དོན་ཞགས་ལྷ་ལྔའི་སྒྲུབ་ཐབས།

[Full Size]

དོན་ཞགས་ལྷ་ལྔའི་སྒྲུབ་ཐབས་བཞུགས། ཨོཾ་སྭཱ་སྟི། བསམ་པ་ཇི་བཞིན་འདུལ་མཛད་པའི། །དོན་ཡོད་ཞགས་པ་ལ་བཏུད་ནས། །སྒྲུབ་ཐབས་ཤཱཀྱ་ཤྲཱིའི་ལུགས། །མདོ་ཙམ་བདག་གིས་བཤད་པར་བྱ། །

[Full Size]

འདི་རྒྱས་པར་གྲགས་པ་དཔལ་བཟང་པོའི་ཡི་གེ་ལས་ཤེས་པར་བྱ་ཞིང༌། མདོར་བསྡུས་ཙམ་ནི། སྐྱབས་སེམས་སྔོན་དུ་སོང་བས། སྙིང་གར་ཧྲཱིཿདམར་པོ་ལས་པདྨ་དམར་པོ། དེའི་སྟེང་དུ་ཨ་ལས་ཟླ་བ་ལ་ཨ་དཀར་པོ་དེ་ལས་འོད་ཟེར་འཕྲོས། པོ་ཊ་ལ་ནས་དོན་ཞགས་ལྷ་ལྔའི་དཀྱིལ་འཁོར་བཛྲ་ས་མཱ་ཛཿ མགོན་པོ་ཧྲཱིཿཡིག་ལས་བྱུང་ཞིང༌། །ཐུགས་ནི་བདེ་བ་ཆེས་བརླན་པ། །དོན་ཡོད་ཞགས་པ་ཞེས་བྱ་བའི། །འཇིག་རྟེན་མགོན་ལ་བདག་ཕྱག་འཚལ། །ཨོཾ་ཨ་མོ་གྷ་པཱ་ཤ་ལོ་ཀེ་ཤྭ་རཱ་ཡ། ཨརྒྷཾ་པྲ་ཏཱིཙྪ་ཧཱུཾ་སྭཱཧཱ། པདྱཱཾ། ཨཉྩ་མ་ནཾ། པུཥྤེ་ནས་ཤཔྟའི་བར་གྱིས་མཆོད། དཀོན་མཆོག་གསུམ་ལ་བདག་སྐྱབས་མཆི། །སོགས་བྱ། ཚད་མེད་བཞི་སྤྱི་དང་མཐུན་པར་བསྒོམ། ཨོཾ་སྭ་བྷཱ་ཝས་སྔགས་ཀྱི་སྒྱུ་མ་ལྟ་བུར་སྦྱངས། སྙིང་གའི་ཧྲཱིཿཡིག་གི་འོད་ཀྱིས་རྗེས་གཞིག་གིས་སྟོང་པར་བསྡུས་ལ། ཤཱུ་ནྱ་ཏའི་སྔགས་བརྗོད། སྟོང་པའི་ངང་ལས་པཾ་ལས་སྣ་ཚོགས་པདྨ། ཨ་ལས་ཟླ་བ། དེའི་སྟེང་དུ་ཧྲཱིཿཡིག་འོད་ཀྱིས་འཕྲོ་འདུ་ལས་ལྷ་ལྔའི་རྣམ་པར་གྱུར་པ་ནི། རང་ཉིད་དབུས་སུ་དོན་ཡོད་ཞགས་པ་དཀར་པོ་ཞལ་གཅིག་ཕྱག་བརྒྱད་པ། གཡས་པ་རྣམས་རིམ་པས། སྐྱབས་སྦྱིན། མཆོག་སྦྱིན། ཞགས་པ། བགྲང་འཕྲེང༌། གཡོན་རྣམས་རིམ་པས་དབྱུག་གུ་རྩེ་གསུམ། གླེགས་བམ། པདྨ། སྤྱི་བླུགས་འཛིན་པ། དར་དཀར་པོའི་ན་བཟའ་དང༌། སྟག་གི་ལྤགས་པའི་སྨད་དཀྲིས་ཅན། དཀའ་ཐུབ་ཀྱི་ཆ་བྱད་དང་ལྡན་པ། དེའི་གཡས་སུ་ནོར་བཟང་གཞོན་ནུ་སེར་པོ་མཆན་ཁུང་གཡོན་པར་པོ་ཏི་བཅུག་

