྭ་བཞིར་འབྱུང་བ་བཞི་ཡང་


TNT12_Page_0325
[མ་དཔེ་གཟིགས་ན་འདིར་གནོན།]

དགོད། །དཀྱིལ་འཁོར་མཆོག་འདི་སྐུ་ཡི་ནི། །གསང་བའི་ཡེ་ཤེས་བླ་མེད་པའོ། །དེ་ནས་གསུང་གི་དཀྱིལ་འཁོར་ནི། །བྷ་གའི་དབུས་སུ་ཟླ་བ་བསྒོམ། །དམར་མོ་བཅུ་གཉིས་ལོ་ཡི་ཚུལ། །ཕྱག་རྒྱ་ལྔ་དང་ཐོད་པས་བརྒྱན། །ཞབས་བཞི་གཡས་བརྐྱངས་རོལ་པར་མཛད། །བདུད་བཞི་མཉམ་པར་མནན་པའོ། །སྤྱི་བོར་ཨུཏྤལ་ཕྲེང་བ་བཅིངས། །གཡས་པ་ནག་པོ་སེར་པོ་དང༌། །སྣ་ཚོགས་འབར་བས་རྣམ་པར་འཕྲོ། །དཀར་པོ་ལྗང་ཁུ་སྔོན་པོ་ནི། །གཡོན་གྱི་ཞལ་ལ་རིམ་པས་སོ། །སྟེང་ཞལ་དུད་ཁ་བོང་བུའི་གཟུགས། །རལ་གྲི་ཨུཏྤལ་མདའ་བོ་ཆེ། །རྡོ་རྗེ་ཀྱོ་བ་དབྱུག་པ་དང༌། །ཟངས་གྲི་མི་འཇིགས་ཕྱག་རྒྱའོ། །ཐོད་པ་སྡིགས་མཛུབ་དེ་ནས་གཞན། །གཞུ་དང་ཁ་ཊྭཱཾ་ཞགས་པ་དང༌། །མགོ་བོ་ནོར་བུ་བུམ་པར་བཅས། །མཆེ་གཙིགས་འདོད་པའི་གཟུགས་ཅན་མ། །ཧེ་རུ་ཀ་ཡི་སྒྲོལ་མའོ། །ཏཱཾ་ལས་ལྗང་ཁུ་ཞལ་གཅིག་མ། །མཆོག་སྦྱིན་ཨུཏྤལ་བསྣམས་པ་ཡིས། །འདོད་པ་ཐམས་ཅད་སྦྱིན་པར་བྱེད། །མི་འཇིགས་སྦྱིན་པའི་ཕྱག་རྒྱ་ཡིས། །འཇིགས་པ་བརྒྱད་ལས་སྐྱོབ་པ་སྟེ། །ཡི་གེ་བརྒྱད་བཟླས་ངེས་འགྲུབ་འགྱུར། །རྡོ་རྗེ་གདོང་ལྡན་ཕྱག་གཉིས་དམར། །ཧེ་རུ་ཀ་དཔལ་ཡུམ་གྱུར་པའམ། །འཁོར་ལོ་བདེ་མཆོག་རིམ་པ་ལས། །ཡང་ན་ཧེ་རུ་ཀ་སྦྱོར་བས། །གང་ལ་དགའ་བ་དེ་འགྲུབ་འགྱུར། །ཐོད་པ་རྡོ་རྗེ་ཁྲག་འཐུང་དང༌། །གྲི་གུག་ཕག་མོས་བསྣམས་པའོ། །བདུད་བཞི་པོ་ནི་


TNT12_Page_0326
[མ་དཔེ་གཟིགས་ན་འདིར་གནོན།]

རྣམ་པར་མནན། །ཐལ་བ་འཚོ་བྱེད་ཁ་ཊྭཱཾ་བཅས། །བྷ་ག་ལིངྒ་ཟློག་པར་བྱ། རྡོ་རྗེས་བསྣུན་ནས་ཁྲག་འཐུངས་པས། །སྐད་ཅིག་གཅིག་གིས་གསོད་པར་བྱེད། །ཞགས་པ་ལྕགས་ཀྱུའི་སྦྱོར་བ་ཡིས། །བུ་མོ་ཐམས་ཅད་འགུགས་པར་འགྱུར། ཁུ་བ་ཁྲག་དང་ཆང་དང་ནི། །གོང་བུ་ལ་སོགས་དགུག་པར་བྱ། །ཨོཾ་སུམྦྷ་ནི་སུམྦྷ་ནི་ཧཱུཾ། གྲྀཧྞ་གྲྀཧྞ་ཧཱུཾ། གྲྀཧྞ་པཱ་ཡ་གྲྀཧྞ་པཱ་ཡ་ཧཱུཾ། ཨཱ་ན་ཡ་ཧོ་བྷ་ག་ཝཱན་བི་དྱ་རཱ་ཛ་ཧཱུཾ་ཕཊ། ཧཱུཾ་གི་ཡེ་ཤེས་ལས་བྱུང་བ། །རྡོ་རྗེ་སུམྦྷ་རབ་ཏུ་གནག །རྡོ་རྗེ་འབར་བ་དུང་དམར་དང༌། །གཏུན་ཤིང་སྦྲུལ་གྱི་ཞགས་པ་བསྣམས། ཁྲོ་བོའི་རྒྱལ་པོ་རྟ་མགྲིན་ནི། །བསྐལ་པའི་མེ་བཞིན་གཟི་བརྗིད་འབར། །མདའ་གཞུ་དབྱུག་ཐོ་འཛིན་པའི་མཆོག །རྡོ་རྗེ་ཞགས་པ་སྡིགས་འཛུབ་ཅན། །སྤྱན་གསུམ་གཡོན་བརྐྱང་སྟབས་བསྒོམ་བྱ། །ལས་རྣམས་ཐམས་ཅད་བྱེད་པ་ཡི། །ལྷ་ཡི་རྒྱལ་པོ་འདི་དག་གོ །ལྷ་མོ་ནག་མོ་རྣལ་འབྱོར་བསྒོམ། །རལ་གྲི་དང་ནི་ཐོད་པའི་ལག །ལྷ་མིན་འཇོམས་པ་དགྲ་བོ་ཡི། །མགོ་གཅོད་ཏྲི་ཤཱུ་ལ་འཆང་མ། །བྱ་རྒོད་ལྕེ་སྤྱང་ཙཱི་ལ་སྤྲོ། །རྒྱུ་མ་མི་མགོའི་མེ་ཏོག་ཅན། །མ་མོ་བརྒྱད་ཀྱིས་ཡོངས་སུ་བསྐོར། །རོ་ལ་ཞོན་པ་རྣམ་པར་བསྒོམ། །ཡང་ན་སྟག་མོ་ལ་གནས་པ། །དྲག་ཤུལ་སྤྱོད་པས་བསྒོམ་པར་བྱ། ཁུ་བ་རྡོ་རྗེར་བྱས་པ་ལས། །རང་གི་སེམས་ནི་རྡོ་རྗེར་འགྱུར། །རྣམ་རྟོག་མེད་ཅིང་སྤྲོས་དང་བྲལ། །མཁའ་ལྟར་རང་བཞིན་


TNT12_Page_0327
[མ་དཔེ་གཟིགས་ན་འདིར་གནོན།]

གོས་པ་མེད། །རང་རིག་བདེ་བ་ཆེན་པོ་སྟེ། །དབང་བསྐུར་མཆོག་ནི་འདི་དག་གོ །མེ་ལོང་གཟུགས་བརྙན་འདྲ་སེམས་ཀྱིས། །ཐིག་ལེ་རྡོ་རྗེར་བྱེད་པར་འགྱུར། །སྲོག་དང་ཐུར་སེལ་སྒོ་དབྱེ་བས། །བཙན་ཐབས་སྦྱོར་བས་དབུགས་བཀག་ན། ཁུ་བ་མི་འགྱུར་འཐོབ་པ་སྟེ། །ཐིག་ལེ་ནོར་བུར་བཀག་སྟེ་བསྒོམ། །ལྷ་མོའི་གཟུགས་བརྙན་བསྒྱུར་བར་བྱ། །སྒྲོལ་མ་སྒྲོལ་མ་ཅན་གྲུབ་འགྱུར། །ཡང་ན་ཐོགས་མེད་གཟུགས་ཀྱིས་ཏེ། །སྐྱེས་པ་བུད་མེད་ངེས་འགྲུབ་འགྱུར། །ལས་རབ་འབྱམས་ཀྱི་ལེའུ་སྟེ་གསུམ་པའོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས། །དམ་ཚིག་མཆོད་པའི་སྤྲིན་ཕུང་རབ་འབྱམས་དང༌། །བསྟོད་དབྱངས་རྒྱ་མཚོས་མངོན་པར་བསྟོད་བྱས་ནས། །ལག་ན་རྡོ་རྗེ་འཆང་ལ་རྒྱུད་འདི་གཏད། །འཕྲིན་ལས་ཐམས་ཅད་འབྱུང་བའི་སྒྲོལ་མ་འདུས་པ་དོན་དམ་པ་ཞེས་བྱ་བ་རྣལ་འབྱོར་མའི་རྒྱུད་ཀྱི་རྒྱལ་པོ་ལས་ཇི་སྙེད་པ་རྩ་བའི་རྟོག་པ་རྫོགས་སོ། །རྒྱ་གར་ལྷོ་ཕྱོགས་སུ་སྐུ་འཁྲུངས་པ་གྲུབ་ཆེན་བུདྡྷ་ནཱ་ཐའི་ཞབས་ལས་མནོས་ནས། སླར་རྒྱ་གར་གྱི་མཁན་པོ་ནིརྦཱ་ཎ་ཤྲཱིའི་ཞལ་སྔ་ནས་དང༌། རྒྱལ་ཁམས་པ་ཏཱ་ར་ནཱ་ཐས་ཕྱིས་བྱུང་གི་པཎྜི་ཏ་མིའི་ཉི་མའི་དཀའ་འགྲེལ་དང་བསྟུན་ཏེ་གཡར་ཁྲལ་དུ་བསྒྱུར་བའོ། །ཡང་སླད་ཀྱིས་བྷང་ག་ལར་འཁྲུངས་པའི་པཎྜི་ཏ་པུརྞ་བཛྲའི་དྲུང་དུ། །སློབ་དཔོན་ཆེན་པོ་མར་མེ་མཛད་དཔལ་ཡེ་ཤེས་ཀྱིས་མཛད་པའི་རྒྱས་འགྲེལ་ཆེན་པོ་དང་བསྟུན་ནས་ཅུང་ཟད་བཅོས་ཤིང༌། ཐམས་ཅད་དུ་གྲུབ་


TNT12_Page_0328
[མ་དཔེ་གཟིགས་ན་འདིར་གནོན།]

ཆེན་ཞི་བའི་ཞབས་ཀྱི་ཞལ་ལུང་གི་རེག་ཟིག་སོ་སོ་རྣམས་དང༌། ཁྱད་པར་གུ་རུ་ལྷོ་ཕྱོགས་པ་ཆེན་པོའི་མན་ངག་དང་བསྟུན་ནས་ལེགས་པར་བཅོས་ཏེ་དག་པར་བགྱིས་པའོ།། །།ཞུས་དག། བཀྲ་ཤིས།།


TNT12_Page_0329
[མ་དཔེ་གཟིགས་ན་འདིར་གནོན།]

ཤོག་སྟོང་།

འཕྲིན་ལས་ཐམས་ཅད་འབྱུང་བ་འདུས་པ་དོན་དམ་པ་ལས་ཕྱི་མའི་རྒྱུད་ཀྱི་རྒྱལ་པོ།


TNT12_Page_0330
[མ་དཔེ་གཟིགས་ན་འདིར་གནོན།]

འཕྲིན་ལས་ཐམས་ཅད་འབྱུང་བ་འདུས་པ་དོན་དམ་པ་ལས་ཕྱི་མའི་རྒྱུད་ཀྱི་རྒྱལ་པོ་བཞུགས།


TNT12_Page_0331
[མ་དཔེ་གཟིགས་ན་འདིར་གནོན།]

རྒྱ་གར་སྐད་དུ། ས་མ་ཛ་པ་ར་མཱརྠ་སརྦ་ཀརྨོ་ད་ཡ་ཨུཏྟ་ར་ཏནྟྲ་རཱ་ཛ། བོད་སྐད་དུ། འཕྲིན་ལས་ཐམས་ཅད་འབྱུང་བ་འདུས་པ་དོན་དམ་པ་ལས་ཕྱི་མའི་རྒྱུད་ཀྱི་རྒྱལ་པོ། སྒྲོལ་མ་ལ་ཕྱག་འཚལ་ལོ། །དེ་ནས་བཅོམ་ལྡན་འདས་མ་ཆེན་མོ་དེ་བཞིན་གཤེགས་པ་ཐམས་ཅད་ཀྱི་བཙུན་མོའི་མཆོག་དམ་ཚིག་སྒྲོལ་མ་ཞེས་བྱ་བ། དེ་བཞིན་གཤེགས་པ་དང༌། རྡོ་རྗེ་དང༌། རིན་པོ་ཆེ་དང༌། པདྨ་དང༌། ལས་ཀྱི་རིགས་ཐམས་ཅད་ཀྱི་བདག་པོ། རྒྱུ་བ་དང་མི་རྒྱུ་བའི་བྱེད་པ་པོ། བརྟན་པ་དང་གཡོ་བའི་རང་བཞིན་གསང་བ་ལས་ཆེས་ཤིན་ཏུ་གསང་བ། གསང་བ་ཆེན་པོའི་དབང་ཕྱུག་མས་བདག་ཉིད་ཀྱི་རྡོ་རྗེའི་མིང་འདི་རྣམས་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ༌། །བཅོམ་ལྡན་འདས་མ། སྒྲོལ་མ། རྡོ་རྗེ་མ། དམ་ཚིག་སྒྲོལ་མ། རྡོ་རྗེ་རྣལ་འབྱོར་མ་ཆེན་མོ། ཡེ་ཤེས་ལྔས་བརྒྱན་པ་མ། སངས་རྒྱས་ཐམས་ཅད་ཀྱིས་དབང་བསྐུར་མ། ཡེ་ཤེས་དཀྱིལ་འཁོར། ཟླ་བའི་བདེ་མ། ངོ་མཚར་བདེ་མ། སྐུ་དང་གསུང་དང་ཐུགས་ཀྱི་འདོད་མ།


TNT12_Page_0332
[མ་དཔེ་གཟིགས་ན་འདིར་གནོན།]

ཕུང་པོའི་བདག་མོ། སྐྱེ་མཆེད་ཀྱི་བདག་མོར་གྱུར་པ། འབྱུང་བ་བཞི་རྣམས་རབ་ཏུ་ཐོབ་པ། ཡུལ་དང་བྲལ་བའི་རང་བཞིན། རྒྱུད་ཀུན་གྱི་དབང་ཕྱུག་མ། ཡེ་ཤེས་རྣམ་པ་ལྔས་བྱང་ཆུབ་པ། རྡུལ་དང་བྲལ་བ། དྲི་མ་མེད་པ། གསང་སྔགས་ཆེན་མོ། ཤིན་ཏུ་ཕྲ་བ། མཚན་དང་དཔེ་བྱད་རྣམས་ཀྱིས་སྤྲས་པ། དག་བྱེད། དག་བྱེད་ཆེན་མོ། ལས་ཐམས་ཅད་གྲུབ་པར་བྱེད་པ། འདོད་པ་ཐམས་ཅད་རབ་ཏུ་སྦྱིན་པ། ཡི་གེ་བཅུའི་སྒྲ་སྒྲོག་པ། སྒྲ་སྒྲོག་དགྱེས་མ། གདུང་མ། མྱུར་མ། རྣམ་པར་ཤེས་པ་ཡོངས་སུ་དག་པ། སྲ་ཞིང་བདེ་བ། ཡེ་ཤེས་སྙིང་པོ། བདེ་བ་ཆེན་མོའོ། །དེ་ལ་[འདི་ནི་ཐབས་ཀྱི་དུམ་བུ]འདི་ནི་རྣལ་འབྱོར་མ་རྣམས་ཀྱི་དམ་ཚིག་གི་གནས་སོ། །དེ་སྐད་ཅེས་ཀྱང་བཀའ་སྩལ་ཏོ། །དེ་ནས་ཧེ་རུ་ཀའི་དཀྱིལ་འཁོར། །འདོད་པ་ཐམས་ཅད་རབ་ཏུ་སྒྲུབ། །དཀྱིལ་འཁོར་རྣམས་ཀྱི་མཆོག་གྱུར་གསུངས། །མ་མོ་འདུས་པ་ཉམས་དགའི་གནས། །ཨཱ་ལི་ཟླ་བ་ཀཱ་ལི་ཉི། ཧཱུཾ་གི་ཡེ་ཤེས་རྡོ་རྗེ་སེམས། །ཕྱོགས་


TNT12_Page_0333
[མ་དཔེ་གཟིགས་ན་འདིར་གནོན།]

བཅུའི་དཀྱིལ་འཁོར་རྣམས་སྤྲོ་བ། །སྔགས་འདིར་མགོན་པོ་བསྐུལ་བར་བྱ། །ཨོཾ་བཛྲ་སཏྭ་ཛཿཧཱུཾ་བཾ་ཧོ་སུ་ར་ཏ་སྟྭཾ་དྲྀ་ཤྱ་ཧོ། རྡོ་རྗེ་ཞེ་སྡང་བདག་ཉིད་ནི། །ནག་པོ་ཧཱུཾ་སྒྲོག་བནྡྷུའི་མིག །རྡོ་རྗེ་ཐོད་པས་ལག་སྦྲེལ་བ། །རྩེ་གསུམ་སྲིན་པོའི་མགྲིན་པ་བཙིར། ཁྲོ་མོའི་དབང་ཕྱུག་སྐུ་ལ་འཁྱུད། །མི་ལྤགས་རློན་པའི་ན་བཟར་བཅས། །སྐྲ་སེར་གྱེན་དུ་འཁྱིལ་བའོ། །གཽ་[ཞི་བ་]རི་ཙཽ་རི་[དྲག་མོ་སྙིང་འདྲེན་པ་]རབ་རྨོངས་[པའི་རྨོངས་]དང༌། །[རྣམ་པར་འགྱུར་བ་]རོ་ལངས་སྦོས་[གར་གྱི་ཚུལ།] མོ་ཟ་[ར་བོ་འདོགས་པའི་]ནུས་མ། །དུར་[ཤི་བ་སློང་བའི་ཚུལ་]ཁྲོད་མ་དང་[རོ་ལྡན་པའི་ཚུལ་]གཏུམ་མོ་རྣམས། །སྔོ་དང་སེར་མོ་བཙོད་ཀྱིས་མདོག།གནག་དང་དམར་སེར་ལྗང་ཁུ་དང༌། །སྔོ་བསངས་དེ་བཞིན་སེར་སྐྱའོ། གཽ་རི་ཀེང་རུས་[མིག་ཟིམ་བུ་འདོད་པས་མྱོས་པ་ལྟ་བུའི་ཞི་བའི་ལྟ་སྟངས། ]དབྱུག་པ་དང༌། །ཐོད་པ་གཡས་དང་གཡོན་པར་བསྣམས། །ཙཽ་[དྲག་མོའི་འབྲུ་ཚུགས་སུ་ལྟ་བ་ལྟ་སྟངས་]རི་མདའ་གཞུ་འགེངས་བྱེད་མ། །རབ་རྨོངས་[ཀྱི་ལྟ་སྟང་ཆང་གིས་བཟི་བ་ལྟ་བུར་མི་གསལ་]བར་ལྟ་བ། རྒྱལ་མཚན་ཐོད་པ་འཛིན། །རྡོ་རྗེ་དང་ནི་བྱིས་པའི་རོ། །རོ་ལངས་མ་[ཤི་བ་སློང་བའི་ལྟ་སྟངས་ཅུང་ཟད་གྱེན་དུ་ལྟ་བ།]ཡི་གཡས་གཡོན་ནའོ། །སྦོས་མོ་[ཀར་གྱི་ལྟ་བ་གཡས་གཡོན་དུ་རེས་ཀྱི་ལྟ་བ།] རྒྱུ་མ་འདྲེན་པར་བྱེད། ཟ་ནུས་[ཕུས་འདེབས་གྲངས་:རྣམ་གཡེང་[རྣམས་ཕྱོགས་]ཀྱི་ལྟ་བ་ཕྱོགས་བཅུར་ལྟ་བའོ།] རྡོ་རྗེ་ཐོད་པའོ། །སྙིང་དང་སྙིང་གིས་བཀང་བ་ཡིས། །ཐོད་[རོ་ཟ་བའི་ལྟ་བ་མདུན་སྟེང་འོག་ཏུ་རེས་ཀྱིས་ལྟ་བ།]པས་བྲེལ་བ་དུར་ཁྲོད་མ། །མགོ་[དབུགས་འབྱིན་ཕྱོགས་བཅུར་ལྟ་བའོ།]།དང་ལུས་འཛིན་གཏུམ་མོའོ། །ཨོཾ་ཛྭ་ལ་ཛྭ་ལ། བྷྱོཿཧཱུཾ་ཧཱུཾ་ཧཱུཾ་སྙིང་པོའོ། །


TNT12_Page_0334
[མ་དཔེ་གཟིགས་ན་འདིར་གནོན།]

ཨོཾ་ཨེ་ཧྱེ་ཧི་རུ་ལུ་རུ་ལུ་ཛཿཧཱུཾ་བཾ་ཧོ། ཨོཾ་བཛྲ་ཌཱ་ཀི་ནཱི་བྷྱཿ ཨེ་ཨ་རལླི་ཛཿཛཿ ཨོཾ་ཌཱ་ཀི་ནཱི་ཨཱ་ཀརྵ་ཡ་ཨཱ་ཀརྵ་ཡ། པྲ་བེ་ཤ་ཡ་པྲ་བེ་ཤ་ཡ། བནྡྷ་ཡ་བནྡྷ་ཡ། ཏོ་ཥ་ཡ་ཏོ་ཥ་ཡ། མོ་ཧ་ཡ་མོ་ཧ་ཡ། སརྦ་བཛྲ་ཌཱ་ཀི་ནཱི་ནཱཾ་ཧྲྀ་ད་ཡ་ཧཱུཾ་ཕཊ་ཛཿ ཛཿཧཱུཾ་བཾ་ཧོཿ ཊཱཀྐི་ཧཱུཾ་ཛཿ དགུག་པའི་སྔགས་སོ། །ཨོཾ་ཤྲཱི་ཧེ་རུ་ཀ་མ་ཧཱ་བཛྲ་སརྦ་དུཥྟན་ས་མ་ཡེ་མུ་ཏྲ་པྲ་བྷཉྫ་ཀ་ཧཱུཾ་ཕཊ། ཟིལ་གྱིས་གནོན་པའི་སྔགས་སོ། །ཨོཾ་བ་ཊ་བ་མུ་ཁ་ཨཱ་ཀརྵ་ཡ་ཨཱ་ཀརྵ་ཡ། པྲ་བེ་ཤ་ཡ་པྲ་བེ་ཤ་ཡ། བནྡྷ་ཡ་བནྡྷ་ཡ། ཏོ་ཥ་ཡ་ཏོ་ཥཱ་ཡ། སརྦ་བཛྲ་ཌཱ་ཀི་ནཱི་ནཱཾ་ཧྲྀ་ད་ཡཾ། ཧ་ཧ་ཧི་ཧི་ཨོཾ་ཨཱཿཧཱུཾ། དབང་དུ་སྡུད་པའོ། །ཤ་ཆེན་མྱོས་བྱེད་བ་གླང་ཤ །ཁྲག་བཅས་ཧེ་རུ་ཀ་མཆོད་ན། །ཧེ་རུ་ཀ་དགྱེས་དངོས་གྲུབ་མཆོག །དུར་ཁྲོད་ཆེན་པོར་སྩོལ་བར་མཛད། །ཡང་གསུང་པ། ཁྲུ་ནི་ཉི་ཤུའི་ཚད་ལྡན་པ། །སྐུ་ཡི་དཀྱིལ་འཁོར་བྲི་བར་བྱ། །དབུས་སུ་གཟུགས་བརྙན་དགོད་པར་བྱ། །ཞལ་བཞི་གསེར་གྱི་མདོག་ལྟ་བུ། །རྡོ་རྗེ་ཞགས་པ་དུང་དང་མདའ། །ལྕགས་ཀྱུ་ཨུཏྤ་ལ་དང་གཞུ། །དེ་བཞིན་གདུག་ལ་སྡིགས་མཛུབ་མཛད། །པདྨ་ཟླ་བའི་གདན་ལ་བཞུགས། །ཡི་གེ་བཅུ་པའི་གདན་ལས་སྐྱེས། །མེ་ཏོག་མ་དཀར་དེ་བཞིན་དུ། །སྤོས་མ་གནག་ཅིང་མར་མེ་མ། །སེར་མོ་དྲི་མ་ཁ་དོག་དམར། །གནོད་མཛེས་མ་དང་རྣམ་རྒྱལ་མ། །སྒོ་བཞིར་ལྕགས་ཀྱུ་ལ་སོགས་དགོད། །ཡང་གསུངས་པ། ཧཱུཾ་གི་ཡི་གེས་ཧཱུཾ་འདོན་མ། །


TNT12_Page_0335
[མ་དཔེ་གཟིགས་ན་འདིར་གནོན།]

རྡོ་རྗེ་ཕག་མོ་རྣལ་འབྱོར་བསྒོམ། །རབ་ཁྲོས་ཕག་གི་གདོང་ལྡན་མ། །རྡོ་རྗེ་ཐོད་པ་ལག་ན་ཐོགས། །གར་གྱི་རོ་ལྡན་བསྒོམ་བྱས་ལ། །ཡི་གེ་ཧཱུཾ་གིས་སྦྱོར་བཟླས་པས། །འོད་གསལ་བར་ནི་བྱེད་པ་དང༌། །བགེགས་དང་ནད་རྣམས་འཇོམས་པའོ། །དེ་ལ་[ངེས་དོན་རྒྱས་བཤད་ནི་མགོན་འདིར་ཡོད་ཅེས་པའི་བར་རོ།] །འདི་ནི་རྡོ་རྗེའི་དཀྱིལ་འཁོར་རོ། །ཆོས་[ཐབས་རིག་ལྔས་སོ་སོར་ཕྱེ་སྟེ་གསུངས་པ་] རྣམས་རང་བཞིན་འགྱུར་བ་མེད། །འདི་ཡི་ཡེ་ཤེས་རྡོ་རྗེ་བརྟག །གཟོད་ནས་ཞི་བ་གཉིས་སུ་མེད། །ནམ་མཁའ་ནམ་མཁའ་ཇི་ལྟ་བའོ། །དཔའ་བོ་ཆེན་པོ་འཁོར་ལོའི་རིག་པས་དེ་སྐད་ཅེས་བཀའ་སྩལ་ཏོ། །ཟབ་དང་རྒྱ་ཆེའི་རང་བཞིན་ནོ། །ཆོས་རྣམས་ཐམས་ཅད་མ་སྐྱེས་པ། །གཟུང་དང་འཛིན་པ་རྣམ་པར་སྤངས། །གང་རྣམས་སྒྱུ་མའི་རང་བཞིན་ཅན། །དཔའ་བོ་ཆེན་པོ་རྡོ་རྗེ་འཛིན་པས་དེ་སྐད་ཅེས་བཀའ་སྩལ་ཏོ། །ཆོས་རྣམས་ཐམས་ཅད་མཉམ་པ་ཉིད། །རང་བཞིན་མེད་ཅིང་གནས་པ་མེད། །དབྱེར་མེད་བརྗོད་པ་དང་བྲལ་བ། །སེམས་ཅན་དག་པ་སྙིང་རྗེ་ཅན། །དཔའ་བོ་ཆེན་པོ་རྡོ་རྗེ་ཉི་མས་དེ་སྐད་ཅེས་བཀའ་སྩལ་ཏོ། །འདི་ནི་བདེ་ཆེན་དམ་པ་སྟེ། །འཕེལ་དང་འབྲི་བ་ཡོད་མ་ཡིན། །རྒྱུ་དང་འབྲས་བུ་རྣམ་འཕྲུལ་བ། །ཐམས་ཅད་རྟེན་ཅིང་འབྱུང་བའོ། །དཔའ་བོ་ཆེན་པོ་འཇིག་རྟེན་དབང་ཕྱུག་གིས་དེ་སྐད་ཅེས་བཀའ་སྩལ་ཏོ། །བདེན་པ་མ་ཡིན་བརྫུན་མིན་དངོས། །འགྲོ་འདི་རང་བཞིན་ཡང་དག་པ། །ཇི་ལྟར་ཆུ་དང་ཆུ་རླབས་བཞིན། །མཆོག་ཏུ་དགའ་བ་བདག་


TNT12_Page_0336
[མ་དཔེ་གཟིགས་ན་འདིར་གནོན།]

མེད་པའོ། །དཔའ་བོ་ཆེན་པོ་རལ་གྲིའི་དམ་ཚིག་གིས་དེ་སྐད་ཅེས་བཀའ་སྩལ་ཏོ། །[ཤེས་རབ་བཙུན་མོས་བསྡུས་ཏེ་གསུངས་པ་ལ་ཞུས་པ།]།དེ་ནས་རྡོ་རྗེ་སྙིང་པོ་སོགས། །སྔགས་རྣམས་བཞེངས་ཤིང་ཕྱག་འཚལ་ཏེ། །དམ་ཚིག་ཆེན་མོ་རྣལ་འབྱོར་མ། །གཙོ་མོ་ཆེ་ལ་འདི་སྐད་ཞུས། །ཨེ་མ་ཧོ་ངོ་མཚར་ལས་བྱུང་བ། །ནམ་མཁའ་ནམ་མཁའི་རང་བཞིན་ལས། །སྣ་ཚོགས་ཆོས་ཀུན་འབྱུང་བ་ནི། །རྡོ་རྗེ་རྒྱལ་མོ་ཅི་ཞིག་ལགས། །ཉོན་[ལམ་མདོར་བསྟན་ནི།] ཅིག་རྡོ་རྗེ་ཇི་བཞིན་ཉོན། །བདག་ཏུ་ལྟ་བ་བཟློག་པའི་ཕྱིར། །རྒྱལ་བ་རྣམས་ཀྱི་སྟོང་པ་བསྟན། །སྟོང་པ་མ་ཡིན་མི་སྟོང་མིན། [རྒྱས་བཤད་དང་པོ་སྣང་བ་སེམས་ནི] །ཐོག་མེད་བསགས་པའི་བག་ཆགས་ཀྱིས། །སྣ་ཚོགས་ཞིང་དང་དབང་པོ་དང༌། །གཟུགས་དང་སྒྲ་དང་རོ་ལྡན་པ། །དྲི་དང་རེག་བྱ་དང་ནི་ལུས། །ཕྱི་དང་ནང་དུ་རྣམ་གནས་པ། །ཐམས་ཅད་སེམས་ཀྱི་རྣམ་འཕྲུལ་ལས། །འབྱུང་བ་རྣམས་དང་ཡུམ་མེད་དེ། །སེམས་ཉིད་ཕྱི་རོལ་སྣང་བའོ། །ཀུན་[གཉིས་པ་བདེན་པ་གཉིས་སུ་དབྱེ་ན]རྫོབ་ཏུ་ནི་འཇིག་རྟེན་ཡོད། །དམ་པའི་དོན་དུ་གཞན་དག་མེད་[ཀུན་རྫོབ།] ནང་[དོན་དམ་]གི་བདེ་བ་རང་རིག་པ། །གསལ་བའི་དངོས་པོ་འདི་ཁོ་[ཡོད།]ན། ༈སྲིད་[གསུམ་པ་སྤྲོས་བྲལ་ནི།] མེད་མྱ་ངན་འདས་པ་མེད། ཁམས་མེད་རྣམ་པར་ཤེས་པ་མེད། །དངོས་པོ་མེད་ཅིང་སྒོམ་པ་[དོན་]མེད། །རྒྱ་མཚོ་ལྟ་བུ་དེ་བཞིན་ཉིད། །སྡིག་དང་བསོད་ནམས་བྱ་ལས་འདས། །གཅིག་དང་དུ་མའི་


TNT12_Page_0337
[མ་དཔེ་གཟིགས་ན་འདིར་གནོན།]

དངོས་ཀྱང་མིན། །ཐམས་[བཞི་པ་གོལ་ས་བཅད་པ་ནི།] ཅད་དངོས་པོ་གཅིག་གྱུར་[ནི་ཆོས་ཉིད་]པ། །ཡེ་ཤེས་གཅིག་ཉིད་རྣམ་པར་སྤྲོས། །སྡུག་བསྔལ་བདེ་བ་ཡུལ་རྣམ་ཤེས། །ཀུན་ལས་འདས་པའི་བདེ་ཆེན་པོ། །བྱ་བ་མེད་ཅིང་བྱེད་པོ་མེད། །མ་དཀྲུགས་རང་བཞིན་དག་པའོ། །འདོད་ཆགས་མེད་ཅིང་ཆགས་བྲལ་མེད། །དབུ་མར་[བདེ་བ་ཆེན་པོ་] དམིགས་པར་མི་འགྱུར་རོ། །འདོད་ཆགས་ཆེན་པོའི་ཡེ་ཤེས་འདིས། །ཆགས་ལྡན་རྣམས་ལ་བྱང་ཆུབ་སྟེར། །འཁོར་[དོན་བསྡུ་ནི།]བ་སེམས་ཉིད་ཕྱི་རོལ་དངོས་པོ་མེད། །སེམས་ལས་གཞན་དུ་བྱང་ཆུབ་ཡོད་མ་ཡིན། །སྲིད་[པ་] དང་[གསར་བྱུང་ཏེ་སྙིང་པོ་]ཞི་བོར་བྲལ་བ་སྙིང་[བདེན་]པོ་མེད། །རང་སེམས་སྙིང་རྗེའི་བདག་ཉིད་མགོན་[དོན་དམ་དུ་]འདིར་ཡོད། དེ་ནས་དེ་བཞིན་གཤེགས་པ་ཐམས་ཅད་ཀྱི་སྔགས་དང་རྒྱུད་འབྱུང་བ། རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། འདི་སྐད་ཅེས་བཀའ་སྩལ་ཏོ། །ཨོཾ་མ་ཎི་པདྨེ་ཧཱུཾ་ཕཊ་སྭཱཧཱ། ཨོཾ་སརྦ་བུདྡྷ་ཌཱ་ཀི་ནཱི་ཡེ་བཛྲ་ཝརྞ་ནཱི་ཡེ་ཧཱུཾ་ཧཱུཾ་ཕཊ་སྭཱཧཱ། ན་མོ་བྷ་ག་ཝ་ཏེ་མེ་རུ་ཤི་ཁ་ར་ཀུ་ཊ་པྲ་བྷ་རཱ་ཛཱ་ཡ། ཏ་ཐཱ་ག་ཏཱ་ཡ། ཨརྷ་ཏེ་སམྱཀྶཾ་བུདྡྷཱ་ཡ། ཏདྱ་ཐཱ། ཨོཾ་མེ་རུ་མེ་རུ་མཧཱ་མེ་རུ་ཡེ་སྭཱཧཱ། ཨོཾ་ཨཱཿམཻ་ཏྲི་ཡེ་ཧཱུཾ་སྭཱཧཱ། ཨོཾ་བཛྲ་ཏིཀྵཱ་དྷིཿ ཨོཾ་པི་ཙུ་པི་ཙུ་པྲཛྙཱ་ཝརྦྷ་ནི། ཛྭ་ལ་ཛྭ་ལ་མེ་དྷ་ཝརྡྷ་ནི། དྷི་རི་དྷི་རི་བུདྡྷ་ཝརྡྷ་ནི་སྭཱཧཱ། ཨོཾ་ཛམྦྷ་མོ་ཧ་སྭཱཧཱ། ཨོཾ་ཏཱ་རེ་ཏུཏྟཱ་རེ་ཏུ་རེ་མེ་དྷ་ནཾ་དེ་ཧི་དེ་ཧི་སྭཱ་ཧཱ། ཨོཾ་ཏཱ་རེ་ཏུཏྟཱ་རེ་ཏུ་རེ་པཎྟཱ་རཱ་ཎི་ཧྲཱིཾཿསྭཱཧཱ། ཨོཾ་ཀུ་རུ་ཀུལླེ་


TNT12_Page_0338
[མ་དཔེ་གཟིགས་ན་འདིར་གནོན།]

ཧྲཱིཿསྭཱཧཱ། ཨོཾ་བཛྲ་ཙཎྜ་སརྦ་དུཥྟནྟ་ཀ་ཧ་ན་ད་ཧ་པ་ཙ་ཧཱུཾ་ཕཊ། ཨོཾ་ནི་ལཱམྦ་ར་དྷ་ར་བཛྲ་པཱ་ཎི་ར་ཛྙཱ་པ་ཡ་ཏི་ཧཱུཾ་ཕཊ་སྭཱཧཱ། ཨོཾ་ཛཾ་དྷི་ཀ་ཋ་མ་ཧོ་ཧ་ར་སརྦ་དྷ་ན་སཊྚོ་རཏྣོ་ཧཱུཾ་ཛུཾ་ཧཱུཾ་ཧཱུཾ་ཧཱུཾ་ཕཊ་སྭཱཧཱ། ཨོཾ་མ་ནོ་ཧ་ར་ཧ་ར། ཨོཾ་ཨངྒུ་ཤ་ཨངྒུ་ཤ་ཧྲིཿཧྲིཿཧྲིཿཧཱུཾ་ཧཱུཾ་ཧཱུཾ་ཕཊ་ཕཊ་ཕཊ། ཨོཾ་ཧ་ཡ་གྲྀ་བ་ཧྲཱིཿཨ་ཧཾ་ཨ་ཧཾ་ཨཾ་ཨཾ་ཧཱུཾ་ཧཱུཾ་སྭཱཧཱ། ཨོཾ་མཧཱ་ཀ་ལ་ཧ་ན་ཧ་ན་བཛྲེ་ཎ་མ་མ་ཀརྱཾ་ཀུ་རུ་ཀུ་རུ་སྭཱཧཱ། ན་མོ་རཏྣ་ཏྲ་ཡཱ་ཡ། ན་མོ་མ་ཎི་བྷ་དྲྭ་ཡ། མཧཱ་ཡཀྵ་སེ་ན་པ་ཏ་ཡེ། ཨོཾ་ཧྲིཾ་ཏྲེཾ་ཀྵཾ་ཛཾ་ཧཱུཾ་ཧ། དི་བྱཱ་རཏྣཽ་ག་བ་རི་ཤ་ན་ཨར་པ་ཀ་ད་པ་ཡ་ཤ །ས་མ་ཡ། མ་ནུ་སྨ་ཡ། ཧྲཱིཿཧཱུཾ་ཕཊ། ཨོཾ་མཾ་དི་རི་དི་རི་ཙཎྜ་ཧཱུཾ་ཕཊ་ཕཊ་སྭཱཧཱ། ཨོཾ་གཾ་ག་ན་པ་ཏི་མ་མ་རཏྣ་སིདྡྷི་ག་ག་ག་ག་ག་ག་ག་ག་ག་ན་པ་ཏཾ་སྭཱཧཱ། ཨོཾ་ག་ན་བཾ་ཧོ་ཡཾ་ཛཿག་ན་བཾ་ཧྲཱིཿཡཾ་ཛཿ ཉི་མའི་གདན་ལ་ཡང་དག་གནས། །བགྲང་འཕྲེང་པདྨ་དམར་པོ་བསྣམས། །གོས་དཀར་མོ་ཡིས་མགུལ་ནས་འཁྱུད། །འཇིག་རྟེན་དབང་ཕྱུག་བསྒོམ་པར་བྱ། །གྲི་གུག་ཐོད་པ་ལག་ན་ཐོགས། །ཕག་མོ་རབ་ཁྲོས་ཁ་ཊྭཱཾ་བསྣམས། །མཛེས་མ་ཡ་བའི་མེ་ཏོག་མཚུངས། །དཀར་མོ་ཕྱུགས་བདག་ཞབས་ཀྱིས་མནན། །གསེར་མདོག་མཚན་རྣམས་ཀུན་རྫོགས་ཤིང༌། །བདུད་འདུལ་ཕྱག་རྒྱས་ཟིལ་གནོན་པ། །གཽ་ཏཾ་བྱང་ཆུབ་ཆེན་པོར་བསྒོམ། །མགོ་བྲེགས་བརྟུལ་ཞུགས་ཆེན་པོའོ། །བྱང་ཆུབ་མཆོད་རྟེན་སྤྱི་བོར་འཛིན། །ཀླུ་ཤིང་དང་ནི་མཆོག་སྩོལ་ཕྱག །དོང་ཀའི་མེ་ཏོག་ལྟར་མཛེས་པ། །སངས་རྒྱས་རིག་མར་བཅས་ཏེ་བརྟག །མདོག་


TNT12_Page_0339
[མ་དཔེ་གཟིགས་ན་འདིར་གནོན།]

དཀར་འཇམ་པའི་རྡོ་རྗེ་ནི། །རལ་གྲི་གླེགས་བམ་ཕྱག་ན་བསྣམས། །ལྟེ་བར་རབ་བསྔགས་འཁོར་ལོ་བཅས། །གཞོན་ནུའི་ཚུལ་ཅན་བསྒོམ་པར་བྱ། །ཟླ་བ་ལྟར་དཀར་མཆོག་སྦྱིན་དང༌། །པོ་ཏིས་མཚན་པ་ཆུ་སྐྱེས་བཅས། །བསྒོམས་ནས་ཤུ་དག་དང་བཅས་པས། །སྐྱུར་པོ་འཐུངས་པས་བློ་གྲོས་སྟེར། །རིན་ཆེན་བུམ་པ་སྙེ་མར་བཅས། །གང་གི་ལག་ན་ཉེར་གནས་པ། །གསེར་ཅན་སྒྲོལ་མ་བསམ་བྱས་ན། །ཡིད་བཞིན་ནོར་བུའི་སྤྲིན་དུ་འགྱུར། །དཔག་བསམ་ཤིང་བརྟེན་ཡལ་ག་དང༌། །ནོར་བུའི་འབྲས་བུ་འཛིན་པ་ནི། །གསེར་གྱི་ཕུག་ན་གནས་པར་བསམ། །ཉི་མ་འཆར་ཀ་གསར་བའི་མདོག །ལྕགས་ཀྱུ་ཨུཏྤལ་དམར་པོ་བསྣམས། །སྒེག་འཆང་དུ་མས་རྣམ་བརྒྱན་པ། །དབང་དུ་བྱེད་མ་བསམ་པར་བྱ། །དམར་མོ་ཕྱག་ནི་བཞི་པ་སྟེ། །མདའ་དང་གཞུ་ནི་འཛིན་པའི་མཆོག །ལྕགས་ཀྱུ་ཨུཏྤལ་ཕྱག་ན་བསྣམས། །ཀུ་རུ་ཀུལླེ་བསམ་པར་བྱ། །རྡོ་རྗེ་འཆང་བ་གདན་གནོན་པ། །སྔོ་བསངས་ཡིད་ཙམ་ཁྲོ་བ་སྟེ། །སྒྲུབ་པོས་མདུན་དུ་བཞག་ནས་ནི། །མཚན་བརྒྱད་པོ་ནི་བརྗོད་པར་བྱ། །ནག་པོ་མི་སྡུག་རྡོ་རྗེ་ཅན། །བརླ་གཉིས་བར་དུ་མཁའ་ལྡིང་ནི། །དུག་ཅན་ཨ་ཛ་ག་ར་འཇོམས། །སྡིགས་བྱེད་ལག་ན་རྡོ་རྗེ་བསྒོམ། །མདོག་བཟང་ཀཱ་མ་རྡེ་ནུའི་བ། །བི་ཙུ་ར་འབྲས་སྙེ་མ་འཛིན། །བུམ་པ་ལ་གནས་གནོད་སྦྱིན་མོ། །མརྐ་ཊ་ཞེས་བསམ་པར་བྱ། །པདྨ་རཱ་གའི་འོད་དང་མཉམ། །ཀྱོ་བ་ནེའུ་ལེའི་རྐྱལ་པ་ཅན། །ནོར་རྒྱུན་མ་ནི་རྣམ་བསྒོམས་ན། །ངེས་པར་དབང་དུ་བྱེད་པ་ཡིན།


TNT12_Page_0340
[མ་དཔེ་གཟིགས་ན་འདིར་གནོན།]

ཁྲོ་བོའི་རྒྱལ་པོ་རྟ་མགྲིན་ནི། ཁྱི་གདོང་རྡོ་རྗེ་ལྷ་མོ་བཞི། །བསྒོམས་ནས་གདུག་པ་ཀུན་འདུལ་བའི། །གཟི་བརྗིད་རྟ་མཆོག་མཚུངས་པར་འགྱུར། །ཡང་ན་ནག་པོ་དམར་དང་དཀར། །རྡོ་རྗེ་དབྱུག་ཐོ་བཅས་རལ་གྲི། །ཐོད་པ་ཞགས་པ་ཐལ་མོར་བཅས། །མཁའ་ལྡིང་རྒྱལ་པོ་རྣམ་པར་སྤྲོ། །ཕྱག་གཉིས་དབྱུག་ཏོ་འཛིན་བྱས་ནས། །ནོར་རྒྱས་ཚངས་པར་བཅས་གཟིར་པ། །བསྒོམས་ན་དུག་རྣམས་བསྐྱོད་པ་དང༌། །སྣ་ཚོགས་ལས་རྣམས་འགྲུབ་པར་འགྱུར། །མུན་པའི་སྐུ་ལུས་ཁྲག་འཛག་ཞལ། །རལ་གྲི་ཐོད་བཅས་ཤ་ཟ་བ། ཁ་ཊྭཱཾ་མགོ་བོའི་ཕྲེང་བས་བརྒྱན། །དུག་ཤིང་ལ་བྱས་མཆོད་པར་བྱ། །ཛམ་བྷ་ལ་ནི་ནོར་སྒྲུབ་པ། །སེར་པོ་པི་ཛ་པུ་ར་འཛིན། །ནེའུ་ལེ་གཡོན་བསྣམས་བསྒོམས་བྱས་ནས། །ཆུ་སྦྱིན་དབང་པོ་བསྒྲུབ་པར་བྱ། །རབ་དམར་ཐོད་པའི་གདན་ལ་གནས། །ཅང་ཏེ་ཐོད་པ་ཤས་གང་འཛིན། །རལ་པ་ལྡན་མ་བསྒོམས་བྱས་ན། །ཤ་ཟ་མོ་རྣམས་མངག་གཞུག་འགྱུར། །གླང་པོ་སྤྲེའུ་རྒྱལ་བྱི་བའི་གཟུགས། །དགྲ་སྟྭ་ལ་ཕུག་ཕྱག་ན་བསྣམས། །ལྕགས་ཀྱུ་ཆང་སྣོད་བསྣམས་པ་ཡི། །ཕྱག་དྲུག་ཞབས་ནི་བཞི་པ་ལ། །ཆུང་མ་གཡོག་མོར་བཅས་བསྒོམས་ནས། །བགེགས་ཀྱི་རྒྱལ་པོ་མཆོད་པར་བྱ། །རབ་དམར་མཆེ་བ་གཙིགས་པ་ནི། །ཞགས་པ་ལྕགས་ཀྱུའི་རབ་སྦྱོར་བ། །འདི་ཡིས་བགེགས་རྣམས་འཇོམས་པ་དང༌། །བློ་དང་དབང་དུ་བྱེད་པ་ཡིན། །ཧྲཱིཿབཾ་ཧཱུཾ་མཻཾ་དྷིཿཨ་ཏཾ་ཏཾ་ཏཾ་ཧྲཱིཿཧཱུཾ་ཧཱུཾ་བཾ་ཧྲཱིཿཧཾ་ཧཱུཾ་ཛི་ཧྲཱིཿགཾ་གཾ །བདག་ཉིད་ཧེ་རུ་ཀའི་


TNT12_Page_0341
[མ་དཔེ་གཟིགས་ན་འདིར་གནོན།]

སྦྱོར་བས་གནོད་གནས་དབང་པོ་དམར་པོ་གཡས་བརྐྱང་བས་བཞུགས་པ། གནོད་སྦྱིན་མོ་ལ་འཇུག་པ་བསམས་ནས། ཨོཾ་ཛམ་བྷ་ལ་ཛ་ལེནྡྲ་ཡེ་དྷ་ནཾ་མི་དེ་ཧི་ཌཱ་ཀི་ནི་ཛྭཱ་ལ་སཾ་བྷ་ར་སྭཱཧཱ། ཞེས་པ་འདིས་ཆུ་སྦྱིན་ན། ཁམས་གསུམ་གྱི་དབང་ཕྱུག་ཏུ་འགྱུར་རོ། །ཏཱཾ་ཡིག་ཡེ་ཤེས་ལས་སྐྱེས་པ། །ཞལ་བཞི་པ་ལ་ཤ་ཡི་མདོག །ཕྱག་གཉིས་ཨུཏྤལ་ཕྱག་རྒྱ་ཅན། །འཕྲེང་བ་མདའ་ཆེན་འཁོར་ལོ་དང༌། །རྒྱལ་མཚན་གཞུ་དང་བུམ་པ་འཛིན། །ལྷ་མོ་སྒྲོལ་མ་བསམ་པར་བྱ། །འཇིགས་པ་བརྒྱད་ལས་བསྲུང་བར་འགྱུར། །སྔགས་འདིས་བཟའ་བཅའ་རོར་བཅས་འབུལ། །ན་མཿསརྦ་བུདྡྷ་བོ་དྷི་སཏྭཱ་ནཱཾ། ཨ་པྲ་ཏི་ཧ་ཏ་ཤཱ་ས་ནཾ། ཧེ་ཧེ་བྷ་ག་བ་ཏེ་མཧཱ་ས་ཏྭཱ་སརྦ་བུདྡྷ་ཨ་བ་ལོ་ཀི་ཏེ། མཱ་བི་ལམྦ་མཱ་བི་ལམྦ་ཨི་དཾ་བཱ་ལིང་གྲྀཧྞ་པཱ་ཡ་གྲྀཧྞ་པཱ་ཡ་ཧཱུཾ་ཧཱུཾ་ཧཱུཾ་སརྦ་བི་པཉྩ་རེ་སྭཱཧཱ། ཟླ་བ་ཉི་མ་སྨན་དང་དྲི། །མར་ཁུ་སྒྲོན་མ་ལྔས་བཅས་པ། །རྣལ་འབྱོར་ལྡན་པས་བཟའ་བ་དང༌། །ཙ་རུ་དེ་བཞིན་གཏོར་མ་བྱ། །སྒྲོལ་མའི་གཟུགས་ཀྱིས་བུམ་པ་ལ་བཟླས་ཏེ་ནད་པ་ལ་བཀྲུས་ན། ནད་ནས་ཐར་བར་འགྱུར་རོ། །ཐིག་གུ་ལ་མདུད་པ་བྱས་ཤིང༌། ཤིང་བུ་ལ་བསྔགས་ལ་ཨ་ཞེས་བཟླས་པས་ཆོམ་པོ་བསྲུང་བར་འགྱུར་རོ། །ཕག་མོའི་སྔགས་འབུམ་བཟླས་ཏེ་དཀྱིལ་འཁོར་སིནྡྷུ་རས་བྱུག་པ་བྱས་ལ། ཨོཾ་ཨཱཿབཛྲ་ན་ར་ཀ་ཧྲཾ་ཁཾ་ཧཱུཾ་ཕཊ། ཅེས་པ་ཞག་བདུན་གྱིས་རྨི་ལམ་དུ་ཞལ་སྟོན་པར་འགྱུར་རོ། །སྒྲོལ་མ་དམར་མོའི་རྣལ་འབྱོར་ལ་གནས་པས་སྐར་མ་རྒྱལ་ལ་མཆོད་རྟེན་དམར་པོ་བྱས་ལ་ཚེས་བརྒྱད་ལ་ཨུཏྤལ་གྱི་འཁོར་ལོ་ཁ་


TNT12_Page_0342
[མ་དཔེ་གཟིགས་ན་འདིར་གནོན།]

སྦྱོར་བྱས་ལ། བུམ་པར་བཅུག་ནས་བསྐུལ་བ་དང་བཅས་པ་བཟླས་པས་གང་དབང་དུ་བྱ་བ་དེ་འོང་བར་འགྱུར་རོ། །བྱིས་པའི་སྔགས་ཀྱིས་བཟླས་པའི་ཆུས་འཁྲུད་པ་དང༌། ས་དཀར་ལ་བཟླས་ཏེ་རིལ་བུ་བྱས་པ་དང༌། བསྲུང་སྐུད་བྱས་པ་དེ་དག་ནི་ནད་དང་གདོན་ལས་ཐར་པ་དང༌། མཚམས་མེད་པ་བྱས་པའང་ངན་འགྲོ་ལས་ཐར་བར་འགྱུར་རོ། །ཀུ་རུ་ཀུལླེའི་རྣལ་འབྱོར་ལ་གནས་པས་གཙང་པོའི་ཆུ་ཟངས་མའི་སྣོད་དུ་བླངས་ཏེ་དེ་ལ་གནོད་སྦྱིན་མོ་རིན་པོ་ཆེ་དང་ལྕགས་ཀྱུ་འཛིན་པར་བསམས་ནས། ཨོཾ་ཨུཥྞཱི་ཥ་ཡ་དྷ་ར་དྷ་ར་དྷི་རི་དྷི་རི་སྭཱཧཱ། ཨོཾ་ཛམྦྷེ་མོ་ཧེ་ཧྲྀ་ད་ཡཾ་ཝརྡྷ་ནི་ཧཱུཾ་ཧཱུཾ་ཕཊ། ནངས་པར་སུམ་བརྒྱ་བཟླས་ནས་ཁྲུས་བྱས་ན་ཐམས་ཅད་དབང་དུ་འགྱུར་རོ། །ལྷ་མོ་བཻ་ཏ་ལི་སེར་མོ་ལྕགས་ཀྱུ་དང་ཞགས་པ་འཛིན་པར་བསམས་ནས། ཨོཾ་བཻ་ཏ་ལཱི་པུ་ཏྲ་སིདྡྷི་ཧཱུཾ་ཕཊ། ཅེས་བཟླས་པས་རིགས་བརྒྱུད་འཕེལ་བར་འགྱུར་རོ། །སརྦ་ཛ་ཡ། དངུལ་ཆུར་བཅས་པ་རྣ་བར་བཞག་ན་མཚོན་གྱིས་ཆོད་པར་མི་འགྱུར་རོ། །རང་ཉིད་གདུགས་དཀར་མོ་ཅན་དུ་བསྒོམས་ནས། ཏདྱ་ཐཱ། ཨོཾ་ཨ་ན་ལེ། ཨ་ན་ལེ། ཁ་ས་མེ། ཁ་ས་མེ། བཻ་ར་བཻ་ར། སཽ་མེ་སཽ་མེ། སརྦ་བུདྡྷ་ཨ་དྷིཥྛ་ན་ཨ་དྷིཥྛི་ཏེ་སརྦ་ཏ་ཐཱ་ག་ཏཱ་ཨུཥྞི་ཥ་སི་ཏཱ་ཏ་པ་ཏྲེ་ཧཱུཾ་ཕཊ། ཧཱུཾ་མ་མ་ཧཱུཾ་ནི་སྭཱ་ཧཱ། ཞེས་བཟླས་པས། བར་དུ་གཅོད་པ་ཐམས་ཅད་བཟློག་པར་འགྱུར་རོ། །ལག་ན་རྡོ་རྗེ་དང་གནོད་མཛེས་ཀྱི་རིག་སྔགས་གྲུབ་པས་དཀྱིལ་འཁོར་གྱི་དབུས་སུ་རྡོ་


TNT12_Page_0343
[མ་དཔེ་གཟིགས་ན་འདིར་གནོན།]

བའི་རྡོ་རྗེའམ། གནམ་ལྕགས་ཀྱི་རྡོ་རྗེ་བྱས་ལ་བཟླས་པས་འབར་བར་གྱུར་ནས་ས་འོག་གི་དངོས་གྲུབ་ཐོབ་པར་འགྱུར་ཏེ། སྲད་བུ་ལ་སོགས་པའི་འཁྲུལ་འཁོར་བཅོམ་ནས་དཔལ་གྱི་སྒོའམ། བུ་གའི་སྒོ་རྣམས་སུ་འཇུག་སྟེ། སྟོབས་ཅན་དང་གཞན་ལེན་ལ་སོགས་པས་མཆོད་པར་བྱེད་དོ། །ཇི་ལྟར་ས་འོག་གི་རྟོག་པ་ལས་བཤད་པ་དེ་བཞིན་ནོ། །དཔའ་བོ་གཤིན་རྗེ་གཤེད་པོ་ནི། །ནག་པོ་དབྱུག་པ་ཞགས་པ་བསྣམས། །མ་ཧེ་ལ་གནས་བསྒོམ་པར་བྱ། །ཨོཾ་ཡ་མཱནྟ་ཀ་ཧཱུཾ་བཟླས། །རེ་མིག་དགུ་པ་ཁང་པ་ལྔ། ཁང་པ་བཅུ་གཉིས་དག་དང་བཅས། །ཧྲཱིཿཥྟིཿལ་སོགས་དག་གིས་བསྐོར། །འདི་ཡིས་དྲག་ཤུལ་སྤྱོད་ཀུན་བསྒྲུབ། །ཡཀྵེ་མ་མེད་ད་ཛ་ས་དོ་རུ། །ཎ་ཡོ་ནི་རཱ་ཡཙྪ་ནི་ར། །གཞན་ཡང་གནོད་སྦྱིན་མོ་ལ་སོགས་པ་སྒྲུབ་བོ། །ཨོཾ་ཡོ་ཡཀྵི་ཎཱི་བཱི་ར་ཛེ་སྭཱཧཱ། ཤང་ལེབ་ལ་གོས་འཛིན་པ་མོ་བྲིས་ལ་སྐྱེ་གནས་སུ་གཟིར་བས་བཟླས་ན་འོང་བར་འགྱུར་རོ། །འོངས་ནས་ཀྱང་ཅི་བགྱི་བྱེད་པར་འགྱུར་རོ། །ཨོཾ་བྷ་ག་ཝ་ཏེ་སྭཱཧཱ། བྱང་ཆུབ་ཀྱི་ཤིང་ལ་སོགས་པར་གཟུགས་བརྙན་བྱའོ། །གནོད་སྦྱིན་མོ་ནོར་ཅན་གྱིའོ། །ན་མོ་བཻ་ཤྲ་མ་ཎ། ཏ་ཡ་ན་ཌ་ཀུ་བེ་རཱ་ཡ། དཱི་བྱ་བི་མཱ་ན་ཙི་ར་ཏ་ཡ། ཧེ་མ་མཱ་ལ་ཀུནྚ་ལ། ཤ་རི་ཏ་ཡ། ཡཀྵ་པ། བནྡྷ་ཡ་ཏྟྭཾ་བྷ་ག་ཝཱན། ཨཱ་ཝརྟ་ལི་ཥྱ་མི། ཏདྱ་ཐཱ། ཨོཾ་མ་ཎི་མ་ཎི་ཀུཊྚ་ཀུཊྚ། ཀུ་ཀུ་ཀུ་ཀུ། པ་ར་པ་ར། པུ་ར་པུ་ར། ཀུ་བེ་ར་ཀུ་བེ་ར་ན་ཌ་ཀུ་བེ་རཱ་དཱི་བྱ་མ་ན་ཀུནྜ་ལི་ཀུ་བི་ཀུ་བི་སྭཱཧཱ། ན་ཌ་མོ་ཡིའོ། །ཨོཾ་ན་ཌ་བི་ན་ཌེ་དྷ་རི་ཎི་སྭཱཧཱ།


TNT12_Page_0344
[མ་དཔེ་གཟིགས་ན་འདིར་གནོན།]

ན་ཌ་ཕོའི་འོ། །ཡཀྵ་ཀི་ལི་ཀི་ལོ་ན་མོ་སཏྟྱ་པ་དི་ཏིཊྚ་པྲ་ཏཿ ཏ་ཤ་ཏྱཿ པཎྜི་ད་ད་མི་སེ་མ་ཀ་མཱ་ན་པྲ་ཡཙྪནྟུ་སྭཱཧཱ། ཀི་ལི་ཀི་ལིའི་འོ། །ཕུཿཧཾ་ཕུཿཀླུ་མོ་མཐའ་ཡས་མའི་འོ། །ཨོཾ་ཧྲཱིཿཛ། གཞན་གྱིས་མི་ཐུབ་མའི་འོ། །ན་མོ་བྷ་ག་ཝ་ཏེ་པུ་ལུ་པ་ལཱ་ཡ། པི་ཤ་ཙི། པངྑ་བྷུདྷ་ཏེ། ས་མོ་ཀ་མ་ན། པྲ་ཡཙྪནྟུ། ཏདྱ་ཐཱ། ཧུ་ལུ་ཧུ་ལུ། པི་ཤཱ་ཙ། བ་ར་བ་ར། བ་ར་ད་བ་ར་ད། ཙུ་ལུ་ཙུ་ལུ། ཙུ་ཊུ་ཙུ་ཊུ་ན་མཿསྭཱཧཱ། ཤ་ཟ་པི་ལུ་པའི་འོ། །ན་མོ་བྷ་ག་ཝ་ཏེ་པི་ཤཱ་ཙཱ་ཡ། ཨཾ་ཀ་ཀ་ན་པི་ཤཱ་ཙ་དྷ་རི་མ་ནི་སྭཱཧཱ། ཤ་ཟ་ནོར་བུ་འཛིན་པའི་འོ། །ཨོཾ་ཀྲྀཥྞ་པི་ཤཱ་ཙ་ཡ་ས་ར་ས་ར་སརྦ་ཨརྠ་ན་མོ་སྭཱ་དྷ་ཡ་སྭཱཧཱ། ཤ་ཟ་ནག་མོའི་འོ། །ཨ་ལུ་ཀེ་བེ་ལེ་ཀེ་གྲྀཧྞ་བཎྜ་བི་ཤཱ་ཙི་ནི་སྭཱཧཱ། ཨེ་ལུ་ཀའི་འོ། །ཨོཾ་ཁ་ར་མུ་ཁ་པེ་ཤཱ་ཙི་ནཱི་ཧི་ཧི་ད་ད་པ་ཡ་སྭཱཧཱ། བོང་གདོང་མའི་འོ། །ཨོཾ་ཏ་ཏི་ལེ་ཏ་ཏི་ལི་ཀྲྀཥྞ་མུ་ཁེ་མཧཱ་པི་ཤཱ་ཙི་དེ་ཧི་དེ་ཧི་དཱ་སྭཱཧཱ། དུས་ཀྱི་གདོང་གིའོ། །ཚེ་རིང་བཅུད་ལེན་རི་ལུ་སོགས། །འགྲོ་བ་ཕོ་མོ་འགུགས་པ་དང༌། །ལྐོག་གྱུར་ཤེས་པ་སྟོན་ལ་སོགས། །དེ་བཞིན་གསེར་གྱི་འདོད་པ་སྟེར། དེ་[མི་གཡོ་དབུགས་དབྱུང་]ནས་བཅོམ་ལྡན་འདས་ཤཱཀྱ་ཐུབ་པ་ཁྲོས་པ་རྡོ་རྗེ་གཏུམ་པོ་སྤྲོས་པ་ནི། ཧཱུཾ་རལ་གྲི་ཞགས་པ་བསྣམས་པའི་མཆོག །སྐྲ་སེར་མཁྲང་ལ་གྲིམས་པའི་ལུས། །མ་རུངས་གཏུམ་པོ་ཆེར་འཁྲུགས་པ། །མདོག་ནག་མིག་ཡོན་སྤྲོ་བ་ཆེ། །


TNT12_Page_0345
[མ་དཔེ་གཟིགས་ན་འདིར་གནོན།]

ཨོཾ་ཙཎྜ་མཧཱ་རོ་ཥ་ཎ་ཧཱུཾ་ཕཊ། མེ་ཡིས་བགེགས་རྣམས་སྐྲོད་པ་དང༌། སྔགས་བཟླས་ཆུ་ཡིས་སྲུང་བའམ། འཕར་མ་གཉིས་པའི་འཁོར་ལོར་བྲིས། འདི་ཡིས་བྲིས་སྐུ་བྱས་ནས་ནི། ཁྲོ་རྒྱལ་རྟག་ཏུ་གཏོར་མས་མཆོད། ཡུངས་དཀར་ཆུ་དང་པུ་ཏ་ལིས། །བགེགས་རྣམས་ཉམས་པར་བྱེད་པ་དང༌། །དཔུང་རྣམས་གནོན་དང་དབྱེ་བ་དང༌། །བསད་པ་ལ་སོགས་རབ་བྱ་སྟེ། །གཏུམ་པོ་ཁྲོས་དང་གཏུམ་པོ་ཡི། །དམ་ཚིག་འབྱུང་བ་ལ་སོགས་པར། །མི་གཡོ་རྒྱལ་པོ་ཉིད་ཀྱིས་གསུངས། །སྔོན་ཚེ་ལྷ་མོ་བདེ་ལྡན་དང༌། །སངས་རྒྱས་མི་འཁྲུགས་འདུས་པ་ལས། །བདག་དང་མིང་པོ་མི་གཡོ་བཙས། །དགྲ་བཅོམ་རྣམས་ཀྱིས་ཆོས་བསྟན་པ། །བདུད་དང་ལྷ་མིན་གྱིས་ཉམས་བྱས། །ལྷ་དང་ལྷ་མིན་གཡུལ་འགྱེད་ཚེ། །མིག་ཡོན་མགོན་གྱིས་ལྷ་མིན་དབང༌། ཁྲག་ཁྲིག་བཅུ་གཉིས་རབ་གཏུབས་ནས། །དེ་དེའི་ཆུང་མ་ཀུན་འདོད་བྱས། །མི་དང་དྲི་ཟ་མིའམ་ཅི། །གནོད་སྦྱིན་ཀླུ་རྣམས་སྲོག་བཅོམ་སྟེ། །ཐམས་ཅད་མི་འཁྲུགས་ཞིང་དུ་འཕངས། །ཀུན་གྱི་མིང་ཡང་མི་འཁྲུགས་རྒྱལ། །མི་གཡོ་ཆགས་ཆེན་གྱུར་པ་ཡིས། །སྲིང་མོ་དག་དང་མ་ཡང་བསྟེན། །བདེ་བའི་བདེ་བ་མཆོག་དེ་ཡིས། །སངས་རྒྱས་མི་གཡོ་མགོན་པོར་གྱུར། །མི་གཡོས་དགྲ་བཅོམ་རྣམས་ལ་སྨྲས། །བུད་མེད་སྤངས་པའི་སྡིག་པ་ལས། །ཤེས་རབ་སྤངས་ཤིང་བདེ་སྤངས་པ། །སྙིང་རྗེ་ཤིན་ཏུ་དམན་པར་བྱས། །ཤེས་རབ་སྙིང་རྗེ་གང་སྤངས་པ། །འདིས་ནི་སངས་རྒྱས་དམ་ཆོས་དང༌། །དགེ་འདུན་ཡང་


TNT12_Page_0346
[མ་དཔེ་གཟིགས་ན་འདིར་གནོན།]

ནི་རྣམ་སྤངས་པས། །དགེ་སློང་བུད་མེད་སྨོད་བྱེད་པ། །སྡོམ་པས་དམན་ཞིང་སྡིག་དང་བཅས། །བུད་མེད་སྦྱོར་ལས་སྡོམ་བརྩོན་ཉིད། །གཞན་ནི་ཚངས་སྤྱོད་མེད་པའི་ཕྱིར། །མགོ་བྲེགས་སྒྱུ་མས་འཇིག་རྟེན་བསླུ། ཁྱེད་ཅག་སྲིང་མོའི་དམ་ཚིག་གྱིས། །དེ་ཚེ་གླིང་བཞིའི་དགེ་སློང་གཙོ། །བུད་མེད་དམ་ཚིག་བདེ་བ་ཡིས། །བླ་མེད་བྱང་ཆུབ་ཐོབ་པར་འགྱུར། །རྣམ་སྣང་ལ་སོགས་རབ་ཏུ་གྲགས། །དུས་འདིར་མིང་པོ་གཽ་ཏཾ་སྟེ། །གོ་སཱ་སྲིང་མོ་སྒྲོལ་མ་བདག །བུད་མེད་བརྒྱད་ཁྲིའི་བདེ་བ་ཡིས། །ལོངས་སྤྱོད་ཁྱིམ་དུ་ས་བཅུ་ཐོབ། །དེ་ནས་ཞིང་དུ་ཀུན་འདར་གྱིས། །སྤྱོད་པ་ཡོངས་སུ་སྤྱོད་པ་ན། །འཇིག་རྟེན་ཀུན་ཏུ་རྒྱུ་ཞེས་རྟོག །དགའ་མོ་དང་ནི་དགའ་སྟོབས་མ། །ཟས་བཅས་སྙོམས་འཇུག་བདེ་བ་ཡིས། །དབང་བསྐུར་རྫོགས་སངས་རྒྱས་པ་ཉིད། །མི་གཡོ་ཁྲོས་པས་བདུད་བཅོམ་ནས། །བདུད་ཀྱི་བུ་མོ་རབ་བཀྲམ་རྣམས། །འདོད་ཆེན་སྤྱད་པས་རྗེས་སུ་བཟུང༌། །དྲག་ཤུལ་སྤྱོད་དང་འཁྲིག་སྦྱོར་ལས། །བྱང་ཆུབ་ལམ་གཞན་ཡོད་མིན་ཡང༌། །བློ་ཆེན་ཆགས་བྲལ་བྱམས་པ་ལ། །མོས་ཕྱིར་རྒྱལ་བས་སྒྱུ་མ་མཛད། །བུད་མེད་བདག་སྒྲུབ་དེ་ཡིས་ནི། །མིང་པོ་ལ་སོགས་མཉེས་པར་བྱ། །མི་གཡོ་རྒྱལ་པོའི་དམ་ཚིག་གིས། །རྣལ་འབྱོར་པ་གང་སྲིང་མོ་དང༌། །བུ་མོ་མ་ཡང་མཆོད་པར་བྱ། །ཡུགས་ས་མོ་ཀུན་བདེ་བ་ཡིས། །དགའ་བར་བྱས་ན་མི་གཡོ་མཉེས། །མི་གང་ང་ལ་མཆོད་བྱེད་པ། ཁྲོ་བོ་གཏུམ་པོས་བྱིན་གྱིས་རློབས། །


TNT12_Page_0347
[མ་དཔེ་གཟིགས་ན་འདིར་གནོན།]

མི་གཡོ་བའི་དབུགས་དབྱུང་བའོ། །ཨོཾ་ཏཱ་རེ་ཏུཏྟཱ་རེ་ཏུ་རེ་སརྦ་བྷ་ཡ་ཤ་མ་ནི་སརྦ་དུརྒ་ཏི་ཏཱ་ར་ཎི་ཏུ་རེ་སྭཱཧཱ། སེངྒེ་ལ་སོགས་པ་བསྲུང་བའོ། །ཨོཾ་དཱི་ར་ད། བ་ད་ནི་ཨེ་ཀ་དཾཥྟི་མཧཱ་ན་སེ་ལམྦོ་དྷ་རི་ཀ་ཊ་ད་ཧ་ཊ་ཌ་ཧ་ཏྲཱ་ས་ཡ་ཏྲཱ་ས་ཡ། ཤོ་ཥ་ཡ་ཤོ་ཥ་ཡ། ཏཱ་རེ་ཏུཏྟཱ་རེ་ཏུ་རེ་སྭཱཧཱ། གླང་པོ་ཆེ་ལ་སོགས་པ་བསྲུང་བའོ། །ཨོཾ་ཤི་ཁཱི་བ་ད་ནེ་མཧཱ་ཨུ་ཀ་ལ་མུ་ཁཱི་ཛྭ་ལ་མཱ་ལི་ནི་སཔྟ་ཛི་ཧྲི་ཝཱ། སཔྟ་མུ་ཁཱི་བི་ཤྭ་ན་རཱི་ཏཱ་རེ་ཏུཏྟཱ་རེ་ཏུ་རེ་སྭཱཧཱ། མེའི་འཇིགས་པ་བསྲུང་བའོ། །ཨོཾ་ཕ་ནཱི་མཧཱ་ཕ་ནི་ཀྲྀཥྞ་ནེ་ཏྲེ་ཨེ་ཀ་ད་ན་ཛི་ཧྭཱི་ཀ་རོ་ཎ། ཙ་ལཱ་ཡ་ཙ་ལཱ་ཡ་མཧཱ་བི་ཥ་བྷཀྵི་ནི་ཏཱ་རེ་ཏུཏྟཱ་རེ་ཏུ་རེ་སྭཱཧཱ། སྦྲུལ་ལ་སོགས་པ་ལས་བསྲུང་བའི་འོ། །ཨོཾ་ཁརྒ་ཧཱསྟི་བྷྲྀ་ཀུ་ཊི་མུ་ཁཱི་ཨུདྡྷ་ཀེ་ཤ་མཧཱ་ན་དྷི་ཀྲྀ་ཥྞ་ཨཉྫན་བྷརྞ་ཚིནྡ་ཚིནྡ་བྷིནྡ་བྷིནྡ་ཨུཏྟ་ར་ཡ་ཨུཏྟ་ར་ཡ་ཏཱ་རེ་ཏུཏྟཱ་རེ་ཏུ་རེ་སྭཱཧཱ། ཆོམ་རྐུན་ལ་སོགས་པ་བསྲུང་བའི་འོ། །ཨོཾ་རཀྟ་ཝརྞེ་པཱ་ཤཱངྐུ་ཤ་ཧསྟི་མ་ཧཱ་ར་ཝི། མཧཱ་བ་ལ་ས་ར་ས་ར་བི་ས་ར་བི་ས་ར། གྲྀཧྞ་གྲྀཧྞ་ཨཱ་ཀང་ཧ་ཀ་ཌ་ད་ཧ་མཧཱ་དུརྒ་ན་མུ་ཙཱ་ལཱ་ཏཱ་རེ་ཏུཏྟཱ་རེ་ཏུ་རེ་སྭཱཧཱ། ལྕགས་སྒྲོག་ལས་སྐྱོབ་པའི་འོ། །ཨོཾ་ཛ་ལེ་ཛ་ལེ་མཧཱ་ཛ་ལེ་ཏཱ་ར་ཡ་ཏཱ་ར་ཡ། ཨུཏྟཱ་ར་ཡ་ཨུཏྟཱ་རཱ་ཡ། ཤྲྀངྑ་ལ་ཧསྟི་མཧཱ་ཛ་ཝེ་ཨེ་ཀ་བཱི་རི་མཧཱ་ཀཱ་རུ་ཎི་ཏཱ་རེ་ཏུཏྟ་རེ་ཏུ་རེ་སཱཧཱ། ཆུ་ལས་སྐྱོབ་མིའི་འོ། །ཨོཾ་མཧཱ་གམྦྷིཏྟྱཻ་མཧཱ་ཀ་རུ་ཎི་ཀེ་བྷ་ག་ཝཾ་བཱ་ལེ་བྷ་ར་དྷ་ཨ་བྷ་ཡི་ཧསྟི་ཏཱ་རེ་ཏུཏྟཱ་རེ་ཏུ་རེ་སྭཱཧཱ། ཤ་ཟ་ལས་བསྲུང་བའོ། །འཁོར་ལོ་ལྗང་ཁུ་རྩིབས་བརྒྱད་པ། །དབུས་སུ་བསྒྲུབ་བྱ་དགོད་པར་བྱ། །རྩིབས་བརྒྱད་ལ་ནི་ཡི་གེ་བརྒྱད། །


TNT12_Page_0348
[མ་དཔེ་གཟིགས་ན་འདིར་གནོན།]

སྔགས་ཀྱི་གྲོང་ཁྱེར་བདག་པོས་བསྐོར། །ལྗང་ཁུས་བསྲུང་བར་འགྱུར་བ་སྟེ། །འཆི་བ་བསླུ་བྱེད་དཀར་པོའོ། །ནད་དང་བརྩོན་ལས་ཐར་པ་དང༌། །ཚེ་དང་ལོངས་སྤྱོད་བརྩོན་འགྲུས་དང༌། །དབང་ཕྱུག་དང་ནི་བློ་གྲོས་འཕེལ། །ཚྭ་ལ་གི་ཧཾ་དྲི་ཆུ་དང༌། །ས་དང་ཙི་ཏྲ་ཀ་དཔའ་བོ། །གླ་རྩི་རོ་ཚན་རིལ་ལུ་ཡིས། །དུག་རྣམས་སྲུང་བར་བྱེད་པ་སྟེ། །བཟླས་དང་བསྒོམ་པའི་རྣལ་འབྱོར་བྱ། །པཎྜི་ཏ་ཀར་རྩ་བ་དང༌། །བེའུའི་གཅྀ་བས་དུག་རེངས་བྱེད། །རིམ་གསུམ་རྩིབས་ནི་བཅུ་དྲུག་པ། །ཀུ་རུ་ཀུལླེའི་སྔགས་ཀྱིས་དགང༌། ཁ་སྦྱོར་གཟུགས་བརྙན་སྦྱོར་བ་བྱ། །ཟངས་མའི་ཁབ་ཀྱིས་གསང་གནས་ཕུག །ཚྭར་བཅས་གཅིན་གྱིས་ཁ་བཀང་ནས། །རྒྱ་ཤུག་མེ་ལ་གདུང་བར་བྱ། །མེ་ཏོག་བསྣུན་དང་ཟས་དང་སྤོས། །མིག་སྨན་སྦྱོར་བས་དབང་དུ་བྱ། །སྒྲོལ་མ་དཀར་མོར་བསམ་བྱས་ནས། །མི་སྨྲ་བར་ནི་འབུམ་བཟླས་སོ། །སངས་རྒྱས་རྟག་པའི་སྦྱོར་ལས་བྱུང༌། །ཡིད་གཞུངས་མ་སོགས་བཞི་དང་བཅས། ཧལ་ཏྱ་ལི་དོང་ར་ཟི་ར། །གྲོག་སྨན་རུ་རྟ་ལ་ལ་ཕུད། །ར་ཡི་འོ་མ་མར་བཅས་བཏུང༌། །ཤུ་དག་ཧལ་ཏྱཻའི་བཟླས་ཟོས་ན། །འདིས་ནི་བློ་གྲོས་འཕེལ་བར་འགྱུར། །མཎྜལ་མཆོད་ནས་མི་འཇིགས་རྒྱ། །སྤྱི་བོར་རེག་པ་ཆོམ་རྐུན་བསྲུང༌། །གུ་གུལ་དཱ་ལའི་འདབ་མ་དང༌། །རུ་རྟ་གླ་རྩི་དཔའ་བོ་སྦྱར། །ཤུ་དག་ཤིང་ཀུན་སྦྱར་བ་ལས། །རིལ་བུ་འབུམ་བཟླས་ཟ་བར་བྱ། །དྲི་ཆུ་གླ་བས་གནས་ལྔར་བསྲུང༌། །མཛེ་ནད་གསོ་


TNT12_Page_0349
[མ་དཔེ་གཟིགས་ན་འདིར་གནོན།]

བར་བྱེད་པའི་མཆོག །མེ་ཏོག་བྷྲིདྒ་རཱ་ཛར་བཅས། །སྣ་ཡིས་རྔུབས་ན་རྒས་པ་སེལ། །ལོ་གསུམ་བུད་མེད་སྦྱོར་བ་ཡིས། ཁུ་བ་བཀག་པས་གཞོན་ནུར་བྱེད། །རྣ་བར་དུག་དང་ན་ལེ་ཤམ། །ལོ་གཅིག་ལོན་པས་འོན་པ་སེལ། །རྒྱ་མཚོའི་སྦུ་བ་རྒྱ་མཚོའི་འབྲས། །ར་གཅིན་སྦྱར་བ་མིག་ནད་འཇོམས། །ཨོཾ་སུམ་བྷི་རོ་དྷ་ན་ཡེ་སྭཱཧཱ། །ཀཥྟོའི་རུས་པ་བྱ་རོག་མིག །གསེར་གྱི་ཕུར་མས་འབོག་ནད་བསྲུང༌། །དཀྱིལ་འཁོར་ལྕགས་ཀྱུ་ལྡན་པར་བྱ། །མཆོད་ན་བཙོན་ལས་ཐར་བར་འགྱུར། །ཧལྟི་གི་ཧཾ་ཀསྠུ་རི། །རྩ་སྔགས་བུམ་པར་གདགས་བྱས་ལ། །ནམ་གུང་སྦྲུམ་མ་བཀྲུ་བར་བྱ། །ནད་མེད་བདེ་བས་བཙའ་བར་འགྱུར། །བོ་དྷི་རྩི་འབྲས་མར་དང་བསྲེས། །བཟླས་ནས་བུད་མེད་ལ་བྱིན་ཏེ། ཁྲུས་བྱས་མོ་གཤམ་གཟུགས་འཆང་བའང༌། །ངེས་པར་བུ་དང་བཅས་པར་འགྱུར། །བསྲུང་བའི་འཁོར་ལོ་གདགས་བྱས་ལ། །མཎྜལ་མཆོད་དང་བཟླས་པ་དང༌། ཁྲུས་ནི་ཉིན་རེ་ཉིན་རེ་བྱ། །བྱིས་པ་འཚོ་བའི་དམ་པ་ཡིན། ཡང་གསུངས་པ། ལྟེ་བར་ཧྲཱིཿ བརྒྱད་བུང་བའི་གཟུགས། །སྤྲོ་ཞིང་དེ་ཡིས་བཅུད་གཞིབ་བྱ། །ཛཿཧོ་ཧཱུཾ་ཨ་བཾ་ཧི། ཨཱ་ཀརྵ་ཡ་ཨངྐུ་ཤ་ཛཿ དཔྲལ་བར་ཐིག་ལེ་བྱས་ན་ནི། །བུད་མེད་ཐམས་ཅད་དབང་དུ་བྱེད། །ཡང་གསུངས་པ། ནམ་[བསམ་གཏན་གྱི་དཀྱིལ་འཁོར་]མཁའི་དབྱིངས་ཀྱི་དབུས་བྱས་པར། །དཔག་ཚད་བྱེ་བའི་དཀྱིལ་འཁོར་བསམ། །ཆོ་ག་ཤེས་པས་དེར་[སློབ་དཔོན་གྱི]དབང་བསྐུར་[ཆུང་བ་]སངས་རྒྱས་རྣམས་ནི་


TNT12_Page_0350
[མ་དཔེ་གཟིགས་ན་འདིར་གནོན།]

ཐམས་ཅད་ཀྱི། །རྡོ་རྗེ་གསང་བ་གསུམ་ལས་བྱུང༌། ཁམས་གསུམ་ཀུན་གྱིས་ཕྱག་བྱས་པ། །གནས་ཀྱི་དབང་བསྐུར་སྦྱིན་པར་བྱ། །སྐྱེས་པ་དེ་བཞིན་གཤེགས་ཡེ་ཤེས། །བུད་མེད་རིག་པའི་ལྷ་མོར་བྱ། །བུ་མོ་བཅུ་དྲུག་ལོ་ལོན་འཁྱུད། །བདེ་བ་བསྒོམ་པ་སློབ་དཔོན་ནོ། །གསང་འདི་སུ་ལའང་བརྗོད་མི་བགྱི། །གལ་ཏེ་སྨྲས་ན་དེ་ཡི་ཚེ། །ཤིན་ཏུ་རྣོ་བའི་ཤཱུ་ལ་ནི། །རྣལ་འབྱོར་མ་ཡི་ཕྱག་ན་གནས། །གང་གི་དམ་ཚིག་འཇིག་བྱེད་པ། །དེ་ལ་འདི་ཡིས་མཆོག་ཏུ་འབིགས། །བྷ་ག་འཇིབ་བཅས་ཙཱ་རུ་བཟའ། །གསང་བའི་དབང་དེ་གཉིས་པའོ། །སྟོན་པས་བུ་ལ་གཏད་བྱས་ནས། །སྙོམས་པར་འཇུག་པས་རོ་མཉམ་བསྒོམ། །ས་བཅུའི་བདེ་བ་ཐོབ་པ་ན། །ཤེས་རབ་ཡེ་ཤེས་ཞེས་བརྗོད་དོ། །ཆགས་[དབང་བཞི་པའི་མདོར་བསྟན་ཚིག་དྲུག] དང་ཆགས་བྲལ་ལས་འདས་པ། །དབུ་མར་མི་དམིགས་འོད་གསལ་བ། །མི་འགྱུར་རྟག་པ་མཆོག་ཏུ་ཕྲ། །བཞི་པའི་ཡེ་ཤེས་འགྲོ་འོང་མེད། །གཉིས་སྦྱོར་བརྟུལ་ཞུགས་ཆེན་པོ་པ། །བདེ་བ་ཆེ་གྲུབ་སློབ་དཔོན་ཏེ། །ཆགས་ལྡན་གཡོ་སྒྱུས་བུད་མེད་སྨོད། །ལྷུང་བཟེད་འགེངས་བྱེད་སློབ་དཔོན་མིན། །ས་ཆོག་སློབ་དཔོན་བྱ་བ་དང༌། །དབང་བསྐུར་དམ་ཚིག་སྦྱིན་སྲེག་དང༌། །རབ་གནས་མཆོད་ཡོན་ཆོ་ག་དང༌། །རྡོ་རྗེ་དྲིལ་བུ་བགྲང་འཕྲེང་དང༌། །དགང་བླུགས་དེ་བཞིན་ཕྱག་རྒྱ་དྲུག །སྐུ་གཟུགས་ཚད་དང་ཐ་མའི་ཆོག །ཕྱིར་བཟློག་བསྲུང་བ་བཟླས་པ་དང༌། །ནད་དང་གདོན་དང་རིམ་འཇོམས་དང༌། །


TNT12_Page_0351
[མ་དཔེ་གཟིགས་ན་འདིར་གནོན།]

ཚེ་དང་ལོངས་སྤྱོད་རིགས་འཕེལ་དང༌། །དབང་དུ་བྱེད་དང་བསད་དང་སྐྲོད། །དབྱེ་དང་མནན་པ་ལྷ་ཁང་གི །ཆོ་ག་འདི་རྣམས་སློབ་དཔོན་ལས། །དེ་བཞིན་བཅུད་ལེན་རིག་འཛིན་དང༌། །སྣ་ཚོགས་ལས་དང་དངོས་གྲུབ་དང༌། །སྨན་གྱི་སྦྱོར་བ་རྣམ་མང་པོ། །རྒྱུད་དང་རྒྱུད་དུ་མངོན་པར་བརྗོད། ཁ་སྦྱོར་རྡོ་རྗེ་མཁའ་འགྲོ་དང༌། །གདན་བཞི་དེ་བཞིན་རྡོ་རྗེ་གུར། །འབྱུང་དང་ཟླ་གསང་ཐིག་ལེ་དང༌། །མི་གཡོ་གཤིན་རྗེ་གཤེད་དམར་པོ། །སྣ་ཚོགས་སྒྲོལ་མའི་རྒྱུད་ཆེན་དང༌། །ཀུ་རུ་ཀུལླེ་རལ་གཅིག་མ། །བཅུ་གཅིག་རྣལ་འབྱོར་མ་ཡི་རྒྱུད། ཀུན་གྱི་སྦྱོར་བ་རྒྱས་པའོ། །གཞན་རྣམས་གང་རྣམས་དེ་དག་ནི། །སྣ་ཚོགས་རྒྱུད་དང་རྒྱུད་དུ་ཤེས། །རྩོད་ལྡན་དུས་སུ་གང་བསྟན་པ། །དེ་དག་ཐམས་ཅད་བསྡུས་པའོ། །འོན་[དབང་བཞི་པའི་རྒྱས་བཤད་འདི་ནས་གསུངས་པོའི་བར་]ཀྱང་གཞན་རྣམས་སུ་སྦས་[དབང་བཞི་པ།] པ། །འདིར་ནི་གང་དག་སྔོན་གསུངས་པའི། །མི་ཤེས་བྱིས་པ་རྣམས་ལ་ཡང༌། །རྟག་ཏུ་གནས་པའི་བདེ་ཆེན་པོ། །བཞི་པའི་ཡེ་ཤེས་འགྱུར་བ་མེད། །རང་བྱུང་ཆོས་ཀྱི་སྐུ་ཞེས་བརྗོད། །རྐྱེན་ལས་བྱུང་དང་མི་རྟག་ཕྱིར། །ཤེས་རབ་ཡེ་ཤེས་བཞི་པ་མིན། །ལས་དང་ཡེ་ཤེས་ཕྱག་རྒྱ་ནི། །དམ་པའི་དོན་དུ་དོན་མ་ཡིན། །དོན་དམ་བརྟག་པ་ཀུན་དང་བྲལ། །དེ་ཕྱྀར་སྨྲ་བར་ནུས་མ་ཡིན། །འཇིག་རྟེན་འདོད་པས་རབ་གཡེངས་དང༌། །ཆགས་བྲལ་རྣམས་ཀྱི་དབེན་པ་དང༌། །ཞལ་ཕྱག་རྣམ་པའི་ཡིད་བདེ་དང༌། །ཐིག་ལེ་ཕྲ་མོའི་བདེ་སྒྲུབ་དང༌། །


TNT12_Page_0352
[མ་དཔེ་གཟིགས་ན་འདིར་གནོན།]

ལྟེ་བའི་རེ་ཁ་བསྒོམ་འབད་བཅས། །སྟོང་ཉིད་མཐོང་བས་རབ་དགའ་དང༌། །རླུང་རྣམས་ཐིམ་པའི་སེམས་མེད་བདེ། །འགྲོ་དོན་བྱེད་འགྱུར་རབ་དགའ་དང༌། །བུད་མེད་སྦྱོར་བའི་རེག་བདེ་དང༌། །ཡིད་དང་གཟུགས་བརྙན་བདེ་བ་སྟེ། །འདི་དག་སྐྱོན་དང་བཅས་པ་ཡིན། །རང་བཞིན་བདེ་ཆེན་གཞན་པ་ཉིད། །ལུས་དང་ངག་ཡིད་ངེས་དང་བཅས། །ཆགས་དང་ཆགས་པ་བར་མ་དང༌། །ཆགས་བྲལ་བཅས་པའང་ཡི་གེར་བཅས། །དགའ་བ་དང་ནི་མཆོག་ཏུ་དགའ། །བྲལ་དགའ་གཡོ་བཅས་མི་བརྟན་པ། །བདེ་དང་སྡུག་བསྔལ་རིག་པ་པོ། །གསལ་དང་མི་གསལ་བརྡ་ཙམ་སྟེ། །དེ་དག་དེ་ལ་སྙིང་པོ་མེད། །ཆགས་པ་ལ་ནི་ཆགས་དངོས་མེད། །ཆགས་བྲལ་ལ་ཡང་ཆགས་བྲལ་མེད། །དབུ་མ་ལས་ཀྱང་དབུ་མ་མེད། །ཐམས་ཅད་རྐྱེན་ལས་བྱུང་བ་ཙམ། །དངོས་དང་དངོས་པོ་ཀུན་བྲལ་བ། །དངོས་པོ་ཀུན་གྱི་བདག་ཉིད་དངོས། །འདི་ཡི་རང་བཞིན་མི་འགྱུར་བདེ། །དཔེ་མེད་ཡི་གེ་མེད་པ་དང༌། །གཡོ་བ་མེད་དང་འགྱུར་བ་མེད། །[གཞན་སྟོང་]རང་རིག་བདེ་ཆེན་རང་བཞིན་གྱིས། །མྱ་ངན་འདས་པ་གཅིག་པུ་བདེན། ཀུན་བྱེད་འདི་ལ་བྱེད་པོ་མེད། །བདག་དང་སེམས་ཅན་སྲོག་བཅས་དང༌། །གཙོ་བོ་དབང་ཕྱུག་རྡུལ་ཕྲན་སོགས། །ཡེ་ཤེས་འདི་ལ་རྣམ་པར་བརྟགས། །རྡོ་རྗེ་སེམས་དཔའ་ལྷག་པའི་ལྷ། །འགོག་དང་ལམ་བདེན་ཆེན་པོ་པ། །དྲི་མ་སྔོན་ནས་ཟད་པ་དང༌། །


TNT12_Page_0353
[མ་དཔེ་གཟིགས་ན་འདིར་གནོན།]

ཆོས་ཀུན་གདོད་ནས་སངས་རྒྱས་པ། །བདེན་གཉིས་དབྱེར་མེད་ཚུལ་འདི་བསྟན། །ཇི་ལྟར་མེ་མར་ཁང་པར་བུས། །སྐར་ཁུང་ལྔ་ལས་ཕྱིར་སྣང་བ། །དེ་བཞིན་ཀུན་གཞིའི་མེ་མར་འདོད། །དབང་ཤེས་ལྔ་ཞེས་རྣམ་པར་སྤྲུལ། །མེ་མར་ལྔ་ཞེས་ཡིད་ཀྱིས་རྟོག །འོད་དང་མེ་གཞན་ཡིན་ནོ་ཞེས། །ཡིད་གཞན་བླུན་པོས་ངར་འཛིན་བྱེད། །ཆུ་ལས་ཆུ་རླབས་ཇི་བཞིན་ལྟོས། །རྫོགས་སངས་རྒྱས་ཆོས་གང་གང་དེ། །སེམས་ཅན་[བདེ་གཤེགས་སྙིང་པོ་ཡོན་ཏན་ཅན།] ཁམས་ལ་རེ་རེར་གནས། །དབྱེ་བ་མེད་ཅིང་མཐོང་མེད་པ། །གསེར་ཁམས་རྡོ་ལ་གནས་པ་བཞིན། །ལུས་དང་ངག་སེམས་འཁྲིག་པ་སྟེ། །རྡོ་རྗེ་རྣམ་བཞི་མངོན་གྱུར་པ། །གཟུགས་བརྙན་བྲག་ཆ་ནམ་མཁའི་དངོས། །བདེ་བ་ཆེན་པོའི་སྐུ་ཞེས་བྱ། །ལྟེ་བ་མགྲིན་པ་སྙིང་པདྨ། །ཡང་ནི་མགོ་བོར་རབ་བརྗོད་པ། །སེམས་ཅན་སྲིད་གསུམ་འབྱུང་བ་དང༌། །འདི་ཉིད་དུ་ནི་ཐིམ་པའོ། །དབང་བསྐུར་བ་རྡོ་རྗེ་ཡེ་ཤེས་ཀྱིས་དེ་སྐད་ཅེས་གསུངས་སོ། [འདི་ནས་ཤེས་རབ་ཀྱི་དུམ་བུ། ] དེ་ནས་རྡོ་རྗེ་ཕག་མོ་ལ་སོགས་པ་རྣམས་དང༌། མ་མོ་རྣམས་དང༌། དབང་ཕྱུག་མ་རྣམས་དང༌། ལྷ་དང་མི་དང་ཀླུ་དང་དྲི་ཟ་དང་གནོད་སྦྱིན་དང་སྲིན་པོ་དང་མིའམ་ཅི་མོ་ལ་སོགས་པའི། བུད་མེད་རི་རབ་གྲངས་མེད་པ། སུམ་ཅུ་རྩ་གཉིས་ཀྱི་རྡུལ་སྙེད་རྣམས་ཐེ་ཚོམ་དུ་གྱུར་ཡིད་གཉིས་སུ་གྱུར་ནས། བཅོམ་ལྡན་འདས་རྡོ་རྗེ་སེམས་དཔའ་ལ་འདི་སྐད་ཅེས་གསོལ་ཏོ། །སངས་རྒྱས་རྡོ་རྗེ་འཛིན་པ་ཡིས། །དབུགས་དབྱུང་བ་ནི་ཇི་ལྟར་བསྟན། །དུས་འདིར་ཉུང་དུ་གསུང་བ་ཅི། ཆགས་ཆེན་ངེས་པར་གསུངས་པ་གང༌། །རིག་སྔགས་བཟླས་པ་བྱེད་རྣམས་


TNT12_Page_0354
[མ་དཔེ་གཟིགས་ན་འདིར་གནོན།]

ཀྱིས། །ཇི་ལྟར་ལྷ་ལ་བསྟེན་པར་བགྱིད། །རླུང་གི་སྦྱོར་བས་ལུས་དག་པ། །དེ་བཞིན་དགའ་བ་ལ་སོགས་ཅི། །མཆོག་གྱུར་བུད་མེད་དམ་ཚིག་དང༌། །ངན་ཟོས་ངན་སྤྱོད་ཐམས་ཅད་ཀྱིས། །གྲོལ་བའི་བདག་ཉིད་གང་ཡིན་པ། །ལྷ་ལགས་མགོན་པོས་བཤད་དུ་གསོལ། །འདི་ལ་རིག་པའི་བརྟུལ་ཞུགས་ཅི། །བཙན་ཐབས་སྦྱོར་བའང་ཇི་ལྟར་འགྱུར། །བུད་མེད་དང་ནི་སྐྱེས་པ་དག།མངོན་པར་འགྲུབ་པའང་བཤད་དུ་གསོལ། །ཉོན་ཅིག་ཇི་བཞིན་རྡོ་རྗེ་ཉོན། །དབུགས་དབྱུང་རྣམ་པ་གཉིས་བསྟན་ཏོ། །འདི་ལ་དང་པོར་རྡོ་རྗེ་སེམས། །ཕྱི་ནས་དེ་བཞིན་གཤེགས་པའོ། །འདས་པའི་དུས་ན་སྔོན་བྱུང་བ། །རྡོ་རྗེ་སེམས་དཔའ་ལྷག་པའི་ལྷ། །སངས་རྒྱས་བདག་ཉིད་རྣམས་བསྡུས་ནས། །རིག་མ་བཙུན་མོ་རྣམ་པར་རོལ། །ཆོས་འབྱུང་ནམ་མཁའི་ཁམས་གནས་པ། །ཡེ་ཤེས་རྒྱ་མཚོ་རྣམ་རོལ་བ། །སངས་རྒྱས་བྱང་ཆུབ་སེམས་དཔའ་ནི། །མ་ལུས་ལུས་པ་མེད་པར་བསྐྱེད། །བདག་ཉིད་བདེ་བ་ཆེ་རང་བཞིན། །སེམས་ཅན་ཁམས་ལ་རྗེས་ཞུགས་པས། །ཐམས་ཅད་བདེ་ཆེན་བྱང་ཆུབ་ཐོབ། །བདེ་བས་མངོན་པར་ཞེན་རྣམས་ལ། །སངས་རྒྱས་རྣམས་ཀྱིས་སྟོང་ཉིད་བསྟན། །དེ་དེས་གྲངས་མེད་མངོན་བྱང་ཆུབ། །ཕྱི་ནས་སྟོང་པར་མངོན་ཞེན་རྣམས། །ཐམས་ཅད་དམྱལ་བར་ལྷུང་གྱུར་པས། །རྒྱལ་བ་རྟག་པ་རྣམ་སྤྲུལ་ཏེ། །དབུ་མ་ལ་ནི་རྣམ་པར་བཞག །རང་དང་གཞན་དོན་ཆེར་བསྒྲུབ་པས། །དཔག་ཡས་མཆོག་ཏུ་གྲོལ་བར་བྱས། །ཀུན་རྫོབ་རྗེས་ཞུགས་ངར་


TNT12_Page_0355
[མ་དཔེ་གཟིགས་ན་འདིར་གནོན།]

འཛིན་ཅན། །རྣམ་རྟོག་དུ་མས་རྣམ་དཀྲུགས་པ། །དེ་དག་གཞན་གྱི་བསམ་པ་ཀུན། །རྫོགས་བྱེད་བྱ་བ་མཆོག་ལ་བསྐུལ། །རིན་ཆེན་ཉི་མ་རྣམ་སྤྲུལ་པས། །དེ་དག་བླ་མེད་བྱང་ཆུབ་ལ། །མཆོག་ཏུ་དགའ་བས་གཞོལ་བར་འགྱུར། །གཞན་ལས་རྗེས་སུ་ཆགས་ལྡན་པ། །དེ་ཚེ་འདོད་ཆགས་ཀྱིས་བཅིངས་པས། །པདྨ་གར་དབང་རྣམ་སྤྲུལ་ཏེ། །འདོད་ཆགས་བདེ་བའི་ལམ་གྱིས་ནི། །བརྗོད་མེད་འགྲོ་བ་མངོན་བྱང་ཆུབ། །ཕྱི་ནས་བདེ་ལ་ཆགས་ལྡན་རྣམས། །ལེ་ལོས་མངོན་པར་ཉམས་གྱུར་ནས། །བློ་ངན་འཇིག་རྟེན་རྣམ་པར་འཁྲུགས། །རྟ་མཆོག་རྒྱལ་པོ་རབ་སྤྲུལ་ནས། །སེམས་ཅན་བརྩོན་འགྲུས་གནས་ལ་བཞག །བྱི་བོ་རྐུན་པོ་དགྲ་ལ་སོགས། །རང་རང་ཚུལ་གྱིས་མངོན་སྤྲུལ་བས། །ཐམས་ཅད་རྡོ་རྗེའི་གནས་ལ་བཞག །རྩོད་ལྡན་སྤྱོད་པ་སྣ་ཚོགས་པས། །ཤིན་ཏུ་ཁྲོ་གཏུམ་གདུག་པ་ཅན། །རབ་ཁྲོས་ཧེ་རུ་ཀར་སྤྲུལ་པ། །དྲག་ཤུལ་གསོད་ལ་དགྱེས་པ་འགྱུར། །སྲིན་པོ་གནོད་སྦྱིན་འབྱུང་པོ་གནོད། །མ་མོ་བཅོམ་བྱས་རིག་སྔགས་དང༌། །རྫས་དང་མཚོན་ཆ་འཁྲུལ་འཁོར་དང༌། །སྨན་གྱིས་ཀྱང་ནི་ཐམས་ཅད་བཅོམ། །ཞེ་སྡང་གདུག་གནོན་ཞི་བའི་ཕྱིར། །སླར་ཡང་བདེ་ཆེན་མགོན་པོ་ལ། །མ་འོངས་དུས་ན་རབ་འཇུག་སྟེ། །དབུགས་དབྱུང་དཀྱིལ་འཁོར་དམ་པའོ། །འདིར་ནི་དོན་དམ་ཀུན་རྫོབ་སྟེ། །ལོངས་སྤྱོད་རྫོགས་དང་སྤྲུལ་པ་ཞེས། །གཞན་ནི་རྒྱུ་དང་འབྲས་བུ་སྟེ། །དབུགས་དབྱུང་གཉིས་སུ་བསྟན་པའོ། །འདིར་


TNT12_Page_0356
[མ་དཔེ་གཟིགས་ན་འདིར་གནོན།]

ཡང་དོན་དམ་རྣམ་པ་གཉིས། །བདེ་བ་ཆེ་དང་དེ་ཉིད་དོ། །ཀུན་རྫོབ་གཉིས་ཀྱང་འཇིག་རྟེན་དང༌། །དཀྱིལ་འཁོར་ཞེས་ནི་རེ་ཞིག་བཞག །ཚེ་ཐུང་བསོད་ནམས་ཞན་པ་དང༌། །སྲོག་ཆགས་གསོད་ལ་དགའ་བ་དང༌། །འདོད་ལ་སྤྱོད་པས་གཡེངས་གྱུར་པ། །ད་ལྟར་རྒྱུད་རྣམས་ཉུང་ངུར་གསུངས། །བསྐལ་པ་གྲངས་མེད་སུམ་ཅུ་གཉིས། །འབད་ཀྱང་ད་དུང་བྱང་ཆུབ་མེད། །བདེ་བས་ཚེ་འདིར་འགྲུབ་འགྱུར་བ། །དེ་ཕྱིར་འདོད་ཆགས་ཆེན་པོ་བསྟན། །བདེ་བས་བདེ་བ་ཐོབ་འགྱུར་ཏེ། །སངས་རྒྱས་བདེ་བ་བདེ་ཆེན་པོ། །འབྲས་བུ་དང་མཚུངས་རྒྱུ་སྒྲུབ་པ། །མ་ཚང་སྟོང་པས་མྱ་ངན་འདིའི། །སྡིག་པ་མེད་དང་དད་པ་དང༌། །བྱང་ཆུབ་མཆོག་ཏུ་སེམས་བསྐྱེད་དང༌། །སེར་སྣ་དྲེགས་དང་ང་རྒྱལ་མེད། །འདིས་ནི་ངེས་པར་འགྲུབ་པར་འགྱུར། །མཚམས་མེད་ལྔ་དག་བྱས་པ་ཡང༌། །འདི་ཡིས་སྒྲུབ་པ་པོར་འགྱུར་ན། །གཞན་ལྟ་སྨོས་ཀྱང་ཅི་ཞིག་དགོས། །བགེགས་འཇོམས་བདུད་རྩི་འཁྱིལ་བ་ནི། །དང་པོར་འབུམ་ཕྲག་བཟླས་བྱས་ནས། །མཆོད་རྟེན་ལ་སོགས་བྱེད་པ་དང༌། །མཆོད་དང་བསྐོར་བ་ལ་སོགས་བྱ། །ཡན་ལག་མཆོག་དང་དང་ལྡན་པའི། །བུད་མེད་ཡིད་འོང་ཡང་ན་གཞན། །སྔགས་སྤྱོད་སྙིང་རྗེ་བློ་ལྡན་པ། །སྙིང་སྟོབས་ལྡན་པ་གྲོགས་ཞེས་བྱ། །བྲམ་ཟེ་མུ་སྟེགས་ཉན་ཐོས་མེད། །དང་པོའི་ལས་ཅན་དེར་གནས་བྱ། །བྲིས་སྐུ་མཆོད་པ་དང་བཅས་ཤིང༌། །དང་པོར་རིགས་ཀྱི་ལྷ་ཉིད་བསྒོམ། །བྱེ་བ་བྱེ་བར་བཟླས་ལ་བརྩོན། །ཕྱི་ནས་དཀྱིལ་


TNT12_Page_0357
[མ་དཔེ་གཟིགས་ན་འདིར་གནོན།]

འཁོར་རྣམ་བསྒོམས་ནས། །བཟླས་པ་འབུམ་དུ་བྱ་བ་ཡིན། །སྦྱིན་སྲེག་མཆོད་ལ་མངོན་པར་བརྩོན། །དཀྱིལ་འཁོར་མཛེས་པ་བྲིས་ནས་ནི། །ཟླ་བ་དྲུག་ཏུ་མཆོད་པར་བྱ། །སྔགས་པ་སྔགས་དང་དེ་བཞིན་གྲོགས། །ཕྱོགས་དུས་རྫས་དང་བརྩོན་འགྲུས་དང༌། །ལྷ་ནི་བདུན་པར་གསུངས་པ་ཡིན། །དམ་ཚིག་བརྩོན་འགྲུས་བཟོད་པ་དང༌། །དད་དང་སྙིང་རྗེ་སྔགས་མ་ཉམས། །ལེ་ལོ་མེད་ན་མྱུར་ཐོབ་འགྱུར། །ལྷ་དང་རིགས་སྔགས་མཐུ་ལྡན་ཞིང༌། །སེམས་སྟོབས་ལྡན་དང་མཚན་མ་ཐོབ། །འདི་ཡིས་དངོས་གྲུབ་བསྒྲུབ་བྱ་ཡི། །གཞན་དུ་ན་ནི་ཉོན་མོངས་འགྱུར། །གཡོན་ནས་ལྟ་བས་དགང་བ་དང༌། །གཡས་ཀྱི་དགུག་པ་དེ་བཞིན་ནོ། །དཔྲལ་བའི་ལྟ་བ་རེ་ཙ་ཀ །སྣ་རྩེར་བུམ་པ་ཅན་ཡིན་ནོ། །ལྟེ་བ་ལས་ནི་རླུང་བསྐྱེད་པ། །མེ་ཉིད་དང་ནི་རླུང་ཉིད་དང༌། །དེ་བཞིན་ཆུ་དང་དབང་ཆེན་ཏེ། །འཁོར་ལོ་སེམས་ཀྱི་ཀུན་སྤྱོད་པས། །སྟེང་ལོགས་ཐད་ཀ་འོག་ཏུ་གནས། །སྲོག་ཉིད་དང་ནི་ཐུར་སེལ་དང༌། །གྱེན་རྒྱུ་ཁྱབ་བྱེད་མེ་མཉམ་གནས། །འཁོར་ལོ་ཀུན་ཏུ་འགྲོ་སྤྱོད་པ། །ཀླུ་དང་རུས་སྦལ་སོགས་དེ་བཞིན། །སྙེ་མ་ལ་སོགས་རྣམ་པར་གནས། །མིག་དང་རྣ་བ་དང་ནི་སྣ། །ལྕེ་དང་ལུས་ལ་བྱང་ཆུབ་སེམས། །དེ་བཞིན་སྒོ་ནི་དགུ་དང་ཡང༌། །གྲོང་བཞི་དང་ནི་སྒོ་བཞི་པ། །སྒོ་ནི་དམ་པ་གཉིས་ཉིད་དང༌། །དམན་པའི་སྒོ་ནི་རྣམ་པ་གཉིས། །བྱེད་པ་བཅིངས་པས་སྒོ་ཕྱེ་ཞིང༌། །ཡུར་བ་ལས་ནི་ཆུ་འབབ་ལྟར། །དེ་བཞིན་རླུང་གི་སྦྱོར་བ་ཡིས། །ལུས་


TNT12_Page_0358
[མ་དཔེ་གཟིགས་ན་འདིར་གནོན།]

ནི་དག་པར་བྱེད་པ་ཡིན། །སྒྲུབ་པོའི་དབང་པོ་གང་ཞིག་དགེ་བསྙེན་ནམ་དགེ་ཚུལ་ལམ་དགེ་སློང་ཡང་རུང་སྟེ། ཤིན་ཏུ་དབེན་པའི་རི་བོའམ་ནགས་ཚལ་ལམ། སྐྱེད་མོས་ཚལ་ལམ་ཁྱིམ་དུ་གནས་པས། ལང་ཚོ་ལྡན་མ་གཞོན་ནུ་མའམ། དར་བབ་མ་བླངས་ཏེ། གཟུགས་བཟང་མིག་མཛེས་སྐྲ་བཟང་བ། །ལམ་འདིར་བློ་བརྟན་རྙེད་ནས་ནི། །མཆོག་ཏུ་དགའ་བ་རབ་ཏུ་བརྩམས། །འདོད་པའི་ལོངས་སྤྱོད་མ་ཆགས་ཤིང༌། །བདེ་ལ་མངོན་པར་རྗེས་ཆགས་པ། །རྣལ་འབྱོར་ལྡན་པ་མཐོང་དགའ་བ། །དེ་ལས་སྦྱོར་བའི་དངོས་གྲུབ་ཐོབ། །ལུས་ནི་རབ་ཏུ་བརྟས་ལྡན་པ། །དགའ་བའི་ཚིག་འཇམ་རོལ་མོ་དང༌། །འཁྱུད་དང་ཙུམ་པ་ཏ་ནུ་འདྲུད། །ཟེ་འབྲུ་འདབ་ལྡན་བསྐུལ་བ་ཡིས། །གཡོ་དང་བརྟན་ཉམས་དགའ་བར་རེངས། །མིག་ཟུམ་འགྱུར་བ་བདག་ཉིད་ལ། །ལས་མང་འབྲས་བུ་བདེ་ཆུང་བས། །ཆ་ཤས་བདེ་བ་དགའ་དང་པོ། །སྟེང་དང་འོག་ཏུ་རྣམ་བལྟས་ནས། །བརླན་བཅས་པདྨ་རབ་རྒྱས་པར། །རྡོ་རྗེ་རྒྱས་པ་རབ་བཅུག་པས། །འདར་དང་འགྱུར་དང་སཱིཏ་ཀྱི་སྒྲ། །ཨུ་ཡིག་དྲོད་བཅས་སྒྲ་ཉམས་པ། །བུ་མོས་ཡེ་ཤེས་ཐོབ་འགྱུར་ཏེ། །རྩོལ་བྲལ་ཁྱབ་པའི་བདེ་བ་ནི། །མཆོག་ཏུ་དགའ་བར་ཡང་དག་བརྗོད། །རབ་བསྐྱོད་གཉིས་ཀྱིས་བསྐྱོད་པ་ལས། །དུ་བའམ་རྒོད་དམ་བྱིས་པའི་ཚུལ། །འདོད་པས་མི་བཟོད་དྲན་ཉམས་པ། །བདག་གི་ཡེ་ཤེས་བདེ་གསལ་བ། །རང་བཞིན་བྲལ་འདི་


TNT12_Page_0359
[མ་དཔེ་གཟིགས་ན་འདིར་གནོན།]

ལྷན་སྐྱེས་དགའ། །ཉམས་པ་བྲལ་བའི་དགའ་སྤངས་ནས། །ཡེ་ཤེས་མཆོག་གིས་དགག་པར་བྱ། །ཡང་ན་བཙན་ཐབས་སྦྱོར་བས་སོ། །རྡོ་རྗེ་འཁུམས་དང་ཆུ་སྐྱེས་ཟུམ། །བདེ་བ་རྗེས་དྲན་བྲལ་བའི་དགའ། །མཆོག་ཏུ་བཅིངས་པ་རྣམ་པ་བདུན། །ཕྲག་པར་རྐང་པ་ཟུང་སྟེར་དང༌། །སྟེང་དང་འོག་དང་ཐད་ཀ་རྒྱབ། །ཤིན་ཏུ་བརྐྱང་དང་བསྣོལ་བའོ། །རྫས་ཀྱིས་ཐིག་ལེའི་རིམ་གྲོར་བྱས། །སྐྱེ་གནས་དམ་དང་ཚ་བ་ཡིས། །སྦྱོར་བ་ཐམས་ཅད་བྱ་བར་བྱ། །འདི་ཡིས་ཡེ་ཤེས་རྒྱས་པར་འགྱུར། །ཞིང་ན་གནས་པའི་བུད་མེད་རྣམས། །འདོད་ཆེན་སྦྱོར་བས་མནན་བྱ་ཡིས། །མེ་ཏོག་སོགས་ཀྱིས་མཆོད་མི་དགོས། །སྦྱོར་བ་གང་གིས་རྡོ་རྗེ་དང༌། །པདྨ་སད་པ་དེ་བསྟེན་བྱ། །ཆུ་སྐྱེས་དབུས་སུ་སེམས་ཕྱུང་ལ། །དེ་ཡི་ཡེ་ཤེས་མཚོན་བྱས་ནས། །མེ་ཏོག་བཅས་པ་ལིདྒས་བཏུང༌། །ར་ས་ཡ་ཎའི་བདེ་བའོ། །རབ་ཏུ་དགའ་སོགས་གནས་བྱས་ནས། །འགྱུར་བ་མེད་ཀྱང་འགྱུར་བར་སྟོན། ཁུ་བ་ཕྱེད་ཀྱི་ཤེས་རབ་མའི། །འཁོར་ལོ་འགྲོ་འོང་སད་པར་བྱེད། །གཟུགས་མཛེས་ལྟས་དང་དགའ་བའི་སྒྲོ། །དྲི་མནམ་མ་མཆུའི་སྦྲང་རྩི་བཏུང༌། །རེག་དང་གཉིས་གཉིས་སྤྲོད་པ་དང༌། །རྡོ་རྗེ་བསླང་བ་བྷ་ག་ཡིས། །འཚིར་དང་ཟིལ་པས་གཤེར་བ་དང༌། །དྲོད་དང་གཡོ་བ་རྣམ་ཤེས་གསུམ། །རབ་དགའ་ལ་སོགས་སར་བརྗོད་པ། །ཕུང་པོ་རིན་ཆེན་སྣོད་དུ་སྦས། །དང་པོའི་ལས་ཅན་རྣམས་ལ་ནི། །བུད་མེད་སྤངས་པས་ཡེ་ཤེས་མེད། །


TNT12_Page_0360
[མ་དཔེ་གཟིགས་ན་འདིར་གནོན།]

དང་པོ་ཐ་མར་གཉིས་སྦྱོར་བས། །སངས་རྒྱས་བདེ་བ་རབ་ཏུ་འགྲུབ། །ནུས་བྲལ་སློབ་དཔོན་དབང་བསྐུར་བ། །པདྨར་སེམས་ནི་མངོན་དབབ་པས། །བདེ་གཤེགས་མཆོད་པར་བྱ་བ་ཉིད། །གཞན་དུ་བྱུང་ན་དངོས་གྲུབ་རིང༌། །བུད་མེད་དག་ཀྱང་འདིས་གྲོལ་ཏེ། །སོར་མོ་ཤིང་དང་ལྤགས་པ་ཡིས། །འཁྲུལ་འཁོར་དག་གིས་རྩ་སད་བྱ། །འདོད་ཆེན་བུད་མེད་རབ་གྲོལ་ཕྱིར། །རྣལ་འབྱོར་མ་རྒྱུད་རྒྱས་པར་ཕྱེ། །བདེ་བ་སྐྱེད་བྱེད་བདུན་བཅུ་གཉིས། །བུད་མེད་རྣམས་ཀྱི་ལྷག་པའི་རྩ། །བུད་མེད་མྱུར་དུ་བྱང་ཆུབ་པ། །སྐྱེས་བུ་དེ་བཞིན་མིན་པ་ཉིད། །འདུ་ཤེས་གཞན་དང་མ་རྫོགས་དང༌། །མི་དམིགས་འདི་ལས་ལྷུང་མེད་དེ། །འདོད་བཅས་སད་དང་རྨི་ལམ་ལ། །འཛག་བྱེད་དེ་དག་ཉེས་དང་བཅས། །དུས་བཞིར་བཟང་མོ་ལ་འདོད་སྤྱོད། །དམ་ཚིག་རྣམས་ཀྱི་གཙོ་བོའི་གཙོ། །ཟླ་རེའམ་ལོ་ནི་རེ་རེ་རུ། །པདྨ་མཆོད་པར་མི་བྱེད་ན། །དེ་ཚེ་དམ་ཚིག་ཉམས་པ་ཡིས། །ཚ་བ་ཆེན་པོར་རྣམ་པར་ལྷུང༌། །དངོས་གྲུབ་འདོད་པས་བུད་མེད་ཀུན། །མཆོད་ཅིང་གུས་པས་ཕྱག་བྱའོ། །དུད་འགྲོ་མོ་ལའང་གུས་བྱ་ན། །མི་མོ་ཅི་ཕྱིར་གུས་མི་བྱེད། །ཤེས་རབ་བུད་མེད་མི་མོའི་གཟུགས། །མ་དང་སྲིང་མོ་བུ་མོ་དང༌། །ལྷ་དང་བླ་མ་གྲོགས་གྱུར་པ། །རབ་ཏུ་བྱམས་ལྡན་གཉེན་གཤིན་ལ། །མི་ཤེས་བྱས་པ་མི་གཟོ་བས། །སྐྱེ་གནས་དམན་ཅེས་རྣམ་སྨོད་པ། །ནད་དང་རིམས་ནད་ཚེ་ཐུང་དང༌། །དམྱལ་བར་ངེས་པར་འཚེད་པ་


TNT12_Page_0361
[མ་དཔེ་གཟིགས་ན་འདིར་གནོན།]

འགྱུར། །མི་ཤེས་སྔགས་པ་བུད་མེད་ལ། །སྣུན་བྱེད་དམ་ཚིག་ཀུན་ཉམས་པས། །སྐད་ཅིག་དེ་ལ་མནར་མེད་ལྷུང༌། །སྡུག་པའི་སྤུན་གྱི་དགྲར་གྱུར་ན། །སྤུན་ཟླ་མཆོད་ཀྱང་དགར་མི་འགྱུར། །བུད་མེད་སྨོད་ལ་ལྷ་མོ་རྣམས། །མི་དགེས་དེ་ཡི་མཆོད་མི་ལེན། །བསྐལ་བ་བྱེ་བ་གྲངས་མེད་པར། །བཟང་པོར་སྤྱོད་པ་ཁོ་ནས་ཀྱང༌། །བྱང་ཆུབ་རིན་ཆེན་མ་ཐོབ་པ། །ཕྱག་རྒྱའི་སྦྱོར་བ་འདི་ཡིས་ནི། །ཚེ་འདི་ཉིད་ཀྱིས་ཐོབ་པར་འགྱུར། །རང་བཞིན་མཉམ་པ་ཉིད་བསྒོམ་ཞིང༌། །ཕྱག་རྒྱའི་བདེ་བ་རབ་སྒྲུབ་པ། །བུད་མེད་སྦྱོར་ལས་ཕྱག་རྒྱ་ཆེ། །མངོན་དུ་མཚོན་པར་བྱེད་ན་དེ། ཁྲུས་དང་གཙང་སྒྲ་མི་དགོས་ཤིང༌། །དཀའ་སྤྱད་སྡོམ་པ་མེད་པར་ཡང༌། །བདེ་བ་ཉིད་དང་དགའ་བས་འགྲུབ། །དེ་བས་ཅི་ལྟར་འདོད་སྤྱོད་ཅིང༌། །ཀུན་བཟང་དེ་བཞིན་ཐམས་ཅད་སྤྱོད། །གཡོ་བ་དག་ཀྱང་ཅི་དགར་བྱེད། །ཇི་ལྟ་བུས་ཀྱང་རྣམ་གྲོལ་འགྱུར། །གཟུགས་བརྙན་ལུགས་མ་ལ་སོགས་ལས། །རྣལ་འབྱོར་སྐྱེ་བར་མི་འགྱུར་གྱི། །བྱང་ཆུབ་སེམས་ལ་རབ་བརྩོན་ན། །དེ་ལས་རྣལ་འབྱོར་ལྷར་འགྱུར་རོ། །གཡོ་དང་སྨྲ་བ་སྤྱོད་པ་ཀུན། །ཕྱག་རྒྱ་སྔགས་དང་ཆོ་གར་འགྱུར། །མར་མེ་ལེགས་པར་བླངས་ནས་ནི། །མུན་པའི་ཁྲོད་གནས་ནོར་བུ་ལེན། །སྒྲིབ་པའི་མུན་པར་ཆོས་ཀྱི་དབྱིངས། །བུད་མེད་བདེ་བས་འཚོལ་བར་བྱ། །ཤིན་ཏུ་ཉེ་བར་གནས་པ་རྣམས། །དེ་དེའི་ཆོས་ལ་མི་གུས་པ། །མཁྱེན་ནས་རྒྱལ་བས་ཆགས་བྲལ་བསྟན། །དམ་པའི་དོན་དུ་


TNT12_Page_0362
[མ་དཔེ་གཟིགས་ན་འདིར་གནོན།]

དེ་ཉིད་མིན། ཡང་གསུངས་པ། དང་པོར་མཚན་དུས་གསངས་ཏེ་སྤྱད། །གལ་ཏེ་དེར་སེམས་མི་བརྟན་ན། །བསྡུས་ནས་ཐ་མལ་ཚུལ་དུ་རོལ། །གཞན་དུ་སྨྱོན་པའི་བརྟུལ་ཞུགས་ཀྱིས། །ཤ་ཟ་བཞིན་དུ་ཀུན་ཏུ་འཁྱམ། །རྫུ་འཕྲུལ་མངོན་ཤེས་ལྔ་གྲུབ་པས། །འཇིག་རྟེན་མངོན་དུ་ཡང་དག་སྤྱད། །གལ་ཏེ་འཕགས་པའི་ས་ཐོབ་ན། །དེས་ནི་ཕྱོགས་ལས་རྣམ་རྒྱལ་སྤྱོད། །ཞིང་རྣམས་ཀུན་ཏུ་རྒྱུ་བའམ། །ཡང་ན་བས་མཐའ་འམ་རང་གི་ཁྱིམ། །སྦས་པའི་སྤྱོད་པས་གྲོལ་བར་འགྱུར། །ཡང་ན་ཚོགས་ཀྱི་དཀྱིལ་འཁོར་ཏེ། །བུད་མེད་བཅུ་གཉིས་རྣམ་རོལ་པ། །རྒྱན་དང་གདོང་སོགས་རྣམ་པར་བརྒྱན། །ཤར་གྱི་བུད་མེད་དབུས་འོངས་ཤིང༌། །གཅིག་ཤོས་ཤར་དུ་དགེས་རོལ་སོགས། །སྣ་ཚོགས་དུ་མས་རྣམ་རོལ་བ། །སྐྱེད་མོས་ཚལ་ལ་སོགས་པར་བསྒྲུབ། །གླུ་དང་ཟློས་གར་ཀུན་བྱས་ཏེ། །དབང་བསྐུར་བ་དང་ལས་ཀུན་བྱ། །ཡང་གསུངས་པ། རྡོ་རྗེའི་སྒོ་ནི་དབྱེ་བ་དང༌། །དེ་བཞིན་པདྨ་རྒྱས་པར་དབྱེ། ཤིང་ངམ་ས་ཡི་འཁྲུལ་འཁོར་གྱིས། །བཤང་བའི་ལམ་དུ་རྩེ་བར་བྱ། །སྲོག་དང་དེ་བཞིན་ཐུར་སེལ་བ། །བཀག་ཅིང་གོང་བུ་གཅིག་ཏུ་བྱ། །དགའ་བས་རོལ་པ་ལ་ཞུགས་ནས། །དལ་བུ་དལ་བུས་རབ་སྦྱོར་ཏེ། །སྒོ་དབྱེ་བ་དང་སོར་མོས་གནོན། །བུ་མོས་རྩ་ཡི་ཐུར་མ་ཡིས། །དྷཱུ་ཏི་རྣམ་པར་འབྱེད་པར་འགྱུར། །དེ་ཡི་གནས་སུ་རླུང་རྒྱས་ཏེ། །རྩ་ཡི་འཁོར་ལོ་ཀུན་སད་པ། །གཏུམ་མོ་འབར་


TNT12_Page_0363
[མ་དཔེ་གཟིགས་ན་འདིར་གནོན།]

བཅས་ཞུ་ཞིང་འཛག །བཙན་ཐབས་སྦྱོར་བས་མེ་འབར་བ། །རྭ་ས་ན་ལས་རྣམ་པར་རྒྱུ། །འཛག་པའང་ལ་ལ་ན་ལས་ཏེ། ཁུ་བ་འདྲེས་གྱུར་ཀུན་འདར་དུ། །བར་བྱེད་འཁོར་ལོ་འཁོར་ལོ་ལ། །ལན་མང་བཟློག་ཅིང་ཡང་འབར་གནས། །ཚངས་པའི་སྒོ་ང་འབིགས་པར་བྱེད། །དེ་ལས་རྣམ་པར་ལྟུང་བ་ཡིས། །ཆོས་ཀྱི་ཕྱག་རྒྱ་རབ་ཏུ་འགྲུབ། །མངོན་པར་བྱང་ཆུབ་རབ་བཤད་པ། །འབྱུང་བའི་བདེ་བ་ལྷ་མོར་བརྟག ༈ །གདོལ་མ་བྲམ་ཟེའི་བུ་མོ་དང༌། །ཚོང་མོ་གླུ་མཁན་མདའ་མཁན་མོ། །གར་མཁན་མོ་སོགས་རིགས་ཅན་བཟུང༌། །ཡང་ན་ལྷ་མོ་མིའམ་ཅི། །ཀླུ་མོ་དྲི་ཟ་མོ་སོགས་བརྟག །ཐིག་ལེ་ཞུ་བ་ཟླ་བའི་གཟུགས། །མེ་ཏོག་དང་བཅས་ཉི་མ་གསོལ། །ཐབས་དང་ཤེས་རབ་གཅིག་གྱུར་པ། ཁུ་བ་ཁྲག་དང་རླུང་བཅས་པའི། །ཚོགས་པ་འདིར་ནི་རྣམ་པར་ཞིག།ལུས་དང་སེམས་ཞེས་བྱ་བ་འདས། །ཀུན་གཞི་རྣམ་པར་གྱུར་པ་ཉིད། །འདི་ལས་ལོངས་སྤྱོད་རྫོགས་པར་འགྱུར། །ཡང་ན་དོན་གྲུབ་སྒྱུ་མ་བཞིན། །མཱ་མ་ཀི་སོགས་རབ་སྦྱོར་བའོ། །སངས་རྒྱས་རང་ཉིད་གཟུགས་ཅན་ནི། །ལྷ་མོ་དང་སྦྱོར་འདོད་ཆགས་ཆེ། །འོན་ཀྱང་མོས་པ་ཐ་དད་ཕྱིར། །སྤྲུལ་པ་མིག་འཕྲུལ་རྣམ་པར་འཕྲུལ། ༈ །ཡང་གསུངས་པ། ཨོཾ་ཀརྟི་ཀ་སརྦ་མཱ་ར་ཎཾ་མཾ་ས་ཀརྟ་ཡ་ཀརྟ་ཡ་ཧཱུཾ་ཕཊ། ཨོཾ་བཛྲ་ཀ་པཱ་ལ་སརྦ་ཤཱ་ཏྲུན་རཀྵཾ་དྷཱ་ར་ཡ་དྷཱ་ར་ཡ་ཧཱུཾ་ཕཊ། ཨོཾ་ཧ་ན་ཧ་ན་མཱ་ར་ཡ་མཱ་ར་ཡ་སརྦ་ཤཱ་ཏྲུན་ཏྲི་ཤཱུ་ལ་


TNT12_Page_0364
[མ་དཔེ་གཟིགས་ན་འདིར་གནོན།]

ཧཱུཾ་ཕཊ། བརྟུལ་ཞུགས་སོ། །གཟུགས་བརྙན་ཡི་གེ་མཚན་མ་དག།དཀྱིལ་འཁོར་གསུམ་དུ་ངེས་བྱས་པ། །སྙིང་ག་ནས་བྱུང་སྙིང་གར་བཞུགས། །མཚོན་ཆ་ཕྱག་རྒྱ་ཕྱིས་བཀོད་ནས། །ལས་དང་དངོས་གྲུབ་བཀས་གནང་བ། །བུ་མོ་དག་ལ་འཁྱུད་པ་དང༌། །ནུ་མ་མཉེད་ལས་བདེ་ཐོབ་པ། །སློབ་དཔོན་དབང་བསྐུར་སྦྱིན་པའོ། །ཞི་བ་ལ་སོགས་པའི་སྒྲོལ་མ་ནི་དཀར་བ་དང༌། སེར་བ་དང༌། དམར་བ་དང༌། ནག་མོའོ། །ཆུ་དང་དབང་ཆེན་དང༌། མེ་དང་རླུང་ལ་གནས་པ་དང༌། ངང་པའི་རྒྱལ་པོ་དང༌། གླང་པོ་ཆེ་དང༌། རྟ་དང༌། མ་ཧེ་ལ་བཞོན་པའོ། །ཞི་བའི་ལྷ་མོ་ནི་མི་འཇིགས་པ་དང༌། ཨུཏྤལ་དཀར་པོ་འཛིན་པའོ། །རྒྱས་པ་མོ་ནི་མཆོག་སྦྱིན་དང་བུམ་པ་དང༌། སྙེ་མ་འཛིན་པའོ། །དབང་བྱེད་མ་ནི་ལྕགས་ཀྱུ་དང་ཞགས་པའོ། །གསོད་བྱེད་མ་ནི་རལ་གྲི་དང་དུས་ཀྱི་ཞགས་པའོ། །ཕྱོགས་ཀྱི་ལྷ་མོ་གྲྭ་བཞིར་འཁོད་པ་ནི། སངས་རྒྱས་རིན་ཆེན་ཆོས་དང་ནི། །རྡོ་རྗེ་སྒྲོལ་མ་བསམ་བྱ་བ། །དཀར་དང་སེར་པོ་དམར་པོ་དང༌། །དཀར་མིན་ཕྱག་ཀྱང་བཞི་པ་སྟེ། མཆོག་སྩོལ་བ་དང་ཨུཏྤ་ལ། ཅང་ཏེ་དེ་བཞིན་རྩེ་གསུམ་བསྣམས། །ཞལ་དྲུག་ཕྱག་དྲུག་ཐོ་བ་དང༌། །ཞགས་པ་བསྣམས་པ་ཞབས་དྲུག་པ། །ཚངས་པ་འཇོམས་པ་གཤིན་རྗེ་གཤེད། །རལ་གྲི་ཐོད་པས་ལག་བྲེལ་བ། །མིག་ཡོན་དབང་པོ་དབང་ལྡན་གནོན། །དབྱུག་ཏོ་དང་ནི་པདྨ་དང༌། །འཁོར་ལོ་ཞགས་པ་འཛིན་པའི་མཆོགཁྲོ་བོའི་རྒྱལ་པོ་པད་མཐར་བྱེད། །བསྐལ་པའི་མེ་


TNT12_Page_0365
[མ་དཔེ་གཟིགས་ན་འདིར་གནོན།]

ལྟར་གཟི་བརྗིད་འབར། །ཀླུ་དང་གཤིན་རྗེ་ཞབས་ཀྱིས་མནན། འཁྱིལ་བ་རྡོ་རྗེ་ཕུར་བུ་ནི། །སྣ་ཚོགས་རྡོ་རྗེ་ཐོ་བར་བཅས། །དྲིལ་བུ་ཕུར་བུ་བསྣམས་ནས་ནི། །ལོག་འདྲེན་བདུད་བཅས་ལ་འདེབས་བརྩོན། །དཔའ་བོ་འདི་གསུམ་སྤྲིན་གྱི་མདོག། གཞན་རྣམས་གང་རྣམས་ཕོ་ཉ་མོ། །རང་རང་ལས་དང་མཚུངས་པར་བྱ། །གསང་བ་ཐམས་ཅད་པའི་ལེའུ་སྟེ་བཞི་པའོ། །དེ་ནས་འཁོར་རྣམས་ཀྱིས་བསྟོད་པ། །དབང་པོ་གཉིས་ཀྱི་སྦྱོར་བ་གང༌། །རང་བཞིན་མེད་པའི་བདག་ཉིད་དེ། །ཡེ་ཤེས་མཚོན་ཆ་རྣམ་འཆང་བ། །མངོན་སྤྱོད་སྣ་ཚོགས་སྤྱོད་པ་པོ། །མ་མོའི་ཚོགས་ཀྱིས་བསྐོར་བའི་སྔགས་ཅན་མ། །དབང་པོའི་དྲ་བ་འོད་ཟེར་འཕྲོ་ཞིང་འཁྲུག །ལྷན་ཅིག་སྐྱེས་པའི་མཛེས་མ་དང་གཙུགས་མཛད། །བློ་གྲོས་ཆེན་པོས་བདག་ལ་དབང་བསྐུར་སྩོལ། །ཅེས་གསོལ་བ་བཏབ་པར་གྱུར་པ་ལས། དཔལ་རྡོ་རྗེ་སེམས་དཔའ་དམ་ཚིག་སྒྲོལ་མ་དང་མཉམ་པར་སྦྱོར་བས། དེ་བཞིན་གཤེགས་པ་ཐམས་ཅད་ཉིད་ཀྱི་སྐུ་ལ་ཡོངས་སུ་ཞུགས་ཏེ། བྱང་ཆུབ་ཀྱི་སེམས་རྣམ་པར་དབབ་པ་རྡོ་རྗེ་ནམ་མཁའི་ཁམས་ཐམས་ཅད་ཡོངས་སུ་གང་བས། སེམས་ཅན་ཐམས་ཅད་མཆོག་ཏུ་྄བདེ་བ་གྲུབ་པར་གྱུར་ཏོ། །རབ་ཏུ་དབེན་པའི་གནས་དག་ཏུ། །ཧཱུཾ་གི་ཡི་གེས་བདུད་རྣམས་གཞོམ། །ཨོཾ་ཨཱཿཨཱ་ལི་ཀཱ་ལི་སྟེ། རྩ་གཉིས་ཟླ་བ་ཉི་མ་དག །དེ་དག་མེ་ལོང་ཡེ་ཤེས་ཏེ། །ས་བོན་མཚན་མར་གྱུར་པ་ནི། སོ་སོར་རྟོག་པར་ངས་བཤད་དོ། །གཅིག་གྱུར་མཉམ་པ་


TNT12_Page_0366
[མ་དཔེ་གཟིགས་ན་འདིར་གནོན།]

ཉིད་ཡིན་ཏེ། །འགྲོ་དོན་བྱེད་པ་བྱ་ནན་ཏན། །གཟུགས་བརྙན་རྫོགས་པ་ཆོས་དབྱིངས་སོ། །དབང་པོ་གཉིས་སྦྱོར་རྡོ་རྗེ་གསུམ། །རབ་རྫོགས་སྔགས་རྣམས་ཀུན་གྱི་ལྷ། །གསང་དང་གསང་ཆེན་ཤིན་ཏུ་གསང༌། །རྣལ་འབྱོར་རྣལ་འབྱོར་ཆེན་པོ་དང༌། །རྗེས་དང་ཤིན་ཏུ་རྣལ་འབྱོར་དང༌། །སྟོང་པའི་ཡེ་ཤེས་རྣམ་གསུམ་པོ། །རྒྱུད་ཀུན་གྱི་ནི་གཙོ་བོའི་གཙོ། །མི་ཤིགས་པ་དང་སྔགས་དང་རྫས། །ཐིག་ལེ་གསུམ་དུ་ངས་བཤད་དོ། །བྱིན་གྱིས་རླབས་དང་ཡོངས་བརྟགས་དང༌། །ཡོངས་སུ་རྫོགས་པ་རྣལ་འབྱོར་གསུམ། །མི་གསལ་བ་དང་ཡེ་ཤེས་ཆུང༌། །ཡེ་ཤེས་ཡེ་ཤེས་ཆེན་པོ་སྟེ། །གང་ཟག་རྣམ་པ་བཞི་རུ་བརྗོད། །གཟུགས་མེད་ཚོར་བ་འདུ་ཤེས་དང༌། །འདུ་བྱེད་དང་ནི་རྣམ་ཤེས་བྲལ། །དབང་པོ་ཡུལ་དང་རྣམ་ཤེས་མེད། །ཉོན་མོངས་མེད་ཅིང་བྱང་ཆུབ་མེད། །དངོས་པོ་མེད་ཅིང་སྒོམ་པ་མེད། །འཕེལ་པ་མེད་ཅིང་བྲི་བ་མེད། །རྟག་མིན་མི་རྟག་མ་ཡིན་པ། །ཡོད་དང་མེད་དང་ཡོད་མེད་འདས། །འདི་ལ་བདག་མེད་གཞན་ཡང་མེད། །བདེན་མིན་རྫུན་པ་མ་ཡིན་པ། །རྐྱེན་གྱིས་སྟོང་མིན་རང་བཞིན་ཉིད། །ཤེས་རབ་ཕ་རོལ་ཕྱིན་པར་བརྗོད། །དམིགས་དང་དམིགས་མེད་ལས་འདས་ནས། །བྱ་བ་ཅི་དགར་སྤྱོད་བྱེད་པ། །རིག་སྔགས་གྲུབ་པ་གང་ཡིན་པའི། །བྱང་ཆུབ་སེམས་དཔའ་སྤྱོད་ལ་གནས། །སྒྱུ་མས་སྒྱུ་མ་བཅོམ་པ་དང༌། །སྒྱུ་མས་སྒྱུ་མ་མཆོད་བྱེད་ལྟར། །ཐབས་མཁས་སྤྱོད་པ་འདི་དག་གིས། །རྨི་ལམ་བཞིན་དུ་སྔགས་སྤྱོད་པའོ། །ཇི་ལྟར་མེ་ཡིས་བསྲེགས་


TNT12_Page_0367
[མ་དཔེ་གཟིགས་ན་འདིར་གནོན།]

པ་ལྟར། །ངོ་བོ་ཉིད་ཀྱིས་བུད་མེད་ལས། །ཤེས་རབ་ཕ་རོལ་ཕྱིན་པ་བསྐྱེད། །གཡོ་བ་ཐིམ་དང་བདེ་བ་དང༌། །རྣམ་རྟོག་ངོ་བོ་ཉིད་ཀྱི་གཅོད། །དེ་ཕྱིར་དེ་ལ་དེ་རབ་བསྒྲུབ། །མཐའ་མེད་དབུས་ཀྱང་མེད་རིག་པ། །དོན་དམ་རྡོ་རྗེའི་དཀྱིལ་འཁོར་རོ། །རྟོག་པས་རྟོག་པ་རྣམ་སྤངས་ཏེ། །དེ་ཕྱིར་བསྐྱེད་པའི་རིམ་པ་བསྒོམ། །འདོད་ཆགས་ཞེ་སྡང་གཏི་མུག་རྣམས། །འོད་གསལ་མཆོག་ཏུ་ཉེར་འགྲོ་བ། །བདེ་དང་སྒྱུ་མའི་རང་བཞིན་དང༌། །རྣམ་པར་མི་རྟོག་རྣམ་པར་སྦྱངས། །མོས་པས་སྤྱོད་པའི་ས་བཅུ་གཉིས། །ཕོ་ཉ་མོ་སྦྱོར་དེ་ཉིད་དང༌། །རྩ་དང་ཁམས་དང་གཡོ་བ་ཡི། །འགྲོ་འོང་འགགས་པའི་ཡེ་ཤེས་སོ། །དེ་ནས་དེ་ལ་ཡེ་ཤེས་སྐུ། །འདི་ལ་རྩ་མེད་ཁམས་ཀྱང་མེད། །རླུང་གི་བགྲོད་པའང་ཡོད་མ་ཡིན། །འོན་ཀྱང་སེམས་ཀྱི་རྣམ་འཕྲུལ་ཏེ། །དེ་དེ་འགགས་ལས་ས་བཅུ་གཉིས། །ཕོ་ཉ་མོ་རྣམས་སྦྱོར་གྲུབ་ལས། །སྤྲུལ་པའི་གཟུགས་ཀྱིས་བདེ་བ་འདི། །རིག་འཛིན་རྣམས་ཀྱིས་ཞེས་བརྗོད། །ལས་དང་པོ་དང་རྣལ་འབྱོར་པ་དང་སྒྲུབ་པ་པོ། །གྲུབ་པ་མཆོག་ཏུ་གྲུབ་པ་དང་ནི་སེམས་དཔའ་ཆེ། །རྡོ་རྗེ་སེམས་དཔའ་ཞེས་བྱ་སྔགས་བརྗོད་བདུན་དུ་གསུངས། །བླ་མའི་དྲིན་གྱིས་སྐྱེ་བ་གཅིག་རྫོགས་མངོན་གྱུར་པའོ། །སྟོང་པ་མ་ཡིན་མི་སྟོང་མིན། །ཟག་མེད་སེམས་འདི་དེ་བཞིན་ཉིད། །ནམ་མཁའ་སྣོད་ཀྱིས་དབྱེ་བ་ལྟར། །གནས་སྐབས་བདུན་དུ་འཇིག་རྟེན་རྟོག །རྡོ་རྗེ་རང་བཞིན་འགྱུར་མེད་པ། །གནས་སྐབས་ཐེག་པ་ཐུག་མེད་ཀྱིས། །


TNT12_Page_0368
[མ་དཔེ་གཟིགས་ན་འདིར་གནོན།]

དེ་ནི་མི་འཇིགས་གཡོ་བ་མེད། །ནམ་མཁའ་ལྟ་བུ་གོས་པ་མེད། །ཇི་ལྟར་རབ་རིབ་ཅན་དག་གིས། །ནམ་མཁའ་ལ་ནི་སྐྲ་ཤད་མཐོང༌། །དེ་བཞིན་འཁོར་བ་རྣམ་པར་རྟོག།འཁོར་བ་མེད་ཅིང་གང་ཟག་མེད། །དེ་ཕྱིར་བཅོས་མ་ཀུན་སྤངས་ནས། །ཟུང་འཇུག་རང་བཞིན་བསྒོམ་བྱ་སྟེ། །དེ་བཞིན་གཤེགས་པའི་གསུང་ལམ་ལ། །སྔགས་རིག་རྣམ་རྟོག་མ་བྱེད་ཅིག།རྣལ་འབྱོར་དབང་པོས་སྐྱེ་བོ་ནི། །གང་ལའང་བརྙས་པར་མི་བྱ་སྟེ། །ཉན་ཐོས་ནང་དུ་མི་གནས་ཤིང༌། །ཆགས་བྲལ་ལམ་ལ་བློ་མི་གུས། །བུད་མེད་རིན་ཆེན་སྤང་མི་བྱ། །ཉན་ཐོས་སྤྱོད་པ་སྤངས་བྱས་ནས། །འདོད་ཆགས་ཆེན་པོ་སྙིང་རྗེར་བཅས། །འདུལ་བའི་ཐབས་ཚུལ་ཀུན་རིག་པས། །གཉིས་སྦྱོར་བརྟུལ་ཞུགས་ལ་གནས་པའོ། །སྡོམ་དང་སྡོམ་མིན་ཀུན་ལས་ལོག།བཟའ་དང་བཟའ་མིན་མི་བརྟག་སྟེ། །གཙང་དང་མི་གཙང་དཔྱད་མི་བྱ། །རང་བཞིན་དེ་ཉིད་མཉམ་པར་ཤེས། །མགོ་ཟླུམ་བརྟུལ་ཞུགས་གཟི་བརྗིད་ཅན། །མཉམ་ཉིད་དམིགས་སུ་མེད་པ་ལ། །སྡིག་དང་བསོད་ནམས་ཀུན་ཡོད་མིན། །ཀུན་ཀྱང་བྱང་ཆུབ་སྤྱོད་པ་ཅན། །བུད་མེད་སྦྱོར་ལས་སེམས་བརྟན་པ། །ཚངས་སྤྱོད་མ་ཉམས་དགེ་སློང་སྟེ། །དབང་ཕྱུག་ཀུན་གྱི་བླ་མར་འགྱུར། །རྡོ་རྗེ་བྱིན་གྱིས་རློབ་པའི་ཡེ་ཤེས་ཀྱི་ལེའུ་སྟེ་ལྔ་པའོ། །འཕྲིན་ལས་ཐམས་ཅད་འབྱུང་བ་སྒྲོལ་མ་འདུས་པ་དོན་དམ་པ་ཞེས་བྱ་བ། །རྣལ་འབྱོར་མའི་རྒྱུད་ཀྱི་རྒྱལ་པོ་ལས། །རྟོག་པ་ཕྱི་མ་གསང་བ་ངེས་པར་བསྟན་པ་ཇི་སྙེད་པ་རྫོགས་


TNT12_Page_0369
[མ་དཔེ་གཟིགས་ན་འདིར་གནོན།]

ཏེ། སྒྲོལ་མ་འབྱུང་བའི་རྟོག་པ་ཇི་སྙེད་པ་རྫོགས་སོ། །རྒྱ་གར་ལྷོ་ཕྱོགས་རསྨཱི་ཤྭ་རའི་ལྗོངས་སུ་སྐུ་འཁྲུངས་པ་རྡོ་རྗེ་ཐེག་པ་ལ་མཁས་ཤིང་གྲུབ་པ་བརྙེས་པའི་རྗེ་བཙུན་བུདྡྷ་གུཔྟ་ལ། རྒྱུད་འདི་ཞིབ་མོར་ཉན་ཅིང་བསྒྱུར་བར་སླ་བ་རྣམས་ཐོ་རེ་ལོང་ངཻ་བ་བསྒྱུར་ཞིང༌། དཀའ་གནས་རྣམས་ལ་རེག་ཟིག་གི་རིམ་པ་མང་དུ་བྱས་ནས་བརྟག་དཔྱད་མང་དུ་བགྱིས་པ་ལས། སླད་ནས་རྒྱ་གར་གྱི་མཁན་པོ་ནིརྦཱ་ཎ་ཤྲཱིའི་ཞབས་དང༌། ཡང་སླད་ཀྱི་པཎྜི་ཏ་པུརྞ་བཛྲའི་སྤྱན་སྔར། འགྲེལ་པ་སོ་སོ་དང་ཞིབ་ཏུ་སྦྱར་ཏེ། རྒྱལ་ཁམས་པ་ཏཱ་ར་ནཱ་ཐས་བསྒྱུར་བའོ། །ཞུས་དག། བཀྲ་ཤིས།།

སྒྲོལ་མ་འབྱུང་བའི་རྒྱུད་ཀྱི་བསྡུས་དོན་གསལ་བའི་སྒྲོན་མེ།


TNT12_Page_0370
[མ་དཔེ་གཟིགས་ན་འདིར་གནོན།]

སྒྲོལ་མ་འབྱུང་བའི་རྒྱུད་ཀྱི་བསྡུས་དོན་གསལ་བའི་སྒྲོན་མེ་ཞེས་བྱ་བ་བཞུགས།


TNT12_Page_0371
[མ་དཔེ་གཟིགས་ན་འདིར་གནོན།]

ན་མོ་གུ་ར་བེ། རྒྱུད་ཀྱི་བསྡུས་དོན་གསལ་བའི་སྒྲོན་མེ་ཞེས་བྱ་བ་སྒྲོལ་མ་ལ་ཕྱག་འཚལ་ལོ། །དང་པོར་བླ་མ་ལ་བཏུད་དེ། །ཕྱི་ནས་དེ་བཞིན་ལྷ་རྣམས་ལའོ། །གང་ཞིག་རྒྱུད་ཀྱི་བསྡུས་པའི་དོན། །མདོ་ཙམ་དམ་པས་བསྐུལ་ཕྱིར་བྲི། །དུས་མཐར་ཡུལ་གྱི་མཐར་སྐྱེས་ཤིང༌། །བློ་དམན་བརྩོན་འགྲུས་ཞན་མོད་ཀྱི། །སྔར་བྱས་དགེ་བ་འདིར་སད་པས། །ཟབ་མོའི་དོན་ལ་དད་པ་ཐོབ། །སློབ་དཔོན་ཞལ་སྔའི་བཀའ་དྲིན་གྱིས། །རྒྱུད་ཀུན་སྣང་བྱེད་རྒྱུད་འདི་ཐོས། །རྐྱེན་དང་རང་བཞིན་རྡོ་རྗེ་ཡི། །བླ་མ་ཇི་བཞིན་བསྟེན་པའི་མཐུས། །ཅུང་ཟད་བློ་གྲོས་མིག་ཐོབ་ནས། །དོན་བསྡུས་བརྩོམ་ལ་སྤྲོ་བ་སྐྱེས། །འདི་ནི་སྡེ་སྣོད་གང་དུ་གཏོགས། །རྒྱུད་འདིའི་མཚན་ནི་ཅི་ཞིག་ཡིན། །སུ་ཞིག་གིས་ནི་འདི་སྤྱན་དྲངས། །འདི་གསུམ་ཐོག་མར་བཤད་པར་བྱ། །དངོས་ནི་དགོས་དོན་བསྡུས་དོན་ཚིག་དོན་གསུམ། །འདིར་ནི་དེ་ཡི་བསྡུས་པའི་དོན་བཤད་པ། །རྩ་བའི་རྒྱུད་ཀྱིས་དོན་དངོས་རྒྱས་པར་བཤད། །ཕྱི་མའི་རྒྱུད་ཀྱིས་ཐེ་ཚོམ་བཅད་པའོ། །དང་པོ་ལ་ཡང་དངོས་དང་རྒྱུད་[དེ་ནས་དེ་བཞིན་]གཏད་པ་


TNT12_Page_0372
[མ་དཔེ་གཟིགས་ན་འདིར་གནོན།]

དངོས་ལ་ལེའུ་དང་པོ་སྔགས་བཤད་ཅིང༌། །མཆོག་གཙོར་བསྒྲུབ་པའི་ཆོ་ག་གཉིས་པ་དང༌། །གཙོ་བོར་ལས་ཚོགས་རབ་འབྱམས་གསུམ་པའོ། །མདོར་བསྟན་སྒོ་ནས་བཤད་པར་ཞལ་བཞེས་དང༌། [དེ་ནས་དངོས་གྲུབ།]སྔགས་ཀྱི་ཕན་ཡོན་སྔགས་ཀྱི་བྱུང་ཚུལ་དང་[འདས་པའི་དུས།]སྔགས་ཀྱི་དགོས་པ་དང་ནི་རིག་སྔགས་དངོས། །གཉིས་པ་ཕན་ཡོན་རྣམ་པ་གསུམ་དུ་བཤད། །ལས་ཀྱི་དངོས་གྲུབ་[བུད་མེད་]བདེ་ཆེན་འགྲུབ་པ་[མི་དང་]དང༌། །འཇིག་རྟེན་པ་ཡི་དངོས་གྲུབ་ཆེ་ཐོབ་པའོ། །བཞི་པ་སྐུ་བཞིའི་དབྱེ་བས་རྣམ་པ་བཞི། [ངེས་པར།] ལྔ་པ་དཀྱིལ་འཁོར་ལྷ་དང་[དེ་ནས་]ལས་སྔགས་གཉིས། །[ཨོཾ་ཀུ་རུ།] དེ་ལ་མུ་གསུམ་དབྱེ་སྟེ་དང་པོའོ། །དང་པོ་སྔགས་སྟོན་གཞན་གཉིས་ཆོ་ག་འཆད།[མཁའ་ལ་འགྲོ།]།ལེའུ་གཉིས་པའི་བསྡུས་དོན་ལྔས། །ལམ་གྱི་སྔོན་འགྲོ་ཕུར་གདབ་དང༌། །རྣལ་འབྱོར་ཆེན་པོར་འབྲས་བུར་བཅས། །རྗེས་སུ་རྣལ་འབྱོར་ཤིན་ཏུ་སྦྱོར། །རྣལ་འབྱོར་དང་པོ་བཤད་རྣམས་སོ། །དང་པོ་ཕུར་བུས་གདབ་པ་ལ། །ཏིང་ངེ་འཛིན་གྱི་ཕུར་གདབ་དང༌། །དེ་ནས་བཅོམ་ལྡན་འདས་མའི། །དགྲ་


TNT12_Page_0373
[མ་དཔེ་གཟིགས་ན་འདིར་གནོན།]

ལ་ཕུར་བུས་གདབ་པ་དང་[གྲོག་མཁར།]།ལོག་འདྲེན་གནོད་བྱེད་གཞན་ལ་གདབ། [སྦྲུལ་དང༌།] རྡོར་སེམས་ཕུར་བུས་འདེབས་པའོ། [ཡེ་ཤེས།] །ཐོག་མཐའ་གཉིས་ལ་དྲང་ངེས་གཉིས། །གཉིས་པ་རྣལ་འབྱོར་ཆེན་པོ་དང༌། །དེ་ཡི་འབྲས་བུ་བཤད་པའོ། །དང་པོ་བསྐྱེད་རིམ་རྣལ་འབྱོར་ཆེ། །དེ་ལ་དངོས་ཟླ་བ་དང་བརྟུལ་ཞུགས་དང༌། །[ཡང་ན།] དེ་ཡི་བསམ་གཏན་ལས་ཚོགས་[རང་སྔགས་]སོ། །རྫོགས་རིམ་རྣལ་འབྱོར་ཆེན་པོ་ལ། གསུངས་པ་དང་ནི་དོགས་གཅོད་གཉིས། །དང་པོ་ལུས་[ལྟེ་བའི་དབུས་སུ་]དང་ངག་དང་[རང་སྔགས་]ནི། །སེམས་ཀྱི་མི་ཤིགས་རྣལ་འབྱོར་[ས་བོན་]གསུམ། །ཕྱི་མ་ལ་ནི་ཞུས་དང་ལན། །[དེ་ནས་རྡོ་རྗེའི་སྙིང་པོ།] དོགས་པ་[དོན་ལ་དགོས་པ་ནི་འགྲོ་བ་སོགས་]གསུམ་དང་དོགས་གཅོད་[པདྨའི་སྙིང་པོ་སོགས། ཧཱུཾ་]གསུམ། །དོགས་གཅོད་གསུམ་[རིམ་པ་རླུང་གིས་ལུས་ནི་ཤེས་རབ་རྟོགས་]ཀའང་འཕྲོས་དང་བཅས། །འབྲས་བུ་སྐུ་གསུམ་བཤད་པ་ལ། །[དེ་ལ་འདིའི་སྐུ་གསུམ།] །ཉེར་ལེན་གཞི་ཡི་སྐུ་གསུམ་དང༌། །[སེམས་མེད།] །སྐབས་དོན་དངོས་[རང་བྱུང་]དང་ལུས་དཀྱིལ་འཁོར་[རྩ་ཡི།] །རྗེས་སུ་རྣལ་འབྱོར་བཤད་པ་ལ། །ཞུས་པ་[དྲི་མ་དང་]ཞུས་ལེན་གཉིས། །དེ་ལ་ངོ་བོ་[སྟོན་ཅིག་]དབྱེ་བ་དང་[ཨ་ཞེས་བྱ།]།སྒྲ་[རྣམ་ཤེས་]དོན་དང་ནི་རྣམ་པ་གསུམ། །[དེ་ཕྱིར་]ཤིན་ཏུ་སྦྱོར་ལའང་ཞུ་[སྤྲེའུ་]ལན་གཉིས། །ལན་ལ་ཆགས་ཆེན་ལམ་དགོས་པའི། །རྒྱུ་མཚན་[ཉོན་ཅིག] འཕྲོས་དང་བཅས་པ་དང༌། །


TNT12_Page_0374
[མ་དཔེ་གཟིགས་ན་འདིར་གནོན།]

ཤིན་ཏུ་རྣལ་འབྱོར་དངོས་དང་ནི། །སྔོན་འགྲོ་[ཧ་ཧོ་]དང་ནི་ཡེ་ཤེས་བཤད། །སྒྲ་དོན་སྒོ་ཡེ་ཤེས་[ནས་]ཆེ་བ་བསྟན། །དངོས་ལ་གནས་དང་གྲོགས་དང་ནི། །[མིག་བཟང༌།] །ཆོ་ག་[དང་པོར་]བྱེད་པའི་དབྱེ་བ་དང༌། །[ཕྱོགས་དང༌། ] ཡུལ་གྱི་མཚན་ཉིད་བཤད་པའོ། །[ཟབ་ཅིང༌།] །ཡེ་ཤེས་ལ་ནི་དགའ་བཞི་དང་[དེ་ལས།] །སྙིང་སྟོབས་བརྒྱད་དང་[རེ་བས་]ཡེ་ཤེས་ལྔ། །བསྙེན་སྒྲུབ་བཞི་ཡི་དབྱེ་བའོ། །[རྡོ་རྗེ་ཆུ་སྐྱེས།]ལྔ་པ་མཐར་ཐུག་[འདིའི་རྡོ་རྗེ་]གནས་སྐབས་གཉིས། [དམ་ཚིག]རྣལ་འབྱོར་དང་པོ་བཤད་པ་ལ།[བར་དོ་སྦྱོང་བྱེད་ཨུཏྤལ་རྟེན་བསྐྱེད་དང་ནམ་མཁའི། །གཙོ་བོ་བསྐྱེད་ཟླ་བ་དང་འཁོར་ཚོགས་སྤྲོ། །རང་རང་གོ་ཆ་བགོད་དང་ཨོཾ་ཡེ་ཤེས་བསྲེ་ཡེ་ཤེས།] །དབང་བསྐུར་[བ་དབང་བསམ་དང་སེམས་འཛིན་པའོ་རང་ལྟར། །རྣལ་འབྱོར་བཞི་པོ་རེ་རེ་ལའང༌། མིང་དངོས་དེ་ལ་འདི་ནི་ཞེས་བྱ་བ་བཞི་པོ་རྣམས་སོ། །རྒྱས་བཤད་གཉིས་གཉིས་དབྱེ། ལེའུ་གསུམ་པ་བཤད་པ་ལ་དབང་བསྐུར་དེ་ནས་སྒྲོལ་མ་དཀྱིལ་རྡོ་རྗེའི་]དཀྱིལ་འཁོར་འཁོར་སྒྲུབ་པ་དང༌། [ཡང་]འཕོ་བ་སྤྱོད་[གསུངས་]པ་དམ་ཚིག་[དེ་ལ་འདི་ནི་]དང༌། །འཁྲུལ་འཁོར་ལ་བརྟེན་ལས་ཚོགས་དང༌། །[དེ་ལས།] །འཁྲུལ་འཁོར་སྤངས་པའི་ལས་རྣམས་དང༌། །[གཞན་ཡང་རྩ་བའི།]དཀྱིལ་འཁོར་འཕྲོས་དང་ལྷ་ཡི་འཕྲོས། །དབང་བསྐུར་བཞི་པ་བཤད་པ་དང༌།[འདུ་བ་རྡོ་རྗེར་]བཙན་ཐབས་སྦྱོར་དང་མངོན་བྱང་བཤད། །[ལྷ་མོའི།]དཀྱིལ་འཁོར་འཕྲོས་ནི་རྣམ་གཉིས་ཏེ། །སྐུ་དང་[ཡང་གསུང་]གསུང་


TNT12_Page_0375
[མ་དཔེ་གཟིགས་ན་འདིར་གནོན།]

གི་[དེ་ནས་གསུང་གི]དཀྱིལ་འཁོར་རོ། །བསྡུས་དོན་གསལ་བའི་སྒྲོན་མེ་ལས། རྩ་བའི་རྒྱུད་ཀྱི་བསྡུས་དོན་ཏེ་དང་པོའོ། །གཉིས་པ་ཕྱི་མའི་རྒྱུད་ལ་ནི། །ལེའུ་རྣམ་པ་གཉིས་ཡིན་ཏེ། །རྒྱས་བཤད་ཚུལ་གྱིས་བཞི་པ་དང༌། །དོན་བསྡུས་ཚུལ་གྱིས་ལྔ་པའོ། །དང་པོ་ལ་ནི་དུམ་བུ་བཞི། །རྒྱུད་ཀྱི་སྙིང་པོ་མཚན་ངེས་པ། །ཐབས་གཙོར་གྱུར་པའི་དུམ་བུ་དང༌། །ཤེས་རབ་གཙོ་གྱུར་དུམ་བུ་དང༌། །དཀྱིལ་འཁོར་དང་ནི་ཆོ་གའི་འཕྲོས། །དང་པོ་སྒྲ་ནི་ཇི་བཞིན་པར། །འབྲས་བུའི་རྣམ་བཞག་འཆད་པ་དང༌། །ཇི་བཞིན་མིན་སྨྲས་ལེགས་བཤད་ན། །ལམ་གྱི་གསང་བ་སྟོན་པར་བྱེད། །ཕྱི་མ་ལའང་རྣམ་པ་གསུམ། །དབང་དང་བསྐྱེད་རིམ་རྫོགས་རིམ་མོ། །འདི་དག་ཕྱག་འཚལ་ཉེར་གཅིག་དང༌། །སྦྱོར་བ་ཨ་ཏི་ཤ་ཡིས་བཞེད། །གཉིས་པ་ལ་ནི་དཀྱིལ་འཁོར་དང༌། རྒྱུད་ཀྱི་སྦྱོར་བ་བཤད་པ་གཉིས། །དཀྱིལ་འཁོར་ཀུན་རྫོབ་དོན་དམ་སྟེ། །དང་པོ་ཐབས་དང་ཤེས་རབ་གཉིས། །ཐབས་ལ་དཀྱིལ་འཁོར་ཕན་[དེ་ལ་འདིར་ནི་]ཡོན་དང༌། །བསྐྱེད་ཆོག་[བ་མོ་]རྣམ་པའི་ཁྱད་པར་[རྡོ་རྗེ་ཞེ་སྡང་]དང༌། །བསྙེན་པ་[ཨོཾ་ཛོ་ལ་]དང་ནི་ལས་ཀྱི་སྔགས། །[ཨོཾ་ཨ་ཧྱ་ཏི།]མཆོད་པའི་བྱ་བ་[ཤ་ཆེན་]རྣམས་ཀྱིས་ནི། །ཧེ་རུ་ཀ་ཡི་དཀྱིལ་འཁོར་བསྡུས། །ཤེས་རབ་སྐུ་ཡི་དཀྱིལ་འཁོར་དང༌། །[ཡང་གསུང༌།] །ཕག་མོའི་ཏིང་འཛིན་དཀྱིལ་འཁོར་བསྟན། །[ཡང་གསུང་བའི་ཕྱི་མ།] །དོན་དམ་རྡོ་རྗེའི་དཀྱིལ་འཁོར་ལ། །[དེ་ལ་འདི་ནི།] །རིགས་ལྔ་ཐབས་ཀྱི་སོ་སོར་ཕྱེ། །ཡེ་ཤེས་ལྔ་ཡི་[ཤོ་ལོ་ཀ་རེ་རེ་]མཚན་ཉིད་བསྟན། །ཤེས་རབ་གཙོ་མོར་བསྡུས་


TNT12_Page_0376
[མ་དཔེ་གཟིགས་ན་འདིར་གནོན།]

ཏེ་གསུང༌། །དེ་ལ་ཞུས་པ་[དེ་ནས་རྡོ་རྗེ་]དང་ནི་ལན། །ལན་ལ་[ཉོན་ཅིག་]བསྟན་བཤད་བསྡུས་གསུམ་[འཁོར་བ་]ཡོད། །རྒྱས་བཤད་སྣང་བ་སེམས་སུ་བསྟན་[ཐོགས་མེད།]བདེན་པ་གཉིས་སུ་བསྟན་པ་དང༌། །[སྲིད་མེད།] །སྤྲོས་བྲལ་རང་བཞིན་བཤད་པ་དང་[དྲི་མེད།]།ལོག་རྟོག་གོལ་ས་གཅོད་པའོ། །[ཐམས་ཅད་དངོས་པོ།] །གཉིས་པ་རྒྱུད་ཀྱི་སྦྱོར་བ་ལ། [དེ་ན་དེ་བཞིན།] །སྣ་ཚོགས་ལས་རྣམས་རྒྱས་པ་ཡི། །སྣ་ཚོགས་ཉི་ཤུའི་སྒྲུབ་ཐབས་དང༌། །[ཨོཾ་མ་ཎི།] །རྨུག་འཛིན་ཧེ་རུ་ཀའི་སྒྲུབ་ཐབས། །ཕྱག་རྒྱ་སྒྲོལ་མའི་དཀྱིལ་འཁོར་དང་[ཏཱྃ་ཡིག] །གཏོར་མའི་ཆོ་ག་[སྔགས་འདིས་]བུམ་ཆོག་དང༌། [སྒྲོལ་མའི།] །བགེགས་དང་ཆོམ་པོ་བསྲུང་བ་དང་[ཐག་ཀུ] །ཕག་མོ་རྨི་ལམ་ཞལ་བལྟ་[ཕག་མོའི་]དང༌། །དབང་བྱེད་སྒྲོལ་མ་[སྒྲོལ་མ་]བྱམས་པ་དང༌། །[བྱམས་པའི།]།ཀུ་རུ་ཀུལླེའི་གནོད་སྦྱིན་མོ་[ཀུ་རུ།] རོ་ལངས་མ་ཡི་ཆོ་ག་གཉིས། [ལྷོ།] གདུགས་དཀར་ཅན་གྱི་ཆོ་ག་དང༌། [རང་ཉིད།]། ས་འོག་དངོས་གྲུབ་སྒྲུབ་པ་ལག་ན་དང༌། །གཤིན་རྗེ་གཤེད་ཀྱི་དྲག་ཤུལ་སྒྲུབ། །[དཔའ་བོ།] །འབྱུང་པོ་རྣམས་ཀྱི་སྒྲུབ་ཐབས་དང༌། །[གཞན་ཡང༌།] མི་གཡོ་མགོན་པོའི་དབུགས་དབྱུང་དང༌། །འཇིག་པ་བརྒྱད་སྐྱོབ་སྔགས་དང་ནི། །[ཨོཾ་ཏཱ་རེ།] །ལས་ཚོགས་ཕྲ་མོ་སྣ་ཚོགས་དང༌། [འཁོར་ལོ།] །ཏིང་ངེ་འཛིན་གྱི་དཀྱིལ་འཁོར་[ནམ་མཁའི་]དུ། །དབང་བསྐུར་བ་ཡི་ཆོ་ག་དང༌། །རྡོ་རྗེ་སློབ་དཔོན་ལས་དང་ནི་[ས་ཆོག] །རྒྱུད་ཆེན་གཞན་ལ་ཁ་འཕང་དང་[ཁ་སྦྱོར་]བཞི་པའི་ཡེ་


TNT12_Page_0377
[མ་དཔེ་གཟིགས་ན་འདིར་གནོན།]

ཤེས་བཤད་པའོ། །དང་པོ་ལ་ནི་སྔགས་[ཨོཾ་མ་ཎི་]དང་ལྷའི་[ཉི་མའི།]།ས་བོན་བསྟན་པ་[ཧྲིཿ] གསུམ་དུ་དབྱེ། །མི་གཡོ་མགོན་པོའི་དབུགས་དབྱུང་ལ། །སྒྲུབ་ཐབས་[དེ་ནས་]སྔགས་དང་[ཨོཾ་]ལས་ཚོགས་དང༌། །[ཚེ་ཡིག] །སྔོན་བྱུང་ཚུལ་གྱིས་དཀྱིལ་འཁོར་བསྟན། །[སྔོན་ཚེ།] དམ་ཚིག་བཤད་[བུད་མེད་]དེ་རྣམ་པ་ལྔ། བཞི་པའི་ཡེ་ཤེས་བཤད་པ་ལ། །རྒྱུད་གཞན་དུ་ནི་སྦས་པ་དང་[འོན་ཀྱང༌། ]ངོ་བོ་མདོ་ཙམ་བརྗོད་པ་དང༌། [མི་ཤེས།] །གསུམ་པ་བཞི་པའི་ཁྱད་པར་དང༌། [སྐྱེན་ལས།] །ཀུན་རྫོབ་དོན་དམ་དབྱེ་བ་དང་[ལས་དང༌།] བདེ་བ་ཆེ་ལ་འཁྲུལ་བ་བཀག་[འཇིག་རྟེན།]དོན་དམ་དབྱིངས་ཀྱི་གོལ་ས་བཅད་[ལུས་དང༌།] །བདེ་བ་ཆེན་པོའི་རང་བཞིན་བཤད། །[དངོས་དང༌།] །དེ་ཉིད་དམ་པའི་བདག་ཏུ་བསྟན་[ཀུན་བྱེད།] །ངེས་དོན་འགོག་ལམ་གཉིས་སུ་དབྱེ། །རང་བཞིན་ཀུན་གཞིར་[ཇི་ལྟར་]བཤད་པ་དང༌། །ཡོན་ཏན་དབྱེར་མེད་བསྟན་པ་དང་[རྫོགས་སངས།] །ལྷུན་གྲུབ་རྡོ་རྗེ་བཞི་རྣམས་སོ། །གསུམ་པ་ཤེས་རབ་[རྡོ་རྗེ་]དུམ་བུ་ལ། །ཞུས་པ་དང་ནི་ཞུས་ལན་གཉིས། །དང་པོ་ཞུ་བ་པོ་དང་ནི་[དེ་ནས།] །ཞུ་བའི་རྒྱུ་དང་[ཡེ་ཤེས་སུ་གྱུར་]ཞུ་བའི་ཡུལ། [བཅོམ་ལྡན།] །ཇི་ལྟར་ཞུས་[ལུས་དང་]པའི་ཚུལ་རྣམས་སོ། །དེ་ལ་དྲི་བ་བཅུ་གཅིག་གོ [ཇི་ལྟར་བརྟེན་ཞེས་སོགས།] །གཉིས་པ་ལན་ལ་བཅུ་གཅིག་སྟེ། །རྡོ་རྗེ་འཆང་དང་རིགས་ལྔ་ཡི། །དབུགས་དབྱུང་དཀྱིལ་འཁོར་བསྟན་པ་དང་[སྟོན་ཅིག] །བསྡུས་རྒྱུད་གསུངས་པའི་དགོས་པ་དང་[ཚེ་ཐུང༌།] །ཆགས་ཆེན་གསུངས་


TNT12_Page_0378
[མ་དཔེ་གཟིགས་ན་འདིར་གནོན།]

པའི་དགོས་པ་དང༌། །བསྙེན་པ་སྤྱི་ཡི་དགོས་པ་དང༌། །རླུང་གི་སྦྱོར་བའི་རྣམ་བཞག་དང༌། །དགའ་བཞིའི་ལམ་གྱི་རབ་དབྱེ་དང༌། །ཤེས་རབ་མ་ཡི་དམ་ཚིག་དང་[དུས་བཞིར།] །དཀའ་བ་མེད་པའི་ལམ་བཤད་དང༌། །རིག་པ་[བསྐལ་པ་]བརྟུལ་ཞུགས་སྤྱོད་ཚུལ་དང༌། །བཙན་ཐབས་སྦྱོར་བའི་རབ་དབྱེ་དང༌། །མངོན་པར་བྱང་ཆུབ་མཚན་ཉིད་དོ། །དང་པོ་[སེམས་ཅན་ཁམ་སོགས་] གདུལ་བྱ་[དྲུག་]ཞིང་[ཆོས་འབྱུང་]དང་[འདས་པའི་དུས་སོགས་]དུས། དཀྱིལ་འཁོར་ལམ་དང་[བདག་ཉིད་བདེ་བ་ཆེ་སོགས་དྲུག་]དགོས་པ་[བདེ་ནས་མངོན་པར་ཞེན་སོགས་]ཡིས། །དབྱེ་བ་དྲུག་པོ་ཀུན་ལ་དབྱེ། །དོན་བསྡུས་དབུགས་དབྱུང་གཉིས་སུ་བསྟན་[འདིར་ནི།] །བཞི་པ་ལ་ནི་བསྙེན་པ་དང༌། །སྒྲུབ་པ་[སྦྱིནསྲེག་]སྒྲུབ་ཆེན་སྤྱོད་པའོ། །དང་པོ་གང་ཟག་[སྡིག་པ་]སྔོན་འགྲོ་དང་[བགེགས་འཇོམས། ཡན་ལག་]།གྲོགས་དང་གནས་དང་[བྲམ་ཟེ་]ཆོ་ག་དང༌། [བྲིས་སྐུ།] །ཕྱི་ནས་བསྙེན་པ་ཆེན་པོའོ། [ཕྱི་ནས། །སྒྲུབ་ཆེན་གྱི་སྤྱོད་པ་]ཁྱད་པར་བདུན་དང་སྒྲུབ་པ་པོ་[དམ་ཚིག ]ཉམས་མེད་བདུན་ལྡན་[དམ་ཚིག་]སྟོབས་བཞི་ཚངས་[ལྷ།] །ལྔ་པ་རླུང་སྦྱོར་[གཡོན་པས་]རླུང་མཚན་ཉིད་[ལྟེ་བ།] །རླུང་གི་སྒོ་དང་དགོས་པ་[དེ་བཞིན་]པའོ། [བྱེད་པའོ།]།དྲུག་པ་གང་ཟག་[སྒྲུབ་པའི་]གནས་དང་ཡུལ། [ལང་ཚོ།] །དགའ་བཞི་སྐད་ཅིག་བཞི་མཚན་ཉིད། །[ལུས་ནི།]།འཆིང་ཐབས་[མཆོག་ཏུ་]ཐུན་མོང་མིན་དགོས་པ། །[ཞིང་དང་]སོ་སོ་སྐྱེ་དང་[ཆུ་སྐྱེས་] འཕགས་པ་ཡི། །ར་ས་མ་ཎིའི་བདེ་བ་དང་[རབ་ཏུ།] །ཆགས་ཆེན་པ་བཤད་[གཟུགས་མཛེས་]དེ་སྦས་དང་[ཕུང་པོ།] །ངེས་[དང་པོ་]བསྟན་དབང་བསྐུར་


TNT12_Page_0379
[མ་དཔེ་གཟིགས་ན་འདིར་གནོན།]

དམིགས་[ནུས་དྲའི་]བསལ་དང༌། །ཤེས་རབ་མཆོག་གི་ལམ་བསྟན་[བུད་མེད་དང༌།] །ཐེག་པ་གཞན་གྱི་དོགས་གཅོད་དོ། །[འདུ་ཤེས།]བརྒྱད་པ་ལ་ནི་དོན་དངོས་དང༌། །[བསྐལ་པ།] །ས་ཀྱི་ཕྱག་རྒྱའི་དགོས་པ་བཤད་[མེར་མེ།] །དགུ་པ་[ཡང་]གསང་སྤྱོད་སྨྱོན་སྤྱོད་དང༌། །[གཞན་དུ་]ཀུན་བཟང་[རྫུ་འཕྲུལ་] ཕྱོགས་ལས་རྣམ་རྒྱལ་དང༌། །[དེ་ནས།] །ཚོགས་ཀྱི་བདག་པོའི་སྤྱོད་པའོ། [ཡང་ན།] །བཅུ་པ་བཙན་ཐབས་སྦྱོར་བ་དྲུག་[རྡོ་རྗེའི་སོགས།]།བཅུ་གཅིག་པ་ལ་ཆོ་ག་དང༌། །[མངོན་པར།] །ཡུལ་དང་[གདོལ་མ་]བྲལ་ཚུལ་[ཐིག་ལེ་]འབྲས་བུ་དང༌། །[འདི་ལས།] །བྱང་ཆུབ་ཆོ་ག་གཞན་བསྟན་དང་[ཡང་ན།] ཁ་སྦྱོར་ཡན་ལག་བཤད་པའོ། །[སངས་རྒྱས།] །འདིར་ནི་དུམ་བུ་བཞི་པ་ལ། དབང་བསྐུར་འཕྲོས་དང་[ཡང་གསུང་པ།]ལྷ་ཡི་འཕྲོས། །ལེའུ་ལྔ་པ་བཤད་པ་ལ། །གསོལ་བཏབ་[དེ་ནས་]དབང་བསྐུར་[དཔལ་རྡོ་རྗེ་]དེ་ཉིད་བཤད། །དེ་ལ་བདུད་གཞོམ་སྦྱོར་བ་དང༌། །[རབ་ཏུ།] །མངོན་བྱང་རྣམ་ལྔའི་དག་འབྲས་དང༌། །[ཨོཾ།]།ལམ་དང་ལམ་གྱི་[དབང་པོ་]ས་མཚམས་བཤད། །[མི་གསལ།]།ལྟ་བའི་དོན་བསྡུ་[གཟུགས་མེད་]སྒྲུབ་པ་པོའི། །ཐབས་མཁས་སྤྱོད་པའི་ཁྱད་པར་དང་[དམིགས་དང༌།] །ལས་རྒྱའི་གསང་བ་རིམ་[ཇི་ལྟར་]གཉིས་ཀྱི། །གསང་བ་[རྟོག་པས་]ས་ལམ་རྣམ་བཞག་དང༌། །གང་[ཆོམ་པས་]ཟག་བདུན་བཤད་[ལས་དང་པོ་]རང་བཞིན་བསྟན། །[སྟོང་པ་མ་ཡིན་]སྔགས་ཀྱི་དམ་ཚིག་སྤྱོད་པ་བཤད། །[རྣལ་འབྱོར་དབང་པོ།] །དེ་ལྟར་ལེའུ་ཀུན་ལ་ཡང༌། །དངོས་དང་རང་མིང་


TNT12_Page_0380
[མ་དཔེ་གཟིགས་ན་འདིར་གནོན།]

བརྗོད་པའོ། །བསྡུས་དོན་གསལ་བའི་སྒྲོན་མེ་ལས། །རྒྱུད་ཕྱི་མའི་བསྡུས་དོན་སྟེ་གཉིས་པའོ། །རྒྱུད་ཀྱི་རྒྱལ་པོ་འདི་བསྡུ་ན། །རྒྱུད་གསུམ་དུ་ནི་རྣམ་བསྡུས་ཏེ། །རྒྱུ་རྒྱུད་རང་བཞིན་དང་ནི་རྒྱུ། །རང་བཞིན་བཤད་པའི་དོན་བཅུ་གཅིག།སྣང་བ་སེམས་སུ་བསྟན་པ་དང༌། །ཆོས་ཀུན་སྤྲོས་པ་བྲལ་བར་བསྟན། །འཁོར་བ་རང་བཞིན་མེད་སྒྲུབ་ཅིང༌། །དོན་དམ་རང་བཞིན་ཡོད་པར་བསྟན། །སེམས་ཉིད་བདེ་སྟོང་ཟུང་འཇུག་དང༌། །དེ་ལ་སྐུ་གསུམ་རྡོ་རྗེ་བཞི། །དཀྱིལ་འཁོར་ཡོན་ཏན་དབྱེར་མེད་བསྟན། །དེ་ཉིད་ཀུན་གཞིར་བཤད་པ་དང༌། །གནས་སྐབས་རིགས་ཀྱིས་དབྱེ་བའོ། །དེ་ཉིད་རྒྱུ་རུ་བསྟན་པར་བྱ། །དེ་ལ་རྒྱུ་རྒྱུད་ངོ་བོ་དང༌། །མཚན་ཉིད་དབྱེ་བ་དངོས་བརྟགས་ཁྱད། །བཅོ་ལྔ་རྒྱུ་རྒྱུད་མངོན་རྟོགས་སོ། །ཐབས་རྒྱུད་མངོན་རྟོགས་དབང་དང་ལམ། །སློབ་དཔོན་སློབ་མའི་མཚན་ཉིད་དང༌། །བསྟེན་ཚུལ་བསྙེན་པའི་ཆོ་ག་དང༌། །ས་ཆོག་སྟ་གོན་ཐིག་ཚོན་ལས། །འབྲི་དང་རྒྱན་བཀྲམ་སྒྲུབ་པ་དང༌། །མཆོད་དང་བདག་ཉིད་འཇུག་པ་དང༌། །དཀྱིལ་འཁོར་འཇུག་དང་དབང་བསྐུར་དང༌། །ཉེར་བསྡུ་རྡུལ་ཚོན་བསྡུ་བ་སྟེ། །བཅོ་ལྔ་དབང་གི་མངོན་རྟོགས་ཡིན། །ལམ་ལ་སུམ་ཅུ་རྩ་དྲུག་སྟེ། །དམ་ཚིག་བསྐྱེད་རྫོགས་ལྟ་བ་དང༌། །སྤྱོད་པ་ལམ་གྱི་མངོན་རྟོགས་ཡིན། །རབ་གནས་སྦྱིན་སྲེག་གཏོར་མ་དང༌། །ལས་ཚོགས་རྣམས་ནི་སློབ་དཔོན་ལས། །དམ་ཚིག་བསྲུང་བྱ་བསྒྲུབ་བྱ་གཉིས། །སྒྲུབ་པོ་མཚན་ཉིད་གནས་དུས་གྲོགས། །


TNT12_Page_0381
[མ་དཔེ་གཟིགས་ན་འདིར་གནོན།]

ཡོ་བྱད་སྒོམ་པའི་ཆོ་ག་སྟེ། །བདུན་བདུན་བསྙེན་སྒྲུབ་གཉིས་ལ་དབྱེ། །ལས་སྦྱོར་སྒྲུབ་པོའི་མཚན་ཉིད་དང༌། །རྫས་སྔགས་བསམ་གཏན་ལྷ་བསྐུལ་བའི། ཁྱད་པར་ལྔ་དང་ལྡན་པར་བཞེད། །རྫོགས་རིམ་ལ་ནི་རྣལ་འབྱོར་གསུམ། །ལྟ་བ་ཐུན་མོང་ཐུན་མོང་མིན། །འཁྲུལ་བའི་གོལ་ས་བཅད་དེ་གསུམ། །སྤྱོད་པ་ངོ་བོ་ངེས་ཚིག་དུས། །དབྱེ་བ་ཆོ་ག་འབྲས་བུའོ། །དབྱེ་ན་ཐུན་མོང་བརྟུལ་ཞུགས་དང༌། །ཉེ་རྒྱུ་མངོན་པར་བྱང་ཆུབ་གཉིས། །དང་པོ་ལ་ནི་རྣམ་པ་ལྔ། །ལས་ཀྱི་ཚོགས་ལ་ལས་དངོས་གྲུབ། །ལས་ལ་སངས་རྒྱས་ལྷ་རྣམས་ཀྱི། །ཆོ་ག་དང་ནི་ལས་ཕལ་བ། །ཕྱི་མ་འཁོར་ལོ་ལ་བསྟེན་དང༌། །མ་བསྟེན་གཉིས་སུ་མཁས་རྣམས་བཞེད། །འབྲས་བུ་སྐུ་དང་ཡེ་ཤེས་དང༌། །འཕྲིན་ལས་རྣམ་པ་གསུམ་དུ་འདོད། །སྐུ་ནི་གཉིས་དང་གསུམ་དང་བཞི། །ཡེ་ཤེས་རྣམ་པ་ལྔ་ཞེས་བསྟན། །འཕྲིན་ལས་ངེས་པ་དབུགས་དབྱུང་དྲུག །མ་ངེས་རྣམ་པ་སྣ་ཚོགས་སོ། །དེ་ལྟར་དོན་བསྡུས་བླ་མའི་གསུང༌། །གཞན་ཡང་རྒྱུད་ཀྱི་ཚད་དང་ནི། །དཀྱིལ་འཁོར་དང་ནི་ལྷའི་སྒྲུབ་ཐབས། །དབང་ཆོག་དང་ནི་ལས་ཚོགས་དང༌། །བསྐྱེད་རྫོགས་གཉིས་ཀྱི་བསམ་གཏན་དང༌། །དངོས་གྲུབ་ཆོ་ག་འབྲས་བུ་དང༌། །ལམ་གྱི་ཆེ་བ་བསྟན་པ་དང༌། །དངོས་པོའི་རང་བཞིན་བཤད་པ་ཡིས། །རྒྱུད་དོན་ཐམས་ཅད་བསྡུས་སོ་ཞེས། །མར་མེ་མཛད་དཔལ་ཡེ་ཤེས་གསུངས། །སྒོམ་བྱ་ཤེས་བྱའི་རང་བཞིན་དང༌། །སྒོམ་པོ་སྒྲུབ་པོའི་རབ་དབྱེ་དང༌། །འཇུག་སྒོ་དབང་དང་


TNT12_Page_0382
[མ་དཔེ་གཟིགས་ན་འདིར་གནོན།]

དམ་ཚིག་དང༌། །སྒོམ་ཚུལ་རྣལ་འབྱོར་བཞི་རིམ་དང༌། །རྣམ་པ་དཀྱིལ་འཁོར་འཁོར་ལོ་དང༌། །སྒྲུབ་བྱ་ལས་དང་དངོས་གྲུབ་དང༌། ཐོབ་བྱ་འབྲས་བུའི་རྣམ་བཞག་ཅེས། །དོན་བསྡུས་བྱ་ཞེས་མཁས་པའི་མཆོག །སློབ་དཔོན་མི་ཡི་ཉི་མ་གསུང༌། །གཞན་རྣམས་གང་དག་སྔར་བསྟན་ཟིན། །དཀྱིལ་འཁོར་སྐུ་གསུང་ཐུགས་གསུམ་དང༌། །ཧེ་རུ་ཀ་གཉིས་དབུགས་དབྱུང་དྲུག །མི་གཡོ་དབུགས་དབྱུང་ཕག་མོ་སྟེ། །དངོས་སུ་བསྟན་པ་བཅུ་གཉིས་སོ། །མཆོག་སྒྲུབ་རྣམས་ཀྱི་དོན་དུ་གསུང༌། །བྱམས་པ་རྟ་མགྲིན་འཇིགས་པ་བརྒྱད། །སྐྱོབ་བྱེད་གཉིས་དང་བློ་འཕེལ་བའི། །སྒྲོལ་མ་དཀར་མོ་ལྷ་ལྔ་དང༌། །འོད་ཟེར་ཅན་དང་དཀའ་ཟློག་དང༌། །སུམ་བྷ་ལག་ན་རྡོ་རྗེ་སོགས། །ལས་ཚོགས་སྒྲུབ་པའི་དཀྱིལ་འཁོར་རོ། །དག་པའི་སློབ་མས་སློབ་དཔོན་ལ། །ཡང་ཡང་གསོལ་བ་བཏབ་གྱུར་ན། །ཉིན་བདུན་བྱའམ་ཡང་ན་གཞན། །དབང་བཞི་ཡོངས་སུ་རྫོགས་པར་བྱིན། །ཇི་སྲིད་དབང་བཞི་མ་རྫོགས་པས། །དེ་སྲིད་རྒྱུད་རྒྱལ་བཤད་མི་བྱ། །ཕྱི་ནས་རྣལ་འབྱོར་ལ་གནས་པས། །ཐུན་རེ་ཐུན་རེར་གཏོར་མ་དབུལ། །སྲུང་འཁོར་མཚམས་བཅད་མཎྜལ་དང༌། །གསོལ་གསུམ་བཏབ་སྟེ་ཉན་བཤད་བྱ། །བློ་གྲོས་ཆུང་ལ་མདོ་ཙམ་དང༌། །བློ་ལྡན་རྣམས་ལ་རྒྱས་པར་བཤད། །ཚིག་གི་སྦྱོར་བ་ལ་དགའ་བས། །དེ་ལ་གཙོ་བོར་སྒྲ་དོན་དང༌། །རིན་ཆེན་ལྟ་བུའི་གང་ཟག་ལ། །མན་ངག་ཤིན་ཏུ་ཞིབ་མོར་བསྟན། །བྱིན་རླབས་རྗེས་གནང་བཟླས་ལུང་སོགས། །མཐའ་དག་ཞལ་གྱི་རིམ་པ་བསྟན། །


TNT12_Page_0383
[མ་དཔེ་གཟིགས་ན་འདིར་གནོན།]

ཤིན་ཏུ་རྟོགས་པ་རྒྱུ་རྒྱུད་ལ། །སློབ་དཔོན་མགོན་པོ་ཨ་ཏི་ཤ །རང་བཞི་མེད་པའི་སེམས་སུ་བཞེད། །མི་ཡི་ཉི་མ་གཞི་དུས་ཀྱི། །ཆོས་རྣམས་ཐམས་ཅད་རྒྱུད་དུ་འདོད། །གྲུབ་ཆེན་ཞི་བའི་ཞལ་སྔ་ནས། །སེམས་ཉིད་བདེ་སྟོང་ཟུང་འཇུག་གསུངས། །དེ་ཡང་བདེན་པའི་མཐའ་བྲལ་བཞེད། །ཕལ་པའི་དབང་དུ་ཆོས་ཀུན་ཡང༌། །རྒྱུ་རྒྱུད་ཙམ་པོར་འཇོག་གོ་གསུང༌། །ངོ་བོ་ནམ་ཡང་འགྱུར་བ་མེད། །གནས་སྐབས་ལམ་དུ་ཞུགས་ན་འགྱུར། །ཐབས་ཀྱི་རྒྱུད་ནི་ལམ་ཁོ་ནར། །རཱ་ཏི་གུཔྟ་ལ་སོགས་གསུངས། །ལམ་ཞུགས་སེམས་སུ་བླ་མ་བཞེད། །གཏན་ཚིགས་ཀྱང་ནི་འདི་ལ་སྣང༌། །འགའ་ཞིག་དམ་ཚིག་རྩ་བར་འདོད། །བླ་མའི་ཞལ་སྔ་སྲོག་ཡིན་གསུང༌། །སྤྱོད་པ་བསྐྱེད་རྫོགས་སོ་སོ་རུ། །སྡུད་པ་འདི་ཉིད་ལེགས་པར་གསུང༌། །རྣལ་འབྱོར་དང་པོ་བསྐྱེད་རིམ་སྟེ། །ལྟ་བ་རྗེས་སུ་རྣལ་འབྱོར་ཡིན། །ཕོ་ཉའི་ལམ་ནི་ཤིན་ཏུ་འདོད། །རང་ལུས་རྫོགས་རིམ་རྫོགས་རིམ་གྱི། །འབྲས་བུར་བཅས་པ་རྣལ་འབྱོར་ཆེ། །རྣལ་འབྱོར་ལ་ཡང་རྣལ་འབྱོར་བཞི། །ལས་རྒྱ་དོན་དམ་མ་ཡིན་དང༌། །ཟབ་ལམ་ངེས་པར་དགོས་པར་བཞེད། །འབྲས་བུ་ཁ་སྦྱོར་ངེས་དོན་ཏེ། །སྐུ་ལ་རང་སྣང་གཞན་སྣང་གཉིས། །རང་སྣང་གིས་བསྡུས་སྐུ་བཞི་པོ། །ལྡོག་ཆ་ཐ་དད་ངོ་བོ་གཅིག །སྣང་བ་སེམས་ཀྱི་རྒྱུ་མཚན་ཕྱིར། །གཞན་སྣང་གདུལ་བྱའི་སེམས་ཀྱིས་བསྡུས། །རང་སྣང་གིས་བསྡུས་ཞིང་ལ་སོགས། །ཐམས་ཅད་ངོ་བོ་གཅིག་ཡེ་ཤེས། ཁ་ཅིག་གཉིས་སྣང་ཡོད་པར་འདོད། །གཞན་དག་སྣང་བ་མེད་པར་འདོད། །དེ་ན་རྒྱལ་བ་


TNT12_Page_0384
[མ་དཔེ་གཟིགས་ན་འདིར་གནོན།]

འཁྲུལ་བཅས་འགྱུར། །ཀུན་རྫོབ་མི་སྣང་ཡེ་ཤེས་སྣང༌། །མངོན་ཤེས་ལྡན་པས་གཞན་དག་གི །རྨི་ལམ་བཞིན་ཏུ་ཀུན་རྫོབ་ནི། །བདག་ཉིད་ལ་ནི་མི་སྣང་ཡང༌། །གཞན་ལ་འཁྲུལ་བ་སྣང་བ་མཁྱེན། །སྟོང་ཉིད་བེམ་པོར་སྨྲ་རྣམས་ཀྱིས། །རྒྱུད་འདི་བཤད་པར་མི་ནུས་པས། །ཡེ་ཤེས་དམ་པའི་དོན་ཅན་དུ། །འཇོག་པ་རྒྱུད་འདིའི་དགོངས་པ་ཡིན། །རྒྱལ་བའི་ཡེ་ཤེས་གཟིགས་ཡུལ་དང༌། །སོ་སོ་སྐྱེ་བོའི་བློ་ངོ་གཉིས། །མཚུངས་འདོད་དེ་དག་སངས་རྒྱས་ལ། །ཤིན་ཏུ་བསྐུར་འདེབས་མ་ཡིན་ནམ། །དེ་ཕྱིར་ཆོས་ཉིད་རང་རིག་པ། །བདེ་ཆེན་རྒྱལ་བའི་ཡེ་ཤེས་དང༌། །རྣམ་དབྱེར་མེད་དོན་ངེས་པ་དང༌། །ཀུན་རྫོབ་མེད་དང་དོན་དམ་པ། །ཡོད་ཅིང་རིག་པར་འཇོག་པ་ནི། །རྒྱུད་འདིའི་ཆོས་སྐད་རྩ་བ་ཡིན། །འཁོར་བ་གདོད་ནས་མེད་པའི་ཕྱིར། །སྦྱངས་པས་དག་པར་འགྱུར་གསུང་བ། །བདེན་མེད་ཙམ་ལ་དགོངས་ཞེ་ན། །རྒྱལ་བའི་ཡེ་ཤེས་ཀྱང་དེ་ལྟར། །སྦྱངས་པས་དག་པར་འགྱུར་རོ་ཞེས། ཁྱེད་ཅག་ལུགས་ལ་ཐལ་མིན་ནམ། །དེས་ན་རྒྱུད་ཀྱི་རྒྱལ་པོ་འདི། །རང་བློའི་ལམ་དུ་མི་འདྲེན་ཅིང༌། །གཞུང་གི་དངོས་སུ་ཆེས་གསལ་བ། །བཤད་པ་དེ་དེ་བསྐྱང་བར་བྱོས། །བསྡུས་དོན་གསལ་བའི་སྒྲོན་མེ་ལས་བརྗོད་བྱ་དོན་གྱི་བསྡུས་དོན་སྟེ་གསུམ་པའོ། །གང་ཞིག་ངེས་པའི་མཚན་མ་ལས། །རྣམ་པར་རྙེད་པའི་སྤྱི་བཏོལ་གྱིས། །རྒྱུད་དོན་རྒྱ་མཚོར་ཞུགས་པ་ལ། །མཁས་པ་རྣམས་ཀྱི་བཟོད་པར་མཛོད། །སློབ་དཔོན་གནས་བརྟེན་མར་མེ་མཛད་དཔལ་དང། །མཁས་པ་ཉི་མས་རྣམ་ཕྱེའི་ལེགས་བཤད་དང༌། །ཧེ་རུ་ཀ་དང་རྡོ་རྗེ་མཁའ་འགྲོའི་ལུང༌། །


TNT12_Page_0385
[མ་དཔེ་གཟིགས་ན་འདིར་གནོན།]

ཇི་བཞིན་རྙེད་པ་ཞི་བའི་མན་ངག་རྣམས། །ལེགས་པར་རྡོ་རྗེ་སློབ་དཔོན་ཞལ་སྔ་ནས། །བློ་ལྡན་དམ་པ་འགའ་ལས་ལན་གསུམ་ཐོས། །རྒྱུད་རྒྱལ་ཀུན་གྱི་ངེས་གསང་མཐོང་བ་ན། །དོན་བསྡུས་ཚིགས་བཅད་མར་མེ་ལྟ་བུ་བརྩམས། །དགེ་འདིའི་བློ་ལྡན་རྣམས་ཀྱི་རྒྱུད་ཀྱི་དོན། །ཇི་བཞིན་རབ་རྟོགས་རྡོ་རྗེ་ཐེག་འདི་ཡིས། །ཚེ་འདི་ཉིད་ལ་བྱང་ཆུབ་མཆོག་གཞོལ་བ། །རྡོ་རྗེ་འཛིན་པའི་སྨོན་ལམ་འགྲུབ་གྱུར་ཅིག།ཅེས་པ་འདི་ནི་འཕྲིན་ལས་ཐམས་ཅད་འབྱུང་བ་སྒྲོལ་མ་འདུས་པ་དོན་དམ་པ་ཞེས་བྱ་རྣལ་འབྱོར་མའི་རྒྱུད་ཀྱི་རྒྱལ་པོའི་བསྡུས་དོན་སྟེ་རྒྱལ་ཁམས་པ་ཏཱ་ར་ནཱ་ཐས་ངེས་པར་སྦྱར་བའོ།། །།དགེ་ལེགས་འཕེལ་གྱུར་ཅིག །རྗེས་བཙུན་སྒྲོལ་མ་བླ་མ་དབྱེར་མེད་ལ། །སྙིང་ནས་རེ་བས་སྐྱེ་བ་རྗེས་མར་ཡང་། །ཤམྦྷ་ལར་སྐྱེས་བླ་མའི་རྗེས་བཟུང་ནས། །གདམས་ནོད་ས་ལམ་མཐའི་ཕྱིན་སངས་རྒྱས་ཤོག །འདི་གུ་ནས་སྨོན་ལམ་བཏབ་པས། །

སྒྲོལ་མ་རྣལ་འབྱོར་མའི་དཀྱིལ་འཁོར་གྱི་སྒྲུབ་ཐབས་ཡེ་ཤེས་འབར་བ།


TNT12_Page_0386
[མ་དཔེ་གཟིགས་ན་འདིར་གནོན།]

སྒྲོལ་མ་རྣལ་འབྱོར་མའི་དཀྱིལ་འཁོར་གྱི་སྒྲུབ་ཐབས་ཡེ་ཤེས་འབར་བ་བཞུགས།


TNT12_Page_0387
[མ་དཔེ་གཟིགས་ན་འདིར་གནོན།]

ཨོཾ་སྭཱ་སྟི། ན་མོ་གུ་ར་ཝེ། ཐུགས་རྗེ་ཆེན་པོས་འཇིགས་པ་ཀུན་ལས་སྐྱོབ། །གང་གིས་དྲན་པ་ཙམ་ལའང་དངོས་གྲུབ་མཆོག །སྩོལ་མཛད་འཕགས་མ་སྒྲོལ་མའི་ཞབས་པད་ལ། །ཕྱག་འཚལ་ནས་ནི་དེ་ཡི་སྒྲུབ་ཐབས་བཤད། །ཡིད་དུ་འོང་བའི་ས་ཕྱོགས་སུ། །བདེ་བའི་སྟན་ལ་འདུག་ནས་ནི། །སྐྱབས་འགྲོ་སེམས་བསྐྱེད་སྔོན་འགྲོ་བས། །མདུན་དུ་མཎྜལ་ལེགས་པར་བཅའ། །དང་པོར་མཎྜལ་མཆོད་པ། དུང་ཆོས་གཉིས་རྣམས་འདུས་བྱས་ཏེ། ཐུན་མོང་སྤྱིའི་མཎྜལ་གྱི་ཆོ་ག་བྱ་སྟེ། ཡོ་བྱད་སྤྱི་ལ་དམིགས་ནས། ཨོཾ་ཨཱཿབིགྷྣཱན་ཏ་ཀྲྀ་ཏ་ཧཱུཾ་ཧཱུཾ། ལན་བདུན། དུང་ཆོས་ལ་དམིགས་ནས། ཨོཾ་ཨཱཿབཛྲེ་ཏྐེ་ཧཱུཾ་སྭཱཧཱ། ལན་གསུམ། ཨོཾ་ཧྲཱིཿསྭཱཧཱ། ཁ་བཀྲུ། ཨོཾ་ཁཿསྭཱཧཱ། གདོང་བཀྲུ། ཇི་ལྟར་བལྟམས་པ་ཙམ་གྱིས་ནི། །དེ་བཞིན་གཤེགས་ཀུན་ཁྲུས་གསོལ་བ། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་སྐུ་ཁྲུས་གསོལ། །ཨོཾ་ཨཱཿསརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུཾ་སྭཱཧཱ། ལུས་ཐམས་ཅད་བཀྲུའོ། །ཨོཾ་ཨཱཿཧཱུཾ། ཨོཾ་ཏིཥྛ་བཛྲ་ཨཱ་ས་ནི་ཧཱུཾ། གདན་ལ་རེག ཨོཾ་སརྦྦ་པཱ་པ་ན།


TNT12_Page_0388
[མ་དཔེ་གཟིགས་ན་འདིར་གནོན།]

བ་ན་ཡེ་ཧཱུཾ་ཕཊ། སྣ་གཡོན་ནས་བུས། ཨོཾ་མ་ཎི་དྷ་རི་བཛྲཱི་ཎི་མཧཱ་པྲ་ཏི་སཱ་རེ་ཧཱུཾ་ཧཱུཾ་ཕཊ་ཕཊ་སྭཱ་ཧཱ་རཀྵ་རཀྵ་མཱཾ། སརྦ་བིགྷྣ་བྷྱཿ ཨོཾ་ཨཱཿབཛྲོ་ད་ཀེ་ཧཱུཾ་སྭཱཧཱ། ལན་གསུམ་མཎྜལ་ཆུས་བྱུགས། ཨོཾ་བཛྲ་གོ་མ་ཡེ་སྭཱཧཱ། ལན་གསུམ་བྱུག་ཚུལ་བྱ། ན་མོ་བྷ་ག་བ་ཏེ་པུཥྤེ་ཀེ་ཏུ་རཱ་ཛཱ་ཡ། ཏ་ཐཱ་ག་ཏཱ་ཡ་ཨ་ར་ཧ་ཏེ་སམྱཀྶཾ་བུདྡྷ་ཡ། ཏདྱ་ཐཱ། ཨོཾ་པུཥྤེ་པུཥྤེ་མཧཱ་པུཥྤེ་སུ་པུཥྤེ་པུཥྤོདྦྷ་ཝེ་པུཥྤེ་སཾ་བྷ་ཝེ་པུཥྤེ་ཀིརྞྞེ་སྭཱཧཱ། མེ་ཏོག་ལ་རེག ཨོཾ་བཛྲ་སཏྭཱ་སརྦྦ་བིགྷྣཱ་ནུ་ཏ་སཱ་ར་ཡ་ཧཱུཾ་ཕཊ། མཎྜལ་ལག་པས་མནན། ཨོཾ་བཛྲ་རེ་ཁེ་སུ་རེ་ཁེ་ཧཱུཾ། མཐའ་སྐོར་རོ། །བ་ཡི་གཅི་བ་ཆུར་བཅས་སྦྱིན་པ་སྟེ། །ཡང་དག་བྱི་དོར་བྱས་པ་ཚུལ་ཁྲིམས་ཡིན། །སྲོག་ཆགས་ལེགས་པར་བསལ་བ་བཟོད་པ་དང༌། །བྱ་བ་ཉེ་བར་གནས་པ་བརྩོན་འགྲུས་སོ། །སེམས་རྩེ་གཅིག་དེའི་སྐད་ཅིག་བསམ་གཏན་ནོ། །རི་མོ་ལེགས་པར་འབར་བ་ཤེས་རབ་ཉིད། །ཐུབ་པའི་མཎྜལ་ལེགས་པར་བྱས་ན་ནི། །


TNT12_Page_0389
[མ་དཔེ་གཟིགས་ན་འདིར་གནོན།]

ཕ་རོལ་ཕྱིན་དྲུག་དེ་རྣམས་ཐོབ་པར་འགྱུར། །འདིར་ནི་ལུས་ཀྱི་ལས་བྱས་ན། ཁ་དོག་གསེར་ལྟར་འགྱུར་བ་དང༌། །ནད་རྣམས་ཀུན་ལས་རྣམ་པར་གྲོལ། །ལྷ་དང་མི་ལས་ཆེར་ལྷག་ཅིང༌། །ཟླ་བ་འདྲ་བའི་གཟི་བརྗིད་འབར། །ནོར་དང་གསེར་ནི་ཕུན་སུམ་ཚོགས། །རྒྱལ་པོའི་རིགས་དང་སངས་རྒྱས་པ། །མཆོག་གི་ཁྱིམ་དུ་སྐྱེ་བ་ཉིད། །ཨོཾ་སུ་རེ་ཁེ་བཛྲ་ལེ་ཁ་ཨ་དྷྲི་ཏིཥྛནྟུ་སརྦ་ཏ་ཐཱ་ག་ཏ་ཨ་དྷི་ཏིཥྛནྟུ་སྭཱཧཱ། ཨོཾ་ཝཿསྭཱཧཱ། ཨོཾ་ཙནྡྲཱརྐྐ་བི་མ་ལེ་སྭཱཧཱ། ཨོཾ་བཛྲ་སཏྭ་ས་མ་ཡ་མ་ནུ་པཱ་ལ་ཡ། བཛྲ་ས་ཏྭེ་ནོ་པ་ཏིཥྛ་ཌྀ་ཌྷོ་མེ་བྷ་བ། སུ་ཏོ་ཥྱོ་མེ་བྷ་ཝ། ཨ་ནུ་རཀྟོ་མེ་བྷ་ཝ། སུ་པོ་ཥྱོ་མེ་བྷ་ཝ། སརྦ་སིདྡྷི་མྨེ་པྲ་ཡཙྪ། སརྦྦ་ཀརྨྨ་སུ་ཙ་མེ། ཙིཏྟཾ་ཤྲཱི་ཡཿཀུ་རུ་ཧཱུཾ། ཧ་ཧ་ཧ་ཧ་ཧོཿ བྷ་ག་བཱ་ན་སརྦ་ཏ་ཐཱ་ག་ཏ་བཛྲ་མཱ་མེ་མུཉྩ་བཛྲི་བྷ་བ་མཧཱ་ས་མ་ཡ་སཏྭ་ཨཿ བཛྲ་ལ་ཁེ་ཨདྷི་ཏིཥྛནྟུ། ཨོཾ་ཧཾ་སུ་མེ་རུ་མ་དྷྱམ་ན་མཿ དབུས་སུ་རིའི་རྒྱལ་པོ་རི་རབ། ཡཾ་བི་དེ་ཧ་དྭི་པ་ཡ་ན་མཿ ཤར་ལུས་འཕགས་པོ། རཾ་ཛམྦུ་དྭི་པ་ཡ་ན་མཿ ལྷོ་ཛམྦུ་གླིང༌། ལཱཾ་ཨ་པ་ར་གོ་ད་ནཱི་དཱི་པ་ཡ་ན་མཿ ནུབ་བ་གླང་སྤྱོད། ཝཾ་ཀུ་རུ་དྭི་བ་ཡ་ན་མཿ བྱང་སྒྲ་མི་སྙན། ཡ་ཨུ་པ་དྭི་པ་ཡ་ན་མཿ ཡཱ་ཨུ་པ་དྭི་པ་ཡ་ན་མཿ ཤར་དུ་ལུས་དང་ལུས་འཕགས། ར་ཨུ་པ་དྭི་པ་ཡ་ན་མཿ རཱ་ཨུ་པ་དྭི་པ་ཡ་ན་མཿ ལྷོར་རྔ་ཡབ་དང་རྔ་ཡབ་གཞན། ལ་ཨུ་པ༴ ལཱ་ཨུ་པ༴ ནུབ་ཏུ་གཡོ་ལྡན་དང་ལམ་མཆོག་འགྲོ། ཝ་ཨུ་པ༴ ཝཱ་ཨུ་པ༴ བྱང་དུ་སྒྲ་མི་སྙན་དང༌།


TNT12_Page_0390
[མ་དཔེ་གཟིགས་ན་འདིར་གནོན།]

སྒྲ་མི་སྙན་གྱི་ཟླ། ཡཱ་གླང་པོ་རིན་པོ་ཆེ་ན་མཿ རཱ་ཁྱིམ་བདག་རིན་པོ་ཆེ་ན་མཿ ལཱ་རྟ་མཆོག་རིན་པོ་ཆེ་ན་མཿ ཝཱ་བུད་མེད་རིན་པོ་ཆེ་ན་མཿ ཡཿརལ་གྲི་རིན་པོ་ཆེ་ན་མཿ རཿནོར་བུ་རིན་པོ་ཆེ་ན་མཿ ལཿའཁོར་ལོ་རིན་པོ་ཆེ་ན་མཿ ཝཱཿགཏེར་ཆེན་རིན་པོ་ཆེ་ན་མཿ ཨོཾ་ཨཾ་ཟླ་བ། ཨོཾ་ཨ་ཉི་མ༌། ཨོཾ་ཨོཾ་འཇིག་རྟེན་དང་འཇིག་རྟེན་ལས་འདས་པའི་ཞིང་དང་འབྱོར་པ་མ་ཚང་བ་མེད་པ་ཀུན་ཏུ་བཟང་པོས་བྱས་པའི་མཆོད་པའི་སྤྲིན་རབ་འབྱམས་ཀྱི་ངོ་བོ་ཉིད་ན་མ རིན་ཆེན་སྣ་ཚོགས་རང་བཞིན་ཉིད། །རི་རབ་ལྕོག་བརྒྱད་ཉེ་བར་མཛེས། །གླིང་བཞི་གླིང་ཕྲན་ལྡན་པ་འདི། །འབུལ་གྱིས་ཡང་དག་བཞེས་སུ་གསོལ། །ཨོཾ་བཛྲ་ཨཱ་ཙརྱ་བུདྡྷ་བོ་དྷི་ས་ཏྭེ་བྷྱཿ བཛྲ་ཀྲོ་དྷ་རཱ་ཛེ་བྷྱཿ བཛྲ་ས་མཱ་ཛཿ བཛྲ་ཀ་མ་ལ་བྷྱཿ ཏིཥྛནྟུ་ཨཱ་ས་ནཾ། ཛཿཧཱུཾ་བཾ་ཧོཿ ཨོཾ་གུ་རུ་བཛྲ་དྷ་ར་ཧཱུཾ། ཨོཾ་ཨཱཿཨ་མོ་གྷ་སིདྡྷི་ཧཱུཾ། ཨོཾ་ཨཱཿཨཀྵོ་བྷྱཿཧཱུཾ། ཨོཾ་ཨཱཿརཏྣ་སམྦྷ་བ་ཧཱུཾ། ཨོཾ་ཨཱཿཨ་མྲྀ་ཏ་བྷ་བ་ཧཱུཾ། ཨོཾ་ཨཱཿབཻ་རོ་ཙ་ན་ཧཱུཾ། ཨོཾ་ཨཱ་ས་མ་ཡ་ཏཱ་ར་ཧཱུཾ། ཨོཾ་ཨཱཿབུདྡྷ་ལོ་ཙ་ན་ཧཱུཾ། ཨོཾ་ཨཱཿམཱ་མ་ཀི་ཧཱུཾ། ཨོཾ་ཨཱཿབཎྜ་རཱ་ཧཱུཾ། ཨོཾ་ཨཱཿབཛྲ་དྷ་ཏྭཱི་ཤྭ་རི་ཧཱུཾ། ཨོཾ་ཨཱཿཡ་མཱནྟ་ཀྲྀཏ་ཧཱུཾ་ཧཱུཾ། ཨོཾ་ཨཱཿཔྲ་ཛྙནྟ་ཀྲི་ཏ་ཧཱུཾ་ཧཱུཾ། ཨོཾ་ཨཱཿཔདྨནྟ་ཀྲི་ཏ་ཧཱུཾ་ཧཱུཾ། ཨོཾ་བ་གྷིནྟ་ཀྲྀཏ་ཧཱུཾ་ཧཱུཾ། ཨོཾ་ཨཱཿ ཧཱུཾ་ཁཾ་ཧྲཱིཿསྐཾ་སཾ་ཛཿཧཱུཾ་བཾ་ཧོཿཁཾ་རཾ་ཧཱུཾ།


TNT12_Page_0391
[མ་དཔེ་གཟིགས་ན་འདིར་གནོན།]

ཨོཾ་བཛྲ་སཏྭ་ཧཱུཾ། ཨོཾ་ཨཱཿདཔལ་ལྡན་རྡོ་རྗེ་བླ་མ་དམ་པའི་ཞབས་ཀྱི་པདྨ་ཡང་དག་པའི་ཡེ་ཤེས་གསལ་བར་བྱེད་པ་དེ་ལ་ཕྱག་འཚལ་ལོ། །ཧཱུཾ་ཁྱོད་ལ་ཕྱག་འཚལ་ཁྱོད་ལ་ཕྱག་འཚལ་ལོ། ཁྱེད་ལ་ཕྱག་འཚལ་ཁྱེད་ལ་ཕྱག་འཚལ་འདུད། །བདག་ནི་གུས་པས་ཁྱེད་ལ་ཕྱག་འཚལ་གྱི། །བླ་མ་མགོན་པོས་བདག་ལ་ཐུགས་རྗེས་གཟུང༌། །བྱིས་པ་རྨོངས་པ་དག་གིས་ནི། །གང་ཡང་རང་བཞིན་སྡིག་པ་དང༌། །བཅས་པའི་ཁ་ན་མ་ཐོ་ཉིད། །སྡིག་པ་ཅུང་ཟད་གང་བསགས་པ། །མགོན་པོའི་སྤྱན་སྔར་གནས་བཅས་ཏེ། །ཐལ་སྦྱར་སྡུག་བསྔལ་འཇིགས་སེམས་ཀྱིས། །ཡང་དུ་ཡང་དུ་ཕྱག་བྱས་ནས། །ནོངས་པ་དེ་དག་བཤགས་པར་བགྱི། །བྱང་ཆུབ་སྙིང་པོར་མཆིས་ཀྱི་བར། །བླ་མ་སངས་རྒྱས་ལ་ཕྱག་འཚལ། །སྐྱོབ་པའི་ཆོས་ལ་ཕྱག་འཚལ་ལོ། །དགེ་འདུན་རྗེ་ལ་ཕྱག་འཚལ་ལོ། །ཕྱག་འོས་སངས་རྒྱས་ཐམས་ཅད་དང༌། །རྒྱལ་བས་གསུངས་པའི་ཆོས་རྣམས་དང༌། །ཚུལ་ཁྲིམས་བཟང་ལྡན་དགེ་འདུན་ཏེ། །དཀོན་མཆོག་གསུམ་ལ་བདག་སྐྱབས་མཆི། །ཇི་ལྟར་སྔོན་གྱི་འཕགས་པ་དགྲ་བཅོམ་པ་རྣམས་དང༌། ས་ཆེན་པོ་ལ་བཞུགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་སངས་རྒྱས་ཀྱི་ཡེ་ཤེས་དང༌། སྤྱན་གྱིས་མཁྱེན་ཅིང་གཟིགས་པའི་དགེ་བའི་རྩ་བ་མཚན་ཉིད་དང༌། རང་བཞིན་གང་ཡིན་པའི་དགེ་བའི་རྩ་བ་ཐམས་ཅད་བླ་ན་མེད་པ་ཡང་དག་


TNT12_Page_0392
[མ་དཔེ་གཟིགས་ན་འདིར་གནོན།]

པར་རྫོགས་པའི་བྱང་ཆུབ་ཏུ་ཡོངས་སུ་བསྔོས་པ་དེ་བཞིན་དུ། བདག་གིས་ཀྱང་སྦྱིན་པ་དང་སྒོམ་པ་ལས་བྱུང་བའི་དགེ་བའི་རྩ་བ་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བགྱིའོ། །འདི་ལ་བདག་གིས་ཉི་མའི་སྣང་བ་དང༌། །མུན་པ་ཇི་ལྟ་དེ་བཞིན་ཉིད་དུ་ནི། །འཇིག་རྟེན་ཀུན་གྱི་སྡུག་བསྔལ་གཞིལ་བ་དང༌། །བདེ་བ་སྤེལ་བ་ཡང་ནི་དུས་མཉམ་གྱུར། །མཐོང་ཐོས་རྗེས་སུ་དྲན་དང་འོང་བ་དང༌། །རེག་དང་གཏམ་གྱི་སྦྱོར་བ་ཉེར་ཐོབ་པ། །རྣམ་པ་ཀུན་གྱི་འགྲོ་ལ་ཕན་བྱེད་དུ། །རྟག་པར་ཕན་དང་བདེ་བ་རྣམས་བགྱིའོ། །ཨོཾ་ཨཱཿབིགྷྣཱན་ཏ་ཀྲྀ་ཏ་ཧཱུཾ། ཨོཾ་ཨཱཿཧཱུཾ། ལན་མང་དུ་བརྗོད། ཨོཾ་སརྦ་ཏ་ཐཱ་ག་ཏ་མཎྜལ་ཨ་དྷི་པ་ཏི་བཛྲ་ཨཱ་ཙརྱ་གུ་རུ་ཙ་ར་ཎཱ་ཡ་བཛྲ་པུཥྤཾ་པྲ་ཏཱྀཙྪ་ན་མཿ ལན་བདུན། ཨོཾ་ཨཱཿཨ་མོ་གྷ་སིདྡྷི་ཧཱུཾ་བཛྲ་པུཥྤཾ་པྲ་ཏཱིཙྪ་ན་མཿ ལན་གསུམ། ཨོཾ་ཨཱཿཨཀྵོ་བྷྱཿཧཱུཾ་བཛྲ་པུཥྤཾ་པྲ་ཏཱིཙྪ་ན་མཿ ལན་གཅིག །དེ་བཞིན་ཏུ་རཏྣ་སཾ་བྷ་བ༴ ཨ་མྲྀ་ཏ་བྷ་བ། བཻ་རོ་ཙ་ན་ཧཱུཾ། ཨོཾ་ཨཱཿས་མ་ཡ་ཏཱ་ར་ཧཱུཏ྄། ཨོཾ་ཨཱཿབུདྡྷ་ལོ་ཙ་ན། མཱ་མ་ཀི །བཎྜ་རཱི༴ བཛྲ་དྷ་ཏྭི་ཤྭ་རི༴ ཡམཱནྟ་ཀྲྀཏ༴ པྲཛྙཱ་ནྟ་ཀྲྀཏ༴ པདྨཱནྟ་ཀྲྀཏ༴ བི་གྷ་ནན་ཏ་ཀྲྀཏ༴ རྣམས་ལའང་སྦྱར། ཨོཾ་ཨཱཿ ཧཱུཾ་ཁཾ་ཧྲཱིཿསྐ་སཾ་བཛྲ་པུཥྤཾ་པྲ་ཏཱིཙྪ་ན་མཿ ཨོཾ་ཨཱཿཛཿཧཱུཾ་བཾ་ཧོཿ ཁཾ་རཾ་བཛྲ་པུཥྤཾ་པྲ་ཏཱིཙྪ་ན་མཿ དེ་བཞིན་དུ། བཛྲ་པུཥྤེའི་གནས་སུ་བཛྲ་དྷུ་པཾ་དང༌། བཛྲ་དཱི་པཾ་དང་ བཛྲ་གནྡྷེ་དང༌།


TNT12_Page_0393
[མ་དཔེ་གཟིགས་ན་འདིར་གནོན།]

བཛྲ་ནཻ་ཝི་ཏེ་དང༌། བཛྲ་ཨཀྵ་ཏ། བཛྲ་བ་ས་ན་རྣམས་ལ་ཡང་སྦྱར་རོ། །རོལ་མོའི་སྒྲ་སྣ་ཚོགས་དང་བཅས་ཏེ། གང་གི་བཀའ་དྲིན་འོད་ཀྱིས་གསལ་བྱས་བདག་ཉིད་ཀྱི་སོགས་དང༌། མི་བསྐྱོད་རྡོ་རྗེ་ཡེ་ཤེས་ཆེ། །ཞེས་སོགས་དེ་ཉིད་ལྔ་པས་བསྟོད། རྒྱས་པར་ན། དཀྱིལ་འཁོར་སྤྱིའི་བསྟོད་པ་ལོགས་སུ་ཡོད་པ་ལྟར་ཡང་བྱ་མོད་ཀྱི། ཆོ་གའི་སྔོན་འགྲོ་སོགས་ཀྱི་སྐབས། དེ་ཙམ་གྱིས་ཆོག་གོ །བླ་མ་དང་དེ་བཞིན་གཤེགས་པ་འཁོར་དང་བཅས་པ་ཐམས་ཅད་ཀྱིས་བདག་དང་སེམས་ཅན་ཐམས་ཅད་ལ་དངོས་གྲུབ་དམ་པ་སྩལ་ཏུ་གསོལ། ཡི་གེ་བརྒྱ་པ་ཚར་གསུམ། གང་ཡང་བདག་བློ་རྨོངས་པ་ཡིས། །ལེགས་སྤྱད་འདི་ལ་ཉེས་བྱས་གང༌། །གང་ཕྱིར་ལུས་ཅན་སྐྱབས་གྱུར་པའི། །མགོན་ཁྱོད་དེ་ཀུན་བཟོད་མཛད་རིགས། །ཨོཾ་བཛྲ་ཨརྒྷཾ་པྲ་ཏཱིཙྪ་སྭཱཧཱ། ཚུལ་ཁྲིམས་ཙནྡན་གྱིས་ལུས་བྱུགས། །བསམ་གཏན་གྱི་ནི་གོས་དག་གྱོན། །བྱང་ཆུབ་ཡན་ལག་མེ་ཏོག་བཀྲམ། །ཇི་ལྟར་བདེ་བར་བཞུགས་སུ་གསོལ། །ཨོཾ་ཨཱཿཧཱུཾ་མུཿགཙྪ་གཙྪ་སྭ་བྷཱ་བ་ནཾ། གང་ཞིག་ཀུན་ཏུ་རྟོག་པ་བཅོམ་པ་ཆོས་ཀྱི་སྐུར་བརྗོད་དང༌། །དཔེ་མེད་བདེ་བའི་ཆ་ཡིས་མཛེས་པ་ལོངས་སྤྱོད་རྫོགས་པའི་སྐུ། །སྲིད་ན་ཕན་པ་མཛད་ཕྱིར་སྤྲུལ་པ་ཡི་ནི་སྐུ་གང་ཡིན། །བཅོམ་ལྡན་རྡོ་རྗེ་སེམས་དཔའ་དེས་ནི་ཁྱེད་ལ་བདེ་ལེགས་མཛོད། །དེ་དག་ནི་བླ་མ་དང་སངས་རྒྱས་ཀྱི་མཎྜལ་ཏེ་སྔོན་དུ་བྱ་བའོ། །སྒྲུབ་མཆོད་སོགས་ཀྱི་སྐབས་འདི་ངེས་པར་མཛད། བསྙེན་པའི་རྒྱུན་གྱི་ཉམས་ལེན་ལ་མ་འགྲུབ་ཀྱང་མངོན་རྟོགས་ཀྱི་ཆོ་གའི་ཡན་ལག་ཆད་པར་མི་འགྱུར་རོ། །དེ་ནས་སྒྲུབ་ཐབས་དངོས་ལ་འཇུག་སྟེ། རང་


TNT12_Page_0394
[མ་དཔེ་གཟིགས་ན་འདིར་གནོན།]

སྐད་ཅིག་གིས་བཅོམ་ལྡན་འདས་མ་སྒྲོལ་མར་གསལ་བའི་སྙིང་གར་ཟླ་བ་ལ་གནས་པའི་ཏཱཾ་ལས་འོད་ཟེར་འཕྲོས་པས། རང་གི་ལུས་ཀྱི་ནང་ཐམས་ཅད་གང༌། སྡིག་སྒྲིབ་ཐམས་ཅད་དགཨོཾ་བཛྲ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུཾ་ཕཊ། ཅེས་མནྜལ་བསངས། སྭ་བྷཱ་ཝས་སྦྱངས། སྟོང་པའི་ངང་ལས་རིན་པོ་ཆེའི་ས་གཞི་ཡངས་ཤིང་རྒྱ་ཆེ་བ་དབུས་སུ་པདྨ་དང་ཉི་མ་དང་ཟླ་བའི་གདན་བརྩེགས་པར་གྱུར། ཨོཾ་པདྨ་ཙནྜ་ཨརྐ་བི་མ་ལེ་སྭཱ་ཧཱ། རང་གི་སྙིང་གའི་འོད་ཀྱིས་སྒྲོལ་མ་འཁོར་དང་བཅས་པ་བཛྲ་ས་མཱ་ཛཿ ཞེས་སྤྱན་དྲངས། དབུས་ནས་བརྩམས་ཏེ་ལྷ་རྣམས་ལ་གཡས་སྐོར་གྱིས་མཆོད་པ་ཕུལ་བར་བསམ་ནས། འོག་ནས་འབྱུང་བའི་མཚན་སྔགས་ཀྱི་མཐར། ཨརྒྷཾ་ནས། ཤཔྟའི་བར་སྦྱར་བས་མཆོད། ཨོཾ་ལས་བྱུང་བའི་མེ་ཏོག་འབུལ་བཞིན་དུ། ན་མོ་བྷ་ག་ཝ་ཏེ་པུཥྤེ་ཀེ་ཏུ་རཱ་ཛཱ་ཡ། ཏ་ཐཱ་ག་ཏཱ་ཡ། ཨརྷ་ཏེ་སམྱཀྶཾ་བུདྷཱ་ཡ། ཏདྱ་ཐཱ། ཨོཾ་པུཥྤེ་པུཥྤེ་མཧཱ་པུཥྤེ་སུ་པུཥྤེ། པུཥྤ་ཨུདྦྷ་བེ་པུཥྤེ་ཨ་པ་ཀི་ར་ཎེ་སྭཱཧཱ། ཞེས་པ་བཟླ་བར་བྱའོ། །དཀོན་མཆོག་གསུམ་ལ་བདག་སྐྱབས་མཆི། །སྡིག་པ་ཐམས་ཅད་སོ་སོར་བཤགས། །འགྲོ་བའི་དགེ་ལ་རྗེས་ཡི་རང༌། །སངས་རྒྱས་བྱང་ཆུབ་ཡིད་ཀྱིས་གཟུང༌། །ཞེས་སེམས་བསྐྱེད་ལ། རྗེ་བཙུན་འཕགས་མ་སྒྲོལ་མས་བདག་ལ་དངོས་གྲུབ་མ་ལུས་པ་སྩལ་ཞིང་བྱིན་གྱིས་རླབས་ཏུ་གསོལ། ཞེས་གསོལ་བ་བཏབ་པས། རང་གི་སྤྱི་བོ་ནས་ཞུགས་ཏེ་ཐིམ། ཚད་མེད་བཞི་ཡུན་


TNT12_Page_0395
[མ་དཔེ་གཟིགས་ན་འདིར་གནོན།]

རིང་དུ་བསྒོམ། སྙིང་གའི་འོད་ཀྱིས་སྣང་བ་ཐམས་ཅད་འོད་དུ་ཞུ་ནས་བདག་ཉིད་ལ་ཐིམ། བདག་ཉིད་ཀྱང་ཐུགས་ཀའི་ཏཱཾ་ལ་ཐིམ། སྣང་བ་ཙམ་གྱི་རྣམ་ཤེས་ནི། །སེམས་ཙམ་དུ་ནི་རྣམ་པར་བརྟག །ནམ་མཁའ་རྡོ་རྗེར་གནས་སེམས་འདི། །ཆོས་ཅན་མེད་ཅིང་ཆོས་ཉིད་མེད། །ས་བོན་དེ་ཉིད་ཀྱང་འོད་གསལ་གྱི་དབྱིངས་སུ་ཐིམ། ཨོཾ་ཤཱུནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། སྟོང་པའི་ངང་ལས། རང་སེམས་སྒྲོལ་མ་སྐྱབས་སྦྱིན་དང་ཨུཏྤལ་འཛིན་པའི་ཕྱག་གཉིས་པའི་རྣམ་པས་ནམ་མཁར་བཞག་ལ་གནས་པར་གྱུར། རང་སེམས་ཀྱི་སྣང་བ་ལས་བྱུང་བའི་ཡཾ་རཾ་ཝཾ་ལཾ་སུཾ་རྣམས་ཡོངས་སུ་གྱུར་པ་ལས་འབྱུང་བཞི་རི་རབ་སྐད་ཅིག་གིས་གྲུབ་པ་ནི། འོག་ཏུ་རླུང་གི་དཀྱིལ་འཁོར་ནག་པོ་དབུས་སུ་ཟླ་གམ་གྱི་རྣམ་པ་བ་དན་གྱིས་མཚན་པ། དེའི་སྟེང་དུ་མེའི་དཀྱིལ་འཁོར་དམར་པོ་དབུས་སུ་གྲུ་གསུམ་གྱི་རྣམ་པ་འབར་བས་མཚན་པ། དེའི་སྟེང་དུ་ཆུའི་དཀྱིལ་འཁོར་དཀར་པོ་དབུས་སུ་ཟླུམ་པོའི་རྣམ་པ་བུམ་པས་མཚན་པ། དེའི་སྟེང་དུ་སའི་དཀྱིལ་འཁོར་སེར་པོ་དབུས་སུ་གྲུ་བཞིའི་རྣམ་པ་རྡོ་རྗེས་མཚན་པ། ཐམས་ཅད་ཀྱང་དབྱིབས་ཟླུམ་པོ་རང་གི་ཁ་དོག་དང་མཚུངས་པའི་འོད་ཀྱི་འཕྲེང་བས་བསྐོར་བ། དེའི་སྟེང་དུ་རི་རབ་རིན་པོ་ཆེ་སྣ་བཞི་ལས་གྲུབ་པ་བང་རིམ་བཞི་དང་ལྡན་པ། གསེར་གྱི་རི་བདུན་དང་རོལ་པའི་མཚོ་བདུན་དང༌། རྒྱ་མཚོ་ཆེན་པོ་གླིང་བཅུ་གཉིས་དང་བཅས་པ་རྣམས་ཁོར་ཡུག་གི་རི་བོས་ཡོངས་སུ་བསྐོར་བ། རིགས་དྲུག་གི་སེམས་ཅན་རྣམས་ཀྱིས་ཉེ་བར་བརྟེན་པའོ། །རི་


TNT12_Page_0396
[མ་དཔེ་གཟིགས་ན་འདིར་གནོན།]

རབ་ཀྱི་རྩེ་མོར་པད་ཉི་ལ་ཧཱུཾ་ལས་སྣ་ཚོགས་རྡོ་རྗེ། ཤར་དཀར། བྱང་སེར། ནུབ་དམར། ལྷོ་སྔོ། ལྟེ་བ་ལྗང་ཁུ་ཧཱུཾ་གིས་མཚན་པ། དེ་ལས་འོད་ཟེར་ཕྱོགས་བཅུར་འཕྲོས་པས། རྡོ་རྗེའི་ས་གཞི། ར་བ་དྲྭ་བ། གུར། བླ་རེ། མེ་རི་འབར་བའི་སྲུང་བའི་འཁོར་ལོར་གྱུར། སླར་ཡང་ཧཱུཾ་གི་འོད་ཀྱིས་བགེགས་བསྐྲད། ཨོཾ་སུམྦྷ་ནི་སུམྦྷ་ཧཱུཾ་ཧཱུཾ་ཕཊ། ཨོཾ་གྲྀཧྞ་གྲྀཧྞ་ཧཱུཾ་ཧཱུཾ་ཕཊ། ཨོཾ་གྲྀཧྞ་པཱ་ཡ་གྲྀཧྞ་པཱ་ཡ་ཧཱུཾ་ཧཱུཾ་ཕཊ། ཨོཾ་ཨཱ་ན་ཡ་ཧོ་བྷ་ག་ཝ་ན་བིདྱ་རཱ་ཛ་ཧཱུཾ་ཧཱུཾ་ཕཊ། ཁྲོ་བོ་བདུད་རྩི་འཁྱིལ་བ་སྐུ་མདོག་ནག་པོ་ལྟེ་བ་མན་ཆད་ཕུར་བུའི་རྣམ་པ་ཅན་ཕུར་བུ་དང་ཐོ་བ་ཐོགས་པ་དཔག་ཏུ་མེད་པ་སྤྲོས་ནས། བགེགས་ལྷག་མ་རྣམས་ཀྱི་སྤྱི་བོར་ཕུར་བུས་བཏབ། རྐང་མཐིལ་གྱི་བར་དུ་ཕྱུང་སྟེ་བརླག་པར་བྱས། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣན་བནྡྷཧཱུཾ་ཕཊ། དེ་དག་གི་རྣམ་པར་ཤེས་པ་ཡི་གེ་ཨའི་རྣམ་པས་གནས་པ་ལ། ཧཱུཾ་ཞེས་ལན་མང་དུ་བཟླས་པས། མ་རུངས་པའི་སེམས་ཐམས་ཅད་དང་བྲལ་བར་བྱས་ནས། ན་མོ་རཏྣ་ཏྲ་ཡཱ་ཡ། ཨོཾ་ཀཾ་ཀ་ནི་ཀཾ་ཀ་ནི། རོ་ཙ་ནི་རོ་ཙ་ནི། ཏྲོ་ཊ་ནི་ཏྲོ་ཊ་ནི། ཏྲཱ་ས་ནི་ཏྲཱ་ས་ནི། པྲ་ཏི་ཧ་ན་པྲ་ཏི་ཧ་ན། སརྦ་ཀརྨ་པ་རཾ་པ་ར་ཎི་མེ་སྭཱཧཱ། ཞེས་བཟླས་པས་དེའི་སྡིག་སྒྲིབ་ཐམས་ཅད་བྱང་ཞིང༌། བཅོམ་ལྡན་འདས་མི་འཁྲུགས་པའི་ཐུགས་རྒྱུད་བསྐུལ་བས། དེའི་ཐུགས་ཀའི་འོད་ཟེར་གྱིས་དྲངས་ཏེ། མངོན་པར་དགའ་བའི་ཞིང་དུ་སྐྱེས་པར་གྱུར། སྲུང་བའི་འཁོར་ལོའི་ནང་དུ། དངོས་


TNT12_Page_0397
[མ་དཔེ་གཟིགས་ན་འདིར་གནོན།]

གྲུབ་འབྱུང་བའི་དུར་ཁྲོད་ཆེན་པོ་བརྒྱད་ཀྱིས་ཡོངས་སུ་བསྐོར་བ་སྟེ། ཤིང་བརྒྱད་དང༌། ཕྱོགས་སྐྱོང་བ་བརྒྱད་དང༌། ཞིང་སྐྱོང་བརྒྱད་དང༌། ཆུ་བརྒྱད་དང༌། མེ་བརྒྱད་དང༌། རོ་དང་རོ་ལངས་དང༌། ཤ་ཟ་དང༌། སྲིན་པོ་དང༌། དཔའ་བོ་དང༌། རྣལ་འབྱོར་མ་དང༌། མ་མོ་དང༌། མཁའ་འགྲོ་མ་དང༌། ཤ་རུས་དང༌། བྱ་དང༌། གཅན་ཟན་དང༌། གྲུབ་པ་ཕོ་མོ་དང༌། མཆོད་རྫས་སྣ་ཚོགས་དང༌། དངོས་གྲུབ་ཀྱི་རྫས་དུ་མས་གང་བའོ། །སྣ་ཚོགས་རྡོ་རྗེའི་ལྟེ་བ་ལ་གནས་པའི་ཡི་གེ་བྷྲུཾ་རྣམ་པར་སྣང་མཛད་ཀྱི་རང་བཞིན་ཅན་ཡོངས་སུ་གྱུར་པ་ལས། རིན་པོ་ཆེ་སྣ་ཚོགས་ལས་གྲུབ་པའི་གཞལ་ཡས་ཁང་གྲུ་བཞི་སྒོ་བཞི་རྟ་བབས་བཞིས་བརྒྱན་པ། མཚན་ཉིད་ཐམས་ཅད་ཡོངས་སུ་རྫོགས་པ། ནང་གི་ལྷ་སྣམ་ཤར་དཀར། བྱང་སེར། ནུབ་དམར། ལྷོ་སྔོ་བ། དེའི་ནང་དུ་ལས་ཀྱི་སྣམ་བུ་རིམ་པ་ལྔ་སྟེ། དང་པོ་ཞི་བའི་ལས་སྣམ་དཀར་པོ། དེའི་ཕྱི་རོལ་རྒྱས་པའི་ལས་སྣམ་སེར་པོ། དེའི་ཕྱི་རུ་སྣ་ཚོགས་པའི་ལས་སྣམ་ཕྱོགས་རེ་རེར་གཡས་སྐོར་གྱི་རིམ་པས། དཀར་སེར་ལྗང་དམར་སྔོ་བ། དེའི་ཕྱི་རོལ་དུ་དབང་གི་ལས་སྣམ་དམར་པོ། དེའི་ཕྱི་རུ་དྲག་པོའི་ལས་སྣམ་ནག་པོ་སྟེ། གཞལ་ཡས་ཁང་གི་ནང་གི་གནས་གཞན་རྣམས་སུ་མེ་ཏོག་སྣ་ཚོགས་ལ་མངོན་པར་བཀྲམ་ཞིང༌། དྲག་པོའི་ལས་སྣམ་ལ། མཚོན་ཆས་གཏུབས་པའི་མིའི་ཡན་ལག་མངོན་པར་བཀྲམ་པ།


TNT12_Page_0398
[མ་དཔེ་གཟིགས་ན་འདིར་གནོན།]

དབུས་སྔོན་པོ་ཨུཏྤལ་དམར་པོ་སིལ་མར་གཏོང་བའི་གཞི་ལ། རྡོ་རྗེའི་མུ་ཁྱུད་ཟླུམ་པོའི་སྟེང་རྡོ་རྗེའི་གདུང་བཞིས་མིག་མང་རིས་སུ་བྲིས་ཤིང༌། ཀ་བ་བརྒྱད་དང་ལྡན་པ། ནང་ལེ་ཚེ་དགུར་གྱུར་པའི་དབུས་དང་སྒོ་བཞིར་སྣ་ཚོགས་པདྨའི་གདན་རྣམས་ཀྱི་སྟེང་དུ། དབུས་སུ་ཟླ་བ། སྒོ་བཞིར་ཉི་མ། དབུས་ཀྱི་གདན་གྱི་སྟེང་དུ་ཨོཾ་དཀར་པོ་ལས་བྱུང་བའི་ཟླ་བ་ཉ་གང་བ་ལ། ཨ་ཨཱ་ཨི་ཨཱི་ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ། ཨཾ་ཨཿ རྣམས་ཀྱིས་མཚན་པའོ། །དེའི་སྟེང་དུ་ཨཱཿདམར་པོ་ལས་བྱུང་བའི་ཉི་མ་འོད་འབར་བ་ལ། ཀ་ཁ་ག་གྷ་ང༌། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ་ཀྵཿརྣམས་ཀྱིས་མཚན་པའོ། །ནམ་མཁའི་ལྷ་མོ་ཟླ་བ་ལ་ཐིམ། ཟླ་བའི་དབུས་སུ་ཏཱཾ་ལྗང་སྔོན། དེ་ལས་ཨུཏྤལ་སྔོན་པོར་གྱུར། དེ་ཐམས་ཅད་ལས་འོད་ཟེར་འཕྲོས། སངས་རྒྱས་ཐམས་ཅད་སྒྲོལ་མའི་རྣམ་པར་སྤྱན་དྲངས། ཏཱཾ་ལ་ཐིམ། ཐམས་ཅད་གཅིག་ཏུ་འདྲེས་པ་ཡོངས་སུ་གྱུར་པ་ལས། རང་ཉིད་རྗེ་བཙུན་བཅོམ་ལྡན་འདས་མ་ཆེན་མོ་དམ་ཚིག་སྒྲོལ་མ་རྣམ་འབྱོར་མ་ཞལ་གཅིག་ཕྱག་བརྒྱད་མ། སྐུ་མདོག་སྔོ་ཞིང་ཡིད་ཙམ་ལྗང་བ། པདྨ་རཱ་ག་ལྟ་བུའི་འོད་ཟེར་དམར་པོ་འབར་བ། ཕྱག་གཡས་ཀྱི་དང་པོས་མཆོག་སྦྱིན། གཉིས་པ་ན་གྲི་


TNT12_Page_0399
[མ་དཔེ་གཟིགས་ན་འདིར་གནོན།]

གུག །གསུམ་པ་ན་ཅང་ཏེའུ། བཞི་པ་ན་མདའ། གཡོན་གྱི་དང་པོས་རབ་ཏུ་རྒྱས་པའི་ཨུཏྤལ་སྔོན་པོའི་སྡོང་བུ་ཐུགས་ཀར་འཛིན་པ། གཉིས་པ་ན་ཀ་པཱ་ལ་ཁྲག་གིས་གང་བ། གསུམ་པ་ན་མདུང་རྩེ་གསུམ། བཞི་པ་ན་མེ་ཏོག་གི་གཞུ་འཛིན་པ། མཆན་ཁུང་གཡོན་དུ་རྡོ་རྗེ་ཁ་ཊཱཾ་ག་བསྒྲེང་པ། སྟག་གི་པགས་པའི་ཤམས་ཐབས་དང༌། རུས་པའི་ཕྱག་རྒྱས་སྐུ་ལ་བརྒྱན་ཅིང༌། མི་མགོ་སྐམ་པོ་ལྔའི་དབུ་རྒྱན་དང༌། མགོ་རློན་གྱི་འཕྲེང་བ་དང༌། ཨུཏྤལ་དམར་པོའི་དོ་ཤལ་འཕྱང་བ། དྲག་མོ་ཆེན་མོ། །སྤྱན་གསུམ་དང་ལྡན་ཞིང་མཆེ་བ་ཅུང་ཟད་གཙིགས་པ། ལོ་བཅུ་དྲུག་ལོན་པ་ལྟར་ལང་ཚོ་ལ་བབ་ཅིང༌། དབུ་སྐྲ་ནག་པོ་ཕྱེད་བཅིངས་ཤིང་ཕྱེད་གྲོལ་བ། ཞབས་གཡོན་བསྐུམ་གཡས་བརྐྱང་བའི་སྐྱིལ་ཀྲུང་ཕྱེད་པའི་རོལ་སྟབས་ཀྱིས་བཞུགས་ཤིང༌། ཕྱི་རོལ་ཏུ་མེ་དཔུང་འབར་བའི་འཕྲེང་བ་འཁྲུགས་པའོ། །བཤད་རྒྱུད་ལས་ནི་ཞལ་ལྔ་པ། དབུ་སྐྲ་དམར་སེར་བརྫེས་པ། གཡས་བརྐྱང་གིས་བཞེངས་པར་བཤད་དོ། །རང་གི་ཐུགས་ཀ་ནས་སྭཱཧཱ་དང༌། ཨོཾ་ཡིག་དང༌། ཧོ་ཡིག་དང༌། ཕཊ་ཡིག་དང༌། ཏཱཾ་ལཾ། ཏཾ་མཾ། ཏཱཾ་པཾ། ཏཱཾ་ཧཱུཾ། ཛཿཧཱུཾ་བཾ་ཧོཿ ཞེས་པ་རྣམས་ཕྱིར་སྤྲོས་ཏེ་གདན་ལ་འཁོད་པ་ནི། ལེ་ཚེ་བརྒྱད་ལ། ཤར་དུ་སྭཱ་ཧཱ། ལས་ཞི་བའི་སྒྲོལ་མ་དཀར་མོ་ངང་པ་ལ་ཞོན་ཅིང་ཆུའི་དཀྱིལ་འཁོར་ལ་གནས་པ། གཡས་སྐྱབས་སྦྱིན་གྱི་ཕྱག་རྒྱ་དང་གཡོན་ཨུཏྤལ་དཀར་པོ་འཛིན་པ་


TNT12_Page_0400
[མ་དཔེ་གཟིགས་ན་འདིར་གནོན།]

ཞི་བའི་ཉམས་ཅན་ནོ། །བྱང་དུ་ཨོཾ་ལས་རྒྱས་པའི་སྒྲོལ་མ་སེར་མོ་གླང་པོ་ཆེ་ལ་བཞོན་ཅིང་སའི་དཀྱིལ་འཁོར་ལ་གནས་པ། གཡས་མཆོག་སྦྱིན་གྱི་མཐིལ་ན་བདུད་རྩིས་གང་བའི་བུམ་པ་དང་གཡོན་རིན་པོ་ཆེའི་སྙེ་མ་འཛིན་པ། ཅུང་ཟད་ཤ་ཉམས་རྒྱས་ཤིང་དགྱེས་པའི་ཉམས་ཅན་ནོ། །ནུབ་ཏུ་ཧོ་ལས་དབང་གི་སྒྲོལ་མ་དམར་མོ་རྟ་དམར་པོ་ལ་བཞོན་པ་མེའི་དཀྱིལ་འཁོར་ལ་གནས་པ། གཡས་རྡོ་རྗེ་ལྕགས་ཀྱུ་དང་གཡོན་ཨུཏྤལ་དམར་པོའི་ཞགས་པ་འཛིན་པ་ཆགས་པའི་ཉམས་ཅན་ནོ། །ལྷོར་ཕཊ་ལས་དྲག་པོའི་སྒྲོལ་མ་ནག་མོ་མ་ཧེ་སྔོན་པོ་ལ་བཞོན་ཅིང་རླུང་གི་དཀྱིལ་འཁོར་ལ་གནས་པ། གཡས་རལ་གྲི་དང༌། གཡོན་ཞགས་པ་ནག་པོ་འཛིན་པ་ཁྲོས་པའི་ཉམས་ཅན་ནོ། །ཤར་ལྷོར་ཏཱཾ་ལཾ་ལས་དེ་བཞིན་གཤེགས་པའི་སྒྲོལ་མ་དཀར་མོ། །ལྷོ་ནུབ་ཏུ་ཏཱཾ་མཱཾ་ལས་རིན་ཆེན་སྒྲོལ་མ་སེར་མོ། །ནུབ་བྱང་དུ་ཏཱཾ་པཱཾ་ལས་ཆོས་ཀྱི་སྒྲོལ་མ་དམར་མོ། །བྱང་ཤར་དུ་ཏཱཾ་ཧཱུཾ་ལས་རྡོ་རྗེའི་སྒྲོལ་མ་སྔོན་མོ། །དེ་ཐམས་ཅད་ཀྱང་ཞལ་གཅིག་ཕྱག་བཞི་པ། གཡས་ཀྱི་དང་པོས་མཆོག་སྦྱིན། གཉིས་པས་ཌཱ་མ་རུ། གཡོན་གྱི་དང་པོས་རང་རང་གི་སྐུ་མདོག་དང་མཚུངས་པའི་ཨུཏྤལ། གཉིས་པས་མདུང་རྩེ་གསུམ་པ་བསྣམས་པ། ཁྱད་པར་གཞན་ནི་གཙོ་མོ་དང་མཚུངས་པའོ། །ཤར་སྒོར་ཛཿལས་ལྕགས་ཀྱུ་སྒྲོལ་མ་དཀར་


TNT12_Page_0401
[མ་དཔེ་གཟིགས་ན་འདིར་གནོན།]

མོ་ལྕགས་ཀྱུ་འཛིན་པ། ལྷོ་སྒོར་ཧཱུཾ་ལས་ཞགས་པ་སྒྲོལ་མ་སེར་མོ་ཞགས་པ་འཛིན་པ། ནུབ་སྒོར་བཾ་ལས་ལྕགས་སྒྲོག་སྒྲོལ་མ་དམར་མོ་ལྕགས་སྒྲོག་འཛིན་པ། བྱང་སྒོར་ཧོཿལས་དྲིལ་བུ་སྒྲོལ་མ་ལྗང་ཁུ་དྲིལ་བུ་འཛིན་པ། ཐམས་ཅད་ཀྱང་ཁྲོ་མོའི་ཉམས་ཅན་སྦོམ་ཞིང་ཐུང་བ། ཕྱག་གཡོན་ཐུགས་ཀར་སྡིགས་འཛུབ་མཛད་པ། སྟག་ལྤགས་དང་མགོ་འཕྲེང་དང་སྦྲུལ་གྱིས་བརྒྱན་ཅིང༌། མེ་དཔུང་འབར་བའི་དབུས་ན་མི་རོའི་གདན་ལ་གཡོན་བརྐྱང་བས་གནས་པའོ། །ད་ནི་ཕོ་ཉ་མོ་རྣམས་སྤྲོ་བར་བྱ་སྟེ། ལས་བཞིའི་སྒྲོལ་མ་རྣམས་ཀྱི་ཐུགས་ཀ་ནས་གཡས་གཡོན་དུ་གཉིས་གཉིས་སྤྲོས་ཏེ་ལས་ཀྱི་སྣམ་བུ་དབུས་མའི་ཕྱོགས་བཞིའི་གཡས་གཡོན་དུ་འཁོད་པ་ནི། ཨོཾ་ཏཱ་རེ་ཏུཏྟཱ་རེ་ཏུ་རེ་སྥ་ར་ཎ་ཧཱུཾ་ཕཊ། ལན་བརྒྱད་བརྗོད། མཾ་ཧཱ་ལཾ་ཁ་ཧྲཱིཿཛ་ཕཊ་ཕཊ། ཤར་གྱི་གཡས་ན་རྨོངས་བྱེད་མ། །ལུག་ལ་བཞོན་ཅིང་རྩེ་གསུམ་སྦྲུལ། །གཡོན་ན་དུག་ཀུན་གཞིལ་མཛད་པ། །མཁའ་ལྡིང་ལ་བཞོན་བུམ་པ་བསྣམས། །གཉིས་ཅར་མདོག་དཀར་ཅུང་ཟད་ཁྲོ། །བྱང་གི་གཡས་ན་རེངས་བྱེད་སེར། །རུས་སྦལ་ལ་བཞོན་ལྕགས་སྒྲོག་འཛིན། །གཡོན་ན་གནོན་བྱེད་ཁམས་སེར་ནི། །རི་རབ་ལ་བཞོན་རི་རབ་འཛིན། །གཉིས་ཀའང་སྟོབས་ལྡན་བླུན་པོའི་གཟུགས། །ནུབ་ཀྱི་གཡས་ན་འགུགས་བྱེད་མ། །ཧ་རི་ཎ་བཞོན་ལྕགས་ཀྱུ་དང༌། །ཞགས་པས་བསྒྲུབ་བྱ་འདྲེན་ཅིང་རྒྱུག །


TNT12_Page_0402
[མ་དཔེ་གཟིགས་ན་འདིར་གནོན།]

གཡོན་ན་འདེབས་བྱེད་ཕུར་བུ་འཛིན། །རབ་གཡོ་རླུང་ལ་བཞོན་པའོ། །གཉིས་ཀའང་དམར་ཞིང་ཆགས་པའི་ཉམས། །ལྷོ་ཡི་གཡས་ན་སྐྲོད་བྱེད་མ། །དབྱུག་ཏོ་འཛིན་ཅིང་རྔ་མོང་བཞོན། །གཡོན་ན་འབྱེད་བྱེད་གྲི་ལྕགས་སྒྲོག །ཁྭ་དང་འུག་པའི་གདན་ལ་བཞུགས། །གཉིས་ཀའང་དུད་ཁ་ཤིན་ཏུ་ཁྲོས། །ཡང་འབྱེད་བྱེད་མ་སྲུབ་ཤིང་འཛིན་པ་མ་ཧེ་དང་རྟ་ལ་གནས་པ་བསྒོམ་པའང་ཡོད་དོ། །དེ་ནས་ཕྱག་བརྙན་རྣམས་སྤྲོ་བ་ནི། གཙོ་མོའི་ཐུགས་ཀ་ནས་ཧཱུཾ་ཞེས་སྤྲོས་ཏེ། །ནང་གི་གྲ་བཞིར་འཁོད་པ་ནི། །ཤར་ལྷོར་གཤིན་རྗེ་གཤེད་པོ་ནག །ཞལ་དྲུག་ཕྱག་དྲུག་ཞབས་ཀྱང་དྲུག །གཡས་རྣམས་ཐོ་བ་གཡོན་ཞགས་པ། །ཚངས་དང་ཁྱབ་འཇུག་ཞབས་ཀྱིས་མནན། །ལྷོ་ནུབ་མི་གཡོ་མི་གཡོ་བ། །ནག་པོ་རལ་གྲི་ཐོད་པ་འཛིན། །བརྒྱ་བྱིན་དབང་ལྡན་ཞབས་ཀྱིས་མནན། །ནུབ་བྱང་རྟ་མགྲིན་སྐུ་མདོག་དམར། །ཕྱག་བཞི་དབྱུག་ཏོ་པདྨ་དང༌། །འཁོར་ལོ་དང་ནི་ཞགས་པ་འཛིན། །དབུ་ཡི་སྟེང་དུ་རྟ་མགོ་ལྗང༌། །ཀླུ་དང་ཡི་དྭགས་རྒྱལ་པོ་མནན། །བྱང་ཤར་བདུད་རྩི་འཁྱིལ་བ་ནག།ཕྱག་བཞི་སྣ་ཚོགས་རྡོ་རྗེ་དང༌། །དྲིལ་བུ་ཐོ་བ་ཕུར་བུ་འཛིན། །ལོག་འདྲེན་འདོད་ལྷ་ཞབས་ཀྱིས་མནན། །ཐམས་ཅད་སྟོབས་ཆེན་ཕ་རོལ་གནོན། །སྦོམ་ཐུང་སྤྱན་གསུམ་སྟག་ལྤགས་དཀྲིས། །སྦྲུལ་གྱིས་བརྒྱན་ཅིང་སྐྲ་ཡང་བརྫེས། །


TNT12_Page_0403
[མ་དཔེ་གཟིགས་ན་འདིར་གནོན།]

མེ་དཔུང་འབར་ཞིང་སྤྲུལ་པ་དང༌། །ཡང་སྤྲུལ་ཕོ་ཉའི་ཚོགས་ཀྱང་འགྱེད། །ལྷ་དེ་ཐམས་ཅད་ཀྱི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུཾ་སྔོན་པོ། གནས་རྣམས་སུ་ཟླ་བའི་གདན་ལ་མིག་ཏུ་ཨོཾ་ཏཱ་རེ་སྭཱཧཱ་དཀར་པོ། རྣ་བར་ཨོཾ་ཏུཏྟཱ་རེ་སྭཱཧཱ་སྔོན་པོ། ལྕེ་ལ་ཨོཾ་ཏུ་སྭཱཧཱ་དམར་པོ། སྙིང་གར་ཨོཾ་རེ་སྭཱཧཱ་སྔོན་པོ། སྤྱི་བོར་ཨོཾ་ཏཱ་རེ་ཎི་སྭཱཧཱ་ལྗང་ཁུ། མིག་ཏུ་ཀྵིཾ་དཀར་པོ་སའི་སྙིང་པོའི་ངོ་བོ། རྣ་བར་ཛྲིཾ་ནག་པོ་ཕྱག་ན་རྡོ་རྗེའི་ངོ་བོ། སྣར་ཁཾ་སེར་པོ་ནམ་མཁའི་སྙིང་པོའི་ངོ་བོ། ལྕེར་གཾ་དམར་པོ་འཇིག་རྟེན་དབང་ཕྱུག་གི་ངོ་བོ། དཔྲལ་བར་སྐཾ་ལྗང་གུ་སྒྲིབ་པ་རྣམས་སེལ་གྱི་ངོ་བོ། ལྟེ་བར་སཾ་སྔོན་པོ་ཀུན་ཏུ་བཟང་པོའི་ངོ་བོ། སྙིང་གའི་དབུས་སུ་དཔལ་དོན་ཡོད་གྲུབ་པ་རྡོ་རྗེ་རྟའི་རྒྱལ་པོ་རབ་ཏུ་ཁྲོས་པ་སྐུ་མདོག་སྔོ་སངས། སྔོ་དཀར་དམར་བའི་ཞལ་སྤྱན་གསུམ་པ། སྟེང་ཞལ་རྟ་གདོང་སྔོན་པོ། ཕྱག་གཡས་པས་སྣ་ཚོགས་རྡོ་རྗེས་མཚན་པའི་རལ་གྲི་དང༌། གཡོན་པས་སྣ་ཚོགས་རྡོ་རྗེས་མཚན་པའི་དྲིལ་བུ་འཛིན་པ། གཡས་ལྷག་མ་རྣམས་ཀྱིས་འབར་བའི་རྡོ་རྗེ། མདའ་དང༌། གཏུན་ཤིང་འཛིན་པ། གཡོན་ལྷག་མ་རྣམས་ཀྱིས་ཐོད་པ། གཞུ་དང༌། དགྲ་སྟ་བསྣམས་པ། སྟག་ལྤགས་དང༌། དར་དང༌། རུས་པ་དང་སྦྲུལ་གྱིས་བརྒྱན་པ། ཞབས་གཉིས་གཡོན་


TNT12_Page_0404
[མ་དཔེ་གཟིགས་ན་འདིར་གནོན།]

བརྐྱང་བའི་རོལ་པའི་སྟབས་ཀྱིས། པདྨ་དང་ཉི་མའི་སྟེང་དུ་ལྷ་དང་ལྷ་མིན་ཐམས་ཅད་གནོན་པའི་ཚུལ་གྱིས་བཞུགས་པ། མེ་དཔུང་འབར་བའི་དབུས་ན་རོལ་པའོ། །དེའི་ཐུགས་ཀར་ཟླ་བ་ལ་གནས་པའི་ཨུཏྤལ། དེའི་སྟེང་དུ་ཏཱཾ་ཡིག་ལྗང་སྔོན་འོད་ཟེར་འཕྲོ་བ། དེ་ལས་འཕྲོས་པའི་འོད་ཟེར་ལྕགས་ཀྱུ་ལྟ་བུས་རྗེ་བཙུན་མ་སྒྲོལ་མའི་དཀྱིལ་འཁོར་གྱི་ལྷ་ཚོགས་ཐམས་ཅད་མདུན་གྱི་ནམ་མཁར་བཛྲ་ས་མཱ་ཛཿ ཕཻཾ། ཞེས་བརྗོད་ཅིང་འབར་བའི་ཕྱག་རྒྱ་བཅའ། ཡེ་ཤེས་པ་རང་གི་སྨིན་མཚམས་ནས་ཞུགས་པར་བསམ། ཨོཾ་བཛྲ་ཨཾ་ཀུ་ཤ་ཛཿ ཨོཾ་བཛྲ་པཱ་ཤ་ཧཱུཾ། ཨོཾ་བཛྲ་སྥོ་ཊ་བཾ། ཨོཾ་བཛྲ་གྷཎྜེ་ཧོཿ ཨོཾ་ཡོ་ག་ཤུདྡྷཿསརྦ་དྷརྨ་ཡོ་ག་ཤུདྡྷོ྅ཧཾ། སླར་ཡང་སྙིང་གའི་འོད་ཟེར་གྱིས་དབང་གི་ལྷ་དཀྱིལ་འཁོར་གྱི་ལྷ་ཚོགས་ཐམས་ཅད་མདུན་དུ་སྤྱན་དྲངས། བྱང་ཆུབ་རྡོ་རྗེ་སངས་རྒྱས་ལ། །མཆོད་ཆེན་ཇི་ལྟར་སྩལ་བ་ལྟར། །བདག་ཀྱང་རབ་ཏུ་བསྒྲལ་བའི་ཕྱིར། །ནམ་མཁའི་རྡོ་རྗེ་དེང་བདག་སྩོལ། །ཞེས་གསོལ་བ་བཏབ་པས། དེ་བཞིན་གཤེགས་པ་རྣམས་ཀྱི་ཐུགས་ཀ་ནས་རྡོ་རྗེ་དབྱིངས་ཀྱི་དབང་ཕྱུག་མ་དང༌། སྤྱན་མ་དང༌། མཱ་མ་ཀི་དང༌། གོས་དཀར་མོ་དང༌། སྒྲོལ་མ་རྣམས་བྱུང་སྟེ། སངས་རྒྱས་རྣམས་ནི་ཐམས་ཅད་ཀྱི། །རྡོ་རྗེ་གསང་བ་གསུམ་ལས་བྱུང༌། ཁམས་གསུམ་ཀུན་གྱིས་ཕྱག་


TNT12_Page_0405
[མ་དཔེ་གཟིགས་ན་འདིར་གནོན།]

བྱས་པ། །གནས་ཀྱི་དབང་བསྐུར་སྦྱིན་པར་བྱ། །ཨོཾ་ལཾ་མཾ་པཾ་ཏཾ་ཧཱུཾ་ཧཱུཾ་བཛྲ་ཨ་བྷི་ཥིཉྩ་ཧཱུཾ། ཞེས་ཆུ་དབང་དང༌། ཨོཾ་བྷྲུཾ་ཨཾ་ཛྲིཾ་ཁཾ་ཧཱུཾ་ཧཱུཾ་རཏྣ་མུ་ཀུ་ཊ་ཨ་བྷི་ཥིཉྩ་ཧཱུཾ། ཞེས་ཅོད་པན་དང༌། ཨོཾ་ཧཱུཾ་ཁཾ་ཧཱུཾ། བཛྲ་ཨ་བྷི་ཥིཉྩ་ཧཱུཾ། ཞེས་རྡོ་རྗེ་དང༌། ཨོཾ་ཧཱུཾ་ཧཱཾ་ཧཱུཾ་བཛྲ་ཨ་དྷི་པ་ཏཱི་སྟྭཾ་ཨ་བྷི་ཥིཉྩ་ཧཱུཾ། ཞེས་དྲིལ་བུ་དང༌། ཨོཾ་ཛཿཧཱུཾ་བཾ་ཧོཿ བཛྲ་སཏྭཱ་སྟྭཾ་བཛྲ་ནཱ་མ་ཨ་བྷི་ཥིཉྩ་ཧཱུཾ། ཞེས་མིང་དང༌། ཨོཾ་སརྦ་ཏ་ཐཱ་ག་ཏ་སིདྡྷི་བཛྲ་ས་མ་ཡ་ཏིཥྛ་ཨེ་ཥ་སྟྭཾ་དྷ་ར་ཡ་མི། བཛྲ་སཏྭ་ཧི་ཧི་ཧི་ཧི་ཧཱུཾ། ཞེས་བརྟུལ་ཞུགས་དང༌། ཐོག་མཐའ་མེད་པའི་སེམས་དཔའ་ནི། །རྡོ་རྗེ་སེམས་དཔའ་དགའ་བ་ཆེ། །ཀུན་ཏུ་བཟང་པོ་ཀུན་བདག་ཉིད། །རྡོ་རྗེ་སྙེམས་ཚུལ་བདག་པོའི་བདག །ཨཱཿསྲིད་པ་ངོ་བོ་ཉིད་ཀྱིས་བདག །ངོ་བོ་ཉིད་ཀྱིས་སྲིད་བྲལ་བྱས། །རང་བཞིན་དག་པའི་སེམས་དཔའ་མཆོག །སྲིད་པ་དམ་པ་བྱེད་པར་འགྱུར། །ཡིད་ཀྱི་ལས་སུ་བརྟན་པའི་ཕྱིར། །ཕྱག་རྒྱའི་དམ་ཚིག་རབ་ཏུ་བརྗོད། །གང་གི་ལུས་ནི་ཐམས་ཅད་བརྟན། །དེས་ན་ཕྱག་རྒྱར་རབ་ཏུ་བསྒྲགས། །ཨོཾ་བཛྲ་ཨུ་ད་ཀ་ཨ་བྷི་ཥིཉྩ་ཧཱུཾ་སུ་ར་ཏ་སྟྭཾ་ཨ་ཧཾ། ཞེས་དེ་ཡན་ཆད་བུམ་དབང་དང༌། དཀྱིལ་འཁོར་གྱི་གཙོ་མོ་བཅོམ་ལྡན་འདས་མ་དང་དཔལ་དོན་ཡོད་གྲུབ་པ་ཡབ་ཡུམ་སྙོམས་པར་ཞུགས་པའི་བྱང་ཆུབ་ཀྱི་སེམས་ཁར་བྱིན་པར་བསམ། ཨོཾ་ཨཿཧཱུཾ་ཞེས་བརྗོད་པས་གསང་དབང་དང༌། བདག་


TNT12_Page_0406
[མ་དཔེ་གཟིགས་ན་འདིར་གནོན།]

ཉིད་ཡབ་ཏུ་གྱུར་པ་ལ་དབང་གི་ལྷ་མོ་དེ་རྣམས་གཅིག་ཏུ་འདུས་པ་དམ་ཚིག་སྒྲོལ་མར་གྱུར་ཏེ། དཀྱིལ་འཁོར་གྱི་གཙོ་བོས་བདག་ཉིད་ལ་ཕྱག་རྒྱར་གཏད། སྙོམས་པར་ཞུགས་པའི་བདེ་བར་བསམ། ཨོཾ་སརྦ་ཏ་ཐཱ་ག་ཏ་ཨ་ནུ་ར་ག་ན་བཛྲ་སྭ་བྷཱ་ཝ་ཨཏྨ་ཀོ྅ཧཾ། ཞེས་ཤེས་རབ་ཡེ་ཤེས་ཀྱི་དབང་བསྐུར་བ་སྟེ། དབང་དགུ་ཡང་དག་པར་བླང་བའོ། །དབང་གི་ལྷ་རྣམས་རིགས་ཀྱི་བདག་པོའི་རྣམ་པར་གྱུར་ཏེ། ལྷ་རྣམས་ཀྱི་ཅོད་པན་དུ་བཞུགས་པ་ནི། གཙོ་མོ་ལ་དོན་ཡོད་གྲུབ་པ། འཁོར་ཐམས་ཅད་ལ་གཙོ་མོ་ཉིད་ཀྱིས་དབུ་རྒྱན། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་བཛྲ་སྭ་བྷཱ་ཝ་ཨཏྨ་ཀོ྅ཧཾ། ཨརྒྷཾ་ནས་ཤཔྟའི་བར་གྱིས་མཆོད། མཚན་ཉི་ཤུ་རྩ་བརྒྱད་པའམ། མཚན་ངེས་པར་གྲགས་པས་བསྟོད་དེ། དེ་ནས་བཅོམ་ལྡན་འདས་མ་ཆེན་མོ། དེ་བཞིན་གཤེགས་པ་ཐམས་ཅད་ཀྱི་བཙུན་མོའི་མཆོག་དམ་ཚིག་སྒྲོལ་མ་ཞེས་བྱ་བ། དེ་བཞིན་གཤེགས་པ་དང༌། རྡོ་རྗེ་དང༌། རིན་པོ་ཆེ་དང༌། པདྨ་དང༌། ལས་ཀྱི་རིགས་ཐམས་ཅད་ཀྱི་བདག་པོ། རྒྱུ་བ་དང༌། མི་རྒྱུ་བའི་བྱེད་པ་པོ། བརྟན་པ་དང༌། གཡོ་བའི་རང་བཞིན། གསང་བ་ལས་ཆེས་ཤིན་ཏུ་གསང་བ། གསང་བ་ཆེན་པོའི་དབང་ཕྱུག་མས་བདག་ཉིད་ཀྱི་རྡོ་རྗེའི་མིང་འདི་རྣམས་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ༌། །བཅོམ་ལྡན་འདས་མ་སྒྲོལ་མ། རྡོ་རྗེ་མ། དམ་ཚིག་སྒྲོལ་མ། རྡོ་རྗེ་རྣལ་


TNT12_Page_0407
[མ་དཔེ་གཟིགས་ན་འདིར་གནོན།]

འབྱོར་མ་ཆེན་མོ། ཡེ་ཤེས་ལྔས་བརྒྱན་པ་མ། སངས་རྒྱས་ཐམས་ཅད་ཀྱིས་དབང་བསྐུར་མ། ཡེ་ཤེས་དཀྱིལ་འཁོར། ཟླ་བའི་བདེ་མ། ངོ་མཚར་བདེ་མ། སྐུ་དང་གསུང་དང་ཐུགས་ཀྱི་འདོད་མ། ཕུང་པོའི་བདག་མོ། སྐྱེ་མཆེད་ཀྱི་བདག་མོར་གྱུར་པ། རྡོ་རྗེ་ཅོད་པན་ལྔ་དང་ལྡན་པ། འབྱུང་བ་རྣམས་རབ་ཏུ་ཐོབ་པ། ཡུལ་དང་བྲལ་བའི་རང་བཞིན། རྒྱུད་ཀུན་གྱི་དབང་ཕྱུག་མ། ཡེ་ཤེས་རྣམ་པ་ལྔས་བྱང་ཆུབ་པ། རྡུལ་བྲལ་བ། དྲི་མ་མེད་པ། གསང་སྔགས་ཆེན་པོ། ཤིན་ཏུ་ཕྲ་བ། མཚན་དང་དཔེ་བྱད་རྣམས་ཀྱིས་སྤྲས་པ། དག་བྱེད་དག་བྱེད་ཆེན་མོ། ལས་ཐམས་ཅད་གྲུབ་པར་བྱེད་པ། འདོད་པ་ཐམས་ཅད་རབ་ཏུ་སྦྱིན་མ། ཡི་གེ་བཅུའི་སྒྲ་སྒྲོག་པ། སྒྲ་སྒྲོག་དགྱེས་མ། གདུང་མ། མྱུར་བ་མ། རྣམ་པར་གཤེགས་པ་ཡོངས་སུ་དག་པ། སྲ་ཞིང་བདེ་བ་ཡེ་ཤེས་སྙིང་པོ། བདེ་བ་ཆེན་མོའོ། །དེ་སྐད་ཀྱང་བཀའ་སྩལ་ཏོ། །ཨོཾ་སརྦ་ཏ་ཐཱ་ག་ཏ་སྟུ་ཏཱི་ར་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། སྙིང་གར་ཟླ་བའི་དཀྱིལ་འཁོར་གྱི་སྟེང་དུ་ཏཱཾ་གི་མཐར། ཡི་གེ་བཅུ་པས་གཡས་སྐོར་དུ་བསྐོར་བ། དེ་ལས་འོད་ཟེར་འཕྲོས། སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས། རྗེ་བཙུན་མ་འཕགས་མ་སྒྲོལ་མའི་གོ་འཕང་ལ་བཀོད། སླར་འདུས་ཏེ་སྙིང་གའི་ས་བོན་སྔགས་འཕྲེང་དང་བཅས་པ་ལ་ཐིམ་པར་བསམ་ཞིང༌།


TNT12_Page_0408
[མ་དཔེ་གཟིགས་ན་འདིར་གནོན།]

ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱཧཱ། ཞེས་པའམ། ཨོཾ་ཏཱ་རེ་ཏུ་རེ་ཏུཏྟཱ་རེ་ཧཱུཾ་ཕཊ། ཅེས་བཟླ་བ་ནི་སྐུའི་བཟླས་པའོ། །ཨོཾ་ཏཱ་རེ་སྭཱཧཱ། ཞེས་པ་ནི་གསུང་གི་བཟླས་པའོ། །ཨོཾ་ཨཱཿཏཱཾ་ཧཱུཾ་ཞེས་པ་ནི་ཐུགས་ཀྱི་བཟླས་པའོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་ཝཱ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མཧཱ་སཏྭཱ་ཡ། མཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་ཏཱ་རེ་ཏུཏྟཱ་རེ་ཏུ་རེ་སརྦ་དུཥྟ། པྲ་དུཥྟ། མ་མ་ཀྲྀ་ཏེ། ཛཾ་བྷ་ཡ། སྟཾ་བྷ་ཡ། མོ་ཧ་ཡཾ། བནྡྷ་ཡ། ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ། སརྦ་དུཥྟཾ་སྟཾ་བྷ་ནི་ཏཱ་རེ་སྭཱཧཱ། ཞེས་པ་ནི་ལས་ཀྱི་སྔགས་སོ། །ཨོཾ་ཏཱ་རེ་ཏུཏྟཱ་རེ་ཏུ་རེ་ཧཱུཾ་ཕཊ། ཨོཾ་ཏཱ་རེ་ཤཱནྟིངྐུ་རུ་སྭཱཧཱ། ཨོཾ་ཏཱ་རེ་པུཥྟིང་ཀུ་རུ་ཨོཾ། ཨོཾ་ཏཱ་རེ་ཝ་ཤ་མ་ནཱ་ཡ་ཧོཿ ཨོཾ་ཏཱ་རེ་ནི་ཝ་རཱ་ཡ་ཕཊ། ཨོཾ་ཏ་ཐཱ་ག་ཏ་ཏཱ་རེ་ལཾ་ཧཱུཾ། ཨོཾ་རཏྣ་ཏཱ་རེ་མཱཾ་ཧཱུཾ། ཨོཾ་པདྨ་ཏཱ་རེ་པཱཾ་ཧཱུཾ། ཨོཾ་བཛྲ་ཏཱ་རེ་ཧཱུཾ་ཧཱུཾ། ཨོཾ་ཨངྐུ་ཤ་ཏྭ་རེ་ཛཿཧཱུཾ། ཨོཾ་པ་ཤ་ཏཱ་རེ་ཧཱུཾ་ཧཱུཾ། ཨོཾ་ཤྭིཾ་ཁ་ལ་ཏཱ་རེ་བཾ་ཧཱུཾ། ཨོཾ་གཎྜེ་ཏཱ་རེ་ཧོཿཧཱུཾ། ཨོཾ་མོ་ཧཱ་ནཱི་ཏཱ་རེ་མཾ་ཧཱུཾ། ཨོཾ་པྲ་ཤ་མ་ནི་ཏཱ་རེ་སྭཱཧཱ་ཧཱུཾ། ཨོཾ་སྟཾ་བྷ་ནི་ཏཱ་རེ་ལཾ་ཧཱུཾ། ཨོཾ་ཛམྦྷ་ནི་ཏཱ་རེ་ཁཾ་ཧཱུཾ། ཨོཾ་ཨཱ་ཀརྵ་ནི་ཏཱ་རེ་ཧྲཿཧཱུཾ། ཨོཾ་ཀཱི་ལ་ཀ་ཏཱ་རེ་ཛཿཧཱུཾ། ཨོཾ་ཨུཏྱ་ཌཱ་ཀ་ཏཱ་རེ་ཕཊ་ཧཱུཾ། ཨོཾ་དྭེ་ཥ་ཀ་ཏཱ་རེ་ཕཊ་ཧཱུཾ། ཨོཾ་ཡ་མཱནྟ་ཀ་ཧཱུཾ་ཕཊ། ཨོཾ་ཀ་ནི་དྷུ་ནི་ཧཱུཾ་ཕཊ། ཨོཾ་ཧ་ཡ་གྲཱྀ་བ་ཧཱུཾ་ཕཊ། ཨོཾ་ཨ་མྲྀ་ཏ་ཀུཎྜ་ལེ་ཧཱུཾ་ཕཊ། ཅེས་པ་མཚན་སྔགས་ཀྱི་འཕྲེང་བར་གྲགས་པ་རྣམས་


TNT12_Page_0409
[མ་དཔེ་གཟིགས་ན་འདིར་གནོན།]

