སེང་ལྡེང་ནགས་སྒྲོལ་གྱི་སྒྲུབ་ཐབས།― TNT15_Page_1109 ―
[མ་དཔེ་གཟིགས་ན་འདིར་གནོན།]
སེང་ལྡེང་ནགས་སྒྲོལ་གྱི་སྒྲུབ་ཐབས་ནི། པད་ཟླའི་སྟེང་དུ་ཏཱཾ་ལས་ཨུཏྤལ་ཏཱཾ་གིས་མཚན་པ་ལས། འཕགས་མ་སྒྲོལ་མ་ལྗང་ཁུ། ཕྱག་གཡས་མཆོག་སྦྱིན་དང༌། གཡོན་ཨུཏྤལ་སྔོན་པོའི་སྡོང་བུ་འཛིན་པ། ཞབས་གཡས་བརྐྱང་བའི་སྐྱིལ་ཀྲུང་ཕྱེད་པའི་རོལ་པས་བཞུགས་པ། གཡས་སུ་འོད་ཟེར་ཅན་མ་སེར་མོ་རྡོ་རྗེ་དང་མྱ་ངན་མེད་པའི་ཡལ་ག་འཛིན་པ། གཡོན་དུ་རལ་གཅིག་མ་ནག་མོ་ཁྲོ་མོའི་ཆ་བྱད་ཅན་གྲི་གུག་ཐོད་ཁྲག་བསྣམས་པའོ། །ཡིག་སྣ་ལས་གཙོ་འཁོར་གསུམ་ཀ་རྣམ་པ་འདྲ་བར་བཤད་ནའང༌། འདིར་སྒྲུབ་ཐབས་ཁུངས་མ་གཞན་ནས་འབྱུང་བ་ལྟར་བཀོད་ལ། མནའ་ཆན་རིགས་གཅིག་ལས་གཉིས་པོའི་ཕྱག་གཡས་ན་རྔ་ཡབ་འཛིན་པ་དང༌། གཞན་དཀྱུས་དང་འདྲ་བ་ཡང་བྱས་འདུག་པ་ཇི་ལྟར་འོས་པར་སྦྱར་རོ། །རིགས་བདག་ནི་དོན་གྲུབ་བོ། །སྔགས་ནི། ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱཧཱ།། །། |