[Full Size]

ནས་ཐལ་མོ་སྦྱར་བ། དེའི་གཡས་ཟུར་དུ་སྒྲོལ་མ་ལྗང་ཁུ། གཡོན་པས་ཨུཏྤལ་བསྣམས་ཤིང་གཡས་པས་ཁ་འབྱེད་པ། དེ་གཉིས་དར་དང་རིན་པོ་ཆེ་སྣ་ཚོགས་པས་བརྒྱན་པ། གཙོ་བོའི་གཡོན་ངོས་སུ་རྟ་མགྲིན་དམར་པོ་མིའུ་ཐུང་གི་རྣམ་པ་ཅན། སྤྱན་གསུམ་མཆེ་གཙིགས་སྐྲ་སེར་གྱེན་དུ་བརྫཻས་པ་སོགས་ཁྲོ་བོའི་མཚན་ཉིད་ཡོངས་སུ་རྫོགས་པ། སྟག་ལྤགས་དང་སྦྲུལ་གྱིས་བརྒྱན་པ། གཡས་ཕྱག་འཚལ་བའི་ཚུལ་དང༌། གཡོན་དབྱུག་པ་དཀར་པོ་ལ་བརྟེན་པ། དེ་ཉིད་ཀྱི་གཡོན་ངོས་སུ་ཁྲོ་གཉེར་ཅན་དམར་སེར་ཕྱག་གཡོན་གཉིས་ན་སྤྱི་བླུག་དང་དབྱུག་གུ་རྩེ་གསུམ། གཡས་གཉིས་བགྲང་འཕྲེང་དང་ཕྱག་བྱེད་པའི་ཚུལ། དཀའ་ཐུབ་ཀྱི་ཆ་བྱད་འཛིན་པ། འཁོར་རྣམས་གཙོ་བོའི་ཞལ་ལ་ལྟ་བ། གཙོ་འཁོར་ཐམས་ཅད་མཉམ་པར་བཞེངས་པ། རང་གི་སྙིང་གར་པད་ཟླའི་གདན་ལ་ཧྲཱིཿདེ་ལས་འོད་འཕྲོས་པོ་ཊ་ལ་ནས་ལྷ་ལྔ་བཛྲ་ས་མཱ་ཛཿ ཛཿཧཱུཾ་བཾ་ཧོཿ དེ་དང་སྟབས་གཅིག་ཏུ་བྱོན་པའི་དབང་གི་ལྷ་རིགས་ལྔ་ཡུམ་བཞི་ལ། བྱང་ཆུབ་རྡོ་རྗེ་སངས་རྒྱས་ལ། །སོགས་ཀྱིས་གསོལ་བ་བཏབ་པས། ཨོཾ་བཛྲི་བྷ་ཝ་ཨ་བྷི་ཥིཉྩ་ཧཱུཾ་ཞེས་གསུང་ཞིང་དབང་བསྐུར། གཙོ་འཁོར་ཐམས་ཅད་ལ་འོད་དཔག་མེད་ཀྱིས་དབུ་བརྒྱན། ཨོཾ་ཨ་མོ་གྷ་པཱ་ཤ་ཧྲཱིཿསྭཱཧཱ། ཞེས་བཟླས་སོ། །སྤྲོ་ན་འཁོར་རྣམས་ཀྱི་སྔགས་ཀྱང་བཟླ་སྟེ། ཨོཾ་སུཾ་སུ་དྷ་ན་ཀུ་མ་ར་ཡ་སྭཱཧཱ། ཨོཾ་ཏཾ་ཏ་ར་ཡེ་སྭཱཧཱ། ཨོཾ་ཧཾ་ཧ་ཡ་གྲྀ་ཝ་ཡ་སྭཱཧཱ། ཨོཾ་བྷྲིཾ་བྷི་ཀུཊྱཻ་སྭཱཧཱ། ཞེས་པའོ། །རང་གི་སྙིང་ག་ནས་འོད་ཟེར་འཕྲོས། འཁོར་

