དཔལ་སྒྲའི་སྙེ་མ་དུ་མའི་དོན་ཤེས་ཤིང་རྟོགས་པ།
དཔལ་སྒྲའི་སྙེ་མ་དུ་མའི་དོན་ཤེས་ཤིང་རྟོགས་པ་ཞེས་བྱ་བ་བཞུགས།
རྒྱ་གར་སྐད་དུ། ཤྲཱི་དྷུ་ནི་མཉྫ་རི་ཨ་ནེ་ཀཱན྄་ཛྙཱ་བོ་དྷེ་ནཱ་མ། བོད་སྐད་དུ། །དཔལ་སྒྲའི་སྙེ་མ་དུ་མའི་དོན་ཤེས་ཤིང་རྟོགས་པ་ཞེས་བྱ་བ། འཕགས་པ་སྤྱན་རས་གཟིགས་ལ་ཕྱག་འཚལ་ལོ། །རྣམ་དག་ཡི་གེ་དུ་མའི་དོན། །སྒྲ་ཡི་མུ་ཏིག་འཕྲེང་བ་མཆོག །མཁས་པ་རྣམས་ཀྱི་མགྲིན་པར་བྱས། །ཉིན་དང་མཚན་དུ་ཐོས་པས་བཟུང༌། །སྒྲ་ཡི་ཆུ་གཏེར་མཐའ་ཡས་ལ། །སྨྲ་བས་སྒྲོད་པའི་ནུས་པ་ཅི། །སྨྲ་བའི་བདག་ཉིད་ཁྱོད་ལ་ནི། །རང་བློ་རྩེ་གཅིག་ཡིད་ཀྱིས་འདུད། །མཚོ་བྱུང་ལྷ་མོའི་བཀའ་དྲིན་གྱིས། །ཚིག་གི་ངེས་པ་བྱེད་པ་
གང༌། །གྲགས་ཤིང་གྲུབ་དང་གྲུབ་མིན་པས། །ལེགས་པར་རབ་ཏུ་ཕྱག་འཚལ་ལོ། ༈ །ཤི་བཱིའི་སྒྲའོ། །ཤི་བཱ་བཟང་པོ་ཤི་བཱ་བདེ་འབྱུང་དང༌། །ཤཱི་བཱ་དཀར་མོ་ཤི་བཱ་འཇིགས་པ་མེད། །ཤི་བཱ་དུས་དང་ཤི་བཱ་ནོར་ཡིན་ཏེ། །ཤཱི་བཱ་ལྕེ་སྤྱང་དུ་འགྱུར་སྙིང་ཞོ་ཤ །ཤི་བཱ་དབང་ཕྱུག་ཤི་བཱ་དཀར་པོའོ། །ཤི་བཱ་དགེ་ལེགས་ཤི་བཱ་མནའ་མའོ། ༈ །གཽ་རཱིའི་སྒྲའོ། །གཽ་རཱི་ཞི་བ་དགྱེས་པའི་ལྷ་མོ་སྟེ། །གཽ་རཱི་གི་ཧཾ་ལ་ཡང་འདོད་པ་ཡིན། །བུ་མ་སྐྱེས་པའི་བུད་མེད་གཽ་རཱིར་དྲན། །གཽ་རཱི་གཙང་མ་དང་ནི་འཇིགས་པ་སེལ། ༈ །ཧ་རིའི་སྒྲའོ། །ཧ་རི་དབང་པོ་ཧ་རི་ཉི་མ་སྟེ། །ཧ་རི་ཁྱབ་འཇུག་ཧ་རི་རླུང་ལྷའོ། །སེང་གེ་ཧ་རི་སྦལ་བ་ཧ་རི་སྟེ། །ཧ་རི་རྟ་དང་སྤྲེའུ་དག་ལའོ། །འོད་ཟེར་ཧ་རི་ཧ་རི་རི་དྭགས་ལ། །ཧ་རི་རི་ཞུམ་ཧ་རི་ཟླ་བའོ། །ཧ་རི་གཤིན་རྗེ་
ཧ་རི་པ་སངས་སྦྲུལ། །གསེར་གྱི་མདོག་ཅན་ལ་ཡང་ཧ་རིར་དྲན། ༈ །ཀྵུ་དྲའི་སྒྲའོ། །ཀྵུ་དྲ་སྨད་འཚོང་ཀྵུ་དྲ་ཆུ་རྒྱུན་ལ། །ཀྵུ་དྲ་དེ་ནི་སྦྲང་རྩིའི་སྦྲང་མ་སྟེ། །ཉན་ཤེས་མེད་པའི་མི་ལའང་ཀྵུ་དྲའོ། །ཀན་ད་ཀ་རི་ལ་ཡང་ཀྵུ་དྲར་བརྗོད། ༈ །བཱ་ཧའི་སྒྲའོ། །བཱ་ཧ་ཟུང་དང་བཱ་ཧ་འདྲེན་པ་ལ། །བཱ་ཧ་འུ་ལག་ལ་ཡང་འདིར་བརྗོད་དེ། །བཱ་ཧ་བྱིས་པའི་བྱེ་བྲག་ལ། །བཱ་ཧ་མང་པོ་ལ་འདིར་བརྗོད། །བཱ་ཧ་སྒྱུ་མའི་བྱེ་བྲག་ཀྱང༌། །རབ་སྐྱེ་ལ་ཡང་བཱ་ཧ་སྟེ། །བཱ་ཧ་ཆུ་ཡི་ཁྱད་པར་ལའོ། །སོ་ཕག་བརྩེགས་པ་ལ་སོགས་དག །མུ་ཏིག་ཆུན་པོའི་དོ་ཤལ་ལའོ། །བཱ་ཧ་སྒྱུ་མའི་བྱེ་བྲག་སྟེ། །ཞིང་དང་ཧ་ར་རབ་ཏུ་བརྗོད། ༈ །གོ་ཡི་སྒྲའོ། །ཕྱོགས་དང་མིག་དང་སྣང་བྱེད་དང༌། །མཐོ་རིས་རྡོ་རྗེ་ངག་དང་མདའ། །ཆུ་རྣམས་ལ་སྟེ་ས་གཞི་དང༌། །གྲགས་པ་ལ་ཡང་གོ་སྒྲར་རིག །བཅུ་པོ་དེ་དག་རྣམས་སུ་དྲན། ༈ །མ་དྷུའི་སྒྲའོ། །མ་དྷུ་སྦྲང་འོས་མི་དང་ཆང་དང་ཆང་ངུ་དང༌། །མ་དྷུ་མེ་ཏོག་བཅུད་དུ་རིག །མ་དྷུ་ལྷ་མིན་བྱེ་བྲག་བ་ལ་ཟ་སྟེ། །སྦྲང་དཔྱིད་ཀ་རྩི་ཅན་ལའང་མ་དྷུར་ཤེས། ༈ །བྷ་བའི་སྒྲའོ། །བྷ་བ་བདག་དང་བྷ་བ་ཡིད། ཁྱོད་ཅེས་ལ་ཡང་བྷ་བ་དང༌། །བྷ་བ་མཆོད་པར་འོས་མི་དང༌། ཚིག་གི་དོན་ལའང་བྷ་བར་བཤད། ༈ །ཀུ་ཐཱའི་སྒྲའོ། ཀུ་ཐཱ་བེཾ་
གོས་མཛེས་པ་ལ། །རབ་བརྗོད་ཀུ་ཐཱ་ཚེམས་བེམ་ལའང༌། །ཀུ་ཐཱ་ཐེར་ཟུག་ཀུ་ཐཱ་འབུ། །ཀུ་ཐཱ་གཉིས་སྐྱེས་ཞོག་ཁྲུས་བྱེད། ༈ །ཀུ་ཐཱ་པ་ཞེས་པའི་སྒྲའོ། །ཀུ་ཤ་དུས་དང་འབྲུ་ས་གཞི་མར་དང༌། །ར་སྐྱེས་སྣམ་བུ་ཆུ་གཙང་གོས། །གྲངས་གཉིས་གསུམ་དང་དྲུག་པ་དང༌། །ལམ་ལ་འགྲོ་དང་མེ་དག་ལ། །ཀུ་ཐཱ་པ་ཞེས་རབ་ཏུ་འཇུག ༈ །གོ་ཡི་སྒྲའོ། མདའ་དང་ངག་དང་དབྱིག་དང་ས། །ཕྱོགས་དང་འོད་ཟེར་ཆུ་དང་མིག།མཐོ་རིས་བརྡེག་དང་རྡོ་རྗེ་མེ། །བདེ་དང་འབྱོར་ལྡན་གོ་ཞེས་བརྗོད། །མཐོ་རིས་མདའ་དང་རྡོ་རྗེ་དང༌། །སྟོབས་ལྡན་གོ་སྒྲ་སྐྱེས་པའི་རྟགས། །འདྲེན་བྱེད་ཕྱོགས་མཚམས་མ་མོ་ངག །ཆུ་རྣམས་དང་ནི་བུད་མེད་ཀྱང༌། ༈ །བྷ་གའི་སྒྲའོ། །དཔལ་ལྡན་སྙན་གྲགས་ཅན་དང་ནི། །སྐལ་བཟང་སྐྱེ་གནས་གྲགས་པ་ཉམས། །ཉི་མའི་མིང་དང་དུག་དང་ནི། །གསེར་ཐལ་ལ་ཡང་བྷ་གའི་སྐད། །རྡོ་རྗེ་ནི་ཨེར་ནྱེད་གཟེར་ནད་བཀའ་ལུང་གླུ། །མདའ་དང་ཐ་སྙད་བསོ་བའོ། །བླུན་པོ་བྱིས་པ་རྒྱལ་འདོད་དང༌། །ལྷ་ཡི་ཚིག་དང་མཛེ་ཅན་མ། ༈ །པུཥྐཱ་རའི་སྒྲའོ། །རས་བལ་ཤིང་དང་དཔལ་འབྲས་པདྨ་དང༌། །གླང་ཆེན་ཤིན་དུ་
བློན་པོ་ལྟ་བུ་བྱེད་དང་ལྷ་ཡི་ཡུལ། །གླིང་དང་འབབ་སྟེགས་སྒྲུབ་པའི་ཐབས་དང་ཡང༌། ཁྱད་འཕགས་རྣམས་ལ་པུཥྐཱ་ར་ཡི་སྒྲ། ༈ །ཀ་ཞེས་པའི་སྒྲའོ། །མགོ་དང་སེམས་དང་ཆུ་དང་སྤྲེལ། །བདེ་བ་ཚངས་མ་རླུང་ལྷ་དང༌། །འདོད་ཆགས་དུས་དང་གསེར་མདོག་དང༌། །སྐད་དང་ནོར་ལྡན་ཀ་ཞེས་བྱའོ། ༈ །ཧདྶའི་སྒྲའོ། །སྲོག་དང་བཙུན་མོ་ཚངས་པ་དང༌། །དཀའ་ཐུབ་ཅན་དང་མགྱོགས་འགྲོ་ཆོས། །དཀར་པོ་འདབ་ཆགས་བྱེ་བྲག་དང༌། །འཕྲོག་བྱེད་དག་ལའང་ཧདྶའི་སྒྲ། ༈ །ར་སའི་སྒྲའོ། །ར་ས་ཆུ་དང་ར་ས་མགུ་བ་དང༌། །ར་ས་དང་སྒེག་འཆོས་དང་ཚིག་འབྲུ་མེད་པའི་སྒྲ། བྷྲིདྒ་ར་ཤྲིངྒར། པོར་ལེན་པའི་སྒྲ་སྐད་དང༌། ར་ས་རོ་བཅུད་རྩོད་པ་གྲགས་མེད་དང༌། །ར་ས་ཕ་རོལ་སྦྱིན་དང་འཇིགས་པའོ། ༈ །པ་ལ་ཡའི་སྒྲའོ། ཏིལ་མར་ཉེད་དང་དྲི་མ་ཤ །ཆུའམ་འཇམ་པོ་ཁང་ཆུང་དང༌། །མི་རོ་འོ་མ་ནག་ནོག་དང༌། །ཤེས་རབ་བ་ལ་ལ་ཞེས་བརྗོད། ༈ །ཀཱི་ལཱ་མའི་སྒྲའོ། །འོ་མ་མེ་ཏོག་བཅུད་དང་ཆུ། །ཆང་དང་ཕྱེ་སྣོད་མར་དང་ནི། མ་ཟིན་ལས་ཏེ་བདུན་དོན་ལ། །མཁས་རྣམས་ཀཱི་ལཱ་ལ་ཞེས་སྨྲ། ༈ །ལ་ལཱ་མ་ཞེས་པའི་སྒྲའོ། །རྟག་དང་འཇུག་མ་རྒྱལ་མཚན་དང༌། །གོང་བུ་བྲག་རི་སྐྱེས་བུ་དང༌། །ཡོན་ཏན་ལྷག་