དང༌། ཨོཾ་ཨཱཿཀྲོ་དྷྱེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུཾ་ཕཊ། ཨོཾ་ཨ་ཙ་ལ་ཀཱ་ན་ཙེཊྚ་ཙེཊྚ་མོཊྚ་མོཊྚ་རུཊྚ་རུཊྚ་གྷ་གྷ་གྷཱ་ཏ་ཡ་གྷཱ་ཏ་ཡ་ཧཱུཾ་ཕཊ། ཨོཾ་པད་མཱནྟ་ཀྲཱྀཏ་བཛྲ་ཀྲོ་དྷ་ཧ་ཡ་གྲཱྀ་བ་ཧཱུཾ། ཧུ་ལུ་ཧུ་ལུ་ཧཱུཾ་ཕཊ། ན་མ་ས་མནྟ་བུདྡྷེ་བྷྱོ་ན་མོ་མཧཱ་བཛྲེ་ཀྲོ་དྷ་ཡ། མཧཱ་རཾཥྟོཏྐ་ཀ་ཊ་བྷི་ཥ་ན་བྷཻ་ར་བཱ་ཡ། བཛྲ་སན་དོ་ཧ་དརྤཱ་ཡ་ཨོཾ་ཨ་མྲྀ་ཏ་ཀུཎྜ་ལི་ཧཱུཾ་ཕཊ། ཁྲོ་བོ་བཞིའི་རྩ་སྔགས་སུ་གྲགས་པ་རྣམས་ཀྱང་བཟླའོ། །དེ་ནས་རྗེས་ཀྱི་བྱ་བ་ནི། དང་པོ་རྗེས་སུ་བཟུང་བ་ནི། རང་གི་སྙིང་ག་ནས་སྒྲོལ་མ་ཕྱག་གཉིས་མ། མི་འཇིགས་པ་སྦྱིན་པའི་ཕྱག་རྒྱ་དང་ཨུཏྤལ་ཐོགས་པ་བརྒྱད་སྤྲོས་ཏེ། སེམས་ཅན་རྣམས་ཀྱི་འཇིགས་པ་ཆེན་པོ་བརྒྱད་དང་བཅུ་དྲུག་བསྐྱབས་པར་བསམས་ལ། ཨོཾ་ཨོཾ་སྭཱཧཱ། ཨོཾ་ཏཱ་སྭཱཧཱ། ཨོཾ་རེ་སྭཱཧཱ། ཨོཾ་ཏུཏ་སྭཱཧཱ། ཨོཾ་ཏཱ་སྭཱཧཱ། ཨོཾ་རེ་སྭཱཧཱ། ཨོཾ་ཏུ་སྭཱཧཱ། ཨོཾ་རེ་སྭཱཧཱ། ཞེས་བཟླས་པར་བྱ་སྟེ། འཇིགས་པ་ལས་ཡོངས་སུ་སྐྱོབས་པར་བྱེད་པའི་སྔགས་སོ། །གཉིས་པ་ཚར་བཅད་པ་ནི། ཧཱུཾ་རིང་པོ་ལན་ཉི་ཤུ་རྩ་ལྔ་བརྗོད་པས། དཀྱིལ་འཁོར་གྱི་ལྷ་ཐམས་ཅད་ཐུགས་རྗེ་ཆེན་པོས་བསྐུལ་ཏེ་ཤིན་ཏུ་ཆེས་ཁྲོས་ཤིང་འཁྲུགས་པར་བསམ། དེར་ཕོ་ཉ་ཕྱག་བརྙན་བཅུ་གཉིས་པོ་རྣམས་ལས། སྤྲུལ་པའི་ཁྲོ་བོ་ཁྲོ་མོ་མཐའ་ཡས་པ་སྤྲོས་ཏེ། མ་རུངས་པ་གདུག་པ་ཅན་ཐམས་ཅད་ཚར་བཅད། ན་མཿསནྟ་ཀཱ་ཡ་ཝཱཀྩིཏྟ་བཛྲ་ཎཱཾ། ཨོཾ་ཊཀྐི་ཧཱུཾ་ཛཿཞེས་ལན་གསུམ་བརྗོད་པས། ཕོ་ཉ་ལྕགས་ཀྱུ་དང་ཞགས་པ་ཐོགས་པ་དཔག་ཏུ་མེད་


TNT12_Page_0410
[མ་དཔེ་གཟིགས་ན་འདིར་གནོན།]

པ་སྤྲོས་ཏེ། བགེགས་ཀྱི་གཙོ་བོ་བདུད་བཞི་ལ་སོགས་པ་དང༌། གནོད་བྱེད་མི་དང་མི་མ་ཡིན་ཐམས་ཅད་བཀུག།ཧཱུཾ་ཞེས་བརྗོད་པས་འབྲུབ་ཁུང་གྲུ་གསུམ་པ་ཟབ་ཅིང་ཡངས་པར་གྱུར། དེའི་ནང་དུ་གནོད་བྱེད་ཐམས་ཅད་ཀྱི་ཡན་ལག་ཞགས་པ་དང་ལྕགས་སྒྲོག་གིས་བསྡམས་ཏེ། ཕཊ་ཀྱི་སྒྲས་མགོན་སྐྱབས་དང་བྲལ་བར་བྱས། ན་མཿས་མནྟ་བུདྡྷེ་བྷྱོཿ ཨོཾ་ཏཱ་རེ་ཏུཏྟཱ་རེ་ཏུ་རེ་སརྦ་དུཥྟཾ་ཀཱི་ལི་ཀཱི་ལ་ཡ་ཧཱུཾ་ཕཊ། སྥ་ར་ཎ་ཕཊ། ཅེས་ཐུགས་ཀ་ནས་ཕུར་བུའི་ལྷ་མོ་དཔག་ཏུ་མེད་པ་སྤྲོས། ཧཱུཾ་གི་སྔགས་ཀྱིས་བྱིན་གྱིས་རླབས་ལ། ན་མཿས་མནྟ་བུདྡྷེ་བྷྱོཿ ན་མོ་མཧཱ་བཛྲ་ཀྲོ་དྷ་ཡ། མཧཱ་དཾཥྟོ་ཏ་ཀ་ཊ་བྷི་ཥ་ཎ་བྷེ་ར་བཱ་ཡ། བཛྲ་སནྡོ་ཧ་དརྤཱ་ཡ། ཨོཾ་ཨ་མྲྀཏ་ཀུཎྜ་ལི་ཧཱུཾ་ཕཊ། སརྦ་དུཥྟཾ་ཀཱི་ལི་ཀཱི་ལ་ཡ་ཧཱུཾ་ཕཊ། ཅེས་བདུད་རྩི་འཁྱིལ་བ་ལ་བཀའ་བསྒོས་པས། རང་དང་འདྲ་བའི་བདུད་རྩི་འཁྱིལ་བ་དཔག་ཏུ་མེད་པ་སྤྲོས། གནོད་བྱེད་མི་དང་མི་མ་ཡིན་ཐམས་ཅད་ཀྱི་དཔྲལ་བ་དང་མགྲིན་པ་དང༌། སྙིང་ག་དང་ལྟེ་བ་དང་གསང་བ་དང་ཚིགས་ཆེན་བཅུ་གཉིས་དང་དབང་པོ་ལྔ་ལ་སོགས་པ་རྣམས་སུ་ཕུར་བུས་བཏབ་ཅིང་ཐོ་བས་བརྡུངས་པར་བསམས་ལ། ཨོཾ་གྷ་གྷ། གྷཱ་ཏ་ཡ་གྷཱ་ཏ་ཡ་སརྦ་དུཥྟ་ན་ཕཊ། ཀཱི་ལ་ཡ་ཀཱི་ལ་ཡ་སརྦ་པཱ་པཾ་ཕཊ། ཧཱུཾ་ཧཱུཾ་ཧཱུཾ་བཛྲ་ཀཱི་ལ་ཡ། ས་མ་ཡ་དྷ་རཱ་ཨཱཛྙཱ་པ་ཡ་ཏི། སརྦ་བིགྷྣན། ཀཱ་ཡ་ཝ་ཀྩིཏྟ་བཛྲ་ཀཱི་ལ་ཡ་ཧཱུཾ་ཕཊ། ཅེས་ལན་གསུམ་བཟླས་ལ། ཨོཾ་


TNT12_Page_0411
[མ་དཔེ་གཟིགས་ན་འདིར་གནོན།]

ཏཱ་རེ་ཏུཏྟཱ་རེ་ཏུ་རེ་བཛྲ་ཀཱི་ལི་ཀཱི་ལ་ཡ་སརྦ་དུཥྟཾ་བནྡྷ་ཧཱུཾ་ཕཊ། ཅེས་དྲག་ཏུ་བཟླ། ཨོཾ་སྟམྦྷ་ཡ་ལཾ། ཞེས་འབྲུབ་ཁུང་གི་ཁ་ལཾ་ལས་བྱུང་བའི་རི་རབ་ཀྱིས་བཅད་པས། བསྐལ་པའི་བར་དུ་གདུག་པའི་སེམས་ཅན་རྣམས་ཐར་པ་མེད་པར་བཅིངས་པར་བསམ། དེ་ནས་དཀྱིལ་འཁོར་གྱི་ལྷ་རྣམས་ལ། ཨརྒྷཾ་ནས། ཤཔྟའི་བར་གྱིས་མཆོད་ཅིང༌། ལྷ་དང་ལྷ་མིན་ཅོད་པན་སོགས་ཀྱིས་བསྟོད་ནས། ཐམས་ཅད་རང་གི་སྙིང་གར་ཐིམ་པར་གྱུར། བཛྲ་ས་མ་ཡ་ཧཱུཾ། ཞེས་བརྗོད། རྟེན་གྱི་དཀྱིལ་འཁོར་ཡང་རང་གི་ལུས་ལ་ཐིམ། རང་ཉིད་ཀྱང་ཐུགས་ཀའི་ཏཱཾ་ལ་ཐིམ། དེ་ཡང་ཆ་ལྔའི་རིམ་པས་ནཱ་ད་ལ་བསྡུས། དེ་ཡང་སྟོང་པ་ཉིད་དུ་ཐིམ་པར་གྱུར། ཨཱཿཞེས་བརྗོད་ཅིང་རང་བཞིན་མེད་པའི་ཚུལ་ལ་གནས་པར་གྱུར། གཞན་ཡང་གཟུངས་ཀྱི་སྒོ་ཅི་རིགས་པ་བསྒོམ་པར་བྱའོ། །དེ་ལས་ངེས་པར་ལྡང་བ་ན། བདག་ཉིད་བཅོམ་ལྡན་འདས་མའི་སྐུར་གྱུར། ཞེས་ལྷའི་སྐུར་བལྟས་ཏེ་ཐུན་མཚམས་ཀྱི་བྱ་བ་ལ་འཇུག་ཅིང༌། གལ་ཏེ་གཏོར་མ་འབུལ་བར་འདོད་ན། ཤ་ཁྲག་ཆང་དང་བྱི་ཀྱུ་ལ་སོགས་པའི་གཏོར་མ་བྱས་ལ། བསངས་སྦྱངས། སྟོང་པའི་ངང་ལས་ཡཾ་ལས་རླུང་རཾ་ལས་མེ། ཨོཾ་ཨཱཿཧཱུཾ་ལས་མི་མགོའི་སྒྱེད་པུ་གསུམ། དེ་རྣམས་ཀྱི་སྟེང་དུ་ཨ་ལས་ཀ་པཱ་ལའི་ནང་དུ། དབུས་སུ་ཧཱུཾ་ལས་ཤ་ཆེན་དང་རྐང་མར། ཤར་དུ་ཨོཾ་ལས་བ་གླང་གི་ཤ་དང་དྲི་ཆེན། བྱང་དུ་ཧཱ་ལས་གླང་པོ་ཆེའི་ཤ་དང་དྲི་ཆུ། ནུབ་ཏུ་ཧྲཱིཿལས་རྟའི་ཤ་དང་ཁུ་བ། ལྷོར་ཨཾ་ལས་ཁྱིའི་ཤ་དང་རཀྟ།


TNT12_Page_0412
[མ་དཔེ་གཟིགས་ན་འདིར་གནོན།]

དེ་རྣམས་ཀྱི་སྟེང་གི་དབུས་སུ་ཨོཾ་ཡིག དེའི་སྟེང་དུ་ཨཱཿལས་ཟླ་ཕྱེད། ཧཱུཾ་ལས་རྡོ་རྗེ་ཨོཾ་ཞེས་བརྗོད་པས་རྫས་རྣམས་ཞུ་སྟེ་བདུད་རྩི་དཀར་པོར་གྱུར། དྲི་མ་ཐམས་ཅད་ཕྱིར་ལུད་ཨཱཿཞེས་བརྗོད་པས་བདུད་རྩི་དམར་པོར་གྱུར། ཁ་དོག་དང་དྲི་རོ་ནུས་མཐུ་ཕུན་སུམ་ཚོགས་པར་བྱས། ཧཱུཾ་ཞེས་བརྗོད་པས་བདུད་རྩི་ཁ་དོག་སྣ་ཚོགས་པ་ནམ་མཁའ་དང་མཉམ་པར་སྤེལ་ཞིང་སྤྲོས། ཨོཾ་ཡིག་ཟླ་ཕྱེད་རྡོ་རྗེ་དང་བཅས་པའི་འོད་ཀྱིས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་ཡེ་ཤེས་ཐམས་ཅད་བདུད་རྩིའི་རྣམ་པར་སྤྱན་དྲངས་ཏེ་བདུད་རྩི་ལ་ཐིམ། ཟླ་ཕྱེད་རྡོ་རྗེ་ཨོཾ་ཡིག་དང་བཅས་པ་ཡང་ཞུ་ཞིང་ཐིམ་པས་བདུད་རྩིའི་རྒྱ་མཚོར་གྱུར། ཨོཾ་ཧ་ཧོ་ཧྲཱིཿསྭཱཧཱ་དེ་ནས། ཕཻཾ་གྱི་སྒྲས། བཅོམ་ལྡན་འདས་མ་སྒྲོལ་མའི་དཀྱིལ་འཁོར་འཁོར་དང་བཅས་པ་མདུན་དུ་བཛྲ་ས་མཱ་ཛཿ རྩ་སྔགས་ཀྱི་མཐར། ཨ་ཀཱ་རོ་བཏགས་པའམ། སརྦ་དུཥྟཾ་ས་མ་ཡ་མུ་དྲ་པྲ་བྷཉྫ་ཀ་མ་མ་ཤཱིནྟཾ་རཀྵ་ཙ་ཀུ་རུ་ཀུ་རུ་ཧཱུཾ་ཧཱུཾ་ཕཊ་སྭཱཧཱ། ཞེས་བཏགས་པས་གཙོ་མོ་དང༌། ན་མཿས་མནྟ་བུདྡྷ་བོ་དྷི་སཏྭ་ནཱཾ་ཨ་པྲ་ཏི་ཧ་ཏ་ཤྭ་ས་ནཱཾ། ཧེ་ཧེ་བྷ་ག་བ་ཏེ་མཧཱ་སཏྭ་སརྦ་བུདྡྷ་ཨ་བ་ལོ་ཀི་ཏེ་མཱ་བི་ལམྦ་མཱ་བི་ལམྦ་ཨེ་དཾ་བ་ལིང་གྲྀ་ཧྞ་པཱ་ཡ་གྲྀ་ཧྞ་པཱ་ཡ་ཧཱུཾ་ཧཱུཾ་ཧཱུཾ་སརྦ་བི་སཉྩ་རེ་སྭཱཧཱ། ཞེས་ལན་བདུན་གྱིས་དཀྱིལ་འཁོར་པ་ཐམས་ཅད་ལ་ཕུལ་ལ། དུར་ཁྲོད་གནས་པ་རྣམས་ལ། ཨ་བྷི་དྷ་ནའམ། རྣལ་འབྱོར་མ་ཀུན་སྤྱོད་ལས་འབྱུང་བ་ལྟར་མཁའ་འགྲོ་སྤྱི་གཏོར་བྱའོ། །མཆོད་བསྟོད་གསོལ་བཏབ་


TNT12_Page_0413
[མ་དཔེ་གཟིགས་ན་འདིར་གནོན།]

ཡན་ལག་བདུན་པ་སོགས་རྗེས་ཀྱི་བྱ་བ་དང་བཅས་པ་རྣམས་བྱའོ། །དེ་དག་ནི་རྣལ་འབྱོར་དང་པོ་འཁོར་དང་བཅས་པའོ། །གཉིས་པ་རྗེས་སུ་རྣལ་འབྱོར་ནི། དྲི་མས་སེམས་ཉིད་མངོན་བསྒོམ་པས། །རྣམ་ཤེས་ཡེ་ཤེས་དག་མི་འགྱུར། །ཐེག་པ་མཆོག་གི་བགྲོད་པའི་གནས། །ཡེ་ཤེས་དབང་མོ་ཉན་པར་འཚལ། །ཉོན་ཅིག་ཇི་བཞིན་རྡོ་རྗེ་ཉོན། །དངོས་པོ་བདེན་བརྫུན་རྣམ་དཔྱད་ན། །བརྫུན་པའི་རྡོ་རྗེ་ཡང་དག་མཐོང༌། །རང་བཞིན་དག་པའི་དེ་ཁོ་ན། །ཨཿཞེས་བྱ་བ་ནི་མ་སྐྱེས་པའི་གཟུངས་ཀྱི་སྒོའོ། ཧཱུཾ་ཞེས་བྱ་བ་ནི་ཡེ་ཤེས་དང་ལྡན་པའི་གཟུངས་ཀྱི་སྒོའོ། ཕཊ་ཅེས་བྱ་བ་ནི་དགས་པར་བྱེད་པའི་གཟུངས་ཡི་སྒོའོ། །ཏྲཱཾ་ཞེས་བྱ་བ་ནི་ཉི་མའི་འོད་ཀྱི་གཟུངས་ཀྱི་སྒོའོ། །ཨ་ཞེས་བྱ་བ་ནི་སྨྲ་བ་ཐམས་ཅད་ཀྱི་གཟུངས་ཀྱི་སྒོའོ། །ཧ་ཞེས་བྱ་བ་ནི་འཆི་བ་མེད་པའི་གཟུངས་ཀྱི་སྒོའོ། །ཧྲཱིཿཞེས་བྱ་བ་ནི་རྗེས་སུ་ཆགས་པའི་གཟུངས་ཀྱི་སྒོའོ། །ཨོཾ་ཞེས་བྱ་བ་ནི་ལུས་འཇིག་པར་བྱེད་པའི་གཟུངས་ཀྱི་སྒོའོ། ཁཾ་ཞེས་བྱ་བ་ནི་ནམ་མཁའ་ལྟ་བུའི་གཟུངས་ཀྱི་སྒོའོ། །ཨཾ་ཞེས་བྱ་བ་ནི་བདེ་བ་ཆེན་པོའི་གཟུངས་ཀྱི་སྒོའོ། །ཀྵ་ཞེས་བྱ་བ་ནི་རབ་ཏུ་མི་གནས་པའི་གཟུངས་ཀྱི་སྒོའོ། །ཨཱཿཞེས་བྱ་བ་ནི་གཉིས་སུ་མེད་པའི་གཟུངས་ཀྱི་སྒོའོ། །ཡ་ཞེས་བྱ་བ་ནི་རྡོ་རྗེའི་རླུང་སྟེ་གཟུངས་ཀྱི་སྒོའོ། །ར་ཞེས་བྱ་བ་ནི་རྡོ་རྗེའི་མེ་སྟེ་གཟུངས་ཀྱི་སྒོའོ། །ཝ་ཞེས་བྱ་བ་ནི་རྡོ་རྗེའི་ཆུ་སྟེ་གཟུངས་ཀྱི་སྒོའོ། །ལ་ཞེས་


TNT12_Page_0414
[མ་དཔེ་གཟིགས་ན་འདིར་གནོན།]

བྱ་བ་ནི་རྡོ་རྗེའི་ས་སྟེ་གཟུངས་ཀྱི་སྒོའོ། །ཏཾ་ཞེས་བྱ་བ་ནི་རྡོ་རྗེའི་སེམས་ཏེ་གཟུངས་ཀྱི་སྒོའོ། །ཨིཾ་ཞེས་བྱ་བ་ནི་རྡོ་རྗེའི་དབང་པོ་རྣམས་ཏེ་གཟུངས་ཀྱི་སྒོའོ། །བི་ཞེས་བྱ་བ་ནི་ནམ་མཁའི་ཁམས་སུ་བྱད་པ་སྟེ་གཟུངས་ཀྱི་སྒོའོ། །ཨཱཿཞེས་བྱ་བ་ནི་ཆོས་ཐམས་ཅད་ཀྱི་གཟུངས་ཀྱི་སྒོའོ། །རྣམ་ཤེས་ཡེ་ཤེས་རྣལ་འབྱོར་ཏེ། །དེ་དག་རྡོ་རྗེ་རབ་སྦྱོར་བས། །རྣལ་འབྱོར་ལ་ནི་རྣལ་འབྱོར་བསྒོམ། །རྗེས་ཀྱི་རྣལ་འབྱོར་ཞེས་བྱའོ། །ཞེས་གང་གསུངས་པ་དེའོ། །དེས་ན་ལྷའི་རྣལ་འབྱོར་བསྒོམ་པ་དེ་ཡང་གཟུངས་ཀྱི་སྒོ་ལ་སོགས་པ་སྣ་ཚོགས་པས་རྣམ་པར་དཔྱད་ནས། སྤྲོས་པ་མེད་པའི་རྣམ་པ་ཅན་གྱི་སྟོང་པ་ཉིད་ལ་འཇུག་པ་ནི་ལྷའི་རྣལ་འབྱོར་གྱི་རྗེས་སུ་བསྣན་ཅིང་བསྒོམ་པར་བྱ་བ་ཡིན་པས་རྗེས་སུ་རྣལ་འབྱོར་ཞེས་བྱའོ། །གསུམ་པ་ཤིན་ཏུ་རྣལ་འབྱོར་ནི། ཡང་གསུངས་པ། སྤྲེའུ་དང་གློག་ལྟར་མི་གནས་པ། །རབ་ཏུ་གཟུང་བར་དཀའ་བའི་སེམས། །འདོད་པའི་རྡོ་རྗེ་རྣམ་དཔྱད་པ། །ཡེ་ཤེས་དབང་མོ་ཉན་པར་འཚལ། །ཉོན་ཅིག་ཇི་བཞིན་རྡོ་རྗེ་ཉོན། །གསེར་ཁམས་རྡོ་ལ་རྣམ་གནས་པ། །མངོན་པར་ཞི་བ་ཡོད་མ་ཡིན། །སྲེག་དང་དབྱེ་བའི་ཐབས་ཀྱིས་ནི། །ཉི་མ་བཞིན་དུ་རྣམ་པར་གསལ། །ལྕགས་བཞིན་མེ་ལ་རྣམ་བཟོད་ན། །གཞན་དག་ཅི་ཕྱིར་མི་བཟོད་བྱེད། །འདི་ཡི་ཡེ་ཤེས་རྣམ་ཤེས་དག །ཆ་གཉིས་རྣམ་པར་རྟོག་མི་བྱ། །ཆ་གཉིས་ལས་ནི་སྡིག་པ་འབྱུང༌། །


TNT12_Page_0415
[མ་དཔེ་གཟིགས་ན་འདིར་གནོན།]

སྡིག་པས་བསོད་ནམས་ཟད་པར་འགྱུར། །སྡུག་བསྔལ་སྡིག་པ་ཞེས་བརྗོད་དེ། །བླ་མེད་བདེ་བ་བསོད་ནམས་སོ། །བདེ་དང་སྡུག་བསྔལ་མཉམ་གྱུར་པ། །བསོད་ནམས་སྡིག་མེད་རྣམ་པར་ཐར། །སྡུག་བསྔལ་གྱིས་ནི་སེམས་གཡེངས་ཏེ། །དགེ་དང་སྡིག་པ་རྣམ་པར་འབྱེད། །བུ་མོའི་ལོངས་སྤྱོད་བདེ་བ་ཡིས། །རྣམ་པར་མི་རྟོག་གཉིས་མེད་འགྲུབ། །རི་བོ་ཉམས་ནི་དགའ་བ་དང༌། །ནགས་ཚལ་དབེན་པའི་ས་ཕྱོགས་སུ། །མིག་བཟང་བརྟན་པའི་བློ་ལྡན་གཟུང༌། །དང་པོར་འདུས་པ་བྱས་ནས་ནི། །རྡོ་རྗེ་ཆོ་གས་རབ་ཏུ་བསྒྲུབ། །དེ་བཞིན་གཤེགས་པའི་བཙུན་མོའི་མཆོག །དམ་ཚིག་ཆེན་མོར་བྱིན་གྱིས་རླབས། ཁྱོགས་དང་བརླ་ཞེས་བྱ་བ་དང༌། །དེ་བཞིན་ཤིན་ཏུ་བརྐྱང་བ་དང༌། ཁབ་དང་གྲུ་མོའི་མཚན་ཉིད་བྱ། །བུང་བ་ལྟ་བུར་ཨི་ཡི་སྒྲ། །ངེས་པར་བློ་དང་ལྡན་པས་བསྐུལ། །སྒེག་འཆོས་སྟབས་ཀྱིས་འཁྱུད་ནས་ནི། །མགོ་བོའི་སྐྲ་བཟུང་ལྐོག་མ་གཟིར། །མ་མཆུས་སྦྲང་རྩི་གཞིབ་པར་བྱ། །ཞེས་སོགས་ནས། འདར་དང་དྲན་པ་ཉམས་པ་དང༌། །སྐྲ་གྲོལ་གཅེར་བུ་གཤེར་བས་ཁྱབ། །མདོག་དམར་རབ་ཏུ་ཕྲ་བའི་མིག །ཡེ་ཤེས་ལྔ་ཡིས་རྣམ་པར་སྤྲུལ། །བུད་མེད་ཤེས་རབ་ཡེ་ཤེས་ཏེ། །དེ་ལས་ཡེ་ཤེས་ལྔ་ཐོབ་འགྱུར། །རྡོ་རྗེ་ཆུ་སྐྱེས་སྦྱོར་ལྡན་པ། །སྐུ་ཡི་རྡོ་རྗེ་བསྙེན་པར་བརྗོད། །རླུང་ནི་མཉམ་པར་གྱུར་པ་དང༌། །སཱིད་ཀྱི་སྒྲ་དང་སྐད་


TNT12_Page_0416
[མ་དཔེ་གཟིགས་ན་འདིར་གནོན།]

འགྱུར་བ། །གསུང་ནི་ཉེ་བར་བསྒྲུབ་པའོ། །བསྐྱོད་པ་ལས་ནི་རབ་ཞུ་བ། །ནོར་བུར་བཅུ་དྲུག་ཆ་བབས་ཏེ། །ཡིད་ཀྱི་བདེ་བས་གཉིས་འགགས་པ། །ཐུགས་ཀྱི་དེ་ཉིད་སྒྲུབ་པར་བརྗོད། །གཞུ་ཡི་གཟུགས་ཅན་རབ་སྦྱོར་བས། །དུང་དང་ཀུན་ད་ལྟར་ཐིག་ལེ། །སྡོམ་བརྩོན་བདེ་བས་གཟུང་བར་བྱ། །རང་གིས་རིག་པའི་ཡེ་ཤེས་མཆོག །སྒྲུབ་པ་ཆེན་པོའི་དེ་ཉིད་དེ། །རྣམ་ཤེས་ཡེ་ཤེས་དག་པར་བྱེད། །འདི་ཡིས་རྡོ་རྗེའི་བདག་ཉིད་ཆེ། །སྐུ་གསུམ་མི་ཕྱེད་ལས་བྱུང་བ། །ཡེ་ཤེས་རྒྱ་མཚོ་འགྲུབ་པར་འགྱུར། །ཡེ་ཤེས་ཆེན་པོར་རབ་སྦྱོར་བས། །ཤིན་ཏུ་རྣལ་འབྱོར་མཁས་པས་བསྟོད། །ཅེས་པའི་བར་དུ་རྒྱ་ཆེར་གསུངས་ཏེ། ལྷ་སྐུ་སྣང་སྟོང་ཟབ་གསལ་གཉིས་སུ་མེད་པ་དེ་ཡང་བདེ་བ་ཆེན་པོའི་ངོ་བོར་འཆར་བ་ཞིག་ངེས་པར་དགོས་པའི་ཕྱིར། ཕྱག་རྒྱའི་རྣལ་འབྱོར་གྱི་སྒྲུབ་པ་ནི། སྔ་མ་གཉིས་ཀྱི་སྟེང་དུ་བདེ་བ་ཆེན་པོ་བསྣན་ཏེ་རྣལ་འབྱོར་དུ་བྱེད་པའམ། རྫོགས་པའི་རིམ་པའི་ཡེ་ཤེས་མཆོག་ལ་ཤིན་ཏུ་ཉེ་བའི་ཕྱིར། ཤིན་ཏུ་རྣལ་འབྱོར་ཞེས་བྱའོ། །བཞི་པ་རྣལ་འབྱོར་ཆེན་པོའི་སྒོམ་པའི་རིམ་པ་ནི། རྫོགས་པའི་རིམ་པ་གཙོ་བོར་གྱུར་པ་སྟེ། རྣལ་འབྱོར་ཕྱི་མ་གསུམ་པོ་འདིའི་རྣམ་པར་བཞག་པ་སོགས་གོ་དོན་ནི། སྒྲོལ་མ་འབྱུང་བའི་རྒྱུད་ཉིད་ལས་ཤེས་པར་བྱའོ། །དེ་ལྟར་རྣལ་འབྱོར་བཞིའི་རིམ་པ་ལ་བརྟེན་ཏེ། དུས་གསུམ་གྱི་བདེ་བར་གཤེགས་པ་ཐམས་ཅད་ཀྱི་བཙུན་མོའི་མཆོག་བཅོམ་ལྡན་འདས་མ་སྒྲོལ་


TNT12_Page_0417
[མ་དཔེ་གཟིགས་ན་འདིར་གནོན།]

མ་རྣལ་འབྱོར་མའི་གོ་འཕང་ཐོབ་པར་འགྱུར་རོ། །དེ་ལྟར་སྒྲུབ་ཐབས་བྲིས་པ་ལས། །བསོད་ནམས་རྒྱ་ཆེན་གང་ཐོབ་པ། །དེ་ཡིས་སློབ་དཔོན་མཆོག་དགྱེས་ཤིང༌། །འགྲོ་ཀུན་འཇིགས་ལས་སྒྲོལ་བར་ཤོག །སྔོན་ཆད་ཁ་བ་ཅན་ན་འདི་མེད་དེ། །འཕགས་ཡུལ་བླ་མའི་གསུང་བཞིན་བཀོད་པ་ནི། །བོད་ཡུལ་འགྲོ་ལ་ཆོས་སྦྱིན་དྲི་མེད་དེ། །ཐར་པ་འདོད་རྣམས་རྒྱ་ཆེར་དགའ་བར་མཛོད།། །།ཅེས་སྒྲོལ་མ་རྣལ་འབྱོར་མའི་སྒྲུབ་པའི་ཐབས་ཡེ་ཤེས་འབར་བ་ཞེས་བྱ་བ། མི་ཕྲོགས་པའི་མཁྱེན་བརྩེ་ནུས་གསུམ་གྱི་མངའ་བདག་དམ་པའི་དབང་ཕྱུག་དཔལ་སྟག་ལུང་ཐང་པ། དོན་གྱི་སླད་དུ་མཚན་ནས་སྨོས་ཏེ། རྗེ་བཙུན་དམ་པ་ཀུན་དགའ་བཀྲ་ཤིས་ཀྱི་ཞལ་སྔ་ནས་བཀའ་སྩལ་བ་སྤྱི་བོར་ནོད་དེ། རྒྱལ་ཁམས་པ་ཏཱ་ར་ནཱ་ཐས་ཀུན་ལྡན་གྱི་ལོ་ཆུ་སྟོད་ཀྱི་ཟླ་བའི་ཚེས་ཉི་ཤུ་ལ་རྣམ་རྒྱལ་རབ་བརྟན་ཏུ་སྦྱར་བའོ། །སླར་ཡང་ངག་འདོན་བདེ་བར་བཅོས་ཤིང་ཆོ་གའི་ཡན་ལག་ཅུང་ཟད་ཁ་སྐོང་ཀྱང་བྱས་པའོ། །མངྒ་ལཾ། །བི་སྟ་རེ། །ཞུས་དག །གྱུལ་ལོ་བཀོད་པའི་ཞིང་། འཕགས་མ་བཞུགས་པའི་གནས། ང་ཚོ་ཕྱི་མའི་དུས། དེ་རུ་སྐྱེ་སྨོན་འདེབས།

བཅོམ་ལྡན་འདས་མ་སྒྲོལ་མ་རྣལ་འབྱོར་མའི་བདག་འཇུག་གཞན་ལ་ཕན་པ།


TNT12_Page_0418
[མ་དཔེ་གཟིགས་ན་འདིར་གནོན།]

བཅོམ་ལྡན་འདས་མ་སྒྲོལ་མ་རྣལ་འབྱོར་མའི་བདག་འཇུག་གཞན་ལ་ཕན་པ་ཞེས་བྱ་བ་བཞུགས།


TNT12_Page_0419
[མ་དཔེ་གཟིགས་ན་འདིར་གནོན།]

ཨོཾ་སྭཱ་སྟི། བཅོམ་ལྡན་འདས་མ་སྒྲོལ་མ་རྣལ་འབྱོར་མའི་བདག་འཇུག་གཞན་ལ་ཕན་པ་ཞེས་བྱ་བ། བླ་མ་སངས་རྒྱས་ལ་ཕྱག་འཚལ་ལོ། །ཐོག་མར་གཏོར་མ་གཏོར་སྣོད་ནང་དུ་མེ་ཏོག་བདུག་སྤོས་སོགས་མཆོད་པ་བཏབ་པ་གཅིག་བཤམ། ཨོཾ་བཛྲ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུཾ་ཕཊ། ཀྱིས་བསངས། སྭ་བྷཱ་ཝས་སྦྱངས། ཕཻཾ་བཛྲ་ཨ་རལླི་ཧོཿ ནས། ཡིད་ལ་འདོད་པ་ཀུན་འགྲུབ་ཤོག་གི་བར། མཁའ་འགྲོ་སྤྱི་གཏོར་སྤྱི་དང་འདྲ། །གང་ཡང་འདིར་གནས་ལྷ་དང་ཀླུ། །གནོད་སྦྱིན་སྲིན་པོའམ་གཞན་དག་ལ། །ས་འདི་བདག་གིས་བསླང་བར་བགྱི། །དཀྱིལ་འཁོར་དོན་དུ་ཁྱོད་ཀྱིས་སྩོལ། །གང་ཡང་སའི་ཕྱོགས་འདིར་གཏོགས་པའི་ལྷ་ཀླུ་གནོད་སྦྱིན་ལ་སོགས་པ་སའི་བདག་པོ་རྣམས་དང༌། སྲིད་པ་གསུམ་གྱི་འབྱུང་པོའི་ཚོགས་རྣམས་ཀྱིས་ས་གཞི་འདི་དཀྱིལ་འཁོར་གྱི་བྱ་བའི་དོན་དུ་བདག་ལ་སྩལ་དུ་གསོལ། དེ་ལས་སེམས་ཅན་ཐམས་ཅད་ལ་ཕན་པ་དང་བདེ་བ་བླ་


TNT12_Page_0420
[མ་དཔེ་གཟིགས་ན་འདིར་གནོན།]

ན་མེད་པར་འགྱུར་བ་ལགས། ཁྱེད་ཅག་སྐལ་བ་མཆོག་ལྡན་ཏེ། །བསོད་ནམས་ཕུང་པོ་གཟི་བརྗིད་ཆེ། །རྫུ་འཕྲུལ་ཆེན་པོ་བཟོད་པར་དཀའ། ཁྱོད་ནི་བདེན་པའི་རྒྱུ་ལས་བྱུང༌། ཁྱོད་ཀྱི་ངག་ཚིག་བདེན་པ་ཡིན། །དེ་ཕྱིར་རྒྱུ་ལ་ལེགས་བསམས་ནས། །བླ་མེད་འབྲས་བུ་ཐོབ་བྱའི་ཕྱིར། །བདག་གི་བདེན་པའི་ཚིག་གསོན་ཅིག།དཀྱིལ་འཁོར་གྱི་བྱ་བ་མཐར་མ་ཕྱིན་གྱི་བར་དུ་ས་གཞི་འདི་བདག་ལ་སྩོལ་ཅིག །ཨ་པ་ར་སྠཱ་ནཾ་གཙྪ་གཙྪ། ཞེས་གཏོར་མ་ཕྱི་རོལ་དུ་དོར་རོ། །དེ་ནས་ས་ལྷའི་མཆོད་གཏོར་བཤམ། ཨ་མྲྀ་ཏས་བསངས། སྭ་བྷཱ་བས་སྦྱངས། སྟོང་པའི་ངང་ལས་ཨོཾ་ལས་བྱུང་བའི་སྣོད་བཟང་པོ་རྣམས་སུ། ཧཱུཾ་ལས་བྱུང་བའི་མཆོད་པ་སྣ་ཚོགས་པ་བཟང་ཞིང་རྒྱ་ཆེ་ལ་ནམ་མཁའི་མཐས་ཀླས་པར་གྱུར། ཨོཾ་བཛྲ་ཨརྒྷཾ་སྭཱཧཱ། ཨོཾ་བཛྲ་པུཥྤེ་ཨཱཿཧཱུཾ་ནས། ནཻ་བི་ཏྱེའི་བར། ཨོཾ་ཨཱཿརཱུ་པ་བཛྲ་ཧཱུཾ། ཤཔྟ། གནྡྷ། ར་ས། སྤར་ཤ །དྷརྨ་དྷཱ་ཏུའི་བར་རོ། །ཡང་བསངས་


TNT12_Page_0421
[མ་དཔེ་གཟིགས་ན་འདིར་གནོན།]

སྦྱངས། ཨོཾ་ལས་བྱུང་བའི་གཏོར་སྣོད་ཡངས་ཤིང་རྒྱ་ཆེ་བའི་ནང་དུ། ཨོཾ་ཨཱཿཧཱུཾ། ཞུ་བ་ལས་བྱུང་བའི་གཏོར་མ་འདོད་དགུའི་རྒྱ་མཚོ་ཆེན་པོར་གྱུར། ཨོཾ་ཨཱུཿཧཱུཾ་ཧ་ཧོ་ཧྲཱིཿ གཡས་ཀྱི་སོར་མོ་གསུམ་ལ་གཏུག །ས་འོག་ནས་སའི་ལྷ་མོ་འཁོར་དང་བཅས་པ་སྤྱན་དྲངས་པར་གྱུར། ཧཱུཾ་ཧཱུཾ་ཧཱུཾ། ཨོཾ་པྲི་ཐི་བཱི་དེ་བཱི་ཨཱ་ཀརྵ་ཡ་ཛཿ སའི་ལྷ་མོ་འཁོར་དང་བཅས་པ་བྱུང༌། ཚོམ་བུའི་སྟེང་དུ་འཁོད་པར་གྱུར་པ་ནི། ལྟེ་བ་ཡན་ཆད་སའི་དཀྱིལ་འཁོར་ལས་ཕྱུང་བ། ཕྱག་གཡོན་གསེར་གྱི་བུམ་པ་འཛིན་ཞིང༌། གཡས་དབང་པོར་ཁས་ལེན་པའི་ཕྱག་རྒྱ་ཅན་མཛེས་སྡུག་རྒྱན་ཐམས་ཅད་ཀྱིས་བརྒྱན་པའོ། །ཨོཾ་ཚུར་བྱོན་ཚུར་བྱོན་ས་ཡི་ནི། །ལྷ་མོ་ཆེན་མོ་འཇིག་རྟེན་ཡུམ། །རིན་ཆེན་ཀུན་གྱིས་རབ་གང་མ། །བཟང་པོའི་རྒྱན་གྱིས་རྣམ་བརྒྱན་མ། །དོ་ཤལ་རྐང་གདུབ་སྒྲ་ལྡན་མ། །རྡོ་རྗེ་སེམས་དཔའ་རབ་མཆོད་མ། །མཆོད་ཡོན་འདི་དག་མཆོད་ནས་སུ། །དཀྱིལ་འཁོར་ལས་ནི་ལེགས་གྲུབ་མཛོད། །ཨོཾ་པྲི་ཐི་བཱི་དེ་བི་ཨརྒྷཾ་པྲ་ཏཱིཙྪ་སྭཱཧཱ། དེ་བཞིན་དུ། མཆོད་ཡོན་གྱི་གནས་སུ་མེ་ཏོག་སོགས་དང༌། ཨརྒྷཾ་གྱི་གནས་སུ། པུཥྤེ་ནས། ཤཔྟ་ཨཱཿཧཱུཾ་གི་བར་བརྗོད། སྐྱོབ་པ་སངས་རྒྱས་ཐམས་ཅད་ཀྱི། །སྤྱོད་པའི་ཚུལ་དང་ཁྱད་པར་གྱི། །ས་དང་ཕ་རོལ་ཕྱིན་པ་ལ། །ལྷ་མོ་ཁྱོད་ནི་དཔང་དུ་གསོལ། །ཤཱཀྱ་སེང་གེ་སྐྱོབ་པ་ཡིས། །ཇི་ལྟར་བདུད་ཀྱི་སྡེ་བཅོམ་པ། །དེ་བཞིན་བདག་གིས་བདུད་ཀྱི་སྟོབས། །བཅོམ་ནས་དཀྱིལ་འཁོར་བྲི་བར་བྱ། །ལན་གསུམ། ཨོཾ་


TNT12_Page_0422
[མ་དཔེ་གཟིགས་ན་འདིར་གནོན།]

པྲི་ཐི་བཱི་དེ་བཱི་ས་པ་རི་བ་རེ་བྷྱཿ ཨི་དཾ་བ་ལིཾ་གྲྀཧྞ་གྲྀཧྞ། སརྦ་དུཥྟན་ས་མ་ཡ་མུ་དྲ། པྲ་བྷ་ཉྫ་ཀ །མ་མ་ཤཱིནྟཾ་རཀྵ་ཙ་ཀུ་རུ་ཀུ་རུ་ཧཱུཾ་ཧཱུཾ་ཕཊ་ཕཊ་སྭཱཧཱ། ལན་བདུན་གྱིས་གཏོར་མ་ཕུལ། སའི་ལྷ་མོ་སླར་ཡང་ས་དེ་ཉིད་ལ་ཐིམ། དེ་ནས་སློབ་དཔོན་དཀྱིལ་འཁོར་གྱིས་ས་གཞི་ལ་འདུག་ནས། ཨོཾ་ཧྲཱི་སྭཱཧཱ། ཞེས་པ་ནས་བཟུང༌། མཎྜལ་མཆོད་ཆོག་སྔོན་དུ་འགྲོ་བའི། སྟྭཾ་བྷ་ནི་ཏཱ་རེ་སྭཱཧཱ། ཞེས་པའི་བར་སྒྲུབ་ཐབས་ནས་འབྱུང་བ་ལྟར་དཀྱིལ་འཁོར་བསྒོམ། བཟླས་པ་བྱ། དེ་ནས་མཆོད་པ་བཤམས། སྤྱི་དང་མཐུན་པར་བྱིན་གྱིས་རླབས། བདག་ཉིད་བཅོམ་ལྡན་འདས་མ་དམ་ཚིག་སྒྲོལ་མ་སྙིང་གའི་ཡེ་ཤེས་སེམས་དཔའ་ལ་ཐིམ། བདག་ཉིད་དཔལ་དོན་ཡོད་གྲུབ་པ་རྡོ་རྗེའི་རྟའི་རྒྱལ་པོ་རབ་ཏུ་ཁྲོས་པ་སྐུ་མདོག་སྔོ་སངས། སྔོ་དཀར་དམར་ལྗང་བའི་ཞལ་སྤྱན་གསུམ་པ། སྟེང་ཞལ་རྟ་གདོང་སྔོན་པོའོ། །ཕྱག་གཡས་པས་སྣ་ཚོགས་རྡོ་རྗེས་མཚན་པའི་རལ་གྲི་དང༌། གཡོན་པས་སྣ་ཚོགས་རྡོ་རྗེས་མཚན་པའི་དྲིལ་བུ་འཛིན་པ། གཡས་ལྷག་མ་རྣམས་ཀྱིས་འབར་བའི་རྡོ་རྗེ་མདའ་དང་གཏུན་ཤིང་འཛིན་པ། གཡོན་ལྷག་མ་རྣམས་ཀྱིས་ཐོད་པ་གཞུ་དགྲ་སྟ་བསྣམས་པ། སྟག་ལྤགས་དང་དར་དང་རིན་པོ་ཆེ་དང་རུས་པ་དང་སྦྲུལ་གྱིས་བརྒྱན་པ། ཞབས་གཉིས་གཡོན་བརྐྱང་བའི་རོལ་པའི་སྟབས་ཀྱིས། པདྨ་དང་ཉི་མའི་སྟེང་དུ་ལྷ་དང་ལྷ་མིན་ཐམས་ཅད་གནོན་པའི་ཚུལ་གྱིས་བཞུགས་པ་མེ་དཔུང་འབར་བའི་དབུས་ན་རོལ་པ། དེ་བཞིན་གཤེགས་པ་ཐམས་ཅད་ཀྱི་ཡུམ་རྡོ་རྗེ་སྒྲོལ་མས་ཡང་དག་


TNT12_Page_0423
[མ་དཔེ་གཟིགས་ན་འདིར་གནོན།]

པར་འཁྱུད་པའི་སྐུར་གྱུར། ཨོཾ་བཛྲ་ཨརྒྷཾ་ནས་ཤཔྟའི་བར་གྱིས་མཆོད། མི་བསྐྱོད་རྡོ་རྗེ་ཡེ་ཤེས་ཆེ། །སོགས་དེ་ཉིད་ལྔ་པས་བསྟོད། དེ་བཞིན་གཤེགས་པ་ཀུན་ཞི་བ། །དེ་བཞིན་གཤེགས་པ་ཀུན་གྱི་གནས། །ཆོས་ཀུན་བདག་མེད་པ་ཡི་མཆོག། དཀྱིལ་འཁོར་དམ་པ་བཤད་དུ་གསོལ། །མཚན་རྣམས་ཐམས་ཅད་ཡང་དག་རྫོགས། །མཚན་མིན་ཐམས་ཅད་ཡང་དག་སྤངས། །ཀུན་ཏུ་བཟང་པོ་སྐུ་ཡི་མཆོག།དཀྱིལ་འཁོར་དམ་པ་བཤད་དུ་གསོལ། །ཞི་བའི་ཆོས་ནི་མཆོག་ལས་བྱུང༌། །ཡེ་ཤེས་སྤྱོད་པ་རྣམས་སྦྱོང་བ། །ཀུན་ཏུ་བཟང་པོ་གསུང་གི་མཆོག། དཀྱིལ་འཁོར་དམ་པ་བཤད་དུ་གསོལ། །སེམས་ཅན་ཀུན་གྱི་སེམས་ཆེན་པོ། །རང་བཞིན་དག་ཅིང་དྲི་མ་མེད། །ཀུན་བཟང་ཐུགས་མཆོག་ཁ་ལོ་བསྒྱུར། །དཀྱིལ་འཁོར་དམ་པ་བཤད་དུ་གསོལ། །ཞེས་གསོལ་བ་བཏབ། འགྲོ་བ་ཐམས་ཅད་སྡུག་བསྔལ་གྱིས་གཟིར་བ་ལས་ཡོངས་སུ་བསྒྲལ་བའི་ཕྱིར། བདག་གིས་རྡོ་རྗེའི་དཀྱིལ་འཁོར་ཆེན་པོ་སྤྲུལ་བར་བྱའོ། །ཨོཾ་བཛྲ་ཨུ་ཏིཥྛ་ཀྲོ་དྷ་དྲྀཥྟི་ཨཱཿ ཀྲོ་དྷ་དྲྀཥྟི་ཧཱུཾ། རྐང་མཐིལ་གཉིས་སུ་སྣ་ཚོགས་རྡོ་རྗེ་ཧཱུཾ་གིས་མཚན་པ། པད་སྐོར་དང་རྡོར་དྲིལ་འཛིན་བཞིན་པས། རྡོ་རྗེ་རྩེ་ལྔའི་ཕྱག་རྒྱ་གནས་གསུམ་དུ་གཏུགས། ཨོཾ་བཛྲ་སཏྭ་ཨ་དྷི་ཏིཥྛ་སྭ་མཾ། ཧཱུཾ་ཞེས་གཡས་སྐོར་དུ་བསྐོར་ནས། ལུས་ངག་སེམས་ལ་གནས་པ་ཡི། །བགེགས་ཀྱི་ཚོགས་ཀུན་ང་ལ་ཉོན། །ང་ནི་དཔལ་


TNT12_Page_0424
[མ་དཔེ་གཟིགས་ན་འདིར་གནོན།]

ལྡན་སྙིང་རྗེའི་སྟོབས། །བཀའ་ཡི་འཁོར་ལོ་རབ་སྦྱོར་བ། །རྡོ་རྗེ་རབ་ཏུ་འབར་བ་འདིས། །ལུས་གསུམ་ལས་སྐྱེས་དགས་པར་བྱ། །གལ་ཏེ་ཁ་ཅིག་བདག་ལས་འདའ། །འདིར་ནི་འཇིག་འགྱུར་གཞན་དུ་མིན། །ན་མཿས་མནྟ་བུདྡྷེ་བྷྱོ། སོགས། བདུད་རྩི་འཁྱིལ་བའི་སྔགས་བཟླས། ས་གཞི་ལ་ཡུངས་ཀར་གཏོར་རོ། །ཨོཾ་བྷུ་ཁཾ་ནམ་མཁའི་རང་བཞིན་དུ་གྱུར། ཨོཾ་སུམྦྷ་ནི་སུམྦྷ་ཧཱུཾ། གྷྲྀ་ཧྣ་གྷྲྀཧྞ་ཧཱུཾ། གྷྲྀཧྞ་པཱ་ཡ་གྷྲྀཧྞ་པཱ་ཡ་ཧཱུཾ། ཨཱ་ན་ཧོ་བྷ་ག་བཱན་བིདྱ་རཱ་ཛ་ཧཱུཾ་ཕཊ། ཕུར་བུ་གཅིག་འདུས་བྱས་ལ། སྤྲུལ་པའི་ཁྲོ་བོ་ཁྲོ་མོ་མཐའ་ཡས་པ་སྤྲོས་ཏེ། ཞེས་པ་ནས། གདུག་པའི་སེམས་ཅན་རྣམས་ཐར་ས་མེད་པར་བཅིངས་པར་གྱུར། ཞེས་པའི་བར་སྒྲུབ་ཐབས་ལྟར་བྱ། ཁྲོ་བོ་བདུད་རྩི་འཁྱིལ་པ་གཉིས་པ་ཞིག་སྤྲོས་ཏེ། ཕུར་བུ་སྲུང་བའི་དོན་དུ་བཞུགས་པར་གྱུར། ཨོཾ་བཛྲ་པུཥྤེ་ཨཱཿཧཱུཾ། སོགས་ཉེར་སྤྱོད་ལྔ་ཕུལ། དཀྱིལ་འཁོར་ཆེན་པོའི་བྱ་བ་མཐར་མ་ཕྱིན་གྱི་བར་དུ་ཕུར་བུ་སྲུང་བ་དང༌། བགེགས་ཐམས་ཅད་བཟློག་པའི་འཕྲིན་ལས་མཛོད་ཅིག།བདག་ཉིད་བདུད་རྩི་འཁྱིལ་པར་གྱུར་པའི་རྐང་པ་ཧཱུཾ་ལས་བྱུང་བའི་རྡོ་རྗེ་རྩེ་གཅིག་པར་གྱུར། ཧཱུཾ་ཞེས་བཟླ་ཞིང་སྐོར་བ་ལན་གསུམ་བྱེད། གསེར་གྱི་ས་གཞི་ལ་ཐུག་གི་བར་བགེགས་རྣམས་ཐལ་བར་བརླག་པར་བྱས། ཡང་ཧཱུཾ་ལས་བྱུང་བའི་རྡོ་རྗེའི་ས་གཞི་རྭ་བ་དྲ་བ། གུར་བླ་རེ། ཡེ་ཤེས་ཀྱིས་མེ་དཔུང་འབར་བའི་སྲུང་བའི་འཁོར་ལོར་གྱུར།


TNT12_Page_0425
[མ་དཔེ་གཟིགས་ན་འདིར་གནོན།]

ཨོཾ་བཛྲ་རཀྵ་རཀྵ་ཧཱུཾ་ཧཱུཾ་ཧཱུཾ་ཕཊ་སྭཱཧཱ། ཞེས་སྲུང་བ་བྱའོ། །ནམ་མཁར་བཞུགས་པའི་དཀྱིལ་འཁོར་གྱི་ལྷ་ཚོགས་རྣམས་ལ་དམིགས་ནས། ཨརྒྷཾ་ལ་སོགས་པས་མཆོད། མཚན་ངེས་པས་བསྟོད། བདུད་རྩི་འཁྱིལ་བའི་སྔགས་ཀྱིས་བསྲུང་བ་བྱས་ཏེ་བཞག་གོ །དེ་ལྟར་ན་ཞག་དང་པོ་སའི་ཆོ་གའོ། །ནངས་པར་སྔ་བར་བོད་ལུགས་བཞིན་དུ་སྔོན་འགྲོ་གཏོར་མ་མཁའ་འགྲོ་སྤྱི་གཏོར་དང༌། གནས་ཡོ་བྱིན་རླབས་བྱས་ནའང་ཉེས་སྐྱོན་མི་བསྐྱེད་ཅིང༌། ཆོ་ག་མཛེས་པའི་ཡན་ལག་ཙམ་དུ་འགྱུར་རོ། །དེ་བཞིན་དུ་སྐྱབས་སེམས་དང་ཡིག་བརྒྱ་ཡང་ངོ༌། །དེ་རྗེས་སྤྱི་འགྲོའི་མཎྜལ་གྱི་ཆོ་ག་ནས་བརྩམས་ཏེ། དེ་ཡང་སྟོང་པ་ཉིད་དུ་ཐིམ་པར་གྱུར། ཨཱཿསྟོང་པའི་ངང་ལས་རང་ཉིད་བཅོམ་ལྡན་འདས་མ་སྒྲོལ་མ་རྣལ་འབྱོར་མའི་སྐུར་གྱུར། མདུན་གྱི་ས་གཞིར། ལྷ་རྣམ་གྱི་གནས་སུ་ཚོམ་བུ་དང་མཆོད་གཏོར་བྱ། དབང་ལྡན་གྱི་ཕྱོགས་སུ་སའི་ལྷ་མོའི་ཚོམ་བུ་དང་མཆོད་གཏོར་ཡང་བཤམས་ནས། ས་འོག་ནས་སའི་ལྷ་མོ། །ཞེས་པ་ནས། ལན་བདུན་གྱི་གཏོར་མ་འབུལ་བའི་བར་གོང་བཞིན། དེས་གསུངས་པ། ཀྱེ་རིག་པ་འཛིན་པ་དེང་ཁྱོད་ཀྱི། །སྔགས་ཀྱི་ཆོ་ག་རབ་ཏུ་གྲུབ། ཁྱོད་ཀྱིས་དཀྱིལ་འཁོར་བྲི་བ་དང༌། །མཚུངས་པ་མེད་པར་འགྲོ་དོན་གྱིས། །སའི་ལྷ་མོ་སླར་ཡང་ས་དེ་ཉིད་ལ་ཐིམ། དཀྱིལ་འཁོར་གྱི་ས་གཞི་བསངས་སྦྱངས། ཨོཾ་ཏཱ་རེ་ཏུཏྟཱ་རེ་ཏུ་རེ་ཧཱུཾ་ཕཊ། ཨོཾ་ཨཱཿཧཱུཾ། ཨོཾ་ཏཱ་རེ་ཤཱིནྟཾ་ཀུ་རུ་སྭཱཧཱ། ཨོཾ་ཨཱཿཧཱུཾ། དེ་བཞིན་དུ་ཐམས་ཅད་ཀྱི་མཐར་འབྲུ་གསུམ་སྦྱར་ཏེ། ཨོཾ་ཏཱ་རེ་པུཥྟིཾ་ཀུ་རུ་ཨོཾ། ཨོཾ་ཏཱ་རེ་བ་ཤ་མ་ན་ཧོ། ཨོཾ་ཏཱ་རེ་ནི་བ་ར་ཎ་ཕཊ། ཨོཾ་ཏ་ཐཱ་ག་ཏ་ཏཱ་རེ་ཡཾ་ཧཱུཾ།


TNT12_Page_0426
[མ་དཔེ་གཟིགས་ན་འདིར་གནོན།]

ཨོཾ་རཏྣ་ཏཱ་རེ་མཾ་ཧཱུཾ། ཨོཾ་པདྨ་ཏཱ་རེ་པཾ་ཧཱུཾ། ཨོཾ་བཛྲ་ཏཱ་རེ་ཧཱུཾ་ཧཱུཾ། ཨོཾ་ཨཾ་ཀུ་ཤ་ཏ་རེ་ཛཿཧཱུཾ། ཨོཾ་པཱ་ཤ་ཏཱ་རེ་ཧཱུཾ་ཧཱུཾ། ཨོཾ་ཤྲིངྑ་ལ་ཏཱ་རེ་བཾ་ཧཱུཾ། ཨོཾ་གྷཎྜ་ཏཱ་རེ་ཧོཿཧཱུཾ། ཨོཾ་མོ་ཧ་ནི་ཏཱ་རེ་མཾ་ཧཱུཾ། ཨོཾ་པྲ་ཤ་མ་ཏཱ་རེ་སྭཱཧཱ་ཧཱུཾ། ཨོཾ་སྟཾ་བྷ་ནི་ཏཱ་རེ་ལ་ཧཱུཾ། ཨོཾ་ཛམ་བྷ་ནི་ཏཱ་རེ་ཁཾ་ཧཱུཾ། ཨོཾ་ཨཱ་ཀརྵ་ནི་ཏཱ་རེ་ཧྲཱིཿཧཱུཾ། ཨོཾ་ཀཱི་ལ་ཀཱ་ཏཱ་རེ་ཛཿཧཱུཾ། ཨོཾ་ཨུ་ཙཊྚ་ཀཱ་ཏཱ་རེ་ཕཊ་ཧཱུཾ། ཨོཾ་དྭེ་ཥ་ཏཱ་རེ་ཕཊ་ཧཱུཾ། ཨོཾ་ཡ་མཱནྟ་ཀ་ཧཱུཾ་ཕཊ། ཨོཾ་ཀ་ནི་དྷུ་ནི་ཧཱུཾ་ཕཊ། ཨོཾ་ཧ་ཡ་གྲྀ་བ་ཧཾ་ཧཱུཾ་ཕཊ། ཨོཾ་ཨ་མྲྀ་ཏ་ཀུཎྜ་ལི་ཧཱུཾ་ཕཊ། ཅེས་པ་མིང་སྔགས་སུ་གྲགས་པ་རྣམས་ལན་གསུམ་གསུམ་བརྗོད། སྟོང་པའི་ངང་ལས་སྲུང་བའི་འཁོར་ལོའི་ནང་དུ་དངོས་གྲུབ་འབྱུང་བའི་ནས། སྒོ་བཞིར་ཉི་མ་ཞེས་པའི་བར་བརྗོད། རང་གི་སྙིང་ག་ནས་འོད་ཟེར་འཕྲོས། ཡེ་ཤེས་སེམས་དཔའ་བཅོམ་ལྡན་འདས་མ་སྒྲོལ་མ་རྣལ་འབྱོར་མ་ཆེན་མོ་དཀྱིལ་འཁོར་གྱི་འཁོར་ལོའི་ཚོགས་དང་བཅས་པ། སངས་རྒྱས་དང་བྱང་ཆུབ་སེམས་དཔའ་དཔའ་བོ་དང་རྣལ་འབྱོར་མའི་སྡེ་རྣམས་ཀྱིས་ཡོངས་སུ་བསྐོར་བ་ཕཻཾ། བདུད་རྩི་འཁྱིལ་བའི་སྔགས་ཀྱིས་བསངས་གཏོར་བྱ། ཐམས་ཅད་གཅིག་ཏུ་འདུས་པ་དཀྱིལ་འཁོར་དུ་གྱུར། ཡི་གེ་བཅུ་པའི་མཐར། ཨརྒྷཾ་པྲ་ཏཱི་ཙྪ་ན་མཿ ཨོཾ་ཏཱ་རེ་ཏུཏྟཱ་རེ་ཏུ་རེ་ཧཱུཾ་ཕཊ། ཨོཾ་ཏིཥྛ་ཨཱ་ས་ན་ཧཱུཾ། དེ་ནས་མིང་སྔགས་སྔགས་རེ་རེའི་མཐར། ཨོཾ་ཏིཥྛ་སོགས་སྦྱར། ཨོཾ་ཨ་མྲྀ་ཏ་ཀུཎྜ་ལེ་ཧཱུཾ་ཕཊ། ཨོཾ་ཏིཥྛ་ཨཱ་ས་ན་ཧཱུཾ།


TNT12_Page_0427
[མ་དཔེ་གཟིགས་ན་འདིར་གནོན།]

སོ་སོའི་གདན་ལ་བཞུགས་པར་གྱུར། ནམ་མཁར་བཞུགས་པའི་དཀྱིལ་འཁོར་གྱི་འཁོར་ལོ་ཡང་ཕཻཾ། ཛཿཧཱུཾ་བཾ་ཧོཿ གཉིས་སུ་མེད་པར་ཐིམ། དབུས་ཀྱི་གདན་གྱི་སྟེང་དུ་བཅོམ་ལྡན་འདས་མ་དམ་ཚིག་སྒྲོལ་མ་རྣལ་འབྱོར་མ་ཞེས་པ་ནས། འབར་བའི་འཕྲེང་བ་འཁྲུགས་པའོ། །ཤར་དུ་ཞི་བའི་སྒྲོལ་མ་དཀར་མོ་ནས། ཞི་བའི་ཉམས་ཅན་ནོ། །བྱང་དུ་རྒྱས་པའི་ནས། དགྱེས་པའི་ཉམས་ཅན་ནོ། །ནུབ་ཏུ་དབང་གི་ནས། ཆགས་པའི་ཉམས་ཅན་ནོ། །ལྷོར་དྲག་པོའི་ནས། ཁྲོས་པའི་ཉམས་ཅན་ནོ། །ཤར་ལྷོར་དེ་བཞིན༴ །ལྷོ་ནུབ་ཏུ་རིན་ཆེན༴ ནུབ་བྱང་དུ་ཆོས༴ བྱང་ཤར་དུ་ལས་ཀྱི༴ །ཐམས་ཅད་ཀྱང་ནས། མཚུངས་པའོ། །ཤར་སྒོར་ལྕགས་ཀྱུ༴ ལྷོ་སྒོར་ཞགས་པ༴ ནུབ་སྒོར་ལྕགས་སྒྲོག༴ བྱང་སྒོར་དྲིལ་བུ༴ ཐམས་ཅད་ཀྱང་ཁྲོ་མོའི་ནས། བརྐྱང་པས་གནས་པའོ། །ཤར་གྱི་གཡས་ལས་རྨོངས་བྱེད་མ། ཞེས་པ་ནས། གཉིས་ཀའང་དུད་ཁ་ཤིན་ཏུ་ཁྲོས། ཤར་ལྷོར་གཤིན་རྗེ་གཤེད་པོ་ནག་ནས། ཡང་སྤྲུལ་ཕོ་ཉའི་ཚོགས་ཀྱང་འགྱེད། །ལྷ་དེ་ཐམས་ཅད་ཀྱི་ཞེས་པ་ནས། ཏཱཾ་ལྗང་སྔོན་འོད་ཟེར་འཕྲོ་བའི་བར་རོ། །འོག་དངོས་གཞིའི་སྐབས་སུ་འཆད་པར་འགྱུར་བ་ལྟར། མཆོད་བསྟོད་གཏོར་མ་འབུལ་བ་སོགས་བྱས་ལ། སྙན་གསན་དབབ་སྟེ། བདུག་སྤོས་ཐོགས་པས། དམ་ཚིག་སྒྲོལ་མ་བཅོམ་ལྡན་འདས། །རིགས་སྔགས་


TNT12_Page_0428
[མ་དཔེ་གཟིགས་ན་འདིར་གནོན།]

རྒྱལ་ལ་ཕྱག་འཚལ་ལོ། །སྙིང་རྗེའི་ཡིད་ཀྱིས་དཀྱིལ་འཁོར་བྲི། །དེ་ཕྱིར་བྱིན་རླབས་གནང་བར་མཛོད། །དགོངས་ཤིག་སངས་རྒྱས་སྡེ་དང་ཚོགས། །གང་ཡང་བསྟན་ལ་མངོན་དགའ་རྣམས། །སེམས་ཅན་འདི་ལ་བྱིན་རླབས་ཤིང༌། །དངོས་གྲུབ་དམ་པ་སྩལ་དུ་གསོལ། །ལན་གསུམ། སྐབས་འདི་ཉིད་དུ་ནམ་མཁར་འདེགས་པ་ཡིན་མོད་ཀྱང༌། ཅུང་ཟད་སྤྲོས་པ་ལ་དགའ་ན་བར་འདི། བོད་རྣམས་ལ་རྗེས་ཆོག་ཏུ་གྲགས་པ་ལྟར། མཆོད་པ་གསར་པ་བཤམས་པའམ་ཁ་གསོས། བྱིན་རླབས་སྤྱི་འགྲོ་ལྟར་བྱས། ཨོཾ་བྷ་ག་བཱན་ཨཱརྱ་ཏཱ་ར་ས་པ་རི་བ་རེ། ཨརྒྷཾ་པྲ་ཏིཙྪ་སྭཱཧཱ་ནས་ཤཔྟ་ཨཱཿཧཱུཾ་གི་བར་གྱིས་མཆོད། ཡི་གེ་བཅུ་པ་ལ་སོགས་པ་ལྷ་སོ་སོའི་མཚན་སྔགས་ཀྱི་མཐར། འབྲུ་གསུམ་བཏགས་པས་ནང་མཆོད་ཕུལ། མཚན་ངེས་པས་བསྟོད། ཡིག་བརྒྱ་ལན་གསུམ། མ་འབྱོར་པ་དང་སོགས། གཙོ་བོས་ནུས་པ་སོགས། གང་ཡང་བདག་བློ་སོགས། ཨོཾ་བཛྲ་བེ་གཱ་ཀྲ་མ་ཧོཿ དཀྱིལ་འཁོར་གྱི་ལྷ་ནམ་མཁར་བཏེགཨརྒྷཾ་ནས་ཤཔྟའི་བར་གྱིས་མཆོད། ལྷ་དང་ལྷ་མིན་ཅོད་པན་གྱི་སོགས་ཀྱིས་བསྟོད། བདུད་རྩི་འཁྱིལ་བའི་སྔགས་ཀྱི་མཐར། ཨོཾ་བཛྲ་རཀྵ་རཀྵ་ཧཱུཾ་ཧཱུཾ་ཕཊ། ཅེས་ལན་གསུམ་གྱིས་སྲུང་བ་བྱ། དེ་ནས་བུམ་པ་སྟ་གོན་ནི། སྐབས་འདི་ཉིད་དུ་བུམ་པའི་ཡོ་བྱད་རྣམས་ཚོགས་པར་བྱས་པ་ཙམ་བུམ་པའི་སྟ་གོན་ཡིན་ནོ། །སློབ་མ་སྟ་གོན་གྱི་བྱ་བ་ནི། མྱ་ངན་འདས་པའི་སེམས་བསྐྱེད་དང༌། ནང་དབང་དང༌། གསོལ་བཏབ་དང༌། སྤྲོ་བ་བསྐྱེད་པ་དང༌། སྡོམ་པ་སྦྱིན་པར་གསོལ་བ་དང༌།


TNT12_Page_0429
[མ་དཔེ་གཟིགས་ན་འདིར་གནོན།]

སྡོམ་པ་བསྒྲགས་པ་རྒྱས་པ་དང༌། བཟུང་བ་བསྡུས་པ་དང༌། སོ་ཤིང་དང༌། ཁྱོར་ཆུ་དང༌། སྲུང་སྐུད་དང༌། ཀུ་ཤ་སྦྱིན་པ་དང༌། སྲུང་བ་དང༌། མཐོང་བར་འགྱུར་བར་སྒྲོག་པ་རྣམས་ཡིན་ཏེ། དཀྱིལ་ཆོག་ཏུ་བཤད་ཟིན་ཏོ། །དེ་དག་ནི་ནུབ་གཉིས་སྟ་གོན་གྱི་ཆོ་གའོ། །ཐིག་ཚོན་བྱིན་རླབས་ཀྱང་སྤྱི་དང་འདྲ་མོད། ངག་འདོན་ཙམ་བརྗོད་ན། ཐིག་ཚོན་བཀོད། མཆོག་གཏོར་བཤམས། བསངས་སྦྱངས། སྟོང་པའི་ངང་ལས་ཤར་དུ་ཐིག་སྐུད་དང་རྡུལ་ཚོན་སྔོན་པོ་ཧཱུཾ་ལས་མི་བསྐྱོད་པ་སྐུ་མདོག་སྔོན་པོ་གཡས་རྡོ་རྗེ་དང༌། གཡོན་དེས་ཡུ་བ་བྱས་པའི་དྲིལ་བུ་འཛིན་པ། ཡུམ་རྡོ་རྗེ་དབྱིངས་ཀྱི་དབང་ཕྱུག་མ་སྔོན་མོ། རང་དང་འདྲ་བ་དང་མཉམ་པར་སྦྱོར་བ། ལྷོར་སེར་པོ་ཏྲཱཾ་ལས་རིན་ཆེན་འབྱུང་ལྡན་སྐུ་མདོག་སེར་པོ་གཡས་རིན་པོ་ཆེ་དང༌། གཡོན་དེས་ཡུ་བ་བྱས་པའི་དྲིལ་བུ་འཛིན་པ། ཡུམ་མཱ་མ་ཀི་སེར་མོ་རང་དང་མཚུངས་པ་དང༌། སོགས་ནུབ་ཏུ༴ དམར་པོ་ཧྲཱིཿལས་འོད་དཔག་མེད་སྐུ་མདོག་དམར་པོ། གཡས་པདྨ་དང༌། གཡོན་དེས་ཡུ་བ་བྱས་པའི་དྲིལ་བུ་འཛིན་པ། ཡུམ་གོས་དཀར་མོ་དམར་མོ་རང་དང་སོགས། བྱང་དུ༴ ཐིག་སྐུད་དང་རྡུལ་ཚོན་ཨོཾ་ལས་རྣམ་པར་སྣང་མཛད་དཀར་པོ། འཁོར་ལོ་དང༌། དེས་ཡུ་བ་བྱས་པའི་དྲིལ་བུ་འཛིན་པ། ཡུམ་སངས་རྒྱས་སྤྱན་མ་དཀར་མོ། རང་དང་མཚུངས་པ་དང་མཉམ་པར་སྦྱོར་བ། དེ་བཞིན་དུ་སྦྱར་ཏེ། དབུས་སུ་ལྗང་ཁུ་ཨ་ལས་དོན་ཡོད་གྲུབ་པ་སོགས། སྐུ་མདོག་ལྗང་ཁུ།


TNT12_Page_0430
[མ་དཔེ་གཟིགས་ན་འདིར་གནོན།]

གཡས་རལ་གྲི་དང་གཡོན་དེས་ཡུ་བ་བྱས་པའི་དྲིལ་བུ་འཛིན་པས་ཡུམ་སྒྲོལ་མ་ལྗང་ཁུ་སོགས། ཐམས་ཅད་ཀྱང་དར་དང་རིན་པོ་ཆེ་དང་རུས་པའི་རྒྱན་གྱིས་བརྒྱན་པ། ཡབ་རྣམས་ཐོར་ཚུགས་དང་ལྡན་ཞིང་རྡོ་རྗེའི་སྐྱིལ་ཀྲུང༌། ཡུམ་རྣམས་ཞལ་གཅིག་ཕྱག་གཉིས་དང༌། པདྨའི་སྐྱིལ་ཀྲུང༌། དཔྲལ་བར་ཨོཾ་དཀར་པོ་ནས། ཧཱུཾ་སྔོན་པོ། མིག་ཏུ་ཀྵིཾ་དཀར་པོ་ནས། ཀུན་ཏུ་བཟང་པོའི་ངོ་བོའོ། །རང་གི་ཐུགས་ཀ་ནས་འོད་ཟེར་འཕྲོས། ཡེ་ཤེས་སེམས་དཔའ་རྒྱལ་བ་རིགས་ལྔ་དང༌། ཡུམ་ལྔ་བཛྲ་ས་མཱ་ཛཿ ཛཿཧཱུཾ་བཾ་ཧོཿ ཡང་ཐུགས་ཀ་ནས་འོད་ཟེར་འཕྲོས། དབང་གི་ལྷ་རྡོ་རྗེ་རོལ་པ་མོའི་ཚོགས་རྣམས་སྤྱན་དྲངས། ཨོཾ་བཛྲི་བྷ་བ་ཨ་བྷི་ཥིཉྩ་ཞེས་དབང་བསྐུར། ཉེས་སྐྱོན་ཐམས་ཅད་སྦྱངས། དཔལ་རྡོ་རྗེ་སེམས་དཔའ་རེ་རེས་དབུ་བརྒྱན་པར་གྱུར། ཨོཾ་པཉྩ་ཀུ་ལ་དྷི་པ་ས་པ་རི་བཱ་རེ་བྷྱཿ ཨརྒྷཾ་པྲ་ཏཱིཙྪ་སོགས་ནས། ཤཔྟ་ཨཱཿཧཱུཾ། མི་བསྐྱོད་རྡོ་རྗེ་ཡེ་ཤེས་ཆེ། །སོགས་དེ་ཉིད་ལྔ་པས་བསྟོད། སྒྲུབ་ཐབས་ལྟར་གཏོར་མ་བྱིན་གྱིས་བརླབས་ནས། ཨོཾ་ཧཱུཾ་ཏྲཱཾ་ཧྲཱི་ཨ། ཨ་ཀཱ་རོ་སོགས་ལན་གསུམ་མམ་ལྔའམ་བདུན་གྱིས་ཕུལ། ཡང་ཨརྒྷཾ་སོགས་བསྡུས་པས་མཆོད། མཁའ་ལྟར་ཀུན་ཏུ་ཁྱབ་པ་ཡི། །སྐུ་དང་གསུང་དང་ཐུགས་རྡོ་རྗེ། །ཡོན་ཏན་འཕྲིན་ལས་མཉམ་པ་ཉིད། །བདེ་གཤེགས་ཡབ་ཡུམ་རྣམས་ལ་འདུད། །མཆོད་སྦྱིན་གཏོར་མ་ནས། ཀུན་འགྲུབ་ཤོག །རིགས་


TNT12_Page_0431
[མ་དཔེ་གཟིགས་ན་འདིར་གནོན།]

ལྔ་ཡབ་ཡུམ་བཅུ་བྱང་ཆུབ་ཀྱི་སེམས་སུ་ཞུ་ནས། ཐིག་སྐུད་ཁ་དོག་ལྔ་རྣམས་དང༌། རྡུལ་ཚོན་ཁ་དོག་ལྔ་རྣམས་སུ་གྱུར། ཨོཾ་ཨཱཿབཛྲ་དྷྲྀཀ་ཧཱུཾ་ཧཱུཾ། ཨོཾ་ཨཱཿརཏྣ་དྷྲྀཀ་ཏྲཱཾ་ཧཱུཾ། ཨོཾ་ཨཱཿཨ་ར་ལྀཀ་ཧྲཱིཿཧཱུཾ། ཨོཾ་ཨཱཿཛི་ན་ཛིཀ་ཨོཾ་ཧཱུཾ། ཨོཾ་ཨཱཿཔྲཛྙཱ་དྷྲྀཀ་ཨཱ་ཧཱུཾ། ཞེས་མང་དུ་བཟླས། ཛྫཿཛྫཿཛྫཿ ཞེས་ཐིག་སྐུད་བརྐྱངས། ཨོཾ་ཨ་ནོ་ནྱ་ཨ་ནུ་ག་ཏ་སརྦ་དྷརྨ་པ་རསྤ་ར། ཨ་ནུ་པྲ་བྲྀཥྟ་སརྦ་དྷརྨ་ཨཱརྻན་ཏ། ཨ་ནུ་པྲ་པྲྀཥྟ་སརྦ་དྷརྨ་ཧཱུཾ། ཞེས་སྒྲིལ། ཨོཾ་དེ་བཞིན་གཤེགས་པ་ཐམས་ཅད་ཀྱི། །འགྲོ་དོན་མཛད་དུས་འདི་ལགས་པས། །དེང་འདིར་བྱིན་གྱིས་རློབས་ཤིག་ཅེས། །ཐིག་སྐུད་སྒྲས་ནི་བསྐུལ་མ་འདེབས། །ཧཱུཾ་ཨོཾ་སརྦ་ཏ་ཐཱ་ག་ཏ་བཛྲ་སུ་ཏྲ་ས་མ་ཡ། མཱ་ཏི་ཀྲ་མ་ཧཱུཾ། དེ་ནས་ལས་ཐིག་གདབ་སྟེ། གཞན་ནི་སྤྱི་དང་འདྲ། རྟ་བབས་སྒོ་ཚད་གཅིག་ཏུ་བྱ། །སྣམ་བུ་བཞི་པར་བྱེད་ན་ནི། །སྣམ་བུ་འོག་མ་ཀ་རྒྱན་མཉམ། །གཉིས་པ་ཆ་ཆུང་རེ་རེས་རིང༌། །གསུམ་པ་མུན་པའི་སྣམ་བུ་མཉམ། །བཞི་པ་དེ་ལས་གཅིག་གིས་བསྐུམ། །གསུམ་པའི་དབུས་སུ་ཚངས་ཐིག་གི །གཡས་གཡོན་ཆ་ཆུང་རེ་རེ་དང༌། །གཉིས་པ་ལ་ནི་གསུམ་གསུམ་དང༌། །དང་པོ་ལ་ནི་གཉིས་གཉིས་ཏེ། །ཡང་ན་གླང་རྒྱབ་མིག་གསུམ་བྱ། །སྣམ་བུ་བཅུ་གཅིག་སྤྱི་དང་མཚུངས། །དེ་ཡི་ནང་ཚན་གསུམ་པོ་ཡང༌། །ཇི་ལྟར་འདོད་པ་སྦྱར་དུ་རུང༌། །ཀ་བ་ཀ་རྒྱན་མུན་པ་དག།རྩིག་པའི་ཐིག་ལ་རེག་པར་གདབ། །རྟ་བབས་ཀྱི་ནི་གཡས་གཡོན་དུ། །མཆོད་རྟེན་གཉིས་ནི་བྱ་བར་འདོད། །ཆ་ཆུང་གཉིས་ནི་སྟེགས་བུ་སྟེ། །དེ་ནས་གཉིས་ནི་དྲིལ་བུའོ། །བཞི་པ་བུམ་པའི་གནས་སུ་འདོད། །རྩིག་


TNT12_Page_0432
[མ་དཔེ་གཟིགས་ན་འདིར་གནོན།]

པའི་ནང་གི་ཁྱད་པར་ནི། །བཞི་པ་དང་ནི་གསུམ་པ་གཉིས། །ཕྱེད་གདབ་ནང་མའང་ཕྱེད་དུ་གདབ། །དེ་དབུས་རེ་མིག་དགུ་པ་སྟེ། །དེ་ནས་སྒོ་ཡི་རྩ་ཐིག་ཕྱིས། །རྡུལ་ཚོན་བླངས་ཏེ། ཨོཾ་བཛྲ་ཙི་ཏྲ་ས་མ་ཡ་མཱ་ཏི་ཀྲ་མ་ཧཱུཾ། ཞེས་མང་དུ་བཟླས་ཏེ། ཕུར་ཁུང་དགང༌། འདི་ནི་ཆོས་ཉིད་དག་པ་སྟེ། །སེམས་ཅན་ཁམས་ནི་རབ་སྒྲོལ་བྱེད། །དམ་ཚིག་སྒྲོལ་མ་ཞེས་བྱ་བའི། །དཀྱིལ་འཁོར་སྙིང་པོ་བྲི་བར་བྱ། །ཨོཾ་ས་མ་ཡ་ཧོ་ཨཱ་ཧཾ། ཞེས་དབང་ལྡན་ནས་བརྩམས་ཏེ་བྲི་བར་བྱའོ། །དབུས་ཀྱི་གདུང་དང་ཀ་བ་ནག།རེ་མིག་རྣམས་དང་གྲུ་ཆད་སྔོ། །ཨུཏྤལ་དམར་པོ་སིལ་མར་བཀྲམ། །ཕྱི་ནས་རིམ་བཞིན་སྣམ་བུ་ལྔ། །ནག་དམར་སྣ་ཚོགས་སེར་དང་དཀར། །ལྷ་རྣམས་ཕྱོགས་མདོག་རྩིག་པ་ནི། །ནང་ནས་ལྗང་དམར་སེར་ནག་དཀར། །དྲ་ཕྱེད་ཕྱི་བསྟན་མུན་པ་ནག།མཆོད་རྟེན་དཀར་ཞིང་ཁྱམ་ལྗང་ཁུ། །ཀ་རྒྱན་གླང་པོ་སེངྒེ་སོགས། །དབུས་སུ་ཨུཏྤལ་སྔོན་པོ་བྲི། །ཕྱོགས་བཞིར་པད་དཀར་གསེར་བུམ་དང༌། །ལྕགས་ཀྱུ་རལ་གྲི་ཕྱོགས་མདོག་བྲི། །མཚམས་བཞིར་ཨུཏྤལ་སྐུ་མདོག་མཚུངས། །གྲྭ་བཞིར་ཐོ་བ་རལ་གྲི་དང༌། །དབྱུག་པ་ཕུར་བུ་རྣམ་པར་དགོད། །ལས་ཀྱི་སྣམ་བུ་དབུས་མ་ལ། །ལྷ་ཡི་མདོག་མཚུངས་གདན་དུ་བྱ། །ཕྱག་མཚན་བྲི་ན་གཡས་ཀྱིའོ། །སྒོ་བཞིར་ལྕགས་ཀྱུ་ཞགས་པ་དང༌། །ལྕགས་སྒྲོག་དྲིལ་བུ་མཛེས་པར་བྲི། །བུམ་པ་སྒྲུབ་པ་ནི། ལྷ་གྲངས་དང་མཉམ་པའི་བུམ་པའམ། མ་འབྱོར་ན་བུམ་པ་ལྔ། སྟེགས་བུའི་སྟེང་དུ་ལྔ་ཚོམས་སུ་བཀོད། ལས་བུམ་ལོགས་ཞིག་ཏུ་བྱ་སྟེ། བུམ་པ་དྲུག་གོ །འདིར་དྲུག་གི་དབང་དུ་བྱས་ནས། བུམ་པ་བསང་སྦྱངས། སྟོང་པའི་ངང་


TNT12_Page_0433
[མ་དཔེ་གཟིགས་ན་འདིར་གནོན།]

ལས་པཾ་ལས་པདྨ་དང༌། ཨ་ལས་ཟླ་བའི་སྟེང་དུ་བྷྲཱུཾ་ལས་རིན་པོ་ཆེའི་བུམ་པ་སེར་པོ་ཡངས་ཤིང་རྒྱ་ཆེ་བ། ལྟོ་བ་ལྡིར་ཞིང་མགྲིན་པ་ཕྲ་བ་མཆུ་འཕྱང་བ། ལྷ་རྫས་ཀྱིས་དཀྲིས་པའོ། །ཨོཾ་ཏཔྟེ་ཏཔྟེ་མཧཱ་ཏཔྟེ་སྭཱཧཱ། ལྷའི་ཆུ་བོ་རབ་ཏུ་འབབ་པར་གྱུར། ཨོཾ་ཀལྤ་པྲྀ་ཀྵཱ་ཡ་སྭཱཧཱ། དཔག་བསམ་ཤིང་གིས་ཁ་བརྒྱན་པར་གྱུར། དབུས་ཀྱི་བུམ་པའི་གནས་སུ་པདྨ་ཟླ་བ་ཉི་མ་བརྩེགས་པའི་གདན་ལ། ཏཱཾ་ལས་བཅོམ་ལྡན་འདས་མ་ཆེན་མོ་དམ་ཚིག་སྒྲོལ་མ་རྣལ་འབྱོར་མ་ཞེས་པ་ནས། འཕྲེང་བ་འཁྲུགས་པའོ། །ཤར་དུ་ཏཱཾ་ལཾ་ལས་སོགས། ལྷོར་ཏཱཾ་མཾ་ལས་སོགས། ནུབ་ཏུ་ཏཱཾ་པཾ་ལས་སོགས། བྱང་དུ་ཏཱཾ་ཧཱུཾ་ལས་སོགས། གཙོ་མོ་དང་མཚུངས་པའོ། །ཤར་དུ་ཛཿལས་སོགས། ལྷོར་ཧཱུཾ་ལས་སོགས། ནུབ་ཏུ་བཾ་ལས་སོགས། བྱང་དུ་ཧོཿལས་ནས། གཡོན་བརྐྱང་བས་གནས་པའོ། །མཚམས་རྣམས་སུ་ཧཱུཾ་རེ་རེ་ཡོངས་སུ་གྱུར་པ་ལས། ཤར་ལྷོར་གཤིན་རྗེ་གཤེད་པོ་ནག་ཅེས་པ་ནས། ཡང་སྤྲུལ་ཕོ་ཉའི་ཚོགས་ཀྱང་འགྱེད། །ཅེས་པའི་བར་མངོན་རྟོགས་བཞིན། ཤར་གྱི་བུམ་པའི་ནང་དུ། སྭཱཧཱ་ལས་ཞི་བའི་ནས། ཞི་བའི་ཉམས་ཅན་རྨོངས་བྱེད་མ་དང་དུག་ཞི་བར་བྱེད་མ་སྤྲོ་བ། བྱང་གི་བུམ་པར་ཨོཾ་ལས་ནས། དགྱེས་པའི་ཉམས་ཅན། རེངས་བྱེད་མ་དང་གནོན་པར་བྱེད་མ་སྤྲོ་བའོ། །ནུབ་ཀྱི་བུམ་པར་ཧོཿལས་ནས། ཆགས་པའི་ཉམས་ཅན། འགུགས་པར་བྱེད་མ་དང་ཕུར་བུས་འདེབས་པར་བྱེད་མ་སྤྲོ་བའོ། །ལྷོའི་བུམ་པར་ཕཊ་ལས་ནས།


TNT12_Page_0434
[མ་དཔེ་གཟིགས་ན་འདིར་གནོན།]

དྲག་པོའི་སྒྲོལ་མ། ཁྲོས་པའི་ཉམས་ཅན། བསྐྱོད་བྱེད་མ་དང༌། དབྱེ་བྱེད་མ་སྤྲོ་བའོ། །ལས་བུམ་དུ་ཧཱུཾ་ལས་བདུད་རྩི་འཁྱིལ་བ་ནག་ཅེས་པ་ནས། འདོད་ལྷ་ཞབས་ཀྱིས་མནན། རང་གི་སྙིང་གའི་ས་བོན་ལས་འོད་ཟེར་འཕྲོས་པས། བཅོམ་ལྡན་འདས་མ་སྒྲོལ་མའི་ལྷ་ཚོགས་ཐམས་ཅད་མདུན་གྱི་ནམ་མཁར་བཛྲ་ས་མཱ་ཛཿ ནས། གནས་ཀྱི་དབང་བསྐུར་སྦྱིན་པར་བྱ། ཨོཾ་བཛྲ་ཨུ་ད་ཀ་ཨ་བྷི་ཥིཉྩ་ཧཱུཾ། སུ་ར་ཏ་སྟྭཾ་ཨཱ་ཧཾ། ཞེས་དབང་བསྐུར། གཙོ་མོ་ལ་དོན་ཡོད་གྲུབ་པས་དབུ་བརྒྱན་པ་དང༌། འཁོར་རྣམས་ལ་གཙོ་མོས་དབུ་རྒྱན། ཡི་གེ་བཅུ་པ་ཅི་འགྲུབ་དང༌། རྩ་སྔགས་བརྒྱ་རྩ་བརྒྱད་བཟླ། ལས་བུམ་ལ་དམིགས་ནས་བདུད་རྩི་འཁྱིལ་བའི་སྔགས་ཀྱང་བརྒྱ་རྩ་སོགས་བཟླའོ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཧཱུཾ། ཉེར་གཅིག་ཙམ་བཟླ། ཨརྒྷཾ་ནས་ཤཔྟའི་བར་གྱིས་མཆོད། ཨོཾ་ཨཱཿཏཱཾ་ཧཱུཾ། སྭཧཱ་ཨོཾ་ཧོ་ཕཊ། ཏཾ་ལཱཾ་ཏཱཾ་མཱཾ་ཏཱཾ་པཱཾ་ཏཱཾ་ཧཱུཾ། ཛཿཧཱུཾ་བཾ་ཧོཿ ཨོཾ་ཨཱཿཧཱུཾ། ཞེས་ནང་མཆོད་ཕུལ། ཨ་ནུ་རཱ་གའི་སྔགས་ཀྱིས་རྗེས་ཆགས་བྱ། མཚན་ངེས་པས་བསྟོད། ཡིག་བརྒྱ་ལན་གསུམ། ཨོཾ་བཛྲ་ཨརྒྷཾ་པྲ་ཏཱིཙྪ་ན་མཿ ཨོཾ་ཨཱཿཧཱུཾ། མེ་ཏོག་དཀར་པོ་དང་བཅས་པའི་མཆོད་ཡོན་ཕུལ། ལྷ་རྣམས་བདེ་བ་ཆེན་པོའི་ངོ་བོར་འོད་དུ་ཞུ་ནས་བུམ་པའི་ཆུ་དང་དབྱེར་མེད་དུ་འདྲེས་པར་གྱུར། ལས་བུམ་གྱི་ཆུ་བླངས་ཏེ་བུམ་པ་ལ་བསྐོར། གནས་ཁང་ལ་གཏོར། བདུད་རྩི་འཁྱིལ་བའི་སྔགས་བཟླས། བར་ཆད་སྲུངས་ཤིག་ཅེས་བརྗོད། དེ་ནས་


TNT12_Page_0435
[མ་དཔེ་གཟིགས་ན་འདིར་གནོན།]

རྡུལ་ཚོན་གྱི་དཀྱིལ་འཁོར་བྲིས་ཟིན་པ་ལ། བྱུར་བསལ་བ་དང༌། བསྲུང་བ་བྱས། རོལ་མོའི་སྒྲ་དང་བཅས་ཏེ་བུམ་པ་རྣམས་དཀྱིལ་འཁོར་ལ་བསྐོར་ཞིང༌། བུམ་པ་ལྔ་པོ་འཇོག་སྟབས་བདེ་ན། དཀྱིལ་འཁོར་གྱི་དབུས་སུ་སྟེགས་བུའི་སྟེང་དུ་བཞགལས་བུམ་དཀྱིལ་འཁོར་གྱི་ཤར་སྒོའི་ཐད་དམ། སློབ་དཔོན་གྱི་མདུན་དུ་བཞག་གོ །དེ་དག་ནི་ཉི་མ་གསུམ་པའི་བྱ་བའོ། །ནངས་པར་སྔ་བར་ཡོ་བྱད་རྣམས་ཚོགས་པར་བྱས་ཏེ། སྔོན་འགྲོ་གཏོར་མ། གནས་ཡོ་བྱིན་རླབས། སྐྱབས་འགྲོ་སེམས་བསྐྱེད། རྡོར་སེམས་བསྒོམ་བཟླས་རྣམས་སྔོན་དུ་བཏང༌། མདུན་བསྐྱེད་ཀྱི་དཀྱིལ་འཁོར་བསངས་སྦྱངས། སྟོང་པའི་ངང་ལས་འོག་ཏུ་རླུང་གི་དཀྱིལ་འཁོར་ནག་པོ་ཞེས་པ་ནས། སྲུང་བའི་འཁོར་ལོར་གྱུར། དེའི་ནང་དུ་དངོས་གྲུབ་འབྱུང་བའི་དུར་ཁྲོད་ཆེན་པོ། ཞེས་པ་ནས། སྒོ་བཞིར་སྣ་ཚོགས་པདྨའི་གདན། དེ་ནས་བྲིས་པའི་དཀྱིལ་འཁོར་ལ་ལྷ་ཞལ་ཕྱག་གི་རྣམ་པ་ཅན་རྫོགས་པར་བཀོད་ཡོད་ན་སྐད་ཅིག་གིས་ལྷ་རྣམས་བསྐྱེད་དགོས་ཤིང༌། རས་བྲིས་ལ་ཡང་དེ་བཞིན་ནོ། །ས་བོན་ལ་ཡི་གེ་ཉིད་དང༌། ཐིག་ལེ་ལས་ས་བོན་ཕྱག་མཚན་གང་རུང་བསྐྱེད་དགོས། འོན་ཀྱང་སྐབས་འདིར་ཕྱག་མཚན་འགོད་པ་ཉིད་གཙོ་ཆེ་བས། དབུས་ཀྱི་གདན་གྱི་སྟེང་དུ་རབ་ཏུ་རྒྱས་པའི་ཨུཏྤལ་སྔོན་པོ། སྡོང་བུ་དང་བཅས་པ་འོད་ཟེར་འཕྲོ་བའོ། །རེ་མིག་བརྒྱད་ལ། ཤར་དུ་པདྨ་དཀར་པོ། བྱང་དུ་གསེར་གྱི་བུམ་པ་རབ་ཏུ་གང་བ། ནུབ་ཏུ་ལྕགས་ཀྱུ། ལྷོ་རུ་རལ་གྲི། ཤར་ལྷོར་ཨུཏྤལ་དཀར་པོ། ལྷོ་ནུབ་ཏུ་ཨུཏྤལ་


TNT12_Page_0436
[མ་དཔེ་གཟིགས་ན་འདིར་གནོན།]

སེར་པོ། ནུབ་བྱང་དུ་ཨུཏྤལ་དམར་པོ། བྱང་དུ་ཨུཏྤལ་ནག་པོ། ཤར་སྒོར་ལྕགས་ཀྱུ། ལྷོ་སྒོར་ཞགས་པ། ནུབ་སྒོར་ལྕགས་སྒྲོག།བྱང་སྒོར་དྲིལ་བུ། ཤར་ལྷོའི་གྲྭར་ཐོ་བ། ལྷོ་ནུབ་ཀྱི་གྲྭར་རལ་གྲི། ནུབ་བྱང་གི་གྲྭར་དབྱུག་པ་དཀར་པོ། བྱང་ཤར་གྱི་གྲྭར་རྡོ་རྗེས་མཚན་པའི་ཕུར་བུ། ལས་ཀྱི་སྣམ་བུ་ལ། ཤར་དུ་རྩེ་གསུམ་དང༌། བདུད་རྩིས་གང་བའི་བུམ་པ། བྱང་དུ་ལྕགས་སྒྲོག་དང་རི་རབ། ནུབ་ཏུ་ལྕགས་ཀྱུ་དང་ཕུར་བུ། ལྷོར་དབྱུག་ཐོ་དང་རལ་གྲི་རྣམས་གྲུབ་པར་གྱུར། ཨོཾ་ཏཱ་རེ་ཏུཏྟཱ་རེ་ཏུ་རེ་ཧཱུཾ་ཕཊ་ནས། ཨོཾ་ཨ་མྲྀ་ཏ་ཀུཎྜ་ལི་ཧཱུཾ་ཕཊ། ཀྱི་བར་གོང་ལྷག་གནས་ཀྱི་སྐབས་བཞིན། ལན་གསུམ་གསུམ་བརྗོད། ཡི་གེ་བརྒྱ་པ་ཡང་གཙོ་མོ་ལ་བདུན་སོགས་དང༌། ལྷ་གཞན་རྣམས་ལ་རེ་རེ་བཟླའོ། །དེ་ནས་བདག་ཉིད་དཀྱིལ་འཁོར་གྱི་དབུས་སུ་འདུག་པར་བསམས་ལ། མཎྜལ་གྱི་ཆོ་ག་ཐུན་མོང་བ་དེ་མི་དགོས། རང་སྐད་ཅིག་གིས་བཅོམ་ལྡན་འདས་མ་སྒྲོལ་མར་གསལ་བའི་ཞེས་པ་ནས། ཡེ་ཤེས་ཚོགས་བསག་གི་སྐབས་སྙིང་གའི་འོད་ཀྱིས་སྣང་བ་ཐམས་ཅད་དང༌། བྲིས་པའི་དཀྱིལ་འཁོར་ཡང་འོད་དུ་ཞུ་ནས་བདག་ཉིད་ལ་ཐིམ། བདག་ཉིད་ཀྱང་ཐུགས་ཀའི་ཏཱཾ་ལ་ཞེས་པ་ནས། སྟུ་ཏཱི་བཛྲ་སྭ་བྷ་བ་ཨཱཏྨ་ཀོ྅ཧཾ། ཞེས་པའི་བར་སྒྲུབ་ཐབས་བཞིན་ནོ། །རང་གི་སྙིང་ག་ནས་འོད་ཟེར་འཕྲོས། ནམ་མཁར་བཞུགས་པའི་སྟ་གོན་གྱི་དཀྱིལ་འཁོར་བཅོམ་ལྡན་འདས་མ་སྒྲོལ་མའི་ལྷ་ཚོགས་


TNT12_Page_0437
[མ་དཔེ་གཟིགས་ན་འདིར་གནོན།]

རྟེན་དང་བརྟེན་པར་བཅས་པ་ཐམས་ཅད་བཛྲ་ས་མཱ་ཛཿ བདུད་རྩི་འཁྱིལ་བའི་སྔགས་ཀྱིས་བགེགས་བསྐྲད་ཅིང་བསངས་གཏོར་བྱ། ཨརྒྷཾ་ནས། ཤཔྟའི་བར་གྱིས་མཆོད། ཨོཾ་དཔའ་བོ་རྡོ་རྗེའི་བརྟུལ་ཞུགས་ཅན། །རྡོ་རྗེ་སེམས་དཔས་བྱིན་རླབས་དེ་བཞིན་གཤེགས་ལྔ་ཡིས། །དབུ་ལ་བརྒྱན་པ་ནམ་མཁའ་དང་མཉམ་འཇིག་རྟེན་གསུམ་པོ་སྐྱོབ་མཛད་མ། །ཕྱོགས་བཅུ་བདུད་ཀྱི་དཀྱིལ་འཁོར་མ་ལུས་བཅོམ་ཞིང་འཇོམས་མཛད་རབ་བཞད་བཅོམ་ལྡན་འདས་མར་འདུད། །ཅེས་བསྟོད། ཨོཾ་བཛྲ་ཨངྐུ་ཤ་ཛཿ ནས། གྷཎྜེ་ཧོཿ བར་འདིར་འཁོར་ལོའི་དབང་ཕྱུག་མའི་བཟླས་པ་ཡང་ཅི་རིགས་པར་བྱའོ། །མཆོད་པ་རྒྱ་ཆེར་བཤམས། བསངས་སྦྱངས། སྟོང་པའི་ངང་ལས་བྷྲུཾ་ལས་བྱུང་བའི་མཆོད་པའི་ཁང་པ་ཡངས་ཤིང་རྒྱ་ཆེ་བའི་ནང་དུ་ཨོཾ་ལས་བྱུང་བའི་ཐོད་པའི་སྣོད་སྣ་ཚོགས་པ་དག་ཏུ། ཧཱུཾ་ལས་སྐྱེས་པའི་ཞབས་བསིལ། ཞལ་བསིལ། འཐོར་འཐུང༌། མཆོད་ཡོན། མེ་ཏོག།བདུག་སྤོས། མར་མེ། དྲི་ཆབ། ཞལ་ཟས། རོལ་མོ། གཟུགས་སྒྲ། དྲི་རོ། རེག་བྱ་ལ་སོགས་པ། ཕྱི་ནང་གསང་བ། དེ་ཁོ་ན་ཉིད་ཀྱི་མཆོད་པའི་སྤྲིན་ཕུང་ནམ་མཁའི་མཐས་ཀླས་པ་འཁོར་བ་ཇི་སྲིད་དུ་འབྱུང་བར་གྱུར། ཨོཾ་བཛྲ་ཨཉྩ་མ་ནཾ་སྭཱ་ཧཱ། པཱདྱཾ༴ པྲོ་ཀྵ་ཎཾ། ཨརྒྷཾ༴ ཨོཾ་བཛྲ་པུཥྤེ་ཨཱཿཧཱུཾ། དྷཱུ་པེ། ཨཱ་ལོ་ཀེ །གནྡྷེ། ནཻ་བི་ཏེ། རཱུ་པ་བཛྲ། ཤཔྟ། གནྡྷ། རཱ་ས། སྤརྴ། དྷརྨ་དྷཱ་ཏུ་བཛྲ༴ བཛྲ་གྷཎྜེ་ར་ཎི་ཏ་སོགས། ཁྱབ་རྟག་


TNT12_Page_0438
[མ་དཔེ་གཟིགས་ན་འདིར་གནོན།]

བདེ་ཆེན་ཡེ་ཤེས་རོལ་པ་ལས། །ཡན་ལག་བརྒྱད་ལྡན་རྡོ་རྗེ་ཨརྒྷའི་རྒྱུན། །ཀུན་བཟང་མཆོད་སྤྲིན་རྒྱ་མཚོར་རབ་སྤེལ་བས། །ཡེ་ཤེས་ལྷ་མོའི་དཀྱིལ་འཁོར་མཉེས་གྱུར་ཅིག།ཨོཾ་སརྦ་ཏ་ཐཱ་ག་ཏ་བྷ་ག་བ་ཏཱི་ས་མ་ཡ་ཏཱ་ར་ཡོ་གི་ནཱི་མཎྜལ་ས་པཱ་རི་བཱ་ར་པྲ་བ་ར་སཏྐ་རཱ་རྠཾ་ཨཉྩ་མ་ནི་པྲ་ཏིཙྪ་ན་མཿ དེ་བཞིན་དུ་སྦྱར་ཏེ། རྐང་པ་གཉིས་པ། ཞབས་ཀྱི་པདྨའི་དྲི་བཅིལ་རྡོ་རྗེའི་ཆུ། །པཱདྱཾ། ཞལ་གྱི་རྙོག་སེལ་རྡོ་རྗེ་སྤོས་ཀྱི་ཆུ། །ཨཉྩ་མ་ནཱཾ། ཀུན་ཏུ་འཕོ་བའི་གདུང་སེལ་འཐོར་འཐུང་མཆོག།པྲོ་ཀྵ་ཎཾ། ཨོཾ་ཡང་དག་དགའ་བའི་མེ་ཏོག་གི །རྡོ་རྗེ་ཉི་མ་པདྨར་ཕྱུང༌། །མེ་ཏོག་བདག་ཉིད་ལ་མཆོད་པ། །རྡོ་རྗེ་གསུམ་གྱི་བདག་ཉིད་མཆོག།ས་པ་རི་བ་ར་བཛྲ་པུཥྤེ། རྣམ་རྟོག་ཚོགས་ཀྱི་ཡུལ་མིན་ཅིང༌། །ལྟེ་བར་གཏུམ་མོའི་མེ་ཡིས་ནི། །ངེས་པར་བསྲེགས་པ་དེ་ཡི་སྤོས། །ཐུགས་ཀྱི་རྡོ་རྗེ་ལ་དབུལ་བྱ། །བཛྲ་དྷཱུ་པེ། ཡི་གེ་ཧཱུཾ་ལས་ཡང་དག་བྱུང༌། །སྔགས་ཀྱི་འོད་ཟེར་ཤིན་ཏུ་གསལ། །མར་མེ་འབར་བའི་ཡང་དག་འོད། །ཐུགས་ཀྱི་རྡོ་རྗེ་ལ་དབུལ་བྱ། །བཛྲ་ཨཱ་ལོ་ཀེ །བདེ་བ་ཆེན་པོའི་ནམ་མཁར་གནས། །བྱང་ཆུབ་སེམས་ནི་སད་པ་དང༌། །དེ་ཉིད་ཀྱིས་ཀྱང་བྱུག་པ་ནི། །ཐུགས་ཀྱི་རྡོ་རྗེ་ལ་དབུལ་བྱ། །བཛྲ་གནྡྷེ། འདིར་ནི་གང་དང་གང་ལོངས་སྤྱོད། །དབང་པོ་ཐམས་ཅད་ཡང་དག་བརྟེན། །དེ་དག་ཐམས་ཅད་ཐུགས་རྡོ་རྗེ། །བཟའ་བའི་མཆོད་པས་མཆོད་པར་བྱ། །བཛྲེ་ནཻ་བི་ཏེ།


TNT12_Page_0439
[མ་དཔེ་གཟིགས་ན་འདིར་གནོན།]

ཆུ་སྐྱེས་རྡོ་རྗེ་ཡང་དག་སྦྱོར། །ཞུགས་པ་ལ་སོགས་རིམ་ལས་བྱུང༌། །རྣལ་འབྱོར་པ་ཡི་མི་ཤིགས་སྒྲ། །ཐུགས་ཀྱི་རྡོ་རྗེ་ལ་དབུལ་བྱ། །བཛྲ་ཤཔྟ། ནང་མཆོད་གཏོར་མ་ལྟར་བྱིན་གྱིས་བརླབས་ལ། རྩ་བའི་བླ་མ་དང་རིགས་བདག་དབྱེར་མེད་པ་ལ་འབུལ་ཏེ། ཕྱོགས་བཅུ་དུས་གསུམ་གྱི་སངས་རྒྱས་དང༌། ཆོས་དང༌། དགེ་འདུན་དང༌། ཡི་དམ་དཀྱིལ་འཁོར་གྱི་ལྷ་ཚོགས་བཀའ་སྡོད་སྲུང་མ་དང་བཅས་པ་ཐམས་ཅད་གཅིག་ཏུ་འདུས་པའི་ངོ་བོ། །དྲིན་ཅན་རྩ་བའི་བླ་མའི་ཞལ་དུ་མཆོད་པ་འབུལ་ལོ། །ཨོཾ་ཨཱཿཧཱུཾ། བར་འདིར་བོད་ལུགས་ལྟར་ན་བརྒྱུད་པའི་བླ་མ་རྣམས་ཀྱི་མཚན་སྨོས་ནས་ཀྱང་འབུལ། ཡི་གེ་བཅུ་པའི་མཐར་འབྲུ་གསུམ། དཀྱིལ་འཁོར་འཁོར་ལོའི་དབང་ཕྱུག་མ་བཅོམ་ལྡན་འདས་མ་འཕགས་མ་སྒྲོལ་མ་རྣལ་འབྱོར་མའི་ཞལ་དུ་ཨོཾ་ཨཱཿཧཱུཾ། དེ་བཞིན་དུ་འཁོར་གྱི་ལྷ་ཚོགས་རྣམས་ཀྱི་མཚན་སྔགས་ཀྱི་མཐར། འབྲུ་གསུམ་སྦྱར་བས་ཕུལ། བར་འདིར་ཆོས་སྐྱོང་སྲུང་མ་དང༌། འགྲོ་བ་དྲུག་ལ་སྦྱིན་པ་སོགས་ཀྱང་བོད་ལུགས་ཞིག་དང་བསྟུན་པས་ཁྱབ། དེ་རྗེས་རིག་མ་བཅུ་དྲུག་གིས་མཆོད་པ། སྤྲོས་པ་ལ་མངོན་པར་དགའ་ན། མཐོན་མཐིང་ལང་ཚོས་དྲེགས་པའི་ཡིད་འཕྲོག་མ། །ཞེས་སོགས་སྔོན་བྱུང་བློ་གྲོས་གསལ་བ་རྣམས་ཀྱིས་སྦྱར་བ། ཚིག་དོན་ལེགས་པོ་དག་བརྗོད་ཅིང༌། བསྡུ་ན་སྔགས་དང་ཕྱག་རྒྱ་ཙམ་གྱིས་མཆོད་པའོ། །དེ་ནས་ན་བཟའ་འབུལ་ཏེ། བསངས་སྦྱངས། ཧ྄ཱུཾ་ལས་བྱུང་བའི་ལྷ་རྫས་ཀྱི་ཡོ་བྱད་ནམ་བཟའི་ཚོགས་དཔག་ཏུ་མེད་པར་གྱུར། དབང་པོའི་གཞུ་འདྲ་རྟ་མཆོག་རིགས་ལ་སྟེ། །རྟག་པའི་རིགས་ལ་ཀཉྩ་ལི་


TNT12_Page_0440
[མ་དཔེ་གཟིགས་ན་འདིར་གནོན།]

ཀ་སྦྱར། །སྟག་ལྤགས་གཡང་གཞི་ལ་སོགས་རྡོ་རྗེའི་རིགས། །ཡིད་འོང་རེག་འཇམ་འཇིག་རྟེན་དབང་ཕྱུག་ལ། །རྡོ་རྗེ་ཉི་མར་བྱེ་བའི་རིན་ཐང་ཅན། །དར་དཀར་ཚི་གུའི་ན་བཟའ་བདེ་ཆེན་རིགས། །རྡོ་རྗེ་རེག་བདེའི་བདེ་བ་གོས་ཟུང་རྣམས། །བླ་མ་དཀྱིལ་འཁོར་ལྷ་ཚོགས་རྣམས་ལ་འབུལ། །བཛྲ་བསྟྲ། གཞན་ཡང་རིན་ཆེན་བདུན་དང༌། འདོད་ཡོན་ལྔ་སོགས་སྤྱི་དང་མཐུན་པའི་སྤྲོས་པ་སྣ་ཚོགས་ཀྱང་བཀག་པ་མ་ཡིན་ནོ། །དེ་རྗེས་མཚན་ངེས་པ་དང༌། ཕྱག་འཚལ་ཉེར་གཅིག་གི་བསྟོད་པ་ངེས་པར་བྱ་ལ། བསྟོད་པ་གཞན་གྱིས་ཀྱང་བསྟོད་པར་བྱའོ། །དེ་ནས་གཏོར་མ་འབུལ་ཏེ། བསངས་སྦྱངས་སྟོང་པའི་ངང་ལས་ཡཾ་ལས་ནས། ཨོཾ་ཧ་ཧོ་ཧྲཱིཿསྭཱཧཱའི་བར་གྱིས་བྱིན་གྱིས་བརླབས། ན་མོ་རཏྣ་ཏྲ་ཡཱ་ཡ་ནས། སྟཾ་བྷ་ནི་ཏཱ་རེ་ཨི་དཾ་བ་ལིཾ་གྷྲྀཧྞ་གྷྲྀགྞ་སརྦ་དུཥྟ་ན་ས་མ་ཡ་མུ་དྲ། པྲ་བྷཉྫ་ཀ །མམ་མ་ཤཱནྟིང་རཀྵ་ཙ་ཀུ་རུ་ཀུ་རུ་ཧཱུཾ་ཧཱུཾ་ཕཊ་ཕཊ་སྭཱཧཱ། ཞེས་པ་ལན་བདུན་དང༌། ན་མཿས་མནྟ་བུདྡྷ་བོ་དྷི་ས་ཏྭཱ་ནཱཾ། ཞེས་པ་ནས། བི་སཉྩ་རེ་སྭཱ་ཧཱ། ཞེས་པའི་བར་དུ་དཀྱིལ་འཁོར་པ་སྤྱི་ལ་འབུལ། དུར་ཁྲོད་གནས་པ་རྣམས་ལ། ཨོཾ་ཕཻཾ་སོགས་མཁའ་འགྲོ་སྤྱི་གཏོར་གྱིས་བསྔོ། ཨརྒྷཾ་ནས། ཤཔྟའི་བར་གྱིས་མཆོད། ཨོཾ་ཨཱཿཧཱུཾ། ཨོཾ་སྒྱུ་འཕྲུལ་ཆེན་མོ་དཔལ་ལྡན་མ། །དབྱངས་ཅན་མ་དང་དཀའ་བཟློག་ཁྱོད། །ཟླ་བ་ཉི་མ་ཆུ་ལྷ་དང༌། །གུ་ལང་འཕྲོག་བྱེད་རྣམས་ཀྱིས་བཏུད། ཁྱོད་ནི་སྲིད་གསུམ་བྱེད་པ་མོ། །སེམས་ཅན་ཀུན་ལ་བདེ་སྦྱིན་མ། །བསྐྱེད་དང་འཇིག་དང་བསྲུང་བ་མོ། །ལྷ་མོ་སྒྲོལ་མ་


TNT12_Page_0441
[མ་དཔེ་གཟིགས་ན་འདིར་གནོན།]

འཁོར་བཅས་བསྟོད། །ལྷའི་ཚོགས་རྣམས་ཞེས་པ་ནས། འདོད་པ་ཀུན་འགྲུབ་ཤོག།གི་བར་བྱ། བསྡུ་ན་ནང་གཏོར་དེ་ཙམ་གྱིས་ཆོག་ལ། ཅུང་ཟད་སྤྲོས་པ་ལ་མོས་ན་མཁའ་འགྲོ་སྤྱི་གཏོར་བཞིན་ཕྱི་རོལ་གཏོར་མ་གཏོང༌། མཆོག་ཏུ་སྤྲོས་པ་ལ་མོས་ན། སྙིང་པོ་མདོར་བསགས་སོགས་ལས་འབྱུང་བའི་ཕྱོགས་བཞིའི་གཏོར་མ་བྱེད་དོ། །དེ་རྗེས་ཤར་སྒོ་ནས། ཀོལླ་ཨི་རི་རིཋ་ལ་སོགས་པ་རྡོ་རྗེའི་གླུ་བླངས། ཨོཾ་བཛྲ་ཨུད་གྷཱ་ཊ་ཡ་ས་མ་ཡ་པྲ་བེ་ཤ་ཡ་ཧཱུཾ། ལན་བཞིས་སྒོ་ཕྱེ། ཨོཾ་རྡོ་རྗེ་སེམས་ཁྱོད་རོལ་ཞིང་རོལ་བར་མཛད། །ཐམས་ཅད་མཐུ་ཡིས་ཐམས་ཅད་སྩོལ་བར་མཛད། །ཇི་སྙེད་མཆོད་པ་དེ་སྙེད་བདག་འབུལ་ན། །འཁོར་བར་གནས་པ་སྐད་ཅིག་གིས་གྲོལ་མཛོད། །ས་མ་ཡ་ཧོ་ཧོ་ཿ ཞེས་གསོལ་བ་བཏབ། ཨོཾ་ཧཱུཾ་ཕཊ། ཨོཾ་མཆོག་ཏུ་བདེ་བའི་སེམས་ནི་རོལ་པར་ལྡན། །སྒེག་པའི་ཕྱག་གིས་བཅོམ་ལྡན་འདས་ལ་འདུད། །ཛཿཧཱུཾ་བཾ་ཧོཿརབ་ཏུ་གྲུབ་པར་མཛོད། མགོན་པོ་སྙིམ་པའི་མེ་ཏོག་བཞེས་ཤིག་ཧོ། །ཞེས་མེ་ཏོག་ཕུལ། ས་མ་ཡ་པྲ་བེ་ཤ་ཡ་ཧོ། །ཞེས་དཀྱིལ་འཁོར་དུ་འཇུག་གོ །བར་འདིར་མདུན་བསྐྱེད་ཀྱི་བཟླས་པ་ཅི་ནུས་བྱ། དེ་ནས་བར་འདིར་གསང་བའི་མཆོད་པ་ཡིད་ཀྱིས་འབུལ་བ་ཡིན་ཏེ། ཚིག་གིས་བརྗོད་པ་ནི་མ་བྲིས་སོ། །དེ་རྗེས་རང་གི་སྙིང་ག་ནས་འཕགས་མ་སྒྲོལ་མ་ཕྱག་གཉིས་མ་ཞེས་པ་ནས། ཐར་པ་མེད་པར་བཅིངས་པར་གྱུར། ཨརྒྷཾ་ནས། ཤཔྟའི་བར་གྱིས་མཆོད། ལྷ་དང་ལྷ་མིན་ཅོད་པན་གྱིས། །སོགས་ཀྱིས་བསྟོད་དོ། །སྨོན་ལམ་དང༌། ཤིས་བརྗོད་བསྡུས་པ་ཞིག་བྱའོ། །དེ་ནས་བདག་འཇུག་ནི་མཎྜལ་ཕུལ།


TNT12_Page_0442
[མ་དཔེ་གཟིགས་ན་འདིར་གནོན།]

སྐྱེ་རྒ་འཆི་བ་ན་ཀྲ་ཡི། །ཆུ་སྲིན་ལ་སོགས་འཇིགས་རུང་བ། །འཁོར་བའི་རྒྱ་མཚོ་ཆེན་པོ་ལས། །འདོན་པར་མཛད་པ་ཁྱོད་འབའ་ཞིག།དགའ་ཆེན་ཁྱོད་བདག་སྟོན་པ་སྟེ། །སློབ་དཔོན་ཁྱོད་ནི་དགོངས་སུ་སོགས་ཀྱིས་གསོལ་བ་བཏབ། བར་འདིར་ཆས་འཇུག་གསུམ་བྱེད་ཀྱང༌། བདག་འཇུག་གི་སྐབས་མི་དགོས། ན་མཿས་མནྟ་བུདྡྷེ་སོགས་བདུད་རྩི་འཁྱིལ་བའི་སྔགས་རིང་གིས་མིག་དར་བཅིངས། ཨོཾ་ཨཱཿཧཱུཾ་གནས་གསུམ་དུ་ཡི་གེ་འབྲུ་གསུམ་སྐྱེ་བའི་གནས་ལྔར་ཏཱཾ་ཡིག་རེ་རེས་རྒྱས་གདབ། ཨོཾ་རོ་རུ་སྥུ་རུ་ཛྭ་ལ་ཏིཥྛ་སིདྡྷི་ལོ་ཙ་ནི། སརྦ་ཨརྠ་སཱ་དྷ་ཡ་སྭཱཧཱ། ཨོཾ་བཛྲ་མཱ་མ་ཀཱི། ཀི་རི་ཀི་རི་ཧཱུཾ་སྭཱཧཱ། ཨོཾ་ཀ་ཊེ་བི་ཀ་ཊེ་བི་ཀ་ཊ། ནི་ཀ་ཊེ། ཀ་ཊཾ་ཀ་ཊེ་སྭཱཧཱ། ཨོཾ་བཛྲ་དྷ་ཏཱི་ཤྭ་རི། སརྦ་དུཥྟཾ་ཧ་ན་ཧ་ན་ད་ཧ་ད་ཧ་པ་ཙ་པ་ཙ་བི་དྷྭན་ས་ཡ་བི་དྷྭན་ས་ཡ་ཧཱུཾ་ཕཊ་སྭཱཧཱ། ཨོཾ་བཛྲ་ཏྭ་རེ་ཏུཏྟཱ་རེ་ཏུ་རེ་སྭཱཧཱ། རོལ་མོའི་སྒྲ་དང་བཅས་ཏེ། ན་མཿས་མནྟ་སོགས་བདུད་རྩི་འཁྱིལ་བའི་སྔགས་ཀྱིས་བགེགས་བསྐྲད། ཡི་གེ་བཅུ་པའི་མཐར། རཀྵ་རཀྵ་སོགས་སྔགས་ལན་བདུན་བརྗོད་དེ། གནས་བདུན་དུ་རྡོ་རྗེ་རྩེ་ལྔའི་ཕྱག་རྒྱ་བཞག །ཀྱེ་ཁྱོད་སུ་ཡིན། བདག་ནི་སྐལ་བ་བཟང་པོའོ། །སྐལ་བཟང་དེས་ཁྱོད་སུ་ཞིག་བྱ། །སངས་རྒྱས་དམ་ཚིག་བདག་འཚལ་ལོ། །རང་གི་སྙིང་གར་སྙིང་རྗེ་ཆེན་པོའི་ངོ་བོ་ཟླ་བའི་སྟེང་དུ་སྟོང་ཉིད་ཡེ་ཤེས་རྡོ་རྗེ་རྩེ་ལྔ་པའོ། །ཨོཾ་སརྦ་ཡོ་ག་ཙིཏྟ་ཨུ་པཱ་ད་ཡ་མི། མཧཱ་སུ་ཁ་བོ་དྷི་ཙིཏྟ་ཨུ་པ་ད་ཡ་མི་ཨ་ཁཾ་བཱི་ར་ཧཱུཾ། བླ་མ་


TNT12_Page_0443
[མ་དཔེ་གཟིགས་ན་འདིར་གནོན།]

དམ་པའི་ཞབས་ཀྱི་པད་མོ་ཡང་དག་པའི་ཡེ་ཤེས་གསལ་བར་བྱེད་པ་དེ་ལ་ཕྱག་འཚལ་ལོ། །ཧཱུཾ་ན་མཿསྟེ་ཧཱུཾ། ན་མཿམཱེ་ཧཱུཾ། ན་མོ་ན་མཿཧཱུཾ་སྭཱཧཱ། ཕྱོགས་རེ་རེ་ནས་ལན་གསུམ་གསུམ། དཀོན་མཆོག་གསུམ་ལ་བདག་སྐྱབས་མཆི་སོགས་ལན་གསུམ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། བདག་མིང་འདི་ཞེས་བགྱི་བ་དུས་འདི་ནས་བཟུང་ནས། ཇི་སྲིད་བྱང་ཆུབ་སྙིང་པོ་ལ་མཆིས་ཀྱི་བར་དུ། ཇི་ལྟར་དུས་གསུམ་མགོན་པོ་རྣམས། ཞེས་སོགས་རིགས་ལྔའི་སྡོམ་པ་བཟུང༌། འཕྲེང་བ་ནས་འབྱུང་བ་ལྟར་དམ་བཞག་ལྔའམ། ཡང་ན། རྣལ་འབྱོར་མ་དཔལ་དེང་ཁྱོད་ཀྱི། །སྙིང་ལ་ཡང་དག་ཞུགས་པར་གྱུར། །གལ་ཏེ་ཚུལ་འདི་སྨྲས་ན་ནི། །དེ་མ་ཐག་ཏུ་དྲལ་ཏེ་གཤེགས། །འདི་ནི་ཁྱེད་ཀྱི་དམྱལ་བའི་ཆུ། །དམ་ཚིག་འདས་ན་སྲེག་པར་བྱེད། །དམ་ཚིག་བསྲུངས་ན་དངོས་གྲུབ་ནི། །རྡོ་རྗེ་བདུད་རྩིའི་ཆུ་འདིས་འགྲུབ། །ཨོཾ་བཛྲ་ཨུཏ་ཏ་ཀ་ཋ་ཋ་ཧཱུཾ། དེང་ནས་བརྩམས་ཏེ་ང་ཡི་བཀའ། ཁྱོད་ཀྱི་བརྙས་པར་མི་བྱ་ཞིང༌། །དམ་ཚིག་དང་འགལ་མི་བྱ་སྟེ། དང་པོར་དམྱལ་བར་འགྲོ་འགྱུར་རོ། །ཞེས་སོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་བྱིན་གྱིས་རློབས་ཤིག།དཔལ་རྡོ་རྗེ་སེམས་དཔའ་བདག་ལ་དབབ་ཏུ་གསོལ། རང་སྐད་ཅིག་གིས་འོད་དཔག་མེད་ཧེ་རུ་ཀར་གྱུར། རྐང་འོག་ཏུ་ཡཾ་ལས་རླུང་གི་དཀྱིལ་འཁོར་ཟླ་གམ་སྔོན་པོ་བ་དན་གྱིས་མཚན་པ། སྟེང་དུ་རྐང་མཐིལ་གྱི་ནང་དུ་


TNT12_Page_0444
[མ་དཔེ་གཟིགས་ན་འདིར་གནོན།]

ཆུག་པའི་ཛྷཻཿཡིག་ལྗང་ཁུས་མཚན་པ། སྙིང་གར་ལཾ་ལས་སའི་དཀྱིལ་འཁོར་གྲུ་བཞི་སེར་པོ་རྡོ་རྗེས་མཚན་པ། དབུས་སུ་ཉི་མ་ལ་ཧཱུཾ་ནག་པོ་ཐུགས་རྡོ་རྗེ། མགྲིན་པར་རཾ་ལས་མེའི་དཀྱིལ་འཁོར་གྲུ་གསུམ་དམར་པོ་འབར་བས་མཚན་པ། དབུས་སུ་ཉི་མ་ལ་ཨཱཿདམར་པོ་གསུང་རྡོ་རྗེའི་ངོ་བོ། མགོ་བོར་བཾ་ལས་ཆུའི་དཀྱིལ་འཁོར་ཟླུམ་པོ་དཀར་པོ་བུམ་པས་མཚན་པ། དབུས་སུ་ཟླ་བ་ལ་ཧ་དཀར་པོ་སྐུ་རྡོ་རྗེའི་ངོ་བོ། སངས་རྒྱས་སྲས་དང་བཙུན་མོར་བཅས་པ་ཐམས་ཅད། ཐུགས་དང༌། གསུང་དང༌། སྐུ་རྡོ་རྗེའི་ལྷ་ཚོགས་ཀྱི་རྣམ་པར་སྤྱན་དྲངས། ཧཱུཾ་ཨཱཿཧཱཿརྣམས་ལ་ཐིམ། རྐང་འོག་གི་རླུང་གཡོས། ཛྷཻཿལ་བསྐུལ། དེའི་འོད་ཟེར་གྱིས་ལུས་ཀྱི་ནང་གང་ཞིང༌། ལུས་གྱེན་དུ་འདེགས་བཞིན་པ་ལ། ཡི་གེ་གསུམ་བསྐུལ་བས་དེ་རྣམས་ཀྱི་འོད་ཟེར་གྱིས་ལུས་ཀྱི་ནང་མཐའ་དག་གང་བར་གྱུར། དཀྱིལ་འཁོར་གྱི་ལྷ་ཚོགས་དཔག་ཏུ་མེད་པ་སྤྱན་དྲངས། རང་གི་བ་སྤུའི་བུ་ག་ནས་ཞུགས་ཏེ་ཐིམ། ཨོཾ་བཛྲ་ཨ་བེ་ཤ་ཡ། ས་སྟཾ་བྷ་ཡ། ར་ར་ར་ར། ཙཱ་ལ་ཡ་ཙཱ་ལ་ཡ། ཧཱུཾ་ཨཱཿཧཱཿཛྷཻཿ ཞེས་ཡེ་ཤེས་ཕབ། སྤོགས་ཆོག་གཉིས་དང་གེགས་སེལ་བདག་འཇུག་གི་སྐབས་སུ་མི་དགོས། ཨོཾ་ཏེཥྛ་བཛྲ་ས་མ་ཡ། པྲ་ཏི་པྲ་ཏི་པ་ཏི་ཏ། ཧཱུཾ་ཧཱུཾ་ཧཱུཾ་ཕཊ་ཕཊ་སྭཱཧཱ། ཞེས་བརྟན་པར་བྱས། སློབ་མ་དབང་བསྐུར་གྱི་སྐབས་ཀྱང་ལུགས་འདི་ལ་ནམ་མཁའི་ཁ་


TNT12_Page_0445
[མ་དཔེ་གཟིགས་ན་འདིར་གནོན།]

དོག་དྲི་བ་མི་མཛད། བདེན་སྟོབས་བརྗོད་པ་མཛད་མོད། བདག་འཇུག་གི་སྐབས་སུ་མ་བྱས་ཀྱང་ཆོག།ཨོཾ་ཏིཥྛ་བཛྲ་ཌི་ཌྷོ་མེ་བྷ་བ། ཤ་ཤྭ་ཏྭ་མེ་བྷ་བ། ཧྲི་ད་ཡ་མེ། ཨ་དྷི་ཏིཥྛ་སརྦ་སིདྡྷི་མྨེ། པྲ་ཡཙྪ་ཧཱུཾ་ཧ་ཧ་ཧ་ཧ་ཧོཿ ཨཱ་ཁཾ་བཱི་ར་ཧཱུཾ། པྲ་ཏིཙྪ་ཀུ་སུ་མ་ཨཉྫ་ལི། ན་ཐ་ཧོཿ མེ་ཏོག་ཕུལ། ཨོཾ་པྲ་ཏི་གྲྀཧྞ་སྟྭཾ། ཨེ་མཾ་སཏྭ་མཧཱ་བ་ལ། ཨོཾ་དེ་རིང་རྡོ་རྗེ་སེམས་དཔའ་རང༌། ཁྱོད་ཀྱི་མིག་ནི་འབྱེད་པར་བརྩོན། །རྡོ་རྗེའི་མིག་ནི་བླ་མེད་པ། །ཐམས་ཅད་མིག་ནི་འབྱེད་པར་མཛད། །ཨོཾ་ཛྙཱ་ན་ཙཀྵུ་ཧཱུཾ་ཨ། ཧེ་བཛྲ་པ་ཤྱ། ད་ནི་དད་པའི་ཤུགས་ཀྱིས་སུ། །དཀྱིལ་འཁོར་བཟང་པོ་འདི་ལ་ལྟོས། ཁྱོད་ནི་སངས་རྒྱས་རིགས་སུ་སྐྱེས། །སྔགས་དང་ཕྱག་རྒྱས་བྱིན་གྱིས་བརླབས། །དངོས་གྲུབ་ཀུན་ནི་ཕུན་སུམ་ཚོགས། །དམ་ཚིག་མཆོག་ཏུ་ཁྱོད་འགྱུར་གྱི། །རྡོ་རྗེ་པདྨ་མཆོག་རོལ་བས། །གསང་སྔགས་རྣམས་ལ་སྒྲུབ་པར་གྱིས། །རྟེན་དང་བརྟེན་པར་བཅས་པའི་དཀྱིལ་འཁོར་པ་ཐམས་ཅད་མངོན་སུམ་བཞིན་དུ་མཐོང་བར་གྱུར། ཨོཾ་བཛྲ་མཎྜལ་མཧཱ་མཎྜལ་པྲ་བེ་ཤོ྅ཧཾ། ཨོཾ་ཡོ་ག་མཎྜལ་མཧཱ་མཎྜལ་དྲྀ་ཤི་ཏོ྅ཧཾ། ཨོཾ་གུ་ཧྱ་མཎྜལ་མཧཱ་མཎྜལ་ཨ་བྷི་ཥིཀྟོ྅ཧཾ། དངོས་གཞི་ལས་སློབ་མའི་དབང་གི་དོན་དུ་མཎྜལ་ཕུལ། བྱང་ཆུབ་རྡོ་རྗེ་སོགས་ཀྱིས་གསོལ་བ་བཏབ། སངས་རྒྱས་ཀུན་དང་སློབ་དཔོན་དབྱེར་མ་མཆིས་པ། དཔལ་དོན་ཡོད་གྲུབ་


TNT12_Page_0446
[མ་དཔེ་གཟིགས་ན་འདིར་གནོན།]

པ་རྡོ་རྗེ་རྟའི་རྒྱལ་པོ། ཞེས་པ་ནས། འཁྱུད་པའི་སྐུར་གྱུར། ཡེ་ཤེས་སེམས་དཔའི་སྐབས་བཞིན། ཡབ་ཡུམ་སྙོམས་པར་ཞུགས། ཐུགས་ཀའི་ཧཱུཾ་ལས་འོད་ཟེར་འཕྲོས། རང་ལུས་འོད་ཀྱི་གོང་བུར་གྱུར་པ་ཞལ་དུ་བཅུག།རྗེས་ཆགས་ཀྱི་མེས་ཐུགས་ཀར་ཞུ། གཞི་གནས་ཀྱི་བྱང་ཆུབ་སེམས་དང་རོ་གཅིག་ཏུ་འདྲེས། རྡོ་རྗེའི་ལམ་ནས་ཤེས་རབ་ཀྱི་པདྨར་བབས་པ། དཀྱིལ་འཁོར་གྱི་གཙོ་མོའི་སྐུར་གྱུར། དཔྲལ་བར་ཨོཾ་ནས། ཀུན་ཏུ་བཟང་པོའི་ངོ་བོ། །གཙོ་མོའི་ཐུགས་ཀ་ནས་འོད་ཟེར་འཕྲོས། སངས་རྒྱས་ཐམས་ཅད་བཅོམ་ལྡན་འདས་མ་དམ་ཚིག་སྒྲོལ་མའི་རྣམ་པར་བཛྲ་ས་མཱ་ཛཿ ཨོཾ་བཛྲ་ཨཾ་ཀུ་ཤ་ཛ་ནས། ཧོཿའི་བར། ཡང་ཐུགས་ཀ་ནས་འོད་ཟེར་འཕྲོས། ཕྱོགས་བཅུ་དུས་གསུམ་དུ་བཞུགས་པའི་སངས་རྒྱས་སྲས་དང་བཙུན་མོར་བཅས་པ་ཐམས་ཅད་སྤྱན་དྲངས། ནམ་མཁར་བཞུགས། པུཥྤེ་སོགས་ཀྱིས་མཆོད། རྡོ་རྗེ་ཅན་གྱི་སངས་རྒྱས་ལ། །འགྲོ་བ་སྐྱོབ་པའི་ཆེད་དུ་དབང༌། །ཡོན་ཏན་འབྱུང་གནས་ཇི་ལྟར་སྩལ། །དེ་བཞིན་བདག་ལ་གནང་བར་མཛོད། །ནམ་མཁར་བཞུགས་པའི་དབང་གི་ལྷ་ཐམས་ཅད། རྗེས་ཆགས་ཀྱི་མེས་བྱང་ཆུབ་ཀྱི་སེམས་སུ་བཞུ། རྡོ་རྗེ་སློབ་དཔོན་གྱི་རྣམ་སྣང་གི་སྒོ་སྤྱི་གཙུག་ནས་ཞུགས། ཐུགས་ཀར་བྱང་ཆུབ་ཀྱི་སེམས་སུ་ཞུ་ནས། སྐུའི་དབྱིབས་བརྒྱུད། རྡོ་རྗེའི་ལམ་ནས་བྱུང་བས་སྤྱི་བོ་ནས་


TNT12_Page_0447
[མ་དཔེ་གཟིགས་ན་འདིར་གནོན།]

དབང་བསྐུར་ཞིང༌། སྒྲིབ་གཉིས་བག་ཆགས་དང་བཅས་པ་བཀྲུས། དག་པའི་ཤེལ་ལྟར་གྱུར། བྱང་ཆུབ་ཀྱི་སེམས་ཀྱི་རྡུལ་ཕྲ་རབ་རྣམས་ཡུམ་གྱི་པདྨ་ནས་ཕྱིར་སྤྲོས་ཏེ། དབང་གི་ལྷ་ཚོགས་སུ་གྱུར་ནས་མདུན་གྱི་ནམ་མཁར་བཞུགས། ཧཱུཾ་ཞེས་བྱ་བས་ཡུམ་གྱི་པདྨའི་གཡོན་གྱི་མཐའ་ནས་ཕྱིར་སྤྲོས་ཏེ། ཤར་སྒོ་དང་ཉེ་བའི་ལྷ་སྣམ་ལ་དབང་སྟེགས་ཀྱི་སྟེང་དུ་འཁོད། བཀྲ་ཤིས་གང་ཞིག་སེམས་ཅན་ཀུན་གྱི་སྙིང་ལ་གནས། །སོགས་དང༌། ཕུན་སུམ་ཚོགས་པ་མངའ་བ་སོགས་བརྗོད། རང་གི་རིགས་ཀྱི་ལྷས་མེ་ཏོག་འཕྲེང་བ་སྤྱི་བོར་བཅིངས་པར་གྱུར། ཨོཾ་པྲཏི་གྲྀ་ཧྞ་སྟྭཾ་སོགས་ལྷ་ཐམས་ཅད་ཀྱི་བུམ་ཆུ་དུང་ཆོས་སུ་བསྡུས་པའམ། རིག་པའི་བུམ་པ་ལོགས་སུ་བཅས་ཡོད་ན་དེས་དབང་བསྐུར། ཇི་ལྟར་བལྟམས་པ་ནས། ཤྲི་ཡེ་ཧཱུཾ། རིན་པོ་ཆེའི་འཕྲེང་བའམ། དར་རས་ཀྱི་ཅོད་པན་བཅིངས། དབང་བསྐུར་རྡོ་རྗེ་སོགས་ཀྱི་མཐར། ཨོཾ་བཛྲི་བྷ་བ་ཨ་བྷི་ཥིཉྩ་ཧཱུཾ། སྙིང་པོ་ཡི་གེ་བཅུ་པ་ལན་གསུམ། བཅོམ་ལྡན་བདག་ལ་སྩལ་ལགས་ཀྱི། །བདག་ལ་འགོ་བར་མཛད་དུ་གསོལ། །བཅོམ་ལྡན་འདི་ལ་སྦྱིན་ལགས་ཀྱི། །འདི་ལ་ཉེ་བར་མཛད་དུ་གསོལ། །སྔགས་ཀྱི་དངོས་གྲུབ་སྩལ་དུ་གསོལ། །བརྟུལ་ཞུགས་བརྟན་པར་མཛད་དུ་གསོལ། །རྡོ་རྗེ་སློབ་མ་འདི་ཉིད་ཀྱི་རྒྱུད་ལ། བཅོམ་ལྡན་འདས་མ་སྒྲོལ་མ་འཁོར་དང་བཅས་པའི་གསུང་རིག་སྔགས་ཀྱི་ནུས་མཐུ་མ་ལུས་པ་ཐོགས་མེད་དུ་འཇུག་པར་གྱུར་ཅིག །དེ་དག་ནི་རིག་པ་བརྟད་པའི་དབང་


TNT12_Page_0448
[མ་དཔེ་གཟིགས་ན་འདིར་གནོན།]

ཞེས་བྱ་སྟེ་དབང་པོ་དམན་པ་རྣམས་རྗེས་སུ་འཛིན་པར་བྱེད་དོ། །ཐོད་པར་གནས་པའི་བུམ་ཆུ་བསངས་སྦྱངས། སྟོང་པའི་ངང་ལས། མཱཾ་མཱ་མ་ཀཱི་དང༌། ལཱཾ་སངས་རྒྱས་སྤྱན་མ་དང༌། པཱཾ་གོས་དཀར་མོ་དང༌། ཏཱཾ་དམ་ཚིག་སྒྲོལ་མ་རྣམས་ཞུ་བ་ལས་བྱུང་བའི་བུམ་ཆུ་ནུས་པ་ཐམས་ཅད་དང་ལྡན་པར་གྱུར། སྟོང་པའི་ངང་ལས་བདག་ཉིད་མི་བསྐྱོད་པ་ཧེ་རུ་ཀ་མི་བསྐྱོད་པའི་དབུ་རྒྱན་ཅན། སྐུ་མདོག་སྔོན་པོ་ཕྱག་གཉིས་ཀྱིས་རྡོ་རྗེ་དང་དྲིལ་བུ་འཛིན་པ། རང་དང་འདྲ་བའི་ཡུམ་རྡོ་རྗེ་དབྱིངས་ཀྱི་དབང་ཕྱུག་མ་དང་མཉམ་པར་སྦྱོར་བ། རུས་པའི་རྒྱན་དང་ཐོད་པའི་འཕྲེང་བ་ཅན། དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། གཙོ་བོའི་ཐུགས་ཀ་ནས་འོད་ཟེར་འཕྲོས། དེ་བཞིན་གཤེགས་པ་སྲས་དང་བཙུན་མོར་བཅས་པ་ཐམས་ཅད་མི་བསྐྱོད་པའི་རྣམ་པར་བཛྲ་ས་མཱ་ཛཿ ཨོཾ་བཛྲ་ཨངྐུ་ཤ་ཛཿནས། གྷནྜེ་ཧོ། ཨོཾ་ཨ་བྷི་ཥིཉྩ་ཏུ་མཾ། སརྦ་ཏ་ཐཱ་ག་ཏ་ཞེས་ལན་གསུམ་དུ་གསོལ་བ་བཏབ། དབང་གི་ལྷ་རྣམས་ཀྱི་བུམ་པའི་ཆུས་དབང་བསྐུར། སངས་རྒྱས་རྣམས་ནི་ཐམས་ཅད་ཀྱི། །རྡོ་རྗེ་གསང་བ་གསུམ་ལས་བྱུང༌། ཁམས་གསུམ་ཀུན་གྱིས་ཕྱག་བྱས་པའི། །གནས་ཀྱི་དབང་བསྐུར་སྦྱིན་པར་བྱ། །ཨོཾ་ལཾ་མཱཾ་པཱཾ་ཏཱཾ་ཧཱུཾ་བཛྲ་ཨ་བྷི་ཥིཉྩ་ཧཱུཾ། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲི་ཡེ་ཧཱུཾ། དེ་ལྟར་ན་ཆུས་དབང་བསྐུར་བས། སེམས་རྣམ་པར་ཤེས་པ་ཀུན་གཞི་གནས་གྱུར་ཏེ། ཇི་ལྟ་བ་གཟིགས་པའི་ཡེ་ཤེས་ཐུགས་རྡོ་རྗེ་མངོན་དུ་བྱས་


TNT12_Page_0449
[མ་དཔེ་གཟིགས་ན་འདིར་གནོན།]

སོ། །བསངས་སྦྱངས། སྟོང་པའི་ངང་ལས་རྣམ་པར་སྣང་མཛད་ཀྱི་ངོ་བོ་བྷྲུཾ་ཡིག་དང༌། རིན་ཆེན་འབྱུང་ལྡན་གྱི་ངོ་བོ་ཨཾ་ཡིག་དང༌། འོད་དཔག་མེད་ཀྱི་ངོ་བོ་ཛྲིཾ་ཡིག་དང༌། དོན་ཡོད་གྲུབ་པའི་ངོ་བོ་ཁཾ་ཡིག་དང༌། མི་བསྐྱོད་པའི་ངོ་བོ་ཧཱུཾ་ཡིག་ལས་བྱུང་བའི་རིན་པོ་ཆེའི་ཅོད་པན་དེ་བཞིན་གཤེགས་པ་ལྔའི་སྐུ་གཟུགས་ཀྱིས་མཚན་པར་གྱུར། སྟོང་པའི་ངང་ལས་རང་ཉིད་རིན་ཆེན་འབྱུང་ལྡན་ཧེ་རུ་ཀ་རིན་ཆེན་འབྱུང་ལྡན་གྱིས་དབུ་རྒྱན་ཅན་སྐུ་མདོག་སེར་པོ། ཕྱག་གཉིས་ཀྱིས་རིན་པོ་ཆེ་དང་དྲིལ་བུ་འཛིན་པ། རང་དང་འདྲ་བའི་ཡུམ་མཱ་མ་ཀཱི་དང་མཉམ་པར་སྦྱོར་བ། རུས་པའི་རྒྱན་དང༌། ཐོད་པའི་འཕྲེང་བ་ཅན། དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། གཙོ་བོའི་ཐུགས་ཀ་ནས་འོད་ཟེར་འཕྲོས། དེ་བཞིན་གཤེགས་པ་སྲས་དང་བཙུན་མོར་བཅས་པ་ཐམས་ཅད་རིན་ཆེན་འབྱུང་ལྡན་གྱི་རྣམ་པར་བཛྲ་ས་མཱ་ཛཿ ཨོཾ་བཛྲ་ཨངྐུ་ཤ་ཛཿནས། གྷཎྜེ་ཧོཿཡི་བར་བྱ། ཨོཾ་ཨ་བྷི་ཥིཉྩནྟུ་མཾ་སརྦ་ཏ་ཐཱ་ག་ཏཱ་ལན་གསུམ། དབུ་རྒྱན་གྱིས་དབང་བསྐུར། སངས་རྒྱས་རྣམས་ནི་སོགས་ཀྱི་མཐར། ཨོཾ་བྷྲུཾ་ཨཾ་ཛྲིཾ་ཁཾ་ཧཱུཾ་ཧ྄ཱུཾ་རཏྣ་མུ་ཀུ་ཊ་ཨ་བྷི་ཥིཉྩ་ཧཱུཾ། བུམ་པའི་ཆུས་དབང་བསྐུར། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཧཱུཾ། དེ་ལྟར་ན་ཅོད་པན་གྱི་དབང་བསྐུར་བས། ཉོན་མོངས་ལ་སོགས་པ་འཁོར་བའི་ཆོས་རྣམས་ཀྱི་ཡོན་ཏན་རྣམས་གནས་གྱུར་ཏེ་འཁོར་འདས་མཉམ་པ་ཉིད་ཡོན་ཏན་རྡོ་རྗེ་མངོན་


TNT12_Page_0450
[མ་དཔེ་གཟིགས་ན་འདིར་གནོན།]

དུ་བྱས་སོ། །བསངས་སྦྱངས། སྟོང་པའི་ངང་ལས། ཧཱུཾ་ཁཾ་ཧཱུཾ་རིགས་ཐམས་ཅད་ཀྱི་ཁྱབ་བདག་དོན་ཡོད་གྲུབ་པའི་ངོ་བོ་རྡོ་རྗེ་སྔོན་པོ་རྩེ་ལྔ་པར་གྱུར། སྟོང་པའི་ངང་ལས་བདག་ཉིད་འོད་དཔག་མེད་ཧེ་རུ་ཀ་འོད་དཔག་མེད་ཀྱི་དབུ་རྒྱན་ཅན་སྐུ་མདོག་དམར་པོ་པདྨ་དང་དྲིལ་བུ༴ ཡུམ་གོས་དཀར་མོ༴ བཅས་པ་ཐམས་ཅད་འོད་དཔག་མེད་ཀྱི་རྣམ་པར༴ གྷཎྜེ་ཧོཿའི་བར། གོང་བཞིན་ལ་འདོན་པ་སྤོ། དབང་གི་ལྷ་རྣམས་ཀྱིས་རྡོ་རྗེས་དབང་བསྐུར། སངས་རྒྱས་རྡོ་རྗེའི་དབང་གིས་ནི། །དེ་རིང་ཁྱོད་ལ་བསྐུར་བར་བྱ། །སངས་རྒྱས་ཀུན་ཏུ་རབ་བསྒྲུབ་ཕྱིར། །རྡོ་རྗེ་འདི་ནི་བླང་བར་གྱིས། །ཨོཾ་ཧཱུཾ་ཁཾ་ཧཱུཾ། བཛྲ་ཨ་བྷི་ཥིཉྩ་ཧཱུཾ། ཨོཾ་སརྦ་ཏ་ཐཱ་སོགས། ཐོག་མཐའ་མེད་པའི་སེམས་དཔའ་ནི། །རྡོ་རྗེ་སེམས་དཔའ་དགའ་བ་ཆེ། །ཀུན་ཏུ་བཟང་པོ་ཀུན་བདག་ཉིད། །རྡོ་རྗེ་སྙེམས་ཚུལ་བདག་པོའི་བདག །བཅོམ་ལྡན་འདས་དཔལ་མཆོག་དང་པོའི་སྐྱེས་བུ་ལའོ། །དེ་ལྟར་ན་རྡོ་རྗེའི་དབང་བསྐུར་བས། ངག་མིང་ཚིག་ཡི་གེའི་ཚོགས་གནས་གྱུར་ཏེ། བརྗོད་བྲལ་སྒྲ་དབྱངས་ཐམས་ཅད་པ་གསུང་རྡོ་རྗེ་མངོན་དུ་བྱས། བསངས་སྦྱངས་དྲིལ་བུ་སྟོང་པའི་ངང་ལས། བཅོམ་ལྡན་འདས་མ་འཁོར་ལོ་དབང་ཕྱུག་མ་དམ་ཚིག་གི་སྒྲོལ་མའི་ངོ་བོ་རྡོ་རྗེས་མཚན་པའི་དྲིལ་བུར་གྱུར། སྟོང་པའི་ངང་ལས་བདག་ཉིད་དོན་ཡོད་


TNT12_Page_0451
[མ་དཔེ་གཟིགས་ན་འདིར་གནོན།]

གྲུབ་པ་ཧེ་རུ་ཀ་དོན་ཡོད་གྲུབ་པའི༴ སྐུ་མདོག་ལྗང་ཁུ་རལ་གྲི་དང་དྲིལ་བུ༴ ཡུམ་ལས་ཀྱི་སྒྲོལ་མ་དང་༴ ཐམས་ཅད་དོན་ཡོད་གྲུབ་པའི་རྣམ་པར༴ ཅེས་འདོན་པ་སྤོ། དབང་གི་ལྷ་རྣམས་ཀྱིས་དྲིལ་བུས་དབང་བསྐུར། འདི་ནི་རྣལ་འབྱོར་མ་ཀུན་གྱི། །ཤེས་རབ་དབྱངས་ཀྱི་རྗེས་འགྲོར་བཤད། ཁྱོད་ཀྱིས་ཀྱང་ནི་རྟག་ཏུ་བཅང༌། །བྱང་ཆུབ་མཆོག་ཏུ་རྒྱལ་བ་བཞེད། །ཨོཾ་ཧཱུཾ་ཏཱཾ་ཧཱུཾ་བཛྲ་ཨ་དྷི་པ་ཏི་སྟྭཾ། ཨ་བྷི་ཥིཉྩ་ཧཱུཾ། ཨོཾ་སརྦ་ནས། ཤྲཱི་ཡེ་ཧཱུཾ། ཨ་སྲིད་པ་ངོ་བོ་ཉིད་ཀྱིས་དག །ངོ་བོ་ཉིད་ཀྱིས་སྲིད་བྲལ་བྱས། །རང་བཞིན་དག་པའི་སེམས་དཔའ་མཆོག །སྲིད་པ་དམ་པ་བྱེད་པར་འགྱུར། །ཨོཾ་བཛྲ་དྷརྨ་ཨཱཿ དེ་ལྟར་ན་དྲིལ་བུའི་དབང་བསྐུར་བས། ལས་དང་བྱ་བ་ཐམས་ཅད་གནས་གྱུར་ཏེ། ལྷུན་གྲུབ་ཐོགས་པ་མེད་པའི་འཕྲིན་ལས་རྡོ་རྗེ་མངོན་དུ་བྱས། ཡང་རྡོ་རྗེ་དང༌། རྡོ་རྗེ་དྲིལ་བུ་བསངས་སྦྱངས། མི་དམིགས་ཏེ་སྟོང་པའི་ངང་ལས། རྡོ་རྗེ་ལྕགས་ཀྱུ་མའི་ངོ་བོས་ཛཿཡིག་དང༌། རྡོ་རྗེ་ཞགས་པ་མའི་ངོ་བོ་ཧཱུཾ་ཡིག་དང༌། རྡོ་རྗེ་ལྕགས་སྒྲོག་མའི་ངོ་བོ་བཾ་ཡིག་དང༌། རྡོ་རྗེ་དྲིལ་བུ་མའི་ངོ་བོ་ཧོཿཡིག་རྣམས་ཞུ་བ་ལས་བྱུང་བའི་རྡོ་རྗེ་དང༌། རྡོ་རྗེ་དྲིལ་བུར་གྱུར། བདག་ཉིད་སྟོང་པའི་ངང་ལས་རྣམ་པར་སྣང་མཛད་ཧེ་རུ་ཀ །རྣམ་པར་སྣང་མཛད་ཀྱི༴ སྐུ་མདོག་དཀར་པོ། འཁོར་ལོ་དང་དྲིལ་བུ། ཡུམ་སངས་རྒྱས་སྤྱན་མ༴ རྣམ་པར་སྣང་མཛད་ཀྱི་


TNT12_Page_0452
[མ་དཔེ་གཟིགས་ན་འདིར་གནོན།]

རྣམ་པར༴ དབང་གི་ལྷ་རྣམས་ཀྱིས་མིང་གི་དབང་བསྐུར། ཨོཾ་ཛ༔ཧཱུཾ་བཾ་ཧོཿ བཛྲ་ས ཏྭ་སྟྭཾ་ཨ་བྷི་ཥིཙྪ་ཧཱུཾ། བཛྲ་ནཱ་མཿཨ་བྷི་ཥེ་ཀ་ཏ་ཧ་ཤྲཱི། དཔལ་རྡོ་རྗེ་སེམས་དཔའ་ཞེས་བྱ་བའི་དེ་བཞིན་གཤེགས་པའོ། །ཨོཾ་སརྦ་ཏ་ཐཱ༴ དེ་ལྟར་ན་མིང་གི་དབང་བསྐུར་བས། མིང་གི་གདགས་གཞི་ཡུལ་དང་དབང་པོ་ཐམས་ཅད་གནས་གྱུར་ཏེ། ཇི་སྙེད་མཁྱེན་ཅིང་སྣང་སྟོང་གཉིས་སུ་མེད་ཅིང་མི་ཤིག་པ། སྐུ་རྡོ་རྗེའི་གོ་འཕང་མངོན་དུ་བྱས་སོ། །དེ་དག་ནི་སློབ་མའི་དབང་དངོས་གཞི་ཡིན་ལ། མཐའ་རྟེན་ནི། ཨོཾ་བཛྲ་ནེ་ཏྲ་ཨ་ཝ་ཧ་ར་པ་ཏྲ་ལཾ་ཧྲཱིཿ ཐུར་ལྡན་སྨན་པའི་རྒྱལ་པོ་ཡིས། །འཇིག་རྟེན་རབ་རིབ་བསལ་བ་ལྟར། །བུ་ཁྱོད་ཀྱིས་ནི་མི་ཤེས་པའི། །རབ་རིབ་རྒྱལ་བ་རྣམས་ཀྱིས་བསལ། །ཨཱཿ ཆོས་རྣམས་གཟུགས་བརྙན་ལྟ་བུ་སྟེ། །དག་ཅིང་གསལ་ལ་རྙོག་པ་མེད། །གཟུང་དུ་མེད་ཅིང་བརྗོད་དུ་མེད། །རྒྱུ་དང་ལས་ལས་ཡང་དག་བྱུང༌། །རྡོ་རྗེ་སེམས་དཔའི་མེ་ལོང་བཞིན། །འདིར་ནི་གསལ་བདག་རྙོག་པ་མེད། །བུ་ཁྱོད་ཀྱི་ནི་སྙིང་ལ་ཞུགས། །རྡོ་རྗེ་སེམས་དཔའི་རང་བཞིན་གཙོ། །ངོ་བོ་ཉིད་མེད་གནས་མེད་པ། །དེ་ལྟར་ཆོས་རྣམས་ཤེས་གྱིས་ལ། །སེམས་ཅན་དོན་ནི་མཉམ་མེད་བྱོས། །འོན་ཀྱང་རྣལ་འབྱོར་མ་སྲས་སྐྱེ། དྲིལ་བུ་བླངས་ལ། ཨ་ཨ་ཨ། ཐམས་ཅད་ནམ་མཁའི་མཚན་ཉིད་དེ། །ནམ་མཁའ་ལ་ཡང་མཚན་ཉིད་མེད། །ནམ་མཁའ་དང་ནི་མཉམ་གྱུར་པ། །ཐམས་


TNT12_Page_0453
[མ་དཔེ་གཟིགས་ན་འདིར་གནོན།]

ཅད་མཆོག་གི་མཉམ་ཉིད་གསལ། །ཨོཾ་སརྦ་ཏ་ཐཱ་ག་ཏ་ཨ་ནུ་རཱ་ག་ཡ་མི། ཨོཾ་སརྦ་ཏ་ཐཱ་ག་ཏ་ཨ་ནུ་རཱ་ག་ཡ་སྭ། ཨོཾ་ཤུ་ནྱ་ཏཱ༴ སྟོང་པའི་ངང་ལས་སྭཱཧཱ་ལས་རང་ཉིད་ཞི་བའི་སྒྲོལ་མ་དཀར་མོ༴ སངས་རྒྱས་རྣམས་ནི་སོགས་ཀྱི་མཐར། ཨོཾ་ཏཱ་རེ་ཏུཏྟཱ་རེ་ཏུ་རེ་ཤཱནྟིཾ་ཀུ་རུ། བཛྲཱི་ཨ་བྷི་ཥིཉྩ་ཧཱུཾ། རང་ཉིད་རྒྱུས་པའི་སྒྲོལ་མ་སེར་མོར་གྱུར། སངས་རྒྱས་རྣམས་ནི་སོགས། དྷ་ན་པུཥྟིཾ་ཀུ་རུ། རང་ཉིད་དབང་གི་སྒྲོལ་མ་དམར་མོར་གྱུར། །སངས་རྒྱས་རྣམས་ནི་སོགས། སརྦ་ས་དྷྱ་པ་ཤཾ་ཀུ་རུ། རང་ཉིད་དྲག་པོའི་ལས་ཀྱི་སྒྲོལ་མ་ནག་མོར་གྱུར༴ སརྦ་དུཥྟ་ན་པྲ་དུཥྟ་ན་མ་རཾ་ཀུ་རུ། ཞེས་འདོན་པ་སྤོ། ལས་བཞིའི་རྗེས་གནང་ངོ༌། །བསངས་སྦྱངས། དབང་རྫས་རྡོ་རྗེ། སྟོང་པའི་ངང་ལས་ཧཱུཾ་ལས་བྱུང་བའི་རྡོ་རྗེ་སེམས་དཔའི་ངོ་བོར་གྱུར། སྟོང་པའི་ངང་ལས། བདག་ཉིད་རྡོ་རྗེ་སེམས་དཔའ་རྡོ་རྗེ་སེམས་དཔའི༴ རྡོ་རྗེ་དང་དྲིལ་བུ། ཡུམ་རྡོ་རྗེ་སྙེམས་མས། བཛྲ་གྷནྚེ་ཧོ་ཡི་བར་ཆུ་དབང་གི་སྐབས་ལྟར་རོ། །རྡོ་རྗེ་ལག་ཏུ་གཏད། རང་གི་སྙིང་གར་ཡང་རང་དང་འདྲ་བའི་རྡོ་རྗེ་སེམས་དཔར་གྱུར། འདི་དེ་སངས་རྒྱས་ཐམས་ཅད་དེ། །རྡོ་རྗེའི་སེམས་དཔའི་ཕྱག་ན་གནས། ཁྱོད་ཀྱིས་ཀྱང་ནི་རྟག་ཏུ་བཅང༌། །ཕྱག་ན་རྡོ་རྗེའི་བརྟུལ་ཞུགས་བརྟན། །ཨོཾ་སརྦ་ཏ་ཐཱ་ག་ཏ་སིདྡྷི་བཛྲ་ས་མ་ཡ་ཏིཥྛ་ཨེ་ཥ་སྟྭཾ། དྷ་ར་ཡ་མི་བཛྲ་ས་ཏྭ་ཧི་ཧི་ཧི་ཧི་ཧཱུཾ། ལག་པ་གཡས་སུ་ཧཱུཾ་ལས་བྱུང་བའི་


TNT12_Page_0454
[མ་དཔེ་གཟིགས་ན་འདིར་གནོན།]

གྲི་གུག །ཨོཾ་ཀརྟི་ཀ །སརྦ་མཱ་ར་ཎཾ། མཾ་ས་ཀརྟཱ་ཡ། ཀརྟཱ་ཡ་ཧཱུཾ་ཕཊ། ལག་པ་གཡོན་དུ་ཨཱཿལས་བྱུང་བའི་ཐོད་ཁྲག།ཨོཾ་བཛྲ་ཀ་པཱ་ལ་སརྦ་ཤཱ་ཏྲུཾ་ཎཾ། རཀྟཾ་དྷཱ་ར་ཡ་དྷཱ་ར་ཡ་ཧཱུཾ་ཕཊ། ལག་པ་གཡས་སུ་ཨོཾ་ལས་བྱུང་བའི་ཅང་ཏེའུ། ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱཧཱ། གཡོན་དུ་ཨུཏྤལ། ན་མོ་རཏྣ་ཏྲ་ཡཱ་ཡ་སོགས་རྩ་སྔགས་སོ། །ཡང་གཡོན་དུ་ཏཱཾ་ལས་བྱུང་བའི་མདུང་རྩེ་གསུམ་པ། ཨོཾ་ཧ་ན་ཧ་ན་མཱ་ར་ཡ་མཱ་ར་ཡ་སརྦ་ཤཱ་ཏྲུན་ཏྲི་ཤུ་ལ་ཧཱུཾ་ཕཊ། ཧཾ་ལས་བྱུང་བའི་ཁ་ཊྭཾ་ག་མཆན་ཁུང་དུ་བཀོད། ཨོཾ་ཛྭ་ལ་ཛྭ་ལ་བྷྱོཿཧཱུཾ་ཧཱུཾ་ཧཱུཾ་ཕཊ། བདེ་སྟོང་གཉིས་སུ་མེད་པའི་ཡེ་ཤེས་སྒོམས་ཤིག །འདི་ལྟར་ངས་ཁྱོད་ལུང་བསྟན་ཏེ། །རྡོ་རྗེ་སེམས་དཔའ་དེ་བཞིན་བཤེགས། །སྲིད་པ་ཤིན་ཏུ་དག་པས་ན། །སྲིད་པའི་ངན་འགྲོ་རྣམས་ལས་བཏོན། །ཧེ་བཛྲ་ཨངྐུ་རི། སརྦ་ཏ་ཐཱ་ག་ཏ་བཛྲ་ཤི་ཥྱ་ས་མ་ཡ། བྷུརྦྷུ་བ་སྭ། གང་ངས་ལུང་བསྟན་པ་འདི་ལ། སངས་རྒྱས་དང་བྱང་ཆུབ་སེམས་དཔའ་དཀྱིལ་འཁོར་གྱི་འཁོར་ལོ་དང་བཅས་པ་ཐམས་ཅད་ཀྱིས། བྱང་ཆུབ་ཆེན་པོར་ལུང་སྟོན་པར་མཛད་དེ། སྔགས་དང་ཕྱག་རྒྱ་འདིའི་མཐུ་ཡིན་ནོ། །དེ་ནས་དབང་དེ་ཙམ་ལས་མི་བསྐུར་ན། སྐབས་འདིར་དམ་ཚིག་བཤད་དོ། །རྡོ་རྗེ་སློབ་དཔོན་གྱི་དབང་གི་དོན་དུ་མཎྜལ་ཕུལ། འཁོར་ལོ་ཕྱིར་མི་ལྡོག་པའི་དབང༌། །དམ་པ་བདག་ལ་སྩལ་ནས་ཀྱང༌། །


TNT12_Page_0455
[མ་དཔེ་གཟིགས་ན་འདིར་གནོན།]

མགོན་པོ་འཁོར་ལོ་ལྷ་དག་གི །དེ་ཉིད་སློབ་དཔོན་འཕྲིན་ལས་དང༌། །སངས་རྒྱས་ཀུན་གྱི་དམ་ཚིག་དང༌། །སྡོམ་པ་གསང་མཆོག་བཤད་དུ་གསོལ། །སེམས་ཅན་ཀུན་གྱི་དོན་བགྱིད་ཕྱིར། །བདག་ནི་རྟག་ཏུ་སློབ་དཔོན་གྱུར། །ཨོཾ་མཧཱ་བཛྲ་ཧཱུཾ། ཐོག་མཐའ་མེད་པའི་སོགས། འདི་ནི་རྣལ་འབྱོར་མ་ཀུན་སོགས། ཨཱཿསྲིད་པ་སོགས། ཡིད་ཀྱི་ལུས་སུ་བརྟན་པའི་ཕྱིར་སོགས། བདག་ཉིད་རྡོ་རྗེ་སེམས་དཔའི་སྐུར་གྱུར་པའི་ཐུགས་ཀར་གཞལ་མེད་ཁང་ལྷའི་གདན་དང་བཅས་པ། དཀྱིལ་འཁོར་གྱི་གཙོ་བོའི་ཐུགས་ཀར་བཅོམ་ལྡན་འདས་མ་སྒྲོལ་མ་རྣལ་འབྱོར་མའི་དཀྱིལ་འཁོར་རྟེན་དང་བརྟེན་པར་བཅས་པ་ཡོངས་སུ་རྫོགས་པ་བཞུགས་པར་གྱུར། ཨོཾ་ཏཱ་རེ་སོགས་ཡི་གེ་བཅུ་པ་དང༌། ལྷ་རྣམས་ཀྱི་མཚན་སྔགས་རྫོགས་པར་བརྗོད། གཙོ་མོའི་ཐུགས་ཀའི་ལྷ་ཚོགས་རྣམས་ཕྱིར་སྤྲོས་ཏེ། རང་གི་སྙིང་གའི་གཞལ་ཡས་ཁང་གི་ནང༌། ལྷའི་གདན་རྣམས་སུ་འཁོད་པར་གྱུར། བསྡུ་ན་དེ་ཙམ་གྱིས་ཆོག།རྒྱས་པར་ན་ཞལ་ཕྱག་རྣམས་གསལ་གདབ་བོ། །དཀྱིལ་འཁོར་གྱི་ལྷ་ཚོགས་ཐམས་ཅད་ཀྱི་ཐུགས་ཀ་ནས་ཡེ་ཤེས་སེམས་དཔའ་ལྷ་ཉི་ཤུ་རྩ་ལྔའི་ཚོགས་རྣམས་བཛྲ་ས་མཱ་ཛཿ ཛཿཧཱུཾ་བཾ་ཧོ། ཨཱཿལས་བྱུང་བའི་བགྲང་འཕྲེང་གསུང་རྡོ་རྗེ་འོད་དཔག་ཏུ་མེད་པའི་ངོ་བོར་གྱུར། ཨོཾ་ཨ་ཨཱ་ཨི་ཨཱི་ནས། ཧ་ཀྵ་ཧཱུཾ་ཕཊ་སྭཱཧཱ། སྙིང་པོ་ལན་མང་དུ་བཟླས། འཕྲེང་བ་སྤྱི་བོར་བཞག སྙིང་གའི་ལྷ་ཚོགས་རྣམས་ས་བོན་གྱི་དཀྱིལ་འཁོར་དུ་གྱུར། མདུན་


TNT12_Page_0456
[མ་དཔེ་གཟིགས་ན་འདིར་གནོན།]

བསྐྱེད་དཀྱིལ་འཁོར་གྱི་ཐུགས་ག་ནས། ཡེ་ཤེས་སེམས་དཔའ་སྔགས་ཀྱི་ཡིག་འབྲུའི་གཟུགས་ཅན་བཛྲ་ས་མཱ་ཛཿ ཛཿཧཱུཾ་བཾ་ཧོཿ ཧཱུཾ་ལས་བྱུང་བའི་རྡོ་རྗེ་རྩེ་ལྔ་པའོ། །དེ་སྙིང་གར་བསྟད། སྙིང་པོའི་མཐར། སརྦ་ཏ་ཐཱ་ག་ཏ་སིདྡྷི་སོགས། རྡོ་རྗེ་བརྟུལ་ཞུགས་ཀྱི་སྔགས་བཏགས་ཏེ། ཧི་ཧཱུཾ་ཡིག་འབྲུའི་དཀྱིལ་འཁོར་རྣམས་ཕྱག་མཚན་གྱི་དཀྱིལ་འཁོར་དུ་གྱུར། མདུན་བསྐྱེད་ཀྱི་དཀྱིལ་འཁོར་ལས། ཡེ་ཤེས་སེམས་དཔའ་ཕྱག་མཚན་གྱི་རྣམ་པར་བཛྲ་ས་མ་ཛཿ ཛཿཧཱུཾ་བཾ་ཧོ། དེ་བཞིན་གཤེགས་པ་ཐམས་ཅད་ཀྱི། །མཚོན་ཆ་འཁོར་ལོ་བླ་ན་མེད། །རྣལ་འབྱོར་མ་ཡི་བུ་ཁྱོད་ལོང༌། །འཁོར་ལོའི་རིག་པ་འཛིན་པར་འགྱུར། །ཨོཾ་སརྦ་ཏ་ཐཱ་ག་ཏ་ཙཀྲ་བརྟ་ནི་ཨ་བྷི་ཥིཉྩ་ཧཱུཾ། དེ་བཞིན་དུ། རྡོ་རྗེ་དང༌། བཛྲ། རིན་ཆེན་དང་རཏྣ། ཆུ་སྐྱེས་དང་པདྨ། རལ་གྲི་དང་ཁཊྒ། ཞེས་པ་ནི་ཐུགས་ཀྱི་དབང་ངོ༌། །ཨོཾ་དྷ་ར་དྷ་ར་དྷཱ་ར་ཡ་དྷཱ་ར་ཡ། མརྡྷ་མརྡྷ། བཛྲ་དྷྲྀ་ཀ་ཕཊ། ཨོཾ་བཛྲ་དྷརྨ་ས་མ་ཡ་སྭ་སྟྭཾ། ཧུ་ལུ་ཧུ་ལུ། ཨ་རོ་ལིཀ་ཕཊ། ཨོཾ་བཛྲ་སཱུརྱ། ཏ་མོ་བི་ད་


TNT12_Page_0457
[མ་དཔེ་གཟིགས་ན་འདིར་གནོན།]

མ་ན་སྭཱཧཱ། ཨ་ཧཱཾ། རཏྣ་དྷྲིཀ་ཕཊ། ཨོཾ་ཤ་ཤྭ་ཏོ་པ་ར་མ་ཤ་ཤྭ་ཏོ། ཨེ་ཧྱ་ཧི། ཛི་ན་ཛི་ཀ བྷྲུཾ་ཧཱུཾ་ཕཊ། ཨོཾ་ཕུ་ཕུ་ཕུ་ཧི་ཧི་ཧི་པྲ་ཛྙཱ་དྷྲྀཀ་ཧཱུཾ་ཕཊ། ཨོཾ་ཨཱཿཧཱུཾ་ཧཾ། སྤྱི་བོའི་འཁོར་ལོ་མི་བསྐྱོད་པ། །རྣ་ཆའི་བདག་ཉིད་འོད་དཔག་མེད། །མགུལ་གྱི་འཕྲེང་བ་རིན་ཆེན་བདག།ལག་པར་རྣམ་པར་སྣང་མཛད་བརྗོད། །སྐེ་རགས་ལ་ནི་དོན་ཡོད་གནས། ཁ་ཊྭཱཾ་ག་ནི་ཤེས་རབ་སྟེ། །ཐབས་ཀྱི་རང་བཞིན་ཅང་ཏེ་ཉིད། །རྣལ་འབྱོར་མ་ཡི་མིང་བོས་བཟུང༌། །སྣ་ཚོགས་རྡོ་རྗེ་ལག་ཏུ་བཟུང་ལ། ཞི་དང་རྒྱས་དང་དབང་དང་དགུག།སྡང་བར་བྱ་དང་གནོན་སོགས་དང༌། །བསད་དང་བསྐྲད་པ་ཐམས་ཅད་དེ། །ལས་དེ་རྣམས་ནི་བསྒྲུབ་པར་གྱིས། །འདི་ལ་སློབ་མ་དབང་བསྐུར་གྱི་སྐབས། ལས་བཞིའི་བུམ་པས་དབང་བསྐུར་རོ། །གྲུབ་པ་བརྒྱད་ཀྱི་གཟུགས་བརྙན་བསྟར་ཏེ། རལ་གྲི་མིག་སྨན་ས་འོག་དང༌། །མཆིལ་ལྷམ་དེ་བཞིན་རིལ་བུ་སྟེ། །རྣལ་འབྱོར་མ་ཡི་དངོས་གྲུབ་ནི། །དེ་ནི་ཅི་དགར་བསྒྲུབ་པར་བགྱི། །རིག་མ་དམ་ཚིག་སྒྲོལ་མའི་ང་རྒྱལ་དང་ལྡན་པ་ལ། བདག་ཉིད་རྡོ་རྗེ་སེམས་དཔའི་ཕྱག་རྒྱ་ཆེན་པོར་གནས་པས། ནུ་མ་ལ་རེག་ཅིང་འཁྱུད་པ་ན། དགའ་བ་དང་པོ་མི་འགྱུར་ཞིང་བརྟན་པར་གྱུར། ཨོཾ་བཛྲ་ཨ་ནུ་རཱ་ག་ན་ཨཱཿཧཱུཾ། སངས་རྒྱས་རྣམས་ནི་ཐམས་ཅད་ཀྱི། །སོགས་ཀྱི་མཇུག་ཏུ། ཨོཾ་བཛྲ་ཨུཏྟ་ཀ་ཨ་བྷི་ཥིཉྩ་ཧཱུཾ།


TNT12_Page_0458
[མ་དཔེ་གཟིགས་ན་འདིར་གནོན།]

སྭ་ར་ཏ་སྟྭཾ། ཨཱ་ཧཾ། ཨརྒྷཾ་ནས། ཤཔྟའི་བར་གྱིས་མཆོད། ཨོཾ་སུ་པྲ་ཏིཥྛ་དང༌། ཡེ་དྷརྨ་བརྗོད། ཉིན་མོ་བདེ་ལེགས་མཚན་བདེ་ལེགས། །སོགས་ཀྱིས་མེ་ཏོག་གཏོར། རོལ་ཆེན་བྱ། སློབ་དཔོན་སྨད་པར་མི་བྱ་སྟེ། །བདེ་གཤེགས་བཀའ་ལས་འདའ་མི་བྱ། །དེ་བཞིན་ཁྲོས་པས་སྤུན་རྣམས་ལ། །ཉེས་པ་བརྗོད་པར་མི་བྱའོ། །སེམས་ཅན་རྣམས་ལ་བྱམས་པའི་སེམས། །ནམ་ཡང་སྤང་བར་མི་བྱའོ། །བྱང་ཆུབ་སེམས་ནི་སྤང་མི་བྱ། །རང་གཞན་ཆོས་ལ་སྨད་མི་བྱ། །ཡོངས་སུ་མ་སྨིན་སེམས་ཅན་ལ། །གསང་བ་ཉིད་ནི་བསྟན་མི་བྱ། །བདག་ཉིད་ཕུང་པོ་སྨད་མི་བྱ། །ཆོས་ལ་ཡིད་གཉིས་མི་བྱ་ཞིང༌། །གདུག་ལ་བྱམས་པ་ཉིད་མི་བྱ། །ཆོས་ཉིད་ཚད་ནི་གཟུང་མི་བྱ། །སྐལ་ལྡན་སེམས་ཅན་བསླུ་མི་བྱ། །རྟག་ཏུ་དམ་ཚིག་བསྟེན་པར་བྱ། །ཤེས་རབ་རང་བཞིན་བུད་མེད་ལ། །སྐྱོན་གྱི་ཉེས་པ་མི་བརྗོད་དོ། །གཙོ་བོས་ཇི་ལྟར་བཀའ་སྩལ་པ། །དེ་བཞིན་བདག་གིས་བགྱིད་པར་འཚལ། །ལན་གསུམ། གསང་བ་འདི་སུ་ལའང་སྨྲ་བར་མི་བྱའོ། །གལ་ཏེ་སྨྲས་ན་དེ་ཡི་ཚེ། །ཤིན་ཏུ་རྣོ་བའི་ཤུ་ལ་ནི། །རྣལ་འབྱོར་མ་ཡི་ཕྱག་ན་གནས། །གང་གི་དམ་ཚིག་འཇིག་བྱེད་པ། །དེ་ལ་འདི་ཡིས་མཆོག་ཏུ་འབིག།ཨོཾ་མ་ཧཱ་ས་མ་ཡ་ཧཱ་ན་ཧཱུཾ་ཕཊ། ཅེས་བརྗོད། སྤྲོ་ན། དེ་རིང་ཁྱོད་ནི་དཀྱིལ་འཁོར་གྱི། །སློབ་དཔོན་སྔགས་


TNT12_Page_0459
[མ་དཔེ་གཟིགས་ན་འདིར་གནོན།]

དང་རྒྱུད་འཛིན་པ། །སོགས་དང༌། མཆོག་གསང་དཀྱིལ་འཁོར་དམ་པ་འདིར། །ཞེས་པ་ནས། ཁྱེད་རྣམས་བརྟན་པར་འགྱུར་གྱི་བར་དབུགས་དབྱུང་རིང་མོ་འཕྲེང་བ་ནས་འབྱུང་གི་བར་བརྗོད་དེ་བུམ་པའི་དབང་ངོ༌། །དེ་ལྟར་ན་བུམ་པའི་དབང་བསྐུར་བ་ཐོབ་པས། འཁོར་བ་ཐོག་མ་མེད་པ་ནས་བསགས་པའི་སྡིག་སྒྲིབ་བག་ཆགས་དག།སྐུ་རྡོ་རྗེ་སྤྲུལ་པའི་སྐུའི་གོ་འཕང་ཐོབ་པར་འགྱུར་བ་ཡིན་ནོ། །གསང་དབང་གི་དོན་དུ་མཎྜལ་ཕུལ་ལ། མཚན་ཉིད་ཐམས་ཅད་ཡོངས་སུ་རྫོགས་པའི་རིགས་ཀྱི་ཕྱག་རྒྱ་ཡང་མདུན་དུ་བསྟར། ཁྱེད་ལ་འདི་ནི་འབུལ་ལགས་ཀྱི། །འདོད་དོན་བདེ་བ་རབ་ཏུ་སྩོལ། །བདག་ནི་འདོད་པའི་བདེ་དོན་གཉེར། །མགོན་པོ་ཁྱོད་ཀྱིས་བརྩེ་བས་གཟུང༌། །བྱང་ཆུབ་རྡོ་རྗེ་སོགས་ལན་གསུམ། བདུད་རྩི་འཁྱིལ་བའི་སྔགས་ཐུང་གིས་མིག་དར་བཅིང༌། མགྲིན་པར་ཆོས་འབྱུང་གི་དབུས་སུ་སྔགས་འཕྲེང་གཡོན་དུ་འཁོར་བར་གྱུར། ཨཱ་ལི་ཀཱ་ལི་བརྗོད་ཅིང་རོལ་མོའི་སྒྲ་བྱ། ཨོཾ་བཛྲ་ཨུཏྟ་ཀ་ཨ་བྷི་ཥིཉྩ་ཧཱུཾ། སུ་ར་ཏ་སྟྭཾ་ཨ་ཧཾ། ཨོཾ་ལཾ་མཱཾ་པཱཾ་ཏཱཾ་ཧཱུཾ། བཛྲ་ཨ་བྷི་ཥིཉྩ་ཧཱུཾ། ཨོཾ་བྷྲུཾ་ཨཱཾ་ཛྲིཾ་ཁཾ་ཧཱུཾ་ཧཱུཾ། རཏྣ་མུ་ཀུ་ཊ་ཨ་བྷི་ཥིཉྩ་ཧཱུཾ། ཨོཾ་ཧཱུཾ་ཁཾ་ཧཱུཾ། བཛྲ་ཨ་བྷི་ཥིཉྩ་ཧཱུཾ། ཨོཾ་ཧཱུཾ་ཏཱཾ་ཧཱུཾ། བཛྲ་ཨ་དྷི་པ་ཏི་སྟྭཾ། ཨ་བྷི་ཥིཉྩ་ཧཱུཾ། ཨཱཿསྲིད་པ་སོགས། ཡིད་ཀྱི་ལུས་སུ་བརྟན་པའི་ཕྱིར། །སོགས། ཨོཾ་ཛཿཧཱུཾ་བཾ་ཧོཿ བཛྲ་སཏྭ་སྟྭཾ། བཛྲ་ནཱ་མ་ཨ་བྷི་ཥིཉྩ་མཾ། དཔལ་ལྡན་རྡོ་རྗེ་སེམས་དཔའ་ཞེས་བྱ་བའི་དེ་བཞིན་གཤེགས་པའོ། །ཡབ་ཡུམ་སྙོམས་


TNT12_Page_0460
[མ་དཔེ་གཟིགས་ན་འདིར་གནོན།]

པར་ཞུགས་པའི་དགའ་བའི་སྒྲས། ཕྱོགས་བཅུའི་དེ་བཞིན་གཤེགས་པ་སྲས་དང་བཙུན་མོར་བཅས་པ་ཐམས་ཅད་སྤྱན་དྲངས། རྗེས་ཆགས་ཀྱི་མེས་བྱང་ཆུབ་ཀྱི་སེམས་སུ་ཞུ་བ། ཐབས་ཀྱི་འཁོར་ལོས་བསྒྱུར་བ་དོན་ཡོད་གྲུབ་པའི་སྤྱི་བོ་ནས་ཞུགས། ཐུགས་ཀར་གཞི་གནས་ཀྱི་བྱང་ཆུབ་སེམས་དང་རོ་གཅིག་ཏུ་འདྲེས་ཏེ། རྩ་ཨ་བ་དྷུ་ཏཱིའི་ལམ་ནས་བརྒྱུད། རྡོ་རྗེ་ནོར་བུར་ལྷན་ཅིག་སྐྱེས་པའི་ཡེ་ཤེས་བརྟན་པར་བྱས། བྱང་ཆུབ་ཀྱི་སེམས་མཐེ་བོང་དང་མིང་མེད་ཀྱི་བླངས་ཏེ་ལྕེ་ཐོག་ཏུ་བཞག་པར་གྱུར། འདས་པའི་རྡོ་རྗེ་འཆང་སོགས་ཀྱིས། །ཇི་ལྟར་སངས་རྒྱས་སྲས་དབང་བསྐུར། །དེ་བཞིན་དུ་ནི་བྱང་ཆུབ་སེམས། །བཟང་པོས་བུ་ཁྱོད་དབང་བསྐུར་རོ། །ཨོཾ་ཨཱཿཧཱུཾ། འདི་སྟེ་དཔའ་བོ་ལྷ་མོ་རྣམས། །དམ་ཚིག་རྨད་བྱུང་ཆེན་པོ་སྟེ། ཁམས་ལྔ་ལས་བྱུང་བཅུད་ཀྱི་ལེན། །བདེ་བ་ཆེན་པོ་མྱང་བར་གྱིས། །ཨོཾ་ཨཱཿཧཱུཾ། ཨེ་མ་ཧོ་བདེ་བ་ཆེན་པོའོ། །ཨོཾ་ཛྙཱ་ན་ཙཀྵུ་ཧཱུཾ་ཨཱ། གདོང་གཡོགས་བསལ། པདྨའི་དཀྱིལ་འཁོར་ལ་བལྟས་པས་མཆོག་ཏུ་དགའ་བ་འགྱུར་བ་མེད་པ་བརྟན་པར་བྱས། སླར་ཡང་བདུད་རྩི་མྱང༌། ཁྲག་ཆེན་པོ་ནི་ག་བུར་བཅས། །ཙནྡན་དམར་དང་ཡང་དག་སྦྱར། །དེ་བཞིན་རྡོ་རྗེའི་ཆུ་དང་བཅས། །ལྔ་པ་སེམས་ལས་བྱུང་བར་བཤད། །སངས་རྒྱས་ཀུན་གྱི་མཐུན་པར་གསུངས། །བཟང་པོ་ཁྱོད་ཀྱིས་བསྐྱང་བར་བྱ། །དེ་ལྟར་ན་བྷ་གའི་དཀྱིལ་འཁོར་དུ་གསང་བའི་དབང་བསྐུར་བ་ཐོབ་པས། འཁོར་བ་ཐོག་མ་མེད་པ་ནས་བསགས་པའི། ངག་གི་སྡིག་སྒྲིབ་ཐམས་ཅད་དག །གསུང་རྡོ་རྗེ་ལོངས་སྤྱོད་རྫོགས་པའི་


TNT12_Page_0461
[མ་དཔེ་གཟིགས་ན་འདིར་གནོན།]

སྐུའི་གོ་འཕང་ཐོབ་པར་གྱུར། ཤེས་རབ་ཡེ་ཤེས་ཀྱི་དབང་གི་དོན་དུ་མཎྜལ་ཕུལ། བཅོམ་ལྡན་ཞི་བ་ཆེན་པོ་ཀྱེ། །སོགས་ལན་གསུམ་གྱི་གསོལ་བ་བཏབ། ཨརྒྷཾ་ནས་ཤཔྟའི་བར་གྱིས་མཆོད། དབང་པོ་གཉིས་ཀྱི་སྦྱོར་བ་གང༌། །རང་བཞིན་མེད་པའི་བདག་ཉིད་དེ། །ཡེ་ཤེས་མཚོན་ཆ་རྣམས་འཆང་བ། །མངོན་སྤྱོད་སྣ་ཚོགས་སྤྱོད་པ་པོ། །མ་མོའི་ཚོགས་ཀྱིས་བསྐོར་བའི་སྔགས་ཅན་མ། །དབང་པོའི་དྲ་བ་འཕྲོ་ཞིང་འོད་ཟེར་འཁྲུག།ལྷན་ཅིག་སྐྱེས་པའི་མཛེས་མ་དང་གཅུགས་མཛད། །བློ་གྲོས་ཆེན་པོས་བདག་ལ་དབང་བསྐུར་སྩོལ། །ལན་གསུམ་དུ་གསོལ་བ་བཏབ། སངས་རྒྱས་ཀུན་གྱིས་བྱིན་རླབས་པའི། །ལྷ་མོ་འདི་ནི་ཁྱོད་ལ་ཤིས། །མཐའ་ཡས་བདེ་བ་སྦྱིན་པ་མོ། །རྣམ་པ་ཀུན་ཏུ་ཕྱག་རྒྱ་ལོ། །གཟུང་མ་ཡིད་འོང་འདི་ཁྱོད་ཀྱིས། །བསྟེན་བྱར་སངས་རྒྱས་རྣམས་ཀྱིས་བསྔགས། །བླུན་པོ་གང་ཞིག་འདི་སྤོང་བ། །དེ་ལ་མཆོག་གི་དངོས་གྲུབ་མེད། །བདག་ཉིད་རིགས་ཐམས་ཅད་ཀྱི་ཁྱབ་བདག་དོན་ཡོད་གྲུབ་པ་དང༌། རིག་མ་དམ་ཚིག་སྒྲོལ་མའི་སྐུར་གྱུར། ཨོཾ་ཨཱཿཧཱུཾ། བདུད་རྩི་མྱང༌། ཨོཾ་བཛྲ་ཨུཏ་ཏ་ཀ་ནས་གཟུང༌། དམ་ཚིག་གསུམ་གྱི་བར་གོང་གསང་དབང་གི་སྐབས་བཞིན། སྤྱི་བོར་ཨོཾ་ནས་ཀུན་ཏུ་བཟང་


TNT12_Page_0462
[མ་དཔེ་གཟིགས་ན་འདིར་གནོན།]

པོའི་བར། སྐུ་གསུང་ཐུགས་དང་སྐྱེ་མཆེད་བྱིན་གྱིས་བརླབས། དང་པོ་དགའ་བ་དཔའ་བོ་སྟེ། །མཆོག་ཏུ་དགའ་བ་རྣལ་འབྱོར་མ། །ཤིན་ཏུ་བདེ་དགའ་ཐམས་ཅད་ངེས། །དེ་བདེ་ཐབས་ལས་ཡང་དག་རིག།ཤེས་རབ་སྦྱོར་པས་དཔལ་ལྡན་ནི། །འདི་ཉིད་ཡང་དག་མཚོན་པར་བྱ། །རྡོ་རྗེ་སྐྱིལ་ཀྲུང་དག་གི་སེམས། །ནོར་བུའི་ནང་དུ་སོན་ལྟ་བས། །ཅི་སྟེ་བུ་ཁྱོད་འདི་སྤྲོའམ། །ང་ལས་དམ་ཚིག་ལེན་པར་ནི། །བཤང་གཅི་རཀྟ་བཟའ་བ་དང༌། །བྷ་གའི་མཐའ་ནས་འཇིབ་བྱེད་དམ། ཁྱོད་ལས་དམ་ཚིག་བཟའ་བར་ནི། །ལྷ་མོ་ཅི་ཕྱིར་བདག་མི་སྤྲོ། །ཇི་སྲིད་བྱང་ཆུབ་སྙིང་པོའི་བར། །བདག་གི་མི་མོ་ཀུན་གུས་བྱ། །ཆུ་སྐྱེས་རབ་ཏུ་རྒྱས་པ་གསལ་བར་བྱས་ཏེ། ཨ་རེ་བདག་གི་པདྨ་ནི། །བདེ་བ་ཐམས་ཅད་ཡང་དག་ལྡན། །གང་ཞིག་ཆོ་གས་བསྟན་བྱེད་པ། །བདག་ལ་དངོས་གྲུབ་སྩོལ་མཛད་མ། །དལ་བུ་དལ་བུར་རབ་སྦྱོར་བས། །པདྨར་བྱ་བ་ཇི་བཞིན་གྱིས། །དབུས་སུ་ཟེ་འབྲུས་རྣམ་བརྒྱན་པའི། །ཆུ་སྐྱེས་འདབ་མ་གསུམ་པར་གཟིགས། །ཨ་ཧོ་བདེ་བ་ཅན་གྱི་ཞིང༌། །སངས་རྒྱས་སྐུ་མདོག་དམར་པོས་མཛེས། །ནང་གི་རྩ་ཡི་འཁོར་ལོར་ཚོལ། །དེས་ནི་བུ་ཁྱོད་འབྲས་བུར་བཅས། །ཧྲཱིཿལས་པདྨ། ཨཱཿལས་ཟེ་འབྲུ། ཧཱུཾ་ལས་རྡོ་རྗེ། ཨོཾ་ལས་ནོར་བུ། བུ་གར་ཕཊ་ཀྱིས་བཀག་པ་དང་བཅས་པའོ། །རོལ་ཞིག་རོལ་ཞིག་བདག་ལ་


TNT12_Page_0463
[མ་དཔེ་གཟིགས་ན་འདིར་གནོན།]

རོལ། །འདོད་པ་གྱིས་ཤིག་དགའ་གསལ་བ། ཁྱོད་ཀྱིས་གཞན་དུ་མི་རྟོག་པ། །རྟོགས་པས་ཐེ་ཚོམ་མ་བྱེད་ཅིག །ཅེས་བསྐུལ་ནས། རྗེས་ཆགས་སྤེལ་བ་དང༌། ཁ་ག་མུ་ཁ་བཙལ་བ་དང༌། རྒྱུ་བསྙེན་སྒྲུབ་བཞི་ལས་འབྲས་བུ་ཡེ་ཤེས་འཆར་བ་དང༌། སྐད་ཅིག་མ་བཞི་ལས་མཚན་ཉིད་བྲལ་བ་ལ་བརྟེན་ནས་ལྷན་ཅིག་སྐྱེས་པ་མངོན་དུ་གྱུར་པ་དང༌། དེ་ལས་སྙིང་སྟོབས་བརྒྱད་དང༌། རྗེས་ཆགས་ཀྱི་ས་བཅུ་ཐོབ་པར་གྱུར་ཏེ། ཐབས་གཞན་གྱིས་ནི་སངས་རྒྱས་མིན། །འགྲོ་བ་གསུམ་འདི་དག་པ་ཡིན། །དེ་ཕྱིར་ཁྱོད་ཀྱི་རྟག་ཏུ་ནི། །འཁོར་བར་སྦྱོར་བྲལ་མི་བྱའོ། །འདི་སྟེ་སངས་རྒྱས་ཐམས་ཅད་ཀྱི། །རིག་པའི་བརྟུལ་ཞུགས་བླ་ན་མེད། །རྨོངས་པ་གང་ཞིག་འདའ་བྱེད་པ། །དེ་ལ་དངོས་གྲུབ་མཆོག་མེད་དོ། །དེ་ལྟར་ན་ཤེས་རབ་ཡེ་ཤེས་ཀྱི་དབང་བསྐུར་བ་ཐོབ་པས་འཁོར་བ་ཐོག་མ་མེད་པ་ནས་བསགས་པའི་ཡིད་ཀྱི་སྡིག་སྒྲིབ་བག་ཆགས་དང་བཅས་པ་དག །བདེ་སྟོང་མཁའ་མཉམ་ཐུགས་རྡོ་རྗེ་ཆོས་ཀྱི་སྐུ་མངོན་དུ་བྱས། དབང་བཞི་པའི་དོན་དུ་མཎྜལ་ཕུལ། ཀུན་མཁྱེན་ཡེ་ཤེས་ཕུང་པོ་ཅན། །སྲིད་པའི་འཁོར་ལོ་རྣམ་སྦྱོར་བ། །དེ་རིང་བཤད་པའི་རིན་ཆེན་གཏེར། །གཙོ་བོས་བདག་ལ་བཀའ་དྲིན་སྩོལ། །ལན་གསུམ་གྱིས་གསོལ་བ་བཏབ། ལྷན་ཅིག་སྐྱེས་ལས་གང་སྐྱེས་པ། །ལྷན་ཅིག་སྐྱེས་པར་དེ་བརྗོད་བྱ། །རང་བཞིན་ལྷན་ཅིག་སྐྱེས་ཞེས་བརྗོད། །རྣམ་པ་ཐམས་ཅད་སྡོམ་པ་གཅིག །དཔེའི་ལྷན་སྐྱེས་


TNT12_Page_0464
[མ་དཔེ་གཟིགས་ན་འདིར་གནོན།]

ལས་དོན་གྱི་ཡེ་ཤེས་མཆོན་པར་བྱ་སྟེ། ཀུན་ཁྱབ་གདུང་མེད་རྒྱུན་མི་འཆད། །རྣམ་རྟོག་ཐིམ་ཞིང་རང་རིག་པ། །ཟབ་མོ་གསལ་བ་གཉིས་སུ་མེད། །ཐིག་ལེའི་བདེ་བ་ཁ་སྦྱོར་བའོ། །དེ་ལྟར་ན་དོན་དམ་བྱང་ཆུབ་སེམས་ཀྱི་དཀྱིལ་འཁོར་དུ་དབང་བཞི་པ་ཐོབ་པས། ལུས་ངག་ཡིད་གསུམ་གྱི་དྲི་མ་བག་ཆགས་དང་བཅས་པ་དག།ཟུང་འཇུག་རང་བཞིན་ལྷན་ཅིག་སྐྱེས་པ་ངོ་བོ་ཉིད་སྐུ་ཡེ་ཤེས་རྡོ་རྗེ་ཐོབ་པར་འགྱུར། དེ་ནས་བོད་ལུགས་དང་མཐུན་པར། གཙོ་བོས་ཇི་ལྟར་བཀའ་སྩལ་པ། །སོགས་དབང་བཞི་རྫོགས་པའི་བཀའ་དྲིན་གཏང་རག་གི་དོན་དུ་མཎྜལ་ཕུལ། དེང་བདག་སྐྱེ་བ་འབྲས་བུར་བཅས། །བདག་ནི་གསོན་པའང་འབྲས་བུར་བཅས། །དེ་རིང་སངས་རྒྱས་རིགས་སུ་སྐྱེས། །སངས་རྒྱས་སྲས་སུ་བདག་དེང་གྱུར། །དེང་ནས་བརྩམས་ཏེ་སོགས། བསོད་ནམས་འདི་ཡིས་སོགས། ཚོགས་ཀྱི་མཆོད་པ་ནི་བདག་འཇུག་གི་སྔོན་རོལ་དུ་བྱ་བ་ཡིན་ལ། སྐབས་འདིར་བྱས་ཀྱང་མི་འགལ་ལོ། །རྗེས་ཀྱི་ཆོ་ག་ནི་སྤྱིའི་རིགས་འགྲེ་སྟེ། མཆོད་པ་གསར་དུ་གཤོམ་པའམ་ཁ་གསོས་སྔོན་བཞིན་བྱིན་གྱིས་བརླབས། ཨརྒྷཾ྄་ནས། ཤཔྟའི་བར་གྱིས་མཆོད། ཨོཾ་ཨཱཿརཱུ་པ་བཛྲ་ཧཱུཾ་སོགས། ཨོཾ་ཨ་མྲྀ་ཏ། ཨ་མྲྀ་ཏེ། སྭ་ད་ན་ཧཱུཾ། ནང་མཆོད་ཕུལ། མཚན་ངེས་པས་བསྟོད། བཅོམ་ལྡན་འདས་མ་སྒྲོལ་མ་རྣལ་འབྱོར་མའི་དཀྱིལ་འཁོར་གྱི་ལྷ་ཚོགས་ཐམས་ཅད་ཀྱིས། བདག་དང་སེམས་ཅན་ཐམས་ཅད་ལ་མཆོག་དང་ཐུན་མོང་གི་དངོས་གྲུབ་མ་ལུས་པ་སྩལ་དུ་གསོལ། གྲུབ་པ་ཆེན་པོ་བརྒྱད་དང་ཞི་བ་དང༌། རྒྱས་པ་དང༌། དབང་དུ་བྱ་བ་ལ་སོགས་པ་ལས་ཐམས་ཅད་ཐོགས་པ་མེད་པར་བསྒྲུབས་པས། སེམས་ཅན་གྱི་དོན་རྒྱ་ཆེར་འགྲུབ་པར་མཛད་དུ་གསོལ། སྔོན་གྱི་ལས་ལས་གྱུར་པ་དང༌། འཕྲལ་


TNT12_Page_0465
[མ་དཔེ་གཟིགས་ན་འདིར་གནོན།]

གྱི་རྐྱེན་ལས་གྱུར་པའི་ཕྱི་ནང་གསང་གསུམ་གྱི་བར་ཆད་ཐམས་ཅད་རྩ་བ་ནས་ཞི་བར་མཛད་དུ་གསོལ། འཇིག་རྟེན་དུ་བདེ་ལེགས་རྒྱ་ཆེན་པོ་རྒྱུན་མི་འཆད་པ་འབྱུང་བར་མཛད་དུ་གསོལ། ཧེ་རུ་ཀའི་ཡི་གེ་བརྒྱ་པ་ལན་གསུམ་སོགས་བཟླ། གཙོ་བོའི་ནུས་པ་སོགས་དང༌། སྔགས་དམན་པ་དང་སོགས། ཨོཾ་ཁྱོད་ཀྱིས་སེམས་ཅན་དོན་ཀུན་མཛད་སོགས། གཏོར་མགྲོན་གྱི་ཡེ་ཤེས་པ་རྣམས་གཤེགས། ཨོཾ་ཛ་ཡ་ཛ་ཡ་སུ་ཛ་ཡ། བི་ཤྭ་རུ་པ་དྷ་རི་གཙྪ་གཙྪ་སྭ་བྷཱ་བཾ་ཀྲྀ་ཏནྟེ་ན་སརྦ་བུདྡྷ་ཤྩ་བི་སརྩ་ན། མ་མ་ཀརྱཾ་ཀུ་རུ་སྭཱཧཱ། སྨོན་ལམ་དང༌། བཀྲ་ཤིས་ཅི་རིགས་པ་བརྗོད་དོ། །ཉི་མ་ཐ་མ་ལ་རྡུལ་ཚོན་གྱི་དཀྱིལ་འཁོར་གཤེགས་སུ་གསོལ་བ་རྣམས་སྤྱི་དང་འདྲ་བ་དང༌། ཁྱད་པར་དུ་ཡང་དཀྱིལ་འཁོར་གྱི་ཆོ་ག་འཕྲེང་བའི་ལུགས་བཞིན་དུ་བྱེད་དོ།། །།ཞེས་པ་སྒྲོལ་མ་རྣལ་འབྱོར་མའི་བདག་འཇུག་ངག་འདོན་འདི་ཡང༌། རྒྱལ་ཁམས་པ་ཏཱ་ར་ནཱ་ཐས་སྨྲས་པའོ། །སློབ་མ་དབང་བསྐུར་གྱི་རིམ་པ་གཞན་དུ་བཤད་ཟིན་ཏོ། །དགེའོ། །ཞུས་དག །མདྒ་ལཾ། །རྗེ་བཙུན་སྒྲོལ་མ་བླ་མ་དབྱེར་མེད་ལ། །སྙིང་ནས་རེ་བས་སྐྱེ་བ་རྗེས་མར་ཡང་། །ཤམྦྷ་ལར་སྐྱེས་བླ་མའི་རྗེས་བཟུང་ནས། །གདམས་ནོད་ས་ལམ་མཐར་ཕྱིན་སངས་རྒྱས་ཤོག །འདི་གུ་ཎ་ས་སྨོན་ལམ་བཏབ་པོ། །

རྗེ་བཙུན་སྒྲོལ་མ་རྣལ་འབྱོར་མའི་དཀྱིལ་འཁོར་གྱི་ཆོ་ག


TNT12_Page_0466
[མ་དཔེ་གཟིགས་ན་འདིར་གནོན།]

རྗེ་བཙུན་སྒྲོལ་མ་རྣལ་འབྱོར་མའི་དཀྱིལ་འཁོར་གྱི་ཆོ་ག་གཞན་ལ་ཕན་པ་ཞེས་བྱ་བ་རྒྱ་གར་མཁས་པའི་ཞལ་གྱི་གདམས་པ་ཕྱིན་ཅི་མ་ལོག་པའི་ཡི་གེ་ཡང་དག་པའོ། །


TNT12_Page_0467
[མ་དཔེ་གཟིགས་ན་འདིར་གནོན།]

ན་མ་ཏུ་རེ་གུ་རུ་ཙ་ར་ཎ། རྗེ་བཙུན་འཕགས་མ་སྒྲོལ་མ་ལྷ་ཉི་ཤུ་རྩ་ལྔའི་དཀྱིལ་འཁོར་གྱི་ཆོ་ག །བླ་མ་དང་ཡི་དམ་གྱི་ཞབས་ལ་ཕྱག་འཚལ་ལོ། །བླ་མ་རྡོ་རྗེ་འཛིན་པ་ལ་གུས་པས་དངོས་ཀུན་རབ་བཏུད་ནས། །སྒྲིབ་གཉིས་དྲི་མ་རབ་སྦྱངས་ཕྱིར། །དབང་བསྐུར་ཆོ་ག་ལེགས་བཤད་བྱ། །འབབ་བསྲེགས་རབ་བརྟེན་དཀའ་ཐུབ་ཀྱི་ངལ་ཞིང༌། །ཐོར་ཚུག་ཚངས་སྐུད་འཆང་ཞིང་རལ་བ་བསྒྲིགས། །ཨོཾ་ཡིག་གླུ་ལེན་ལས་དྲུག་གིས་ངལ་བ། །དེ་དག་ཡང་དག་མ་ཡིན་རྣམ་པར་སྤངས། །བླ་མེད་དོན་དམ་གཏོར་བླུག་ངེས་པ་འདིས། །བདེ་ཆེན་བདུད་རྩིའི་རང་ཉམས་འཕོ་བ་ཡིས། །གདུང་སེལ་གང་ཡིན་བླ་མའི་མན་ངག་སྟེ། །འགྲོ་ལ་ཕན་པའི་ཉེར་འཚོ་མཆོག་ཏུ་གྱུར། །རྒྱུད་ལས་གསུང་དང་སློབ་དཔོན་ངག །སོ་སོའི་རང་ལུགས་རྒྱ་ཆེ་བ། །ཐམས་ཅད་བརྗོད་པར་མི་ནུས་མོད། །བླ་མའི་ཞལ་ལུང་འདིར་བཤད་བྱ། །སློབ་དཔོན་མཚན་ཉིད་ཐམས་ཅད་ལྡན། །སློབ་མའང་ཡོན་ཏན་ཀུན་ལྡན་པ། །དེ་ཡིས་དེ་དག་ཆོ་ག་འདི། །བསྡུས་ན་དོན་གྱི་མཆོག་ལྡན་འགྱུར། །ལྟས་བརྟགས་སློབ་མ་རྗེས་བཟུང་དང༌། །བསྙེན་པ་བགེགས་ཚོགས་གཞོམ་པ་དང༌། །གནས་དུས་ས་གཞི་བརྟག་སླང་བཟུང༌། །སྦྱང་དང་སྲུང་བ་སྟ་གོན་བཞི། །ཐིག་ཚོན་དཀྱིལ་འཁོར་འབྲི་དང་སྒྲུབ། །མཆོད་དང་འཇུག་དང་དབང་བླང་བ། །གཤེགས་གསོལ་བསྡུ་དང་སྦྱིན་སྲེག་སྟེ། །ཆོ་


TNT12_Page_0468
[མ་དཔེ་གཟིགས་ན་འདིར་གནོན།]

ག་ཉེར་བཞི་བླ་མ་བཞེད། །སློབ་མ་ལན་གསུམ་གསོལ་བཏབ་ན། ཁྲུས་དང་གཙང་སྦྲ་ལྡན་བྱས་ལ། །སྔགས་འདི་ཉེར་གཅིག་བསྔགས་བྱས་ཏེ། །འཇིག་རྟེན་དབང་ལ་མཆོད་བྱས་ནས། །ཤར་རམ་ལྷོ་རུ་མངོན་ཕྱོགས་པའི། །མ་ཡེངས་ཀུ་ཤའི་སྟན་ལ་ཉལ། །རྨི་ལམ་མཚན་མ་ལེགས་པར་བརྟགས། སྔགས་ནི། ཨོཾ་མུ་ཙི་ལི་སྭཱཧཱ། ཨོཾ་མོ་ཧ་ནི་སྭཱཧཱ། ཨོཾ་དནྟ་ལི་སྭཱཧཱ། ལྟས་བཟང་མཐོང་ན་ཁས་ལེན་བྱ། །རྡོ་རྗེ་མཁའ་འགྲོའི་སྦྱིན་བསྲེག་གིས། །སློབ་མས་སྡིག་པ་སྦྱང་བ་དང༌། །ས་ལ་སུད་ལིངྒ་བྱ། །གནོད་བྱེད་ཤ་ཟའི་གཟུགས་ཀྱི་བསྟིམ། །ཊཀྐིའི་སྔགས་རྒྱའི་བཅུག་ནས་ཀྱང༌། །ཛཿཧཱུཾ་བཾ་ཧོཿ ས་བཅིང་བར་བསམ། ལུས་ནད་གཏོགས་པའང་ཤ་ཟའི་གཟུགས། །དགུགས་གཞུགས་ལན་ནི་གསུམ་གསུམ་བྱ། །དེ་ལ་ཕུར་བུས་བཏབ་ནས་ཀྱང༌། །དོང་ནི་གྲུ་གསུམ་འོག་ཏུ་བྱ། །ཕྱོགས་བཅུར་དེ་བཞིན་བྱ་བ་ཡིན། །གཙོ་མོར་བསྐྱེད་ལ་སྲུང་བ་བྱ། །བདུད་རྩི་འཁྱིལ་བའི་སྔགས་ཕྱིན་ལ། །རེ་ཞིག་འབུམ་ཕྲག་བཟླས་ལ་གཞུག །བདུད་རྩི་འཁྱིལ་བའི་བསྙེན་པ་དང༌། །སློབ་མའི་དོན་དུ་ལྷ་མཉེས་པའི། །དཀྱིལ་འཁོར་བསྙེན་པའང་འབད་དེ་བྱ། །འཁོར་ལོ་བདག་མོའི་བཟླས་པ་འབུམ། །དཀྱིལ་འཁོར་ཅན་གྱི་ཁྲིར་གསུང་བཞིན། །མཚན་མ་


TNT12_Page_0469
[མ་དཔེ་གཟིགས་ན་འདིར་གནོན།]

རྩུབ་ན་ཁྲོ་བཅུའམ། །ཕུར་གདབ་ལ་སོགས་བསྲུང་འཁོར་བྱ། །གནས་ནི་རི་བོ་ལ་སོགས་ཏེ། །དུས་ནི་མགོ་དང་ནག་པ་དང༌། །ས་ག་སྨིན་དྲུག་ཟླ་བ་ལ། །ཚེས་ཀྱང་གཉིས་གསུམ་ཚེས་བརྒྱད་དང༌། །བཅུ་བཞི་བཅོ་ལྔ་ལ་སོགས་བསྔགས། །ཉི་ཟླ་ལྷག་པ་ཕུར་བུ་གཟའ། །སྣར་མ་མགོ་ལག་རྒྱལ་དང་དབོ། །མེ་བཞི་ལྷ་མཚམས་སྣྲོན་སྣྲུབས། །གྲོ་བཞིན་ཆུ་སྟོད་ཁྲུམ་སྟོད་དོ། །རྣམ་སེལ་ཤིན་སྐྲག་ཟུག་ངུ་འབྲས། །དེ་སོགས་སྐར་མ་བཞིན་དུ་སྦྱོར། །བིཥྟི་དོར་བའི་བྱེད་པ་བླང༌། །གཏོར་མ་བྱིན་ནས་ས་ཡང་བརྟགས། །གཏོར་མ་མཁའ་འགྲོ་སྤྱི་གཏོར་བཞིན། །ཕུལ་ནས་པུས་བཙུགས་ཐལ་སྦྱར་ཏེ། །ཚིག་འདི་ལན་གསུམ་བརྗོད་པར་བྱ། །གང་དག་འདིར་གནས་ལྷ་དང་ཀླུ། །གནོད་སྦྱིན་སྲིན་པོ་གཞན་དག་ལ། །ས་འདི་བདག་གི་བསླང་བར་བགྱི། །དཀྱིལ་འཁོར་དོན་དུ་ཁྱོད་ཀྱིས་སྩོལ། །ཞེས་པའོ། །འཆང་འགྱུར་ཆོ་ག་ས་ལྷ་ལས། །བླང་ནས་དཀྱིལ་འཁོར་ས་གཞིའི་དབུས། །རང་འདུག་དཀྱིལ་འཁོར་རྒྱས་པ་བསྒོམ། །རིག་མ་བཞི་ཡི་སློབ་མ་བཞིས། །མཆོད་ཅིང་སྟོད་དབྱངས་སྙན་པ་དང༌། །དེ་བཞིན་གཤེགས་པ་ཀུན་ཞི་བ། །ཞེས་སོགས་གསང་འདུས་ལས་གསུངས་པས། །ལན་གསུམ་ཕྱོགས་བཞིར་ནས་གསོལ་གདབ། །འཁོར་ལོས་ནམ་མཁར་བཏེགས་ནས་ནི། ཁྲོ་བོའི་ལྟ་བས་བཀྲ་བ་དང༌། །རྐང་བ་རྡོ་རྗེར་བྱིན་གྱིས་བརླབས། །པད་སྐོར་རྡོར་དྲིལ་འཛིན་པ་ཡིས། །རྩེ་ལྔའི་ཕྱག་རྒྱ་བཅིངས་ནས་ནི། །སྙིང་མགྲིན་དཔྲལ་བ་སྤྱི་བོར་གཏུགས། །ཨོཾ་བཛྲ་སཏྭ་ཨ་དྷི་ཏིཥྛ་སྭ་མཾ། ཧཱུཾ་ཞེས་ལན་གསུམ་བསྐོར་བ་བྱ། །སྟང་སྟབས་བཞི་པོ་འགྱིང་ཞིང་བཅའ། །དབུས་ནས་འདུས་པ་ལན་གསུམ་བྱ། །ལུས་དང་ངག་སེམས་ཞེས་སོགས་བརྗོད། །ཡུངས་དཀར་གཏོར་བས་བགེགས་བསྐྲད་དེ། །སླར་ཡང་མི་འཇུག་མཚམས་གཅོད་བྱ། །


TNT12_Page_0470
[མ་དཔེ་གཟིགས་ན་འདིར་གནོན།]

ལྷོ་འཕྱེ་བརྟགས་ན་ལེགས་འགྱུར་མོད། །གཅིག་ཏུ་དགོས་པ་མ་ཡིན་པས། །དབང་ལྡན་མཚམས་ནས་བསྐོར་ནས་ནི། །བགེགས་དང་རོ་བསལ་ལ་སོགས་བྱ། །ཨོཾ་བྷཱུ་ཁཾ། ནམ་མཁའི་རང་བཞིན་དུ་གྱུར། །ཧཱུཾ་ལཾ་ཧཱུཾ་རྡོ་རྗེའི་རང་བཞིན་དུ་གྱུར། །ཧཱུཾ་བཞི་པའི་སྔགས་ཀྱིས་བགེགས་བསྐྲད། བདག་ཉིད་སྒྲོལ་མར་གསལ་བའི་སྙིང་ག་ནས་ཕུར་བུའི་ལྷ་མོ་དཔག་ཏུ་མེད་པ་སྤྲོས་འདོད་རྒྱལ་སྔགས་ཀྱིས་བགེགས་རྣམས་བསྐྲད། ཕུར་བུ་བསྐུལ་བ་དང༌། ཕུར་བའི་བཏབ་པའི་སྔགས་སྒྲུབ་ཐབས་ནས་འབྱུང་བ་བཞིན་ཕུར་བུས་བཏབ་སྟེ། དཀྱིལ་འཁོར་གྱིས་གཞིའི་དབུས་ཀྱི་སར་ཕུར་བུ་གཅིག་གདབ་པར་མཛད་དེ། དེ་ནས་བདུད་རྩི་འཁྱིལ་བ་གཉིས་པ་ཞིག་སྤྲོས་ཏེ་ཕུར་བུ་བསྲུང་བའི་དོན་དུ་བཞུགས་པ་ལ་ཉེར་སྤྱོད་ལྔ་ཕུལ། བགེགས་བསྲུང་བར་གསོལ་བ་བཏབ། བདག་ཉིད་བདུད་རྩི་འཁྱིལ་བར་གྱུར་པ་རྐང་པ་ཧཱུཾ་ལས་བྱུང་བའི་རྡོ་རྗེ་རྩེ་གཅིག་པར་གྱུར། ཧཱུཾ་ཞེས་བཟླ་ཞིང་གཡས་སྐོར་དུ་ལན་གསུམ་དུ་བསྐོར་བས། གསེར་གྱི་ས་གཞི་ལ་ཐུག་གི་བར་བགེགས་རྣམས་སྦྱང་བར་བསམ་ཞིང༌། ཧཱུཾ་ཡིག་ལས་བྱུང་བའི་རྡོ་རྗེའི་ས་གཞི་རྭ་གུར་མེ་རི་འབར་བ་དང་བཅས་པའི་བསྲུང་འཁོར་དུ་གྱུར་པར་བསྒོམས་ལ། ཨོཾ་བཛྲ་རཀྵ་རཀྵ་ཧཱུཾ་ཧཱུཾ་ཕཊ་སྭཱཧཱ། ཞེས་བརྗོད་དེ། ནམ་མཁར་བཞུགས་པའི་ལྷ་ལ་མཆོད་བསྟོད་སྲུང་བ་བྱའོ། །དེ་དག་ནི་ས་སྟ་གོན་གྱི་ཆོ་གའོ། །ནང་སྔ་བར་བདག་བསྐྱེད་ཀྱི་དཀྱིལ་འཁོར་རྫོགས་པར་བསྒོམ་ལ། བཟླས་པ་བྱ་ཞིང༌། དཀྱིལ་འཁོར་ཡང་བདག་ཉིད་ལ་ཉེ་བར་བསྡུའོ། །དེ་ནས་མདུན་གྱི་ས་གཞིར་མེ་ཏོག་གི་ཚོམ་བུ་དང་མཆོད་པ་དང་གཏོར་མ་བཤམས་ལ། བསངས་སྦྱངས། མཆོད་པ་དང་གཏོར་མ་བྱིན་གྱིས་བརླབས། ལག་པ་གཡས་ཀྱི་སོར་མོ་གསུམ་པ་ལ་རེག་སྟེ། ས་འོག་ནས་སའི་


TNT12_Page_0471
[མ་དཔེ་གཟིགས་ན་འདིར་གནོན།]

ལྷ་མོ་འཁོར་དང་བཅས་པ་སྤྱན་དྲངས་པར་བསམ་སྟེ། ཧཱུཾ་ཧཱུཾ་ཧཱུཾ། ཨོཾ་པྲི་ཐི་བཱི་དེ་བཱི་ཨཱ་ཀརྵ་ཡ་ཛཿ དེ་ཡང་གསེར་གྱི་མདོག་ཅན་ལྟེ་བ་ཡན་ཆད་སའི་དཀྱིལ་འཁོར་ལས་ཕྱུང་བ། ཕྱག་གཡོན་གསེར་གྱི་བུམ་པ་འཛིན་ཅིང༌། གཡས་དཔང་པོར་ཁས་ལེན་པའི་ཕྱག་རྒྱ་ཅན། མཛེས་སྡུག་རྒྱན་ཐམས་ཅད་ཀྱིས་བརྒྱན་པ་ལ། མེ་ཏོག་དཀར་པོ་བཏབ་པའི་མཆོད་ཡོན་སྔོན་དུ་འགྲོ་བའི་ཉེར་སྤྱོད་ལྔ་དང་གཏོར་མ་ཕུལ་ལ། སྐྱོབ་པ་སངས་རྒྱས་ཐམས་ཅད་ཀྱི། །སྤྱོད་པའི་ཚུལ་དང་ཁྱད་པར་གྱི། །ས་དང་ཕ་རོལ་ཕྱིན་པ་ལ། །ལྷ་མོ་ཁྱོད་ནི་དཔང་དུ་གསོལ། །ཤཱཀྱ་སེངྒེའི་སྐྱོབ་པ་ཡི། །ཇི་ལྟར་བདུད་ཀྱི་སྡེ་བཅོམ་པ། །དེ་ནི་བདག་གིས་བདུད་ཀྱི་སྟོབས། །བཅོམ་ནས་དཀྱིལ་འཁོར་བྲི་བར་བྱ། །ཞེས་ལན་གསུམ་གྱིས་གསོལ་བ་བཏབ་པས། གནང་བ་བྱིན་ནས་ཐིམ་པར་བསམ། ཡང་ན་གཞན་ནས་འབྱུང་བ་ལྟར། ས་ཆོག་དུས་སུ་ནམ་མཁར་བཏེགས། འདིར་ནི་ཕབ་ནས་མཆོད་བསྟོད་བྱས་ལ། ས་གཞི་ལ་ཐིམ་པར་བྱ། དེ་ནས་དཀྱིལ་འཁོར་གྱི་ལྷ་སོ་སོའི་གནས་སུ། རང་སྔགས་ཀྱི་མེ་ཏོག་གི་ཚོམ་བུ་རེ་བཀོད་ལ། བསངས་སྦྱངས། གཞན་ཡས་ཁང་གདན་དང་བཅས་པར་གྱུར། རང་གི་སྙིང་གའི་འོད་ཟེར་གྱིས་ཡེ་ཤེས་སེམས་དཔའ་སྒྲོལ་མ་རྣལ་འབྱོར་མ་ལྷ་ཉི་ཤུ་རྩ་ལྔའི་དཀྱིལ་འཁོར་སྤྱན་དྲངས། ཕཻཾ། ཞེས་བརྗོད་ཅིང་སོ་སོའི་གདན་ལ་བཞུགས་པར་བསམ། ཨོཾ་བཛྲ་ཏིཥྛ་ཨཱ་ས་ན་ཧཱུཾ། ཞེས་དཀྱིལ་འཁོར་གྱིས་ལྷ་རེ་རེའི་སྔགས་ཀྱི་མཐར་བཏགས་སྟེ་གདན་ལ་བཞུགས་པར་བསམ། རང་གི་ནམ་མཁར་བཏེགས་


TNT12_Page_0472
[མ་དཔེ་གཟིགས་ན་འདིར་གནོན།]

པའི་ལྷ་རྣམས་འབར་བའི་སྔགས་རྒྱས་སྤྱན་དྲངས་ལ་དགུག་གཞུག་བཅིང་མཉེས་བྱ། ཡན་ལག་དང་སྐྱེ་མཆེད་དང་སྐུ་གསུང་ཐུགས་བྱིན་གྱིས་བརླབས། མཆོད་བསྟོད་གཏོར་མ་འབུལ་བ་རྣམས་བྱས་ལ། བདུག་སྤོས་ཐོགས་ཏེ། དམ་ཚིག་སྒྲོལ་མ་བཅོམ་ལྡན་འདས། །རིག་སྔགས་རྒྱལ་ལ་ཕྱག་འཚལ་ལོ། །སྙིང་རྗེའི་ཡིད་ཀྱིས་དཀྱིལ་འཁོར་བྲི། །དེ་ཕྱིར་བྱིན་རླབས་གནང་བར་མཛོད། །དགོངས་ཤིག་སངས་རྒྱས་སྡེ་དང་ཚོགས། །གང་ཡང་བསྟན་ལ་མངོན་དགའ་རྣམས། །སེམས་ཅན་འདི་ལ་བྱིན་བརླབས་ཤིང༌། །དངོས་གྲུབ་དམ་པ་སྩལ་དུ་གསོལ། །ཞེས་སྙན་གསན་དབབས་པར་བྱའོ། །རྡོ་རྗེ་ཤུགས་ཀྱི་སྔགས་རྒྱས་མདུན་བསྐྱེད་ཀྱི་དཀྱིལ་འཁོར་ནམ་མཁར་བཏེགས། མཆོད་ཅིང་བསྟོད་ལ། ཨོཾ་བཛྲ་རཀྵ། སོགས་ཀྱིས། བསྲུང་བའི་བསྐོར་བར་བྱའོ། །སློབ་མ་སྟ་གོན་དུ་གནས་པ་ནི། སློབ་མ་རྣམས་མྱང་འདས་ཀྱི་སེམས་བརྟན་པོ་ཞིག་བསྐྱེད་དུ་གཞུག །སློབ་དཔོན་དམ་ཚིག་རྡོ་རྗེ་དྲིལ་བུ་འཛིན་པ། ཡུམ་དམ་ཚིག་སྒྲོལ་མ་གྲི་ཐོད་འཛིན་པའི་འཁྱུད་པར་བསྐྱེད་དེ། སློབ་མ་རྣམས་ཡབ་ཀྱི་ཞལ་དུ་ཞུགས་ཏེ་པདྨར་ཕྱུང་བ། སྒྲོལ་མ་ཕྱག་གཉིས་པའི་རྣམ་པར་གྱུར་བ་བྷ་གའི་མཐའ་ནས་སྤྲོས་ཏེ། ཕྱི་རོལ་དུ་འཁོད་པ་ལས། སྐྱེ་རྒ་འཆི་བ་ན་ཀྲ་ཡི། །ཆུ་སྲིན་ལ་སོགས་འཇིགས་རུང་བ། །འཁོར་བའི་རྒྱ་མཚོ་ཆེན་པོ་ལས། །འདོན་པར་མཛད་པ་ཁྱོད་འབའ་ཞིག །བདག་གི་སྟོན་པ་དགྱེས་ཆེན་ཁྱོད། །སློབ་དཔོན་ཁྱོད་ནི་དགོངས་སུ་གསོལ། །བྱང་ཆུབ་ཆེན་པོའི་ཚུལ་བསྟན་པ། །


TNT12_Page_0473
[མ་དཔེ་གཟིགས་ན་འདིར་གནོན།]

མགོན་པོ་ཆེན་པོ་བདག་འཚལ་ལོ། །དམ་ཚིག་དེ་ཉིད་བདག་ལ་སྩོལ། །བྱང་ཆུབ་སེམས་ཀྱང་བདག་ལ་སྩོལ། །སངས་རྒྱས་ཆོས་དང་དགེ་འདུན་ཏེ། །སྐྱབ་གསུམ་དག་ཀྱང་བདག་ལ་སྩོལ། །ཐར་པ་ཆེན་པོའི་གྲོང་མཆོག་ཏུ། །མགོན་པོས་བདག་ནི་གཞུག་ཏུ་གསོལ། །ཞེས་གསོལ་བ་བཏབ། དེ་ནས་སློབ་དཔོན་གྱིས། བུ་ཚུར་ཤོག་ཅིག་ཐེག་ཆེན་པོ། །གསང་སྔགས་སྤྱོད་ཚུལ་ཆོ་ག་ནི། ཁྱོད་ལ་ཡང་དག་བསྟན་པར་བྱ། ཁྱོད་ནི་ཚུལ་ཆེན་སྣོད་ཡིན་གྱི། །སྐུ་གསུང་ཐུགས་ཀྱི་རྡོ་རྗེ་ཅན། །དུས་གསུམ་འབྱུང་བའི་སངས་རྒྱས་རྣམས། །རྡོ་རྗེ་སྔགས་ཀྱི་མཐུ་ཡིས་ནི། །ཡེ་ཤེས་མཉམ་མེད་ཡང་དག་བརྙེས། །གང་གིས་ཤཱཀྱ་སེངྒེ་སོགས། །མཆོག་རྣམས་ཀྱིས་ནི་བདུད་ཀྱི་སྡེ། །མི་བཟད་ཆེན་པོ་སྟོབས་ཆེན་བཅོམ། །འཇིག་རྟེན་རྗེས་འཇུག་རྟོག་ནས་ནི། །འཁོར་ལོ་བསྐོར་ནས་མྱ་ངན་འདས། །དེ་བས་ཀུན་མཁྱེན་ཐོབ་བྱའི་ཕྱིར། །བུ་ཡིས་བློ་གྲོས་འདི་གྱིས་ཤིག །ཅེས་བརྗོད་དེ། དེ་ནས། དཀོན་མཆོག་གསུམ་ལ་བདག་སྐྱབས་མཆི། །སྡིག་པ་ཐམས་ཅད་སོ་སོར་བཤགས། །འགྲོ་བའི་དགེ་ལ་རྗེས་ཡི་རང༌། །སངས་རྒྱས་བྱང་ཆུབ་ཡིད་ཀྱིས་བཟུང༌། །ཞེས་བརྗོད་དུ་གཞུག་གོ །དེ་ལྟར་ཐུན་མོང་གི་སྡོམ་པ་ཅན་གྱིས་སློབ་དཔོན་གྱི་སྡོམ་པ་བཟུང་བའི་ཕྱིར། འཁོར་ལོ་ཕྱིར་མི་ལྡོག་པའི་དབང༌། །དམ་པ་བདག་ལ་སྩལ་ནས་ནི། །མགོན་པོ་འཁོར་ལོ་ལྷ་དག་གི །དེ་ཉིད་སློབ་དཔོན་འཕྲིན་ལས་དང༌། །སངས་རྒྱས་ཀུན་གྱི་དམ་ཚིག་དང༌། །སྡོམ་པ་


TNT12_Page_0474
[མ་དཔེ་གཟིགས་ན་འདིར་གནོན།]

གསང་མཆོག་བཤད་དུ་གསོལ། །སེམས་ཅན་ཀུན་གྱི་དོན་གྱི་ཕྱིར། །རྟག་ཏུ་བདག་ནི་སློབ་དཔོན་བགྱིད། །ཅེས་གསོལ་བ་བཏབ། སངས་རྒྱས་ཆོས་དང་དགེ་འདུན་ཏེ། །དཀོན་མཆོག་གསུམ་ལ་སྐྱབས་སུ་སོང༌། །འདི་ནི་སངས་རྒྱས་རིགས་དག་པའི། །སྡོམ་པ་བརྟན་པོར་གྱུར་པའོ། །རྡོ་རྗེ་དྲིལ་བུ་ཕྱག་རྒྱ་ཡང༌། །བློ་ཆེན་ཁྱོད་ཀྱིས་གཟུང་བྱ་སྟེ། །བྱང་ཆུབ་སེམས་གང་དེ་རྡོ་རྗེ། །ཤེས་རབ་དྲིལ་བུ་ཞེས་སུ་བཤད། །སློབ་དཔོན་ཁྱོད་ཀྱིས་བཟུང་བར་བྱ། །བླ་མ་སངས་རྒྱས་ཀུན་དང་མཉམ། །འདི་ནི་རྡོ་རྗེ་རིགས་དག་པའི། །སྡོམ་པ་དམ་ཚིག་ཡིན་པར་གསུངས། །རིན་ཆེན་རིགས་མཆོག་ཆེན་པོ་ལ། །ཉིན་དང་མཚན་མོ་ལན་གསུམ་དུ། །ཟང་ཟིང་མི་འཇིགས་ཆོས་དང་བྱམས། །སྦྱིན་པ་རྣམ་བཞི་རྟག་ཏུ་སྦྱིན། །ཕྱི་ནང་གསང་བ་ཐེག་པ་གསུམ། །དམ་ཆོས་ཁྱོད་ཀྱིས་གཟུང་བར་བགྱི། །འདི་ནི་པདྨའི་རིགས་དག་པའི། །དམ་ཚིག་སྡོམ་པ་ཡིན་པར་གསུང༌། །ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་ཅད་ལྡན་པར་ནི། །ཡང་དག་ཉིད་དུ་བཟུང་བར་གྱིས། །མཆོད་པའི་ལས་ཀྱང་ཅི་ནུས་བྱོས། །དེ་ལས་གཞན་ཡང་བཅུ་བཞི་ནི། །ཕས་ཕམ་པར་ནི་རབ་ཏུ་བཤད། །སྤང་ཞིང་དོར་བར་མི་བྱ་སྟེ། །རྩ་བའི་ལྟུང་བ་ཞེས་བཤད་དོ། །ཉིན་དང་མཚན་མོ་ལན་གསུམ་དུ། །ཉིན་རེ་བཞིན་ནི་བཟླ་བར་བྱ། །གལ་ཏེ་ཉམས་གྱུར་རྣལ་


TNT12_Page_0475
[མ་དཔེ་གཟིགས་ན་འདིར་གནོན།]

འབྱོར་པ། ཁ་ན་མ་ཐོ་སྦོམ་པོར་འགྱུར། ཁྱོད་ཀྱིས་སྲོག་ཆགས་བསད་མི་བྱ། །མ་བྱིན་པར་ཡང་མི་བླང་ངོ༌། །འདོད་ལ་ལོག་པར་མི་སྤྱད་ཅིང༌། །རྫུན་དུ་སྨྲ་བར་མི་བྱའོ། །ཕུང་ཁྲོལ་ཀུན་གྱི་རྩ་བ་ཡིན། །ཆང་ནི་རྣམ་པར་སྤང་བར་བྱ། །སེམས་ཅན་དོན་ཕྱིར་མ་གཏོགས་པ། །བྱ་བ་མ་ཡིན་ཐམས་ཅད་སྤང༌། །དམ་པ་ཉེ་བར་བསྟེན་བྱ་ཞིང༌། །རྣལ་འབྱོར་མ་ཀུན་བསྙེན་བཀུར་བྱ། །ལུས་ཀྱི་ལས་ནི་རྣམ་གསུམ་དང༌། །ངག་གི་རྣམ་པ་བཞི་དག་དང༌། །ཡིད་ཀྱི་རྣམ་པ་གསུམ་དག་ནི། །ཅི་ནུས་པར་ནི་རྗེས་སུ་བརྐྱང༌། །ཐེག་པ་དམན་ལ་འདོད་མི་བྱ། །སེམས་ཅན་དོན་ལ་རྒྱབ་ཕྱོགས་མིན། །འཁོར་བ་དག་ཀྱང་ཡོང་མི་སྤོང༌། །རྟག་ཏུ་མྱ་ངན་འདས་མི་ཆགས། །ལྷ་དང་ལྷ་མིན་གསང་བ་པ། ཁྱོད་ཀྱིས་བརྙས་པར་མི་བྱ་ཞིང༌། །ཕྱག་རྒྱ་བཞོན་པ་མཚོན་ཆ་དང༌། །མཚན་མ་འགོམ་པར་མི་བྱའོ། །འདི་དག་དམ་ཚིག་ཡིན་པར་བཤད། ཁྱོད་ཀྱིས་རྟག་ཏུ་བསྲུང་བར་བྱ། །རྗེས་མཐུན་སྡོམ་པ་རྒྱ་ཆེར་ནི། །གསང་བའི་རྒྱུད་ལས་རབ་ཏུ་བཤད། །ཅེས་ལན་གཅིག་བསྒྲགས། གཙོ་བོའི་ཇི་ལྟར་བཀའ་སྩལ་པ། །དེ་ལྟར་བདག་གིས་བགྱིད་པར་འཚལ། །ཞེས་ལན་གསུམ་བཟུང༌། གནས་གསུམ་དུ་འབྲུ་གསུམ་གྱི་དྲིའི་ཐིག་ལེ་བྱས་ལ་སྐུ་གསུང་ཐུགས་བྱིན་གྱིས་བརླབས། །བ་ལྕིའི་དཀྱིལ་འཁོར་དུ་ཧཱུཾ་ལས་བྱུང་བའི་སོ་ཤིང༌། ཨོཾ་བཛྲ་ཧ་ས་ཧ། ཞེས་འདོར་དུ་གཞུག །ཨོཾ་ཧྲཱིཿབི་ཤུདྷ་དྷརྨ་སརྦ་པ་པཾ་ནིཤྩ་ཨ་སྱ་ཤོ་དྷ་ཡ།


TNT12_Page_0476
[མ་དཔེ་གཟིགས་ན་འདིར་གནོན།]

སརྦ་བི་ཀལྤ་ན་ཨ་པཱ་ན་ཡ་ཧཱུཾ། ཞེས་ཁ་བཀྲུར་གཞུག །བདུད་རྩི་འཁྱིལ་བའི་སྔགས་ཀྱིས་སྲུང་སྐུད་སྦྱིན། ཨོཾ་བཛྲ་ཏིཀྵྞ་བྷནྡྷ་དྷཾ་བཾ། ཞེས་རྩ་སྔོ་ལྗང་གི་སྟན་སྦྱིན་པར་བྱའོ། །སླར་ཡང་བསངས་གཏོར་བྱས་ལ། གནས་བདུན་དུ་རྩ་སྔགས་ཡི་གེ་བཅུ་པས་བསྲུང་བ་བྱ། །ནངས་པར་གསང་བའི་དཀྱིལ་འཁོར་ཆེན་པོ་མཐོང་བར་འགྱུར་རོ། །ཞེས་བརྗོད། རིན་ཆེན་ལྔའི་ཕྱེ་མའམ་འབྲས་སོགས་ཁ་དོག་བསྒྱུར་བ་དང༌། མིན་ན་རྡོའི་ཕྱེ་མས་རུང༌། །ཀུན་ལ་ཤ་ཆེན་ཁྲག་ཆེན་བསྲེ། །སྐྱེ་གནས་མ་ཉམས་བུ་མོ་ཡིས། །ཐིག་སྐུད་གསར་པ་ལེགས་བཀལ་པ། །དཀྱིལ་འཁོར་ཉིས་འགྱུར་ཚད་བྱས་ལ། །རྣམ་ལྔ་ཁ་དོག་སོ་སོར་བྱ། །ཐིག་སྐུད་དང་རྡུལ་ཚོན་སྔོན་པོ་ཧཱུཾ་ལས་མི་བསྐྱོད་པ། དཀར་པོ་ཨོཾ་ལས་རྣམ་སྣང༌། སེར་པོ་ཏྲཱཾ་ལས་རིན་འབྱུང༌། དམར་པོ་ཧྲཱིཿལས་འོད་དཔག་མེད། ལྗང་ཁུ་ཨཱ་ལས་དོན་ཡོད་གྲུབ་པ་རྣམས་སྐད་ཅིག་གིས་འོག་ནས་འབྱུང་བ་ལྟར་བསྐྱེད་ལ། གནས་གསུམ་དང་སྐྱེ་མཆེད་བྱིན་གྱིས་བརླབས། ཡེ་ཤེས་པ་སྤྱན་དྲངས། དབང་བསྐུར་ཏེ་ཐམས་ཅད་ལ་རྡོ་རྗེ་སེམས་དཔས་དབུ་བརྒྱན། ཨརྒྷཾ་སོགས་ཀྱིས་མཆོད། དེ་ཉིད་ལྔ་པས་བསྟོད། གཏོར་མ་སྒྲུབ་ཐབས་ལྟར་བྱིན་གྱིས་རླབས་ལ། ཨ་ཀཱ་རོས། ཕུལ། ལྷ་རྣམས་འོད་དུ་ཞུ་བ་ལས་ཐིག་ཚོན་དུ་གྱུར། སྔོན་པོ་ལ། ཨོཾ་ཨཱཿབཛྲ་དྷྲྀཀ་ཧཱུཾ་ཧཱུཾ། དཀར་པོ་ལ། ཨོཾ་ཨཱཿཛི་ན་ཛི་ཀ་ཨོཾ་ཧཱུཾ། སེར་པོ་ལ། ཨོཾ་ཨཱཿརཏྣ་དྷྲྀཀ་དྲཱཾ་ཧཱུཾ། དམར་པོ་ལ། ཨོཾ་ཨཱཿཨ་རོ་ལྀཀ་ཧྲཱིཿཧཱུཾ། ལྗང་ཁུ་ལ། ཨོཾ་ཨཱཿཔྲ་ཛྙཱ་དྷྲྀཀ་ཨ་ཧཱུཾ། །ཞེས་རེ་རེ་མང་དུ་བཟླས། དེ་ནས་སློབ་དཔོན་རྡོ་རྗེ་སེམས་དཔར་མོས་ལ་སྐད་ཅིག་ཙམ་གྱིས་དོན་ཡོད་གྲུབ་པའི་ངོ་བོར་གྱུར། རིག་མ་བཅུ་གཉིས་


TNT12_Page_0477
[མ་དཔེ་གཟིགས་ན་འདིར་གནོན།]

ལོ་ལོན་པ་སྒྲོལ་མའི་ང་རྒྱལ་དང་བཅས་ཏེ། ཐིག་ནི་གདབ་པར་བྱ་བ་ཉིད། །རྡོ་རྗེ་དང་བཅས་ལག་གིས་བཟུང༌། །རེ་རེ་བཞིན་དུ་དེར་གཏད་ལ། །ཨོཾ་ཨ་ནྱོ྅་ནྱ་ཨ་ནུ་ག་ཏཱཿསརྦ་དྷརྨ་པ་ར་སྤར་ཨ་ནུ་པྲ་བིཥྟ་སརྦ་དྷརྨ་ཨདྱནྟ་ཨ་ནུ་པྲ་བིཥྟཿསརྦ་དྷརྨ་ཧཱུཾ། རིག་མའི་ཐིག་སྐུད་སྒྲིལ་བར་བྱ། །ཇི་སྐད་རྒྱུད་ལས་གསུངས་པ་བཞིན། །ཕྱོགས་མ་ནོར་བར་ཐིག་བརྒྱད་གདབ། །ཨོཾ་དེ་བཞིན་གཤེགས་པ་ཐམས་ཅད་ཀྱི། །འགྲོ་དོན་མཛད་དུ་འདི་ལག་པས། དེང་འདིར་བྱིན་གྱིས་རློབས་ཤིག་ཅེས། ཐིག་སྐུད་སྒྲས་ནི་བསྐུལ་མ་འདེབས། ཧཱུཾ། ཐིག་སྐུད་ནམ་མཁའ་གང་བ་ཡིན། །དེ་བཞིན་གཤེགས་ཀུན་མཉེས་པར་བསམ། །རང་ནུབ་རིག་མ་ཤར་གནས་ལ། །ལྷོ་བྱང་ཐིག་ནི་གདབ་པར་བྱ། །རང་ལྷོ་རིག་མ་བྱང་གནས་པས། །ཤར་ནུབ་ཐིག་ཀུན་སྔགས་འདི་དག །ཨོཾ་སརྦ་ཏ་ཐཱ་ག་ཏ་བཛྲ་པུ་ཏྲཾ་ས་མ་ཡ་མཱ་ཏི་ཀྲ་མ་ཧཱུཾ། དེ་ལྟར་ཡེ་ཤེས་ཐིག་བཏབ་ནས། ཁྲག་ཆེན་ཆང་དང་བདུད་རྩི་ལྔས། །བརླན་པའི་རྡོ་རྒྱུས་དག་གིས་ནི། །ཞུ་བས་ཐིག་ནི་གདབ་པར་བྱ། །དཀྱིལ་འཁོར་ཆ་ནི་བཅུ་དྲུག་སྟེ། །གཞལ་ཡས་ཁང་པ་ཉིད་ལའོ། །རྟ་བབས་སྒོ་ཚད་གཅིག་ཏུ་བྱ། །སྣམ་བུ་བཅུ་གཅིག་ཡང་ན་བཞི། །རྩིག་པའི་ཐིག་ལ་རེག་པར་གདབ། །ཡང་ན་ཧར་སྒོར་བྱས་པ་ཡིན། །ཀ་རྒྱན་གྱི་ནི་གཡས་གཡོན་དུ། །མཆོད་རྟེན་གཟུགས་ཀྱིས་ཤིན་ཏུ་མཛེས། །བཞི་པ་ཕྱེད་གདན་ནང་མ་གདབ། །གསུམ་པའང་དེ་བཞིན་དབུས་སུ་ནི། །རེ་མིག་དགུ་པ་ཟླུམ་པོར་བསྐོར། །པདྨ་རྡོ་རྗེ་མེའི་ཕྱི་རོལ། །དུར་ཁྲོད་གནས་ནི་ཅི་བདེར་བཞག །དེ་ཉིད་དཀྱིལ་འཁོར་མཆོག་ཏུ་མཛེས། །རྡོ་རྗེ་ཤུགས་ཀྱིས་སོགས་ནས་ནི། །བདུད་རྩིར་འཁྱིལ་བར་བསྙེམས་པ་ཡིས། །སྒོ་དབྱེའི་སྔགས་དང་ཕྱག་


TNT12_Page_0478
[མ་དཔེ་གཟིགས་ན་འདིར་གནོན།]

རྒྱ་བྱ། །ཧི་ཧི་ཞེས་པས་རྩ་ཐིག་དབྱིའོ། །དབུས་ཀྱི་ཕུར་བུའི་ཁུང་བུར་ནི། །ནག་དམར་དཀར་སེར་ལྗང་ཁུ་སྟེང༌། །ཚོན་ལྔ་རིག་མས་བྲིས་པར་བྱ། །དེ་ཡིས་སྟེང་དུ་སློབ་དཔོན་གྱི། །དཀར་དམར་ལྗང་ཁུའི་ཚོན་གསུམ་བྲི། །འདི་ནི་ཆོས་ཉིད་དག་པ་སྟེ། །སེམས་ཅན་ཁམས་ནི་རབ་སྒྲོལ་བྱེད། །དམ་ཚིག་སྒྲོལ་མ་ཞེས་བྱ་བའི། །དཀྱིལ་འཁོར་སྙིང་པོ་བྲི་བར་བྱ། །ཨོཾ་ས་མ་ཧོཿཨ་ཧཾ། དེ་ནས་ཅི་བདེར་ཚོན་བགྱེའོ། །འདིར་ཚོན་གྱི་རིམ་པ་རྣམས་ནི། དབུས་ཀྱི་གདུང་དང་ཀ་བ་ནག །རེ་མིག་རྣམས་དང་གྲུ་ཆད་སྔོ། །ཨུཏྤལ་དམར་པོ་སིལ་མར་བཅས། །སྣམ་བུ་ལྔ་རྣམས་རིམ་པ་བཞིན། །ནག་དམར་སྣ་ཚོགས་སེར་དང་དཀར། །ཕྱོགས་མདོག་དང་པོ་མི་ཤེས་བརྒྱན། །གཞན་རྣམས་མེ་ཏོག་ཕྲ་མོ་བཀྲམ། །དྲ་ཕྱེད་ཕྱིར་བསྟན་མུན་པ་ནག །མཆོད་རྟེན་དཀར་ཞིང་ཁྱམས་ལྗང་ཁུ། །ཀ་རྒྱན་གླང་པོ་སེངྒེ་དང༌། །རི་དྭགས་ལ་སོགས་རྒྱན་གྱིས་མཛེས། །གཞན་དག་ཇི་སྐད་བཤད་བཞིན་ཏེ། །པ་ཊ་སྤྲིན་དང་མེ་ཏོག་སོགས། །རྒྱུད་ནས་བཤད་པའི་ཚོན་རྣམས་ཕྱིར། །གཟུགས་ཚོགས་མ་ཡིས་བློ་གྲོས་ནི། །མཁས་པའི་རང་དུ་སྤོངས་ཤིག་གསུང༌། །དབུས་སུ་ཨུཏྤལ་སྔོན་པོ་བྲི། །ཕྱོགས་བཞིར་པད་དཀར་གསེར་བུམ་དང༌། །ལྕགས་ཀྱུ་རལ་གྲི་ཕྱོགས་མདོག་བྲི། །མཚམ་བཞིར་ཨུཏྤལ་སྐུ་མདོག་མཚུངས། །གྲ་བཞིར་ཐོ་བ་རལ་གྲི་དང༌། །དབྱུག་པ་ཕུར་བུ་རྣམ་པར་དགོད། །ལས་ཀྱི་སྣམ་བུ་དབུས་མ་ལ། །ལྷ་ཡི་མདོག་མཚུངས་གདན་དུ་བྱས་ལ། ཕྱག་མཚན་བྲི་ན་གཡས་ཀྱི་ལམ། །སྒོ་བཞིར་ལྕགས་ཀྱུ་ཞགས་པ་དང༌། །ལྕགས་སྒྲོག་དྲིལ་བུ་མཛེས་པར་བྲི། །ཡང་ན་ཁམས་དང་རྩ་ཤིང་


TNT12_Page_0479
[མ་དཔེ་གཟིགས་ན་འདིར་གནོན།]

ལས། །ལེགས་བཅོས་ཕྱག་མཚན་འགོད་པའོ། །ལུགས་མའམ་བྲིས་སྐུ་ས་སོགས་ཀྱི། །སྐུ་གཟུགས་དགོད་པར་བྱས་ཀྱང་རུང༌། །ཡང་ན་ས་བོན་སྔགས་བཅས་དགོད། །དེ་དག་ནི་དཀྱིལ་འཁོར་བྲི་བའི་ཆོ་གའོ། །དེར་མཆོད་པ་དང་གཏོར་མ་རྒྱ་ཆེར་བཤམས། བསངས་ཆུ་སྒྲུབ་པ་ལ་བསྲུང་བ་བྱའོ། །དེ་ནས་ལྷ་གྲངས་དང་མཉམ་པའི་བུམ་པའམ། མེད་ན་མཎྜལ་མན་ཛི་དང་བཅས་པའི་སྟེང་དུ་བུམ་པ་ལྔ་ཚོམ་དུ་བཀོད། ལས་བུམ་ལོག་ཤིག་ཏུ་བྱས། དབུས་སུ་མངོན་རྟོགས་ལྟར་གཙོ་མོ་ལྷ་ཚོགས་གཞན་ཐམས་ཅད་དང་བཅས་པ་བསྐྱེད། ཕྱོགས་བཞིར་ལས་བཞིའི་སྒྲོལ་མ་བསྐྱེད་ལ། ཐམས་ཅད་ཀྱང་དབུ་རྒྱན་རང་ཆས་སུ་བསྒོམ། སྐྱེ་མཆེད་དང་སྐུ་གསུང་ཐུགས་བྱིན་གྱིས་བརླབས། ཡེ་ཤེས་པ་བསྲེ། ཨོཾ་ཀལྤ་པྲཀྵ་ཡ་སྭཱཧཱ། ཞེས་ཁ་རྒྱན་བྱིན་གྱིས་རླབས། ཨོཾ་ཏཔྟེ་ཏཔྟེ་མཧ་ཏཔྟེ་སྭཱཧཱ། དུང་ཆོས་ཀྱིས་ནང་དུ་ལྷའི་ཆུ་བོ་གངྒཱ་བབ་པར་བསམ། དེ་ནས་གཟུངས་ཐག་བླང་ནས་གཙོ་མོའི་སྔགས་བརྒྱ་རྩ་བཟླས་ལ། ལས་བུམ་གྱི་བདུད་རྩི་འཁྱིལ་བ་སྔ་མའི་ཆོ་གས་བསྐྱེད་ནས། རང་སྔགས་བརྒྱའི་བར་དུ་བཟླས་ལ། མཐར་གཙུག་ཏོར་རྣམ་རྒྱལ་གྱི་གཟུངས་ཅི་རིགས་པ་བཟླས་ལ། སླར་ཡང་མཆོད་བསྟོད་གཏོར་མ་ཕུལ་ལ། མཆོད་ཡོན་ཕུལ་བས་ཞུ་བར་བསམ་སྟེ་ཡི་གེ་འབྲུ་གསུམ་བརྗོད། ལས་བུམ་གྱི་ཆུ་ཤིང་གི་ཡལ་གས་བླངས། བུམ་པའི་མཐའ་སྐོར་ཞིང་གནས་ཁང་ལ་གཏོར་བསུང་བ་མཛོད་ཅིག་ཅེས་བྱ། ལྷ་གྲངས་དང་མཉམ་པའི་བུམ་པ་ཡོད་ན། བདུད་རྩི་འཁྱིལ་བའི་བུམ་པ་ཉིད་ལས་བུམ་ཡིན་པས། ལས་བུམ་ཟུར་དུ་བཅའ་མི་དགོས། དེ་ནས་སློབ་མ་རྣམས་ལ་རྨི་


TNT12_Page_0480
[མ་དཔེ་གཟིགས་ན་འདིར་གནོན།]

ལམ་གྱི་ལྟས་དྲིས་ལ། ངན་ན་སྦྱིན་བསྲེགས་ཀྱིས་ནི་བཟློག་པ་བྱ། ལྟས་བཟང་བར་མཐོང་ན། དཀྱིལ་འཁོར་བསྒྲུབ་པར་བྱ་སྟེ། ནང་སྔ་བར་འབྱུང་པོའི་ཚོགས་ལ་གཏོར་མ་བྱིན་ལ། ཡེ་ཤེས་ཚོགས་བསོག་མངོན་རྟོགས་ལྷར་བསྒོམ་ལ། མདུན་བསྐྱེད་ཀྱི་དཀྱིལ་འཁོར་བསངས་སྦྱངས། མངོན་རྟོག་རྫོགས་པར་བསྐྱེད་ལ། བདག་ཉིད་དཀྱིལ་འཁོར་གྱིས་དབུས་སུ་འདུག་པར་བསམ་ལ། བཟླས་པ་ལ་ཐུག་གི་བར་མངོན་རྟོགས་ལྟར་བྱ་བ་ལ། དབང་བསྐུར་རྒྱས་བཏབ་སོང་བའི་མཚམས་སུ། སྟ་གོན་གྱིས་ཡེ་ཤེས་པ་སྤྱན་དྲངས། བགེགས་བསྐྲད་ལ་གཉིས་སུ་མེད་པར་ཐིམ། དཀྱིལ་འཁོར་གྱིས་མཐའ་མཆོད་གཏོར་གྱི་ལེགས་པར་བསྐོར་ལ། བསངས་སྦྱངས་བྱིན་གྱིས་བརླབས། ཆུ་གཉིས་སྔོན་དུ་འགྲོ་བའི་ཉེར་སྤྱོད་ལྔ། ནང་མཆོད། རྗེས་ཆགས་ཀྱི་མཆོད་པ། སྒེག་སོགས་བརྒྱད། རྒྱལ་སྲིད་སྣ་བདུན། སོགས་ཀྱི་རྒྱས་པར་མཆོད་ནས། འཇིག་རྟེན་ལས་འདས་པའི་གཏོར་མ་མངོན་རྟོགས་ལྟར་ཕུལ། འཇིག་རྟེན་པའི་གཏོར་མ་འགྲུབ་ན། ཤར་དུ་ལྷ། བྱང་དུ་གནོད་སྦྱིན། ནུབ་ཏུ་ཀླུ། ལྷོར་ཕྱོགས་སྐྱོང་འཁོར་དང་བཅས་པ་ལ་གཏོར་མའི་ཆོ་ག་མ་རྒྱུད་སྤྱི་དང་མཐུན་པར་འབུལ་ཞིང༌། བསྡུ་ན། མཁའ་འགྲོ་སྤྱི་གཏོར་གྱིས་འབུལ། །ཤར་སྒོ་ནས་དགྱེས་པ་རྡོ་རྗེ་ནས་འབྱུང་བའི་རྡོ་རྗེ་གླུ་བླངས་ཏེ། དཀྱིལ་འཁོར་གྱི་ཕྱོགས་བཞིའི་སྒོ་ཕྱེ་བས་ནང་དུ་ཞུགས་ཏེ། ཤར་སྒོའི་ཐད་ཀྱི་ལྷ་རྣམས་འདུག་པར་མོས། ཨོཾ་རྡོ་རྗེ་སེམས་ཁྱོད་རོལ་པར་མཛོད། །ཐམས་ཅད་མཐུ་ཡིས་ཐམས་ཅད་


TNT12_Page_0481
[མ་དཔེ་གཟིགས་ན་འདིར་གནོན།]

རྩོལ་བར་མཛོད། །ཇི་སྙེད་མཆོད་པ་དེ་སྙེད་བདག་འབུལ་ན། །འཁོར་བར་གནས་པ་སྐད་ཅིག་གིས་གྲོལ་མཛོད་ས་མ་ཡ་ཧོ་ཧོ། ལང་ཚོ་བཅུ་གཉིས་ལོ་ལོན་སེམས་བརྟན་མ། །དེ་རུ་རྗེས་སུ་ཆགས་པས་མཉེས་བྱས་ལ། །བྱང་ཆུབ་སེམས་སྤྲོ་འོད་ཀྱི་བདེ་གཤེགས་མཆོད། ཁུ་རྡུལ་ལྕེ་ལ་བཞག་བྱས་གཏོར་བར་བྱ། །དེ་ལྟར་ཡང་འདུས་པ་ལས། མིག་བཟང་བརྟན་པའི་བློ་བརྟན་མ། ཁུ་བ་བླངས་ནས་བཟའ་བར་བྱ། །ཞེས་སོ། །བོད་དག་འདིར་ནི་བསམ་པ་ཁོ་ན་ཡིན་གྱི། །དངོས་སུ་ན་ལྟུང་བར་འགྱུར་རོ། །ཞེས་སྨྲའོ། །བླ་མའི་ཞལ་ནས། དེ་ལྟར་ན་ནི་གསང་དབང་ལ་ཡང་དེར་འགྱུར་རོ། །ཞེས་གསུང་ཞིང་སེམས་དགེ་བ་ལ་ཉེས་པ་མེད་པར་བཤད་པའི་དོན་མ་གོ་བ་ཡིན་ནོ། །ཞེས་གསུངས་སོ། །དེ་ནས་རང་ཉིད་དཀྱིལ་འཁོར་གྱི་ཕྱི་རོལ་དུ་གནས་པས། དཀྱིལ་འཁོར་གྱི་ཕྱི་རོལ་དུ་གནས་པས། །དཀྱིལ་འཁོར་གྱི་ཕྱོགས་བཞིར་མཎྜལ་བྱས་ལ། སྐྱེ་རྒ་འཆི་བ་ན་ཀྲ་ཡི། །ཞེས་སོགས་ལན་གསུམ་གསོལ་བ་བཏབ། ཨོཾ་སརྦ་ཏ་ག་ཏ་བོ་དྷི་ཨ་ལངྐ་ར་ཝསྲ་པུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། ཞེས་སྨད་གཡོགས་དང༌། ཨོཾ་བཛྲ་རཀྵ་ཧཾ། ཞེས་སྟོད་གཡོགས་དང༌། ཨོཾ་བཛྲ་ཨུཥྞི་ཥ་ཧཱུཾ། ཞེས་གཙུག་ཏོར་བཅིང༌། ལས་ཐམས་ཅད་པའི་སྔགས་ཀྱི་གདོང་གཡོགས་བཅིང༌། ཨ་ཁཾ་བཱི་ར་ཧཱུཾ། ཞེས་མེ་ཏོག་གི་ཆུན་པོ་གཏད། གནས་གསུམ་དུ་ཡི་གེ་འབྲུ་གསུམ་བཀོད་ལ་བདུད་རྩི་ལྔའི་ཐིག་ལེ་བྱ། སྐྱེ་བའི་གནས་ལྔས་ཏཾ་ཡིག་རེ་རེ་བསྒོམ་ལ། ཡི་གེ་བཅུ་པའི་བསང་གཏོར་བྱས་པས་སྒྲོལ་མ་རིགས་ལྔར་གྱུར། གཏོར་མ་སྒྲོན་མེ་ལྔ་དང་བཅས་པ་སློབ་མ་ལ་བསྐོར་ནས་


TNT12_Page_0482
[མ་དཔེ་གཟིགས་ན་འདིར་གནོན།]

ལྷ་མོ་ལྔ་པོ་རྣམས་ཀྱི་སྐུ་ལས་འོད་ཟེར་བྱུང༌། ཁམས་ལྔ་ལ་བརྟན་པའི་ནད་དང་གདོན་དང་རྣམ་པར་རྟོག་པ་ཐམས་ཅད་ཁྱི་དང་སྤྲེའུའི་ཚུལ་གྱི་ཕྱིར་བྱུང་སྟེ་སྒྲོན་མེ་ལྔ་ལ་ཐིམ། ཨོཾ་རུ་རུ་སྤུ་རུ་ཛྭ་ལ་ཏིཥྛ་སིདྡྷི་ལོ་ཙ་ནི་སརྦ་ཨརྠ་སཱ་དྷ་ནེ་སྭཱཧཱ། ཨོཾ་བཛྲ་མ་མ་ཀི་རི་ཀི་རི་ཧཱུཾ་སྭཱཧཱ། ཨོཾ་ཀ་ཌེ་བི་ཀ་ཌེ་ཀ་ཌ་ཀ་ཌཾ་ཀ་དྲེ་སྭཱཧཱ། ཨོཾ་བཛྲ་ཏཱ་རེ་ཏུཏྟཱ་རེ་ཏུ་རེ་སྭཱཧཱ། ཞེས་བཟླས། བདེན་པ་བདར། བདུད་རྩི་འཁྱིལ་བའི་སྔགས་བཟླས་ཡུངས་དཀར་གཏོར་ཞིང༌། རོལ་མོའི་སྒྲ་དང་བཅས་ལ། བགེགས་རྣམས་རྒྱང་རིང་དུ་བསྐྲད་པར་བསམ། །སློབ་དཔོན་གྱིས་སློབ་མའི་གནས་བདུན་དུ་བསྲུང་བ་བྱའོ། །ཀྱེ་ཁྱོད་སུ་ཡིན། བདག་ནི་བསྐལ་བ་བཟང་པོའོ། །སྐལ་བཟང་དེས་ཁྱོད་ཅི་ཞིག་བྱ། །སངས་རྒྱས་དམ་ཚིག་བདག་འཚལ་ལོ། །སྙིང་གར་ཟླ་བ་རྡོ་རྗེའི་སྦྱོར་བའི། ཨོཾ་སརྦ་ཡོ་ག་ཙིཏྟ་ཨུཏྤ་ད་ཡཱ་མི་མཧཱ་སུ་ཁ་བོ་དྷི་ཙིཏྟ་ཨུཏྤ་དཱ་ཡ་མི། ཞེས་རྣལ་འབྱོར་དང་བདེ་བ་ཆེན་པོ་སེམས་བསྐྱེད་ཨ་ཏི་ཤའི་འབྲེལ་བ་ལས་ནི། སློབ་མའི་སྙིང་གར་ཨཱ་ལི་བཅུ་དྲུག་ལས་ཟླ་བ་ན། ཨོཾ་ཙིཏྟ་པྲ་ཏི་བི་དྷཾ་ཀ་རོ་མི། སླར་ཡང་ཟླ་བ་གཉིས་པ། ཨོཾ་བོ་དྷི་ཙིཏྟ་ཨུ་པ་ད་ཡ་མི། ཟླ་བའི་སྟེང་དུ། ཏིཥྛ་བཛྲ། རྡོ་རྗེ་ལས་འོད་ཟེར་འཕྲོས། དེ་བཞིན་གཤེགས་པ་ཐམས་ཅད་རྡོ་རྗེ་གྱུར་པ་རྡོ་རྗེ་ལ་ཐིམ་བཛྲ་ཨུཏྨ་ཀོ྅ཧཾ། དེ་ལས་འོད་ཟེར་འཕྲོས། བདག་ཉིད་ལྷའི་སྐུ་བདེ་བ་ཆེན་པོའོ། །ཨོཾ་སརྦ་ཡ་ཐ་སརྦ་ཏ་ཐཱ་ག་ཏཱ་ཐ་ཨ་ཧཾ། ཞེས་བརྗོད་དུ་གཞུག་སྟེ་མངོན་བྱང་ལྔས་སེམས་བསྐྱེད་པར་མཛད་དོ། །དེ་ནས། ཨཱ་ཁཾ་བཱི་ར་ཧཱུཾ། དེ་ནས་ནང་དུ་བཅུག་ལ་ཕྱོགས་བཞི་ནས། ཨོཾ་བླ་མ་དམ་པའི་ཞབས་ཀྱི་


TNT12_Page_0483
[མ་དཔེ་གཟིགས་ན་འདིར་གནོན།]

པདྨོར་ཡང་དག་པའི་ཡེ་ཤེས་གསལ་བར་བྱེད་པ་དེ་ལ་ཕྱག་འཚལ་ལོ། །ཧཱུཾ་ན་མ་ཏེ་ཧཱུཾ། ན་མཱ་མི་ཧཱུཾ། ན་མོ་ན་མཿཧཱུཾ་སྭཱཧཱ ཞེས་ཕྱོགས་རེ་རེ་ནས་ཕྱག་གསུམ་གསུམ་བྱ། ཕྲེང་བ་ནས་འབྱུང་བ་ལྟར་དམ་བཞག་ལྔ་བྱ། ཡེ་ཤེས་དབབ་པ་ལ་རྣམ་པ་གསུམ་ལས། དང་པོ་ཡང་ཕྲེང་བའི་ཡེ་ཤེས་དབབ་པ་བཞིན་མཛད་དོ། །གཉིས་པ་བླ་མའི་བྱིན་རླབས་ཀྱིས་ཡེ་ཤེས་དབབས་པ་ནི། སྤྱི་བོར་བླ་མ་སྐུ་ཇི་ལྟ་བར་མཉམ་བཞག་གི་ཕྱག་རྒྱ་ཅན་ལ། །ལོ་བཅུ་གཉིས་མས་ཡང་དག་པར་འཁྱུད་པ། དེ་ཉིད་སྙོམས་པར་ཞུགས་པས་བྱང་ཆུབ་ཀྱི་སེམས་ཀྱིས་ལུས་གང༌། བླ་མ་སྙིང་གར་ཐོན། ལུས་བདེ་བ་ཆེན་པོས་ཁྱབ། སྔགས་ཀྱི་སྒྲ་འུར་འུར་འདུག་པས་བདེ་བ་བསྐུལ་བར་བསམ་ལ། རོལ་མོ་ཇེ་དྲག་ཇེ་ཞན་བྱ། གསུམ་པ་སློབ་མ་རྣམས་སྒྲོལ་མ་རིགས་ཀྱི་བུ་མོ་བཅུ་གཉིས་ལོན་པའི་རྣམ་པ་ཅན་བདེ་བ་རྒྱས་པར་མོས་ལ། སྙིང་གར་དོན་གྲུབ་ཡབ་ཡུམ་སྙོམས་པར་འཇུག་པ་ལ་སེམས་འཇོག་ཏུ་བཅུག་ཅིང༌། དཔའ་བོ་དང་རྣལ་འབྱོར་མ་དཔག་ཏུ་མེད་པ་བ་སྤུའི་བུ་ག་ནས་ཞུགས་པར་སློབ་དཔོན་གྱི་མོས་ལ། ཨོཾ་མ་ལི་མི་ལི་ཧཱུཾ་ཕཊ། ཞེས་དྲག་ཏུ་བཟླ་ཞིང་རོལ་མོ་བྱ། རོལ་མོ་སྒྲ་ནི་ལག་ལེན་བཞིན་མྱུར་དལ་སྤེལ་མ་བྱ། དེས་ཀྱང་མ་བབས་ན་བར་ཆད་ཡིན་པས། བདུད་རྩི་འཁྱིལ་བའི་སྔགས་དྲག་ཏུ་བཟླ་ཞིང༌། སླར་ཡང་དབབ་པར་བྱའོ། །ཕེབས་པ་ནི་བརྟན་པར་བྱ་སྟེ། ཨོཾ་ཏིཥྛ་བཛྲ་ས་མ་ཡ། པྲ་ཏི་པ་ཏི་ཏ། ཧཱུཾ་ཧཱུཾ་ཕཊ་ཕཊ་སྭཱཧཱ། ཏིཥྛ་བཛྲ་ཌིཌྷྲོ་མེ་བྷ་བ༴ ཞེས་སོགས་ཀྱིས་མེ་ཏོག་དོར། དེ་ནས་ཕྱི་རོལ་དུ་དྲི་བཟང་དང་རང་བྱུང་གི་རྡུལ་གྱིས་དཀྱིལ་འཁོར་གྲུ་བཞི་བྱས་ལ། ལྷ་གྲངས་དང་མཉམ་པའི་མེ་ཏོག་བཀོད་དེ། དེ་ནས་ལྷ་


TNT12_Page_0484
[མ་དཔེ་གཟིགས་ན་འདིར་གནོན།]

སོ་སོར་མོས་ལ། མདུན་སྐྱེད་ཀྱི་ཐུགས་ཀ་ནས་ཡེ་ཤེས་པ་གཉིས་སྤྱན་དྲངས། མཆོད་བསྟོད་གཙོ་བོའི་སྙིང་པོ་མང་དུ་བཟླས་པས་བྱིན་གྱིས་བརླབས། བདུད་རྩི་འཁྱིལ་བ་དང༌། མི་གཡོ་བའི་སྔགས་ཀྱི་བསྲུང་བ་བྱས་ལ། དར་དམར་པོ་དགབ་བར་བྱའོ། །སྐབས་འདིར་རྡུལ་ཚོན་ལ་ཕུལ་བར་མོས་ནས། དངོས་སུ་མེ་ཏོག་གི་མཎྜལ་དོར་རོ། །རིགས་ཀྱི་ལྷ་འདི་ཡིན་ཞེས་བརྡའ་སྤྲད། དེ་ནས་གནས་གདོང་དར་དཀྲོལ་བ་དང༌། བལྟ་བར་བསྐུལ་བ་འཕྲེང་བ་བཞིན་བྱ། སློབ་དཔོན་གྱི་མེ་ཏོག་ཐོག་སྟེ། དཀྱིལ་འཁོར་གྱི་ལྷ་རྣམས་རེ་རེ་བཞིན་སྒོམ་ཚུལ་རྒྱས་པར་བཤད། ཨོཾ་བཛྲ་མཎྜ་ལ་མཧཱ་མཎྜ་ལ་པྲ་བེ་ཤོ྅ཧཾ། ཨོཾ་ཡོ་ག་མཎྜ་ལ་མཧཱ་མཎྜལ་དྲི་ཤེ་ཏྭོ྅ཧཾ། ཨོཾ་གུ་ཧྱ་མཎྜ་ལ་མཧཱ་མཎྜལ་ཨ་བྷི་ཥ་ཀ་ཏྭོ྅ཧཾ། ཞེས་ཆེད་དུ་བརྗོད་པ་བྱ་བར་གཞུག །དེ་ནས་སློབ་དཔོན་ལ་མཎྜལ་ཕུལ་ལ། བྱང་ཆུབ་རྡོ་རྗེ༴ སོགས་ཀྱི་གསོལ་བ་བཏབ། ནང་དབང་ཡན་ལག་ཞི་སྤྱི་དང་མཐུན་པར་བྱས་ལ། རིགས་ཀྱི་ལྷས་མེ་ཏོག་གིས་ཕྲེང་བ་སྤྱི་བོར་བཅིང་པར་བསམ། ཨོཾ་པྲ་ཏི་གྲྀཧྞ་སྟཾ། ཨི་མཾ་སཏྭ་མ་བཱ་ལ། ཞེས་མེ་ཏོག་སྤྱི་བོར་བཞག །ལྷ་ཐམས་ཅད་ཀྱི་སྔགས་ཀྱིས་བསྔགས་པའི་དྲིའི་ཆུ་དུང་ཆོས་སུ་བླང་ནས་ལྷ་ཐམས་ཅད་ཀྱི་དབང་བསྐུར་བར་བསམ་ལ། ཇི་ལྟར་བལྟམ་པ༴ སོགས་བརྗོད་ཅིང་དབང་བསྐུར། ལྷ་རྣམས་རིན་པོ་ཆེའི་ཅོད་པན་སྤྱི་བོར་བཅིང་པར་བསམ་ལ། མེ་ཏོག་ཕྲེང་བ་མགོ་ལ་བཅིང༌། སློབ་དཔོན་གྱི་ཐུགས་ཀ་ནས་སློབ་མའི་སྙིང་གར་འཕོས་པར་བསམ་ལ། རུས་འཕྲེང་མགྲིན་པར་བཞག་ལ། བཟླས་ལུང་ལན་གསུམ་དང་བྱིན་གྱིས་བརླབས་པའི་ལུང་བྱ། དེ་ཕྱིན་ཆད་ལྷ་དང་བླ་མ་ནམ་དུ་ཡང་སྤང་བར་མ་བྱེད་ཅིག །ཞེས་བརྗོད། དེ་དག་ནི་རིག་པ་གཏད་པའི་དབང་ངོ༌། །དེ་ནས་བུམ་ཆུ་རྣམས་


TNT12_Page_0485
[མ་དཔེ་གཟིགས་ན་འདིར་གནོན།]

ཐོད་པར་བསྡུས་ལ་ས་བོན་བཞི་ལས་ལྷ་མོ་བཞིའི་ངོ་བོར་མོས། སློབ་མ་སྐད་ཅིག་གིས་མི་བསྐྱོད་པ་ཧེ་རུ་ཀར་མོས། རང་འདྲའི་དབུ་རྒྱན་རང་ཆས་སུ་བཅས་སུ་བསམ། གནས་གསུམ་བྱིན་རླབས་དང་ཡེ་ཤེས་པ་གཞུག །དབང་གི་ལྷ་རྣམས་མདུན་གྱི་ནམ་མཁར་སྤྱན་དྲངས། མེ་ཏོག་གཏོར་ཞིང་རོལ་མོའི་བར་དུ་མཆོད་པ་བྱའོ། །ཨོཾ་ཨ་བྷི་ཥིཉྩནྟུ་མཾ་སརྦ་ཏ་ཐ་ག་ཏཱཿ ཞེས་ལན་གསུམ་གསོལ་བ་འདེབས་སུ་བཅུག །ཕྲེང་བ་ནས་འབྱུང་བ་ལྟར་ཤིས་པ་བརྗོད། སངས་རྒྱས་རྣམས་ནི༴ ཞེས་ཀྱིས་མཐར། ཨོཾ་མཱཾ་ལཱཾ་པཱཾ་ཏཱཾ་ཧཱུཾ་ཧཱུཾ་བཛྲ་ཨ་བྷི་ཥིཉྩ་ཧཱུཾ། ཞེས་དབང་སྐུར། དེ་ནས་དབུ་རྒྱན་ཞུ་བ་ལས་རྡོ་རྗེར་སྒོམ། སློབ་མ་འོད་དཔག་མེད་དུ་བསྐྱེད་ལ། ས་བོན་ལྔ་ལས་དེ་བཞིན་གཤེགས་པ་ལྔའི་ངོ་བོ་བསྐྱེད་ལ། སློབ་མ་རིན་འབྱུང་སྒོམ། ཨོཾ་བྷྲུཾ་ཨཾ་ཛྲིཾ་ཁཾ་ཧཱུཾ་ཧཱུཾ་རཏྣ་མུ་ཀུ་ཊ་ཨ་བྷི་ཥིཉྩ་ཧཱུཾ། ཞེས་དབུ་རྒྱན་མགོ་ལ་བཀོན་པས། སངས་རྒྱས་རིགས་ལྔའི་དབུ་རྒྱན་པར་བསམ། རྡོ་རྗེ་ཁཾ་ལས་དོན་ཡོད་གྲུབ་པ་རང་སྣང་གི་ཡུམ་ཅན་དུ་བསྐྱེད་ལ། ཨོཾ་ཧཱུཾ་ཁཾ་ཧཱུཾ། བཛྲ་ཨ་བྷི་ཥིཉྩ་ཧཱུཾ། ཞེས་རྡོ་རྗེ་ལག་ཏུ་གཏད། རྡོ་རྗེའི་དེ་ཁོ་ན་ཉིད་ཀྱང་བྱིན་ལ། དྲིལ་བུ་ཏཾ་ལས་གཙོ་མོར་བསྐྱེད་དེ་ཞུ་ནས། སློབ་མ་དོན་ཡོད་གྲུབ་པར་བསྐྱེད། ཨོཾ་ཧཱུཾ་ཏཱཾ་ཧཱུཾ་བཛྲ་ཨ་དྷི་པ་ཏཾ་སྟཾ། ཨ་བྷི་ཥིཉྩ་ཧཱུཾ། དྲིལ་བུ་ལག་པ་གཡོན་དུ་གཏད་ལ། དྲིལ་བུའི་དེ་ཁོ་ན་ཉིད་དང༌། རིག་མ་ཡང་དག་པར་གཏད་པས་ཕྱག་རྒྱས་དེ་ཉིད་ཀྱང་སྦྱིན་པར་བྱའོ། །ཛཿཧཱུཾ་བཾ་ཧོཿ ལས་རྡོ་རྗེ་དང་དྲིལ་བུ་སྒོ་མ་བཞིའི་ངོ་བོར་མོས། སློབ་མ་རྣམ་སྣང་དུ་བསྐྱེད་ལ། ཨོཾ་ཛཿཧཱུཾ་བཾ་ཧོཿ བཛྲ་སཏྭ་སྟོཾ། ཨ་བྷི་ཥིཉྩ་མི། བཛྲ་ན་མ་ཨ་བྷི་ཥེ་ཀ་ཏ་ཧེ་ཤྲི། ཆེ་གེ་མོ་རྡོ་རྗེ་ཞེས་མིང་གདགས་པར་བྱའོ། །བུད་


TNT12_Page_0486
[མ་དཔེ་གཟིགས་ན་འདིར་གནོན།]

མེད་ལ་ནི་མཱ་མ་ཀཱི་སོགས་ཡུམ་ལ་ཡབ་ཀྱིས་འཁྱུད་པར་བསྐྱེད་པ་ཡིན་ནོ། །དབང་དེ་དག་རེ་རེའི་མཐར་ཆུ་དབང་རེ་བསྐུར་ཞིང༌། འདིའི་མགོ་མཇུག་ཏུ་འབྱུང་བའི་ཆུ་དབང་ཐམས་ཅད་ལ་རོལ་མོའི་སྒྲ་མཛད་ཅིང༌། ཁྱེའུ་དང་བུ་མོ་མཆོད་རྫས་ཐོག་པ་རྣམས་ཀྱིས་མཆོད་པར་བྱ། དེ་ནས་མིག་ཐུར། མེ་ལོང༌། མདའ་གཞི། དྲིལ་བུ་རྣམས་ཕྲེང་བ་ནས་འབྱུང་བ་ལྟར་བྱས་ལ། སློབ་མས་ལས་བཞིའི་ལྷ་མོ་སོ་སོར་བསྐྱེད་ལ། དཀྱིལ་འཁོར་གྱི་ཐུགས་ཀ་ནས་ཡེ་ཤེས་པ་རེ་རེ་བཞིན་དུ་བསྟིམ་ལ། ལས་བཞིའི་སོ་སོའི་བུམ་པའི་དབང་བསྐུར། སོ་སོའི་བཟླས་ལུང་སྦྱིན། རྡོ་རྗེ་བརྟུལ་ཞུགས་མ་རྒྱུད་སྤྱི་དང་མཐུན་པར་བྱིན་ལ། ཧཱུཾ་ལས་འབྱུང་བའི་གྲི་གུག་དང༌། ཨ་ལས་བྱུང་བའི་ཐོད་ཁྲག་ལག་པ་གཡོན་དུ་སྦྱིན་ལ། ཨོཾ་ཀརྐི་ཀ་རི། སརྦ་མཱ་ར་ཎཾ། མཱཾ་པ་ཀརྟ་ཡརྟ་ཡ་ཧཱུཾ་ཕཊ། ཨོཾ་བཛྲ་ཀ་པཱ་ལ་སརྦ་ཤ་ཏྲུཾ་ཎཾ། རཀྟཾ་དྷ་ར་ཡ་ཧཱུཾ་ཕཊ། སྙིང་པོ་བཟླས་པའི་ཅང་ཏེའུ་གཡས་དང༌། རྩ་སྔགས་བཟླས་པས་ཨུཏྤལ་གཡོན་དུ་བྱིན་ལ། མཆན་ཁུང་དུ་ཁ་ཊཾ་ག་བཀོད་ལ། བདེ་སྟོང་གཉིས་སུ་མེད་པའི་ཡེ་ཤེས་སྒོམས་ཤིག་བྱ། དེ་ནས་ལུང་བསྟན་དང་དབུགས་དབྱུང༌། གཟེངས་བསྟོད་དང༌། དམ་ཚིག་བསྟན་པ་རྣམས་ཀྱང་ཕྲེང་བ་ལས་འབྱུང་བ་བཞིན་དུ་བྱ། དམ་ཚིག་ལ་གནས་པའི་སློབ་མ་ཐུན་མོང་བ་རྣམས་རེ་ཞིག་དེ་ཙམ་གྱི་དོན་ཡོད་གྲུབ་པར་བྱའོ། །རིགས་ལྔའི་དམ་ཚིག་བཟུང་བར་མི་ནུས་ན། སེམས་བསྐྱེད་དམ་བཞག །ཡེ་ཤེས་འབར་བ་རྣམས་དོར། འཇུག་པའི་ཆོས་རྣམས་རྫོགས་པར་བྱ། ནང་དབང་མི་བསྐུར་བར་རིག་གཏད་ཙམ་བྱ། དེ་ལ་ནི་སྟ་གོན་གྱི་སྐབས་སུ་ཡང་རིག་ལྔའི་སྡོམ་བཟུང་མི་བྱའོ། །གལ་ཏེ་ཚེ་འདི་ཉིད་ལ་


TNT12_Page_0487
[མ་དཔེ་གཟིགས་ན་འདིར་གནོན།]

