ས་སྙིང་སྒྲུབ་ཐབས།

[Full Size]

ཨོཾ་སྭཱ་སྟི། གང་ཞིག་དྲན་པ་ཙམ་གྱིས་ནི། །ལྷ་མིན་འཇོམས་ཤིང་འབྱོར་བ་རྒྱས། །ཆོས་ལྡན་རྒྱལ་སྲིད་བརྟན་འགྱུར་བའི། །ས་སྙིང་སྒྲུབ་ཐབས་བཤད་པར་བྱ། །སེམས་བསྐྱེད་སྔོན་དུ་འགྲོ་བས། ཤཱུ་ནྱ་ཏཱས་སྟོང་པར་སྦྱངས། པད་ཟླ་ལ་རང་སེམས་ཀྵིཾ་ཡིག་ཡོངས་སུ་གྱུར་པ་ལས། རང་ཉིད་སའི་སྙིང་པོ་སེར་པོ་སྟོད་གཡོགས་སེར་པོ་ཅན། ཞི་བ་སྤྱན་རྩ་དམར་བ། མེ་ཏོག་སྔོན་པོའི་ཕྲེང་བའི་ཐོད་ཅན། ཕྱག་གཡས་ཤིང་ཏོག་དང་གཡོན་པདྨའི་སྟེང་ན་ནོར་བུ་དང་བཅས་པ་འཛིན་པ། འོད་ཟེར་ལྗང་ཁུ་འཕྲོ་བ་རྡོ་རྗེ་ས་འོག་ལ་སོགས་པ་འཁོར་གྱིས་བསྐོར་བ། གཞལ་ཡས་ཁང་སེར་པོ་རིན་པོ་ཆེའི་བྲག་རི་དང་གངས་རིས་བསྐོར་བ། དར་དང་རིན་པོ་ཆེའི་བརྒྱན་པ་སོགས་མངོན་རྟོགས་ལྷག་མ་ཀུན་དུ་བཟང་པོའི་སྐབས་དང་འདྲ། ཨོཾ་སུཾ་བྷ་ནི་སུཾ་བྷ། ཧ་ར་ཙ་ར། མཧཱ་པ་ཤ མཱ་རུ་ཏ། ཨ་མོ་གྷ་བཛྲ་སནྟ་སྭཱཧཱ། ཞེས་བཟླ། རྗེས་དང་ཐུན་མཚམས་ཀྱང་ཀུན་བཟང་གི་སྐབས་དང་འདྲ་བ་ལས། སའི་སྙིང་པོའི་མཚན་བརྒྱ་ཉིད་ཀློག་པ་ཁྱད་པར་རོ། །འདིའི་བཟླས་ལུང་འབོགས་ཚུལ་ཡང༌། འོད་དཔག་མེད་ཀྱི་སྐབས་སུ་བཤད་པ་དང་འདྲའོ། །ས་སྟེང་

[Full Size]

ཀུན༵་དུ་རྙེད་དཀའ་བའི། །སྒྲུབ་ཐབས་ཐོས་པ་དག༵འ་ཆེས་ནས། །སྙིང༵་ནས་དད་པ་སྐྱེས་གྱུར་ཏེ། །མདོར་བསྡུས་ཙམ་ཞིག་གསལ་པོ༵ར་བཀོད། །པཎྜི་ཏ་གང་བའི་རྡོ་རྗེའི་གསུང་ལས་བྱུང་བ། ཤཱཀྱ་རཀྵི་ཏའི་མན་ངག་འཕགས་པ་སའི་སྙིང་པོའི་སྒྲུབ་ཐབས་ཀྱི་ལེ་ཚན་ནོ།། །།