བཅུ་གཅིག་ཞལ་འཇིགས་པ་བརྒྱད་སྐྱོབ་ཀྱི་སྒྲུབ་ཐབས།― TNT15_Page_0310 ―
[མ་དཔེ་གཟིགས་ན་འདིར་གནོན།]
བཅུ་གཅིག་ཞལ་འཇིགས་པ་བརྒྱད་སྐྱོབ་ཀྱི་སྒྲུབ་ཐབས་སོ། །ཨོཾ་སྭཱ་སྟི། སྙིང་རྗེ་ཆེན་པོ་ཀུན་དངོས་གྲུབ། །མཐའ་དག་རྒྱལ་བའི་སྲས་ཀྱི་ཚུལ། །དེ་ལ་གུས་པས་བཏུད་བྱས་ནས། །འཇིགས་པ་ཀུན་སེལ་སྒྲུབ་ཐབས་བཤད། །འཕགས་པ་བཅུ་གཅིག་ཞལ་དཔལ་མོ་ལུགས་ཀྱི་སྒྲུབ་ཐབས་དང་འདྲ་བ་ལས། པདྨ་འདབ་མ་བརྒྱད་པའི་དབུས་སུ། འཕགས་པ་བཅུ་གཅིག་ཞལ་དཔལ་མོ་ལུགས་བཞིན་ལས། ཞབས་སྐྱིལ་ཀྲུང་གིས་བཞུགས་པ། འདབ་མ་བརྒྱད་ལ་ཧྲཱིཿཡིག་རེ་རེ་ལས། འཇིགས་པ་བརྒྱད་སྐྱོབ་པའི་འཕགས་པ་སྤྱན་རས་གཟིགས་བརྒྱད་དུ་གྱུར་པ་ནི། ཤར་དུ་མེའི་འཇིགས་པ་ལས་སྐྱོབ་པ་དཀར་པོ། གཡས་སྐྱབས་སྦྱིན་དང་རྔ་ཡབ། གཡོན་པདྨ་དང་ཆུ་ཤེལ་འཛིན་པ། ལྷོ་རུ་ཆུའི་འཇིགས་སྐྱོབ་དཀར་པོ། གཡས་སྐྱབས་སྦྱིན་དང་རིན་པོ་ཆེ། གཡོན་པདྨ་དང་འཁོར་ལོ། དེ་བཞིན་དུ་འོག་མ་རྣམས་ལ་ཡང༌། ཕྱག་དང་པོ་གཉིས་སྐྱབས་སྦྱིན་དང་པདྨ་ཁོ་ནར་ཤེས་པ། ནུབ་ཏུ་སེངྒེ་འཇིགས་སྐྱོབ་སེར་པོ་ནོར་བུ་དང་པོ་ཏི། བྱང་དུ་གླང་པོའི་འཇིགས་སྐྱོབ་དམར་སེར་ཨུཏྤལ་དང་མེ་ཤེལ། ཤར་ལྷོར་ཆད་པའི་འཇིགས་སྐྱོབ་དམར་པོ་ལྕགས་ཀྱུ་དང་ཞགས་པ། ལྷོ་ནུབ་ཏུ་ཀླུའི་འཇིགས་སྐྱོབ་ལྗང་ཁུ་རྒྱལ་མཚན་དང་གྷུནྡྷེ་ཅན་ཆུ་སྲིན་ལ་གནས་པ། ནུབ་བྱང་དུ་མཁའ་འགྲོའི་འཇིགས་སྐྱོབ་ནག་པོ་རྩེ་གསུམ་དང་བ་དན་ཅན། བྱང་ཤར་དུ་མི་རྒོད་འཇིགས་སྐྱོབ་དམར་པོ་རྡོ་རྗེ་དང་དྲིལ་བུ། དེ་ཐམས་ ― TNT15_Page_0311 ―
[མ་དཔེ་གཟིགས་ན་འདིར་གནོན།]
ཅད་ཀྱང་ཁྲོ་བོའི་ཉམས་ཅན། ཁྲོ་བོའི་རྒྱན་དང་ཆ་ལུགས་ཡོངས་སུ་རྫོགས་པ། གཡོན་བརྐྱང་གི་སྟབས་ཅན་ནོ། །མངོན་རྟོགས་ཀྱི་ལྷག་མ་དང༌། གཟུངས་སྔགས་ཀྱི་དཔལ་མོ་ལུགས་ཇི་ལྟ་བ་བཞིན་དུ་བྱ། འདི་ལ་གཏོར་ཆོག་མི་དགོས། རྗེས་གནང་ཡང་མི་དགོས་ཏེ་ལུང་ཙམ་གྱིས་འགྲུབ་བོ། །སློབ་དཔོན་ཙནྡྲ་གོ་མའི་བཞེད་པར་གྲགས་པ། དཔལ་ལྡན་ཨ་ཏི་ཤའི་ལུགས་ཀྱི་མན་ངག་གོ །འཇིགས་པ་ཀུན༵་ལས་སྐྱོབ་པ་ཡི། །སྒྲུབ་ཐབས་མཆོག་ཏུ་ཉམས་དག༵འི་གནས། །ཡིག་སྙིང་རྒྱས་པའི་ཚིགས་ཆེན་གྱིས། །སྙིང༵་པོ༵་བསྡུས་པ་འདི་ཙམ་ལགས། །བཅུ་གཅིག་ཞལ་འཇིགས་པ་བརྒྱད་སྐྱོབ་ཀྱི་སྒྲུབ་ཐབས་ཀྱི་ལེ་ཚན་ནོ།། །།དར་རྒྱས་འཕེལ། མངྒ་ལཾ། ། |