མཆོག་དོན་དུ་གཉེར་བ་ལ་ནི་དབང་གོང་མ་བཞི་ཡང་སྦྱིན་པར་བྱ་དགོས་ལ། དེ་ལ་དབང་སྟེགས་པདྨ་དཀྱིལ་འཁོར་དང་བཅས་པའི་སྟེང་དུ་སློབ་མ་བཞག །གསོལ་བཏབ་དང་དམ་ཚིག་གསུམ་སྦྱིན་པ་སྔོན་དུ་འགྲོ་བའི། སློབ་མའི་སྙིང་གར་གཞལ་ཡས་ཁང་བསྐྱེད་ལ། སློབ་དཔོན་གྱི་ཐུགས་ཀ་ནས་ལྷ་རྣམས་རྫོགས་པར་སྤྲོས་དེ་རང་རང་གི་སྔགས་ཀྱིས་སློབ་མའི་སྙིང་གའི་གཞལ་ཡས་ཁང་དུ་བཀོད། མདུན་བསྐྱེད་ཀྱི་ཐུགས་ཀ་ནས་ཡེ་ཤེས་སེམས་དཔའ་སྤྱན་དྲངས་ལ་བསྟིམ། དེ་ནི་སྐུའི་དབང་ངོ༌། །གསུང་རྡོ་རྗེ། ཡན་ལག་བསྐྱེད་པའི་དུང་ཆོས་ལ་ཙནྡན་དམར་པོའི་ཕྲེང་བ་ལག་ཏུ་གཏད་ལ། ཨཱ་ལི་ཀཱ་ལི་དེ་ཉིད་ལྔ་སྤེལ་དུ་བྱས་པ་ལན་གསུམ་བརྗོད་ཅིང་སྙིང་པོ་ལན་བརྒྱའི་བཟླས་ལུང་སྦྱིན་ནོ། །ཕྲེང་བ་སྤྱི་བོར་བཞག །སྙིང་གའི་ལྷ་ཚོགས་རྣམས་ས་བོན་གྱི་དཀྱིལ་འཁོར་དུ་གྱུར། ཡི་གེའི་གཟུགས་ཀྱིས་ཡེ་ཤེས་པ་བསྟིམ། གསུང་གི་དབང་ངོ༌། །རྡོ་རྗེ་སྙིང་གར་བཀོད་ལ། སྙིང་པོའི་མཐར་རྡོ་རྗེའི་བརྟུལ་ཞུགས་ཀྱི་སྔགས་བཅུག་པས་ཕྱག་མཚན་གྱི་དཀྱིལ་འཁོར་དུ་གྱུར། ཕྱག་མཚན་གྱི་ཡེ་ཤེས་པ་སྟིམ། དེ་བཞིན་གཤེགས་པ་ཐམས་ཅད་ཀྱི། །མཚོན་ཆ་འཁོར་ལོ་བླ་ན་མེད། །རྣལ་འབྱོར་མ་ཡི་བུ་ཁྱོད་ལོང༌། །འཁོར་ལོའི་རིག་པ་འཛིན་པར་འགྱུར། །ཨོཾ་སརྦ་ཏ་ཐ་ག་ཏ་ཙཀྲ་བརྟ་ན་ཨ་བྷི་ཥིཉྩ་ཧཱུཾ། དེ་བཞིན་དུ་བཛྲ་དང་རྡོ་རྗེ་སོགས་འདོན་པ་སྤོས་ལ། རིགས་ལྔའི་ཕྱག་མཚན་གྱི་དབང་བསྐུར་ཏེ་ཐུགས་ཀྱི་དབང་ངོ༌། །རྡོ་རྗེ་གུར་ལས་འབྱུང་བ་ལྟར། རིགས་ལྔའི་སྔགས་ཀྱི་བྱིན་གྱིས་བརླབས། ཕྱག་རྒྱ་ལྔ་སློབ་མའི་ལུས་ལ་བཀོད་ལ། སྤྱི་བོའི་འཁོར་ལོ་མི་བསྐྱོད་པ། །རྣ་ཆའི་བདག་ཉིད་འོད་དཔག་མེད། །མགུལ་གྱི་ཕྲེང་བ་རིན་ཆེན་


TNT12_Page_0488
[མ་དཔེ་གཟིགས་ན་འདིར་གནོན།]

བདག །སྐ་རགས་ལ་ནི་དོན་ཡོད་གནས། ཁ་ཊྭཱཾ་ག་ནི་ཤེས་རབ་སྟེ། །ཐབས་ཀྱི་རང་བཞིན་ཅང་ཏེ་ཉིད། །རྣལ་འབྱོར་མ་ཡི་མིང་པོས་གཟུང༌། །དེ་ནི་སྤྱོད་པའི་དབང་ངོ༌། །སླར་ཡང་ལས་བཞིའི་བུམ་པ་རང་སྔགས་ཀྱིས་དབང་བསྐུར། འཕྲིན་ལས་ཀྱི་དབང་ངོ༌། །དངོས་གྲུབ་བརྒྱད་ཀྱི་གཟུགས་བརྙན་བྱས་ལ་ལག་ཏུ་གཏད་ནས། རལ་གྲི་མིག་སྨན་ས་འོག་དང༌། །མཆིལ་ལྷམ་དེ་བཞིན་རིལ་བུ་སྟེ། །རྣལ་འབྱོར་མ་ཡི་དངོས་གྲུབ་ནི། །དེ་ནི་ཅི་དགར་བསྒྲུབ་པར་གྱིས། །དངོས་གྲུབ་ཀྱི་དབང་ངོ༌། །དེ་ནས་དམ་ཚིག་དང་ལྡན་པའི་བུད་མེད་ལང་ཚོ་མ་ཆས་སུ་གཞུག་པ། དམ་ཚིག་སྒྲོལ་མའི་ང་རྒྱལ་དང་ལྡན་ལ། སློབ་མ་རྡོ་རྗེ་སེམས་དཔའི་ང་རྒྱལ་གྱིས་དངོས་སུ་འཁྱུད་དུ་བཅུག་ནས། དེའི་བདེ་བ་ངོ་སྤྲད་ལ་ནུ་མ་རུ་གཞུག་གོ །དེ་ནི་བུམ་པའི་དབང་གི་དངོས་གཞིའམ། བདུན་པོ་དེ་དག་རེ་རེའི་མཐར་སྐྱེ་གནས་མ་ཉམས་པའི་བུ་མོས་ཐོགས་པའི་བུམ་པ་ལས། ཡལ་འདབ་ཀྱི་ཆུ་བླངས་ནས། དབང་བསྐུར་རྡོ་རྗེ། སོགས་ཀྱི་འཇུག་ཏུ། ཨོཾ་བཛྲ་ཨུ་ད་ཀ་ཨ་བྷི་ཥིཉྩ་ཧཱུཾ། སུ་ར་ཏ་སྟྭཾ་ཨ་ཧཾ། དེ་དག་གི་སློབ་མ་ལ་མཆོད་བསྟོད་རྒྱ་ཆེན་པོ་བྱས་ལ། དེ་ནས་སློབ་མའི་སྙིང་གར་གཟུངས་ཐག་རྡོ་རྗེ་བཟུང་ལ། སུ་པྲ་ཏིཥྛ༴ །སོགས་དང་རྟེན་འབྲེལ་སྙིང་པོ་ལན་མང་དུ་བཟླས་ཤིང༌། མེ་ཏོག་ཏོར་ལ་རོལ་ཆེན་བྱ། རོ་དྲོ་སྭ་སྟི་སོགས་ཤིས་བརྗོད་བྱ། རྡོ་རྗེ་སློབ་དཔོན་གྱི་དབང་འདི་ཉིད་ལ་དེ་ཉིད་ལ་སྐོས་སུ་མི་བྱེད་ན། དམ་ཚིག་གསུམ་སྦྱིན་པའི་སྔོན། ཆུ་ནས་མིང་གིས་བར་དུ་ཏིང་ངེ་འཛིན་གྱིས་སྦྱིན་པའམ། དངོས་སུ་བསྡུས་པ་སྦྱིན་པར་བྱའོ། །དབང་


TNT12_Page_0489
[མ་དཔེ་གཟིགས་ན་འདིར་གནོན།]

གི་མཐར་རྩ་བའི་ལྟུང་བ་ལ་སོགས་པ་དམ་ཚིག་གི་རྣམ་བཞག་ཅི་རིགས་པ་བཤད། གཙོ་བོས་ཇི་ལྟར་བཀའ་སྩལ་པ། །དེ་བཞིན་བདག་གིས་བགྱིད་པར་འཚལ། །ཞེས་བརྗོད་དུ་གཞུག །གསང་བ་འདི་སུ་ལའང་སྨྲ་བར་མི་བྱའོ། །གལ་ཏེ་སྨྲས་ན་དེ་ཡི་ཚེ། །ཤིན་ཏུ་རྣོ་པའི་ཤུ་ལ་ནི། རྣལ་འབྱོར་མ་ཡི་ཕྱག་ན་གནས། །གང་གིས་དམ་ཚིག་འཇིག་བྱེད་པ། །དེ་ལ་འདི་ཡིས་མཆོག་ཏུ་འབིགས། །ཨོཾ་མཧཱ་ས་མ་ཡ་ཧ་ན་ཧཱུཾ་ཕཊ། ཅེས་རྩེ་གསུམ་སྙིང་གར་བཞག །དེ་ནས་རྗེས་ཀྱི་བྱ་བ་མཐའ་དག་བྱའོ། །གལ་ཏེ་གསང་དབང་བསྐུར་འདོད་ན། །ལྷ་མ་གཤེགས་པར་བྱ་བ་ཤེས། །ཡང་ན་མཎྜལ་བྱས་ནས་ནི། །ཆོས་འབྱུང་ཟུར་དྲུག་ཚོམ་བུ་བཅས། །བདག་མདུན་དབྱེར་མེད་རྣམ་པར་བསྒོམས། །མཆོད་གཏོར་དབང་འཇུག་བླང་བར་བྱ། །སློབ་མ་དཀྱིལ་འཁོར་ཁང་པ་ཡིས། །ཕྱི་རོལ་ཡོན་དང་མཎྜལ་ཕུལ། །བུ་མོ་ལོ་བཅུ་དྲུག་ནས་ཉི་ཤུའི་བར་མཚན་ཉིད་ཚང་བ་སློབ་དཔོན་ལ་ཕུལ་ཏེ། ཁྱེད་ལ་འདི་ནི་འབུལ་ལགས་ཀྱི། །འདོད་དོན་བདེ་བ་རབ་ཏུ་རྩོལ། །བདག་ནི་འདོད་པའི་བདེ་དོན་གཉེར། །མགོན་པོ་ཁྱོད་ཀྱི་བརྩེ་བས་ཟུངས། །བྱང་ཆུབ་རྡོ་རྗེ༴ སོགས་ཀྱིས་ལན་གསུམ་གསོལ་བཏབ། མིག་དར། མེ་ཏོག་སེམས་བསྐྱེད་སྔར་ལྟར་བྱ། མགྲིན་པར་ཆོས་འབྱུང་གི་དབུས་སུ་སྔགས་ཕྲེང་གཡོན་དུ་བསྐོར་བ་ལ་སེམས་གཏད། རོལ་མོའི་སྒྲ་བྱ། རིག་པའི་དབང་ལྔ་སློབ་མ་དང་ཕྱག་རྒྱ་གཉིས་ཀ་ལ་མདོར་བསྡུས་སུ་བསྐུར་ལ། ཕྱག་རྒྱ་རྣམ་རྟོག་དང་བཅས་པ་ཡིན་ན་གདོང་བཅིང༌། མཁའ་གསང་བྱིན་གྱིས་བརླབས་ཏེ་སྙོམས་པར་ཞུགས། བྱང་ཆུབ་ཀྱི་སེམས་


TNT12_Page_0490
[མ་དཔེ་གཟིགས་ན་འདིར་གནོན།]

གསང་བར་ལྷན་ཅིག་སྐྱེས་པས་ཡེ་ཤེས་བརྟན་པར་བྱས་པའི་ཐིག་ལེ་ཅུང་ཟད་ཡུམ་གྱི་མཁར་གྱུར་ཅིང་རྡོ་རྗེ་ལ་གནས་པ་བྱང་ཆུབ་ཀྱི་སེམས་སློབ་མའི་ཁར་བབ་སྟེ། འདས་པའི་རྡོ་རྗེ་འཆང་སོགས་ཀྱིས། །ཇི་ལྟར་སངས་རྒྱས་སྲས་དབང་བསྐུར། །དེ་བཞིན་དུ་ནི་བྱང་ཆུབ་སེམས། །བཟང་པོས་བུ་ཁྱོད་དབང་བསྐུར་རོ། །སྙིང་པོའི་མཐར་འབྲུ་གསུམ་བཏགས་ལ། ཤེས་རབ་མའི་པདྨ་ལ་གནས་པའི་ཐིག་ལེ་ཡང༌། སློབ་མའི་ཁར་བབ་ལ། འདི་ནི་དཔའ་བོ་ལྷ་མོ་རྣམས། །དམ་ཚིག་རྨད་བྱུང་ཆེན་པོ་སྟེ། ཁམས་ལྔ་ལས་བྱུང་བཅུད་ཀྱི་ལེན། །བདེ་བ་ཆེན་པོ་མྱང་བར་བགྱི། །ཞེས་སོ། །དེས་ཀྱང༌། ཨེ་མ་བདེ་བ་ཆེན་པོ་ལའོ། །ཞེས་བརྗོད། གདོང་གཡོགས་སྔར་བཞིན་བསལ་ནས། པདྨ་ལ་བལྟས་པའི་དགའ་བ་ངོ་སྤྲད། ནང་མཆོད་བྱིན་ལ། ཁྲག་ཆེན་པོ་ནི་ག་བུར་བཅས། །ཙནྡན་དམར་དང་ཡང་དག་སྦྱར། །དེ་བཞིན་རྡོ་རྗེའི་ཆུ་དང་བཅས། །ལྔ་པ་སེམས་ལས་བྱུང་བར་བཤད། །སངས་རྒྱས་ཀུན་གྱིས་མཐུན་པར་གསུངས། །བཟང་པོ་ཁྱོད་ཀྱིས་བསྐྱང་བར་བྱ། །དེ་ནས་ཤེས་རབ་ཡེ་ཤེས་དབང་གི་དབང་བསྐུར་བར་འདོད་ན། །མཎྜལ་གྲུ་གསུམ་པདྨར་བཅས། །གཞན་ནི་ཇི་ལྟར་སྔར་བཤད་བཞིན། །སྙིང་གའམ་ལྟེ་བར་ཟུར་དྲུག་པ། །འཁྱིལ་བ་དང་བཅས་བསྐོར་བས་ཕེབས། །བཅོམ་ལྡན་ཞི་བ་ཆེན་པོ་ཀྱེ། །རྡོ་རྗེ་རྣལ་འབྱོར་གཅིག་བཞེད་པ། །མི་ཕྱེད་ཕྱག་རྒྱ་སྒྲུབ་པ་པོ། །རྡོ་རྗེ་རྣལ་འབྱོར་ལས་བྱུང་བ། །ཇི་ལྟར་ཁྱོད་ནི་


TNT12_Page_0491
[མ་དཔེ་གཟིགས་ན་འདིར་གནོན།]

བདག་ཉིད་ཆེ། །མངའ་བདག་བདག་ལའང་དེ་ལྟར་མཛོད། །འཁོར་བ་འདམ་གྱི་ཚོགས་ནང་དུ། །བྱིང་བ་སྐྱབས་མེད་བདག་ལ་སྐྱོབས། །ཞེས་དང༌། དབང་པོ་གཉིས་ཀྱིས་སྦྱོར་བ་གང༌། །རང་བཞིན་མེད་པའི་བདག་ཉིད་དེ། །ཡེ་ཤེས་མཚོན་ཆ་རྣམས་འཆང་བ། །མངོན་སྤྱོད་སྣ་ཚོགས་སྤྱོད་པ་པོ། །མ་མོའི་ཚོགས་ཀྱིས་བསྐོར་བའི་སྔགས་ཅན་མ། །དབང་པོའི་དྲ་བ་འཕྲོ་ཞིང་འོད་ཟེར་འཁྲུགས། །ལྷན་ཅིག་སྐྱེས་པའི་མཚན་མ་དང་གཅུག་མཛད། །བློ་གྲོས་ཆེན་པོས་བདག་ལ་དབང་བསྐུར་མཛོད། །ཅེས་ལན་གསུམ་གྱི་གསོལ་བ་བཏབ་པར་བྱ། །གལ་ཏེ་གསང་དབང་གི་ཕྱག་རྒྱ་དེ་ཉིད་སློབ་མ་ཉིད་ཀྱི་ཕུལ་བ་ཡིན་ན། འདིར་སློབ་མ་ལ་སྦྱིན་དུ་རུང་སྟེ། རོ་མཉམ་སློབ་མའི་སྤྱོད་ཡུལ་ཉིད། །དེ་ཉིད་ལ་ཡང་བྱ་བར་བྱ། །ཞེས་སོ། །གཞན་དུ་ན་སློབ་དཔོན་གྱི་ཕྱག་རྒྱ་ལ་བགྲོད་པས་ནི་དམྱལ་བའི་རྒྱུ་མི་བཟད་པ་ཡིན་པའི་ཕྱིར་གསང་དབང་ཡན་ཆད་ཐོབ་པ་ལ་མ་ཉམས་པའི་བུ་མོ་གཞན་ཞིག་གི་ལག་པ་སྦྱིན་ཏེ། སངས་རྒྱས་ཀུན་གྱི་བྱིན་གྱིས་རླབས་པའི། །ལྷ་མོ་འདི་ནི་ཁྱོད་མ་ཤེས། །མཐའ་ཡས་བདེ་ལ་སྦྱིན་པ་མོ། །རྣམ་པ་ཀུན་དུ་ཕྱག་རྒྱ་ལོང༌། །གཟུངས་མ་ཡིད་འོང་འདི་ཁྱོད་ཀྱིས། །བསྟེན་བྱར་སངས་རྒྱས་རྣམས་ཀྱིས་བརྟགས། །བླུན་པོ་གང་ཞིག་འདི་སྤོང་བ། །དེ་ལ་མཆོག་གིས་དངོས་གྲུབ་མེད། །དེ་གཉིས་དོན་འགྲུབ་ཡབ་ཡུམ་དུ་བསྐྱེད་ལ། ལྕེ་ལ་བདུད་རྩི་བཞག་ཅིང་རིག་པའི་དབང་ལྔ་བསྐུར། སྐྱེ་མཆེད་ལྔ་དང་གནས་གསུམ་བྱིན་


TNT12_Page_0492
[མ་དཔེ་གཟིགས་ན་འདིར་གནོན།]

གྱིས་བརླབས། དགའ་བཞིའི་རྣམ་བཞག་དང་བདེ་སྟོང་སྒོམ་ཚུལ་ཞིབ་ཏུ་བཤད་ལ། རབ་རིབ་མའམ་འཐིབ་མོའི་མཆོད་པའམ། དབེན་ཁང་གཞན་དུ་སློབ་དཔོན་འགྲོ་བར་བྱའོ། །དེའི་ཤེས་རབ་མ་གོས་དང་བྲལ་བ་དྲི་བཟང་གིས་བགོས་པའི་པདྨ་མཛུབ་མོས་གསལ་བར་བསྟན་ཏེ། ཅི་བདེ་བུ་ཁྱོད་འདི་སྤྲོའམ། །ང་ལས་དམ་ཚིག་ལེན་པར་ནི། །བཤང་གཅི་རཀྟ་བཟའ་བ་དང༌། །བྷ་གའི་མཐའ་ནས་འཇིབ་བྱེད་དམ། སློབ་མས་ཀྱང༌། ཁྱོད་ལས་མི་གཙང་བཟའ་བར་ནི། །ལྷ་མོ་ཅི་ཕྱིར་བདག་མི་སྤྲོ། །ཇི་སྲིད་བྱང་ཆུབ་སྙིང་པོའི་བར། །བདག་གི་མི་མོ་ཀུན་གུས་བྱ། །ཡང་སྨྲས་པ། ཨ་རེ་བདག་གི་པདྨ་ནི། །བདེ་བ་ཐམས་ཅད་ཡང་དག་ལྡན། །གང་ཞིག་ཆོ་གས་བསྟེན་བྱེད་པ། །བདག་ཉིད་དངོས་གྲུབ་རྩོལ་མཛད་མ། །དལ་བུ་དལ་བུས་རབ་སྦྱོར་བས། །པདྨར་བྱ་བ་ཇི་བཞིན་གྱི། །དབུས་སུ་ཟེའུ་འབྲུས་རྣམ་བརྒྱན་པའི། །ཆུ་སྐྱེས་འདབ་མ་གསུམ་པར་གཟིགས། །ཨ་ཧོ་བདེ་བ་ཅན་གྱི་ཞིང༌། །སངས་རྒྱས་སྐུ་མདོག་དམར་པོས་མཛེས། །ནང་གི་རྩ་ཡི་འཁོར་ལོ་ཚུལ། །དེས་ནི་བུ་ཁྱོད་འབྲས་བུར་བཅས། །དེ་ནས་སྔོན་སློབ་དཔོན་གྱིས་བསྟན་པའི་ཆོ་གའི་རིམ་པས་མཁའ་གསང་བྱིན་རླབས། །དེ་ཁོ་ན་ཉིད་ཀྱིས་ངེས་པ་བརྟན་པོ་བསྐྱེད་ལ། རྗེས་སུ་ཆགས་པའི་དགའ་བ་ཙམ་པར་བྱ་སྟེ། དེ་ལ་ཚིག་གི་བསྐུལ་བ་དང༌། །རྗེས་ཆག་སྤེལ་བ་ལ་རྩ་བཙལ་བ་དང༌། བསྙེན་སྒྲུབ་ཡན་ལག་བཞིའི་སྦྱོར་བ་ལ་བརྟེན་ནས་བདེ་བའི་ཡེ་ཤེས་ངོས་བཟུང་བ་དང༌། དགའ་བཞིའི་དབྱེ་བའི་མཆོག་ཏུ་ངེས་པར་བྱ་བ་དང༌།


TNT12_Page_0493
[མ་དཔེ་གཟིགས་ན་འདིར་གནོན།]

བདེ་བ་ས་བཅུ་གསུམ་དང་སྦྱར་བས་སོ། །དེ་ལ་དང་པོ་ནི། ཤེས་རབ་མས། རོལ་ཞིག་རོལ་ཞིག་བདག་ལ་རོལ། །འདོད་པ་གྱིས་ཤིག་དགའ་གསལ་མ། ཁྱོད་ཀྱི་གཞན་དུ་མི་རྟོགས་པས། །རྟོགས་པས་ཐེ་ཚོམ་མ་བྱེད་ཅིག །ཅེས་གླུ་བླངས་ཏེ། ཕན་ཚུན་རྗེས་སུ་ཆགས་པ་དྲག་ཏུ་བསྐྱེད་དེ། གཉིས་པ་ནི། པདྨ་ཅན་ལ་སོགས་པ་རིག་དང་རྗེས་སུ་མཐུན་པའི་སྦྱོར་ཐབས་སོ་སོར་བྱ་ཞིང༌། ཤེས་རབ་ཀྱིས་མགུལ་ནས་དམ་དུ་འཁྱུད་པའི་བཅིངས་ཤིང་སྐྲ་ནས་བཟུང་བས་གདོང་མི་གཡོ་བ་ལེགས་པར་བལྟ། བུང་བ་ལྟ་བུ་ཨི་ཡིག་གི་སྒྲའི་གླུ་དང༌། བརླ་གཉིས་ཀྱི་བར་ཏུ་ཉེ་བར་བལྟ་བས་མཆུ་ཡིས་རྩེ་བར་བྱ། འགྱིང་བག་གི་སྟབས་ཀྱི་འཁྱུད་ནས་ལྐོག་མ་ལ་བརྟེན་ཏེ་མ་མཆུའི་སྦྲང་རྩི་གཞིབ། རྩ་བསྐུལ་བསླང་བ་རྣམས་བསྐུལ་བའི་ཕྱིར། །ནུ་མ་གཉིས་དང་ལག་སོར་གྱི་རྩེ་མོ་རྣམས་དང༌། །མ་མཆུ་དང༌། འགྲམ་པ་དང༌། རྣ་བའི་རྩེ་མོ་དང༌། མིག་གི་མཐའ་དང༌། སྤྱི་བོ་དང༌། གསང་བ་རྣམས་སུ་ཙུམ་པ་བྱའོ། །བར་པ་རྣམས་བསྐུལ་བའི་ཕྱིར། རྣ་བ་གཉིས་དང༌། མཆན་ཁུང་གཉིས་དང༌། ནམ་ཚོང་དང་བྷ་གའི་འགྲམ་གཉིས་སུ་སེན་མོས་བཏབ། དཀའ་བ་རྣམས་བསྐུལ་བའི་ཕྱིར་དུ་ནུ་མ་གཉིས་དང༌། མཆན་ཁུང་གཉིས་དང༌། ལག་མཐིལ་གཉིས་དང་རྐང་མཐིལ་གཉིས་སུ་མཉེ་ཞིང༌། སོའི་རི་མོ་བྱའོ། །པདྨའི་མཐའ་རྣམས་བསྐུལ་བ་དང༌། ལྕེ་གསུམ་བསྐྱོད་པའི་སྦྱོར་བས། རྡོ་རྗེ་དབྱིངས་ཀྱི་དབང་ཕྱུག་མ། ན་ར་ན་སི་ཀ་མཆོག་ཏུ་རྒྱས་པར་འགྱུར་རོ། །སྟེང་དང་འོག་ཏུ་རྣམ་པར་བལྟས་པས་ཀྱང་རྗེས་སུ་ཆགས་པ་བསྐུལ་ནས། ཇི་སྐད་བཤད་པའི་རྗེས་ཀྱི་དབང་མཆོག་ལ་ཉེ་བར་བགོས་ཏེ། གཡོན་ཕྱོགས་ན་གནས་པའི་རྩ་བྱ་གདོང་གི་གཟུགས་ཅན་སད་པར་བྱའོ། །གསུམ་པ་ནི། རྡོ་རྗེ་པདྨར་རེག་པར་བསྙེན་པ།


TNT12_Page_0494
[མ་དཔེ་གཟིགས་ན་འདིར་གནོན།]

རྡོ་རྗེ་པདྨར་ཞུགས་པ་ཉེར་བསྒྲུབ་དང༌། བསྐྱོད་པ་ལས་ཤེས་རབ་མ་ལ་ཡེ་ཤེས་རྣམ་པ་ལྔའི་རྟགས་མཆོག་གི་ཉེ་བར་བརྒྱན་པ་ན། ཤེས་རབ་མ་རྗེས་སུ་ཆགས་པའི་རྟགས་དེས་ཀྱང༌། རང་རྒྱུད་ཀྱི་བདེ་བ་ཆེན་པོ་རེ་རེ་ནས་ལྷག་པར་འཕེལ་བར་འགྱུར་རོ། །དེ་ཡང་སྙིང་འདར་བ་དང་དྲན་པ་ཉམས་པ་ནི་མེ་ལོང་ཡེ་ཤེས། སྐྲ་གྲོལ་ཞིང་འདུག་ཚུལ་ཞིག་པ་ནི་སོར་རྟོགས་ཡེ་ཤེས། གོས་འདོར་ཞིང་རྣམ་རྟོག་བྲལ་བ་ནི་ཆོས་དབྱིངས་ཡེ་ཤེས། ལུས་རྡུལ་གྱི་ཁྱབ་པ་ནི་མཉམ་ཉིད་ཡེ་ཤེས། བཞིན་དམར་པོ་འགྱུར་བ་དང༌། མིག་ཕྲ་པ་དང༌། ཟིམ་བུས་བལྟ་བ་ནི་བྱ་གྲུབ་ཡེ་ཤེས་ཏེ། དེ་དག་གི་སྒྲུབ་པའོ། །དེ་ནས་བྱང་ཆུབ་ཀྱི་སེམས་ནོར་བུར་སོན་པ་ན་བདེ་བ་ཡུན་རིང་དུ་བསྒོམ་ཞིང༌། གལ་ཏེ་ཐིག་ལེ་འཛག་པ་འདྲ་ན་བཙན་ཐབས་ཀྱི་སྦྱོར་བས་བཀག་པས། རང་དང་རིག་མ་གཉིས་ཅར་བ་སྤུ་ལྡང་བ་དང་མཆི་མ་འབྱུང་བ་སོགས་ཉིད་སྟོབས་བརྒྱད་འབྱུང་ངོ༌། །དེ་དག་གི་སྒྲུབ་པ་ཆེན་པོའོ། །བཞི་པ་ནི། ཐབས་ཤེས་རྗེས་སུ་ཆགས་པས་འཁྱུད་དང་འོ་བྱེད་པ་དང་ནུ་མ་མཉེད་ལ་སོགས་པ་འཁྲུལ་འཁོར་གྱི་རིམ་པས། དབང་པོ་གཉིས་སྦྱོར་བའི་བར་དུ་དགའ་བ་དྲི་བདེ་བ་ཅུང་ཙམ་བསྐྱེད་དོ། །མཚོ་སྐྱེས་ཀྱི་འདབ་མར་ཆུད་བའི་རྡོ་རྗེ་བསྐྱོད་པ་ལས་ནོར་བུའི་རྩ་བར་བྱང་སེམས་འོང་པའི་བར་དུ་མཆོག་དགའ་སྟེ། དེ་ལས་ལྷག་པའི་བདེ་བའོ། །པདྨའི་སྦུབས་སུ་སོན་པའི་ནོར་བུ་ལས་ཐིག་ལེས་ཤེས་རབ་མའི་སྣ་རྩེར་སྤྲོས་པ་འདི་ནི་ལྷན་ཅིག་སྐྱེས་པའི་ཡེ་ཤེས་ཏེ། ཤེས་རབ་ཡེ་ཤེས་ཀྱི་དངོས་གཞིའོ། །དེ་ནས་སྔོན་ཉམས་སུ་མྱོང་བ་འདི་ལྟ་བུའོ་ཞེས་ཉེ་བར་སེམས་པའི་བདེ་བ་ནི་དགའ་བྲལ་ཏེ་ཆགས་བྲལ་ལོ། །ལས་དང་པོ་པས་དབང་གི་སྐབས་སུ་བཟུང་བར་མ་ནུས་ན།


TNT12_Page_0495
[མ་དཔེ་གཟིགས་ན་འདིར་གནོན།]

བྱང་ཆུབ་ཀྱི་སེམས་ཀྱི་འོད་ཟེར་གྱིས་དཀྱིལ་འཁོར་དང་ཕྱོགས་བཅུའི་སངས་རྒྱས་རྣམས་ལ་མཆོད་པའི་སྤྲིན་སྤྲོས་པར་བསམ་ནས། ཕཊཿཅེས་བརྗོད་ཅིང་ཐིག་ལེ་ཕྱུང་ལ་པདྨ་ལ་གནས་པ་ལྕེས་བླང་པར་བྱའོ། །ལྔ་པ་ནི། གཟུགས་མཛེས་པ་མཐོང་བའི་བདེ་བ་ལ་སེམས་ཟིན་ན་ས་དང་པོ་དང༌། དེ་བཞིན་དུ་གླུ་དབྱངས་དང༌། འཁྲིག་ཚིག་དང༌། དགའ་བའི་སྒྲ་ལས་བྱུང་བའི་བདེ་བ་ས་གཉིས་པ་དང༌། དྲི་ཚོར་བ་ལས་བྱུང་བའི་བདེ་བ་ས་གསུམ་པ་དང༌། ཨོ་ཐ་གཞིབ་པ་ལས་བྱུང་བའི་བདེ་བ་ས་བཞི་པ་དང༌། ཕྱིའི་རེག་བྱའི་བདེ་བས་ས་ལྔ་པ་དང༌། མཉམ་པར་སྦྱོར་བའི་ཡེ་ཤེས་ས་དྲུག་པ་དང༌། ཆུ་སྐྱེས་དམ་ཞིང་དགོས་པ་ལ་སོགས་པ་ཁམས་ཀྱི་བདེ་བ་བདུན་པ་དང༌། རྡོ་རྗེ་ནོར་བུའི་ཟིལ་བ་སོགས་ཆུ་ཁམས་ལས་ཐོབ་པ་ས་བརྒྱད་པ་དང༌། བྷ་ག་ལངྒའི་དྲོད་སོགས་མེ་ཁམས་ལས་དགུ་པ་དང༌། ལུས་འདར་བ་དང་ཐིག་ལེ་གཡོ་བ་སོགས་རླུང་ལས་ཐོབ་པའི་བདེ་བ་ནི་བཅུ་པ་དང༌། དེ་དག་ལས་སྐྱེས་པའི་ཆགས་པ་དང་ཆགས་བྲལ་དང་ཆགས་པ་བར་མའི་ཡེ་ཤེས་རེ་རེ་ས་རེ་རེ་སྟེ། དེ་ལྟར་ན་ལྷན་སྐྱེས་ཡེ་ཤེས་བཅུ་གསུམ་པ་རྡོ་རྗེ་འཛིན་པ་ལྷག་པའི་ལྷའོ། །དེ་ཡང་བདག་དང་རིག་མ་ལྷར་གསལ་བ་དང༌། སྐྲ་གྲོལ་བ་སྡུལ་བ་སོགས། ལོངས་སྤྱོད་རྫོགས་པའི་ཡན་ལག །འཁྱུད་ཅིང་སྙོམས་པར་འཇུག་པ་ཁ་སྦྱོར་གྱི་ཡན་ལག །ཐིག་ལེ་ཞུ་བ་བདེ་ཆེན་གྱིས་ཡན་ལག །དེ་ལ་སེམས་ཟིན་པ་པས་སྟོང་བར་མཐོང་བ་རང་བཞིན་མེད་པའི་ཡན་ལག །དེ་ལྟར་ན་མ་རྟོགས་པའི་སེམས་ཅན་ལ་སྙིང་རྗེ་འཇུག་པ་སྙིང་རྗེ་ཆེན་པོའི་ཡན་ལག །སེམས་བདེ་བ་དང་གསལ་རིག་རྟག་ཏུ་གནས་པ་རྒྱུན་མི་འཆད་དང་འགོག་པ་མེད་པའི་ཡན་ལག་གོ །འབྲས་བུ་ལ་མི་བསྡུ་བ་ཉིད་ཀྱི་ཡན་ལག་བདུན་ལྡན་ཏེ། འོན་ཀྱང་གནས་


TNT12_Page_0496
[མ་དཔེ་གཟིགས་ན་འདིར་གནོན།]

གསང་བ་འབའ་ཞིག་དང༌། འཕྲལ་དུ་སྐྱེ་འགག་བྱེད་པ། ངལ་བ་སོགས་སྡུག་བསྔལ་དང་བཅས་པས་དོན་དམ་པའི་བདེ་བ་མ་ཡིན། ལམ་འདི་ཁོ་ནའི་ཡེ་ཤེས་ཀྱི་ས་བཅུ་གསུམ་མྱུར་དུ་ཐོབ་པར་འགྱུར་གྱི། ཐབས་གཞན་གྱི་མ་ཡིན་ནོ། །ཡང་ན་དབང་འདི་ཚིག་གིས་སྦྱིན་པར་བྱའོ། །གསལ་སྣང་མ་ཐོབ་པ་དེ་སྲིད་དུ་ལས་ཀྱི་ཕྱག་རྒྱ་ལས་གཞན་པའི་དབང་བསྐུར་བ་ནི། དབང་གི་ཡེ་ཤེས་ཉམས་སུ་མྱོང་བ་མེད་པའི་ཕྱིར། མཆོག་ཟབ་པ་མ་ཡིན་ཅེས་གསུངས་སོ། །དེ་ནས་སློབ་དཔོན་ལ་ཡོན་དབུལ་ཞིང༌། ཚོགས་ཀྱི་འཁོར་ལོ་བྱའོ། །ཙ་ཏུ་མེད་ལ་དབང་མི་བསྐུར། །ཚོགས་ཀྱི་འཁོར་ལོ་མེད་པ་ལ། །གསང་བ་ཤེས་རབ་དབང་མི་བསྐུར། །བཞི་པའི་དོན་གྱི་དེ་ཉིད་ནི། །མཆོག་གི་སློབ་མ་དག་ལ་སྦྱིན། ཁེངས་ལྡན་ཉན་ཐོས་གསང་མི་ཐུབ། །བླུན་པོ་རྒྱལ་པོ་རྟོག་གེ་བ། །རྒན་པོ་ལ་སོགས་དབང་བཞི་བཀལ། །ཉི་མ་གཞན་ལ་མཆོད་པ་དང༌། །བཅས་ནས། ཀུན་མཁྱེན་ཡེ་ཤེས་ཕུང་པོ་ཅན། །སྲིད་པའི་འཁོར་ལོ་རྣམ་སྦྱོང་བ། །དེ་རིང་བཤད་པའི་རིན་ཆེན་གཏེར། །གཙོ་བོས་བདག་ལ་བཀའ་དྲིན་སྩོལ། །ཞེས་གསོལ་བ་བཏབ། བླ་མའི་ཕྱག་རྒྱ་གཏད་དེ། ལྷན་ཅིག་སྐྱེས་པའི་ཡེ་ཤེས་ངོས་འཛིན་དུ་བཅུག །དེ་ཉིད་དཔེར་བྱས་ཏེ་རང་སེམས་ལྷན་ཅིག་སྐྱེས་པ་ངོ་སྤྲད། ཀུན་ཁྱབ་གདུང་མེད་རྒྱུན་མི་ཆད། །རྣམ་རྟོག་འཐིབ་ཅིང་རང་རིག་པ། །ཟབ་གསལ་གཉིས་སུ་མེད་པ་སྟེ། །ཐིག་ལེ་བདེ་བ་ཁ་སྦྱོར་བའོ། །དཔག་བསམ་གྱི་ཤིང་དང༌། ལྷའི་སྐུ་ཕྱོགས་བཅུར་བགྲོད་པ་དང༌། མང་དོན་ལེགས་པར་རྩ་གཅོད་པ་སོགས་མན་ངག་


TNT12_Page_0497
[མ་དཔེ་གཟིགས་ན་འདིར་གནོན།]

ལྟར་ཤེས་པར་བྱའོ། །དེ་ནས་སློབ་དཔོན་ཇི་ལྟར་མཉེས་པ་དེ་དེ་ཉིད་སྒྲུབ་པ་ཡིན་ནོ། །ལྷག་ཆད་བསྐང་ཞིང་བཟོད་པར་གསོལ། ཨོཾ་ཛ་ཡ་ཛ་ཡ་སུ་ཛ་ཡ། བི་ཤྭ་རཱུ་པ་དྷ་རི་གཙྪ་གཙྪ་སྭ་བྷཱ་བཾ་སྠཱ་ནཾ་ཀྲྀ་ཏནྟེ་ན་སརྦ་བུདྡྷ་ཤང་བི་སརྫ་ཡེ་ཏ་མ་མ་ཀརྱ་ཀུ་རུ་སྭཱཧཱ། ཞེས་༴ སྔགས་ཀྱི་རྩ་ཐིག་གི་ཐད་དང༌། ཐིག་ཆེན་བརྒྱད་ཀྱི་ཐིག་རྣམས་ཐོག་མར་དབྱི་རྡུལ་ཚོན་ལྷག་མ་རྣམས་བུམ་པར་བླུག །ཀླུ་བརྒྱད་ཆོ་ག་སྤྱི་དང་མཐུན་པས་ཆུ་བོར་སྤྱན་དྲངས། སླར་ཡང་བུམ་པ་ཆུས་བཀང་སྟེ་དཀྱིལ་འཁོར་གྱི་སར་གཏོར་དེ་ཤིས་བརྗོད་རྒྱས་པར་བྱའོ། །ཕྱག་ལེན་པ་ནི། རྗེས་ཆོག་མཆོད་སྟོད་ཀྱི་རྗེས་སུ་ཡང་ཤིས་བརྗོད་རེ་མཛད་དོ། །དེ་ལྟར་ན་དཀྱིལ་འཁོར་གྱི་བྱ་བའི་ཉིན་ཞག་ཐམས་ཅད་དམ་སྐབས་འདིར་ངེས་པར་སྦྱིན་བསྲེགས་བྱ་སྟེ། །དེ་ཆོ་ག་ནི་འོ་སྙེ་ལས་ཤེས་པར་བྱའོ། །དེ་ཡང་མ་འགྲུབ་ན་གཞོན་ནུ་མའི་མཆོད་པ་ཉིན་སོ་སོར་ངེས་པར་བྱའོ། །དབང་བཞིའི་ཆུ་རྒྱུན་རྣམ་པར་སྤེལ་བ་འདི། །གངས་ཅན་ཞིང་སར་ཁོ་བོས་ཉེར་དྲངས་པ། །སྐལ་ལྡན་ཞིང་ས་རྣམས་ཀྱི་ཉེར་འཚོ་སྟེ། །ཐུབ་བསྟན་སྐྱེད་ཚལ་མཆོག་ཏུ་རྒྱས་བྱེད་ཡིན། །འདིའི་དགེ་བས་སེམས་ཅན་ཐམས་ཅད་མྱུར་དུ་རྡོ་རྗེ་འཆང་ཆེན་པོ་གྱུར་ཅིག། །། ཅེས་པ་སྒྲོལ་མའི་དཀྱིལ་འཁོར་གྱི་ཆོ་ག་གཞན་ལ་ཕན་པ་ཞེས་བྱ་བ་འདི་ནི། རྒྱལ་ཁམས་པ་ཏཱ་ར་ནཱ་ཐས་འདི་ཉིད་ཀྱི་རྒྱུད་ཀྱི་འགྲེལ་པ་ཇོ་བོ་རྗེས་མཛད་པ་དེ་ཉིད་གཞིར་བཞག་ཅིང༌། ཕྱག་ལེན་གྱིས་ཁ་སྐོང་ཇི་ལྟར་མཛད་པ་ལྟར་མ་འཁྲུལ་བར་བཀོད་པ་སྟེ།


TNT12_Page_0498
[མ་དཔེ་གཟིགས་ན་འདིར་གནོན།]

གྲུབ་ཆེན་ཞི་བ་སྦས་པའི་མན་ངག །བླ་མ་རྣམ་གསུམ་གྱི་ཞལ་ལུང་ཏེ། རང་ལོ་ཉེར་བདུན་པ་ལ་བཀོད་པའོ། །འདིས་ཀྱང་བསྟན་པ་རིན་པོ་ཆེ་དར་ཞིང་རྒྱས་པར་གྱུར་ཅིག །སརྦ་མདྒ་ལཾ། །བཀྲ་ཤིས། །རྒྱལ་བ་གཉིས་པ་ཀུན་མཀྱེན་ཇོ་ནང་པའི། །རྣམ་སྤྲུལ་རྗེ་བཙུན་ཡོན་ཏན་བཟང་པོ་ཡིས། །སྤྱི་ལོ་༡༩༩༥ལོར། རྒྱལ་བསྟན་མི་ཉམས་གོང་དུ་འཕེལ་བའི་ཕྱིར། །ཀུན་མཁྱེན་ཏཱ་ར་ནཱ་ཐའི་བཀའ་འབུམ་གྱིས། །ཤིང་དཔར་འཛམ་ཐང་གཙང་བའི་ཆོས་གྲྭ་ཆེར། །བསྐྲུན་པའི་དགེ་བ་འོད་དཀར་དྲི་མེད་ཀྱིས། །མར་གྱུར་འགྲོ་ལ་རྫོགས་སངས་རྒྱས་ཐོབ་ཤོག། །འདི་ཡང་པུཎྱི་ཤྲཱིས་བྲིས་པ་དགེའོ། །


TNT12_Page_0499
[མ་དཔེ་གཟིགས་ན་འདིར་གནོན།]

ཤོག་སྟོང་།


TNT12_Page_0500
[མ་དཔེ་གཟིགས་ན་འདིར་གནོན།]

མ་ལྷག་མོ་ཡོད

སྒྲོལ་མ་རྣལ་འབྱོར་མའི་ཁྲིད་ཡིག་བདེ་ཆེན་མྱུར་གཏེར།


TNT12_Page_0501
[མ་དཔེ་གཟིགས་ན་འདིར་གནོན།]

སྒྲོལ་མ་རྣལ་འབྱོར་མའི་ཁྲིད་ཡིག་བདེ་ཆེན་མྱུར་གཏེར་བཞུགས།


TNT12_Page_0502
[མ་དཔེ་གཟིགས་ན་འདིར་གནོན།]

ན་མོ་གུ་ར་ཝེ། མཆོག་འདོད་རྣམས་ལ་བདུད་རྩི་ལྟ་བུའི་གཏམ། །དཔག་ཡས་མཁའ་འགྲོའི་དབང་པོའི་ཉེར་བརྟན་པ། །འཕགས་ཡུལ་གྲུབ་པའི་ཐུགས་བཅུད་འདིར་བབས་ཀྱི། །བློ་ལྡན་སྐལ་བཟང་ཚོགས་རྣམས་ཡི་རང་བྱོས། །དྲི་མེད་ནམ་མཁའི་ལུས་ཅན་འོད་འབར་མ། །གཉེན་ལྕུག་འཁྲིལ་ལྡེམ་རྡོ་རྗེ་གར་གྱི་རོས། །འཕོ་བའི་གདུང་སེལ་བདེ་བ་རབ་བྱིན་མ། །སྒྱུ་འཕྲུལ་བདག་མོ་འཕགས་མ་སྒྲོལ་མར་འདུད། །མ་བཅོས་རིག་པ་གཙོར་གྱུར་གང༌། །ལྷག་བསམ་ཤིང་རྟས་ཉེར་དྲངས་ཏེ། །བླ་མེད་ཡེ་ཤེས་འོད་སྟོང་ཅན། །སྔོན་མེད་གང་དེ་འདི་ན་ཤར། །འདིར་གྲུབ་པའི་དབང་ཕྱུག་ཆེན་པོ་ཞི་བ་སྦས་པའི་ཞལ་སྔ་ནས་ཀྱི་མན་ངག་གདམས་པ་ཕྱིན་ཅི་མ་ལོག་པ། རྡོ་རྗེ་འཆང་ཆེན་པོ་བླ་མའི་ཞལ་སྔ་ནས་འབྱུང་བ་མདོ་ཙམ་རྗོད་པར་བྱ་སྟེ། ཐོག་མར་སྡིག་སྒྲིབ་སྦྱང་བ་ནི། རྣལ་འབྱོར་མའི་རྒྱུད་ཀྱི་རྒྱལ་པོ་འཕྲིན་ལས་ཐམས་ཅད་འབྱུང་བ་སྒྲོལ་མ་འདུས་པ་དོན་དམ་པ་ཞེས་བྱ་བ་ལས། ནམ་མཁའི་དབྱིངས་ཀྱི་


TNT12_Page_0503
[མ་དཔེ་གཟིགས་ན་འདིར་གནོན།]

དབུས་སུ་ནི། །ཡེ་ཤེས་མེ་དཔུང་དཀར་པོ་བསམ། །སེམས་ཅན་ཁམས་ནི་མ་ལུས་པའི། །གནས་ལས་མེ་ནི་འབར་བར་སྒྲུབ། །མཚམས་མེད་ལྔ་དག་བྱེད་པ་ཡང༌། །གཙང་མའི་གནས་སུ་འགྲོ་བར་འགྱུར། །སྡིག་པ་རྡོ་རྗེའི་ཡེ་ཤེས་འདིས། །སྐད་ཅིག་གིས་ནི་དཔལ་ལྡན་འགྱུར། །ཅེས་གསུངས་ཏེ། རང་དམ་ཚིག་སེམས་དཔར་གསལ་བའམ། ཐ་མལ་པར་གནས་ཀྱང་རུང་སྟེ། སྙིང་ག་ཆོས་ཀྱི་འཁོར་ལོའི་དབུས་སུ་ལྷ་མོ་སྒྲོལ་མ་ཕྱག་བཞི་མ་འོད་ཟེར་དཀར་པོ་འཕྲོ་བ་དེའི་ཐུགས་ཀར་ཟླ་བ་ལ་ཏཾ་གྱྀ་ཐ་མར་སྔགས་ཀྱི་བསྐོར་བ། ཡིག་འབྲུ་ཐམས་ཅད་ལས་མེ་དཀར་པོ་འབར་བ་བསམ་སྟེ། སྔགས་བཟླས་པས། མེ་ལྕེ་དེ་ཉིད་ཆེར་འབར་ཏེ་ཡེ་ཤེས་སེམས་དཔའི་སྐུ་གང༌། རྩ་གསུམ་འཁོར་ལོ་བཞི་པོ་རྣམས་ནས་རིམ་གྱིས་འབར་བས། ལུས་ཀྱི་ཕྱི་ནང་ཐམས་ཅད་མེ་རི་དཀར་པོ་རབ་ཏུ་འབར་བར་གྱུར། སྡིག་སྒྲིབ་ཐམས་ཅད་བསྲེགས་པར་བསམ། ཕྱོགས་བཅུའི་སེམས་ཅན་ཐམས་ཅད་ཀྱི་སྒོ་དགུ་ནས་མེ་ལྕེ་ཡོངས་སུ་འཇུག་ཅིང༌།


TNT12_Page_0504
[མ་དཔེ་གཟིགས་ན་འདིར་གནོན།]

དེའི་རྐྱེན་གྱིས་ཀྱང་སྙིང་གའི་ཐིག་ལེ་མེ་དཔུང་དཀར་པོའི་ངོ་བོར་གྱུར། ལུས་ཐམས་ཅད་མེས་གང་སྟེ། དེའི་འོད་ཀྱི་སེམས་ཅན་དེ་རྣམས་ཀྱིས་སྡིག་སྒྲིབ་བསྲེགས་པར་བསམ། མཐར་མེ་རྣམས་རང་གི་སྙིང་གའི་མེ་ལ་བསྡུའོ། །བཟླས་པའི་སྔགས་ནི་འདི་ཡིན་ཏེ། ཨོཾ་ཏཱ་རེ་ཏུཏྟཱ་རེ་ཏུ་རེ་སརྦ་པཱ་པཾ་ཀྵ་ཡཾ་ཀུ་རུ་སྭཱཧཱ། ཞེས་པའོ། །དེ་ནས་བར་ཆད་བཟློག་པར་བྱེད་པ་ནི། རྒྱུད་ལས། སྤུ་ལས་ནད་རྣམས་སྤྲེའུའམ། ཁྱི་དང་འདྲ་བར་རབ་ཏུ་དབྱུང༌། །ནད་ཀྱི་རྡོ་རྗེའི་དམ་ཚིག་འདིས། །རྡོ་རྗེ་མཚོན་ཆས་བསྣུན་པར་བྱ། །ཞེས་གསུངས་པས། སྙིང་གར་ཡེ་ཤེས་སེམས་དཔའ། དེའི་ཐུགས་ཀར་ཏིང་ངེ་འཛིན་སེམས་དཔའ་ཏཾ་ཡིག་ལྗང་ཁུར་རབ་ཏུ་འབར་བ། དེའི་འོད་ཟེར་རྩ་གསུམ་འཁོར་ལོ་བཞི་ནས་བརྒྱུད་དེ་རྩ་ཐམས་ཅད་རབ་ཏུ་ཁྱབ་པས། ནད་རྣམས་དང༌། ནད་དུ་འགྱུར་བའི་རྒྱུ་དང༌། གདོན་དང་བར་ཆད་ཐམས་ཅད་མེ་ལྕེའི་གདུང་བས་ཕྱིར་དེད་དེ། ནད་རྣམས་སྤྲེའུའི་རྣམ་པས་དང༌། གདོན་རྣམས་ཁྱིའི་རྣམ་པས་བ་སྤུའི་བུ་ག་ནས་ཕྱི་རོལ་དུ་ཕྱུང་སྟེ། ཡང་ས་བོན་གྱི་འོད་ཟེར་མེ་ལྕེ་ལྟ་བུ་དང༌། རབ་ཏུ་རྣོ་བའི་མཚོན་ཆའི་ཚོགས་སྤྲོས་ཏེ། ནད་གདོན་དེ་རྣམས་ཕྱེ་མར་གཏུབས་ཤིང་མེ་ལྕཻས་བསྲེགས་པས། ཐལ་བར་གྱུར་ལ། ཐལ་བའང་རླུང་གི་གཏོར་བར་བསམ། ཨོཾ་ཏཱ་རེ་ཏུཏྟཱ་རེ་ཏུ་རེ་སརྦ་རོ་ག་ནཱ་ཤ་ཡ་ནཱ་ཤ་


TNT12_Page_0505
[མ་དཔེ་གཟིགས་ན་འདིར་གནོན།]

ཡ་ཧཱུཾ་ཕཊ། ཅེས་བཟླའོ། །བྱིན་རླབས་འཇུག་པའི་རྣལ་འབྱོར་ནི། རྒྱུད་ལས། ཟླ་བ་ཉི་མའི་རླུང་གི་དབུས། །རང་སྔགས་ས་བོན་སྒོམ་པར་བྱ། །ལྷ་ཡི་དེ་ཉིད་དམིགས་གྱུར་ན། །བཅུ་དྲུག་པ་ལ་དེ་འགྲུབ་འགྱུར། །ཅེས་གསུངས་ཏེ། རང་གཙོ་མོར་བསམ་པའི་ལུས་ལ་རྩ་གསུམ་འཁོར་ལོ་བཞི་ཡང་གསལ་བཏབ་ནས་རོ་མའི་དྭངས་མ་ལྟེ་བའི་གཏུམ་མོ་དང་བཅས་པ། ཆོས་འཁོར་གྱི་ལྟེ་བར་ཉི་མ་དང༌། རྐྱང་མའི་དྭངས་མ་སྤྱི་བོའི་ཧཾ་དང་བཅས་པ་སྙིང་གའི་དབུས་སུ་སོན་པ། ཟླ་བར་གྱུར། དེ་གཉིས་ཀྱི་དབུས་སུ་མི་ཤིགས་པའི་རླུང་ཏཾ་ཡིག་ལྗང་ཁུ། དེ་རྣམས་གཅིག་ཏུ་འདྲེས་པ་ལ་སྒྲོལ་མ་ཕྱག་བཞི་མ། དེའི་ཐུགས་ཀར་ཟླ་བ་ལ་ཏཾ་ལྗང་ཁུ་འོད་ཟེར་འཕྲོ་བ། རང་གི་དཔྲལ་བར་ཨོཾ། མགྲིན་པར་ཨཱཿ སྙིང་ག་ཆོས་འཁོར་གྱི་འོག་ཏུ་ཧཱུཾ་རྣམས་བསམ་ལ། ཨོཾ་ཨཱཿཏཾ་ཧཱུཾ་ཅེས་མ་ཡེངས་པའི་ཡིད་ཀྱི་རྟག་ཏུ་བཟླས་པ་བྱའོ། །ཕྱི་ནང་གི་བར་དུ་གཅོད་པ་བཟློག་པར་འདོད་ན། རྒྱུད་ལས། རང་སྔགས་ས་བོན་འོད་ཟེར་གྱི། །རྡོ་རྗེ་གུར་སོགས་རྟག་པར་བྱ། །འཇིགས་པ་བརྒྱད་ལས་བསྲུང་བ་དང༌། །ལུས་མེད་རྣམས་ཀྱིས་ཀྱང་མི་མཐོང༌། །ཞེས་ཏེ། སེམས་དཔའ་གསུམ་བརྩེགས་སྔ་མ་བཞིན་དུ་སྒོམས་ལ། ས་བོན་སྔགས་བཅས་ལས་འོད་ཟེར་དཔག་ཏུ་མེད་པ་སྤྲོས། བ་སྤུའི་བུ་ག་ནས་ཕྱིར་སོང༌། ཇི་ཙམ་བསྲུང་བའི་ས་ཕྱོགས་དེ་ཙམ་དུ་ཨུཏྤལ་དམར་པོའི་


TNT12_Page_0506
[མ་དཔེ་གཟིགས་ན་འདིར་གནོན།]

ས་གཞི་དང་རྭ་གུར་དེའི་ཕྱི་རོལ་ཕྱོགས་ཀུན་ཏུ། རྡོ་རྗེའི་ས་གཞི་རྭ་གུར་མེ་དཔུང་འབར་བ་དང་བཅས་པ། མེའི་གསེབ་ཐམས་ཅད་ཁྲོ་མོ་དྲག་གཏུམ་འཇིགས་སུ་རུང་བའི་སྒྲ་སྒྲོག་པ། མཚོན་ཆ་སྣ་ཚོགས་འཛིན་པ་རྣམས་ཀྱིས་ཁེངས་ཤིང༌། དེ་རྣམས་ཀྱི་ཕྱི་རོལ་སྟེང་གི་ནམ་མཁའ་ཆར་སྤྲིན་གློག་འགྱུ་བས་ཁྱབ་པ། ཁོར་ཡུག་ཐམས་ཅད་དེ་ལས་བྱུང་བའི་རྡོ་རྗེ་མེ་ལྕེའི་སེར་བ་འབབ་ཅིང༌། འོག་གི་གཞི་ཐམས་ཅད་འབྱུང་བ་བཞིའི་དཀྱིལ་འཁོར་ལ་གནས་པའི་རྡོ་རྗེའི་ས་གཞི་མེ་ལྕེ་རབ་ཏུ་འབར་བ་ཅན་དུ་བསམ་ལ། ཨོཾ་ཏཱ་རེ་ཏུཏྟཱ་རེ་ཏུ་རེ་སརྦ་དུཥྟཾ་པྲ་དུཥྟཾ་མ་མ་ཀྲི་ཏེ་ཛམ་བྷ་ཡ་ཨ་སྟྭམ་བྷ་ཡ་མོ་ཧ་ཡ་བནྡྷ་ཡ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་བཛྲ་རཀྵ་ཙཀྲ་སཱ་དྷ་ཡ་སཱ་དྷ་ཡ་ཧཱུཾ་ཕཊ། ཅེས་བཟླས་པ་བྱའོ། །དེ་དག་ནི་བསྐྱེད་རིམ་རྣལ་འབྱོར་ཆེན་པོ་སྟེ་སྔོན་འགྲོའི་རིམ་པའོ། །དངོས་གཞི་ནི། སྤྱིར་རྒྱུད་འདིའི་ལུགས་ཀྱི་རྣལ་འབྱོར་བཞི་ལས། རྣལ་འབྱོར་དང་པོ་ནི། བསྐྱེད་པའི་རིམ་པ་འཁོར་བཅས་ཡིན་ལ། རྣལ་འབྱོར་ཕྱི་མ་གསུམ་ནི། རྫོགས་པའི་རིམ་པ་ཡིན་པས་འདིར་དེ་རྣམས་བཤད་ན། རྗེས་སུ་རྣལ་འབྱོར་ལ་སྔོན་འགྲོ་དང་དངོས་གཞི་བོགས་འདོན་གསུམ་ལས། དང་པོ་ནི། ལུས་རྣམ་སྣང་གི་ཆོས་བདུན་གནད་དུ་ཕབ་ནས། མིག་སྣ་རྩེར་བལྟ་ཞིང༌། སེམས་ཡང་དེར་གཏད་ལ། སྣ་ནང་དུ་འོད་དམར་སེར་དུ་བ་ལྟ་བུ་ཡལ་ལ་ལ་འདུག་པ་ལ་དམིགས། ཡང་ན་མིག་གཉིས་སྣའི་རྩ་བ་ལ་བལྟ་ཞིང༌། སྨིན་མཚམས་ཀྱི་


TNT12_Page_0507
[མ་དཔེ་གཟིགས་ན་འདིར་གནོན།]

གནས་དེར་ཐིག་ལེ་དཀར་པོ་འོད་འཚེར་བ་ཞིག་ལ་སེམས་གཏད། དེ་རྣམས་མི་བདེ་ན་ལག་ལེན་བཞིན་སྨིན་མཚམས་ནས་མཐོ་གང་ངམ། ཁྲུ་གང་ཙམ་བཅལ་བའི་ནམ་མཁའ་ལ་ཆེ་རེ་མིག་གིས་བལྟ་ཞིང༌། རྣམ་པར་རྟོག་པའི་སྤྲོས་པ་ཅུང་ཟད་ཀྱང་མི་བྱེད་པར་རང་ལུགས་སུ་བཞག །དེ་གསུམ་ལ་བརྟེན་ནས་རྟགས་སྣང་དུ་མ་མཐོང་བ་དང༌། ནང་བྱང་བ་དང༌། ཐིག་ལེ་བརྟན་པ་དང༌། ཞི་གནས་ཀྱི་ཏིང་ངེ་འཛིན་མཐའ་དབུས་མེད་པ་སྐྱེའོ། །གཉིས་པ་ནི་རྣལ་འབྱོར་གྱི་གཞི་ཞི་གནས་དེ་ཉིད་ཅུང་ཟད་བརྟན་ནས། ཁ་ནང་ལོག་གི་ཤེས་པས་རང་རིག་དེ་ཉིད་ངོ་ཤེས་ཀྱི་ཚུལ་དུ་ཆེ་རེ་བལྟས་པས། བརྗོད་བྲལ་གྱི་ངང་ནས་རིག་སྟོང་མ་འགགས་པ་ལ་མཉམ་པར་བཞག་སྟེ། སེམས་རང་བྱུང་དུ་ཤེས་པར་བྱའོ། །རྣམ་པར་རྟོག་པ་དང་ཡུལ་གྱི་སྣང་བ་ཅི་བྱུང་ཡང༌། སྐྱེས་ཙམ་ཉིད་ནས་དེ་ཉིད་ཀྱི་ངོ་བོ་ངོ་ཤེས་བསྟེན་པར་བྱ་སྟེ། རྣམ་རྟོག་རང་བྱུང་དུ་ཤེས་པར་བྱེད་པའོ། །དེ་ལྟར་ཡང་རྒྱུད་ལས། དངོས་པོ་བདེ་རྫུན་རྣམས་དཔྱད་ན། །བརྫུན་པའི་རྡོ་རྗེ་ཡང་དག་མཐོང༌། །རང་བཞིན་དག་པའི་དེ་ཁོ་ན། །ཞེས་གསུངས་པ་ཡིན་ནོ། །གསུམ་པ་ལ། གཟུངས་ཀྱི་སྒོས་བོགས་འདོན་པ་དང༌། བདུད་གཞོམ་པས་བོགས་འདོན་པའོ། །དང་པོ་ནི་རྒྱུད་ལས་རྣམ་གྲངས་མང་བར་གསུངས་ཀྱང༌། མན་ངག་ཏུ་རྣམ་པ་དགུ་པོ་འདི་དག་མཛད་དེ། དང་པོ་ནི། ཨ་ཞེས་


TNT12_Page_0508
[མ་དཔེ་གཟིགས་ན་འདིར་གནོན།]

བྱ་བ་ནི་མ་སྐྱེས་པའི་གཟུངས་ཀྱི་སྒོའོ། །ཞེས་གསུངས་པའི་དོན། དངོས་གཞིའི་རྣལ་འབྱོར་ལ་གནས་པའི་ངང་ནས་ལུས་ཀྱི་སྙིང་གའི་གནས་སུ་སེམས་གཏད་ལ། ཨ་ཞེས་བྱ་བའི་གདངས་ཤིག་བསམ་སྟེ། དེའི་ངོ་བོ་ལ་རྣམ་པར་དཔྱད་ན། དེ་ལྟ་བུའི་གདངས་དེ། དབང་པོ་ལྔའི་ཡུལ་དུ་མི་སྣང་ཞིང༌། ལུས་ཀྱི་ཕྱི་ནང་གང་དུ་ཡང་མེད་པས་ངོས་བཟུང་ཐམས་ཅད་དང་བྲལ་བ་རྣམ་པར་ཡིད་ངོར་ལམ་མེ་སྣང་བ་མ་འགགས་པ་དེ་ཉིད་ལ་ཆེ་རེ་བལྟས་ཤིང་ལེགས་པར་བརྟགས་ན། རང་བཞིན་མེད་པའི་དབྱིངས་ལ་མཉམ་པར་འཇོག །ངག་ཏུ་ཨ་ཞེས་བརྗོད་ཅིང༌། སྒྲ་དེ་དང་སྔར་ཡིད་ཡུལ་དུ་བསམ་པའི་ཨ་ཞེས་བྱ་བའི་སྒྲ་སྤྱི་དེ་ལ་འབྲེལ་བ་འདུག་གམ་མི་འདུག་བལྟ། དེ་ཡང་ཡིད་ལ་དངོས་པོ་གཞན་ཞིག་བསམ་ཀྱང་ཨ་ཞེས་ངག་ཏུ་བརྗོད་དུ་རུང་ལ། ཨ་ཡིག་གི་སྒྲ་སྤྱི་བསམ་བཞིན་དུ་ཚིག་གི་བརྗོད་པ་གཞན་ཡང་འབྱུང་བར་མཐོང་བས་དེ་གཉིས་འབྲེལ་བ་མེད་པར་ཐག་བཅད་ལ། ཡང་ཡང་མཉམ་པར་བཞག །དེ་ལ་ཨ་ནི་ཡི་གེ་ཐམས་ཅད་ཀྱི་རྩ་བ་ཡིན་ཅིང༌། དེའི་སྒྲ་དོན་རང་བཞིན་མེད་པར་ཤེས་པས་ངག་ཐམས་ཅད་གྲག་སྟོང་དུ་རྟོགས་པར་འགྱུར་བ་ཡིན་ནོ། །དེ་ཙམ་གྱིས་ཀྱང་ཐག་མ་ཆོད་ན། མིང་དོན་གཞན་གྱི་སྟེང་དུ་གཏན་ལ་འབེབས་ཏེ། ལྷས་བྱིན་ཞེས་པ་ལྟ་བུ། རང་བཞིན་གྱི་མིང་གང་ཡང་རུང་བ་ཞིག་ཡིད་ལ་བསམ་སྟེ། ཚིག་


TNT12_Page_0509
[མ་དཔེ་གཟིགས་ན་འདིར་གནོན།]

སྤྱིར་སྣང་བའི་རྣམ་རྟོག་དེ་ལ་སྣང་བ་ལྟར་དོན་ལ་མེད་པ་གོང་བཞིན་ཐག་བཅད། དེ་དང་ངག་ཏུ་བརྗོད་པ་ལའང་འབྲེལ་བ་མེད་པར་གོང་བཞིན་ཐག་བཅད། སྒྲ་རྟོག་དེ་གཉིས་དང་རང་གི་ལུས་སེམས་ལ་འབྲེལ་བ་ཅི་ཡང་མི་སྣང་སྟེ། གལ་ཏེ་དེ་ལ་འབྲེལ་བ་ཡོད་ན་མིང་དེ་ཁོ་ན་ལས་དོན་དེའི་རྣམ་པ་འཆར་དགོས་པ་ལས། དོན་དེ་ལ་གཞན་མང་པོར་མིང་བཏགས་ཀྱང༌། རྣམ་རྟོག་གིས་བཞག་པའི་ཚེ་དེ་དང་དེའི་རྣམ་པ་འཆར་ཞིང༌། རྣམ་རྟོག་གི་མ་བཞག་པའི་ཚེ། ལྷས་བྱིན་ཞེས་བརྗོད་ཀྱང་སྐྱེས་བུ་ལྷས་བྱིན་གྱི་རྣམ་པ་མི་འཆར་བ་བཞིན། མིང་ཐམས་ཅད་དེ་དང་འདྲ་བར་ཤེས་པར་བྱས་ལ་ཡང་ཡང་མཉམ་པར་བཞག་པས། སྒྲ་ཐམས་ཅད་བྲག་ཆ་དང་འདྲ་བར་ངེས་པར་རྟོག་པར་འགྱུར་རོ། །གཉིས་པ་ནི་ཧཱུཾ་གི་གཟུངས་ཏེ། སྔར་གྱི་ཞི་ལྷག་དེ་དང་འབྲེལ་བའི་ངང་ནས། རང་གི་ལུས་ཀྱི་ཁོང་ལ་སེམས་གཏད་དེ། ཧཱུཾ་རིང་པོ་ཡང་ཡང་བརྗོད་པ་ལ་དམིགས་སྐོར་གཅིག་གོ །དེ་ནས་ཡེ་ཤེས་ལྔ་ལྡན་དུ་སྒོམ་སྟེ། ཅི་ཡང་མི་བསམ་ཞིང་བཟོ་བཅོས་མེད་པར་འཇོག་པ་ནི་ཆོས་དབྱིངས་ཡེ་ཤེས་སོ། །དེའི་ངང་ནས་སེམས་ཀྱི་ངོ་བོ་ལ་ཆེར་གྱིས་བསྒྲིམས་ནས་བལྟ་བ་ནི་མེ་ལོང་ཡེ་ཤེས་སོ། །ལུས་སེམས་ནང་དང་སྣང་བ་གཞན་རྣམས་ཕྱི་སྟེ། ཕྱི་ནང་ཐམས་ཅད་ལ་དམིགས་ནས་ཆེ་རེ་བལྟ་ཞིང་ལྷོད་ཀྱི་གློད་པ་ནི་མཉམ་ཉིད་ཡེ་ཤེས་སོ། །དེ་ཁའི་ངང་ནས་ལྷ་སྐུ་


TNT12_Page_0510
[མ་དཔེ་གཟིགས་ན་འདིར་གནོན།]

གསལ་སྟོང་དུ་ལམ་གྱི་འཆར་བར་བྱས་ནས་དེ་ལ་མ་བཅོས་པར་འཇོག་པ་ནི། སོར་རྟོག་ཡེ་ཤེས་སོ། །སེམས་ཅན་ཐམས་ཅད་ལ་སྙིང་རྗེ་དུང་ཙམ་སྒོམ་ཞིང་སྔ་མའི་ངང་བསྐྱང་བ་ནི་བྱ་སྒྲུབ་ཡེ་ཤེས་སོ། །དེ་ལྟར་ལྔ་པོ་རེ་རེ་ལ་ཟན་ཁམས་གཅིག་ཟ་བའི་ཡུན་ཙམ་རེ་འཇོག་ཅིང༌། དམིགས་པ་རེ་རེ་འཕོ་མཚམས་སུ་ཧཱུཾ་རིང་པོ་རེ་བརྗོད་དོ། །བར་སྐབས་སུ་སྔ་མ་ལྟར་ལྟ་བ་ཡུན་རིང་དུ་བསྐྱང་སྟེ། དམིགས་སྐོར་གཉིས་པའོ། །འདིས་ནི་སྐད་ཅིག་རེ་རེར་དམིགས་པ་སྣ་ཚོགས་ལ་དབང་ཐོབ་པར་འགྱུར་རོ། །གསུམ་པ་ནི་ཕཊ་ཀྱི་གཟུངས་ཀྱི་སྒོ་སྟེ། དེ་ཡང་སྔར་གྱི་ཞི་ལྷག་གི་ངང་ནས། སེམས་གནས་པ་ལས་རྣམ་རྟོག་གི་འཆར་སྒོ་ནམ་བྱུང་བའི་ཚེ། ཕཊ་ཡིག་བརྗོད་པར་བྱའོ་སྙམ་ནས་དྲན་པ་ཡང་ཡང་བཞག །རྣམ་རྟོག་ནམ་སྐྱེས་པའི་ཚེ་ཕཊ་བརྗོད། ཆེད་ཀྱི་འཕྲོ་ནི་མི་གཅོད། རྣམ་རྟོག་དེ་ཡལ་བའི་ཚེ་ཡང་ཕཊ་ཡིག་བརྗོད། དེ་འགགས་ནས་གཞན་ཞིག་ཤར་ན་ཕཊ་ཡིག་བརྗོད། གང་ལྟར་ནའང་སེམས་ཀྱི་འཆར་སྒོ། སྐྱེ་འགག་ཅི་བྱེད་ཀྱང༌། སྤང་བླང་དགག་སྒྲུབ་གཞན་ནི་མི་བྱེད་ལ་ཕཊ་ཡིག་རྟག་ཏུ་དྲན་ཅིང་བརྗོད་པར་བྱའོ། །བཞི་པ་ནི་ཁཾ་གི་གཟུངས་ཀྱི་སྒོ་སྟེ། དེ་ཡང་མཚན་མར་འཛིན་པའི་རྣམ་པར་རྟོག་པ་ཤུགས་དྲག་པོ་ཅི་ཤར་ཡང༌། དངོས་པོ་ཐམས་ཅད་ནམ་མཁར་སྒོམ་པ་སྟེ། དཔེར་ན་འདི་ནི་མི་ཡིན་ནོ་སྙམ་པའི་ཚེ་ཁཾ་ཞེས་བརྗོད་ཅིང་མི་དེ་ཉིད་ནམ་མཁའ་དང་དབྱེར་མེད་དུ་ཡལ་


TNT12_Page_0511
[མ་དཔེ་གཟིགས་ན་འདིར་གནོན།]

བར་བསམ་ལ་ཅུང་ཟད་བཞག །དེས་མཚོན་པའི་འདི་ནི་འདིའོ་ཞེས་འཛིན་པའི་རྣམ་རྟོག་གི་ཡུལ་ཐམས་ཅད་དང༌། ཁྱད་པར་བདེ་སྡུག་དགའ་སྐྱོ་འཇིགས་སྐྲག་ཞུམ་པ་ཡང་ངོ་ཚ་ང་རྒྱལ་སྐྱེ་བ་སོགས་མཐོ་དམན་གྱི་ཡུལ་ཐམས་ཅད་ལ་མཉམ་པར་བསྲེ། ལྔ་པ་ནི། ཨཿའི་གཟུངས་ཏེ། གཉིས་སུ་སྣང་བ་ཐམས་ཅད་ལ། དེ་གཉིས་ཀའི་ངོ་བོ་ལ་ཆེར་གྱི་བལྟས་པས། སྣང་བའི་དམིགས་གཏད་མཉམ་དུ་ཞིག་པ་ལ་ཆམ་མེ་འཇོག་པ་སྟེ། དཔེར་ན་རང་དང་དགྲ་གཉིས་ཀྱི་སྣང་བ་ལམ་གྱི་ཤར་བ་ན། སྣང་བ་གཉིས་པོ་དེའི་སྟེང་དུ་ཆེར་གྱིས་བལྟས་པས། ངོས་བཟུང་གི་མཚན་མ་ཞིག་པའི་ངང་དེར་ཆམ་གྱིས་མཉམ་པར་འཇོག །རིམ་པ་དེ་ཁོ་ནས། བཟང་ངན་མཐོ་དམན། ཆེ་ཆུང་ལེགས་ཉེས། གཡས་གཡོན། མཐའ་དབུས། སྙན་མི་སྙན། བདེ་སྡུག་སོགས་ཐམས་ཅད་ལ་སྦྱར་བས། མཉམ་པ་ཉིད་ཀྱི་ཚུལ་རྟོགས་པར་འགྱུར་རོ། །དྲུག་པ་ནི། ཡ་ཡིག་སྟེ། རླུང་གི་དཀྱིལ་འཁོར་གཅིག་བསམ་ལ། ངག་ཏུ་ཡཾ་ཞེས་བརྗོད་ཅིང༌། རླུང་གི་དཀྱིལ་འཁོར་དེ། གནས་གང་ན་གནས། ཚད་ཇི་ཙམ། ཁ་དོག་དང་དབྱིབས་སུ་ཇི་ལྟར་གྲུབ། སེམས་སུ་གྲུབ་བམ་ཕྱི་རོལ་དུ་གྲུབ་ཅེས་དཔྱད་ན། དེར་སྣང་ཙམ་ཞིག་མ་གཏོགས། བདེན་དངོས་སུ་གྲུབ་རྒྱུ་ཅུང་ཟད་ཀྱང་མེད་པའི་གསལ་སྟོང་ལ་མཉམ་པར་བཞག་སྟེ། ཡིག་ངོར་སྒོམ་པ་སྟེ་དམིགས་


TNT12_Page_0512
[མ་དཔེ་གཟིགས་ན་འདིར་གནོན།]

པ་དང་པོའོ། །ཡང་རླུང་གི་རེག་བྱ་ལ་བསླབ་པ་སྟེ། དཀར་ཁུང་ལ་སོགས་པ་ནས། རླུང་འཇམ་པོ་དག་ལྡང་པ་རང་གི་ལུས་ལ་ཕོག་པར་བྱས་ཏེ། དེའི་རེག་བྱ་ཡང་ཞིང་འཇམ་པ་ཡུལ་ཡུལ་པོ་དེ་ལ་སེམས་རྩེ་གཅིག་ཏུ་བསྲེས་ཏེ་རེག་བྱ་དེ་འདྲ་པ་ལ་མཉམ་པར་བཞག །སྐབས་འགར་རང་ལུས་སྣང་བ་དང་བཅས་པ། རླུང་གི་རེག་བྱ་ཙམ་དེ་ལ་ཐིམ་པར་བསམ། དེ་གཅིག་པུ་མ་གཏོགས་གཞན་གང་ཡང་མི་བསམ་པར་ཅི་ནུས་མཉམ་པར་བཞག །ངག་ཏུ་ཡཾ་ཞེས་རྟག་ཏུ་བཟླ་བར་བྱའོ། །དམིགས་པ་གཉིས་པའོ། །བདུན་པ་ནི་རཾ་ཡིག་གི་གཟུངས་ཀྱི་སྒོ་སྟེ། དེ་ཡང་དམིགས་པ་དང་པོའོ། །རཾ་བཟླ་ཞིང་ཉི་མའི་དཀྱིལ་འཁོར་སྒོམ་པ་ནི་ཁྱད་པར་ཏེ། གཞན་གོང་དང་འདྲ། མེ་ཉིད་ཀྱི་རྣམ་པ་ལ་བསླབ་པ་ནི། འགྲུབ་ན་འོག་ཏུ་བུད་ཤིང༌། བར་དུ་མེ་འབར་བ། སྟེང་ནས་དུ་བ་མཐུལ་བའི་ཐབ་ཞིག་བྱས་ལ། དེ་ལ་ལྟ་ཞིང༌། གཞན་ཡིད་ལ་མི་བྱེད་པར། དེ་གཅིག་པུ་ལ་བལྟ་ཞིང༌། དེའི་ཐད་དུ་དེ་དང་འདྲ་བའི་མེ་ཞིག་ཡིད་ལ་འཆར་བར་བྱས་ཏེ། སླར་དེ་ཉིད་ཀྱི་སྟེང་དུ་སྔར་བཞིན་ཆམ་མེ་མཉམ་པར་བཞག །དེ་ནས་སྣང་བ་གཞན་ཤར་བ་ཀུན་ཀྱང་མེ་དེ་ལ་བསྲེས་པས། ཐམས་ཅད་མེའི་རྣམ་པ་འབའ་ཞིག་ཏུ་ལམ་ལམ་འགྱུར་བ་ལ་སེམས་གཏད་དོ། །བརྒྱད་པ་ནི། ཝ་ཡིག་གི་གཟུངས་ཀྱི་སྒོ་ལ་དམིགས་པ་དང་པཽ། །ཝཾ་བཟླ་ཞིང་ཆུའི་དཀྱིལ་འཁོར་སྒོམ་པ་ནི་གོང་མ་གཉིས་


TNT12_Page_0513
[མ་དཔེ་གཟིགས་ན་འདིར་གནོན།]

དང་འདྲ། མདུན་དུ་ཆུ་སྣོད་དྭངས་པ་ཞིག་ཏུ་ཆུ་གཙང་འཇུག །དེ་ལ་བལྟ་ཞིང༌། ཆུ་དེ་ཉིད་ཀྱི་ཐད་དུ་དེ་ཁོ་ན་དང་འདྲ་བའི་ཆུ་ཞིག་ཡིད་ཀྱིས་བསམ་སྟེ། ཡང་དེ་ཁའི་ངང་དུ་མཉམ་པར་བཞག །རྣམ་རྟོག་གང་ཤར་བའི་ཡུལ་དེ་མདུན་གྱི་ཆུ་དང་བསྲེས་ཏེ། གཞན་མི་བསམ་པར་ཆུ་འབའ་ཞིག་བསམ་པའི་ཚུལ་གྱིས་སྒོམས། དགུ་པ་ནི། ལ་ཡིག་གི་གཟུངས་ནི། དམིགས་པ་དང་པོ། ལཾ་བཟླ་ཞིང་སའི་དཀྱིལ་འཁོར་སྒོམ་པ་སོགས་འདྲ། མདུན་དུ་སའི་རྣམ་པ་ཟླུམ་པོའམ་གྲུ་བཞི་མཚོན་སྣ་ལྔ་པོ་གང་ཡང་རུང་བ་ལེགས་པོ་ཞིག་གིས་ཁ་བསྒྱུར་བ་ཞིག་བྱས་ལ། དེ་ལ་བལྟ་ཞིང༌། དེའི་ཐད་དུ་དེ་དང་འདྲ་བའི་ཁ་དོག་ཅན་སྲ་བ་ཞིག་སྒོམ། གཞན་གང་ཡང་མི་བསམ། དེ་ནས་གང་སྣང་ཐམས་ཅད་ཁ་དོག་ཅན་གྱི་སའི་གཟུགས་བརྙན་དེ་ལ་ཐིམ་པར་སྒོམ། ལྷག་མ་བཞི་པོ་དེ་ནི། གཟུངས་ཀྱི་སྒོ་བླ་མ་རྣམས་ཀྱི་ཡན་ལག་ཡིན་ནོ། །གཉིས་པ་མི་མཐུན་ཕྱོགས་གསལ་བ་བདུད་གཞོམ་པ་ནི། དང་པོར་བདེ་བའི་སྟན་ལ་འདུག་སྟེ། སྔར་བཞིན་ཞི་ལྷག་གཉིས་སྒོམས་ལ། རྣམ་རྟོག་གི་འཆར་སྒོ་ཅི་བྱུང་ཡང༌། ཧཱུཾ་ཞེས་བརྗོད་ཅིང་འཕྲོ་བཅད། ཐུན་མཚམས་རྣམས་སུ། སྤྱོད་ལམ་སྣ་ཚོགས་པ་དང་བསྲེས་ཏེ། དཔེར་ན་རྗེས་སུ་རྣལ་འབྱོར་གྱི་གཞི་ལ་གནས་བཞིན་པས། འོག་ཁང་ནས་ཁང་སྟེང་ལྟ་བུར་འགྲོ་བའམ། སྣང་


TNT12_Page_0514
[མ་དཔེ་གཟིགས་ན་འདིར་གནོན།]

བའི་ས་ནས་མུན་པར་འཇུག་པའམ། མུན་པའི་ས་ནས་སྣང་བ་དང་བཅས་པའི་སར་འགྲོ་བ་དང༌། ནང་ནས་ཕྱི་རོལ་དུ་སྤྱོད་པ་ལ་སོགས་པ་ཡུལ་དུས་བྱ་བ་མི་འདྲ་བ་རེ་ལ། སེམས་ཀྱི་འགྱུར་བའི་ཁྱད་པར་རེ་ཡོང་བས་དེ་ཀུན་ལ་ཧཱུཾ་ཞེས་བྱ་བས་འཕྲོ་བཅད་ཅིང་སྟོང་པ་ཉིད་དང་བསྲེས་ཏེ། དམིགས་སྐོར་གཅིག །ཡང་དགའ་སྡུག་ཆགས་སྡང་འཇིགས་པ་ལ་སོགས་པར་སྣང་བ་ཐམས་ཅད་ལ། དེ་བཞིན་བསྲེ་སྟེ་དམིགས་སྐོར་གཅིག །གནོད་བྱེད་དགྲ་དང་གདོན་ཡིད་ཡུལ་དུ་བསམ་སྟེ་སྙིང་རྗེ་དྲག་ཏུ་བསྒོམས་པས། ཧཱུཾ་ཞེས་བརྗོད་ཅིང་དེ་དང་རང་སེམས་དབྱེར་མེད་དུ་བསྲེ་སྟེ་དམིགས་སྐོར་གཅིག །ཡང་ཉེ་དུ་ལ་སོགས་པ་ཆགས་ཡུལ་ཡིད་ལ་བསམ་སྟེ། ཧཱུཾ་ཞེས་ཞེན་པ་བཅད་ལ། དེ་དང་རང་སེམས་བསྲེས་ཏེ་བཞག་པ་དམིགས་སྐོར་གཅིག །འབྱུང་བ་དང་སེམས་ཅན་ལ་བརྟེན་པའི་ཡང་འཇིགས་པ་ཐམས་ཅད་ལ་ཡང་དེ་བཞིན་དུ་སྦྱང་བ་དམིགས་སྐོར་གཅིག་སྟེ་ལྔའོ། །དེ་ལྟར་རང་གི་ཁྱིམ་དུ་ལེགས་པར་འབྱོངས་པ་ན། མཚན་མོ་དུར་ཁྲོད་ལ་སོགས་པར་ཡུད་རེ་སོང་ལ་སེམས་བརྟན་མི་བརྟན་བརྟག །མི་བརྟན་ན་རེ་ཞིག་རང་གི་ཁྱིམ་དུ་སྒོམ། གང་གི་ཚེ་བརྟན་པ་ན་དུར་ཁྲོད་དང༌། བས་མཐའ་ལ་སོགས་པར། གནོད་སྦྱིན་དང་སྲིན་པོ་འབྱུང་པོ་གནས་པའི་སར་ཆོས་བརྒྱད་དང་མཐུན་པའི་རྣམ་པར་རྟོག་པ་ཧྲུལ་གྱིས་བཤིག་ནས། ཡུལ་དུས་སྤྱོད་ལམ་མ་ངེས་པར་


TNT12_Page_0515
[མ་དཔེ་གཟིགས་ན་འདིར་གནོན།]

རྒྱུས་པས། སེམས་ཀྱི་འགྱུར་བ་ཅི་བྱུང་བ་ཐམས་ཅད་ཧཱུཾ་གིས་སྒྲས་སྔར་བཞིན་བསྲེ་བར་བྱའོ། །ཆོ་འཕྲུལ་ལྷར་སྣང་བ་ཐམས་ཅད་རང་གི་སེམས་སུ་ཤེས་པར་བྱ་ཞིང༌། གནོད་བྱེད་རྣམས་ལ་སྙིང་རྗེ་དྲག་ཏུ་སྒོམ་ཞིང་སྨོན་ལམ་བཏབ། ལུས་དང་ལོངས་སྤྱོད་རང་ཕྱོགས་ཀྱི་སྡེ་དང་བཅས་པ་གང་ལ་ཡང་ཞེན་པ་རྡུལ་ཙམ་མེད་པར་བྱ་ཞིང༌། བདེ་སྡུག་བཟང་ངན་གཏམ་སྙན་མི་སྙན་སོགས། ཆོས་བརྒྱད་ཀྱི་རྣམ་པར་རྟོག་པ་ཕྲ་མོ་ཅི་བྱུང་བ་ཀུན་ཡང་དབྱིངས་སུ་ཐིམ་པར་བྱའོ། །མི་མཐུན་ཕྱོགས་བསལ་བ་འདི་ནི་རྗེས་སུ་རྣལ་འབྱོར་བོགས་འདོན་དང་བཅས་པ་ལ་ཅུང་ཟད་མྱོང་བ་ཐོན་ནས་སྒོམ་པར་བྱ་བ་ཡིན་ནོ། །གསུམ་པ་ཤིན་ཏུ་རྣལ་འབྱོར་ནི། སྔོན་འགྲོ་དང་དངོས་གཞི་གཉིས་ལས། དང་པོ་ལ་དངོས་དང་ཡན་ལག་གོ །དང་པོ་ལ། པུ་ར་ཀ་སྟེ་དགང་པ་དང༌། རེ་ཙ་ཀ་སྟེ་དབྱུང་བའམ། རྡུལ་མཐའ་ཅན་དང༌། བྷུ་མྱང་ག་སྟེ། སའི་ཡན་ལག་དང༌། ཀུམྤ་ཀ་སྟེ་བུམ་པ་ཅན་དང༌། ཏྲཱ་ཊ་ཀ་སྟེ་གཞིལ་བའམ་རེངས་པ། དང་པོ་པུ་ར་ཀ་ལ་གཉིས་ཀྱི་སྒྲ་བཅས་ནི། ལུས་གནད་བཅས་ལ། རླུང་ཕྱིར་གསང་བ་ལན་འགའ་རེ་བྱ། སེམས་སྣ་རྩེར་གཏད་ལ། རླུང་ཕྱིར་སངས་ཏེ་བུས་ལ། ནང་དུ་འོང་བའི་ཚེ་དལ་བུས་ཤུགས་འཕྲི་ཞིང༌། སྣའི་རྩ་བའི་བར་ཀ་ལ་རླུང་བདར་བས་ཨ་ཡིག་གི་


TNT12_Page_0516
[མ་དཔེ་གཟིགས་ན་འདིར་གནོན།]

སྒྲ་དང་བཅས་པ་ཡུན་རིང་དུ་དྲངས་ཤིང༌། དེའི་ཚེ་ཤེས་པ་ལྟེ་བར་གཏད། དྲངས་པ་རྫོགས་པ་ན། ཅུང་ཟད་ཅིག་རླུང་ལྟེ་བར་མནན། ཡང་བཏང་སྟེ་སྔར་བཞིན་དྲངས། དེ་ཉིད་རྟག་ཏུ་གོམས་པར་བྱའོ། །སྒྲ་མེད་ལ་སློབ་པ་ནི། གཞན་དེ་དང་འདྲ་བ་ལ། རླུང་དལ་བུས་སྣའི་བུ་གའི་དབུས་ནས་དྲངས་པས། སྒྲ་མེད་དུ་འགྱུར་རོ། །རེ་ཙ་ཀ་ལའང་གཉིས་ཀྱི་སྒྲ་བཅས་ནི། རླུང་རོ་ལན་འགའ་བསལ་ལ། ནང་དུ་མྱུར་བར་རྔུབས། སྣ་རྩེ་ནས་སོར་བཞི་ཙམ་གཞལ་བའི་ནམ་མཁའ་ལ་སེམས་གཏད་དེ། དལ་བུས་རླུང་ཕྱིར་བཏང་སྟེ། སྣའི་སྦུབས་ཀྱི་བར་ཀ་ལ་གདར་བས། སྒྲ་དང་བཅས་པར་འགྱུར་ཏེ། རླུང་ཕྱིར་འགྲོ་བ་རྫོགས་པ་ན། ཅུང་ཟད་ཅིག་ཕྱིར་དྲག་ཏུ་མནན། ལུས་དང་སྣང་བ་ཐམས་ཅད་སྟོང་སངས་ཀྱིས་སོང་བར་བསམ། དེ་ཉིད་ཡང་ནས་ཡང་དུ་སྒོམ་པར་བྱའོ། །སྒྲ་མེད་ནི། དལ་བུས་རང་བབས་སུ་གཏོང་བ་སྟེ། གཞན་ནི་འདྲའོ། །གསུམ་པ་བྷུ་མྱང་ག་ནི། ལུས་ཀྱི་དབུས་སུ་རྩ་དབུ་མ་ཡས་སྣ་སྤྱི་བོ་དང༌། མས་སྣ་ལྟེ་བར་ཕྱིན་པ། སྤྱི་བོ་ལ་ཟླ་བ་དང༌། ལྟེ་བར་ཉི་མ། ཁམས་དཀར་དམར་གྱི་རང་བཞིན་རྩ་མདུད་བྲལ་མ་ཁ་མཐུར་བསྟན་སྦྲུལ་ནག་པོ་ལྟ་བུ་ལྟེ་བ་ནས་མགྲིན་པའི་བར་དབུ་མ་ལ་དཀྲིས་ཤིང༌། མགྲིན་པ་ནས་མཇུག་མ་མདུན་དུ་འཁྱོགས་ཏེ་ལྕེ་རྩེར་སླེམ་པ་ཞིག་སྒོམ། རླུང་རོ་བསལ་ཏེ། རླུང་དལ་བུས་རྔུབས་པས། ཟླ་བ་ལས་བྱང་ཆུབ་ཀྱི་སེམས་ཀྱི་རྒྱུན་བྱུང༌། དབུ་མ་གང་སྟེ། ལྟེ་བ་ན་སྐྱ་ཆིལ་ལི་


TNT12_Page_0517
[མ་དཔེ་གཟིགས་ན་འདིར་གནོན།]

ལི་འདུག་པར་བསམ། རྔུབ་པ་རྫོགས་པ་ན། དལ་བུས་ཕྱིར་བཏང་བས། ལྟེ་བའི་ཉི་མ་ལས་རཀྟའི་རྒྱུན་བྱུང་བ་དཀར་པོ་དང་འདྲེས་པས། བདུད་བྲལ་མ་མས་ཡར་རིམ་གྱི་ཁེངས། ལྕེ་རྩེའི་བར་དུ་ཐིག་ལེ་དཀར་དམར་གྱི་ཁྱབ་པར་བསམ། འདི་རྒྱུད་ནས་གསལ་ཁ་མི་འབྱུང་བས། རྫོགས་རིམ་འདིའི་སྐབས་སུ་མ་བསྟན་ཀྱང་རུང་བར་མངོན། བཞི་པ་བུམ་པ་ཅན་ལ། དང་པོར་རླུང་རོ་བསལ་ཞིང༌། རླུང་དལ་བུས་རྔུབས་ནས་ལྟེ་བར་དྲག་ཏུ་མནན། ཐུར་སེལ་རང་དགར་བཞག །ཁ་ནང་ནས་རླུང་ཡང་ནས་ཡང་དུ་མིད་པས། རང་ལུས་ལྷ་སྐུ་ཁང་སྟོང་དུ་གནས་པ་དེ་རྒྱ་ཇེ་ཆེ་ཇེ་ཆེ་ལ་འགྲོ་བར་བསམ་སྟེ། འདི་ལ་དམིགས་སྐོར་གཅིག་ཏུ་མཛད། ཡང་གཞན་འདྲ་བ་ལ། རང་ལུས་རྩ་གསུམ་དང་བཅས་པ་གསལ་འདེབས་ཤིང༌། ཐུར་སེལ་དྲག་ཏུ་འཐེན་ནས་ཁ་སྦྱོར་སྒོམ་པ་སྟེ། འདི་བུམ་པ་ཅན་དངོས་ཡིན་ནོ། །ལྔ་པ་ཏྲཱ་ཊ་ཀ་ནི། རླུང་རོ་བསལ་ལ་མིག་གཉིས་དཔྲལ་བའི་དབྱིངས་སུ་དྲག་ཏུ་གཏད། རླུང་ནང་དུ་རྔུབས་ཏེ། ལྟེ་བར་སྟེང་འོག་ཁ་སྦྱོར་བྱས་པ། དེ་ཉིད་གཡས་གཡོན་མདུན་རྒྱབ་དབུས་རྣམས་སུ་གནོན་འཐེན་དྲག་ཏུ་བྱེད་ཅིང༌། སེམས་ཀྱི་ཅི་ཡང་མི་བསམ་པའོ། །གཉིས་པ་ནི། གཞན་ལུས་ལ་ཉེ་བར་མཁོ་བ་རྣམས་ཏེ། རྒྱུད་ལས། ཧཿཞེས་བྱ་བས་མཆོག་ཏུ་དགའ་བའི་ཚེ་བཅིང་བར་བྱའོ། །ཡང་ན་ཧཱུཾ་ཞེས་བྱ་བ་སྙིང་ག་ལ་གནས་པའི་སྒྲ་ཡིས་སོ། །ཡང་ན་ཧྲཱིཾ་ཧ་ཞེས་བྱ་བ་མགྲིན་པ་ལ་གནས་པའི་སྒྲ་ཡིས་སོ། །


TNT12_Page_0518
[མ་དཔེ་གཟིགས་ན་འདིར་གནོན།]

ཧཱུཾ་དང་ཕཊ་ཀྱི་བྱ་བ་དང༌། མདའ་བོ་ཆེའི་སྦྱོར་བ་བྱས་ལ་ཁུ་བ་བཅིང་བར་བྱའོ། །གཞན་ཡང་ཆ་བཞི་པའི་ཕྱེད་ཀྱི་མཚམས་སུ། ལྷན་ཅིག་སྐྱེས་པ་སྒོམ་པར་བྱ་སྟེ། ཞེས་གསུངས་པ་ལྟར། དང་པོ་ཧ་ཡིག་གི་ལས་ནི། གསང་བར་ཧ་སེར་པོ་ཞིག་སྒོམ་ལ། ངག་ཏུ་ཧཿཞེས་དལ་ལ་རིང་བ་ཁོང་ཤུགས་ཆེ་བ་བརྗོད་པས། ཧཿཡིག་དེ་ཉིད་གྱེན་དུ་བྱུང༌། ཁ་ནས་ཕྱི་རོལ་དུ་རྒྱང་གྱིས་ཐོན་པར་བསམ། མཐར་ཧཿཡིག་དྲག་ཏུ་བརྗོད་པས། རླུང་ཕྱིར་དྲག་ཏུ་བུས། ཡང་དལ་བུས་རྔུབ་པ་སྔར་བཞིན་བྱ། གཉིས་པ་ཧཱུཾ་འདྲེན་ནི། ལྟེ་བར་ཧཱུཾ་གཅིག་སྒོམ། ཁ་བཙུམ་ཞིང་སྲེ་བའི་སྦུབས་ནས་ཧཱུཾ་དལ་ལ་རིང་བ་སྣ་སྒོ་ནས་བརྗོད། ཧཱུཾ་དེ་ལྟེ་བ་ནས་དབུ་མའི་ལམ་བརྒྱུད། སྤྱི་གཙུག་ཚང་བུག་ཏུ་སླེབ་པར་བསམ་ཞིང༌། མཐར་ཧཱུཾ་ཐུང་དྲག་པོ་ཞིག་བརྗོད། གསུམ་པ་ཧྲཱིཾ་འདྲེན་ནི་ལྐོག་མས་ཨོལ་མདུད་མནན་ནས་ཧྲཱིཾ་རིང་པོ་ལན་མང་དུ་མ་ཆད་པར་བརྗོད་ཅིང༌། རླུང་ཕྱིར་དྲག་ཏུ་བཏང༌། མཐར་རྫོགས་མཚམས་སུ་ཧ་ཞེས་ཤུགས་ཕྱུང་ལ་དྲག་ཏུ་བརྗོད་པས། སྙིང་ག་ནས། རླུང་དྲོད་ཀྱི་རང་བཞིན་ཁ་དོག་དམར་པོ་ཞིག་ཕྱུར་གྱིས་སོང་ལ་སྤྱི་བོ་ནས་ཐོན་པར་བསམ། བཞི་པ་ནི་རྡོ་རྗེ་ནོར་བུར་ཧཱུཾ་ཡིག་སྔོན་པོ་འོད་འབར་བ་མགོ་བོ་གྱེན་དུ་བསྟན་པ་ཞིག་བསམ། སྔ་མ་དང་འདྲ་བར་ཧཱུཾ་རིང་གིས་རླུང་ཕྱིར་སྟོན་པས། ཧཱུཾ་ཡིག་དེ་ཉིད་དབུ་མའི་ལམ་བརྒྱུད་ནས། སྤྱི་བོའི་སྟེང་དུ་ཐོན་པར་བསམ། ཧཱུཾ་ཐུང་གིས་རྔུབས་ཏེ་ཕཊ་ཅེས་དྲན་པས། འོག་རླུང་འཐེན། ཁ་སྦྱོར་སྟོད་དུ་དྲག་ཏུ་


TNT12_Page_0519
[མ་དཔེ་གཟིགས་ན་འདིར་གནོན།]

བསྒྲིལ་བས། དབུ་མ་མས་སྣ་ནས་ཡར་ཐུང་རིལ་ལི་ལི་འགྲིལ་ཏེ། སྤྱི་བོར་གོང་བུ་གཅིག་ཏུ་གྱུར་པ་ལ་སེམས་གཏད། ལྔ་པ་ནི། རླུང་ཁ་སྦྱོར་དུ་བཟུང་བའི་ངང་ནས།གློ་བུར་དུ་བཤང་སྒོར་དྲག་ཏུ་སྡིགས་ལ། ཅུང་ཟད་ཅིག་མནན། ཡང་ཁ་སྦྱོར་བྱེད་པ་སོགས། དེ་ཉིད་སྐྱར་གྱིན་སྒོམ་པ་ཡིན་ནོ། །རླུང་སྦྱོར་དེ་རྣམས་ཀྱི་ཕན་ཡོན་ནི། དགང་བའི་སྦྱོར་བས་གྲང་བ་དང༌། །གཞན་ཡང་སྐེད་པའི་ནད་སེལ་ཞིང༌། །རྨུ་ཆུ་ལ་སོགས་པ་སེལ། དྲོད་སྐྱེ་བ་དང༌། སྟོང་ཉམས་ཤས་ཆེ་བར་འགྱུར། དབྱུང་བས་ནི། མགོ་བོའི་ནད་དང༌། མིག་ནད་དང༌། རོ་སྟོད་འཚང་བ་དང༌། ཤེས་པ་འཕྱོ་བ་ལ་སོགས་པ་སེལ་ལོ། །གསལ་བའི་ཏིང་ངེ་འཛིན་སྐྱེ་ཞིང༌། །ལུས་ལྡང་བ་ཡང་བར་འགྱུར་རོ། །བྷུ་མྱཱང་ག་ནི། དུས་མ་ཡིན་པའི་འཆི་བ་བཟློག་ཅིང་ཚེ་རིང་བར་བྱེད་པའོ། །བུམ་པ་ཅན་ནི། ཡོན་ཏན་དེ་ཐམས་ཅད་བྱེད་ཅིང༌། གཞན་ཡང༌། ཆུར་མི་བྱིང་བ་སོགས། འབྱུང་བ་བཞིའི་གནོད་པ་རྣམས་རྣམ་པར་གནོན། ཏྲཱ་ཊ་ཀས་ནི། སྲོག་ཐུར་གོང་བུ་གཅིག་ཏུ་བྱེད་ཅིང༌། མ་ཞུ་བ་ལ་སོགས་ཁོང་པའི་ནད་ཐམས་ཅད་འཇོམས། ཧཱཿའདྲེན་གྱི་དགའ་བའི་ཡེ་ཤེས་བརྟན། སྙིང་རླུང་དང་སྟོད་འཚང་ལ་སོགས་པ་སེལ་བར་བྱེད། ཧཱུཾ་འདྲེན་གྱི་བགེགས་ཀྱི་བར་ཆད་མི་འཇུག་ཅིང༌། མཆོག་དགའི་ཡེ་ཤེས་བརྟན་པར་བྱེད། ཧྲཱིཾ་འདྲེན་གྱི་གྲེ་བའི་ནད་སེལ་ཞིང༌། ཁྱད་དགའི་ཡེ་ཤེས་བརྟན་པར་བྱེད། ཧཱུཾ་ཕཊ་ཀྱི་མདའ་


TNT12_Page_0520
[མ་དཔེ་གཟིགས་ན་འདིར་གནོན།]

གཞུས་ལྷན་སྐྱེས་སྤྱི་བོར་བརྟན་ཅིང༌། སྔ་མ་ཐམས་ཅད་ཀྱི་བྱ་བ་བྱེད། ཆ་བཞི་པའི་མཚམས་ཀྱི་སྦྱོར་བས། ཀུནྡ་བརྟན་པ་དང༌། སྲོག་ཐུར་བསྲེ་བ་ཡིན་ནོ། །དེ་ཐམས་ཅད་ཀྱང་རླུང་སེམས་དབུ་མར་འཆིང་བར་བྱེད་ཅིང༌། རྩ་མདུད་འཇོམས་པ་དང༌། སྙིགས་མའི་ལུས་དག་པའི་སྐུར་ཡོངས་སུ་བསྒྱུར་བ་སྟེ། དང་པོ་ལྔ་ནི་འཁོར་ལོ་བཞི་ལ་སོགས་པར་ཀུནྡ་བརྟན་པར་བྱེད་པ་དང༌། དེ་ནས་བཞིས་ཀུནྡ་འདྲེན་པ་དང༌། ཕྱི་མ་ནི་འཛིན་པར་བྱེད་པའོ། །གཞན་ཡང་སེང་གེ་རྣམ་རོལ་ལ་སོགས་པ་ནི་ཐུན་མོང་དུ་སྣང་བས་མ་བཀོད་དོ། །གཉིས་པ་དངོས་གཞི་ནི། རྣལ་འབྱོར་དང་པོ་བསྐྱེད་རིམ་ཅུང་ཟད་བརྟན་ཅིང༌། རྗེས་སུ་རྣལ་འབྱོར་གྱིས་ལྟ་བ་ལ་ཉམས་མྱོང་ཅུང་ཟད་ཐོན་ནས། རླུང་གིས་རྣལ་འབྱོར་གྱིས་རྩ་ལམ་བྱང་བ་ཞིག་གིས། དངོས་གཞི་ཕོ་ཉའི་ལམ་ལ་འཇུག་པ་ཡིན་ཏེ། རྒྱུད་ལས། འདི་ལ་དགང་བ་དང༌། གཞིལ་བ་དང༌། རེངས་པ་དང་བུམ་པ་ཅན་གྱི་སྦྱོར་བས་དག་པར་བྱས་ནས། མི་མོ་རྣམས་ཀྱི་སྦྱོར་བ་ལ་འཇུག་སྟེ། ལུས་འདི་ཉིད་ཀྱིས་དངོས་གྲུབ་ཐོབ་པ་ཞེས་བྱའོ། །ཞེས་གསུངས་ཏེ། བསྐུལ་བྱེད་བྱེད་པ་དྲུག་ཅུ་རྩ་བཞིའི་རྣམ་བཞག་དང༌། སྔོན་གོམས་པའི་རླུང་གི་རྣལ་འབྱོར་རྣམས་ལ་བརྟེན་ནས། དབབ་པ་དང༌། བཟུང་བ་དང༌། བཟློག་པ་དང༌། ཁྱབ་པ་དང་ཡེ་ཤེས་སུ་བསྐྱལ་པ་རྣམས་རིམ་ཅན་དུ་བསྒོམས་པས། གཙོ་བོར་ལས་ཀྱི་ཕྱག་རྒྱ་དང༌། ཡན་ལག་ཏུ་ཡེ་ཤེས་


TNT12_Page_0521
[མ་དཔེ་གཟིགས་ན་འདིར་གནོན།]

ཀྱི་ཕྱག་རྒྱས་ཀྱང་རུང་སྟེ། གཞན་ལུས་ལ་བརྟེན་ནས་བདེ་སྟོང་གི་ཡེ་ཤེས་སྒོམ་པ་ཡིན་ནོ། །བཞི་པ་རྣལ་འབྱོར་ཆེན་པོ་ནི། རྣམ་པ་གསུམ་སྟེ། ལུས་མི་བཤིག་པའི་རྣལ་འབྱོར། ངག་མི་བཤིག་པའི་རྣལ་འབྱོར། སེམས་མི་བཤིག་པའི་རྣལ་འབྱོར་ཏེ་གསུམ་ལས། དང་པོ་ནི། འདི་ཉིད་ཀྱི་རྒྱུད་ལས། ལྟེ་བའི་དབུས་སུ་རེ་ག་བསམ། །ཨ་ནི་མཆོག་ཏུ་ཕྲ་བ་སྟེ། །མི་འགྱུར་ཉམས་དགའ་བདེ་བའི་གནས། །མི་བཤིག་ཚངས་པ་འགྲུབ་པར་འགྱུར། །ཞེས་གསུངས་ཏེ། རང་ཉིད་སྒྲོལ་མར་བསམ་པའི་སྐུ་ལ་རྩ་གསུམ་འཁོར་ལོ། བཞི་སྤྱི་དང་འདྲ་བར་བཀོད་ནས། ལྟེ་བར་ཡི་གེ་ཨའི་གདངས་ཅན་གྱི། རེ་ཁ་དོག་དམར་བ། རེག་བྱ་ཚ་བ་ཞིག་བསམ་ལ། སྔར་བཤད་པ་ལྟར་བུམ་པ་ཅན་གྱི་སྦྱོར་བ་ལ་འཇུག་སྟེ། དེ་ལས་མེ་རབ་ཏུ་འབར་བ་དབུ་མ་བརྒྱུད་ནས། རྩ་སྟོང་ཕྲག་བདུན་ཅུ་རྩ་གཉིས་པོ་ཁྱབ་པས། དེ་ཐམས་ཅད་ཀྱི་བྱང་ཆུབ་ཀྱི་སེམས་སྤྱི་བོར་འདུས། དབུ་མའི་ལམ་བརྒྱུད་ནས་ལྟེ་བར་ཐིམ། རེ་ཞིག་མེའི་གདུང་བ་ཞི་ནས་བདེ་བས་ཁྱབ་པར་བསམ། དེ་ཉིད་རྟག་ཏུ་སྒོམ་མོ། །གཉིས་པ་ནི། རྒྱུད་ལས། རང་སྔགས་ཧཱུཾ་དང་ཡི་གེ་ཨོཾ། །རྡོ་རྗེ་ཨཱཿཡིག་བསམ་པར་བྱ། །རླུང་གི་དེ་ཉིད་རབ་གྲུབ་ནས། །མི་འགྲོ་དྲག་པོའི་ངག་ཏུ་འགྱུར། །ཅེས་གསུངས་ཏེ། སྔ་མ་ལྟར་གསལ་བའི་ལྟེ་བར་ཨུཏྤལ་དམར་པོ་འདབ་མ་བརྒྱད་པའི་ལྟེ་བར་ཟླ་བ་ལ། ཏཱཾ་ཡིག་སྔོན་པོ་སྣ་


TNT12_Page_0522
[མ་དཔེ་གཟིགས་ན་འདིར་གནོན།]

ཚོགས་པའི་འོད་འཕྲོ་བ། དེའི་སྟེང་དུ་ཐིག་ལེ་ཕྲ་མོ་ཨཱཿའི་གདངས་དང་ལྡན་པ། རླུང་ཕྱིར་འགྲོ་བའི་ཚེ་ཏཱཾ་དེ་ལས་རླུང་གི་ངོ་བོ་འོད་དམར་པོའི་གོང་བུ་ཨོཾ་གྱི་གདངས་དང་ལྡན་པ་བུང་བ་ལྟ་བུའི་ཟིར་སྒྲ་ཅན་ཞིག་དབུ་མ་ནས་བརྒྱུད། སྤྱི་བོ་དང་དེ་ནས་རིམ་པས་སྨིན་མཚམས་ཀྱི་ལམ་ནས་སོང༌། སྣ་སྒོ་ནས་ཐོན། ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་དུ་ཁྱབ། སྣོད་བཅུད་ཐམས་ཅད་ཀྱི་དྭངས་མ་རྣམས་བདུད་རྩིའི་རྣམ་པར་གྱུར་པ། འོད་ཀྱི་གོང་བུ་དེ་ཉིད་ཀྱིས་བསྡུས་ཤིང་བསླངས་ནས། བུང་བ་ལྟ་བུའི་ཚུལ་གྱིས་སྔ་མའི་ལམ་བརྒྱུད་ཧཱུཾ་གི་གདངས་དང་བཅས་པས་ནང་དུ་བྱོན། དེ་ལས་བདུད་རྩིའི་ཚོགས་དཔག་ཏུ་མེད་པ་བྱུང་སྟེ། ཏཱཾ་ལ་ཐིམ། བུང་བ་མེ་ཏོག་གི་དབུས་སུ་སྒྲ་ཕྲ་མོ་འབྱིན་ཅིང་འཁོར་བ་ལྟར། ཏཱཾ་གྱི་ཐིག་ལེ་ཨཱཿཡི་གདངས་སུ་གནས་པར་བསམ་ལ། འདི་ལ་ཡང་རླུང་གི་སྦྱོར་བ་ནི་ཀུམ་པ་ཀ་ལ་ནན་ཏན་དུ་སྦྱོར་བ་ཡིན་ནོ། །གསུམ་པ་ནི་རྒྱུད་ལས། འོད་ཟེར་སྣ་ལྔ་སྙིང་གར་གནས། །པདྨས་རྡོ་རྗེ་རབ་དབྱེ་བ། །ཐིག་ལེ་རྡོ་རྗེར་བྱེད་པ་སྟེ། །ཡེ་ཤེས་ཁྱབ་འཇུག་རྒྱལ་པོར་འགྱུར། །ཞེས་གསུངས་པས། འདི་ལའང་གཞི་བཅའ་བ་སྔ་མ་བཞིན། སྙིང་ག་ཆོས་འཁོར་གྱི་ལྟེ་བར་ཉི་ཟླ་ཁ་སྦྱོར་གྱི་དབུས་སུ་ཐིག་ལེ་རྩ་ན་ཀའི་ཚད་ཙམ་འོད་ཟེར་སྣ་ལྔ་འཕྲོ་བ་རྟག་ཏུ་བསྒོམས་ཏེ། སྲོག་ཐུར་བསྲེས་ནས་སྙིང་གར་དྲངས། སྙིང་གར་བུམ་ཅན་ཁ་སྦྱོར་བརྟན་པར་བྱས་ནས་


TNT12_Page_0523
[མ་དཔེ་གཟིགས་ན་འདིར་གནོན།]

འདི་ཉིད་ཅུང་ཟད་གོམས་པ་ན། ཤེས་རབ་ཀྱི་ནཱ་ར་ན་སི་ཀ་ཞེས་བྱ་བའི་རྩའི། དང་པོར་བདེ་སྐྱོང་གི་འཁོར་ལོ་དང༌། དེ་ནས་སྤྲུལ་པ་དང༌། བདེ་ཆེན་གྱི་འཁོར་ལོ་རབ་ཏུ་གྲོལ་ནས། སྙིང་གའི་མ་རིག་པའི་སྒོ་ང་རྣམ་པར་འབྱེད་པར་བྱེད་པ་ཡིན་ཏེ། དེས་འོད་གསལ་མཆོག་ལ་རེག་པར་འགྱུར་རོ། །བླ་མའི་མན་ངག་གིས་སྙིང་གའི་བུམ་པ་ཅན་ཅུང་ཟད་བརྟན་ནས། ཨ་པ་ན་བྷཉྫ་ཞེས་བྱ་བའི་མན་ངག་ཞིག་སྟོན་པར་མཛད་མོད་ཀྱི། ལག་ལེན་རྩུབ་པ་ཞིག་སྣང་བས་འདིར་མ་བཀོད་དོ། །དེ་ལྟར་རྫོགས་པའི་རིམ་པ་དེ་རྣམས་སྤྱོད་པ་གསུམ་གྱི་མཚམས་སྦྱར་ནས། དངོས་གྲུབ་མཆོག་ལ་ཉེ་བར་སྦྱོར་བའོ། །བགྲང་ཡས་ལེགས་སྤྱད་རླུང་བཞོན་དང་འགྲོགས་ཧ་རི་ཙན་དན་ནགས་ཀྱི་དཔལ་མོར་ཅི་དགར་རོལ་པའི་རྟ་དམར་ཅན། །དཔྱོད་ལྡན་ཡིད་ཀྱི་གདུང་སེལ་གང་ཞིག་མོས་དགའི་ལང་ཚོས་མཆོག་ཏུ་བསྐལ་བཟང་དགའ་མའི་ཡིད་ཀྱི་ལྕགས་ཀྱུ་སྟེ། །མཐའ་དག་སྲིད་གསུམ་རོལ་པའི་ཆུ་མཚོར་རྙོག་བྲལ་ཞབས་སེན་ཟླ་རིས་ནམ་ཡང་འགོད་མཁས་རྗེ་བཙུན་བླ་མ་དེའི། །གསུང་གི་འོད་དཀར་རྣམ་པར་སྤྲོ་བས་དགེ་ལེགས་རབ་བྱིན་གེ་སར་ལང་ཚོ་བཞད་པའི་ཀུ་མུད་རྨད་བྱུང་བ། །གང་འདི་བློ་གྲོས་འདབ་རྒྱས་ཟབ་དོན་གྱི། །སྦྲང་རྩིའི་འབྱུང་གནས་ཐར་འདོད་མིག་ཡངས་མའི། །མགོ་དང་རྣ་བའི་རྒྱན་དུ་རྟག་འགོད་པ། །ཡོན་ཏན་ལྡན་པའི་རང་བཞིན་སུ་ཡི་འགོག །རིགས་སྔགས་


TNT12_Page_0524
[མ་དཔེ་གཟིགས་ན་འདིར་གནོན།]

འཆང་དབང་མི་བདག་ཚུལ་འཛིན་པས། །རྣམ་པར་བསྐུལ་ཕྱིར་སྔོན་མེད་ལམ་གྱི་སྲོལ། །ཏཱ་ར་ནཱ་ཐས་ཕྱོགས་ཙམ་བརྗོད་པ་ཡི། །དགེ་བ་དེ་ཡང་སེམས་ཅན་ཀུན་ལ་བསྔོ། །ཞེས་པའང་རང་ལོ་ཉེར་བདུན་པ་ལ་གཡོ་རུ་གོང་དཀར་གྱི་ཕོ་བྲང་དུ་སྦྱར་བའོ།། །།དགེ་ལེགས་འཕེལ།། ཞུས་དག། བཀྲ་ཤིས།། བདག་གིས་དགེ་བ་གང་བསགས་འདི་ཡིས་ནི། །སེམས་ཅན་ཐམས་ཅད་བདེ་ཞིང་སྐྱིད་པ་དང༌། །གནས་སྐབས་མཐར་ཐུག་ཕན་བདེ་མཆོག་སྤེལ་བའི། །བླ་ན་མེད་པའི་རྒྱུ་ཚོགས་ཉིད་གྱུར་ཅིག །ཅེས་པའི་དགེ་བ་བསྔོ་བ་འདི་མ་ཏིས་བྲིས།། །།

སྒྲོལ་མའི་རྒྱུད་ཀྱི་འབྱུང་ཁུངས་གསལ་བར་བྱེད་པའི་ལོ་རྒྱུས་གསེར་གྱི་ཕྲེང་བ།


TNT12_Page_0525
[མ་དཔེ་གཟིགས་ན་འདིར་གནོན།]

སྒྲོལ་མའི་རྒྱུད་ཀྱི་འབྱུང་ཁུངས་གསལ་བར་བྱེད་པའི་ལོ་རྒྱུས་གསེར་གྱི་ཕྲེང་བ་ཞེས་བྱ་བ་བཞུགས།


TNT12_Page_0526
[མ་དཔེ་གཟིགས་ན་འདིར་གནོན།]

ཨོཾ་སྭཱ་སྟི། ན་མོ་གུ་རུ། སྒྲོལ་མའི་རྒྱུད་ཀྱི་བྱུང་ཁུངས་གསལ་བར་བྱེད་པའི་ལོ་རྒྱུས་གསེར་གྱི་ཕྲེང་བ་ཞེས་བྱ་བ་བླ་མ་ལ་ཕྱག་འཚལ་ལོ། །ཆོས་ཀུན་གདོད་ནས་སྤྲོས་དང་བྲལ་ལ་ཕྱག་འཚལ་ལོ། །ཐུགས་རྗེ་ཆེན་པོས་དངོས་ཀུན་ཁྱབ་ལ་ཕྱག་འཚལ་ལོ། །མཐའ་དག་འགྲོ་བ་མཆོག་ཏུ་སྒྲོལ་ལ་ཕྱག་འཚལ་ལོ། །རྒྱལ་བའི་ཡུམ་གྱུར་སྒྲོལ་མ་ཁྱོད་ལ་ཕྱག་འཚལ་ལོ། །འདིར་སྒྲོལ་མའི་རྒྱུད་གསུངས་པའི་ཐོག་མར་ལོ་རྒྱུས་གསུང་བ་དག་བསྙད་ན། སྔོན་ཐོག་མ་མེད་པའི་དུས་ཤིག་ན། འཇིག་རྟེན་གྱི་ཁམས་སྣ་ཚོགས་པའི་འོད་ཅེས་བྱ་བར། བཅོམ་ལྡན་འདས་དེ་བཞིན་གཤེགས་པ་རྔ་སྒྲ་ཞེས་བྱ་བ་བྱུང་སྟེ། དེའི་བསྟན་པ་ལ་མཆོག་ཏུ་གུས་པའི་རྒྱལ་པོའི་བུ་མོ་ཡེ་ཤེས་ཟླ་བ་ཞེས་བྱ་བ་ཞིག་ཡོད་དེ། དེས་སངས་རྒྱས་དེ་འཁོར་ཉན་ཐོས་དང་བྱང་ཆུབ་སེམས་དཔའི་དགེ་འདུན་གྲངས་མེད་པ་དང་བཅས་པ་ལ་ལོ་བྱེ་བ་བརྒྱ་སྟོང་གི་བར་དུ་མཆོད་པར་བྱས་ཏེ། ཉི་མ་རེ་རེ་བཞིན་དུ་ཕྱོགས་བཅུ་དཔག་ཚད་བཅུ་གཉིས་ཐམས་ཅད་རིན་པོ་ཆེས་གོ་མཚམས་མེད་པར་བཀང་བའི་རིན་ཐང་གི་ཚད་དང་


TNT12_Page_0527
[མ་དཔེ་གཟིགས་ན་འདིར་གནོན།]

མཉམ་པའི་མཆོད་རྫས་དག་བཤམས་སོ། །དེའི་མཐར་བྱང་ཆུབ་ཏུ་སེམས་བསྐྱེད་དེ་སེམས་དང་པོ་བསྐྱེད་པ་ཡིན་ནོ། །དེའི་ཚེ་དགེ་སློང་རྣམས་ཀྱིས་ཁྱེད་དགེ་བའི་རྩ་བ་འདི་ཉིད་ཀྱིས་ལུས་འདི་ཉིད་ལ་སྐྱེས་པར་གྱུར་ཏེ། བསྟན་པ་ལ་བྱ་བ་བྱེད་པར་སྨོན་ལམ་བཏབ་ན་དེ་བཞིན་དུ་འགྱུར་བའི་ཕྱིར་དེ་ལྟར་རིགས་སོ་ཞེས་བསྐུལ་བ་ལས། དྲིན་ལན་མང་དུ་ཡོད་སྐད་པ་ལ། མཐར་རྒྱལ་བའི་བུ་མོས་སྨྲས་པ། འདི་ན་སྐྱེས་པ་མེད་ཅིང་བུད་མེད་མེད། །བདག་མེད་གང་ཟག་མེད་ཅིང་རྣམ་རིག་མེད། །ཕོ་མོར་བཏགས་པ་འདི་ནི་ཡ་མ་བརླ། །འཇིག་རྟེན་བློ་ངན་རྣམ་པར་འཁྲུལ་བར་གྱུར། །ཅེས་བྱ་བ་ལ་སོགས་པ་བརྗོད་དེ། སྐྱེས་པའི་རྟེན་ལ་བྱང་ཆུབ་འདོད་པ་ནི་མང་གི །བུད་མེད་ཀྱི་ལུས་ཀྱི་འགྲོ་བའི་དོན་སྤྱོད་པ་ནི་འགའ་ཡང་མེད་དོ། །དེ་བས་ན་འཁོར་བ་མ་སྟོང་ཀྱི་བར་དུ་བུད་མེད་ཀྱི་གཟུགས་ཀྱིས་འགྲོ་བའི་དོན་བྱའོ། །ཞེས་དམ་བཅས་སོ། །དེ་ནས་ལོ་བྱེ་བ་བརྒྱ་སྟོང་གི་བར་དུ། དེ་རྒྱལ་པོའི་ཕོ་བྲང་དུ་གནས་ཤིང་འདོད་


TNT12_Page_0528
[མ་དཔེ་གཟིགས་ན་འདིར་གནོན།]

པའི་ཡོན་ཏན་ལྔ་ལ་ཐབས་མཁས་པས་སྤྱོད་བཞིན་དུ་ཏིང་ངེ་འཛིན་བསྒོམས་པས། མི་སྐྱེ་བའི་ཆོས་ལ་བཟོད་པ་ཐོབ་ཅིང༌། འགྲོ་བ་ཐམས་ཅད་སྒྲོལ་བ་ཞེས་བྱ་བའི་ཏིང་ངེ་འཛིན་བསྒྲུབས་སོ། །ཏིང་ངེ་འཛིན་གྲུབ་པ་དེའི་ནུས་པས། དེ་ནས་ཉིན་རེ་བཞིན་དུ་སྔ་དྲོའི་དུས་ཀྱི་ཚེ། སེམས་ཅན་བྱེ་བ་བརྒྱ་སྟོང་རེ་འཇིག་རྟེན་པའི་སེམས་ལས་བསྒྲལ་ཏེ། བཟོད་པ་ལ་མ་བཀོད་ཀྱི་བར་དུ་ཟས་ཟ་བར་མི་བྱེད་དོ། །ཉི་མ་ཕྱི་དྲོའི་ཚེ་ཡང་དེ་ཙམ་རེ་འགོད་པར་བྱེད་དོ། །དེ་ནས་སྔར་གྱི་མིང་དེ་འགྱུར་ནས། སྒྲོལ་མ་ཞེས་བྱ་བར་གྱུར་ཏོ། །དེ་ནས་དེ་བཞིན་གཤེགས་པ་རྔ་སྒྲས་ཀྱང༌། ཇི་སྲིད་བླ་ན་མེད་པའི་བྱང་ཆུབ་མངོན་དུ་བྱས་པ་དེ་སྲིད་དུ། མིང་ལྷ་མོ་སྒྲོལ་མས་མཚན་པ་འབའ་ཞིག་ཏུ་འགྱུར་བར་ལུང་བསྟན་ཏོ། །དེ་ནས་བསྐལ་པ་བི་བུདྡྷ་རྣམ་པར་རྒྱལ་བ་ཞེས་བྱ་བ་ལ། དེ་བཞིན་གཤེགས་པ་དོན་ཡོད་གྲུབ་པའི་དྲུང་དུ། ཕྱོགས་བཅུའི་ཞིང་རབ་འབྱམས་ཐམས་ཅད་ཀྱི་སེམས་ཅན་རྣམས་ལ་ཉེ་བར་འཚེ་བ་ཐམས་ཅད་བསྲུང་ཞིང་སྐྱོབ་པར་དམ་བཅས། བདུད་ཐམས་ཅད་རྣམ་པར་འཇོམས་པའི་ཏིང་ངེ་འཛིན་ལ་སྙོམས་པར་བཞུགས་པས་བསྐལ་པ་དགུ་བཅུ་རྩ་ལྔའི་བར་དུ་ཉིན་རེ་བཞིན་དུ་འགྲོ་བའི་གཙོ་བོ་བྱེ་བ་བརྒྱ་སྟོང་འབུམ་ཕྲག་རེ་བསམ་གཏན་ལ་ཡང་དག་པར་བཀོད། ནུབ་རེ་བཞིན་གཞན་འཕྲུལ་བདག་པོ་སྟེ་བདུད་བྱེ་བ་བརྒྱ་སྟོང་རེ་བཏུལ་བས་སྒྲོལ་མ། གདུང་མ། མྱུར་མ། དཔའ་མོ་ཞེས་མཚན་དུ་བཏགས་སོ། །དེ་ནས་བསྐལ་པ་ཐོག་པ་མེད་པ་ཞེས་བྱ་བ་ལ། དགེ་སློང་


TNT12_Page_0529
[མ་དཔེ་གཟིགས་ན་འདིར་གནོན།]

དྲི་མ་མེད་པའི་འོད་ཀྱི་སྣང་བ་ཞེས་བྱ་བ་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱི་སྙིང་རྗེ་ཆེན་པོའི་འོད་ཟེར་གྱིས་མངོན་པར་དབང་བསྐུར་བས། དེ་ཉིད་འཕགས་པ་སྤྱན་རས་གཟིགས་སུ་གྱུར་ལ། དེའི་ཚེ་དེ་བཞིན་གཤེགས་པ་རིགས་ལྔ་ལ་སོགས་པ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས། སླར་ཡང་མཁྱེན་པའི་ཡེ་ཤེས་ཀྱི་ངོ་བོར་གྱུར་པ་འོད་ཟེར་ཆེན་པོའི་དབང་བསྐུར་བས། འོད་ཟེར་སྔ་ཕྱི་གཉིས་ཡབ་ཡུམ་དུ་གྱུར་པ་འདྲེས་པ་ལས་ལྷ་མོ་སྒྲོལ་མར་གྱུར་ཏེ་སྤྱན་རས་གཟིགས་ཀྱི་ཐུགས་ཀ་ནས་བྱུང་ནས་སངས་རྒྱས་ཐམས་ཅད་ཀྱི་དགོངས་པ་བསྐང་བ་དང༌། སེམས་ཅན་རྣམས་འཇིགས་པ་ཆེན་པོ་བརྒྱད་དང༌། བཅུ་དྲུག་ལས་སྐྱོབ་པར་མཛད་དོ། །དེ་ནས་བསྐལ་བ་བཟང་པོ་ཆེན་པོ་ཞེས་བྱ་བ་ལ་མི་གཡོ་དབུགས་འབྱུང་གི་སྐབས་ནས་འབྱུང་བ་ལྟར་བསྟན་ནོ། །དེ་ནས་བསྐལ་པ་ཨ་སངྐ་ཞེས་པ་ལ་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱིས་དབང་བསྐུར་བས་སངས་རྒྱས་ཐམས་ཅད་བསྐྱེད་པའི་ཡུམ་དུ་གྱུར་ཏོ། །དེ་དག་ནི་སྔོན་ཐོག་མ་མེད་པའི་དུས་སོ། །དེ་ནས་བསྐལ་པ་འདི་ཉིད་ལ། རི་བོ་ཏ་ལར་སངས་རྒྱས་བྱང་ཆུབ་སེམས་དཔའ་ལྷ་ཀླུ་གནོད་སྦྱིན་ལ་སོགས་པ་གྲངས་མེད་ཅིང༌། ཚད་མེད་པའི་དབུས་སུ་འཕགས་པ་སྤྱན་རས་གཟིགས་ཀྱིས་སྒྲོལ་མའི་སྔགས་རྒྱུད་འབུམ་ཕྲག་བརྒྱ་གསུངས་སོ། །རྫོགས་ལྡན་གྱི་དུས་སུ་རིགས་དྲུག་གི་སེམས་ཅན་གྱི་དོན་དེ་ཀས་བྱེད་སྐད་


TNT12_Page_0530
[མ་དཔེ་གཟིགས་ན་འདིར་གནོན།]

གསུམ་ལྡན་གྱི་ཚེ་དེ་ནུབ་ནས་འབུམ་ཕྲག་དྲུག་པ་བྱུང་ངོ༌། །གཉིས་ལྡན་གྱི་དུས་ན་དེ་ཡང་ནུབ་ནས་སྟོང་ཕྲག་བཅུ་གཉིས་པ་བྱུང་ངོ༌། །དེ་ནས་རྩོད་ལྡན་གྱི་དུས་ན་སྒྲོལ་མ་འདུས་པ་ཤློ་ཀ་སྟོང་ཡོད་པ་འདི་བྱུང་ངོ༌། །འདིར་བླ་མའི་ཞལ་ནས། རྫོགས་ལྡན་ལ་སོགས་པ་དེ་རྣམས་སུ་རྒྱུད་ཀྱི་གླེགས་བམ་ནི་ཡོད་པ་མ་ཡིན་མོད། ལྷ་དང་རིག་འཛིན་རྣམས་ཀྱི་སར་རྒྱ་ཆེར་སྤྱོད་པས་འགྲོ་བ་གཞན་ཐམས་ཅད་ཀྱི་ཡང་དོན་ཆེན་པོར་གྱུར་པ་ལ་དགོངས་པ་ཡིན་ནོ། །ཅེས་གསུང༌། འོན་ཀྱང་སྔགས་ཀྱི་གདུལ་བྱ་དུས་དེ་དག་ཏུ་ཡང་འབྱུང་བ་མི་འགལ་བའི་ཕྱིར། གླེགས་བམ་ཡང་འབྱུང་དུ་རུང་ལ། མཐའ་གཅིག་ཏུ་དེ་འདྲའི་ངེས་བཟུང་མི་དགོས་པར་མངོན་ནོ། ཁྱད་པར་རྒྱུད་འདི་རྣམས་སླར་ཡང་འོ་སྐོལ་ཀྱི་སྟོན་པས་བཟློས་ཏེ་གསུངས་པའང་ཡིན་ཏེ། འདི་ཉིད་ཀྱི་བཤད་པའི་རྒྱུད་མཁའ་འགྲོ་མ་གསང་བའི་ཐིག་ལེ་ལས། གྲུ་འཛིན་རི་ཡི་རྩེ་མོར་ནི། །ཤཱཀྱ་སེངྒེས་གསུངས་པའི་རྒྱུད། །ཅེས་གསུངས་པས་སོ། །འདིའི་གཏམ་རྒྱུད་ཞལ་སྔ་ནས་འབྱུང་བ་ནི་འདི་ཡིན་ཏེ། དེ་ཡང་སྟོན་པ་འདི་ཉིད་སངས་རྒྱས་པའི་མཛད་པ་སེམས་ཅན་ལ་སྟོན་པར་བཞེད་ནས། བྱང་ཆུབ་ཀྱི་སྙིང་པོ་ལ་ཞུགས་ཏེ། སྨིན་མཚམས་ཀྱི་འོད་ཟེར་གྱིས་བདུད་ཀྱི་གནས་ཐམས་ཅད་ཁྱབ་པར་མཛད་པ་ན། བདུད་ཀྱི་དམག་རྣམས་ལྷགས་པའི་ཚེ། སྒྲོལ་མས་བཞད་པ་བརྒྱད་ཀྱིས་བཞད་པས་དེ་ཐམས་ཅད་ས་ལ་འགྱེལ་ཞིང་བརྒྱལ་བར་གྱུར་སྐད། དེ་ནས་སྟོན་པ་ཉིད་ཁྲོ་བོ་མི་གཡོ་


TNT12_Page_0531
[མ་དཔེ་གཟིགས་ན་འདིར་གནོན།]

བར་གྱུར་ཏེ། བདུད་ཐམས་ཅད་མ་ཐག་པར་བྱེད་པའི་ཏིང་ངེ་འཛིན་གིས་བདུད་བཅོམ་སྟེ། སླར་ཡང་བྱང་ཆུབ་ཀྱི་སྙིང་པོ་ལ་མངོན་པར་རྫོགས་པར་སངས་རྒྱས་ནས། དེ་བཞིན་གཤེགས་པ་མི་བསྐྱོད་པ་དང་གཉིས་སུ་མེད་པར་གྱུར་བ་ལ། ལྷ་མོ་སྒྲོལ་མས་མཆོད་པར་བྱས་ཏེ། དེའི་སྔགས་རྒྱུད་རྒྱས་པར་གསུངས་སོ། །དེ་བཞིན་དུ་རྒྱལ་བ་རིགས་དྲུག་གི་དཀྱིལ་འཁོར་རྒྱས་པར་བསྟན་ནས། ཇི་སྐད་དུ་བཤད་པའི་རྒྱུད་རྣམས་མི་ནུབ་པར་བྱ་བའི་ཕྱིར་འགྲོ་བ་རིགས་དྲུག་གི་སེམས་ཅན་ལ་སྟོན་པར་བཞེད་དེ། སངས་རྒྱས་བྱང་ཆུབ་སེམས་དཔའི་ཚོགས་དང་བཅས་ནས་རི་བོ་ཏ་ལར་གཤེགས་ཏེ། ལྷ་ཀླུ་གནོད་སྦྱིན་དྲི་ཟ་ལ་སོགས་པ་གྲངས་མེད་ཅིང་ཚད་མེད་པའི་འགྲོ་བ་ལ་དབང་བསྐུར་ཏེ། སྔགས་ཀྱི་ཐེག་པ་བཤད་ནས་དངོས་གྲུབ་ལ་བཀོད་དོ། །མཐར་ཕྱག་ན་རྡོ་རྗེ་ལ་རྒྱུད་རྣམས་གཏད་དེ། ལྕང་ལོ་ཅན་ལ་སོགས་པའི་རིག་པ་འཛིན་པའི་གནས་རྣམས་སུ་སྤྱོད་ཅིང༌། མིའི་འཇིག་རྟེན་དུ་རྒྱུད་ཐམས་ཅད་མི་ནུབ་པར་བྱ་བའི་ཕྱིར། ལག་ན་རྡོ་རྗེ་རྒྱལ་པོ་ཨིནྡྲ་བྷུ་ཏི་ཞེས་བྱ་བར་གྱུར་ཏེ། རྒྱུད་མཐའ་དག་གླེགས་བམ་ལ་བྲིས་ནས་ཆོས་ཀྱི་མཛོད་ཅེས་བྱ་བར་སྦས་ནས། དཔའ་བོ་དང་རྣལ་འབྱོར་མ་རྣམས་ཀྱིས་ཉམས་སུ་ལེན་པ་ཡིན་སྐད། སྤྱིར་སྔགས་ཀྱི་ཐེག་པ་དབུགས་དབྱུང་དྲུག་གི་བསྟན་པ་ལ། ད་ལྟ་ཧེ་རུ་ཀའི་བསྟན་པ་ཡིན་པར་གསུངས་སོ། །དབུགས་དབྱུང་དྲུག་གི་རྣམ་བཞག་རྒྱུད་ཉིད་ན་གསལ་ལོ།


TNT12_Page_0532
[མ་དཔེ་གཟིགས་ན་འདིར་གནོན།]

ཁྱད་པར་བསྟན་པ་འདི་ཉིད་ལ་འཛམ་བུ་གླིང་དུ་སྒྲོལ་མའི་རྒྱུད་ཇི་ལྟར་བྱུང་བའི་ཚུལ་ནི། རྒྱལ་བ་མྱ་ངན་ལས་འདས་ནས། ལོ་སུམ་བརྒྱ་ལྷག་པ་ཙམ་ཉན་ཐོས་རྣམས་ཀྱིས་བཀའ་བསྡུ་བ་གསུམ་པ་ཟིན་པའི་དུས་གཞན་ཞིག་ན། ལྷ་དང་ཀླུ་དང་གནོད་སྦྱིན་དང་དྲི་ཟ་དང་སྲིན་པོ་རྣམས་ཀྱི་གནས་ན་བཞུགས་པའི་ཐེག་པ་ཆེན་པོའི་མདོ་སྡེ་ཕལ་ཆེ་བ་ཡང་རྒྱ་གར་གྱི་ཡུལ་ཐ་དད་པ་རྣམས་སུ་བྱོན། རང་བྱུང་གི་གླེགས་བམ་རྣམས་ཀྱང་བྱུང་ཞིང་གཅིག་ཅར་དར་བར་གྱུར་ལ། དེ་དག་སྟོན་པ་པོ་སྡོམ་བརྩོན་ཆོས་སྨྲ་བ། མི་སྐྱེ་བའི་ཆོས་ལ་བཟོད་པ་ཐོབ་ཅིང། འཇམ་དཔལ་དང༌། སྤྱན་རས་གཟིགས་དང༌། བྱམས་པ་ལ་སོགས་པའི་ཞལ་མཐོང་བ་རྣལ་འབྱོར་སྤྱོད་པའི་སློབ་དཔོན་ལྔ་བརྒྱ་དང༌། ངོ་བོ་ཉིད་མེད་སྨྲ་བའི་བདག་ཉིད་ཆེན་པོ་བརྒྱད་ལ་སོགས་པ་བྱུང་ངོ༌། །དེ་དག་དང་དུས་མཉམ་པར་བྱ་སྤྱོད་རྣལ་འབྱོར་རྒྱུད་གསུམ་དང༌། ཐེག་པ་བླ་ན་མེད་པའི་ཐབས་དང༌། ཤེས་རབ་ཀྱི་རྒྱུད་ཅི་རིགས་པ་དང་བཅས་པ་ཡང་དར་ཞིང༌། རྡོ་རྗེ་སེམས་དཔའ་དང༌། གསང་བའི་བདག་པོ་ཞལ་མཐོང་བ་རྣམས་ཀྱིས་སྐལ་བ་དང་ལྡན་པ་རྣམས་ལ་བསྟན་པས། དུས་དེའི་ཚེ་སྔགས་ཀྱི་ཐེག་པ་ཐོས་པ་ཐམས་ཅད་དངོས་གྲུབ་མ་ཐོབ་པ་གཅིག་ཀྱང་མེད་སྐད་དེ་ཤར་ཕྱོགས་བྷཾ་ག་ལར། རྒྱལ་པོ་ཧ་རི་ཙནྡྲ་འཁོར་སྟོང་དང་བཅས་པ་ཟུང་འཇུག་གི་སྐུ་འགྲུབ་པ་དང༌། ཨོཾ་ཌི་བི་ཤར་རྒྱལ་པོ་མུཉྫ་ཞེས་བྱ་བ་འཁོར་སྟོང་དང་བཅས་པ་རིག་པ་འཛིན་


TNT12_Page_0533
[མ་དཔེ་གཟིགས་ན་འདིར་གནོན།]

པའི་གནས་ཐོབ་པ་དང༌། ནུབ་ཕྱོགས་མ་ལ་ཝར། རྒྱལ་པོ་བྷོ་ཛ་དེ་ཝ་ཞེས་བྱ་བ་འཁོར་སྟོང་དང་བཅས་པ་མི་སྣང་བར་གྱུར་པ་དང༌། ལྷོ་ཕྱོགས་ཀོངྐུ་ན་ར། རྒྱལ་པོ་ཧེ་རི་བྷ་དྲ་འཁོར་དཔག་ཏུ་མེད་པ་དང་བཅས་ཏེ། རིལ་བུའི་དངོས་གྲུབ་འགྲུབ་པ་སོགས་ལོ་བརྒྱའམ་ཉིས་བརྒྱ་ཙམ་གྱི་བར་དུ་སྐྱེ་བོ་འབུམ་ཕྲག་ལྷག་གཅིག་གིས་དངོས་གྲུབ་ཐོབ། འོན་ཀྱང་རྟག་ཏུ་གསང་བ་བསྲུང་བའི་ཕྱིར་དངོས་གྲུབ་མ་ཐོབ་བར་དུ་གཞན་སུས་ཀྱང་སྔགས་ཀྱི་སྤྱད་པ་སྤྱོད་པ་ཡིན་པར་མི་ཤེས་སྐད། དེ་དག་གི་ཚེ། རྗེ་བཙུན་མ་འཕགས་མ་སྒྲོལ་མ་ཉིད་ཀྱི་ཐུགས་རྗེས་མ་བསྒྲུབས་པར་ཡང་ཞལ་བསྟན་ཅིང༌། རྗེས་སུ་གཟུང་བའི་ལོ་རྒྱུས་གསུང་བགྲོས་ལས་འབྱུང་བ་མདོ་ཙམ་ཞིག་བསྙད་ན། དགྲའི་འཇིགས་པ་ལས་སྐྱབས་པ་ནི། ཨི་ཌི་བི་ཤར་རྒྱལ་རིགས་ཞིག་སྐྱེད་མོས་ཚལ་དུ་གཉིད་ཀྱིས་ལོག་པ་ན། དགྲའི་དམག་ཚོགས་གོ་མཚོན་ཐོགས་པ་སྟོང་ཙམ་གྱིས་བསྐོར་བས། སྐྱབས་གཞན་མེད་དེ། སྒྲོལ་མ་ཞེས་བྱ་བ་འཇིགས་པ་བཅུ་དྲུག་ལས་སྐྱོབས་པ་ཞིག་ཡོད་ཅེས་ཐོས་ཏེ། དེ་ཁོ་ན་ལ་སྐྱབས་སུ་འགྲོའོ་བསམ་པས། སྒྲོལ་མའི་མཚན་ནས་བོས་ཤིང༌། སྐད་ཕྱུང་བས་སྐད་ཅིག་དེ་ཉིད་ལ་རྗེ་བཙུན་མ་མདུན་གྱི་ནམ་མཁར་བྱོན་ཏེ། ཞབས་ཀྱི་འོག་ནས་རླུང་དྲག་པོ་གཡོས་པས་དམག་རྣམས་ཕྱོགས་བཅུར་ཁྱེར་ནས་རང་གི་ཡུལ་དུ་སླེབ་སྐད། སེང་གེའི་འཇིགས་པ་ལས་སྐྱབས་པ་ནི། ཤིང་འཐུ་ཞིང་ནགས་ཚལ་དུ་སོང་


TNT12_Page_0534
[མ་དཔེ་གཟིགས་ན་འདིར་གནོན།]

བ་ལས། སེང་གེ་མོ་བཀྲེས་པ་དང་ཕྲད་ནས་ཟ་བར་བརྩམས་ཏེ་ཁར་ཐོགས་ནས་རང་གི་ཚང་དང་ཉེ་བར་སོང༌། དེར་འཇིགས་ཤིང་སྐྲག་པས་སྒྲོལ་མ་ལ་གསོལ་བ་བཏབ་པས། མདུན་དུ་བུད་མེད་ཤིང་ལོའི་གོས་ཅན་ཞིག་བྱུང་ནས་སེང་གེ་མོའི་ཁ་ནས་དེ་བླངས་ཏེ། གྲོང་ཁྱེར་གྱི་ཚོང་འདུས་སུ་བཞག་གོ །གླང་པོའི་འཇིགས་པ་ལས་སྐྱབས་པ་ནི། ཡུལ་གྱི་བུ་མོ་ལོ་བཅུ་གཉིས་ལོན་པ་ཞིག་མེ་ཏོག་འཐུ་བར་ནགས་གསེབ་ཏུ་སོང་བ་ན། ཁུ་ནི་ཞེས་བྱ་བ་གླང་པོ་ཆེ་གཏུམ་པོ་དང་འཕྲད་དེ། དེས་སྣ་ཤལ་གྱིས་བཅིངས། མཆེ་བ་བསྣུན་པར་བརྩམས་པ་ན། སྒྲོལ་མའི་མཚན་དྲན་པར་བྱས་ཤིང༌། སྙིང་ཐག་པ་ནས་གསོལ་བ་བཏབ་པས་གླང་པོ་ཆེ་དབང་དུ་གྱུར་ཏེ། རྡོའི་སྟེགས་མཐོན་པོ་ལ་བཞག་སྟེ་སྣ་ཤལ་གྱིས་ཕྱག་བྱས་ཤིང༌། ཡང་བླངས་ནས་གྲོང་ཁྱེར་གྱི་ཚོང་འདུས་ཀྱི་གནས་སུ་ཡང་དེ་བཞིན་དུ་བྱས་སོ། །དེ་ནས་འདུན་ཁང་དང༌། ལྷ་ཁང་དང༌། རྒྱལ་པོའི་ཕོ་བྲང་གི་སྒོར་ཡང་དེ་ལྟར་དུ་བྱས་པས། བུ་མོ་འདི་ནི་བསོད་ནམས་དང་ལྡན་པ་ཞིག་གོ་ཞེས་རྒྱལ་པོའི་བཙུན་མོར་གྱུར་ཏོ། །མེའི་འཇིགས་པ་ལས་བསྐྱབས་པ་ནི། ཤ་འཁོན་ཆགས་པའི་ཁྱིམ་ཚང་གཅིག །ནུབ་མོ་ཁང་པ་ལ་དགྲ་ཡིས་མེ་བཏང་བས་འབྲོས་པར་བརྩམས་པ་ལས་མ་ཐར་བའི་ཚེ། ཀྱེ་སྒྲོལ་མ་ཀྱེ་མ་ཧོ་སྒྲོལ་མ་ཞེས་མཚན་ནས་བརྗོད་པས། ཁྱིམ་གྱི་སྟེང་དུ་སྤྲིན་ཤིན་ཏུ་སྔོ་ཞིང་མཛེས་པ་ཞིག་བྱུང་སྟེ། ཆར་གྱི་རྒྱུན་གཉའ་ཤིང་ཙམ་ཁྱིམ་ཁོ་ན་ལ་བབས་པས་མེ་ཞིའོ། །དུག་སྦྲུལ་གྱི་འཇིགས་


TNT12_Page_0535
[མ་དཔེ་གཟིགས་ན་འདིར་གནོན།]

པ་ལས་བསྐྱབས་པ་ནི། གྲོང་ཁྱེར་གྱི་སྨད་འཚོང་མ་ཞིག །དུས་ལན་གཅིག་མུ་ཏིག་གི་དོ་ཤལ་ལྔ་བརྒྱ་སྦྱིན་པའི་ཚོང་དཔོན་ཞིག་རྙེད་དེ། ནམ་ཕྱེད་ཀྱི་དུས་ན་ཚོང་དཔོན་གྱི་ཁྱིམ་དུ་འགྲོ་བ་འདོད་པས། རང་གི་ཁྱིམ་ནས་སོང་སྟེ། ལམ་དུ་ཤིང་ཤི་རི་ཤའི་ཡལ་ག་ཞིག་ལ་འཇུས་པ་ན། ཤིང་ལ་འཁྲིལ་པའི་སྦྲུལ་གདུག་པས་ལུས་ལ་འཁྲིལ་ཤིང་ཟིན་པའི་ཚེ། རྗེ་བཙུན་མ་སྒྲོལ་མ་དྲན་པར་བྱས་པ་ཙམ་གྱིས་དུག་སྦྲུལ་དེ་ཉིད་མེ་ཏོག་གི་ཕྲེང་བར་གྱུར་ནས། ཞག་བདུན་གྱི་བར་དུ་ལུས་ལ་གནས་པར་གྱུར་ཏོ། །དེ་ནས་སྦྲུལ་དེ་ཉིད་དཀར་པོ་དུག་དང་བྲལ་བར་གྱུར་ནས་ཆུ་བོར་ཞུགས་སོ་ཞེས་གྲགས་སོ། །ཆོམ་རྐུན་གྱི་འཇིགས་པ་ལས་བསྐྱབས་པ་ནི། གུ་ཛི་ར་ཐའི་ཡུལ་གྱི་ནང་ཚན་བྷ་རུ་ཀཙྪ་ཞེས་བྱ་བར། ཚོང་དཔོན་ཤིན་ཏུ་ལོངས་སྤྱོད་ཆེ་བ་ཞིག་ཡོད་པ། མ་རུའི་ཡུལ་དུ་རྔ་མོང་སྟོང་ཙམ་དང༌། ཁྱུ་མཆོག་ལྔ་བརྒྱ་ཙམ་གྱིས་ཁལ་བཀལ་ཏེ་སོང་བ་ལས། ལམ་ཁར་ཆོམ་རྐུན་སྟོང་ཙམ་གནས་པའི་འབྲོག་དགོན་པར་ཕྱིན་པས། སྔོན་དུ་སོང་བའི་ཚོང་པ་ཐམས་ཅད་བསད་པའི་ཤ་ཁྲག་རུས་པས་ཕྱོགས་ཐམས་ཅད་ཁྱབ། ཚོང་པ་བརྒྱ་སྟོང་ནི་གསལ་ཤིང་ལ་བཙུགས། ཆོམ་རྐུན་དེ་རྣམས་མིའི་ཤ་ཡང་ཟ་བ་སྲིན་པོ་ལྟ་བུར་ཡོད་པས། ཚོང་དཔོན་དེ་ཤིན་ཏུ་འཇིགས་ནས། མགོན་སྐྱབས་གཞན་མེད་པས་སྒྲོལ་མ་ལ་གསོལ་བ་བཏབ་པ་ན། སྒྲོལ་མའི་སྤྲུལ་པ་དཔའ་བོ་གོ་མཚོན་ཐོགས་པའི་དམག་དཔག་ཏུ་མེད་པ་བྱུང་སྟེ། ཆོམ་རྐུན་དེ་རྣམས་རྒྱང་རིང་དུ་བསྐྲད་ཅིང་ཤི་བསད་ནི་མེད་དོ། །


TNT12_Page_0536
[མ་དཔེ་གཟིགས་ན་འདིར་གནོན།]

དེ་ལྟར་ཆོམ་རྐུན་རྣམས་བྱེར་བའི་ཤུལ་དུ་ཚོང་པ་དེ་ཉིད་བདེ་བར་ཕྱིན་ནས་སླར་ཡང་བྷ་རུ་ཀཙྪར་སླེབ་བོ། །བཙོན་ར་ལས་སྐྱབས་པ་ནི། རྐུན་པོའི་དཔོན་ཞིག་གིས་རྒྱལ་པོའི་བང་མཛོད་ཀྱི་ཁྱིམ་ཕུག་སྟེ་སོང་བ་ན། ཆང་གི་བུམ་པ་ཞིག་རྙེད་དེ། དེ་བཏུང་བས་དེ་ཉིད་དུ་མྱོས་ཤིང་གཉིད་དུ་སོང་བ། རྒྱལ་པོའི་མི་རྣམས་ཀྱིས་རིག་སྟེ་བཟུང་ནས། བཙོན་དོང་དུ་བཅུག་ཞགས་པས་བཅིངས་སྡུག་བསྔལ་སྣ་ཚོགས་པ་མྱོང་བ་ན། གཞན་མགོན་སྐྱབས་མེད་དེ། སྒྲོལ་མ་ལ་གསོལ་བ་བཏབ་པས་འདབ་ཆགས་ཁ་དོག་སྣ་ལྔ་པ་ཞིག་ནམ་མཁའ་ནས་བབས་ཏེ་བྱུང་ནས་ཞགས་པ་རྣམས་བཀྲོལ་བཙོན་ཁང་གི་སྒོ་ཡང་རང་བྱེ་བར་གྱུར་ཏེ། ཅི་བདེར་ཐར་ནས་རང་ཡུལ་དུ་ཕྱིན་པ་ན། རྨི་ལམ་དུ་བུད་མེད་རྒྱན་ཐམས་ཅད་ཀྱིས་བརྒྱན་པ་ཞིག་བྱུང་སྟེ། གལ་ཏེ་ཁྱེད་ངའི་དྲིན་དྲན་ན་ཁྱེད་ཅག་འཁོར་དང་བཅས་པ་རྐུན་པོའི་ལས་སྤོངས་ཤིག །ཅེས་བྱུང་བས་རྐུན་པོ་དེ་ཉིད་འཁོར་ལྔ་བརྒྱ་དང་བཅས་ཆོམ་རྐུན་གྱི་ལས་སྤངས་ནས་དགེ་བ་རྒྱ་ཆེན་པོ་བྱེད་པ་བྱུང་ངོ༌། །རྒྱ་མཚོ་རླབས་ཀྱི་འཇིགས་པ་ལས་བསྐྱབས་པ་ནི། ལྷོ་ཕྱོགས་ཀྱི་ལམ་དུ་ཞུགས་པའི་ཚོང་པ་ལྔ་སྟོང་ཙམ་ཞིག་གྲུ་པོ་ཆེ་གསུམ་བཟུང་སྟེ་གཟིངས་ཆེན་པོར་ཞུགས་ནས། རིན་པོ་ཆེའི་གླིང་དུ་ཕྱིན་ཏེ། གྲུ་གཅིག་ནི་རིན་པོ་ཆེས་ཁེངས་པར་བྱས་སོ། །ཡང་དེ་ནས་སོང་བ་ན། ཙན་དན་ས་མཆོག་གི་གླིང་དང་འཕྲད་དེ། གྲུ་གཉིས་པ་ཙནྡན་ས་མཆོག་གིས་གང་བར་བྱས་སོ། །དེ་ནས་ཡུལ་དུ་འོང་བར་འདོད་པ་ལ། རྒྱ་མཚོའི་ནོར་བདག་རྣམས་ཁྲོས་


TNT12_Page_0537
[མ་དཔེ་གཟིགས་ན་འདིར་གནོན།]

ཏེ་རླུང་ཆེན་པོ་བཏང་བས་ཐག་རིང་དུ་ཁྱེར་ཏེ། རྒྱ་མཚོ་ཁ་དོག་མི་གཅིག་པ་མང་པོ་བརྒལ་བའི་མཐར་རྦ་ཀློང་དྲག་ཏུ་འཁྲུགས་པ་ཞིག་ཏུ་སླེབ། དེ་གོང་དུ་ཚོང་པ་རྣམས་ཀྱིས། ཚངས་པ། ཁྱབ་འཇུག །དབང་ཕྱུགཟླ་བ། ཉི་མ། ཀུ་བེ་ར་ལ་སོགས་པ་རྣམས་ལ་ཉིན་མཚན་དུ་གསོལ་བ་འདེབས་ཀྱང་མ་ཕན་ལ། དེར་གྲུའི་ཐག་པ་ཆད་དེ། རིན་པོ་ཆེའི་དང་ཙནྡན་གྱི་གྲུ་ཡང་སྟོར། གྲུ་བོ་ཆེ་ཡང་ནུབ་ལ་ཁད་པ་ན། དེ་ན་སངས་རྒྱས་པའི་དགེ་བསྙེན་གཅིག་ཡོད་པས། སྒྲོལ་མ་དྲན་པས་ཡི་གེ་བཅུ་པའི་སྔགས་སྐད་གསངས་མཐོན་པོས་བཟླས་པས། དེ་མ་ཐག་ཏུ་མཐུན་པའི་རླུང་བྱུང་སྟེ། གྲུ་ཚུར་ལོག་ནས་ནུབ་གཅིག་ལ་འཛམ་བུ་གླིང་དུ་སླེབ་པ་ན། རིན་པོ་ཆེ་དང་ཙནྡན་གྱི་གྲུ་ཡང་རླུང་གིས་ཚུར་བདས་ཏེ། མཉམ་དུ་འཛོམ་མོ། ། ཤ་ཟའི་འཇིགས་པ་ལས་བསྐྱབས་པ་ནི། ཤར་ཕྱོགས་ཀྱི་གཙུག་ལག་ཁང་ཞིག་ཏུ། ཉན་ཐོས་སེནྡྷ་པ་ཁོ་ན་གནས་པ་ཞིག་ཡིན་པ་ལས། དེར་དུས་ལན་ཅིག་ནུབ་མོར་རིས་ཀྱི་གཙུག་ལག་ཁང་གི་ཕྱི་རོལ་ས་ལ་འཆག་ཏུ་སོང་བའི་དགེ་སློང་རེ་རེ་ཤི་ནས། གཙུག་ལག་ཁང་དེ་ཉིད་ཀྱི་ཚོགས་པ་འགྲིབ་པར་གྱུར་པ་ལས། ནུབ་ཅིག་དགེ་ཚུལ་ཞིག་འཆག་སར་སོང་བས་ཤ་ཟ་མདོག་ངན་ནག་ཅིང་མི་སྡུག་པ་མཆེ་བ་གཙིགས་པ་གཅིག་བྱུང་ནས་མགོ་བོ་ནས་བཟུང་བ་ན། ཐེག་ཆེན་པ་རྣམས་ལ་སྒྲོལ་མ་ཞེས་བྱ་བ་འཇིགས་པ་


TNT12_Page_0538
[མ་དཔེ་གཟིགས་ན་འདིར་གནོན།]

བརྒྱད་ལས་སྐྱོབ་པ་ཅིག་ཡོད་ཅེས་ཟེར་གྱི། དེ་ལ་སྐྱབས་སུ་འགྲོའོ་སྙམ་ནས། སྒྲོལ་མ་ཞེས་མཚན་ནས་བོས་སོ། །དེར་ལྷ་མོ་ནག་མོ་རལ་གྲི་ཐོགས་པ་ཞིག་བྱུང་ནས་ཤ་ཟ་དེ་ལ་སྡིགས་པ་ན་ཤ་ཟ་དེས་དགེ་ཚུལ་ལ་བཟོད་པར་གསོལ་ཏེ། ས་འོག་ནས་ལྕགས་ཀྱི་བུམ་པ་མུ་ཏིག་གིས་གང་བ་ཞིག་ཕྱུང་ནས་བྱིན་ནོ། །དེ་ཕྱིན་ཆད་གཙུག་ལག་ཁང་དེར་གནོད་པ་དེ་རྒྱུན་ཆད་དོ། །མཛེ་ནད་ཀྱི་འཇིགས་པ་ལས་བསྐྱབས་པ་ནི། ཡུལ་ཀུ་མ་རཀྵེ་ཏྲར་ལས་ཀྱི་དབང་གིས་བྲམ་ཟེའི་སློབ་དཔོན་ཞིག་ལ་མཛེ་ནད་ཀྱིས་ཐེབས་ནས། དེར་ཕན་ཚུན་གཅིག་ལ་གཅིག་འགོས་ཏེ། བྲམ་ཟེ་ལྔ་བརྒྱ་མཛེ་ནད་དྲག་པོས་ཟིན་པར་གྱུར། ཉེ་དུ་དང་སྨན་པ་རྣམས་ཀྱིས་ཀྱང་བོར་ཞིང༌། བྲམ་ཟེ་གཙང་སྦྲའི་ཆོས་ལས་ཉམས་ཏེ་ལྷག་མས་འཚོ་ཞིང༌། སློང་མོར་སྤྱོད་པ་ལས། ལམ་ཀར་རྗེ་བཙུན་མ་འཕགས་མ་སྒྲོལ་མའི་རྡོ་སྐུ་གཅིག་མཐོང་བས་དད་པ་སྐྱེས་ཏེ། བྲམ་ཟེ་ལྔ་བརྒྱ་པོ་རྣམས་ཀྱིས་གསོལ་བ་བཏབ་པས། སྒྲོལ་མའི་ཕྱག་ནས་རྩི་སྨན་གྱི་རྒྱུན་བྱུང་བ་ལ་ཁྲུས་བྱས་པ་ཙམ་གྱིས་མཛེ་ནད་དེ་ཉིད་དུ་ཞི། ལྷའི་ལུས་ལྟར་མཆོག་ཏུ་མཛེས་པའི་ལུས་སུ་གྱུར་སྐད། དབང་པོའི་ཕོ་ཉ་བའི་འཚེ་བ་ལས་བསྐྱབས་པ་ནི། དེ་ལ་དབང་པོ་ནི་ཤར་ཕྱོགས་ཀྱི་ཕྱོགས་སྐྱོང་ཡིན་ལ། དེའི་ཕོ་ཉ་བ་ནི་དྲི་ཟའི་གདོན་ཡིན། ཤིན་ཏུ་རྩུབ་ཅིང་རྒྱུག་བླ་པ་ཆོས་ལ་བར་དུ་གཅོད་པ་ཆེ་བ་ཞིག་ཡིན་ནོ། །དེ་ལས་བསྐྱབས་པའི་གཏམ་ནི། ཡུལ་བཅོམ་བརླག་གི་ནགས་


TNT12_Page_0539
[མ་དཔེ་གཟིགས་ན་འདིར་གནོན།]

ཚལ་ཞིག་ན། ཉན་ཐོས་ཀྱི་དགེ་སློང་བསམ་གཏན་པ་ལྔ་བརྒྱ་ཡོད་དེ། དེ་རྣམས་དགེ་བའི་ཆོས་ལ་བརྩོན་པར་གནས་པ་ལས། དུས་ནམ་ཞིག་ན་དབང་པོའི་ཕོ་ཉ་བ་བྱུང་སྟེ། ཁ་ཅིག་ནི་བྲམ་ཟེ། ཁ་ཅིག་ནི་བུད་མེད། ཁ་ཅིག་ནི་དགེ་སློང་གི་གཟུགས་བརྙན་ཅན་དང༌། རེས་འགའ་གནོད་སྦྱིན་གྱི་རྣམ་པ་དྲག་པོ་སེང་གེ་དང་གླང་པོ་དང༌། ཤ་ར་བྷ་ལ་སོགས་པ་འཇིགས་སུ་རུང་བའི་གདོང་ཅན་མང་པོ་བྱུང་སྟེ༌། རེས་འགའ་ནི་སྡིགས་པ་དང༌། རེས་འགའ་ནི་བསྟོད་པ་ལ་སོགས་པས་འབྲིད་པར་བྱེད་པ་ན། དགེ་སློང་ཁ་ཅིག་ནི་དྲན་མེད་དུ་སོང༌། ཁ་གཅིག་ནི་སྨྱོ་ཁ་ཅིག་ནི་ཡིད་གཞན་དུ་འགྱུར་ཏེ། གླུ་དང་གར་ཁོ་ནས་དུས་འདའ་བར་བྱས་སོ། །དེར་དགེ་སློང་ཞིག་གིས་འབྱུང་པོའི་བར་ཆད་ཀྱིས་གཙེས་པར་ཤེས་ནས། ལྷ་མོ་སྒྲོལ་མ་ཞེས་བྱ་བ་འཇིགས་པ་ཐམས་ཅད་ལས་སྐྱོབ་པོ་ཞེས་གྲགས་པས། འདི་ལ་ཕན་པར་འགྱུར་རོ་སྙམ་སྟེ། ནགས་ཚལ་འདི་ནི་ལྷ་མོ་སྒྲོལ་མའི་ཡིན་ནོ་ཞེས་བྲིས་ནས་ཤིང་ལ་བཏགས་སོ། །དེ་ཙམ་གྱིས་འཇིགས་པ་དེ་ཉིད་རང་ཞི་བར་གྱུར་ཏེ། དེ་ཐམས་ཅད་ལྷ་མོ་སྒྲོལ་མ་ལ་མོས་པས་ཐེག་པ་ཆེན་པོ་ལ་ཞུགས་སོ། །དབུལ་བའི་འཇིགས་པ་ལས་བསྐྱབས་པ་ནི། བྲམ་ཟེ་ཤིན་ཏུ་དབུལ་བ་ཞིག་ཉམས་ཐག་པས། ལམ་སྲང་ཞིག་ན་སྒྲོལ་མའི་རྡོ་སྐུ་ཞིག་འདུག་པ་ལ། རང་གི་སྡུག་བསྔལ་བྱུང་ཚུལ་གྱི་གཏམ་རྣམས་ཞུ་པས། མཆོད་རྟེན་ཞིག་དང་ཉེ་བའི་ས་ཕྱོགས་ཞིག་བསྟན་ཏེ།


TNT12_Page_0540
[མ་དཔེ་གཟིགས་ན་འདིར་གནོན།]

འདི་རྐོས་ལ་གཏེར་རྙེད་པར་འགྱུར་རོ་ཞེས་གསུང་ལ། དེས་ཀྱང་བརྐོས་པས་གསེར་གྱི་བུམ་པ་མུ་ཏིག་གིས་གང་བ་དང༌། དངུལ་གྱི་བུམ་པ་རིན་པོ་ཆེ་སྣ་ཚོགས་ཀྱིས་གང་བ་ལ་སོགས་པ་མང་དུ་རྙེད་ནས། བདུན་བརྒྱུད་ཀྱི་བར་དུ་དབུལ་བའི་སྡུག་བསྔལ་བསལ་སྐད། ཡང་ཞིང་པ་དབུལ་པོ་ཞིག་གིས། རྗེ་བཙུན་མ་སྒྲོལ་མའི་མཚན་ནས་བརྗོད་ཅིང་གསོལ་བ་བཏབ་པས། བུད་མེད་ཤིང་ལོའི་གོས་ཅན་བྱུང་ནས། ཤར་ཕྱོགས་སུ་སོང་ཤིག་ཅེས་ལུང་བསྟན། དེས་ཀྱང་ཤར་ཕྱོགས་སུ་སོང་སྟེ། བྱེ་མའི་སྟེང་ཞིག་ཏུ་ཉལ་བ་ན། དྲིལ་བུའི་སྒྲ་གྲགས་པས་གཉིད་སད། དེར་རྟ་ལྗང་ཁུ་དྲིལ་བུའི་རྒྱན་ཅན་ཞིག་རྨིག་པས་བྱེ་མ་རྐོ་ཞིང་འདུག་གོ །དེ་ནས་རྟ་དེ་ཡུད་ཙམ་གྱིས་གཞན་དུ་ཞིག་ཏུ་སོང་བས། རྟའི་རྨིག་པའི་ཤུལ་དེས་བརྐོས་པས་དང་པོར་དངུལ་གྱི་སྒོ། །དེ་ནས་གསེར་དང༌། ཤེལ་དང༌། བཻ་ཌཱུརྻ་ལ་སོགས་པ་རིན་པོ་ཆེ་སྣ་བདུན་གྱི་སྒོ་རྣམས་བྱུང་བ་རིམ་པས་བྱེ་སྟེ་ས་འོག་གི་ཡུལ་ཞིག་ཏུ་ཀླུ་ལྷ་དང་ལྷ་མ་ཡིན་མང་པོའི་གཙོ་བོར་གྱུར་ནས་འདོད་ཡོན་གྱི་དགའ་བ་དུ་མཉམས་སུ་མྱོང་སྟེ། ལན་ཅིག་སའི་བུ་གའི་སྒོ་ནས་རང་གི་ཡུལ་དུ་འོངས་པས། དེ་བར་དུ་རྒྱལ་པོ་རབས་གསུམ་འདས་འདུག་ཟེར་རོ། ། གཉེན་དང་བྲལ་བའི་འཇིགས་པ་ལས་བསྐྱབས་པ་ནི། བྲམ་ཟེ་ཞིག་གཉེན་མང་ཞིང་ནོར་ཆེ་བར་ཡོད་པ་ལས། ནམ་ཞིག་ན་མི་ངས་ཆེན་པོ་བྱུང་བས་བུ་དང་ཆུང་མ་དང༌། སྤུན་ཟླ་སྐུད་པོ་ཞང་པོ་སོགས་ཐམས་


TNT12_Page_0541
[མ་དཔེ་གཟིགས་ན་འདིར་གནོན།]

ཅད་ཤི་སྟེ། ཡིད་མྱ་ངན་གྱིས་ནོན་ནས་ཝཱ་རཱ་ཎ་སཱིར་འོངས་སོ། །དེ་ནས་སངས་རྒྱས་པའི་དགེ་བསྙེན་རྣམས་སྒྲོལ་མའི་དུས་སྟོན་ཆེན་པོ་བྱེད་པའི་སར་ཕྱིན་པས་སྒྲོལ་མའི་ཆེ་བ་ཐོས་པས། མེ་ཏོག་སྙིམ་པ་གང་གཏོར་ཏེ་གསོལ་བ་བཏབ། ཕྱིར་འོངས་པ་ན། རྒྱལ་བོ་ཛ་ཡ་ཙནྡྲའི་བུ་མོ་བག་མར་ཐོབ་སྟེ་སའི་དབང་ཕྱུག་ཏུ་གྱུར། དེས་སྒྲོལ་མའི་ལྷ་ཁང་བརྒྱ་རྩ་བརྒྱད་བཞེངས་ཤིང༌། ཐམས་ཅད་དུ་སངས་རྒྱས་པའི་དུས་སྟོན་ཆེན་པོ་རེ་ཡང་བཙུགས་སོ། །རྒྱལ་པོའི་ཆད་པའི་འཇིགས་པ་ལས་བསྐྱབས་པ་ནི། ཡུལ་ཨ་ཡོ་དྷྱ་ཅེས་པར་ཁྱིམ་བདག་དབང་ཐང་དང་ལོངས་སྤྱོད་ཆེ་བ་ཞིག་ཡོད་པ། དུས་ལན་ཅིག་རྐྱེན་འགའ་ཞིག་གིས། ཡུལ་གྱི་རྒྱལ་པོ། དེས་ཁྱིམ་བདག་དེ་ལ་མི་དགའ་བར་གྱུར་ཏེ། བསྙད་འཚོལ་བ་ལ་ཞུགས་པ་ན། དེས་ཀྱང་རྒྱལ་པོའི་མི་མང་པོ་བྲིད་ནས་ཁྲིད་དེ་ཏི་རཱ་ཧུ་ཏིར་སོང་ངོ༌། །དུས་གཞན་ཞིག་ན། དེས་ཡུལ་ཙཾ་པཱརྞ་རུ་ཕྱིན་པས། ཨ་ཡོ་དྷྱ་ཡི་རྒྱལ་པོས་གྱད་མི་བཞི་བཏང་སྟེ། ཁྱིམ་བདག་དེ་བཅིངས་ནས། ཨ་ཡོ་དྷྱ་རུ་ཁྲིད་དོ། །དེས་རྗེ་བཙུན་མ་སྒྲོལ་མ་དྲན་བཞིན་དུ་གསོལ་བ་བཏབས་པས། ལྷའི་བྱིན་རླབས་ཀྱི་ཁྱིམ་བདག་དེའི་རྐང་པ་སྒོ་ཐེམ་ལ་བཞག་པས་གསེར་དུ་གྱུར་པ་དང༌། བཙོན་ཁང་དུ་བཅུག་པ་དེར་མུ་ཏིག་གི་དོ་ཤལ་གྱི་ཆར་བབས་པ་དང༌། གསལ་ཤིང་ལ་བསྐྱོན་པར་གཟས་པ་ན། གསལ་ཤིང་དེ་ཨ་མྲའི་ཤིང་སྡོང་མེ་ཏོག་དང་འབྲས་བུས་བརྒྱན་པར་སོང་བས། རྒྱལ་པོ་


TNT12_Page_0542
[མ་དཔེ་གཟིགས་ན་འདིར་གནོན།]

ལ་སོགས་པ་ཐམས་ཅད་ཡ་མཚན་སྐྱེས་ཏེ། འདི་ནི་ཆེས་བསོད་ནམས་དང་ལྡན་པ་ཞིག་ན། ཆད་པས་བཅད་པར་ག་ལ་འོས་ཞེས་བྱས་ནས་རྒྱལ་པོའི་བློན་པོའི་ས་ལ་བཞག་གོ །རྡོ་རྗེ་ལྷུང་བའི་འཇིགས་པ་ལས་བསྐྱབས་པ་ནི། བྷཾ་ག་ལའི་ཡུལ་ན་དགེ་བསྙེན་ཞིག །ཞིང་ལས་ཀྱི་མཐའ་ལ་བལྟ་ཞིང་སོང་བ་ལས་ལམ་ཁ་ན་གནོད་སྦྱིན་གྱི་ལྷ་རྟེན་ཞིག་ཡོད་པ་ལ། དགེ་བསྙེན་གྱིས་འགོམས་ནས་ཕྱིན་པས་གནོད་སྦྱིན་དེ་ཁྲོས་པར་གྱུར་ནས། ནུབ་མོ་དགེ་བསྙེན་དེ་རང་གི་ཁྱིམ་དུ་གནས་པ་ན། ནམ་མཁའ་ནས་གནམ་ལྕགས་འབར་བ་ཉི་ཤུ་རྩ་གཅིག་ལྷུང་སྟེ། དེར་འཕགས་མ་སྒྲོལ་མ་དྲན་པ་ཙམ་གྱིས་གནམ་ལྕགས་ཀྱི་མེ་ལྕེ་ཐམས་ཅད་མེ་ཏོག་ཏུ་གྱུར། དགེ་བསྙེན་རང་ཉིད། བུ་དང་ཆུང་མ། ནོར་རྫས་སོགས་གང་ལ་ཡང་གནོད་པ་མེད། གནམ་ལྕགས་རྣམས་ཀྱང་ཁྱིམ་དུ་ལུས་ཏེ། དེ་ཐམས་ཅད་རིག་སྔགས་འཆང་བ་ལྔ་བརྒྱ་ཙམ་ལ་བྱིན་པས། དེ་རྣམས་ཀྱི་གྲུབ་པའི་རྫས་ལ་ཉེ་བར་མཁོ་བར་བྱུང་སྐད། དོན་ཉམས་པའི་འཇིགས་པ་ལས་བསྐྱབས་པ་ནི། ཁྱིམ་བདག་ཞིག་ཟོང་ཐོགས་ཏེ་ཡུལ་གཞན་དུ་སོང༌། རྒྱལ་པོ་ལས་ས་གཞི་བླང་བར་འདོད་དེ། རང་གི་ནོར་རྣམས་གྲོགས་ལ་བཅོལ། རང་ཉིད་རྒྱ་མཚོ་གྲུ་བོ་ཆེར་ཞུགས་སོ། །ལོ་མང་པོར་རྒྱ་མཚོའི་གླིང་རྣམས་སུ་ཕྱིན་པ་ལ། ལོངས་སྤྱོད་ཀྱི་ཁྱད་པར་གང་ཡང་མ་འགྲུབ་ཅིང༌། ལན་ཅིག་སྟེས་དབང་གིས་གྲུ་རླུང་གིས་བདས་ཏེ། མ་ལ་ཁ་ཞེས་


TNT12_Page_0543
[མ་དཔེ་གཟིགས་ན་འདིར་གནོན།]

བྱ་བའི་གླིང་དེར་སླེབ་བོ། །གླིང་དེ་ན་བྱུ་རུ་དང༌། ཙན་དན་ས་མཆོག་ཅི་བདེར་བླང་དུ་ཡོད་པས་མང་དུ་བླངས་གྲུ་གང་བར་བྱས་ནས་འོངས་སོ། །ལམ་དུ་མ་ག་ར་མཉྪི་ཞེས་བྱ་བའི་ཆུ་སྲིན་ཉའི་རིགས་ཅན་གྱི་སྣའི་ལྕགས་བསྣུན་པས་གྲུ་ཞིག །དེར་ཤིང་ལེབ་ལ་འཇུས་པས་རླབས་ཀྱིས་བདས་ཏེ་འཛམ་བུ་གླིང་དུ་སླེབ་བོ། །སླར་རང་གི་གྲོགས་པོ་རྩད་བཅད་པ་ན། དེ་ཡང་ལམ་དུ་སོང་བ་སྟག་གིས་ཟས་ནས་ཤི་བར་ཤེས། དེར་དོན་གང་ཡང་མ་གྲུབ་པས་ངལ་བས་སྡུག་བསྔལ་ཅིང་ཡིད་མེ་བདེ་བའི་ཚེ། གྲོགས་ཞིག་གིས་བསྐུལ་ནས་སྒྲོལ་མ་ལ་དད་པ་བསྐྱེད་དེ་གསོལ་བ་བཏབ་པ་ལས། རྨི་ལམ་དུ་ཁྱོད་ཆུ་བོ་སིནྡྷུའི་འགྲམ་དུ་སོང་ཞིག །འདོད་པའི་དོན་རྣམས་འགྲུབ་པར་འགྱུར་རོ། །ཞེས་བྱུང་བས་དེ་བཞིན་དུ་བྱས་པས། ཆུ་བོ་སིནྡྷའི་ནང་ནས་སྔར་གྲུ་ནང་གི་ནོར་རྫས་རྒྱ་མཚོར་ནུབ་པ་ཐམས་ཅད་རྙེད། དེ་ནས་གྲོགས་ཤི་བའི་སར་ཕྱིན་ནས་ས་ཞིག་བསྐོས་པས་ལས། རང་གི་ནོར་རྫས་བཅོལ་བ་རྣམས་ཐོན། དེ་ནས་རང་ཡུལ་དུ་ཕྱིན་ཏེ། ཙན་དན་ས་མཆོག་གི་སྡོང་དུ་མ་ཞིག་རྒྱལ་པོ་ལ་སྐྱེས་སུ་ཕུལ་བས། རྒྱལ་པོས་ཀྱང་གྲོང་ཁྱེར་གྱི་མཆོག་ལྔ་བྱིན་ནོ། །གཞན་ཡང་དུས་ཕྱིས་སློབ་དཔོན་ཀླུ་སྒྲུབ་སྒྲུབ་པ་ལ་བསྐུལ་བ་དང༌། ཙནྡྲ་གོ་མི་ཆུའི་འཇིགས་པ་ལས་ལན་གཉིས་སུ་བསྐྱབས་པ་དང༌། ཐམས་ཅད་མཁྱེན་པའི་བཤེས་གཉེན་མེའི་འཇིགས་པ་ལས་བསྐྱབས་


TNT12_Page_0544
[མ་དཔེ་གཟིགས་ན་འདིར་གནོན།]

པ་དང༌། དགེ་བསྙེན་བཙུན་པ་ངོ་བོ་ཉིད་མེད་པ་དུག་སྦྲུལ་གྱི་འཇིགས་པ་ལས་བསྐྱབས་པ་དང༌། སློབ་དཔོན་བློ་གྲོས་བརྟན་པ་ལ་ཞལ་བརྟན་པ་སོགས་ཡ་མཚན་ཅན་གྱི་གཏམ་རྒྱུད་ཤིན་ཏུ་མང་ངོ༌། །ཡང་རྡོ་རྗེའི་གདན་དུ་གནས་པའི་ཉན་ཐོས་སེནྡྷ་པ་ཞིག །དབྱར་དུས་སྒྱུ་འཕྲུལ་ལ་ཕྱིན་པས་ཆུ་ཀླུང་ནེ་རཉྫ་ནའམ། ཕལ་སྐད་དུ་ཕལ་གུ་ཞེས་ཡོངས་སུ་གྲགས་པ། དེ་གསར་དུ་འབྲུ་བ་ལ་བརྒལ་བས་རབ་མ་ཚུགས་པར་ཆུས་ཁྱེར་རོ། །དེར་ཐེག་ཆེན་པ་རྣམས་ལ་སྒྲོལ་མ་ཞེས་བྱ་བ་ཆུའི་འཇིགས་པ་ལས་སྐྱོབ་པ་ཡོད་ཅེས་གྲགས་སོ་སྙམ་ནས། སྒྲོལ་མ་ཞེས་སྐད་ཕྱུང་བས། རྡོ་རྗེ་གདན་གྱི་ཕྱིའི་ཁྱམས་ཀྱི་སྒྲོལ་མའི་ཤིང་སྐུ་ཞིག་ཡོད་པ་དེ་དེར་དངོས་སུ་བྱོན་ནས། ཁྱོད་ནམ་ཡང་ང་མི་དྲན་པར་ད་ལྟར་ང་བོས་པས་ཅི་རུང་ཞེས་གསུངས། ཆུ་ནང་ནས་རང་ཐོན་ནོ། །སྐུ་བརྙན་དེ་ལ་ཡང་ཆུ་ཀླུང་སྒྲོལ་མ་ཞེས་གྲགས་སོ། །ཡང་ལན་ཅིག་རྡོ་རྗེ་གདན་དུ་རྒན་མོ་ཞིག་གིས་སྒྲོལ་མའི་ལྷ་ཁང་ཞལ་ཕྱིར་བསྟན་ཞིག་བཞེངས་པ་ལས། བཞེངས་ཟིན་པ་ན། བྱང་ཆུབ་ཆེན་པོ་ལ་རྒྱབ་བསྟན་པ་འདི་མ་ལེགས་སྙམས་ནས་རྒན་མོ་འགྱོད་པ་ལས་སྐུ་བརྙན་ཉིད་ཀྱིས་གསུང་བྱོན་ཏེ། ཁྱོད་མི་དགའ་ན་བྱང་ཆུབ་ཆེན་པོ་ལ་བལྟ་བར་བྱའོ། །གསུངས་ནས། ལྷ་ཁང་གི་སྒོ་དང་སྐུ་བརྙན་གཉིས་ག་བྱང་ཆུབ་ཆེན་པོ་ལ་ཕྱོགས་པར་གྱུར་པས་ཞལ་བསྒྱུར་སྒྲོལ་མ་ཞེས་གྲགས་སོ། །ཡང་རྒྱལ་པོ་དྷརྨ་པཱ་ལའི་དུས་རྡོ་རྗེ་གདན་གྱི་བྱང་ཤར་


TNT12_Page_0545
[མ་དཔེ་གཟིགས་ན་འདིར་གནོན།]

དགེ་སློང་རྣམས་ཀྱི་ཆུ་ལེན་སའི་ཆུ་མིག་ཅིག་གི་དྲུང་ན། སྒྲོལ་མའི་རྡོ་སྐུ་ཞིག་བཞུགས་ལ། དེ་དུས་སིངྒྷ་ལ་པའི་ཉན་ཐོས་སེནྡྷ་པ་རྣམས་ཀྱིས་སྔགས་ཀྱི་རྒྱུད་མང་པོ་མེ་ལ་བསྲེགས། དངུལ་ལས་བསྒྲུབས་པའི་ཧེ་རུ་ཀའི་སྐུ་འདྲ་ཆེན་པོའང་རྙེད་པའི་ཕྱིར་བཤིག །སློབ་དཔོན་སངས་རྒྱས་དཔལ་ཡེ་ཤེས་ཀྱི་ཆོས་འཁོར་ལ་ཡང་གནོད་པ་ཆེར་བྱས་པས་སིངྒ་གླིང་པའི་ཉན་ཐོས་རྣམས་ལ་རྒྱལ་པོའི་ཆད་པ་བྱུང༌། སེནྡྷ་པའི་དགེ་སློང་ཞིག་གིས་སྒྲོལ་མའི་སྐུ་དེའི་དྲུང་དུ་ཕྱིན་ཏེ། བདག་རྒྱལ་པོའི་ཆད་པའི་འཇིགས་པ་ལས་བསྐྱབས་ཏུ་གསོལ་ཞེས་གསོལ་བ་བཏབ་པས། ཁྱོད་དལ་བའི་དུས་ང་མི་དྲན་པར་ད་ལྟར་དྲན་ནམ་གསུང་སྟེ་ཡང་ཆུ་ཁུང་དེར་ཞུགས་ཤིག་གསུང༌། ཆུ་འབབ་པའི་ཆུ་ཁུང་ཤིན་ཏུ་ཆུང་ངུ་དེར་ལུས་ཡོངས་སུ་རྫོགས་པར་ཤོང་སྟེ། རྒྱལ་པོའི་མི་རྣམས་ཀྱིས་བཙལ་བས་མ་རྙེད་དོ། །དེ་ནས་མཚན་མོ་བྲོས་ཏེ་རྒྱ་གར་ཤར་ཕྱོགས་ཐག་རིང་པོར་སླེབ་པ་ན། དུས་སྟོན་གྱི་ཚེ་རྡོ་རྗེ་གདན་གྱི་སྟེང་ཁང་བྱ་འདབས་ཀྱི་འོག་གི་སྒོ་མ་བྱེ་སྟེ། སླར་ཡང་སིངྒ་ལའི་དགེ་སློང་དེ་ཉིད་བཀུག་སྟེ་ཕྱེ་བས་སྒོ་རང་བྱེ། དེ་ལ་རྒྱལ་པོ་ཡང་མགུ་སྟེ། ཡོ་བྱད་དུ་མ་ཡོངས་སུ་སྟབས་སོ། །དེ་ལ་སློབ་དཔོན་ཀླུ་སྒྲུབ་ཀྱི་སྔ་རོལ་དུ། སྒྲོལ་མའི་རིག་སྔགས་ལ་བརྟེན་ནས། དངོས་གྲུབ་ཐོབ་པ་ལྔ་སྟོང་ཙམ་བྱུང་སྟེ། ཀླུ་སྒྲུབ་ཀྱི་རིང་ལ་ཡང་ལྔ་སྟོང་ཙམ་བྱུང་ངོ་སྐད་བྱེ་བྲག་ཏུ་རྒྱུད་འདི་ཉིད་དང་འབྲེལ་བའི་


TNT12_Page_0546
[མ་དཔེ་གཟིགས་ན་འདིར་གནོན།]

ལོ་རྒྱུས་ནི། ཤར་ཕྱོགས་བྷཾ་ག་ལར་བྲམ་ཟེའི་རིགས་ལས་རབ་ཏུ་བྱུང་བའི་དགེ་སློང་སྡེ་སྣོད་གསུམ་པ་ཧ་ཡ་པཱ་ལ་ཞེས་བྱ་བ་ཞིག་ཐེག་པ་ཆེན་པོ་ཐོག་མར་དར་བ་ལ་ཤིན་ཏུ་མོས་ཏེ། སློབ་དཔོན་རྣམས་ལས་ལེགས་པར་ཉན་ནས་མཁས་པར་ཤེས་སོ། །དེ་ནས་ཕྱག་ན་རྡོ་རྗེ་ཞལ་མཐོང་བའི་བྲམ་ཟེ་གུ་ཧྱ་ཤཱི་ལ་ཏེ། གསང་བའི་ངང་ཚུལ་ཞེས་བྱ་བ་ཞིག་ལ་སྒྲོལ་མ་འབྱུང་བའི་དབང་བསྐུར་བ་ནོད་ཅིང། གདམས་པ་དང༌། རྗེས་སུ་གདམས་པ་མཐའ་དག་ཐོབ་བོ། །དེ་སྐབས་རིག་སྔགས་འཆང་རྣམས་ཀྱི་ས་ན། རྒྱུད་འདིའི་དུམ་བུ་དུམ་བུ་སྙན་བརྒྱུད་དུ་སྟོན་པ་ཞིག་ལས། རྒྱུད་ཚིག་ཡོངས་སུ་རྫོགས་པའང་མེད་ལ། ཡི་གེར་བཀོད་པའང་མེད་དོ། །དེ་ནས་སློབ་དཔོན་དེས་རྩེ་གཅིག་ཏུ་བསྒོམས་པས་རྫུ་འཕྲུལ་ཐོབ་སྟེ། ཨོ་ཌ་ཡ་ན་རྡོ་རྗེའི་གནས་སུ་སོང་ནས། མཁའ་འགྲོ་མ་རྣམས་ལས་སྒྲོལ་མ་འབྱུང་བའི་རྩ་བཤད་ཀྱི་རྒྱུད་དང༌། གཏུམ་པོ་ཁྲོ་བོའི་རྒྱུད་རྩ་བཤད་དང༌། ལག་ན་རྡོ་རྗེ་མཆོག་ཏུ་གསང་བའི་རྒྱུད་དང༌། ཧེ་རུ་ཀ་བསྐྱེད་པ་ཞེས་བྱ་བའི་རྒྱུད་སྤྱན་དྲངས་ཏེ། ཡུལ་ཏི་པུ་རར། ནགས་གསེབ་ཏུ་ལྷ་ཁང་བྱས་ནས་དེར་བཞུགས་ནས། ཐུན་མོང་གི་འགྲོ་བ་རྣམས་ལ་ཤེས་རབ་ཀྱི་ཕ་རོལ་ཏུ་ཕྱིན་པ་བསྡུས་པ་དག་སྟོན་ཅིང༌། སྒྲོལ་མའི་རིགས་སྔགས་ལ་བརྟེན་ནས་ཤར་ཕྱོགས་ཀྱི་རྒྱལ་པོ་ལྔ་དབང་དུ་བསྡུས། ཐམས་ཅད་དཀོན་


TNT12_Page_0547
[མ་དཔེ་གཟིགས་ན་འདིར་གནོན།]

མཆོག་ལ་དད་པར་བྱས། ལྷ་མོ་ཨུ་མ་དང༌། ལྷའི་རྒྱལ་པོ་རབ་ཏུ་དགའ་བ་ཞེས་བྱ་བ་དབང་དུ་བསྡུས་ཏེ། ཡོན་ཐམས་ཅད་དེས་སྦྱོར་བར་བྱེད་དོ། །མི་གཡོ་བའི་རིག་སྔགས་ལ་བརྟེན་ནས་སྒྱུ་འཕྲུལ་འགྲུབ་སྟེ། དཔག་ཚད་བཅུ་གཉིས་ཁོར་ཡུག་ཏུ་རིན་པོ་ཆེའི་ལྗོན་ཤིང་དང༌། རྭ་བ་དང༌། ཁང་བཟང་དང༌། ལྷ་དང༌། ལྷ་མོ་ལ་སོགས་པ་སྤྲུལ། ཕྱག་ན་རྡོ་རྗེའི་རིག་སྔགས་ལ་བརྟེན་ནས། བསྟན་པ་ལ་སྡང་བ་ལྔ་བརྒྱ་ཙམ་ཚར་བཅད། ལོ་མང་པོར་ཕ་རོལ་ཏུ་ཕྱིན་པའི་ཆོས་བསྟན་ནས། ཧེ་རུ་ཀའི་རིག་སྔགས་ཀྱི་མཐུ་ལས་ནམ་མཁའ་ལ་གྱ་གྱུར་གཤེགས་ཏེ། ལྕང་ལོ་ཅན་དུ་ལུས་དེ་ཉིད་ཀྱིས་བཞུད་དོ། །དེས་གསང་སྔགས་བསྟན་པའི་སློབ་མ་ནི། སློབ་དཔོན་ཧ་ཡ་གྷོ་ཥ་གཅིག་པུ་ཡིན་ཏེ། འདི་ཡང་སློབ་དཔོན་སྔ་མ་དང་མཛད་པ་འདྲ་བ་ལས། འདི་ནི་ཁྲོ་བོའི་རྒྱལ་པོ་རྟ་མགྲིན་གྲུབ་སྟེ། སྲིན་པོའི་འཇིག་རྟེན་དུ་ལུས་མ་སྤངས་པར་བཞུད་དོ། །སློབ་དཔོན་དེ་གཉིས་ནི་བྲམ་ཟེ་ས་ར་ཧ་དང་དུས་མཉམ་པ་ཙམ་ཡིན་ནོ། །སློབ་དཔོན་དེ་ལ་རྒྱུད་བཞི་པོ་དེ་རྣམས་འཕགས་པ་ཀླུ་སྒྲུབ་ཀྱིས་ཞུས་ཏེ། སློབ་དཔོན་འདིས་ནི་རིག་སྔགས་དེ་ཐམས་ཅད་གྲུབ་པ་ཡིན་ནོ། །དེས་ཨཱརྻ་དེ་ཝ་ལ་བཤད། དེས་སྒྲ་གཅན་འཛིན་བཟང་པོ་ཆུང་བ་ལ་གདམས་ཏེ། སློབ་དཔོན་འདི་ནི་དམངས་རིགས་ལས་རབ་ཏུ་བྱུང་བ། རིག་པའི་གནས་


TNT12_Page_0548
[མ་དཔེ་གཟིགས་ན་འདིར་གནོན།]

ལྔ་ལ་བྱང་ཞིང༌། ཐེག་པ་ཆེ་ཆུང་གི་སྡེ་སྣོད་ཐམས་ཅད་མཁྱེན་པ་ཞིག་ཡིན་ལ། འདིས་འཕགས་པ་ཀླུ་སྒྲུབ་ཀྱི་གཞུང་རྣམས་ལམ་གྱི་ལུས་གཅིག་ཏུ་བསྒྲིལ་ནས་བསྟན་པའི་བསྟན་བཅོས་ཨསྨ་གརྦྷ་ཞེས་བྱ་བ་བརྩམས་གསུང༌། འདིས་རྩོད་པའི་སྒོ་ནས་མུ་སྟེགས་ཙཀྲ་ཝརྨ་ཞེས་བྱ་བ་སུན་ཕྱུང་སྟེ། སངས་རྒྱས་ཀྱི་བསྟན་པ་ལ་བཀོད། ཉན་ཐོས་མང་པོ་རྩོད་པས་ཕམ་པར་བྱས་ཏེ་ཐེག་ཆེན་ལ་བཅུག །རང་ཉིད་ཀྱིས་སྒྲོལ་མའི་རིག་སྔགས་ལ་བརྟེན་ཏེ། གནོད་སྦྱིན་མོ་གྲུབ་ནས་ས་འོག་གི་གཏེར་ཕྱུང་ཞིང༌། ནགས་ནང་སྟོང་པ་རྣམས་སུ་ཡང་དགེ་སློང་སྟོང་ཕྲག་རེའི་འཚོ་བ་སྦྱོར་ནུས་སྐད། མཐར་ཡུལ་དྷི་ང་ཀོ་ཊ་ར་སྐུ་འདས་སོ། །དེ་ཡང་འགྲེལ་པ་ཚིག་གསལ་ལས། ཀླུ་སྒྲུབ་སྒྲ་གཅན་འཛིན་བཟང་པོའི་ཞལ་བླ་ནས་དང་བཅས་འཕགས་པ་ལྷས་ཀྱང་རྗེས་སུ་བསྟན་པ་དང༌། ཞེས་གསུངས་པའི་སྒྲ་གཅན་འཛིན་བཟང་པོ་དེ་ཡང་འདི་ཁོ་ན་ཡིན་པས། བྲམ་ཟེ་ཆེན་པོར་འདོད་པ་ནི་མུན་སྤྲུལ་ལོ། །དེ་ཡན་ཆད་རྒྱུད་དེ་རྣམས་གླེགས་བམ་ཡང་གཅིག་པུ་ཁོ་ན་ཡིན་ལ། བརྒྱུད་པའང་གཉིས་སུ་གྱེས་པ་མེད་གསུང་ངོ༌། །དེས་སློབ་དཔོན་ཛྭ་ལ་ཤེཥྛ་ལ་གདམས། དེས་ཁ་ཆེ་དྷརྨ་བྷ་དྲ་པཱ་ལ་གདམས། དེས་ནཱ་ག་མི་ཏྲ་ལ་གདམས། དེ་རྣམས་ཀྱི་ལོ་རྒྱུས་མི་གསུང༌། དེས་ཉི་མ་སྦས་པ་སོགས་ལ་གདམས། དེ་ལ་ཉི་མ་སྦས་པ་ནི། ཁ་ཆེའི་ཡུལ་དུ་སྐུ་འཁྲུངས་སྐྱེ་བ་བདུན་དུ་སྒྲོལ་མའི་སྒྲུབ་པ་པོ་ཡིན་པར་གྲགས་ལ། སྐྱེ་བ་དེ་ཉིད་ལ་བློ་


TNT12_Page_0549
[མ་དཔེ་གཟིགས་ན་འདིར་གནོན།]

རྣོ་ཞིང་ཆུང་ངུ་ནས་རིག་པའི་གནས་མཐའ་དག་ལ་མཁས་པ་ཞིག་ཡོད་པ་ཡུལ་དབུས་སུ་སོང་སྟེ། རབ་ཏུ་བྱུང་བས་ཀླུ་སྒྲུབ་ཀྱི་རིང་ལུགས་ལ་བརྟེན་ནས། ཐེག་པ་ཆེན་པོའི་མདོ་སྡེ་མཐའ་དག་ལ་མཁས་པར་བྱས་སོ། །སློབ་དཔོན་ནཱ་ག་མི་ཏྲ་ལ་སྒྲོལ་མའི་དབང་བསྐུར་བ་ཞུས་ཏེ། སྤྱིར་སྒྲོལ་མའི་རྒྱུད་བརྒྱ་རྩ་བརྒྱད་མཁྱེན་པར་གྲགས། སློབ་དཔོན་འདིས་སྒྲོལ་མ་འབྱུང་བའི་རྒྱུད་ལ་བརྟེན་པའི་སྒྲུབ་ཐབས་དང༌། དཀྱིལ་འཁོར་གྱི་ཆོ་ག་ལ་སོགས་པ་གཞུང་བཅུ་གསུམ་ཙམ་མཛད་ཅེས་ཟེར་རོ། །སློབ་དཔོན་འདི་ནི་སློབ་དཔོན་བློ་བརྟན་གྱི་སློབ་མ་ཙནྡྲ་གོ་མི་དང་དུས་མཚུངས་པ་ཙམ་ཡིན་ནོ། དེས་ན་ད་ལྟར་འཇིགས་པ་བརྒྱད་སྐྱོབ་ཀྱི་བསྟོད་པ་བྱིན་རླབས་ཅན་དུ་གྲགས་པ་འདི་ཡང་ཉི་མ་སྦས་པ་གཞན་ཞིག་གིས་ནི་ཡིན་དུ་རུང་མོད། སློབ་དཔོན་འདིས་མཛད་པ་མ་ཡིན་པར་ཤེས་པར་བྱའོ། །འདིའི་སློབ་མའི་གཙོ་བོ་ནི་ཐམས་ཅད་མཁྱེན་པའི་བཤེས་གཉེན་ཡིན་ཏེ༌། གཞན་ཡང་སྒྲོལ་མའི་རིག་སྔགས་གྲུབ་པའི་སློབ་དཔོན་དཔག་ཏུ་མེད་པ་བྱུང་ངོ༌། །ཐམས་ཅད་མཁྱེན་པའི་བཤེས་གཉེན་གྱིས་དྷ་ན་མི་ཏྲ་ལ་གདམས། དེས་ཏ་ཐཱ་ག་ཏ་མི་ཏྲ་ལ་གདམས། དེས་སིངྒ་ལ་གླིང་པ་དྷརྨ་མི་ཏྲ་ལ་གདམས། དེས་ཤཱི་ལ་རིཀྵ་ཏ་ལ་གདམས་ཏེ། འདི་ནི་སྒེག་པའི་རྡོ་རྗེ་དང་དུས་མཚུངས་པ་སྟེ། དེ་ཡན་ཆད་དུ་བརྒྱུད་པ་མ་ཆད་པར་བྱུང་ཞེས་སྔོན་གྱི་སློབ་དཔོན་རྣམས་ཀྱི་རབས་དང༌། གཏམ་གྱི་ཚིགས་


TNT12_Page_0550
[མ་དཔེ་གཟིགས་ན་འདིར་གནོན།]

བཅད་ལས་འབྱུང་ཞེས་གསུང་ངོ༌། །དེ་དག་གི་སྐབས་སུ། སློབ་དཔོན་བརྒྱད་ལ་འཇིགས་པ་བརྒྱད་ལས་བསྐྱབས་པའི་ལོ་རྒྱུས་ནི། རྒྱ་གར་ལྷོ་ཕྱོགས་སུ་སློབ་དཔོན་དི་ཀ་ཝརྨ་ཞེས་བྱ་བ་སྡོམ་བརྩོན་སྡེ་སྣོད་འཛིན་པ་ཆེན་པོ། གཤིན་རྗེ་གཤེད་དང༌། སྒྲོལ་མ་འབྱུང་བའི་རྒྱུད་འདི་ཉིད་ལ་བརྟེན་པའི་རིག་སྔགས་གྲུབ་པ་ཞིག་སྟེ། དེས་ལྷོ་ཕྱོགས་བཻ་དརྦྷའི་ཡུལ་དུ་མུ་སྟེགས་ཀྱི་བྲམ་ཟེའི་སློབ་དཔོན་ག་པུ་རཱི་ལ་ཞེས་པ་དང་རྩོད་པ་བྱས་ཏེ། མུ་སྟེགས་ཕམ་པས། དེའི་སྤྱོད་ཡུལ་ཐམས་ཅད་སངས་རྒྱས་པས་བླངས་སོ། །དེ་ནས་སློབ་དཔོན་དེ་གཙུག་ལག་ཁང་དུ་དགེ་སློང་རྣམས་དང་ལྷན་ཅིག་ཆོས་སྟོན་གསོལ་བའི་ཚེ། མུ་སྟེགས་རྣམས་ཀྱིས་གཙུག་ལག་ཁང་ལ་མེ་བཏང་བ་ན། སློབ་དཔོན་ཀྱིས་རྗེ་བཙུན་མ་ལ་གསོལ་བ་བཏབ་པས། རྗེ་བཙུན་མ་ནམ་མཁའི་དབྱིངས་སུ་བྱོན་ཏེ། ནམ་མཁའ་ལས་ཆུ་བོའི་རྒྱུན་དངོས་སུ་བབས་ནས་མེ་ཞི་བར་གྱུར་ཏོ། །ཡང་སློབ་དཔོན་ཨ་མ་ར་སིང་ཧ་བྱ་བ། རྒྱལ་པོའི་ཡིག་མཁན་རབ་ཏུ་བྱུང་བ་ཐེག་པ་ཆེ་ཆུང་གི་མངོན་པ་སྨྲ་བ་ཞིག །སྒྲོལ་མ་འབྱུང་བའི་རྒྱུད་ལ་བརྟེན་ཏེ། འཕགས་མ་སྒྲོལ་མ་ལ་ཐུགས་དམ་དུ་མཛད་པ་ཞིག་ཡིན་ནོ། །དེས་ནུབ་ཕྱོགས་མ་ལ་ཝའི་ཡུལ་དུ་གནས་གཞི་བྱས་ནས་བཞུགས་ཏེ། མངོན་པ་སློབ་པ་ལྔ་བརྒྱ་ཙམ་ལ་ཆོས་མངོན་པར་སྟོན་ཅིང༌། ལོ་ཉི་ཤུ་རྩ་བཞིའི་བར་དུ་གནས་དེ་ཉིད་དུ་བཞུགས་སྐད། དེ་དག་ཐམས་ཅད་དུ་


TNT12_Page_0551
[མ་དཔེ་གཟིགས་ན་འདིར་གནོན།]

མངོན་པ་ལ་བློ་སྦྱོང་བ་ལྔ་བརྒྱ་ཙམ་གྱི་འཁོར་གྱི་བསྐོར་ནས་ཡོད་པ་ལས། དུས་ལན་ཅིག་ཕྱོགས་དེ་ན་ནག་ཕྱོགས་ཀྱི་ཀླུའི་རྒྱལ་པོ་ལ་ལི་ཏ་ཞེས་བྱ་བ་ཡོད་དེ། དེས་གློ་བུར་དུ་ཆར་དྲག་པོ་མི་བཟད་པ་ཕབ་སྟེ། ཆར་ཆུ་ལས་ཆུ་བོའི་རྒྱུན་ཆུ་ཀླུང་ཡ་མུ་ན་ཙམ་བྱུང་སྟེ། སློབ་དཔོན་གྱི་གནས་གཞི་དང༌། གྲོང་ཁྱེར་མང་པོ་ཁྱེར་ལ་ཁད་པ་ན། སློབ་དཔོན་གྱི་རྗེ་བཙུན་མ་སྒྲོལ་མ་ལ་གསོལ་བ་བཏབ་པས། གནས་གཞི་གྲོང་ཁྱེར་ཨུ་ཏ་ཛ་ཡ་ན་དང་བཅས་པ་ལ་ཆུ་དེ་ཉིད་གཡས་བསྐོར་བ་མང་དུ་བྱས་ནས། མཐར་ཆུ་བོ་ཆེན་པོ་གཞན་ཞིག་ལ་བབས་པ་ན། ཀླུ་དེ་ཉིད་རང་གི་གནས་དང༌། ཏུ་རུ་ཀའི་གྲོང་ཁྱེར་ཆུང་ངུ་ཞིག་ཁྱེར་རོ། །སློབ་དཔོན་དེ་ལ་སྒྲོལ་མས་མངོན་བརྗོད་ཀྱི་བསྟན་བཅོས་གྱིས་ཤིག་ཅེས་ལུང་བསྟན་པས་འཆི་མེད་མཛོད་བརྩམས། འདི་ད་ལྟའི་བར་དུ་ཡང་རྒྱ་གར་ན་ཕྱི་ནང་གཉིས་ཀ་ལ་ཤིན་ཏུ་དར་བར་ཡོད་དོ། །འདི་རྒྱལ་པོའི་ཡིག་མཁན་ཡིན་ཅེས་པའི་རྒྱལ་པོ་ནི་བི་པྲ་ཀརྨ་དེ་ཏ་ཡིན་པར་གྲགས། ཡང་སློབ་དཔོན་ལྷའི་སེང་གེ་ཞེས་བྱ་བ། རྟེན་དགེ་བསྙེན་དུ་བཞུགས་པ། ཐེག་པ་ཆེ་ཆུང་གི་མདོ་སྡེ་དང༌། མངོན་པ་ལ་ཆེར་མཁས་པ། ཁ་ཆེའི་ཡུལ་གྱི་རྒྱལ་པོ་ཧྲི་ཧརྴ་དེ་བ་ཞེས་བྱ་བའི་བླ་མར་གྱུར་བ། ཆོས་སྨྲ་བ་ཞིག་ཡིན་ཏེ། དེ་ཁ་ཆེ། ལ་ཧོར། མ་རུ་རྣམས་སུ་རྒྱལ་པོ་དང༌། ཁྱིམ་བདག་དང་བྲམ་ཟེ་སྣ་ཚོགས་པ་དད་པར་བྱས་ནས། སངས་རྒྱས་པའི་ལྷ་ཁང་ལྔ་བརྒྱ་


TNT12_Page_0552
[མ་དཔེ་གཟིགས་ན་འདིར་གནོན།]

ཙམ་བཞེངས་སོ། ཁ་ཆེ་དང་ཉེ་བའི་ཡུལ་ག་ཛ་ནི་ལ་སོགས་པར་ཆོས་མང་དུ་བཤད་པས། ཏུ་རུ་ཀ་སྟག་གཟིག་གི་ལུགས་ཕལ་ཆེར་ནུབ། སྟག་གཟིག་གི་རྒྱལ་པོ་ཞིག་གི །སློབ་དཔོན་བཙོན་དུ་བཟུང་སྟེ། ཁྱོད་དཀོན་མཆོག་ལ་སྐྱབས་སུ་འགྲོ་བ་བཏང་སྟེ། ཀླ་ཀློའི་ལུགས་བྱེད་ན་ལེགས། མི་བྱེད་ན་གསོད་དོ་ཞེས་པ་ལས། སློབ་དཔོན་གྱིས་སྲོག་ལ་བབ་ཀྱང་དཀོན་མཆོག་ལས་གཞན་དུ་སྐྱབས་གནས་མེད་དོ་ཞེས་བརྗོད་པས། ལྕགས་སྒྲོག་བཅུག་སྟེ་བཙོན་དོང་མི་བཟད་པར་བོར་བས། སློབ་དཔོན་གྱིས་རང་གི་ཐུགས་དམ་གྱི་ལྷ་སྒྲོལ་མ་ལ་གསོལ་བ་བཏབ་པས་ལྕགས་སྒྲོག་དེ་མེ་ཏོག་གི་ལུ་གུ་བརྒྱུད་དུ་སོང༌། ལྷ་མོ་རྣམས་ཀྱིས་བཙོན་ཁང་དུ་མེ་ཏོག་དང༌། ཙནྡན་གྱི་ཕྱེ་མའི་ཆར་ཆེན་པོ་ཕབ། རོལ་མོའི་སྒྲ་ཆེན་པོ་བསྒྲགས་པས། ཏུ་རུ་ཀའི་རྒྱལ་པོས་ལྟ་རུ་འོངས་པ་ན་ལྕགས་སྒྲོག་མེད་པར་མཐོང་སྟེ། ཡང་ལྕགས་སྒྲོག་གཞན་ཞིག་བཅུག་པས་དེ་ཡང་མེ་ཏོག་གི་ཕྲེང་བར་གྱུར། དེ་ལྟར་ལྕགས་སྒྲོག་བདུན་མེ་ཏོག་གི་ཕྲེང་བར་སོང་བས། རྒྱལ་པོ་ཡ་མཚན་སྐྱེས་ཏེ་མཆོད་གནས་སུ་བཟུང་ངོ༌། །འོན་ཀྱང་དེར་དམ་པའི་ཆོས་དར་བར་མ་ནུས་པས། ཐུགས་འབྱུང་ནས་ཁ་ཆེར་བྱོན་ནོ། །ཡང་སངྒྷ་མི་ཏྲ་ཞེས་བྱ་བ་བྱེ་བྲག་ཏུ་སྨྲ་བའི་སློབ་དཔོན་ཆེན་པོ་ཞིག་ལ་མནལ་ལམ་དུ། ཐུབ་པ་ཆེན་པོ་འཁོར་བཅས་ཀྱི་དྲུང་ན་ལྷ་མོ་སྔོན་མོ་ཞིག་འདུག་སྟེ། དེ་ན་རེ་ཁྱོད་ཐེག་པ་ཆེན་པོ་


TNT12_Page_0553
[མ་དཔེ་གཟིགས་ན་འདིར་གནོན།]

ལ་ལེགས་པར་སློབ་ཤིག་གསུང༌། དེས་ཁ་ཆེར་བྱོན་ཏེ། ཐེག་ཆེན་མདོ་སྔགས་ཀྱི་ཆོས་ལུགས་མང་དུ་ཉན། རྗེ་བཙུན་མ་སྒྲོལ་མ་ལ་ཡི་དམ་དུ་མཛད་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཉན་པའི་ཡུལ་མ་རྙེད་ནས་ཡུལ་དབུས་ན་སློབ་དཔོན་གྲོལ་སྡེ་ཞེས་བྱ་བ་ཤེས་རབ་ཀྱི་ཕ་རོལ་ཏུ་ཕྱིན་པ་འཆད་པ་ཡོད་ཅེས་ཐོས་ཏེ། ཡུལ་དབུས་སུ་ཆས་པ་ལས་ལམ་དུ་ཆོམ་རྐུན་གྱིས་བཟུང་སྟེ། ལྷ་མོ་དུརྒ་ལ་མི་བསད་པའི་ཁྲག་དྲཽན་མོས་མཆོད་དགོས་པས། དེའི་ཕྱིར་བཟུང་ངོ་ཞེས་ཟེར་རོ། །དེར་ལྷ་མོ་དུརྒའི་གནས་དུར་ཁྲོད་ལྟ་བུ་དེར་སླེབ་པ་ན། རྗེ་བཙུན་མ་སྒྲོལ་མ་ལ་གསོལ་བ་བཏབ་པས་ལྷ་མོའི་རྟེན་དེ་དུམ་བུ་མང་པོ་རང་གས་སོ། །དེར་ཆོམ་རྐུན་རྣམས་ཀྱང་སྐྲག་ཅིང་བྲོས། སློབ་དཔོན་ཐར་རོ། །ཡང་སློབ་དཔོན་སུ་བྷ་ཥ་ཀིརྟི་ཞེས་བྱ་བ། འདུལ་བ་འཛིན་པ་ཆེན་པོ། ནང་དུ་སྒྲོལ་མ་འབྱུང་བའི་རྒྱུད་ལ་བརྟེན་ཏེ་ཐུགས་དམ་དུ་མཛད་པ་ཞིག་ཡིན་པ། ལན་ཅིག་ཡུལ་དབུས་ནས་ནུབ་ཕྱོགས་ཀྱི་རྒྱུད་ལྟར་སོང་བ་ལས། མཐར་རི་བོར་ཞིག་ཏུ་གཙུག་ལག་ཁང་བྱས་ཏེ། ཆོས་བསྟན་པས་དགེ་སློང་གི་སྡེ་ཡང་མང་དུ་ཚུགས་ཏེ། དེ་ན་གར་ལོག་གི་དཔོན་མང་དུ་ཡོད་པས་མགོ་བྲེག་གོས་དམར་ཅན་དེ་རྣམས་ཀྱིས་བདག་ཅག་ལ་གནོད་པར་འོང་གི །འདི་ཐམས་ཅད་བརླག་པར་བྱའོ་ཞེས་གླང་པོ་ཆེ་སུམ་བརྒྱ་ཙམ་གྱི་དམག་འོངས་སོ། །


TNT12_Page_0554
[མ་དཔེ་གཟིགས་ན་འདིར་གནོན།]

དེར་སྒྲོལ་མ་ལ་སོགས་བ་བཏབ་པས། དམག་འོང་བའི་ཕྱོགས་སུ་ཆུ་གཏོར་ཅིག་གསུང༌། དེ་ལྟར་བྱས་པས་གླང་པོ་ཆེ་ཐམས་ཅད་ཤིན་ཏུ་འཇིགས་ཤིང་སྐྲག་པས་སུས་ཀྱང་ཁ་ལོ་མ་ནུས་པར་རང་གནས་སུ་ཁྱེར་རོ། །ཡང་སློབ་དཔོན་བུདྡྷ་དཱ་ས་ཞེས་བྱ་བ་དྷ་ན་པུ་རིའི་མཁན་པོ་མཛད་པ་ཞིག་ཡོད་པ། རྒྱུ་འགྲུལ་ཞིག་ལ་བྱོན་པས་གྲོང་སྟོང་ཞིག་ན་སྟག་གི་ཚང་མང་དུ་ཡོད་དེ། སློབ་དཔོན་གྱིས་གཏམ་དྲིས་པ་ན། སྟག་རྣམས་ཀྱིས་ཉིན་རེ་བཞིན་གྲོང་ཁྱེར་གྱི་མི་མང་པོ་ཡང་ཟ་བར་བྱེད་ན། སྲོགས་ཆགས་ཕྲ་མོ་གཞན་ལྟ་ཅི་སྨོས། ཞེས་ཐོས་པས། སྙིང་རྗེ་ཆེན་པོ་སྐྱེས་ཏེ། ལམ་དུ་སོང་བ་ལས་སྟག་རྣམས་ཐམས་ཅད་སློབ་དཔོན་གྱི་ཐོག་ཏུ་བྱུང་བ། སྒྲོལ་མ་ལ་གསོལ་བ་བཏབ་ནས། སྔགས་བཟླས་པའི་ཆུ་གཏོར་བས་སྟག་དེ་རྣམས་ཞི་བའི་སེམས་དང་ལྡན་པར་གྱུར་ཏེ། ཕྱིན་ཆད་སྲོག་ཆགས་ལ་གནོད་པ་མི་བྱེད་པར་ལ་ཟས་བཅད་དེ་དུས་ལས་འདས་པས་ལྷར་སྐྱེས་པའི་རྟགས་སུ་མེ་ཏོག་གི་ཆར་ཆེན་པོ་བབས་སོ། །ཡང་སློབ་དཔོན་དཀོན་མཆོག་གསུམ་གྱི་འབངས་ཞེས་བྱ་བ། སློབ་དཔོན་ཕྱོགས་ཀྱི་གླང་པོའི་སློབ་མར་གྱུར་པ་ཞིག་ཡིན་ཏེ། དེས་ཤར་ཕྱོགས་ཨོ་ཌི་བི་ཤའི་ཡུལ་དུ་ཆོས་སྟོན་ཅིང་བཞུགས་པའི་ཚེ་ལན་ཅིག་རྒྱ་མཚོ་ཆེན་པོ་ནས་དུག་སྦྲུལ་སྦྲམ་ཆེན་ཞིག་བྱུང་ནས་མི་དང་གླང་པོ་ཆེ་མང་དུ་ཟོས། ཨུ་ཏ་ཀ་ལའི་གྲོང་ཁྱེར་དང་ཉེ་བར་བྱུང་བ་ན། སྐྱེ་བོ་གྲངས་མེད་པ་ལ་གནོད་པ་འབྱུང་བར་


TNT12_Page_0555
[མ་དཔེ་གཟིགས་ན་འདིར་གནོན།]

གཟིགས་ཏེ། སྒྲོལ་མ་ལ་གསོལ་བ་དྲག་ཏུ་བཏབ་ཅིང༌། སྒྲོལ་མའི་སྔགས་བཟླས་པའི་ཡུངས་ཀར་གཏོར་ཏེ། ས་འདི་གདེངས་ཅན་དབང་ལགས་ཀྱང༌། །གང་ལ་ཕན་པའི་ཐུགས་མངའ་བ། །དེ་ཡི་ཚིག་འདི་ཁྱོད་ལོང་ལ། །ས་འོག་ཉམས་དགར་སོང་ཞིག་ཀྱེ། །ཅེས་བརྗོད་པའི་མོད་ལ་སྦྲུལ་དེ་ཉིད་ཕྱིར་ལྡོག་སྟེ། གཾ་གའི་ལམ་ལ་ཞུགས་ནས་རྒྱ་མཚོར་སོང་ངོ༌། །ཡང་སློབ་དཔོན་ཡེ་ཤེས་ལྷ་ཞེས་བྱ་བ། ཞི་བ་ལྷའི་སློབ་མ་ཞིག་སྟེ། རྒྱ་གར་ལྷོ་ཕྱོགས་ཏྲི་མ་ལའི་ཡུལ་དུ་ཉན་བཤད་ཀྱི་བྱ་བ་ཡུན་རིང་དུ་མཛད་དེ། མཐར་ང་ནི་རི་ཁ་བ་ཅན་དུ་བསྒོམ་པར་བྱའོ། །ཞེས་བྱང་ཕྱོགས་སུ་བྱོན་ནས། ཏི་རཱ་ཧུ་ཏིའི་ཡུལ་དུ་འགྲོ་བའི་དོན་ཅི་རིགས་པ་མཛད། དེའི་ཚེ་ཡུལ་དེའི་ཕྱོགས་ཞིག་ན། ཐ་རུའི་རིགས་ཀྱི་གྲོང་ཁྱེར་ཆུང་ངུ་ཞིག་ཚངས་པའི་སྲིན་པོའི་གདོན་བྱུང་སྟེ། ཡུལ་གྱི་གྲོང་དཔོན་ནས། ཞིང་ལས་ཀྱི་བླ་མའི་བར་ཐམས་ཅད་དུས་གཅིག་ཏུ་ཤིའོ། །དེའི་ཉིན་མོ་སློབ་དཔོན་དེར་བྱོན་པས། རོ་ལངས་མི་བཟད་པ་ཅིག་རྒྱུག་ཅིང་བྱུང་བས། སྒྲོལ་མའི་སྔགས་བཟླས་པའི་ཕུར་བུ་འཕངས་པས། རོ་ལངས་ཀྱི་སྤྱི་བོར་ཐིམ་གྱི་སོང་ཞིང་འགྱེལ། གྲོང་ཁྱེར་གྱི་ནང་དུ་བྱོན་ཏེ། སྒྲོལ་མ་ལ་གསོལ་བ་བཏབ་པས་འཆི་བ་གསོ་བར་ནུས་པའི་བདུད་རྩིའི་ཆར་ཆེན་པོ་བབས་ཏེ། གྲོང་ཁྱེར་གྱི་མི་ཤི་བ་ཕལ་ཆེ་བ་གསོས་སོ། །ཡང་གྲུབ་པ་བརྒྱད་མ་བསྒྲུབས་པར་ཡང་


TNT12_Page_0556
[མ་དཔེ་གཟིགས་ན་འདིར་གནོན།]

འགྲུབ་པའི་གཏམ་རྒྱུད་ནི། སྒྲོལ་མ་ལ་ཡི་དམ་དུ་བྱེད་པའི་དགེ་སློང་ཞིག་གིས། གཙུག་ལག་ཁང་བཞེང་བའི་དོན་དུ་སློང་མོ་ལ་ཕྱིན་ནོ། །བྲམ་ཟེ་ཞིག་གིས། གི་ཧཾ་བྲེ་གང་བྱིན་པ་བླངས་ནས་སྒྲོལ་མའི་ལྷ་ཁང་ཞིག་ཏུ་དེ་རིལ་བུར་བྱས་སོ། །དེའི་ལྷག་མ་ཞིག་ཉི་མ་ལ་བཞག་པས། རླུང་གིས་གསེར་ཙག་དང༌། སྦང་མ་ལ་སོགས་པ་རིལ་བུའི་རྫས་རྣམས་ཀྱི་རྡུལ་ཁྱེར་ཏེ་དེ་ལ་བཏབ་བོ། །དེ་ལ་ཡང་རིལ་བུ་ཞིག་བྱས་ནས། སྔགས་ཐུན་བཟླ་ཡིན་ཡོད་པའི་ཚེ། རིལ་བུའི་དབུས་ནས་མེ་འབར་རོ། །དེ་ལུས་ལ་བཅངས་ནས་ཡོད་པ་ལས། ལན་ཅིག་སུམ་ཅུ་རྩ་གསུམ་ལྷའི་གྲོང་ཁྱེར་ཡིད་ལ་བསམས་པ་ན། སུམ་ཅུ་རྩ་གསུམ་དུ་ཕྱིན་ཏེ། མིའི་ལོ་བཅུ་གཉིས་ཀྱི་བར་དུ་དེར་འདུག་གོ །ཡང་སྒྲོལ་མ་ལ་ཡི་དམ་དུ་བྱེད་པའི་ཞིང་པ་ཞིག་གིས། ཕུ་ཕུ་ཞེས་ས་བརྐོས་པས་ས་འོག་གི་སྒོ་བྱེ་སྟེ། ཀླུའི་གནས་སུ་སླེབ་ནས་བདུད་རྩི་བཏུངས་པས་ལུས་འཇའ་ལུས་སུ་གྱུར་སྐད། རྣལ་འབྱོར་མ་ཞིག་གིས། དུར་ཁྲོད་དུ་ཉི་ཤུ་དགུའི་ནུབ་མོ་མི་རོ་མང་པོ་བསྲེག་ཅིང་སྒྲོལ་མའི་སྔགས་བཟླས་པས་མེ་དྲེག་ཆགས་པའི་དབུས་ནས་འོད་འཕྲོ་ཞིང་འདུག་གོ །དེ་མིག་ལ་བྱུགས་པས། གྲོགས་པོ་རྣམས་ཀྱི་དབུས་དེ་ཉིད་དུ་མི་སྣང་བར་གྱུར་ཏོ། །ཡང་སྒྲོལ་མ་ལ་ཡི་དམ་དུ་བྱེད་པའི་དགེ་བསྙེན་ཞིག་གྲོགས་དང་བཅས་ཏེ་དུར་ཁྲོད་དུ་སོང་བས། རོ་ལངས་འཇིགས་སུ་རུང་བ་ཁ་ནས་མེ་འབར་བ་ཞིག་བྱུང་ནས། གྲོགས་རྣམས་འཇིགས་ཤིང་བྲོས་པ་ལ།


TNT12_Page_0557
[མ་དཔེ་གཟིགས་ན་འདིར་གནོན།]

དགེ་བསྙེན་དེས་སྒྲོལ་མ་དྲན་པར་བྱས་ཤིང་དེའི་གཉའ་བར་བཞོན་པས་དེ་ཉིད་ལག་གསུམ་རྐང་གསུམ་མགོ་གསུམ་པར་གྱུར་ཏེ། རྐང་པ་དང་ལག་པ་གཅིག་གིས་རྒྱ་མཚོར་ཉུལ། གཅིག་ནི་རི་དང་སའི་ཁོངས་སུ་ཉུལ། གཅིག་ནི་ནམ་མཁའི་ཁོངས་སུ་ཉུལ་བའི་ཆོ་འཕྲུལ་བསྟན་ཏེ། གདོང་གསུམ་པོ་རེ་རེ་དཔའ་བོ་ཆེན་པོ་བདག་གིས་ཅི་བགྱིད། ནམ་མཁའི་ལམ་ནས་ལྷའི་གནས་སུ་འགྲོ་བར་བགྱིའོ། །ས་འོག་གི་ལམ་ནས་ལྷ་མིན་གྱི་གནས་སུ་འགྲོ་བར་བགྱིའོ། །རྒྱ་མཚོའི་ལམ་ནས་ཀླུའི་གནས་སུ་འགྲོ་བར་བགྱིའོ། །ཞེས་ཟེར་བ་ལ། དེ་དག་ལས་གང་འདོད་པ་ཞིག་སྨྲས་ན་འགྲུབ་པར་འགྱུར་བ་ལས། སྒྲུབ་པ་པོ་བློ་རྟུལ་ཏེ། དེ་དག་མི་འཚལ་གྱིས་བདག་ལ་རིན་པོ་ཆེའི་གཏེར་བྱིན་ཅིག་བྱས་པས། དེ་ན་རེ། འོ་ན་རི་བོ་སྔོན་པོར་གཤེགས་འཚལ་ཟེར་ནས་སྐད་ཅིག་གིས་དེར་སླེབ་སྟེ། རིན་པོ་ཆེའི་གཏེར་ཆེན་པོ་བསྟན་ནོ། །དེ་ཇི་སྲིད་འཚོའི་བར་དུ་རྒྱལ་པོ་ཆེན་པོ་ལས་ཀྱང་ལོངས་སྤྱོད་ཆེ་བར་གྱུར་སྐད། ཡང་སྒྲོལ་མའི་སྒྲུབ་པ་པོ་ཞིག །ཤིང་བིམ་པ་ལའི་རྩ་བ་ཞིག་ཏུ་སྔགས་བཟླ་ཞིང་འདུག་པ། ལན་ཅིག་ཐོ་རངས་ཀྱི་དུས་ན། རང་གི་མདུན་དུ་སྔོན་མེད་པའི་ལམ་སྲང་ཞིག་མཐོང་ངོ༌། །དེར་ཞུགས་ཏེ་ཕྱིན་པ་ལས། ནམ་ཞིག་ན་ནགས་ཚལ་ཡིད་དུ་འོང་བའི་དབུས་སུ། གསེར་གྱི་ཁང་པ་ཞིག་མཐོང༌། དེར་ཞུགས་པས་གནོད་སྦྱིན་ན་ཌ་ཀུ་བ་རའི་གཡོག་མོ་གནོད་སྦྱིན་མོ་ནག་མོ་ཞེས་བྱ་བ།


TNT12_Page_0558
[མ་དཔེ་གཟིགས་ན་འདིར་གནོན།]

རྒྱན་ཐམས་ཅད་ཀྱིས་བརྒྱན་པ། ལུས་ཁ་དོག་མ་ངེས་པ་ཞིག་འདུག་སྟེ། དེ་ན་རེ། སྒྲུབ་པ་པོ་ཚུར་བྱོན་བཅུད་ལེན་འདི་གསོལ་ཞིག་ཞེས་བུམ་པ་བཅུད་ཀྱིས་གང་བ་ཞིག་བྱིན་ནོ། །ཟླ་བ་གཅིག་ཏུ་དེ་བཏུངས་པས་སྐྱེ་འཆི་མེད་པའི་ལུས་སུ་གྱུར་ཏོ། །ཡང་དགེ་བསྙེན་དད་པ་ཅན། སྒྲོལ་མ་ལ་ཡི་དམ་དུ་བྱེད་པ་ཞིག་ལམ་དུ་ཕྱིན་པས་ཁབ་ལེན་གྱི་རལ་གྲི་ཞིག་རྙེད་དེ། སྒྲོལ་མའི་སྔགས་བཟླ་བཞིན་དུ་ཕྱིན་པས་རལ་གྲི་ལས་དུ་བ་འཐུལ་ལོ། །ཡང་བཟླས་པས་མེ་འབར་རོ། །དེ་ནས་དེ་ཡིད་ལ་ཇི་ལྟར་འདོད་པའི་གནས་སུ་འགྲོ་ནུས་པར་གྱུར་ཏེ། ཉིན་རེ་བཞིན་དུ་ལྷ་ཀླུ་མི་མ་ཡིན་ཐ་དད་པའི་གནས་སུ་སོང་སྟེ། དེ་དག་གི་ལོངས་སྤྱོད་ཀྱི་ཁྱད་པར་སྣ་རེ་བླངས་ནས་དགེ་འདུན་ལ་འབུལ་བ་ཞིག་ཡོད་ལ། ལོ་མང་པོ་ཞིག་ན་དེ་ཉིད་ཀྱང་རིག་པ་འཛིན་པའི་གནས་སུ་སོང་ངོ༌། །ཡང་དགེ་སློང་ཞིག་གིས་སྒྲོལ་མའི་ལྷ་ཁང་ཞིག་ལ་ལོ་གསུམ་བསྐོར་བ་བྱས་པས། ཕྱག་གི་མཆོག་སྦྱིན་ལས་བཅུད་ལེན་འོ་མའི་རྒྱུན་ལྟ་བུ་བབས་སོ། །དེ་བཏུངས་པས་རྒས་པ་མེད་པར་གྱུར་ཏེ། ལོ་སུམ་བརྒྱའི་བར་དུ་འཚོ་ཞིང་ལོ་བཅུ་དྲུག་ཙམ་གྱི་ན་ཚོད་ལ་གནས་སྐད། ཡང་དགེ་བསྙེན་ཞིག་གིས། སྒྲོལ་མའི་ལྷ་ཁང་ཞིག་ཏུ་གསོལ་བ་འདེབས་ཀྱིན་བསྡད་པས། ནང་གཅིག་སྒྲོལ་མའི་སྐུ་བརྙན་གྱི་ཞབས་ལ་ཕྱག་བཙལ་བས་ཞབས་འོག་ནས་རྡོའི་བུམ་པ་ཞིག་བྱུང་ངོ༌། བུམ་པ་དེའི་ནང་ནས་ཇི་ལྟར་འདོད་པའི་ལོངས་སྤྱོད་ཟད་མེད་དུ་བྱུང་ནས། དགེ་སློང་ལྔ་བརྒྱ་རེའི་འཚོ་བ་སྦྱོར་བ་ལོ་


TNT12_Page_0559
[མ་དཔེ་གཟིགས་ན་འདིར་གནོན།]

སུམ་ཅུའི་བར་དུ་བྱས་སོ། །འཕགས་པ་ཀླུ་སྒྲུབ་སྐུ་འདས་ནས། རྒྱལ་བོ་དྷརྨ་པཱ་ལ་བྱུང་གི་བར་དུ་ཡང་སྒྲོལ་མ་ལ་བརྟེན་ཏེ་དངོས་གྲུབ་ཐོབ་པ་ལྔ་སྟོང་ཙམ་བྱུང་སྟེ། འདི་སྐབས་ཀྱི་མི་རྣམས་སྒྲོལ་མ་འབྱུང་བའི་རྒྱུད་ལ་བརྟེན་ཏེ། གྲུབ་པ་ཐོབ་པ་ཁོ་ན་མང་གསུང་ངོ༌། །དེ་དག་སྒྲོལ་མའི་རྒྱུད་འདི་སྔོན་ཇི་ལྟར་དར་བའི་ཚུལ་ལོ། །བར་སྐབས་སུ་ཅུང་ཟད་ཅུང་ཟད་ནུབ་པའི་ཚུལ་ནི། རྒྱལ་པོ་དྷརྨ་པཱ་ལའི་སྐུ་ཚེའི་སྨད། དགེ་སློང་སྡེ་སྣོད་འཛིན་པ་འགའ་ཞིག་གིས་བསྐུལ་ནས་ཡིན་ཡང་ཟེར། རྒྱལ་སར་འཁོད་མ་ཐག་པའི་སྐབས་ཡིན་ཡང་ཟེར་ཏེ། སངས་རྒྱས་ཡེ་ཤེས་སྐུ་འདས་ནས་ཡིན་པར་གསལ་བས་སྔ་མ་དག་གོ །གང་ལྟར་ཡང་ཉི་འོག་གི་རྒྱལ་ཁམས་ན་གསང་སྔགས་ཀྱི་གླེགས་བམ་དང༌། ཉན་བཤད་ཡོད་པའི་ས་ཐམས་ཅད་དུ་བྱོན་ཏེ། ཤིན་ཏུ་ཞིབ་མོར་དཔྱད་ནས་རྒྱུད་ནས་མན་ངག་སོ་སོའི་བཞུགས་ཚུལ་ཐམས་ཅད་མཁྱེན་པ་ན། དུས་ཀྱི་ཁྱད་པར་གྱིས་སྔོན་བཞིན་དུ་གསང་སྔགས་གསང་སྟེ་སྤྱོད་པ་མི་འབྱུང་ཞིང༌། རྣལ་འབྱོར་ཆེན་པོའི་རྒྱུད་རྣམས་ཉན་བཤད་སྒོམ་གསུམ་འཇིག་རྟེན་གྱི་མངོན་དུ་ཤིན་ཏུ་དར་བར་གྱུར་པས། འདུས་པ་ལ་སོགས་པ་རྡོ་རྗེའི་ཚིག་གིས་རྒྱས་བཏབ་པ་འདི་རྣམས་རྒྱ་ཆེར་ཤོད་ལ། ཤིན་ཏུ་གསང་བ་འགལ་བའི་ཚིག་ཡོད་པ་འདི་རྣམས་ཕྱྀན་ཆད་མ་ཤོད་ཅིག་ཅེས་དྲིལ་བསྒྲགས་ཏེ། དཔལ་ཧེ་རུ་ཀའི་རྒྱུད་འགའ་ཤེས་དང༌། ནག་པོ་ཆེན་པོ་དང༌། སྒྲོལ་མ་


TNT12_Page_0560
[མ་དཔེ་གཟིགས་ན་འདིར་གནོན།]

འབྱུང་བ་དང༌། གཏུམ་པོ་ཁྲོ་བོ་དང༌། གདན་བཞི་ལས་ཀྱི་ཕྲེང་བ་ལ་སོགས་པ་རྒྱུད་སྡེ་ཆེན་པོ་འགའ་ཤས་དང༌། གྲུབ་ཐོབ་རྣམས་ཀྱིས་སྤྱན་དྲངས་པའི་རྒྱུད་ཀྱི་དུམ་བུ་ཆུང་ངུ་ལྔ་བརྒྱ་ཙམ་མམ་ཡང་ཟེར། སྟོང་ཙམ་མམ་ཡང་ཟེར་ཏེ། ཤིན་ཏུ་མང་པོ་ཡོད་པ་དེ་ཐམས་ཅད་ཀྱི་དཔེ་རྣམས་བསྡུས་ནས་གསེར་གྱི་སྒྲོམ་ཆེན་པོ་བརྒྱད་དུ་བཅུག །དེ་རྣམས་དངུལ་གྱི་སྣོད་དུ་བཅུག་པ་སོགས་རིན་པོ་ཆེ་སྣ་བདུན་གྱི་སྣོད་དུ་བཅུག་སྟེ། དུར་ཁྲོད་བསིལ་བ་ཚལ་དུ་སྦས་སོ། །དེའི་ཚེ་རེ་ཞིག་རྒྱུད་འདིའི་ཉན་བཤད་ཀྱང་རྒྱུན་ཆད་སྐད། ཕྱིས་དར་བའི་ཚུལ་ནི་སློབ་དཔོན་ཏིལླི་པ་གྲུབ་པ་མ་བརྙེས་པའི་སྔོན་རོལ་ཞིག་ན། ཤར་ཕྱོགས་ཀྱི་གཙུག་ལག་ཁང་ཞིག་ཏུ་བཞུགས་པའི་ཚེ། ཐུབ་པའི་དབང་པོའི་སྐུ་བརྙན་ཞིག་ཡོད་པའི་ཁྲིའི་འོག་ནས་ཡང་དང་ཡང་དུ་འོད་འབྱུང་ཞིང༌། དུས་དུས་སུ་རོལ་མོའི་སྒྲ་འབྱུང་བ་གསན་ནོ། །དེས་ས་དྲུས་ཏེ་གཟིགས་པས་སྒྲོལ་མའི་རྒྱུད་འདི་བྱུང་ནས། དུས་དེའི་ཚེ་ཞུ་བའི་ཡུལ་མ་རྙེད་དོ། །ཕྱིས་དངོས་གྲུབ་བརྙེས་ནས་ནུབ་ཕྱོགས་ཨོ་རྒྱན་གྱི་ཡུལ་དུ་གཤེགས་པ་ན། བུད་མེད་སྔོ་སངས་མཁའ་འགྲོའི་རྟགས་དང་ལྡན་པ་ཞིག་འདུག་པ་ལ། རྒྱུད་ནས་བཤད་པའི་བརྡ་བསྟན་ཏེ་དེས་ཀྱང་བརྡའི་ལན་བྱས་སོ། །དེར་གསོལ་བ་བཏབ་པས། དེ་ཉིད་ལྷ་མོ་སྒྲོལ་མར་གྱུར་ཏེ་རྒྱུད་བྱིན་གྱིས་བརླབས་ཤིང་དབང་བསྐུར་རོ། །དེས་ནི་སློབ་དཔོན་ནཱ་རོ་པ་ལ་བཤད། དེས་ཌོམྦྷྀ་པ་དང༌། ཀ་ན་ཀ་ཤྲཱི་དང༌། ཀནྡྷ་པ་དང༌། ཐཀྐི་ནགྣ་


TNT12_Page_0561
[མ་དཔེ་གཟིགས་ན་འདིར་གནོན།]

པ་རྣམས་ལ་བཤད། ཌོམྦྷི་པ་ལ་ཀུ་ས་ལ་ཆུང་བས་ཞུས། དེ་ལ་ཨ་སི་ཏ་གྷ་ནས་ཞུས། དེ་ལ་ཛྙཱ་ན་མི་ཏྲས་གསན། དེ་ལ་གྲུབ་ཆེན་ཞི་བ་སྦས་པས་གསན། དེ་ལ་བདག་གི་བླ་མ་གསུམ་གྱིས་གསན་ནོ། །ཡང་ཏིལླི་པ་ལ། ལཱི་ལ་བཛྲས་ཞུས། དེ་ལ་ར་ཧུ་ལ་གུཔྟས་ཞུས། དེ་ལ་དཱི་པཾ་ཀཱ་ར་ཤྲཱི་ཛྙཱ་ནས་ཞུས། དེ་ལ་མ་དྷྱ་མ་སིདྷས་ཞུས། དེ་ལ་ཏཱ་ར་ཤྲཱི་མི་ཏྲས་ཞུས། དེ་ནས་རིམ་པས་སངྒྷ་ཤྲཱི། རཏྣ་དྷཱ་ཛ། ན་ཡ་ཀ་ཤྲཱི། དྷ་རྨ་ཤྲཱི། ཤཱཀྱ་རཀྵི་ཏ། སུ་ཛཱ་ཏ། བུདྡྷ་ཤྲཱི་བྷ་དྲ། ཛྙཱ་ན་རཏྣ། ཛྙཱ་ན་སྱ་ན། རཱ་ཏེ་གུཔྟ། དེས་སློབ་དཔོན་ཆེན་པོ་ཞི་བ་སྤས་པ་ལའོ། །ཡང་ཀནྡྷ་བ། པྲྀ་ཀ་པ། དྷུ་པི་རཱ་ཛ། ཧ་རེ་བྷཉྫ་པ། ཨ་སེ་ཏ་གྷ་ན་རྣམས་ལས་རྒྱུད་ཀྱང་ཆོག །ཡང་ཀ་ན་ཀ་ཤྲཱི། ལོ་ཀ་པྲ་དྷ། ཆོས་འབྱུང་ཞི་བ་སོགས་ནས་རྒྱུད་པའང་ཡོད་གསུང༌། པཀྐི་ནགྣ་པས། སློབ་དཔོན་མནྡི་ར་པཱ་ལ་བཤད། དེ་ལྟར་ན་བར་སྐབས་བརྒྱུད་པ་ཐ་དད་པ་མང་པོ་དར་ལ། ཕྱིས་ནི་གྲུབ་ཆེན་ཞི་བ་ཁོ་ན་ལ་བཞུགས་པས་ད་ལྟ་དེ་ལས་རྒྱ་ཆེར་འཕེལ་བའོ། །དེ་དག་གི་ནང་ནས་ལོ་རྒྱུད་གཞན་དུ་བཀོད་ཟིན་པ་རྣམས་དེ་དང་དེ་དག་ཏུ་ཤེས་པར་བྱ་ལ། དེར་མ་འཁོད་པ་དག་བཤད་ན། ཀ་ན་ཀ་ཤྲཱི་འདི་ནི་བལ་བོ་ཀ་ཤྲཱི་མི་ན་མ་ག་དྷ་ཉིད་དུ་སྐུ་འཁྲུངས་ཤིང༌། ཀུ་རུ་ཀུ་ལེའི་སྡེ་པ་ལས་རབ་ཏུ་བྱུང་བ། རྣམ་གནོན་ཚུལ་གྱི་དགོན་པར་མདོ་སྔགས་རིག་གནས་ཐམས་ཅད་ལ་མཁས་པར་སྦྱངས་ཏེ།


TNT12_Page_0562
[མ་དཔེ་གཟིགས་ན་འདིར་གནོན།]

དྷཾ་ག་ལར་པཎྜི་ཏ་དྷརྨ་མི་ཏྲ་ཞེས་བྱ་བ་ཞིག་ལ་གསང་བ་འདུས་པའི་དབང་ནོས་ཏེ་ལོ་བདུན་དུ་སྒོམ་བཟླས་བྱས་ཀྱང་མཚན་མ་བཟང་བ་ཙམ་ཡང་མ་བྱུང་སྟེ། སྒོམ་འཕྲོ་བཅད་ནས་ཅི་བདེར་བཞུགས་པས། ནུབ་ཅིག་རྨི་ལམ་དུ་བུ་མེད་ཅིག་གིས་དཔལ་ནཱ་རོ་པའི་དྲུང་དུ་སོང་ཞེས་ལུང་བསྟན། དེ་ནས་ནཱ་རོ་པ་ལ་འཁོར་ལོ་སྡོམ་པའི་དབང་བསྐུར་ཞུས་པ་ཙམ་གྱིས་ཏིང་ངེ་འཛིན་བཟང་པོར་རང་ཤུགས་སུ་སྐྱེས། ཟླ་བ་དྲུག་ཏུ་བསྒོམ་པའི་འཁོར་ལོ་སྡོམ་པའི་ཞལ་གཟིགས། སླར་ཡང་ནཱ་རོ་པ་ཆེན་པོ་ལོ་བདུན་གྱི་བར་དུ་བསྟེན་ཏེ། རྒྱུད་སྡེ་དཔག་ཏུ་མེད་པ་གསན། ཁྱད་པར་འཁོར་ལོ་བདེ་མཆོག་དང༌། གདན་བཞི་དང༌། སྒྲོལ་མ་འབྱུང་བའི་རྒྱུད་རྣམས་ལ་མཁས་པར་གྲགས། མ་ག་དྷར་རྒྱལ་པོ་ནི་ཡ་པཱ་ལའི་སྐབས་དབང་ཕྱུག་གི་རྗེས་སུ་འབྲང་བ་ཁ་ས་མ་དེ་བ་ཞེས་པ་དང་ནུས་པ་འགྲན་པར་མུ་སྟེགས་ཀྱིས་འདོམ་གང་ཙམ་གྱི་ནམ་མཁའ་ལ་དཀྱིལ་འཁོར་བྲིས་ཤིང་བུམ་པ་བཞག་པ་ལ། སློབ་དཔོན་གྱིས་ཡུངས་ཀར་གཏོར་བས་དཀྱིལ་འཁོར་ཞིག་ཅིང་བུམ་པ་ལྷུང༌། སློབ་དཔོན་གྱིས་སྒྲོལ་མའི་སྐུ་ཞིག་ཏ་ལ་གཅིག་ཙམ་གྱི་ནམ་མཁའ་ལ་བཞག་པ། སློབ་དཔོན་ཉིད་ཀྱིས་མ་བསྡུས་བར་དུ་མུ་སྟེགས་རྣམས་ཀྱི་སྔགས་དང་མེ་མདའ་ལ་སོགས་པ་ཐབས་གང་གིས་ཀྱང་ལྷུང་བར་མ་ནུས་པས། སློབ་དཔོན་རྒྱལ། རྒྱལ་པོས་བི་ཀ་མ་ལ་ཤི་ལར་མ་རྒྱུད་འཆད་པ་པོའི་སློབ་དཔོན་དུ་སྤྱན་དྲངས་སོ། །


TNT12_Page_0563
[མ་དཔེ་གཟིགས་ན་འདིར་གནོན།]

འདིས་སྒྲོལ་མའི་ཞལ་གཟིགས་ཤིང༌། སྒྲོལ་མའི་རིག་སྔགས་ལ་བརྟེན་ནས་ཕན་ཚུན་དབང་དུ་བསྡུ་བའི་ལས་སྦྱོར་མཛད་དེ། འཁྲུག་པ་ཆེན་པོ་ལན་བརྒྱད་སྡུམ་སྐད། ཀནྡྷ་པ་ནི། སངས་རྒྱས་པའི་རྣལ་འབྱོར་པ་བློ་ཤིན་ཏུ་རྟུལ་བ་ལྟར་སྣང་བ་ཞིག་གམ། །ངོ་བོ་ནཱ་རོ་པ་ལ། སྒྲོལ་མ་འབྱུང་བའི་དབང་དང་བྱིན་རླབས་རྣམས་ཞུས། རྒྱུད་འདི་ལས་འབྱུང་བའི་ཧེ་རུ་ཀ་ལྷ་དགུ་བསྒོམ་ཞིང་ལོ་བཅུ་གཉིས་བསྒྲུབས་པས། ཧེ་རུ་ཀ་དང༌། སྒྲོལ་མ་ཞལ་མཐོང༌། དངོས་གྲུབ་ཐོབ་སྟེ། དཔག་ཚད་བརྒྱའི་ལམ་ཡང་ཡུད་ཙམ་གྱིས་ཆོད་པར་བྱེད་དེ་སྐབས་གྲོང་ཁྱེར་ཌི་ལིར་སོག་པོའི་རྒྱལ་པོ་ཞིག་ཡོད་པ་དེས་ཕོ་བྲང་ཆེན་པོ་གསར་དུ་བཅོས་པ་ན། སློབ་དཔོན་དེས་ཀྱང་བེམ་པོ་ཞིབ་འཚོམ་གྱིན་དེ་དང་ཉེ་བར་བཞུགས་སོ། །ཕོ་བྲང་ཟིན་པ་ན། བེམ་པོ་དེ་དུམ་བུར་དྲལ་ཞིང་བཤགས་པ་ན། ཕོ་བྲང་དེ་ཡང་རྨངས་ནས་ཞིག་གོ །དེ་ལྟར་ལན་གསུམ་སོང་བས། རྒྱལ་པོ་དེས་ཀྱང་གཏམ་དེ་ཐོས་ཏེ། སློབ་དཔོན་སྤྱན་དྲངས། ཞབས་ལ་ཕྱག་བཙལ་སློབ་དཔོན་གྱི་གསུང་ལས་བྱུང་བའི་དམ་བཅའ་བཞི་བྱེད་པར་བྱས་ལ། བཞི་ནི། སངས་རྒྱས་པའི་ལྷ་ཁང་ལ་གནོད་པ་མི་བྱེད་པ་དང༌། ཕོ་བྲང་ནང་ན་གནས་པ་རྣམས་ཀྱི་སྲོག་གཅོད་སྤོང་བ་དང༌། རབ་ཏུ་བྱུང་བ་རྣམས་ལ་མཆོད་པ་བྱེད་པ་དང༌། ཉིན་རེ་བཞིན་དུ་སངས་རྒྱས་ཀྱི་མཚན་ནས་བརྗོད་ཅིང་ཕྱག་འཚལ་བ་རྣམས་ཡིན་སྐད། ཀནྡྷ་རི་བེམ་


TNT12_Page_0564
[མ་དཔེ་གཟིགས་ན་འདིར་གནོན།]

པོའི་མིང་སྟེ། དེ་ཕྱིན་ཆད་གྲུབ་ཐོབ་ཀནྡྷ་པར་གྲགས། ཡུན་རིང་དུ་འགྲོ་དོན་མཛད། མཐར་སྐུ་ལུས་དེ་ཉིད་ཀྱིས་མཁའ་སྤྱོད་དུ་གཤེགས་སོ། །ཡང་ཋཀ་ཀི་ན་ག་ན་པ་ནི། ཋཀ་ཀི་ཞེས་པ་གཡོ་སྒྱུའི་བྱ་བ་སྣ་ཚོགས་པས་འཚོ་བ་བསྒྲུབ་པའི་དོན་ཏེ། མཐའ་འཁོབ་ཀྱི་རིགས་ངན་གཅིག་ཡིན་གསུང༌། ན་ཀ་ན་ནི་ཚན་ཆེ་བའམ། སྟོབས་ཆེ་བའི་དོན་ནོ། །ཋཀ་ཀའི་རིགས་སུ་ལུས་སྟོབས་ཤིན་ཏུ་ཆེ་བས་མཚན་ཡང་དེ་བཞིན་དུ་ཐོགས་པ་ཡིན་ནོ། །འདི་ཡང་རྣལ་འབྱོར་པ་བྱས་ཏེ། མི་ཐུབ་ཟླ་བའི་སློབ་མ་ཞིག་ལ་དགྱེས་རྡོར་ཞུས་ནས། ལྷོ་ཕྱོགས་ནཱི་ལ་བྱ་བའི་རི་ལ་ལོ་བཅོ་ལྔའི་བར་དུ་རྩེ་གཅིག་ཏུ་བསྒོམས་ཀྱང་རྟགས་གང་ཡང་མ་བྱུང་བས། སྐྱེ་བ་གཞན་དུ་འགྲུབ་པར་སྨོན་ལམ་བཏབ་སྟེ། གཡང་ས་ཆེན་པོ་ཞིག་ལ་མཆོངས་སོ། །དེར་ལུས་ཀྱང་མ་སྣད། ནམ་མཁའ་ལས་ཀྱང་སྒྲ་བྱུང་སྟེ། ཁྱོད་ནཱ་རོ་པས་རྗེས་སུ་འཛིན་པར་འགྱུར་རོ། །ཞེས་སོ། །དེ་ནས་ནཱ་རོ་པས་ཞབས་བསྟེན་ཏེ། དགྱེས་པ་རྡོ་རྗེའི་དབང་བསྐུར་བར་གསོལ་བ་བཏབ་པས། ཁྱོད་ཀྱི་དགྱེས་པ་རྡོ་རྗེ་མི་འགྲུབ། བདེ་མཆོག་འཁོར་ལོ་སྒོམ་དགོས་པས་བདེ་མཆོག་གི་དབང་བསྐུར་དགོས་གསུང༌། ཇོ་བོ་ནཱ་རོ་པ་ལ་ནི། བདེ་མཆོག་འཁོར་ལོ་ཞུ་བ་ནི་ཤིན་ཏུ་དཀའ་སྟེ། དཀྱིལ་འཁོར་གཞན་རྣམས་ལས་བརྒྱད་འགྱུར་གྱི་ལྷག་པའི་ཡོ་བྱད་དགོས་པས། དེ་སྐབས་བདག་ལ་ཡོ་བྱད་ཀྱང་མེད་ཅིང༌། བློ་གྲོས་རྟུལ་བས་རྒྱུད་རྒྱ་ཆེན་པོ་


TNT12_Page_0565
[མ་དཔེ་གཟིགས་ན་འདིར་གནོན།]

གསར་དུ་ཉན་པའི་ནུས་པ་མེད་ཞུས་པས། སྒྲོལ་མའི་དབང་བསྐུར་ཞིང་རྒྱུད་ཀྱང་གནང་ལ། བདེ་མཆོག་ཡབ་ཡུམ་གོ་ལྡོག་གི་གདམས་ངག་ཐམས་ཅད་རྫོགས་པར་གནང་བ་རྩེ་གཅིག་ཏུ་བསྒོམས་པས་མཆོག་གི་དངོས་གྲུབ་ཐོབ་སྟེ། ནཱ་རོ་པ་ཚོགས་ཀྱི་མཆོད་པ་རྒྱ་ཆེན་པོའི་གྲལ་དབུ་ལ་བཞུགས་པའི་དྲུང་དུ། ཕྱག་འཚལ་དུ་འོངས་ཏེ། ལུས་ལས་མེ་འབར་བ་དང༌། ས་གཡོ་བ་ལ་སོགས་པའི་ཆོ་འཕྲུལ་དུ་མ་བསྟན་ཏེ་མི་སྣང་བར་གྱུར་ཏོ། །དེ་སྐབས་འགྲོ་དོན་མཛད་པ་མ་བྱུང་བས། ནཱ་རོ་པའི་སློབ་མ་གྲུབ་ཐོབ་བཞིའི་གྲངས་སུ་མ་བགྲངས་ལ། ཕྱིས་ཨ་བྷ་ཡཱ་ཀ་རའི་སློབ་མ་མནྡི་ར་པཱ་ལ་ཞེས་བྱ་བ་རྣལ་འབྱོར་པ་ཤིན་ཏུ་བཟང་བ་ཞིག་ཡོད་པ་ལ། ཟླ་གཅིག་ཙམ་དུ་སྐུ་དངོས་སུ་བསྟན་ནས། སྒྲོལ་མའི་དབང་བསྐུར་བ་དང༌། རྒྱུད་བཤད་མན་ངག་རྣམས་ཀྱང་གནང་ནས། དེས་ཀྱང་བརྩོན་པར་བསྒོམས་པས་ཟླ་བ་དྲུག་ན་དངོས་གྲུབ་ཐོབ་སྟེ་མཐར་ཀླུའི་གནས་སུ་སོང་སྐད། དེ་ལ་ཡང་སློབ་མ་བཞི་ཙམ་ཡོད་ཅིང༌། བརྒྱུད་པའང་གཉིས་གསུམ་དུ་རྒྱུད་འདི་ཉན་བཤད་སོགས་བྱུང་འདུག་ཀྱང༌། ལོ་རྒྱུས་རྒྱས་པར་མ་ཐོས་གསུང་ངོ༌། །ལི་ལ་བཛྲ་ནི་རྒྱལ་རིགས་ཞིག་ཡིན་ལ། བྱ་བ་ཞིག་ལ་མ་ག་དྷར་ཕྱིན་ནས། ལམ་དུ་ཤིང་དྲུང་ཞིག་ན་རྣལ་འབྱོར་པ་ཞིག་འདུག་པ་མཐོང་བས་མཆོག་ཏུ་དད་དེ། ཞབས་ལ་ཕྱག་བྱས་སོ། །རང་ཡང་ཡུལ་དུ་ལྡོག་པའི་ཚེ། རང་གི་བུད་མེད་དེ་མི་


TNT12_Page_0566
[མ་དཔེ་གཟིགས་ན་འདིར་གནོན།]

གཞན་དང་འདྲེ་བ་སོགས་ཀྱིས་སེམས་ལ་གནོད་པར་གྱུར་ནས་ཡང་མ་ག་དྷར་ཆོས་ལ་འོངས་པས། ཤིང་དྲུང་དེར་སྔར་གྱི་གྲུབ་ཐོབ་དེ་ཉིད་དང་མཇལ་བ། གྲུབ་ཐོབ་དེ་ནི་ཏིལླཱི་པ་ཆེན་པོའོ། །དེར་ཏིལླི་པས་རྒྱུད་བྱིན་གྱིས་བརླབས་ནས་དབང་བསྐུར་ཞིང་གདམས་ངག་བསྟན་པས་རིང་པོར་མི་ཐོགས་པར་གྲུབ་པ་བརྙེས་ཏེ། གླིང་བུ་འབུད་ཅིང་སྨྱོན་པའི་སྤྱོད་པས་སེམས་ཅན་གྱི་དོན་བྱེད་པ་ཞིག་ཡོད་སྐད་འདིའི་ལོ་རྒྱུས་རྒྱས་པ་མི་གསུང་ངོ༌། །དཱི་པཱངྐ་རའི་ལོ་རྒྱུས་ནི་གྲགས་ཆེ་བས་གཞན་དུ་ཤེས་སོ། །མ་དྷྱ་མ་སིདྷ་ནི། ཇོ་བོ་རྗེའི་སློབ་མ་ཞིག་སྟེ། སྒྲ་ཚད་དང་མདོ་ལུགས་ལ་མཁས། འདིས་གསང་སྔགས་གཞན་མི་མཁྱེན། སྒྲོལ་མའི་རྒྱུད་འདི་ཁོ་ན་ལ་མཁས། ནུས་པའང་ཐོབ་ཏེ། རྒྱ་གར་ཤར་ཕྱོགས་ཀྱི་ཆུ་བོ་གངྒ་ལ་གཤེགས་ཀྱང་ཐང་ལ་འགྲོ་བ་བཞིན་ཐོགས་པ་མེད་པ། དུག་སྦྲུལ་དང་སྟག་ལ་སོགས་པ་ལ་བཀའ་བསྒོ་བར་ནུས་པ་ཞིག་གོ །ཏཱ་ར་ཤྲཱི་ནི། རྩོད་པ་སྨྲ་བའི་ཁྱུ་མཆོག་སྟེ། མ་ག་ངྷར་མུ་སྟེགས་ཀྱི་རྩོད་པ་ལས་ལན་གསུམ་དུ་རྒྱལ། ལྷོ་ཕྱོགས་ཀྱི་ཡུལ་དུ་ཉན་ཐོས་རྣམས་ཀྱི་རྩོད་པ་བཟློག་པ་དང༌། ཁ་ཆེའི་ཡུལ་དུ་ཕྱི་ནང་གི་པཎྜི་ཏ་ཐམས་ཅད་རྩོད་པས་ཟིལ་གྱིས་མནན་སྐད། ཁ་ཆེའི་རྒྱལ་པོའི་བླ་མར་གྱུར། ཡུལ་གརྫ་ནའི་རྒྱལ་པོ་སྒྲོལ་མའི་རིག་སྔགས་ཀྱིས་དབང་དུ་བསྡུས་ཏེ། སངས་རྒྱས་པ་ལ་བཅུག་གོ །སངྒྷ་ཤྲཱི་ནས། དྷརྨ་ཤྲཱིའི་བར་གྱི་ལོ་རྒྱུས་མི་གསུང༌། ཤཱཀྱ་རཀྵི་ཏ་ནི། སིངྒ་ལའི་ཡུལ་དུ་འཁྲུངས་


TNT12_Page_0567
[མ་དཔེ་གཟིགས་ན་འདིར་གནོན།]

ཤིང༌། དང་པོ་ཉན་ཐོས་སེནྡྷ་པ་ཡིན་ཅིང༌། དེའི་རིང་ལུགས་ལ་ཤིན་ཏུ་མཁས་པ་ཞིག་སྟེ། ར་ཁང་གི་ཡུལ་གྲུའི་ཆར་གཏོགས་པ་ཧ་རི་པུཉྩ་གསེར་གྱི་གྲོང་སྟེ་དེར་སློབ་དཔོན་དྷརྨཱ་ཤཱི་ལ། ཤེས་རབ་ཀྱི་ཕ་རོལ་ཏུ་ཕྱིན་པ་དང༌། སྔགས་ཀྱི་ཆོས་མང་དུ་གསན། ཁྱད་པར་དུ་དགྱེས་པ་རྡོ་རྗེ། བདེ་མཆོག་འཁོར་ལོ། སྒྲོལ་མ་འབྱུང་བ། ནག་པོ་ཆེན་པོའི་རྒྱུད་དེ། བཞི་པོ་དེ་དག་ཕལ་ཆེར་ལ་མཁས་པ། ཧེ་རུ་ཀའི་ཞལ་གཟིགས་ཤིང༌། སྒྲོལ་མའི་རིག་སྔགས་ལ་བརྟེན་ནས་ནག་པོ་ཆེན་པོ་དབང་དུ་བསྡུས་ཏེ། དགེ་བསྙེན་ནག་པོའི་གཟུགས་ཀྱིས་ཇི་ལྟར་བཞེད་པའི་དངོས་པོ་རྣམས་དཔག་ཚད་བརྒྱའི་ཕ་རོལ་ནས་འགུགས་པ་ཞིག་ཡོད་སྐད། ཙཾ་ག་ལ་རཱ་ཛ་ཞེས་བྱ་བ་རྒྱལ་པོ་ཞིག་གིས་ཧ་རི་པུཉྩར་གྲོང་ཁྱེར་དང་ལྷ་ཁང་རྣམས་འཇོམས་པའི་ཕྱིར་དམག་འདྲེན་པར་བརྩམས་པ་ན། ནག་པོ་ཆེན་པོའི་ཕྱག་མཚན་རྩེ་གསུམ་འཕངས་པ་ཟླ་བ་ཙམ་གྱིས་བགྲོད་དགོས་པའི་ཕ་རོལ་ཡིན་ནའང༌། རྒྱལ་པོ་ཕོ་བྲང་གི་སྟེང་དུ་ཏྲི་ཤུ་ལ་སླེབ་ཏེ་ཕོ་བྲང་ཞིག་གོ །དེ་ལྟར་ནུས་མཐུ་དང་ལྡན་པར་གྲགས། སུ་ཛ་ཏ་ནི་ཡུལ་ཀོམྦ་ཛའི་གཙུག་ལག་ཁང་དནྚ་པུ་རིའི་མཁན་པོ་སྟེ། རྒྱལ་རིགས་ལས་རབ་ཏུ་བྱུང་བ་ཡིན་ནོ། །བུདྡྷ་ཤྲཱི་བྷ་དྲ་དང༌། ཛྙཱ་ན་རཏྣ་གཉིས་ཀྱང་ཡུལ་དེ་ཉིད་དུ་བྱོན་པའོ། །ཛྙཱ་ན་སྱ་ན་ནི་ཡུལ་དེར་འཁྲུངས་ཤིང༌། མཁན་པོ་ཛྙཱ་ན་རཏྣ་ལས་རབ་ཏུ་བྱུང་བ། གསང་སྔགས་ཕྱི་ནང་གི་རྒྱུད་མང་དུ་མཁྱེན་པ། ཁྱད་པར་སྒྲོལ་མའི་རྒྱུད་


TNT12_Page_0568
[མ་དཔེ་གཟིགས་ན་འདིར་གནོན།]

ལ་མཁས་ཤིང་ནུས་པ་བརྙེས་པ། སྐུ་ཚེའི་སྨད་ལ་བལ་མོའི་ཡུལ་དུ་བཞུགས་ཤིང༌། རྣལ་འབྱོར་པའི་སྤྱོད་པ་མཛད་དེ། ཕྱག་རྒྱ་པདྨ་ཅན་ལས་དངོས་གྲུབ་ཐོབ་པ། འབྲས་བྲེ་གང་དང་ཆང་བུམ་པ་གཅིག་གིས་སྔགས་བཙུན་སྟོང་ཕྲག་གཉིས་ཙམ་ལ་འཁོར་ལོའི་མཆོད་པ་ཤིན་ཏུ་རྒྱས་པར་ལྡང་བ་སོགས་ངོ་མཚར་བའི་རྟགས་མང་པོ་ཅན་ཞིག་གོ །སློབ་དཔོན་རཱ་ཏི་གུཔྟས། སྒྲོལ་མའི་རྒྱུད་དང༌། ནག་པོ་ཆེན་པོའི་རྒྱུད་དང༌། བདེ་མཆོག་སྡོམ་པ་འབྱུང་བ་དང༌། ཀུ་རུ་ཀུལླེའི་རྟོག་པ་ལ་སོགས་པ་སྔགས་ཀྱི་རྒྱུད་སྡེ་འགའ་ཤས་ཀྱི་དབང་རྒྱུད་འཚོལ་བར་བལ་བོའི་ཡུལ་དུ་ཕེབས་ཏེ། ཛྙཱ་ན་སྱ་ན་དང༌། ཛཱི་བ་སྱ་ན་དང༌། ཤྲཱི་ཏ་ནུ་པཱ་ལ། གིཏྟི་པཱ་ལ་རྣམས་ལས་རྒྱུད་སྡེ་མང་དུ་གསན་པ་ལས། རྒྱུད་འདི་ནི་སློབ་དཔོན་ཛྙཱ་ན་སྱ་ན་ལ་གསན་པ་ཡིན་ནོ། །ཡང་གྲུབ་ཐོབ་པྲི་ཀ་པ་ནི། གྲུབ་ཐོབ་ཀནྡྷ་པ་ལས་དབང་དང་མན་ངག་ཐམས་ཅད་ཐོབ་ནས། ཡུན་རིང་དུ་སྒྲུབ་པ་མཛད་ཅིང༌། མཐར་པྲི་ཀའི་མེ་ཏོག་གི་ཚལ་ཞིག་ཏུ་དཀྱིལ་འཁོར་བཞེངས་ནས། སྒྲུབ་པ་བྱས་པས་མེ་ཏོག་གཅིག་ཟླ་བ་བཅུ་གཉིས་ཀྱི་བར་དུ་མི་རྙིངས་ཤིང༌། དེའི་མཐར་ནུབ་གཅིག་མེ་ཏོག་ལ་མེ་འབར་རོ། །དེ་གསོལ་བ་ཙམ་གྱིས་ཐུན་མོང་གི་དངོས་གྲུབ་ཐོབ་སྟེ། ས་འོག་ལ་ཐོགས་མེད་དུ་བགྲོད་པ་ཞིག་གོ །དྷུ་པི་ར་ཛ་ནི། ཁྲུས་མཁན་གྱི་རིགས་ལས་གྲུབ་པ་ཐོབ་པ་ཞིག་ཡིན་གསུངས། ཧ་རི་བྷཉྫ་བའི་ལོ་རྒྱུས་མི་གསུང་


TNT12_Page_0569
[མ་དཔེ་གཟིགས་ན་འདིར་གནོན།]

ལོ་ཀ་པྲ་དྭ་པ་ནི། རྒྱལ་རིགས་ཀྱི་པཎྜི་ཏ་ཞིག་སྟེ། ཀ་ན་ཀ་ཤྲཱི་ལ་རྩ་བའི་བླ་མར་མཛད། གསང་སྔགས་ཀྱི་ཆོས་ནི་སྒྲོལ་མ་འབྱུང་བའི་ཆོས་སྐོར་ཁོ་ན་ལ་ལེགས་པར་སྦྱངས་པ་ཞིག་ཡིན་ལ། ཡུལ་གུ་ཛི་ར་ཐར་སྐྱེད་ཚལ་སྟོང་པ་ཞིག་ཏུ་གནས་གཞི་བྱས་ནས། ལོ་དྲུག་ཙམ་དུ་སྔགས་འཆང་མོ་ཞིག་གིས་སྒྲུབ་གྲོགས་བྱས་ཏེ། སྒྲོལ་མའི་བསྐྱེད་རྫོགས་ཁོ་ན་བསྒོམས་པས། མཁའ་འགྲོ་མས་ལུང་བསྟན་པ་ཐོབ་ནས། རིག་མ་བཅུ་གཉིས་ལ་བརྟེན་ནས་རིག་པའི་བརྟུལ་ཞུགས་ཟླ་བ་དྲུག་བྱས་པས་འདོད་པའི་དངོས་གྲུབ་བརྙེས་ཏེ། གནས་དེ་ཉིད་དུ་བཞུགས་པ་ལས། ལན་གཅིག་ཡུལ་དེའི་རྒྱལ་པོ་གར་ལོག་གིས་རང་གི་ཡུལ་ལྗོངས་བལྟར་འོངས་པའི་ཚེ། སློབ་དཔོན་གྱི་གནས་དེ་ཉམས་དགའ་བར་མཐོང་ནས། འདི་ན་སུ་ཞིག་གནས་ཞེས་དྲིས་པ་ན། འདི་ནས་སངས་རྒྱས་པའི་ཁྱིམ་བཙུན་ཞིག་ཡོད་དོ་ཞེས་རྒྱལ་པོའི་གཡོག་རྣམས་ཀྱིས་སྨྲས་སོ། །དེ་ནས་རྒྱལ་པོའི་གནས་དེ་འཕྲོག་པར་བརྩམས་པ་ན། སྐད་ཅིག་ལ་དེའི་ཕྱི་ནང་ཐམས་ཅད་མེར་འབར་ཏེ། རྒྱལ་པོ་འཁོར་བཅས་ཀྱང་ཚིག་ལ་ཁད་པར་སོང་ངོ༌། །དེར་སློབ་དཔོན་གྲུབ་པ་ཐོབ་པར་ཤེས་ནས། གསོལ་བ་བཏབ་པས་མེ་ཞིའོ། །དེ་ནས་སློབ་དཔོན་ན་རེ། རྒྱལ་པོ་ཁྱོད་ཀྱིས་སངས་རྒྱས་པ་མཆོད་པར་བྱེད་ན་ལེགས། མི་བྱེད་ན་ད་ལྟ་ཉིད་དུ་བརླག་པར་བྱའོ་གསུང༌། རིགས་བརྒྱུད་དང་བཅས་པ་སངས་རྒྱས་པ་མཆོད་པར་མནའ་བོར་རོ། །དེ་ཕྱིན་ནས་ད་ལྟའི་བར་དུ་ཡང་ཡུལ་འདིའི་རྒྱལ་པོ་ནི་རུས་གར་ལོག་ཡིན་ཡང་སངས་རྒྱས་


TNT12_Page_0570
[མ་དཔེ་གཟིགས་ན་འདིར་གནོན།]

པ་ལ་གཙོ་བོར་མཆོད་པར་བྱེད་པ་ཡིན་ནོ། །དེ་གོང་ཡུལ་དེ་ན་སངས་རྒྱས་པ་ཉུང་ངུ་ལས་མེད་པ་ལ། རྒྱལ་པོ་དེ་ཉིད་ཀྱིས་ཀྱང་གཙུག་ལག་ཁང་བརྒྱད་བཞེངས་སོ། །དེ་ནས་བརྩམས་ཏེ་རིམ་པས་ད་ལྟའི་བར་དུ་ཡང་སངས་རྒྱས་ཀྱི་བསྟན་པ་དར་བར་ཡོད་དོ། །དེར་རྒྱལ་པོ་དེས་སངས་རྒྱས་ལ་དད་པར་གྱུར་པའི་ཚེ། ཀླ་ཀློའི་སྟོན་པ་ཀཱ་ཛི་རྣམས་ཀྱིས་སློབ་དཔོན་གྱི་གནས་ལ་མེ་བཏང་བས། སློབ་དཔོན་གྱིས་ཀྱང་དེ་རྣམས་ཉིད་ལ་ལྟ་སྟངས་མཛད་པས་ཐམས་ཅད་རེངས་ཤིང་དྲན་མེད་དུ་གྱུར། ཞག་གསུམ་གྱི་བར་དུ་མ་གསོས་པ་ལས། དེ་རྣམས་ཀྱི་ཉེ་དུས་གསོལ་བ་བཏབ་པ་ལས། དྲིལ་བུ་འཁྲོལ་བའི་སྒྲས་སླར་གསོས། དེ་རྣམས་རྒྱལ་པོའི་ཆད་པས་འཇིགས་པས་རང་གི་ཡུལ་ནུབ་ཕྱོགས་ཐག་རིང་པོར་བྲོས་ཏེ་སོང་ངོ༌། །ཀླ་ཀློའི་གནས་གཞི་མ་སི་ཏ་ཐམས་ཅད་སློབ་དཔོན་གྱིས་ཡུངས་ཀར་གཏོར་བ་ཁོ་ནས་ཞིག་སྟེ། དེ་དག་གི་ཤུལ་དུ་ཡང་སངས་རྒྱས་ཀྱི་མཆོད་རྟེན་རེ་བཞེངས། སྒྲོལ་མའི་ལྷ་ཁང་བརྒྱ་རྩ་བཞེངས་སོ། །རྒྱལ་པོ་ལ་པདྨ་གར་དབང་དབུགས་དབྱུང་བའི་དཀྱིལ་འཁོར་དུ་དབང་བསྐུར་ཏེ། གསང་སྔགས་ཀྱི་ལྷ་ཁང་ཞིག་ཀྱང་བཞེངས། སྔོན་རྒྱལ་པོ་དེའི་མངའ་འོག་ན་བྲམ་ཟེ་དང་མུ་སྟེགས་མང་ཞིང་རྒྱལ་པོའི་མཆོད་གནས་ཀྱི་གཙོ་བོ་གར་ལོག་ཀཱ་ཛི་རྣམས་ཀྱི་བྱེད་པས་ཀླ་ཀློའི་གྲུབ་མཐའ་འཛིན་པ་


TNT12_Page_0571
[མ་དཔེ་གཟིགས་ན་འདིར་གནོན།]

སྟོང་ཙམ་ཡོད། སངས་རྒྱས་པའི་རབ་ཏུ་བྱུང་བ་ཉི་ཤུ་ཙམ་ལས་མེད་པ་ལ་སློབ་དཔོན་དེ་ཉིད་ཀྱི་སྐུ་རིང་ཉིད་ལ་ཀླ་ཀློ་ཐམས་ཅད་ནུབ་ཅིང་རྒྱལ་པོས་སངས་རྒྱས་པའི་སློབ་དཔོན་མང་པོ་སྤྱན་དྲངས་པ་ལ་བརྟེན་ནས་དགེ་སློང་རང་ཡང་སྟོང་ཕྲག་གཉིས་ཙམ་འཕེལ་སྐད། ལན་གཅིག་ཡུལ་དེར་མུ་གེ་ཆེན་པོ་བྱུང་བ་ལ་སློབ་དཔོན་གྱིས་ས་འོག་ནས་འབྲུའི་གཏེར་ཆེན་པོ་ཕྱུང་ནས། ཡུལ་གྱི་མི་ཐམས་ཅད་ལ་འབྲུ་ཁལ་བརྒྱ་བརྒྱ་བྱིན་ཅིང༌། ཀླུ་དང་གནོད་སྦྱིན་རྣམས་ལས་བླངས་ཏེ་དབུལ་འཕོངས་ཐམས་ཅད་ལ་མུ་ཏིག་གི་དོ་ཤལ་རེ་རེ་དང༌། ཉིན་རེ་བཞིན་དུ་ཏོ་ལ་རེའི་རིན་ཐང་གི་ཁ་ཟས་སྦྱིན་པ་ལོ་གསུམ་གྱི་བར་དུ་མཛད། མཐར་འགྲོ་ལྡིང་དང་ཉེ་བའི་གླིང་ཞིག་ན། ཁྱེའུ་ཤི་བའི་ལུས་མཚན་དང་ལྡན་པ་ཞིག་ཡོད་པས་དེ་ལ་གྲོང་འཇུག་མཛད་དེ། སྐུ་ལུས་སྔ་མ་དེ་བྱིན་གྱིས་བརླབས་ནས་མི་རུལ་བར་མཆོད་རྟེན་སྒོ་ཅན་ཞིག་གི་ནང་དུ་བཞུགས་སོ། །འགྲོ་ལྡིང་དུ་ཡང་སྤྲོས་བཅས་ཀྱི་སྤྱོད་པ་མཛད་པ་ཞིག་བྱུང་ལ། སློབ་མ་བུད་མེད་བརྒྱད་རྒ་ཤི་མེད་པའི་ལུས་སུ་གྱུར་ཏེ། སྐུ་ལུས་སྔ་མ་དེ་ལ་མཆོད་པ་བྱེད་ཅིང་ཡོད་པ་ལས། ལོ་དྲུག་ཅུ་ནས་དེ་ཉིད་སླར་ཡང་སྐུ་ལུས་སྔ་མ་ཉིད་ལ་ཞུགས་ཏེ། དེར་ཡང་ལོ་བཅུ་ཙམ་དུ་སྐལ་ལྡན་གྱི་སེམས་ཅན་འགའ་ཞིག་གི་དོན་མཛད་དོ། །སླར་ཡང་མི་ལོ་གསུམ་གསུམ་དུ་སྐུ་ལུས་ཕན་ཚུན་དུ་འཕོ་བ་ལན་དྲུག་ཙམ་མཛད་ནས། སྐུ་ལུས་གཉིས་རིག་མའི་འཁོར་ཚོགས་དང་བཅས་པ་མི་སྣང་


TNT12_Page_0572
[མ་དཔེ་གཟིགས་ན་འདིར་གནོན།]

