རྩེ་ལེ་སྣ་ཚོགས་རང་གྲོལ་གྱི་བཀའ་འབུམ།

རྩེ་ལེ་སྣ་ཚོགས་རང་གྲོལ་གྱི་བཀའ་འབུམ།

གླེགས་བམ། ང༽

རྩེ་ལེ་སྣ་ཚོགས་རང་གྲོལ།

Nitartha international

Images scanned by TBRC

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

དཀར་ཆག

― TR004_Page_0001 ―

^{[མ་དཔེ་གཟིགས་ན་འདིར་གནོན།]}

[Full Size]

འདིར་རྗེ་སྣ་ཚོགས་རང་གྲོལ་གྱི་བཀའ་འབུམ་ཆོས་ཚན་གྱི་རྣམ་གྲངས་ཇི་ལྟར་བཞུགས་པའི་རིམ་པ་བཀོད་པར་གླེགས་བམ། ང་། པ་ལ། གཞན་བསྐུལ་གྱི་ངོར་བྲིས་པའི་སྨོན་ལམ་གྱི་སྐོར་ཕྱོགས་གཅིག་ཏུ་བསྡེབས་པ་ནོར་བུའི་མཛོད་ཁང་ལྡེབ། ༦༩ ཕྱག་རྒྱ་ཆེན་པོ་ཡི་གེ་བཞི་པའི་དགོངས་དོན་སྙིང་པོར་དྲིལ་བ་བྱིན་རླབས་བུམ་བཟང་ལྡེབ། ༨ སྨིན་བྱེད་དབང་དང་གྲོལ་ལམ་ཕྱག་རྒྱ་ཆེན་པོའི་གནད་དོན་དྲི་བ་ལན་དུ་ཕུལ་བ་བསྐལ་བཟང་དགའ་བྱེད་བདུད་རྩིའི་འདོད་འཇོ་

― TR004_Page_0002 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡེབ། ༨༣ ཆོས་ཚུལ་སྣ་ཚོགས་ལས་བརྩམས་ཏེ་འབེལ་གཏམ་བགྱིས་པའི་རབས་མེ་ཏོག་ཆུན་འཕྱང་ལྡེབ། ༧༠ སྤྲུལ་པའི་སྐྱེས་མཆོག་མི་ཕམ་མགོན་པོས་དྲི་བ་སྔ་ཕྱི་མཛད་པ་རྣམས་ཕྱོགས་གཅིག་ཏུ་བཀོད་པ་ལྡེབ། ༢༧ སྨན་སྒོམ་དྲི་ལན་གཉིས་ཆོས་ཟུང་འཇུག་གི་ངོ་སྤྲོད་ཞལ་གདམས་ལྡེབ། ༡༡ བཅས། བཞུགས།

གཞན་བསྐུལ་གྱི་ངོར་བྲིས་པའི་སྨོན་ལམ་གྱི་སྐོར་རྣམས་ཕྱོགས་གཅིག་ཏུ་བསྡེབས་པ་ནོར་བུའི་མཛོད་ཁང་།

― TR004_Page_0003 ―

^{[མ་དཔེ་གཟིགས་ན་འདིར་གནོན།]}

[Full Size]

གཞན་བསྐུལ་གྱི་ངོར་བྲིས་པའི་སྨོན་ལམ་གྱི་སྐོར་རྣམས་ཕྱོགས་གཅིག་ཏུ་བསྡེབས་པ་ནོར་བུའི་མཛོད་ཁང་བཞུགས་སོ།

― TR004_Page_0004 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ལུས་འགྲོ་ལ་མ་ལྟར་བརྩེ་བ་ཅན། །ཐར་མེད་སེམས་ཅན་ཐར་པའི་ལམ་ལ་འགོད། །སྐྱབས་ཀྱི་དམ་པ་སྐྱབས་མཆོག་སྤྱན་རས་གཟིགས། །ཐུགས་རྗེའི་བདག་པོས་ཐུགས་ཀྱི་བརྩེར་དགོངས་ལ། །དུས་མཐར་སྐྱེས་པའི་དུས་ངན་སེམས་ཅན་རྣམས། །དམ་པའི་ཆོས་ལ་དམ་པར་མི་འཛིན་པར། །ལོག་པའི་ལས་སྤྱོད་ལོག་པའི་ལམ་ཞུགས་པའི། །མ་རིག་འགྲོ་ལ་མ་གཡེལ་ཐུགས་རྗེས་གཟུང་། །བདེ་ཆེན་ཞིང་དུ་བདེ་ལ་བཀོད་དུ་གསོལ། དེ་ཡང་བདག་ལྟ་བུ་ནི་ཐོས་བསམ་བསྒོམ་པའི་ཡོན་ཏན་གྱིས་དབེན་ཅིང་། མདོ་རྒྱུད་བསྟན་བཅོས་ཀྱི་དགོངས་དོན་ཕྱོགས་ཙམ་ཡང་མ་འགྲོལ་བའི་རྨོང་

― TR004_Page_0005 ―

^{[མ་དཔེ་གཟིགས་ན་འདིར་གནོན།]}

[Full Size]

པ་བློ་དམན་བདག་འདྲས་འཆད་རྩོད་རྩོམ་གསུམ་བགྱིས་པའི་ནུས་པ་འདི་ཆ་ཙམ་ཡང་ག་ལ་མཆིས་ཤིང་། ཁྱད་པར་དུ་ཡང་བདེ་ལེགས་ཀྱི་སྨོན་ལམ་འགྲུབ་པ་ལ་ངག་གི་བདེན་ཚིག་གྲུབ་པ་ཞིག་མེད་པར་སྨོན་ལམ་བྱེད་པའི་གང་ཟག་གི་སྐལ་བར་ལྡན་པ་དཀའ་མོད་ཀྱི། འོན་ཀྱང་ལྷག་བསམ་དག་པས་ཀུན་ནས་བླངས་ན་ཇི་ལྟར་སྨོན་བཞིན་འགྲུབ་པར་ཡང་གསུངས་སྟེ།། ༈ །།ཇི་སྐད་དུ། རང་འདོད་ཞེན་ངན་སྤང་ནས་ནི། ལྷག་བསམ་དགེ་བས་གཞན་དོན་དུ། །སྨོན་ལམ་གང་དང་གང་བཏབས་པ། །དེ་འབད་པའི་དགོས་མྱུར་འགྲུབ་འགྱུར། ཅེས་གསུངས་པའི་ཕྱིར་དང་། ཁྱད་པར་རང་ལ་མོས་འདུན་དུ་བྱེད་པའི་སྐྱེས་བུ་དག་གིས་ནན་གྱིས་བསྐུལ་བའི་ངོ་མ་ཆོག་པར་གང་དྲན་ཅི་འཐོན་དུ་སྨྲས་པའི་ཚིག་རྣམས་ཡི་གེར་བཀོད་རུང་གཞན་དོན་དུ་འགྱུར་བར་དཀའ་

― TR004_Page_0006 ―

^{[མ་དཔེ་གཟིགས་ན་འདིར་གནོན།]}

[Full Size]

མོད་སྟེ། འོན་ཀྱང་གལ་ཏེ་སྙིགས་མའི་དུས་ཀྱི་གང་ཟག་རང་དང་འདྲ་བའི་བློ་དམན་རེ་ཞིག་ལ་ཕན་པའང་སྲིད་སྙམ་ནས། ཡུལ་དུས་སོ་སོར་སྨྲས་རྣམས་རིམ་པ་བཞིན་དུ་བྲི་བར་བྱའོ། །དུས་གསུམ་རྒྱལ་བ་སྲས་དང་སློབ་མར་བཅས། །རྩ་གསུམ་ལྷ་དང་རིག་འཛིན་གྲུབ་པའི་ཚོགས། །ཆོས་སྲུང་རྒྱ་མཚོ་དཀར་ཕྱོགས་སྐྱོངས་རྣམས་ཀྱིས། །རྣམ་དག་སྨོན་ལམ་འགྲུབ་པར་བྱིན་གྱིས་རློབས། །མཐའ་ཡས་འགྲོ་བའི་ཕན་བདེའི་རྒྱུད་གཅིག་པུ། །དགེ་ལེགས་ཡོན་ཏན་མཐའ་དག་འབྱུང་བའི་གཞི། །རྒྱལ་བའི་བསྟན་པ་རིན་ཆེན་དྲི་མེད་ཉིད། །ཕྱོགས་དུས་ཀུན་དུ་དར་ཞིང་རྒྱས་གྱུར་ཅིག །ཇི་སྙེད་སེམས་ཅན་ཁམས་རྣམས་མ་ལུས་པར། །དེ་སྙེད་རྒྱལ་བའི་བསྟན་པས་ཡོངས་ཁྱབ་ཅིང་། །རང་གི་བློ་དང་མོས་ཁམས་ཇི་བཞིན་པའི། །ཟབ་རྒྱས་ཆོས་ལ་འགྲོ་ཀུན་སྤྱོད་གྱུར་ཅིག །ཐེག་པའི་མཐར་ཐུག་བླ་མེད་ཡང་དག་དོན། །ལྟ་བའི་ཡང་རྩེ་རྨད་བྱུང་རྫོགས་པ་ཆེ། །བསྟན་པའི་སྙིང་པོ་འོད་གསལ་རྡོ་རྗེའི་ཐེག །དར་ཞིང་རྒྱས་ལ་ཡུན་རིང་གནས་

― TR004_Page_0007 ―

^{[མ་དཔེ་གཟིགས་ན་འདིར་གནོན།]}

[Full Size]

གྱུར་ཅིག །བསླབ་གསུམ་རྣམ་དག་ཡོན་ཏན་མཛོད་འཛིན་པའི། །བསྟན་འཛིན་སྐྱེས་བུས་ས་ཆེན་ཡོངས་ཁྱབ་ཅིང་། །ཐོས་བསམ་བསྒོམ་པའི་ཉི་ཟླ་འབུམ་ཤར་བས། །བསྟན་པའི་སྒྲོན་མེ་ཕྱོགས་ཀུན་གསལ་གྱུར་ཅིག །སྣང་གྲགས་ལྷ་སྔགས་སྣོད་བཅུད་རྒྱལ་བའི་ཞིང་། །དེ་ཉིད་རིག་པའི་ཀློང་དུ་རོ་གཅིག་པའི། །སྟོང་གསལ་དབྱེར་མེད་ཀུན་བཟང་དགོངས་པའི་ཀློང་། །ཀ་དག་དབྱིངས་སུ་འགྲོ་ཀུན་གྲོལ་གྱུར་ཅིག །དཀོན་མཆོག་བདེན་པའི་བྱིན་རླབས་རྨད་བྱུང་དང་། །བདག་གི་ལྷག་བསམ་རྣམ་དག་བདེན་པའི་མཐུས། །སྨོན་ལམ་ཐམས་ཅད་བགེགས་མེད་འགྲུབ་པ་དང་། །རྒྱལ་བསྟན་ཡུན་རིང་གནས་པའི་བཀྲ་ཤིས་ཤོག །ཅེས་པ་འདི་ནི། སྤོ་བོ་ཡི་ཀོའི་ས་ཕྱོགས་སུ་བསྒྲུབ་པའི་རྒྱལ་མཚན་འཛིན་པའི་ཆོས་ཀྱི་རྗེ་ཨོ་རྒྱན་བསྟན་འཛིན་གྱི་བཀས། བསྟན་པ་རྒྱས་བྱེད་ཀྱི་སྨོན་ལམ་ཞིག་དགོས་ཞེས་གསུངས་པ་ལ་བརྟེན་ནས། བདག་ཀརྨཱ་རིག་འཛིན་རྣམ་པར་རྒྱལ་བས། སྨིན་གྲོལ་སྐྱེད་རྫོགས་གླིང་ནས་ཕུལ་བའོ། །

― TR004_Page_0008 ―

^{[མ་དཔེ་གཟིགས་ན་འདིར་གནོན།]}

[Full Size]

ཤཱཀྱའི་དགེ་སློང་དགེ་འདུན་ཉི་མ་གྲོགས་བཅས་ཀུན། །མི་མཐུན་ཉེར་འཚེ་འགལ་རྐྱེན་བར་ཆད་ཀུན་ཞི་ཞིང་། །ཆོས་དང་མཐུན་པའི་འདོད་དོན་མ་ལུས་འགྲུབ་གྱུར་ནས། །མྱུར་དུ་རྫོགས་པའི་བྱང་ཆུབ་དམ་པ་ཐོབ་པར་ཤོག །ཅེས་པའི་ཤོ་ལོ་ཀ་འདི་ནི། མདོ་ཁམས་ཚ་བ་གང་ནས། །དགེ་ལྡན་པའི་དགེ་སློང་འགའ་ཞིག་གིས་བསྐུལ་ངོར་བྲིས་པའོ། །སྐྱབས་གནས་དཀོན་མཆོག་གསུམ་དངོས་བླ་མ་དང་། །དེ་ཉིད་ལྷག་པའི་ལྷར་བཞེངས་ཡི་དམ་ལྷ། །ཕྲིན་ལས་སྒྲུབ་མཛད་མཁའ་འགྲོ་ཆོས་སྐྱོང་ཚོགས། །ཕྱོགས་དུས་རྒྱལ་བ་མ་ལུས་དགོངས་སུ་གསོལ། །བདག་གིས་ཐོག་མཐའ་མེད་ནས་ད་ལྟའི་བར། །དགེ་བའི་ལས་བསགས་པ་ཅི་མཆིས་པ། །དེ་དག་རྣམས་ཀྱི་མཐུ་དང་ནུས་པ་ཡིས། །བདེན་ཚིག་སྨོན་ལམ་འདི་དག་འགྲུབ་གྱུར་ཅིག །དེང་ནས་བཟུང་སྟེ་ཚེ་རབས་ཐམས་ཅད་དུ། །དལ་འབྱོར་མིར་སྐྱེས་ཆོས་ལྡན་དབང་པོ་ཚང་། །བསྟན་པའི་སྒོར་ཞུགས་བླ་མས་རྗེས་སུ་བཟུང་། །རྡོ་རྗེ་ཐེག་པའི་

― TR004_Page_0009 ―

^{[མ་དཔེ་གཟིགས་ན་འདིར་གནོན།]}

[Full Size]

ཟབ་དོན་བསྒོམ་པར་ཤོག །ཚུལ་མིན་ཁེ་གྲགས་ལོ་འདོད་ཀུན་སྤོང་ཞིང་། །རྩེ་གཅིག་བསྒྲུབ་པའི་སྙིང་པོ་ལྷུར་བླངས་ཏེ། །རང་དོན་ཀ་དག་ཟད་སར་འཁྱོལ་བྱས་ནས། །གཞན་དོན་ཕྲིན་ལས་རླབས་ཆེན་འགྲུབ་པར་ཤོག །རྗེ་བཙུན་བླ་མ་དམ་པ་ཁྱེད་དང་ནི། །སྐྱེ་དང་ཚེ་རབས་ཀུན་ཏུ་མི་འབྲལ་ཞིང་། །དམ་ཚིག་ཉེས་ལྟུང་དྲི་མས་མ་གོས་པར། །ཐུགས་རྗེ་བྱིན་རླབས་རྒྱུད་ལ་འཇུག་པར་ཤོག །གཞན་ཡང་ཚེ་འདིར་ལུས་ངག་ཡིད་གསུམ་ལ། །ནད་གདོན་ཉེར་འཚེ་བར་ཆད་ཀུན་ཞི་ཞིང་། །བསམ་དོན་ཆོས་ལྡན་ཡིད་བཞིན་འགྲུབ་གྱུར་ནས། །མྱུར་དུ་གདོད་མའི་ས་དེར་ཕྱིན་པར་ཤོག །ཞེས་པ་འདི་ནི་རང་གི་ཉེ་གནས་བསྟན་འཛིན་དར་རྒྱས་ཀྱི་བསྐུལ་ངོར་བཀོད་པའོ། །ཕྱོགས་བཅུ་དུས་གསུམ་རྒྱལ་བ་སྲས་བཅས་དང་། །སྐྱབས་གནས་ཀུན་འདུས་རྩ་བའི་བླ་མ་ཡིས། །བྱིན་རླབས་མཐུ་སྟོབས་ནུས་པའི་དཔུང་བསྐྱེད་ནས། །དད་ལྡན་མོས་པའི་

― TR004_Page_0010 ―

^{[མ་དཔེ་གཟིགས་ན་འདིར་གནོན།]}

[Full Size]

བུ་ལ་ཐུགས་རྗེས་གཟིགས། །དུས་འདི་ནས་བཟུང་ཚེ་རབས་ཐམས་ཅད་དུ། །མི་ཁོམ་གནས་སྤང་ཆོས་ལྡན་ཡུལ་དུ་སྐྱེས། །དམ་པའི་རྗེས་བཟུང་ཟབ་མོའི་ཆོས་ལ་སྤྱོད། །རང་གཞན་དོན་གཉིས་འགྲུབ་པར་བྱིན་གྱིས་རློབས། །ཚེ་རིང་ནད་མེད་ལོངས་སྤྱོད་ཕུན་སུམ་ཚོགས། །འགལ་རྐྱེན་ཀུན་ཞི་བསམ་དོན་ཆོས་བཞིན་འགྲུབ། །མྱུར་དུ་རྫོགས་པའི་སངས་རྒྱས་ཐོབ་ནས་ཀྱང་། །མཁའ་མཉམ་འགྲོ་ཀུན་འདྲེན་པའི་དཔལ་གྱུར་ཅིག །ཅེས་པ་འདི་ནི། ཀོང་ཡུལ་ཤིང་ལོའི་ཚལ་གྱི་སྨད་གུ་རུ་རིན་པོ་ཆེ་ནས་བདུད་སྲིན་མ་རུངས་པ་བཏུལ་བའི་ས་ཕྱོགས་ཐིལ་ཞེས་བྱ་བ་ནས། དད་འབྱོར་ལྡན་པའི་སྦྱིན་བདག་ནཱ་ཐའི་མིང་ཅན་ལ་སྦྱིན་པའོ། །ཕྱོགས་དུས་རྒྱལ་བ་སྲས་བཅས་མ་ལུས་དང་། །སྐྱབས་ཀུན་གཅིག་བསྡུས་པདྨ་ཐོད་འཕྲེང་རྩལ། །བདག་སོགས་འགྲོ་ལ་ཐུགས་རྗེས་བརྩེར་དགོངས་ནས། །བསམ་པའི་དོན་ཀུན་འབད་མེད་འགྲུབ་པ་དང་། །ཆོས་དང་བཀྲ་ཤིས་བདེ་ལེགས་རབ་འཕེལ་ཞིང་། །མྱུར་དུ་རྫོགས་པའི་སངས་རྒྱས་ཐོབ་གྱུར་ཅིག །ཅེས་པ་ནི་

― TR004_Page_0011 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་ཀྱི་རྗེ་པདྨ་བློ་གྲོས་ཀྱི་གྲྭ་པ་འགའ་ཞིག་གིས་བསྐུལ་ངོར་མཚམས་མལ་ནས་སོ། དུས་གསུམ་རྒྱལ་བ་སྲས་བཅས་ཐུགས་རྗེ་དང་། །དགོངས་བརྡའ་སྙན་རྒྱུད་བླ་མའི་བྱིན་རླབས་ཀྱིས། །ཀུན་བཟང་རིག་འཛིན་བསམ་དོན་ཆོས་བཞིན་འགྲུབ། །ལུས་ངག་ཡིད་གསུམ་སྨིན་ཅིང་གྲོལ་གྱུར་ཅིག །ཞི་ཁྲོ་རབས་འབྱམས་རྣམས་ཀྱི་ཐུགས་རྗེ་དང་། །ཡི་དམ་ལྷ་ཚོགས་རྣམས་ཀྱི་བྱིན་རླབས་ཀྱིས། །མཆོག་དང་མཐུན་མོངས་དངོས་གྲུབ་ཀུན་འགྲུབ་ཅིང་། །དགོས་འདོད་མ་ལུས་ཡིད་བཞིན་འབྱུང་གྱུར་ཅིག །མ་ཚོགས་མཁའ་འགྲོ་རྣམས་ཀྱི་ཐུགས་རྗེ་དང་། །བསྟན་བསྲུང་ཆོས་སྐྱོང་རྣམས་ཀྱི་བྱིན་རླབས་ཀྱིས། །འགལ་རྐྱེན་བར་ཆད་མ་ལུས་ཀུན་ཞི་ཞིང་། །ཚེ་བསོད་དཔལ་འབྱོར་ལོངས་སྤྱོད་རྒྱས་གྱུར་ཅིག །རྩ་གསུམ་ལྷ་ཚོགས་བདེན་པའི་བྱིན་རླབས་དང་། །བསླུ་མེད་རྟེན་འབྲེལ་ཟབ་མོའི་ནུས་མཐུ་དང་། །བདག་གི་ལྷག་བསམ་དག་པའི་བདེན་སྟོབས་ཀྱིས། །སྨོན་ལམ་གང་བཏབ་དེང་འདིར་འགྲུབ་

― TR004_Page_0012 ―

^{[མ་དཔེ་གཟིགས་ན་འདིར་གནོན།]}

[Full Size]

པར་ཤོག །ཅེས་གནས་ཆེན་གྱི་སྒྲུབ་གྲྭ་ནས། དད་ལྡན་ཀུན་བཟང་རིག་འཛིན་ལའོ།། ༈ །།ཆོས་དབྱིངས་རབ་འབྱམས་ཀློང་ཡངས་ཞིང་ཁམས་ནས། །དུས་གསུམ་རྒྱལ་དང་ཉན་ཐོས་རང་རྒྱལ་ཚོགས། །ཡི་དམ་ཞི་ཁྲོ་རབ་འབྱམས་རྒྱ་མཚོར་བཅས། །སྨོན་ལམ་བདེན་ཚིག་འགྲུབ་པའི་དཔང་མཛོད་ཅིག །འཁོར་བའི་རྒྱ་མཚོ་སྡུག་བསྔལ་རྦ་རླབས་ཅན། །ཡང་ཡང་འཁོར་ཞིང་རྟག་ཏུ་མནར་བ་ལས། །ཐར་གླིང་བདེ་ཆེན་ཞིང་དུ་བདེར་ཕྱིན་ནས། །འགྲོ་ཀུན་འདྲེན་པའི་དཔལ་དུ་བདག་གྱུར་ཅིག །དེང་ནས་བཟུང་སྟེ་ཚེ་རབས་ཐམས་ཅད་དུ། །དལ་འབྱོར་ལུས་ཐོབ་དམ་པའི་ཆོས་དང་མཇལ། །དགེ་བའི་བཤེས་གཉེན་དམ་པས་རྗེས་སུ་བཟུང་། །ཟབ་མོའི་གདམས་པ་ཉམས་སུ་ལེན་པར་ཤོག །ལུས་ངག་ཡིད་གསུམ་ཆོས་དང་མཐུན་པ་ཡི། །བསམ་པའི་དོན་ཀུན་འབད་མེད་འགྲུབ་པ་དང་། །འགལ་རྐྱེན་ཉེར་འཚེ་མ་ལུས་ཀུན་ཞི་ནས། །མྱུར་དུ་བྱང་ཆུབ་མཆོག་ལ་རེག་པར་ཤོག །གནས་སྐབས་ཚེ་

― TR004_Page_0013 ―

^{[མ་དཔེ་གཟིགས་ན་འདིར་གནོན།]}

[Full Size]

འདིར་ནད་གདོན་བར་ཆོད་སོགས། །མི་མཐུན་གནོད་པ་ཐམས་ཅད་རབ་ཞི་ཞིང་། །མངའ་ཐང་ཆོས་སྲིད་དཔལ་འབྱོར་ལོངས་སྤྱོད་རྣམས། །ཡར་ཟླ་ལྟར་འཕེལ་བདེ་ལེགས་ཀུན་འབྱུང་ཤོག །དུས་གསུམ་རྒྱལ་བ་ཀུན་གྱི་ཐུགས་རྗེ་དང་། །ཡི་དམ་ཆོས་སྐྱོང་རྣམས་ཀྱི་ནུས་མཐུ་ཡིས། །བསམ་དོན་ཀུན་འགྲུབ་འདོད་དགུ་ཕུན་ཚོགས་པའི། །བཀྲ་ཤིས་རབ་འབྱམས་ཕྱོགས་མཐར་ཁྱབ་གྱུར་ཅིག །ཅེས་པ་འདི་ནི། གནོད་མཛེས་མཁར་གྱི་ཡུལ་ལྗོངས་ཀྱི་བདག་མོ་བཀྲ་ཤིས་དབང་མོས་བསྐུལ་ངོར་བྲིས་པའོ། །ཕྱོགས་དུས་རྒྱལ་དང་དེ་སྲས་ཉན་ཐོས་ཚོགས། །དགོངས་བརྡའ་སྙན་རྒྱུད་བླ་མའི་ཚོགས་རྣམས་དང་། །མཁའ་འགྲོ་ཆོས་སྐྱོང་དམ་ཅན་སྲུང་མར་བཅས། །བདེན་ཚིག་སྨོན་ལམ་འགྲུབ་པའི་དཔང་མཛོད་ཅིག །དེང་ནས་བཟུང་སྟེ་བྱང་ཆུབ་མ་ཐོབ་བར། །དལ་འབྱོར་ལུས་ཐོབ་སངས་རྒྱས་ཀུན་དང་མཇལ། །དམ་པས་རྗེས་བཟུང་ཟབ་དོན་ཉམས་སུ་བླངས། །རང་གཞན་དོན་གཉིས་འགྲུབ་པར་བྱིན་གྱིས་རློབས།

― TR004_Page_0014 ―

^{[མ་དཔེ་གཟིགས་ན་འདིར་གནོན།]}

[Full Size]

། གནས་སྐབས་ཚེ་འདིར་ལུས་ངག་ཡིད་གསུམ་ལ། །མི་མཐུན་ཉེར་འཚེ་འགལ་རྐྱེན་ཀུན་ཞི་ནས། །ཡིད་ལ་བསམ་པའི་དོན་ཀུན་ཆོས་བཞིན་འགྲུབ། །མྱུར་དུ་རྫོགས་པའི་བྱང་ཆུབ་མཆོག་ཐོབ་ཤོག །ཞེས་པ་ནི་འཚོ་མཛད་ཀརྨ་འགྲོ་ཕན་ལའོ། །སྟོང་ཉིད་མཁའ་ལ་ཐུགས་རྗེའི་འོད་སྟོང་འཕྲོ། །ཚེ་འདིའི་སྣང་བ་རྨི་ལམ་སྒྱུ་མར་རིག །བྱམས་དང་སྙིང་རྗེས་འགྲོ་ལ་བརྩེ་བ་ཅན། །དྲིན་ཅན་རྩ་བའི་བླ་མར་གསོལ་བ་འདེབས། །སྙིགས་དུས་འགྲོ་བའི་དོན་ལ་བརྩེར་དགོངས་ནས། །སྔ་འགྱུར་སྙིང་པོའི་བསྟན་པ་སྤེལ་སླད་དུ། །བསྐལ་བརྒྱའི་བར་དུ་ཞབས་པད་བརྟན་པ་དང་། །ཆོས་འཁོར་རྒྱུན་མི་འཆད་པར་བསྐོར་དུ་གསོལ། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །བདག་དང་མཁའ་མཉམ་འགྲོ་བ་མ་ལུས་པ། །སྲིད་པའི་འཆིང་བ་དམ་ལས་རབ་ཐར་ནས། །ཁྱོད་དང་དབྱེར་མེད་རྫོགས་སངས་རྒྱས་པར་ཤོག །བསླུ་མེད་

― TR004_Page_0015 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་རྒྱལ་བ་དཀོན་མཆོག་གསུམ། །འགྲོ་ཀུན་གྱི་སྐྱབས་གནས་པདྨ་འབྱུང་། །མཁའ་འགྲོ་དང་ཆོས་སྐྱོང་དམ་ཅན་ཚོགས། །བདག་སྨོན་ལམ་འགྲུབ་པའི་དཔང་མཛོད་ཅིག །སྐལ་ལྡན་གྱི་སྐྱེས་མཆོག་དམ་པ་འདི། །དུས་མཐར་ཐུག་བྱང་ཆུབ་མ་ཐོབ་བར། །སྐྱེ་བ་དང་ཚེ་རབས་ཐམས་ཅད་དུ། །རྗེ་པདྨས་བྱིན་གྱིས་རློབས་པར་ཤོག །ལུས་གསལ་སྟོང་སྐྱེད་རིམ་ངང་གནས་ཤིང་། །དེ་སྣང་སྟོང་ཆུ་ཟླ་ལྟ་བུར་རྟོགས། །གདོས་བཅས་ཤ་ཁྲག་གི་ཕུང་པོ་ཉིད། །འོད་གསལ་མཇའ་ལུས་སུ་འགྲུབ་པར་ཤོག །ངག་རྡོ་རྗེའི་བཟླས་པ་ཆུ་བོའི་རྒྱུན། །དུས་རྟག་ཏུ་གཡེལ་མེད་བཟླས་བྱས་ཤིང་། །དེ་གྲགས་སྟོང་དབྱེར་མེད་བྲག་ཆ་ལྟར། །བརྗོད་མེད་ཀྱི་ངང་དུ་གྲོལ་བར་ཤོག །ཡིད་འཁྲུལ་རྟོག་གི་འབྱུང་ཁུངས་སེམས་ཉིད་འདི། །བག་ཆགས་ཀྱི་རྗེས་སུ་མི་འབྲེང་བར། །བདེ་སྡུག་གི་སྣང་བ་རང་སར་དག །དབྱིངས་རིག་དབྱེར་མེད་ཀྱི་དོན་རྟོག་ཤོག །

― TR004_Page_0016 ―

^{[མ་དཔེ་གཟིགས་ན་འདིར་གནོན།]}

[Full Size]

སྐལ་ལྡན་གྱི་སྐྱེས་མཆོག་འདི་ཉིད་ནི། །བར་ཆད་ཀྱི་རྐྱེན་གྱིས་མ་ཁྱེར་ཞིང་། །འགྲོ་དོན་དང་གདུལ་བྱའི་སྒོ་བྱེ་ནས། །སེམས་ཅན་ལ་ཕན་པ་མང་འགྲུབ་ཤོག །རིག་འཛིན་གྱི་སྐྱེས་མཆོག་དམ་པ་འདི། །སྐུ་ཚེ་དང་ཕྲིན་ལས་མཐར་ཕྱིན་ཞིང་། །གནས་སྐབས་སུ་འགྲོ་དོན་ལྷུན་གྲུབ་ནས། །མཐར་ཐུག་ཏུ་མངོན་སངས་རྒྱས་པར་ཤོག །དུས་གསུམ་རྒྱལ་བ་སྲས་བཅས་ཐམས་ཅད་དང་། །བླ་མ་ཡི་དམ་མཁའ་འགྲོ་ཆོས་སྐྱོང་ཚོགས། །སྐལ་ལྡན་འདི་ཡི་ལུས་ངག་ཡིད་གསུམ་ལ། །སྐུ་གསུང་ཐུགས་ཀྱི་བྱིན་གྱིས་རླབས་ནས་ཀྱང་། །འགལ་རྐྱེན་ཀུན་ཞི་མཐུན་རྐྱེན་ཕུན་སུམ་ཚོགས། །སྙེན་སྒྲུབ་མཐར་ཕྱིན་ཕྲིན་ལས་རྣམ་བཞི་འགྲུབ། །སྐྱེད་རྫོགས་བརྟན་ཐོབ་སྤངས་རྟོགས་མངོན་དུ་གྱུར། །གདོད་མའི་ཀློང་དུ་གཏན་སྲིད་ཟིན་པར་ཤོག །སླར་ཡང་གང་འདུལ་ཐུགས་རྗེའི་འོད་ཟེར་གྱིས། །འགྲོ་བློའི་མུན་སེལ་རེ་འདོད་ཡིད་བཞིན་སྐོངས། །ལྷུན་གྲུབ་རྒྱུན་མི་འཆད་པའི་ཕྲིན་ལས་མཆོག །འབད་མེད་

― TR004_Page_0017 ―

^{[མ་དཔེ་གཟིགས་ན་འདིར་གནོན།]}

[Full Size]

ནམ་མཁའི་མཐའ་མཉམ་འབྱུང་བར་ཤོག །རྗེ་དུས་གསུམ་རྒྱལ་བ་ཀུན་གྱི་དཔལ། །མགོན་མཁའ་འགྲོའི་དབང་ཕྱུག་པདྨ་འབྱུང་། །ཁྱེད་ཐུགས་རྗེ་ནུས་པའི་དཔུང་བསྐྱེད་ལ། །རྒྱུད་བྱིན་གྱིས་རློབས་པར་མཛད་དུ་གསོལ། །སྐལ་ལྡན་གྱི་སྐྱེས་མཆོག་མ་ཎིའི་མཚན། །བསམ་བཞིན་དུ་སྲིད་པ་ཉེར་བཞེས་ནས། །རྣམ་དཀར་གྱི་མཛད་པ་རྒྱ་ཆེན་པོ། །ཡར་ཟླ་ལྟར་འཕེལ་ཞིང་རྒྱས་པར་ཤོག །གཞི་ཀ་དག་རང་གསལ་སྐྱེ་མེད་ཀྱི། །དོན་འགྱུར་མེད་བརྩན་ས་རབ་ཟིན་ནས། །ལམ་སྐྱེད་རྫོགས་ཟུང་འཇུག་མངོན་གྱུར་ཏེ། །དབྱིངས་གདོད་མའི་གཏན་སྲིད་ཟིན་པར་ཤོག །བཀའ་རྒྱུད་བླ་མའི་ཐུགས་རྗེ་ནུས་མཐུ་དང་། །ཡི་དམ་ལྷ་ཚོགས་ཞི་ཁྲོའི་རབ་འབྱམས་ཀྱིས། །སྐྱེས་མཆོག་དམ་པ་འགྲོ་དོན་ལྷུན་གྲུབ་ནི། །སྐུ་ཚེ་བརྟན་ཞིང་ཕྲིན་ལས་རྒྱས་གྱུར་ཅིག །དུས་གསུམ་རྒྱལ་བ་སྲས་བཅས་ཉན་རང་དང་། །རིག་འཛིན་གྲུབ་མཆོག་སྐྱེས་ཆེན་ཐམས་ཅད་ཀྱིས།

― TR004_Page_0018 ―

^{[མ་དཔེ་གཟིགས་ན་འདིར་གནོན།]}

[Full Size]

།འགྲོ་བའི་དོན་དུ་སྨོན་ལམ་གང་བཏབ་པ། །དེ་དག་ཐམས་ཅད་བདག་གིས་འགྲུབ་གྱུར་ཅིག །རང་རིག་སྟོང་གསལ་མཁའ་དབྱིངས་སུ། །ལྷག་བསམ་རབ་དཀར་སྤྲིན་ཕུང་སྟིབས། །སྨོན་ལམ་རྣམ་དག་ཆར་རྒྱུན་གྱིས། །དོན་གཉིས་འབྲས་བུ་སྨིན་བྱེད་ཞིག །དགོས་བཞེས་བཀའ་ཡིས་བསྐུལ་བའི་ངོར། །བྱ་བཏང་སྤྲང་པོ་རྒྱལ་ཁམས་པས། །སྨིན་གྲོལ་སྐྱེད་རྫོགས་གླིང་དུ་བྲིས། །དགེ་བས་འགྲོ་ལ་ཕན་འགྲུབ་ཤོག །ཅེས་ལེ་མཚན་གོང་འོག་འདི་དག་རྣམས་ནི། བླ་མ་ཟླ་བ་ཆོས་གྲགས་ཀྱི་སྐྱེ་མཐའ་རྒྱལ་སྲས་འགྲོ་དོན་ལྷུན་གྲུབ། ཅེས་པའམ། མཚན་གཞན་དུ་བླ་མ་ཚེ་རིང་ནོར་བུ་ཞེས་པའི་ཐུགས་བཞེད་སྐོངས་ཕྱིར་སྔ་ཕྱི་སོ་སོར་བྲིས་པ་དག་འདིར་ཁྲིགས་ཆགས་སུ་བཀོད་པའོ། །སྐལ་བཟང་སངས་རྒྱས་རྣམས་ཀྱི་ཐུགས་རྗེ་དང་། །དུས་གསུམ་རྒྱལ་བ་དགོངས་རྒྱུད་བྱིན་རླབས་ཀྱི། །འགྲོ་བའི་བླ་མ་འཇའ་ཚོན་སྙིང་པོ་ནི། །སྐུ་ཚེ་བརྟན་ཞིང་ཕྲིན་ལས་རྒྱས་གྱུར་ཅིག །བཀའ་གཏེར་རྒྱུད་པའི་བླ་མའི་ཐུགས་རྗེ་དང་། །གྲུབ་མཆོག་རིག་འཛིན་བརྡའ་རྒྱུད་བྱིན་རླབས་ཀྱིས། །འགྲོ་བའི་བླ་མ་

― TR004_Page_0019 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་ཚེ༴ །གང་ཟག་སྙན་རྒྱུད་བླ་མའི་ཐུགས་རྗེ་དང་། །མཁའ་འགྲོ་ཆོས་སྐྱོངས་བྱིན་རླབས་ནུས་མཐུ་ཡིས། །འགྲོ་བའི་བླ་མ༴ སྐུ་ཚེ༴ དེ་ལྟར་གསོལ་བ་བཏབ་པའི་བྱིན་རླབས་ཀྱིས། །འགྲོ་བའི་མགོན་པོ་འཇའ་ཚོན་སྙིང་པོ་ཉིད། །བསྐལ་བརྒྱའི་བར་དུ་ཞབས་པད་བརྟན་པ་རུ། །མཁའ་མཉམ་འགྲོ་བའི་དོན་དུ་བཞུགས་སུ་གསོལ། །ཞེས་གཏེར་སྟོན་རིག་འཛིན་ཆེན་པོ་དེ་ཉིད་ལ་གུས་པས་ཕུལ་བའོ། །ཆོས་དབྱིངས་མཁའ་ཁྱབ་རབ་འབྱམས་ཞིང་ཁམས་ནས། །བྱིན་རླབས་མཐུ་ལྡན་བདེ་བཤེགས་རྒྱལ་བའི་ཚོགས། །འགྲོ་བའི་གཙུག་རྒྱན་པད་འབྱུང་ལ་སོགས་ཀྱིས། །ཐུགས་རྗེའི་ཤུགས་བསྐྱེད་འཆི་མེད་དངོས་གྲུབ་སྩོལ། །ཐེག་པའི་ཡང་བཅུད་སྔ་འགྱུར་སྙིང་པོའི་དོན། །ཡང་དག་འཛིན་པས་དོན་གཉིས་ལྷུན་གྲུབ་པ། །བསྟན་པའི་གསལ་བྱེད་པདྨ་བློ་གྲོས་མཆོག །མི་འགྱུར་བསྐལ་བརྒྱའི་བར་དུ་ཞབས་བརྟན་གསོལ། །

― TR004_Page_0020 ―

^{[མ་དཔེ་གཟིགས་ན་འདིར་གནོན།]}

[Full Size]

གསུང་རབ་རྒྱ་མཚོའི་ཕ་མཐར་ལེགས་སོན་ཅིང་། །སྨིན་གྲོལ་འདོད་འབྱུང་གཏེར་གྱི་དགའ་སྟོན་གྱིས། །དད་ལྡན་གདུལ་བྱའི་རེ་འདོད་སྐོངས་བའི་ཕྱིར། །མི་འགྱུར་བསྐལ་བརྒྱའི་བར་དུ་ཞབས་བརྟན་གསོལ། །སྟོང་ཉིད་ཁྱབ་གདལ་སྤྲོས་བྲལ་མཁའ་དབྱིངས་སུ། །འགགས་མེད་ཐུགས་རྗེའི་ཉི་འོད་ཕྱོགས་བཅུར་འགྱེད། །འགྲོ་བློའི་མུན་སེལ་བསྟན་པའི་སྒྲོན་མེ་རུ། །མི་འགྱུར་བསྐལ་པ༴ །དེ་ཕྱིར་གསོལ་བ་བཏབས་པའི་བདེན་སྟོབས་དང་། །ཕྱོགས་དུས་རྒྱལ་བའི་ཐུགས་རྗེའི་ནུས་མཐུ་ཡིས། །པདྨའི་རྒྱལ་ཚབས་པདྨ་བློ་གྲོས་ཉིད། །སྐུ་ཚེ་བརྟན་ཞིང་ཕྲིན་ལས་རྒྱས་པར་ཤོག །ཅེས་པ་འདི། མདོ་ཁམས་ཀྱི་ཕྱོགས་སུ་བསྟན་པའི་སྒྲོན་མེ་སྤར་བར་མཛད་པའི་ཆོས་ཀྱི་རྗེ་པདྨ་བློ་གྲོས་ཀྱི་སྐུ་ཚེ་བསྟན་བཞུགས་སུ། སློབ་དཔོན་རིན་པོ་ཆེ་དམ་ཆོས་པས་ཐུགས་བསམ་རྣམ་དག་གིས་བསྐུལ་བར་མཛད་པ་ལ་བརྟེན་ནས་སྨིན་གྲོལ་སྐྱེད་རྫོགས་གླིང་དུ་བཀོད་པའོ། །ཕྱོགས་དུས་རྒྱལ་བ་རབ་འབྱམས་སྲས་བཅས་དང་། །རྩ་བརྒྱུད་བླ་མ་ཡི་

― TR004_Page_0021 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་མཁའ་འགྲོར་བཅས། །ཆོས་སྲུངས་སྟོབས་ལྡན་བདེན་པ་གྲུབ་རྣམས་ཀྱིས། །སྨོན་ལམ་འགྲུབ་པར་བྱིན་གྱིས་བརླབས་ཏུ་གསོལ། །ཐེག་ཀུན་ཡང་རྩེ་བླ་མེད་སྙིང་པོའི་བཅུད། །ཆོས་ཀུན་མཐར་ཐུག་འོད་གསལ་རྫོགས་པ་ཆེའོ། །དོན་བཟང་ལེགས་པར་སྟོན་མཛད་ཆོས་ཀྱི་རྗེ། །དཔལ་ལྡན་བླ་མ་སྐུ་ཚེ་བརྟན་གྱུར་ཅིག བསྟན་པའི་ཡང་སྙིང་སྔ་འགྱུར་ཐེག་ཆོས་འདི། །ཏོག་གེའི་གྲུབ་མཐས་བརྙས་པའི་དུས་ངན་འདིར། །ཡང་ཟབ་ཨ་ཏིའི་བསྟན་པ་སྤེལ་སླད་དུ། །མི་འགྱུར་རྡོ་རྗེའི་གདན་ལ་བཞུགས་གྱུར་ཅིག རྒྱལ་ཀུན་གཅིག་བསྡུས་པདྨ་ཐོད་ཕྲེང་གི། །གསུང་གི་གསང་བ་ཟབ་མོའི་ཐུགས་བཅུད་རྣམས། །དད་ལྡན་འགྲོ་ལ་རིས་མེད་རྩལ་བའི་ཕྱིར། །བསྐལ་བརྒྱའི་བར་དུ་ཞབས་པད་བརྟན་གྱུར་ཅིག །དེ་ལྟར་གསོལ་བ་བཏབས་པའི་བདེན་སྟོབས་ཀྱིས། །ཁྱེད་ཞབས་བསྟན་ཞིང་ཆོས་ཀྱི་ཕྲིན་ལས་རྒྱས།

― TR004_Page_0022 ―

^{[མ་དཔེ་གཟིགས་ན་འདིར་གནོན།]}

[Full Size]

། བདག་དང་མ་རྒན་ཁམས་གསུམ་འགྲོ་བ་ཀུན། །ཀ་དག་དབྱིངས་སུ་ཁྱེད་དང་དབྱེར་མེད་ཤོག །ཞེས་པ་ནི། སྔ་འགྱུར་འོད་གསལ་སྙིང་པོའི་བསྟན་པ་སྤེལ་བར་མཛད་པའི་ཆོས་ཀྱི་རྗེ་འོད་གསལ་ནམ་མཁའ་འབྲུག་སྒྲའི་ཞབས་དྲུང་དུ་ཕུལ་བའོ། །ཕྱོགས་བཅུ་དུས་གསུམ་རྒྱལ་བ་ཐམས་ཅད་ཀྱི། །མཁྱེན་བརྩེ་ནུས་པའི་མཐུ་སྟོབས་དཔུངས་བསྐྱེད་ནས། །བདག་སོགས་རྣམས་ལ་བྱིན་གྱིས་རླབས་ནས་ཀྱང་། །སྨོན་ལམ་གེགས་མེད་འགྲུབ་པར་མཛད་དུ་གསོལ། །བདག་གིས་འཁོར་འདས་དུས་གསུམ་བསགས་པའི་དགེ། །བྱས་དང་བྱེད་འགྱུར་རྗེས་སུ་ཡི་རངས་སོགས། །རྣམ་དཀར་དགེ་ཚོགས་ཇི་སྙེད་བསྐྲུན་པའི་མཐུས། །བསྟན་དང་འགྲོ་ལ་ཕན་པ་མང་འགྲུབ་ཤོག །གནས་སྐབས་ཚེ་འདིར་ལུས་ངག་ཡིད་གསུམ་ལ། །ནད་གདོན་འགལ་རྐྱེན་བར་ཆད་རབ་ཞི་ཞིང་། །བསམ་དོན་འབད་མེད་ཆོས་བཞིན་འགྲུབ་པ་དང་། །འདོད་དགུའི་དཔལ་འབྱོར་ཕུན་སུམ་ཚོགས་པར་ཤོག །སྐྱེ་བ་སྐྱེ་བ་གཞན་རྣམས་ཐམས་ཅད་དུ།

― TR004_Page_0023 ―

^{[མ་དཔེ་གཟིགས་ན་འདིར་གནོན།]}

[Full Size]

། རིན་ཆེན་རིན་ཆེན་ལས་ལྷག་དལ་འབྱོར་ཐོབ། །སངས་རྒྱས་སངས་རྒྱས་སྲས་བཅས་རྗེས་བཟུང་སྟེ། །ཆོས་དང་ཆོས་ཀྱི་དཔལ་ལ་སྤྱོད་པར་ཤོག །འཁོར་བར་གནས་ཀྱང་འཁོར་བར་མ་གོས་ཤིང་། །སྲིད་པར་སྤྱོད་ཀྱང་སྲིད་པའི་འཆིང་གྲོལ་ཏེ། །ལྷག་བསམ་དག་པས་ལྷག་པར་གཞན་དོན་སྤྱོད། །འགྲོ་བ་སྒྲོལ་མཛད་འགྲོ་བའི་མགོན་དུ་ཤོག །ཤེས་བྱའི་གནས་ཀུན་ཀུན་ལ་རབ་མཁས་ཤིང་། །ཏིང་འཛིན་མཆོག་བསྒྲུབ་བསྒྲུབ་ལ་རྟག་ཏུ་བརྩོན། །བདུད་ལས་རབ་རྒྱལ་རྒྱལ་བའི་བསྟན་པ་འཛིན། །སྐུ་བཞིའི་བདག་ཉིད་ཉིད་དུ་བསྒྲུབ་གྱུར་ཅིག །ཅེས་པ་འདི་ནི། མི་དབང་ཀརྨ་བསྟན་སྲུང་ལའོ། །ཕྱོགས་བཅུའི་དུས་བཞིའི་རྒྱལ་བ་སྲས་དང་བཅས་པ་ལ་གུས་པས་ཕྱག་འཚལ་ཞིང་སྐྱབས་སུ་མཆིའོ། །བདག་ནི་འདི་ནས་ཚེ་རབས་ཐམས་ཅད་དུ། །དལ་འབྱོར་དམ་པ་སྐྱོན་མེད་ཐོབ་པ་

― TR004_Page_0024 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། །དགེ་བའི་བཤེས་ཀྱི་རྗེས་སུ་འཛིན་པ་དང་། །རྡོ་རྗེ་ཐེག་པའི་ཆོས་ལ་སྤྱོད་ནས་ཀྱང་། །ཚེ་གཅིག་སངས་རྒྱས་བསྒྲུབ་ལ་བརྩོན་པར་ཤོག །འཇིག་རྟེན་ཆོས་བརྒྱད་འཁྲུལ་ཕྱིར་མི་འབྲང་ཤིང་། །སྡིག་པའི་གྲོགས་དང་གཏན་དུ་བྲལ་བ་དང་། །དད་དང་བརྩོན་འགྲུས་ཤེས་རབ་ཕུལ་བྱུང་བས། །ཆོས་ཀྱི་གནད་དོན་ཚུལ་བཞིན་རྟོགས་པར་ཤོག །ཐོས་པ་རྒྱ་མཚོ་ངོམ་པ་མེད་པ་དང་། །བསམ་པ་དགེ་བས་ལས་མིན་སྤོང་བ་དང་། །བསྒོམ་པའི་ཉམས་རྟོགས་རྩལ་གསུམ་རྫོགས་པ་ཡིས། །གཞན་ལའང་གདམས་པ་རྒྱ་ཆེན་སྟོན་པར་ཤོག །འགྲོ་བའི་མགོན་གྱུར་མཚན་ལྡན་བླ་མ་ལ། །མཉེས་པ་གསུམ་གྱི་ཞབས་གཏོགས་མཐར་ཕྱིན་ཏེ། །དམ་ཚིག་ཉེས་ལྟུང་དྲི་མས་མ་གོས་ཤིང་། །འབྲལ་མེད་བྱིན་རླབས་རྒྱུད་ལ་འཇུག་པར་ཤོག །རང་དོན་བཙན་ས་ལེགས་པར་ཟིན་ནས་ཀྱང་། །ལུས་སྲོག་ལྟོས་མེད་ངལ་བ་ཁྱད་སད་དེ། །ཆོས་

― TR004_Page_0025 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ཟང་ཟིང་མི་འཇིགས་སྦྱིན་པ་ཡིས། །འགྲོ་དྲུག་ཕ་མ་བདེ་ལ་འགོད་པར་ཤོག །སེམས་ཅན་སྡུག་བསྔལ་རྒྱ་མཚོ་མ་ཟད་བར། །བདག་གི་མཛད་ཕྲིན་རྒྱ་མཚོ་དཔག་མེད་ཀྱིས། །འགྲོ་ལ་ཕན་པ་རྒྱ་མཚོ་འབྱུང་བ་ཡི། །རྣམ་དག་སྨོན་ལམ་རྒྱ་མཚོ་འགྲུབ་གྱུར་ཅིག །ཕྱོགས་བཅུ་མཐའ་ཡས་ཞིང་ཁམས་ཀུན་བཞུགས་པའི། །རྒྱལ་བ་མཐའ་ཡས་སྲས་བཅས་ཀུན་གྱིས་ནི། །སྨོན་ལམ་མཐའ་ཡས་གང་དག་ཅི་མཆིས་པའི། །དགེ་བས་མཐའ་ཡས་འགྲོ་བ་ཀུན་གྲོལ་ཤོག །ཅེས་པ་འདི་ནི། ཨོ་རྒྱན་སྦྱིན་པ་ལའོ། །བདེན་པའི་དོན་སྟོན་རྒྱལ་བ་སྲས་བཅས་དང་། །བདེན་གཉིས་ཟུང་འཇུག་ལུང་རྟོགས་དམ་པའི་ཆོས། །བདེན་འཛིན་འཁྲུལ་སྣང་ཆོས་སྐུར་གྲོལ་མཛད་པ། །བདེན་ཚིག་གྲུབ་རྣམས་བདག་ལ་དགོངས་སུ་གསོལ། །བདག་ནི་དེང་ནས་ཚེ་རབས་ཐམས་ཅད་དུ། །དལ་འབྱོར་ཕུན་ཚོགས་

― TR004_Page_0026 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེའི་ཐེག་དང་མཇལ། །དགེ་བའི་བཤེས་གཉེན་དམ་པས་རབ་ཟིན་ནས། །འཁྲུལ་མེད་ལམ་ལ་ཡང་དག་འཇུག་པར་ཤོག །བསླུ་བྱེད་འཇིག་རྟེན་སྒྱུ་མའི་མིག་འཕྲུལ་ལ། །དུག་ཅན་ཟས་ལྟར་རིང་ནས་རྒྱབ་ཕྱོགས་ཏེ། །ཟབ་དོན་སྙིང་པོའི་དོན་མཆོག་སྤྱོད་པ་ལ། །བཀྲེས་པས་ཟས་མཐོང་བཞིན་དུ་འཇུག་པར་ཤོག །མེ་འདག་ལྟ་བུའི་ལོག་འཚོའི་དཀོར་ཟས་དང་། །བདག་འཛིན་སྐྱེད་བྱེད་ཉན་གྲགས་འདུ་འཛི་དང་། །དགེ་སྦྱོར་རླག་བྱེད་འཇིག་རྟེན་ཆོས་བརྒྱད་ཀུན། །རྒྱང་དུ་བསྲིང་ནས་ཐར་པ་བསྒྲུབ་པར་ཤོག །འགའ་ཞིག་བདག་ལ་གནོད་པའི་སེམས་ཀྱིས་སུ། །ཁྲོ་ཞིང་དམོད་དང་བརྡེག་འཚོགས་གསོད་ཀྱང་རུང་། །སྡང་སེམས་ཁྲོ་འཁྲུག་འཁོན་འཛིན་རབ་སྤངས་ཏེ། །གནོད་ལེན་བྱང་སེམས་ཆོས་ཀྱིས་འཇལ་བར་ཤོག །ཚེ་འདི་དོན་དུ་གཉེར་བ་ལས་བྱུང་བའི། །བདེ་བའི་མཚོ་བརྡོལ་སྐྱིད་པའི་ཉི་

― TR004_Page_0027 ―

^{[མ་དཔེ་གཟིགས་ན་འདིར་གནོན།]}

[Full Size]

ཤར་ཀྱང་། །དགོས་མེད་ཞེན་ལོག་གཏིང་ནས་སྐྱེས་པ་ཡིས། །ཆོས་ཕྱིར་དཀའ་སྤྱད་རི་ཁྲོད་འགྲིམ་པར་ཤོག །དབེན་པའི་གནས་སུ་འདུ་འཛི་ཀུན་སྤངས་ཏེ། །རང་སེམས་དཔང་གཙུག་དཀོན་མཆོག་མི་འཁྲེལ་བའི། །ཡེངས་མེད་དགེ་སྦྱོར་ཉིན་མཚན་དུས་འདའ་ཞིང་། །རང་རྒྱུད་དམ་པའི་ཆོས་ཀྱིས་ཐུལ་བར་ཤོག །གལ་ཏེ་རྣམ་རྟོག་འཁྲུལ་ཕྱིར་འབྲེང་གྱུར་ཀྱང་། །སྐད་ཅིག་དེ་ལ་དྲན་རིག་རྩིས་ཟིན་ཏེ། །སྒོམ་མེད་ཡེངས་མེད་བརྗོད་བྲལ་གནས་ལུགས་དོན། །རང་ཤར་རང་གྲོལ་ཀ་དག་མངོན་གྱུར་ཤོག །རང་བབས་གནས་ཚེ་སྤྲོས་བྲལ་ཆོས་ཀྱི་སྐུ། །འགགས་མེད་རང་མདངས་ལྷུན་གྲུབ་ལོངས་སྤྱོད་རྫོགས། །སྣ་ཚོགས་འཕྲོ་ཡང་ཤར་གྲོལ་སྤྲུལ་སྐུའི་ངང་། །ཅིར་ཤར་སྐུ་གསུམ་དབྱེར་མེད་རྟོགས་པར་ཤོག །ངོ་བོ་སྟོང་པ་རྫོགས་རིམ་མཚན་མ་བྲལ། །རང་བཞིན་གསལ་བ་སྐྱེད་རིམ་ཡི་དམ་ལྷ། །ཟུང་འཇུག་དབྱེར་མེད་

― TR004_Page_0028 ―

^{[མ་དཔེ་གཟིགས་ན་འདིར་གནོན།]}

[Full Size]

བཟང་ངན་བླང་དོར་བྲལ། །ཆོས་ཉིད་རོལ་པའི་དཀྱིལ་འཁོར་ལྷུན་གྲུབ་ཤོག །མཉམ་བཞག་རྗེས་ཐོབ་སྤངས་བླངས་ལས་འདས་ཀྱང་། །འགགས་མེད་རྩལ་སྣང་འཕྲོ་འདུའི་རོལ་པ་ཀུན། །དག་སྣང་མོས་གུས་སྙིང་རྗེར་རང་ཤར་ནས། །རང་གཞན་དོན་ཀུན་འབད་མེད་འབྱུང་བར་ཤོག །གལ་ཏེ་བར་དོའི་སྣང་བ་འཆར་གྱུར་ཀྱང་། །ཁྲེག་ཆོད་ཐོད་རྒལ་ཟབ་གནད་སྙིང་པོ་ཀུན། །གཅིག་ཅར་དྲན་པས་རང་སྣང་ངོ་ཤེས་ཏེ། །ཡིན་ལུགས་ཇི་བཞིན་རྟོགས་ནས་གྲོལ་བར་ཤོག །བདག་ཉིད་མཐོང་ཐོས་རེག་པའི་འགྲོ་བ་ཀུན། །བདག་འཛིན་འཆིང་བའི་ཞགས་པ་རབ་གྲོལ་ཏེ། །བདག་མེད་ཡང་དག་གནས་ལུགས་རྟོགས་ནས་ཀྱང་། །བདག་གཞན་དབྱེར་མེད་ཆོས་སྐུར་གྲོལ་བར་ཤོག །སངས་རྒྱས་ཞིང་ཁམས་རྒྱ་མཚོ་མཐའ་ཡས་པར། །སངས་རྒྱས་རྣམ་འཕྲུལ་རྒྱ་མཚོ་དཔག་མེད་ལྟར། །སངས་རྒྱས་མཛད་པ་རྒྱ་མཚོ་བདག་འགྲུབ་ཤོག །བྱང་ཆུབ་སེམས་ཀྱིས་འགྲོ་བ་སྒྲོལ་མཛད་པའི། །བྱང་སེམས་རྣམས་ཀྱིས་འགྲོ་

― TR004_Page_0029 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་བརྩེར་དགོངས་ཏེ། །བྱང་ཆུབ་སྤྱོད་པ་ཚད་མེད་སྤྱད་པ་བཞིན། །བྱང་སེམས་སྤྱོད་ལ་བདག་ཀྱང་འཇུག་པར་ཤོག །ནམ་མཁས་གར་ཁྱབ་ནམ་མཁའ་གནས་ཀྱི་བར། །འཁོར་བ་ཡང་ཡང་འཁོར་བའི་འགྲོ་བ་རྣམས། །བླ་མེད་གོ་འཕངས་བླ་ན་མེད་པ་རུ། །འདྲེན་པའི་དེད་དཔོན་འདྲེན་མཆོག་བདག་གྱུར་ཅིག །ཅེས། རྣལ་འབྱོར་པ་ཆོས་འཕེལ་བཟང་པོ་ལའོ། །ཕྱོགས་བཅུ་དུས་གསུམ་རྒྱལ་བ་མ་ལུས་པས། །ཐུགས་རྗེ་ནུས་པའི་དཔུང་ཆེན་རབ་བསྐྱོད་ནས། །བདག་གི་སྨོན་ལམ་འདི་དག་འགྲུབ་པ་ཡི། །རེ་འདོད་ཡིད་བཞིན་སྐོང་བར་མཛད་དུ་གསོལ། །དེང་ནས་བཟུང་སྟེ་སྐྱེ་བ་ཐམས་ཅད་དུ། །མི་ཁོམ་གནས་སྤངས་དལ་འབྱོར་རིན་ཆེན་ཐོབ། །དགེ་བའི་བཤེས་གཉེན་མཆོག་གིས་རྗེས་བཟུང་སྟེ། །སྨིན་གྲོལ་ཟབ་མོའི་དོན་ལ་སྤྱོད་པར་ཤོག །ཐོས་པས་ཆོས་ཀུན་སྒྲོ་འདོགས་ལེགས་ཆོད་ཅིང་། །བསམ་པས་