[Full Size]

རྣམས་རང་ལ་ཐིམ། རང་ཉིད་ཕྱག་གཉིས་པར་གྱུར། དགེ་བ་བསྔོ། ཐུན་མཚམས་སུ་གཟུངས་ཀྱི་མདོ་བཀླག་པར་བྱའོ། །འདིའི་རྗེས་གནང་བྱེད་པར་འདོད་པས། པདྨ་འདབ་བརྒྱད་ཟླ་གདན་ཚོམ་བུ་དཀར་པོ་དང་བཅས་པ་ཞིག་བཀོད། དེའི་གཡས་གཡོན་དུ་དྲི་བཟང་གི་ཐིག་ལེ་གཉིས་གཉིས་ལ་ཚོམ་བུ་རེ་དགོད། ལྷ་གྲངས་དང་མཉམ་པའི་མཆོད་པ་བཤམས། སྣོད་གཙང་མར་དཀར་གཏོར་ཞིག་དང༌། འཇིག་རྟེན་པའི་གཏོར་མ་ཆ་གསུམ་ཡང་བཤམས། མཎྜལ་གྱི་སྟེང་དུ་མཉྫི་ལ་བུམ་པ་སྤྱི་དང་མཐུན་པར་བཤམས། བདག་བསྐྱེད་བཟླས་པ་དང་བཅས་པ་སྔོན་དུ་འགྲོ་བས། མཆོད་པ་སྤྱི་དང་མཐུན་པར་བྱིན་གྱིས་བརླབས། མདུན་བསྐྱེད་བསངས་སྦྱངས། སྟོང་པའི་ངས་ལས་ཧཱུཾ་ལས་བྱུང་བའི་བསྲུང་འཁོར་གྱི་དབུས་སུ། བྷྲུཾ་ལས་གཞལ་ཡས་ཁང༌། དེའི་དབུས་སུ་པཾ་ལས་སྣ་ཚོགས་པདྨ་ཞེས་པ་ནས། བཞེངས་པའོ། །ཞེས་པའི་བར་བདག་བསྐྱེད་བཞིན། གཙོ་བོའི་དབུ་ལ་འོད་དཔག་མེད། འདབ་མ་བརྒྱད་ལ་ཤར་དུ་རྣམ་སྣང༌། ལྷོར་རིན་འབྱུང༌། ནུབ་ཏུ་མི་བསྐྱོད་པ། བྱང་དུ་དོན་ཡོད་གྲུབ་པ། ཤར་ལྷོར་སྤྱན་མ། ལྷོ་ནུབ་ཏུ་མཱ་མ་ཀཱི ནུབ་བྱང་དུ་གོས་དཀར་མོ། བྱང་ཤར་དུ་དམ་ཚིག་སྒྲོལ་མ་རྣམས་བཞུགས་པར་གྱུར། རང་གི་སྙིང་ག་ནས་འོད་ཟེར་འཕྲོས། པོ་ཊ་ལ་ནས་ཞེས་པ་ནས་བཟླས་པའི་བར་གོང་བཞིན། གཙོ་འཁོར་ཐམས་ཅད་ཀྱི་བཟླས་པ་ཅུད་ཟད་བྱ། དེ་ནས་ཆུ་གསུམ་གོང་ལྟར་ཕུལ། དེ་མན་ཆད་སོ་སོར་འབུལ་ཏེ། ཨོཾ་ཧྲཱིཿཨ་མོ་གྷ་པཱ་ཤ་བཛྲ་པུཥྤེ་ཧཱུཾ་སྭཱཧཱ། ཨོཾ་ཧྲཱིཿཨ་མི་ཏ་བྷ་ཡ་བཛྲ་པུཥྤེ་ཧཱུཾ་སྭཱཧཱ། ཨོཾ་སུཾ་སུ་དྷ་ན་ཀུ་མ་རཱ་ཡ་བཛྲ་པུཥྤེ་ཧཱུཾ་སྭཱཧཱ།