བར་གྱུར་ཏོ། །སློབ་དཔོན་འདི་ལ་ཏཱ་ར་ཤྲཱི་མི་ཏྲ་དང༌། ཆོས་འབྱུང་ཞི་བ་གཉིས་ཀྱིས་རྒྱུད་འདི་གསན། ཆོས་འབྱུང་ཞི་བ་ནི། རྩོད་དུས་ཀྱི་ཐམས་ཅད་མཁྱེན་པར་གྲགས་ཞེས་ཉི་མ་དཔལ་གྱིས་བཤད་ཀྱང༌། ལོ་རྒྱུས་མི་གསུང༌། དེ་ལ་སངྒྷ་ཤྲཱིས་ཞུས་པར་བྱས་ཀྱང་ཆོག་གསུང༌། གྲུབ་པའི་སློབ་དཔོན་ལོ་ཀ་པྲདྷས་སྒྲུབ་ཐབས་དང༌། རྒྱུད་ཀྱི་བསྡུས་པའི་དོན་དང༌། རྫོགས་རིམ་དང༌། དབང་གི་ཆོ་ག་དང༌། སྦྱིན་བསྲེག་རྣམས་མཛད་ཅིང༌། མིའི་ཉི་མའི་འགྲེལ་པ་ཡང་འདིའི་རྗེས་འབྲང་ངོ༌། །ཕྱིས་རྒྱུད་འདིའི་ཉན་བཤད་ཤིན་ཏུ་དཀོན་པ་ལ། གྲུབ་ཆེན་ཞི་བའི་ཞབས་ཀྱིས་རྒྱ་ཆེར་དར་བར་མཛད་དེ། ཁོ་བོས་ཀྱང༌། ཞི་བའི་ཞབས་ཀྱི་མན་ངག་ཕྱིན་ཅི་མ་ལོག་པ་བླ་མའི་ཞལ་གྱི་གདམས་པ་ཁོ་ནར་གྱུར་པ་དང༌། འགྲེལ་པ་གཉིས་གཞུང་ཕྲན་བརྒྱད་དང་བཅས་ལེགས་པར་མནོས་པས། ཁ་བ་ཅན་གྱི་ཕྱོགས་འདིར་སྔོན་ཆད་བདག་ཁོ་ནའི་བསོད་ནམས་ཀྱི་སྐལ་བར་ཐོབ་བོ། མ་རྒྱུད་རྒྱལ་པོ་ཟབ་མོའི་མཐར་ཐུག་པ་སྒྲོལ་མ་འབྱུང་བའི་རྒྱུད་ཀྱི་བྱུང་ཁུངས་རྣམས། བླ་མའི་གསུང་བཞིན་བཀོད་འདི་རྒྱལ་ཁམས་པ། །ཏཱ་ར་ནཱ་ཐ་ཞེས་བྱས་སྦྱར་བ་ཡིན། །ཞེས་པ་རང་ལོ་སུམ་ཅུ་པ་ལ་ཆོས་གྲྭ་གསེར་མདོག་ཅན་དུ་སྨྲས་པའོ།། །།དགེ་ལེགས་འཕེལ།། བཀྲ་ཤིས།། ཞུས་དག། རྗེ་བཙུན་སྒྲོལ་མ་བླ་མ་དབྱེར་མེད་ལ། །སྙིང་ནས་རེ་བས་སྐྱེ་བརྗེས་མཏ་ག་ཤམྦྷ་ལར་སྐྱེས་བླ་མའི་རྗེས་བཟུང་ནས། བདམས་ནོད་ས་ལམ་མཐར་ཕྱིན་སངས་རྒྱས་ཤོག

ཕྱག་འཚལ་ཉེར་གཅིག་གི་བསྟོད་པའི་རྣམ་པར་བཤད་པ།


TNT12_Page_0573
[མ་དཔེ་གཟིགས་ན་འདིར་གནོན།]

ཕྱག་འཚལ་ཉེར་གཅིག་གི་བསྟོད་པའི་རྣམ་པར་བཤད་པ་བཞུགས།


TNT12_Page_0574
[མ་དཔེ་གཟིགས་ན་འདིར་གནོན།]

ན་མོ་ལོ་ཀེ་ཤྭ་ར་ཡ། སྒྲོལ་མ་འཁོར་བ་ཀུན་སྒྲོལ་བ། །དེ་ལ་གུས་པས་ཕྱག་འཚལ་ནས། །བསྟོད་པའི་རྒྱུད་དོན་ཅུང་ཟད་བཤད། །བགེགས་རྣམས་མ་ལུས་ཞི་བར་མཛོད། །དེ་ལ་རྒྱུད་འདི་ནི་རྣལ་འབྱོར་བླ་ན་མེད་པ་ཡིན་ལ། དེ་ལས་ཀྱང་རྣལ་འབྱོར་མའི་རྒྱུད་དོ། །དེ་ལ་རིགས་དྲུག་ལས། རྡོ་རྗེ་རྟ་མཆོག་སྟེ་རྟའི་རྒྱལ་པོའི་རིགས་སོ། །དེ་ལས་ཀྱང་རིགས་ཀྱི་འཁོར་ལོའི་དབང་ཕྱུག་མ་བཅོམ་ལྡན་འདས་མ་སྒྲོལ་མའི་རྒྱུད་དེ། བསྟོད་པ་འདི་ཡང་རྒྱུད་ཆ་ཚང་བ་ཁོ་ནར་བཞེད་དོ། །དེ་ལ་ཚིགས་བཅད་དང་པོ་ཕྱག་འཚལ་སྒྲོལ་མ་མྱུར་མ་དཔའ་མོ་ཞེས་པ་ལ་སོགས་པ་ལ། ཕྱག་འཚལ་ལོ་ཞེས་པ་དང་པོར་འབྱུང་བ་ནི་བརྗོད་པ་གླེང་སླང་བའི་གཞིར་བཞག་པ་སྟེ་འོག་མ་རྣམས་ལའང་ཤེས་པར་བྱའོ། །གང་ལ་ཕྱག་འཚལ་ན་བཅོམ་ལྡན་འདས་མ་སྒྲོལ་མ་ལའོ། །དེ་ཉིད་ཀྱི་ཁྱད་པར་ཇི་ལྟ་བུ་ཅེ་ན། ཐུགས་དམིགས་པ་མེད་པའི་སྙིང་རྗེ་ཆེན་པོས་མྱུར་དུ་སེམས་ཅན་གྱི་དོན་མཛད་པས་མེ་དང་འཇིགས་པ་ཐམས་ཅད་ལས་སྐྱོབ་པར་


TNT12_Page_0575
[མ་དཔེ་གཟིགས་ན་འདིར་གནོན།]

དཔའ་བ་མོ་ནི་ནུས་མཐུ་ཐོགས་པ་མེད་པའི་འཕྲིན་ལས་དང༌། སྐད་ཅིག་གཅིག་ལ་ཡེ་ཤེས་ཀྱི་སྤྱན་གློག་དང་འདྲ་བ་མྱུར་དུ་སྐྱོད་པས། ཤེས་བྱ་མཐའ་དག་གཟིགས་པའི་མཁྱེན་པ་པོའོ། །དེའི་ཕྱིར་སྒྲོལ་མ་སྟེ་སེམས་ཅན་ཐམས་ཅད་འཁོར་བ་ལས་སྒྲོལ་བའི་འཕྲིན་ལས་ཅན་ནོ། །དེ་ལྟར་ན་མཁྱེན་པ་དང༌། བརྩེ་བ་དང་ནུས་པ་དང་འཕྲིན་ལས་ཏེ། དེ་ཙམ་བསྟན་པས་མཐའ་ཡས་པའི་ཡོན་ཏན་ཐམས་ཅད་མཚོན་ནུས་པ་ཡིན་ལ། དེ་ལྟ་བས་ན་ཚིག་གཉིས་པོ་དེ་ནི་ཐམས་ཅད་ཀྱི་མདོར་བསྟན་ཡིན་པར་ཤེས་པར་བྱའོ། །དེ་ལྟ་བུའི་ཡོན་ཏན་མངའ་བའི་ལྷ་མོ་འདི་ནི། འཇིག་རྟེན་གསུམ་གྱི་མགོན་པོ་སྤྱན་རས་གཟིགས་ཀྱི་ཞལ་རས་ཀྱི་ཆུ་སྐྱེས་ཏེ་པདྨ་གེ་སར་བྱེ་བ་ལས་སྤྲུལ་ཞིང་བྱུང་བའོ། །འདི་ལ་ལོ་ཙཱ་བ་ནམ་མཁའ་བཟང་པོས། འཇིག་རྟེན་གསུམ་མགོན་ཞལ་གྱི་ཆུ་སྐྱེས། །བྱེ་བའི་གེ་སར་ལས་ནི་བྱུང་མ། །ཞེས་པ་འགྱུར་བཅོས་པ་གོ་བདེའོ། །སྒྲ་ཇི་བཞིན་པ་མ་ཡིན་པ་ནི། འཇིག་རྟེན་


TNT12_Page_0576
[མ་དཔེ་གཟིགས་ན་འདིར་གནོན།]

གསུམ་མགོན་ཆོས་ཀྱི་སྐུ། དེ་ལས་བྱུང་བ་ནི་གཟུགས་ཀྱི་སྐུའོ། །ཚིག་བཅད་གཉིས་པ་ཕྱག་འཚལ་སྟོན་ཀའི་སོགས་ལ། སྟོན་ཀའི་ཟླ་བ་ཀུན་ཏུ་གང་བ་སྟེ། ཉ་གང་བ་བརྒྱ་ཕྲག་ནི་བརྩེགས་པའམ་སྤུངས་པའི་འོད་ཟེར་དང་མཚུངས་པའི་ཞལ་རས་རབ་ཏུ་དྭངས་པ་མཛེས་པ་མ་དང༌། སྐར་མ་སྟོང་ཕྲག་མང་པོ་ཚོགས་པ་རྣམས་ཀྱི་སྟེ་ལྟ་བུའམ་དུ་མར་གྱེས་པས་རབ་ཏུ་ཕྱེ་ཞིང་འཕྲོ་བའི་འོད་ཟེར་རབ་ཏུ་འབར་བའི་སྐུ་ཅན་མ་སྟེ། སྐུ་མདོག་དཀར་ཞིང་དྭངས་ལ་ཡིད་འཕྲོག་ཅིང་འོད་ཟེར་དཀར་པོ་འཕྲོ་བའོ། །སྦས་དོན་ནི་སྟོན་ཟླ་ལྟ་བུའི་བྱང་ཆུབ་ཀྱི་སེམས་ནོར་བུ་ནས་སྤྱི་བོའི་བར་འཕོ་མེད་དུ་བརྩེགས་པ་དང༌། ཕྲན་ཐམས་ཅད་ཀུན་དས་གང་བ་ནི་སྐར་ཚོགས་ལྟ་བུའོ། །ཚིགས་བཅད་གསུམ་པ་ཕྱག་འཚལ་གསེར་སྔོ་སོགས་ལ། གསེར་གྱི་ཡུ་བ་ཅན་མེ་ཏོག་སྔོ་བ་ཆུ་ལས་སྐྱེས་པའི་པདྨས་ཕྱག་རྣམ་པར་བརྒྱན་པ་སྟེ་ཕྱག་ན་བསྣམས་པའི་ལྷ་མོ་ཁྱོད་ནི་སྦྱིན་པ་དང་བརྩོན་འགྲུས་དང༌། དཀའ་ཐུབ་སྟེ་ཚུལ་ཁྲིམས་དང༌། ཞི་བ་སྟེ་ཤེས་རབ་དང༌། བཟོད་པ་དང་བསམ་གཏན་ཏེ་ཕ་རོལ་ཏུ་ཕྱིན་པ་དྲུག་ལ་མངའ་མཉེས་པས། ཕར་ཕྱིན་ནི་ཁྱོད་ནི་ཁྱོད་ཀྱི་སྤྱོད་ཡུལ་ཉིན་ཡིན་ལ། ལྷ་མོ་ཁྱོད་ནི་དེ་ལ་སྤྱོད་པ་མོའོ། །སྦས་དོན་ནི་ཆུ་སྐྱེས་གསང་བའི་པདྨ་དང༌། ཕྱག་གི་སྒྲས་རྡོ་རྗེ་ཏེ་མཉམ་པར་སྦྱར་བ་ལས་འཕོ་བ་མེད་པའི་ཚུལ་ཁྲིམས་དཀའ་ཐུབ་དང༌། བདེ་བའི་བསམ་གཏན་དང༌། སྟོང་ཉིད་རྟོགས་པས་རྣམ་རྟོག་ཞི་བའི་ཤེས་


TNT12_Page_0577
[མ་དཔེ་གཟིགས་ན་འདིར་གནོན།]

རབ་དང་དེ་ལས་མི་འདའ་བའི་བརྩོན་འགྲུས་དང༌། བདེ་སྡུག་ཐམས་ཅད་དེའི་ངང་དུ་སྙོམས་པའི་བཟོད་པ་དང༌། བདག་འཛིན་བཏང་བའི་སྦྱིན་པ་སྟེ། སྔགས་ཀྱི་སྤྱོད་པ་བསྟན་པའོ། །ཚིགས་བཅད་བཞི་པ་ཕྱག་འཚལ་དེ་བཞིན་སོགས་ལ། དེ་བཞིན་གཤེགས་པ་རྣམ་པར་སྣང་མཛད་ཀྱི་གཙུག་ཏོར་ལས། ཕན་ཡོན་མཐའ་ཡས་པ་དང་ལྡན་ཞིང་མི་མཐུན་པའི་ཕྱོགས་ཐམས་ཅད་ལས་རྣམ་པར་རྒྱལ་བར་བྱེད་པའི་རིག་སྔགས་ཀྱི་ཡེ་ཤེས་སྤྲུལ་པ་དེ། དགེ་མ་ཁྱེད་ཀྱིས་བདག་གིར་མཛད་ནས་ལོངས་སྤྱོད་དེ། སེམས་ཅན་དཔག་ཏུ་མེད་པའི་རིག་སྔགས་དེས་མཛད་ལ་ཕ་རོལ་ཏུ་ཕྱིན་པ་བཅུ་མ་ལུས་པར་ཐོབ་པའི། རྒྱལ་བའི་སྲས་པོ་ས་བཅུའི་དབང་ཕྱུག་རྣམས་ཀྱིས་ཀྱང་ཉིད་ལ་གུས་པས་བརྟེན་ཞིང་མཆོད་པའོ། །ཟབ་དོན་ལ་ལུགས་འབྱུང་ལུགས་ལྡོག་གི་དགའ་བའི་ས་ནི། དཔལ་ལྡན་དེ་བཞིན་ཉིད་གཤེགས་ཤིང༌། །དེ་བཞིན་སླར་ཡང་གཤེགས་པ་ཉིད། །ཅེས་པ་ལྟར་དེ་བཞིན་གཤེགས་པའོ། ཁམས་དང་རླུང་གི་ཚོགས་པ་གཙུག་ཏོར་དུ་ཐིམ་པས་སྤངས་བྱ་མཐའ་ཡས་པ་ལས་རྣམ་པར་རྒྱལ་ཞིང༌། ཕར་ཕྱིན་བཅུ་སྟེ་རླུང་བཅུ་གནས་གྱུར་པས། རྒྱལ་སྲས་བྱང་ཆུབ་སེམས་དཔའ་སྟེ་མིག་སོགས་སྐྱེ་མཆེད་རྣམས་ཀྱང་ཡེ་ཤེས་སུ་གནས་གྱུར་པའོ། །འདི་དང་གོང་གི་སྟོན་ཟླ་སོགས་སྦྱར་བས་ཏིང་ངེ་འཛིན་གྱི་ཡན་ལག་གོ །ཚིགས་བཅད་ལྔ་པ་ཕྱག་འཚལ་ཏུཏྟཱ་ར་སོགས་ལ་ཏུཏྟཱ་ར་དང་ཧཱུཾ་གི་


TNT12_Page_0578
[མ་དཔེ་གཟིགས་ན་འདིར་གནོན།]

སྔགས་ཀྱིས་སྒྲས་འཇིག་རྟེན་འདིའི་འདོད་ཁམས་ཀྱི་གནས་ཐམས་ཅད་དང༌། ནམ་མཁའ་སྟེ་གཟུགས་ཁམས་གཟུགས་མེད་ཀྱི་གནས་དང༌། ཕྱོགས་ཅཻས་པས་ཕྱོགས་བཅུའི་འཇིག་རྟེན་གྱི་ཁམས་གཞན་ཐམས་ཅད་ཀྱང༌། ཁྱབ་ཅིང་གང་བར་མཛད་ལ་འཇིག་རྟེན་བདུན་པོ་ཞབས་ཀྱི་འོག་ཏུ་མནན་པ་ལྟར་དབང་དུ་མཛད་ཅིང༌། ཁྱེད་ཀྱིས་བྱིན་གྱིས་བརླབས་པའི་རིག་སྔགས་ཀྱི་མཐུས་དབང་ཕྱུག་ཆེན་པོ་ལ་སོགས་པའི་ལྷ་ཆེན་པོ་རྣམས་ཀྱང་བྲན་དུ་འགུགས་པའི་ནུས་མཐུ་ཡོད་ན། ཕྲ་མོ་གཞན་ལྟ་སྨོས་ཀྱང་ཅི་དགོས། དེ་ལ་འཇིག་རྟེན་བདུན་ཞེས་པ་སྣོད་བདུན་དང༌། བཅུད་ཀྱི་བདུན་དང༌། སྣོད་བཅུད་བསྡོམས་པའི་བདུན་ལ་སོགས་པའི་འཆད་ཚུལ་མི་གཅིག་པ་མང་ཡང༌། འདིར་ནི་མཐུ་དང་ལྡན་པའི་འཇིག་རྟེན་བདུན་ཏེ། ཀླུ་དང་ཡི་དྭགས་དང་ལྷ་མ་ཡིན་དང༌། མི་དང་རིག་པ་འཛིན་པ་དང་མིའམ་ཅི་དང་ལྷའི་འཇིག་རྟེན་ནོ། །སྦས་དོན་ནི་ཏུཏྟཱ་ར་ནི་གདུང་བ་སྟེ། གཏུམ་མོའི་མེས་གདུང་པའོ། །ཧཱུཾ་གི་ཡི་གེ་ནི་མི་ཤིགས་པའི་སྒྲ་སྟེ་གཏུམ་མོ་ལས་བྱུང་བའོ། །འདོད་པ་ནི་གསང་བའི་འཁོར་ལོ་དང༌། ཕྱོགས་ནི་དབུ་མའི་ནང་སྟེ་སྒྲ་དེས་གང་བ་དང༌། ནམ་མཁའ་གང་མ་ནི་བརྗོད་བྲལ་ལོ། །འཇིག་རྟེན་བདུན་ནི་རྩ་འཁོར་ལོ་ལྔ་དང༌། མེ་རླུང་གི་འཁོར་ལོ་གཉིས་ཏེ་བདུན་གཏུམ་མོ་འབར་བ་ཞུ་བའི་ཀུན་དས་གང་བ་དང༌། ཀུན་ད་དེ་ཉིད་མ་ལུས་པར་སླར་ཡང་གསང་བ་ནས་སྤྱི་བོའི་བར་དུ་འགུགས་


TNT12_Page_0579
[མ་དཔེ་གཟིགས་ན་འདིར་གནོན།]

པའོ། །ཚིགས་བཅད་དྲུག་པ་ཕྱག་འཚལ་བརྒྱ་བྱིན་སོགས་ལ། བརྒྱ་བྱིན་ནི་ལྷའི་འགྲོ་བ་རྣམས་ཀྱི་རྒྱལ་པོའོ། །མེ་ལྷ་ནི་དྲང་སྲོང་གི་གཙོ་བོའོ། །ཚངས་པ་ནི་འཇིག་རྟེན་གྱི་བྱེད་པོར་འདོད་པའོ༌། །རླུང་ལྷ་ནི་འཇིག་རྟེན་བཟོའི་གནས་དང་བཀོད་པའི་ཁྱད་པར་བྱེད་པའོ། །དྲག་པོ་དང་གཏོགས་འདོད་དང༌། དྲང་སྲོང་ཉི་མའི་མདོག་དང༌། ཕྱཱ་ལ་སོགས་པ་བྱེད་པའམ། དབང་ཕྱུག་ཏུ་གྲགས་པ་སྣ་ཚོགས་པ་ནི། སྣ་ཚོགས་དབང་ཕྱུག་སྟེ། འཇིག་རྟེན་ན་ཆེས་ཆེ་བར་གྲགས་པ་དེ་རྣམས་ཀྱིས་ཀྱང༌། མཆོད་པའི་གནས་སུ་གྱུར་ཅིང༌། འབྱུང་པོ་ནི་ཚོགས་ཀྱི་བདག་པོ་ལ་སོགས་པ་བགེགས་དང་ལོག་པར་འདྲེན་པ་རྣམས་སོ། །རོ་ལངས་ནི་རོ་ལངས་ཀྱི་ལས་བྱེད་པས་ལས་ཀྱི་མིང་བྱེད་པ་བ་ལ་བཏགས་པ་སྟེ། ལྷའི་སྲིན་པོ་རིག་སྔགས་ཀྱི་མཐུ་གྲུབ་པ། རྫུ་འཕྲུལ་ཆེན་པོ་དང་ལྡན་པའི་འཇིགས་བྱེད་དགུ་ལ་སོགས་པའོ། །དྲི་ཟ་ནི་སྣ་ཚོགས་ཤིང་རྟ་ལ་སོགས་པ་རྣམས་དང༌། གནོད་སྦྱིན་ནི་རྣམ་ཐོས་བུ་ལ་སོགས་པ་གཏེར་གྱི་བདག་པོ་རྣམས་དང༌། མདངས་འཕྲོག་པའི་ལྷ་མ་སྲིན་རྣམས་ཏེ། གདུལ་བར་དཀའ་བའི་ཚོགས་དེ་རྣམས་ཀྱིས་ཀྱང༌། ཁྱོད་ཀྱི་མདུན་ནས་བསྟོད་པར་བྱེད་པ་སྟེ་འགྲོ་བ་ཐམས་ཅད་ཀྱིས་བླ་མར་བསྔགས་སོ། །སྦས་དོན་ནི་བརྒྱ་བྱིན་སོགས་ལྔ་ནི་འབྱུང་བ་ལྔ་སྟེ། བརྒྱ་བྱིན་ནི་ས། མེ་ལྷ་ནི་མེ། ཚངས་པ་ནི་ཆུ། རླུང་ལྷ་ནི་རླུང༌། སྣ་ཚོགས་དབང་ཕྱུག་ནམ་


TNT12_Page_0580
[མ་དཔེ་གཟིགས་ན་འདིར་གནོན།]

མཁའོ། །དེ་ལྟར་ཁམས་ལྔའི་རླུང་ཐིག་ལེར་ཐིམ་པ་ནི་མཆོད་པའོ། །འབྱུང་པོ་རྩ། རོ་ལངས་ཐིག་ལེ། དྲི་ཟ་རླུང༌། གནོད་སྦྱིན་རྣམ་རྟོག་སྟེ། དེ་དག་ཀྱང་ཐིག་ལེར་ཐིམ་པ་ནི་མདུན་ནས་བསྟོད་པའོ། །འདིས་ནི་འཛིན་པའི་ཡན་ལག་བསྟན་ནོ། །ཚིགས་བཅད་བདུན་པ་ཕྱག་འཚལ་ཏྲཊ་ཅེས་སོགས་ལ་ཏྲཊ་དང་ཕཊ་ཀྱི་གསང་སྔགས་ལ་སོགས་པ། འཕགས་མ་སྒྲོལ་མས་གསུངས་པའི་རིག་སྔགས། དྲག་ཤུལ་སྤྱོད་པ་རྣམས་ཀྱི་མཐུ་ལས། དྲག་པོའི་ལས་སྣ་ཚོགས་པར་བྱེད་པར་འགྱུར་ལ། དེ་ཡང་གཞན་ལ་ཕན་པའི་ཕྱིར་གདུལ་དཀའ་འདུལ་བ་ཡིན་གྱི། གནོད་པའི་སྦྱོར་བ་ནི་མ་ཡིན་ནོ། །རིགས་སྔགས་དེ་ལྟ་བུའི་ཁྱད་པར་འགའ་ཞིག་ལས། ཕ་རོལ་པའི་བྱད་མ་རྣམས་ཀྱི་འཁྲུལ་འཁོར་དང་སྔགས་ཀྱི་སྟོབས་བཟློག་ཅིང་འཇོམས་པ་དང༌། ཁྲོ་མོའི་སྐུར་བསྟན་ཏེ། གཡས་བསྐུམ་གཡོན་བརྐྱང་ལ་སོགས་པའི་ཞབས་ཀྱིས། གདུག་པ་ཅན་རྣམས་མནན་པའི་ཚུལ་གྱིས། རིམས་དང་ནད་ཡམས་ལ་སོགས་པ་ཞི་བར་མཛད་ཅིང་ཁྲོ་བས་འཁྲུགས་པའི་སྐུ་ལུས་མེ་འབར་ཞིང་ཤིན་ཏུ་འབར་བ་སྟོན་པས། གཤིན་རྗེ་ལ་སོགས་པའི་གདོན་རྣམས་བྱེར་པ་དང༌། འགྲོ་བ་རྣམས་ལ་བསྲུང་བ་ཆེན་པོ་མཛད་པ་ཡིན་ནོ། །སྦས་དོན་ནི་ཏྲཊ་ཅེས་པ་ནི་དྲལ་བ༌། ཕཊ་ནི་འགས་པ་སྟེ་རྣམ་རྟོག་འཇོམས་པའོ། །ཕ་རོལ་ལས་དང་ཉོན་མོངས་པའི་འཁྲུལ་འཁོར་དུས་སྦྱོར་བཅུ་གཉིས་ཀྱི་རླུང་སོགས་འགག་


TNT12_Page_0581
[མ་དཔེ་གཟིགས་ན་འདིར་གནོན།]

པ་དང༌། གཡས་ཀྱི་རྩ་རོ་མ་ནི་སྐུམ་པ་སྟེ་ཁ་སྟེང་དུ་ལྟ་བ་དང༌། གཡོན་གྱི་རྩ་རྐྱང་མ་ནི་བརྐྱང་བ་སྟེ་ཁ་འོག་ཏུ་བལྟ་བ་ཡིན་ལ། དེ་གཉིས་དབུ་མའི་ཞབས་གྱིས་ཡོངས་སུ་མནན་པ་ནི། དེ་གཉིས་ཀྱི་རླུང་དབུ་མར་འགགས་པའོ། །དེ་ལས་གཏུམ་མོའི་མེ་འབར་བ་དང༌། ཧཾ་ཡིག་ཞུ་བའི་ཆུ་འཁྲུགས་པ་དང༌། སླར་ཡང་ཤིན་ཏུ་འབར་ཞིང་ཆེས་ཞུ་བ་ལ་སོགས་པ་སྟེ། སྲོག་རྩོལ་གྱི་ཡན་ལག་གོ །ཚིགས་བཅད་བརྒྱད་པ་ཕྱག་འཚལ་ཏུ་རེ་སོགས་ལ་ཨོཾ་ཏུ་རེ་སོགས་ཀྱི་རིགས་སྔགས་བཟླས་པའི་མཐུས། རང་བཞིན་ཞི་བའི་དབྱིངས་ལས་སྒྲོལ་མ་ཉིད་འཇིགས་པ་ཆེན་པོའི་སྐུར་སྟོན་པར་འགྱུར་ལ། དེས་ནི་བདུད་ཀྱི་དཔའ་བོ་སྟེ་དམག་དཔོན་རྣམས་འཇོམས་ཤིང༌། ཞལ་རས་ཆུ་སྐྱེས་ཁྲོ་གཉེར་དང་ལྡན་པར་མཛད་པས། བསྟན་པ་ལ་སྡང་བ་དང༌། སེམས་ཅན་མང་པོ་ལ་འཚེ་བ་དང༌། སྒྲུབ་པ་པོ་ལ་བར་དུ་གཅོད་པའི་དགྲ་རྣམས་གསོད་པ་མ་སྟེ། འཆི་བའམ་གནོད་པའི་བསམ་སྦྱོར་མེད་པར་འགྱུར་བའོ། །དེའི་ནང་གི་དོན་ལ། བདུད་ཀྱི་དཔའ་བོ་འཇོམས་པ་ནི་ཕྱོགས་ལས་རྣམ་པར་རྒྱལ་བའི་སྤྱོད་པའོ། ཁྲོ་གཉེར་ནི་ལྷའི་ཆས་སུ་ཞུགས་པར་མཚོན་ཏེ། དེས་ཀྱང་ཡེ་ཤེས་ཀྱི་སྐུ་གྲུབ་པ་མཚོན་པ་ཡིན་ལ། བདེ་སྟོང་གཉིས་སུ་མེད་པའི་ཡེ་ཤེས་ནི་སྐལ་དམན་རྣམས་སྐྲག་པར་མཛད་པའི་ཕྱིར་འཇིགས་པ་ཆེན་པོའོ། །ཡེ་ཤེས་དང་ཡེ་ཤེས་ཀྱི་


TNT12_Page_0582
[མ་དཔེ་གཟིགས་ན་འདིར་གནོན།]

སྐུ་དེ་གཉིས་ཀྱིས་དགྲ་བོ་སྟེ་སྒྲིབ་པ་མ་ལུས་པ་བཅོམ་ནས། ཏུ་རེ་སྟེ་མྱུར་བར་ལམ་གོང་མ་རྣམས་བསྒྲོད་ནས་རྫོགས་པའི་སངས་རྒྱས་ཐོབ་པའོ། །འདི་ནི་ཏིང་ངེ་འཛིན་གྱི་ཡན་ལག་གི་འབྲས་བུ་ཀུན་ཏུ་འོད་ལ་སོགས་པའི་ས་བཅུ་གཉིས་སོ། །ཚིགས་བཅད་དགུ་པ་ཕྱག་འཚལ་དཀོན་མཆོག་སོགས་ལ། དཀོན་མཆོག་གསུམ་མཚོན་པར་བྱེད་པ་ཨུཏྤ་ལའི་ཕྱག་རྒྱ་ནི་སྒྲོལ་མའི་དམ་ཚིག་གི་ཕྱག་རྒྱ་སྟེ། སྙིམ་པ་ཁ་སྦྱར་གྱི་གུང་མོ་སྦྱར་ཞིང་འཛུབ་མོས་བརྟེན་ནས་མཐེ་བོང་གཞིབས་ཏེ་རྩ་བར་བཀོད་པ་ཐུགས་ཀར་གཏོད་པས་རྣམ་པར་བརྒྱན་པ་ནི། རྗེས་འཇུག་རྣམས་ཀྱིས་ཀྱང་དམ་ཚིག་གི་ཕྱག་རྒྱ་དེ་ལྟ་བུ་ཆོ་ག་བཞིན་ཏུ་བཅིངས་ན། རིག་སྔགས་ཀྱི་ལྷས་བྱིན་གྱིས་རློབ་པའི་དོན་སྔོན་བྱུང་ལ་བཅོམ་ལྡན་འདས་མ་ཉིད་ཕྱག་རྒྱ་དེ་ལྟ་བུ་འཆིང་བའི་སྐུའི་རྣམ་འགྱུར་དང༌། ཕྱོགས་ཀྱི་འཁོར་ལོ་སྟེ་ཕྱོགས་བཅུའི་ཞིང་ཁམས་མ་ལུས་པ། རང་གི་སྐུ་ལས་བྱུང་བའི་འོད་ཟེར་གྱི་ཚོགས་རབ་ཏུ་འཁྲུགས་ཤིང་འཕྲོ་བས་ཁྱབ་ཅིང་བརྒྱན་པར་མཛད་པའོ། །དེ་ཉིད་རྗེས་འཇུག་ལ་ནི། ཕྱག་རྒྱ་དེས་སྤྱན་དྲངས་ན་ཕྱོགས་བཅུའི་ཞིང་ནས་འོད་ཟེར་འཕྲོ་ཞིང་དངོས་སུ་འབྱོན་པའོ། །སྦས་དོན་ནི། དཀོན་མཆོག་གསུམ་མཚོན་ནི་ཁུ་རྡུལ་རླུང་གསུམ་སྟེ། གཅིག་ཏུ་འདུས་པ་སོར་མོ་གསུམ་གྱི་ཕྱག་རྒྱ་ལྟ་བུ་དེ་རྣམས་རྩ་འཁོར་ལོ་སོ་སོའི་ཐུགས་ཀ་སྟེ་དབུས་ཀྱི་ལྟེ་བའི་ཐིག་ལེར་ཡོངས་སུ་བཅིངས་པས་ཡེ་ཤེས་ཀྱི་སྐུ་གཏུམ་མོའི་འོད་ཟེར་ལས་གྲུབ་པ་ཕྱོགས་ཀུན་ཏུ་ཁྱབ་པ།


TNT12_Page_0583
[མ་དཔེ་གཟིགས་ན་འདིར་གནོན།]

ཐིམ་པར་འགྱུར་བའི་དོན་ཏེ། འཛིན་པའི་སྟོབས་ལས་རྗེས་དྲན་འབྱུང་བའོ། །ཚིགས་བཅད་བཅུ་པ་ཕྱག་འཚལ་རབ་ཏུ་སོགས་ལ། འགྲོ་བ་རྣམས་རབ་ཏུ་དགའ་བ་བསྐྱེད་པའི་སྐུ་དང༌། བརྗིད་ཅིང་མཛེས་པའི་དབུ་རྒྱན་གྱི་ནོར་བུ་ལས་འོད་ཟེར་གྱི་ཕྲེང་བ་སྤེལ་ཞིང་འཕྲོ་བ་མ་དང༌། བཞད་པ་དང་རབ་ཏུ་ཆེར་བཞད་པ་དང༌། ཨོཾ་ཏུཏྟཱ་རེ་ལ་སོགས་པའི་སྔགས་ཀྱི་སྒྲས་འཇིག་རྟེན་གཞན་རྣམས་དབང་དུ་བྱེད་པའི་བདུད་ཀྱང་ཁྱོད་ཀྱིས་དབང་དུ་མཛད་ལ། འཇིག་རྟེན་གཞན་ཐམས་ཅད་ཀྱང་ནུས་པས་དབང་དུ་བསྡུས་ནས། ཐར་པ་དང་ཐམས་ཅད་མཁྱེན་པ་ལ་འགོད་དོ། །སྦས་དོན་ནི། རབ་ཏུ་དགའ་བ་ལྷན་ཅིག་སྐྱེས་པའི་གཟི་བརྗིད་ཀྱི་འོད་ཟེར་གྱིས་དབུ་ལ་བརྒྱན་པ་ནི། སྤྱི་བོར་མས་བརྟན་པའི་ལྷན་སྐྱེས་ཏེ། བཞད་པ་རབ་བཞད་ཀྱང་སྒྲ་དང་བཅས་པའི་གཏུམ་མོའི་མེའི་དོན་ནོ། །ཏུཏྟཱ་ར་ནི་གདུང་བ་མ་སྟེ་གཏུམ་མོའི་མེའི་གདུང་བས། བདུད་ཆགས་རྟོག་དང༌། འཇིག་རྟེན་ལུས་ངག་ཡིད་གསུམ་བདེ་བ་ཆེན་པོའི་ཡེ་ཤེས་ཀྱི་བྱིན་གྱིས་རློབ་ཅིང་དབང་དུ་བྱེད་པ་སྟེ། རྗེས་དྲན་གྱིས་ཡན་ལག་གོ །ཚིགས་བཅད་བཅུ་གཅིག་པ་ཕྱག་འཚལ་ས་གཞི་སོགས་ལ་ལྷ་མོ་གང་གི་རིག་སྔགས་ཀྱིས་ས་གཞི་སྐྱོང་བའི་རྒྱལ་པོའི་ཚོགས་སམ། སའི་ལྷ་མོ་ལ་སོགས་པ། ས་འོག་གི་ཀླུ་དང༌། ལྷ་མ་ཡིན་དང་རིག་པ་འཛིན་པ་དང༌། མཁའ་འགྲོ་མའི་ཚོགས་རྣམས་


TNT12_Page_0584
[མ་དཔེ་གཟིགས་ན་འདིར་གནོན།]

ཐམས་ཅད་འགུགས་ཤིང་དབང་དུ་བྱེད་པའི་ནུས་པ་དང་ལྡན་པ་ཉིད་མའོ། ཁྲོ་གཉེར་གཡོ་བ་སྟེ་ཁྲོ་མོའི་རིག་སྔགས་ཧཱུཾ་གི་ཡི་གེ་དང་བཅས་པའི་མཐུ་ལས། འགྲོ་བ་འཕོངས་པ་རྣམས་ཐམས་ཅད་དབུལ་ཞིང་འཕོངས་པའི་སྡུག་བསྔལ་མ་ལུས་པ་ལས་སྒྲོལ་ཞིང་ཞི་བར་མཛད་པ་དང༌། ལོངས་སྤྱོད་ཕུན་སུམ་ཚོགས་པ་དང༌། གཏེར་ཆེན་པོའི་དངོས་གྲུབ་ལ་སོགས་པ་རྒྱས་པར་བྱེད་པའོ། །སྦས་དོན་ནི། ས་གཞི་སྐྱོང་བས་འོག་གི་བདག་པོའི་སྒྲས། རྡུལ་གྱི་དྭངས་མ། གཙུར་ཏོར་ནས་ནོར་བུའི་བར་དུ་བརྟན་པའི་ཚུལ་གྱིས་འགུགས་པ་དང༌། ཁྲོ་གཉེར་གཡོ་བ་དང་ཧཱུཾ་གི་སྒྲས། རི་བོང་ཅན་གྱི་དྭངས་མ་ཁྲོ་གཉེར་ཏེ། སྨིན་མཚམས་ཀྱི་ཐིག་ལེ་བརྒྱུད་དེ། གཙུག་ཏོར་གྱི་བར་དུ་བརྟན་པ་ནི། ནམ་མཁའ་མཛོད་ལ་སོགས་པའི་ཏིང་ངེ་འཛིན་སྒྲུབ་པའི་ཕྱིར་འཕོངས་པ་ལས་སྒྲོལ་བའོ། །འདི་ནི་ཏིང་ངེ་འཛིན་གྱི་ཡན་ལག་གི་ཁྱད་ཆོས་དཀར་དམར་གྱི་སྒྲོད་པ་སྟེང་འོག་ཏུ་འགག་ཚུལ་ལོ། །ཚིགས་བཅད་བཅུ་གཉིས་པ་ཕྱག་འཚལ་ཟླ་བའི་སོགས་ལ། ཟླ་བའི་དུམ་བུ་ནི་ཟླ་བ་ཕྱེད་པས་དབུ་རྒྱན་ལ་བརྒྱན་པ་ལས་དང༌། གཞན་ཡང་རྒྱན་གྱིས་བརྒྱན་པ་ཐམས་ཅད་ལས་འོད་ཟེར་རབ་ཏུ་འབར་བས། ཕྱུགས་བདག་ཆེན་པོ་བྱེ་བ་ཕྲག་བརྒྱའི་དྲེགས་པ་འཇོམས་པ་མོ། ལན་འགའ་དཀའ་ཐུབ་ཅན་གྱི་སྐུར་བསྟན་ནས། རལ་པའི་ཐོར་ཚུགས་འཆང་བའི་ཁྲོད་ན་དེ་བཞིན་གཤེགས་པ་འོད་དཔག་ཏུ་མེད་པ་བཞུགས་ཤིང་གནས་


TNT12_Page_0585
[མ་དཔེ་གཟིགས་ན་འདིར་གནོན།]

པའི་སྐུ་ལས། རྟག་ཏུ་རྒྱུན་མི་འཆད་པར་ཤིན་ཏུ་འོད་རབ་བྱེད་མ་སྟེ། འོད་ཀྱི་སྣང་བས་གསལ་བར་བྱེད་པའོ། །སྦས་དོན་ནི། གོང་སྔ་མའི་འཕྲོས་དེ་ཉིད་ལ་སྦྱར་ཏེ། ཟླ་བའི་དུམ་བུའི་དབུ་རྒྱན་ནི་བྱང་ཆུབ་ཀྱི་སེམས་སྤྱི་བོར་བརྟན་པའོ། །རལ་པའི་ཁྲོད་གནས་ནི་གྲིབ་མའི་ཚུལ་དུ་སྤྱི་བོར་བརྟན་པ། འོད་དཔག་མེད་ནི་དམར་ཆའི་དྭངས་མ། དེ་གཉིས་ཀར་ལ་འོད་ཟེར་རབ་ཏུ་འཕྲོ་བ་ནི། དཀར་དམར་དེ་རྣམས་སྟོང་གཟུགས་ཕྱག་རྒྱ་ཆེན་པོའི་དཀྱིལ་འཁོར་གྱི་འཁོར་ལོ་མཐའ་ཡས་པར་གྱུར་པའོ། །ཚིགས་བཅད་བཅུ་གསུམ་པ་ཕྱག་འཚལ་བསྐལ་པ་སོགས་ལ། བསྐལ་པ་ཐ་མ་སྟེ། འཇིག་དུས་ཀྱི་མེ་ལྟར་འབར་བའི་ཕྲེང་བ་མེ་དཔུང་གི་དབུས་ན་བཞུགས་ཤིང༌། ནང་ཟག་མེད་ཀྱི་དགའ་བ་ལས་མ་གཡོས་བཞིན་དུ། གཡས་བརྐྱང་གཡོན་བསྐུམ་སོགས་དྲག་པོའི་སྟངས་སྟབས་ཀུན་ནས་བསྐོར་བ་སྟེ་རོལ་པ་སྣ་ཚོགས་པས་དགའ་བ་དང༌། དགྲ་བོ་སྟེ་མི་དང་མི་མ་ཡིན་པའི་གནོད་བྱེད་ཀྱི་དཔུང་གི་ཚོགས་རྣམས་ནི་རབ་ཏུ་འཇོམས་པའོ། །སྦས་དོན་ནི། གཏུམ་མོ་ཡེ་ཤེས་ཀྱི་མེ་དུས་མཐའི་མེ་འབར་བ་ལྟ་བུ་སྟེ། ལུས་དང་སྣང་བ་ཐམས་ཅད་ལ་ཁྱབ་པར་འབྱུང་བའི་རྒྱུ་ནི་གཡས་བརྐྱང་གཡོན་བསྐུམ་སྟེ། གཡས་གཡོན་རོ་རྐྱང་ངམ་སྟེང་འོག་སྲོག་ཐུར་གྱི་རླུང་ནི་ཀུན་ནས་བསྐོར་བ་


TNT12_Page_0586
[མ་དཔེ་གཟིགས་ན་འདིར་གནོན།]

སྟེ། རྩ་འཁོར་ལོ་སོ་སོར་རེ་རེ་བཞིན་འབྱུང་བ་ལྔའི་ཐིམ་ཚུལ་སོགས། རྣམ་པར་རོལ་པའི་རྣམ་འགྱུར་དུ་མ་ཀུན་ནས་འབྱུང་བ་སྟེ། དགའ་བ་ཅེས་པས་རླུང་རྣམས་བདེ་བའི་ཐིག་ལེར་གྱུར་པས་བདུད་དང་ཉོན་མོངས་པའི་དགྲ་དཔུང་འཇོམས་པའོ། །ཚིགས་བཅད་བཅུ་བཞི་པ་ཕྱག་འཚལ་ས་གཞི་སོགས་ལ། རི་རབ་གླིང་དང་བཅས་པའི་ས་གཞི་ཆེན་པོའི་ངོས་ལ། ཐལ་མོ་བརྡབས་པའི་ཕྱག་གི་མཐིལ་གྱིས་བསྣུན་པའོ། །ཞབས་ཀྱི་བརྡུངས་པ་ལས་དང༌། ཞལ་རས་ཁྲོ་གཉེར་ཅན་དུ་མཛད་ཅིང་ཁྲོ་བའི་ཤུགས་ཀྱིས། ཧཱུཾ་ཞེས་ཤངས་ནས་འཇིགས་པའི་སྒྲ་བསྒྲགས་པས། ས་འོག་རིམ་པ་བདུན་ན་གནས་པའི་ཀླུ་དང་ལྷ་མིན་དང་སྲིན་པོ་དང་ཡི་དྭགས་གདུག་པ་ཅན་རྣམས་ཐམས་ཅད་འགེམས་པ་མོ་སྟེ་དུམ་བུར་འཐོར་བར་མཛད་པའོ། །དེ་ལས་འོག་བདུན་ནི། ས་གཞི་ཆེན་པོ་འདི་ཉིད་ལ། འོག་ཏུ་ཐོག་ཕུགས་རིམ་པ་བདུན་བཞིན་དུ་མི་མ་ཡིན་གྱི་ཡུལ་ཆེན་པོ་དག་གནས་པའོ། ཁ་ཅིག་ནི་རི་རབ་ཀྱི་རྩེ་མོའི་ཁོང་སེང་ནས་འཐུར་དུ་གཞལ་པ་ཡིན་ཟེར་ཡང་མི་ལེགས་པར་མངོན་ནོ། །དེ་ཡང་གཞི་དང༌། ལྷག་པའི་གཞི་དང༌། གཞི་མེད་པ་དང༌། གཞི་ཉིད་དང་བཅུད་ཀྱི་གཞི་དང༌། གཞི་བཟང་པོ་དང༌། དག་པའི་གཞི་ཞེས་བྱའོ། །ས་འོག་གི་འཇིག་རྟེན་ཆེན་པོ་རྣམས་སོ། །སྦས་དོན་ནི། ས་གཞིའི་ངོས་ནི་ལྟེ་བའི་དཀྱིལ་འཁོར་ཏེ། དེ་ལ་གཏུམ་མོ་ཡེ་ཤེས་ཀྱི་མེ་ངེས་པའི་དོན་གྱི་ལྷ་མོའི་ཞབས་


TNT12_Page_0587
[མ་དཔེ་གཟིགས་ན་འདིར་གནོན།]

ཀྱིས་བརྡུངས་པ་དང་མེ་ལྕེའི་ཕྱག་གིས་བསྣུན་པའོ། །དེ་ཡང་ས་འོག་བདུན་ཏེ། དབུ་མའི་མས་སྣ་ན་ཚངས་པའི་མེ་སྦྲུལ་ལྟར་འཁྱིལ་བ་ལན་བདུན་པ། རབ་ཏུ་འབར་བ་གནས་པ་དེར། གཏུམ་མོ་འབར་བའི་བྱང་ཆུབ་ཀྱི་སེམས་འོངས་པ་ན་མེའི་གདུང་བ་རབ་ཏུ་ཞི་བ་དང༌། དེའི་རྩ་མདུད་རྣམས་འགེམས་ཤིང་འཇིག་པའོ། །ཚིགས་བཅད་བཅོ་ལྔ་པ་ཕྱག་འཚལ་བདེ་མ་སོགས་ལ། བཅོམ་ལྡན་འདས་མ་ཉིད་རྟག་ཏུ་བདེ་བ་དང༌། དགེ་བ་དང༌། ཞི་བའི་ངང་ཚུལ་ཅན་མ། མྱ་ངན་ལས་འདས་པ་མཆོག་ཏུ་ཞི་བ། འགོག་བདེན་གྱི་དབྱིངས་ལ་མཉམ་པར་འཇོག་པས་ཞི་བའི་སྤྱོད་ཡུལ་ཅན་མ་སྟེ། དེའི་ཕྱིར་འགྲོ་བ་རྣམས་ལ། ཚེ་འདིའི་བདེ་བ་དང༌། ཕ་རོལ་གྱི་དོན་དུ་དགེ་བ་བསྐྱེད་པར་མཛད་པ་མ། སྐལ་བ་དང་ལྡན་པ་རྣམས་ལ། ཞི་བའི་ལམ་སྟོན་པར་མཛད་ཅིང༌། འབྲས་བུ་མི་གནས་པའི་མྱང་འདས་ཞི་བ་དམ་པའི་སྤྱོད་ཡུལ་ལ་འགོད་པར་མཛད་པ་སྟེ། གཞན་ཡང་ལྷ་མོ་ཉིད་ཀྱི་གསུངས་པའི་རིག་སྔགས་སྭཱཧཱ་དང་ཨོཾ་དང་ཡང་དག་པར་ལྡན་པ་དག་བཟླས་པས། སྡིག་པ་ཆེན་པོ་དང་དེའི་འབྲས་བུ་སྡུག་བསྔལ་ཆེན་པོ་རྣམས་ཀྱང་འཇོམས་པར་མཛད་པ་ཉིད་དོ། །འདིས་ཞི་བའི་ལས་ཀྱི་མཐའ་བསྒྱུར་བའི་སྔགས་སྭཱཧཱ་བཤད་ཅིང༌། གོང་དུ་བཟློག་པ་ལ་ཏྲཊ་དང༌། བསད་པ་ལ་ཕཊ་དུ་གསུངས་པས། ལས་གཞན་རྣམས་ཀྱི་སྔགས་ཀྱི་མཐའ་བསྒྱུར་བ་


TNT12_Page_0588
[མ་དཔེ་གཟིགས་ན་འདིར་གནོན།]

ཡང་ཞོར་ལ་འཕངས་པ་ཡིན་ནོ། །འདིའི་ངེས་པའི་དོན་མཐར་ཐུག་པ་ནི། བདེ་མ་ནི་སོར་རྟོག་ཡེ་ཤེས། དགེ་མ་ནི་མེ་ལོང་ཡེ་ཤེས། ཞི་མ་ནི་མཉམ་ཉིད་ཡེ་ཤེས། མྱ་ངན་འདས་ཞི་ནི་ཆོས་དབྱིངས་ཡེ་ཤེས། སྡིག་པ་ཆེན་པོ་འཇོམས་པ་ནི་བྱ་སྒྲུབ་ཡེ་ཤེས་སོ། །གསུང་གཞོམ་མེད་ཀྱི་སྒྲ། རིག་སྔགས་ཨོཾ་དང་སྭཱཧཱས་མཚོན་པ་མཐའ་ཡས་པར་ཤར་བས། སྡིག་པ་ཞི་བ་སོགས་སེམས་ཅན་གྱི་དོན་མཛད་པ་སྟེ་འབྲས་བུ་ལ་སྦྱར་བའོ། །ཚིགས་བཅད་བཅུ་དྲུག་པ་ཕྱག་འཚལ་ཀུན་ནས་སོགས་ལ། གྲུབ་པ་རིག་པ་འཛིན་པ་དང༌། བྱང་ཆུབ་སེམས་དཔའ་ཏིང་ངེ་འཛིན་དང་རབ་ཏུ་དགའ་བའི་ཐུགས་དང་ལྡན་པ་རྣམས་ཀྱིས་ཀུན་ནས་བསྐོར་ཞིང༌། གཞན་འཕྲུལ་དབང་བྱེད་ཀྱི་བདག་པོ་སྡིག་ཏོ་ཅན་ལ་སོགས་པ་སེམས་ཅན་རྣམས་ལ་ཉེ་བར་འཚེ་བའི་དགྲའི་ལུས་རབ་ཏུ་འགེམས་པ་སྟེ་འཐོར་བར་མཛད་པ། ཡི་གེ་བཅུ་པའི་ངག་སྟེ་སྔགས་ཀྱི་བཀོད་པ་ལས་བྱུང་བའི་ལྷ་མོ་ཁྱོད། རིག་པ་སྟེ་རིག་སྔགས་ཧཱུཾ་ཡིག་ལས་བྱུང་བའི་སྒྲོན་མ་འོད་ཟེར་འབར་བའི་སྐུ་ཅན་ཉིད་མའོ། །འདིས་ནི་སྒྲོལ་མ་ཁྲོ་མོ་ལ་ས་བོན་ཧཱུཾ་དང་བསྙེན་པའི་སྔགས་ཡི་གེ་བཅུ་པར་བསྟན་ནོ། །ངེས་དོན་ནི། སྟོང་གཟུགས་ཕྱག་རྒྱ་ཆེན་པོ་འོད་ཟེར་གྱིས་བསྐོར་བའི་རབ་དགའ་སྟེ་གཡོ་མེད་བདེ་བས། དགྲ་སྟེ་མ་དག་པའི་སྣང་བའི་ལུས་འཇོམས་པར་བྱེད་དོ། །ཞེས་པ་བསམ་གཏན་གྱིས་ཡན་


TNT12_Page_0589
[མ་དཔེ་གཟིགས་ན་འདིར་གནོན།]

ལག་དང༌། ཡི་གེ་བཅུ་ནི་གཡས་གཡོན་གྱི་དཀྱིལ་འཁོར་བཅུའི་ཆ་ཤས་འགག་པ་ལས་ཐོབ་པའི་རྟགས་བཅུའོ། །དེ་ཡང་ཡི་གེ་རླུང་མཚོན་ཞིང༌། ཡི་གེའི་སྐད་དོད་ཨཀྵར་འགྱུར་བ་མེད་པ་སྟེ། ཆོས་དབྱིངས་འགྱུར་བ་མེད་པའི་སྣང་བ་བཅུའམ། དེ་མཐོང་བ་ལས་བྱུང་བའི་བདེ་བ་མི་འགྱུར་པའི་ཆ་ཤས་བཅུའོ། །རིག་པ་ཧཱུཾ་གི་བརྡས་ནི། ཧཱུཾ་ཆ་ལྔ་པའི་ཡེ་ཤེས་ལྔ་མཚོན་ཏེ་ཡེ་ཤེས་ལྔའི་རང་བཞིན་གྱི་ཐིག་ལེ་ཁམས་གསུམ་གྱི་གཟུགས་བརྙན་དང་བཅས་པའོ། །དེ་ཡང་རྟགས་བཅུ་པོ་དེ་དག་གི་ཆོས་སུ་འཇོག་སྟེ་རླུང་དབུ་མར་བཀག་པ་ལས་བྱུང་བས་སོ། །དེ་ལ་མཉམ་པར་འཇོག་པ་ནི་དོན་དམ་པའི་རིག་སྔགས་ཆེན་པོ་སྟེ་སྒྲོན་མ་ནི་སྟོང་གཟུགས་ཀྱི་གསལ་སྣང་ངོ༌། །འདི་ནི་སོ་སོར་བསྡུད་པའི་རྣལ་འབྱོར་རོ། །ཚིགས་བཅད་བཅུ་བདུན་པ་ཕྱག་འཚལ་ཏུ་རེ་སོགས་ཀྱི་དོན་ནི། ཏུ་རེ་ཞེས་པ་མྱུར་མ་སྟེ། འགྲོ་བའི་དོན་མྱུར་དུ་སྤྱོད་པའི་ལྷ་མོས་ཁྲོ་བོའི་ཚུལ་གྱིས་ཞབས་གཉིས་ནི་བརྡབས་པས། རིའི་རྒྱལ་པོ་རི་རབ་དང༌། མན་དར། ཞེས་བྱ་བའི་རི་དང༌། རི་བོ་གངས་ཅན་ཞེས་བྱ་བ་དབང་ཕྱུག་ཆེན་པོ་གནས་པའི་རི་རྣམས་དང་བཅས་པའི་འཇིག་རྟེན་གསུམ་སྟེ་ས་འོག་ས་སྟེང་ས་བླ་རྣམས་ཀྱང་གཡོ་བར་བྱེད་དོ། །བོད་དཔེ་ཕལ་ཆེར་ལས། འབིགས་བྱེད་ཅེས་འབྱུང་བ་ལྟར་ན། རིའི་རྒྱལ་པོ་འབིགས་བྱེད་དེ། གཞུང་འདིའི་རྒྱ་སྐད་མཐོང་བ་རྣམས་ན། ཀེ་ལ་ཤ་ཞེས་


TNT12_Page_0590
[མ་དཔེ་གཟིགས་ན་འདིར་གནོན།]

པར་སྣང་སྟེ། དེ་ལྟར་ན་གངས་རི་ཞེས་འདོན་པ་དང་མཐུན་མོད། དཔེ་སྣ་ཚོགས་པ་སྣང་བའི་ཕྱིར། གཅིག་ཏུ་ངེས་བཟུང་དཀའ་བས་གཉིས་ཀ་ལྟར་མི་འགལ་བར་བྱའོ། །ཧཱུཾ་གི་རྣམ་པས་ཞེས་པ་ཧཱུཾ་ཀ་ར་ཏེ་ཧཱུཾ་གི་ཡི་གེའོ། །འཇིག་རྟེན་གསུམ་ན་ཞེས་པ་གཉིས་པའི་དོན་ལ་བདུན་པའི་ཚིག་སྟེ་གསུམ་པོ་ལ་གཡོ་བའི་བྱེད་པ་འཇུག་པའོ། །འཇིག་རྟེན་གསུམ་སྐྱོད་པར་འགྱུར་ན། རི་རབ་སོགས་སྨོས་པས་ཅི་ཞིག་བྱ་ཅེ་ན། སྤྱིར་འཇིག་རྟེན་གསུམ་སྐྱོད་པར་གྱུར་ཡང༌། ལྷ་མཐུ་བོ་ཆེ་དག་གནས་པའི་གནས་ཀྱི་ཁྱད་པར་དེ་རྣམས་གཡོ་བར་མི་འགྱུར་བ་ཡང་སྲིད་པས། འཕགས་མ་ཉིད་མཐུ་ཆེ་བའི་དོན་དུ་སྨོས་སོ། །སྦས་དོན་ནི། རི་རབ་ནི་ཚངས་པའི་རུས་པ། རི་གཞན་གཉིས་ནི་ཡིད་བཟང་མ་དང་དུང་ཅན་མ། གཡོ་བ་ནི་བྱང་ཆུབ་ཀྱི་སེམས་ཀྱི་ཡོངས་སུ་གང་བ། འཇིག་རྟེན་གསུམ་ནི་སྟེང་འོག་གི་དབྱེ་བས་རྩ་གསུམ་གསུམ་དྲུག་གོ །ཧུཾ་གི་བརྡས་ནི། ཐུགས་རྡོ་རྗེའི་རྩ་ཨ་ཝ་དྷུ་ཏཱི་སྟེ་རྩ་ཐམས་ཅད་ཀྱི་ས་བོན་ནུས་པ་དཻར་ཐིམ་པའོ། །ཚིགས་བཅད་བཅོ་བརྒྱད་པ་ཕྱག་འཚལ་ལྷའི་སོགས་ལ། ལྷའི་མཚོ་སྟེ། ཡིད་ཀྱི་མཚོའམ་རྫིང་བུ་དལ་གྱི་འབབ་པ་དང་འདྲ་བའི་རྣམ་པ་ཅན་ནི། དཀར་ཞིང་ཟླུམ་པའི་རི་དྭགས་རྟགས་ཅན་ཏེ་ཟླ་བ་ཕྱག་ན་བསྣམས་པ་དང༌། དེའི་རིག་སྔགས་ཧ་ར་ཞེས་པ་ལན་


TNT12_Page_0591
[མ་དཔེ་གཟིགས་ན་འདིར་གནོན།]

གཉིས་བརྗོད་ཅིང༌། མཐར་བརྟན་ཕཊ་ཀྱི་ཡི་གེ་དང་བཅས་པའི་སྔགས་ཀྱིས་བརྟན་པ་དང་གཡོ་བའི་དུག་མ་ལུས་པ་སེལ་བར་བྱེད་དོ། །འདིས་ནི་ཟླ་བ་འཛིན་པའི་སྐུ་བསྒོམས་ཏེ། སྔགས་ཀྱི་ཁྱད་པར་དེ་བཟླས་པས་སྦྲུལ་ལ་སོགས་པའི་དུག་གསོ་བ་དང༌། སེལ་བར་བྱེད་དོ། །ཧ་ར་ལན་གཉིས་བརྗོད་པའི་སྔགས་ནི། ཨོཾ་ན་མཿཏཱ་རེ་ན་མོ་ཧ་རེ་ཧཱུཾ་ཧ་རེ་སྭཱཧཱ། ཞེས་པ་ཡིན་ལ་དེའི་མཐར་སརྦ་བི་ཛཿཤནྟིངྐུ་རུ་ཕཊ་ཅེས་བཏགས་པ་ནི་དུག་སེལ་བ་སྟེ་སྒྲོལ་མ་ཁྲོ་མོའི་ལས་སྔགས་སོ། །ཅེས་པ་ནི་རྗེས་འཇུག་གི་དོན་ནོ། །ངེས་པའི་དོན་དུ་ནི། ལྷ་ནི་ལུས་ལས་བྱུང་བ་སྟེ། དེའི་མཚོ་ནི་ལྷན་ཅིག་སྐྱེས་པའི་བདེ་བ་རྟེན་ཀུནྡ་དང་བཅས་པ་ཡིན་ལ། དེ་དང་དབྱེར་མེད་པའི་སྟོང་པ་ཉིད་ཀྱི་ཡེ་ཤེས་ཟླ་བ་ལྟར་དྲི་མ་མེད་པ། གང་ལ་མངའ་བ་ནི་དེའི་ཕྱག་ན་བསྣམས་པའི་དོན་ནོ། །དེ་འདྲ་བའི་བདེ་སྟོང་གཉིས་སུ་མེད་པ་དེས་ནི། ཧ་ར་ཏེ་འཕྲོག་པ། ལན་གཉིས་བརྗོད་པའི་བརྡས་སྒྲིབ་པ་གཉིས་ཀྱི་ཉེས་སྐྱོན་འཕྲོག་ཅིང༌། མ་དག་པའི་ལུས་ཀྱི་དུག་འཇོམས་པར་བྱེད་དོ། །ཚིགས་བཅད་བཅུ་དགུ་པ་ཕྱག་འཚལ་ལྷའི་ཚོགས་རྣམས་སོགས་ལ། ལྷའི་ཚོགས་པ་སྟེ་འདོད་པའི་ཁམས་ཀྱི་ལྷ་རིགས་དྲུག་པོ་རྣམས་ཡིན་ལ། དེ་བཞིན་དུ་རྒྱལ་པོ་ནི་འཇིག་རྟེན་འདི་ན་དབང་བསྒྱུར་བ་པོ་འཁོར་ལོའི་བསྒྱུར་བ་ལ་སོགས་པའི་རྒྱལ་པོ་རྣམས་སོ། །འཇིག་རྟེན་དུ་ཕན་གནོད་བྱེད་པ་རིའི་ལྷ་དང་ཤིང་གི་ལྷ་དང༌།


TNT12_Page_0592
[མ་དཔེ་གཟིགས་ན་འདིར་གནོན།]

མཚོའི་ལྷ་མོ་ལ་སོགས་པ་ནི་ལྷའི་ཁྱད་པར་ཏེ། དེ་རྣམས་དང་མིའམ་ཅི་དབང་ཆེ་བ་རྣམས་ཀྱིས་ཁྱོད་ཀྱི་ཞབས་ཀྱི་པདྨོ་ལ་གུས་པས་བརྟེན་པ་ཡིན་ལ། ལྷ་མོ་ཁྱོད་ཀྱིས་བྱིན་གྱིས་བརླབས་པའི་སྔགས་དང་ཕྱག་རྒྱའི་གོ་ཆ་དགའ་བ་དང་བདེ་བའི་རྒྱུ་དེ་ཀུན་ནས་བཅིངས་པའི་སྒྲུབ་པ་པོས། ལུས་ངག་ཡིད་ཀྱི་གཟི་བརྗིད་ཀྱི་ཕ་རོལ་པའི་རྩོད་པ་དང༌། རྨི་ལམ་ངན་པ་ལ་སོགས་པ་མི་འཆམ་པ་ཐམས་ཅད་སེལ་བར་བྱེད་མའོ། །འདིར་གོ་ཆ་ནི་བསྲུང་བའི་དོན་ནོ། །ངེས་པའི་དོན་དུ། ལྷ་ནི་དེ་བའི་སྒྲ་ལས་དེ་ཧ་བྷ་བ་སྟེ་ལུས་ལས་བྱུང་བ། ཡེ་ཤེས་ཀྱི་སྐུའོ། །ཚོགས་ཅེས་སྨོས་པས་ཡེ་ཤེས་ཀྱི་སྐུ་དེ་ཡང༌། ཕུང་ཁམས་བཅུ་ལ་སོགས་པ་རྣམ་དག་དུ་མ་དང་ལྡན་པའི་དོན་ནོ། །དེ་ཉིད་རིག་པ་འཛིན་པའི་རྒྱལ་པོ་ཡང་ཡིན་ལ། འཇིག་རྟེན་གསུམ་གྱི་མཆོད་འོས་ཡིན་པའི་ཕྱིར། ལྷ་དང་མིའམ་ཅི་ལ་སོགས་པས་བསྟེན་པའོ། །དེའི་རྒྱུ་ནི་ཐིག་ལེའི་ཚོགས་པ་འཕོ་མེད་དུ་བཅངས་པའི་འཕོ་ཆའི་གཟི་བརྗིད་ཀྱིས། འགྱུར་པའི་ཆགས་བྲལ་རྩོད་པ་དང༌། ཐ་མལ་གྱི་སྣང་བ་རྨི་ལམ་ངན་པ་བཅོམ་པའོ། །ཚིགས་བཅད་ཉི་ཤུ་པ་ཕྱག་འཚལ་ཉི་མ་སོགས་ལ། ཉི་མ་དང་ཟླ་བ་འོད་ཟེར་རབ་ཏུ་རྒྱས་པ་ལྟ་བུའི་སྤྱན་གཉིས་ཕ་རོལ་འོད་ཟེར་འབར་བ་རབ་ཏུ་གསལ་བའི་གཟིགས་པས་འགྲོ་བ་རྣམས་ལ་ཡོངས་སུ་གཟིགས་པ་ན། ངན་འགྲོ་ལ་སོགས་པ་སྡུག་བསྔལ་ཅན་གྱི་འགྲོ་བ་མཐའ་དག་བདེ་བ་ལ་འགོད་


TNT12_Page_0593
[མ་དཔེ་གཟིགས་ན་འདིར་གནོན།]

པར་མཛད་པ་སྟེ། ཏཱ་རེའི་སྔགས་ལན་གཉིས་སུ་བརྗོད་པ། ཏུཏྟཱ་རའི་སྔགས་དང་བཅས་ལ་བཟླས་པ་ཡིས་ཤིན་ཏུ་དྲག་པོ་སྟེ་གསོ་བར་དཀའ་བའི་རིམས་ནད་མ་ལུས་པ་ཡང་སེལ་བར་མཛད་པའོ། །གནས་སྐབས་སུ་ཡེ་གེ་བཅུ་པའི་སྔགས་ཀྱི་རིམས་ནད་ཞི་བ་དང༌། ནད་ཡམས་གཅོད་པ་དང༌། ནད་འགོ་བ་རྣམས་བསྲུང་བར་སྟོན་ལ། དོན་གྱི་གཙོ་བོ་ནི་ཡི་གེ་བཅུ་པ་བཟླས་པས། དྲག་པོའི་རིམས་ནད་དང་འདྲ་བའི་ཉོན་མོངས་པ་མ་ལུས་པ་ཞི་བར་བྱེད་པའོ། །སྐབས་འདིར་སྤྱན་གཉིས་ཉི་ཟླ་འདྲ་བར་སྦྱར་བ་ནི། སྤྱན་གཡས་པའི་འོད་ཀྱིས་ཉེ་བར་འཚེ་བ་རྣམས་སྐྲག་པར་བྱེད་ཅིང༌། སྡིག་པ་དང་སྡུག་བསྔལ་བསྲེག་པར་བྱེད་པས་ཉི་མ་ལྟ་བུའི་འོད་དང༌། གཡོན་པའི་འོད་ཟེར་གྱིས་ཚེ་དང་ལོངས་སྤྱོད་དང་བདེ་བ་རྩོལ་བའི་ཕྱིར། བདུད་རྩི་སྤྲོ་བར་བྱེད་པ་ཟླ་བའི་འོད་དོ། །ཏཱ་ར་གཉིས་བརྗོད་ཅེས་པ་འདིས་ནི་ཏཱ་རེ་གཉིས་དང་ཏུཏྟཱ་རེ་སྟེ་གོང་དུ་ཡི་གེ་བཅུ་པའི་ངག་ཅེས་གསུངས་པ་དེ་ཉིད་ངོས་འཛིན་པའོ། །དེས་ན་ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱཧཱ་ཅེས་ཡོངས་སུ་གྲགས་པ་ལྟེ། སྒྲོལ་མ་ཞི་བའི་བསྙེན་སྒྲུབ་ལས་གསུམ་གའི་སྔགས་སོ། །སྦས་པའི་དོན་ནི། ཉི་ཟླའི་བརྡས་ནང་གི་ཁུ་རྡུལ་གཉིས་ཡིན་ལ། དེ་ཡིས་ཡོངས་སུ་གང་བའི་སྤྱན་ནི་དབུ་མའི་སྟེང་འོག་གི་སྣ་གཉིས་ཡིན་ཞིང༌། དེ་ལས་ཡེ་ཤེས་འབྱུང་བའི་ཕྱིར་འོད་གསལ་བའོ། །


TNT12_Page_0594
[མ་དཔེ་གཟིགས་ན་འདིར་གནོན།]

ཏཱ་ར་གཉིས་ནི་སྒྲོལ་བ་ཅེས་པ་སྟེ། བདེ་སྟོང་གིས་སྲིད་ཞི་གཉིས་ཀྱི་མཐའ་ལས་སྒྲོལ་བའོ། །ཏུཏྟཱ་ར་ནི་གདུང་བ་སྟེ་དཀའ་ཐུབ་ཡིན་ལ། ཉི་མ་མཐུར་དུ་གནོན་པ་དང༌། ཟླ་བ་གཙུག་ཏོར་དུ་དྲངས་ཏེ་འགྱུར་མེད་ཀྱི་དཀའ་ཐུབ་འདིས་ནི་ཐིག་ལེ་འཕོ་བའི་རིམས་ནད་སེལ་བའོ། །ཚིགས་བཅད་ཉེར་གཅིག་པ་ཕྱག་འཚལ་དེ་ཉིད་གསུམ་རྣམས་སོགས་ལ། ཡི་གེའི་དོན་དང༌། སྤྱིའི་དོན་དང༌། སྦས་པའི་དོན་དང༌། མཐར་ཐུག་གི་དོན་ཏེ་བཞིའོ། །དང་པོ་ནི། སྟོང་པ་ཉིད་དང༌། མཚན་མ་མེད་པ་དང༌། སྨོན་པ་མེད་པའི་དེ་ཁོ་ན་ཉིད་གསུམ་ལ། གདུལ་བྱའི་སེམས་ཉིད་ཡང་དག་པར་བཀོད་པས། དེའི་མཐུ་ལས། སྒྲིབ་པ་ཐམས་ཅད་སྤངས་ཏེ། ཞི་བ་ལ་འགོད་པ་སྟེ། གདུལ་བྱ་སྨིན་གྲོལ་དུ་བྱེད་པའི་མཐུ་དང་ཡང་དག་པར་ལྡན་མའོ། །གདོན་ནི་ནམ་གྲུའི་གདོན་ལ་སོགས་པ་གདོན་བཅོ་བརྒྱད་རྣམས་སོ། །རོ་ལངས་ནི་རོ་ལངས་ཀྱི་ལས་ཏེ་རྦོད་གཏོང་ལ་སོགས་པའི་ངན་སྔགས་རྣམས་སོ། །གནོད་སྦྱིན་ནི་མདངས་འཕྲོག་པ་རྣམས་ཀྱི་གནོད་པ་སྟེ། དེ་ལྟ་བུའི་གནོད་པ་ཐམས་ཅད་ཀྱང༌། རྣམ་པར་ཐར་པའི་སྒོ་གསུམ་གྱིས་འཇོམས་པ་ཉིད་དུ་བྱེད་ཅིང༌། རབ་མཆོག་ཏུ་རེ་ཞེས་པའི་སྔགས་ཀྱི་མཐུ་ལས་ཀྱང་དེ་ལྟར་བྱེད་པ་ཉིད་དོ། །ཡང་ན་ཏུ་རེ་ནི་མྱུར་མ་སྟེ། རབ་མཆོག་ལྷ་མོ་ཁྱོད་ཀྱི་གནོད་པ་ཐམས་ཅད་མྱུར་དུ་འཇོམས་པ་ཉིད་དོ། །ཅེས་པའི་དོན་དུའང་འགྱུར་བས། མྱུར་དུ་འཇོམས་པའི་མཆོག་རབ་ཉིད་མ་ཞེས་


TNT12_Page_0595
[མ་དཔེ་གཟིགས་ན་འདིར་གནོན།]

བཅོས་ན་བདེའོ། །གཉིས་པ་སྤྱིའི་དོན་ནི། སྒྲོལ་མའི་སྐུར་བསྐྱེད་པའི་བསམ་གཏན་ལ། གནས་གསུམ་དུ་ཡི་གེ་འབྲུ་གསུམ་གྱི་དེ་ཉིད་བཀོད་པས། ཞི་བ་སྟེ་བར་ཆད་བསྲུང་བའི་མཆོག་ཏུ་འགྱུར་བ་དང༌། གདོན་གྱི་གནོད་པ་ལ་སོགས་པ་བསྲུང་བའི་མན་ངག་ཀྱང་སྟོན་ནོ། །གསུམ་པ་སྦས་དོན་ནི། དེ་ཉིད་གསུམ་སྣང་བ་དང་མཆེད་པ་དང༌། ཉེ་བར་ཐོབ་པའོ། །དེ་དག་བཀོད་པ་དེ་རིམ་གྱི་ཤར་ནས། ཞི་བ་སྟེ་སྐད་ཅིག་བཞི་པ་ཐམས་ཅད་སྟོང་པ་འོད་གསལ་བ་ཉེ་བར་འགྲོའོ། །གདོན་ཏེ་རྩ་དང༌། རོ་ལངས་ཏེ་ཐིག་ལེ་དང༌། གནོད་སྦྱིན་ཏེ་རྣམ་པར་རྟོག་པ་རྣམས་འོད་གསལ་གྱི་དབྱིངས་སུ་བཅོམ་པ་ལས། རབ་མཆོག་སྟེ་ལྷའི་སྐུར་མྱུར་དུ་བཞེངས་པའོ། །འདི་ལྟ་བུའི་རིགས་ནི་སྒྲོན་གསལ་ལས། འོད་གསལ་བ་ནི་རབ་སྟོན་དང༌། །ཟུང་དུ་འཇུག་པ་རབ་རྟོགས་བྱེད། །རྣམ་པ་གཉིས་སུ་མཐའ་བཤད་དེ། མཐའ་ན་མུར་ཐུག་པ་ཡི་ཚིག །ཅེས་གསང་འདུས་འཕགས་སྐོར་བ་རྣམས་ཀྱི་རང་ལུགས་ལ། མཐར་ཐུག་གི་བཤད་པ་འདོད་ཀྱང༌། སྤྱིར་ནས་སྦས་དོན་ཡང་ཡོད་པར་ཤེས་པ་བྱའོ། །བཞི་པ་མཐར་ཐུག་ནི། སྐུ་དང་གསུང་དང་ཐུགས་རྡོ་རྗེའི་དེ་ཉིད་གསུམ་ནི། ཆོས་ཐམས་ཅད་ཀྱི་རང་བཞིན་དུ་གདོད་མ་ནས་བཀོད་པ་ཡིན་ལ། རང་བཞིན་གདོད་མ་ནས་རྣམ་པར་དག་པ་དེའི་ཕྱིར། ལམ་བསྒོམས་པས་ཀྱང་ཞི་བ་ཐོབ་པའི་མཐུ་དང་ཡང་དག་པར་ལྡན་


TNT12_Page_0596
[མ་དཔེ་གཟིགས་ན་འདིར་གནོན།]

པ་དང༌། རྡོ་རྗེ་གསུམ་དབྱེར་མེད་པའི་དབྱིངས་དེ་ཉིད་ལ་མཉམ་པར་བཞག་པས། གདོན་གྱི་གནོད་པ་དང་མཚུངས་པའི་སྡུག་བསྔལ་དང༌། རོ་ལངས་ཀྱི་ལས་དང་མཚུངས་པའི་ལས་དང༌། གནོད་སྦྱིན་དང་མཚུངས་པའོ། །ཉོན་མོངས་པ་རྣམས་མྱུར་དུ་བཅོམ་ནས། རབ་མཆོག་སྟེ་བདེ་ཆེན་ལྷན་ཅིག་སྐྱེས་པའི་ཡེ་ཤེས་གཅིག་པུར་བྱེད་དོ། །ཅེས་པའི་དོན་ནོ། །དེ་ལྟར་ན་རྒྱས་བཤད་སྒྲ་ཇི་བཞིན་པའི་ཚིག་འདི་རྣམས་ཀྱིས། བཅོམ་ལྡན་འདས་མ་སྦྲུལ་པའི་སྐུ། སངས་རྒྱས་རྣམས་ཀྱི་འཁོར་གྱི་དཀྱིལ་འཁོར་དུ་སྟོན་པར་མཛད་པ། ལྷའི་རྒྱལ་པོ་རྣམས་ཀྱི་གནས་དང༌། རི་བོ་ཏཱ་ལ་ལ་སོགས་པར་མངོན་སུམ་དུ་བཞུགས་པར་གྲགས་པའི་འདིའི་དབང་དུ་བྱས་པའི་བསྟོད་པ་ཡིན་ལ། དོན་གྱི་ན་ལོངས་སྤྱོད་རྫོགས་པའི་སྐུ་དང་ཆོས་ཀྱི་སྐུ་ལ་ཡང་བསྟོད་པའོ། །ངེས་དོན་འདི་རྣམས་ནི། ཟབ་ལམ་མཐར་ཐུག་རྡོ་རྗེའི་རྣལ་འབྱོར་ཡན་ལག་དྲུག་པ་དང་བསྟུན་ནས་བཤད་པ་སྟེ། དེ་ཡང་སྒྲོལ་མ་འབྱུང་བའི་རྒྱུད་ཀྱི་མཚན་ངེས་པའི་སྒོས་ཀྱི་འགྲེལ་བ་རྒྱ་གར་མཁས་པས་སྦྱར་བ་གཉིས་དང༌། མར་མེ་མཛད་དཔལ་གྱི་རྒྱུད་འགྲེལ་ཆེན་མོའི་ནང་ནས་བྱུང་བ་རྣམས་དང་མཐུན་པར་ཕལ་ཆེར་བཤད་པ་ཡིན་ལ། དེ་དག་ལས་རྡོ་རྗེའི་རྣལ་འབྱོར་གྱི་མན་ངག་དང་མི་མཐུན་པ་ཅུང་ཟད་ཡོད་པ་རྣམས་ནི། རྒྱུད་ཀྱི་ཟབ་དོན་མཐར་ཐུག་ལས་བརྩམས་ནས། རྒྱུད་ནི་རྒྱུད་གཞན་གྱིས་རྟོགས་དགོས་པར་གསུངས་


TNT12_Page_0597
[མ་དཔེ་གཟིགས་ན་འདིར་གནོན།]

པ་ལྟར། བདག་གིས་རྡོ་རྗེའི་རྣལ་འབྱོར་དང་མཐུན་པར་བཀྲལ་ལོ། །གཞན་ཡང་ཉེ་བར་མཁོ་བའི་རྣམ་གྲངས་འདི་ལྟ་བུ་དག་ཀྱང་ཡོད་དེ། སྟོན་ཀའི་ཟླ་བ་སོགས་ཀྱིས་ཟླ་བ་དང་ས་བོན་ལས་བསྐྱེད་པ་དང༌། ཉི་མ་ཟླ་བ་རྒྱས་པ་སོགས་ཀྱི་མངོན་བྱང་ལྔ་ལས་བསྐྱེད་པ་དང༌། དེ་བཞིན་གཤེགས་པའི་གཙུག་ཏོར་ཞེས་པས་ལྷ་དབང་བསྐུར་བ་དང༌། འཇིག་རྟེན་གསུམ་མགོན་སོགས་ཀྱི་ཆོ་ག་གསུམ་བསྐྱེད་དང༌། དེ་ཉིད་གསུམ་སོགས་ཀྱིས་རྡོ་རྗེ་གསུམ་བྱིན་གྱིས་རློབ་པ་དང༌། ཀུན་ནས་གོ་ཆ་སོགས་ཀྱིས་སྐྱེ་མཆེད་རྣམས་བྱིན་གྱིས་རློབ་པ་དང༌། ཀུན་ནས་སྐོར་རབ་དགའ་བ་དང༌། གཡས་བརྐྱང་གཡོན་བསྐུམ་ཀུན་ནས་སྐོར་དགའི་ཞེས་པས་འཁོར་གྱི་ལྷ་ཚོགས་ཏེ། བསྐྱེད་རིམ་གྱི་ཕྱོགས་དང༌། ཉི་མ་ཟླ་བ་རྒྱས་པའི་སོགས་ཀྱིས་ས་ཆོག་དང༌། རྡུལ་ཚོན་སོགས་ལ་མིག་གི་བལྟ་བ་བྱིན་གྱིས་རློབ་པ་དང༌། དབུ་རྒྱན་འོད་ཀྱི་འཕྲེང་བ་སྤེལ་མ་ཞེས་པས། ཅོད་པན་གྱི་དབང་བསྐུར་བ་ལ་སོགས་པ་དང༌། ཡི་གེ་ཧཱུཾ་གིས་ཅེས་པས་སྔགས་ཀྱི་དབང་བསྐུར་བ་དང༌། ཟླ་བའི་རྩེ་མོས་དབུ་བརྒྱན་གྱིས་གསང་དབང་དང༌། རལ་པའི་ཁྲོད་ལས་འོད་དཔག་མེད་ཀྱིས་ཤེར་དབང་དང༌། བདེ་མ་དགེ་མ་སོགས་ཀྱིས་དབང་བཞི་པ་ཡང་བསྟན་ཏེ། དབང་གི་དོན་ནོ། །མེ་འབར་འཁྲུགས་མ་ཞེས་པ་དང༌། འབར་བའི་འཕྲེང་བ་ཅེས་པ་དང༌། འོད་རབ་འབར་མ་ཞེས་པ་དང༌།


TNT12_Page_0598
[མ་དཔེ་གཟིགས་ན་འདིར་གནོན།]

སྒྲོན་མ་ཉིད་མ་ཞེས་པ་རྣམས་ཀྱིས་ལས་བཞི་དང་དངོས་གྲུབ་སྒྲུབ་པའི་བསྲེག་བླུགས་ཀྱང་བསྟན་ཞིང༌། དབང་བསྐུར་བས་ནི་རབ་ཏུ་གནས་པའང་བསྟན་པ་ཡིན་ནོ། །གཞན་ཡང་སྒྲོལ་མ་ཉིན་ཞི་མཚན་ཁྲོར་གྲགས་པའི་སྒྲུབ་ཐབས་ཀྱང་གཞུང་འདིས་ཤིན་ཏུ་གསལ་བར་བསྟན་ཞིང༌། སྒྲུབ་ཐབས་ཉེར་གཅིག་དང་ལས་ཚོགས་ཉེར་གཅིག་བསྟན་པར་ཤིན་ཏུ་གྲགས་ཆེ་བ་རྣམས་ཀྱང་ཡིན་ཏེ། ཧ་ཅང་མངས་པར་འགྱུར་བས་འདིར་མ་སྤྲོས་སོ། །མཇུག་གི་དོན་ལ། དེའི་འོག་ཏུ་བསྟོད་པའི་ཕན་ཡོན་བསྟན་པ་ཡིན་ཏེ། དེ་ལ་དང་པོ་རྩ་བའི་སྔགས་ཀྱི་སོགས་ཤོ་ལོ་ཀ་གཉིས་ལ། རྩ་སྔགས་ཡི་གེ་བཅུ་པའི་སྒོ་ནས་བསྟོད་པ་ནི་འདི་ཉིད་ཡིན་པ་དང༌། ཕྱག་འཚལ་ལོ་ཞེས་པ་ཉི་ཤུ་རྩ་གཅིག་དང་ལྡན་པའི་བསྟོད་པ་ཡང་འདི་ཡིན་ནོ་ཞེས་པ་དེས་ན་དང་ཞེས་པ་བསྡུད་པའི་ཚིག་གོ །དེ་ལ་རྩ་བའི་སྔགས་ཀྱི་དོན་ནི། ཨོཾ་ཞེས་བྱ་བ་མཆོག་གི་ཚངས་པ། ཆོས་ཀྱི་དབྱིངས་ཆོས་ཀྱི་སྐུ། ཡོན་ཏན་མཐའ་དག་གི་ནོར་བུ་འཛིན་པ། བདེ་བར་གཤེགས་པའི་སྙིང་པོ་ཆོས་ཀྱི་མཆོག་གོ །ཆོས་ཀྱི་སྐུ་ལས་བྱུང་བའི་ཡེ་ཤེས་ནི་ཏཱ་རེ། གདོད་མའི་ཆོས་ལས་བྱུང་བའི་སྐུ་ནི་ཏུཏྟཱ་རེ། བརྗོད་དུ་མེད་པའི་ཆོས་ལས་བྱུང་བ་སྙིང་རྗེ་ཆེན་པོ་ནི་ཏུ་རེ་ཏེ་སྤྲུལ་པ་དང་མཛད་པའོ། །སྭཱ་ནི་རང་བྱིན་གྱིས་བརླབས་པ། ཧཱ་ནི་ཧ་ལས་ཨ་ར་ལི་སྟེ། ཨེ་མ་ཧོ་རོལ་པ་སྟེ། སྒྱུ་མ་ལྟ་བུའི་སྐུ་དང་ཞིང་ཁམས་དང་


TNT12_Page_0599
[མ་དཔེ་གཟིགས་ན་འདིར་གནོན།]

མཛད་པ་མཐའ་ཡས་པའོ། །དོན་དེ་རྣམས་ཀྱི་སྒོ་ནས་བསྟོད་པའི་ཕྱིར་རྩ་བའི་སྔགས་ཀྱི་བསྟོད་པའོ། །ལས་སུ་བྱ་བ་བསྟོད་པའི་ཡུལ་ལྷ་མོ་སྟེ་བཅོམ་ལྡན་འདས་མ་ལའོ། །བྱེད་པ་ནི་གུས་པ་ཡང་དག་པར་ལྡན་པས་སོ། །བྱེད་པ་པོ་བློ་ལྡན་གང་གིས་སོ། །ཚུལ་ཇི་ལྟར་ན། འདིར་རབ་ཏུ་དད་ཅིང་བརྩོན་འགྲུས་དང་ལྡན་པས་ཏེ། བསྟོད་པ་འདི་བརྗོད་པ་དང༌། སྲོད་དང་ཐོ་རངས་ལངས་པ་སྟེ་ལྡང་བ་ཡང་བར་བྱས་ནས། ཕྱག་འཚལ་བ་དང་མཆོད་པ་སྔོན་དུ་འགྲོ་བས། འཕགས་མའི་ཡོན་ཏན་ཡིད་ལ་དྲན་པས་སོ། །དེའི་ཕན་ཡོན་ནི་མི་འཇིགས་པ་ཐམས་ཅད་རབ་ཏུ་སྟེར་བ་སྟེ། འཇིགས་པ་ཆེན་པོ་བརྒྱད་དང་བཅུ་དྲུག་ལ་སོགས་པ་འཇིགས་པ་ཐམས་ཅད་ལས་སྐྱོབ་པ་དང༌། མི་འཇིགས་པའི་གནས་དབང་ཕྱུག་ཕུན་སུམ་ཚོགས་པ་རྩོལ་བར་མཛད་པའོ། །འདིར་རབ་དང་བརྗོད་ཅིང་ཅེས་པ་ལ། རྒྱ་སྐད་དུ་པ་ཅེས་པ་ཡོད་པས་བརྩོན་པས་ཀློག་ཅིང་ཞེས་བརྗོད་ན་བདེའོ། །དེ་བས་ན་བློ་ལྡན་གང་གིས་སྲོད་སོགས་ཐུན་དྲུག་ཏུ་ལྷ་མོ་ལ་གུས་ཤིང་ཡོན་ཏན་དྲན་པའི་སྒོ་ནས། བརྩོན་པས་བསྟོད་པ་འདི་བཀླགས་ན། ཕན་ཡོན་འདི་དག་ཡོད་དོ་ཅེས་པ་སྟེ་གོང་འོག་ཐམས་ཅད་དུ་དེ་ལྟར་གོ་བར་བྱའོ། །སྡིག་པ་ནི་སྡིག་པའི་འབྲས་བུ་ཏེ་ནད་དང་གདོན་དང༌། བྱུར་ཆགས་སྐལ་བ་ངན་པ་སྔར་ཡོད་རྣམས་ཐམས་ཅད་རབ་ཏུ་ཞི་ཞིང་སླར་འབྱུང་བར་འགྱུར་བ་རྣམས་བཟློག་པའོ། །དེ་བཞིན་དུ་སྔར་སྡིག་པའི་ལས་ཀྱི་མཐུས་


TNT12_Page_0600
[མ་དཔེ་གཟིགས་ན་འདིར་གནོན།]

ངན་འགྲོར་སྐྱེ་ངེས་པའི་ལས་ཅན་ཡིན་ཡང༌། བསྟོད་པ་བཀླགས་པའི་གཟི་བརྗིད་ཀྱིས་སྡིག་པའི་ལས་ཟད་དེ་ངན་འགྲོའི་སྐྱེ་བ་ཐམས་ཅད་འཇོམས་པའི་གནས་སྐབས་ཐོབ་པ་ཉིད་དེ། ངན་འགྲོར་སྐྱེ་བར་མི་འགྱུར་རོ། །དེའི་ལྡོག་དོན་དུ་བདེ་འགྲོའི་སྐྱེ་བ་ཕུན་སུམ་ཚོགས་པ་འགྲུབ་པ་ཡང་བསྟན་ཏེ། དེས་ནི་འཁོར་བ་ཉིད་དུ་ཡང་ཚེ་འདི་དང་ཕྱི་མའི་ཕན་ཡོན་གཉིས་ཀར་བསྟན་ནོ། །རྒྱལ་བ་བྱེ་བ་སོགས་ལ་བསྟོད་པ་བཟླས་པ་དང་དེའི་སྒྲུབ་པ་ལ་གནས་པས། བཅོམ་ལྡན་འདས་མ་འདི་ཉིད་དང་ལྷན་ཅིག་ཏུ་གཤེགས་ཤིང་བཞུགས་པའི་རྒྱལ་བ་སངས་རྒྱས་སྤྲུལ་པའི་སྐུ་བྱེ་བ་ཕྲག་བདུན་རྣམས་ཀྱིས། ཞལ་ཡང་སྒྲུབ་པ་པོ་དེས་མྱུར་དུ་མཐོང་བར་འགྱུར་ལ། མཐོང་ནས་ཀྱང་དངོས་སམ་རྨི་ལམ་དུ་དེ་རྣམས་ཀྱིས་འོད་ཟེར་རམ་ཕྱག་ལས་བདུད་རྩིའི་རྒྱུན་འབབ་པས་དབང་བསྐུར་བར་འགྱུར་རོ། །འདིས་ནི་སློབ་མ་སྨིན་བྱེད་ཀྱི་ཚེ། ཆུ་དབང་བསྐུར་བ་ཡང་བསྟན་ནོ། །དེ་ལྟར་དབང་བསྐུར་བ་དེའི་རྐྱེན་གྱིས། སྒྲིབ་པ་མང་པོ་ནི་བྱང༌། ཏིང་ངེ་འཛིན་དང་གཟུངས་ཀྱི་ཁྱད་པར་མང་པོ་ཐོབ་སྟེ་འཁོར་ཕུན་སུམ་ཚོགས་པ་འདི་ལས་ཆེས་ཆེ་བའི་ཡོན་ཏན་དུ་མ་ཉིད་དང་ལྡན་པའི་ཕྱག་རྒྱ་ཆེན་པོའི་དངོས་གྲུབ་རིམ་གྱིས་ཐོབ་པར་འགྱུར་ཞིང་དེ་ཐོབ་ནས་ཀྱང་འཕགས་པའི་ས་རྣམས་བསྒྲོད་དེ། མཐར་ཐུག་རྫོགས་པའི་སངས་རྒྱས་ཀྱི་གོ་འཕངས་དེར་འགྲོ་བར་འགྱུར་རོ། །ཞེས་ཐར་པ་དང་ཐམས་ཅད་མཁྱེན་པ་ཐོབ་པའི་ཕན་


TNT12_Page_0601
[མ་དཔེ་གཟིགས་ན་འདིར་གནོན།]

ཡོན་བསྟན་ནོ། །གནས་སྐབས་སྔགས་ཀྱི་མཐུས་ཕན་ཡོན་གཞན་ཡང་བསྟན་པའི་ཕྱིར། ཚིགས་བཅད་གསུམ་གསུངས་པ་ལས། དེ་ཡི་དུག་ནི་སོགས་ལ་བརྟན་པ་ནག་པོ་བརྩེགས་པ་ལ་སོགས་པའི་དུག་དང༌། གཡོ་བ་སྡིག་སྦྲུལ་དང་ལྷོག་པ་དང་ཤུ་བ་ལ་སོགས་པའི་དུག་སྟེ། གནས་པ་ཞེས་པ་ནི་བརྟན་པ་དང་མིང་གི་རྣམ་གྲངས་སུ་འགྱུར་བ་གོ་བདེ་བའི་ཕྱིར་གཉིས་ཀ་བརྗོད་པ་སྟེ། གཉན་ལོས་བརྟན་པའམ་ནི་གཡོ་བ་ཡང་རུང་ཞེས་པའམ། ནམ་མཁའ་བཟང་པོས། བརྟན་གཡོ་གང་ཡང་རུང་བ་དག་ནི། ཞེས་བཅོས་པ་གོ་བདེའོ། །དེ་ལྟ་བུའི་དུག་སྟེ་དྲག་པོ་ཆེན་པོ་སྟེ། སྲོག་འཕྲོག་པ་དང་སྡུག་བསྔལ་ཚབས་ཆེན་བསྐྱེད་པའོ། །དེ་ལྟ་བུའི་དུག་དེ་ཡང་སྒྲོལ་མའི་རིགས་སྔགས་དྲན་པ་ཙམ་གྱིས། རབ་ཏུ་འཇིགས་པ་སྟེ་དེའི་གནོད་པ་རྣམས་སེལ་ཞིང༌། བདུད་རྩི་ལ་སོགས་པར་འགྱུར་བའོ། །ཟོས་པ་དང་ནི་འཐུང་བ་ཉིད་ཀྱང་ཞེས་པ་ལྟར་ན། དྲན་པས་རབ་ཏུ་སེལ་ཞེས་པའི་སྔ་རོལ་དུ་སྦྱར་ཏེ། དུག་དེ་ལྟ་བུ་ཟོས་པ་དང་འཐུང་བ་ཉིད་ཀྱང༌། རེག་པ་དུག་ཅན་གྱི་བྱུག་པ་སོགས་ཀྱང་རིག་སྔགས་དྲན་པས་སྐད་ཅིག་ལ་སེལ་ཞེས་པའི་དོན་ཡིན་ལ། འགྱུར་གཞན་ལས་ཟོས་པ་དང་ནི་ཞེས་པ་འདི་དྲན་པས་ཅེས་པའི་ཚིག་གི་འོག་ཏུ་འདོན་པ་ལྟར་ན། ཤོ་ལོ་ཀ་འོག་མ་དང་སྒྲེལ་བར་འགྲོ་མོད༌། འོན་ཀྱང་ཁ་དི་ཏཾ་པཱི་པ་ཏ་མེ་ཝ་བཱ་ཅེས་འབྱུང་བ་ལྟར་ན། དཀྱུས་ཉིད་བདེའོ། །


TNT12_Page_0602
[མ་དཔེ་གཟིགས་ན་འདིར་གནོན།]

གདོན་དང་སོགས་ལ་གདོན་རྣམ་པ་སྣ་ཚོགས་ཀྱི་གནོད་པ་དང༌། རིམས་ལ་སོགས་པའི་ནད་དང༌། དུག་གིས་གཟིར་བ་ལ་སོགས་པའི་སྡུག་བསྔལ་གྱི་ཚོགས་རང་ལ་གནས་པ་རྣམས་ཀྱང་སྒྲོལ་མའི་རིགས་སྔགས་འདིའི་མཐུས་རྣམ་པར་སྤངས་ཏེ། ཐར་པ་ཐོབ་པར་མ་ཟད། རིག་སྔགས་མཁན་པོ་དེས་ཡིད་ཀྱི་བསམ་པ་ཙམ་མམ། ཞི་བའི་ལས་ཀྱི་སྦྱོར་བ་བྱས་པ་ཙམ་གྱིས། སེམས་ཅན་གཞན་པ་རྣམས་ལ་ཡང་སྡུག་བསྔལ་དེ་སྤོང་བར་བྱེད་དོ། །དེ་བཞིན་དུ་ཀུན་གྱི་ཐ་མའི་ཚིག་རྐང་ཡར་བླངས་ཏེ་བགེགས་རྣམས་མེད་ཅིང་བདུད་ལ་སོགས་པ་རྣམས་སོ་སོར་འཇོམས་པར་འགྱུར་རོ། །གཉིས་གསུམ་བདུན་དུ་སོགས་ལ་གཉིས་ནི་ཉིན་དང་མཚན་མོར་བརྗོད་པའོ། །གསུམ་ནི་ཉིན་དང་མཚན་ལ་ཡང་རུང་སྟེ་ཐུན་གསུམ་མོ། །དེ་རེ་རེར་ཡང་སྒྲུབ་པ་དང་འབྲེལ་བར་བསྟོད་པ་ལན་བདུན་བདུན་དུ་བརྗོད་པ་སྟེ། བླ་མའི་མན་ངག་ལས་འབྱུང་བ་ལྟར་རོ། །དེ་ལྟར་བརྗོད་ན་བུ་སྟེ་ཁྱིམ་པའི་ཕྱོགས་ལ་རིགས་བརྒྱུད་དམ། རབ་ཏུ་བྱུང་བའི་ཕྱོགས་ལ་ནི་ཆོས་ཀྱི་བུ་སློབ་མ་འདོད་པས་བུའམ་སློབ་མ་མང་པོ་དག་ཐོབ་པར་འགྱུར་ཞིང༌། །ནོར་འདོད་པས་ནི་ནོར་དང་ལོངས་སྤྱོད་རྣམས་ཉིད་ཐོབ་པར་འགྱུར་ལ། གཞན་ཡང་ཞི་བ་ལ་སོགས་པའི་ལས་དང༌། རིལ་བུ་དང་མིག་སྨན་དང༌། རལ་གྲི་དང་གནོད་སྦྱིན་མོ་དང་གཏེར་ཆེན་པོ་ལ་སོགས་པ། དངོས་གྲུབ་རྣམ་པ་སྣ་ཚོགས་པ་ཐམས་ཅད་ཐོབ་པར་འགྱུར་རོ། འཕགས་མ་སྒྲོལ་མ་ལ་བསྟོད་པ། ཡང་དག་པར་རྫོགས་པའི་


TNT12_Page_0603
[མ་དཔེ་གཟིགས་ན་འདིར་གནོན།]

སངས་རྒྱས་རྣམ་པར་སྣང་མཛད་ཀྱིས་གསུངས་པ་ཞེས་པ་ལ་འདི་སྒྲོལ་མའི་རྒྱུད་ཀྱི་རྒྱལ་པོ་རྟོག་པ་བདུན་བརྒྱ་པ་ལས་འབྱུང་བའོ། །ཞེས་གྲགས་སོ། །ལས་སྣ་ཚོགས་པའི་རྒྱུད་དུ་གྲགས་པ། དེང་སང་ཕྱོགས་འདིར་ཡོད་པ་འདི་ནའང་སྣང་མོད། འདི་ནི་མཁས་པ་རྣམས་བརྩམས་རྒྱུད་ཡིན་པར་བཞེད་པ་དོན་ལ་གནས་པས་འདི་ནས་མིན་ནོ། །རྒྱུད་རྒྱས་པའི་དུམ་བུ་དང༌། བསྡུས་རྒྱུད་ལ་སོགས་པ་ཡིན་པའང་མི་འགལ་ལོ། །རྫོགས་པོ་ནི་ས་མ་སྟ་སྟེ་ཡང་དག་པར་ཐོབ་པའོ། །དུས་གསུམ་རྒྱལ་བའི་ཡུམ་གྱུར་ལ། །བསྟོད་པའི་རྒྱུད་འདི་རབ་བཤད་ལས། །དགེ་བ་གང་ཞིག་ཐོབ་པ་དེས། །འཕགས་མའི་གོ་འཕང་འགྲུབ་པར་ཤོག། །།ཅེས་པ་ཕྱག་འཚལ་ཉེར་གཅིག་གི་བསྟོད་པའི་རྣམ་པར་བཤད་པ་འདི་ཡང་ཏཱ་ར་ནཱ་ཐས་སྨྲས་པའོ། །ཞུས་དག །མངྒལཾ། །ལྷག་བསམ་དགེ་བས་རབ་དཀར་བསོད་ནམས་འདིས། །རྩ་བའི་བླ་མ་དགྱེས་བྱེད་མཆོད་སྤྲིན་དང་། །བདག་གཞན་སྒྲིབ་སྦྱང་ཚོགས་ཆེན་རབ་རྫོགས་ཤིང་། །དོན་གཉིས་རྒྱ་མཚོའི་དཔལ་ཡོན་མྱུར་སྤྱོད་ཤོག །ཅེས་པ་མ་རིས་བྲིས་པའོ། བཀྲ་ཤིས། དགེའོ།


TNT12_Page_0604
[མ་དཔེ་གཟིགས་ན་འདིར་གནོན།]

ཤོག་སྟོང་།

རྒྱུད་སྡེ་ལྔའི་བརྒྱུད་འདེབས་དངོས་གྲུབ་རོལ་མཚོ།


TNT12_Page_0605
[མ་དཔེ་གཟིགས་ན་འདིར་གནོན།]

རྒྱུད་སྡེ་ལྔའི་བརྒྱུད་འདེབས་དངོས་གྲུབ་རོལ་མཚོ་བཞུགས།


TNT12_Page_0606
[མ་དཔེ་གཟིགས་ན་འདིར་གནོན།]

རྒྱལ་བ་ཀུན་གྱི་བདག་པོ་རྡོ་རྗེ་འཆང༌། །དཀྱིལ་འཁོར་འཁོར་ལོའི་ཡུམ་གཅིག་བདག་མེད་མ། །གྲུབ་པའི་དབང་ཕྱུག་ཌོམ་བྷི་ཧེ་རུ་ཀ །དེ་ཡི་རྗེས་བཟུང་ངོ་མཚར་རྡོ་རྗེ་དང༌། །གསང་སྤྱོད་མཐར་ཕྱིན་གརྦ་རི་པའི་ཞབས། །རིགས་པའི་གནས་ལྔ་མཁྱེན་པ་རྒྱལ་བ་དཔལ། །མཁའ་འགྲོ་མ་མགོན་རྒྱལ་དཀའ་ཟླ་བའི་ཞབས། །རྩོད་དུས་ཀུན་མཁྱེན་རཏྣ་ཨ་ཀཱ་ར། །བློ་གྲོས་མི་ཟད་རྡོ་རྗེ་གདན་པ་སྟེ། །དགྱེས་མཛད་བརྒྱུད་པ་རྣམས་ལ་གསོལ་བ་འདེབས། །གསང་བའི་བདག་པོ་ཕྱག་ན་རྡོ་རྗེ་དང༌། ཨུ་རྒྱན་གནས་ཀྱི་ཀླུའི་རྣལ་འབྱོར་མ། །རྒྱལ་རིགས་སྐལ་ལྡན་བི་སུ་ཀལྤའི་ཞབས། །རྟོགས་པ་དོན་གྱི་མངའ་བདག་ས་ར་ཧ། །རབ་དགའ་ས་གྲུབ་སློབ་དཔོན་ཀླུ་གྲུབ་ཞབས། །འོད་གསལ་སྒྱུ་མའི་གར་མཛད་འཕགས་པ་ལྷ། །བཅུད་ལེན་གྲུབ་པའི་དབང་ཕྱུག་བཀྲ་ཤིས་མ། །གདོལ་པའི་རིགས་ལས་གྲུབ་བརྙེས་མ་ཏིངྒ། །མཁའ་


TNT12_Page_0607
[མ་དཔེ་གཟིགས་ན་འདིར་གནོན།]

འགྲོས་བྱིན་རླབས་ཤར་ཕྱོགས་ཏིལླི་པ། །བླ་མས་བྱིན་རླབས་མཆོག་བརྙེས་ནཱ་རོ་པ། །སློབ་དཔོན་ཏ་ཐཱ་ག་ཏ་རཀྵི་ཏ། །གསང་འདུས་བླ་མ་རྣམས་ལ་གསོལ་བ་འདེབས། །རྒྱལ་བའི་ཡུམ་གཅིག་རྡོ་རྗེ་རྣལ་འབྱོར་མ། །དཀའ་བ་སྤྱད་པས་གྲུབ་བརྙེས་ལཱུ་ཧི་པ། །ཆང་ཚོང་མཁའ་འགྲོས་རྗེས་བཟུང་ཊིངྒི་པ། །བུད་མེད་གསུམ་བཅས་གྲུབ་བརྙེས་དྲིལ་བུ་པ། །སྒྱུ་མའི་དོན་གཟུགས་གཱ་ཡ་ལ་པའི་ཞབས། །ཡེ་ཤེས་མཆོག་གིས་རྣམ་རོལ་འབར་བ་འཛིན། །རིགས་པའི་བརྟུལ་ཞུགས་སྤྱོད་མཛད་ནག་པོ་པ། །མངོན་ཤེས་དྲུག་ལྡན་དགེ་བའི་མགོན་པོ་དང༌། །གྲུབ་ཆེན་ཏེ་ལོ་པ་དང་ནཱ་རོ་པ། །མཁས་པ་བློ་གྲོས་བཟང་པོའི་ཞལ་སྔ་ནས། །བདེ་མཆོག་བླ་མ་རྣམས་ལ༴ ཟག་མེད་བདེ་སྟེར་རྣམ་ལྔའི་མཁའ་འགྲོ་མ། །འབྱུང་པོ་འདུལ་མཛད་ཀུ་ཀུ་རི་པའི་ཞབས། །འོད་གསལ་རྡོ་རྗེའི་རྣམ་རོལ་པདྨ་པ། །མ་རྒྱུད་རྒྱ་མཚོའི་མཐར་སོན་ཞི་བ་བཟང༌། །ཤནྟི་པ་དང་རྡོ་རྗེ་གདན་པ་སྟེ། །སྒྱུ་འཕྲུལ་བླ་མ་རྣམས་


TNT12_Page_0608
[མ་དཔེ་གཟིགས་ན་འདིར་གནོན།]

ལ༴ །རྣལ་འབྱོར་མ་དཔལ་སྐལ་པ་བཟང་མོའི་ཞབས། །མངོན་སྤྱོད་དྲག་པོའི་ལས་མཛད་ལ་ལཱི་ཏ། །མི་བདག་ཨིནྡ་བྷུ་ཏི་ཆུང་བ་དང༌། །སྒྱུ་འཕྲུལ་མ་ཧེའི་ཞལ་ཅན་དཔལ་འཛིན་དང༌། །བདེ་ཆེན་རང་བཞིན་རྣམ་སྣང་སྲུང་བའི་ཞབས། །ནུས་མཐུས་བསྟན་པ་སྐྱོང་མཛད་པདྨ་སྲུང༌། །འཇིགས་བྱེད་བླ་མ་རྣམས་ལ༴ །རྡོ་རྗེ་འཆང་ཆེན་རྡོ་རྗེ་སྙིང་པོའི་ཞབས། །ཡེ་ཤེས་མཁའ་འགྲོ་ཨིནྡྲ་བྷུ་ཏི་དང༌། །ལྷ་ལྕམ་དཔལ་མོ་ས་མནྟ་བཛྲ། །ཛ་ཡ་དེ་ཝ་རྡོ་རྗེ་གདན་པ་དང༌། །རྡོ་རྗེ་འཆང་ཆེན་བློ་གྲོས་རིན་ཆེན་དང༌། །ཤ་བ་རི་པ་མངའ་བདག་མེ་ཏྲིའི་ཞབས། །མན་ངག་རྒྱ་མཚོའི་མཐར་སོན་རྡ་ཆེན་པོ། །རྡོ་རྗེ་འཆང་ཆེན་གྲུབ་པའི་དཔའ་བོ་དང༌། །རཏྣ་ཀ་ར་ཨ་ཏ་ཡ་བཛྲ། །སྒྲ་གཅན་འཛིན་སྦས་རྡོ་རྗེའི་ཞལ་སྔ་ནས། །ཉེ་བརྒྱུད་བླ་མ་རྣམས་ལ་གསོལ་བ་འདེབས། །རྒྱུད་སྡེ་ལྔའི་བརྒྱུད་པའི་བླ་མ་རྒྱ་གར་བ་རྣམས་ལ་གསོལ་བ་འདེབས་ཏེ། བརྒྱུད་པའི་ཁྱད་པར་གཞན་མན་ངག་གཙོ་བོར་གྱུར་པ་ལ་ཁོ་བོའི་བཀའ་བབས་བརྒྱུད་འདེབས་སུ་སྦྱར་ཟིན། འདི་ནི་གཞུང་གི་བརྒྱུད་པ་གཙོ་ཆེ་བ་ཡིན་ཏེ་ཏཱ་ར་ནཱ་ཐས་སོ། །དེ་ཡང༌། མཐར་ཐུག་སྟོན་པ་རྣམ་ལྔའི་དཀྱིལ་འཁོར་དང༌། །དབྱེར་མེད་མཁས་གྲུབ་ཁྱུང་པོ་རྣལ་འབྱོར་ཞབས། །རིན་ཆེན་བརྩོན་འགྲུས་དཔོན་སྟོན་སྐྱེར་རྒང་པ། །གཉེན་སྟོན་ཆོས་རྗེ་སངས་རྒྱས་སྟོན་པ་མཆོག །རིན་ཆེན་བརྒྱུད་པ་ལྔ་ལ༴ །མཁས་གྲུབ་ཁྱུང་པོ་རྣེ་སྟོན་ཡོན་ཚུལ་དང༌། །རྡོ་རྗེ་ཚུལ་ཁྲིམས་


TNT12_Page_0609
[མ་དཔེ་གཟིགས་ན་འདིར་གནོན།]

སྟེང་བ་ཚུལ་ཁྲིམས་བསྟན། །བླ་མ་བསོད་མཛེས་ཡོན་ཏན་རྒྱལ་བའི་མཚན། །འདྲེན་མཆོག་རིན་ཆེན་བསྟན་པ་རྒྱས་པ་སོགས། །བཀའ་བབས་རིམ་བརྒྱུད་རྣམས་ལ༴། །མཁས་བཙུན་སངས་རྒྱས་འཇིག་ཆེན་བྱམས་པ་དཔལ། །ཆོས་དཔལ་བཟང་པོ་འཁྲུལ་ཞིག་ཚུལ་རྒྱན་དང༌། །མཁྱེན་པར་མཆོག་གྲུབ་ཀུན་བཟང་ཆོས་ཉིད་སོགས། །བསྟན་པའི་སྲོལ་འཛིན་རྣམས་ལ༴ །གཙང་མ་ཤིང་སྟོན་ཁྱུང་པོ་ཚུལ་ཁྲིམས་མགོན། །རི་ཁྲོད་རས་ཆེན་ཤིང་དཀར་རིན་རྒྱལ་བ། །སངས་རྒྱས་དཔལ་བཟང་ནམ་མཁའ་རྒྱལ་མཚན་དང༌། །རྒྱ་སྒོམ་ལེགས་རྒྱལ་སེམས་ཀྱི་མདུད་གྲོལ་མཆོག །ལྷ་དབང་གྲགས་པ་ཀུན་དགའ་རྒྱལ་མཚན་དང༌། ཁྱད་འཕགས་རྩ་བའི་བརྒྱུད་པར༴ །བརྒྱུད་སྲོལ་ཀུན་འདུས་གསང་བདག་སྒྲོལ་བའི་མགོན། །རིན་ཆེན་རྒྱ་མཚོ་བློ་གྲོས་རྣམ་པར་རྒྱལ། །ངག་དབང་འཕྲིན་ལས་ངག་དབང་རྣམ་པར་རྒྱལ། །མཉམ་མེད་དམ་པ་རྣམས་ལ༴ །དགྱེས་རྡོར་གསང་འདུས་བདེ་མཆོག་སྒྱུ་མ་ཆེ། །འཇིགས་མཛད་ཡེ་ཤེས་རྣམ་ལྔའི་དཀྱིལ་འཁོར་པ། །མཁའ་འགྲོ་སྡེ་ལྔ་མྱུར་མཛད་མགོན་པོ་སོགས། །ཟུང་འཇུག་སྙིང་པོའི་ལྷ་ལ༴ །སྨིན་བྱེད་དབང་བཞིའི་རིགས་ཀྱི་གསོས་ཐེབ་ནས། །དམ་ཚིག་རྣམ་དག་མཐུ་ཆེན་གེགས་མེད་ཚོགས། །བསྐྱེད་རིམ་བརྟན་ཐོབ་རྫོགས་རིམ་མཐའ་རུ་ཕྱིན། །མི་སློབ་ཟུང་འཇུག་ཚེ་འདིར་


TNT12_Page_0610
[མ་དཔེ་གཟིགས་ན་འདིར་གནོན།]

མངོན་བྱེད་ཤོག །དེ་མ་ཐོབ་པའི་ཚེ་རབས་ཐམས་ཅད་དུ། །བླ་མ་ལྷག་པའི་ལྷ་དང་མི་འབྲལ་ཞིང༌། །དཀའ་བ་མེད་པར་རྡོ་རྗེ་ས་ལམ་བསྒྲོད། །དངོས་གྲུབ་རྣམ་གཉིས་བདེ་རླག་འགྲུབ་གྱུར་ཅིག །རྩ་བརྒྱུད་བླ་མ་ཡི་དམ་མཁའ་འགྲོ་ཡི། །བྱིན་རླབས་བདག་གི་རྒྱུད་ལ་རབ་ཞུགས་ཏེ། །མཁའ་མཉམ་འགྲོ་ཀུན་སྐུ་གསུང་ཐུགས་ཡོན་ཏན། །འཕྲིན་ལས་འཁོར་ལོ་མྱུར་དུ་འགོད་ནུས་ཤོག། །།ཅེས་ཤངས་ལུགས་རྒྱུད་སྡེ་ལྔའི་བརྒྱུད་པའི་གསོལ་འདེབས་ཁ་སྐོང་འདི་བློ་གྲོས་མཐའ་ཡས་ཀྱིས་བགྱིས་པ་དགེ་ལེགས་སུ་གྱུར་ཅིག།

རྒྱུད་སྡེ་ལྔའི་དཀྱིལ་འཁོར་སྒྲུབ་པའི་ཐབས།


TNT12_Page_0611
[མ་དཔེ་གཟིགས་ན་འདིར་གནོན།]

རྒྱུད་སྡེ་ལྔའི་དཀྱིལ་འཁོར་སྒྲུབ་པའི་ཐབས་ཞེས་བྱ་བ་བཞུགས།


TNT12_Page_0612
[མ་དཔེ་གཟིགས་ན་འདིར་གནོན།]

ཨོཾ་ན་མོ་གུ་རུ་ཧེ་བཛྲ་གུ་ཧྱ་ས་མ་ཛཿ ཙཀྲ་སཾ་བྷ་ར་མཧཱ་མ་ཡ་བཛྲ་བྷཻ་ར་བ་མཧཱ་ཀཱ་ལ་མཎྜ་ལེ་བྷྱཿ མཐར་ཐུག་སྟོན་པ་རྣམ་པ་ལྔའི་དཀྱིལ་འཁོར་ལྷ་ལ་ཕྱག་འཚལ་ལོ། །དེ་ཡི་སྒྲུབ་ཐབས་མན་ངག་བཞིན་གསལ་པོར་འགོད་ལ་སྤྲོ་བ་སྐྱེས། དགྱེས་མཛད་རྡོ་རྗེ་དྲག་པོ་གདན་ཅན་གྱི་བསྐྱེད་པའི་རིམ་པ་ལ་གཞི་བྱས་ནས་རྒྱུད་སྡེ་ལྔའི་དཀྱིལ་འཁོར་གྱི་སྒྲུབ་ཐབས་ཉམས་སུ་ལེན་པའི་ཚུལ་ནི་འདི་ཡིན་ཏེ། སྐྱབས་འགྲོ་སེམས་བསྐྱེད། རྡོ་རྗེ་སེམས་དཔའི་སྒོམ་བཟླས་སྤྱི་དང་མཐུན་པར་བྱས་ལ། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། སྟོང་པའི་ངང་ལས་ཧཱུཾ་ལས་རྡོ་རྗེ་ཧཱུཾ་གིས་མཚན་པ། དེ་ལས་འོད་ཟེར་སྣ་ལྔ་འཕྲོས་འགྲོ་བའི་སྡིག་སྒྲིབ་སྦྱངས། ཚུར་འདུས་རང་གི་སྙིང་གར་ཐིམ་ནས་ཞུ་བའི་ཐིག་ལེ་ལས། བདག་ཉིད་དགྱེས་མཛད་རྡོ་རྗེ་ཕྱག་གཉིས་པ་ཤེས་རབ་མ་དང་བཅས་པ་ཚངས་པ་དང་དབང་ཕྱུག་གི་གདན་ལ་གནས་པའི་སྙིང་གར་ཉི་མ་ལ་ཧཱུཾ་དེ་ལས་ཁྲོ་བོ་བཅུ་སྤྲོས་ཕྱོགས་བཅུར་འཁོད་པ་ནི། ཤར་དུ་གཤིན་རྗེ་གཤེད་ནག་པོ་ཐོ་བ་འཛིན་པ། ལྷོར་ཤེས་རབ་


TNT12_Page_0613
[མ་དཔེ་གཟིགས་ན་འདིར་གནོན།]

མཐར་བྱེད་དཀར་པོ་བེ་ཅོན་འཛིན་པ། ནུབ་ཏུ་པདྨ་མཐར་བྱེད་དམར་པོ་པདྨ་འཛིན་པ། བྱང་དུ་བགེགས་མཐར་བྱེད་ནག་པོ་རྡོ་རྗེ་གདེངས་པ་འཛིན་པ། ཤར་ལྷོར་གཏུམ་མོ་ནག་པོ་རལ་གྲི་འཛིན་པ། ལྷོ་ནུབ་ཏུ་འདོད་རྒྱལ་སྔོ་དམར་ལྕགས་ཀྱུ་འཛིན་པ། ནུབ་བྱང་དུ་བེ་ཅོན་སྔོན་པོ་དབྱུག་པ་འཛིན་པ། བྱང་ཤར་དུ་སྟོབས་པོ་ཆེ་ནག་པོ་ཏྲི་ཤུ་ལ་འཛིན་པ། སྟེང་དུ་གཙུག་ཏོར་འཁོར་ལོས་བསྒྱུར་བ་སེར་པོ་འཁོར་ལོ་འཛིན་པ། འོག་ཏུ་གནོད་མཛེས་ནག་པོ་གཏུན་ཤིང་འཛིན་པ། མི་གཡོ་འདོད་རྒྱལ་གནོད་མཛེས་རྣམས་རོལ་པའི་ཁྲོ་བོ། གཞན་རྣམས་ཤིན་ཏུ་ཁྲོས་པ། ཐམས་ཅད་ཀྱང་སྟག་ལྤགས་ཀྱི་ཤམ་ཐབས་དང་རིན་པོ་ཆེའི་རྒྱན་དང་ལྡན་པ། ཁྲོ་བོའི་མཚན་ཉིད་ཐམས་ཅད་རྫོགས་པ་མེ་དཔུང་དང་བཅས་པའོ། ཁྲོ་བོ་བཅུ་ལས་ཁྲོ་བོ་བཅུ་ལྕགས་ཀྱུ་དང་ཞགས་པ་ཐོགས་པ་ཕྱོགས་བཅུར་སྤྲོས། ཕྱོགས་བཅུའི་བགེགས་རྣམས་ཀྱི་ཡན་ལག་ལྔ་ཞགས་པས་བཅིངས། ལྕགས་ཀྱུས་སྙིང་གར་བཏབ་སྟེ་


TNT12_Page_0614
[མ་དཔེ་གཟིགས་ན་འདིར་གནོན།]

བཀུག་པར་གྱུར། ཨོཾ་ཡ་མཱནྟ་ཀྲྀཏ་ཧཱུཾ། ཨོཾ་པྲཛྙཱནྟ་ཀྲྀཏ་ཧཱུཾ། ཨོཾ་པདྨནྟ་ཀྲྀཏ་ཧཱུཾ། ཨོཾ་བིགྷྣཱནྟ་ཀྲྀཏ་ཧཱུཾ། ཨོཾ་ཨཱརྱཱ་ཙ་ལ་ཧཱུཾ། ཨོཾ་ཊཀྐི་རཱ་ཛ་ཧཱུཾ། ཨོཾ་ནཱི་ལ་དནྚ་ཧཱུཾ། ཨོཾ་མཧཱ་བ་ལ་ཧཱུཾ། ཨོཾ་ཙཀྲ་ཝཱརྟི་ཧཱུཾ། ཨོཾ་སུམྦྷ་རཱ་ཛ་ཧཱུཾ། ཨོཾ་སུམྦྷ་ནི་སུམྦྷ་ཧཱུཾ། གྲྀཧྞ་གྲྀཧྞ་ཧཱུཾ། གྲྀཧྞ་པཱ་ཡ་གྲྀཧྞ་པཱ་ཡ་ཧཱུཾ། ཨཱ་ན་ཡ་ཧོ་བྷ་ག་ཝཱན་བིདྱཱ་རཱ་ཛ་ཧཱུཾ་ཕཊ་སྭཱཧཱ། ཡང་ཧཱུཾ་ལས་ཕུར་བུ་དང་ཐོ་བ་བཅུ་སྤྲོས། ཡང་སྤུལ་ཁྲོ་བོ་རྣམས་ཀྱི་ལག་པ་གཡས་གཡོན་དུ་གཏོད། བགེགས་རྣམས་ཀྱི་སྤྱི་བོར་ཕུར་བུས་བཏབ་ཅིང་ཐོ་བས་བརྡུངས་པས། ལུས་གཡོ་འགུལ་མེད། ངག་རླུང་རྒྱུ་བ་མེད། སེམས་འོད་གསལ་དུ་ཐིམ་ཞིང༌། ལྷག་མ་རྣམས་རྡོ་རྗེའི་མེ་འོད་དང་སྔགས་ཀྱི་སྒྲས་ཁོར་ཡུག་ཆེན་པོའི་ཕྱི་རོལ་དུ་བསྐྲད་པར་གྱུར། ཨོཾ་གྷ་གྷ་གྷཱ་ཏ་ཡ་གྷཱ་ཏ་ཡ། སརྦ་དུཥྟཱཾ་ན་ཕཊ། ཀཱི་ལ་ཡ་ཀཱི་ལ་ཡ་སརྦ་པཱ་པཾ་ཕཊ། ཧཱུཾ་ཧཱུཾ་ཧཱུཾ་བཛྲ་ཀཱི་ལ་བཛྲ་དྷ་རོ་ཨཛྙཱ་པ་ཡ་ཏི་སརྦ་བིགྷྣཱན་ཀཱ་ཡ་ཝཱཀ་ཙིཏྟ་བཛྲ་ཀཱི་ལ་ཡ་ཧཱུཾ་ཕཊ། ཨོཾ་བཛྲ་མུངྒ་ར་བཛྲ་ཀཱི་ལ་ཨཱ་ཀོ་ཊ་ཡ་ཧཱུཾ་ཧཱུཾ་ཕཊ། རང་ཉིད་མི་བསྐྱོད་པ་སྔོན་པོ་རྡོ་རྗེ་དང་དྲིལ་བུ་འཛིན་པས་མཱ་མ་ཀཱི་ལ་འཁྱུད་པ། རླུང་ཁ་སྦྱོར་བྱ། རྩ་གསུམ་གསལ་བཏབ་ནས། ཨ་ཝ་དྷཱུ་ཏཱྀ་རབ་ཏུ་རྒྱས་པའི་ནང་གི་སྙིང་གར་ཧཱུཾ་མཐིང་ནག །ཨོཾ་བཛྲ་རཀྵ་རཀྵ་ཧཱུཾ་


TNT12_Page_0615
[མ་དཔེ་གཟིགས་ན་འདིར་གནོན།]

ཧཱུཾ་ཧཱུཾ་ཕཊ་སྭཱཧཱ། སྙིང་གའི་ཧཱུཾ་ལས་རཾ་ཆད་དེ་འོག་ཏུ་ཉི་མར་གྱུར། ཡང་ཧཱུཾ་གཅིག་ཆད་དེ། དེའི་སྟེང་དུ་སྣ་ཚོགས་རྡོ་རྗེར་གྱུར་པ་ནི། ཤར་གྱི་རྭ་གསུམ་དཀར་པོ། ལྷོའི་རྭ་གསུམ་སེར་པོ། ནུབ་ཀྱི་རྭ་གསུམ་དམར་པོ། བྱང་གི་རྭ་གསུམ་ལྗང་ཁུ། ལྟེ་བ་མཐིང་ནག་ལ་ཧཱུཾ་གིས་མཚན་པ། སྣ་ཚོགས་རྡོ་རྗེ་དེ་ཉིད་རྒྱ་ཆེ་ཞིང་རྔམས་འཐུག་པར་གྱུར་པས་རྡོ་རྗེའི་ས་གཞི། ཁོར་ཡུག་ཏུ་འཕྲོས་པ་དཔངས་མཐོ་པས་རཱ་བ། རྩེ་མོ་རྣམས་སྟེང་དུ་འདུས་པ་གུར་དང་བླ་བྲེ། ཨོཾ་བཛྲ་རཀྵ་རཀྵ་ཧཱུཾ་ཧཱུཾ་ཧཱུཾ་ཕཊ་སྭཱཧཱ། ཕྱོགས་བཞིར་དམིགས་ནས་ཧཱུཾ་བཞི་པ་ལན་གཅིག་བརྗོད། སྙིང་གའི་ཧཱུཾ་གི་འོད་ཟེར་གྱི་སྣེ་ལ་རྡོ་རྗེ་རྩེ་གཅིག་པ་ནས་རྩེ་དགུ་པའི་བར་གྱི་རྡོ་རྗེ་རྣམས་འཕྲོས་ཏེ་གོ་མཚམས་མེད་པར་གཏམས། ཡང་རཀྵའི་སྔགས་བརྗོད་པས། འོག་གི་ཉི་མ་ལས་ཡེ་ཤེས་ལྔའི་རང་བཞིན་གྱི་མེ་འབར་བས། ཕྱི་ངོས་ཀྱི་རྡོ་རྗེ་རྣམས་ཁྲོ་ཆུ་ལྟར་ཞུ་ནས། མེ་ལོང་གི་ངོས་བཞིན་དུ་གྱུར་པས་བསྐལ་པའི་རླུང་གིས་ཀྱང་མི་ཐར་ཞིང་བར་དུ་གཅོད་པ་གང་གིས་ཀྱང་མི་ཚུགས་པའི་བསྲུང་འཁོར་ཡེ་ཤེས་ཀྱི་མེ་འབར་བས་དཔག་ཚད་བྱེ་བ་ཙམ་དུ་ཁྱབ་པར་གྱུར། བཛྲ་རཀྵའི་སྔགས་ལན་གསུམ་བརྗོད། བསྲུང་བའི་འཁོར་ལོའི་ནང་དུ་བླ་མ་ཡི་དམ་སངས་རྒྱས་བྱང་སེམས་དཔའ་བོ་མཁའ་འགྲོ་སྤྲིན་དཔུང་


TNT12_Page_0616
[མ་དཔེ་གཟིགས་ན་འདིར་གནོན།]

འཁྲིགས་པ་བཞིན་བཞུགས་པར་གྱུར། བླ་མེད་དཀོན་མཆོག་རྣམ་པ་གསུམ། །བླ་མ་ཡི་དམ་མཁའ་འགྲོའི་ཚོགས། ཁྲོ་བོ་ཆོས་སྐྱོང་བཅས་པ་ལ། །རྟག་ཏུ་གུས་པས་སྐྱབས་སུ་མཆི། །ལན་གསུམ། བླ་མ་ཡི་དམ་འཁོར་བཅས་ཀྱིས། །རིགས་ཀྱི་བུ་ཁྱོད་ཀྱིས་སེམས་ཅན་གྱི་དོན་དུ་རྒྱུད་སྡེ་ལྔའི་ལྷ་ཚོགས་སྒྲུབ་པ་ནི་ཤིན་ཏུ་ལེགས་སོ། །རིགས་ཀྱི་བུ་ཁྱོད་ཀྱི་བར་ཆད་ང་ཡིས་བསྲུང་ཞིང་བྱིན་གྱིས་རླབས་པར་བྱའོ། །ཞེས་གསུངས་ནས་བུམ་པའི་ཆུས་དབང་བསྐུར་བས་སྡིག་སྒྲིབ་མི་མཐུན་པའི་ཕྱོགས་ཐམས་ཅད་བཀྲུས་པར་གྱུར། མདུན་གྱི་ནམ་མཁའ་ལ་བཅོམ་ལྡན་འདས་དགྱེས་མཛད་རྡོ་རྗེ་ལ་སོགས་པ་བྱོན་ནས་རང་དང་དབྱེར་མེད་དུ་གྱུར། རྩ་སྔགས། ཁ་བཀྲུས་ལ་བདུད་རྩི་མྱང༌། ནམ་མཁའ་དང་མཉམ་པའི་སེམས་ཅན་ཐམས་ཅད་བདག་གིས་ཕ་མ་ཡིན། ཕ་མ་འདི་རྣམས་སྡུག་བསྔལ་བ་སྙིང་རེ་རྗེ། ད་ནི་བདག་གིས་བདེ་བ་དང་བདེ་བའི་རྒྱུ་དང་ལྡན་པར་བྱ། སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་བར་བྱ། རྒྱུད་སྡེ་ལྔའི་དཀྱིལ་འཁོར་གྱི་ལྷ་ཚོགས་རྣམས་ཀྱི་གོ་འཕང་ལ་བཞག་པར་བྱ། དེའི་ཕྱིར་དུ་བདག་གིས་རྒྱུད་སྡེ་ལྔའི་དཀྱིལ་འཁོར་སྒྲུབ་པར་བགྱིའོ། །དེ་ནས། རང་སྐད་ཅིག་གིས་དགྱེས་མཛད་རྡོ་རྗེ་ཕྱག་གཉིས་པ་ཤེས་རབ་མ་དང་བཅས་པར་གསལ་བའི་སྙིང་གར་རཾ་ལས་ཉི་མའི་


TNT12_Page_0617
[མ་དཔེ་གཟིགས་ན་འདིར་གནོན།]

སྟེང་དུ་ཧཱུཾ། དེ་ལས་འོད་ཟེར་སྣ་ལྔ་འཕྲོས་པས་རང་གི་ལུས་ཀྱི་ནད་ཐམས་ཅད་སྦྱངས། ཡེ་ཤེས་ལྔའི་རང་བཞིན་དུ་གྱུར། ཡང་འཕྲོས་པས་ཤ་ཁྲག་ལ་སོགས་པ་བར་གྱི་དངོས་པོ་རྣམས་ཀྱང་སྦྱངས་ཏེ་ཡེ་ཤེས་ལྔའི་ངོ་བོར་གྱུར། ཡང་འཕྲོས་པ་བ་སྤུའི་བུ་ག་ནས་ཕྱིར་སོང་སྟེ་རང་བཞིན་གྱི་གནས་ནས་དཀྱིལ་འཁོར་ལྔའི་ལྷ་ཚོགས་བླ་མས་དབུ་རྒྱན་པ་སངས་རྒྱས་བྱང་ཆུབ་སེམས་དཔའི་ཚོགས་དང་བཅས་པ་མདུན་གྱི་ནམ་མཁར་སྤྱན་དྲངས། བླ་མ་རྣམས་དང་ཡི་དམ་ལྷ། །སངས་རྒྱས་བྱང་ཆུབ་སེམས་དཔའ་དང༌། །དཔའ་བོ་མཁའ་འགྲོ་ཆོས་སྐྱོང་སོགས། །བདག་གི་གནས་འདིར་གཤེགས་སུ་གསོལ། །ཨོཾ་བྷ་ག་ཝཱན་མཧཱ་ཀཱ་རུ་ཎི་ཀ་ཧེ་བཛྲ་གུ་ཧྱ་ས་མ་ཛ་ཙཀྲ་སམྦྷ་ར་མཧཱ་མ་ཡ་བཛྲ་བྷཻ་ར་བ་མཎྜ་ལ་ས་པ་རི་བཱ་ར་བཛྲ་ས་མཱ་ཛཿ རང་གི་ལུས་ཞིང་གི་རྡུལ་སྙེད་དུ་སྤྲུལ། སངས་རྒྱས་ཐམས་ཅད་འདུས་པའི་སྐུ་སོགས་ཤོ་ལོ་ཀ་གཅིག་དང༌། བཅོམ་ལྡན་དགྱེས་མཛད་དཀྱིལ་འཁོར་དང༌། །གསང་འདུས་མཧཱ་མ་ཡ་དང༌། །བདེ་མཆོག་འཁོར་ལོ་འཇིགས་བྱེད་དེ། །ཡི་དམ་ལྷ་ལ་ཕྱག་འཚལ་ལོ། །སངས་རྒྱས་ཆོས་དང་དགེ་འདུན་དང༌། །དཔའ་བོ་དཔའ་མོ་མཁའ་འགྲོ་དང༌། །ཆོས་སྐྱོང་ཚོགས་དངབཅས་པ་ལ། །བདག་སོགས་གུས་པས་ཕྱག་འཚལ་ལོ། །ཨརྒྷཾ༴ པཱདྱཾ་སྟེ་ཆུ་གཉིས་ཕུལ།


TNT12_Page_0618
[མ་དཔེ་གཟིགས་ན་འདིར་གནོན།]

ཨོཾ་བཛྲ་པུཥྤེ་ཨཱཿཧཱུཾ་ནས། ཤཔྟའི་བར་ཕུལ། དཀར་མོ་རི་དྭགས་མཚན་མ་འཛིན། །ཆོམ་རྐུན་བདུད་ལས་རྒྱལ་བའི་སྣོད། །རོ་ལངས་མ་ནི་ཆུ་ལག་མ། །གྷསྨ་རི་ནི་སྨན་འཛིན་ཅིང༌། །པུཀྐ་སི་ནི་རྡོ་རྗེའི་ལག།དེ་བཞིན་རི་ཁྲོད་མ་རོ་འཛིན། །གདོལ་པ་མོ་ནི་ཅང་ཏེའུ་བརྡུང༌། །འདི་རྣམས་ཀྱིས་ནི་གཙོ་བོ་མཆོད། །འདོད་ཆགས་ཆེན་པོ་རྗེས་ཆགས་པས། །གཡུང་མོས་སྐུ་ལ་འཁྱུད་པ་ཉིད། །དེ་ནས་རྒྱུན་བཤགས་ནི། བདག་གིས་སྡིག་པ་བགྱིས་པ་དང༌། །བགྱིད་དུ་སྩལ་དང་ཡི་རང་བ། །སངས་རྒྱས་སྤྱན་སྔར་མཆིས་ནས་སུ། །མ་ལུས་སོ་སོར་བཤགས་པར་བགྱི། །སངས་རྒྱས་བྱང་ཆུབ་སེམས་དཔའ་དང༌། །རང་རྒྱལ་དགྲ་བཅོམ་འགྲོ་རྣམས་ཀྱི། །བསྒོམ་དང་བཟླས་བརྗོད་བསོད་ནམས་ཀྱི། །ཚོགས་ལ་བདག་ནི་ཡི་རང་ངོ༌། །བླ་མ་རྒྱུད་སྡེའི་ལྷ་རྣམས་ཀྱི། །སེམས་ཅན་རྒྱུད་ལ་གང་འཚམ་པའི། །གང་འདུལ་དེ་ལ་དེར་བསྟན་ནས། །ཆོས་ཀྱི་འཁོར་ལོ་བསྐོར་དུ་གསོལ། །བླ་མ་ཡི་དམ་ལྷ་ཚོགས་ཀྱིས། །མཁའ་དང་མཉམ་པའི་སེམས་ཅན་རྣམས། །སངས་རྒྱས་དག་ལ་མ་འཁོད་པར། །དེ་སྲིད་དུ་ནི་བཞུགས་སུ་གསོལ། །སེམས་བསྐྱེད་མངོན་པར་སངས་རྒྱས་ནས། །ཆོས་ཀྱི་འཁོར་ལོ་བསྐོར་བ་དང༌། །ཆུབ་སེམས་དཔའི་ཚོགས་ཀྱི་མཆོག །


TNT12_Page_0619
[མ་དཔེ་གཟིགས་ན་འདིར་གནོན།]

དེ་ལ་བདག་ནི་སྐྱབས་སུ་མཆི། །སངས་རྒྱས་འབྱུང་བ་ཇི་ལྟ་བར། །སྐལ་ལྡན་བྱང་ཆུབ་སེམས་དཔའ་ཡི། །བྱང་ཆུབ་སེམས་ནི་བསྐྱེད་པ་ལྟར། །དེ་བཞིན་བདག་གིས་སེམས་བསྐྱེད་དོ། །བདག་གི་དགེ་བའི་ལས་ནི་འདི་དག་གིས། །འཇིག་རྟེན་འདིར་ནི་མྱུར་དུ་སངས་རྒྱས་ཤོག །འགྲོ་ལ་ཕན་ཕྱིར་ཆོས་ཀྱང་སྟོན་བགྱིད་ཅིང༌། །སེམས་ཅན་སྡུག་བསྔལ་གཟིར་ལས་སྒྲོལ་བར་ཤོག །བླ་མ་ཡི་དམ་སངས་རྒྱས་ལ། །བདག་གི་ལུས་ངག་ཡིད་གསུམ་ནི། །ལྟོས་མེད་སེམས་ཅན་དོན་དུ་འབུལ། །ཁྱོད་ཀྱི་སྐུ་གསུམ་འགྲུབ་པར་ཤོག །དེ་ནས། སྲས་བཅས་སངས་རྒྱས་ཐམས་ཅད་དང་ལ་སོགས་པས་རིགས་ལྔའི་སྡོམ་པ་བཟུང་བ་ཡང་བྱའོ། །སེམས་ཅན་ཐམས་ཅད་བདེ་བ་དང་སོགས་ཚད་མེད་བཞི་བསྒོམ། ཨོཾ་སྭ་བྷཱ་ཝ་ཤུངྔྷ་སརྦ་དྷརྨ་སྭ་བྷཱ་ཝ་ཤུངྔྷོ྅ཧཾ། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། སྟོང་པའི་ངང་ལས་རཾ་ལས་ཉི་མ་ལ་ཧཱུཾ་ལས་སྣ་ཚོགས་རྡོ་རྗེ། དེ་ལས་རྡོ་རྗེའི་ས་གཞི་རྭ་བ་དྲ་བ་གུར་བླ་བྲེ་མེ་རི་དང་བཅས་པའི་དབུས་སུ། ཨེ་ལས་ཆོས་འབྱུང་གྲུ་གསུམ་ཕྱི་དཀར་ལ་ནང་དམར་བ་གདེངས་ཀ་ཆེ་བ་གྱེན་དུ་ཕྱོགས་ཤིང༌། རྩ་བ་ཕྲ་བ་ཐུར་དུ་ཟུག་པའི་ནང་དུ། ཡཾ་ལས་རླུང་གི་དཀྱིལ་འཁོར་སྔོན་པོ་ཟླ་གམ་ཡཾ་དང་བ་དན་གྱིས་མཚན་པ། དེའི་སྟེང་དུ་རཾ་ལས་མེའི་དཀྱིལ་འཁོར་དམར་པོ་གྲུ་གསུམ་རཾ་དང་འབར་བས་


TNT12_Page_0620
[མ་དཔེ་གཟིགས་ན་འདིར་གནོན།]

མཚན་པ། དེའི་སྟེང་དུ་བཾ་ལས་ཆུའི་དཀྱིལ་འཁོར་དཀར་པོ་ཟླུམ་པོ་བཾ་དང་བུམ་པས་མཚན་པ། དེའི་སྟེང་དུ་ལཾ་ལས་སའི་དཀྱིལ་འཁོར་སེར་པོ་གྲུ་བཞི་ལཾ་དང་རྡོ་རྗེས་མཚན་པ། དེའི་སྟེང་དུ་བྷྲུཾ་ལས་འཁོར་ལོ་སེར་པོ་རྩིབས་བཅུ་དྲུག་པ་ལྟེ་བ་ལ་བྷྲུཾ་གྱིས་མཚན་པ། དེ་རྣམས་གཅིག་ཏུ་འདྲེས་པ་ལས་པད་ཉི་སྣ་ཚོགས་རྡོ་རྗེ་དང་བཅས་པའི་སྟེང་དུ། རིན་པོ་ཆེ་སྣ་ཚོགས་ལས་གྲུབ་པའི་གཞལ་ཡས་ཁང་གྲུ་བཞི་སྒོ་བཞི་པ། ཕྱི་ནས་རིམ་པ་བཞིན་དུ་དཀར་སེར་དམར་ལྗང་སྔོ་བའི་རྩིག་པ་རིམ་པ་ལྔ་དང་ལྡན་པ། དེའི་སྟེང་དུ་རིན་པོ་ཆེ་ཕ་གུ་ལས་དྲ་བ་དང་དྲ་བ་ཕྱེད་པ་ལ་སོགས་པ་དུ་མ་དཔྱངས་པ། དེའི་སྟེང་དུ་བྱ་འདབས་ལས་ཐུར་དུ་འཕྱང་བའི་ཤར་བུའི་ཕྲེང་བ་དང༌། སྟེང་དུ་མདའ་ཡབ་མཆོད་རྟེན་གྱི་དབྱིབས་ཅན་གྱིས་བསྐོར་བའི་བར་བར་ན་གདུགས་དང་རྒྱལ་མཚན་དང་བ་དན་ལ་སོགས་པས་བརྒྱན་པ། ནང་ཀ་བ་བརྒྱད་དང་ལྡན་པ། སྟེང་རྡོ་རྗེའི་གདུང་བཞི་མིག་མངས་རིས་སུ་བྲིས་ཤིང་མཛེས་པར་ཕུབ་པ། དབུས་ཕྱུར་བུར་གྱུར་པའི་རྩེ་མོར་རྡོ་རྗེ་རིན་པོ་ཆེའི་ཏོག་གིས་སྤྲས་པ། རྩིག་པའི་ཕྱི་རོལ་འགྲམ་སྟེགས་མཆོད་པའི་སྣམ་བུ་དམར་པོ་ལ་བུད་མེད་སྒྱུ་མའི་མཛེས་སྡུག་གིས་སྒེག་པའི་གཟུངས་མ་རྣམས་ཀྱིས་མཆོད་རྫས་དུ་མ་ཐོགས་ནས་དཀྱིལ་འཁོར་གྱི་ལྷ་ཚོགས་རྣམས་ལ་མཆོད་པ། ཟུར་བཞིར་ཟླ་


TNT12_Page_0621
[མ་དཔེ་གཟིགས་ན་འདིར་གནོན།]

ཕྱེད་ནོར་བུ་དང༌། སྒོ་འཁྱུད་ཀྱི་མཚམས་སུ་ཟླ་ཕྱེད་རྡོ་རྗེས་བརྒྱན་པ། སྒོ་བཞིའི་མདུན་དུ་རྒྱན་དང་བཅས་པའི་ཀ་བས་བཏེགས་པའི་རྟ་བབས་མཆོད་རྟེན་གྱི་རྣམ་པ་ཅན་རྒྱན་ཐམས་ཅད་ཀྱིས་བརྒྱན་པ། རྟ་བབས་ཀྱི་རྩེ་མོར་པདྨ་ལ་གནས་པའི་ཆོས་འཁོར། སྟེང་དུ་གདུགས་དཀར་པོ། གཡས་གཡོན་དུ་རི་དྭགས་ཕོ་མོ་དང་བཅས་པ། གཞན་ཡང་རྒྱན་སྣ་ཚོགས་ཀྱིས་སྤྲས་པའི་གཞལ་ཡས་ཁང་གླང་རྒྱབ་ཀྱི་ནང་དེ་བཞིན་གཤེགས་པ་ལྔས་མཛེས་པ། སྒོ་བཞིའི་ཕྱི་རོལ་དུ་རིན་པོ་ཆེའི་ཐེམ་སྐས་དང༌། དེའི་ཕ་རོལ་དུ་བབས་ཞོན་གྱི་རྟ་བབས་དང་བཅས་པའོ། །དེའི་ཕྱི་རོལ་དུ་དུར་ཁྲོད་ཆེན་པོ་བརྒྱད་ནི། ཤར་དུ་གཏུམ་དྲགལྷོར་འཇིགས་བྱེད་ཐོད་པ་ཅན། ནུབ་ཏུ་འུར་འུར་འབར་བ། བྱང་དུ་ཚང་ཚིང་འཁྲིགས་པ། ཤར་ལྷོར་དབང་ཕྱུག་ནགས་ཚལ། ལྷོ་ནུབ་ཏུ་མུན་པ་མི་ཟད་པ། ནུབ་བྱང་དུ་ཅ་ཅོ་སྒྲོག་པ། བྱང་ཤར་དུ་ཧ་ཧ་རྒོད་པའོ། །ཤིང་ཆེན་པོ་བརྒྱད་ནི། ཧ་ར་ཙུ་ཏ་ཨ་ཤོ་ཀ ཨ་ཤྭད་ཐ་དང་ཀ་རཉྫ། ཛ་ལ་ཏི་དང་པར་ཏི་པ། བྷེ་ཏ་དང་ནི་བྷ་ཊའོ། །རྩ་བར་ཕྱོགས་སྐྱོང་བརྒྱད་གནས་པ། །ཤར་དུ་བརྒྱ་བྱིན་ལྷོར་གཤིན་རྗེ། །ཆུ་ལྷ་ནུབ་དང་གནོད་སྦྱིན་བྱང༌། །བྱང་ཤར་འབྱུང་པོ་ཤར་ལྷོ་མེ། །ལྷོ་ནུབ་སྲིན་པོ་ནུབ་བྱང་རླུང༌། །


TNT12_Page_0622
[མ་དཔེ་གཟིགས་ན་འདིར་གནོན།]

མཁའ་ལ་ལྷ་ཆེན་བརྒྱད་གནས་པ། །ཤར་དུ་དབང་པོ་ལྷོར་ཚངས་པ། །ཁྱབ་འཇུག་ནུབ་དང་དབང་ཕྱུག་བྱང༌། །བྱང་ཤར་ལ་སོགས་མཚམས་བཞི་རུ། །གདོང་དྲུག་ཚོགས་ཀྱི་བདག་པོ་དང༌། །བྷྲྀཾ་གི་རི་ཏི་ལེགས་ལྡན་ནག།ཆུ་ལ་ཀླུ་ཆེན་བརྒྱད་གནས་པ། །འཇོག་པོ་དུང་སྐྱོང་རིགས་ལྡན་དང༌། །མཐའ་ཡས་པད་ཆེན་དགའ་བོ་དང༌། །ནོར་རྒྱས་བུ་དང་པདྨའོ། །ཤིང་གི་ཡལ་ག་ལ་གནས་པའི་ཞིང་སྐྱོང་རྣམས་ཕྱོགས་སྐྱོང་སོ་སོའི་མདོག་དང་མཚུངས་ཤིང་སོ་སོའི་བཞོན་པའི་གདོང་པ་ཅན་གྲི་གུག་དང་ཐོད་པ་གཏོར་མས་གང་བ་འཛིན་པའོ། །སྤྲིན་ཆེན་པོ་བརྒྱད་ནི། སྒྲོག་བྱེད་སེར་པོ། ལྡོག་བྱེད་སྔོན་པོ། འཇིགས་བྱེད་དཀར་པོ། འཁོར་བྱེད་སེར་པོ། འཐུག་པོ་དཀར་པོ། འགེངས་བྱེད་དམར་པོ། ཆར་འབེབས་ནག་པོ། གཏུམ་པོ་ལྗང་ཁུའོ། །གཞན་ཡང་རི་བརྒྱད། མཆོད་རྟེན་བརྒྱད། ཆུ་བརྒྱད། དྲག་ཏུ་འབར་བའི་མེ་བརྒྱད་དང་བཅས་པ། གཞན་ཡང་རོ་དང་རོ་ལངས་དང་ཤ་ཟ་དང་འབྱུང་པོ་དང་སྲིན་པོ་དང༌། བྱ་དང་གཅན་གཟན་དང༌། དཔའ་བོ་དང༌། རྣལ་འབྱོར་མ་གྲུབ་པ་ཐོབ་པ་དང༌། གྲུབ་པའི་རྫས་དང་མཆོད་རྫས་ཐམས་ཅད་ཀྱིས་གང་བ་དངོས་གྲུབ་འབྱུང་བའི་དུར་ཁྲོད། དེ་རྣམས་ཀྱིས་ཡོངས་སུ་བསྐོར་བའི་གཞལ་ཡས་ཁང་གི་ལྷ་སྣམ་ཤར་དཀར། ལྷོ་སེར།


TNT12_Page_0623
[མ་དཔེ་གཟིགས་ན་འདིར་གནོན།]

ནུབ་དམར། བྱང་ལྗང༌། དབུས་སྔོ་བའི་ལྟེ་བར་སྣ་ཚོགས་པདྨ་འདབ་མ་བརྒྱད་པ། ཕྱོགས་བཞི་དམར་བ་མེ་དང་རླུང་སེར་བ། བདེན་བྲལ་ལྗང་པ། དབང་ལྡན་སྔོ་བ། མཐའ་མ་རྡོ་རྗེ་ནག་པོའི་མུ་ཁྱུད་ཀྱིས་བསྐོར་བ། ལྟེ་བར་ཉི་མའི་གདན་ལ་བདུད་བཞིའི་ངོ་བོ་ཚངས་པ་སེར་པོ། དབང་པོ་ཁམ་སེར། ཉེ་དབང་ལྗང་ཁུ། དྲག་པོ་ཐལ་དཀར་རྣམས་ཀན་རྐྱལ་དུ་བཀྲམ་པ། འདབ་མ་བརྒྱད་ལ། ཤར་དུ་ཚངས་པ། ལྷོ་རུ་བརྒྱ་བྱིན། ནུབ་ཏུ་ཉེ་དབང༌། བྱང་དུ་དྲག་པོ། བྱང་ཤར་དུ་གཤིན་རྗེ་སྔོན་པོ། ཤར་ལྷོར་གནོད་སྦྱིན་སེར་པོ། ལྷོ་ནུབ་ཏུ་སྲིན་པོ་སྨུག་ནགནུབ་བྱང་དུ་ལྷ་མིན་ཐགས་བཟང་རིས་ལྗང་ཁུ་རྣམས་ཀན་རྐྱལ་དུ་གནས་པའི་སྙིང་གར་ཟླ་བའི་དཀྱིལ་འཁོར་རེ་རེ། སྒོ་བཞིར་ཉི་མའི་དཀྱིལ་འཁོར་ལ་ཡི་དྭགས་ཀྱི་གདན་རེ་རེའོ། །དབུས་སུ་རང་སེམས་ཧཱུཾ་དང་ཨཾ་ནག་པོ། དེའི་འོག་ཏུ་མཚན་བཟང་པོ་སུམ་ཅུ་རྩ་གཉིས་ཀྱི་ངོ་བོ། ཨ་ཨཱ། ཨི་ཨཱི། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ། ཨཾ་ཨཿ ཕྲག་གཉིས་ཞུ་བ་ལས་བྱུང་བའི་ཟླ་བའི་དཀྱིལ་འཁོར་མེ་ལོང་ལྟ་བུའི་ཡེ་ཤེས། དེའི་སྟེང་དུ་དཔེ་བྱད་བཟང་པོ་བརྒྱད་ཅུའི་ངོ་བོ། ཀ་ཁ་ག་གྷ་ང༌། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ་ཀྵ། ཌ་ཌྷ་ད་དྷ་ལ་ཡ།


TNT12_Page_0624
[མ་དཔེ་གཟིགས་ན་འདིར་གནོན།]

ཕྲག་གཉིས་ཞུ་བ་ལས་བྱུང་བའི་ཉི་མའི་དཀྱིལ་འཁོར་མཉམ་པ་ཉིད་ཀྱི་ཡེ་ཤེས། དེ་གཉིས་ཀྱི་བར་དུ་ཡི་གེ་གཉིས་ཞུགས་ཏེ། ཧཱུཾ་ལས་རྡོ་རྗེ་ཧཱུཾ་གིས་མཚན་པ་དང་ཨཾ་ལས་གྲི་གུག་ཨཾ་གིས་མཚན་པར་གྱུར་པ་ནི་སོ་སོར་ཀུན་ཏུ་རྟོག་པའི་ཡེ་ཤེས། དེ་ལས་འོད་འཕྲོས་སེམས་ཅན་གྱི་དོན་བྱས། ཚུར་འདུས་ཐམས་ཅད་གཅིག་ཏུ་འདྲེས་པ་བྱ་བ་ནན་ཏན་གྱི་ཡེ་ཤེས་དེ་ལས་སྐུ་ཡོངས་སུ་རྫོགས་པ་ཆོས་ཀྱི་དབྱིངས་ཀྱི་ཡེ་ཤེས་ཀྱི་ངོ་བོ་བཅོམ་ལྡན་འདས་དགྱེས་མཛད་རྒྱུ་རྡོ་རྗེ་འཛིན་པ་སྐུ་མདོག་མཐིང་ནག ཞལ་བརྒྱད་པ། སྤྱན་ཉི་ཤུ་རྩ་བཞི་ཕྱེ་བ། ཕྱག་བཅུ་དྲུག་པ། ཞབས་བཞི་པ། ཞལ་ནས་ཧཱུཾ་སྤྲོ་བ། ལྷ་དང་ལྷ་མིན་ཐམས་ཅད་སྡིགས་པར་མཛད་པ། འཇིགས་པའང་འཇིགས་པ། དྲག་པོ་ཆེན་པོ་རྩ་བའི་ཞལ་ནག་པོ། གཡས་དཀར་བ་གཡོན་དམར་བ་སྟེང་ཞལ་དུ་བའི་མདོག་ཅན། ལྷག་མ་ཞལ་བཞིན་ནག་ལ། དབུ་སྐྲ་སེར་པོ་འབར་ཞིང་འཁྱིལ་བ། སྤྱི་བོར་སྣ་ཚོགས་རྡོ་རྗེས་མཚན་པ། ཐོད་སྐམ་ལྔ་ལྔའི་དབུ་རྒྱན་ཅན་སྨིན་མ་ཡོན་པོ་དང་བཅས་ཤིང༌། ཁྲོ་གཉེར་དང་ལྡན་པ། མཆེ་བ་གཙིགས་པ། བནྡྷུ་ལྟར་དམར་བའི་སྤྱན་གསུམ་གསུམ་དང་ལྡན་པ། ཕྱག་བཅུ་དྲུག་གི་དང་པོ་གཉིས་ཀྱིས་རྡོ་རྗེ་དང་དྲིལ་བུ་འཛིན་པས་ཡུམ་ལ་འཁྱུད་ཅིང༌། གཡས་ཀྱི་གཉིས་པ་ན་རལ་གྲི། གསུམ་པ་ན་མདའ་དང༌། བཞི་པ་ན་འཁོར་ལོ། ལྔ་པ་ན་


TNT12_Page_0625
[མ་དཔེ་གཟིགས་ན་འདིར་གནོན།]

བཤོར། དྲུག་པ་ན་དབྱུག་པ། བདུན་པ་ན་རྩེ་གསུམ། བརྒྱད་པ་ན་ལྕགས་ཀྱུ། གཡོན་གྱི་གཉིས་པ་ན་པདྨ། གསུམ་པ་ན་གཞུ། བཞི་པ་ན་ཁ་ཊྭཱཾ་ག །ལྔ་པ་ན་ཐོད་པ། དྲུག་པ་ན་རིན་པོ་ཆེ། བདུན་པ་ན་སྡིགས་མཛུབ། བརྒྱད་པ་ན་ཞགས་པ་བསྣམས་པ། སྐུ་ལ་རུས་པའི་ཕྱག་རྒྱ་དྲུག་དང་ལྡན་པ། ཁྲག་འཛག་མི་མགོ་ལྔ་བཅུའི་དོ་ཤལ་ཅན། གཅེར་བུ་ཞབས་མདུན་མ་གཉིས་གཡས་བརྐྱང་གི་སྟབས་དང༌། རྒྱབ་མ་གཉིས་སྐྱིལ་ཀྲུང་ཕྱེད་པའི་སྟབས་ཀྱིས་ཚངས་པ་དང༌། དབང་པོ་དང༌། དྲག་པོ་དང༌། ཉེ་དབང་རྣམས་མཉམ་པར་མནན་པ། སྒེག་པ་དཔའ་བ་མི་སྡུག་པ། །རྒོད་དང་དྲག་ཤུལ་འཇིགས་སུ་རུང༌། །སྙིང་རྗེ་རྔམ་དང་ཞི་བ་སྟེ། །གར་དགུའི་རོ་དང་ལྡན་པ་ཉིད། །དེ་ལ་འཁྱུད་པའི་བདག་མེད་མ་ནག་མོ་དྲག་མོ་ཆེན་མོ་ལྷ་མོའི་ཆ་བྱད་རྫོགས་པ། ཕྱག་བཞིའི་དང་པོ་གཉིས་གྲི་གུག་དང་ཐོད་པ་འཛིན་པ། འོག་མ་གཉིས་ཀྱིས་མདའ་དང་གཞུ་བསྣམས་པ། གཅེར་བུ་ཕྱག་རྒྱ་ལྔ་དང་མགོ་བོ་སྐམ་པོ་ལྔའི་ཕྲེང་བ་ཅན། གཡོན་བརྐྱང་གི་སྟབས་ཀྱིས་རྗེས་སུ་ཆགས་པ། ལྷག་མ་བཅོམ་ལྡན་འདས་དང་མཚུངས་པ། གཉིས་ཀའང་མེ་དཔུང་འབར་བའི་དབུས་ན་བཞུགས་ཤིང༌། ནམ་མཁའི་མཐའ་ཀླས་པ་འོད་ཀྱི་ཁྱབ་པར་མཛད་པ་འབར་བའི་ཕྲེང་བ་འཁྲུགས་པའོ། །ཡབ་ཀྱི་


TNT12_Page_0626
[མ་དཔེ་གཟིགས་ན་འདིར་གནོན།]

གསང་གནས་མི་དམིགས་པའི་ངང་ལས་ཧཱུཾ་ལས་རྡོ་རྗེ་སྔོན་པོ་རྩེ་ལྔ་པ་ལ་ལྟེ་བ་ལ་ཧཱུཾ་གིས་མཚན་པ། ཨོཾ་བཛྲ་མཧཱ་དྭེ་ཥ་ཙ་ཏུར་ཨཱ་ནནྟ་དཱ་ཡ་ཀ་ཁ་ཁ་མུ་ཁ་ཨ་ཀ་ར་སོ་ནཱ་ཐ་ཧཱུཾ་ཧཱུཾ་ཧཱུཾ་ཀཱརྻཾ་ཀུ་རུ་ཥ་མེ། ཡུམ་གྱི་མཁའ་ཨ་ལས་པདྨ་དམར་པོ་འདབ་མ་བརྒྱད་པ་ལྟེ་བར་ཨཾ་གིས་མཚན་པ། ཨོཾ་པདྨ་སུ་ཁ་དྷ་ར་མཧཱ་རཱ་ག་སུ་ཁཾ་དང་ཙ་ཏུར་ཨཱ་ནནྟ་བྷཱ་ག་བི་ཤྭ་ཧཱུཾ་ཧཱུཾ་ཧཱུཾ་ཀཱརྻཾ་ཀུ་རུ་ཥྭ་མེ། ཡབ་ཡུམ་སྙོམས་པར་ཞུགས་པའི་དགའ་བའི་སྒྲས་ཕྱོགས་བཅུའི་སངས་རྒྱས་སྲས་དང་བཅས་པ་སྤྱན་དྲངས་ཡབ་ཀྱི་ཞལ་ནས་ཞུགས་ནས་ཐུགས་ཀར་རྗེས་སུ་ཆགས་པའི་མེས་ཞུ། རྡོ་རྗེའི་ལམ་ནས་ཡུམ་གྱི་པདྨར་བབས་པའི་ཐིག་ལེ་ཆ་བཅུ་གཉིས་སུ་གྱུར། མཁའ་ནང་ནས་ཕྱིར་སྤྲོས་ཏེ་སོ་སོའི་གདན་ལ་འཁོད་པ་ཉི་ཟླ་ཁ་སྦྱོར་བཅུ་གཉིས་སུ་གྱུར། དེ་རྣམས་ཀྱི་བར་དུ་གཾ་ཙཾ་བཾ་གྷཾ་པཾ་ཤཾ་ལཾ་ཌཾ་ཛཿཧཱུཾ་བཾ་ཧོཿ རྣམས་སུ་གྱུར། དེ་རྣམས་ཡོངས་སུ་གྱུར་པ་ལས་གྲི་གུག་དང་ཅང་ཏེའུ་རལ་གྲི་དང་ཐོད་པ་རིན་པོ་ཆེ་དང་རྡོ་རྗེ་རླུང་རས་དང་ཐོད་པ་ལྕགས་ཀྱུ་དང་ཞགས་པ་ལྕགས་སྒྲོག་དང་དྲིལ་བུ་རྣམས་ས་བོན་དེ་རྣམས་ཀྱིས་མཚན་པ། ཟླ་ཉི་སོ་སོ་དང་གཅིག་ཏུ་འདྲེས་པ་ཡོངས་སུ་གྱུར་པ་ལས། ཤར་དུ་གཽ་རི་ནག་མོ་གཡས་གཉིས་གྲི་གུག་དང་མདའ། གཡོན་གཉིས་ཀྱི་ཐོད་པ་དང་གཞུ་འཛིན་པ། ལྷོར་ཙཽ་རཱི་དམར་མོ་གཡས་གཉིས་ཌཱ་མ་རུ་དང་འཁོར་ལོ། གཡོན་གཉིས་ཐོད་པ་དང་ལྕགས་ཀྱུ་འཛིན་པ། ནུབ་ཏུ་བཻ་ཏཱ་ལི་སེར་མོ་གཡས་གཉིས་


TNT12_Page_0627
[མ་དཔེ་གཟིགས་ན་འདིར་གནོན།]

རལ་གྲི་དང་ཆང་བུམ། གཡོན་གཉིས་སུ་དུང་ཆོས་དང་ཐོད་པ་འཛིན་པ། བྱང་དུ་གྷིསྨ་རཱི་ལྗང་ཁུ་གཡས་གཉིས་ཐོད་ཞགས་དང་སྐྱབས་སྦྱིན། གཡོན་གཉིས་དགྲ་སྟ་དང་མེ་ཐབ་འཛིན་པ། བྱང་ཤར་དུ་པུཀྐ་སཱི་སྔོན་མོ་གཡས་གཉིས་རྡོ་རྗེ་དང་མཆོག་སྦྱིན། གཡོན་གཉིས་དཔག་བསམ་ཤིང་གི་ལྕུག་མ་དང་ཐོད་པ་འཛིན་པ། ཤར་ལྷོར་ཤཱ་བཱ་རི་དཀར་མོ་གཡས་གཉིས་རྡོ་རྗེ་དང་ཁ་ཊྭཱཾ་ག །གཡོན་གཉིས་ཐོད་པ་དང་ཞགས་པ་འཛིན་པ། ལྷོ་ནུབ་ཏུ་ཙཎྜཱ་ལི་སྔོན་མོ་གཡས་གཉིས་རླུང་རས་དང་ཐོད་པ། གཡོན་གཉིས་བ་དན་དང་པདྨ་འཛིན་པ། ནུབ་བྱང་དུ་ཌོཾ་བི་ནཱྀ་སྣ་ཚོགས་མདོག་གཡས་གཉིས་ཐོད་པ་དང་བཤོར། གཡོན་གཉིས་མདུང་རྩེ་གསུམ་དང་སའི་དཀྱིལ་འཁོར་འཛིན་པ། ཤར་སྒོར་རྟ་གདོང་མ་ནག་མོ་ཞལ་བཞི་ནག་སེར་དམར་བའི་སྟེང་ན་རྟ་གདོང་ལྗང་ཁུ་རྩ་ཕྱག་གཉིས་ཀྱིས་གླིང་བུ། ཐ་མ་གཉིས་ཀྱིས་རྡོ་རྗེ་དང་ལྕགས་ཀྱུ་འཛིན་པ། ལྷོ་སྒོར་ཕག་གདོང་མ་སེར་པོ་ཞལ་བཞི་སེར་སྔོ་དཀར་བའི་སྟེང་ན་ཕག་གདོང་དམར་མོ་རྩ་ཕྱག་གཉིས་ཀྱིས་པི་ཝཾ། ཐ་མ་གཉིས་ཀྱིས་རིན་པོ་ཆེ་དང་ཞགས་པ་འཛིན་པ། ནུབ་སྒོར་ཁྱི་གདོང་མ་དམར་མོ་ཞལ་བཞི་དམར་སྔོ་དཀར་བའི་སྟེང་ན་ཁྱི་གདོང་སེར་མོ་རྩ་ཕྱག་གཉིས་ཀྱིས་རྔ་བོ་ཆེ། ཐ་མ་གཉིས་ཀྱིས་པདྨ་དང་ལྕགས་སྒྲོག་འཛིན་པ། བྱང་སྒོར་སེང་གདོང་མ་ལྗང་ཁུ་ཞལ་བཞི།


TNT12_Page_0628
[མ་དཔེ་གཟིགས་ན་འདིར་གནོན།]

ལྗང་ནག་དམར་བའི་སྟེང་ན་སེང་གདོང་དཀར་མོ་རྩ་ཕྱག་གཉིས་ཀྱིས་རྫ་རྔ། ཐ་མ་གཉིས་ཀྱི་རལ་གྲི་དང་དྲིལ་བུ་འཛིན་པ། ལྷ་མོ་ཐམས་ཅད་ཀྱང་སྤྱན་གསུམ་གསུམ་དང་ལྡན་ཞིང༌། དབུ་སྐྲ་དམར་སེར་གྱེན་ཏུ་བརྫེས་པ། ཐོད་སྐམ་ལྔ་ལྔས་དབུ་བརྒྱན་ཅིང༌། སྐམ་པོ་ལྔ་བཅུའི་ཕྲེང་བ་དང༌། རུས་པའི་ཕྱག་རྒྱ་ལྔས་བརྒྱན་པ། གཡོན་བརྐྱང་པའི་སྟབས་ཀྱིས་ཡེ་ཤེས་ཀྱི་མེ་འབར་བའི་དབུས་ན་བཞུགས་པ། སྒོ་མ་རྣམས་ནི་སྦོམ་ཐུང་ཆེར་ཁྲོས་ཤིང་སྟག་གི་ལྤགས་པའི་ཤམ་ཐབས་ཅན་ནོ། །དེ་ནས། གཙོ་བོའི་དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། གཙུག་ཏོར་དང་ལྟེ་བར་ཧོཿདམར་པོ་རེས་མཚན་པར་གྱུར། ཡབ་ཡུམ་སྙོམས་པར་ཞུགས་རྗེས་སུ་ཆགས་པའི་མེས་འོད་དུ་ཞུ་ནས་བདུད་བཞིའི་སྟེང་དུ། བདེ་བ་ཆེན་པོའི་ངོ་བོ་རྡོ་རྗེ་སེམས་དཔའི་རང་བཞིན་ཐིག་ལེ་གཉིས་སུ་གྱུར། དེ་ནས་ཚད་མེད་པ་བཞིའི་ངོ་བོར་གྱུར་པའི་ལྷ་མོ་བཞིའི་སྙན་པའི་དབྱངས་ཀྱིས་འགྲོ་བའི་དོན་ལ་བསྐུལ་བ་ནི། པུཀྐ་སཱིས། རྗེ་བཙུན་སྙིང་རྗེའི་ཡིད་བཞེངས་ཤིག །པུཀྐ་སཱི་ནཱི་བདག་ལ་སྐྱོབས། །སྟོང་པའི་རང་བཞིན་ཉིད་སྤོངས་ལ། །བདག་ལ་བདེ་ཆེན་སྦྱོར་བཞེད་མཛོད། །ཤཱ་བཱ་རིས། ཁྱོད་མེད་ན་ནི་བདག་འགུམ་པས། །དགྱེས་མཛད་རྡོ་རྗེ་ཁྱོད་བཞེངས་ཤིག །སྟོང་པའི་རང་བཞིན་ཉིད་སྤོངས་ལ། །རི་ཁྲོད་མ་འབྲས་གྲུབ་པར་མཛོད། །ཙཎྜཱ་ལིས། དགའ་གཙོ་


TNT12_Page_0629
[མ་དཔེ་གཟིགས་ན་འདིར་གནོན།]

འཇིག་རྟེན་དོན་གཉེར་བ། །སྟོང་པ་ཉིད་ལ་བཞུགས་སམ་ཅི། །ཁྱོད་མེད་ཕྱོགས་ནི་མི་འཚལ་བས། །གདོལ་པ་མོ་བདག་ཞུ་བ་བགྱིད། ཌོཾ་བི་ནིས། བདག་གིས་ཉིད་ཀྱི་ཐུགས་འཚལ་གྱི། །མིག་འཕྲུལ་མངའ་བ་ཁྱོད་བཞེངས་ཤིག །གཡུང་མོ་བདག་ཉིད་དྲན་ཉམས་པས། །སྙིང་རྗེ་རྒྱུན་ཆད་མ་མཛད་ཅིག ཅེས་བསྐུལ་བས། ཐིག་ལེ་གཉིས་པོ་གཅིག་ཏུ་འདྲེས་ཏེ་ཉི་ཟླ་ཁ་སྦྱོར་གྱི་དབུས་སུ་ཧཱུཾ་དང་ཨཾ་ལས་རྡོ་རྗེ་དང་གྲི་གུག་ཧཱུཾ་དང་ཨཾ་གིས་མཚན་པ། དེ་ཡོངས་སུ་གྱུར་པ་ལས་འབྲས་བུ་རྡོ་རྗེ་འཛིན་པ་དགྱེས་མཛད་རྡོ་རྗེ་སྐུ་མདོག་མཐིང་ནག༴ སོགས་རྒྱུ་རྡོ་རྗེ་འཛིན་པ་ཡུམ་བཅས་ལྟར་གསལ་བཏབ་པོ། །དེ་ལྟར་བདག་ཉིད་དགྱེས་མཛད་དུ་གྱུར་པའི་སྐུ་ལ་རྩ་གསུམ་འཁོར་ལོ་བཞི་ཡོངས་སུ་རྫོགས་པ། སྙིང་ག་ཆོས་ཀྱི་འཁོར་ལོ་སྔོན་པོ་རྩིབས་བརྒྱད་པའི་སྟེང་དུ་དགྱེས་མཛད་རྡོ་རྗེའི་ཐུགས་ཀྱི་སྣང་ཆ་གཞལ་ཡས་ཁང་མཚན་ཉིད་ཐམས་ཅད་ཡོངས་སུ་རྫོགས་པ། པདྨ་འདབ་བརྒྱད་དང་བཅས་པའི་ལྟེ་བ་ལ་ཉི་མའི་སྟེང་དུ་བདུད་བཞིའི་གདན། འདབ་མ་རྣམས་ལ་ཤར་དུ་ཚངས་པ། ལྷོར་དབང་པོ། ནུབ་ཏུ་ཉེ་དབང༌། བྱང་དུ་དྲག་པོ། བྱང་ཤར་དུ་གཤིན་རྗེ། ཤར་ལྷོར་ནོར་བདག །ལྷོ་ནུབ་ཏུ་སྲིན་པོ། ནུབ་བྱང་དུ་ཐགས་བཟང་རིས། དབུས་ཀྱི་གདན་གྱི་སྟེང་དུ་བཅོམ་ལྡན་འདས་དགྱེས་མཛད་རྡོ་རྗེ་སྐུ་མདོག་


TNT12_Page_0630
[མ་དཔེ་གཟིགས་ན་འདིར་གནོན།]

མཐིང་ནག ཞལ་བརྒྱད་པ༴ནས། ཕྱག་བཅུ་དྲུག་གིས་ཐོད་པ་བཅུ་དྲུག་བཟུང་བའི་གཡས་པ་བརྒྱད་ན། གླང་པོ་ཆེ། རྟ། བོང་བུ། གླང༌། རྔ་མོ། མི། ཤ་ར་བྷ། བྱི་ལ་རྣམས་སོ། །གཡོན་པ་བརྒྱད་ན། སའི་ལྷ་མོ། ཆུ་ལྷ། མེ་ལྷ། རླུང་ལྷ། ཟླ་བ། ཉི་མ། གཤིན་རྗེ། གནོད་སྦྱིན་རྣམས་སོ། །སྐུ་ལ་ཕྱག་རྒྱ་དྲུག་དང་ལྡན་པ་༴ནས། ཉེ་དབང་རྣམས་མཉམ་པར་མནན་པ། གར་དགུའི་ཉམས་ཀྱིས་རོལ་པ། དེ་ལ་འཁྱུད་པའི་བདག་མེད་མ་ནག་མོ་དྲག་མོ་ཆེན་མོ་ལྷ་མོའི་ཆ་བྱད་རྫོགས་པ། ཕྱག་གཉིས་གྲི་གུག་དང་ཐོད་པ་འཛིན་པ། གཅེར་བུ་ཕྱག་རྒྱ་ལྔ་དང༌། མགོ་བོ་སྐམ་པོའི་ཕྲེང་བ་ཅན། གཡོན་བརྐྱང་གི་སྟབས་ཀྱིས་རྗེས་སུ་ཆགས་པ། ལྷག་མ་བཅོམ་ལྡན་འདས་དང་མཚུངས་ཤིང༌། གཉིས་ཀའང་མེ་དཔུང་འབར་བའི་དབུས་ན་བཞུགས་པའོ། །ཤར་དུ་གཽ་རི་ནག་མོ་གཡས་གྲི་གུག་གཡོན་ཉ་རོ་ཧི་ཏ་འཛིན་པ། ལྷོར་ཆོམ་རྐུན་མ་དམར་མོ་གཡས་ཌཱ་མ་རུ་གཡོན་ཕག་པ་འཛིན་པ། ནུབ་ཏུ་རོ་ལངས་མ་སེར་མོ་གཡས་རུ་སྦལ་གཡོན་ཐོད་པ་འཛིན་པ། བྱང་དུ་ནུས་མ་ལྗང་ཁུ་གཡས་སྦྲུལ་གཡོན་ཐོད་པ་འཛིན་པ། བྱང་ཤར་དུ་སྦོས་མོ་སྔོན་པོ་གཡས་སེང་གེ་གཡོན་དགྲ་སྟ་འཛིན་པ། ཤར་ལྷོར་རི་ཁྲོད་མ་དཀར་མོ་གཡས་དགེ་སློང་གཡོན་སིལ་བྱེད་འཛིན་པ། ལྷོ་ནུབ་ཏུ་གདོལ་བ་མོ་སྔོན་མོ་གཡས་འཁོར་ལོ་གཡོན་ཐོད་པ་འཛིན་པ། ནུབ་བྱང་དུ་གཡུང་


TNT12_Page_0631
[མ་དཔེ་གཟིགས་ན་འདིར་གནོན།]

མོ་ཁ་དོག་སྣ་ཚོགས་པ་གཡས་རྡོ་རྗེ་གཡོན་སྡིགས་མཛུབ་མཛད་པ། ཐམས་ཅད་ཀྱང་དབུ་སྐྲ་སེར་པོ་གྱེན་ཏུ་བརྫེས་པ། སྤྱན་དམར་པོ་གསུམ་དང་ལྡན་པ། གཅེར་བུ་ཕྱག་རྒྱ་ལྔ་ལྡན་གཡོན་བརྐྱང་བའི་སྐྱིལ་ཀྲུང་ཕྱེད་པའི་གར་གྱིས་མེ་དཔུང་འབར་བའི་དབུས་ན་བཞུགས་པའོ། །སྤྱི་བོར་བདེ་བ་ཆེན་པོའི་འཁོར་ལོ་དཀར་པོ་འདབ་མ་སོ་གཉིས་པའི་སྟེང་དུ་དགྱེས་མཛད་ཀྱི་སྐུའི་སྣང་ཆ་གཞལ་ཡས་ཁང་མཚན་ཉིད་ཐམས་ཅད་ཡོངས་སུ་རྫོགས་པ། དབུས་ལ་ཆེ་དགུ་པ་སྣམ་བུ་རིམ་པ་གཉིས་དང་བཅས་པ། དབུས་དང་ཁྲོ་བཅུའི་གནས་སུ་ཉི་གདན་དཀར་པོ། ཤར་ཕྱོགས་པ་རྣམས་ལ་ཟླ་བ། མཱ་མ་ཀཱི་ལ་རྡོ་རྗེ། གཞན་ལྷོ་ཕྱོགས་པ་རྣམས་ལ་རིན་པོ་ཆེ། ནུབ་ཕྱོགས་པ་རྣམས་ལ་པདྨ་དམར་པོ། བྱང་ཕྱོགས་པ་རྣམས་ལ་སྣ་ཚོགས་རྡོ་རྗེའི་གདན། དབུས་སུ་མི་བསྐྱོད་པ་སྔོན་པོ་སྔོ་དཀར་དམར་བའི་ཞལ་གསུམ་ཕྱག་དྲུག་གི་གཡས་པ་རྣམས་ཀྱིས་རྡོ་རྗེ་འཁོར་ལོ་པདྨ། གཡོན་པ་རྣམས་ཀྱི་དྲིལ་བུ་རིན་ཆེན་རལ་གྲི་འཛིན་པ། རྡོ་རྗེ་སྐྱིལ་ཀྲུང་གིས་བཞུགས་པ། དར་དང་རིན་པོ་ཆེས་བརྒྱན་པ། ཕྱག་དང་པོ་གཉིས་འཁྱུད་རྒྱས་ཡུམ་རེག་བྱ་རྡོ་རྗེ་མ་རང་དང་འདྲ་བ་པདྨའི་སྐྱིལ་ཀྲུང་གིས་བཞུགས་པ་དང་མཉམ་པར་སྦྱོར་བ། རེ་མིག་རྣམས་ལ་ཤར་དུ་རྣམ་སྣང་དཀར་པོ་དཀར་ནག་དམར་བའི་ཞལ་གསུམ། ཕྱག་དྲུག་གི་གཡས་པ་རྣམས་ཀྱིས་འཁོར་ལོ་རྡོ་རྗེ་


TNT12_Page_0632
[མ་དཔེ་གཟིགས་ན་འདིར་གནོན།]

པད་དཀར། གཡོན་པ་རྣམས་ཀྱིས་དྲིལ་བུ་ནོར་བུ་རལ་གྲི་འཛིན་པ། ལྷོར་རིན་འབྱུང་སེར་པོ་སེར་ནག་དཀར་བའི་ཞལ་གསུམ་ཕྱག་དྲུག་གི་གཡས་པ་རྣམས་ཀྱིས་ནོར་བུ་རྡོ་རྗེ་འཁོར་ལོ། གཡོན་པ་རྣམས་ཀྱིས་དྲིལ་བུ་པད་སེར་རལ་གྲི་འཛིན་པ། ནུབ་ཏུ་འོད་དཔག་མེད་དམར་པོ་དམར་ནག་དཀར་བའི་ཞལ་གསུམ། ཕྱག་དྲུག་གི་གཡོན་གྱི་དང་པོ་དྲིལ་བུ་དཀུར་བསྟེན་པས་པདྨ་དམར་པོའི་སྡོང་བུ་འཛིན་པ་གཡས་ཀྱི་དང་པོས་ཁ་འབྱེད་པ། ལྷག་མ་གཡས་གཉིས་ཀྱིས་རྡོ་རྗེ་དང་འཁོར་ལོ། གཡོན་གཉིས་ཀྱིས་རིན་པོ་ཆེ་དང་རལ་གྲི་འཛིན་པ། བྱང་དུ་དོན་གྲུབ་ལྗང་ཁུ་ལྗང་ནག་དཀར་བའི་ཞལ་གསུམ། ཕྱག་དྲུག་གི་གཡས་པ་རྣམས་ཀྱིས་རལ་གྲི་སྣ་ཚོགས་རྡོ་རྗེ་འཁོར་ལོ། གཡོན་པ་རྣམས་ཀྱིས་དྲིལ་བུ་པད་ལྗང་ནོར་བུ་འཛིན་པ། ཤར་ལྷོར་སྤྱན་མ་དཀར་མོ་དཀར་ནག་དམར་བའི་ཞལ་གསུམ། ཕྱག་དྲུག་གི་གཡས་པ་རྣམས་ཀྱིས་འཁོར་ལོ་རྡོ་རྗེ་ཨུཏྤལ་དཀར་པོ། གཡོན་པ་རྣམས་ཀྱིས་དྲིལ་བུ་རིན་ཆེན་རལ་གྲི་འཛིན་པ། ལྷོ་ནུབ་ཏུ་མཱ་མ་ཀཱི་སྔོན་མོ་སྔོ་དཀར་དམར་བའི་ཞལ་གསུམ། ཕྱག་དྲུག་གིས་གཡས་པ་རྣམས་ཀྱིས་རྡོ་རྗེ་འཁོར་ལོ་ཨུཏྤལ་སྔོ་དམར། གཡོན་པ་རྣམས་ཀྱིས་དྲིལ་བུ་རིན་ཆེན་རལ་གྲི་འཛིན་པ། ནུབ་བྱང་དུ་གོས་དཀར་མོ་དམར་མོ་དམར་ནག་དཀར་བའི་ཞལ་གསུམ་ཕྱག་དྲུག་གི་གཡོན་གྱི་དང་པོ་དྲིལ་བུ་དཀུར་བསྟེན་པས་ཨུཏྤལ་དམར་པོའི་སྡོང་བུ་འཛིན་པ་གཡས་


TNT12_Page_0633
[མ་དཔེ་གཟིགས་ན་འདིར་གནོན།]

ཀྱི་དང་པོས་ཁ་འབྱེད་པ། ལྷག་མ་གཡས་གཉིས་ཀྱིས་རྡོ་རྗེ་དང་འཁོར་ལོ། གཡོན་གཉིས་ཀྱིས་རིན་པོ་ཆེ་དང་རལ་གྲི་འཛིན་པ། བྱང་ཤར་དུ་སྒྲོལ་མ་ལྗང་ཁུ་ལྗང་ནག་དཀར་བའི་ཞལ་གསུམ། ཕྱག་དྲུག་གི་གཡས་པ་རྣམས་ཀྱིས་སྣ་ཚོགས་རྡོ་རྗེ་ཨུཏྤལ་སྔོན་པོ་རྡོ་རྗེ་མཚན་པ། གཡོན་པ་རྣམས་ཀྱིས་དྲིལ་བུ་རིན་ཆེན་རལ་གྲི་འཛིན་པ། རིམ་པ་གཉིས་པའི་ཤར་ལྷོར་གཟུགས་རྡོ་རྗེ་མ་དཀར་མོ་སངས་རྒྱས་སྤྱན་མ་དང་འདྲ་བ་ལས། ཕྱག་དང་པོ་གཉིས་ཀྱིས་མེ་ལོང་དམར་པོ་འཛིན་པ། ལྷོ་ནུབ་ཏུ་སྒྲ་རྡོ་རྗེ་མ་སྔོན་མོ་མཱ་མ་ཀཱི་དང་འདྲ་བ་ལས། ཕྱག་དང་པོ་གཉིས་ཀྱིས་པི་ཝཾ་སྔོན་པོ་འཛིན་པ། ནུབ་བྱང་དུ་དྲི་རྡོ་རྗེ་མ་དམར་མོ་འོད་དཔག་མེད་དང་འདྲ་བ་ལས། ཕྱག་དང་པོ་གཉིས་ཀྱིས་དྲིའི་དུང་ཆོས་འཛིན་པ། བྱང་ཤར་དུ་རོ་རྡོ་རྗེ་མ་ལྗང་ཁུ་སྒྲོལ་མ་དང་འདྲ་བ་ལས། ཕྱག་དང་པོ་གཉིས་ཀྱིས་རོ་དྲུག་གི་གང་བའི་སྣོད་འཛིན་པ། རིམ་པ་གསུམ་པའི་ལྷ་སྣམ་ལ། ཤར་སྒོའི་གཡས་སུ་བྱམས་པ་རྣམ་སྣང་དང་འདྲ་བ་ལས། གཡས་ཀྱི་དང་པོས་ཀླུ་ཤིང་གི་ཡལ་ག་མེ་ཏོག་དང་བཅས་པ་འཁོར་ལོས་མཚན་པ་འཛིན་པ། ཤར་སྒོའི་གཡོན་དུ་སའི་སྙིང་པོ་རྣམ་སྣང་དང་འདྲ་བ། ལྷོ་སྒོའི་གཡས་སུ་ཕྱག་ན་རྡོ་རྗེ་དང་གཡོན་དུ་ནམ་མཁའི་སྙིང་པོ་གཉིས་ཀའང་རིན་ཆེན་


TNT12_Page_0634
[མ་དཔེ་གཟིགས་ན་འདིར་གནོན།]

འབྱུང་ལྡན་ལྟ་བུ། ནུབ་སྒོའི་གཡས་སུ་འཇིག་རྟེན་དབང་ཕྱུག་དང༌། གཡོན་དུ་འཇམ་དཔལ་འོད་དཔག་མེད་དང་འདྲ་བ། བྱང་སྒོའི་གཡས་སུ་སྒྲིབ་པ་རྣམ་སེལ་དང༌། གཡོན་དུ་ཀུན་ཏུ་བཟང་པོ་དོན་གྲུབ་ལྟ་བུ། ལྷ་ཡབ་རྣམས་ཐམས་ཅད་རལ་པའི་ཐོར་ཚུགས་དང་མཚན་དང་དཔེ་བྱད་རྫོགས་པ། ཡུམ་རྣམས་དབུ་སྐྲ་ཕྱེད་བཅིངས་སུ་བྱས་པ། སྒེག་ཅིང་འཛུམ་བག་དང་ལྡན་པ། ཟུར་གྱི་ལྟ་བ་ལ་སོགས་པའི་རྣམ་འགྱུར་གྱིས་མཛེས་པ། འདོད་པའི་ཡོན་ཏན་ལྔའི་དགའ་བས་རོལ་པ། དེ་བཞིན་གཤེགས་པ་རྣམས་རྡོ་རྗེའི་སྐྱིལ་ཀྲུང་དང༌། གཞན་རྣམས་སེམས་དཔའི་སྐྱིལ་ཀྲུང་གིས་བཞུགས་པ། ཐམས་ཅད་དར་གྱི་ན་བཟའ་དང་རིན་པོ་ཆེས་བརྒྱན་པའོ། །ཤར་སྒོར་གཤིན་རྗེ་མཐར་བྱེད་ནག་པོ་ནག་དཀར་དམར་བའི་ཞལ་གསུམ། ཕྱག་དྲུག་གི་གཡས་པ་རྣམས་ཀྱིས་ཐོ་བ་འཁོར་ལོ་རྡོ་རྗེ། གཡོན་ཐུགས་ཀར་ཞགས་པ་དང་བཅས་པའི་སྡིགས་མཛུབ་དྲིལ་བུ་དགྲ་སྟ་འཛིན་པ། ལྷོ་སྒོར་ཤེས་རབ་མཐར་བྱེད་དཀར་པོ་དཀར་ནག་དམར་བའི་ཞལ་གསུམ། ཕྱག་དྲུག་གི་གཡས་པ་རྣམས་ཀྱིས་རྡོ་རྗེ་དབྱུག་པ་རལ་གྲི། གཡོན་ཐུགས་ཀར་ཞགས་པ་དང་བཅས་པའི་སྡིགས་མཛུབ་དྲིལ་བུ་དགྲ་སྟ་འཛིན་པ། ནུབ་སྒོར་རྟ་མགྲིན་དམར་པོ་དམར་ནག་དཀར་བའི་ཞལ་གསུམ། ཕྱག་དྲུག་གི་གཡས་པ་རྣམས་ཀྱི་


TNT12_Page_0635
[མ་དཔེ་གཟིགས་ན་འདིར་གནོན།]

པདྨ་རལ་གྲི་གཏུན་ཤིང༌། གཡོན་སྙེམས་པ་དང་བཅས་པས་དྲིལ་བུ་དགྲ་སྟ་ཞགས་པ་འཛིན་པ། བྱང་སྒོར་བགེགས་མཐར་བྱེད་ལྗང་ཁུ་ལྗང་ནག་དཀར་བའི་ཞལ་གསུམ། ཕྱག་དྲུག་གི་གཡས་པ་རྣམས་ཀྱིས་སྣ་ཚོགས་རྡོ་རྗེ་འཁོར་ལོ་གཏུན་ཤིང༌། གཡོན་ཐུགས་ཀར་ཞགས་པ་དང་བཅས་པས་སྡིགས་མཛུབ་དྲིལ་བུ་དགྲ་སྟ་འཛིན་པ། ཤར་ལྷོའི་གྲྭར་མི་གཡོ་བ་ནག་པོ་ནག་དཀར་དམར་བའི་ཞལ་གསུམ། ཕྱག་དྲུག་གི་གཡས་པ་རྣམས་ཀྱིས་རལ་གྲི་རྡོ་རྗེ་འཁོར་ལོ། གཡོན་སྡིགས་མཛུབ་དགྲ་སྟ་ཞགས་པ། ལྷོ་ནུབ་ཀྱི་གྲྭར་འདོད་རྒྱལ་སྔོན་པོ་རིན་འབྱུང་གི་དབུ་རྒྱན་ཅན་སྔོ་དཀར་དམར་བའི་ཞལ་གསུམ། ཕྱག་དྲུག་གི་དང་པོ་གཉིས་ཀྱི་ཧཱུཾ་མཛད་ཀྱི་ཕྱག་རྒྱ་ཅན། ལྷག་མ་གཡས་རྡོ་རྗེ་དང་རལ་གྲི། གཡོན་ཞགས་པ་དང་ལྕགས་ཀྱུ། ནུབ་བྱང་གི་གྲྭར་དབྱུག་སྔོན་ཅན་སྔོན་པོ་འོད་དཔག་མེད་ཀྱི་དབུ་རྒྱན་ཅན། སྔོ་དཀར་དམར་བའི་ཞལ་གསུམ། ཕྱག་དྲུག་གི་གཡས་པ་རྣམས་ཀྱིས་རྡོ་རྗེས་མཚན་པའི་དབྱུག་པ་སྔོན་པོ་རལ་གྲི་འཁོར་ལོ། གཡོན་ཐུགས་ཀར་ཞགས་པ་དང་བཅས་པའི་སྡིགས་མཛུབ་པདྨ་དགྲ་སྟ། བྱང་ཤར་གྱི་གྲྭར་སྟོབས་པོ་ཆེ་སྔོན་པོ་དོན་གྲུབ་ཀྱི་དབུ་རྒྱན་ཅན། ནག་དཀར་དམར་བའི་ཞལ་གསུམ། ཕྱག་དྲུག་གི་གཡས་པ་རྣམས་ཀྱིས་རྡོ་རྗེས་མཚན་པའི་དབྱུག་པ་ནག་པོ་


TNT12_Page_0636
[མ་དཔེ་གཟིགས་ན་འདིར་གནོན།]

རལ་གྲི་འཁོར་ལོ། གཡོན་ཐུགས་ཀར་སྡིགས་མཛུབ་དང་བཅས་པ་ཞགས་པ་རྩེ་གསུམ་དགྲ་སྟ། སྟེང་གི་ཡ་ཕུགས་ཀྱི་ནང་དུ་གཙུག་ཏོར་འཁོར་ལོས་སྒྱུར་བ་སྔོན་པོ་མི་བསྐྱོད་པའི་དབུ་རྒྱན་ཅན། སྔོ་དཀར་དམར་པའི་ཞལ་གསུམ། ཕྱག་དྲུག་གི་དང་པོ་གཉིས་གཙུག་ཏོར་གྱི་ཕྱག་རྒྱ། ལྷག་མ་གཡས་རྡོ་རྗེ་པདྨ། གཡོན་སྡིགས་མཛུབ་དང་རལ་གྲི། འོག་ཏུ་ས་གཞིའི་ནང་དུ་གནོད་མཛེས་ནག་པོ་མི་བསྐྱོད་པའི་དབུ་རྒྱན་ཅན། ནག་དཀར་དམར་བའི་ཞལ་གསུམ། ཕྱག་དྲུག་གི་གཡས་པ་རྣམས་ཀྱིས་རྡོ་རྗེའི་འཁོར་ལོ་རིན་ཆེན། གཡོན་ཐུགས་ཀར་ཞགས་པ་དང་བཅས་པའི་སྡིགས་མཛུབ་པདྨ་རལ་གྲི། ཁྲོ་བོ་ཐམས་ཅད་ཀྱང་སྟོབས་ཆེན་ཕ་རོལ་གནོན་པ་སྤྱན་གསུམ་གསུམ་དང་ལྡན་ཞིང་མཆེ་བ་གཙིགས་པ། སྟག་གི་ལྤགས་པའི་ཤམ་ཐབས་ཅན་ཀླུ་ཆེན་པོ་བརྒྱད་ཀྱིས་བརྒྱན་པ། གཡོན་བརྐྱང་གི་སྟབས་ཀྱིས་པད་ཉི་ལ་བཞུགས་པ། དུས་མཐའི་མེ་ལྟ་བུའི་མེ་སྟག་འབར་བ་དང་བཅས་པས་གདུག་པ་ཅན་ཚར་གཅོད་པའོ། །མགྲིན་པ་ལོངས་སྤྱོད་ཀྱི་འཁོར་ལོ་དམར་པོ་འདབ་མ་བཅུ་དྲུག་པའི་སྟེང་དུ། དགྱེས་མཛད་རྡོ་རྗེ་གསུང་གི་སྣང་ཆ་གཞལ་ཡས་ཁང་མཚན་ཉིད་ཐམས་ཅད་ཡོངས་སུ་རྫོགས་པ། དབུས་སུ་པདྨ་དམར་པོ་འདབ་མ་བརྒྱད་པ་ལ་སྒྱུ་འཕྲུལ་ཆེན་མོ་ལྷ་ལྔར་གྱུར་པ་ནི། དབུས་ཀྱི་གདན་གྱི་


TNT12_Page_0637
[མ་དཔེ་གཟིགས་ན་འདིར་གནོན།]

སྟེང་དུ་དཔལ་ཧེ་རུ་ཀ་སྔོན་པོ་སྔོ་སེར་དམར་ལྗང་བའི་ཞལ་ཕྱག་དང་པོ་གཉིས་ཐོད་པ་དང་ཁ་ཊྭཱཾ་ཀ་བསྣམས་པས། རང་དང་འདྲ་བའི་ཡུམ་སངས་རྒྱས་མཁའ་འགྲོ་མ་དམར་མོ་དམར་སེར་དཀར་ལྗང་བའི་ཞལ་ཅན་ལ་འཁྱུད་པ། འོག་མ་གཉིས་ཀྱིས་མདའ་གཞུ། ཁྲོ་ཆགས་སྒེགས་ལ་འཇིགས་པའང་འཇིགས་པར་མཛད་པ། སྤྱན་གསུམ་གསུམ་དམར་ཞིང་གཡོ་བ། སྐྲ་སེར་གྱེན་བརྫེས་ཐོད་སྐམ་ལྔའི་དབུ་རྒྱན་དང༌། རློན་པ་ལྔ་བཅུའི་དོ་ཤལ། ཕྱག་རྒྱ་ལྔ་དང་གར་དགུའི་རོལ་པ། ཐལ་ཆེན་གྱིས་བྱུགས་ཤིང་མི་ལྤགས་ཀྱི་སྟོད་གཡོགས་ཅན་གཡོན་བརྐྱང་བའི་གར་སྟབས་ཀྱིས། ཉི་མའི་སྟེང་དུ་མི་རོའི་སྙིང་གར་མནན་པ་མེ་དཔུང་གི་དབུས་ན་བཞུགས་པའོ། །ཤར་དུ་མཁའ་འགྲོ་མ་སྔོན་མོ་སྔོ་སེར་དཀར་ལྗང་བའི་ཞལ། ཕྱག་བཞིས་རྡོ་རྗེ་དྲིལ་བུ་ཁ་ཊྭཱཾ་ག་ཐོད་པ་བསྣམས་པ། ལྷོར་རིན་ཆེན་མཁའ་འགྲོ་མ་སེར་མོ་སེར་སྔོ་དཀར་ལྗང་བའི་ཞལ། ཕྱག་བཞིས་རིན་ཆེན་ཅེ་སྤྱང་བ་དན་མདུང་རྩེ་གསུམ་པ་བསྣམས་པ། ནུབ་ཏུ་པདྨ་མཁའ་འགྲོ་མ་དཀར་དམར་དཀར་སེར་ལྗང་བའི་ཞལ། ཕྱག་བཞིས་པདྨ་ཐོད་པ་གཞུ་དང་མདའ་བསྣམས་པ། བྱང་དུ་སྣ་ཚོགས་མཁའ་འགྲོ་མ་ལྗང་ཁུ་ལྗང་སེར་དཀར་སྔོ་བའི་ཞལ། ཕྱག་བཞིས་རལ་གྲི་ཞགས་པ་ཀ་པཱ་ལ་ཌཱ་མ་རུ་བསྣམས་པ།


TNT12_Page_0638
[མ་དཔེ་གཟིགས་ན་འདིར་གནོན།]

ལྷ་མོ་ལྔ་ནི་ཐལ་བ་དང་བྲལ་བ། ལྷག་མ་གཙོ་མོ་དང་མཚུངས་པ། མཚམས་ཀྱི་འདབ་མ་བཞི་ལ་བདུད་རྩིས་གང་བའི་བུམ་པ་བཞིའོ། །ལྟེ་བར་སྤྲུལ་པའི་འཁོར་ལོ་སེར་པོ་རྩ་འདབ་དྲུག་ཅུ་རྩ་བཞིའི་སྟེང་དུ། དགྱེས་མཛད་རྡོ་རྗེའི་ཡོན་ཏན་གྱི་སྣང་ཆ་གཞལ་ཡས་ཁང་མཚན་ཉིད་ཐམས་ཅད་ཡོངས་སུ་རྫོགས་པ། ནང་གི་ལྷ་སྣམ་ཤར་དཀར། བྱང་ལྗང༌། ནུབ་དམར། ལྷོ་སེར། དབུས་སྔོ་བའི་སྟེང་དུ། སྐུའི་འཁོར་ལོ་དཀར་པོ་འཁོར་ལོས་མུ་འཁྱུད་ཅན། དེའི་ལྟེ་བར་གསུང་གི་འཁོར་ལོ་དམར་པོ་པདྨའི་མུ་ཁྱུད་ཅན། དེའི་ལྟེ་བར་ཐུགས་ཀྱི་འཁོར་ལོ་སྔོན་པོ་རྡོ་རྗེའི་མུ་ཁྱུད་ཅན། གསུམ་ཀའང་རྩིབས་བརྒྱད་དང་ལྡན་པ། དབུས་སུ་བདེ་ཆེན་འཁོར་ལོ་པདྨ་འདབ་བརྒྱད་མུ་འཁྱུད་ལ་གྲི་གུག་གི་ཕྲེང་བ་ཅན། སྒོ་མཚམས་བརྒྱད་དུ་རོའི་གདན་སྣ་ཚོགས་པདྨའི་ལྟེ་བར་ཉི་མ་ལ་འཇིགས་བྱེད་དང་དུས་མཚན་མའི་གདན། དབུས་ཀྱི་གདན་གྱི་སྟེང་དུ་འཁོར་ལོ་བདེ་མཆོག་སྐུ་མདོག་མཐིང་ནག་ཞལ་བཞི་ཕྱག་བཅུ་གཉིས་པ། རྩ་བའི་ཞལ་མཐིང་ག །གཡོན་ལྗང༌། རྒྱབ་དམར། གཡས་སེར་བ། ཞལ་རེ་རེ་ལ་དམར་ཞིང་གཡོ་བའི་སྤྱན་གསུམ་གསུམ་དང་ལྡན་ཞིང༌། མཆེ་བ་གཙིགས་པ། ཕྱག་དང་པོ་གཉིས་ཀྱིས་རྡོ་རྗེ་དང་དྲིལ་བུ་འཛིན་པས་ཡུམ་ལ་འཁྱུད་པ། དེའི་འོག་མ་གཉིས་ཀྱིས་གླང་པོ་ཆེའི་ལྤགས་


TNT12_Page_0639
[མ་དཔེ་གཟིགས་ན་འདིར་གནོན།]

རློན་སྟོད་གཡོགས་སུ་གྱོན་པ། ལྷག་མ་གཡས་རྣམས་ཀྱིས་ཌཱ་མ་རུ་དགྲ་སྟ་རྩེ་གསུམ་གྲི་གུག གཡོན་པ་རྣམས་ཀྱིས་ཁ་ཊྭཱཾ་ག་ཐོད་པ་ཞགས་པ་ཚངས་པའི་མགོ་བོ་བསྣམས་པ། ཞབས་གཡས་བརྐྱང་བས་དུས་མཚན་མ་དམར་མོ་དང༌། གཡོན་བསྐུམ་པས་འཇིགས་བྱེད་ནག་པོ་མནན་པ། རལ་པའི་ཐོར་ཚུགས་ལ་སྣ་ཚོགས་རྡོ་རྗེ་དང༌། ཟླ་བ་ཕྱེད་པ་དང༌། ཐོད་སྐམ་ལྔ་ལྔས་དབུ་རྒྱན་ཅན། མི་མགོ་རློན་པ་ལྔ་བཅུའི་དོ་ཤལ་ཅན། སྟག་ལྤགས་ཀྱི་ཤམ་ཐབས་གྲོལ་ཞིང་ཕྱག་རྒྱ་དྲུག་གིས་བརྒྱན་པ་གར་གྱི་ཉམས་དགུ་དང་ལྡན་པ། ཡུམ་རྡོ་རྗེ་ཕག་མོ་དམར་མོ་ཕྱག་གཡས་རྡོ་རྗེ་གྲི་གུག་དང་བཅས་པའི་སྡིགས་མཛུབ། གཡོན་ཁྲག་ཆེན་གྱིས་གང་བའི་ཐོད་པ་ཡབ་ལ་སྟོབ་པའི་ཚུལ་གྱིས་འཁྱུད་པ། སྤྱན་གསུམ་དྲག་མོ་བསྐལ་པའི་མེ་ལྟར་གཟི་བརྗིད་འབར་བ་གཅེར་བུ་སྐྲ་གྲོལ་ཞིང་ཕྱག་རྒྱ་ལྔ་དང་མགོ་ཕྲེང་གིས་བརྒྱན་པ། བྱིན་པ་གཉིས་ཀྱིས་ཡབ་ལ་འཁྱུད་པ། ཁྲག་ལ་དགྱེས་ཞིང་ཟླ་མཚན་དང་བཅས་པ་མེ་དཔུང་འབར་བའི་དབུས་ན་བཞུགས་པ། འདབ་མ་རྣམས་ལ་ཤར་དུ་མཁའ་འགྲོ་མ་ནག་མོ། བྱང་དུ་ལཱ་མ་ལྗང་གུ། ནུབ་ཏུ་དུམ་སྐྱེས་མ་དམར་མོ། ལྷོར་གཟུགས་ཅན་མ་སེར་མོ། དམ་ཚིག་གི་འཁོར་ལོའི་ཤར་སྒོར་ཁྭ་གདོང་མ་སྔོན་མོ། བྱང་སྒོར་འུག་གདོང་མ་ལྗང་ཁུ། ནུབ་སྒོར་ཁྱི་གདོང་མ་


TNT12_Page_0640
[མ་དཔེ་གཟིགས་ན་འདིར་གནོན།]

དམར་མོ། ལྷོ་སྒོར་ཕག་གདོང་མ་སེར་མོ། ཤར་ལྷོར་གཤིན་རྗེ་བརྟན་མ་གཡས་སྔོ་གཡོན་སེར་བ། ལྷོ་ནུབ་ཏུ་གཤིན་རྗེ་ཕོ་ཉ་མོ་གཡས་སེར་གཡོན་དམར་བ། ནུབ་བྱང་དུ་གཤིན་རྗེ་མཆེ་བ་མ་གཡས་དམར་གཡོན་ལྗང་བ། བྱང་ཤར་དུ་གཤིན་རྗེ་འཇོམས་མ་གཡས་ལྗང་གཡོན་སྔོ་བ། ཐམས་ཅད་ཀྱང་ཕྱག་བཞིའི་དང་པོ་གཉིས་ཀྱིས་གྲི་གུག་དང་ཐོད་པ། འོག་མ་གཉིས་ཀྱིས་ཌཱ་མ་རུ་དང་ཁ་ཊྭཱཾ་ག་བསྣམས་པ། གཡས་བརྐྱང་གི་སྟབས་ཀྱིས་བཞུགས་པ་སྟེ། སྒོ་མཚམས་མ་བརྒྱད་ནི་རོའི་གདན་དང་བཅས་པ། བདེ་ཆེན་འཁོར་ལོའི་མཚམས་ཀྱི་འདབ་མ་ལ་བུམ་པ་བདུད་རྩི་ལྔས་གང་བའི་སྟེང་དུ་ཐོད་པ་བདུད་རྩི་ལྔས་གང་བའོ། །ཐུགས་ཀྱི་འཁོར་ལོའི་ཤར་ཕྱོགས་པུལླི་ར་མ་ལ་ཡར་ཁཎྜ་ཀ་པཱ་ལ་དང་རབ་ཏུ་གཏུམ་མོ། བྱང་ཕྱོགས་ཛཱ་ལནྡྷ་རར་མཧཱ་ཀཾ་ཀ་ལ་དང་གཏུམ་པའི་མིག་ཅན་མ། ནུབ་ཕྱོགས་ཨོ་ཊི་ཡ་ནར་ཀཾ་ཀ་ལ་དང་འོད་ལྡན་མ། ལྷོ་ཕྱོགས་ཨརྦུ་ཏར་མཆེ་བ་རྣམ་པར་གཙིགས་པ་དང་སྣ་ཆེན་མ། ཤར་ལྷོར་གཽ་ད་ཝ་རི་སུ་ར་བཻ་རི་དང་བརྟན་པའི་བློ་ཅན་མ། ལྷོ་ནུབ་རིསྨི་ཤྭ་རར་འོད་དཔག་མེད་དང་མིའུ་ཐུང་མ། ནུབ་བྱང་དེ་བཱི་ཀོ་ཊར་རྡོ་རྗེའི་འོད་དང་ལིང་གའི་དབང་ཕྱུག་མ། བྱང་ཤར་མ་ལ་བཱར་རྡོ་རྗེ་སྐུ་དང་ཤིང་གྲིབ་མ་སྟེ་ཐུགས་ཀྱི་གསང་བ་བསམ་གྱིས་མི་ཁྱབ་པའི་ངོ་བོ་ཁ་དོག་ནག་པོའོ། །


TNT12_Page_0641
[མ་དཔེ་གཟིགས་ན་འདིར་གནོན།]

གསུང་གི་འཁོར་ལོའི་ཤར་ཕྱོགས་ཀཱ་མ་རུ་པར་ཨཾ་ཀུ་རི་དང་ཨེ་ར་བཱ་ཏི། བྱང་ཕྱོགས་ཨོ་དྲེར་རྡོ་རྗེ་རལ་པ་ཅན་དང་འཇིགས་བྱེད་ཆེན་མོ། ནུབ་ཕྱོགས་ཏྲི་ཤ་ཀུ་ནེར་དཔའ་བོ་ཆེན་པོ་དང་རླུང་གི་ཤུགས་ཅན་མ། ལྷོ་ཕྱོགས་ཀོ་ས་ལར་རྡོ་རྗེ་ཧཱུཾ་མཛད་དང་ཆང་འཐུང་མ། ཤར་ལྷོར་ཀ་ལིང་ཀར་རབ་ཏུ་བཟང་པོ་དང་ཤྱེ་མ་དེ་བཱི། ལྷོ་ནུབ་ལམ་པཱ་ཀར་རྡོ་རྗེ་བཟང་པོ་དང་ཤིན་ཏུ་བཟང་མོ། ནུབ་བྱང་ཀཉྩིར་འཇིགས་བྱེད་ཆེན་པོ་དང་རྟ་རྣ་མ། བྱང་ཤར་ཧི་མ་ལར་མིག་མི་བཟང་དང་ཁཱ་གཱ་ན་སྟེ་གསུང་གི་གསང་བ་བསམ་གྱིས་མི་ཁྱབ་པའི་ངོ་བོ་ཁ་དོག་དམར་པོའོ། །སྐུའི་འཁོར་ལོའི་ཤར་ཕྱོགས་པྲེ་ཏ་པུ་རིར་སྟོབས་པོ་ཆེ་དང་འཁོར་ལོའི་ཤུགས་ཅན་མ། བྱང་ཕྱོགས་གྲྀ་ཧ་དེ་ཝར་རིན་ཆེན་རྡོ་རྗེ་དང་ཁཎྜ་རོ་ཧཱི། ནུབ་ཕྱོགས་སཽ་རཥྟར་རྟ་མགྲིན་དང་ཤོནྚིཾ་ནཱི། ལྷོ་ཕྱོགས་སུ་ཝརྞ་དཱི་པར་ནམ་མཁའི་སྙིང་པོ་དང་འཁོར་ལོའི་གོ་ཆ་མ། ཤར་ལྷོར་ན་ག་རར་དཔལ་ཧེ་རུ་ཀ་དང་ཤིན་ཏུ་དཔའ་མོ། ལྷོ་ནུབ་སིནྡྷུ་ར་པདྨ་གར་གྱི་དབང་ཕྱུག་དང་སྟོབས་ཆེན་མ། ནུབ་བྱང་མ་རུར་རྣམ་པར་སྣང་མཛད་དང་འཁོར་ལོའི་བསྒྱུར་མ། བྱང་ཤར་ཀུ་ལུ་ཏྲར་རྡོ་རྗེ་སེམས་དཔའ་དང་བརྩོན་འགྲུས་ཆེན་མོ་སྟེ། སྐུའི་གསང་བ་བསམ་གྱིས་མི་ཁྱབ་པའི་ངོ་བོ་ཁ་དོག་དཀར་པོའོ། །དཔའ་བོ་ཉི་ཤུ་རྩ་བཞི་པོ་རྣམས་དཔལ་ཧེ་རུ་ཀའི་རིགས་ལས་བྱུང་བ་ཧེ་རུ་ཀ་དང་རྣམ་པ་མཚུངས་པ་སྟེ། ཞལ་གཅིག་ཕྱག་དང་པོ་


TNT12_Page_0642
[མ་དཔེ་གཟིགས་ན་འདིར་གནོན།]

གཉིས་རྡོ་རྗེ་དང་དྲིལ་བུ་འཛིན་པས་རང་རང་གི་ཡུམ་ལ་འཁྱུད་པ། འོག་མ་གཉིས་ཀྱིས་ཌཱ་མ་རུ་དང་ཁ་ཊྭཱཾ་ག་འཛིན་པ། རྣལ་འབྱོར་མ་ཉི་ཤུ་རྩ་བཞི་ནི་རྡོ་རྗེ་ཕག་མོའི་རིགས་ལས་བྱུང་བ་ཕག་མོ་དང་རྣམ་པ་མཚུངས་པ་སྟེ། ཕྱག་གཡས་གྲི་གུག་དང་གཡོན་ཐོད་པ་བསྣམས་པའོ། །གསང་གནས་བདེ་སྐྱོང་གི་འཁོར་ལོ་ལྗང་ཁུ་རྩ་འདབ་སུམ་ཅུ་རྩ་གཉིས་ཀྱི་སྟེང་དུ་དགྱེས་མཛད་རྡོ་རྗེའི་ཕྲིན་ལས་ཀྱི་སྣང་ཆ་གཞལ་ཡས་ཁང་མཚན་ཉིད་ཐམས་ཅད་ཡོངས་སུ་རྫོགས་པ། དབུས་ཀྱི་ལྟེ་བ་ལ་སྣ་ཚོགས་རྡོ་རྗེ། སྟེང་ཐོག་རེའུ་མིག་དགུར་ཕུབ་པ་དབུས་ཀྱི་གདན་གྱི་སྟེང་དུ་བཅོམ་ལྡན་འདས་དཔལ་རྡོ་རྗེ་འཇིགས་བྱེད་ཆེན་པོ་སྐུ་མདོག་མཐིང་ནག་ཞལ་དགུ་ཕྱག་སུམ་ཅུ་སོ་བཞི། ཞབས་བཅུ་དྲུག་པ། རྩ་ཞལ་ནག་པོ་མ་ཧེའི་གདོང་ཅན་ཤིན་ཏུ་ཁྲོས་པ། ཕེཾ་ཀ་རའི་སྒྲ་ཆེན་པོ་འབྲུག་ལྟར་སྒྲོག་པ། དེའི་སྟེང་ན་སྲིན་པོའི་ཞལ་དམར་པོ་བཞད་ཅིང་མཆེ་བ་གཙིགས་པ། དེའི་སྟེང་ན་འཇམ་དཔལ་གྱི་ཞལ་སེར་པོ་འཛུམ་ཞིང་ཅུང་ཟད་ཁྲོས་པ། གཞོན་ནུའི་རྒྱན་ཅན། རྭའི་གཡས་ཕྱོགས་ཀྱི་ཞལ་དང་པོ་སྔོན་པོ། གཉིས་པ་དམར་པོ། གསུམ་པ་སེར་པོ་སྟེ་མངའ་བདག་གི་ཞལ་གསུམ་ཤིན་ཏུ་ཁྲོས་པ། རཱའི་གཡོན་ཕྱོགས་ཀྱི་ཞལ་དང་པོ་དཀར་པོ། གཉིས་པ་དུད་ཁ། གསུམ་པ་ནག་པོ་སྟེ་ཞལ་གསུམ་ཀའང་གཙིགས་པའོ། ཁྲོ་ཞལ་རྣམས་སྨིན་མ་དང་སྨ་ར་དབུ་སྐྲ་དམར་སེར་གྱེན་དུ་བརྫེས་པ། གཡས་པའི་ཕྱག་བཅུ་དྲུག་གིས་རིམ་པ་བཞིན་དུ། གྲི་གུག་


TNT12_Page_0643
[མ་དཔེ་གཟིགས་ན་འདིར་གནོན།]

འཕང་མདུང་གཏུན་ཤིང་ཆུ་གྲི་རྡོ་རྗེ་རྩེ་གཅིག་པ་དགྲ་སྟྭ་མདུང་མདའ་ལྕགས་ཀྱུ་དབྱུག་པ་ཁ་ཊྭཱཾ་ག་འཁོར་ལོ་རྡོ་རྗེ་རྩེ་ལྔ་པ་རྡོ་རྗེ་ཐོ་བ་རལ་གྲི་རྔེའུ་ཆུང་བསྣམས་པ། གཡོན་པའི་ཕྱག་བཅུ་དྲུག་གིས་རིམ་པ་བཞིན་དུ། ཐོད་ཁྲག་ཚངས་པའི་མགོ་བོ་ཕུབ་ཟླུམ་རྐང་པ་རྡོ་རྗེའི་ཞགས་པ་གཞུ་རྒྱུ་མ་རྡོ་རྗེ་དྲིལ་བུ་ལག་པ་རོ་རས་སྐྱེས་བུ་གསལ་ཤིང་ལ་བཙུགས་པ་མེ་ཐབ་ཐོད་ཚལ། སྡིགས་མཛུབ་འཕན་རྩེ་གསུམ་པ་རླུང་རས་བསྣམས་པ། ཕྱག་ཐ་མ་གཉིས་ཀྱི་ས་གླང་པོ་ཆེའི་ལྤགས་པ་རློན་པ་ཁྲག་དང་བཅས་པ་འཛིན་པ། ཕྱག་དང་བོ་གཉིས་ཕྱག་མཚན་ཐུགས་ཀར་སྟེང་འོག་ཏུ་འཛིན་ཅིང་འཇིག་རྟེན་དང་འཇིག་རྟེན་ལས་འདས་པའི་ལྷ་ལ་སྡིགས་མཛུབ་མཛད་པའོ། །ཞབས་བཅུ་དྲུག་གི་གཡས་བརྒྱད་བསྐུམ་པས་རིམ་པ་བཞིན་དུ་མི་དང་མ་ཧེ་དང་གླང་དང་བོང་བུ་དང་རྔ་མོང་དང་ཁྱི་དང་ལུག་དང་ཝ་རྣམས་མནན་པ། གཡོན་བརྒྱད་བརྐྱང་བས་རིམ་པ་བཞིན་དུ་བྱ་རྒོད་དང་འུག་པ་དང་ཁྲ་དང་བྱ་རོག་དང་ནེ་ཙོ་དང་ཁྱུང་དང་རི་སྐེག་དང་བཞད་རྣམས་མནན་པ། དེ་རྣམས་ཀྱི་འོག་ཏུ་ཚངས་པ་སེར་པོ། དབང་པོ་དཀར་པོ། ཉེ་དབང་སྔོན་པོ། དྲག་པོ་ནག་པོ་རྣམས་བསྒྱེལ་ཞིང་ཁ་སྦུབ་ཏུ་མནན་པ། དབུ་རེ་རེ་ལ་ཐོད་པ་སྐམ་པོ་ལྔ་ལྔས་དབུ་རྒྱན་ཅིང་རློན་པ་ཁྲག་འཛག་པ་ལྔ་བཅུའི་


TNT12_Page_0644
[མ་དཔེ་གཟིགས་ན་འདིར་གནོན།]

དོ་ཤལ་དང༌། རུས་པའི་རྒྱན་དྲུག་དང་སྦྲུལ་གྱིས་བརྒྱན་པ། ཐལ་ཆེན་གྱི་ཚོམ་བུ་རཀྟའི་ཐིག་ལེ། ཞག་གི་ཟོ་རིས་རྣམས་ཀྱིས་མཚན་པ། གར་དགུའི་རོ་དང་ལྡན་པ་དེའི་པང་ན་ཡུམ་རྡོ་རྗེ་ཕག་མོ་སྐུ་མདོག་དམར་མོ་ཕྱག་གཡས་རྡོ་རྗེ་དང་བཅས་པས་སྡིགས་མཛུབ་བསྒྲེང་བ། གཡོན་ཁྲག་ཆེན་གྱིས་གང་བའི་ཐོད་པ་ཡན་ལ་སྟོབ་པའི་ཚུལ་གྱིས་འཁྱུད་པ། སྤྱན་གསུམ་དྲག་མོ་བསྐལ་པའི་མེ་ལྟར་གཟི་བརྗིད་འབར་བ། གཅེར་བུ་སྐྲ་སེར་འཁྱིལ་བ། ཕྱག་རྒྱ་ལྔ་དང་བརླན་བྲལ་གྱི་མགོ་ཕྲེང་གིས་ཅོད་པན་དང༌། དོ་ཤལ་དུ་བརྒྱན་པ། གཡས་བརྐྱང་བའི་སྟབས་ཀྱིས་ཡབ་ལ་འཁྲིལ་པ། ཁྲོ་མོའི་ཆ་ལུགས་རྫོགས་པའི་འོད་ཀྱི་ནམ་མཁའི་མཐའ་ཁྱབ་པའི་ཡེ་ཤེས་ཀྱི་མེ་འབར་བའི་དབུས་ན་ཡབ་ཡུམ་སྙོམས་པར་ཞུགས་པའི་ཚུལ་གྱིས་གནས་པའོ། །ཤར་དུ་གཏི་མུག་གཤིན་རྗེ་གཤེད་དཀར་པོ་དཀར་ནག་དམར་བའི་ཞལ་གསུམ། ཕྱག་དྲུག་གི་དང་པོ་གཉིས་ཀྱིས་གྲི་གུག་དང་ཐོད་པ་འཛིན་པས་རང་འོད་ཀྱི་ཡུམ་ལ་འཁྱུད་ཅིང༌། ལྷག་མ་གཡས་གཉིས་འཁོར་ལོ་དང་རལ་གྲི། གཡོན་གཉིས་རིན་པོ་ཆེ་དང་པདྨ་འཛིན་པ། ལྷོར་སེར་སྣ་གཤིན་རྗེ་གཤེད་སེར་པོ་སེར་ནག་དཀར་པའི་ཞལ་གསུམ། ཕྱག་དྲུག་གི་དང་པོ་གཉིས་ཀྱིས་གྲི་གུག་དང་ཐོད་པ་འཛིན་


TNT12_Page_0645
[མ་དཔེ་གཟིགས་ན་འདིར་གནོན།]

པས་རང་འོད་ཀྱི་ཡུམ་ལ་འཁྱུད་པ། ལྷག་མ་གཡས་གཉིས་རིན་པོ་ཆེ་དང་རལ་གྲི། གཡོན་གཉིས་འཁོར་ལོ་དང་པདྨ་འཛིན་པ། ནུབ་ཏུ་འདོད་ཆགས་གཤིན་རྗེ་གཤེད་དམར་པོ་དམར་ནག་དཀར་བའི་ཞལ་གསུམ། ཕྱག་དྲུག་གི་དང་པོ་གཉིས་ཀྱིས་གྲི་གུག་དང་ཐོད་པ་འཛིན་པས་རང་འོད་ཀྱི་ཡུམ་ལ་འཁྱུད་པ། ལྷག་མ་གཡས་གཉིས་པདྨ་དང་རལ་གྲི། གཡོན་གཉིས་རིན་པོ་ཆེ་དང་འཁོར་ལོ་འཛིན་པ། བྱང་དུ་ཕྲག་དོག་གཤིན་རྗེ་གཤེད་ལྗང་ཁུ་ལྗང་ནག་དཀར་བའི་ཞལ་གསུམ། ཕྱག་དྲུག་གི་དང་པོ་གཉིས་ཀྱི་གྲི་གུག་དང་ཐོད་པ་འཛིན་པས་རང་འོད་ཀྱི་ཡུམ་ལ་འཁྱུད་པ། ལྷག་མ་གཡས་གཉིས་རལ་གྲི་དང་འཁོར་ལོ། གཡོན་གཉིས་རིན་པོ་ཆེ་དང་པདྨ་འཛིན་པ། ཤར་ལྷོར་ཙར་ཙི་ཀ་དཀར་མོ་གཏི་མུག་གཤིན་རྗེ་གཤེད་ལྟ་བུ། ལྷོ་ནུབ་ཏུ་ཕག་མོ་སེར་མོ་དབུའི་སྟེང་དུ་ཕག་ཞལ་གྱེན་དུ་ལྟ་བ་དང་བཅས་པ་སེར་སྣ་གཤིན་རྗེ་གཤེད་ལྟ་བུ། ནུབ་བྱང་དུ་དབྱངས་ཅན་མ་དམར་མོ་འདོད་ཆགས་གཤིན་རྗེ་གཤེད་ལྟ་བུ། བྱང་ཤར་དུ་གཽ་རི་ལྗང་ཁུ་ཕྲག་དོག་གཤིན་རྗེ་གཤེད་ལྟ་བུ། དེ་ལྟར་ལྷ་མོ་བཞི་པོ་རང་སྣང་གི་ཐབས་ལ་འཁྱུད་པའོ། །ཤར་སྒོར་ཐོ་བ་གཤིན་རྗེ་གཤེད་ནག་པོ་ནག་དཀར་དམར་བའི་ཞལ་གསུམ། ཕྱག་དྲུག་གི་


TNT12_Page_0646
[མ་དཔེ་གཟིགས་ན་འདིར་གནོན།]

དང་པོ་གཉིས་ཀྱིས་གྲི་གུག་དང་ཐོད་པ་འཛིན་པས་རང་འོད་ཀྱི་ཡུམ་ལ་འཁྱུད་པ། ལྷག་མ་གཡས་གཉིས་ཐོ་བ་དང་རལ་གྲི། གཡོན་གཉིས་འཁོར་ལོ་དང་པདྨ་འཛིན་པ། ལྷོ་སྒོར་དབྱུག་པ་གཤིན་རྗེ་གཤེད་དཀར་པོ་དཀར་ནག་དམར་པའི་ཞལ་གསུམ། ཕྱག་དྲུག་གི་དང་པོ་གཉིས་ཀྱིས་གྲི་གུག་དང་ཐོད་པ་འཛིན་པས་རང་འོད་ཀྱི་ཡུམ་ལ་འཁྱུད་པ། ལྷག་མ་གཡས་གཉིས་དབྱུག་པ་དང་རལ་གྲི། གཡོན་གཉིས་པདྨ་དང་འཁོར་ལོ་འཛིན་པ། ནུབ་སྒོར་པདྨ་གཤིན་རྗེ་གཤེད་དམར་པོ་དམར་ནག་དཀར་བའི་ཞལ་གསུམ། ཕྱག་དྲུག་གི་དང་པོ་གཉིས་ཀྱིས་གྲི་གུག་དང་ཐོད་པ་འཛིན་པས་རང་འོད་ཀྱི་ཡུམ་ལ་འཁྱུད་པ། ལྷག་མ་གཡས་གཉིས་པདྨ་དང་རལ་གྲི། གཡོན་གཉིས་འཁོར་ལོ་རིན་པོ་ཆེ་འཛིན་པ། བྱང་སྒོར་རལ་གྲི་གཤིན་རྗེ་གཤེད་ལྗང་ཁུ་ལྗང་ནག་དཀར་བའི་ཞལ་གསུམ། ཕྱག་དྲུག་གི་དང་པོ་གཉིས་ཀྱིས་གྲི་གུག་དང་ཐོད་པ་འཛིན་པས་རང་འོད་ཀྱི་ཡུམ་ལ་འཁྱུད་པ། ལྷག་མ་གཡས་གཉིས་རལ་གྲི་དང་འཁོར་ལོ། གཡོན་གཉིས་རིན་པོ་ཆེ་དང་པདྨ་འཛིན་པ། འཁོར་རྣམས་ཐམས་ཅད་རྒྱན་དང་ཆ་ལུགས་བཅོམ་ལྡན་འདས་དང་མཚུངས་པ་སྟེ། འོན་ཀྱང་ལྷ་མོ་བཞི་ནི་བུད་མེད་སྒྱུ་མའི་ང་རྒྱལ་གྱིས་འགྱིང་བ། བཅོམ་ལྡན་འདས་མ་དང་མཚུངས་པ་ལས་གཡོན་བརྐྱང་གི་


TNT12_Page_0647
[མ་དཔེ་གཟིགས་ན་འདིར་གནོན།]

སྟབས་ཅན་ནོ། །ཕྱིའི་གྲྭ་བཞིར་ཀ་པཱ་ལ་བདུད་རྩིས་གང་བ་བཞི་དང་བཅས་པའོ། །རང་དགྱེས་མཛད་རྡོ་རྗེ་མཚོན་ཆ་ཅན་གྱི་ཐུགས་ཀར་པད་ཉིད་ལ་ཧཱུཾ་ལྷ་མོ་བཅུ་གསུམ་གྱི་ཐུགས་ཀར་པད་ཟླ་ལ། ཨཾ་གཾ་ཙཾ་བཾ་གྷཾ་པཾ་ཤཾ་ལཾ་ཌཾ་ཛཿཧཱུཾ་བཾ་ཧོཿརྣམས་འཁོར་པར་གྱུར། སྙིང་གའི་ས་བོན་གྱི་འོད་ཟེར་གྱིས་དགྱེས་མཛད་མཚོན་ཆ་ཅན་ལྷ་བཅུ་གསུམ་རྒྱུད་སྡེ་ལྔའི་དཀྱིལ་འཁོར་གྱི་ལྷ་ཚོགས་དང་བཅས་པ་ཨོཾ་བཛྲ་ས་མཱ་ཛཿ ཤར་ཕྱོགས་ཀྱི་དུར་ཁྲོད་ཆེན་པོའི་ཐད་ཀྱི་སྟེང་གི་ནམ་མཁར་བཞུགས། ཚོགས་ཞིང་གི་སྐབས་ལྟར་ཆུ་གཉིས་སྔོན་དུ་འགྲོ་བའི་ཉེར་སྤྱོད་ཀྱིས་ཡང་དག་པར་མཆོད། ཕྱི་མཆོད་མཆོད་དོ། །སྤྲོ་ན་འོག་ནས་འབྱུང་བ་ལྟར་ནང་མཆོད་བྱིན་གྱིས་རླབས་ལ་འབུལ། བསྡུ་ན། དགྱེས་མཛད་སྙིང་པོ་ལན་གཉིས་དང༌། གཙོ་བོ་གཞན་བཞིའི་སྙིང་པོ་ལན་རེ་བརྗོད་ལ། མཐར་འབྲུ་གསུམ་བཏགས་པས་ནང་མཆོད་འབུལ། ཨོཾ་སརྦ་ཏ་ཐཱ་ག་ཏ་ཨ་ནུ་ར་ག་ཎ་བཛྲ་སྭཱ་བྷ་ཝ་ཨཱཏྨ་ཀོ྅ཧཾ། ཞེས་གསང་བའི་མཆོད་པ་འབུལ། དེ་ཐམས་ཅད་ཀྱང་སྒྱུ་མ་ལྟར་རང་བཞིན་མེད་པར་ཤེས་པར་བྱས་ནས་ཅུང་ཟད་མཉམ་པར་བཞག །ཨོཾ་བཛྲ་གོ་རཱི་ཨ་ཀརྺ་ཡ་ཛཿ ཨོཾ་བཛྲ་ཙཽ་རཱི་པྲ་བེ་ཤ་ཡ་ཧཱུཾ། ཨོཾ་བཛྲ་བེ་ཏ་ལཱི་བནྡྷ་བཾ། ཨོཾ་བཛྲ་གྷསྨ་རཱི་ཝཱ་ཤཾ་ཀུ་རུ་ཧོ། ཛཿཧཱུཾ་བཾ་ཧོཿ ལན་ལྔ། ཡེ་ཤེས་སེམས་དཔའ་དང་དམ་ཚིག་སེམས་དཔའ་རོ་གཅིག་ཏུ་གྱུར། དགྱེས་མཛད་རྡོ་རྗེའི་ལྷ་ཐམས་ཅད་ཀྱི་མིག་


TNT12_Page_0648
[མ་དཔེ་གཟིགས་ན་འདིར་གནོན།]

ཏུ་མོཾ་ལས་གཏི་མུག་རྡོ་རྗེ་མ་དཀར་མོ། རྣ་བར་དེཾ་ལས་ཞེ་སྡང་རྡོ་རྗེ་དམར་མོ། སྣ་ལ་མཾ་ལས་སེར་སྣ་རྡོ་རྗེ་མ་སེར་མོ། ཁ་ལ་རཾ་ལས་འདོད་ཆགས་རྡོ་རྗེ་མ་དམར་མོ་དཔྲལ་བར་ཨིཾ་ལས་ཕྲག་དོག་རྡོ་རྗེ་མ་ལྗང་ཁུ། ལྟེ་བར་ནོཾ་ལས་བདག་མེད་རྣལ་འབྱོར་མ་ནག་མོ། དེ་རྣམས་ལས་འོད་ཟེར་འཕྲོས། སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས། རྡོ་རྗེ་མ་དྲུག་གི་གོ་འཕང་ལ་བཀོད། སླར་འདུས་ཏེ་སྐྱེ་མཆེད་ཀྱི་ལྷ་རྣམས་ལ་ཐིམ། ལྷ་ཐམས་ཅད་ཀྱི་དཔྲལ་བར་ཨོཾ་དཀར་པོ་དེ་ལས་འོད་ཟེར་འཕྲོས། སེམས་ཅན་རྣམས་ཀྱི་ལུས་ཀྱི་སྡིག་སྒྲིབ་སྦྱངས། སངས་རྒྱས་ཐམས་ཅད་ཀྱི་སྐུའི་བྱིན་རླབས་བསྐུལ་ཞིང་བསྡུས་ཏེ། ཨོཾ་ལ་ཐིམ་པ་ལས་སྐུ་རྡོ་རྗེ་མ་དཀར་མོ། མགྲིན་པར་ཨཱཿདམར་པོ་དེ་ལས་འོད་ཟེ་འཕྲོས། སེམས་ཅན་རྣམས་ཀྱི་ངག་གི་སྡིག་སྒྲིབ་སྦྱངས། སངས་རྒྱས་ཐམས་ཅད་ཀྱི་གསུང་གི་བྱིན་རླབས་བསྐུལ་ཞིང་བསྡུས་ཏེ། ཨཱཿལ་ཐིམ་པ་ལས་གསུང་རྡོ་རྗེ་མ་དམར་མོ། ཐུགས་ཀར་ཧཱུཾ་སྔོན་པོ་དེ་ལས་འོད་ཟེར་འཕྲོས། སེམས་ཅན་རྣམས་ཀྱི་ཡིད་ཀྱི་སྡིག་སྒྲིབ་སྦྱངས། སངས་རྒྱས་ཐམས་ཅད་ཀྱི་ཐུགས་ཀྱི་བྱིན་རླབས་བསྐུལ་ཞིང་བསྡུས་ཏེ་ཧཱུཾ་ལ་ཐིམ་པ་ལས་ཐུགས་རྡོ་རྗེ་མ་སྔོན་མོ། ལྷ་མོ་དེ་ཐམས་ཅད་ཞལ་གཅིག་ཕྱག་གཉིས་སྤྱན་གསུམ་མ།


TNT12_Page_0649
[མ་དཔེ་གཟིགས་ན་འདིར་གནོན།]

གྲི་གུག་དང་ཐོད་པ་ཁ་ཊྭཱཾ་ག་བསྣམས་པ། རུས་པ་དང་མི་མགོའི་ཕྲེང་བས་བརྒྱན་པའོ། །རང་གི་ཐུགས་ཀ་ནས་འོད་ཟེར་སྣ་ལྔ་པ་འཕྲོས། དབང་གི་ལྷ་རྒྱལ་བ་ཡབ་ཡུམ་བྱང་ཆུབ་སེམས་དཔའ་ཡབ་ཡུམ། ཁྲོ་བོ་རིག་མ་དང་བཅས་པ་ཨོཾ་བཛྲ་ས་མཱ་ཛཿ གོང་བཞིན་མཆོད་པ་གསུམ་གྱིས་མཆོད། ཞེ་སྡང་རྡོ་རྗེར་ཕྱག་འཚལ་བསྟོད། །གཏི་མུག་རྡོ་རྗེར་ཕྱག་འཚལ་བསྟོད། །སེར་སྣ་རྡོ་རྗེ་བདག་ལ་གསོལ། །འདོད་ཆགས་རྡོ་རྗེ་བདག་ལ་སྐྱོབས། །ཕྲག་དོག་རྡོ་རྗེ་ང་རྒྱལ་ཏེ། །སྒྱུ་འཕྲུལ་རྡོ་རྗེ་མགོན་པོ་ཁྱོད། །ལས་རྣམས་ཐམས་ཅད་སྒྲུབ་བྱེད་པ། །ཐམས་ཅད་རྡོ་རྗེ་བདག་མགུར་འགྱུར། །བཅོམ་ལྡན་དེ་བཞིན་གཤེགས་པ་ཀུན། །བཅོམ་ལྡན་བདག་ཉིད་ཆེན་པོ་རྣམས། །ཐུགས་རྗེས་བདག་ཉིད་ཅན་རྣམས་ཀྱིས། ཁྱེད་ཀྱིས་བདག་ལ་དབང་བསྐུར་སྩོལ། །ཨོཾ་སརྦ་ཏ་ཐཱ་ག་ཨ་བྷི་ཥིཉྩ་ཏུ་མཾ། ཞེས་གསོལ་བ་བཏབ་པས། སངས་རྒྱས་རྣམས་ཀྱིས་ཐུགས་ཀ་ནས་ཕྱུང་བའི་སྤྱན་མ་དང༌། མཱ་མ་ཀཱི་དང༌། གོས་དཀར་མོ་དང༌། སྒྲོལ་མ་རྣམས་ཀྱི་བྱང་ཆུབ་ཀྱི་སེམས་ཀྱི་གང་བའི་བུམ་པས་དབང་བསྐུར། ཁྲོ་བོ་རྣམས་ཀྱིས་བསྲུང་བའི་ལས་མཛད་བྱང་ཆུབ་སེམས་དཔའ་རྣམས་ཀྱིས་རྡོ་རྗེའི་གླུ་བླང༌། རྡོ་རྗེ་མ་རྣམས་ཀྱིས་མཆོད་དེ། དབང་


TNT12_Page_0650
[མ་དཔེ་གཟིགས་ན་འདིར་གནོན།]

བསྐུར་རྡོ་རྗེ་ཆེན་པོ་ནི། ཁམས་གསུམ་ཀུན་གྱིས་ཕྱག་བྱས་པ། །སངས་རྒྱས་ཀུན་གྱི་གསང་གསུམ་གྱི། །གནས་ལས་བྱུང་བ་སྦྱིན་པར་བྱ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུཾ། ཞེས་གསུང་ཞིང་དཀྱིལ་འཁོར་གྱི་ལྷ་ཐམས་ཅད་ལ་དབང་བསྐུར། ཆུའི་ལྷག་མ་སྤྱི་བོར་འཁྱིལ་བ་ལས་གཙོ་བོ་ཡབ་ཡུམ་དང༌། གཽ་རི་དང༌། པུཀྐ་སི་ལ་མི་བསྐྱོད་པ། ཙཽ་རཱི་དང་ཤཱ་བཱ་རི་ལ་རྣམ་པར་སྣང་མཛད། བཻ་ཏཱ་ལི་དང་ཙནྚ་ལཱི་ལ་རིན་ཆེན་འབྱུང་ལྡན། གྷསྨ་རཱི་དང་ཌིཾ་བི་ནི་ལ་འོད་དཔག་མེད་རྣམས་ཀྱིས་དབུ་རྒྱན། སྒོ་མ་བཞི་ལ་དོན་གྲུབ་ཀྱིས་དབུ་རྒྱན། དེ་ནས་བདུད་རྩི་བྱིན་གྱིས་བརླབ་པ་ནི། ཨོཾ་ཨཱཿབིགྷྣཱནྟ་ཀྲྀཏ་ཧཱུཾ་གིས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་ཡཾ་ལས་རླུང་གི་དཀྱིལ་འཁོར་ཟླ་གམ་ཡཾ་དང་བ་དན་གྱིས་མཚན་པའི་སྟེང་དུ། རཾ་ལས་མེའི་དཀྱིལ་འཁོར་གྲུ་གསུམ་རཾ་གྱིས་མཚན་པ། དེའི་སྟེང་དུ་ཀཾ་གསུམ་ལས་མི་མགོའི་སྒྱེད་པུ་གསུམ་གྱི་སྟེང་དུ་ཨ་ལས་ཐོད་པར་དཀར་པོ་སྟོང་གསུམ་གྱི་ཁྱོན་ཙམ་གྱི་ནང་དུ། པདྨ་འདབ་བརྒྱད་ཀྱི་ལྟེ་བར་ཧཱུཾ་ལས་སྣ བས་དང་མཆིལ་མ། ཤར་དུ་བྷྲུཾ་ལས་དྲི་ཆེན། ལྷོར་ཨཾ་ལས་རཀྟ། ནུབ་ཏུ་ཛྲིཾ་ལས་བྱང་ཆུབ་ཀྱི་སེམས། བྱང་དུ་ཁཾ་ལས་དྲི་ཆུ། དབུས་


TNT12_Page_0651
[མ་དཔེ་གཟིགས་ན་འདིར་གནོན།]

སུ་ན་ལས་མའི་ཤ །བྱང་ཤར་དུ་གོ་ལས་བ་གླང་གི་ཤ །ཤར་ལྷོར་ནཾ་ལས་གླང་པོ་ཆེའི་ཤ །ལྷོ་ནུབ་ཏུ་ཧཾ་ལས་རྟའི་ཤ །ནུབ་བྱང་དུ་ཥཾ་ལས་ཅེ་སྤྱང་གི་ཤ་རྣམས་ཀྱིས་གང་བ། སྟེང་དུ་ཨོཾ་ཨཱཿཧཱུཾ་ཐུགས་ཀའི་ཧཱུཾ་ལས་འོད་འཕྲོས་སྣ་བུག་ནས་ཐོན། རླུང་གི་བ་དན་ལ་ཕོག །ཡཾ་ལས་རླུང་གཡོས། རཾ་ལས་མེ་སྦར། ཐོད་པའི་རྫས་རྣམས་བསྐོལ། ཞུ་ཞིང་གྱེན་དུ་ལུད་པའི་མི་གཙང་བ་རྣམས་ཕྱིར་ཕྱུང༌། སྟེང་གི་ཨཱཿཟླ་བའི་དཀྱིལ་འཁོར་ཧཱུཾ་རྡོ་རྗེར་གྱུར་པ་ཨོཾ་དང་བཅས་ཏེ་ཐོད་པར་ལྷུང་བས་རྫས་རྣམས་ལན་བདུན་དུ་དཀྲུགས་ཤིང་སྦྱངས། ཡང་རྡོ་རྗེ་འགྲེང་བུར་གནས་པའི་ལྟེ་བར་ཨཱྀ་ལས་བྱུང་བའི་ཟླ་བ་ལ་ཧཱུཾ་དང་རྩེ་མོ་ལ་ཨོཾ་གྱིས་མཚན་པ། དེ་ལས་འོད་འཕྲོས་སངས་རྒྱས་ཐམས་ཅད་ཀྱི་ཐུགས་ཀ་ནས་ཡེ་ཤེས་ཀྱི་བདུད་རྩི་དཔག་ཏུ་མེད་པ་སྤྱན་དྲངས། དམ་ཚིག་གི་བདུད་རྩི་དང་འདྲེས། ཨོཾ་ཨཱཿཧཱུཾ། ལན་གསུམ་དང༌། ཧ་ཧོ་ཧྲཱིཿ ཁ་དོག་དྲི་རོ་ནུས་པ་ཕུན་སུམ་ཚོགས་པར་གྱུར། ལྷ་ཐམས་ཅད་ཀྱི་ལྗགས་ཧཱུཾ་ལས་བྱུང་བའི་རྡོ་རྗེའི་སྦུ་གུས་བདུད་རྩི་དྲངས་ཤིང་གསོལ་བས་ཚིམས་ཞིང་མཉེས་པར་གྱུར། ཨོཾ་སརྦ་ཏ་ཐཱ་ག་ཏ་ཨ་མྲྀ་ཏ་བཛྲ་སྭ་བྷཱ་ཝ་ཨཱཏྨ་


TNT12_Page_0652
[མ་དཔེ་གཟིགས་ན་འདིར་གནོན།]

ཀོ྅ཧཾ། དེ་ནས་ཡང་སྔར་བཞིན་ཨརྒྷཾ་ལ་སོགས་པས་མཆོད། ཨོཾ་སརྦ་ཏ་ཐཱ་ག་ཏ་པཱུ་ཛ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ལྷ་མོའི་འཁོར་གྱིས་བཅོམ་ལྡན་བསྐོར། རྒྱུ་དང་མི་རྒྱུ་ཁྱོད་ཀྱི་ཐུགས། །སེམས་ཅན་ཀུན་གྱི་དོན་མཛད་རྣམས། །བཅོམ་ལྡན་མཆོག་ཏུ་དགྱེས་རྡོ་རྗེ། །ཞལ་མཛེས་ཐུགས་ཀྱི་དགོངས་པ་འགྲུབ། །ཐུགས་དགྱེས་མཛོད་ཅིང་དགྱེས་རྡོ་རྗེ། །ཨོཾ་སརྦ་ཏ་ཐ་ག་ཏ་སྟུ་ཏི་ར་བཛྲ་སྭབྷཱ་ཝ་ཨཱཏྨ་ཀོ྅ཧཾ། ཧཱུཾ་མི་བསྐྱོད་རྡོ་རྗེ་ཡེ་ཤེས་ཆེ། །རྡོ་རྗེ་དབྱིངས་ནི་མཁའ་ཆེན་པོ། །རྡོ་རྗེ་གསུམ་མཆོག་དཀྱིལ་འཁོར་གསུམ། །རྡོ་རྗེ་དབྱིངས་ལ་ཕྱག་འཚལ་ལོ། །ཐམས་ཅད་དངོས་པོ་རང་བཞིན་མཆོག །གདོད་ནས་ཐམས་ཅད་རང་བཞིན་གནས། །ཐབས་དང་ཤེས་རབ་གཉིས་མེད་པའི། །ཀྱཻ་རྡོ་རྗེར་བདག་ཕྱག་འཚལ། །མཆེ་བ་གཙིགས་ཤིང་འཇིགས་པ་ཆེ། །སྔགས་ཀྱི་མེ་ཏོག་འཕྲེང་བས་བརྒྱན། །ཤ་ཆེན་རབ་ཏུ་གསོལ་མཛད་པ། །ཧེ་རུ་ཀ་དཔལ་བདག་ཕྱག་འཚལ། །བཅོམ་ལྡན་མགོན་པོ་དཔའ་བོའི་དབང་ཕྱུག་ནི། །བསྐལ་པའི་མེ་དཔུང་ལྟ་བུར་རབ་ཏུ་འབར། །རལ་པའི་ཅོད་པན་དབུ་ཡི་རྒྱན་དུ་བཅིངས། །མཆེ་བ་རབ་གརྩིགས་དྲག་ཤུལ་འཇིགས་པའི་ཞལ། སྐུ་ལ་གཟི་བརྗིད་ཕྱག་སྟོང་ལྡན་པ་པོ། །དགྲ་སྟྭ་ཞགས་པ་ཁ་ཊྭཱཾ་མདུང་བསྣམས་ཤིང༌། །


TNT12_Page_0653
[མ་དཔེ་གཟིགས་ན་འདིར་གནོན།]

རབ་འཇིགས་སྟག་གི་པགས་པ་སྐུ་ལ་གསོལ། །སྐུ་ཆེན་དུད་ཁ་བགེགས་མཐར་མཛད་ལ་འདུད། དུས་གསུམ་རྒྱལ་བ་ཐམས་ཅད་ཀྱི། །བཀའ་ཡི་འཁོར་ལོ་རབ་ཏུ་བསྐོར། །བདུད་དང་མུ་སྟེགས་ལྷ་མིན་བཅོམ། །གཤིན་རྗེ་འཇོམས་ལ་ཕྱག་འཚལ་ལོ། །དེ་ནས་བཟླས་པའི་དམིགས་པ་གསལ་བཏབ་ལ་སྔགས་འདི་རྣམས་བཟླ་བར་བྱ་སྟེ། ཨོཾ་ཨཥྟཱ་ན་ནཱ་ཡ། པིཾ་གོརྡྷ་ཀེ་ཤ་ཝརྟྨ་ནེ། ཙ་ཏུརྦིཾ་ཤ་ཏི་ནེ་ཏྲཱ་ཡ། ཥོ་ཊ་ཤ་བྷུ་ཛཱ་ཡ། ཀྲིཥྞ་ཛི་མཱུ་ཏ་ཝ་པུ་ཥེ། ཀ་པཱ་ལ་མཱ་ལ་ཨ་ནེ་ཀནྡྷ་ལ་རི་ཎེ། ཨརྡྷ་ཏ་ཀྲུ་ར་ཙིཏྟཱ་ཡ། ཨརྡྷེནྟུ་དཾཥྟཱི་ཎེ། ཨོཾ་མཱ་རཱ་ཡ་མཱ་རཱ་ཡ། ཀ་རཱ་ཡ་ཀ་རཱ་ཡ། གརྫ་ཡ་གརྫཱ་ཡ། ཏརྫ་ཡ་ཏརྫཱ་ཡ། ཤོ་ཥཱ་ཡ་ཤོ་ཥཱ་ཡ། སཔྟ་སཱ་ག་རཱ་ན། བན་དྷ་བན་དྷ་ནཱ་ག་ཨཥྟཀཱ་ནཾ། གྲྀཧྞ་གྲྀཧྞ། ཤ་ཏྲུཾ། ཧ་ཧཱ། ཧི་ཧཱི། ཧུ་ཧཱུ། ཧེ་ཧཻ། ཧོ་ཧཽ། ཧཾ་ཧཿཕཊ་སྭཱཧཱ། རྩ་བའི་སྔགས་སོ། །ཨོཾ་དེ་བ་པི་ཙུ་བཛྲ་ཧཱུཾ་ཧཱུཾ་ཧ྄ཱུཾ་ཕཊ་སྭཱཧཱ། ཨོཾ་བཛྲ་ཀརྟ་རི་ཧེ་བཛྲ་ཡ་ཧཱུཾ་ཧཱུཾ་ཧཱུཾ་ཕཊ་སྭཱཧཱ། ཨོཾ་ཨཾ་སྭཱཧཱ། དེ་ནི་མཚོན་ཆ་ཅན་གྱིའོ། །ཨོཾ་ཨཱཿབཛྲ་དྷྲྀཀ་ཧཱུཾ་ཧཱུཾ་ཕཊ་སྭཱཧཱ། ཨོཾ་ཨཱཿསྥརྴ་བཛྲ་ཧཱུཾ། ཨོཾ་ཨཱཿཛི་ན་ཛིཀ་ཧཱུཾ། ཨོཾ་ཨཱཿ་རཏྣ་དྷྲྀཀ་ཧཱུཾ། ཨོཾ་ཨཱཿཨ་རོ་ལཱིཀ་ཧཱུཾ། ཨོཾ་ཨཱཿཔྲཛྙཱ་དྷྀཀ་ཧཱུཾ། ཨོཾ་ཨཱཿམོ་ཧ་རཱ་ཏི་ཧཱུཾ། ཨོཾ་ཨཱཿ་དྭེ་ཥ་ར་ཏི་ཧཱུཾ། ཨོཾ་ཨཱཿརཱ་ག་རཱ་ཏི་ཧཱུཾ། ཨོཾ་ཨཱཿབཛྲ་རཱ་ཏི་ཧཱུཾ། ཨོཾ་ཨཱཿརཱུ་པ་བཛྲཱ་ཧཱུཾ། ཨོཾ་ཨཱཿཤཔྟ་བཛྲ་ཧཱུཾ། ཨོཾ་ཨཱཿགནྡྷ་བཛྲཱ་ཧཱུཾ། ཨོཾ་ཨཱཿརཱ་ས་བཛྲ་ཧཱུཾ།


TNT12_Page_0654
[མ་དཔེ་གཟིགས་ན་འདིར་གནོན།]

ཨོཾ་ཨཱཿམེཾ་ཧཱུཾ། ཨོཾ་ཨཱཿ ཧཱུཾ། ཨོཾ་ཨཱཿཧཱུཾ་ཧཱུཾ། ཨོཾ་ཨཱཿཨཱཾ་ཧཱུཾ། ཨོཾ་ཨཱཿཧྲི་ཧཱུཾ། ཨོཾ་ཨཱཿཨོཾ་ཧཱུཾ། ཨོཾ་ཨཱཿམཾ་ཧཱུཾ། ཨོཾ་ཨཱཿསཾ་ཧཱུཾ། ཨོཾ་ཨཱཿཡ་མཱནྟཀྲྀཏ་ཧཱུཾ། ཨོཾ་ཨཱཿཔྲཛྙཱནྟ་ཀྲིཏ་ཧཱུཾ། ཨོཾ་ཨཱཿ་པདྨནྟ་ཀྲྀཏ་ཧཱུཾ། ཨོཾ་ཨཱཿབིགྷྣཱནྟ་ཀྲིཏ་ཧཱུཾ། ཨོཾ་ཨཱཿ་ཨཱརྱ་ཨ་ཙ་ལ་ཧཱུཾ། ཨོཾ་ཨཱཿཊཀྐི་རཱ་ཛཱ་ཧཱུཾ། ཨོཾ་ཨཱཿནཱི་ལ་དཌྜ་ཧཱུཾ། ཨོཾ་ཨཱཿམཧཱ་བཱ་ལ་ཧཱུཾ། ཨོཾ་ཨཱཿཙཀྲ་ཝཱརྟཧཱུཾ། ཨོཾ་ཨཱཿསུབྷ་རཱ་ཛ་ཧཱུཾ། དེ་ནི་གསང་བ་འདུས་པའི་འོ། །ཨོཾ་ཨཱཿཧྲི་ཧཱུཾ་ཕཊ་སྭཱཧཱ། ཨོཾ་བུདྡྷ་ཌཱ་ཀི་ནཱི་ཨཱཿཧྲི་ཧཱུཾ། ཨོཾ་བཛྲ་ཌཱ་ཀི་ནཱི་ཨཱཿཧྲི་ཧཱུཾ། ཨོཾ་རཏྣ་ཌཱ་ཀི་ནཱི་ཨཱཿཧྲི་ཧཱུཾ། ཨོཾ་པདྨ་ཌཱ་ཀི་ནཱི་ཨཱཿཧྲི་ཧཱུཾ། ཨོཾ་བི་ཤྭ་ཌཱ་ཀི་ནཱི་ཨཱཿཧྲི་ཧཱུཾ། དེ་ནི་མཧཱ་མ་ཡའི་འོ། །ཨོཾ་དེ་བ་པི་ཙུ་བཛྲ་ཧཱུཾ་ཧཱུཾ་ཧཱུཾ་ཕཊ་སྭཱཧཱ། ཨོཾ་ཨཱཿཨཾ་ཧཱུཾ་སྭཱཧཱ། ཨོཾ་ཨཱཿགཾ་ཧཱུཾ་སྭཱཧཱ། ཨོཾ་ཨཱཿཙཾ་ཧཱུཾ་སྭཱཧཱ། ཨོཾ་ཨཱཿབཾ་ཧཱུཾ་སྭཱཧཱ། ཨོཾ་ཨཱཿགྷཾ་ཧཱུཾ་སྭཱཧཱ། ཨོཾ་ཨཱཿབཾ་ཧཱུཾ་སྭཱཧཱ། ཨོཾ་ཨཱཿཤཾ་ཧཱུཾ་སྭཱཧཱ། ཨོཾ་ཨཱཿལཾ་ཧཱུཾ་སྭཱཧཱ། ཨོཾ་ཨཱཿཌཾ་ཧཱུཾ་སྭཱཧཱ། དེ་ནི་མཚོ་སྐྱེས་ལྷ་དགུའི་


TNT12_Page_0655
[མ་དཔེ་གཟིགས་ན་འདིར་གནོན།]

ཡིན་ནོ། །ཨོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧཱུཾ་ཧཱུཾ་ཕཊ་ཌཱ་ཀི་ནཱི་ཛཱ་ལ་སཾ་བྷ་རཾ་སྭཱཧཱ། ཨོཾ་བཛྲ་བཻ་རོ་ཙ་ནི་ཡེ་ཧཱུཾ་ཧཱུཾ་ཕཊ། ཨོཾ་ཧྲིཿཧ་ཧ་ཧཱུཾ་ཧཱུཾ་ཕཊ། ཨོཾ་སརྦ་བུདྡྷ་ཌཱ་ཀི་ནཱི་ཡེ་བཛྲ་ཝརྞ་ནཱི་ཡེ་ཧཱུཾ་ཧཱུཾ་སྭཱཧཱ། མཾ་ལཾ་པཾ་ཏཱཾ་པུ་ཛ་ཨོཾ་གོ་ར་དེ་མ། ཀ་ཨོ་ཏྲི་ཀོ་ཀ་ལ་ཀ་ཧི། པྲེ་གྲྀ་སཽ་སོ་སུ་ན་སི་མ་ཀུ། ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ། ཞེས་བདེ་མཆོག་གི་སྔགས་འཕྲེང་བསྡུས་པའོ། །རྒྱས་པར་ན་གཞན་དུ་ཤེས་པར་བྱའོ། །ཨོཾ་ཨཱཿདྷི་སྭཱཧཱ། ཨོཾ་ཡ་མནྟ་ཀ་ཧཱུཾ་ཕཊ། ཨོཾ་ཧྲཱིཿཥྟཱིཿབི་ཀྲི་ཏ་ན་ནཱ་ཧཱུཾ་ཕཊ། ཨོཾ་བཛྲ་བཻ་རོ་ཙ་ནཱི་ཡེ་ཧཱུཾ་ཧཱུཾ་ཕཊ། ཨོཾ་ཨཱཿཛི་ན་ཛིཀ་ཧཱུཾ། ཨོཾ་ཨཱཿརཏྣ་དྷྲིཀ་ཧཱུཾ། ཨོཾ་ཨཱཿཨཱ་རོ་ལིཀ་ཧཱུཾ། ཨོཾ་ཨཱཿཔྲཛྙཱ་དྷྲིཀ་ཧཱུཾ། ཨོཾ་ཨཱཿམོ་ཧཱ་རཱ་ཏི་ཧཱུཾ། ཨོཾ་ཨཱཿདྭེ་ཥ་རཱ་ཏི་ཧཱུཾ། ཨོཾ་ཨཱཿརཱ་ག་རཱ་ཏི་ཧཱུཾ། ཨོཾ་ཨཱཿབཛྲ་རཱ་ཏི་ཧཱུཾ། ཨོཾ་ཨཱ་མུངྒ་ར་དྷྲྀཀ་ཧཱུཾ། ཨོཾ་ཨཱཿདཎྜ་དྷྲྀཀ་ཧཱུཾ། ཨོཾ་ཨཱཿཔདྨ་ཌྷྲིཀ་ཧཱུཾ། ཨོཾ་ཨཱཿཁཊྒ་དྷྲྀཀ་ཧཱུཾ། ཨོཾ་ཨཱཿན་ཧཱུཾ། ཨོཾ་ཨཱཿཡོ་ཧཱུཾཾ། ཨོཾ་ཨཱཿནི་ཧཱུཾ། ཨོཾ་ཨཱཿར་ཧཱུཾ། ཞེས་པ་རྡོ་རྗེ་འཇིགས་བྱེད་ཀྱི་ལྷ་ཚོགས་ཀྱི་ཡིན་ནོ། །རྒྱས་པར་མཚོན་ཆ་ཅན་ལ། འཕྲེང་བའི་སྔགས་འདི་དག་བཟླ་བར་བྱའོ། །ཨོཾ་ཧྲིཿསྭཱཧཱ། ཨོཾ་བཛྲ་གུ་ཧྱེ་སིདྡྷི་པ་ར་མ་ཡོ་གེ་ཤྭ་རི་ཀ་པཱ་ལ་མཱ་དྷ་རི་ཎི་རུ་དྷི་ར་པྲི་ཡ་ཤྨ་ཤཱ་ན་བཱ་སི་ནཱི་ཧཱུཾ་ཕཊ་སྭཱཧཱ། ཨོཾ་བཛྲ་ཙཎྜེ་ཤྭ་རི། ཁ་ཊངྒི་མ


TNT12_Page_0656
[མ་དཔེ་གཟིགས་ན་འདིར་གནོན།]

ཧཱ་བཛྲི་ཎི་ཀ་པཱ་ལ་མཱ་ལ། མུ་ཀུ་ཊོ་ཨཱ་ཀཌྜྷ། སརྦ་དུཥྟ་ད་པ་མཱ་ཀཊྚ། རུ་ལུ་རུ་ལུ་བྷྱོ་ཧཱུཾ་ཕཊ། ཨོཾ་བཛྲ་པ་ར་ཛི་ཏེ་པ་ར་མ་གུ་ཧྱ་ཀ་པཱ་ལ་མཱ་ལཱ་ནི་བྷུ་ཏེ་སརྦ་དུཥྟ་མོ་ཧ་ནི་པྲི་ཡེ་ཨེ་ཧྱ་ཧི་བྷ་ག་བ་ཏི་བཛྲ་གུ་ཧྱེ་ཤྭ་རཱི། བ་ཧུ་བིདྷ་བི་ཤདྷ་ར་ཎི། སརྦ་དུཥྟ་ནི་བཱ་ར་ཎི་ཧཱུཾ་ཕཊ། ཨོཾ་བཛྲ་བེརྟཱ་ལི་ཁ་ཁ་ཁཱ་ཧི་ཁཱ་ཧི། སརྦ་དུཥྟ་བི་ཀྲ་ཏ་བེ་ཥ་དྷ་ར་ཎི། བི་ཀྲི་ཏ་ལངྒ་ར་བྷཱུ་ཥེ་ཏེ་ཧ་ན་ཧ་ན། ད་ཧ་ད་ཧ། པ་ཅ་པ་ཙ། མ་བི་ལམྤ། མི་བི་ལམྤ། ས་མ་ཡ་མ་ནུ་སྨ་ར་པྲ་བེ་ཤ་ཡ་མནྚ་ལ་མདྷྱེ། ཨུཏྠ་པ་ཡ་སརྦ་ཧཱུཾ་ཧཱུཾ་ཕཊ། ཨོཾ་ཨེ་ཧྱེ་བྷ་ག་བ་ཏི་བཛྲ་གུ་ཧྱེ་ཤྭ་རི་བ་ཧཱུ་བིདྷ་བེ་ཤ་དྷ་རི་ཎི། སརྦ་ཏ་ཐཱ་ག་ཏ་དུཥྟེ་ས་མ་ཡ་མ་ན་སྨ་ར་ཧ་ན་ཧ་ན། རངྒ་རངྒ། རངྒ་པཱ་ཡ་རངྒ་པཱ་ཡ། པཱུ་ར་ཡ་པཱུ་ར་ཡ་ཨཱ་བི་ཤ་ཨཱ་བི་ཤ །སརྦ་བྷཱུ་ཏ་ནརྟ་ནརྟ། ནརྟཱ་པ་ཡ་ནརྟཱ་པ་ཡ། ཧཿཧ་ཧ་ཧ་ཧ་ཧཱུཾ་ཧཱུཾ་ཧཱུཾ་ཕཊ། ཨོཾ་བཛྲ་ཤཱུ་ལ་ཨ་གྲི་བྷིནྡ་བྷིནྡ་སརྦ་དུཥྟ་ཧྲི་ད་ཡཾ། ཨཱ་ཀརྵ་ཡ། ཨ་ཀརྵ་ཡ། ཧ་ན་ཧ་ན། ད་ཧ་ད་ཧ། ནིརྨ་ཐ་ནིརྨ་ཐ། མཱ་ར་ཡ་མཱ་ར་ཡ། མ་བི་ལམྦ་མ་བི་ལམྦ། ས་མ་ཡ་མ་ནུ་སྨ་ར་ཧཱུཾ་ཕཊ། ཨོཾ་བཛྲ་མ་ཧེ་ཤྭ་རི། ཧཾ་ཧཾ་ཧཾ་ཧཾ་ཧཿརུ་ལུ་རུ་ལུ་བྷྱོ་ཧཱུཾ་ཕཊ། བྷཀྵ་ཡ་སརྦ་དུཥྟན་ནིརྨ་ཐ་ཧྲི་ད་ཡཾ་ཧཱུཾ་ཕཊ་སྭཱཧཱ། ཨོཾ་སུམྦྷ་ནི་ཏིབྟ་ས་མ་ཡ་བཛྲ་ཧཱུཾ་ཕཊ། ཨོཾ་བཛྲ་ཧ་ར་བཱ་མུ་ཁི་ཡོ་གེ་ཤྭ་རཱི་ཧཱིཿ


TNT12_Page_0657
[མ་དཔེ་གཟིགས་ན་འདིར་གནོན།]

ཧི་ཧི་ཧི་ཧི་ཧཱུཾ་ཛཿ ཨོཾ་བཛྲ་བཱ་རཱ་ཧྲཱི་མུ་ཁཱི་ཧཱི་བཾ་བ་ཧཱུཾ། ཨོཾ་ཙནྡྲ་སུརྱཱ་ཧུ་རཱ་ཤ་ནི་སིངྷ་ནིརྣ་དེ་སིང་ཧ་བཀྟྲེ་སིང་ཧ་ནི་ཊཱཾ་ཊཱཾ་བྃ། ཨོཾ་བཛྲ་དྷཱ་རུ་ཛཱི་པྲ་ནི་ཡཀྵི་ནི་ཤྭ་ནི་རཱུ་པི་ནི་མཧཱ་པྲཱ་ལ་ཡ་ནིརྣཱ་དཱེ་ཀཱ་མ་རཱུ་པི་ཎི་ཏྲཱཾ་ཏྲ་ཊ་ཊ་ཧོ། ཐུན་མཚམས་སུ་གཏོར་མ་འབུལ་བར་འདོད་ན། གཏོར་མ་ནང་མཆོད་ལྟར་བྱིན་གྱིས་བརླབས་ལ། རྒྱུད་སྡེ་ལྔའི་དཀྱིལ་འཁོར་གྱི་ལྷ་ཚོགས་འཁོར་དང་བཅས་པ་ཐམས་ཅད་མདུན་གྱི་ནམ་མཁར་སྐད་ཅིག་ཙམ་གྱིས་གྲུབ་པར་གྱུར། བཟླས་པའི་སྐབས་སུ་བསྟན་པ་ལྟར་སྔགས་རེ་རཻའི་མཐར། ཨ་ཀཱ་རོ་སྦྱར་བ་གཙོ་བོ་རྣམས་ལ་ལན་བདུན་བདུན། འཁོར་རྣམས་ལ་རེ་རེ་ཕུལ་ལ། གོང་དུ་ཡེ་ཤེས་པ་ལ་མཆོད་པ་འབུལ་བ་ལྟར་ཕྱི་ནང་གསང་བས་མཆོད། རང་རང་གི་བསྟོད་པས་ཀྱང་བདག་བསྐྱེད་ལྟར་བསྟོད། མཆོད་སྦྱིན་གཏོར་མ་འདི་བཞེས་ལ། །ཞེས་སོགས་ཀྱིས་འདོད་དོན་གསོལ་བ་བཏབ། མྱུར་མཛད་ཡེ་ཤེས་མགོན་པོ་ལ་བར་འདིར་གཏོར་མ་འབུལ། དེ་ནས་སྤྱི་གཏོར་ནི། གཞལ་ཡས་ཁང་ཐད་ཆོས་འབྱུང་ལ། །པཾ་ལས་པདྨ་འདབ་བརྒྱད་སྔོ། །ལྟེ་བར་བཅོམ་ལྡན་ཐུགས་རྡོ་རྗེ། །ཨཾ་ཡཾ་བཱཾ་ཡཾ་བྷཾ་རཾ་ནཾ་བཱཾ་རྣམས་ལས། ཤར་དུ་བརྒྱ་བྱིན་ལྷོར་གཤིན་རྗེ། །ཆུ་ལྷ་ནུབ་དང་གནོད་སྦྱིན་བྱང༌། །བྱང་ཤར་འབྱུང་པོ་ཤར་ལྷོ་མེ། །ལྷོ་ནུབ་སྲིན་པོ་ནུབ་བྱང་རླུང༌། །མི་དང་གནོད་སྦྱིན་སོགས་ཀྱིས་བསྐོར། །གཞལ་ཡས་ཁང་སྟེང་ཆོས་འབྱུང་ལ། །པཾ་ལས་པདྨ་འདབ་བརྒྱད་དཀར། །ལྟེ་བར་བཅོམ་ལྡན་སྐུ་རྡོ་རྗེ། །ཤཾ་ཨོཾ་བིཾ་ཧཱུཾ་


TNT12_Page_0658
[མ་དཔེ་གཟིགས་ན་འདིར་གནོན།]

ཀཾ་གཾ་བྷྲིཾ་ཀཾ་རྣམས་ལས། །ཤར་དུ་དབང་པོ་ལྷོར་ཚངས་པ། ཁྱབ་འཇུག་ནུབ་དང་དབང་ཕྱུག་བྱང༌། །བྱང་ཤར་ལ་སོགས་མཚམས་བཞི་རུ། །གདོང་དྲུག་ཚོགས་ཀྱི་བདག་པོ་དང༌། །བྷྲིཾ་གི་རི་ཏི་ལེགས་ལྡན་ནག །འདོད་པའི་ལྷ་ལ་སོགས་པས་བསྐོར། །གཞལ་ཡས་ཁང་འོག་ཆོས་འབྱུང་ལ། །པཾ་ལས་པདྨ་འདབ་བརྒྱད་དམར། །ལྟེ་བར་བཅོམ་ལྡན་གསུང་རྡོ་རྗེ། །ཕཾ་ཕིཾ་ཕུཾ་ཕེཾ་ཕོཾ་ཕཱུ་ཕིཾ་ཕཻཾ་རྣམས་ལས། །ཤར་དུ་དགའ་བོ་དུང་སྐྱོང་ལྷོ། །ནུབ་ཏུ་མཐའ་ཡས་བྱང་རིགས་ལྡན། །བྱང་ཤར་པད་ཆེན་འཇོག་པོ་མེ། །སྲིན་པོར་ནོར་རྒྱས་པདྨ་རླུང༌། །དམྱལ་བ་ཡི་དྭགས་དུད་འགྲོས་བསྐོར། །འབྱུང་པོའི་གཙོ་བོ་ཉེར་བཞི་པོ། །རང་རང་བུ་སྨད་གཡོག་འཁོར་བཅས། །མཁའ་དབྱིངས་གང་བའི་འབྱུང་པོ་རྣམས། །ཛཿཧཱུཾ་བཾ་ཧོཿ གཉིས་མེད་ཐིམ། །ཐམས་ཅད་རང་མདོག་ཐིག་ལེར་ཞུ། །དབུས་མའི་ཐམས་ཅད་མི་བསྐྱོད་པ། །སྟེང་གི་ཐམས་ཅད་རྣམ་སྣང་མཛད། །འོག་མའི་ཐམས་ཅད་འོད་དཔག་མེད། །རང་སྣང་ཤེས་རབ་དམ་པས་འཁྱུད། །རྡོ་རྗེ་དྲིལ་བུ་འཛིན་པ་དང༌། །གཡས་བརྐྱང་བཞུགས་ཤིང་དུར་ཁྲོད་བརྒྱད། །སྙིང་ཁའི་ས་བོན་འོད་ཟེར་གྱིས། །ཡེ་ཤེས་འཁོར་ལོ་སྤྱན་དྲངས་གྱུར། གཽ་རི་ཛཿ


TNT12_Page_0659
[མ་དཔེ་གཟིགས་ན་འདིར་གནོན།]

ཙཽ་རི་ཧཱུཾ་བཻ་ཏ་ལི་བཾ། གྷསྨ་རི་ཧོཿམིག་ཏུ་མོཾ་ལས་གཏི་མུག་རྡོ་རྗེ་མ༴ ཞེས་པ་ནས། ཤྲཱི་ཡེ་ཧཱུཾ། དབང་བསྐུར། ཆུའི་ལྷག་མ་སྤྱི་བོར་འཁྱིལ་བ་ལས། ས་སྤྱོད་ཀྱི་རིགས་ལ་མི་བསྐྱོད་པ། མཁའ་སྤྱོད་ཀྱི་རིགས་ལ་རྣམ་སྣང༌། ས་འོག་སྤྱོད་པའི་རིགས་ལ་འོད་དཔག་མེད་པས་དབུ་རྒྱན་ཏེ་ཐམས་ཅད་ཀྱང་ཆགས་བྲལ་ཀྱི་ཆ་བྱད་ཅན་ནོ། །ཨོཾ་ཨི་ད། ཛ་མ་ཛ་ལ། ཛཀྑ་བྟུ་ཏ། པ་ཧྣི་བཱ་ཨུ། རཀྑ། ཙནྟ། སུཛྫ། མཱ་ཧ་བབ་བ་ཏ་ལ། པ་ཏཱ་ལ། ཨཏྠ་སཔྤ་སྭཱཧཱ། ཨེ་དཾ་བ་ལིཾ་བྷུཾ་ཛ་ཛི་གྷ་ཕུལླ་དྷུ་པ་མཾ་ས་བིཾ་གྷ་ཨཾ་པ། སཔྤ། ཀཛྫ་མཱ་ཏ་ཁཎྜེ་ཁུ་ཎེ་ཕེ་ཌ་ག་ཏ་ཨོཾ་ཨ་ཀཱ་རོ་མུ་ཁཾ་སརྦ་ངྷརྨ་ཎཾ་ཨཱདྱ་ནུདྤནྣ་ཏཱ་ཏ་ཨོཾ་ཨཱཿཧཱུཾ་སྭཱཧཱ། ཞེས་ལན་གསུམ་གྱིས་འབུལ། ཨརྒྷཾ་ལ་སོགས་པས་མཆོད། ཨོཾ་ཨཱཿཧཱུཾ་གིས་ནང་མཆོད་ཕུལ། མི་བསྐྱོད་པ་ནི་ཡེ་ཤེས་ཆེ། །རྡོ་རྗེ་དབྱིངས་ནི་མཁའ་ཆེན་པོ། །རྡོ་རྗེ་གསུམ་མཆོག་དཀྱིལ་འཁོར་གསུམ། །རྡོ་རྗེ་མཁའ་འགྲོ་ཕྱག་འཚལ་བསྟོད། །རྣམ་པར་སྣང་མཛད་རབ་ཏུ་དག །རྡོ་རྗེ་ཞི་བ་དགའ་ཆེན་པོ། །རང་བཞིན་གྱིས་ནི་འོད་གསལ་མཆོག །སངས་རྒྱས་མཁའ་འགྲོ༴ །རིན་ཆེན་རྒྱལ་པོ་རབ་ཏུ་ཟབ། །མི་རྟོག་ནམ་མཁའ་དྲི་མ་མེད། །དངོས་འཛིན་དག་པས་གོས་པ་


TNT12_Page_0660
[མ་དཔེ་གཟིགས་ན་འདིར་གནོན།]

མེད། །རིན་ཆེན་མཁའ་འགྲོ༴ །རྡོ་རྗེ་མི་འཆི་འདོད་ཆགས་ཆེ། །མི་རྟོག་ནམ་མཁའ་རྡོ་རྗེ་འཛིན། །འདོད་ཆགས་ཕ་རོལ་ཕྱིན་པ་བརྙེས། །པདྨ་མཁའ་འགྲོ༴ །རྡོ་རྗེ་དག་པ་གདོན་མི་ཟ། །བསམ་པ་ཐམས་ཅད་རྫོགས་མཛད་པ། །སངས་རྒྱས་ངོ་བོ་ཉིད་ལས་བྱུང༌། །སྣ་ཚོགས་མཁའ་འགྲོར་ཕྱག་འཚལ་བསྟོད། །བླ་མ་ཡི་དམ་མཁའ་འགྲོ་དང༌། །སངས་རྒྱས་བྱང་སེམས་ཆོས་སྐྱོང་ལ། །བདུད་རྩི་འབར་བའི་གཏོར་མ་དང༌། །ཕྱི་ནང་གསང་བའི་མཆོད་པ་འབུལ། །རྣལ་འབྱོར་བདག་ཅག་འཁོར་བཅས་དང༌། །མཐའ་ཡས་སེམས་ཅན་མ་ལུས་ལ། །མཆོག་དང་ཐུན་མོང་དངོས་གྲུབ་གསོལ། །ཡོན་ཏན་འཕྲིན་ལས་རྒྱས་པར་ཤོག །ཀོལླ་ཨེ་རི་ཊ་ཋ་ཨ་བོལླ། །མུམྨུ་ཎི་རི་ཀཀྐོ་ལ། །གྷ་ཎ་ཨི་ཀི་བཾ་ཊ་ཧོ་བཛྫ་ཨི། །ཀ་རུ་ཎེ་ཀ་ཨ་ཨི་ཎ་རོ་ལཱ། །ཏ་ཧིཾ་བ་ལ་ཁཛྫ་ཨི། །གཱ་ཌེཾ་མ་ཨ་ཎ་བིཛྫ་ཨ་ཨི། །ཧ་ལེ་ཀཱ་ལིཉྫ་ར་པ་ཎི་ཨ་ཨི། །དུནྡུ་ར་བཛྫ་ཨ་ཨི། །ཙ་ཨུ་ས་མ་ཀསྠུ་རི་སི་ཧླ། །ཀ སྤུ་ར་ལཱ་ཨི་ཨ་ཨི། །མ་ལཱ་ཨི་ཨིནྡྷ་ཎ་སཱ་ལི་ཛཾ་ཨ་ཨི། །ཏ་ཧིཾ་བྷ་རུ་ཁཱ་ཨི་ཨ་ཨི། །ཕྲེངྑ་ཎ་ཁེ་ཊ་ཀ་རནྟེ། །ཤུདྡྷ་ཨ་ཤུདྡྷ་ཎ་མ་ཎ་ཨ་ཨི། །ནི་རངྴུ་ཨེངྒ་ཙ་ཌཱ་བི་ཨ་ཨི། །ཏ་ཧིཾ་ཛ་ས་ར་བ་ཨཔྤ་པ་ཎི་ཨ་ཨི། །མ་ལ་ཨ་ཛེ་ཀུནྟུ་རུ་བཱ་ཌཱ་ཨི། །ཌིཎྜི་མ་ཏ་ཧེཾ་ཎ་བཛྫ་ཨ་ཨི། །


TNT12_Page_0661
[མ་དཔེ་གཟིགས་ན་འདིར་གནོན།]

ཞེས་རྡོ་རྗེའི་གླུ་བླངས། ཨོཾ་ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ་སོགས་ཤོ་ལོ་ཀ་གསུམ་གྱི་བཀྲ་ཤིས་བརྗོད། སྐྱེ་ཞིང་སྐྱེ་བར་རིགས་མཆོག་ཏུ། །སྐྱེ་ཞིང་ཁེངས་མེད་དམ་ཚིག་ལྡན། །དགྱེས་མཛད་རྡོ་རྗེ་སྟོན་པ་དང༌། །བརྩེ་ལྡན་བླ་མར་གུས་འགྱུར་ཤོག །སྐྱེ་ཞིང་སྐྱེ་བ་ཐམས་ཅད་དུ། །ལག་པ་རྡོ་རྗེ་དྲིལ་བུ་འཁྲོལ། །ཟབ་མོའི་ཆོས་ནི་ཀློག་པ་དང༌། །བཙུན་མོའི་ཁུ་བ་ལེན་པར་ཤོག།སེམས་ཅན་ཐམས་ཅད་བདེ་གྱུར་ཅིག། སེམས་ཅན་ཐམས་ཅད་སྐྱོན་མེད་པར། །གང་གི་ལམ་ནས་འགྲོ་བ་ཡི། །ལམ་དེ་མྱུར་དུ་འགྲུབ་གྱུར་ཅིག།མ་བསྒྲལ་བ་རྣམས་བདག་གིས་བསྒྲལ། །མ་སྒྲོལ་པ་རྣམས་བདག་གིས་སྒྲོལ། །རྣལ་འབྱོར་གཙུག་ལག་བསྟན་བཅོས་ལ། །ད་ལྟ་ཉིད་དུ་གནས་པར་ཤོག །ཅེས་སྨོན་ལམ་བཏབ། ཡི་གེ་བརྒྱ་པས་ཉམས་ཆགས་བསྐང༌། མ་འབྱོར་པ་དང་ཉམས་པ་དང༌། །གང་ཡང་བདག་རྨོངས་བློ་ཡིས་ནི། །བགྱིས་པ་དང་ནི་བགྱིད་སྩལ་བ། དེ་ཡང་མགོན་པོས་བཟོད་པར་མཛོད། །ལྷག་པ་དང་ནི་ཆད་པ་དང༌། །ཆོ་གའི་ཡན་ལག་ཉམས་པ་དང༌། །བདག་གིས་བརྗེད་ངས་ཅི་མཆིས་པ། །དེ་ཡང་མགོན་པོས་བཟོད་པར་མཛོད། །བག་མེད་སྤྱོད་པ་མ་དག་པས། རྒྱུད་ལས་གསུངས་པའི་ཆོ་ག་བཞིན། །མ་ལྕོགས་འཁྲུལ་