པ་དང་ནི་དུག །ནོར་བུའི་རྒྱན་ཞེས་བྱ་བ་ལ། །ལ་ལཱ་མ་ཞེས་ཡང་དག་དྲན། ༈ །ཝརྞ་ཞེས་པའི་སྒྲའོ། །ཡི་གེ་རྣམས་ལ་ཝརྞར་བརྗོད། །ཝརྞ་དཀར་པོ་ལ་སོགས་རྣམས། །ཝརྞ་བརྡུང་དཀྲོལ་ཚིག་བཅད་ཁ། །ཝརྞ་གོ་རིག་གཉིས་སྐྱེས་སོགས། ༈ །བ་སུ་ཡི་སྒྲའོ། །བ་སུ་ཉི་མ་བ་སུ་མེ། །བ་སུ་ལྷ་དང་བ་སུ་ས། །བ་སུ་རིན་ཆེན་བ་སུ་རྫས། །བ་སུ་ས་གཞིའི་གཏེར་བརྒྱད་སོགས ༈ །ཨརྫུ་ན་ཞེས་པའི་སྒྲའོ། །མདོག་དཀར་ཨ་རྫུ་ན་ཞེས་བྱ། །སྐྱ་སེང་བུ་ལའང་ཨརྫུ་ན། །ཨརྫུ་ན་ནི་རྩྭ་སྐྱེས་ཏེ། །རི་དང་ལྗོན་པ་ཨརྫུ་ན། ༈ །བ་ལི་ཡི་སྒྲའོ། བ་ལི་མཆོད་པའི་ཉེར་སྤྱོད་དེ། བ་ལི་སྦྱིན་སྐྱེས་དཔོན་དུ་བརྗོད། །བ་ལི་བུད་མེད་དབུས་ཀྱི་ཆ། །རྒྱ་མཚོའི་རླབས་སོགས་ཡང་བ་ལི། །མི་ཟད་རྒས་པ་ཉིད་ལ་བྱ། །བ་ལི་འཆི་མེད་དབྱུག་པ་ཡང༌། །བ་ལི་མཆོད་པ་ཉེ་བར་མཐོར། །བ་ལི་རྒས་པའི་སྡུག་བསྔལ་དང༌། །ལྤགས་དང་སྦོམ་པོ་ཡན་ལག་གོ ༈ །ཨནྟ་རའི་སྒྲའོ། བུ་ག་གོས་དང་བར་མཚམས་མེད་པ་དང༌། །ཡོལ་བས་བཅད་དང་བདག་ལ་ཨནྟར་སྒྲ། །ཕྱི་རོལ་ཕྲད་ལ་ཡང་སྟེ་གསལ་འབར་ལའང། ། ཨནྟར་ཨོཾ་བསོད་དུག་དང་དལ་བར་གནས་ལའོ། ༈ །པ་དའི་སྒྲའོ། པ་ད་ཕྱེ་མ་དང་ནི་རྡོ་ལ་སྟེ། །རྨ་ལ་སོགས་དག་ནགས་
ཀྱི་ནོར་ལ་སྟེ། །དོན་བཞི་རྣམས་སོ་ཡང་སྟེ་རྒྱལ་པོ་ཡི། །བསྟན་པ་སོགས་དང་རྒྱབ་ལ་ཨནྟ་ར། །པ་ད་རྨ་ཡི་དཀྲིས་དང་པ་ད་ས། །འགེགས་པར་བྱེད་དང་གཟེབ་ལའང་པ་ད་སྟེ། །སྲིན་བུ་ལས་སྐྱེ་དར་དང་དར་གྱི་ནི། །དར་དཔྱངས་དེ་ལ་ཡང་སྟེ་གནས་ལའོ། ༈ །ཨ་རིཥྟའི་ངོ་མཚར་གྲུབ་རྟགས་ལའང་འཇུག་སྒྲའོ། །ཨ་རིཥྟ་ནི་བང་མ་སངས་པ་སྟེ། །ཨ་རིཥྟ་ནི་ཁྱིམ་ལ་འདིར་བརྗོད་དོ། །ལྷ་མིན་ཁྱུ་མཆོག་ལ་ཡང་ཨ་རིཥྟ། །བྱ་རོག་ནི་མ་པ་དག་ལའང་ཨ་རིཥྟ། །ཨརིཥྟ་ནི་དགེ་ལེགས་དག་ལའང་ཟེར། ༈ །ཀམྦ་ལའི་སྒྲའོ། ཀམྦ་ལ་ནི་ཞལ་ཞལ་ཏེ། །སྤུ་སྐྱེས་དར་ལའང་ཀམྦལ། །བ་ལང་ལྐོག་ཤལ་ཀམྦ་ལ། །པདྨ་ལམྦ་ལ་རུ་དྲན། ༈ །མཎྜ་ལའི་སྒྲའོ། །མཎྜལ་ནི་ཟླུམ་པོར་རབ་ཏུ་གྲགས། །སྒྲ་དྲག་པོ་ལའང་མཎྜལ་རུ་བརྗོད། །མཎྜལ་ནི་ས་གཞིའི་དུམ་བུ་ལའང༌། ཁྱི་མོའི་ཕྲུ་གུ་ལ་ཡང་མཎྜལ། ༈ །ཀུནྟ་ལ་ཡི་སྒྲའོ། །ཀུནྟ་ལ་ནི་སྒྲ་ཡི་ནང་ཚན་ཏེ། ཀུནྟ་ལ་ནི་ལྷ་ཡི་ངག་ཏུ་བརྗོད། །ཀུནྟ་ལ་ནི་ཐིག་སྐུད་འཛིན་པ་དང༌། །ལག་པ་དང་ནི་ཁ་
འགྲམ་ཀུནྟ་ལ། །སྐྲ་དང་སྐྲ་ཡི་རྩེ་དང་བ་སྤུ་ལ། །ཀུནྟལ་ཏེ་དེ་ནི་མགོ་ལས་སྐྱེས། །ཚོགས་པ་རོག་ཅིག་པ་སྟེ་སྐྲ་ཙམ་ལའང༌། །ལྕང་ལོའི་རྒྱན་ལའང་ཀུནྟ་ལ་ཡིན་ནོ། ༈ །མ་ཎིའི་སྒྲའོ། །མ་ཎི་རྟགས་ཀྱི་རྩེ་དང་སྐལ་བ་ནི། །མ་ཎི་རབ་བརྗོད་སྐལ་ལྡན་རྒྱལ་མཚན་ཏེ། །མ་ཎི་ཁྲོན་པའི་ཁ་རྒྱན་བསྐོར་བར་བརྗོད། །མ་ཎི་པདྨ་རཱུ་ག་ལ་སོགས་སོ། ༈ །ཏནྟྲའི་སྒྲའོ། །ཏནྟྲ་བསྟན་བཅོས་རིགས་རྒྱུད་ཏནྟྲ་སྟེ། །ཏནྟྲ་གྲུབ་པའི་སྨན་གྱི་བྱ་བ་ལ། །ཏནྟྲ་བདེ་བ་ཏནྟྲ་སྟོབས་ལྡན་ཏེ། །རླུང་སྦྱོར་སྒྲུབ་ཐབས་རྣམས་ལ་ཏནྟྲའོ། ༈ །ནཻ་ཏྲའི་སྒྲའོ། །ནཻ་ཏྲ་གོས་ཀྱི་བྱེ་བྲག་ལ། །ནཻ་ཏྲ་མིག་ལ་བསྒྲེགས་པའོ། །ཡོངས་སུ་བསྐོར་བའང་ནཻ་ཏྲར་བརྗོད། །ནཻ་ཏྲ་ཞེས་པ་གླ་རྩི་ལའང༌། ༈ །དྷཱ་ཏུའི་སྒྲའོ། །རླུང་སོགས་རང་བཞིན་དྷཱ་ཏུར་སྨྲ། །དྷཱ་ཏུ་བྲག་ལས་བྱུང་བའི་རིགས། །བྱ་བ་དངོས་བདག་དྷཱ་ཏུ་སྟེ། །དྷཱ་ཏུ་ལུས་ཀྱི་བཅུད་སོགས་ལའོ། ༈ །སུ་དྷཱའི་སྒྲའོ། །སུ་དྷཱ་འོད་ལྡན་གཞལ་མེད་ཁང་ཡིན་ཏེ། །སུདྷཱ་རྫས་དང་སུ་དྷཱ་གློག་ཏུ་དྲན། །སུ་དྷཱ་ཁ་ཟས་དུས་ཅིག་བར་ཤེས་བྱ། །སུ་དྷཱ་ཀྱུ་རུ་སུ་དྷཱ་ཆུ་འདྲེན་པའོ། ༈ །ཀཎྜའི་སྒྲའོ། །ཀཎྜ་དཱ་སྟེ་སྲང་ལའང་ཀཎྜའོ། །ཀཎྜ་དམ་བཅའ་ལ་ཡང་རྣམ་པར་སྨྲ། །ཀཎྜ་ཏིང་ཤགས་སྟོབས་ལྡན་ཀཎྜའོ། །ཀཎྜ་ཤིང་གི་རྩ་བ་ལ་ཡང་ངོ༌། ༈ །བེ་ལཱ་ཡི་སྒྲའོ། བེ་ལཱ་དུས་ཀྱི་བྱེ་བྲག་སྟེ། བེ་ལཱ་རྒྱ་མཚོའི་ཆུ་གཉེར་ཡིན། །བེ་ལཱ་འུར་ཆེམ་སྐྱོད་པ་སྟེ། །བེ་ལཱ་བྲག་ཕུག་ཁོང་གི་སྒྲ། ༈ །ཀྵ་ཎའི་སྒྲའོ། །དགའ་བ་བསྐྱེད་དང་མཁར་ལྕགས་རི། །
ཆུ་ཚོད་གཉིས་དང་དེ་བཞིན་བསྒྲིགས། །ཀྵ་ཎའི་སྒྲ་ནི་གནས་སྐབས་ཏེ། །དུས་ལ་ཡང་ནི་ངེས་པར་བརྗོད། ༈ །བྷྲུ་ཎའི་སྒྲའོ། །འཇིགས་པ་བྷྲུ་ཎ་བྲམ་ཟེ་སྟེ། །བྷྲུ་ཎ་མངལ་དང་བུད་མེད་བུ་ཤོར་ལ། །བྷྲུ་ཎ་སྒོང་སྐྱེས་བྱིས་པའོ། བྷྲུ་ཎ་སྨྱོན་པ་ལ་ཡང་བརྗོད། ༈ །ཨིནྡྲིའི་སྒྲའོ། །གཙོ་བོ་ཨིནྡྲ་ཞེས་པར་བཤད། །ལྷ་ཡི་རྒྱལ་བོ་ཨིནྡྲར་སྨྲ། །སྒྲ་སོགས་ལྔ་ཡི་ཡུལ་ཅན་ལ། །དབང་པོའི་ཐ་སྙད་གྲགས་ཞེས་བརྗོད། ༈ །ཨ་ཧི་ཞེས་པའི་སྒྲའོ། །ཨ་ཧི་ལྷ་མིན་ཁྱད་པར་ཏེ། །ཉི་མ་ཨ་ཧི་རྒྱལ་མཚན་ལ། །ལག་འགྲོ་ཨ་ཧིར་ཡང་དག་བརྗོད། །སེང་གེའི་ཕྲུ་གུ་ཡང་ཨ་ཧིའོ། ༈ །བྱཱ་ལ་ཞེས་བའི་སྒྲའོ། །བྱཱ་ལ་སྤྲུལ་ཏེ་བྱཱ་ལ་གཅན་གཟན་ནོ། །བྱཱ་ལ་ཁ་ཞེ་འགལ་བའི་གཡོ་ལ་བྱེད། །བཀའ་དྲིན་ལྡན་པ་ལ་ཡང་བྱཱ་ལ་སྟེ། །བྱ་ལོ་ལ་ཡང་བྱཱ་ལ་ངེས་པར་བརྗོད། ༈ །དྷེ་ནུའི་སྒྲའོ། །འོ་མ་འཇོ་བར་བྱེད་མཁན་དྷེ་ནུ་སྟེ། །དྷེ་ནི་གླང་ཆེན་མོ་ནི་ཕྲུ་བུ་འབྲངས། །རལ་གྲི་ཆུང་ངུ་ཡང་ནི་དྷེ་ནུར་དྲན། དྷེ་ནུ་བརྟན་དང་ཞི་བར་བྱེད་པའོ། ༈ །པྲྀ་ཥའི་སྒྲའོ། །པྲྀ་ཥ་ཆོས་ཏེ་པྲྀ་ཥ་གཙོ་བོ་ཡིན། པྲྀ་ཥ་བ་ལང་བྲྀ་ཥ་ལྐུགས་པ་དང༌། །བྲྀ་ཥ་ཟུར་བུ་བྲྀ་ཥ་འདོད་ཆགས་ཏེ། །བྲྀ་ཥ་ཎ་གླང་ལའང་བྲྀ་ཥར་བརྗོད་པའོ། ༈ །ཤ་ལིའི་སྒྲའོ། །ཤ་ལི་བླུན་པོ་ཤ་ལི་དུས་ལ་སྟེ། །ཤ་ལི་བུང་བ་ཤ་ལི་ག་ཏའི་དབྱུག །ཤ་ལི་སྦྲུལ་གྱི་བྱེ་བྲག་ཉིད་ལ་འཇུག །ཤ་ལི་རྩོད་པ་ལ་ཡང་བཤད་པའོ། ༈ །ཡོ་གའི་སྒྲའོ། །ཡོ་ག་འོད་ཟེར་བྱེ་བྲག་ཡིན། །མཉམ་པར་སྦྱོར་ལའང་ཡོ་གར་བརྗོད། །ཡོ་ག་བཟང་པོའི་