― TR004_Page_0030 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ནོར་དོན་ལ་འཇུག་པ་དང་། །བསྒོམ་པའི་ཉམས་རྟོགས་འབྲས་བུ་སྨིན་པ་ཡིས། །རང་དོན་བཙན་ས་ལེགས་པར་ཟིན་པར་ཤོག །ཇི་སྲིད་སེམས་ཅན་རྒྱ་མཚོ་གནས་ཀྱི་བར། །དེ་སྲིད་རྣམ་འཕྲུལ་རྒྱ་མཚོ་འགྱེད་ནུས་ཤིང་། །སངས་རྒྱས་ཕྲིན་ལས་རྒྱ་མཚོ་བདག་འགྲུབ་པས། །མཐའ་ཡས་འགྲོ་ཕན་རྒྱ་མཚོ་མཐར་ཕྱིན་ཤོག །གནས་སྐབས་མཐར་ཐུག་འགལ་རྐྱེན་ཀུན་ཞི་ཞིང་། །མཐུན་རྐྱེན་ཀུན་དང་མི་འབྲལ་ཆོས་སྤྱད་དེ། །རང་གཞན་དོན་ཀུན་ལྷུན་གྱིས་གྲུབ་པ་ཡི། །གོ་འཕངས་མཆོག་ལ་མྱུར་དུ་རེག་པར་ཤོག །ཅེས་པ་འདི་ནི། ཆོས་ཀྱི་རྒྱལ་པོ་རིམ་པར་བྱོན་པའི་གདུང་རིགས་ལས་འཁྲུངས་ཤིང་ལུགས་གཉིས་ཀྱི་དཔལ་འབྱོར་ལྡན་པའི་ལྷའི་བཙུན་མ་ཀརྨ་ཚེ་རིང་བཟང་མོའི་བཀས་བསྐུལ་བའི་ངོར། མཁས་གྲུབ་ཡེ་བཟང་རྩེ་པ་སོགས་སྐྱེས་ཆེན་མང་པོའི་བཞུགས་གནས་སུ་གྱུར་པ། དཔལ་རྩེས་ཐང་གི་ཆོས་གྲྭ་ཆེན་པོའི་ཡང་དབེན་བསམ་གཏན་གླིང་དུ་བྲིས་པའོ། །ཕྱོགས་བཅུ་དུས་གསུམ་

― TR004_Page_0031 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་བ་མ་ལུས་པས། །སྙིགས་དུས་འགྲོ་བ་འདྲེན་པར་བསྔགས་པའི་མཆོག །སྔ་འགྱུར་བསྟན་པའི་སྒྲོན་མེ་འཇིག་རྟེན་མིག །གཞན་ཕན་རྡོ་རྗེ་བསྐལ་བརྒྱར་ཞབས་བརྟན་གསོལ། །ཐ་སྙད་ཤེས་བྱའི་གནས་ནས་ཉེར་བཟུང་སྟེ། །སངས་རྒྱས་ལག་བཅངས་ཟབ་དོན་མཐར་ཐུག་བར། །ཆོས་ཀྱི་འབྱུང་གནས་ཁྱེད་ལས་གཞན་མེད་ན། །དེ་སླད་བསྟན་འགྲོའི་དོན་དགོངས་ཞབས་བརྟན་གསོལ། །དཀོན་མཆོག་བདེན་པའི་བྱིན་རླབས་རྨད་བྱུང་དང་། །རྩ་གསུམ་ལྷ་ཚོགས་ཐུགས་རྗེའི་ནུས་སྟོབས་ཀྱིས། །འདྲེན་མཆོག་དཔལ་མགོན་རྩ་བའི་བླ་མ་ཉིད། །སྐུ་ཚེ་བརྟན་ཞིང་འཕྲིན་ལས་རྒྱས་པ་ཡི། །གསོལ་བཏབ་དོན་ལྡན་འགྲུབ་པར་མཛད་དུ་གསོལ། ཅེས་པ་འདི་ནི། བདག་ཅག་གི་འདྲེན་པ་མཚུངས་བྲལ་སྐད་གཉིས་སྨྲ་བའི་དབང་ཕྱུག་ངག་དབང་གཞན་ཕན་རྡོ་རྗེའི་དྲུང་དུ་ཕུལ་བའོ། ཨོཾ་སྭ་སྟི་སིདྡྷཾ། རྒྱལ་གསུང་

― TR004_Page_0032 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་འབྱམས་ཆོས་ཀྱི་ཆུ་གཏེར་ལས། །ལེགས་བྱུང་ཐེག་པའི་བང་རིམ་མངོན་མཐོའི་རྩེར། །ཡང་གསང་རྫོགས་ཆེན་རྣམ་རྒྱལ་ཁང་བཟང་ལ། །དབང་བསྒྱུར་དཔལ་ལྡན་བླ་མ་ཞབས་བརྟན་གསོལ། །སྣ་ཚོགས་གཞུང་ལུགས་དུ་མའི་ཆུ་བོ་ཀུན། །མ་ལུས་གཅིག་ཏུ་གཞོལ་ཆུ་གཏེར་མཆོག །ཟབ་ཡངས་གཏིང་མཐའ་བྲལ་བའི་ཀློང་ཆེན་པོ། །རྫོགས་ཆེན་བསྟན་པའི་མངའ་བདག་ཞབས་བརྟན་གསོལ། །དུས་རིང་འབད་པ་དྲག་པོས་བསླབ་སྦྱངས་པའི། །མཁས་པར་གྲགས་པ་ཟླ་བྲལ་མཆོག་རྣམས་ཀྱང་། །ཁྱེད་གསུང་ཟབ་མོའི་ཆོས་སྒྲས་སྤོབས་བྲལ་མཛད། །སྨྲ་བའི་ཉི་མ་བསྐལ་བརྒྱར་ཞབས་བརྟན་གསོལ། །འཇིག་རྟེན་ཆོས་བརྒྱད་རྙེད་དང་གྲགས་འདོད་ཀྱི། །དྲི་མ་རྡུལ་ཆ་ཙམ་གྱིས་མ་གོས་ཤིང་། །ཟབ་དོན་སྦྲང་རྩི་འཛིན་པའི་ཨུ་དུམ་ཝར། །དད་ལྡན་རྐང་དྲུག་ཚིམ་མཛད་ཞབས་བརྟན་གསོལ། །སྙིགས་

― TR004_Page_0033 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་མུན་གླིང་འཁྱམས་པའི་འགྲོ་རྣམས་ལ། །བཤེས་གཉེན་རྒྱུ་སྐར་གཞན་གྱིས་སྣང་བྱེད་པའི། །ནུས་བྲལ་དེ་སླད་རྫོགས་ཆེན་འོད་སྟོང་ཅན། །ཁྱོད་ནི་འགྲོ་བློའི་མུན་བསེལ་བསྐལ་བརྒྱར་བཞུགས། །སྔ་འགྱུར་འོད་གསལ་སྙིང་པོའི་ཉི་མ་འདི། །ལོག་རྟོག་གྲུབ་མཐའ་ངན་པས་སྒྲིབས་ཉེ་ཤིང་། །མ་རྒན་འགྲོ་འདི་ལོག་ལམ་འཁྱམས་པ་ལ། །མགོན་མཛད་དམ་པ་ཁྱེད་ཞབས་རབ་བརྟན་གསོལ། །རྩ་རྒྱུད་བླ་མ་རྒྱལ་བ་རྒྱ་མཚོའི་ཚོགས། །གཅིག་བསྡུས་རྒྱལ་དབང་པདྨ་ཚེ་ཡི་བདག །བསླུ་མེད་ཆོས་སྲུངས་སྟོབས་ལྡན་ཚོགས་བཅས་ཀྱིས། །སྨོན་ལམ་བཏབ་འདི་འགྲུབ་པར་བྱིན་གྱིས་རློབས། །ཅེས་པ་འདི་ཡང་། ཆོས་རྗེ་རྫོགས་ཆེན་པ་ནམ་མཁའ་འབྲུག་སྒྲའི་བརྟན་བཞུགས་སུ། རྗེ་དེ་ཉིད་ཀྱི་གྲ་སློབ་རྣམས་ཀྱིས་བསྐུལ་ངོར་ཕུལ་བའོ། །རྣམ་པ་ཀུན་ཏུ་འགྲོ་ལ་ཕན་བཞེད་པའི། །རྒྱལ་བ་སྤྱན་རས་གཟིགས་སོགས་འཕགས་མཆོག་དང་། །བླ་མ་

― TR004_Page_0034 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་རྒྱས་དཀོན་མཆོག་དཀྱིལ་འཁོར་ལྷ། །རྣམ་འདྲེན་མཆོག་རྣམས་བདག་ལ་དགོངས་སུ་གསོལ། །བདག་གིས་ཐོག་མཐའ་མེད་ནས་ད་ལྟའི་བར། །བྱས་དང་བྱེད་འགྱུར་བྱེད་ལ་ཡི་རངས་པའི། །དགེ་ཚོགས་ཅི་མཆིས་མཁའ་མཉམ་འགྲོ་ཀུན་ལ། །ལྷག་བསམ་དག་པས་ཡོངས་སུ་བསྔོ་བར་བགྱི། །འཁོར་བ་རྒྱ་མཚོ་ཇི་སྲིད་གནས་ཀྱི་བར། །བདག་གི་རྣམ་འཕྲུལ་བཀོད་པ་མཐའ་ཡས་པས། །ཕན་པ་མཆོག་དང་བདེ་བ་བླ་མེད་པའི། །བྱང་ཆུབ་ལམ་ལ་འགོད་པའི་ནུས་ལྡན་ཤོག །དལ་འབྱོར་རིན་ཆེན་ཐོབ་དཀའ་རྙེད་བཞིན་དུ། །རང་གིས་རང་བསླུད་སྟོང་ཟད་མི་བྱེད་པར། །འཁོར་བའི་གདོས་ཐག་ཆོད་པའི་བློ་ལྡན་ཞིང་། །མ་ནོར་གཏན་སྲིད་ཟིན་ལ་འབད་པར་ཤོག །རྙེད་བཀུར་གྲགས་པ་དོན་གཉེར་བླ་མ་དང་། །འཕྲད་ཚད་སྡིག་ལ་སྦྱོར་བའི་གྲོགས་ངན་དང་། །སྤྱོད་ཚད་ཡོན་ཏན་འགྲིབ་པའི་དཀོར་ཟས་སོགས། །ལམ་གྱི་འགལ་རྐྱེན་རྣམས་དང་

― TR004_Page_0035 ―

^{[མ་དཔེ་གཟིགས་ན་འདིར་གནོན།]}

[Full Size]

མི་འཕྲད་ཤོག །འབྲེལ་ཚད་དོན་དང་ལྡན་པའི་བཤེས་གཉེན་དང་། །འགྲོགས་བཞིན་ཡོན་ཏན་འགོ་བའི་གྲོགས་མཆོག་དང་། །དགེ་སྦྱོར་གོང་དུ་འཕེལ་བའི་མཐུན་རྐྱེན་ཏེ། །ཐམས་ཅད་རྩོལ་མེད་ཤུགས་ལས་འབྱུང་བར་ཤོག །སྙིང་པོ་མེད་ཅིང་ལས་ངན་གསོགས་བྱེད་པའི། །ལྟར་སྣང་མཛེས་པས་བསླུ་བྱེད་འཁོར་བའི་ཆོས། །རྙེད་བཀུར་གྲགས་སོགས་འཇིག་རྟེན་ཆོས་བརྒྱད་ཀྱི། །དྲི་མ་རྡུལ་ཆ་ཙམ་ཡང་བྲལ་བར་ཤོག །དཀར་གསལ་གངས་རིའི་ངོག་དང་གཡའ་རིའི་མགུལ། །ལྷུང་ལྷུང་སྙན་པར་སྒྲོག་པའི་ཆུ་ཀླུང་འགྲམ། །རབ་མཛེས་སྤང་རིའི་རྩེ་དང་ནགས་ཀྱི་ཁྲོད། །མི་མེད་དབེན་པའི་རི་ཁྲོད་འགྲིམ་པར་ཤོག །ཅོང་ཅོང་བྱ་ཚོགས་སྙན་པའི་གླུ་ལེན་ཅིང་། །ལྷུག་ལྷུག་རྩེད་འཇོ་བདེ་བའི་རི་དྭགས་བཅས། །ཟིར་ཟིར་བུང་བ་ལྡིང་བའི་རི་ཁྲོད་དུ། །གཅིག་པུར་བསམ་གཏན་བསྒོམ་ལ་སྤྲོ་བར་ཤོག །ཤེས་ཤེས་རྣམ་

― TR004_Page_0036 ―

^{[མ་དཔེ་གཟིགས་ན་འདིར་གནོན།]}

[Full Size]

གྲངས་མང་པོའི་བློ་སྣ་དང་། །བྱས་བྱས་དོན་འགོ་མེད་པའི་སྡུག་ཡུས་དང་། །ཐོབ་ཐོབ་རྒྱུད་ལ་མ་འཁེལ་ང་རྒྱལ་སོགས། །སྤངས་ནས་ཚེ་འདི་སྒྲུབ་པ་མཉམ་པར་ཤོག །རང་ཉིད་མཐོ་རིས་བདེ་བ་འདོད་པའམ། །གཅིག་པུ་ཞི་བའི་བྱང་ཆུབ་གཉེར་བའི་བློ། །མ་ཡིན་གཞན་དོན་ཁོ་ནའི་ཆེད་ཉིད་དུ། །བླ་མེད་བྱང་ཆུབ་བསྒྲུབ་ལ་བརྩོན་པར་ཤོག །ཁྲེག་ཆོད་གཞི་ཐོག་གཏན་ལ་ཕེབས་པ་དང་། །ཐོད་རྒལ་སྐུ་དང་ཞིང་ཁམས་བཅུད་དུ་སྨིན། །གདེངས་གཉིས་སྡོད་པ་གསུམ་དང་ཐོས་པ་གསུམ། །མ་ལུས་མངོན་གྱུར་ཆོས་སྐུར་གྲོལ་བར་ཤོག །རྟོགས་མེད་ཆོས་སྐུའི་ངང་ལས་མ་གཡོས་བཞིན། །རྩལ་མདངས་གཟུགས་སྐུ་གཉིས་སོགས་རྣམ་རོལ་འཕྲུལ། །དུ་མས་འགྲོ་བ་མ་ལུས་སྒྲོལ་བ་ཡི། །ཕྲིན་ལས་རྒྱལ་བ་ཀུན་ལས་ལྷག་པར་ཤོག །ཞེས་པ་ནི། གཙང་གི་ལྷ་བཙུན་འཕྲིན་ལས་གསང་སྔགས་འཛིན་པས་བསྐུལ་ངོར་བྲིས་པའོ། སྭ་སྟི་སིདྡྷི། ཕྱོགས་དུས་རྒྱལ་བའི་སྨོན་

― TR004_Page_0037 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་མཐུ་སྟོབས་དང་། །འཁོར་འདས་ལམ་གསུམ་དགེ་བའི་འབྲས་གང་གི། །བདེན་མཐུས་སྐྱེ་བ་འདི་དང་སྐྱེ་གཞན་དུ། །རང་བཞིན་དོན་གཉིས་བསྒྲུབ་ལ་བརྩོན་པར་ཤོག །ཕར་ཕྱིན་དྲུག་དང་ཆོས་སྤྱོད་རྣམ་པ་བཅུ། །དགེ་བ་བཅུ་དང་ཐུན་མོངས་དགེ་ཚོགས་དག །རང་དོན་གཅིག་པུའི་བློ་སྤངས་གཞན་གྱི་དོན། །དམིགས་ནས་བརྩོན་པས་ཐར་པ་བསྒྲུབ་པར་ཤོག །གསང་བའི་ཡང་གསང་རྡོ་རྗེ་ཐེག་པའི་ལམ། །དབང་གིས་རྒྱུད་སྨིན་གྲོལ་བྱེད་བསྐྱེད་དང་རྫོགས། །ཉམས་སུ་བླངས་ནས་ཚེ་གཅིག་འོད་ཀྱི་སྐུ། །མངོན་དུ་གྱུར་ནས་གཞན་ཕན་དཔག་ཡས་ཤོག །དུས་གསུམ་རྒྱལ་བའི་མཛད་ཕྲིན་དཔག་མེད་དང་། །རྒྱལ་སྲས་བྱང་སེམས་འགྲོ་ཕན་ནུས་སྟོབས་དང་། །གྲུབ་མཆོག་རྣམས་ཀྱི་ཉམས་རྟོགས་མཐར་ཕྱིན་རྩལ། །ཡོན་ཏན་མ་ལུས་བདག་གིས་དེང་འགྲུབ་ཤོག །ཆོས་དབྱིངས་ནམ་མཁའ་ཇི་སྲིད་གནས་ཞིང་ཀུན། །ཕྲིན་ལས་ནམ་

― TR004_Page_0038 ―

^{[མ་དཔེ་གཟིགས་ན་འདིར་གནོན།]}

[Full Size]

མཁའ་ཁྱབ་པའི་རྣམ་འཕྲུལ་གྱིས། །རིས་དྲུག་ནམ་མཁའ་མཉམ་པའི་འགྲོ་བ་རྣམས། །སྐྱེ་མེད་ནམ་མཁའ་ལྟ་བུར་གྲོལ་བར་ཤོག །ཅེས་པ་ནི། བླ་མ་བརྩོན་འགྲུས་ལའོ། །རྩ་རྒྱུད་བླ་མ་རྒྱལ་བ་སྲས་བཅས་ཀྱི། །ཐུགས་རྗེ་ནུས་པའི་རྩལ་ཆེན་རྨད་བྱུང་བས། །ཡིད་ཀྱི་རེ་བ་ཡོངས་སུ་འགྲུབ་པ་དང་། །མཁའ་མཉམ་འགྲོ་བ་འདྲེན་པའི་ནུས་སྟོབས་མཆོག །རྒྱལ་ཀུན་མཛད་ཕྲིན་མཐུ་རྩལ་མཉམ་པར་ཤོག །ཅེས་དགེ་སློང་ལེགས་པ་ལའོ། སྭ་སྟི། ཕྱོགས་བཅུའི་ཞིང་གི་རྒྱལ་བ་སྲས་བཅས་དང་། །རྩ་རྒྱུད་བླ་མ་ཡི་དམ་ཆོས་སྲུང་ཚོགས། །ལྷ་དང་དྲང་སྲོང་བདེན་པ་འགྲུབ་ཀུན་གྱིས། །བདག་གིས་སྨོན་ལམ་འགྲུབ་པར་མཛད་དུ་གསོལ། །བདག་དང་མཁའ་མཉམ་འགྲོ་བ་མ་ལུས་པས། །བྱས་དང་བྱེད་འགྱུར་དགེ་ཚོགས་ཅི་མཆིས་ཀུན། །བླ་མེད་བྱང་ཆུབ་དམ་པ་འགྲུབ་པའི་རྒྱུར། །གེགས་མེད་ཁོ་ནར་མྱུར་དུ་འགྱུར་བར་ཤོག །སྐྱེ་བ་ཀུན་ཏུ་རྒྱལ་བའི་བསྟན་པ་ལ། །ཐོས་

― TR004_Page_0039 ―

^{[མ་དཔེ་གཟིགས་ན་འདིར་གནོན།]}

[Full Size]

བསམ་སྒོམ་པ་ཡང་དག་ལྷུར་ལེན་ཅིང་། །ཡིད་བཞིན་རིན་ཆེན་ལྟ་བུའི་དགེ་བའི་བཤེས། །རྙེད་ནས་རྗེས་སུ་འཛིན་པ་ཉིད་གྱུར་ཅིག །ཐོས་ཀྱང་དྲེགས་པས་བཅིངས་བ་མ་ཡིན་ཞིང་། །ཤེས་ཀྱང་རློམ་སེམས་དུག་གིས་མ་སླད་དང་། །བསྒོམས་ཀྱང་ཞན་འཛིན་སྦུན་པས་མ་གཡོགས་པར། །གང་བྱེད་ཆོས་སུ་ཡང་དག་འགྱུར་བར་ཤོག །ཟང་ཟིང་ནོར་དང་འཇིག་རྟེན་ཆོས་བརྒྱད་དང་། །མི་དགེའི་བཤེས་གཉེན་སྡིག་གྲོགས་ལ་སོགས་པ། །ལོག་ལམ་ཕྱོགས་སུ་སྐད་ཅིག་མི་འཇུག་པར། །མ་ནོར་ལམ་བཞུགས་མཐུན་རྐྱེན་ཕུན་ཚོགས་ཤོག །དབེན་པའི་གནས་སུ་བསྒྲུབ་ལ་བརྩོན་བྱས་ཤིང་། །སྣང་བཞི་སྒྲོན་དྲུག་ཉམས་ལེན་མཐར་ཕྱིན་ཏེ། །རང་དོན་མངོན་གྱུར་གཞན་དོན་དཔག་ཡས་གྱིས། །འགྲོ་བའི་རེ་སྐོང་རྒྱལ་པོར་འགྱུར་བར་ཤོག ཁམས་གསུམ་འཁོར་བའི་རྒྱ་མཚོ་མ་སྟོངས་བར། །བདག་ནི་གང་

― TR004_Page_0040 ―

^{[མ་དཔེ་གཟིགས་ན་འདིར་གནོན།]}

[Full Size]

འདུལ་སྤྲུལ་པར་ཡོངས་གྱུར་ནས། །རྒྱལ་ཀུན་ཕྲིན་ལས་ཉིད་དང་མཉམ་པ་ཡི། །བསྟན་དང་འགྲོ་ལ་ཕན་པ་མཆོག་འགྲུབ་ཤོག །སངས་རྒྱས་བསྟན་པ་ཡུན་རིང་གནས་པར་ཤོག །བསྟན་འཛིན་སྐྱེས་བུ་གཞན་དོན་འགྲུབ་པར་ཤོག །འགྲོ་ཀུན་བདེ་ཞིང་ཆོས་ལ་སྤྱོད་པར་ཤོག །སྨོན་ལམ་བཏབ་པ་མཐའ་དག་འགྲུབ་པར་ཤོག །ཅེས་པ་ནི། རྣལ་འབྱོར་པ་ལྷུན་གྲུབ་གདལ་ཁྱབ་ལའོ། །དུས་གསུམ་རྒྱལ་བའི་མཁྱེན་བརྩེ་ཆུ་གཏེར་ལས། །ངོ་མཚར་རྨད་བྱུང་མཚན་དཔེའི་ནོར་བུ་མཆོག །གདུལ་བྱའི་རེ་སྐོངས་དམ་ཆོས་འདོད་འབྱུང་དབང་། །མཆོག་གི་སྤྲུལ་སྐུ་ཞབས་པད་བརྟན་བཞུགས་གསོལ། །སྙིགས་དུས་གདུལ་བྱའི་དོན་དུ་རིམ་བྱོན་པའི། །སྐྱེས་ཆེན་ནོར་བུའི་འཕྲེང་བ་དཀྲིག་པའི་དབུས། །མཁྱེན་རབ་ཐུགས་རྗེའི་གཟི་མདངས་ཆེར་གསལ་བ། །རྒྱལ་སྲས་མཐུ་བོ་བསྐལ་བརྒྱར་ཞབས་བརྟན་གསོལ། །སྨིན་གྲོལ་གདམས་པའི་ཆུ་གཏེར་

― TR004_Page_0041 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱ་ཆེ་ཞིང་། །ཟབ་དགུའི་མན་ངག་རིན་ཆེན་གྱིས་གང་བ། །གདུལ་བྱའི་རེ་བ་སྐོངས་མཁས་ཐུགས་རྗེའི་གཏེར། །ནམ་མཁའ་ཇི་སྲིད་གནས་པར་བརྟན་བཞུགས་གསོལ། །བདག་ཀྱང་སྐྱེ་བ་འདི་ནས་ཚེ་རབས་ཀུན། །ཁྱེད་ཀྱི་ཕྲིན་ལས་བསྒྲུབ་པའི་གྲོགས་ཉིད་དུ། །གྱུར་ཞིང་མཁའ་མཉམ་འགྲོ་བའི་ཚོགས་རྣམས་ཀྱི། །དེད་དཔོན་དམ་པར་གྱུར་ནས་འགྲོ་འདྲེན་ཤོག །ཅེས་པ་འདི་ནི། གྲ་དར་རྒྱས་ཆོས་སྡིངས་ཀྱི་སྤྲུལ་པའི་སྐུ་མཆོག་དམ་པའི་དྲུང་དུ་བརྟན་བཞུགས་སུ་ཕུལ་བའོ། །ཕྱོགས་བཅུ་དུས་གསུམ་རྒྱལ་བའི་ཐུགས་རྗེ་ཀུན། །གཅིག་ཏུ་བསྡུས་པ་རྡོ་རྗེའི་སློབ་དཔོན་མཆོག །དྲིན་ཅན་བླ་མ་རྒྱལ་བའི་བསྟན་སྲོག་འཛིན། །བསྐལ་བརྒྱའི་བར་དུ་ཞབས་པད་བརྟན་བཞུགས་གསོལ། །སྙིགས་དུས་ལོངས་སྤྱོད་སྐྱེ་འགྲོ་འདུལ་དཀའ་བས། །མཆོག་སྤྲུལ་མཚན་དཔེས་བརྒྱན་པའི་སྐུ་ཉིད་ཀྱང་། །མ་དག་སྐྱེ་བས་མཐོང་བའི་སྐལ་མེད་ཕྱིར། །དེ་སླད་གང་འདུལ་དེར་སྟོན་ཁྱེད་བཞུགས་གསོལ། །

― TR004_Page_0042 ―

^{[མ་དཔེ་གཟིགས་ན་འདིར་གནོན།]}

[Full Size]

རྩ་རྒྱུད་བླ་མ་རྒྱལ་བའི་དཀྱིལ་འཁོར་ཚོགས། །སྲུངས་མར་བཅས་པའི་བདེན་སྟོབས་ཐུགས་རྗེའི་མཐུས། །རྒྱལ་བའི་རྒྱལ་ཚབས་བསྟན་འཛིན་གྲགས་པའི་ཞབས། །ཆོས་འཁོར་རྒྱུན་མི་ཆད་མཛད་བརྟན་བཞུགས་གསོལ། ཅེས་པ་ནི། གུ་རུ་རིན་པོ་ཆེ་ཆོས་ཀྱི་དབང་ཕྱུག་གི་རིགས་དང་ཆོས་ཀྱི་རིང་ལུགས་དྲི་མ་མེད་པ་འཛིན་པར་མཛད་པ་ལྷོ་བྲག་གནས་གཞི་ཆོས་ཀྱི་རྗེ་ལ་བརྟན་བཞུགས་སུ་འབུལ་བ་འདི་ཉིད། རྗེ་དེ་ཉིད་དང་གདུང་རུས་གཅིག་པ་དགེ་སློང་བསྟན་འཛིན་རྒྱ་མཚོས་བསྐུལ་བ་ལྟར་བཀོད་པའོ། །བདེན་པ་གྲུབ་པའི་རྒྱལ་བ་སྲས་བཅས་ཀུན། །བདག་གིས་སྨོན་ལམ་འགྲུབ་པར་མཛད་དུ་གསོལ། །བདག་ཉིད་སྐྱེ་བ་འདི་ནས་ཚེ་རབས་ཀུན། །དལ་འབྱོར་མཆོག་ཐོབ་ཐེག་ཆེན་བསྟན་དང་མཇལ། །མཚན་ལྡན་བཤེས་གཉེན་དམ་པས་རྗེས་བཟུང་ནས། །སྨིན་གྲོལ་གདམས་པས་རང་རྒྱུད་སྨིན་པར་ཤོག །མི་མཐུན་ཉེར་འཚེ་ཀུན་ཞི་མཐུན་རྐྱེན་ཚངས། །དངོས་གྲུབ་མཆོག་བརྙེས་ཕྲིན་ལས་རྣམ་བཞི་འགྲུབ། །གང་འདུལ་རྣམ་སྤྲུལ་རྒྱ་མཚོ་

― TR004_Page_0043 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱེད་ནུས་པའི། །ཕྲིན་ལས་རྒྱལ་བ་ཀུན་མཚུངས་འགྲུབ་གྱུར་ཅིག །ཅེས་པ་ནི། དགེ་སློང་ཚེ་དབང་ལའོ། ཨོཾ་སྭ་སྟི་སིདྡྷི། བླ་མེད་སྟོན་པ་དཀོན་མཆོག་རྣམ་གསུམ་དང་། །དཀྱིལ་འཁོར་ཀུན་གཙོ་རྒྱལ་མཆོག་པདྨ་འབྱུང་། །ཡི་དམ་མཁའ་འགྲོ་ཆོས་སྲུང་རྒྱ་མཚོའི་མཐུས། །བདག་གིས་སྨོན་ལམ་ཅི་བཏབ་འགྲུབ་པར་ཤོག །དེང་ནས་བཟུང་སྟེ་གནས་སྐབས་ཐམས་ཅད་དུ། །བླ་མེད་སྙིང་པོ་བྱང་ཆུབ་བསྒྲུབ་པ་ལ། །མི་མཐུན་འགལ་རྐྱེན་མ་ལུས་ཞི་བ་དང་། །ཆོས་དང་མཐུན་པའི་དཔལ་འབྱོར་འཕེལ་བར་ཤོག །སྐྱེ་བ་ཀུན་ཏུ་ཐེག་ཆེན་དམ་ཆོས་དང་། །རྟག་ཏུ་འབྲལ་མེད་མཚན་ལྡན་བཤེས་གཉེན་གྱིས། །རྗེས་སུ་བཟུང་ནས་ཟབ་ལམ་རྡོ་རྗེའི་ཐེག །ལམ་མཆོག་མངོན་དུ་གྱུར་ནས་མཐར་ཕྱིན་ཤོག །སྣང་ཞིང་སྟོང་ལ་སྟོང་བཞིན་གསལ་བའི་དོན། །ཡེ་ཤེས་སྒྱུ་མ་ལྟ་བུའི་སྐུར་བཞེངས་ནས། །སྤྲུལ་པ་སྣ་ཚོགས་འཇིག་རྟེན་ཁམས་ཀུན་ཏུ། །གང་འདུལ་

― TR004_Page_0044 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྲིན་ལས་རླབས་ཆེན་སྤྱོད་པར་ཤོག །སྐྱེ་བ་ཀུན་གྱི་རྣམ་དཀར་དགེ་བའི་ཚོགས། །མཐའ་དག་གཅིག་བསྡུས་འགྲོ་བའི་ཕན་བདེའི་རྒྱུན། །དྲི་མེད་ཉིད་གྱུར་འགྲོ་ཀུན་བྱང་ཆུབ་མཆོག །མྱུར་དུ་ཐོབ་པའི་འདྲེན་མཆོག་ཉིད་གྱུར་ཅིག །སྡུག་བསྔལ་འཁོར་བའི་རྒྱ་མཚོ་མ་སྟོངས་པར། །བདག་གི་རྣམ་འཕྲུལ་དཔག་མེད་མཐུ་ལྡན་གྱིས། །ངོ་མཚར་མཛད་ཕྲིན་རྒྱལ་ཀུན་གཅིག་བསྡུས་པའི། །མཐུ་སྟོབས་ནུས་ལྡན་འཁོར་བ་དོང་སྤྲུག་ཤོག །ཅེས་པ་ནི། བསམ་གཏན་གླིང་ནས་རིག་པ་འཛིན་པ་པདྨའི་མཚན་ཅན་གྱིས་བསྐུལ་ངོར་བཀོད་པའོ། ཁམས་གསུམ་འགྲོ་བ་ཀུན་གྱི་སྐྱབས་གཅིག་པུ། །དུས་གསུམ་རྒྱལ་བ་ཐམས་ཅད་འདུས་པའི་སྐུ། །མཁྱེན་བརྩེའི་དབང་ཕྱུག་རྗེ་བཙུན་ཆོས་ཀྱི་རྗེ། །བསྐལ་བརྒྱའི་བར་དུ་ཞབས་པད་བརྟན་གྱུར་ཅིག །སྣ་ཚོགས་ཆོས་སྒོ་བརྒྱ་ཕྲག་གིས་ཕྱུག་ཅིང་། །ཐེག་དགུའི་ཁང་བཟང་ཟབ་གནད་བཀོད་པའི་

― TR004_Page_0045 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྲུལ། །ངོ་མཚར་དབང་བསྒྱུར་རྒྱལ་བའི་ཕྲིན་ལས་པ། །ཆོས་ཀྱི་རྒྱལ་ཁྱོད་ཞབས་པད་རྟན་གྱུར་ཅིག །འཇིག་རྟེན་ལས་འདས་གསུམ་བརྩེའི་པད་ཚལ་དུ། །སྨིན་དབང་གྲོལ་ཁྲིད་རིན་ཆེན་དོ་ཤལ་ཅན། །དད་ལྡན་ཡིད་འཕྲོག་མཚན་དཔེའི་དཔལ་འབར་བའི། །འཆི་མེད་དབང་པོ་ཞབས་པད་བརྟན་གྱུར་ཅིག ཁམས་གསུམ་སེམས་ཅན་དུག་ལྔའི་གཅོང་ནད་ཀྱིས། །རྟག་པར་གདུང་བའི་ཉོན་མོངས་ཟུག་རྔུ་ཅན། །ཀུན་ལ་ཐེག་པའི་བྱེ་བྲག་སྨན་ཚོགས་ཀྱིས། །ཕན་མཛད་སྨན་རྒྱལ་ཁྱེད་ཞབས་བརྟན་གྱུར་ཅིག །འཁོར་བའི་སྡུག་བསྔལ་ཉམས་ཐག་རྦ་ཀློང་ཆེས། །རབ་བསྐྱོད་ངན་སོང་སྲིན་མོའི་གླིང་འཁྱམས་པའི། །འགྲོ་རྣམས་བདེ་བའི་སྐམ་སར་སྒྲོལ་མཁས་པ། །ཐར་པའི་དེད་དཔོན་ཞབས་པད་བརྟན་གྱུར་ཅིག །ད་དུས་རྩོད་ལྡན་སྙིགས་མའི་ཐ་མ་འདིར། །མགོན་པོ་ཁྱེད་ལས་རེ་

― TR004_Page_0046 ―

^{[མ་དཔེ་གཟིགས་ན་འདིར་གནོན།]}

[Full Size]

ས་གཞན་མེད་ན། །བདག་སོགས་གདུལ་བྱའི་མགོན་སྐྱབས་དཔུང་གཉེན་དུ། །མི་འགྱུར་རྡོ་རྗེའི་གདན་ལ་བཞུགས་སུ་གསོལ། །དུས་འདི་ནས་བཟུང་ཕྱི་མའི་མཐར་ཐུག་བར། །གུས་པས་ཕྱག་འཚལ་ལུས་སྲོག་མཆོད་པར་འབུལ། །སྡིག་ཀུན་མཐོལ་བཤགས་དགེ་ཚོགས་རྗེས་ཡི་རངས། །མཛད་བཟང་ཕྲིན་ལས་ནམ་མཁའ་མཉམ་པ་རུ། །བསྐལ་བརྒྱར་ཞབས་པད་བརྟན་པར་བཞུགས་ནས་ཀྱང་། །ཚད་མེད་བྱམས་ཆེན་ཐུགས་རྗེའི་འོད་ཟེར་གྱིས། །བསྟན་པའི་མི་མཐུན་ཕྱོགས་མུན་རབ་གསལ་ཞིང་། །ཆོས་ཀྱི་སྣང་བ་རྒྱ་ཆེན་ཁྱབ་མཛད་གསོལ། །རྒྱལ་བའི་སྤྱི་གཟུགས་དཔལ་ལྡན་བླ་མ་ལ། །ཞབས་པད་བསྟན་པར་གསོལ་བ་བཏབས་པའི་དགེས། །ཕྱོགས་བཅུའི་ཞིང་གི་བདེ་གཤེགས་རྒྱ་མཚོ་ལ། །ཆོས་འཁོར་བསྐོར་བའི་ནུས་ལྡན་བདག་གྱུར་ཅིག སྐྱེ་བ་ཀུན་ཏུ་དཔལ་ལྡན་བླ་མ་ལ། །མཉེས་པ་གསུམ་གྱིས་ཞབས་

― TR004_Page_0047 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོགས་བསྒྲུབ་བྱེད་ཅིང་། །ཁྱེད་ཀྱི་ཕྲིན་ལས་ནུས་སྟོབས་ཅི་འདྲ་བ། །དེ་འདྲ་ཁོ་ནར་བདག་ཀྱང་འགྲུབ་པར་ཤོག །ཅེས་པ་འདི་ནི། དགེ་སློང་ཆོས་བསྟན་འཛིན་གྱིས་བསྐུལ་ངོར་བཀོད་པའོ། །བཀའ་རྒྱུད་བླ་མ་ཡི་དམ་ལྷ་ཚོགས་དང་། །དཔའ་བོ་མཁའ་འགྲོ་རིག་འཛིན་ཆོས་སྐྱོང་དང་། །དམ་ཅན་རྒྱ་མཚོ་བསྲུང་མའི་ཚོགས་རྣམས་ཀྱིས། །རྣམ་དག་སྨོན་ལམ་འགྲུབ་པའི་དཔང་མཛོད་ཅིག །དེང་ནས་བཟུང་སྟེ་བྱང་ཆུབ་མ་ཐོབ་བར། །ཆོས་མིན་བསམ་པ་རྒྱུད་ལ་མི་སྐྱེ་ཞིང་། །ཉོན་མོངས་ངན་བློའི་རྗེས་སུ་མི་འབྲེང་བར། །ཡང་དག་སྙིང་པོའི་དོན་མཆོག་སྤྱོད་པར་ཤོག །རྗེ་བཙུན་བླ་མ་དམ་པ་ཉིད་དང་ནི། །སྐྱེ་དང་ཚེ་རབས་ཀུན་ཏུ་མི་འབྲལ་ཞིང་། །རྣམ་པར་དཔག་པར་དཀའ་བའི་མཛད་སྤྱོད་ལ། །མ་དད་ལོག་པར་རྟོག་པ་ཀུན་བྲལ་ཤོག །འཁོར་བའི་བྱ་བཞག་ཆུ་བོའི་རྦ་རླབས་ལྟར། །ཟིན་མེད་ལས་འདི་རིང་དུ་སྤངས་བྱས་

― TR004_Page_0048 ―

^{[མ་དཔེ་གཟིགས་ན་འདིར་གནོན།]}

[Full Size]

ནས། །སྣང་བཞིན་སྟོང་ལ་སྟོང་ཞིང་གསལ་བ་ཉིད། །བྱར་མེད་ལྷུག་པའི་དོན་ལ་གནས་པར་ཤོག །དམ་པའི་དོན་དེ་ལེགས་པར་མངོན་གྱུར་ནས། །སྐྱེ་འགག་གཉིས་མེད་ངང་ལ་གནས་བྱས་ཤིང་། །རང་གཞན་དོན་གཉིས་ལྷུན་གྱིས་གྲུབ་པ་དང་། །ཆོས་ཉིད་འཕོ་འགྱུར་མེད་པའི་དོན་རྟོགས་ཤོག །ཅེས་པ་ནི། སྙིང་པོའི་དོན་ལ་རྩེ་གཅིག་ཏུ་མོས་པ་དད་ལྡན་ཨོ་རྒྱན་མིང་ཅན་ལའོ། །ཕྱོགས་བཅུ་རབ་འབྱམས་རྒྱལ་བའི་ཞིང་ཀུན་གྱིས། །བླ་མ་སངས་རྒྱས་ཡི་དམ་དཀྱིལ་འཁོར་ལ། །ཆོས་སྲུང་དམ་ཅན་དཀར་ཕྱོགས་སྐྱོངས་རྣམས་ཀྱིས། །དབང་བསྐུར་བྱིན་རློབས་སྨོན་ལམ་འགྲུབ་པར་མཛོད། །སྐྱེ་བར་ལྷ་དང་བླ་མས་རྗེས་བཟུང་ཞིང་། །ཐོས་བསམ་མཐར་ཕྱིན་བསྒྲུབ་ལ་བརྩོན་བྱས་ཏེ། །རང་དོན་ཆོས་སྐུ་མངོན་གྱུར་གཞན་དོན་དུ། །རྣམ་འཕྲུལ་དུ་མས་འགྲོ་བ་འདྲེན་པར་ཤོག །ཅེས་པ་འདི་ཀརྨ་བཟང་ལྡན་ལའོ། །བླ་མེད་འདྲེན་པ་རྒྱལ་བ་དཀོན་མཆོག་ཚོགས། །སྐྱབས་གནས་འཕགས་ཚོགས་བདེན་པའི་

― TR004_Page_0049 ―

^{[མ་དཔེ་གཟིགས་ན་འདིར་གནོན།]}

[Full Size]

བྱིན་རླབས་ཀྱིས། །བདག་གི་ལྷག་བསམ་དགེ་བའི་སྨོན་ལམ་ཀུན། །གེགས་མེད་ཁོ་ན་ཉིད་དུ་འགྲུབ་གྱུར་རིག །སྐྱེ་བ་དལ་འབྱོར་ཆོས་ལྡན་ལེགས་ཐོབ་ཅིང་། །དྲི་མེད་རྒྱལ་བསྟན་མཆོག་ལ་རབ་ཞུགས་ནས། །གཏན་འདུན་བྱང་ཆུབ་བསྒྲུབ་ལ་འགལ་རྐྱེན་བྲལ། །རྫོགས་པའི་སངས་རྒྱས་བདེ་བླག་ཐོབ་པར་ཤོག ལྷག་བསམ་དག་པས་གཞན་དོན་མཐར་ཕྱིན་ཅིང་། །སྐུ་གཉིས་མངོན་གྱུར་རང་དོན་གདེངས་ཐོབ་པས། །སྲིད་ཞིར་མི་གནས་ཐམས་ཅད་མཁྱེན་པའི་སར། །ཚེ་གཅིག་ཉིད་ལ་ཕྱིན་པར་མཛད་དུ་གསོལ། །ཅེས་པ་ནི་ཀརྨ་བསྟན་བསྲུང་ལའོ། །ཕྱོགས་དུས་རྒྱལ་བ་རྒྱ་མཚོའི་དཀྱིལ་འཁོར་གྱི། །གཙོ་མཆོག་དཔལ་ལྡན་བླ་མ་ལྷག་པའི་ལྷ། །མ་ལུས་བརྩེ་བའི་དགོངས་པས་ཉེར་གཟུང་སྟེ། །བདག་གིས་སྨོན་ལམ་གང་བཏབ་འགྲུབ་པར་མཛོད། །ཁམས་གསུམ་འགྲོ་བ་རྒྱ་ཆེན་དོན་སླད་དུ། །སྣ་ཚོགས་ཐབས་

― TR004_Page_0050 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྲུལ་དཔག་མེད་བསམ་ཡས་ཀྱིས། །ཕན་བདེའི་སྤྲིན་ཆེན་ཐུགས་རྗེའི་ཆར་འབེབས་པའི། །ཕྲིན་ལས་ནམ་མཁའ་མཉམ་པ་བདག་འགྲུབ་ཤོག །སངས་རྒྱས་བྱང་སེམས་བདེན་པའི་ཐུགས་རྗེ་དང་། །དྲང་སྲོང་རིག་འཛིན་རྣམས་ཀྱི་མཐུ་ནུས་སོགས། །མཐའ་དག་འགྲོ་ཕན་སླད་དུ་བདག་སྨོན་པ། །ཡོངས་འགྲུབ་གེགས་མེད་ཁོ་ནར་འབྱུང་གྱུར་རིག །ཅེས་པ་ནི་ཀརྨ་རིགས་ལྡན་ལའོ། །ཕྱོགས་བཅུ་དུས་གསུམ་རྒྱལ་བ་རབ་འབྱམས་དང་། །བླ་མ་ཡི་དམ་མཁའ་འགྲོ་ཆོས་སྐྱོང་སོགས། །སྐྱབས་གནས་རྣམས་ཀྱི་ཐུགས་རྗེ་ནུས་མཐུ་ཡིས། །སྨོན་ལམ་ཅི་བཏབ་གེགས་མེད་འགྲུབ་པར་ཤོག །དེང་ནས་བཟུང་སྟེ་ཚེ་རབས་ཐམས་ཅད་དུ། །དལ་འབྱོར་མཆོག་ཐོབ་ཐེག་ཆེན་བསྟན་དང་མཇལ། །ཐོས་བསམ་མཐར་ཕྱིན་བསྒྲུབ་འབྲས་གདེང་ཐོབ་ཅིང་། །རང་གཞན་དོན་གཉིས་འབད་མེད་འགྲུབ་པར་ཤོག །འཁོར་བའི་རྒྱ་མཚོ་མ་སྟོངས་དེ་སྲིད་དུ། །བདག་གི་ལྷག་བསམ་

― TR004_Page_0051 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་དགེའི་སྨོན་ལམ་མཐུ། །འདིས་མཚོན་ཕྱོགས་དུས་རྒྱལ་བའི་ཕྲིན་ལས་རྣམས། །མྱུར་དུ་འགྲུབ་པའི་སྨོན་ལམ་རྟག་གྲུབ་ཤོག །ཅེས་ཚེ་རིང་བསམ་གྲུབ་ལའོ། །དཔལ་ལྡན་བླ་མ་ཕྱོགས་བཅུའི་སངས་རྒྱས་རྣམས། །གཅིག་བསྡུས་ཡི་དམ་དཔལ་ཆེན་རྟ་མགྲིན་རྒྱལ། བསྙེན་ཅིང་བསྒྲུབས་པའི་བྱིན་རླབས་རྨད་པོ་ཆེ། །ཚེ་གཅིག་རྫོགས་པའི་བྱང་ཆུབ་ཐོབ་པར་ཤོག །སྐྱེ་བ་འདི་དང་སྐྱེ་གཞན་ཐམས་ཅད་ཀྱིས། །ཐོས་བསམ་སྒོམ་དང་ཆོས་སྤྱོད་བཅུ་ལ་སོགས། །དགེ་ཀུན་ཕ་མ་མཁའ་མཉམ་སེམས་ཅན་རྣམས། །ཐར་ལམ་སྒྲོད་པ་ཁོ་ནའི་དོན་ཕྱིར་བསྔོ། །ནམ་མཁའ་ཇི་སྲིད་གནས་པར་དེ་སྲིད་དུ། །བདག་གིས་རྣམ་སྤྲུལ་གང་འདུལ་འགྱེད་ནུས་ཤིང་། །འགྲོ་ལ་ཕན་བདེ་རྒྱ་ཆེན་སྩོལ་བ་ཡི། །ཕྲིན་ལས་སངས་རྒྱས་ཀུན་དང་མཉམ་པར་ཤོག །ཅེས་ཀརྨ་བརྒྱ་བྱིན་ལའོ། །དེ་ལྟར་འདི་དག་རྣམ་ནི་དཔལ་རྣམ་ཐོས་ཀྱི་རི་བོའི་ཕོ་བྲང་དུ་བཀོད་པའོ། །མཐའ་ཡས་ཞིང་ཁམས་

― TR004_Page_0052 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱ་མཚོར་རབ་བཞུགས་པའི། །བླ་མ་རྒྱལ་བ་སྲས་བཅས་འཕགས་པའི་ཚོགས། །སྨོན་ལམ་ཐུགས་རྗེའི་སྤྲིན་ལས་ལེགས་འོངས་པའི། །བདེ་ལེགས་བཀྲ་ཤིས་ཆར་ཆེན་དབབ་ཏུ་གསོལ། །ཕྱོགས་བཅུ་རབ་འབྱམས་སྣ་ཚོགས་གདུལ་བྱའི་ཁམས། །བགྲང་ཡས་དེ་སྙེད་ཟབ་རྒྱས་ཆོས་ཀྱི་སྒོ། །ཀུན་གྱི་ཡང་སྙིང་རྨད་བྱུང་རྡོ་རྗེའི་ཐེག །དྲི་མེད་བསྟན་པ་ཡང་དག་རྒྱས་པར་ཤོག །བསྟན་རྩ་སྡེ་སྣོད་གསུམ་གྱི་གསེར་གཞི་བརྟན། །ཐེག་བརྒྱད་བང་རིམ་མངོན་མཐོའི་ལྷུན་པོ་བརྗིད། །རིམ་གཉིས་འོད་གསལ་སྙིང་པོ་ཉི་ཟླ་གསལ། །ཡང་བཅུ་རྫོགས་ཆེན་ཁང་བཟང་དབང་བསྒྱུར་ཤོག །མཐའ་དད་མོས་ཁམས་དང་མཐུན་གྲུབ་པའི་མཐའ། །སྣ་ཚོགས་འགྲོ་བའི་དཔལ་དུ་རབ་འབར་བའི། །གྲངས་མེད་ཆོས་སྒོའི་སྐར་ཚོགས་རྣམ་བཀྲ་བ། །མ་ལུས་ནུབ་མེད་རྟག་པར་གསལ་གྱུར་ཅིག །ལྷར་བཅས་མཆོད་ཡུལ་དཀོན་མཆོག་འདུས་པའི་སྡེ། །རབ་འཕེལ་མི་ཕྱེད་མཐུན་

― TR004_Page_0053 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིང་ཆོས་སྤྱོད་བཅུ། །རིམ་གཉིས་ཐོས་བསམ་བསྒོམ་པས་དུས་འདའ་ཞིང་། །བཞེད་དོན་མ་ལུས་གེགས་མེད་མྱུར་འགྲུབ་ཤོག །མཐུ་ལྡན་དཀར་པའི་ལྷ་རྣམས་ཀྱིས་མཆོད་ཅིང་། །ལོག་ལྟའི་སྡེ་ཚོགས་ཡང་དག་བསྟན་ལ་དད། །འགྲོ་ཀུན་མཆོད་འོས་བསྟེན་པའི་མཐུ་འབྲས་ཀྱིས། །འཇིག་རྟེན་བདེ་བའི་དཔལ་ལ་ཉེར་སྤྱོད་ཤོག །སྲིད་པ་ཇི་སྲིད་གནས་པར་རྒྱལ་བའི་བསྟན། །འགྲིབ་བྲལ་ཡང་དག་གསལ་བས་འགྲོ་བ་ཀུན། །བྱང་ཆེན་བླ་མེད་མ་འཁོད་དེ་སྲིད་དུ། །མི་འཇིགས་ཆོས་ཀྱི་ཆབ་སྲིད་བརྟན་གྱུར་རིག །ཅེས་པ། བསྟན་པ་རྒྱས་བྱེད་ཀྱི་སྨོན་ལམ་འདི། །དབོན་པོ་ཀརྨ་ཀུན་ཁྱབ་ཀྱི་བསྐུལ་ངོར་སྨན་མོ་དགོན་གྱི་ཡང་དབེན་དུ་བཀོད་པའོ། ཨོཾ་མངྒ་ལཾ་སརྦ་སིདྡྷི་ཧཱུྃ། བླ་མ་དཀོན་མཆོག་ཡི་དམ་དཀྱིལ་འཁོར་ལྷ། །མཐུ་སྟོབས་གཏེར་མཛོད་ཆོས་སྲུང་རྒྱ་མཚོའི་ཚོགས། །དཀར་ཕྱོགས་སྐྱོང་བ་ཀུན་གྱིས་བདེ་ལེགས་དཔལ། །གནས་

― TR004_Page_0054 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་གཉིས་མངོན་མཐོའི་མཐུ་ལས་ལེགས་གྲུབ་ཅིང་། འདོད་དགུའི་དགེ་འབྲས་དུ་མས་ཡོང་གཏམས་པའི། །དགེ་ལེགས་ཡོངས་འདུའི་དཔལ་འབྱོར་ཇི་སྙེད་པ། གནས་འདིར་ཡང་འབྱུང་བའི༴ །དུག་གསུམ་རྒྱུ་འབྲས་ནད་ཀྱི་ཟུག་རྔུ་དང་། འཁྲུལ་རྟོག་བདེན་ཞེན་འཐས་པའི་གདོན་བགེགས་སོགས། བརྟན་གཡོའི་མི་མཐུན་རྐྱེན་རིགས་སྣ་ཚོགས་ཀུན། །ཡོངས་སུ་ཞི་བ་ཆེན་པོའི་བཀྲ་ཤིས་སྩོལ། འདིར་ཡོངས་སུ་གྲུབ་པའི་བཀྲ་ཤིས་སྩོལ། །དུས་གསུམ་བདེ་དགེ་འབྱུང་བའི་ལོངས་སྤྱོད་ཆར། །གཏན་འདུན་བྱང་ཆུབ་བསྒྲུབས་པའི་མཐུན་ཕྱོགས་རྐྱེན། །སྲིད་དང་སྲིད་མིན་ཡོངས་ཀྱི་བསོད་ནམས་གཏེར། །མ་ལུས་གོང་འཕེལ་མཆོག་གི་བཀྲ་ཤིས་སྩོལ། །གྲུབ་པ་མཆོག་བརྙེས་རིག་འཛིན་མཚར་དངར་བས། །མཆོག་གསང་ངེས་པ་རྙེས་པའི་གནས་མཆོག་འདིར། །ཉེ་བར་བརྟེན་རྣམས་འགལ་རྐྱེན་ལས་གྲོལ་ཞིང་། །ཆོས་དང་བཀྲ་ཤིས་བདེ་ལེགས་འཕེལ་བར་ཤོག །ཅེས་པ་འདི་ཡང་བཀྲ་ཤིས་སྨན་མོའི་ཡང་དབེན་དུའོ། །ཤེས་བྱ་ཀུན་མཁྱེན་ཡེ་ཤེས་མཆོག་མངའ་བའི། །བཅོམ་ལྡན་ལྷ་ཡི་ལྷ་དང་དེ་སྲས་ཚོགས། །བླ་མ་དཀྱིལ་འཁོར་ལྷ་དང་ཆོས་སྲུངས་བཅས། །བྱིན་རླབས་ཐུགས་རྗེའི་ཆར་གྱིས་དགེ་ལེགས་སྩོལ། །འགྲོ་ཁམས་མོས་པ་རྒྱ་མཚོའི་ཞིང་ས་རུ། །ཐེག་དགུ་བརྒྱད་ཁྲི་བཞི་སྟོང་དམ་ཆོས་ཆར། །རྟག་པར་རྩོལ་མཛད་ཕན་བདེའི་

― TR004_Page_0055 ―

^{[མ་དཔེ་གཟིགས་ན་འདིར་གནོན།]}

[Full Size]

། འབྱུང་གནས་མཆོག །བསྟན་པ་རྒྱ་ཆེར་འཕེལ་བའི་བཀྲ་ཤིས་སྩོལ། །ཡིད་བཞིན་འདོད་འབྱུང་གྲུབ་མཐའ་རྒྱ་མཚོའི་དབུས། །ཐེག་བརྒྱད་ཁྲི་འཕངས་མངོན་མཐོའི་ལྷུན་པོ་བརྗིད། །ཡང་ཟབ་སྙིང་པོའི་རྣམ་རྒྱལ་ཁང་བཟང་དཔལ། །རབ་འབར་མི་འགྱུར་བརྟན་པའི་དཔལ་འབྱོར་སྩོལ། །གྲངས་མེད་ཤེས་བྱའི་རྒྱུ་སྐར་རྣམ་བཀྲ་ཞིང་། །མདོ་སྔགས་ཉི་ཟླ་ཟུང་གི་སྣང་བྱེད་ཀྱིས། །གདུལ་བྱའི་མཁའ་ལ་རིམ་གཉིས་འོད་འབར་བ། །འགྲིབ་མེད་རྟག་པར་གསལ་བའི་ངོ་མཚར་སྩོལ། །རྣམ་འདྲེན་དགེ་ལེགས་འབྱུང་གནས་དཔག་བསམ་ཤིང་། །བསྐལ་བརྒྱར་མྱ་ངན་བྲལ་ཀྱང་མྱ་ངན་ལས། །འདའ་ཚུལ་སྟོན་སྤངས་སྲིད་ཞིའི་གདུང་སེལ་དང་། །གདུལ་བྱའི་བྱ་ཚོགས་སྐྱོང་བའི་བཀའ་དྲིན་སྩོལ། །འཁོར་བའི་ཆུ་གཏེར་ཆེ་ལས་རབ་བརྒལ་ནས། །

― TR004_Page_0056 ―

^{[མ་དཔེ་གཟིགས་ན་འདིར་གནོན།]}

[Full Size]

ཐར་པ་དམ་པའི་གླིང་དུ་བགྲོད་བཞེད་པས། །བསྟན་པའི་གྲུར་ཞུགས་འཕགས་མཆོག་འདུས་པའི་སྡེ། །མི་ཕྱེད་ཀུན་དུ་མཐུན་པའི་རྟེན་འབྲེལ་སྩོལ། །འགྲོ་བའི་མཆོད་སྡོང་བསྟན་མཆོག་རིན་པོ་ཆེ། །གུས་ལྡན་ལྷ་བཅས་སྐྱེ་དགུས་རྟག་བརྟེན་ཞིང་། །སྲིད་པ་ཇི་སྲིད་གནས་པར་སྐྱེ་འཕྲོ་ཡིས། །གཙུག་རྒྱན་འགྲན་ཟླ་བྲལ་བའི་ལེགས་ཚོགས་སྩོལ། །ལྷག་བསམ་དགེ་བའི་བདེན་པའི་མཐུས། །རྒྱལ་བསྟན་ཕྱོགས་བཅུར་དར་ཞིང་རྒྱས་པ་དང་། །བསྟན་འཛིན་སྐྱེས་བུས་ས་ཆེན་ཡོངས་ཁྱབ་ཅིང་། །ཆོས་དང་དཔལ་འབྱོར་གོང་འཕེལ་བཀྲ་ཤིས་ཤོག །ཅེས་པ་འདི་ནི། ཕྲིན་ལས་དོན་གྲུབ་ཀྱིས་བསྐུལ་བ་ལྟར། སྨིན་གྲོལ་སྐྱེད་རྫོགས་གླིང་གི་འདུས་པ་རྣམས་ཀྱིས་ཞལ་འདོན་དུ་མཛད་ཕྱིར་བཀོད་པའོ། ན་མོ་གུ་རུ་བུདྡྷ་སརྦ་མངྒ་ལཾ་སིདྡྷི་ཕ་ལ་ཧཱུྃ། རིན་ཆེན་གསེར་གྱི་ལྷུན་པོ་ཇི་བཞིན་བསོད་ནམས་དཔལ་གྱི་སྐུ་མཆོག་ནི། །ལྷ་དང་མི་དང་ལྷ་མ་ཡིན་སོགས་སྲིད་གསུམ་འགྲོ་

― TR004_Page_0057 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་གཙུག་རྒྱན་དུ། མཚན་དཔེའི་མེ་ཏོག་ཐུགས་རྗེའི་གཟི་འབར་སྟོན་པ་མཉམ་མེད་ཤཱཀྱའི་དབང་། །ཆོས་དང་དགེ་འདུན་སྤྲུལ་པར་བཅས་པའི་ཞབས་པད་སྤྱི་བོས་རྟག་ཏུ་མཆོད། །འཇིག་རྟེན་དགེ་བར་སྐྱོང་བའི་མཐུ་ལྡན་ཚངས་པ་དང་། །བརྒྱ་བྱིན་ལ་སོགས་རྒྱལ་བའི་བཀའ་སྡོད་དཀར་ཕྱོགས་ཀྱི། །མཐུ་དཔུང་ལྡན་པའི་ལྷ་དང་དྲང་སྲོང་སྲུང་མའི་ཚོགས། །མ་ལུས་དེང་འདིར་བདེན་པ་གྲུབ་པའི་དཔང་མཛོད་ཅིག །དུས་གསུམ་གཤེགས་པའི་རྒྱལ་དང་རྒྱལ་བའི་སྲས། །འཕགས་པ་བྱང་སེམས་ཉན་ཐོས་རང་རྒྱལ་དང་། སོ་སྐྱེ་ལྷག་བསམ་ནོར་ལྡན་མཐའ་དག་གི། །དགེ་ཀུན་རྣམ་མཁྱེན་བསྔོ་རྒྱུར་ལྷུན་གྱི་གྲུབ། །དེ་བཞིན་བདག་དང་མཁའ་མཉམ་འགྲོ་རྣམས་ཀྱིས། །བྱས་དང་བྱེད་གྱུར་ཡི་རང་ལ་སོགས་པའི། །རྣམ་དཀར་དགེ་བའི་ས་བོན་ཇི་སྙེད་ཀུན། །ཡོངས་བཟླུམས་རྫོགས་པའི་བྱང་ཆུབ་ཉིད་དུ་བསྔོ། །ཐོག་མེད་དུས་ནས་ད་ལྟའི་བར་དག་ཏུ། །དཔག་མེད་

― TR004_Page_0058 ―

^{[མ་དཔེ་གཟིགས་ན་འདིར་གནོན།]}

[Full Size]

