རྒྱལ་སྲས་ཀུན་གྱི་ཐུ་བོ་སྤྱན་རས་གཟིགས་ཀྱི་སྒྲུབ་ཐབས།

[Full Size]

དམིགས་མེད་ཐུགས་རྗེ་མཁའ་ལྟར་ཁྱབ། །རྒྱལ་སྲས་ཀུན་གྱི་ཐུ་བོ་ནི། །སྤྱན་རས་གཟིགས་དབང་ལ་བཏུད་དེ། །སྒྲུབ་ཐབས་མདོ་ཙམ་འབྲི་བར་བྱ། །ཐུགས་རྗེ་ཆེན་པོའི་དབང་ཕྱུག་མཚན་ཐོས་པ་དང་བཟུང་བ་ཙམ་གྱིས་མི་ལྡོག་པའི་ས་ཐོབ་པར་འགྱུར་བའི་འཕགས་མཆོག་དེ་ལ་བ་སྤུ་ལྡང་ཞིང་མཆི་མ་

[Full Size]

འཁྲུག་པའི་མོས་གུས་ཀྱི་སྒོ་ནས། ཕྱག་དང་མཆོད་པ་དང་བསྟོད་པ་དང་བསྐོར་བ་བྱས་ལ། བྱང་ཆུབ་ཀྱི་སེམས་སྒོམས། ཤཱུ་ནྱ་ཏཱའི་སྔགས་དོན་བསམ། རང་གི་སྙིང་གར་ཧྲཱིཿཡིག་འོད་ཀྱི་འཕྲོ་འདུ་ལས། འཇིག་རྟེན་མགོན་པོ་སྟོན་ཀའི་ཟླ་བ་ལྟར་དཀར་བའི་སྐུ་ལུས་རལ་པའི་ཐོར་ཚུགས་ཀྱི་ངོས་ལ་བཅོམ་ལྡན་འདས་འོད་དཔག་ཏུ་མེད་པ་བཞུགས་པ། ཕྱག་གཉིས་ཐུགས་ཀར་ཆོས་འཆད་ཀྱི་ཕྱག་རྒྱའམ། གཡས་མཆོག་སྦྱིན་དང་གཡོན་གདན་ལ་བརྟེན་པས་པདྨ་དཀར་པོའི་སྡོང་བུ་འཛིན་པ། རི་དྭགས་ཀྱི་པགས་པ་ཕྲག་པ་གཡོན་པ་ལ་གནས་པ། དར་དང་རིན་པོ་ཆེའི་རྒྱན་ཅན། གཡས་བརྐྱང་བའི་རོལ་པའི་སྟབས་ཀྱིས་བཞུགས་པ། དེའི་དྲུང་དུ་ཁྲོ་རྒྱལ་རྟ་མགྲིན་དམར་པོ་བསྐལ་པའི་མེ་ལྟར་གཟི་བརྗིད་འབར་བ། དབུའི་སྟེང་ན་རྟ་མགོ་ལྗང་ཁུ་རྟ་སྐད་འཚེར་བ། ཕྱག་གཡས་ཕྱག་འཚལ་བ་དང་གཡོན་པས་བེ་ཅོན་དཀར་པོ་འཛིན་པའོ། །ཡེ་ཤེས་པ་སྤྱན་དྲངས། མཆོད་པས་མཆོད། རང་ལ་གཞུགཨོཾ་ཨཱཿཧཱུཾ་གིས་གནས་གསུམ་བྱིན་གྱིས་བརླབས། ན་མོ་ཨཱཪྱ་ཨ་ཝ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མཧཱ་སཏྭཱ་ཡ། མཧཱ་ཀཱ་རུ་ནི་ཀཱ་ཡ། ཀཱ་རུ་ཎེ་ཀཱ་རུ་ནེ། མཧཱ་ཀཱ་རུ་ཎ། པྲ་ཏིཥྛེ་ཏི་ཀཱ་རུ་ཎཱ་ཡ་སྭཱཧཱ། ཞེས་ཅི་ནུས་སུ་བཟླས། ལྷ་སྐུ་འོད་གསལ་ཏུ་བསྡུས་ཏེ་དགེ་བ་བསྔོ། ཐུན་མཚམས་སུ་སྤྱན་རས་གཟིགས་ཀྱིས་ཞུས་པ་ཞེས་བྱ་བའི་མདོ་དང༌། ཟ་མ་ཏོག་བཀོད་པ་དང༌། འཕགས་མཆོག་འདི་ཉིད་ཀྱིས་མཚན་བརྒྱ་སོགས་

[Full Size]

འདོན་ནོ། །ཀུན༵་ལས་དག༵འ་བའི་སྒྲུབ་ཐབས་འདི། །སྙིང༵་ནས་ཉམས་ལེན་བྱས་གྱུར་ན། །འཇིག་རྟེན་དབང་པོ་ཉིད་མཚུངས་པའི། །གོ་འཕང་ཐོབ་འགྱུར་ཨ་ལ་ལ། །འཕགས་པ་སྤྱན་རས་གཟིགས་ཀྱི་སྒྲུབ་ཐབས་སོ།། །།