བློ་སྦྱོངས་དོན་བདུན་མའི་བླ་མ་བརྒྱུད་པའི་གསོལ་འདེབས།
བློ་སྦྱོངས་དོན་བདུན་མའི་བླ་མ་བརྒྱུད་པའི་གསོལ་འདེབས་བཞུགས། ཐུབ་པའི་དབང་པོ་རྒྱལ་ཚབ་བྱམས་པ་དང༌། །ཐོགས་མེད་སྐུ་མཆེད་གྲོལ་སྡེ་རྣམ་གཉིས་དང༌། །གུ་ཎ་མི་ཊ་སེང་བཟང་གང་བ་སྤེལ། །ཀུ་ས་ལི་པ་ཆེ་ཆུང་གསེར་གླིང་པ། །ཨ་ཏི་ཤ་དང་འབྲོམ་སྟོན་པོ་ཏོ་བ། །སྤྱི[ས]ལ་[འོད་ཟེར་གཞོན་ནུ་]བུ་པ་དང་འོད་ཟེར་[ལྷ་]བླ་མ་དང༌། །ལྷ་[རམ་པ་]སྡིངས་ཁུ་[བྱང་ཆུབ་འབུམ་]དབོན་གཉིས་དང་ཡོན་ཏན་དཔལ། །བདེ་བ་དཔལ་དང་བཀའ་བཞི་གྲགས་གཞོན་དང༌། །བསོད་ནམས་གྲགས་དང་རྒྱལ་སྲས་བཟང་པོ་དཔལ། ། ཤཱཀྱ་བསོད་ནམས་གཞོན་ནུ་བློ་གྲོས་དང༌། །པཎ་ཆེན་ཆོས་རྗེ་ཀུན་དགའ་མཆོག་གྲུབ་དང༌། །རྗེ་བཙུན་གྲོལ་མཆོག་ལུང་རིག་རྒྱ་མཚོའི་ཞབས། །སྐྱབས་གནས་ཀུན་འདུས་རྩ་བའི་བླ་མ་སྟེ། །བློ་སྦྱོང་བརྒྱུད་པ་རྣམས་ལ་གསོལ་བ་འདེབས། ། བྱམས་དང་སྙིང་རྗེ་བྱང་ཆུབ་སེམས་འབྱོངས་ཤིང༌། །བློས་བཏང་ཟློག་སྒོམ་ནུས་པར་བྱིན་གྱིས་རློབས། །རྭ་སྒྲེང་བ་ཤཱཀ་བསོད་ནམས་ཀྱི་དོན་དུ། དགྲ་བཅོམ་ཡོན་ཏན་བློ་གྲོས་བཅུག་ན་ཡོང་ཞེས་མཁན་ཆེན་རིན་པོ་ཆེའི་གསུང། ཡང་ན་མང་འཁར་ལ་ཚུལ་ཁྲིམས་དཔལ། གཞོན་ནུ་རྒྱལ མཆོག །མུས་པ་དཀོན་རྒྱལ། རྭ་སྟོན་ཡོན་ཏན་དཔལ་བཟང༌། ཀུན་དགའ་མཆོག་གྲུབ་པ་བྱས་ཀྱང་ཆོག་ལགས། ཏཱ་ར་ནཱ་ཐས་སོ།། །།