ལུང་ཐོབ་པ། །ཏིང་ངེ་འཛིན་ལའང་ཡོ་གར་བཤད། ༈ །ཤཱི་ཏའི་སྒྲའོ། །ཤཱི་ཏ་དཔལ་མོ་བཟོད་པའང་ཤཱི་ཏ་སྟེ། །ཤཱི་ཏ་མས་ཀྱི་བདག་པོའི་ལྷ་ཉིད་ཡིན། །ཤཱི་ཏ་མགོ་དང་ཤཱི་ཏ་རྒྱལ་མཚན་ལྷ། །ཤཱི་ཏ་གངྒ་ལ་ཡང་འདོད་པ་ཡི། ༈ །ན་བྷིའི་སྒྲའོ། །ཐོག་མའི་རྒྱལ་རིགས་དག་ལ་ན་བྷི་སྟེ། ན་བྷི་འཁོར་ལོའི་ལྟེ་བ་དག་ལ་བརྗོད། །ཉེ་དུ་སྐྱོང་བ་ལ་ཡང་ན་བྷི་སྟེ། །ལྟོ་བའི་འོག་ཕྱོགས་ལྟེ་བའང་ན་བྷིར་འདོད། ༈ གོ་ཏྲའི་སྒྲའོ། །གོ་ཏྲ་མིང་དང་གོ་ཏྲ་རུས། །ས་གཞི་འཛིན་ལའང་གོ་ཏྲའོ། །ནོར་འཛིན་གོ་ཏྲར་རིག་པར་བྱ། །བདེན་པའི་ངག་ལའང་གོ་ཏྲར་དྲན། ༈ གྷ་ནའི་སྒྲའོ། །གྷ་ན་སྤྲིན་ཏེ་གྷན་མཁར་གཞོང་ངོ༌། །མཁར་དཀྲོལ་སྒྲ་དང་སྒྲ་ལ་གྷ་ནར་བརྗོད། །ཚོགས་ལ་གྷ་ན་རྟག་པ་གྷ་ན་སྟེ། ལྕགས་ཀྱི་ཐོ་བ་ཡང་ནི་གྷ་ནར་བརྗོད། །བྲ་བཱ་ལའི་སྒྲའོ། །པི་ཝཾ་དབྱུག་པ་དྲ་བཱ་ལ། །ལོ་མ་གསར་པའང་བྲ་བཱ་ལ། །བྱི་རུ་བྲ་བཱ་ལ་རབ་བརྗོད། །གླང་ཆེན་ཤམ་མ་ལི་ཡང་ངོ༌། ༈ །ཀོ་ཎའི་སྒྲའོ། །ཀོ་ཎ་འདུག་གནས་དང་དགའ་བ། ཀོ་ཎ་ཟུར་དང་བྱེ་བར་དྲན། །ཀོ་ཎ་པི་ཝཾ་ལ་སོགས་སྒྲོག ༈ །རཱ་མའི་སྒྲའོ། །རཱ་ན་བུད་མེད་གཤིན་རྗེ་མེ་ཡི་བུ། །དགའ་བྱེད་དགའ་བྱེད་དཀར་དང་དཀར་མིན་དང༌། རཱ་མ་ཕྱུགས་ཀྱི་བྱེ་བྲག་དང༌། །ཤིང་རྟ་བཅུད་པ་བདག་སྐྱེས་སོ། ༈ །ཏཱ་ལའི་སྒྲའོ། ཏཱ་ལ་དུས་དང་ལས་བྱེད་ལ། །ཏཱ་ལ་ས་འོག་འདོད་པ་ཡིན། །ལྗོན་པའི་ནང་ཚན་ཏཱ་ལར་དྲན། །ཏཱ་ལ་ལག་མཐིལ་བརྡབས་པའི་སྒྲ། ༈ །ཀཥྟཱའི་སྒྲའོ། །ཀཥྟཱ་དུས་ལའོ་ཀཥྟཱ་ཕྱོགས། ནོར་འཛིན་ཀཥྟཱར་རབ་ཏུ་བརྗོད། །དུས་ཀྱི་ཁྱད་པར་ཀཥྟཱ་ཡིན། །ཀཥྟཱ་ཤིང་ལ་རབ་ཏུ་བརྗོད།
༈ །པ་ལཱ་ཤའི་སྒྲའོ། །པ་ལཱ་ཤ་ནི་སྲིན་པོར་བརྗོད། །པ་ལཱ་ཤ་ནི་འགེབས་པར་དྲན། ཁ་དོག་ལྗང་ཁུ་པ་ལཱ་ཤ །མིག་འཛུམ་ཚད་ཀྱང་པ་ལཱ་ཤར་བརྗོད་དོ། ༈ །ས་ཏྲའི་སྒྲའོ། །ས་ཏྲ་ཁང་པ་ནགས་ལའང་ས་ཏྲ་སྟེ། །ས་ཏྲ་འབྲུ་སོན་རྣམས་ལའང་དྲན། །ས་ཏྲ་འབྲས་དང་ས་ཏྲ་ནོར། །ས་ཏྲ་ལེགས་སྤྱོད་ལ་ཡང་སྨྲོས། ༈ །ཀལྤའི་སྒྲའོ། །ཀལྤ་སྒྱུ་རྩལ་རྣམས་བདེ་སྐྱིད། །ནད་མེད་པ་ལའང་ཀལྤར་ཤེས། །དུས་ལའང་ཀལྤར་རབ་ཏུ་བརྗོད། །མྱོས་བྱེད་འདི་ལའང་ཀལྤར་དྲན། ༈ །བིཥྟི་ར་ཡི་སྒྲའོ། །བིཥྟ་ར་ནི་རྨ་བྱའི་སྒྲོ་ཆུན་ཏེ། །གདན་ལའང་བིཥྟ་ར་རུ་ཤེས་པར་བྱ། །འདིར་ནི་དབང་པོའང་བིཥྟ་ར་རུ་བརྗོད། །བིཥྟ་ར་ནི་མཆོད་སྦྱིན་ལ་ཡང་སྨྲ། ༈ །ས་མི་ཏིའི་སྒྲའོ། །གྲལ་བསྒྲིགས་ས་མི་ཏི་རུ་བརྗོད། །གཡུལ་འཐབ་ལ་ཡང་ས་མི་ཏི། །མཚོན་ཆ་ས་མི་ཏི་རུ་དྲན། །གྲོགས་བཟང་ས་མི་ཏི་རུ་འདོད། ༈ །སི་ཏའི་སྒྲའོ། སི་ཏ་རྒན་པོ་སི་ཏ་དཀར། །སི་ཏ་དངུལ་དུ་འདོད་པ་སྟེ། །སྒྲོ་ལྡན་ལ་ཡང་སི་ཏར་ཤེས། །སི་ཏ་སྦྱིན་སྐྱེས་མདུན་ན་འདོན།༈ །ཙི་ཏྲ་ཀའི་སྒྲའོ། །ཙི་ཏྲ་ཀ་ནི་ཐིག་ལེར་རབ་ཏུ་བརྗོད། །བརྗོད་དོ་ཙི་ཏྲ་ཀ་ནི་གཟིག་ལ་འདོད། །ཙི་ཏྲ་ཀ་ནི་གདོང་གི་བཀྲག་མདངས་ལ། །ནང་གི་བྱེད་པ་ཙིཏྲ་ཀ་ཡིན་ནོ། ༈ །དྷཱ་ཏྲཱི་ཡི་སྒྲའོ། ཁམས་རྣམས་དྷཱ་ཏྲཱིར་མངོན་པར་བརྗོད། །དྷཱ་ཏྲཱི་སྐྱུ་རུའི་ཤིང་ལ་འདོད། །དྷཱ་ཏྲཱི་ས་གཞིར་བརྗོད་པ་སྟེ། །དྷཱ་ཏྲཱི་ནུ་མ་སྦྱིན་པ་ལ། ༈ །དྲོ་ཎའི་སྒྲའོ། །དྲོ་ཎ་སྒྲ་ངན་སློན་དཔོན་ཏེ། །དྲོ་ཎ་ཞེས་པ་བྱ་རོག་དྲན། །དྲོ་ཎ་ཞེས་པ་བྱ་རོག་དྲན། །དྲོ་ཎ་རི་ཡི་ཁྱད་པར་ལ། །དྲོ་ཎའི་ཤིན་དུ་བཞུ་བའི་སྦྱང་བ་ལ། །
ཤུ་ཀྲའི་སྒྲའོ། །ཤུ་ཀྲ་ལྷ་མིན་བླ་མར་བརྗོད། །ཤུ་ཀྲ་ཟླ་རེར་སྦྱིན་སྲེག་སྟེ། །ཤུ་ཀྲ་སྟོབས་ཀྱི་ཁྱད་པར་རོ། །ཤུ་ཀྲ་ནང་གི་དངོས་པོ་ཡང༌། །ཤུ་ཀྲ་སྐར་མ་ལ་ཡང་བརྗོད། ༈ །རོ་ཧི་ཏའི་སྒྲའོ། །དབང་པོའི་ཆད་པ་རོ་ཧི་ཏ། །རོ་ཧི་ཏ་ནི་ཉའི་གཙོ་བོ། །མདོག་དམར་ལུས་ཀྱང་རོ་ཧི་ཏ། ༈ །བ་ལའི་སྒྲའོ། །བ་ལ་བསྐྱོད་འགྲོས་བ་ལ་དཔུང༌། །བ་ལ་བདེན་པ་བ་ལ་སྨན། །ནོར་བུའི་འོད་ཀྱང་བ་ལ་སྟེ། །བ་ལ་ལྷ་མིན་དཔལ་དང་ས། ༈ །པར་རི་གྲ་ཧ་ཞེས་པའི་སྒྲའོ། པ་རི་གྲ་ཧ་གཉིས་སྐྱེས་ཀྱིས་ལེན་པ། །དམག་གི་རྗེས་འགྲོ་པ་རི་གྲ་ཧའོ། །པ་རི་གྲ་ཧ་ནུ་ཁེབས་ལ་ཡང་སྟེ། །སོ་སོར་གནོད་བྱེད་པ་རི་གྲ་ཧའོ། ༈ །ཀ་དཾ་པ་ཞེས་པའི་སྒྲའོ། །མ་ཡར་ཀ་དམ་པ་ཞེས་ཏེ། །ཐོར་ཅོག་ཀ་དམ་པ་རུ་བརྫོད། །ཀ་དཾ་པ་ནི་ཤིང་ནང་ཚན། །སྐྱེས་བུ་ཡོན་ཏན་མེད་པ་ལའང༌། ༈ །པྲི་ཡ་ཀ་ཞེས་པའི་སྒྲའོ། །རི་དྭགས་དབང་རིག་པྲི་ཡ་ཀ །པྲི་ཡ་ཀ་ནི་སྙིང་ཉེའི་མཆོག །མུ་ཏིག་ལ་ཡང་པྲ་ཡ་ཀ །ཙི་ཏྲ་ཀ་ཡི་ས་བོན་ལ། །པྲི་ཡ་ཀ་ནི་འདབ་ཆགས་བཞད། །སྟག་རིས་དག་ལ་པྲི་ཡ་ཀ །པྲི་ཡ་ཀ་ནི་བཀོད་ཤོམས་ལེགས། །གྲོལ་དོན་དཀའ་སྤྱད་པྲི་ཡ་ཀ ༈ །ཙཀྲ་ཞེས་པའི་སྒྲའོ། །ཙཀྲ་འདབ་ཆགས་བྱེ་བྲག་སྟེ། །ཙཀྲ་ཤིང་རྟའི་ཡན་ལག་མཚོན། །ཙཀྲ་རྒྱལ་སྲིད་བཟང་ཚོགས་ལ། །ཙཀྲ་སྐོར་བ་བྱེད་ལ་འདོད། །བུ་ཊའི་དབྱེ་བ་རྣམས་ཙཀྲ། །ཆུ་ཡི་དོང་དང་ཆུ་འཁོར་ལའོ། ༈ །སྭ་ར་ཞེས་པའི་སྒྲའོ། །སྭ་ར་ཁྱོད་ཉིད་བདེན་པར་རིག །སྭ་ར་རི་མོ་མཁན་ལ་བརྗོད་འདིར་
རྒྱ་དཔེ་ལ་ཡིག་འབྲུ་བཞི་ཆད། །སྭ་ར་ཡང་ནི་སྐྱེས་བུའི་མཆོ །སྭ་ར་བོང་བུ་ལ་རབ་བརྗོད། །ཐ་སྙད་མཁས་ལའང་སྭ་ར་འོ། ༈ །ཛཱ་ཏའི་སྒྲའོ། །ཛཱ་ཏི་ལྷན་ཅིག་སྐྱེས་པར་བཤད། །མཱ་ལ་ཏི་ལའང་ཛཱ་ཏིར་བརྗོད། །ཛཱ་ཏི་རུས་སོགས་སྐྱེ་བ་ལའང། །ཐབ་ཁ་ལ་ཡང་ཡོངས་སུ་བརྗོད། ༈ །ཕ་ཎཱ་ཞེས་པའི་སྒྲའོ། །བ་གླང་ར་ཅོ་ཕ་ཎཱར་ཤེས། །ལག་འགྲོའི་གདེང་ཀ་ཕ་ཎཱ་སྟེ། །ཕ་ཎཱ་རལ་པ་ཕ་ཎཱ་སྲེད། །ཕ་ཎཱ་སྲུབ་དང་འཁྱིལ་བ་ལ། ༈ །ཏཱི་ལ་ཀའི་སྒྲའོ། །ལྗོན་ཤིང་ནད་ཚན་ཏཱི་ལ་ཀ །ཏཱི་ལ་ཀ་ནི་ཐིག་ལེ་རིས། །ཟླ་བའི་མིང་ལའང་ཏཱི་ལ་ཀ །གཙོ་བོའང་ཏཱི་ལ་ཀ་རུ་འདོད། །ཏཱི་ལ་ཀ་ནི་རི་མོ་མཁན་རབ་བརྗོད། །མཛེས་པའི་རི་མོའང་ཏཱི་ལ་ཀ །ནང་དང་ཤིང་གི་བྱེ་བྲག་དང༌། །ནམ་མཁའ་ཉི་མའི་གཟི་བརྗིད་ལའོ། གནྡྷརྦྷ་ཡི་སྒྲའོ། །གནྦྷརྦྷ་ནི་ལྷ་ཡི་ལུས། །མགྱོགས་འགྲོ་ལའང་གནྡྷརྦྷ། །དྲན་པ་གླུ་དབྱངས་གནྡྷརྦྷ། །གནྡྷརབྷ་ནི་རི་དྭགས་གསོ། ༈ །ཤྲྀངྒ་ཞེས་པའི་སྒྲའོ། །ཤྲྀངྒ་གཙོ་བོར་འདོད་པ་སྟེ། །ཤྲྀངྒ་རི་རྩེར་རིག་པར་བྱ། །ཤྲྀངྒ་ཞེས་པ་རྭ་ཅོ་སྟེ། །སྒྲ་རིག་མཛོད་ལའང་གསལ་བར་བཤད། ༈ །ཤཱ་རཾ་གའི་སྒྲའོ། །ཤཱ་རཾ་ག་ནི་ཆར་སྡོད་བྱེའུ། །ཤཱ་རཾ་ག་ནི་གླང་པོར་འདོད། །ཤཱ་རཾ་ག་ནི་རི་བོར་ཤེས། །ཤཱ་རཾ་ག་ནི་ཁྲི་སྙན་ཏེ། །བུང་བ་འཐུང་བྱེད་ཤཱ་རཾ་ག །དེ་བཞིན་གཞུ་ལའང་ཤཱ་རཾ་ག །ཆགས་པས་ཕྲད་འདོད་ཤཱ་རཾ་ག །ཤཱ་རཾ་ག་ནི་སྤྲིན་ལ་བརྗོད། །རྒྱ་མཚོ་ལ་བརྗོད་ཤཱ་རཾ་ག །ཆུ་ལས་སྐྱེས་པ་ལ་ཡང་ངོ༌། །ཤཱ་རཾ་ག་ནི་སེང་གེའི་རིགས། །དུང་དང་མར་མེ་དག་ལ་ཡང༌། །རོལ་མོའི་དབྱེར་བ་ཤཱ་རཾ་ག །གདངས་དབྱངས་ཤཱ་རཾ་ག་རུ་བརྗོད།