TNT12_Page_0662
[མ་དཔེ་གཟིགས་ན་འདིར་གནོན།]

པ་ཅི་མཆིས་པ། །དེ་ཡང་མགོན་པོས་བཟོད་པར་མཛོད། །ཅེས་བཟོད་པར་གསོལ་ལ། ཨོཾ་ཁྱོད་ཀྱིས་སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་ནས་ཀྱང༌། །སླར་ཡང་འབྱོན་པར་མཛད་དུ་གསོལ། །ཅེས་སྙན་མནན། འཇིག་རྟེན་ལས་འདས་པའི་དཀྱིལ་འཁོར་རྣམས་བདག་ཉིད་ལ་ཐིམ། ཨོཾ་མུཿགཙྪ་གཙྪ་སྭ་བྷཱ་ཝ་ནཾ། ཞེས་འཇིག་རྟེན་པ་རྣམས་རང་བཞིན་གྱིས་གནས་སུ་གཤེགས། བདག་ཉིད་ལུས་ཀྱི་དཀྱིལ་འཁོར་དང་བསྒོམ་པའི་དཀྱིལ་འཁོར་ཡང་སྐད་ཅིག་གིས་མི་སྣང་བར་གྱུར་ཏེ་འོད་གསལ་བའི་ངོ་བོའོ། །སྟོང་པའི་ངང་ལས་བདག་ཉིད་དགྱེས་མཛད་རྡོ་རྗེ་ཕྱག་གཉིས་པར་གྱུར། དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། སྣང་བ་ཐམས་ཅད་ཀྱང་ལྷའི་འཁོར་ལོར་གྱུར། སླར་ཡང་སྨོན་ལམ་བཏབ་སྟེ་ཐུན་མཚམས་ལ་འཇུག་གོ །དེ་ལྟར་དགྱེས་མཛད་ལྷ་བཅུ་གསུམ་མ་ལ་བརྟེན་ནས་རྒྱུད་སྡེ་ལྔའི་དཀྱིལ་འཁོར་རྫོགས་པའི་རྣལ་འབྱོར་གྱིས་ཆབས་གཅིག་ཏུ་བསྒོམ་པའི་ཚུལ་ལ་ལུགས་གཞན་གྱི་བསྲེ་བསླད་མེད་པར་བཤད་ཟིན་ཏོ། །གྲུབ་ཆེན་བྱེ་བའི་ཐུགས་ཀྱིས་བཅུད། །རྡོ་རྗེ་འཆང་གི་ལམ་བཟང་མཆོག ཁྱུང་པོའི་མཚན་འཆང་གྲུབ་བརྙེས་དེའི། །དགོངས་པ་ཇི་བཞིན་གསལ་བར་བཀོད། །ཅེས་པ་དཔལ་རྒྱུད་སྡེ་ལྔའི་སྒྲུབ་ཐབས་ངག་འདོན་འདི་ཡང་ཏཱ་ར་ནཱ་ཐས་སྦྱར་བའོ།། །།ཤུབྷ་མསྟུ་སརྦ་ཛ་ག་ཏཾ།། དགེའོ།། །།

དཔལ་རྒྱུད་སྡེ་ལྔའི་དཀྱིལ་འཁོར་གྱི་ཆོ་ག་དོན་གསལ་རྒྱས་བྱེད།


TNT12_Page_0663
[མ་དཔེ་གཟིགས་ན་འདིར་གནོན།]

དཔལ་རྒྱུད་སྡེ་ལྔའི་དཀྱིལ་འཁོར་གྱི་ཆོ་ག་དོན་གསལ་རྒྱས་བྱེད་ཅེས་བྱ་བ་བཞུགས།


TNT12_Page_0664
[མ་དཔེ་གཟིགས་ན་འདིར་གནོན།]

ཨོཾ་སྭཱ་སྟི། དཔལ་རྒྱུད་སྡེ་ལྔའི་དཀྱིལ་འཁོར་གྱི་ཆོ་ག་དོན་གསལ་རྒྱས་བྱེད་ཅེས་བྱ་བ། བླ་མ་དང་ལྷག་པའི་ལྷ་ལ་ཕྱག་འཚལ་ལོ། །དཔལ་ལྡན་རྡོ་རྗེ་འཛིན་པའི་ཞབས་ལ་གུས་བཏུད་ནས། །དངོས་གྲུབ་འབྲས་བུ་ཡང་དག་བྱིན་པ་དང༌། །མཐའ་དག་བགེགས་ཀྱི་ཚོགས་རྣམས་ཉེར་བཅོམ་ནས། །འགྲོ་ལ་ལྷག་པར་དགེ་བ་ཉིད་དུ་མཛོད། །རྡོ་རྗེའི་གསུང་གི་བྱིན་གྱིས་རླབས་ནས་ཀྱང༌། །བདག་གི་ངག་ཚིག་ཤིན་ཏུ་དྲི་མེད་པ། །གཞན་ལ་ཕན་པའི་བདུད་རྩིས་ཉེར་བསྒྲུབས་ནས། །མཐའ་ཡས་སྐྱེ་བོའི་དོན་ཆེན་འགྲུབ་པར་མཛོད། །འདིར་རྒྱུད་སྡེ་ལྔའི་དཀྱིལ་འཁོར་གྱི་ཆོ་ག་ནི། སློབ་མ་རྗེས་བཟུང་དང༌། བསྙེན་པ་དང༌། ས་ཆོག་དང༌། ལྷག་གནས་དང༌། དཀྱིལ་འཁོར་ཞག་གི་ཆོ་ག་དང༌། སྒྲུབ་ཅིང་མཆོད་པ་དང༌། བདག་ཉིད་འཇུག་ཅིང་དབང་བླང་བ་དང༌། སློབ་མ་དཀྱིལ་འཁོར་དུ་འཇུག་པ་དང༌། སློབ་མ་ལ་དབང་བསྐུར་བ་དང༌། སློབ་དཔོན་གྱིས་དབང་བསྐུར་བ་དང༌། དབང་གོང་མ་རྣམས་སྦྱིན་པ་དང༌། དཀྱིལ་འཁོར་ཉེར་བསྡུའི་ཆོ་ག་ཏེ་དོན་བཅུ་གཉིས་ཀྱིས་རྟོགས་པར་བྱའོ། །


TNT12_Page_0665
[མ་དཔེ་གཟིགས་ན་འདིར་གནོན།]

དེའི་དང་པོ་ནི། དེང་སང་ལག་ལེན་མཛད་པ་མ་མཐོང་ལ། གཉིས་པ་ནི་སྤྱི་དང་མཐུན་ཏེ། དེ་དག་གི་རྣམ་པར་བཞག་པ་ཤེས་པར་འདོད་ན། རྡོ་རྗེ་གདན་པའི་དཀྱིལ་ཆོག་མནའ་མཆན་དང་བཅས་པར་བལྟའོ། །གསུམ་པ་ལ་ས་བརྟག་པ་དང༌། མངོན་པ་ལས་བསླང་པ་ཡང་སྤྱི་དང་འདྲ་མོད་ཀྱི། དེ་ལྟར་མི་བྱེད་པར་སྣང་ངོ༌། །མི་སྣང་བ་ལས་བསླང་བ་ལ་གསུམ་ལས། དང་པོ་ཕྱོགས་སྐྱོང་ལས་བསླང་བ་ནི། གཏོར་མ་དང་མཆོད་པ་བཤམས། ཨ་མྲི་ཏས་བསངས། སྭབྷཱ་ཝས་སྦྱངས། སྟོང་པའི་ངང་ལས་ཨ་ལས་བྱུང་བའི་རིན་པོ་ཆེའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ། ཨོཾ་ཨཱཿ་ཧཱུཾ་ཞུ་བ་ལས་བྱུང་བའི་ལྷ་རྫས་ལས་གྲུབ་པའི། མཆོད་ཡོན། ཞབས་བསིལ། མེ་ཏོག།བདུག་སྤོས། མར་མེ། དྲི་ཆབ། ཞལ་ཟས། རོལ་མོ་ལ་སོགས་པས་མཆོད་རྫས་རྣམས་དྭངས་ཤིང་ཐོགས་པ་མེད་པ་ནམ་མཁའི་མཐས་ཀླས་


TNT12_Page_0666
[མ་དཔེ་གཟིགས་ན་འདིར་གནོན།]

པར་གྱུར། ཨོཾ་བཛྲ་ཨརྒྷཾ་སྭཱཧཱ། པཱ་དྱཾ། ཨོཾ་བཛྲ་པུཥྤེ་ཨཱཿཧཱུཾ། དྷཱུ་པེ། ཨ་ལོ་ཀེ གནྡྷེ། ནཻ་ཝི་ཏྱེ། ཤཔྟ་ཨཿཧཱུཾ། གཏོར་མ་བསངས་སྦྱངས། སྟོང་པའི་ངང་ལས་ཨ་ལས་ཀ་པཱ་ལ་ཡངས་ཤིང་རྒྱ་ཆེ་བའི་ནང་དུ། ཧཱུཾ་ཞུ་བ་ལས་བྱུང་བའི་གཏོར་མ་ཡེ་ཤེས་ཀྱི་རང་བཞིན་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུཾ་ཧ་ཧོ་ཧྲིཿ ལན་གསུམ་གྱི་བྱིན་གྱིས་བརླབས། རང་གི་སྙྀང་ག་ནས་འོད་ཟེར་འཕྲོས། ཕྱོགས་སྐྱོང་བ་བཅུ་སྲིད་པ་གསུམ་གྱི་འབྱུང་པོའི་ཚོགས་དང་བཅས་པ་བཛྲ་ས་མཱ་ཛཿ ཨོཾ་ཨིནྡྲ་སོགས་སྦྱར་ཏེ། ཐོག་མར་མཆོད་ཡོན་དང༌། ཞབས་བསིལ་ཕུལ། དེ་ནས་ནམ་མཁའ་མཛོད་ཀྱི་སྔགས་སྦྱར་བ་ལན་གསུམ་གྱིས་གཏོར་མ་ཕུལ། དེ་ནས་པུཥྤེ་སོགས་ཀྱིས་ཉེར་སྤྱོད་ལྔས་མཆོད། དབང་པོ་རྡོ་རྗེ་འཆང་བའི་ལྷ་སོགས་ཀྱིས་བསྟོད། ཤར་ཕྱོགས་རྡོ་རྗེ་ཅན་གྱི་སོགས་ཀྱིས་འཕྲིན་ལས་བཅོལ། མཐར་སའི་ཕྱོགས་འདིར་བདག་དཀྱིལ་འཁོར་གྱི་ལས་རྩོམ་ན། སའི་ཕྱོགས་འདི་བདག་ལ་སྩོལ་ཞིང་ཕན་པ་དང་བདེ་བའི་སེམས་ཀྱི་སྟོང་གྲོགས་ཁྱད་པར་ཅན་མཛད་དུ་གསོལ། གང་དག་སྡང་བ་དང་གདུག་པའི་སེམས་དང་ལྡན་པ་ལོག་པར་བལྟ་བའི་བགེགས་དང༌། ལོག་པར་འདྲེན་པ་ཐམས་ཅད་སའི་ཕྱོགས་


TNT12_Page_0667
[མ་དཔེ་གཟིགས་ན་འདིར་གནོན།]

འདིར་མ་གནས་པར་གཞན་དུ་སོང་ཞིག །ཅེས་བརྗོད་ལ་ཚམས་རྔམ་དང་རོལ་མོའི་སྒྲ་དང་བཅས་གཏོར་མ་ཕྱིར་དོར་རོ། །གཉིས་པ་ནི། གཏོར་མ་གཉིས་པ་ཞིག་བཤམས་ལ། གོང་བཞིན་བྱིན་གྱིས་རླབས་ནས། རང་གི་སྙིང་ག་ནས་འོད་ཟེར་འཕྲོས། གནས་བདག་གཞི་བདག་གྲོང་བདག་གཉུག་མར་གནས་པ་ལྷ་ཀླུ་གནོད་སྦྱིན་སྲིན་པོ་འབྱུང་པོའི་ཚོགས་དང་བཅས་པ་བཛྲ་ས་མཱ་ཛཿ ཨ་ཀཱ་རོ་ལན་བདུན་གྱིས་ཕུལ། ཨརྒྷཾ་ནས་ཤཔྟའི་བར་གྱིས་མཆོད། གང་དག་འདིར་གནས་ལྷ་དང་ཀླུ། །གནོད་སྦྱིན་སྲིན་པོ་གཞན་དག་ལ། །ས་འདི་བདག་གིས་བླང་བར་གྱིས། །དཀྱིལ་འཁོར་དོན་དུ་ཁྱོད་ཀྱིས་སྩོལ། ཞེས་ལན་གསུམ་གསོལ་བ་བཏབ་པས་གནང་བ་བྱིན་པར་བསམ། གཙྪ་གཙྪ་སྭ་བྷཱ་ཝ་ནཾ། ཞེས་རང་གནས་སུ་གཤེགས་པར་བསམ་ལ། གཏོར་མ་བཏང་ངོ༌། །གསུམ་པ་སའི་ལྷ་མོ་ལ་བླང་བ་ནི། དཀྱིལ་འཁོར་གྱི་ས་གཞི་དེ་ཉིད་དུ་ལྕི་བའི་མཎྜལ་གྱི་དབུས་སུ་དྲི་བཟང་གི་ཐིག་ལེ་བྱས་ལ། མདུན་དུ་མཆོད་གཏོར་གསུམ་བཤམས། གོང་བཞིན་བྱིན་གྱིས་རླབས། རང་གི་སྙིང་ག་ནས་འོད་ཟེར་འཕྲོས། ས་འོག་ནས་སའི་ལྷ་མོ་འཁོར་དང་བཅས་པ་བཛྲ་ས་མཱ་ཛཿ ཧཱུཾ་བདེ་ཆེན་གསེར་གྱི་ས་གཞི་ལ་གནས་པའི། །སངས་རྒྱས་རྣམས་ཀྱིས་ཚོགས་གཉིས་དབང་བསྐུར་བ། །


TNT12_Page_0668
[མ་དཔེ་གཟིགས་ན་འདིར་གནོན།]

གསེར་མདོག་གསེར་གྱི་བུམ་པ་ཕྱག་ན་བསྣམས། །ས་འདིར་བདག་ཅག་ཚོགས་གཉིས་རྫོགས་པའི་ཕྱིར། །དབང་མཛོད་ཐུགས་རྗེས་བདག་ཉིད་ས་ཡི་ལྷ། །བྱང་ཆུབ་ཤིང་དྲུང་ཤཱཀྱ་ཐུབ་པ་ཡི། །སྤྱན་སྔར་ཐུགས་དམ་གང་བཞེས་དེ་དགོངས་ཏེ། །འདིར་བྱོན་བདག་ལ་བརྩེར་དགོངས་མཆོད་པ་བཞེས། །ཨོཾ་པྲྀ་ཐཱི་ཝི་དེ་ཝི་ཨ་ཀརྵ་ཡ་ཛཿ དྲིའི་ཐིག་ལེའི་སྟེང་དུ་བྱོན་པར་གྱུར། ཧཱུཾ་ལྷ་མོ་ཆེན་མོ་འདིར་བྱོན་ལེགས། །བདག་ཅག་བསོད་ནམས་སྐལ་བར་ལྡན། །བདག་གི་མཆོད་ཡོན་བཞེས་ནས་ཀྱང༌། །འདི་ཉིད་དུ་ནི་བཞུགས་སུ་གསོལ། །ཨོཾ་པྲྀ་ཐཱི་ཝི་བྷྱཿ ག་ག་ན་ས་མ་ཡེ་ཧཱུཾ། ཞེས་མཆོད་ཡོན་ཕུལ། ཇི་ལྟར་བལྟམས་པ་སོགས་ཀྱིས་ཁྲུས་གསོལ། བདག་དང་འགྲོ་ལ་ཐུགས་བརྩེའི་ཕྱིར། །ཉིད་ཀྱི་རྫུ་འཕྲུལ་མཐུ་ཡིས་ནི། །ཇི་སྲིད་མཆོད་པ་བདག་བགྱིད་ན། །དེ་སྲིད་ལྷ་མོ་བཞུགས་སུ་གསོལ། །ཨོཾ་པྲྀ་ཐཱི་ཝི་བྷྱཿཔདྨ་ཀ་མ་ལ་ཡཾ་སྟྭཾ། ཞེས་གདན་ཕུལ། ཨོཾ་པྲྀ་ཐཱི་ཝི་བྷྱཿཞེས་པ་ཐམས་ཅད་ལ་སྦྱར་ནས། ཨརྒྷཾ་ནས་ཤཔྟའི་བར་གྱིས་མཆོད༌། གཏོར་མ། ཨ་ཀཱ་རོ་དང་ནམ་མཁའ་མཛོད་ཀྱི་སྔགས་རྒྱས་རྒྱ་ཆེར་སྤེལ། ཨོཾ་པྲྀ་ཐཱི་ཝི་བྷྱཿན་མཿསརྦ་ནས། ག་ག་ན་ཁཾ་གྲྀཧྞ་དཾ་བཱ་ལིང་ཏ་ཡེ་སྭཱཧཱ།


TNT12_Page_0669
[མ་དཔེ་གཟིགས་ན་འདིར་གནོན།]

ལན་གསུམ་གྱིས་ཕུལ། ཁྱོད་ནི་ས་འཛིན་ལྷ་མོ་སྟེ། །སྐུ་ཕྱེད་ཐོན་པ་གསེར་གྱི་མདོག །རིན་ཆེན་སྣ་ཚོགས་རྒྱན་གྱིས་བརྒྱན། །ས་འོག་ལྷ་མོ་ཁྱོད་ལ་བསྟོད། །ཧཱུཾ་ས་ལ་རྒྱུ་བའི་ལྷ་ཀུན་དང༌། །གང་ཡང་ས་ལ་བརྟེན་པ་རྣམས། །སེམས་ཅན་ཀུན་ལ་དགེ་དོན་དུ། །བྱམས་པའི་སེམས་ཀྱི་གནང་བར་མཛོད། །ཅེས་བསྟོད་ཅིང་གསོལ་བ་བཏབ། ཨོཾ་མ་མ་རིན་ཆེན་སྣ་ཚོགས་འཛིན། །དཔལ་ལྡན་ཧེ་རུ་ཀ་མཆོད་མ། །ལྷ་མོ་ཁྱོད་ནི་དཔང་མཛོད་ཅིག །ས་འདིར་དཀྱིལ་འཁོར་བྲི་བར་བྱ། །ལན་གསུམ་གསོལ་བ་བཏབ་པ་གནང་བ་བྱིན་པར་མོས་ལ། སའི་ལྷ་མོ་སླར་ཡང་ས་དེ་ཉིད་ལ་ཐིམ། ས་སྦྱང་བ་ནི། ལག་པ་གཡས་པ་ས་ལ་རེག་ལ། ཨོཾ་བྷུ་ཁཾ་ནམ་མཁའི་རང་བཞིན་དུ་གྱུར། ཧཱུཾ་ལཾ་ཧཱུཾ། རྡོ་རྗེའི་རང་བཞིན་དུ་གྱུར། ཡུངས་ཆུ་དང་ཐལ་བ་གཏོར་ལ། ཨོཾ་ཧ་ན་ཧ་ན་བཛྲ་ཀྲོདྷ་ཧཱུཾ་ཕཊ། ཅེས་ལན་མང་དུ་བརྗོད། ཨོཾ་མེ་དྷི་ནི་བཛྲི་བྷ་ཝ་བྷནྡྷ་ཧཱུཾ། ཞེས་བརྗོད། ས་བཟུང་བ་ནི། སློབ་དཔོན་གྱི་དཀྱིལ་འཁོར་གྱི་ས་གཞིའི་གནས་སུ་འདུག་ལ། རྡོ་རྗེ་འཆང་ཆེན་པོའི་ང་རྒྱལ་ལ་གནས་པར་བྱ། ཕྱོགས་བཞིར་རྣམ་སྣང་ལ་སོགས་པའི་ང་རྒྱལ་འཛིན་པའི་སློབ་མ་བཞི་གནས་ཏེ། ནམ་མཁའ་མཛོད་ཀྱི་སྔགས་རྒྱས་མཆོད་པ་དཔག་ཏུ་མེད་པ་སྤྲུལ། ཨརྒྷཾ་ནས་


TNT12_Page_0670
[མ་དཔེ་གཟིགས་ན་འདིར་གནོན།]

ཤཔྟའི་བར་གྱིས་སློབ་དཔོན་ལ་མཆོད། མི་བསྐྱོད་རྡོ་རྗེ་ཡེ་ཤེས་ཆེ་སོགས་ཀྱིས་བསྟོད། ཤར་མས། དེ་བཞིན་གཤེགས་པ་ཀུན་ཞི་བ། །དེ་བཞིན་གཤེགས་པ་ཀུན་གྱི་གནས། ཆོས་ཀུན་བདག་མེད་པ་ཡི་མཆོག །དཀྱིལ་འཁོར་དམ་པ་བཤད་དུ་གསོལ། །ལྷོ་མས། མཚན་རྣམས་ཐམས་ཅད་ཡང་དག་རྫོགས། །མཚན་མིན་ཐམས་ཅད་ཡང་དག་སྤངས། །ཀུན་ཏུ་བཟང་པོ་སྐུ་ཡི་མཆོག །དཀྱིལ་འཁོར་དམ་པ། ནུབ་མས། ཞི་བའི་ཆོས་ནི་མཆོག་ལས་བྱུང༌། །ཡེ་ཤེས་སྤྱོད་པ་རྣམས་སྦྱོང་བ། །ཀུན་ཏུ་བཟང་པོ་གསུང་གི་མཆོག །དཀྱིལ་འཁཽར་དམ་པ། བྱང་མས། སེམས་ཅན་ཀུན་གྱི་སེམས་ཆེན་པོ། །རང་བཞིན་དག་ཅིང་དྲི་མ་མེད། །ཀུན་བཟང་ཐུགས་མཆོག་ཁ་ལོ་བསྒྱུར། །དཀྱིལ་འཁོར་དམ་པ༴ ཞེས་གསོལ་བ་བཏབ། དེ་ནས་སློབ་དཔོན་གྱིས་སེམས་ཅན་རྣམས་ལ་སྙིང་རྗེ་ཆེན་པོའི་སེམས་བསྐྱེད་དེ། སྐྱབས་འགྲོ་ནས་བརྩམས་བཟླས་པའི་མཐར་ཐུག་པ་སྒྲུབ་ཐབས་སུ་ཇི་སྐད་བཤད་པ་བཞིན་བསྒོམ་པར་བྱའོ། །བདག་ཉིད་ཀྱི་ལུས་ཀྱི་དཀྱིལ་འཁོར་དང་ནས། ལྷའི་འཁོར་ལོར་གྱུར། བགེགས་གཏོར་གོང་བཞིན་བྱིན་གྱིས་རླབས་ནས། ཨ་ཀཱ་རོ་ལན་གསུམ་གྱིས་བསྔོས་ཏེ་ཕྱིར་དོར། ཧཱུཾ་དཀྱིལ་འཁོར་ཆེན་པོའི་ས་གཞི་ལ་གནས་པའི། །


TNT12_Page_0671
[མ་དཔེ་གཟིགས་ན་འདིར་གནོན།]

ལྷ་ལ་སོགས་པའི་བགེགས་ཚོགས་ཀུན་ཉོན་ཅིག །གནས་འདིར་བདེ་གཤེགས་ཕོ་བྲང་བདག་འདྲི་ཡི། །བགེགས་ཀྱི་ཚོགས་རིགས་གང་ཡིན་བྱེར་བར་གྱིས། །དེ་ཡང་ས་ཕྱོགས་བཟང་པོ་དྲི་མ་མེད་པ་ནམ་མཁའ་ལྟར་ཡངས་པ་འདིར། བདག་རྡོ་རྗེ་འཛིན་པ་མིང་འདི་ཞེས་བགྱི་བས་སེམས་ཅན་ཐམས་ཅད་ཀྱི་དོན་དུ། དཔལ་རྒྱུད་སྡེ་ཆེན་པོ་ལྔའི་དཀྱིལ་འཁོར་འབྲི་བར་བྱེད་ན། ཁྱེད་ཅག་འདི་ན་གནས་པའི་ལྷ་དང༌། ཀླུ་དང༌། གནོད་སྦྱིན་དང༌། དྲི་ཟ་དང༌། འབྱུང་པོ་དང༌། ཤ་ཟ་དང༌། སྲིན་པོ་ལ་སོགས་པའི་གདོན་བགེགས་གང་དག་གནས་པ་དེ་ཐམས་ཅད་མྱུར་དུ་དེངས་ཤིག །གང་དག་མི་འགྲོ་བར་གྱུར་པ་དེ་ཐམས་ཅད་དཔལ་ཧེ་རུ་ཀའི་ཡེ་ཤེས་ཀྱི་རྡོ་རྗེ་རབ་ཏུ་འབར་བས་མགོ་བོ་ཨརྫ་ཀའི་དོག་པ་བཞིན་དུ་ཚལ་པ་བརྒྱར་འགས་པར་གྱུར་ཏ་རེ། ཞེས་ལན་གསུམ་བརྗོད་དེ། རོལ་མོའི་སྒྲ་དང་བཅས་པས་ཡུངས་དཀར་གཏོར་ལ་བགེགས་བསྐྲད། ཨོཾ་སུམྦྷ་ནི་སུམྦྷ་ཧཱུཾ་ཧཱུཾ་ཕཊ། ཨོཾ་གྲྀ་ཧྞ་གྲྀ་ཧྣ་ཧཱུཾ་ཧཱུཾ་ཕཊ། ཨོཾ་གྲྀ་ཧྣ་པ་ཡ་གྲྀ་ཧྞ་པཱ་ཡ་ཧཱུཾ་ཧཱུཾ་ཕཊ། ཨོཾ་ཨཱ་ན་ཡ་ཧོ་བྷ་ག་ཝན་བིརྱ་རཱ་ཛ་ཧཱུཾ་ཧཱུཾ་ཕཊ། ཅེས་པ་དང་ཧཱུཾ་གླུར་ལེན་ཞིང་དཀྱིལ་འཁོར་ལ་གཡས་བསྐོར་དུ་ལན་གསུམ་བསྐོར། ཨོཾ་ཡ་མཱནྟ་


TNT12_Page_0672
[མ་དཔེ་གཟིགས་ན་འདིར་གནོན།]

ཀྲི་ཏ་ཧཱུཾ་ཧཱུཾ། ཞེས་སོགས་ཁྲོ་བོ་བཅུའི་སྔགས་བརྗོད་ཅིང༌། ཕུར་བུ་བཅུ་ཁྲོ་བོ་བཅུའི་རང་བཞིན་རྣམས་གནས་འདི་ཉིད་དུ་གདོད་ནས་གྲུབ་པའི་ཁྲོ་བོ་བཅུ་སྐད་ཅིག་གིས་བྱོན་པར་གྱུར་པ་རྣམས་ཀྱི་ཕྱག་གཡོན་པ་རྣམས་སུ་ཕུར་བུ་རེ་རེ་གཏད༌། ཨོཾ་གྷ་གྷ་གྷཱ་ཏ་ཡ་གྷ་ཏ་ཡ་སརྦ་དུཥྟཾ་ཕཊ། ཀཱི་ལ་ཡ་ཀཱི་ལ་ཡ་སརྦ་པཱ་པཾ་ཕཊ། ཧཱུཾ་ཧཱུཾ་ཧཱུཾ། བཛྲ་ཀཱི་ལ་ཡ། བཛྲ་དྷ་རོ་ཨཛྙ་པ་ཡ་ཏི། སརྦ་བིགྷྣན་ཀཱ་ཡ་ཝཱ་ཀ་ཙིཏྟ་བཛྲ་ཀཱི་ལ་ཡ་ཧཱུཾ་ཕཊ། ཅེས་ལན་བཅུ་བཟླས་ཤིང་ཕུར་བུ་བཏབ་ལ། ཕྱོགས་བཅུའི་བགེགས་ཐམས་ཅད་ཚར་བཅད་པར་བསམ། ཨོཾ་བཛྲ་མུངྒ་ར་བཛྲ་ཀི་ལ་ཡ་ཨ་ཀོ་ཊ་ཡ་ཧཱུཾ་ཕཊ། ཅེས་ཕུར་བུ་བརྡུང་བར་བྱའོ། །ཕུར་བུ་རྣམས་ལ་སོ་སོར་མཆོད་གཏོར་རེ་རེ་བཤམས་པའམ། ཐུན་མོང་དུ་གཅིག་བཤམས། གོང་བཞིན་བྱིན་རླབས་ནས། ཨོཾ་ཡ་མཱནྟ་ཀྲི་ཏ་སོགས་ཀྱི་མཐར། ཨརྒྷཾ་ནས་ཤཔྟའི་བར་སྦྱར་བས་མཆོད། ཡང་གོང་གི་སྔགས་རྣམས་ཀྱི་མཐར། ཨི་དཾ་བཱ་ལིང་གྲྀཧྣ་གྲྀཧྣ་ཧཱུཾ་ཧཱུཾ་ཕཊ་ཁ་ཁ་ཁཱ་ཧི་ཁཱ་ཧི། ཞེས་པས་གཏོར་མ་ཕུལ། དཀྱིལ་འཁོར་ཆེན་པོའི་བྱ་བ་མཐར་མ་ཕྱིན་གྱི་བར་དུ་བར་ཆད་ཐམས་ཅད་བསྲུང་དུ་གསོལ། ཞེས་གསོལ་བ་བཏབ། མཆོད་གཏོར་དེ་བསྡུས་ལ་བདུག་སྤོས་ལ་སོགས་པའི་མཆོད་པ་རྒྱུན་མི་འཆད་པར་བྱའོ། །རྡོ་རྗེ་གདན་པའི་དཀྱིལ་ཆོག་ལྟར་ན་ས་ཆོག་ཕལ་ཆེ་བ་ཕྲེང་བ་སོགས་དཀྱིལ་འཁོར་གྱི་ཆོ་ག་


TNT12_Page_0673
[མ་དཔེ་གཟིགས་ན་འདིར་གནོན།]

སྤྱི་དང་མཐུན་ཤས་ཆེ་ནའང༌། གྲུབ་ཆེན་ཁྱུང་པོའི་མན་ངག་ཐུན་མོང་མ་ཡིན་པ་དཀྱིལ་འཁོར་གྱི་ཆོ་ག་དངུལ་གདོང་མ་ཡིན་པས་འདིར་དེའི་ལུགས་བཞིན་དུ་བཤད་པ་ཡིན་ནོ། །གཉིས་པ་ལ་ལྷག་གནས་ཀྱི་སྔོན་འགྲོ་དང༌། ལྷག་གནས་དངོས་སོ། དང་པོ་ནི་བཤད་པ་ལྟར། ཕྱོགས་སྐྱོང་གི་གཏོར་མ་བཏང་ཞིང་བགེགས་བསྐྲད། མཆོད་པ་བསངས་སྦྱངས་བྱིན་རླབས་ཀྱང་གོང་བཞིན་ལས། ཤཔྟའི་མཐར། ཨོཾ་བཛྲ་གཎྜེར་ཎི་ཏ་ལ་སོགས་པས་རོལ་མོ་བྱིན་དབབ། སྒྲུབ་ཐབས་བཞིན་བདུད་རྩི་བྱིན་རླབས་ཐོག་མར་བྱ། དེ་ནས་སྐྱབས་འགྲོ་ནས་བཟླས་པའི་བར་མངོན་རྟོགས་བཞིན་ལས། བདུད་རྩི་མྱང་བའི་སྐབས་བྱིན་རླབས་བསྡུས་པ་དེས་ཆོག །གོང་བཞིན་བདག་བསྐྱེད་ཀྱི་དཀྱིལ་འཁོར་བསྡུས་ནས། ཐུན་མཚམས་ཀྱི་ལྷ་སྐུར་ལངས་སོ། །གཉིས་པ་ལ། སའི་ལྷ་མོ་ལྷག་གནས། ལྷ་ལྷག་གནས། བུམ་པ་ལྷག་གནས། སློབ་མ་ལྷག་གནས་ཏེ་བཞི་ལས། དང་པོ་ནི། དཀྱིལ་འཁོར་གྱི་གཞིར། དྲིའི་མཎྜལ་དྲི་བཟང་གི་ཚོམ་བུ་ཅན་མཆོད་གཏོར་དང་བཅས་པ་བཤམས། མཆོད་གཏོར་གོང་བཞིན་བྱིན་གྱིས་རླབས། ཨ་མྲྀ་ཏས་སངས། སྭ་བྷཱ་ཝས་སྦྱངས། སྟོང་པའི་ངང་ལས། པདྨ་དང་ཟླ་བའི་གདན་ལ་པཾ་ལས་སའི་ལྷ་མོ་གསེར་གྱི་མདོག་ཅན་ཞི་བའི་ཉམས་དང་ལྡན་པ་བདུད་རྩིས་གང་བའི་གསེར་གྱི་བུམ་པ་ཐུགས་ཀར་བསྣམས་པ།


TNT12_Page_0674
[མ་དཔེ་གཟིགས་ན་འདིར་གནོན།]

དར་དང་རིན་པོ་ཆེས་བརྒྱན་པ། དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། རང་གི་སྙིང་ག་ནས་འོད་ཟེར་འཕྲོས། ས་འོག་ནས་སའི་ལྷ་མོ་འཁོར་དང་བཅས་པ་བཛྲ་ས་མཱ་ཛཿ ཛཿཧཱུཾ་བཾ་ཧོཿ གཉིས་སུ་མེད་པར་ཐིམ། རང་གི་སྙིང་ག་ནས་འོད་ཟེར་འཕྲོས། དབང་གི་ལྷ་རིགས་ལྔ་འཁོར་བཅས་བཛྲ་ས་མཱ་ཛཿ ཨརྒྷཾ་ནས། ཤཔྟའི་བར་གྱི་མཆོད། དེ་བཞིན་གཤེགས་པ་ཐམས་ཅད་ཀྱིས་འདི་ལ་མངོན་པར་དབང་བསྐུར་དུ་གསོལ། ཞེས་གསོལ་བ་བཏབ་པས། ཨོཾ་བཛྲིར་བྷ་ཝ་ཨ་བྷི་ཥིཉྩ་ཧཱུཾ། ཞེས་དབང་བསྐུར། སྐུ་གང་དྲི་མ་དག་ཆུ་ལྷག་མ་ཡར་ལུད་པ་ལས། རིན་ཆེན་འབྱུང་ལྡན་གྱི་དབུ་རྒྱན། གོང་བཞིན་གཏོར་མ་ཕུལ་ལ་མཆོད་བསྟོད་བྱ། མཐར། སྐྱོབས་པ་སངས་རྒྱས་ཐམས་ཅད་ཀྱི། །སྤྱོད་པའི་ཚུལ་དང་ཁྱད་པར་གྱི། །ས་དང་ཕ་རོལ་ཕྱིན་པ་ལ། །ལྷ་མོ་ཁྱོད་ནི་དཔང་དུ་གྱུར། །ཤཱཀྱ་སེང་གེ་སྐྱོབ་པ་ཡིས། །ཇི་ལྟར་བདུད་ཀྱི་སྡེ་བཅོམ་པ། །དེ་བཞིན་བདག་གིས་བདུད་སྡེ་ལས། །རྒྱལ་བར་བྱས་ཏེ་དཀྱིལ་འཁོར་འདྲི། །ལན་གསུམ་གསོལ་བཏབ་ལ། སའི་ལྷ་མོ་སླར་ཡང་ས་དེ་ཉིད་ལ་ཐིམ། གཉིས་པ་ནི། གང་དུ་དཀྱིལ་འཁོར་བྱ་བའི་ས་གཞིར།


TNT12_Page_0675
[མ་དཔེ་གཟིགས་ན་འདིར་གནོན།]

སྐྱ་ཐིག་ཙམ་བཏབ་ལ། ལྷ་སོ་སོའི་གནས་སུ་དྲི་བཟང་གི་ཐིག་ལེའི་ཚོམ་བུ་བཀོད། ལྷ་གྲངས་དང་མཉམ་པའི་མཆོད་པ་བཤམས་པའམ། བསྡུ་ན་ལྷ་ཐམས་ཅད་གཤེགས་པ་གཤེགས་མ་སེམས་དཔའ་སེམས་མ་ཁྲོ་བོ་ཁྲོ་མོ་རྣམས་སུ་འདུ་བས། མཆོད་པ་ཐམས་ཅད་སུམ་ཅུ་རྩ་བདུན་བཤམས་པའི་ལག་ལེན་ཡོད་པས་ཡུལ་དུས་ཀྱི་སྤྱོད་པས་དེང་སང་དེ་ལྟར་བྱ་མོད་ཀྱི། མཆོད་པ་ནི་ལྷག་པར་མང་བ་ཉིད་མཆོག་གོ །འཇིག་རྟེན་ལས་འདས་པ་དང༌། འཇིག་རྟེན་པའི་གཏོར་མ་གཉིས་བཤམས། མྱུར་མཛད་ཡེ་ཤེས་ཀྱི་མགོན་པོ་ལས་འབུལ་རྒྱུའི་གཏོར་མ་ཆེ་བ་ཉིད་ལོགས་སུ་བཤམས། དེ་ཐམས་ཅད་བསངས་སྦྱངས། སྟོང་པའི་ངང་ལས། རཾ་ལས་ཉི་མ་ལ་ཧཱུཾ་ལས་སྣ་ཚོགས་རྡོ་རྗེ་ཞེས་པ་ནས། བ་དན་ལ་སོགས་པས་བརྒྱན་པ། རྩིག་པའི་ཕྱི་རོལ་འགྲམ་སྟེགས་ཞེས་པ་ནས། དེ་རྣམས་ཀྱིས་ཡོངས་སུ་བསྐོར་བའི་གཞལ་ཡས་ཁང༌། ཤར་དཀར། ལྷོ་སེར། ནུབ་དམར། བྱང་ལྗང། དབུས་སྔོ་བའི་སྟེང་དུ། མཚན་ཉིད་ཐམས་ཅད་ཡོངས་སུ་རྫོགས་པའི་གཞལ་མེད་ཁང་དབུས་གཙང་ཁང་ཕྱུར་བུ་དང་བཅས་པ་ལྔ་ཚོམས་སུ་གནས་པ། རྟ་བབས་དང་བྲལ་བ་རྣམས་སོ། །དེ་རྣམས་ཀྱི་སྟེང་གི་ནམ་མཁའ་ལ། སྣ་ཚོགས་པདྨ་འདབ་མ་


TNT12_Page_0676
[མ་དཔེ་གཟིགས་ན་འདིར་གནོན།]

བརྒྱད་པ་ནས། ཟླ་བའི་དཀྱིལ་འཁོར་རེ་རེའི། དབུས་ཀྱི་གདན་གྱི་སྟེང་དུ། བཅོམ་ལྡན་འདས་དགྱེས་མཛད་རྡོ་རྗེ་སྐུ་མདོག་མཐིང་ནག་ནས། འོད་ཀྱིས་ཁྱབ་པར་མཛད་པའོ། །ཞེས་པའི་བར་གཙོ་བོ་མཚོན་ཆ་ཅན་སྒྲུབ་ཐབས་བཞིན་བསྐྱེད། འདབ་མ་བརྒྱད་ལ་ཤར་དུ། གཽ་རཱི་ནག་མོ། ནས། སའི་དཀྱིལ་འཁོར་འཛིན་པ། ལྷ་མོ་ཐམས་ཅད་ཀྱང་སྤྱན་གསུམ་ནས་དབུས་ན་བཞུགས་པའོ། །ནང་གི་གཞལ་ཡས་ཁང་དབུས་མའི་ལྷ་སྣམ་ཤར་དཀར། ལྷོ་སེར། ནུབ་དམར༌། བྱང་ལྗང༌། དབུས་སྔོ་བའི་སྟེང་དུ། སྣ་ཚོགས་པདྨ་འདབ་མ་བརྒྱད་དང་བཅས་པའི་ལྟེ་བ་ལ་ནས། གར་གྱི་མེ་དཔུང་འབར་བའི་དབུས་ན་བཞུགས་པའོ། །གཞལ་ཡས་ཁང་ཤར་མའི་ནང་ལེའུ་ཚེ་དགུ་པ་ནས། གདུག་པ་ཅན་ཚར་གཅོད་པའོ། །གཞལ་ཡས་ཁང་ལྷ་མོའི་ནང་གི་ལྷ་སྣམ་ནས། གྲི་གུག་དང་ཐོད་པ་བསྣམས་པའོ་བར། གཞལ་ཡས་ཁང་ནུབ་མའི་དབུས་སུ། པདྨ་དམར་པོ་ནས། གང་བའི་བུམ་པ་བཞིའོ། །གཞལ་ཡས་ཁང་བྱང་མའི་དབུས་ཀྱི་ལྟེ་བ་ལ་སྣ་ཚོགས་རྡོ་རྗེ་ནས། གང་བ་བཞི་དང་བཅས་པའོ། །ཕྱིའི་གཞལ་ཡས་ཁང་གི་ཤར་སྒོར་རྟ་གདོང་མ་ནས། དྲིལ་བུ་འཛིན་པ། སྒོ་སྐྱོང་མ་བཞི་


TNT12_Page_0677
[མ་དཔེ་གཟིགས་ན་འདིར་གནོན།]

ཆར་ཡང་སྤྱན་གསུམ་དང་ལྡན་ཞིང༌། སྟག་གི་པགས་པའི་ཤམས་ཐབས་ཅན། དབུ་སྐྲ་དམར་སེར་ནས། དབུས་ན་བཞུགས་པའོ། །ཞེས་དམ་ཚིག་པ་བསྐྱེད། རང་གི་སྙིང་ག་ནས་འོད་ཟེར་གྱི་ཚོགས་དཔག་ཏུ་མེད་པ་སྤྲོས། སྤྲུལ་གཞྀ་བླ་མ་དང་དབྱེར་མེད་པའི་གཞིའི་དཀྱིལ་འཁོར་དགྱེས་མཛད་ལྷ་བཅུ་གསུམ་གྱི་བདག་ཉིད་ཅན་དང༌། རྒྱུད་སྡེ་ལྔའི་དཀྱིལ་འཁོར་གྱི་ལྷ་ཚོགས་ཐམས་ཅད་ཨོཾ་བཛྲ་ས་མཱ་ཛཿ ཤར་ཕྱོགས་ཀྱི་ནས། ཨཏྨ་ཀོ྅ཧཾ། མི་བསྐྱོད་རྡོ་རྗེ་ཡེ་ཤེས་སོགས་ཀྱིས་བསྟོད། ཨོཾ་བཛྲ་གཽ་རཱི་ནས། གཅིག་ཏུ་གྱུར། མཆོད་པ་རྣམས་གོང་བཞིན་བྱིན་གྱིས་བརླབས། སོ་སོའི་ཕྱག་རྒྱ་དང་བཅས་ཏེ། དྲི་མེད་ཡིད་དུ་འོང་བ་ཡི། །ལྷ་རྫས་དམ་པའི་མཆོད་ཡོན་འདི། །བཅོམ་ལྡན་འཁོར་དང་བཅས་ལ་འབུལ། །བཞེས་ནས་བདག་ལ་དགྱེས་པར་མཛོད། །ཨོཾ་ཤྲཱི་ཧེ་བཛྲ་གུ་ཧྱ་ས་མཱ་ཛཿཙཀྲ་སམྦྷ་ར་མཧཱ་མཱ་ཡ་བཛྲ་བྷཻ་ར་ཝ་ས་པ་རི་ཝ་རེ་བྷྱཿ གུ་རུ་བུདྡྷ་བོ་དྷི་ས ཏྭ་མཎྜལ་ལ་དེ་བཱི་བྷྱཿ མཧཱ་ཤྨ་ཤ་ན་ཝ་སི་ནི་སརྦ་ཝི་རེ་ནེ་ས་པཱ་རི་ཝ་རེ་བྷྱཿ ཨརྒྷཾ་པྲ་ཏཱིཙྪ་སཱཧཱ། དེ་བཞིན་དུ་སྦྱར་ཏེ། མཆོད་ཡོན་ཞེས་པའི་གནས་སུ། ཞབས་བསིལ། ཨརྒྷཾ་ཞེས་པའི་གནས་སུ་པཱ་ཏྱཾ་ཞེས་པ་སྦྱར། ཆུ་གཉིས་འབུལ་བའམ། ཆུ་བཞི་འབུལ་བ་ལྟར་ན། ཐོག་མར་ཞབས་བསིལ་


TNT12_Page_0678
[མ་དཔེ་གཟིགས་ན་འདིར་གནོན།]

འདི། གོང་གི་མཚན་སྔགས་ཀྱི་མཐར། ཨོཾ་ནི་རི་ཏི་ཧཱུཾ་ཁཾ་སྭཱཧཱ། དེ་བཞིན་དུ། ཞབས་བསིལ་དང༌། ཨོཾ་ནི་ཝི་ཏེ་ཧཱུཾ་ཁཾ་སྭཱཧཱ། འཐོར་འཐུང་འདི། སརྦ་སཾ་ཤོདྷ་ནི་སྭཱཧཱ། མཆོད་ཡོན་འདི། ཛཿ་ཧཱུཾ་བཾ་ཧོཿ ཁ་རཾ་མཧཱ་ཨརྒྷཾ་པྲཏཱི་ཙྪ་སྭཱཧཱ། ཞེས་འབུལ། མེ་ཏོག་བཟང་པོ་མཛེས་ཤིང་གཙང༌། །གཙང་མའི་གནས་སྐྱེས་འདི་རྣམས་ནི། བདག་གིས་གུས་པས་འབུལ་ལགས་ཀྱི། །སོ་སོར་བཞེས་ཏེ་རབ་དགྱེས་མཛོད། །གོང་གི་མཚན་སྔགས་ཀྱི་མཐར། ཨོཾ་བཛྲ་པུཥྤེ་ཨཿཧཱུཾ། དེ་བཞིན་དུ། ཡིད་དགའ་སྙིང་པོ་རོ་མཆོག་ལྡན། །བདུག་པ་བླ་མེད་དྲི་མཆོག་འདི། །བདག་གིས་གུས་པས་འབུལ་ལགས་ཀྱི། །སོ་སོར་བཞེས་ཏེ་དགེས་པར་མཛོད། །དྷཱུ་པེ་སྲིན་པོ་འཇོམས་ཤིང་དག་བྱེད་ལ། །དགེས་ཤིང་མུན་སེལ་མར་མེ་འདི། །བདག་གིས༴ །སོ་སོར༴ །ཨཱ་ལོ་ཀེ །གཙང་ཞིང་བཟང་ལ་དགེ་བའི་དྲི། །སྐྱེ་གནས་གཙང་མར་ལྡན་དྲི་རྣམས། །བདག་གིས༴ གནྡྷེ། །སྨན་རྣམས་བཅུད་གཙང་ཡིད་གར་འོང༌། །སྔགས་ཀྱི་ཞལ་ཟས་མཆོག་འདི་དག །བདག་གིས༴ ནཻ་ཝཻ་ཏྱ། པ་ཊ་ཧ་དང་ཅང་ཏེའུ་སོགས། །དུང་དང་རྔ་སོགས་སྒྲ་དབྱངས་རྣམས། །ཡིད་འཕྲོག་སིལ་སྙན་


TNT12_Page_0679
[མ་དཔེ་གཟིགས་ན་འདིར་གནོན།]

སྣ་ཚོགས་པ། །འབུལ་གྱི་ཡང་དག་བཞེས་སུ་གསོལ། །ཤཔྟ། གོས་ཟུང་བསངས་སྦྱངས། སྟོང་པའི་ངང་ལས། བྷཱུཾ་ལས་བྱུང་བའི་ལྷ་རྫས་ཀྱི་ན་བཟའ་བཟང་ཞིང་རྒྱ་ཆེ་བ་ནམ་མཁའི་མཐས་ཀླས་པར་གྱུར། ཁ་དོག་བཟང་ཞིང་དྲི་ཞིམ་རེག་ན་བདེ། །སྲབ་འཇམ་ཡང་མཛེས་ལྷ་ལས་བྱུང་བ་ཡི། །ན་བཟའ་མཆོག་འདི་རྡོ་རྗེའི་སྐུ་ལ་འབུལ། །བགྲེས་པ་མེད་པ་རྡོ་རྗེའི་སྐུ་ཐོབ་ཤོག །གོང་གི་མཚན་སྔགས་ཀྱི་མཐར། བཛྲ་ཝསྟྲ་ཡེ་ཨཱཿཧཱུཾ། རང་གི་སྙིང་ག་ནས། ཨ་ཨཱ། ཨི་ཨཱི། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ། ཨཾ་ཨཿ ཞེས་པ་རྣམས་ཡོངས་སུ་གྱུར་པ་ལས། མཆོད་པའི་ལྷ་མོ་བཅུ་དྲུག་ནམ་མཁའ་གང་བ་སྤྲོས། ཨོཾ་ཝི་ནི་བཛྲི་ཧཱུཾ་ཧཱུཾ་ཕཊ། དེ་བཞིན་དུ། ཝཾ་སྱ། མྲྀ་ཏཾ་གི །མུ་ར་ཛེ། ཧ་སྱ། ལཱ་སྱ། གིརྟི། ནིརྟི། པུཥྤེ། དྷཱུ་པེ། ཨཱ་ལོ་ཀེ །གནྡྷེ། རཱུ་པ། རྭ་ས། སྤརྴེ། ཨོཾ་དྷརྨ་དྷཱ་ཏུ་བཛྲི་ཧཱུཾ་ཧཱུཾ་ཕཊ། དེ་བཞིན་དུ་རྒྱལ་སྲིད་སྣ་བདུན་དང༌། འདོད་ཡོན་རྣམ་ལྔ་སོགས་ཀྱང་སྤྱི་དང་མཐུན་པར་འབུལ། སླར་ཡང་ནང་མཆོད་བྱིན་གྱིས་བརླབས་ཏེ། ཕྱོགས་བཅུ་དུས་གསུམ་གྱི་སངས་རྒྱས་དང་བྱང་ཆུབ་སེམས་དཔའ་


TNT12_Page_0680
[མ་དཔེ་གཟིགས་ན་འདིར་གནོན།]

ཐམས་ཅད་ཀྱི་ངོ་བོ་གྱུར་པ་དཔལ་ལྡན་བླ་མ་དམ་པའི་ཞལ་དུ་ཨོཾ་ཨཱཿཧཱུཾ། སྤྲོས་པ་ལ་དགའ་ན། ཁོས་བོས་བརྒྱུད་འདེབས་ལོགས་སུ་སྦྱར་བ་ལྟར། རྒྱུད་སྡེ་ལྔ་སོ་སོའི་བླ་མ་བརྒྱུད་པ་རྣམས་ལ་འབུལ་ལོ། །བསྡུ་ན། རྡོ་རྗེ་འཆང༌། བློ་གྲོས་རིན་ཆེན། འཕགས་པ་ཀླུ་སྒྲུབ། གྲུབ་པའི་དཔའ་བོ། ཤཱ་བཱ་རི། གུ་ཎ་ས་ཀ་ར་རྣམས་ཀྱི་ཞལ་དུ་མཆོད་པ་དམ་པ་འབུལ་ལོ། །ཨོཾ་ཨཱཿཧཱུཾ། མཻ་ཏྲི་པ། མི་མཉམ་རྡོ་རྗེ། མཉམ་པའི་རྡོ་རྗེ། རིན་ཆེན་ལྷ་མོ། །དྷ་བྱང་ཆུབ་སེམས་དཔའ་རྡོ་རྗེ་གདན་པ། མཚུངས་མེད་རྒྱལ་མཚན་འབུམ། འཇག་ཆེན་བྱམས་པ་དཔལ། འཇམ་དབྱངས་ཆོས་དཔལ་བཟང་པོ། འཁྲུལ་ཞིག་ཚུལ་ཁྲིམས་རྒྱལ་མཚན། རིན་ཆེན་མཁྱེན་རབ་མཆོག་གྲུབ། ཀུན་བཟང་ཆོས་ཀྱི་ཉི་མ་རྣམས་ཀྱི་ཞལ་དུ་ཨོཾ་ཨཱཿཧཱུཾ། ཡེ་ཤེས་ཀྱི་མཁའ་འགྲོ་མ། ཨ་ཏ་ཡ་བཛྲ་རཱ་ཧུ་ལ་གུཔྟ་བཛྲ་རྣམས་ཀྱི་ཞལ་དུ་ཨོཾ་ཨཱཿཧཱུཾ། གྲུབ་ཆེན་ཁྱུང་པོ་རྣལ་འབྱོར། མཉམ་མེད་རིན་ཆེན་བརྩོན་འགྲུས། དབོན་སྟོན་སྐྱེར་སྒང་པ་ཆེན་པོ། གཉན་སྟོན་སྦས་པའི་རྣལ་འབྱོར། འགྲོ་མགོན་སངས་རྒྱས་སྟོན་པ་རྣམས་ཀྱི་ཞལ་དུ་ཨོཾ་ཨཱཿཧཱུཾ། གྲུབ་ཆེན་ཁྱུང་པོ་རྣལ་འབྱོར།


TNT12_Page_0681
[མ་དཔེ་གཟིགས་ན་འདིར་གནོན།]

སྣེའུ་སྟོན་པ་ཡོན་ཏན་ཚུལ་ཁྲིམས། བྲག་ནག་པ་རྡོ་རྗེ་ཚུལ་ཁྲིམས། བླ་མ་སྟེང་པ་བ་ཚུལ་ཁྲིམས་བསྟན་པ། བླ་མ་བསོད་ནམས་མཛེས། བླ་མ་ཡོན་ཏན་རྒྱལ་མཚན། རིན་པོ་ཆེ་བསྟན་པ་རྒྱས་པ་རྣམས་ཀྱི་ཞལ་དུ་ཨོཾ་ཨཱཿཧཱུཾ། མཁས་གྲུབ་ཤངས་སྟོན་ཆོས་རྗེ། ཁྱུང་པོ་ཚུལ་ཁྲིམས་མགོན་པོ། བྱ་བྲལ་རི་ཁྲོད་རས་ཆེན། ཤངས་དཀར་པ་རིན་ཆེན་རྒྱལ་མཚན། མཉམ་མེད་སངས་རྒྱས་དཔལ་བཟང༌། གྲུབ་ཆེན་ནམ་མཁའ་རྒྱལ་མཚན། རྒྱ་སྒོམ་ལེགས་པ་རྒྱལ་མཚན། རྗེ་བཙུན་ཀུན་དགའ་གྲོལ་མཆོག །རྡོ་རྗེ་འཆང་ལྷ་དབང་གྲགས་པ་དང༌། འཇམ་དབྱངས་ཀུན་དགའ་རྒྱལ་མཚན་རྣམས་ཀྱི་ཞལ་དུ། ཨོཾ་ཨཱཿཧཱུཾ། ཨོཾ་དེ་བ་པི་ཙུ་བཛྲ་ཧཱུཾ་ཧཱུཾ་ཕཊ། ཨོཾ་ཨཿཧཱུཾ། དེ་བཞིན་དུ་སྦྱར་ཏེ། ཨོཾ་ཧྲིཿསྭཱཧཱ། ཨོཾ་ཨཱཿབཛྲ་དྷྲི་ཀ་ཧཱུཾ་ཕཊ་སྭཱཧཱ། ཨོཾ་ཧྲཱིཿཧ་ཧ་ཧཱུཾ་ཧཱཾ་ཕཊ། ཨོཾ་བཛྲ་བཻ་རོ་ཙ་ནཱི་ཡེ་ཧཱུཾ་ཧཱུཾ་ཕཊ། ཨོཾ་ཨཱཿཧྲིཿཧཱུཾ་ཧཱུཾ་ཕཊ་སྭཱཧཱ། ཨོཾ་ཡ་མཱནྟ་ཀ་ཧཱུཾ་ཕཊ། ཅེས་པ་རྣམས་ལ་འབྲུ་གསུམ་བཏགས། གཾ་ཙཾ་བཾ་གྷཾ་པཾ་ཤཾ་ལཾ་ཌཾ་ཨོཾ་ཨཱཿཧཱུཾ། བྷྲུཾ་སྭ་ཨ་ཧ་ལཾ་མཾ་པཾ་ཏཾ་ཐི་ལིཾ་ཨོཾ་ཛྲིཾ་ཁཾ་གཾ་ཨོཾ་སྐཾ་སཾ་ཛཿ ཧཱུཾ་བཾ་ཧོཿ ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཨོཾ་ཨཱཨཱཿཧཱུཾ། མཾ་ཏཾ་པཾ་ལཾ། པུ་ཛ་ཨོ་ཨ་


TNT12_Page_0682
[མ་དཔེ་གཟིགས་ན་འདིར་གནོན།]

གོ་ར་དེ་མ། ཀ་ཨོ་ཏྲི་ཀོ །ཀ་ལ་ཀ་ཧི། པྲ་གྲྀ་སོ་པུ། ན་སི་མཱ་ཀུ་ཨོཾ་ཨཱཿཧཱུཾ། ཨོཾ་ཧཱུཾ་ཏྲཾ་ཧྲི་ཨ་ཨོཾ་ཨཱཿཧཱུཾ། ཡཀྵེ་མ་མེ་ད། ཛ་ས་དོ་རུ། ཡཙྪ་ནི་ར། ཎ་ཡ་ནི་ར་ཨོཾ་ཨཱཿཧཱུཾ། གཾ་ཙཾ་བཾ་གྷཾ་པཾ་ཤཾ་ལཾ་ཌཾ་ཛཿཧཱུཾ་བཾ་ཧོཿཨོཾ་ཨཱཿཧཱུཾ། ཨོཾ་གུ་རུ་བུདྡྷ་བོདྷི་ས་ཏྭ་ས་པཱ་རི་ཝ་ར་ཨོཾ་ཨཱཿཧཱུཾ། ཨོཾ་ཀྵི་ཀྵི་ཏྲ་བིགྷྣན་བི་ནཱ་ཡ་ཀ་ཧཱུཾ་ཧཱུཾ་ཕཊ། ནག་པོ་ཆེན་པོའི་འཁོར་དང་བཅས་པའི་ཞལ་དུ་ཨོཾ་ཨཱཿ་ཧཱུཾ། ཨོཾ་ཧཱུཾ་ཏྲཾ་ཧྲི་ཨ། མཁའ་འགྲོ་སྡེ་ལྔའི་ཚོགས་ཀྱི་ཞལ་དུ་ཨོཾ་ཨཱཿཧཱུཾ། གཞན་ཡང་གནས་གསུམ་གྱི་དཔའ་བོ་མཁའ་འགྲོ་མ་རྣམས་དང༌། ཕྱོགས་སྐྱོང་བ་བཅུ། ལྷ་ཆེན་པོ་བརྒྱད། ཀླུ་ཆེན་པོ་བརྒྱད། གཟའ་ཆེན་པོ་བརྒྱད། འཇིགས་བྱེད་ཆེན་པོ་དགུ། རྒྱུ་སྐར་ཉི་ཤུ་རྩ་བརྒྱད། རྒྱལ་པོ་ཆེན་པོ་སྡེ་བཞི། ལྷ་སྲིན་སྡེ་བརྒྱད་སྲིད་པ་གསུམ་གྱི་འབྱུང་པོའི་ཚོགས་དང་བཅས་པའི་ཞལ་དུ་ཨོཾ་ཨཱཿཧཱུཾ། གནས་བདག་བཞི་བདག་གྲོང་བདག་གཉུག་མར་གནས་པ་འགྲོ་བ་རིགས་དྲུག་དང་བཅས་པ་ལ་མཆོད་པར་འབུལ་ལོ། །ཨོཾ་ཨཱཿཧཱུཾ། རང་གིས་ཀྱང་འབྲུ་གསུམ་གྱི་བདུད་རྩི་མྱང༌། ཨོཾ་སརྦ་ཏ་ཐཱ་ག་ཏ་ཨ་ནུ་རཱ་ག་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཞེས་ལྷ་ཐམས་ཅད་བདེ་སྟོང་གིས་མཉེས་པར་བསམ། དེ་ཐམས་ཅད་ཀྱང་འཁོར་གསུམ་མི་དམིགས་པས་རྒྱས་ཐེབས་པ་དེ་ཁོ་ན་ཉིད་ཀྱིས་མཆོད་པས་མཆོད་


TNT12_Page_0683
[མ་དཔེ་གཟིགས་ན་འདིར་གནོན།]

བསྟོད་པ་བསྡུས་པ་ལ་སྤྲོ་ན་མངོན་རྟོགས་བཞིན་བྱ། ལོང་ཡོད་ཅིང་ཤེས་ན་བཻ་རོ་ཙ་ན་རཀྵི་ཏས་ཕྱོགས་གཅིག་ཏུ་བསྡུས་པའི་རྒྱས་པ་འདི་ཉིད་བྱ་སྟེ། དེ་ཡང་འདི་ལྟར། ཧཱུཾ་ཁྱོད་ནི་རྣལ་འབྱོར་མ་སོགས་ཡོངས་སུ་བསྐོར། །ཉིད་ཀྱི་ཐུགས་ཀྱི་དགོངས་པ་ཡོངས་སུ་བསྒྲུབ། ཁྱོད་ནི་རྒྱུ་དང་མི་རྒྱུ་འཁོར་བ་ཀུན་སྒྲུབ་པ། །སྙིང་རྗེའི་ཐུགས་ཀྱི་སེམས་ཅན་བྱང་ཆུབ་ཏུ། །ཀུན་རྫོབ་སྒྱུ་མས་བྱང་ཆུབ་སྒྲུབ་པའི་ཡིད། །དགེས་མཛད་རྡོ་རྗེ་དཔལ་ཆེན་ཧེ་རུ་ཀ་ལ་བསྟོད། །ཧཱུཾ་དགེས་མཛད་རྡོ་རྗེ་བཅོམ་ལྡན་འདས། །བདག་མེད་མ་དང་ཡང་དག་རོལ། །ཐབས་དང་ཤེས་རབ་གཉིས་མེད་པའི། །ཧེ་རུ་ཀ་ལ་བདག་ཕྱག་འཚལ། །གཽ་རཱི་ཙཽ་རཱི་བཻ་ཏ་ལཱི། །གྷསྨ་རཱི་ལ་ཕྱག་འཚལ་ལོ། །པུ ཀྐ་ཤ་རི་ཙཎྜ་ལཱི། ཌོམྦྷི་ནི་ལ་བདག་ཕྱག་འཚལ། །ཤར་སྒོར་རྟ་གདོང་ལྷོ་སྒོ་ཡི། །ཕག་གདོང་ཅན་ལ་ཕྱག་འཚལ་ལོ། །ནུབ་སྒོར་ཁྱི་གདོང་བྱང་སྒོ་ཡི། །སེང་གདོང་ཅན་ལ་ཕྱག་འཚལ་ལོ། །དེ་ལྟར་གཙོ་བོ་ལྷ་མོར་བཅས། །དཀྱིལ་འཁོར་ལྷ་ཚོགས་ཐམས་ཅད་ལ། །བདག་གིས་གུས་པས་བསྟོད་བྱས་པས། །ཧེ་རུ་ཀ་དཔལ་མྱུར་ཐོབ་ཤོག །ཧཱུཾ་ཐམས་ཅད་དངོས་པོའི་རང་བཞིན་མཆོག །གདོད་ནས་ཐམས་ཅན་རང་བཞིན་གནས། །ཐབས་དང་ཤེས་རབ་གཉིས་མེད་པའི། །དགྱེས་


TNT12_Page_0684
[མ་དཔེ་གཟིགས་ན་འདིར་གནོན།]

མཛད་རྡོ་རྗེ་བདག་ཕྱག་འཚལ། །བདག་མེད་མ་ཡིས་མགུལ་ནས་འཁྱུད། །དབུ་སྐྲ་སེར་པོ་གྱེན་དུ་འབར། །ཞལ་བརྒྱད་པོ་ལ་སྤྱན་གསུམ་པོ། །མགོན་པོ་དེ་ལ་གུས་ཕྱག་འཚལ། །སྤྱི་བོ་དང་སྟེང་ནག་པོ་མཛེས། །དཀར་དང་དམར་བ་གཡས་དང་གཡོན། །གང་གི་ལྷག་པའི་ཞལ་རྣམས་ནི། །ནག་པོ་དེ་ལ་བདག་ཕྱག་འཚལ། །གླང་པོ་རྟ་བོང་གླང་རྔ་མོང༌། །སྐྱེས་པ་ཁྱི་དང་མ་ཧེ་ཅན། །གཡས་པའི་ཕྱག་བརྒྱད་ལ་གནས་པའི། །ཐོད་པ་འཛིན་ལ་བདག་ཕྱག་འཚལ། །ས་དང་ཆུ་དང་རླུང་དང་མེ། །ཟླ་ཉི་གཤིན་རྗེ་གསང་བ་ལ། །གཡོན་པའི་ཕྱག་བརྒྱད་ལ་གནས་པའི། །ཐོད་པ་འཛིན་ལ་ཕྱག་འཚལ་ལོ། །ཞབས་བཞི་ཡིས་ནི་བདུད་བཞི་པོ། །མཉམ་པར་མནན་ཅིང་གཅེར་བུ་ཉིད། །ཉི་མར་ཞབས་གཡས་བརྐྱངས་དང་སྔོ། །གར་མཛད་དེ་ལ་བདག་ཕྱག་འཚལ། །འཁོར་ལོ་བཞི་ཡི་བདག་ཉིད་མཛེས། །འཛག་པའི་མགོ་བོས་རྣམ་པར་བརྒྱན། །དེ་བཞིན་གཤེགས་པ་རྣམ་དག་པའི། །ཕྱག་རྒྱ་ལྔ་ཡིས་རྣམ་པར་བརྒྱན། །སྣ་ཚོགས་རྡོ་རྗེ་སྤྱི་བོར་འཛིན། །དཔྲལ་བར་རིགས་ཀྱི་བདག་པོ་ཉིད། །དམ་པའི་དགའ་བ་ཡང་དག་ཐོབ། །བདེ་ཆེན་དེ་ལ་བདག་ཕྱག་འཚལ། །བུད་མེད་སྐྱེས་འདུལ་འགྲོ་གཟིགས་ནས། །བདག་མེད་རྣལ་འབྱོར་མ་ཉིད་གྱུར། །


TNT12_Page_0685
[མ་དཔེ་གཟིགས་ན་འདིར་གནོན།]

ཕྱག་འོས་ཐུབ་པའི་ཕ་རོལ་ཕྱིན། །སྒྱུ་མའི་རྒྱ་ལ་ཕྱག་འཚལ་ལོ། །གཾ་ལས་སྐྱེས་པའི་གཽ་རི་ཤར། །ཡན་ལག་ནག་ཅིང་གཡོན་ན་ཉ། །གཡས་པ་ན་ནི་གྲི་གུག་འཛིན། །ཚངས་པ་མནན་ལ་བདག་ཕྱག་འཚལ། །ཙཾ་ལས་བྱུང་བའི་ཆོམ་རྐུན་མ། །བཙོད་ཀྱི་ཁ་དོག་ལྷོ་ཕྱོགས་སུ། །ཕྱག་ན་ཕག་དང་ཅང་ཏེའུ་བསྣམས། །དབང་པོ་མནན་ལ་བདག༴ །པཾ་ལས་སྐྱེས་པའི་སེར་མོ་ནུབ། །རོ་ལངས་མ་ནི་ཉེ་དབང་མནན། །ཕྱག་གཡོན་ལྷུང་བཟེད་གཡས་པ་ན། །རུས་སྦལ་འཛིན་ལ་བདག་ཕྱག་འཚལ། །གྷསྨ་རི་ནི་བྱང་གི་སྒོར། །ལྗང་ཁུ་གྷཾ་ལས་བྱུང་བ་ཡི། །ཕྱག་གཉིས་སྦྲུལ་དང་ཐོད་པས་བྲེལ། །དྲག་པོ་མནན་ལ་བདག༴ །གཤིན་རྗེ་མནན་ཅིང་པཾ་ལས་བྱུང། །གཡོན་ན་དགྲ་སྟ་སེངྒེ་གཡས། །དབང་ལྡན་དུ་ནི་འཇིགས་གཟུགས་མོ། །ཕྱག་འཚལ་པུཀྐ་སི་སྔོ་ལ། །རི་ཁྲོད་མ་དཀར་ཤཾ་ལས་བྱུང། །མེ་རུ་གནོད་སྦྱིན་སྟེང་དུ་གནས། །གཡོན་ན་བསིལ་བྱེད་གཡས་པ་ན། །དགེ་སློང་འཛིན་ལ་བདག་ཕྱག་འཚལ། །གཏུམ་མོ་ནམ་མཁའི་སྔོ་བསངས་མ། །སྲིན་པོར་ལཾ་ལས་བྱུང་བ་ཡི། །གཡོན་ན་ཐོད་པ་འཁོར་ལོ་གཡས། །ཕྱག་འཚལ་སྲིན་པོ་མནན་པ་ལའོ། །ཌཾ་ལས་འཁྲུངས་པའི་གཡུང་མོ་ནི། །


TNT12_Page_0686
[མ་དཔེ་གཟིགས་ན་འདིར་གནོན།]

རླུང་མཚམས་ཐག་བཟང་རིས་སྟེང་གཤེགས། །ཕྱག་གཡོན་སྡིག་མཛུབ་གཡས་རྡོ་རྗེ། །སྣ་ཚོགས་མདོག་ལ་བདག་ཕྱག་འཚལ། །སྐྱིལ་ཀྲུངས་ཕྱེད་པའི་གར་གྱིས་བཞུགས། །ཕྱག་རྒྱ་ལྔ་ཡི་རྣམ་པར་བརྒྱན། །གཅེར་བུ་སྤྱན་གསུམ་ཐམས་ཅད་ལ། །བདག་ནི་གུས་པར་ཕྱག་འཚལ་ལོ། །ཕུང་པོ་ཁམས་ནི་རྣམ་དག་པ། །བྱང་ཆུབ་སེམས་ལས་བྱུང་བ་ཡི། །བདེ་རབ་བསྟིར་འདི་ཐམས་ཅད་ལ། །དངོས་པོ་ཀུན་གྱིས་ཕྱག་འཚལ་ལོ། །ཉིད་ཀྱི་གཡས་པའི་ཕྱག་བཟུང་བའི། །ཕྱག་མཚན་ས་བོན་ལས་བྱུང་བ། །བདེ་ཆེན་འདོད་པ་ཐམས་ཅད་ལ། །རྟག་ཏུ་ཡང་དག་ཕྱག་འཚལ་ལོ། །གང་ཞིག་ཉི་ཟླ་ས་བོན་གནས། །གཉིས་ལས་སྐྱེས་པའི་གཙོ་བོ་རིག་མར་བཅས། །ཉིད་ཀྱི་ཉིད་ཀྱིས་དཀྱིལ་འཁོར་འདི་ལ་ནི། །འཇིག་རྟེན་གསུམ་པོ་སྤྲུལ་པར་མཛད་དང་ལྡན། །ཉིད་ལ་འདི་དག་ཐམས་ཅད་མ་ལུས་པ། །ཞི་བའི་བདེ་སྩོལ་རིག་མ་སྡུད་མཛད་པ། །ཤེས་རབ་ཆགས་པའི་བདུད་རྩིའི་རོ་ཉིད་ཀྱི། །གནས་སུ་ཞི་བ་དེ་ལ་ཕྱག་འཚལ་ལོ། །མཁའ་འགྲོ་མ་གཙོ་ཀྱཻ་རྡོ་རྗེ། །ལྷ་མོ་འཁོར་ལོར་བཅས་བསྟོད་པས། །བདག་གིས་བསོད་ནམས་གང་ཐོབ་པ། །དེས་ནི་འཇིག་རྟེན་བདེ་


TNT12_Page_0687
[མ་དཔེ་གཟིགས་ན་འདིར་གནོན།]

མཚུངས་ཤོག །ཧཱུཾ་མི་བསྐྱོད་རྡོ་རྗེ་ཡེ་ཤེས་ཆེ། །རྡོ་རྗེ་དབྱིངས་ནི་མཁའ་ཆེན་པོ། །རྡོ་རྗེ་གསུམ་མཆོག་དཀྱིལ་འཁོར་གསུམ། །རྡོ་རྗེ་དབྱིངས་ལ་ཕྱག་འཚལ་ལོ། །རྣམ་པར་སྣང་མཛད་དག་པ་ཆེ། །རྡོ་རྗེ་ཞི་བ་དགའ་བ་ཆེ། །རང་བཞིན་འོད་གསལ་མཆོག་གི་མཆོག །སྟོན་པ་རྡོ་རྗེ་ཕྱག་འཚལ་ལོ། །རིན་ཆེན་རྒྱལ་པོ་རབ་ཏུ་ཟབ། །རྡོ་རྗེ་ནམ་མཁའ་དྲི་མ་མེད། །རང་བཞིན་དག་པ་གོས་པ་མེད། །རྡོ་རྗེ་སྐུ་ལ་ཕྱག་འཚལ་ལོ། །རྡོ་རྗེ་དཔག་མེད་རྒྱལ་པོ་ཆེ། །མི་རྟོག་ནམ་མཁའ་རྡོ་རྗེ་འཛིན། །འདོད་ཆགས་ཕ་རོལ་ཕྱིན་པ་བརྙེས། །རྡོ་རྗེ་གསུང་ལ༴ །དོན་ཡོད་རྡོ་རྗེ་རྫོགས་སངས་རྒྱས། །བསམ་པ་ཐམས་ཅད་རྫོགས་མཛད་པ། །དག་པ་ངོ་བོ་ཉིད་ལས་བྱུང༌། །རྡོ་རྗེ་སེམས་དཔའ་༴ །བཅོམ་ལྡན་མགོན་པོ་དཔའ་བོའི་དབང་ཕྱུག་ནི། །སོགས་སྒྲུབ་ཐབས་བཞིན། བཅོམ་ལྡན་རྣམ་ཀུན་རྡོ་རྗེ་ཕག་མོ་ཆེན་མོ་ནི། །འཇིག་རྟེན་གསུམ་སོགས་ཕྱོགས་གཞན་རྒོལ་བས་མི་ཐུབ་ཅིང༌། །འབྱུང་པོའི་འཇིགས་པ་མ་ལུས་རྡོ་རྗེ་ཆེན་པོས་འཇོམས། །རྡོ་རྗེའི་གདན་བཞུགས་ཚངས་སོགས་དབང་བྱེད་ལས་རྒྱལ་ཞིང༌། །རྡོ་རྗེ་ཕག་མོ་ཁྲོ་མོའི་གཟུགས་ཅན་དྲག་སྙེམས་པས། །རྨུགས་བྱེད་རེངས་བྱེད་རྨཽངས་བྱེད་ལས་ནི་རྣམ་རྒྱལ་


TNT12_Page_0688
[མ་དཔེ་གཟིགས་ན་འདིར་གནོན།]

ཞིང༌། །བདུད་ཀྱི་འཇིགས་པ་ལ་སོགས་སྐེམ་ཞིང་ཕམ་པར་མཛད་པ་མོ། །རྣལ་འབྱོར་ཆེན་མོ་འདོད་པའི་དབང་ཕྱུག་མ་ལ་འདུད། །སྐྱེ་མེད་ངང་ལས་ཐུགས་རྗེ་ཆེན་པོ་ཡི། །ཀེང་རུས་འཇིགས་སུ་རུང་བའི་རི་སྟེང་དུ། །བདུད་འདུལ་ཧཱུཾ་ལས་ཁྲོ་བོའི་སྐུར་སྤྲུལ་པ། །བཅོམ་ལྡན་བདེ་བའི་མཆོག་ལ་ཕྱག་འཚལ་ལོ། །དག་པ་ཆོས་སྐུའི་སྤྲུལ་པ་ནི། །དམིགས་པ་མེད་པའི་ཐུགས་རྗེ་ཡི། །གཟུགས་སྐུ་སྒྱུ་མ་ལྟར་སྟོན་པ། །ཕག་མོའི་སྐུ་ལ་ཕྱག་འཚལ་ལོ། །འབྱུང་བ་བཞི་པོ་རྣམ་དག་ཅིང༌། །ཡེ་ཤེས་བཞི་ཡི་ངོ་བོ་ཉིད། །མཁའ་འགྲོ་མ་དང་ལཱ་མ་དང༌། །དུམ་སྐྱེས་མ་དང་གཟུགས་ཅན་མ། །འགྲོ་བའི་དོན་དུ་སྐུ་སྤྲུལ་པ། །མཁའ་འགྲོ་བཞི་ལ་ཕྱག་འཚལ་ལོ། །རབ་གཏུམ་མ་དང་གཏུམ་མིག་མ། །འོད་ལྡན་སྣ་ཆེན་བརྟན་པའི་བློ། །མི་ཐུང་ལངྐའི་དབང་ཕྱུག་མ། །ཤིང་གྲིབ་མ་ལ་ཕྱག༴ །ས་བསྲུང་མ་དང་འཇིགས་བྱེད་ཆེ། །རླུང་ཤུགས་ཆང་འཐུང་ལྗང་ལྷ་མོ། །ཤིན་ཏུ་བཟང་དང་རྟ་སྣ་མོ། །བྱ་གདོང་མ་ལ་ཕྱག་འཚལ་ལོ། །འཁོར་ཤུགས་ཁཎྜ་རོ་ཧ་དང༌། །ཆང་འཐུང་གོ་ཆ་རབ་དཔའ་མོ། །སྟོབས་ཆེན་འཁོར་ལོ་བསྒྱུར་མ་དང༌། །བརྩོན་ཆེན་མ་ལ༴ །ཐོད་པའི་དུམ་བུ་ཀེང་རུས་ཅན། །ཀེང་རུས་མཆེ་བ་གཙིགས་


TNT12_Page_0689
[མ་དཔེ་གཟིགས་ན་འདིར་གནོན།]

པའི་སྒྲ། །འོད་དཔག་མེད་དང་རྡོ་རྗེའི་འོད། །རྡོ་རྗེའི་སྐུ་ལ༴ །མྱུ་གུ་ཅན་དང་རལ་པ་ཅན། །དཔལ་ཆེན་ཧཱུཾ་མཛད་རབ་བཟང་དང༌། །རྡོ་རྗེ་བཟང་དང་འཇིགས་བྱེད་དང༌། །མིག་མི་བཟང་ལ་ཕྱག་འཚལ་ལོ། །སྟོབས་ཆེན་རྡོ་རྗེ་རིན་ཆེན་དང༌། །རྟ་མགྲིན་མཁའ་སྙིང་ཧེ་རུ་ཀ །པདྨ་གར་དབང་རྣམ་སྣང་དང༌། །རྡོ་རྗེ་སེམས་དཔར་ཕྱག་འཚལ་ལོ། །ཕྱོགས་བཞིའི་སྒོ་རྣམས་སྐྱོང་མཛད་མ། ཁྭ་གདོང་མ་དང་འུག་གདོང་མ། །དེ་བཞིན་ཁྱི་ཡི་གདོང་མ་དང༌། །ཕག་གདོང་རྣམས་ལ་ཕྱག་འཚལ་ལོ། །གཟུགས་གཉིས་ཀྱིས་ནི་ཡིད་འཕྲོག་མ། །བརྟན་མ་མོ་དང་ཕོ་ཉ་མོ། །མཆེ་བ་གཙིགས་དང་འཇོམས་མ་དང༌། །གཤིན་རྗེ་བཞི་ལ་ཕྱག་འཚལ་ལོ། །ཧཱུཾ་སྒྱུ་འཕྲུལ་ཆེན་པོ་ཧེ་རུ་ཀ །ཡང་དག་སྤྲུལ་པ་སྟོན་འཛིན་ཅིང༌། །སྐུ་གསུམ་ཡེ་ཤེས་རོ་གཅིག་པ། །སྒྱུ་འཕྲུལ་རྒྱལ་པོ་ལ་ཕྱག་འཚལ། །མཆེ་བ་གཙིགས་ཤིང་འཇིགས་པ་ཆེ། །སྔགས་ཀྱི་མེ་ཏོག་འཕྲེང་བས་བརྒྱན། །ཤ་ཆེན་རབ་ཏུ་གསོལ་མཛད་པ། །ཧེ་རུ་ཀ་དཔལ་བདག་ཕྱག་འཚལ། །དཔལ་ལྡན་རྡོ་རྗེ་མཁའ་འགྲོ་མ། །མཁའ་འགྲོ་མ་ཡི་འཁོར་ལོར་སྒྱུར། །ཡེ་ཤེས་ལྔ་དང་སྐུ་གསུང་ཐུགས། །འགྲོ་བ་སྐྱོབ་ལ་ཕྱག་འཚལ་ལོ། །ཇི་


TNT12_Page_0690
[མ་དཔེ་གཟིགས་ན་འདིར་གནོན།]

སྙེད་རྡོ་རྗེ་མཁའ་འགྲོ་མ། །ཀུན་ཏུ་རྟོག་པའི་འཆིང་གཅོད་ཅིང༌། །འཇིག་རྟེན་བྱ་བ་རབ་འཇུག་མ། །དེ་སྙེད་རྣམས་ལ་བདག་ཕྱག་འཚལ། །༈ དུས་གསུམ་རྒྱལ་བ་ཐམས་ཅད་ཀྱིས། །བཀའ་ཡི་འཁོར་ལོ་རབ་ཏུ་བསྐོར། །བདུད་དང་མུ་སྟེགས་ལྷ་མིན་བཅོམ། །གཤིན་རྗེ་འཇོམས་ལ་ཕྱག་འཚལ་ལོ། །ཆོས་ཉིད་ལས་བཞེངས་ཡེ་ཤེས་སྐུ། །དང་པོའི་སངས་རྒྱས་འཇམ་པའི་དཔལ། །མངོན་བྱང་ཡེ་ཤེས་ལོངས་སྤྱོད་རྫོགས། །ཡ་མནྟ་ཀ་ཕྱག་འཚལ་བསྟོད། །སངས་རྒྱས་ཐམས་ཅད་གཅིག་བསྡུས་པ། །རྡོ་རྗེ་སེམས་དཔའ་རིགས་ཀྱི་གཙོ། །ཞེ་སྡང་འཇོམས་མཛད་གཤིན་རྗེ་གཤེད། ཁྲོ་རྒྱལ་ཁྱོད་ལ་ཕྱག་འཚལ་ལོ། །གཤིན་རྗེ་གཤེད་པོ་རབ་འཇིགས་པ། །གཏི་མུག་རྡོ་རྗེའི་ངོ་བོ་ཁྱོད། །སྟོན་པ་སངས་རྒྱས་ཀུན་རང་བཞིན། །རྡོ་རྗེའི་སྐུ་ལ་ཕྱག་འཚལ་བསྟོད། །གཤིན་རྗེ་གཤེད་པོ་རབ་འཇིགས་པ། །ཕྲ་མ་རྡོ་རྗེའི་ངོ་བོ་ཉིད། །རྡོ་རྗེའི་ཐུགས་དང་རབ་མཚུངས་པ། །རྡོ་རྗེ་རིན་ཆེན་ཕྱག་འཚལ་བསྟོད། །གཤིན་རྗེ་གཤེད་པོ་རབ་འཇིགས་པ། །འདོད་ཆགས་རྡོ་རྗེའི་ངོ་བོ་ཁྱོད། །རྡོ་རྗེའི་གསུང་དང་རབ་ཏུ་མཚུངས། །རྡོ་རྗེའི་གསུང་ལ་ཕྱག་འཚལ་བསྟོད། །ཕྲག་དོག་རྡོ་རྗེའི་


TNT12_Page_0691
[མ་དཔེ་གཟིགས་ན་འདིར་གནོན།]

རང་བཞིན་ཁྱོད། །གཤིན་རྗེ་གཤེད་པོ་ལས་ཀུན་བྱེད། །རྡོ་རྗེའི་སྐུ་དང་རབ་ཏུ་མཚུངས། །ཕྱག་ན་རལ་གྲི་ཕྱག་འཚལ་བསྟོད། །སངས་རྒྱས་ཀུན་གྱི་ངོ་བོ་ཁྱོད། །སངས་རྒྱས་ཐམས་ཅད་གཅིག་བསྡུས་པ། །སངས་རྒྱས་ཀུན་མཆོག་གཙོ་བོའི་གཙོ། །དཀྱིལ་འཁོར་གཙོ་ལ་ཕྱག་འཚལ་བསྟོད། །གཏོར་མ་གཉིས་ནང་མཆོད་ལྟར་བྱིན་གྱིས་བརླབས་ཏེ། སོ་སོའི་སྔགས་མཐར་གཏོར་མ་འབུལ་ནས་བརྩམས། གཙྪ་སྭ་བྷ་ཝ་ནཾ་ཞེས་པའི་བར་སྒྲུབ་ཐབས་བཞིན་གཏོར་མ་འབུལ། མཐར་སྤོས་དང་བཅས་པའི་རྡོ་དྲིལ་འཛིན་པས། རྡོ་རྗེ་སློབ་དཔོན་བློ་གྲོས་ཆེ། །སེམས་ཅན་དོན་རྣམས་བྱ་བ་དང༌། །སངས་རྒྱས་ཐུགས་དམ་བསྐུལ་བའི་ཕྱིར། །དཀྱིལ་འཁོར་གཙོ་བོ་རིག་མར་བཅས། །གང་ཡང་ཕྱོགས་བཅུའི་དཔའ་བོ་དང༌། །རིག་པའི་ལྷ་མོ་རྫུ་འཕྲུལ་ཅན། །བྱང་ཆུབ་སེམས་དཔའ་ལ་སོགས་ཀུན། །མ་ལུས་བདག་ལ་དགོངས་སུ་གསོལ། །བདག་ལ་བརྩེ་བར་དགོངས་ནས་ཀྱང༌། །སློབ་མ་རྣམས་ལ་ཕན་པ་དང༌། ཁྱེད་རྣམས་ལ་ཡང་ཕན་པའི་ཕྱིར། །སང་ནི་དཀྱིལ་འཁོར་འབྲི་བར་འཚལ། །བཅོམ་ལྡན་བདག་ནི་གུས་པ་ལ། །དེ་བས་གནང་བ་མཛད་པར་རིགས། །སངས་རྒྱས་འཇིག་རྟེན་མགོན་བརྩེ་དང༌། །བྱང་ཆུབ་སེམས་དཔའ་དགྲ་བཅོམ་དང༌། །གསང་སྔགས་


TNT12_Page_0692
[མ་དཔེ་གཟིགས་ན་འདིར་གནོན།]

ལྷ་གཞན་གང་ལགས་དང༌། །འཇིག་རྟེན་སྐྱོང་བའི་ལྷ་རྣམས་ནི། །གང་ཡང་འབྱུང་པོ་མཐུ་ཆེན་དང༌། །གང་དག་ལྷ་ཡི་སྤྱན་མངའ་བ། །སེམས་ཅན་བསྟན་ལ་དགའ་བ་རྣམས། །བདག་ལ་དགོངས་པར་མཛད་དུ་གསོལ། །རྡོ་རྗེ་འཛིན་པ་འདི་ཞེས་པས། །སང་ནི་དཀྱིལ་འཁོར་བཟང་པོའི་མིང༌། །རྒྱུད་སྡེ་ལྔ་ཡི་དཀྱིལ་འཁོར་ནི། །ཆོ་ག་བཞིན་དུ་དྲིལ་ལགས་ན། །བདག་དང་སློབ་མར་བཅས་པ་ལ། །ཐུགས་ནི་བརྩེ་བར་དགོངས་ནས་སུ། །ཚོགས་པ་ཐམས་ཅད་དཀྱིལ་འཁོར་དུ། །བྱིན་གྱིས་རླབས་པར་མཛད་དུ་གསོལ། །ཞེས་ལན་གསུམ་གསོལ་བཏབ། རབ་ཏུ་ལྷ་གྲངས་དང་མཉམ་པའི་བུམ་པ་དགོས་པ་ཡིན་མོད་ཀྱང༌། དེ་ཙམ་འགྲུབ་དཀའ་བས། ད་ལྟར་ཕྱག་བཞེས་ལ་ལྷ་བུམ་ལྔ། དབུས་ཀྱི་བུམ་པའི་སྟེང་དུ་རྣམ་རྒྱལ་ཆེན་པོ་ཐོད་པའམ་དུང་ཆོས། ལས་ཐམས་ཅད་པའི་བུམ་པ་སྟེ། བུམ་པ་ལྷག་གནས་ཀྱི་གཞི་མདུན་དུ་བསྡུ་བ་ཁོ་ན་ཕྱག་ལེན་དུ་མཛད། དེ་ཡང་ཚོམ་བུའམ་དཀྱིལ་འཁོར་སོ་སོའི་དབུས་ཀྱི་སྟེང་དུ་མཉྫི་སོགས་ལ་བུམ་པ་ལྔ་བཀོད། ལས་བུམ་གཞི་དཀྱིལ་གྱི་བྱང་སྒོའི་ཚོམ་བུའི་སྟེང་དུ་བཀོད། མཆོད་པ་དང་གཏོར་མ་བུམ་པ་རེ་རེ་བཞིན་དུ་བཤམས་པའམ་བསྡུ་ན་ཐུན་མོང་དུ་བཤམས་ཀྱང་རུང༌། བུམ་པ་བསྐྱེད་ཆོག་གི་ཚུལ། ས་བོན་གྱི་དཀྱིལ་འཁོར་བསྐྱེད་ནས། གཙོ་བོའི་སྙིང་པོ་བརྗོད་པ་ཙམ་གྱི་ལྷ་རྣམས་སྐད་ཅིག་གིས་བསྐྱེད་པ་རྡོ་རྗེ་གདན་པའི་


TNT12_Page_0693
[མ་དཔེ་གཟིགས་ན་འདིར་གནོན།]

ལུགས་དང༌། བསྲུང་འཁོར་ཆོས་འབྱུང་འབྱུང་བཞི་གཞལ་ཡས་ཁང་དུ་མངོན་བྱང་ལྔ་ལས་གཙོ་བོ་ལྔ་བསྐྱེད་ནས། འཁོར་རྣམས་མཁའ་སྤྲོ་བྱེད་པ་བརྡ་བྱང་ཆུབ་སེམས་དཔའི་ལུགས། ལྷ་ཐམས་ཅད་རྡོ་རྗེ་ཆོ་ག་གསུམ་བསྐྱེད་པ་བཻ་རོ་ཙ་ན་རཀྵི་ཏའི་ལུགས། སྐད་ཅིག་གིས་བསྐྱེད་པ་རཱ་ཧུ་ལ་དང༌། སུ་མ་ཏི་ཆེན་པོའི་ལུགས་ཡིན་པར་བཤད་པ་ལས། དེང་སང་ལག་ལེན་བདེ་བའི་ཕྱིར་ཕྱི་མ་མཛད་ལ། ཐམས་ཅད་ཀྱང་བུམ་པ་གཞལ་ཡས་ཁང་དུ་བསྐྱེད་པར་ནི་མཐུན་ནོ། །དེ་ཡང་འདི་ལྟར་བུམ་པ་རྣམས་བསངས་སྦྱངས་སྟོང་པའི་ངང་ལས། པད་ཟླའི་གདན་ལ་བྷྲུཾ་ལས་བུམ་པ་བྷྲུཾ་གྱིས་མཚན་པ་ལས་འོད་འཕྲོས། སངས་རྒྱས་རྣམས་མཆོད་ཅིང་ཐུགས་རྒྱུད་བསྐུལ། སེམས་ཅན་ཐམས་ཅད་ཀྱི་དོན་བྱས། སླར་འདུས་ཏེ་ཐིམ་པ་ཡོངས་སུ་གྱུར་པ་ལས། ཐམས་ཅད་གཞལ་ཡས་ཁང་གྲུ་བཞི་སྒོ་བཞི་རྟ་བབས་བཞིས་བརྒྱན་པ། མཚན་ཉིད་ཐམས་ཅད་ཡོངས་སུ་རྫོགས་པར་གྱུར། རྣམ་རྒྱལ་ཆེན་པོ་དང་དབུས་ཀྱི་བུམ་པའི་གཞལ་ཡས་ཁང་ནང་གི་ལྷ་སྣམ་ཤར་དཀར། ལྷོ་སེར་ནས། ལྗང་ཁུ་རྣམས་གན་རྐྱལ་དུ་མནན་པའི་སྙིང་གར་ཟླ་བའི་དཀྱིལ་འཁོར་རེ་རེ། རྣམ་རྒྱལ་ཆེན་པོའི་སྒོ་བཞིར་ཉི་མའི་གདན། དབུས་ཀྱི་གདན་གྱི་


TNT12_Page_0694
[མ་དཔེ་གཟིགས་ན་འདིར་གནོན།]

སྟེང་དུ། བཅོམ་ལྡན་འདས་དགྱེས་མཛད་ནས། སའི་དཀྱིལ་འཁོར་འཛིན་པའི་བར་ལྷ་སྟ་གོན་བཞིན། ཤར་སྒོར་རྟ་གདོང་མ་ནས། ཤམ་ཐབས་ཅན་ནོའི་བར་མཚོན་ཆ་ཅན་གྱི་བར་སྒྲུབ་ཐབས་བཞིན། གཞལ་ཡས་ཁང་དབུས་མའི་ནས། གང་བ་བཞི་དང་བཅས་པ་སོ་སོའི་བར་དཀྱིལ་འཁོར་ལྔ་པོ་ལྷ་སྟ་གོན་གྱི་སྐབས་བཞིན་ཇི་ལྟ་བ་བཞིན་དུ་བསྐྱེད། ལས་ཐམས་ཅད་པའི་གཞལ་ཡས་ཁང་པར་པདྨ་དང་ཟླ་བ་ཉི་མ་བརྩེགས་པའི་གདན་ལ། བདུད་རྩིའཁྱིལ་བ་སྐུ་མདོག་ལྗང་ནག་དཀར་བའི་ཞལ་གསུམ་ཕྱག་དྲུག་པ། དང་པོ་གཉིས་ཀྱིས་རང་སྣང་གི་ཡུམ་ལ་འཁྱུད་པ། ལྷག་མ་གཡས་གཉིས་ཀྱིས་རྡོ་རྗེ་ནག་པོ་རྭ་གདེངས་པ་དང་རལ་གྲི་གཡོན་གཉིས་ཀྱིས་རིན་པོ་ཆེ་དང་པདྨ་འཛིན་པ། སྟག་ལྤགས་ཀྱི་ཤམ་ཐབས་དང་སྦྲུལ་གྱི་བརྒྱན་པ། ཁྲོ་བོའི་མཚན་ཉིད་ཐམས་ཅད་ཡོངས་སུ་རྫོགས་པའོ། །སྙིང་གའི་ས་བོན་གྱི་འོད་ཟེར་གྱིས་དགྱེས་མཛད་མཚོན་ཆ་ཅན་ལྷ་བཅུ་གསུམ་རྒྱུ་སྡེ་ལྔའི་དཀྱིལ་འཁོར་གྱི་ལྷ་ཚོགས། བདུད་རྩི་འཁྱིལ་བ་དང་བཅས་པ་ཨོཾ་བཛྲ་ས་མཱ་ཛཿ ཤར་ཕྱོགས་ཀྱི་ནས། སྤྱི་བོར་ཁྱིལ་བ་ལས། གཙོ་བོ་དྲུག་ལ་མི་བསྐྱོད་པ་དང༌། འཁོར་རྣམས་ལ་གཙོ་བོ་དང༌། བདུད་རྩི་འཁྱིལ་བ་ལ་དོན་ཡོད་


TNT12_Page_0695
[མ་དཔེ་གཟིགས་ན་འདིར་གནོན།]

གྲུབ་པ་རྣམས་ཀྱིས་དབུ་རྒྱན། དེ་ནས་བུམ་བཟླས་བྱ་སྟེ། གཟུངས་ཐག་ནས་བཟུང་ལ། གཙོ་བོ་དྲུག་གི་སྔགས་བརྒྱ་རྩ་རེ་དང༌། ལྷ་གཞན་རྣམས་ལའང་ཉེར་གཅིག་ཙམ་རེ་བཟླ་བར་བཤད་ནའང༌། བདུན་བདུན་ནམ་གསུམ་གསུམ་ཙམ་ཅི་རིགས་པར་བཟླས། ལས་བུམ་ལ་དམིགས་ཏེ། ཨོཾ་ཨཱཿབིགྷྣནྟ་ཀྲྀ་ཏ་ཧཱུཾ་ཕཊ། ཅེས་པ་བརྒྱ་རྩ་དང༌། ན་མཿས་མནྟ་ཀཱ་ཡ་ཝཱ་ཀ་ཙིཏྟ་བཛྲ་ནཾ། ན་མོ་མཧཱ་བཛྲ་ཀྲོ་དྷ་ཡ། མཧཱ་དཾ་ཥྟོཏྐ་ཊ་བྷི་ཥ་ཎ་བྷཻ་ར་ཝ་ར་ཡ། ཨ་སི་མུ་ས་ལ། པ་ར་ཤུ། པཱ་ཤ་ཧ་སྟ་ཡ། ཨོཾ་ཨཱཿམྲྀ་ཏ་ཀུཎྜ་ལི་ཁ་ཁ། ཁཱ་ཧི་ཁཱ་ཧི། ཧཱུ་ལུ་ཧཱུ་ལུ། ཏིཥྛ་ཏིཥྛ། བནྡྷ་བནྡྷ། ཧ་ན་ཧ་ན། ད་ཧ་ད་ཧ། གརྫ་གརྫ། བི་སྥོ་ཊ་ཡ་བི་སྥོ་ཊ་ཡ། སརྦ་བིགྷྣན་བི་ན་ཡ་ཀ །མཧཱ་ག་ཎ་པ་ཏི། ཛི་ཝི་ཏཱནྟ་ཀཱ་ར་ཡ། ཧཱུཾ་ཧཱུཾ་ཕཊ་སྭཱཧཱ། ཞེས་པའང་ཉེར་གཅིག་སོགས་བཟླའོ། །ཐམས་ཅད་ཀྱི་ཐུན་མོང་དུ། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཧཱུཾ་ཞེས་པ་དང༌། གཙུག་གཏོར་རྣམ་རྒྱལ་གྱི་གཟུངས་ཡང་ཅི་རིགས་སུ་བཟླས་ཏེ་གཟུངས་ཐག་བསྡུའོ། །དེ་ནས་མཆོད་པ་གོང་བཞིན་བྱིན་གྱིས་རླབས། མཆོད་བསྟོད་དང༌། འཇིག་རྟེན་འདས་པའི་གཏོར་མ་འབུལ་ཚུལ་ལྷ་སྟ་གོན་གྱི་སྐབས་བཞིན་ལ་འཇིག་རྟེན་པའི་གཏོར་ཆོག་མི་དགོས། བདག་དང་སློབ་མར་བཅས་པའི་སེམས་ཅན་ཐམས་


TNT12_Page_0696
[མ་དཔེ་གཟིགས་ན་འདིར་གནོན།]

ཅད་ལ་གེགས་མེད་ཅིང་དངོས་གྲུབ་སྩལ་དུ་གསོལ། ཡིག་བརྒྱ་ལན་བདུན་གྱི་མཐར་མ་འབྱོར་པ་དང་སོགས་ཀྱིས་བཟོད་པར་གསོལ། རྡོ་རྗེ་པང་དུ་བཞག་པའམ་གཡས་པར་མེ་ཏོག་དང་ལྷན་ཅིག་བཟུང་ཡང་རུང༌། གཡོན་པས་དྲི་ཆབ་ཀྱིས་གང་བའི་དུང་ཆོས་བླངས། པད་སྐོར་རེ་སྔོན་དུ་འགྲོ་བས། བུམ་པ་རེ་རེ་བཞིན་གཡས་སུ་བསྐོར་ཏེ། ཨ་ཁཾ་ཝི་ར་ཧཱུཾ། ལན་བདུན་གྱིས་བུམ་པ་རེ་རེར་དྲི་བཟང་གི་ཆུ་ཐིགས་རེ་དང༌། མེ་ཏོག་རེ་འབུལ། རབ་ཏུ་དགེས་པའི་ཐུགས་ཅན་གྱིས་ཡེ་ཤེས་པ་རྣམས་སྟེང་གི་ནམ་མཁའ་ལ་བཞུགས་པར་གྱུར། ཨརྒྷཾ་ནས་ཤཔྟའི་བར་གྱིས་ཕྱི་མཆོད་དང༌། འབྲུ་གསུམ་ལན་བདུན་གྱིས་ནང་མཆོད། ཨ་ནུ་རཱ་ག་ཎས་གསང་མཆོད་ཕུལ། དེ་ཉིད་ལྔ་པ་དང༌། ཁྲོ་བོ་ཞེ་སྡང་གནས་ལས་སྐྱེས། །གསོད་གཅོད་དོན་དུ་གཉེར་མཛད་ནས། །དངོས་གྲུབ་ཐམས་ཅད་ཐོབ་སྟེར་བ། །བདུད་རྩི་འཁྱིལ་བ་ལ་ཕྱག་འཚལ། །ཞེས་པས་བསྟོད། སླར་ཡང་དུང་ཆོས་ཀྱི་དྲི་ཆབ་བུམ་པ་སོ་སོར་བླུག །ནམ་མཁར་བཞུགས་པའི་ཡེ་ཤེས་པའི་ལྷ་ཚོགས་ཤིན་ཏུ་དགྱེས་པའི་ཐུགས་ཀ་ནས། བདུད་རྩིས་ཆུ་རྒྱུན་བྱུང་སྟེ། བུམ་ནང་གི་ལྷ་རྣམས་ཀྱི་སྤྱི་བོ་ནས་ཞུགས་ཤིང་ཐིམ་པས། གཞལ་ཡས་ཁང་རྣམས་བུམ་པ་རྣམས་སུ་གྱུར། དམ་ཚིག་པ་དེ་རྣམས་འོད་དུ་ཞུ་བ་


TNT12_Page_0697
[མ་དཔེ་གཟིགས་ན་འདིར་གནོན།]

ལས། རྣམ་རྒྱལ་ཆེན་པོ་དང་རྣམ་རྒྱལ་རྣམས་སུ་སྔགས་ཀྱི་རྣམ་པའི་བདུད་རྩིས་ཡོངས་སུ་གང་བ་དང༌། ལས་ཐམས་ཅད་པར་ཆུའི་རྡུལ་ཕྲ་རབ་རེ་རེ་ནས་ལྷ་སྐུ་ཕྲ་མོ་རེ་རེར་གྱུར། དེ་ནས་བུམ་པ་རྣམས་རོལ་མོ་དང་བཅས་སྟེགས་བུར་སྤྱན་དྲང་ངོ༌། །ཡང་དམ་ཡེ་མ་ཕྱེ་བར་མཆོད་ཡོན་ཕུལ་བས་ལྷ་རྣམས་ཡབ་ཡུམ་སྙོམས་པར་ཞུགས་པས། བྱང་ཆུབ་ཀྱི་སེམས་ཀྱིས་བུམ་པ་གང༌། ཡེ་ཤེས་པ་གཤེགས་ནས། དམ་ཚིག་པ་ཞུ་བར་བྱེད་པའི་ལུགས་ཀྱང་ཡོད་ལ། ཡང་དམ་ཡེ་དབྱེར་མེད་ཀྱི་ལྷ་རྣམས་བྱང་ཆུབ་ཀྱི་སེམས་སུ་ཞུ་བ་སྟེ། གསུམ་པོ་འདི་བུམ་དབང་དང༌། གསང་དབང་དང༌། ཤེས་རབ་ཡེ་ཤེས་ཀྱི་དབང་གསུམ་དང་རྗེས་སུ་འབྲེལ་བའི་བུམ་པའི་སྒྲུབ་ལུགས་ཡིན་པས། དངོས་གཞི་ནུབ་གསུམ་ལ་དབང་བཞི་རྫོགས་པར་བྱེད་ན། སྟ་གོན་གྱི་སྐབས་དཀྱུས་བཞིན་དང༌། གསང་དབང་གི་ཉིན་མོ་གཉིས་པ་དང༌། ཤེར་དབང་གི་ཉིན་གསུམ་པ་ལྟར་སྒྲུབ། དབང་རྫོགས་པར་བྱེད་ན་གསུམ་པ་ལྟར་སྒྲུབ་དགོས་ཞེས་གསུངས་པའི་དགོངས་དོན་ཡང་དེ་ཡིན་ལ། དེང་སང་དབང་བཞི་ནུབ་གཅིག་ལ་བསྐུར་བ་དང་ལེན་པ་ལྟར་ན། བུམ་དབང་མ་གཏོགས་པ་ལ་བུམ་པའི་བྱ་བ་མེད་པའི་ཕྱིར། དཀྱུས་ལྟར་བྱའོ། །བཞི་པ་ནི། ཐུན་མོངས་བསླབ་བྱ་སྤྲོ་བ་བསྐྱེད། །གསོལ་བཏབ་གནང་བ་སྦྱིན་པ་དང༌། །རྟོག་པ་བསྡུ་ཞིང་སྡོམ་གསུམ་བརྟན། །རྒྱུན་བཤགས་དྲིས་ལན་སྡོམ་པ་བསྒྲགས། །སྡོམ་སྦྱིན་སྒོ་གསུམ་བྱིན་གྱིས་བརླབས། །སོ་ཤིང་དོར་ལ་བསྲུང་སྐུད་གདགས།


TNT12_Page_0698
[མ་དཔེ་གཟིགས་ན་འདིར་གནོན།]

ཁྱོད་ཆུ་ཀུ་ཤ་གཟེངས་སྟོང་དང༌། །རྨི་ལམ་བསྟན་པ་ཞེས་བྱ་བ། །བཅུ་བདུན་སློབ་མ་སྟ་གོན་ཆོས། །ཞེས་སོ། །དེ་ཡང་དང་པོ་ནི། སློབ་མ་རྣམས་ཁྲུས་བྱས་གྲལ་ལ་འཁོད། མེ་ཏོག་བཀྱེ་བསྡུ་བྱས་པ་ལ། སེམས་བསྐྱེད་གསལ་བཏབ། ཆོས་འདིའི་བྱུང་ཚུལ་དང༌། ཆེ་བ་ཅི་རིགས་པར་བརྗོད་ནས། སྡོམ་པ་གསུམ་ལ་གནས་པར་བྱ། །སོ་སོར་ཐར་དང་བྱང་ཆུབ་སེམས། །རིག་འཛིན་རང་གི་སྡོམ་པའོ། །ཞེས་བྱ་བ་ཡིན་པས། སོ་སོ་ཐར་པའི་སྡོམ་པ་དང༌། བྱང་ཆུབ་སེམས་དཔའི་སྡོམ་པ་ལ་ཡང་དག་པར་གནས་པ་ལ་དབང་བསྐུར་བར་བཤད་པ་ཡིན་པས། སོ་སོའི་ཆོ་གས་ལེགས་པར་བླངས་ཤིང་མ་ཉམས་པ་ཡིན་ན་ལེགས། དེ་ལྟར་མ་ཡིན་ཀྱང་དཀོན་མཆོག་གསུམ་ལ་ཡང་དག་པར་སྐྱབས་སུ་སོང༌། མི་དགེ་བ་བཅུའི་ལས་ལམ་སྤངས་པའི་ཆོས་དགེ་བ་བཅུ་ལ་གནས་པས་སོ་ཐར་སྡོམ་པའི་དགོས་པ་ཚང༌། སེམས་ཅན་ཐམས་ཅད་འཁོར་བ་ལས་སྒྲལ་བའི་ཕྱིར་སངས་རྒྱས་ཐོབ་འདོད་ཐུན་མོང་མ་ཡིན་པ་དང༌། དེ་ཐོབ་ཕྱིར་ཕར་ཕྱིན་དྲུག་སོགས་བྱང་ཆུབ་སེམས་དཔའི་སྤྱོད་པ་ཁྱད་པར་ཅན་སློབ་པའི་བསམ་པ་རྣམ་དག་བསྐྱེད་པས་སེམས་བསྐྱེད་བླངས་པའི་དགོས་ནུས་ཀྱང་འགྲུབ་པ་ཡིན་པའི་ཕྱིར། དེ་རྣམས་ཀྱི་བསམ་པ་རྣམ་དག་བསྐྱེད་དགོས་སོ་ཞེས་གདམས། སྔར་སྡོམ་པ་གཉིས་པོ་ཕོག་ཟིན་པ་ཡིན་ན། འདི་མ་བརྗོད་ཀྱང་ཆོག་གོ །གཉིས་པ་ནི། སྔགས་ཀྱི་དངོས་གྲུབ་དོན་གཉེར་གང༌། །


TNT12_Page_0699
[མ་དཔེ་གཟིགས་ན་འདིར་གནོན།]

དཀྱིལ་འཁོར་འདི་འདྲར་གཞུག་བྱ་སྟེ། །བསོད་ནམས་འདོད་པས་དེ་ལས་གཞན། །འཇིག་རྟེན་འདི་ཡིས་བསམ་པ་སྤངས། །དད་པ་ཆེན་པོ་ལྡན་པ་དག །འཇིག་རྟེན་ཕ་རོལ་ལ་དམིགས་ནས། །བློ་ལྡན་དཀྱིལ་འཁོར་གཞུག་བྱ་སྟེ། །བདག་དོན་འདི་འདྲས་གཉེར་མི་བྱ། །གལ་ཏེ་འདི་འདྲས་དོན་གཉེར་ན། །གཞན་དོན་སངས་རྒྱས་འགྲུབ་མི་འགྱུར། །གཞན་དོན་ཕ་རོལ་ལ་དམིགས་ན། །འབད་པ་མེད་པར་འདི་འབྲས་འགྲུབ། །ཅེས་བརྗོད་ལ་དོན་བཤད་གསུམ་པ་ནི། འདིའི་རྗེས་བཟློས་བྱ་སྟེ། དགའ་ཆེན་ཁྱོད་བདག་སྟོན་པ་སྟེ། །སློབ་དཔོན་ཁྱོད་ནི་དགོངས་སུ་གསོལ། །བྱང་ཆུབ་ཆེན་པོའི་ཚུལ་བསྟན་པ། །མགོན་པོ་ཆེན་པོ་བདག་འཚལ་ལོ། །སངས་རྒྱས་ཆོས་དང་དགེ་འདུན་ཏེ། །སྐྱབས་གསུམ་དག་ཀྱང་བདག་ལ་སྩོལ། །བྱང་ཆུབ་སེམས་ཀྱང་བདག་ལ་སྩོལ། །དམ་ཚིག་དེ་ཉིད་བདག་ལ་སྩོལ། །ཐར་པ་ཆེན་པོའི་གྲོང་མཆོག་ཏུ། །མགོན་པོས་བདག་ནི་གཞུག་ཏུ་གསོལ། །ཞེས་ལན་གསུམ། བཞི་པ་ནི། བུ་ཚུར་ཐེག་པ་ཆེན་པོ་ཡི། ཁྱོད་ནི་ཚུལ་ཆེན་སྣོད་ཡིན་ཏེ། །གསང་སྔགས་སྤྱོད་ཚུལ་ཆོ་ག་མཆོག །ཁྱོད་ལ་ཡང་དག་བསྟན་པར་བྱ། །རྫོགས་པའི་སངས་རྒྱས་གང་འདས་


TNT12_Page_0700
[མ་དཔེ་གཟིགས་ན་འདིར་གནོན།]

དང༌། །དེ་བཞིན་གང་དག་མ་བྱོན་པ། །ད་ལྟར་བྱུང་བའི་རྫོགས་སངས་རྒྱས། །འགྲོ་ལ་ཕན་ཕྱིར་བཞུགས་པ་ཀུན། །དེ་དག་ཀུན་གྱི་གསང་སྔགས་ཀྱི། །ཆོ་ག་བཟང་པོ་འདི་མཁྱེན་ཏེ། །དཔའ་བོ་བྱང་ཆུབ་ཤིང་དྲུང་དུ། །ཐམས་ཅད་མཁྱེན་པ་ཚད་མེད་བརྙེས། །གསང་སྔགས་སྤྱོད་པ་མཉམ་མེད་དེའི། །ཡེ་ཤེས་མཉམ་མེད་ཐོབ་པས་ན། །སྐྱོབ་པ་དཔལ་ལྡན་ཧེ་རུ་ཀས། །བདུད་སྡེ་ཤིན་ཏུ་མི་བཟད་པའི། །དཔུང་ཆེན་དག་ཀྱང་དེ་ཡིས་བཅོམ། །དེ་བས་ཀུན་མཁྱེན་ཐོབ་བྱའི་ཕྱིན། །བུ་ཡིས་བློ་གྲོས་འདི་གྱིས་ཤིག །ཅེས་བརྗོད་ལ་དོན་བཤད། ལྔ་པ་ནི། རྟོག་པ་ཐམས་ཅད་ལེགས་པར་བསྡུས་ནས་ནི། །ཤིན་ཏུ་བསམ་པ་བཟང་དང་ལྡན་པས་ཉོན། །བརྗེད་ངས་བློ་ལ་རྡོ་རྗེ་སེམས་དཔའ་སོགས། །བདེ་བར་གཤེགས་པ་རྣམས་ཀྱིས་བྱིན་མི་རློབ། །ཅེས་བརྗོད། དྲུག་པ་ནི། བཅོམ་ལྡན་དཀྱིལ་འཁོར་དེས་གསུངས་ཆོས། །དེ་སྒྲུབ་ལྷ་མོར་བཅས་པ་ཡི། །སངས་རྒྱས་ཆོས་དང་དགེ་འདུན་ཏེ། །མཆོག་གསུམ་དེ་ལ་སྐྱབས་སུ་མཆི། །དཔའ་བོ་དཔའ་མོ་དབང་ལྷ་མོ། །བྱང་ཆུབ་སེམས་དཔའ་བདག་ཉིད་ཆེ། ཁྱད་པར་དུ་ཡང་སློབ་དཔོན་ལ། །རྟག་པར་བདག་ནི་སྐྱབས་སུ་མཆི། །བདག་ནི་དུས་འདི་ནས་གཟུང་སྟེ།


TNT12_Page_0701
[མ་དཔེ་གཟིགས་ན་འདིར་གནོན།]

སྡོམ་གསུམ་ལྡན་པས་རང་ཉིད་སྒྲུབ། །གཞན་ལ་སྨོན་པས་ཆོས་ཀྱང་སྟོན། །འཁོར་དང་ལྡན་པ་སྟོན་པར་བགྱི། །ཞེས་ལན་གསུམ་རྗེས་བཟློས་བྱའོ། །བདུན་པ་ནི། སྒྲུབ་ཐབས་བསྟན་རྒྱས་དང༌། དཀྱིལ་ཆོག་དངུལ་གདོང་མའི་དངོས་གཞིའི་སྐབས་ན་རྒྱུན་བཤགས་མི་འདྲ་བ་རེ་ཡོད་ཅིང༌། རྡོ་རྗེ་གདན་པས། དབང་མེད་བདག་གིས་སོགས་ཀུན་སྙིང་གི་གཞུང་ལྟར་མཛད་པས། རྒྱུན་བཤགས་ཀྱི་རིགས་རྣམས་འདམ་ག་ཡིན་ཀྱང༌། དངུལ་གདོང་མའི་འདི་སྐབས་སུ། ཡན་ལག་ལྔ། བདུན་གང་རུང་བྱེད་པར་གསུངས་པ་ཉིད་འཇུག་པ་བདེ་བའི་ཕྱིར་སྔ་ཕྱི་ཐམས་ཅད་དུ་སྦྱར་ན་ལེགས་པས་ཡན་ལག་བདུན་པ་ལྟར་ན་སྒྲུབ་ཐབས་ཀྱི་ཚོགས་ཞིང་སྐབས་ལྟར་བྱ་ཞིང་ལྔ་པ་ལའང་བསྐུལ་བ་གསོལ་འདེབས། བདག་འབུལ་གསུམ་གྱི་ཚིགས་བཅད་དོར་བ་ཉིད་དོ། །བརྒྱད་པ་ནི། དེ་བཞིན་གཤེགས་པ་ཐམས་ཅད་ཀྱི། །གསང་བ་ཆེན་པོའི་རིགས་དག་པའི། །གསང་བ་ཡོངས་སུ་འཛིན་པར་ནི། །བདག་ཉིད་ཆེན་པོ་ཁྱོད་འདོད་དམ། །ཞེས་དྲིས་པ་ལ། བདག་ཉིད་ཆེན་པོ་བདག་འཚལ་ལགས། །ཞེས་འདོན་པ་སྤོས་ཏེ་ལན་བཏབ། དགུ་པ་ནི། སངས་རྒྱས་ཆོས་དང་དགེ་འདུན་ཏེ། །དཀོན་མཆོག་གསུམ་ལ་སྐྱབས་སུ་སོང༌། །འདི་ནི་


TNT12_Page_0702
[མ་དཔེ་གཟིགས་ན་འདིར་གནོན།]

སངས་རྒྱས་རིགས་དག་པའི། །སྡོམ་པ་བརྟན་པོར་གྱུར་པའོ། །རྡོ་རྗེ་དྲིལ་བུའི་ཕྱག་རྒྱ་ནི། །བློ་ཆེན་ཁྱོད་ཀྱིས་བཟུང་བར་བྱ། །བྱང་ཆུབ་སེམས་གང་དེ་རྡོ་རྗེ། །ཤེས་རབ་དྲིལ་བུ་ཞེས་བསྒྲགས་སོ། །སློབ་དཔོན་ཁྱོད་ཀྱིས་བཟུང་བྱ་སྟེ། །བླ་མ་སངས་རྒྱས་ཀུན་དང་མཉམ། །འདི་ནི་རྡོ་རྗེའི་རིགས་དག་པའི། །དམ་ཚིག་སྡོམ་པ་ཡིན་པར་བཤད། །རིན་ཆེན་རིགས་མཆོག་ཆེན་པོ་ཡི། །དམ་ཚིག་ཡིད་དུ་འོང་བ་ལ། །ཉིན་དང་མཚན་མོ་ལན་གསུམ་དུ། །ཟང་ཟིང་མི་འཇིགས་ཆོས་དང་བྱམས། །སྦྱིན་པ་རྣམ་བཞི་རྟག་ཏུ་བྱིན། །ཕྱི་ནང་གསང་བ་ཐེག་པ་གསུམ། །དམ་ཆོས་ཁྱོད་ཀྱིས་བཟུང་བར་བྱ༌། །འདི་ནི་པདྨའི་རིགས་དག་པའི། །དམ་ཚིག་ཡིད་དུ་འོང་བའོ། །ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་ཅད་ལྡན་པར་ནི། །ཡང་དག་ཉིད་དུ་བཟུང་བར་བགྱི། །མཆོད་པའི་ལས་ཀྱང་ཅི་ནུས་བགྱི། །དེ་ལས་གཞན་ཡང་བཅུ་བཞི་ནི། །ཕས་ཕམ་པར་ནི་རབ་ཏུ་བཤད། །སྤངས་ཤིང་དོར་བར་མི་བྱ་སྟེ། །རྩ་བའི་ལྟུང་བ་ཞེས་བཤད་དོ། །ཉིན་དང་མཚན་མོ་ལན་གསུམ་དུ། །ཉིན་རེ་བཞིན་ཡང་བཟླས་པར་བྱ། །གང་ཚེ་ཉམས་གྱུར་རྣལ་འབྱོར་པ། ཁ་ན་མ་ཐོ་སྦོམ་པོར་འགྱུར། ཁྱོད་ཀྱི་སྲོག་


TNT12_Page_0703
[མ་དཔེ་གཟིགས་ན་འདིར་གནོན།]

ཆགས་བསད་མི་བྱ། །མ་བྱིན་པར་ཡང་བླང་མི་བྱ། །འདོད་པ་ལོག་པར་མི་སྤྱད་ཅིང༌། །བརྫུན་དུ་སྨྲ་བར་མི་བྱའོ། །ཕུང་ཁྲོལ་ཀུན་གྱི་རྩ་བ་ཡི། །ཆང་ནི་རྣམ་པར་སྤང་བར་བྱ། །སེམས་ཅན་འདུལ་ཕྱིར་མ་གཏོགས་པ། །བྱ་བ་མ་ཡིན་ཐམས་ཅད་སྤངས། །དམ་པ་ཉེ་བར་བསྟེན་བྱ་ཞིང༌། །རྣལ་འབྱོར་པ་རྣམས་བསྙེན་བཀུར་བྱ། ལུསཀྱི་ལས་ནི་རྣམ་གསུམ་དང༌། །ངག་གི་རྣམ་པ་བཞི་དག་དང༌། །ཡིད་ཀྱི་རྣམ་པ་གསུམ་དག་ནི། །ཅི་ནུས་པར་ནི་རྗེས་སུ་བསྲུང༌། །ཐེག་པ་དམན་ལ་འདོད་མི་བྱ། །སེམས་ཅན་དོན་ལ་རྒྱབ་མི་ཕྱོགས། །འཁོར་བ་དག་ཀྱང་ཡོངས་མི་སྤངས། །རྟག་ཏུ་མྱ་ངན་ཡོངས་མི་འདའ། །ལྷ་དང་ལྷ་མིན་གསང་བ་པ། ཁྱོད་ཀྱིས་བརྙས་པར་མི་བྱ་སྟེ། །ཕྱག་རྒྱ་བཞོན་པ་མཚོན་ཆ་དང༌། །མཚན་མ་འགོད་པར་མི་བྱའོ། །འདི་དག་དམ་ཚིག་ཡིན་པར་ནི། ཁྱོད་ཀྱི་རྟག་ཏུ་བསྲུང་བར་བྱ། །རྗེས་མཐུན་སྡོམ་པ་རྒྱ་ཆེར་ནི། །གསང་བའི་རྒྱུད་ལས་ཡང་དག་བཤད། །ཅེས་ལན་གསུམ། བཅུ་པ་ནི། སློབ་དཔོན་འདིར་ནི་བདག་ལ་གསོན། །གཙོ་བོས་ཇི་ལྟར་བཀའ་སྩལ་པ། དེ་ལྟར་བདག་གིས་བགྱིད་པར་འཚལ། །ཞེས་ལན་གསུམ་བརྗོད་པས་


TNT12_Page_0704
[མ་དཔེ་གཟིགས་ན་འདིར་གནོན།]

ཁས་བླངས་ལ། སླར་ཡང་སྡོམ་པ་བཟུང་པ་ནི། ཇི་ལྟར་དུས་གསུམ་མགོན་པོ་རྣམས། །བྱང་ཆུབ་ཏུ་ནི་ངེས་མཛད་པའི། །བྱང་ཆུབ་སེམས་ནི་བླ་ན་མེད། །ཞེས་པ་ནས། སེམས་ཅན་མྱ་ངན་ལས་འདས་ལ་འགོད། །ཅེས་ལན་གསུམ། བཅུ་གཅིག་པ་ནི། སློབ་མ་སྐད་ཅིག་གིས་རྡོ་རྗེ་སེམས་དཔའི་སྐུར་གྱུར་པའི་དཔྲལ་བར་ཟླ་བ་ལ་ཨོཾ་ལས། འཁོར་ལོ་ཨོཾ་གྱིས་མཚན་པ་ལས་སྐུ་རྡོ་རྗེ་སྐུ་མདོག་དཀར་པོ་འཁོར་ལོ་དང་དྲིལ་བུ་འཛིན་པ། མགྲིན་པར་སྣ་ཚོགས་པདྨ་ལ་ཨ་ལས་པདྨ་དམར་པོ་ཨཱས་མཚན་པ་ལས་གསུང་རྡོ་རྗེ་སྐུ་མདོག་དམར་པོ་པདྨ་དང་དྲིལ་བུ་འཛིན་པ། སྙིང་གར་ཉི་མའི་དཀྱིལ་འཁོར་ལ་ཧཱུཾ་ལས་རྡོ་རྗེ་ཧཱུཾ་གིས་མཚན་པ་ལས་ཐུགས་རྡོ་རྗེ་སྐུ་མདོག་མཐིང་ག་རྡོ་རྗེ་དང་དྲིལ་བུ་འཛིན་པ་རྣམས་སུ་གྱུར། སློབ་མའི་གནས་གསུམ་དུ་བདུད་རྩི་ལྔ་དང་དྲི་བཟང་སྦྱར་བའི་ཐིག་ལེ་བྱ། སློབ་དཔོན་གྱི་ཐུགས་ཀ་ནས་འོད་ཟེར་འཕྲོས། སངས་རྒྱས་བྱང་སེམས་ཐམས་ཅད་སྐུ་གསུང་ཐུགས་རྡོ་རྗེའི་རྣམ་པར་སྤྱན་དྲངས། སློབ་མའི་གནས་གསུམ་དུ་བསྟིམ། མཆོད་པ་རྣམ་ལྔ་བྱིན་གྱིས་བརླབས་ཏེ། སོ་སོའི་སྔགས་དང་ཕྱག་རྒྱས་ཕུལ་བའི་མཐར། དུས་འདི་ནས་ནི་གཟུང་ནས་སུ། འཁོར་བའི་ཉེས་པས་མ་གོས་པར། །མཆོད་པ་ཀུན་དང་ལྡན་པ་ཡི། །དུས་ཀུན་ཏུ་ནི་དགེ་བར་


TNT12_Page_0705
[མ་དཔེ་གཟིགས་ན་འདིར་གནོན།]

མནོས། །ཞེས་བརྗོད་ཡང་སློབ་མ་རྣམས་ཀྱིས་རང་གི་གནས་གསུམ་གྱི་རྡོ་རྗེ་གསུམ་ལ་གསོལ་བ་འདེབས་པ་འདིའི་རྗེས་ཟློས་བྱེད་དུ་འཇུག་སྟེ། ཨོཾ་སྐུ་ཡི་རྡོ་རྗེ་སྐུ་ཡི་མཆོག །ཡེ་ཤེས་དང་ལྡན་གཏི་མུག་སེལ། །བཅོམ་ལྡན་གཙོ་བོ་སྐུ་རྡོ་རྗེ། །སྐུ་ཡི་རྡོ་རྗེ་ཕྱག་འཚལ་ལོ། །ཞེས་གསོལ་བ་བཏབ་པས། སྐུ་རྡོ་རྗེ་སློབ་མའི་ལུས་ལ་ཐིམ་པས། ལུས་སྐུ་རྡོ་རྗེའི་ངོ་བོར་གྱུར་པར་མོས་ལ། ཨོཾ་སརྦ་ཏ་ཐཱ་ག་ཏ་ཀཱ་ཡ་བཛྲ་སྭ་བྷ་ཝ་ཨཱདྨ་ཀོ྅ཧཾ། ཞེས་ང་རྒྱལ་འཛིན་དུ་འཇུག དེ་བཞིན་དུ།གསུང་གི་རྡོ་རྗེ་གསུང་གི་མཆོག །སོ་སོར་རྟོག་པས་འདོད་ཆགས་འཇོམས། །བཅོམ་ལྡན་གཙོ་བོ་གསུང་རྡོ་རྗེ། །གསུང་གི་རྡོ་རྗེ༴ ཞེས་གསོལ་བ་བཏབ་པས་གསུང་རྡོ་རྗེ་སློབ་མའི་ངག་ལ་ཐིམ་པས། ངག་གསུང་རྡོ་རྗེའི་ངོ་བོར་གྱུར་པར་མོས་ལ། ཨོཾ་སརྦ་ཏ་ཐཱ་ག་ཏ་ཝཱ་ཀ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། དེ་བཞིན་དུ། ཐུགས་ཀྱི་རྡོ་རྗེ་ཐུགས་དམ་བསྐུལ། །དག་པའི་རང་བཞིན་ཞེ་སྡང་སྦྱོང༌། །བཅོམ་ལྡན་གཙོ་བོ་ཐུགས་རྡོ་རྗེ། །ཐུགས་ཀྱི་རྡོ་རྗེ་ཕྱག་འཚལ་ལོ། །ཞེས་གསོལ་བ་བཏབ་པས། ཐུགས་རྡོ་རྗེ་སློབ་མའི་ཡིད་ལ་ཐིམ་པས། ཡིད་ཐུགས་རྡོ་རྗེའི་ངོ་བོར་གྱུར། ཨོཾ་སརྦ་ཏ་ཐཱ་ག་ཏ་ཙིཏྟ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ།ཙཏྟི། ཨོཾ་སུ་པྲ་


TNT12_Page_0706
[མ་དཔེ་གཟིགས་ན་འདིར་གནོན།]

ཏིཥྛ་བཛྲེ་སྭཱཧཱ། ཞེས་མེ་ཏོག་འཐོར་ཞིང་བརྟན་པར་ཡང་བྱའོ། །བཅུ་གཉིས་པ་ནི། བ་ལྕིའི་མཎྜལ་ཐིག་བཞིས་ལེའུ་ཚེ་དགུར་བགོས་པ་ཞིག་བྱས་ལ། བྱང་ཆུབ་ཀྱི་ཤིང་དུ་མོས་པའི་སོ་ཤིང་ཨཱ་ཁཾ་ཝཱི་ར་ཧཱུཾ་ཞེས་བརྗོད་པས་སློབ་མའི་ལག་ཏུ་བཏང་ལ། འཆལ་བའི་ཚུལ་བགྱིས་པས་སྡིག་སྒྲིབ་ཐམས་ཅད་སྐྱུགས་པར་བསམ་ཞིང༌། ཨོཾ་ཨཱ་ཁཾ་ཝཱི་ར་ཧཱུཾ་ཞེས་སོ་ཤིང་གི་རྭ་བར་འདོར་དུ་གཞུག་གོ །ལྟས་བརྟག་པ་སྤྱི་དང་འདྲ། བཅུ་གསུམ་པ་ནི། ཧཱུཾ་ལས་བྱུང་བའི་བསྲུང་སྐུད་མདུད་པ་གསུམ་ལ་ཨོཾ་ཨཱཿཧཱུཾ་ཡོངས་སུ་གྱུར་པ་ལས། སྐུ་གསུང་ཐུགས་རྡོ་རྗེའི་ལྷ་གསུམ། སློབ་དཔོན་གྱི་སྙིང་གའི་ཧཱུཾ་ལས་འོད་འཕྲོས། སངས་རྒྱས་ཐམས་ཅད་ཀྱི་ཐུགས་ཀ་ནས། ཡེ་ཤེས་ཀྱི་སྲས་བུ་རྡོ་རྗེ་གསུམ་དང་བཅས་པ་བཛྲ་ས་མཱ་ཛཿ ཛཿཧཱུཾ་བཾ་ཧོཿ ལྷ་གསུམ་ཞུ་བ་ལས་མདུད་པའི་རྣམ་པར་གྱུར། སྐྱེས་པའི་དཔུང་པ་གཡོན་དང༌། བུད་མེད་ཀྱི་གཡས་དང༌། བྱིས་པའི་མགུལ་དུ་གདགས་སོ། །བཅུ་བཞི་པ་ནི། ཨོཾ་ཧྲཱི་བི་ཤུདྡྷ་དྷརྨ་སརྦ་པཱ་པཾ་ནི་ཙ་ཨ་སྱ་ཤོདྷ་ཡ་སརྦ་བི་ཀལྤན་ཨ་པཱ་ཡ་ཧཱུཾ། ཞེས་ལན་གསུམ་གྱིས་ཁྱོར་ཆུ་བྱིན། བཅོ་ལྔ་པ་ནི། དྷཱི་ལས་བྱུང་བའི་ཀུ་ཤ །ཨོཾ་ཨཱཿབཛྲ་དྷྲྀཀ་ཧཱུཾ། ཞེས་ལག་པ་གཡས་སུ་བྱིན་ཏེ་སྔས་ཀྱི་དོན་དང༌། ཧ་ལས་བྱུང་བའི་ཀུ་ཤ་ཨོཾ་


TNT12_Page_0707
[མ་དཔེ་གཟིགས་ན་འདིར་གནོན།]

ཨཱཿཁཾ་ཝི་ར་ཧཱུཾ། ཞེས། ལག་པ་གཡོན་དུ་སྦྱིན་ཏེ་སྟན་གྱི་དོན་ཏོ། །བཅུ་དྲུག་པ་ནི། འཇིག་རྟེན་དུ་ནི་ཀུན་མཁྱེན་རྣམས། །ཨུ་དུམ་བ་རའི་མེ་ཏོག་བཞིན། །རྒྱ་ལམ་ན་ནི་རེས་འགའ་ཞིག །འབྱུང་འགྱུར་ཡང་ནི་མི་འབྱུང་ངོ༌། །གསང་སྔགས་སྤྱོད་པའི་ཚུལ་འབྱུང་བ། །དེ་བས་ཀྱང་ནི་དཀོན་པ་སྟེ། །གཉིས་མེད་ཟབ་མོའི་སྤྱོད་ཚུལ་ནི། །སེམས་ཅན་ཐམས་ཅད་སངས་རྒྱས་བྱེད། །གང་གིས་བསྐལ་པ་གྲངས་མེད་དུ། །མཚམས་མེད་སྡིག་པ་བྱས་པ་ཡང༌། །དེ་ཀུན་གྱིས་ནི་དཀྱིལ་འཁོར་འདི། །མཐོང་བས་སྡིག་པ་བྱང་འགྱུར་ན། །གྲགས་པ་མཐའ་ཡས་སྔགས་སྤྱོད་པའི། །ཚུལ་ལ་གནས་ན་སྨོས་ཅི་དགོས། །གང་གིས་བསྐལ་པ་བྱེ་བ་རུ། །བསོད་ནམས་ཡེ་ཤེས་ཚོགས་བསགས་ཀྱང༌། །འདི་ནི་མཐོང་བ་ཤིན་ཏུ་དཀའ། །ལམ་མཆོག་འདི་ནི་དཔལ་དང་ལྡན། །ཐམས་ཅད་དེ་བཞིན་གཤེགས་ཉིད་འགྱུར། །ཐེག་མཆོག་འདི་ལ་དགའ་བར་གྱིས། །ཞེས་བརྗོད་ལ་དོན་བཤད། བཅུ་བདུན་པ་ནི། ནངས་པར་དཀྱིལ་འཁོར་ཆེན་པོ་མཐོང་བར་འགྱུར་བས་དགའ་བ་རྒྱ་ཆེན་པོ་གྱིས་ལ། ཀུ་ཤའི་གདན་ལ་སེངྒེའི་ཉལ་སྟབས་དང་དགེ་བའི་སེམས་ཀྱིས་ཉོལ་ཅིག །རྨི་ལམ་ཅི་མཐོང་བ་དེ་ཡང་ནངས་པར་ང་ལ་ལེགས་


TNT12_Page_0708
[མ་དཔེ་གཟིགས་ན་འདིར་གནོན།]

པར་སྨོས་ཤིག །ཅེས་བརྗོད་ལ་སློབ་མ་རྣམས་རང་གནས་སུ་བཏང་ངོ༌། །གསུམ་པ་ནི་སྟ་གོན་གྱི་དཀྱིལ་འཁོར་ནམ་མཁར་བཏེགས་པར་མོས་ལ། གཙོ་བོ་རྣམས་ཀྱི་སྙིང་པོའི་མཐར། ཨོཾ་བཛྲ་བེ་ག་ཨ་ཀྲ་མ་ཧོ་ཞེས་པའི་སྔགས་དང་ཕྱག་རྒྱ་ལྷ་གྲངས་དང་མཉམ་པ་སྦྱར་བས་ནམ་མཁར་བཞུགས་པར་བསམ་ལ། ལས་ཐམས་ཅད་པའི་སྔགས་དང་བུམ་ཆུས་མཐའ་ནས་བསྐོར་ཏེ་ཕྱོགས་བཅིངས་པར་བསམ། ཨརྒྷཾ་ནས་ཤཔྟའི་བར་གྱི་མཆོད། ཐུན་མོང་དུ་འབྲུ་གསུམ་གྱིས་ནང་མཆོད་ཕུལ། ཨ་ནུ་རཱ་གའི་སྔགས་ཀྱིས་གསང་མཆོད་ཀྱང་ཕུལ། མངོན་རྟོགས་ལྟར་བསྟོད་པས་བསྟོད། སྐབས་འདིར་རྡོ་རྗེ་གདན་པའི་དཀྱིལ་ཆོག་དང༌། དངུལ་གདོང་མ་གཉིས་ཅར་ན། གསོལ་གདན་རྒྱས་པར་བྱེད་པར་བཤད་ནའང༌། སྔར་གོང་དུ་སྙན་མནན་པ་བྱས་ཟིན་ན་ལན་གཉིས་སུ་མི་དགོས་པས། གོང་དུ་བྱེད་པ་དང༌། འདིར་བྱེད་པར་འདམ་གར་དགོངས་པ་ཡིན་ནོ། །འོན་ཀྱང་དངུལ་གདོང་མ་ལས་བྱུང་བའི་གསོལ་བཏབ་བསྡུས་པ་འདི་བྱ་སྟེ། བདུག་སྤོས་འཐུལ་བཞིན་དུ་སྤོས་ཕོར་ཐོགས་ནས། མ་ལུས་ཕྱོགས་བཅུར་བཞུགས་པ་ཡི། །སངས་རྒྱས་བདག་ལ་དགོངས་སུ་གསོལ། །བདག་མིང་འདི་ཞེས་བགྱི་བ་ཡིས། །རྡོ་རྗེ་ཅན་གྱི་དཀྱིལ་འཁོར་འབྲི། །སངས་རྒྱས་ལ་སོགས་ཀུན་འབྱོན་འཚལ། །དངོས་གྲུབ་


TNT12_Page_0709
[མ་དཔེ་གཟིགས་ན་འདིར་གནོན།]

འདིར་ནི་ཡང་དག་སྩོལ། །ཞེས་ལན་གསུམ། འདི་མཆོད་པ་རྒྱུན་མི་འཆད་པར་འབུལ་ན། ལྷག་གནས་ཀྱི་ནངས་པར་བྱ་བ་ཡིན་ནའང༌། མཆོད་པ་དེ་བཞིན་མི་འགྲུབ་ན་ལྷག་གནས་ཀྱི་མཇུག་ཉིད་དུ་བྱེད་པ་དེང་སང་གི་ལག་ལེན་ཉིད་ལེགས་སོ། །ལྔ་པ་ལ། ཐིག་གདབ་པ། ཚོན་གྱི་འབྲི་བ། རྒྱན་དགོད་པའོ། །དང་པོ་ལ་ལས་ཐིག་གདབ་པ་དང༌། ཡེ་ཤེས་ཀྱི་ཐིག་གིས་བྱིན་གྱིས་བརླབས་པའི་ལུགས་ཀྱང་ཡོད་མོད་ཀྱི། དཀྱིལ་ཆོག་གཉིས་ཅར་གྱི་དགོངས་པ་ཡེ་ཤེས་ཀྱི་ཐིག་གདབ་པའི་རྗེས་སུ་ལས་ཐིག་གི་ཆ་འབྱེད་པ་ཉིད་ཡིན་ནོ། །དེ་ཡང་འདི་ལྟར་ཐིག་སྐུད་བསངས་སྦྱངས། སྟོང་པའི་ངང་ལས། ཐིག་སྐུད་ཀྱི་གནས་དང་ནམ་མཁའི་ལྷ་ཚོགས་རྣམས་ཀྱི་ཐུགས་ཀར་བྷྲུཾ་ཨཾ་ཛྲིཾ་ཁཾ་ཧཱུཾ་ལས་འོད་འཕྲོས། འཕགས་པ་མཆོད། སེམས་ཅན་གྱི་དོན་བྱས་ཏེ་ཐིམ། ཧཱུཾ་ལས་ཐིག་སྐུད་ནག་པོ་མི་བསྐྱོད་པ་སྐུ་མདོག་ནག་པོ་རྡོ་རྗེ་དང་དྲིལ་བུ་འཛིན་པ་ལ་ཡུམ་མཱ་མ་ཀཱིས་འཁྱུད་པ། བྷྲུཾ་ལས་ཐིག་སྐུད་དཀར་པོ་རྣམ་སྣང་དཀར་པོ་འཁོར་ལོ་དང་དྲིལ་བུ་འཛིན་པ་ལ། ཡུམ་སངས་རྒྱས་སྤྱན་མས་འཁྱུད་པ། ཨཾ་ལས་ཐིག་སྐུད་སེར་པོ་རིན་ཆེན་འབྱུང་ལྡན་སེར་པོ་ནོར་བུ་དང་དྲིལ་བུ་འཛིན་པ་ལ་ཡུམ་རིན་ཆེན་སྒྲོལ་མས་འཁྱུད་པ། ཛྲིཾ་ལས་ཐིག་སྐུད་དམར་པོ་འོད་དཔག་མེད་དམར་པོ་པདྨ་


TNT12_Page_0710
[མ་དཔེ་གཟིགས་ན་འདིར་གནོན།]

དང་དྲིལ་བུ་འཛིན་པ་ལ། ཡུམ་གོས་དཀར་མོས་འཁྱུད་པ། ཁཾ་ལས་ཐིག་སྐུད་ལྗང་ཁུ་དོན་ཡོད་གྲུབ་པ་ལྗང་ཁུ་རལ་གྲི་དང་དྲིལ་བུ་འཛིན་པ་ལ། ཡུམ་དམ་ཚིག་སྒྲོལ་མས་འཁྱུད་པ། ཡབ་ལྔ་རྡོ་རྗེའི་སྐྱིལ་ཀྲུང་གྱིས་བཞུགས་ཤིང༌། ཡུམ་ལྔ་ཡབ་དང་མཚུངས་པ་ལས་པདྨའི་སྐྱིལ་ཀྲུང་ཅན། ཐམས་ཅད་ཀྱང་དར་དང་རིན་པོ་ཆེའི་རྒྱན་གྱིས་བརྒྱན་པའོ། །དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། ཨརྒྷཾ་ནས་ཤཔྟའི་བར་ལན་གཉིས་ཀྱིས་མཆོད། དེ་ཉིད་ལྔ་པ་ཚར་གཅིག་གིས་བསྟོད། ལྷ་ལྔ་ཞུ་བ་ལས་བྱུང་བའི་ཐིག་སྐུད་དུ་གྱུར། ཐིག་སྐུད་སྒྲིལ་བཞིན་དུ། ཨོཾ་ཨ་ནྱོ་ནྱ། ཨ་ནུ་ག་ཏ། སརྦ་དྷརྨ་པ་ར་སྤ་ར། ཨ་ནུ་པྲ་པྲྀཊྚ་སརྦ་དྷརྨ་ཨཱརྱནྟ། ཨ་ནུ་པྲ་པྲྀཊྚ་སརྦ་དྷརྨ་ཧཱུཾ། ཞེས་ལན་མང་དུ་བཟླས་ལ། ཛཿཞེས་བརྗོད་པས་ནམ་མཁའི་ལྷ་རྣམས་ཀྱི་ཐུགས་ཀ་ནས་ཡེ་ཤེས་ཀྱི་ཐིག་སྐུད་སྤྱན་དྲངས་ཏེ་ཐིག་སྐུད་ལ་ཐིམ། ཛཿཧཱུཾ་བཾ་ཧོཿ ཞེས་ལན་ལྔ་བརྗོད། སློབ་དཔོན་ནུབ་དང་སློབ་མ་ཤར་དུ་གནས། ཛྫ་ཛྫ་ཛྫ་ཞེས་ཐིག་སྐུད་གཏད་ཅིང་ཐིག་སྣ་དྲངས། ཨོཾ་བཛྲ་ས་མ་ཡ་སཱུ་ཏྲ་མ་ཏི་ཀྲ་མ་ཧཱུཾ། ཞེས་ལན་མང་དུ་བཟླས་ལ། སློབ་དཔོན་གྱི་རྡོ་རྗེ་དང་བཅས་པའི་ལག་གཡས་ཀྱིས་སྟེང་དང་འོག་ཏུ་ཐིག་བཏབ་པས། སེམས་ཅན་དོན་དུ་


TNT12_Page_0711
[མ་དཔེ་གཟིགས་ན་འདིར་གནོན།]

ཁྱེད་རྣམས་ཀྱིས། དུས་ཡིན་དེ་རིང་འདིར་སྤྱོན་ཅིག །ཅེས་པའི་སྒྲ་བྱུང་ནས་སངས་རྒྱས་ཐམས་ཅད་སྤྱན་དྲངས་ནས་ཐིག་ལ་ཐིམ། ཞེས་པ་ཐིག་ཆེན་བརྒྱད་ཀ་ལ་སྦྱར་ལ། ཤར་ནུབ་ཁ་བལྟས་ཚངས་ཐིག་དང་པོ་བཏབ། །ལྷོ་བྱང་ཁ་བལྟས་གཉིས་པ་བཏབ་པར་བྱ། །མེ་དང་དབང་ལྡན་ནས་ནི་ཤར་ཐིག་བཏབ། །རླུང་དང་སྲིན་པོ་ནས་ནི་ནུབ་ཐིག་བཏབ། །རླུང་དང་དབང་ལྡན་ནས་ནི་བྱང་ཐིག་བཏབ། །མེར་གནས་སྲིན་པོ་ནས་ནི་ལྷོ་ཐིག་བཏབ། །མེ་རླུང་གཉིས་ནས་ལོག་ཐིག་དང་པོ་བཏབ། སྲིན་དབང་གནས་པའི་ལོག་ཐིག་གཉིས་པ་བཏབ། །གཉིས་གཉིས་སྦྱར་བའི་དང་པོ་སློབ་དཔོན་གནས། །ཕྱི་མ་སློབ་མའི་གནས་སུ་ཤེས་པར་བྱ། །གཡས་སྐོར་དང་ནི་རྒྱབ་འགྲོས་བྱེད་པ་དང༌། །ཕྱོགས་རྣམས་མ་འཁྲུལ་བ་ནི་ངེས་པར་བྱ། །དེ་མ་ཐིག་:ཡེ་[ལེ་]ཐིག་ལ་གོང་བཞིན་མཆོད་བསྟོད་བྱ་སྟེ། ཡེ་ཤེས་པ་གཤེགས། ཐིག་སྐུད་དེ་ཉིད་ཀྱི་ལས་ཐིག་གདབ་པར་བྱ་སྟེ། དབུས་སུ་ཕུར་བུ་བཏབ་ལ། དེ་ཉིད་དུ་ཕྱུང་སྟེ་ཕུར་ཁུང་བྱའོ། །བྱ་རྗེས་བཙལ་ལས་ཐིག་གི་ཐིག་ཆེན་བརྒྱད་རློན་ཐིག་ཏུ་བཏབ། དེ་ནས་སྐམ་ཐིག་ཐིག་རིང་དུ་བཏབ་ན་ལེགས་ཤིང༌། མིན་ནའང་ཆ་བཅུ་དྲུག་ཏུ་བགོ་བའི་བར་སྐམ་ཐིག་ཏུ་བཏབ། དེ་ཕྱིན་ཆད་ཐིག་ཐུང་དུ་བཏབ་པས་རུང་ངོ༌། །དེ་ཡང༌། ལྟེ་བ་ནས་རྩ་ཐིག་གི་བར་ཉིས་འགྱུར་དུ་བྱ་རྗེས་བྱས་ལ། རྟ་བབས་ཀྱི་རྩེ་མོའི་ལོགས་ཐིག་བྱའོ། །དེ་ཉིད་ལོགས་གཏུབ་གསུམ་བྱས་ལ་ཆ་བཅུ་དྲུག་ཏུ་བགོའོ། །དེ་ལ་ཐོག་མར་གཞི་དཀྱིལ་


TNT12_Page_0712
[མ་དཔེ་གཟིགས་ན་འདིར་གནོན།]

གྱི་ཐིག་བྱས་ལ། དེའི་འོག་ཏུ་དབུས་ཀྱི་ཕོ་བྲང་ལྔ་པོའི་ཐིག་གདབ་བོ། །འདི་ལ་རྟ་བབས་ནི་སྣམ་བུ་བཅུ་གཅིག་སྒོ་ཚད་གསུམ་མའམ། ཡང་ན་སྒོ་ཚད་གཉིས་མ་རྟ་བབས་རྒྱན་ལྡན་དུ་གྲགས་པ་བྱ་ཡི་སྒོ་ཚད་གཅིག་མ་དང༌། སྣམ་བུ་བཞི་མ་ནི་བརྒྱུད་པ་འདིའི་ལུགས་ལ་ནམ་ཡང་མེད་དོ། །སྣམ་བུ་བཅུ་གཅིག་མ་ལ་ཡང་གཉིས་མཉམ་དགུ་མཉམ་ཁོ་ན་མཛད་ཀྱིན་སྣང་ལ། སློབ་དཔོན་གཞན་རྣམས་ཀྱི་བཞེད་པ་རྟ་བབས་རྒྱན་ཅན་ཡིན་ཅིང༌། རྡོ་རྗེ་གདན་པའི་བཞེད་པ་ནི་བཅུ་གཅིག་མའོ་ཞེས་གསུང་ལ། ཨ་བྷ་ཡཱ་ཀ་རས་བཞེད་པ་སྣམ་བུ་བཅུ་གཅིག་མ་ཡང་རྡོ་རྗེ་གདན་པ་ཆེ་ཆུང་ནས་བརྒྱུད་པའི་མན་ངག་ཡིན་པར་ཕྲེང་བ་ཉིད་ནས་བཤད་པ་སོགས་གུང་མཐུན་ནོ། །གཞི་དཀྱིལ་གྱི་ནང་དུ་རྡོ་རྗེའི་རྭ་བ་ཟླུམ་པོ་ལེའུ་ཚེ་དགུ་དང་བཅས་པ་བྱེད་པ་རྡོ་རྗེ་གདན་པའི་དཀྱིལ་ཆོག་གིས་བསལ་ཞིང༌། དངུལ་གདོང་མ་ལས་ནི། རྡོ་རྗེའི་རྭ་བ་དང༌། དུར་ཁྲོད་བརྒྱད་མེ་རི་དང་བཅས་པ་ཡང་འབྲི་བར་མཛད་པ་ནི། གཞི་དཀྱིལ་མེད་པར་ཁྱམས་ལེ་ཚེ་དགུ་པའི་ནང་དུ་དཀྱིལ་འཁོར་ལྔ་པོ་རྟ་བབས་ཅན་རེ་མཛད་པའི་ལུགས་སུ་མངོན་ནོ། །འོན་ཀྱང་དེང་སང་ལག་ལེན་ལ། གཞི་དཀྱིལ་གྱི་ནང་དུ། རྡོ་རྗེའི་ཕྲེང་བའང་མི་བྱེད་པ་ཤས་ཆེ་བ་ལག་ལེན་གདམ་ང་ཡིན་པར་ཤེས་པར་བྱའོ། །གང་ནའང་གཞི་དཀྱིལ་གྱི་རྩ་ཐིག་ནང་དུ་ཆ་ཆུང་གཉིས་དེའི་ལྷ་སྣམ་ཀྱི་སར་འཇོག་པ་རྡོ་རྗེའི་རྭ་བ་ཡོད་པའི་ལུགས་དང༌། ལྷ་སྣམ་ཅུང་ཟད་ཡོད་ཀྱང་ནང་གི་དཀྱིལ་


TNT12_Page_0713
[མ་དཔེ་གཟིགས་ན་འདིར་གནོན།]

འཁོར་གྱི་ཕ་གུ་དྲྭ་ཕྱེད་ཤར་བུ་མདའ་ཡབ་རྣམས་ཀྱིས་སྒྲིབ་པའི་ཕྱིར། ནང་མའི་མདའ་ཡབ་དང་བཅས་རྩ་ཐིག་གི་བར་ཏུ་མ་འབྲེལ་ཙམ་གྱི་བར་སྣང་མ་གཏོགས་མེད་པར་བྱེད་པ་རྡོ་རྗེའི་འཕྲེང་བ་མི་བྱེད་པའི་ལུགས་གཉིས་ཤེས་པར་བྱས་ནས། ཐིག་བཞིས་དབུས་ཀྱི་ལེའུ་ཚེ་དགུ་བགོས་ལ། དབུས་དང་ཕྱོགས་བཞིར་དཀྱིལ་འཁོར་ལྔ་སོ་སོའི་ཐིག་རྣམས་བཏབ་བོ། །དེ་ཡང་འདི་ལྟར། དབུས་སུ་མཚན་མ་ལེགས་བཏབ་ནས། ཤར་ནུབ་ཚངས་ཐིག་དྲང་པོར་བཏབ། །རིམ་པས་བྱ་རྗེས་བཙལ་ནས་ནི། །ཚངས་ཐིག་གཉིས་ལ་ཟུར་ཐིག་གཉིས། །ལོགས་གཏུབ་གསུམ་གྱིས་ཆ་བཅུ་དྲུག །རྟ་བབས་སྒོ་ཚད་གསུམ་མ་ལ། །ཕྱི་རུ་ཆ་ཆེན་རེ་རེ་མནན། །འདིར་ནི་ཐུན་མོང་མིན་པའི་ཕྱིར། །སྒོ་ཚད་གཉིས་མའི་དབང་དུ་བྱ། །དང་པོ་གཉིས་པ་ཆ་ཆེན་བཞིར་བགོ །གསུམ་པའི་ནང་དུ་ཆ་ཆུང་གཅིག །བཞི་པ་རང་སར་བཞག་པར་བྱ། །ལྔ་པ་དབུས་དོར་མཐའ་གཉིས་གདབ། །དྲུག་པ་ཕྱེད་གདབ་ཕྱི་མ་གདབ། བདུན་པ་བརྒྱད་པ་ཆ་བཞིར་བགོ །གསུམ་པའི་ཕྱེད་དུ་གདབ་བྱ་བ། །འདི་ནི་བདུན་པ་བརྒྱད་པ་ལ། །ཐིག་ཐུང་གདབ་པར་བྱ་བ་ཉིད། །བཅུ་བཅུ་གཅིག་རྩ་བའི་ཐིག་ཡིན་ཏེ། །ཐིག་ཆེན་བརྒྱད་ཀྱི་ལོགས་ཐིག་གོ །བཅུ་བདུན་པ་ནི་མདའ་ཡབ་ཐིག །དེ་གཉིས་ཟུར་ནས་ཟུར་དུའོ། །རྩ་བའི་ཐིག་ལས་ཕྱི་རོལ་དུ། །ཟུར་ནས་ངོས་སུ་ཐིག་ལྔ་ལས། །དང་པོ་གསུམ་པར་རེག་པར་བྱ། །ལྷག་མ་བཞི་ནི་དགུ་


TNT12_Page_0714
[མ་དཔེ་གཟིགས་ན་འདིར་གནོན།]

པར་རེག །ཚངས་ཐིག་ངོས་ལས་ཐིག་གཉིས་པ། །རྩ་ཐིག་ནས་ནི་བཅུ་བཞིའི་བར། །དེ་ནས་ངོས་སུ་བཞི་པའི་བར། །སྟེང་དུ་བཅོ་ལྔ་པ་ལ་རེག །རྩེ་ནས་རྩེ་རུ་བཅོ་ལྔ་པ། །ཚངས་ལས་གསུམ་པ་བཅུ་གཉིས་ནས། །བཅུ་གསུམ་པ་ཡི་བར་དུའོ། །དེ་ནས་ངོས་སུ་ལྔ་པའི་བར། །སྟེང་དུ་བཅུ་དྲུག་པ་ལ་རེག །རྩེ་ནས་རྩེ་རུ་བཅུ་དྲུག་པ། །ཚངས་ལས་དྲུག་བདུན་བརྒྱད་དགུ་རྣམས། །བཅུ་གཉིས་བཅུ་བདུན་བར་དུའོ། །རྟ་བབས་བརྒྱན་ལྡན་ཞེས་བྱ་བ། །སྒོ་ཚད་གཉིས་མ་ཡིན་པར་བརྗོད། །པདྨ་ཟླ་བ་གདུང་སྣམ་དང༌། །ཉི་མ་པདྨ་བྲེ་གདན་དང༌། །བྲེ་དང་པདྨ་ཞེས་བྱ་བརྒྱད། །རྟ་བབས་སྣམ་བུའི་གྲངས་སུ་འདོད། །ཚངས་ལས་གཡས་གཡོན་དང་པོའི་ཐིག །བཅུ་དགུ་པ་དང་འཛོམ་ས་ནས། །ཆ་ཆུང་གཉིས་གཉིས་གཡས་གཡོན་བསྐོར། །དེ་ཡི་སྣེ་ནས་ཆ་ཆུང་རེ། །བསྐོར་ཏེ་མདའ་ཡབ་ལ་རེག་བྱ། །དེ་སྣང་ཆ་ཆུང་ཕྱེད་ཀྱིས་བསྐོར། །གླང་རྒྱབ་དབུས་བསྣོལ་མིག་གསུམ་འགྲུབ། །སྣམ་བུ་དང་པོའི་འོག་གི་ནི། །གདུང་སྣ་དགུ་པའི་གཡས་གཡོན་དུ། །ཆ་ཆུང་རེ་རེས་རིང་བའོ། །ཚངས་ལས་བརྒྱད་ནས་དགུ་པའི་བར། །པད་སྣམ་དང་པོ་བཅད་པར་བྱ། །སྣམ་བུ་གཉིས་པ་དྲུག་སྟེང་བཅད། །སྣམ་བུ་གསུམ་པ་བརྒྱད་པ་ལའོ། །འདི་ལ་སྟེང་དང་འོག་དག་ཏུ། །ཅུང་ཟད་བཞག་ནས་དབུས་སུ་གཅོད། །བཞི་པ་བཞི་ནས་བཅད་པར་བྱ། །ལྔ་པ་དྲུག་ནས་ལྔ་ཡི་བར། །དྲུག་པ་གཉིས་ནས་གསུམ་གྱི་བར། །


TNT12_Page_0715
[མ་དཔེ་གཟིགས་ན་འདིར་གནོན།]

སྟེང་དུ་རྒྱས་པའི་ཚུལ་གྱི་བཅད། །བདུན་པ་གཉིས་པའི་སྟེང་ནས་བཅད། །བརྒྱད་པ་གསུམ་ནས་གཉིས་སུ་བཅད། །དང་པོ་ལྔ་པ་བརྒྱད་པ་གསུམ། །པདྨ་ཡིན་ནོ་ཐམས་ཅད་ལ། །འོག་ཏུ་ཆ་ཆུང་གསུམ་ཆའི་གདུང༌། །སྟེང་དུའང་པད་ཁེབ་དེ་དང་མཉམ། །ནང་དུ་བསྐོར་ཐིག་ལ་རེག་གདབ། །གསུམ་པ་ལ་ཡང་སྟེང་འོག་ཏུ། །གདུང་ཁེབས་གདུང་གདན་གཉིས་ཀྱི་ཐིག །གདབ་བོ་ཞིང་དུ་ཐིག་གཉིས་སོ། །སོ་གསུམ་གཉིས་ནས་གཉིས་ཀྱི་བར། །སུམ་ཅུ་གསུམ་ནས་གསུམ་གྱི་བར། །ཉེར་དགུའང་གསུམ་ནས་གསུམ་བར་རོ། །ཉེར་བརྒྱད་ལྔ་ནས་ལྔ་ཡི་བར། །ཉེར་ལྔ་དྲུག་ནས་དྲུག་གི་བར། །ཉེར་བཞི་ཉེར་གཅིག་གཉིས་པོ་ནི། །བདུན་དང་བརྒྱད་ཀྱི་དབུས་སུ་བཟུང༌། །ཉི་ཤུ་པ་ནི་བརྒྱད་པར་རེག །དེ་རྗེས་པདྨ་ཕྱི་མ་ནི། །གཉིས་ཀྱི་བར་ཁེབས་རྩེ་མོ་ལ། ཁ་བད་ཟེའུ་འབྲུའི་རྣམ་པ་འདྲི། །གདུང་གདན་གྱི་ནི་ནང་ཐིག་དང༌། །ཚངས་ལས་གཉིས་པ་འཛོམ་ས་ནས། །ཆ་ཆུང་དྲུག་གི་ནང་རྭ་བསྐོར། །གདུང་ཁེབས་ཀྱི་ནི་ནང་ཐིག་དང༌། །ཚངས་ཕྱིར་བཞི་པ་འཛོམ་པ་ནས། །སྔ་མའི་ཚད་ཀྱི་ཕྱི་རྭ་བསྐོར། །སྦགས་རྭ་ལ་སོགས་འདིར་མི་བཞེད། །དབུས་ཀྱི་རྡོ་རྗེའི་རྭ་རྩེ་ནི། །དཀྱུས་སུ་ཆ་ཆེན་གཅིག་ཡིན་ལ། །ཚངས་ལས་གཡས་གཡོན་ཆ་ཆུང་ནི། །ཕྱེད་དང་གཉིས་གཉིས་རྩ་བའི་ཞིང༌། །རྩེ་མོའི་ཚང་ལ་ངེས་པ་མེད། །འོན་ཀྱང་སྣོན་པོར་བྱའོ་གསུང༌། །དབུས་ཀྱི་རྭ་རྩེའི་ཕྱི་རོལ་


TNT12_Page_0716
[མ་དཔེ་གཟིགས་ན་འདིར་གནོན།]

དུ། ཁྱམས་ཐིག་པད་ཐིག་དུར་ཁྲོད་ཐིག །རྡོ་རྗེའི་ཐིག་དང་འོག་ཐིག་སྟེ། །སྐོར་ཐིག་ལྔ་པོ་རིམ་བཞིན་བསྐོར། །དེ་རྣམས་ཚད་ནི་སྤྱི་དང་འདྲ། །རྩ་བའི་ཐིག་གི་ནང་ངོས་སུ། །ཆ་ཆུང་རེ་རེ་ཡོངས་བོར་བ། །ནང་གི་ཐིག་ཏུ་འགྱུར་བ་སྟེ། །ཚངས་ལས་གཡས་གཡོན་ཆ་ཆུང་ལྔ། །བོར་བར་ཐིག་དང་དྲུག་པར་ཐིག །བསྣོལ་མར་བཏབ་པས་ནང་གི་ནི། །དཀྱིལ་འཁོར་ལྔ་ཡིས་ས་ཆ་འབྱུང༌། །ཕྱོགས་བཞིའི་དཀྱིལ་འཁོར་བཞི་པོ་ལ། །ཆ་ཆུང་ཕྱེད་རེ་གཡས་གཡོན་ཕྲི། །ནང་གི་དཀྱིལ་འཁོར་ལྔ་པོ་ནི། །རེ་རེ་ལ་ཡང་ཚངས་ཟུར་གྱི། །ཐིག་བཞི་བཏབ་ནས་དེ་རྗེས་ལ། །ཟུར་ཐིག་སྟེང་ནས་གསུམ་གཏུབས་ཀྱི། །ཆ་ནི་གསུམ་གསུམ་བགོ་བར་བྱ། །དེ་ལའང་གཉིས་གཉིས་ཕྱེ་ནས་ནི། །ལྔ་པ་དབུས་དོར་མཐའ་གཉིས་གདབ། །དྲུག་པ་ཕྱེད་གདབ་ཕྱི་མ་གདབ། །དང་པོ་ཕྱེད་གདབ་ཕྱི་མ་གདབ། །གཉིས་པའི་ནང་དུ་ཆ་ཆུང་གཅིག །བཏབ་པས་སྒོ་ཁང་འགྲུབ་པར་འགྱུར། །ཀ་བ་ཀ་རྒྱན་མུན་སྣམ་རྣམས། །དཀྱིལ་འཁོར་ནང་མ་རྣམས་ལ་མེད། །དེ་དག་མེད་ཕྱིར་རྟ་བབས་མེད། །དེ་རྣམས་སྤྱིའི་མཚན་ཉིད་དོ། །དབུས་མ་དང་ནི་ནུབ་མ་ལ། །ལྷ་སྣམ་མི་འཇོག་ཟླུམ་ཐིག་བསྐོར། །འདབ་བརྒྱད་པདྨའི་གཅུས་ཐིག་བཏབ། །ནུབ་མ་ལ་ནི་འོད་ཟེར་གྱི། །པ་ཊའི་ནང་དུ་རྡོ་རྗེའི་ཕྲེང༌། །དེ་གཉིས་ཆ་ཆུང་རེ་རེའོ། །པདྨའང་མཉམ་གསུམ་བྱ་བ་ཡིན། །དབུས་ཀྱི་པདྨ་འདབ་བརྒྱད་ནི། །ལྟེ་བ་གཡས་གཡོན་


TNT12_Page_0717
[མ་དཔེ་གཟིགས་ན་འདིར་གནོན།]

ཆ་ཆེན་ནི། །ཕྱེད་དང་གཉིས་ཀྱི་མཚམས་ནས་བསྐོར། །དེ་ནས་ཟེའུ་འབྲུ་ཆ་ཆུང་གཅིག །དེ་ཡི་ཕྱི་རོལ་གཡས་གཡོན་དུ། །ཆ་ཆུང་བརྒྱད་ཀྱི་འདབ་མ་བསྐོར། །ཕྱི་རུ་ཆ་ཆུང་གཅིག་འབྱུང་བ། །རྡོ་རྗེའི་ཕྲེང་བའི་ཐིག་ཡིན་ནོ། །འདི་ནི་ལྟེ་བ་ཆ་ཆེན་གསུམ། །འདབ་མ་ཆ་ཆེན་གཉིས་པའི་ལུགས། །གཞན་ལ་ཡོངས་སུ་མ་གྲགས་ནའང༌། །འདི་ཉིད་ཀྱི་ནི་རང་ལུས་སོ། །དཀྱིལ་འཁོར་ཤར་དང་བྱང་མ་ལ། །རྩིག་པའི་ནང་དུ་ཆ་ཆེན་རེ། །ལྷ་སྣམ་ཚུལ་དུ་བཞག་ནས་ནི། །དབུས་སུ་ཟླུམ་བསྐོར་རེ་མིག་དགུ །སྤྱི་དང་མཐུན་པར་གདབ་པ་ཡིན། །དེ་ཡང་བཞི་པ་ལ་རེག་པར། །རྡོ་རྗེའི་ཕྱི་ཐིག་བསྐོར་ནས་ནི། །དེ་ནང་ཆ་ཆུང་གཅིག་ཀྱང་བསྐོར། །ཚངས་ལས་གཡས་གཡོན་གསུམ་པ་དང༌། །བཞི་པའི་གདུང་ཐིག་བསྣོལ་མར་གདབ། །དེས་ནི་རེ་མིག་དགུ་པར་གྱུར། །ཤར་མ་ལ་ནི་འོད་ཟེར་གྱི། །འཕྲེང་བའི་དོན་དུ་རྡོ་རྗེའི་ཐིག།ཆ་ཆུང་གཅིག་པ་གཉིས་སུ་བགོ །བྱང་མའི་ཕྱོགས་བཞིའི་རེ་མིག་ཏུ། །རྡོ་རྗེའི་རྭ་ཐིག་སྤྱི་དང་འདྲ། །ལྷོ་མའི་ནང་དུ་གདབ་བྱ་བ། །ལྟེ་བ་ནས་བཟུང་རྩ་ཐིག་བར། །ཆ་ཆུང་བཅུ་དྲུག་ལེགས་བགོས་ནས། །གཉིས་པའི་སྟེང་ནས་བསྐོར་བ་དང༌། །ལྔ་དྲུག་བར་དང་དགུ་པ་དང༌། །བཅུ་གཉིས་བཅུ་གསུམ་པར་དང་ནི། །བཅུ་དྲུག་པ་ནས་བསྐོར་ཏེ་ལྔ། །གཙོ་གནས་དང་ནི་འཁོར་ལོ་བཞིའི། །ཕྱི་ཐིག་ཡིན་པར་ཤེས་བྱ་སྟེ། །ཚངས་ཐིག་སྟེང་ནས་བསྐོར་བར་བྱ། །


TNT12_Page_0718
[མ་དཔེ་གཟིགས་ན་འདིར་གནོན།]

དང་པོ་ཕྱི་དང་གཞན་རྣམས་ཀྱི། །ནང་དུ་ཆ་ཆུང་ཕྱེད་རེ་བསྐོར། །གེ་སར་དང་ནི་ཕྲེང་བའི་ཐིག །སྐོར་ཐིག་ལྔ་ཡི་བར་དག་ཏུ། །དང་པོར་འདབ་བརྒྱད་གཅུས་ཐིག་གདབ། །ཕྱི་རོལ་གྱི་ནི་བར་སྟོང་གསུམ། །འཁོར་ལོའི་རྩིབས་ཀྱི་ས་ཡིན་ཏེ། །དེ་ཡང་རྩིབས་དང་རྩིབས་ཅན་གཉིས། །གསུམ་གཉིས་གསུམ་ཆའི་རྩེ་མོ་ནི། །རྩ་བའི་ཞིང་ལས་གཡས་གཡོན་དུ། །ཆ་ཆུང་རེ་རེས་ཕྲ་བར་བྱ། །ལྟེ་བའི་ཕྱོགས་ནི་རྩིབས་ཅན་ཏེ། །མུ་ཁྱུད་ཕྱོགས་ནི་རྩེ་མོའོ། །རྩིབས་རྣམས་ཀྱི་ནི་བར་བར་དུ། །ཞིང་ནི་ཆ་ཆུང་རེ་རེ་ཡི། །ཀ་བའི་ཐིག་ནི་གདབ་བྱ་སྟེ། །མུ་ཁྱུད་ནས་ནི་མུ་ཁྱུད་བར། །སྐོར་ཐིག་རྣམས་ལ་རིམ་པ་བཞིན། །ལྟེ་བ་འདབ་མ་འདབ་ཤུན་དང༌། །མུ་ཁྱུད་རྩིབས་དང་མུ་ཁྱུད་དང༌། །སླར་ཡང་རྩིབས་དང་མུ་ཁྱུད་ནི། །ལན་གཉིས་སུ་ནི་བརྗོད་པ་ཡིན། །འདིར་ནི་དེ་ཙམ་གྱིས་ཆོག་ལ། །ནང་གི་ཆ་ཤས་དབྱེ་བ་ཞིབ་མོ་དག་ནི། རྡུལ་ཚོན་གྱི་དཀྱིལ་འཁོར་ལ་བྲི་བར་དཀའ་ཞིང༌། དེ་བཞིན་དུ་ཐིག་གདབ་པར་དཀའོ། །དེའི་ཕྱིར་མི་མཁོ་བས་མ་བྲིས་སོ། །གང་དག་བྲི་བས་ལས་ཤིན་ཏུ་མཁས་པའམ། དཀྱིལ་འཁོར་གྱི་ཚད་ཆེན་པོར་འབྲི་བ་དང༌། རས་བྲིས་ལ་སོགས་པ་དག་ལ་ནི། ནང་གི་ཆ་དབྱེ་བ་ཤིན་ཏུ་ཕྲ་བ་དག་ཀྱང་ཤེས་དགོས་ཏེ། འོན་ཀྱང་སོ་སོའི་དཀྱིལ་འཁོར་གྱི་ཆོ་ག་ལས་འབྱུང་བ་རྣམས་ཀྱིས་རིགས་འགྲེ་བའི་ཕྱིར་འདིར་མ་སྨོས་སོ། །དགྱེས་མཛད་དང་སྡོམ་པའི་དབུས་ཀྱི་པདྨའི་ཆ་ཚད་ནི་ལུགས་འདིའི་ཐུན་མོང་མ་


TNT12_Page_0719
[མ་དཔེ་གཟིགས་ན་འདིར་གནོན།]

ཡིན་པ་ཡིན་ཅིང༌། ཀ་བ་ཀ་རྒྱན་རྩིག་པའི་ཐིག་ལ་རེག་པ་ནི། རྒྱ་བལ་བོད་གསུམ་གྱི་སྔགས་པ་རྙིང་པ་གཞན་མང་པོ་ཞིག་ལ་ཡང་ཡོད་དོ། །དེ་བཞིན་དུ་རྟ་བབས་རྒྱན་ལྡན་ཡང་སྟེ། འདི་ནི་ཕྱིས་ཀྱི་རྒྱ་གར་བ་མང་པོ་ལ་ཡང་སྣང་ངོ༌། །གཞན་ཡང་རྟ་བབས་ཚད་ཅན་དང༌། ཚད་མེད་དུ་འདོད་པ་སྔོན་དུས་ཀྱི་རྡོ་རྗེ་འཛིན་པ་རྣམས་ལའང་ཅི་རིགས་སུ་ཡོད་ཅིང༌། འཕགས་པའི་ཡུལ་དུ་ནི། སྔོན་ནི་ཚད་མེད་དུ་འདོད་པ་མང་ཞིང༌། ཕྱིས་ནི་ཚད་ཅན་དུ་འདོད་པ་མང་སྟེ། དེ་ཡང་སྒོ་ཚད་གསུམ་མར་འདོད་པ་མང་ངོ༌། །འདིར་རྟ་བབས་སྣམ་བུ་བཅུ་གཅིག་མར་བྱེད་པའི་ཚེ་ཡང༌། ཀ་བ་ཆ་ཆུང་བདུན་པ་དང༌། མུན་སྣམ་འཁོར་མོ་དང༌། ཟླ་ཕྱེད་རྡོ་རྗེ་ཡང་མུན་སྣམ་ལ་གནས་པ་དང༌། འདོད་སྣམ་ཀ་བ་ལ་ཐུག་པ་ཙམ་བྱེད་པ་སོགས་གོང་དང་འདྲ་བར་བྱའོ། །ཞོར་ལ་འོངས་པ་སྟེ་སྤྲོས་པས་ཆོག་གོ །གཉིས་པ་ནི། རྡུལ་ཚོན་རྣམས་བསངས་སྦྱངས་ཐིག་སྐུད་ཞེས་པའི་གནས་སུ་རྡུལ་ཚོན་ཞེས་པ་མ་གཏོགས། མཆོད་བསྟོད། རིགས་ལྔ་ཞུ་བས་རྡུལ་ཚོན་དུ་བསྒྱུར་བའི་བར་ཐིག་སྐུད་སྐབས་དང་འདྲ། ཡི་གེ་འབྲུ་གསུམ་ལན་མང་དུ་བརྗོད་ཅིང་མཉེས། ཛཿཞེས་པ་ནས། ཛཿཧཱུཾ་བཾ་ཧོཿཞེས་པའི་བར་ཡང་གོང་བཞིན་ལས་འདོན་པ་སྤོ། ཨོཾ་བཛྲ་ཙི་ཏྲ་ས་མ་ཡ་ཧཱུཾ། ཞེས་ལན་མང་དུ་བཟླས། ཕུར་ཁུང་བཀང༌། དབང་ལྡན་གྱི་རྩིག་པ་མཛུབ་གང་


TNT12_Page_0720
[མ་དཔེ་གཟིགས་ན་འདིར་གནོན།]

ཙམ་དུ་བྲིས་ཏེ། འདི་ནི་ཆོས་དབྱིངས་དག་པ་སྟེ། །སེམས་ཅན་ཁམས་ནི་རབ་སྒྲོལ་བྱེད། །དཔལ་ལྡན་ཁྲག་འཐུང་རྒྱལ་པོ་ཉིད། །དེ་བཞིན་གཤེགས་པ་ཀུན་གྱི་གནས། །ཉེས་པ་ཀུན་ལས་རྣམ་གྲོལ་བ། །ཚོན་གྱི་ལས་ནི་ཡང་དག་བརྩམ། །ཞེས་བརྗོད། ཐོད་པ་སོགས་ཀྱི་བཀབ་སྟེ། རྡོ་རྗེས་མནན། ཕྱིས་སྦྲེལ་རན་པ་ན་སྦྲེལ་ཏེ་ཚོན་བཀྲ་རྟག་གོ །རྡུལ་ཚོན་རྣམས་གཡས་སྐོར་དུ་དགྱེའོ། །དེ་ལ་ཚོན་གྱིས་མཚན་ཉིད་ནི། རྩིག་པ་ཁ་དོག་ལྔ་ཕྱི་ནང་མཐུན་པར་ནང་ནས་རིམ་པ་བཞིན་སྔོ་ལྗང་དམར་སེར་དཀར་བའོ། །གཞལ་ཡས་ཁང་གི་ལྷ་སྣམ་རྣམས་ཐམས་ཅད་མཐུན་པར། ཤར་དཀར། ལྷོ་སེར། ནུབ་དམར། བྱང་ལྗང་བ་མངོན་རྟོགས་ལྟར་དགྱེས་མཛད་ཐོད་པ་ཅན་ལ་ལྷོ་དམར་ནུབ་སེར་བ། མ་ཧཱ་མཱ་ཡ་ལ་ཤར་སྔོ་ནུབ་དཀར་བར་མཛད་པའི་ལུགས་ཀྱང་ཡོད་པ་ཤིན་ཏུ་ལེགས་པར་ཡང་མངོན་ནོ། །འདོད་སྣམ་དམར་པོ་ཕ་གུ་སེར་པོ། དྲྭ་ཕྱེད་ཀྱི་གཞི་ནག་པོ། དྲ་ཕྱེད་དཀར་པོ་དེ་ཡང་ཁ་ཕྱིར་བསྟན་པ་དང༌། མེ་ཏོག་འཕྲེང་བ་དང༌། དར་དཔྱངས་སོགས་མཛེས་ཚོན། ཤར་བུ་སྔོན་པོ། མདའ་ཡབ་དཀར་པོ། མུན་སྣམ་ནག་པོ། ཀ་བ་ནང་མ་སེར་པོ། ཕྱི་མ་དཀར་པོ། ཀ་རྒྱན་གླང་པོ་ཆེ་མནན་པའི་སེང་གེ་དང༌། དེའི་ཕྱི་རུ། གདུང་སྣ་ལས་དཔྱངས་པའི་དར་དཔྱངས་མཛེས་ཚོན། གླང་རྒྱབ་ཕྱོགས་མདོག །རྟ་བབས་སྣམ་བུ་བཅུ་གཅིག་ལྟར་ན། གསེར་སྣམ་སེར་པོ། ཤར་བུ་སྔོན་པོ།


TNT12_Page_0721
[མ་དཔེ་གཟིགས་ན་འདིར་གནོན།]

རིན་ཆེན་དམར་པོ། རྨིག་པ་ལྗང་ཁུ། མུན་པ་ནག་པོ། ཝ་ར་ན་མཛེས་ཚོན། རྡོ་རྗེའི་རྭ་ཕྱོགས་མདོག །ཁྱམས་ལྗང་སེར། པདྨ་རྣམས་སྣ་ཚོགས་ཀྱི་མདོག་དུར་ཁྲོད་ཀྱི་གཞི་ནག་པོ་ལ་མེ་རི་རྣམས་ཁ་དོག་རྣམ་ལྔའི་རིམ་པས་འབྲིའོ། །ནང་གི་གཞལ་ཡས་ཁང་རྣམས་ལ་རྟ་བབས་མེད་པས་ཀ་བ་ཀ་རྒྱན་མུན་སྣམ་ཡང་མེད་པའི་དེའི་ཕྱིར་འདོད་སྣམ་སྒོམ་ཁྱུད་ཀྱི་རྩིག་པ་ལ་རེག་པ་དང༌། ཕ་གུ་དྲྭ་ཕྱེད་ཤར་བུ་མདའ་ཡབ་རྣམས་ཀྱང་སྒོ་ལོགས་ཀྱི་རྩིག་པ་ལ་རེག་པའོ། །དེ་ནས་དགྱེས་མཛད་ཐོད་པ་ཅན་ལ། རྩིག་པ་ལ་རེག་པའི་རྡོ་རྗེའི་ཕྲེང་བ་དང་གོང་རས་ནག་པོ། པད་འདབ་ཕྱོགས་བཞི་དམར་ལ་མེ་རླུང་སེར། བདེན་བྲལ་ལྗང་ལ་དབང་ལྡན་སྔོ། ཟེའུ་འབྲུ་ཁྲ་བོ་ལྟེ་བ་མཐིང་ག །ལྷ་སྣམ་གྱི་གྲུ་ཆད་ཕྱོགས་མདོག །གསང་བ་འདུས་པ་ལ། ལྷ་སྣམ་དང༌། རིམ་པ་གཉིས་པའི་གྲུ་བཅད་རྣམས་ཕྱོགས་མདོག །དེ་གཉིས་ཀྱི་བར་རེ་ཁ་ནག་པོས་བཅད། དེ་ལ་མ་རེག་ཙམ་རྡོ་རྗེ་ནག་པོའི་ཕྲེང་བ་ཟླུམ་པོ་ནང་ལེའུ་ཚེ་དགུ་ལྟེ་བ་མཐིང་ག །རེ་མིག་ཕྱོགས་མདོག །ཀ་བའི་མཚན་མ་ཕྱོགས་མདོག །གདུང་ཕྱི་ནང་རྣམས་ནག་པོ་ལ་རྡོ་རྗེ་དམར་པོའི་ཕྲེང་བ་རྣམས་སོ། །འཁོར་ལོ་བདེ་མཆོག་ལ། སྒོའི་རྩིག་པ་ལ་མ་རེག་ཙམ་ནས་སྐུ་འཁོར་གྱི་མུ་ཁྱུད་བྲི་སྟེ། སྐུ་འཁོར་དཀར་པོ། རྩིབས་བར་གྱི་ཀ་བ་དང་མུ་ཁྱུད་ལ་འཁོར་ལོའི་ཕྲེང་བ། གསུང་འཁོར་དམར་པོ་ཀ་བ་དང་མུ་ཁྱུད་ལ་པདྨས་མཚན་པ། ཐུགས་འཁོར་ལོ་སྔོན་པོ་


TNT12_Page_0722
[མ་དཔེ་གཟིགས་ན་འདིར་གནོན།]

ཀ་བ་དང་མུ་ཁྱུད་ལ་རྡོ་རྗེས་མཚན་པ། བདེ་ཆེན་འཁོར་ལོའི་མུ་ཁྱུད་སེར་པོ་ལ་གྲི་གུག་ལྗང་ཁུས་མཚན་པ། སྣ་ཚོགས་པདྨ་གོང་དང་འདྲ། ལྷ་སྣམ་གྱི་གྲུ་བཅད་དང་སྐུ་འཁོར་གྱི་རྩིབས་བར་ཕྱོགས་མདོག །གསུང་འཁོར་གྱི་རྩིབས་བར་དཀར་པོ། ཐུགས་འཁོར་གྱི་རྩིབས་བར་དམར་པོ། བདེ་ཆེན་འཁོར་ལོའི་གོང་རས་མཐིང་ག །མཧཱ་མཱ་ཡ་ཡང་དགྱེས་མཛད་དང་འདྲ་བ་ལས། ལྷ་སྣམ་བཞག་པ་དང༌། རྡོ་རྗེའི་ཕྲེང་བ་མེད་པའོ། །རྡོ་རྗེ་འཇིགས་བྱེད་ཀྱི་དཀྱིལ་འཁོར་ལ། སྒོའི་རྩིག་པ་ལ་མ་རེག་ཙམ་དུ་རྡོ་རྗེའི་ཟླུམ་པོ་དང༌། དབུས་སུའང་རྡོ་རྗེའི་གདུང་ཟླུམ་པོ། བར་བར་དུ་གདུང་ཐུང་བརྒྱད་ཀྱིས་རེ་མིག་བརྒྱད་དུ་བྱས་པ། ལྟེ་བ་མཐིང་ག་གཞན་རྣམས་ཕྱོགས་མདོག །ཕྱོགས་ཀྱི་རེ་མིག་གི་ནང་དུ། སྣ་ཚོགས་རྡོ་རྗེའི་རྭ་རྣམས་ཀྱང་ཕྱོགས་མདོག །གདུང་ཐམས་ཅད་ནག་པོ་ལ་རྡོ་རྗེ་སྔོ་སྐྱའི་མཚན་པ་འབྲིའོ། །ད་ནི་ལྷའི་མཚན་མ་ལ་སོགས་པ་རྣམས་བཤད་པར་བྱ་སྟེ། དཀྱིལ་འཁོར་དབུས་མའི་ལྟེ་བ་ལ་ཉི་གདན་གྱི་སྟེང་དུ། སྣ་ཚོགས་རྡོ་རྗེས་མཚན་པའི་ཐོད་པ་དང་གྲི་གུག་གོ །འདབ་མ་བརྒྱད་ལ་ཉི་མའམ་ཟླ་བའི་གདན་ལ། བྱང་ཤར་ནས་གཡས་སྐོར་གྱིས། སེངྒེ། གྲི་གུག །དགེ་སློང༌། ཌཱ་མ་རུ། འཁོར་ལོ། རུས་སྦལ། རྡོ་རྗེ་སྦྲུལ་རྣམས་ལྷའི་སྐུ་མདོག་དང་མཐུན་པར་བྲི། དཀྱིལ་འཁོར་ཤར་མའི་རེ་མིག་དགུའི་དབུས་སུ། ཉི་གདན་ལ་རྡོ་རྗེ་སྔོན་པོ། ལྷ་གནས་གཞན་རྣམས་སུ་ནུས་ཤིང་སྤྲོ་ན་མངོན་རྟོགས་བཞིན་ལྷའི་གདན་འབྲི་བ་ཡིན་


TNT12_Page_0723
[མ་དཔེ་གཟིགས་ན་འདིར་གནོན།]

ནའང། བསྡུ་ན་སྒོ་སྐྱོང་བཞི་མ་གཏོགས་པ་ལ་མཚན་མ་ཁོ་ན་བྲིས་ཀྱང་ཆོག་སྟེ། རེའུ་མིག་བརྒྱད་ལ་གཡས་སྐོར་གྱི་འཁོར་ལོ་དང་མིག་འབྲས་དང༌། རིན་པོ་ཆེ་དང༌། རྡོ་རྗེ་སྔོན་པོ་དང༌། པདྨ་དང༌། ཡང་པདྨ་དང༌། སྣ་ཚོགས་རྡོ་རྗེ་དང༌། ཨུཏྤལ་སྔོན་པོ་རྣམས་འབྲི། རིམ་པགཉིས་པའི་གྲྭ་བཞིར། མེ་ལོང༌། པི་ཝཾ། དྲིའི་དུང་ཆོས། རོ་མཆོག་གིས་གང་བའི་སྣོད་རྣམས་བྲི། དེ་བཞིན་དུ་ཤར་སྒོའི་གཡས་ནས་བརྩམས་ཏེ་རིམ་པས། འཁོར་ལོས་མཚན་པའི་ཀླུ་ཤིང་གི་མེ་ཏོག་དང༌། རིན་པོ་ཆེ་དང༌། ཡང་རིན་པོ་ཆེ་དང༌། པདྨ་དང་ཡང་པདྨ་དང༌། སྣ་ཚོགས་རྡོ་རྗེ་དང༌། ཡང་སྣ་ཚོགས་རྡོ་རྗེ་རྣམས་འདྲི། ཤར་སྒོའི་ཐོ་བ། ལྷོ་སྒོར་དབྱུག་པ་དཀར་པོ། ནུབ་སྒོར་པདྨ་དམར་པོ། བྱང་སྒོར་རྡོ་རྗེ་ནག་པོ་རྭ་གདེངས་པ། ཤར་ལྷོར་རལ་གྲི། ལྷོ་ནུབ་ཏུ་ལྕགས་ཀྱུ། ནུབ་བྱང་དུ་བེ་ཅོན་ནག་པོ། བྱང་ཤར་དུ་རྡོ་རྗེ་རྩེ་གསུམ། ཤར་གྱི་གླང་རྒྱབ་ཀྱི་ནང་དུ་འཁོར་ལོ། ནུབ་ཀྱི་གླང་རྒྱབ་ཀྱི་ནང་དུ། གཏུན་ཤིང་རྣམས་ཁ་དོག་དམིགས་གསལ་མེད་པ་རྣམས་སྐུ་མདོག་དང་མཐུན་པར་འབྲིའོ། །དཀྱིལ་འཁོར་ལྷོ་མའི་བདེ་ཆེན་འཁོར་ལོའི་དབུས་སུ་རྡོ་རྗེ་དང་གྲི་གུག །ཕྱོགས་ཀྱི་འདབ་མ་བཞི་ལ་ཁ་ཊྭཾ་ག །མཚམས་ཀྱི་འདབ་མ་བཞི་ལ་བུམ་ཐོད། ཐུགས་འཁོར་གྱི་རྩིབས་བརྒྱད་ལ་རྡོ་རྗེ། གསུང་འཁོར་གྱི་བརྒྱད་ལ་པདྨ། སྐུ་འཁོར་གྱི་བརྒྱད་ལ་འཁོར་ལོ། སྒོ་མཚམས་བརྒྱད་


TNT12_Page_0724
[མ་དཔེ་གཟིགས་ན་འདིར་གནོན།]

ལ་གྲི་གུག་རྣམས་ཉི་མའི་གདན་ལ་ལྷའི་སྐུ་མདོག་དང་མཚུངས་པ་འབྲིའོ། །དཀྱིལ་འཁོར་ནུབ་མའི་ལྟེ་བ་ལ་ཐོད་པ་དང་ཁ་ཊྭཾ་ག་ཕྱོགས་ཀྱི་འདབ་མ་བཞི་ལ་གཡས་བསྐོར་གྱི་རྡོ་རྗེ་ནོར་བུ། པདྨ་རལ་གྲི་མཚམས་བཞིར་བུམ་ཐོད། གཞལ་ཡས་ཁང་བྱང་མའི་ལྟེ་བར་རྡོ་རྗེའམ་གྲི་གུག་གམ་རལ་གྲི་གང་རུང༌། རེ་མིག་བརྒྱད་ལ་ཤར་ནས་གཡས་སྐོར་གྱིས་འཁོར་ལོ་དང༌། ཡང་འཁོར་ལོ་དང་ནོར་བུ་དང༌། ཡང་ནོར་བུ་དང༌། པདྨ་དང༌། ཡང་པདྨ་དང༌། རལ་གྲི་དང༌། ཡང་རལ་གྲི་དང༌། ལྷ་སྣམ་བཏོན་ན། རིམ་པ་གཉིས་པའི་གྲྭ་བཞིར་པདྨ་ལ་གནས་པ་ཐོད་པ་ཁྲག་གང་ཤར་གྱི་ལྷ་སྣམ་ལ། གྲི་གུག།འཕང་མདུང༌། གཏུན་ཤིང༌། ཆུ་གྲི། རྡོ་རྗེ་རྩེ་གཅིག་པ། ལྕགས་ཀྱུ་ལྷོའི་ལྷ་སྣམ་ལ། སྟྭ་རེ། མདའ། དབྱུག་པ༌། ཁ་ཊྭཱཾ་ག །འཁོར་ལོ་ཞགས་པ། ནུབ་ཀྱི་ལྷ་སྣམ་ལ། རྡོ་རྗེ། ཅང་ཏེའུ། ཕུབ། གཞུ། དྲིལ་བུ། རླུང་རས། བྱང་གི་ལྷ་སྣམ་ལ་སྡིགས་མཛུབ། འཕན་རྩེ་གསུམ་པ། གླང་ལྤགས། ཐོ་བ། མདུང་རིང༌། མེ་ཐབ་རྣམས་འགོད་པའི་ལུགས་ཀྱང་ཡོད། ལྷ་སྣམ་མ་བཏོན་ན་དེ་དག་འགོག་མི་དགོས་ཤིང༌། ཐོད་པ་བཞི་ཡང་གྲུ་ཆད་བཞི་ལ་བྲིའོ། །ཤར་སྒོར་ཐོ་བ། ལྷོ་སྒོར་བེ་ཅོན། ནུབ་སྒོར་པདྨ༌། བྱང་སྒོར་རལ་གྲི་སྟེ། དེ་རྣམས་ལྷའི་སྐུ་མདོག་དང་མཐུན་པ་རེ་མིག་བརྒྱད་གྱི་ཤར་དང༌། ཤར་ལྷོ་ལ་ཟླ་གདན་དང༌། གཞན་རྣམས་ཉི་གདན་ལ་བྲིའོ། །ཕྱི་ནང་གི་


TNT12_Page_0725
[མ་དཔེ་གཟིགས་ན་འདིར་གནོན།]

དཀྱིལ་འཁོར་ཐམས་ཅད་ལ་བཀྲ་ཤིས་ཀྱི་བུམ་པ་བརྒྱད་འབྲི་ཞིང༌། གཞི་དཀྱིལ་གྱི་གྲྭ་བཞི་པོ་ལ་མཆོད་པ་སྣ་ཚོགས་མཛེས་ཚོན་དུ་འབྲི་བར་བཤད་པ་ལ། དེང་སང་ལག་ལེན་ནི། བུམ་པ་ལས་ཐོན་པའི་མེ་ཏོག་ཟླུམ་འཛིངས་པདྨ་བརྒྱད་བརྒྱད་ཡོད་པ་ལ་མཚན་མ་བརྒྱད་བརྒྱད་འཁོད་པའམ། པདྨ་འདབ་བརྒྱད་ཀྱི་ལྟེ་བར་བུམ་པ་བཟང་པོ་རེ་རེ། འདབ་མ་བརྒྱད་ལ་འཁོར་ལོ་རིན་པོ་ཆེ་སོགས་བརྒྱད་དམ། སྒེག་སོགས་བརྒྱད་དམ། དངོས་གྲུབ་བརྒྱད་ལ་སོགས་པ་ཇི་ལྟར་བདེ་བར་འགོད་དོ། །བུམ་པ་ཐམས་ཅད་དང༌། རྟ་བབས་ཀྱི་རྩེ་མོའི་རི་དྭགས་ནི་སེར་པོའོ། །གདུགས་རྣམས་དཀར་པོ། གཞན་རྒྱན་རྣམས་མཛེས་ཚོན་དུ་བྱ། གཞི་དཀྱིལ་གྱི་སྒོ་བཞིར་ཡང་ཉི་མའི་གདན་ལ་ལྕགས་ཀྱུ་ཞགས་པ་ལྕགས་སྒྲོག་དྲིལ་བུ་རྣམས་འབྲི་བར་དེ་ཁོ་ན་ཉིད་རིག་པ་དག་འདོམ་པར་མཛད་ལ། ནམ་མཁར་བཞུགས་པའི་དགྱེས་མཛད་ལྷ་དགུའི་མཚན་མ་ནི་འགོད་དགོས་པ་མ་ཡིན་ཏེ། ཐོད་པ་ཅན་ལྷ་དགུ་དང་དོན་གཅིག་པའི་ཕྱིར་ཅེས་གསུང་ངོ༌། །རྟ་བབས་སྒོ་ཚད་གཉིས་མ་ལྟར་ན། པདྨའི་སྣམ་བུ་དབུས་སྔོན་པོ་དང་ལྗང་ཁུ་སྤེལ་མར་བྱ་ཞིང༌། པདྨ་ཕྱི་མ་གཉིས་ཀྱི་ཁ་བད་ཁྲ་བོ། ཟླ་བ་དཀར་པོ། ཉི་མ་དམར་པོ། བྲེ་གདན་དམར་པོ། བྲེ་དཀར་པོ། གདུང་གདན་དང་གདུང་ཁེབས་དམར་སེར། གདུང་སྣམ་དངོས་དང༌། པདྨ་གསུམ་གྱི་འོག་གི་གདུང་དང༌། སྟེང་གི་བད་ཁེབས་རྣམས་ནི་གསེར་མདོག་སྟེ་འདི་ལ་རྟ་བབས་ཀྱི་རྩེ་མོའི་པདྨ་འཁོར་ལོ་


TNT12_Page_0726
[མ་དཔེ་གཟིགས་ན་འདིར་གནོན།]

གདུགས་རི་དྭགས་རྣམས་ལ་ཚད་ངེས་པ་མེད་དོ། །གདུང་ཁེབས་དང༌། པདྨའི་སྣམ་བུ་གཉིས་པའི་ཁ་བད་ཀྱི་སྟེང་གི་གཡས་གཡོན་དུ་དྲིལ་བུའི་སྣམ་པའི་མཆོད་རྟཻན་གྷ་ཊི་ར་སེར་པོ་དང་བཅས་པ་རེ་བྱ། གླང་རྒྱབ་ཀྱི་ཕྱི་ངོས་རྩ་བར་ཆུ་སྲིན་དང༌། རྩེ་མོར་མཁའ་ལྡིང་གི་གདོང་དང༌། ཕྱི་སྐོར་དུ་གསེར་གྱི་པ་ཏྲས་བསྐོར་བ། ནང་དུ་དྲྭ་ཕྱེད་སོགས་དཔྱངས་ཤིང༌། གླང་རྒྱབ་ཀྱི་ནང་གི་རྩེར་དེ་བཞིན་གཤེགས་པ་རིགས་བཞིའི་ཕྱག་མཚན་ཕྲ་མོ་རེ་འབྲི་ཞིང༌། རྟ་བབས་ཀྱི་སྣམ་བུ་ཐམས་ཅད་ལ་མ་ངེས་པའི་རྒྱན་སྣ་ཚོགས་པའོ། །ཕྱི་ནང་གི་གཞལ་ཡས་ཁང་ཐམས་ཅད་ཀྱི་སྣོད་དང་སྒོ་ཁྱུད་ཀྱི་མཚམས་སུ་ཟླ་ཕྱེད་རྡོ་རྗེ་དང༌། འདོད་སྣམ་ཀྱི་སྟེང་དུ་ལྷ་མོའི་མཚན་མ་མེ་ཏོག་བཅུ་དྲུག་བཅུ་དྲུག་དང༌། ཟུར་བཞིར་ཟླ་ཕྱེད་ནོར་བུའོ། །དེ་ལྟར་ལེགས་པར་ཚར་བ་དང༌། ཚོན་གྱི་ལྷག་མ་རྣམས་མཆོད་བསྟོད་ཡེ་ཤེས་པ་གཤེགས་པ་རྣམས་བྱ་སྟེ། ཇི་ལྟར་བདེ་བར་བཞག་གོ །གསུམ་པ་ནི། དེ་མ་ཐག་ཏུ་ལས་ཐམས་ཅད་པའི་བུམ་ཆུས་དཀྱིལ་འཁོར་དང་ཡོ་བྱད་ཐམས་ཅད་བསངས་སྦྱངས་ལ། ས་རྒྱན་གནམ་རྒྱན་སོགས་ཇི་ལྟར་མཛེས་པར་བཤམས། ཁྱད་པར་རྒྱལ་མཚན་བརྒྱད་བཤམས་པ་ནི། ཤར་དུ་དཀར་པོ། མེར་ལེབ་རྒན། ལྷོར་ནག་པོ། ལྷོ་ནུབ་དུད་ཁ། ནུབ་ཏུ་དམར་པོ། རླུང་དུ་ཁྲ་བོ། །བྱང་དུ་སེར་པོ། བྱང་ཤར་དུ་ལྗང་སེར་རྣམས་སོ། །མཆོད་པ་སྟ་གོན་གྱི་དུས་ལས་མི་ཉུང་བར་བཤམས་ཤིང་མང་པོ་ལ་ནི་ཚད་མེད་དོ། །བཅུད་སྣ་ཚོགས་ཀྱིས་གང་བའི་བུམ་པ་བརྒྱད་ཀྱང༌།


TNT12_Page_0727
[མ་དཔེ་གཟིགས་ན་འདིར་གནོན།]

ཕྱོགས་མཚམས་བརྒྱད་དུ་དགོད། ནང་གཏོར་ཡི་དམ་གཏོར་མ་ལྔ་དང༌། ཆོས་སྐྱཽང་བསྲུང་མའི་གཏོར་མ་བཞི་ངེས་པར་དགོས་ཤིང༌། རྒྱས་པ་ལ་སྤྲོས་པས་ལྷག་པོར་ཕྱོགས་སྐྱོང་བཅུའི་གཏོར་མ་བཅུ་དང༌། རྒྱལ་པོ་ཆེན་པོ་བཞི་ལ་བཞི་སྟེ། གཏོར་མ་བཅུ་བཞི་བྱེད་ཚུལ་བརྒྱུད་པ་འདི་ཉིད་ཀྱི་ཡིག་རྙིང་དང༌། བླ་མའི་མན་ངག་ལས་འབྱུང་བ་རྣམས་དེ་སང་ལག་ལེན་ལ་བྱེད་པ་ཉུང་བས་རེ་ཞིག་བཞག་གོ །དྲུག་པ་དཀྱིལ་འཁོར་སྒྲུབ་པའི་མངོན་དུ་བྱ་བ་དང༌། དཀྱིལ་འཁོར་སྒྲུབ་པ་དངོས་དང༌། མཆོད་ཅིང་བསྟོད་པ་དང༌། གཏོར་མ་འབུལ་བ་སྟེ་བཞི་ལས། དང་པོ་ནི། སྔོན་འགྲོ་གཏོར་མ་དང༌། ཕྱི་རོལ་གཏོར་མ་དང༌། འོག་ཏུ་དགོས་པའི་ཡོ་བྱད་ཐམས་ཅད་ཚོགས་པར་བྱས་ལ། གོང་བཞིན་སྔོན་འགྲོ་གཏོར་མ་བཏང༌། དཀྱིལ་འཁོར་དང་ཡོ་བྱད་ཐམས་ཅད་ལ་བགེགས་སྦྱང་བ་བྱ་སྟེ། ཞི་བས་སྦྱང་བ། ཞི་དྲག་ཕྱེད་མས་སྦྱང་བ། དྲག་པོས་སྦྱང་བ་རྣམས་སྤྱི་དང་མཐུན་པར་བྱ། འོག་སློབ་མ་དབང་བསྐུར་གྱི་སྐབས་སུ་འབྱུང་བ་ལྟར་ཏིལ་གྱིས་སྦྱང་བས་བྱུར་བསལ། ལས་ཐམས་ཅད་པའི་བུམ་པས་ཁྲུས་གསོལ་རྒྱས་བསྡུས་གང་རུང་ཞིག་བྱ། དེ་ནས་བདུད་རྩི་འཁྱིལ་བའི་སྔགས་དྲག་ཏུ་བཟླ་ཞིང༌། ཧཱུཾ་ཞེས་བརྗོད་པས་བསྲུང་བའི་འཁོར་ལོ་སྐད་ཅིག་གིས་གསལ་བཏབ། གོང་བཞིན་མཆོད་པ་བྱིན་རླབས་བྱ། སྐྱབས་འགྲོ་ནས་བཟླས་པའི་བར་དང༌། དེ་


TNT12_Page_0728
[མ་དཔེ་གཟིགས་ན་འདིར་གནོན།]

རྗེས་བདག་བསྐྱེས། ཉེར་བསྡུ་རྣམས་བསྒྲུབ་ཐབས་ནས་འབྱུང་བ་ལྟར་བདག་བསྐྱེད་རྫོགས་པར་བསྒོམ་མོ། །གཉིས་པ་ལ། དཀྱིལ་འཁོར་བསྐྱེད་དང་གཟེངས་བསྟོད་པ། གནས་ལྔ་སྒྲུབ་པ་ལྷག་པའི་ལྷར་སྒྲུབ་པ། ཡེ་ཤེས་ཀྱི་ལྷར་སྒྲུབ་པ། ཏིང་ངེ་འཛིན་གསུམ་སྒྲུབ་པ་སྟེ་དྲུག་གོ །དང་པོ་ནི། དེ་ནས་མདུན་བསྐྱེད་བསངས་སྦྱངས། སྟོང་པའི་ངང་ལས། རཾ་ལས་ཉི་མ་ནས། ཟླ་བའི་དཀྱིལ་འཁོར་གྱི་གདན་རེ་རེ་ཞེས་པའི་བར་ལྷ་སྟ་གོན་བཞིན། ལྷའི་མཚན་མ་རྣམས་ཡོངས་སུ་གྱུར་པ་ལས། དབུས་སུ་དགྱེས་མཛད་ནས། ཁྱབ་པར་མཛད་པའོ། །དེ་བཞིན་དུ། འདབ་མ་བརྒྱད་ལ་ནས། དབུས་ན་བཞུགས་པའི་བར་ཕྱི་ནང་གི་དཀྱིལ་འཁོར་མཐའ་དག་བསྐྱེད་ཚུལ་ཡང་ལྷ་སྟ་གོན་བཞིན་ནོ། །གཉིས་པ་ནི། དེ་ནས་ནམ་མཁར་བཞུགས་པའི་སྟ་གོན་གྱི་ལྷ་རྣམས་གསལ་བར་བལྟས་ཏེ། བདུག་སྤོས་འཐུལ་བཞིན་དུ། དེང་བདག་སྐྱེ་བ་འབྲས་བུར་བཅས། །བདག་གི་གསོན་པའང་འབྲས་བུར་བཅས། །ལྷ་དང་དམ་ཚིག་མནོས་པར་ནི། །འགྱུར་བ་འདི་ལ་ཐེ་ཚོམ་མེད། །འདི་ནི་བདག་ཉིད་དམ་པ་སྟེ། །ལྷ་དང་སྐལ་བ་མཉམ་པར་འགྱུར། །བདག་གིས་མཆོད་པ་བླ་མེད་འདིས། །སངས་རྒྱས་ཐམས་ཅད་སྤྱན་འདྲེན་པས། །དེང་བདག་འདུས་པའི་མཆོག་ཡིན་ནོ། །ཞེས་ཉེ་བར་


TNT12_Page_0729
[མ་དཔེ་གཟིགས་ན་འདིར་གནོན།]

སྙན་གསན་ཕབ། གསུམ་པ་ནི། ཨོཾ་ཧྲཱིཿསྭཱཧཱ་དང་གཙོ་བོ་ལྔའི་སྙིང་པོ་བརྗོད། རང་གི་གནས་ལྔར་རྒྱུད་སྡེ་ལྔའི་དཀྱིལ་འཁོར་སྐད་ཅིག་གིས་སླར་ཡང་གྲུབ་པར་གྱུར། སླར་ཡང་སྙིང་པོ་དྲུག་ཚར་གཅིག་བརྗོད། ཨོཾ་ཨ་ཨཱ་ཨི་ཨཱི་ཨུ་ཨཱུ་རྀ་རཱྀ་ལྀ་ལཱྀ་ཨེ་ཨཻ་ཨོ་ཨཽ་ཨཾ་ཨཱཿ ཀ་ཁ་ག་གྷ་ང༌། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ་ཀྵ་ཧཱུཾ་ཕཊ་སྭཱཧཱ། བདག་ཉིད་ཀྱི་ལུས་ཀྱི་དཀྱིལ་འཁོར་ལྔ་དང༌། མདུན་བསྐྱེད་རྒྱུད་སྡེ་ལྔའི་དཀྱིལ་འཁོར་གྱི་ལྷ་ཚོགས་རང་བཞིན་མཉམ་པ་ཉིད་ཀྱི་ངོ་བོས་རྣམ་པར་དག་པའི་ཕྱིར་རྣམ་པ་ཐ་དད་ཀྱང་ངོ་བོ་གཅིག་པ་ཡིན་ནོ། །རྡོ་རྗེ་རྩེ་ལྔ་པའི་ཕྱག་རྒྱ་གནས་ལྔར་གཏུགས་ལ། ཨོཾ་བཛྲ་མཧཱ་ས་མ་ཡ་སྟཾ། སླར་ཡང་གཏུགས་ལ། ཨོཾ་ས་མ་ཡ་སཏྭ་ཨ་དྷི་ཏྀཥྛ་སྭ་མཾ། བཞི་པ་ནི། ཨཱ་ཁཾ་ཝཱི་ར་ཧཱུཾ། ཞེས། དཀྱིལ་འཁོར་གྱི་ཤར་སྒོ་ནས་ཞུགས་ཏེ། གཙོ་བོ་དྲུང་དུ་བདག་ཉིད་གནས་པར་གྱུར། ཨོཾ་ཨཱཿཧཱུཾ། གཞལ་ཡས་ཁང་ས་གསུམ་རྣམ་པར་དག་པའི་ངོ་བོ་གྱུར། ཨོཾ་ཨཱཿཧཱུཾ་ལྷ་ཚོགས་རྣམས་སེམས་ཅན་གྱི་ཁམས་ཐམས་ཅད་རྣམ་པར་དག་པའི་བདག་ཉིད་དུ་གྱུར། ལྔ་པ་ནི། རང་གི་སྙིང་ག་ནས་འོད་ཟེར་འཕྲོས་པས། སྟ་གོན་གྱི་དཀྱིལ་འཁོར་རྟེན་དང་བརྟེན་


TNT12_Page_0730
[མ་དཔེ་གཟིགས་ན་འདིར་གནོན།]

པར་བཅས་པ་ཐམས་ཅད་ཨོཾ་བཛྲ་ས་མཱ་ཛཿ བདུད་རྩི་འཁྱིལ་བའི་སྔགས་ལན་གསུམ་བཟླས་ཤིང་རྡོ་རྗེ་གསོར་བས། བགེགས་བསྐྲད། སྒོ་དབྱེ། མཚམས་བཅིངས་པར་བསམ། རྡོ་རྗེའི་གུར་ནང་གི་ནམ་མཁའ་ལ་དགྱེས་པས་བཞུགས་པར་གྱུར༌། ཨརྒྷཾ་སོགས་དང༌། གཙོ་བོའི་སྙིང་པོ་རྣམས་ཀྱི་མཐར་འབྲུ་གསུམ་སྦྱར་བ་དང༌། ཨ་ནུ་ར་ག་རྣམས་ཀྱིས་མཆོད། དེ་ཉིད་ལྔ་པས་བསྟོད། པདྨ་ཀ་མ་ལ་ཡ་སྟྭཾ་གྱི་གདན་ཕུལ། རྩ་སྔགས་རྣམས་དང༌། མཚོན་ཆ་ཅན་གྱི་ལྷ་མོ་བརྒྱད་པོའི་སྔགས་བོར་བའི་སྔགས་ཐམས་ཅད་ལ་རེ་རེ་བཞིན་དུ་ཨ་བེ་ཤ་ཡ་ཛཿཧཱུཾ་བཾ་ཧོཿཞེས་བཏགས་ལ་རྟེན་ལ་ཕབ་སྟེ་དམ་ཡེ་གཉིས་མེད་དུ་བསྲེ། སྙིང་གའི་ས་བོན་གྱི་འོད་ཟེར་གྱིས་དགྱེས་མཛད་མཚོན་ཆ་ཅན་ལྷ་བཅུ་གསུམ་རྒྱུད་སྡེ་ལྔའི་ལྷ་ཚོགས་དང་བཅས་པ་ཨོཾ་བཛྲ་ས་མཱ་ཛཿནས། འཁོར་རྣམས་ལ་གཙོ་བོས་དབུ་རྒྱན་གྱི་བར་དུ་བུམ་བསྐྱེད་ཀྱི་སྐབས་དང་འདྲ་བར་བྱ། དྲུག་པ་ནི༌། སླར་ཡང་གོང་བཞིན་མཆོད་བསྟོད་བྱས་ལ། བདག་ཉིད་རང་སྣང་གི་རིག་མ་དང་བཅས་པ་དཀྱིལ་འཁོར་གྱི་གཙོ་བོ་ཡབ་ཡུམ་རྣམས་དང་གཉིས་སུ་མེད་པར་གྱུར། ཡབ་ཀྱི་གསང་གནས་ནས། རྡོ་རྗེའི་ལམ་ནས་ཡུམ་གྱི་པདྨར་བབས༴གྱི་བར་མཚོན་ཆ་ཅན་གྱི་སྒྲུབ་ཐབས་བཞིན། བྱང་ཆུབ་ཀྱི་སེམས་ཀྱི་འོད་ཟེར་གྱི་དཀྱིལ་འཁོར་གྱི་འཁོར་ལོའི་ལྷ་ཚོགས་


TNT12_Page_0731
[མ་དཔེ་གཟིགས་ན་འདིར་གནོན།]

ཚད་མེད་ཅིང་གྲངས་མེད་པར་གྱུར། མཁའ་ནང་ནས་ཕྱིར་སྤྲོས་ནམ་མཁའི་དབྱིངས་ཐམས་ཅད་ཡོངས་སུ་གང༌། སངས་རྒྱས་དང་བྱང་ཆུབ་སེམས་དཔའ་ཐམས་ཅད་སྣ་ཚོགས་པའི་མཆོད་པས་མཉེས་པར་བྱས། སེམས་ཅན་ཐམས་ཅད་ལ་བྱང་ཆུབ་ཀྱི་སེམས་ཀྱི་འོད་ཟེར་གྱི་དབང་བསྐུར། སྡིག་སྒྲིབ་ཐམས་ཅད་སྦྱངས། རྡོ་རྗེ་འཆང་ཆེན་པོའི་གོ་འཕང་ལ་བཀོད། དེ་རྣམས་དང་སྔོན་ནས་གྲུབ་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་སྤྲུལ་པའི་ལྷ་ཚོགས་རྣམས་དང་གཅིག་ཏུ་འདྲེས། ཐམས་ཅད་སླར་འདུས། བྱང་ཆུབ་ཀྱི་སེམས་སུ་ཞུ་བ་དཀྱིལ་འཁོར་གྱི་ལྷ་ཚོགས་རྣམས་ལ་ཐིམ་པར་གྱུར། མདུན་བསྐྱེད་ཀྱི་བཟླས་པ་ཅི་རིགས་པ་བྱ་སྟེ། གཙོ་བོ་དྲུག་གི་སྙིང་པོ་བརྒྱ་རྩ་རེ། རྩ་སྔགས་ཉེ་སྙིང་སོགས་ཚར་རེ། འཁོར་རྣམས་ཀྱི་སྔགས་གསུམ་གསུམ་བཟླ་བའི་ལག་ལེན་ཡོད་དོ། །གསུམ་པ་མཆོད་ཅིང་བསྟོད་པ་ནི། དེ་ནས་མཆོད་པ་བྱིན་རླབས་ནས་བསྟོད་པའི་བར་ནི་གོང་ལྷ་སྟ་གོན་གྱི་སྐབས་སུ་བཤད་པ་བཞིན་བྱའོ། །དེར་མ་ཟད་མཆོད་པ་འབུལ་བའི་ཚིགས་བཅད། སྔགས་དང་ཕྱག་རྒྱ་ཇི་ཙམ་ཤེས་པ་དེ་ཐམས་ཅད་ཀྱིས་འཚམ་པར་མཆོད་དེ་མཆོད་པའི་ཁྱད་པར་རྒྱས་པ་ཉིད་མཆོག་གོ །བཞི་པ་གཏོར་མ་འབུལ་བ་ནི། དེ་ནས་གཏོར་མ་རྣམས་བྱིན་གྱིས་བརླབས་པ་དང༌། འཇིག་རྟེན་


TNT12_Page_0732
[མ་དཔེ་གཟིགས་ན་འདིར་གནོན།]

འདས་པའི་གཏོར་མ་འབུལ་ཚུལ་སྒྲུབ་ཐབས་བཞིན་ཏེ། ཅུང་ཟད་ཁྱད་པར་ཡོད་པ་སྟ་གོན་གྱི་སྐབས་བཞིན་ནོ། །གཏོར་མ་གཉིས་པ་མྱུར་མཛད་ཡེ་ཤེས་མགོན་པོ་ལ་གཏོར་ཆོག་ལྟར་འབུལ། གསུམ་པ་མཁའ་འགྲོ་སྡེ་ལྔ་ལ་འབུལ་སྟེ། ཨོཾ་ཤྲཱི་ཧེ་རུ་ཀ་མཧཱ་བཛྲ་ཨ་ཀཊྚེ་ཨ་ཀཊྚེ། པྲ་བེ་ཤ་ཡ། པྲ་བེ་ཤ་ཡ། བནྡྷ་ཡ་བནྡྷ་ཡ། སརྦ་བཛྲ་ཌཱ་ཀི་ནི་ནཾ་ཧྲི་ད་ཡཾ་ཧཱུཾ་ཧཱུཾ་ཕཊ་ཅེས་ལན་གསུམ་གྱིས་སྤྱན་དྲངས། ཨོཾ་བུདྡྷ་ཌཱ་ཀི་ནི་པྲ་ཏཱིཙྪ་ཨི་མཾ་བཱ་ལིཾ་ཨོཾ་ཕཊ། ཨོཾ་བཛྲ་ཌཱ་ཀི་ནཱི་པྲ་ཏཱིཙྪ་ཨི་མཾ་བཱ་ལིཾ་ཧཱུཾ་ཕཊ། ཨོཾ་རཏྣ་ཌཱ་ཀི་ནི་པྲ་ཏིཙྪ་ཨིཾ་མཾ་བཱ་ལིཾ་ཏྲཾ་ཕཊ། ཨོཾ་པདྨ་ཌཱ་ཀི་ནཱི་པྲ་ཏཱིཙྪ་ཨི་མཾ་བཱ་ལིཾ་ཧྲིཿཕཊ། ཨོཾ་ཀརྨ་ཌཱ་ཀི་ནཱི་པྲ་ཏཱིཙྪ་ཨི་མཾ་བཱ་ལིཾ་ཨ་ཕཊ། ཨོཾ་སརྦ་ཌཱ་ཀི་ནཱི་པྲ་ཏཱིཙྪ་ཨི་མཾ་བཱ་ལིཾ་ཧོ་ཕཊ། ཅེས་ལན་ལྔས་ཕུལ། ཨརྒྷཾ་ནས། ཤཔྟའི་བར་དང་འབྲུ་གསུམ་གྱིས་མཆོད། དེ་ཉིད་ལྔ་པ་མཁའ་འགྲོ་སྤྱི་གཏོར་ལྟར་འདོན་པ་སྤོས་པས་བསྟོད། གཏོར་མ་ཐ་མ་འབྱུང་པོ་ཐམས་ཅད་པའི་གཏོར་མ་ཡང་སྒྲུབ་ཐབས་ནས་འབྱུང་བ་བཞིན་ནོ། །འོན་ཀྱང་འདིར་གཤེགས་གསོལ་མི་བྱ། ཕྱོགས་སྐྱོང་དང་ནག་པོ་ཆེན་པོ་དུར་ཁྲོད་དང༌། མཁའ་འགྲོ་སྡེ་ལྔ་ཁྱམས་ལ་བཞུགས་པར་བསམ། ཕྱི་རོལ་གཏོར་མ་ནི། མདོར་བསྡུས་པའི་ཚེ། མཁའ་འགྲོ་སྤྱི་གཏོར་དང༌། འབྲིང་ལ་མོས་པའི་ཚེ་དགྱེས་མཛད་རྡོ་རྗེ་ནས་འབྱུང་བའི་འབྱུང་པོ་ཐམས་ཅད་པའི་གཏོར་མ་དང༌།


TNT12_Page_0733
[མ་དཔེ་གཟིགས་ན་འདིར་གནོན།]

རྒྱས་པ་ལ་མོས་པའི་ཚེ། ཕྱོགས་བཞི་དང༌། སྟེང་སྟེ་ལྔར་གཏོར་མ་ཆེ་བ་རེ་མཆོད་པ་དང་བཅས་པ་དེ་འབུལ་དགོས་ལ་ཐམས་ཅད་ལའང་མཆོད་པ་བྱིན་རླབས་དང༌། གཏོར་མ་བྱིན་རླབས་རྣམས་གོང་ས་ཆོག་གི་སྐབས་དང་འདྲ། ཤར་དུ་ཕྱོགས་སྐྱོང་ལ་གཏོར་མ་འབུལ་བ་ཡང་གོང་ས་ཆོག་གི་སྐབས་བཞིན། ལྷོ་རུ། ཕཻཾ་བཛྲ་ཨ་རལླི་ཧོ་ཛཿཧཱུཾ་བཾ་ཧོཿདྲྀ་ཤྱ་ཧོ། ཞེས་འབྱུང་པོ་ཐམས་ཅད་སྦྱན་དྲངས། ཨོཾ་ཁ་ཁ་ཁཱ་ཧི་ཁཱ་ཧི། སརྦ་ཡཀྵ་རཀྵ་ས་བྷཱུ་ཏ་པྲེ་ཏ་བཱི་ཤ་ཙ། ཨུནྨཱ་ཏ། ཨ་པ་སྨཱ་ར། ཌཱ་ཀི་ཌཱ་ཀི་ནྱ་ད་ཡ། ཨི་དཾ་བཱ་ལིཾ་གྲི་ཧྞཱནྟུ། ས་མ་ཡ་རཀྵནྟུ། མ་མ་སརྦ་སིདྡྷི་མེ་པྲ་ཡ་ཙྪནྟུ། ཡ་ཐཻ་པཾ། ཡ་ཐཻཥྟཾ་བྷུཉྫ་ཐཱ། པི་པ་ཐ་ཛི་གྷྲ་ཐ། མ་ཏི་ཀྲ་མ་ཐ། མ་མ་སརྦཱ་ཀཱརྟ་ཡ། སཏྶུ་ཁཾ་བི་ཤུདྡྷ་ས་ཧཱ་ཡི་ཀཱ་བྷ་ཝཱནྟུ་ཧཱུཾ་ཧཱུཾ་ཕཊ་སྭཱཧཱ། ཞེས་ལན་གསུམ་གྱིས་ཕུལ། ནུབ་ཏུ་མཁའ་འགྲོ་སྡེ་ལྔའི་གཏོར་མ་སྔར་བཤད་པ་ལྟར་འབུལ། བྱང་དུ། རང་གི་སྙིང་གའི་འོད་ཟེར་གྱིས། ཕྱོགས་སྐྱོང་བ་བཅུ་སྲིད་པ་གསུམ་གྱི་འབྱུང་པོའི་ཚོགས་དང་བཅས་པ་བཛྲ་ས་མཱ་ཛཿ ཨོཾ་བྷུ་ཛ་ར་ཎཾ་ཡ་པ་ཏ་ལ་ཙ་ར་ཎཱཾ། མན་ཁེ་ཙ་ར་ཎཱཾ། ཏ་པུརྦ་ཨ་ཏི་ག་ཏ་ནཱཾ། ཀ་དཀྵི་ཎ་ཨ་དྷི་ག་ཏ་ནཱཾ། ཧཱུཾ་པཤྩི་མ་ཨ་དྷི་ག་ཏ་ནཱཾ། ཕཊ་ཨུཏྟ་ར་ཎ་ཨ་དྷི་ག་ཏ་ནཱཾ། ཨོཾ་ཨི་


TNT12_Page_0734
[མ་དཔེ་གཟིགས་ན་འདིར་གནོན།]

ཧྲི་ཡ་བི་ཀྵོ་ཀྲི་ཏ་ཨི་ན་ཨཱ་ན་དེ་ཧཱུཾ་ཕཊ། སརྦ་བྷུ་ཏེ་བྷྱོ་ཧ་ཧ་ཧ་ཧི་ཧི་ཧི་ཧཱུཾ་ཧཱུཾ་ཧཱུཾ་ཕཻཾ་ཕཻཾ་ཕཻཾ་ཕཊ་སྭཱཧཱ། ཞེས་ལན་གསུམ་གྱིས་ཕུལ། སོ་སོའི་མཐར་ཨརྒྷཾ་ལ་སོགས་པའི་ཕྱི་མཆོད་དང་འབྲུ་གསུམ་གྱིས་ནང་མཆོད་དང༌། དམ་ཚིག་ལྡན་ཞིང་འཇིག་རྟེན་སྐྱོང༌། །སྲིད་པ་གསུམ་ན་གང་གནས་པ། །འགྲོ་བའི་དོན་ཀུན་སྤྱོད་པ་ལ། །མཆོད་ཅིང་བསྟོད་དེ་ཕྱག་ཀྱང་འཚལ། །ཞེས་བསྟོད། མཆོད་སྦྱིན་གཏོར་མ་འདི་བཞེས་ལ། །སོགས་འདོད་དོན་གསོལ་བ་བཏབ་པ་རྣམས་ཐམས་ཅད་ལ་སྦྱར་རོ། །སྟེང་ཕྱོགས་སུ་སྒྲུབ་ཐབས་ནས་འབྱུང་བ་ལྟར་སྤྱི་གཏོར་རྒྱས་པར་འབུལ་བ་ལས། ཐམས་ཅད་རང་མདོག་ཐིག་ལེར་ཞུ་ཞེས་པ་ནས། གཡས་བརྐྱང་བཞུགས་ཤིང་དུར་ཁྲོད་བརྒྱན་ཞེས་པའི་བར་དོར། གཙོ་བོ་ལྔའི་རྩ་སྔགས་དང༌། བདུད་རྩི་འཁྱིལ་བའི་སྔགས་དྲག་ཏུ་བཟླས། ཡུངས་དཀར་གཏོར་ཞིང་བགེགས་བསྐྲད་ལ་མཚམས་བཅད། སླར་ནང་དུ་འོངས་མ་ཐག་ལས་བུམ་གྱི་ཆུས་ཁྲུས་བྱས་ལ་ཁ་བཤལ། དཀྱིལ་འཁོར་ལ་ལན་གསུམ་དུ་བསྐོར་བ་བྱས་ཏེ། ཨོཾ་བཛྲ་ཨུཏྒ་ཧ་ཊ་ཡ་ས་མ་ཡ་པྲ་བེ་ཤ་ཡ་ཧཱུཾ་ཞེས་ཧཱུཾ་མཛད་ཀྱི་ཕྱག་རྒྱ་དྲལ་བས་ཕྱོགས་བཞིའི་སྒོ་དབྱེ། ཨོཾ་མཆོག་ཏུ་བདེ་བའི་སེམས་ནི་རོལ་པར་ལྡན། །སྒེག་པའི་ཕྱག་གིས་བཅོམ་ལྡན་འདས་ལ་འདུད། །ཛཿཧཱུཾ་བཾ་ཧོཿརབ་ཏུ་གྲུབ་པར་མཛོད། །མགོན་པོ་སྙིམ་པའི་མེ་ཏོག་བཞེས་སུ་གསོལ། །ཧོ་ཞེས་


TNT12_Page_0735
[མ་དཔེ་གཟིགས་ན་འདིར་གནོན།]

མེ་ཏོག་ཕུལ། ས་མ་ཡ་པྲ་བེ་ཤ་ཡ་ཧཱུཾ་ཞེས་པས་མགོ་བོར་མེ་ཏོག་བཅིངས་ལ། བདག་གཞན་འཁོར་དང་བཅས་པ་ལ་བར་ཆད་ཞི་བར་མཛོད། ཅེས་གསོལ་བ་དྲག་ཏུ་བཏབ། བདུན་པ་ནི། དཀྱིལ་འཁོར་དུ་འཇུག་པའི་དོན་དུ་མཎྜལ་ཕུལ་ལ། དགའ་ཆེན་ཁྱོད་བདག་སྟོན་པ་སྟེ། །ཞེས་ལན་གསུམ། སངས་རྒྱས་ཀུན་གྱི་རང་བཞིན་སྐུ། །སློབ་དཔོན་ཁྱོད་ལ་སྐྱབས་སུ་མཆི། །གཙོ་བོ་ལྷ་མོར་བཅས་པ་ཡི། །ལྷ་རྣམས་ལ་ཡང་ཕྱག་འཚལ་ལོ། །ཐར་བ་ཆེན་པོའི་གྲོང་མཆོག་ཏུ། །མགོན་པོས་བདག་ནི་འཇུག་པར་འཚལ། །རྒྱལ་བ་མི་གནས་མྱ་ངན་འདས། །བཅོམ་ལྡན་ཁྱོད་སྐུ་བདག་ལ་སྟོན། །ཞེས་ལན་གསུམ། གནང་བ་སྦྱིན་པ་ནི། དེ་བཞིན་གཤེགས་པ་ཀུན་གྱི་གནས། །ཧེ་རུ་ཀ་དཔལ་གྲོང་ཁྱེར་མཆོག །སྙིང་པོའི་དཀྱིལ་འཁོར་འདི་རུ་ནི། །བདག་གིས་སློབ་མ་གཞུག་པར་བྱ། །ལན་གསུམ། ཨོཾ་ན་མ་སྟེ་ཧཱུཾ། ན་མཿམེ་ཧཱུཾ། ན་མོ་ན་མཿཧཱུཾ། ཕྱོགས་བཞི་ནས་ཕྱག་བྱ། བདུན་རྣམ་དག་བྱའོ། །རིགས་ཀྱི་བུ་ཁྱོད་གང་ལ་དགའ། །སྐལ་བ་བཟང་ལ་བདག་དགའོ། །སྐལ་བཟང་དེས་ཁྱོད་ཅི་ཞིག་བྱེད། །སངས་རྒྱས་མཆོག་འདོད་དམ་ཚིག་ཡིན། །ཨོཾ་ཙཀྵུ་བནྡྷ་ཝ་རཱ་མ་ན་ཡ་ཧཱུཾ། ཨོཾ་ཨཱ་ཁཾ་ཝཱི་ར་ཧཱུཾ། སྙིང་


TNT12_Page_0736
[མ་དཔེ་གཟིགས་ན་འདིར་གནོན།]

གར་ཀུན་རྫོབ་བྱང་ཆུབ་སེམས་ཀྱི་ངོ་བོ་ཟླ་བའི་དཀྱིལ་འཁོར་གྱི་སྟེང་དུ། དོན་དམ་བྱང་ཆུབ་སེམས་ཀྱི་ངོ་བོ་རྡོ་རྗེ་དཀར་པོ་རྩེ་ལྔ་པ་འོད་ཟེར་འཕྲོ་བ། ཨོཾ་སརྦ་ཡོ་ཀ་ཙིཏྟ་ཨུཏྤ་ཏ་ཡ་མི། སུ་ར་ཏེ་ས་མ་ཡ་སྟྭཾ། བཛྲ་ཡོ་ག་བོ་དྷི་ཙིཏྟ་ཡ་ཐ་སུ་ཁཾ། ཛཿཧཱུཾ་བཾ་ཧོ། ཞེས་པའམ། ཨ་ཁཾ་ཝི་ར་ཧཱུཾ་ཞེས་པས་ཡོལ་བའི་ནང་དུ་བཅུག་པར་བསམ། ལྷའི་དམ་ཚིག་བསྒྲགས་པ་ནི་རྡོ་རྗེ་མགོ་བོར་བཞག་ལ། འདི་ནི་དམ་ཚིག་རྡོ་རྗེ་སྟེ། །ཁྱོད་ཀྱིས་སྤྱི་བོར་བཞག་པ་ཡིས། །སངས་རྒྱས་སྐུ་རུ་ཁྱོད་འགྲུབ་ཅིང༌། །མི་ཕྱེད་ཡེ་ཤེས་མཆོག་ཏུ་འགྱུར། །ཡང་སྙིང་གར་རྡོ་རྗེ་བཞག་ལ། ཧེ་རུ་ཀ་དཔལ་དེང་ཁྱོད་ཀྱི། །སྙིང་ལ་ཡང་དག་ཞུགས་པར་མཛད། །གལ་ཏེ་ཚུལ་འདི་སྨྲས་ན་ནི། །དེ་མ་ཐག་ཏུ་དྲལ་ཏེ་གཤེགས། །མནའ་ཆུ་བླུད་པ་ནི། འདི་ནི་ཁྱོད་ཀྱི་དམྱལ་བའི་ཆུ། །དམ་ཚིག་འདས་ན་བསྲེག་པར་བྱེད། །དམ་ཚིག་བསྲུངས་ན་དངོས་གྲུབ་ནི། །རྡོ་རྗེ་བདུད་རྩིའི་ཆུ་འདིས་འགྲུབ། །ཨོཾ་སརྦ་པཉྩ་ཨ་མྲྀ་ཏ་ཨུ་ད་ཀ་ཋ་ཋ་ཋ། སློབ་དཔོན་གྱི་དམ་ཚིག་བསྒྲགས་པ་ནི། རྡོ་རྗེ་སྤྱི་བོར་བཞག་ལ། དེང་ནས་བཟུང་སྟེ་བུ་ཁྱོད་ཀྱི། །ཧེ་རུ་ཀ་དཔལ་ང་ཡིན་གྱི། །ང་ཡིས་ཇི་ལྟར་བཀའ་སྩལ་པ། །གུས་པའི་ཚུལ་གྱིས་ཉན་པར་བྱོས། །གལ་ཏེ་ང་ལ་བརྙས་པ་ན། །སངས་རྒྱས་ཐམས་ཅད་བརྙས་པས་ན། །མི་བདེ་མ་སྤངས་དུས་བྱས་ནས། །


TNT12_Page_0737
[མ་དཔེ་གཟིགས་ན་འདིར་གནོན།]

སེམས་ཅན་དམྱལ་བར་གྱུར་ཏ་རེ། །ཡེ་ཤེས་དབབ་པའི་དོན་དུ་མཎྜལ་ཕུལ་ལ། དེ་བཞིན་གཤེགས་པ་ཐམས་ཅད་ཀྱི། །བྱིན་གྱིས་རླབས་པའི་ཡེ་ཤེས་དེ། །རྡོ་རྗེ་སེམས་དཔའ་བདག་ལ་དེང༌། །སློབ་དཔོན་ཁྱོད་ཀྱིས་དབབ་དུ་གསོལ། །ལན་གསུམ། དང་པོའི་རྡོ་རྗེའི་ཕྱག་རྒྱ་སྙིང་གར་གཏད་ལ། འདི་ནི་ཡེ་ཤེས་རྡོ་རྗེ་སྟེ། །རྡོ་རྗེ་སེམས་དཔའ་ཡིན་པར་བསྒྲགས། །རྡོ་རྗེ་ཡེ་ཤེས་བླ་མེད་ནི། །དེ་རིང་ཉིད་དུ་དབབ་པར་ཤོག །སློབ་མས་ལྷ་ལ་གསོལ་བ་གདབ་པ་ནི། དཔའ་བོ་དང་རྣལ་འབྱོར་མ་རྣམས་ཀྱིས་བྱིན་གྱིས་རློབས་ལ། བདག་ལ་ཧེ་རུ་ཀ་དབབ་ཏུ་གསོལ༌། ལན་གསུམ།རང་ཉིད་འོད་དཔག་མེད་དམར་པོ་ཞལ་གཅིག་ཕྱག་གཉིས་པདྨ་དང་དྲིལ་བུ་འཛིན་པ། གཡས་བརྐྱང་གི་སྟབས་ཀྱིས་བཞུགས་པའི་རྐང་མཐིལ་དུ། ཛྷཻཾ་ལྗང་ནག་རླུང་གི་རང་བཞིན། ལྟེ་བར་རམ་དམར་པོ་མེ་དྲག་ཏུ་འབར་བ། སྙིང་གར་ཧཱུཾ་ཡིག་སྔོན་པོ་འོད་ཟེར་ལྔ་འཕྲོ་བ་ས་ཁམས་ཀྱི་རང་བཞིན། སྤྱི་བོར་བཾ་ལས་བདུད་རྩིའི་དཀྱིལ་འཁོར་དཀར་པོ་ཟླུམ་པོ་དབུས་སུ་མཾ་ཡིག་དང༌། འོག་ཏུ་ཧཾ་ཡིག་དཀར་པོ་མགོ་ཐུར་དུ་བསྟན་པས་མཚན་པ། སྐབས་འདིར་སྤྲོ་ན། འབྱུང་བཞིའི་དཀྱིལ་འཁོར་ལ་ཡི་གེ་རྣམས་ཀྱིས་མཚན་པར་བསྒོམ་པ་དང༌། ཤིན་ཏུ་བསྡུ་ན། སྤྱི་བོར་ཡི་གེ་གསུམ་ཁོ་ནས་ཆོག་པར་བཞེད་དོ། །ཛྷཻཾ་ལས་


TNT12_Page_0738
[མ་དཔེ་གཟིགས་ན་འདིར་གནོན།]

འོད་ཟེར་གྱི་ཚོགས་འཕྲོས། བྱིན་པ་ནས་བརྒྱུད། བརླའི་རྩ་བོ་ཆེ་ནས་ཞུགས། སུམ་མདོར་གཅིག་ཏུ་འདྲེས། ལྟེ་བའི་རཾ་ལ་ཕོག་པས། མེ་ལྕེ་དྲག་ཏུ་འབར་ཏེ། སྙིང་གའི་ཧཱུཾ་བསྲེགས། སྤྱི་བོའི་ཧཾ་ལ་ཕོག་པས། བདུད་རྩིའི་བདེ་བ་ཆེན་པོའི་རྒྱུན། སྐྱ་ཆིལ་ཆིལ་བབས་པས། སྙིང་ག་དང་ལྟེ་བའི་ཡི་གེ་ལ་ཕོག་ཅིང༌། ལུས་ཐམས་ཅད་དུ་ཁྱབ་པས། གཟུང་འཛིན་གྱི་སྣང་བ་དབྱིངས་སུ་ནུབ་ཅིང༌། བདེ་སྟོང་གི་ཡེ་ཤེས་ལྷང་གི་སྐྱེས། སློབ་དཔོན་གྱི་ཐུགས་ཀའི་འོད་ཟེར་གྱིས། སངས་རྒྱས་དང་བྱང་ཆུབ་སེམས་དཔའ་དཔའ་བོ་དང་རྣལ་འབྱོར་མ་ཁྲོ་བོ་དང་ཁྲོ་མོ་ཐམས་ཅད་བ་སྤུའི་བུ་ག་ནས་སིབ་སིབ་ཐིམ་པར་གྱུར། ཨོཾ་ཨཱ་བེ་ཤ་ཡ་ཨཱ་བེ་ཤ་ཡ་སྟམྦྷ་ཡ། ར་ར་ར། ཙ་ལ་ཡ་ཙ་ལ་ཡ་ཧ་ལེ་ཡ། ཧཱུཾ་ཡ་ཧཾ་ཧཱུཾ་ཛྷཻཾ་སྭཱཧཱ། ཞེས་དྲག་ཏུ་བཟླས། གུ་གུལ་དང༌། ཚིལ་ཆེན་བྱི་ལ་ནག་པོའི་བྲུན། ཟླ་མཚན་གྱིས་བགོས་པའི་རས་རྣམས་རོ་སོལ་གྱི་མེ་ལ་བསྲེགས་པའི་དུད་པས་བདུག །རོལ་མོ་སྣ་ཚོགས་བྱ། ཨ་ཁཾ། ཡང་དག་པ་ཡིད་དཀྱིལ་འཁོར་འདིར། །བདག་གིས་སློབ་མ་གཞུག་པར་བགྱི། །ལྷ་ཡི་རིགས་ཀྱི་རིམ་པ་དང༌། །དངོས་གྲུབ་བསོད་ནམས་དེ་བཞིན་ཤོག །ཅེས་བདེན་པའི་སྟོབས་བརྗོད་དོ། །སྔོན་ནས་སྒྲུབ་པའི་ཡི་དམ་ལྷ། །གང་ཡིན་དེ་རིང་བདག་གི་ནི། །རིགས་དང་མཐུན་པའི་དངོས་གྲུབ་དང༌། །ལྷ་དང་མ་


TNT12_Page_0739
[མ་དཔེ་གཟིགས་ན་འདིར་གནོན།]

ནོར་མཇལ་བར་ཤོག །ཨོཾ་པྲ་ཏཱིཙྪ་བཛྲ་ཧོ། ཞེས་པས་མེ་ཏོག་དོར། སངས་རྒྱས་ཀུན་གྱིས་བྱིན་རླབས་པའི། །མེ་ཏོག་རྣམ་པར་སྣང་མཛད་འདི། །སྟོབས་ཆེན་ཁྱོད་ཀྱིས་རབ་བཅིངས་པས། །རིགས་ཀྱི་བདག་པོར་དབང་བསྐུར་རོ། །ཨོཾ་པྲ་ཏཱིཙྪ་གྲིཧྞ་སྟྭཾ། ས་མ་ཡ་མཾ་སྭཱཧཱ། རྡོ་རྗེས་མིག་དབྱེ་སྟེ། ཧེ་རུ་ཀ་དཔལ་དེང་ཁྱོད་ཀྱི། །མིག་འབྱེད་པར་ནི་བརྩོན་པར་མཛད། །རྡོ་རྗེའི་མིག་ནི་བླ་ན་མེད། །ཕྱེ་བས་ཐམས་ཅད་མཐོང་བར་ཤོག །ཨོཾ་བཛྲ་ནཻ་ཏྲ་ཨ་པ་ཧ་ར་པ་ཏྲ་ལིཾ་ཧྲྀ་ཨཿ བཛྲ་ཙཀྵུ་པྲ་བེ་ཤ་ཡ་ཧཱུཾ། ཞེས་བརྗོད། ཧེ་བཛྲ་པ་ཤྱ་ཧྲི། ཞེས་པས་གདོང་གཡོགས་བཀྲོལ་ནས། ལྷ་ངོ་བསྟན་པ་ནི། དཀྱིལ་འཁོར་བཟང་པོ་འདི་ལ་ལྟོས། །མཐོང་ནས་དད་པ་རབ་ཏུ་བསྐྱེད། ཁྱོད་ནི་རྣལ་འབྱོར་མ་རིགས་སྐྱེས། །སྔགས་དང་ཕྱག་རྒྱའི་བྱིན་རླབས་ཀྱིས། །འགྲོ་དོན་ཕུན་སུམ་ཚོགས་ཀུན་དང༌། །དངོས་གྲུབ་ཐམས་ཅད་མངོན་དུ་འགྱུར། །དམ་ཚིག་ཐམས་ཅད་སྲུང་བ་དང༌། །གསང་སྔགས་ལ་ཡང་བརྩོན་པར་བགྱི། །ཞེས་བརྗོད་ལ། དཀྱིལ་འཁོར་གྱི་སྟེང་གི་ནམ་མཁའ་ལ་བརྒྱུད་པའི་བླ་མ་ཐམས་ཅད་དུར་ཁྲོད་རྣམས་སུ་ཆོས་སྐྱོང་བའི་བསྲུང་མ་དང་བཅས་པ་ཐམས་ཅད་བཞུགས་པར་མོས། དགུ་པ་ནི༌། སྦྱང་པ་གཉིས་ནི་སྔོན་འགྲོ་ཡིན། །ཆུ་ཅོད་རྡོར་དྲིལ་


TNT12_Page_0740
[མ་དཔེ་གཟིགས་ན་འདིར་གནོན།]

མིང་དང་ལྔ། །དངོས་གཞི་ཉིད་དེ་ཆུ་དབང་ལ། །བསངས་སྦྱངས་ལྷར་བསྐྱེད་བྱིན་གྱིས་བརླབས། །ཡེ་ཤེས་དབང་ལྷ་སྤྱན་འདྲེན་མཆོད། །དབང་བསྐུར་བཟླས་པ་མཆོད་བསྟོད་བྱ། །གསོལ་བཏབ་ཤིས་བརྗོད་ཆུ་དབང་བསྐུར། །སླར་ཡང་མཆོད་བསྟོད་དག་པ་བརྗོད། །དབང་ལྷ་སྤྱན་འདྲེན་མ་གཏོགས་པ། །འོག་མ་རྣམས་ཀྱང་ཕལ་ཆེར་འདྲ། །ཞེས་བྱ་སྟེ། དེ་ཡང་རྡོ་རྗེ་སློབ་མའི་དབང་བསྐུར་བའི་དོན་དུ་མཎྜལ་ཕུལ། ཧེ་རུ་ཀ་དཔལ་དབང་བསྐུར་བ། །འགྲོ་བ་སྐྱོབ་པའི་གཟི་བརྗིད་ཅན། །ཡོན་ཏན་འབྱུང་གནས་ཇི་ལྟར་སྩོལ། །དེ་བཞིན་བདག་ལ་དེང་སྩོལ་ཅིག །བདག་གཞན་ངན་འགྲོ་ལས་སྒྲོལ་ཞིང༌། །ཐར་པ་ཆེན་པོའི་གྲོང་མཆོག་ཏུ། །གནས་ནས་འགྲོ་བ་སྒྲོལ་བྱེད་པའི། །ཡེ་ཤེས་དབང་མཆོག་བདག་ལ་སྩོལ། །ཞེས་ལན་གསུམ། ཨོཾ་སུམྦྷ་ནི་སུམྦྷ་ཧཱུཾ་ཧཱུཾ་ཕཊ། ཨོཾ་གྲྀཧྞ་གྲྀཧྞ་ཧཱུཾ་ཧཱུཾ་ཕཊ། ཨོཾ་གྲིཧྞ་པཱ་ཡ་གྲྀཧྞ་པཱ་ཡ་ཧཱུཾ་ཧཱུཾ་ཕཊ། ཨོཾ་ཨཱ་ན་ཡ་ཧོ། བྷ་ག་ཝཱ་ན། བི་དྱ་རྭ་ཛ་ཧཱུཾ་ཧཱུཾ་ཕཊ། རོལ་མོ་དྲག་ཏུ་བྱ། ཨོཾ་བཛྲ་ཌཱ་ཀ་ཁ་ཁ་ཁཱ་ཧི་ཁཱ་ཧི་སརྦ་པཱ་པཾ་ད་ཧ་ན། བྷསྨི་ཀུ་རུ་སྭཱཧཱ། ཞེས་པའམ། ཨོཾ་སརྦ་པཱ་བཾ་སརྦ་བི་ད་ཤཱིནྟཾ་ཀུ་རུ་སྭཱཧཱ། དེ་ནས་ཆུ་དབང་བསྐུར་བ་ནི། བདག་དང་དབང་རྫས་གཉིས་ཀ །ཨོཾ་མྲྀ་ཏས་བསངས། སྭབྷ་ཝས་སྦྱངས། བདག་དང་དབང་རྫས་རྣམ་རྒྱལ་བུམ་ཆུ། སྟོང་པའི་ངང་ལས། པདྨ་དང་


TNT12_Page_0741
[མ་དཔེ་གཟིགས་ན་འདིར་གནོན།]

ཉི་མའི་གདན་ལ། ཧཱུཾ་ལས་རྡོ་རྗེ་ཧཱུཾ་གིས་མཚན་པ་ལས། གཉིས་ཀའང་མི་བསྐྱོད་པ་སྐུ་མདོག་སྔོན་པོ་ཞལ་གཅིག་ཕྱག་གཉིས་གཡས་རྡོ་རྗེ་དང་གཡོན་དེའི་ཡུ་བ་བྱས་པའི་དྲིལ་བུ་འཛིན་པ། ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་པ། སྟག་ལྤགས་ཀྱི་ཤམ་ཐབས་དང༌། ཐོད་པའི་ཕྲེང་བ་དང༌། རུས་པའི་རྒྱན་དྲུག་གིས་བརྒྱན་པ། ཡུམ་མཱ་མ་ཀི་སྔོན་མོ་གྲི་གུག་དང་ཐོད་པ་འཛིན་པ་དང་མཉམ་པར་སྦྱོར་བ། དཔྲལ་བར་ཨོཾ། མགྲིན་པར་ཨཱཿཐུགས་ཀར་ཧཱུཾ། སློབ་དཔོན་གྱི་ཐུགས་ཀ་ནས་འོད་ཟེར་འཕྲོས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་མི་བསྐྱོད་པ་ཡབ་ཡུམ་གྱི་རྣམ་པར་བཛྲ་ས་མཱ་ཛཿ ཨོཾ་བཛྲ་ཨཾ་ཀུ་ཤ་ཛ། ཨོཾ་བཛྲ་པཱ་ཤ་ཧཱུཾ། ཨོཾ་བཛྲ་སྥོ་ཊ་བཾ། ཨོཾ་བཛྲ་གཎྜེ་ཧོཿ ཛཿཧཱུཾ་བཾ་ཧོཿ གཉིས་ཀ་དང་གཉིས་སུ་མེད་པར་ཐིམ། སླར་ཡང་སློབ་དཔོན་གྱི་ཐུགས་ཀ་ནས་འོད་ཟེར་འཕྲོས། དབང་གི་ལྷ་སངས་རྒྱས་དང་བྱང་ཆུབ་སེམས་དཔའ་རིག་པའི་ལྷ་མོ་ཁྲོ་བོའི་ཚོགས་དང་བཅས་པ་བཛྲ་ས་མཱ་ཛཿ ཨོཾ་བཛྲ་པུཥྤེ་ཨཱཿཧཱུཾ། སོགས་ཉེར་སྦྱོང་ལྔ་ཕུལ་ལ། དེ་བཞིན་གཤེགས་པ་རྣམས་ཀྱིས་འདི་ལ་མངོན་པར་དབང་བསྐུར་བ་སྩལ་དུ་གསོལ། ཞེས་གསོལ་བ་བཏབ་པས། ཨོཾ་བཛྲི་བྷ་ཝ་ཨ་བྷི་ཥིཉྩ་ཧཱུཾ།


TNT12_Page_0742
[མ་དཔེ་གཟིགས་ན་འདིར་གནོན།]

ཞེས་དབང་རྫས་ལ་དབང་བསྐུར། སྐུ་གང་དྲི་མ་དག །ཆུའི་ལྷག་མ་ཡར་ལུད་པ་ལས་མི་བསྐྱོད་པས་དབུ་རྒྱན། ཨོཾ་ཨཱཿ་བཛྲ་དྷྲྀཀ་ཧཱུཾ་ཕཊ་སྭཱཧཱ། ཞེས་མང་དུ་བཟླས་ལ་མེ་ཏོག་ལ་སོགས་པས་མཆོད། མི་བསྐྱོད་པ་ནི་ཡེ་ཤེ་ཆེ་སོགས་ཤོ་ལོ་ཀ་གཅིག་གིས་བསྟོད། ནམ་མཁར་བཞུགས་པའི་དབང་གི་ལྷ་དཀྱིལ་འཁོར་དང་བཅས་པ་རྣམས་ལ་གསོལ་བ་བཏབ་པར་མོས་ཏེ། བྱང་ཆུབ་རྡོ་རྗེ་སངས་རྒྱས་ལ། །མཆོད་ཆེན་ཇི་ལྟར་སྩལ་བ་ལྟར། །བདག་ཀྱང་རབ་ཏུ་བསྒྲལ་བའི་ཕྱིར། །ནམ་མཁའི་རྡོ་རྗེ་དེང་བདག་སྩོལ། །ཞེས་ལན་གསུམ་གསོལ་བ་བཏབ། སློབ་དཔོན་གྱིས་སོ་སོའི་བུམ་པ་མང་དུ་ཡོད་ན། རང་སྔགས་ཀྱི་བུམ་པ་སོ་སོའི་བུམ་ཆུ་བུམ་པའམ། ཀ་པཱ་ལར་བསྡུས། རྣམ་རྒྱལ་བུམ་པ་གཅིག་ཁོ་ན་ཡིན་ན། དེ་ཉིད་ཐོགས་ཏེ། ཨོཾ་ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ། །འཇིག་རྟེན་གསུམ་གྱི་མགོན་པོ་དྲི་མ་གསུམ་སྤངས་པ། །སངས་རྒྱས་པདྨ་རྒྱས་པ་འདབ་འདྲའི་སྤྱན་མངའ་བ། །འདི་ནི་འཇིག་རྟེན་དགེ་བའི་བཀྲ་ཤིས་དང་པོའོ། །དེ་ཡི་ཉེ་བར་བསྟན་པའི་མཆོག་རབ་མི་གཡོ་བ། །འཇིག་རྟེན་གསུམ་ན་གྲགས་ཤིང་ལྷ་དང་མིས་མཆོད་པ། །ཆོས་ཀྱི་དམ་པ་སྐྱེ་རྒུ་རྣམས་ལ་ཞི་བྱེད་པ། །འདི་ནི་འཇིག་རྟེན་དགེ་བའི་བཀྲ་ཤིས་གཉིས་པའོ། །དགེ་འདུན་དམ་པ་ཆོས་ལྡན་


TNT12_Page_0743
[མ་དཔེ་གཟིགས་ན་འདིར་གནོན།]

ཐོས་པའི་བཀྲ་ཤིས་ཕྱུག །མི་དང་ལྷ་དང་ལྷ་མ་ཡིན་གྱིས་ཆོད་པའི་གནས། །ཚོགས་ཀྱི་མཆོག་རབ་ངོ་ཚ་ཤེས་དང་དཔལ་གྱི་གཞི། །འདི་ནི་འཇིག་རྟེན་དགེ་བའི་བཀྲ་ཤིས་གསུམ་པའོ། །བཀྲ་ཤིས་གང་ཞིག་སེམས་ཅན་ཀུན་གྱི་སྙིང་ལ་གནས། །ཀུན་གྱི་བདག་ཉིད་རིགས་ཀུན་གྱི་ནི་བདག་པོ་མཆོག །སེམས་ཅན་མ་ལུས་བསྐྱེད་བྱེད་བདེ་བ་ཆེན་པོ་སྟེ། །དེ་ཡི་དེང་ཁྱོད་དབང་བསྐུར་མཆོག་ལ་བཀྲ་ཤིས་ཤོག །ཉིན་མོ་བདེ་ལེགས་མཚན་བདེ་ལེགས་སོགས་བྱ། ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་སྐུ་ཁྲུས་གསོལ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུཾ། ལས་བུམ་གྱིས་ཁྲུས་བྱ། དེ་ནས་རྣམ་རྒྱལ་བུམ་པ་ཐོགས་ལ། ཀུན་གཞི་རྣམ་ཤེས་རྣམ་དག་ཅིང༌། །མེ་ལོང་ཡེ་ཤེས་ངོ་བོ་ཉིད། །བཅོམ་ལྡན་མི་བསྐྱོད་པ་ཡིས་ནི། །ཡེ་ཤེས་ཆུ་རྒྱུན་དབང་བསྐུར་རོ། །ཨོཾ་སརྦ་ཏ་ཐཱ་ག་ཏ་བཛྲ་ཨ་བྷི་ཥེ་ཀ་ཏ་ས་མ་ཤྲཱི་ཡེ་ཧཱུཾ། དབང་བསྐུར་རྡོ་རྗེ་ཆེན་པོ་ནི། ཁམས་སུམ་ཀུན་གྱིས་ཕྱག་བྱས་པ། །སངས་རྒྱས་ཀུན་གྱི་གསང་གསུམ་ནི། །གནས་ལས་བྱུང་བ་སྦྱིན་པར་བྱ། །གཙོ་བོ་རྣམས་ཀྱི་སྙིང་པོ་བརྗོད་ལ། ཨོཾ་བཛི་བྷ་ཝ་ཨ་བྷི་


TNT12_Page_0744
[མ་དཔེ་གཟིགས་ན་འདིར་གནོན།]

ཥིཉྩ་ཧཱུཾ། ཞེས་རེ་རེ་ལ་བཏགས། ཐམས་ཅད་ཀྱི་མཇུག་ཏུ། བརྟན་པར་བྱ་བའི་ཕྱིར། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུཾ། ཞེས་བརྗོད་ཅིང༌། དབང་བསྐུར་སྐུ་གང་དྲི་མ་ཐམས་ཅད་དག །ཆུའི་ལྷག་མ་ཡར་ལུད་པ་ལས། མི་བསྐྱོད་པས་དབུ་རྒྱན། ནམ་མཁའི་དབྱིངས་གང་བའི་སངས་རྒྱས་རྣམས་ལས། རྡོ་རྗེའི་རིགས་ཀྱི་ལྷ་ཚོགས་དཔག་ཏུ་མེད་པ་བྱུང་ནས། རང་ཉིད་ལ་ཐིམ། ཨོཾ་བཛྲ་པུཥྤེ་ཨཱཿཧཱུཾ། སོགས་ཀྱིས་ཉེར་སྤྱོད་ལྔ་དང་རོལ་མོ་འབུལ། མི་བསྐྱོད་པ་ནི་ཡེ་ཤེས་ཆེ་སོགས་ཀྱི་སློབ་མ་ལ་བསྟོད་པར་བྱ། དེ་ལྟར་ཁྱེད་ལ་ཆུའི་དབང་བསྐུར་བས། རྣམ་པར་ཤེས་པའི་ཕུང་པོ་རྒྱལ་བ་མི་བསྐྱོད་པ་དང༌། ཆུའི་ཁམས་མཱ་མ་ཀིའི་ངོ་བོར་སངས་རྒྱས་ཤིང༌། ཞེ་སྡང་མ་སྤངས་པར་དག་ནས། མེ་ལོང་ལྟ་བུའི་ཡེ་ཤེས་མངོན་དུ་གྱུར། འདི་མན་ཆད་ལ་འདོན་པ་བསྒྱུར་བར་བྱའོ། །ཅོད་པན་གྱི་དབང་ནི། བསངས་སྦྱངས། ཁྱེད་རང་དང་དབང་རྫས་དབུ་རྒྱན། སྟོང་པའི་ངང་ལས། པདྨ་ཉི་མའི་གདན་ལ་ཨཾ་ལས་རིན་པོ་ཆེའི་ཨཾ་གིས་མཚན་པ་ལས། གཉིས་ཀའང་རིན་ཆེན་འབྱུང་ལྡན་སྐུ་མདོག་སེར་པོ་ཞལ་གཅིག་ཕྱག་གཉིས་གཡས་རིན་པོ་ཆེ་དང༌། གཡོན་དེས་ཡུ་བ་བྱས་པའི་དྲིལ་བུ་འཛིན་པ། ཞབས་རྡོ་རྗེའི་སྐྱིལ་མོ་ཀྲུང་གིས་


TNT12_Page_0745
[མ་དཔེ་གཟིགས་ན་འདིར་གནོན།]

བཞུགས་པ། སྟག་ལྤགས་ཀྱི་ཤམ་ཐབས་དང༌། ཐོད་པའི་ཕྲེང་བ་དང༌། རུས་པའི་རྒྱན་དྲུག་གིས་བརྒྱན་པ། ཡུམ་རིན་ཆེན་སྒྲོལ་མ་སེར་མོ་གྲི་གུག་དང་ཐོད་པ་འཛིན་པ་དང་མཉམ་པར་སྦྱོར་བ། དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། སློབ་དཔོན་གྱི་ཐུགས་ཀ་ནས་འོད་ཟེར་འཕྲོས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་རིན་ཆེན་འབྱུང་ལྡན་ཡབ་ཡུམ་གྱི་རྣམ་པར་བཛྲ་ས་མཱ་ཛཿ ཨོཾ་བཛྲ་ཨཾ་ཀུ་ཤ་ཛཿ ཛཿཧཱུཾ་བཾ་ཧོཿའི་བར་གོང་བཞིན། གཉིས་ཀ་དང་གཉིས་སུ་མེད་པར་ཐིམ། དེ་བཞིན་གཤེགས་པ་རྣམས་ཀྱི་འདི་ལ་མངོན་པར་དབང་བསྐུར་བ་སྩལ་དུ་གསོལ། ཅེས་གསོལ་བ་བཏབ་པས། ཨོཾ་བཛྲི་བྷ་ཝ་ཨ་བྷི་ཥིཉྩ་ཧཱུཾ། ཞེས་དབང་རྫས་ལ་དབང་བསྐུར། སྐུ་གང་དྲི་མ་དག་ཆུ་ལྷག་མ་ཡར་ལུད་པ་ལས། རིན་ཆེན་འབྱུང་ལྡན་གྱིས་དབུ་རྒྱན། ཨོཾ་ཨཱཿརཏྣ་དྷྲྀཀ་ཧཱུཾ་ཕཊ་སྭཱཧཱ། ཞེས་མང་དུ་བཟླས་ལ། མེ་ཏོག་ལ་སོགས་པས་མཆོད། རིན་ཆེན་རྒྱལ་པོ་རབ་ཏུ་ཟབ། །ཞེས་སོགས་ཤོ་ལོ་ཀ་གཅིག་གིས་བསྟོད། རིན་ཆེན་འབྱུང་ལྡན་ཡབ་ཡུམ་སྙོམས་པར་ཞུགས་ཏེ་ཞུ་བ་ལས་བྱུང་བའི་རིན་པོ་ཆེའི་ཅོད་པན་དུ་གྱུར། དེ་བཞིན་གཤེགས་པ་ཐམས་ཅད་ཀྱིས། བདག་ལ་མངོན་པར་དབང་བསྐུར་དུ་གསོལ། ཐོར་ཚུགས་


TNT12_Page_0746
[མ་དཔེ་གཟིགས་ན་འདིར་གནོན།]

ཅོད་པན་གྱིས་བརྒྱན་ཅིང༌། །སངས་རྒྱས་ཀུན་གྱི་རབ་བསྔགས་པའི། །རིན་ཆེན་འབར་བའི་དབུ་རྒྱན་དང༌། །དར་དཔྱངས་དབང་བསྐུར་སྦྱིན་པར་བྱ། །ཨོཾ་སརྦ་ཏ་ཐཱ་ག་ཏ་རཏྣ་ཨ་བྷི་ཥེ་ཀ་ས་མ་ཡ་ཤྲཱི་ཡེ་ཧཱུཾ། ཞེས་པའི་སྔགས་འདི་གཙོ་བོ་རྣམས་ཀྱི་སྙིང་པོའི་མཐར་བཏགས་ལ། མཐར། ཨོཾ་བཛྲ་རཏྣ་ཨ་བྷི་ཥེ་ཀ་ཏ་ཧཱུཾ་སུ་ར་ཏ་སྟཾ་ཨ་ཧཾ། ཨོཾ་ལཾ་མཾ་པཾ་ཏཾ་ཧཱུཾ། ཨོཾ་བཛྲ་ཏུ་ཥྱ་ཧོ། ཞེས་བཅིངས་ཏེ་ཅོད་པན་གྱི་དབང་བསྐུར་རོ། །ཨོཾ་སརྦ་ནས། ཤྲཱི་ཡེ་ཧཱུཾ་གི་བར་གྱི་ཆུ་དབང་བསྐུར། དབང་བསྐུར་སྐུ་གང་དྲི་མ་དག །ཆུ་ལྷག་མ་ཡར་ལུད་པ་ལས། རྣ་ལྟག་གཡས་སུ་རིན་ཆེན་འབྱུང་ལྡན་གྱིས་དབུ་རྒྱན། ནམ་མཁའི་དབྱིངས་ཐམས་ཅད་གང་བའི་སངས་རྒྱས་རྣམས་ལས། རིན་པོ་ཆེའི་རིགས་ཀྱི་ལྷ་ཚོགས་དཔག་ཏུ་མེད་པ་བྱུང་ནས་སློབ་མ་ལ་ཐིམ། ཨོཾ་བཛྲ་པུཥྤེ་སོགས་དང་རིན་ཆེན་རྒྱལ་པོ་སོགས་ཀྱིས་བསྟོད། དེ་ལྟར་ཁྱེད་ལ་ཅོད་པན་གྱིས་དབང་བསྐུར་བས། ཚོར་བའི་ཕུང་པོ་རྒྱལ་བ་རིན་ཆེན་འབྱུང་ལྡན་དང༌། ནམ་མཁའི་ཁམས་རིན་ཆེན་སྒྲོལ་མའི་ངོ་བོར་སངས་རྒྱས་ཤིང༌། ང་རྒྱལ་དང་སེར་སྣ་མ་སྤངས་རང་སར་དག་ནས། མཉམ་པ་ཉིད་ཀྱི་ཡེ་ཤེས་མངོན་དུ་གྱུར་སྙམ་དུ་སྒོམས་ཤིག །ཅེས་བརྗོད། རྡོ་རྗེའི་དབང་ནི། བསངས་སྦྱངས། སྟོང་པའི་ངང་ལས་དབང་རྫས་རྡོ་རྗེ་ཛྲིཾ་ལས་


TNT12_Page_0747
[མ་དཔེ་གཟིགས་ན་འདིར་གནོན།]

པདྨ་ཛྲཱིཾ་གྱིས་གཉིས་ཀའང་འོད་དཔག་མེད་དམར་པོ། གཡས་པདྨ་དང་གཡོན། ཡུམ་གོས་དཀར་མོ་དམར་མོ། འོད་དཔག་མེད་ཡབ་ཡུམ་གྱི་རྣམ་པར། འོད་དཔག་མེད་ཀྱིས་དབུ་རྒྱན། ཨོཾ་ཨཱཿཨ་རོ་ལིཀ་ཧཱུཾ་ཕཊ་སྭཱཧཱ། རྡོ་རྗེ་དཔག་མེད་རྒྱལ་པོ་ཆེ་སོགས། འོད་དཔག་མེད་ཡབ་ཡུམ་ཞུ། རྡོ་རྗེ། སངས་རྒྱས་ཀུན་གྱི་རྡོ་རྗེའི་དབང༌། །དེ་རིང་ཁྱོད་ལ་བསྐུར་བར་བྱ། །སངས་རྒྱས་ཀུན་ཏུ་རབ་སྒྲུབ་ཕྱིར། །རྡོ་རྗེའི་དབང་ནི་སྦྱིན་པར་བྱ། །ཨོཾ་སརྦ་ཏ་ཐཱ་ག་ཏ་པདྨ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུཾ། ཨོཾ་བཛྲ་ཨ་དྷི་པ་ཏི་སྟཱཾ། ཨ་བྷི་ཥིཉྩ་ཧཱུཾ་ཏིཥྛ་བི་ར་ས་མ་ཡ་སྟཾ། ཞེས་པས་གཏད། གོང་བཞིན་ལས་ལྟག་པར་འོད་དཔག་མེད་ཀྱིས་དབུ་རྒྱན། པདྨའི་རིགས་ཀྱི། རྡོ་རྗེ་འོད་དཔག་མེད་སོགས་ཀྱིས། རྡོ་རྗེའི་དབང༌། འདུ་ཤེས་ཀྱི་ཕུང་པོ་རྒྱལ་བ་འོད་དཔག་མེད་དང༌། མེ་ཁམས་:འོད་དཔག་མེད་ཀྱི་གོས་དཀར་མོའི་ངོ་བོར་སངས་རྒྱས་ཤིང༌། འདོད་ཆགས། སོ་སོར་རྟོག་པའི་ཡེ་ཤེས། དྲིལ་བུའི་དབང་ནི་བསངས་སྦྱངས། དབང་རྫས་དྲིལ་བུ་སྟོང་པའི་ངང་ལས། ཁཾ་ལས་རལ་གྲི་ཁཾ་གིས༴ གཉིས་ཀའང་དོན་ཡོད་གྲུབ་པ་ལྗང་ཁུ། གཡས་རལ་གྲི་དང་གཡོན༴ ཡུམ་དམ་ཚིག་སྒྲོལ་མ་ལྗང་ཁུ །དོན་ཡོད་གྲུབ་པ་ཡབ་ཡུམ་གྱི་རྣམ་པར།


TNT12_Page_0748
[མ་དཔེ་གཟིགས་ན་འདིར་གནོན།]

དོན་ཡོད་གྲུབ་པས་དབུ་རྒྱན། ཨོཾ་པྲཛྙཱ་དྷྲ྄ྀཀ་ཧཱུཾ་ཕཊ་སྭཱཧཱ། དོན་ཡོད་རྒྱལ་པོ་རྫོགས་སངས་རྒྱས། སོགས། དོན་ཡོད་གྲུབ་པ་ཡབ་ཡུམ་ཞུ༴ དྲིལ་བུར༴ སངས་རྒྱས་ཀུན་གྱི་དྲིལ་བུའི་དབང༌། །དེ་རིང་ཁྱོད་ལ་བསྐུར་བར་བྱ། །སངས་རྒྱས་ཀུན་ཏུ་རབ་གྲུབ་ཕྱིར། །དྲིལ་བུའི་དབང་ནི་སྦྱིན་པར་བྱ། །ཨོཾ་སརྦ་ཏ་ཐཱ་ག་ཏ་ཀརྨ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུཾ། ཨོཾ་བཛྲ་ཨ་དྷི་པ་ཏི་སྟཱཾ་ཨ་བྷི་ཥིཉྩ་ཧཱུཾ་ཏིཥྛ་བཛྲ་ས་མ་ཡ་སྟྭཾ། ཞེས་པས་གཏད། ཨོཾ་སརྦ་ཏ་ཐཱ་ག་ཏ་གྷཎྜ་ཨ་དྷིཥྛ་ན་ཨ་ཥི་ཀ་ཏ་ས་མ་ཡ་ཤྲཱི་ཡེ་ཧཱུཾ། རྣ་ལྟག་གཡོན་པར་དོན་ཡོད་གྲུབ་པས་དབུ་རྒྱན་ལས་ཀྱི་རིགས་ཀྱི། དོན་ཡོད་གྲུབ་པ་སོགས་ཀྱི། དྲིལ་བུའི་དབང༌། འདུ་བྱེད་ཀྱི་ཕུང་པོ་རྒྱལ་བ་དོན་ཡོད་གྲུབ་པ་དང༌། རླུང་གི་ཁམས་དམ་ཚིག་སྒྲོལ་མའི་ངོ་བོར་སངས་རྒྱས་ཤིང༌། ཕྲག་དོག་མ་སྤངས༴ བྱ་བ་གྲུབ་པའི་ཡེ་ཤེས༴ མིང་དབང་ནི༴ བསངས་སྦྱངས། དབང་རྫས་རྡོ་རྗེ་དང་དྲིལ་བུ་སྟོང་པའི་ངང་ལས། བྷྲུཾ་ལས་འཁོར་ལོ་བྷྲུཾ༴གཉིས་ཀའང་རྣམ་སྣང་དཀར་པོ་གཡས་འཁོར་ལོ་དང༌། གཡོན། ཡུམ་སངས་རྒྱས་སྤྱན་མ་དཀར་མོ། རྣམ་སྣང་ཡབ་ཡུམ་གྱི་རྣམ་པར་རྣམ་པར་སྣང་མཛད་ཀྱིས་དབུ་རྒྱན། ཨོཾ་ཨཱཿཛི་ན་ཛིཀ་ཧཱུཾ་ཕཊ་སྭཱཧཱ། རྣམ་པར་སྣང་མཛད་དག་པ་ཆེ་སོགས།


TNT12_Page_0749
[མ་དཔེ་གཟིགས་ན་འདིར་གནོན།]

རྣམ་པར་སྣང་མཛད་ཡབ་ཡུམ་ཞུ་བ་ལས་བྱུང་བའི་རྡོ་རྗེ་དང་དྲིལ་བུར་གྱུར། རྣམ་པར་སྣང་མཛད་མིང་གི་དབང༌། །དེ་རིང་ཁྱོད་ལ་བསྐུར་བར་བྱ། །སངས་རྒྱས་ཀུན་ཏུ་རབ་གྲུབ་ཕྱིར། མིང་གི་དབང་མཆོག་བསྐུར་བར་བྱ། །ཨོཾ་སརྦ་ཏ་ཐཱ་ག་ཏ་བུདྡྷ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུཾ། ཞེས་བསྒྲགས་ལ། ཨོཾ་བཛྲ་ས་ཏྭ་སྟྭཾ་ཨ་བྷི་ཥིཉྩ་ཧཱུཾ་བཛྲ་ནཱ་མ་ཨ་བྷི་ཥེ་ཀ་ཏ་ཧེ་ཤྲཱི། ཡང་བརྟན་བྱེད་དུ། ཤྲཱི་ཡེ་ཧཱུཾ་གི་ཅོད་པན་གྱི་སྐབས་བཞིན། དཔྲལ་བར་རྣམ་སྣང་གི་དབུ་རྒྱན། ནམ་མཁའ་དབྱིངས། ཨོཾ་བཛྲ་པུཥྤ༴རྣམ་པར་སྣང་མཛད་དག་པ་ཆེ་སོགས། དེ་ལྟར་ཁྱོད་ལམིང་གི་དབང༌། བསྐུར་བས་གཟུགས་ཀྱི་ཕུང་པོ་རྒྱལ་བ་རྣམ་པར་སྣང་མཛད། སའི་ཁམས་སངས་རྒྱས་སྤྱན་མའི་ངོ་བོར་སངས་རྒྱས་ཤིང༌། གཏི་མུག་མ་སྤངས་རང་སར་དག་ནས། ཆོས་ཀྱི་དབྱིངས་ཀྱི་ཡེ་ཤེས། མངོན་དུ་གྱུར། སྙམ་དུ་བསྒོམ་ཤིག །སླར་ཡང་སློབ་དཔོན་གྱིས། །འདི་ནི་སངས་རྒྱས་ཐམས་ཅད་ཀྱི། །རྒྱུད་སྡེ་ལྔ་ཡི་དཀྱིལ་འཁོར་དུ། །དེ་རིང་སློབ་དཔོན་མིང་དབང་སྦྱིན། །དཀྱིལ་འཁོར་གཙོ་བྱེད་མིང་དབང་འགྲུབ། །ཨོཾ་ཨཱཿབཛྲ་ཧཱུཾ། བཅུ་པ་ལ། གསོལ་གདབ་ཕྱག་མཚན་རྡོར་དྲིལ་སྦྱིན། །དམ་ཚིག་གསུམ་དང་ཆུ་དབང་མཆོད། །རྗེས་གནང་ལུང་བསྟན་དབུགས་དབྱུང་ཞིང༌། །བརྟུལ་ཞུགས་དག་པ་བརྗོད་པའོ། །དང་པོ་ནི། རྡོ་རྗེ་སློབ་དཔོན་གྱི་དབང་གི་དོན་


TNT12_Page_0750
[མ་དཔེ་གཟིགས་ན་འདིར་གནོན།]

དུ་མཎྜལ་ཕུལ། འཁོར་ལོ་ཕྱིར་མི་བཟློག་པའི་དབང༌། །དམ་པ་བདག་ལ་སྩལ་ནས་ཀྱང༌། །མགོན་པོ་འཁོར་ལོ་ལྷ་དག་གིས། །དེ་ཉིད་སློབ་དཔོན་འཕྲིན་ལས་གསུང༌། །དེ་རིང་བདག་ནི་ཁྱོད་དྲིན་ལས། །རང་དང་གཞན་དོན་ནུས་འགྱུར་ཕྱིར། །རྡོ་རྗེ་སློབ་དཔོན་དབང་བསྐུར་བར། །ཐུགས་རྗེས་ཅན་ཁྱོད་སྩལ་དུ་གསོལ། །རྟག་ཏུ་རྡོ་རྗེ་དྲིལ་བུ་འཛིན། །སེམས་ཅན་བཟུང་ཕྱིར་རྗེས་གནང་སོགས། །བདག་ལ་དེ་རིང་བཀའ་དྲིན་མནོས། །མགོན་པོ་ཐུགས་རྗེ་ཐུགས་དམ་དགོངས། །ཞེས་ལན་གསུམ་གཉིས་པ་ནི། དབང་སྟེགས་སོགས་ལེགས་པར་བཤམས་ཐུབ་ན་རབ། མ་ཐུབ་ན་ཡིད་ཀྱིས་བསམ་པས་ཆོག་སྟཻ། དཀྱིལ་འཁོར་གྱི་ཤར་ཕྱོགས་སུ་སེང་ཁྲིས་བཏེགས་པའི་རིན་པོ་ཆེའི་ཁྲི་ལ་རང་ཉིད་རྡོ་རྗེ་འཆང་ཆེན་པོ་སྐུ་མདོག་སྔོན་པོ་རྡོ་རྗེ་དང་དྲིལ་བུ་འཛིན་པ། དར་དང་རིན་པོ་ཆེ་དང༌། རུས་པ་ལ་སོགས་པ་རྒྱན་ཐམས་ཅད་ཀྱིས་བརྒྱན་པ། མཚན་དང་དཔེ་བྱད་ཐམས་ཅད་ཡོངས་སུ་རྫོགས་ཤིང༌། རང་སྣང་གི་ཤེས་རབ་དམ་པས་འཁྱུད་པའི་སྐུ་ཅན་དུ་གྱུར། སྟེང་དུ་གདུགས་དཀར་པོ་གསེར་གྱི་ཡུ་བ་ཅན། མཐའ་བསྐོར་དུ་མཆོད་པའི་སྤྲིན་གྱི་ཕུང་པོས་ཡོངས་སུ་བསྐོར་བར་གྱུར། ཧཱུཾ་ཡིག་ལས་བྱུང་བའི་ཕྱག་མཚན་རྣམས་སུ་གྱུར། ཧེ་རུ་ཀ་ནི་ཁ་ཏྭཱཾ་ག །རྣལ་འབྱོར་མ་ནི་ཌཱ་མ་རུ། །རྡོ་རྗེ་ཁཾ་ཊྭཾ་རྡོ་རྗེར་བཅས། །དྲིལ་བུ་


TNT12_Page_0751
[མ་དཔེ་གཟིགས་ན་འདིར་གནོན།]