དྲིན་ལྡན་རིས་དྲུག་ཕ་མའི་ཚོགས། །མཐའ་དག་སྡུག་བསྔལ་རྒྱུ་འབྲས་ཀྱིས་གཟིར་བ། །འདི་ལས་མྱུར་ཐར་གཏན་བདེ་ཐོབ་པར་ཤོག །བདག་སོགས་སྐྱེ་བ་འདི་ནས་ཚེ་རབས་ཀུན། །མི་ཁོམ་བརྒྱད་པོ་དག་ཏུ་མ་གྱུར་པའི། །དལ་འབྱོར་རིན་ཆེན་གྲུ་བོ་ལ་བརྟེན་ནས། །དམ་ཆོས་ཡིད་བཞིན་མཆོག་ལ་སྤྱོད་པར་ཤོག །གང་དུ་སྐྱེས་ཀྱང་ཐེག་ཆེན་ཆོས་དང་འཕྲད། །སངས་རྒྱས་དངོས་མཚུངས་དགེ་བའི་བཤེས་དང་མཇལ། །ཐོས་བསམ་བསྒོམ་པ་མཐར་ཕྱིན་གྲུབ་མཆོག་བརྙེད། །བླ་ན་མེད་པའི་གོ་འཕངས་མངོན་གྱུར་ཤོག །ཡིད་ལ་བསམ་པའི་དོན་ཀུན་ཐོག་མེད་འགྲུབ། །ལྷ་དང་བླ་མ་མཁའ་འགྲོས་རྗེས་སུ་བཟུང་། །དམ་ཚིག་སྡོམ་ལ་ཉེས་ལྟུང་དྲི་མ་མེད། །རིམ་གཉིས་རྣལ་འབྱོར་བསྟན་པ་ཐོབ་པར་ཤོག །རྒྱ་ཆེན་ཆོས་ལ་རྨོངས་པ་མེད་པ་ཡིས། །འགྲོ་ལ་དགེ་ལེགས་ཆོས་ཆར་འབེབས་པ་དང་། །རང་དོན་ཡིད་བྱེད་དྲི་མས་མ་གོས་པར།

― TR004_Page_0059 ―

^{[མ་དཔེ་གཟིགས་ན་འདིར་གནོན།]}

[Full Size]

།གཞན་ཕན་ནམ་མཁའ་མཉམ་པ་འགྲུབ་པར་ཤོག །གདུལ་བྱའི་མོས་ཁམས་བསམ་ཡས་ཇི་སྙེད་ལ། །གང་འདུལ་སྤྲུལ་པ་རྒྱ་མཚོ་འགྱེད་ནུས་ཤིང་། །ཕན་བདེའི་ཆར་གྱིས་འགྲོ་བའི་ཞིང་ས་རུ། །བྱང་ཆུབ་དགེ་ལེགས་མྱུ་གུ་བསྐྱེད་པར་ཤོག །དག་སྣང་མོས་གུས་ཕྱོགས་མེད་འབྱོངས་པ་ཡིས། །རིས་མེད་བརྟན་ལ་བྱ་བ་བྱེད་པ་དང་། །རྣམ་མང་སྐྱེ་དགུའི་མོས་སྐལ་དང་མཚུངས་པའི། །དམ་ཆོས་ཟབ་མོའི་དགའ་སྟོན་འགྱེད་པར་ཤོག །བགྲང་པས་འཇིག་རྟེན་ཕྱོགས་བཅུ་མ་ལུས་པར། །རྒྱལ་སྲས་དེ་སྲས་སྤྲུལ་པས་ཡོངས་ཁྱབ་ཅིང་། །ཆོས་བསྟན་མུན་སེལ་ཡེ་ཤེས་སྒྲོན་མེ་གསལ། །འགྲོ་བའི་མ་རིག་མུན་པ་རབ་བསེལ་ཤོག །འབྱུང་པོ་ཤ་ཟ་མི་མ་ཡིན་ལ་སོགས། །གཞན་ལ་འཚེ་བའི་སེམས་ལྡན་ཐམས་ཅད་ཀྱང་། །ཞི་ཞིང་བྱམས་དང་དགེ་བའི་བསམ་པ་ཡིས། །རང་གཞན་དགེ་ལེགས་ལམ་ལ་

― TR004_Page_0060 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་པར་ཤོག །ནད་དང་རིམས་དང་རྩྭ་སད་སེར་བ་དང་། །ཕྱུགས་ཀྱི་ནད་དང་འཐབ་འཁྲུག་རྩོད་པའི་རིགས། །ཕ་རོལ་མཐའ་ཡི་དམག་དཔུང་ལ་སོགས་པ། །ཉེ་བར་འཚེ་ཀུན་གཏན་དུ་མི་འབྱུང་ཤོག །ལོ་ཟླ་ཞག་དུས་གཟའ་ཚེས་སྐར་མ་དང་། །འབྱུང་བའི་འཕྲོད་སྦྱོར་ས་བདག་ལྡན་འབྲས་ངན། །རྨི་ལམ་མཚན་ལྟས་ངན་པ་ལ་སོགས་པ། །བཀྲ་མི་ཤིས་པ་ཐམས་ཅད་ཞི་བར་ཤོག །ཆར་ཆུ་དུས་འབེབས་ལོ་ཕྱུགས་རྟག་ཏུ་ལེགས། །ཚེ་རིང་འབྱོར་པ་འཕེལ་དང་མི་ནོར་རྒྱས། །འཇིག་རྟེན་ཡིད་ལ་སྨོན་དགུ་ཇི་སྙེད་དང་། །བསྟན་དང་དམ་ཆོས་དར་ཞིང་རྒྱས་པར་ཤོག །བསྟན་འཛིན་སྐྱེས་བུ་སྐུ་ཚེ་ཕྲིན་ལས་འཕེལ། །དགེ་འདུན་སྡེ་དར་མི་ཕྱེད་མཐུན་པ་དང་། །ཐོས་བསམ་བསྒོམ་བསྒྲུབ་ཆོས་སྤྱོད་མངའ་ཐང་རྒྱས། །བསྟན་པའི་རྒྱལ་མཚན་ཕྱོགས་བཅུར་གསལ་བར་ཤོག །སྐྱེ་འགྲོ་མ་ལུས་ཕན་ཚུན་རྟག་ཏུ་མཐུན། །

― TR004_Page_0061 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིད་ལ་འདོད་དགུ་འགྲུབ་ཅིང་བསྟན་ལ་དད། །དམ་ཆོས་དགེ་བ་བསྒྲུབ་བརྩོན་བར་ཆད་མེད། །བྱང་ཆུབ་ལམ་ལ་ཀུན་ཀྱང་ཞུགས་པར་ཤོག །བླ་མ་རྒྱལ་བ་སྲས་བཅས་ཐུགས་རྗེ་དང་། །དཀར་ཕྱོགས་ཆོས་སྲུངས་རྒྱ་མཚོའི་མཐུ་རྩལ་དང་། །བདག་གི་ལྷག་བསམ་རྣམ་དག་བདེན་སྟོབས་ཀྱིས། །སྨོན་ལམ་གང་བཏབ་ཐོགས་མེད་འགྲུབ་པར་ཤོག །ཚེ་འདིར་ཡིད་ལ་ཅི་བསམ་འགྲུབ་པར་ཤོག །འཆི་ཁར་གནད་བཅོད་སྡུག་བསྔལ་མེད་པར་ཤོག །བར་དོ་འཁྲུལ་སྣང་འཇིགས་སྐྲག་བྲལ་བར་ཤོག །རང་རིག་འོད་གསལ་རང་ངོ་ཤེས་པར་ཤོག །སྐྱེ་མེད་ཆོས་སྐུ་མངོན་དུ་འགྱུར་བར་ཤོག །འགགས་མེད་གཟུགས་སྐུས་འགྲོ་བ་འདུལ་བར་ཤོག །ཐོགས་མེད་སྤྲུལ་སྐུས་གདུལ་བྱ་འདྲེན་པར་ཤོག །སྐུ་གསུམ་དབྱེར་མེད་འགྲོ་དོན་བྱེད་པར་ཤོག །བྱིན་རླབས་ཆར་འབེབས་བླ་མའི་བཀྲ་ཤིས་ཤོག །དངོས་གྲུབ་ཀུན་སྩོལ་ཡི་དམ་བཀྲ་ཤིས་ཤོག །བར་ཆད་

― TR004_Page_0062 ―

^{[མ་དཔེ་གཟིགས་ན་འདིར་གནོན།]}

[Full Size]

སེལ་མཛད་མཁའ་འགྲོའི་བཀྲ་ཤིས་ཤོག །བསྟན་སྲུང་ཆོས་སྐྱོངས་སྲུང་མའི་བཀྲ་ཤིས་ཤོག །ཕྱོགས་དུས་ཀུན་དུ་བཀྲ་ཤིས་བདེ་ལེགས་ཤོག །ཅེས་པ་འདི་ནོར་འཛིན་དབང་པོ་ས་བདག་གིས་བསྐུལ་ངོར་བཀོད་པའོ། །དཀོན་མཆོག་གསུམ་དང་བླ་མ་ཡི་དམ་ལྷ། །མཁའ་འགྲོ་ཆོས་སྐྱོང་བྱིན་རླབས་བདེན་མཐུ་ཡིས། །བཀའ་འགྱུར་རིན་པོ་ཆེ་བཞེངས་པའི་སྐབས་ཀྱི་མཇུག་རྒྱན་དགོས་ཅེས། བདག་གི་བསམ་པ་ཆོས་མཐུན་འགྲུབ་པ་དང་། །འགལ་རྐྱེན་བར་ཆད་ཞི་བར་མཛད་དུ་གསོལ། །འདི་ནས་བཟུང་སྟེ་བྱང་ཆུབ་མ་ཐོབ་པར། །ཆོས་མིན་བསམ་པ་རྒྱུད་ལ་མི་སྐྱེ་ཞིང་། །ལྷན་སྐྱེས་མ་རིག་མུན་པས་མི་སྒྲིབ་པར། །རང་རིག་གདོད་མའི་གནས་ལུགས་མངོན་གྱུར་ཤོག །ཕྱི་རོལ་བཟུང་བའི་ཡུལ་ཕྱིར་མི་འབྲེང་ཞིང་། །ནང་གི་འཛིན་པའི་སེམས་ཀྱིས་འཆིང་བྲལ་བས། །ཅིར་སྣང་ཁྱབ་གདལ་ཡེ་ཤེས་དཀྱིལ་འཁོར་ཆེར། །རང་གྲོལ་ལྷན་སྐྱེས་ཡེ་ཤེས་རྟོགས་པར་ཤོག །བསྒོམ་དུ་མེད་པའི་རང་

― TR004_Page_0063 ―

^{[མ་དཔེ་གཟིགས་ན་འདིར་གནོན།]}

[Full Size]

བྱུང་རིག་པའི་དོན། །ཡེངས་སུ་མེད་པའི་དྲན་པ་བཅོས་མིན་ཉིད། །ལྷུན་གྲུབ་རང་གསལ་དོན་གྱི་འོད་སྐུ་དང་། །དབྱེར་མེད་གདོད་མའི་མགོན་པོ་མཆོག་འགྲུབ་ཤོག །ཅེས་རྫོགས་ཆེན་ཡང་ཏི་ནག་པོ་དང་མཐུན་པའི་སྨོན་ལམ་ཞིག་དགོས་ཞེས། ཤཱཀྱ་དཔལ་འབྱོར་གྱིས་བསྐུལ་ངོར་བཀོད་པའོ། །སྲིད་གསུམ་ལྷ་མིའི་མཆོད་པའི་གནས་གཅིག་པུ། །སྟོན་པ་དམ་པའི་ཆོས་དང་འཕགས་པའི་ཚོགས། །མ་ལུས་འགྲོ་བའི་བླ་མ་སྲས་བཅས་ཀྱིས། །བདག་དང་མཁའ་མཉམ་འགྲོ་ཀུན་རྗེས་བཟུང་གསོལ། །བདག་གིས་འཁོར་འདས་དུས་གསུམ་བསགས་པའི་དགེ། །མཐའ་དག་ནམ་མཁའ་མཉམ་པའི་སེམས་ཅན་རྣམས། །བླ་མེད་བྱང་ཆུབ་རྒྱུ་རུ་ཡོངས་བསྔོ་བའི། །འབྲས་བུ་ཕན་བདེ་དཔག་མེད་འགྲུབ་པར་ཤོག །བདག་ཀྱང་འདི་བཟུང་སྐྱེ་བ་ཐམས་ཅད་དུ། །ཡོན་ཏན་བདུན་ལྡན་དཔལ་འབྱོར་རིན་ཆེན་དང་། །ཡིད་བཞིན་ནོར་འདྲའི་མཚན་ལྡན་བླ་མ་དང་། །དམ་ཆོས་འདོད་དགུའི་འབྱོར་བཅས་

― TR004_Page_0064 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷུན་གྲུབ་ཤོག །སྡིག་སྤོང་དགེ་བ་བསྒྲུབ་ལ་བརྩོན་པ་དང་། །ཐོས་བསམ་སྒོམ་པའི་ཡོན་ཏན་མངོན་གྱུར་ཅིང་། །རང་གཞན་དོན་གཉིས་གེགས་མེད་ལྷུན་གྲུབ་པས། །རྣམ་མཁྱེན་རྫོགས་པའི་སངས་རྒྱས་མྱུར་ཐོབ་ཤོག །བདེ་གཤེགས་རྒྱལ་བའི་ཐུགས་རྗེའི་ནུས་མཐུ་དང་། །ཆོས་སྲུངས་དཀར་ཕྱོགས་སྐྱོང་བའི་སྟོབས་རྩལ་མཐུས། །བདག་གིས་རྣམ་དཀར་ལྷག་བསམ་བདེན་ཚིག་སོགས། །གཅིག་བསྡུས་སྨོན་ལམ་ཅི་བཏབ་འགྲུབ་གྱུར་ཅིག །ཅེས་པ་ནི་ཀརྨ་དགེ་བ་ལའོ། །རྒྱལ་ཀུན་ཡེ་ཤེས་དབྱིངས་སུ་རོ་གཅིག་པའི། །ཐུགས་རྗེ་རྨད་དུ་བྱུང་བའི་གོང་བུ་མཆོག །རབ་འབྱམས་གདུལ་བྱའི་དཔལ་དུ་ཆེར་འབར་བ། །བསྟན་པའི་ཉི་མ་འགྲོ་བློའི་མུན་སེལ་ཉིད། །ཟབ་ཡངས་ཐུགས་རྗེ་བྲི་གང་ལས་འདས་ཀྱང་། །སྙིགས་དུས་ལས་ཉོན་གྱིས་གདུང་འགྲོ་མང་འདིའི། །སྐྱབས་མཛད་ཁྱེད་ལས་གཞན་མེད་དེ་སླད་དུ། །བསྐལ་བརྒྱར་མི་འགྱུར་རྡོ་རྗེ་གདན་བཞུགས་ཤིང་། །མཆོག་གསང་ངེས་པ་དོན་གྱི་ཆོས་

― TR004_Page_0065 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་ཆེར། །རྒྱུན་ཆད་མེད་པའི་ངོ་མཚར་ཕྲིན་ལས་ནི། །སྲིད་པ་ཇི་སྲིད་གནས་པར་ཡོངས་སྩོལ་བར། །གསོལ་བ་བཏབ་པ་དོན་ལྡན་འགྲུབ་གྱུར་ཅིག །ཅེས་པ་ནི། །མཚུངས་བྲལ་རིག་འཛིན་ཆེན་པོ་འཇའ་ཚོན་སྙིང་པོའི་དྲུང་དུ་བརྟན་བཞུགས་སུ་ཕུལ་བའོ། །བླ་མ་དང་ལྷག་པའི་ལྷ་མཆོག་རྣམས་ལ་ཕྱག་འཚལ་ཞིང་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། ཨེ་མ། བདག་དང་མཁའ་མཉམ་མར་གྱུར་འགྲོ་བ་རྣམས། །འདི་ནས་བཟུང་སྟེ་བླ་མེད་བྱང་ཆུབ་བར། །ངན་སོང་གསུམ་དུ་ནམ་ཡང་མི་སྐྱེ་ཞིང་། །མཐོ་རིས་ཡོན་ཏན་བདུན་ལྡན་ཐོབ་པར་ཤོག །དལ་འབྱོར་བཅོ་བརྒྱད་ཚང་བའི་ལུས་ཐོབ་ནས། །མཚན་ཉིད་ཀུན་ལྡན་བླ་མ་རྙེད་པ་དང་། །དམ་ཚིག་ཉམས་ཆགས་དྲི་མས་མ་གོས་པར། །མཉེས་པ་གསུམ་གྱི་ཞབས་གཏོགས་བསྒྲུབ་པར་ཤོག །ཐེག་ཆེན་དམ་པའི་ཆོས་དང་མཇལ་བ་དང་། །

― TR004_Page_0066 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོས་བསམ་སྒོམ་ལ་སྐྱོ་ངལ་མེད་པ་དང་། །བསྒྲུབ་ལ་རབ་བརྩོན་ཉམས་རྟོགས་མཐར་ཕྱིན་ནས། །རང་དོན་ཆོས་སྐུ་མངོན་དུ་འགྱུར་བར་ཤོག །དམ་ཆོས་སྒྲུབ་ལ་བར་ཆད་མེད་པ་དང་། །ལྷ་དང་བླ་མས་བྱིན་གྱིས་རློབས་པ་དང་། །མཁའ་འགྲོ་ཆོས་སྐྱོང་བུ་ལྟར་སྐྱོང་བ་ཡིས། །རྣམ་བཞིའི་ཕྲིན་ལས་རྩོལ་མེད་འགྲུབ་པར་ཤོག །གནས་སྐབས་མཐར་ཐུག་འགལ་རྐྱེན་མེད་པ་དང་། །ཆོས་མཐུན་འདོད་དགུ་ལྷུན་གྱི་གྲུབ་པ་དང་། །རླབས་ཆེན་གཞན་དོན་འབད་མེད་འབྱུང་བ་ཡི། །འགྲོ་འདུལ་སྤྲུལ་པ་མཐའ་ཡས་འགྱེད་པར་ཤོག །གདོད་ནས་དག་པ་ཆེན་པོ་གཞི་ཡི་དབྱིངས། །རིམ་གཉིས་བདེ་སྟོང་གསལ་རིག་ལམ་གྱི་མཆོག །ཟུང་འཇུག་ཡེ་ཤེས་ལྷུན་གྲུབ་འབྲས་བུ་ཆེར། །འཁྲུལ་བྲལ་འགྱུར་མེད་གཏན་སྲིད་ཟིན་པར་ཤོག །རིག་སྟོང་སྤྲོས་པ་བྲལ་བ་ཕྱག་རྒྱ་ཆེ། །འོད་གསལ་མངོན་སུམ་ཡེ་ཤེས་རྫོགས་

― TR004_Page_0067 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་གནད། །དབྱེར་མེད་ཡེངས་འཛིན་ཞེན་བྲལ་སྙིང་པོའི་དོན། །མ་ནོར་མངོན་གྱུར་ཚེ་གཅིག་སངས་རྒྱས་ཤོག །ཚེ་འདིའི་སྣང་བས་གཡེང་བ་ཡོང་བ་དང་། །བར་དོ་རང་སྣང་འཁྲུལ་པས་མ་སླད་ཅིང་། །ནམ་ཡང་གདམས་པའི་གནད་དང་མི་འབྲལ་བར། །སྐུ་གསུམ་གོ་འཕངས་ཡང་དག་ཐོབ་པར་ཤོག །བླ་མའི་བྱིན་རླབས་རྒྱུད་ལ་འཇུག་པར་ཤོག །རང་དོན་ཚེ་གཅིག་སངས་རྒྱས་འགྲུབ་པར་ཤོག །གཞན་དོན་འཁོར་བ་དོང་ནས་སྤྲུག་པར་ཤོག །རྒྱལ་ཀུན་ཕྲིན་ལས་བདག་གི་འགྲུབ་པར་ཤོག །སྨོན་ལམ་བཏབ་པ་མཐའ་དག་འགྲུབ་པར་ཤོག །ཅེས་པའི་སྨོན་ལམ་འདི་ནི། ཆོས་དབྱིངས་དཔལ་མོ་དང་བྱང་ཆུབ་མཚོ་མོ་གྲོགས་མཆེད་གཉིས་ཀྱི་བསྐུལ་ངོར་བྲིས་པའོ། ཨོཾ་སྭ་སྟི། བླ་མ་རྒྱལ་བ་ཀུན་བདག་ཉིད། །ཐུགས་རྗེའི་སྤྲུལ་འཁོར་བཅས་པ་ཡིས། །བདག་དང་མཁའ་ཁྱབ་འགྲོ་ཀུན་ལ། །རྗེས་གཟུང་བྱིན་གྱིས་བརླབ་ཏུ་གསོལ། །འདི་ནས་བྱང་ཆུབ་མ་ཐོབ་བར། །དལ་འབྱོར་རིན་ཆེན་ཕུན་ཚོགས་

― TR004_Page_0068 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོབ། །བླ་མ་རྗེ་དང་ཡེ་འབྲལ་ཞིང་། །རྡོ་རྗེ་ཐེག་ལ་སྤྱོད་པར་ཤོག །དམ་ཆོས་ཚུལ་བཞིན་སྤྱད་ནས་ཀྱང་། །ལོག་པའི་ལམ་དུ་མི་འཇུག་ཅིང་། །ཆོས་མཐུན་འདོད་དགུ་ཕུན་ཚོགས་ནས། །རྩེ་གཅིག་བསྒྲུབ་ལ་བརྩོན་པར་ཤོག །སྒྲུབ་པའི་བར་ཆད་འགལ་རྐྱེན་རིགས། །ཅུང་ཟད་ཙམ་ཡང་མི་འབྱུང་ཞིང་། །ཉམས་རྟོགས་ཡོན་ཏན་མཐར་ཕྱིན་ཏེ། །མཆོག་མཐུན་དངོས་གྲུབ་ཐོབ་པར་ཤོག །ལམ་རྟགས་བཟང་ངན་འཆར་སྒོ་ལ། །ཞེན་འཛིན་རྟོག་པས་མ་སླད་ཅིང་། །ཡེངས་འཁྲུལ་བཅོས་མའི་དྲི་བྲལ་བའི། །གནས་ལུགས་ཆོས་སྐུ་མངོན་གྱུར་ཤོག །རང་དོན་ཆོས་ཉིད་མཐར་ཕྱིན་ནས། །གཞན་དོན་གཟུགས་སྐུའི་རོལ་གར་གྱིས། །གང་འདུལ་སྤྲུལ་སྐུའི་ཕྲིན་ལས་ཆོག །སྲིད་པ་ཇི་སྲིད་ཁྱབ་མཛད་ཤོག །ཅེས་པ་འདི་ཡང་བྱང་ཆུབ་མཚོ་མོ་ལའོ། །སྐྱབས་གནས་བསླུ་མེད་དཀོན་མཆོག་རྣམ་གསུམ་དང་། །བླ་མ་རྒྱལ་

― TR004_Page_0069 ―

^{[མ་དཔེ་གཟིགས་ན་འདིར་གནོན།]}

[Full Size]

བ་སྲས་བཅས་བདེན་མཐུ་ཡིས། །བདག་སོགས་སྐྱེ་བ་འདི་ནས་ཚེ་རབས་ཀུན། །དལ་འབྱོར་དམ་ཆོས་ལྡན་པའི་ལུས་ཐོབ་ཤོག །ཐེག་ཆེན་བསྟན་པ་དར་བའི་ཡུལ་དུ་སྐྱེས། །མཐོ་རིས་ཡོན་ཏན་བདུན་གྱི་དཔལ་འབྱོར་ལྡན། །སངས་རྒྱས་དངོས་མཚུངས་བླ་མས་རྗེས་སུ་བཟུང་། །ལོག་པའི་སྤྱོད་སྤོངས་དགེ་བ་བསྒྲུབ་བརྩོན་ཅིང་། །དམ་ཆོས་དྲི་མ་མེད་ལ་མོས་འཇུག་ཤོག །དོན་མེད་འཁྲུལ་པའི་ལས་ལ་མི་འབྱམས་པར། །ཐར་པ་བྱང་ཆུབ་བསྒྲུབ་ལ་མྱུར་གཞོལ་ཤོག །སྡུག་བསྔལ་འཁོར་བའི་ཀློང་དུ་མི་འཁྱམས་ཤིང་། །གཏན་བདེ་ངེས་ལེགས་ལམ་ལ་གོམས་ཐོབ་ཤོག །མ་ནོར་ཟབ་མོའི་གདམས་པ་ཉམས་བླངས་ཏེ། །ཚེ་གཅིག་རྣམ་མཁྱེན་སངས་རྒྱས་འགྲུབ་པར་ཤོག །སྤྲུལ་པ་རྒྱ་མཚོ་གང་འདུལ་ཕྲིན་ལས་ཀྱིས། །མཁའ་མཉམ་འགྲོ་ལ་ཐུགས་རྗེས་འདྲེན་པར་ཤོག །རྒྱལ་བ་སྲས་བཅས་ཀུན་གྱིས་

― TR004_Page_0070 ―

^{[མ་དཔེ་གཟིགས་ན་འདིར་གནོན།]}

[Full Size]

ལེགས་གསུངས་པའི། །སྨོན་ལམ་མཐའ་དག་བདག་གི་འགྲུབ་པར་ཤོག །ཅེས་པ་འདི་ནི་ཀུན་དགའ་ལྷ་དབང་ལའོ། །ཨེ་མ། བསླུ་བ་མེད་པའི་སྐྱབས་གནས་དཀོན་མཆོག་ཚོགས། །མ་ལུས་ཅིག་བསྡུས་བླ་མ་རིགས་ཀྱི་བདག །བྱིན་རླབས་ཐུགས་རྗེ་ནུས་རྩལ་རྨད་བྱུང་བས། །བདག་གི་སྨོན་ལམ་གེགས་མེད་འགྲུབ་པར་མཛོད། ༡ །སྐྱེ་བ་གྲངས་མེད་ད་ལྟ་ཡན་ཆོད་ཀྱི། །དྲི་མེད་རྣམ་དཀར་དགེ་ཚོགས་མཐའ་དག་དང་། །རིམ་གཉིས་ཟབ་གསལ་དོན་མཆོག་གང་བསྒོམ་པའི། །འབྲས་བུ་ཇི་སྙེད་ཡོད་པའི་མཐུ་བྱིན་དང་། ༢ །ཚེ་འདིར་རྣམ་འདྲེན་མཆོག་གི་སྐུ་དྲིན་གྱིས། །རང་བྱུང་ཡེ་ཤེས་རང་ཞལ་བལྟ་བ་དང་། །ཐེག་པའི་རྩེ་རྒྱལ་རྫོགས་པ་ཆེན་པོའི་དོན། །མ་ནོར་མངོན་སུམ་གནད་ལ་གང་སྤྱོད་པའི། ༣ །ཉམས་ལེན་བགྱིས་དང་བགྱིད་འགྱུར་ཀུན་ཏུ་ཡང་། །ཆོས་བརྒྱད་ཚེ་འདིའི་སྒྲོག་གིས་དམ་ཅིང་ཞིང་། །ཞེན་འཛིན་ལྷ་བུའི་

― TR004_Page_0071 ―

^{[མ་དཔེ་གཟིགས་ན་འདིར་གནོན།]}

[Full Size]

བདུད་ཀྱིས་མ་སླད་པར། །སྐུ་གསུམ་དོན་གྱི་ཞིང་ཁམས་མཐོང་བར་ཤོག ༤ །མ་དག་འཁྲུལ་པའི་སྒྱུ་མས་མ་བསླུད་ཤིང་། །ལོག་རྟོགས་མཚན་འཛིན་སྒྱུ་ལུས་གཟུགས་ཕུང་འདི། །ཡང་དག་འོད་གསལ་སྒྱུ་མ་འཇའ་སྐུར་གྲོལ། །ཡེ་ཤེས་སྒྱུ་མའི་འཕྲུལ་གྱི་འགྲོ་གྲོལ་ཤོག ༥ །གལ་ཏེ་ཚེ་འདིར་འོད་ལུས་མ་འགྲུབ་པར། །རྣམ་སྨིན་གདོས་བཅས་འདོར་བ་དེ་ཡི་ཚེ། །འབྱུང་ལྔའི་ཕུང་པོ་ཆགས་གནས་འཇིག་པའི་ཚུལ། །གནད་དོན་ཤེས་པས་མི་འཚོར་བྲོད་འགྱུར་ཤོག ༦ །ལས་རླུང་ལོག་པས་འཁོར་ལྔའི་མདུད་པ་འཇིག །མཉམ་གནས་འཆུག་པས་དྲོད་ཉམས་ཟས་མི་ལེན། །སྲོག་འཛིན་ལོག་པས་ཤེས་པ་མི་གསལ་དང་། །ཐུར་བསེལ་འཆུགས་པས་རྩ་ཆུ་མི་སྡོལ་ཆོར། ༧ །གྱེན་རྒྱུ་འཆུགས་པས་ཁ་ཟས་ནང་མི་འཕུལ། །ཁྱབ་བྱེད་འཆུགས་པས་

― TR004_Page_0072 ―

^{[མ་དཔེ་གཟིགས་ན་འདིར་གནོན།]}

[Full Size]

ཡན་ལག་ལས་མི་རུང་། །དབུགས་ཐུགས་རྩ་བརྟུལ་མལ་མཐར་ཉལ་བའི་ཚེ། །འདི་ནང་ཆགས་སྡང་སྲེད་ཞེན་མི་འབྱུང་ཤོག ༨ །ལྡེ་འཁོར་འཇིགས་པས་ས་ཁམས་ཆུར་ཐིམ་དུས། །ཕྱི་རྟགས་ལུས་ལྕི་ནང་རྟག་ཤེས་པ་བྱིང་། །གསང་རྟགས་འོད་གསལ་སྨིག་རྒྱུ་འཆར་བའི་ཚེ། །སྙིང་གར་བླ་མ་ཆོས་སྐུར་སེམས་ཟིན་ཤོག ༩ སྙིང་གའི་འཁོར་འཇིག་ཆུ་ཁམས་མེར་ཐིམ་དུས། །ཕྱི་རུ་ཁ་སྣ་སྐམ་ཞིང་ནང་རྟགས་སུ། །ཤེས་པ་རབ་འཚུབས་གསང་རྟག་དུ་བ་འཆར། །ལྟེ་བར་བླ་མ་བསྒོམ་ལས་མ་ཡེངས་ཤོག ༡༠ །མགྲིན་པའི་འཁོར་འཇིག་མེ་ཁམས་རླུང་ཐིམ་ཚེ། །ཕྱི་རུ་དྲོད་འཆོར་ནང་དུ་ཤེས་པ་འཁྲུལ། །མི་ངོ་མི་ཤེས་གསང་རྟགས་མེ་ཁྱེར་འཆར། །བླ་མ་དཔྲལ་བར་བསྒོམ་ཞིང་མི་འཁྲུལ་ཤོག ༡༡ །གསང་གནས་འཁོར་འཇིག་རླུང་ཁམས་རྣམ་ཤེས་ཐིམ། །ཕྱི་རྟགས་དབུགས་བརྩེར་ནང་རྟགས་མཐོང་སྣང་

― TR004_Page_0073 ―

^{[མ་དཔེ་གཟིགས་ན་འདིར་གནོན།]}

[Full Size]

མང་། །གསང་རྟགས་སྒྲོན་མེ་ལྟ་བུའི་འོད་གསལ་འཆར། །གསང་གནས་བླ་མ་ལོངས་སྐུར་ངོ་ཤེས་ཤོག ༡༢ །དབང་པོ་ལྔ་འགགས་རྣམ་ཤེས་ནམ་མཁར་ཐིམ། །སྲོག་རྩར་ཁྲག་འདུས་སྙིང་ཕོག་ཕྱི་དབུགས་ཆད། །དཀར་དམར་ཁམས་ཀྱི་གནས་འཕོས་དབུ་མར་བརྒྱུད། །དཀར་ལམ་དམར་ལམ་ཤར་བ་ངོས་ཟིན་ཤོག ༡༣ །བྱང་སེམས་གཉིས་ཕྲད་བར་དུ་རྣམ་ཤེས་འཐུམ། །ནག་ལམ་འཆར་ཞིང་རང་བཞིན་བྱད་ཅུ་འགགས། །ནམ་མཁའ་འོད་གསལ་ལ་ཐིམ་སྤྲིན་མེད་མཁའ། །ཇི་བཞིན་འོད་གསལ་ཆོས་སྐུར་གྲོལ་བར་ཤོག ༡༤ །གལ་ཏེ་ངང་དེར་གྲོལ་བར་མ་ནུས་ཀྱང་། །ནང་དབུགས་ཆད་ཚེ་རིགས་པ་སྐར་མདའ་ལྟར། །ཚངས་པའི་ལམ་བརྒྱུད་བླ་མའི་ཐུགས་ཀར་ཐིམ། །མྱུར་ལམ་འཕོ་བས་མཁའ་སྤྱོད་བསྒྲོད་པར་ཤོག ༡༥ ཅི་སྟེ་ཆོས་ཉིད་བར་དོ་མཐོང་ན་ཡང་། །འོད་གསལ་ཟུང་འཇུག་ལ་ཐིམ་སྒྲ་འོད་ཟེར། །ཞི་དང་

― TR004_Page_0074 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲོ་ཚོགས་འཇིག་རྟེན་ཁམས་གང་ཞིང་། །སྣང་སྲིད་འོད་སྐུར་འཆར་བ་ངོ་ཤེས་ཤོག ༡༦ །རིགས་ལྔ་འཁོར་བཅས་ཚོམ་བུའི་དཀྱིལ་འཁོར་དང་། །རང་ལུས་འོད་དུ་སྣང་བའི་ཐུགས་ཀའི་བར། །ཟེར་ཐག་འབྲེལ་ཤར་རང་བཞིན་བསམ་གཏན་གནས། །འཇུག་པ་ཤེས་པའི་གནད་ཀྱིས་གྲོལ་བར་ཤོག ༡༧ །ཡེ་ཤེས་བཞི་སྦྱོར་འོད་ལམ་ཤར་བ་ན། །ངོ་ཤེས་གདེང་ཐོབ་བཙན་ས་ཟིན་པ་དང་། །ལྷུན་གྲུབ་རིན་ཆེན་སྣང་བ་འཆར་གྱུར་ཀྱང་། །མངོན་ཤེས་དྲུག་དང་རྗེས་དྲན་དྲུག་ལ་སོགས། ༡༨ །ཆོས་རྣམས་ཀུན་ལས་རང་བྱན་ལེགས་ཚུད་ཅིང་། །འཆར་ལུགས་བརྒྱད་སོགས་གནད་དོན་ཁོང་ཆུད་དེ། །མ་དག་འཁོར་བའི་སྒོ་ལ་མི་འཇུག་པར། །དག་པ་ཡེ་ཤེས་སྒོ་ལ་གདེང་ཐོབ་ཤོག ༡༩ །ཅེས་ཀྱང་བག་ཆགས་འཁྲུལ་དབང་སོང་ཚེ་ཡང་། །སྲིད་པ་བར་དོར་ཉིད་མཚམས་མི་སྦྱོར་བར། །རྔ་ཡབ་པདྨ་འོད་ཀྱི་ཞིང་ཁམས་སུ། །པདྨའི་སྦུབས་ལས་སྐྱེས་ཤིང་ཆོས་ཉན་ཤོག ༢༠ །

― TR004_Page_0075 ―

^{[མ་དཔེ་གཟིགས་ན་འདིར་གནོན།]}

[Full Size]

རིགས་ལྔ་ལ་སོགས་ཕྱོགས་བཅུའི་སངས་རྒྱས་ཀུན། །གཅིག་བསྡུས་ཁྱབ་བདག་རྒྱལ་དབང་པདྨ་ཡིས། །དབང་བསྐུར་ལུང་བསྟན་དབུགས་དབྱུང་བཟེང་བསྟོད་དེ། །མངོན་པར་སངས་རྒྱས་སྤྲུལ་པ་འགྱེད་ནུས་ཤོག ༢༡ །ནམ་མཁའ་ཇི་སྲིད་གནས་པར་འགྲོ་བའི་དོན། །དཔག་མེད་ལྷུན་གྱི་གྲུབ་པ་འབྱུང་བ་རུ། །སྨོན་ལམ་བཏབས་པ་འདི་ཞིན་ལེགས་འགྲུབ་པར། །སྲས་བཅས་རྒྱལ་བ་རྣམས་ཀྱིས་མཛད་དུ་གསོལ། ༢༢ ཅེས་བར་དོ་ཐམས་ཅད་ཀྱི་སྨོན་ལམ་མདོར་བསྡུས་ཏེ་ཉམས་ལེན་གྱི་རྩ་ཚིག་ལྟ་བུར་བཀོད་པ་འདི་ཡང་སྐལ་ལྡན་ཚུལ་ཁྲིམས་བཟང་པོས་བསྐུལ་ནས་བྲིས་པ་ལགས་ཤིང་། འདི་ནི་ཀུན་ལ་སྤྱིར་ཡང་གལ་ཆེ་ལ་ཁྱད་པར་ཡང་ཉམས་ཁྲིད་དང་བར་དོའི་གདམས་པ་ཞུ་མྱོང་བའི་གང་ཟག་རྣམས་སྨོན་ལམ་འདི་རྒྱུན་དུ་ཡིད་ལ་འགྲིས་ཤིང་ངེས་པར་བྱས་ན། འཆི་ཁར་ངོ་སྤྲོད་གསལ་འདེབས་གཞན་ལ་རེ་མི་དགོས་པ་ཡོད་པས་ཅེས་ཀྱང་ནན་ཏན་དུ་མཛད་ཚལ། ཨོཾ་སྭ་སྟི་སིདྡྷཾ།

― TR004_Page_0076 ―

^{[མ་དཔེ་གཟིགས་ན་འདིར་གནོན།]}

[Full Size]

མཐའ་ཡས་ཐུགས་རྗེ་མངའ་བའི་བཅོམ་ལྡན་འདས། །སྲས་བཅས་རྒྱལ་བའི་ཁྱབ་བདག་བླ་མ་རྗེ། །རྣམ་འཕྲུལ་ཡི་དམ་མཁའ་འགྲོ་ཆོས་སྲུངས་ཚོགས། །མ་ལུས་ཉམས་ཐག་འགྲོ་བ་སྐྱབས་ཏུ་གསོལ། །ཐོག་མེད་དུས་ནས་ངན་གོམས་འཁྲུལ་རྟོག་གིས། །རབ་བསྐྱོད་མི་བཟད་འཁོར་བའི་མཚོ་ཆེན་འདིར། །སྡུག་བསྔལ་རྣམ་པ་མང་པོས་རྟག་གཟིར་བའི། །འགྲོ་ཀུན་ཐར་པའི་ལམ་ལ་འཇུག་གྱུར་ཅིག །བསྟན་རྩ་སྡེ་སྣོད་གསུམ་གྱི་གསེར་བཞི་བརྟན། །ཐེག་ཆེན་བྱང་ཆུབ་སེམས་ཀྱི་ལྷུན་པོ་བརྗིད། །བླ་མེད་རིམ་གཉིས་ཉི་ཟླ་འོད་གསལ་འབར། །རྣམ་གྲོལ་བྱང་ཆུབ་གླིང་ལ་དབང་འབྱོར་ཤོག །གསུང་རབ་རིན་ཆེན་གླིང་དུ་བདེ་བླག་བགྲོད། །རྣམ་འདྲེན་དེད་དཔོན་དམ་པ་གཙུག་ཏུ་བསྟེན། །འདོད་འབྱུང་ཡིད་བཞིན་ཆོས་ལ་རང་དབང་བསྒྱུར། །དོན་གཉིས་འབྲས་བུའི་མཆོག་འགྲུབ་གེགས་མེད་ཤོག །གདོད་ནས་

― TR004_Page_0077 ―

^{[མ་དཔེ་གཟིགས་ན་འདིར་གནོན།]}

[Full Size]

དག་པ་ཆོས་སྐུའི་གཏན་སྲིད་ཟིན། །འགག་མེད་གསལ་གདངས་ལོངས་སྐུའི་ཞིང་ཁམས་རྒྱས། །རྣམ་རོལ་སྤྲུལ་སྐུའི་རྩལ་གྱིས་འགྲོ་བ་འདྲེན། །ཟུང་འཇུག་འདུས་མ་བྱས་དབྱིངས་གྲོལ་བར་ཤོག །ཅེས་པ་ནི། དགེ་སློང་ཀརྨ་ཡོངས་དག་ལའོ། །སྐྱབས་གནས་དཀོན་མཆོག་མ་ལུས་བླ་མའི་སྐུར། །གཅིག་བསྡུས་མོས་གུས་གདུང་ཤུགས་དྲག་པོ་ཡིས། །གསོལ་བ་འདེབས་སོ་ཐུགས་རྗེས་མྱུར་གཟིགས་ནས། །འཇིགས་བར་དོའི་འཕྲང་ལས་སྐྱབས་ཏུ་གསོལ། །འདུས་བྱས་མི་རྟག་རང་ཚུལ་མངོན་སུམ་བསྟན། །སྐྱེས་པའི་མཐའ་དེ་འཆི་བར་ཐག་ཆོད་ཅིང་། །གདོས་བྱས་སྒྱུ་མའི་ལུས་ཀྱི་རྟག་མི་ཐུབ། །བརྩེ་བའི་སྤྱན་གྱིས་གཟིགས་ཤིག་བླ་མ་རྗེ། །ཚེ་ཡི་ཚད་རྫོགས་འབྱུང་བཞིའི་ནུས་པ་ཉམས། །སྨན་གྱི་མི་ཕན་ཟས་སྐོམ་དང་ཁ་འགྲིབ། །ལུས་སེམས་འབྲལ་བའི་དུས་ལ་བབས་པ་ན། །ཚེ་འདི་ཆགས་ཞེན་བྲལ་བར་བྱིན་གྱིས་རློབས།

― TR004_Page_0078 ―

^{[མ་དཔེ་གཟིགས་ན་འདིར་གནོན།]}

[Full Size]

། ནམ་ཀྱང་མི་སྡོད་ཤི་བར་ཐག་ཆོད་ལ། །ད་རུང་གསོན་དུ་རེ་བའི་འདོད་བློ་ཡིས། །རང་མགོ་རང་གི་བསྐོར་ན་འཕུང་ཚབས་ཆེ། །འཆི་བ་ལམ་དུ་ལྷོངས་པར་བྱིན་གྱིས་རློབས། །ལས་རླུང་འཁྲུག་པའི་སྟོབས་ཀྱི་རང་ལུས་འདིའི། །སྤྱི་མགྲིན་སྙིང་ཁ་ལྟེ་བ་གསང་གནས་ཀྱི། །འཁོར་ལོ་ལྔ་ཡི་རྩ་མདུད་འཇིག་པའི་མཐུས། །གནད་གཅོད་ཟུག་ངུ་རང་སར་ཞི་བར་ཤོག །འཕོ་བའི་མེ་ཉམས་རླུང་འཆུགས་ཟས་མི་ལེན། །སྲོག་འཛིན་རླུང་འཆུགས་ཤེས་པ་མི་གསལ་དང་། །ཐུར་སེལ་རླུང་འཆུགས་དྲི་མ་ཆེ་ཆུང་འཆོར། །རླུང་ནུས་ཉམས་པའི་རྟགས་སུ་ངོ་ཤེས་ཤོག །གྱེན་རྒྱུའི་རླུང་འཆུགས་ཟས་སྐོམ་མིད་མི་ཐུབ། །གཏམ་གྱི་སྨྲ་བརྗོད་དཀའ་ཞིང་དབུགས་སྣ་ཐུང་། །ཁྱབ་བྱེད་རླུང་གི་ནུས་ཟད་འགུལ་སྐྱོད་དཀའ། །དེ་ཚེ་འཆི་བར་ཐག་ཆོད་འགྱོད་མེད་ཤོག །གདོས་བཅས་ལུས་འདི་དང་པོ་འབྱུང་བཞིས་བསྐྱེད། །མཐར་ཡང་

― TR004_Page_0079 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱུང་བཞི་གཅིག་ལ་གཅིག་ཐིམ་འཆི། །ཕྱི་ནང་གསང་བའི་རྟགས་སྣང་འཆར་བ་རྣམས། །ངོ་ཤེས་བླ་མ་ཡིད་ལ་དྲན་པར་ཤོག །ས་ཁམས་ཆུར་ཐིམ་ལུས་ཀྱི་ནུས་སྟོབས་ཟད། །ནང་གི་རྟགས་སུ་ཤེས་པ་བྱིང་ཞིང་རྨོངས། །གསང་རྟག་མཐོང་སྣང་མིག་རྒྱུ་ལྟ་བུ་འཆར། །དེར་ཡང་བླ་མ་དྲན་ལས་མ་ཡེངས་ཤོག །ཆུ་ཁམས་མེ་ལ་ཐིམ་པས་ཁ་སྣའི་ཆུ། །ཅུང་ཞིག་ཐོན་ཏེ་སྐོམས་ཤིང་སྨྲ་བརྗོད་འགགས། །ཤེས་པ་འཚུབ་ཅིང་གསང་རྟགས་དུ་བ་ལྟར། །བན་བུན་ལང་ལོང་འཆར་བ་ངོ་ཤེས་ཤོག །མེ་ཁམས་རླུང་ལ་ཐིམ་པས་ལུས་དྲོད་ཆད། །ནང་རྟགས་མི་ངོ་མི་ཤེས་དབང་པོ་འཁྲུལ། །གསང་རྟགས་སྲིན་བུ་མི་ཁྱེར་ལྟ་བུའི་སེམས། །རེས་གསལ་རེས་མི་གསལ་འགྱུར་ངོ་ཤེས་ཤོག །རླུང་ཁམས་རྣམ་ཤེས་ལ་ཐིམ་ཕྱི་དབུགས་ཆད། །ནང་རྟག་འཁྲུལ་པའི་མཐོང་སྣང་སྣ་ཚོགས་འཆར། །གསང་རྟགས་སྒྲོན་མེ་འབར་ལྟར་རིག་

― TR004_Page_0080 ―

^{[མ་དཔེ་གཟིགས་ན་འདིར་གནོན།]}

[Full Size]

པ་གསལ། །དེ་དུས་ཟབ་ལམ་འཕོ་བ་དྲན་པར་ཤོག །རྣམ་ཤེས་ནམ་མཁའི་ཁམས་ཐིམ་ཚོགས་དྲུག་འགགས། །སྤྱི་བོའི་དཀར་ཆ་ཐུར་དུ་བབས་པ་དང་། །ལྟེ་བའི་དམར་ཆ་གྱེན་དུ་ལྡོག་པའི་བར། །རྣམ་པར་ཤེས་པ་འཐུམ་པ་ངོ་ཤེས་ཤོག ཁམས་གཉིས་གྱེན་འཐུར་འཕོས་པའི་རྒྱུ་རྐྱེན་གྱིས། །རང་སྣང་དཀར་ལམ་དམར་ལམ་ནག་ཐོམ་འཆར། །དུག་གསུམ་རང་བཞིན་རྟོགས་པ་བརྒྱད་ཅུ་འགགས། །སྣང་མཆེད་ཐོབ་པའི་འོད་དུ་ངོ་ཤེས་ཤོག །དཀར་དམར་རླུང་སེམས་དབུ་མར་གནས་པའི་མཐུས། །གདོད་ནས་དག་པའི་བདེར་གཤེགས་སྙིང་པོ་ཉིད། །ལྷད་མེད་གཞི་ཡི་འོད་གསལ་ཆོས་ཀྱི་སྐུ། །རང་ལ་མངོན་སུམ་འཆར་བ་ངོ་ཤེས་ཤོག །དེ་ཉིད་སྒོམ་གྱིས་སྟོབས་ཞན་མ་གྲོལ་ན། །ནང་དབུགས་ཆད་ནས་ཆོས་ཉིད་བར་དོ་ཤར། །ལུས་སེམས་བྲལ་ནས་སྒྲ་འོད་ཟེར་གསུམ་གྱིས། །སྟོང་ཁམས་ཁྱབ་པ་རང་སྣང་ཡིན་ཤེས་ཤོག །འཇའ་འོད་ཐིག་ཕྲན་འོད་ལམ་དང་། །ཞི་དང་ཁྲོ་བའི་ལྷ་ཚོགས་ཅི་

― TR004_Page_0081 ―

^{[མ་དཔེ་གཟིགས་ན་འདིར་གནོན།]}

[Full Size]

ཤར་ཀུན། །ཆོས་ཉིད་རང་སྒྲར་བཅས་ལ་མི་སྐྲག་པར། །རང་རིག་ཆོས་ཉིད་ཡེ་ཤེས་ངོ་ཤེས་ཤོག །གལ་ཏེ་ལས་ཉོན་སྒྲིབ་པས་མ་གྲོལ་ན། །སྲིད་པ་བར་དོའི་འཇིགས་པའི་སྒྲ་བཞི་དང་། །མ་ངེས་རྟགས་དྲུག་ཡ་ངའི་གཡང་གསུམ་སོགས། །ཐམས་ཅད་བདེན་མེད་སྒྱུ་མར་ཤེས་པར་ཤོག །ཤི་བར་ངོ་ཤེས་བླ་མ་སྙིང་ནས་དྲན། །དེས་གསུངས་གདམས་པའི་གནད་ལ་ངེས་པ་བརྙེད། །མ་དག་འཁོར་བའི་མངལ་སྒོ་མི་འཚོལ་བར། །པདྨ་འོད་ཀྱི་ཞིང་དུ་འཕོ་བར་ཤོག །མདོར་ན་དུས་དང་རྣམ་པ་དེ་ཀུན་ཏུ། །ཅི་དྲག་བློ་སྣ་མང་པོས་འཕུང་འགྱུར་བས། །རྩ་བའི་བླ་མ་ཨོ་རྒྱན་དབྱེར་མེད་ལ། །སྐད་ཅིག་ཙམ་ཡང་མ་ཡེངས་བློ་གཏད་ཤོག །བླ་མའི་ཐུགས་དང་རང་སེམས་དབྱེར་མེད་འདྲེས། །རང་རིག་ཆོས་སྐུའི་གཏན་སྲིད་ཟིན་ནས་ཀྱང་། །སྨོན་ལམ་ཐུགས་རྗེའི་སྤྲུལ་པས་མཁའ་

― TR004_Page_0082 ―

^{[མ་དཔེ་གཟིགས་ན་འདིར་གནོན།]}

[Full Size]

མཉམ་གྱི། །སེམས་ཅན་བྱང་ཆུབ་མཆོག་ལ་འགོད་པར་ཤོག །ཅེས་འཆི་ཁ་བར་དོའི་གདམས་ངག་ངག་འདོན་འདི་ནི་དབོན་པོ་རྟ་མགྲིན་རྡོ་རྗེ་དང་སྨིན་གྲོལ་སྙིང་པོ་སོགས་ཀྱི་ངོར་བཀོད་པ་ཡིན་ལ། འདི་ཡང་རྒྱུན་དུ་བློ་ལ་འཇགས་པ་ཅིག་མེད་ན། ཤི་ཁར་གདམས་ངག་དེས་ལ་ལུས་ཏེ། རང་ལ་ཕན་པ་མི་འབྱུང་བས། དེ་ཕྱིར་རྒྱུན་འཁྱེར་དུ་བྱ་ཕྱིར་གསོལ་འདེབས་སྨོན་ལམ་གྱི་ཚུལ་དུ་བྱས་པ་ཡིན་ལ། འདི་ཉིད་ཚིག་ངུར་བསྡོམས་པའི་བཤིས་ཀྱིས་གོ་དཀའ་ན་སྤྱིར་ཐོས་གྲོལ་ཆེན་མོའི་བར་དོ་གསལ་འདེབས་དང་ཁྱད་པར་ཁོ་བོས་བྱས་པའི་བར་དོའི་སྤྱི་དོན་དྲན་པའི་མེ་ལོང་དུ་གསལ་བར་བཀོད་པ་གཟིགས་འཚལ། ཞེས་བྱ་བྲལ་སྣ་ཚོགས་རང་གྲོལ་གྱིས་དཔལ་རིའི་རྒོད་ཕུག་མྱ་ངན་མེད་པའི་ནགས་ཁྲོད་དུ་བྲིས་པའོ།། ༈ །།རྒྱལ་ཀུན་ཡེ་ཤེས་ཐུགས་རྗེ་ཅིག་བཟླུམ་པ། །པད་འབྱུང་འཛམ་གླིང་གྲགས་དང་རཏྣའི་ཞབས། །འཇའ་ཚོན་བཟང་པོ་རྡོ་རྗེ་ལེགས་གྲུབ་བསྩལ། །སྐྱབས་གནས་བླ་མེད་ཐུགས་རྗེ་ནུས་མཐུ་ཡིས། །འདི་གཟུང་སྐྱེ་བའི་

― TR004_Page_0083 ―

^{[མ་དཔེ་གཟིགས་ན་འདིར་གནོན།]}

[Full Size]

ལུག་བརྒྱུད་ཇི་སྙེད་པར། །ཆོས་ཀུན་སྙིང་པོ་ཕྱག་རྒྱ་ཆེན་པོ་དང་། །དམ་ཆོས་འདུལ་བའི་ཀུན་སྤྱོད་ཟུང་འཇུག་ཉིད། །རང་བློའི་མཐའ་རྒོད་འདུལ་སྦྱོང་ཐོག་ཏུ་འཁེལ། །ལྟ་སྤྱོད་རྣམ་དག་འབྲེལ་བས་རྟན་སྲོག་ཟིན། །སྨོན་ལམ་བྱང་སེམས་ནུས་པས་འགྲོ་དོན་འགྲུབ། །དྲི་མེད་རྒྱལ་སྲས་སྤྱོད་པ་བརླབས་ཆེན་ལ། །རང་གཞན་བདེ་བླག་འཁོད་པ་ཉིད་གྱུར་ཅིག །ཅེས་རིག་འཛིན་ཆོས་ཉིད་ཀློང་གྲོལ་གྱིས་ཐུགས་བཞེད་བསྐོང་ཕྱིར། བྱ་བྲལ་སྣ་ཚོགས་རང་གྲོལ་གྱིས་རྒོད་ཕུག་ནས་ཕུལ་བ་མངྒ་ལཾ། ན་མོ། སྐྱབས་གནས་དཀོན་མཆོག་ཐུགས་རྗེའི་བདག་ཉིད་རྣམས། །བརྩེ་བ་ཆེན་པོས་བདག་ལ་དགོངས་སུ་གསོལ། །བདག་གི་ལྷག་བསམ་དག་པའི་སྨོན་ལམ་འདི། །གེགས་མེད་ཁོ་ནར་འགྲུབ་པར་བྱིན་གྱིས་རློབས། །འཁོར་བ་ སྔོ་སྨོན་གྱི་རྒྱུ་ངོས་བཟུང་བ། ཐོག་མ་ ཐོག་མར་དགོངས་གསོལ་ མེད་ནས་

― TR004_Page_0084 ―

^{[མ་དཔེ་གཟིགས་ན་འདིར་གནོན།]}

[Full Size]

ད་ལྟའི་བར། །སླད་མར་བྱང་ཆུབ་སྙིང་པོར་མཆིས་ཀྱི་རིང་། །འདུས་བྱས་འདུས་མ་བྱས་པའི་དགེ་རྩ་ཀུན། །གཅིག་བསྡོམས་སྨོན་ལམ་འགྲུབ་པའི་རྒྱུར་བསྔོའོ། །དེང་ནས་བཟུངས་ཏེ་ཚེ་རབས་ནམ་དུ་ཡང་། ཕུན་ཚོགས་དལ་ སྔར་བསགས་ ད་ལྟ་བསག་པ་ ཕྱི་གསོག་འགྱུར་ཐམས་ཅད་ འབྱོར་ཐོབ་པས་དོན་ལྡན་བསྒྲུབ། ལམ་རིམ་ལས་དང་པོར་སྐྱེས་བུ་ཆུང་ངུའི་སྐབས་ཀྱི་སྨོན་ལམ། དལ་འབྱོར་རྙེད་དཀའ་བསམ། འདུས་བྱས་མི་རྟག་གོ་བས་ངེས་འབྱུང་སྐྱེས། །དམ་ཆོས་ཕྱི་བཤོལ་མེད་པར་བརྩོན་པར་ཤོག །འཁོར་བའི་རང་འཚང་རིག་པས་ཞེན་པ་ལྡོག །ཚེ་མི་རྟག་པ་བསམ་པ་ རྒྱུ་འབྲས་རྟེན་ ཆོས་ལ་བསྐུལ་བ་ འབྲེལ་ཤེས་པས་བླང་དོར་བརྩོན། འཁོར་བའི་སྡུག་བསྔལ་བསམ་པ། །འགྲོ་ཀུན་ཕ་མར་ཤེས་ནས་ཆགས་ ལས་འབྲས་བསམ་ སྡང་བྲལ། སེམས་རྒྱུད་དམ་པའི་ བློ་ཁ་ནང་ལ་བསྒྱུར། ཆོས་ལ་འགྲོ་བར་ཤོག །ཚུལ་ཁྲིམས་ བསླབ་པ་གསུམ་གྱི་དོན་བསྒྲུབ་པ་

― TR004_Page_0085 ―

^{[མ་དཔེ་གཟིགས་ན་འདིར་གནོན།]}

[Full Size]

བསླབ་པས་ཉེས་ལྟུང་རྩད་ནས་འབྱིན། །ཏིང་འཛིན་བསླབ་པས་སྒོ་གསུམ་གཡེང་བ་སྤོངས། །ཤེས་རབ་བསླབ་པས་བློ་ཡི་མུན་པ་སངས། །སྐྱེས་བུ་ཆུང་ངུའི་ལམ་རིམ་ཀུན་རྫོགས་ཤོག །ཐེག་དམན་རང་ཞིའི་འདོད་བདེར་མ་ཆགས་པར། །སྨོན་སེམས་དགེ་ལེགས་གྲུ་ཆེན་ལ་ཞུགས་ནས། །འཇུག་སེམས་ཕ་རོལ་ཕྱིན་བཅུའི་སྐྱ་བ་ཡིས། ཐེག་ཆེན་དུ་ཞུགས་པ་ འགྲོ་ཀུན་སྲིད་མཚོ་ སྨོན་འཇུག་གཉིས་གཞི་བཟུང་ སྒྲོལ་བའི་སྟོབས་ལྡན་ཤོག །རང་དོན་ཆེད་གཉེར་བྱིས་པའི་བློ་མེད་པར། །གཞན་དོན་རླབས་ཆེན་སྤྱོད་པའི་སྙིང་སྟོབས་ཀྱིས། གཞན་དོན་དམ་བཅའ་བ། འགྲོ་བའི་སྡུག་བསྔལ་སེལ་ལ་བསྐལ་མང་། བདག་པས་གཞན་གཅེས་ཀྱི་བསམ་པ་ཁ་ཞེ་མེད་པས། གཞན་གྱི་སྡིག་སྡུག་ཚུར་བླང་ཞིང་། རང་གི་བདེ་དགེ་གཞན་ལ་སྦྱིན་པ་སོགས་ལ་སློབ་པ། ཚོགས། །ནམ་ཡང་སྐྱོ་ངལ་མེད་པར་བརྩོན་འགྲུས་ཤོག །སེམས་ཅན་དོན་

