ཛམྦྷ་ལ་ནག་པོའི་སྒྲུབ་ཐབས།― TNT15_Page_1116 ―
[མ་དཔེ་གཟིགས་ན་འདིར་གནོན།]
ཛམྦྷ་ལ་ནག་པོའི་སྒྲུབ་ཐབས་ནི། པད་ཉི་ལ་ཧཱུཾ་ལས་ཛམྦྷ་ལ་ནག་པོ་མིའུ་ཐུང་གི་གཟུགས་རིགས་ངན་གྱི་ཆ་བྱད་རྣ་བ་མ་ཕུག་པ། གཅེར་བུ་ཕྱག་གཡས་ཐོད་ཁྲག་ཐུགས་ཀར་འཛིན་པ། སྦྲུལ་གྱིས་བརྒྱན་པ། གཡོན་ནེའུ་ལེ་ནོར་བུ་སྐྱུག་པ་འཛིན་ཞིང་བརླ་ལ་བརྟེན་པ། རྟགས་གྱེན་དུ་ལངས་པ། ཞབས་གཡས་བསྐུམ་གཡོན་བརྐྱང་བས་ནོར་བདག་སེར་པོ་རིན་པོ་ཆེའི་སྙེ་མ་སྐྱུག་པ་མནན་པ། ལྷག་མ་ཁྲོ་བོའི་ཆ་བྱད་རྫོགས་ཤིང་ཉི་མའི་དཀྱིལ་འཁོར་ལ་རྒྱབ་བརྟེན་པ། རིགས་བདག་ནི་མི་བསྐྱོད་པ། སྔགས་ནི་གོང་བཞིན་ནམ་ཨོཾ་སྭཱཧཱ། བསྟོད་པ་ཡང་གོང་བཞིན་ནམ། མགོན་པོ་ནམ་མཁའི་རང་བཞིན་སོགས་སོ།། །། |