ངང་པའི་རིགས་ལའང་ཤཱ་རཾ་གཁུ་བྱུག་ཤཱ་རཾ་ག་ཡིན་ནོ། ༈ །ཀ་ར་ཎའི་སྒྲའོ། །ས་བོན་ཀ་ར་ཎ་ར་རིག་བྱ། །ཀ་ར་ཎ་ནི་ཞིང་ལ་བརྗོད། །རིགས་ཀྱི་བྱེ་བྲག་ཀ་ར་ཎ། །ཀ་རི་ཎ་ནི་དབང་པོ་རྣམས། ༈ པུཎྜ་རི་ཀའི་སྒྲའོ། །སྟག་ནི་པུཎྜ་རི་ཀར་དྲན། །ཆུ་སྣོད་རིལ་བ་པུཎྜ་རི། །པུཎྜ་རི་ཀ་ཁ་དོག་དཀར། །ཆུ་སྐྱེས་དཀར་པོ་པུཎྜ་རི། །ཆུ་སྐྱེས་དམར་པོའང་དེ་བཞིན་ནོ། །མགོ་སྐྱེས་པུཎྜ་རི་ཀར་བརྗོད། ༈ བྷཱུ་ཏའི་སྒྲའོ། །བུ་དང་ས་ལ་སོགས་དག་དང༌། །འདས་པའི་དུས་དང་སྲིད་པོ་དང༌། །སྲོག་འཇོམས་རྣམས་དང་འབྱུང་པོའི་སྒྲ། ༈ །ཨཥྟཱ་པ་དའི་སྒྲའོ། །ཨཥྟཱ་པ་ད་རིན་པོ་ཆེ། །གསེར་ཡང་ཨཥྟཱ་པ་དར་དྲན། །ཨཥྟཱ་པ་ད་ཤ་ལའི་འབྲུ། །སྐེམ་པོའི་རིགས་ལའང་ངེས་པར་དྲན། ༈ །བཱ་ལའི་སྒྲའོ། །བཱ་ལ་སྒྲ་སྟེ་བཱ་ལ་ཆུ། །ཙ་ནི་ཀ་ཤ་བཱ་ལར་འདོད། །བཱ་ལ་ལྐུག་པ་བྱིས་པ་ལའོ། །བཱ་ལ་ཤུགས་ལ་བསམ་པར་བྱ། ༈ །བཱ་ལ་ཀའི་སྒྲའོ། །མཁའ་སྤྱོད་སྟག་ལ་བཱ་ལ་ཀ །བཱ་ལ་ཀ་ནི་རྒྱ་ཆེར་དྲན། །བཱ་ལ་ཀ་ནི་དྲི་ཡི་རྫས། །རལ་པའི་ཁུར་ལའང་བཱ་ལ་ཀ ༈ །ཤྱཱ་མའི་སྒྲའོ། །ཤྱཱ་མ་མཚན་མོའི་དུས་དང་བརྟན་པོ་ལ། །ཤྱཱ་མ་བུད་མེད་ལང་ཚོ་ལྐུག་མ་ལ། ཤྱཱ་མ་སྙིང་ཉེ་བ་དང་བརྗིད་ལྡན་ལ། །སྨད་འཚོང་རྒན་མོ་ལ་ཡང་ཤྱཱ་མར་བརྗོད། ༈ །ཤུ་བྷའི་སྒྲའོ། །ཤུ་བྷ་བདུད་རྩི་ཤུ་བྷ་བདེན་པ་དང༌། །ཕན་བྱེད་འོ་མ་ལ་ཡང་ཤུ་བྷར་འདོད། །ཤུ་བྷ་བཀྲ་ཤིས་ཤུ་བྷ་མཛེས་པ་དང༌། །ཤུ་བྷ་ཨ་རུ་ར་ལ་མངོན་པར་བརྗོད། ༈ །གུ་རུའི་སྒྲའོ། །གུ་རུ་ཕ་དང་གུ་རུ་གཙོ་བོ་དང༌། །གུ་རུ་ལྷ་མིན་མདུན་ན་འདོན་ཡིན་ཏེ། །རྒས་ཆེས་པ་ལའང་གུ་རུར་རབ་ཏུ་བསྒྲགས། །
སློབ་མར་མངོན་དབང་བསྐུར་བའང་གུ་རུར་བརྗོད། ༈ །ཀཱནྟཱ་ར་ཞེས་པའི་སྒྲའོ། །ཀཱནྟཱ་ར་ནི་ནགས་ཚལ་ལ་རབ་བརྗོད། །ཟས་གཡོས་སྟོན་པ་ལ་ཡང་ཀཱནྟཱ་ར་བརྒྱ་བྱིན་བུ་ཙ་ཤཱས་ན། །ཀཱནྟཱ་ར་ནི་བུར་ཤིང་བྱེ་བྲག་ལའང༌། །ཀཱནྟཱ་ར་ནི་ཡུལ་སྟོང་ཕོ་བ་ལའོ། ༈ །ཁ་བརྫུ་རའི་སྒྲའོ། །འབྲས་བུའི་ནང་ཚན་ཁ་རྫུ་ར། ཁ་རྫུ་ར་ནི་དངུལ་ཉིད་དྲན། །ཆུང་ངུའི་རིགས་ལའང་ཁརྫུ་ར། ཁ་རྫུ་ར་ནི་རྩ་མཆོག་གོ །ཞེས་པ་ནི་དཔལ་དུ་མའི་དོན་གྱི་སྒྲའི་སྙེ་མ་ལས་ཚིགས་སུ་བཅད་པ་དང་པོར་བསྟན་པའོ། ༈ །ཨཀྵའི་སྒྲའོ། །ཨཀྵ་ཤིང་གི་བྱེ་བྲག་སྟེ། །སྐྱེས་བུ་ཨཀྵ་དབང་པོའོ། །བརྐོ་ལས་མཁན་དང་ཨུཏྤལ། །ཐིག་ལེ་ཨཀྵ་ཉུང་ངུའོ། ༈ །གུ་རུའི་སྒྲའོ། །ཚིག་རྐང་དང་པོ་གཉིས་གོང་བཞིན། གུ་རུ་བླངས་ཐོབ་སློབ་མར་ཉེར་ཕན་ལ། །གུ་རུ་རྒྱལ་པོ་དང་ནི་ཕུར་བུ་ལ། །གུ་རུ་བུད་མེད་ཐལ་མོའི་སྒྲ་ལ་བཤད། །ཕ་མེས་དགའ་བྱེད་ལྷ་དང་མཛེས་པ་ལ། །རག་དང་ཁྱོད་ཅེས་པ་ལའང་གུ་རུའོ། །གུ་རུ་རྒྱལ་པོའི་ཁང་པར་རབ་བཤད་དེ། །རྒྱུ་སྐར་མཆུ་དར་གཞོན་ནུ་དག་ལ་ཡང༌། །གུ་རུ་ཟླ་བ་དང་ནི་ཉི་མ་ལའང༌། །གུ་རུ་སྟོབས་བཟང་ལྷ་དང་རྒྱུད་ཆད་ལ། །མ་ཧེ་བོང་བུ་ལག་པ་འཆི་མེད་གྲུང༌། །རྒྱལ་པོ་བྷ་ར་ཏ་ལའང་གུ་རུར་སྨྲ། ༈ །པཱ་རཱ་ཤ་ཞེས་པའི་སྒྲའོ། །པཱ་རཱ་ཤ་ནི་འབྲུ་སུ་བ་ཀ་བརྞ་བ་ཏེ་ཚོན་བསྒྱུར་བ་ལ་ཟེར་ཚོགས་བཀྲབས་པ་ལ། །པཱ་རཱ་ཤ་ནི་དགའ་འབྱེད་མཚན་ལྡན་དག །པཱ་རཱ་ཤ་ནི་འཇིགས་པའི་སྒྲ་ཡིན་ཏེ། རྒྱལ་པོ་དགྲ་བོ་ཉམས་པའང་པཱ་རཱ་ཤ །པཱ་རཱ་ཤ་ནི་རི་བོར་བརྗོད། མཚན་མོའི་དཀར་མིན་པཱ་རཱ་ཤ །པཱ་རཱ་ཤ་ནི་སྤྲིན་གྱི་སྒྲ །གཤིན་རྗེའི་ཁོལ་པོ་
པཱ་རཱ་ཤ༽ །པཱ་རཱ་ཤ་ནི་རིན་པོ་ཆེ། མུ་ཏིག་ཡང་ནི་པཱ་རཱ་ཤ །དངུལ་གྱི་རིགས་ཀྱི་ཁ་དོག་ལའོ། །བཻཌཱུ་རྻ་དང་ནོར་བུ་རྣམས། །རྫས་ཞེས་བྱ་བའང་པཱ་རཱ་ཤ །ཞོ་དང་རྒྱ་མཚོ་པཱ་རཱ་ཤ །རི་དྭགས་ནག་པོའང་དེ་བཞིན་ནོ། །པཱ་རཱ་ཤ་ནི་གསེར་གྱི་མདོག །པཱ་རཱ་ཤ་ནི་དུག་དང་མར། །སྦྲང་རྩི་དང་ནི་ཕྱི་རོལ་ལོ། །ས་གཞི་ལ་ཡང་པཱ་རཱ་ཤ གླང་པོ་ཆེ་དང་ཕྲག་པ་ལ། །པཱ་རཱ་ཤ་འོ་དེ་བཞིན་དུ། །ཤིང་ལོ་གསར་འཇམ་པཱ་རཱ་ཤའོ། །རྔ་ཟླུམ་ལ་ཡང་པཱ་རཱ་ཤའོ། །སིལ་ཀྲོལ་དང་ནི་ཀ་པ་ལ། །རལ་གྲི་ལྷུང་བཟེད་པཱ་རཱ་ཤ །དེ་རིང་དུས་ལའང་པཱ་རཱ་ཤ །མང་པོ་དང་ནི་རྐང་པ་ལ། །སྦྲང་རྩི་འཐུང་དང་གནས་དང་ནི། ཁྱིམ་གྱི་ཤིང་སྡོང་པཱ་རཱ་ཤ །པཱ་རཱ་ཤ་ནི་བསྐལ་དུས་ལའང༌། །ནེ་ཚོ་ཅོལ་ཆུང་པཱ་རཱ་ཤ །པཱ་རཱ་ཤ་ནི་གཞོན་པ་སྟེ། །སྐྱེ་བོ་དམ་པའང་པཱ་རཱ་ཤ །པཱ་རཱ་ཤ་ནི་ཡན་ལག་སྦས། །འདོད་པའི་ལྷ་ལའང་པཱ་རཱ་ཤ །ཙན་དན་དམར་འདི་པཱ་རཱ་ཤའོ། །དོ་ཤལ་རྐང་གདུབ་པཱ་རཱ་ཤ །པཱ་རཱ་ཤ་ནི་དྲིལ་ཆུང་འཕྲེང༌། ༈ །རཱ་མ་ཞེས་པའི་སྒྲའོ། །རཱ་མ་ཉིད་དང་ནམ་མཁའ་ལ། རཱ་མ་རི་དང་རི་བོར་བརྗོད། །རཱ་མ་གཤིན་རྗེའི་ལྷ་ཡིན་ཏེ། །རཱ་མ་རྒྱ་མཚོ་དག་ལ་ཡང༌། །ས་གཞི་ཡང་འདིར་རཱ་མ་ཡིན། །མང་པོ་ལ་ཡང་རཱ་མར་དྲན། །རཱ་མ་རྔ་བོ་ཆེ་ཡིན་ཏེ། །གཏམས་ཏེ་བཞག་དང་རི་མཆོག་ལ། །རཱ་མ་ངོ་མཚར་དུས་ཡིན་ཏེ། །རཱ་མ་ནགས་ཀྱི་ལྷ་ལའོ། །རཱ་མ་རི་མོ་སྦས་པ་སྟེ། །རཱ་མ་དབང་པོའི་ལྷ་རུ་བཤད། །རཱ་མ་ནོར་ལྷའི་བུ་ཡིན་ཏེ། །རཱ་མ་རྒྱས་བཏབ་མ་བཤིག་པ། །རཱ་མ་ཆུ་ཡི་སྲོག་ཆགས་དང༌། །དེ་བཞིན་སྟོབས་