― TR004_Page_0086 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་རྒྱལ་སྲས་སྤྱོད་ཞུགས་ལ། །ཕ་རོལ་གཞན་གྱི་འཚེ་ཞིང་ལོག་སྒྲུབ་སོགས། །ཀུན་ཡང་བྱང་ཆུབ་སེམས་ཀྱི་གསལ་འདེབས་སུ། ཕར་ཕྱིན་བཅུ་ བསྡུ་བའི་དངོས་པོ་བཞི་ ཆོས་སྤྱོད་བཅུ་སོགས་ཀྱི་སྒོ་ནས་ གྱུར་ནས་གནོད་ལན་ཕན་བདེས་མཇལ་བར་ཤོག །གོང་དུ་སྨིས་པའི་བདག་གཞན་བརྗེ་བའི་དོན་བཞིན་དུ་སྔགས་ལམ་ཞུགས་པ་ ཆེ་བ་ལུས་སྲོག་ལོངས་སྤྱོད་ལ་གནོད་པ་དང་། ཆུང་བ་ལོག་ལྟ་གཤེ་སྐུར་འདེབས་པ་སོགས་གང་བྱུང་ཀྱང་། སྐྱེས་བུ་འབྲིང་ལམ་ཆོག་པར་མི་འཛིན་པར། ཟབ་མྱུར་བདེ་བས་ཡིད་སྐྱོབས་རྡོ་རྗེའི་ཐེག །སྐྱོན་བྲལ་ཡོན་ཏན་ཀུན་རྫོགས་བླ་མ་དང་། ལྷན་ཅིག་བརྙེད་ནས་གུས་པས། ལམ་ ཟབ་ ལམ་མྱུར་བ་ ལམ་གེགས་མེད་པ་ བསྟེན་པར་ཤོག །སྔགས་ཀྱི་བླ་མའི་མཚན་ཉིད། བླ་མ་དང་ཆོས་གཉིས་ཀ །བུམ་དབང་ཟབ་མོས་སྣོད་བཅུད་ཞིང་ཁམས་འབྱོང་། །གསང་དབང་རྩ་ཐིག་རླུང་གསུམ་ལས་རུང་སྨིན། མཉེས་པ་གསུམ་གྱིས། ཤེས་རབ་ཡེ་ཤེས་ལྷན་སྐྱེས་ ཚོགས་དྲུག་ཐམས་ཅད་ གཞལ་ཡས་ལྷའི་དཀྱིལ་འཁོར་ རང་ཞལ་མཐོང་། །ཚིག་གི་དབང་

― TR004_Page_0087 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོབ་དོན་གྱིས་རྒྱུད་གྲོལ་ཤོག ཁ་དོག་དབྱིབས་ལ་ལྷར་ཞེན་མ་ཡིན་པར། །ཕུང་ཁམས་བཟོད་ནས་དཀྱིལ་འཁོར་རྒྱ་མཚོ་རུ། །ཚིག་ལ་བརྟེན་ནས་དོན་རྟོགས། ལྷུན་གྲུབ་མཆོག་གི་ སྐྱེད་རིམ་སྒོམ་ཚུལ་ སྐྱེད་རིམ་མངོན་གྱུར་ཅིང་། །ལྷ་སྔགས་ཡེ་ཤེས་རོལ་རྩལ་དབང་ཐོབ་ཤོག །མཚན་བཅས་དོན་མེད་ཨ་འཐས་ཞེན་བྲལ་ཞིང་། །མཚན་མེད་སྟོང་འཛིན་ཆད་མཐར་མི་ལྷུང་བར། །ཟུང་འཇུག་ལམ་གྱི་ཡང་སྙིང་ཇི་བཞིན་པ། རྫོགས་རིམ་སྒོམ་ཚུལ་ ཉམས་ལེན་མ་ནོར་གནད་དུ་བསྣུན་བྱེད་ཤོག །གནས་ལུགས་རྗེན་པར་རྟོགས་པས་ཕྱག་རྒྱ་ཆེ། །ཆོས་ཀུན་སེམས་ལ་རྫོགས་པས་རྫོགས་ཆེན་དང་། །མཐའ་ཀུན་རིག་ངོར་བྲལ་ ཁྱད་པར་གྱི་གདམས་པ་ཐ་དད་པའི་རྣམ་གྲངས་ལས། ཐ་མལ་ཤེས་པ། སེམས་ཉིད་ཀུན་ཏུ་བཟང་པོ། ཕྱིར་དབུ་མའི་དོན། །རྟག་ཆད་ཐམས་ཅད་བློས་སྒྲོ་བཏགས་པ་སྟེ། རག་པའི་ངོ་ལ་མེད་

― TR004_Page_0088 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲིབས་བྲལ་རང་སེམས་རིག་སྟེ་གྲོལ་བར་ཤོག །ལམ་འབྲས་སྙིང་པོ་བཞི་ལ་གདེངས་ཆེན་ཐོབ། །ཞི་བྱེད་ཟབ་མོ་སྡུག་བསྔལ་སེམས་སུ་ཤེས། །གཅོད་ཡུལ་དྲག་པོས་ངར་འཛིན་འདྲེ་ཆེན་ཐུལ། །ས་སྐྱ་པའི་བློ་སྦྱོང་མཐར་ཐུག་རང་རྒྱུད། ཕ་དམ་པའི་ འཐུལ་བར་ཤོག །སོར་བསམ་ ལབ་སྒྲོན་གྱི་ གཉིས་ཀྱིས་ ཀུན་རྟོག་རྦ་རླབས་ཞི། །སྲོག་རྩོལ་ནུས་པས་ཟག་མེད་བདེ་ཆེན་མྱོང་། །རྗེས་ཏིང་མཐར་ཕྱིན་ དུས་འཁོར་སྦྱོར་དྲུག སྐུ་གསུམ་རྒྱལ་པ་ཟིན། ཡན་ལག་དྲུག་དོན་བཀའ་གདམས་ཀྱི་མངོན་དུ་འགྱུར་བར་ཤོག །གཏུམ་མོ་ ན་རོ་དང་ནི་གུའི་ཆོས་དྲུག་ སྒྱུ་ལུས་ཉིན་སྣང་འཁྲུལ་རྟོག་ཆོད། །རྨི་ལམ་འོད་གསལ་མཚན་མོའི་ཉིང་འཁྲུལ་སངས། །བར་དོ་འཕོ་བས་དུས་མཐའ་འཇིགས་ཆེན་གྲོལ། །ཟབ་ལམ་ཆོས་དྲུག་དོན་འབྲས་འགྲུབ་པར་ཤོག །རྣམ་རྟོག་ངོ་ཤེས་ཉོན་མོངས་གནད་ཀྱིས་ཟིན། །ན་ཚ་ འབྲུག་པའི་རོ་སྙོམས་

― TR004_Page_0089 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་ལྷོངས་ལྷ་འདྲེ་རྫུན་འཚོང་རིག །སྡུག་བསྔལ་རྩ་བྲལ་འཆི་བ་ཉམས་འོག་ཆུད། །རོ་སྙོམས་དྲུག་ལ་གདེངས་ཆེན་ཐོབ་པར་ཤོག །ཆོས་རྣམས་ཐམས་ཅད་རང་སེམས་འདུལ་བའི་ཐབས། །སེམས་ཉིད་སྐུ་གསུམ་ཡེ་ནས་འདུ་འབྲལ་མེད། །མ་རྟོག་འཁྲུལ་པའི་འཁོར་ལོས་རང་མགོ་འཁོར། དེ་ཐམས་ཅད་ཀྱི་འགག་བསྡུ་བ་ །རང་སེམས་སྐུ་གསུམ་རང་བཞིན་ཀློང་གྲོལ་ཤོག །ལམ་ལྔ་ས་བཅུའི་རྒྱུན་མཐའི་རིང་བསྐོར་གྱིས། །གྲངས་མེད་བསྐལ་བར་བསག་སྦྱངས་མ་ལྟོས་པའི། །སྐད་ཅིག་ཉིད་ལ་རྫོགས་འཚང་རྒྱ་ནུས་པའི། །ཐུན་མོང་ཐེག་པ་ལྟར་ །སྣོད་བཅུད་རྐྱེན་གསུམ་འབད་མེད་ཚོགས་པར་ཤོག །གཞི་ཡི་བར་ཆད་ལྷན་ སྐྱེས་ གསང་སྔགས་བླ་མེད། དད་པ་དམ་ཚིག་སྙིང་རུས་སོགས། མ་རིག་པ། ལམ་གྱི་བར་ཆད་ཕྱི་ནང་གསང་བའི་ གདམས་པ་ཟབ་མོ་ མཚན་ལྡན་བླ་མ་ གཞི་ལ་འཁྲུལ་པ་མེད་ཀྱང་། གེགས་ རྣམ་རྟོག་ལས་བྱུང་བའི་ འབྲས་བུའི་བར་ཆད། རང་ངོ་མ་རིག་པ་ ན་ཚ་སོགས། སྤྲུལ་དང་གྲོགས་སོགས་ངན་པའི་

― TR004_Page_0090 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་ལྟའི་འཛིན་ཕྲ་སོགས། །བྱང་ཆུབ་བར་ཆད་རྩད་ནས་ཆོད་པར་ཤོག །དུས་མིན་འགྲོ་དོན་གཟུགས་བརྙན་སླུ་བྱེད་ཀྱིས། རང་གཞན་ ཤེས་སྒྲིབ་སོགས་ གཉིས་ཕུང་འདུན་མ་མི་བྱེད་ སངས་རྒྱ་བ་ལ་བགེགས་སུ་གྱུར་པ་ཐམས་ཅད་ པར། །རང་མ་སྨིན་པ་ རྙེད་འཚོལ་སོགས་ དུས་བབས། བླ་མ་ སློབ་མ་ རྩོལ་བྲལ་རླབས་ཆེན་འགྲོ་བའི་དོན། །ནམ་མཁའ་མཐའ་མཉམ་རྒྱུན་མི་ཆད་འགྲུབ་ཤོག །ཕྱོགས་བཅུའི་རྒྱལ་ རང་དོན་མཁྱེར་ནས་ དང་རྒྱལ་ འབད་རྩོལ་མེད་པར་ ཕྱོགས་རེས་དང་ཁོལ་བུ་མ་ཡིན་པར། ནམ་མཁའ་གར་ཁྱབ་ཀྱི་སེམས་ཅན་གང་ལ་གང་འདུལ། སྲས་མ་ལུས་ཀྱིས། །སེམས་ཅན་དོན་དུ་སྨོན་ལམ་ཅི་བཏབས་དང་། །དེ་འགྲུབ་གཞན་ཕན་རྒྱ་ཆེན་གང་མཛད་པ། ཐམས་ཅད་གཅིག་བསྡོམས་བདག་གིས་འགྲུབ་གྱུར་ རང་ཅག་སོ་སྐྱེའི་བློས་མི་ཆུད་པའི་དགེ་ཚོགས་བསགས་ཅིང་སྔོ་སྨོན་མཛད་པ་དེ་ཐམས་ཅད་དང་མཚུངས་པའི་འགྲོ་དོན་འགྲུབ་པར་སྨོན་པའོ། ཅིག །དེ་ལྟར་ཆོས་ཐམས་ཅད་ཀྱི་ལམ་གྱི་རིམ་པའི་གནད་དོན་འགག་བསྡུས་སྨོན་

― TR004_Page_0091 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་གྱི་བརྗོད་བྱར་བགྱིས་ཏེ་ཉམས་ལེན་གྱི་གསལ་འདེབས་དྲན་བསྐུལ་དུ་འགྱུར་བ་འདི་ཉིད། ལེགས་བྱས་རྒྱ་མཚོ་ལྷུན་གྱིས་གྲུབ་པའི་དཔལ་མངོན་པར་རྒྱས་པའི་གཟི་འོད་ཀྱིས་བཀྲ་བ་སྐྱེས་ཆེན་ཀརྨ་མི་ཕམ་མགོན་པོའི་བཞེད་པ་ཡོངས་སུ་བསྐང་བའི་སླད་ཁོ་ནར་ཀུན་སྤངས་པའི་སྤྱོད་ལ་མངོན་པར་དགའ་བ་ཀརྨ་རིག་འཛིན་རྣམ་པར་རྒྱལ་བས་ཕུལ་བ་སིདྡྷར་སྡཾ།།།།། བསྐལ་བཟང་འདྲེན་པ་སྟོང་གི་གསེར་རིའི་དབུས། །ཐུགས་རྗེའི་མཐུ་སྟོབས་མངོན་འཕགས་ལྷུན་པའི་དབང་། །ཟས་གཙང་སྲས་ཀྱིས་རྒྱལ་ཚབ་ཐུ་བོ་རུ། །དབང་བསྐུར་ཟླ་འོད་གཞོན་ནུར་གྱུར་པ་ཉིད། །ལྔ་བདོའི་རྣམ་འགྱུར་དར་བའི་བསིལ་ལྡན་ཡུལ། །གང་འདིར་བསྟན་གཉིས་སྒྲོན་མ་སྦར་བའི་མགོན། །ལྷ་ལམ་ཁྱབ་པའི་དབུས་ན་སྒྲུན་བྲལ་ཉི། །འཛམ་གླིང་གྲགས་པའི་འོད་ཟེར་ཚར་ངར་གདུང་། །དྲི་མེད་སྒྲུབ་བརྒྱུད་བསྟན་སྲོགས་འཛིན་པའི་དཔལ། །ཆོས་ཉིད་ཇི་བཞིན་གཟིགས་པ་མངོན་གྱུར་གྱིས། །ཆོས་ཅན་ཇི་སྙེད་མེ་

― TR004_Page_0092 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་ཀློང་གྲོལ་བའི། །འདྲེན་པ་མཆོག་ཁྱེད་བསྐལ་བརྒྱར་ཞབས་བརྟན་གསོལ། །རྒྱལ་དགོངས་གདོད་ནས་ཡོངས་དག་འགྱུར་མེད་གཤིས། །འཁོར་འདས་དུས་གསུམ་རོ་མཉམ་ཆེན་པོ་རུ། །འཚོ་ཞིང་གཞེས་ལས་ནམ་ཡང་མ་གཡོས་བཞིན། །གདུལ་བྱའི་སྣང་ངོར་དེ་བཞིན་བཞུགས་གསོལ་འདེབས། །མི་ཟད་ཐུགས་རྗེའི་གཏེར་མངའ་རྒྱལ་བའི་ཚོགས། །འཆི་མེད་རིག་འཛིན་གྲུབ་དབང་སྤྲུལ་འཁོར་བཅས། །བྱིན་རླབས་མཐུ་དང་ཆོས་ཉིད་བདེན་སྟོབས་ཀྱིས། །གསོལ་བ་བཏབ་པ་དོན་ལྡན་འགྲུབ་གྱུར་རིག །ཞེས་རྒྱལ་བའི་བསྟན་འཛིན་མཆོག་གི་སྐྱེས་ཆེན་རིག་པ་འཛིན་པ་ཆོས་དབྱིངས་ཀློང་གྲོལ་དཔལ་བཟང་པོའི་ཞབས་པད་བརྟན་པར་གསོལ་བ་གདབ་པ་འདི་ཉིད། སྣ་ཚོགས་རང་གྲོལ་གྱི་མིང་འཛིན་པའི་བྱ་བྲལ་བས། ལྷག་བསམ་རྣམ་པར་དཀར་བས་ཀུན་ནས་བླངས་ཏེ་ཕུལ་བ་དགེ་ལེགས་གོང་འཕེལ་དུ་གྱུར་རིག །རྒྱལ་ཀུན་ཐུགས་རྗེའི་ཟློས་གར་སྒྱུ་འཕྲུལ་ལས། །བུདྡྷ་ཛྙཱ་ན་རིག་འཛིན་ཨཱ་ནན་ཏན་

― TR004_Page_0093 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་པ་བསྲུང་མཛད་བསོད་ནམས་ཆོས་འཕེལ་མཚན། །སྐྱེས་ཆེན་ཕྲེང་བར་བརྒྱུད་པའི་མདོ་འཛིན་དུ། །དཔལ་ལྡན་དྭགས་བརྒྱུད་བསྟན་པའི་སྒྲོན་མེ་རུ། །སངས་རྒྱས་དངོས་བྱོན་རཏྣ་བཛྲ་ཉིད། །གདུལ་བྱའི་དད་ཚོར་མཁྱེན་བརྩེའི་ཟླ་སྣང་གི། །མཚན་དཔེར་བསྟན་མཛད་སྤྲུལ་པའི་སྐྱེས་མཆོག་གང་། །གསང་གསུམ་མི་ཟད་རྒྱན་འཁོར་གཡོ་མེད་བསྟན། །ཐོས་བསམ་སྒོམ་པའི་སྣང་བ་འགྲིབ་མེད་གསལ། །ཕན་བདེའི་ཕྲིན་ལས་འོད་བརྒྱས་ཡོངས་ཁྱབ་པར། །རྒྱལ་བ་སྲས་བཅས་རྣམས་ཀྱི་དགེ་ལེགས་སྩོལ། །འདི་ནི་དྭགས་ལྷ་སྒམ་པོར་ཞབས་དྲུང་མཐུ་སྟོབས་བསྟན་འཛིན་དབང་པོའི་སྡེར་ཕུལ་བའི་བརྟན་བཞུགས་ཆོས་དབྱིངས་འོད་གསལ་རྩེ་ནས་སོ། །བསླུ་མེད་སྐྱབས་གནས་དཀོན་མཆོག་ཀུན་འདུས་པ། །བླ་མ་མཆོག་གི་ཐུགས་རྗེས་གཟིགས་མཛོད་ལ། །རྣམ་དཀར་ཡིད་ཀྱི་སྨོན་ལམ་གང་བཏབ་པ། །གེགས་

― TR004_Page_0094 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་མྱུར་དུ་འགྲུབ་པར་བྱིན་གྱིས་རློབས། །དེང་ནས་བཟུང་སྟེ་རྣམ་མཁྱེན་མ་ཐོབ་བར། །བླ་མ་མཆོག་གི་གདུལ་བྱར་འགྱུར་བར་ཤོག །མཚན་ཉིད་ཀུན་ལྡན་བླ་མ་སངས་རྒྱས་ལ། ཁ་ཞེ་མེད་པའི་མོས་གུས་བརྟན་པར་ཤོག །ལུས་དང་ལོངས་སྤྱོད་གཏན་གྱི་འདུན་མར་བཅས། །ལྟོས་མེད་བླ་མའི་དོན་དུ་སྟོང་ནུས་ཤོག །ཅི་མཛད་ལེགས་མཐོང་ཅི་གསུངས་ཚད་འཛིན། །དག་སྣང་ཟོལ་མེད་རྒྱུད་ལ་སྐྱེ་བར་ཤོག །འགལ་འཁྲུལ་ཉེས་ལྟུང་སྤུ་ཙམ་མི་གསོག་པར། །ཅི་བྱེད་བླ་མ་མཉེས་པ་ཉིད་འགྱུར་ཤོག །གདམ་ངག་ཟབ་མོ་གསུང་གི་བདུད་རྩི་ལ། །རྒྱུན་ཆད་མེད་པར་འཐུང་བའི་སྐལ་ལྡན་ཤོག །ཐོས་བསམ་སྒོམ་པའི་ཤེས་རབ་དྲི་མེད་ཀྱིས། །གང་གསུངས་ཆོས་ཀྱི་དགོངས་པ་ལོན་པར་ཤོག ཁ་ཚིག་གོ་ཡུལ་ཙམ་ལ་མི་འཇོག་པར། །གདམས་ངག་རྩེ་གཅིག་ཉམས་སུ་ལོན་པར་ཤོག །ཉམས་རྟོགས་

― TR004_Page_0095 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོན་ཏན་ལམ་རྟགས་ཚུལ་བཞིན་ཤར། །ས་ལམ་སྤངས་རྟོགས་མཐའ་རུ་ཕྱིན་པར་ཤོག །ནམ་ཡང་སྡིག་པའི་གྲོགས་ཀྱིས་མ་བསླུས་ཤིང་། །ཆོས་མཐུན་གྲགས་དང་མཐུན་རྐྱེན་འཛོམ་པར་ཤོག །འཇིག་རྟེན་རྣམ་གཡེང་གྲོང་ལ་མི་ཆགས་པར། །རྒྱལ་བས་བསྔགས་པས་རི་ཁྲོད་འགྲིམ་པར་ཤོག །དཀོར་ནག་ལོག་འཚོ་སྡིག་ཟས་ཤ་ཆང་ལ། །སྲེད་ཞེན་མེད་སོགས་དཀའ་ཐུབ་འཚོ་ནུས་ཤོག །ཆོས་བརྒྱད་ཚེ་འདིའི་བྱ་བྱེད་མི་སྒྲུབས་པར། །བྱ་བྲལ་དམན་ས་འཛིན་པས་དུས་འདའ་ཤོག །ཕུང་བྱེད་སྒྱུ་མའི་ནོར་རྫས་མི་གསོག་པར། །དགོས་མེད་ཞེན་ལོག་སྙིང་ནས་སྐྱེ་བར་ཤོག །སྐྱིད་འདོད་ལོངས་སྤྱོད་འདུ་འཛི་མི་བྱེད་པར། །གྲུབ་ཐོབ་བརྒྱུད་པའི་རྣམ་ཐར་འཁྱོངས་པར་ཤོག །དལ་འབྱོར་སྟོང་ཟད་གཡེང་བས་མི་འཁྱེར་བར། །ངེས་འབྱུང་མི་རྟག་འཆི་བ་དྲན་པར་ཤོག །ཉོན་མོངས་བག་ཆགས་ན་

― TR004_Page_0096 ―

^{[མ་དཔེ་གཟིགས་ན་འདིར་གནོན།]}

[Full Size]

རོང་མི་ལྡང་བར། །ཚུལ་ཁྲིམས་གཙང་མས་རང་རྒྱུད་དག་པར་ཤོག །བློ་ཆུང་དམན་པའི་ཞི་བདེ་མི་སྒྲུབས་པར། །དགེ་འདུན་མཁའ་ཁྱབ་འགྲོ་ལ་ཕན་ནུས་ཤོག །ཆོས་མིན་བསམ་སྤྱོད་སྐད་ཅིག་མི་བྱེད་པར། །སྒོ་གསུམ་ཆོས་ཀྱིས་ཉིན་མཚན་འདའ་བར་ཤོག །བླ་མ་མཆེད་གྲོགས་ཕ་མ་སེམས་ཅན་ལ། །དག་སྣང་ཕྱོགས་མེད་ཞབས་གཏོགས་འགྲུབ་པར་ཤོག །སྣོད་བཅུད་ཐམས་ཅད་གཟོད་ནས་དཀྱིལ་འཁོར་ལྷ། །ཡིན་ཚུལ་ཤེས་པས་དག་པ་རབ་འབྱམས་ཤོག །ཕུང་ཁམས་སྐྱེ་མཆེད་སྒོ་གསུམ་ཡེ་ཤེས་ཀྱི། །རྡོ་རྗེ་མི་ཟད་རྒྱན་གྱི་འཁོར་ལོར་ཤོག །ཚོགས་དྲུག་ཡུལ་སྣང་འཆར་སྒོ་མ་ལུས་ཀུན། །ཆོས་ཉིད་རྣམ་རོལ་ཆེན་པོར་གྲོལ་བར་ཤོག །ན་ཚ་རྐྱེན་ངན་ཟུག་རྔུ་ཅི་བྱུང་ཀྱང་། །བདེ་ཆེན་རང་རིག་ཀློང་དུ་གྲོལ་བར་ཤོག །དགྲ་གདོན་གནོད་བྱེད་རྣམ་འགྱུར་གང་ལ་ཡང་། །ཉམ་ང་བྲལ་ཞིང་བྱང་ཆུབ་སེམས་འབྱོང་ཤོག །

― TR004_Page_0097 ―

^{[མ་དཔེ་གཟིགས་ན་འདིར་གནོན།]}

[Full Size]

མེ་ཆུ་གཡང་སོགས་འབྱུང་བའི་འཇིགས་པ་ལ། །བདེན་མེད་རྨི་ལམ་སྒྱུ་མར་ཤེས་པར་ཤོག །གཞན་གྱིས་ཚིག་རྩུབ་ངན་སྨྲས་ཅི་བྱས་ཀྱང་། །འཛིན་མེད་བྲག་ཆའི་སྒྲ་ལྟར་རྟོགས་པར་ཤོག །རྙེད་དང་བཀུར་བསྟི་འདོད་ཡོན་ཚོགས་རྣམས་ལའང་། །ཆགས་མེད་ཞེན་བྲལ་རེ་འདོད་སྤོང་བར་ཤོག །གང་དུ་གནས་ཀྱང་དམ་པའི་ཆོས་མ་གཏོགས། །འཇིག་རྟེན་འཁྲུལ་པའི་བྱ་བ་མི་བྱེད་ཤོག །སུ་དང་འགྲོགས་ཀྱང་དག་སྣང་འབྱོངས་གྱུར་ནས། །འཐབ་འཁྲུག་འཁོན་རྩོད་ལས་ངན་མི་གསོག་ཤོག །སྒོ་གསུམ་སྐྱེད་རྫོགས་དོན་ལས་མི་གཡེལ་བའི། །རྟག་པར་དྲན་དང་ཤེས་བཞིན་ལྡན་པར་ཤོག །ཉིན་སྣང་འཁྲུལ་མེད་དྲན་རིག་རྒྱུན་ཆགས་ཀྱིས། །གཉིད་དང་རྨི་ལམ་འཁྲུལ་ཕྱིར་མི་འབྲེང་ཤོག །ཚེ་འདི་ཆོས་ཀྱི་འདའ་བའི་ནུས་སྟོབས་ཀྱིས། །འཆི་ཁར་འགྱོད་འཚེར་

― TR004_Page_0098 ―

^{[མ་དཔེ་གཟིགས་ན་འདིར་གནོན།]}

[Full Size]

ཡ་ང་མེད་པར་ཤོག །མཚམས་སྦྱོར་ངན་པའི་རྐྱེན་དབང་མི་འགྲོ་བར། །གདམས་པ་དྲན་ཞིང་གནད་གཅོད་མེད་པར་ཤོག །སྒྲ་འོད་ཟེར་དང་འཇིགས་སྐྲག་ཅི་ཤར་ཡང་། །རང་མདངས་ཡིན་པའི་གནད་དོན་རྟོགས་པར་ཤོག །བར་དོར་བླ་མའི་གདམས་ངག་དྲན་ནས་ཀྱང་། །ལམ་ལོག་འཁྲུལ་ཕྱིར་མི་འབྲང་གྲོལ་བར་ཤོག །རང་དོན་འགྱུར་མེད་ཆོས་སྐུའི་གཏན་སྲིད་ཟིན། །གཞན་དོན་གཟུགས་སྐུའི་རྣམ་འཕྲུལ་འགྱེད་པར་ཤོག །གང་འདུལ་སྤྲུལ་པ་ནམ་མཁའ་གར་ཁྱབ་ཏུ། །འགྲོ་ལ་ཕན་བདེའི་ཆར་རྒྱུན་འབེབས་པར་ཤོག །བདག་གིས་སྨོན་ལམ་འདི་ལྟར་གང་བཏབ་རྣམས། །མྱུར་འགྲུབ་མཁའ་མཉམ་འགྲོ་ཀུན་བྱང་ཆུབ་ཤོག །ཅེས་པ་འདི་ནི། སྨིན་གྲོལ་སྙིང་པོ་ལའོ། །རྒྱལ་བ་མ་ལུས་ཆོས་སྐུའི་ངང་ཉིད་དུ། །རོ་མཉམ་རིགས་འདུས་བླ་མ་གཅིག་པུའི་སྐུར། །གཟོད་མ་ཉིད་ནས་ལྷུན་གྱི་གྲུབ་པ་རུ། །ཡིན་

― TR004_Page_0099 ―

^{[མ་དཔེ་གཟིགས་ན་འདིར་གནོན།]}

[Full Size]

ལུགས་ཇི་བཞིན་རྟོགས་པས་གསོལ་བ་འདེབས། །གཉིས་འཛིན་འཁྲུལ་པ་ཡངས་པར་བྱིན་གྱིས་རླབས། །ངར་འཛིན་འགོང་པོའི་བར་ཆད་མི་འབྱུང་ཞིང་། །ལོ་འདོད་ཆོས་བརྒྱད་གདོན་གྱིས་མི་སྐྱོད་པར། །རང་རིག་ཆོས་སྐུའི་རྒྱལ་ས་ཟིན་པར་ཤོག །འདི་ནས་བཟུང་སྟེ་བླ་མེད་བྱང་ཆུབ་ལ། །མ་འཁོད་དེ་སྲིད་འཇིག་རྟེན་འཁོར་བའི་བློ། །རྡུལ་ཆ་ཕྲ་མོ་ཙམ་གྱིས་མ་གོས་པར། །རིན་ཆེན་བྱང་ཆུབ་སེམས་མཆོག་འབྱོངས་པར་ཤོག །ཆགས་སྡང་འཁྲུལ་པའི་རང་གཟུགས་དགྲ་གཉེན་ཞེས། །ལོག་རྟོག་སྒྱུ་མའི་མངོན་ཞེན་རྨི་ལམ་ལ། །བདེན་ཞེན་བྱིས་པའི་རྣམ་ཐར་མི་སྟོན་པར། །འགྲོ་ཀུན་ཕ་མར་ཤེས་པས་ཕན་སྒྲུབ་ཤོག །རང་སྐྱོན་རི་བོ་ཙམ་ཡང་མ་མཐོང་བཞིན། །གཞན་སྐྱོན་ཕྲ་མོའང་མཐོང་བའི་མིག་རྣོན་པོས། །དག་སྣང་

― TR004_Page_0100 ―

^{[མ་དཔེ་གཟིགས་ན་འདིར་གནོན།]}

[Full Size]

མཐོང་ཚུལ་གོ་ལོག་བྱེད་པར། །སྣོད་བཅུད་རྒྱལ་བའི་ཞིང་དུ་རང་ཤར་ཤོག །རང་ལ་ཚིག་ངན་ཟུར་ཙམ་མི་བཟོད་ཀྱང་། །གཞན་དག་ཁྱད་གསོད་གནོད་འཚེ་སྒྲུབས་པ་ལ། །ཉམས་ང་སྤུ་ཙམ་མེད་པའི་སྙིང་ཁམས་གི། །བློ་གདེངས་རྒྱུད་ལ་འབྱུང་བ་མེད་པར་ཤོག །བླ་མ་སངས་རྒྱས་ཉིད་དུ་མ་མཐོང་བས། །རང་ལ་མཉེས་དང་མི་མཉེས་ཚད་བཟུང་མཁན། །བློ་རིངས་མར་ཁོག་སྣུམ་གྱིས་མི་ཐུལ་ལྟར། །དེ་འདྲའི་དྲི་མ་ནམ་ཡང་མི་འབྱུང་ཤོག །དམ་ཆོས་ཟབ་དགུའི་རྒྱ་མཚོ་བཏུངས་གྱུར་ཀྱང་། །ཆོས་དང་རང་རྒྱུད་ཐ་དད་ཡ་བྲལ་བས། །འཆི་ཁར་གདམས་ངག་དེས་ལ་མ་ལུས་པར། །ཐོས་དོན་རྒྱུད་ལ་འབྱོར་བས་སྨིན་གྲོལ་ཤོག །རང་སེམས་ཆོས་ཀྱི་མ་ཐུལ་ཐ་མལ་དུ། །དུག་ལྔའི་རྦ་ཀློང་དྲག་པོར་འཁྲུག་ན་ཡང་། །གཞན་ལ་ཆོས་བཤད་དབང་བསྐུར་བྱེད་རློམས་ཀྱིས། །རང་གཞན་

― TR004_Page_0101 ―

^{[མ་དཔེ་གཟིགས་ན་འདིར་གནོན།]}

[Full Size]

བེམ་སྦྲེལ་གཡང་ལ་མི་མཆོང་ཤོག །བླ་མའི་བྱིན་རླབས་སློབ་མའི་མོས་གུས་དང་། ཁམས་དང་བསམ་པ་རྒྱུད་ཚོད་ཤེས་པ་སོགས། །རྡུལ་ཙམ་མེད་བཞིན་འགྲོ་དོན་མིང་བཏགས་པའི། །ཟང་ཟིང་སྡུད་པའི་གཡེང་བ་མི་བྱེད་ཤོག །དབེན་པར་སྒྲུབ་ལ་འབད་པའི་བློ་ཡོད་ཀྱང་། །མཁའ་ཁྱབ་འགྲོ་ཕན་སླད་དུ་རྫོགས་བྱང་དོན། །མི་གཉེར་ཚེ་འདིའི་འདོད་པ་སྣ་ཚོགས་ཕྱིར། །ལས་མཐའ་ཕན་གནོད་སྒྲུབ་པར་མི་བྱེད་ཤོག །གལ་ཏེ་ཕྱོགས་མེད་རྒྱལ་ཁམས་འཕྱོ་ན་ཡང་། །བདག་འཛིན་ཁོང་སྐྲན་རྩད་ནས་མ་ཞིག་པར། །ཕྱི་རོལ་ཐོ་ཆོ་བཅོས་མའི་བརྟུལ་ཞུགས་ཀྱིས། །སྡོམ་གསུམ་ས་ལ་བསྐུར་བར་མི་བྱེད་ཤོག །རང་ལུས་ཚེར་མས་ཟུག་པའང་མི་བཟོདབཞིན། ཁ་ལྟ་སྟོང་པའི་རྦད་ཁམ་འབྲུག་ལྡིར་བས། །ཆོས་དང་བླ་མའི་ཞབས་འདྲེན་མི་བྱེད་པར། །བག་ཡོད་རྒྱུ་འབྲས་

― TR004_Page_0102 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་འབྲེལ་ལམ་ལྷོངས་ཤོག །སྐྱིད་སྡུག་གང་བྱུང་བླ་མ་དཀོན་མཆོག་གི། །ཐུགས་རྗེར་མ་ཤེས་རྐྱེན་ངན་ཅུང་ཟད་ལའང་། །ཁྱི་རྒན་ལག་པ་ཆག་པའི་འོ་དོད་ལྟར། །མི་འབོད་སྡུག་བསྔལ་རོ་སྙོམས་ནུས་པར་ཤོག །ཕན་བྱེད་ལྷ་དང་གནོད་བྱེད་འདྲེ་ཞེས་པ། །ཀུན་རྫོབ་འཁྲུལ་པའི་ངོ་ལ་སྣང་མོད་ཀྱང་། །རང་རིག་ཆོས་ཉིད་དབྱིངས་ལ་བདེན་དངོས་མེད། །སྒོམ་ཆེན་འཁྲུལ་རྗེས་འབྲེང་བར་མི་བྱེད་ཤོག །གསང་སྔགས་ཉེ་ལམ་ཆོས་ཀུན་སྙིང་པོའི་སྙིང་། །བུམ་དབང་ཐོབ་པས་སྣོད་བཅུད་དཀྱིལ་འཁོར་ཤར། །གསང་དབང་འབྱུང་འཇུག་གནས་བརྗོད་མཐའ་དག་སྔགས། །ཤེར་དབང་རྟོག་ཚོགས་ལྷན་སྐྱེས་བདེར་གྲོལ་ཤོག །ཐེག་པའི་རྩེ་རྒྱལ་རྫོགས་པ་ཆེན་པོའི་ལམ། །ཚིག་དབང་རིན་ཆེན་རིག་པའི་རྩལ་དབང་དོན། །བསྒོམ་དུ་མེད་ལ་ཡེངས་པ་སྐད་ཅིག་བྲལ། །བཟོ་མེད་ལྷུག་པའི་བསམ་གཏན་གདེངས་ཐོབ་ཤོག །ཆོས་ཉིད་མངོན་སུམ་རང་ཞལ་

― TR004_Page_0103 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེན་པར་མཐོང་། །ཉམས་སྣང་གོང་འཕེལ་ས་བཅུ་ལམ་ལྔ་བགྲོད། །རིག་པ་ཚད་ཕེབས་ལོངས་སྐུའི་ཞིང་ཁམས་ཟིན། །ཆོས་ཅན་ཆོས་ཉིད་ཀློང་དུ་ཟད་པར་ཤོག །དེ་མཐུས་འཁྲུལ་པའི་ཡུལ་དང་ཡུལ་ཅན་གྱི། །སྤྲོས་པའི་མཚན་གཞི་དངོས་པོར་མི་གནས་ཀྱང་། །སྨོན་ལམ་ཐུགས་རྗེ་མཐུན་པའི་རྟེན་འབྲེལ་གྱིས། །གཞན་དོན་ནམ་མཁའི་མཁའ་མཉམ་འབྱུང་བར་ཤོག །དྲིན་ཅན་བླ་མ་དཀོན་མཆོག་ཐུགས་རྗེའི་མཐུ། །ཡི་དམ་མཁའ་འགྲོ་ཆོས་སྲུང་ནུས་པའི་སྟོབས། །དོན་དམ་ཆོས་ཉིད་བདེན་པའི་བྱིན་རླབས་ཀྱིས། །བདག་གི་སྨོན་ལམ་འདི་བཞིན་འགྲུབ་པར་ཤོག །ཞེས་པ་འདི་ནི། རྣལ་འབྱོར་པ་ཨཱ་ཡུ་སྡུ་ཏྲ་ཞེས་ཉེ་བར་བསྐུལ་ངོར་བཀོད་པ་དགེའོ། ཨོཾ་སྭ་སྟི། མཐའ་ཡས་ཞིང་ཁམས་རྒྱ་མཚོའི་སངས་རྒྱས་དང་། །ལེགས་གསུངས་བདེན་གཉིས་ཟུང་འཇུག་དམ་པའི་ཆོས། །དེ་འཛིན་འཕགས་པའི་དགེ་འདུན་ཚོགས་བཅས་ཀྱི། །ཆོས་ཉིད་

― TR004_Page_0104 ―

^{[མ་དཔེ་གཟིགས་ན་འདིར་གནོན།]}

[Full Size]

བདེན་པས་དེང་འདིར་བདེ་ལེགས་སྩོལ། །བཀའ་རྒྱུད་བླ་མ་རྒྱལ་བ་དཀྱིལ་འཁོར་ལྷ། །དཔའ་བོ་མཁའ་འགྲོ་ཆོས་སྲུང་མཐུ་སྟོབས་བདག །དཀར་སྐྱོང་གཞི་བདག་ལྷ་ཀླུར་བཅས་ཀུན་གྱིས། །བྱིན་རླབས་དངོས་གྲུབ་ཕྲིན་ལས་ཆར་རྒྱུན་ཕོབ། །ཕྱོགས་བཅུ་ནམ་མཁའ་གར་ཁྱབ་འཇིག་རྟེན་ཀུན། །བདེ་དགེ་བཀྲ་ཤིས་འབྱོར་པས་གང་བར་ཤོག །མི་དགེ་ཉེར་འཚེའི་མཚན་མ་ཇི་སྙེད་དག །གང་དུ་ནམ་ཡང་འབྱུང་བ་མེད་པར་ཤོག །རྒྱལ་བསྟན་དྲི་མེད་མདོ་སྔགས་ལུང་རྟོགས་ཀྱི། །ཉི་ཟླ་གདུལ་བྱའི་ཡིད་མཁར་གསལ་བར་ཤོག །བསྟན་འགྲོའི་སྒྲོན་མ་སྐྱེས་ཆེན་དམ་པ་རྣམས། །སྐུ་ཚེ་ཕྲིན་ལས་ཆོས་འབྱོར་འཕེལ་བར་ཤོག །བཤད་སྒྲུབ་བསྟན་པ་འཛིན་པའི་འདུས་སྡེ་ཀུན། །ཐུགས་མཐུན་ཐོས་བསམ་སྒོམ་པས་དུས་འདའ་ཤོག །མ་རུངས་བདུད་ཀྱི་སྤྲུལ་པའི་མཐུ་སྟོབས་ཀུན། །དཀོན་མཆོག་བདེན་པའི་སྟོབས་ཀྱིས་ཐུལ་བར་ཤོག །འབྱུང་པོའི་ཁ་རླངས་ནད་ཡམས་འཁྲུག་རྩོད་

― TR004_Page_0105 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། །སད་སེར་ཕྱུགས་ནད་མུ་གེ་ཀུན་ཞི་ཤོག །འབྱུང་བ་གཡོ་འཁྲུག་གནོད་འཚེ་མི་འབྱུང་ཞིང་། །སྐྱེ་འགྲོ་བདེ་སྐྱིད་དམ་ཆོས་སྤྱོད་པར་ཤོག །རྒྱལ་བས་ལུང་བསྟན་དཔལ་གྱི་ཤཱནྟིའི་གནས། །བསྟན་པའི་རྒྱལ་མཚན་མི་ནུབ་རྟག་བརྟན་ཤོག །འགྲོ་བའི་གཙུག་རྒྱན་མཆོག་གི་སྤྲུལ་པའི་སྐུ། །ཞབས་པད་བསྐལ་བརྒྱའི་བར་དུ་བརྟན་པར་ཤོག །དེ་ཡི་བཀའ་བཞིན་བསྒྲུབ་པའི་སློབ་འབངས་རྣམས། །དམ་ཚིག་གཙང་ཞིང་ཆོས་སྤྱོད་གོང་འཕེལ་ཤོག །སྦྱིན་བདག་རྣམས་ཀྱང་བསྟན་ལ་གུས་བྱེད་ཅིང་། །བར་ཆད་མེད་པར་བསམ་དོན་འགྲུབ་པར་ཤོག །བདག་སོགས་སྐྱེ་བ་འདི་ནས་ཚེ་རབས་ཀུན། །བསྟན་འགྲོའི་ཕན་བདེ་སྩོལ་བའི་ནོར་བུར་ཤོག །རང་དོན་ཞི་བདེ་ལོག་འཚོ་མི་སྒྲུབ་པར། །རྒྱལ་བའི་ཕྲིན་ལས་རླབས་ཆེན་སྤྱོད་པར་ཤོག །ལྷག་བསམ་དག་པས་

― TR004_Page_0106 ―

^{[མ་དཔེ་གཟིགས་ན་འདིར་གནོན།]}

[Full Size]

སྨོན་ལམ་འདི་བཏབས་མཐུས། །འགྲོ་ཀུན་བླ་མེད་རྫོགས་བྱང་ཐོབ་པར་ཤོག །མངྒ་ལཾ། འདི་ནི་གུ་རུ་རིན་པོ་ཆེའི་ལུང་བསྟན་བཞིན་བོད་ཁམས་བདེ་བའི་རྟེན་འབྲེལ་དུ་གདར་གྱི་རི་བོར་དར་ཕན་ལ་བདེན་ཚིག་སྨོན་ལམ་དུ་བསྟར་བའོ། འདི་དང་མཚུངས་པ་གནས་ཆེན་དཔལ་གྱི་ཙཱ་རི་ཏྲའི་ས་གནས་ཀྱི་སྙིང་པོ་རྣམས་སུ་ཡང་བདེན་སྟོབས་ཀྱི་དར་འཕན་དང་མཚོ་མཆོད་ཀྱི་ནང་དུ་ཤིན་ཏུ་མང་བར་བྲིས་ཀྱང་བཤུ་བར་མ་ནུས་སོ། །རབ་འབྱམས་དཀྱིལ་འཁོར་རྒྱ་མཚོའི་རིགས་ཀྱི་བདག །མཉམ་མེད་བླ་མ་མཆོག་གི་ཞབས་པད་ལ། །འདི་བཟུང་མཐར་ཐུག་བྱང་ཆུབ་སྙིང་པོའི་བར། །སྐྱབས་སུ་སྙིང་ནས་མཆི་ཞིང་གསོལ་བ་འདེབས། །དམིགས་མེད་ཐུགས་རྗེའི་སྤྱན་གྱིས་རྟག་གཟིགས་ནས། །སྐྱེ་བ་འདི་བཟུང་ཚེ་རབས་ཐམས་ཅད་དུ། །མཐོ་རིས་ཡོན་ཏན་བདུན་གྱིས་ལེགས་བརྒྱན་པའི། །རྟེན་བཟང་ཐོབ་ནས་བསྟན་ལ་འཇུག་པ་དང་། །བླ་མ་མཚན་ལྡན་གདམ་ངག་བདུད་རྩིའི་བཅུད། །བདག་གི་བསྐལ་བའི་བསོད་ནམས་ལེགས་འཛོམ་སྟེ། །

― TR004_Page_0107 ―

^{[མ་དཔེ་གཟིགས་ན་འདིར་གནོན།]}

[Full Size]

ཉམས་ལེན་བརྩོན་པའི་མཐུ་དང་བྱིན་རླབས་སྟོབས། །རྨད་བྱུང་ཚེ་གཅིག་སངས་རྒྱས་འགྲུབ་གྱུར་ཅིག །སྐུ་གསུམ་གོ་འཕངས་མཆོག་མཐར་ཕྱིན་ནས་ཀྱང་། །བསམ་ཡས་ཕྲིན་ལས་རྒྱ་མཚོའི་ཟློས་གར་གྱིས། །མཁའ་ཁྱབ་འགྲོ་ལ་གང་འདུལ་འདོད་སྟེར་འཕྲུལ། །འཁོར་བའི་མཐའ་མཉམ་ཉིད་དུ་འབྱུང་བར་ཤོག །བླ་མ་རྒྱལ་བ་རྒྱ་མཚོ་སྤྲུལ་འཁོར་བཅས། །ཐུགས་རྗེའི་ནུས་པས་བདག་གི་སྨོན་ལམ་ཀུན། །གེགས་མེད་མྱུར་འགྲུབ་བར་ཆད་ཀུན་ཞི་ཞིང་། །ཆོས་དང་བཀྲ་ཤིས་དགེ་ལེགས་འཕེལ་བར་ཤོག །གསོལ་དཔོན་རིན་བཟང་པ། །སྐནྡ་རཏྣ་བྷ་དྲའི་མཚན་འཆང་བས། །བཀའ་སྩོལ་དགོངས་བཞེད་བསྐང་ཕྱིར་འདི་ཕུལ་བར། །ཁྱེད་ཐུགས་དགྱེས་ནུས་བདག་འདྲས་མི་ཤེས་ཀྱང་། །རབ་དཀར་ལྷག་བསམ་རྟེན་འབྲེལ་བཟང་བར་འཁུམས། །གང་ཁྱེད་མཚུངས་བྲལ་རྒྱལ་མཆོག་དེ་ལྟ་བུའི། །ཞབས་པད་སྤྱི་བོར་བསྟེན་པའི་སྐལ་བཟང་དེ། །སྟོང་གསུམ་ནོར་བུས་བཀང་ཐོབ་དོ་ཟླ་

― TR004_Page_0108 ―

^{[མ་དཔེ་གཟིགས་ན་འདིར་གནོན།]}

[Full Size]

མིན། །ཅི་མཛད་ལེགས་མཐོང་ཅི་གསུངས་བཀའ་བསྒྲུབ་པས། །དམ་ཚིག་གཙང་མ་རང་སེམས་དཔང་གཟུགས་གིས། །མི་ཚེ་ལེགས་པར་འཁྱོལ་བའི་ཞབས་གཏོགས་མཛོད། །ཁྱེད་ཀྱི་གཏན་འདུན་དེ་ཀས་འགྲུབ་པ་ལགས། །དེ་ལས་གཞན་པའི་འཕྲལ་ཕུགས་འདི་དང་འདིའི། །བརྟག་གསལ་ལུང་བསྟན་འབུལ་རྒྱུ་བདག་ལ་མེད། །དུས་གསུམ་སྒྲིབ་མེད་མཁྱེན་གཟིགས་དེར་བཞག་ནས། །བས་མཐའི་རྨོངས་རྒན་བདག་འདྲར་ཅི་ཞིག་འདྲི། ཞེས་བྱིན་རླབས་དམ་རྫས་བདུད་རྩི་སྨན་གྲུབ་ཁུང་བཙུན་ཐུམ་བུ་ལ་རྒྱ་ཞུས་ཕུལ་བ་ལ་རྩིས་བཞེས་ཞུ་ཞིང་། ཁ་ཐག་གནང་བ་འདི་པ་དར་ཅོག་ཏུ་བགྱིས་ཡོད་པ་ཡང་། དབྱིངས་བཞུགས་འཚལ། ཟླ་༡༡ཚེས་༡༥དགེ་བར། མཐའ་འཁོབས་ཀྱི་མཚམས་མལ་ནས་ཕུལ་བ་དགེ། །འཁོར་འདས་ལམ་གསུམ་དགེ་བའི་ཚོགས། །བདག་གིས་བསགས་དང་གསོག་འགྱུར་བའི། །དུག་མེད་བསྔོ་བའི་རྒྱུར་གྱུར་ཀུན། །སེམས་ཅན་སངས་རྒྱས་ཐོབ་རྒྱུར་བསྔོ། །སྐྱོན་བྲལ་ཡོན་ཏན་མཆོག་མངའ་བའི། །བླ་མ་ཡིད་བཞིན་ནོར་བུ་ཉིད། །འདི་བཟུང་བྱང་ཆུབ་མ་ཐོབ་བར། །

― TR004_Page_0109 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲལ་མེད་གཙུག་ཏུ་བསྟེན་པར་ཤོག །བརྒྱད་ཁྲི་བཞི་སྟོང་ཆོས་ཀུན་གྱི། །སྙིང་པོའི་ཡང་ཞུན་ཕྱག་རྒྱ་ཆེ། །ཐབས་ཤེས་ཟུང་འཇུག་ཉམས་ལེན་ལ། །བརྩོན་པས་འབྲས་བུ་མངོན་གྱུར་ཤོག །རྟེན་འབྲེལ་རྒྱུ་འབྲས་དམ་ཚིག་སྡོམ། །ཉེས་མེད་ཕུན་ཚོགས་མཐར་ཕྱིན་ཞིང་། །ཆོས་ཕྱིར་དཀའ་བཟོད་རྒྱུད་སྨིན་གྲོལ། །ས་ལམ་ཡོན་ཏན་ཡོངས་རྫོགས་ཤོག །ལོག་ལམ་བདུད་ཀྱིས་མི་བསྐྱོད་ཅིང་། །བླ་མའི་བྱིན་གྱིས་རྟག་རློབས་པའི། །སྐལ་པ་བཟང་པོར་བདག་གྱུར་ནས། །འགྲོ་བའི་དོན་རྣམས་འགྲུབ་པར་ཤོག །ཅེས་པའི་སྨོན་ལམ་འདི་ཡང་ཡེ་ཤེས་རབ་གསལ་ལའོ། །གང་ལ་བརྟེན་ན་ཐུགས་རྗེ་མཆོག་མངའ་བའི། །སྐྱབས་གནས་དཀོན་མཆོག་ཀུན་འདུས་བླ་མ་རྗེ། །སྤྲུལ་དང་ཡང་སྤྲུལ་བཅས་པའི་བདེན་སྟོབས་ཀྱིས། །སྨོན་ལམ་གེགས་མེད་འགྲུབ་པར་མཛད་དུ་གསོལ། །

― TR004_Page_0110 ―

^{[མ་དཔེ་གཟིགས་ན་འདིར་གནོན།]}

[Full Size]

དེང་བཟུང་སྐྱེ་བའི་ཕྲེང་བ་ཇི་སྙེད་པར། །མཐོ་རིས་ཡོན་ཏན་བདུན་ལྡན་དལ་འབྱོར་ལུས། །བསླབ་གསུམ་རིན་ཆེན་རྒྱན་དང་རིམ་གཉིས་ཀྱི། །གཙུག་རྒྱན་མངོན་པར་མཐོ་བས་འབྱོར་གྱུར་ཅིག །མང་ཐོས་ཁེངས་སེམས་བྲལ་བས་དུས་ལྡན་དང་། །ལེགས་བསམ་དྲི་མ་མེད་པའི་བློ་གྲོས་ལྡན། །དོན་སྒོམས་རྒྱུད་ལ་འབྱོར་བའི་ཉམས་རྟོགས་བཅས། །ཤེས་རབ་གསུམ་གྱིས་ཆོས་མིག་ཐོབ་གྱུར་ཅིག །ཞེན་མེད་ལོག་འཚོ་བྲལ་བའི་འབྱོར་པས་ཕྱུག །གཏོང་ལ་ཡང་དག་གོམས་པས་ཚོགས་ཆེན་རྫོགས། །རང་འདོད་མངོན་རློམ་སྤངས་པའི་གཞན་ཕན་གྱིས། །སེམས་དཔའ་མཆོག་གི་རྣམ་ཐར་འགྲུབ་གྱུར་ཅིག །སྐྱབས་ཀུན་ངོ་བོ་གཅིག་འདུས་བླ་མ་ལ། ཁ་ཞེ་ཐ་དད་མིན་པའི་མོས་གུས་ཀྱིས། །ལུས་སྲོག་ལོངས་སྤྱོད་ལྟོས་མེད་ཞབས་ཏོགས་དང་། །སྒྲུབ་པས་མཉེས་པ་མཐའ་རུ་ཕྱིན་གྱུར་ཅིག །

― TR004_Page_0111 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་པའི་ཆོས་དང་འགལ་བའི་བར་ཆད་ཚོགས། །ཡུལ་དུས་གནས་སྐབས་གང་དུའང་མི་འབྱུང་ཞིང་། །རྣམ་དཀར་དགེ་བའི་མཐུན་རྐྱེན་ཇི་སྙེད་ཀུན། །སྲིད་ཞིའི་ཁྱོན་མཉམ་འབད་མེད་འབྱུང་གྱུར་ཅིག །བདག་སོགས་མཁའ་མཉམ་འགྲོ་བ་བྱང་ཆུབ་ལམ། །མ་འཁོད་དེ་སྲིད་རྗེ་བཙུན་བླ་མ་ཡི། །སྐུ་གསུང་ཐུགས་ཀྱི་སྒྱུ་འཕྲུལ་རྨད་བྱུང་གི། །ཐུགས་རྗེའི་ཟློས་གར་རྒྱུན་ཆད་མེད་གྱུར་ཅིག །ནམ་མཁའི་མཐའ་ཁྱབ་འགྲོ་བའི་ཁམས་རྒྱ་མཚོ། །མ་ཟད་དེ་སྲིད་བདག་གི་ལྷག་བསམ་གྱི། །སྨོན་ལམ་ནུས་པའི་ཕྲིན་ལས་མི་ཟད་པས། །སེམས་ཅན་ཐམས་ཅད་སངས་རྒྱས་སར་འགོད་ཤོག །དུས་གསུམ་བདེར་གཤེགས་བླ་མ་ཡི་དམ་ལྷ། །མཁའ་འགྲོ་ཆོས་སྲུང་བྱིན་རླབས་ནུས་མཐུ་དང་། །ཆོས་ཉིད་དོན་དམ་བདེན་པའི་སྟོབས་ཆེན་པོས། །སྨོན་ལམ་ཐོག་པ་མེད་འགྲུབ་བཀྲ་ཤིས་ཤོག །ཅེས་པ་འདི་ནི། རིགས་རུས་འབྱོར་པའི་དཔལ་གྱི་མངོན་པར་མཐོ་བ་ལས་ཀྱང་དམ་པའི་ཆོས་ལ་མི་ཕྱེད་པའི་དད་པ་དང་མི་མཉམ་

― TR004_Page_0112 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་བརྩོན་པ་ཅན། ཡང་དག་པའི་ཡོན་ཏན་ངེས་པར་ལེགས་པའི་དཔལ་གྱིས་ཕྱུག་པར་གྱུར་པ། ཤར་སྤུ་བོ་ཀ་ནམ་ནས་སྐུ་མདུན་དབོན་མོའི་དྲུང་གི་བཀའ་བསྐུལ་བ་བཞིན། ཆོས་དབྱིངས་འོད་གསལ་རྩེ་མོའི་སྒོམ་ཁང་དུ་བྲིས་ཏེ་ཕུལ་བ་ཨི་ཐཱི། རྒྱལ་ཀུན་ཡེ་ཤེས་ཐུགས་རྗེ་གཅིག་བཟླུམ་པ། །པད་འབྱུང་འཛམ་གླིང་གྲགས་དང་རཏྣའི་ཞབས། །འཇའ་ཚོན་བཟང་པོ་རྡོ་རྗེ་ལེགས་གྲུབ་རྩལ། །སྐྱབས་གནས་བསླུ་མེད་ཐུགས་རྗེ་ནུས་མཐུ་ཡིས། །འདི་བཟུང་སྐྱེ་བའི་ལུས་རྒྱུད་ཇི་སྙེད་པར། །ཆོས་ཀུན་སྙིང་པོ་ཕྱག་རྒྱ་ཆེན་པོ་དང་། །དམ་ཆོས་འདུལ་བའི་ཀུན་སྤྱོད་ཟུང་འཇུག་ཉིད། །རང་བློའི་ཐ་རྒོད་འདུལ་སྦྱོང་ཐོག་ཏུ་འཁེལ། །ལྟ་སྤྱོད་རྣམ་དག་འབྲེལ་བས་བསྟན་སྲོག་ཟིན། །སྨོན་ལམ་བྱང་སེམས་ནུས་པས་འགྲོ་དོན་འགྲུབ། །དྲི་མེད་རྒྱལ་སྲས་སྤྱོད་པ་རླབས་ཆེན་ལ། །རང་གཞན་བདེ་བླག་འཁོད་པ་ཉིད་གྱུར་ཅིག །ཅེས་པ་འདི་ནི། རྒྱལ་སྲས་རིག་པ་འཛིན་པ་ཆེན་

― TR004_Page_0113 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་ཆོས་དབྱིངས་ཀློང་གྲོལ་གྱི་བཞེད་པ་ལྟར་བྲིས་པའོ། །པྲ་ཎི་དྷཱ་ན་སིདྡྷནྟུ། །གདོད་མའི་གཞི་ལ་འཁོར་འདས་ལམ་གསུམ་གྱི། །དམིགས་མཚན་བྲལ་ཡང་ཀུན་བརྟག་འཁྲུལ་བློ་ཡི། །སྣང་ངོར་ལམ་གྱི་ཆོས་ཚུལ་ཇི་སྙེད་པའི། །སྨོན་ལམ་བཏབ་འདི་དོན་དུ་འགྱུར་བར་ཤོག །རྡོ་རྗེ་ཐེག་པའི་ལམ་ཟབ་སྙིང་པོ་ཀུན། །སྒོ་གསུམ་རྡོ་རྗེ་གསུམ་དུ་ཉེར་གནས་པ། །མངོན་དུ་འགྱུར་བྱེད་ཐབས་མང་རྒྱ་ཆེ་བའི། །གནད་དོན་མ་ནོར་ལམ་དུ་ལྷོངས་པར་ཤོག ཁམས་དྲུག་ལྡན་པའི་དལ་འབྱོར་རིན་ཆེན་ལུས། །རྩ་གསུམ་འཁོར་ལོ་བཞི་ཡི་རྟེན་གནས་ལ། །རླུང་དང་ཐིག་ལེའི་འདུ་འགོད་སྤྲོ་བསྡུ་ཡིས། །རྣམ་སྨིན་མ་དག་ཕུང་པོ་དག་བྱེད་ཤོག །བརྡ་ཡི་གཏུམ་མོ་ཨ་ཤད་རབ་འབར་བ། །དོན་གྱི་གཏུམ་མོ་བདེ་གསལ་མི་རྟོག་པ། །རྟགས་ཀྱི་གཏུམ་མོ་ཤེར་ཕྱིན་རྣལ་འབྱོར་མ། །དབྱེར་མེད་ལས་

― TR004_Page_0114 ―

^{[མ་དཔེ་གཟིགས་ན་འདིར་གནོན།]}

[Full Size]

ཉོན་བག་ཆགས་བསྲེག་ནུས་ཤོག །འཁོར་འདས་མཐའ་དག་སྒྱུ་མའི་རོལ་པ་ལ། །རྟག་བརྟན་བདེན་པར་བཟུང་བའི་ཞེན་བློ་འདིས། །ཐོག་མེད་ད་བར་འཁྲུལ་པའི་རྒྱུ་རྐྱེན་བྱས། །ད་ནས་ཅིར་སྣང་སྒྱུ་མར་ཤར་གྲོལ་ཤོག །འབྱུང་བ་ལས་གྲུབ་སྣོད་ཀྱི་འཇིག་རྟེན་དང་། ཁམས་ལྔས་བསྐྱེད་པའི་བཅུད་ཀྱི་སྐྱེ་འགྲོ་སོགས། །བདག་གཞན་མ་དག་སྒྱུ་མའི་དངོས་འཛིན་ཀུན། །དག་པ་ཡེ་ཤེས་སྒྱུ་མར་རང་གྲོལ་ཤོག །ཚོགས་དྲུག་སྒྱུ་མའི་ཆོ་འཕྲུལ་སྣ་ཚོགས་ལ། །ཆགས་སྡང་སྤོང་ལེན་བྱིས་པའི་རྩེད་མོ་ལྟར། །མི་བདེན་བདེན་པར་འཛིན་འདི་ཞིག་ནས་ཀྱང་། །མ་དག་སྒྱུ་ལུས་འཆིང་བ་ཀུན་གྲོལ་ཤོག །གཟུགས་སྣང་ལྷ་དང་གྲག་པའི་སྒྲ་རྣམས་སྔགས། །དྲན་རྟོག་ཡེ་ཤེས་འཁོར་ལོར་ལྷུན་གྲུབ་པས། །དངོས་དང་དངོས་མིན་མཐའ་ལས་ཡོངས་གྲོལ་བའི། །དག་པའི་སྒྱུ་ལུས་བརྟན་པ་ཐོབ་པར་ཤོག །ལོངས་སྤྱོད་འཁོར་ལོར་ལས་རླུང་ཆོ་འཕྲུལ་

