སྤྱན་རས་གཟིགས་རྡོ་རྗེ་སྙིང་པོ་རབ་ཏུ་འཇོམས་པའི་སྒྲུབ་ཐབས།

[Full Size]

ཨོཾ་སྭཱ་སྟི། གང་ཞིག་བསྒོམས་ཤིང་བཟློས་པ་ཡིས། །དཀོར་དང་སྦགས་པའི་ཉེས་པ་སོགས། །ཀུན་འཇོམས་སྤྱན་རས་གཟིགས་ཀྱི་ནི། །སྒྲུབ་ཐབས་དམ་པ་བཤད་པར་བྱ། །ཐུན་གྱི་མགོར་སྡིག་བཤགས་གང་འགྲུབ་དང༌། སྐྱབས་འགྲོ་སེམས་བསྐྱེད་བྱས་ལ། རང་སྐད་ཅིག་གིས་ཇོ་བོ་སྤྱན་རས་གཟིགས་སྐུ་མདོག་དཀར་ལ་ཞལ་དབུས་མ་ལྔ་བརྩེགས་ཤིན་ཏུ་ཁྲོས་པ་སྔོན་པོ། གཡས་གསུམ་བརྩེགས་དཀར་བ་དང༌། གཡོན་གསུམ་བརྩེགས་དམར་བ་ཞི་བ། ཕྱག་དང་པོ་གཉིས་སྔོན་པོ་ཐུགས་ཀར་ཐལ་མོ་སྦྱར་བ། གཞན་རྣམས་དཀར་བའི་གཉིས་པ་གཉིས་རྡོ་རྗེའི་འཕྲེང་བ་དང་པདྨ་དམར་པོ། གསུམ་པ་གཉིས་འཁོར་ལོ་དང་མདའ་གཞུ། བཞི་པ་གཉིས་ལྕགས་ཀྱུ་དང་མེ་དཔུང་བསྣམས་པ་མེ་དཔུང་འབར་བའི་དབུས་ན་མཉམ་པར་བཞེངས་པ། མཚན་ཉིད་གཞན་སྤྱི་དང་མཐུན། སྙིང་གར་ཧྲཱིཿཡིག་ལ་སྔགས་གསུམ་རིམ་དུ་བསྐོར་

[Full Size]

བར་བསམས་ནས། ཨོཾ་ཨཱཿཧྲཱིཿཧཱུཾ། ཞེས་པ་དང༌། ཨོཾ་མ་ཎི་པདྨེ་ཧཱུཾ་དང༌། ན་མོ་རཏྣ་ཏྲཱ་ཡཱ་ཡ། ན་མོ་བྷ་ག་ཝ་ཏེ། མཧཱ་ཀཱ་རུ་ཎི་ཀཱ་ཡ། བཛྲ་ས་ར་པྲ་མརྡྷ་ནི། ཏ་ཐཱ་ག་ཏཱ་ཡ། ཨརྷ་ཏེ། སམྱཀྶཾ་བུདྡྷཱ་ཡ། ཏདྱ་ཐཱ། ཨོཾ་དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། ཨིཊྚེ། ཝཊྚེ། ཙ་ལེ་ཙ་ལེ། པྲ་ཙ་ལེ་པྲ་ཙ་ལེ། སརྦ་ཀླེ་ཤ སརྦ་ཀརྨ་ཨ་ཝ་ར་ཎ་ནི། ཤུདྡྷེ་ཤུདྡྷེ། བི་ཤུདྡྷེ་བི་ཤུདྡྷེ། ག་ག་ན་སྭ་བྷཱ་ཝ་བི་ཤུདྡྷེ་སྭཱཧཱ། ཞེས་པ་རྣམས་ཅི་འགྲུབ་ཏུ་བཟླའོ། །འཇུག་ཏུ་སྟོང་པ་ཉིད་ཀྱི་དོན་བསྒོམ། དགེ་བ་བསྔོ། འདི་ནི་མི་ཏྲ་ཛོ་གིའི་གདམས་ངག་སྟེ། སྤྱན་རས་གཟིགས་ཀྱི་ཆོས་སྐོར་གཞན་ཐོབ་པ་ལ་ལུང་གིས་འགྲུབ་པའོ། །སྡིག་སྒྲིབ་སྦྱང་བར་ཀུན་ཏུ་བསྔགས། །བསྲུང་བ་ཀུན༵་ལས་དག༵འ་བའི་ཏོག །འདི་ལ་ཉམས་ལེན་སྙིང༵་པོ༵ར་བགྱིས། །བྱིན་རླབས་བླ་མེད་ཡོད་པར་ངེས། །སྤྱན་རས་གཟིགས་རྡོ་རྗེ་སྙིང་པོ་རབ་ཏུ་འཇོམས་པའི་སྒྲུབ་ཐབས་ཀྱི་ལེ་ཚན་ནོ།། །།དར་རྒྱས་འཕེལ། །