ནི་གསུམ་པ་ལ། །རཱ་མ་མུ་ཏིག་ཅན་ཡིན་ཏེ། །ཨ་རྫུ་ན་ཤིང་དེ་བཞིན་ནོ། །རཱ་མ་གྲངས་ནོར་བ་ལ་བཤད། །དེ་བཞིན་སྐྱེ་བོའི་ཡིད་ལ་ཡང༌། །རཱ་མ་མཚན་མོ་རྒྱུ་བ་སྟེ། །དད་པ་ཅན་ཡང་རཱ་མ་ཡིན། །རཱ་མ་དྲ་བ་བྱི་པ་སྟེ། །རཱ་མ་བ་ཊའི་ཤིང་སྡོང་ལ། །རཱ་མ་གླང་པོའི་ཕྲུག་གུ་སྟེ། །རི་བོའི་ནགས་ལ་ཡང་རཱ་མ། །རཱ་མ་དཀར་དང་དཀར་མིན་ལ། །རི་དྭགས་བྱེ་བྲག་རཱ་མ་ཡིན། །རཱ་མ་ཤིང་རྟ་བཅུ་པའི་བུ། ༈ ཤུ་ཀྲ་ཞེས་པའི་སྒྲའོ། ཤུ་ཀྲ་སྦྱིན་སྐྱེས་བླ་མར་བརྗོད། །ཤུ་ཀྲ་སྡིག་པ་རླག་བྱེད་ལ། །ཤུ་ཀྲ་ཟླ་བའི་བྱེ་བྲག་སྟེ། །ཐོབ་ཅེས་པ་ལའང་ཤི་ཀྲར་བརྗོད། ༈ །བཱིཪྱ་ཞེས་པའི་སྒྲའོ། །བཱིཪྱ་ཁུ་བ་སྟོབས་ཞེས་བྱ། །བཱིཪྱ་ས་བོན་ལ་རབ་བརྗོད། །བཱིཪྱ་ནོར་མངས་ཚོགས་པ་ལ། །བཱིཪྱ་ཡིད་དང་ཟ་བ་དག །བཱིཪྱ་ཚངས་དབང་ཁྱབ་འཇུག་ལྷ། །ས་བདག་དགའ་བྱེད་བཱིཪྱ་བརྗོད། །ལྷ་དང་དཀའ་ཐུབ་བཱིཪྱ་སྟེ། །བཱིཪྱ་ཟླ་བ་ཉི་མ་དག །རྒྱན་དང་བྱ་རོག་བཱིཪྱར་ཤེས། །ཤིང་རྟས་འགྲོ་བའང་བཱིཪྱ་ཡིན། །བཱིཪྱ་ལངྒའི་གྲོང་ཁྱེར་དང༌། བཱིཪྱ་ཞེས་པ་འདམ་ལས་སྐྱེས། །བཱིཪྱ་ར་དགུ་དགའ་བའོ། ༈ །བུ་ཛཾ་ག་ཞེས་པའི་སྒྲའོ། །པི་ཝང་སིལ་སྙན་གཉིས་སྐྱེས་དང༌། །ཆར་པ་རྣམས་ལ་བུ་ཛཾ་ག །བུ་ཛཾ་ག་ནི་སྤྲིན་རྨུགས་དང༌། །སྐྱེས་བུའི་ཡན་ལག་མ་མཆོག་གོ ༈ །དྭི་ཛ་ཞེས་པའི་སྒྲའོ། །དྭི་ཛ་རྒྱལ་པོ་ས་སྐྱོང་ལ། །དྭི་ཛ་འགྲོ་བ་འཇོམས་པའི་ལྷ། །དྭི་ཛ་བྲམ་ཟེ་ཉ་ཕྱིས་དང༌། །དྭི་ཛ་རྭ་དང་རི་ལའོ། །དྭི་ཛ་མཛོད་དང་བསྐྱེད་པ་ལ། །དྭི་ཛ་བདག་པོའི་བརྟུལ་ཞུགས་ལ། །དྭི་ཛ་སྦྲུལ་གྱི་སྐྱེ་བ་ལ། །དྭི་ཛ་ཉི་མའི་ཉེ་འཁོར་སྐྱེ། །དྭི་ཛ་པདྨའི་གདན་ཅན་མ། །དྭི་ཛ་གཤིན་རྗེའི་རིགས་སུ་འདོད། །དྭི་ཛ་ཉལ་བའི་གདན་ཡིན་ཏི། །ཚོ
ས་སྲབ་གོས་ཀྱང་དྭི་ཛར་དྲན། །དྭི་ཛ་དངུལ་དང་གསེར་ཡིན་ཏེ། །མུ་ཏིག་ཆེན་པོ་དྭི་ཛའོ། །དྭི་ཛ་ནོར་བུའི་རྒྱ་མཚོའོ། །གཟུགས་ལྡན་སྟོབས་ཆེན་དྭི་ཛའོ། ༈ །བཱ་རུ་ཎའི་སྒྲའོ། །བཱ་རུ་ཎ་ནི་མྱོས་བྱེད་དག་ལ་རིག །སྡོང་འཇོམས་ལ་ཡང་བཱ་རུ་ཎ་ཞེས་བརྗོད། །བཱ་རཱ་ཎ་ནི་ཆུ་ལྷར་བཤད་པ་སྟེ། །དེ་བཞིན་ནུབ་ཕྱོགས་ལ་ཡང་བཱ་རུ་ཎ། ༈ །ན་ར་སཾ་ཞེས་པའི་སྒྲའོ། །ན་ར་སཾ་ནི་འབྲུ་ཡི་སྦུན་པ་ལ། །རོ་བཅུད་ལ་ཡང་ན་ར་སཾ་ཞེས་བརྗོད། །ན་ར་སཾ་ནི་ཞོ་རྒྱས་ནུ་མ་ལ། །གསོད་པ་ལ་ཡང་ན་ར་སཾ་ཞེས་བཤད། །ན་ར་སཾ་ནི་སིལ་སྙན་འཛིན་པ་ལ། །ཉི་མའི་ཐོག་ཕུབས་ལ་ཡང་ན་ར་སཾ། །ན་ར་སཾ་ནི་མདའ་དང་འདོད་པ་ལ། །སྤྲིན་དང་རི་བོ་ལ་ཡང་ན་ར་སཾ། རྒྱ་མཚོ་ལ་ཡང་ན་ར་སཾ། །ནོར་བུ་རིན་ཆེན་དག་ལ་ཡང༌། །རླུང་དང་མགྱོགས་པ་ན་ར་སཾ། །རི་དྭགས་མིག་གཉིས་དག་ལའོ། །ན་ར་སཾ་ནི་ཙན་དན་ཤིང༌། །རི་དྭགས་མྱོས་བྱེད་ལ་ཡང་ངོ༌། ༈ །མནྡུ་རའི་སྒྲའོ། །རྟ་ཡི་ར་བ་མནྡུ་ར། བྱ་རོག་མནྡུ་ར་ཞེས་བརྗོད། །ཇོ་བོ་བདུད་རྩི་ལ་ཡང་འདི། །བདེན་ཅིང་བདེན་པའི་ཚིག་ལ་ཡང༌། །གསེར་གྱི་ཀ་བ་མནྡུ་ར། །ལྤགས་པའི་གོས་དང་བཞོན་པ་ལའོ། །སྤྲིན་གྱི་ཕྲེང་མ་བ་མནྡུ་ར། །ཟླ་བ་རྡོ་རྗེ་དག་ལའོ། །སྦྱར་བའི་མདའ་ལའང་མནྡུ་ར། །ལག་པ་དག་དང་འདམ་ལ་སྟེ། མནྡུར་སུམ་ཅུ་རྩ་གསུམ་ལྷ། །གུར་གུམ་འཁྲིལ་ཤིང་མནྡུ་ར། །གཙུག་ཕུད་ཅན་གྱི་ཚོགས་ལ་ཡང༌། །མནྡུ་ར་གླང་ཆེན་མྱོས་བུམ་སྟེ། །ཡང་འདིར་རྒྱ་མཚོ་མནྡུ་ར། །མེ་ཏོག་བམ་པོ་ལ་ཡང་བཤད། ཧོར་པ་མོ་དང་མ་མ་དང། །ལྷ་མཆོད་པ་ལ་མནྡུ་ར། ༈ །ཀིངྐི་ནཱིའི་སྒྲའོ། ཀིངྐི་ནཱི་
ནི་ཁྱིམ་དང་གྲགས། །གཤིན་རྗེའི་ཕོ་ཉ་ཀིངྐི་ནཱི། །ཀིངྐི་ནཱི་ནི་རྒྱལ་པོ་ཀུན། །ཚོགས་དང་བྱེད་པོ་སོག་མ་ལའོ། ༈ །ཧ་རི་དྲ་ཞེས་པའི་སྒྲའོ། །ཧ་རི་དྲཱ་ནི་མཚན་མོར་བཤད། །མེ་ཏོག་དོ་ཤལ་རིང་བོ་དང༌། ཁ་དོག་ལྗང་ཁུ་ཧ་རི་དྲཱ། །ཧ་རི་དྲཱི་ནི་བཀྲ་ཤིས་ལྡན། ༈ །ས་རི་གྷ་ཞེས་པའི་སྒྲའོ། ས་རི་གྷ་ནི་སྟ་རེ་སྟེ། །ས་རི་གྷ་ནི་འཇོམས་བྱེད་དུག །གྱོང་ཞིང་རྩུབ་པ་སྤུ་ཡི་མིང༌། །ཤིང་རྟ་ས་རི་གྷ་ཞེས་བརྗོད། །རི་དང་སྒྲ་ལ་ས་རི་གྷ། །ས་རི་གྷ་ནི་རྡོ་རྗེའི་མིང༌། །དགའ་བྱེད་ལྷ་ལའང་ས་རི་གྷ། །བུད་མེད་རྒྱགས་པ་ལ་ཡང་འདོད། །ས་རི་གྷ་ནི་བྱེད་པོ་སྟེ། །པདྨའི་གདན་ལའང་ས་རི་གྷ། །སྲེད་མེད་ས་རི་གྷ་ཡི་མིང༌། །རི་ཡི་མཆོག་ལའང་ས་རི་གྷ། །ས་རི་གྷ་ནི་ཤིང་རྟ་མགོན་བྱེད་ལ། །རླུང་ལྷ་བདག་ཉིད་ལས་སྐྱེས་རླུང་གི་བུ་ས་རི་གྷ། མཉམ་པའི་མཚོན་ཆ་ལ་ཡང་ས་རི་གྷ། །ས་རི་གྷ་ནི་པདྨའི་གདན་དུ་བཤད། །སྡིག་པའི་ཆོས་ལའང་ས་རི་གྷ། །ས་རི་གྷ་ནི་རྒྱུན་མི་འཆད། ༈ །ཀ་རའི་སྒྲའོ། །ཀ་ར་ལག་པ་ཀ་ར་ཆོས། རྒྱལ་པོ་དང་ནི་ལག་འཇམ་ལ། །ཀ་ར་གཉིས་སྐྱེས་རྐང་པར་རེས། །རྔ་ཆེན་བརྡུང་བའི་ངེས་པ་ལ། །ཀ་ར་ཁྱོད་ཀྱི་ལག་པ་གཉིས། །ཟླ་བ་ལྷན་ཅིག་ཚོགས་ཀ་ར། །ཀ་ར་རྒྱ་མཚོའི་མུ་འགྲམ་བརྒྱུད། །འདིར་ཡང་གསེར་ལ་ཀ་རའོ། །ཀ་ར་མདའ་དང་འདོད་པ་ཆེ། །བུད་མེད་ནུ་མའི་ཁུར་ལྡན་ལའོ། །ཀ་ར་དྲག་པོའི་སྒྲ་ཡིན་ཏེ། །གླང་པོས་འགྲོ་བའང་ཀ་ར་ཡིན། །ཡང་འདིར་ཀ་ར་འདབ་ལྡན་ཏེ། །ཀ་ར་ཞེས་པ་བཀྲ་ཤིས་ལྡན། །མཚན་མོའི་དུས་ལའང་ཀ་ར་འདི། །མེ་ཏོག་འཕྲེང་བ་ཀ་ར་ཉིད། །ར་ཀ་པི་ཝང་བརྡུང་བྱེད་དོ། །མཚན་མོ་རྒྱུ་བའང་ཀ་རའོ། །ཀ་ར་ཁྱུ་མཆོག་ལོངས་སྤྱོད་དེ། །ཀ་ར་ཕ་
ཡུལ་ཡུལ་གཞན་ལའོ། ༈ །པྲྀ་ཐཱི་ཞེས་པའི་སྒྲའོ། །པྲྀ་ཐི་དྷ་ར་གནས་ཡིན་ཏེ། །ས་སྟེང་འཇིག་རྟེན་ལ་ཡང་ངོ༌། །རོ་དྲོའི་གཞི་ས་འོག་གི་འཇིག་རྟེན་གཅིག་གི་མིང་ལའང་པྲྀ་ཐྲཱི། །པྲྀ་ཐྲཱི་ཞེས་པ་འབྱོར་ལ་ཡང༌། །པྲྀ་ཐྲཱི་དྷ་ར་ནོར་ལྷའི་བུ། །ནུབ་མོ་ཉུལ་བ་ལ་ཡང་ངོ༌། །པྲྀ་ཐྲཱི་དྷ་ར་ས་གཞི་སྐྱོང༌། །གླང་པོ་ཆེ་ལའང་དེ་བཤད་དོ། །གླང་ཆེན་བཞོན་པའང་པྲྀ་ཐྲཱི། །པྲྀ་ཐྲཱི་དྷཱ་ར་འབྲས་བུའོ། །ཇི་ལྟར་ཟླ་བའང་ས་འཛིན་ཏེ། །དེ་བཞིན་བདག་པོ་ཉི་མ་མེ། །པྲྀ་ཐྲཱི་དྷ་ར་ཆོ་འཕྲུལ་ཏེ། །པྲི་ཐྲཱི་འཁར་དཀྲོལ་འཛིན་པ་ལ། །པྲྀ་ཐྲཱི་དྷ་ར་ཡང་དག་མཚོ། །མི་ལ་ལའང་པྲྀ་ཐྲཱི་དྷ་ར་ཡིན། ༈ །ཨུདྱཱན་ཞེས་པའི་སྒྲའོ། ཡུལ་སྟོང་ཨུདྱ་ནར་ཡང་བརྗོད། །ལམ་འགྲོའང་ཨུ་དྱན་རབ་སྨྲ། །སྟེང་དང་རི་དྭགས་ཤིང་རྟ་དང༌། །འཕེལ་དར་སྲེག་པ་རྣམས་ལ་དྲན། ༈ །རུ་དྷིར་ཞེས་པའི་སྒྲའོ། །རུ་དྷིར་ནི་པདྨར་ཤེས། ཁ་དོག་དམར་པོ་རུ་དྷི་ར། ༈ །ནནྡ་ན་ཞེས་པའི་སྒྲའོ། །གང་འདིར་ནནྡན་ཞེས་པ། །རླུང་དང་སེར་གེ་ལ་རབ་བརྗོད། ༈ །སྱནྡ་ན་ཞེས་པའི་སྒྲའོ། །མི་ཡི་འཇིག་རྟེན་སྱནྡ་ན། །ཤིང་རྟ་སྱནྡ་ན་རུ་བརྗོད། །རི་དང་རྒྱལ་པོ་སྱནྡ་ན། །བྱ་བ་ཉམས་དང་རྟེན་གྱི་མཆོག༈ ཀ་ལིའི་སྒྲའོ། ཀ་ལི་བསྐལ་དུས་འདིར་ཡང་སྟེ། །ཀ་ལི་སྡིག་ལྡན་འགྲོ་བའི་གནས། །ཀ་ལི་པདྨ་ལ་ཡང་བརྗོད། །དེ་བཞིན་བདེན་པ་ཀ་ལི་ལོ༈ ཀཱཥྛ་ཞེས་པའི་སྒྲའོ། །ཀཱཥྛ་ཕྱོགས་ཀྱི་དང་པོ་ལ། །ཀཱཥྛ་ཀ་བ་བྱེད་པར་བརྗོད། །ཀཱཥྛ་དུས་ཀྱི་ཁྱད་པར་དང༌། །ནོར་འཛིན་དང་ནི་ཤིང་ལའང་གྲགས། །ཀཱཥྛ་ཉལ་བའི་ལུས་རྣམས་ལ། །ཉེ་འཁོར་དང་ནི་ཚད་པ་ལའོ། ༈ །ཀཻ་བརྟ་ཞེས་པའི་སྒྲའོ། །ཀཻ་བརྟ་ནི་ཉ་བ་དང༌། །ཆུ་ལ་སྤྱོད་པ་ཀཻ་བརྟ། །ཐོ་གཤོལ་ལྷག་