― TR004_Page_0115 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི། །འཁྲུལ་འཁོར་ཅིར་ཡང་ཤར་ལ་རྨི་ལམ་ཞེས། །ཉིང་འཁྲུལ་དེ་ལ་བཟང་ངན་རྟགས་བཟུང་བའི། །ཅོལ་ཆུང་བྱིས་པའི་རྣམ་ཐར་མི་སྟོན་ཤོག །མི་ཚེའི་ཕྱེད་ནི་གཏི་མུག་གཉིད་དབང་འགྲོ། །དེ་ལ་གདམས་པའི་གནད་མེད་འཁྲུལ་འབྱམས་ངང་། །དལ་འབྱོར་སྟོང་ཟད་བཏང་བའི་བློ་དྲེད་པོ། །ད་ནས་གདམས་པའི་གནད་ལ་འཇུག་བྱེད་ཤོག །རྨི་ལམ་རྨི་ལམ་དུ་ཤེས་བཟུང་གནད་དང་། །ཡི་དམ་ལྷར་སྤྲུལ་གཅིག་ལས་མང་པོར་བསྒྱུར། །ཞིང་ཁམས་བགྲོད་དང་གདུལ་བྱའི་དོན་བྱེད་སོགས། །སྤྲུལ་བསྒྱུར་སྦྱོང་སྤེལ་རང་དབང་ཐོབ་པར་ཤོག །གཉིད་ཀྱི་རྨི་ལམ་དབྱིངས་སུ་ནུབ་པ་དང་། །རྨི་ལམ་ཆེན་པོ་འདི་སྣང་འཁྲུལ་པ་ཞི། །དུས་མཐའི་རྨི་ལམ་བར་དོའི་འཁྲུལ་རྒྱུན་ཆད། །རྨི་ལམ་རྣམ་གསུམ་འཁྲུལ་པ་རྩད་ཆོད་ཤོག །གདོད་ནས་དག་པའི་གནས་ལུགས་འོད་

― TR004_Page_0116 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ་ཆེ། །འཇག་མིག་སྲིན་བུ་ཡན་གྱི་འགྲོ་ཀུན་ལ། །ཁྱབ་ཀྱང་རང་ངོ་མ་ཤེས་ལྷན་སྐྱེས་ཀྱི། །མི་ཤེས་དྲི་མ་དབྱིངས་སུ་ཞི་བར་ཤོག །གཞི་ཡི་འོད་གསལ་མངོན་དུ་བྱས་པའི་ཕྱིར། །ལམ་གྱི་འོད་གསལ་སྒྲུབ་པའི་ཐབས་གདན་ལ། །རབ་བརྩོན་འབྲས་བུའི་འོད་གསལ་ཆོས་ཀྱི་སྐུ། །རང་ལ་བཞུགས་པའི་རང་ཞལ་མཐོང་བར་ཤོག །ཉམས་ཀྱི་འོད་གསལ་ཕྲ་རག་འཆར་སྒོ་ལ། །ཞེན་རློམ་ཁེངས་སེམས་ཆོག་པར་འཛིན་སྤོང་ཞིང་། །རྟོགས་པ་དོན་གྱི་འོད་གསལ་དྲི་བྲལ་ཉིད། །རང་གསལ་རང་རིག་ཆེན་པོར་གདེངས་ཐོབ་ཤོག །རྟགས་ཀྱི་འོད་གསལ་སྣང་བཞི་མཐར་ཕྱིན་ནས། །བརྡ་ཡི་འོད་གསལ་དག་པ་རབ་འབྱམས་ཤར། །དོན་གྱི་འོད་གསལ་འཆར་ནུབ་སྤྲོས་དང་བྲལ། །ཟུང་འཇུག་ཆེན་པོའི་ཀློང་དུ་གྲོལ་བར་ཤོག །ཐོག་མའི་གཞི་ནས་མཐར་ཐུག་བྱང་ཆུབ་བར། །

― TR004_Page_0117 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་འདས་བར་དོར་མ་གྱུར་འགའ་མེད་ཀྱང་། །བར་མ་དོ་ཞེས་ངན་པར་བཟུང་བའི་བློ། །ལོག་པར་རྟོག་པའི་མདུད་བརྒྱ་གཏན་གྲོལ་ཤོག །སྐྱེ་ཤི་བར་དོར་རྟག་འཛིན་ཞེན་པ་ཆོད། །རྨི་ལམ་བར་དོར་ཉིང་འཁྲུལ་མགོ་འཁོར་སངས། །འཆི་ཁ་བར་དོར་གནད་གཅོད་ཟུག་རྔུ་བྲལ། །ཆོས་ཉིད་འོད་གསལ་གཞི་ལ་གྲོལ་བར་ཤོག །གོམས་སྟོབས་ཆུང་བས་དུས་དེར་མ་གྲོལ་ཀྱང་། །རང་སྣང་སྒྲ་འོད་ཟེར་ལ་མི་སྐྲག་པར། །ཞི་ཁྲོའི་ལྷ་དང་དེ་ཡང་རང་རིག་གི། །རང་རྩལ་ཡེ་ཤེས་ཡིན་པར་རྟོགས་གྲོལ་ཤོག །གལ་ཏེ་བག་ཆགས་ཚན་ཆེ་ཤུགས་དྲག་པས། །སྲིད་པ་ལས་ཀྱི་བར་དོ་འཆར་བ་ན། །མ་ངེས་རྟགས་དྲུག་དགྲ་བཞི་གཡང་ས་གསུམ། །ཀུན་གྲོལ་སྐྱེ་འཇུག་རང་དབང་ཐོབ་པར་ཤོག །གང་ཞིག་ཚེ་འདིར་གཡེང་བའི་དབང་སོང་ནས། །ཟབ་དོན་ཉམས་ལེན་ནུས་སྟོབས་དང་

― TR004_Page_0118 ―

^{[མ་དཔེ་གཟིགས་ན་འདིར་གནོན།]}

[Full Size]

བྲལ་ན། །སྡིག་ཅན་སང་ལམ་བརྩན་ཐབས་བགྲོད་ནུས་པའི། །ཟབ་ལམ་འཕོ་བའི་རྟེན་འབྲེལ་འཛོམ་པར་ཤོག །འཕོ་བྱ་འཕོ་བྱེད་བྲལ་བ་ཆོས་སྐུའི་ལམ། །སྐྱེད་རིམ་ལྷ་སྐུར་གྲོལ་བ་ལོངས་སྐུའི་གནད། །ཡུལ་དང་ཡུལ་ཅན་སྤྲད་པ་སྤྲུལ་སྐུའི་ཐབས། །གང་ལ་གོམས་པའི་ཉམས་ལེན་དོན་འགྲུབ་ཤོག །མཚན་ལྡན་བླ་མ་དད་ཅན་སློབ་མ་གཉིས། །དམ་ཚིག་སེལ་མེད་མོས་གུས་མཚམས་སྦྱར་ཏེ། །བྱིན་རླབས་བླ་མའི་འཕོ་བ་ལ་སོགས་པས། །འཆུགས་མེད་མཁའ་སྤྱོད་གནས་སུ་འཕོ་ནུས་ཤོག །རང་བཞིན་སྤྲུལ་སྐུའི་ཞིང་ཁམས་རིགས་ལྔའམ། །བདེ་ཅན་དགའ་ལྡན་པདྨ་འོད་ལ་སོགས། །དག་པའི་ཞིང་དུ་ས་ལམ་མཐར་ཕྱིན་ཏེ། །སྤྲུལ་པས་འགྲོ་བ་འདྲེན་ལ་མངའ་བརྙེས་ཤོག །དེ་ལྟར་སྨོན་ལམ་བཏབས་པའི་དགེ་འབྲས་མཐུས། །ཚོགས་རྫོགས་སྒྲིབ་བྱང་དབང་བཞིས་རྒྱུད་སྨིན་ཅིང་། །

― TR004_Page_0119 ―

^{[མ་དཔེ་གཟིགས་ན་འདིར་གནོན།]}

[Full Size]

རིམ་གཉིས་ལམ་བཟང་གྲོལ་བ་མཐར་ཕྱིན་ཏེ། །སྐུ་གཉིས་གོ་འཕངས་ཐོབ་ནས་འགྲོ་གྲོལ་ཤོག ཅེས་གསང་སྔགས་ཀྱི་མྱུར་ལམ་ཕལ་མོ་ཆེ་རྣམས་ཀྱི་གནད་གསང་སྙིང་པོ་ནི་གསར་མའི་ཆོས་དྲུག་གམ། སྙིང་མའི་བར་དོ་ཁྲིད་དྲུག་ཏུ་མ་འདུས་པ་ཆེར་མེད་པས་དེ་དང་མཐུན་པའི་སྨོན་ལམ་ཉམས་ལེན་གྱི་རྩ་ཚིག་ལྟ་བུར་འགྱུར་བའི་གནད་འདུས་ཤིག་དགོས་ཞེས་ཡོན་ཏན་དབང་ཕྱུག་གི་རིང་ནས་བསྐུལ་རུང་། དོན་འདི་དག་ནི་ཆོས་ཐམས་ཅད་ཀྱི་སྒྲོམ་དང་བྱིངས་ཆེ་ས་ཡིན་པའི་གནད་ཀྱི། ཚིག་ཉུང་ངུར་བསྡུས་ཚེ་གང་ཟག་ཕལ་གྱིས་གོ་བར་དཀའ་བ་ཙམ་གྱུར་ནའང་། བསྐལ་བ་རབ་ཀྱི་སྣོད་ལྡན་དག་ལ་སྒྲོགས་འཁྲོལ་བྱེད་དང་། ཐུན་མོང་བ་དག་ལ་སྨོན་ལ་བདེན་ཚིག་ཏུ་འགྱུར་བའི་དགེ་བ་ལ་དམིགས་ནས་བཀོད་པ་དགེའོ། །རབ་འབྱམས་རྒྱལ་བའི་ཐུགས་རྗེའི་ཟློས་གར་ནི། །ཆོས་དབྱིངས་ཡངས་པའི་འཁོར་ཡུག་ཀུན་འགེངས་པའི། །རྣམ་འདྲེན་སྤྲུལ་པའི་སྒྱུ་འཕྲུལ་ཇི་སྙེད་དབུས། །ངེས་གསང་ཨ་ཏིའི་སྙིང་པོ་རྡོ་རྗེའི་དབྱངས། །མངོན་པར་

― TR004_Page_0120 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲོག་ལ་གདོང་ལྔའི་སྒྲ་གཞོམ་མཁན། །ཆོས་བརྒྱད་འཁོར་ལོའི་སྲོག་ཤིང་རྨེག་མེད་དུ། །གཏོང་ལ་བསྒྲུན་བྲལ་དཔའ་བོ་གཅིག་པུ་ཉིད། །སྐལ་བཟང་དད་པ་རྒྱ་མཚོའི་མགོན་བཞུགས་གསོལ། །སྣ་ཚོགས་འཁྲུལ་པའི་འདུ་འགོད་འབུམ་ཕྲག་གིས། །རང་གཞན་གཏན་འདུན་ཧྲུལ་པོར་བྱེད་པ་ལ། །འགྲོ་དོན་ཞེས་པའི་མཚན་སྙན་གསེར་སྒྲོག་གི། །མ་བཅིངས་ངེས་དོན་སྒྲོན་མར་ཞབས་བརྟན་གསོལ། །དབུ་བ་རྡོལ་འདྲའི་ཟང་ཟིང་སྒྱུ་མའི་ནོར། །འཚོལ་སྒྲུབ་གསོག་འཇོག་འགྱེད་པར་བུས་པའི་གར། །གང་ལ་གདུལ་བྱའི་མིང་གི་གཡོ་ཐབས་བརྒྱའི། །ཕྲིན་ལས་བརྫུས་མའི་མ་སྒྲིབས་ཞབས་བརྟན་གསོལ། །རོ་འཛིན་གློག་ལྟར་གཡོ་བསྐྱོད་ངལ་སྤངས་ཀྱང་། །གནས་ལུགས་ཡེ་ཤེས་རྟོགས་ལ་མི་ཉེ་བར། །འདབ་ཆགས་སྨྲ་མཁན་ཇི་ལྟའི་འཆད་ཉན་གྱི། །ཁུར་པོས་མི་བསྙེལ་སྒྲུབ་བརྩོན་

― TR004_Page_0121 ―

^{[མ་དཔེ་གཟིགས་ན་འདིར་གནོན།]}

[Full Size]

བརྟན་བཞུགས་གསོལ། །སྙིགས་མཐའི་འགྲོ་བ་ཆོས་ཀྱིས་འདུལ་སླད་དང་། །དེ་ཡང་སྤྲོས་པའི་འཁོར་ལོས་མ་ཡིན་ཕྱིར། །མགོན་ཁྱོད་གོང་མའི་རྣམ་ཐར་རྗེས་འགྲོ་བའི། །སྒྲུབ་རྒྱུད་ཕྲིན་ལས་སྐྱོང་ཞིང་ཞབས་བརྟན་གསོལ། །ཆོས་ཀུན་སྙིང་པོའི་གནས་ལུགས་ཨ་ཏིའི་གཤིས། །བཅོས་མིན་གདོད་མའི་ཀུན་བཟང་ཁྱེད་ཐུགས་དང་། །དབྱེར་མེད་འགྱུར་བ་བྲལ་བའི་ཐུགས་རྗེའི་རྩལ། །ཕྱོགས་མཐར་འགྱེད་པའི་ཕྲིན་ལས་གོང་འཕེལ་ཤོག །ཅེས་པའི་བརྟན་བཞུགས་འདི་ནི། འཁྲུལ་ཞིག་ལྷ་བཙུན་ཆེན་པོའི་སྤྲུལ་པའི་སྐུའི་དྲུང་དུ་ཕུལ་བའོ། །སྐྱབས་གནས་དཀོན་མཆོག་ཐུགས་རྗེ་ནུས་སྟོབས་ཀུན། །གཅིག་བསྡུས་རིགས་བདག་བླ་མ་རྗེ་བཙུན་མཆོག །རང་སེམས་སྤྲོས་མེད་རང་ངོ་སྤྲོད་མཛད་དེར། །ཕྱག་འཚལ་སྐྱབས་མཆི་སྨིན་གྲོལ་དངོས་གྲུབ་ཞུ། །འཁོར་འདས་ཀུན་གྱི་རྩ་བ་སེམས་ཉིད་འདི། །གདོད་ནས་ཡོངས་དག་སྤྲོས་བྲལ་

― TR004_Page_0122 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་ཀྱི་སྐུར། །ལྷུན་གྱིས་གྲུབ་ཀྱང་རང་ལས་རང་བསྒྲིབས་པའི། །མ་རིག་ལྷན་སྐྱེས་དྲི་མ་དག་པར་ཤོག །འཁྲུལ་པ་གཞི་ལ་མེད་ཀྱང་བློ་བུར་དུ། །མེད་བཞིན་སྣང་བར་མཐོང་བའི་ར་རི་ཡིས། །ཐོག་མེད་ད་བར་འཁོར་བར་འཆིང་བ་འདི། །སྦྲུལ་མདུད་ལྟ་བུར་རང་སར་གྲོལ་བར་ཤོག །བདག་དང་བདག་གིར་འཛིན་པའི་དངོས་པོ་ནི། །རྡུལ་ཕྲན་ཙམ་ཡང་སེམས་ལ་མ་གྲུབ་ཀྱང་། །ཆོས་དང་གང་ཟག་བདག་ཏུ་བཟུང་ཞིང་འཛིན། །བདག་མེད་ཚིག་ཙམ་མ་ཡིན་རྟོགས་པར་ཤོག །ཆོས་ལུགས་གྲུབ་མཐའ་ང་བཟང་ཞེན་ཕྱོགས་ལ། །ཡེ་ནས་གོམས་བཞིན་གྲོགས་ཀྱིས་ཆགས་སྡང་སློབ། །ཀུན་སློང་སྲིན་དུ་འདྲིལ་བའི་རྩོད་གཞི་ཡིས། །རང་དང་གཞན་རྒྱུད་བསྲེག་པར་མི་བྱེད་ཤོག །འགྲོ་བའི་ཁམས་རྒྱུད་ཐ་དད་མང་པོ་ལ། །དགོངས་ནས་རྒྱལ་བས་ཆོས་སྒོ་མང་བསྟན་ཡང་། །མཐར་ཐུག་གདོད་

― TR004_Page_0123 ―

^{[མ་དཔེ་གཟིགས་ན་འདིར་གནོན།]}

[Full Size]

མའི་གནས་ལུགས་རྟོགས་ཐབས་སུ། །གཅིག་པའི་ཆོས་ཀྱི་སྙིང་པོ་ལོན་པར་ཤོག །ལྟ་བའི་བཞེད་སྲོལ་རྣམ་གྲངས་མཐའ་ཡས་ཀྱང་། །རང་རིག་རྗེན་པའི་རང་ངོ་མ་མཐོང་ན། །ཚིག་དང་ཁས་ལེན་ལྟ་བ་ཅི་བཟང་ཡང་། །གྲོལ་མིན་ལྟ་དོན་རྒྱུད་ལ་འཆར་བར་ཤོག །སྒོམ་པར་བཏགས་ཀྱང་སྒོམ་རྒྱུའི་དངོས་པོས་དབེན། །སྒོམ་མཁན་རང་ངོ་རིག་ན་སྒོམ་པའི་མཆོག །བསྒོམ་དང་མི་བསྒོམ་རེས་འཇོག་མ་ཡིན་པར། །སྒོམ་མེད་ཡེངས་བྲལ་མངོན་དུ་འགྱུར་བར་ཤོག །ཞི་བར་གནས་ལ་བཟང་པོ་འཛིན་བློ་དང་། །ཡེངས་སུ་དོགས་པའི་དྲན་པ་བཅོས་མ་ཡིས། །སེམས་ཀྱིས་སེམས་ཉིད་བཙོན་དུ་མི་འཆིང་བར། །གང་ཤར་རང་ངོ་རིག་ལ་གོམས་ཐོབ་ཤོག །བདེ་གསལ་མི་རྟོག་ཉམས་ལ་དགའ་བྲོད་དང་། །འགྱུར་རྟོག་སྐྱོན་དུ་བཟུང་ནས་སྤོང་འདོད་ཀྱི། །དགག་སྒྲུབ་གཉིས་འཛིན་ལྷན་པ་མི་

― TR004_Page_0124 ―

^{[མ་དཔེ་གཟིགས་ན་འདིར་གནོན།]}

[Full Size]

འདེབས་པར། །ཇི་ལྟར་འཆར་བ་སྒོམ་དུ་འཁྱེར་ནུས་ཤོག །དབེན་པར་རྐྱེན་མེད་བདེ་བར་གནས་པའི་ཚེ། །བཟང་བཟང་འདྲ་བའི་སྒོམ་ཉམས་ཟོ་བདེ་པོ། །ཡུལ་རྐྱེན་དྲག་པོར་ཕྲད་ན་རང་འཚང་སྟོན། །དེ་ལྟའི་སྒོམ་གྱིས་བསླུ་བར་མི་འགྱུར་ཤོག །གནས་པར་སྣང་བ་སེམས་ཀྱི་འདུག་ཚུལ་དང་། །འཕྲོ་བར་སྣང་ཡང་འགག་མེད་རོལ་རྩལ་ཏེ། །གང་ལའང་དགག་སྒྲུབ་བཅོས་བསྒྱུར་མི་བྱེད་པར། །རང་བབས་ལྷུག་པ་རིག་ཐོག་རང་གྲོལ་ཤོག །གོ་བ་ཉམས་མྱོང་རྟོགས་པའི་བྱེ་བྲག་སོགས། །དབང་རིམ་བརྩོན་འགྲུས་དང་མཐུན་འཆར་ཚུལ་ལ། །ར་གན་གསེར་དུ་འཛིན་བློས་མི་འཆིང་བར། །ཡིན་ལུགས་གནད་དོན་ཇི་བཞིན་རྟོགས་པར་ཤོག །ངར་འཛིན་མདུད་པ་ནང་ནས་མ་གྲོལ་བར། །ཐོ་ཅོ་སྨྱོན་སྤྱོད་བཅོས་མའི་བརྟུལ་ཞུགས་ཀྱིས། །སྡོམ་གསུམ་རླུང་ལ་བསྐུར་བའི་འཁྲུལ་ཞིག་ཏུ། །མི་བྱེད་ལྟ་སྤྱོད་ཕྱི་ནང་

― TR004_Page_0125 ―

^{[མ་དཔེ་གཟིགས་ན་འདིར་གནོན།]}

[Full Size]

མཐུན་པར་ཤོག །ཚིག་ཟུར་མཐོ་དམན་ཙམ་ཡང་མི་ཐེག་བཞིན། །རོ་སྙོམས་གསོབ་ཏུ་ཞུགས་པའི་སྒྱུ་འཕྲུལ་གྱིས། །སྒྲུབ་བརྒྱུད་བསྟན་པའི་ཞབས་འདྲེན་མི་བྱེད་པར། །སྟོང་ཉིད་རྒྱུ་འབྲས་ཟུང་འཇུག་ཤེས་པར་ཤོག །རྩ་རླུང་ཁམས་སེམས་དངས་ཆའི་ཡོན་ཏན་ཙམ། །མངོན་ཤེས་རྫུ་འཕྲུལ་ཕྲ་མོའི་ལམ་རྟགས་ལ། །རང་གཞན་གཉིས་ཀས་གྲུབ་ཐོབ་མཚན་གསོལ་ཏེ། །ལྷ་བུའི་བདུད་ཀྱི་མངའ་ཐང་མི་བསྐྱེད་ཤོག །སྐུ་གསུམ་འབྲས་བུ་གཞི་ལ་ཡེ་རྫོགས་ཀྱི། །ཡོན་ཏན་བྲི་གང་མེད་པར་མ་རྟོགས་པས། །ས་ལམ་ཉམས་རྟོགས་རེ་བས་མི་བསྒུགས་ཤིང་། །འབྲས་བུ་གཞན་ནས་འཚོལ་བར་མི་བྱེད་ཤོག །སེམས་སྐྱེད་སྨོན་ལམ་ཚོགས་གཉིས་མཚམས་སྦྱོར་དང་། །རིམ་གཉིས་མངོན་གྱུར་ནུས་སྟོབས་བྱིན་རླབས་མཐུས། །རིས་མེད་རླབས་ཆེན་འགྲོ་དོན་ཤུགས་འབྱུང་མས། །ལྟར་སྣང་རྙེད་ཚོལ་འགྲོ་

― TR004_Page_0126 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་མི་སྒྲུབ་ཤོག །དེ་ལྟར་གནས་སྐབས་འདོད་དོན་མ་ཡིན་པའི། །མཐར་ཐུག་ཡང་དག་དོན་གྱི་སྨོན་ཚིག་འདི། །ཇི་ལྟར་བཏབས་བཞིན་གེགས་མེད་མྱུར་འགྲུབ་པར། །སྐྱབས་མཆོག་བླ་མ་རྣམས་ཀྱིས་མཛད་དུ་གསོལ། །ཞེས་པ་འདི་ནི། །བུ་དོང་ཐམས་ཅད་མཁྱེན་པའི་ཐུགས་རྗེའི་འོད་ཟེར་གྱིས་བློའི་པདྨོ་ཁ་ཕྱེས་པའི་སྟོན་སྒོམ་ངེས་དོན་ཆོས་རྒྱལ་གྱི་བཞེད་དངས་ལྟར་བྲིས་པའོ། །སངས་རྒྱས་ཐམས་ཅད་དོན་ལ་ངོ་བོ་གཅིག །གནས་སྐབས་གདུལ་བྱའི་སྣང་ངོར་ཐ་དད་ཚུལ། །ཀུན་ཀྱང་ཡེ་ཤེས་འཁོར་ལོར་རོ་གཅིག་པའི། །སྤྱི་གཟུགས་གངས་ཅན་མགོན་པོ་སྤྱན་རས་གཟིགས། །ཐུགས་རྗེ་ཐབས་མཁས་འགྲོ་ལ་རྟག་ཏུ་བརྩེ། ཁམས་གསུམ་རིས་དྲུག་ཀུན་གྱི་སྐྱབས་གཅིག་པུ། །མཚན་ཙམ་དྲན་པས་ལས་ཉོན་སྡིག་སྒྲིབ་སྦྱོང་། །གསོལ་བ་བཏབ་པས་ཡིད་ལ་འདོད་དགུ་སྩོལ། །ལྷ་དང་བླ་མ་དབྱེར་མེད་ཐུགས་རྗེའི་བདག །ཁྱེད་སྐུ་དྲན་ཅིང་མོས་པས་བསྒོམས་པ་དང་། །གསུང་

― TR004_Page_0127 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག་ཡིག་དྲུག་རྡོ་རྗེའི་བཟླས་པ་ཡིས། །ཁྱོད་ཐུགས་འོད་གསལ་ཆོས་སྐུ་མངོན་འགྱུར་ཤོག །ནམ་མཁས་གར་ཁྱབ་འགྲོ་བ་རིས་དྲུག་ཀུན། །ཐོག་མ་མེད་ནས་བདག་གི་ཕ་དང་མ། །དྲིན་ལན་མ་འཁོར་ཆགས་སྡང་གནོད་འཚེ་བསྒྲུབས། །ད་ནས་དྲིན་ལན་ཆོས་ཀྱིས་འཁོར་བྱེད་ཤོག །འདི་ནས་བཟུང་སྟེ་ཚེ་རབས་ནམ་དུ་ཡང་། །འཕགས་མཆོག་སྤྱན་རས་གཟིགས་ཀྱིས་རྗེས་བཟུང་སྟེ། །བྱམས་དང་སྙིང་རྗེ་ཕྱོགས་རིས་མེད་པ་ཡིས། །སེམས་ཅན་ཐམས་ཅད་བདེ་ལ་འགོད་པར་ཤོག །གཟུངས་སྔགས་རྒྱལ་པོ་ཡི་གེ་དྲུག་པ་འདི། །སངས་རྒྱས་ཀུན་གྱིས་ཐུགས་སྲོག་སྙིང་པོ་སྟེ། །བསྙེན་ཅིང་བསྒྲུབ་པའི་བྱིན་རླབས་རྨད་བྱུང་བས། །བར་ཆད་ཀུན་ཞི་དངོས་གྲུབ་མཆོག་ཤོག །འཕགས་མཆོག་ཁྱེད་ཀྱི་ཕྲིན་ལས་ནུས་སྟོབས་དང་། །མཚུངས་པའི་ཡོན་ཏན་མ་ལུས་བདག་འགྲུབ་ནས། །གང་ལ་གང་འདུལ་

― TR004_Page_0128 ―

^{[མ་དཔེ་གཟིགས་ན་འདིར་གནོན།]}

[Full Size]

ཕན་བདེའི་ཕྲིན་ལས་ཀྱིས། །འཁོར་བ་སྡུག་བསྔལ་རྒྱ་མཚོ་སྐེམ་བྱེད་ཤོག །ལྷག་བསམ་རྣམ་དག་བྱང་ཆུབ་སེམས་ཀྱི་རྒྱུན། །ནམ་ཡང་ཉམས་པ་མེད་པའི་འགྲོ་བའི་དོན། །རྒྱལ་བ་སྲས་བཅས་ཀུན་གྱིས་མཛད་པ་དང་། །རྗེས་སུ་མཐུན་པའི་སྤྱོད་པ་བདག་འགྲུབ་ཤོག །མདོར་ན་བདག་དང་ཕ་མ་མཁའ་མཉམ་གྱི། །འགྲོ་ཀུན་ཐུགས་རྗེ་ཆེན་པོ་མྱུར་འགྲུབ་ནས། །བླ་མེད་རྫོགས་པའི་བྱང་ཆུབ་ཆེན་པོ་ཡི། །གོ་འཕང་ཚེ་འདི་ཉིད་ལ་ཐོབ་གྱུར་ཅིག །ཅེས་པ་འདི་ནི། དད་ལྡན་ཀརྨ་ཚེ་རིང་ལའོ། སྭ་སྟི་པྲ་ཛ་བྷྱཿ གང་ཞིག་རྒྱལ་བའི་ཐུགས་རྗེ་ནི། །བསམ་མི་ཁྱབ་པའི་ཟློས་གར་ལས། །སྣ་ཚོགས་ཚུལ་གྱི་སྣ་ཚོགས་པའི། །གདུལ་བྱ་འདུལ་མཛད་ལ་ཕྱག་འཚལ། །བསྐལ་བཟང་འདྲེན་པ་སྟོང་དག་གི། །ཞབས་འབྲིང་བརྒྱ་བྱིན་ལྷ་ཡི་དབང་། །མོས་པས་རིན་ཆེན་གཡས་འཁྱིལ་དུ། །རྒྱལ་ལ་ཕུལ་ཞིང་བྱིན་གྱིས་བརླབས། །

― TR004_Page_0129 ―

^{[མ་དཔེ་གཟིགས་ན་འདིར་གནོན།]}

[Full Size]

གང་གི་ཐུགས་རྗེ་རྨད་བྱུང་གི། །རྟེན་འབྲེལ་ནུས་སྟོབས་མཐུ་ཆེན་པོས། །ཆོས་ཀྱི་དུང་ཆེན་བླ་མེད་སྒྲས། །བསྟན་པའི་རྒྱལ་མཚན་ཉིད་གྱུར་ཅིག །ཕྱོགས་བཅུ་མཐའ་ཡས་ཞིང་ཀུན་ཏུ། །ཆོས་དུང་རྡོ་རྗེའི་དབྱངས་ཆེན་པོས། །ཡོངས་ཁྱབ་མཆོད་པའི་ཕུལ་དང་རབ། །བསྟོད་དབྱངས་རྒྱུན་མི་ཆད་དུ་ཤོག །གཞོམ་མེད་རྡོ་རྗེའི་དབྱངས་ཆེན་འདིས། །མ་རུངས་བདུད་ཚོགས་ཚར་གཅོད་ཅིང་། །ཚོགས་མཆོག་དགེ་འདུན་འདུས་པའི་སྡེ། །ཐོས་བསམ་སྒོམ་བསྟན་རབ་རྒྱས་ཤོག །ཆོས་དུང་དབྱངས་སྒྲ་ཐོས་པའི་འགྲོ། ཁམས་གསུམ་ས་ཀུན་སྡིག་སྡུག་དང་། །ངན་འགྲོའི་རྒྱུ་རྐྱེན་རྒྱུན་ཆོད་པའི། །ཕྲིན་ལས་མཆོག་ཏུ་འགྱུར་བར་ཤོག །རྒྱལ་དང་རྒྱལ་སྲས་ཐུགས་རྗེ་དང་། །འཕགས་མཆོག་འདུས་སྡེའི་བྱིན་རླབས་ཀྱིས། །ཕྱོགས་དུས་ཀུན་དུ་བསྟན་འགྲོའི་དོན། །དགེ་ལེགས་ཡོངས་

― TR004_Page_0130 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱབ་བཀྲ་ཤིས་ཤོག །ཅེས་པ་འདི་ནི། །སྨིན་གྲོལ་བསྐྱེད་རྫོགས་གླིང་གི་ཚོགས་དུང་ལ་རིན་ཆེན་གྱི་གཤོག་པ་ཕུལ་བའི་སྐབས་སུ་དར་གྱི་ཅོད་པན་ལ་སྨོན་ལམ་འདི་ཉིད་བྲིས་ཏེ་ཕུལ་བའོ།། ༈ །།ཨོཾ་སརྦ་མངྒ་ལ་སྭསྟི་ཧཱུྃ། །ཕྱོགས་བཅུ་རབ་འབྱམས་རྒྱ་མཚོའི་ཞིང་ཀུན་ན། །མཁྱེན་བརྩེ་ནུས་པ་རྒྱ་མཚོའི་གཏེར་མངའ་བའི། །སངས་རྒྱས་སྲས་འཁོར་རྒྱ་མཚོའི་སྤྲིན་ཕུང་གི། །ཐུགས་རྗེ་བྱིན་རླབས་རྒྱ་མཚོའི་ཆར་ཆེན་ཕོབ། །རྩ་གསུམ་རྒྱལ་བའི་དཀྱིལ་འཁོར་མ་ལུས་ཀྱི། །གསང་གསུམ་མི་ཟད་རྒྱན་གྱི་འཁོར་ལོའི་མཛོད། །མཐའ་དག་རྫུ་འཕྲུལ་བཀོད་པའི་སྐུ་གཅིག་ཏུ། །ལེགས་སྤྲུལ་མཚོ་སྐྱེས་རྡོ་རྗེའི་བྱིན་རླབས་ཤིག །བསླུ་མེད་སྐྱབས་ཀྱི་དམ་པ་དཀོན་མཆོག་དང་། །གང་གི་སྤྲུལ་པའི་སྒྱུ་འཕྲུལ་ཡི་དམ་ལྷ། །ཕྲིན་ལས་དྲག་རྩལ་དབང་བསྒྱུར་བསྟན་སྲུང་གི། །ཆོས་སྐྱོང་ཚོགས་ཀྱིས་མཆོག་མཐུན་དངོས་གྲུབ་སྩོལ། །རིས་མེད་ཕྱོགས་བཅུའི་འཇིག་རྟེན་

― TR004_Page_0131 ―

^{[མ་དཔེ་གཟིགས་ན་འདིར་གནོན།]}

[Full Size]

ཁམས་ཀུན་དང་། །གྲངས་མེད་འགྲོ་བའི་སྤྱོད་ཡུལ་དུས་གསུམ་དུ། །མི་དགེ་ཉེར་འཚེའི་མཚན་མས་དབེན་པ་དང་། །རྟག་ཏུ་བདེ་དགེ་འབྱོར་པས་འཚོ་གྱུར་ཅིག །རྒྱལ་བའི་རྒྱལ་མཆོག་ཤཱཀྱའི་དབང་པོ་ཡི། བསྟན་པ་མདོ་སྔགས་ཉི་ཟླ་ཟུང་གཅིག་འདི། །ནམ་ཡང་འགྲིབ་མེད་ཐོས་བསམ་སྒོམ་པའི་རྒྱུན། །གྲུབ་མཐའ་ཕྱོགས་ལྷུང་བྲལ་བར་འཕེལ་གྱུར་ཅིག །ཐེག་པའི་ཡང་རྩེ་བསྟན་པ་ཀུན་གྱི་བཅུད། །འོད་གསལ་རྡོ་རྗེ་སྙིང་པོའི་བསྟན་མཆོག་གང་། །འཛིན་སྐྱོང་སྤེལ་མཛད་རྣམ་འདྲེན་འདུས་སྡེར་བཅས། །འབྲལ་མེད་སྨིན་གྲོལ་དགའ་སྟོན་སྤྱོད་གྱུར་ཅིག །མ་རུང་ལོག་པར་འདྲེན་པའི་བར་ཆད་བགེགས། །ཆོས་མིན་འཇིག་རྟེན་ཆོས་བརྒྱད་ཆགས་སྡང་གིས། །ཉེར་བསྐྱེད་ལོག་པའི་སྤྱོད་ངན་བསྟན་པའི་སོལ། །མཐའ་དག་ནམ་ཡང་འབྱུང་བ་མེད་གྱུར་ཅིག །རྣམ་

― TR004_Page_0132 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲེན་མཆོག་རྣམས་སྐུ་ཚེ་ཕྲིན་ལས་འཕེལ། །དགེ་འདུན་མཐུན་རྒྱས་བསླབ་གསུམ་དྲི་མེད་སྤྱོད། །སྦྱིན་པའི་བདག་རྣམས་ཡིད་ལ་གང་བསམ་འགྲུབ། །ཐམས་ཅད་བྱང་ཆུབ་སྙིང་པོར་གྲོལ་གྱུར་ཅིག །རྩ་གསུམ་རྒྱལ་བའི་དཀྱིལ་འཁོར་ཐུགས་རྗེ་དང་། །བདག་སོགས་འཁོར་འདས་ལམ་གསུམ་དགེ་ཚོགས་མཐུས། །སྨོན་ལམ་དགེ་ལེགས་རྒྱ་མཚོའི་བཀྲ་ཤིས་ཆར། །སྲིད་ཞི་འཁོར་འདས་ཡོངས་ལ་ཁྱབ་གྱུར་ཅིག །ཅེས་པའི་སྨོན་ལམ་འདི་ཉིད་བླ་མ་རིག་འཛིན་ཡེ་ཤེས་པས་ལྷག་བསམ་གྱི་ཉེ་བར་བསྐུལ་བ་བཞིན། གནས་ཆེན་མགོ་དགུའི་ཡང་དབེན་ཀུན་སྣང་དང་བའི་སྒོམ་ཁང་གསེར་གྱི་རྒྱལ་མཚན་མངོན་པར་མཐོ་བའི་མཚམས་ཁང་དུ་ཡི་གེར་སྤེལ་བ་དགེའོ། །མཁྱེན་དང་བརྩེ་དང་ནུས་པར་ལྡན་པ་ཡི། །དཀོན་མཆོག་རྒྱལ་བ་སྲས་བཅས་བླ་མའི་ཚོགས། །ཡི་དམ་མཁའ་འགྲོ་ཆོས་སྲུང་གཏེར་བདག་རྣམས། །བདག་གི་སྨོན་ལམ་འགྲུབ་པར་བྱིན་གྱིས་རླབས། །སྐྱེ་བ་འདི་བཟུང་མཐར་ཐུག་བྱང་ཆུབ་བར། །མི་

― TR004_Page_0133 ―

^{[མ་དཔེ་གཟིགས་ན་འདིར་གནོན།]}

[Full Size]

ཁོམ་མི་སྐྱེ་དལ་འབྱོར་ཕུན་ཚོགས་ཐོབ། །དབང་པོ་ཚང་ཞིང་དམ་ཆོས་སྤྱོད་པའི་རིགས། །སྐལ་པ་བཟང་པོའི་ལུས་སུ་སྐྱེ་བར་ཤོག །མཐོ་རིས་ཡོན་ཏན་བདུན་གྱིས་རྒྱན་བཞིན་དུ། །འཁོར་བར་མི་ཆགས་ངེས་འབྱུང་བསམ་པས་བསྐུལ། །རྒྱལ་བསྟན་དྲི་མ་མེད་པའི་སྒོར་ཞུགས་ནས། །ཐར་པ་དམ་པའི་ས་བོན་ཐེབས་བྱེད་ཤོག །བསྟན་པའི་གཞི་མ་སོ་ཐར་རིགས་བདུན་གྱི། །སྡོམ་པས་ལེགས་བསྡམས་ཉེས་ལྟུང་དྲི་མ་བྲལ། །མི་རྟག་སྡུག་བསྔལ་ཀུན་འབྱུང་ལམ་འགོག་གིས། །བདེན་བཞིའི་སྤོང་ལེན་མ་ནོར་མངོན་གྱུར་ཤོག །ཉན་རང་དམན་པའི་ལམ་གྱིས་མི་འཆིང་བར། །ཐེག་ཆེན་རྒྱལ་སྲས་ལམ་བཟང་ལ་ཞུགས་པས། །ཕ་རོལ་ཕྱིན་བཅུ་སྨོན་འཇུག་དོན་དམ་གྱི། །བྱང་ཆུབ་སེམས་དོན་རླབས་ཆེན་འགྲུབ་བྱེད་ཤོག །མཚན་ཉིད་རྒྱུ་ཡི་ཐེག་པའི་ལམ་རིང་ལ། །གྲངས་མེད་གསུམ་དུ་ངལ་བ་མི་དགོས་པར། །

― TR004_Page_0134 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེའི་ཐེག་པ་འབྲས་བུའི་ཉེ་ལམ་ལ། །ཐེ་ཚོམ་མི་འཇུག་འགལ་རྐྱེན་མི་འབྱུང་ཤོག །དག་པ་མཐའ་བཞི་ཀྲྀ་ཡས་རྒྱུད་སྦྱངས་ཤིང་། །ལྟ་སྤྱོད་ཟུང་འབྲེལ་ཨུ་པས་གཉམས་འཛིན་གྲོལ། །མངོན་བྱང་ལྔ་ལྡན་ཡོ་གའི་ས་ལམ་རྫོགས། །གསང་སྔགས་ཕྱི་རྒྱུད་ནུས་པ་མཐར་ཕྱིན་ཤོག །མ་ཧཱ་ཡོ་གས་སྐྱེད་རིམ་ལུས་ལྷར་འགྲུབ། །ཨ་ནུ་ཡོ་གས་རྫོགས་རིམ་ཟབ་ལམ་སྨིན། །ཨ་ཏི་རྫོགས་ཆེན་ཆོས་སྐུའི་རང་ཞལ་མཐོང་། །ཡོ་ག་གསུམ་གྱིས་ཚེ་གཅིག་སངས་རྒྱས་ཤོག །ཁྲེག་ཆོད་འཁོར་འདས་ཕྱག་རྒྱ་ཆེན་པོར་གྲོལ། །ཐོད་རྒལ་སྐུ་དང་ཞིང་ཁམས་ཆད་ལ་ཕེབས། །གཅོད་ཡུལ་དངོས་པོར་འཛིན་ཞེན་རྩད་ནས་ཆོད། །ལམ་འབྲས་ཟག་མེད་འོད་སྐུར་གྲོལ་བར་ཤོག །གཏུམ་མོའི་རྩལ་རྫོགས་སྒྱུ་ལུས་ཚད་དུ་འབྱོངས། །རྨི་ལམ་དབྱིངས་ཐིམ་འོད་གསལ་མངོན་དུ་གྱུར། །བར་དོ་ངོས་

― TR004_Page_0135 ―

^{[མ་དཔེ་གཟིགས་ན་འདིར་གནོན།]}

[Full Size]

ཟིན་འཕོ་བས་ལམ་མཆོག་བགྲོད། །ཟབ་ལམ་ཆོས་དྲུག་རྒྱུད་ལ་འཁེལ་བར་ཤོག །སོར་སྡུད་བསམ་གཏན་སྤྲུལ་སྐུའི་ས་བོན་ཐེབས། །སྲོག་དང་རྩོལ་བས་ལོངས་སྐུའི་ཡོན་ཏན་འགྲུབ། །རྗེས་དྲན་ཏིང་འཛིན་ཆོས་སྐུ་མཐར་ཕྱིན་པས། །སྦྱོར་བ་ཡན་ལག་དྲུག་གིས་རྒྱུད་གྲོལ་ཤོག །རྣམ་རྟོག་ངོས་ཟིན་ཉོན་མོང་ལམ་དུ་ལྷོངས། །ན་ཚ་གྲོགས་ཤར་འཇིགས་སྐྲག་རང་འཚང་རིག །སྡུག་བསྔལ་དབྱིངས་ཐིམ་འཆི་བ་ཆོས་སྐུར་གྲོལ། །རོ་སྙོམས་དྲུག་ལ་བརྟན་པ་ཐོབ་པར་ཤོག །མདོར་ན་རྒྱལ་གསུང་ཆོས་སྒོ་རབ་འབྱམས་ཀྱི། །དོན་ཀུན་ལེགས་གྲུབ་ས་ལམ་ཡོན་ཏན་རྫོགས། །རང་དོན་འགྱུར་མེད་བཙན་ས་ཟིན་ནས་ཀྱང་། །གཞན་དོན་ནམ་མཁའ་མཉམ་པ་འགྲུབ་གྱུར་ཅིག །ཅེས་བྱང་ཆུབ་ལམ་རིམ་མདོ་སྔགས་ཐམས་ཅད་ཚང་བའི་སྨོན་ལམ་ངག་འདོན་དུ་བགྱིད་ཆོག་པ་དགོས་ཞེས། དབོན་པོ་བསྟན་པའི་མིང་ཅན་གྱིས་བསྐུལ་ངོར་བྲིས་པའོ། །བསྐལ་བཟང་

― TR004_Page_0136 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་བ་སྲས་བཅས་ལས། །སྙིང་སྟོབས་བརྩོན་འགྲུས་ཕུལ་བྱུང་བ། །ཤཀྱ་སེང་གེ་ཤཱཀྱའི་གཙོ། །བཀྲ་ཤིས་བྱིན་རླབས་ཆར་ཆེན་ཕོབ། །ཤེས་རབ་མཆོག་ལྡན་ཤཱ་རིའི་བུ། །རྒྱལ་སྲས་སྒྲ་གཅན་ཟིན་བཟང་པོ། །བྲམ་ཟེ་ཆེན་པོ་རཱ་ཧུ་ལ། །བཀྲ་ཤིས་བྱིན་རླབས་ཆར་ཆེན་ཕོབ། །མགོན་པོ་ཀླུ་སྒྲུབ་ལེགས་ལྡན་འབྱེད། །དཔལ་སྦས་ཡེ་ཤེས་སྙིང་པོ་དང་། །གངས་ཅན་བསྟན་རྩ་ཞི་བ་འཚོ། །བཀྲ་ཤིས་བྱིན་རླབས་ཆར་ཆེན་ཕོབ། །སྦ་བཙུན་རཏྣ་གཡོ་དམར་གཙང་། །བླ་ཆེན་གྲུམ་སྟོན་ཀླུ་མེས་སོགས། །དབུས་གཙང་མི་བཅུ་སྨད་འདུལ་རྒྱུད། །བཀྲ་ཤིས་བྱིན་རླབས་ཆར་ཆེན་ཕོབ། །སྒྲ་གཅན་ཟིན་སླེབ་ཟག་ཟད་སྡེ། །ཆོས་སྡེ་དྷརྨ་པཱ་ལའི་ཞབས། །པྲཛྙཱ་པཱ་ལ་སྟོད་འདུལ་རྒྱུད། །བཀྲ་ཤིས་བྱིན་རླབས་ཆར་ཆེན་ཕོབ། །ཀླུ་སྒྲུབ་ཡོན་བློ་རིན་ཆེན་བཤེས། །ཆོས་བཟང་གུ་ཎ་སཱ་ག་ར། །ཆོས་ཀྱི་འཕྲེང་བ་ཞི་

― TR004_Page_0137 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱུང་སྦས། །བཀྲ་ཤིས་བྱིན་རླབས་ཆར་ཆེན་ཕོབ། །པཎ་ཆེན་ཤཱཀྱ་ཤྲི་བྷ་དྲ། །བྱང་རྡོར་རྣམ་གཉིས་དབང་ཕྱུག་གྲགས། །གཞོན་ནུ་བྱང་ཆུབ་ཡོན་རྒྱལ་བ། །བཀྲ་ཤིས་བྱིན་རླབས་ཆར་ཆེན་ཕོབ། །ཡོན་ཏན་བློ་གྲོས་སེང་གེ་དཔལ། །རབ་འབྱོར་སེང་གེ་ཆོས་གྲུབ་སེང་། །དབྱངས་ཅན་བཟང་པོ་དཀོན་མཆོག་འབངས། །བཀྲ་ཤིས་བྱིན་རླབས་ཆར་ཆེན་ཕོབ། །དབང་ཕྱུག་རྡོ་རྗེ་དགའ་བའི་དབྱངས། །རང་གྲོལ་རྗེ་སོགས་འདུལ་སྡོམ་གྱི། །བླ་རྒྱུད་རིན་ཆེན་ཚར་དངར་བས། །བཀྲ་ཤིས་བྱིན་རླབས་ཆར་ཆེན་ཕོབ། །བསྟན་པའི་གཞི་མ་སོ་སོ་ཐར། །བསླབ་གསུམ་ཡིད་བཞིན་ནོར་བུ་ཡིས། །རང་གཞན་དགོས་འདོད་ཀུན་འབྱུང་བའི། །བཀྲ་ཤིས་བྱིན་རླབས་ཆར་ཆེན་ཕོབ། །འདུལ་སྡོམ་དྲི་མེད་ཉི་འོད་ཀྱིས། །བསྟན་པའི་པད་ཚལ་ཆེར་རྒྱས་ཤིང་། །འདུལ་

― TR004_Page_0138 ―

^{[མ་དཔེ་གཟིགས་ན་འདིར་གནོན།]}

[Full Size]

བྱའི་རྐང་དྲུག་ཚིམ་བྱེད་པའི། །བཀྲ་ཤིས་ཕྱོགས་མཐར་ཁྱབ་རྒྱས་ཤོག །ཅེས། སོ་ཐར་གྱི་སྡོམ་པའི་མཁན་རྒྱུད་སྔ་ཕྱི་བར་གསུམ་ལ་བརྟེན་པའི་ཤིས་པ་བརྗོད་པ་འདི་ལྟ་བུ་ཞིག་གྱིས་ཤིག་ཅེས། མཉམ་མེད་མཆོག་གི་སྤྲུལ་པའི་སྐུ་བཟང་པོའི་མཚན་ཅན་གང་གི་བཀའ་བརྩལ་སྤྱི་བོར་བླངས་ནས་ཡིག་ལམ་དུ་བཀོད་པར་བགྱིས་པ་དགེ་ལེགས་འཕེལ། ཆོས་དབྱིངས་གདོད་མའི་ཀློང་ལས་ཐུགས་རྗེའི་སྐུ། །ཀུན་བཟང་སྣང་མཐའ་རྡོར་འཆང་རྡོ་རྗེ་སེམས། །སྤྱན་རས་གཟིགས་དབང་ལ་སོགས་ལྷ་ཡི་ལྷ། །རྒྱལ་བ་དགོངས་རྒྱུད་བླ་མའི་བཀྲ་ཤིས་ཤོག །ཆོས་སྐུའི་རང་མདངས་གསལ་སྟོང་སྒྱུ་མའི་སྐུའི། །དགའ་རབ་འཇམ་དཔལ་ཤྲཱི་སིང་བི་མ་ལ། །པདྨ་འབྱུང་གནས་ལ་སོགས་སྤྲུལ་པའི་སྐུ། །རིག་འཛིན་བརྡ་རྒྱུད་བླ་མའི་བཀྲ་ཤིས་ཤོག །ལྷ་ལྕམ་མཚོ་རྒྱལ་རྗེ་འབངས་ཉེར་ལྔ་དང་། །གཏེར་སྟོན་སྤྲུལ་པའི་སྐྱེས་མཆོག་རིམ་བརྒྱུད་པ། །གསར་རྙིང་བཤད་སྒྲུབ་བསྟན་

― TR004_Page_0139 ―

^{[མ་དཔེ་གཟིགས་ན་འདིར་གནོན།]}

[Full Size]

པ་འཛིན་མཛད་པའི། །གང་ཟག་སྙན་རྒྱུད་བླ་མའི་བཀྲ་ཤིས་ཤོག །བྱམས་ཆེན་ངང་ལས་སྙིང་རྗེས་ཁྲོ་ཚུལ་གྱིས། །གང་འདུལ་ཕྲིན་ལས་རོལ་གར་སྟོན་པའི་ལྷ། །དབང་དྲག་འབར་བ་ལ་སོགས་དཀྱིལ་འཁོར་གྱི། །ལྷ་ཚོགས་ཡི་དམ་རྒྱ་མཚོའི་བཀྲ་ཤིས་ཤོག །དོན་དམ་དབྱིངས་ལ་སྤྲོས་མཚན་མི་དམིགས་ཀྱང་། །ཡེ་ཤེས་སྒྱུ་འཕྲུལ་རྣམ་འགྱུར་སྣ་ཚོགས་སྟོན། །སེང་གདོང་མ་སོགས་མཁའ་འགྲོ་རྒྱ་མཚོ་དང་། །ཆོས་སྐྱོང་དམ་ཅན་སྲུང་མའི་བཀྲ་ཤིས་ཤོག །སྐྱབས་གསུམ་བླ་མ་ཡི་དམ་མཁའ་འགྲོ་དང་། །ཆོས་སྐྱོང་དཀར་ཕྱོགས་གཞི་བདག་ཐམས་ཅད་ཀྱི། །ཐུགས་རྗེ་བྱིན་རླབས་དངོས་གྲུབ་བཀྲ་ཤིས་ཆར། །ཕྱོགས་དུས་ཀུན་དུ་རྒྱུན་ཆད་མེད་འབབ་ཤོག །ཅེས་པ་འདི་ཡང་རྒྱ་བོད་མཚམས་ནས་ཤར་ཕྱོགས་ལ་མོ་རྩེའི་བླ་མས་བསྐུལ་བ་བཞིན་བཀོད་པ་དགེ་ལེགས་འཕེལ་བར་གྱུར་ཅིག །དགེའོ། གཅིག་ཞུས་ཁུལ།

ཕྱག་རྒྱ་ཆེན་པོ་ཡི་གེ་བཞི་པའི་དགོངས་དོན་སྙིང་པོར་དྲིལ་བ་བྱིན་རླབས་བུམ་བཟང་།

― TR004_Page_0141 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་རྒྱ་ཆེན་པོ་ཡི་གེ་བཞི་པའི་དགོངས་དོན་སྙིང་པོར་དྲིལ་བ་བྱིན་རླབས་བུམ་བཟང་བཞུགས་སོ།

― TR004_Page_0142 ―

^{[མ་དཔེ་གཟིགས་ན་འདིར་གནོན།]}

[Full Size]

། སྐྱོན་བྲལ་ཡོན་ཏན་ཀུན་རྫོགས་པའི། །སྒྲུབ་རྒྱུད་བླ་མ་ཐམས་ཅད་ལ། །གུས་པས་སྙིང་ནས་རབ་བཏུད་དེ། །སྒྲུབ་རྒྱུད་གདམས་པའི་བསྙེལ་ཐོ་འབུལ།། ༈ །།སྐུ་རིན་པོ་ཆེ་ཉིད་ཀྱིས་ཕེབས་སྒོ་ཇི་ལྟར་སྩལ་བའི་ཐུགས་དམ་གྱི་སྙིང་པོ་ཕྱག་རྒྱ་ཆེན་པོའི་ཟབ་བཞེས་སྣང་ཚུལ་ལ། །སྤྱིར་གང་གི་ལུགས་ལྟར་གནང་ཀྱང་། །དོན་གྱི་སླེབ་པ་ཁྱད་མ་མཆིས་མོད་ཀྱང་། འོན་ཏེ་ཕྱག་ཆེན་ཡི་གེ་བཞི་པ་སྔར་ནས་གསན་པའི་མཐུས། །དེའི་ལུགས་བཞིན་མཛད་ན་བྱིན་རླབས་ཀྱི་བབས་བཟང་བར་འབྱུང་བ་དང་། །འདི་དག་གི་དོན་མ་ལུས་པ་

― TR004_Page_0143 ―

^{[མ་དཔེ་གཟིགས་ན་འདིར་གནོན།]}

[Full Size]

དགོངས་པར་མངའ་ཞིང་ཕྱག་དཔེ་སོགས་ཀྱང་ལོས་བཞུགས་མོད་ཀྱང་། འགག་དོན་མདོར་བསྡུས་བསྙེལ་ཐོ་ཙམ་དུ་འབུལ་བར་བགྱི་ན།། ༈ །།དེ་ལ་ཡི་གེ་བཞིའམ། ས་བཅད་བཞི་ནི། སེམས་ཀྱི་གཞི་རྩ་བཅད་པ། བསྒོམ་ཚུལ་ལམ་བཞག་ཐབས་བསྟན་པ། ལྟ་བའི་གོལ་ས་གཅོད་པ། སྤྱོད་པའི་ལམ་འཁྱེར་བྱ་ཚུལ་དང་བཞི་ལས། དང་པོ་ལ། སེམས་ཀྱི་བྱུང་གནས་འགྲོ་གསུམ། དབྱིབས་ཁ་དོག་ཡོད་མེད་རྟག་ཆད་ཀྱི་མཚན་མའི་མཐའ་ལ་གནས་མི་གནས་སོགས་ཀྱི་བརྡར་ཤ་བཅད་པའི་ཚེ་ཡང་། བསམ་མནོ་

― TR004_Page_0144 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྲེང་བརྒྱུད་ཁོ་ནས་བརྟག་དཔྱད་བྱེད་པ་ནི་ཐུན་མོང་བའི་ལུགས་ཡིན་གྱི། འདི་སྐབས་ཁྱད་པར་བའི་ཕྱག་སྲོལ་ལ། ལུས་གནད་ལྟ་ལྟངས་སོགས་དང་ལྡན་པའི་ངང་ནས། རང་སེམས་རང་བབས་སུ་བཞག་ལ། གནས་ན་གནས་མཁན་གནས་ས། གནས་ཚུལ་སོགས་ཅི་འདྲ་ཞིག་འདུག་པ་རང་རིག་ཉིད་ཀྱིས་ལེགས་པར་བརྟག །འགྱུ་འཕྲོ་ཞིག་ཐོལ་གྱི་བྱུང་ན། འགྱུ་ཚུལ། འགྱུ་མཁན་སོགས་དང་། ཕ་ཡུལ་ལྟ་བུ་ཞིག་ཏུ་འགྱུས་ན། སེམས་ཕར་སོང་བ་ཡིན་ནམ། ཕ་ཡུལ་ཚུར་འོངས་པ་ཡིན་ནམ་སོགས་བརྟག །བརྟག་མཁན་དང་བརྟག་པ་ཡང་གཅིག་གམ་ཐ་དད་སོགས་ནན་གྱིས་བརྟགས་པས། དེ་དག་གང་ཡང་མ་གྲུབ་པར་ཤེས་ཤིང་། མ་གྲུབ་པའམ་མ་རྙེད་པ་ཙམ་ལ་གཞི་རྩ་ཆོད་པར་འདོད་པ་ནི་གྲུབ་མཐའ་གཞན་མའི་ལུགས་ལགས་ཀྱང་། །སྒྲུབ་རྒྱུད་རིན་པོ་ཆེ་འདི་པའི་ལུགས་ལ། གྲུབ་མ་

― TR004_Page_0145 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ། རྙེད་མ་རྙེད་སོགས་ཀྱི་ཐ་སྙད་ཀྱང་བློ་ལས་མ་འདས་ཚེ། བློ་བྲལ་གཉུག་མ་ལྷན་སྐྱེས་ཀྱི་ངོ་བོ་སྣང་རིག་སྟོང་གསུམ་ཟུང་འཇུག་དོན་གྱི་གསང་མངོན་སུམ་རྗེན་པར་རྟོགས་པ་དགོས་པར་བཞེད་པ་ཉིད་ལེགས་ཅིང་། འདིར། དཔལ་ལྡན་མཁའ་སྤྱོད་པས་མཛད་པའི་ཁྲིད་གཞུང་ལས། དང་པོར་འབྱུང་ས་ཀ་ནས་དག །བར་དུ་གནས་པའི་ས་ཡིས་སྟེང་། མཐའ་མར་འགྲོ་ས་རང་བཞིན་མེད། །རང་གི་ངོ་བོ་ཁ་དོག་དང་། །དབྱིབས་དང་མཚན་མ་ཀུན་ལས་འདས། །ངོས་བཟུང་མཚོན་པ་ཀུན་དང་བྲལ། གཞི་རྩ་གཅད་དེ་ལྷག་མཐོང་གི། །རང་ངོ་རང་ལས་སྤྱད་པར་བྱ། །ཞེས་གསུངས་པ་ལྟར་དང་། འདི་དག་ཀྱང་སྔར་ནས་གོ་ཡུལ་ཡོད་པ་ཙམ་གྱིས་ཆོག་པར་མི་བཟུང་བར་དོ་གལ་དུ་འབད་ཅིང་། རྩ་བརྒྱུད་ཀྱི་བླ་མར་གསོལ་བ་བཏབ་ནས་ཉམས་ལེན་སྐྱོན་མེད་

― TR004_Page_0146 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུད་ལ་འཆར་བར་རྩེ་གཅིག་གསོལ་འདེབས་ལ་རེམས་པར་བྱ་བ་ནི། ཡི་གེ་བཞི་ལས། དང་པོའི་དོན་ཡིན་ནོ། །དེ་ལྟར་ཞག་འགའ་ཞིག་ནས་རང་སེམས་གཞི་རྩ་ཆོད་ཚེ། གཉིས་པ་སྒོམ་གྱི་བཞག་ཐབས་ནི་ཞི་གནས་ཡིན་ཀྱང་། ཞི་གནས་ཐུན་མོང་བ་ཙམ་ལ་མི་འཇོག་པར། གོང་དུ་གཞི་རྩ་ཆོད་པའི་ཟུང་འཇུག་ལྷན་སྐྱེས་ཀྱི་དོན་དེ་ཉིད་སྐྱོང་བ་ཡིན་ཚེ་ཞི་ལྷག་ཟུང་འབྲེལ་དུ་གྲུབ་ལ། ཇི་ལྟར་འཇོག་ན་མཁའ་སྤྱོད་ཞབས་ཀྱིས།། ༈ །།སྤྲིན་དང་བྲལ་བའི་ཉི་བཞིན་བཞག །ཅེས་ཤེས་པ་ཐོམ་པོའམ་བྱིང་རྒོད་སོགས་ཀྱིས་མ་སྒྲིབས་པའི་སེམས་གསལ་དངས་འཐོན་པ་དང་།། ༈ །།ཁྱུང་ཆེན་མཁའ་ལ་ལྡིང་ལྟར་བཞག །ཅེས་པས། ཙབ་ཙུབ་དང་ཡེངས་དོགས་ཀྱིས་བསྒྲིབས་པ་མ་ཡིན་པར། རང་བབས་གུ་ཡངས་ཁོང་གློད་དང་།། ༈ །།རྒྱ་མཚོ་ཆེན་པོའི་འཇིངས་བཞིན་བཞག །

