ཕྱིར་ཟློག་མ་ཆེན་མོའི་སྒྲུབ་ཐབས།― TNT15_Page_1131 ―
[མ་དཔེ་གཟིགས་ན་འདིར་གནོན།]
ཕྱིར་ཟློག་མ་ཆེན་མོའི་སྒྲུབ་ཐབས་ནི། པད་ཉི་ལ་ཧཱུཾ་ལས་རང་ཉིད་ཕྱིར་བཟློག་མ་ཆེན་མོ་སྐུ་མདོག་ནག་མོ། ཕྱག་དྲུག་གི་གཡས་གསུམ་རལ་གྲི། ལྕགས་ཀྱུ། མཆོག་སྦྱིན། གཡོན་གསུམ་པདྨ་དམར་པོ། མདུང་རྩེ་གསུམ། ཞགས་པ་དང་བཅས་པའི་སྡིགས་མཛུབ་སྙིང་གར་གཏོད་པ། དར་དང་རིན་པོ་ཆེའི་རྒྱན་གྱིས་བརྒྱན་པ། ལྷག་མ་ཁྲོ་མོའི་ཆ་བྱད་དོ། །ཞབས་གཡོན་བརྐྱང་གི་སྟབས་ཀྱིས་བཞུགས་པའོ། །རིགས་བདག་ནི་མི་བསྐྱོད་པའོ། །སྔགས་ནི་ཨོཾ་ཨཱཿཧཱུཾ་སྭཱཧཱ། |