དང་གོས་ལའོ། །མཆོག་ཏུ་ཉེ་བ་ཀཻ་བརྟ། ༈ །ནི་ར་སའི་སྒྲའོ། བཀྲག་མདངས་ཉམས་པ་ནི་ར་ས། །རི་དྭགས་འདབ་ཆགས་རྣམས་ལའོ། །གཏམ་གཞན་གྱུར་པ་ནི་ར་ས། །ནི་ར་ས་ནི་ནམ་སྲོས་པའོ། །ནི་ར་ས་ནི་ནམ་མཁའ་དང༌། །ལྷ་དང་མྱོས་བྱེད་ལ་ཡང་ངོ༌། །རོ་དྲོ་མེད་པ་ནི་ར་ས། །གླང་ཆེན་མུ་ཏིག་ནི་ར་ས། །ནི་ར་ས་ནི་ཉི་ཟླ་དང༌། །སུམ་ཅུ་རྩ་གསུམ་གཞན་མེད་ཁང༌། །རཱ་དང་སྔོ་སངས་ནི་ར་ས། །ནི་ར་ས་ནི་ར་དགུ་དགའ། །གཾ་ག་ཙན་དན་ནི་ར་ས། །ཟླ་བའི་ཐང་བསྐོར་དག་ལའོ། །ནི་ར་ས་ནི་བཅོམ་བརླག་ཉིད། །གཡོས་མཁན་འབྲོག་མོ་ནི་ར་ས། །གླ་རྩི་ལྡན་པ་ལ་ཡང་འདི། །སྐྱེ་བོའི་སྦྱིན་གཏོང་ནི་ར་ས། །ནི་ར་ས་ནི་ཆུ་དང་རྒྱུ། །ནད་དང་རླུང་ལའང་ཡིན་པར་བཤད། །ནི་ར་ས་ནི་གསེར་དང་དངུལ། །དགའ་མ་ལ་ཡང་ནི་ར་ས། །ནི་ར་ས་ནི་རྒྱ་མཚོ་སྟེ། །ཐོག་འཁྱུག་ནི་ར་ས་རུ་འདོད། ༈ །ཧེ་མའི་སྒྲའོ། །ཧེ་མ་རྡོ་རིང་རྒྱ་བཅས་ཏེ། །བདག་པོའི་བརྟུལ་ཞུགས་ལྡན་མི་མོ། །ཧེ་མ་རྒྱལ་པོ་ས་གཞི་སྐྱོང༌། །བར་མེད་ལྗང་ཀུ་ཧེ་མའོ། །ཧེ་མ་མེ་ཏོག་འཁྲི་ཤིང་སྟེ། །ཧེ་མའི་ཡི་གེ་གུ་ཏིག་གོ །ཧེ་མ་རླུང་གི་ལྷ་ཡིན་ཏེ། །ཧེ་མ་ཚུལ་ཁྲིམས་ལྡན་དང་མེ། །རྒྱལ་པོ་འཇིགས་སྡེ་ཧེ་མར་བརྗོད། །ཧེ་མ་དགའ་བྱེད་དང་ནི་མདའ། །རི་བོ་ཆེ་དང་ཡིན་འོང་ལའོ། །ཧེ་མ་རྒྱལ་པོ་མིག་མི་བཟང༌། །དེ་བཞིན་དཀར་དང་དཀར་མིན་དག།ཧེ་མ་དྲང་སྲོང་མཆོད་ཡོན་འབུལ། །ཕྱོགས་མཚམས་བརྒྱད་ལ་ཧེ་མའོ། །ཧེ་མ་རྟ་དང་ནགས་ཐིབས་པོ། །བྱང་ཕྱོགས་ཤིང་རྟ་ཧེ་མ་ཡིན། །ཧེ་མ་གཡོན་ཕྱོགས་འདབ་ལྔན་རྣམས། །ཧེ་མ་བུད་མེད་གཞི་མཉམ་ལ། །ཆོས་དང་སྡིག་པ་ཧེ་མར་བརྗོད། །ཧེ་མ་རྩྭ་དང་ས་མཚམས་ལ། །སྐྲ་ལོ་བཟང་པོ་ཧེ་མར་བརྗོད། །
ཧེ་མ་ལྷ་ཡི་རྒྱལ་པོ་སྟེ། །དགའ་དང་དྲན་པའང་ཧེ་མ་ཡིན། །ཧེ་མ་འཆི་མེད་གྲོང་ཁྱེར་ཏེ། །ལང་ཀའི་གསེར་ཡང་ཧེ་མ་སྟེ། །ཧེ་མ་རི་རྩེ་ལྕགས་ཀྱུའོ། ༈ །བཱ་ཎའི་སྒྲའོ། །བཱ་ཎ་མདའ་ཡི་ཚོགས་པ་སྟེ། །བཱ་ཎ་མཆུ་དང་གནས་ཀྱི་གཞི། །ཉི་ཟླ་ལ་ཡང་བཱ་ཎ་སྟེ། །རྒྱུ་སྐར་སྐར་མ་བཱ་ཎའོ། །རྒྱལ་པོ་ཀེ་ཤ་བཱ་ཎ་སྟེ། །བཱ་ཎ་བུད་མེད་གཡེམ་མར་དྲན། །གླང་ཆེན་མུ་ཏིག་བཱ་ཎའོ། །བཱ་ཎ་རྒྱལ་བུ་གཞོན་ནུ་སྟེ། །བཱ་ཎ་རྒྱ་མཚོ་བཱ་ཎ་སོ། །མི་བདག་ལ་ཡང་བཱ་ཎར་བརྗོད། །བཱ་ཎ་འོད་ཟེར་གླང་པོ་ཡང༌། །ཡིད་འོད་ལ་ཡང་བཱ་ཎའོ། །བཱ་ཎ་རླུང་པོས་ཁྱབ་པ་སྟེ། །ནུ་མ་དག་གི་ཁུར་ལྡན་ལའོ། ༈ །རཏྣའི་སྒྲའོ། །རཏྣ་བཞིན་བཟང་བུད་མེད་དེ། །དེ་བཞིན་རཏྣ་དོ་ཤལ་ལོ། །རཏྣ་གཞུ་ཡི་རབ་དབྱེ་སྟེ། །འཁྲུག་པ་ལ་ཡང་རཏྣའོ། །རཏྣ་རླུང་འཚུབ་འཁྱིལ་བ་སྟེ། །ལུས་ཉིད་ལ་ཡང་རཏྣའོ། །རཏྣ་མ་ཧེ་བ་གླང་དག།ཡོན་ཏན་འཕགས་ལྡན་རྟ་ལའོ། །རཏྣའང་ཟླ་ཉི་དག་ལ་སྟེ། །གཟའ་དང་རྒྱུ་སྐར་རཏྣའོ། །རཏྣ་མངོན་པར་དབང་བསྐུར་ཏེ། །བློ་ཅན་སྐྱེས་བུར་ཏྣར་བརྗོད། །རཏྣ་ས་བོན་ཁུག་སྣ་དང༌། །རཏྣ་རྣ་ཅན་སྐྱ་སེང་བུ། །རཏྣ་དགའ་བྱེད་ལྷ་རུ་བཤད། །རཏྣ་ཡིད་ཀྱི་ཤིང་རྟའོ། ༈ །ཀ་མ་ལའི་སྒྲའོ། ཀ་མ་ལ་ཞེས་ནམ་མཁའ་སྟེ། །པདྨའང་ཀ་མ་ལ་རུ་དྲན། །ཀ་མ་ལ་ནི་རླུང་ཚོགས་པ། །ཤིང་རྟ་ཀ་མ་ལ་ཏུ་བརྗོད། །དབང་པོ་གསལ་བ་ཀ་མ་ལ། །ཀ་མ་ལ་ནི་བྱ་ངང་པ། །རི་དྭགས་ལ་ཡང་མཚུངས་པར་བཤད། །ཀ་མ་ལ་ནི་བཞོན་པ་རྟ། །སྣང་བྱེད་གཉིས་ལའང་ཀ་མ་ལ། །ཀ་མ་ལ་ནི་ལྗོན་ཤིང་རྩེ། །ནུ་རྒྱས་ཀ་མ་ལ་རུ་བཤད། །ཐུབ་པ་རབ་མཆོག་ཀ་མ་ལ། །མི་མོའི་གླུ་ལའང་ཀ་མ་ལ། །ཀ་མ་ལ་ནི་སྦྲང་ཆང་སྟེ། །གསེར་གྱི་མདོག་ལའང་ཀ་མ་ལ། །འདིར་ནི་
བདེན་སྨྲ་ལ་ཡང་ངོ༌། །གླང་པོའི་མྱོས་བུམ་ཀ་མ་ལ། །ནོར་བུ་དང་ནི་རིན་པོ་ཆེ། །བར་མཚམས་ཡུལ་ཕྲན་ཀ་མ་ལ། །རི་དང་རི་ཕྲན་ལ་ཡང་སྟེ། །མ་ཧེ་དང་ནི་བ་གླང་དང༌། །དེ་བཞིན་ཁྱུད་མཆོག་ཀ་མ་ལ། །ཀ་མ་ལ་ནི་གྲོས་ལ་སེམས། །དེ་བཞིན་ཆུ་བོ་ཀ་མ་ལ། ༈ །ཙནྡྲཱ་དི་ཞེས་པའི་སྒྲའོ། ཙནྡྲཱ་དི་ནི་བདག་པོས་བསྐྱབས་པ་དང༌། །ཟླ་བའི་རྗེས་སུ་འཇུག་པའི་སྐར་མའོ། །ཟླ་བའི་འོད་དང་ནུས་པའི་མིང་དུ་བཤད། །དེ་བཞིན་ཙནྡྲཱ་དི་ནི་རླུང་གི་ལྷ། །ཙནྡྲཱ་དི་ནི་པདྨ་དག་དང་དངུལ། །གླ་རྩིའི་རི་དྭགས་ལ་ཡང་ཙནྡྲཱ་དི། །ཙན་དན་དག་དང་ཀུད་པོ་ཙནྡྲཱ་དི། །ཙནྡྲཱ་དི་ནི་སྒོ་མོ་ཆེན་པོར་བརྗོད། །ཙནྡྲཱ་དི་ནི་གསེར་མདོག་དང༌། །མེ་ཏོག་ལྕུག་མ་ཙནྡྲཱ་དི། །ཙནྡྲཱ་དི་ནི་ས་གཞི་དང༌། །ཚོགས་ཅན་མ་དང་ལྷན་ཅིག་མིང༌། །བཅོམ་བརླག་གནས་པའི་ལྷ་དང་ནི། །གྲོང་ཁྱེར་འཐབ་མེད་ཙནྡྲཱ་དི། །སྤྲེའུ་རྣམས་ཀྱི་ནི་གཙོ་བོ་འཾ། །ལྷ་ཀུན་སྤྱི་ལ་ཙནྡྲཱ་དི། །ཙནྡྲཱ་དི་ནི་རི་རབ་རི། །གཟའ་རྣམས་འཇུག་པའི་གནས་ཡིན་ཏེ། །འདོད་པའི་ལྷ་ལ་ཙནྡྲཱ་དི། །ཉི་མའི་དཀྱིལ་འཁོར་ལ་ཡང་ངོ༌། །ཙནྡྲཱ་དི་ནི་དུ་བ་དང༌། །གནས་བཟང་པོ་ཡི་ས་མཚམས་སོ། །ཐུན་ཚོད་ལ་སོགས་ཙནྡྲཱ་དི། །ཆར་སྦྲིན་འཆའ་བའི་གནས་ཀྱི་མིང༌། །ཧ་ནུ་མཱན་ད་ཙནྡྲཱ་དི། །ཙནྡྲཱ་དི་ནི་སེང་གེ་སྟག །ཐམས་ཅད་ལ་ཡང་ཙནྡྲཱ་དི། །ཙནྡྲཱ་དི་ནི་ཤིང་གཉེར་མིང༌། སྤྲིན་གྱི་འཕྲེང་བ་ལ་ཡང་ངོ༌། ༈ །སཱུཪྱཞེས་པའི་སྒྲའོ། །སཱུཪྱ་བྱ་ཁྱུང་མིང་ཡིན་ཏེ། །སཱུཪྱ་ས་གཞི་འཛིན་པར་བཤད། །སཱུཪྱ་རིན་ཆེན་ནོར་བུ་སྟེ། །སཱུཪྱ་གླང་ཆེན་མུ་ཏིག་འཕྲེང༌། །གླང་པོ་ཤིན་ཏུ་རྒྱགས་པ་ལའང༌། །ཆུར་གནས་སྐྱེ་བོ་སཱུཪྱ་བརྗོད། །སཱུཪྱ་དགའ་བྱེད་ལྷ་མོ་སྟེ། །ས་གཞིའི་དཀྱིལ་