― TR004_Page_0147 ―

^{[མ་དཔེ་གཟིགས་ན་འདིར་གནོན།]}

[Full Size]

ཅེས། ཕྲ་རག་གི་རྣམ་རྟོག་བསྐྱོད་པ་ལྟར་སྣང་བའི་དུས་ནའང་། །གཞིའི་གནས་ལུགས་རང་གསལ་རང་རིག་ལས་མ་གཡོས་པ་དང་།། ༈ །།བུ་ཆུང་ལྷ་ཁང་མཐོང་བཞིན་བཞག །ཅེས་པས། ཚོགས་དྲུག་གི་འཆར་སྒོ་འགག་མེད་གསལ་བ་ལ། དེ་དག་ལ་འདི་ནི་བཟང་ངོ་། །འདི་ནི་ངན་ནོ། །སྙམ་པ་ལ་སོགས་ཀྱི་དགག་སྒྲུབ་དང་སྟང་གཅོད་མི་བྱ་བར་རོ་མཉམ་དུ་བཞག། ༈ །།མཁའ་ལ་བྱ་འཕུར་རྗེས་བཞིན་བཞག །ཅེས་རྣམ་རྟོག་ཅི་ལྟར་ཤར་ཞིང་ཡལ་ཡང་དེ་དག་ལ་སྔོན་རྗེས་བཅད་པ་སོགས་ཆུ་ལ་རི་མོ་འབྲི་བ་ལྟ་བུའི་དོན་མེད་ཀྱི་རྩོལ་བ་མི་བྱ་བར། །གཉེར་མེད་རང་ཡན་དུ་བཞག། ༈ །།རས་བལ་འདབས་མ་བརྡལ་ལྟར་བཞག །ཅེས་པས་ལུས་སེམས་འཇུར་སྒྲིམས་བཅོས་ལས་རང་ལ་རང་བཅིངས་མི་བྱ་བར། ལྷོད་དེ། འབོལ་ལེ། ལྷན་

― TR004_Page_0148 ―

^{[མ་དཔེ་གཟིགས་ན་འདིར་གནོན།]}

[Full Size]

ནེ་བའི་ངང་ལས་རང་སེམས་གསལ་དངས་ཕྱེད་པར་འཇོག་པ་ཉིད་ཀྱིས་དུས་འདའ་བར་བྱ་ལ། མདོར་ན། ལས་དང་པོ་པས་ཐོག་མར་ནི་ཐུན་ཆུང་གྲངས་མང་གི་ཚུལ་ལ་བསླབ་ཅིང་། ཐུན་མཚམས་རྣམས་སུ་ཡང་བསྒོམ་དུས་ཀྱི་སེམས་དང་ཁྱད་པར་འདུག་མི་འདུག་ལེགས་པར་བལྟས་པས། རིམ་གྱིས་ཐུན་མཚམས་མི་དགོས་པར་འགྱུར་བ་ཆོས་ཉིད་དོ།། ༈ །།ཡི་གེ་གསུམ་པ་གོལ་ས་གཅད་པ་ནི། མཁའ་སྤྱོད་པས་སངས་རྒྱས་ཆོས་ལ་རེ་ན་གོལ། འཁོར་བའི་ཆོས་ལ་དོགས་ན་གོལ། ཞེས་པ་འདི་གཉིས་ནི། ཡར་སངས་རྒྱས་ཅེས་བཟང་བཟང་པོ་ཞིག་ཐོབ་ཏུ་རེ་བས། ད་ལྟའི་རང་སེམས་སྐུ་གསུམ་དབྱེར་མེད་རང་ལ་ལྷུན་གྲུབ་ཏུ་མ་ཤེས་པས་སངས་རྒྱས་གཞན་ནས་བཙལ་བློ་དང་། ལར། འཁོར་བ་ངན་སོང་ཞེས་ངན་ངན་སྡུག་སྡུག་པོ་ཅིག་ཕྱོགས་ག་ཤེད་ན་ཡོད་པ་དེར་སྐྱེ་དོགས་ཀྱི་བློས། འཁོར་

― TR004_Page_0149 ―

^{[མ་དཔེ་གཟིགས་ན་འདིར་གནོན།]}

[Full Size]

འདས་སེམས་སུ་མ་ཤེས་ཤིང་ཡུལ་སེམས་ཐ་དད་དུ་བཟུང་བའི་གཟུང་འཛིན་གྱི་མཐའ་ལ་གནས་པ་ནི་ལྟ་བའི་གོལ་ས་དང་། ཡང་།། ༈ །།ཕྱི་ཡི་སྣང་བར་ཞེན་ན་གོལ། ཞེས། འཇིག་རྟེན་ཐ་མལ་བ་ལྟར་དངོས་པོར་འཛིན་པའི་བློ་ཨ་འཐས་དང་། མུ་སྟེགས་པ་ལྟར་བྱེད་པ་པོས་བྱས་པར་འཛིན་པ་དང་། ཉན་ཐོས་པ་ལྟར་རྡུལ་ཕྲན་ཆ་བཅས་སུ་འཛིན་པ་དང་། གསང་སྔགས་པས་ལྷ་དང་གཞལ་ཡས་སུ་ལྟ་བ་ཡང་བདེན་གཉིས་ཟུང་འཇུག་ཏུ་མ་གོ་བའི་བཟང་ཞེན་སོགས་དང་བྲལ་བ་ཞིག་དགོས་ལ།། ༈ །།ནང་གི་ཉམས་ལ་ཞེན་ན་གོལ། ཞེས། ཉམས་ལེན་བྱས་འབྲས་ཀྱི་ལམ་རྟགས་བདེ་གསལ་མི་རྟོག་གམ། རྟགས་བཅུ་དང་། མངོན་ཤེས་རྫུ་འཕྲུལ་ལྟ་བུ་བྱུང་ནའང་གཏད་མེད་དུ་བསྐྱུར་མ་ཤེས་པར། རང་ལ་རང་མཐོང་དགའ་བྲོད་རློམ་སེམས་ཞེན་འཁྲིས་ཀྱིས་བསླད་

― TR004_Page_0150 ―

^{[མ་དཔེ་གཟིགས་ན་འདིར་གནོན།]}

[Full Size]

ན་ཕུང་ཚབས་ནན་ལྟར་ཆེ་བ་དང་།། ༈ །།ཤེས་ཙམ་ཆོག་པར་བཟུང་ན་གོལ། །ཞེས། བདག་གིས་མན་ངག་ཟབ་མོ་འདི་ལྟར་བུ་ཐོས་སོ། །ཐོབ་བོ། །ཤེས་སོ། །བསྒོམས་སོ། །སྙམ་པ་སོགས་ཀྱིས་ཁེངས་ཏེ་ཉམས་སུ་མ་བླངས་པས། །དོན་མངོན་དུ་གེགས་སུ་གྱུར་པ་དེ་ལྟ་བུ་དང་།། ༈ །།དགེ་ཚོགས་ཁྱད་དུ་གསོད་ན་གོལ། ཞེས། སྟོང་པ་ཉིད་ཁ་ཁྱེར་ཚིག་གི་གདེངས་བཅས་ཏེ། རྒྱུ་འབྲས་རྟེན་འབྲེལ་དང་འདུས་བྱས་ཀྱི་དགེ་བའམ། མཚན་བཅས་ཀྱི་ཉམས་ལེན་ལ་བསྐུར་པ་འདེབས་ཅིང་དོར་ནས། གཞན་དག་ཀྱང་དགེ་རྩ་ལས་ཟློག་པར་བྱེད་པའི་ནག་པོ་ཁ་འབྱམས་ཏེ། དེ་ལྟར་ལྟ་སྒོམ་སྤྱོད་པའི་གོལ་ས་དེ་དག་ཏུ་མ་ཤོར་བར་ཐབས་ཤེས་ཟུང་འབྲེལ་ལ་བསླབ་པར་བྱ་ཞིང་། །གཞན་དག་ཀྱང་དེ་ལྟ་བུའི་ལམ་བཟང་ལ་གཟུད་པར་བྱའོ།། ༈ །།ཡི་གེ་བཞི་པ་ལམ་ཁྱེར་ལ་ཡང་དྲུག་

― TR004_Page_0151 ―

^{[མ་དཔེ་གཟིགས་ན་འདིར་གནོན།]}

[Full Size]

སྟེ། ཉིན་མོ་སྣང་བ་རྒྱ་ཡིས་གདབ། ཅེས་པ་ནི། གོང་གི་མཉམ་བཞག་གི་དོན་ཉིད་ལས་ལོགས་སུ་བརྗོད་པ་དགོས་མོད་ཀྱང་། ཐུན་དང་ཐུན་བར་ནམ་གྱི་ཚེ་ནའང་སྣང་གྲག་རྟོག་ཚོགས་ཐམས་ཅད་ལ་རང་གསལ་རང་རིག་གི་དྲན་པས་སླེབ་ཐུབ་པར་བྱ་བ་ཡིན་ལ།། ༈ །།ནང་ནུབ་འདོད་ཡོན་གྲོགས་སུ་འཁྱེར། ཞེས་བཟའ་བཏུང་། གདན་གསོལ་སྡོད་གནས་སོགས་ཉེ་བར་ལོངས་སྤྱད་བྱ་ཐམས་ཅད་ལ་ཡང་། ཕལ་པ་རྣམས་ཀྱི་ལྟར། མེད་ལ་རྩོལ་སྒྲུབ་དང་། ཡོད་ལ་སྲེད་ཞེན་དྲག་པོས་ཀུན་ནས་བཅིངས་པར་མ་ཡིན་པར་ཞེན་མེད་སྲེད་བྲལ་དུ་སྤྱད་ཅིང་། དོན་དམ་པར་ཆོས་ཉིད་ལ་ཆོས་ཉིད་རོལ་བ་དང་། ཀུན་རྫོབ་ལྟར་ཡང་ལྷ་དང་བླ་མ་མཆོད་པའི་ཚུལ་གྱིས་ལོངས་སྤྱད།། ༈ །།སྲོད་ལ་དབང་པོ་གཞི་ལ་བསྡུ། ཞེས་གཉིད་དུ་འགྲོ་ཁར་ཡང་རྣམ་རྟོག་འཁྲུལ་ཕྱིར་ལུག་

― TR004_Page_0152 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུད་དུ་མི་འབྲང་བར། གདོད་མའི་གཞིའམ་གཉུག་མ་མ་བཅོས་ཁྱབ་གདལ་གྱི་ངང་ནས་གཉིད་དུ་འགྲོ་བར་བྱ།། ༈ །།ནམ་གུང་ཤེས་བྱ་བུམ་པར་གཞུག །ཅེས་པ། འདི་སྐབས་སུ་གསར་རྙིང་གི་མན་ངག་རྣམས་ལས་ཤེས་བྱ་བུམ་འཇུག་གི་ཐབས་མི་འདྲ་བ་དུ་མ་ཞིག་མཆིས་མོད་ཀྱང་། འདིར་ནི། སྣང་མཆེད་ཐོབ་གསུམ་གྱི་ཤེས་བྱ་རྣམས་སྤྲོས་བྲལ་ཆོས་ཉིད་ཀྱི་བུམ་པ་རྒྱ་ཆད་ཕྱོགས་ལྷུང་མེད་པ་འོད་གསལ་སྟོང་པ་ཆེན་པོའི་ཀློང་དུ་གཞུག་བྱ་འཇུག་བྱེད་ཀྱི་མཚན་མ་བྲལ་བར་འཇོག་པ་ཉིད་དང་། དེའི་ཐབས་ཀྱི་ཡན་ལག་ཏུ། སྙིང་གར་འོད་ཀྱི་ཐིག་ལེའི་ནང་ན་བླ་མའི་སྐུ་གསོལ་བ་ལས་གཞན་དུ་མ་ཡེངས་པར་གཉིད་དུ་འགྲོ་བ་ལ་བསླབ།། ༈ །།ཐོ་རང་ཡེ་ཤེས་རང་གསལ་གདབ། ཅེས་པས། གཉིད་ལས་སད་པའི་ཚེ་ཡང་རྣམ་རྟོག་འཁྲུལ་

― TR004_Page_0153 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་མདུན་མི་བསུ་བར། གོང་གི་མཉམ་བཞག་གི་ངོ་བོའི་ཡེ་ཤེས་ལ་འཕྲོ་འཐུད། འཆི་ཁར་ཆོས་ཉིད་ཟང་ཐལ་བཏང་། ཞེས་པས། ནམ་འཆིའི་དུས་ལ་བབས་པའི་ཚེ་ཡང་། ཅི་དྲག་གང་དྲག་ཙབ་ཙུབ་ཀྱི་བློ་མང་མི་བྱ་བར། སྐྱེ་འཆི་རང་སྣང་དུ་ཤེས་པས། འཕོ་བྱ་འཕོ་བྱེད་ཀྱི་མཚན་མའི་དམིགས་པ་ལ་མ་ལྟོས་པར། རང་རིག་སྟོང་གསལ་ཆོས་ཉིད་ཀྱི་ངང་ལ་དགག་སྒྲུབ་ཆགས་ཐོགས་མེད་པར་ཟང་ཐལ་དུ་ལ་ཟློས་པས། གཞི་ལམ་གྱི་འོད་གསལ་གཉིས་པོ་ཆུ་སྣ་རྒྱ་མཚོར་འདྲེས་པའམ། བུམ་ཆག་ནམ་མཁའ་ཕྱི་ནང་འདྲེས་པ་ལྟར་འགྱུར་བ་ལ་འབད་པ་ཉིད་དེ། དེ་ལྟར་ཕྱག་ཆེན་ཡི་གེ་བཞི་པའི་ཉམས་ལེན་གྱི་གནད་དོན་ཐམས་ཅད་འདི་དག་ཏུ་འདུ་ལ། གལ་ཏེ་གང་ཟག་གསར་བུ་དག་འདིའི་སྒོ་ནས་དང་པོར་འཁྲིད་པ་ལྟ་བུ་ལ་ནི། སྔོན་དུ་འགྲོ་

― TR004_Page_0154 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་རིམ་པ་དལ་འབྱོར་རྙེད་དཀའ་དང་། མི་རྟག་པ། ལས་རྒྱུ་འབྲས་སོགས་བསམ་པ་དང་། སྐྱབས་སེམས་ཡིག་བརྒྱ། མཎྜལ་བླ་མའི་རྣལ་འབྱོར་སྒོམ་ཐབས་རྣམས་ཕྱག་ཆེན་གྱི་ཁྲིད་རིམ་སྤྱི་ཁྱབ་ལྟར། བླ་མས་ལེགས་པར་འཆད་ཅིང་། སློབ་མས་ཀྱང་གཡས་ཆུང་ཞོར་ཆོས་ཞུས་ལོ་ཐོབ་ལོར་མ་སོང་བར། རེ་རེ་ནས་ནན་ཆགས་སུ་བསྒོམ་པ་ནི་གལ་པོ་ཆེའི་གནད་ལགས་པ་དང་གཞན་ཡང་། འདི་ཉིད་ཉམས་ལེན་དངོས་ཀྱི་ཚེ། ཐུན་མགོར་མཁའ་མཉམ་གྱི་འགྲོ་བ་མཐའ་དག་སྐུ་བཞི་དབྱེར་མེད་ཀྱི་གོ་འཕངས་ལ་འགོད་ཕྱིར་ཁོ་ནར་བདག་ཉམས་ལེན་ཟབ་མོ་ལ་འཇུག་པར་བགྱིའོ་སྙམ་པའི་སེམས་བསྐྱེད་དང་། ཐུན་གྱི་མཇུག་ཏུ་དེ་ལྟར་མྱུར་དུ་ཐོབ་པའི་རྒྱུར་གྱུར་ཅིག་སྙམ་པའི་བསྔོ་བ་དང་། འདོད་ཡོན་ལམ་གཉིས་ཁྱེར་གྱི་དུས་སུ། ཕུང་ཁམས་སྐྱེ་མཆེད་ཐམས་ཅད་

― TR004_Page_0155 ―

^{[མ་དཔེ་གཟིགས་ན་འདིར་གནོན།]}

[Full Size]

གདོད་ནས་ལྷ་སྔགས་སུ་ལྷུན་གྱིད་གྲུབ་པར་ཤེས་པའི་སྐྱེད་རིམ་དང་། ཤེས་བྱ་བུམ་འཇུག་གི་དུས་སུ་སྙིང་ཁར་བླ་མ་བསྒོམ་པ་བླ་མའི་རྣལ་འབྱོར་དང་། ཕྱག་ཆེན་དངོས་དང་བཅས་པ་རྣམས་ལ་བརྩོན་པས་ནི། ༈ བྱང་ཆུབ་སེམས་དང་ཡི་དམ་ལྷ། །བླ་མ་ཕྱག་རྒྱ་ཆེན་པོ་དང་། །བསྔོ་བའི་ཆོས་ཀྱིས་ཉམས་སུ་བླངས། །ཞེས་པའི་ལམ་ཟབ་མོ་ལྔ་ལྡན་ཀྱང་འདིར་ཚང་བར་འགྱུར་ཚེ་ཕྱག་རྒྱ་ཆེན་པོ་སེང་གེ་འདྲ་ཡང་ལྔ་ལྡན་མེད་ན་མིག་མེད་ཡིན། ཞེས་པའི་སྐྱོན་ཡང་མི་འབྱུང་བ་སྟེ། གནད་དོན་ཀུན་འདུས་འདི་ལྟ་བུ་ལ་ཉམས་བཞེས་ཡེ་ཤེས་ཀྱི་འཁོར་ལོ་རྒྱུན་མི་འཆད་པས། སྲིད་པའི་དྲ་བ་གཅོད་པར་མཛད་དུ་གསོལ།། ༈ །།རྡོ་རྗེ་འཆང་ཆེན་ཏིལླི་ནཱ་རོ་ནས། ཆོས་ཀྱི་རྒྱལ་པོ་གཙུག་ལག་རྒྱ་མཚོའི་བར། ཟུང་འཇུག་བརྒྱུད་པའི་བྱིན་རླབས་

― TR004_Page_0156 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་འོངས་པའི། །གདམས་ངག་དྲི་མེད་བདུད་རྩིའི་བུམ་བཟང་འདི། །སྤྲུལ་པའི་སྐྱེས་མཆོག་མི་ཕམ་མགོན་ཉིད་ལ། །ཐུགས་དམ་བོག་འདོན་གྲོགས་སུ་ཕུལ་བ་འདིའི། །དགེ་བས་མཁའ་ཁྱབ་འགྲོ་བ་མ་ལུས་ཀྱང་། །འདི་དོན་མངོན་གྱུར་རྫོགས་པའི་བྱང་ཆུབ་ཤོག །ཅེས། སྤོང་བ་པ་སྣ་ཚོགས་རང་གྲོལ་གྱིས་རྒོད་ཕུག་མྱ་ངན་མེད་པའི་ནགས་ཁྲོད་དུ་ཡི་གེར་བཀོད་པའོ། །དགེའོ། །གཅིག་ཞུས།

སྨིན་བྱེད་དབང་དང་གྲོལ་ལམ་ཕྱག་རྒྱ་ཆེན་པོའི་གནད་དོན་གྱི་དྲི་བ་ལན་དུ་ཕུལ་བ་བསྐལ་བཟང་དགའ་བྱེད་བདུད་རྩིའི་འདོད་འཇོ།

― TR004_Page_0157 ―

^{[མ་དཔེ་གཟིགས་ན་འདིར་གནོན།]}

[Full Size]

སྨིན་བྱེད་དབང་དང་གྲོལ་ལམ་ཕྱག་རྒྱ་ཆེན་པོའི་གནད་དོན་གྱི་དྲི་བ་ལན་དུ་ཕུལ་བ་བསྐལ་བཟང་དགའ་བྱེད་བདུད་རྩིའི་འདོད་འཇོ་བཞུགས་སོ།།

― TR004_Page_0158 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་ས་མཱ་དཱ་ན་ཨ་དྭ་ཡ་བྷྱཿ འགྲོ་ཁམས་གདོད་ནས་བདེར་གཤེགས་སྙིང་པོའི་རྒྱུད། །ལྷུན་གྱི་གྲུབ་ཀྱང་ལྷན་སྐྱེས་ལིང་ཏོག་གིས། ལྷ་དང་བླ་མ་གཉིས་སུ་མེད་པ་ལ་ཕྱག་འཚལ་ལོ། །ལྡོངས་ལ་ཡེ་ཤེས་རང་གསལ་བདེ་བླག་ཏུ། །སྟོན་མཛད་བླ་མ་བདེ་ཆེན་འཁོར་ལོ་མཆོད། །ལུས་ཅན་ཐར་པར་འདྲེན་པའི་ཆོས་ཀྱི་སྒོ། །བསམ་མི་ཁྱབ་ཀྱང་མྱུར་ལམ་ངེས་སྟེར་བ། །གསང་མཆོག་རྡོ་རྗེའི་ཐེག་ལས་གཞན་མེད་ན། །དེ་དོན་བཀའ་མཆིད་གླེང་མོ་འདིར་བགྱིད་དོ།། ༈ །།ཐོས་བསམ་བསྒོམ་པའི་ནུས་བྲལ་རྨོངས་རྒན་ལ། །ཟབ་དོན་

― TR004_Page_0159 ―

^{[མ་དཔེ་གཟིགས་ན་འདིར་གནོན།]}

[Full Size]

ཇི་བཞིན་སྨྲ་བའི་རྒྱུ་མེད་ཀྱང་། །རྣམ་འདྲེན་མཆོག་ཁྱེད་གཞན་ལ་ཕན་སླད་ཐུགས། །རྣམ་པར་དཀར་བས་དྲིས་ལ་ལན་འདི་འབུལ།། ༈ །།དེ་ཡང་སྐྱེ་བ་ནས་སྐྱེ་བར་དམ་པའི་མཛད་པ་རྨད་དུ་བྱུང་བའི་བསྟན་འགྲོའི་འདོད་སྟེར་གྱི་ནོར་བུར་གྱུར་པའི་ཆོས་ཀྱི་རྗེ་མི་ཕམ་མགོན་པོའི་མཚན་འཆང་བ་གང་ཉིད། ཤེས་བྱའི་ཆོས་རྣམས་ལ་གཟིགས་པ་དྲི་མ་མེད་པའི་སྤྱན་ཡངས་པ་ལ་སོམ་ཉིའི་རབ་རིབ་ཀྱི་མཚན་མས་དབེན་མོད་ཀྱང་། ཕྱི་རབས་ཀྱི་གང་ཟག་དམ་པའི་ཆོས་ལ་ཡིད་འཇུག་པ་དག་ལ་ཕན་

― TR004_Page_0160 ―

^{[མ་དཔེ་གཟིགས་ན་འདིར་གནོན།]}

[Full Size]

དགོངས་ཀྱི་ཐུགས་ཐབས་ལ་མཁས་པའི་ཕྲིན་ལས་ཀྱི་སྒོ་འཕར་ཕྱེས་ནས། བདག་ལ་གསང་སྔགས་སྨིན་གྲོལ་གཉིས་ཀྱི་གནད་དོན་འགའ་ཞིག་དྲི་བའི་ཚུལ་མཛད་པ་ལ་བརྟེན་ན། རྨོངས་པ་བདག་གིས་གོ་ཚུལ་འོལ་ཚོད་ཀྱི་ཚིག་འགའ་གསོལ་བར་བགྱི་བ། མ་རྟོགས་ལོག་རྟོག་གི་འགལ་འཁྲུལ་མཆིས་ན། ཆོས་དབྱིངས་བསམ་མི་ཁྱབ་པའི་དགོངས་ཀློང་ཟབ་མོར་བཟོད་པར་བཞེས་སུ་གསོལ། དེ་ཡང་ཉིད་ཀྱི་དྲི་ཚིག་ཡོངས་རྫོགས་སུ་འདིར་བཀོད་ན་རྗེས་འཇུག་རྣམས་གོ་བསླ་ཞིང་འབྲེལ་ཆགས་པར་འགྱུར་ནའང་། མི་རྒན་ཡི་གེའི་ཁུར་ལ་འཛེམ་སྟེ་གནད་དོན་འགག་བསྡུས་སུ་བཀོད་ནས་འབུལ་བར་བྱ་བ་ལས། ཐོག་མར་སྨིན་བྱེད་དབང་གི་ངོ་བོ་དང་། ཐོབ་མཚམས་ཀྱི་བྱེ་བྲག་སོགས། རྒྱུད་སྡེའི་ལུང་འདྲེན་དང་བཅས་པ་གནང་ནས་དྲི་བར་མཛད་པའི་ལན་དོན་ལ། སྤྱི་དང་ཁྱད་པར་གཉིས་ལས།། ༈ །།

― TR004_Page_0161 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱིར་ནི། གསང་སྔགས་རྡོ་རྗེ་ཐེག་པའི་ཆོས་ཐམས་ཅད་ཀྱི་འཇུག་སྒོ་ནི་སྨིན་གྲོལ་གཉིས་ལ་རག་ལས་པ་དང་། དེ་ལས་ཀྱང་ཐོག་མར་སྨིན་བྱེད་ཀྱི་དབང་མ་ཐོབ་པར་རྒྱུད་ལུང་མན་ངག་གི་ཚིག་ཤོ་ལོ་ཀ་ཙམ་ཡང་ཉན་པར་མི་དབང་ཞིང་། འཆད་ཉན་བྱེད་པ་པོ་ལ་བྱིན་རླབས་མི་འབྱུང་བར་མ་ཟད། གསང་སྒྲོག་གི་ལྟུང་བ་སོགས་ཉེས་པ་ཚད་མེད་པ་དང་། གལ་ཏེ་དབང་མ་ཐོབ་བཞིན་དུ་གྲོལ་བྱེད་ཉམས་སུ་ལེན་པར་རློམས་ནའང་། དངོས་གྲུབ་མི་ཐོབ་ཅིང་བར་ཆད་ཀྱི་རྒྱུ་རྐྱེན་དུ་འགྱུར་ཚུལ་སོགས་སྐྱོན་མཐའ་ཡས་པར་གསུངས་ཏེ། སངས་རྒྱས་ཐོད་པའི་རྒྱུད་ལས། དཔེར་ན་པི་ཝང་སྦྱར་ཀུན་ཚོགས། །རྒྱུད་དང་བྲལ་ན་བརྡུང་མི་རུང་། །དེ་བཞིན་དབང་དང་བྲལ་གྱུར་པས། །སྔགས་དང་བཏན་གཏན་འགྲུབ་མི་འགྱུར། །ཞེས་སོགས་དང་། །རྡོར་སེམས་སྙིང་གི་རྒྱུད་ལས། གསང་སྔགས་དབང་ལ་མ་བརྟེན་

― TR004_Page_0162 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲུབ་མི་འགྱུར། །དཔེར་ན་གཉན་པ་ལག་སྐྱ་མེད་པས་ནི། །ཆུ་ཡི་ཕ་རོལ་སྒྲོལ་བར་མི་ནུས་བཞིན། ཞེས་སོགས་དབང་མ་ཐོབ་པའི་སྐྱོན་གྲངས་མེད་པར་གསུངས་པ་དང་།། ༈ །།ཐོབ་པའི་ཕན་ཡོན་ཀྱང་། སྙིང་གི་མེ་ལོང་ལས། དབང་རྣམས་རབ་ཏུ་ཐོབ་བྱས་ན། གསང་སྔགས་ཐམས་ཅད་མ་སྒྲུབ་འགྲུབ། ཅེས་དང་། ཀློང་གསལ་གི་རྒྱུད་ལས། དབང་ཐོབ་རིགས་ཀྱི་བུ་དེ་ཉིད། ཚེ་འདིར་བསམ་པ་ཀུན་འགྲུབ་ཅིང་། ཕྱི་མ་མངོན་པར་རྫོགས་སངས་རྒྱ། ཞེས་སོགས་ཀྱི་ལུང་བརྗོད་ལས་འདས་མོད་ཅིང་། དེ་ལྟ་བུའི་དབང་དེ་ཉིད་ཀྱང་རྒྱུའམ་ས་བོན་རང་གི་རྒྱུད་ལ་གདོད་མ་ནས་ལྷུན་གྲུབ་ཏུ་ཡོད་པ་དེ་ཉིད། རྐྱེན་བླ་མའི་བྱིན་རླབས་དང་། བརྡའ་ཐབས་ཀྱིས་མངོན་པར་འདུ་བྱེད་པ་ཉིད་དེ་དཔེར་ན། འཁོར་ལོ་བསྒྱུར་བའི་རྒྱལ་པོ་རྒྱལ་སར་དབང་བསྐུར་བར་བྱེད་པ་ལ། གང་ལ་བསྐུར་བ་དེ་རྒྱལ་པོའི་རིགས་མ་ནོར་བ་ཡིན་པ་

― TR004_Page_0163 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིག་དགོས་ལ། དེ་ལྟར་ཡིན་དུ་ཟིན་ཀྱང་རྒྱལ་སར་མ་བཀོད་ཀྱི་རིང་ལ་ནི་རྒྱལ་བུ་ཞེས་བརྗོད་པ་མ་གཏོགས། རྒྱལ་པོར་མི་འགྱུར་ཞིང་། ནམ་ཞིག་རྒྱལ་སྲིད་ལ་དབང་བསྐུར་བ་དེ་ཕྱིན་ཆད་དུ་རྒྱལ་པོ་དངོས་སུ་འགྱུར་བ་དེ་བཞིན་དུ་འདིར་ཡང་སློབ་མའི་ཁམས་རྒྱུད་ལ་དབང་བཞིའི་ས་བོན་ཡེ་ནས་ཡོད་ཀྱང་། དབང་གི་སྨིན་པར་མ་བྱས་ཀྱི་བར་དུ་ཡེ་ཤེས་མངོན་དུ་མི་འགྱུར་ལ། ནམ་སྨིན་གྲོལ་གྱི་ལམ་ལ་ཆུད་ཚེ་རང་རྒྱུད་ཀྱི་ཡེ་ཤེས་མངོན་དུ་འགྱུར་བ་སྟེ། གླང་པོ་ཆུར་འཇུག་གི་རྒྱུད་ཕྱི་མ་ལས། འགྲོ་བའི་སེམས་ཉིད་རང་རིག་འོད་གསལ་དོན། སངས་རྒྱས་མ་བཅོས་ལྷུན་གྲུབ་གནས་པའི་རྒྱུད། །དོན་གསལ་སྨིན་ཅིང་གྲོལ་བའི་ལམ་ཞུགས་ན། །འབྲས་བུ་རང་རྒྱུད་གསལ་བར་མཐོང་བ་ཡིན། །ཞེས་པ་ལྟར་ཡིན་པ་དང་། ༈ དབང་དེ་ཉིད་ལ་ཡང་། ངོ་བོ་དང་། ངེས་ཚིག་དང་

― TR004_Page_0164 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱེ་བ་དང་། དགོས་བྱེད་དང་བཞིས་སྟོན་ཏེ།། ༈ །།དང་པོ་དབང་གི་ངོ་བོ་ནི། །དབང་གི་ཆུ་བོ་བཞི་འདུས་ཀྱི་རྒྱུད་ལས། དག་དང་སྨིན་དང་རྒྱུད་སྦྱོང་དང་། །ཡེ་ཤེས་གཞུག་པར་བྱ་བ་དང་། །བཅུ་གསུམ་རྡོ་རྗེའི་ས་ཐོབ་པའི། །འབྲས་བུ་རྒྱུད་ལ་འཇོག་པ་ཡིན། །ཞེས་པ་ལྟར་རང་ལ་ཡོད་པའི་ཡེ་ཤེས་རང་གསལ་དུ་བྱ་བའི་ཐབས་ཀྱི་རྒྱལ་པོ་ཡིན་ནོ།། ༈ །།ངེས་ཚིག་ནི། རང་གི་སྒོ་གསུམ་བག་ཆགས་འཁྲུལ་ཕྱིར་འབྲང་སྟེ་རང་དབང་མ་ཐོབ་པ་ལས། ཐབས་འདིས་སྐུ་བཞི་དབྱེར་མེད་ཀྱི་གོ་འཕངས་ལ་རང་དབང་ཐོབ་པར་བྱེད་པའི་ཕྱིར་ན་དབང་ཞེས་བརྗོད་པ་སྟེ། འདི་ཉིད་སཾཀྲྀ་ཏའི་སྐད་དུ་ཨ་བྷི་ཥཱིཉྩ། ཞེས་བྱ་ལ། དེ་ཉིད་བོད་སྐད་རང་སོར་བསྒྱུར་ན། དྲི་མ་བཀྲུ་བ་ཞེས་བྱ་བར་འགྱུར་བ་སྟེ། དབང་བཞིའི་ནུས་པས་ལུས། ངག ཡིད་དང་། ཤེས་བྱའི་སྒྲིབ་པའི་དྲི་མ་བཀྲུ་བས་ན་དེ་ལྟར་དུ་བརྗོད་

― TR004_Page_0165 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དང་། ཡང་། ཨ་བྷི་ཥེ་ཀ་ཏ་ཞེས་སྐལ་བ་འཇོག་པ་ལ་འཇུག་སྟེ། སྐལ་བ་གང་ལྟར་འཇོག་ན། བུམ་དབང་གི་ལུས་ལྷར་སྒོམ་པའི་སྐལ་བ་འཇོག་དེ་བཞིན་དུ་གསང་བའི་དབང་གི་རྩ་རླུང་སྒོམ་པ་དང་། ཤེས་རབ་ཡེ་ཤེས་ཀྱི་དབང་གིས་བདེ་སྟོང་ལྷན་སྐྱེས་དང་། ཚིག་དབང་རིན་པོ་ཆེས་ཟུང་འཇུག་བློ་འདས་བསྒོམ་པའི་སྐལ་བ་འཇོག་པའི་ཕྱིར་དེ་སྐད་བརྗོད་པའོ། །ཡང་། ཨ་བྷི་སིདྡྷི་ཞེས་གྲུབ་པའམ་སྨིན་པ་ལ་འཇུག་སྟེ། གང་ལྟར་སྨིན་ན། བུམ་དབང་གི་ལུས་ཕུང་ཁམས་སྐྱེ་མཆེད་ཐམས་ཅད་ལྷ་རུ་སྨིན་པར་བྱེད་པ་དང་། གསང་དབང་གིས་ངག་རླུང་འབྱུང་འཇུག་གནས་གསུམ་ཐམས་ཅད་སྔགས་ཀྱི་རང་བཞིན་དུ་སྨིན་པ་དང་། ཤེར་དབང་གིས་ཁམས་ཐིག་ལེ་བདེ་བ་ཆེན་པོར་དང་། ཚོར་བ་མཐའ་དག་ལྷན་སྐྱེས་ཡེ་ཤེས་སུ་སྨིན་པ་དང་། ཚིག་དབང་གིས་སྣང་སྲིད་དག་

― TR004_Page_0166 ―

^{[མ་དཔེ་གཟིགས་ན་འདིར་གནོན།]}

[Full Size]

པ་རབ་འབྱམས་ཆོས་སྐུ་ཁྱབ་གདལ་ཆེན་པོར་སྨིན་པར་བྱེད་པའི་ཕྱིར། དབང་གི་སྒྲ་དོན་ནི་དེ་ལྟ་བུའོ།། ༈ །།དབྱེ་བ་ནི། སྤྱིར་རྒྱུད་རྡོའི་རིམ་པའི་ཁྱད་ཀྱིས་དབང་གི་ཚུལ་ཡང་ཐ་དད་པ་ནི། ཡེ་ཤེས་ཐིག་ལེར། ཆུ་ཡེས་དབུ་མར་དབུ་བརྒྱན་དག །བྱ་བའི་རྒྱུད་ལ་རབ་ཏུ་གྲགས། །རྡོ་རྗེ་དྲིལ་བུ་དེ་བཞིན་མིང་། །སྤྱོད་པའི་རྒྱུད་ལས་རབ་ཏུ་གསལ། །ཕྱིར་མི་ལྡོག་པ་ཡི་ནི་དབང་། །རྣལ་འབྱོར་རྒྱུད་དུ་གསལ་བར་བྱས། ཞེས་གསུངས་པ་བཞིན། བྱ་རྒྱུད་ལས་ཆུ་ཅོད་པན་དང་། རིག་གཏད་སོགས་ཀྱི་སྣོད་རུང་དུ་བྱེད་ལ། སྤྱོད་རྒྱུད་དུ་དེའི་ཁར་རྡོར་དྲིལ་མིང་དང་བཅས་པས་རིག་པའི་དབང་ལྔ་དང་། རྣལ་འབྱོར་རྒྱུད་དུ། དེ་སྟེང་ཕྱིར་མི་ལྡོག་པ་སློབ་དཔོན་གྱི་དབང་ངམ། རྡོ་རྗེའི་བརྟུལ་ཞུགས་གྲུབ་པའི་དབང་དང་བཅས་པ་བསྐུར་བའི་ཚུལ་ནི་གསང་སྔགས་གསར་རྙིང་སྤྱི་མཐུན་ཡིན་ལ།། ༈ །།ཁྱད་པར་གསང་སྔགས་ནང་པ་རྣལ་འབྱོར་བླ་མེད་ཀྱི་རྒྱུད་ལས། དབང་

― TR004_Page_0167 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི་ཡོངས་རྫོགས་སུ་བསྐུར་བའི་ཚུལ་ཡང་བཀའ་གསར་རྙིང་ཁྱད་མེད་ནའང་། བཞི་པོ་དེའི་ནང་བསེས་ཀྱི་དབྱེ་བ་མི་འདྲ་བ་དུ་མར་གསུངས་ཏེ། གསར་མ་ལྟར་ན། བདེ་དགྱེས་གསང་གསུམ་སོགས་ནི་ཕལ་ཆེར་མཐུན་མོད་ཀྱང་།། ༈ །།དུས་འཁོར་ལྟར་ན། དང་པོར་ཁམས་ལྔའི་དྲི་མ་འཁྲུད་ཅིང་ཡུམ་ལྔའི་དངོས་གྲུབ་བསྒྲུབ་པ་དང་། ས་དང་པོ་ཐོབ་བྱེད་དུ་བུམ་ཆུའི་དབང་དང་། ཕུང་པོ་ལྔའི་དྲི་མ་སྦྱོང་ཞིང་སངས་རྒྱས་ལྔ་བསྒྲུབས་པ་དང་། ས་གཉིས་པ་ཐོབ་བྱེད་ཅོད་པན་གྱི་དབང་སྟེ། ལུས་ཀྱི་སྒྲིབ་པ་སྦྱོང་ཞིང་སྐུ་རྡོ་རྗེ་ཐོབ་པའི་ས་བོན་འཇོག་བྱེད་ཀྱི་དབང་གཉིས། དེ་བཞིན་དུ་རླུང་བཅུའི་དྲི་མ་སྦྱོང་ཞིང་། ནུས་མ་བཅུའི་དངོས་གྲུབ་དང་། ས་གསུམ་པ་ཐོབ་བྱེད་དར་དཔྱང་གི་དབང་དང་། རྩ་རོ་རྐྱང་གི་དྲི་མ་སྦྱོང་ཞིང་། གཙོ་བོ་ཡབ་ཡུམ་གྱི་དངོས་གྲུབ་དང་། ས་བཞི་པ་ཐོབ་བྱེད་

― TR004_Page_0168 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོར་དྲིལ་གྱི་དབང་དང་གཉིས་ཀྱི་ངག་སྒྲིབ་དག་ཅིང་གསུང་རྡོ་རྗེའི་ས་བོན་རྒྱུད་ལ་འཇོག་བྱེད་གཉིས། ཚོགས་བརྒྱད་དབང་པོ་ཡུལ་བཅས་ཀྱི་དྲི་མ་སྦྱོང་ཞིང་། སེམས་དཔའ་སེམས་མའི་དངོས་གྲུབ་དང་། ས་ལྔ་པ་ཐོབ་བྱེད་བརྟུལ་ཞུགས་ཀྱི་དབང་དང་། ལས་དང་བྱ་བའི་དྲི་མ་སྦྱོང་ཞིང་ཁྲོ་བོ་ཁྲོ་མོའི་དངོས་གྲུབ་དང་། ས་དྲུག་པ་ཐོབ་བྱེད་མིང་གི་དབང་དང་གཉིས་ཀྱིས་ཡིད་སྒྲིབ་དག་ཅིང་། ཐུགས་རྡོ་རྗེའི་གོ་འཕང་ཐོབ་པའི་ནུས་པ་འཇོག །རྗེས་གནང་མཐའ་རྟེན་དང་བཅས་པས་ནི་ཡེ་ཤེས་ཀྱི་ཁམས་ལ་སྒྲིབ་བྱེད་ཀྱི་དྲི་མ་སྦྱོང་ཞིང་། རིགས་བདག་རྡོར་སེམས་ཡབ་ཡུམ་ཀྱི་དངོས་གྲུབ་དང་། ས་བདུན་པ་ཐོབ་ཅིང་། འབྲས་བུ་ཡེ་ཤེས་རྡོ་རྗེའི་གོ་འཕང་ལ་སྦྱོར་བ་སྟེ། དེ་ལྟར་བདུན་པོ་འདི་ལ་བྱིས་པ་འཇུག་པའི་དབང་བདུན་དུ་གྲགས་ཤིང་། འདི་དག་ཐོབ་པའི་རྟེན་གྱི་གང་ཟག་དེ་ནི་སྔགས་ཀྱི་དགེ་གཉེན་དུ་འགྱུར་བར་གསུངས་ལ།།

― TR004_Page_0169 ―

^{[མ་དཔེ་གཟིགས་ན་འདིར་གནོན།]}

[Full Size]

༈ །།དེ་ནས་བུམ་དབང་གི་ས་བརྒྱད་པ་ཐོབ་བྱེད་ཀྱི་ནུས་པ་འཇོག་ཅིང་། སྔགས་ཀྱི་དགེ་ཚུལ་དུ་འགྱུར་བ་དང་། གསང་དབང་གིས་ས་དགུ་པ་ཐོབ་ཅིང་སྔགས་ཀྱི་དགེ་སློང་དུ་འགྱུར་བ་དང་། ཤེར་དབང་གིས་ས་བཅུ་དང་བཅུ་གཅིག དབང་བཞི་པས་ས་བཅུ་གཉིས་པ་དང་། སྐྱེས་དགུའི་བདག་པོ་ཆེན་པོར་འགྱུར་བ་སོགས། དེ་ལྟར་རིམ་པ་འདྲེན་ཚུལ་དེ་བཞིན་གསུངས་མོད་ལ།། ༈ །།རྒྱུད་སྡེ་གཞན་རྣམས་སུ་ནི་བུམ་དབང་ལ་རིག་པའི་དབང་ལྔ། དེ་མཐར་བརྟུལ་ཞུགས་རྡོ་རྗེ་སློབ་དཔོན་གྱི་དབང་དང་། །དེ་ནས་གསང་བ་ཤེས་རབ་ཡེ་ཤེས། ཚིག་དབང་རྣམས་རིམ་པ་ལྟར་དབྱེ་བར་མཛད་པའི་ལུགས་མང་བ་དང་།། ༈ །།གསང་སྔགས་རྙིང་མ་ལྟར་ན། དབང་གི་དབྱེ་ཚུལ་གཉིས་ཡིན་ཏེ། བྱུང་ཚུལ་དང་སྒོ་བསྟུན་ནས་དབང་གི་ཚུབ་བཞིར་དབྱེ་བ་དང་། བསྐུར་ཚུལ་དང་བསྟུན་ནས་དབང་གི་རིམ་པ་བཞིར་དབྱེ་

― TR004_Page_0170 ―

^{[མ་དཔེ་གཟིགས་ན་འདིར་གནོན།]}

[Full Size]

བ་སྟེ།། ༈ །།སྔ་མ་ནི། བཀའ་པུ་སྟི་གླེགས་བམ་གྱི་དབང་དང་། ཡི་དམ་ལྷའི་དབང་དང་། མཁས་པ་པཎྜི་ཏའི་དབང་དང་། རིག་པ་རྩལ་གྱི་དབང་དང་བཞིར་བཤད་ལ།། ༈ །།ཕྱི་མ་དབང་བཞིའི་རིམ་པ་ནི་བུམ་གསང་ཤེར་ཡེ་ཚིག་དབང་དང་བཞི་ལ། སོ་སོའི་ནང་ཚན་གྱི་དབྱེ་ཚུལ་ནི། དེ་ཡང་ཞི་ཁྲོ་སྒྱུ་འཕྲུལ་བསྐོར་གྱི་གཞུང་ལུགས་ལྟ་བུའི་དབང་དུ་བགྱི་ན།། ༈ །།དབུ་རྒྱན་ཅོད་པན་འཕྲེང་བ་དང་། །གོ་ཆ་རྒྱལ་མཚན་ཕྱག་རྒྱ་དང་། །གདུགས་དང་བུམ་པ་བཟའ་བཏུང་དང་། །སྙིང་པོ་ལྔ་ཡི་དབུ་མར་བྱ། །ཞེས་པས། ཕྱི་ཕན་པའི་དབང་བཅུ།། ༈ །།དེ་ནས་འཆད་པ་དང་། ཉན་པ་དང་། བསྒྲུབ་པ་དང་། ཕྲིན་ལས་སྣ་ཚོགས་པ་དང་། རྡོ་རྗེ་སློབ་དཔོན་དུ་བྱེད་པར་ནུས་པ་དང་བཅས་པས། ནང་ནུས་པའི་དབང་ལྔ་སྟེ། དེ་ལྟར་བཅོ་ལྔ་པོ་འདི་བུམ་དབང་གི་ནང་ཚན་ཡིན་ལ།། ༈ །།དེ་རྗེས་གསང་བའི་དབང་དང་། ཤེས་རབ་ཡེ་ཤེས་ཀྱི་དབང་དང་། དབྱེར་

― TR004_Page_0171 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་བདེ་བ་ཆེན་པོའི་དབང་དང་གསུམ་ལ་གསང་བ་ཟབ་མོའི་དབང་གསུམ་ཞེས་བྱ་སྟེ། དེ་ལྟར་ཡོངས་དྲིལ་བཅོ་བརྒྱད་དུ་དབྱེ་བ་དང་། ༈ ཡང་བདེར་གཤེགས་སྙིང་པོ་སྒྲུབ་པ་བཀའ་བརྒྱད་ཀྱི་གཞུང་ལྟར་ན། ཁྱད་པར་ཡེ་ཤེས་ཀྱི་དབང་དང་། ཐུན་མོང་ཐུགས་རྗེའི་དབང་གཉིས་ཀྱི། དང་པོ་ལ།། ༈ །།ཕྱི་མཚོན་བྱེད་རྫས་ཀྱི་དཀྱིལ་འཁོར་ལ་བརྟེན་ནས་བྱ་སྤྱོད་ཡར་ལྡན་གྱི་དབང་རིམ་བརྒྱད།། ༈ །།ནང་ལྷ་ཚོགས་བདུན་བརྒྱ་ཉེར་ལྔ་ལ་བརྟེན་ནས་མ་ཧཱ་ཨ་ནུ་བྱིན་རློབས་ཡོངས་རྫོགས་ཀྱི་དབང་རིམ་དགུ།། ༈ །།གསང་བ་ཡབ་ཡུམ་ཟུང་འཇུག་ལ་བརྟེན་ནས་བྱང་སེམས་ཡོངས་རྫོགས་ས་ལམ་མྱུར་བསྒྲོད་ཀྱི་དབང་རིམ་གསུམ།། ༈ །།ཡང་གསང་དེ་ཁོ་ན་ཉིད་རང་རིག་ཡེ་ཤེས་ཀྱི་དཀྱིལ་འཁོར་ལ་བརྟེན་ནས་རྒྱལ་ཐབས་སྤྱི་བླུགས་ཨ་ཏི་ཡོངས་རྫོགས་ཀྱི་དབང་རིམ་དྲུག་སྟེ། དེ་ལྟར་ཡེ་ཤེས་ཀྱི་དབང་ཉེར་དྲུག། ༈ །།ཐུན་

― TR004_Page_0172 ―

^{[མ་དཔེ་གཟིགས་ན་འདིར་གནོན།]}

[Full Size]

མོང་ཐུགས་རྗེའི་དབང་ལ། བཀའ་རབ་འབྱམས་ནུས་པའི་དབང་རིམ་བརྒྱད་དང་། ཕན་པའི་དབང་རིམ་ལྔ་སྟེ་བཅུ་གསུམ། དེ་ལྟར་རྣམ་གྲངས་སྤྱི་བསྡོམས་སུ་སུམ་ཅུ་སོ་དགུ་ལ། ནང་བསེས་ཕྲ་མོར་ཕྱེས་ན་དབང་གི་རྣམ་གྲངས་ཉིས་བརྒྱ་དང་སོ་བདུན་དུ་ཡོད་པའི་དབྱེ་ཚུལ་དང་།། ༈ །།ཡང་བླ་མ་དགོངས་པ་འདུས་པའི་ཆོས་སྐོར་གྱི་དབང་ཆོག་སྨིན་བྱེད་སྙིང་གི་མེ་ལོང་གི་གཞུང་ལྟར་ན།། ༈ །།ཕྱི་བུམ་པའི་དབང་ལ། རིག་པའི་དབང་ལྔ་དང་། འདི་མཐའ་རྟེན་ལྔ་སྟེ་བཅུ་དང་།། ༈ །།ནང་རྡོ་རྗེ་རྒྱལ་པོ་བཀའ་རབ་འབྱམས་ཀྱི་དབང་བརྒྱ་དང་བཅུ་བདུན།། ༈ །།གསང་བ་རྡོ་རྗེ་སློབ་དཔོན་གྱི་དབང་སོ་བཞི།། ༈ །།ཡོན་ཏན་རིན་པོ་ཆེ་དངོས་གྲུབ་མཆོད་རྫས་ཀྱི་དབང་ཉེར་ལྔ།། ༈ །།ཕྲིན་ལས་འགྲོ་འདུལ་བཀའ་ཉན་ལས་བྱེད་ཀྱི་དབང་ཉེར་གཅིག། ༈ །།ཡོངས་སུ་རྫོགས་པ་བཀའ་གཏད་རྗེས་གནང་གི་དབང་བདུན་ཏེ། དེ་དག་སྤྱིར་དྲིལ་བ་ཉིས་བརྒྱ་དང་བཅུ་གསུམ་དབྱེ་

― TR004_Page_0173 ―

^{[མ་དཔེ་གཟིགས་ན་འདིར་གནོན།]}

[Full Size]

བ་དང་།། ༈ །།ཡང་། རྙིང་ལུགས་ཀྱི་དབང་ཐམས་ཅད་ཀྱི་གཙོ་བོ། ཐེག་པ་རིམ་པ་དགུའི་སྤྱི་དབང་དུ་གྱུར་པ། འདུས་པ་མདོ་དབང་ཆེན་མོའི་ལུགས་ལྟར་ན།། ༈ །།ཐོག་མར་སྔོན་འགྲོ་སྡིག་སྒྲིབ་སྦྱོང་བྱེད་ངན་སོང་གནས་འདྲེན་གྱི་དཀྱིལ་འཁོར་ལ་ཕྱག་རྡོར་དང་། རྡོར་སེམས་དབྱེར་མེད་གཙོ་འཁོར་བཅུ་གསུམ་པའི་སྒོ་ནས་མཆོག་དབང་ཆེན་མོ་བཅུ་དྲུག། ༈ །།དེ་ནས་མཐོ་རིས་ལྷ་མིའི་ཐེག་པ་ལ་དཀྱིལ་འཁོར་བཅུ་གཅིག་ཞལ་ཕྱེ་ཞིང་དབང་བརྒྱ་དང་ཉེར་གསུམ།། ༈ །།ཉན་ཐོས་ཀྱི་ཐེག་པར་དཀྱིལ་འཁོར་ལྔ་དང་དབང་སུམ་ཅུ་སོ་དགུ།། ༈ །།རང་རྒྱལ་གྱི་ཐེག་པ་ལ་དཀྱིལ་འཁོར་བཞི་དང་། དབང་བཞི་བཅུ་ཞེ་ལྔ།། ༈ །།བྱང་སེམས་སྨོན་འཇུག་ཐེག་པ་ལ་དཀྱིལ་འཁོར་བཅུ་དང་། དབང་ལྔ་བཅུ་ང་གསུམ།། ༈ །།ཀྲྀ་ཡའི་ཐེག་པ་ལ་དཀྱིལ་འཁོར་དྲུག་དང་། དབང་དྲུག་ཅུ་རྩ་གཉིས། ཨུ་པ་ཡའི་ཐེག་པར་དཀྱིལ་འཁོར་གཅིག་དང་། དབང་ཉི་ཤུ་རྩ་བརྒྱད།། ༈ །།ཡོ་གའི་ཐེག་པ་ལ་རྡོ་རྗེ་དབྱིངས་ཀྱི་དཀྱིལ་འཁོར་སྒོ་སྦྲག་གཉིས་པ་

― TR004_Page_0174 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་དགུ་བཅུ་རྩ་དགུ།། ༈ །།དེ་ནས་གསང་སྔགས་བླ་མེད་མ་ཧཱ་ཡོ་གིའི་ཐེག་པ་ལ་ཞི་ཁྲོ་གཉིས་ལས། ཞི་བ་ལ་དཀྱིལ་འཁོར་དྲུག་དང་། དབང་གི་རྣམ་གྲངས་སུམ་བརྒྱ་དྲུག་ཅུ་རྩ་གཉིས། ཁྲོ་བོ་ལ་ཡང་དཀྱིལ་འཁོར་དྲུག་དང་། དབང་དྲུག་བརྒྱ་བཞི་བཅུ།། ༈ །།ལུང་ཨ་ནུ་ཡོ་གའི་ཐེག་པ་ལ་དཀྱིལ་འཁོར་སྒྲག་བཅུ་གཅིག་པ་དང་། དབང་གི་རྣམ་གྲངས་བརྒྱད་བརྒྱ་དང་ལྔ་ཅུ་རྩ་ལྔ།། ༈ །།རྫོགས་པ་ཆེན་པོ་ཨ་ཏི་ཡོ་ག་ལ་དཀྱིལ་འཁོར་གཅིག་དང་། རིག་པའི་རྩལ་དབང་བཅོ་བརྒྱད།། ༈ །།དེ་དག་ཀུན་གྱི་མཐའ་རྟེན་དངོས་གྲུབ་ཚེ་དབང་ཆེན་མོ་ལ་དཀྱིལ་འཁོར་གཅིག་དང་། དབང་ལྔ་ཅུ་རྩ་བརྒྱད་དང་བཅས་པ་སྟེ། མདོར་ན། འདུས་པ་ཆེན་པོའི་དཀྱིལ་འཁོར་སྒོ་སྦྲགས་རྣམས་སོ་སོར་མ་བརྩིས་པའི་སྤྱི་སྡོམས་སུ། རྡུལ་ཚོན་གྱི་དཀྱིལ་འཁོར་ལྔ་བཅུ་རྩ་བཞི། ཆ་གསུམ་གྱི་དཀྱིལ་འཁོར་དང་ལྔ་བཅུ་རྩ་ལྔ་ལ། ལྷ་གྲངས་སྟོང་དང་དགུ་བརྒྱ་དང་བརྒྱད་ཅུ་ཐམས་པ་བཞུགས་ཤིང་། དབང་གི་རྣམ་

― TR004_Page_0175 ―

^{[མ་དཔེ་གཟིགས་ན་འདིར་གནོན།]}

[Full Size]

གྲངས་ཡོངས་དྲིལ་ཉིས་སྟོང་དང་བཞི་བརྒྱ་བཞི་བཅུ་ཐམས་པ་ཕྱག་བཞེས་སུ་གཏན་ལ་འབེབས་པ་ཡོད་པ་སྟེ།། ༈ །།དེ་ལྟར་གསང་སྔགས་གསར་རྙིང་གཉིས་ཀའི་དབང་གི་རྣམ་གྲངས་འདི་དག་ནི་དབང་བཞིའི་ནང་ཚན་ཁོ་ནའི་དབྱེ་གྲངས་ཡིན་གྱི། སྔོན་འགྲོ་སྟ་གོན་གྱི་ལས་རིམ་དང་། དངོས་བཞི་བསྒྲུབ་མཆོད་དང་། །རྗེས་མཐའ་རྒྱས་ཀྱི་ལས་རིམ་སོགས་ཡོངས་སུ་རྫོགས་པའི་ས་བཅད་ཀྱི་རྐང་གྲངས་ནི་མ་ཡིན་ཏེ། ས་བཅད་དེ་དག་གི་རྣམ་གྲངས་ནི་གསར་རྙིང་སོ་སོའི་དབང་གཞུང་རེ་རེ་ལ་ཡང་རྒྱས་བསྡུས་ཀྱི་བྱེ་བྲག་མཐའ་ཡས་མོད་ཅིང་། ལར་ཆོས་བཀའ་རེ་རེ་ལ་ཡང་དབང་ཆེན་དབང་ཕྲན་བསམ་གྱིས་མི་ཁྱབ་པར་མཆིས་ན་བགྲངས་ཀྱི་ག་ལ་ལངས་ཏེ། མདོར་བསྡུ་ན། གསང་སྔགས་བླ་མེད་ཀྱི་སྨིན་བྱེད་མཐའ་དག་བུམ་གསང་ཤེར་ཡེ་ཚིག་

― TR004_Page_0176 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་དང་བཞི་པོ་ཉིད་ལ་མ་འདུས་པ་ནི་གང་ཡང་མ་མཆིས་སོ།། ༈ །།སྐབས་འདིར་འཕྲོད་དོན་ལ། གསང་སྔགས་སྔ་འགྱུར་གྱི་དབང་གཞུང་རྣམས་སུ་ཉན་ཐོས་རང་རྒྱལ་གྱི་དབང་སོགས་ཐེག་པ་མཐོ་དམན་ཐམས་ཅད་ཀྱི་དབང་བསྐུར་འདི་དག་ལ། གསར་མའི་མཁས་པ་མང་པོས་དགག་པ་དུ་མ་མཛད་པ་བྱུང་མོད་ཀྱི། སྤྱིར་ནི་གསང་སྔགས་མ་གཏོགས་མདོ་འདུལ་སོགས་ལས་དབང་བསྐུར་མི་འབྱུང་ནའང་། འདིར་ནི་སྔགས་ལམ་དུ་ཆོས་ཐམས་ཅད་ཀྱི་གཞུང་ལམ་ཚང་ཞིང་འདུ་བར་སྟོན་པའི་སྐབས་ཡིན་ཏེ། རྟེན་གྱི་གང་ཟག་དབང་རྣོན་གཅིག་ཆར་བ་དག་ལ་ནི་སྔགས་ཀྱི་ཉེ་ལམ་འབའ་ཞིག་གི་ཆོག་ནའང་། གཞན་རིམ་གྱིས་ས་རྣམས་ཐེག་པ་མས་འཛེག་གི་གི་རིམ་པས་ཁྲིད་ཐབས་ཡིན་ཏེ། བརྟག་གཉིས་ལས་ཀྱང་། དང་པོར་གསོ་སྦྱོང་སྦྱིན་པར་བྱ། དེ་རྗེས་བྱེ་བྲག་སྨྲ་བ་བསྟན། མདོ་སྡེ་པ་ཡང་དེ་བཞིན་ནོ། །ཞེས་ཉན་ཐོས་

