སྒྱུ་འཕྲུལ་དྲྭ་བ་ལས་འབྱུང་བ་རྟ་མགྲིན་གྱི་སྒྲུབ་ཐབས།― TNT15_Page_1134 ―
[མ་དཔེ་གཟིགས་ན་འདིར་གནོན།]
སྒྱུ་འཕྲུལ་དྲྭ་བ་ལས་འབྱུང་བ་རྟ་མགྲིན་གྱི་སྒྲུབ་ཐབས་ནི། པད་ཉི་ལ་ཧཾ་ལས་རང་ཉིད་འཕགས་པ་ཁྲོ་བོའི་རྒྱལ་པོ་རྟ་མགྲིན་སྐུ་མདོག་དམར་པོ། རྩ་ཞལ་དམར་པོ་བཞད་པ། གཡས་སྔོན་པོ་ལྗགས་འགྲིལ་བ། གཡོན་དཀར་པོ་ཡ་སོས་མ་མཆུ་མནན་པ། རྡོ་རྗེ་དང༌། དབྱུག་ཐོ་དང༌། ཕྱག་འཚལ་བའི་ཚུལ་དང༌། མདའ་འཕྱར་བ་གཡས་ཀྱི་ཕྱག་བཞི་ནའོ། །སྡིགས་མཛུབ་དང་རང་སྣང་གི་ལྷ་མོའི་ནུ་མ་དང༌། པད་མ་དང༌། གཞུ་འཕྱར་བ་ནི་གཡོན་གྱི་ཕྱག་བཞི་ནའོ། །ཞབས་གཡས་བསྐུམ། གཡོན་བརྐྱང་བ་ཁྲོ་བོའི་ཆ་བྱད་ཡོངས་སུ་རྫོགས་པ། རིགས་བདག་ནི་མི་བསྐྱོད་པའོ། །སྔགས་ནི། ཨོཾ་ཧ་ཡ་གྲི་བ་ཧཾ་སྭཱ་ཧཱ།། །། |