འཁོར་ལ་ཡང་ངོ༌། །རཱུཪྱ་རྟ་དང་ཕག་པ་སྟེ། །སཱུཪྱ་རི་བོའི་ཚོགས་པ་ལ། །སཱུཪྱ་གོང་མོའི་མིང་དུ་བཤད། །མེ་ཏོག་ཕུང་པོ་ལ་ཡང་སྟེ། །ཉལ་བའི་མལ་སྟན་དག་དང་ནི། །གླང་ཆེན་ཐལ་དཀར་རཱུཪྱར་བརྗོད། །སཱུཪྱ་མྱོས་བྱེད་ལྷ་མོ་རྣམས། །བསོད་ནམས་ལྡན་དང་སྡིག་ཅན་ལའོ། །སཱུཪྱ་མཚན་མོ་རབ་གསལ་ལ། །ཚོགས་ཀྱི་དབང་ཕྱུག་སཱུཪྱར་གྲགས། །སཱུཪྱ་གླང་ཆེན་འཁྱམས་པ་སྟེ། །ཨུཏྤལ་དམར་པོ་ལའང་སཱུཪྱ། །སཱུཪྱ་ཁང་བཟང་ངང་སྐྱ་ཅན། །གཤིན་རྗེའི་ཕོ་ཉ་དག་ལ་ཡང༌། །ཟླ་བ་དང་འགྲོགས་སྐར་མ་སྟེ། །ལམ་འགོག་པ་ལའང་སཱུཪྱར་བརྗོད། །སཱུཪྱ་མྱུར་དུ་འོང་བ་ལ། །སཱུཪྱ་སྙིང་དང་དབང་ལྡན་ལའོ། ༈ །བཱ་རཱ་ཧ་ཞེས་པའི་སྒྲའོ། ལྷ་མིན་གླང་ཆེན་མུ་ཏིག་ལ། །བྱིས་པའི་མིང་ལ་བཱ་རཱ་ཧ། །དཔའ་བོའི་བུ་རྒྱུད་རྣམས་ལ་ཡང༌། །རླུང་གི་ལྷ་ཡི་མིང་ཡང་སྟེ། །རི་དྭགས་རྣམས་ཀྱི་གདོང་ལ་ཡང༌། །ནོར་ལྷའི་བུ་ལའང་བཱ་རཱ་ཧ། །ལང་ཚོ་མ་ནི་མཉམ་པ་ལ། །ལྷ་དང་ཀུན་གསལ་བཱ་རཱ་ཧ། །བཱ་རཱ་ཧ་ནི་ཉི་དཀྱིལ་འཁོར། །སུམ་ཅུ་རྩ་གསུམ་པ་ལའང་བཤད། །ནོར་བུ་མུ་ཏིག་བཱ་རཱ་ཧ། །བཱ་རཱ་ཧ་ནི་ཁ་སྤུ་ཕྲ། །ལམ་འགོལ་བྱེད་པའི་མི་ལ་ཡང༌། །ནུ་མའི་སྟེང་གི་དོ་ཤལ་དང༌། །བཅོམ་བརླག་གྲོང་ཁྱར་བཱ་རཱ་ཧ། །དཀྱིལ་འཁོར་ལ་ཡང་རབ་ཏུ་བརྗོད། །བདག་པོ་དང་ནི་རིན་ཐང་མེད། །མངོན་པར་དབང་བསྐུར་བཱ་རཱ་ཧ། །བཱ་རཱ་ཧ་ནི་བློ་རབ་འཁྲུལ། །ལན་ཅིག་བྱུང་བ་ཉིད་ལའོ། །མེ་ཏོག་ཟེ་འབྲུ་བཱ་རཱ་ཧ། །བཱ་རཱ་ཧ་ནི་དབང་པོའི་མིང། དབང་པོའི་གཟུང་བྱ་རྣམས་ལ་ཡང༌། །མལ་སྟན་ལ་ཡང་བཱ་རཱ་ཧ། །གླང་པོས་འགྲོ་བའི་བུད་
མེད་ལ། །སྤྲིན་གྱི་འཕྲེང་བ་བཱ་རཱ་ཧ། །དེ་བཞིན་ཆུ་ནི་སྐྱོར་བྱེད་མོ། ༈ ཨིནྡ་ཞེས་པའི་སྒྲའོ། །ཨིནྡྲ་ལྷ་ཡི་དབང་པོའི་མིང༌། །ཨིནྡྲ་ཤིང་རྟ་ལ་ཡང་བརྗོད། །ཆུ་ཞེང་དང་ནི་ནམ་མཁའ་ལ། །འཕྲོག་བྱེད་ལྷ་ཡང་ཨིནྡྲའོ། །འཕྲོག་པོ་ལ་ཡང་ཨིནྡྲའི་མིང༌། །ཨིནྡྲ་ཞེས་པ་སྦྲུལ་གྱི་འགྲོས། །རི་བོའི་རྩེ་ཕྲན་ཨིནྡྲའོ། །ཨིནྡྲ་དབང་པོ་རྣམས་ཀྱི་མིང༌། །མལ་སྟན་ལ་ཡང་རབ་ཏུ་གྲགས། །སོ་དང་མཚམས་ནི་བཅད་པ་དང༌། །ལྷ་རྣམས་བྱེ་བའི་གྲངས་ལ་དང༌། །རྡོ་རྗེའི་གནས་ལའང་ཨིནྡྲའོ། །ཨིནྡྲ་ཀེ་ཏ་ཀ་ཡི་མིང༌། །གླང་ཆེན་འདུས་པ་རྣམས་ལ་བཤད། །ལག་ལྡན་གྱི་ནི་རླུང་ཤུགས་དང༌། ཁྱུ་མཆོག་དགའ་བྱེད་ཨིནྡྲའོ། ༈ །ཀཱ་ཀ་ཞེས་པའི་སྒྲའོ། །ཀཱ་ཀ་བྱ་རོག་ཞེས་པར་གྲགས། ཀཱ་ཀ་ཟས་གཡོས་བྱས་པའི་མིང༌། །འོ་མའི་རྒྱ་མཚོ་ཀཱ་ཀ་སྟེ། ཀཱ་ཀ་སྦྲུལ་དང་སེར་བུ་ལ། །ཀཱ་ཀ་ཁྱུ་མཆོག་གིས་སྐྲག་པ། །གུར་གུམ་སྡོང་བུ་ཀཱ་ཀའོ། །ཀཱ་ཀ་ནུ་རྒྱས་མ་ཡིན་ཏེ། །ཀཱ་ཀ་བུད་མེད་བཀའ་སྩལ་པ། །སྔོན་གྱི་མལ་སྟན་ཀཱ་ཀའོ། །ཀཱ་ཀ་མེ་ཏོག་བཏབ་པ་སྟེ། །རི་དང་ཆུ་ཀླུང་དག་ལ་ཡང༌། །རྒྱང་གྲགས་ལ་ཡང་ཀཱ་ཀ་སྟེ། །ཙན་དན་དག་གི་མིང་ལའོ། །ཀཱ་ཀ་གླ་རྩིའི་རི་དྭགས་ཏེ། །མེ་ཏོག་རྣམས་ཀྱི་ཟེ་འབྲུ་ལའོ། །ལྕུག་ཕྲན་གསར་པ་ཀཱ་ཀ་སྟེ། །རྒྱལ་ཕྲན་ས་བདག་དག་ལའོ། །ཀཱ་ཀ་ལུས་པོ་རྒུད་མིང་ཡིན། །ཀཱ་ཀ་འཇིག་རྟེན་ཐམས་ཅད་དང༌། །ཕྱོགས་མཚམས་རྣམས་ཀྱི་མིང་ལ་བཤད། །ཀཱ་ཀ་ཆང་གི་མིང་ཡིན་ཏེ། །འཐུག་པོ་དང་ནི་གླེགས་བམ་ལའོ། །ཆུ་བོ་རབ་མེད་ཀཱ་ཀ་སྟེ། །ཀཱ་ཀ་དུས་དང་མཐར་བྱེད་ལའོ། །ཀཱ་ཀ་གྲོང་ཁྱེར་གནས་བྱེད་དེ། །ཐུབ་
པའི་གཙོ་བོ་རྣམས་ལ་བཤད། ཁ་དོག་ལྗང་ཁུ་ཀཱ་ཀ་སྟེ། །དེ་བཞིན་ཀཱ་ཀ་མགོ་བོར་འདོད། །ཀཱ་ཀ་ལྷ་ཆེན་འགྲོ་དབང་ཕྱུག །ཚོགས་ཀྱི་བདག་པོ་ལ་ཡང་ངོ༌། །གཟའ་དང་རྒྱུ་སྐར་ལྷ་ཀཱ་ཀ ༈ །ས་མུ་དྲ་ཞེས་པའི་སྒྲའོ། ས་མུ་དྲ་ནི་ནོར་འཕེལ་རྫས། །གསེར་དང་རིན་ཆེན་འབྱུང་ཁུངས་ལ། །འདོད་པའི་ལྷ་ལའང་ས་མུ་དྲ། །མཆོག་གི་སྐྱེས་བུ་ལ་ཡང་བརྗོད། །ས་མུ་དྲ་ནི་ཁྲོན་པ་ཐབ། །དེ་བཞིན་ཆུ་བོ་ལ་ཡང་ངོ༌། །རྟགས་ཅན་མདའ་ཡི་མིང་ཡང་སྟེ། །དགའ་བ་ཅན་གྱི་ཁྱིམ་ལའོ། །ཟླ་ཉི་ལྷ་དག་ས་མུ་དྲ། །མཚན་མོར་སྤྱོད་པའི་ཚོགས་པ་ལའོ། །པདྨའི་གདན་ཅན་ས་མུ་དྲ། །རི་རབ་བང་རིམ་ལ་ཡང་ངོ༌། །འཇིག་རྟེན་ཀུན་ལ་ས་མུ་དྲ། །གདོན་གྱི་མཐུ་ལས་སྐྱེས་པ་དང༌། །མལ་སྟན་ས་མུ་དྲ་རུ་བརྗོད། །སེན་མོས་དྲལ་བ་ས་མུ་དྲ། །སྐྱེ་སྲིད་འཇིག་རྟེན་ལ་ཡང་ངོ༌། །ཚོགས་པ་ཚུར་འོང་ས་མུ་དྲ། དབང་པོ་གཡོན་ཕྱོགས་ངག་སྨྲ་དང༌། །རབ་ཏུ་དགའ་བ་ས་མུ་དྲ། ༈ ས་མུ་དྲ་ནི་རི་བོའི་ལྷ། །རྒྱ་མཚོ་བདུན་ལའང་ས་མུ་དྲ། །གཅོང་རོང་ཟབ་མོ་སྤྲིན་དང་རླུང༌། །ས་མུ་དྲ་ཞེས་བརྗོད་པ་ཡིན། །ས་མུ་དྲ་ནི་དགའ་བའི་མིང༌། །བདེན་པའི་གཏམ་སྨྲ་པོ་ལ་བརྗོད། །ཐམས་ཅད་བརྡུང་དཀྲོལ་ས་མུ་དྲ། །ལྷ་ཚོགས་ཐམས་ཅད་འདུས་པ་ལའང༌། །འཇོམས་བྱེད་སྨད་འཚོང་ས་མུ་དྲ། །སྐྱ་སེང་རྣམས་ཀྱི་བུ་ཚ་དང༌། །རུ་ཎ་དང་ནི་གང་གའི་བུ། །དཀའ་ཐུབ་ནགས་ལའང་ས་མུ་དྲ། །ས་མུ་དྲ་ནི་རཱ་མའི་མདའ། །ནགས་ཚལ་ཐིགས་པོ་ལ་ཡང་ངོ༌། ༈ །ནཱ་ག་ཞེས་པའི་སྒྲའོ། །གསེར་ལ་ཡང་ནི་ནཱི་གར་བརྗོད། །རིན་ཆེན་ནོར་