སིལ་སིལ་སྒྲ་སྒྲོག་ཅིང༌། །ཚངས་པའི་སྐུད་ཐོགས་རྣལ་འབྱོར་བདག །གྲི་གུག་དང་ནི་ཀ་པཱ་ལ། །དཔའ་བོ་ཆེན་པོས་བླང་བར་གྱིས། ཞེས་བརྗོད། གསུམ་པ་ནི། རྡོར་དྲིལ་གཉིས་ཀ་བསངས་སྦྱངས། སྟོང་པའི་ངང་ལས། ཧཱུཾ་ལས་རྡོ་རྗེ་ཧཱུཾ་གིས་མཚན་པ་ལས། རྡོ་རྗེ་སེམས་དཔའ་དཀར་པོ་རྡོ་རྗེ་དང་དྲིལ་བུ་འཛིན་པས་ཡུམ་རྡོ་རྗེ་སྙེམ་མ་དཀར་མོ་གྲི་གུག་དང་ཐོད་པ་འཛིན་པ་དང་མཉམ་པར་སྦྱོར་བ། རྒྱན་ཐམས་ཅད་ཀྱིས་རྣམ་པར་བརྒྱན་པའི་སྐུ་ཅན་དུ་གྱུར། དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། སངས་རྒྱས་ཐམས་ཅད་རྡོ་རྗེ་སེམས་དཔའ་ཡབ་ཡུམ་གྱི་རྣམ་པར་སྤྱན་དྲངས་ཏེ་ཐིམ། དེ་ཉིད་ཞུ་བ་ལས་བྱུང་བའི་རྡོ་རྗེ་དང་དྲིལ་བུར་གྱུར། རྡོ་རྗེ་ཆེ་དང་དྲིལ་བུ་ཆེ། །ཟུངས་ཤིག་རྡོ་རྗེར་བྱིན་གྱིས་བརླབས། །དེ་རིང་རྡོ་རྗེ་སློབ་དཔོན་གྱུར། །སློབ་མའི་ཚོགས་རྣམས་བསྡུ་བར་གྱིས། །མི་ཤེས་པའམ་རྨོངས་པ་ཡིས། །དེ་ཉིད་ངེས་པར་བསྟན་མི་བྱ། །རྡོ་རྗེ་དྲིལ་བུ་མི་སྤང་སྟེ། །སློབ་དཔོན་རྣམས་ནི་སྨད་མི་བྱ། །སྔགས་དང་སངས་རྒྱས་ཐམས་ཅད་དང༌། །མཚུངས་པར་མཆོད་དེ་འབད་པས་གྱིས། །ཞེས་བརྗོད། རང་སྣང་གི་ཤེས་རབ་དམ་པ་ལ་འཁྱུད་པས་བདེ་བ་ཆེན་པོ་ཉམས་སུ་མྱོང་བར་གྱུར། བཞི་པ་ནི། སངས་རྒྱས་ཀུན་གྱི་རྡོ་རྗེ་ནས་


TNT12_Page_0752
[མ་དཔེ་གཟིགས་ན་འདིར་གནོན།]

དབང༌། །དེ་རིང་ཁྱོད་ལ་བསྐུར་བར་བྱ། །སངས་རྒྱས་ཀུན་ཏུ་རབ་སྒྲུབ་ཕྱིར། །རྡོ་རྗེའི་དབང་ནི་སྦྱིན་པར་བྱ། །སྙིང་གར་གཏོད། ཐོག་མཐའ་མེད་པའི་སེམས་དཔའ་ནི། །རྡོ་རྗེ་སེམས་དཔའ་དགའ་བ་ཆེ། །ཀུན་ཏུ་བཟང་པོ་ཀུན་བདག་ཉིད། །རྡོ་རྗེ་བསྙེམས་ཚུལ་བདག་པོའི་བདག །བཅོམ་ལྡན་དཔལ་མཆོག་དང་པོ་ཡི། །སྐྱེས་བུ་མཆོག་ཏུ་འདི་འགྱུར་རོ། །ཨོཾ་ཨཱཿམཧཱ་བཛྲ་ཧཱུཾ། ཁྱོད་ཀྱིས་སེམས་འཁོར་འདས་དབྱེར་མེད་ཀྱི་དོན་རྟོགས་པར་བྱའོ། །འདི་ནི་རྣལ་འབྱོར་མ་ཀུན་གྱི། །ཤེས་རབ་དབྱངས་ཀྱི་རྗེས་འགྲོར་བཤད། ཁྱོད་ཀྱིས་ཀྱང་ནི་རྟག་ཏུ་བཅངས། །བྱང་ཆུབ་མཆོག་ཏུ་རྒྱལ་བ་བཞེད། །དྲིལ་བུ་ལན་བརྒྱད་དཀྲོལ། ཨ་སྲིད་པ་ངོ་བོ་ཉིད་ཀྱིས་དག །ངོ་བོ་ཉིད་ཀྱིས་སྲིད་བྲལ་བྱས། །རང་བཞིན་དག་པའི་སེམས་དཔའ་མཆོག །སྲིད་པ་དམ་པ་བྱེད་པར་འགྱུར། །ཨོཾ་བཛྲ་གྷཎྜེ་ཨ། ཨོཾ་ཨཱཿསཏྭ་སྟྭཾ། སྒྲ་ཐམས་ཅད་གྲག་སྟོང་དུ་ཤེས་པར་གྱིས་ཤིག །རྡོ་རྗེ་དང་དྲིལ་བུ་གཉིས་ཀ་ཟུང་དུ་སྦྱར་ལ། ཤེས་རབ་བཅུ་དྲུག་ལོན་པ་ལ། །ལག་པ་དག་གིས་ཡང་དག་འཁྱུད། །བདག་མེད་ཡུམ་མཆོག་ཁྱོད་ལ་སྦྱིན། །རྡོ་རྗེ་སྐུ་ཡི་དངོས་གྲུབ་ཐོབ། །ཨོཾ་སརྦ་ཏ་ཐཱ་ག་ཏ་ཨ་ནུ་རཱ་ག་ན་བཛྲ་སྭ་བྷ་ཝ་ཨཱཏྨ་ཀོ྅ཧཾ། ཡིད་ཀྱི་ལུས་སུ་བརྟན་པའི་ཕྱིར། །ཕྱག་རྒྱའི་དམ་ཚིག་རབ་ཏུ་བརྗོད། །གང་གི་ལུས་ནི་


TNT12_Page_0753
[མ་དཔེ་གཟིགས་ན་འདིར་གནོན།]

ཐམས་ཅད་བརྟན། །དེས་ན་ཕྱག་རྒྱ་རབ་ཏུ་བསྒྲགས། །གཟུགས་སུ་སྣང་བ་རྣམས་ལྷ་སྐུར་ཤེས་པར་གྱིས་ཤིག །ལྔ་པ་ནི། ཨོཾ་ཕུན་སུམ་ཚོགས་ནས། བཀྲ་ཤིས་གསུམ་པའོ། །དབང་བསྐུར་རྡོ་རྗེ་ནས་ཤྲཱི་ཡེ་ཧཱུཾ་གི་བར་ཆུ་དབང་བཞིན། དེ་ལྟར་དབང་བསྐུར་བའི་ཆུ་རྒྱུན་གྱིས་ལུས་ཀྱི་ནང་ཐམས་ཅད་གང༌། དབང་རྟགས་སུ་རྡོ་རྗེ་འཆང་ཆེན་པོའི་དབུ་རྒྱན་པར་གྱུར། ཨོཾ་སུ་པྲ་ཏིཥྛ་བཛྲ་ཡེ་སྭཱཧཱ། ཞེས་མེ་ཏོག་གཏོར་ཅིང་བརྟན་བཞུགས་བྱ། དྲུག་པ་ནི། བདག་འཇུག་གི་སྐབས་འདིར། ཨརྒྷཾ་ནས་ཤཔྟའི་བར་གྱིས་མཆོད་དོ། །ཚིགས་བཅད་རྣམས་མི་དགོས། དབང་གི་ལུགས་འདིར་སློབ་མ་ལ་མཆོད་པ་འབུལ་བ་ཡིན་ཏེ། སྒེག་དང་བཅས་པས་ཕྲེང་བ་འཕང༌། །སངས་རྒྱས་ཀུན་མཆོད་རྣལ་འབྱོར་མ། །དེ་ནི་འབྲལ་བར་མི་འགྱུར་ཏེ། །ཕྲེང་བ་དེ་ཡི་རྒྱན་ཡིན་ནོ། །ཨོཾ་བཛྲ་ཀཱ་རུ་ཎི་ཀ་ལཀྵ་ཧཱུཾ་བཾ་སྟཱཾ། རྡོ་རྗེའི་གདན་འདི་རྫོགས་སངས་རྒྱས། །སྲས་དང་བཅས་པར་རྣམ་རོལ་ཞིང༌། །རྡོ་རྗེ་སྒེག་མོའི་རབ་སྦྱོར་གྱིས། །དགའ་སྟོན་བྱེད་པའི་མཆོད་པ་གྱིས། །ཨོཾ་བཛྲ་ཨ་གྷཾ་ཨཱཿཧཱུཾ། སངས་རྒྱས་རྣམས་ལ་མེ་ཏོག་གཏོར། །བྱང་ཆུབ་ཡན་ལག་ཚོགས་གྱུར་པ། །མཚན་དང་དཔེ་བྱད་ལྡན་པ་ཡི། །བདེ་གཤེགས་སྐུ་ནི་ཐོབ་པར་འགྱུར། །བྷྲུཾ། རྫོགས་སངས་རྒྱས་ལ་སྤོས་ཕུལ་བས། །


TNT12_Page_0754
[མ་དཔེ་གཟིགས་ན་འདིར་གནོན།]

བརྟུལ་ཞུགས་བཟང་པོ་ལེགས་ཚིམས་ཀྱིས། །ལུས་ཅན་བདེ་གཤེགས་ཆ་ལུགས་སུ། །ཡེ་ཤེས་ཀྱིས་ནི་ཚིམ་པར་གྱིས། །གྷ། རྒྱལ་བ་རྣམས་ལ་དྲི་ཕུལ་བས། །ཚུལ་ཁྲིམས་ཏིང་འཛིན་ཤེས་རབ་དང༌། །རྣམ་གྲོལ་ཡེ་ཤེས་མཐོང་བ་ཡི། །བྱང་ཆུབ་ལུས་ཅན་རྣམས་ལ་བགོས། །ཧྲཱི། ཆོས་ཀྱི་མེ་ནི་ལེགས་འབར་བས། །པདྨ་གར་དབང་རང་ཉིད་དེ། །སེམས་ཅན་མ་རིག་ལྡོང་རྣམས་ལ། །ཆོས་ཀྱི་སྒྲོན་མེ་སྦར་བར་གྱིས། །གི །ལུས་ཅན་ཀུན་ལ་དམ་ཆོས་ཀྱི། །གླུ་ནི་ཁྱོད་ཀྱིས་བླང་བར་བྱ། །དེས་ནི་རྣལ་འབྱོར་མ་རྣམས་དང༌། །མྱུར་དུ་བདེ་བ་མྱོང་བར་འགྱུར། །ཨོཾ། དེང་ནས་བརྩམས་ཏེ་བྱང་ཆུབ་པར། །རྣལ་འབྱོར་མ་དང་དཔའ་ཚོགས་ཀུན། །ཤེས་རབ་ཐབས་ཀྱི་སྦྱོར་བ་ཡིས། །བདེ་བའི་གར་གྱི་རོལ་པར་གྱིས། །ཧོ། དེ་ཉིད་ཐལ་མོའི་གར་གྱིས་ནི། །སངས་རྒྱས་ཐམས་ཅད་ཆགས་པར་བྱ། །སངས་རྒྱས་འདུ་བའི་འཕྲིན་ལས་ཀྱིས། །གར་མཁན་ཚུལ་དུ་བསྒྱུར་བར་བྱ། །བདུན་པ་ནི། མིག་ཐུར་མེ་ལོང་དྲིལ་བུ་དང༌། །མདའ་གཞུ་འཁོར་ལོ་དུང་པོ་ཏི། །སྤྲུལ་བཤད་དངོས་གྲུབ་མཆོད་པ་དང༌། །ལྷ་སྒོམ་སྔགས་ཀྱི་རྗེས་གནང་ངོ༌། །དེ་དག་ཀྱང་རིམ་པས། ཇི་ལྟར་མིག་མཁན་རྒྱལ་པོ་ཡིས། །འཇིག་རྟེན་རབ་རིབ་བསལ་བ་ལྟར། །རྒྱལ་


TNT12_Page_0755
[མ་དཔེ་གཟིགས་ན་འདིར་གནོན།]

བ་རྣམས་ཀྱིས་བུ་ཁྱོད་ཀྱི། །མི་ཤེས་པ་ཡི་རབ་རིབ་བསལ། །ཨོཾ་བཛྲ་ནཻ་ཏྲ་ཨ་པ་ཧ་ར་པ་ཊ་ལཾ་ཧྲིཿཏྲཾ། ཞེས་མིག་ཐུར་དང༌། ཆོས་རྣམས་གཟུགས་བསྙན་ལྟ་བུ་སྟེ། །གསལ་ཞིང་དག་ལ་རྙོག་པ་མེད། །གཟུང་དུ་མེད་ཅིང་བརྗོད་དུ་མེད། །རྒྱུ་དང་ལས་ལས་ཀུན་ཏུ་འབྱུང༌། །ངོ་བོ་ཉིད་མེད་གནས་མེད་པར། །དེ་ལྟར་ཆོས་རྣམས་ཤེས་ཀྱིས་ལ། །སེམས་ཅན་དོན་ནི་མཉམ་མེད་བྱོས། །འོན་ཀྱང་སྐྱོབ་པའི་སྲས་སུ་སྐྱེས། །ཞེས་བརྗོད་དེ་མེ་ལོང་དང༌། ཨ་ལས་བྱུང་བའི་དྲིལ་བུ། ཐམས་ཅད་ནམ་མཁའི་མཚན་ཉིད་དེ། །ནམ་མཁའ་ལ་ཡང་མཚན་ཉིད་མེད། །ནམ་མཁའ་དང་ནི་མཉམ་སྦྱོར་བས། །ཐམས་ཅད་མཆོག་གི་གཉིས་མེད་གསལ། །ཞེས་དྲིལ་བུ་དང༌། ཧོ་ལས་བྱུང་བའི་མདའ་གཞུ། དེ་བཞིན་གཤེགས་པ་ཐམས་ཅད་དང༌། རྗེས་སུ་ཆགས་པར་བྱོས་ཤིག །ཞེས་མདའ་གཞུ་དང༌། ཨོཾ་བཛྲ་ཧེ་ཏུ་མཾ། རྐང་པ་གཉིས་ཀྱི་བར་དུ་འཁོར་ལོ་བཞག །དེང་ནས་བསམས་ཏེ་སེམས་བསྐྱེད་པ། །བརྩམས་ཏེ་ཆོས་ཀྱི་འཁོར་ལོ་བསྐོར། །དེ་རིང་ཕན་ཆད་སེམས་ཅན་ལ། །སྐྱོབ་པ་རྣམས་ཀྱིས་འཁོར་ལོ་བསྐོར། །ཞེས་འཁོར་ལོ་དང༌། ཨོཾ་བཛྲ་བྷ་ཥ་རཾ། ལག་པ་གཡས་སུ་དུང༌། ཁྱོད་ཀྱིས་ཐེ་ཚོམ་དོགས་མེད་པར། །


TNT12_Page_0756
[མ་དཔེ་གཟིགས་ན་འདིར་གནོན།]

ཡིད་གཉིས་མེད་པའི་ཚུལ་གྱིས་སུ། །ཆོས་ཀྱི་དུང་ནི་བླ་མེད་པ། །དྲི་མེད་ཀུན་ཏུ་གང་བར་གྱིས། །ཨོཾ་མཧཱ་དྷརྨ་ཧཱུཾ། རྒྱུད་ཀྱི་པོ་ཏི། གསང་སྔགས་སྤྱོད་ཚུལ་ཆོ་ག་འདི། །སྐྱེ་བོ་རྣམས་ལ་རྟག་ཏུ་ཤོད། །དེ་ལྟར་བྱས་ན་སངས་རྒྱས་ལ། །ཕན་ཐོག་དྲིན་དུ་གཟོ་ཞེས་བྱ། །རྡོ་རྗེ་འཛིན་པ་དེ་ཀུན་ཡང༌། ཁྱོད་ལ་རྟག་ཏུ་བསྲུང་བར་མཛད། །ཞེས་པུ་ཏི་དང༌། རིགས་ལྔའི་ཕྱག་མཚན་རྣམས་རིམ་པས་གཏད་ལ། འཇིག་རྟེན་ཁམས་ནི་ཐམས་ཅད་དུ། །སེམས་ཅན་ཀུན་ལ་ཕན་པའི་ཕྱིར། །ཇི་ལྟར་སྣ་ཚོགས་འདུལ་འགྱུར་བའི། །ཆོས་ཀྱི་འཁོར་ལོ་རབ་ཏུ་བསྐོར། །དེ་བཞིན་དུ། ཆོས་ཀྱི་འཁོར་ལོའི་གནས་སུ། རྡོ་རྗེ་དང༌། རིན་ཆེན་དང༌། པདྨ་དང༌། སྣ་ཚོགས་ཞེས་པ་རྣམས་བཅུག་ལ། རིགས་ལྔའི་སྤྲུལ་པའི་སྒོ་ནས་སེམས་ཅན་རྣམས་ཀྱི་དུག་ལྔ་སྦྱངས་ཏེ། ཡེ་ཤེས་ལྔ་རྒྱུད་ལ་བསྐྱེད་པར་གྱིས་ཤིག །ཅེས་རིགས་ལྔའི་རྗེས་གནང་དང༌། ཞི་དང་རྒྱས་དང་དབང་དང་དགུག །སྡང་བར་བྱ་དང་གནོན་སོགས་དང༌། །བསད་དང་བསྐྲད་པ་ལ་སོགས་པ། །ལས་དེ་རྣམས་ནི་སྒྲུབ་པར་གྱིས། །རལ་གྲི་མིག་སྨན་ས་འོག་དང༌། །མཆིལ་ལྷམ་དེ་བཞིན་རིལ་བུ་སྟེ། །རྣལ་འབྱོར་པ་ཡིས་དངོས་གྲུབ་ནི། །དེ་ནི་ཅི་དགར་སྒྲུབ་པར་གྱིས། །བདག་ཉིད་སངས་རྒྱས་


TNT12_Page_0757
[མ་དཔེ་གཟིགས་ན་འདིར་གནོན།]

ཐམས་ཅད་དང༌། །རྣལ་འབྱོར་མ་ནི་ཀུན་གྱིས་དངོས། །དེ་བས་འབད་པ་ཐམས་ཅད་ཀྱིས། །ཧེ་རུ་ཀ་དཔལ་བདག་མཆོད་དོ། །མཆོད་པའི་རྗེས་གནང་ངོ༌། །འདོད་ཆགས་བྲལ་བ་ལྟ་བུ་ཡི། ཁམས་གསུམ་ན་ནི་སྡིག་མེད་དེས། །དེ་བས་འདོད་ལ་ཆགས་བྲལ་བར། ཁྱོད་ཀྱི་ནམ་ཡང་མ་བྱེད་ཅིག །ལྷའི་སྐུ་ལ་སེམས་ཡོངས་སུ་ཆགས་ཤིང༌། ཞེན་པར་གྱིས་ཤིག །ལྷ་བསྒོམ་པའི་རྗེ་གནང་ངོ༌། །རིགས་ལྔ་འདི་ལ་སྩལ་ལགས་ཀྱིས། །འདི་ལ་འགོ་བར་མཛད་དུ་གསོལ། །ལན་གསུམ། རིགས་ལྔ་བདག་ལ་སྩལ་ལགས་ཀྱིས། །བདག་ལ་འགོ་བར་མཛད་དུ་གསོལ། །ལན་གསུམ། སྔགས་ཀྱི་དངོས་གྲུབ་སྩལ་དུ་གསོལ། །བརྟུལ་ཞུགས་བརྟན་པར་མཛད་དུ་གསོལ། །སྔགས་བཟླས་པའི་རྗེས་གནང་ངོ༌། །བརྒྱད་པ་ནི། སློབ་དཔོན་བཅོམ་ལྡན་འདས་དཔལ་རྒྱལ་བ་ཤཱཀྱ་ཐུབ་པའི་སྐུར་གྱུར་པས་བླ་ན་མེད་པའི་བྱང་ཆུབ་ཏུ་ལུང་སྟོན་པར་གྱུར། རྒྱུད་སྡེ་ལྔ་ཡི་དཀྱིལ་འཁོར་འདིར། །རྡོ་རྗེ་འཛིན་པ་བདག་ཉིད་དང༌། །ཕྱོགས་དུས་སངས་རྒྱས་ཐམས་ཅད་ཀྱང༌། ཁྱོད་ལ་རྟག་ཏུ་ལུང་སྟོན་འགྱུར། །བདག་ཅག་སངས་རྒྱས་མགྲིན་གཅིག་ཏུ། །བདེ་བར་གཤེགས་པར་ལུང་སྟོན་ཏོ། །ཨོཾ་འདི་ལྟར་ངས་ཁྱོད་ལུང་བསྟན་ཏེ། །རྡོ་རྗེ་སེམས་དཔའ་དེ་བཞིན་གཤེགས། །སྲིད་པ་ཤིན་ཏུ་རྣམ་དག་པས། །སྲིད་པའི་ངན་འགྲོ་ལས་ཁྱོད་འདས། །


TNT12_Page_0758
[མ་དཔེ་གཟིགས་ན་འདིར་གནོན།]

ཨོཾ་ཤྲཱི་ཧེ་རུ་ཀ་ན་མཿསརྦ་ཏ་ཐཱ་ག་ཏ་སིདྡྷི་ས་མ་ཡ་སྟྭཾ་བྷུར་བྷུཿཝ་སྭཿ དགུ་པ་ནི། གསང་ཆེན་མཆོག་གི་དཀྱིལ་འཁོར་འདིར། །བཅུག་པ་དང་ནི་མཐོང་བས་ཀྱང༌། །སྡིག་པ་ཀུན་ལས་རྣམ་གྲོལ་ནས། །དེ་རིང་ཁྱེད་རྣམས་བདེ་བར་གནས། །བདེ་ཆེན་ཐེག་པ་འདི་ལ་ནི། །ཕྱིན་ཆད་འཆི་བ་ཡོད་མ་ཡིན། །མི་ཐུབ་པ་དང་མི་ཚུགས་པ། །ཅིས་ཀྱང་མི་འཇིགས་དགའ་བར་གྱིས། །སྲིད་པ་ཤིན་ཏུ་རྣམ་དག་པས། །སྲིད་པའི་ངན་འགྲོ་རྣམས་ལས་བཏོན། །བཅུ་པ་ནི། དབང་རྫས་རྡོ་རྗེ་བསངས་སྦྱངས། སྟོང་པའི་ངང་ལས། ཧཱུཾ་ལས་རྡོ་རྗེ་ཧཱུཾ་གིས་མཚན་པ་ཡོངས་སུ་གྱུར་པ་ལས། རྡོ་རྗེ་སེམས་དཔའ་སྐུ་མདོག་དཀར་པོ་རྡོ་རྗེ་དང་དྲིལ་བུ་འཛིན་པ། ཡུམ་རྡོ་རྗེ་སྙེམས་མ་དང་མཉམ་པར་སྦྱོར་བའི་སྐུ་ཅན་དུ་གྱུར། དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་རྡོ་རྗེ་སེམས་དཔའི་རྣམ་པར་བཛྲ་ས་མཱ་ཛཿཛཿཧཱུཾ་བཾ་ཧོ། དེ་ཉིད་ཞུ་བ་ལས་བྱུང་བའི་དང་པོའི་རྡོ་རྗེ་རྩེ་ལྔ་པར་གྱུར། དེ་ཉིད་སྤྱི་བོ་དང༌། མགྲིན་པ་དང༌། སྙིང་ག་རྣམས་སུ་རེག་ལ། འདི་སྟེ་སངས་རྒྱས་ཐམས་ཅད་དེ། །རྡོ་རྗེ་སེམས་དཔའ་ཕྱག་ན་གནས། ཁྱོད་ཀྱིས་ཀྱང་ནི་རྟག་ཏུ་བཅང༌། །ཕྱག་ན་རྡོ་རྗེའི་བརྟུལ་ཞུགས་བརྟན། །ཨོཾ་སརྦ་ཏ་ཐཱ་ག་ཏ་སིདྡྷི་བཛྲ་


TNT12_Page_0759
[མ་དཔེ་གཟིགས་ན་འདིར་གནོན།]

ས་མ་ཡ་ཏིཥྛ་ཨེ་ཥ་སྟཱཾ་དྷ་ར་ཡ་མི་བཛྲ་ས་ཏྭ་ཧི་ཧི་ཧི་ཧི་ཧཱུཾ། དེང་ཕྱིན་ཆད་ཐ་མལ་གྱི་སྤྱོད་པ་ཐམས་ཅད་བརྟུལ་ནས་སྔགས་ཀྱི་སྤྱོད་པ་ལ་ཞུགས་པར་གྱིས་ཤིག །རང་གི་བདག་ཉིད་ཡོངས་སྤངས་ནས། །དཀའ་ཐུབ་ཀྱིས་ཀྱང་མི་གདུང་ཞིང༌། །ཅི་བདེ་བར་ནི་བདེ་བ་བཟུང༌། །འདི་ནི་མ་བྱོན་རྫོགས་སངས་རྒྱས། །ཞེས་བརྗོད་ལ་དོན་བཤད། བཅུ་གཅིག་པ་ནི། སེམས་ཅན་དོན་ཕྱིར་སེམས་བསྐྱེད་པས། །སེམས་ཅན་བསྒྲལ་བའི་དོན་དེ་ལ། །གཙོ་བོས་ཇི་ལྟར་བཀའ་སྩལ་པ། །དེ་དག་ཐམས་ཅད་བདག་གིས་བགྱིད། །ཆོས་ཐམས་ཅད་མཉམ་པ་ཉིད་ཀྱིས་ཕྱིར། གཞལ་མེད་ཁང་གྲུ་བཞི་པ། དྲན་པ་ཉེ་བར་བཞག་པ་བཞིས་ཤར་སྒོ། ཡང་དག་སྤོང་པ་བཞིས་ལྷོ་སྒོ། རྫུ་འཕྲུལ་གྱིས་རྐང་པ་བཞིས་ནུབ་སྒོ། དབང་པོ་དང་སྟོབས་ནི་བྱང་སྒོ། ཚངས་པའི་གནས་བཞིས་ཟུར་བཞི། བསྡུ་བའི་དངོས་པོ་བཞིས་རྟ་བབས། བྱང་ཆུབ་ཡན་ལག་བདུན་གྱིས་མེ་ཏོག་གི་འཕྲེང་བ། འཕགས་པའི་ལམ་ཡན་ལག་བརྒྱད་ཀྱིས་ཀ་བ། བདུད་བཞི་ཡོངས་སུ་བཅོམ་པས་བསྲུང་བའི་འཁོར་ལོ། འཁོར་བ་རྣམ་པར་དག་པས་དུར་ཁྲོད། རྡོ་རྗེ་ཐེག་པའི་ཆོས་ཀྱི་འཁོར་ལོ་བསྐོར་བའི་ཕྱིར་རྡོ་རྗེའི་ཐིག་དང་ལྡན་པ། ཉེས་པས་མ་གོས་པས་པདྨ། ཡེ་ཤེས་ཆེན་པོས་


TNT12_Page_0760
[མ་དཔེ་གཟིགས་ན་འདིར་གནོན།]

ཉི་མ། འཇིག་ཚོགས་ལ་ལྟ་བ་ཡོངས་སུ་འཇོམས་པས་རྡོ་རྗེ། བྱང་ཆུབ་ཀྱི་སེམས་ཟླ་བའི་དཀྱིལ་འཁོར་རྣམས་སོ། །ལྷ་རྣམས་ནི་ཕུང་པོ་ལྔ་དང༌། ཁམས་བཞི་དང༌། དབང་པོ་དྲུག་དང༌། ཡུལ་དྲུག་རྣམ་པར་དག་པ་ཡེ་ཤེས་ལྔ་དང༌། ཚད་མེད་པ་རྣམས་དང༌། ཕ་རོལ་ཏུ་ཕྱིན་པ་དྲུག་ལ་སོགས་པའི་བདག་ཉིད་དོ། །གཞན་ཡང་དེང་ནས་ཁྱོད་ཀྱིས་དབང་བསྐུར་བ་དང༌། རབ་ཏུ་གནས་པ་དང༌། སྦྱིན་སྲེག་དང་དངོས་གྲུབ་སྒྲུབ་པ་ལ་སོགས་པ་སློབ་དཔོན་གྱི་ལས་འདི་དག་མཐའ་དག་སྒྲུབས་ཤིག །དེ་ནས་བུམ་དབང་གི་དག་པ་བརྗོད་པ་ནི། དེ་ལྟར་ན་རྡུལ་ཚོན་གྱི་དཀྱིལ་འཁོར་དུ་ཞུགས་བུམ་པའི་དབང་བསྐུར་བ་ཐོབ། གཙོ་བོར་ལུས་ཀྱི་དྲི་མ་མཐའ་དག་སྦྱངས། དམ་ཚིག་ཏུ་རྩ་བ་དང་ཡན་ལག་གི་དམ་ཚིག་ཉི་ཤུ་རྩ་གཉིས་བསྲུང་བ་ལ་དབང༌། ལམ་བསྐྱེད་པའི་རིམ་པ་བསྒོམ་པས། འབྲས་བུས་སྤྲུལ་བའི་སྐུ་མངོན་དུ་འགྱུར་བའི་རྟེན་འབྲེལ་ལེགས་པར་བསྒྲིགས་པ་ཡིན་ནོ། །ཞེས་བརྗོད༌། དེ་དག་གིས་བུམ་པའི་དབང་འཁོར་དང་བཅས་པའོ། །བཅུ་གཉིས་པ་ནི། དབང་གོང་མ་གསུམ་ཐུན་མོང་གི་དོན་དུ་མཎྜལ་ཕུལ། བདག་ནི་འཁོར་བར་བྱིང་བ་ཡིས། །འགྲོ་བ་སྐྱབས་མེད་འཕོངས་ནས་ནི། །དེ་བསྒྲལ་ཕྱིར་ནི་ཁྱོད་ཉིད་དང༌། །རྡོ་རྗེ་འཛིན་བདག་སློབ་དཔོན་ལ། །


TNT12_Page_0761
[མ་དཔེ་གཟིགས་ན་འདིར་གནོན།]

སངས་རྒྱས་ཀུན་གྱི་ཡེ་ཤེས་མཆོག །གསང་དབང་བླ་ན་མེད་པ་ཞུ། །བརྩེ་བས་བདག་ལ་གནང་བར་མཛོད། །དམ་ཚིག་ཇི་བཞིན་བདག་གིས་བགྱིད། །ལན་གསུམ། སློབ་དཔོན་བཅོམ་ལྡན་འདས་དགྱེས་མཛད་རྡོ་རྗེ་ཞལ་བརྒྱད་ཕྱག་བཅུ་དྲུག་ཞབས་བཞི་པ་མཚོན་ཆ་ཅན་གྱི་སྐུར་གསལ་བའི་སྤྱི་བོར་དཔལ་གསང་བ་འདུས་པ་ལྷ་སུམ་ཅུ་རྩ་གཉིས་ཀྱི་དཀྱིལ་འཁོར། མགྲིན་པར་མཧཱ་མཱ་ཡ་ལྷ་ལྔའི་དཀྱིལ་འཁོར། སྙིང་གར་དགྱེས་མཛད་ཐོད་པ་ཅན་ལྷ་དགུའི་དཀྱིལ་འཁོར། ལྟེ་བར་འཁོར་ལོ་སྡོམ་པ་ལྷ་དྲུག་ཅུ་རྩ་གཉིས་ཀྱི་དཀྱིལ་འཁོར། གསང་བར་རྡོ་རྗེ་འཇིགས་བྱེད་ལྷ་བཅུ་གསུམ་ཐོད་པ་བཞི་དང་བཅས་པའི་དཀྱིལ་འཁོར་རྣམས་སྐད་ཅིག་གིས་གྲུབ་པར་གྱུར། མདུན་བསྐྱེད་ཀྱི་ཐུགས་ཀ་ནས་འོད་ཟེར་འཕྲོས་སངས་རྒྱས་བྱང་ཆུབ་སེམས་དཔའ་ཐམས་ཅད་རྒྱུད་སྡེ་ལྔའི་ལྷ་ཚོགས་ཀྱི་རྣམ་པར་སྤྱན་དྲངས། ལུས་ཀྱི་དཀྱིལ་འཁོར་ལ་ཐིམ། ཛཿཧཱུཾ་བཾ་ཧོཿ གཉིས་སུ་མེད་པར་ཐིམ། རིག་མ་སྐད་ཅིག་གིས་རྗེ་བཙུན་རྡོ་རྗེ་བདག་མེད་མར་གྱུར། ཡབ་ཀྱི་གསང་གནས་ཧཱུཾ་ནས།ཐུགས་ཀར་རྗེས་སུ་ཆགས་པའི་མེས་བྱང་ཆུབ་ཀྱི་སེམས་སུ་ཞུ། དཀྱིལ་འཁོར་ལྔའི་ལྷ་ཚོགས་ཐམས་ཅད་ཀྱི་ཞལ་དུ་ཞུགས། གསང་བའི་ལམ་ནས་བྱུང་བ་རྣམས་གཅིག་ཏུ་


TNT12_Page_0762
[མ་དཔེ་གཟིགས་ན་འདིར་གནོན།]

བསྡུས་ཏེ། གཞི་ལུས་ཀྱི་རྩ་ཨ་ཝ་དྷུ་ཏིའི་ལམ་ནས་བརྒྱུད། རྡོ་རྗེ་དང་པདྨའི་ལམ་ནས་བྱུང་སྟེ། ག་བུར་དང་སིཧླ་གཅིག་ཏུ་འདྲེས་པའི་རྒྱུན་ཡེ་ཤེས་བདུད་རྩི་ལྔ་གཅིག་ཏུ་འདྲེས་པའི་ཀ་པཱ་ལར་བབས་པར་གྱུར། ཨོཾ་སརྦ་ཏ་ཐཱ་ག་ཏ་པཱུ་ཛ་བཛྲ་སྭ་བྷ་ཝ་ཨཱཏྨ་ཀོ྅ཧཾ། གསང་དབང་ཁོ་ནའི་དོན་དུ་མཎྜལ་ཕུལ། ཨོཾ་བཅོམ་ལྡན་ཞི་བ་ཆེན་པོ་ཀྱེ། །རྡོ་རྗེ་རྣལ་འབྱོར་ཅིག་བཞེད་པ། །མི་ཕྱེད་ཕྱག་རྒྱ་སྒྲུབ་པ་པོ། །རྡོ་རྗེ་སྦྱོར་ལས་ཡང་དག་བྱུང༌། །བདག་ཉིད་ཆེན་པོ་ཁྱོད་ཇི་བཞིན། །མངའ་བདག་བདག་ལའང་དེ་ལྟར་མཛོད། །འཁོར་བ་འདམ་གྱི་ཚོགས་ནང་དུ༌། །བྱིང་བ་སྐྱབས་མེད་བདག་ལ་སྐྱོབས། །ཉོན་མོངས་ཡེ་ཤེས་ཉིད་གྱུར་པས། །བྱང་ཆུབ་སེམས་ཆེན་བདག་ལ་སྩོལ། །ལན་གསུམ། ཨོཾ་ཨཱཿཧཱུཾ། སྟོང་པའི་ངང་ལས། སློབ་མ་དགྱེས་མཛད་མཚོན་ཆ་ཅན་ཞལ་ཕྱག་ཡོངས་སུ་རྫོགས་པར་གྱུར། ཨོཾ་དེ་བ་པི་ཙུ་བཛྲ་ཧཱུཾ་ཧཱུཾ་ཧཱུཾ་ཕཊ་སྭཱཧཱ། ཡེ་ཤེས་པ་བཛྲ་ས་མཱ་ཛཿ ཛཿཧཱུཾ་བཾ་ཧོཿ ཨ་ཁཾ་ཝི་ར་ཧཱུཾ་གིས་གདོང་བཅིངས། ཨོཾ་བཛྲ་ཡོ་ག་ཙིཏྟ་ཨུ་ཏ་པ་ད་ཡ་མི། ཞེས་སེམས་བསྐྱེད། བདུད་རྩི་ལྕེ་ཐོག་ཏུ་བཞག །ཇི་ལྟར་བཅོམ་ལྡན་དགྱེས་རྡོར་གྱིས། །བྱང་ཆུབ་སྲས་ལ་དབང་བསྐུར་ལྟར། །བདག་གིས་གསང་བའི་དབང་གིས་ནི། །སེམས་ཀྱི་རྒྱུན་གྱི་


TNT12_Page_0763
[མ་དཔེ་གཟིགས་ན་འདིར་གནོན།]

དབང་བསྐུར་རོ། །གཙོ་བོ་ལྔའི་སྙིང་པོའི་མཐར། འབྲུ་གསུམ་བཏགས་པ་བརྗོད། སློབ་མས་ཀྱང་ཨ་ཧོ་མཧཱ་སུ་ཁཾ་ཞེས་བྱ། དེ་བཞིན་དུ་ཤེས་རབ་རྡོ་རྗེ་བདག་མེད་མའི་གཟུགསས་ཀྱིས་ཀྱང་དབང་བསྐུར་བར་གྱུར། ཇི་ལྟར་ནས་མཧཱ་སུ་ཁའི་བར་གོང་བཞིན། དེ་ནས་འབྲུ་གསུམ་གྱིས་གདོང་གཡོགས་བཀྲོལ། དེ་ལྟར་ན་ཀུན་རྫོབ་བྱང་ཆུབ་སེམས་ཀྱི་དཀྱིལ་འཁོར་དུ་ཞུགས་གསང་བའི་དབང་བསྐུར་བ་ཐོབ། ངག་གི་དྲི་མ་སྦྱངས། དམ་ཚིག་ཏུ་ཤ་ལྔ་བདུད་རྩི་ལྔ་ལ་སོགས་པ་བཟའ་བའི་དམ་ཚིག་རྣམས་སྒྲུབ་པ་ལ་དབང༌། ལམ་གཏུམ་མོ་དང་སྒྱུ་ལུས་ཡན་ལག་དང་བཅས་པ་བསྒོམ། འབྲས་བུ་ལོངས་སྐུ་མངོན་དུ་འགྱུར་བའི་རྟེན་འབྲེལ་བསྒྲིགས་པ་ཡིན་ནོ། །ཤེས་རབ་ཡེ་ཤེས་ཀྱི་དོན་དུ་ཕྱག་དང་མཎྜལ་ཕུལ། དུས་གསུམ་སངས་རྒྱས་ཐམས་ཀྱི། །སྐུ་གསུང་ཐུགས་ཀྱི་རྡོ་རྗེ་རྣམས། །གཅིག་བསྡུས་བདེ་བ་ཆེན་པོ་སྟེ། །གསང་བའི་ཡེ་ཤེས་བདག་ལ་སྩོལ། །ལན་གསུམ། གོང་བཞིན་མིག་དགབ། དེ་ནས་མཚན་ཉིད་ཐམས་ཅད་ཡོངས་སུ་རྫོགས་པའི་རིག་མ་གཏད། དགའ་སྟེར་གནས་སྟེར་ལྷ་མོ་ནི། །སྣ་ཚོགས་གཟུགས་ཅན་ཡིད་འོང་མ། །བཟུང་ཞིག་བཟུང་ཞིག་སེམས་དཔའ་ཆེ། །བཟུང་ལ་མཆོད་པ་རྟག་ཏུ་གྱིས། །ཐབས་གཞན་གྱིས་ནི་སངས་རྒྱས་


TNT12_Page_0764
[མ་དཔེ་གཟིགས་ན་འདིར་གནོན།]

མིན། །འགྲོ་གསུམ་འདིའང་དག་པ་ཡིན། །དེ་ཕྱིར་འདི་དང་བྲལ་བར་ནི། ཁྱོད་ཀྱིས་ནམ་ཡང་མ་བྱེད་ཅིག །འདི་ནི་སངས་རྒྱས་ཐམས་ཅད་ཀྱི། །རིག་པའི་བརྟུལ་ཞུགས་བླ་ན་མེད། །བླུན་པོ་གང་ཞིག་འདི་སྤོང་བ། དེ་ལ་མཆོག་གི་དངོས་གྲུབ་མེད། །ལྷ་མོ་དེས་ཀྱང༌། བདུད་རྩི་བཟའ་དང་བཏུང་བ་དང༌། ཁྲག་དང་ཁུ་བ་དེ་བཞིན་ཏེ། །ཤ་ཆེན་བསྟེན་པར་བུ་སྤྲོའམ། །བུད་མེད་རྣམས་ལ་རྟག་གུས་དང༌། །བྷ་གའི་པདྨར་འོ་བྱེད་པར། །བུ་ཁྱོད་ཇི་ལྟར་བདེ་བྱེད་སྨོས། །ལྷ་མོ་ཅི་ཕྱིར་བདག་མི་སྤྲོ། །བདུད་རྩི་ལྔ་པོ་བཟའ་བ་དང༌། །བདག་མེད་མ་ལ་རྟག་ཏུ་གུས། །བྷ་གའི་པདྨར་འོ་བྱེད་པ། །ཨ་ཧོ་ང་ཡི་པདྨ་ནི། །བདེ་བ་ཀུན་དང་ཡང་དག་ལྡན། །ཅི་སྟེ་ཆོ་ག་བཞིན་བསྟེན་ན། །དེ་ཡི་མདུན་ན་ང་འདུག་སྟེ། །སངས་རྒྱས་བསྙེན་པ་ལ་སོགས་པ། །བྱ་བ་པདྨར་བྱེད་བཞིན་གྱིས། །བདེ་ཆེན་རྒྱལ་པོ་རང་ཉིན་ནི། །འདི་ཉིད་དུ་ནི་རྟག་ཏུ་བཞུགས། །ཨོཾ་ཨཱཿབྷཉྫ་མོ་ཀྵ་ཧཾ། ཞེས་བརྗོད། དེ་ནས། སློབ་མ་དགྱེས་མཛད་རྡོ་རྗེ་མཚོན་ཆ་ཅན་ཞལ་ཕྱག་ཐམས་ཅད་ཡོངས་སུ་རྫོགས་པ་དང༌། རིག་མ་རྡོ་རྗེ་བདག་མེད་མར་གྱུར། གཉིས་ཀའི་རྩ་འཁོར་ལོ་ལྔ་རབ་ཏུ་གསལ་བ་ལ་རྒྱུད་སྡེ་ལྔའི་དཀྱིལ་འཁོར་གྱི་ལྷ་ཚོགས་ཡོངས་སུ་རྫོགས་


TNT12_Page_0765
[མ་དཔེ་གཟིགས་ན་འདིར་གནོན།]

པར་གྱུར། སྒྲུབ་ཐབས་བཞིན་མཁའ་གསང་བྱིན་གྱིས་རླབས། སློབ་དཔོན་གྱི་ཐུགས་ཀའི་འོད་ཟེར་གྱིས་སངས་རྒྱས་བྱང་ཆུབ་སེམས་དཔའ་ཐམས་ཅད་སྤྱན་དྲང༌། སློབ་མ་དང༌། རིག་མའི་གནས་ལྔར་ཐིམ་པས་བདེ་བ་ཆེན་པོས་རྒྱུད་བྱིན་གྱིས་བརླབས། ཡབ་ཡུམ་སྙོམ་པར་ཞུགས། རྗེས་ཆགས་གཏུམ་མོ་རབ་ཏུ་འབར་བས་སྤྱི་བོའི་ཧཾ་ཡིག་ཞུ། མགྲིན་པར་ཕྱིན་པས་དགའ་བ། སྙིང་གར་ཕྱིན་པས་མཆོག་དགའ། ལྟེ་བར་ཕྱིན་པས་ཁྱད་དགའ། ནོར་བུས་ཕྱིན་པས་ལྷན་ཅིག་སྐྱེས་དགའ་མངོན་དུ་བྱས། སླར་ཡང་ཧཱུཾ་ཞེས་བྱ་བས་གྱེན་དུ་གཤེགས་པར་གྱུར་ཏེ། འཁོར་ལོ་བཞིར་རིམ་པས་མས་བརྟན་པའི་དགའ་བ་ཤར་ཏེ། སྤྱི་བོར་ལྷན་ཅིག་སྐྱེས་པ་བརྟན་པར་གྱུར། འབྲུ་གསུམ་གྱིས་གདོང་གཡོགས་བཀྲོལ། དེ་ལྟར་ན་བྷ་གའི་དཀྱིལ་འཁོར་དུ་ཞུགས། ཤེས་རབ་ཡེ་ཤེས་ཀྱི་དབང་བསྐུར་ཐོབ། ཡིད་ཀྱི་དྲི་མ་སྦྱངས། དམ་ཚིག་ཏུ་དངོས་དང་ཡེ་ཤེས་ཀྱི་རིག་མ་བསྟེན་པ་ལ་དབང༌། ལམ་ལས་དང་ཡེ་ཤེས་ཀྱི་ཕྱག་རྒྱ་དང་འོད་གསལ་སྒོམ། འབྲས་བུ་ཆོས་སྐུ་མངོན་དུ་འགྱུར་བའི་རྟེན་འབྲེལ་བསྒྲིགས་པ་ཡིན་ནོ། །བཞི་པ་ཆེན་པོ་ཚིག་དབང་ཞུ་བར་མཎྜལ་ཕུལ། ཁྱོད་ཞབས་པདྨོའི་བཀའ་དྲིན་གྱིས། །གཙོ་བོའི་དབང་བསྐུར་རྣམ་གསུམ་ཐོབ། །དེ་རིང་རིན་ཆེན་


TNT12_Page_0766
[མ་དཔེ་གཟིགས་ན་འདིར་གནོན།]

བཞི་པ་ཡང༌། །གཙོ་བོས་བདག་ལ་བཀའ་དྲིན་སྩོལ། །དེ་ནས་བཞི་པ་ཚིག་ཙམ་གྱིས་སྦྱིན་པ་ནི། ཡེ་ཤེས་འདི་ནི་ཆེས་ཕྲ་ཞིང༌། །རྡོ་རྗེ་སྙིང་པོ་མཁའ་དང་མཚུངས། །རྡུལ་མེད་མཐར་ཕྱིན་ཞི་བ་ཉིད། ཁྱོད་ཀྱི་ཕ་ནི་ཁྱོད་ཉིད་དོ། །དེ་ནས་བཞི་པའི་ཡེ་ཤེས་དེ། །མན་ངག་སྔོན་དུ་སྦྱིན་པ་ནི། །ཕྱག་རྒྱ་བཞི་དོན་གཅིག་ཉིད་དུ། །བརྒྱུད་པ་ཡོད་པས་དེ་ལ་བསྟན། །ཕྱག་རྒྱ་བཞི་དོན་རིམ་པ་ལྔ། །ལམ་ལྔ་སྐད་ཅིག་དེ་ལ་བསྒོམ། ཁྱོད་ཀྱི་སྲོག་ཆགས་བསད་པར་བྱ། །རྫུན་གྱི་ཚིག་ཀྱང་སྨྲ་བར་བྱ། །མ་བྱིན་པར་ཡང་ཁྱོད་ཀྱིས་ལོང༌། །ཕ་རོལ་བུད་མེད་བསྟེན་པར་བྱ། །ཤ་ལྔ་བདུད་རྩི་ལྔ་ལ་རོལ། །མི་བཟའ་བ་ནི་གང་ཡང་མེད། །རྩ་བའི་ལྟུང་བ་བཅུ་བཞི་བསྲུང༌། །དེས་ནི་ཐ་མལ་སྤངས་ནས་འགྲུབ། །དེ་ལྟར་ན་དོན་དམ་བྱང་ཆུབ་སེམས་ཀྱི་དཀྱིལ་འཁོར་དུ་ཞུགས། དབང་བཞི་པ་ཐོབ་སྒོ་གསུམ་གྱི་དྲི་མའི་བག་ཆགས་ཐམས་ཅད་སྦྱངས། དམ་ཚིག་ཏུ་དགོངས་ཏེ་གསུངས་པའི་དམ་ཚིག་རྣམས་ཀྱང་སྤྱོད་པ་ལ་དབང༌། ལམ་ཟུང་འཇུག་ཕྱག་རྒྱ་ཆེན་པོ་བསྒོམ། འབྲས་བུ་ངོ་བོ་ཉིད་སྐུ་མངོན་དུ་འགྱུར་བའི་རྟེན་འབྲེལ་བསྒྲིགས་པ་ཡིན་ནོ། །དེ་ནས། གཙོ་བོས་ཇི་ལྟར་སོགས་དང༌། གཏང་རག་གི་མཎྜལ་འབུལ་བ་དང༌། དེང་ནས་བརྩམས་


TNT12_Page_0767
[མ་དཔེ་གཟིགས་ན་འདིར་གནོན།]

ཏེ་སོགས་དང༌། དགེ་བ་བསྔོ་བ་རྣམས་བྱའོ། །བཅུ་གསུམ་པ་ནི། མཆོད་པ་རྒྱ་ཆེར་བཤམས། གོང་བཞིན་བྱིན་གྱིས་རླབས། མཆོད་ཡོན་ནས་རོལ་མོའི་བར་ཚིགས་བཅད་དང་བཅས་པ་གོང་བཞིན་བརྗོད། དེ་བཞིན་དུ་ནང་མཆོད་ཀྱང་སྔར་བཞིན་ཕུལ། དེ་ཉིད་ལྔ་པས་བསྟོད། བཅོམ་ལྡན་འདས་དཔལ་དགྱེས་མཛད་རྡོ་རྗེའི་ལྷ་ཚོགས་འཁོར་དང་བཅས་པ་རྣམས་དང༌། བཅོམ་ལྡན་འདས་དཔལ་གསང་བ་འདུས་པའི་ལྷ་ཚོགས་འཁོར་དང་བཅས་པ་རྣམས་དང༌། བཅོམ་ལྡན་འདས་དཔལ་འཁོར་ལོ་སྡོམ་པའི་ལྷ་ཚོགས་འཁོར་དང་བཅས་པ་རྣམས་དང༌། བཅོམ་ལྡན་འདས་དཔལ་སྒྱུ་འཕྲུལ་ཆེན་པོའི་ལྷ་ཚོགས་འཁོར་དང་བཅས་པ་རྣམས་དང༌། བཅོམ་ལྡན་འདས་དཔལ་གཤིན་རྗེ་གཤེད་རྡོ་རྗེ་འཇིགས་བྱེད་ཀྱི་ལྷ་ཚོགས་འཁོར་དང་བཅས་པ་རྣམས་དང༌། རྩ་བ་དང་བརྒྱུད་པར་བཅས་པའི་བླ་མ་དམ་པ་རྣམས་དང༌། སངས་རྒྱས་དང་བྱང་ཆུབ་སེམས་དཔའ་རྣམས་དང༌། དཔའ་བོ་དང་མཁའ་འགྲོ་མའི་ཚོགས་རྣམས་དང༌། དཔལ་མྱུར་མཛད་ཡེ་ཤེས་ཀྱི་མགོན་པོ་ཞིང་སྐྱོང་བ་འཁོར་དང་བཅས་པ་རྣམས་དང༌། དཔལ་གཙང་རིགས་ཀྱི་མགོན་པོ་བདུན་ཅུ་རྩ་ལྔ་ལ་སོགས་པ་ཕྱི་ནང་གསང་བའི་དམ་ཅན་གྱི་ཚོགས་དང་བཅས་པ་རྣམས་བདག་ལ་དགོངས་སུ་གསོལ། བདག་དང་སེམས་ཅན་ཐམས་


TNT12_Page_0768
[མ་དཔེ་གཟིགས་ན་འདིར་གནོན།]

ཅད་བླ་ན་མེད་པའི་བྱང་ཆུབ་ཀྱི་གནས་ལ་འགོད་པར་མཛད་དུ་གསོལ། སངས་རྒྱས་ཀྱི་བསྟན་པ་རིན་པོ་ཆེ་དར་བ་དང༌། སེམས་ཅན་ཐམས་ཅད་ལ་བདེ་སྐྱིད་འཕེལ་བར་མཛད་དུ་གསོལ། ཁྱད་པར་རིག་པ་འཛིན་པའི་ཐེག་པ་ལུང་དང་རྟོགས་པས་བསྡུས་པ་མཐའ་དག་བྱིན་རླབས་མི་ཉམས་ཤིང་ཤིན་ཏུ་དར་བར་མཛད་དུ་གསོལ། བདག་དང་སློབ་མར་བཅས་པ་ལ་མཆོག་དང་ཐུན་མོང་གི་དངོས་གྲུབ་མ་ལུས་པ་ཚེ་འདི་ཉིད་ལ་སྩལ་དུ་གསོལ། རྒྱུད་ཀྱི་རྒྱལ་པོ་རྣམས་ལས་ཇི་སྐད་བཤད་པའི་ལས་ཐམས་ཅད་ཐོགས་པ་མེད་པར་འགྲུབ་པར་མཛད་དུ་གསོལ། ཞེས་དངོས་གྲུབ་ཞུ། ཡི་གེ་བརྒྱ་པ་ལན་ཉི་ཤུ་རྩ་གཅིག་སོགས་འདོན་ཞིང༌། མ་འབྱོར་པ་དང་སོགས་དང༌། ལྷག་པ་དང་ནི་སོགས་དང༌། གཙོ་བོར་ནུས་པ་མ་མཆིས་པ་སོགས་ཀྱིས་བཟོད་པར་གསོལ། དེ་ནས་དཀྱིལ་འཁོར་གྱི་ཤར་སྒོའི་ཐད་དུ་གནས་པས། ཆོས་ཐམས་ཅད་མཉམ་པ་ཉིད་དུ་མོས་པས། ཨོཾ་ཁྱོད་ཀྱིས་སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་ནས་ཀྱང༌། །སླར་ཡང་འབྱོན་པར་མཛད་དུ་གསོལ། །ཞེས་ལན་གསུམ་གྱིས་མཐར་རོལ་མོའི་སྒྲ་དང་བཅས། ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ་ཨཱདྱ་ནུཏྤནྣ་ཏྭ་ཏ་ཨོཾ་ཨཱཿཧཱུཾ་ཕཊ་མུཿ ཞེས་བརྗོད་ཅིང་ཐོག་མར་དབང་ལྡན་གྱི་


TNT12_Page_0769
[མ་དཔེ་གཟིགས་ན་འདིར་གནོན།]

རྩིག་པ་བཤིག །དེ་རྗེས་སུ་ཐིག་ཆེན་བརྒྱད་ཀྱི་ས་ནས་དབྱིའོ། མཐར་ཅི་བདེརཕྱགས་ཤིང་ལྷ་མཚན་རྣམས་ལོགས་སུ་བསྡུའོ། །དེ་བྱིན་རླབས་ཀྱི་དོན་དུ་རང་གི་སྤྱི་བོར་ཅུང་ཟད་བླུགས་ལ། དོན་དུ་གཉེར་བ་རྣམས་ལའང་ཅུང་ཟད་བྱིན། དེ་ཉིད་བུམ་པ་བཟང་པོར་བླུག་སྟེ་བཀུར་སྟི་དང་བཅས་ཀླུ་བརྒྱད་མཆོད་པའི་ཆོ་གས་ཆུ་བོར་སྤྱན་དྲངས་ཤིང་གཏད་དོ། །སླར་འོང་སྟེ་ཐིག་རྗེས་རྣམས་མི་མངོན་པར་བྱས་ལ། ལྷ་མོ་སངས་རྒྱས་སྤྱན་མའི་སྔགས་ཀྱིས་ཕུར་བུ་ཕྱུང་ཞིང༌། སྔགས་དེ་ཉིད་ཀྱིས་ཕུར་ཁུང་ཀྱང་འོ་མས་བཀང་ངོ༌། །སྒྲུབ་མཆོད་ཉིད་ཞག་སྦྲེལ་མར་བྱེད་ན་ཡང་གཤེགས་གསོལ་གྱི་ཉིན་མོ་མ་གཏོགས་གཤེགས་གསོལ་གྱི་དོན་དུ་བརྟན་བཞུགས་བྱ་ཞིང༌། དངོས་གཞི་ཉིན་རྟིང་མ་རྣམས་ལ་ནམ་མཁའི་ལྷ་འབེབས་པའི་སྐོར་རྣམས་མི་དགོས་སོ། །སྨོན་ལམ་བཏབ་ཅིང་བཀྲ་ཤིས་ཀྱང་རྒྱ་ཆེར་བརྗོད་ལ་ཤུལ་དེ་ཉིད་དུ་སྦྱིན་སྲེག་དང་ཚོགས་ཀྱི་འཁོར་ལོ་ལ་སོགས་པ་དགའ་སྟོན་རྒྱ་ཆེར་བྱའོ། །དེ་ལྟར་བཤད་པའི་དགེ་འདིས་ཀྱང༌། །དཔག་གཡས་སེམས་ཅན་མ་ལུས་རྣམས། །ཡན་ལག་བདུན་ལྡན་སྐུ་བཞིའི་དངོས། །རྡོ་རྗེ་འཆང་ཆེན་ཐོབ་པར་ཤོག །དཔལ་རྒྱུད་སྡེ་ལྔའི་བདག་འཇུག་ངག་འདོན་འདི་ཡང་ཉེ་མཁོར་མཐོང་ནས་ཏཱ་ར་ནཱ་ཐས་སྨྲས་པའོ། །


TNT12_Page_0770
[མ་དཔེ་གཟིགས་ན་འདིར་གནོན།]

ཤོག་སྟོང་།

ནི་གུ་ལུགས་ཀྱི་བདེ་མཆོག་ལྷ་ལྔའི་དབང་ཆོག


TNT12_Page_0771
[མ་དཔེ་གཟིགས་ན་འདིར་གནོན།]

ནི་གུ་ལུགས་ཀྱི་བདེ་མཆོག་ལྷ་ལྔའི་དབང་ཆོག་བཞུགས།


TNT12_Page_0772
[མ་དཔེ་གཟིགས་ན་འདིར་གནོན།]

ན་མོ་གུ་རུ། སངས་རྒྱས་རྡོ་རྗེ་བདེ་བ་ཆེ། ཁྲག་འཐུང་དཔལ་གྱི་དཀྱིལ་འཁོར་ནི། །ཡེ་ཤེས་ལྔ་ལྡན་ལ་བཏུད་ནས། །དཀྱིལ་འཁོར་ཆོ་ག་བྲི་བར་བྱ། །འདིར་ཡེ་ཤེས་མཁའ་འགྲོ་ནི་གུ་མའི་མན་ངག།ལུགས་འདིའི་ཁྲིད་ཚུལ་ཀུན་གྱི་སྔོན་དུ་འགྲོ་བ། བདེ་མཆོག་ལྷ་ལྔའི་དབང་གི་ཆོ་ག་ནི། རྣམ་པ་གཉིས་ཏེ་རས་བྲིས་ལ་བརྟེན་པ་དང༌། རྡུལ་ཚོན་ལ་བརྟེན་པའོ། །དེ་ལ་དང་པོའི་དབང་དུ་བྱས་ནས། ལྷག་གནས་དང་དངོས་གཞི་དང་རྗེས་ཀྱི་བྱ་བ་གསུམ་ལས། དང་པོ་ལ་སྔོན་འགྲོ་གཏོར་མ་སུམྦྷས་བསངས། སྭབྷཱ་ཝས་སྦྱངས། ཨོཾ་ཨཱཿཧཱུཾ་ཧ་ཧོ་ཧྲཱི་ཞེས་བྱིན་གྱིས་བརླབས། ཕཻཾ་བཛྲ་ཨ་རལླི་ཧོ་ནས། དྲྀ་ཤྱ་ཧོའི་བར་གྱི་མགྲོན་རྣམས་བཀུགཨོཾ་ཁ་ཁཱ་མན་ཆད་ལན་གསུམ་གྱིས་ཕུལ། ཨརྒྷཾ་ནས་ཤཔྟའི་བར་གྱིས་མཆོད། ལྷ་ཆེན་བརྒྱད་པོ་འཁོར་དང་བཅས། །ཀླུ་ཆེན་བརྒྱད་པོ་འཁོར་དང་བཅས། །འཇིག་རྟེན་སྐྱོང་བ་བརྒྱད་པོ་དང༌། །གནོད་སྦྱིན་ཚོགས་རྣམས་མ་ལུས་དང༌། །སྲིན་པོའི༴


TNT12_Page_0773
[མ་དཔེ་གཟིགས་ན་འདིར་གནོན།]

འབྱུང་པོའི༴ ཤ་ཟའི༴ སྨྱོ་བྱེད༴ བརྗེད་བྱེད༴ མ་མོའི༴ དེ་ལ་སོགས་ཏེ་འབྱུང་པོའི་ཚོགས། །མ་ལུས་ཇི་སྙེད་ཡོད་པ་རྣམས། །འདིར་གཤེགས་བདག་ལ་དགོངས་སུ་གསོལ། །རྣལ་འབྱོར་བདག་ཅག་འཁོར་བཅས་ལ། །ཞེས་པ་ནས། ཡིད་ལ་འདོད་པ་ཀུན་འགྲུབ་ཤོག། དམ་ཅན་ཁྱེད་རྣམས་དཀྱིལ་འཁོར་གྱི། །ལས་ལ་བསྲུང་བ་དམ་པ་དང༌། །ཡུལ་ཕྱོགས་འདི་དང་སྦྱིན་བདག་དང༌། །སློབ་མ་ལ་ཡང་ཤིས་པར་མཛོད། །གསང་སྤྱོད་ལྟ་བར་མི་དབང་པའི། །འབྱུང་པོའི་ཚོགས་རྣམས་གང་ཡིན་པ། །གཏོར་མའི་ལྷག་མ་འདི་ལོང་ལ། །ད་ལྟ་ཉིད་དུ་གཞན་དུ་དེངས། །ཅི་ཏེ་འགྲོ་བར་མི་བྱེད་ན། །རྡོ་རྗེ་འཛིན་ཆེན་ཁྲོས་པའི་བཀས། །མཚོན་ཆ་འབར་བའི་སྤྲིན་སྤྲོས་ནས། །ལུས་སེམས་རྡུལ་དུ་བརླག་ཏ་རེ། །ཞེས་གཏོར་མ་ཕྱིར་དོར་ལ་མཚམས་བཅད། དེ་ནས་མཆོད་པ་ཞིག་


TNT12_Page_0774
[མ་དཔེ་གཟིགས་ན་འདིར་གནོན།]

བཤམས་ལ། གནས་དང་ཡོ་བྱད་བསངས་སྦྱངས། སྟོང་པའི་ངང་དུ་ཧཱུཾ་ཡིག་ལས་བྱུང་བའི་སྲུང་འཁོར་གྱི་ནང་དུ་ཆུད་པའི། བྷྲུཾ་ལས་གནས་ཁང་གཞལ་མེད་ཁང་མཚན་ཉིད་ཐམས་ཅད་ཡོངས་སུ་རྫོགས་པའི་ནང་དུ། ཨོཾ་ཨཱཿཧཱུཾ་རྣམས་ལས་བྱུང་ཞིང༌། ལྷ་རྫས་ལས་གྲུབ་པའི་མཆོད་ཡོན། ཞབས་བསིལ། མེ་ཏོགབདུག་སྤོས༌། མར་མེ། དྲི་ཆབ། ཞལ་ཟས། རོལ་མོ་ལ་སོགས་པ་མཆོད་པའི་ཡོ་བྱད་བཟང་ཞིང་གྱ་ནོམ་པ། ཡུལ་དུས་ཆད་པ་མེད་པར་ཡོངས་སུ་ཁྱབ་ཅིང༌། རྣམ་འཕྲུལ་བསམ་གྱིས་མི་ཁྱབ་པ། རང་བཞིན་བདེ་སྟོང་གི་ཡེ་ཤེས། རྣམ་པ་མཆོད་རྫས་ཀྱི་སྤྲིན་ཕུང༌། བྱེད་ལས་རང་གཞན་མཐའ་དག་ཟག་མེད་ཀྱི་བདེ་བས་ཚིམ་པར་བྱེད་པས། ཕྱི་ནང་ཐམས་ཅད་དུ་གང་བར་གྱུར། ཨོཾ་བཛྲ་ཨརྒྷཾ་སྭཱཧཱ། དེ་བཞིན་དུ། པཱདྱཾ། ཨོཾ་བཛྲ་པུཥྤེ་ཨཱཿཧཱུཾ། དེ་བཞིན་དུ། དྷཱུཔེ། ཨཱ་ལོ་ཀེ །གནྡྷེ། ནཻ་བེ་ཏྱ། ཤཔྟ། ཨོཾ་སརྦ་བིད་པཱུ་ར་པཱུ་ར། སུ་ར་སུ་ར། ཨཱ་བརྟ་ཡ་ཨཱ་བརྟ་ཡ་ཧོ། ཨོཾ་བཛྲ་སྥཱ་ར་ཎ་ཁཾ། རོལ་མོས་བྱིན་འབེབས་ཞིང༌། ཨོཾ་བཛྲ་གཎྜེ་ར་ཎི་ཏ། པྲ་ར་ཎི་ཏ། སཾ་པྲ་ར་ཎི་ཏ། སརྦ་བུདྡྷ་ཀྵེ་ཏ་པྲ་ཙ་ལི་ཏེ། པྲཛྙ་པ་ར་མི་ཏ། ན་ད་སམྦྷ་བེ་ཏ་བཛྲ་དྷརྨ་ཧྲི་ད་ཡ་ནི་སནྟོ་ཥ་ནི་ཧཱུཾ་


TNT12_Page_0775
[མ་དཔེ་གཟིགས་ན་འདིར་གནོན།]

ཧཱུཾ྄་ཧཱུཾ་ཧོ་ཧོ་ཧོ་ཨ་ཁཾ་སྭཱཧཱ། ཞེས་ལན་གསུམ་བརྗོད། དེ་ནས་བདག་བསྐྱེད་ནི། སྐྱབས་འགྲོ་ནས། དཀྱིལ་འཁོར་ཉེར་བསྡུའི་གནས་གསུམ་བྱིན་རླབས་ཀྱི་བར་ཡན་ཆད། སྒྲུབ་ཐབས་བཞིན་དུ་བྱ། དེ་ནས་དཀྱིལ་འཁོར་གྱི་ས་གཞིར་མཆོད་པ་རྒྱ་ཆེར་བཤམས། གཏོར་མ་གཉིས་ཀྱང་བཤམས་ཏེ། སླར་ཡང་གོང་བཞིན་མཆོད་པ་བྱིན་གྱིས་བརླབས། རོལ་མོ་བྱིན་འབེབས་མི་དགོས། རང་གི་སྙིང་གའི་ཧཱུཾ་ལས་འོད་ཟེར་འཕྲོས་པས། ཕྱོགས་བཅུ་དུས་གསུམ་གྱི་སངས་རྒྱས་བྱང་སེམས། དཔའ་བོ་མཁའ་འགྲོའི་ཚོགས་ཐམས་ཅད། གཅིག་ཏུ་འདུས་ཏེ། མདུན་གྱི་ནམ་མཁར་དཔལ་འཁོར་ལོ་སྡོམ་པའི་དཀྱིལ་འཁོར་དུ་གྱུར་པ་ནི། སྐད་ཅིག་གིས་ཕྱི་རོལ་དུར་ཁྲོད་བརྒྱད་དང་བཅས་པའི་སྲུང་འཁོར་གྱི་དབུས་སུ། འབྱུང་བཞི་རི་རབ་དང་བཅས་པའི་དབུས་སུ། སྣ་ཚོགས་རྡོ་རྗེ་ལ་གནས་པའི་གཞལ་མེད་ཁང་མཚན་ཉིད་ཐམས་ཅད་ཡོངས་སུ་རྫོགས་པ། དབུས་ཀྱི་གདན་གྱི་སྟེང་དུ་དཔལ་ཧེ་རུ་ཀ་ཞེས་པ་ནས། འཁོད་པར་གྱུར། དངོས་གཞིའི་སྐབས་སུ་འཆད་པར་འགྱུར་བ་ལྟར། མཆོད་བསྟོད་གཏོར་བསྔོ་རྣམས་བྱ། བཅོམ་ལྡན་འདས་དཔལ་འཁོར་ལོ་སྡོམ་པའི་དཀྱིལ་འཁོར་གྱི་ལྷ་ཚོགས། ཕྱོགས་བཅུ་དུས་གསུམ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ། དཔའ་བོ་དང་རྣལ་འབྱོར་མའི་ཚོགས་དང་བཅས་པ་རྣམས་ཀྱིས།


TNT12_Page_0776
[མ་དཔེ་གཟིགས་ན་འདིར་གནོན།]

སང་ཉིན་དཀྱིལ་འཁོར་ཆེན་པོ་བྱིན་གྱིས་རློབ་པ་དང༌། བདག་དང་སློབ་མར་བཅས་པ་ལ་དངོས་གྲུབ་སྩོལ་པའི་འཕྲིན་ལས་མཛད་དུ་གསོལ། ཞེས་ལན་གསུམ་གསོལ་བ་བཏབ། བསྡུ་ན་དེ་ཙམ་གྱིས་ཆོག་ལ། རྒྱས་པ་ལ་དགའ་ན་ཕྱིས་ཀྱི་ལག་ལེན་ལྟར། བཅོམ་ལྡན་འཁོར་ལོ་སྡོམ་པ་མཆོག། རིགས་སྔགས་རྒྱལ་པོ་ཁྱོད་ལ་འདུད། །སློབ་མ་རྣམས་ལ་བརྩེ་ཕྱིར་དང༌། ཁྱེད་རྣམས་ལ་ཡང་མཆོད་པའི་ཕྱིར། །མགོན་པོ་ཐུགས་རྗེའི་བདག་ཉིད་ཅན། །དཀྱིལ་འཁོར་བྲི་བར་བདག་འཚལ་ལོ། །དེ་ཕྱིར་བཅོམ་ལྡན་བདག་གུས་ལ། །བཀའ་དྲིན་སྣང་བར་མཛད་པར་རིགས། །སངས་རྒྱས་འགྲོ་འཁོར་བྱ་ཕྱིར་སྩོལ། །བྱང་ཆུབ་སེམས་དཔའ་འབྲས་གནས་དང༌། །གཞན་ཡང་གང་དག་གསང་སྔགས་ལྷ། །ལྷ་དང་འཇིག་རྟེན་སྐྱོང་བ་དང༌། །འབྱུང་པོ་བྱང་ཆུབ་བསྟན་གནས་དང༌། །སེམས་ཅན་བསྟན་ལ་མངོན་དགའ་བ། །གང་སུ་རྡོ་རྗེའི་སྤྱན་མངའ་རྣམས། །བདག་ལ་ཡང་དག་དགོངས་སུ་གསོལ། །བདག་ནི་རྡོ་རྗེ་ཆེ་གེ་ཅན། །བདེ་མཆོག་འཁོར་ལོའི་དཀྱིལ་འཁོར་ནི། །ཇི་ལྟར་ནུས་པ་ཉེར་སྦྱོར་བས། །འགྲོ་བ་སྦྱང་ཕྱིར་བྲི་བར་བྱ། །དེ་ཕྱིར་བདག་དང་སློབ་མ་ལ། །རྗེས་སུ་བརྩེ་བས་ཉེར་བཟུང་ནས། །དཀྱིལ་འཁོར་དང་བཅས་ཐམས་ཅད་ནི། །ཉེ་བར་འབྱོན་པར་མཛད་པར་རིགས། །


TNT12_Page_0777
[མ་དཔེ་གཟིགས་ན་འདིར་གནོན།]

ཞེས་ཀྱང་ལན་གསུམ་གསོལ་བ་བཏབ། །ཡིག་བརྒྱ་ལན་གསུམ། གང་ཡང་བདག་བློ་སོགས་བཟོད་པར་གསོལ་ནས། ཨོཾ་མུཿཞེས་དབྱིངས་སུ་གཤེགས་སུ་གསོལ། ལྷ་ལྷག་པར་གནས་པའི་དོན་ནོ། །བུམ་པ་གཉིས་སྤྱི་དང་མཐུན་པར་བཤམས། བསངས་སྦྱངས། སྟོང་པའི་ངང་ལས་པཾ་ལས་པདྨ་དང་ཨ་ལས་ཟླ་བའི་སྟེང་དུ་བྷྲུཾ་ལས་རིན་པོ་ཆེའི་བུམ་པ་ཡངས་ཤིང་རྒྱ་ཆེ་བ། ལྟོ་བ་ལྡིར་ཞིང༌། མགྲིན་པ་ཕྲ་བ། མཆུ་འཕྱང་བ། ལྷའི་གོས་ཀྱི་མགུལ་བཅིངས་དང༌། དཔག་བསམ་གྱི་ཤིང་གིས་ཁ་བརྒྱན་པ། ནང་ཆུ་དང་བཅུད་ཐམས་ཅད་ཀྱིས་ཡོངས་སུ་གང་བའི་དབུས་སུ། པཾ་ལས་སྣ་ཚོགས་པདྨ་འདབ་མ་བརྒྱད་པ། ཞེས་པ་ནས། རིན་ཆེན་འབྱུང་ལྡན་གྱིས་དབུ་བརྒྱན་གྱི་བར། བདག་སྐྱེད་དང་འདྲ་བ་ལས། རང་ཉིད་ཅེས་སོགས་ཀྱི་ཚིག་དོར་རོ། །དེ་ནས་བུམ་བཟླས་ནི། ཡབ་ཡུམ་གྱི་ཉེ་སྙིང་དང༌། མཁའ་འགྲོ་མ་བཞིའི་སྔགས་རྣམས་ཅི་འགྲུབ་ཏུ་བཟླ། ཨ་བྷི་ཥེ་ཀ་ཏའི་སྔགས་ཀྱང་ཉེར་གཅིག་ལ་སོགས་པས་བྱིན་གྱིས་བརླབས། བུམ་པའི་མཆོད་པ་སངས་སྦྱངས་བྱིན་རླབས་བྱས་ལ། ཨརྒྷཾ་ནས་ཤཔྟའི་བར་གྱིས་མཆོད། ཡབ་ཡུམ་གྱི་རྐང་པ་བརྒྱད་པས་བསྟོད། ཡིག་བརྒྱ་དང་བཟོད་གསོལ་བྱས་ལ། ཨོཾ་ཨཱཿཧཱུཾ་ཞེས་པས་མཆོད་ཡོན་ཕུལ། བུམ་ནང་གི་ལྷ་རྗེས་ཆགས་ཀྱི་མེས་ཡོངས་སུ་ཞུ་ཏེ་བྱང་ཆུབ་


TNT12_Page_0778
[མ་དཔེ་གཟིགས་ན་འདིར་གནོན།]

ཀྱི་སེམས་སུ་གྱུར་ཞེས་བརྗོད། ཅི་སྟེ་ལས་བུམ་ལོགས་སུ་སྒྲུབ་པར་འདོད་ན། སྔ་མའི་བཟླས་པ་སོང་མཚམས་སུ། ལས་བུམ་གྱི་ནང་དུ་ཁྲོ་བོ་བདུད་རྩི་འཁྱིལ་བ། སྐད་ཅིག་གིས་བསྐྱེད་ནས། སུམྦྷའི་སྔགས་ཅི་ནུས་སུ་བཟླས། མཆོད་པ་མན་ཆད་ཕྱོགས་གཅིག་ཏུ་མཛད། མཆོད་ཡོན་དང་གཟུངས་ཐག་ཕྱོགས་སོ་སོར་བྱེད་པའམ། སྔ་ཕྱིར་སྤོ་བའི་སྲོལ་ཀྱང་ཡོད། འོན་ཀྱང་འདི་ལ་ལས་བུམ་གཞུང་ལས་མ་བཤད་ཅིང་ངེས་པར་དགོས་པ་མ་ཡིན་ནོ། །བུམ་པ་ལྷ་གནས་སོ། །སློབ་མ་རྣམས་ལ་སྔོན་འགྲོའི་བྱ་བ་རྣམས་སྐབས་འདིར་བྱེད་པ། སློབ་མ་ལྷག་གནས་ཀྱི་དོན་ཡིན་ཅིང༌། ལྷག་པོར་བྱ་བ་ནི། སྒོ་གསུམ་བྱིན་གྱིས་བརླབས་ནས་མཆོད་པ་འབུལ་བ་ཡིན་ནོ། །དེ་ཡང་འདི་ལྟར་སྔོན་འགྲོ་རྣམ་པ་བཅུའི་ནང་གི་གསང་བ་བསྒྲགས་པ་དང་ཡེ་ཤེས་དབབ་པ་དང་ནངས་པར་དགོས་པས་སྐབས་འདིར་མི་མཛད་བསམ་པ་འཆོས་པ་དང༌། སྐྱབས་སེམས་དང༌། སྤྲོ་བསྐྱེད་པ་དང༌། མཎྜལ་དང་བཅས་པའི་གསོལ་བཏབ་དང༌། གནང་བ་སྦྱིན་པ་དང༌། རྟོག་པ་བསྡུ་པ་དང༌། ཡན་ལག་ལྔ་པ་དང༌། སྡོམ་པ་འབོགས་པ་རྣམས་སོང་བའི་རྗེས་སུ། ནང་མཆོད་དང་དྲི་བཟང་བསྲེས་པའི་ཐིག་ལེས་སློབ་མའི་གནས་གསུམ་དུ་འབྲུ་གསུམ་བརྗོད་དེ་བྱིན་གྱིས་བརླབས་ལ། སློབ་དཔོན་གྱི་ཐུགས་ཀ་ནས་འོད་ཟེར་འཕྲོས། སངས་རྒྱས་ཐམས་ཅད་སྐུ་རྡོ་རྗེ་རྣམ་སྣང་གི་རྣམ་པར་སྤྱན་དྲངས་ཏེ་ཁྱེད་རང་རྣམས་ཀྱི་དཔྲལ་བར་ཐིམ། གསུང་རྡོ་རྗེ་འོད་


TNT12_Page_0779
[མ་དཔེ་གཟིགས་ན་འདིར་གནོན།]

དཔག་མེད་ཀྱི་རྣམ་པར་སྤྱན་དྲངས་ཏེ་མགྲིན་པར་ཐིམ། ཐུགས་རྡོ་རྗེ་མི་བསྐྱོད་པའི་རྣམ་པར་སྤྱན་དྲངས་ཏེ་སྙིང་གར་ཐིམ་པར་མོས་མཛོད། ཅེས་བྱ། འདི་ནི་སྔོན་འགྲོ་དགུ་པར་བྱེད་ཅིང༌། བཅུ་པ་ནི་གཟེངས་བསྟོད་པ་སྟེ། འཇིག་རྟེན་དུ་ནི་ཀུན་མཁྱེན་རྣམས། །ཞེས་པ་ནས། དེས་ཀྱང་འདི་ལ་དགའ་བར་གྱིས། །ཞེས་པའི་བར་རོ། །དེ་ལྟར་ན་མདོར་ལེན་གྱི་དབང་དུ་བྱས་པའི་སྔོན་འགྲོ་རྣམ་པ་བཅུ་པོ་དེ་དག་ནི། སློབ་མ་ལྷག་གནས་སོ། །དགུ་པ་དང་བཅུ་པའི་བར་དུ། སོ་ཤིང༌། འཁྱོར་ཆུ། བསྲུང་སྐུད། ཀུ་ཤ་རྣམས་སྟེར་བའི་ལག་ལེན་ཀྱང་འགའ་ཞིག་ལ་སྣང་བ་སྤྱིར་མི་འགལ་ཡང༌། གཞུང་ན་མེད་པས་ངེས་པར་དགོས་པ་མ་ཡིན་ནོ། །གཉིས་པ་དངོས་གཞི་ལ། དཀྱིལ་འཁོར་སྒྲུབ་པ་མཆོད་པ་འབུལ་བ། བདག་ཉིད་འཇུག་པ། སློབ་མ་དབང་བསྐུར་ཏེ་བཞི་ལས། དང་པོ་ནི། སྔོན་འགྲོ་གཏོར་མ་གནས་ཡོ་བྱིན་རླབས། བདག་བསྐྱེད་ཉེར་བསྡུའི་བར། གོང་ལྷག་གནས་ཀྱི་སྐབས་བཞིན་དུ་བྱ། དེ་ནས་མདུན་སྐྱེད་ཀྱི་དཀྱིལ་འཁོར་བཀྲམ། མཆོད་པ་བཟང་པོ་དང༌། གཏོར་མ་ཟླུམ་གཏོར་གཉིས་སམ། ཐོད་གཟུགས་དར་མཚོན་སྣ་ལྔས་བརྒྱན་པ་གང་རུང་བྱ། མདུན་བསྐྱེད་ཀྱི་དཀྱིལ་འཁོར་བསངས་སྦྱངས། སྟོང་པའི་ངང་ལས་ཨེ་ལས་བྱུང་བའི་ཆོས་ཀྱི་འབྱུང་གནས་ཀྱི་དབུས་སུ། ཡཾ་ལས་རླུང་གི་དཀྱིལ་འཁོར་ཞེས་པ་ནས། ལྟེ་བ་མཐིང་ནག་གྲུ་བཞི་པ་ཧཱུཾ་གིས་མཚན་པ།


TNT12_Page_0780
[མ་དཔེ་གཟིགས་ན་འདིར་གནོན།]

དེ་ལས་འོད་ཟེར་ཕྱོགས་བཅུར་འཕྲོས། བསྲུང་འཁོར་རྡོ་རྗེའི་ཕྱག་གཞི་རྭ་བ་དྲྭ་བ་གུར་བླ་རེ་མདའི་དྲྭ་བ་མེ་དཔུང་འབར་བ་དང་བཅས་པར་གྱུར། བསྲུང་བའི་འཁོར་ལོའི་ནང་དུ་བྷྲུཾ་ལས་གཞལ་མེད་ཁང་ཆེན་པོ། གྲུ་བཞི་པ་སྒོ་བཞི་པ། རྟ་བབས་བཞིས་བརྒྱན་པ། འདོད་ཡོན་གྱི་སྣམ་བུ་དང༌། ཕ་གུ་དང་དྲྭ་ཕྱེད་དང༌། རིན་པོ་ཆེ་དང་མདའ་ཡབ་ལ་སོགས་པ་མཚན་ཉིད་ཐམས་ཅད་ཡོངས་སུ་རྫོགས་པ། གདུགས་དང་རྒྱལ་མཚན་དང་བ་དན་དང་རྔ་ཡབ་ལ་སོགས་པ་རྒྱན་ཐམས་ཅད་ཀྱིས་བརྒྱན་པ། ལྷ་དང་མི་ལས་ཁྱད་པར་དུ་འཕགས་པའི་མཆོད་པའི་སྤྲིན་དུ་མས་གང་བ། ནང་ཀ་བ་བརྒྱད་དང་ལྡན་པའི་སྟེང་རྡོ་རྗེའི་གདུང་ཟླུམ་པོ་དང༌། དེའི་སྟེང་དུ་རྡོ་རྗེའི་ཐལ་གདུང་གཉིས་མིག་མངས་རིས་སུ་བྲིས་ཤིང་མཛེས་པར་ཕུབ་པ། དབུས་ཕྱུར་བུར་གྱུར་པའི་རྩེ་མོར་རྡོ་རྗེ་རིན་པོ་ཆེའི་ཏོག་གིས་ཉེ་བར་བརྒྱན་པ། གཞལ་ཡས་ཁང་གི་ཕྱི་རོལ་ཏུ་དུར་ཁྲོད་ཆེན་པོ་བརྒྱད་དང༌། དེ་དག་ཏུ་གནས་པའི་ཕྱོགས་སྐྱོང་བ་བརྒྱད་དང༌། ཞིང་སྐྱོང་བ་བརྒྱད་དང༌། ཆུ་དང༌། མེ་དང༌། རླུང་དང༌། སྤྲིན་དང༌། རི་དང༌། མཆོད་རྟེན་རྣམས་བརྒྱད་བརྒྱད་དང་བཅས་པ། འབྱུང་པོ་དང༌། སྲིན་པོ་དང༌། ཤ་ཟ་དང༌། རོ་ལངས་དང༌། མཁའ་འགྲོ་མའི་ཚོགས་རྣམས་རྒྱུ་བ། རོ་དང་


TNT12_Page_0781
[མ་དཔེ་གཟིགས་ན་འདིར་གནོན།]

ཀེང་རུས་དང་བྱ་དང་གཅན་གཟན་སྣ་ཚོགས་པས་ཡོངས་སུ་གང་བའོ། །གཞལ་ཡས་ཁང་གི་ནང་གི་ལྷ་སྣམ། ཤར་དཀར། བྱང་ལྗང༌། ནུབ་དམར། ལྷོ་སེར། དབུས་སྔོ་བའི་སྟེང་དུ། པཾ་ལས་སྣ་ཚོགས་པདྨ་འདབ་མ་བརྒྱད་པ། ལྟེ་བ་དང་ཞེས་པ་ནས། བཅས་པའོ། །དེའི་སྟེང་དུ། རང་ཉིད་གནས་པར་གྱུར། བདག་ཉིད་ཧཱུཾ་ལས་རྡོ་རྗེ་ཧཱུཾ་གིས་མཚན་པར་གྱུར་པ་ལས། རང་ཉིད་དཔལ་ཧེ་རུ་ཀ་འཁོར་ལོ་བདེ་མཆོག་ནས། དབུས་ན་བཞུགས་པའོ། །ཐུགས་ཀ་ནས་མཾ་ཏཾ་པཾ་ལཾ་རྣམས་སྤྲོས་པ་ཏེ། ཕྱོགས་བཞིར་འཁོད། བྷྲུཾ་ཨཾ་ཛྲིཾ་ཁཾ་བཞི་སྤྲོ་སྟེ། མཚམས་བཞིར་འཁོད་པ་རྣམས་ཡོངས་སུ་གྱུར་པ་ལས། ཤར་གྱི་འདབ་མ་ལ་ནས། རིན་ཆེན་འབྱུང་ལྡན་གྱིས་དབུ་བརྒྱན། དབང་གི་ལྷ་ཐམས་ཅད་ཀྱང་དཀྱིལ་འཁོར་ལ་གཉིས་སུ་མེད་པར་ཐིམ། བར་འདིར་ལྷ་སོ་སོའི་སྙིང་པོ་ཅི་འགྲུབ་ཏུ་བཟླས་པའི་མཐར། ལྷ་དྲུག་པོ་རེ་རེའི་སྔགས་ཀྱི་མཐར། ཧེ་རུ་ཀའི་ཡིག་བརྒྱ་སྦྱར་བ་ལན་གསུམ་གསུམ་གྱིས་བརྟན་པར་བྱའོ། །གཉིས་པ་དཀྱིལ་འཁོར་མཆོད་པ་ནི། མཆོད་པ་བྱིན་རླབས་བྱས་ལ། བདེ་མཆོག་སྒྱུ་འཕྲུལ་འཁོར་ལོའི་རོལ་པ་ལས། །ཡན་ལག་བརྒྱད་ལྡན་རྡོ་རྗེ་ཨརྒྷའི་རྒྱུན། །ཀུན་བཟང་མཆོད་སྤྲིན་རྒྱ་མཚོ་རབ་སྤེལ་བས། །མཁའ་འགྲོ་དྲ་བའི་འཁོར་


TNT12_Page_0782
[མ་དཔེ་གཟིགས་ན་འདིར་གནོན།]

ལོ་སྡོམ་གྱུར་ཅིག །ཨོཾ་བཛྲ་ཨརྒྷཾ་པྲ་ཏཱིཙྪ་ཧཱུཾ་སྭཱཧཱ། དེའི་ཚིག་རྐང་གཉིས་པར། ཞབས་ཀྱི་པདྨའི་གདུང་སེལ་རྡོ་རྗེའི་ཆུ། །ཞེས་དང༌། ཨརྒྷཾ་གྱི་ཚབ་ཏུ་པཱ་དྱཾ་སྦྱར་ཏེ་ཆུ་གཉིས་སོ། །ཨོཾ་བཟང་ཞིང་དགེ་བའི་མེ་ཏོག་ནི། །གཙང་ཞིང་གཙང་མའི་གནས་ལས་སྐྱེས། །བདག་གི་དད་པས་འབུལ་ལགས་ཀྱི། །བཞེས་ནས་བདག་ལ་དགྱེས་པར་མཛོད། །ཡང་དག་དགའ་བའི་མེ་ཏོག་གི །རྡོ་རྗེ་ཉི་མ་པདྨར་ཕྱུང༌། །མེ་ཏོག་བདག་ཉིད་ལ་མཆོད་པ། །རྡོ་རྗེ་གསུམ་གྱི་བདག་ཉིད་མཆོག།ཨོཾ་བཛྲ་པུཥྤེ་ཨཱཿ ཧཱུཾ། །དྲི་ཡིས་རྒྱས་པ་ལྷ་ཡི་རྫས། །ནགས་ཚལ་བཅུད་ནི་ཡིད་འོང་འདི། །བདག་གི་སོགས་ཚིག་རྐང་གཉིས་གོང་བཞིན། རྣམ་རྟོག་ཚོགས་ཀྱི་ཡུལ་མིན་ཅིང༌། །ལྟེ་བར་གཏུམ་མོ་འབར་བ་ཡི། །ངེས་པར་བསྲེགས་པ་དེ་ཡི་སོགས། །ཐུགས་ཀྱི་རྡོ་རྗེ་ལ་དབུལ་བྱ། །དྷཱུ་པེ། སྲིན་པོ་འཇོམས་ཤིང་གཙང་བྱེད་ལ། །མུན་པ་སེལ་བྱེད་དགེ་བ་འདི། །བདག་གིས་སོགས། ཡི་གེ་ཧཱུཾ་ལས་ཡང་དག་བྱུང༌། །སྔགས་ཀྱི་འོད་ཟེར་ཤིན་ཏུ་གསལ། །མར་མེ་འབར་བའི་ཡང་དག་འོད། །ཐུགས་ཀྱི་རྡོ་རྗེ་ལ་དབུལ་བྱ། །དཱི་པཾ། གཙང་དག་སྐྱེ་གནས་ལས་སྐྱེས་པ། །དགེ་བའི་དྲི་བཟང་དམ་པ་འདི། །བདག་གི་སོགས། བདེ་བ་ཆེན་པོའི་ནམ་མཁར་གནས། །བྱང་ཆུབ་སེམས་ནི་སད་པ་དང༌། །དེ་ཉིད་


TNT12_Page_0783
[མ་དཔེ་གཟིགས་ན་འདིར་གནོན།]

ཀྱིས་ཀྱང་བྱུག་པ་ནི། །ཐུགས་ཀྱི་རྡོ་རྗེ་ལ་དབུལ་བྱ། །གནྡྷེ། སྨན་རྣམས་བཅུད་གཙང་ཡི་གར་འོང༌། །སྔགས་ཀྱི་ཞལ་ཟས་མཆོག་འདི་དག།བདག་གི་སོགས། འདིར་ནི་གང་དང་གང་ལོངས་སྤྱོད། །དབང་པོ་ཐམས་ཅད་ཡང་དག་བརྟེན། །དེ་དག་ཐམས་ཅད་ཐུགས་རྡོ་རྗེ། །བཟའ་བའི་མཆོད་པས་མཆོད་པར་བྱ། །ནཻ་བི་ཏྱ། དེ་ལས་གཞན་ཡང་མཆོད་པའི་ཚོགས༌། །རོལ་མོ་དབྱངས་སྙན་ཡིད་འོང་ལྡན། །སེམས་ཅན་སྡུག་བསྔལ་ཚིམ་བྱེད་པའི། །སྤྲིན་རྣམས་སོ་སོར་གནས་གྱུར་ཅིག།རྡོ་རྗེ་པདྨ་ཡང་དག་སྦྱར། །ཞུགས་པ་ལ་སོགས་རིམ་ལས་བྱུང༌། །རྣལ་འབྱོར་པ་ཡི་གཞོམ་མེད་སྒྲ། །ཐུགས་ཀྱི་རྡོ་རྗེ་ལ་དབུལ་བྱ། །ཨོཾ་བཛྲ་ཤཔྟ་ཨཱཿཧཱུཾ། །གྷནྚེར་ཎི་སོགས་དང་རོལ་ཆེན་བྱ། ནང་མཆོད་གཏོར་མ་བྱིན་གྱིས་བརླབས། ཁྱབ་བདག་དང་པོའི་སངས་རྒྱས་རྡོ་རྗེ་འཆང༌། །རྡོ་རྗེ་བཙུན་མོ་དཔལ་གྱི་ནི་གུ་མ། །མཁས་གྲུབ་ཆེན་པོ་ཁྱུད་པོ་རྣལ་འབྱོར་ལ། །རྣམ་དག་བདུད་རྩི་མཉེས་མཆོད་དམ་པ་འབུལ། །ཨོཾ་ཨཱཿཧཱུཾ། རྨོག་ལྕོག་མཉམ་མེད་རིན་ཆེན་བརྩོན་འགྲུས་དང༌། །དབོན་སྟོན་སྤྱན་རས་གཟིགས་དབང་སྐྱེར་སྒང་པ། །ཐོག་རྡུགས་གྲུབ་ཆེན་གཉན་སྟོན་རི་གོང་བར། །རྣམ་དག༴ འགྲོ་བའི་བླ་མ་སངས་རྒྱས་སྟོན་པ་དང༌། །གཙང་མ་ཤངས་སྟོན་ཚུལ་ཁྲིམས་འབུམ་པའི་ཞབས། ཁྱུང་པོ་གསུམ་པར་བྱོན་པའི་


TNT12_Page_0784
[མ་དཔེ་གཟིགས་ན་འདིར་གནོན།]

ཚུལ་མགོན་ལ། །རྣམ་དག༴ བྱ་བྲལ་རི་ཁྲོད་དབང་ཕྱུག་རས་ཆེན་དང༌། །མཁྱེན་ལྡན་ཤངས་པ་དཀར་པོ་རིན་རྒྱལ་བ། །མཉམ་མེད་ཆེན་པོ་སངས་རྒྱས་དཔལ་བཟང་ལ། །རྣམ་དག༴ གྲུབ་ཆེན་ཆོས་རྗེ་ནམ་མཁའི་རྒྱལ་མཚན་དང༌། །རྒྱ་སྒོམ་སྦས་པའི་རྣལ་འབྱོར་ལེགས་རྒྱལ་བ། །འཇམ་མགོན་གྲུབ་པའི་དཔའ་བོ་དམ་པའི་རྗེར། རྣམ་དག༴ འཆི་མེད་དབང་པོ་མཆོག་གཟིགས་ལྷ་དབང་གྲགས། །མཁས་མཆོག་བྱང་ཆུབ་ཐུགས་མངའ་རྡོ་རིངས་དབོན། །རྒྱུད་པ་ཀུན་འདུས་རྩ་བའི་བླ་མ་ལ། རྣམ་དག༴ འཁོར་ལོ་བདེ་མཆོག་རྡོ་རྗེ་རྣལ་འབྱོར་མ། །མཁའ་འགྲོ་ལཱ་མ་ཁཎྜ་རོ་ཧི་དང༌། །གཟུགས་ཅན་མ་སོགས་དཀྱིལ་འཁོར་ལྷ་ཚོགས་ལ། །རྣམ་དག༴ མྱུར་མཛད་སྤྱན་རས་གཟིགས་མགོན་རེ་མ་ཏཱི། །ཀྵེ་ཏྲ་པཱ་ལ་ཛི་ན་མི་ཏྲ་དང༌། །ཊཱཀྐི་རཱ་ཛ་བདུད་མགོན་ཊཀྴད་ལ། རྣམ་དག༴ ཕྱོགས་བདག་ཞིང་སྐྱོང་ཀླུ་ཡི་དབང་པོ་དང༌། །དཔའ་བོ་མཁའ་འགྲོ་དུར་ཁྲོད་གནས་པའི་ཚོགས། །གཉུག་མར་གནས་པའི་གཞི་བདག་མ་ལུས་ལ། །རྣམ་དག་བདུད་རྩིའི་མཉེས་མཆོད་དམ་པ་འབུལ། །ཨོཾ་ཨཱཿཧཱུཾ། ཨོཾ་ཧྲཱིཿཧ་ཧ་ཧཱུཾ་ཧཱུཾ་ཕཊ་ལན་བདུན། ཨོཾ་སརྦ་ཏ་ཐཱ་ག་ཏ་ཨ་ནུ་ར་ག་ཎ་བཛྲ་སྭ་བྷ་བ་ཨཱཏྨ་ཀོ྅ཧཾ། འདིར་ནི་ཐོག་མ་དབུས་ཐ་མེད། །སྲིད་མེད་མྱ་ངན་འདས་པ་མེད། །


TNT12_Page_0785
[མ་དཔེ་གཟིགས་ན་འདིར་གནོན།]

བདག་མེད་གཞན་ཡང་མེད་པ་སྟེ། །འདི་ནི་མཆོག་ཏུ་བདེ་ཆེན་ཉིད། །ཅེས་བརྗོད་ཅིང་མཉམ་པར་བཞག །དེ་ནས་བསྟོད་པ་ནི། ཨོཾ་བཅོམ་ལྡན་དཔའ་བོའི་དབང་ཕྱུག་ཆེན་པོ་ནི། །བསྐལ་པ་ཆེན་པོའི་མེ་དང་མཉམ་པའི་འོད། །རལ་པ་གྱེན་དུ་བརྫེས་པའི་ཅོད་པན་ཅན། །མཆེ་བ་གཙིགས་པ་དྲག་པོ་འཇིགས་པའི་ཞལ། །གཟི་བརྗིད་ལྡན་པ་སྟོང་ཕྲག་ཕྱག་གིས་ནི། །དགྲ་སྟ་ཞགས་གདེངས་མདུང་དང་ཁ་ཊྭཱཾ་ག།བསྣམས་ཤིང་སྟག་གི་ལྤགས་པའི་ན་བཟའ་འཛིན། །དུད་ཁ་མུན་ནག་ཆེན་པོའི་སྐུ་ལ་འདུད། །ཧཱུཾ་ཧཱུཾ་ཕཊ། ཅེས་དང༌། ཨོཾ་ན་མོ་བྷ་བ་ཏེ་བཱི་རི་ཤཱ་ཡ་ཧཱུཾ་ཧཱུཾ་ཕཊ། ཨོཾ་མཧཱ་ཀལྤ་ཨགྣི་སནྣི་པཱ་ཡ་ཧཱུཾ་ཧཱུཾ་ཕཊ། དེ་བཞིན་དུ། ཨོཾ་དང་ཧཱུཾ་ཧཱུཾ་ཕཊ། མཚུངས་པར་སྦྱར་ལ། ཛ་ཊ་མུ་ཀུ་ཊོཊྐ་ཊ་ཡ། དཾ་ཥྟ་ཀ་ར་ལོ་གྲ་བཱི་ཥ་ཎ་མུ་ཁཱ་ཡ། ས་ཧ་སྲ་བྷུ་ཛ་བྷ་སུ་རཱ་ཡ། པ་ར་ཤུ་པ་ཤོ་དྱ་ཏ་ཤཱུ་ལ་ཁ་ཊྭཱཾ་ག་དྷ་རི་ཎི། བྱཱ་གྷྲ་ཛི་ནཱམྦ་ར་དྷ་རཱ་ཡ། མཧཱ་དྷུ་མྲཱནྡྷ་ཀ་ར་བ་པུ་ཥཱ་ཡ། ཞེས་ཡབ་ཀྱི་རྐང་བརྒྱད་དང༌། ཨོཾ་བཅོམ་ལྡན་འདས་མ་རྡོ་རྗེ་ཕག་མོ་འཕགས་མོ་ནི། །གཞན་གྱི་མི་ཐུབ་འཇིག་རྟེན་གསུམ་ཡུམ་རིག་མ་ནི། །དབང་ཕྱུག་འབྱུང་པོའི་འཇིགས་པ་ཀུན་སེལ་རྡོ་རྗེ་ཆེ། །རྡོ་རྗེའི་གདན་མ་མི་ཕམ་དབང་མཛད་གཞན་མི་རྒྱལ། །སྤྱན་འཕྲུལ་དུག་སྐེམ་དྲག་མོ་ཁྲོ་མོ་མཆེ་


TNT12_Page_0786
[མ་དཔེ་གཟིགས་ན་འདིར་གནོན།]

གཙིགས་མ། །སྐྲག་བྱེད་གསོད་བྱེད་འཇོམས་བྱེད་རྣལ་རྒྱལ་གཞན་ལས་རྒྱལ། །རྨུགས་བྱེད་རྨོངས་བྱེད་རེངས་བྱེད་རྡོ་རྗེ་ཕག་མོ་ནི། །རྣལ་འབྱོར་ཆེན་མོ་འདོད་པའི་དབང་མོ་མཁའ་འགྲོར་འདུད། །ཧཱུཾ་ཧཱུཾ་ཕཊ། བྷ་ག་བ་ཏེ་བཛྲ་བཱ་རཱ་ཧི་བཾ། ཨཱརྱ་པཱ་ར་ཛི་ཏེ་ཏྲཻ་ལོ་ཀྱ་མཱ་ཏེ་མཧཱ་བིདྱ་ཤྭ་རི། སརྦྦ་བྷུ་ཏ་བྷ་ཡ་བཱ་ཧེ་མཧཱ་བཛྲེ་བཛྲ་ས་ནེ་ཨ་ཛི་ཏེ་ཨ་པ་ར་ཛི་ཏེ་བ་ཤྱཾ་ཀ་རཱི་ནཻ་ཏྲ་བྷྲ་མ་ཎི། ཤོ་ཁ་ཎི་རོ་ཥ་ཎི་ཀྲོདྷ་ནི་ཀ་ར་ལི་ནཱི། ཏྲ་ས་ནཱི་མ་ར་ཎཱི་པྲ་བྷེ་ད་ནཱི་ཨ་པ་ར་ཛ་ཡ། བི་ཛ་ཡེ་ཛམྦྷ་ནི་སྟམ་བྷ་ནི་མོ་ཧཱ་ནི། བཛྲ་བཱ་རཱ་ཧི་མཧཱ་ཡོ་ཀི་ནཱི་ཀཱ་མེ་ཤྭ་རཱི་ཁ་གེ ཞེས་པ་ལ་རྐང་པའི་རེ་རེའི་མགོར། ཨོཾ་ན་མོ་དང་ཐ་མར་ཧཱུཾ་ཧཱུཾ་ཕཊ། སྦྱར་བ་ཡུམ་གྱི་རྐང་པ་བརྒྱད་པས་བསྟོད། གཞན་ཡང༌། ཡེ་ཤེས་ལྔ་ལྡན་ངོ་བོ་ཉིད། །རིགས་རྣམས་ཀུན་གྱི་བདག་པོ་སྟེ། །སངས་རྒྱས་ཀུན་འདུས་ཧེ་རུ་ཀ །བདེ་མཆོག་དཔའ་བོ་ལ་ཕྱག་འཚལ། །སངས་རྒྱས་རིགས་ཀྱི་དཀྱིལ་འཁོར་ཀུན། །མཉམ་ཉིད་གཅིག་ཏུ་བསྡུས་པའི་སྐུ། །མཁའ་ཁམས་ཤེས་རབ་ཕ་རོལ་ཕྱིན། །རྡོ་རྗེ་ཕག་མོ་ལ་ཕྱག་འཚལ། །རྡོ་རྗེ་རིགས་ཀྱི་དཀྱིལ་འཁོར་ཀུན། །གཅིག་ཏུ་འདུས་པའི་ངོ་བོ་ཉིད། །ཆུ་ཁམས་རྣམ་དག་སྙིང་རྗེའི་དངོས། །མཁའ་འགྲོ་མ་ལ་ཕྱག་འཚལ་ལོ། །ལས་ཀྱི་རིགས་ཀྱི༴ གཅིག་ཏུ།


TNT12_Page_0787
[མ་དཔེ་གཟིགས་ན་འདིར་གནོན།]

རླུང་ཁམས་རྣམ་དག་བཏང་སྙོམས་དངོས། །ལཱ་མའི་དབང་ཕྱུག་མ་ལ་འདུད། །པདྨའི་རིགས་ཀྱི༴ གཅིག་ཏུ། མེ་ཁམས་རྣམ་དག་དགའ་བའི་དངོས། །དུམ་སྐྱེས་མ་ལ་ཕྱག་འཚལ་འདུད། །རྡོ་རྗེ་རིགས་ཀྱི༴ གཅིག་ཏུ། ས་ཁམས་རྣམ་དག་བྱམས་པའི་དངོས། །གཟུགས་ཅན་མ་ལ་ཕྱག་འཚལ་འདུད། །བདེ་གཤེགས་རྣམས་ཀྱི་བྱིན་རླབས་པ། །གཟུངས་མ་རྣམས་ཀྱི་ངོ་བོ་ཉིད། །བདུད་རྩིས་གང་བའི་བུམ་པ་དང༌། །པདྨའི་སྣོད་ལ་ཕྱག་འཚལ་འདུད། །ཐར་པ་ཆེན་པོའི་གཞལ་མེད་ཁང༌། །བྱང་ཆུབ་ཕྱོགས་ཀྱིས་རྣམ་པར་བརྒྱན། །ལྷ་རྣམས་བཞུགས་པའི་གདན་དང་བཅས། །རྟག་པའི་རང་བཞིན་ཁྱོད་ལ་འདུད། །རྣམ་ཤེས་བརྒྱད་པོ་རྣམ་དག་པ། །མི་གནས་མྱ་ངན་འདས་པའི་ཚུལ། །འཇིག་རྟེན་སྐྱོང་བ་རྣམས་ཀྱི་གནས། །དུར་ཁྲོད་བརྒྱད་ལ་ཕྱག་འཚལ་འདུད། །སྟོང་ཉིད་ཡེ་ཤེས་རྡོ་རྗེ་ཡིས། །བདུད་ཚོགས་མ་ལུས་ཟིལ་གནོན་པ། །མི་ཕྱེད་བསྲུང་བའི་འཁོར་ལོ་ལ། །རྟག་ཏུ་གུས་པས་ཕྱག་འཚལ་འདུད། །ཆོས་ཉིད་ཤེས་རབ་གྲུ་གསུམ་གནས། །ཡེ་ཤེས་ལྷ་ཚོགས་ཁམས་ལྔས་བརྒྱན། །དཀྱིལ་འཁོར་མ་ལུས་སྤྲུལ་པའི་གཞི། །བདེ་ཆེན་དེ་ལ་ཕྱག་འཚལ་འདུད། །དེ་ལྟར་བསྟོད་པའི་དགེ་བ་ཡིས། །རྒྱུད་ལྔ་འགྲོ་བ་རྣམ་དག་ནས། །


TNT12_Page_0788
[མ་དཔེ་གཟིགས་ན་འདིར་གནོན།]

རྣམ་ལྔ་ཡེ་ཤེས་གོ་འཕངས་ནི། །རྡོ་རྗེ་འཛིན་པའི་མཐུས་ཐོབ་ཤོག །ཅེས་པས་ཀྱང་བསྟོད། མཆོད་བསྟོད་དེ་ཙམ་ནི་ངེས་པར་བྱ་དགོས་ལ། རྒྱས་པ་ལ་སྤྲོ་ན། གོས་ཟུང་དང༌། རིམ་བཅུ་དྲུག་དང༌། རྒྱལ་སྲིད་སྣ་བདུན་ལ་སོགས་པ་མཆོད་པའི་རྣམ་གྲངས་ཇི་སྙེད་ཡོད་པ་ཀུན། གཞན་ནས་ཁ་བསྐང་དེ་འདིར་སྦྱར་བས་རུང་ལ། འདིར་ནི་ཡིག་རྙིང་དུ་གཏོགས་པའི་མཆོད་འབུལ་རྒྱས་ལ། ཉོག་པ་རྣམས་ཀྱི་སྤྲོས་པ་སྤངས་ཏེ། ཡིད་བརྟན་ཐུབ་ངེས་པ་རྣམས་བསྡུས་ཏེ་བཀོད་པ་ཡིན་ནོ། །དེ་ནས་གཏོར་མ་འབུལ་བ་ནི། ཕལ་ཆེར་སྒྲུབ་ཐབས་སུ་བཤད་པ་དང་འདྲ་བ་ལས། ཡེ་ཤེས་ལྷ་ལ་གཏོར་མ་ཕུལ་བའི་རྗེས་ཐོགས་དེ་ཉིད་ལ། གཏོར་ཆོག་ལྟར་མྱུར་མཛད་ཡེ་ཤེས་ཀྱི་མགོན་པོ་ལ་གཏོར་མ་འབུལ། དེ་རྗེས། ཨོཾ་ཁ་ཁ་སོགས་ཀྱིས་འབྱུང་པོའི་ཚོགས་ལ་གཏོར་མ་སྦྱིན་ནོ། །གསུམ་པ་ནི་སྔོན་འགྲོ་དཀྱིལ་འཁོར་དུ་འཇུག་པའི་དོན་དུ་མཎྜལ་ཕུལ། དགའ་ཆེན་ཁྱོད་བདག་སྟོན་པ་སྟེ། །སོགས་ལན་གསུམ་གྱིས་གསོལ་བ་བཏབ། དེ་ནས་རྒྱུན་བཤགས་ནི། བདག་གིས་སྡིག་པ་བགྱིས་པ་དང༌། །བགྱིད་དུ་རྩལ་དང་ཡི་རང་གང༌། །སངས་རྒྱས་སྤྱན་སྔར་མཆིས་ནས་སུ། །མ་ལུས་དེ་དག་བཤགས་པར་བགྱི། །སངས་རྒྱས་བྱང་ཆུབ་སེམས་དཔའ་དང༌། །རང་རྒྱལ་དགྲ་བཅོམ་འགྲོ་རྣམས་ཀྱི། །སྒོམ་དང་བཟླས་བརྗོད་བསོད་ནམས་ཀྱི། །ཚོགས་ལ་བདག་ནི་ཡི་རང་ངོ༌། །སེམས་བསྐྱེད་མངོན་པར་སངས་རྒྱས་ནས། །


TNT12_Page_0789
[མ་དཔེ་གཟིགས་ན་འདིར་གནོན།]

ཆོས་ཀྱི་འཁོར་ལོ་བསྐོར་བ་དང༌། །བྱང་ཆུབ་སེམས་དཔའི་ཚོགས་ཀྱི་མཆོག།དེ་ལ་བདག་ནི་སྐྱབས་སུ་མཆི། །སངས་རྒྱས་འབྱུང་བ་ཇི་ལྟ་བར། །སྐལ་ལྡན་བྱང་ཆུབ་སེམས་དཔའ་ཡིས། །བྱང་ཆུབ་སེམས་ནི་བསྐྱེད་པ་ལྟར། །དེ་བཞིན་བདག་གིས་སེམས་བསྐྱེད་དོ། །བདག་གི་དགེ་བའི་ལས་རྣམས་འདི་དག་གིས། །འཇིག་རྟེན་འདིར་ནི་མྱུར་དུ་སངས་རྒྱས་ཤོག།འགྲོ་ལ་ཕན་ཕྱིར་ཆོས་རྣམས་སྟོན་བགྱིད་ཅིང༌། །སེམས་ཅན་སྡུག་བསྔལ་མང་པོ་གཟིར་ལས་སྒྲོལ། །ཞེས་ལན་གསུམ། དེ་ནས་སྡོམ་བཟུང་ནི། སངས་རྒྱས་བྱང་ཆུབ་སེམས་དཔའ་ཀུན། །ཇི་ཙམ་དུས་ནས་བཟུང་ནས་སུ། །མ་ལུས་བདག་ལ་དགོངས་སུ་གསོལ། །བདག་མིང་འདི་ཞེས་བགྱི་བ་ཡིས། །དུས་འདི་ཉིད་ནས་བཟུང་ནས་སུ། །ནམ་ཞིག་བྱང་ཆུབ་སྙིང་པོ་ལ། །ཡོངས་སུ་གནས་ཀྱི་བར་དག་ཏུ། །བདག་གི་བྱང་ཆུབ་མཆོག་གི་སེམས། །མ་ལུས་པར་ནི་བསྐྱེད་པར་བགྱི། །ཇི་ལྟར་དུས་གསུམ་མགོན་པོ་རྣམས། །བྱང་ཆུབ་ཏུ་ནི་ངེས་མཛད་པས། །བྱང་ཆུབ་སེམས་ནི་བླ་ན་མེད། །དམ་པ་བདག་གིས་བསྐྱེད་པར་བགྱི། །སངས་རྒྱས་རྣལ་འབྱོར་སྡོམ་པ་ལ། །ཚུལ་ཁྲིམས་ཀྱི་ནི་བསླབ་པ་དང༌། །དགེ་བའི་ཆོས་ནི་སྡུད་པ་དང༌། །སེམས་ཅན་དོན་བྱེད་ཚུལ་ཁྲིམས་གསུམ། །བདག་གིས་


TNT12_Page_0790
[མ་དཔེ་གཟིགས་ན་འདིར་གནོན།]

བརྟན་པོར་གཟུང་བར་བགྱི། །སངས་རྒྱས་ཆོས་དང་དགེ་འདུན་སྟེ། །བླ་ན་མེད་པའི་དཀོན་མཆོག་གསུམ། །དེང་ནས་བརྩམ་སྟེ་གཟུང་བར་བགྱི། །ནམ་དུ་ཡང་ནི་མི་སྤང་ངོ༌། །རྡོ་རྗེ་རིགས་མཆོག་ཆེན་པོ་ལ། །རྡོ་རྗེ་དྲིལ་བུ་ཕྱག་རྒྱ་ཡང༌། །ཡང་དག་ཉིད་དུ་གཟུང་བར་བགྱི། །སློབ་དཔོན་དག་ཀྱང་གཟུང་བར་བགྱི། །རིན་ཆེན་རིགས་མཆོག་ཆེན་པོ་ཡི། །དམ་ཚིག་ཡིད་དུ་འོང་བ་ལ། །ཉིན་རེ་བཞིན་ཡང་དུས་དྲུག་ཏུ། །སྦྱིན་པ་རྣམ་བཞི་རྟག་ཏུ་སྦྱིན། །བྱང་ཆུབ་ཆེན་པོ་ལས་བྱུང་བའི། །པདྨའི་རིགས་ཆེན་དག་པ་ལ། །ཕྱི་ནང་གསང་བ་ཐེག་པ་གསུམ། །དམ་པའི་ཆོས་ནི་མ་ལུས་གཟུང༌། །ལས་ཀྱི་རིགས་མཆོག་ཆེན་པ་ལ། །སྡོམ་པ་ཐམས་ཅད་ལྡན་པར་ནི། །ཡང་དག་ཉིད་དུ་གཟུང་བར་བགྱི། །མཆོད་པའི་ལས་ཀྱང་ཅི་ནུས་བགྱིད། །བྱང་ཆུབ་སེམས་ནི་བླ་ན་མེད། །དམ་པ་བདག་གིས་བསྐྱེད་བགྱིས་ནས། །སེམས་ཅན་མྱ་ངན་འདས་ལ་འགོད། །ཅེས་ལན་གསུམ། ཨཱ་ཁཾ་བཱི་ར་ཧཱུཾ། ལན་གཉིས་ཀྱིས་མིག་དར་དང་མེ་ཏོག་བླང༌། ཉུངས་དཀར་གཏོར་ཞིང་སུམྦྷའི་སྔགས་ཀྱི་བགེགས་བསྐྲད། བདུད་རྩི་ལྕེ་ལ་བཞག་ཏེ། ཨོཾ་ཨཱཿཧཱུཾ་གིས་བསྲུང་བ་བྱ། རང་གི་སྙིང་ཁར་ཧེ་ནག་པོ་རྒྱུ་དང་བྲལ་བ། མགྲིན་པར་རུ་དམར་པ་ཚོགས་དང་བྲལ་བ། དཔྲལ་བར་


TNT12_Page_0791
[མ་དཔེ་གཟིགས་ན་འདིར་གནོན།]

ཀ་དཀར་པོ་གང་དུ་ཡང་མི་གནས་པ། ལྟེ་བར་ཤྲཱི་སེར་པོ་གཉིས་སུ་མེད་པའི་ཡེ་ཤེས་སུ་གྱུར། ཤྲཱི་ཧེ་རུ་ཀོ྅ཧཾ། ཞེས་སྟོང་པ་ཉིད་དུ་སེམས་བསྐྱེད། དེ་ནས། ཨཱ་ཁཾ་བཱི་ར་ཧཱུཾ། ཞེས་ཡོལ་བའི་ནང་དུ་བཅུག།ཨོཾ་ན་མཿཏེ་ཧཱུཾ། ན་མོ་མེ་ཧཱུཾ། ན་མོ་ན་མཿཧཱུཾ་སྭཱཧཱ། ཞེས་ཕྱག་འཚལ་དུ་གཞུག།དེ་ནས་གསང་བ་བསྒྲགས་པ་ནི། གནས་གསུམ་དུ་དྲི་བཟང་གི་ཐིག་ལེ་བྱས་ལ། དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། སྙིང་ཁར་ཀུན་རྫོབ་བྱང་ཆུབ་སེམས་ཀྱི་ངོ་བོ་ཟླ་བའི་དཀྱིལ་འཁོར་གྱི་སྟེང་དུ། དོན་དམ་བྱང་ཆུབ་སེམས་ཀྱི་ངོ་བོ། རྡོ་རྗེ་དཀར་པོ་རྩེ་ལྔ་པ། ཨོཾ་སརྦ་ཡོ་ག་ཙིཏྟྭ་ཨུ་པ་ད་ཡ་མི༌། སྙིང་གར་རྡོ་རྗེ་བཞག་ལ། ཨོཾ་སུ་ར་ཏ་ས་མ་ཡ་སྟྭཾ། ཧོ་སིདྡྷི་བཛྲ་ཡ་ཐཱ་སུ་ཁཾ། དེ་ནས་དམ་ལ་བཞག་པ་ནི། རྡོ་རྗེ་མགོ་བོར་བཞག་ལ། འདི་ནི་དམ་ཚིག་རྡོ་རྗེ་སྟེ། ཁྱོད་ཀྱི་སྤྱི་བོར་གཞག་པ་ཡིས། །སངས་རྒྱས་སྐུ་རུ་ཁྱོད་འགྲུབ་ཅིང༌། །མི་ཕྱེད་ཡེ་ཤེས་ཐོབ་པར་འགྱུར། །སྙིང་གར་བཞག་ལ། རྡོ་རྗེ་འཛིན་པ་དེང་ཁྱོད་ཀྱི། །སྙིང་ལ་ཡང་དག་ཞུགས་པར་གྱུར། །གལ་ཏེ་ཚུལ་འདི་སྨྲ་ན་ནི། །དེ་མ་ཐག་ཏུ་དྲལ་སྟེ་གཤེགས། །བདུད་རྩི་ལྔའི་ནང་མཆོད་བླུད་ལ། །འདི་ནི་ཁྱོད་ཀྱི་དམྱལ་བའི་ཆུ། །དམ་ཚིག་ཉམས་ན་སྲེག་པར་བྱེད། །དམ་ཚིག་བསྲུངས་ན་


TNT12_Page_0792
[མ་དཔེ་གཟིགས་ན་འདིར་གནོན།]

དངོས་གྲུབ་ནི། །ཡེ་ཤེས་བདུད་རྩིས་ཆུ་འདིས་འགྲུབ། །ཨོཾ་བཛྲ་སརྦ་པཉྩ་ཨ་མྲྀ་ཏ་ཨུ་ད་ཀ་ཧཱུཾ། ཡང་རྡོ་རྗེ་སྤྱི་བོར་བཞག་ལ། དེང་ནས་གཟུང་སྟེ་བུ་ཁྱོད་ཀྱི། །རྡོ་རྗེ་འཛིན་པ་ང་ཡིན་གྱི། །ང་ཡི་ཇི་ལྟར་བཀའ་སྩལ་པ། །གུས་པའི་ཚུལ་གྱིས་ཉན་པར་གྱིས། །གལ་ཏེ་ང་ལ་བརྙས་པ་ན། །སངས་རྒྱས་ཐམས་ཅད་བརྙས་པ་ཡིན། །མི་བདེ་མ་སྤངས་དུས་བྱས་ནས། །དམྱལ་བ་ཆེན་པོར་གྱུར་ཏ་རེ། །བཅུ་པ་ཡེ་ཤེས་དབབ་པ་ནི། བདེ་བར་གཤེགས་པ་ཐམས་ཅད་ཀྱིས། །བྱིན་གྱིས་བརླབས་པའི་ཡེ་ཤེས་མཆོག།སེམས་ཅན་ཀུན་གྱི་དོན་གྱི་ཕྱིར། །གཙོ་བོས་བདག་ལ་སྩལ་དུ་གསོལ། །ཞེས་ལན་གསུམ་གྱིས་གསོལ་བ་བཏབ། སྟོང་པའི་ངང་ལས་རང་ཉིད་འཁོར་ལོ་བདེ་མཆོག་དཔའ་བོ་གཅིག་པའི་སྐུར་གསལ་བའི། རྐང་མཐིལ་གཉིས་ཀྱི་འོག་ཏུ། ཡི་གེ་ཛྷཻཾཿདམར་པོ་བསྐུལ་བར་བྱེད་པ་པོ། གསང་བར་ཨཿདམར་པོ་གསུང་རྡོ་རྗེ། སྙིང་གར་ཧཱུཾ་ནག་པོ་ཐུགས་རྡོ་རྗེ། སྤྱི་བོར་ཧཾ་དཀར་པོ་སྐུ་རྡོ་རྗེ། སྙིང་གི་ནང་དུ་འཁོར་ལོ་བདེ་མཆོག་ཡབ་ཡུམ་མཚོན་གང་བ་རྣམས་འཁོད་པར་གྱུར། སློབ་དཔོན་ནམ་མདུན་བསྐྱེད་དཀྱིལ་འཁོར་གྱི་ཐུགས་ཀ་ནས་འོད་ཟེར་འཕྲོས། སངས་རྒྱས་ཐམས་ཅད་ཀྱི་ཐུགས་གསུང་སྐུ་རྡོ་རྗེ་རྣམས་འོད་ཟེར་མཐིང་དམར་དཀར་གསུམ་གྱི་རྣམ་པར་སྤྱན་དྲངས། གནས་གསུམ་གྱི་ཧ྄ཱུཾ་ཨཱཿཧ་


TNT12_Page_0793
[མ་དཔེ་གཟིགས་ན་འདིར་གནོན།]

རྣམས་ལ་ཐིམ། ཛྷཻཾཿཡིག་ལས་འོད་ཟེར་འཕྲོས་པས། རྐང་བའི་བུ་ག་ནས་ཞུགས། ལུས་ནང་གི་ཡི་གེ་གསུམ་བསྐུལ་བས། དེ་རྣམས་ལས་འོད་ཟེར་གྱིས་ལུས་ཀྱི་ནང་ཐམས་ཅད་གང་ཞིང༌། ལུས་སེམས་ཐམས་ཅད་བདེ་བས་ཁྱབ། ཡང་སློབ་དཔོན་ནམ། མདུན་བསྐྱེད་དཀྱིལ་འཁོར་གྱི་གཙོ་བོའི་ཐུགས་ཀ་ནས་འོད་ཟེར་འཕྲོས་ཏེ། སངས་རྒྱས་ཐམ་ཅད་འཁོར་ལོ་སྡོམ་པའི་ལྷ་ཚོགས་ཀྱི་རྣམ་པར་སྤྱན་དྲངས། རང་གི་སྙིང་གར་སིབ་སིབ་ཐིམ་པར་གྱུར། སྤོས་དང་རོལ་མོའི་སྒྲ་དང་བཅས་ཏེ། ཡི་གེ་བདུན་པ་མང་དུ་བཟླས་ཤིང༌། ཨོཾ་ཏིཥྛ་མཧཱ་ཀྲོདྷ་ཨ་བེ་ཤ་ཡ་ཧཱུཾ། ཞེས་པ་བཟླས་པས་ཡེ་ཤེས་དབབ། སྤྱི་བོར་རྡོ་རྗེ་རྒྱ་གྲམ་དུ་བཞག་སྟེ། ཏིཥྛ་བཛྲ་ལན་གཉིས་ཀྱི་བརྟན་པར་བྱས་ལ། ཨོཾ་པྲ་ཏཱིཙྪ་བཛྲ་ཧོ་ཞེས་པས་དཀྱིལ་འཁོར་གྱི་ལྷ་ལ་མེ་ཏོག་དོར། སྟོབས་དང་ལྡན་པའི་སེམས་ཅན་ཁྱོད། །འདི་ནི་སོ་སོར་བཟུང་བར་གྱིས། །ཞེས་མེ་ཏོག་སྤྱི་བོར་བཅིངས། ཧེ་རུ་ཀ་དཔལ་དང་ཁྱོད་ཀྱི། །མིག་འབྱེད་པར་ནི་རྩོན་པར་མཛད། །ཕྱེ་བས་ཐམས་ཅད་མཐོང་འགྱུར་པ། །རྡོ་རྗེའི་མིག་ནི་བླ་ན་མེད། །ཨོཾ་ཛྙཱ་ན་ཙཀྵུ་ཧཱུཾ་ཨ། དེ་ནི་ཕྱིའི་དཀྱིལ་འཁོར་དུ་འཇུག་པ་ཡིན་ལ། དཀྱིལ་འཁོར་གྱི་གཙོ་བོའི་ཐུགས་ཀ་ནས་འོད་ཟེར་འཕྲོས། རང་གི་ལུས་ལ་ཕོག །འོད་ཀྱི་གོང་བུ་གྱུར། དཀྱིལ་


TNT12_Page_0794
[མ་དཔེ་གཟིགས་ན་འདིར་གནོན།]

འཁོར་གྱི་གཙོ་བོའི་ཞལ་ནས་ཞུགས། རྡོ་རྗེའི་ལམ་ནས་ཡུམ་གྱི་མཁར་བབས། རང་ཉིད་ཧེ་རུ་ཀ་ཕྱག་གཉིས་པ་ཡབ་རྐྱང་གི་རྣམ་པར་གྱུར། ཡང་སངས་རྒྱས་ཐམས་ཅད་སྤྱན་དྲངས། ཞལ་དུ་ཞུགས་བྱང་ཆུབ་ཀྱི་སེམས་དང་རོ་གཅིག་ཏུ་འདྲེས་ཏེ། རྡོ་རྗེའི་ལམ་ནས་བྱུང་བའི་ཐིག་ལེའི་རྒྱུན་གྱིས་དབང་བསྐུར་བས་རང་གི་ཕུང་ཁམས་སྐྱེ་མཆེད་ཐམས་ཅད་རྣམ་པར་དག་པའི་ངོ་བོ་གདོད་ནས་གྲུབ་པའི་རྟེན་དང་བརྟེན་པར་བཅས་པའི་དཀྱིལ་འཁོར་དུ་གྱུར། ཧཱུཾ་ཞེས་བྱ་བས་གསང་བ་ནས་ཕྱིར་སྤྲོས་ཏེ། ཕྱིའི་གཞལ་ཡས་ཁང་གི་ཤར་སྒོའི་ནང་དུ་པད་ཉི་ལ་མཁོད་པར་གྱུར། སློབ་མ་ལ་དབང་སྐུར་བའི་སྐབས་ཡིན་ན། དེ་ནས་སྐབས་འདིར། རྟེན་དང་བརྟེན་པར་བཅས་པའི་དཀྱིལ་འཁོར་མཐའ་དག་སྒྲུབ་ཐབས་དང་མདུན་བསྐྱེད་ཀྱི་སྐབས་བཞིན་ལྷ་ངོ་བསྟན་པར་བྱ་ལ། བདག་འཇུག་གི་སྐབས་ནི། ཕྱི་དཀྱིལ་མཐོང་བར་མོས་པ་ཙམ་གྱི་ཆོག་གོ །དེ་ནས། རང་བཞིན་གྱི་ནི་དག་པའི་བདག། ལུས་ནི་རང་བཞིན་དྲི་མ་མེད། །དཔའ་བོ་དཔའ་མོ་དབང་མོའི་གནས། །དཀྱིལ་འཁོར་ལ་ནི་བུ་ཁྱོད་ལྟོས། །ཞེས་ནང་གི་དཀྱིལ་འཁོར་བལྟ་བར་བསྐུལ། སློབ་དཔོན་དང་དཀྱིལ་འཁོར་གྱི་གཙོ་བོ་དབྱེར་མེད་ཀྱི་སྐུ་ལ་གནས་པའི་རྩ་རྣམས་མཁའ་འགྲོ་མ་དང༌། ཁམས་རྣམས་དཔའ་བོའི་རང་བཞིན་དུ་ངེས་པར་གྱིས་ཤིག །དེ་ནི་ནང་གི་དཀྱིལ་འཁོར་དུ་འཇུག་


TNT12_Page_0795
[མ་དཔེ་གཟིགས་ན་འདིར་གནོན།]

པའི་ཐ་སྙད་མཛད་དོ། །དངོས་གཞི་ལས། རྡོ་རྗེ་སློབ་མའི་དབང་གི་དོན་དུ་མཎྜལ་འབུལ། བསམ་གྱིས་མི་ཁྱབ་ཆོས་ཀྱི་སྣོད། །བདག་ལ་དབང་ནི་བསྐུར་དུ་གསོལ། །ཞེས་ལན་གསུམ་གྱི་གསོལ་བ་འདེབས། དེ་ལ་དང་པོ་ཆུ་དབང་བསྐུར་བའི་ཆོ་ག་ནི། དཀྱིལ་འཁོར་གྱི་གཙོ་བོའི་ཐུགས་ཀ་ནས་འོད་ཟེར་འཕྲོས། བདག་དང་དབང་རྫས་རྣམ་རྒྱལ་བུམ་པའི་ཆུ་གཉིས་ཀ །སློབ་དཔོན་གྱི་ཞལ་དུ་བཅུག།ཐུགས་ཀར་བྱང་ཆུབ་ཀྱི་སེམས་དང་རོ་གཅིག་ཏུ་འདྲེས། རྡོ་རྗེའི་ལམ་ནས་ཡུམ་གྱི་མཁར་བབས་པའི་ཐིག་ལེ་ཆ་གཉིས་སུ་གྱུར་པའི་ཆ་གཅིག་ཧཱུཾ་ལས་རྡོ་རྗེ་ཧཱུཾ་གིས་མཚན་པར་གྱུར། དེ་ཡོངས་སུ་གྱུར་པ་ལས། རང་ཉིད་མི་བསྐྱོད་པ། སྐུ་མདོག་སྔོན་པོ་རྡོ་རྗེ་དང་དྲིལ་བུ་འཛིན་པ། ཡུམ་མཱ་མ་ཀཱི་སྔོན་མོ་གྲི་གུག་དང་ཐོད་པ་འཛིན་པ་དང་མཉམ་པར་སྦྱོར་བས། གཡས་རྐྱང་བའི་སྟབས་ཀྱིས་བཞུགས་ཤིང་རུས་པའི་རྒྱན་གྱིས་བརྒྱན་པར་གྱུར། ཧཱུཾ་ཞེས་བྱ་བས་མཁའ་ནང་ནས་ཕྱིར་སྤྲོས་ཏེ། ཕྱི་རོལ་ཏུ་དབང་སྟེགས་ཀྱི་གདན་ལ་འཁོད། བྱང་ཆུབ་ཀྱི་སེམས་ཀྱི་ཆ་གཅིག་ཡེ་ཤེས་ཀྱི་བདུད་རྩིས་གང་བའི་བུམ་པར་གྱུར། དཀྱིལ་འཁོར་གྱི་གཙོ་བོའི་ཐུགས་ཀ་ནས་སྤྲུལ་པའི་དབང་གི་ལྷ་རྣམས་ཀྱིས། ཡེ་ཤེས་ཀྱི་བདུད་རྩིས་གང་བའི་བུམ་པ་དེ་ཉིད་ཐོགས་ཏེ་དབང་བསྐུར། ཇི་ལྟར་


TNT12_Page_0796
[མ་དཔེ་གཟིགས་ན་འདིར་གནོན།]

བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གི་སྐུ་ཁྲུས་གསོལ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུཾ། གཙོ་བོ་ཡབ་ཡུམ་གྱི་ཉེ་སྙིང་དང༌། ལྷ་མོ་བཞིའི་སྔགས་ཀྱི་མཐར། ཨོཾ་བཛྲི་བྷ་བ་ཨ་བྷི་ཥིཉྩ་ཧཱུཾ། ཞེས་བུམ་པའི་ཆུས་དབང་བསྐུར། ལུས་ཐམས་ཅད་བདེ་བས་གང༌། སྙིང་གའི་འཁོར་ལོ་བརྟན་པར་བྱས། ཆུའི་ལྷག་མ་སྤྱི་བོར་ལུད་པ་ལས། མི་བསྐྱོད་པའི་དབུ་བརྒྱན། དེ་ལྟར་ཆུ་དབང་ཐོབ་པས། རྣམ་པར་ཤེས་པའི་ཕུང་པོ་རྣམ་པར་དག་ཏེ། མེ་ལོང་ལྟ་བུའི་ཡེ་ཤེས་མངོན་དུ་བྱས་སོ། །ཞེས་སོ། །འདི་མན་ཆད་ཅོད་པན་གྱི་དབང་སོགས་ནི། དཀྱིལ་འཁོར་གྱི་གཙོ་བོའི་ཐུགས་ཀ་ནས་འོད་ཟེར་འཕྲོས་ཞེས་པ་ནས། ཡེ་ཤེས་མངོན་དུ་བྱས་སོ་ཞེས་པའི་བར། ཆུ་དབང་གི་སྐབས་དེ་ཉིད་ཀྱི་རིགས་འདྲེས་པ་ལས། ཁྱད་པར་ནི། ཅོད་པན་གྱི་དབང་ལ། བདག་དང་དབང་རྫས་དབུ་རྒྱན་གཉིས་ཀ་ཞེས་དང༌། གཉིས་སུ་གྱུར་པའི་ཆ་གཅིག་ཨཾ་ལས་རིན་པོ་ཆེ་ཨཾ་གིས་མཚན་པ་ཞེས་དང༌། རང་ཉིད་རིན་ཆེན་འབྱུང་ལྡན་སེར་པོ་རིན་པོ་ཆེ་དང་དྲིལ་བུ་འཛིན་པ། ཡུམ་རིན་ཆེན་སྒྲོལ་མ་སེར་མོ་གྲི་གུག་དང་ཞེས་པ་ནས། སེམས་ཀྱི་ཆ་གཅིག་དབུ་རྒྱན་དུ་གྱུར་ལྷ་རྣམས་ཀྱི་དབུ་རྒྱན་དེ་ཉིད་ཐོགས་


TNT12_Page_0797
[མ་དཔེ་གཟིགས་ན་འདིར་གནོན།]

ཏེ་དབང་བསྐུར། ཨོཾ་རཏྣ་མུ་ཀུ་ཊ་ཨ་བྷི་ཥིཉྩ་ཧཱུཾ། སུ་ར་ཏ་སྟཾ་ཨ་ཧཾ་ཞེས་དབུ་རྒྱན་བཅིངས། ཨོཾ་རཏྣ་སམྦྷ་བ་ཨ་བྷཱི་ཥིཉྩ་ཧཱུཾ། ཞེས་བུམ་པའི་ཆུས་ཞེས་དང༌། ལྟེ་བའི་འཁོར་ལོ་བརྟན་པར་ཞེས་དང༌། རིན་ཆེན་འབྱུང་ལྡན་གྱི་དབུ་བརྒྱན། དེ་ལྟར་ཅོད་པན་གྱི་དབང་ཐོབ་ཞེས་དང༌། ཚོར་བའི་ཕུང་པོ་ཞེས་དང༌། མཉམ་པ་ཉིད་ཀྱི་ཡེ་ཤེས་མངོན་དུ་བྱས་སོ། །ཞེས་འདོན་པ་སྤོའོ། །དེ་བཞིན་དུ་སྦྱར་ཏེ། རྡོ་རྗེའི་དབང་ནི། དབང་རྫས་རྡོ་རྗེ་གཉིས་ཀ་ཆ་གཉིས་སུ་གྱུར་པའི་ཆ་གཅིག ཛྲིཾ་ལས་པདྨ་ཛྲིཾ་གི་མཚན་པ། འོད་དཔག་མེ་དམར་པོ། པདྨ་དང་དྲིལ་བུ་འཛིན་པ། ཡུམ་གོས་དཀར་མོ་དམར་མོ། སེམས་ཀྱི་ཆ་གཅིག་རྡོ་རྗེ་འགྱུར། ལྷ་རྣམས་ཀྱིས་རྡོ་རྗེ་དེ་ཉིད་ཐོགས་ཏེ་དབང་བསྐུར་བར་གྱུར། ཨོཾ་མཧཱ་བཛྲ་ཧཱུཾ། སངས་རྒྱས་ཀུན་གྱི་རྡོ་རྗེའི་དབང༌། །དེ་རིང་ཁྱོད་ལ་བསྐུར་བར་བྱ། །སངས་རྒྱས་ཀུན་ཏུ་རབ་སྒྲུབ་ཕྱིར། །རྡོ་རྗེ་འདི་ནི་ཁྱོད་ཀྱིས་ལོང༌། །སླར་ཡང་བུམ་པའི་ཆུས་དབང་བསྐུར། ཨོཾ་པདྨ་དྷ་ར་ཨ་བྷི་ཥིཉྩ་ཧཱུཾ། མགྲིན་པའི་འཁོར་ལོ། འོད་དཔག་མེད་ཀྱིས་དབུ་བརྒྱན། རྡོ་རྗེའི་དབང་ཐོབ། འདུ་ཤེས་ཀྱི་ཕུང་པོ། སོར་རྟོག་ཡེ་ཤེས་ཞེས་འདོན་པ་སྤོའོ། །དེ་བཞིན་དུ་དྲིལ་བུའི་དབང་ནི། དབང་རྫས་དྲིལ་བུ།


TNT12_Page_0798
[མ་དཔེ་གཟིགས་ན་འདིར་གནོན།]

ཆ་གཅིག་ཁཾ་ལས་རལ་གྲི་ཁཾ་གིས་མཚན་པ། དོན་ཡོད་གྲུབ་པ། སྐུ་མདོག་ལྗང་ཁུ་རལ་གྲི་དང༌། ཡུམ་དམ་ཚིག་སྒྲོལ་མ་ལྗང་ཁུ། ཆ་གཅིག་དྲིལ་བུར་གྱུར། དྲིལ་བུ་དེ་ཉིད་ཐོགས་ཏེ། ཨོཾ་བཛྲ་ཨ་དྷི་པ་ཏི་སྟྭཾ། ཨབྷི་ཥིཉྩ་ཧཱུཾ། ཏིཥྛ་བཛྲ་ས་མ་ཡ། ཞེས་དྲིལ་བུ་བཏང༌། ཨོཾ་ཀརྨ་བྷ་བ་ཨ་བྷི་ཥིཉྩ་ཧཱུཾ། གསང་བའི་འཁོར་ལོ། །དོན་ཡོད་གྲུབ་པས་དྲིལ་བུས་དབང་ཐོབ། འདུ་བྱེད་ཀྱི་ཕུང་པོ། བྱ་བ་གྲུབ་པའི་ཡེ་ཤེས་ཞལ་འདོན་པ་སྤོ། དེ་བཞིན་དུ་མིང་གི་དབང་ནི། དབང་རྫས་རྡོ་རྗེ་དང་བཅས་པའི་དྲིལ་བུ་གཉིས་ཀ །ཆ་གཅིག་བྷྲུཾ་ལས་འཁོར་ལོ་བྷྲུཾ་གྱི་མཚན་པ །རྣམ་པར་སྣང་མཛད། དཀར་པོ་འཁོར་ལོ་དང༌། ཡུམ་སངས་རྒྱས་སྤྱན་མ་དཀར་མོ། །ཆ་གཅིག་རྡོ་རྗེ་དང་བཅས་པའི་དྲིལ་བུར་གྱུར། དབང་གི་ལྷ་རྣམས་ཀྱིས་རྡོ་རྗེ་དང་བཅས་པའི་དྲིལ་བུ་དེ་ཉིད་ཐོགས་ཏེ། ཨོཾ་བཛྲ་སཏྭ་སྟྭཾ། ཨ་བྷི་ཥིཉྩ་ཧཱུཾ། བཛྲ་ནཱ་མ་ཨབྷི་ཥེ་ཀ་ཏ། ཀྱཻ་དཔལ། གསང་བའི་མིང་བཏགས། ཨོཾ་བུདྡྷ་བྷ་བཾ་ཨབྷི་ཥིཉྩ་ཧཱུཾ། སྤྱི་བོའི་འཁོར་ལོ། རྣམ་པར་སྣང་མཛད་ཀྱིས། མིང་གི་དབང་ཐོབ་པས། གཟུགས་ཀྱི་ཕུང་པོ། ཆོས་ཀྱི་དབྱིངས་ཀྱི་ཡེ་ཤེས། ཞེས་འདོན་པ་སྤོ། དེ་ལྟར་དབང་རྣམ་པ་ལྔ་པོ་དེ་ཐོབ་པས་ཕུང་པོ་ལྔ་རྒྱལ་


TNT12_Page_0799
[མ་དཔེ་གཟིགས་ན་འདིར་གནོན།]

བ་རིགས་ལྔ། ཁམས་ལྔ་ཡུམ་ལྔ། དབང་པོ་དང་ཡུལ་རྣམས་སེམས་དཔའ་དང་སེམས་མ། རྣམ་པར་དག་པའི་ལུས་ཀྱི་ཆ་རྣམས་ཁྲོ་བོ་དང༌། ཁྲོ་མོའི་རང་བཞིན་དུ་བྱིན་གྱིས་རླབས་པ་ཡིན་ནོ། །དེ་ནས་སྔགས་ཀྱི་དབང་ནི། བདག་ཉིད་འཁོར་ལོ་བདེ་མཆོག་ཡབ་རྐྱང་གི་རྣམ་པ་ཙན་དུ་གྱུར། སྙིང་གར་ཉི་མའི་དཀྱིལ་འཁོར་གྱི་སྟེང་དུ་ཧཱུཾ། ཐུགས་ཀ་ནས་སྔགས་ཀྱི་འཕྲེང་བ་བྱུང་ཞལ་ནས་འཐོན། རང་གི་ཁ་སྒོ་ནས་ཞུགས། སྙིང་གར་ཧཱུཾ་གི་མཐའ་བསྐོར་དུ་འཁོད། ཨོཾ་ཤྲཱི་བཛྲ་ཧེ་ཧེ་སོགས་དང༌། ཨོཾ་སརྦ་བུདྡྷ་སོགས་ལན་གསུམ་གསུམ། དེ་ནས་མེ་ཏོག་འབུལ། སྟེར་བྱེད་བཞིན་པར། བཅོམ་ལྡན་བདག་ལ་སྩལ་ལགས་ཀྱི། །བདག་ལ་འགོ་བར་མཛད་དུ་གསོལ། །ལན་གསུམ། བཅོམ་ལྡན་འདི་ལ་སྩལ་ལགས་ཀྱི། །འདི་ལ་འགོ་བར་མཛད་དུ་གསོལ། །སྔགས་ཀྱི་དངོས་གྲུབ་སྩལ་དུ་གསོལ། །བརྟུལ་ཞུགས་བརྟན་པར་མཛད་དུ་གསོལ། །རྡོ་རྗེའི་བརྟུལ་ཞུགས་ཀྱི་དབང་ནི། ཡང་རྡོ་རྗེའི་དབང་གི་སྐབས་བཞིན་དུ་ཆུ་དབང་གི་སྐབས་ལ་འདོན་པ་སྤོས་ཏེ། དབང་རྫས་རྡོ་རྗེ་གཉིས་ཀ༴ ཆ་གཅིག༴ཧཱུཾ་ལས་རྡོ་རྗེ་ཧཱུཾ་གིས་མཚན་པ༴ རྡོ་རྗེ་སེམས་དཔའ་དཀར་པོ༴ རྡོ་རྗེ་དང་དྲིལ་བུ་འཛིན་


TNT12_Page_0800
[མ་དཔེ་གཟིགས་ན་འདིར་གནོན།]

པ། ཡུམ་རྡོ་རྗེ་སྙེམས་མ་དཀར་མོ༴ ཆ་གཅིག་རྡོ་རྗེར་གྱུར། རྡོ་རྗེ་དེ་ཉིད་ཐོགས་ཏེ། འདི་དེ་སངས་རྒྱས་ཐམས་ཅད་དེ། །ཧེ་རུ་ཀ་དཔལ་ཕྱག་ན་གནས། ཁྱོད་ཀྱིས་ཀྱང་ནི་རྟག་ཏུ་བཅང༌། །ཧེ་རུ་ཀ་དཔལ་རྟུལ་ཞུགས་བརྟན། །ཨོཾ་སརྦ་ཏ་ཐཱ་ག་ཏ་སིདྡྷི་བཛྲ་ས་མ་ཡ། ཏིཥྛ་ཨེ་ཥ་སྟྭཾ། དྷ་ར་ཡ་མི། བཛྲ་སཏྭ་ཧི་ཧི་ཧི་ཧི་ཧཱུཾ། ཨོཾ་བཛྲ་བྷ་བ་ཨ་བྷི་ཥིཉྩ་མཾ། གཙུག་ཏོར་གྱི་འཁོར་ལོ་རྡོ་རྗེ་སེམས་དཔས་དབུ་བརྒྱན། རྡོ་རྗེ་རྟུལ་ཞུགས་ཀྱི་དབང་ཐོབ། ཡེ་ཤེས་ཀྱི་ཕུང་པོ། ལྷན་ཅིག་སྐྱེས་པའི་ཡེ་ཤེས་མངོན་དུ་བྱས་སོ། །སྤྱོད་པའི་རྟུལ་ཞུགས་ཀྱི་དབང་ནི། བདག་ཉིད་ཧཱུཾ་ལས་བྱུང་བའི་ཧེ་རུ་ཀ་འཁོར་ལོ་སྡོམ་པར་གྱུར། ཁ་ཊྭཱཾ་ག་ཌཱ་མ་རུ་ཐོད་པ་ཚངས་སྐུད་རྣམས་གཏད། ཧེ་རུ་ཀ་དཔལ་ཕྱག་རྒྱ་འདི། །ཕྱི་དང་ནང་དུ་ཡང་དག་གནས། ཁ་ཊྭཱཾ་ཅང་ཏེ་ལྷུང་བཟེད་སྦྱིན། །དཔའ་བོ་ཆེན་པོས་བླང་པར་གྱིས། ཁ་ཊྭཱཾ་ག་ལྷའི་སྐུ། ཌཱ་མ་རུ་སྟོང་པ་ཉིད་ཀྱི་སྒྲ། ཐོད་པ་བདེ་བ་ཆེན་པོ། ཚངས་པའི་སྐུད་པ་རྣམ་པར་མི་རྟོག་པའི་ངོ་བོ་ཉིད་དོ། །ལུང་བསྟན་ཅིང་གཟེངས་བསྟོད་པ་ནི། དཀྱིལ་འཁོར་གྱི་བདག་པོ་དང་སློབ་དཔོན་དབྱེར་མ་མཆིས་པ། དཔལ་རྒྱལ་བ་ཤཱཀྱ་ཐུབ་པའི་སྐུར་གྱུར་པས་ལུང་བསྟན་ཅིང༌།


TNT12_Page_0801
[མ་དཔེ་གཟིགས་ན་འདིར་གནོན།]

གཟེངས་བསྟོད་པར་གྱུར། འདི་ལྟར་ངས་ཁྱོད་ལུང་བསྟན་ཡིན། །ཧེ་རུ་ཀ་དཔལ་དེ་བཞིན་གཤེགས། །སྲིད་པ་ཤིན་ཏུ་དག་པས་ན། །སྲིད་པའི་ངན་འགྲོ་ལས་ཁྱོད་བཏོན། །ཨོཾ་ཤྲཱི་ཧེ་རུ་ཀ་སིདྡྷི་ས་མ་ཡ་སྟྭཾ་བྷུར་བྷུ་བ་སྭ། གསང་བའི་མིང་ཡིད་ཀྱིས་དྲན་པར་བྱ། ཁམས་གསུམ་གྱི་ནི་རྒྱལ་སྲིད་ཆེ། །དཔལ་ལྡན་ཡོན་ཏན་འབྱུང་བའི་གནས། །བདུད་ཚོགས་ཀུན་ལས་ངེས་རྒྱལ་ཏེ། །གྲོང་ཁྱེར་མཆོག་ཏུ་ཁྱོད་ཞུགས་སོ། །དེ་ནས་ཕྱིར་མི་ལྡོག་པའི་དབང་བསྐུར་གྱི་དོན་དུ་མཎྜལ་ཕུལ། འཁོར་ལོ་ཕྱིར་མི་ལྡོག་པའི་དབང༌། །དམ་པ་བདག་ལ་སྩལ་དུ་གསོལ། །ལན་གསུམ། ཡང་གོང་བཞིན་ཕལ་ཆེར་ཆུ་དབང་ལ་འདོན་པ་སྒྱུར་ཏེ། བདག་དང་དབང་རྫས་དང་པོའི་རྡོ་རྗེ་དང་པོའི་རྡོ་རྗེས་མཚན་པའི་དྲིལ་བུ་གཉིས་ཀ༴གྱུར་པའི་ཆ་གཅིག་ཧཱུཾ་ལས་རྡོ་རྗེ་ཧཱུཾ་གིས་མཚན་པར༴ རྡོ་རྗེ་འཆང་ཆེན་ཧེ་རུ་ཀ །སྐུ་མདོག་སྔོན་པོ་རྡོ་རྗེ་དྲིལ་བུ་འཛིན་པ། ཡུམ་རྡོ་རྗེ་སྙེམས་མ་སྔོན་མོ། སེམས་ཀྱི་ཆ་གཅིག་ཆ་གཉིས་སུ་གྱུར་ཏེ། དང་པོའི་རྡོ་རྗེ་དང༌། དང་པོའི་རྡོ་རྗེས་མཚན་པའི་དྲིལ་བུར་གྱུར། རྡོ་རྗེ་དེ་ཉིད་ཐོགས་ཏེ། འདི་དེ་སངས་རྒྱས་ཐམས་ཅད་དེ། །ཧེ་རུ་ཀ་དཔལ་དབང་བསྐུར་བས། །དེ་རིང་ཁྱོད་ལ་དབང་བསྐུར་ཏེ། །རབ་ཏུ་སྒྲུབ་ཕྱིར་རྡོ་རྗེ་ལོང༌། །


TNT12_Page_0802
[མ་དཔེ་གཟིགས་ན་འདིར་གནོན།]

རྡོ་རྗེ་གསོར་ཞིང་སྙིང་གར་གཏད་ལ། ཐོག་མཐའ་མེད་པའི་སེམས་དཔའ་ནི། །རྡོ་རྗེ་སེམས་དཔའ་དགའ་བ་ཆེ། །ཀུན་ཏུ་བཟང་པོ་ཀུན་བདག་ཉིད། །རྡོ་རྗེ་སྙེམས་མའི་བདག་པོའི་བདག།བཅོམ་ལྡན་འདས་དཔལ་མཆོག་དང་པོའི་སྐྱེས་བུ་ལའོ། །སླར་ཡང་དཀྱིལ་འཁོར་གྱི་གཙོ་བོའི་ཐུགས་ཀ་ནས། དྲིལ་བུ་དེ་ཉིད་ཐོགས་ཏེ། འདི་ནི་རྣལ་འབྱོར་མ་ཀུན་གྱི། །ཤེས་རབ་དབྱངས་ཀྱི་རྗེས་འགྲོར་བཤད། ཁྱོད་ཀྱིས་ཀྱང་ནི་རྟག་ཏུ་བཅངས། །བྱང་ཆུབ་མཆོག་ཏུ་རྒྱལ་བ་བཞེད། །ལན་གསུམ་དུ་དཀྲོལ་ཏེ། གཡོན་པ་ལ་བརྟེན་ནས། ཨཿསྲིད་པ་ངོ་བོ་ཉིད་ཀྱིས་དག།ངོ་བོ་ཉིད་ཀྱིས་སྲིད་བྲལ་བྱས། །རང་བཞིན་དག་པའི་སེམས་དཔའ་མཆོག།སྲིད་པ་དམ་པ་བྱེད་པར་འགྱུར། །རང་ཉིད་སྐད་ཅིག་གིས་དཔལ་ཧེ་རུ་ཀ །ཕྱག་གཉིས་ཀྱིས་རྡོ་རྗེ་དང་དྲིལ་བུ་འཛིན་པ་ལ། ཡུམ་རྡོ་རྗེ་ཕག་མོ་དམར་མོ་གྲི་གུག་དང་ཐོད་པ་འཛིན་པ། ལོ་བཅུ་དྲུག་ལོན་པ་ལྟ་བུས་ཡང་དག་པར་འཁྱུད་པ། ཡིད་ཀྱི་ལུས་སུ་བརྟན་པའི་ཕྱིར། །ཕྱག་རྒྱའི་དམ་ཚིག་རབ་ཏུ་བརྗོད། །གང་གི་ལུས་ནི་ཐམས་ཅད་བརྟན། །དེས་ན་ཕྱག་རྒྱ་རབ་ཏུ་བསྒྲགས། །ཤེས་རབ་བཅུ་དྲུག་ལོན་པ་ལ། །ལག་པ་དག་གིས་ཡང་དག་འཁྱུད། །རྡོ་རྗེ་དྲིལ་བུ་མཉམ་སྦྱོར་བ། །སློབ་དཔོན་གྱི་ནི་དབང་དུ་བརྗོད། །སླར་ཡང་བུམ་པའི་ཆུས་


TNT12_Page_0803
[མ་དཔེ་གཟིགས་ན་འདིར་གནོན།]

དབང་བསྐུར། ཇི་ལྟར་བལྟམས་པ་ནས། བཛྲ་བྷ་བ་ཨ་བྷི་ཥིཉྩ་ཧཱུཾ། ཞེས་གསུངས་ཤིང་དབང་བསྐུར། ལུས་ཐམས་ཅད་གང༌། བདེ་བ་ཆེན་པོ་མྱོང༌། ཆུའི་ལྷག་མ་སྤྱི་བོར་འཁྱིལ་བ་ལས་རྡོ་རྗེ་སེམས་དཔས་དབུ་བརྒྱན་པར་གྱུར༌། ཨརྒྷཾ་ནས་ཤཔྟའི་བར་གྱིས་མཆོད། ཨོཾ་སུ་པྲ་ཏིཥྛ་བཛྲ་ཡེ་སྭཱཧཱ། རྡོ་རྗེ་སློབ་དཔོན་གྱི་དབང་ངོ༌། །དེ་ཉིད་རིག་པའི་རྣལ་འབྱོར་པས། །མི་བྱ་བ་ནི་ཅི་ཡང་མེད། །དེ་ཉིད་ཤེས་ནས་དེ་ནས་ནི། །དཔའ་བོ་འདོད་པ་ལྔ་སྤྱད་དོ། །བདག་ཉིད་དཔའ་བོ་ཀུན་གྱིས་དངོས། །བདག་ཉིད་ལྷ་མོ་ཀུན་གྱི་གནས། །དེ་ཕྱིར་བདག་གི་ཐམས་ཅད་བྱ། །བདག་ཉིད་ཧེ་རུ་ཀ་དཔལ་མཆོག།བརྟེན་ཅིང་འབྲེལ་བར་འབྱུང་ཆོས་ཅན། །སེམས་ཅན་སྒྱུ་མའི་རང་བཞིན་ཏེ། ཁམས་གསུམ་དེ་ལྟར་ཤེས་ནས་ནི། །འགྲོ་བའི་དོན་ནི་མཉམ་མེད་བྱོས། །ཞེས་པ་ནི་རྗེས་གནང་ངོ༌། །དེ་ལྟར་ན་ཕྱི་དབྱིབས་ཀྱི་དཀྱིལ་འཁོར་དུ་ཞུགས། བུམ་པའི་དབང་བསྐུར་ཐོབ། ལམ་བསྐྱེད་པའི་རིམ་པ་སྒོམ་པ་ལ་དབང༌། སྤྲུལ་སྐུ་རང་བཞིན་ལྷུན་གྲུབ་མངོན་དུ་བྱས། གསང་དབང་གི་དོན་དུ་མཎྜལ་ཕུལ། བྱང་ཆུབ་རྡོ་རྗེ་སངས་རྒྱས་ལ། །མཆོད་ཆེན་ཇི་ལྟར་སྩལ་བ་ལྟར། །བདག་ཀྱང་སྐྱོབ་པའི་དོན་གྱི་ཕྱིར། །ནམ་


TNT12_Page_0804
[མ་དཔེ་གཟིགས་ན་འདིར་གནོན།]

མཁའི་རྡོ་རྗེ་དེང་བདག་སྩོལ། །ཞེས་ལན་གསུམ། དཀྱིལ་འཁོར་གྱི་གཙོ་བོ་ཡབ་ཡུམ་རྗེས་ཆགས་ཀྱི་སྙོམ་པར་ཞུགས་པས། བདེ་བས་སྒྲས་སངས་རྒྱས་ཐམས་ཅད་སྤྱན་དྲངས་ཏེ། ཞལ་དུ་ཞུགས། ཐུགས་ཀར་བྱང་ཆུབ་ཀྱི་སེམས་སུ་ཞུ། དགའ་བ་བཞིའི་རིམ་པས། ལྷན་ཅིག་སྐྱེས་པའི་ཡེ་ཤེས་བརྟན་པར་བྱས་པའི། བདེ་བའི་རྟེན་ཀུནྡ་ལྟ་བུ་དང་རྡུལ་གྱི་དྭངས་མ་རྡོ་རྗེ་དང་པདྨ་ལས་མཐེ་བོང་དང་མིང་མེད་ཀྱི་ཡང་དག་པར་བླངས་ཏེ། རང་གི་ལྕེ་ཐོག་ཏུ་བཞག།འདི་དེ་དཔའ་བོ་ལྷ་མོ་རྣམས། །དམ་ཚིག་རྨད་བྱུང་ཆེན་པོ་སྟེ། ཁམས་ལྔ་ལྡན་པའི་རོས་རྟོགས་བྱེད། །བདེ་བ་གང་དེ་མྱང་བར་བྱོས། །ཨོཾ་ཨཱཿཧཱུཾ། ཨ་ཧོ་མཧཱ་སུ་ཁཾ། འདས་པའི་རྡོ་རྗེ་འཆང་སོགས་ཀྱིས། །ཇི་ལྟར་སངས་རྒྱས་སྲས་དབང་བསྐུར། །བྱང་ཆུབ་སེམས་ནི་བཟང་པོ་ཡིས། །དེ་རིང་བུ་ཁྱོད་དབང་བསྐུར་རོ། །ཨོཾ་ཨཱཿཧཱུཾ། དེ་ལྟར་བྱང་ཆུབ་ཀྱི་སེམས་མྱངས་པས། མགྲིན་པའི་འཁོར་ལོ་གང༌། རང་བཞིན་བརྒྱད་ཅུའི་རྣམ་རྟོག་འགགས། བདེ་བའི་ཡེ་ཤེས་བརྗོད་བྲལ་རྒྱུད་ལ་སྐྱེས་པར་གྱུར། དེ་ལྟར་ན་ཀུན་རྫོབ་བྱང་ཆུབ་སེམས་ཀྱི་དཀྱིལ་འཁོར་དུ་ཞུགས། གསང་བའི་དབང་ཐོབ། ངག་གི་དྲི་མ་དག །ལམ་གཏུམ་མོ་


TNT12_Page_0805
[མ་དཔེ་གཟིགས་ན་འདིར་གནོན།]

དང་སྒྱུ་ལུས་སྒོམ་པ་ལ་དབང༌། འབྲས་བུ་ལོངས་སྐུའི་རང་བཞིན་ལྷུན་གྲུབ་མངོན་དུ་བྱས། ཤེས་རབ་ཡེ་ཤེས་ཀྱི་དབང་གི་དོན་དུ་མཎྜལ་ཕུལ། བཅོམ་ལྡན་ཞི་བ་ཆེན་པོ་ཀྱེ། །རྡོ་རྗེ་རྣལ་འབྱོར་གཅིག་བཞེད་པས། །མི་ཕྱེད་ཕྱག་རྒྱ་སྒྲུབ་པ་པོ། །རྡོ་རྗེ་སྦྱོར་ལས་ཡང་དག་བྱུང༌། །བདག་ཉིད་ཆེན་པོ་ཁྱོད་ཇི་བཞིན། །མངའ་བདག་བདག་ལའང་དེ་ལྟར་མཛོད། །འཁོར་བ་འདམ་གྱི་ཚོགས་ནང་དུ། །བྱིང་བ་སྐྱབས་མེད་བདག་ལ་སྐྱོབས། །ལན་གསུམ། ཕྱག་རྒྱ་ལོ་བཅུ་གཉིས་ནང་ཉི་ཤུའི་བར་གང་ཡང་རུང་བ། ལང་ཚོ་ཕུན་སུམ་ཚོགས་པ་བདག་ལ་གཏད། ལྷ་མོ་འདི་ནི་ཁྱད་པར་ཆེ། །མཐའ་ཡས་བདེ་བ་སྦྱིན་པ་མོ། །རྣམ་པ་ཀུན་ཏུ་ཕྱག་རྒྱ་ལོང༌། །བུ་ཡིས་བླ་མེད་མཆོད་པར་གྱིས། །ལྷ་མོ་དེས་ཀྱང་བཤང་གཅི་དག་ནི་བཟའ་བ་དང༌། ཁྲག་དང་ཁུ་བ་དེ་བཞིན་ཏེ། །ཤ་ཆེན་བརྟེན་པ་ལ་དགའམ། །བུད་མེད་རྣམས་ལ་རྟག་གུས་དང༌། །བྷ་གའི་གནས་སུ་ཙུམྦྷ་ནི། ཁྱོད་ནི་སྤྲོ་བ་ཡིན་ནམ་ཅི། །ཞེས་དྲིས། དེ་ལ་སོགས་པའི་དམ་ཚིག་ཀུན། །ལྷ་མོ་ཅི་ཕྱིར་བདག་མི་སྤྲོ། །ཞེས་ལན་བཏབ་པས། དེ་དགྱེས་ནས་ཕྱོགས་ཀྱི་གོས་ཅན་གསང་རྩ་རྒྱས་པའི་པདྨ་མཚོན་བཞིན་དུ། ཨེ་མ་བདག་གི་པདྨ་ནི། །བདེ་བ་ཀུན་དང་ཡང་དག་ལྡན། །ཅི་ཏེ་ཆོ་ག་བཞིན་བརྟེན་ན། །སངས་རྒྱས་


TNT12_Page_0806
[མ་དཔེ་གཟིགས་ན་འདིར་གནོན།]

སྙེམས་པ་ལ་སོགས་པ། །བྱ་བ་ཐམས་ཅད་པདྨར་བྱེད། །བདེ་ཆེན་རྒྱལ་པོ་རང་ཉིད་ནི། །འདི་ཉིད་དུ་ནི་རྟག་ཏུ་ཞུགས། །པདྨ་བྷཉྩ་ཧོ། བདག་དང་རིག་མ་དཀྱིལ་འཁོར་གྱི་གཙོ་བོ་ཡབ་ཡུམ་གྱི་སྐུར་རྫོགས་པ་ལ། ཧཱུཾ་ལས་བྱུང་བའི་རྡོ་རྗེ་ཨོཾ་ལས་སྐྱེས་པའི་ནོར་བུ། བུ་གར་ཕཊ་ཀྱི་ཡོངས་སུ་བཀག་པ། ཧྲིཿལས་བྱུང་བའི་པདྨ་ཨཱཿལས་སྐྱེས་པའི་ཟེ་འབྲུ་རྩེ་མོར་ཨས་མཚན་པ། ཐབས་ཤེས་སྙོམས་འཇུག་རྗེས་སུ་ཆགས་པའི་རྐྱེན་གྱིས། བྱང་ཆུབ་ཀྱི་སེམས་སྤྱི་བོ་ནས་མགྲིན་པར་བྱོན་པས་དགའ་བ། སྙིང་གར་བྱོན་པས་མཆོག་དགའ། ལྟེ་བར་བྱོན་པའི་ཁྱད་དགའ། གསང་བར་བྱོན་པས་གཡོ་མེད་དུ་བརྟན་པར་བྱས་པ་ནི། ལྷན་ཅིག་སྐྱེས་པའི་དགའ་བའོ། །སླར་ཡང་གྱེན་དུ་གཤེགས་པར་གྱུར་ཏེ་མས་བརྟན་གྱི་དགའ་བ་བཞིའི་རིམ་པས། དོན་དམ་རང་རིག་ལྷན་ཅིག་སྐྱེས་པའི་ཡེ་ཤེས་བདེ་སྟོང་ཟུང་འཇུག་མངོན་དུ་བྱས། དེ་ལྟར་ན་བྷ་གའི་དཀྱིལ་འཁོར་དུ་ཞུགས་ཤེས་རབ་ཡེ་ཤེས་ཀྱི་དབང་བསྐུར་བ་ཐོབ། ལམ་གཞན་ལུས་ཤེས་རབ་སྒོམ་པ་ལ་དབང༌། འབྲས་བུ་ཆོས་ཀྱི་སྐུ་རང་བཞིན་ལྷུན་གྲུབ་མངོན་དུ་བྱས། དབང་བཞི་པའི་དོན་དུ་མཎྜལ་ཕུལ། ཁྱོད་ཞབས་པདྨའི་བཀའ་དྲིན་གྱི། །གཙོ་བོའི་དབང་བསྐུར་རྣམ་གསུམ་ཐོབ། །དེ་རིང་རིན་ཆེན་བཞི་པ་ཡང༌། །བདག་ལ་བཀའ་དྲིན་སྐྱབས་དུ་གསོལ། །


TNT12_Page_0807
[མ་དཔེ་གཟིགས་ན་འདིར་གནོན།]

ལན་གསུམ། ཡེ་ཤེས་འདི་ནི་ཆེས་ཕྲ་ཞིང༌། །རྡོ་རྗེ་སྙིང་པོ་མཁའ་དང་མཚུངས། །རྡུལ་བྲལ་མཐར་ཕྱིན་ཞི་བ་ཉིད། ཁྱོད་ཀྱི་ཕ་ནི་ཁྱོད་ཉིད་དོ། །སེམས་ཉིད་སྤྲོས་པ་ཐམས་ཅད་བྲལ་བ། དམིགས་པ་མེད་པའི་སྒྱུ་ལུས་དང༌། ལྷན་ཅིག་སྐྱེས་པའི་ཡེ་ཤེས་ཟུང་འཇུག་ཏུ་གདོད་མ་ནས་རང་ཤར་བ་ནི། དབང་བཞི་པའི་ཡེ་ཤེས་ཏེ། དེ་ལྟར་ན་དོན་དམ་བྱང་ཆུབ་སེམས་ཀྱི་དཀྱིལ་འཁོར་དུ་ཞུགས། དབང་བཞི་པ་ཐོབ། ལམ་འོད་གསལ་ཕྱག་རྒྱ་ཆེན་པོ་སྒོམ་པ་ལ་དབང༌། འབྲས་བུ་ངོ་བོ་ཉིད་སྐུ་རང་བཞིན་ལྷུན་གྲུབ་མངོན་དུ་བྱས། གཙོ་བོས་ཇི་ལྟར་བཀའ་སྩལ་པ། །དེ་དག་ཐམས་ཅད་བདག་གིས་བགྱི། །ལན་གསུམ་དབང་བཞི་རྫོགས་པར་ཐོབ་པའི་བཀའ་དྲིན་བཏང་རག་གི་དོན་དུ་མཎྜལ་འབུལ། དེང་ནས་བརྩམས་ཏེ་བདག་བྲན་དུ། ཁྱོད་ལ་བདག་ནི་འབུལ་ལགས་ཀྱི། ཁྱོད་ཀྱི་སློབ་མར་བཟུང་བ་དང༌། །ཆ་ཤས་ཀྱིས་ཀྱང་སྤྱད་དུ་གསོལ། །ལན་གསུམ། དགེ་བ་བསྔོའོ། །བདག་འཇུག་རྐྱང་པ་ལ་ནི་དེ་ཙམ་གྱིས་ཆོག་ལ། སློབ་མ་ལ་དབང་བསྐུར་ན། སླར་ཡང་དཀྱིལ་འཁོར་གྱི་ལྷ་ལ་མཆོད་བསྟོད་བསྡུས་པ་ཞིག་བྱས་ལ། ཤེས་རབ་ཐབས་བདག་དཀྱིལ་འཁོར་གྱི། །བདེན་པའི་བྱིན་རླབས་གང་ཡིན་པ། །བདེན་པ་དེ་ཡིས་


TNT12_Page_0808
[མ་དཔེ་གཟིགས་ན་འདིར་གནོན།]

མགོན་དག་ལ། ཁྱོད་ཀྱི་འདོད་པ་རབ་རྫོགས་མཛོད། །ཆོས་རྣམས་གཟུགས་བརྙན་ལྟ་བུ་ཏེ། །དག་ཅིང་གསལ་ལ་རྙོག་པ་མེད། །བཟུང་དུ་མེད་ཅིང་བརྗོད་དུ་མེད། །རྒྱུ་དང་ལས་ལས་ཡང་དག་བྱུང༌། །དེ་བཞིན་དེ་ཉིད་ངེས་པར་འབྱུང༌། །བདེན་པ་དེ་ཡི་དཀྱིལ་འཁོར་ནི། །གཟུགས་བརྙན་གསལ་བར་སློབ་མ་རྣམས། །ཀུན་གྱིས་སྒྲིབ་མེད་མཐོང་བར་ཤོག །ཅེས་ལན་གསུམ་གྱིས་བདེན་སྟོབས་བརྗོད། དེ་བཞིན་གཤེགས་པ་ཀུན་གྱི་གནས། །ཧེ་རུ་ཀ་དཔལ་གྲོང་ཁྱེར་མཆོག།སྙིང་པོའི་དཀྱིལ་འཁོར་འདི་རུ་ནི། །བདག་གི་སློབ་མ་གཞུག་པར་བགྱི། །ཞེས་ལན་གསུམ་དུ་གསོལ་བ་བཏབ། དཀྱིལ་འཁོར་གྱི་ལྷ་རྣམས་ཀྱིས་ཀྱང་གནང་བ་བྱིན་པར་བསམ་མོ། །བཞི་པ་ནི། གོང་དུ་ཇི་སྐད་བཤད་པའི་བདག་འཇུག་གི་དོན་དེ་རྣམས། སློབ་མ་ལ་འབོག་པ་ཡིན་ཏེ། བདག་འཇུག་གི་ཚིག་དོན་ལེགས་པར་བྱེད་ན། ལག་ལེན་མཐོང་བ་ཙམ་གྱིས་ཤེས་པར་འགྱུར་བས་ལོགས་སུ་མ་བྲིས་སོ། །གསུམ་པ་རྗེས་ཀྱི་བྱ་བ་ནི། ཚོགས་ཀྱི་འཁོར་ལོའི་བྱ་བ་རྣམས་རྫོགས་པ་ན། སླར་ཡང་མཆོད་པ་གསར་དུ་བཤམས་པའམ་ཁ་གསོ། །གོང་བཞིན་བྱིན་གྱིས་བརླབས། ཨརྒྷཾ་ནས། ཤཔྟའི་བར་གྱི་ཕྱི་མཆོད་ཕུལ། སྙིང་པོ་དྲུག་པའི་མཐར་འབྲུ་གསུམ་སྦྱར་བས་ནང་མཆོད། རྐང་བརྒྱད་གཉིས་ཀྱི་བསྟོད་པ་རྣམས་བྱས་ལ། བཅོམ་


TNT12_Page_0809
[མ་དཔེ་གཟིགས་ན་འདིར་གནོན།]

ལྡན་འདས་དཔལ་འཁོར་ལོ་སྡོམ་པའི་ལྷ་ཚོགས་རྣམས་ཀྱིས་བདག་དང་སློབ་མར་བཅས་པ་ལ། ཐུགས་བརྩེ་བ་ཆེན་པོར་མཛད་དེ། བར་ཆད་ཞི་བ་དང་དངོས་གྲུབ་མ་ལུས་སྩལ་དུ་གསོལ། ཞེས་པ་དང་གཞན་ཡང་འདོད་དོན་གསོལ་བ་ཅི་རིགས་པར་བཏབ། ཡིག་བརྒྱ་མང་དུ་བཟླ། བཟོད་གསོལ། གཤེགས་གསོལ་སྨོན་ལམ། བཀྲ་ཤིས་བསྔོ་བ་རྣམས་སྒྲུབ་ཐབས་སུ་བཤད་པ་བཞིན་བྱེད་དགོས་པ་ལས། མགྲོན་གཤེགས་གསོལ་གྱི་མཐར། དཀྱིལ་འཁོར་ལ་བརྟན་བཞུགས་བྱ། སྨོན་ལམ་དང་བཀྲ་ཤིས་སོགས་རྒྱས་བསྡུས་ཇི་ལྟར་འདོད་པ་བྱའོ། །གཉིས་པ་རྡུལ་ཚོན་གྱི་ཕྱོགས་ལ་བརྟེན་པ་ནི། ས་ཆོག་དང༌། ཐིག་ཚོན་བྱིན་གྱིས་བརླབས་ནས། ཐིག་གདབ་ཅིང་དཀྱིལ་འཁོར་བྲི་བ་དང༌། རྡུལ་ཚོན་གཤེགས་སུ་གསོལ་བ་ལ་སོགས་པ་དགོས་ཏེ། རྒྱས་པ་ལ་དགའ་ན། རྒྱུ་སྡེ་ལྔའི་དཀྱིལ་འཁོར་གྱི་ཆོ་ག་ཆེན་མོར་བཤད་ཟིན་པ་ལས་ཤེས་པར་བྱ་ཞིང༌། ད་ལྟ་ལག་ལེན་བྱེད་པ་ཉུང་བས་འདིར་ནི་མ་བྲིས་ལ། སྙིང་པོ་བསྡུས་པའི་ཡིག་ཆུང་ཞིག་འབྲི་བར་ཡང་འགྱུར་རོ། །དཀྱིལ་འཁོར་གྱི་ཆོ་ག་འདི་ལ་ལྷ་ལྷག་གནས་རྒྱས་པ་དང༌། རས་བྲིས་ཀྱི་སྐབས་སའི་ལྷ་མོའི་ཆོ་ག་ནི་མི་དགོས་ཏེ། འདི་ཉིད་ཀྱི་རང་ལུགས་གོང་དུ་བཤད་པ་ཁོ་ནའི་འགྲུབ་པར་འགྱུར་རོ། །ནི་གུའི་ལུགས་ཀྱི་བདེ་མཆོག་ལྷ་ལྔ་འདི་ལ། དཀྱིལ་ཆོག་རྒྱས་པ་རྒྱ་གཞུང་མ་གཏོགས་


TNT12_Page_0810
[མ་དཔེ་གཟིགས་ན་འདིར་གནོན།]

བོད་ཡིག་དག་གསལ་ཆ་ཚང་བ་ཞིག་ཆེར་མི་སྣང་ལ། ཆོ་གའི་ཡན་ལག་འགའ་རེ་བྲིས་འདུག་ནའང༌། ཤིན་ཏུ་ཉོག་པར་མངོན་ཅིང༌། རྗེ་གྲོལ་མཆོག་གིས་མཛད་པ་འདི་ཡང༌། ཞུ་བ་པོའི་བློ་ངོ་དང་བསྟུན་པའི་རང་ལུགས་ལས་ཕྱིར་ཕྱོགས་པ་མང་དུ་སྣང་བས། འདིར་དག་ཅིང་གསལ་ལ་གཞན་དང་མ་འདྲེས་པར་རང་ལུགས་མ་ཚང་བ་མེད་ཅིང་བཟུང་བདེ་བར་བཀོད་པ་ཡིན་ནོ།། །།རྣལ་འབྱོར་ཅན་ལ་ཉེར་མཁོ་བས། །དཀྱིལ་ཆོག་སྤྲོས་པ་ཉུང་ངུ་འདི། །བཤད་ལས་དགེ་བ་གང་ཐོབ་དེས། །ལྷན་ཅིག་སྐྱེས་པའི་ས་ཐོབ་ཤོག།ཅེས་པའང་རྒྱལ་ཁམས་པ་ཏཱ་ར་ནཱ་ཐས་སྨྲས་པའོ། །དགེ་ལེགས་འཕེལ།།

ནི་གུ་ལུགས་ཀྱི་བདེ་མཆོག་ལྷ་ལྔའི་མངོན་རྟོགས།


TNT12_Page_0811
[མ་དཔེ་གཟིགས་ན་འདིར་གནོན།]

ནི་གུ་ལུགས་ཀྱི་བདེ་མཆོག་ལྷ་ལྔའི་མངོན་རྟོགས་བཞུགས།


TNT12_Page_0812
[མ་དཔེ་གཟིགས་ན་འདིར་གནོན།]

ཨོཾ་སྭཱ་སྟི། རྒྱལ་བ་མཆོག་རྣམས་ཀུན་གྱི་དངོས། །ལྷན་སྐྱེས་དགའ་ཆེན་ཧེ་རུ་ཀ །ཡེ་ཤེས་ལྔ་ལྡན་དཀྱིལ་འཁོར་ལ། །བཏུད་ནས་དེ་ཡི་སྒྲུབ་ཐབས་བཤད། །སྐྱབས་འགྲོ་སེམས་བསྐྱེད་སྔོན་དུ་བཏང༌། །མདུན་གྱི་ནམ་མཁར་སྐད་ཅིག་གིས། །རིགས་ལྔའི་ལྷ་ཚོགས་བྱོན་པར་གྱུར། །བདག་གི་སྡིག་སྒྲིབ་མ་ལུས་པ་སྦྱང་དུ་གསོལ། ཞེས་གསོལ་བ་བཏབ་པས། ཐུགས་ཀ་ནས་ལྷ་མོ་བདུད་རྩིས་གང་བའི་བུམ་པ་ཐོགས་པ་སྤྲོས། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུཾ། ཞེས་གསུང་ཞིང་ཁྲུས་བྱས་པས། དབང་བཞི་ཐོབ། སྡིག་སྒྲིབ་ཐམས་ཅད་དག །ལུས་ཤེལ་གོང་གཡའ་དག་པ་ལྟར་གྱུར། འོག་ནས་འབྱུང་བ་ལྟར་ནང་མཆོད་བྱིན་གྱིས་བརླབ་ཏེ། ཨོཾ་ཨཱ་ཧཱུཾ་ཞེས་མྱང༌། ཨོཾ་ཨཱ་མྲྀ་ཏ་བཱ་ཙ་རཀྵ་རཀྵ་ཧཱུཾ་ཕཊ། རང་གི་སེམས་ཉིད་གཟུང་འཛིན་གཉིས་བྲལ་གྱི་ཡེ་ཤེས་སྤྲོས་པ་མཐའ་དག་གིས་དབེན་


TNT12_Page_0813
[མ་དཔེ་གཟིགས་ན་འདིར་གནོན།]

པའོ། །ཞེས་མཉམ་པར་བཞག །རང་སྐད་ཅིག་གི་འཁོར་ལོ་སྡོམ་པའི་སྐུར་གྱུར་པའི་ཐུགས་ཀར་ཧཱུཾ། ཨོཾ་བཛྲ་རཀྵ་རཀྵ་ཧཱུཾ་ཧཱུཾ་ཧཱུཾ་ཕཊ་ལན་གསུམ་ཐུགས་ཀའི་ཧཱུཾ་ལས་རཾ་འོག་ཕྱོགས་སུ་ཆད། ཉི་མའི་དཀྱིལ་འཁོར་དུ་གྱུར། ཧཱུཾ་སྤྲོས་པ་ལས་སྣ་ཚོགས་རྡོ་རྗེའི་རང་བཞིན་གྱིས། ས་གཞི་དང་དེ་ལས་འཕྲོས་པའི་རྭ་གུར་དུ་གྱུར། ཧཱུཾ་ལས་ཧཱུཾ་དཔག་ཏུ་མེད་པ་ཕྱོགས་བཅུར་སྤྲོས། རྡོ་རྗེ་རྩེ་གཅིག་པ་ནས་དགུ་པའི་བར་དུ་གྱུར་པས་བར་མཚམས་མེད་པར་བལྟམས་པ། ཉི་མ་ལས་འབར་བའི་མེས་རབ་ཏུ་བཞུ་སྟེ་རྭ་གུར་གྱི་ཕྱི་རོལ་དུམ་བུ་གཅིག་ཏུ་འདྲེས་ཤིང༌། ཕྱི་ནང་ཀུན་ཏུ་མེ་ལྕེས་གང་བར་གྱུར། སྙིང་གའི་ཧཱུཾ་གི་འོད་ཟེར་གྱིས། བླ་མ་ཡི་དམ་སངས་རྒྱས་བྱང་ཆུབ་སེམས་དཔའ་ཐམས་ཅད་མདུན་གྱི་ནམ་མཁར་བཛྲ་ས་མཱ་ཛཿ སངས་རྒྱས་ཆོས་དང་དགེ་འདུན་ནི། །བླ་མ་ཡི་དམ་མཁའ་འགྲོ་དང༌།


TNT12_Page_0814
[མ་དཔེ་གཟིགས་ན་འདིར་གནོན།]

ཁྲོ་བོ་ཆོས་སྐྱོང་བཅས་པ་ལ། །བདག་ནི་གུས་པས་སྐྱབས་སུ་མཆི། །ལན་གསུམ། ཚད་མེད་བཞི་སྤྱི་དང་མཐུན་པ་ལན་གསུམ། སྐྱབས་ཡུལ་དེ་རྣམས་བདག་གི་མདུན་དུ་བྱོན་ཏེ། འོད་ཟེར་རང་གི་ལུས་ལ་ཕོག་པས། རང་གི་ལུས་ངག་ཡིད་གསུམ་གྱི་དྲི་མ་མཐའ་དག་སྦྱངས་ཏེ། མེ་ལོང་དང་གཟུགས་བརྙན་ལྟར་རང་དང་སྐྱབས་ཡུལ་དབྱེར་མེད་དུ་གྱུར། སླར་ཡང་སྙིང་ག་ནས་འོད་ཟེར་འཕྲོས། དཔལ་ཧེ་རུ་ཀ་ལྷ་ལྔའི་དཀྱིལ་འཁོར་བླ་མ་དང་སངས་རྒྱས་བྱང་ཆུབ་སེམས་དཔའི་ཚོགས་དང་བཅས་པ་མདུན་གྱི་ནམ་མཁར་བྱོན་པར་གྱུར། ཨོཾ་ན་མཿཏེ་ཧཱུཾ། ན་མོ་མེ་ཧཱུཾ། ན་མོ་ན་མཿཧཱུཾ། ཞེས་ཕྱག་འཚལ། ཨརྒྷཾ་ནས་ཤཔྟའི་བར་གྱིས་མཆོད། ཨོཾ་ཨཱཿཧཱུཾ་ལན་གཉིས་ཀྱིས་ནང་མཆོད་དང་གསང་མཆོད་ཕུལ། མཆོད་བྱ་མཆོད་བྱེད་མཆོད་པ་རྣམས་གཉིས་སུ་མེད་ཅིང་དམིགས་སུ་མེད་པའོ། །ཞེས་དེ་ཁོ་ན་ཉིད་ཀྱི་མཆོད་པ་བྱ། དཀོན་མཆོག་གསུམ་ལ་བདག་སྐྱབས་མཆི། །སོགས་རྒྱུན་བཤགས་ལན་གསུམ་བྱ། ཚོགས་ཞིང་འོད་གསལ་གྱི་ངང་དུ་ཐིམ། ཨོཾ་སྭ་བྷཱ་ཝ་ཤུདྡྷ་སརྦ་དྷརྨ་སྭ་བྷ་ཝ་ཤུདྡྷོ྅ཧཾ། གཟུང་བ་རང་བཞིན་མེད་པའི་བདག་ཉིད་དོ། །ཨོཾ་ཤཱུ་ནྱ་ཏ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅ཧཾ། འཛིན་པ་ཡང་རང་བཞིན་མི་དམིགས་ཏེ། ཆོས་ཐམས་ཅད་སྟོང་པ་ཉིད་དོ། །


TNT12_Page_0815
[མ་དཔེ་གཟིགས་ན་འདིར་གནོན།]

ཞེས་མཉམ་པར་བཞག །སྟོང་པའི་ངང་ལས། སྐད་ཅིག་གིས་ཕྱི་རོལ་དུར་ཁྲོད་བརྒྱད་དང་བཅས་པའི་བསྲུང་འཁོར་གྱི་དབུས་སུ། ཡཾ་ལས་རླུང་གི་དཀྱིལ་འཁོར་སྔོན་པོ་ཟླ་གམ། རཾ་ལས་མེའི་དཀྱིལ་འཁོར་དམར་པོ་གྲུ་གསུམ། བཾ་ལས་ཆུའི་དཀྱིལ་འཁོར་དཀར་པོ་ཟླུམ་པོ། ལཾ་ལས་སའི་དཀྱིལ་འཁོར་སེར་པོ་གྲུ་བཞི། སུཾ་ལས་རི་རྒྱལ་ལྷུན་པོ་ཤར་ཤེལ། བྱང་སེར། ནུབ་པདྨ་རཱ་ག །ལྷོ་བཻ་ཌཱུརྻ་ལས་གྲུབ་པ། བང་རིམ་བཞི་དང་ལྡན་ཞིང་ལྕོག་བརྒྱད་ཀྱིས་བརྒྱན་པ་གྲུ་བཞི་པ་སྟེ། འབྱུང་བཞྀ་རི་རབ་རྣམས་སྟེང་ནས་སྟེང་དུ་བརྩེགས་པའོ། །དེའི་སྟེང་དུ། པཾ་ལས་སྣ་ཚོགས་པདྨའི་ལྟེ་བར། ཧཱུཾ་ལས་བྱུང་བའི་སྣ་ཚོགས་རྡོ་རྗེ། ཤར་དཀར་བྱང་ལྗང་ནུབ་དམར་ལྷོ་སེར། ལྟེ་བ་མཐིང་ནག་གྲུ་བཞི་པ། དེའི་སྟེང་དུ་པཾ་ལས་སྣ་ཚོགས་པདྨ་འདབ་མ་བརྒྱད་པ་ལྟེ་བ་དང་གེ་སར་དུ་བཅས་པ་དང༌། པདྨའི་ལྟེ་བར་རཾ་ལས་ཉི་མའི་དཀྱིལ་འཁོར་འཇིགས་བྱེད་དུས་མཚན་དང་བཅས་པའོ། །དེའི་སྟེང་དུ་རང་སེམས་ཟླ་བ་དམར་སྐྱ་ལ་གནས་པའི་ཧཱུཾ། དེ་ལས་འོད་ཟེར་འཕྲོས། འཕགས་པ་མཆོད་སེམས་ཅན་གྱི་དོན་བྱས། སླར་འདུས་ཏེ་ཐམས་ཅད་རོ་གཅིག་ཏུ་


TNT12_Page_0816
[མ་དཔེ་གཟིགས་ན་འདིར་གནོན།]

འདྲེས་པ་ཡོངས་སུ་གྱུར་པ་ལས། བརྟེན་པ་ལྷའི་དཀྱིལ་འཁོར་ཡོངས་སུ་རྫོགས་པ་ནི། དབུས་ཀྱི་གདན་གྱི་སྟེང་དུ། རང་ཉིད་དཔལ་ཧེ་རུ་ཀ་འཁོར་ལོ་བདེ་མཆོག་སྐུ་མདོག་མཐིང་ཁ་ཨིནྡྲ་ནཱི་ལ་ལྟར་འབར་བའི་འོད་ཟེར་འཕྲོ་བ། ཞལ་གཅིག་ཕྱག་གཉིས་དམར་ལ་ཟླུམ་པའི་སྤྱན་གསུམ་གཡོ་བ། ཁྲོ་ཞིང་སྒེག་ལ་ཆགས་པའི་ཉམས་ཅན་མཆེ་བའི་མྱུ་གུ་ཅུང་ཟད་གཙིགས་པ། བཞིན་ཤིན་ཏུ་འགྱུར་བའི་ཁྲོ་གཉེར་བསྡུས་ཤིང་འཇིགས་སུ་རུང་བ། བུང་བ་ལྟར་གནག་པའི་དབུ་སྐྲ་རལ་པའི་ཐོར་ཚུགས་སྤྱི་བོར་བཅིངས་པ། རྩེ་མོ་རུས་པའི་འཁོར་ལོ་ལ་གནས་པའི་ནོར་བུ་དང༌། རལ་པའི་ངོས་ལ་སྣ་ཚོགས་རྡོ་རྗེ་དང༌། གཡོན་ངོས་སུ་ཟླ་བ་ཕྱེད་པས་བརྒྱན་པ། མི་རུས་ཀྱི་རྣ་ཆ་དང་མགུལ་རྒྱན་དང་གདུབ་བུའི་ཚོགས་དང་སྐ་རགས་དང་མཆོད་ཕྱིར་སོགས་ཀྱིས་བརྒྱན་པ། ཐལ་བ་ཆེན་པོས་ཉེ་བར་བྱུགས་ཤིང༌། མི་མགོ་སྐམ་པོ་ལྔའི་དབུ་རྒྱན་དང༌། དཔའ་བོའི་དར་དཔྱངས་དང་བཅས་པ། མིའི་རྒྱུ་མ་ལ་རྒྱུས་པའི་ཁྲག་འཛག་མགོ་བོ་ལྔ་བཅུའི་དོ་ཤལ་ཅན། སྟག་གི་པགས་པའི་ཤམ་ཐབས་གྲོལ་བ། ཕྱག་གཡས་རྡོ་རྗེ་དང༌། གཡོན་དྲིལ་བུ་འཛིན་པས་ཡུམ་ལ་འཁྱུད་པ། ཞབས་གཡོན་བསྐུམ་པས་འཇིགས་བྱེད་ནག་པོ་


TNT12_Page_0817
[མ་དཔེ་གཟིགས་ན་འདིར་གནོན།]

དང༌། གཡས་བརྐྱང་བས་དུས་མཚན་མ་དམར་མོ་མནན་པ། གར་གྱི་ཉམས་དགུ་དང་ལྡན་ཞིང༌། མཚན་དང་དཔེ་བྱད་ཡོངས་སུ་རྫོགས་པའོ། །དེ་ལ་འཁྱུད་པའི་ཡུམ་རྡོ་རྗེ་ཕག་མོ་སྐུ་མདོག་དམར་མོ། །བསྐལ་བའི་མེ་ལྟར་གཟི་བརྗིད་འབར་བ། ཕྱག་གཡས་རྡོ་རྗེ་གྲི་གུག་དང་བཅས་པའི་སྡིགས་མཛུབ་ཀྱིས་ཕྱོགས་ཐམས་ཅད་གནོན་ཅིང༌། གཡོན་ཐོད་པ་ཁྲག་གིས་གང་བ་འཛིན་པས་ཡབ་ལ་འཁྱུད་པ། གཅེར་བུ་སྐྲ་གྲོལ་ཞིང་ཕྱག་རྒྱ་ལྔས་བརྒྱན་པ། ཐོད་སྐམ་གྱི་དབུ་རྒྱན་དང་དོ་ཤལ་ཅན། ཞབས་གཡས་བསྐུམ་གཡོན་བརྐྱངས་པས་ཡབ་ལ་འཁྱུད་པ། ཡབ་ཡུམ་གཉིས་ཀ་ཡང་ལང་ཚོ་གསར་དུ་བརྔོ་བ་མེ་དཔུང་འབར་བའི་དབུས་ན་བཞུགས་པའོ། །ཤར་གྱི་འདབ་མ་ལ་མཁའ་འགྲོ་མ་མཐིང་ག།བྱང་དུ་ལཱ་མ་ལྗང་ཁུ། ནུབ་ཏུ་དུམ་སྐྱེས་མ་དམར་མོ། ལྷོར་གཟུགས་ཅན་མ་སེར་མོ། ཐམས་ཅད་ཀྱང་ཞལ་གཅིག་ཕྱག་གཉིས་སྤྱན་གསུམ་མ། གཡས་གྲི་གུག་འཕྱར་ཞིང༌། གཡོན་ཐོད་ཕྲག་ཐུགས་ཀར་འཛིན་པ། མཆན་ཁུང་དུ་རྡོ་རྗེས་མཚན་པའི་ཁ་ཊྭཱཾ་ག་དང་བཅས་ཤིང༌། མི་རོའི་གདན་ལ་ཞབས་གཡས་བརྐྱང་གི་སྟབས་ཀྱིས་བཞུགས་པ། རྡོ་རྗེ་ཕག་མོ་དང་མཚུངས་ཤིང་ཕག་


TNT12_Page_0818
[མ་དཔེ་གཟིགས་ན་འདིར་གནོན།]

མོའི་རིགས་ལས་བྱུང་བའོ། །མཚམས་བཞི་བདུད་རྩི་ལྔས་གང་བའི་བུམ་པ་ཐོད་པས་ཁ་བརྒྱན་པ་དང་བཅས་པ་རྣམས་འཁོད་པར་གྱུར། རང་གི་སྙིང་གའི་ཧཱུཾ་ལས་འོད་ཟེར་འཕྲོས། འཁོར་ལོ་བདེ་མཆོག་ལྷ་ལྔའི་དཀྱིལ་འཁོར་ཕཻཾ། བཛྲ་ས་མཱ་ཛཿ ཨརྒྷཾ་ནས་ཤཔྟའི་བར་གྱིས་མཆོད། ཛཿཧཱུཾ་བཾ་ཧོཿ གཉིས་སུ་མེད་པར་ཐིམ། ཨོཾ་ཡོ་ག་ཤུདྡྷ་སརྦ་དྷརྨ་ཡོ་ག་ཤུདྡྷོ྅ཧཾ། རང་གི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུཾ་སྔོན་པོ། ཡང་སྙིང་གའི་ཧཱུཾ་ལས་འོད་ཟེར་འཕྲོས། དབང་གི་ལྷ་སངས་རྒྱས་དང་བྱང་ཆུབ་སེམས་དཔའ་ཁྲོ་བོའི་དབང་པོ་རྣམས་བཙུན་མོར་བཅས་པ་ཐམས་ཅད་སྤྱན་དྲངས། ཕྱི་ནང་གསང་བའི་མཆོད་པ་ཐམས་ཅད་ཀྱིས་མཆོད་པར་གྱུར། ཨོཾ་སརྦ་ཏ་ཐཱ་ག་ཏ་ཨ་བྷི་ཥིཉྩ་ཏུ་མཾ། གཙོ་བོའི་ཐུགས་ཀ་ནས་ཡུམ་ལྔ་བདུད་རྩིའི་བུམ་པ་ཐོགས་པ་སྤྲོས། ཨོཾ་བཛྲི་བྷ་བ་ཨ་བྷི་ཥིཉྩ་ཧཱུཾ། ཞེས་གསུང་ཞིང༌། བུམ་པའི་ཆུས་སྤྱི་བོ་ནས་དབང་བསྐུར། སྐུ་གང༌། དྲི་མ་དག །ཆུའི་ལྷག་མ་ཡར་ལུད་པ་ལས། གཙོ་བོ་དང༌། མཁའ་འགྲོ་མ་ལ་མི་བསྐྱོད་པ། རྡོ་རྗེ་ཕག་མོ་ལ་རྣམ་སྣང༌། ལཱ་མ་ལ་དོན་ཡོད་གྲུབ་པ། དུམ་སྐྱེས་མ་ལ་འོད་དཔག་མེད། གཟུགས་ཅན་


TNT12_Page_0819
[མ་དཔེ་གཟིགས་ན་འདིར་གནོན།]

མ་ལ་རིན་ཆེན་འབྱུང་ལྡན་གྱིས་དབུ་བརྒྱན་པ། ཅུང་ཟད་རྒྱས་པ་ལ་སྤྲོ་ན་ལྷ་དབང་བསྐུར་བའི་སྐབས་འདིར། བྱང་ཆུབ་རྡོ་རྗེ་སོགས་ཀྱིས་གསོལ་བ་བཏབ། ཇི་ལྟར་བལྟམས་པ་སོགས་དང༌། ཨ་བྷི་ཥེ་ཀའི་སྔགས་ཀྱིས་དབང་བསྐུར་བའི་ལུགས་ཀྱང་ཡོད་པ་ལྟར་སྤྲོ་ན་བྱའོ། དེ་ནས་བདུད་རྩི་མྱང་བ་ནི། གཏོར་མ་ལྟར་བྱིན་གྱིས་རླབས་ཀྱང་རུང་མོད་ཀྱི། ལག་ལེན་ལ་དེ་ལྟ་བུ་གཙོ་བོར་མི་མཛད་དོ། །དེས་ན་བསང་སྦྱངས། སྟོང་པའི་ངང་ལས། ཀ་པཱ་ལ་ཡངས་ཤིང་རྒྱ་ཆེ་བ་ནང་ཤ་ལྔ་བདུད་རྩི་ལྔ་དང་མྱོས་བྱེད་ཀྱིས་གང་བ། དེའི་སྟེང་དུ་དཔལ་འཁོར་ལོ་བདེ་མཆོག་ལྷ་ལྔ་སྐད་ཅིག་གིས་བཞུགས་པར་གྱུར༌། ཨོཾ་ཧྲི་ཧ་ཧ་ཧཱུཾ་ཕཊ། ལན་བདུན་སོགས་ཅི་རིགས་བཟླ། ཕྱོགས་བཅུའི་སངས་རྒྱས་ཐམས་ཅད་སྤྱན་དྲངས། ཐོད་པའི་སྟེང་གི་ཧེ་རུ་ཀ་ལྷ་ལྔའི་སྐུ་ལ་ཐིམ། སྦྱོར་མཚམས་དང༌། གསང་བའི་སྒོ་ནས་བདུད་རྩིའི་རྒྱུན་བབས། གཞིར་གནས་ཀྱི་དམ་རྫས་དང་འདྲེས་ཏེ་ཡེ་ཤེས་ཀྱི་བདུད་རྩིས་ཐོད་པ་གང་བར་གྱུར་པ་ལ། ལྷ་ལྔ་པོ་རྣམས་ཀྱང་བདུད་རྩིར་ཞུ་ཏེ་ཐིམ། སོ་སོའི་སྙིང་པོའི་མཐར་འབྲུ་གསུམ་བཏགས་ཏེ་བདུད་རྩི་མྱངས་པས། ལྷ་ཐམས་ཅད་བདེ་བས་མཉེས་པར་བསམ། བར་འདིར་རྫོགས་རིམ་རྩ་འཁོར་ལོ་བཞི་པའི་གཏུམ་མོ་དང༌། རྡོ་རྗེའི་བཟླས་པ་བྱ་སྟེ་ཡིག་རྙིང་ལས་ཤེས་པར་བྱའོ། །


TNT12_Page_0820
[མ་དཔེ་གཟིགས་ན་འདིར་གནོན།]

དེ་བཞིན་དུ་ཡིག་རྙིང་ལས་འབྱུང་བ་ལྟར་བཟླས་པའི་དམིགས་པ་ཡང་གསལ་བཏབ་ལ། ཨོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧཱུཾ་ཧཱུཾ་ཕཊ། ཌཱ་ཀི་ནཱི་ཛཱ་ལ་སམྦྷ་རཾ་སྭཱཧཱ། ཡབ་ཀྱི་སྙིང་པོའོ། །ཨོཾ་ཧྲི་ཧ་ཧ་ཧཱུཾ་ཧཱུཾ་ཕཊ། ཉེ་སྙིང་ངོ༌། །ཨོཾ་སརྦ་བུདྡྷ་ཌཱ་ཀི་ནཱི་ཡེ་བཛྲ་བརྞ་ནཱི་ཡེ་ཧཱུཾ་ཧཱུཾ་ཕཊ། སྭཱཧཱ། ཡུམ་གྱི་སྙིང་པོའོ། །ཨོཾ་བཛྲ་བཻ་རོ་ཙ་ཎཱི་ཡེ་ཧཱུཾ་ཧཱུཾ་ཕཊ་སྭཱཧཱ། ཉེ་སྙིང་ངོ༌། །ཨོཾ་ཌཱ་ཀི་ནཱི་ཡེ་ཧཱུཾ་ཧཱུཾ་ཕཊ། ཨོཾ་ལཱ་མ་ཧཱུཾ་ཧཱུཾ་ཕཊ། ཨོཾ་ཁནྚ་རོ་ཧེ་ཧཱུཾ་ཧཱུཾ་ཕཊ། ཨོཾ་རུ་པི་ནཱི་ཡེ་ཧཱུཾ་ཧཱུཾ་ཕཊ། འཁོར་རྣམས་ཀྱི་སྔགས་སོ། །ཅེས་ཅི་ནུས་སུ་བཟླ། གཏོར་ཆོག་དང་འབྲེལ་བ་ཡིན་ན་སྐབས་འདིར་གཏོར་མ་གཏོང་བ་ཡིན་ནའང༌། སྒྲུབ་ཐབས་ཙམ་སྒོམ་པ་ལ། སྐབས་འདིར་གཏོར་མ་ངེས་པར་དགོས་པ་མ་ཡིན་པས། དཀྱིལ་འཁོར་ཉེར་བསྡུ་བྱས་ཏེ། ཐུན་མཚམས་ལ་འཇུག་གོ །དེ་ཡང༌། རང་གི་སྙིང་ག་ནས་འོད་ཟེར་འཕྲོས། ཁམས་གསུམ་སྣོད་བཅུད་ཐམས་ཅད་འཁོར་ལོ་སྡོམ་པའི་དཀྱིལ་འཁོར་དུ་གྱུར། དེ་རྣམས་འོད་དུ་ཞུ། བདག་ཉིད་ཀྱི་བསྒོམས་པའི་དཀྱིལ་འཁོར་ལ་ཐིམ། རྟེན་གྱི་དཀྱིལ་འཁོར་འོད་དུ་ཞུ། ལྷ་མོ་བཞི་ལ་ཐིམ། ལྷ་མོ་བཞི་རང་ལ་ཐིམ། ཡུམ་ཡང་ཡབ་ཀྱི་ཐུགས་ཀར་ཐིམ། དཔལ་ཧེ་རུ་ཀ་ཡང་འོད་གསལ་གྱི་དབྱིངས་སུ་ཐིམ་


TNT12_Page_0821
[མ་དཔེ་གཟིགས་ན་འདིར་གནོན།]

པར་གྱུར། ཅུང་ཟད་མཉམ་པར་བཞག །འོད་གསལ་གྱི་ངང་ལས་སླར་ཡང་ཧེ་རུ་ཀའི་སྐུར་གྱུར། དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། ཀུན་ཏུ་སངས་རྒྱས་ཐམས་ཅད་ཀྱི། །རྡོ་རྗེ་འཆང་ཆེན་གོ་འཕང་ལྡན། །བདག་གི་དགེ་བ་འདིས་ཐོབ་ཏེ། །འགྲོ་ཀུན་གྱིས་ཀྱང་ཐོབ་པར་ཤོག །རྫོགས་པའི་བྱང་ཆུབ་ཕྱིར་སྤྱོད་གང༌། །རྫོགས་སངས་རྒྱས་ནས་གང་སྤྱོད་པ། །བྱང་ཆུབ་རྡོ་རྗེས་སྔགས་པ་ཡི། །སྤྱོད་པ་དེ་གཉིས་བདག་སྤྱོད་ཤོག །ཅེས་དགེ་བ་བསྔོ་བའོ། །གཏོར་མ་གཏོང་བར་འདོད་ན་ལེགས་པར་བཤམས་ཏེ། སུམྦྷས་བསངས། སྭ་བྷཱ་བས་སྦྱངས། ཡཾ་ལས་རླུང་དང༌། རཾ་ལས་མེའི་སྟེང་དུ། ཀཾ་ལས་མི་མགོའི་སྒྱེད་པུ་གསུམ་ལ་གནས་པའི་ཨ་ལས་ཀ་པཱ་ལ། དེའི་ནང་དུ་པདྨ་འདབ་མ་བརྒྱད་པའི་དབུས་དང་ཕྱོགས་བཞིར། ན་གོ་ཀུ་ད་ཧ་ལས་མི། བ་གླང༌། ཁྱི་རྟ་གླང་ཆེན་ཏེ་ཤ་ལྔ། དབུས་དང་མཚམས་བཞིར་མུ་བི་ར་ཤུ་མ་ལས། ཆུ་སྨན། རྡུལ། ཁུ་བ། ཀླད་པ་སྟེ་བདུད་རྩི་ལྔ། ཤ་ལྔའི་ཐད་ཀྱི་སྟེང་རྣམས་སུ། ཧཱུཾ་ཨོཾ་ཏྲཾ་ཧྲིཿཨ་ཡེ་ཤེས་ལྔའི་ངོ་བོ། དེའི་སྟེང་གི་ནམ་མཁའ་ལ་ཟླ་བ་ལ་ཨོཾ་ཨཱཿཧཱུཾ། དེའི་སྟེང་དུ་ཧཱུཾ་ལས་བྱུང་བ། བདུད་རྩིས་རང་བཞིན་གྱི་ཁ་ཊཱཾ་ག་དཀར་པོ་མགོ་བོ་


TNT12_Page_0822
[མ་དཔེ་གཟིགས་ན་འདིར་གནོན།]

ཐུར་དུ་བལྟ་བ། རླུང་གཡོས་མེ་སྦར་རྫས་བཅུ་ཡི་གེ་བཅོ་ལྔ་དང་བཅས་པ་ཞུ། ཨོཾ་ཨཱཿཧཱུཾ་འབྲུ་གསུམ་གྱི་འོད་ཀྱིས་སྦྱངས་རྟོགས་སྦར་གསུམ་དུ་བྱས། ཁ་ཊྭཱཾ་གའི་རྩེ་མོར་ཧཱུཾ། །དེའི་འོད་ཀྱིས་ཡེ་ཤེས་ཀྱི་བདུད་རྩིའི་བཀུག་ནས་ཁ་ཊྭཱཾ་ག་ལ་ཐིམ། ཟླ་བ་ཡི་གེ་གསུམ་ཁ་ཊྭཾ་ག་དང་བཅས་ཐོད་པའི་ནང་དུ་ལྷུང༌། ཁ་ཊྭཱཾ་གིས་དཀྲུགས་པས་ཐམས་ཅན་ཞུ་སྟེ། དམ་རྫས་དང་གཉིས་སུ་མེད་པར་གྱུར་པས། གཏོར་མ་ཡེ་ཤེས་བདུད་རྩིའི་རྒྱ་མཚོ་ཆེན་པོར་གྱུར། །ཧ་ཧོ་ཧྲིཿལན་མང་དུ་བརྗོད། གཏོར་མ་བྱིན་གྱིས་བརླབས་པའོ། །རང་གི་མདུན་དུ་འཁོར་ལོ་བདེ་མཆོག་ལྷ་ལྔའི་དཀྱིལ་འཁོར་ལ། སངས་རྒྱས་བྱང་སེམས་མཁའ་འགྲོའི་ཚོགས་དང་བཅས་པ་དང༌། རིག་དྲུག་གི་སེམས་ཅན་ཐམས་ཅད། ཧེ་རུ་ཀ་ཡབ་ཡུམ་གྱི་རྣམ་པར་གྱུར་པས་ཕྱོགས་ཐམས་ཅད་ནས་བསྐོར་བ་གྲུབ་པར་གྱུར། འབར་བའི་ཕྱག་རྒྱ་བཅས་པས་ཕཻཾ། །ཨོཾ་བཛྲ་ཨ་རལླི་ཧོ་ཛཿཧཱུཾ་བཾ་ཧོཿ བཛྲ་ཌཱ་ཀི་ནི་ས་མ་ཡ་སྟྭཾ། དྲྀ་ཤྱ་ཧོ། ཕྱོགས་བཅུ་དུས་གསུམ་གྱི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཡེ་ཤེས་འཁོར་ལོའི་རྣམ་པར་བྱོན་པ་རྣམས་དམ་ཚིག་འཁོར་ལོ་དང་རོ་གཅིག་ཏུ་གྱུར། མགྲོན་སྐྱེད་པའོ། །ལྷ་རྣམས་ཀྱི་ལྗགས་རྡོ་རྗེའི་སྦུ་གུས་གཏོར་མ་གསོལ་བར་གྱུར།


TNT12_Page_0823
[མ་དཔེ་གཟིགས་ན་འདིར་གནོན།]

ཨོཾ་བཛྲ་ཌཱི་ཀི་ནཱི་ཨི་དཾ་བ་ལཾ་གྲྀཧྞ་གྲྀཧྞ་ཧཱུཾ་ཧཱུཾ་ཕཊ། ཡི་གེ་བདུན་པ་དང༌། བཻ་རོ་ཙ་ན་དང༌། མཁའ་འགྲོ་བཞིའི་སྔགས་རྣམས་ཀྱི་མཐར། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཞེས་བཏགས་པ་ལན་ལྔས་འབུལ་ཧེ་ཡེ་ཤེས་ལྷ་ལ་མཆོད་པའོ། །ཨོཾ་ཁ་ཁ་ཁཱ་ཧི་ཁཱ་ཧི། སརྦ་ཡཀྵ། རཀྵ་ས་བྷུ་ཏ། པྲེ་ཏ། པི་ཤཱ་ཙ། ཨུད་མནྟ། ཨ་པ་སྨར། ནཱ་ཀ། ཌཱ་ཀི་ནྱ་ད་ཡ། ཨི་མཾ་བཱ་ལིཾ། གྲིཧྣན་ཏུ། ས་མ་ཡ་རཀྵན་ཏུ། མ་མ་སརྦ་སིདྡྷི་མྨེ་པྲ་ཡཙྪནྟུ། ཡ་ཐཻ་བཾ། ཡ་ཐེཥྛཾ་བྷུཉྫ་ཐ་པི་བ་ཐཱ། ཛིགྷྲ་ཐཱ། མ་ཏི་ཀྲ་མ་ཐཱ། མ་མ་སརྦ་ཀརྟ་ཡ། སད་སུ་ཁཾ། བི་ཤུདྡྷ། ས་ཧ་ཡི་ཀ་བྷནྟུ་ཧཱུཾ་ཧཱུཾ་ཕཊ་ཕཊ་སྭཱཧཱ། ལན་གསུམ་གྱི་དུར་ཁྲོད་ན་གནས་པ་དང་འབྱུང་པོའི་ཚོགས་ལ་འབུལ། ཨརྒྷཾ་ནས། ཤཔྟའི་གྱིས་མཆོད། འབྲུ་གསུམ་གྱིས་ནང་མཆོད་ཕུལ། ཡབ་ཡུམ་གྱི་རྐང་པ་བརྒྱད་པའི་གསང་སྔགས་ཀྱིས་བསྟོད། བཅོམ་ལྡན་བདེ་མཆོག་འཁོར་དང་བཅས། ཁྱེད་ལ་མཆོད་ཅིང་བསྟོད་པ་ཡིས། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང༌། །དཔལ་དང་གྲགས་དང་སྐལ་པ་བཟང༌། །ལོངས་སྤྱོད་རྒྱ་ཆེན་ཀུན་ཐོབ་ཅིང༌། །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་བདག་ལ་སྩོལ། །


TNT12_Page_0824
[མ་དཔེ་གཟིགས་ན་འདིར་གནོན།]

དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱིས་སྟཽངས་གྲོགས་མཛོད། །དུས་མིན་འཆི་དང་ནད་རྣམས་དང༌། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང༌། །འབྲུ་རྣམས་འཕེལ་ཞིང་ཆོས་འཕེལ་བ། །བདེ་ལེགས་ཐམས་ཅད་འབྱུང་བ་དང༌། །ཡིད་ལ་འདོད་པ་ཀུན་འགྲུབ་ཤོག །ཅེས་པས་འཕྲིན་ལས་གཞོལ་ལོ། །གང་ཡང་བདག་བློ་གཏི་མུག་པས། །ལེགས་བྱས་འདི་ལ་ཉེས་གྱུར་གང༌། །གང་ཕྱིར་ལུས་ཅན་སྐྱབས་གྱུར་པ། །དེ་ཀུན་མགོན་ཁྱོད་བཟོད་པར་གསོལ། །ཞེས་པ་བཟོད་པར་གསོལ་ལོ། །ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་ནས་ཀྱང༌། །སླར་ཡང་འབྱོན་པར་མཛད་དུ་གསོལ། །ཨོཾ་བཛྲ་མུཿ ཞེས་མགྲོན་གཤེགས་སུ་གསོལ། སེམས་ཅན་ཐམས་ཅད་བདེ་གྱུར་ཅིག །སེམས་ཅན་ཐམས་ཅད་ནད་མེད་པ། །སངས་རྒྱས་ཉིད་དུ་འགྲོ་བ་ཡི། །ལམ་དེ་ཉིད་དུ་གྲུབ་གྱུར་ཅིག །མ་བསྒྲལ་པ་རྣམས་བདག་གིས་བསྒྲལ། །མ་སྒྲོལ་བ་རྣམས་བདག་གིས་སྒྲོལ། །རྣལ་འབྱོར་


TNT12_Page_0825
[མ་དཔེ་གཟིགས་ན་འདིར་གནོན།]

གཙུག་ལག་བསྟན་བཅོས་ལ། །ད་ལྟ་ཉིད་དུ་གནས་པར་ཤོག །ཅེས་སྨོན་ལམ་བཏབ། ལེགས་པའི་ཡོན་ཏན་རབ་རྫོགས་པ། །བླ་མ་ཡི་དམ་བཀྲ་ཤིས་ཤོག །འཕྲིན་ལས་ཐམས་ཅད་སྒྲུབ་མཛད་པ། །མཁའ་འགྲོ་ཆོས་སྐྱོང་བཀྲ་ཤིས་ཤོག །ཅེས་ཤིས་པ་བརྗོད། དགེ་བའི་ཚོགས་རྣམས་བསགས་པ་ཀུན། །བདག་གིར་ཡོངས་སུ་བཟུང་མེད་པར། །སེམས་ཅན་མ་ལུས་ཀུན་དོན་དུ། །ཆོས་དབྱིངས་བླ་ན་མེད་པར་བསྔོ། །ཞེས་དགེ་བ་བྱང་ཆུབ་ཏུ་བསྔོ། ཡེ་ཤེས་མཁའ་འགྲོའི་དགོངས་དོན་གང༌། །བློ་དམན་རྣམས་ལ་ཉེར་མཁོའི་ཕྱིར། །ངག་འདོན་ཅུང་ཟད་བསྡེབས་པ་ཡི། །དགེ་བས་འགྲོ་ཀུན་གྲོལ་གྱུར་ཅིག། །། ཅེས་པའང་རྒྱལ་ཁམས་པ་ཏཱ་ར་ནཱ་ཐས་སྨྲས་པའོ། །དགེའོ། །བདག་གིས་སྐྱེ་བ་འདི་ནས་འཕོས་མ་ཐག །སྔགས་ཀྱི་ཞིང་དེར་མ་འགག་བཞུགས་པའི་དྲུང༌། །ཐུགས་སྲས་མཆོག་གི་ཐུ་བོར་སྐྱེས་ནས་ཀྱང༌། །ཚེ་གཅིག་གསང་ཆེན་ལམ་བཟང་མཐར་ཕྱིན་ཤོག །མ་ཏིས་སྨྲས།


TNT12_Page_0826
[མ་དཔེ་གཟིགས་ན་འདིར་གནོན།]

ཤོག་སྟོང་།

ཟབ་ལམ་ནི་གུ་ཆོས་དྲུག་གི་ཁྲིད་ཡིག་ཟབ་དོན་ཐང་མར་བརྡལ་བ་ཞེས་བྱ་བ་བཀླགས་ཆོག་མ།


TNT12_Page_0827
[མ་དཔེ་གཟིགས་ན་འདིར་གནོན།]

ཟབ་ལམ་ནི་གུ་ཆོས་དྲུག་གི་ཁྲིད་ཡིག་ཟབ་དོན་ཐང་མར་བརྡལ་བ་ཞེས་བྱ་བ་བཀླགས་ཆོག་མ་བཞུགས།


TNT12_Page_0828
[མ་དཔེ་གཟིགས་ན་འདིར་གནོན།]

ན་མོ་གུ་རུ། །ཟབ་ལམ་ནི་གུའི་ཆོས་དྲུག་གི་ཁྲིད་ཡིག་ཟབ་དོན་ཐང་མར་བརྡལ་བ་ཞེས་བྱ་བ། ཕ་བླ་མ་ལ་ཕྱག་འཚལ་ལོ། །གསོལ་བ་འདེབས་སོ། །སྐྱབས་སུ་མཆིའོ། །བྱིན་གྱིས་རློབས་ཤིག།བླ་མ་དང་ནི་རྡོ་རྗེ་འཆང༌། །ཐ་དད་ཉིད་དུ་མ་དམིགས་པས། །བླ་མའི་ཞབས་ལ་ཕྱག་འཚལ་ལོ། །ཐུགས་ཡིད་དབྱེར་མེད་ངང་དུ་གནས། །སངས་རྒྱས་ཆོས་དང་དགེ་འདུན་ལྷ་ཞེས་ཇོ་བོ་དཀོན་མཆོག་གསུམ། །གྲུབ་མཆོག་དབང་པོའི་ཚུལ་འཛིན་ཞུ་བདེའི་ཡེ་ཤེས་ཕྱོགས་བརྒྱར་འབར། །ཆོས་ཀྱི་སྐུ་ལས་མ་གཡོས་སྙན་པའི་གྲགས་པས་ས་གསུམ་ཁྱབ། །སྲིད་ཞི་ཀུན་དང་མཉམ་ཉིད་ཁྱེད་ལ་རྟག་པར་ཕྱག་བགྱིའོ། །མན་ངག་ཟབ་མོ་མཐའ་ཡས་ཀྱང༌། །ཡིད་ཆེས་མངོན་རྟགས་ཉམས་མྱོང་ཀུན། །དུས་མཐའ་འདིར་ཡང་འབྱུང་འགྱུར་བ། །མཁའ་འགྲོ་ནི་གུའི་ཞལ་གདམས་འདིའོ། །དེ་ལ་འདིར་ཡེ་ཤེས་ཀྱི་མཁའ་འགྲོ་ནི་གུའི་ཆོས་སྐོར་འདི་དག །སྤྱིར་མདོ་རྒྱུད་ཐམས་ཅད་ཀྱི་ཟབ་དོན་དགོངས་


TNT12_Page_0829
[མ་དཔེ་གཟིགས་ན་འདིར་གནོན།]

འདུས་ཡིན་ལ། ཁྱད་པར་དུ་ཡང༌། མཐར་ཐུག་སྟོན་པ་རྣམ་པ་ལྔའི་རྒྱུད་ཅེས་བྱ་བ། གཏུམ་མོ་སྟོན་པའི་མཐར་ཐུག་དགྱེས་མཛད་དང༌། །ལས་རྒྱ་སྟོན་པའི་མཐར་ཐུག་འཁོར་ལོ་སྡོམ། །སྒྱུ་ལུས་རྨི་ལམ་མཐར་ཐུག་གསང་འདུས་དང༌། །འོད་གསལ་མཐར་ཐུག་མཧཱ་ཡཱ་ཡ་དང༌། །འཕྲིན་ལས་མཐར་ཐུག་རྡོ་རྗེ་འཇིགས་བྱེད་དོ། །ཞེས་པ་ལྟར། རྒྱུད་སྡེ་ལྔའི་དོན་གྱི་བཅུད་ཕྱུང་བའི་རྫོགས་པའི་རིམ་པ་ཟབ་མོ་ཡིན་ལ། །དེ་ཡང་རྫོགས་པའི་སངས་རྒྱས་རྡོ་རྗེ་འཆང་ཆེན་པོ་ནས། ད་ལྟའི་བར་དུ་བརྒྱུད་པ་ལས། གདམས་ངག་ཟབ་མོའི་བརླན་དྲོད་མ་ཡལ། བྱིན་རླབས་ཆུ་བོའི་བཀའ་རྒྱུན་མ་ནུབ། གྲུབ་ཐོབ་བརྒྱུད་པའི་ཟམ་མ་ཆད། ཉམས་དང་རྟོགས་པའི་འཆར་སྒོ་མ་འགགས། ཆོས་བདག་མཁའ་འགྲོའི་བཀའ་རྒྱ་མ་ཉམས་པའི་མན་ངག་རྩོད་མེད་གྲགས་པ་ཀུན་ཁྱབ་དེ་ཡིན། དེ་ལྟ་བུ་ཡང༌། དག་པའི་ས་ལ་བཞུགས་པ། སངས་རྒྱས་རྡོ་རྗེ་འཆང་ཆེན་པོའི་


TNT12_Page_0830
[མ་དཔེ་གཟིགས་ན་འདིར་གནོན།]

ཞལ་མངོན་སུམ་དུ་གཟིགས་ཤིང༌། གསུང་གི་སྣང་བ་ལ་སྤྱོད་པ། ཡེ་ཤེས་ཀྱི་མཁའ་འགྲོ་ནི་གུ་མའི་ཞལ་ནས། ཆོས་འདི་ཤེས་པ་ང་དང༌། སློབ་དཔོན་ལྭ་བ་པ་མིན་པ་རྒྱ་གར་ན་ཡང་མེད། དེ་ལས་ཀྱང་གཉིད་ཐུན་གཅིག་ལ་ཆོས་ཐམས་ཅད་ཡོངས་སུ་རྫོགས་པ་ནི། ཁྱོད་ཁོ་ན་ལས་གཞན་མེད་དོ་ཞེས་དབུགས་འབྱིན་པར་མཛད་པ། གྲུབ་པའི་དབང་ཕྱུག་ཁྱུང་པོ་རྣལ་འབྱོར་པ། མཚན་གཞན་ལོ་ཙྭ་བ་ཚུལ་ཁྲིམས་མགོན་པོར་གྲགས་པ་དེ་ཉིད་སྐུ་གསང་བ་འདུས་པ། གསུང་མ་ཧཱ་མཱ་ཡ། ཐུགས་དགྱེས་མཛད་རྡོ་རྗེ། ཡོན་ཏན་འཁོར་ལོ་སྡོམ་པ། འཕྲིན་ལས་རྡོ་རྗེ་འཇིགས་མཛད་དེ། ཡེ་ཤེས་དཀྱིལ་འཁོར་ལྔའི་ངོ་བོ་དང་གཉིས་སུ་མེད་པར་བཞུགས་ལ། དེ་ལྟར་ཡིན་པར་གྲུབ་ཐོབ་ཨ་མོ་གྷ་བཛྲ་ཆེན་པོས་ཀྱང་ལུང་བསྟན་པ། གཞན་ཡང་མཐར་ཐུག་ལྔ་ལྡན་པ་ཞེས། མཚན་ཡོངས་སུ་གྲགས་པ་དེ་ནི་ཆོས་འདི་སྒྱུར་བ་པོ་ཡྀན་ནོ། །ཆོས་གཞན་རྣམས་ཀྱི་ལོ་པཎ་གྱི་དོད་ལོངས་སྐུ་ཡེ་ཤེས་ཀྱི་མཁའ་འགྲོ་མ་ཉིད་དང༌། མཁས་གྲུབ་ཆེན་པོ་སྤྲུལ་པའི་སྐུ་དེ་ཡིན་ཅིང༌། དེ་ཡང་རྡོ་རྗེ་འཆང་ཆེན་པོ་ཉིད་ནས་བརྩམས་ཏེ་བརྒྱུད་པ་བདུན་གྱི་བར་དུ་སྙན་བརྒྱུད་དང་ཆིག་བརྒྱུད་ཀྱི་བཀའ་རྒྱས་བཏབ། དེ་རྗེས་ནས་ཆོས་འདིས་ས་སྟེང་ཐམས་ཅད་ཁྱབ་འགྲོ་བར་ལུང་བསྟན་པ་ལྟར་དངོས་སུའང་དེ་ལྟར་བྱུང་བ་ཡིན། འདིར་བཀའ་རྒྱ་


TNT12_Page_0831
[མ་དཔེ་གཟིགས་ན་འདིར་གནོན།]

འགྲོལ་བ་པོ་གྲོ་མགོན་སངས་རྒྱས་སྟོན་པའི་ཐུགས་ཀྱི་སྲས་ཐུ་བོ་རྣམ་པ་གསུམ་ལས། མཁས་གྲུབ་གཞོན་ནུ་གྲུབ་དངོས་ཀྱིས་ཁྲིད་ཡིག་མཛད་པ་དང༌། མཁས་གྲུབ་ཤངས་སྟོན་ཚུལ་ཁྲིམས་མགོན་གྱི་གསུང་རྣམས། མཁས་བཙུན་རྒྱལ་མཚན་འབུལ་གྱིས་ཁྲིད་ཡིག་ཏུ་མཛད་ནས་བླ་མ་ཉིད་ལ་སྤྱན་ལམ་དུ་ཕབ་པ་དང༌། སློབ་དཔོན་གནས་རྙིང་པ་ཨའི་སེང་གེ་དང༌། སྤྲུལ་སྐུ་རིན་ཆེན་བློ་གྲོས་ཀྱི་གསུང་ལས་བྱོན་པ་རྣམས། གསེར་གླིང་པ་བཀྲ་ཤིས་དཔལ་གྱིས་ཡིག་རིས་སུ་མཛད་པ་རྣམས་ཀྱང༌། ཆོས་དྲུག་གི་ཁྲིད་ཡིག་སོགས་དམིགས་པ་རྣམས་ཞུས་དག་ཕེར་བ་ལྟ་བུར་ཡོད། སྤྱིར་ཆོས་ཚུལ་འདི་སྐོར་ལ། སྙན་བརྒྱུད་ཡི་གེར་འགོད་པའི་བཀའ་དྲིན་ཆེ་བ་ནི། མཁས་བཙུན་རྒྱལ་མཚན་འབུམ་ཉིད་ཡིན་ཏེ། འདི་ཁོ་ནས་ཡི་གེར་མཛད་པ་མང་ངོ༌། །དེ་ལྟར་ན། ལུགས་འདི་ལ་ཚད་མར་གྱུར་པའི་མཁས་གྲུབ་རྣམ་པ་གསུམ་གྱི་གདམས་ངག་གི་རྒྱུན་ཐམས་ཅད་རང་རེའི་ཆོས་བརྒྱུད་འདི་ལ་ཚང་བར་བཞུགས། ནང་གསེས་སོ་སོ་ནས་གྱེས་པའི་བརྒྱུད་ལུགས་མི་འདྲ་བ་ཉི་ཤུ་རྩ་བཞི་ཡང་འདིར་ཚང་བ་ལགས་སོ། །སྐབས་འདིར་བླ་མའི་རྣམ་ཐར་རྒྱས་པ་ལུང་བཀླག་དགོས་པའི་དབང་དུ་བྱས་ན། རྣམ་ཐར་རྒྱས་པ་རང་ངག་ན་བཤད་མི་དགོས་ཀྱང༌། རིན་ཆེན་སྣ་བདུན་གྱི་ལོ་རྒྱུས་ཆེ་བ་ཅི་


TNT12_Page_0832
[མ་དཔེ་གཟིགས་ན་འདིར་གནོན།]

རིགས་པ་བརྗོད་ན་ལེགས་སོ། །འདིར་མཁས་གྲུབ་ཆེན་པོ་ཁྱུང་པོ་རྣལ་འབྱོར་པ་དེས། རྒྱ་གར་མཁས་པ་བརྒྱ་དང་ལྔ་བཅུའི་ཐུགས་བཅུད་ལོངས་པ་ཉིད་ཀྱི་ཕྱིར། མདོ་སྔགས་བཤད་སྒྲུབ་ཀྱི་ཆོས་མཐའ་ཡས་པ་ཞིག་མངའ་ཞིང༌། གཞན་ལའང་གསུངས་ཚུལ་རགས་རིམ་ཙམ་རྣམ་ཐར་ན་བཞུགས་པ་དེར་གདའ། དེ་རྣམས་ཀྱི་ནང་ནས་དེང་སང་མ་ནུབ་པར་བཞུགས་པ་རྣམས་གཞུང་བསྲངས། ཆ་ལག་གཞན་གྱིས་ཀྱང་ཅུང་ཟད་བརྒྱན་ཏེ། ཤངས་པ་བཀའ་བརྒྱུད་ཀྱི་ཆོས་སྐོར་དུ་ཡོངས་སུ་གྲགས་པ་ལྟར་ན། མཁས་གྲུབ་ཁྱུང་པོ་ཉིད་ལས་བྱུང་བའི་ཆོས་སྐོར་དང༌། ཕྱིས་འཕེལ་བའི་ཆོས་སྐོར་གཉིས་ཡོད། དང་པོ་ལ། ནི་གུའི་ཆོས་སྐོར། སུ་ཁའི་ཆོས་སྐོར། རྡོ་རྗེ་གདན་པའི་ཆོས་སྐོར། མཻ་ཏྲི་པའི་ཆོས་སྐོར། རཱ་ཧུ་ལའི་ཆོས་སྐོར། གཞན་མན་ངག་ཐོར་བུ་དང་བཅས་པ་རྣམས་ཡོད། ཡང་ན་སྨིན་བྱེད་དབང་གི་སྐོར། གྲོལ་བྱེད་ལམ་གྱི་སྐོར། རྒྱབ་རྟེན་ལུང་གི་སྐོར། བཀའ་སྲུང་མགོན་པོའི་སྐོར། ཞེས་དབྱེ་བ་བཞིར་མཛད་པ་ཡོད་པ་ལས། ཡེ་ཤེས་མཁའ་འགྲོ་ནི་གུ་ནས་བརྒྱུད་པའི་གྲོལ་བྱེད་ལམ་གྱི་སྐོར་ལ། རྩ་བ་ནི་གུ་ཆོས་དྲུག།སྡོང་པོ་ཕྱག་རྒྱ་ཆེན་པོ། ཡལ་ག་ལ་ལམ་ཁྱེར་རྣམ་གསུམ། མེ་ཏོག་མཁའ་སྤྱོད་དཀར་དམར། འབྲས་བུ་འཆི་མེད་འཆུག་མེད་དེ། གསེར་ཆོས་ལྔའམ། ཁྲིད་ཆེན་ལྔར་གྲགས་པ་དང༌། ཁྲིད་ཆུང་བདུན་ལ་སོགས་པ།


TNT12_Page_0833
[མ་དཔེ་གཟིགས་ན་འདིར་གནོན།]

ཇི་སྙེད་ཅིག་ཡོད་པ་ལས། དང་པོ་ཆོས་དྲུག་ལ། ཐོག་མའི་སྔོན་འགྲོ། དལ་འབྱོར་རྙེད་དཀའ། འཆི་བ་མི་རྟག་པ། འཁོར་བའི་ཉེས་དམིགས། ལས་རྒྱུ་འབྲས། ཆོས་ཀྱི་ཕན་ཡོན། འབྲས་བུའི་བཞུགས་ཚུལ་སོགས་བསྟན་པ་ལ་འཇུག་པའི་རིམ་པ་སོགས་དང༌། མཐུན་པར་གོ་བདེ་བར་བཤད་ནས་ཅུང་ཟད་བསྒོམ་དུ་གཞུག་གོ །ཁྲིད་དངོས་ལ་དབྱེ་ན། སྔོན་འགྲོ་དང༌། དངོས་གཞིའི་ཁྲིད་གཉིས་སོ། །དང་པོ་ལ། ཐུན་མོང༌། ཐུན་མོང་མ་ཡིན་པ་གཉིས་སོ། །དང་པོ་ལ་སྐྱབས་སུ་འགྲོ་བ་དང༌། སེམས་བསྐྱེད་པ་གཉིས་སོ། །དེའི་དང་པོ་སྐྱབས་འགྲོ་ནི། སློབ་དཔོན་གྱིས་སྤྱིར་སྐྱབས་འགྲོའི་གོ་བབས་རྒྱས་བསྡུས་འཚམ་པ་བཤད་ཅིང༌། སྐབས་འདིར་དམིགས་པ་ལ། སྐྱབས་འགྲོ་བཞི་སྐོར་སྤྱི་དང་མཐུན་པ་འབོག་པའི་ཕྱག་ལེན་ཡང་འདུག་མོད། སྤྲོས་པ་ལ་དགའ་བ་རྣམས་ཀྱི་ངོར། དེ་ཡང་མ་ལེགས་པ་མ་ཡིན་ཀྱང༌། ཆོས་འདི་ཉིད་ཀྱི་ཁྱད་ཆོས་ཟབ་དོན་སྐྱབས་འགྲོ་ཆིག་འགྲེལ་མ་འདི་བྱིན་རླབས་དང་ལྡན་པའི་ཞལ་རྒྱུན་མ་ཆད་པ་ལགས་པས། ཕྱག་བཞེས་རྒྱུན་གྱི་ཉམས་ལེན་འདི་ལ་མཛད་པ་ཡིན་ནོ། །དེ་ཡང་དབེན་པའི་གནས་སུ་སྟན་བདེ་བ་ལ་འདུག།ལུས་གནད་སྤྱི་དང་མཐུན་པར་བཅས། སེམས་རྣལ་དུ་ཕབ། རང་གཞན་


TNT12_Page_0834
[མ་དཔེ་གཟིགས་ན་འདིར་གནོན།]

ཐམས་ཅད་ལ་གཞིག་འགྲེལ་ཞིག་བཅུག །ག་རེ་བདག་དང་མཁའ་ཁྱབ་ཀྱི་སེམས་ཅན་ཐམས་ཅད་འཁོར་བའི་སྡུག་བསྔལ་བཟོད་བླགས་མེད་པ། དུས་མཐའ་མེད་པར་མྱོང་དགོས་པ་འདི་ཨ་ཙམ་ཅི་རང་དྲག་སྙམ་དུ་བསམ། ད་ནི་འདི་ལས་ངེས་པར་སྐྱོབ་ཐུབ་པའི་སྐྱབས་ཞིག་དགོས་པར་འདུག་ན། སྐྱབས་གནས་དཀོན་མཆོག་གསུམ་གཅིག་ཏུ་འདུས་པའི་ངོ་བོ་མཚན་ལྡན་བླ་མ་དམ་པ་ལས་གཞན་མི་འདུག་པས། རྩ་བའི་བླ་མ་ཁོ་ན་ལ་ཅིས་ཀྱང་སྐྱབས་ཞུ་དགོས་སྙམ་པས། རང་ཉིད་གང་དུ་གནས་པའི་ཡུལ་ཕྱོགས་ཁང་ཁྱིམ་ཀུན་ཡང་དག་པའི་ཞིང་དུ་མོས། རང་གི་མདུན་གྱི་ནམ་མཁར་སེང་ཁྲི་པདྨ་ཉི་ཟླའི་གདན་ལ་དྲིན་ཅན་རྩ་བའི་བླ་མ་དམ་པ་ཉིད་སྐུ་དངོས་དེ་ཀ་ལ་བཀྲག་མདངས་གཟི་བརྗིད་འོད་དུ་འབར་བ། རང་ལ་དགྱེས་པའི་ཞལ་འཛུམ་བག་ཅན། སངས་རྒྱས་ཀུན་འདུས། ཆོས་ཀུན་འདུས། དགེ་འདུན་ཀུན་འདུས། དངོས་དང་བརྒྱུད་པའི་བླ་མ་ཀུན་འདུས། ཡི་དམ་ཞི་ཁྲོ་རབ་འབྱམས་ཀུན་འདུས། མཁའ་འགྲོ་ཆོས་སྐྱོང་སྲུང་མ་ཀུན་འདུས་པའི་བདག་ཉིད་ཅན་ཡིན། དྲིན་ཅན་རྩ་བའི་བླ་མ་མཁྱེན་སྙམ་པ་བྱ། དེ་ནས་རང་གི་ཚེ་འདིའི་དངོས་ཀྱི་ཕ་མ་དང༌། རང་ལ་གནོད་པར་བྱེད་པའི་དགྲ་དང་བགེགས། རང་ཉིད་གང་དུ་གནས་པའི་ཡུལ་ཕྱོགས་དེའི་གཞི་བདག་རྣམས་ཀྱིས་གཙོ་བྱས་པའི་


TNT12_Page_0835
[མ་དཔེ་གཟིགས་ན་འདིར་གནོན།]

ཁམས་གསུམ་སེམས་ཅན་ཐམས་ཅད་ཀྱང༌། ཉེ་འཁོར་ཕྱོགས་མཚམས་ཐམས་ཅད་ཁྱབ་པར་འཁོད་ནས། རང་དང་ལྷན་ཅིག་ཏུ་སྐྱབས་འགྲོ་བྱེད་པར་མོས་ཏེ། ངག་ཏུ། མ་ནམ་མཁའ་དང་མཉམ་པའི་སེམས་ཅན་ཐམས་ཅད་སྐྱབས་ཀུན་འདུས་ཀྱི་ངོ་བོ་བླ་མ་རིན་པོ་ཆེ་ལ་སྐྱབས་སུ་མཆི་བ་ལགས་སོ། །ཞེས་ཅི་ནུས་སུ་བརྗོད་ཅིང༌། བདག་དང་སེམས་ཅན་ཐམས་ཅད་སྔོན་ཆད་འཁོར་བའི་སྡུག་བསྔལ་སྣ་ཚོགས་པས་འཇིགས་པས། ད་ནི་ཁྱེད་ལ་སྐྱབས་ཞུ། སྐྱབས་བསླུ་བ་མེད་པ་ཁྱེད་ལ་བློས་ལིང་གིས་བཀལ་བ་ལགས། རེ་ས་མགོན་སྐྱབས་གཞན་ན་མེད་དོ། །ཐུགས་རྗེ་ཆེན་པོས་བསྐྱབ་ཏུ་གསོལ་སྙམ་པའི་འདུན་པ་དྲག་པོ་དུང་དུང་པ་རྒྱུན་ཆགས་སུ་བྱ། ཐུན་འཇོག་ཁར་སྐྱབས་ཡུལ་བླ་མ་དེ་ལ་མོས་གུས་དུང་བ་བྱས་པས། དེ་ཉིད་འོད་དུ་ལྟེམ་སྟེ་ཞུ་ནས་རང་ལ་ཐིམ། བླ་མ་དང་རང་སེམས་དབྱེར་མེད་དུ་མོས། དེ་ཀའི་ངང་དུ་ཅུང་ཟད་མཉམ་པར་བཞག།དེ་ཀ་ལ་ཐུན་མཚམས་བྱེད་ན། དགེ་བ་བྱང་ཆུབ་ཏུ་བསྔོ། དམིགས་སྐོར་གཅིག་གོ །གཉིས་པ་སེམས་བསྐྱེད་ནི། སྔར་ཇི་སྐད་བཤད་པའི་སྐྱབས་འགྲོ་དེ་སྔོན་དུ་བཏང་ནས། སླར་ཡང་རང་གཞན་སྣོད་བཅུད། ནམ་མཁས་གར་ཁྱབ་སེམས་ཅན་གྱི་ཁྱབ་པ་རྣམས་ལ་བློས་གཞིག་འགྲེལ་བཅུག་སྟེ། ག་རེ་ནམ་མཁའ་


TNT12_Page_0836
[མ་དཔེ་གཟིགས་ན་འདིར་གནོན།]

འདིས་གར་ཁྱབ་སེམས་ཅན་གྱིས་ཁྱབ་པར་འདུག།འདི་ཐམས་ཅད་རེ་རེ་ནས་ཕ་དང་མ་དང་མཛའ་བཤེས་སུ་མ་གྱུར་པ་ཅུང་ཟད་ཀྱང་མེད། དེ་ཡང་ལན་རེ་ཙམ་མ་ཡིན་གྱི། སྐྱེ་བ་དཔག་ཏུ་མེད་པར་ཕ་མ་སོགས་སུ་གྱུར་པ་ཡིན། འདི་རྣམས་འདོད་ནི་བདེ་བ་འདོད་ཀྱང༌། མྱོང་ནི་སྡུག་བསྔལ་འབའ་ཞིག་མྱོང་བ་ཅིས་ཀྱང་སྙིང་རེ་རྗེ། དེ་བས་ན་འདི་རྣམས་སྡུག་བསྔལ་མེད་ཅིང་བདེ་བ་དམ་པ་ལ་བདག་གིས་འགོད་པར་བྱ་ན། མཐར་ཐུག་པ་ན་འདི་རྣམས་ཀྱི་སྒྲིབ་གཉིས་བག་ཆགས་དང་བཅས་པ་སྦྱངས་ནས། རྫོགས་པའི་སངས་རྒྱས་ཀྱི་གོ་འཕང་ལ་འགོད་དགོས་པར་འདུགདེ་ཡང་ཐབས་གཞན་གྱིས་མི་ནུས་པས་བདག་གིས་སངས་རྒྱས་ཀྱི་གོ་འཕང་ཐོབ་པར་བྱ།སངས་རྒྱས་དེ་ཡང་དམ་པའི་ཆོས་ཀྱི་དོན་བསྒོམས་པ་ལས་འབྱུང་བའི་ཕྱིར། ད་རེས་ཟབ་ལམ་མཐར་ཐུག་ཆོས་དྲུག་ཟབ་མོ་འདི་བསྒོམ་སྙམ་དུ་བསམ། ངག་ནས་འདི་སྐད་ཅེས། ནམ་མཁའ་དང་མཉམ་པའི་སེམས་ཅན་ཐམས་ཅད་ཀྱི་དོན་དུ། རྣམ་པ་ཐམས་ཅད་མཁྱེན་པ་རྫོགས་པའི་སངས་རྒྱས་ཀྱི་གོ་འཕང་ཐོབ་པར་བྱ། དེའི་ཕྱིར་དུ་ཟབ་ལམ་ནི་གུའི་ཆོས་དྲུག་ཉམས་སུ་བླང་བར་བགྱིའོ། །ཞེས་བརྗོད་དེ། དོན་ཡིད་ལ་བསམ་དགོས་པས། ཚིག་དེ་ཡང་དལ་བུས་བརྗོད་ཅིང་ནན་ཏན་ཆེར་བྱ། ཐུན་གྱི་དངོས་གཞིའི་ཉམས་ལེན་དེ་ཁོ་ན་བསྐྱར་གྱིན་བསྒོམ་པ་ཡིན། ཐུན་གྱི་མཇུག་ཏུ་དགེ་བ་བྱང་ཆུབ་ཏུ་


TNT12_Page_0837
[མ་དཔེ་གཟིགས་ན་འདིར་གནོན།]

བསྔོ་བ་རེ་ཡང་དགོས་པ་ལགས། དམིགས་སྐོར་གཉིས་པའོ། །གཉིས་པ་ཐུན་མོང་མ་ཡིན་པའི་སྔོན་འགྲོ་ལ། དག་བྱེད་ཨའི་སྟོང་ར། སྟོང་ར་ནད་གདོན་སེལ་བྱེད། རྟགས་གསུམ་སྟོང་རའི་ཁྱད་པར་ཏེ། རྩིས་འགོ་གསུམ་དུ་དབྱེ་བ་ཡིན། དང་པོ་ནི། དམིགས་ཆེན་ཡིན་ཏེ། དེ་ཡང་སྔར་བཤད་པའི་སྐྱབས་འགྲོ་དང་སེམས་བསྐྱེད་ལན་བདུན་བདུན་ཙམ་རེ་སྔོན་དུ་བཏང་ནས། སླར་ཡང་རང་གི་སྤྱི་བོར་གདན་བཞི་རྫོགས་སམ། ཇི་ལྟར་འོས་པའི་གདན་ལ། བླ་མ་སྐུ་དངོས་དེ་ཀ་གསལ་བཏབ་ནས། མོས་གུས་ཀྱི་གདུང་ཤུགས་དང་འབྲེལ་བས། དུས་གསུམ་སངས་རྒྱས་ཐམས་ཅད་འདུས་པའི་ངོ་བོ་བླ་མ་རིན་པོ་ཆེ། སེམས་ཅན་ཐམས་ཅད་ཀྱི་དོན་དུ། བདག་གི་ནད་གདོན་ཐམས་ཅད་ཞི་བར་མཛད་དུ་གསོལ། སྡིག་སྒྲིབ་ཐམས་ཅད་འདག་པར་མཛད་དུ་གསོལ། ཏིང་ངེ་འཛིན་ཁྱད་པར་ཅན་རྒྱུད་ལ་སྐྱེ་བར་མཛད་དུ་གསོལ། །ཞེས་གསོལ་བ་བཟླས་དྲག་ལ་ཡུན་རིང་དུ་བཏབ། མཐར་བླ་མ་འོད་དུ་ཞུ་ནས་རང་ལ་ཐིམ། དེ་ཡན་ཆད་འདིའི་དགོས་ཀྱི་སྔོན་འགྲོ་བླ་མའི་རྣལ་འབྱོར་ཡིན། དེ་ཡང་སྤྱི་བོ་ནས་ཞུགས་ཏེ་ཐིམ་པས། ཀླད་པ་གཏི་མུག་གི་རང་བཞིན་ཅན་དེ་ཡལ་བའི་ཚུལ་གྱིས་སྦྱངས། ཐོད་པ་དུང་ཁང་གི་གཞལ་ཡས་ཁང་ལྟ་བུར་གྱུར་གསུང་སྟེ། དོན་དངོས་ནི། །རང་ཐ་མལ་དུ་


TNT12_Page_0838
[མ་དཔེ་གཟིགས་ན་འདིར་གནོན།]

གསལ་བའི་ལུས་པོ་འདི། ད་ལྟའི་གདོས་བཅས་འདི་ཀ་ཡིན་པའི་མགྲིན་པ་ཡན་ཆད་གྱི་དབྱིབས་རྣམ་པ་དེ་ཀ་ཡིན་ཀྱང༌། ནང་ཤ་ཁྲག་རུས་གསུམ་སྤངས་པ་སྨོས་ཅི་དགོས། ཕྱི་པགས་པའི་སྐྱ་རི་ཡང་ཤིན་ཏུ་སྲབ་པ་ཆུའི་ལྦུ་བ་ལྟ་བུ་ཁ་དོག་དཀར་བ་ཞག་ཏུ་བསམ། མགོ་བོའི་ནང་དུ་ཆོས་འབྱུང་དཀར་པོ་གྲུ་གསུམ་པ། ཁོང་སྟོང་དྭངས་གསལ་ཤེལ་གྱི་སྣོད་ལྟ་བུ། རྩ་བ་ཕྲ་བ་ཐུར་དུ་བསྟན་པ་མགྲིན་པའི་མཚམས་སུ་སླེབས། གདེངས་ཀ་ཆེ་བ་གྱེན་དུ་བསྟན་པ་ལ་ཟུར་གསུམ་ཡོད་པའི་ཟུར་གཅིག་སྨིན་ཕྲག་གི་ཐད་དང༌། ཟུར་གཞན་གཉིས་རྣ་ལྕོག་གཡས་གཡོན་གྱི་ལྟག་ཙམ་དུ་ནང་ནས་པགས་པ་ལ་རེག་གེ་ཡོད་པའོ། །ཆོས་འབྱུང་དེའི་ནང་གཡས་གཡོན་མདུན་རྒྱབ་གང་ལ་ཡང་མ་ཡོ་བའི་དབུས་དྲང་ཐད་དུ། བླ་མ་དང་རང་སེམས་དབྱེར་མེད་སྤྲོས་བྲལ་སྐྱེ་མེད་མཚོན་པའི་ཨ་ཡིག་དཀར་པོ་དྭངས་གསལ་འོད་ཀྱི་རང་བཞིན་ཅན་འོད་དཀར་པོ་ཤིན་ཏུ་འཚེར་བ་འཕྲོ་བ། ཆོས་འབྱུང་གི་ཁ་མཚམས་དང་ཨ་ཡིག་གི་མགྲིན་པའི་ཉེག་མཚམས་མཐོ་དམན་མཉམ་པ་ཙམ་བསྒོམ་གསུང༌། གང་ལྟར་ཨ་ཡིག་གི་མགོ་བོ་ཆོས་འབྱུང་གི་ཁ་མཚམས་ལས་མཐོ་ངེས་པ་བསྒོམ། ཐོག་མར་དེ་ལྟ་བུར་བསྒྲིམས་ཏེ་འབད་པས་གསལ་བཏབ་ནས། དེ་རྗེས་ཤེས་པ་གྲིམས་ལྷོད་རན་པོ་ཞིག་གིས། ཨ་ཡིག་ཆོས་འབྱུང་དང་བཅས་པར་ཅུང་ཟད་སེམས་འཛིན། དེ་རྗེས་


TNT12_Page_0839
[མ་དཔེ་གཟིགས་ན་འདིར་གནོན།]

ཨ་ཐུང་གི་བཟླས་པ་ལན་ཉེར་གཅིག་ཙམ་ཤུབ་ཤུབ་པོར་བཟླས་པས། ཨ་ལས་བདུད་རྩིའི་རྒྱུན་སྦོམ་པོ་དཀར་ལ་དྭངས་པ་འོད་འཕྲོ་བ་ཤུགས་དང་ལྡན་པ་བབས། སྐད་ཅིག་ལ་ཆོས་འབྱུང་མེར་གྱིས་ཁེངས་ནས་ཆོས་འབྱུང་གི་ཁའི་ཕྱོགས་ཐམས་ཅད་ནས་ཞམ་ཞམ་བྱུང༌། ལས་ཀྱི་དབུས་ཐོག་ཐག་ཏུ་ཤུགས་དང་ལྡན་པར་སོང༌། འཁོར་བ་ཐོག་མ་མེད་པ་ནས་བསགས་པའི་སྡིག་པ་དང་སྒྲིབ་པ། གནས་སྐབས་ཀྱི་འགལ་རྐྱེན་ནད་གདོན་བར་ཆད་དཀོར་སྐུ་གླུད་དམ་ཚིག་འགལ་འཁྲུལ་ལ་སོགས་པ་ཐམས་ཅད་ཕྱིར་བདས་པར་བསམ་དགོས། །སྡིག་སྒྲིབ་ལ་དངོས་སུ་ཁ་དོག་མེད་ཀྱང་དམིགས་པ་གསལ་བའི་ཕྱིར་དང༌། རྟེན་འབྲེལ་ནུས་པ་སྣ་ཚོགས་པའི་ཁྱད་པར་གྱི་ཕྱིར། སྡིག་སྒྲིབ་སོགས་དེ་དག་རྣམས་ཐམས་ཅད་དུད་ཁུའམ་སོལ་ཁུ་ལྟ་བུའི་རྣམ་པས། རྒྱུན་སྦོམ་པ་རྣམས་བུ་ག་དགུ་ནས་མི་ཤོང་ཚད་པར་འགྲོ་བ་དང༌། འབྲིང་པོ་རྣམས་རྐང་ལག་གི་སེན་མོའི་ཕྲག་དང༌། ཕྲ་བ་རྣམས་སྐྲའི་རྩེ་མོ་དང་བ་སྤུའི་ཁུང་བུ་ཚུན་ཆད་ནས་ཀྱང་ནག་ནུ་རུ་རུ་ཐོན་འགྲོ་བར་བསམ། དེ་ཡང་བདུད་རྩི་དྭངས་གསལ་གྱི་རྒྱུན་གང་དུ་སླེབས་པའི་མཚམས་དེ་ནས། ནད་གདོན་སྡིག་སྒྲིབ་རྣམས་སྡོད་དབང་མེད་པར་སྟེང་ནས་འོག་ཏུ་བདས་འགྲོ་བ་དང༌། དབུས་ནས་མཐའ་ལ་བདས་འགྲོ་བར་བསམ། ལུས་ཀྱི་ཤ་ཁྲག་རུས་པ་སོགས་མི་གཙང་བའི་རྫས་ཐམས་


TNT12_Page_0840
[མ་དཔེ་གཟིགས་ན་འདིར་གནོན།]

ཅད་ཀྱང་ཞུ་བ་ལྟར་སོང་ནས། སྡིག་སྒྲིབ་རྣམས་དང་ལྷན་ཅིག་ཏུ་གར་སོང་མེད་པའི་ཚུལ་གྱིས་དག །དེ་ལྟར་ལུས་ཀྱི་ནད་ཐམས་ཅད་བཀྲུས། ཡང་བདུད་རྩིའི་ཆུ་རྒྱུན་སྐྲ་དང་བ་སྤུའི་རྩ་བ་ནས་ཕྱིར་སོང་བ་རྣམས་ཀྱིས་ལུས་ཀྱི་ཕྱི་ནང་ཀྱང་བཀྲུས། ལུས་དྭངས་གསལ་དཀར་བ། པགས་པའི་སྐྱ་རི་ཙམ་ལ་ཤེལ་སྣོད་སྲབ་མོ་འདྲ་བ། ནང་བདུད་རྩི་དྭངས་གསལ་གྱིས་གང་བའམ། ཡང་ན་འཇའ་འོད་དཀར་པོ་ལས་གྲུབ་པ་ལྟ་བུར་སོང་བར་བསམ། ཕྱི་ལ་བདས་པའི་ནད་གདོན་སྡིག་སྒྲིབ་རྣམས་ནག་བུན་ནུ་ནུས་ངོགས་ཐག་རིང་པོར་སོང་ཞིང༌། དེ་ཡང་ཡལ་བར་བསམ་ལ། དེ་དག་དམིགས་པ་འཇུར་པོ་བར་མ་ཆད་པར་བསྒོམས་པའི་རྗེས་ལ། ངལ་གསོ་བའི་ཚུལ་གྱིས་ཤེས་པ་དར་ཅིག་གློད་ལ་བཞག།དེ་ཡན་ཆད་དམིགས་པ་ཚར་གཅིག་ཡིན། བླ་མའི་རྣལ་འབྱོར་ཐུན་མགོའི་དེ་ཀས་ཆོག་པས་ཐུན་དེ་ནང་དུ་སླར་བསྐྱར་མི་དགོས། དམིགས་པ་དངོས་གཞི་དེ་ཡང་ཡང་བསྐྱར་གྱིན་བསྒོམ། དེ་ཡང་དཔེར་ན་ཐུན་རེའི་ནང་དུ་དམིགས་པ་ལན་བརྒྱ་རྩ་ཙམ། ཐུན་ཡང་བཞི་ལྔ་དྲུག་ཙམ་བསྒོམ་ཐུབ་ན། ཞག་བདུན་སོགས་ལ་རྟགས་མྱུར་བར་འོང༌། །དེས་མཚོན་ཏེ་རང་གི་རྩོལ་བ་རབ་འབྲིང་ཐ་གསུམ་དང་སྦྱོར་བའི་རྟགས་མྱུར་བུལ་གྱི་ཁྱད་པར་འབྱུང་བ་ཡིན་ནོ། །འདིའི་སྡིག་སྒྲིབ་དག་པར་བསམ་པའི་སྐབས། ལུས་ཐོགས་མེད་འཇའ་ཚོན་ལྟ་བུར་སྒོམ་ན་གསལ་ཉམས་


TNT12_Page_0841
[མ་དཔེ་གཟིགས་ན་འདིར་གནོན།]

འཆར་རིག་པ་དྭངས། བདུད་རྩིས་གང་བར་བསྒོམས་ན་ལུས་ཟུངས་བཟང༌། ཤེལ་གོང་གཡའ་དག་པ་ལྟ་བུར་བསྒོམས་ན། རྨི་ལམ་གསལ་སྣང་སྐྱེ་བ་ཡིན་གསུང་ངོ༌། །དམིགས་སྐོར་གསུམ་པའོ། གཉིས་པ་སྟོང་ར་ནད་གདོན་སེལ་བྱེད་ལ་ནད་སེལ་བ་དང༌། གདོན་སེལ་བ་གཉིས་ཡོད། དེ་རེ་རེ་ལ་ཡང་དབྱེ་བ་དུ་མ་ཡོད་མོད་ཀྱི་སོ་སོར་ན་དམིགས་ཕྲན་ཡང་ཡིན། སྤྱིར་ནས་དག་བྱེད་ཨའི་སྟོང་རའི་ལས་ཚོགས་ཙམ་ཡིན་པས། ཡོངས་བསྡཽམས་ནས་དམིགས་ཆེན་གཅིག་གི་དོན་དུ་བརྩི་དགོས། དེ་ཡང་ནད་ཚད་པ་ལྟ་བུ་ལ། ཨ་ལས་བདུད་རྩིས་རྒྱུན་ཁ་དོག་དཀར་བ། རེག་བྱ་དང་ནུས་པ་གཉིས་ཀར་བསིལ་བའི་རྒྱུན་བབས་ཏེ། ཚ་བའི་གནས་སྟོད་ཀྱི་ཡུལ་ལམ། གང་ནས་དེ་ཀ་ནས་བུ་ག་ཧར་རེ་བྱུང་སྒོ་དེ་ཀ་ནས་ནད་ཚ་བ་དེ་ཡང་དམར་འདུར་འདུར་ཕྱིར་བདས་པར་བསམ། དེ་བཞིན་དུ་ནད་གྲང་བ་ལ། བདུད་རྩི་ཁ་དོག་དམར་པོ་རེག་བྱ་དང་ནུས་པ་གཉིས་ཀ་ཚ་བ་བབས་ཏེ། གྲང་བའི་ཡུལ་རོ་སྨད་ཀྱི་ཆའམ། གང་ན་ས་ནས་བརྡོལ་ཏེ་ནད་ཐམས་ཅད་དཀར་འདུར་འདུར་འདུར་ཐོན་པར་བསམ། རླུང་གི་ནད་ལ་བདུད་རྩི་ཁ་དོག་སེར་བ་མར་ཁུ་ལྟར་བཅུད་དང་ལྡན་པ་བབས། ལུས་ཀྱི་ཆ་ཐམས་ཅད་དམ། འོག་སྒོ་གཉིས་སམ། གང་ན་སར་བུ་ག་བྱུང་སྟེ། ནད་རྣམས་སྔོ་འདུར་བའམ་ནག་འདུར་གྱིས་ཐོན་པར་བསམ། ཡང་ན་


TNT12_Page_0842
[མ་དཔེ་གཟིགས་ན་འདིར་གནོན།]

རླུང་འཚུབ་མའམ་དུ་བ་ལྟ་བུར་བུན་བུན་ཐུར་དུ་འགྲོ་བར་བསམ། སྙིང་རླུང་ལ་སྙིང་གི་ཐད་ཀ་ནས་བུ་ག་བྱུང་སྟེ། དེ་ནས་འགྲོ་བར་བསམ། དེས་མཚོན་ནས་ནད་གཞན་ཐམས་ཅད་ལ་ཡང་རིགས་འགྲེ། ཡང་དམིགས་པའི་གཞི་དག་བྱེད་སྟོང་ར་བཞིན་བསྒོམས་ནས། ཨ་ལས་ཁྲོ་བོ་སོ་སོའི་སྐུའི་རྣམ་པ་ཅན་གྱི་བདུད་རྩི་སེར་བ་དྲག་པོ་ལྟར་འབེབས་པ་དང༌། ཁྲོ་ཆུང་གི་ཚོགས་དཔག་ཏུ་མེད་པས་ལུས་ཀྱི་ནང་གོ་མཚམས་མེད་པར་གཏམས། མེ་ལྕེ་ཡང་སྤྲོས་ཏེ་ཐུར་དང་ཕྱོགས་མཚམས་སུ་འབར་བ་དང༌། བདུད་རྩི་ཁྲོ་ཆུ་བཞུ་བའི་རྒྱུན་ལྟ་བུ་ཡང་འབེབས་ཏེ། སྔགས་ཀྱི་སྒྲས་སྐྲག་པ་དང༌། མཚོན་ཆ་བརྡཻག་པ་དང༌། མེ་རིས་སྲེག་པ་སོགས་ཀྱིས་གདོན་གྱི་རིས་སྲོག་ཆགས་སྣ་ཚོགས་པའི་གཟུགས་ཅན་དེ་རྣམས་ལུས་ཀྱི་ནང་དུ་སྡོད་དབང་མེད་པར་ཕྱིར་བསྐྲད་དེ། ཕྱི་རོལ་དེ་ཉིད་དུ་ཚར་བཅད་ཅིང༌། ལྷག་མ་ཙམ་ཡང་མ་ལུས་པར་བསམ་མོ། གདོན་སོ་སོའི་གཉེན་པོར་ཁྲོ་བོ་གང་དགོས་པ་ནི། འོག་གང་འདུལ་གྱི་སྐབས་དང་འདྲའོ། ཁྲོ་བོ་དང་མེ་དང་ཁྲོ་ཆུ་ལྟ་བུ་སྟེ་སྤྲོ་བ་གསུམ་པོ་དུས་གཅིག་ཏུ་མི་ཡོང་བས་རིམ་ཅན་དུ་བྱའོ། །དམིགས་སྐོར་བཞི་པའོ། །གསུམ་པ་རྟགས་གསུམ་སྟོང་རའི་ཁྱད་པར་ནི། དག་བྱེད་ཨའི་སྟོང་ར་བསྒོམས་པས་སྡིག་སྒྲིབ་དག་པའི་རྟགས་རབ་དངོས་སུ་ཤར་བ་ནི། འདི་བསྒོམས་པ་ཁོ་ནས་ལུས་ལྡང་བ་ཡང་བ་དང༌། ཤེས་པ་གསལ་བ་དང༌།


TNT12_Page_0843
[མ་དཔེ་གཟིགས་ན་འདིར་གནོན།]

རྒྱུད་འཇམ་ཞིང་བློ་ཁུག་འོང༌། ཆགས་སྡང་སོགས་ཉོན་མོངས་ཆུང་དུ་འགྲོ་བ་དང༌། དད་པ་དང་སྙིང་རྗེ་ཤེས་རབ་སོགས་རང་ཤུགས་ཀྱིས་ཆེར་སོང་ནའང་ཡིན། འབྲིང་གཉིད་སད་དུས་འཁྲུལ་སྣང་ཉམས་ཀྱི་ཚུལ་དུ་འཆར་བ་དང༌། ཐ་མ་རྨི་ལམ་གསལ་བོར་འཆར་བ་ལ་ཁྲུས་བྱས་པ་དང༌། ནམ་མཁའ་ལ་འཕུར་བ་དང༌། གོས་དཀར་པོ་གྱོན་པ་ལ་སོགས་པའོ། །སྟོང་ར་ནད་སེལ་བྱེད་བསྒོམས་པས་ནད་ཐོན་པའི་རྟགས་རབ་ནི། ནད་དངོས་སུ་སངས་པ་ཡིན། འབྲིང་ཉམས་དང་ཐ་མ་རྨི་ལམ་ལ་འཁྲུ་སྐྱུགས་དང༌། ལུས་ལས་རྣག་ཁྲག་ཐོན་པ་སོགས་བྱུང་ན་ཡིན། སྟོང་ར་གདོན་སེལ་བྱེད་བསྒོམས་པས། གདོན་གྱི་གནོད་པ་སེལ་བའི་རྟགས་རབ། དངོས་སུ་ཉེར་འཚེ་ཞིང༌། ལུས་སེམས་དགའ་བདེ་སྐྱེ། །བག་བྲོའུ་རེ་བ་ཡོང༌། འབྲིང་ཉམས་དང༌། ཐ་མ་རྨི་ལམ་ལ། སྲོག་ཆགས་གདུག་པ་ཅན་བཅོམ་པ་དང༌། རང་ཉིད་དགྲ་ལས་རྒྱལ་བ་དང༌། ལུས་ལས་སྲོག་ཆགས་ཐོན་པ་ལ་སོགས་པ་འབྱུང་ངོ༌། །དེ་ལ་རྟགས་གསུམ་ནི་སྡིག་སྒྲིབ་དག་པའི་རྟགས། ནད་སེལ་བའི་རྟགས༌། གདོན་སེལ་བའི་རྟགས་ཏེ་གསུམ་པོ་ཡིན་ལ། དེ་རེ་རེ་ལ་ཡང་དངོས་དང༌། ཉམས་དང༌། རྨི་ལམ་གྱི་དབྱེ་བ་གསུམ་གསུམ་སྟེ། ནད་སེལ་རྟགས་ཀྱི་དབྱེ་བ་དགུར་འགྱུར་བ་ཡིན་ནོ། །དེ་ལ་དང་པོར་རྟགས་ཡོང་དུ་རེ་བ་མི་བྱ། རྩིས་བཏབ་


TNT12_Page_0844
[མ་དཔེ་གཟིགས་ན་འདིར་གནོན།]

མེད་པར་འཇོག་དགོས། རྟགས་བྱུང་ན་ཞེན་པ་དང༌། རློམས་སེམས་དང༌། དགའ་མི་དགའ་བྱེད་དུ་མི་རུང༌། འདི་ལྟ་བུ་རྟེན་འབྲེལ་སྣང་བ་མ་འགགས་པའི་འཆར་སྒོ་ཅམ་ཡིན་གྱི། དོན་གང་དུའང་མ་གྲུབ་པ་སྒྱུ་མ་ལྟ་བུའོ། །ཞེས་རེ་དོགས་སྤངས་ཏེ་བཞག་པས། སླད་ཀྱི་བར་ཆད་མི་འབྱུང་ཞིང་ལམ་དུ་འགྲོ་བ་ཡིན་ནོ། །དངོས་ཀྱི་རྟགས་རྣམས་བྱུང་ན་དེས་ཁྱབ། སད་དུས་ཀྱི་ཉམས་ལ་གསལ་སྣང་དུ་ཤར་བ་ཡིན༌། ལན་གཅིག་ཤར་བ་ཁོ་ནས་རྟགས་སུ་བྱེད། རྨི་ལམ་ཙམ་ལ་ངེས་པ་མེད་པས། ཤིན་ཏུ་གསལ་བ་དང༌། ལན་མང་དུ་བྱུང་བ་དང༌། སད་ནས་ཀྱང་བློའི་མདངས་འགྱུར་ཚབས་ཆེ་བར་བྱུང་ན་རྟགས་སུ་བྱེད་པ་ལགས་སོ། །རྟགས་ཀྱི་རྣམ་བཞག་རྒྱས་པར་ཡིག་རྙིང་ན་གསལ། འདི་ལ་དམིགས་ཐུན་བཅད་པའི་དམིགས་པ་མེད་ཀྱང༌། རྟགས་ཤར་བ་ལམ་དུ་སྲོལ་ཚུལ་དེ་ཀ་དམིགས་པ་ཡིན་པས། དམིགས་སྐོར་ལྔ་པའོ། །གཉིས་པ་དངོས་གཞི་ལ། གཏུམ་མོ། སྒྱུ་ལུས། རྨི་ལམ། འོད་གསལ། འཕོ་བ། བར་དོ་སྟེ་དྲུག་ཡིན་ལ། དེ་དག་ཀྱང་རང་རང་གི་བྱེད་ལས་ཆེ་བ་དང་བཅས་པ་བརྗོད་ན། ཐབས་ལམ་བདེ་དྲོད་རང་འབར། སྒྱུ་ལུས་ཆགས་སྡང་རང་གྲོལ། རྨི་ལམ་ཉིང་འཁྲུལ་རང་དགའོད་གསལ་གཏི་མུག་རང་སངས། འཕོ་བ་མ་བསྒོམས་སངས་རྒྱས། བར་དོ་རྒྱལ་བ་ལོངས་སྐུའོ། །དེ་ལ་དང་པོ་ཐབས་ལམ་བདེ་དྲོད་རང་འབར་ལ།


TNT12_Page_0845
[མ་དཔེ་གཟིགས་ན་འདིར་གནོན།]

གཏུམ་མོ་ཉིད་ཀྱི་སྔོན་འགྲོ་དང༌། དངོས་གཞི་དང༌། རྗེས་གསུམ་མོ། །དང་པོ་ནི། སྤྱིར་ཁྲིད་ཀྱི་དངོས་གཞི་ཡིན་ཀྱང༌། གཏུམ་མོ་རང་གི་དངོས་གཞི་ལ་ལྟོས་པའི་སྔོན་འགྲོ་འགྱུར་བས། སྔོན་འགྲོ་ལུས་གནད་མའི་སྟོང་ར་ཞེས་བྱ། དྲོད་ཤིན་ཏུ་མྱུར་བས་གཏུམ་མོ་མེ་རྒོད་ཀྱི་དམིགས་པ་ཞེས་ཀྱང་བྱ་སྟེ། དེ་ལ་ཡང་སྐྱབས་སེམས་སྔོན་དུ་བཏང་ནས། ཐོག་མའི་སྔོན་འགྲོ་བླ་མའི་རྣལ་འབྱོར་ཅིག་དགོས་པས། རང་ལྷ་སྐུར་སྒོམ་པའམ། རེ་ཞིག་ཐ་མལ་པའི་ང་རྒྱལ་གྱིས་ཀྱང་རུང་སྟེ། སྤྱི་བོར་གདན་བཞི་རྫོགས་སུ་བསྒོམས་པ་ལ། གཏུམ་མོའི་སྐབས་འདིར་སྣ་ཚོགས་པདྨ་མི་བྱེད། པདྨ་དཀར་པོར་བསྒོམ། དེར་བཞུགས་པའི་བླ་མ་ཡང་སྐུ་དངོས་སུ་སྒོམ་ན་ཡང་སྐུ་མདོག་དཀར་བ། འོད་ཟེར་དཀར་པོ་འཕྲོ་བར་བསྒོམ། རྡོ་རྗེ་འཆང་དུ་བསྒོམ་ན་ཡང༌། སྐུ་མདོག་སྟོན་ཟླ་ལྟར་དཀར་བས་བསྒོམ་མོད། ཆོས་དྲུག་གི་སྐབས་ཐམས་ཅད་དུ། བླ་མ་སྐུ་དངོས་སུ་བསྒོམ་པ་ཉིད་གཙོ་ཆེ་བ་ཡིན་གསུང་ནས་ཕྱག་ལེན་འདེབས་པར་མཛད། ལར་སྐུ་དངོས་ཀྱི་རྣམ་པ་ལ་མོས་སམ། རྡོ་རྗེ་འཆང་གི་རྣམ་པ་ལ་མོས། གང་ལ་མོས་པ་དེ་ཉིད་སྐུ་བདེ་བའི་ཉམས་རྒྱས་ཤིང༌། ཞལ་འཛུམ་བག་དང་ལྡན་པ། རང་ལ་བྱིན་གྱིས་རློབ་རློབ་འདྲ་བ་ཞིག་བསྒོམ། དུས་གསུམ་སངས་རྒྱས་ཐམས་ཅད་འདུས་པའི་ངོ་བོ་བླ་མ་རིན་པོ་ཆེ།


TNT12_Page_0846
[མ་དཔེ་གཟིགས་ན་འདིར་གནོན།]

སེམས་ཅན་ཐམས་ཅད་ཀྱི་དོན་དུ། བདག་གི་ལུས་ལ་བདེ་དྲོད་ཀྱི་ཏིང་ངེ་འཛིན་ཁྱད་པར་ཅན་སྐྱེ་བར་མཛད་དུ་གསོལ། སེམས་ལ་བདེ་སྟོང་གི་ཏིང་ངེ་འཛིན་ཁྱད་པར་ཅན་སྐྱེ་བར་མཛད་དུ་གསོལ། ཅེས་གསོལ་བ་དྲག་ཏུ་བཏབ། མཐར་བླ་མ་བདུད་རྩིའི་ངོ་བོར་ཞུ། རང་གི་སྤྱི་བོ་ནས་ཞུགས་ཏེ་ཐིམ། རང་གི་ཐ་མལ་རྣམ་སྨིན་གྱི་ལུས་ངག་ཡིད་གསུམ་ནམ་མཁའ་ལ་འཇའ་ཡལ་བ་ལྟར་སང་སྟེ་དག།ཡེ་ཤེས་ལྷའི་སྐུ་གསུང་ཐུགས་སུ་གྱུར་པ་ནི། རང་ཉིད་བཅོམ་ལྡན་འདས་མ་རྡོ་རྗེ་ཕག་མོ་སྐུ་མདོག་དམར་མོ། ཕྱག་གཡས་རྡོ་རྗེ་ཐུར་དུ་ཅུང་ཟད་སྡིགས་པ། གཡོན་ཐོད་ཁྲག་ཐུགས་ཀར་བསྣམས་པ། གཅེར་བུ་རུས་པའི་རྒྱན་ལྔ་དང༌། མི་མགོ་སྐམ་པོ་ལྔའི་དབུ་རྒྱན། རློན་པོ་ལྔ་བཅུའི་དོ་ཤལ་ཅན་པད་ཉི་མི་རོ་མགོ་བོ་གཡས་སུ་བསྟན་པའི་སྟེང་ན། ཞབས་གཡས་བརྐྱང་གི་སྟབས་ཀྱིས་བཞུགས་པ། མེ་དཔུང་འབར་བའི་དབུས་ན་གནས་པ། སྤྱན་གསུམ་དབུ་སྐྲ་གྲོལ་བ་སོགས་ཆ་བྱད་སྤྱི་དང་མཐུན། གང་ལྟར་ཡང་རང་རྡོ་རྗེ་ཕག་མོ་ཀུ་མདོག་ཕྱག་མཚན་རྣམ་པ་གང་གསལ་གསལ་ཞིག་ཅི་ནུས་སུ་གསལ་བཏབ་སྟེ་ཅུང་ཟད་སེམས་བཟུང༌། དེ་ཕྱིའི་དམིགས་པ་ཡིན། དེ་ནས་རང་ལྷ་སྐུར་གསལ་བའི་ལུས་ནང་ལ་སེམས་གཏད་པས། ལུས་ཀྱི་ནང་ཤ་ཁྲག་རུས་གསུམ་སོགས་གང་ཡང་མེད་པའི་སྟོང་སང་ངེ་བ། ཕྱི་པགས་


TNT12_Page_0847
[མ་དཔེ་གཟིགས་ན་འདིར་གནོན།]

པའི་རྣམ་པ་ཡང་ཤིན་ཏུ་སྲབ་པ། ནང་ཁོང་སྟོང་དེ་ཡང་འོད་དམར་པོ་དྲོད་ཀྱི་རང་བཞིན་གྱིས་ཁྱབ་པ། དཔེ་དར་དམར་གྱི་གུར་རམ། ཁྲུ་མ་ཕུས་བཏབ་པ་ལྟ་བུ་ཟེར་བ་དེ་ཡིན། སྐྲའི་རྩ་བ་དང་བ་སྤུའི་རྩ་བ་ཚུན་ཆད་ཀྱང་སྦུབས་སྟོང་དུ་སྦུ་གུ་སག་གེ་བསྒོམ་དགོས་གསུང༌། གང་ལྟར་ནའང་རང་ལུས་རྡོ་རྗེ་ཕག་མོའི་སྐུར་གསལ་བ་དེའི་ལུས་ནང་སྟོང་སང་ངེ་བ་སྤྱི་བོ་ནས་ཞབས་མཐིལ་གྱི་བར་དང༌། ཞབས་མཐིལ་ནས་སྤྱི་བོའི་བར་དང༌། ཕྱག་ཞབས་ཀྱི་སོར་མོའི་རྩེ་མོའི་བར་ཀུན་ཏུ་རིམ་པས་གསལ་བཏབ་ཅིང་ནང་སྟོང་སང་ངེ་བ་ལ་སེམས་གཏད། ནང་གི་དམིགས་པའོ། ཉམས་ཁྲིད་རང་བྱེད་ན། ཕྱི་ནང་གཉིས་པོ་འདི་ལའང་སོ་སོར་ཞག་ཤས་བསྐྱངས་ན་ཤིན་ཏུ་ལེགས། དེ་ནས་མེ་རྒོད་ཀྱི་དམིགས་པ་དངོས་ནི། སྐབས་དེ་ནས་ལུས་གནད་མེ་ཐབ་དྲུག་ཆིངས་བྱ་སྟེ། རྐང་པ་གཉིས་རེ་མིག་ལྟར་བསྣོལ་ལ་ཙོག་པུ་བྱ། རྐང་ངར་གཡས་པ་ནང་དང་གཡོན་པ་ཕྱི་ལ་ཡོད་པ་བྱེད། ལག་པ་གཡས་གཡོན་བར་ལྷུ་གཡས་གཡོན་ལ་བསྣོལ་མར་འཇུས། གྲུ་མོ་གཉིས་པུས་མོའི་སྟེང་དུ་ཡོད་པར་བྱས་ལ་སྒལ་ཚིགས་བསྲང༌། ལྟ་སྟངས་སོགས་ལུས་གནད་ལྷག་མ་སྤྱི་དང་འདྲ། དེ་ནས་ཐུན་གྱི་དང་པོ་ལ་རླུང་རོ་དལ་ལ་རིང་བ་ལན་གསུམ་བུས། རླུང་སྦྱོར་དངོས་ནི། དེ་རྗེས་སྟེང་རླུང་རན་པར་རྔུབས་ཏེ་ལྟེ་འོག་ཏུ་མནན། འོག་རླུང་རང་གནས་སུ་བཅིང༌། ཡར་འཐེན་པ་མི་དགོས། དམིགས་པ་ནི་རང་གི་ལྟེ་བའི་


TNT12_Page_0848
[མ་དཔེ་གཟིགས་ན་འདིར་གནོན།]

