ཡང་ཨོ་ཌི་ཡ་ནའི་འོད་ཟེར་ཅན་མའི་སྒྲུབ་ཐབས་ལྷན་སྐྱེས་རོལ་པས་མཛད་པའི་ལུགས།― TNT15_Page_1114 ―
[མ་དཔེ་གཟིགས་ན་འདིར་གནོན།]
ཡང་ཨོ་ཌི་ཡ་ནའི་འོད་ཟེར་ཅན་མའི་སྒྲུབ་ཐབས་ལྷན་སྐྱེས་རོལ་པས་མཛད་པའི་ལུགས་ནི། དུར་ཁྲོད་ཆེན་པོ་བརྒྱད་ཀྱིས་ཡོངས་སུ་བསྐོར་བའི་དབུས་སུ། མཆོད་རྟེན་གྱི་བུམ་པའི་ནང་དུ། ཕག་བདུན་གྱིས་དྲངས་པའི་ཤིང་རྟའི་སྟེང་པད་ཉི་ལ། མཾ་ལས་འོད་ཟེར་ཅན་དམར་མོ་ཆེར་ཁྲོས་པ། རྩ་ཞལ་དམར། གཡས་ནག་པོ་དང་དཀར་པོ། གཡོན་སེར་པོ་དང་ལྗང་ཁུ། སྟེང་ཕག་གདོང་ནག་པོ། ཕྱག་གཡས་དྲུག་རལ་གྲི། འཁོར་ལོ། གཏུན་ཤིང༌། མདའ། དགྲ་སྟ། རྩེ་གཅིགགཡོན་ཞགས་པར་བཅས་པའི་སྡིགས་མཛུབ། ཁ་ཊྭཱཾ་གཐོད་པ། ཨ་ཤོ་ཀ ཚངས་མགོ གཞུ། རྩེ་གསུམ་མོ། །མི་མགོ་སྐམ་པོ་བརྒྱད་བརྒྱད་ཀྱི་དབུ་རྒྱན་དང༌། མགོ་འཕྲེང་དང༌། སྦྲུལ་དང༌། རིན་པོ་ཆེས་བརྒྱན་པ། རོལ་སྟབས་ཀྱིས་བཞུགས་པའོ། །མདུན་དུ་ཕོ་ཉ་མོ་དཀར་མོ་ཕག་གདོང་ཅན། ཕྱག་བཞི་རྡོ་རྗེ། ཁབ། ཨ་ཤོ་ཀ སྡིགས་མཛུབ་མཛད་པ། ཤ་འགགས་སེར་པོའི་སྟེང་དུ། སྟག་ལྤགས་ཀྱི་སྨད་དཀྲིས་ཅན། རིགས་བདག་ནི་འདྲ། སྔགས་ནི། ཨོཾ་མཱ་རི་ཙྱཻ་མཾ་ཧཱུཾ་ཧཱུཾ་ཕཊ་ཕཊ་སྭཱཧཱ།། །། |