― TR004_Page_0177 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། དེ་རྗེས་རྣལ་འབྱོར་སྤྱོད་པ་བསྟན། ཞེས་ཐེག་ཆེན་དབུ་མ་སོགས་དང་། དེ་རྗེས་ཀྱེ་ཡི་རྡོ་རྗེ་བསྟན། ཞེས་སྔགས་དངོས་ཏེ། དེ་ལྟར་རིམ་ཅན་དུ་སྟོན་ཚུལ་གསུངས་པ་དང་དགོངས་པ་མཐུན་ཞིང་། གཞན་ཡང་དབང་ཆོག་ཕལ་ཆེར་གྱི་སྡོམ་བཟུང་གི་སྐབས་སུའང་། ཚུལ་ཁྲིམས་ཀྱི་ནི་བསླབ་པ་དང་། ཞེས་སོགས་དང་། སོ་སོ་ཐར་དང་བྱང་ཆུབ་སེམས། །རིག་འཛིན་སྔགས་ཀྱི་སྡོམ་པ་ལ། །བདག་ནི་རྒྱུན་དུ་གནས་ཤིང་བསྲུང་། །ཞེས་པ་རྣམས་དོན་གྱི་དགོངས་གཅིག་པ་ལས། གནས་སྐབས་ཀྱི་ལས་རིམ་རྒྱས་བསྡུས་ཙམ་དུ་སྣང་ལ་འདི་ལྟར་ཐོབ་པའི་གང་ཟག་དེ་ཉིད་འདུལ་བ། རང་རྐང་གི་དགེ་ཚུལ་སློང་གི་ཐ་སྙད་ནི་མ་ཡིན་མོད་ཀྱང་། སྔགས་ཀྱི་སྡོམས་པ་གསུམ་ལྡན་ཚང་ཚུལ་ནི། གོང་དུ་དུས་འཁོར་གྱི་དབང་གི་རིམ་པ་དེ་ཉིད་ཁོ་ནས་གོ་བར་འགྱུར་ལ། ཡང་ཐེག་པའི་རྒྱུད་ཐ་དད་ཀྱི་དཀྱིལ་འཁོར་

― TR004_Page_0178 ―

^{[མ་དཔེ་གཟིགས་ན་འདིར་གནོན།]}

[Full Size]

དང་དབང་གི་རྣམ་གྲངས་སོ་སོའི་རང་ལུགས་ལྟར་མ་བྱས་ན། ཐམས་ཅད་བླ་མེད་ཁོ་ནའི་ལུགས་ལྟར་བྱ་བ་མི་འཐད་སྙམ་ན། ཐེག་རིམ་དང་རྒྱུད་སྡེའི་རིམ་པ་གང་ཡང་འོག་མ་ལ་གོང་མ་འདུ་བར་མི་སྲིད་ཅིང་། གོང་མ་ལ་འོག་མ་ཐམས་ཅད་འདུ་བ་ནི་དཔེར་ན། བློན་པོའི་འོག་ཏུ་རྒྱལ་པོ་མི་འདུ་ལ། རྒྱལ་པོའི་འོག་ཏུ་བློན་པོ་འདུ་བ་ལྟ་བུ་སྟེ། ཐེག་ཆེན་བླ་མེད་ཀྱི་ཁོངས་སུ་འོག་མ་ཐམས་ཅད་ཡོངས་རྫོགས་སུ་འདུ་བ་ཆོས་ཉིད་དོ། །འོན་ཀྱང་གསར་མའི་དབང་རྡོ་རྗེ་འཕྲེང་བ་སོགས་ལ། རྒྱུད་སྡེ་ཐ་དད་དུ་མ་ཕྱེ་བར་གཅིག་ཤེས་ཀུན་གྲོལ་དུ་བསྐུར་བའི་ལུགས་དང་། རྒྱུད་སྡེ་སོ་སོར་ཕྱེས་ཏེ་ཐ་དད་ཀྱི་ལུགས་བཞིན་བསྐུར་བ་སྟེ། དེ་ལྟར་ཕྱག་བཞེས་སོ་སོར་ཡོད་པ་བཞིན། རྙིང་མའི་ཐེག་པ་རིམ་དགུའི་དབང་འདི་དག་ལ་ཡང་། བླ་མེད་ཀྱི་དཀྱིལ་འཁོར་ཆེན་པོ་གཅིག་གི་སྟེང་ནས་གཞན་རྣམས་ཡོངས་རྫོགས་སུ་བསྐུར་ཐབས་དང་། རྒྱུད་སྡེ་

― TR004_Page_0179 ―

^{[མ་དཔེ་གཟིགས་ན་འདིར་གནོན།]}

[Full Size]

སོ་སོར་དཀྱིལ་འཁོར་ཞལ་ཕྱེས་ཏེ་ཐ་དད་ཀྱི་ལུགས་ལྟར་བསྐུར་བ་སྟེ། ཕྱག་བཞེས་གཉིས་ལྡན་དུ་ཡོད་ཅིང་གང་ལྟར་ཡང་ཡོ་ག་རྣམས་གསུམ་གྱི་རྒྱུད་སྡེ་དུ་མའི་དགོངས་པ་ཇི་ལྟ་བར། པདྨ་འབྱུང་གནས་ལ་སོགས་རིག་འཛིན་པཎ་གྲུབ་དམ་པ་རྣམས་ཀྱི་ཕྱག་བཞེས་དྲི་མ་མེད་པ་མ་གཏོགས། རྙིང་རུལ་གྱི་སྔགས་གཟུགས་བུ་སྨད་ཕ་རྒན་ནད་དག་གིས་རང་བཟོའི་རྫུན་ཆོས་སུ་བྱས་པ་ནི་མ་ཡིན་ནོ། །ཞེས་སྐབས་ཀྱི་འཕྲོས་དོན་དུ་གླེངས་པའོ།། ༈ །།དེ་ནས་གོང་གི་འཕྲོར། དེ་ལྟར་དབང་གི་དབྱེ་བ་བཞི་ཁོ་ནར་འབྱུང་བའི་རྒྱུ་མཚན་ནི་དེ་བཞིའི་དགོས་བྱེད་གང་ཡིན་ཞེ་ན། སྦྱང་གཞི། སྦྱང་བྱ། སྦྱོང་བྱེད། སྦྱང་འབྲས་རྣམས་ཀྱི་སྒོ་ནས་སྟོན་ཏེ། དེ་ཡང་འགྲོ་བའི་ཕུང་ཁམས་སྣོད་བཅུད་རྣམས་བུམ་དབང་གི་སྦྱང་གཞི་ཡིན་ལ། ངག་རླུང་དང་ཡི་གེར་གནས་པ་ནི་གསང་དབང་གི་སྦྱང་གཞི་དང་། ཁམས་ཐིག་

― TR004_Page_0180 ―

^{[མ་དཔེ་གཟིགས་ན་འདིར་གནོན།]}

[Full Size]

ལེ་བདེ་ཆེན་དུ་གནས་པ་ཤེར་དབང་གི་དང་། སེམས་ཉིད་ཡེ་ནས་ཆོས་སྐུར་གནས་པ་ཚིག་དབང་གི་སྟེ། དེ་ལྟར་རྒྱུའི་གཞི་རང་ལ་ལྷུན་གྲུབ་ཏུ་བཞི་པོ་དེར་གནས་པའི་ཕྱིར་དང་།། ༈ །།འོ་ན་དེ་དག་ཡེ་ནས་རང་ལ་ལྷུན་གྱི་གྲུབ་པར་ཡོད་ན་དབང་བཞི་པོ་བསྐུར་ག་ལ་དགོས་སྙམ་ན། རྒྱུའམ། ས་བོན་ནམ། གཞི་དེ་ལྟར་གནས་པ་དེ་དག་སྒྲིབ་པར་བྱེད་པའི་འཁྲུལ་པའི་བག་ཆགས་སྦྱང་བྱ་བཞི་ཡོད་དེ། ལུས་སྣོད་བཅུད་ཐ་མལ་ཨ་འཐས་སུ་འཛིན་པའི་འཁྲུལ་པ་དང་། ངག་ཐ་མལ་དུ་འཛིན་པ་དང་། ཡིད་ཐ་མལ་འཁྲུལ་འཛིན་དང་། སྒོ་གསུམ་ཐ་དད་དུ་འཛིན་པའི་བག་ཆགས་རྣམས་ཏེ། དེ་བཞི་སྦྱོང་བྱེད་ནི་དབང་བཞིར་རག་ལུས་པའི་ཕྱིར་དང་། དེ་ལ་ཡང་སྤང་བྱའི་འདོད་ཆགས་བཞི་སྟེ། ལྟ་རྒོད། ལག་བཅངས། འཁྱུད་པ་སྟེ་བཞི་སྤོང་བ་དང་།། ༈ །།སྒྲུབ་བྱེད་ཕྱག་རྒྱ་བཞི་སྟེ། དམ་ཚིག་གི་ཕྱག་རྒྱ་

― TR004_Page_0181 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་ཀྱི་ཕྱག་རྒྱ། ལས་ཀྱི་ཕྱག་རྒྱ། ཕྱག་རྒྱ་ཆེན་པོ་དང་བཞི་མངོན་དུ་བྱེད་པ་དང་།། ༈ །།ཉམས་དགའ་བ་བཞི་སྟེ། དགའ་བའི་ཡེ་ཤེས། མཆོག་དགའི་ཡེ་ཤེས། དགའ་བྲལ་གྱི་ཡེ་ཤེས། ལྷན་ཅིག་སྐྱེས་དགའི་ཡེ་ཤེས་དང་བཞི་ཉམས་སུ་མྱོང་བ་དང་།། ༈ །།དཀྱིལ་འཁོར་བཞི་སྟེ། རྡུལ་ཚོན་གྱི་དཀྱིལ་འཁོར། ཡབ་ཡུམ་ལུས་དཀྱིལ། གསང་བའི་པདྨ། རང་རིག་ཡེ་ཤེས་ཀྱི་དཀྱིལ་འཁོར་དང་བཞི་བསྐུར་ཞིང་ཐོབ་པ་དང་།། ༈ །།ཉམས་ལེན་བཞིས། ལྷའི་བསྐྱེད་རིམ། རྩ་རླུང་དང་བཟླས་བརྗོད། ཐིག་ལེའི་མྱུར་ལམ། ཕྱག་རྫོགས་ཀྱི་གྲོལ་ལམ་རྣམས་ཉམས་སུ་ལེན་པར་དབང་ཞིང་ལས་སུ་རུང་བ།། ༈ །།རྟོགས་བྱའི་ལྟ་བ་བཞི་སྟེ། སེམས་ཙམ། དབུ་མ་གསང་སྔགས་ཕྱག་རྫོགས་རྣམས་ཀྱི་ལྟ་བ་རྟོགས་པར་འགྱུར་བ་དང་།། ༈ །།འབྲས་བུ་སྐུ་བཞི་སྟེ། སྤྲུལ་སྐུ། ལོངས་སྐུ། ཆོས་སྐུ། ངོ་བོ་ཉིད་སྐུ་རྣམས་འགྲུབ་པར་འགྱུར་བ་དང་། ༈ གཞན་དོན་ཕྲིན་ལས་བཞི་

― TR004_Page_0182 ―

^{[མ་དཔེ་གཟིགས་ན་འདིར་གནོན།]}

[Full Size]

སྟེ། ཞི་བ། རྒྱས་པ། དབང་། དྲག་པོའི་ཕྲིན་ལས་ལ་མངའ་བརྙེས་པ་སོགས། དེ་ལྟར་དབང་བཞི་པོའི་དགོས་ཆེད་དང་སྐབས་དོན་ནི་དེ་དག་ཏུ་འདུ་ལ་ཕན་ཡོན་གྱི་དགོས་པ་ནི་བསམ་གྱི་མི་ཁྱབ་སྟེ། ཇི་སྐད་དུ། མཁའ་འགྲོ་གསང་མཛོད་ལས། མ་སྨིན་སྨིན་བྱེད་དབང་རྣམས་ལེགས་ཐོབ་སྐྱེས་བུས་དམ་ཚིག་ལ་གནས་ན། །དེས་ནི་གནས་སྐབས་དངོས་གྲུབ་ཀུན་འགྲུབ་མཐར་ཐུག་འབྲས་བུ་སྐུ་གསུམ་ཐོབ་པར་འགྱུར། །ཞེས་སོགས་རྒྱུད་སྡེ་རྣམས་ལས་བརྗོད་ཀྱི་མི་ལང་བར་གསུངས་པ་དང་།། ༈ །།དབང་སྲོག་ནི་དམ་ཚིག་ལ་འདུས་ཕྱིར། དེའི་རིམ་པ་ཡང་རྒྱས་པར་ནི་གོང་དུ་བཤད་པའི་ཐེག་པ་རིམ་དགུ་ཡོངས་རྫོགས་ཀྱི་དབང་གི་སྐབས་ཚོར་ནི་མདོ་སྔགས་གཉིས་ཀའི་བསླབ་སྡོམ་གྱི་རྣམས་གྲངས་མཐའ་དག་དང་། གཞན་སྔགས་ལུགས་འབའ་ཤིག་ལའང་། གསར་རྙིང་གཉིས་ཐ་དད་ལྟར་ན། གསར་མའི་ལུགས་ལ་རྒྱུད་སྡེ་བཞི་སོ་སོའི་རྩ་ལྟུང་གི་གྲངས་ངེས་དུས་འཁོར་སོགས་ནས་གསུངས་པ་རྣམས་དང་།

― TR004_Page_0183 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མེད་སྤྱི་ལ་ནི་བརྟུལ་ཞུགས་ཉེ་ལྔ། རིགས་ལྔའི་དམ་ཚིག །རྩ་ལྟུང་བཞི། ཡན་ལག་གི་ལྟུང་བ་བརྒྱད་སོགས་གསུངས་པ་ཐམས་ཅད་དང་།། ༈ །།རྙིང་ལུགས་ལྟར་ན། རྩ་བ་སྐུ་གསུང་ཐུགས་ཀྱི་དམ་ཚིག་ལ་ཕྱི་ནང་གསང་བ་གསུམ་གསུམ་དུ་ཕྱེ་བས་ཉི་ཤུ་རྩ་བདུན་ཡན་ལག་གི་དམ་ཚིག་ཉེར་ལྔ། ཕྲ་མོར་བདག་དོན་ཉེར་གཅིག་དང་། གཞན་དོན་ཞེ་བཞི་སོགས་དང་། རང་བཞིན་ལྟ་བའི་དམ་ཚིག་ཆེན་པོ་བཞི་ནམ་ཡང་གསང་རྫོགས་པ་ཆེན་པོའི་ཁྱད་པར་གྱི་དམ་ཚིག་སྟེ། མདོར་ན། བཀའ་གསར་རྙིང་གི་རྒྱུད་འགྲེལ་རྣམས་ལས། མེད་པའི་དམ་ཚིག ཕྱལ་པའི་དམ་ཚིག གཅིག་པུའི་དམ་ཚིག ལྷུན་གྲུབ་ཀྱི་དམ་ཚིག་དང་བཞིའོ། གསུངས་པ་ཐམས་ཅད་མ་ཉམས་པར་ཚུལ་བཞིན་བསྲུང་དགོས་མོད་ཀྱི།། ༈ །།ཁྱད་པར་འདི་སྐབས་སུ་དབང་བཞི་སོ་སོའི་མཉམ་རྗེས་བཟའ་བཅང་བསྲུང་བའི་དམ་ཚིག་རྣམས་དམིགས་གསལ་དུ་བརྗོད་ན།། ༈ །།བུམ་དབང་ཐོབ་ནས་

― TR004_Page_0184 ―

^{[མ་དཔེ་གཟིགས་ན་འདིར་གནོན།]}

[Full Size]

དེའི་མཉམ་བཞག་གི་དམ་ཚིག་ཏུ་བསྐྱེད་རིམ་བསྒོམ་པ། རྗེས་ཐོབ་ཀྱི་དམ་ཚིག་ཏུ་སྒོ་གསུམ་ཐ་མལ་དུ་མི་འཁྲུལ་བར། ལྷའི་འདུ་ཤེས་དང་མ་བྲལ་བ། བཟའ་བའི་དམ་ཚིག་ཤ་ལྔ་བདུད་རྩི་ལྔ་ལ་ལོངས་སྤྱོད་པ། བཅང་བའི་དམ་ཚིག་ཏུ་རྡོར་དྲིལ་མཚན་ཉིད་དང་ལྡན་པ་འཆང་བ། བསྲུང་བའི་དམ་ཚིག་ཏུ་སྣོད་བཅུད་ལྷའི་དཀྱིལ་འཁོར་དུ་བལྟ་ཞིང་ལོག་ལྟ་སྤོང་བ་རྣམས་མ་ཉམས་པར་བྱ་བ་དང་། དེ་བཞིན་དུ། གསང་དབང་གི་མཉམ་བཞག་གི་དམ་ཚིག་གཏུམ་མོ་བསྒོམ་པ་རྗེས་ཐོབ་ཀྱི་དམ་ཚིག་གི་ཨ་ཐུང་གི་མེ་མ་བརྗོད་པ། བཟའ་བའི་དམ་ཚིག་གི་བཟའ་བཏུང་ཐམས་ཅད་ཡེ་ཤེས་ཀྱི་བདུད་རྩིར་བྱིན་རླབས་ཏེ་རོལ་བ། བཅང་བའི་དམ་ཚིག་ཞག་རེར་རླུང་ཁ་སྦྱོར་ཉེར་གཅིག་སོགས་མ་ཆགས་པ། བསྲུང་བའི་དམ་ཚིག་ཁམས་བྱང་སེམས་མ་ཉམས་པ་རྣམས་དང་། ཤེས་རབ་ཡེ་ཤེས་ཀྱི་དབང་ཐོབ་ནས་མཉམ་བཞག་གི་དམ་ཚིག །དངོས་སམ་ཡིད་ཀྱི་ཕྱག་རྒྱ་བསྟེན་པ། རྗེས་ཐོབ་

― TR004_Page_0185 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་དམ་ཚིག་བདེ་ཆེན་གྱི་ཉམས་དང་མི་འབྲལ་བ། བཟའ་བའི་དམ་ཚིག་སྙོམ་འཇུག་གི་ཚུལ་དུ་རོལ་བ། བཅང་བའི་དམ་ཚིག་ཀུནྡྷ་བྱང་སེམས་ལ་གཅེས་སྤྲས་བྱ་བ། བསྲུང་བའི་དམ་ཚིག་ཤེས་རབ་རང་བཞིན་མོ་རིག་ལ་ལོག་ལྟ་སྤོང་བ་དང་།། ༈ །།དབྱེར་མེད་བདེ་ཆེན་ཚིག་དབང་རིན་པོ་ཆེའི་མཉམ་བཞག་གི་དམ་ཚིག་ཟུང་འཇུག་བློ་འདས་ཀྱི་དོན་བསྒོམ་པ། རྗེས་ཐོབ་ཡོངས་འཁྲུལ་དུ་མ་ཤོར་བར་ཟུང་འཇུག་གི་ཉམས་དང་མ་བྲལ་བ། བཟའ་བའི་དམ་ཚིག་ཆོས་ཉིད་ལ་ཆོས་ཉིད་རོལ་བ། བཅང་བའི་དམ་ཚིག་དུས་རྟག་ཏུ་ལྟ་སྒོམ་གྱི་གནད་ལས་མ་གཡོས་པར་བྱ་བ་དང་། བསྲུང་བའི་དམ་ཚིག་གང་ཤར་ལ་དགག་སྒྲུབ་ཞེན་འཛིན་གྱིས་མི་བསླད་པ་སྟེ། དེ་ལྟར་དབང་བཞི་ལམ་དུ་ཁྱེར་བའི་དམ་ཚིག་འདི་དག་སྐད་ཅིག་ཀྱང་མ་ཉམས་པར་བསྲུང་ན། གསང་སྔགས་ཀྱི་ཡོན་ཏན་ཐམས་ཅད་ཡོངས་རྫོགས་སུ་རང་གི་རྒྱུད་ལ་སྤུངས་པ་ལྟར་འབྱུང་བས། མྱུར་དུ་སྐུ་བཞིའི་

― TR004_Page_0186 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲས་བུ་མངོན་དུ་འགྱུར་བར་དོན་མི་ཟ་བ་དང་། གནས་སྐབས་དང་མཐར་ཐུག་གི་ཡོན་ཏན་མཐའ་དག་འབད་མེད་ལྷུན་གྲུབ་ཆེན་པོར་འབྱུང་བར་གསུངས་སོ།། ༈ །།དེ་ལྟར་འདི་ཡན་ཆད་ཀྱི་དབང་བཞིའི་སྤྱི་བཤད་བརྡའ་ཚོན་འདི་དག །སྐུ་ཉིད་ལྟ་བུ་ནི་ཆོས་ཀྱི་མཛོད་ལ་མངའ་དབང་འབྱོར་ཚེ་ཚུལ་འདི་དག་སྙན་དུ་གསོལ་བ་ནི་སྤྱན་རས་གཟིགས་ལ་ཡིག་དྲུག་སློབ་པའི་དཔེ་ལྟར་འགྱུར་བར་ཟད་ལ། ཆོས་ལུགས་གཞན་གྱི་གང་ཟག་མཁས་གྲུབ་རྣམས་ནི་རྨོངས་པ་བདག་འདྲའི་བླུན་ཚིག་ཡིག་འཁྱར་འདི་དག་ལ་དགོངས་པ་གཏད་མཁན་ག་ནས་འོང་ཚེ་རང་ཉིད་ཡི་གེའི་ལས་སུ་ཆེ་མོད་ཀྱི།། ༈ །།འོན་ཀྱང་རང་ཕྱོགས་ཀྱི་གྲྭ་སློབ་ཏུ་མིང་བཏགས་པའི་སེར་གཟུགས་སྔགས་ལམ་དུ་ཞུགས་པར་མཁས་འཆེ་ཡང་སྔགས་ཀྱི་ཆོས་ཚུལ་ཤོ་ལོ་ཀ་གཅིག་གི་གོ་གཞི་ཡང་མ་འཇགས་པ་རྣམས་གཏི་མུག་གི་གཉིད་ལས་སློང་རྐྱེན་ཙམ་དུ་གྱུར་ན་ཅི་མ་རུང་བསམ་

― TR004_Page_0187 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་སྐབས་འདིར་བྲིས་པ་ལགས།། ༈ །།ད་ནི་ཁྱད་པར་དུ། སྐུ་ཉིད་ཀྱིས་དོན་དམ་པའི་དབང་གི་ཐོབ་མཚམས་ཀྱི་དྲི་བ་དང་། ཞར་ལ་དབང་གསུམ་པར་སྙད་བཏགས་ནས་བསྟན་པའི་ཞབས་འདྲེན་པ་རྣམས་ཀྱི་སྣང་ཚུལ་དང་བཅས་པ་ཞིབ་རྒྱས་སུ་སྩལ་བའི་ལན་དུ། རང་ཉིད་ཀྱིས་ཇི་ལྟར་གོ་ཚུལ་འགག་བསྡུས་སུ་འབུལ་ཏེ།། ༈ །།དེ་ཡང་སྤྱིར་བསྟན་པ་རིན་པོ་ཆེ་དང་ཁྱད་པར་གསང་སྔགས་རྡོ་རྗེ་ཐེག་པའི་སྒོར་ཞུགས་པར་འདོད་པའི་གང་ཟག་སྙིང་ཐག་པ་ནས་བྱང་ཆུབ་ཐོབ་འདོད་ཀྱི་ངེས་འབྱུང་གི་བསམ་པ་དང་ལྡན་པ་ཞིག་གིས། བླ་མའི་ཟོལ་དང་བདུད་ཀྱི་བསླུ་མཁན་མ་ཡིན་པར། དགེ་བའི་བཤེས་གཉེན་མཚན་ལྡན་ཞིག་ལ། གཡོ་ཟོལ་མེད་པའི་གུས་པ་དང་། སངས་རྒྱས་སུ་ཐག་ཆོད་པའི་དད་པས་བཏུགས་ཏེ། བླ་མས་ཀྱང་བརྙེད་བཀུར་ལ་ལྟ་བ་སོགས་མ་ཡིན་པའི་ལྷག་བསམ་

― TR004_Page_0188 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་རྗེས་སུ་བཟུང་ནས་བློ་རིགས་དང་མཐུན་པར་ལམ་དུ་ཁྲིད་ཅིང་། སྣོད་དུ་རུང་ཞིང་དུས་ལ་བབས་པ་ན།། ༈ །།ཐོག་མར་བུམ་དབང་ལ་དཀྱིལ་འཁོར་དང་ཆོ་གའི་ལས་རིམ་སོགས་རྒྱས་ཀྱང་རུང་བསྡུས་ཀྱང་རུང་སྟེ། གཙོ་བོར་སློབ་མ་དེ་ཉིད་སྣོད་བཅུད་ཕྱི་ནང་ཕྲ་རགས་ཀུན་ལ་ཐ་མལ་ཨ་འཐས་ཀྱི་བག་ཆགས་འཁྲུལ་ཞེན་འདི་ཞི་ཐུབ་པའི་ཐབས་ཁོ་ན་ནན་ཏན་དུ་བྱས་ཏེ་བུམ་དབང་བསྐུར་ཞིང་ངོ་སྤྲད། སློབ་མ་དེ་ཡང་ཁ་ཙམ་ཚིག་ཙམ་མིན་པར་བླ་མས་ཇི་ལྟར་གསུང་པ་བཞིན་སྣོད་བཅུད་ཕུང་ཁམས་སྐྱེ་མཆེད་ཀྱི་བསྡུས་པའི་བརྟན་གཡོའི་དངོས་པོ་མཐའ་དག་ལྷའི་དཀྱིལ་འཁོར་འབའ་ཞིག་ཡེ་གདོད་མ་ནས་ཀྱང་ཡིན་ལ། ད་ལྟ་ཡང་བླ་མ་དང་གདམས་ངག་གི་དྲིན་ལས་བློ་བུར་འཁྲུལ་པའི་སྒྲིབ་བྱེད་སངས་ཏེ། ཕྱི་སྣོད་གཞལ་ཡས་དང་ནང་བཅུད་ལྷའི་དཀྱིལ་འཁོར་ཡིན་པའི་ཡིན་ཚུལ་གོ་ཞིང་། ཁྱད་པར་

― TR004_Page_0189 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་རིག་པའི་དབང་ལྔ་བསྐུར་བས། ཕུང་པོ་ལྔ་རིགས་ལྔ། འབྱུང་བ་ལྔ་ཡུམ་ལྔ། དུག་ལྔ་ཡེ་ཤེས་ལྔ་སོགས་བཟོད་མ་ནས་རང་ལ་རང་ཆས་སུ་གནས་ཚུལ་ཇི་ལྟ་བར་ཤེས་ཤིང་རྟོག་པ་ལ་བུམ་དབང་ཐོབ་པ་ཅེས་བྱ་བ་སྟེ། བུམ་དབང་གི་དབང་དོན་ནི་དེར་འདུས་ཏེ། དོན་དུ་ཕྱི་ནང་སྣོད་བཅུད་ཀུན་ལ་ཐ་མལ་ཨ་འཐས་ཀྱི་ལས་སྣང་དག་ཐུབ་པ་ཞིག་དགོས་ཚེ། དེའི་ཐབས་དང་རྟེན་འབྲེལ་ལ་དགོངས་ནས། དབང་ཆོག་རྣམས་ལས་ཡེ་ཤེས་དབབ་པའི་སྐབས་སོགས་སུ། གཟུགས་ཐ་མལ་གྱི་ཞེན་རྟོག་དགག་པའི་ཕྱིར་མིག་དར་བཅིངས། སྒྲ་ཐ་མལ་གྱི་ཞེན་རྟོག་དགག་ཕྱིར་རོལ་མོ་སྒྲག །དྲི་ཐ་མལ་པ་དགག་ཕྱིར་སྤོས་དང་གུ་གུལ་སོགས་ཡེ་ཤེས་འབེབ་པའི་རྫས་སྦྱོར་གྱི་དུ་བས་བདུག །རོའི་འཛིན་རྟོག་དགག་ཕྱིར་བྱིན་གྱིས་བརླབས་པའི་བདུད་རྩིས་ཁུར་བ་བཀང་། རེག་བྱའི་འཛིན་

― TR004_Page_0190 ―

^{[མ་དཔེ་གཟིགས་ན་འདིར་གནོན།]}

[Full Size]

རྟོག་དགག་ཕྱིར་ལུས་རྣམ་སྣང་ཆོས་བདུན་ནམ། རྡོ་རྗེའི་འདུག་སྟངས་སོགས་ཀྱི་འཁྲུལ་འཁོར་བཅའ། ཡིད་ཀྱི་འཁྲུལ་ཞེན་དགག་པའི་ཕྱིར་ཏིང་འཛིན་དམིགས་པའི་སྤྲོ་བསྡུ་རྣམས་གསལ་བཏབ་ཅིང་། སློབ་དཔོན་གྱིས་ཀྱང་ཏིང་འཛིན་བརྟན་པོས་བྱིན་དབབ་པའི་མཐུས། སློབ་མའི་སྒོ་གསུམ་ཐ་མལ་འཁྲུལ་པའི་སྣང་བ་འདི་དར་ཅིག་འགགས་ནས། རབ་ལ་རང་བྱུང་ལྷན་སྐྱེས་ཀྱི་ཡེ་ཤེས་སྒྲིབ་བྲལ་དུ་འཆར། འབྲིང་དག་སྣང་མོས་གུས་གདུང་ཤུགས་བཟོད་མེད་དུ་སྐྱེ་ཞིང་ཉམས་འབར་བའི་རྣམ་འགྱུར་སྟོན། ཐ་མ་རྣམས་ཀྱང་སྣང་བ་ཟིན་བུན་ནེ་བ་ཙམ་འབྱུང་ཐུབ་པ་ཞིག་ངེས་པར་དགོས་པས་ན། དེ་ལྟར་ཏིང་ངེ་འཛིན་དང་ཐབས་ཀྱི་བྱེ་བྲག་དེ་ལྟ་བུས་སློབ་མའི་རྒྱུད་ལ་དབང་དོན་གྱི་ཡེ་ཤེས་བསྐྱེད་ཅིང་། སྐྱེད་པ་དེ་ཉིད་ངོ་སྤྲད་ནས་བརྟན་པར་བྱ་ཕྱིར་དབང་རྒྱས་བཏབ་སྟེ། དེ་དོན་ལས་མི་འདའ་བར་བྱེད་པ་ཡིན་

― TR004_Page_0191 ―

^{[མ་དཔེ་གཟིགས་ན་འདིར་གནོན།]}

[Full Size]

ལ། དེ་སྐབས་དབང་དོན་ཇི་ལྟ་བ་རྒྱུད་ལ་སྐྱེས་ན། ཀུན་རྫོབ་ཀྱི་དབང་རྫས་རྣམས་མགོར་བཞག་ཀྱང་རུང་མ་བཞག་ཀྱང་རུང་སྟེ། དོན་གྱི་དབང་ལེགས་པར་ཐོབ་པ་ཡིན་པ་དང་། བུམ་དབང་གི་དོན་དེ་བཞིན་རྟོགས་ན། དེའི་གྲོལ་ལམ་བསྐྱེད་རིམ་ཡང་ཀུན་བརྟགས་བློས་བྱས་ཀྱི་བསྐྱེད་སྒོམ་ལ་མ་ལྟོས་ཤིང་དབྱིབས་དང་ཁ་དོག་ལ་ལྷར་འཛིན་པའི་བཟང་ཞེན་ལས་གྲོལ་ཏེ། སྣང་སྲིད་དག་པ་རབ་འབྱམས་སུ་ངང་གི་ཤར་བས། བདག་གཞན། དགྲ་གཉེན། ལེགས་ཉེས་སོགས་ཀྱི་ཆགས་སྡང་ཐམས་ཅད་རང་སར་གྲོལ་བ་ཞིག་འབྱུང་མོད་ཀྱི།། ༈ །།དབང་དོན་འདི་བཞིན་མ་ཤེས་ཕྱིན་ཆད། དཀྱིལ་འཁོར་གྱིས་ཡུལ་ཁམས་ཁེངས་པར་བཤམས་ནས། བུམ་སོགས་ཀྱི་དབང་རྫས་ཁྲི་འབུམ་མང་པོ་མགོར་བཞག་ཅིང་། བུམ་ཆུས་འཁྱེར་ཐུབ་པ་ཙམ་དུ་སྦྱིན་ཡང་། སློབ་མའི་རྒྱུད་ནི་སྔར་ཐ་མལ་པའི་འཇིག་རྟེན་

― TR004_Page_0192 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་འཁྲུལ་འཛིན་གྲྭ་མ་ཉམས་པ་དེ་ཀར་ལུས་པ་ལས་འོས་མེད་ཅིང་། བུམ་དབང་ཙམ་གྱི་དབང་དོན་རྒྱུད་ལ་མ་སྐྱེས་ན། དབང་གོང་མ་རྣམས་བསྐུར་བའི་ཡུལ་དུ་ཡང་མི་རུང་ཞིང་སླར་ཡང་མི་གཤིས། དེ་ལྟ་བུ་དག་ལ་སྨིན་བྱེད་ཀྱི་ས་བོན་མ་ཐེབས་པར་གྲོལ་བྱེད་ཀྱི་ལོ་འབྲས་འབྱུང་རྒྱུ་ག་ལ་འོང་ཚེ། དཔོན་སློབ་གཉིས་ཀ་དོན་མེད་ཀྱི་ལས་སུ་ཟད་ལ། སྟབས་ཉེས་ན་གསང་སྔགས་གསང་སྒྲོག་གི་ཉེས་ལྟུང་དང་བཀའ་ཆད་ཀྱི་རྒྱུ་རྐྱེན་ལས་མ་མཆིས་སོ།། ༈ །།དེ་བས་ན་དེ་ལྟ་བུ་མ་ཡིན་པར། དཔོན་སློབ་སྣོད་བཅུད་ཀྱི་རྟེན་འབྲེལ་འཛོམ་པས། བུམ་དབང་གི་ལུས་སྨིན་ཏེ་ཕུང་པོ་དང་རྩ་ཁམས་དག་ཅིང་དུག་ལྔ་ཡེ་ཤེས་སུ་ཤར་བའི་མཐུས། གསང་དབང་གི་སྣོད་དུ་རུང་བར་གྱུར་པ་དེ་ལ། བླ་མ་ཡབ་ཡུམ་ཀྱི་ལུས་དཀྱིལ་ལ་བརྟེན་ནས་གསང་རྫས་ལྕེ་ལ་བཞག་

― TR004_Page_0193 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིང་དབང་དོན་ངོ་སྤྲད་པས། ངག་ཐ་མལ་གྱི་འཁྲུལ་ཞེན་དག་ནས། གསུང་རྡོ་རྗེ་ལྷུན་གྲུབ་ཏུ་ཡེ་ནས་ཡིན་ཚུལ་རྟོགས་ཚེ། སྒྲ་གྲགས་ཐ་དག་སྔགས་ཀྱི་འཁོར་ལོ་ཤེས་ཤིང་། བཟླས་བརྗོད་སྤྲོ་བསྡུ་དང་། རྡོར་བཟླས་འགོག་བཟླས་སོགས་གང་ལའང་རང་དབང་ཐོབ། གཏུམ་མོ་འབར་འཛག་ཐིག་ལེ་ཞུ་བཏུལ་དབབ་བསྐྱིལ་བཟློག་དགྲམ་ལ་གོམས་པས་མངོན་དུ་གྱུར་པས་ཤེར་དབང་གི་སྣོད་རུང་དུ་གྱུར་པ་དེ་ལ། དངོས་བསམ་ཡིད་ཀྱི་ཕྱག་རྒྱ་ལ་བརྟེན་ནས་དགའ་བཞི་མངོན་སུམ་དུ་འཆར་ཞིང་ཉམས་སུ་མྱོང་དུ་བཅུག་ལ་བདེ་སྟོང་ལྷན་སྐྱེས་ཡེ་ཤེས་ངོ་སྤྲད་པས། དེས་མཚོན་ནས་བདེ་སྡུག་ཚ་གྲངས་འཇམ་རྩུབ་དགའ་མི་དགའ་ཆགས་སྡང་ལ་སོགས་སེམས་ཀྱི་རྟོགས་ཚོགས་མཐའ་དག་ཀྱང་ལྷན་སྐྱེས་ཡེ་ཤེས་སུ་རོ་གཅིག་པར་རྟོགས་ནས་དབང་གསུམ་པའི་དོན་ཇི་བཞིན་རྒྱུད་ལ་སྐྱེས་པས། ཡིད་ཐུགས་རྡོ་རྗེའི་ངོ་བོ་ཡིན་

― TR004_Page_0194 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཡིན་ལུགས་རིག་ཚེ་ཚིག་དབང་གི་སྣོད་རུང་དུ་གྱུར་པ་དེ་ལ། དབང་ཐམས་ཅད་ཀྱི་རྒྱལ་པོ་བདེ་བ་ཆེན་པོའི་དབང་ངམ། ཚིག་དབང་རིན་པོ་ཆེའམ་རྫོགས་ཆེན་རྣམས་སུ་ནི་རིག་པའི་རྩལ་དབང་ཞེས་པའི་མིང་དུ་བརྗོད་པ་དེ་ཉིད་ཚུལ་བཞིན་ངོ་སྤྲད་པས། འཁོར་འདས་ཀྱི་ཆོས་ཐམས་ཅད་སྐུ་བཞི་དབྱེར་མེད་ཡེ་ཤེས་རྡོ་རྗེ་རང་རིག་གཉུག་མ་མ་བཅོས་ལྷུན་གྲུབ་ཁྱབ་གདལ་ཆེན་པོར་ངོ་ཤེས། ཐག་ཆོད་ལ་བཟློས་ཏེ་གཞི་ལམ་འབྲས་གསུམ། ལྟ་སྒོམ་སྤྱོད་གསུམ་སོགས་མདོར་ན་ཆོས་སྒོ་བརྒྱད་ཁྲི་བཞི་སྟོང་ཐམས་ཅད་ཀྱི་གནད་དོན་རྗེན་པ་ད་ལྟའི་ཐ་མལ་གྱིས་ཤེས་པའི་ཐོག་ཏུ་ཧྲིལ་གྱི་འདུས་པའི་དོན་མངོན་སུམ་བདེ་བླག་ཏུ་རྟོགས་ནས། རེ་དོག་གཉིས་འཛིན་དགག་སྒྲུབ་ཀྱི་ཡུལ་ལས་འདས་ཤིང་། གང་ཤར་ཡེ་ཤེས་ཀྱི་རྣམ་རོལ་དུ་བཙན་ས་ཟིན་པར་འགྱུར་བ་སྟེ། དེ་ལྟར་དབང་བཞི་ཚུལ་ལྡན་དུ་བསྐུར་

― TR004_Page_0195 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་ཐོབ་པའི་ཚུལ་ནི་དེ་འདྲ་ཞིག་དགོས་པར་སྣང་ལ། རྙིང་ལུགས་རྫོགས་ཆེན་རྣམས་ལས་ནི། དབང་བཞི་པོ་འདི་དག་རེ་རེ་ལ་ལོ་ཟླའི་བར་དུ་བཅད་དེ་བསྐུར་ཞིང་དབང་དོན་ཉམས་སུ་ལེན་ལུགས་དང་། དེ་ལྟར་བྱས་པས་དབང་བཞི་རྫོགས་པ་དང་སློབ་མ་དེ་གྲུབ་ཐོབ་ཏུ་གྱུར་པ་དུས་མཉམ་དུ་འབྱུང་བར་གསུངས་མོད་ཀྱང་།། ༈ །།དིང་སང་ནི་གསར་རྙིང་གི་གང་ཟག་རྣམས་ལ་ནི་ཅི་ཞུ་གཞན་ཕལ་ཆེ་བ་རྣམས་ནི་གསང་སྔགས་ཀྱི་ཆོས་རྣམས་ལྟོ་ཕྱིར་དང་རྙེད་ཚོལ་གྱི་ཟོང་དུ་བྱེད་དེ། དང་པོ་ནས་སྔགས་ཀྱི་གཞུང་ཚིག་རྣམས་ཁ་ཁྱེར་དང་སྤྲོས་བཅས་ཀྱི་ལག་ལེན་སྒྲིགས་རིམ་ཙམ་ཞིག་ལོབས་ན་དེས་ཆོག་པར་བརྩི་ཞིང་། སྨིན་གྲོལ་དང་བསྐྱེད་རྫོགས་ཀྱི་དོན་དགོས་གལ་ཆེ་བ་རྣམས་ནི་རྣ་བའི་ལམ་དུ་ཐོས་ཀྱང་མ་མྱོང་བཞིན་དུ། ལྟར་སྣང་དུ་སྐད་དང་གདངས་དབྱངས་རོལ་

― TR004_Page_0196 ―

^{[མ་དཔེ་གཟིགས་ན་འདིར་གནོན།]}

[Full Size]

མོ་སོགས་གང་བཟང་མགྲན་ཞིང་། སྦྱིན་བདག་རྣམས་ཀྱི་སར་འགྲོ་ས་གང་རྙེད་དུ་ཕྱིན་ཏེ། བསྔོས་ཤ་དང་ཆང་ལ་གཙོ་བོར་བྱས་པའི་བཟའ་བཏུང་ཡོན་དང་བཅས་པ་ཁོ་ན་དོན་དུ་གཉེར་བ་འབའ་ཞིག་གི་དུས་འདའ་བ་དང་། བདག་འདྲ་བ་བླ་མའི་མིང་དུ་བཏགས་པ་རྣམས་ཀྱང་རང་གི་རྒྱུད་ལ་སྐྱབས་འགྲོ་ཙམ་གྱི་དོན་ཇི་བཞིན་ཤེས་པའང་མེད་རུང་། སྐྱེ་བོ་མགུ་བྱེད་ཀྱི་ཆ་ལུགས་དང་སྤྱོད་ཚུལ་བཅོས་མ་བྱི་ལའི་བརྟུལ་ཞུགས་ལྟ་བུ་ལ་བརྟེན་ཞིང་། ཟང་ཟིང་ཡོང་སྒོ་འབའ་ཤིག་སྙིང་ཁོངས་སུ་བཅངས་ནས། ཆོས་བཤད་དབང་བསྐུར་ཁྲིད་འདེབས། སྡོམ་པ་འབོགས། རབ་གནས་དང་། གཤིན་དོན་ལ་སོགས་ཏེ། མདོར་ན་རྡོ་རྗེ་སློབ་དཔོན་བྱེད་པའི་ནུས་པ་ཅི་ཡང་མེད་བཞིན་རྙེད་འཚོལ་ཁོ་ནའི་ཆེད་དུ། ཕོ་ཟོ་དང་སྤོབས་པས་ཀུན་ནས་བླངས་ཏེ་མི་བྱེད་པའི་སྣ་མེད་པ་ཅིག་བྱས་པའི་འབྲས་བུ་ཟས་

― TR004_Page_0197 ―

^{[མ་དཔེ་གཟིགས་ན་འདིར་གནོན།]}

[Full Size]

ནོར་ཅུང་ཟད་རྙེད་པ་དག་གནས་མིན་གྱི་ཕྱོགས་སུ་ཟགས་པར་བྱེད་པས་མི་ཚེ་འདའ་ཞིང་། རང་འཁོར་འབྲེལ་ཐོགས་དང་བཅས་པ་ཀུན་ཕུང་ལ་སྦྱོར་བ་དང་། ལ་ལ་དག །རང་ལ་ཡིག་དྲུག་འཕྲེང་བསྐོར་རེ་ཙམ་བགྲངས་པའི་ཡོན་ཏན་དང་ནུས་པ་ཡང་མེད་བཞིན་དུ། སྐྱེས་ཆེན་དམ་པ་དེ་ལྟ་བུའི་སྐྱེས་སྤྲུལ་ལམ་གདུང་རྒྱུད་ཁྱད་པར་ཅན་ཡིན་པས། རྡོ་རྗེ་དྲིལ་བུ་འཛིན་ཤེས་པས་ཆོག །འབྲེལ་ཚད་དོན་ལྡན་ཡིན་ནོ་ཞེས་བསྒྲགས་ཏེ། སྔོན་གྱི་གཏམ་རྒྱུད་དུ་བོང་ཤ་འཚོང་ཕྱིར་རི་དྭགས་རྔ་མ་སྟོན་པའི་ལོ་རྒྱུས་སམ། བ་ལ་འོ་མ་མེད་པར་དྲིལ་བུ་བཏགས་ནས་འཚོང་བའི་དཔེ་ལྟར་བྱེད་མཁན་མང་པོ་དང་། ལར་གཞན་ཡང་རྒྱ་གར་དུ་དགྲ་བཅོམ་དང་པཎ་གྲུབ་ཀུན་གྱིས་ནི། ཁྱིམ་པ་སོགས་སྐྱེ་བོ་ཕལ་པ་རྣམས་ལ་ལས་འབྲས་དང་། ཚངས་པའི་གཞི་དང་། བྱམས་དང་ སྙིང་རྗེ་ དགའ་བ་ བཏང་སྙོམས། རྟེན་འབྲེལ་འབྱུང་ལྡོག་

― TR004_Page_0198 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། སྦྱིན་པའི་གཏམ་ལ་སོགས་པའི་ཆོས་ཀྱིས་ཚིམ་པར་མཛད་ཚུལ་མ་གཏོགས། འོ་སྐོལ་བོད་ཀྱི་ལྟར་དབང་བསྐུར་སོགས་བྱས་པའི་ལོ་རྒྱུད་གང་ལས་ཀྱང་མ་བྱུང་མོད་ཀྱི། དིང་སང་བོད་ཁམས་ཀོང་སོགས་འདི་དག་ཏུ་ནི། དགེ་བསྐུལ་དང་འགྲོ་དོན་ཡིན་ཟེར་ནས། སྐྱེ་བོ་ཐ་མལ་ཡི་གེ་ཙམ་ཡང་མི་ཤེས་པ་གང་བྱུང་བྱུང་ལ་དབང་སྦྱིན་དང་ཁྲོམ་དབང་སོགས་བྱེད་ཕྱིར། རྔ་བརྡུང་། དུང་འབུད། འཆམ་བྲོ་སོགས། རྩེད་སྣ་དུ་མ་དང་། མ་ཆོས་དང་ཐབས་ཀའི་ཡོ་ལང་སོགས་ཐབས་དང་གཡོ་ཟོལ་སྣ་ཚོགས་ཀྱི་སྒོ་ནས་སྐྱེ་བོ་བསྡུས་ཏེ། དབང་ཆོས་ཟོང་དུ་བཙོངས་ནས་འབུལ་བསྡུད་དང་ཟས་ནོར་བསྒྲུབས་པ་ལ་བརྩོན་པ་འདི་ལྟ་བུར་དར་ཞིང་། སྐྱེ་བོ་རྣམས་ནི་དབང་གི་སྣོད་དུ་རུང་མི་རུང་དང་དབང་དོན་གྱི་ཡེ་ཤེས་སོགས་ནི་ལྟ་ཞོག །ལྟས་མོ་དང་ཟླ་གྲོགས་ཀྱི་བརྩེད་མོའི་ཞོར་ཕྱིར་དབང་ཞུ་བར་བྱེད་པ་མང་ལ། ལ་ལ་དག་ཅུང་ཟད་དད་པའམ་

― TR004_Page_0199 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་ཉམས་ཡོད་པར་རློམ་པ་རྣམས་ཀྱང་། རང་གི་ནད་གདོན་སེལ་ཕྱིར་རམ། སྐག་དང་མོ་ལུང་རྩིས་ལུགས་ཁེགས་པའི་སླད་དུ་དབང་ཞུ་བར་བྱེད་ཅིང་། དེར་ཡང་བླ་མ་དེས་དབང་གི་བཤད་པ་སོགས་བྱས་ཀྱང་མ་བྱས་ཀྱང་། ཞུ་བ་པོ་རྣམས་ནི་སྣོད་ཀྱི་སྐྱོན་གསུམ་དྲི་མ་དྲུག་གི་འཐུམས་པས་དོན་ནི་ཅི་ཡང་མ་གོ། །དབང་རྫས་མགོ་ལ་བཏུགས་པ་ཙམ་རེ་བྱེད་པ་དེ་དབང་ཡིན་ནོ་སྙམ་པ་ལས། དབང་གྲལ་གྱེས་དུས་བླ་མ་དེས་འདི་ལྟ་བུ་ཅིག་ངོ་སྤྲད་བྱུང་བསམ་པ་ནི་ཚིག་གཅིག་ཀྱང་ཉམས་སྣང་ལ་མ་འཁོར་བར་ཧམ་སང་ངེ་ལོག་འགྲོ་བ་འདི་ལྟ་བུའི་དབང་བསྐུར་དར་མོད་ལ།། ༈ །།ཡང་འགག་ཞིག་གི་བཞེད་ཀྱི། ཕལ་པ་ལ་ཁྲོམ་དབང་སོགས་བྱེད་པ་རྣམས་སྔགས་ཀྱི་དབང་བཞི་ཡོངས་རྫོགས་མིན་ཞིང་། རིག་གཏད་རྗེས་གནང་སོགས་ཡིན་པས་སྐྱོན་མེད་དོ། །ཟེར་ཡང་། རིག་གཏད་སོགས་ཡིན་བཞིན་

― TR004_Page_0200 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་དེ་ཐོབ་ནས་ནི་ལྷ་དེ་ཉིད་ཡི་དུ་བཟུང་སྟེ་བསྙེན་བསྒྲུབ་སོགས་བྱེད་དགོས་པའི་དམ་ཚིག་དང་། དེར་མ་ཟད། དེ་སྐབས་སུ་སྐྱབས་སེམས་དང་རིགས་ལྔའི་སྡོམ་པ་བཟུང་བ་སོགས་ཀྱི་རྗེས་བཟློས་བྱེད་དགོས་ཚེ། ཁྲོམ་དང་སྐྱེ་བོ་ཕལ་པ་དག་ལ་དེ་འདྲའི་སྤང་བླང་ཉམས་ལེན་སོགས་ཀྱི་ཐ་སྙད་ག་ལ་འབྱུང་ཚེ། དེས་ན་འདི་འདྲ་བའི་ཕྱག་སྲོལ་མང་པོ་ཞིག་རང་གཞན་ཀུན་གྱི་བྱེད་མོད་ལར། དམ་པའི་ཆོས་བཙོངས་ནས་ཟ་བ་རྣམས་ལྕགས་ཀྱི་ཐོ་ལུམ་མེ་འབར་བ་ཟ་ཞིང་ཁྲོ་ཆུ་ཁོལ་མ་ཁོང་དུ་འཐུང་བའི་དམྱལ་བར་སྐྱེ་བ་རུ་མདོ་ལས་གསུངས་ན། ད་ལྟའི་ཆོས་པ་རྣམས་སྙིང་སྟོབས་ནན་ལྟར་ཆེས་པར་སྣང་ལ།། ༈ །།ཡང་། གོང་དུ་སྨོས་པའི་དཔོན་སློབ་ཀྱི་འབྲེལ་ཚུལ་དེ་དག་ལས་ཅུང་དྲག་པར་མཛད་བཞེད་པ་རྣམས་ཀྱང་། དབང་བསྐུར་བྱེད་པའི་ཚེ། གསར་མ་བ་རྣམས་ནི་ཆོག་ཁྲིགས་སོགས་ལས་རིམ་མཐའ་དག་གཞུང་

― TR004_Page_0201 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་བཤད་པ་བཞིན་དགོས་པ་ཡིན་གསུངས་ནས། བདག་འཇུག་སོགས་ལས་རིམ་ཁོ་ན་ལ་ནན་ཏན་མཛད། རྙིང་མ་རྣམས་ནི་བྱིན་རླབས་སྔགས་ལ་རག་པ་ཡིན་གསུངས་ནས་འཛབ་བསྙེན་ལ་གཙོ་བོར་མཛད་པའི་ཕྱག་སྲོལ་འདུག་རུང་། རང་ཉིད་ཀྱི་བླུན་ཚོད་ལ་ནི། དེ་ཐམས་ཅད་འཛོམ་དགོས་པ་ཡང་བཞིར་བཅས་ཏེ། ཁྱད་པར་དུ་ནི། བླ་མའི་བྱིན་རླབས་དང་སློབ་མའི་མོས་གུས་འཛོམ་པའི་མཐུ་ལ་བརྟེན་ཏེ་བྱིན་རླབས་ཞུགས་ཤིང་དབང་དོན་ངོ་ཕྲོད་པ་ཁོ་ན་གལ་ཆེ་བར་གོ་ཞིང་། དེ་ལྟ་བུའི་བྱིན་རླབས་ཤིག་ཞུགས་ན་གནས་སྐབས་ཀྱི་རྫས་དབང་འདི་ལྟ་བུ་བསྐུར་མ་བསྐུར་གཅིག་པུ་ལ་མ་རག་པར་སྣང་སྟེ། དཔེར་ན།། ༈ །།ཏིལླི་པས་ན་རོ་ལ་རས་ཡུག་མེ་སྟག་གི་བསྲེག་པ་སོགས་ཀྱི་བརྡའ་བཅུ་གཉིས་བསྟན་པའི་མཐུས་དབང་བཞིའི་དོན་མངོན་དུ་མཛད་

― TR004_Page_0202 ―

^{[མ་དཔེ་གཟིགས་ན་འདིར་གནོན།]}

[Full Size]

ཚུལ་དང་།། ༈ །།མཁའ་འགྲོ་གསང་བ་ཡེ་ཤེས་སམ། ཉི་ཟླ་དངོས་གྲུབ་ཅེས་ཀྱང་བྱ་བ། གཅོད་ཡུལ་རྒྱུད་པའི་སྐབས་སུ་ནི་སུ་ཁ་སིདྡྷིར་གྲགས་ཤིང་། རྙིང་ལུགས་སུ་ནི་མཁའ་འགྲོ་ལས་ཀྱི་དབང་ཆེན་ཞེས་གྲགས་པ་དེས། གུ་རུ་པདྨ་འབྱུང་གནས་ལ་དབང་བསྐུར་ཚེ། གུ་རུ་ཉིད་ཡི་གེ་ཧཱུྃ་ཞིག་ཏུ་བསྒྱུར་ནས་མཁའ་འགྲོས་ཞལ་དུ་བཞེས། སྐུའི་དབྱིབས་རྒྱུད། གསང་བའི་པདྨོར་ཕྱུངས་པས་དབང་བཞི་ཡོངས་རྫོགས་སུ་ཐོབ་སྟེ་ཕྱག་རྒྱ་ཆེན་པོ་མཆོག་གི་གྲུབ་པ་བརྙེས་ཚུལ་དང་།། ༈ །།གུ་རུ་ཉིད་བོད་ཡུལ་ནས་ལྷོ་ནུབ་ཏུ་གཤེགས་ཁར་བསམ་ཡས་ཧས་པོའི་རིར་ལྷ་སྲས་རྗེ་འབངས་ལྔ་ལ་ཟབ་ཆོས་པདྨ་སྙིང་ཏིག་གནང་ཚེ། སྐད་ཅིག་ལ་གནས་དེ་ཉིད་བདེ་བ་ཅན་གྱི་ཞིང་ཁམས་སུ་སྤྲུལ་ནས། འོད་ཟེར་སྤྲོ་བསྡུའི་དབང་གནང་བས་སྨིན་པར་མཛད་ཚུལ་སོགས་དང་། གཞན་ཡང་། མངའ་བདག་མཻ་ཏྲི་པས་དཔལ་ཤ་ཝ་རི་དབང་ཕྱུག་ལུས་སྲོག་

― TR004_Page_0203 ―

^{[མ་དཔེ་གཟིགས་ན་འདིར་གནོན།]}

[Full Size]

དང་བརྡོས་ནས་བཙལ་ཞིང་མཇལ་བའི་ཚེ་ཕྱག་སྤྱི་བོར་བཞག་པ་ཙམ་གྱིས་རྒྱུད་སྨིན་གྲོལ་དུ་གྱུར་ཚུལ་དང་། གྲུབ་ཐོབ་ཁྱུང་པོ་རྣལ་འབྱོར་ལ་མཁའ་འགྲོ་ནེ་གུ་མས་གསང་ཆབ་ཀ་པཱ་ལ་གང་བླུད་ཅིང་སྡིག་འཛུབ་སྙིང་ཁར་གཏད་པས་དབང་དོན་མངོན་དུ་གྱུར་པ་དང་།། ༈ །།གྲུབ་ཐོབ་ཨོ་རྒྱན་པ་ལ་རྡོ་རྗེ་རྣལ་འབྱོར་མ་སྨས་འཚོང་མའི་གཟུགས་ཀྱིས་ཐུག་པ་ཕོར་གང་སྦྱིན་པས་དབང་དོན་རྟོགས་པ་དང་། གཏེར་བཏོན་གུ་རུ་ཆོས་དབང་གིས་བལ་པོ་བྷ་རོ་གཙུག་འཛིན་ལ་དྲི་ཆེན་སྤྱི་བོར་བཞག །དྲི་ཆུ་ཁ་རུ་བླུད་པས་ཟག་མེད་ལྷན་སྐྱེས་ཡེ་ཤེས་ལ་ཞག་བདུན་དུ་གནས་ཤིང་གྲོལ་བའི་ལོ་རྒྱུས་དང་།། ༈ །།མཁས་གྲུབ་སྐྱོ་ཤས་སྟོན་པས་མ་གཅིག་ལབ་ཀྱི་སྒྲོན་མ་དབང་གྲལ་ནས་བཏོན་ཏེ་བརྡུང་ཞིང་དྲུད་དེ་ཆུ་ནང་དུ་ཕུལ་བརྡེག་བྱས་པ་ལས་དབང་གི་

― TR004_Page_0204 ―

^{[མ་དཔེ་གཟིགས་ན་འདིར་གནོན།]}

[Full Size]

ཡེ་ཤེས་མངོན་དུ་གྱུར་ནས་བརྩིགས་པ་ལ་ཟངས་ཐལ་དུ་བྱོན་ཚུལ་དང་།། ༈ །།ཞི་བྱེད་རྒྱུད་པའི་དམ་པ་སྒོམ་སྨོན་གྱི་འཆུས་པ་དར་བརྩོན་ལ་ཇ་ཕོར་པ་གང་དང་ཕྱེ་རྐྱལ་པ་ཞིག་གནང་ནས་དབང་བསྐུར་གྱི་དོད་པོ་ཡིན་གསུངས་པས་བླ་མ་དང་རྟོགས་པ་མཉམ་པའི་བྱིན་རླབས་ཞུགས་ཚུལ་སོགས། འདི་འདྲ་བའི་ལོ་རྒྱུས་བརྗོད་ལས་འདས་པ་འབྱུང་ཕྱིར། དབང་གི་གཙོ་བོ་ནི་བྱིན་རླབས་ཞུགས་ཏེ་ཡེ་ཤེས་རྒྱུད་ལ་ཤར་བ་ཞིག་གལ་ཆེ་བར་སྣང་ངོ་། དེས་ན་དིང་སང་གི་སྐབས་སུ་ནི་རྒྱུད་ནས་གསུངས་པའི་གནས་ཀྱི་མཚན་ཉིད་དང་སློབ་དཔོན་སློབ་མའི་མཚན་ཉིད་སོགས་ཚང་མི་ཚང་དང་། སློབ་མ་གྲངས་ངེས་དགོས་མི་དགོས་སོགས་ཀྱི་སྐབས་དོན་ནི་བརྗོད་པའི་དོན་ཡང་མ་མཆིས་པ་འདི་འདྲ་དང་། དབང་དོན་དང་དེའི་ལམ་ཉམས་སུ་ལེན་ཚུལ་དང་། དམ་ཚིག་གི་རིམ་སོགས་ཐམས་ཅད་དཔེ་ཆའི་ལོག་མ་

― TR004_Page_0205 ―

^{[མ་དཔེ་གཟིགས་ན་འདིར་གནོན།]}

[Full Size]

