བ་ལང་རྫིའི་ནོར་རྒྱུན་མའི་སྒྲུབ་ཐབས།― TNT15_Page_0723 ―
[མ་དཔེ་གཟིགས་ན་འདིར་གནོན།]
ཨོཾ་སྭཱ་སྟི། གནོད་སྦྱིན་བདག་པོ་ངལ་གསོས་པོའི། །སླས་ཀྱི་གཙོ་མོར་རབ་གྲགས་པའི། །གཉིས་ལས་བ་ལང་རྫི་ཡི་ནི། །སྒྲུབ་ཐབས་སྙིང་པོ་བྲི་བར་བྱ། །རང་ཡི་དམ་དུ་གསལ་བའི་སྨིན་མཚམས་ནས་འོད་འཕྲོས། ལྕང་ལོ་ཅན་ནས་ནོར་རྒྱུན་མ་བཛྲ་ས་མཱ་ཛཿ མདུན་དུ་འཁོད་པ་ནི། སྐུ་མདོག་སེར་མོ་སྒེག་ཅིང་མཛེས་པ། ཕྱག་གཡས་པ་པི་ཙུ་རའི་འབྲས་བུ་དང༌། གཡོན་པས་རིན་པོ་ཆེའི་སྙེ་མ་འཛིན་པ། གཏེར་གྱི་བུམ་པ་ཞབས་སྤྲད་པ། རིན་པོ་ཆེའི་ཆར་འབེབས་པའི་སྟེང་ན་མཉམ་པར་བཞེངས་པ། བྱང་ཆུབ་ཀྱི་ཤིང་ལ་རྒྱབ་བསྟེན་པ། འདོད་འཇོའི་བ་མོའི་ཁྱུས་བསྐོར་བ། དར་དང་རིན་པོ་ཆེའི་རྒྱན་ཐམས་ཅད་ཀྱིས་བརྒྱན་པའོ། །མཆོད་བསྟོད་གཏོར་མ་འབུལ་བ་རྣམས་ནོར་རྒྱུན་མ་རྩ་བའི་སྒྲུབ་ཐབས་བཞིན་བྱས། ཨོཾ་ཛཾ་དྷི་ཀ་ཐ་མ་ནོ་ཧ་ར་སརྦ་བྷ་ན་པཊྚ་རཏྣོ་ཧཱུཾ་ཛྲུཾ་ཧཱུཾ་ཧཱུཾ་སྭཱཧཱ། ཞེས་བཟླ། མཐར་གཤེགས་སུ་གསོལ། འདི་ལ་མཎྜལ་གྱི་ཚོམ་བུ་བཤམས་ནས། སློབ་དཔོན་ཉིད་ཀྱིས་གོང་བཞིན་ཉམས་སུ་བླངས་ནས། སློབ་མ་ལ་བསྒོམ་ལུང་འབོགས་པ་ནི། སློབ་མ་རྗེས་འཛིན་གྱི་བྱ་བའོ། །གློ་བུར་དགོས་པའི་ལས་ཀུན༵་ ― TNT15_Page_0724 ―
[མ་དཔེ་གཟིགས་ན་འདིར་གནོན།]
ལ། །རབ་ཏུ་དག༵འ་བར་བསྔགས་པ་ཡི། །ནོར་རྒྱུན་བྲན་མོའི་སྒྲུབ་ཐབས་ཀྱི། །སྙིང༵་པོ༵་འདི་ཡང་ངོ་མཚར་ཆེ། །བ་ལང་རྫིའི་ནོར་རྒྱུན་མའི་སྒྲུབ་ཐབས་ཀྱི་ལེ་ཚན་ནོ།། །།དར་རྒྱས་འཕེལ།། །། |