[Full Size]

དེས་འཁོར་གཞན་གསུམ་ཀའང་འགྲེ། དེ་བཞིན་དུ། བྷྲུཾ་བཻ་རོ་ཙ་ན་ཡ་༴ ཏྲཾ་རཏྣ་སཾ་བྷ་ཝ་ཡ༴ ཧཱུཾ་ཨཀྵོ་བྷྱ་ཡ༴ ཁཾ་ཨ་མོ་གྷ་སིདྡྷི་ཡ༴ ལཾ་ལོ་ཙ་ན་ཡེ༴ མཾ་མཱ་མ་ཀཱི་ཡེ༴ པཾ་པཎྜ་རི་ཡེ༴ ཨོཾ་ཏཾ་ཏ་ར་ཡཻ་བཛྲ་པུཥྤེ་ཧཱུཾ་སྭཱཧཱ། དེ་བཞིན་དུ། དྷུ་པེ་ནས། ཤཔྟའི་བར་དུ་སྦྱར་རོ། །སངས་རྒྱས་ཀུན་གྱིས་བྱིན་གྱིས་བརླབས། །ཡོན་ཏན་དམ་པ་ཀུན་གྱིས་བརྒྱན། །སྤྱན་རས་གཟིགས་ཞེས་མཚན་གསོལ་བ། །རྟག་པར་བརྩེ་ལ་ཕྱག་འཚལ་ལོ། །མགོན་པོ་ཧྲཱིཿཡིག་སོགས་དང༌། ནོར་བཟང་འཕགས་མ་སྒྲོལ་མ་དང༌། །རྟ་མཆོག་ཁྲོ་གཉེར་ལྡན་མ་སྟེ། །རྒྱས་དང་དབང་དང་དྲག་པོ་དང༌། །ཞི་བས་གཞན་དོན་མཛད་ལ་འདུད། །ཆོས་སྐུ་ནམ་མཁའ་བཞིན་དུ་དབྱེར་མེད་ཀྱང༌། །སོགས་དང༌། སྤྱན་མ་རྡོ་རྗེ་མཱ་མ་ཀཱི །གོས་དཀར་མོ་དང་སྒྲོལ་མ་ནི། །འབྱུང་བ་བཞི་པོ་རྣམ་དག་ཅིང༌། །ཚད་མེད་བཞིའི་དངོས་ལ་འདུད། །དཀར་གཏོར། ཨ་མྲྀ་ཏས་བསངས། ཨོཾ་ཨཱཿཧཱུཾ་ལན་བདུན་གྱིས་བྱིན་གྱིས་བརླབས། ཨོཾ་ཨཱ་མོ་གྷ་པཱ་ཤ་ལོ་ཀི་ཏེ་ཤྭ་ར་ཨི་དཾ་བཱ་ལིང༌། ཁ་ཁ་ཁཱ་ཧི་ཁཱ་ཧི། གྲྀཧྞ་གྲྀཧྞ་མ་མ་སརྦ་བིགྷྣཱན་ཤནྟིཾ་ཀུ་རུ་སྭཱཧཱ། ལན་ལྔས་འབུལ། གཟུངས་ཐག་ནས་བཟུང་ཞིང༌། བུམ་པའི་ནང་སྔགས་ཀྱི་ཡིག་འབྲུས་གང་བར་དམིགས་ལ། གཙོ་བོའི་སྔགས་བརྒྱ་རྩ་ཙམ་བཟླ། གཞན་རྣམས་ཉེར་གཅིག་རེ་བཟླ། བར་འདིར་ཆ་གསུམ་གཏོར་མ་གཏོང༌། གྲུབ་ན་གཟུངས་མདོ་འདོན་ཞིང༌། གཟུངས་རིང་ཀྱང་མང་དུ་བཟླའོ། །སློབ་མ་རྣམས་ཀྱིས་མཎྜལ་འབུལ། དུས་གསུམ་སངས་རྒྱས་ཐམས་ཅད་དང༌། སོགས་ཀྱིས་