ཐད་དང༌། དེའི་ཐད་ཀྱི་རྒྱབ་དང༌། མཁལ་ཁུང་གཡས་གཡོན་གཉིས་ཏེ་གནས་བཞིར་མེའི་གོང་བུ་དབྱིབས་ཟླུམ་པོ། ཁ་དོག་དམར་བ། རེག་བྱ་ཚ་བ། མེ་ལྕེ་ལྷབ་ལྷབ་འབར་བ་རང་མ་ཡིན་པ་ལ། འབར་ཚད་ཚད་པ་སོལ་མེ་དར་མ་བུས་པའམ། ལྕགས་བསྲེགས་ཀྱི་གོང་བུ་དམར་ལྷང་བ་ལྟ་བུ་བཞི་བསྒོམས་སུ་གསལ་བཏབ། རླུང་འཇམ་རླུང་བཟུང་བའི་ངོས་ནས་ལྟོ་བ་གཡས་སུ་བསྐོར་བ་གཅིག་དང༌། གཡོན་དུ་བསྐོར་བ་གཅིག་བྱས་པས། མེ་གོང་བཞི་པོ་དེ་དྲག་ཏུ་འཐབ་ནས་མེ་ལྕགས་གཙུབས་པ་ལྟ་བུའི་མེ་སྟག་དམར་སྐྱས་ལུས་ཀྱི་ནང་ཐམས་ཅད་འོད་དམར་ཆེམ་ཆེམ་ཁྱབ་པས། ལུས་ཚ་འུ་རུ་རུ་བྱུང་བར་བསམ། དེ་ལྟར་མི་བདེ་བ་མེད་མེད་དུ་རླུང་བཟུང་ནས་ཅུང་ཟད་མི་བདེ་བ་སྙམ་བྱེད་ན། དང་པོར་ཤུགས་ཆུང་བ། བར་དུ་ཤུགས་ཆེ་བ་མཐར་སང་སྟེ་རླུང་བུས། རླུང་ཐེངས་གཅིག་གོ །ཡང་སྔ་མ་ལྟར་བཟུང་ཞིང་དམིགས་པ་ཡང་སྔ་མ་ལྟར་བསྒོམ། ཐུན་མཇུག་ཏུ་དགེ་བ་བསྔོའོ། །དེ་ལྟར་ཞག་ཤས་རླུང་ཐེངས་རེ་ལ་དམིགས་པ་དང་གཡས་གཡོན་དུ་སྐོར་བ་ཚར་རེ་རེ་ཁོ་ནས་སྦྱངས། དེ་ནས་རིམ་པས་ཞག་ཤས་ནས་གཡས་སྐོར་གཡོན་སྐོར་རེ་རེ་བསྣན། གྲངས་ཀྱི་ཐ་མ་གྲངས་ལ་ངཻས་བཟུང་རང་མེད་ཀྱང༌། གཡས་སྐོར་བཅུ་གཉིས་དང་གཡོན་སྐོར་བཅུ་གཉིས་ཙམ་དུ་ལོངས་སོང་ཙ་ན་མེའི་ནུས་པ་རྙེད་པར་འགྱུར་རོ་གསུང༌། ཐུན་མཚམས་


TNT12_Page_0849
[མ་དཔེ་གཟིགས་ན་འདིར་གནོན།]

སུ་ཡན་ལག་ལྔ་སྦྱོངས་རེ་སྔོན་དུ་འགྲོ་བས། གཙུབས་ཤིང་དང་གཙུབས་སྟན་མའི་འཁྲུལ་འཁོར་ཅི་ནུས་སུ་སྦྱང་ངོ༌། །དམིགས་སྐོར་དྲུག་པའོ། །གཉིས་པ་གཏུམ་མོའི་དངོས་གཞི་ལ། གཏུམ་མོ་ཟས་སུ་ཟ་བ། གོས་སུ་གྱོན་པ། སྟན་དུ་འདིང་བ། རྟར་བཞོན་པ་སྟེ་བཞི་ལས། དང་པོ་ནི། གཏུམ་མོ་ཟས་སུ་ཟ་བ་སྟེ། ཆོས་འདིའི་ལུགས་ཀྱི་གཏུམ་མོའི་དམིགས་པའི་གཙོ་བོ་ཡིན་ཏེ། འདི་ལ་ཡང་ཤེས་རབ་དང༌། མོས་པའི་ཁྱད་པར་གྱིས་དམིགས་པ་རྒྱས་འབྲིང་བསྡུས་གསུམ་ཡོད་དོ། །དེ་ལ་དང་པོར་རྒྱས་པ་ནི། སྔར་བཞིན་སྐྱབས་འགྲོ་སེམས་བསྐྱེད་བླ་མའི་རྣལ་འབྱོར་རྣམས་སྔོན་དུ་བཏང༌། རང་ལྷར་གསལ་བ་དང་ལུས་ནང་སྟོང་ར་བཅའ་བ་ཡང་སྔར་བཞིན་བྱས་ཏེ། དེ་རྗེས་ལུས་གནད་རྐང་པ་སེམས་དཔའི་སྐྱིལ་ཀྲུང་ལྷོད་ཀྱིས་བྱས་ཏེ་རྒྱ་ཆེ་བར་བཅས་ལག་མཐིལ་པུས་མོའི་སྟེང་དུ་བཀབ་སྟེ་ལག་ངར་བསྲང༌། ལྷག་མ་ལུས་གནས་སྤྱི་དང་འདྲ། ཐུན་གྱི་མགོ་འདིར་རླུང་རོ་དགུ་སྤྲུགས་སུ་འབུད་དེ། དང་པོར་དལ་ལ་རིང་བ་གསུམ། བར་དུ་དྲག་ལ་འཐུང་བ་གསུམ། ཐ་མར་རོ་སྟོད་གཅུས་ཤིང་འབུད་པ་གསུམ། དེ་རྣམས་ལག་ལེན་བལྟས་པས་གསལ། དེ་ནས་རང་གི་ལུས་ལ་རྩ་གསུམ་འཁོར་ལོ་བཞི་ཡི་གེ་གཉིས་དང་བཅས་པ་གསལ་འདེབས། དེ་ཡང་ལུས་


TNT12_Page_0850
[མ་དཔེ་གཟིགས་ན་འདིར་གནོན།]

ཀྱི་གཡས་གཡོན་གང་ལ་ཡང་ཡོ་བའི་དབུས་དྲང་ཐད། མདུན་རྒྱབ་ཀྱི་དབང་དུ་བྱས་ན་རྒྱབ་ཕྱོགས་ལ་ཅུང་ཟད་ཉེ་བར། རྩ་དབུ་མ་ཨ་ཝ་དྷུ་དྷི་ཆོས་བཞི་ལྡན་དུ་གསལ་འདེབས་དེ་ཡང་ཆུ་ཤིང་གི་སྡོང་པོ་ལྟར་དྲང་བ་སྟེ། ཡ་ཡོ་ཁྱར་ཁྱོར་ཁྱག་ཁྱོག་མེད་པ། ཏིལ་གྱི་མར་མེ་ལྟར་གསལ་བ་སྟེ་རང་འོད་འཕྲོ་བ། རྒྱ་སྐྱེགས་ཀྱི་ཁུ་བ་ལྟར་དམར་བ་སྟེ་རྒྱ་ཚོས་ཀྱིས་བཅོས་པའི་མདོག་ལྟ་བུ། པདྨའི་སྣལ་མ་ལྟར་ཕྲ་བ་སྟེ་ཤིན་ཏུ་སྲབ་པའོ། །ཡོངས་ཀྱི་ཕྱི་དབྱིབས་སྦོམ་ཕྲ་ནི། མདའ་སྨྱུག་འབྲིང་པོ་ཙམ་སྟེ། དབུ་མ་དེའི་ཡས་སྣ་སྤྱི་བོ་ཚངས་བུག་ལ་ཟུག་ཅེས་གསུང་སྟེ། དེ་ཡང་དངོས་སུ་རུས་པའི་ཚངས་བུག་རང་ཏ་མི་སྒོམ་སྟེ། འོན་ཀྱང་ཚངས་བུག་གི་ཐད་སྤྱི་གཙུག་གི་ཡས་མཐའ་ནས་མར་སོར་གཉིས་ཙམ་གཞལ་བའི་སར་སླེབ་པ་ཡིན། མས་སྣ་ལྟེ་འོག་སོར་བཞིའི་ཐད་དུ་ཟུག་པར་བསྒོམ། དབུ་མ་དེ་ཁོང་སྟོང་ཡས་སྣས་སྣ་གཉིས་ཀ་བཅད་ཁར་ཡོད་ཅིང༌། དེའི་གཡས་སུ་རོ་མ་དམར་པོ་དང༌། གཡོན་དུ་རྐྱང་མ་དཀར་པོ་སྟེ་གཉིས་པོ་དབུ་མ་བཞི་བཤགས་སུ་བཏང་བ་ཙམ་གྱི་ཚད་དམ། ཡང་ན་གྲོ་སོག་ཙམ་ཡང་གསུང་སྟེ་གང་ལྟར་བསྒོམས་ཀྱང་འདྲ། །དེ་གཉིས་སྤྱི་བོ་ནས་ལྟེ་འོག་སོར་བཞིའི་བར་དབུ་མ་དང་ལྷན་ཅིག་ཏུ་གསུམ་གཤིབས་ལྟར་ཡོད་པ། ཡས་མས་ཀྱི་སྣེ་ནི་རོ་རྐྱང་གཉིས་རིང་བ་ལས། འོག་ཏུ་


TNT12_Page_0851
[མ་དཔེ་གཟིགས་ན་འདིར་གནོན།]

རོ་རྐྱང་གཉིས་དབུ་མ་ལས་སོར་བཞི་ཙམ་གྱི་རིང་བའི་རོ་རྐྱང་གི་སྣེ་དེ་གཉིས་ཡར་སློག་སྟེ། དབུ་མའི་མས་སྣའི་ནང་དུ་ཆུག་ཙམ་བྱས་ལ། ཡས་སྣ་གཉིས་པོ་དབུ་མའི་ཡས་སྣའི་རྒྱབ་ཕྱོགས་མཐེབ་སོར་ཙམ་གྱི་ཐད་དུ་སོང༌། དེ་མཚམས་ནས་གཉིས་གཤིབས་སུ་བྱས་པ་དབུ་མའི་ཡས་སྣའི་སྟེང་ནས་བཀབ་ཅིང༌། དེ་ནས་མདུན་དུ་འཁྱོགས་ཏེ། རོ་མའི་སྣེ་སྣ་བུག་གཡས་དང༌། རྐྱང་མའི་སྣེ་བུག་གཡོན་དུ་ཟུག་པའོ། །དེ་ལྟར་རོ་རྐྱང་དབུ་མ་གསུམ་པོ་གསུམ་གཤིབས་སུ་ཡོད་པ་ལས། ལྟེ་བའི་ཐད་དང༌། སྙིང་གའི་ཐད་དང༌། མགྲིན་པའི་སྦོམ་སའི་ཐད་དང༌། སྤྱི་བོའི་དབུ་མའི་ཡས་སྣ་ནས་མར་རྩེ་སོར་གཉིས་ཙམ་གཞལ་བའི་ཐད་དེ་བཞི་པོ་དེ་རྣམས་རྩ་འཁོར་གྱི་ལྟེ་བ་ཟླུམ་པོ་ཨ་ལོང་ཁོང་སེང་ཅན་ལྟ་བུ། རོ་རྐྱང་དབུ་མ་གསུམ་དབུས་ཀྱི་སྲོག་ཤིང་འདྲ་བ་ལ། དེས་སྐེད་དཀྲིས་བྱས་པ་ལྟ་བུ་སྟེ། དེ་ལྟ་བུའི་ལྟེ་བ་ལས་རྩ་འདབ་རྣམས་རྩ་སྦུབས་ཅན་གྱི་རྣམ་པ་གདུགས་ཀྱི་རྩིབས་མ་བཞིན་དུ་སྐྱེས་པར་གྱུར་པ་ལས། ལྟེ་བ་སྤྲུལ་པའི་འཁོར་ལོ་རྩ་འདབ་དྲུག་ཅུ་རེ་བཞི་གདུགས་རྩིབས་མ་ཅན་གན་རྐྱལ་དུ་བཞག་པ་ལྟ་བུ། སྙིང་ག་ཆོས་ཀྱི་འཁོར་ལོ་རྩ་འདབ་བརྒྱད་གདུགས་རྩིབས་མ་ཅན་ཉིད་ལྟ་བུ། མགྲིན་པར་ལོངས་སྤྱོད་ཀྱི་འཁོར་ལོ་རྩ་འདབ་བཅུ་དྲུག་གདུགས་འདེགས་ལྟ་


TNT12_Page_0852
[མ་དཔེ་གཟིགས་ན་འདིར་གནོན།]

བུ། སྤྱི་བོ་བདེ་བ་ཆེན་པོའི་འཁོར་ལོ་རྩ་འདབ་སུམ་ཅུ་སོ་གཉིས། གདུགས་ཀྱི་རྩིབས་མ་ལྟ་བུ། འཁོར་ལོ་བཞི་ཀར་ཕྱི་རིམ་ནང་རིམ་གྱི་དབྱེ་བ་མེད། གྲངས་དེ་རྣམས་མུ་དེད་ཡིན། ཐམས་ཅད་ཀྱང་ཁ་དོག་དམར་པོ། ལྕགས་བསྲེགས་ལྟར་འོད་དམར་ལྷམ་མེ་བ་བསྒོམ། རྩ་དབུ་མའི་ནང་གི་ཡས་སྣའི་ཕྱོགས་སུ་ཧཾ་ཡིག་དཀར་པོ་མགོ་བོ་ཐུར་དུ་ལྟ་བ། ཐིག་ལེའི་རང་བཞིན་ཉམས་བདེ་ཞིང་བསིལ་བ་ཞུ་ལ་ཁད་ཁད་པ་བསྒོམ། །དབུ་མའི་མས་སྣེའི་ནང་རྩ་གསུམ་འདུས་མདོར། །རཾ་ཡིག་དམར་པོ་མགོ་བོ་གྱེན་དུ་ལྟ་བ། །མེའི་རང་བཞིན་ཤིན་ཏུ་ཚ་བ། དབུ་མའི་མས་སྣ་ནས་སོར་བཞི་གཞལ་བ་ཙམ་གྱི་ཐད་བཤང་སྒོའི་ཕྱོགས་སུ་རླུང་གི་དཀྱིལ་འཁོར་ཟླ་གམ་སྔོན་པོ་གཡོ་བའི་རང་བཞིན་གདན་ཐབས་སུ་ཡོད་པ། བཅད་ཁ་མདུན་ལ་བསྟན་པ་རྣམས་སྒོམ་མོ། །དམིགས་པའི་གཞི་དེ་ལྟ་གསལ་ཐེབས་ནས། ཡང་རླུང་རོ་ཞིག་དལ་བུས་བསལ། དེ་ནས་སྟེང་རླུང་ཤར་ཏེ་རྔུབས་པ་ལྟེ་འོག་ཏུ་བསྐྱུར་སྟབས་སུ་མནན། དེ་དང་མཉམ་དུ་འོག་རླུང་བསྐུམ་སྟེ། ལྟེ་བར་ཁ་སྦྱོར་དུ་བཟུང༌། ཅུང་ཟད་མི་བདེ་བ་སྙམ་བྱེད་ན་གཞིལ་བར་བྱ་སྟེ། དེ་ཡང་སྔར་རླུང་བཟུང་བ་དེ་ཉིད་ཅུང་ཟད་ཀྱང་ཕྱིར་མ་བཏང་པར་སླར་ཡང་རྔུབས་ཆུང་གང་ནུས་བྱ་སྟེ། ལྟེ་བའི་གནས་སུ་གཡས་གཡོན་དབུས་གསུམ་དུ་འཐེན་གནོན་བྱས་ནས་ཀྱང་གང་ཐུབ་བཟུང༌། ཡང་མི་བདེ་བ་སྙམ་བྱེད་ན། དང་


TNT12_Page_0853
[མ་དཔེ་གཟིགས་ན་འདིར་གནོན།]

པོར་ཤུགས་ཆུང་བ། བར་དུ་ཤུགས་ཆེ་བ། མཐར་སང་གིས་བཏང་བ་རྣམས་ལ་བསླབ། དེ་མ་ཐག་ཏུ་ཡང་རྔུབས་ཏེ་སྔར་བཞིན་བསྒོམ། མ་གོམས་གོང་དུ་ངལ་ན་རླུང་ཐེངས་བཞིའི་མཚམས་སམ། བརྒྱད་དང༌། བཅུ་གཉིས་སམ། བཅུ་དྲུག་གམ། ཉི་ཤུའམ། ཉེར་བཞིའམ། ཉེར་བརྒྱད་དམ། སོ་གཉིས་ཀྱི་མཚམས་སུ་ངལ་གསོ་ཡི། གང་འདོད་དུ་བཞག་ཏུ་མི་རུང་ངོ༌། །དམིགས་པ་ནི། རླུང་རྣམས་སྣ་སྒོ་ནས་ཞུགས། རོ་རྐྱང་གི་ལམ་བརྒྱུད་དེ། ལྟེ་འོག་རྩ་གསུམ་འདུས་མདོར་སླེབ། འོག་རླུང་བསྐུམས་པས་བཤང་སྒོའི་རླུང་གི་དཀྱིལ་འཁོར་ལས་རླུང་པོ་ཁ་མདོག་སྔོན་པོ་ཤིན་ཏུ་ཕྲ་བ་ཞིག་མདུང་ཚུགས་སུ་ལངས་ཏེ་དབུ་མའི་མས་སྣར་ཆུད། དེ་ལྟར་རོ་རྐྱང་དང་ཐུར་སེལ་གྱི་རླུང་གསུམ་པོ། གཅིག་ཏུ་འདུས་པས་རཾ་ཡིག་ལ་བུས་པས། རཾ་ཡིག་ལས་གཏུམ་མོ་ཡེ་ཤེས་ཀྱི་མེ་ལྷག་སྟེ་འབར། མར་མེ་འབར་བ་ལྟ་བུ་དེའི་རྩེ་མོ་ཤིན་ཏུ་ཕྲ་ཞིང་རྣོ་བ་སྤུ་ཤད་དམར་པོ་ལྟ་བུ། ཕྲ་བ། གསལ་བ། འཚེར་བ་ཞིག་ཇེ་རིང་ཇེ་རིང་ལ་འབར། རླུང་ཐེངས་འགའ་རེ་སོང་བ་ན། སྤྱི་བོའི་ཧཾ་ལས་རེག་རེག་འདུག་པར་བསམ། དེ་ནས་རིམ་པས་ཧཾ་ཞུ་བ་ལས་བྱང་ཆུབ་ཀྱི་སེམས་ཀྱི་རྒྱུན་དར་དཀར་པོའི་སྣལ་མ་བརྐྱང་བ་ཙམ་བབས། ཇེ་རིང་ཇེ་རིང་ལ་ལྟེ་བའི་རཾ་ལ་ཐིམ་པར་བསམ། སྤྱིར་གཏུམ་མོ་ལ། མེ་ཁོ་ན་ལ་དམིགས་པ་


TNT12_Page_0854
[མ་དཔེ་གཟིགས་ན་འདིར་གནོན།]

ཐེག་ལེ་ལ་དམིགས་པ། འབར་འཛག་ལ་དམིགས་པ་གསུམ་ཡོད་པ་ལས་འདི་ཕྱི་མ་ཡིན། དེ་ལའང་འབྲོས་འདེད་དང༌། སྐྲ་ཤད་འཛིངས་པ་ལྟ་བུ་དང༌། ཕྱེ་དམར་ཁྱབ་པ་ལ་སོགས་པའི་ལུགས་སྣ་ཚོགས་ཡོད་ཀྱང༌། འདི་བར་པ་ཡིན། དེ་ཡང་དབུ་མའི་དབུས་སུ་འབར་འཛག་གཉིས་ཀ་རྒྱུན་མི་འཆད་པ་ལ་ཟེར་ཏེ། དེ་ལས་ཀྱང་དབུ་མའི་དབུས་ཀྱི་ནང་གཞིར་བཞག་པ་ལས། མདུན་གྱི་ཕྱོགས་སུ་མེ་འབར་བ་དང༌། རྒྱབ་ཀྱི་ཕྱོགས་སུ་བྱང་ཆུབ་ཀྱི་སེམས་འབབ་པ་བསྒོམ་དགོས་གསུང༌། གཏུམ་མོ་འབར་བའི་མེ་འོད་གང་དུ་སླེབས་པ་དེས་ལུས་ནང་དུ་ཚ་འུར་གྱིས་བྱུང་བ་དང༌། བྱང་ཆུབ་ཀྱི་སེམས་འབབ་པའི་འོད་སྐྱ་ཡཾ་བྱུང་བ་ན། ལུས་ཐམས་ཅད་བདེ་ཆམ་གྱིས་བྱུང་བར་མོས་པ་གཉིས་རེ་མོས་སུ་ཡིད་ལ་བྱའོ། །ཐུན་མཚམས་སུ་དགེ་བ་བྱང་ཆུབ་ཏུ་བསྔོ། དེ་ལྟར་ན་དམིགས་པ་རྒྱས་པ་སྟེ། དམིགས་སྐོར་བདུན་པའོ། །དབང་རྟུལ་ལ་འདི་སྤོང་སྒོམ་དུ་བྱེད་ན། རྩ་གསུམ་དང་འཁོར་ལོ་བཞི་དང་ཡིག་འབྲུ་དང་རླུང་སྦྱོར་དང་འབར་འཛག་རྣམས་ལ་ཐུན་རེ་རེ་བྱས་ནའང་འོང་བ་ལགས། གཏུམ་མོ་ཟས་སུ་ཟ་བའི་དམིགས་པ་འབྲིང་པོ་ནི། རྩ་འཁོར་ལོ་བཞི་ལྟེ་བ་སྐེད་དཀྲིས་འདྲ་བ་དང་བཅས་པའི་སྐོར་དེ་རྣམས་བོར་ནས། ལྷག་མ་སྔར་ལྟར་བསྒོམ་པ་ཁོ་ནའོ། །དམིགས་པ་བསྡུས་པ་ནི། དེའི་སྟེང་དུ་རོ་རྐྱང་


TNT12_Page_0855
[མ་དཔེ་གཟིགས་ན་འདིར་གནོན།]

གཉིས་ཀྱང་སྤངས་པ་སྟེ། འདི་ལ་མི་འདྲ་བའི་ཁྱད་རླུང་སྣ་སྒོ་ནས་རྔུབས་པ་གཉིས་དབུ་མའི་གཡས་གཡོན་ནས་མར་མདུང་ཚུགས་སུ་སོང༌། ལྟེ་འོག་ནས་སོར་དྲུག་གམ་བརྒྱད་ཙམ་དུ་མར་སླེབ་པ་དེ། འོག་རླུང་ཡར་བསྐུམ་པའི་རླུང་དང་ཕྲད་པ་ན། དེ་ལ་བརྡབས་པ་ལྟར་ཡང་ཐབས་སུ་ཡར་ལོག་སྟེ་ཐམས་ཅད་དབུ་མའི་མས་སྣར་ཞུགས། རཾ་ལ་བསྐུལ་བར་བསམ་དགོས། གཞན་འདྲ། དེ་ལྟར་ན་དམིགས་པ་འབྲིང་བསྡུས་གཉིས་པོ། དམིགས་པ་རྒྱས་པའི་ནང་དུ་ཆུད་པ་ཡིན་པས་ལོགས་སུ་མི་འདྲེན། དམིགས་སྐོར་བདུན་པ་ཉིད་དུ་འདུས། དེའི་རྒྱུ་མཚན་རྒྱས་འབྲིང་བསྡུས་གསུམ་ཀར་བླ་མ་ལས་ཐོབ་པར་བྱས་ནས། རང་གི་མོས་པ་དང་མཐུན་པར་གང་རུང་ཞིག་ཁོ་ན་བསྒོམ་རྒྱུ་ཡིན་པའི་ཕྱིར་རོ། །དམིགས་སྐོར་གཅིག་ཡིན་ཀྱང་འཆད་པའི་ཚེ་ཆོས་ཐུན་སོ་སོར་བྱེད་པ་ནི་མི་འགལ་ལོ། །འདིར་མཁས་བཙུན་རྒྱལ་མཚན་འབུམ་གྱིས་མཛད་པ་སོགས་ཁྲིད་ཡིག་རྙིང་པ་རྣམས་ན། སྔོན་འགྲོ་མེའི་སྟོང་ར་ལ་རྐང་པ་སྐྱིལ་ཀྲུང་དང༌། དངོས་གཞི་གཏུམ་མོ་ཟས་ཟ་ལ་མེ་ཐབ་དྲུག་ཆིངས་བྱེད་པར་བཤད་ནའང། བླ་མའི་ཞལ་ལ་ལྟོས་པའི་ཕྱིར་མན་ངག་དཀྲུགས་ཏེ་བཤད་པ་ཡིན། ལག་ལེན་གོང་དུ་བཤད་པ་ཁོ་ན་བྱེད་དགོས་སོ། །གཏུམ་མོ་ཟས་སུ་ཟ་བ་འདི་གཏུམ་མོའི་དངོས་གཞི་ཡིན། གཞུང་ལས། རང་ལུས་


TNT12_Page_0856
[མ་དཔེ་གཟིགས་ན་འདིར་གནོན།]

ཐབས་ལྡན་རྩ་གསུམ་འཁོར་ལོ་བཞི། ཨ་ཧཾ་འབར་འཛག་སྐད་ཅིག་དགའ་བཞིས་བརྒྱན། །ཞེས་གསུངས་པའི་བསྟན་དོན་དངོས་ཡིན་ནོ། །རཾ་ཡིག་བསྒོམས་པ་ལ་ལྟེ་བའི་ཨ་ཐུང་སྒོམ་པའི་དོན་ཚང་བ་དང༌། །དམིགས་པ་འབྲིང་བསྡུས་གཉིས་ལ་འཁོར་ལོ་བཞི་དངོས་སུ་མ་བསྒོམས་ཀྱང༌། རྩ་དབུ་མ་ཡོངས་རྫོགས་བསྒོམས་པའི་ཕྱིར། །དབུ་མ་ཉིད་འཁོར་ལོ་བཞི་ཁར་གྱི་ལྟེ་བ་ཡིན་པས། དོན་འཁོར་ལོ་བཞི་ཆར་ཚང་བ་ཡིན་ནོ། །གཉིས་པ་གཏུམ་མོ་གོས་སུ་གོན་པ་ནི། དམིགས་པའི་རྩ་བ་གཏུམ་མོ་ཟས་སུ་ཟ་བ་ཅུང་ཟད་གོམས་པ། ཞིག་གིས་བྱ་སྟེ། འདི་ལ་ཕྱིའི་དམིགས་པ་གྲང་བ་ཡིད་ལ་མི་བྱེད། གནས་ཁང་རྡོ་རྗེའི་རང་བཞིན་ནམ། ལྕགས་བསྲེགས་ཀྱིས་ས་གཞི་དང༌། རྭ་གུར་ལ་མེ་འུར་འུར་འབར་བར་བསྒོམ། རང་ལྷ་སྐུ་དང༌། རྒྱན་ཕྱག་རྒྱ་ལྔ། ན་བཟའ་སྟག་ལྤགས་མི་ལྤགས། ཐམས་ཅད་ཀྱང་མེ་ལྕེ་ཡལ་ལ་ལ་འབར་བར་བསམ། ནང་གི་དམིགས་པར་ལྟེ་འོག་སོར་བཞིར་རཾ་ལས་འབར་བའི་མེས་ལུས་ནང་ཐམས་ཅད་གང་བར་བསམ། ལུས་གནད་ཙོག་པུ། ལག་གཉིས་པུས་མོའི་ཕྱི་ནས་འཁྱུད་དབུགས་ཤ་དབྲག་ལ་འགྲོ་བར་བྱེད་ཅེས་བཤད་ནའང༌། མན་ངག་གབ་པ་ཡིན་པས། ལག་གཉིས་ནང་དུ་བསྣོལ་ཏེ། གཡས་ཀྱི་ལག་མཐིལ་གཡོན་གྱི་མཁལ་ཁུང་དང༌། གཡོན་གྱི་ལག་མཐིལ་


TNT12_Page_0857
[མ་དཔེ་གཟིགས་ན་འདིར་གནོན།]

གཡས་ཀྱི་མཁལ་ཁུང་ལ་བཀབ། ཕྱི་ནང་པུས་འཁྱུད་ཀྱིས་བསྡོམས་པ་ཡིན། རླུང་གི་གནད། གཞིལ་བ་ལན་གཉིས་རེའམ། གསུམ་རེ་ལུས་སྟོབས་དང་བསྟུན་ནས་བྱ། ཐུན་མཚམས་སུ་གཙུབས་ཤིང་གཙུབས་སྟན་གྱི་འཁྲུལ་འཁོར་ལ་འབད། འདིས་དྲོད་འཕྲལ་དུ་སྐྱེད། ལུས་རྔུལ་ན་གོས་སྲབ་ཏུ་བཏང་ཞིང༌། ལུས་ལ་དྲིལ་ཕྱིས་བྱའོ། །དེ་ཡང་དངོས་གཞི་ཟས་སུ་ཟ་བ་མ་བསྒོམས་པར་མེའི་སྟོང་ར་ཡུན་རིང་དུ་བསྒོམ་པས་ཀྱང་འདི་བསྒོམ་དུ་རུང་ངོ༌། །དམིགས་སྐོར་བརྒྱད་པའོ། །གཉིས་པ་སྟན་དུ་འདིང་བ་ནི་ཕྱིའི་དམིགས་པ་གོས་སུ་གྱོན་པ་དང་འདྲ་བ་ལས། ལྷག་པར་གདན་ལྕགས་བསྲེགས་ཀྱི་པདྨ་དང་ཉི་མའི་དཀྱིལ་འཁོར་མེ་ལྕེ་འུ་རུ་རུ་འབར་ལ་རང་ཉིད་གནས་པ་ལྷག་པོར་བསྒོམ། ནང་གི་དམིགས་པ་ལྟེ་བའི་ཐད་དུ་རཾ་དམར་པོ་འོད་ལྷག་གེ་བ་ལ་སེམས་གཏད། རླུང་གནད་འཇམ་རླུང་རྒྱུན་ཆགས་སུ་བཟུང༌། ཉིན་པར་ནམ་སྟོད་དེ་ལྟར་བྱས་ནས་གཉིད་ལོག་ཁར། རབ་སྐྱིལ་ཀྲུང༌། འབྲིང་ཙོག་པུ། ཐ་མ་སྔས་མཐོ་རུ་བཅུག།གློ་གཡས་པ་འོག་ཏུ་བཅུག།པུས་བྲང་སྦྱར། ལུས་སུམ་ལྟབ་ཏུ་ཉལ། སེམས་ལྟེ་བའི་རཾ་ལ་གཏད་པའི་ངང་ནས་གཉིད་དུ་འགྲོ་བར་བྱ། འདིའི་དགོས་པ་ནི། གཏུམ་མོ་བསྒོམས་པས་གཉིད་ཀྱི་འོད་གསལ་ཟིན་པ་དང༌། ཉིན་པར་བསྒོམས་པའི་དྲོད་ཀྱི་རྒྱུན་དེ་མཚན་མོ་


TNT12_Page_0858
[མ་དཔེ་གཟིགས་ན་འདིར་གནོན།]

མི་ཡལ་བའི་ཕྱིར་ཡིན། འདི་ཡང་མེའི་སྟོང་རའམ། ཟས་སུ་ཟ་བ་གང་རུང་ཞིག་ཅུང་ཟད་འབྱོངས་པས་བསྒོམ་ན་དོན་སྟོན་པར་ཐེ་ཚོམ་མེད་པ་ཡིན་ནོ། །དམིགས་སྐོར་དགུ་པའོ། །བཞི་པ་རླུང་ལྟར་བཞོན་པ་ནི། རྩ་བའི་དམིགས་པ་དང་རླུང་འབྱོངས་པ་ཞིག་གིས་ཡུན་རིང་དུ་བསྒོམས་ན། རྟ་མཆོག་དང་མཉམ་པའི་འགྲོས་འབྱུང་ངོ་ཞེས་པ་ལྟ་བུ་རྟགས་དང་ཡོན་ཏན་གྱི་ཚུལ་དུ་འབྱུང་བ་ཡིན། ད་ལྟ་ལག་ཏུ་ལོངས་ངེས་ལ་ཟླ་བ་གཅིག་གཉིས་ཙམ་རླུང་སྦྱངས་པའི་ལས་དང་པོ་པས་སྒོམ་ན། ལམ་གྱི་འགྲོ་འདུག་གིས་རྩ་རླུང་འཁྲུགས་པ་དང༌། ཁམས་རྙོག་པར་མི་འགྱུར་ཞིང༌། འགྲོ་འདུག་ཉིད་ལུས་སྦྱོངས་སུ་འགྲོ་བའི་ཕན་ཡོན་ཡོད་དོ། །དེ་ཡང་ལམ་དུ་འཇུག་པའི་སྔོན་དུ་ཁུག་པ་ཉེར་གཅིག་ཙམ་བཟུང༌། དེ་སྐབས་དངོས་གཞིའི་དམིགས་པའམ། ཡང་ན་མི་རྟོག་པ་རྐྱང་པ་བསྒོམས་ཀྱང་བཏུབ། དངོས་ནི་ལམ་དུ་འགྲོ་བའི་ཚེ། ལག་པ་སྟོད་སྐྱིལ་བཅས། རླུང་འཇམ་རླུང་བཟུང༌། དམིགས་པ་ནི་རླུང་གི་ལྷ་མོ་དཀར་ལྗང་གཤོག་པ་ཅན་གཉིས་ཀྱིས་མཆན་ཁུང་ནས་བཏེགས་ཏེ། གང་འདོད་པའི་གནས་སུ་ཕྱིན་པར་བསམ་གསུང༌། འདིར་རླུང་ཁུག་པ་ཞེས་པ་ནི། གོང་དུ་བཤད་པའི་རླུང་ཐེངས་བཞི་བཞི་པ་དེ་ལ་ཟེར་བ་ཡིན། དེ་ཉེར་གཅིག་ལ་རླུང་ཐེངས་བརྒྱད་ཅུ་གྱ་བཞི་ཡོད། དེ་ཡང་ལས་དང་པོ་བུམ་ཅན་མ་འགྲུབ་པ་རྣམས་ཀྱི་དབང་དུ་བྱས་པར་འདུག །ཡུན་


TNT12_Page_0859
[མ་དཔེ་གཟིགས་ན་འདིར་གནོན།]

རིང་བཟུང་ནུས་པ་རྣམས་ལ་གྲངས་དེ་ཙམ་མི་དགོས། ཁྲིད་ཡིག་རྣམས་ན་མི་གསལ་ཡང་སྐབས་དེར་བར་ལྷུ་འཇུས་པའི་སྟོད་སྐྱིལ་ཙམ་པོས་མི་ཆོག །ཁུ་ཚུར་མཆན་ཁུང་དུ་བཅུག་པའི་སྟོད་སྐྱིལ་བཅས་ནས། རླུང་གི་ལྷ་མོས་བཏེགས་པ་སྒོམ་དགོས་ཞེས། སངས་རྒྱས་ཀུན་འདུས་རྩ་བའི་བླ་མ་གསུང་ངོ༌། །དམིགས་སྐོར་བཅུ་པའོ། །གསུམ་པ་རྗེས་ཀྱི་ཁྲིད་ལ། སྲིད་པའི་དབང་ཞུ་བ་དང༌། གེགས་རང་གྲོལ་གཉིས་སོ། །དང་པོ་ནི། མན་ངག་འདི་ཐོབ་ཕྱིན་ཆད་ནས། གཏུམ་མོ་བསྒོམས་པའི་མཇུག་ཐུན་མཚམས་ལ་འཇུག་ཁར་འདི་ཚར་གཅིག་ངེས་པར་བསྒོམ་དགོས་ཏེ། དེ་ཡང་རང་གི་སྤྱི་བོར་སེང་ཁྲི་པད་དཀར་ཉི་ཟླའི་གདན་ལ། རྩ་བའི་བླ་མ་སྐུ་དངོས་སམ། རྡོ་རྗེ་འཆང་གང་དུ་བསྒོམས་ཀྱང་རུང་མོད་ཀྱི། རྩ་བའི་བླ་མ་ཉིད་བསྒོམ་པ་ཟབ་པར་བཞེད། གང་ལྟར་ཡང་སྐུ་མདོག་དཀར་ལ་འོད་ཟེར་འཕྲོ་བ། དེ་ཉིད་སྐྱབས་གནས་ཀུན་འདུས་སུ་ཤེས། མཆོད་ཡོན་དང༌། མེ་ཏོག་ལ་སོགས་པའི་ཉེར་སྤྱོད་དང༌། ཁང་བཟང་བཞུགས་ཁྲི། ན་བཟའ་རིན་པོ་ཆེའི་གཏེར་དང༌། དཔག་བསམ་གྱི་ཤིང་དང༌། འདོད་འཇོའི་བ་དང༌། རྒྱལ་སྲིད་སྣ་བདུན་དང༌། བཀྲ་ཤིས་ལྷ་མོ་བརྒྱད་ལ་སོགས་པ། མདོར་ན་ཕྱོགས་དུས་ཀུན་གྱི་མཆོད་པ་བཟང་དགུ་ཐམས་ཅད་འབུལ་བ་ནི། །ཕྱིའི་མཆོད་པའོ། །དེ་ནས་ཤ་ལྔ་བདུད་རྩི་ལྔ་ལ་


TNT12_Page_0860
[མ་དཔེ་གཟིགས་ན་འདིར་གནོན།]

སོགས་པའི་དམ་རྫས་རྣམས་ཡེ་ཤེས་ཀྱི་བདུད་རྩིར་བྱིན་གྱིས་བརླབས་ཏེ་འབུལ་བ་ནི་ནང་གི་མཆོད་པའོ། །བདེ་བ་སྐྱེད་བྱེད་རིགས་ཀྱི། ཡུམ་འབུལ་བ་ནི་གསང་བའི་མཆོད་པའོ། །དེ་ཐམས་ཅད་སྒྱུ་མ་རྨི་ལམ་ལྟར་ཤེས་པ་ནི། དེ་ཁོ་ན་ཉིད་ཀྱི་མཆོད་པའོ། །དེ་ལྟར་མཆོད་པ་བཞི་རྫོགས་སུ་ཕུལ་ནས། འདི་སྐད་ཅེས། དུས་གསུམ་སངས་རྒྱས་ཐམས་ཅད་འདུས་པའི་ངོ་བོ་བླ་མ་རིན་པོ་ཆེ་ལ། ཕྱི་མེ་ཏོག་བདུག་སྤོས། ནང་ཤ་ལྔ་བདུད་རྩི་ལྔ། གསང་བ་བདེ་སྟོང་གི་ཡེ་ཤེས། ཡང་གསང་དེ་ཁོ་ན་ཉིད་ཀྱི་མཆོད་པ་དམ་པ་རྣམས་འབུལ་ལོ། །བཞེས་ནས་བདག་ལ་དབང་བཞི་རྫོགས་པར་བསྐུར་དུ་གསོལ། ཅེས་གསོལ་བ་དྲག་ཏུ་བཏབ་པས། བླ་མའི་སྐུ་ལས་ཡེ་ཤེས་ཀྱི་བདུད་རྩིའི་རྒྱུན་དཀར་ལ་དྭངས་པ་ཉམས་བདེ་བ་དང་ལྡན་པ་དྲག་ཏུ་བབས། སྤྱི་བོ་ནས་ཞུགས། སྨིན་མཚམས་ཡན་ཆད་གང༌། བུམ་དབང་ཐོབ། སྐུའི་དངོས་གྲུབ་སྩལ། ཡང་བདུད་རྩིའི་ཆུ་རྒྱུན་གྱིས་མགྲིན་པ་ཡན་ཆད་གང༌། གསང་དབང་ཐོབ། གསུང་གི་དངོས་གྲུབ་སྩལ། ཡང་སྙིང་ག་ཡན་ཆ་གང༌། ཤེས་རབ་ཡེ་ཤེས་ཀྱི་དབང་ཐོབ། ཐུགས་ཀྱི་དངོས་གྲུབ་སྩལ། ཡང་བདུད་རྩིའི་ཆུ་རྒྱུན་ལྟེ་བ་སོགས་ནས་བརྒྱུད། རྐང་མཐིལ་ཡན་ཆད་ལུས་ཀྱི་ནང་ཐམས་ཅད་གང༌། དབང་བཞི་པ་ཐོབ། སྐུ་གསུང་ཐུགས་ཀྱི་དངོས་གྲུབ་ཐམས་ཅད་སྩལ། བླ་མ་ཉིད་ཀྱང་


TNT12_Page_0861
[མ་དཔེ་གཟིགས་ན་འདིར་གནོན།]

འོད་དུ་ལྟེམ་སྟེ་ཞུ་ནས་རང་ལ་ཐིམ། བླ་མའི་སྐུ་གསུང་ཐུགས་དང༌། རང་གི་ལུས་ངག་ཡིད་གསུམ་དབྱེར་མེད་གཅིག་ཏུ་གྱུར་པ་ལ་མཉམ་པར་བཞག །དེ་རྗེས་དགེ་བ་བསྔོས་ནས་ཐུན་མཚམས་ལ་འཇུག་པ་ཡིན། དམིགས་པ་འདི་བླ་མ་ལ་མ་ཐོབ་གོང་དུ་དེར་ཟད། ཐོབ་ཕྱིན་ཆད་གདམས་ངག་འདིའི་ལུགས་ཀྱི་གཏུམ་མོའི་དམིགས་པའི་རིགས་བསྒོམ་པ་ཐམས་ཅད་ལ། ཐུན་གྱི་འཇུག་ཏུ་འདི་ཚར་རེ་ངེས་པ་བསྒོམ་དགོས་པས། གཏུམ་མོའི་དམིགས་པའི་རྗེས་ཆོག་ལྟ་བུར་འགྱུར་བའི་ཕྱིར། རྗེས་ཀྱི་ཁྲིད་དུ་བསྡུས་པ་ཡིན་ལ། སྤྱིར་འདི་ཉིད་དམིགས་པ་གཞན་དང་མ་སྦྲེལ་བར་ལོགས་སུ་བསྒོམ་པའི་སྲོལ་ཡང་ཡོད་ཅིང༌། བླ་མའི་སྐུ་ལས་དབང་བཞི་ལེན་པའི་གནད་དོན་ཐམས་ཅད་ཚང་ཞིང༌། སྤྲོས་པའི་བསྲེ་བསླད་མེད་པས། བྱིན་རླབས་ཀྱི་ཚན་ཁ་ཤིན་ཏུ་ཆེའོ། །སྐབས་འགར་ཞག་གསུམ་མམ། ལྔའམ། བདུན་སོགས་འདི་ཁོ་ན་ལ་དྲིལ་ཏེ་བསྒོམས་ན། སྒོམ་གང་ལ་ཡང་བོགས་བླ་ན་མེད་པར་ཕྱིན་པར་འགྱུར་རོ། །གཏུམ་མོའི་མཇུག་ཏུ་ངེས་པར་བསྒོམ་དགོས་པའི་རྒྱུ་མཚན་ནི། གཏུམ་མོ་དངོས་གཞི་བསྒོམས་པའི་བདེ་དྲོད་ཀྱི་ཉམས་མྱོང་བརྟན་པར་བྱེད་པ་དང༌། རླུང་སྟོད་དུ་འཚངས་པ་ཐུར་དུ་འབེབས་པ་དང༌། རྩོལ་བ་དྲག་པོས་ལུས་ཟུངས་ལ་གནོད་པའི་རིགས་ལ། འདིས་ལུས་ཟུངས་གསོ་བ་ཏིང་ངེ་འཛིན་གྱི་


TNT12_Page_0862
[མ་དཔེ་གཟིགས་ན་འདིར་གནོན།]

བཅུད་ལེན་དུ་འགྱུར་བ་དང༌། ཐུན་མཚམས་སུ་གྲིབ་སོགས་བར་ཆད་སྲུང་བ་དང༌། གཙོ་བོར་བྱིན་རླབས་བརྟན་པའི་སྒོ་ནས་ཡེ་ཤེས་སྐྱེད་པའོ། །དམིགས་སྐོར་བཅུ་གཅིག་པའོ། །གཉིས་པ་གེགས་རང་གྲོལ་ནི། སྤྱིར་གེགས་སེལ་རྒྱས་པ་གཞན་དུ་ཤེས་དགོས་ཀྱང༌། ཁྲིད་ཀྱི་དཀྱུས་ལ་འདི་ཙམ་འབྱུང་སྟེ། གཏུམ་མོ་བསྒོམ་པ་ཕལ་ཆེར་ལ་རླུང་སྟོད་དུ་འཚང་བ་དང༌། འོག་ཏུ་ཀུནྡའི་གེགས་འབྱུང་བ་ཡིན། དེ་ཡང་འགའ་ཞིག་ལ་གཉིས་ཀར་འབྱུང་བའང་ཡོད། ཕལ་ཆེར་ལ་གང་རུང་རེ་འབྱུང་བ་ཤས་ཆེ། གེགས་ཀྱི་རྣམ་པ་གཞན་རྣམས་ནི་རེ་རེ་ཙམ་མ་གཏོགས་འབྱུང་བ་དཀོན་ནོ། །དེ་ལ་སྟོད་གེགས་བསལ་བ་ནི། ཐབས་ལམ་གཏུམ་མོ་བསྒོམ་པའི་སྐབས་སུ་རོ་སྟོད་ན་བ་དང༌། མགོ་ལ་ཟུར་གཟེར་སྐྱེ་བ་དང༌། ཤེས་པ་འཕྱོ་བ་སོགས་བྱུང་ན། སྔོན་འགྲོ་ཉམས་སུ་བླངས་པའི་རྗེས་སུ། རང་ལུས་སྟོང་སང་ངེ་བ་གསལ་བཏབ་སྟེ། རླུང་ཐེངས་གཅིག་གཉིས་ཤིག་སྔོན་དུ་བཏང༌། གང་ན་སར་བུ་ག་ཟླུམ་པོ་སུམ་ཚོམ་ནོར་བུ་མིག་གསུམ་འདྲ་བ་གསལ་བཏབ། ལག་གཉིས་ཁུ་ཚུར་མདུན་དུ་བརྐྱངས་ཏེ། སླར་ཁུ་ཚུར་གྱི་རྒྱབ་ནུ་སྟེང་དང༌། ལག་ངར་རྩིབས་ལོགས་ལ་ཐེབས་པར་བྱེད་པ་དང་མཉམ་པོར་ཁ་ནས་ཧ་ཐུང་དྲག་ཏུ་འདོན། ནད་རྣམས་བུ་ག་ནས་དུད་པའམ་རླུང་ཚུབས་ཀྱི་རྣམ་པས་ཕྱུར་


TNT12_Page_0863
[མ་དཔེ་གཟིགས་ན་འདིར་གནོན།]

ཕྱུར་ཕྱིར་རྒྱང་རིང་དུ་འགྲོ་བ་དང༌། ལུས་ཀྱི་ནང་སྟོང་སང་སང་སོང་བར་མོས། ལུས་ཐམས་ཅད་ན་ན་སུས་ཁྲོལ་ཚགས་ལྟ་བུར་སྒོམ་པ་ཁྱད་པར་ཡིན། ལུས་ཀྱི་ཆ་ཤས་འདི་རང་ན་བའི་ངེས་གཟུང་མེད་པར་ཤེས་པ་འཕྱོ་བ་སོགས་བྱུང་ན་སྙིང་རླུང་གི་བྱེད་ལས་ཡིན་པས། སྙིང་དཀར་ནག་གི་མཚམས་སུ་བུ་ག་སྒོམ་ན་ལེགས་གསུང་ངོ༌། །དམིགས་སྐོར་བཅུ་གཉིས་པའོ། །སྨད་ཀུན་དའི་གེགས་བསལ་བ་ནི། རབ་དགག་སྒྲུབ་དང་བྲལ་བའི་བློས་སེལ། འབྲིང་དབང་བསྐུར་དང་ཚོགས་འཁོར་གྱིས་སེལ། ཐ་མ་དམིགས་པ་དང་འཁྲུལ་འཁོར་གྱིས་སེལ་གསུང༌། ཡང་ཆགས་སྲེད་དང་བག་ཆགས་ཀྱི་རྒྱུ་ལས་བྱུང་བ་ཡིན་ན། དགག་སྒྲུབ་དང་བྲལ་བས་སེལ། གྲིབ་དང་དམ་སེལ་ཡིན་ན། དབང་བསྐུར་དང་ཚོགས་ཀྱི་འཁོར་གྱིས་སེལ། གང་འཛག་དང་ནད་གཞི་ཡིན་ན། དམིགས་པ་དང་འཁྲུལ་འཁོར་གྱིས་སེལ་ཡང་གསུང་ངོ༌། །འདིར་འཛག་བསྲུང་བཀའ་རྒྱ་མའི་དམིགས་པ་སྦྱོར་རྒྱུ་ཡིན་ནའང། བཀའ་རྒྱ་མ་ཡིན་པའི་ཕྱིར་མང་པོའི་ཚོགས་པའི་ནང་དུ་མི་འཆད་པའི་ཟུར་ཙམ་སྨོས་པ་དེ་ཀས་ཆོག།དེ་ལ་ཐུན་གཅིག་བྱེད་དམ་མི་བྱེད་བློ་དང་སྦྱར་རོ། །ཡང་སློབ་མ་གལ་ཆེ་ཉུང་ངུ་ལ་དམིགས་པ་དེ་འབོགས་ནས། དེ་ཉིད་དམིགས་སྐོར་བཅུ་གསུམ་པར་འགྱུར་བ་ཡང་ཤེས་པར་བྱའོ། །ཡང་དཀྱུས་ལྟར་ན། གཏུམ་མོ་ལ་གཞུང་ཚིག་གི་ཟིན་པའི་དམིགས་པ་བདུན་


TNT12_Page_0864
[མ་དཔེ་གཟིགས་ན་འདིར་གནོན།]

ཡོད། རྩ་ཚིག་གིས་དངོས་སུ་མ་ཟིན་ཀྱང་གཏུམ་མོའི་ཐོན་ཆོས་སམ། བདེ་དྲོད་ཀྱི་བོགས་འདོན་ཁྱད་པར་ཅན་བྱིན་རླབས་བླ་མའི་གཏུམ་མོ་འདི་ཡིན། ཅེས་མཚམས་སྦྱར་ནས། བྱིན་རླབས་བླ་མའི་གཏུམ་མོ། སྐབས་འདིར་སྟོན་ཏེ། དེའི་དམིགས་པ་ཡང་ལོགས་སུ་ཤེས་པར་བྱའོ། །དེ་ལྟར་ན་དེ་རྣམས་ཀྱིས་ནི་རང་ལུས་ཐབས་ལྡན་གྱི་གཏུམ་མོ་རྒྱས་པར་བསྟན་པ་ཡིན་ལ། འདིའི་ཡན་ལག་ཏུ་གཏུམ་མོའི་གཞུང་ཁྲིད་ཀྱི་མན་ངག་འཁྲུལ་འཁོར་རྣམས་ཀྱང་ལག་ལེན་དུ་འདེབས་པ་ཤིན་ཏུ་གལ་ཆེའོ། །གཞན་ལུས་ཤེས་རབ་ཀྱི་གཏུམ་མོའི་སྐོར་ནི་མན་ངག་རྣོ་ལ་ཟབ་པ་ཡོད་ཀྱང་རེ་ཞིག་གླེང་བརྗོད་མེད་པར་འཇོག།མཁས་གྲུབ་གཞོན་ནུ་གྲུབ་ཀྱི་ཞལ་ན་རེ། དཔལ་ལྡན་ཤངས་པའི་བཀའ་བརྒྱུད་འདི་རྒྱ་གར་གྱི་རྡོ་རྗེ་གདན་པ་དང༌། བོད་ཡུལ་གྱི་སངས་རྒྱས་གླང་རི་པའི་རྣམ་ཐར་སྐྱོང་དགོས། གཙང་སྒོམ་གྱི་བརྒྱུད་འཛིན་ཡིན། འཇོལ་ཉོག་གི་བརྒྱུད་འཛིན་མིན་གསུང་ངོ༌། །གཉིས་པ་སྒྱུ་ལུས་ཆགས་སྡང་རང་གྲོལ་གྱི་གདམས་ངག་ལ། དབང་པོ་རབ་བླ་མ་དམ་པ་གྲོགས་སུ་བསྟེན་པ། དབང་པོ་འབྲིང་ཚིག་གཞན་གྱིས་བར་མ་མཆོད་པར་ཁྲིད་པ། དབང་པོ་ཐ་མ་མལ་གཅིག་ཏུ་ཏིང་ངེ་འཛིན་བསྐྱེད་པའོ། །དང་པོ་ལ། མོས་གུས་བླ་མའི་ལམ་ཁྱེར་དང༌། ཅིར་སྣང་བདེན་མེད་ལམ་ཁྱེར་གཉིས་སོ། །དང་པོ་མོས་གུས་བླ་མའི་ལམ་ཁྱེར་ནི། དབང་པོ་རབ་ཀྱི་སྐབས་འདིར་སྒྱུ་ལུས་ཀྱི་དམིགས་པའི་རྐང་


TNT12_Page_0865
[མ་དཔེ་གཟིགས་ན་འདིར་གནོན།]

ཆེན་གཅིག་ཏུ་ཡང་བྱེད་ལ། སྤྱིར་སྒྱུ་ལུས་ལ་སོགས་པ་ཆོས་ལྔ་པོ་ཐམས་ཅད་ཀྱི་དམིགས་པའི་གཞི་མ་ཡང་འདི་ཡིན་ནོ། །དེ་ཡང་འདི་ལྟར་སྐྱབས་འགྲོ་སེམས་བསྐྱེད་ངེས་པར་སྔོན་དུ་བཏང༌། དག་བྱེད་སྟོང་ར་སྒོམ་མི་སྒོམ་ཉམས་དང་སྦྱར། དེ་ནས་རང་གཞན་ཐམས་ཅད་ལ་གཞིག་འགྲེལ་ཞིག་བཅུག་སྟེ། ག་རེ། ལར་འདུས་བྱས་ཐམས་ཅད་ལ་རྟག་པའི་གོ་སྐབས་མེད། སྒོས་སུ་འགྲོ་བ་རིགས་དྲུག་གི་སེམས་ཅན་ཐམས་ཅད་འཆི་བ་ལས་མ་འདས། དེ་ཡང་མྱུར་འཆི་དང་ནམ་འཆི་ཆ་མེད། འཆི་བ་ལ་དམ་པའི་ཆོས་མ་ཡིན་པ་ཅིས་ཀྱང་མི་ཕན། དེ་ཕྱིན་ཆད་ད་ནི་ཟས་གོས་ལོངས་སྤྱོད་ཁ་དྲག་དབང་ཐང་གཏམ་སྙན་མི་སྙན་དགྲ་འདུལ་གཉེན་སྐྱོང་སོགས་གང་གིས་ཀྱང་དགོས་པ་མི་འདུག།ཅིས་ཀྱང་ཕན་པ་མི་འདུག།ད་ཕྱིན་ཆད་གང་དགའ་ཅི་དགར་ཐོང་སྙམ་པ་དང༌། ནམ་འཆི་ཆ་མེད་དང༌། ཅིས་ཀྱང་དགོས་མེད་ཀྱི་འདུན་པ་དུང་དུང་བ་སྦྱངས། དེ་ཀ་ལ་ཅུང་ཟད་ངལ་གསོ། དེ་ནས་རང་སྐད་ཅིག་གིས་ཡི་དམ་ལྷ་གསལ་འདེབས་ཏེ། དེ་ཡང་ནི་གུའི་ཆོས་དྲུག་འདི་རྒྱུད་སྡེ་ཐམས་ཅད་ཀྱི་དགོངས་པ་ཡིན་པས་ལྷག་པའི་ལྷ་གོང་དུ་བསྒོམས་ཀྱང་རུང་བ་ཡིན། དེའི་ནང་ནས་ཀྱང་རྒྱུད་སྡེ་ལྔའི་དོན་གྱིས་བཅུད་བསྡུས་པ་ཡིན་པས་རྒྱུད་སྡེ་ལྔའི་དཀྱིལ་འཁོར་གྱི་གཙོ་བོ་གང་བློ་ལ་འཐད་པ་ཅིག་ཏུ་བསྒོམས་ཀྱང་ལེགས་མོད། མཉམ་མེད་རིན་


TNT12_Page_0866
[མ་དཔེ་གཟིགས་ན་འདིར་གནོན།]

ཆེན་བརྩོན་འགྲུས་མན་ཆད་བརྒྱུད་པ་ནས་བརྒྱུད་པའི་ཕྱག་ལེན་དུ། བདེ་མཆོག་ལྷན་སྐྱེས་ཉིད་དུ་བསྒོམ་པར་མཛད་པ་ཉིད་བྱིན་རླབས་ཀྱི་རྒྱུན་དང་ལྡན་པའི་རིམ་པ་ཡིན་པས། རང་ཉིད་སྐད་ཅིག་གིས་འཁོར་ལོ་བདེ་མཆོག་ལྷན་སྐྱེས་སྐུ་མདོག་སྔོན་པོ། ཞལ་གཅིག་ཕྱག་གཉིས་རྡོ་རྗེ་དང་དྲིལ་བུ་འཛིན་པས་ཡུམ་ལ་འཁྱུད་པ། ཞབས་གཡོན་བསྐུམས་པས་འཇིགས་བྱེད་ནག་པོ་དང༌། གཡས་བརྐྱངས་པས་དུས་མཚན་དམར་མོ་མནན་པ། སྟགས་ལྤགས་ཀྱི་སྨད་དཀྲིས། ཐོད་སྐམ་གྱི་དབུ་རྒྱན། ཐོད་རློན་གྱི་དོ་ཤལ། རུས་པའི་རྒྱན་དྲུག།ཐོར་ཚུགས་ལ་ཟླ་བ་ཕྱེད་པ་དང་སྣ་ཚོགས་རྡོ་རྗེ་ལ་སོགས་པས་བརྒྱན་པ། ཡུམ་རྡོ་རྗེ་ཕག་མོ་དམར་མོ་གྲི་གུག་ཐོད་པ་འཛིན་པ་དང་མཉམ་པར་སྦྱོར་བ། མེ་དཔུང་འབར་བའི་དབུས་ན་བཞུགས་པར་བསྒོམ། དེ་ཡང་དང་པོར་བསྒྲིམས་ཏེ་གསལ་བཏབ། དེ་ནས་ལྷ་སྐུ་སྣང་སྟོང་ཙམ་སྒྱུ་མ་ལྟ་བུ་དེ་ལ་ཅུང་ཟད་སེམས་གཏད་དེ་རིག་པ་ཁོང་ལྷོད་ཀྱིས་བཞག།དེ་མ་ཐག་ཏུ་བླ་མ་བསྒོམ་སྟེ། དེ་ཡང་རང་གི་རིགས་བདག་གི་ཚུལ་དུ་སྤྱི་བོ་ཉིད་དུ་བསྒོམ་པ་ཐོབ་ཐང་ཡིན། འོན་ཀྱང་རྣམ་པ་མི་བདེ་ན་རང་གི་སྤྱི་བོའི་སྟེང་གི་ནམ་མཁའ་དྲང་ཐད་ལ་བསྒོམ། དེ་ཡང་རྣམ་པ་མི་དོད་ན་མདུན་གྱི་ཕྱོགས་སྟེང་གི་ནམ་མཁའ་ལ་ཞལ་ཚུར་བསྟན་པ་བསྒོམས་ཀྱང་རུང་སྟེ། གང་ལྟར་ནའང་སེང་ཁྲི་སྣ་ཚོགས་པདྨ་ཉི་ཟླ་རྣམས་བརྩེགས་པའི་གདན་ལ། རང་གི་རྩ་བའི་


TNT12_Page_0867
[མ་དཔེ་གཟིགས་ན་འདིར་གནོན།]

བླ་མ་སྐུ་བཀྲག་མདངས་གཟི་བརྗིད་ཕུན་སུམ་ཚོགས་པ་དང་ལྡན་པར་བསྒོམས་ཏེ། སྒྱུ་ལུས་ལ་སོགས་པའི་ཆོས་ཕྱི་མ་ལྔ་པོ་རྣམས་ཀྱི་སྐབས། རྡོ་རྗེ་འཆང་དུ་སྒོམ་ན། སྐུ་མདོག་སྔོན་པོར་བྱེད། འོན་ཀྱང་ལག་ལེན་བླ་མ་སྐུ་དངོས་ཉིད་སྒོམ་པར་མཛད་པ་དེ་ཀ་གཙོ་ཆེའོ། །དེ་ནས་དམིགས་པ་སྤྲོས་པའི་དབང་དུ་བྱས་ནས། རྩ་བའི་བླ་མའི་ཐུགས་ཀ་ནས་འོད་ཟེར་འཕྲོས། བརྒྱུད་པའི་བླ་མ་ཐམས་ཅད་སྤྱན་དྲངས་ཏེ་རྩ་བའི་བླ་མ་ལ་ཐིམ། བླ་མ་ཀུན་འདུས་སུ་གྱུར། དེ་བཞིན་དུ་ཡི་དམ་ཞི་ཁྲོ་རབ་འབྱམས་ཐམས་ཅད་སྤྱན་དྲངས་ཐིམ་ཡི་དམ་ཀུན་འདུས་སུ་གྱུར། ཕྱོགས་བཅུ་དུས་གསུམ་གྱི་སངས་རྒྱས་ཐམས་ཅད་སྤྱན་དྲངས་ཐྀམ་སངས་རྒྱས་ཀུན་འདུས་སུ་གྱུར། ལུང་རྟོགས་ཀྱི་དམ་ཆོས་རྣམས་ཡི་གེའི་གཟུགས་ཀྱི་རྣམ་པར་སྤྱན་དྲངས་ཐིམ་ཆོས་ཀུན་འདུས་སུ་གྱུར། ཐེག་པ་ཆེ་ཆུང་གི་འཕགས་པའི་དགེ་འདུན་ཐམས་ཅད་སྤྱན་དྲངས་ཐིམ་དགེ་འདུན་ཀུན་འདུས་སུ་གྱུར། མཁའ་འགྲོ་ཆོས་སྐྱོང་སྲུང་མ་ཐམས་ཅད་སྤྱན་དྲངས་ཏེ་རྩ་བའི་བླ་མའི་སྐུ་ལ་བསྟིམ་ཆོས་སྐྱོང་ཀུན་འདུས་སུ་གྱུར། དེ་ལྟར་ན་རྩ་བའི་བླ་མ་ཉིད་བླ་མ་ཀུན་འདུས། ཡི་དམ། སངས་རྒྱས་ཆོས། དགེ་འདུན། ཆོས་སྐྱོང་ཀུན་འདུས་མཚན་ཐོས་པ་ཙམ་གྱིས་འཁོར་བ་ངན་སོང་ཐམས་ཅད་ལས་སྒྲོལ་བར་མཛད་ན། གསོལ་བ་བཏབ་ན་ལྟ་སྨོས་ཀྱང་ཅི་དགོས་སྙམ་པ་དང༌།


TNT12_Page_0868
[མ་དཔེ་གཟིགས་ན་འདིར་གནོན།]

གཞན་ཡང་སྒོ་དུ་མ་ནས་མོས་གུས་དྲག་ཏུ་བསྒོམ། དེ་ནས་གསོལ་བ་འདེབས་དགོས་ཏེ། རང་གི་ཚེ་འདིའི་དངོས་ཀྱི་ཕ་མ་དང༌། རང་ལ་གནོད་པར་བྱེད་པའི་དགྲ་དང་གདོན་བགེགས་རང་ཉིད་གང་དུ་གནས་པའི་གཞི་བདག་རྣམས་གཙོ་བོར་གྱུར་པའི་འགྲོ་བ་རིགས་དྲུག་གི་སེམས་ཅན་ཐམས་ཅད་ཀྱང་གནས་འདི་ཉིད་དུ་འདུས་ཏེ། དྲིན་ཅན་རྩ་བའི་བླ་མ་དམ་པ་ལ་ལུས་གུས་པས་ཕྱག་དང་བསྐོར་བ་བྱེད། ངག་གུས་པས་གསོལ་བ་འདེབས། ཡིད་གུས་པས་མོས་གུས་རྩེ་གཅིག་ཏུ་བྱེད་པར་བསམ། དེ་ནས་རང་གིས་གསོལ་འདེབས་ངག་ཏུ་གྱེར་བ་ན་འགྲོ་བ་རིགས་དྲུག་གི་སེམས་ཅན་ཐམས་ཅད་ཀྱིས་ཀྱང་རམ་བུ་བཏེགས་པའི་ཚུལ་གྱིས་ཀུ་དི་རི་རི་གསོལ་བ་འདེབས་པར་བསམ་ཞིང༌། ངག་ཏུ། དུས་གསུམ་སངས་རྒྱས་ཐམས་ཅད་འདུས་པའི་ངོ་བོ་བླ་མ་རིན་པོ་ཆེ། སེམས་ཅན་ཐམས་ཅད་ཀྱི་དོན་དུ། བདག་གིས་བདག་འཛིན་བློས་ཐོངས་པར་མཛད་དུ་གསོལ། དགོས་མེད་རྒྱུད་ལ་སྐྱེ་བར་མཛད་དུ་གསོལ། སྒྱུ་ལུས་འབྱོངས་པར་མཛད་དུ་གསོལ། རྨི་ལམ་འབྱོངས་པར་མཛད་དུ་གསོལ། འོད་གསལ་ཕྱག་རྒྱ་ཆེན་པོ་མཆོག་གི་དངོས་གྲུབ་ད་ལྟ་ཉིད་དུ་མྱུར་བ་ཉིད་དུ་འདུག་ས་འདི་ཉིད་དུ་ཐོབ་པར་བྱིན་གྱིས་བརླབ་ཏུ་གསོལ། ཅེས་མོས་གུས་དྲག་པོ་ཕར་ལ་ཐིམ་ཕོད་དང༌། ཚུར་ལ་སིམ་ཕོད་ཀྱི་ཚུལ་གྱིས་གསོལ་བ་འདེབས། དམིགས་


TNT12_Page_0869
[མ་དཔེ་གཟིགས་ན་འདིར་གནོན།]

པ་རྒྱ་ཆེན་འབྱུང༌། བཞི་པ་རྡོ་རི་བྲག་རྩི་ཤིང་ནགས་ཚལ་སྣོད་བཅུད་ཐམས་ཅད་ལས་གསོལ་འདེབས་ཀྱི་སྒྲ་འུ་རུ་རུ་འབྱུང་བར་བསམ་མོ་གསུང༌། དེ་ལྟར་ན། མོས་གུས་གསོལ་འདེབས་ཁོ་ནས་ཐུན་གྱི་དངོས་གཞི་བསྐྱངས་ཏེ། ཐུན་འཇོག་ཁར་བླ་མ་འོད་དུ་ལྡེམ་སྟེ་ཞུ། རང་ལ་གཉིས་སུ་མེད་པར་ཐིམ། དེ་ཀའི་ངང་ལ་སེམས་དུས་གསུམ་གྱི་རྣམ་རྟོག་སྤངས་ནས་ལྷོད་དེ་བཞག།ཐུན་མཚམས་སུ་འདུན་པ་གསུམ་དང༌། ལྡན་པར་བྱ་བར་བཤད་པ་ལྟར་རམ། ཡང་ན་དབང་པོར་རབ་ཀྱི་སྐབས་འདིར། ཐུན་མཚམས་སུ་ཡང་འདུན་པ་གཞན་གཉིས་དོ་གལ་ཆུང༌། བླ་མའི་མོས་གུས་རང་དགོས་པ་ཡིན་ཅེས་ཞལ་ནས་གསུང་བ་ལྟར། རེ་ཞིག་སྤྲོས་པ་གཞན་སྤངས་ཏེ་མོས་གུས་ཁོ་ན་བསྒོམ་པར་བྱའོ། །དམིགས་སྐོར་བཅུ་གསུམ་པའོ། །གཉིས་པ་ཅིར་སྣང་བདེན་མེད་ལམ་ཁྱེར་ནི། དམིགས་པ་སྔ་མ་དེ་བསྒོམས་པས་ཇི་ཞིག་ནས། སྣང་བ་ཐམས་ཅད་བདེན་མེད་བཀྲག་མེད་དུ་བུན་ལོང་བ། ད་ལྟའི་མཐོ་དམན་བཟང་ངན་ཉེ་རིང་བདེན་བདེན་པོ་འདི་ཐམས་ཅད་གཡས་མེད་དུ་ཤིག་གིས་འགྲོ་བ་ཞིག་འབྱུང༌། དེ་ཡང་བློས་ཕར་ལ་བདེན་མེད་དུ་བསྒོམས་པའི་ཤུགས་ཙམ་མ་ཡིན་པར་མོས་གུས་ཀྱི་སྟོབས་ཀྱིས་ཁོང་ནས་རང་ཤར་དུ་འབྱུང་བ་ཡིན། དེ་ལྟར་བྱུང་ན་སྐབས་དེར་སྒྱུ་མ་ལྟ་བུའི་ཉམས་ཤར་བ་ཞེས་བྱ་བ་ཡིན་པས། དེ་ཉིད་དུ་རང་གཞན་སྣོད་བཅུད་སྣང་བ་ཐམས་ཅད་ལ་སེམས་གཏད་


TNT12_Page_0870
[མ་དཔེ་གཟིགས་ན་འདིར་གནོན།]

ནས། ག་རེ་འདི་ཐམས་ཅད་སྣང་ནི་སྣང༌། བདེན་ནི་མི་བདེན། སྒྱུ་མ་ལྟ་བུ་ཡིན། རྨི་ལམ་ལྟ་བུ་ཡིན་སྙམ་པའི་འདུན་པ་ཤུགས་ཆེར་བསྐྱེད། དེ་རྗེས་སྒྱུ་མ་ལྟ་བུའོ་བདེན་པར་མེད་དོ་སྙམ་པའི་བློ་དེ་ཀའི་རང་ངོ་ལ་ཆེ་རེ་བལྟས་པས། གང་ཡང་གཟུང་དུ་མེད་པ་ཞིག་ཡོང༌། དེ་ལ་ལྷོད་དེ་མཉམ་པར་བཞག།གང་ཤར་དེ་ལ་བཅས་བཅོས་མི་བྱའོ། །འདི་ལ་ཉམས་ལེན་གྱི་ངོ་བོར་སྔར་གྱི་མོས་གུས་བླ་མའི་ལམ་ཁྱེར་དེ་ཀའི་ངང་ནས། སྒྱུ་མའི་འདུན་པ་ཞིག་ལྷག་པོར་སྣོན་པ་ཀ་ཡིན། རེས་བླ་མ་འོད་དུ་ཞུ་རང་ལ་བསྟིམ་ནས། སྒྱུ་མའི་འདུན་པ་བསྒོམ། རེས་བླ་མ་མདུན་ནམ་སྤྱི་བོར་བཞུགས་བཞིན་པའི་ངང་ནས་སྒྱུ་མའི་འདུན་པ་བསྒོམ་པ་གཉིས་པོ་གང་འོས་འོས་སུ་བྱ། དམིགས་སྐོར་བཅུ་བཞི་པའོ། །དེ་ལྟ་བུ་ཉམས་སུ་བླངས་ཀྱང་འཕྲལ་དུ་དགེ་སྦྱོར་མ་སྐྱེས་ན། མོས་གུས་རབ་ཀྱི་ཚད་དུ་ཕྱིན་པ་མ་བྱུང་བས་ལན། དབང་པོ་རབ་ཏུ་མ་ཆུང༌། ད་གཉིས་པ་དབང་པོ་འབྲིང་ཚིག་གཞན་གྱིས་བར་མ་ཆོད་པར་ཁྲིད་པ་ལ་རང་ལུས་སྣང་སྟོང་ལྷ་སྐུ་སྒོམ་པ་དང༌། ཅིར་སྣང་སྒྱུ་མའི་ལམ་ཁྱེར་གཉིས་ཡོད། དང་པོ་ནི། སྐྱབས་འགྲོ་ནས་བླ་མ་ལ་གསོལ་བ་འདེབས་པའི་བར་དུ་དབང་པོ་རབ་ཀྱི་སྐབས་ལྟར་ཉམས་སུ་བླངས། ཐུན་གྱི་ཕྱེད་ཙམ་སུམ་གཉིས་ཙམ་བླ་མའི་གསོལ་འདེབས་བྱ། དེ་ནས་བླ་མ་འོད་དུ་ཞུ་ནས་རང་ལ་བསྟིམ། བླ་མ་དང་རང་སེམས་དབྱེར་


TNT12_Page_0871
[མ་དཔེ་གཟིགས་ན་འདིར་གནོན།]

མེད་ལ་ཅུང་ཟད་མཉམ་པར་བཞག །དེར་རྣམ་རྟོག་ཅིག་ཐོལ་གྱིས་སྐྱེ་ཚད་པ་ན། རང་གི་ལུས་སེམས་ལ་ཆེར་གྱི་བལྟས་ནས། རང་ཉིད་ལྷ་སྐུར་གསལ་བཏབ། དེ་ལ་གཞིག་འགྲེལ་ཞིག་བཏང་སྟེ། ག་རེ། ལྷ་སྐུར་སྣང་བ་འདི་ཡང་རང་གི་སེམས་ཀྱི་སྣང་བ་ལས་གཞན་ཕྱི་རོལ་ཏུ་གྲུབ་པ་ཅུང་ཟད་ཙམ་ཡང་མེད། ལྷ་སྐུ་འདི་ཁོ་ན་སེམས་ཡིན། སེམས་ཁོ་ན་ལྷ་སྐུ་འདིར་སྣང་བ་ཡིན་སྙམ་དུ་འདུན་པ་དྲག་ཏུ་སྦྱོང་བ་འདི་གནད་གཅིག་ཡིན། ཡང་སེམས་ཀྱི་ངོ་བོར་ཡང་བདེན་དངོས་སུ་མ་གྲུབ་སྣང་བ་ཙམ་མ་གཏོགས་ཕྱི་ནང་བར་གསུམ་གང་ན་ཡང་མི་འདུག།ངོ་ཏི་འདི་འདྲ་ཞིག་ཡིན་བྱ་བ་གཅིག་ཀྱང་མི་གདའ། །སྣང་ནི་སྣང༌། བདེན་ནི་མི་བདེན། སྒྱུ་མ་ལྟ་བུའོ། །ཞེས་འདུན་པ་དྲག་ཏུ་སྦྱོང་བ་འདི་གནད་གཉིས་པ་ཡིན། དེ་ནས་སྒྱུ་མ་ལྟ་བུའོ་སྙམ་མཁན་ཁོང་གི་ངོ་བོ་ལ་བལྟས་པས་འདུན་པ་དེ་ཡང་རང་སར་ཞི། གང་ཤར་ངོས་བཟུང་མེད་པ་ལ་ཆེ་རེ་འཇོག་པ་འདི་གནད་གསུམ་པའོ། །དེ་ལྟར་ན་གནད་གསུམ་དང་ལྡན་པའི་འདུན་པ་དེ་ཉིད་ཡང་ཡང་བསྒོམ་དགོས། དམིགས་སྐོར་བཅོ་ལྔ་པའོ། །གཉིས་པ་ནི། གནད་གསུམ་པོ་དེ་དག་སྣང་བ་གཞན་ཐམས་ཅད་ལ་རིམ་གྱི་སྤོ་ཞིང་སྦྱོང་བ་ཡིན་ཏེ། དེ་ཡང་རང་ལུས་སྣང་སྟོང་ལྷ་སྐུའི་དམིགས་པ་དེ་ཐོག་མར་བསྒོམས་ནས། དེ་མ་ཡལ་བའི་ངང་ནས་ཐོག་མར་རང་གི་གནས་ཁང་


TNT12_Page_0872
[མ་དཔེ་གཟིགས་ན་འདིར་གནོན།]

དང་རྫས་ལོངས་སྤྱོད་ཐམས་ཅད་ལ། སེམས་ཀྱི་སྣང་བ་ལས་གཞན་དུ་མེད་པ་དང༌། སེམས་དེ་ཡང་སྒྱུ་མ་ལྟ་བུ་དང༌། སྒྱུ་མར་འཛིན་པ་ཡང་དབྱིངས་སུ་ཡལ་བའི་རིག་པ་རང་ཤར་གྱི་རང་འགྲོས་སྐྱོང་བ་ལ་བསླབ། དེ་ལ་གོམས་ནས་རང་དབང་བའི་ཟས་ནོར་འཁོར་གཡོག་ཡུལ་ཞིང་སོགས་ཡོད་ན་དེ་དག་དང༌། ཆགས་སྡང་སྐྱེ་བའི་ཡུལ་དགྲ་གཉེན་ལ་ངེས་པར་སྦྱང༌། དེ་ལ་གོམས་ནས་རིམ་གྱིས་སྣང་བ་ཐམས་ཅད་ལ་གནད་གསུམ་པོ་དེ་སྦྱར་རོ། །ཐུན་མཚམས་ཐམས་ཅད་དུ་འཆི་བ་མི་རྟག་པའི་འདུན་པ་དང༌། བླ་མའི་མོས་གུས་དང༌། སྣང་བ་གང་ཤར་བདེན་མེད་སྒྱུ་མ་ལྟ་བུར་བསྒོམ་པ་སྟེ། གསུམ་པོ་གང་རུང་གཅིག་དང་མ་བྲལ་བར་བྱའོ། །འདི་ལ་འདུན་པ་གསུམ་སྦྲགས་ཟེར་རོ། །དེ་ལྟར་ན་དམིགས་སྐོར་བཅུ་དྲུག་པའོ། །གསུམ་པ་དབང་པོ་ཐ་མ་མལ་གཅིག་ཏུ་ཏིང་ངེ་འཛིན་སྐྱེད་པ་ལ། སད་པ་བཞི་དང་བྲལ་བ་ཅིག་དགོས། བཞི་ནི་འགྲོ་འདུག་མང་པོ་དགེ་སྦྱོར་གྱི་སད། འཕོ་བསྐྱས་མང་པོ་དགེ་སྦྱོར་གྱི་སད། བློ་སྣ་མང་པོ་དགེ་སྦྱོར་གྱི་སད། ལོང་གཏམ་མང་པོ་དགེ་སྦྱོར་གྱི་སད། དེ་རྣམས་སྤངས་ཏེ་བསྒོམ་དགོས། དེ་ལ་དབྱེ་ན། འགྲོ་དྲུག་སྒྱུ་མར་འཆར་བྱེད། ནད་གདོན་སྒྱུ་མ་ལམ་ཁྱེར། འཆར་བྱེད་ཡོན་ཏན་ཚོགས་དྲུག།ཞེན་མེད་སྒྱུ་མ་རང་ཤར་རོ། །དང་པོ་འགྲོ་དྲུག་སྒྱུ་མར་འཆར་བྱེད་ནི། སྐྱབས་འགྲོ་ནས་བརྩམས་ཏེ་བླ་མ་ལ་


TNT12_Page_0873
[མ་དཔེ་གཟིགས་ན་འདིར་གནོན།]

གསོལ་འདེབས་ཀྱི་བར་གོང་དང་འདྲ་བ་ལས། ཐུན་གྱི་སུམ་ཆ་ཙམ་ཐུབ་པ་བྱེད་གསུང༌། དེ་ཡང་ཐེམས་ཡིག་གི་དངོས་བསྟན་ལྟར་ན། སྒྱུ་ལུས་དབང་པོ་རབ་འབྲིང་གཉིས་ལ་གསོལ་འདེབས་ལྔ། དབང་པོ་ཐ་མ་ལ་གསོལ་འདེབས་བཞི་ཞེས་གསུངས་ཏེ། དེའི་དོན་ནི། རབ་འབྲིང་གཉིས་ལས་སྒྱུ་ལུས་འབྱོངས་པར་མཛད་དུ་གསོལ། །རྨི་ལམ་འབྱོར་པར་མཛད་དུ་གསོལ། །ཞེས་སོ་སོར་དབྱེ་བ་དང༌། ཐ་མའི་སྐབས་སུ། སྒྱུ་ལུས་རྨི་ལམ་འབྱོངས་པར་མཛད་དུ་གསོལ་ཞིང་གཅིག་ཏུ་བསྡོམས་པས་གསོལ་འདེབས་བཞིར་གྱུར་བའི་དོན་ཡིན་ཀྱང་ཕྱག་ལེན་དང་ཞལ་གྱི་རྒྱུན་ལ། དབང་པོ་རབ་འབྲིང་ཐ་མ་གསུམ་ལ་དེ་ལྟ་བུའི་དབྱེ་བ་མི་དགོས་ཏེ། གསུམ་ཁ་ལ་གསོལ་འདེབས་ལྔ་བྱེད་པ་དང༌། བཞི་བྱེད་པ་ལ་ཁྱད་མེད་གསུང༌། དེ་ནས་བླ་མ་རང་ལ་ཐིམ་པའི་རྗེས་སུ་རང་གི་ལུས་ལྷ་སྐུའི་རྣམ་པ་ནང་སྟོང་སང་ངེ་བའི་སྨད་ཀྱི་ཆ་ལ་སེམས་གཏད་པས། དེར་ཆོས་འབྱུང་གྲུ་གསུམ་ཁ་དོག་དཀར་ཞིང་གསལ་བ། རྩ་བ་ཕྲ་བ་ཐུར་བསྟན་དེ་བཤང་སྒོའི་ཐད་ཙམ་ནས་མར་ལ་ཟུག་པ། གདེངས་ཀ་ཆེ་བ་གྱེན་དུ་བསྟན་པའི་ཟུར་མདུན་མ་དེ་ལྟེ་བའི་ཐད་དང༌། ཟུར་གཞན་གཉིས་མཁལ་ཁུང་གཡས་གཡོན་གྱི་ཕྱོགས་སུ་བསྟན་པ། །དྭངས་གསལ་འོད་ཀྱི་རང་བཞིན་ཅན་གཅིག་བསམ། དེ་ལ་སེམས་གཏད་པས་དེའི་


TNT12_Page_0874
[མ་དཔེ་གཟིགས་ན་འདིར་གནོན།]

ནང་དུ་འགྲོ་བ་རིགས་དྲུག་གི་སེམས་ཅན་རྣམ་པ་སྣ་ཚོགས་པ་རྣམས་ལུས་ལོངས་སྤྱོད། མདོག། དབྱིབས་ཆ་ལུགས་ཆ་བྱད་རྣམས་སྤྱི་ཚུལ་ཐ་དད་པ། རང་རང་གི་བདེ་སྡུག་མྱོང་ཚུལ་སྣ་ཚོགས་དང་བཅས་པ་རྣམས་ཀྱི་ཆོས་འབྱུང་གི་ནང་ཁྲིག་མེར་གྱིས་གང་བར་བསམ། དེ་ཡང་རབ་རྒྱུད་ལ་འགྲོ་བ་ཐ་དད་དུ་སྐྱེ་བ་ལེན་པའི་རྒྱུ་ལས་ཉོན་གྱི་བག་ཆགས་ཐམས་ཅད་རིགས་དྲུག་སོ་སོའི་གཟུགས་སུ་ཤར་བ་ཡིན་སྙམ་པ་དང༌། ལྟེ་འོག་ན་རིགས་དྲུག་གི་སྣང་བ་འཆར་བའི་རྩ་ཡིག་ཡོད་པ་རྣམས་གཟུགས་བརྙན་དེ་དང་དེར་ཤར་བ་ཡིན་སྙམ་པའི་མོས་པ་ཡང་ཅུང་ཟད་བྱ། དེ་རྗེས་དེ་རྣམས་ཉིད་རིགས་དྲུག་དངོས་ཡིན་པའི་ཚུལ་དུ་མོས་པ་ལས། སེམས་ཀྱི་རྩི་ཁ་ལྟེ་བའི་རིགས་དྲུག་ལ་གཏད་ཅིང༌། །སྤྱིར་མཁའ་ཁྱབ་ཀྱི་སེམས་ཅན་ཐམས་ཅད་དམིགས་ཡུལ་དུ་བྱས་ནས་ག་རེ་འདི་རྣམས་སྣང་ནི་སྣང༌། བདེན་ནི་མི་བདེན། ཞེས་བདེན་མེད་ཀྱི་བདེན་མེད་ཀྱི་འདུན་པ་དྲག་ཏུ་སྦྱང༌། ཡང་འདི་རྣམས་བདེན་མེད་ལ་བདེན་པར་གཟུང་བས་འཁོར་བར་འཁྱམ་པ་སྙིང་རེ་རྗེ་སྙམ་སྙིང་རྗེ་བརྩེ་ལྷག་པ་བསྒོམ། ཡང་འདི་རྣམས་འཁོར་བའི་སྡུག་བསྔལ་ལས་བླ་མས་བསྐྱབ་ཏུ་གསོལ། ཕ་བླ་མ་མཁྱེན་སྙམ་པ། བླ་མའི་མོས་གུས་ཀྱི་གདུང་ཤུགས་དང་འབྲེལ་བར་གསོལ་བ་ཞིག་ཀྱང་བཏབ་བོ། །དེ་ནས་དེ་རྣམས་ལ་སེམས་ཆེར་གཏད་པ་ན། རིགས་དྲུག་


TNT12_Page_0875
[མ་དཔེ་གཟིགས་ན་འདིར་གནོན།]

གི་སེམས་ཅན་དེ་དག་གཅིག་ཡལ་གཉིས་ཡལ། རེ་རེ་ནས་རིམ་པས་ཡལ་ཏེ། མཐར་ཆོས་འབྱུང་གི་ནང་སྟོང་སང་སོང་བ་ལ་སེམས་གཏད། དེ་རྗེས་ནས་ལུས་དང་ཆོས་འབྱུང་ལ་ཡལ་བ་སོགས་ཀྱི་དམིགས་པའི་སྤྲོ་པའང་མི་དགོས་ཏེ། གཏད་སོ་ཐམས་ཅད་དང་བྲལ་བའི་འཛིན་མེད་ལ་ཤིག་གི་བཞག །ཡང་དེ་ལ་མ་གནས་ན་རང་གཞན་སྣོད་བཅུད་ཐམས་ཅད་ལ་དམིགས་ཏེ་སྒྱུ་མ་ལྟ་བུའོ། །མེད་བཞིན་དུ་སྣང་བའོ། །སྣང་བཞིན་དུ་མ་གྲུབ་པའོ་ཤེས་པར་བྱ། དེས་དམིགས་པ་ཚར་གཅིག་སོང༌། དེ་ཉིད་ཡང་ཡང་བསྒོམ་པའོ། །འདི་ལ་དམིགས་པ་གཏད་སོའི་གནད་བརྒྱད་ཡོད་དེ། ཆོས་འབྱུང་ལ་དམིགས་པ། རིགས་དྲུག་ལ་དམིགས་པ། འགྲོ་དྲུག་བདེན་མེད་དུ་སྦྱང་བ། སྙིང་རྗེ་བསྐྱེད་པ་བླ་མའི་གསོལ་འདེབས། རིགས་དྲུག་སྟོང་པར་སྦྱོང་བ། རང་བབས་སྐྱོང་བ། སྣང་སྲིད་སྒྱུ་མའི་འདུན་པའོ། །ལར་དམིགས་པ་ཞིག་ལ་འདི་བས་ཟབ་པ་མེད་ཅེས་གསུང༌། ཐུན་མཚམས་ཀྱི་ཉམས་ལེན་ནི་འདི་ལའང་འདུན་པ་སུམ་སྦྲགས་ཁོ་ན་སྟེ། དེ་ཡང་དང་པོ་ཉིད་ནས་འདུན་པ་གསུམ་པོ་གང་རུང་ཅིག་སླེབ་པར་བྱ་སྙམ་པ་ཙམ་གྱི་གར་ཡང་མི་རུང་བས། ཐོག་མར་གང་ཡང་རུང་བ་ཞིག་ཐུན་མཚམས་སུ་སླེབ་པའི་ཐབས་ལ་འབད། ཚུལ་དེས་གསུམ་ཁ་ལ་རེ་རེ་བཞིན་དུ་བསླབས་ནས། མཐར་གསུམ་པོ་གང་


TNT12_Page_0876
[མ་དཔེ་གཟིགས་ན་འདིར་གནོན།]

རུང་རེ་དང་མ་བྲལ་བར་བྱ་སྙམ་པའི་འདུན་པ་བཏང་ན། གང་རུང་རེ་དང་མ་བྲལ་བར་ཡོང་བ་ཡིན། དཔེར་ན། ཐོག་མར་ཐུན་མཚམས་སུ་འཆི་བ་མི་རྟག་པའི་འདུན་པ་རྟག་ཏུ་སླེབ་པར་བྱ་སྙམ་པའི་གོ་ཆ་གྱོན་ནས། ཐུན་མཚམས་སུ་མི་རྟག་པ་གང་དྲན་ཐུབ་ཐུབ་བྱ། ཚུལ་དེ་ལྟ་བུས་ཐུན་མཚམས་སུ་དྲན་པའི་བྱ་ར་བས་གཞུར་ན་ཟླ་བ་གཅིག་གམ་གཉིས་ཙམ་ན་ཐུན་མཚམས་ཕལ་ཆེར་དུ་མི་རྟག་པའི་འདུན་པས་སླེབ་འོང༌། དེ་བྱུང་ན་རེ་ཞིག་དེ་བོར་ནས་ཚུལ་དེ་ཀས་བླ་མའི་མོས་གུས་ལ་བསླབ། དེ་ཡང་བྱུང་བ་ན། ཡང་རེ་ཞིག་དེ་གཉིས་ཀ་བོར་ནས་སྒྱུ་མའི་འདུན་པ་ལ་ཚུལ་དེ་ཀས་བསླབ། དེ་ཡང་ཐུན་མཚམས་ཕལ་ཆེར་དུ་བྱུང་ན། དེ་རྗེས་གསུམ་པོ་ག་རུང་ཞིག་དང་མ་བྲལ་བའི་འདུན་པ་ཙམ་བཏང་བས། གསུམ་པོ་གང་རུང་རེ་དང་མ་བྲལ་བར་ཡོང་བ་ཡིན་ནོ། །དམིགས་སྐོར་བཅུ་བདུན་པའོ། །གཉིས་པ་ནད་གདོན་སྒྱུ་མ་ལམ་ཁྱེར་ལ། ཁྲིད་ཡིག་གསུམ་དང་ཟུར་འདེབས་རྙིང་པ་རྣམས་ན། དོན་འདྲ་ཡང་རྣམ་གྲངས་ངེས་མེད་ལ་དོན་ཚང་མ་ཚང་ཡང་ཅི་རིགས་འདུག་ནའང་ངཻས་ཏིག་ཅན་འདི་ཡིན་ཏེ། ནད་ལམ་དུ་ཁྱེར་ན། ན་བར་སྣང་བ་འདི་ཡང༌། ལས་ངན་སྡིག་སྒྲིབ་སྦྱོང་བ་དང༌། དགེ་སྦྱོར་གྱི་བསྐུལ་མ་ཡིན་པས་མཚན་ལྡན་བླ་མའི་ཐུགས་རྗེའི་འཇུག་པ་ཡིན། སྐུ་དྲིན་རེ་ཆེ་སྙམ་པ་བྱས་ནས། ནད་བླ་མའི་རང་བཞིན་དུ་མོས།


TNT12_Page_0877
[མ་དཔེ་གཟིགས་ན་འདིར་གནོན།]

གསོལ་བ་དྲག་ཏུ་བཏབ། མཐར་བླ་མ་དང་ནད་དང༌། རང་སེམས་གསུམ་དབྱེར་མེད་དུ་ཆེ་རེ་མཉམ་པར་བཞག། ལུགས་གཅིག་གོ །ཡང་ན་བར་སྣང་བ་འདི་འཁྲུལ་བ་ཡིན་གནས་ཚུལ་ལན་པ་དང་ན་མཁན་ཡོད་མ་མྱོང༌། མེད་བཞིན་དུ་ན་བར་སྣང་བ་རྨི་ལམ་དུ་ན་བ་དང་འདྲ་སྙམ། ན་བའི་ཐོག་དེ་ཁར་སྒྱུ་མ་རྨི་ལམ་གྱི་དྲན་འདུན་དྲག་ཏུ་བྱ། མཐར་ན་བར་སྣང་བར་རང་སེམས་སུ་ཤེས། དེ་ལའང་གཏད་སོ་མེད་པ་སྒྱུ་མ་ལྟ་བུ་ལ་མཉམ་པར་བཞག།ལུགས་གཉིས་པ་ཡིན་ཡང་ན་བར་སྣང་བ་འདི་སྒྱུ་མ་ལྟ་བུ་མེད་བཞིན་དུ་སྣང་བ་ཡིན། སྣང་བ་འདི་བློས་གང་བྱས་ཡིན་སྙམ་པས་སྟེང་རླུང་དྲག་ཏུ་མནན། ལྟེ་བའི་ཆོས་འབྱུང་གི་ནང་ནས་མར་ནད་རྣམས་སོང༌། ཆོས་འབྱུང་གི་གཤམ་ཇེ་རིང་ཇེ་རིང་ལ་ས་འོག་ཐག་རིང་པོར་སོང་ཞིང༌། ནད་ཀྱང་དེའི་ནང་ནས་མར་སོང་བ། གཉིས་ཀར་འོག་ཏུ་འཇའ་ལྟར་ཡལ་བསམ། ལུགས་གསུམ་པ་སྟེ་འདི་སྔོན་ཆད་ཞལ་ཤེས་ཡིན། དེ་ལྟར་ནད་ལམ་ཁྱེར་གསུམ་མོ། །གདོན་ལམ་ཁྱེར་ལ་ཡང་གསུམ་སྟེ། གདོན་གྱི་གནོད་པ་དགེ་སྦྱོར་གྱི་བསྐུལ་མར་ཤེས་ནས། བླ་མའི་ཐུགས་རྗེ་ཡིན་པ་དང༌། བླ་མ་ལ་གསོལ་བ་འདེབས་པ་དང༌། བླ་མ་དང༌། གནོད་བྱེད་དང༌། རང་སེམས་གསུམ་པོ་རང་བཞིན་གསལ་སྟོང་དུ་རོ་མཉམ་པའི་ངང་བསྐྱང་ངོ༌། །ཡང་ན་གནོད་པར་བྱེད་པ་པོའི་


TNT12_Page_0878
[མ་དཔེ་གཟིགས་ན་འདིར་གནོན།]

འདྲེ་གདོད་ཡང་མེད་བཞིན་དུ་སྣང༌། སྣང་བཞིན་དུ་མ་གྲུབ། དེ་བཞིན་དུ་གནོད་པའི་བྱ་བ་ཉེར་འཚེ་སྡུག་བསྔལ་དང༌། གནོད་པ་འབྱུང་བའི་ཡུལ་རང་ཉིད་ལྟ་བུ་སེམས་ཅན་དེ་ཡང་མེད་བཞིན་དུ་སྣང༌། སྣང་བཞིན་དུ་མ་གྲུབ། སྒྱུ་མ་ལྟ་བུ་ཡིན། རྨི་ལམ་ལྟ་བུ་ཡིན། འདི་ལ་བདེན་པར་འཛིན་པ་རེ་འཁྲུལ་སྙམ་དུ་འདུན་པ་དྲག་ཏུ་སྦྱངས་པའི་མཐར། གནོད་བྱེད་དུ་སྣང་བ་ངམ་ངམ་པ་དེ་ཀའི་ངོ་བོ་བལྟས་ཏེ་ཆེར་འཇོག་གོ །ཡང་ན་ཆོས་འབྱུང་དང་འགྲོ་བ་དྲུག་སོགས་གོང་བཞིན་བསྒོམས་ལ། གནོད་བྱེད་དུ་སྣང་བ་དེ་མདུན་དུ་དམིགས། སྒྱུ་མ་ལྟ་བུའི་འདུན་པའི་རྩིས་ཟིན་པའི་ངང་ནས། རླུང་ནང་དུ་འཇུག་པ་དང་ལྷན་ཅིག་གདོན་དེ་ཡང་སྣ་སྒོ་ནས་བཅུག་སྟཻ། ལྟེ་བའི་ཆོས་འབྱུང་གི་ནང་དུ་སླེབ། ཆོས་འབྱུང་ཤིན་ཏུ་ཡངས་པོར་སོང༌། རླུང་བཟུང་སྟེ་དཀྲུགས་འཁོར་བྱས་པས། ཆོས་འབྱུང་གི་ཁ་འུབས་ཀྱིས་འདུས་པས་འབྲོས་ས་མེད། གནོད་བྱེད་དེ་ཡང་རིགས་དྲུག་གི་གནས་ཐམས་ཅད་དུ་འཁྱམས་པས། སོ་སོའི་སྡུག་བསྔལ་མཐོང་ཞིང་མྱོང༌། ལས་འབྲས་ལ་ཡིད་ཆེས། གནོད་སེམས་ཞི། བྱང་ཆུབ་ཀྱི་སེམས་དང་ལྡན་པར་བསམ། སླར་ཡང་རླུང་ཕྱིར་བསལ་བ་ན། གནོད་བྱེད་དེ་སྣ་སྒོ་ནས་རྒྱངས་ཏེ་ཐོན། ཐག་ཇེ་རིང་ཇེ་རིང་ལ་ཡལ་བར་བསམ་པའམ། ཡང་ན་ལན་ཆགས་སེལ་བའི་གཏོར་མ་བྱིན་ཏེ་གཤེགས་སུ་


TNT12_Page_0879
[མ་དཔེ་གཟིགས་ན་འདིར་གནོན།]

གསོལ། འདི་ལ་ནང་སེལ་དམིགས་པ་དྲུག་ཡོད་ཀྱང༌། དམིགས་ཆེན་གཅིག་ཏུ་བརྩི་བའམ་གཉིས་སུ་བརྩིའང་ཡོད། འདིར་གཅིག་ཏུ་བསྡོམས་ཏེ། དམིགས་སྐོར་བཅོ་བརྒྱད་པའོ། །གསུམ་པ་འཆར་བྱེད་ཡོད་ཏན་ཚོགས་དྲུག་ནི། ་དབང་པོ་ཐ་མའི་དམིགས་པ་བསྒོམས་པའི་གནས་སྐབས་ཀྱི་ཕན་ཡོན་བཤད་པ་སྟེ། འདི་ལ་དམིགས་པ་ལོགས་པ་མེད། དེ་ཡང་དྲོད་སྐྱེ་བ་དང་གཅིག།ཐིག་ལེ་བརྟན་པ་དང་གཉིས། རྨི་ལམ་སྦྱོང་སྤེལ་དང་གསུམ། འགྲོ་དྲུག་གི་ཡུལ་སྣང་དང་བཞི་སེམས་ཅན་སྨིན་གྲོལ་དང་ལྔ། སྒྱུ་མ་རང་ཤར་དང་དྲུག་གོ །དང་པོ་ནི། ལྟེ་བ་དང་དབུ་མའི་མས་སྣ་གཏུམ་མོའི་རྩ་ཡིག་ཡོད་སའི་གནས་ལ་གནད་དུ་བསྣུན་པ་ཡིན་པས་དྲོད་རང་ཤུགས་ལ་སྐྱེའོ། །གཉིས་པ་ནི། དབུ་མའི་མས་སྣར་སེམས་གཏད་པས་སོང་བས། རླུང་ཡང་དེར་འགག།དེས་རྩ་ཁ་སྡོམ། ཐིག་ལེ་ཟིན་ཅིང་བརྟན་པར་འགྱུར་རོ། །གསུམ་པ་ནི། །དབུ་མའི་མས་སྣ་རྩ་མདུད་གྲུ་གསུམ་གྱི་ནང་དུ་རིགས་དྲུག་གི་རྩ་ཡིག་ཡོད་པས། དེ་ལ་གནད་དུ་བསྣུན་པར་སོང་བའི་ཕྱིར། རྨི་ལམ་དུ་ཡང་རིགས་དྲུག་གི་གཟུགས་བརྙན་དང༌། ཡུལ་ཕྱོགས་སྣ་ཚོགས་པའི་རྣམ་པ་ཅན་གྱི་སྦྱོང་སྤེལ་སྤྲུལ་བསྒྱུར་དུས་གཅིག་ཏུ་འབྱུང་ངོ༌། །བཞི་པ་ནི། རིགས་དྲུག་གི་རྩ་ཁམས་


TNT12_Page_0880
[མ་དཔེ་གཟིགས་ན་འདིར་གནོན།]

ལ་རླུང་སེམས་ཀྱིས་གནད་དུ་བསྣུན་པ་ཡིན་པས། རིགས་དྲུག་གོ་གནས་ལྐོག་གྱུར་རྣམས་མཐོང་བའི་ཡུལ་སྣང་གཏན་ལ་འབེབས་ཐུབ་བོ། །ལྔ་པ་ནི། མཁའ་ཁྱབ་ཀྱི་སེམས་ཅན་ཐམས་ཅད་ལ་སྟོང་ཉིད་སྙིང་རྗེ་བླ་མའི་མོས་གུས་གསུམ་གྱི་སྒོ་ནས་རང་གཞན་མཉམ་ཉིད་དུ་བསྒོམས་པ་ཡིན་པས་སེམས་ཅན་སྨིན་གྲོལ་ནུས་པའོ། །དྲུག་པ་ནི། ལྟེ་བ་སྤྲུལ་པའི་འཁོར་ལོ་ནི་གཉིད་སད་དུས་ཀྱི་འཁྲུལ་བ་འཆར་བའི་གཞི་ཡང་ཡིན། དེ་ལ་གནད་དུ་བསྣུན་ནས་སད་དུས་ཀྱི་འཁྲུལ་བ་དག་བྱེད་སྒྱུ་ལུས་ཀྱི་རྟོགས་པ་རང་ཤར་དུ་འབྱུང་བའི་ནུས་པ་ཡོད་པའང་ཡིན་པ་ལས་དེ་ལ་གནད་དུ་བསྣུན་པ་ཡིན་པས། སྒྱུ་ལུས་ཀྱི་རྟོགས་པ་ཞེས་བྱ་བ་རྟོག་བྲལ་གྱི་ལྷ་སྐུ་སྣང་བ་རབ་འབྱམས་སྒྱུ་མ་ལྟ་བུ་རང་ཤར་དུ་ཡོང་བའོ། །བཞི་པ་ཞེན་མེད་སྒྱུ་མ་རང་ཤར་ནི། དབང་པོ་ཐ་མ་ཁོ་ནའི་ཁྱད་ཆོས་མ་ཡིན་ཏེ། སྤྱིར་སྒྱུ་ལུས་ཀྱི་རྟོགས་པ་ཚད་དུ་ཕྱིན་པའི་རྟགས་བཤད་པའོ། །དེ་ཡང་སྒྱུ་ལུས་བསྒོམས་པས་ད་ལྟ་ནས་ཆགས་སྡང་མཐོ་དམན་གྱི་ཨ་འཐས་འདི་ཇེ་ཆུང་དུ་སོང་ནས། མཐར་བདེ་སྡུག་ཆགས་སྡང་ཐམས་ཅད་ཡུལ་སྟོངས་ཏེ། རང་གི་གཡས་ནས་མི་གཅིག་གིས་བསྟོད་པ་ལ་དགའ་བ་མེད། གཡོན་ནས་གཅིག་ཤོས་ཀྱིས་སྨད་པ་ལ་མི་དགའ་བ་མེད། རང་ངམ་རང་ཕྱོགས་ལ་གཏམ་སྙན་པ་དང༌།


TNT12_Page_0881
[མ་དཔེ་གཟིགས་ན་འདིར་གནོན།]

ནོམ་པ་སོགས་ཐོབ་པ་ལ་དགའ་བ་མེད། གཏམ་མི་སྙན་པ་དང་ཡོ་བྱད་ཤོར་བ་ལ་མི་དགའ་བ་མེད་པ་དེའི་ཚེ། སྒྱུ་ལུས་ཀྱི་ཉམས་རྟོགས་ལ་བརྟན་པ་ཐོབ་པ་ཡིན། ཇི་སྐད་དུ། ཙན་དན་སྟེའུ་མཚུངས་པ་ལ། །ཆགས་བྲལ་ཞེས་ནི་བརྗོད་པ་ཡིན། །ཅེས་བཤད་པ་ལྟ་བུའོ། །ཕྱི་མ་འདི་གཉིས་ལ་དམིགས་སྐོར་བརྩི་རྒྱུ་མེད། ཆོས་ཐུན་ནི་གཅིག་གམ་གཉིས་ཇི་ལྟར་འོས་པའོ། །གསུམ་པ་རྨི་ལམ་ཉིང་འཁྲུལ་རང་དག་གི་ཁྲིད་ལ། རྨི་ལམ་བཟུང་བ། སྦྱང་བ། སྤྲུལ་པ་བསྒྱུར་བ། ཡུལ་སྣང་གཏན་ལ་དབབ་པ་སྟེ་དྲུག་གོ །དང་པོ་རྨི་ལམ་བཟུང་བ་ལ། རང་ཟིན་ཐིག་ལེ་དབང་བཞིའི་གནད་ཀྱི་གདམས་པ་དང༌། དེ་ལ་མ་ཟིན་ན་གནད་འཆུག་མེད་དགུ་ལ་བརྟེན་པའོ། །དང་པོ་ནི། འདི་རྨི་ལམ་འཛིན་པའི་དམིགས་པའི་རྩ་བ་གལ་ཆེ་ཤོས་ཡིན་ཏེ། དེ་ལ་བླ་མའི་རྣལ་འབྱོར་ནི། དམིགས་པ་སྤྱི་ཁོག་ཐམས་ཅད་སྒྱུ་ལུས་ཀྱི་སྐབས་དང་མཚུངས། ཁྱད་པར་མི་འདྲ་བ་ནི། དུས་གསུམ་སངས་རྒྱས་ཐམས་ཅད་འདུས་པའི་ངོ་བོ་བླ་མ་རིན་པོ་ཆེ། སེམས་ཅན་ཐམས་ཅད་ཀྱི་དོན་དུ་བདག་གིས་བདག་འཛིན་བློས་ཐོངས་པར་མཛད་དུ་གསོལ། དགོས་མེད་རྒྱུད་ལ་སྐྱེ་བར་མཛད་དུ་གསོལ། རྨི་ལམ་ཟིན་པར་མཛད་དུ་གསོལ། ཅེས་གསོལ་འདེབས་ཀྱི་མཐའ་བསྒྱུར་བ་ཁོ་ན་ཡིན། འདིར་


TNT12_Page_0882
[མ་དཔེ་གཟིགས་ན་འདིར་གནོན།]

མ་ཟད་གཞན་ཐམས་ཅད་ལ་ཡང་འདྲ་སྟེ། གསོལ་འདེབས་ཀྱི་ཚིག་དང་པོ་གཉིས་ཐམས་ཅད་མཚུངས་ཤིང༌། ཚིག་རྐང་གསུམ་པ་མཐའ་བསྒྱུར་བ་ཁོ་ནའོ། །དེ་ལྟར་ཐུན་གྱི་སུམ་ཆ་ཙམ་བླ་མའི་རྣལ་འབྱོར་བསྒ྄ོམས་ནས། བླ་མ་འོད་དུ་ཞུ། རང་ལ་ཐིམ། རང་ལུས་ལྷ་སྐུ་གསལ་སྟོང་དུ་ཤར་བའི་ལུས་ཀྱི་དབུས་སུ་རྩ་དབུ་མ་ཁ་དོག་དཀར་བ་དྭངས་གསལ་ཤེལ་གྱི་སྦུབས་ལྟ་བུ། ཡར་སྣ་སྤྱི་བོ་དང༌། མར་སྣ་གསང་བར་ཟུག་པ། དབུ་མའི་ནང་གི་ཡས་སྣར་ཧཾ་དཀར་བོ་མགོ་བོ་ཐུར་དུ་བལྟ་བ་དང༌། མས་སྣར་ཧཱུཾ་དམར་པོ་མགོ་བོ་གྱེན་དུ་བལྟ་བ་ཞིག་གསལ་བཏབ། གང་ཤར་ལ་སྤྱིར་བདེན་མེད་དང༌། སྒོས་སུ་རྨི་ལམ་དུ་ཤེས་པའི་རྩིས་བཟུང་ནས་བསྒོམ་པ་ཞིག་ཐམས་ཅད་དུ་གལ་ཆེ། སྤྱི་བོའི་ཧཾ་ལས་ཐིག་ལེ་དཀར་པོ་སྲན་མ་ཙམ་ཞིག་ཧྲིལ་གྱིས་ཆད། སྙིང་གར་སླེབ། ཉོན་མོངས་པ་གཏི་མུག་དག།སྙིང་ག་ཡན་ཆད་ཁོག་སྟོད་ཡང་ཆོད་པའམ། བདེ་ཆོད་ཀྱིས་སོང་བར་བསམ། གསང་བའི་ཧཱུཾ་ལས་ཐིག་ལེ་དམར་པོ་སྲན་རྡོག་ཙམ་ཞིག་ཡར་ཆད་སྙིང་གར་སླེབ། ཉོན་མོངས་པ་འདོད་ཆགས་དག །སྐེད་མན་ཆད་ཁོག་སྨད་ཡང་ཆོད་པའམ། བདེ་ཆོས་ཀྱི་སོང༌། དཀར་དམར་གཉིས་པོ་སྙིང་གར་འཛོམ། ཞེ་སྡང་ནི་རང་དག་ལ་སོང༌། སྙིང་གའི་ཐད་བདེ་སང་བ་དང༌། ཡང་ཆོད་ཀྱིས་སོང་བར་བསམ། དེ་ནས་དབུ་མའི་ནང་སྙིང་གའི་ཐད་ཀྱི་ཁོང་སྟོང་དེར། ཐིག་ལེ་གཉིས་པོ་འབྲོས་


TNT12_Page_0883
[མ་དཔེ་གཟིགས་ན་འདིར་གནོན།]

འདེད་ཀྱི་ཚུལ་དུ་འཁོར་བ་ལ་སེམས་གཏད། འཁོར་ཚུལ་གཡས་སྐོར་དང་གཡོན་སྐོར་རང་གི་བློ་ལ་གང་བདེ་ཡིན། དེ་ལ་སེམས་གཏད་དེ། རྨི་ལམ་རང་ཡིན་སྙམ་པའི་འདུན་པའི་གསུམ་བཞི་ཞིག་བྱ། དེ་ནས་ཐིག་ལེ་གཉིས་པོ་གཅིག་རྗེས་གཅིག་གིས་ཟིན་པའི་ཚུལ་གྱིས་རེག་ཙམ་རེག་ཙམ་འདུག་ཀྱང་འཁོར་བ་ལ་སེམས་གཏད། རྨི་ལམ་ཡིན་སྙམ་འདུན་པ་དྲག་ཏུ་སྦྱང༌། དེ་རྗེས་ཡང་སྔར་བཞིན་ལས། རེག་པ་ལ་བརྟེན་ནས་ལུས་སེམས་བདེ་ཆིལ་ཆིལ་ཡོང་བར་མོས། དེ་ལའང་སྒྱུ་མའི་འདུན་པ་སྦྱང༌། དེ་ནས་དཀར་པོ་དམར་པ་ལ་ཐིམ་དཀར་པོ་ཡལ་བའམ། དེ་གོ་ལྡོག་ཀྱང་རུང་སྟེ། གང་ལྟར་ཡང་གཅིག་ལ་གཅིག་ཤོས་ཐིམ། དེ་ཡང་གཏད་ཡལ་དུ་སོང་བར་བསམ། དེ་ཀའི་ངང་ལ་ཅི་ཡང་མི་བསམ་པར་ཅུང་ཟད་བཞག།དེ་ནས་རང་གཞན་སྣང་བ་ཐམས་ཅད་ལ་སེམས་གཏད་དེ། འདི་ཐམས་ཅད་སྣང་ནི་སྣང༌། བདེན་ནི་མི་བདེན་སྙམ་པ་དང༌། ཁྱད་པར་དུ་ཡང་ང་གཉིད་དུ་སོང་འདུག།སྣང་བ་འདི་ཐམས་ཅད་རྨི་ལམ་རང་ཡིན་པ་འདུག་སྙམ་པའི་འདུན་པ་དྲག་ཏུ་སྦྱོང་སྟེ། དམིགས་པ་ཚར་གཅིག་སོང༌། ཡང་རྩ་དབུ་མ་གསལ་འདེབས་པ་སོགས་ཡང་ནས་ཡང་དུ་ཁོ་ན་བསྐྱར་གྱིན་བསྒོམ། ཐུན་མཚམས་སུ་ཡང་སྒྱུ་མའི་འདུན་པའི་དོད་དུ་རྨི་ལམ་གྱི་འདུན་པ་བཅུག་ནས། འདུན་པ་གསུམ་སྦྲགས་བྱ་སྟེ། མི་རྟག་པ་


TNT12_Page_0884
[མ་དཔེ་གཟིགས་ན་འདིར་གནོན།]

དང༌། མོས་གུས་དང༌། རྨི་ལམ་གྱི་འདུན་པ་སྟེ་གསུམ་མོ། རྨི་ལམ་འདུན་པའི་གནད་བྱ་བ་ཡིན་པས་འགྲོ་འཆག་ཉལ་འདུག་ཟས་ཟ་བ་གཏམ་སྨྲ་བ་མདོར་ན་སྤྱོད་ལམ་ཐམས་ཅད་དུ་ང་གཉིད་དུ་སོང་འདུགརྨི་ལམ་རྨི་བར་འདུག།རྨི་ལམ་རང་ཡིན་ཨང་སྙམ་པ་རྒྱུན་ཆགས་སུ་བྱུང་ན། རྨི་ལམ་ཟིན་པ་ལ་ཚེགས་མེད་པས་འདི་རང་གལ་ཆེའོ། །དེ་ལྟར་བསྒོམས་པས་མྱུར་དུ་རྨི་ལམ་ཟིན་པར་འགྱུར་རོ། །ཡང་ལས་འབྲེལ་ཆུང་བ་འགའ་ལ་ཉིན་པར་བསྟར་ཆགས་སུ་བསྒོམས་ཀྱང་འཕྲལ་དུ་མ་ཟིན་པར་འགོར་ན་ཡང་ཟླ་བ་གཅིག་གམ། ཟླ་བ་ཕྱེད་དང་གཉིས་ཙམ་གྱི་བར་དུ་ཟིན་དུ་རེ་བ་དང༌། མ་ཟིན་གྱི་དོགས་པའི་རྩིས་བཏབ་མི་བྱེད་པར་ཅི་དགར་བསྒྱུར། འདུན་པ་དྲག་ཏུ་བྱེད་པ་གལ་ཆེ། སྤྱིར་སྔོན་གྱི་ནཱ་རོ་ཆོས་དྲུག་པ་རྣམས། དབང་པོ་རབ་ཏུ་གྱུར་པ་ལ། ལོ་ཡིས་ཟིན་པར་དག་ཀྱང་སྲིད་ཟེར། ལོ་གཅིག་ཙམ་བསྒོམས་ན་རྨི་ལམ་ཟིན་པ་ལ་བརྟན་པ་ཐོབ། །ཅེས་འདོད་པར་འདུག།ཆོས་འདིའི་ལུགས་ཀྱིས་དབེན་པའི་གནས་སུ་གྲིབ་ཀྱིས་མ་ཕོག།ལོང་གཏམ་དང་མ་འདྲེས། ངེས་འབྱུང་སྐྱོ་ཤས་དང་བཅས་པར་བསྒོམས་ན། ཞག་བདུན་ནམ་བཅུ་ཚུན་ལ་འགོ་ཐོ་རེ་བ་ཟིན་ཡོང༌། དེ་ནས་མ་འབྱམས་མ་དྲེད་ཞུད་ཀྱིས་འཁྱེར་བར་བསྒོམས་ན། ཟླ་བ་གསུམ་མམ་བཞི་ཚུན་ཆོད་ལ་རྨི་ལམ་ཟིན་ཅིང་བརྟན་པ་ཐོབ་པར་འོང་ངོ༌། །


TNT12_Page_0885
[མ་དཔེ་གཟིགས་ན་འདིར་གནོན།]

ལར་མ་བསྒོམས་པས་ཀྱང་རྨི་ལམ་ན་རེ་ཟིན་པ་འོང་སྟེ། དེ་འདྲ་སྟེས་དབང་ཙམ་ཡིན་གཏད་པ་ཅང་མེད། ཡང་དང་པོར་བསྒོམ་མ་ཐག་རང་དུ་ཟིན་པའང་ཡོད་དེ། རྐྱེན་གསར་ངས་ཀྱིས་ཟིན་པ་ཟེར། རྗེས་ལ་མི་ཡོང༌། དེ་འདྲས་ཟིན་པའི་གོ་མི་ཆོད། རྒྱུན་འཐུད་མི་ཐུབ། འདིར་དམིགས་པའི་སྟོབས་ཀྱིས་ཟིན་པ་དང༌། འདུན་པའི་སྟོབས་ཀྱིས་ཟིན་པ་ཅིག་དགོས། དེ་འདྲས་ཟིན་ན་འདི་ལན་གཅིག་ཟིན་པའི་རྗེས་སུ་ཉམས་ལེན་མ་བཤོལ་ན་གོང་འཕེལ་དུ་སོང་ནས་བསྟར་ཆགས་སུ་ཟིན་ཡོང་བ་ལ་དཀའ་ལས་མེད་པ་ཡིན་ནོ། །དམིགས་སྐོར་བཅུ་དགུ་པའོ། །གཉིས་པ་གནད་འཆུག་མེད་དགུ་ལ་བརྟེན་པ་ནི། དམིགས་པ་སྔ་མའི་སྤོགས་ཆོག་ཡིན་ཏེ། སྤྱིར་ནི་རང་ཟིན་ཐིག་ལེ་དབང་བཞིའི་གནད་ཉིད་ཤིན་ཏུ་ཟབ་པས། དེ་ཀས་རྨི་ལམ་ཟིན་དགོས་ཀྱང་དགོས་འོང་ཡང་འོང༌། སྤོགས་ཆོག་འདི་དག་དགོས་པ་ཆེར་མི་འོང༌། ཅི་སྟེ་ན། དམིགས་པ་སྔ་མ་འབད་པས་བསྒོམས་ཀྱང་ཟླ་ཤས་མ་ཟིན་ན། བོགས་འདོན་འདི་རྣམས་རིམ་གྱིས་བྱ་སྟེ། དེ་ལ་གནད་འཆུག་མེད་དགུ་ཞེས་བྱ་བ། དུས་ཀྱི་གནད་གསུམ། ཐོ་རངས། ནམ་ལངས། ཉི་མ་རྩེ་ཤར་རོ་ལུས་ཀྱི་གནད་གསུམ་ནི། སྐྱིལ་ཀྲུང། ཙོག་པུ། སེང་གེའི་ཉལ་སྟབས་གསུམ་མོ། །དམིགས་པའི་གནད་གསུམ་ནི། རྟོག་མེད་ལ་བཟུང་བ་གཉིས་དང༌། རྟོག་བཅས་ལམ་དུ་


TNT12_Page_0886
[མ་དཔེ་གཟིགས་ན་འདིར་གནོན།]

ཁྱེར་བའོ། །དེ་ལྟར་དགུ་ལས། སྐབས་འདིར་དམིགས་པའི་གནད་གསུམ་མོ། །དེ་ལ་དང་པོ་རྟོག་མེད་ལ་བཟུང་བ་དམིགས་པའི་གནད་རྒྱ་བསྐྱེད་པ་ནི། དབུ་མ་ཡི་གེ་གཉིས་དང་བཅས་པ་གསལ་འདེབས་པ་སྔར་བཞིན། དེ་རྗེས་རླུང་རོ་བསལ། སྟེང་རླུང་ནང་དུ་རྔུབས་པ་དང་ལྷན་ཅིག་ཧཾ་ལས་ཐིག་ལེ་དཀར་པོ་ཆད་ཏེ་སྙིང་གར་སླེབ། འོག་རླུང་ཡར་འཐེན་པས་ཧཱུཾ་ལས་ཐིག་ལེ་དམར་པོ་ཆད་དེ་སྙིང་གར་སླེབ། རླུང་ཁ་སྦྱོར་དུ་བཟུང་སྐབས། ཐིག་ལེ་གཉིས་པོ་སྙིང་གར་འཁོར་བ་ལ་སེམས་གཏད། རྨི་ལམ་གྱི་འདུན་པ་བྱ། བུམ་དབང་ངོ༌། །དེ་རྗེས་རླུང་ཕྱིར་བསལ་བའི་དུས་ཐིག་ལེ་དཀར་པོ་སྣ་བུག་གཡས་དང༌། དམར་པོ་གཡོན་ནས་ཐོན་ཏེ། སྨིན་མཚམས་སུ་འཁོར་བ་ལ་སེམས་གཏད་དེ། རྨི་ལམ་གྱི་འདུན་པ་དྲག་ཏུ་བྱ། གསང་དབང་ངོ༌། །ཐིག་ལེ་དེ་གཉིས་རང་གི་མདུན་ཐད་དུ་བབས་ཏེ། དཀར་པོ་དཔལ་འཁོར་ལོ་སྡོམ་པ་ཡབ་དང༌། དམར་པོ་རྡོ་རྗེ་ཕག་མོར་གྱུར། ཁ་སྦྱོར་ལྷན་ཅིག་སྐྱེས་པའི་སྐུར་གྱུར་པ་ལ་སེམས་གཏད་དེ་རྨི་ལམ་གྱི་འདུན་པ་དྲག་ཏུ་བྱ། ཤེས་རབ་ཡེ་ཤེས་ཀྱི་དབང་ངོ༌། །ཡུམ་ཡབ་ལ་ཐིམ། དེ་ཡང་མཁའ་དབྱིངས་སུ་ཡལ་


TNT12_Page_0887
[མ་དཔེ་གཟིགས་ན་འདིར་གནོན།]

ཀྱི་བར་བསམས་ཏེ། མི་རྟོག་པ་ལ་མཉམ་པར་བཞག །དབང་བཞི་པའོ། །དེ་ལས་ལངས་པ་ན་རྨི་ལམ་གྱི་འདུན་པ་དྲག་ཏུ་སྦྱངས། དེ་ཉིད་ཡང་ཡང་བསྐྱར་གྱིན་བསྒོམ། ཐུན་མཚམས་ཀྱི་སྤྱོད་ལམ་སྔར་དང་འདྲ། ཚན་མོ་ཉལ་ཁར་མདུན་གྱི་ལྷན་སྐྱེས་ཡབ་ཡུམ་དབྱིངས་སུ་ཡལ་བ་དེ་ཀའི་ངང་དེར་རྣམ་རྟོག་གཞན་གྱིས་བར་མ་ཆོད་པར་གཉིད་དུ་འགྲོ་བར་བྱ། བར་སྐབས་སུ་གཉིད་སད་ན། དམིགས་པ་དེ་ཡོངས་རྡོག་ཚར་རེ་བསྒོམ་ཐུབ་ན་ལེགས། མ་ཐུབ་ན་རྨི་ལམ་གྱི་འདུན་པ་རེ་བྱའོ། །ནམ་སྨད་གཉིད་ཀྱི་ལྷག་མ་ཅུང་ཟད་རེ་ཡོད་པའི་སྐབས་དེར་གཉིད་སངས་ཏེ། ལུས་གནད་བཅས། སྔར་གྱི་དམིགས་པ་དེ་ལ་འདུན་པ་དྲག་པོ་དང་བཅས་ནས་བསྒོམ། དེ་རྗེས་དུས་གནད་གསུམ་པོ་གང་རུང་གཅིག་གི་དུས་སུ་སླེབས་པ་དག༌།ལུས་གནད་གསུམ་པོ་གང་རུག་ཞིག་བཅས་ཏེ། དམིགས་པ་སྔར་གྱི་དེ་ཀ་རིམ་ཅན་དུ་བསྒོམས་ནས། མཐར་ཐམས་ཅད་ཡལ་བའི་ངང་ལ་རྣམ་རྟོག་གཞན་གྱིས་བར་མ་ཆོད་པའི་ངང་ནས་གཉིད་དུ་འགྲོ་བར་ལ། སྔར་ནས་དམིགས་པ་གོང་མའང་ཟིན་ཐིག་ལེ་དེ་བསྒོམས་པའི་གོམས་ཤུགས་ཆེ་བར་ཡོད། ལན་གཅིག་པོ་དེ་ཀ་ལ་ཟིན་འོང༌། གོམས་ཤུགས་ཧ་ཅང་ཆེ་བ་མེད་ཀྱང་ཞག་འགའ་རེ་བསྐྱར་ན་ཟིན་འོང་ངོ༌། །དམིགས་སྐོར་ཉི་


TNT12_Page_0888
[མ་དཔེ་གཟིགས་ན་འདིར་གནོན།]

ཤུ་པའོ། །ཡང་ན་དམིགས་པའི་གཞི་མདོར་བསྡུས་པ་ལ་བསླབ་ཏེ། བླ་མའི་རྣལ་འབྱོར་སྔར་བཞིན་བསྒོམ། རང་གི་སྙིང་གར་བླ་མ་སྐུ་དངོས་སམ། རྡོ་རྗེ་འཆང་དཀར་པོ། དེའི་ཐུགས་ཀར་ཧཱུྃ་ཡིག་དཀར་པོ་འོད་ཀྱི་རང་བཞིན་ཅན་ཞིག་བསྒོམ། བླ་མ་ལ་མོས་གུས་དང་རྨི་ལམ་གྱི་འདུན་པ་གཉིས་ལྡན་དུ་བསྒོམས་ཏེ་ཡིད་ཀྱིས་གསོལ་བ་བཏབ། ཧཱུྃ་ལས་འོད་འཕྲོས་སྣང་བ་ཐམས་ཅད་ཁྱབ། རྨི་ལམ་ཡིན་སྙམ་པ་བྱ། སྣང་བ་ཐམས་ཅད་འོད་དུ་ཞུ་ནས་རང་ལ་ཐིམ། བུམ་དབང་ངོ༌། །རང་ཡིད་དམ་དུ་གསལ་བ་ལ་རྨི་ལམ་གྱི་དྲན་འདུན་བྱ། བླ་མ་འོད་དུ་ཞུ་ནས་ཧཱུྃ་ལ་ཐིམ། ཤེར་དབང་ངོ༌། །དེ་ལའང་རྨི་ལམ་གྱི་དྲན་འདུན་བྱ། བླ་མ་འོད་དུ་ཞུ་ནས་ཧཱུྃ་ལ་ཐིམ། ཤེར་དབང་ངོ༌། །དེ་ནས་ཧཱུྃ་ཡང་འཇའ་ལྟར་ཡལ་བར་བསམས་ལ། དེ་ཀའི་ངང་བསྐྱང༌། དབང་བཞི་པའོ། །དེ་ལས་རྨི་ལམ་གྱི་འདུན་པ་དྲག་ཏུ་སྦྱངས། ཡང་དེ་ཉིད་བསྐྱར་གྱིན་ཐུན་གྲངས་དང་ཐུན་ཚད་མེད་པར་བསྒོམ་པ་ཡིན་ཏེ། ལག་ལེན་དེ་ལྟར་བསྒོམ་དགོས་སོ། །འཇག་བསམ་གཉིས་ཀར་གྱི་ཁྲིད་ཡིག་ལས། ཕྱི་སྣོད་བཅུད་རང་ལ་བསྡུ་བ་མི་གསལ་བ་དང༌། ཉིན་མོའི་དམིགས་པ་ལ་འོད་གསལ་དུ་བསྡུ་བ་ཡང་མི་གསལ་བ་ནི། ལག་ལེན་ཅུང་ཟད་སྦས་པ་ཡིན་ལ། མཁས་གྲུབ་གཞོན་ནུ་གྲུབ་ནི། འོད་གསལ་བཟུང་བའི་སྐབས་


TNT12_Page_0889
[མ་དཔེ་གཟིགས་ན་འདིར་གནོན།]

ཀྱི་དམིགས་པ་བཞིན་རིམ་པས་སྤྲོ་བར་ཡང་བཞེད་དོ། །དེ་གཉིས་ལ་རྟོག་མེད་ལ་བཟུང་བ་ཞེས་ཐ་སྙད་མཛད་པའི་རྒྱུ་མཚན་དངོས་སུ་ལས་ལ་སྦྱོར་བའི་སྐབས། དམིགས་པ་བསྡུས་ནས་གཉིད་དུ་འགྲོ་བའི་བར་ལ། རྣམ་རྟོག་གཞན་གྱི་བར་མ་ཆོད་པ། བསམ་མེད་དུ་གནས་པ་ཞིག་དགོས་པའི་དོན་ཡིན་ནོ། །དམིགས་སྐོར་ཉེར་གཅིག་པའོ། །གཉིས་པ་རྟོག་བཅས་ལམ་ཁྱེར་ནི། སྔོན་འགྲོ་སྔར་དང་འདྲ་བ་ལས། རང་གི་མགྲིན་པའི་རྩ་འདབ་བཞི། པདྨ་དམར་པོ་འདབ་མ་བཞི་པར་གྱུར་པའི་ལྟེ་བར་ཨོཾ་དམར་པོ་དེའི་འོད་དམར་པོས་མགྲིན་པའི་ཕྱོགས་ཐམས་ཅད་ཁྱབ་པར་བསྒོམ། རླུང་བུམ་ཅན་ནམ་འཇམ་རླུང་བཟུང་སྟེ། ཉིན་ཕྱེད་ཡན་ལག་ཅིས་ཀྱང་དོ་ནུབ་རྨི་ལམ་ཟིན་པར་བྱ། རྨི་ལམ་ལ་རྨི་ལམ་དུ་ངོ་ཤེས་པར་བྱ། ཞེས་འདུན་པ་དྲག་པོ་བཏང༌། ཉིན་ཕྱེད་མན་ཆད་ལ་ང་གཉིད་དུ་སོང་འདུག།སྣང་བ་འདི་རྨི་ལམ་ཡིན་པར་འདུག་སྙམ་པའི་འདུན་པ་དྲག་ཏུ་བྱ་སྲོད་ཐུན་ལ་ད་ནི་མྱུར་དུ་རྨི་ལམ་འོང་བས་འདི་ཉིད་དུ་ངོ་ཤེས་པར་བྱེད་དགོས་སྙམ་པའི་འདུན་པ་གཏོང༌། དེ་ཡང་ད་ལྟའི་སད་དུས་ཀྱི་སྣང་བ་རགས་པ་འདི་ནུས་གཉིད་འཐུག་པོ་རང་དུ་མ་སོང་བའི་བར་དེར། གཉིད་དང་སྣང་བའི་བར་གྱི་རྣམ་རྟོག་ཅེས་བྱ་བ། རྣ་བར་སྒྲ་ཙི་རོང་བའམ། ལུས་སྦྲིད་པ་སྙམ་དང༌། ཐིབ་ཐིབ་ནོན་པའམ། སྨིན་མཚམས་སུ་སྦྲིང་


TNT12_Page_0890
[མ་དཔེ་གཟིགས་ན་འདིར་གནོན།]

སྦྲིང་པ་དང་དབུགས་ཐུམ་ཐུམ་པ་ལྟ་བུའི་ཉམས་ཀྱི་རྗེས་སུ། མི་ཁྱི་ལ་སོགས་པའི་འགྲོ་བ་དང༌། ཁང་ཁྱིམ་དང༌། ལམ་ཁ་ལ་སོགས་པའི་རྣམ་པ་སྲིབ་ཙམ་སྲིབ་ཙམ་འོང་བ། འོག་འགྱུ་ལས་ནི་གསལ། རྨི་ལམ་དངོས་ལས་ཅུང་མི་གསལ་བའི་སྣང་ཆ་སྲབ་སྲིབ་ཙམ་འབྱུང་བ་དེ་ལ་གཉིད་དང་སྣང་བའི་བར་གྱི་རྣམ་རྟོག་ཟེར་བ་ཡིན། སྐབས་འདིར་དེ་རྨི་ལམ་དུ་ངོ་ཤེས་པར་བྱེད་དགོས་སྙམ་དུ་འདུན་པ་དྲག་ཏུ་སྦྱང༌། གནས་སྐབས་དེ་གསུམ་ལ་འདུན་པ་བསྒྱུར་བ་མ་གཏོགས་དམིགས་པ་འདྲ། དུས་གནད་གསུམ་དུ་ལུས་གནད་གསུམ་བཅས་ནས་འཛིན་ཚུལ་ཡང་གོང་དང་འདྲ་མོད། དམིགས་པའི་ཡུལ་སྟོང་པར་བསྡུས་ནས་འཇོག་པ་དེ་མི་བྱེད་པས། ཨོཾ་ཡིག་ལ་སེམས་གཏོད་ཅིང༌། ད་ལྟ་རང་གཉིད་དང་སྣང་བའི་བར་གྱི་རྣམ་རྟོག་ཡོང་བ་འདི་ངོས་འཛིན་དགོས་སྙམ་པའི་འདུན་པའི་ཤུགས་ཧ་ཅང་དྲག་པ་མིན་ཙམ་བསྟེན་པའི་སྒོ་ནས་གཉིད་དུ་འགྲོ་བར་བྱ། དེར་གཉིད་དང་སྣང་བའི་བར་གྱི་རྣམ་རྟོག་བྱུང་ན། འདི་ཀ་རྨི་ལམ་ཡིན་སྙམ་པའི་འདུན་པ་བག་ཙམ་བཏང་སྟེ། ཐུར་སེལ་ཅུང་ཟད་བསྐུམ་གསུང༌། འོན་ཀྱང་བཅས་བཅོམ་མང་ན་གཉིད་དེངས་འགྲོ་བས་འདུན་པ་བག་ཙམ་གྱི་ངང་ནས་གཉིད་དུ་འགྲོ་བར་བྱ། གཉིད་དང་སྣང་བའི་བར་གྱི་རྣམ་རྟོག་ངོས་འཛིན་ཅིང༌། དེ་ཡང་འདུན་པ་རྟོག་བཅས་ཀྱིས་འཛིན་པས་རྟོག་བཅས་ལ་མ་ཁྱེར་


TNT12_Page_0891
[མ་དཔེ་གཟིགས་ན་འདིར་གནོན།]

ཅེས་བྱའོ། །འདི་རྨི་ལམ་མི་ཟིན་པ་མི་སྲིད་པའི་གདམས་པའོ་གསུང༌། འདིར་འཇག་བསམ་གསེར་གླིང་པ་གསུམ་ཀར་གྱི་ཁྲིད་ཡིག་ལས། མགྲིན་པའི་ཨོཾ་གྱི་བཤད་པ་ཟུར་ཙམ་མཛད་ནས་ཆམས་ཏེ་བཞག།ཉིན་པར་གྱི་དམིགས་པ་སྔར་གྱི་དམིགས་པ་དེ་ཀ་བསྒོམ་གསུང་རྟོག་མེད་གཉིས་ལ་ཁ་འཕངས་ཚུལ་མཛད་པ་དང༌། འཇག་ཆེན་གྱིས། ཡང་ན་དམིགས་པ་གཉིས་ཀྱི་བོགས་འདོན་དུ། དེ་གཉིས་རང་མི་སྒོམ་པར་རྨི་ལམ་གྱི་འདུན་པ་སྤྱི་ལྡོག་དེ་སྦྱོང་བར་གསུངས་པ་རྣམས་ཀྱིས་མན་ངག་ཞལ་ཤེས་ལ་ལྟོས་པའི་དབང་དུ་མཛད་པའོ། །དམིགས་སྐོར་ཉེར་གཉིས་པའོ། །གཉིས་པ་རྨི་ལམ་སྦྱོང་བ་ནི། རྨི་ལམ་ཟིན་པ་ལ་བརྟེན་པ་ཐོབ་ནས་རྨི་ལམ་སྦྱོང་བ་དགོས་པ་ཡིན་ཏེ། དེ་ཡང་རྨི་ལམ་འཛིན་པས་དམིགས་པ་བོར་ནས། སྦྱོང་བ་ཁོ་ན་ལ་བསྒྲིལ་བའི་དབང་དུ་བྱས་པ་ཡིན། འཛིན་པའི་དམིགས་པ་མ་དོར་བར་བསྟར་ཆགས་སུ་སྒོམ་གྱིན་ཡོད་ན། ནུབ་རེ་བཞིན་རྨི་ལམ་ལན་རེ་བཞིན་ཟིན་ཡོང་བའི་མཚམས་ནས་སྦྱོང་བའི་དམིགས་པ་ཡང་བསྒོམས་ཏེ། འཛིན་སྦྱོང་ཕྱོགས་གཅིག་ཏུ་བྱས་པས་ཆོག་གོ །དེ་ལ་བཞི་སྟེ། ལུས་ཀྱིས་སེམས་སྦྱང་བ། སེམས་ཀྱིས་ལུས་སྦྱང་བ། བདག་མེད་མས་སྦྱང་བ། འདུན་པས་སྦྱང་བའོ། །དེ་ལ་དང་པོ་ནི། བླ་མའི་རྣལ་འབྱོར་ཡན་ཆད་རྨི་ལམ་བཟུང་བའི་སྐབས་


TNT12_Page_0892
[མ་དཔེ་གཟིགས་ན་འདིར་གནོན།]

དང་འདྲ་བ་ལས། རྨི་ལམ་འབྱོངས་པར་མཛད་དུ་གསོལ་ཞེས་འདོན་པ་བསྒྱུར། དེ་ནས་དམིགས་པ་དངོས་ནི། རང་ཉིད་གནས་པའི་འོག་ན། བྲག་ཕྱམས་ལྟ་བུ་གཡང་ས་ཤིན་ཏུ་ཆེ་བར་ཞིག་འདུག་པར་བསམ། རང་ཉིད་ཀྱང་གཡང་ས་དེའི་ཁ་མཚམས་མདའ་གང་ཙམ་གྱི་སྟེང་གི་ནམ་མཁའ་ལ་འདུག་པར་བསམ། དེ་ནས་མར་བལྟས་པས་ཡང་ཏིང་གིས་འབྱུང༌། དེ་ཙ་ན་ང་གཉིད་དུ་སོང་འདུག།སྣང་བ་འདི་རྨི་ལམ་གྱི་སྣང་བར་འདུག།རྨི་ལམ་གྱི་སྣང་བ་ལ་སྐྲག་རྒྱུ་ཅི་ཡོད་སྙམ་སྟེ། ཆད་ཀྱིས་ལྷུངས་སུ་བཅུག།ས་ལ་ཏོབ་ཏེར་མ་ལྷུངས་ཙམ་ལ། དེ་ཉིད་དུ་ཡལ་བར་བསམ་པའམ། ཡང་ན་ཡར་ལ་ཡེ་རེ་རེ་འཕུར་ནས་འོངས་ཏེ། །གཡང་གི་ཁར་སྔར་བཞིན་འདུག་པར་མོས། ཚུལ་དེ་ལྟ་བུ་ཡང་ཡང་སྦྱོང༌། དམིགས་པ་འདི་ལ་རང་ཡི་དམ་དུ་གསལ་བ་དང༌། ཐ་མལ་གྱི་རྣམ་པས་སྦྱོང་བ་གཉིས་ཀས་རུང་བས་ངེས་མེད་དུ་བསྒོམ། ཡང་གཡང་སའི་རྩེར་ལུས་གཅིག་བཞག་ནས། དེ་ལས་འོད་ཀྱི་ཐག་པ་དང་འབྲལ་བའི་ལུས་གཅིག་འབབ་འཛེག་བྱེད་པར་ཡང་བཤད་དེ། ཞལ་ཁྲིད་ལ་འདི་མི་གསུང༌། དམིགས་སྐོར་ཉེར་གསུམ་པའོ། །གཉིས་པ་སེམས་ཀྱིས་ལུས་སྦྱོང་བ་ནི། སྔོན་འགྲོ་གོང་དང་འདྲ། རང་ཡི་དམ་གྱི་སྐུ་གསལ་བའི་སྒོ་དགུ་རུ་ཧཱུཾ་ཡིག་སྔོན་པོ་འོད་ཀྱི་རང་བཞིན་ཆེན་པོ་རེ་དང༌། བ་སྤུའི་བུ་ག་


TNT12_Page_0893
[མ་དཔེ་གཟིགས་ན་འདིར་གནོན།]

ཐམས་ཅད་དུ་ཧཱུཾ་སྔོན་པོ་འོད་འཚེར་བ་ཕྲ་མོ་དཔག་ཏུ་མེད་པས་གོ་མཚམས་མེད་པར་ཁྱབ། ཧཱུཾ་ཐམས་ཅད་མགོ་བོ་ནང་དུ་ལྟ་བའོ། །རྨི་ལམ་གྱི་འདུན་པ་དྲག་ཏུ་སྦྱང༌། ཧཱུཾ་ཐམས་ཅད་ལས་འོད་ཟེར་སྔོན་པོ་དྭངས་གསལ་འོད་ཀྱི་ཐག་པ་བཏང་བ་བཞིན་དུ་སྔོ་ཏ་ལ་ལ་ལུས་ཀྱི་ནང་དུ་འཕྲོས། འོད་རྣམས་འདུས་འདུས་ཤིང་འདུས་ཏེ་གཅིག་ཏུ་འདྲེས། ལུས་ཀྱི་ཕྱི་ནང་ཀྱང་གཡོགས། ལྷའི་རྣམ་པ་འདལ་ཏེ་ཐམས་ཅད་འོད་ཀྱི་གོང་བུ་གཅིག་ཏུ་སོང༌། ཡང་རྨི་ལམ་གྱི་འདུན་པ་དྲག་ཏུ་སྦྱང༌། འོད་ཀྱི་གོང་བུ་དེ་མཐའ་ནས་རིམ་གྱིས་ཡལ། ཇེ་ཕྲ་ཇེ་ཕྲ་ལ་ཁུ་ཚུར་ཙམ། མཐེ་བོང་ཙམ། སྲན་ཆུང་ཙམ། ཡུངས་འབྲུ་ཙམ། མཐར་དེ་ཡང་མི་དམིགས་པར་སྦྱངས་ཏེ། སེམས་རྟོག་མེད་ལ་མཉམ་པར་བཞག།ཡང་རྣམ་རྟོག་སྐྱེས་ན་རྨི་ལམ་གྱི་འདུན་པ་དྲག་ཏུ་སྦྱང་ངོ༌། །དམིགས་སྐོར་ཉེར་བཞི་པའོ། །གསུམ་པ་བདག་མེད་མས་སྦྱོང་བ་ནི། གཞན་སྔར་ལྟར་ལས། དངོས་གཞི་ནི་རང་འཁོར་ལོ་སྡོམ་པ་ཡབ་རྐྱང་དུ་གསལ་བའི་མདུན་དུ་རྡོ་རྗེ་བདག་མེད་མ། སྐུ་མདོག་སྔོན་མོ་གྲི་གུག་ཐོད་ཁྲག་ཁ་ཊཱཾ་འཛིན་པ། ལང་ཚོ་དང་བདེ་བ་རྒྱས་པ་ཞིག་བསྒོམ། སྐུ་དེ་ཆེ་ན་མདའ་གང་ཁྲུ་གང་ཙམ། ཆུང་ན་སོར་བཞིའམ་མཐེ་བོང་ཙམ། དེ་དག་གི་བར་གང་བདེ་ཡིན། དེའི་གསང་བར་ཨོཾ་ཨཱ་སྭཱཧཱ། ཞེས་བྱ་བའི་སྔགས་ཀྱི་ཡིག་འབྲུ་


TNT12_Page_0894
[མ་དཔེ་གཟིགས་ན་འདིར་གནོན།]

གསལ་བར་བསྒོམ། རྨི་ལམ་གྱི་དྲན་འདུན་དྲག་པོའི་ངང་ནས། སྔགས་དེ་ལན་ཉེར་གཅིག་སོགས་ཅི་རིགས་པར་བཟླས་པས། དེ་ལས་འོད་ཟེར་སྔོན་པོ་སྔོ་ཏལ་གྱིས་བྱུང༌། རང་ཧེ་རུ་ཀར་གསལ་བའི་སྐུ་ལ་ཕོག་པས། རང་ཉིད་ལྷ་སྐུ་སྔར་ལས་ཀྱང་སྔོ་ཞིང་དྭངས་པ། གསལ་བ་ཞིག་ཏུ་སོང༌། ལུས་ཐམས་ཅད་བདེ་བས་ཁྱབ་པར་བསམ། ཡང་རྨི་ལམ་གྱི་འདུན་པ་དང་བཅས་ནས། བདག་མེད་མའི་སྐུ་ལ་སེམས་གཏད་པས། བདག་མེད་མ་དེ་ཉིད་འོད་ཟེར་སྔོན་པོ་ཉམས་བདེ་བ་དང་ལྡན་པ་ཞིག་ཏུ་ལྟེམ་གྱིས་ཞུ། རང་ཉིད་ཧེ་རུ་ཀའི་སྐུར་གསལ་བའི་གསང་བའི་སྒོ་ནས་ཞུགས་འོད་དེས་སྐུ་ལུས་ཀྱི་ནང་ཐམས་ཅད་ཁྱབ། སྔར་ལས་ཀྱང་སྔོ་ཞིང་དྭངས་ལ་གསལ་བར་སོང༌། ལུས་སེམས་ཐམས་ཅད་བདེ་བས་གང་བར་མོས། དེ་ཉིད་ཇེ་དྭངས་ཇེ་དྭངས་ལ་ནམ་མཁའ་ལ་འདྲེས་ཤིང་ཐིམ་པར་བསམ། དེར་ཅུང་ཟད་བཞག་སྟེ། ཡང་རྨི་ལམ་གྱི་འདུན་པ་དྲག་ཏུ་སྦྱོང་བ་སོགས་སྔར་བཞིན་དམིགས་པ་འདི་ལ་མཁས་གྲུབ་རྒྱལ་མཚན་འབུམ་ནི་རང་གི་དབང་པོའི་རྩེ་ལ་ཧཱུཾ་བསྒོམ་གསུང་བ་ཡོད་ཀྱང༌། ཞལ་ཁྲིད་ལ་དེ་མི་མཛད། སུ་ཁའི་འདྲེས་ཤོར་རམ་གསུང་ངོ༌། །དམིགས་སྐོར་ཉེར་ལྔ་པའོ། །བཞི་པ་འདུན་པས་སྦྱང་བ་ནི། བླ་མའི་རྣལ་འབྱོར་ཡན་ཆད་སྔོན་འགྲོ་སྔར་བཞིན། འདི་ལ་ནི་དམིགས་པའི་གཞི་གཅིག་ཏུ་ངེས་པ་མེད་དེ།


TNT12_Page_0895
[མ་དཔེ་གཟིགས་ན་འདིར་གནོན།]

འདུན་པ་ཁོ་ནས་རྩལ་ངེས་མེད་དུ་སྦྱོང་བས་ན་འདུན་པས་སྦྱོང་བའོ། །དེ་ཡང་ངའི་ལུས་ན་ཚ་སྡུག་བསྔལ་སྐྱེད་པར་བྱེད་པ་དེ་མལ་ན་ཡོད་པར་འདུག།སྣང་བ་འདི་རྨི་ལམ་གྱི་སྣང་བ་ཡིན། ལུས་འདི་ཡང་རྨི་ལམ་གྱི་ཡིད་ལུས་ཡིན། རྨི་ལམ་གྱི་སྣང་བ་དང༌། ཡིད་ཀྱི་ལུས་ལ་ཅི་སྦྱངས་སྦྱངས་སུ་འགྲོ་བ་ཡིན་སྙམ་པའི་འདུན་པ་དྲག་པོ་རྒྱུན་ཆགས་སུ་བྱས་ནས། རང་གི་མདུན་ན་འདུག་པའི་ཀ་བ་གྱང་རྩིག་པ་ཐོག་ཕུབ་སོགས་ལ་ཡར་ཐལ་མར་ཐལ་ཕར་ཐལ་ཚུར་ཐལ་ཐོགས་མེད་དུ་སྦྱང༌། གཞན་ཡང་དཀར་ཁུང་ཕྲ་མོ་ལ་འཛུལ་པ་སོགས་དང༌། གཡང་ས་དང༌། ཆུ་དང༌། མེ་དང༌། གཅན་གཟན་སོགས་ལ་ཐོག་བརྫིས་སུ་བྱེད་པ་དང༌། ནམ་མཁའ་ལ་འཕུར་བ་དང༌། ས་ལ་འཛུལ་བ་དང༌། ཆུའི་སྟེང་ནས་འཆག་པ་སོགས་མདོར་ན་ཅི་དྲན་གྱི་ཚུལ་གྱིས་སྦྱངས་པས་ཆོག་པ་ལས། ཁྱད་པར་དུ་རྣམ་རྟོག་ཆོམས་དཀའ་བའི་རིགས་འཛིན་ཆགས་ཀྱི་དངོས་པོ་དང༌། འཇིགས་སྐྲག་དང༌། ཡ་ང་དང༌། ངོ་ཚ་དང༌། སྐྱུག་བྲོ་སྐྱེ་བའི་རིགས་རྣམས་ལ། རེས་འགའ་ཐུག་ཕྲད་ཐོག་བརྫིས་བྱ། རེས་འགའ་སྒྱུ་མ་རྨི་ལམ་གྱི་འདུན་པས་བཟའ་གཏད་མེད་པར་བྱ། རེས་འགའ་ཉམ་ང་མེད་པར་ལྡོག་སྒོམ་བྱ། རེས་འགའ་སྐད་ཅིག་གཅིག་ལ་ཐོགས་མེད་དུ་བཅོམ་མོ། །དམིགས་སྐོར་ཉེར་དྲུག་པའོ། །ལུས་ཀྱིས་སེམས་སྦྱོང་བ་རྨི་


TNT12_Page_0896
[མ་དཔེ་གཟིགས་ན་འདིར་གནོན།]

ལམ་རྩལ་སྦྱོང་ཡིན། སེམས་ཀྱིས་ལུས་སྦྱོང་བ་འོད་གསལ་དང་བསྲེ་བ་ཡིན་པས་ཕྲུགས་གཅིག་ཚར། བདག་མེད་མས་སྦྱོང་བ་འོད་གསལ་དང་བསྲེ་བ་ཡིན། འདུན་པས་སྦྱོང་བ་རྩལ་སྦྱོང་ཡིན་པས་རྨི་ལམ་སྦྱོང་ཚུལ་གནད་ཕྲུགས་གཅིག་དེ་ལ་ཚང་བས། གང་ཟག་གཅིག་གིས་དེ་གཉིས་གང་རུང་རེ་བསྒོམ་པར་བྱའོ། །གསུམ་པ་རྨི་ལམ་སྤེལ་པ་ལ། ཐུག་ཕྲད་དུ་སྤེལ་བ་དང༌། གང་འདུལ་དུ་སྤེལ་བ་གཉིས། དང་པོ་ལ་ཡང་འབྱུང་བཞི་ཕྲ་རགས་ལ་སྤེལ་བ་དང༌། སེམས་ཅན་ཕྲ་རགས་ལ་སྤེལ་བ་གཉིས། དང་པོ་ནི། སྔོན་འགྲོ་སྔར་དང་འདྲ་བ་ལས། རྨི་ལམ་སྤེལ་ནུས་པར་བྱིན་གྱི་རློབས་ཞེས་མཐའ་བསྒྱུར་ལ་གསོལ་བ་བཏབ། དེ་ནད་དཔེར་མཚོན་ན། རང་གི་མདུན་དུ་སའི་གོང་བུ་ཞིག་མཐོང་གིན་འདུག་ན། ང་གཉིད་དུ་སོང་འདུག།འདི་རྨི་ལམ་གྱི་ས་ཡིན་པར་འདུག །ཅི་སྤེལ་བར་དེར་འགྲོ་སྙམ་ནས། གཉིས་སུ་སྤེལ་སྙམ་ཙ་ན་གཉིས་སུ་སོང༌། དེ་བཞིན་དུ་ཐོག་མ་རེ་ཞིག་གསུམ་ནས་བཅུ་ལ་སོགས་པའི་བར་དུ་སྤེལ། ཡང་རིམ་པས་བསྡུས་པས་རྩ་བའི་གཅིག་པུར་སོང༌། མཐར་རིམ་པས་བསླབས་ཤིང་སྦྱངས་པས། གང་འདོད་འདོད་དུ་སྤེལ་ཡང་ནུས་རྩ་བའི་ས་གཅིག་པ་ལ་བསྡུ་བར་ཡང་ནུས་པ་འབྱུང་ངོ༌། །དེ་ཡང་ཉིན་པར་དམིགས་པ་འདི་ཡང་ཡང་བསྒོམས་པས། མཚན་མོ་རྨི་ལམ་ཟིན། སྤེལ་བའི་དམིགས་པ་འདི་དྲན་


TNT12_Page_0897
[མ་དཔེ་གཟིགས་ན་འདིར་གནོན།]

ནས་བསྒོམས་ཀྱང༌། ཁ་ཅིག་ལ་ཐོག་མར་སྤེལ་བ་དང༌། བསྡུ་བ་མི་འབྱུང་བ་ཡང་ཡོད་དེ། ཡང་འདུན་པ་དྲག་པོས་བསྒོམས་ན། ཞག་ཤས་ནས་ཅུང་ཟད་སྤེལ་ཐུབ་པར་འོང༌། དེ་ནས་རིམ་པས་ཇེ་བཟང་དུ་འགྲོ། འགའ་ཞིག་ལ་ཐོག་མ་ཉིད་ནས་སྤེལ་ནུས་པའང་ཡོང༌། འདིར་མ་ཟད་སྤྲུལ་བསྒྱུར་ལ་དེ་དང་འདྲ། དང་པོ་སའི་གོང་བུ་ལྟ་བུ་ཞིག་ལ་གོམས་པར་བྱས་ནས། སྤྲོ་བསྡུ་ཐུབ་པ་ན། དེ་ནས་གཞན་ལའང་རིམ་གྱིས་བསླབ་སྟེ། ས་ཁམས་རགས་པ་རི་ལྟ་བུ་ནས། ཕྲ་བ་རྡེའུའམ་ས་རྡུལ་གྱི་བར་ལ་བསླབ། ཆུ་ཁམས་རགས་པ་ཆུ་བོ་དང༌། མཚོ་ལ་སོགས་པ་ནས་ཕྲ་བ་ཆུ་ཐིགས་ཀྱི་བར་ལ་བསླབ། མེ་ཁམས་རགས་པ་མེད་དཔུང་ཆེན་པོ་ནས་ཕྲ་བ་མེ་སྟག་གི་བར་ལ་བསླབ། རླུང་ཁམས་རགས་པ་རླུང་འཚུབ་ཆེན་པོ་ནས། ཕྲ་བ་སྲོག་ཆགས་ཕྲ་མོའི་དབུགས་འགྱུ་བ་ཚུན་ཆད་ལའང་བསླབ། འདིར་འབྱུང་བཞི་ཞེས་པ་བེམ་ཆོས་སེམས་མེད་ཐམས་ཅད་ལ་ཟེར་བ་ཡིན་ཏེ། ཕྱི་སྣོད་ཀྱིས་བསྡུས་པ་ཐམས་ཅད་ལ་སྦྱོང་བ་ཡིན། དམིགས་སྐོར་ཉེར་བདུན་པའོ། །གཉིས་པ་སེམས་ཅན་ཕྲ་རགས་ལ་སྦྱང་བ་སྟེ། སྔོན་འགྲོ་གོང་དང་འདྲ། རང་གི་མདུན་དུ་ཐུག་ཕྲད་དུ་མི་ལྟ་བུ་ཞིག་མཐོང་ན། ང་གཉིད་དུ་སོང་འདུག། འདི་རྨི་ལམ་གྱི་སྣང་བའི་མིར་འདུག །ཅི་སྤེལ་སྤེལ་ཡིན་སྙམ་པ་


TNT12_Page_0898
[མ་དཔེ་གཟིགས་ན་འདིར་གནོན།]

དང༌། གཅིག་གཉིས་གསུམ་ནས་བཅུའི་བར་དུ་སྤེལ་ཞིང༌། གོང་བཞིན་བསྡུ་བ་སོགས་བྱ། དེས་མཚོན་པའི་རྟ་གླང་སོགས་སེམས་ཅན་དངོས་སུ་མཐོང་བ་ཐམས་ཅད་ལ་བསླབ་སྟེ། རགས་པ་རྟ་གླང་ལ་སོགས་པ་ནས་ཕྲ་བ་འབུ་སྲིན་ཕྲ་མོའི་བར་ལ་བསླབ་བོ། །དམིགས་སྐོར་ཉེར་བརྒྱད་པའོ། །གཉིས་པ་གང་འདུལ་ལ་བསླབ་པ་ལ། འཇིག་རྟེན་པའི་གང་འདུལ་དང༌། འཇིག་རྟེན་ལས་འདས་པའི་གང་འདུལ་གཉིས། དང་པོ་འཇིག་རྟེན་པའི་གང་འདུལ་དུ་སྤེལ་བ་ནི། གཙོ་བོར་སྲོག་ཆགས་ཀྱི་གཟུགས་ལ་སྦྱོང་བ་ཡིན། མེ་ཆུ་སོགས་སེམས་མེད་ལ་ཡང་སྦྱོང་ནི་སྦྱོང་བ་ཡིན་ཏེ་མེའི་གཉེན་པོར་ཆུ་སྤེལ་སྤྲུལ་བྱེད་པ་ལྟ་བུའོ། །དཔེར་ན། མདུན་དུ་བྱི་བ་ལྟ་བུ་ཞིག་མཐོང་ན། འདི་རྨི་ལམ་གྱི་བྱི་བ་ཡིན། འདི་ལ་འདུལ་བྱེད་ཅིག་སྤེལ་དགོས་སྙམ་པ་བྱས་ཏེ། དེར་བྱི་ལ་ཞིག་བྱུང༌། དེས་བྱི་བ་དེ་བཏུལ་བར་བསམ། དེ་ནས་ཅི་སྤེལ་སྤེལ་ཡིན་སྙམ་པས། བྱི་ལ་མང་པོར་སྤེལ་ནས་འདུལ་བའི་དམིགས་པ་བྱེད་པའོ། །དེ་བཞིན་དུ་བྱེའུ་ལ་ཁྲ་ལྟ་བུ་དང༌། ཁྱི་ལ་སྤྱང་ཀི །གཅན་གཟན་གཞན་ལ་སྟག་དང༌། སྟག་ལ་སེང་གེ་དང༌། སེང་གེ་ལ་མེ་དཔུང༌། མེ་ལ་ཆུ། མི་ལ་སྲིན་པོ་སོགས་ལ་ཡང་སྦྱར་བར་བྱའོ། །དམིགས་སྐོར་ཉེར་དགུ་པའོ། །གཉིས་པ་འཇིག་རྟེན་ལས་འདས་པའི་གང་འདུལ་དུ་སྤེལ་བ་ནི། རང་ངམ་གཞན་ལ་གདོན་གྱི་གནོད་བྱེད་ཡོད་ན།


TNT12_Page_0899
[མ་དཔེ་གཟིགས་ན་འདིར་གནོན།]

རང་གི་མདུན་དུ་ཁྲོ་བའི་རྒྱལ་བོ་གཅིག་བྱུང་ནས། དེས་གནོད་བྱེད་ཀྱི་གདོན་དེ་ཞགས་པས་འཆིང་བ་དང༌། ཞབས་ཀྱི་གནོན་པ་དང༌། མཚོན་ཆས་བཏུབ་པ་དང༌། མེ་རིས་སྲེག་པ་དང༌། སྔགས་ཀྱིས་སྒྲ་དྲག་པོ་བསྒྲགས་པས་སྐྲག་ནས་དྲན་མེད་དུ་བརྒྱལ་བར་བྱེད་པ་སོགས་ཐབས་སྣ་ཚོགས་ཀྱིས་སླར་ལྡང་ཐེས་མེད་པར་བཅོམ་པར་བསམ། ཡང་ཁྲོ་བོ་དེ་ལྟ་བུ་མང་པོར་སྤེལ་བས་ཀྱང་འདུལ་བར་བསམ། དེ་ལ་ཡེ་ཤེས་ཁྲོ་བོ་གང་གིས་ཀྱང༌། གདོན་རིགས་ཐམས་ཅད་འདུལ་བར་ནུས་མོད་དེ། གཙོ་ཆེ་བའི་གང་འདུལ་གྱི་དབང་དུ་བྱས་ན། རྒྱལ་པོ་དང་བཙན་འདུལ་བ་ལ་རྟ་མགྲིན། སྟེང་གདོན་ལ་ཕྱག་ན་རྡོ་རྗེ། ས་བདག་ཀླུ་གཉན་སྤྱི་ལ་བྱ་ཁྱུང༌། ཀླུ་སྲིན་ལ་འཇམ་དཔལ་ནཱ་རཀྵ། བདུད་ཀྱི་བར་ཆད་ལ་མི་གཡོ་བ། རྦོད་གཏོང་ལ་གཙུག་གཏོར་འཁོར་ལོས་བསྒྱུར་བ། གདོན་སྤྱི་ལ་འཇམ་དཔལ་རྡོ་རྗེ་འཇིགས་བྱེད་བསྔགས་ཞེས་གསུང་ངོ༌། །དམིགས་སྐོར་སུམ་ཅུ་པའོ། །བཞི་པ་རྨི་ལམ་སྤྲུལ་པའི་གདམས་ངག་ལ། ཐུག་ཕྲད་དུ་སྤྲུལ་པ་དང༌། གང་འདུལ་དུ་སྤྲུལ་པ་གཉིས། དང་པོ་ཐུག་ཕྲད་དུ་སྤྲུལ་པ་ལ་དབྱེ་ན། འབྱུང་བཞི་ཕྲ་རགས་སུ་སྤྲུལ་པ་དང༌། སེམས་ཅན་ཕྲ་རགས་སུ་སྤྲུལ་པ་གཉིས་སོ། །དང་པོ་ནི། སྔོན་འགྲོའི་སྐབས་རྨི་ལམ་སྤྲུལ་ནུས་པར་བྱིན་གྱིས་


TNT12_Page_0900
[མ་དཔེ་གཟིགས་ན་འདིར་གནོན།]

བརླབ་ཏུ་གསོལ། ཅེས་མཐའ་བསྒྱུར་ནས་གཞན་གོང་དང་འདྲ། རང་གི་མདུན་དུ་སའི་གོང་བུ་ལྟ་བུ་ཞིག་མཐོང་ན། ང་གཉིད་དུ་སོང་འདུག།སར་སྣང་བ་འདི་རྨི་ལམ་གྱི་སར་འདུག། ང་རང་ཡང་འདི་དང་འདྲ་བར་སའི་གོང་བུར་སྤྲུལ་དགོས་སྙམ་འདུན་པ་བཏང་ཞིང༌། དེ་མ་ཐག་ཏུ་རང་ཉིད་སའི་གོང་བུ་དེ་འདྲ་བ་ཞིག་ཏུ་སོང༌། རྨི་ལམ་རང་ཡིན་སྙམ་དུ་ཅུང་ཟད་བསྒོམས། ཡང་དེ་འཕྲོ་བཅད་ནས་གཞན་ལ་མིག་གཏད་ཡེངས་སུ་བཅུག་སྟེ། རྨི་ལམ་གྱི་འདུན་པ་དྲག་པོ་བྱ། དེ་ལྟ་བུ་ཡང་ཡང་བསྐྱར་ཟློས་བྱེད་ཀྱིན་བསྒོམ་མོ། །དེས་མཚོན་ནས་འབྱུང་བཞི་ཕྲ་རགས་གཞན་ཐམས་ཅད་ལ་ཡང་སྦྱར་ཏེ། དམིགས་སྐོར་སོ་གཅིག་པའོ། །གཉིས་པ་སེམས་ཅན་ཕྲ་རགས་སུ་སྤྲུལ་པ་ཡང་སྔ་མ་རྣམས་ཀྱིས་རིགས་འགྲེ། རང་གི་མདུན་དུ་མི་གཅིག་མཐོང་ན། ཨེ་མ་འདི་རྨི་ལམ་གྱི་མིར་འདུག། བདག་ཀྱང་འདི་ལྟ་བུ་གཅིག་ཏུ་སྤྲུལ་དགོས་སྙམ་པ་བྱ། དེ་མ་ཐག་རང་ཉིད་ཀྱང་དེ་འདྲ་བར་སོང་བར་བསམ། རྨི་ལམ་གྱི་འདུན་པ་བཅས་ཏེ་ཅུང་ཟད་སེམས་བཟུང༌། ཡང་འཕྲོ་བཅད་དེ་རྨི་ལམ་ཡིན་སྙམ་པ་བྱེད། དེ་ལྟ་བུ་ལ་བསྐོར་ལྡོག་བྱའོ། །སྲོག་ཆགས་གཞན་ལ་སྦྱོར་ཚུལ་ཡང་གོང་དང་འདྲ། དམིགས་སྐོར་སོ་གཉིས་པའོ། །གཉིས་པ་གང་འདུལ་དུ་སྤྲུལ་པ་ལ། འཇིག་རྟེན་པ་དང་འཇིག་རྟེན་ལས་འདས་པ་གཉིས་


TNT12_Page_0901
[མ་དཔེ་གཟིགས་ན་འདིར་གནོན།]

ཡོད། དང་པོ་ནི། གཞན་སྔར་དང་འདྲ་བ་ལས། རང་གི་མདུན་དུ་བྱི་བ་ལྟ་བུ་ཞིག་མཐོང་ན། འདི་རྨི་ལམ་གྱི་བྱི་བར་འདུག།འདི་འདུལ་དགོས་དེ་ལ་བདག་བྱི་ལར་སྤྲུལ་པར་བྱ་སྙམ་པས། རང་ཉིད་དེ་མ་ཐག་བྱི་ལར་སོང༌། བྱི་བ་དེ་ལྷག་མེད་དུ་བཅོམ་པར་བསམ། དེས་གཞན་རྣམས་ལ་ཡང་རིགས་འགྲེ། དམིགས་སྐོར་སོ་གསུམ་པའོ། །གཉིས་པ་འཇིག་རྟེན་འདས་པའི་གང་འདུལ་ནི། རང་ངམ་གཞན་གྱི་དོན་དུ་བདག་ཉིད་རྟོག་དཔྱད་ཡོད་པའི་འདྲེ་གདོན་དེ་མདུན་དུ་འདུག་པར་བསམ། འདི་རྨི་ལམ་གྱི་འདྲེ་གདོན་ཡིན། འདུལ་དགོས་སྙམ་དུ་རང་སྐད་ཅིག་གིས་ཁྲོ་བོ་ཆེན་པོར་གྱུར་ནས། ཞགས་པས་འཆིང་བ་དང༌། བཅོམ་བརྡེག་བྱེད་པ་སོགས་གོང་བཞིན་འདུལ་ཐབས་བྱས་པས་ལྷག་མ་ཙམ་ཡང་མེད་པར་བརླག་པར་བྱས། རྨི་ལམ་རང་ཡིན་ཨང༌། དངོས་པོར་གྲུབ་པ་ནི་ཅུང་ཟད་ཀྱང་མེད་སྙམ་པ་བྱ། དེ་ལྟར་ཡང་ཡང་བསྐྱར་རོ། །གཞན་གོང་སྤེལ་བའི་སྐབས་བཞིན་ནོ། །དེ་ལ་སྤེལ་བ་ནི་མདུན་དུ་ཡོད་པ་དེ་སྤེལ་བ་ཡིན༌། སྤྲུལ་པ་ནི་རང་ཉིད་སྤྲུལ་པ་ཡིན་ཏེ། དེ་ཡང་ཕལ་ཆེར་ལ་སྤེལ་བ་ནི་ཅུང་ཟད་སླ་ཞིང་དེ་ལས་སྤྲུལ་པ་ཅུང་ཟད་དཀའ་བས། སྤེལ་བ་སྔོན་དང༌། སྤྲུལ་པ་རྗེས་སུ་བསྟན་པ་ཡིན་ནོ། །དེར་མ་ཟད་འཇིག་རྟེན་འདས་པའི་གང་འདུལ་གྱི་སྐབས། ཐོག་མ་དམིགས་པ་


TNT12_Page_0902
[མ་དཔེ་གཟིགས་ན་འདིར་གནོན།]

མ་འབྱོངས་པའི་དུས་ན། རྨི་ལམ་རང་དུ་རང་ཉིད་སྤྲུལ་ཐུབ་ཀྱང་ཕ་རོལ་པོ་དེ་མི་ཐུལ་བ་ལ། ཁྲོ་བོ་ཞིག་མདུན་དུ་བྱོན་ནས་བཏུལ་ན་ཐུལ་བ་ཞིག་འོང༌། དེའི་རྒྱུ་མཚན་རང་ལ་མི་ཐ་མལ་དང་གཅེས་འཛིན་གྱིས་བག་ཡོད་པས། རང་ཕམ་དོགས་ཀྱི་ཉམ་ང་ཡོད། མདུན་གྱི་ལྷ་ལ་དེ་ལྟ་བུ་མེད་པའི་རྒྱུ་མཚན་གྱིས་ཡིན་གསུང༌། དམིགས་སྐོར་སོ་བཞི་པའོ། །ལྔ་པ་རྨི་ལམ་བསྒྱུར་བའི་གདམས་ངག་ལ། འབྱུང་བཞི་ཕྲ་རགས་སུ་བསྒྱུར་བ། སེམས་ཅན་ཕྲ་རགས་སུ་བསྒྱུར་བ། ལྷ་སྐུ་སྣ་ཚོགས་སུ་བསྒྱུར་བ། སྣང་སྟོང་ཞེན་བྲལ་དུ་བསྒྱུར་བ་སྟེ་བཞི་ལས། དང་པོ་ནི། རྨི་ལམ་བསྒྱུར་ནུས་པར་བྱིན་གྱིས་བརླབ་ཏུ་གསོལ། ཅེས་མཐའ་བསྒྱུར། གཞན་སྔོན་འགྲོ་ལ་ཁྱད་མེད། ཕྱི་མ་གསུམ་ལའང་དེས་རིགས་འགྲེ། རང་གི་མདུན་དུ་བུམ་པ་ལྟ་བུ་ཞིག་འདུག་ན། ང་གཉིད་དུ་སོང་བར་གདའ། བུམ་པར་སྣང་བ་འདི་ཡང་རྨི་ལམ་དུ་གདའ། རྨི་ལམ་གྱི་བུམ་པ་ལ་གང་བྱས་བྱས་ཡིན་ཅི་བསྒྱུར་བསྒྱུར་ཡིན་སྙམ་པའི་འདུན་པ་ཤུགས་དྲག་པོས་བུམ་པ་འདི་མེ་ཐབ་ཏུ་བསྒྱུར་དགོས་སྙམ་ཙ་ན་མེ་ཐབ་ཏུ་སོང༌། དེ་ཀ་བར་བསྒྱུར་སྙམ་པ་ན་ཀ་བར་སོང༌། དེ་དག་ལ་སོགས་པ་གང་དྲན་དྲན་དུ་ངོ་བོ་ཚད་དབྱིབས་གྲངས་ཁ་དོག་ངེས་མེད་དུ་བསྒྱུར། དེ་ལྟར་བུམ་པ་ལྟ་བུ་ཞིག་སྣ་ཚོགས་སུ་བསྒྱུར་ཐུབ་ན། ས་ཆུ་མེ་རླུང་ས་རྡོ་རི་བྲག་རྩི་ཤིང་ནགས་ཚལ་སོགས་


TNT12_Page_0903
[མ་དཔེ་གཟིགས་ན་འདིར་གནོན།]

ཕན་ཚུན་རྣམ་པ་སྣ་ཚོགས་སུ་བསྒྱུར་ཚུལ་ཟད་པ་མེད་པ་ལ་བསླབ་བོ། །དམིགས་སྐོར་སོ་ལྔ་པའོ། །གཉིས་པ་སེམས་ཅན་ཕྲ་རགས་སུ་བསྒྱུར་བ་ཡང་དེས་རིགས་འགྲེ། རང་གི་མདུན་དུ་མི་ལྟ་བུ་ཞིག་མཐོང་ན། འདི་རྨི་ལམ་གྱི་མི་ཡིན། ཅི་བསྒྱུར་བསྒྱུར་ཡིན། གང་བསམས་བསམས་ཡིན་སྙམ་པས་དེ་རྟ་རུ་བསྒྱུར་སྙམ་ཙ་ན་རྟ་རུ་སོང༌། དེ་ཡང་གླང་པོ་ཆེར་བསྒྱུར། དེ་ཡང་བ་གླང་རྔ་མོང་ལ་སོགས་པར་བསྒྱུར། དེ་ཡང་མི་དང་དུད་འགྲོ་སྲོག་ཆགས་ནང་ཕན་ཚུན་རྣམ་པ་སྣ་ཚོགས་པར་བསྒྱུར་རོ། །འབྱུང་བཞི་དང་སེམས་ཅན་དུ་བསྒྱུར་བའི་སྐབས་འདི་དག་ཏུ་ཁ་དོག་མ་ངེས་པ། དབྱིབས་མ་ངེས་པ། ཚད་མ་ངེས་པ། གྲངས་མ་ངེས་པ་སྣ་ཚོགས་པར་བསྒྱུར་བའང་དགོས་སོ། །དམིགས་སྐོར་སོ་དྲུག་པའོ། །གསུམ་པ་ལྷ་སྐུ་སྣ་ཚོགས་སུ་བསྒྱུར་བ་ནི། གཞན་རྣམས་སྔར་དང་འདྲ་བ་ལས། བདེན་མེད་དང་རྨི་ལམ་གྱི་འདུན་པ་དྲག་པོའི་ངང་ནས། རང་ཉིད་བདེ་མཆོག་ལྷན་སྐྱེས་ཀྱི་སྐུ་གསལ་པོར་བསྒོམ། ག་རེ་ང་གཉིད་དུ་སོང་འདུག།ལྷ་སྐུར་སྣང་བ་འདི་ཡང་རྨི་ལམ་དུ་འདུག།གང་བསྒྱུར་བ་དེར་འགྲོ་སྙམ་པས། རང་ཉིད་བདེ་མཆོག་དེ་དགྱེས་མཛད་དུ་བསྒྱུར་དགོས་སྙམ་པ་ན། དགྱེས་མཛད་སུ་སོང༌། དེ་ཡང་གསང་འདུས་


TNT12_Page_0904
[མ་དཔེ་གཟིགས་ན་འདིར་གནོན།]

སུ། དེ་མཧཱ་མཱ་ཡ་རུ། །དེ་རྡོ་རྗེ་འཇིགས་བྱེད་དུ་བསྒྱུར་བ་སོགས་ཡི་དམ་ལྷའི་ངོ་བོ་སྣ་ཚོགས་སུ་བསྒྱུར། དེ་བཞིན་དུ་ལྷ་གཅིག་ཀྱང་སྐུ་མདོག་མ་ངེས་པ་སྣ་ཚོགས་སུ་བསྒྱུར་ཏེ། དཀར་པོ་སྔོན་པོ་དང༌། དེ་དམར་པོར་བསྒྱུར་བ་ལ་སོགས་པ་དང༌། དེ་བཞིན་དུ་ཞལ་ཕྱག་མ་ངེས་པ་སྣ་ཚོགས་སུ་བསྒྱུར་ཏེ། ཞལ་ཕྱག་མང་པོ་ཉུར་ངུར་བསྒྱུར་བ་དང༌། ཉུང་ངུ་མང་པོར་བསྒྱུར་བ་དང༌། །གདོང་བརྙན་སོགས་སྣ་ཚོགས་པར་བསྒྱུར་བའོ། །དམིགས་སྐོར་སོ་བདུན་པའོ། །བཞི་པ་སྣང་སྟོང་ཞེན་བྲལ་དུ་བསྒྱུར་བ་ནི། ལྷ་སྐུ་སྣ་ཚོགས་སུ་བསྒྱུར་བ་སྔོན་དུ་བཏང༌། དེ་ཡང་རྩ་བའི་ལྷ་སྐུ་རྒྱ་ཆེར་སྤེལ། སྤེལ་བ་ཐམས་ཅད་སྣ་ཚོགས་སུ་བསྒྱུར། དེ་ཐམས་ཅད་སྒྱུ་མ་ལྟ་བུ་རྨི་ལམ་ལྟ་བུའི་འདུན་པ་དྲག་ཏུ་སྦྱང༌། ཡང་ལྷ་སྐུར་སྣང་བ་དང༌། སྣང་མཁན་གྱི་སེམས་ལ་ཆར་རེ་བལྟས་པས། སྒྱུ་མ་སྒྱུ་འཛིན་དང་བྲལ། དེ་ཀའི་ངང་དེར་གང་ཡང་མི་དམིགས་པའི་འོད་གསལ་ཕྱག་རྒྱ་ཆེན་པོར་རང་ཤུགས་སུ་འབྱུང། ཡང་དེ་ལྟ་བུའི་ངང་ནས་རྩ་བའི་ལྷ་སྐུར་སྐྱེད་པ་སོགས་གོང་བཞིན་ཡང་ཡང་སྦྱང༌། དེ་ལྟར་སྦྱངས་པས་མཚན་མོ་རྨི་ལམ་གྱི་དུས་སུ་ལྷ་སྐུ་མང་ཉུང་ཅི་རིགས་ལ་དེ་ལྟར་བསྒོམ་པ་འབྱུང༌། དེ་ནས་ཇེ་མང་ལ་འགྲོ། མཐར་རྨི་ལམ་དུ་ལྷ་སྐུ་ནམ་མཁའ་ཁེངས་པ་གཅིག་གིས་གཅིག་མ་བསྒྲིབས་པ། དེ་ཐམས་


TNT12_Page_0905
[མ་དཔེ་གཟིགས་ན་འདིར་གནོན།]

ཅད་ཀྱང་བདེ་ལ་ཞེན་པ་མེད་པ། གསལ་ལ་རྟོག་པ་མེད་པ། སྣང་ལ་རང་བཞིན་མེད་པ་སྟེ། མཚན་ཉིད་གསུམ་ལྡན་དུ་འཆར། དེའི་ཚེ་རྨི་ལམ་ཉིང་འཁྲུལ་རང་དག་གི་དགེ་སྦྱོར་ཀླུངས་སུ་ཕེབས་པ་ཡིན་ནོ། །དེ་ཡང་སྒྱུ་མ་ཞེས་པ་ནི། སད་དུས་དང་རྨི་ལམ་དུ་བདེན་མེད་ཀྱི་འདུན་པ་སྦྱངས་པ་དེའི་ཤུགས་ཀྱིས་ཨ་འཐས་མེད་པར་ཡུལ་ལེ། མཐོ་དམན་མེད་པར་མཉམ་ཁད་དེ་ཤར་བ་དེ་ལ་ཟེར། སྒྱུ་མར་འཛིན་པ་དང་བྲལ་བ་ཞེས་པ་ནི། འདི་ཀུན་འཁྲུལ་སྣང་དུ་ཤར་བ་ཙམ་ལས་གཏད་པ་རང་ཅི་ཡོད་སྙམ་པའི་བློ་ཞིག་ཡོད་པ་དེ་ཡང་དབྱིབས་སུ་ཡལ་དེ་དགག་སྒྲུབ་ཀྱི་འཛིན་པ་དང་བྲལ་བ་དེ་ཡིན། སྐབས་དེར་གང་ཡང་མི་རྟོག་བཞིན་དུ་ཉམས་མྱོང་གི་རོ་བདེ་བར་ཤར་བ་དེ་འོད་གསལ་ཡིན། དེ་ཀ་ལ་ཕྱག་རྒྱ་ཆེན་པོ་ཟེར་ཏེ། སེམས་ཀྱི་གནས་ལུགས་ཡིན་པས་སོ། །ཡང་དེ་ཀའི་ངང་ནས་ལྷ་སྐུ་གསལ་སྟོང་རང་དུ་བྱུང་བ་དེ་ལ་ཡང་ཕྱག་རྒྱ་ཆེན་པོ་ཞེས་བྱའོ། །བདེ་ལ་ཞེ་པ་མེད་པ་ནི། རྨི་ལམ་དུ་ལྷ་སྐུ་རང་ཤར་བའི་དུས། ལུས་སེམས་གཉིས་ཀ་ལ་བདེ་ཉམས་ལམ་མེ་ཤར་ཡང་ང་རྒྱལ་རློམ་སེམས་མེད་ཅིང༌། བདེ་བ་དེ་ལ་ཡང་སྲེད་པ་མེད་པས། བདེ་བ་བྱུང་མ་བྱུང་ལ་དགའ་མི་དགའ་མེད་པ་ཞིག་འོང༌། གསལ་ལ་རྟོག་པ་མེད་པ་ནི། ལྷ་སྐུའི་རྣམ་པ་ཤིན་ཏུ་གསལ་བར་སྣང་


TNT12_Page_0906
[མ་དཔེ་གཟིགས་ན་འདིར་གནོན།]

ཡང་དེ་རང་ཤར་ཡིན་ཏེ། རྣམ་རྟོག་གི་རྩོལ་བ་མེད་པའོ། །སྣང་བ་རང་བཞིན་མེད་པ་ནི། སྣང་ཡང་བདེན་པས་སྟོང་ཟེར་བའི་སྤྱི་སྐད་དེ་ཡང་འདིར་འཇུག་པ་ཙམ་ཡིན་མོད་དེ། འོན་ཀྱང་འདིར་ནི་ལུས་སེམས་དང༌། གཟུགས་སྒྲ་དྲི་རོ་རེག་བྱའི་སྣང་བ་ཅིག་ཅར་ཤར་བ་དེ། རིག་པར་རང་གསལ་གཅིག་པོའི་ངོར་མཉམ་ཁད་དེ་ཤར་བ་མ་གཏོགས། སྣང་བ་སོ་སོ་རྣམས་ལ་དངོས་པོ་ཐ་དད་གང་ཡང་མེད་པར་ཉམས་སུ་མྱོང་བའོ། །དམིགས་སྐོར་སོ་བརྒྱད་པའོ། །རྨི་ལམ་གྱི་སྐབས་འདི་དག་ཏུ། འབྱམས་གཅོད་ཀྱི་མན་ངག་དག་ཀྱང་གལ་ཆེ་སྟེ། འབྱམས་གཅོད་རྒྱས་པ་ནི་ལོགས་སུ་བསྟན་པ་ལྟར་ཡིན་པས་ཁྲིད་ཀྱི་དཀྱུས་ལ་མི་འཆད་ཅིང༌། འབྱམས་གཅོད་ཉེར་མཁོ་ཞལ་ཤེས་མར་གྲགས་པ་ནི་གཞན་དུ་གསལ་ལོ། །དྲུག་པ་ཡུལ་སྣང་གཏན་ལ་དབབ་པ་ལ། དབང་པོ་རབ་དམིགས་མེད་གསལ་མཁྱེན། འབྲིང་གང་བསམས་གསལ་མཐོང༌། ཐ་མ་ཡིད་ལུས་མཁའ་ལྡིང༌། དམན་པ་དམིགས་པའི་ཡུལ་སྣང་སྟེ་བཞི་ཡོད་པ་ལས། དང་པོ་དམིགས་མེད་གསལ་མཁྱེན་ནི། སྦྱོར་བའི་སྐབས་སུ་འབད་རྩོལ་མེད་ཀྱང༌། ལྐོག་གྱུར་གྱི་དོན་ཐམས་ཅད་ཉིན་མོ་སད་དུས་དང༌། མཚན་མོ་རྨི་ལམ་གྱི་སྐབས་ཐམས་ཅད་དུ་མཐོང་བའོ། །འབྲིང་གང་བསམ་གསལ་མཐོང་ནི། ཉིན་མོ་འདུན་པ་གང་གཏད་པ་དེ་ཐམས་ཅད་མཚན་མོ་རྩོལ་མེད་རང་ཤར་དུ་མཐོང་བའོ། །ཐ་མ་ཡིད་


TNT12_Page_0907
[མ་དཔེ་གཟིགས་ན་འདིར་གནོན།]

ལུས་མཁའ་ལྡིང་ནི། སྔོན་འགྲོ་གཞན་འདྲ་བ་ལ། ཡུལ་སྣང་གཏན་ལ་ཕེབས་པར་མཛད་དུ་གསོལ། ཞེས་མཐའ་བསྒྱུར་ནས་གསོལ་བ་བཏབ། དམིགས་པ་དངོས་ནི། བདག་དོ་ནུབ་སངས་རྒྱས་ཀྱི་ཞིང་འདི་ལྟ་བུ་ལྟ་བའམ། ལྐོག་གྱུར་འདི་ལྟ་བུ་བལྟ་བར་བྱ། ཞེས་འདུན་པ་དྲག་ཏུ་བཏང༌། དེ་ནས་རྨི་ལམ་དངོས་ཡིན་སྙམ་པས་རང་ཉིད་ཡི་དམ་གྱི་སྐུར་གསལ་བ་དེ་ཉིད་དམ། ལུས་ཀྱི་རྣམ་པ་གཞན་དུ་སྤྲུལ་ཀྱང་རུང་སྟེ། ནམ་མཁའ་ལ་ཡེར་གྱིས་འཕུར་བས་གནས་དེར་ཕྱིན་ཅི་དགོས་དོན་རྣམས་མཐོང་བར་བསམ་པས། མཚན་མོ་རྨི་ལམ་དུའང་དེ་ལྟར་འབྱུང་བའོ། །འདིར་ཡིད་ལུས་མཁའི་ལྡིང་ཞེས་པས་མཁའ་ལྡིང་ནི། ནམ་མཁའ་ལ་འཕུར་འགྲོ་བའི་དོན་ཙམ་ཀ་ཡིན་ནའང་ལ་ལ་དག་མཁའ་ལྡིང་བྱ་ཁྱུང་ལྟ་བུར་སྤྲུལ་ནས་འགྲོ་བའི་དོན་དུ་འཆད་པའང་ཡོད་དོ། །དམིགས་སྐོར་སོ་དགུ་པའོ། །བཞི་པ་དམན་པ་དམིགས་པའི་ཡུལ་སྣང་གི་གདམས་ངག་ལ་གསུམ་སྟེ། བདག་མེད་མ་ཡུལ་སྣང་གསལ་བྱེད། ཨ་ཡུལ་སྣང་གསལ་བྱེད། ཐིག་ལེ་ཡུལ་སྣང་གསལ་བྱེད་དོ། །དང་པོ་ནི། སྔོན་འགྲོ་སྔ་མ་དང་འདྲ། རང་གི་ལྟེ་བའི་འོག་ཏུ་འོད་ཀྱི་རང་བཞིན་གྱི་ཐོད་པ་ཕྱི་དཀར་ལ་ནང་དམར་བ། དེའི་ནང་དུ་ཨོཾ་ཨ་སྭཱཧཱ། ཁ་དོག་སྔོན་པོ་འོད་ཟེར་སྣ་ཚོགས་འཕྲོ་བའོ། །དེ་ལས་འོད་ཟེར་


TNT12_Page_0908
[མ་དཔེ་གཟིགས་ན་འདིར་གནོན།]

འཕྲོས། ཆོས་འབྱུང་དང་རང་ལུས་གང༌། བ་སྤུའི་བུ་ག་ནས་འཕྲོས། ཕྱི་སྣོད་ཀྱི་འཇིག་རྟེན་གཞལ་ཡས་ཁང༌། ནང་བཅུད་ཀྱི་སེམས་ཅན་ཡི་དམ་དུ་བསམ། འོད་ཟེར་གྱི་རྩེ་མོ་ལས་མཆོད་པ་དཔག་ཏུ་མེད་པ་སྤྲུལ། གདོད་ནས་བཞུགས་པ་དང་གསར་དུ་སོང་བའི་ཡི་དམ་ལྷ་ཚོགས་ཐམས་ཅད་མཆོད་པར་བསམ། གཟུགས་སུ་སྣང་ཚད་ལྷ་སྐུ། སྒྲ་གྲགས་ཚད་སྔགས། དྲན་རིགས་ཐམས་ཅད་སྒྱུ་མ་རྨི་ལམ་དུ་དྲན་པར་བྱ། ཡང་འོད་ཟེར་ཚུར་འདུས་ཏེ། ལྟེ་བའི་སྔགས་ཀྱི་ཡིག་འབྲུ་ལ་ཐིམ། དེ་ཉིད་རྗེ་བཙུན་རྡོ་རྗེ་བདག་མེད་མའི་སྐུར་གྱུར། སྔགས་ཀྱི་སྒྲ་དི་རི་རི་འདུག།མཆོད་པ་ཕུལ། ཡུལ་སྣང་གཏན་ལ་ཕེབས་པར་མཛད་དུ་གསོལ། ཅེས་གསོལ་བ་བཏབ། ཉིན་པར་གྱི་དམིགས་པ་ཞལ་ཁྲིད་ངེས་ཅན་འདི་ཡིན། གཞན་འཇག་ལུགས་ལ་སྔགས་ལས་འོད་ཟེར་ལན་མང་པོ་སྤྲོས་པས། བདག་མེད་མས་དབུ་བྱས་པའི་ཡི་དམ་སྣ་ཚོགས་བྱུང༌། གཉིས་པ་སྤྲོས་པས་མཆོད་པ་འབུལ། སྔ་མ་སྣ་བུག་གཡས་དང༌། རྟིང་མ་གཡོན་ནས་སྤྲོ་བསམ་སྡིངས་པ། ལྟེ་བར་ཐོད་པའི་ནང་དུ་བདག་མེད་མ། དེའི་ལྟེ་བར་ཐོད་པའི་ནང་དུ་སྔགས་བསྒོམ། འོད་ཟེར་སྤྲོ་ཐེངས་གཅིག་ཀ་ཡིན་ཏེ། སྣ་བུག་གཡས་ནས་བྱེད། ལུས་གཉིས་ཀར་ལ་འོད་ཟེར་ཚུར་བསྡུ་བ་མེད་དོ། །འོད་ཟེར་སྔགས་


TNT12_Page_0909
[མ་དཔེ་གཟིགས་ན་འདིར་གནོན།]

ལ་བསྡུས་ཏེ། ལྷར་བསྐྱེད་པ་འདི། གསེར་གླིང་པའི་ཁྲིད་ཡིག་ལ་སྣང་ངོ༌། །མཚན་མོ་ཉལ་ཁའི་དམིགས་པ་ནི། སྔར་གྱི་དམིགས་པ་དེ་ཚར་གཅིག་བསྒོམས་པའི་རྗེས་ལ། མཆོད་པ་བཞི་རྫོགས་སུ་ཕུལ། ཡི་དམ་གྱི་ལྷ་ཁྱེད་ཀྱིས་དོ་ནུབ་ཀྱི་གནས་སྐབས་སུ་བདག་གིས། སངས་རྒྱས་ཀྱི་ཞིང་དཔག་ཏུ་མེད་པ་མཐོང་བ་དང༌། མཆོད་པ་རྒྱ་ཆེན་པོ་འགྲུབ་པར་མཛད་དུ་གསོལ། ཅེས་པ་དང༌། འདོད་དོན་དམིགས་བསལ་ཕྲ་མོ་ཡོད་ན། དེ་དང་དེ་མཐོང་བར་མཛད་དུ་གསོལ། ཅེས་ཀྱང་བྱ། དེ་ནས་བདག་མེད་མ་ཞལ་ཚུར་བསྟན་ཏེ། ཐུགས་ཀའི་ཐད་ཀ་ཤིན་ཏུ་དྭངས་པ་ལ་གང་ལྟར་བར་འདོད་པའི་ཡུལ་དེ་མེ་ལོང་ལ་གཟུགས་བརྙན་ཤར་བ་ལྟར་ཁྲ་སལ་ལེ་མཐོང་བར་བསམ། དེས་རྨི་ལམ་གྱི་དུས་སུ་ཡུལ་སྣང་གཏན་ལ་ཕབས་སོ། །ཐོད་པའི་ཚབ་ཏུ་ཆོས་འབྱུང་བསྒོམ་ཀྱང་རུང་གསུང་ངོ༌། །དམིགས་སྐོར་བཞི་བཅུ་པའོ། །གཉིས་པ་ཐིག་ལེ་ཡུལ་སྣང་གསལ་བྱེད་ནི། སྔོན་འགྲོ་སྔར་ལྟར་ལ། རང་ལྷར་གསལ་བའི་ལུས་ཀྱི་དབུས་སུ། རྩ་དབུ་མ་ཁ་དོག་དཀར་པོ་དྭངས་གསལ་འོད་ཀྱི་རང་བཞིན་སྦོམ་ཕྲ་སྦ་ལྕག་ཙམ་པ། ཡས་སྣར་ཧཾ་དཀར་པོ་མགོ་བོ་ཐུར་བསྟན། མས་སྣར་ཧཱུཾ་དམར་སྔོ་མགོ་གྱེན་བསྟན། ལྟེ་བར་ཨ་ཐུང་དམར་པོ་ཡང་གྱེན་བསྟན་ནོ། །རླུང་རོ་བསལ་སྟེང་རླུང་རྔུབས་པས་ཧྃ་ལས་ཐིག་ལེ་དཀར་པོ་སྲན་རྡཽག་ཙམ་


TNT12_Page_0910
[མ་དཔེ་གཟིགས་ན་འདིར་གནོན།]

ཆད་ནས་སྙིང་གར་སླེབ། འོག་རླུང་བསྐུམ་པས་ཧཱུཾ་ལས་ཐིག་ལེ་དམར་སྔོ་སྲན་འབྲུ་ཙམ་ཡང་ཆད། ལྟོ་བ་ཞོམ་སློག་གིས་བྱས་པས། ཨ་ལས་ཐིག་ལེ་ཤིན་ཏུ་དམར་པ་སྲན་མ་ཕྱེད་ཙམ་པ་ཞིག་ཡར་ཆད། དེ་གཉིས་ཀྱང་སྙིང་གར་སླེབ། ཐིག་ལེ་གསུམ་པོ་གཅིག་རུ་འདྲེས། དཀར་ལ་དམར་པ་ཡིད་ཙམ་སྔོ་བའི་མདངས་ཆགས་པ་གཅིག་ཏུ་སོང༌། དེ་འོད་མེར་རེ་འདུག་པ་ལ་ཅུང་ཟད་སེམས་གཏད། ཡུལ་སྣང་བལྟ་བར་བྱ་སྙམ་པའི་འདུན་པ་དང་ལྷན་ཅིག་རླུང་ཕྱིར་བསལ་བས་སྙིང་གའི་ཐིག་ལེ་ལ་འོད་ཟེར་དཀར་དམར་ཐག་པའམ་སྦྲུལ་འདྲ་རུང་ཞིག་རྒྱངས་ཏེ་བྱུང་ནས་སྣ་བུག་གཡོན་ནས་ཐོན། གང་བལྟ་བར་འདོད་པའི་གནས་དེར་སོང༌། འོད་དེས་མུན་ཁུང་དུ་སྒྲོན་མེ་བཏེགས་པ་ལྟར་ཡུལ་དེ་ཁྲ་གསལ་གྱིས་མཐོང་བའམ། ཡང་ན་འོད་ཟེར་དེ་སྦུབས་སྟོང་ལྟ་བུར་བྱས། དེའི་ནང་ནས་བལྟས་པས་མཐོང་བར་བསྒོམ་ཀྱང་རུང་གསུངས། དམིགས་པ་འདིའི་རླུང་གནད་དང་ཐིག་ལེ་དམར་སྔོ་དེ་ཞལ་ཤེས་ཡིན། དམིགས་སྐོར་ཞེ་གཅིག་པའོ། །གསུམ་པ་ཨ་ཡིག་ཡུལ་སྣང་གསལ་བྱེད་ནི། སྔོན་འགྲོ་དང་རྩ་དབུ་མ་སྔར་བཞིན་བསྒོམ། དབུ་མའི་ནང་ལྟེ་བར་ཨ་དཀར་པོ་དྭངས་གསལ་འོད་ཀྱི་རང་བཞིན་ཅན་བསྒོམ། རྨི་ལམ་གྱི་འདུན་པ་དང་བཅས་བུམ་ཅན་འཇམ་རླུང་ཅུང་ཟད་བསྒོམ། དེ་མཚམས་ནས་ཨ་ལས་འོད་ཟེར་དཀར་པོའི་ཐག་པ་རྒྱངས་ཏེ་སྤྲོས། རྩ་དབུ་མ་


TNT12_Page_0911
[མ་དཔེ་གཟིགས་ན་འདིར་གནོན།]

ལ་ཐོགས་མེད་དུ་སོང་སྣ་བུག་ནས་ཐོན་ཏེ་གང་བལྟ་འདོད་པའི་ཕྱོགས་དེར་སོང་ནས་མུན་ཁུང་དུ་སྒྲོན་མེ་བཏེག་པ་ལྟར་ཁྲ་གསལ་གྱི་མཐོང་བའམ། འོད་ཀྱི་སྤུ་གུ་ནས་ལྟ་བ་གང་རུང་བྱའོ། །དམིགས་སྐོར་ཞེ་གཉིས་པའོ། །དམན་པ་ཡུལ་སྣང་གི་དམིགས་པ་གསུམ་པོ་འདི། གང་ཟག་གཅིག་གིས་གསུམ་གང་བསྒོམས་དགོས་པར་རང་མ་ཡིན། གང་རུང་རེ་རེས་ཀྱང་ཆོག་པས་དོན་ལ་སྔ་ཕྱིའི་གོ་རིམ་མེད། ཚོགས་སུ་འཆད་པའི་སྐབས། བཤད་པའི་གོ་རིམ་ལ། ཁྲིད་ཡིག་རྙིང་པ་གསུམ་ན་ཐོག་མར་བདག་མེད་མ། དེ་ནས་ཨ་ཡུལ་སྣང་གསལ་བྱེད་དང༌། དེ་རྗེས་ཐིག་ལེ་ཡུལ་སྣང་གསལ་བྱེད་བཤད་ཡོད་ཀྱང༌། འདིར་ཕྱི་མ་གཉིས་གོ་རིམ་བསྣོར་མ་ནི། དམིགས་པ་རྒྱས་འབྲིང་བསྡུས་གསུམ་གྱི་རིམ་པའི་དབང་དུ་བྱས་པའོ། །གསང་འདུས་རིམ་ལྔའི་གདམས་ངག་སོགས་སུ། སྤེལ་སྤྲུལ་བསྒྱུར་གསུམ། སྦྱོང་བའི་ནང་ཚན་དུ་བྱས་ཀྱང༌། ཆོས་འདིར་སྦྱོང་བ་ལས་ལོགས་སུ་བྱེད་པ་མི་འགལ་ཏེ། སྦྱོང་བ་ཞེས་པའི་ངོས་འཛིན་ལ་མི་འདྲ་བའི་ཁྱད་ཡོད་པའི་རྒྱུ་མཚན་གྱིས་ཡིན་ནོ། །དེ་ཡང་གཞན་དེ་དག་ཏུ་ནི། རྨི་ལམ་གྱི་རྩལ་སྤྱོད་ཐམས་ཅད་ལ་སྦྱོང་བ་ཟེར་བར་འདུག །འདིར་ནི་རྨི་ལམ་ཟིན་པའི་རྗེས་སུ་སྣ་ཚོགས་སུ་བསྒྱུར་བའི་རྩལ་མ་སྐྱེས་པ་སྐྱེད་པར་བྱེད་པའི་ཐབས་ཀྱི་ནང་སེལ་གཅིག་ལ་སྦྱོང་བ་དང༌། དེ་ཉིད་གོང་ནས་གོང་དུ་སྤེལ་བ་


TNT12_Page_0912
[མ་དཔེ་གཟིགས་ན་འདིར་གནོན།]

ལ། འབྱོངས་ནས་སྤེལ་སྤྲུལ་བསྒྱུར་གསུམ་བྱེད་ཅེས་པའོ། །ཡུལ་སྣང་ལྟ་བ་ནི། རྨི་ལམ་གྱི་རྣམ་ཐར་དུ་གྲགས་པ། ཡོན་ཏན་སྐྱེས་པའི་རྟགས་སྟོན་པ་ཙམ་ཡིན་ནོ། །ཡང་མན་ངག་གཞན་ལས་བཟུང་བ་སྦྱོང་བ་གཅིག་ཏུ་བྱེད་པ་ཞེས་འབྱུང་བའི་ཕྱི་མ་ནི། རྨི་ལམ་འོད་གསལ་སོགས་སུ་བསྲེ་བ་ལ་ཟེར། འདིར་སེམས་ཀྱིས་ལུས་སྦྱང་བ་དང༌། བདག་མེད་མས་སྦྱང་བ་དང༌། བསྒྱུར་བ་ཕྱི་མ་གཉིས་ལ་སོགས་པའོ། །དེས་ན་རྨི་ལམ་གྱི་གདམས་ངག་ལ། དང་པོར་རྨི་ལམ་ལ་རྨི་ལམ་དུ་ངོ་མ་ཤེས་ན། ཆོས་ཚན་འདིའི་དགེ་སྦྱོར་གྱི་རྩ་བ་སྟོངས་པས། ཐོག་མར་རྨི་ལམ་རྨི་ཚད་ཟིན་པ་ཞིག་དགོས། དོན་དེ་ལ་འཛིན་པའི་གདམས་ངག་སྟོན། དེ་ནས་རྩལ་ཕྱོགས་མེད་དུ་འབྱོངས་པ་ཞིག་དགོས་པ་ལ། རྨི་ལམ་ཉིད་ཀྱི་སྣང་བ་ལ་དབང་འབྱོར་པའི་ཕྱིར། སྦྱོང་བ་སྔ་ཕྱི་གཉིས་དང༌། སྤེལ་བ་དང༌། སྤྲུལ་པ་དང༌། བསྒྱུར་བ་དང་པོ་གཉིས་དང༌། ཡུལ་སྣང་རྣམས་བྱུང་བ་ཡིན། རྨི་ལམ་ཉིད་དུ་མཆོག་གི་དགེ་སྦྱོར་དངོས་གཞི་སྐྱེས་པ་ལ། རྨི་ལམ་འོད་གསལ་དུ་འཇུག་པ་དང༌། རྨི་ལམ་ལྷ་སྐུ་རང་ཤར་དུ་འཇུག་པ་གཉིས་ཡོད་པ་ལས། དང་པོ་ནི་སྦྱང་བ་བར་པ་གཉིས་ཡིན། ཕྱི་མ་ནི་ལྷ་སྐུ་སྣ་ཚོགས་དང་སྣང་སྟོང་ཞེན་བྲལ་དུ་བསྒྱུར་བའོ། །དེ་ལྟར་ཤེས་ན་མཁས་རློམ་ཁ་ཅིག་ནི་གུའི་ཆོས་དྲུག་རྨི་ལམ་གྱི་གདམས་ངག་མ་ཡང་གནད་ཆུང་ཟེར་བའི་བབ་བཅོལ་གྱི་སྨྲ་བ་དེ་དག་འབྲེལ་མེད་བྱུང་རྒྱལ་གྱི་


TNT12_Page_0913
[མ་དཔེ་གཟིགས་ན་འདིར་གནོན།]

ཚིག་ཏུ་གོ་བར་འགྱུར་རོ། །ཆོས་དྲུག་འདིའི་དབུ་ཞབས་ཀྱི་གདམས་ངག་ཐམས་ཅད་ལས་དང་པོ་པ་ཉིད་ལ་མཆོག་ཏུ་ཕན་པ་འཕྲལ་དུ་རྟགས་ཐོན་ཐོན་པ་ཁོ་ན་ཡིན་གྱི། ལས་དང་པོ་པ་ལ་ཕན་པ་ཅི་ཡང་མེད་པའི་བཤད་པ་མཐོ་མཐོ་མོ་ལ་གདམས་ངག་ཏུ་རློམ་པ་དེ་འདྲ་གཏན་མ་ཡིན་ཅིང༌། ཡང་བླུན་པོ་རང་བཟོའི་ཆོས་གཞུང་ལ་བརྟེན་པའི་ལེགས་བཤད་ཀྱང་མེད། མན་ངག་ལ་བརྟེན་པའི་ལག་ལེན་ཡང་མེད་པའི་འད་འུད་ཤབ་ཤོབ་རྣམས་དང་ནི་ཡེ་མི་འདྲ་བར་ཡང་ངེས་ཤེས་འདྲོངས་སོ། །བཞི་པ་འོད་གསལ་གཏི་མུག་རང་སངས་ཀྱི་ཁྲིད་ལ། སྔོན་འགྲོ། དངོས་གཞི། རྗེས་ཀྱི་ཁྲིད་གསུམ་བདོག།དང་པོ་ལ་རྩ་བ་མི་རྟག་སྐྱོ་ཤས། ཡལ་ག་སྤྱོད་ལམ་དམ་རྫས། ལོ་འདབ་ཐབས་ལམ་རང་མདངས། གསོལ་འདེབས་མེ་ཏོག་འཆར་བྱེད་དེ་བཞི་ལས། དང་པོ་རྩ་བ་མི་རྟག་སྐྱོ་ཤས་ནི། ངེས་པར་འཆི་བ་དང༌། ནམ་འཆི་ཆ་མེད་པ་དང༌། འགྲོ་དྲུག་ཁམས་གསུམ་འཁོར་བ་ཐམས་ཅད་སྡུག་བསྔལ་དུ་ཤེས་པས་ཅིས་ཀྱང༌། དགོས་མེད་ཀྱི་བློ་དྲག་ཏུ་བསྒོམ། སྔ་ནས་མི་རྟག་པའི་ཁྲིད་མ་བསྐྱངས་ན་སྨོས་ཅི་དགོས། བསྐྱངས་པ་ཚོ་ཡང་སྐབས་འདིར་མི་རྟག་པའི་ཁྲིད་བསྐྱར་ནས་བསྒོམ་དགོས། སྤྱིར་ཆོས་ཀྱི་བསྐུལ་མ་འཆི་བ་མི་རྟག་སྐྱོ་ཤས་ཤས་ཆེར་བསྒོམས་པས་ཤེས་པ་དྭངས་ཤིང་གྲུང་བ་ཞིག་འབྱུང༌།


TNT12_Page_0914
[མ་དཔེ་གཟིགས་ན་འདིར་གནོན།]

དེས་ཤུགས་བརྟས་ཏེ་གཉིད་ཀྱི་དུས་ནའང༌། རིག་པ་དྭངས་པ་ཞིག་འབྱུང༌། དེས་ཀྱང་འོད་གསལ་ཟིན་བླ། ཡང་སྐྱོ་ཤས་ཅན་དེ་རིག་པ་ལ་ལྕག་ཆུག་གཟེག་ཐོན་པས་གཉིད་འཐུག་པོའི་སྐབས་ཀྱང་དྲན་པ་འབྱུང་སླ་སྟེ། དཔེར་ན། ཉིན་མོ་རིག་པ་ལ་སྒྲིན་ཆུག་པའི་དོགས་པ་ཡོད་ན་མཚན་མོ་གཉིད་ཆུང་བར་འགྲོ་བས་མཚོན་ནོ། །དེ་ལྟར་ན། ཡེ་ཤེས་ཀྱི་མཁའ་འགྲོ་མས་ཀྱང༌། །འཆི་བ་རྒྱུད་སྐྱེས་འོད་གསལ་འཆར། །ཞེས་གསུང༌། གཉིས་པ་ཡལ་ག་སྤྱོད་ལམ་དམ་རྫས་ལ། སྤྱོད་ལམ་ནི། ཇི་སྐད་དུ། སྤྱོད་ལམ་དལ་ལ་ཁ་ཟས་སྣུམ། །རྔུལ་ཐོན་ལས་རྣམས་སྤང་བར་བྱ། །ཞེས་འབྱུང་བ་ལྟར། ནད་པའི་སྤྱོད་ལམ་བཞིན་དུ་བྱ་བ་བྱེད་དགོས་རྣམས་བུས་བྱེད། ཁ་ཟས་སྣུམ་པ་སྟེ། ལུས་ལ་འཕྲོད་པ་མང་ཉུང་རན་པར་བསྟེན། མཆོང་རྒྱུག་དང་རྩལ་འགྲན་དང་འཛིང་ཁ་དང་གཞུ་འགེངས་སོགས་རྩ་རླུང་འཁྲུགས་པར་འགྱུར་པ་དང་རྔུལ་ཐོན་པའི་སྤྱོད་ལམ་སྤང་གསུང༌། དམ་རྫས་ནི་སྤྱིར་ཚོགས་དང་གཏོར་མ་བཟང་དུ་བཤམས་ཏེ་འབུལ། མཁའ་འགྲོ་སྡེ་ལྔ་ལ་གཏོར་མ་ཕུལ། མྱུར་མཛད་ཡེ་ཤེས་ཀྱི་མགོན་པོ་ལ་ཡང་གཏོར་མ་ཕུལ་ནས་གསོལ་བ་འདེབས། གཏོར་མ་འབུལ་བའི་སྐབས། གུ་གུལ་དང༌། མཧཱ་མཾ་སའི་འདུག་སྤོས་གཏོང་ཞེས་གསུང༌། གསུམ་པ་ལོ་འདབ་ཐབས་ལམ་རང་མདངས་ནི། སྔར་གཏུམ་མོའི་རྣལ་འབྱོར་


TNT12_Page_0915
[མ་དཔེ་གཟིགས་ན་འདིར་གནོན།]

ལ་གོམས་པ་ཡིན་ན། རྒྱུན་གྱི་རྣལ་འབྱོར་ལ་བསྒོམས་པ་དེ་ཀས་གོ་ཆོད་པ་ཡིན་པས་ལོགས་པ་མི་དགོས། དེ་མན་འཇམ་རླུང་བུམ་པ་ཅན་ཟླ་རེ་ཙམ་སྦྱོང་བ་སྔོན་དུ་འགྲོ་བར་བྱེད། འོད་གསལ་དངོས་གཞིའི་དམིགས་པ་བསྒོམ་སྐབས་ཀྱང་སྔ་དྲོའམ། ཕྱི་དྲོ་གང་འཐད་རེ་ལ་ངལ་དུབ་དུ་མི་འགྱུར་བ་ཙམ་གྱི་རླུང་ཐུན་རེ་བསྒོམ་པར་བྱའོ། །རླུང་གི་རྣལ་འབྱོར་གྱིས་ཁམས་དྭངས་སྙིགས་ཕྱེད། དྭངས་མའི་མདངས་ལས་འོད་གསལ་འཆར་བ་ཡིན་པས། རྩ་རླུང་བསྒོམ་པ་གནད་དུ་ཆེ། སྤྱིར་ཆོས་དྲུག་གི་ཡ་གྱལ་འོད་གསལ་ནི། གཉིད་ཀྱི་འོད་གསལ་གཙོ་བོར་འཆད་པའི་སྐབས་ཡིན་པས། གཏུམ་མོ་དང་འོད་གསལ་ཞེས་སོ་སོར་བགྲངས་པ་ཡིན་གྱི། གཞན་དུ་ན་ཉིན་མོའི་འོད་གསལ་སྐྱེད་པའི་ཐབས་ཀྱི་མཆོག་ཅིག་གཏུམ་མོ་འདི་ཡིན། རིལ་འཛིན་རྗེས་ཞིག་སད་སུད་དང༌། ཕྲ་ཐིག་ཐན་ཐུན་ག་ལས་ཀྱང་འདི་སྟོབས་ཆེའོ། །བཞི་པ་གསོལ་འདེབས་མེ་ཏོག་འཆར་བྱེད་ནི་ཇི་སྐད་དུ། །འོད་གསལ་འཆར་བྱེད་བླ་མའི་མོས་གུས་དང༌། །ཞེས་གསུངས་པ་ལྟར་འོད་གསལ་འཆར་བ་ལ་བླ་མའི་མོས་གུས་གལ་ཆེ། འོ་ན་བླ་མའི་མོས་གུས་ནི་སྒོམ་ཐམས་ཅད་ལ་གལ་ཆེ་ཡི། འོད་གསལ་ཁོ་ན་གལ་ཆེ་བར་སྨོས་པ་ཅི་ཡིན་སྙམ་ན། སྤྱིར་བླ་མའི་མོས་གུས་ཀྱི་རྟེན་འབྲེལ་འགྲིག་པ་ཞིག་ཀུན་ལ་དགོས་ཀྱང༌། ཉིན་བར་གྱི་དགེ་སྦྱོར་རྣ


TNT12_Page_0916
[མ་དཔེ་གཟིགས་ན་འདིར་གནོན།]

མས་རང་གི་རྩོལ་བས་ཀྱང་བསྒོམ་དུ་བཏུབ་ལ། རྨི་ལམ་གྱི་སྐབས་ཡིན་ན་ཡང་རྨི་ལམ་ཉིད་ཀྱི་སྣང་བ་སྣ་ཚོགས་དང༌། དྲན་རྟོག་གི་བློ་རགས་པ་འདི་ཡོད་ཅིང༌། དེ་ཡོད་པས་ཉིན་མོའི་བག་ཆགས་རྨི་ལམ་དུ་ཁྲིད་པའི་ཕྱིར། རང་གི་རྩོལ་བ་དང་འདུན་པས་སླེབ་རྒྱུ་ཞིག་ཀྱང་ཡོད་པའི་ཕྱིར་བྱིན་རླབས་ཁོ་ན་ལ་ལྟོས་པ་རང་ཡང་མིན། གཉིད་འཐུག་པོའི་དུས་ན་དྲན་རྩོལ་མེད་པའི་ཕྱིར། གཉིད་ཀྱི་འོད་གསལ་འདི་ནི། སྐབས་དེ་ཉིད་དུ་རང་ཤར་དུ་བྱུང་ན་མ་གཏོགས། གཞན་བསྒོམ་ཐེས་མེད་པའི་ཕྱིར། ལུས་ལ་གནད་དུ་བསྣུན་པའི་རྟེན་འབྲེལ་དང༌། བླ་མ་དང་ལྷག་པའི་ལྷའི་བྱིན་རླབས་འཇོམ་པ་ལ་རེ་བ་ཡིན་ནོ། །དེ་ལྟར་སྔོན་འགྲོ་བཞི་པོ་དེ་ལ་སྔར་མ་བསྟན་པའི་དམིགས་པ་གསར་བ་རྐང་ཚུགས་མེད་པས། དམིགས་སྐོར་ལོགས་སུ་མི་འདྲེན། ཆོས་ཐུན་གཅིག་ལ་རྫོགས་པའམ། གཉིས་སམ་གསུམ་སོགས་གང་ལྟར་བྱས་ཀྱང་འདྲའོ། །གཉིས་པ་དངོས་གཞི་ལ། འོད་གསལ་གཟུང་བ་དང༌། ལམ་ཁྱེར་དང༌། བསྲེ་བ་དང༌། མཐར་ཐུག་སྟེ་ས་བཅད་བཞིའོ། །དང་པོ་ལ། བདག་མེད་མ་ལ་བརྟེན་ཏེ་འོད་གསལ་འཛིན་པ། ཨ་ཡིག་ལ་བརྟེན་ཏེ་འོད་གསལ་འཛིན་པ། བླ་མ་ལ་བརྟེན་ཏེ་འོད་གསལ་འཛིན་པ་སྟེ་གསུམ་མོ། །དང་པོ་ནི། ཐུན་གྱི་སྔོན་འགྲོ་བྱིངས་དེ་སྒྱུ་ལུས་ཀྱི་སྐབས་སུ་བཤད་པ་དང་འདྲ་བ་ལས། ཁྱད་པར་ནི་


TNT12_Page_0917
[མ་དཔེ་གཟིགས་ན་འདིར་གནོན།]

རྩ་བའི་བླ་མ་སྐུ་དངོས་སུ་བསྒོམ་ན་ཡང༌། ཆ་བྱད་རལ་པའི་ཐོར་ཚུགས་དང༌། རུས་པའི་རྒྱན་དྲུག་དང༌། སྟག་ལྤགས་ཀྱི་སྨད་དཀྲིས་སོགས་དུར་ཁྲོད་ཀྱི་ཆས་དང་ལྡན་པ་ཞིག་བསྒོམ། ཅི་སྟེ་རྡོ་རྗེ་འཆང་དུ་སྒོམ་ན་ཡང༌། རྡོ་རྗེ་འཆང་ཧེ་རུ་ཀ་ཞི་མ་ཁྲོ་སྤྱན་གསུམ་པ། སྐུ་ལ་དུར་ཁྲོད་ཀྱི་ཆས་བརྒྱད་རྫོགས་པ་ཞིག་བསྒོམ། གསོལ་འདེབས་ཀྱི་སྐབས་སུ། །འོད་གསལ་ཟིན་པར་མཛོད་དུ་གསོལ། ཅེས་མཐའ་བསྒྱུར་བའོ། །དེ་རྗེས་སུ་རེ་ཞིག་རང་ཐ་མལ་དུ་གསལ་བ་ལྟ་བའི་ཀླད་རྒྱའི་སྟེང་ཐོད་པའི་འོག།སྤྱི་བོའི་ཐད་དེར་པདྨ་དང་ཉི་མའི་གདན་སྲན་མ་ཕྱེད་བཀས་ཙམ། དེའི་སྟེང་དུ་གདན་དེ་ཀ་དང་འཚམས་པའི་རྡོ་རྗེ་བདག་མེད་མ་སྐུ་མདོག་སྔོན་མོ་གྲི་གུག་ཐོད་པ་ཁ་ཊྭཱཾ་བསྣམས་པ། ཞབས་གཡོན་བརྐྱང་བའི་གར་སྟབས་ཅན་སྐུ་ཆུང་ལ་ཡན་ལག་དོད་པ་གསལ་བཏབ། དེའི་ཐུགས་ཀར་ཡང་ཨ་དཀར་པོ་སྤུ་ཤད་ཀྱིས་བྲིས་པ་ལྟར་ཕྲ་བ་གསལ་ལ་འཚེར་བ་ཞིག་བསྒོམ་དེ་ལས་འོད་ཟེར་འཕྲོས། ཐོག་མར་ཀླད་པ་གཏི་མུག་གི་རང་བཞིན་ཅན་དེ་སྦྱངས། དེ་ནས་ལུས་ཀྱི་ནང་གང་བས་ཤ་ཁྲག་རུས་གསུམ་ཡང་དག་སྟེ། ལུས་འོད་ལུས་སུ་གྱུར་པར་བསམ། དེ་ཡང་ཡི་དམ་གྱི་སྐུར་བསྒོམས་ན་ཀ་བཟང་གསུང་པས་དཔལ་སྡོམ་པ་ལྷན་སྐྱེས་སུ་ཀ་བསྒོམ། དེར་བདག་མེད་མའི་ཐུགས་ཀའི་ཨ་ཡིག་ལ་སེམས་


TNT12_Page_0918
[མ་དཔེ་གཟིགས་ན་འདིར་གནོན།]

གཏད་ཏེ་ཅུང་ཟད་བསྒོམ། དེ་ནས་ཨ་དེ་ལས་འོད་ཟེར་འཕྲོས། བདག་མེད་མའི་སྐུ་གང༌། དེ་ལས་འོད་ཟེར་འཕྲོས། རང་ལུས་ཀྱི་ནང་ཐམས་ཅད་མུན་ཁུང་དུ་སྒྲཽན་མེ་བཏེགས་པ་ལྟར་ཁྲ་གསལ་གྱིས་སོང་ཡང་རང་གི་བ་སྤུའི་ཁུང་བུ་ནས་ཕར་འཕྲོས། སྣང་བ་ཐམས་ཅད་ཁྲ་གསལ་གྱིས་གསལ་བར་བསམ། ཚུལ་དེ་ཁོ་ནས་ཡང་ཐོག་མར་ཐུགས་ཀའི་ཨ་ལ་སེམས་གཏོད་པ་དང༌། ཡང་འོད་ཟེར་སྤྲོ་བ་སོགས་སྤེལ་གྱིན་བསྒོམ་པ་ལས། ཐུགས་ཀའི་ཨ་ལ་སེམས་གཏོད་པ་ཡུན་རིང་དུ་བྱ། དེ་འདྲ་ལན་འགའ་རེ་སོང་བའི་མཚམས་སུ། ཤེས་པ་རང་བབས་སུ་ལྷོད་ཀྱིས་གློད་ནས་གང་གནས་རེ་བཞག།དེ་ལྟ་བུ་བསྐྱར་གྱིན་རྟག་ཏུ་བསྒོམ། ཐོག་མ་ཞག་མང་པོར་རྩོལ་བ་སྐྱེད་དེ་དེ་ལྟར་བསྒོམས་པས། སྐབས་འགར་བདེ་སལ་ལེ་བ་རྣམ་རྟོག་མེད་པར་རང་ཤུགས་སུ་གནས་པ་ཡང་དུམ་རེ་འོང་སྟེང་རེ་དོགས་སུ་མ་སོང་བ་བྱེད། དེ་འདྲ་བྱུང་ན་དེ་ཀ་ལ་གང་གནས་སུ་བཞག་པས་ཆོག།ཡང་དེ་སངས་པ་ན་སྔར་བཞིན་འདུན་པ་དྲག་པོས་བསྒོམ། མཚན་མོ་ཉལ་བའི་སྐབས་བདག་མེད་མའི་ཐུགས་ཀའི་ཨ་ལ་སེམས་གཏད་དེ་གཉིད་དུ་འགྲོ་བར་བྱའོ། །དམིགས་སྐོར་བཞི་བཅུ་ཞེ་གསུམ་པའོ། །གཉིས་པ་ཨ་ཡིག་ལ་བརྟེན་པ་ནི། སྔོན་འགྲོ་སྔ་མ་དང་འདྲ། རང་ཡི་དམ་དུ་གསལ་བའི་ལུས་ཀྱི་དབུས་སུ་རྩ་དབུ་མ་དཀར་པོ་སྦ་ལྕག་ཙམ་གསལ་བཏབ། དེའི་ནང་ལྟེ་བའི་


TNT12_Page_0919
[མ་དཔེ་གཟིགས་ན་འདིར་གནོན།]

ཐད་དམ་ལྟེ་འོག་སོར་བཞི་གང་རུང་དུ་ཨ་ཡིག་དཀར་པོ་དྭངས་གསལ་འོད་ཀྱི་རང་བཞིན་ཅན་ཞིག་གསལ་བཏབ། ཨ་ཡིག་དེ་ལ་དར་གཅིག་སེམས་བཟུང༌། ཨ་ལས་འོད་ཟེར་འཕྲོས། དབུ་མའི་ནང་ཁེངས། དེ་ལས་འོད་ཟེར་འཕྲོས། རང་ལུས་ཀྱི་ནང་ཤིན་ཏུ་གསལ་བར་བྱས། རང་གི་བ་སྤུའི་བུ་ག་ནས་འོད་ཟེར་འཕྲོས། སྣང་བ་ཐམས་ཅད་ཁྲ་གསལ་གྱིས་ཁྱབ། ཉལ་བའི་ཚེ་ལྟེ་འོག་གི་ཨ་ལ་སེམས་གཏོད། གཞན་ཇི་ལྟར་ཉམས་སུ་ལེན་ལུགས་རྣམས་སྔ་མ་དང་འདྲ། དམིགས་སྐོར་ཞེ་བཞི་པའོ། །གསུམ་པ་བླ་མ་ལ་བརྟེན་ཏེ་བཟུང་བ་ནི། ཡང་སྔོན་འགྲོ་སྔ་མ་ལྟར་བཏང་ལ། རང་ལྷག་པའི་ལྷར་གསལ་བའི་སྙིང་གར་པདྨ་དང་ཟླ་བའི་གདན་ལ། རང་གི་རྩ་བའི་བླ་མ་རྡོ་རྗེ་འཆང་དུ་སྒོམ་ན་རྡོ་རྗེ་འཆང་སྐུ་མདོག་དཀར་པོ་སྤྱི་དང་འདྲ་བ་དང༌། སྐུ་དངོས་སུ་བསྒོམ་ན་ཡང༌། སྐུ་ཤ་མདངས་དཀར་ཞིང་འོད་ཟེར་དཀར་པོ་འཕྲོ་བ། ཞལ་འཛུམ་མུལ་ལེ། སྤྱན་སིམ་མེ་བཞུགས་པ་ཞིག་བསྒོམ། སྐུ་ཆེ་ཆུང་གི་ཚད་ཀྱང་ཆེ་ན་སོར་བཞི་ཙམ། ཆུང་ན་མཐེ་བོང་གི་ཚད་ཙམ། དེའི་བར་ཇི་ལྟར་འོས་པ་བསྒོམ། དེའི་ཐུགས་ཀར་ཐིག་ལེ་དཀར་ལ་དམར་བའི་མདངས་ཆགས་པའམ། ཤིན་ཏུ་དཀར་བ་གང་བསྒོམས་ཀྱང་རུང༌། ཚད་ཀྱང་བླ་མའི་སྐུ་ལ་ཆ་དཔགས་ནས་བྱ་སྟེ། སྐུ་གཟུགས་སོར་བཞི་ཙམ་བསྒོམ་ན་དེ་རྒྱ་སྲན་ཙམ། སྐུ་མཐེ་བོང་ཙམ་བསྒོམ་ན། དེ་


TNT12_Page_0920
[མ་དཔེ་གཟིགས་ན་འདིར་གནོན།]

སྲན་ཆུང་ཙམ་བསྒོམ། དེས་བར་མ་རྣམས་ལའང་མཚོན། གང་ལྟར་ན་ཡང་བླ་མའི་ཐུགས་ཀའི་ཐིག་ལེ་འོད་འཕྲོ་བ་དེ་ལ་སེམས་གཏད་དེ་ཅུང་ཟད་མཉམ་པར་བཞག།ཐུགས་ཀའི་ཐིག་ལེ་ལས་འོད་འཕྲོས། སྐུ་ཁྲ་གསལ་ཏེ་ཁྱབ། ཐུགས་རྒྱུད་བདེ་བས་གང༌། སྐུའི་ཆ་ཐམས་ཅད་ནས་འོད་ཟེར་བྱུང༌། རང་ལུས་ཀྱི་ནང་ཤིན་ཏུ་གསལ་བར་ཁྱབ། རང་གི་བ་སྤུའི་ཁུང་བུ་ནས་འོད་ཟེར་འཕྲོས། སྣང་བ་ཐམས་ཅད་ཁྲ་གསལ་གྱིས་པ་བར་བསམ། བླ་མའི་ཐུགས་ཀའི་ཐིག་ལེ་ལ་འགྱང་ཙམ་སེམས་གཏད། དེ་ནས་འོད་ཟེར་སྤྲོ་པའི་དམིགས་པ་རེ་བྱེད་པ་སླར་ནས་སླར་དུ་གོམས་པར་བྱའོ། །ཉལ་བའི་ཚེ་བླ་མའི་ཐུགས་ཀའི་ཧཱུཾ་ལ་སེམས་གཏད་དེ་ཉལ། བསྒོམ་ལུགས་གཞན་རྣམས་སྔ་མ་བཞིན་ནོ། །དམིགས་སྐོར་ཞེ་ལྔ་པའོ། །འདི་འོད་གསལ་འཛིན་པའི་དམིགས་པའི་དངོས་གཞི་གཙོ་བོ་དེ་ཡིན་ནོ། །རྒྱུ་མཚན་ནི། །སྙིང་ག་ཆོས་ཀྱི་འཁོར་ལོ་ནི། གཉིད་འཐུག་པོའི་འཁྲུལ་བ་འབྱུང་བའི་གནས་ཀྱི་གཙོ་བོ་ཡང་ཡིན། དེ་ལ་གནད་དུ་བསྣུན་པས་ལམ་བསྒོམས་ནི། འཁྲུལ་བ་དེའི་གཉེན་པོ་འོད་གསལ་འཆར་བའི་གནས་ཀྱི་ཡང་གཙོ་བོ་ཡིན་པས་སོ། །འོ་ན་གཞན་གཉིས་ལའང་གནད་དེ་ཡོང་འཐད་པ་ལ་སྙམ་ན། འདི་འདྲའི་རིགས་ལ་ངེས་པ་མེད་དེ། སྤྱིར་གཉིད་འཐུག་པོའི་འོད་གསལ་འཆར་བའི་གནས་དྲག་ཤོས་དེ་སྙིང་ག་ཡིན་ཀྱང༌། ཐོག་མར་གནས་དེར་རླུང་འཇུག་དཀའ་བའི་སྐབས་


TNT12_Page_0921
[མ་དཔེ་གཟིགས་ན་འདིར་གནོན།]

ཤིག །རྩ་དབུ་མའི་གནས་གཞན་དུ་གནད་དུ་བསྣུན་ན། དེར་རླུང་འདུས་པའི་འོད་གསལ་གྱི་ཉམས་མྱོང་ཞིག་འཕྲལ་དུ་སྐྱེ་བར་འགྱུར། དེ་ཡང་ཡང་གོམས་པ་ན། དེས་སྣ་དྲངས་ཏེ་འདུན་པ་ཅུང་ཟད་བསྒྱུར་བ་ཁོ་ནས་འབད་རྩོལ་མེད་པར་སྙིང་གར་རླུང་སེམས་འདུས་པའི་འོད་གསལ་འཆར་བ་ཉིད་ལ་ཡང་ཚེགས་མེད་དོ། །ཐབས་འདི་རྨི་ལམ་སོགས་གཞན་ལའང་རིགས་འགྲེའོ། །དེས་ན་འོད་གསལ་འཛིན་པའི་དམིགས་པ་གསུམ་པོ་འདི། གང་བློ་ལ་བདེ་བ་ཞིག་འབད་པས་བསྒོམས་ནས་ནུས་པ་ཐོན་པར་བྱ་དགོས་མོད། གང་ཟག་གཅིག་གིས་གསུམ་ཁར་སྒོམ་མ་དགོས་པ་རང་ཡང་མ་ཡིན་ནོ། །གཉིས་པ་འོད་གསལ་ལམ་ཁྱེར་ལ། ཉིན་མོ་སྐུ་གསུམ་ལམ་ཁྱེར་དང༌། མཚན་མོ་སྐུ་གསུམ་རང་ཤར་བ། ཞེས་ས་བཅད་གཉིས་སུ་བྱེད་ཀྱང་ཉམས་ལེན་དམིགས་པ་གཅིག་ཁོ་ན་སྟེ། ཉིན་མོ་སྐུ་གསུམ་ལམ་ཁྱེར་ཉིད་དོ། །དེ་ཡང་དང་པོར་འདི་ཐུན་མཚམས་ཀྱི་ཉམས་ལེན་གལ་ཆེ་སྟེ། སྒྱུ་ལུས་སྐབས་སུ། འདུན་པ་གསུམ་སྦྲགས་བཤད་པའི་དོད་ཡིན། དེ་ཡང་རྩ་བ་མི་རྟག་སྐྱོ་ཤས་དང༌། གསལ་བདེབས་མེ་ཏོག་འཆར་བྱེད་དུ་བཤད་པ་བཞིན། འོད་གསལ་གྱི་ཐུན་མཚམས་སུ་ཡང༌། མི་རྟག་པ་དང༌། བླ་མའི་མོས་གུས་སྔར་སྒྱུ་ལུས་སུ་བཤད་པ་བཞིན་དགོས་ལ། སྒྱུ་ལུས་དང་རྨི་ལམ་ལ། སྒྱུ་མ་དང་རྨི་ལམ་གྱི་འདུན་པ་དགོས་པའི་དོན། འདིར་སྐུ་གསུམ་ལམ་ཁྱེར་གྱི་འཇོག་སྟངས་དེ་དགོས་པའི་


TNT12_Page_0922
[མ་དཔེ་གཟིགས་ན་འདིར་གནོན།]

དོན་ཡིན་ནོ། །བསམ་སྡིངས་པའི་ཁྲིད་ཡིག་ནི། ཐུན་ཐུན་མཚམས་ཀྱི་གསལ་ཁ་མེད། འཇག་ཆེན་ཨ་ལ་སེམས་གཏོད་པ་བཞིན་དུ་གྲིམས་ལྷོད་རན་པར་བྱ། ཞེས་གསུང་སྟེ། དེའི་གོ་བ་ནི་ཨ་ཡིག་གི་སྐབས་ན་རིག་པ་ཡེངས་ཀྱང་མ་ཡེངས་བཅུར་བཅུར་དུ་ཡང་མ་སོང་བ་མཉམ་རྗེས་ཐམས་ཅད་དུ་བསྒོམ་གསུངས་པ་དེ་ཡིན་པས། ཐུན་ཐུན་མཚམས་གཉིས་ཀར་དུ་བསྒོམ་པའི་དོན་ཡིན། དེ་ལ་སྤྱིར་ཐུན་གྱི་སྐབས་སུ་ཡང་འཇོག་ཚུལ་དེ་ཀ་དང་མཐུན་པ་ཡིན་མོད་ཀྱི། ཐུན་གྱི་ཉམས་ལེན་བྱེད་ཚུལ་ལོགས་སུ་བཤད་ཟིན་པས། འདིར་ནི་ཐུན་མཚམས་ཁོ་ནའི་དབང་དུ་བྱས་པའོ། །དེ་ཡང་བདག་ཟས་ཟ་འགྲོ་འཆག། ཉལ་འདུག་སྤྱོད་ལམ་ཀུན་ཏུ་སྐུ་གསུམ་ལམ་ཁྱེར་འདི་དྲན་པ་ཞིག་བྱེད་དགོས་སྙམ་པའི་འདུན་པ་ཡང་ཡང་བཏང་གིན་འགྲོ་འདུག་སོགས་བྱ་བྱེད་གང་བྱེད་པའི་སྐབས་དེར། གང་ཤར་དེ་ཀ་ལ་སེམས་གཏད་དེ། ཤེས་པ་ཁོང་གློད། རང་ཞལ་ལྟ་ཤེས་ཙམ་བྱ། དེའི་ཚེ་མིག་གི་ལྟ་སྟངས་ཀྱང་ཧ་རེ་བཞག།དེ་ཡང་ཐོག་མ་ཐུན་མཚམས་ཡིན་ཡང་སོས་དལ་དུ་འདུག་པའི་སྐབས། དྲན་པ་བསྟེན་པ་ཙམ་གྱིས་འཕྲལ་འཕྲལ་དུ་སླེབ་འོང༌། དེ་ནས་བྱ་བྱེད་བྲེལ་པོ་ཀུན་ལའང་རིམ་པས་བསྲེ་བར་བྱའོ། །དེ་ཡང་སྣང་བ་སྣ་ཚོགས་གང་ཤར་བ་དེའི་སྟེང་གི་གསལ་ཆ་དེ་གསལ་བ་སྤྲུལ་སྐུ། རང་ཞལ་ལ་ཆེར་རེ་བལྟས་པས་ཅིར་ཡང་མ་ཡིན་པ་དེ་སྟོང་པ་ཆོས་སྐུ། སྣང་བ་སྣ་ཚོགས་པ་ཤར་བ་ལ་བཟོ་བཅོས་མ་བྱས་པ་དེ་དང༌། ངོས་བཟུང་ཅི་ཡང་མེད་


TNT12_Page_0923
[མ་དཔེ་གཟིགས་ན་འདིར་གནོན།]

པ་དེ་སེམས་གསལ་རིག་ཙམ་གྱི་སྟེང་དེ་ན། ངོ་བོ་དབྱེར་མེད་ཅིག་ཅར་རོ་གཅིག་ཏུ་ཤར་བ་དེ། རང་རིག་རང་གསལ་ལོང་སྤྱོད་རྫོགས་སྐུ་ལམ་ཁྱེར་རོ། །དེ་ལྟར་ན་ཐོག་མར་ཐུན་མཚམས་ཀྱི་དགེ་སྦྱོར་འདི་ལ་ལེགས་པར་བསླབ། དེ་རྗེས་ཕལ་ཆེར་ལ་འདི་ལམ་དུ་ཁྱེར་ཐུབ་པ་ནས། སྐབས་འདིའི་འདུན་པ་གསུམ་པོ་གང་རུང་རེ་དྲན་པར་བྱའོ། །མཚན་མོ་སྐུ་གསུམ་རང་ཤར་ནི། ཐུན་གྱི་སྐབས་སུ་དམིགས་པ་ལ་དྲག་ཏུ་བཅུར་བ་དང༌། ཐུན་མཚམས་སུ་སྐུ་གསུམ་ལམ་ཁྱེར་བསྒོམས་པ་དེའི་མཐུ་ལས། མཚན་མོ་གཉིད་འཐུག་པོ་དུས་སུ་འོད་གསལ་ཟིན་པ་ན། གསལ་སྟོང་ཟུང་འཇུག་གི་སྐུ་གསུམ་རང་ཤར་དུ་འབྱུང་ངོ༌། །གཉིད་དུས་ཀྱི་གསལ་བ་ནི། སྣང་བ་རགས་པ་སྣ་ཚོགས་པ་འདི་དག་དེ་དུས་མི་འཆར་བས། རིག་པ་ཉིད་ཀྱི་གསལ་ཆ་དང༌། །འཆར་སྒོ་རྟགས་ཀྱི་སྣང་བ་སྣ་ཚོགས་པའོ། །དམིགས་སྐོར་ཞེ་དྲུག་པའོ། །གསུམ་པ་བསྲེ་བ་ལ། གསལ་སྟོང་བསྲེ་བ་དང་མཉམ་རྗེས་བསྲེ་བ། ཉིན་མཚན་བསྲེ་བ། བདེ་སྟོང་བསྲེ་བ་སྟེ་བཞི་ལས། དང་པོ་ནི། སྒོམ་མཉམ་བཞག་གི་དུས། སེམས་ཅིར་ཡང་མ་གྲུབ་པ་འདྲ་བ་དེ་བསྒོམས་པས་རྐྱེན་བྱས་ནས་སྟོང་སང་སང་བ་ཅི་ཡང་མེད་པ་འདྲ་བ་ཞིག་འཆར། ཐུན་མཚམས་སུ་ཡང་གདོང་གཏན་ཀྱི་དངོས་པོ་འདི་དག་གང་ཡང་མི་འདུག་སྙམ་པ་འབྱུང་སྟེ། སྟོང་ཉམས་རྐྱང་པ་ཤར་བ་ཡིན། སྐབས་དེར་ཐུན་དང་ཐུན་མཚམས་ཐམས་ཅད་


TNT12_Page_0924
[མ་དཔེ་གཟིགས་ན་འདིར་གནོན།]

དུ་མིག་ནམ་མཁའ་ལ་གཏད། རིག་པ་ཧུར་ཕྱུང༌། སྟོང་སང་ངེ་བའི་གཞི་དེ་ལ་བལྟས་པས། སྟོང་པ་དེ་ལ་གསལ་ཆ་རིམ་གྱིས་རྙེད་དེ་གསལ་སྟོང་དུ་འགྱུར། ཡང་ཐུན་གྱི་སྐབས་སུ་རྣམ་རྟོག་མེད་པ་ལ་རིག་པ་གསལ་སེང་ངེ་དགའ་བདེ་དང་བཅས་པ་འབྱུང་བ། ཐུན་མཚམས་སུའང་དེ་ལ་སྲེད་པ་ཆེ། རང་རྩིས་སྐྱེ་བར་འདུག་ན། གསལ་བ་རྐྱང་པའི་ཉམས་སྐྱེས་པ་ཡིན་པས། ཐུན་ཐུན་མཚམས་ཐམས་ཅད་དུ་སེམས་དྭངས་སང་ངེ་བ། གསལ་རྗེན་ནེ་བ། དེའི་ངོ་བོ་ལ་ལྟ་གཞིགས་དྲག་ཏུ་བཅུག་པས་ཐོགས་པའི་དངོས་པོ་ཞིག་པ་ལྟར་ཆེམས་སེ་སོང་ནས་ངོས་བཟུང་དུ་མེད་པ་ཞིག་འོང༌། དེའི་ངང་ལ་བཟོ་བཅོས་མེད་པར་བཞག།སེམས་ལ་བལྟས་ནས་ཀྱང་སྒྱུ་མ་ལྟ་བུའོ་ཞེས་ཡང་ཡང་དྲན་པ་གསལ་སྟོང་དུ་འཆར་ཏེ། དེ་ལྟར་ན་གསལ་བ་སྟོང་པ་ལ་བསྲེ་བའོ། །དམིགས་སྐོར་ཞེ་བདུན་པའོ། །གཉིས་པ་མཉམ་རྗེས་བསྲེ་བ་ནི། སྤྱིར་རྗེས་ཐོབ་མཚན་ཉིད་དང་ལྡན་པ་ཞིག་ཡིན་ན། མཉམ་བཞག་དང་ཆེད་དུ་བསྲེ་མི་དགོས་ཀྱང༌། འདིར་ཐུན་ལ་མཉམ་བཞག་དང༌། ཐུན་མཚམས་ཙམ་པོ་ལ་རྗེས་ཐོབ་ཅེས་བཏགས་པའོ། །དེ་ཡང་ཐུན་གྱི་སྐབས་སུ་རྩོལ་བས་བཅོས་པ་མ་ཡིན་པར་སེམས་གསལ་སྟོང་དུ་དུམ་རེ་གནས་པ་ཡང་ཡང་བྱུང་ཀྱང༌། ཐུན་མཚམས་སུ་དང་པོའི་ཐ་མལ་པ་ཟང་མ་དེ་ཀ་མ་གཏོགས། གསལ་སྟོང་གི་ཉམས་ཡེ་མི་སླེབ་པ་འདུག་ན། ཐུན་གྱི་


TNT12_Page_0925
[མ་དཔེ་གཟིགས་ན་འདིར་གནོན།]

སྐབས་སུ་ཉམས་ཅུང་ཟད་ཤར་བའི་དུས་དེར། སྤྱོད་ལམ་གང་ཡང་རུང་བ་ཞིག་ལ་བསྲེ་བའི་འདུན་པ་གཏོང་སྟེ། དཔེར་ན། ད་ལྟར་བདག་སྐོར་བ་བྱེད་པའི་སྐབས་སུ། ཉམས་འདི་བསྐྱང་བར་བྱ་སྙམ་པའི་འདུན་པ་ཡང་ཡང་བཏང༌། ཐུན་ལས་ལངས་པའི་སྐབས་སུ་ཡང་དེ་ཀའི་རྒྱུན་དྲན་པས་བཟུང༌། ལག་ཏུ་འཆང་རྒྱུ་ལྟ་བུར་དྲན་འཛིན་གྱི་རྟགས་ཤིག་ཀྱང་བཞག།དེ་ནས་སྐོར་བ་བྱེད་པའི་སྐབས་སུ། སྐུ་གསུམ་ལམ་ཁྱེར་དུ་བཤད་པ་བཞིན་དང་དེ་བསྐྱངས་པས། ཐུན་གྱི་སྐབས་སུ་བཤད་པ་ལྟ་བུའི་གསལ་སྟོང་གི་ཉམས་དེ་སླེབ་འོང༌། དེ་ལྟར་ཞག་འགའ་རེ་སོང་ན་རྩོལ་བ་ཆེན་པོ་མི་དགོས་པར་འོང་སྟེ། དེ་ལ་གོམས་ནས་སྤྱོད་ལམ་གཞན་ཐམས་ཅད་ལའང་རིམ་པས་སྦྱང༌། འདི་ནི་མཉམ་བཞག་གི་ཉམས་མྱོང་རྗེས་ཐོབ་ལ་བསྲེ་བ་ཡིན། རྗེས་ཐོབ་མཉམ་བཞག་ལ་ཚུར་བསྲེ་བ་ནི་མི་དགོས། འགའ་ཞིག་ལ་རྗེས་ཐོབ་ཀྱི་ཉམས་མྱོང་བཟང་པོ་ཤར་ནས། དེས་མཉམ་བཞག་ལ་བོགས་འཐོན་པ་ཞིག་འོང་སྟེ། དེ་ཤུགས་འབྱུང་ལ་འོག་གི་བཅོས་པས་མི་ཕན་ནོ། །དམིགས་སྐོར་ཞེ་བརྒྱད་པའོ། །གསུམ་པ་ཉིན་མཚན་བསྲེ་བ་ནི། ཉིན་མོ་ཐུན་གྱི་སྐབས་ལ་གསལ་སྟོང་གི་ཉམས་ཤར་ཡང༌། མཚན་མོ་གཉིད་འཐུག་པོའི་སྐབས་སུ་ཡེ་མ་སླེབས་ན། ཐུན་གྱི་སྐབས་སུ་དམིགས་པ་གསུམ་པོ་གང་རུང་ཞིག་ལ་བརྟེན་ནས། རླུང་བུམ་པ་ཅན་བསྒོམ་


TNT12_Page_0926
[མ་དཔེ་གཟིགས་ན་འདིར་གནོན།]

ཞིང་རིག་པ་དྲག་ཏུ་བཞུར། གསལ་སྟོང་གི་ཉམས་ཤར་བའི་དུས། དོ་ནུབ་གཉིད་ཀྱི་དུས་སུའང་འདི་ཁོ་ན་ལྟར་བསྒོམ་རྒྱུ་ཡིན་སྙམ་པ་བག་ཙམ་རེ་འདུན་པ་བཏང་གིན། ཐུན་མཚམས་སུ་ཡང་སྔ་དྲོ་འདུན་པ་ཅུང་ཟད་བྱ། དགོངས་མོ་དང་སྲོད་ཀྱི་ཐུན་མཚམས་ལ། འདུན་པ་དྲག་ཏུ་སྦྱོང་བ་གལ་ཆེ། ཉལ་ཁར་ཡང་འཇམ་རླུང་ཁུག་པ་ཁ་རེ་བཟུང་ཞིང་དམིགས་པ་བསྒོམ། མཐར་རང་གི་ལུས་དང་སེམས་ལ་སེམས་གཏད་དེ་ཆེར་རེ་བཞག་པའི་ངང་ནས་གཉིད་དུ་འགྲོ་བར་བྱ། དེས་ངེས་པར་གཉིད་ཀྱི་དགེ་སྦྱོར་ཟིན་འོང་ངོ༌། །ཡང་འགའ་ཞིག་ལ་མཚན་མོའི་དགེ་སྦྱོར་བཟང་པོ་ཐོག་མར་སྐྱེས་ནས། ཉིན་པར་ཉམས་མྱོང་དེ་དྲན་པ་ཙམ་གྱིས་ཉིན་པར་གྱི་དགེ་སྦྱོར་ལ་བོགས་འབྱིན་པར་བྱེད་པ་ཞིག་ཀྱང་ཡོད་དེ། འདི་ཡང་རང་ཤུགས་ལ་འབྱུང་བ་ཀ་ཡིན་ནོ། །འོད་གསལ་ལ་ནི་དེ་ལྟ་བུ་དགོས་པ་ཅི་རིགས་པ་འབྱུང་ལ། རྨི་ལམ་རྩལ་སྦྱོང་ལ་ནི། མཚན་མོའི་ཉིན་མོ་ལ་ཆེད་གཏད་བོགས་འབྱིན་དགོས་པ་ཡང་ཤིན་ཏུ་མང་ངོ༌། །དམིགས་སྐོར་ཞེ་དགུ་པའོ། །བཞི་པ་བདེ་སྟོང་དབྱེར་མེད་དུ་བསྲེ་བ་ནི། སེམས་གསལ་བ་དང༌། སྟོང་པ་དང༌། མི་རྟོག་པའི་ཉམས་ཀྱིས་དྲངས་པའི་དགའ་བ་དེ་ལ་ཉམས་བདེ་བ་ཆེན་པོ་འབྱུང་ཡང༌། ཆེད་དུ་གཉེར་ནས་སྟོང་པར་བསྲེ་བ་མི་དགོས། གསལ་བ་ཉིད་སྒྱུ་མ་ལྟ་བུར་ཤེས་པས་རང་ཆོད་ལ་འགྲོ། །ཞུ་བདེའི་ཉམས་རྣམས་སྟོང་པར་བསྲེ་དགོས་པ་ཡིན་ཏེ། གཞན་ལུས་ཤེས་རབ་ཀྱི་བདེ་བའམ།


TNT12_Page_0927
[མ་དཔེ་གཟིགས་ན་འདིར་གནོན།]

རང་ལུས་ཐབས་ལྡན་གཏུམ་མོའང༌། སྒྱུ་ལུས་དབང་པོ་ཐ་མ་ལྟ་བུའམ། ཐིག་ལེ་དབང་བཞིའི་གནད་དམ། འོད་གསལ་འཛིན་པའི་དམིགས་པ་གསུམ་ལྟ་བུ་བསྒོམས་པས། རླུང་དབུ་མར་ཐིམ་པའི་བདེ་དྲོད་སྐྱེས་པ་ལྟ་བུ་ལ་བསྲེ་དགོས་པ་ཡིན་ཏེ། དེ་ཡང་བདེ་ཉམས་ལན་རེ་ཙམ་བྱུང་འཕྲལ་ལ་བསྲེ་བ་སྐད་བྱས་ན། ཉམས་དེ་སངས་འགྲོ་བས་མི་བྱ་ལ། དེ་ཡང་ཡང་འོང་ཞིང་བརྟན་པོ་ཡོད་ན་བསྲེ་དགོས། །ང་རྒྱལ་དང་སྲེད་ཞེན་མངོན་གྱུར་པ་མེད་ན། དེའི་རང་ཞལ་བརྟས་པ་ཙམ་གྱིས་བདེ་བར་སྣང་བ་མ་འགགས་བཞིན་དུ། ངོས་བཟུང་མེད་པར་ལྷོད་དེ་ཤིགས་སེ་སོང་བ་དེ་ཀ་བསྐྱངས་པས་ཆོག།སྲེད་ཞེན་དང་རློམ་སེམས་སྐྱེ་ན། བདེ་བ་དེ་ཉིད་ལ་སྒྱུ་མ་ལྟ་བུར་འདུན་པ་སྦྱངས་ཤིང༌། མཐར་སྒྱུ་འཛིན་དང་བྲལ་བའི་ཕྱག་རྒྱ་ཆེན་པོ་ལ་བཞག་ན། བདེ་སྟོང་དབྱེར་མེད་དུ་འགྱུར་རོ། །བསྲེ་བ་བཞི་པོ་དེ་དག་ཐམས་ཅད་ཀྱི་གནས་སྐབས་སུ། ཐུན་མཚམས་སྤྱོད་ལམ་གང་བྱེད་ཀྱང༌། ཡང་ནས་ཡང་དུ་གང་ཤར་དེ་ལ་གླང་པོ་ཆེའི་ལྟ་སྟངས་ཀྱིས་ཧད་དེ་ཆད་དེ་འཇོག་པ་ཁོ་ན་དགོས། མཉམ་བཞག་གི་དུས་སུ་ཡང་རྟོག་མེད་ཀྱི་ཉམས་བདེ་གསལ་གང་ཤར་དང༌། རྟོག་བཅས་དམིགས་པ་ལ་གནད་དུ་བསྣུན་པའི་དུས་ཐམས་ཅད་དུ་ཡང་དེ་ཀ་ལྟར་འཇོག་པ་གནད་དུ་ཆེ། ལར་ཐུན་ཐུན་མཚམས་སུ་བདེ་སྡུག་མཐོ་དམན་འཇིག་རྟེན་ཆོས་


TNT12_Page_0928
[མ་དཔེ་གཟིགས་ན་འདིར་གནོན།]

བརྒྱད་ཐམས་ཅད་ལ་སྒྱུ་མ་ལྟ་བུར་ཤེས་པས། ད་ལྟ་འཇིག་རྟེན་པའི་བཟང་ངན་མཐོ་དམན་ཉེ་རིང་གི་རྣམ་བཞག་སྐད་སྐད་པོ་འདིའི་ཨ་འཐས་ཞིག་པ་རང་གལ་ཆེའོ། །དམིགས་སྐོར་ལྔ་བཅུ་པའོ། །བཞི་པ་མཐར་ཐུག་ནི། དང་པོར་ཉིན་མོ་དང་མཚན་མོའི་འོད་གསལ་གང་ལའང༌། འོད་གསལ་གྱི་རྟོགས་པ་སྐྱེ་བའི་དང་པོར་གསལ་སྟོང་དབྱེར་མེད་ཀྱི་འོད་གསལ་འབྱུང༌། ཚོགས་ལམ་གྱི་ཐད་ཡིན། དེ་ནས་བདེ་སྟོང་དབྱེར་མེད་ཀྱི་འོད་གསལ་འབྱུང༌། སྦྱོར་ལམ་གྱི་ཐད་ཡིན། དེ་ནས་ཟབ་ཞི་སྤྲོས་བྲལ་གྱི་འོད་གསལ་འབྱུང༌། མ་དག་ས་བདུན་གྱི་ཐད་སོར་སླེབ། དེ་ནས་དབྱེར་མེད་མཐར་ཐུག་གི་འོད་གསལ་འབྱུང༌། དག་པ་ས་གསུམ་གྱི་སྐབས་ཡིན། དེ་རྗེས་དག་པ་གཉིས་ལྡན་གྱི་འོད་གསལ་ཏེ། རྫོགས་པའི་སངས་རྒྱས་ཀྱི་ས་ཡེ་ཤེས་ཆོས་སྐུའོ། །འདི་དག་གི་དོན་རྒྱས་པར་བཤད་ན་མང་མོད་ཀྱི་འདིར་མ་སྤྲོས་སོ། །འདི་ནི་སྤྱིར་འོད་གསལ་ཞེས་བྱ་བ་གནས་ལུགས་ཀྱི་དོན་རྟོགས་ཚུལ་ལ་ས་མཚམས་ཕྱེ་བ་ཡིན། གཉིད་ཀྱི་འོད་གསལ་གཅིག་པོའི་དབྱེ་བ་མ་ཡིན་ནོ། །འདི་ལ་དམིགས་པ་ལོགས་པ་མེད་པས་དམིགས་སྐོར་དུ་མི་བགྲང༌། ཆོས་ཐུན་གཅིག་ལྟ་བུ་ཇི་ལྟར་འོས་པའོ། །གསུམ་པ་རྗེས་ཀྱི་ཁྲིད་ལ། དམ་ཚིག་སྤྱི་དང་བྱེ་བྲག།གེགས་སེལ་ཉེས་སྐྱོན་རང་དགབོགས་འདོན་ཐེ་ཚོམ་གཅོད་བྱེད། ཁྱད་འཕགས་འཆར་སྒོ་ངོས་འཛིན། ཉམས་རྟོགས་ཉིན་མཚན་ཁྱད་པར་ཏེ།


TNT12_Page_0929
[མ་དཔེ་གཟིགས་ན་འདིར་གནོན།]

ལྔ་ལས། དང་པོ་ནི། སྤྱིར་སྡོམ་གསུམ་ལས་རང་གིས་གང་བླངས་པའི་བསླབ་བྱ་རྣམས་མ་ཉམས་པ་གལ་ཆེ། ཉེས་ལྟུང་ཅན་ལ་སྒོམ་རྣམ་པར་དག་པ་མི་སྐྱེ་ཞིང༌། སྔར་སྐྱེས་རྣམས་ཀྱང་ཉེས་ལྟུང་བྱུང་ན་ཉམས་འགྲོ་བས་སོ། །དེའི་ནང་ནས་ཀྱང་གསང་སྔགས་ཀྱི་དམ་ཚིག་མ་ཉམས་པ་རྩ་བ་ཡན་ལག་གི་ལྟུང་བས་མ་གོས་པ་དགོས་ཏེ། དམ་ཚིག་དེ་དག་ཉམས་ན་སྒོམ་གྱི་རེ་བ་ལྟ་ཞོག།འདི་དང་ཕྱི་མར་མཐོ་རིས་ཀྱི་བདེ་བ་ཙམ་ཡང་མེད་ཏེ། ངན་སོང་གསུམ་ལ་ཟང་ཐལ་དུ་འགྲོ་བས་སོ། །དེ་དག་སྤྱིའི་དམ་ཚིག་ཡིན་ལ། གཞན་མཉམ་རྗེས་ཀྱི་དམ་ཚིག་མཐའ་དག་སྒྲུབ་ནུས་ན་དེར་ཡང་འདུས། འོན་ཀྱང་དམ་བཅའ་འཆག་མེད་ཡིན་ཡིན་པོའི་བྱ་སྤྱོད་ཀྱི་རིམ་པ་མང་པོས་སེམས་འཁྲུག་པར་ཡང་མི་བྱེད་དེ། ཉམས་ལེན་དང་འབྲལ་མེད་ཀྱི་ངང་ནས། བླ་མའི་མོས་གུས་དང་མ་བྲལ་བ། རྟེན་ཀུན་དེ་བྱང་སེམས་མ་ཉམས་པ། ཐ་མལ་ཆགས་སྡང་གི་ཡུལ་སྣང་ཐམས་ཅད་སྒྱུ་མ་ལྟ་བུར་བསྒོམས་ནས། ཆགས་སྡང་གི་དབང་དུ་མི་གཏོང་བ་རྣམས་འོད་གསལ་སྒོས་ཀྱི་དམ་ཚིག་གོ །འདིར་འོད་གསལ་ཅེས་བྱ་བ་ཡང༌། ཆོས་དྲུག་གི་ནང་ཚན་མཚན་མོའི་འོད་གསལ་ཁོ་ནར་མ་ཟད། ཉིན་མཚན་གྱི་འོད་གསལ་ཐམས་ཅད་ཡིན་པས། བསྲེ་བ་སྒྱུ་ལུས་སྤྱི་ཁྱབ་ལ་གོ་བར་བྱ་ལ། འཕོ་བ་བར་དོའང་


TNT12_Page_0930
[མ་དཔེ་གཟིགས་ན་འདིར་གནོན།]

བསྲེ་བའི་ཡན་ལག་ཡིན་པའི་ཕྱིར། དམ་ཚིག་འདི་ནི་དམ་ཚིག་སྤྱི་འགྲོ་ཡིན་ནོ། །གཉིས་པ་གེགས་སེལ་ཉེས་སྐྱོན་རང་དག་ནི། སྤྱིར་ཐབས་ལམ་དང་འབྲེལ་བ་གེགས་སེལ་གྱི་ཡི་གེ་སྣ་ཚོགས་པ་ནི་གཞན་དུ་གསལ་ལ། འདིར་གསལ་སྟོང་འཛིན་མེད། སྣང་སྟོང་རང་ཤར། བདེ་སྟོང་ཞེན་བྲལ་རྣམས་ཉམས་མྱོང་གི་ཡེ་ཤེས་ཡིན་པ་ལ། དེ་རྣམས་ཀྱི་མི་མཐུན་ཕྱོགས་ཀྱི་བདུད་ནི། འཛིན་པ་རྣམ་རྟོག་རང་ག་མར་ཤོར་བ་འདི་ཡིན་པས། རྣམ་རྟོག་གི་རང་ཞལ་བལྟས་ནས་རང་གྲོལ་རང་དག་རང་སྟོང་དུ་ངོ་འཕྲོད་པར་བསྒོམ། དེ་ཡང་རྣམ་རྟོག་སེམས་ཡིན། སེམས་སྐྱེ་མེད་མཐའ་དང་བྲལ་བའི་གནད་ཀས་གང་ཤར་ལ་བཟོ་བཅོས་མེད་པར་བལྟས་པས་འཆར་སྒོའི་རང་ཚུགས་ཞིག།སྣང་བ་དང་སྟོང་པ་རིས་སུ་མ་ཆད་པའི་རང་འགྲོས་ལ་འཇོག་པ་དང༌། ཡང་སྐབས་འགར་འཆར་སྒོ་སྣ་ཚོགས་པའི་སྣང་བ་དང་རིག་པ་ཐམས་ཅད་སྒྱུ་མ་ལྟ་བུས་ཤེས་པའི་འདུན་པ་དྲག་པོས་ཨར་ལ་གཏད་ཏེ་བཞག་གོ །དེ་གཉིད་ཁོ་ནས་གེགས་དང་གོལ་ས་སྡུག་བསྔལ་ཐམས་ཅད་ལས་གྲོལ་བར་འགྱུར་རོ། །གསུམ་པ་བོགས་འདོན་ཐེ་ཚོམ་གཅོད་བྱེད་ནི། ཁ་ཅིག་རང་གི་ཉམས་མྱོང་ལ་ཐེ་ཚོམས་མེད་པར་ངེས་ཤེས་ཐག་ཆོད་ཀྱི་བོགས་འདོན་ཡང་གསུང༌། འགའ་ཞིག་ཚད་མེད་གཉིས་ཀྱིས་བོགས་འདོན་ཡང་གསུང༌། དེ་ལས་ཀྱང་འདི་ལྟར་བྱ་སྟེ། ཁྱད་པར་


TNT12_Page_0931
[མ་དཔེ་གཟིགས་ན་འདིར་གནོན།]

དུ་སྣང་བ་སྣ་ཚོགས་དང༌། བདེ་སྡུག་ཆགས་སྡང་གི་ཡུལ་རྣམས་ཀྱི་སྟེང་དུ། སྒྱུ་ལུས་རྨི་ལམ་གྱི་འདུན་པའི་རྩལ་སྦྱོང་དང༌། མི་རྟོག་པ་རྣམས་ཧུར་ཐོན་པ་སྦྱོང་བ་དང༌། གནས་ངེས་མེད། འདུག་སྟངས་ངེས་མེད། འགྲོ་སྡོད་སྤྱོད་ལམ་ངེས་པ་མེད་པ་ལ་ཡང་འདུན་པ་གང་རུང་རེ་ཤུགས་བསྐྱེད་དེ་ཡང་ཡང་བསྒོམ་པ་རྣམས་ཕྱིའི་བོགས་འདོན་ཡིན། རླུང་སེམས་འཇུར་ལ་འདེབས་པའི་ཐབས་རྩ་རླུང་གི་སྦྱོར་བ་དྲག་པོ་ཤི་མེད་ཀོ་མེད་དུ་གཟིར་བ་སྐབས་སྐབས་སུ་བསྒོམ་པ་ནང་གི་བོགས་འདོན་ཡིན། བོགས་འདོན་གཉིས་པོ་དེ་འདྲ་རེའི་མཐར་རིག་པའི་རྩལ་ཆེན་པོ་རེ་འོང་བས། དེ་ལ་ཐག་ཆོད་ཀྱི་ངེས་ཤེས་བསྐྱེད། དེ་བླ་མའི་བཀའ་དྲིན་དུ་ཤེས་ནས་གསོལ་བ་འདེབས། དེ་ལྟར་མ་རྟོགས་པའི་སེམས་ཅན་ལ་སྙིང་རྗེ་རེ་བསྒོམ་པ་ལགས། བོགས་འདོན་དགོས་ན་དེ་ལ་མཛོད། བཞི་པ་ཁྱད་འཕགས་འཆར་སྒོ་ངོས་འཛིན་ནི། རྒྱས་པར་ལོགས་སུ་སྟོན་པའི་ཕྱིར་སྐབས་འདིར་རྒྱས་བཤད་མི་དགོས་མོད། འོན་ཀྱང་འདི་སྐད་ཅེས་གསལ་བའི་འཆར་སྒོ། མི་རྟོག་པའི་འཆར་སྒོ། བདེ་བའི་འཆར་སྒོ། ཟུང་འཇུག་གི་འཆར་སྒོ་སྟེ་བཞི་ཡོད་ལགས། དང་པོ་ནི། འོད་གསལ་ཉམས་ཀྱི་གསལ་ཆ་ལ་གཉིད་དུས་སུ་རྟགས་སྣང་དང༌། ལུས་ཉམས། སེམས་ཉམས་སྣ་ཚོགས་སུ་འཆར་


TNT12_Page_0932
[མ་དཔེ་གཟིགས་ན་འདིར་གནོན།]

བ་ཞིག་ཡིན། གཉིས་པ་ནི། རྣ་བར་ཙི་རོང་བ་དང༌། ཐིབས་ཐིབས་པ་དང༌། འཇིག་འཇིར་གནོན་པའོ། །རླུང་སེམས་དབུ་མར་ཆུད་པ་ཡིན། ཡང་འདར་བ་དང༌། འཕར་བ་དང༌། བརྒྱལ་བ་དང༌། ཡན་ལག་ཕྲལ་སོང་བའང༌། རྩ་མདུད་གྲོལ་བ་ཡིན། གཞན་ཡང་རྣམ་ཤེས་ནམ་མཁའ་ལ་ཡལ་པ་འདྲ་བ་འོང༌། མི་རྟོག་པ་གསལ་སྣང་ཆེན་པོ་ལ་འདར་ཡེར་པ་འདྲ་བའང་འོང༌། དེ་དག་ལ་དགའ་སྤྲོ་དང༌། རློམ་སེམས་བྱུང་ན་དགེ་སྦྱོར་ལ་བོགས་མི་ཐོན། ནད་གདོད་ཀྱི་རྣམ་འགྱུར་ཡིན་པར་བཟུང་ན་གེགས་སུ་འགྲོ་བས། དགའ་མི་དགའ་མེད་པར་བྱུང་རྒྱལ་དུ་བསྐྱང༌། གསུམ་པ་ནི། ལུས་སེམས་བདེ་གསལ་དུ་འཆར་བ་ཡིན། བཞི་པ་ནི་ཉིད་མཚན་ཐམས་ཅད་དུ་འབད་རྩོལ་མེད་པར་འོད་གསལ་འཆར་བ་ལ་ཟེར་རོ། །རྩ་བའི་ལྔ་པ་ཉམས་རྟོགས་ཉིན་མཚན་ཁྱད་པར་ནི། དེ་ཡང་ལྷ་སྐུ་དང་ཐིག་ལེ་སོགས་བློས་བཅོས་ཤིང་གསར་དུ་བསྒོམ་པའི་སྐབས་དེར། གསལ་མི་གསལ་ཇི་ལྟར་བྱུང་ཡང་འོད་གསལ་ཡང་མིན་ལ་ལྷ་སྐུ་རང་ཤར་ཡང་མིན་ནོ། །རིག་པ་བསྒྲིབས་ཏེ་བཞག་པའི་སྐབས་དེར་རྩོལ་བའི་འདུན་རྟོག་དང་བཅས་པ་བཞིན་དུ། སེམས་བག་རེ་གནས་པ་དང༌། བདེ་གསལ་གྱི་ཉམས་ཡོད་པ་སྙམ་བྱེད་པ་ཞིག་འབྱུང་སྟེ། དེ་ཙམ་ཞིག་གཉིད་སད་ཀྱི་གནས་སྐབས་གང་ལ་བྱུང་ཀྱང་འོད་གསལ་དངོས་ནི་མ་


TNT12_Page_0933
[མ་དཔེ་གཟིགས་ན་འདིར་གནོན།]

ཡིན། འོད་གསལ་གྱི་རྒྱུར་འགྲོ་བ་ཙམ་ནི་ཡིན་ནོ། །དེས་ན་ཐུན་ཐུན་མཚམས་གང་ལ་ཡིན་ཀྱང༌། ཁོ་རང་གི་སྐབས་དེར་ཆེད་གཏད་རྩོལ་བ་མ་བྱས་པར་རང་ཤར་བའི་སེམས་གསལ་སྟོང་བདེ་བ་མི་རྟོག་པ་ཤར་བ་དེ་ལ་འོད་གསལ་ཟེར། ཉིན་མཚན་གང་ལ་བྱུང་ཀྱང་ཁྱད་མེད་དོ། །ཡང་ཁོ་རའི་དུས་དེ་ན་བསྐྱེད་འདོད་ཀྱི་བློ་དྲག་པོ་མངོན་གྱུར་མེད་ཀྱང༌། རང་དང་ཕྱི་རོལ་དུ་ལྷ་སྐུ་ལམ་ལམ་ཤར་ཡོད་ན། སྒྱུ་ལུས་ལྷ་སྐུ་རང་ཤར་ཞེས་བྱ་བ་ཡིན། སད་དུས་དང་རྨི་ལམ་ལ་ཁྱད་མེད། ངེད་སྒོམ་ཆེན་པའི་གླེན་གཏམ་མམ། རི་ལ་སྡུག་ཁུར་འདྲ་བྱས་པའི་སྡུག་ཡུས་ཙམ་ལགས་མོད། རྒྱུད་སྡེ་མཁན་པོ་དང་མཁས་པ་རྣམས་བཀྱོན་ཏེ་མཆི། རང་ས་ན་བློ་གཏད་ཐུབ་པ་རེ་མྱོང་ཐོག་ན་བདོག།བཀའ་བཀྱོན་ཀྱང་སྐྲག་རྒྱུ་ཙམ་མི་གདའ། བསྒོམ་ནུས་ན་རང་རེ་ལས་དང་པོ་པ་མཁས་རྨོངས་ཀུན་ལ་ཡང་དཀའ་ཚེགས་ཆེན་པོ་རང་ཡང་མི་དགོས། ཡུན་རིང་དགུག་སྡོད་རང་ཡང་མི་དགོས་པར་འོང༌། རྐྱེན་འབྱུང་དུས་སུའང་ཅུང་ཟད་སླེབ་འོང༌། སེམས་ལའང་ཕན་པས་འཕྲལ་བདེ་ཞིང་སྐྱིད་པར་ཡང་འོང༌། ས་ལམ་མཐོན་པོའི་སྒྱུ་ལུས་དང༌། འོད་གསལ་ཟུང་འཇུག་གི་རྣམ་བཞག་ཙམ་དེ་རང་རེ་ལས་དང་པོ་པས་ལག་ལེན་དུ་ཁེལ་བ་མིན། ད་ལྟ་ལག་ལེན་དུ་ཁེལ་བ་འདི་རྣམས་ཀ་མཐར་དེ་དག་གི་རྒྱུ་གྲུང་པོར་འགྲོ་བ་ཡིན། མྱུ་གུ་ཆུང་ངུ་ནས་ལེགས་


TNT12_Page_0934
[མ་དཔེ་གཟིགས་ན་འདིར་གནོན།]

པར་བསྐྱངས་པས་མཐར་སྟོན་ཐོག་འོང་བ་དང་འདྲའོ། །དེ་ལྟ་བུའི་འོད་གསལ་ལ། ཉམས་ཀྱི་འོད་གསལ་དང༌། རྟོགས་པའི་འོད་གསལ་གཉིས་ཡོད། དེ་གཉིས་ཀ་ལ་ཉིན་མོ་སད་དུས་ཀྱི་འོད་གསལ་དང༌། མཚན་མོ་གཉིད་དུས་ཀྱི་འོད་གསལ་གཉིས་སུ་དབྱེ་བས་བཞི་རུ་སོང༌། བཞི་ག་ལ་སྣང་བཅས་དང༌། སྣང་མེད་གཉིས་གཉིས་སུ་ཕྱེ་བས་བརྒྱད་དུ་འགྱུར། སྣང་བཅས་བཞི་ལ་ཕྱི་དང་འབྲེལ་བ་བཞི་དང༌། མ་འབྲེལ་བ་བཞི་སྟེ་བརྒྱད། སྣང་མེད་བཞི་ལའང༌། སྲབ་མོའི་འོད་གསལ་དང༌། འཐུག་པོའི་འོད་གསལ་གཉིས་གཉིས་ཏེ་བརྒྱད། དེ་ཐམས་ཅད་བསྡོམས་པ་བཅུ་དྲུག་གོ །སློབ་མ་ཉམས་མྱོང་ཤར་བ་ཡིན་ན། དེ་དག་གི་ངོས་འཛིན་ཞིབ་པར་བཤད་ལ། ཁོང་རང་ལ་ཤར་བའི་འོད་གསལ་གང་ཡིན་པ་དེ་ངོ་སྤྲད་དོ། །སློབ་མ་ཉམས་མྱོང་མ་ཤར་བ་དང༌། སྣ་ཚོགས་འདུས་པའི་ཚོགས་པ་ལ། །བཅུ་དྲུག་དབྱེ་བའི་མིང་ཙམ་ཀ་བཤད་པ་དེ་ཀས་ཆོག་གོ །དེ་ལྟར་ན་བསྲེ་བ་དང༌། མཐར་ཐུག་དང༌། རྗེས་ཀྱི་ཆོས་ལྔ་པོ་འདི་དག་ཆོས་དྲུག་ནང་སེལ་གྱི་འོད་གསལ་གྱི་ས་བཅད་དུ་སྡུད་ཡོད་ཀྱང༌། དོན་ལ་གཏུམ་མོ། སྒྱུ་ལུས། རྨི་ལམ། འོད་གསལ་བཞི་ཆར་གྱི་ཁྲིད་བསྐྱངས་ཟིན་པའི་རྗེས་སྐྱོང་བའི་ཁྲིད་ཡིན་པར་ཤེས་སོ། །རྗེས་ཀྱི་ཆོས་འདི་རྣམས་ལ་ཉམས་ལེན་དམིགས་པའི་གནད་གལ་ཆེ་བ་མང་པོ་འདུག་ཀྱང༌། ཕྱིས་རིམ་


TNT12_Page_0935
[མ་དཔེ་གཟིགས་ན་འདིར་གནོན།]

པས་བསྒོམ་རྒྱུའི་གདམས་ངག་ཡིན་པས། ད་ལྟ་འཕྲལ་ཁྱེར་གྱི་དམིགས་སྐོར་དུ་བཅད་པ་ནི་མི་མཛད་པས། ཆོས་མཐུན་མང་ཉུང་ཇི་ཙམ་བྱེད་སྐབས་དང་སྦྱར་རོ། །དེ་ལྟར་ན་དེ་དག་ནི་རྩ་བའི་ཆོས་བཞི་ཞེས་ཀྱང་བྱ། བསྲེ་བ་སྒྱུ་ལུས་ཞེས་ཀྱང་བྱ་སྟེ། བསྲེ་བ་དང་འཕོ་བ་ཞེས་པ་ལ། རྗེ་མར་པ་ལོ་ཙཱའི་གདམས་ངག་སོ་སོ་རྣམས་ན། བསྲེ་བའི་རྣམ་བཞག་མི་འདྲ་བ་མང་པོ་ཡོད་ཀྱང་འདིར་མི་འཆད། གདམས་ངག་འདི་ཉིད་ཀྱི་ལུགས་ལ། གོང་དུ་བཤད་པ་གསལ་སྟོང་བསྲེ་བ་སོགས་བསྲེ་བ་བཞི་དང༌། གཞན་ཡང་བསྲེ་འཕོ་ཤེས་རབ་རྣམ་བཞིའམ་རྣམ་གསུམ་ཞེས་གྲགས་པ་ཡིན། དེ་ལ་ཤེས་རབ་གསུམ་ནི། ལོག་པར་ཤེས་པའི་ཤེས་རབ། ཀུན་རྫོབ་ཤེས་པའི་ཤེས་རབ། དོན་དམ་ཤེས་པའི་ཤེས་རབ་བོ། །དེ་ཡང་ཐབས་ཁྱད་པར་ཅན་གྱིས་བསྒྲུབས་པའི་བདེ་བ་ཆེན་པོའི་དབང་དུ་བྱས་ན། དང་པོར་བདེ་བར་ཤར་ཙམ་ན་ཟག་བཅས་ཆགས་པའི་བློ་ཞིག་ཀྱང་འདུག་པ་དེ་ཕྱིན་ཅི་ལོག་ཤེས་པ་ཡིན། དེ་རང་དུ་སེམས་སྒྱུ་མ་ལྟ་བུའི་བདེ་བར་ཤར་བ་དེ་ཀུན་རྫོབ་ཤེས་པ་ཡིན་པས། ལོག་པ་དེ་ཀུན་རྫོབ་ཤེས་པའི་ཤེས་རབ་ལ་བསྲེ་བ་ཡིན། དེ་ཡང་བཟོ་མེད་དབྱིངས་སུ་ཤར་བ་དེ་དོན་དམ་ཤེས་པ་ཡིན་ཏེ། ཀུན་རྫོབ་དེ་དོན་དམ་ཤེས་པའི་ཤེས་རབ་ལ་བསྲེ་བ་ཡིན། གང་ཤར་ཐམས་ཅད་ཀྱི་སྟེང་དུ་དབྱིངས་ཤར་དེ་ངོས་བཟུང་


TNT12_Page_0936
[མ་དཔེ་གཟིགས་ན་འདིར་གནོན།]

དེ་ཡེ་ཤེས་དང་ཅིར་སྣང་བ་བསྲེ་བ་ཡིན། དེ་མཚོན་ནས་སད་དུས་ཀྱི་སྣང་བ་བུན་ལོང་ཤར་བ་ཙམ་འདི་ལོག་པའི་ཤེས་པ། དེ་སྒྱུ་མར་ཤར་བ་ཀུན་རྫོབ་ཤེས་པ། སྒྱུ་མར་འཛིན་པ་དང་བྲལ་བའི་རང་འགྲོས་དེ་དོན་དམ་ཤེས་པ། དེ་གང་ཤར་གྱི་སྟེང་དུ་ཁྱེར་བ་དེ་ཡེ་ཤེས་དང་ཅིར་སྣང་བསྲེ་བའོ། །ཡང་རྨི་ལམ་ཤར་ཙམ་དེ་ལོག་པ། དེ་རྨི་ལམ་དང་སྒྱུ་མར་ཤེས་པ་ཀུན་རྫོབ། རྒྱུ་འཛིན་བྲལ་བ་དོན་དམ། དེ་གཉིད་སད་སོགས་ཀུན་ཏུ་ཁྱེར་བ་དེ་ཡེ་ཤེས་དང་ཅིར་སྣང་བསྲེ་བའོ། །གཉིད་འཐུག་པོ་དྲན་མེད་དུ་མེད་དུ་ཐིབས་སོང་བ་དེ་ལོག་པ། དེ་ལ་བདེ་གསལ་དུ་དྲན་པ་སླེབ་པ་དེ་ཀུན་རྫོབ། དེ་རང་བཞིན་བཟོ་མེད་དུ་འདུག་པ་དོན་དམ། དེས་སད་དུས་དང་རྨི་ལམ་རྒྱས་ཐེབས་པ་དེ་ཡེ་ཤེས་དང་ཅིར་སྣང་དབྱེར་མེད་དོ། །ཤེས་རབ་བཞིར་བྱེད་པ་ལྟར་ན་ཡེ་ཤེས་ཅིར་སྣང་དབྱེར་མེད་ལ། ཟུང་འཇུག་ཤེས་པའི་ཤེས་རབ་བཅས་མིང་འདོགས། སྒྱུ་ལུས་རྨི་ལམ་སྐབས་ཀྱི་རང་ཤར་ལྷ་སྐུ་ནི་ཀུན་རྫོབ་དོན་དམ་ཟུང་འཇུག་གསུམ་ཁའི་ཆ་རུ་ཡོད་གསུང༌། ཡང་ཐབས་ལམ་གྱི་བདེ་བ་སྒྱུ་ལུས་དང་བསྲེ། འོད་གསལ་གྱི་བདེ་སྟོང་རྨི་ལམ་དང་བསྲེ། སྒྱུ་ལུས་དང་རྨི་ལམ་ཕན་ཚུན་དུ་བསྲེ་ཞེས་ཀྱང་གསུང་སྟེ། བསྲེ་བའི་དོན་དབྱེར་མེད་དུ་ལམ་དུ་ཁྱེར་བའི་དོན་ལགས་པས་སོ། །གཞན་ཡང་བསྲེ་བའི་གཞི་གནས་ཐབས་བཤད་ན། སྐབས་