བུའི་བྱེ་བྲག་དང༌། །མེ་ཏོག་མདའ་ལ་ནཱ་ག་ཡིན། ཁྱད་པར་ཅན་གྱི་ཁང་བཟང་ལ། །དངུལ་སོགས་རིན་ཆེན་ནཱ་གའོ། །ནཱ་མ་མུ་ཏིག་འབྲས་བུ་ཡིན། །ནཱ་ག་བྱུ་རུའི་མིང་ལ་བཤད། །མཛེས་མ་དང་ནི་འཁྲིལ་ཤིང་ལའོ། །ནཱ་ག་དེ་བ་ལྷ་ཡི་མིང༌། མཁའ་ལྡིང་གདན་ལ་ནཱ་གར་བརྗོད། །ནཱ་ག་ནོར་བུའི་བུ་ག་འབུགས། ལྷ་ཡི་འགྲོ་བའི་མཆོད་བྱ་ལའང༌། །ནཱ་ག་ངོ་མཚར་རོལ་མོ་ལ། །ནཱ་ག་གར་དང་ཆ་བྱད་བསྒྱུར། །ཀ་དམྤ་ཡི་ཤིང་ལའོ། །འདོད་ཆགས་རྣམ་རྟོག་ནཱ་ག་སྟེ། །རྒྱ་མཚོའི་མིང་ལའང་ནཱ་ག་ཡོད། །གཡུལ་དུ་འཇུག་པའང་ནཱ་གར་བརྗོད། ནཱ་ག་ཞེས་པ་ཤིང་རྟ་སྟེ། །དེ་བཞིན་མེ་ཡི་ལྷ་ལ་ཡང༌། །ནཱ་ག་ཉལ་པོའི་མལ་སྟན་ལ། །ནཱ་ག་རྟག་ཏུ་བུད་མེད་རྟེན། །ཉ་ཕྱིས་འབུ་སྐྱོགས་རྣམས་ཀྱི་མིང༌། །ནཱ་ག་ཆར་སྡོད་བྱེའུ་ལའང༌། །བུང་བའི་རྒྱལ་པོ་ལ་ཡང་བརྗོད། །ནཱ་ག་མེ་ཏོག་ལྡུམ་ར་ལ། །རུས་སྦལ་ལ་ཡང་ནཱ་ག་ཡིན། །དེ་བཞིན་ནཱ་ག་རི་ཁཉྫན་རིང་དུ་ལྟ་བའཽ་དྭགས་སོ། །ཞེས་པ་དཔལ་སྒྲའི་སྙེམ་དུ་མའི་མིང་ཤེས་ཤིང་རྟོགས་པ། ཞེས་པ་སྙན་ངག་མཁན་པོ་ཨཱ་ཀ་རས་སྦྱར་བ་ལས། ཚིགས་སུ་བཅད་པ་ལྷག་པར་བྱས་པའོ། ༈ །ཨཱ་ཡིག་ནོར་ལྷའི་བུ་ཡིན་ཏེ། །ཨཱ་ཡིག་མེས་པོ་ཉིད་ལ་བཤད། ༈ །ཨི་ཡིག་འདོད་པ་ལ་རབ་བཤད། །དཔལ་མོ་ལ་ཨཱི་རབ་ཏུ་བརྗོད། ༈ །ཨུ་ཡིག་བདེ་བྱེད་ཚངས་པ་ལ། །ཨཱུ་ཡིག་སྤྱི་ཡི་མེས་པོར་གྲགས། ༈ །ལྷ་ཡིས་མ་ལ་རྀ་ཡིག་སྟེ། །རཱྀ་ཡིག་སྦྱིན་སྐྱེས་མ་ཞེས་བྱ། ༈ །ལྀ་ཡིག་ལྷ་ཡི་སྐྱེ་གནས་ཏེ། །ལྷ་ཡི་བཙུན་མོ་ལཱྀ་ཡིག་གོ ༈ །ཨེ་ཡིག་འཇུག་སེལ་ལ་བརྗོད་དེ། །དབང་ཕྱུག་ཆེན་པོ་ཨཻ་ཡིག་གོ ༈ །ཀཿནི་སྐྱེད་དགུའི་
བདག་པོར་འདོད། །རླུང་གི་དབང་ཕྱུག་ཀོ་ཡི་སྒྲ། །ཀཿ་ནི་བདག་ལའང་ཡང་དག་བརྗོད། །རབ་གསལ་ལ་ཡང་ཀ་རུ་གྲགས། །ཀཾ་ནི་མགོ་དང་ཆུ་ལ་བཤད། ཁ་ལ་ཡང་ནི་རབ་ཏུ་གྲགས། ༈ ཁཾ་ནི་དབང་པོ་རྣམས་ལའང་བཤད །ནམ་མཁའ་ལ་ཡང་ཁཾ་དུ་གྲགས། །གདོང་ལའང་དེ་བཞིན་ཡང་དག་བཤད། །དེ་བཞིན་ཁ་ནི་སྟོང་པའོ། ༈ །གོ་ནི་ཚོགས་ཀྱི་བདག་པོར་འདོད། །གཿནི་དྲི་ཟར་རབ་ཏུ་གྲགས། །གཾ་ནི་གླུ་དང་བརྗོད་པ་ལ། །གོ་ནི་བ་དང་དབྱངས་ཅན་མ། ༈ །གྷེ་ནི་བུམ་པའི་མཆོག་ལ་བརྗོད། །རྐང་གདུབ་ལ་ནི་གྷཿཞེས་གྲགས། །གྷ་ནི་སྣུན་པ་ལ་རབ་བསྒྲགས། །དིང་འུར་ལ་ཡང་རབ་ཏུ་བཤད། ༈ །ང་ཡིག་འཇིགས་པའི་སྒྲ་ཡིན་ཏེ། །ཡུལ་ལ་འདོད་པའང་ང་ཡིག་གོ ༈ །ཙ་ཡིག་ཟླ་བ་ལ་རབ་བརྗོད། །ཆོམ་རྐུན་ལ་ཡང་ཙ་རབ་གྲགས། །དྲི་མེད་ལ་ཡང་ཙ་རུ་བཤད། །ལུས་གཅེས་འཛིན་ལའང་རབ་གྲགས་སོ། ༈ །ཚ་ནི་གཅོད་བྱེད་ལ་བཤད་པ། །མཁས་པ་རྣམས་ཀྱིས་སྒྲས་བསྟན་ནོ། ༈ །ཛཿནི་མགྱོམས་པོར་འགྲོ་ལ་བཤད། །ཕ་ལ་ཛིཿཞེས་རབ་ཏུ་གྲགས། །ཛུ་ནི་རྒྱལ་བར་བྱེད་ལ་གཏམ། །ལྷ་མོ་རྣམས་ལའང་སྒྲ་མཁན་སྨྲ། ༈ །རླུང་ཤུགས་རིང་པོ་ཛྷ་ཡིག་སྟེ། །ཟས་འདོད་པ་ལའང་ཛྷ་ཞེས་བཤད། ༈ ཉ་ཡིག་སྨྲ་བ་ལ་རབ་བརྗོད། །ཉ་ཡིག་གྷར་གྷར་སྒྲ་ཡིན་ནོ། ༈ །ཊཱ་ནི་ས་གཞི་ཅོད་པན་ལ། །ཊོ་ནི་སྒྲ་སྐད་ལ་རབ་གྲགས། ༈ །ཋ་ནི་དབང་ཕྱུག་ཆེ་ལ་བཤད། །ཋ་ནི་སྟོང་པ་ལ་རབ་བརྗོད། །སྒྲ་ཆེན་ལ་ཡང་ཋཿཞེས་སྨྲ། དེ་བཞིན་ཟླ་བའི་དཀྱིལ་འཁོར་ལའོ། ༈ །ཌ་ཡིག་བདེ་བྱེད་ལ་བརྗོད་དེ། །
སྒྲ་ཙམ་ལ་ཡང་ཌ་ཞེས་བརྗོད། ༈ །ཌྷ་ཡིག་རྔ་ཆེན་ལ་བརྗོད་དེ། །མིའམ་ཅི་ཡི་སྒྲ་ལ་ཡང༌། ༈ །ཎ་ཡིག་ཡེ་ཤེས་ལ་བཤད་དེ། །གདུང་བ་གཅོད་ལའང་རབ་ཏུ་བརྗོད། ༈ །ཏ་ཡི་ཡི་གེ་རྐུན་པོར་གྲགས། །ཅ་ཅོ་མཇུག་མ་ལ་ཡང་བརྗོད། ༈ །འཕྲ་རྒྱན་འདུས་ལ་ཐ་ཡིག་སྟེ། །འཇིགས་པ་བྱུང་བྱེད་ལ་ཡང་ངོ༌། ༈ །ད་ནི་བུད་མེད་རིག་པར་བྱ། །དཱ་ནི་སྦྱིན་པོ་གཅོད་པ་དང༌། །སྦྱིན་པ་དག་ལཱའང་རབ་བཤད། ༈ །ནོར་དང་འཆིང་བ་དྷ་ཡིན་ཏེ། །དྷ་ནི་ཚངས་བ་བློ་ལྡན་བློ། དེ་བཞིན་ཕུན་ཚོགས་དྷུ་ཞེས་བཤད། །དྷུ་ནི་འཇིགས་པའི་སེམས་ཡིན་ཏེ། ༈ །ན་ཡིག་དགའ་དང་གཉེན་གྱི་ཚོགས། །བསྟོད་པ་དག་ལའང་རབ་ཏུ་བརྗོད། །ནེ་ནི་འདྲེན་པར་རབ་ཏུ་སྨྲ། །ནཽ་ནི་གྲུ་ལ་རབ་ཏུ་བརྗོད། ༈ །པ་ནི་རླུང་ལ་ཡང་དག་གྲགས། །པཱ་ནི་བཏུང་བ་སློང་བ་ལ། །ཧཱུྃ་ཡིག་དྲི་ཟའི་བཞད་གར་མཁན། ༈ །དེ་བཞིན་འོ་མའང་ཕ་ཡིག་གྲགས། །ར་བ་ལ་ཡང་ཕ་རུ་བརྗོད། །དེ་བཞིན་འབྲས་མེད་བརྗོད་ལའང༌། །བ་ཡིག་ཆུ་ལྷར་ཡང་དག་གྲགས། །བུམ་པ་ལ་ཡང་བརྗོད་པ་ཉིད། །བྱ་ལ་བི་ཞེས་རབ་ཏུ་བཤད། །བི་ནི་མཁའ་ལ་རྣམ་པར་གྲགས། ༈ །བྷ་ནི་རྒྱུ་སྐར་ལ་རབ་བཤད། །བྷཿནི་བུང་བར་རབ་ཏུ་གྲགས། །སྣང་བྱེད་ས་གཞི་ས་འོག་ལ། །བྷཱ་ཞེས་བྱ་སྟེ་བཱི་ཉིད་ནི། །འཇིགས་པ་ལ་ཡང་མཁས་པས་བཤད། ༈ །མ་ནི་མགོ་དང་མལ་ཁྲི་དང། །བློ་གྲོས་ལ་ཡིན་དཔལ་མོ་ལའང༌། །མཱ་ཞེས་རབ་ཏུ་གྲགས་པ་ཡིན། མ་ཡིས་མ་དང་གུས་པ་དང༌། འཆིང་བ་རྣམས་ལ་མཿཞེས་གྲགས། ༈ །ཡཿནི་གྲགས་པ་ལ་བརྗོད་དེ། །རླུང་ལའང་
ཡཿཞེས་གཙོ་བོས་བསྒྲགས། །གཏོང་བ་དང་ནི་མེལ་ཚེ་དང༌། །འཛེགས་དང་འཇིགས་པ་དག་ལ་ཡང༌། །མཁས་པ་རྣམས་ཀྱིས་བརྗོད་པ་ཡིན། ༈ །ལ་ནི་འདོད་ལ་རོལ་པ་དང༌། །མེ་ཡིན་རུ་ནི་དགྲ་ལ་བཤད། །ནོར་དང་དགྲ་ཡིས་འཇིགས་ལའང་གྲགས། །འཇིགས་པ་སྤྱི་ལའང་རུ་ཞེས་གྲགས། །འགྱེས་འབྲལ་དང་ནི་སྐྲག་སེམས་ལའང། །སྒྲ་མཁན་མཁས་པ་རྣམས་ཀྱིས་བཤད། །ཞི་དུལ་དང་ནི་ཆུ་ལྷ་དང༌། །གཡོན་གྱི་ཕྱོགས་དང་ལུས་ལ་ཡང༌། །རུ་ཞེས་བྱ་བ་རབ་ཏུ་གྲགས། ༈ །སྨྲ་བར་བྱེད་དང་འབྲེལ་བ་དང༌། །འབྱར་བ་དང་ནི་ཁབ་རྣམས་ལ། ཤ་ཞེས་ངེས་པར་བཤད་པ་ཡིན། །ཤཱི་ཡང་ཉལ་ཁར་བྱེད་ལ་སྨྲ། ༈ །ཧ་ནི་ཡུལ་རིང་ཉལ་བར་བྱེད། ༈ ཥ་ནི་འདུས་པར་ཡང་དག་གྲགས། །ཥུ་ཡང་སྦྲུམ་མའི་མངལ་གྲོལ་བ། ༈ །ས་ནི་ལྐོག་གྱུར་ཡང་དག་བརྗོད། །སཱ་ནི་ཡིད་འོང་མར་ངེས་སོ། ༈ །ཧཿནི་ཁྲོས་དང་མཆོད་པ་ལ། །ཧ་ནི་ཉིན་མོ་ཞེས་པར་བཤད། ༈ །ཞིང་བསྲུང་བ་ལ་ཀྵུ་ཞེས་གྲགས། །རྟག་པར་ངེས་པ་རྣམས་ལའང་རིག །ཅེས་པ་དཔལ་སྒྲ་ཡི་སྙེ་མ་དུ་མའི་དོན་ཤེས་ཤིང་རྟོགས་པར་བྱེད་པ་ལས་ཡི་གེ་གཅིག་པའི་མཛོད་རྫོགས་སོ། །རྒྱལ་ཁམས་པ་ཏཱ་ར་ནཱ་ཐས་པཎྜི་ཏ་བྷ་ཏྲི་མི་ཤྲ་ལ་ཡང་དྲིས་ཤིང༌། བི་ཤྭ་ཕྲ་ཀ་ཤའི་རྒྱ་དཔེ་ལ་ཡང་ལྟས་ནས་བསྒྱུར་བའོ། །འདི་རྒྱ་དཔེ་ཅུང་ཟད་འཁྲུགས་པ་དང༌། ཅུང་ཟད་མ་ཚང་ངམ་སྙམ་པའང་སེམས་པས། སླར་དཔེ་དག་པ་ལ་གཏུག་དགོས་པ་ཙམ་ཡོད་དོ། ། འོཾ བཉྫ་ན་རིང་དུ་ལྟ་བའོ། །