[Full Size]

གསོལ་བ་བཏབ། འགྲོ་རྣམས་བསྒྲལ་འདོད་བསམ་པ་ཡིས། །སོགས་ཀྱིས་སྐྱབས་འགྲོ་སེམས་བསྐྱེད་བྱ། བདག་བསྐྱེད་ལྟར་རྒྱུན་བཤགས་ཀྱང་བྱ། མདུན་བསྐྱེད་ཀྱི་ལྷ་ཚོགས་མངོན་རྟོགས་བཞིན་བསྟན་ལ། སློབ་མ་ལ་སྐུའི་རྗེས་གནང་ནི། སྟོང་པར་སྦྱངས་པ་ནས། རིགས་བདག་གི་བར་མངོན་རྟོགས་བཞིན་འབོགས་པ་ལས། གཙོ་རྐྱང་མ་གཏོགས་འཁོར་མི་བསྐྱེད། དབང་བསྐུར་གྱི་ཚེ་བུམ་ཆུ་སྦྱིན། ཨོཾ་པདྨོ་དྡྷ་ཝ་ཨ་བྷི་ཥིཉྩ་ཧཱུཾ་ཞེས་པདྨ་ཁ་འབུས་ཀྱི་ཕྱག་རྒྱ་སྤྱི་བོར་གཏུགས། གསུང་གི་རྗེས་གནང་ལ་རྗེས་སུ་བཟླས་པའི་ལུང༌། དམ་བཅའ་བའི་ལུང༌། བྱིན་གྱིས་བརླབས་པའི་ལུང་གསུམ་སྤྱི་དང་འདྲ། སླར་ཡང་བུམ་པའི་ཆུས་སྤྱི་བོ་ནས་བླུག་ཅིང་འཐུང་དུ་བཅུགཡེ་ཤེས་ཀྱི་བདུད་རྩིས་ལུས་ཐམས་ཅད་གང་ཞིང་སྡིག་སྒྲིབ་སྦྱངས། བདེ་བས་ཁྱབ་པར་མོས། དེ་ནི་ཐུགས་ཀྱི་རྗེས་གནང་གི་དོད་ཡིན་ནོ། །སློབ་མའི་རྗེས་ཀྱི་བྱ་བ་དང༌། མདུན་བསྐྱེད་ཀྱི་རྗེས་ཀྱི་བྱ་བ། མཆོད་པ་བྱིན་རླབས། མཆོད་བསྟོད། དངོས་གྲུབ་བླང་བ། ཡིག་བརྒྱ་བཟོད་གསོལ། གཤེགས་གསོལ་སྨོན་ལམ་བཀྲ་ཤིས་རྣམས་ཀྱང་སྤྱི་དང་མཐུན་པར་བྱའོ། །མཁས་ཀུན༵་དག༵འ་བའི་པཎྜི་ཏ། །ཤཱཀྱ་ཤྲཱིས་ཞལ་གཟིགས་ནས། །སྒྲུབ་ཐབས་སྙིང༵་པོ༵་ཙམ་ཞིག་མཛད། །ལོཙྪ་རབ་མཆོག་དཔལ་གྱིས་བསྒྱུར། དོན་ཞགས་ཁ་ཆེ་པཎ་ཆེན་ལུགས་ཀྱི་སྒྲུབ་ཐབས་ཀྱི་ལེ་ཚན་ནོ།། །།དར་རྒྱས་འཕེལ། །