TNT12_Page_0937
[མ་དཔེ་གཟིགས་ན་འདིར་གནོན།]

འདིར་འདི་དག་གོ་དགོས་ཏེ། འཁོར་བ་པ་རྣམས་ཀྱི་འཁྲུལ་བ་ཐམས་ཅད་བསྡུ་ན་བཞི་སྟེ། གཉིད་སད་དུས་དང༌། གཉིད་འཐུག་པོ་དང༌། རྨི་ལམ་དང༌། གཉིས་སྦྱོར་གྱི་ཆགས་རྟོག་སྟེ་བཞི་པོ་དེར་འདུས། བཞི་པོ་དེ་གཞི་ཆོས་དབྱིངས་ཀྱི་སྐུ་གསུང་ཐུགས་བདེ་བ་ཆེན་པོ་བཞི་ལ་སྒྲིབ་པ་ཡིན། ལམ་གྱི་ཡེ་ཤེས་སྣང་སྟོང་དང༌། རིག་སྟོང་དང༌། གསལ་སྟོང་དང༌། བདེ་སྟོང་བཞི་པོས་རིམ་གྱིས་སྒྲིབ་པ་དེ་རྣམས་སེལ་བ་ཡིན། འདིའི་སྐབས་ཀྱི་རིག་སྟོང་ནི་མི་རྟོག་པ་ལ་ཟེར། དེ་དག་གི་གཙོ་བོ་ཡང་རིམ་པས་སྒྱུ་ལུས་དང༌། འོད་གསལ་དང༌། རྨི་ལམ་དང༌། གཏུམ་མོ་རྣམས་ཡིན། དེ་རྣམས་བསྒོམས་པ་ལས་འབྲས་བུ་མཐར་ཐུག་ནི། སྤྲུལ་སྐུ། ཆོས་སྐུ། ལོངས་སྐུ། བདེ་ཆེན་གྱི་སྐུ་སྟེ། སྐུ་བཞི་མངོན་དུ་འགྱུར་རོ། །ཡང་ཡེ་ཤེས་ལྔ་དང་སྦྱོར་ན། སྒྱུ་ལུས་མེ་ལོང་ལྟ་བུ། འོད་གསལ་མཉམ་པ་ཉིད། རྨི་ལམ་སོ་སོར་རྟོག་པ། གཏུམ་མོ་ཆོས་ཀྱི་དབྱིངས་ཀྱི་ཡེ་ཤེས་སྒྲུབ་པའི་ལམ་ཡིན་བསྲུང་བར་ཐམས་ཅད་འདྲ་ལ། བྱ་གྲུབ་ནི་ཆོས་བཞི་ཆར་གྱི་འབྲས་བུ་སྤྱི་ལ་སྦྱོར་གསུང་བ་དང༌། སོར་རྟོག་བྱ་གྲུབ་གཉིས་ཀར་རྨི་ལམ་ལ་སྦྱོར་གསུང་བའང་འདུག་སྟེ་མན་ངག་གསུང་རྒྱུན་ལས། ལས་རྒྱ་བྱ་གྲུབ་ཀྱི་ལམ་དུ་འཆད། འོན་ཀྱང་ཐམས་ཅད་ལ་མི་འགལ་ལོ། །ལྔ་པ་འཕོ་བ་མ་བསྒོམས་སངས་


TNT12_Page_0938
[མ་དཔེ་གཟིགས་ན་འདིར་གནོན།]

རྒྱས་ལ། གཞུང་གི་འཕོ་བ་དང༌། ལྷན་ཐབས་ཀྱི་མན་ངག་གཉིས་ཡོད་པ་ལས། དང་པོ་ལ། གཞུང་ལས། ཆོས་སྐུ་དེ་བཞིན་ཉིད་ཀྱི་འཕོ་བ། ཟུང་འཇུག་ཡི་དམ་གྱི་འཕོ་བ། བྱིན་རླབས་བླ་མའི་འཕོ་བ། འཆུག་མེད་མཁའ་སྤྱོད་ཀྱི་འཕོ་བའོ། །དང་པོ་ནི། འཆི་བ་འོད་གསལ་མ་བུ་ངོ་འཕྲོད་ན། གཞན་རྣམས་ལ་འཆི་སྲིད་འབྱུང་རྒྱུ་དེ། རྣལ་འབྱོར་པ་ལ་འོད་གསལ་བདེ་སྟོང་དུ་རང་ཤར་བས་གོང་དུ་འཕོ་བའི་གདམས་ངག་ལ་མ་ལྟོས་ཏེ། དུས་དེ་ཉིད་དུ་རང་གྲོལ་བའོ། །འདི་ལ་དམིགས་པ་ལོགས་པ་མེད་པས་དམིགས་སྐོར་ལ་མི་བགྲང་ངོ༌། །གཉིས་པ་ཟུང་འཇུག་ཡི་དམ་གྱི་འཕོ་བ་ནི། སྔོན་འགྲོ་རྣམས་སྔར་སྒྱུ་ལུས་སྐབས་དང་འདྲ་བ་ལས། བར་དོར་སངས་རྒྱས་པ་མཛད་དུ་གསོལ། །ཞེས་གསོལ་འདེབས་ཀྱི་མཐའ་བསྒྱུར་བ་ཙམ་གྱི་ཁྱད་པར་རོ། །རང་ལྷར་གསལ་བའི་སྤྱི་བོའི་སྟེང་གི་ནམ་མཁའ་ལ་རང་གང་མོས་པའི་ཡི་དམ་དེ་བསྒོམ་གསུང༌། སྤྱིར་དེ་ལྟར་ཡིན་ཡང་དེས་ཁྲིགས་མ་བྱས་ན། མི་བླུན་པོའི་ཡི་དམ་ལ་ཚད་གཟུང་མི་ཡོང་བས། སྐབས་འདིར་འཁོར་ལོ་སྡོམ་པའམ། དགྱེས་མཛད་གང་རུང་ཞིག་རང་གི་སྤྱི་བོའི་མདའ་གང་ཙམ་གྱི་སྟེང་གི་ནམ་མཁའ་ལ་བསྒོམ། རང་གི་ལུས་ཀྱི་དབུས་སུ་དབུ་མ་ཁ་དོག་དཀར་བ་སྔར་བཤད་པ་རྣམས་དང་འདྲ་བ་ལ། མར་སྣ་གསང་བར་ཟུག་པ་ཁ་ཟུམ་པ། ཡར་སྣ་སྤྱི་བོ་ཚངས་བུག་ལ་རེག་པ། སྤྱི་བོ་ཚངས་བུག་ཏེ།


TNT12_Page_0939
[མ་དཔེ་གཟིགས་ན་འདིར་གནོན།]

དབུ་མའི་ཁ་དང་རྒྱ་ཁྱོན་མཉམ་པ། རྒྱ་མཐོངས་ཁ་བྱེ་བ་བཞིན་དུ་སྐྱ་ཐལ་ལེ་ཡོད་པ་ཞིག་བསྒོམ། དབུ་མའི་ནང་ལྟེ་བར་རང་སེམས་ཨ་དཀར་པོ་དང༌། མས་སྣར་ཡི་དམ་གྱི་ས་བོན་ཧཱུཾ་སྔོན་པོ་རླུང་གི་རང་བཞིན་ཞིག་གསལ་བཏབ༌། དེ་མཚམས་རླུང་རོ་བསལ་ནས་འཇམ་རླུང་བག་ཙམ་བཟུང༌། ལྟེ་བའི་ཨ་དང་གསང་བའི་ཧཱུཾ་ལ་སེམས་དྲག་ཏུ་གཏད། ཡང་རླུང་ཕྱིར་བསལ་བའི་དུས། ཁ་ནས་འབུད་ན་ཧིག་རིང་པོ་དང༌། སྣ་ནས་འབུད་ན་ཧཱུཾ་རིང་བྱེད་དམ་སྒྲ་མེད་ཀྱི་ཚུལ་གྱིས་རླུང་ཤུགས་བཀྱེད་དེ་བསལ། དེར་སྐབས་མས་སྣའི་ཧཱུཾ་ཤུགས་དང་ལྡན་པ་དེས་ལྟེ་བའི་ཨ་ཡར་ཁྱེར་ཏེ། ཡི་གེ་ཉིས་བརྩེགས་དེ་དབུ་མའི་ལམ་ནས་བརྒྱུད། སྤྱི་གཙུག་ཚངས་པའི་བུ་ག་ནས་རྒྱངས་ཏེ་ཐོན་ཏེ་ཡི་དམ་གྱི་ཐུགས་ཀར་སླེབ། དེར་གང་ཡང་མི་བསམ་པར་དྲན་མེད་ཐབས་སུ་ཅུང་ཟད་བཞག།སྐབས་དེར་རླུང་ཡང་རང་བབས་སོ། །དེ་ལྟ་བུ་བསྐྱར་གྱིན་ལན་བདུན་ཙམ་བསྒོམ། དེ་རྗེས་ཡི་དམ་གྱི་ཐུགས་ཀ་ནས་ཡི་གེ་ཉིས་བརྩེགས་ཐུར་ལ་རྒྱང་གིས་བྱུང༌། སྤྱི་བོ་ནས་ཞུགས་དབུ་མའི་ལམ་ནས་བརྒྱུད་དེ་སོང༌། ཨ་ཡིག་ལྟེ་བར་བསྡད། ཧཱུཾ་ཡིག་གསང་བར་སོང་སྟེ་ལྗིད་དང་ལྡན་པར་བསམ། དམིགས་པ་ཐུན་ཆུང་གཅིག་གོ །དེ་ལྟར་ཡང་ཡང་བསྒོམ། ཐུན་འཇོག་ཁར་ཡིག་འབྲུ་གཉིས་པོ་སྔར་བཞིན་མ་ཕབ་པའི་རྗེས་ལ། ཡི་དམ་འོད་དུ་ཞུ་ནས་རང་ལ་ཐིམ། ཧཱུྃ་སྔོན་པོ་ལས་འཕྲོས་པའི་


TNT12_Page_0940
[མ་དཔེ་གཟིགས་ན་འདིར་གནོན།]

འོད་ཀྱི་ཁ་གཅོད་ལྟ་བུས་སྤྱི་བོའི་ཚངས་བུག་འགྲིག་པོར་བཀག་པར་བསམ། དེ་ཉིད་འཕོ་བའི་རྟགས་བྱུང་བྱུང་གི་བར་དུ་བསྒོམ། དེ་ནས་ཀྱང་ཉིན་རེར་དམིགས་པ་ལན་རེ་ཙམ་བསྒོམ་མོ། །དམིགས་སྐོར་ང་གཅིག་པའོ། །གསུམ་པ་བྱིན་རླབས་བླ་མའི་འཕོ་བ་ནི། སྔོན་འགྲོ་སྔ་མ་དང་འདྲ། དངོས་གཞིའི་སྐབས་སུ་ཡང་རྩ་དབུ་མ་སྔར་བཞིན་བསྒོམ། དབུ་མའི་ནང་ལྟེ་བར་ཐིག་ལེ་དཀར་པོ་གསུང་བ་དང༌། སེར་པོ་གསུང་བ་སོགས་ཅི་རིགས་ཡོད་ཀྱང༌། ལག་ལེན་དུ་དཀར་ལ་སེར་བའི་མདངས་ཆགས་པ་འོད་འཕྲོ་བ། ནོར་བུ་ཀེ་ཀེ་རུ་དང་འདྲ་བ། ཟླུམ་ཞིང་འགྲིལ་བ་བོངས་ཚོད་སྲན་རྡོག་ཙམ་ཞིག་གསལ་འདེབས། རླུང་སྦྱོར་ཡང་སྔ་མ་དང་འདྲ། ཐིག་ལེ་དཀར་སེར་དེ་སྤྱི་གཙུག་ནས་ཡར་རྒྱང་ཐོན་ཏེ། བླ་མའི་ཐུགས་ཀར་ཐིམ་དེ་ལྟར་དམིགས་པ་བསྐྱར་གྱིན་ལན་བདུན་སོང་བ་ན། མར་འབེབས་པའི་དམིགས་པ་བྱེད་དེ། ལྟེ་བར་ཐིག་ལེ་ལྗིད་དང་ལྡན་པ་ཉམས་བདེ་བ་ཞིག་བསྒོམ། དེ་ལྟ་བུ་ཐུན་ཆུང་གཅིག་སྟེ་དེ་ཉིད་བསྐྱར་གྱིན་བསྒོམ། ཐུན་འཇོག་ཁར་རླུང་སེམས་ལྟེ་བར་ཕབ་པའི་རྗེས་སུ། བླ་མ་ལ་མོས་གུས་དུང་བ་བྱས་པས་བླ་མ་འོད་དུ་ཞུ། སྤྱི་གཙུག་ཚངས་པའི་བུ་ག་ནས་ཞུགས་ཏེ་ཐིམ་པས་ལུས་སེམས་བདེ་བས་ཁྱབ། སྤྱི་བོ་ཚངས་པའི་བུ་ག་དེ་ཡང་ཐིག་ལེ་དཀར་པོ་གཅིག་གི་བཀག་པར་བསམ། ཚུལ་དེ་ལྟ་བུར་རྟགས་


TNT12_Page_0941
[མ་དཔེ་གཟིགས་ན་འདིར་གནོན།]

བྱུང་བྱུང་བསྒོམ། དེ་ལྟར་འཕོ་བ་དེ་གཉིས་ཀ་ལ་ཡང་ལས་ལ་སྦྱོར་བའི་སྐབས། ཡར་འཕོ་བ་འབའ་ཞིག་བསྒོམ་གྱི་མར་འབེབས་པ་མི་དགོས་ལ། ཐུན་མཚམས་སུ་སྒོ་བཀག་པ་ཡང་མི་དགོས་སོ། །དམིགས་སྐོར་ང་གཉིས་པའོ། །བཞི་པ་འཆུག་མེད་མཁའ་སྤྱོད་ཀྱི་འཕོ་བ་ནི། སྤྱིར་དཀྱུས་ཀྱི་མན་ངག་གི་བསྡེབས་ཡིན་ཀྱང་ཤིན་ཏུ་བཀའ་གཉན་ཅེས་གསུང་ནས་བཀའ་རྒྱ་ཅན་དུ་མཛད་དེ་ཚོགས་སུ་མི་གསུང༌། དེ་བས་ན་ལོགས་སུ་ཤེས་པར་བྱའོ། །དཀྱུས་ཀྱི་ས་བཅད་ཀྱིས་བསྡུས་པ་མ་ཡིན་ཀྱང༌། ཡེ་ཤེས་མཁའ་འགྲོ་མ་ཉིད་ཀྱི་གསུང་འཕོ་བ་བསྡུས་པ་གཞན་ཡང་རིགས་ལྔ་ཙམ་ཡོད་དོ། །གཉིས་པ་ལྷན་ཐབས་ཀྱི་མན་ངག་ནི། སྐབས་འདིར། གཞུང་ནས་འཕོ་བ་མང་པོ་བཤད་ཀྱང༌། ལག་ལེན་ཡེ་ཤེས་སྐར་ཁུང་མ་ལ་བྱེད་གསུང༌། གཞུང་འཕོ་རྣམས་ལའང་ལག་ལེན་ཡེ་མི་མཛད་པ་ཡིན་མོད། འདི་ལ་ཕྱག་ལེན་གཙོ་ཆེར་མང་དུ་འདེབས་པ་ལ་དགོངས་པའོ། །འདི་ལ་སྦྱང་བ་དང་ལས་ལ་སྦྱར་བ་གཉིས་ཡོད། དང་པོ་སྦྱང་བ་ནི། སྔོན་འགྲོ་སྔར་དང་འདྲ། བླ་མ་འོད་དུ་ཞུ་ནས་རང་ལ་ཐིམ་པའི་རྗེས་སུ། རང་ལུས་ལྷ་སྐུ་ཁོང་སྟོང་དུ་བསམ། རྩ་དབུ་མ་ཡང་ཡིད་དམ་གྱི་འཕོ་བའི་སྐབས་སུ་བཤད་པ་བཞིན་བསྒོམ། དབུ་མའི་ནང་ལྟེ་བའི་ཐད་དུ་ཆོས་འབྱུང་གྲུ་གསུམ་


TNT12_Page_0942
[མ་དཔེ་གཟིགས་ན་འདིར་གནོན།]

དཀར་པོ། རྩ་བ་ཕྲ་བ་ཐུར་བསྟན། གདེངས་ཀ་གྱེན་བསྟན། ཟུར་གཅིག་མདུན་ལ་བསྟན་པ། རྒྱབ་གཞུང་གི་ངོས་ལ་ལོགས་གཅིག་བསྟན་པར་བསྒོམ། དེའི་དབུས་སུ་རྟེན་གང་ལ་ཡང་མ་རེག་པའི་ཨ་ཡིག་དཀར་པོ། སྲན་ཆུང་ངམ། ཡུངས་འབྲུའི་ཚད་གསལ་འདེབས། ཚད་ཆེ་ཆུང་མ་གཏོགས་ཆོས་འབྱུང་དང་ཨ་ཡིག་གི་བཞུགས་ཚུལ་སྟོང་རའི་སྐབས་དང་འདྲ། དེ་རྗེས་རླུང་རོ་བསལ། རླུང་བུམ་ཅན་ཤུགས་དྲག་པོ་ཡུན་ཐུང་ཙམ་ཅིག་བཟུང༌། ལྟེ་བའི་ཨ་ལ་སེམས་དྲག་ཏུ་གཏད། རླུང་བཟུང་བའི་ངང་དེ་ཀ་ནས་ལྟོ་བ་ཚིགས་པའི་ཕྱོགས་ལ་ཅུང་ཟད་གཅེར་ཙམ་དང༌། ཨ་དཀར་པོ་དེ་འཕར་ཙམ་བྱུང་ནས་ཡང་སྔར་ཤུལ་དུ་བསྡད། དེ་བས་ཅུང་ཤུགས་ཆེ་བས་གཅེར་བ་ན། ཡང་སྔར་ལས་མཐོ་ཙམ་འཕར་བ་ལས་སྔར་གྱི་སར་བསྡད། ཡང་དེ་འཕྲལ་སྐད་ཅིག་ལ་དྲག་ཏུ་གཅེར་ཏེ་ཐུབ་ཚད་དུ་བསྡད་པས། རླུང་སྟོང་དུ་ཁོང་གིས་འགྲིལ་ཡོང༌། དམིགས་པ་ཆོས་འབྱུང་གི་ཁ་ཐག་གིས་བརྡབས་པས། དེ་རླུང་གིས་བདས་པ་བཞིན་དུ་རང་སེམས་ཨ་དཀར་པོ་དེ་མདའ་འཕངས་པ་བཞིན་དུ་དབུ་མའི་ལམ་བརྒྱུད་སྤྱི་བོ་ཚངས་བུག་ནས་ཐོན། །ནམ་མཁའ་ལ་ཡེ་རེ་རེ་སོང༌། དབྱིངས་མཐོན་པོ་མཐོན་པོར་སླེབས་ནས་ནམ་མཁའ་ལ་ཡལ་བར་བསམས་ཏེ། དབྱིངས་དང་ནམ་མཁའ་རིག་པ་གསུམ་དབྱེར་མེད་དུ་འདྲེས་པ་ལ་ཧུད་དེ་བཞག །དམིགས་པ་དེ་ལྟ་བུ་བསྐྱར་གྱིན་ལན་


TNT12_Page_0943
[མ་དཔེ་གཟིགས་ན་འདིར་གནོན།]

བདུན་ཙམ་བསྒོམ། ཡང་འབེབས་པ་ནི་ནམ་མཁའི་དབུས་སུ་ཨ་དཀར་པོ་ཞིག་ལམ་ཏེ་གྲུབ། དེ་མར་བབ་པ་སྤྱི་བོ་ཚངས་བུག་ནས་ཞུགས། དབུ་མའི་ནང་ནས་མར་ལམ་ལམ་ལམ་དལ་བུས་བབས། ལྟེ་བའི་ཆོས་འབྱུང་གི་དབུས་སུ་བརྟན་ཅིང་བརྗིད་དང་ལྡན་པའི་ཚུལ་གྱིས་སྒྲིང་ངེ་འདུག་པར་བསམ་དེ་ཐུན་ཆུང་གཅིག་ཡིན། དེ་ལྟར་ཡང་ཡང་བསྒོམ། ཐུན་ཆེན་རེའི་ནང་དུ་ཐུན་ཆུང་ངེ་འདྲ་ཉེར་གཅིག་གམ། བཅུ་གཅིག་གམ་བདུན་ཙམ་རེ་བྱེད། དེ་ལྟ་བུའི་ཐུན་བཞིའམ་དྲུག་སོགས་བྱས་ན་རྟགས་མྱུར་དུ་འོང་སྟེ། རྩོལ་བ་ཆེ་ཆུང་གི་རིམ་པས་ཞག་བདུན་ནམ། ཟླ་ཕྱེད་དམ། ཟླ་གཅིག་ཙམ་ལ་རྟགས་རབ་འབྲིང་ཐ་མ་གསུམ་གང་རུང་ཞིག་འབྱུང་བར་ཐེ་ཚོམ་མེད་དོ། །དེ་ཡང་རྟགས་རབ་སྤྱི་བོ་འབུར་བ་བརྡོལ་ཏེ་ཆུ་སེར་སོགས་བྱུང་ནའང་ཡིན། དམིགས་པ་བཏང་རེས་ཀྱི་ལྟག་པའི་རྩ་གཉིས་རེངས་ཤིང༌། མིག་སྦྲིད་ཆིལ་བ་དང༌། དྲན་མེད་དུ་འགྲོ་ཚད་པ་བྱུང་ན་ཡིན། འབྲིང་ནི་སྤྱི་བོ་འབུར་བ་ཙམ་དང༌། མདུན་རྩེ་ཆུང་གི་རྩ་རྒྱངས་པ་ལྟ་བུའོ། །ཐ་མ་སྤྱི་བོ་ཟ་ཞིང་འགུལ་ལ་འཁྲིགས་པ་འོང༌། དེས་མི་ཡོང་གོང་མ་གཉིས་གང་རུང་གཅིག་རང་དགོས། གསུང༌། དམིགས་པ་གསལ་ཤོས་གཅིག་ལ་འདི་བསྒོམ་ཙམ་ན་ཡུན་རིང་དུ་དྲན་མེད་དུ་བརྒྱལ་བ་འབྱུང་སྟེ། དེ་ལ་རིན་པོ་ཆེའི་སྣོད་བྱང་མས་སྤྱི་གཙུག་བཀབ་ན། ཐལ་བའི་ཉེས་


TNT12_Page_0944
[མ་དཔེ་གཟིགས་ན་འདིར་གནོན།]

པ་མི་འབྱུང་གསུང༌། འོན་ཀྱང་དེ་འདྲའི་རིགས་ལ་ཚིགས་པ་བརྡུང་བ་དང་འབེབས་ཀྱིས་ཕབ་ན་ལེགས་སོ། །དེ་ལྟར་རྟགས་བྱུང་ནས་ཉིན་རེ་བཞིན་དམིགས་པ་ཚར་རེ་བསྒོམ་དགོས། སྤྱིར་ད་ལྟ་འཕོ་བས་རྩ་ལམ་འབྱོངས་ན། ནམ་ཞིག་འཆི་ཚེ་འཕོ་བའི་གསལ་འདེབས་མེད་ཀྱང༌། སྔར་རྩ་སྒོ་བྱེ་ཞིང་རྩ་ལམ་བྱང་བ་དེ་ཉིད་ནས་ཕལ་ཆེར་འགྲོ་ཡང་རེ་རེ་ཙམ་མ་ངེས་པ་ལས་གསལ་འདེབས་བྱུང་ན་འཆུག་པ་མེད། སྒོམ་འཕྲོ་བཞག་ནས་ཡུན་རིང་ལོན་ན། དགོས་དུས་གསལ་མི་ཐེབས་པ་ཡང་སྲིད་པས། ད་ལྟ་སྦྱངས་པའི་རྒྱུན་མི་ཉམས་པའི་ཕྱིར་ཐུན་རེ་བསྒོམ་པ་ཡིན། ལྷག་མ་སྒྱུ་ལུས་སོགས་བསྒོམ་པ་ཁེ་ཆེའོ། །ལས་ལ་སྦྱར་བ་ནི་སྔར་བཤད་པ་དང་འདྲ་སྟེ། མྱུར་དུ་འཆི་བའི་རྟགས་ངེས་པ་ཅན་བྱུང་ན། ཡོ་བྱད་ལ་མ་ཆགས་པར་བྱ། རང་གང་མོས་པ་ལ་མཆོད་འབུལ་དང༌། སྦྱན་གཏོང་བྱེད། ཁོན་དང་སེལ་ཡོད་པ་རྣམས་ལ་དངོས་དང་བརྒྱུད་པའི་སྒོ་ནས་བཤགས་སྦྱང་བྱ། ཉེ་དུ་སོགས་ལ་ཆགས་པའི་བློ་སྤངས་ཏེ། འབྲེལ་ཐག་བཅད་ནས་བསྒོམ་དགོས་སོ། །འདིར་རྫས་ཀྱི་འཕོ་བའང་བཤད་པ་འགྲུབ་ན་ནི་ལེགས། མེད་ཀ་མེད་ནི་མིན་ནོ། །དམིགས་སྐོར་ང་གསུམ་པའོ། །དེ་ཡང་ཆད་ལ་གཏུམ་མོའི་སྐབས་སུ་རྩ་དབུ་མ་དམར་པོར་བསྒོམ། གཞན་རྣམས་ལའང་ཕྱི་དཀར་ནང་དམར་སོགས་ཁྲིད་ཡིག་རྣམས་སུ་མི་འདྲ་བ་ཅི་རིགས་བཤད་ཀྱང་ལག་ལེན་དུ་དཀར་པོ་ཁོ་ན་མཛད། ཡེ་ཤེས་སྐར་ཁུང་མ་ལ་ཆོས་


TNT12_Page_0945
[མ་དཔེ་གཟིགས་ན་འདིར་གནོན།]

འབྱུང་གི་སྟབས་དབུ་མ་ཅུང་ཟད་སྦོམ་པར་བསྒོམ་དགོས། ཐིག་ལེ་དབང་བཞིའི་གནད་ལའང་དེ་དང་འདྲ། ཆོས་འབྱུང་ཡང་ཕྱི་དཀར་ནང་དམར་སོགས་ཅི་རིགས་བཤད་མོད་དེ། བར་དོའི་སྐབས་མ་གཏོགས། ཆོས་དྲུག་གཞུང་གི་དམིགས་པའི་ཆོས་འབྱུང་ཐམས་ཅད་དཀར་པོ་ཁོ་ནར་མཛད་པ་ཞལ་རྒྱུན་ཡིན། ཐབས་ལམ་དང་འོད་གསལ་གྱི་སྐབས་ན་ལུས་ཐམས་ཅད་དབུ་མས་ཁྱབ་པར་བསྒོམ་ལུས་རེ་ཡིག་རྙིང་ཀུན་ན་བཤད་མོད་ཀྱང༌། ལས་དང་པོ་པའི་སྐབས་ན་དེ་རང་ཕན་ཆུང་མི་དགོས་གསུང་སྟེ་ཁྲིད་ཀྱི་དཀྱུས་ལ་མི་མཛད་དོ། །དྲུག་པ་བར་དོ་རྒྱལ་བ་ལོངས་སྐུ་ནི་རྣམ་པ་བཞི་སྟེ། རབ་བར་དོ་དང་པོའི་འོད་གསལ་ཆོས་སྐུ་རང་ཤར། འབྲིང་རྒྱལ་བ་ལོངས་སྐུ་རང་ཤར། ཐ་མ་སྤྲུལ་སྐུ་འགག་མེད་རང་ཤར། སྤྱིར་གནད་འཆུག་མེད་ཀྱི་གདམས་ངག་སྟེ། ས་བཅད་བཞི་ཡོད་ལ། དེའི་དང་པོ་ནི། གོང་འཕོ་བྱ་འཕོ་བྱེད་དང་བྲལ་བ་དང་དོན་གཅིག་སྟེ། དེ་ཡང་བར་དོ་དང་པོ་ཞེས་པ་ནི། འོད་གསལ་མ་བུ་འདྲེས་པའི་ཡེ་ཤེས་འཆི་སེམས་བདེ་སྟོང་འོད་གསལ་དུ་གནས་གྱུར་པ་དེ་ཡིན་ཏེ། བར་དོའི་དང་པོར་བྱུང་བས་སོ། །དེ་ལ་འཆི་བ་ཆོས་སྐུ་ཞེས་བྱ། དེ་ལས་ལངས་པ་ན་ཐ་མལ་པ་རྣམས་ལ་བར་དོ་འབྱུང་བའི་དོད་ལ་ལྷ་སྐུ་སྒྱུ་མ་ལྟ་བུ་རང་ཤར་དུ་འབྱུང་བ་དེ་ལ་འོད་གསལ་རང་ཤར་ཟེར། འོད་གསལ་ལས་རང་ཤར་བའི་གོ་བ་ཡིན་


TNT12_Page_0946
[མ་དཔེ་གཟིགས་ན་འདིར་གནོན།]

ནོ། །དེ་ཡང་སད་དུས་སུ་བདེ་སྟོང་དང་ལྷ་སྐུ་རྒྱུན་མི་འཆད། གཉིད་འཐུག་པོ་ཐམས་ཅད་འོད་གསལ་དུ་ཆུགརྨི་ལམ་གྱི་རྩལ་སྦྱོང་ཟད་པ་ཡང་མེད་ལ་དག་སྣང་ལྷ་སྐུར་རང་ཤར་བའི་གང་ཟག་དེ་ལ་བར་དོ་དང་པོའི་འོད་གསལ་རང་ཤར་ཆོས་སྐུ་འདི་འབྱུང་བ་ཡིན་ནོ། །འདི་ལ་དམིགས་པ་ལོགས་པ་མེད། སྐབས་འདིར་དེ་དག་གི་རྣམ་བཞག་རྒྱས་པར་འཆད་འདོད་ན་ཆོས་ཐུན་གཅིག་གཉིས་སོགས་ཇི་ལྟར་འོས་པ་བྱེད། གཉིས་པ་འབྲིང་རྒྱལ་བ་ལོངས་སྐུ་རང་ཤར་ནི། སྔོན་འགྲོ་བབས་སྒྱུ་ལུས་དང་འདྲ་བ་ལས། བར་དོ་ལོངས་སྐུ་ཐོབ་པར་མཛད་དུ་གསོལ་ཅེས་མཐའ་བསྒྱུར། བླ་མ་རང་ལ་ཐིམ་པའི་རྗེས་སུ། རང་དང་སྣང་བ་ཐམས་ཅད་ལ་བལྟས་ཏེ། སྲིད་པ་བར་དོ་དངོས་ཡིན་སྙམ་པའི་འདུན་པ་ཡང་དྲག་པོ་སྦྱངས། འགྲོ་དྲུག་འཁོར་བའི་སྡུག་བསྔལ་དང༌། ཆགས་སྡང་ཉོན་མོངས་ཀྱི་ཉེས་དམིགས་དྲན་པའི་སྐྱོ་ཤས་དྲག་པོ་ཡང་བྱ། བར་དོའི་སྐབས་འདིར། འཁྲུལ་ན་འཁྲུལ་ཚབས་ཆེ་སྟེ་ཆགས་སྡང་གི་རྣམ་རྟོག་རེ་རེས་ཀྱང་སྐད་ཅིག་ལ་དམྱལ་བར་ཡང་བསྐྱུར་རུང༌། ལམ་བསྒོམས་ན་གྲོལ་ཚབས་ཀྱང་ཆེ་སྟེ། ད་ལྟ་སད་དུས་སུ་ལོ་ཟླར་བསྒོམས་པ་ལས་ཀྱང༌། འདིར་དར་ཅིག་རེ་བསྒོམས་པ་ཡང་བོགས་དང་ཆོད་ཆེ་བ་ཡིན། ད་ཉོན་མོངས་ཀྱི་དབང་དུ་མི་གཏོང་བར་མ་འཁྲུལ་བ་ཞིག་བྱེད་དགོས། བླ་མས་གནང་བའི་རྒྱལ་བ་ལོངས་སྐུ་


TNT12_Page_0947
[མ་དཔེ་གཟིགས་ན་འདིར་གནོན།]

བསྒོམ་པར་བྱ་སྙམ་དུ་བསམ། སྟོང་པའི་ངང་ལས་རང་གི་མདུན་དུ་ཆོས་འབྱུང་སྔོན་པོ་རྩ་བ་ཕྲ་ཞིང་གདེངས་ཁ་གྱེན་དུ་བསྟན་པ་ཞིག་བསྒོམ། འདིར་རང་བཞིན་མ་རྟོགས་པ་རྣམས་ལ་མའི་མངལ་དུ་འདུག། རྟོགས་པ་རྣམས་ལ་འོག་མིན་ཆོས་ཀྱི་ཕོ་བྲང་རང་ཡིན་ཨང་སྙམ་དུ་བསམ་པར་བྱ། དེ་ནས་རང་ཉིད་དེའི་དབུས་སུ་ཕྱིན། རང་སེམས་ཧཱུཾ་ཡིག་སྔོན་པོ་ཆེ་ཞིང་འོད་འབར་བ་ཞིག་ཏུ་གྱུར། དེ་ལས་འོད་འཕྲོས་ཆོས་འབྱུང་ལ་ཕོག།འདས་པའི་མངལ་སྐྱེས་ཀྱི་ལན་ཆགས་དང་བག་ཆགས་ཐམས་ཅད་སྦྱངས། ད་ལྟར་བའི་མངལ་སྐྱེས་ཀྱི་ལས་ཐམས་ཅད་ཀྱང་དག།མ་འོངས་པ་སྐྱེ་བར་འགྱུར་བའི་སྒོ་བཀག།སྐྱེ་གནས་གཞན་གསུམ་གྱི་བག་ཆགས་རྣམས་ཞོར་ལ་རང་དག་པར་བསམ། བར་དོ་ཡིན་ཨང་སྙམ་ཧཱུཾ་དེ་ཡོངས་སུ་གྱུར་པ་ལས་རང་སྐད་ཅིག་གིས་འཁོར་ལོ་བདེ་མཆོག་ལྷན་སྐྱེས་སུ་བསྒོམ། བར་དོ་ཡིན་ཨང་སྙམ་སྤྱི་བོར་གདན་བཞི་རྫོགས་ཀྱི་སྟེང་དུ་བླ་མ་བསྒོམ། བར་དོའི་སྐབས་འདིར་ལོངས་སྐུ་ཐོབ་པར་མཛད་དུ་གསོལ། ཞེས་རྩེ་གཅིག་ཏུ་གསོལ་བ་བཏབ། དེ་ལྟར་དམིགས་པ་སྒོམ་པའི་སྐབས་ཐམས་ཅད་དུ་བར་དོ་རང་ཡིན་སྙམ་པའི་འདུན་པ་རྒྱུན་ཆགས་གལ་ཆེ། དམིགས་སྐོར་ང་བཞི་པའོ། །གསུམ་པ་ཐ་མ་སྤྲུལ་སྐུ་འགག་མེད་རང་ཤར་ནི། དམིགས་པ་སྔ་མ་དེ་རྫོགས་པར་བསྒོམས་ནས། དེའི་


TNT12_Page_0948
[མ་དཔེ་གཟིགས་ན་འདིར་གནོན།]

སྟེང་དུ་འདི་བསྣན་ཏེ། འདི་ཐམས་ཅད་བར་དོ་ཡིན་སྣང་བ་འདི་བསྒྱུར་བར་བྱའོ་སྙམ་པས། གཟུགས་སུ་སྣང་ཚད་འཁོར་ལོ་སྡོམ་པའི་སྐུར་བསྒྱུར་དགོས་སྙམ་པ་བྱས་ཙ་ན། ཐམས་ཅད་ཧེ་རུ་ཀ་ཡབ་ཡུམ་དུ་ཁྲོང་ཁྲོང་སོང༌། སྒྲ་གྲགས་ཚད་སྔགས་ཡི་གེ་བདུན་པ་ལྟ་བུ་གཅིག་ཏུ་བསྒྱུར་སྙམ་པ་བྱས་ཙ་ན། སྔགས་དེ་ཉིད་དུ་འུར་འུར་བྱུང༌། བདེ་སྡུག་ཆགས་སྡང་སོགས་ཡིད་དྲན་རྟོག་ཡུལ་དང་བཅས་པ་ཐམས་ཅད་སྒྱུ་མ་ལྟ་བུ་རྨི་ལམ་ལྟ་བུ་ཞེས་ཉིན་པར་དྲག་ཏུ་བསྒོམ། རྨི་ལམ་ཤར་བ་ན་དེ་ཉིད་དུ་སྒྱུར་བ་གསུམ་པོ་དྲན་པར་བྱས་པ་ཙམ་གྱིས་ཉོན་མོངས་སྡུག་བསྔལ་ཐམས་ཅད་ལས་རང་གྲོལ་བར་འགྱུར་རོ། །བཞི་པ་སྤྱི་གནད་འཆུག་མེད་ནི། སྐབས་འདིར་བླ་མ་ཕལ་ཆེར་འདི་སྐད་གསུང་སྟེ། འདིར་དབང་པོ་ཐ་མའི་ཡང་ཐ་མ་ཞེས་སྤྱི་གནད་འཆུག་མེད་དབང་པོ་དམན་པའི་ཉམས་ལེན་གྱི་དབང་དུ་བྱས་ནས། བཤད་མ་ཐག་པ་སྤྲུལ་སྐུ་འགག་མེད་ཀྱི་དམིགས་པ་ཡོངས་རྫོགས་ཁོ་ན་བསྒོམ་པའི་སྟེང་དུ། འདི་སྣོན་པར་མཛད་པ་འགའ་ཞིག་འདུག་སྟེ། ལར་བར་དོའི་དམིགས་པ་ཕྱི་མ་གསུམ་པོ་རྐང་ཚུགས་པ་གསུམ་མ་ཡིན། སྔ་མ་ལ་ཕྱི་མ་ཕྱི་མ་བསྣན་པའོ། །ཞེས་གསུང་ངོ༌། །ཕྱོགས་གཅིག་ནས་དེ་ལྟར་ཡིན་མོད་ཀྱང༌། དེ་ཁོ་ནར་བྱས་ན་སྤྱི་གནད་འཆུག་མེད་ཅེས་པའི་སྤྱི་སྒྲ་ནུས་མེད་དུ་འགྲོ་བས། དམིགས་པ་འདི་དབང་པོ་འབྲིང་གི་


TNT12_Page_0949
[མ་དཔེ་གཟིགས་ན་འདིར་གནོན།]

ཉམས་ལེན་ལ་ཡང་སྣོན་དགོས་པ་སྲིད། ཐ་མའི་ཉམས་ལེན་ལ་ཡང་སྣོན་དགོས་ཞེས་པའི་དོན་དུ་སྣང་ཞིང༌། དེ་ལྟར་ན་བར་དོ་རང་དབང་པོ་རབ་འབྲིང་གསུམ་གྱི་ཉམས་ལེན་དུ་འདུས་པས། དབང་པོ་བཞི་པའི་རྣམ་བཞག་མི་དགོས་པར་མངོན་ལ། ཐེམ་ཡིག་གི་མཆན་བུ་དང༌། ཚིག་གསལ་དུའང༌། སྤྱི་གནད་འཆུག་མེད་གསུང་བ་མ་གཏོགས་དབང་པོའི་རིམ་པ་དང་སྦྱར་བ་མེད་དོ། །དེས་ན་འབྲིང་དང་ཐ་མའི་དམིགས་པ་གང་ལྟར་ཡང་རུང་སྟེ། དམིགས་པ་འདི་བསྣན་ཏེ་བསྒོམས་ན་འཆུག་པ་མེད་ཅེས་པའི་དོན་ཡིན་པར་སྣང་ངོ༌། །ཇི་སྐད་དུ། བླ་མ་ཡི་དམ་སྒྱུ་ལུས་གསུམ། །འབྲལ་བ་མེད་པར་ལམ་དུ་ཁྱེར། །བར་དོའི་འཇིགས་པ་ཆེན་པོ་ལ། །འཆུག་པ་མེད་པའི་མན་ངག་གཅེས། །ཞེས་པ་ལྟར། །བར་དོའི་འདུན་པ་དྲག་པོ་དང་བཅས་པས། སྤྱིར་འགྲོ་བ་རིགས་དྲུག་གི་ནང་ནས་སྐྱེ་འགྲོ་ཕོ་ཐམས་ཅད་དང༌། ཁྱད་པར་དུ་ཞེ་སྡང་སྐྱེ་བའི་ཡུལ་ཐམས་ཅད་རང་ཉིད་གནས་པའི་ཆོས་འབྱུང་གི་གཡས་ཟུར་ཕྱོགས་སུ་འཁོད་པར་བསྒོམ། མཆོད་པ་བཞི་རྫོགས་སུ་ཕུལ་ནས། བར་དོར་ལོངས་སྐུ་ཐོབ་པར་མཛད་དུ་གསོལ། ཞེས་བྱ། ཡང་འགྲོ་བ་རིགས་དྲུག་ཏུ་གཏོགས་པའི་སེམས་ཅན་མོ་ཐམས་ཅད་དང༌། ཁྱད་པར་འདོད་ཆགས་སྐྱེ་བའི་ཡུལ་ཐམས་ཅད་ཆོས་འབྱུང་གི་གཡོན་ཟུར་དུ་འཁོད་པར་བསྒོམ། མཆོད་པ་བཞི་རྫོགས་སུ་ཕུལ་ནས། བར་


TNT12_Page_0950
[མ་དཔེ་གཟིགས་ན་འདིར་གནོན།]

དོར་ལོངས་སྐུ་ཐོབ་པར་མཛད་དུ་གསོལ། །ཅེས་གསོལ་བ་བཏབ། སླར་ཡང་བླ་མའི་མོས་གུས་དང༌། རང་གཞན་ལྷ་སྐུར་གསལ་བ་དང༌། བདེན་མེད་ཀྱི་འདུན་པ་ཤུགས་བསྐྱེད་པས་རྒྱབ་བརྟེན་ནོ། །དེ་ལྟར་ཡང་ཡང་བསྒོམ། རྟེན་བུད་མེད་ཀྱིས་བསྒོམ་པའི་དབང་དུ་བྱས་ན། ཆགས་སྡང་སྐྱེ་བའི་ཡུལ་གོ་བརྗེ་བར་བྱའོ། །ཡང་རང་གང་དུ་གནས་པའི་ཆོས་འབྱུང་སྔོན་པོ་དེ་ཤིན་ཏུ་ཡངས་པར་བསྒོམས་པའི་གཡས་གཡོན་གྱི་ནང་ཟུར་དུ་དེ་དག་བསྒོམ་དགོས་པ་ཡིན་ནའང༌། དེར་བསྒོམ་མི་བདེ་དམིགས་པ་མི་གསལ་ན། དེའི་ཐད་ཀྱི་བར་སྣང་ནམ་མཁའ་ཐམས་ཅད་དང་ཕྱི་རོལ་དུའང་བསྒོམ་དུ་རུང་གསུང༌། ཡང་བླ་མའི་ཞལ་ནས་ཐོག་མར་རང་ཡི་དམ་དེ། ཆོས་འབྱུང་གི་མདུན་གྱི་ཟུར་ལ་ཞལ་བསྟན་པ་ཡིན་ཀྱང༌། སྐབས་འདིར་ཆོས་འབྱུང་གི་རྒྱབ་ཕྱོགས་ལ་ཞལ་བསྒྱུར་བས། རིགས་དྲུག་ལྷ་སྐུར་བསྒྱུར་བ་ལ་མདུན་གྱིས་ཕྱོགས་པར་འོང༌། མཆོད་པ་དང་གསོལ་འདེབས་བྱེད་དགོས་པས་དེ་ལྟར་བྱ་གསུང༌། དམིགས་སྐོར་ང་དྲུག་པའོ། །དེ་ལྟར་ན་དམིགས་སྐོར་ལྔ་བཅུ་ང་དྲུག་གི་སྟེང་དུ་སྟོང་ར་ནད་གདོན་སེལ་བྱེད་དང༌། སྒྱུ་ལུས་དབང་པོ་ཐ་མའི་ས་བཅད་ཕྱི་མ་གཉིས་དང༌། འོད་གསལ་གྱི་མཐར་ཐུག་དང༌། རྗེས་ཀྱི་ས་བཅད་ལྔ་དང༌། འཕོ་བ་བར་དོའི་དང་པོ་རེ་རེ་རྣམས་བསྣན་པས་ཆོས་ཐུན་དྲུག་ཅུ་རེ་བདུན་ཡིན་ལ། ད་ལྟ་ཚིག་ཁྲིད་ཙམ་ཐོབ་ཆོས་སུ་བྱེད་པ་ལ་ཐུན་གྱི་ངེས་པ་མེད་དོ། །དམིགས་ཐུན་དངོས་


TNT12_Page_0951
[མ་དཔེ་གཟིགས་ན་འདིར་གནོན།]

སུ་ཡོད་མེད་ལ་མ་རག་པར་ཐུན་རེ་ལ་དམིགས་པ་རེའི་ཐ་སྙད་སྦྱར་ནས། དམིགས་པ་དྲུག་ཅུ་རྩ་བདུན་ཅེས་ཀྱང་བྱའོ། །ན་མོ་གུ་རུ། ཟབ་ལམ་ནི་གུའི་ཆོས་དྲུག་འདི་ལ། ཡན་ལག་མཐའ་རྒྱས་སུ་སྟོན་པའི་རྒྱས་པ་དང༌། སྤྱི་ཉེ་བར་བསྡུས་པའི་འབྲིང་པོར་དང༌། དོན་མ་ཚང་མེད་པའི་བསྡུས་པ་དང༌། གནད་མཐིལ་དུ་བསྒྲིལ་བའི་ཤིན་ཏུ་བསྡུས་པ་སྟེ་བཞི་ཡོད། དང་པོ་ནི། ཆོས་དྲུག་བཀའ་བཅུར་གྲགས་པའི་དབང་རྣམས་ཀྱང་རྫོགས་པར་བསྐུལ། རྨི་ལམ་གྱི་ཁྲིད་རྫོགས་མཚམས་སུ་སྒྱུ་ལུས་སྟན་ཐོག་གཅིག་མ་དང༌། འཛིན་པ་རང་གྲོལ། སྦྱོང་བ་རྣམ་གཉིས། དམིགས་པ་ལྔ་སྐོར་སོགས་དང་འབྱམས་གཅོད་རྒྱས་པ་ནས་ལེན་གྱིན་འཆད་པ་ཡིན། འོད་གསལ་རྫོགས་མཚམས་སུ་འོད་གསལ་འཆར་སྒོ་ངོས་འཛིན་དང་ལྷན་ཐབས་སུ་འབྲི་བར་འགྱུར་བའི་འདམ་ཁ་ཚོ་ཡང་སྟོན་པ་ཡིན་སྟེ། འོན་ཀྱང་ཕྱིས་ཀྱི་ཕྱག་ལེན་ལ་དམིགས་པ་ཁ་སྐོང་དེ་རྣམས་མི་བྱེད་པར་གདའ་དབང་རྣམས་རྫོགས་པར་བསྐུར་རོ། །དེ་ལ་བཀའ་བཅུ་པོ་སོ་སོའི་དུས་མཚམས་སྐབས་སུ་བབ་པ་དེར་བསྐུར་བར་འདོད་ན། དང་པོར་བདེ་མཆོག་ལྷ་ལྔའི་དབང་བཞི་རྫོགས་པར་བསྐུར། སྔོན་འགྲོ་སྤྱི་དང༌། སྐྱབས་འགྲོ་སེམས་བསྐྱེད་སོང་མཚམས་སུ། ཡིད་དམ་འབོགས་པའི་ཚུལ་ཡིན་པས། བདེ་མཆོག་ལྷ་ལྔའི་ཏིང་ངེ་འཛིན་གྱི་དབང་དེ་བསྐུར། ཆོས་དྲུག་བཀའ་


TNT12_Page_0952
[མ་དཔེ་གཟིགས་ན་འདིར་གནོན།]

བཅུ་དངོས་ལ་མི་ཐེ་ཡང༌། རྒྱུད་སྡེ་ལྔའི་ཏིང་ངེ་འཛིན་གྱི་དབང་དེ་ཡང་སྟོང་རའི་ཁྲིད་ཀྱི་སྐབས་གང་འོས་རེ་རུ་མཛད་ཀྱིན་ནི་འདུག།སྔོན་འགྲོའི་ཁྲིད་ཚར་གཏུམ་མོའི་ཁྲིད་མ་ཚུགས་པའི་མཚམས་དེར་གཏུམ་མོའི་སྒོས་བཀའ་བསྐུར། གཏུམ་མོ་དང༌། སྒྱུ་ལུས་ཀྱི་བར་སྐབས་སུ། སྒྱུ་ལུས་ཀྱི་སྒོས་བཀའ་བྱེད། དེ་དང་རྨི་ལམ་གྱི་ཁྲིད་ཀྱི་བར་དུ་རྨི་ལམ་གྱི་སྒོས་བཀའ་བྱེད། དེ་དང་འོད་གསལ་གྱི་ཁྲིད་ཀྱི་བར་དུ། འོད་གསལ་གྱི་སྒོས་བཀའ་བྱེད་པ་རྣམས་ལ་མི་འདྲ་བ་མེད། རྒྱས་པའི་སྐབས་འདིར་སྒྱུ་ལུས་དབང་མོ་ཆེ་ནི། ཁ་ཅིག་བསྲེ་བ་སྒྱུ་ལུས་གྱི་དཀྱིལ་གྱི་ཐད་རང་ཡིན་གསུང་ནས། རྨི་ལམ་སྦྱོང་སྤེལ་གྱི་སྐབས་གང་འཐད་དུ་བྱེད། ལ་ལ་བསྲེ་བའི་མཇུག་ཡིན་པས་གསུང་འོད་གསལ་གྱི་དངོས་གཞི་སོང་མཚམས་སུ་མཛད་དེ་ཁྱད་ཆེན་པོ་རང་མེད་ནའང༌། ཕྱི་མ་འཐད་པར་སེམས། དེ་བཞིན་དུ་འཕོ་བ་དང༌། བར་དོའི་སྒོས་བཀའ་ཡང་སོ་སོའི་ཁྲིད་ཀྱི་འགོར་མཛད་པ་ལ་མི་འདྲ་བ་མེད། འཕོ་བ་བར་དོ་སྤྱིའི་བཀའ་དེ། སྐབས་སྣ་ཚོགས་གཅིག་ཏུ་བྱེད་ཀྱང་བར་དོའི་ཁྲིད་ཀྱི་མཇུག་ཏུ་བྱེད་པ་ཉིད་ལེགས་སོ། བདག་གི་རྣམ་རྟོག་ལྟར་ན། ལྷ་ལྔའི་ཏིང་ངེ་འཛིན་གྱི་དབང་བསྐུར་དང༌། རྒྱུད་སྡེ་ལྔའི་ཏིང་ངེ་འཛིན་གྱི་དབང་བསྐུར་གཉིས་ལས། གང་རིགས་གཅིག་ཀུན་གྱི་ཐ་མར་བྱས་ན་ལེགས་པར་འོང་ངོ་སེམས་སོ། །དེ་ལ་ཆོས་དྲུག་གི་བཀའ་བཅུ་ནི། བྱིན་


TNT12_Page_0953
[མ་དཔེ་གཟིགས་ན་འདིར་གནོན།]

རླབས་སྒོ་འབྱེད་ཀྱི་བཀའ་གཉིས། བྱིན་རླབས་ཁོག་ཕུབས་ཀྱི་བཀའ་གཉིས། བྱིན་རླབས་གཞུང་ཤིང་གི་བཀའ་དྲུག་གོ །དེ་ལ་བར་པ་གཉིས་ནི་སྤྱིའི་བཀའ་གཉིས་ལ་ཟེར་བ་དང༌། ཕྱི་མ་དྲུག་ནི་སྒོས་བཀའ་དྲུག་ལ་ངོས་འཛིན་པ་ལ་རྩོད་པ་མེད། དང་པོ་གཉིས་ཀྱི་ངོས་འཛིན་ལ། ཁ་ཅིག་བདེ་མཆོག་ལྷ་ལྔ་དང༌། རྒྱུད་སྡེ་ལྔའི་དབང་བསྡུས་པ་གཉིས་ལ་འདོད་པ་ཡང་ཡོད་དོ། །དེ་ལྟར་འདོད་མཁན་གྱི་ནང་ཚན་ལ་ལ་ནི། བདེ་མཆོག་ལྷ་ལྔའི་དབང་རྒྱས་པ་ཡོད་པ་མ་ཚོར་བ་ཡང་ཡིན་ལ། ཁ་ཅིག་ནི་དཀྱིལ་ཆོག་གི་གཞུང་དོན་མ་ཁྲོལ་བར་དབང་བསྐུར་བྱེད་མ་ཤེས་པར་སྣང༌། གཞན་འགའ་ནི་ལྷ་ལྔའི་དབང་བསྐུར་ཆེ་བ་ནི། ནི་གུའི་ལུགས་ཀྱི་སྨིན་བྱེད་ཡིན་ཀྱང་ཆོས་དྲུག་སྒོས་ཀྱི་མིན་པས། བཀའ་བཅུ་ལ་མི་བགྲང་ཟེར་ཏེ། མདོར་ན་འདི་ལ་ཕྱིས་བྱུང་ལག་ལེན་བྱེད་པ་ཉུང་བར་བྱུང་ངོ༌། །དེའི་རྒྱུ་ནི་འདི་ལྟར་ཡིན་ཏེ། འགྲོ་མགོན་རིན་པོ་ཆེའི་རྗེས་སུ། མཁས་གྲུབ་རྣམ་གསུམ་དངོས་སློབ་དང་བཅས་པའི་སྐབས་སུ། འདི་ལག་ལེན་དུ་དར་བ་ཡོད་ཅིང་མཆོད་ཕྲེང་ལ་སོགས་པའི་ལྷན་ཐབས་འགའ་རེ་མཛད་མོད། ཆོ་ག་དངོས་ཟོར་ཡང་ཞིང་གཞུང་གཞན་ལ་ཁ་འཕངས་པ་དང་ལག་ལེན་ཁྱེར་བདེ་བའི་སྟབས། ཡི་གེ་གསལ་པོ་ཆེར་མ་མཛད་པར་སྣང༌། དེ་ལ་ཡང་སྤྱིར་མཁས་གྲུབ་གཞོན་ནུ་གྲུབ་ནི། ཕྱི་དཀྱིལ་གཅིག་ཏུ་དབང་བསྐུར་རྒྱས་པ་


TNT12_Page_0954
[མ་དཔེ་གཟིགས་ན་འདིར་གནོན།]

མ་སོང་བ་ལ་ཕྱག་ཆེན་ཆོས་དྲུག་སོགས་ཡི་མི་གནང་བ་ཡིན་པར་འདུག། དམ་བསྒྲགས་ཀྱང་ཆེར་མཛད་པར་གདའ། མཁས་གྲུབ་གཞན་གཉིས་ཀྱིས་དམ་སྦྲགས་རང་མ་མཛད་ཀྱང་ཕྱག་ལེན་དེ་དང་འདྲ། དེ་ལྟར་ཡིན་ཡང་ཕྱིས་ཀྱི་རྣམས་སྒོམ་ཆེན་པ་སྤྱི་འདིའི་མིག་དཀྱུས་ཤོར། རྒྱུད་སྡེ་ལྔའི་དབང་ཆེན་པོ་འདི་ལོ་དང་ཟླ་བ་མང་པོར་གྲབས་བྱས་ནས་ལྐོག་བཤམས་པའི་ལན་རེ་ཙམ་བསྐུར་བ་མ་གཏོགས། དབང་བཞི་རྫོགས་ཀྱི་རིགས་འཕྲལ་འཕྲལ་མཛད་པ་མ་ལྕོགས་ནས། རང་ངམ་གཞན་ལ་དབང་རྒྱས་པ་གང་རུང་དེ་སྔ་རོལ་ནས་ཐོབ་ན་རབ་བྱེད། དེ་མིན་སྨིན་བྱེད་རྒྱས་པ་གཞན་ཡེ་མ་ཐོན་ཅིང་ལྷ་ལྔའི་སྨིན་བྱེད་ཙམ་ཡང་མ་བྱས་པར་ཁྲིད་འདེབས་པའི་སྲོལ་ཅིག་བྱུང༌། དེ་ཕྱིན་ཆད་བླ་ཆོས་ཀྱི་དབང་གིས་ལྷ་ལྔ་རྒྱས་པ་ལ་དོན་གཉེར་ཆེར་མ་བྱུང་བའི་སྐྱོན་དུ་འདུག།དེ་ནི་བྱེད་མ་ཤེས་ཆོས་དྲུག་གི་བཀའ་བཅུ་པོ་བགྲང་དགོས་བྱུང་བས། ལྷ་ལྔའི་དབང་རྒྱས་པའི་ཚབ་ལ་ཅིག་ཤོས་དེ་བཅུག་པ་ཙམ་མོ། །གཞན་ཡང་ཡེ་ཤེས་མཁའ་འགྲོའི་ལུགས་འདི་ལ་ཆོས་དྲུག་ཉིད་ལམ་གྱི་རྐང་དང་རྩ་བ་ཡིན་པས་སྤྱིའི་སྨིན་བྱེད་ཡིན་ནམ། ཆོས་དྲུག་གི་རྐང་དང་འགལ་སྙམ་པའི་ལོག་རྟོག་མི་བྱའོ། །དེས་ན་བྱིན་རླབས་སྒོ་འབྱེད་ཀྱི་བཀའ་གཉིས་ནི། བདེ་མཆོག་ལྷ་ལྔའི་དབང་ཆེ་ཆུང་གཉིས་ཡིན། རྒྱུད་སྡེ་ལྔ་གཙོ་བསྡུས་ཀྱི་དབང་ནི། ཡི་དམ་གཏད་པ་ཡིན་པས་སྤྱི་ཁྱབ་ཏུ་གསེར་ཆོས་


TNT12_Page_0955
[མ་དཔེ་གཟིགས་ན་འདིར་གནོན།]

ཐམས་ཅད་དང་འབྲེལ་བའང་ཡིན་མོད། གཞུང་བཀའ་ཉེར་ལྔ་རང་ལ་མི་འབྲང་ངོ༌། །དེ་ལྟར་ན་ཆོས་དྲུག་ཉིད་ལ་ཡན་ལག་མཐའ་རྒྱས་སུ་བྱེད་ཚུལ་དེ་ལྟར་ཡིན་ལ། གཉིས་པ་སྤྱི་ཉེ་བར་བསྡུས་པ་འབྲིང་ནི། བྱིན་རླབས་སྒོ་འབྱེད་ཀྱི་དབང་སྒྱུ་ལུས་དབང་མོ་ཆེ་ཁོ་ན་ལ་བསྡུ། དེ་ཡང་དེང་སང་ཕལ་ཆེར་རྗེས་སུ་བྱེད་ཀྱིན་འདུག་ནའང༌། བཀའ་གཞན་རྣམས་མི་བྱེད་པའི་སྟབས་ཁྲིད་ཀྱི་ཐོག་མར་བྱས་ན་ལེགས། སྦྱོང་བ་རྣམ་གཉིས་སོགས་ཆ་ལག་རྣམས་མི་དགོས། ཁྲིད་དམིགས་གཞུང་རྐྱང་དེ་ཡོངས་སུ་རྫོགས་པར་བྱེད་པའོ། །གསུམ་པ་དོན་མ་ཚང་བ་མེད་པར་བསྡུས་པ་ནི། སྒྱུ་ལུས་དབང་མོ་ཆེ་དེ་བསྐུར་དགོས། ཁྲིད་ཚུལ་འདི་ལ་སྔོན་འགྲོ་དང༌། དངོས་གཞི་གཉིས་ཞེས། དང་པོ་ནི་དག་བྱེད་ཨའི་སྟོང་ར་སྟེ་དམིགས་སྐོར་ཅིག།སྐྱབས་སེམས་སྔོན་དུ་བྱེད་དགོས་ཀྱང་དམིགས་སྐོར་ལོགས་སུ་མི་འདྲེན་ནོ། །དངོས་གཞི་ལ་ཆོས་དྲུག་ལས། གཏུམ་མོ་ལ་སྔོན་འགྲོ་ལུས་གནད་མེའི་སྟོང་ར། དངོས་གཞི་གཏུམ་མོ་ཟས་སུ་ཟ་བ། རྗེས་སྲིད་པའི་དབང་ཞུ་བ་སྟེ་དམིགས་སྐོར་གསུམ་མོ། །སྒྱུ་ལུས་ལ། རང་ལུས་སྣང་སྟོང་ལྷ་སྐུ། ཅིར་སྣང་སྒྱུ་མའི་ལམ་ཁྱེར། འགྲོ་དྲུག་སྒྱུ་མར་འཆར་བྱེད་དེ་གསུམ་མོ། །རྨི་ལམ་བཟུང་བ་ལ། རང་ཟིན་ཐིག་ལེ་དབང་བཞིའི་གནད་དང༌། རྟོག་བཅས་ལམ་ཁྱེར་གཉིས། སྦྱོང་བ་ལ་


TNT12_Page_0956
[མ་དཔེ་གཟིགས་ན་འདིར་གནོན།]

ཟུང་དུ་བསྡེབས་པ་གང་རུང༌། གཅིག་གོ་གསུངས་ཡང༌། སེམས་ཀྱི་ལུས་སྦྱོང་བ་དང༌། འདུན་པས་སྦྱོང་བ་གཉིས་སྡེབ། ཡུལ་སྣང་གི་ནང་ནས་ཐིག་ལེ་ཡུལ་སྣང་གསལ་བྱེད་དེ། རྨི་ལམ་ཀྱི་ཁྲིད་ལ་རྩ་བའི་ས་བཅད། བཟུང་བ། སྦྱོང་བ། ཡུལ་སྣང་གསུམ་ལ་དམིགས་སྐོར་ལྔའོ། །འོད་གསལ་གྱི་སྐབས་སུ། མི་རྟག་སྐྱོ་ཤས་དང༌། བླ་མའི་མོས་གུས་ཐུན་གྱི་སྔོན་འགྲོ་བཏང༌། ཐབས་ལམ་རང་མདངས་དང༌། སྤྱོད་ལམ་དམ་རྫས་དང༌། ལམ་མཁྱེར་རྣམས་ཐུན་མཚམས་ཀྱི་སྤྱོད་པ་ལ་བཏང༌། བཟུང་བའི་དམིགས་པ་གསུམ་པོ་གང་རུང་ཞིག་བསྒོམ་གསུངས་ཀྱང༌། བླ་མ་ལ་བཟུང་བ་ཁོ་ན་ལག་ལེན་གྱི་མཐིལ་དུ་མཛད། དེ་ལྟར་ན་འོད་གསལ་གྱི་ཁྲིད་ལ་བཟུང་བ་དང༌། བསྲེ་བའོ། །བསྲེ་བ་ལ་གསལ་སྟོང་བསྲེ་བ་དང༌། ཉིན་མཚན་བསྲེ་བའོ། །ཞེས་བསྡུས་དོན་བྱེད་དེ། གསལ་སྟོང་བསྲེ་བ། ཉིན་མཚན་བསྲེ་བ་སྟེ། འོད་གསལ་ལ་དམིགས་པ་གསུམ་མོ། །འཕོ་བ་ལ་ཡེ་ཤེས་སྐར་ཁུང་མ་སྟེ་དམིགས་པ་གཅིག་གོ །བར་དོ་ལ་རྒྱལ་བ་ལོངས་སྐུ་ལམ་ཁྱེར་དང༌། གནད་འཆུག་མེད་གཉིས་བསྡོམས་ནས་དམིགས་ཆེན་གཅིག་སྟེ། དེ་ལྟར་ན། ཆོས་དྲུག་བསྡུས་པ་དམིགས་ཆེན་བཅུ་བདུན་ནོ། །གནད་མཐིལ་དུ་དྲིལ་བ་ནི་སྟན་ཐོག་གཅིག་མ་སྟེ། ལོགས་སུ་འཆད་པར་འགྱུར་རོ། །དེ་ལྟར་མཁའ་འགྲོའི་གསུང་གི་


TNT12_Page_0957
[མ་དཔེ་གཟིགས་ན་འདིར་གནོན།]

བཅུད། །ཟབ་དོན་བླ་མའི་ཞལ་བུམ་འདི། །ཡིག་བྲིས་མང་དུ་ཡོད་ན་ཡང༌། །དེ་དག་རྣམས་ལ་མ་ལྟོས་སོ། །ཞལ་རྒྱུན་དམར་ཁྲིད་མ་ཆད་པ། །བློ་ལ་འཐེམས་པར་བྱས་ནས་ནི། །ཡིག་རྙིང་ཁུངས་མའི་སྦས་སྐུངས་རྣམས། །མཛུབ་བཙུགས་བྱེད་ན་མཁས་པ་ཡིན། །ལར་ནི་ཉམས་མྱོང་རྒྱུན་མེད་ན། ཁྲིགས་བཀོད་ཙམ་གྱིས་ག་ལ་ཕན། །བླ་མའི་བྱིན་རླབས་ཉམས་མྱོང་རྒྱུན། །སེམས་ལ་ཐེབས་པ་གལ་རེ་ཆེ། །ཞེས་པ་ཟབ་ལམ་ནི་གུ་ཆོས་དྲུག་གི་དམིགས་རིམ་རྒྱས་བསྡུས་གབ་འཁྲུགས་མེད་པར་བཀོད་པ་འདི་ཡང་ཏཱ་ར་ནཱ་ཐས་སོ།། །།སརྦ་མངྒ་ལམ།། ལྷག་བསམ་དགེ་བས་རབ་དཀར་བསོད་ནམས་འདིས། །རྩ་བའི་བླ་མ་དགྱེས་བྱེད་མཆོད་སྤྲིན་དང་། །བདག་གཞན་སྒྲིབ་སྦྱང་ཚོགས་ཆེན་རབ་རྫོགས་ཤིང་། །དོན་གཉིས་རྒྱ་མཚོའི་དཔལ་ཡོན་མྱང་སྤྱོད་ཤོག །


TNT12_Page_0958
[མ་དཔེ་གཟིགས་ན་འདིར་གནོན།]

ཤོག་སྟོང་།

ནི་གུའི་ཁྲིད་ཡིག་བསྡུས་པ།


TNT12_Page_0959
[མ་དཔེ་གཟིགས་ན་འདིར་གནོན།]

ནི་གུའི་ཁྲིད་ཡིག་བསྡུས་པ་བཞུགས།


TNT12_Page_0960
[མ་དཔེ་གཟིགས་ན་འདིར་གནོན།]

མཁའ་འགྲོ་བྱེ་བའི་ཐུགས་ཀྱི་བཅུད། །ཆོས་དྲུག་སྙིང་པོའི་གདམས་པ་སྟེ། །གྲོལ་ལམ་ཟབ་མོ་བླ་ན་མེད། །ཐུན་མོང་མིན་གང་བྲི་བར་བྱ། །འདིར་རྒྱུད་སྡེ་ལྔའི་ཡང་སྙིང་ནི་གུ་ཆོས་དྲུག་བསྡུས་པ་ཉམས་ལེན་གནད་དུ་གྲིལ་བ་འདི་ལ་སྔོན་འགྲོ་དང༌། དངོས་གཞི་གཉིས་ལས། དང་པོ་ལ་ཐུན་མོང་གི་སྔོན་འགྲོ་དང༌། ཐུན་མོང་མ་ཡིན་པའི་སྔོན་འགྲོ་གཉིས་ཐུན་མོང་གི་སྔོན་འགྲོ་སྐྱབས་འགྲོ་སེམས་བསྐྱེད། ཐུན་མོང་མ་ཡིན་པའི་སྔོན་འགྲོ་དག་བྱེད་ཨའི་སྟོང་རའོ། །དང་པོ་ནི། མདུན་གྱི་ནམ་མཁའི་དབྱིངས་སུ་སེང་གེ་ཆེན་པོ་བརྒྱད་ཀྱིས་བཏེགས་པའི་རིན་པོ་ཆེའི་ཁྲི་ཡངས་ཤིང་རྒྱ་ཆེ་བའི་སྟེང་དུ། སྣ་ཚོགས་པདྨ་ཉི་མ་ཟླ་བའི་གདན་གྱི་སྟེང་དུ་ངོ་བོ་དྲིན་ཅན་རྩ་བའི་བླ་མ་རྣམ་པ་རྡོ་རྗེ་འཆང་སྐུ་མདོག་སྔོན་པོ་ཞལ་ཅིག །ཕྱག་གཉིས་རྡོ་རྗེ་དང་དྲིལ་བུ་ཐུགས་ཀར་བསྣོལ་ཏེ་འཛིན་པ། ཞབས་རྡོ་རྗེའི་སྐྱིལ་ཀྲུང༌། སྐུ་ལ་མཚན་དང་དཔེ་བྱེད་ཀྱི་སྤྲས་ཤིང༌། དར་གྱི་ན་བཟའ་དང་རིན་པོ་ཆེས་བརྒྱན་པ། བདག་ལ་


TNT12_Page_0961
[མ་དཔེ་གཟིགས་ན་འདིར་གནོན།]

དགྱེས་པའི་ཞལ་འཛུམ་བག་དང་ལྡན་པར་བསམ། དེ་ལ་བདག་རིགས་དྲུག་གི་སེམས་ཅན་ཐམས་ཅད་སྐྱབས་ཞུ་བར་མོས་ཤིང༌། བློས་ལིང་བཀལ་ཏེ་སྐྱིད་སྡུག་ཅི་བྱུང་རུང་བླ་མ་རང་མཁྱེན་སྙམ་པས། འགྲོ་བ་ནམ་མཁའ་དང་མཉམ་པའི་སེམས་ཅན་ཐམས་ཅད་སྐྱབས་ཀུན་འདུས་བླ་མ་རིན་པོ་ཆེ་ལ་སྐྱབས་སུ་མཆི་བ་ལགས་སོ། །ཞེས་ལན་བདུན་སོགས་ཅི་རིགས་བྱ། མདུན་གྱི་བླ་མ་རྡོ་རྗེ་འཆང་དེ་འོད་དུ་ལྟེམ་གྱིས་བཞུ་སྟེ་རང་ལ་ཐིམ་པས། བླ་མའི་ཐུགས་དང་རང་གི་སེམས་དབྱེར་མེད་ཆུ་ལ་ཆུ་བཞག་པ་ལྟ་བུར་གྱུར་པར་བསམ་པའི་ངང་དེ་ཀ་ལ་ཧད་དེ་མཉམ་པར་བཞག །སེམས་བསྐྱེད་ནི། ནམ་མཁའ་དང་མཉམ་པའི་སེམས་ཅན་ཐམས་ཅད་བདག་གི་དྲིན་ཅན་གྱི་ཕ་མར་མ་གྱུར་པ་མེད། འདི་རྣམས་ཟུང་འཇུག་རྡོ་རྗེ་འཆང་ཆེན་པོའི་གོ་འཕང་ལ་འགོད་པར་བྱ་སྙམ་པས། ངག་ནས་སེམས་ཅན་ཐམས་ཅད་ཀྱི་དོན་དུ་ཟུང་འཇུག་རྡོ་རྗེའི་འཆང་ཆེན་པོའི་གོ་འཕང་ཐོབ་པར་བྱ། དེའི་ཕྱིར་དུ་བདག་གིས་ཟབ་ལམ་ནི་གུ་ཆོས་


TNT12_Page_0962
[མ་དཔེ་གཟིགས་ན་འདིར་གནོན།]

དྲུག་ཉམས་སུ་བླང་བར་བྱའོ། །ཞེས་ལན་གསུམ་ཙམ་བྱ། །གཉིས་པ་ཐུན་མོང་མ་ཡིན་པའི་སྔོན་འགྲོ་ནི། རང་གི་སྤྱི་བོར་དྲིན་ཅན་རྩ་བའི་བླ་མ་སྐུ་གཟི་མདངས་དང་ལྡན་པ། བདག་ལ་དདགྱེས་པའི་ཞལ་འཛུམ་བག་དང་ལྡན་པ་ཞིག་བསྒོམས་ལ། ངག་ཏུ་དུས་གསུམ་སངས་རྒྱས་ཐམས་ཅད་འདུས་པའི་ངོ་བོ་བླ་མ་རིན་པོ་ཆེ། སེམས་ཅན་ཐམས་ཅད་ཀྱི་དོན་དུ་བདག་གི་ནད་གདོན་ཐམས་ཅད་ཞི་བར་མཛད་དུ་གསོལ། སྡིག་སྒྲིབ་ཐམས་ཅད་འདག་པར་མཛད་དུ་གསོལ། ཏིང་ངེ་འཛིན་ཁྱད་པར་ཅན་རྒྱུད་ལ་སྐྱེ་བར་མཛད་དུ་གསོལ། ཞེས་གསོལ་བ་བཏབ་པས། བླ་མ་འོད་དུ་ཞུ་རང་ལ་ཐིམ། ཀླད་པ་གཏི་མུག་གི་རང་བཞིན་ཅན་སྦྱངས་ཏེ། ཐོད་པ་འཇའ་འོད་དཀར་པོའི་གུར་ཁྱིམ་ལྟ་བུ། དེའི་དབུས་སུ་ཆོས་འབྱུང་དཀར་པོ་གྲུ་གསུམ་པ་རྩ་བ་ཕྲ་བ་མགྲིན་པར་ཟུག་པ། གདེངས་ཀ་ཆེ་བ་གྱེན་དུ་བསྟན་པ་ཟུར་གཅིག་མཛོད་པུ་དང༌། གཉིས་རྣ་ལྟག་གཡས་གཡོན་དུ་བསྟན་པ། དེའི་དབུས་སུ་ཨ་དཀར་པོ་འོད་འཕྲོ་བ། ཕྱེད་ཆོས་འབྱུང་གི་སྟེང་དུ་འཐོན་ཅིང༌། ཕྱེད་ནང་དུ་ཆུད་པའི་ཚད་ཙམ་རྟེན་མེད་དུ་ལྡིང་བ་ལ་སེམས་གཏད་དེ་ཅི་ནུས་བསྒོམ། དེ་ནས་ཨ་དཀར་པོ་དེ་ལས་བདུད་རྩི་དཀར་པོའི་རྒྱུན་བྱུང༌། ཆོས་འབྱུང་གང་དེ་ལུད་ནས་ལུས་ཀྱི་ཕྱི་ནང་ཐམས་ཅད་གང༌། སྡིག་སྒྲིབ་ཐམས་ཅད་ཕྱིར་བདས་ཏེ་སྒོ་དགུ་དང་བ་སྤུའི་ཕུག་ནས་དེད་པའི་ཚུལ་གྱིས་དུད་


TNT12_Page_0963
[མ་དཔེ་གཟིགས་ན་འདིར་གནོན།]

ཁུའམ་སོལ་ཁུའི་རྣམ་པར་ནག་ནུར་རུ་རུ་ཐོན་པར་བསམ། ཡང་བདུད་རྩིས་ལུས་ཀྱི་ཕྱི་ན་མར་ཞལ་ཞལ་བྱུང་ནས་བཀྲུས་ནས་ས་འོག་ཐག་རིང་པོར་སོང་བར་བསམ། རང་ལུས་དཀར་ལ་དྭངས་པ་འཇའ་དཀར་པོ་ལྟ་བུར་བསམ་པ་ཅུང་ཟད་མཉམ་པར་གཞག །བདེ་ཆེན་འཁོར་ལོ་ཟླ་བའི་ཆ། །སྐྱེ་མེད་ཡིག་འབྲུ་དམ་པ་ལས། །ཡེ་ཤེས་བདུད་རྩི་རྟག་བབས་པས། །སྒྲིབ་པའི་དྲི་མ་ཀུན་བཀྲུས་སོ། །༈ དངོས་གཞི་ལ་དྲུག་སྟེ། ཐབས་ལམ་བདེ་དྲོད་རང་འབར། སྒྱུ་ལུས་ཆགས་སྡང་རང་གྲོལ། རྨི་ལམ་ཉིང་འཁྲུལ་རང་དག །འོད་གསལ་གཏི་མུག་རང་སངས། འཕོ་བ་མ་སྒོམ་སངས་རྒྱས། བར་དོ་རྒྱལ་བ་ལོངས་སྐུའོ། །དང་པོ་ཐབས་ལམ་ལ་སྔོན་འགྲོ་དངོས་གཞི་རྗེས་གསུམ་ལས། སྔོན་འགྲོ་ལུས་གནད་མེའི་སྟོང་ར་ནི། རང་གི་སྤྱི་བོར་རྩ་བའི་བླ་མ་རྡོ་རྗེ་འཆང་སྐུ་མདོག་དཀར་པོ་ཞིག་བསྒོམས་ལ། དུས་གསུམ་སངས་རྒྱས་ཐམས་ཅད་འདུས་པའི་ངོ་བོ་བླ་མ་རིན་པོ་ཆེ། སེམས་ཅན་ཐམས་ཅད་ཀྱི་དོན་དུ་བདག་གི་ལུས་ལ་བདེ་དྲོད་ཀྱི་ཏིང་ངེ་འཛིན་ཁྱད་པར་ཅན་སྐྱེ་བར་མཛད་དུ་གསོལ། སེམས་ལ་བདེ་སྟོང་གི་ཏིང་ངེ་འཛིན་ཁྱད་པར་ཅན་སྐྱེ་བར་མཛད་དུ་གསོལ། བླ་མ་འོད་དུ་ཞུ་རང་ལ་ཐིམ། རང་རྗེ་བཙུན་རྡོ་རྗེ་རྣལ་འབྱོར་མ་སྐུ་མདོག་དམར་མོ་ཞལ་གཅིག་ཕྱག་གཉིས་གཡས་གྲི་གུག་དང༌། གཡོན་ཐོད་ཁྲག་ཐུགས་ཀར་འཛིན་པ། ཞབས་གཡས་བརྐྱང་གཡོན་


TNT12_Page_0964
[མ་དཔེ་གཟིགས་ན་འདིར་གནོན།]

ཅུང་ཟད་བསྐུམ་པས། མི་རོ་དཀར་པོ་མགོ་གཡས་སུ་བསྟན་པའི་སྙིང་ག་མནན་པ། མི་མགོ་སྐམ་པོ་ལྔའི་དབུ་བརྒྱན། རློན་པ་ལྔ་བཅུ་དོ་ཤལ་ཅན། རུས་པའི་རྒྱན་ལྔ་དང་ལྡན་པ། སྐུ་ལུས་ཀྱི་ནང་ཐམས་ཅད་ཁོང་སྟོང་དུ་བསམ། མེའི་གོང་བུ་དམར་ཞིང་ཚ་བ་བྱ་སྒོང་ཙམ་བཞི་ལྟེ་བའི་ཐད་ཀྱི་རྒྱབ་མདུན་མཁལ་མའི་ཐད་གཉིས་ཏེ་བཞིར་བསྒོམ། དེ་ལ་དམིགས་བཞིན་དུ་རླུང་རོ་ལན་གསུམ་འབུད། རླུང་དལ་བུས་ནང་དུ་རྔུབས་ལ། ལྟེ་བའི་འོག་ཏུ་ཚིར་གྱིས་མནན། ལྟེ་བ་ཅུང་ཟད་བསྐོར་བས་མེ་གོང་རྣམས་གཅིག་ལ་གཅིག་འཐབས་ཏེ། །མེ་སྟག་དམར་སྐྱས་ལུས་ཀྱི་ནང་ཐམས་ཅད་དམར་ཆིལ་བ་དང་ཚ་འུར་གྱིས་གང་བར་བསམ། གཉིས་པ་དངོས་གཞི་གཏུམ་མོ་ཟས་སུ་ཟ་བ་ནི། རང་རྡོ་རྗེ་རྣལ་འབྱོར་མར་གསལ་བའི་ལུས་ཀྱི་དབུས་ན་མར་རྩ་དབུ་མ་སྦོམ་ཕྲ་མདའ་སྙུག་འབྲིང་པོ་ཙམ་མས་སྣ་ལྟེ་འོག་སོར་བཞིར་ཟུག་པ། ཡས་སྣ་ཚང་བུག་ཏུ་ཟུག་པ། མཚན་ཉིད་བཞི་ལྡན་ཏེ། དྲང་བ། སྲབ་པ།དྭངས་པ། དམར་བ་སྟེ་མཚན་ཉིད་བཞིའོ། །དེ་ཡང་ཁོང་སྟོད་དུ་གནས་པ། དེའི་གཡས་སུ་རོ་མ་དམར་པོ། གཡོན་དུ་རྐྱང་མ་དཀར་མོ། དེ་གཉིས་དབུ་མ་ལས་བུན་འགྲོས་ཀྱི་ཕྲ་བ་མས་སྣ་གཉིས་དབུ་མའི་ནང་དུ་ཅུང་ཟད་ཆུད་ཅིང༌། ཡས་སྣ་གཉིས་ཚངས་བུག་གི་འོག་ཐད་དུ་དབུ་མ་ལ་བཀབ་པའི་ཚུལ་གྱི་མདུན་དུ་གུག་ནས་ཅུང་ཟད་གྱེས་པ་སྣ་བུག་གཉིས་སུ་ཟུག་པ་དབུ་མའི་


TNT12_Page_0965
[མ་དཔེ་གཟིགས་ན་འདིར་གནོན།]

ནང་གི་ཡས་སྣར་ཧཾ་དཀར་པོ་མགོ་བོ་ཐུར་བསྟན། མས་སྣར་རམ་དམར་པོ་མགོ་གྱེན་བསྟན། བཤང་སྒོར་རླུང་གི་དཀྱིལ་འཁོར་ཟླ་གམ་སྔོ་སྐྱ་རབ་ཏུ་གཡོ་བ་རྣམས་བསམ། །རླུང་རོ་དགུ་ཕྲུགས་སུ་བུས། །དལ་བུས་ནང་དུ་རྔུབས་ལ་ལྟེ་འོག་ཏུ་མནན། འོག་རླུང་ཟད་འཐེན་ལ་ཁ་སྦྱོར་བཟུང་བས་ལྟེ་བའི་རཾ་ལས་མེ་ཕྲ་ཞིང་རྣོ་བ་རིམ་གྱིས་འབར་བ་སྤྱི་བོའི་ཧཾ་ལ་ཕོག་པས་ཐིག་ལེ་དཀར་པོའི་རྒྱུན་བབས། ལྟེ་བར་འབར་འཛག་སྐྲ་ཤད་འཛིངས་པ་ལྟ་བུ་ལ་སེམས་གཏད། གསུམ་པ་རྗེས་སྲིད་པའི་དབང་ཞུ་བ་ནི། བླ་མ་རྡོ་རྗེ་འཆང་བསྐྱེད་པའི་བར་གོང་བཞིན། ཕྱི་ནང་གསང་བ་དེ་ཁོ་ན་ཉིད་ཀྱི་མཆོད་པ་དཔག་ཏུ་མེད་པ་ཡིད་ཀྱིས་སྤྲུལ་ལ་ཕུལ་བར་བསམ་ཞིང༌། དུས་གསུམ་སངས་རྒྱས་འདུས་པའི་ངོ་བོ་བླ་མ་རིན་པོ་ཆེ་ལ། ཕྱི་མེ་ཏོག་བདུག་སྤོས། ནང་ཤ་ལྔ་བདུད་རྩི་ལྔ། གསལ་བ་བདེ་སྟོང་གི་ཡེ་ཤེས། ཡང་གསང་དེ་ཁོ་ན་ཉིད་ཀྱི་མཆོད་པ་དམ་པ་རྣམས་འབུལ་ལོ། །བཞེས་ནས་བདག་ལ་དབང་བཞི་རྫོགས་པར་བསྐུར་དུ་གསོལ། ཞེས་གསོལ་བ་བཏབ་པས། བླ་མའི་སྐུ་ལས་བདུད་རྩིའི་རྒྱུན་དཀར་པོ་དཔག་ཏུ་མེད་པ་བྱུང། རང་གི་སྤྱི་བོ་ནས་ཞུགས་སྨིན་མཚམས་ཡན་ཆད་གང༌། ལུས་ཀྱི་དྲི་མ་དག་བུམ་པའི་དབང་ཐོབ། མགྲིན་པ་ཡན་ཆད་གང༌། ངག་གི་དྲི་མ་དག །གསང་བའི་དབང་ཐོབ། སྙིང་ག་ཡན་ཆད་གང༌། ཡིད་ཀྱི་དྲི་མ་དག །ཤེས་རབ་ཡེ་ཤེས་ཀྱི་དབང་ཐོབ། ལུས་ཐམས་


TNT12_Page_0966
[མ་དཔེ་གཟིགས་ན་འདིར་གནོན།]

གང༌། བླ་མ་ཡང་འོད་དུ་ཞུ་རང་ལ་ཐིམ། ལུས་ངག་ཡིད་གསུམ་གྱི་དྲི་མ་མཐའ་དག་དག །དབང་བཞི་པ་ཐོབ་པར་བསམས་ལ་ཅུང་ཟད་མཉམ་པར་བཞག་གོ །ཐིག་ལེ་འབར་འཛག་དགའ་བཞིའི་འགྲོས། །བདེ་སྟོང་ཡེ་ཤེས་རྨད་བྱུང་ཆེ། །བསོད་ནམས་ཡེ་ཤེས་དབྱེར་མེད་པས། །སངས་རྒྱས་ལག་རྩེར་སྐད་ཅིག་ལའོ། །༈ གཉིས་པ་སྒྱུ་ལུས་ནི། པདྨ་དང་ཉི་མའི་གདན་གྱི་སྟེང་དུ། རང་ཉིད་དཔལ་འཁོར་ལོ་བདེ་མཆོག་སྐུ་མདོག་སྔོན་པོ་ཞལ་གཅིག་ཕྱག་གཉིས་རྡོ་རྗེ་དང་དྲིལ་བུ་འཛིན་པས་ཡུམ་ལ་འཁྱུད་པ། མི་མགོ་སྐམ་པོ་ལྔའི་དབུ་བརྒྱན་དང༌། རློན་པ་ལྔ་བཅུའི་དོ་ཤལ་འཕྱང་ཞིང་རུས་པའི་རྒྱན་དྲུག་དང་ལྡན་པ། སྟག་གི་ལྤགས་པའི་ཤམ་ཐབས་ཅན། ཞབས་གཡོན་ཅུང་ཟད་བསྐུམས་པས་འཇིགས་བྱེད་སྔོན་པོ་དང༌། གཡས་བརྐྱངས་པས་དུས་མཚན་མ་དམར་མོ་མནན་པ། དེའི་པང་དུ་ཡུམ་རྡོ་རྗེ་རྣལ་འབྱོར་མ་སྐུ་མདོག་དམར་མོ་ཞལ་གཅིག་ཕྱག་གཉིས་མ་གཡས་གྲི་གུག་དང༌། གཡོན་ཐོད་ཁྲག་འཛིན་པས་ཡབ་ལ་འཁྱུད་པ། རང་གི་སྤྱི་བོར་སེང་གེ་ཆེན་པོ་བརྒྱད་ཀྱི་བཏེགས་པའི་ཁྲི་སྣ་ཚོགས་པདྨ་ཉི་མ་ཟླ་བ་བརྩེགས་པའི་གདན་ལ་བླ་མ་རྡོ་རྗེ་འཆང་སྐུ་མདོག་སྔོན་པོ་དེའི་ཐུགས་ཀ་ནས་འོད་ཟེར་དཔག་ཏུ་མེད་པ་འཕྲོས་པས། ཕྱོགས་བཅུའི་བླ་མ་ཡི་དམ་སངས་རྒྱས་དགེ་འདུན་མཁའ་འགྲོ་ཆོས་སྐྱོང་ཐམས་ཅད་སྤྱན་དྲངས་ཏེ་བླ་མ་ལ་བསྟིམ། དེ་ནས་རིགས་དྲུག་སེམས་ཅན་རྣམས་ཡིད་མོས་གུས་གདུང་ཤུགས་དྲག་པོས་གསོལ་


TNT12_Page_0967
[མ་དཔེ་གཟིགས་ན་འདིར་གནོན།]

འདེབས་ཀྱི་སྒྲ་འུར་དིར་བར་བྱེད་པར་བསམ་ཞིང༌། དུས་གསུམ་སངས་རྒྱས་ཐམས་ཅད་འདུས་པའི་ངོ་བོ་བླ་མ་རིན་པོ་ཆེ། སེམས་ཅན་ཐམས་ཅད་ཀྱི་དོན་དུ་བདག་འཛིན་བློས་ཐོངས་པར་མཛད་དུ་གསོལ། དགོས་མེད་རྒྱུད་ལ་སྐྱེ་བར་མཛད་དུ་གསོལ། སྒྱུ་ལུས་འབྱོངས་པར་མཛད་དུ་གསོལ། རྨི་ལམ་འབྱོངས་པར་མཛད་དུ་གསོལ། འོད་གསལ་ཕྱག་རྒྱ་ཆེན་པོ་མཆོག་གི་དངོས་གྲུབ་ད་ལྟ་ཉིད་དུ། མྱུར་བ་ཉིད་དུ། འདུག་ས་འདི་ཉིད་དུ་ཐོབ་པར་མཛད་དུ་གསོལ། ཞེས་གསོལ་བ་དྲག་ཏུ་བཏབ་པས། བླ་མ་འོད་དུ་ཞུ་རང་ལ་ཐིམ། རང་གི་ལྟེ་བའི་ཐད་ཀྱི་ལུས་ནང་དུ་ཆོས་འབྱུང་དཀར་པོ་གྲུ་གསུམ་པ། རྩ་བ་ཕྲ་བ་གསང་གནས་སུ་ཟུག་པ། གདེངས་ཀ་ཆེ་བ་གྱེན་དུ་བསྟན་པ། ཟུར་གཅིག་ལྟེ་བ་དང༌། གཉིས་མཁལ་ཁུང་གཉིས་ཀྱི་ཐད་དུ་ཟུག་པ། དེ་ལ་སེམས་ཅུང་ཟད་གཏད་པས་ཆོས་འབྱུང་གི་ནང་དུ་འགྲོ་དྲུག་སེམས་ཅན་དཔག་ཏུ་མེད་པར་བྱུང་བར་བསམ། འདི་རྣམས་སྣང་ནི་སྣང༌། བདེན་ནི་མི་བདེན། བདེན་མེད་སྒྱུ་མ་ལྟ་བུ་ཡིན། རྨི་ལམ་ལྟ་བུ་ཡིན། བདེན་མེད་ལ་བདེན་པར་བཟུང་ནས། འཁོར་བར་འཁྱམས་པ་སྙིང་རེ་རྗེ། འདི་རྣམས་འཁོར་བ་ལས་ཐར་པར་བླ་མ་མཁྱེན་སྙམ་པ་བྱ། རིམ་གྱི་དེ་རྣམས་ཡལ་ནས་ཆོས་འབྱུང་སྟོང་སང་ངེ་བ་དང༌། དེ་ཡང་ཡལ་བ་དང༌། ཅི་ཡང་མི་བསམ་པར་མཉམ་པར་བཞག །སྣང་སྟོང་སྒྱུ་མའི་རྩིས་ཟིན་པས། གང་ཤར་ཐམས་ཅད་ལྷ་སྐུ་


TNT12_Page_0968
[མ་དཔེ་གཟིགས་ན་འདིར་གནོན།]

ཡིན། །སྒྱུ་མར་ཤེས་ན་སངས་རྒྱས་དང༌། །དམྱལ་བ་ལ་ཡང་ཁྱད་ཅི་ཡོད། །༈ གསུམ་པ་རྨི་ལམ་ཉིང་འཁྲུལ་རང་དག་ལ་དྲུག་སྟེ། རྨི་ལམ་བཟུང་བ། སྦྱང་བ། སྤེལ་བ། སྤྲུལ་པ། ཡུལ་སྣང་བ་གཏན་ལ་དབབ་པའོ། །དང་པོ་བཟུང་བ་ནི། བླ་མ་རྡོ་རྗེ་འཆང་དུ་བསྐྱེད་པ་ཡན་ཆད་སྒྱུ་ལུས་ཀྱི་སྐབས་བཞིན་ལས། དུས་གསུམ་སངས་རྒྱས་ཐམས་ཅད་ཀྱི་ངོ་བོ་བླ་མ་རིན་པོ་ཆེ། སེམས་ཅན་ཐམས་ཅད་ཀྱི་དོན་དུ་བདག་གི་བདག་འཛིན་བློས་ཐོངས་པར་མཛད་དུ་གསོལ། དགོས་མེད་རྒྱུད་ལ་སྐྱེ་བར་མཛད་དུ་གསོལ། རྨི་ལམ་ཟིན་པར་མཛད་དུ་གསོལ། ཞེས་གསོ་བ་བཏབ་པས། བླ་མ་འོད་དུ་ཞུ་རང་ལ་ཐིམ། རང་གི་ལུས་ཀྱི་ནང་དུ་རྩ་དབུ་མ་ཁ་དོག་དཀར་པོ་སྦོམ་ན་ལག་ངར་ཙམ། ཕྲ་ན་སྦ་སྙུག་ཙམ། མས་སྣ་གསང་གནས་སུ་ཟུག་ཅིང༌། ཡས་སྣ་ཚངས་བུག་ཏུ་ཟུག་པ། ཤེལ་གྱི་ཀ་བ་བཙུགས་པ་ལྟ་བུ། དེའི་ཡས་སྣའི་ནང་དུ་ཧཾ་དཀར་པོ་མགོ་བོ་ཐུར་དུ་ལྟ་བ། མས་སྣའི་ནང་དུ་ཧཱུཾ་དམར་པོ་མགོ་བོ་གྱེན་དུ་ལྟ་བ་བསམ། སྤྱི་བོའི་ཧཾ་ལས་ཐིག་ལེ་དཀར་པོ་སྲན་མ་ཙམ་ཅིག་ཆད་སྙིང་གར་བབས། གཏི་མུག་དག །མས་སྣའི་ཧཱུཾ་ལས་ཐིག་ལེ་དམར་པོ་སྲན་མ་ཙམ་ཞིག་ཆད། སྙིང་གར་སླེབ། འདོད་ཆགས་དག །དེ་གཉིས་སྙིང་གར་འཛོམས་པས་ཞེ་སྡང་རང་དག་ལ་སོང་བར་བསམ། རྨི་ལམ་འདུན་པ་དྲག་པོའི་ངང་ནས་སྙིང་གའི་ཐད་ཀྱི་དབུ་མའི་ནང་དུ་ཐིག་ལེ་གཉིས་འབྲོས་


TNT12_Page_0969
[མ་དཔེ་གཟིགས་ན་འདིར་གནོན།]

འདེད་ཀྱི་ཚུལ་དུ་གཡས་སྐོར་དུ་འཁོར་ཞིང༌། ཇི་ཞིག་ན་རེག་ཙམ་རེག་ཙམ་དང༌། དེ་ནས་རེག་པས་ལུས་སེམས་བདེ་ཆིལ་ཆིལ་བ་དང༌། མཐར་ཐིག་ལེ་གཉིས་གཅིག་ལ་གཅིག་ཐིམ་ནས་གཏད་མེད་དུ་ཡལ་བ་ལ་དམིགས་མེད་དུ་བཞག །འདི་རྨི་ལམ་རང་ཡིན་སྙམ་འདུན་པ་དྲག་པོ་བྱའོ། །ཐིག་ལེ་འཁོར་བ་བུམ་དབང༌། རེག་པ་གསང་དབང་ལུས་སེམས་བདེ་ཆིལ་བ་ཤེས་རབ་ཡེ་ཤེས་ཀྱི་དབང༌། མཐའ་ཡལ་བ་དབང་བཞི་པའི་གནད་དང་འབྲེལ་བ་ཡིན། གཉིས་པ་རྨི་ལམ་སྦྱང་བ་ནི། གསོལ་འདེབས་སྐབས་ཟིན་པ་ཞེས་པའི་ཚབ་ཏུ་འབྱོངས་པར་མཛད་དུ་གསོལ། ཟེར་དགོས་ལ་གཞན་འདྲའོ། །རྨི་ལམ་གྱི་འདུན་པ་དྲག་པོས་གདོང་དུ་དངོས་པོ་ཅི་ཡོད་ལ་ཕར་ཐལ་ཚུར་ཐལ་དུ་འགྲོ་བ་དང༌། གཞན་ཡང་ནམ་མཁའ་ལ་འཕུར་བ་དང༌། ས་འོག་ལ་འཛུལ་བ་སོགས་ཅི་དྲན་དྲན་གྱིས་སྦྱོང༌། འཇིགས་པ་དང༌། སྐྱུག་བྲོ་བ་དང༌། ངོ་ཚ་བ་དང༌། ཡ་ང་བ་ཐམས་ཅད་ལ་ཐོག་བརྫིས་ཀྱི་དམིགས་པ་བྱ། སྤེལ་བ་སོགས་ལྷག་མ་ཆོས་ཚན་བཞི་པོ་རེ་ཞིག་བཞག་གོ །ཐབས་ཀྱི་གསང་བའི་འཁྲུལ་ཆེན་པོ། །འདུན་པས་སྐད་ཅིག་ཉིད་ལ་ཡང༌། ཆོ་འཕྲུལ་དཔག་མེད་ཨ་འཐས་བྲལ། །འཁོར་བའི་རྒྱ་མདུད་ཡུད་ཀྱིས་གྲོལ། །༈ བཞི་པ་འོད་གསལ་གཏི་མུག་རང་སངས་ལ། འོད་གསལ་བཟུང་བ་ནི། རང་ཡི་དམ་དུ་གསལ་བའི་སྤྱི་


TNT12_Page_0970
[མ་དཔེ་གཟིགས་ན་འདིར་གནོན།]

བོར་གདན་བཞི་རྫོགས་ཀྱི་སྟེང་དུ། བླ་མ་རྡོ་རྗེ་འཆང་རུས་རྒྱན་སྟག་ལྤགས་སོགས་དུར་ཁྲོད་ཀྱི་ཆས་བརྒྱད་ཀྱིས་བརྒྱན་པ་ལ། དུས་གསུམ་སངས་རྒྱས་ཐམས་ཅད་འདུས་པའི་ངོ་བོ་བླ་མ་རིན་པོ་ཆེ། སེམས་ཅན་ཐམས་ཅད་ཀྱི་དོན་དུ་བདག་འཛིན༴ །དགོས་མེད༴ །འོད་གསལ་ཟིན་པར་མཛད་དུ་གསོལ། ཞེས་གསོལ་བ་འདེབས། ལྷག་མ་སྔོན་འགྲོ་སྒྱུ་ལུས་དང་འདྲ། རང་ལུས་ཀྱི་དབུས་སུ་རྩ་དབུ་མ་དཀར་པོ་དེའི་སྙིང་གའི་ཐད་དུ་པདྨ་དཀར་པོ་འདབ་མ་བཞི་པ། དེའི་སྟེང་དུ་རང་གི་རྩ་བའི་བླ་མ་རྡོ་རྗེ་འཆང་སྐུ་མདོག་དཀར་པོ་ཚོན་གང་བ། ཐུགས་ཀར་ཐིག་ལེ་སྲན་མ་ཙམ་དངུལ་ཆུའི་མདོག་ལྟ་བུ་འོད་འཕྲོ་བ། ཧཱུཾ་གི་འོད་ཀྱིས་བླ་མ་གསལ་བར་བྱས། བླ་མའི་འོད་ཀྱིས་རང་ལུས་ཐམས་ཅད་གསལ་བར་བྱས་ཤིང༌། ཧཱུྃ་ལ་སེམས་གཏད་ལ་མཉམ་པར་བཞག་གོ །གཏི་མུག་ན་བུན་ཚོགས་དེ་རྣམས། །འོད་གསལ་ནམ་མཁའི་དབྱིངས་སུ་ཞི། ཁམས་གསུམ་ཁྱབ་པའི་ཉི་འོད་འདིས། །སྨྲ་རྒྱུ་མེད་པའི་དོན་ཅིག་མཐོང༌། །༈ ལྔ་པ་འཕོ་བ་ནི། རང་ཡི་དམ་དུ་གསལ་བའི་སྤྱི་བོར་བླ་མ་སྒོམ་པའི་བར་སྒྱུ་ལུས་ཀྱི་སྐབས་བཞིན། གསོལ་འདེབས་ནི། བར་དོར་སངས་རྒྱ་བར་མཛད་དུ་གསོལ། ཞེས་འདོན་པ་སྤོས་ལ་གཞན་གོང་ལྟར་གསོལ་བ་བཏབ། ལུས་ཀྱི་ནང་དུ་རྩ་དབུ་མ་དཀར་ཞིང་དྭངས་པ་སྦོམ་ཕྲ་སྦ་ལྕག་ཙམ། མས་སྣ་གསང་གནས་ཟུག་ཅིང་ཁ་ཟུམ་པ། ཡས་སྣ་སྤྱི་བོའི་ཚངས་བུག་རྒྱ་


TNT12_Page_0971
[མ་དཔེ་གཟིགས་ན་འདིར་གནོན།]

མཐོང་ཁ་ཕྱེ་བ་ལྟར་སྐྱ་ཐལ་ལེ་བ་ཡོད་པ་ལ་ཟུག་ཅིང་འབྲེལ་བ། ལྟེ་བའི་ཐད་ཀྱི་དབུ་མའི་ནང་དུ་ཆོས་འབྱུང་དཀར་པོ་ཤིན་ཏུ་གསལ་བ་རྩ་བ་ཐུར་དུ་ཟུག་པ། གདེངས་ཀ་གྱེན་དུ་བསྟན་པའི་ཟུར་གཅིག་ལྟེ་བ་དང༌། གཉིས་གཡས་གཡོན་དུ་བསྟན། དེའི་དབུས་སུ་ཨ་དཀར་པོ་འདར་ཞིང་གཡོ་བ་འཕིར་ལ་ཁད་པ་ཞིག་བསམ། རླུང་རོ་ལན་གསུམ་འབུད། དེ་ནས་ནང་དུ་རྔུབས་དེ་ནས་ལྟེ་འོག་ཏུ་ཅུང་ཟད་མནན། འོག་རླུང་དྲག་ཏུ་འཐེན། རང་གི་ལྟོ་བ་སྒལ་ཚིགས་ལ་ལན་གསུམ་གདབ་པས། རླུང་གི་ཤུགས་དག་གིས་ཨ་དེ་མདའ་འཕངས་པ་བཞིན་དུ་དབུ་མའི་ནང་ཚངས་བུག་ནས་སྐྱ་རྒྱང་ཐོན། ནམ་མཁའ་ལ་ཡལ་གྱིས་སོང་བར་བསམ། དེ་ལྟར་ཡང་བདུན་ཙམ་བྱ། དེ་རྗེས་ཨ་དེ་ནམ་མཁའ་ནས་སྐྱ་ལམ་དེ་སྤྱི་བོར་བབས། ཚངས་བུག་ནས་ཞུགས། དབུ་མའི་ནང་གི་ཆོས་འབྱུང་དུ་སླེབ། ལུས་བདེ་ཆིལ་བྱུང་ཞིང༌། ཨ་དེ་བརྗིད་དང་ལྡན་པར་གྱུར། དེ་འཕོ་བའི་དམིགས་ཐུན་ཅིག་ཡིན། དེ་ཉིད་ཡང་ཡང་བསྒོམ། ཐུན་འཇོག་ན་ཚངས་བུག་ཁ་ཟུམ་པར་བསམ། བཙན་ཐབས་འཕོ་བའི་གདམས་ངག་འདིས། །མཚམས་མེད་བྱས་པའང་གྲོལ་བར་འགྱུར། །དབྱིངས་སུ་འཕོ་བ་འདི་ཡིས་ཆོག །འགྲོ་བ་དྲུག་ཏུ་འཁོར་བས་ཅི། །༈ དྲུག་པ་བར་དོ་ནི། གསོལ་འདེབས་ཀྱི་ཤམ་བུར་ལོངས་སྐུ་ཐོབ་པར་མཛད་དུ་གསོལ། ཞེས་འདོན། རང་གི་མདུན་དུ་ཆོས་འབྱུང་སྔོན་


TNT12_Page_0972
[མ་དཔེ་གཟིགས་ན་འདིར་གནོན།]

པོ། ཆོས་འབྱུང་དེའི་དབུས་སུ་རང་ཉིད་ཕྱིན་པས་ཡི་གེ་ཧཱུྃ་སྔོན་པོར་གྱུར། དེ་ལས་འོད་ཟེར་འཕྲོས། ཆོས་འབྱུང་ལ་ཕོག་པས། རིགས་དྲུག་ཏུ་སྔར་སྐྱེས་པ་དང༌། ད་ལྟ་སྐྱེས་པའི་ལན་ཆགས་སྦྱངས། མ་འོངས་པའི་སྐྱེ་སྒོ་བཀག །ཧཱུྃ་ཡོངས་སུ་གྱུར་པ་ལས་རང་ཉིད་འཁོར་ལོ་བདེ་མཆོག་ཏུ་གསལ་བའི་སྤྱི་བོར་བླ་མ་བསྒོམ། བར་དོ་ལོངས་སྐུ་ཐོབ་པར་མཛད་དུ་གསོལ། །ཞེས་གསོལ་བ་བཏབ། གཟུགས་སུ་སྣང་བ་ཐམས་ཅད་ཡི་དམ་འཁོར་ལོ་བདེ་མཆོག་ཏུ་བསྒོམ། སྒྲ་གྲགས་པ་ཐམས་ཅད་ཨོཾ་ཧྲིཿཧ་ཧ་ཧཱུྃ་ཧཱུྃ་ཕཊ་ལ་སོགས་པ་ཡི་དམ་གྱི་སྔགས་སུ་བསྒོམ། དྲན་རིག་གི་ཡུལ་ཡིད་ལ་ཤར་བ་ཐམས་ཅད་རྨི་ལམ་སྒྱུ་མ་ལྟ་བུར་བདེན་པར་གྲུབ་པ་ཅིག་ཀྱང་མེད་པར་ཐག་བཅད་ནས། ཆོས་འབྱུང་གི་ནང་གི་གཡས་ཟུར་དུ་ཕོ་ཐམས་ཅད་འཁོར་ལོ་སྡོམ་པར་བསྒོམ། མོ་ཐམས་ཅད་ཆོས་འབྱུང་གི་གཡོན་ཟུར་དུ་རྡོ་རྗེ་རྣལ་འབྱོར་མར་བསྒོམ། དེ་ཐམས་ཅད་བར་དོར་ཤེས་པ་གལ་ཆེའོ། །བར་དོར་འདུན་པས་འཛིན་པ་ནི། །ལས་དང་པོ་པ་ལ་ངོ་མཚར་ཆེ། །དག་པ་རབ་འབྱམས་ཁོ་ན་ལ། །སྲིད་པའི་ལས་སྣང་ཡོད་མ་ཡིན། །གཏུམ་མོའི་དམིགས་པ་སྒོམ་ན། སྐྱབས་འགྲོ་སེམས་བསྐྱེད་སྟོང་ར་རྣམས་སྔོན་དུ་འགྲོ་བྱས་ཏེ་བསྒོམ། སྒྱུ་ལུས་རྨི་ལམ། འོད་གསལ། འཕོ་བ་རྣམས་ལ་སྟོང་རའི་རྗེས་སུ་འཆི་བ་མི་རྟག་པའི་སྐྱོ་ཤས་དུང་བ་རེ་བསྒོམ་


TNT12_Page_0973
[མ་དཔེ་གཟིགས་ན་འདིར་གནོན།]

པ་ཡང་གལ་ཆེ་ཞིང༌། དེ་མཚམས་དངོས་གཞི་སོ་སོ་ལ་འཇུག །བར་དོ་ལ་དེའི་ཚབ་ཏུ། བར་དོ་དངོས་ཡིན་པར་འདུག་ཅི་རང་དྲག །ད་ནི་མ་འཁྲུལ་བ་ཞིག་བྱེད་དགོས། བར་དོ་རྒྱལ་བ་ལོངས་སྐུའི་གདམས་ངག་བླ་མས་གནང་བ་དེ་སྒོམ་དགོས་སྙམ་པས་དངོས་གཞི་འཇུག །སྤྱི་བབས་ཆོས་དྲུག་ཀར་མཉམ་ལེན་མ་ལྕོགས་ན། རང་གང་མོས་པ་རེ་བསྒོམས་པས་ཆོག །དཔེར་ན་གཏུམ་མོ་ཁོ་ན་ལ་མོས་ན་སྐྱབས་སེམས་སྟོང་ར་སྔོན་དུ་འགྲོ་བས། ལུས་གནད་མེའི་སྟོང་ར་རླུང་ཐེངས་གསུམ་བཞི་ཙམ་བསྒོམས། གཏུམ་མོ་ཟས་སུ་ཟ་བ་ཅི་ནུས་ནུས་བསྒོམས་ནས། ཐུན་འཇོག་ཁར་སྲིད་པའི་དབང་ཞུ་བ་ཚར་ཅིག་བྱེད་པ་ཡིན། དེ་ཉིད་ཐུན་བཞི་ལ་སོགས་པར་བྱའོ། །གཞན་རྣམས་ལའང་རིགས་འགྲེའོ། ཆོས་གཉིས་གཉིས་གསུམ་གསུམ་ཙམ་བསྒོམས་ན་ཡང་དེ་ཡིས་རིགས་འགྲེའོ། ཡོངས་རྫོགས་སུ་སྒོམ་པ་ནི། སྔ་དྲོ་གཏུམ་མོ། ཉིན་གུང་སྒྱུ་ལུས། །དགོང་མོ་རྨི་ལམ། །མཚན་མོ་འོད་གསལ་རྣམས་བསྒོམ། འཕོ་བ་བར་དོ་སྐབས་སུ་གང་བབ་ཅིག་ཏུ་བསྒོམ་པར་བྱའོ། །འདི་སྨྲས་པ། ཤིན་ཏུ་ཟབ་པའི་ལམ་གྱི་མཆོག །ཀུན་ལས་མཆོག་ཀྱང་དགའ་བའི་ཏོག །སྙིང་པོ་མདོ་ཙམ་སྦྱར་བ་འདིས། །འགྲོ་ཀུན་བྱང་ཆུབ་མཆོག་ཐོབ་ཤོག །ནི་གུ་ཆོས་དྲུག་གི་སྙིང་པོ་དོན་མཐིལ་དུ་བསྟན་པའི་འཁྲིད་ཚུལ་འདི་ནི། རིགས་རུས་


TNT12_Page_0974
[མ་དཔེ་གཟིགས་ན་འདིར་གནོན།]

ཕུན་སུམ་ཚོགས་པའི་ས་གཞིར། དད་སོགས་དགེ་བའི་སྡོང་པོ་རྒྱས་པའི་སྐལ་བཟང་ཅན་ངག་དབང་བློ་ལྡན་བཟང་མོའི་གསུང་གིས་བསྐུལ་ནས། རྒྱལ་ཁམས་པ་ཏཱ་ར་ནཱ་ཐས་སྟག་ལུང་དུ་སྦྱར་བའོ།། །།མངྒ་ལཾ།། ཞུས་དག།

ཟབ་ལམ་ནི་གུ་ཆོས་དྲུག་གི་གཞུང་ཁྲིད་མ་མོའི་ལྷན་ཐབས་ཁ་སྐོང་།


TNT12_Page_0975
[མ་དཔེ་གཟིགས་ན་འདིར་གནོན།]

ཟབ་ལམ་ནི་གུ་ཆོས་དྲུག་གི་གཞུང་ཁྲིད་མ་མོའི་ལྷན་ཐབས་ཁ་སྐོང་བཞུགས།


TNT12_Page_0976
[མ་དཔེ་གཟིགས་ན་འདིར་གནོན།]

ན་མོ་གུ་རུ། ཡེ་ཤེས་མཁའ་འགྲོ་ནི་གུ་མའི་ཞལ་གདམས་སོ། །ཆོས་དྲུག་སྟན་ཐོག་གཅིག་མ་དང༌། །གཞུང་ཁྲིད་རྒྱས་པའི་ཞལ་གདམས་ཡོད། །རིན་ཆེན་འོད་ཀྱི་ཕྲེང་བ་དང༌། །དྲི་མེད་འོད་ཀྱི་ཕྲེང་བ་དང༌། །ཉམས་མྱོང་ཡོན་ཏན་རྒྱ་མཚོ་དང༌། །སྒྱུ་ལུས་སྟན་ཐོག་གཅིག་མ་སྟེ། །བསྲེ་བའི་ཟབ་ཁྲིད་རྣམ་བཞི་ཡོད། །དེ་ལྟར་སྡེ་ཚན་དྲུག་པོ་འདི། །ཆོས་དྲུག་མཁན་ལ་དགོས་ངེས་ཡིན། །ཅེས་སོ། །ཟབ་ལམ་ཆོས་དྲུག་སྟན་ཐོག་གཅིག་ཏུ་དྲིལ་བ་ནི་འདི་ཡིན་ཏེ། དེ་ཡང་སྔོན་འགྲོ་དང་དངོས་གཞི་གཉིས་ལས། དང་པོ་ལ། ཐུན་མོང་དང་ཐུན་མོང་མ་ཡིན་པ་གཉིས། དང་པོ་ཐུན་མོང་བ་ནི། སྐྱབས་འགྲོ་སེམས་བསྐྱེད་གཉིས་ཡིན་ལ། གཉིས་པ་ལ། དག་བྱེད་ཨའི་སྟོང་ར་དང༌། བླ་མའི་རྣལ་འབྱོར་རོ། །དེ་ལྟར་ན། སྐྱབས་སེམས་དག་བྱེད་སྟོང་ར་གསུམ། སྤྱིར་ཁྲིད་ཡིག་རྒྱས་པ་དང་འདྲ་བ་ལས། སྐྱབས་ཡུལ་གྱི་བླ་མ་མ་བསྡུས་པར་བཞག་པ་ལ་སེམས་བསྐྱེད་ཀྱི་རྗེས་སུ། སྟོང་རའི་གསོལ་འདེབས་བྱས་


TNT12_Page_0977
[མ་དཔེ་གཟིགས་ན་འདིར་གནོན།]

ནས་རང་ལ་བསྟིམ། དེ་རྗེས་སྟོང་ར་སྒོམ་པ་ཡིན། གཉིས་པ་བླ་མའི་རྣལ་འབྱོར་ནི། རང་གི་མདུན་གྱི་ནམ་མཁའ་ལ་གདན་བཞི་རྫོགས་ཀྱི་སྟེང་དུ། བླ་མ་སྐུ་དངོས་ཁོ་ན་བསྒོམ། སྐྱབས་གནས་ཀུན་འདུས་སུ་ཡེ་ནས་གྲུབ་པར་སྒོམ་པ་ལས་ཚུར་བསྟིམ་པ་སོགས་དམིགས་པའི་སྤྲོས་པ་མི་དགོས། མོས་གུས་ཀྱི་གདུང་ཤུགས་དྲག་པོས། དུས་གསུམ་སངས་རྒྱས་ཐམས་ཅད་འདུས་པའི་ངོ་བོ་བླ་མ་རིན་པོ་ཆེ། སེམས་ཅན་ཐམས་ཅད་ཀྱི་དོན་དུ་བདག་གིས་བདག་འཛིན་བློས་ཐོངས་པར་མཛད་དུ་གསོལ། དགོས་མེད་རྒྱུད་ལ་སྐྱེ་བར་མཛད་དུ་གསོལ། སྒྱུ་ལུས་རྨི་ལམ་འབྱོངས་པར་མཛད་དུ་གསོལ། འོད་གསལ་ཕྱག་རྒྱ་ཆེན་པོ་མཆོག་གི་དངོས་གྲུབ་ད་ལྟ་ཉིད་དུ་མྱུར་བ་ཉིད་དུ་འདུག་ས་འདི་ཉིད་དུ་ཐོབ་པར་མཛད་དུ་གསོལ། ཅེས་པ་ཁོ་ནས་གསོལ་བ་དྲག་ཏུ་བཏབ། འདི་ལ་སེམས་ཅན་ཐམས་ཅད་སྙིང་ཁོངས་སུ་བཅུག་པས་ཆོག །འགྲོ་དྲུག་གི་དངོས་སུ་གསོལ་བ་འདེབས་པའི་དམིགས་པ་མི་དགོས། མཐར་བླ་མ་འོད་དུ་ཞུ་ནས་རང་ལ་བསྟིམ་


TNT12_Page_0978
[མ་དཔེ་གཟིགས་ན་འདིར་གནོན།]

པའི་ངང་དུ་ཅུང་ཟད་མཉམ་པར་བཞག་གོ །དངོས་གཞི་ལ་གཏུམ་མོ་སྒོམ་པར་འདོད་ན། ལུས་གནད་རྣམ་སྣང་ཆོས་བདུན་སྤྱི་དང་འདྲ་བར་བྱ་བ་ལས། མིག་ཐད་ཀ་བལྟ། ལག་མཐིལ་གྱིས་པུས་མོ་མནན་ནོ། །རང་ཉིད་རྡོ་རྗེ་ཕག་མོ་རང་ལུས་དང་བཞུགས་ཚུལ་མཐུན་པ་ཅིག་བསྒོམ། །རང་གི་ལུས་ཀྱི་ནང་སྟོངས་སང་སང་བ། ལུས་ཀྱི་དབུས་སུ་རྩ་དབུ་མ་ཆོས་བཞི་ལྡན་རིང་ཐུང་སོགས་དཀྱུས་དང་འདྲ། དེའི་ནང་ལྟེ་འོག་སོར་བཞི་ན་རཾ་དམར་ནག་ནས་འབྲུ་ཙམ། ལྟེ་བར་ཉི་མའི་དཀྱིལ་འཁོར་སྲན་ཆུང་ཙམ་གྱི་སྟེང་དུ། ཨ་ཤད་དམར་སེར་རིང་ཐུང་སོར་གང་ཙམ་ཕྲ་མོ་ཞིག་བསྒོམ། དེ་རང་གི་རྩ་བའི་བླ་མའི་ངོ་བོ་ཡིན་སྙམ་མོས་གུས་དུང་བ་བྱ། དེ་ནས་སྤྱི་བོར་ཧཾ་དཀར་པོ་མགོ་བོ་ཐུར་དུ་བལྟ་བ་དང༌། སྟེང་གི་ནམ་མཁའ་ལ་རང་གི་རྩ་བའི་བླ་མ་སྐུ་མདོག་དཀར་ཞིང་ཞལ་འཛུམ་པ། གཟི་བརྗིད་འབར་བ་ཞིག་བསམ། ཐུན་གྱི་མགོར་རླུང་རོ་དགུ་ཕྲུགས་སུ་འབུད། དེ་ནས་རླུང་སྦྱོར་བ་བཞི་ལྡན་དྲག་ཏུ་བསྒོམ། དམིགས་པ་ནི། རླུང་ཉིད་དབུ་མའི་མས་སྣ་ནས་ཞུགས། རཾ་ལ་བུས། དེ་ལས་མེ་ལྕེ་དམར་ནག་སཽར་བཞིར་འབར། བླ་མའི་ངོ་བོ་ལྟེ་བའི་ཨ་ཤད་ལ་བསྐུལ། ཨ་ཤད་ལས་མེ་དམར་སེར་འུར་གྱི་འབར། སྤྱི་བོའི་ཧཾ་ཅུང་ཟད་ཞུ། མེ་ལྕེ་ཚངས་བུག་ནས་ཐོན་ཏེ་རྒྱ་ཆེར་འབར། མེ་ལྕེའི་རྩེ་མོ་ལས་མཆོད་པ་སྣ་ཚོགས་སྤྲུལ། བླ་མ་མཆོད་པ་བཞི་རྫོགས་ཀྱི་མཉེས་པར་བསམ། མེ་ལྕེའི་འོད་ལས་བདེ་དྲོད་ཀྱི་མཆོད་པ་ཕུལ། སངས་རྒྱས་ཀུན་


TNT12_Page_0979
[མ་དཔེ་གཟིགས་ན་འདིར་གནོན།]

འདུས་ཀྱི་ངོ་བོ་བླ་མ་དེ་ཡང་བྱང་ཆུབ་ཀྱི་སེམས་ཀྱི་བདུད་རྩིར་ཞུ། མེ་ལྕེ་དང་ལྷན་ཅིག་ཚུར་བྱོན། ཚངས་བུག་ནས་ཞུགས། བདུད་རྩི་སྤྱི་བོའི་ཧཾ་ཡིག་ལ་འདྲེས། ཐིག་ལེའི་རྒྱུན་ནར་གྱིས་བབས། མགྲིན་པར་སླེབས་པས་དགའ་བ་བུམ་དབང༌། སྙིང་གར་སླེབས་པས་མཆོག་དགའ་གསང་དབང༌། ལྟེ་བའི་ཨ་ཤད་ལ་ཐིམ་པས་ཁྱད་དགའ། ཤེར་དབང༌། དེ་ལས་ཀྱང་བདུད་རྩི་བབས་པ་རཾ་ལ་ཐིམ་པས། ལྷན་སྐྱེས་དང་དབང་བཞི་པའོ། །ཞེས་དྲན་པར་བྱ། དེ་ནས་ཀྱང་འབར་འཛག་སྐྲ་ཤད་འཛིངས་པ་དཀྱུས་དང་འདྲ་བ་བསྒོམས་པ་ལས། ཁྱད་པར་ནི་རཾ་གྱི་མེ་དང་ཨ་ཤད་ཀྱི་མེ་གཅིག་ཏུ་འདྲེས་པ་འབར་བ་དང༌། ཧཾ་གི་ཐིག་ལེ་ཡང་ཨ་ཤད་བརྒྱུད་དེ་རཾ་ལ་ཐིམ་པར་བསྒོམ་པ་ནི་ཁྱད་པར་རོ། །འདི་ནི་གཏུམ་མོ་ཟས་སུ་ཟ་བ། བྱིན་རླབས་བླ་མའི་གཏུམ་མོ། སྲིད་པའི་དབང་ཞུ་བ་སྟེ་གསུམ་གར་དམིགས་པ་གཅིག་ལ་དྲིལ་བ་ཡིན་པས། གནད་ཤིན་ཏུ་ཆེའོ། །ཡང་འདི་ལ་གཏུམ་མོ་འབར་བ་ལ་སེམས་གཏད་དེ། རླུང་དྲག་ཏུ་བུས་པའི་ཕྱི་འཛིན་ཁོང་འདྲེན་དྲག་པོ་དང༌། ཐིག་ལེ་འབབ་པ་ལ་སེམས་གཏད་ནས་དྲག་ཏུ་རྔུབས་ནས་ཐུར་སེལ་གྱི་སྒོ་གཉིས་ལ་གཟིར་བ་དང༌། དེ་ཐམས་ཅད་ལ་སེམས་ནམ་མཁའ་ལ་ཡལ་དུ་བཅུག །ལྟོ་བ་ཕྱིར་བཀྱེད་ནས་ལུས་གཅུ་ཞིང་རྩལ་སྤྲུགས་དྲག་པོ་བྱེད་པ་དང༌། ཧལ་ཞེས་བརྗོད་པ་ནི། ཐབས་ལམ་གཉིས་པའི་མན་ངག་རླུང་སྦྱོར་གཅིག་ལ་ལམ་རྫོགས་པ་


TNT12_Page_0980
[མ་དཔེ་གཟིགས་ན་འདིར་གནོན།]

སྟེ། འདི་ཉེ་བརྒྱུད་བཀའ་གསར་པ་ཞིག་ཡིན་ནོ། །གཏུམ་མོ་སྟན་གཅིག་སྟོང་ཚད་རང་ལ་འདི་འཆད་པ་མིན། ཤིན་ཏུ་གསང་བའོ། །སྤྱིར་འདི་ལ་ཆོས་དྲུག་སྟེ་ཐོག་གཅིག་མ་ཟེར། གཏུམ་མོའི་རྣལ་འབྱོར་འདི་ལ་ཡང་སྒོས་སུ་གཏུམ་མོ་སྟན་ཐོག་གཅིག་མར་མིང་འདོགས་མཛད། གཞན་སྒྱུ་ལུས་སོགས་རེ་རེ་ནས་ཕྲལ་བ་ལ་དེ་དང་དེ་སྟན་ཐོག་གཅིག་མའི་ཐ་སྙད་མི་བྱེད་དོ། །གཉིས་པ་སྒྱུ་ལུས་ནི། རྩ་བའི་བླ་མ་ཉིད་མདུན་ནམ་སྤྱི་བོའམ་སྙིང་གར་བསྒོམས་ཀྱང་རུང༌། གང་ན་བཞུགས་པའི་ཕྱོགས་སམ་མཁའ་ཁྱབ་ཏུ་བཞུགས་པ་ལ་གསོལ་བ་བཏབ་ཀྱང་རུང་སྟེ། ཕ་བླ་མ་ཕ་བླ་མ། བླ་མ་རང་མཁྱེན། དྲིན་ཅན་རྩ་བའི་བླ་མ་ཁྱེད་ལ་གསོལ་བ་འདེབས་སོ། །ཞེས་མོས་གདུང་དྲག་པོ་སྙིང་ལ་འབྲབ་པ་ཞིག་བསྒོམས་ནས་དེའི་ངང་ལ་ལྷོད་ཀྱིས་བཞག །རང་ལྷ་སྐུར་ལམ་ཙམ་གསལ་བཏབ་སྟེ། རང་གཞན་སྣང་བ་ཐམས་ཅད་ལ་དམིགས་ནས། འདི་ཐམས་ཅད་མེད་བཞིན་དུ་སྣང་བ་འཁྲུལ་བའི་སྣང་བ་ཡིན་པ་ལ་བཟང་ངན་བདེ་སྡུག་ཆགས་སྡང་མཐོ་དམན་ཉེས་རིང་འབྱོར་རྒུད་དགའ་མི་དགའ་གཏམ་སྙན་མི་སྙན་སོགས་ལ་ཨ་འཐས་ཀྱི་ཞེན་པས་སྤང་བླང་དགག་སྒྲུབ་བྱེད་པ་འདིར་ཨ་རེ་འཁྲུལ། གཏད་པ་རང་ཅི་ཡོད། རྨི་ལམ་ལྟ་བུ་རང་ཡིན་ཨང་ཞེས་སྦྱངས་ནས། གཡས་མེད་དུ་ཆལ་སོང་བ་དེ་ཀ་ལ་བཟོ་བཅོས་མེད་པར་བཞག །དབང་པོ་རབ་འབྲིང་གི་ཉམས་ལེན་ཐམས་ཅད་དེ་ལ་འདུས། དེ་མ་ཐག་རང་ལྷར་གསལ་བའང༌། ཐ་


TNT12_Page_0981
[མ་དཔེ་གཟིགས་ན་འདིར་གནོན།]

མལ་གྱི་རྣམ་པ་གང་ཡིན་ཡང་རུང་སྟེ། ནང་སྟོང་སང་ངཻ་བའི་ལྟེ་འོག་ཏུ་ཆོས་འབྱུང་དང་རིགས་དྲུག་སྒོམ་པ་སོགས་འགྲོ་དྲུག་སྒྱུ་མར་འཆར་བྱེད་དཀྱུས་དང་མཐུན་པར་བསྒོམ་མོ། །འདི་ལ་དབང་པོ་རབ་འབྲིང་གསུམ་གྱི་གནད་སོ་སོར་ཚང་བ་ཡིན་ཀྱང་གཅིག་ཏུ་དྲིལ་ནས་བསྒོམ་པ་ཡིན་པས་དམིགས་སྐོར་གཅིག་ཁོ་ནའོ། །གསུམ་པ་རྨི་ལམ་ལ་བཟུང་བ་དང༌། སྦྱང་བ་དང༌། ཡུལ་སྣང་ལྟ་བའོ། དང་པོ་ནི། རང་ཟིན་ཐིག་ལེ་དབང་བཞིའི་གནད་ཁོ་ན་སྟེ། དེ་ཡང་དམིགས་པ་དེ་ཚར་གསུམ་ཙམ་རེ་བསྡུས་ནས་འཇུར་བར་བསྒོམས་པའི་རྗེས་སུ་རང་གཞན་སྣོད་བཅུད་དགྲ་གཉེན་ལཽངས་སྤྱོད་ཐམས་ཅད་ལ་བདེན་མེད་ཀྱི་འདུན་པ་དྲག་ཏུ་སྦྱངས་ཤིང༌། དེ་ཀའི་ངང་ལ་གང་ཤར་བཟོ་མེད་དུ་འཇོག།ཚུལ་དེ་ལྟ་བུ་ཡང་ཡང་གོམས་པར་བྱེད་པ་ཡིན། གཉིས་པ་སྦྱང་བ་ནི། འདུན་པ་སྦྱོང་བ་ཁོ་ན་ཡིན་ཏེ་དཀྱུས་བཞིན་ཡིན། འོན་ཀྱང་སྒྱུ་མ་ལྟ་བུའི་འདུན་པ་དང༌། རང་བཞིན་དབྱིངས་ཀྱི་ངང་སྐྱོང་བ་དེ་གལ་ཆེའོ། །གསུམ་པ་ཡུལ་སྣང་ནི་རང་གི་སྙིང་གར་ཧཱུྃ་ཡིག་དཀར་པོ་དྭངས་གསལ་འོད་ཀྱི་རང་བཞིན་ཞིག་བསྒོམ། རྨི་ལམ་སྒྱུ་མའི་འདུན་པ་དང༌། ཡུལ་སྣང་ལྟ་འདོད་དྲག་ཏུ་བྱ། ཧཱུྃ་ལས་འོད་ཀྱི་ཐག་པ་ལྟ་བུ་ཞིག་རྒྱང་སྟེ་འཕྲོས། གང་ལྟ་འདོད་པའི་དངོས་པོ་དེ་ཞགས་པས་དྲངས་པ་ལྟར་ཚུར་བྱུང་ནས་སྙིང་གའི་ཧཱུྃ་ལ་ཐིམ། ཧཱུྃ་གི་འོད་ཀྱིས་སྣང་བ་ཐམས་ཅད་ཁྲ་གསལ་ལེ་གསལ་བ་ལ་སེམས་གཏད་དེ་བསྒོམ་


TNT12_Page_0982
[མ་དཔེ་གཟིགས་ན་འདིར་གནོན།]

སྐབས་འདིར་བུམ་ཅན་བསྒོམ་པ་གལ་ཆེ། ལར་མ་ཟིན་འབྱམས་དང་གོལ་ས་གསུམ། །བསོད་ནམས་ཚོགས་ཀྱིས་བཅད་པར་བྱ། །ཞེས་འབྱུང་ལ། རྨི་ལམ་སྒྱུ་ལུས་ཀྱི་སྐབས་སུ་གལ་ཆེ་བར་བཞེད། བཞི་པ་འོད་གསལ་ལ། འོད་གསལ་འཛིན་པ་དམིགས་པའི་གཙོ་བོ་ཡིན་པས། བླ་མ་ལ་བརྟེན་ནས་འཛིན་པ་དེ་ངེས་པར་བསྒོམ། དེ་ཀས་ཟིན་ན་ལེགས། མ་ཟིན་ན་རྣོ་ཁྱད་དུ་ཨ་ཡིག་ལ་རྟེན་ནས་འཛིན་པ་ཡིན་ཏེ། རང་གི་དབུ་མའི་མས་སྣར་ཨ་དཀར་པོ་བསྒོམ། སྟེང་རླུང་ནན་ནན། འོག་རླུང་ཐེན་ཐེན་བྱས་པས། ཨ་དེ་གསང་བའི་རྩ་བར་ལྷན་ལྷན་སོང༌། གསང་བའི་རྩ་ལམ་ནས་ཀྱང་གཅུས་ཀྱོག་ཀྱོག་པའི་ངང་ནས་རྡོ་རྗེ་ནོར་བུའི་དབུས་སུ་ཁ་དོག་སྔོན་པོ་འོད་འཚེར་བ་ཞིག་ཏུ་གྱུར། མགོ་ནང་བསྟན་དུ་ལོག་ཤུགས་དྲག་པོས་ཕྱི་ལ་འགྲོ་འདོད་ཀྱང་བུ་ག་དོག་པོ་ལ་མ་ཤོང་བས་འགྲོ་མི་ཐུབ་པར་ལྷན་ལྷན་འདུག་པ་ལ་ཡུད་ཅིག་སེམས་དྲག་ཏུ་གཏད། ཡང་དེ་ཀའི་སྣང་བ་མ་འགགས་ཙམ་ལ་ཧད་དེ་ཆད་དེ་བཞག །དེ་ལྟར་ཡང་ཡང་བསྒོམ། འོད་གསལ་འཛིན་ལུགས་སྤྱི་དང་འདྲ། འཛིན་པ་ལ་ལྷག་པར་བསྔགས་སོ། །འདི་ཁོ་ནས་གཉིད་ཀྱི་འོད་གསལ་ཟིན་འོང༌། སྟན་ཐོག་གཅིག་མ་རང་གི་འོད་གསལ་གྱི་དམིགས་པ་དེ་ཕྱི་མ་འདི་ཁོ་ན་ཡིན་བླ་མ་ལ་བརྟེན་པའི་དམིགས་པ་དེ། སྤྱིའི་ཁོག་ཕུབ་རྒྱབ་རྟེན་ཡིན་གྱི། སྟན་ཐོག་གཅིག་མའི་སྐབས་ཀྱི། དམིགས་པ་རང་མིན་ནོ། །ཨ་ལ་བརྟེན་པ་འདི་རྟེན་བུད་མེད་ཀྱིས་སྒོམ་ན། ལྟེ་


TNT12_Page_0983
[མ་དཔེ་གཟིགས་ན་འདིར་གནོན།]

འོག་སོར་བརྒྱད་ཙམ་དུ་དབུ་མའི་མས་སྣས་སླེབ་པའི་མས་སྣ་དེ་ཀར་བསྒོམ། རླུང་གི་གནད་སོགས་གཞན་འདྲའོ། །དེ་ལྟར་རྩ་བའི་ཆོས་བཞི་པོ་དེ་ཐམས་ཅད་ཆ་ཚང་སྒོམ་ན་ཐོག་མར་རེ་རེ་བཞིན་ཟླ་བ་གཉིས་གསུམ་སྦྱངས་པས་ཉམས་མྱོང་སྣ་རེ་རྙེད་འོང༌། དེ་རྗེས་ཉིན་ཞག་ཕྲུགས་གཅིག་ནང་དུ་བཞི་ཆར་སྒོམ་ན། ཐོ་རངས་ནས་སྔ་ཐུན་ལ་གཏུམ་མོ། གུང་ཐུང་ལ་སྒྱུ་ལུས་དགོང་ཐུན་ལ་རྨི་ལམ། སྲོད་ཐུན་ལ་འོད་གསལ་བསྒོམ་ཞེས་ཁྲིགས་ཀ་འདི་བཞིན་ཡང་མཛད། འོན་ཀྱང་མཐའ་གཅིག་ཏུ་མ་ངེས་སོ། །དེ་བཞིན་དུ་བཞི་ཆར་བསྒོམ་པར་མི་ནུས་ན། གསུམ་སྡེབ་བམ། གཉིས་སྡེབ་བམ། རེ་རེ་བསྒོམས་པས་ཀྱང་དོན་ཁྱད་པར་ཅན་འགྲུབ་པར་འགྱུར་རོ། །སྟན་ཐོག་གཅིག་མ་ཞེས་པ་ཡང་རྩ་བའི་ཆོས་བཞི་པོ་ལ་བརྩི་བ་ཡིན་ཏེ། འཕོ་བ་བར་དོ་ཁ་སྐོང་བས་རྒྱས་བསྡུས་གང་བསྟན་ཀྱང་འདྲའོ་གསུངས་ནས་གོ་བབས་ལྷོད་ཡངས་སུ་མཛད་ཀྱང༌། ལག་ལེན་དུ་འདི་ལྟར་མཛད་དེ། །འཕོ་བ་ནི། སྤྱི་བོ་ཚངས་བུག་རྒྱ་མཐོངས་ཁ་ཕྱེ་བ་བཞིན་དུ་ཡོད་པར་བསྒོམ། ཨ་ལ་བརྟེན་པའི་འོད་གསལ་འཛིན་པ་དེ་ཁོ་ན་བཞིན་ལས། ལྟེ་འོག་སོར་བཞིའི་ཨ་དེ་རླུང་ཕྱིར་འབུད་པ་དང་ལྷན་ཅིག་དབུ་མའི་ལམ་བརྒྱུད། ནམ་མཁའི་དབུས་སུ་མདའ་འཕངས་པ་བཞིན་དུ་སོང་ནས་ནམ་མཁའ་དབྱིངས་མཐོན་པོར་ཡལ་བར་བསྒོམ། ཡང་ཨ་དེ་ནམ་མཁར་གྲུབ་མར་བབས་ཚངས་བུག་ནས་ཞུགས་ཏེ་དབུ་མའི་མས་སྣར་ཕྱིན་པར་བསམ།


TNT12_Page_0984
[མ་དཔེ་གཟིགས་ན་འདིར་གནོན།]

འདི་ལ་འགྲོ་འོང་སྤེལ་མ་རང་བསྒོམས་པས་ཆོག །སྒོ་དགག་པའང་མི་དགོས་གསུང་ངོ༌། །དྲུག་པ་བར་དོ་ནི། རང་གི་མདུན་དུ་ཆོས་འབྱུང་བསྒོམ་པ་ནས། སྤྱི་བོར་བླ་མ་བསྒོམ་པའི་བར་གཞུང་ཁྲིད་ཀྱི་དབང་པོ་འབྲིང་དང་འདྲ། གནད་འཆུག་མེད་ཀྱི་དོད་ལ། འགྲོ་བ་རིགས་དྲུག་གི་གནས་དང༌། གཟུགས་སྒྲ་དྲི་རོ་རེག་བྱ་བཟང་ངན་ཐམས་ཅད་ལ་སྒྱུ་མ་དང༌། བར་དོའི་འདུན་པ་སྦྱངས། མངལ་སྒོང་གི་གཉིས་སྦྱོར་སོགས་གསལ་བཏབ་ནས་བར་དོར་ཞེས་པས་ཡི་དམ་ཡབ་ཡུམ་དུ་བསྒྱུར། དེ་ལའང་མངོན་ཞེན་མེད་པར་སྒྱུ་མ་ལྟ་བའོ། །ཞེས་དྲན་པར་བྱེད་པ་ཡིན། ཡན་ལག་གི་ཆོས་འདི་གཉིས་ཀྱང་ཉེ་བརྒྱུད་ཀྱི་ཆ་ཤས་ཅུང་ཟད་ཡིན། དེ་ལྟར་ན་སྟན་ཐོག་གཅིག་མར་སྡུད་ཚུལ་འདི་སྔོན་ཆད་ཡི་གེར་འཁོད་པ་ཆེར་མེད་པའི་ཞལ་རྒྱུན་ཡིན། གཏུམ་མོའི་རླུང་སྦྱོར་གཉིས་པ་དང༌། ཡུལ་སྣང་དང༌། ཨ་ཡི་འོད་གསལ་དང༌། ཡན་ལག་གི་ཆོས་འདི་གཉིས་ལ་དམིགས་པའི་སྡེ་བསྒྱུར་བ་ཅུང་ཟད་རེ་ཡོད་པ་འདི་ཉེ་བརྒྱུད་ཡིན་ཡང་གསུངས་ཏེ། ཡུལ་སྣང་དང་འོད་གསལ་ཡང་ཡིག་རྙིང་གིས་ཟིན་པ་ལགས། གཞན་རྣམས་ནི་མན་ངག་རྙིང་པ་ཁོ་ནའོ། །ད་ནི་ཁྲིད་རྒྱས་འབྲིང་གཉིས་ལ་དགོས་པའི་དམིགས་པ་བཀའ་རྒྱ་མ་རྣམས་བཤད་པར་བྱའོ། །དེ་ལ་གཏུམ་མོའི་ཐོན་ཆོས་བྱིན་རླབས་བླ་མའི་གཏུམ་མོ་དཀྱུས་ནི། གཏུམ་མོའི་ཉིད་ཀྱི་བླ་མའི་རྣལ་འབྱོར་སྔོན་དུ་སོང་བས། རང་རྗེ་བཙུན་མ་བཞུགས་ཚུལ་རང་ལུས་དང་མཐུན་པའམ། རང་ལུས་ཐ་མལ་དུ་


TNT12_Page_0985
[མ་དཔེ་གཟིགས་ན་འདིར་གནོན།]

འཇོག་པ་གང་ཡིན་ཡང་འདྲ། ནང་སྟོང་སང་ངེ་བའི་སྟོང་ར་བཅའ། ལུས་གནད་ཙོག་པུའམ་སྐྱིལ་ཀྲུང་གང་གིས་ཀྱང་རུང༌། རང་གི་ལུས་ཀྱི་དབུས་སུ་རྩ་དབུ་མ་ཁ་དོག་དམར་པོ་སྦོམ་ཕྲ་སྤོས་དོང་ཙམ་པ་གསུངས། མས་སྣ་ལྟེ་འོག་སོར་བཞི་དང༌། ཡས་སྣ་སྤྱི་བོར་ཟུག་པ། སྤྱི་བོ་ཚངས་བུག་ཤིན་ཏུ་ཡངས་པ། འཕང་ལོ་ཙམ་ཟེར་ཏེ། དབུ་མའི་སྦོམ་ཕྲ་དང་བསྟུན་དབུ་མའི་ཁ་དང་ཚངས་བུག་མཉམ་པ་ཐལ་ལེ་བསྒོམ། དབུ་མའི་ནང་ལྟེ་བའི་ཐད་དུ་ཉི་མའི་གདན་རང་གི་རྩ་བའི་བླ་མ། རལ་བའི་ཐོར་ཚུགས་དང༌། རུས་རྒྱན་དང༌། སྟག་ལྤགས་ཅན་སྐྱིལ་ཀྲུང་གིས་བཞུགས་པ། མེའི་རང་བཞིན་གང་ལ་རེག་ཀྱང་ཐོགས་མེད་དུ། ཚིགས་འགྲོ་བ་ཞིག་བསྒོམ། ཡིག་རྙིང་འགའ་ཞིག་ན་སྤྱི་བོར་ཧཾ་བསྒོམ་པ་བཤད་ཀྱང་ཕྱག་ལེན་དུ་མི་མཛད། དེ་ནས་རླུང་རོ་བསལ་ཏེ་སྦྱོར་བ་བཞི་ལྡན་དྲག་ཏུ་བསྒོམ། དམིགས་པ་ནི། རླུང་ཁ་སྦྱོར་དུ་བཟུང་བས་བླ་མའི་སྐུ་ལས་མེ་ལྕེ་འུར་གྱི་འབར། །མེ་ལྕེ་རྩ་དབུ་མའི་ནང་དུ་མི་ཤོང་བ་ཙམ་དུ་ཡར་ལུད་པར་ཏེ། སྤྱི་བོ་ཚངས་བུག་ནས་ཐོན་པ་ན། མེ་ལྕེས་ནམ་མཁའ་ཁེངས། བླ་མ་ཡི་དམ་སངས་རྒྱས་བྱང་ཆུབ་སེམས་དཔའ་མཁའ་དབྱིངས་གང་བ་ཐམས་ཅད་ལ་མཆོད་པ་སྣ་ཚོགས་སྤྲུལ་ཏེ་ཕུལ། མེ་འོད་ཉིད་བདེ་བའི་མཆོད་པར་གྱུར། དེ་ཐམས་ཅད་བདུད་རྩི་བྱང་ཆུབ་ཀྱི་སེམས་སུ་ཞུ། མེ་ལྕེ་དང་ལྷན་ཅིག་ཚུར་བྱོན། བདུད་རྩི་སྤྱི་བོ་ཚངས་བུག་ནས་ཞུགས།


TNT12_Page_0986
[མ་དཔེ་གཟིགས་ན་འདིར་གནོན།]

དབུ་མའི་ལམ་ནས་བརྒྱུད་དེ། བླ་མའི་སྐུ་ལ་བབས་པས་ལྕགས་སྲེག་ལ་སྣུམ་བླུག་པ་བཞིན་དུ་སོར་སྒྲ་དང༌། ཚེག་སྒྲ་དང༌། འུར་རྒྱང་དང་བཅས་ཏེ། ལུས་ཀྱི་ནང་ཐམས་ཅད་མེ་ལྕེ་དྲག་པོས་འུར་འུར་ཤིག་ཤིག་ཏུ་ཁེངས་པར་བསམ། རླུང་ཐེངས་བདུན་སོགས་ཇི་ལྟར་འོས་པ་བསྒོམ། འདིས་དྲོད་ལ་བོགས་ཐོན། རྩ་ཟུག་རླུང་ཟུག་སེལ་བ་ལ་བསྔགས། སྤྱིར་བླ་མའི་བྱིན་རླབས་བསྐུལ་བ་ཡིན་པས་གེགས་ཐམས་ཅད་སེལ་ཞིང་ཡོན་ཏན་ཐམས་ཅད་སྐྱེ་བ་ལ་བསྔགས་སོ། །ནང་རྩའི་སྟོང་ར་བཅའ་བ་ཞེས་བྱ་བ་ནི། དང་པོར་དབུ་མ་གྲོ་སོག་ཙམ་བསྒོམ། དེ་ནས་ཇེ་སྦོམ་ཇེ་སྦོམ་ལ་མདའ་སྨྱུག་འབྲིང་པོ་ཙམ། རྟ་ལྕག་ཙམ། ཇེ་ཕྲ་ཇེ་ཕྲ་ལ་གྲོ་སོགས་ཙམ་འགྲོ་བར་བསྒོམ་ཞིང༌། འཇམ་རླུང་བཟུང་བ་དེ་ཀ་ལ་ཞག་ཤས་བསྒོམ། ཡང་དབུ་མ་སྦཽམ་ཕྲ་ལག་ངར་ཙམ་དུ་བསྐྱེད་ཅིང༌། སྦ་ལྕག་ཙམ་དུ་བསྡུ་བ་ཞག་ཤས་བསྒོམ། དེ་ནས་མདའ་དོང་ཙམ་དུ་བཀྱེད་ཅིང༌། ལག་ངར་ཙམ་དུ་བསྡུ་བ་ཞག་ཤས་བསྒོམ། དེ་ནས་ལུས་དང་མཉམ་པར་བཀྱེད་ཅིང༌། མདའ་དོང་ཙམ་དུ་བསྡུ་བ་བཞག་ཤས་བསྒོམ། དེ་རྣམས་ལ་འཇམ་རླུང་བསྒོམ། དེ་ནས་དབུ་མ་བློས་འཁྱུད་ཚད་དུ་རྒྱ་དཔངས་བཀྱེད་ཅིང༌། ལུས་དང་མཉམ་པར་བསྡུ་བ་ལ་བསླབ། འདི་ལ་བུམ་ཅན་དྲག་རླུང་འཛིན་ནོ། །དེ་ནས་དབུ་མ་ཕར་བཀྱེད་ཙ་ན་ནམ་མཁའ་ལ་ཡས། ནང་དུ་བསྡུས་པའི་སྐབས་རྟ་རྔ་ཙམ་དུ་སོང་བ་ལ་སེམས་གཏད། འདི་ལ་རླུང་སྦྱོར་ཞི་དྲག་ངེས་མེད་དུ་སྦྱང་ངོ༌། །འདི་ཐོག་


TNT12_Page_0987
[མ་དཔེ་གཟིགས་ན་འདིར་གནོན།]

མར་སྒོམ་ན། རྩ་རླུང་གི་གེགས་མི་འབྱུང་བ་ཡིན། བར་དུ་སྒོམ་ན་དམིགས་པ་གང་ལ་གཏད་ཀྱང་རླུང་སེམས་དབུ་མར་འཇུག་པའི་ཐབས་ཡིན། མཐར་སྒོམ་ན་འོད་གསལ་མཐའ་དབུས་མེད་པ་ནམ་མཁའ་ལྟ་བུ་འཆར། རྩ་བསྒོམས་པས་སྟོང་ཉིད་རྟོགས་བྱ་བ་དེ་ཡོང་བ་ཡིན་གསུངས། འོན་ཀྱང་རེ་ཞིག་སྟོང་པའི་ཉམས་ཙམ་འཆར་བའོ། །གེགས་རང་གྲོལ་གྱི་སྐབས། སྨད་ཀུན་དའི་གེགས་བསལ་བའི་སྐབས། ཐ་མ་དམིགས་པ་དང་འཁྲུལ་འཁོར་གྱིས་བསལ་ཅེས་པ་ལ། ཐོག་མར་རླུང་ཁུག་པའི་ཁ་རེ་བཟུང༌། དེ་ནས་རང་གི་གསང་གནས་བདེ་སྐྱོང་གི་འཁོར་ལོའི་ཐད་དུ་ཧཱུྃ་དམར་པོ་མགོ་བོ་ནང་དུ་བསྟན་པ། ཞབས་ཀྱུ་ཕྱིའི་ཕྱོགས་ལ་བསྟན་པ་ཞིག་བསྒོམ། ཡང་པདྨ་དམར་པོ་འདབ་མ་བརྒྱད་པ་ཡུ་བ་རྡོ་རྗེའི་རྩ་ནང་ན་ཡོད་ཅིང༌། མེ་ཏོག་འདབ་མ་རྒྱས་པ་ནོར་བུའི་བུ་གའི་ཕྱི་ན་ཡོད་པ། རྩ་བ་བ་ཐག་ལྕགས་ཀྱུ་ལྟ་བུ་དེ་ཧཱུྃ་གི་ཞབས་ཀྱུ་ལ་སྦྲེལ་བར་བསྒོམ། ལུས་ཀྱི་དབུས་སུ་རྩ་དབུ་མ་ཡང་ཁྲོལ་ལེ་བ་བསྒོམ། ལུས་ཉྭ་བཞི་བསྒྲིམ་ལྟོ་བ་ཚིགས་པ་ལ་གཅེར། ལྕེ་ཕུགས་སུ་ལྡོག །མིག་སྤྱི་བོར་གཏད། ལག་པ་གཙུག་ཏོར་གྱི་ཕྱག་རྒྱ་སྤྱི་བོར་མགོ་གཞུག་ལྡོག །འོག་ནས་ཧཱུྃ་འདྲེན་དྲག་ལ་རིང་བ་བྱ། དམིགས་པ་ནི་གསང་བའི་ཧཱུྃ་ཤུགས་ཆེན་པོས་གྱེན་ལ་འོངས་པ་ན། དེའི་ཞབས་ཀྱུས་པདྨའི་རྩ་བ་ནས་ཐེན་པས་མེ་ཏོག་རྡོ་རྗེའི་བུག་ལ་མ་ཤོང་སྟེ། རྡོ་རྗེའི་རྒྱུ་མ་ཕྱི་ནང་སློག་པ་བཞིན་དུ་སོང་ནས། ཧཱུྃ་གིས་ཡར་ཐེན་དབུ་


TNT12_Page_0988
[མ་དཔེ་གཟིགས་ན་འདིར་གནོན།]

མའི་ལམ་བརྒྱུད། སྤྱི་བོའི་སྟེང་དུ་ཧཱུྃ་དང༌། ནོར་བུ་ཕྱི་ནང་ལོག་པ་རྒྱང་ངེ་འདུག་པར་བསམ། དེའི་རིང་ལ་རླུང་ཕྱིར་བཟུང་ངོ༌། །འདི་ཡང་ཡང་བསྒོམས་པས། གང་བས་འཛག་པ་དང༌། ཆགས་པས་འཛག་པ་དང༌། ནད་གཞིས་འཛག་པ་དང༌། རྨི་ལམ་དུ་འཛག་པ་སྟེ། དེ་རྣམས་ལ་ཤིན་ཏུ་བསྔགས། ལར་འཛག་པ་དྲུག་ཀར་ཆོད་དེ། འོན་ཀྱང་དམ་སེལ་གྱིས་འཛག་པ་ལ་བཤགས་བསྡམས་དང༌། གྲིབ་ཀྱི་འཛག་པ་ལ་ཁྲུས་ཆོག་དང༌། གཉིས་ཀའི་ཐུན་མོང་དུ་ཚོགས་གཏོར་གལ་ཆེ་གསུངས། རྨི་ལམ་སྦྱོང་བའི་སྐབས། བདག་མེད་མ་ལ་བརྟེན་ནས་སྦྱོང་བ་དང༌། ཡུལ་སྣང་གི་སྐབས་བདག་མེད་མ་ལ་བརྟེན་པ་དང༌། འོད་གསལ་བདག་མེད་མ་ལ་བརྟེན་ནས་འཛིན་པ་རྣམས་ལ་བདག་མེད་མ་ཉིད་ལ་ཡི་དམ་བྱེད་ན་དེས་ཆོག །མ་ཡིན་ན་རང་སྐད་ཅིག་ལ་བདག་མེད་མར་བསྐྱེད་ལ། ཨོཾ་ཨ་སྭཱཧཱ། ཞག་བདུན་ཕྲག་གཅིག་གམ་གཉིས་སམ་གསུམ་འབད་དེ་བཟླ། གཏོར་ཆུང་ཟན་རིལ་ཤ་ཆང་གིས་བརྒྱན་པ། ཡི་གེ་འབྲུ་གསུམ་གྱིས་བྱིན་གྱིས་རླབས། ཨོཾ་ཨ་ཨ་ཨི་ཨཱི་རྀ་རཱྀ་ལྀ་ལཱྀ་ཨོ་ཨཾ་ཨ་སྭཱཧཱ། ལན་བདུན་བཟླས་པས་ཕུལ། གཏོར་ཆུང་དེ་དུས་མེད་དུ་གཏོང༌། དེ་ལྟ་བུ་སྔོན་དུ་སོང་ནས་དམིགས་པ་དངོས་གཞི་བསྒོམ་པའི་སྐབས་ཀྱང༌། ལྷ་བསྒོམ་པ་དང༌། གཏོར་མ་འབུལ་བ་དེ་མ་ཆག་པ་དགོས། བུམ་ཆུ་གཅིག་ལ་སྔགས་སྟོང་ཙམ་བཟླས། དེས་ཉིན་མོ་ཡང་ཁྲུས་བྱེད་ཅིང་ཉལ་ཁར་ཡང་འཁྲུད། ཁྱད་པར་ཡིག་བརྒྱ་བཟླ་ཞིང་ཁ་


TNT12_Page_0989
[མ་དཔེ་གཟིགས་ན་འདིར་གནོན།]

ལག་འཁྲུ་བ་ཡང་གལ་ཆེའོ། །དེ་ལྟར་བྱས་ན་མཁའ་འགྲོའི་བྱིན་རླབས་ཀྱི་སྟོབས་ཡིན་པས། དམིགས་པ་འདི་རྣམས་རྣོ་ཞིང་ཤིན་ཏུ་མྱུར་གསུངས། འོད་གསལ་གྱི་སྐབས། འཇག་ཆེན་གྱིས་བདག་མེད་མ་དཀར་མོར་བཤད། ལར་ཁར་སྔོན་གང་བྱས་ཀྱང་འདྲ་གསུངས། ཉམས་ལེན་གྱི་རྒྱུན་སྔོན་མ་ཉིད་ཀ་མཛད་དོ། །འབྱམས་གཅོད་ཀྱི་སྙིང་པོ་ནི། རྨི་ལམ་སྐབས་སུ་འབྱམས་ལ། མགྲིན་པ་དང་སྙིང་གར་རྩ་འཁོར་འདབ་མ་བཞི་པ་རེ་བསྒོམ། ཁ་དོག་སྤྱི་དང་མཐུན། སྙིང་གར་ཧཱུྃ་དམར་པོ། མགྲིན་པར་ཨོཾ་དམར་པོ། ཨོཾ་ལས་འོད་ཀྱི་སྐུད་པ་དམར་པོ་ཞིག་བྱུང༌། སྙིང་གའི་ཧཱུྃ་ལ་ལན་གསུམ་དུ་དཀྲིས་ཏེ། ཐང་ངེ་སྦྲིང་ངེ་བསྐོར་ཏེ་ལྷག་མ་ཡར་ལོག །སྣེ་མགྲིན་པའི་ཨཱཿཉིད་ལ་འབྱར་བར་བསམ་ཧཱུྃ་ལ་སེམས་གཏད་དེ་གཉིད་ལོག་པས་སེལ། འཁྲུལ་འབྱམས་ལ་མགྲིན་པར་སྔར་བཞིན་དང༌། སྤྱི་བོར་རྩ་འདབ་བཞི་པའི་ལྟེ་བར་ཧཾ་དཀར་པོ་མགོ་བོ་ཐུར་བསྟན་གསལ་བཏབ། ཡང་ཨོཾ་ལས་འོད་ཟེར་གྱི་སྐུད་པ་བྱུང། སྤྱི་བོའི་ཧཾཾཾཾ་ལ་ལན་གསུམ་དུ་དཀྲིས་ནས་སླར་ལོག་སྐུད་པའི་སྣེ་མགྲིན་པའི་ཨོཾ་ཉིད་ལ་འབྱར་བར་བསམས་ནས་སྤྱི་བོའི་ཧཾ་ལས་སེམས་གཏད་པས་འཁྲུལ་འབྱམས་སེལ་གསུངས་ཏེ། འདི་ཟིན་མ་ཐག་འཁྲུལ་འགྲོ་བ་ལ་བསྔགས། ཡེ་ནས་རང་མི་ཟིན་པའི་འཁྲུལ་འབྱམས་ལ། རྟོག་བཅས་ལམ་ཁྱེར་གྱི་སྐབས་དེར། མགྲིན་པར་རྩ་འདབ་


TNT12_Page_0990
[མ་དཔེ་གཟིགས་ན་འདིར་གནོན།]

བཞི་པའི་ལྟེ་བར་ཨོཾ་དམར་པོ། འདབ་མ་བཞི་ལ། ཨ་ནུ་ཏ་ར། རླུང་བུམ་ཅན་དང༌། རྨི་ལམ་འཛིན་པའི་འདུན་པ་དྲག་ཏུ་སྦྱངས། ཉལ་ཁར་རྨི་ལམ་གྱི་འདུན་པ་དྲག་པོའི་ངང་ནས། ཨ་ཡིག་ནུ་ལ་ཐིམ། དེ་ཏ་ལ་དེ་ར་ལ། དེ་ཨོཾ་ལ་ཐིམ། ཨོཾ་ལ་རིག་པ་གཏད་པའི་ངང་ནས་གཉིད་དུ་འགྲོ་བར་བྱའོ། །དེས་འཁྲུལ་འབྱམས་སེལ་ལོ། །འོད་གསལ་གྱི་སྐབས་སུ་འཁྲུལ་འབྱམས་སེལ་བ་ལ་སྤྱིར་འོད་གསལ་འཛིན་ཚུལ་སྤྱི་དང་འདྲ་སྟེ། དང་པོར་དམིགས་པ་གང་ཡང་རུང་བ་ལ་བརྟེན་ནས། རང་ཤུགས་ལ་འོད་གསལ་ཟིན་ན་ལེགས། རྨི་ལམ་ལས་འོད་གསལ་ཟིན་པ་སྣ ་རྙེད་པ་དཀའ་བས། དམིགས་པའི་སྟོབས་ཀྱིས་ཟིན་པ་ཡིན་ན། དབང་པོའི་རིམ་པ་དང་བསྟུན་ཏེ། ཟླ་བ་གཅིག་གམ། གཉིས་སམ། གསུམ་ཚུན་ལ་འབྱུང༌། སྟེས་དབང་གིས་ལན་རེ་ཙམ་ཟིན་པ་ལ་ནི་ངེས་པ་མེད། གལ་ཏེ་དེ་ཙམ་དུ་འབད་ཀྱང་བསྟར་ཆགས་སུ་ཟིན་པ་མ་བྱུང་ན། སྤོགས་ཆོག་ལ་བརྟེན་ནས་བཙན་ཐབས་སུ་འཛིན་དགོས། དེ་ཡང་དམིགས་པ་གཏད་རེས་ཀྱིས་གཉིད་བདེ་ཆོད་ཆོད་ཡང་སང་སང་བ་བྱུང་ན་མྱུར་དུ་ཟིན་ནོ། །ཡང་གཉིད་འཐུག་པོ་ལ་ཉམས་མ་བདེ་ལོག་ལོག་པ་དང༌། འདྲེ་གདོན་བཞིན་དུ་ཇིར་ཇིར་གནོན་པ་བྱུང་ན་ཡང་མྱུར་དུ་ཟིན་ཡོང་བའི་རྟགས་ཡིན་ནོ། །འདིར་ཟླ་བ་གཅིག་ནས་གསུམ་གྱི་བར་དུ་དམིགས་པ་བསྒོམ་པ་ལ་ནི་རྩོལ་པ་ཆེར་བྱ། དོ་ནུབ་ཟིན་ནམ་སང་ནུབ་ཟིན་ནམ་མི་ཟིན་པ་ཨེ་ཡིན་སྙམ་པའི་རེ་དོགས་ཀྱི་ཙབ་ཙུབ་མི་བྱ་བར་རྩིས་བཏབ་མེད་པར་བསྐྱུར་ན། ཡང་སྙམ་མེད་པ་ཅིག་ལ་


TNT12_Page_0991
[མ་དཔེ་གཟིགས་ན་འདིར་གནོན།]

ལ་ཟིན་ཡོང་བ་ཤས་ཆེ། ཡེ་མ་ཟིན་ན་བཙན་ཐབས་ཀྱི་སྦྱོར་བ་ནི། ད་ནི་ཞག་འདུན་སོགས་མྱུར་དུ་འཛིན་པར་བྱ་སྙམ་པའི་སྐབས། བླ་མའམ་མཆེད་གྲོགས་ལ་ཚོགས་འཁོར་གྱི་མཆོད་པ་ཕུལ། བཤགས་བསྡམ་བྱ། འོད་གསལ་ཟིན་པར་སྨོན་ལམ་བཏབ། དེ་ནས་བཟུང་ནུབ་རེ་བཞིན་མཁའ་འགྲོ་སྡེ་ལྔ་དང༌། མྱུར་མཛད་མགོན་པོའི་གཏོར་མ་བྱ་ཞིང༌། འོད་གསལ་ཟིན་པར་འཕྲིན་ལས་གཞོལ། ཞག་བདུན་ཙམ་གྱི་སྔོན་ནས། ཁྲུས་དང་གཙང་སྦྲ་ལ་འབད་ཅིང༌། སྤྱོད་ལམ་དམ་རྫས་ལ་གཟབ་པ་གལ་ཆེ། དེ་རྗེས་ཞག་གསུམ་ཙམ་གྱི་སྔོན་ནས་ཉིན་མོ་གཉིད་ཡེ་མ་ཤོར་བར་བྱ། མཚན་དུས་ཀྱི་གཉིད་ཀྱང་སུམ་ཆ་བཞི་ཆ་ཙམ་བྲི། དམིགས་པ་དང་འདུན་པ་དྲག་ཏུ་བྱ། མན་ངག་གཞན་གྱི་ལུགས་ཀྱིས་རླུང་བཟུང་ན་རྨི་ལམ་ཡོང་བས་འོད་གསལ་གྱི་སྐབས་སུ་རླུང་མི་འཛིན་གསུང་ཡང༌། མན་ངག་འདིའི་ལུགས་ཀྱིས་རྨི་ལམ་བྱུང་ཡང་ཨའུ་ཙི། རྨི་ལམ་འོད་གསལ་དུ་འགྱུར་འགྲོ་བ་ལ་ཚེགས་མེད། འོད་གསལ་གྱི་གཞུག་ལ་རྨི་ལམ་བྱུང་ན་གྲོགས་ཡིན། ལྷ་སྐུར་རང་ཤར་བྱ་བ་དེ་དེ་ནས་འོང་གསུང༌། །སྤོགས་ཆོག་གི་སྐབས་འདིར་རླུང་བསྒོམ་པ་གནད་དུ་ཆེ་བར་བཞེད། དམིགས་པ་དངོས་ནི་སྙིང་གར་རྩ་པདྨ་སྔོན་པོ་འདབ་བཞིའི་རྣམ་པ་ཅན་གྱི་ལྟེ་བ་ལ་ཧཱུྃ་སྔོན་པོ། འདབ་མ་བཞི་ལ་ཨ་ནུ་ཏ་ར་བཞི་གསལ་འདེབས། ཐམས་ཅད་ཀྱང་སྔོན་པོའོ། །ཧཱུྃ་ལ་སེམས་གཏད། ཤེས་པ་རིག་སྟོང་ངོས་བཟུང༌། ཡང་ཧཱུཾ་ལས་འོད་འཕྲོས་ཡི་གེ་


TNT12_Page_0992
[མ་དཔེ་གཟིགས་ན་འདིར་གནོན།]

བཞི་ལ་ཕོག །འོད་དུ་ལྟེམ་ལྟེམ། དེ་ལས་འོད་འཕྲོས་རང་ལུས་འོད་དུ་ལྟཻམ་ལྟཻམ་པ། དེ་ལས་འོད་འཕྲོས་སྣང་བ་ཐམས་ཅད་འོད་དུ་ལྟེམ་ལྟེམ་པར་སོང༌། ཡང་ཧཱུྃ་ལ་སེམས་གཏད་ནས་རིག་སྟོང་སྐྱོང་བ་སོགས་དེ་ཀ་འདྲ་བ་ལན་ཁ་རེ་སོང་བ་ན། སྣང་བ་ཐམས་ཅད་འོད་དུ་ཞུ་ནས་རང་ལ་ཐིམ། ཡང་ཧཱུྃ་ལ་སེམས་གཏད། རང་ལུས་འོད་དུ་ཞུ་ནས་ཡི་གེ་ལྔ་ལ་ཐིམ། ཡང་ཧཱུྃ་ལ་སེམས་གཏད། པདྨ་དང་ཡི་གེ་བཞི་པོ་ཡང་ཧཱུྃ་ལ་ཐིམ། དེ་ལ་སེམས་གཏད། ཧཱུྃ་ཡང་འཇའ་ཡལ་བ་ལྟར་སོང་བའི་ངང་ལ་རིག་གེ་བར་མཉམ་པར་བཞག།མཚན་མོ་ཉལ་བའི་ཚེ། ཧཱུྃ་ལ་སེམས་གཏད་པའི་ངང་ནས་ཀ་གཉིད་དུ་འགྲོ་བར་བྱའོ། །དེ་དག་ཏུ་ཀ་ཟིན་ཡོང་བ་ཤས་ཆེ། གལ་ཏེ་མ་ཟིན་ན་ཞག་བདུན་པའི་ནུབ་མོ་གཏོར་བསྔོ་སྤྱད་སྔར་བཞིན་བྱས་ལ། ཐོད་པ་མཚན་ལྡན་དུམ་བུ་གཅིག་པ་ལྔས་འོག་ཏུ་སྦ་གསུང་ཡང༌། མན་ངག་གབ་པ་ཡིན། སྤྱིར་དེ་ཡང་མི་འགལ་མོད། དོན་ནི་ཐོད་པ་མཚན་ལྡན་གཉིས་རྙེད་ན་རབ། མ་བརྙེས་ན་གཅིག །དེ་ཡང་མ་བརྙེས་ན། རིན་པོ་ཆེའི་སྣོད་གས་ཆག་མེད་པ་གཉིས་སུ་ཁ་ཟས་བཟང་དགུ་ལ་གཏོར་མ་རེ་བཅོས། འབྱོར་ན་ཤ་ཆེན་ཅུང་ཟད་ཀྱིས་བརྒྱན། གཉིས་ཀར་བྱིན་གྱིས་བརླབས་ནས། མགྲོན་སྤྱན་དྲངས་ཏེ་གཅིག་འོད་གསལ་ཟིན་པ་ན་གཏང་རག་ཏུ་འབུལ་ལོ་བྱས་དར་གྱིས་བཀབ་སྟེ་སྦས་ལ་བཞག །ཅིག་ཤོས་གཏོར་མ་བསྔོས་ཏེ། སྒྲུབ་ཁང་གི་ཕྱི་རོལ་དུ་མི་བཏང་བར་དེ་ཉིད་དུ་བཞག །གཏོར་མ་གཏའ་


TNT12_Page_0993
[མ་དཔེ་གཟིགས་ན་འདིར་གནོན།]

མར་བཟུང་བ་དེ་རང་གི་སྔས་མགོའི་ཕྱོགས་སུ་བཤམས་དགོས། གཏོར་བསྔོའི་སྐབས་སུ་གུ་གུལ་དང༌། ཚིལ་ཆེན་གྱི་དུད་པ་བཏང་ངོ༌། །རང་ཉལ་བ་ལ་གྲོགས་དམ་ཚིག་ཅན་ཉམས་མྱོང་ཡོད་པ་དེ་འདྲས་འོད་གསལ་ཟིན་མ་ཟིན་ལྟ་བར་འཇུག་པ་སོགས་གོ་ཡུལ་སྤྱི་དང་འདྲ་མོད་ཀྱང༌། རྒྱུ་མཚན་དུ་མས་འགྲུབ་དཀའ་བའི་ཕྱིར་ལག་ལེན་དུ་མི་མཛད་དེ། དེ་ཕྱིན་གཏོར་མ་དམ་རྫས་སོགས་སུས་ཀྱང་མ་མཐོང་བར་རང་གཅིག་པུར་བྱེད་པ་གནད་ཆེ་གསུང༌། ནམ་འོད་གསལ་ཟིན་བྱུང་བ་ན། གཏའ་མར་བཞག་པའི་གཏོར་མ་དེ་ཡང་ནངས་པར་གཏང་རག་གི་ཚུལ་དུ་བསྔོ། འོན་ཀྱང་དེ་མ་ཐག་ཕྱིར་མི་གཏོང་བར་ཞག་གསུམ་ནས་བདུན་གྱི་བར་ནུབ་རེ་བཞིན་གཏོར་མ་དེ་ཀ་གསོས་ནས་བསྔོས། མཐར་སྐྱ་རེངས་ཤར་བའི་དུས་ཤིག་ཁང་སྟེང་ངམ། དུར་ཁྲོད་དམ་རི་རྩེར་བཏང་ངོ༌། །འོད་གསལ་ལན་གཅིག་ཟིན་པའི་མཚམས་ནས། སྔར་གྱིས་འཕྲོས་ལས་མཚམས་དམ་དུ་བཅད་ནས་དམིགས་པ་དང༌། འདུན་པ་དྲག་པོས་གཞུར་ཏེ་བསྒོམས་ན་བསྟར་ཆགས་སུ་ཟིན་འོང༌། དེ་ཀ་ལ་ཞུད་བསྲུངས་ནས་ཟླ་བ་གཅིག་གཉིས་སོང་ན། ཅུང་ཟད་བརྟན་པ་ཐོབ་ཡོང་དེ་ནས་འབྱུང་བ་ལུས་འཁྲུགས་བྱུང་བ་དང༌། གྲིབ་སོགས་རྐྱེན་གྱིས་བསྒྱུར་བའི་སྐབས་མ་གཏོགས། ནུབ་རེ་ལ་ལན་རེ་ཙམ་རེ་ངེས་པར་ཟྀན་འོང༌། བདེ་གསལ་གྱི་ཉམས་རང་ཆེར་མེད་པ་ལ་དྲན་པས་ཟིན་ཙམ་དེ་ཡང་ཡང་ཡོང་ཞིང་ཡུན་ཡང་རིང་རབ་སྐྱོང་ཐུབ་པ་འོང་བ་ལགས། གཉིད་


TNT12_Page_0994
[མ་དཔེ་གཟིགས་ན་འདིར་གནོན།]

འཐུག་པོ་ཐམས་ཅད་ལ་འོད་གསལ་རྟག་ཏུ་ཟིན་འོང་བ་ལ་ནི། ཤིན་ཏུ་ཡུན་རིང་གོམས་ཤིང་རྩེ་གཅིག་ཏུ་སྒོམ་དགོས་པ་ཡིན་ནོ། །དེ་ཡང་གསལ་སྟོང་གི་འོད་གསལ་ཙམ་དགེ་སྦྱོར་ཐུན་མོང་བ་ཡིན་ལ། བདེ་སྟོང་དབྱེར་མེད་ཀྱི་འོད་གསལ་ནི་དངོས་གཞིའོ། །རྨི་ལམ་འོད་གསལ་གཉིས་ཀར་ཀྱི་ཐུན་མོང་དུ་དམིགས་པ་གཏད་རེས་ཀྱི་གཉིད་མི་ཕེབས་ན། རང་གི་སྙིང་གར་མུཾ་སྨུག་གནག་ལས་འོད་ཟེར་ན་བུན་འདྲ་བ་འཕྲོས་ཏེ། ལུས་ཀྱི་ཕྱི་ནང་ཐམས་ཅད་ཁྱབ་པ་ཡང་ཡང་བསྒོམ། ཁ་ཟས་བཅུད་ཅན་བསྟེན། དལ་བྲེལ་རན་པར་བཅགས་པས་སེལ། རྨི་ལམ་དང་འོད་གསལ་ཟིན་མ་ཐག་ཆུ་ནང་ནས་ཐེག་པ་ལྟར་ཡེར་གྱིས་བྱུང་ནས་སད་འོང་སྟེ། དེ་ལ་ལུས་ཀྱི་སྨད་ཀྱི་ཆའི་དབུས་སུ་སེམས་གཏད་པས་སེལ། དེ་ཡང་ཉིན་མོ་དམིགས་པ་དེ་ཀ་ཡང་ཡང་བསྒོམ་ཞིང༌། འདི་ལྟ་བུ་གཉིད་དུས་ཀྱང་ཡང་ཡང་བསྒོམ་རྒྱུ་ཡིན་སྙམ་པ་བྱས། བློ་ཙབ་ཙོབ་མི་བྱ་བར་ལྷོད་དེ་བཞག །མཚན་མོ་རྨི་ལམ་འོད་གསལ་ཟིན་པར་རང་གི་དུས་ཀྱང་སད་དོགས་ཆེན་པོ་བྱས་ན་སད་འོང་བས་ལྷོད་ཀྱིས་བྱེད་པ་གལ་ཆེ། དེ་ལྟར་ན་སད་འབྱམས་ནི། རྨི་ལམ་ཟིན་མ་ཐག་དང༌། འོད་གསལ་ཟིན་མ་ཐག་པ་ལ་རྟག་ཏུ་སད་འོང་བའི་མིང་ཡིན། དེ་ལྟ་བུ་བྱུང་ན་ཐབས་དེ་ཀས་སེལ། དམིགས་པ་དང་འདུན་པ་རྒྱུན་དུ་སྦྱངས་ཀྱང་རྨི་ལམ་དང་འོད་གསལ་ཟིན་དུས་མེད། བསྒོམས་མ་བསྒོམས་མེད་པ་འདྲ་བ་དེ་ལ་འདིར་འཁྲུལ་འབྱམས་ཟེར། རིམ་ལྔ་གདན་རྫོགས་སོགས་མན་ངག་


TNT12_Page_0995
[མ་དཔེ་གཟིགས་ན་འདིར་གནོན།]

གཞན་ལ་ལན་བརྟུལ་འབྱམས་སུ་གྲགས། རྨི་ལམ་ཟིན་མ་ཐག་འཁྲུལ་འགྲོ་ན། མན་ངག་འདིའི་ལུགས་ཀྱི་འཁྲུལ་འབྱམས་སྟོབས་ཆུང་བ་ཟེར། །ནཱ་རོའི་གདམས་པར་གྲགས་པ་རྣམས་ན་དྲེད་འབྱམས་ཟེར། གཉིད་ཀྱི་འོད་གསལ་ལ་དྲེད་འབྱམས་འདི་ཆེར་མི་འོང༌། རྨི་ལམ་འདི་རང་མང་བས་སེལ་ཐབས་གལ་ཆེ། ཉལ་ཁར་འདུན་པ་བཏང་རེས་ཀྱི། རྨི་ལམ་འཛིན་པའི་སྐབས་ཡིན་ན། གཉིད་འཐུག་པོར་སོང་ནས་རྨི་ལམ་མི་འོང༌། འོད་གསལ་གྱི་སྐབས་ཡིན་ན་གཉིད་མི་ཕེབས། དེ་ལ་སྟོད་འབྱམས་ཟེར། རྨི་ལམ་མ་བྱུང་བ་ལ་ཉིན་མོ་རླུང་སྦྱོར་མང་དུ་བྱས་པས་ཀ་ཕན། གཉིད་འཐུག་པོ་ངང་རྨི་ལམ་གྱི་སྐབས་སུ་འཛག་གེགས་འབྱུང་བ་ལ་བདེ་འབྱམས་ཟེར། དེ་ཡང་རྨི་ལམ་དུ་ནི་ཆགས་པའི་རྐྱེན་དང༌། བག་ཆགས་དང༌། གདོན་རྐྱེན་སོགས་སྣ་ཚོགས་ཡིན། དངོས་དང་རྨི་ལམ་གང་ལའང་དེ་བྱུང་ཙ་ན། རྨི་ལམ་རྩལ་ཡང་ཕལ་ཆེར་ཉམས་འགྲོ། སྐབས་འགར་ལན་རེ་ལན་གཉིས་ཁྱད་མེད་པ་འདྲ་བྱུང་ནའང་རིམ་པས་ཉམས་འགྲོ་ཞིང༌། ཁྱད་པར་རྨི་ལམ་གྱི་དགེ་སྦྱོར་གསལ་སྟོང་བདེ་བའི་ལྷ་སྐུ་བཀྲག་ཅན་དེ་རྩ་བ་ནས་འཇིག།འོད་གསལ་གྱི་སྐབས་ལ་བྱུང་ན་ནི་ལན་རེ་ཁོ་ནས་འོད་གསལ་ཉམས་འགྲོ། དམ་སེལ་དང༌། གདོན་རྐྱེན་དང༌། གང་འཛག་གིས་ཡིན་ན། སླར་བསྒོམས་ཀྱང་རྒྱང་ཙམ་སོར་ཆུད་པ་དཀའ་བར་ཡོད། གང་ལྟར་དེ་ཐམས་ཅད་ལ་སེལ་ཐབས་གེགས་རང་གྲོལ་གྱི་སྐབས་བཞིན་


TNT12_Page_0996
[མ་དཔེ་གཟིགས་ན་འདིར་གནོན།]

ནོ། །འབྱམས་པ་ཞེས་པ་ལན་རེ་ལན་གཉིས་ལ་མི་ཟེར་གྱི། ཡང་ཡང་བྱུང་བས་ལང་ཤོར་ཆེན་པོར་སོར་བའི་མིང་ངོ༌། །འོན་ཀྱང་མ་འབྱམས་གོང་ཐོག་མ་ནས་ཀ་གཅོད་པ་གལ་ཆེ་གསུང༌། དེ་དག་ཀྱང་ངང་ཐུང་ཞིང་འདོད་ཐག་ཉེ་བའི་དབང་དུ་བྱས་ཀྱི། རྩིས་བཏབ་མེད་པར་རྟག་ཏུ་ཉམས་སུ་ལེན་པ་ལ་ནམ་ཞིག་ན་འབྱམས་པ་ཐམས་ཅད་རང་ཤུགས་ཀྱིས་ཆོད་པར་འགྱུར་རོ། །འཕོ་བའི་སྐབས་སུ་འཆུག་མེད་མཁའ་སྤྱོད་ཀྱི་འཕོ་བ་ལ་སྔོན་འགྲོ་གཞུང་འཕོ་གཞན་དང་འདྲ། རང་གི་སྤྱི་བོའི་སྟེང་གི་ནམ་མཁའ་ལ་ཆོས་འབྱུང་གྲུ་གསུམ་ཉིས་རྩེག་ཕྱི་དཀར་ལ་ནང་དམར་བ། བདེ་བར་རྒྱུ་ཞིང་བདེ་བར་འཆར་བ། དེའི་དབུས་སུ་རྗེ་བཙུན་རྡོ་རྗེ་རྣལ་འབྱོར་མ་སྐུ་མདོག་དམར་མོ། གཡས་རྡོ་རྗེ་ཕྱར་བ། གཡོན་ཐོད་ཁྲག་ཐུགས་ཀར་གཏོད་པ། མཆན་ཁུང་དུ་ཁ་ཊྭཾ་ག་སྐུ་གཡས་འགྱིང་ཞབས་བགྲད་པའི་སྟབས་ཀྱིས་བཞུགས་པ། རྒྱན་དང་ཆ་བྱད་ཡོངས་སུ་རྫོགས་པ། པད་ཉི་དང་མི་རོ་མགོ་གཡོན་དུ་བསྟན་པའི་གདན་ལ་བཞུགས་པ། འཁོར་ཚོགས་དཔག་ཏུ་མེད་པ་དང་བཅས་པ་བསྒོམ། རང་ལུས་ཐ་མལ་དུ་ཀ་གསལ་བའི་རྐང་མཐིལ་གཉིས་དང༌། བཤང་ལམ་དུ་རཾ་ཡིག་མེའི་རང་བཞིན་ཅན་གསལ་བཏབ། དེ་ལས་མེ་ལྕེ་འུར་གྱིས་འབར་ནས་ལུས་ཐམས་ཅད་ཞུ་ཞིང་ཁོལ། ཡེ་ཤེས་བདུད་རྩིའི་རང་བཞིན་དུ་གྱུར། རྗེ་བཙུན་རྡོ་རྗེ་རྣལ་འབྱོར་མའི་ཕྱག་གི་ཐོད་པར་ཡང་སོང་ཞིང༌། གཙོ་འཁོར་ཐམས་ཅད་ཀྱི་ཞལ་རང་དུའང་གསོལ་བས་ཐུགས་རྒྱུད་བདེ་བས་ཚིམ་


TNT12_Page_0997
[མ་དཔེ་གཟིགས་ན་འདིར་གནོན།]

པར་གྱུར། དེ་ལྟ་བུ་ལན་གསུམ་བསྒོམ། དེ་ནས་རང་ཉིད་ཧེ་རུ་ཀ་ཡབ་རྐྱང་དུ་གྱུར། ལུས་ཀྱི་དབུས་སུ་རྩ་དབུ་མ་སྤྱི་དང་འདྲ། ལྟེ་བར་རྣམ་ཤེས་ཀྱི་ངོ་བོ་ཨ་དཀར་པོ་དང༌། གསང་གནས་སུ་རླུང་གི་ངོ་བོ་ཧཱུྃ་སྔོན་པོ་འོད་འཕྲོ་བ་ཞིག་གསལ་བཏབ། འཇམ་རླུང་ཅུང་ཟད་བཟུང༌། རླུང་ཕྱིར་བསལ་བའི་ཚེ་ཧི་ཀ་རིང་པོ་བརྗོད། དེའི་ཚེ་གསང་བའི་ཧཱུྃ་གི་རླུང་ཤུགས་ཀྱིས་ལྟེ་བའི་ཨ་ཁྱེར་ཏེ། དབུ་མའི་ལམ་བརྒྱུད་སྤྱི་བོ་ནས་ཐོན་བཅོམ་ལྡན་འདས་མ་རྡོ་རྗེ་རྣལ་འབྱོར་མའི་གསང་བའི་སྒོ་ནས་ཞུགས། ཐུགས་ཀ་ཙམ་དུ་སླེབ་པར་མོས། དེ་ནས་མན་ངག་གི་ཡིག་རྙིང་རང་ནས། དེ་ལྟ་བུའི་དམིགས་པ་ལན་གསུམ་བསྐྱར། དེ་རྗེས་རྡོ་རྗེ་རྣལ་འབྱོར་མ་མཁའ་དབྱིངས་མཐོན་པོར་གཤེགས་པ་དང༌། ཡང་མར་ཕེབས་པ་སོགས་བསྒོམ་པར་བཤད་ཀྱང༌། ལག་ལེན་ལ་དེ་ལྟར་མི་མཛད་དེ། སྔགས་ཀྱི་དམིགས་པ་དེ་ལྟ་བུ་ལན་བདུན་སྦྱོར། རེ་རེ་བཞིན་རང་སེམས་དང༌། རྡོ་རྗེ་རྣལ་འབྱོར་མ་དང༌། སྟོང་པ་གསུམ་དབྱེར་མེད་དུ་བསྲེས་པ་ལ་མཉམ་པར་འཇོག་མཐར་རང་སེམས་དང་རྡོ་རྗེ་རྣལ་འབྱོར་མའི་བྱིན་རླབས་དབྱེར་མེད་པ་བདུད་རྩི་དཀར་ལ་དམར་བའི་མདངས་ཆགས་པའི་རྣམ་པར་སོང་གསང་བའི་སྒོ་ནས་བྱོན། བདུད་རྩིའི་རྒྱུན་རང་ཉིད་ཡི་དམ་གྱི་སྐུར་གསལ་བའི་སྤྱི་གཙུག་ནས་ཞུགས། སྤྱི་བོའི་འཁོར་ལོ་གང་བུམ་དབང༌། མགྲིན་པ་གང་གསང་དབང༌། སྙིང་ག་གང་ཤེས་རབ་ཡེ་ཤེས། ལྟེ་བ་གང་དབང་བཞི་པ་ཐོབ། རྩ་ཐམས་ཅད་བྱང་ཆུབ་ཀྱི་


TNT12_Page_0998
[མ་དཔེ་གཟིགས་ན་འདིར་གནོན།]

སེམས་ཀྱིས་གང༌། ཉམས་བདེ་བས་ཁྱབ་པ་ལ་ཅུང་ཟད་མཉམ་པར་བཞག །དེ་ལྟ་བུ་ཡང་ཡང་བསྒོམ་པ་ཡིན། ཐུན་འཇོག་ཁར་རྡོ་རྗེ་རྣལ་འབྱོར་མ་ཆོས་འབྱུང་དང་བཅས་པ་འོད་དུ་ཞུ། སྤྱི་བོ་ནས་ཞུགས་ཏེ་རང་ཉིད་ལ་ཐིམ། སྤྱི་བོ་ཚངས་བུག་གི་སྒོ་ཡང་བཾ་ཡིག་དམར་པོ་མགོ་བོ་ཐུར་དུ་བལྟ་བ། འོད་ཟེར་འཕྲོ་བས་བཀག་པར་བསམ། འཆུག་མེད་མཁའ་སྤྱོད་ཀྱི་འཕོ་བ་འདི་ལ་ཡིག་ཆུང་གཅིག་ཡོད། མཁའ་འགྲོ་མ་ནི་གུ་ལས་བྱུང་བ་བདག་ཁྱུང་པོ་རྣལ་འབྱོར་པའི་ལུགས་སོ་ཟེར་བ་དེ་ཡིན་ནོ། །གཞན་འཕོ་བ་བར་དོ་སྤྱི་བཀའ་རང་གྀ་དམིགས་པ་དེ་ཀ་འཆུག་མེད་མཁའ་སྤྱོད་ཀྱི་འཕོ་བ་ཡིན་གསུང་བ་གྲགས་ཆེ། ཡང་རྡོ་རྗེ་རྣལ་འབྱོར་མའི་ཕྱག་མཚན་གྱི་འཕོ་བ་ལ་ངོས་འཛིན་པའང་ཡོད་དེ་འདི་དང་མཐུན་ཤས་ཆེ། མཁའ་སྤྱོད་དམར་མོའི་འཕོ་བ་ལ་འཆུག་མེད་འཕོ་བའི་མཚན་བྱང༌། བཏབ་པ་གཅིག་ཀྱང་ཡོད་པས་འཛུག་ཚུགས་མ་བྱུང་ན་འདི་ངོས་ཟིན་པ་དཀོན་པར་འོང༌། འཆུག་མེད་མཁའ་སྤྱོད་གསར་བ་ཚོ་རེ་ཞིག་ཕ་རི་ལ་ཞོག་ཨང༌། ཡང་སྒྲུབ་བོ་གང་ཞིག་ཆོས་འདི་ལ་བརྟེན་པའི་གཞན་ལུས་སྒོམ་པ་ཡིན་ན། བླ་མའི་རྣལ་འབྱོར་ཐམས་ཅད་ལ་བླ་མ་ཉིད་ཤེས་རབ་དང་བཅས་པའམ། རྡོ་རྗེ་འཆང་ཆེན་པོ་ཡུམ་ཅན་དུ་བསྒོམ་པར་བྱའོ། །ཞེས་པ་ཡང་གསུང་རྒྱུན་གཅིག་གོ །འདིར་སྨྲས་པ། དཔའ་བོ་དང་བཅས་རྣལ་འབྱོར་མ་དཔལ་བྱེ་བའི་གཙུག་རྒྱན་ནི་གུ་མ། །གང་གི་ཞལ་བུམ་བདུད་རྩིའི་རྒྱུན་དེ་སྲིད་འདིའི་ཉེས་ཀུན་དག་བྱེད་དེ། །སྐལ་ལྡན་ཡོངས་ཀྱི་སྙིང་གི་གསོས་གྱུར་འདི་འདྲ་ཐོབ་པའང་སྐལ་པ་བཟང༌། །


TNT12_Page_0999
[མ་དཔེ་གཟིགས་ན་འདིར་གནོན།]

གང་ཕྱིར་འདི་ལ་གཞན་དྲིང་མི་འཇོག་ཅུང་ཟད་གོམས་པའི་སྣང་བའང་ཐོབ། །ཅེས་བྱའོ། །༈ ན་མོ་གུ་རུ། རིན་པོ་ཆེ་འོད་ཀྱི་ཕྲེང་བ་ཞེས་པའི་མན་ངག་གི་གཞུང་མཉམ་མེད་རིན་ཆེན་བརྩོན་འགྲུས་ཀྱིས་མཛད་པ་དེའི་ཉམས་ལེན་གྱི་སྙིང་པོ་ནི། མན་ངག་ཐམས་ཅད་ལུས་གསུམ་ལ་གནད་དུ་བསྣུན་པར་འདུས་པ་ཡིན། དེ་ལ་རྣམ་སྨིན་གྱི་ལུས་ནི། རྩ་བ་དུག་གསུམ་གྱི་བསྐྱེད། རྒྱུ་ལས་ཀྱིས་འཕངས། རྐྱེན་འབྱུང་བ་ལྔས་བསྒྱུར་བའོ། །རྒྱུ་མཚན་དེས་ན་དངོས་པོར་འཛིན་པའི་ཉོན་མོངས་རྟག་ཏུ་ལྡང༌། རྒྱུའི་རྗེས་སུ་འགྲོ་བས་རང་དབང་མེད། འབྱུང་བ་ལྔའི་གནོད་པ་ཕྱི་སྣོད་ལ་བརྟེན་ནས་ཀྱང་འབྱུང༌། ནང་ནད་དང་དགྲ་དང་གདོན་གསུམ་དུ་ལྡང༌། དེ་ཡང་ལས་དང་ཉོན་མོངས་དེ་དང་པོ་ཡིད་ཀྱིས་བསྐྱེད། བར་དུ་བག་ཆགས་ཀྱི་ཚུལ་གྱིས་བསགས། མཐར་བདེ་སྡུག་ཏུ་རྣམ་པར་སྨིན་པ་ཡིན། སད་དུས་འདི་ལ་འཁྲུལ་བས་རྨི་ལམ་བག་ཆགས་ཀྱི་ལུས་ལ་ཡང་འཁྲུལ་ཏེ། ཉོན་མོངས་ལས་དང་བདེ་སྡུག་ལྡང༌། དེ་གཉིས་ལས་འཁྲུལ་བས་ཡིད་ལུས་ལ་ཡང་འཁྲུལ་ཏེ། ཉོན་མོངས་ལས་དང་སྡུག་བསྔལ་གྱི་སྣང་བ་ཤར། ཡིད་ལུས་ཀྱི་སྐབས་དེར་སྔར་གྱི་ཉོན་མོངས་པ་སོགས་ཀྱིས་རྒྱུ་བྱས། དེ་དུས་ཀྱི་གསུམ་པོས་རྐྱེན་བྱས་ནས། ཡང་རྣམ་སྨིན་གྱི་ལུས་བསྐྱེད་པ་སོགས་འཁོར་ལོ་འཁོར་བ་ལྟར་འཁྱམས་པ་ཡིན། དེ་ལ་རྣམ་སྨིན་གྱི་ལུས་ཀྱི་འཁྲུལ་བ་དག་བྱེད་ཀྱི་ཐབས་ལ། སེམས་འཁྲུལ་བའི་དངོས་ཀྱི་གཉེན་པོ་སྒྱུ་མ་ལྟ་བུར་ཤེས་པ་དང༌།


TNT12_Page_1000
[མ་དཔེ་གཟིགས་ན་འདིར་གནོན།]

འཁྲུལ་བ་དེ་ལ་བརྟེན་ལུས་ཀྱི་རྒྱུ་བྱས་པས་ལུས་ལ་གནད་དུ་བསྣུན་པ་ཞིག་དགོས་སོ། །དེ་ལ་འདུན་པ་རྒྱུན་ཆགས་དང༌། མན་ངག་བཙན་ཐབས་གཉིས་སོ། །དེས་ན་དང་པོ་ནི། བརྒྱུད་པའི་བླ་མ་སོགས་སྐྱབས་གནས་ཐམས་ཅད་རྩ་བའི་བླ་མ་ལ་བསྟིམ་སྟེ། གསོལ་བ་རྒྱུན་ཆད་མེད་པར་བཏབ། རང་ལུས་དང་སྣང་བ་ཐམས་ཅད་བདེ་མེད་སྒྱུ་མ་ལྟ་བུའི་འདུན་པ་དྲག་ཏུ་སྦྱང༌། །ཐུན་མཚམས་ཐམས་ཅད་དུ་ཡང་སྒྱུ་མའི་འདུན་པ་ཁར་ཕོག་སྣར་ཕོག་ཏུ་སྦྱང༌། དེ་ལྟར་བསྒོམས་ཀྱང་ཉིན་པར་སྒྱུ་མ་ལྟ་བུ་དང་མི་རྟོག་པ་ཡང་བོགས་མ་ཐོན། མཚན་མོ་རྨི་ལམ་ཡང་མི་ཟིན་ན། གཉིས་པ་མན་ངག་བཙན་ཐབས་ཀྱིས་འཛིན་པ་ནི། ཉིན་མོ་ལུང་སྟོང་དུ་གཅེར་བུར་མཆོངས་རྒྱུག་བྱེད་པ་ལ་སོགས་པ་ཉམས་ང་མེད་པ་སྤྱོད་པ་མང་པོ་དང༌། བླ་མ་ཡི་དམ་མཁའ་འགྲོ་རྣམས་ལ་གནད་བོར་བའི་གསོལ་བ་བཏབ། མཚན་མོ་ནམ་སྨད་སྐྱིལ་ཀྲུང་ལྟག་སྙེས་དང༌། ཙོག་པུ་དང༌། སེང་གེའི་ཉལ་སྟབས་གསུམ་པོ་གང་རུང་བྱས་ནས། རྨི་ལམ་བསྒྱུར་བའི་འདུན་པ་དྲག་པོའི་ངང་ནས་གཉིད་དུ་འགྲོ་བར་བྱ། དེར་རྨི་ལམ་དམ་དུམ་ཟིན་འོང༌། གཉིད་སད་པའི་དུས་ན། ཤར་དང་སྣང་དང་དོན་བྱེད་ནུས། །ཤེས་ནས་གྲོལ་བར་བྱེད་པ་ཡིན། །རྨི་ལམ་དང་ད་ལྟའི་སྣང་བ་གཉིས། དང་པོར་ཤར་ཙམ་གྱི་གནས་སྐབས་དང༌། དེའི་ངང་ལ་གནས་ནས་རྣམ་འགྱུར་སྣ་ཚོགས་སུ་སྣང་བ་དང༌། རང་དུས་ཉིད་ནས་དོན་བྱེད་ནུས་པ་སྟེ་གསུམ་པོའི་སྒོ་ནས་ཁྱད་པར་མེད།


TNT12_Page_1001
[མ་དཔེ་གཟིགས་ན་འདིར་གནོན།]

གནས་ཚུལ་ལ་ཅུང་ཟད་ཀྱང་མ་གྲུབ་པར་ཡང་ཁྱད་པར་མེད། སྒྱུ་མ་ལྟ་བུའོ་སྙམ་འདུན་པ་དྲག་ཏུ་སྦྱོང༌། དེ་ལྟར་ནན་ཏན་ཏུ་བསྒོམས་པས་རྨི་ལམ་ཟིན་ནི་འོང༌། སྦྱོང་བ་ལ་ཡ་བག་ཚ་བྱུང་ན། ད་ལྟའི་བདེན་ཞེན་གྱི་འགབ་འདྲེ་འབྲངས་པ་ཡིན་པས། དེ་ལ་འདི་སྙམ་དུ་ན་ཚ་སྡུག་བསྔལ་བསྐྱེད་པའི་ལུས་དེ་མལ་ན་ཡོད། འདི་ནི་ཡིད་ཀྱི་ལུས་ཡིན་ན་འཇིགས་རྒྱུ་སོགས་ཅི་ཡོད་སྙམ་པས་གང་ཟིན་དུ་སྦྱང༌། ཅུང་ཟད་འབྱོངས་ནས་འབྱུང་བཞི་སྤྲུལ་བསྒྱུར་ལ་བསླབ། རིག་པ་དང་རླུང་དཔངས་གཏོད་དེ་ཉི་ཟླའི་སྟེང་དུ་འགྲོ་བ་དང༌། གཏིང་དུ་སྨད་ནས་རྒྱ་མཚོའི་གཏིང་དུ་འགྲོ་བ་དང༌། ལྷའི་གནས་སོགས་ཉུལ། བདེ་བ་ཅན་སོགས་ཞིང་ཁམས་བལྟ། པོ་ཊ་ལ་དང་རི་བོ་རྩེ་ལྔ་དང་ལྕང་ལོ་ཅན་དུ་རིགས་གསུམ་མགོན་པོའི་ཞལ་བལྟ་གདམས་ངག་ཞུ། དགྱེས་རྡོར་བདེ་མཆོག་སོགས་ཀྱི་དཀྱིལ་འཁོར་ལ་མཆོད་ཅིང་དབང་དང་གདམས་ངག་ཞུ། རང་གཞན་རིགས་དྲུག་སྣོད་བཅུད་ཐམས་ཅད་ཡི་དམ་ལྷའི་དཀྱིལ་འཁོར་དུ་བསྒོམ། སྣང་སྟོང་སྒྱུ་མ་ལྟ་བུར་ཤེས་པར་བྱ། ཡང་ཐོག་མ་ལྷ་སྐུར་ཤར་བ་དེ་ཐ་མལ་བའི་ལུས་སུ་ལོག་འགྲོ་ན། འཁྲུལ་བའི་བག་ཆགས་ཀྱི་ཤུགས་རྗེས་སུ་འབྲང་བ་ཡིན་པས་གཉིད་སད་མ་ཐག་ཏུ་དམིགས་པ་དང་སྒྱུ་མའི་འདུན་པ་དྲག་ཏུ་བསྒོམ། དཔེའི་སྒྱུ་མ་ནི་མེ་ལོང་གི་གཟུགས་བརྙན་ལ་བསྟོད་སྨད་དགའ་བ་མེད་པ་བསྒོམ། དོན་གྱི་སྒྱུ་མ་ནི་ཤར་ཙམ་ཉིད་ནས་བདེན་མེད་ལ་བཞག །གཉིས་མེད་སྒྱུ་མ་ལྷ་སྐུ་སྣང་


TNT12_Page_1002
[མ་དཔེ་གཟིགས་ན་འདིར་གནོན།]

སྟོང་དུ་ཤར་བར་བྱ། སྣང་སྟོང་བདེ་བ་དཔེ་དང་བསྲེ། །དེ་དོན་དང་བསྲེ། དེ་ཟུང་འཇུག་ཏུ་བསྲེ་བའོ། །གཞན་ཡང་སྒྱུ་མའི་དཔེ་གསུམ་གྱིས་མཚོན་པ་དང༌། འདོད་ཆགས་དང་བྲལ་བ་དང༌། ཤེས་རབ་རྣམ་གསུམ་དང༌། རྣམ་ཐར་གསུམ་དང༌། ཕྱི་དང་ནང་གི་ཕར་ཕྱིན་དྲུག་དང༌། ཕྱག་རྒྱ་བཞི་དང༌། དགའ་བ་བཞི་དང༌། ཏིང་འཛིན་གསུམ་སོགས་ཐམས་ཅད་དེ་ཀ་ལ་ཚང༌། རྨི་ལམ་སོགས་སུ་གདོན་གྱི་ཆོ་འཕྲུལ་ཐམས་ཅད་རང་དག་ལ་འགྲོ། འགྲོ་དྲུག་ལྷ་སྐུར་ཤར་བས་བར་དོ་དག་པར་ཐེ་ཚོམ་མེད་དོ། །གཉིས་པ་ནི་དེ་ལྟར་ཉམས་སུ་བླངས་ཀྱང༌། དང་པོར་སྐྱེ་དཀའ། བར་དུ་འབྱོངས་དཀའ། ཐ་མར་བརྟན་པ་ཐོབ་པ་དཀའ་ན། མོས་གུས་དང༌། འདུན་པའི་གནས་སྔར་གྱི་དེ་ཀའི་སྟེང་དུ་ལུས་ལ་གནད་དུ་བསྣུན་པའི་མན་ངག་དགོས་ཏེ། དེ་ཡང་ལུས་གནད་སེང་གེའི་ཉལ་སྟབས་བྱ། མགྲིན་པར་པདྨའི་དབུས་སུ་ཨོཾ་དམར་པོ་འདབ་མ་བཞི་ལ་ཨ་ནུ་ཏ་ར་བསྒོམ་ཏེ། རྨི་ལམ་འཛིན་པའམ་སྦྱོང་བའི་འདུན་པ་དྲག་པོ་སྦྱང༌། དེས་རྨི་ལམ་གྱི་བོགས་ཐོན་པར་ཐེ་ཚོམ་མེད། སད་དུས་ཀྱི་སྣང་བ་ནས་རྨི་ལམ་ལ་འཇུག་ཁ་མ་དང༌། གཉིད་ཕྲི་ཕྲི་བ་དང༌། གཉིད་ལ་ཧྲུམ་གྱིས་སོང་བ་དང༌། རྨི་ལམ་འཆར་ཁ་མ་སྟེ། དུས་བཞི་པོ་དེར་རླུང་སེམས་འདུ་བའི་གནད་མགྲིན་པ་ན་ཡོད་པའོ། །དེ་ཀླུ་སྒྲུབ་ཀྱི་གདམས་པ་ཡིན་ནོ། །ཡང་སྙིང་གའི་རྩ་འཁོར་གྱི་དབུས་སུ་མར་མེ་ལྟ་བུ་འོད་དཀར་ལ་རྩེ་མོ་དམར་བ་སོར་བཞི་པ་ཞིག་བསྒོམས་ལ། དེ་ལ་རིག་


TNT12_Page_1003
[མ་དཔེ་གཟིགས་ན་འདིར་གནོན།]

པ་བཅུག་ཅིང་རླུང་ཡང་ཅུང་ཟད་བསྡམས། ཉིན་མཚན་དུ་དེ་ལྟར་བསྒོམས་ན། ཉིན་མཚན་ཀྱི་འོད་གསལ་གཉིས་ཀར་འཆར། འོད་གསལ་གྱི་མན་ངག་བསྒོམ་བདེ་ཞིང༌། དམིགས་པ་གསལ་འདུས་ཟབ་པ་འདི་ལྟ་བུ་གཞན་ལ་མེད། གྲུབ་ཐོབ་ལྭ་བ་པའི་གདམས་ངག་ཡིན་གསུང༌། ཡང་སྨིན་ཕྲག་གནད་ཀྱི་སྒོར། ཐིག་ལེ་དཀར་ལ་འཚེར་བ། སྣུམ་ལ་འདྲིལ་བ། ཆེ་སྟེ་མཐེ་བོང་ཙམ། ཆུང་ན་རྒྱ་སྲན་ཙམ་ཉམས་བདེ་བ་ཞིག་གསལ་བཏབ། དེ་ལ་རླུང་སེམས་དྲག་ཏུ་བཅུག།འདི་འོད་གསལ་གྱི་འདུན་པ་དང་སྦྱར་ན་འོད་གསལ་ཟིན། རྨི་ལམ་གྱི་འདུན་པ་སྦྱར་ན་རྨི་ལམ་ཡང་ཟིན་པ་ཡིན་ནའང༌། གཙོ་བོར་སད་དུས་སྒྱུ་ལུས་ཀྱི་གདམས་ངག་ཡིན། གཉིད་སད་དུས་ཀྱི་སྣང་བ། དཔྲལ་བའི་འཁོར་ལོ་དང་སྦྱོར་བའི་ལུང་ཁུངས་ཡོད་པ་བཞིན་ནོ། །འདི་རྣལ་འབྱོར་མ་སྐལ་པ་བཟང་མོའི་བཞེད་པ་ཡིན་ནོ་གསུང༌། རྗེ་བཙུན་རྨོག་ལྕོག་པ་ཉིད་ཀྱི་རྣམ་ཐར་ན། གདམས་པ་འདི་གསུམ་བུར་སྒོམ་ལས་བརྒྱུད་པར་བཤད་པས། དེ་ལྟར་ཡང་ཡིན་མོད་ཀྱི། མགྲིན་པའི་ཡི་གེ་ལ་སེམས་གཏོད་པ་འདི། འོད་གསལ་དང་རྨི་ལམ་གྱི་སྤོགས་ཆོག་གི་སྐབས་ན་ཡོད་པ་དང༌། སྨིན་མཚམས་ཀྱི་ཐིག་ལེ་རྨི་ལམ་གྱི་དབང་གི་སྐབས་ན་ཡོད་པས། མཁའ་འགྲོ་ནི་གུ་མ་ཉིད་ཀྱི་གདམས་པ་དང་འབྲེལ་ཞིང༌། སྙིང་གའི་མར་མེ་ཡང་ཐིག་ལེ་ལ་འོད་གསལ་འཛིན་པ་དང་


TNT12_Page_1004
[མ་དཔེ་གཟིགས་ན་འདིར་གནོན།]

གནད་གཅིག་ཅིང༌། ལྭ་བ་པ་དང་ནི་གུ་མ་གཉིས་ཀྱང་གདམས་ངག་བྱིན་རླབས་ཀྱི་རྐང་གཅིག་པར་བཤད་པས། ནི་གུའི་ཆོས་དྲུག་དང་མ་འབྲེལ་བ་མ་ཡིན་ནོ། །འདི་ཡང་གཏུམ་མོ་མ་གཏོགས་བསྲེ་བ་སྒྱུ་ལུས་ཀྱི་གནད་ཀུན་རྫོབ་པ་མན་ངག་གི་རྐང་ཡོངས་སུ་ཚང་བ་ཞིག་གོ །རིན་ཆེན་འོད་ཕྲེང་གི་མན་ངག་གོ །༈ ལམ་དྲི་མེད་འོད་ཕྲེང་ལས་ཆོས་དྲུག་གི་སྙིང་པོ་འདི་ཙམ་གསུངས་སོ། །སྔོན་འགྲོའི་སྐབས་གསུམ་ལ་སྐྱབས་འགྲོ་ལོགས་སུ་མ་གསུངས་ཀྱང་ཁ་འགེངས་དགོས། སེམས་བསྐྱེད་སྤྱི་དང་མཚུངས། བླ་མའི་རྣལ་འབྱོར་ལོགས་སུ་བྱེད་དེ། སྒྱུ་ལུས་ཀྱི་སྐབས་དང་མཚུངས་པ་ལས། བྱང་ཆུབ་ཀྱི་སེམས་རྟོགས་པ་དང༌། སྟོང་ཉིད་རྟོགས་པ་རྒྱུད་ལ་སྐྱེ་བར་གསོལ་བ་འདེབས། མཇུག་ཏུ་བླ་མའི་སྐྱབས་འགྲོ་ནམ་ནམ་མ་རེ་མཛད། དངོས་གཞི་ཐབས་ལམ་ལ་བྱིན་རླབས་བླ་མའི་གཏུམ་མོ་བསྒོམ། རླུང་རྟར་བཞོན་པ་ཡང་འདི་ཀ་ཡིན་གསུང༌། དེ་ནས་སྲིད་པའི་དབང་ཞུ་བ་ཡང་བསྒོམ་ཏེ་དམིགས་པ་གཉིས་ཡོད། སྒྱུ་ལུས་ལ་རང་ལུས་སྣང་སྟོང་ལྷ་སྐུ་དང༌། འགྲོ་དྲུག་སྒྱུ་མར་འཆར་བྱེད་གཉིས་སྦྲགས་ཏེ་བསྒོམ། སྤྱིར་དབེན་པ་ལ་བསྟེན། བླ་མའི་མོས་གུས་ཀྱིས་རྒྱབ་ཕུལ། ཆོས་འདི་བས་སྐྱབས་ཀྱི་མི་དང་མི་འགྲོགས་སྤྱོད་ལམ་ཐམས་ཅད་རང་བཞིན་མེད་རྟོགས་ཀྱིས་ཟིན་པར་བྱ། ཆོས་དྲུག་རྒྱས་པའི་སྐབས། དེང་སང་སྒྱུ་ལུས་སྒོས་ཀྱི་དབང་བཀར་གྲགས་ཤིང་གབ་བསྒྱུར་དགོས་རྒྱུ་དེ་ཏིང་ངེ་འཛིན་གྱི་


TNT12_Page_1005
[མ་དཔེ་གཟིགས་ན་འདིར་གནོན།]

ཚུལ་གྱིས་ལེན། གདམས་ངག་འདིའི་དབང་དུ་བྱས་ན། བསྲེ་བ་སྒྱུ་ལུས་སྤྱིའི་ཚར་གསུམ་ཁུག་པ་ཡིན་གསུང༌། ལར་གཏུམ་མོའི་དབང་ཡིན། ཁྲིད་འདི་འབོགས་ན། གཏུམ་མོའི་དབང་འདི་ཀ་སྒོ་འབྱེད་ཀྱི་དབང་དུ་བསྐུར་བ་ཡིན་པར་བཤད་དོ། །རྨི་ལམ་འཛིན་པའི་དམིགས་པ་གསུམ་ཡོད། དམིགས་པ་དང་པོ་ནི། སྤྱི་བོར་ཧཾ་དཀར་པོ། །གསང་བར་ཕཊ་དམར་སྐྱ། ཧཾ་ལས་ཐིག་ལེ་ཆད་བདེ་མཆོག་དཀར་པོ་འགྱུར། ཕཊ་ལས་ཐིག་ལེ་ཆད་པས་རྗེ་བཙུན་མར་གྱུར་ཏེ། ཁ་སྦྱོར་དུ་ཞུགས་པས་ལུས་སེམས་བདེ་བས་ཁྱབ། མདུན་དུའང་དེ་ལྟ་བུ་བསྒོམ། རྨི་ལམ་གྱི་འདུན་པ་སྦྱངས། མཚན་མོ་གཉིད་དུ་འགྲོ་ཁར་མདུན་གྱི་དེ་རང་ཉིད་ཀྱི་སྙིང་གའི་ལྷན་སྐྱེས་ལ་ཐིམ། དེ་ཡང་འོད་དུ་ལམ་པ་ལ་མཐའ་ནས་ཡལ་མི་དམིགས་བར་བཞག།དམིགས་པ་གཉིས་པ་རང་ཟིན་ཐིག་ལེ་དབང་བཞིའི་གནད་རང་ཡིན། དམིགས་པ་གསུམ་པ་རྟོག་མེད་ལ་བཟུང་བ་གཉིས་ཀྱི་བླ་མ་ལ་བརྟེན་པ་དེ་ཡིན། སྦྱངས་པ་ནི། འདུན་པས་སྦྱང་བ་ལ་མཛད་དེ། སྤེལ་སྤྲུལ་སྒྱུར་གསུམ་ཡང་དེ་ཀའི་ངང་ནས་བྱེད། ཡུལ་སྣང་གི་དམིགས་པ་ཡང་སྟན་ཐོག་གཅིག་མའི་སྐབས་སུ་བཤད་པ་དེ་བསྒོམ། གཉིས་ཀྱི་འོད་གསལ་འཛིན་པའི་མན་ངག་བླ་མ་ལ་བརྟེན་ནས་འོད་གསལ་འཛིན་པ་དེ་ཁོ་ན་ལེན་པར་མཛད། དེས་རྩ་བའི་ཆོས་བཞིའི་དོན་གྱི་སྙིང་པོ་ཚང༌། འཕོ་བ་བར་དོའི་དམིགས་པ་ལོགས་སུ་མི་དགོས།


TNT12_Page_1006
[མ་དཔེ་གཟིགས་ན་འདིར་གནོན།]

འདོད་ན་ཁྲིད་རྒྱས་པར་འབྱུང་བ་བཞིན་ནོ། །ཉམས་ལེན་གྱི་ཚུལ་འདི་ལ་བརྟེན་པའི་སྒོམ་ཆེན་པ་ལ་དགོས་པའི་གོ་དོན་མང་པོ་ཡོད་པ་རྣམས་ནི། འགྲོ་མགོན་སངས་རྒྱས་སྟོན་པ་ཉིད་ཀྱི་བཀའ་ལས་ཤེས་པར་བྱའོ། །༈ ཡང་ཉམས་མྱོང་ཡོན་ཏན་རྒྱ་མཚོ་ལས་འབྱུང་བའི་མན་ངག་ནི། གང་ཟག་འགའ་ཞིག་ལུས་ངག་གི་རྩོལ་པ་ཞན་པས། ཐབས་ལམ་སྒོམ་པར་མི་ནུས་པའམ་བློ་རིགས་ཀྱིས་བསྒོམ་པར་མི་སྤྲོ་ནའང༌། གསང་སྔགས་ཀྱི་རྫོགས་རིམ་ཉམས་ལེན་ལ་ཁ་འཆད་པ་མེད་དེ། སྒྱུ་ལུས་རྨི་ལམ་འོད་གསལ་གསུམ་གྱིས་ལམ་ཐམས་ཅད་ཆ་ཚང་ལ་མ་ནོར་བ་ཡིན་གསུང༌། དེ་ཡང་དལ་འབྱོར་རྙེད་དཀའ། འཆི་བ་མི་རྟག་པ། འཁོར་བའི་ཉེས་དམིགས་རྣམས་ཤེས་པས་ཉམས་ལེན་ལ་འདུན་པ་བསྐྱེད། གཞི་ལམ་འབྲས་བུ་ཐམས་ཅད་ཟབ་པ་དང་རྒྱ་ཆེ་བ་ཟུང་འཇུག་ཏུ་གོ །དེ་ལྟར་མ་རྟོག་པའི་སེམས་ཅན་ལ་སེམས་བསྐྱེད་ཚད་མེད་བཞི་དང་འབྲེལ་བ་བྱེད། དངོས་གཞི་ལ་དང་པོ་སྒྱུ་ལུས་དབང་པོ་རབ་འབྲིང་གསུམ་གྱི། རབ་ནི་མོས་གུས་བླ་མའི་ལམ་ཁྱེར་ཉིད་ཡིན་པ་ལས། བླ་མའི་བཞུགས་གདན་པད་ཟླ་ཁོ་ན་དང༌། བླ་མ་སྐུ་དངོས་ཡིན་པ་མཚན་དཔེས་བརྒྱན་པ་བསྐྱེད། གསོལ་འདེབས་ཀྱི་སྐབས་སྒྱུ་མ་ལ་སྒྱུ་མར་ངོ་ཤེས་པ་དང༌། རྨི་ལམ་ལ་རྨི་ལམ་དུ་ངོ་ཤེས་པར་མཛད་དུ་གསོལ། ཞེས་པ་གསུང་བ་ཡོད་ཀྱང་མཐའ་གཅིག་ཏུ་མ་ངེས་པས་དོན་གཅིག་པའི་ཕྱིར། གཞུང་ཁྲིད་ལྟར་


TNT12_Page_1007
[མ་དཔེ་གཟིགས་ན་འདིར་གནོན།]

བྱས་པས་ཆོག་གསུང༌། དབང་པོ་འབྲིང་ནི་རང་ལུས་སྣང་སྟོང་ལྷ་སྐུ་ཉིད་ཡིན་པ་ལས། སྣང་བ་ཐམས་ཅད་ཀྱི་སྟེང་དུ་འདུན་པ་ཞར་བྱུང་དུ་སྦྱོང༌། སྣང་ཆ་བསྐྱེད་རིམ། སྟོང་ཆ་རྫོགས་རིམ། དབྱེར་མེད་བདེ་བ་ཆེན་པོར་ངོ་སྤྲད། ཐ་མ་ནི་འགྲོ་དྲུག་སྒྱུ་མར་འཆར་བྱེད་ཡིན། ཆོས་འབྱུང་ཕྱི་དཀར་ལ་ནང་དམར་བ་དང༌། སྐབས་འདིར་སྒྱུ་མའི་འདུན་པ་ཁོ་ན་ལས་འདུན་པ་གཞན་གྱི་སྤྲོས་པ་མི་བྱེད་དོ། །རྨི་ལམ་ལ་ཉིན་པར་སྒྱུ་མ་རྨི་ལམ་གྱི་འདུན་པ་ཉིད་དང༌། མཚན་མོ་རང་ཟིན་ཐིག་ལེ་དབང་བཞིའི་གནས་དང༌། རྟོག་བཅས་ལ་བཟུང་བ་གཉིས་སྦྲགས་ཏེ་བསྒོམ། དེ་ལ་ཅུང་ཟད་བརྟན་པ་ཐོབ་ན། འདུན་པས་སྦྱོང་བ་ཉིད་བསྣན་ཏེ། གང་ཟིན་དཔག་ཏུ་མེད་པར་སྤྲུལ་པ་ལ་སོགས་པ་ཟིན་སྦྱོང་སྤྲུལ་བསྒྱུར་ཐམས་ཅད་ཆ་མཉམ་རང་ཤུགས་སུ་འབྱུང༌། ཡུལ་སྣང་ནི་ཐིག་ལེ་ལ་བརྟེན་པ་དེ་བསྒོམ་ཏེ། ཐིག་ལེའི་འོད་ཀྱིས་གང་ལྟ་བའི་ཡུལ་ཚུར་དྲངས་རང་གི་སྙིང་གར་ཐིམ་པར་བསྒོམ་པ་དེ་ཁྱད་པར་རོ། །ཡང་མཚན་མོ་ཉལ་ཁར་བལྟ་བའི་ཡུལ་དང༌། སྙིང་གའི་ཐིག་ལེ་གཉིས་འོད་ཀྱི་ཐག་པས་སྦྲེལ། ཡང་སོགས་ཀུན་ལ་སྒྱུ་མ་ལྟར་བསྒོམ། སྐབས་འདིར་བསྲེ་འཕོ་ཤེས་རབ་རྣམ་བཞིའི་སྒོ་ནས་ཅུང་ཟད་ཙམ་ངོ་སྤྲོད་བྱ། དེ་ནས་གཉིད་ཀྱི་འོད་གསལ་འཛིན་པ་ནི། ཨ་ཡིག་ལ་བརྟེན་པ་ཡིན་ཏེ། འདིའི་ཁྲིད་ཡིག་གི་དཀྱུས་ལ། རང་གི་ལྟེ་འོག་སོར་བཞི་


TNT12_Page_1008
[མ་དཔེ་གཟིགས་ན་འདིར་གནོན།]

བཅལ་བར་ཞེས་པ་ཡོད་ཀྱང་དེའི་མཆན་བུ་རང་མཆན་ན། དབང་པོའི་རྩེ་མོའམ་གསུང་བ་ཡོད་དེ། རྒྱུད་སྡེ་དང་མཐུན་པའི་གནད་དམ་པ་ཡིན། སྟན་ཐོག་གཅིག་མའི་དེ་ཀ་ལ་དགོངས་པར་མངོན། དངོས་བསྟན་ཨ་དཀར་པོ་གཅིག་ནོར་བུར་བསྒོམ་པའོ། །འོད་གསལ་བདེ་སྟོང་ལས་སྣང་བ་སྣ་ཚོགས་འཆར་བ་ནི། འོད་གསལ་ལས་ལྷ་སྐུ་རང་ཤར་འབྱུང་བའི་གནད་ཡིན་པར་བཤད་དོ། །རྒྱས་པར་འགྲོ་མགོན་སངས་རྒྱས་ཉིད་ཀྱི་གསུང་དུ་བལྟའོ། །དེ་དག་ལས་རིན་ཆེན་འོད་ཕྲེང་གཞུང་གི་ཚུལ་དུ་མཛད་པས་གླེང་བརྗོད་གང་ཡང་མེད། ལམ་དྲི་མེད་འོད་ཕྲེང་དང་འདི་གཉིས་ལ་ཁྲིད་ལོགས་པ་མི་བྱེད་དེ། ཆོས་དྲུག་ལས་གཞན་དུ་མེད་པས་སོ་ཞེས་གསུངས་པ་དང༌། ངག་སྒྲོས་ལ་སྔོན་ཆོས་དྲུག་ཁྲིགས་ཆགས་འདི། ཡེ་གེ་འགོད་པ་བཀའ་རྒྱ་མ་གྲོལ་པའི་སྐབས། བརྗེད་ཐོ་ལྟར་བུར་ཁྲིད་ཡིག་བསྡུས་པ་འདྲ་མིན་མཛད་པ་ཡིན་གསུང་པ་སོགས་ཡོད་ཀྱང༌། ཆོས་དྲུག་རང་སྤྱིར་སྙན་བརྒྱུད་ཀྱི་བཀའ་རྒྱ་མ་གྲོལ་པའི་སྐབས་ཡིན་ན་ནི། དམ་དུམ་ཡི་གེ་བྲིས་ཀྱང་བཀའ་རྒྱ་ལ་གནོད་པ་དང༌། འདྲ་མིན་བྲིས་ན་བརྗེད་ཐོར་ཤིན་ཏུ་མི་རུང་སྟེ། དཀྱུས་དེ་བརྗེས་པའི་རྒྱུར་ངོས་འགྱུར་བས་དེ་འདྲ་ནི་མ་ཡིན་ནོ། །དེས་ན་འདི་གཉིས་འགྲོ་མགོན་སངས་རྒྱས་ཀྱི་གསུང་ཡིན་པས་བཀའ་རྒྱ་གྲོལ་པ་ཡིན། དམིགས་པ་འདྲ་མིན་ཕྲན་བུ་ཡོད་པ་རྣམས་འདམ་ཁ་ཡིན་པར་ཤེས་པར་བྱ་དགོས། དེས་ན་འདི་གཉིས་ཡེ་ཤེས་མཁའ་འགྲོ་ནི་གུ་མའི་སྙན་བརྒྱུད་


TNT12_Page_1009
[མ་དཔེ་གཟིགས་ན་འདིར་གནོན།]

ཀྱི་གདམས་པའི་སྣོད་དུ་གྱུར་པ་ལ། གདམས་སྐོར་ཡོངས་རྫོགས་རང་མི་དགོས་པའི་སློབ་མ་འགའ་ཞིག་གིས་དོན་དུ་གནང༌། དེ་རྣམས་ལ་ཡང་ཉམས་རྟོགས་ཁྱད་པར་ཅན་མཐར་ཕྱིན་སྐྱེས་པ་ཡིན་འདུག །ཁྲིད་ཆེན་མོའི་ནང་དུ་དོན་འདུས་སུ་ཆུག་ཀྱང་ལོགས་སུ་བྱེད་པ་མི་འགལ་ཏེ། སྒྱུ་ལུས་སྟན་ཐོག་གཅིག་མ་བཞིན་ནོ། །དེས་ན་མཁས་གྲུབ་ཆེན་པོ་ཁྱུང་པོ་པ་སྒྱུ་ལུས་སྟན་ཐོག་གཅིག་མ་ལོགས་སུ་ཕྲལ་ནས་མཛད་པ་བཞིན་དུ། །འགྲོ་མགོན་སྟོན་པས་ཀྱང་འདི་གཉིས་མཛད་པ་ཡིན་ཏེ། སྐབས་འདིར་མཛད་པ་པོ་བཟང་ངན་ལ་ཁྱད་མེད་པར་གོ་དགོས་སོ། །རིན་ཆེན་འོད་ཕྲེང་དང་འདི་གཉིས་ལ་ཚིག་བཅད་ལྷུག་གི་ཁྱད་ལ་རྟོག་དཔྱོད་ཞུགས་མ་ཞུགས་ཀྱི་སྟབས་ཅིག་བྱུང་འདུག་པ་མ་གཏོགས་དགོས་དོན་དེ་དག་ལ་ཁྱད་མེད་དོ། །དེ་ལྟར་ན་ཁྲིད་ཚུལ་རྒྱས་པའི་ནང་ནས་དམིགས་པའི་གཙོ་བོ་ཇི་ལྟར་འོས་པ་གུད་དུ་ཕྱུང་བ་ཡིན་དུ་ཆུག་ཀྱང༌། སྐྱེས་མཆོག་དེ་དག་གིས་ཁྲིད་ཀྱི་རྣམ་གྲངས་སོ་སོར་བྱིན་གྱིས་རློབ་པར་མཛད་པ་ཡིན་པས། ད་ལྟར་ཡང་གདུལ་བྱ་སོ་སོའི་བློ་རིགས་དང་བསྟུན་ནས་ཁྲིད་ཚུལ་འདི་དག་གིས་སློབ་མ་བཀྲི་བ་ཡང་ཤིན་ཏུ་ལེགས་ཤིང་འོས་པ་ཉིད་དོ། །སྤྱིར་ཡང་ཚིག་ཁྲིད་ལ་གསུང་གི་རྒྱུན་རྒྱས་པ་ཉིད་ཚིག་གི་བསླད་མ་ཞུགས་ཤིང༌། ལྷག་ཆད་ནོར་འཁྲུལ་མེད་པ་ཞིག་བླ་མ་ལས་ཐོས་ཤིང་བློ་ལ་ཟིན་པ་ཞིག་དགོས་མོད། དོན་ཉམས་མྱོང་གི་ཁྲིད་ལ་


TNT12_Page_1010
[མ་དཔེ་གཟིགས་ན་འདིར་གནོན།]

ཁྲིད་ཡིག་རྒྱས་པའི་གྲལ་བསྒྲིགས་དེ་ཀ་མུ་དེད་རང་དུ་དགོས་པ་མ་ཡིན་ཏེ། དམིགས་པ་རེ་རེའམ་གཉིས་གསུམ་ལ་བརྟེན་ནས་ཉམས་མྱོང་ཚད་དུ་ཕེབས་པ་བྱུང་ན། དེས་ཐམས་ཅད་ཀྱི་རྐང་ཟིན་པར་འགྱུར་བའི་ཕྱིར་རོ། །ཡང་ཅི་སྟེ་ན། ཆོས་དྲུག་གི་གཞུང་ཁྲིད་རྒྱས་བསྡུས་རྣམས་ནི་བསྒོམ་པར་མི་སྤྲོ་ལ། ནི་གུའི་ཆོས་དྲུག་གི་མིང་དང་ལྡན་པ་མོས་ན། འདི་གཉིས་ཀྱི་སྔ་མ་ལ་འཕོ་བ་བར་དོ་ཙམ་བསྣན་པ་དང༌། རིན་ཆེན་འོད་ཕྲེང་དང༌། ཕྱི་མ་འདི་ལ་དེའི་སྟེང་དུ་གཏུམ་མོ་ཡང་ཇི་ལྟར་འོས་པ་བསྣན་ཅིང༌། སྣོན་ཚུལ་ཡང་དཀྱུས་ལ་བཅུག་ན་གྲུབ་ཐོབ་གསུང་ལ་བསྲེ་བསླད་དུ་འགྱུར་ཉེན་སྲིད་པས། ལོགས་སུ་བསྣན་ན་ལེགས་པར་འགྱུར་རོ། །དེ་ལས་གཞན་དུ་ནི་གུ་ཆོས་དྲུག་གི་ཁྲིད་ཡིག་ཡིན་ཟེར་བ། རྗེ་དགེ་འདུན་རྒྱ་མཚོས་ཉེ་བར་སྦྱར་བ་ལྟ་བུ། ནི་གུ་མས་མ་གསུངས། ཁྱུང་པོས་མ་ཐོས། བརྒྱུད་པའི་བླ་མ་སུས་ཀྱང་མ་དགོངས་པའི་བཅོས་མ་ནི་གུའི་ཆོས་ཞེས་པའི་མིང་ཙམ་ལ་རྒྱུག་ཅིང་ཆོས་རྒྱུས་མེད་པའི་བླུན་པོ་འབྲིད་བྱེད་ཙམ་དུ་ཟད་དོ། །ཅི་སྟེ་ཆོས་ཚུལ་གཞན་ལས་བཤད་པའི་དམིགས་རིམ་རྣམ་དག་ཡིན་ནོ་ཞེ་ན། དེ་ལ་ནི་གུའི་ཆོས་ཀྱི་མིང་བཏགས་པས་ཅི་ཞིག་བྱ། ཤངས་པའི་བཀའ་བརྒྱུད་ཀྱི་ལུགས་ཀྱི་དམིགས་པ་སྣ་ཅིག་ཙམ་ཡང་མེད་པ་ལ་ཤངས་ཆོས་ཀྱི་མིང་བཏགས་པ་དེ་འདྲས་ཅྀར་ཡང་མི་རུང་ངོ༌། །སྒྱུ་ལུས་སྟན་ཐོག་གཅིག་མ་ཞེས་བྱ་བ་ནི། མཁས་གྲུབ་ཆེན་པོ་ཁྱུང་པོའི་གསུང་ཐེམ་ཡིག་ལས།


TNT12_Page_1011
[མ་དཔེ་གཟིགས་ན་འདིར་གནོན།]

སྒྱུ་ལུས་སྟན་ཐོག་གཅིག་མ་ལ། གསོལ་འདེབས་བཞི་ལ་འདུན་པ་བརྒྱད། གསོལ་འདེབས་བཞི་ནི་དབང་པོ་ཐ་མའི་སྐབས་བཞིན་ཡིན། འདུན་པ་བརྒྱད་ནི་འཆི་བ་མི་རྟག་པ། བླ་མའི་མོས་གུས། གཉིད་དུ་སོང་བར་ཤེས་པ། སྒྱུ་མ་རྨི་ལམ་དུ་ཤེས་པ། སྦྱོང་སྤེལ་སྦྲུལ་བསྒྱུར་རྣམས་ཡིན་པར་གསུངས། ཉམས་ལེན་གྱི་རིམ་པ་ནི། སྐྱབས་འགྲོ་སེམས་བསྐྱེད། དག་བྱེད་སྟོང་ར་རྣམས་སྔོན་དུ་བཏང༌། འཆི་བ་མི་རྟག་པའི་སྐྱོ་ཤས་དྲག་ཏུ་བསྐྱེད་པ་ལ་དཀྱུས་ལས་ནན་ཏན་ཆེ་ཙམ་བྱ། བླ་མའི་རྣལ་འབྱོར་ནི་སྒྱུ་ལུས་དཀྱུས་དང་འདྲ། བླ་མ་རང་ལ་བསྟིམ་པའི་རྗེས་སུ་རང་ལྷ་སྐུར་གསལ་བ་དང༌། ཕྱི་སྣང་བ་ཐམས་ཅད་ལ་ཡང་སེམས་གཏད་དེ། གང་གསལ་ཐེབས་ཐེབས་སུ་ལྷ་སྐུར་གསལ་བཏབ་ཐམས་ཅད་ལ་ཅིག་ཅར་དམིགས་ནས། འདི་ཐམས་ཅད་རང་གི་སེམས་སྣང་ཡིན་ལ། སེམས་དེ་ཡང་བདེན་མེད་སྒྱུ་མ་ལྟ་བུ་ཡིན། དེ་ལས་ཀྱང་ཁྱད་པར་དུ་ང་གཉིད་དུ་སོང་འདུག །སྣང་བ་འདི་ཐམས་ཅད་རྨི་ལམ་རང་ཡིན་ཨང་སྙམ་བདེན་མེད་ཀྱི་འདུན་པ་དང༌། རྨི་ལམ་གྱི་འདུན་པ་གཉིས་སྤེལ་གྱིན་དྲག་ཏུ་སྦྱངས། ཐུན་མཚམས་སུའང་འདུན་པ་གསུམ་སྦྲགས་གཡེལ་མེད་དུ་བསྒོམ་ཞིང༌། ལྷག་པར་ཡང་རྨི་ལམ་གྱི་འདུན་པ་བསྣན། ཉལ་ཁར་ཡང་རྨི་ལམ་གྱི་འདུན་པ་དང༌། བདེན་མེད་ཀྱི་འདུན་པ་དྲག་ཏུ་སྦྱངས་ནས། དེ་ཀའི་ངང་ནས་གཉིད་དུ་འགྲོ་བར་བྱ། རྨི་


TNT12_Page_1012
[མ་དཔེ་གཟིགས་ན་འདིར་གནོན།]

ལམ་འཛིན་པའི་གདམས་ངག་གཞན་མི་འཚལ། འདི་ཁོ་ནས་ཆོག་པར་བཞེད། དེ་རྗེས་སྦྱང་བ་སྤེལ་བ་སྤྲུལ་བ་བསྒྱུར་བ་རྣམས་ཆོས་དྲུག་རྒྱས་པ་བཞིན་བསྟན་ནོ། །རྒྱས་པར་ན་འདི་ལ་མཁས་གྲུབ་རྒྱལ་མཚན་འབུམ་གྱི་ཁྲིད་ཡིག་ཀྱང་ལོགས་སུ་ཡོད་པ་བལྟ་བར་བྱ་ལ། གཞུང་ཁྲིད་ལ་ངེས་པོ་ཡོད་ཕྱིན། ཡི་གེ་འདི་ཙམ་གྱིས་ཀྱང་དོན་མཐོང་བར་འགྱུར་རོ། །དེ་ལྟར་ན། ཆོས་དྲུག་གཞུང་ཁྲིད་ཀྱི་སྐབས་སུ་དགོས་པའི་དམིགས་པ་བཀའ་རྒྱ་མའི་རིགས་དང༌། གདམས་ངག་ཉེར་མཁོ་རྒྱས་བསྡུས་སྣ་ཚོགས་པའི་སྡེ་རྣམས་བཤད་ཟིན་ཏོ། །འདིར་སྨྲས་པ། ཟབ་དོན་འཁྲུལ་མེད་འདི་ཡིན་ཞེས། །ངེས་ཏིག་སྨྲ་བ་ཤིན་ཏུ་དཀོན། །མི་གྲ་གཤོག་ཕྱིར་ཐོབ་ཆོས་ཙམ། །འོལ་གཅོད་བྱེད་པས་རྒྱལ་ཁམས་གང༌། །མི་ཕལ་བླུན་པོ་ཕྱོགས་མོས་ཀྱིས། །ཆོས་འདིར་འཇུག་པ་ཕལ་ཆེ་བ། །ཇ་ངོ་ཉ་མ་ཤས་ཆེ་བས། །ཟབ་དོན་གོ་བ་དཀོན་མོད་ཀྱི། ཁོག་ངན་བློ་སྐྱོན་ཆགས་པའང་ཉུང༌། །ཆེ་འདོད་ཆོས་བརྒྱད་ཕྱོགས་འཛིན་གསུམ། །གཅིག་ལས་གཅིག་ཆེ་འགྲན་པ་བཞིན། །དང་པོ་གོ་རྟོགས་སྙིང་རྗེ་གསུམ། །གཅིག་ལས་གཅིག་ཆུང་འགྲན་པ་བཞིན། །དེ་ལྟར་ཁྱད་ཆོས་དྲུག་ལྡན་པའི། །དགེ་བཤེས་མིང་ཅན་ཟམ་ཟོམ་འགའ། །རང་གིས་བསླབས་པའི་ཁ་བཤད་ཚོ། །སྐྱེ་བོ་ཕལ་ལ་མ་བྲིན་པས། །ཉག་ཉོག་འཁོར་དུ་འདུ་རེ་ནས། །ཆོས་རྒྱུས་མེད་པའི་ཚོགས་པ་ལ། །ལུང་སྐྱོག་རྣམས་སུ་ཆོས་འདི་འཆད། །


TNT12_Page_1013
[མ་དཔེ་གཟིགས་ན་འདིར་གནོན།]

ཆོས་ཚུལ་འདི་ལ་སྦྱངས་པ་ཡི། །ཤེས་ལྡན་རྣམས་ལ་སྟོན་ཉན་མེད། །ཨ་པོ་ཅང་གི་ཀློག་དར་གྱི། །དཔེ་དེ་ཐུགས་སུ་ཆུད་པར་མཛོད། །ཧེ་རང་རེ་སྐལ་ལྡན་ཡིན་པར་ངེས། །ཟབ་ཆོས་ངེས་ཏིག་ཡོད་སར་སླེབ། །བླ་མ་སྦེད་ཀྱང་མི་དགོས་པར། །ཆོས་ལ་སྤྱོད་པ་ཨེ་མ་ཧོ། །ཟབ་ལམ་ནི་གུ་ཆོས་དྲུག་གཞུང་ཁྲིད་མ་མོའི་ལྷན་ཐབས་འདི་ཡང་རྒྱལ་ཁམས་པ་ཏཱ་ར་ནཱ་ཐས་སྨྲས་བའོ།། །།མངྒ་ལམ།། རབ་དགེས་ཚེ་འདི་འཕོས་མ་ཐག་པ་རུ། །ཤམྦྷ་ལ་རུ་ཆོས་རྒྱལ་གདུལ་ཞིང་དུ། །ཚེ་ལུས་དེ་ལ་གསང་ཆེན་ལམ་མཐར་ཕྱིན། དུས་འཁོར་རྡོར་འཆང་གོ་འཕང་མྱུར་ཐོབ་ཤོག མ་ཏིས་སོ།


TNT12_Page_1014
[མ་དཔེ་གཟིགས་ན་འདིར་གནོན།]

ཤོག་སྟོང་།

ནི་གུ་འཁྲུལ་འཁོར་རྩ་འགྲེལ།


TNT12_Page_1015
[མ་དཔེ་གཟིགས་ན་འདིར་གནོན།]

ནི་གུ་འཁྲུལ་འཁོར་རྩ་འགྲེལ་བཞུགས།


TNT12_Page_1016
[མ་དཔེ་གཟིགས་ན་འདིར་གནོན།]

ཨོཾ་སྭཱ་སྟི། །ན་མོ་གུ་རུ། །རྩ་མདུད་དགྲོལ་དང་རྩ་སྲོང་དང༌། །དབུ་མར་སྡུད་དང་རྩ་འགྲེམས་བཞིའོ། །ལངས་འདྲེན་བསྒྱུར་དང་སྟོད་གནོན་གསུམ། །རྐང་གཅིག་རྐང་གཉིས་གཅུ་བ་དང༌། །བུ་ཆུང་ཚུལ་དང་འཕར་བ་ལྔ། ཁ་འབྱེད་གཉིས་ནི་སྣོར་དང་བགྲད། །དབུ་མར་འཇུག་དང་དབུ་མར་འདྲེན། །དབུ་མར་སྡུད་པ་གསུམ་དུ་བཞེད། །རྣམ་སྣང་ལྟག་གཅུ་དོན་ཡོད་གྲུབ། །གཟིར་དང་མཉམ་གཞག་རྐང་གཡབ་དང༌། །ཀོག་ལངས་གསུམ་སྤྲུགས་ཞེས་བྱ་བརྒྱད། །རྩ་ལ་བཞི་དང་ཐིག་ལེ་གསུམ། །ཟུག་སེལ་ལྔ་དང་ཁ་འབྱེད་གཉིས། །རྡོ་རྗེ་གར་ལ་གསུམ་ཡིན་ཏེ། །ཉོན་མོངས་སེལ་ལ་བརྒྱད་ཡོད་ཀྱང༌། །གཅིག་ཏུ་བསྡུས་ན་བཅོ་བརྒྱད་ཡིན། །དང་པོ་སྐྱིལ་ཀྲུང་རོ་སྟོད་ལན་བདུན་གཅུ། །གཉིས་པ་ལངས་ལ་སྐེད་གཟིར་རྟིང་འཁྲབ་བདུན། །གསུམ་པ་ལག་གཉིས་མཆན་ཁུང་བརླ་ཟུར་བརྐྱང༌། །བཞི་པ་སར་བསྡད་ལུས་ཀུན་འཕུར་མཉེ་བྱ། །ལྔ་པ་སྤྱི་བོར་ཐལ་སྦྱར་རྟིང་བ་བརྡབ། །དྲུག་པ་ཁུ་ཚུར་གཡས་གཡོན་རེ་མོས་བརྐྱང༌། །བདུན་


TNT12_Page_1017
[མ་དཔེ་གཟིགས་ན་འདིར་གནོན།]

པ་མཆན་ཁུང་བསྡམས་ལ་རོ་སྟོད་གཅུ། །བརྒྱད་དགུ་གཉིས་ལ་དབྱུག་མཆོངས་བྱེད་པར་བཤད། །འོན་ཀྱང་ད་ལྟ་ལག་ལེན་དེ་མི་བྱེད། །བརྒྱད་པ་པུས་མཐིལ་སྦྱར་ལངས་ལག་བརྐྱང་འཁྲབ། །དགུ་པ་རྐང་ལག་རྡེག་སྟབས་རྟིང་འཁྲབ་གསུམ། །བཅུ་པ་སོར་བསྣོལ་བྲང་འགེབས་ལན་གསུམ་གཅུ། །བཅུ་གཅིག་ལངས་སྡོད་མགོ་བོ་བསྐོར་ལྕོག་སྤྲུག །བཅུ་གཉིས་རྟིང་འཁྲབ་གསུམ་མཐར་ས་ལ་འབེབས། བཅུ་གསུམ་ཁུ་ཚུར་བྲང་གནོན་གཅིག་ཤོས་འཕུལ། །བཅུ་བཞི་ཁ་མིག་བགྲད་མཐའ་བརྐྱང་བསྐུམ་སྤྲུག།བཅོ་ལྔ་ནུ་རྡེག་རྒོད་ལྡིང་སྤྲུག་དང་སྐོར། །བཅུ་དྲུག་སྣོལ་ནས་འཐེན་གནོན་དགྱེད་དགུ་བྱ། །བཅུ་བདུན་དཔུང་བཀབ་རྐེད་པ་ལན་གསུམ་སྐྱོག།བཅོ་བརྒྱད་པ་ནི་ཉོན་མོངས་སེལ་བ་ཡིན། །བྱང་ཆུབ་ཕྱག་རྒྱ་གཡས་གཡོན་སྟེང་འོག་གཅུ། །སྲིན་འདུད་ལྟག་མནན་རོ་སྟོད་གཡས་གཡོན་གཅུ། །དོན་གྲུབ་ཕྱག་རྒྱ་གཞག་ཤ་བརྡེབས་པ་ཡིན། །གཟིར་བ་འབར་རྒྱ་བསྐོར་ཞིང་མིག་བསྐོར་བལྟས། །མཆན་ཁུང་


TNT12_Page_1018
[མ་དཔེ་གཟིགས་ན་འདིར་གནོན།]

བསྡམས་ཤིང་གཅུས་ནས་སླར་ཡང་བལྟ། །མཉམ་བཞག་རྡོར་སྐྱིལ་ཕོ་བ་བསྡམས་པ་དང༌། །རྐང་གཡབ་གན་རྐྱལ་ཙོག་པུ་ཟན་སྤྲུའི་ཚུལ། །ཀོག་ལངས་སྡིགས་མཛུབ་ཕྱོགས་བཅུ་རྣམས་སུ་བསྐོར། །གསུམ་སྤྲུགས་བསྡམས་བརྐྱང་བཤུད་ཅིང་སྤྲུགས་པ་ཡིན། །ཡེ་ཤེས་མཁའ་འགྲོ་ནི་གུའི་ཆོས་དྲུག་གི །གཏུམ་མོའི་གཞུང་ཁྲིད་འཁྲུལ་འཁོར་བཅོ་བརྒྱད་ཡིན། །ཕྱི་མ་བརྒྱད་དུ་ཕྱེ་ན་ཉི་ཤུ་ལྔ། །ཞེས་སོ། །དེ་ཡང་རླུང་སྦྱོང་བ་ཟླ་གཅིག་ཙམ་སོང་བ་ན། གཏུམ་མོའི་སྟོང་ར་ཞག་བདུན། གོང་བུ་འཐབས་པ་ཞག་བདུན། དངོས་གཞི་ཞག་བདུན། བླ་མའི་གཏུམ་མོ་ཞག་བདུན། གོས་སུ་གྱོན་པ་ཞག་བདུན་བྱ། དེ་ནས་འཁྲུལ་འཁོར་དེ་རྣམས་བསླབ་སྟེ་ཡང་ཡང་སྦྱངས་པས་ངལ་དུབ་མེད་ཅིང་སྒྲིབ་མི་དགོས་པར་སོང་བ་ན། སོ་སོའི་དམིགས་པ་རྣམས་ལ་ཐུན་རེ་རེ་བྱེད་ཀྱིན་སྦྱངས། མཐར་འཁྲུལ་འཁོར་ཚར་རེ་ལ་དམིགས་པ་ཐམས་ཅད་ཚར་རེ་འགྲོ་བར་བྱེད། ཐུན་བཞིའམ་དྲུག་ཏུ་ཚར་རེ་མ་ཆག་ཅིང་གཏུམ་མོ་ལ་འབད་ན་ཡོན་ཏན་དཔག་ཏུ་མེད་པ་འཕྲལ་དུ་འབྱུང་ངེས་པ་ཡིན་ནོ། །དེ་ལ་སྡོམ་ཚིག་གི་དོན་རྣམས་བཤད་པར་བྱ་སྟེ། དང་པོ་རྩ་མདུད་དགྲོལ་བ་ནི། སྐྱིལ་ཀྲུང་ལུས་གནད་བཅས་ལ། ལག་པ་གཉིས་པུས་མོ་ནས་དྲངས་ཏེ། བརླའི་རྩ་བར་བཙུགས། རོ་སྟོད་གཡས་དང་གཡོན་དུ་གཅུ་བ་ལན་བདུན་བདུན་བྱ། གཉིས་པ་རྩ་དྲང་པོར་བསྲང་བ་ནི། ལུས་གནད་


TNT12_Page_1019
[མ་དཔེ་གཟིགས་ན་འདིར་གནོན།]

བཅའ་གཞི་གོང་ལྟར་བཅས། ལག་པ་བརླའི་རྩ་བར་སླེབ་པ་དང༌། ཀག་གི་ལངས་ལ་རླུང་འཕར་བྱས། ལག་པ་སྐེད་གཟེར་གྱི་ངང་ནས། ལྟོ་བ་གཡས་བསྐོར་གཡོན་བསྐོར་བཤང་སྒོར་སྡིག་པ་རེ་དང༌། རོ་སྟོད་བག་ཙམ་གཡས་གཡོན་དུ་གཅུ་བ་ལྷན་ཅིག་ཏུ་བྱ་ཞིང༌། དེ་རྗེས་རྟིང་ཁྲབ་རེ་དང་སྤེལ་བ་ལན་བདུན་བྱ། འདི་རྩ་འཁྲུགས་པ་སེལ་བ། སྐྲ་ཤད་ཀྱིས་སྐྲ་གང་བྱེད་པ་དང་འདྲའོ། །གསུམ་པ་དབུ་མར་སྡུད་པ་ནི། སྔ་མའི་འཕྲོས་ལ་ཡིན་ན། རླུང་འཁྲབ་ཅིག་བྱས་པས་ཆོག།ལོགས་སུ་བྱེད་ན། བཅའ་གཞི་གཉིས་པ་དང་འདྲ་བར་བྱ། ལག་པ་ཁུ་ཚུར་བཅངས་པ་བརླའི་ཕྱི་འཕོངས་ཚོས་ཕྱོགས་ལ་བརྐྱང་ཞིང་ཤེད་བཅུག་ལ་རྟིང་འཁྲབ་གཉིས་གཉིས་ཀྱི་མཚམས་སུ། འཕར་རྡེབ་རེ་བྱ། དེ་འདྲ་ལན་བདུན་ནོ། །བཞི་པ་རྩ་འགྲེམས་ནི། རླུང་བསྐྱུར་ཞིག་བྱས་ནས་དང་པོར་མགོ་དང༌། དེ་ནས་རོ་སྟོད། དེ་རྗེས་ལག་པ། རྗེས་སུ་སྨད་དང༌། རྐང་པ་བརྐྱང་བ་ལ། འཕུར་མཉེ་བྱ། ཁྱད་པར་དུ་ལག་པ་དང་རྐང་པའི་ཉྭ་བཞི་རྣམས་ལ། ཕན་ཚུན་དུ་བཤུད་པ་དང༌། རྡུང་བ་བྱེད། བཞི་པོ་དེ་རྣམས་རྩ་དག་པར་བྱེད་པའོ། །ལྔ་པ་ལངས་ཏེ་འགྲེམས་པ་ནི། བཅའ་གཞི་གཉིས་དང་འདྲ་བ་ལས། ལག་པ་རིམ་པས་རྩིབས་ལོགས་བརྒྱུད་ཡར་བརྐྱང༌། སྤྱི་བོར་ཐལ་མོ་སྦྱར། སྐེད་པ་ཉག་གིས་བཏང༌། ཐུར་སེལ་ཐུར་


TNT12_Page_1020
[མ་དཔེ་གཟིགས་ན་འདིར་གནོན།]

དུ་བསྡིགས་པ་དང༌། སྲོག་སྟེང་དུ་དྲངས། ལྐོག་མས་ཨོལ་མདུད་དྲག་ཏུ་མནན་ཅིང༌། འཕར་རྡེབ་བྱེད་པ་ལས། རྟིང་པ་རྡེབ་པ་ཤུགས་ཆེ་བར་བྱ། འདི་ཡང་ལན་བདུན་བྱའོ། །དྲུག་པ་བསྒྱུར་བ་ནི། བཅའ་གཞི་གོང་བཞིན་བྱས་ལ། ལག་གཉིས་ཁུ་ཚུར་བརླའི་ཟུར་ལ་བརྐྱང༌། ལུས་གཡོན་དུ་གཅུས་ནས། རྐང་ལག་གཡས་པ་དྲག་ཏུ་བརྐྱང་བསྐུམ་བྱ། ལན་ལག་དང་ལྷན་ཅིག་སོར་མོ་ཡང་བརྐྱང་བསྐུམ་བྱ། དེ་བཞིན་དུ་གཡོན་པ་ལའང་སྦྱར། བདུན་པ་སྟོང་གནོན་ནི། བཅའ་གཞི་སྔར་བཞིན་ལས། ལག་གཉིས་སོར་མོ་རྣམས་བསྣོལ་ཏེ་བྲང་ལ་བཀབ། མཐེ་བོས་མཆན་ཁུང་ལོགས་ནས་བསྡམས། རོ་སྟོད་གཡས་གཡོན་དུ་ལན་བདུན་གཅུ། དེ་གསུམ་ཐིག་ལེ་དག་བྱེད་དོ། །བརྒྱད་པ་རྐང་གཅིག་པ་ནི། བཅའ་གཞི་གཉིས་པ་དང་འདྲ་བ་ལས། རྐང་པ་གཡོན་པའི་པུས་མོའི་གོང་ལ། གཡས་པའི་མཐིལ་སྦྱར། པུས་མོ་གཡས་པ་གཡས་ལ་སྒྱེད། ལག་པ་གཉིས་ཀར་བརྐྱང་སྟེ། འཕར་རྡེབ་ལན་གསུམ་བྱེད། དེ་ཉིད་གཡས་གཡོན་གོ་ལྡོག་པའང་ལན་གསུམ། དགུ་པ་རྐང་གཉིས་ནི་བཅའ་གཞི་གཉིས་པ་བཞིན་ལས། རྐང་ལག་གཡས་པ་གཉིས་མདུན་དུ་གཡོན་བསྐོར་བྱས་ནས། གྱེན་དུ་ཅུང་ཟད་བཏེག་སྟེ། སླར་གཡས་ཀྱི་རྒྱབ་ཟུར་དུ། ལག་པ་སོར་མོ་དང་བཅས་པ་ཤད་ཀྱི་བརྐྱང་བ་དང༌། རྟིང་བའང་དེ་ཕྱོགས་སུ་ས་ལ་བརྡབས།


TNT12_Page_1021
[མ་དཔེ་གཟིགས་ན་འདིར་གནོན།]

གཡོན་ལའང་དེ་བཞིན་བྱེད། འདིའི་གཞུང་ལས། བརྒྱད་པ་དང་དགུ་པ་འདི་གཉིས་ལ་ཐོག་མ་ལག་པ་གཅིག་གིས་འཁར་བ་ལ་འཇུ་བ་དང་མཇུག་ཏུ་གཉིས་ཀས་འཇུས་ནས་རིང་དུ་འཕར་ཞིང་དབྱུག་མཆོང་བྱེད་པར་བཤད་ཀྱང༌། དེང་སང་ལག་ལེན་མི་བྱེད་པར་འདུག། བཅུ་པ་གཅུ་བ་ནི། སོར་མོ་བསྣོལ་བས་བྲང་དང་མཆན་ཁུང་བཙིར་བ་བདུན་པ་དང་འདྲ་རུང་བ་ལས་ལངས་པའི་སྐབས། མགོ་དང་ལྟག་པ་དགྱེ་བའི་ངང་ནས་གཡས་གཡོན་ལན་གསུམ་གཅུས། དེ་རྗེས་རླུང་བསྐྱུར་བྱས་ས་ལ་བསྡད་ནས། མགོ་དང་རོ་སྟོད་ལན་གསུམ་གཅུས། དེ་ནས་པུས་མོ་བཙུགས་པའི་ཕྱེད་ལངས་ལ། ལག་པ་གཡས་པ་སྔར་བཞིན། གཡོན་པ་རྒྱབ་ནས་བསྐོར་ཏེ་དཔྱི་གཡས་པ་ལ་འཇུས་ནས། རོ་སྟོད་གཡོན་དུ་གཅུས། དེ་བཞིན་དུ་གོ་ལྡོག་པའང་བྱའོ། །བཅུ་གཅིག་པ་བུ་ཆུང་ཚུལ་ནི། བསྡད་ལ་མགོ་བོ་བསྐོར་ཞིང་མགོ་ལྕོགས་སྤྲུག་པ་ལན་གསུམ་དང༌། ལངས་ནས་ཀྱང་མགོ་བོ་བསྐོར་ཞིང་མགོ་ལྕོགས་སྤྲུག་པ་ལན་གསུམ་རྣམས་བྱའོ། །བཅུ་གཉིས་པ་འཕར་བ་ནི། རྟིང་འཁྲབ་ལན་གསུམ་གྱི་མཐར། ལག་པ་ཁུར་ཚུར་བརྐྱང་སྟེ། །འཕོངས་ས་ལ་བརྡབ། དེ་འདྲ་ལན་གསུམ་མོ། །དེ་ལྔ་རླུང་དང་ཐིག་ལེ་ཐུན་མོང་དུ་དག་པར་བྱེད་པའོ། །བཅུ་གསུམ་པ་རྩ་དབུ་མ་ཁ་འབྱེད་པ་དང་པོ་ནི། སྐྱིལ་ཀྲུང་བཅས། ལུས་བསྲངས། ལག་


TNT12_Page_1022
[མ་དཔེ་གཟིགས་ན་འདིར་གནོན།]

པ་ཁུ་ཚུར་གཉིས་ཐད་ཀར་བརྐྱང་བ་ལས། གཡོན་ཁུ་ཚུར་ནུ་ཁར་རྡེག་ཅིང་མནན། གཡས་འཕོངས་ཚོས་གཡས་ཀྱི་ཕྱོགས་ཐད་ཀ་ལ་བསྐུམ་ཁྲུ་གང་ཙམ་དུ་བརྐྱང༌། དེ་འདྲ་བ་ལན་གསུམ་བྱེད། དེ་ཉིད་གོ་ལྡོག་པའང་ལན་གསུམ། འདི་ལ་གཡས་གཡོན་སྣོར་བ་ཟེར། དབུ་མ་ཁ་འབྱེད་གཉིས་པ་ནི། རླུང་འཁྲབ་བྱས་ནས་ལངས། ལག་པ་བརྐྱང་སྟེ་ཕོ་བ་ས་ལ་བཙུགས། ཁ་མིག་གདངས། ཡན་ལག་བཞི་བརྐྱང་བསྐུམ་བྱ་ཞིང་དྲག་ཏུ་སྤྲུག་པའོ། །འདི་ལ་བགྲད་པའི་མཐའ་ཟེར། བཅོ་ལྔ་པ་དབུ་མར་འཇུག་པ་ནི། བཅའ་གཞི་དང་བསྟུན་ནས་ལངས། རླུང་ཐུར་ལ་སྡིག་ཅིང༌། ལག་པ་བརྐྱང་སྟེ་ནུ་ཁར་རྡཻག་པ་ལན་གསུམ་བྱ། ཡང་ལག་གཉིས་ཁུ་ཚུར་བརླའི་ཟུར་དུ་བརྐྱང་ལ། ཐུར་སེལ་དྲག་ཏུ་འཐེན་པ་གསུམ་བྱ། ཡང་ལག་པ་རྒོད་གཤོག་བཞིན་བརྐྱང་ལ་རྟིང་འཁྲབ་གསུམ་བྱས་ནས། ལུས་དྲག་ཏུ་སྤྲུག།ཡང་རླུང་ཕྱིར་བསལ་ནས་ཀྱང་དྲག་ཏུ་སྤྲུག་གོ །བཅུ་དྲུག་པ་དབུ་མར་འདྲེན་པ་ནི། ལངས་ཏེ་ལག་པ་གཉིས་བསྣོལ། ཁུ་ཚུར་གཡས་གཡོན་གྱི་མཆན་ཁུང་དང༌། ལག་ངར་གྱིས་ནུ་མ་བཙིར། རྩིབས་ལོགས་གཡས་དགང༌། མགོ་གཡོན་དུ་འཁྱོག་པ་དང་ལྷན་ཅིག་རླུང་གཡས་གྱེན་འཐེན་དང༌། དེ་ཉིད་གོ་ལྡོག་པས་གཡས་ཐུར་མནོན་བྱ། གཡོན་ལའང་དེས་རིགས་འགྲེ། དེ་བཞིན་དུ་ལྟག་པ་དགྱེད་ལ་མདུན་དུ།


TNT12_Page_1023
[མ་དཔེ་གཟིགས་ན་འདིར་གནོན།]

འཐེན་གནོན་དང་སྒུར་ལ་རྒྱབ་ལའང་འཐེན་གནོན་བྱ། བཅུ་བདུན་ལ་དབུ་མར་སྡུད་པ་ནི། སྔར་བཞིན་ལངས་ལ། ལག་པ་བསྣོལ། ལག་མཐིལ་དཔུང་པ་གཡས་གཡོན་ལ་བཀབ། ཕོ་བ་གཡས་བསྐོར་གཡོན་བསྐོར་གསུམ། རོ་སྟོད་གཡས་གཡོན་དུ་གཅུ། སྐེད་པ་གཡས་གཡོན་དབུས་གསུམ་དུ་ཕར་ཀྱོག་ཚུར་ཀྱོག་བྱ་ཞིང་འཆུན་བཙལ་ལོ། ཁ་འབྱེད་གཉིས། གར་གསུམ་ཞེས་སོ་སོར་བགྲོད་ཡང་ཆབས་གཅིག་ཏུ་ཡོང་བས་ཁ་འབྱེད་གཉིས་དང༌། འཇུག་འདྲེན་སྡུད་གསུམ་སྟེ་ལྔ་ལ་རྡོ་རྗེ་གར་གྱི་འཁྲུལ་འཁོར་ཞེས་སོ། །བཅོ་བརྒྱད་པ་ནི་ཉོན་མོངས་སེལ་བའི་འཁྲུལ་འཁོར་ཞེས་བྱ་སྟེ། དེ་ལ་ནང་ཚན་དུ་ཕྱེ་ན་བརྒྱད་ཡོད། དང་པོ་གཏི་མུག་སེལ་བ་རྣམ་སྣང་གི་ཕྱག་རྒྱ་ནི། བྱང་ཆུབ་མཆོག་གི་ཕྱག་རྒྱ་སྙིང་གར་བཅས་ནས། མདུན་དུ་བརྐྱང་ལ། གཡས་གཡོན་སྟེང་འོག་རྣམས་སུ་གཅུ་ཞིང༌། ནུ་མ་དང་ཕོ་བར་རྡེག།རྒོད་པ་སེལ་བ་ནི། སྐྱིལ་ཀྲུང་ངང་ནས་སྲིན་ལག་གཉིས་འདུད་པའི་སོར་མོར་གཞན་རྣམས་ཀྱིས་ལྟག་པའི་ཆུ་བ་ནས་མནན་ཏེ་ལྟག་པ་དགུག།རོ་སྟོད་གཡས་གཡོན་དུ་ལན་གསུམ་གསུམ་དུ་དྲག་གཅུ། ལག་པ་སྟེང་དུ་བརྐྱང་སྟེ། སྤྱི་བོར་ཐལ་ལྕག་རྒྱག།ལན་གསུམ་ཁྲོ་ཆིག་སེལ་བ་ནི། ལག་གཉིས་པུས་མོ་ནས་བླངས་ཏེ། གཞག་ཤ་བརྡབ་ཅིང་མདུན་དུ་བརྐྱང་ནས། དོན་ཡོད་གྲུབ་པའི་ཕྱག་རྒྱ་བཅས་


TNT12_Page_1024
[མ་དཔེ་གཟིགས་ན་འདིར་གནོན།]

པ་སྙིང་ག་དང་ལྟེ་འོག་ཏུ་བརྡབ། གཡོན་པའི་ལག་ངར་བསྲངས་ནས་གཅུད་དོ། །གནོད་བྱེད་གཟིར་བ་ནི། སྐྱིལ་ཀྲུང་ངང་ནས། ལག་པ་འབར་བའི་ཕྱག་རྒྱ་བཅས་གཡས་དང་གཡོན་དང་དབུས་དང་སྟེང་དང་འོག་ཕྱོགས་ནས་ཅུང་ཟད་རྒྱབ་ལ་དགྱེད་དེ། གཡས་གཡོན་དུ་ལན་གསུམ་གསུམ་སྐོར་བ་དང་ལྷན་ཅིག་མིག་གདངས་ཤིང་ཤུགས་བསྐྱེད་པའི་ལྟ་སྟངས་ཀྱིས་མིག་ཀྱང་བསྐོར་རོ། །ཞེ་སྡང་སེལ་བ་མི་བསྐྱོད་པའི་ཕྱག་རྒྱ་ནི། །སྐྱིལ་ཀྲུང་བྱས་ནས་དཔྱད་ཕྲག་བརྡབ། སོར་བཅུ་བསྣོལ་བས་བྲང་གི་དབུས་ནས་བསྡམས་ཤིང༌། གྲུ་མོ་ཕྱིར་བཀྱེད་ལ་གཡས་གཡོན་དུ་ལན་གསུམ་གསུམ་གཅུ་བ་དང༌། ལག་གཉིས་ས་གནོན་བྱས་ཏེ། གཡས་གཡོན་དབུས་གསུམ་དུ་ཁྲོ་བོའི་ལྟ་སྟངས་ཀྱིས་བལྟའོ། །ང་རྒྱལ་སེལ་བ་འོད་དཔག་མེད་ཀྱི་ཕྱག་རྒྱ་ནི། རྡོ་རྗེའི་སྐྱིལ་ཀྲུང་གི་ངང་ནས་ལག་ངར་བསྲངས་པའི་མཉམ་བཞག་ཤུགས་བསྐྱེད། མཉམ་བཞག་བཏེགས་ནས་ཕོ་བར་རྡེག་ཅིང་བསྡམས། ཡང་ལག་ངར་བསྲངས་པ་སོགས་ལན་གསུམ། དེ་རྗེས་རླུང་ཕྱིར་འབུད་པ་དང་ལྷན་ཅིག་ཧ་དྲག་པོ་ལན་གསུམ་བརྗོད། འདོད་ཆགས་སེལ་བ་ནི། བཅའ་གཞིའི་ངང་ནས་རྐང་པ་གཡས་གཡོན་རེ་མོས་སུ་ལན་གསུམ་བསྐོར་ཞིང་གཡབ། དེ་ནས་གན་རྐྱལ་དུ་འདུག་སྟེ། རྐང་པ་གཡས་བརྐྱང་གཡོན་བསྐུམ་དང༌། གཡོན་བརྐྱང་གཡས་བསྐུམ་བྱེད། ལག་པ་ནམ་མཁར་བརྐྱང་ནས་ཟན་


TNT12_Page_1025
[མ་དཔེ་གཟིགས་ན་འདིར་གནོན།]

སྣོལ་བའི་ཕྱག་རྒྱ་བྱ། བདེ་ཆེན་འབེབས་པ་ཆེ་བ་སེར་སྣ་སེལ་བ་ནི། སྐྱིལ་ཀྲུང་བཅས་པ་ལས། ཀག་གིས་ལངས་ཏེ་འདོམ་འཇལ་བརྐྱང༌། རླུང་འཁྲབ་བྱ། སྡིགས་མཛུབ་བྱས་ཏེ་གཡས་གཡོན་དང༌། སྟེང་འོག་དང༌། མདུན་རྒྱབ་ཏུ་བསྐོར། རླུང་སྐྱར་ཞིག་བྱས་ལ་མཆོག་སྦྱིན་བརྐྱང་ལུས་དགྱེད་པར་བྱ། འདི་ལ་ཀོག་ལངས་ཟེར་རོ། །བདེ་བ་འབེབས་པ་ཆུང་བ་པ་ནི། གསུམ་སྤྲུགས་ཞེས་བྱ་བ་ལག་པ་གཡས་གཡོན་གཉིས་སྟེང་ནས་འོག་ཏུ་སྤྲུག་པ་དང༌། རོ་སྟོད་དྲག་ཏུ་སྤྲུག་པ་ལ་ཟེར། དེ་ཡང་སེམས་པའི་སྐྱིལ་མོ་ཀྲུང་བཅས་ནས། གསུམ་སྤྲུགས་བྱ། དེ་ནས་ལག་པ་གཡས་སྟེང་དང་གཡོན་འོག་ཏུ་བྱས་ལ་བསྣོལ། ལག་མཐིལ་གྱེན་དུ་བསྟན། ལག་མགོ་གཡོན་གྱི་འོག་ཏུ་གཡས་བཅུག་སྟེ། གཡས་པའི་སྲིན་ལག་གིས་གཡོན་པའི་སྲིན་ལག་བསྡམས། མདུན་དུ་བརྐྱངས་པས། ལག་ངར་གཅུས་ལ་བོར་བ་དང༌། ལག་སྟབས་དེ་ཉིད་གོ་ལྡོག་པས་ཀྱང་གཅུས་ལ་བོར། རེ་རེ་བཞིན་ཤུགས་འཇུག་ཐེངས་གསུམ་གསུམ་བྱེད། དེ་ནས་གཡོན་ཁུ་ཚུར་དཔུང་པའི་ཐད་ཀ་ནས་མདུན་གྱི་གཡོན་ཟུར་ལ་བརྐྱང༌། གཡས་ཀྱི་ཁུ་ཚུར་གྱི་བཤུད་ཐེངས་གསུམ་བྱ། །གཡས་པ་ལ་ཡང་དེ་བཞིན་དུ་བྱ། ཡང་གསུམ་སྤྲུགས་མཐར་འབེབས་བྱའོ། །ཕྱི་མ་འདི་ལ་གསུམ་སྤྲུགས་ཟེར་ཏེ་འགྱོད་པ་དང༌། ཡིད་མི་བདེ་བ་དང༌། རྣམ་རྟོག་སེལ་བ་ཡིན། འཁྲུལ་འཁོར་འདི་རྣམས་ལ། སོ་སོར་དམིགས་


TNT12_Page_1026
[མ་དཔེ་གཟིགས་ན་འདིར་གནོན།]

པའི་གནད་རེ་ཕལ་ཆེར་ལ་ཡོད་དེ། རྩ་བའི་གཞུང་ཚིག་ལས་ཤེས་པར་བྱའོ། །དེ་ལྟར་ན་འདི་རྣམས་ཡེ་ཤེས་མཁའ་འགྲོ་ནི་གུའི་ཞལ་གྱི་གདམས་པ། རླུང་སེམས་དབུ་མར་ཐིམ་པ་དང༌། རྩ་མདུད་གྲོལ་བའི་མན་ངག་རང་ལུས་ཐབས་ལྡན་གཙོ་བོར་གྱུར་པ། གྲོལ་ལམ་མཆོག་སྒྲུབ་ཀྱི་མན་ངག།ལུས་སྦྱོང་བཅོ་བརྒྱད་པ་ཞེས་བྱ་བ་ཡིན་ཏེ། འདིའི་རྩ་བའི་གཞུང་ནི། ཞལ་ཤེས་ཅུང་ཟད་གབ་པ་དང༌། ཚིག་མང་པོའི་གསེབ་ཏུ་འཐོར་བས་སྡུད་མི་ཤེས་པ་དག་མང་དུ་ཡོད་ལ། མི་མཁས་པས་སྦྱར་བའི་སྡོམས་ཐན་ཐུན་ཡོད་སྲིད་ནའང་ལག་ལེན་གསལ་པོ་ཐོན་པ་མེད་པར་མངོན་པས། འདིའི་ལག་ལེན་ནུབ་ཏུ་ཉེ་བར་མཐོང་བའི་ཕྱིར། མི་ནུབ་ཅིང་རྒྱས་པར་བྱ་བའི་དོན་དུ། དཔལ་ལྡན་ཤངས་པའི་བཀའ་བརྒྱུད་ལ་མོས་པ་ཅུང་ཟད་ཐོབ་པ། ཏཱ་ར་ནཱ་ཐས་མ་སྦས་ཤིང་གསལ་བར་བཀོད་པའོ།། །།མངྒ་ལཾ།། ཨོཾ་སྭཱ་སྟི། ཆོས་སྐུ་ཀུན་ཁྱབ་བདེ་སྟོང་ཟུང་འཇུག་དབྱིངས། །བརྟན་གཡོ་ཀུན་གྱི་སྲོག་ཏུ་རྟག་བཞུགས་ཀྱང༌། །མ་རྟོགས་འགྲོ་ཀུན་སྒྲིབ་གཉིས་ལེགས་གསལ་ཕྱིར། །ཏཱ་ར་ནཱ་ཐས་ཟབ་ཆོས་ཐང་མར་བརྡལ། །རྒྱུད་རྒྱལ་ཆུ་གཏེར་དངོས་གྲུབ་རླབས་ཕྲེང་འཁྲིགས། །ཟབ་དོན་ནོར་བུའི་ཕུང་པོ་འབུམ་བརྡལ་ལས། རྨད་བྱུང་གསུང་འབུམ་རྒྱ་མཚོ་འདིར་འོངས་པ། །དུས་གསུམ་སངས་རྒྱས་སྲས་བཅས་བསྐྱེད་པའི་ཡུམ། །གང་གི་བཀའ་འབུམ་རྣམ་པར་དག་པ་འདི། །སྐལ་ལྡན་འགྲོ་ལ་དར་ཞིང་རྒྱས་པའི་ཕྱིར། །གྲངས་མེད་གླེགས་བམ་སྣང་བརྙན་འབད་མེད་དུ། །སྤེལ་ཕྱིར་རྗེ་བཙུན་ཡོན་ཏན་བཟང་


TNT12_Page_1027
[མ་དཔེ་གཟིགས་ན་འདིར་གནོན།]

པོ་ཡིས། །སྤྱི་ལོ༡༩༩༦ལོ་ལ་ནི། །འཛམ་ཐང་གཙང་བའི་ཆོས་གྲྭ་ཆེན་པོ་རུ། །སྤར་གྱི་ཕྱི་མོ་གསར་དུ་བསྐྲུན་པའི་སྐབས། །ཏཱ་ར་ནཱ་ཐའི་གསུང་གི་ན་པོད་ཀྱི། །ཀ་ནས་ཨ་ཡི་བར་གྱི་ཆོས་རྫས་རྣམས། །སྤར་དུ་བསྒྲུབ་པའི་རྒྱུ་ཡོན་ཇི་སོང་དེ། །གཙང་སྐོར་ཞོལ་མའི་སྐུ་སྐྱེས་ལྔ་པ་མཆོག།ངག་དབང་འཇིགས་མེད་ཕྱོགས་ལས་རྣམ་རྒྱལ་གྱིས། །སྦྱར་བའི་དགེ་བ་ཆུ་ཤེལ་བུ་མོ་ཡིས། །བསྟན་འགྲོའི་ཕྱི་ནང་བར་ཆད་ཞི་བ་དང༌། །མཐུན་པའི་དགེ་མཚན་ཟླ་བ་ཡར་ངོས་བཞིན། །གོང་ནས་གོང་དུ་འཕེལ་བའི་དགེ་ལེགས་སྩོལ། །འདི་ལས་རྒྱ་ཆེར་བསོད་ནམས་གང་འགྲུབ་པ། །སྲིད་ཞིའི་ལེགས་བྱས་ཀུན་དང་ལྷན་ཅིག་ཏུ། །ཡོངས་སུ་ཞུགས་པས་མཐའ་ཡས་འགྲོ་བ་ཀུན། །བླ་མེད་རྒྱལ་བའི་ས་ལ་འཁོད་པར་ཤོག།དྲིན་ཅན་བླ་མ་ངག་དབང་རྡོར་བཟང་གི །ཐུགས་ཀྱི་དགོངས་པ་ཡོངས་སུ་རྫོགས་པ་དང༌། །མ་རྒན་ང་ཞེ་ཕ་རྒན་བསོ་རབ་དང༌། །ཨ་ཕོ་སྟོང་ཉིད་ལ་སོགས་འབྲེལ་ཐོགས་ཀྱི། །ཤི་གསོན་གང་དང་གང་ཡོད་ཐམས་ཅད་དང༌། །སྲིད་པར་གནས་པའི་འགྲོ་བ་མ་ལུས་དང༌། །དགེ་ཚོགས་འདི་ལ་འབད་པ་གང་བྱས་རྣམས། །སྐུ་བཞི་མཆོག་གི་རྒྱལ་སར་བསྒྲོད་པར་ཤོག།ཇི་སྲིད་བྱང་ཆུབ་སྙིང་པོའི་བར་དུ་ཡང༌། །ཚེ་རིང་ནད་མེད་ལོངས་སྤྱོད་རྒྱས་པ་དང༌། །བདུད་ཀྱི་ལས་དང་མི་མཐུན་ཕྱོགས་ཀུན་ཞི། །བསམ་དོན་ཐམས་ཅད་ཡིད་བཞིན་འགྲུབ་པར་ཤོག །སྤར་འདི་བཞུགས་པའི་ཡུལ་ཕྱོགས་ཐམས་ཅད་དུ། །དུས་བཞི་སྙོམས་ཤིང་ལོ་ཕྱུག་རྟག་ཏུ་


TNT12_Page_1028
[མ་དཔེ་གཟིགས་ན་འདིར་གནོན།]

ལེགས། །འཐབ་རྩོད་འཁྲུགས་པའི་མིང་ཙམ་མེད་པ་དང༌། །བཀྲ་ཤིས་དཔལ་འབར་འཛམ་གླིང་བརྒྱན་དུ་ཤོག།ཅེས་རྗེ་བཙུན་ཏཱ་ར་ནཱ་ཐའི་གསུང་འབུམ་ནང་གི་ན་པོད་ཀྱི་པར་གཙང་སྐོར་ཞོལ་མའི་སྐུ་སྐྱེས་ལྔ་པ་ངག་དབང་འཇིགས་མེད་ཕྱོགས་ལས་རྣམ་རྒྱལ་གྱིས། སྤྱི་ལོ༡༩༩༨ལོ་དང༌། རྣམ་དཀར་བྱེད་པོ་མཆོག་སྤྲུལ་དགུང་གྲངས་དོན་གཅིག་བཞེས་སྐབས་པར་བསྐྲུན་བྱས་པ་ཡིན། སྐབས་དེར་ཡུལ་གྲུ་ཆེན་པོ་སྡེ་དགེ་ནས་སྤྱན་དྲངས་པའི་ཡིག་བཟོ་བ་ཨ་རྣམ་སོགས་མི་ཉེར་གཉིས་དང་པར་གྱི་འགན་ཁུར་བ་བློ་གྲོས་འཕེལ་དང་རྡོར་བཟང་བཅས་ཡིན། རྗེ་བཙུན་ངག་དབང་ཡོན་ཏན་བཟང་པོས་པར་བྱང་བརྩམས་ཡོད་པ་ལ་ཕྲན་པུཎྱཻ་ཤྲཱིས་ཁ་སྐོང་ཅུང་ཙམ་བགྱིས་པས་འགྲོ་བ་རྣམས་ལ་ཕན་པ་དང་བདེ་བ་འབྱུང་བར་སྨོན་ཞུ། པར་འདི་ད་ལྟ་འཛམ་ཐང་གཙང་བའི་ཆོས་གྲྭར་བཞུགས།། །།