ལུས་ཤིང་། དཔོན་སློབ་ཐམས་ཅད་གང་དགའ་གང་སྐྱིད་ལོངས་སྤྱོད་གང་ཆེ་བྱས་ཆོག་པ་འདི་འདྲའི་དུས་ན། འོ་སྐོལ་གཉིས་ཀྱི་དབང་གི་གསུངས་གླེང་འདི་དག་གཞན་གྱི་ཐུགས་ལ་ཟུག་རྔུ་སློང་རྐྱེན་ལས་སྤྲོས་པ་ཞིག་མི་ཡོང་བར་གདའ་ལགས་ཏེ།། ༈ །།གང་ལྟར་དགོས་དོན་ལ་བུམ་དབང་ཐོབ་པས་ཕུང་ཁམས་ལྷར་སྨིན་ཅིང་བསྐྱེད་རིམ་གྱི་བརྡ་དོན་ཚུལ་བཞིན་ཤེས་ནས་ཉམས་སུ་བླངས་པས་སྤྲུལ་སྐུའི་ས་བོན་ཐེབས། གསང་དབང་ཐོབ་ནས་རླུང་འབྱིན་འཇུག་ནས་གསུམ་སོགས་སྔགས་སུ་རྟོགས་ཤིང་ཉམས་སུ་བླངས་པས་ལོངས་སྐུའི་ས་བོན་ཐེབས། ཤེར་དབང་ཐོབ་ནས་ཡིད་ཀྱི་བྱུང་ཚོར་རྟོགས་ཚོགས་ཆོས་ཉིད་དུ་ཤར་ཞིང་ལྷན་སྐྱེས་ཡེ་ཤེས་བསྐྱངས་པས་ཆོས་སྐུའི་ས་བོན་ཐེབས། ཚིག་དབང་ཐོབ་པས་འཁོར་འདས་མཉམ་ཉིད་དུ་ཐག་ཆོད་དེ་ཟུང་འཇུག་བློ་འདས་ཀྱི་ངང་

― TR004_Page_0206 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་མ་གཡོས་བར་ཉམས་ལེན་ཆུ་བོའི་རྒྱུན་བཞིན་བསྐྱངས་པས། དབྱེར་མེད་ངོ་བོ་ཉིད་སྐུའི་གོ་འཕང་རབ་ཚེ་འདི་འབྲིང་བར་དོ་སོགས་སུ་འགྲུབ་ཅིང་། སྨོན་ལམ་ཐུགས་རྗེའི་སྤྲུལ་པས་མཁའ་མཉམ་འགྲོ་བའི་དོན་རྩོལ་མེད་ལྷུན་གྲུབ་ཆེན་པོར་འབྱུང་བ་ཉིད་དོ།། ༈ །།དེ་ཡང་ཁྱད་པར་དབང་གསུམ་པའི་སྐབས་དོན་ཟུར་གསལ་དུ་འབུལ་བ་ནི། དེ་ཡང་འདི་སྐབས་ཉིད་ཀྱིས་ཐབས་ཤེས་དང་སྣང་སྟོང་སོགས་ཀྱི་ལུང་དོན་དང་། སེམས་ཉིད་སྤྲོས་བྲལ་ནི་རྡོ་རྗེ་ཕག་མོའི་ཤེས་རབ་ཕར་ཕྱིན་སོགས་བཟོད་མ་ནས་ལྷུན་གྱི་གྲུབ་ཕྱིར་གནས་སྐབས་གཉིས་སྦྱོར་གྱི་བདེ་བ་སོགས་ལ་ལྟོས་མི་ལྟོས་ཀྱི་དྲི་བ་གནང་བའི་ཆ་ལ།། ༈ །།སྤྱིར་དབང་བཞི་གའི་རྒྱུའམ་ས་བོན་རང་རྒྱུད་ལ་རྡོ་རྗེ་བཞིའི་ངོ་བོར་བཞུགས་ཚུལ་གོང་དུ་བཤད་པ་ལྟར་དང་། དེའི་ཕྱིར། ས་ལུགས་ལམ་འབྲས་གསུམ་

― TR004_Page_0207 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་དབང་གི་རྣམ་དབྱེ་མཛད་པའི་དོན་ཡང་འདི་ཡིན་མོད་ཅིང་། རྒྱུའམ་གཞི་རང་ལ་ཡོད་ཀྱང་ལྷན་སྐྱེས་ཀྱི་སྒྲིབ་པས་བསྒྲིབས་ནས་རང་གཞན་རང་གིས་མ་མཐོང་བ་དེ་ལ། བླ་མས་སྨིན་གྲོལ་གཉིས་ཀྱི་སྒོ་ནས་ངོ་སྤྲད་པས་རང་བྱུང་གི་ཡེ་ཤེས་རང་གསལ་དུ་བྱེད་པ་ཡིན་ཕྱིར། དབང་གསུམ་པའི་བསྐུར་ཐོབས་ཀྱང་། སྔགས་ཀྱི་དབང་གཞུང་ཕལ་ཆེར་དུ་ནི་འདོད་ཁམས་པའི་སེམས་ཅན་ལ་ཉོན་མོངས་པ་ཀུན་གྱི་ནང་ནས་འདོད་ཆགས་འབའ་ཞིག་ཤས་ཆེ་བས། འདི་ཐབས་ཀྱི་ལམ་དུ་མ་ལྷོངས་ན་འཁོར་བའི་རྩ་བ་ཡིན་ཕྱིར། ཉན་ཐོས་ཀྱི་ཐེག་པ་སོགས་སུ་སྤོང་བ་ལམ་བྱེད་ཀྱི་རྒྱུའི་གཙོ་བོར་གསུངས་པ་ཡིན་ལ། དབང་རྣོན་སྔགས་ཀྱི་ལམ་ཞུགས་རྣམས་ལ་ནི། ཇི་སྐད་དུ། ཇི་ལྟར་མེ་ཡིས་ཚིག་པའི་རྨ། མེ་ཉིད་ལ་ནི་སྲོ་བར་བྱ། ཇི་ལྟར་རྣ་བར་

― TR004_Page_0208 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུ་ཞུགས་པ། །ཆུ་གཞན་གྱིས་ནི་དགུག་པར་བྱ། ཞེས་པ་དཔེར་མཛད་ནས། །འདོད་ཆགས་ཉིད་ཀྱི་འདོད་ཆགས་དག །ཅེས་གསུངས་པའི་དགོངས་པ་ལྟར་ཆགས་ལམ་གྱི་གདམས་པ་ཟབ་མོ་ཇི་སྙེད་པ་རྒྱུད་སྡེ་དང་གསར་རྙིང་གི་མན་ངག་རྣམས་ལས་འབྱུང་མོད་ཀྱི། དེ་དག་གི་ཉམས་ལེན་གྱི་སྣོད་དང་སྐལ་བ་ཅན་དག་ལ་དགོངས་ཏེ། གསུམ་པའི་དབང་གི་བསྐུར་ཐབས་ཀྱང་རྒྱས་པར་གསུངས་པས་ན། གང་ཞིག་ལམ་དེར་ཞུགས་འདོད་ཐུན་མོང་མ་ཡིན་པ་དག་གིས་ནི། དང་པོར་བླ་མ་ཡང་ལམ་འདི་ཉིད་མངོན་གྱུར་ངེས་ཞིག་ལ་བསྟེན་ཏེ། བུམ་དབང་གི་ལུས་སྐྱངས་པ་རབ་ཏུ་གྱུར་རྗེས་གསང་དབང་གི་ལག་ལེན་ཚུལ་བཞིན་གཏན་ལ་ཕབས་ནས་ཐོབ་ངེས་སུ་བྱས་ལ་རྩ་རླུང་ཁམས་གསུམ་གྱི་ནུས་པ་རྟགས་ཐོན་དང་རང་ལུས་ཀྱི་ཡོན་ཏན་མཐར་ཕྱིན་ཚེ་ཤེར་དབང་ཞུས་ཏེ། ཡས་བརྟན་དང་མས་བརྟན་གྱི་དགལ་

― TR004_Page_0209 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི་ངོ་འཕྲོད་དེ་ལྷན་སྐྱེས་ཡེ་ཤེས་ལ་དབང་ཐོབ་པ་ཞིག་ལ་ནི་ཚིག་དབང་རིན་པོ་ཆེ་ཡང་བསྐུར་ལས་སླ་བར་འབྱུང་མོད་ཀྱི།། ༈ །།འདི་སྐབས་ཀྱི་དཔེ་དང་དོན་གྱི་ཡེ་ཤེས་ངོས་འཛིན་ཚུལ་ལ་ནཱ་རོ་མཻ་ཏྲི་གཉིས་ཀྱང་བཞེད་པ་ཐ་དད་དང་། བོད་དུ་ཡང་ས་ཀར་གཉིས་དགག་སྒྲུབ་མཛད་ཚུལ་སོགས་མཆིས་མོད་ཀྱི། རང་གི་གོ་ཚུལ་ནི། སྐབས་འདིར་སྙོམ་འཇུག་གི་བདེ་བའི་ཡེ་ཤེས་ཀྱི་མཚན་ནས། ཚོར་བ་མཐའ་དག་ལྷན་སྐྱེས་ཡེ་ཤེས་སུ་རོ་སྙོམས་པ་ཞིག་དགོས་པར་སེམས་ཏེ། དེ་ལྟར་མ་རྟོགས་ན་བདེ་བ་ལྷན་སྐྱེས་སུ་ཤར་ཡང་སྡུག་བསྔལ་དང་ན་ཚ་སོགས་ལྷན་སྐྱེས་སུ་མི་འཆར། དེ་མ་ཤར་ན་རྟོག་ཚོགས་ཐམས་ཅད་ཆོས་ཉིད་དུ་ངོ་སྤྲོད་ཐབས་མི་འབྱུང་བས། །དབང་གསུམ་པའི་དགོས་པ་སྟོར་བར་འགྱུར་ཞིང་། གསུམ་པའི་དོན་མ་ཤར་ན་བཞི་པ་ཡང་ག་ལ་ཐོབ་སྟེ། དེས་ན་ཅིར་

― TR004_Page_0210 ―

^{[མ་དཔེ་གཟིགས་ན་འདིར་གནོན།]}

[Full Size]

སྣང་ཅི་ཤར་ཐམས་ཅད་ལྷན་སྐྱེས་ཡེ་ཤེས་སུ་སྨིན་པ་ཞིག་དགོས་པ་དང་། དེ་ལྟར་གྱུར་ཚེ་སྙོམ་འཇུག་གི་བདེ་བའི་ཉམས་ལེན་གཅིག་བུ་ལ་ལྟོས་མི་དགོས་པ། སྣང་བ་ཡབ་ལ་སྟོང་པ་ཡུམ་སོགས་ཀྱི་ཚིག་དོན་མཐུན་པ་འགྲོ་ཞིང་། དེ་ཡང་ན། ཞང་རིན་པོ་ཆེ་ཐབས་ལམ་གྱི་ཉམས་རྟོགས་མཐར་སོན་པས། ཞབས་ལ་ཚེར་མ་ཟུག་པའམ། དབུ་བྲག་ཕུག་ལ་ཐུག་པ་སོགས་ཐམས་ཅད་བདེ་སྟོང་ལྷན་སྐྱེས་སུ་ཤར་ཚུལ་གྱི་ལོ་རྒྱུས་ལྟ་བུར་དགོས་པར་གོ་ལ། དེའི་ཕྱིར་ནཱ་རོ་པ་དཀའ་ཆེན་བཅུ་གཉིས་སྤྱད་པའི་ནང་ཚན་གྱི། ཏེ་ལོ་པས་གསང་རྡོར་རྡོ་བས་བརྡུངས་པའི་ཚུལ་གྱི་དགོངས་དོན་ཡང་འདིར་གདའ་མོད།། ༈ །།དེས་ན་ཆགས་ལམ་པ་ཚུལ་ལྡན་རང་ཞིག་ཡིན་ན། བྱང་སེམས་དཀྱིལ་བཟློག་འགྲམ་པ་ལ་རང་དབང་ཐོབ་དགོས་པ་ཡང་སྨོས་ཅི་དགོས་ཏེ། རླང་ནུས་སོགས་ཀྱི་དེ་ཙམ་ནུས་

― TR004_Page_0211 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ནི་སླ་མོད་ཀྱང་། དེ་ལས་ཁག་ཆེ་བ་འདོད་ཆགས་སོར་རྟོགས་ཡེ་ཤེས་སུ་བྱེད་ནུས་པ་ཞིག་ཁོ་ན་མ་བྱུང་ན་ཐབ་ལམ་སར་མི་འགྲོ་ཞིང་། མདོ་སྔགས་གཉིས་ཀའི་རྩ་ལྷུང་བསྒྲུབ་པར་འགྱུར་ནའང་། དིང་སང་ནི། ཉིད་ཀྱི་གསུངས་བཞིན་མདོ་སྔགས་གཉིས་ཀ་དང་། འཇིག་རྟེན་གྱི་ཚུལ་ལུགས་ཐམས་ཅད་དང་འགལ་བའི་སྤྱོད་རྩིངས་པ་མང་པོས་ཤཱཀྱའི་བསྟན་ལ་རྨ་འབྱིན་ཅིང་། ཁྱད་པར་འགའ་ཞིག་གིས་རླུང་ནུས་ཅུང་ཟད་ཙམ་ཐོབ་ནས་རྒྱབ་ཐུར་མདུན་ཐུར་དང་རྡོ་རྗེ་ཆུ་འཐུང་སོགས་སྐྱེ་བོ་མང་པོའི་ཁྲོད་དུ་ལྟད་མོ་སྟོན་རྒྱུར་བྱེད་པ་ཐོས་པས། དེ་དག་ན་རང་ཉིད་དང་བླ་མ་དང་ཆོས་དང་བཅས་པ་ཐམས་ཅད་ཆུ་བོར་འཕངས་པར་མ་ཟད། གསང་སྔགས་ཅེས་པའི་མིང་ཉིད་ཀྱང་ཐལ་བའི་རྡུལ་དུ་རླག་པར་བྱས་པ་ཉིད་དུ་ཟད་དོ། །ལར་ཡང་། དབང་གསུམ་པའི་ཉམས་ལེན་ཇི་ལྟ་བ་ཚུལ་བཞིན་

― TR004_Page_0212 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུད་ལ་ཁེལ་ན། བྱང་སེམས་འབབས་པའི་རྩ་སོ་གཉིས་དྭངས་པས་སངས་རྒྱས་ཀྱི་མཚན་སོ་གཉིས་འགྲུབ་པ་དང་། རང་བཞིན་བརྒྱད་ཅུའི་རྟོག་ཚོགས་དག་པས་དཔེ་བྱད་བརྒྱད་ཅུ་དང་། གསང་རྡོར་སྦུབས་སུ་ནུབ་པས་གཙུག་ཏོར་དང་། གདོས་བཅས་དག་པས་འཇའ་ལུས་སོགས་མདོར་ན་ཁ་སྦྱོར་ཡན་ལག་བདུན་ལྡན་གྱི་འགྲུབ་ཚུལ་དག་གསར་རྙིང་གི་རྒྱུད་ལུང་མན་ངག་རྣམས་སུ་རྒྱས་པར་འབྱུང་ཞིང་། ཏིལླི་ནཱ་རོ་བིར་ཝ་པ་སོགས་གྲུབ་ཐོབ་ཕལ་ཆེར་ཡང་དང་པོར་འདུལ་འཛིན་གྱི་པཎ་ཆེན་མཛད་ཅིང་། མཐར་ལམ་འདི་དག་གི་སྒོ་ནས་གྲུབ་པ་རྙེས་ཚུལ་དང་། བྲམ་ཟེ་ཆེན་པོ་ས་ར་ཧ་ཡང་པཎ་ཆེན་ལྔ་བརྒྱའི་མཁན་པོ་མཛད་རྗེས་མདའ་མཁན་མོ་ཕྱག་རྒྱར་བཞེས་ནས། ཁ་སང་ཕན་ཆད་དགེ་སློང་མིན། དེ་རིང་ཚུན་ཆོད་དགེ་སློང་ཡིན། ཞེས་སོགས་གསུངས་པ་དང་། རྙིང་མའི་ཡང་། གུ་རུ་རིན་པོ་ཆེ་

― TR004_Page_0213 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིད་ཀྱིས་གཙོ་མཛད་པའི་རིག་འཛིན་གྲུབ་ཐོབ་ཐམས་ཅད་ལམ་ཟབ་འདི་ལྟ་བུ་ལ་རྟེན་ནས་འཇའ་ལུས་རྡོ་རྗེའི་སྐུ་བརྙེས་པ་མཐའ་ཡས་མོས་ཀྱང་། སྙིགས་དུས་ཡང་མཐའི་སྐབས་འདི་འདྲའི་གང་ཟག་རྣམས་ཀྱི། འདུལ་འཛིན་པར་རློམ་པ་རྣམ་ནི། བསླབ་གཞི་ཕྲ་མོ་དག་བརྩོན་བཙོན་ལྟར་བྱེད་ཀྱང་སྡོམ་པའི་རྩ་བ་གལ་ཅན་རྣམས་ཀྱི་སྤང་བླང་ནི་གོ་ལོག་ཁོ་ན་བསྒྲུབ་པ་དང་། སྔགས་ལམ་པ་ཡིན་པར་ཁས་འཆེ་བ་རྣམས་ནི་འཇིག་རྟེན་སྐྱེ་བོ་ཕལ་པ་ལས་བརྒྱ་འགྱུར་གྱིས་ལོད་པའི་སྤྱོད་པ་འབའ་ཞིག་གིས་དུས་འདའ་བ་མ་གཏོགས། མདོ་སྔགས་ཐ་དད་དང་ཟུང་འཇུག་གང་གི་ཚུལ་མཐུན་པ་ཞིག་ནི་ཕྱོགས་གང་དུ་ཡང་ཨུ་དུམ་ཝ་རའི་མེ་ཏོག་ལྟར་དཀོན་ནའང་། ལོག་འཚོ་ལྔ་ལ་ཧབ་ཐོབ་བྱེད་མཁན་གྱི་ཆོས་གཟུགས་ཟོལ་མ་ནི་གྲོག་ཚང་ཁ་ཕྱེས་པ་ལྟར་སྣང་ཚེ། ཡིད་ཀྱི་ཁྱིའུ་སྐྱོ་བའི་མལ་

― TR004_Page_0214 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་ཉལ་བ་ལས་གཞན་པའི་ཐབས་དང་བྲལ་བར་གྱུར་ཏོ།། ༈ །།ཡང་འོ་ན་གསང་སྔགས་དབང་གསུམ་པ་འདི་ཞུ་བདེ་ལྷན་སྐྱེས་ཁོ་ན་མ་བརྟེན་པ་མ་གཏོགས་གཞན་བསྐུར་ཐབས་མེད་པ་ཡིན་ནམ་ཞེ་ན་མ་ཡིན་ཏེ། གསང་སྔགས་ནི་ཐབས་ཟབ་པ། ཐབས་མང་བ་ཐབས་མྱུར་བ། ཐབས་རྒྱ་ཆེ་བ་ཡིན་ཚེ། དབང་གསུམ་པའི་བརྡ་ཐབས་ཀྱང་རིགས་མང་ཞིང་། གསར་མའི་དབང་མཆོག་མང་པོར་མེ་ལོང་སིནྡྷུ་རའི་དཀྱིལ་འཁོར་ལ་བརྟེན་པ་སོགས་དང་། དེ་བཞིན་རྙིང་ལུགས་ལའང་ཐབས་ཀྱི་བྱེ་བྲག་མང་སྟེ། ཞུ་བདེ་ལྷན་སྐྱེས་ལ་བརྟེན་པའི་བརྡའ་ཐབས་ཀྱང་། བྱེ་བྲག་གཟུངས་མའི་གཟུགས་ཀྱི་རྩ་ཀ་ལིའམ། དྲིལ་བུའམ། ཆོས་འབྱུང་སོགས་ལ་བརྟེན་ནས་བསྐུར་ཐབས་དང་། ཡང་། ཀུན་རྫོབ་བྱང་སེམས་དང་བདེ་སྟོང་ལ་མི་བརྟེན་པར་དོན་དམ་བྱང་སེམས་ཀྱི་དཀྱིལ་འཁོར་ལ་བརྟེན་ཞིང་། ཤེལ་དང་མེ་ལོང་སོགས་ཀྱི་དབང་རྫས་

― TR004_Page_0215 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་བརྟེན་ནས་ངོ་སྤྲད་པས་གསལ་སྟོང་ངམ། རིག་སྟོང་ཟུང་འཇུག་གི་ཡེ་ཤེས་ལ་མངོན་སུམ་མཛུབ་ཚུགས་སུ་ངོ་སྤྲད་པའི་ཐབས་ཀྱི་རིམ་པ་ཡང་དུ་མ་འབྱུང་བ་དང་། དེ་དག་གི་ཡན་ལག་ཏུ་གཟུགས་ལེགས་མི་ལེགས་གཉིས་བཤིབས་ཏེ་བལྟར་བཅུག་ནས་གཉིས་མེད་དུ་ངོ་སྤྲད། དེ་བཞིན་སྒྲ་བསྙན་མི་སྙན་སོ་སོར་བསྒྲག་པ་དང་། སྤོས་དང་ཤ་རུལ་གྱི་དྲི་སོགས་དང་། བུ་རམ་དང་མཁྲིས་པ་སོགས་ཀྱི་རོ་དང་། དར་དང་རེ་ཚལ་གྱི་རེག་བྱ་སོ་སོར་ལུས་ལ་དྲུད་ནས་ངོ་སྤྲོད་འདེབས་པ་སོགས་རྒྱ་ཆེར་ཡོད་མོད་ལ། ཁྱད་པར་དབང་གཞུང་ཕལ་ཆེར་དུ་ནི་དབང་གོང་མ་ཐམས་ཅད་ལ་མཚན་བཅས་ཀྱི་དབང་རྫས་མི་དགོས་པ་མང་ཞིང་། གཞན་ཡང་གཏོར་མ་ཙམ་ལ་བརྟེན་ནས་དབང་བཞི་ཡོངས་རྫོགས་བསྐུར་ཐབས་སོགས་ཀྱང་བསམ་ལས་འདས་ཕྱིར། དོན་དམ་པར་ནི། གོང་དུ་ཡང་ཡང་སྨོས་པ་

― TR004_Page_0216 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟར། བྱིན་རླབས་ཀྱི་ཡེ་ཤེས་འཆར་ཐུབ་པ་ཞིག་གལ་ཆེ་བས་ན། དབང་གསུམ་པ་ཡང་བསྐུར་ཚུལ་ཙམ་གང་ལ་བརྟེན་ཀྱང་དགོས་དོན་ནི་ཡིད་སྒྲིབ་དག་ཅིང་རྟོགས་ཚོགས་ཆོས་ཉིད་དུ་ཤར་ཏེ་ཆོས་སྐུའི་ས་བོན་ཐེབས་པ་ཉིད་ལགས་མོད་དེ། ཇི་སྐད་དུ། ཞི་བྱེད་ཀྱི་རྒྱུད་ལས་བརྗོད་བྲལ་ལྷན་ཅིག་སྐྱེས་པའི་ཡེ་ཤེས་ཉིད། །ཚོགས་བསགས་སྒྲིབ་པ་དག་པའི་ལག་རྗེས་དང་། །རྟོགས་ལྡན་བླ་མའི་བྱིན་རློབས་ཁོ་ན་ལས། །ཐབས་གཞན་བརྟེན་ན་རྨོངས་པར་ཤེས་པར་བྱ། །ཞེས་གསུངས་པ་ཉིད་དོ།། ༈ །།དེས་ན་དིང་སང་གི་སྨིན་གྲོལ་གྱི་ལམ་སྟོན་པ་པོ་ཕལ་ཆེར་གྱི་རྣམ་ཐར་ནི། རྗེ་ཀརྨ་པ་བརྒྱད་པའི་གསུངས་ལས། རི་ཁྲོད་དབེན་པའི་ཤེས་པ་ཡེངས་སུ་བཅུག །སུ་རཱུ་པ་ཡི་ལག་ལེན་འཁྲུལ་མེད་ཙམ། །མི་ཤེས་བཞིན་དུ་ནག་པོ་ཆེན་པོ་ཡི། །གཏོར་མ་འབུལ་བ་ཙམ་ཞིག་བྱེད་པ་ལ། །རྡོ་རྗེ་འཛིན་པར་རློམ་པ་སྨྱོན་པ་

― TR004_Page_0217 ―

^{[མ་དཔེ་གཟིགས་ན་འདིར་གནོན།]}

[Full Size]

དངོས། །མ་ཎི་ཙམ་ཞིག་ཁ་བཏོན་བྱེད་ན་ཡང་། །རྒྱུད་སྡེ་བཞི་པོ་གང་གི་ཆོ་ག་དང་། །མཐུན་པར་མ་གྱུར་བཟླས་ཀྱང་ཕན་ཡོན་ཆུང་། ཞེས་སོགས་དང་། །ཟན་ཤོས་རེ་ཙམ་མགོ་ལ་བཞག་བྱས་ནས། །སྐུ་གསུང་ཐུགས་ཀྱི་བྱིན་གྱིས་རློབས་ཅིག་ཅེས། །དེ་འདྲ་དབང་བསྐུར་ཉིད་དུ་རློམ་པ་མང་། །ཞེས་གསུངས་པ་བཞིན་ཤ་སྟག་དང་། གཞན་ཡང་། སྤྱོད་པ་ཅི་དགར་བྱེད་པ་ལ་བརྟུལ་ཞུགས་སུ་མིང་བཏགས་པ་དང་། ཟང་ཟིང་འཚོལ་ཐབས་ལ་འགྲོ་དོན་དུ་མིང་འདོགས་པ་དང་། ཟ་ཐབས་ལ་ཚོགས་འཁོར་དུ་མིང་འདོགས་པ་སོགས་མང་སྟེ། གྲུབ་ཐོབ་ཨོ་རྒྱན་པས། སྐྱེད་རྫོགས་ཀྱི་གནད་དང་མ་ལྡན་པར། །ཤ་ཆང་སྤྱོད་པའི་ཚོགས་མཁན་ཚོ། །ཡི་དྭགས་ཀྱི་ས་བོན་མ་བཏབས་སམ། །ཅེས་པ་ལྟར་དང་། ལར་ཡང་ཨོ་རྒྱན་རིན་པོ་ཆེས་ལུང་ཇི་ལྟར་བསྟན་པ་རྣམས་

― TR004_Page_0218 ―

^{[མ་དཔེ་གཟིགས་ན་འདིར་གནོན།]}

[Full Size]

མངོན་དུ་གྱུར་པ་སྟེ། །ལུང་བསྟན་བཀའ་མ་ལས། འདུལ་བའི་བསྟན་པ་ཉམས་པའི་དངོས་རྟགས་སུ། །ཁྲིམས་འཆལ་དགེ་སློང་སྔགས་ཀྱི་ཆོས་སུ་བརྫུ། །ཆོས་གོས་རྣམ་གསུམ་ཚད་འཆུགས་རིགས་བཟོ་དར། །ཤ་ཆང་ལྕོག་ཟ་དུས་མིན་ཁ་ཟས་ལེན། །བསླབ་པའི་གྲལ་འཆུགས་གོས་ཚོས་རྒྱན་ལ་བཟབས། །དགེ་འདུན་སྡོམ་མེད་གྲི་མཚོན་རྒྱན་དུ་བྱེད། །གནས་བསྟན་མཁན་སློབ་འཁྲུག་དཔོན་བྱེད་པ་འབྱུང་། །ཤཱཀྱའི་བསྟན་པ་རྫིང་གི་ཞབས་རྡོལ་བཞིན། །ཞེས་སོགས་དང་། གསང་སྔགས་པ་ཞེས་ཆ་ལུགས་འདུལ་ཁྲིམས་ཚུལ། །ཕྱི་ནང་འཛོམ་འདོད་དོན་ལ་གཉིས་ཀ་མེད། །འདུལ་ཁྲིམས་འཆལ་ཞིང་དམ་ཚིག་སད་ལ་བསྐུར། །ནང་དུ་སྒོམ་སྤོང་ཕྱི་རོལ་སྤྱོད་པ་རྩིངས། ཁ་དཀར་ཞེ་ནག་སྤྱོད་ཚུལ་ཁྲ་བོར་སྐྱོང་། །ཆོས་ལ་ངོ་ལྐོག་ཚུལ་ཆོས་འགྲོ་བ་བསླུ། །ལོག་

― TR004_Page_0219 ―

^{[མ་དཔེ་གཟིགས་ན་འདིར་གནོན།]}

[Full Size]

འཚོའི་ཟས་རྔམ་རང་གཞན་ཕུང་ལམ་འགྲོ། །གསང་སྔགས་བོན་གྱེར་མངོན་རྟོགས་ཁྲོམ་ཤར་བྱེད། །དབང་མ་ཐོབ་པར་རྒྱུད་ལ་རྩལ་བཤད་དང་། །ཅི་སྟེ་དབང་བསྐུར་ཁྲིམས་མེད་ཁྲོམ་དབང་བྱེད། །གཞན་སྨིན་ལྟ་ཞོག་རང་སྲོག་བསྐྱེལ་བའི་རྒྱུ། །འདི་དུས་གྲུབ་པ་ཐོབ་པའི་མི་རེ་དཀོན། །ཞེས་དང་། རྩ་རླུང་ཁམས་སེམས་རང་དབང་མ་ཐོབ་པར། །དབང་བཞི་བསྐུར་རློམ་མཁའ་འགྲོ་ཆོས་བསྲུང་འཁྲུག །མི་རུང་ལྟས་དང་བར་ཆོད་སྣ་ཚོགས་འབྱུང་། །གསེར་ཆོས་ཡིན་ཞེས་རིན་ཐང་བཅད་ནས་ཀྱང་། །བཀའ་བརྩོངས་བཀའ་འཆལ་བཀའ་དང་དམ་ལས་འགལ། །བཀའ་ཡི་ཆད་པ་ཕྲལ་ལ་འབྱུང་བར་འགྱུར། །ཞེས་སོགས་ལུང་བསྟན་པ་མཐའ་དག་མངོན་སུམ་དུ་གྱུར་མོད་ཀྱང་། །ད་དུང་བསྟན་འགྲོའི་དོན་དུ་བསྙད་བཏགས་ནས། །གཉིས་ཕུང་དོན་མེད་

― TR004_Page_0220 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒྲུབ་མཁན་གྱི་རྒྱལ་ཁམས་གང་བ་རྣམས་ཀྱི་སྤྱོད་ཚུལ་དྲང་པོར་བརྗོད་ན་ངག་ཉེས་གསོགས་ཅིང་ལོག་ལྟ་དང་ཀུན་སློང་འཕེལ་བའི་རྒྱུར་ཟད་ལ། གཙོ་བོར་ནི་རང་ཉིད་དག་སྣང་རབ་འབྱམས་སུ་མ་གྱུར་པའི་སྐྱོན་དུ་གོར་མ་ཆགས་སོ། དེ་ལྟར་སྤྱིར་དབང་བཞི་དང་། ཁྱད་པར་དབང་གསུམ་པའི་འཕྲོས་དོན་དང་བཅས་པའི་ཚུལ་རགས་རིམ་བརྗོད་ནས།། ༈ །།ད་ནི་གྲོལ་བྱེད་གདམས་པའི་སྙིང་པོ་སྟོང་པ་ཉིད་ཟབ་མོའི་དོན་ལ་དྲི་བ་གནང་བའི་ལན་གྱི་ཚུལ་བརྡ་ཙམ་འབུལ་ཏེ། དེ་ལས་ཐོག་མར་ཉིད་ཀྱིས། ༈ ཕྱི་སྣོད་ཀྱི་འཇིག་རྟེན་རི་རབ་ཁང་ཁྱིམ་སོགས་དང་། ནང་བཅུད་ཀྱི་སེམས་ཅན་སོ་སོའི་རྣམ་འགྱུར་དང་། རང་ལུས་བརྡོས་བཅས་སོགས་ཆགས་འཇིག་འཕོ་འགྱུར་གྱི་བྱེ་བྲག་དང་། གསང་བར་དུག་ལྔ་དུག་གསུམ་ལ་སོགས་ཏི་འགྱུར་དྲན་གྱི་རྟོག་ཚོགས་མཐའ་

― TR004_Page_0221 ―

^{[མ་དཔེ་གཟིགས་ན་འདིར་གནོན།]}

[Full Size]

དག་སེམས་ཉིད་ཀྱི་ཆོ་འཕྲུལ་ལས་ནི་མ་འདས་པར་ཐག་ཆོད་ན། ༈ ཞེས་སོགས། གསུངས་དོན་གྱི་ཆ་ལ།། ༈ །།སྤྱིར་འགྲོ་བ་ཐ་དད་ཀྱི་སོ་སོའི་ལས་ཀྱི་སྣང་ཚུལ་ཡང་ཐ་དད་པ་དུ་མར་འབྱུང་སྟེ། དཔེར་ན་ཆུ་གཅིག་བུ་ལ་ཡང་ལྷ་རྣམས་ཀྱིས་བདུད་རྩིར་མཐོང་བ་དང་། ལྷ་མིན་གྱི་གོ་མཚོན། མི་རྣམས་ཀྱི་ཆུ། དུད་འགྲོ་རྣམས་ཀྱིས་ལ་ལའི་ཟས་སྐོམ་དང་། ལ་ལའི་གནས་ཁང་སོགས་དང་། ཡི་དྭགས་རྣམས་ཀྱིས་རྣག་ཁྲག་དམྱལ་བ་རྣམས་ཀྱི་ཁྲོ་ཆུ་ཁོལ་མར་མཐོང་བ་སོགས། སོ་སོའི་སེམས་ཀྱི་རང་སྣང་ཡིན་པ་དང་། བྱེ་བྲག་ཏུ་ཕྱི་རོལ་ཡུལ་གྱི་སྣང་བ་འདི་ལའང་གང་ཟག་སོ་སོའི་དབང་པོའི་རིམ་པས་འཛིན་ཚུལ་ཐ་དད་དེ། འཇིག་རྟེན་ཐ་མལ་པ་རྣམས་ཀྱི་ནི་སྣང་བ་ཨ་འཐས་བདེན་ཞེན་དུ་འཛིན། ཕྱི་རོལ་མུ་སྟེགས་པ་རྣམས་ནི་ཕྱ་དང་དབང་ཕྱུག་

― TR004_Page_0222 ―

^{[མ་དཔེ་གཟིགས་ན་འདིར་གནོན།]}

[Full Size]

གིས་བྱས་པར་འཛིན། ནང་པའི་ཉན་རང་རྣམས་ཀྱིས་ནི་རྡུལ་ཕྲན་ཆ་བཅས་སུ་འཛིན། ཐེག་ཆེན་སེམས་ཙམ་པས་ནི་སྣང་བ་ཐམས་ཅད་སེམས་དང་། །སེམས་རང་གསལ་བདེན་གྲུབ་ཏུ་འཛིན། དབུ་མ་བས་ནི་ཡུལ་ཐམས་ཅད་ཀུན་རྫོབ་འཁྲུལ་སྣང་དུ་འཛིན། གསང་སྔགས་པས་ནི་ཅི་སྣང་ལྷའི་དཀྱིལ་འཁོར་དུ་ལྟ་བ་སྟེ། དེ་ལྟར་ཐེག་པ་སོ་སོ་རང་རང་གི་ལུགས་ཀྱི་འཛིན་ཚུལ་ཐ་དད་པ་སྣ་ཚོགས་མཆིས་མོད་ཀྱི། རང་རང་གི་སྣང་ངོར་དེ་དང་དེ་དག་བདེན་ནའང་། དོན་དམ་པར་ནི་སེམས་ལས་གཞན་དུ་གྲུབ་པ་རྡུལ་ཙམ་མ་མཆིས་ཏེ། དྲི་མ་མེད་སྙིང་པོའི་རྒྱུད་ལས། འབྱུང་བ་ཕྱི་ནང་ཐམས་ཅད་ཀུན། །སེམས་ཉིད་ལྷན་ཅིག་སྐྱེས་པ་ཡིན། །ནང་དུ་ཁམས་གསུམ་རིས་དྲུག་སོགས། །གཡོ་བ་བཅུད་ཀྱི་སེམས་ཅན་དང་། །བཟུང་དང་འཛིན་པའི་ཕུང་པོ་ལྔ། །དབང་པོ་ལྔ་དང་ཡུལ་ལྔ་དང་། །རྣམ་ཤེས་ཉོན་མོངས་ལྔ་ལ་སོགས། །ཐམས་ཅད་སེམས་

― TR004_Page_0223 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་རང་སྣང་ཡིན།སེམས་ལས་མ་གཏོགས་ཕྱི་རོལ་ན། །རྡུལ་ཙམ་སྐད་ཅིག་གྲུབ་པ་མེད། །ཅེས་སོགས་དང་། །མ་རིག་འཁོར་བ་རང་སེམས་ལ། །མུ་སྟེགས་བརྟག་ཆད་རང་སེམས་ཡིན། །ཉན་ཐོས་རང་རྒྱལ་འཁོར་བ་སྤོང་། །བྱང་ཆུབ་སེམས་དཔའི་ལམ་གྱིས་སྦྱོང་། །སྔགས་སུ་བསྒྱུར་དང་ཤེས་བྱེད་པ། །ཐེག་པ་སྣ་ཚོགས་རང་སེམས་ཏེ། །སེམས་མ་ཡིན་པའི་ཆོས་གཞན་མེད། །རྒྱ་མཚོའི་ཆུ་ལས་སྐྱོགས་གང་ཙམ། །བཅུས་པས་དེ་དེའི་དོན་བྱེད་བཞིན། །ཐེག་པའི་རིམ་པའི་ཆོས་རྣམས་ལ། །རང་རང་མཐུན་པའི་བདེན་པ་ནི། །ཐད་ཀར་བྱུང་བ་སེམས་ཡིན་ནོ། །ཞེས་གསུངས་པ་ལྟར། ཅིར་སྣང་སེམས་ཀྱི་འཆར་ལས་ནི་མ་འདས་སོ།། ༈ །།ཡང་ཉིད་ཀྱིས་སེམས་ཀྱི་འགྱུ་བའམ་རྣམ་པར་རྟོག་པ་ལས་འཁོར་བ་དང་། །མི་རྟོག་པ་ལས་མྱང་འདས་སུ་བཤད་ན། །ཞེས་གསུངས་པའི་སྐབས་འདི་ལ།། ༈ །།

― TR004_Page_0224 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱིར་ཆོས་སྤྱི་གཞུངས་ལས་དེ་ལྟར་གསུངས་ཏེ། ཇི་སྐད་དུ། ཕྱོགས་གླང་གི་མཛད་པའི་འཇམ་དཔལ་རྡོ་རྗེའི་བསྟོད་པར། རྣམ་རྟོག་མ་རིག་ཆེན་པོ་སྟེ། །འཁོར་བའི་རྒྱ་མཚོར་ལྟུང་བྱེད་ཡིན། །རྣམ་རྟོག་དེ་དང་བྲལ་བས་ན། །ཁྱོད་ནི་རྟག་ཏུ་མྱ་ངན་འདའ། །ཞེས་སོགས་གསུངས་མོད་ཀྱང་། ལམ་ཟབ་མོ་ཕྱག་རྫོགས་ཀྱི་སྐབས་རྣམས་སུ་ནི། རྣམ་རྟོག་ལམ་འཁྱེར་གྱི་མན་ངག་གི་གནད་དང་ལྡན་ན། ཆོས་སྐུའམ་རང་བྱུང་ཡེ་ཤེས་ཉིད་རྣམ་རྟོག་རང་ངོ་ཤེས་པའི་རང་བཞིན་ལས་མ་འདས་ཚེ། རྣམ་པར་རྟོག་པ་ཆེད་དུ་སྤོང་དགོས་པ་ནི་མ་ཡིན་ཞིང་། མི་རྟོག་པ་ཆེད་དུ་ཡང་མི་བསྒྲུབ་སྟེ། ཇི་སྐད་དུ། ལུང་ལས། རྣམ་རྟོག་གཉེན་པོར་རྣམ་པར་མི་རྟོག་བསྒོམ། །མི་རྟོག་འདོད་པ་རྟོག་པ་ཆེན་པོ་ཡིན། །ཆོས་ཀྱི་དབྱིངས་ཉིད་མི་རྟོག་རྟོག་ལས་འདས། །རྟོག་དང་མི་རྟོག་གཉིས་ཀ་

― TR004_Page_0225 ―

^{[མ་དཔེ་གཟིགས་ན་འདིར་གནོན།]}

[Full Size]

ཚིག་གི་མཐའ། །ཞེས་གསུངས་པ་དང་། སམ་པཱུ་ཊིའི་རྒྱུད་ལས། སྟོང་པ་བསྒོམ་པར་མི་བྱ་ཞིང་། །སྟོང་མིན་བསྒོམ་པར་མི་བྱའོ། །སྟོང་པ་མི་སྤང་རྣལ་འབྱོར་པས། །སྟོང་མིན་ཡོངས་སུ་མི་སྤང་ངོ་། །སྟོང་དང་སྟོང་མིན་བཟུང་བས་ནི། །རྟོག་པ་ཉུང་མིན་སྐྱེ་བར་འགྱུར། །ཞེས་སོགས་གསུངས་བཞིན། གཞན་ཡང་། ལར་རྣམ་རྟོག་བཀག་ན་བསྒོམ་ཆེན་མིན། །ཞེས་སོགས་མང་དུ་འབྱུང་ཕྱིར། རྣམ་རྟོག་མི་རྟོག་མཐའ་དག་དགག་སྒྲུབ་མེད་ཅིང་གནད་ཀྱིས་ཟིན་པར་ལམ་དུ་འཁྱེར་བ་ལགས།། ༈ །།ཡང་ཉིད་ཀྱིས། འགྱུ་བ་ལ་དཀར་ནག་གཉིས་ཀྱི། གཉིས་དག་འཁོར་བའི་རྒྱུ་ཡིན་མིན་ཐེ་ཚོམ། ཞེས་གསུངས་པ་འདི་ལ། སྤྱིར་རྣམ་རྟོག་གམ་འགྱུ་བ་དཀར་པོ་ནི། །དག་སྣང་མོས་གུས་སྙིང་རྗེ་སོགས། དགེ་བའི་རིགས་ཀྱི་བློ་རྣམས་ཡིན་ཕྱིར། བསོད་ནམས་ཆ་

― TR004_Page_0226 ―

^{[མ་དཔེ་གཟིགས་ན་འདིར་གནོན།]}

[Full Size]

མཐུན་དང་། ཐར་པ་ཆ་མཐུན་སོགས་ཀྱི་རྒྱུ་དང་། འགྱུ་བ་ནག་པོ་ནི་དུག་ལྔ་དུག་གསུམ་སོགས་མི་དགེ་བའི་བསམ་པ་རྣམས་ཏེ། འཁོར་བ་ངན་སོང་གི་རྒྱུ་ཡིན་པ་སོགས། ཆོས་སྤྱི་ནས་གསུངས་པའི་རྒྱུ་འབྲས་ཀྱི་བྱེ་བྲག་རྣམས་ཡིན་མོད་དེ། ཀླུ་སྒྲུབས་ཞབས་ཀྱི། འདོད་ཆགས་ཞེ་སྡང་གཏི་མུག་གསུམ། །དེས་སྐྱེད་ལས་ནི་མི་དགེ་བ། །མ་ཆགས་མི་སྡང་གཏི་མུག་མེད། །དེས་བསྐྱེད་ལས་ནི་དགེ་བ་ཡིན། ཞེས་གསུངས་པ་ལྟར་ཏེ། འདི་དག་གི་ཚུལ་ཞིབ་པར་ནི་སྐབས་འདིར་བརྗོད་དགོས་པར་མ་གྱུར་ལ། བྱེད་པ་དགེ་བ་ལྟར་སྣང་ཡང་བསམ་པ་མི་དགེ་བ་དང་འདྲེས་ན་དགེ་བར་མི་རུང་ལ། བྱེད་པ་མི་དགེ་བའི་གཟུགས་བརྙན་ཙམ་སྣང་ཡང་བསམ་པ་དགེ་བ་འབའ་ཤིག་པ་ལ་ནི་ཉེས་མེད་དུ་འགྱུར་ཚུལ་སོགས་ཀྱི་རྣམ་དབྱེ་དང་དགག་

― TR004_Page_0227 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲུབ་དག་ལ་སྔོན་པ་འབྲི་གཉིས་ཀྱི་བཞེད་པ་ཐ་དད་བྱུང་མོད་ཅིང་། སྤང་བླང་ཚུལ་བཞིན་བྱེད་མཁན་དེང་སང་དཀོན་པར་སྣང་བ་དང་། བསམ་པ་དང་བྱེད་པ་གཉིས་ག་དགེ་བར་མིང་བཏགས་ཀྱང་སྡིག་པར་འགྱུར་བའི་རིགས་ཀྱང་། དཔེར་ན་གཤིན་པོ་ལ་ཕན་ཕྱིར་དགེ་མཆོད་སྦྱིན་སོགས་བྱེད་པའི་ཕྱིར་སེམས་ཅན་བསད་ནས་སྐྱ་སེར་གྱི་ཚོགས་ལ་འགྱེད་སྟོན་བྱེད་པ་དང་། སྲོག་གཅོད་བྱས་པས་ཆོ་ག་ཆོས་འདོན་སོགས་བྱེད་པའི་སྲོལ་འདི་དིང་སང་ཀུན་དུ་དར་ཚེ། འདི་ལྟ་བུ་ནི་གཤིན་པོ་ལ་ཕན་པ་ལྟ་ཞོག །སྦྱིན་པ་པོ་དང་སྦྱིན་ཡུལ་གཉིས་ཀ་སྐྱི་གཡའ་བའི་གནས་སུ་གདའ་ཡང་སུ་ཡང་གིས་བསམ་མཁན་མི་སྣང་བས། དེས་རྒྱུ་འབྲས་ཀྱི་གཏམ་ཡང་བརྗོད་དཀའ་བར་གྱུར་མོད་ལ། རྣལ་འབྱོར་དམ་པ་དག་གིས་ནི་རྒྱུ་འབྲས་སེམས་སུ་རྟོགས། སེམས་སྟོང་པར་རྟོགས་ཀྱང་། སྟོང་ཉིད་རྒྱུ་འབྲས་

― TR004_Page_0228 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་ཤར་བས་ཁྱད་དུ་མི་གསོད་ཅིང་། བདེན་འཛིན་གྱི་ཞེན་པས་ཀྱང་མེ་འཆིང་བར་སྒྱུ་མ་ལྟ་བུ་ལ་སྤྱོད་དེ། དེ་ལྟར་ཤེས་པ་དག་གིས་ནི་བསོད་ནམས་ཀྱི་ཚོགས་བསགས་པ་ཡང་ཡེ་ཤེས་ཀྱི་ཚོགས་ཆེན་དུ་འགྱུར་བ་དང་། གཞན་ཡང་། མ་དྲོས་པའི་མདོར། ཆོས་ཉིད་ལ་ནི་རྒྱུ་འབྲས་མེད་ཤེས་ཀྱང་། །དགེ་དང་མི་དགེའི་ལས་ནི་ཆུད་མི་ཟ། །ཞེས་གསུངས་པས་སྟོང་ཉིད་ལ་བསྙད་ནས་རྒྱུ་འབྲས་ཁྱད་དུ་བསད་མི་རུང་བ་དང་། དཀར་པོ་དགེ་བ་བསྒྲུབ་པ་རྣམས་ཀྱང་ལྷ་མིའི་བདེ་འབྲས་སོགས་ཀྱི་རྣམ་སྨིན་ལ་རེ་བའམ། ཁེ་གྲགས་ལོ་འདོད་སོགས་དང་མ་འདྲེས་ཤིང་སྒྱུ་མ་ལྟ་བུའི་ངང་ནས་བྱ་བར་གསུངས་ཏེ། བཟང་པོ་ལུང་བསྟན་པའི་མདོར། སྒྱུ་མ་ལྟ་བུའི་ཚོགས་བསགས་པས། །སྒྱུ་མ་ལྟ་བུར་སངས་རྒྱས་ཏེ། །སྒྱུ་མ་ལྟ་བུའི་སེམས་ཅན་དོན། །སྒྱུ་མ་ལྟ་བུར་བྱེད་པ་ཡིན། །ཞེས་གསུངས་པས། མདོར་ན་གཙོ་བོར་ཡེ་ཤེས་

― TR004_Page_0229 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་ཚོགས་བསམ་ཤེས་རབ་སྟོང་པ་ཉིད་ཀྱི་མ་ཟིན་ན། སྡིག་པ་ལྟ་ཅི་སྨོས་ཏེ། དགེ་བ་ཡང་མཐོ་རིས་དང་ཉན་རང་གི་རྒྱུ་ཙམ་ལས། ངེས་ལེགས་བྱང་ཆུབ་ཀྱི་རྒྱུར་མི་འགྱུར་བར་གསུངས་པས་ན། ཐབས་ཤེས་ཟུང་དུ་འཇུག་དགོས་པ་ཉིད་དོ།། ༈ །།ཡང་ཉིད་ཀྱིས། གནས་པའི་མི་རྟོག་པ་ལ་ཞི་ལྷག་གཉིས་ཀྱི་གཉིས་ག་མྱང་འདས་ཀྱི་རྒྱུར་འགྱུར་རམ་མི་འགྱུར། གསུངས་པ་འདི་ལ།། ༈ །།སྤྱིར་སེམས་གནས་པའམ་མི་རྟོག་པ་ནི་ཞི་གནས་ཡིན་ནའང་། ལྷག་མཐོང་ནི་གནས་ཆ་གཅིག་བུར་རག་མ་ལུས་ལ། འོན་ཀྱང་ད་རེས་ཀྱི་དྲི་བ་མཛད་པ་འདི་ཐེག་པ་ཐུན་མོང་བའི་ཞི་ལྷག་སོགས་མིན་པར། ངེས་དོན་ཕྱག་རྒྱ་ཆེན་པོའི་ལུགས་ལྟར་ལ་འདྲི་བའི་དགོངས་པ་ཡིན་ཤས་ཆེ་བས་ན། བདག་གིས་ཀྱང་ཐེག་པ་ཐུན་མོང་བའི་

― TR004_Page_0230 ―

^{[མ་དཔེ་གཟིགས་ན་འདིར་གནོན།]}

[Full Size]

དབུ་མའི་ལྟ་བའི་ཁྲིད་སོགས་ཞུ་མྱོང་བའི་ཁུས་ཙམ་ཡིན་ཀྱང་། ད་ལམ་འདི་སྐབས་སུ་ཐུན་མོང་མ་ཡིན་པ་ཕྱག་ཆེན་གྱི་ལུགས་བཞིན་ལན་འབུལ་རྩིས་ལགས་ཚེ། དེས་ན་ཞི་ལྷག་གི་སྐབས་འདི་ལ་ཡང་སྤྱི་དང་ཁྱད་པར་གཉིས་ལས། སྤྱི་ཁྱབ་ཏུ་ཞི་ལྷག་གི་མིང་ཙམ་ནི་ཐེག་པ་གོང་འོག་ཕལ་ཆེར་ལ་འབྱུང་བ་དང་།། ༈ །།སྐབས་ལ་ལར་ནི་ཞི་གནས་ལ་བསམ་གཏན་དང་། ལྷག་མཐོང་ལ་ཤེས་རབ་ཀྱི་མིང་གི་བསྟན་ཞིང་། ༈ སོ་སོའི་མཚན་ཉིད་ནི། དཀོན་མཆོག་སྤྲིན་གྱི་མདོར། ཞི་གནས་ནི་སེམས་རྩེ་གཅིག་པའོ། །ལྷག་མཐོང་ནི་ཡང་དག་པར་ཇི་ལྟ་བ་བཞིན་དུ་ཆོས་ལ་སོ་སོར་རྟོག་པའོ། །ཞེས་པ་དང་། བྱེད་ལས་ཀྱི་དབང་ལྟར་ན། མདོ་དེ་ཉིད་ལས། ཞི་གནས་ཀྱིས་ནི་ཉོན་མོངས་པ་གནོན་པར་བྱེད་དོ། །ལྷག་མཐོང་གིས་ནི་ཉོན་མོངས་པ་ཡོངས་

― TR004_Page_0231 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱོང་བར་བྱེད་དོ། །ཅེས་པས་གཉིས་ཀ་མྱང་འདས་ཀྱི་རྒྱུ་ནི་ཡིན་མོད་ལ།། ༈ །།དབྱེ་བ་ནི་གཉིས་ཏེ། མདོ་དགོངས་པ་ངེས་འགྲེལ་ལས། ཞི་གནས་དང་ལྷག་མཐོང་ནི་གཉིས་ཏེ། ཤེས་རབ་ལས་འབྱུང་བ་དང་། གདམ་ངག་ལས་བྱུང་བའོ། །དེ་ལ་ཤེས་རབ་ལས་བྱུང་བ་ནི་མདོ་སྡེ་བཅུ་གཉིས་ཀྱི་ཚིག་ཡིད་ལ་བྱེད་པ་ནི་ཞི་གནས་སོ། །དེའི་དོན་རྟོགས་པ་ནི་ལྷག་མཐོང་ངོ་། གདམ་ངག་ལས་བྱུང་བ་ནི། མཉམ་བཞག་གི་སེམས་མི་གཡོ་བར་བྱེད་པ་ནི་ཞི་གནས་སོ། །དེའི་དོན་རྟོགས་པ་ནི་ལྷག་མཐོང་ངོ་། །ཞེས་གསུངས་ཏེ། འདི་ཉིད་ལ་དཔྱད་སྒོམ་དང་འཇོག་སྒོམ་ཞེས་པའི་ཐ་སྙད་དུ་དིང་སང་གྲགས་མོད། མདོར་ན་ཐུན་མོང་གི་ཞི་གནས་ཀྱི་བསམ་གཏན་ནི་མུ་སྟེགས་པ་རྣམས་ལ་ཡང་ཤིན་ཏུ་བརྟན་པར་ཡོད་ཀྱང་ཐར་པའི་ལམ་གྱི་རྒྱུར་མི་འགྱུར་བ་སྟེ། མུ་སྟེགས་ཀྱི་སྟོན་པ་

― TR004_Page_0232 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷག་སྤྱོད་ཀྱི་ལོ་བཅུ་གཉིས་ཞི་གནས་བསྒོམས་པས་ཟག་བཅས་ཀྱི་ཡོན་ཏན་མངོན་ཤེས་སོགས་ཐོབ་ཀྱང་། བྱི་བ་ལ་ཞེ་སྡང་སྐྱེས་པའི་རྐྱེན་གྱིས་བྱི་ལ་དང་དམྱལ་བར་སྐྱེ་བ་ལྟ་བུ་སྟེ། ཏིང་འཛིན་རྒྱལ་པོའི་མདོར། འཇིག་རྟེན་པ་དག་སྟོང་ཉིད་བསྒོམས་ན་ཡང་། །དེ་ཡིས་དངོས་པོར་འཛིན་པ་བཟློག་མི་ནུས། དེ་ལས་ཉོན་མོངས་ཕྱིར་ཡང་རབ་ཏུ་ལྡང་། ལྷག་སྤྱོད་ཀྱི་ནི་ཏིང་འཛིན་འདིར་བསྒོམས་བཞིན། །ཞེས་པས། འཇིག་རྟེན་ལས་འདས་པའི་ཞི་གནས་སམ་མཆོག་གི་ཞི་གནས་ཉིད་དགོས་པར་གསུངས་ལ། གཞན་ཡང་གཟུགས་ཁམས་ཀྱི་ལྷའི་བསམ་གཏན་བཞི་དང་། གཟུགས་མེད་ཀྱི་བསམ་གཏན་བཞི། ཉན་ཐོས་འགོག་པའི་ཏིང་འཛིན་དང་བཅས་ཏེ་སྙོམ་འཇུག་དགུ་པོ་རྣམས་ཀྱང་ཞི་གནས་ཀྱི་བྱེ་བྲག་ཡིན་པས། དེ་དག་གིས་ཀྱང་གནས་སྐབས་ཀྱི་ཡོན་ཏན་མངོན་ཤེས་རྫུ་འཕྲུལ་སོགས་དཔག་མེད་ཡོད་ནའང་མཐར་ཐུག་བྱང་ཆུབ་

― TR004_Page_0233 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་ལམ་བསྒྲུབ་པ་ལ་ནི་ལྷག་མཐོང་གིས་མ་ཟིན་ན་དོན་མེད་པས། ལྷག་མཐོང་ཁོ་ན་གལ་ཆེ་བའི་ཚུལ་ཡང་། སློབ་དཔོན་ཨཱརྱ་དེ་ཝས་བསམ་གཏན་ནགས་མེས་ཡང་དང་ཡང་དུ་ནི། ཉོན་མོངས་ཚང་ཚིང་བསྲེག་པར་གྱུར་ན་ཡང་། །བདག་ལྟའི་རྩ་བ་བརྟན་པོ་ལ་སྤངས་པས། །ཆར་གྱི་རླན་བཞིན་མོས་པ་རབ་ཏུ་སྐྱེ། ཞེས་གསུངས་པ་དང་། གཞན་ཡང་། གསར་མའི་མཁས་པ་མང་པོས། རྙིང་མའི་རྫོགས་ཆེན་ནི་ཧྭ་ཤང་གི་ལྟ་བ་དང་ཐུན་མོངས་ཞེས་པའི་བཀའ་བཀྱོན་མང་པོ་མཛད་ནའང་། རྫོགས་ཆེན་གྱི་ལོ་རྒྱུས་རྣམས་སུ་ནི། སྔོན་ཆོས་རྒྱལ་ཁྲི་སྲོང་གི་སྐུ་གཉེར་བ་མྱང་བན་ཏིང་འཛིན་བསྟན་འཛིན་བཟང་པོས་རྒྱ་ནག་གི་ཧྭ་ཤང་ཞིག་ལ་སྒོམ་གྱི་མན་ངག་ཞུས་ཏེ་ནན་ཏན་དུ་བསྒོམས་པས། ཟས་སྐོམ་མི་དགོས་པར་ཉིན་ཞག་མང་པོར་ཞི་གནས་ལ་འབྱམས་ཤིང་མངོན་པར་ཤེས་པ་ཐོབ་པས་སྒོམ་བཟང་པོར་

― TR004_Page_0234 ―

^{[མ་དཔེ་གཟིགས་ན་འདིར་གནོན།]}

[Full Size]

རློམ་ཡོད་པའི་ཚེ། པཎ་ཆེན་བི་མ་ལ་དང་མཇལ་ནས་སྒོམ་གྱི་རྒྱུ་མཚན་ཞུས་པས། བི་མའི་ཞལ་ནས། ཁྱེད་ཀྱི་བསྒོམ་དེ་འདྲས་ནི་བསྐལ་པར་གཉིད་མི་སད་པའི་ཀླུའི་རིགས་སུ་སྐྱེ། སངས་རྒྱས་ཀྱི་རྒྱུར་མི་འགྲོ་གསུངས་པ་ལ་བརྟེན་ནས། མྱ་ངན་བག་ཆགས་སད་དེ་པཎ་ཆེན་དེ་ཉིད་ལ་རྫོགས་ཆེན་ཞུས་ནས་བསྒོམས་པས། འཇའ་ལུས་གྲུབ་ཚུལ་གྱི་ལོ་རྒྱུས་སོགས་ཡོད་ཕྱིར། དེས་ན་ཞི་གནས་ནི། ལྷག་མཐོང་གི་རྟེན་གཞི་ཙམ་མ་གཏོགས་གནས་ཆའི་བསམ་གཏན་གཅིག་བུས་ནི་ཕྱག་རྒྱ་ཆེན་པོའི་སྒོམ་མཚན་ལྡན་དུ་མི་རུང་བ་དང་། ཁྱད་པར་གནས་ཉམས་ལ་ཞེན་འཛིན་ཡོད་པ་དག་ནི་སྒོམ་གྱི་གོལ་སར་འགྱུར་ཚུལ་དག་ཀྱང་གསར་རྙིང་གི་ཁྲིད་གཞུང་མཐའ་དག་དགོངས་པ་ཐུན་ནོ། །ཞི་ལྷག་གཉིས་པོ་ཡང་ཡེ་གདོད་མའི་གནས་ལུགས་སམ། བཞུགས་ཚུལ་ལམ། ཡིན་ལུགས་ཀྱི་དབང་དུ་ནི་ངོ་བོ་གཉིས་མེད་ཟུང་ངག་

― TR004_Page_0235 ―

^{[མ་དཔེ་གཟིགས་ན་འདིར་གནོན།]}

[Full Size]

ཏུ་ཡོད་ཚེ། གང་ཟག་དབང་པོ་རབ་རྣམས་ལ་ནི་ཞི་ལྷག་ཐ་དད་མི་དབྱེ་བར་གདོད་མའི་ཡིན་ཚུལ་ཇི་བཞིན་དུ་ངོ་སྤྲད་ནས་དེ་ཀ་ལྟར་ཉམས་སུ་བླངས་པས། ཞི་ལྷག་ཙམ་དུ་མ་ཟད་སྣང་སྲིད་འཁོར་འདས་ཐ་དག་རིག་སྟོང་ཕྱག་རྒྱ་ཆེན་པོ་འབའ་ཞིག་གི་རོལ་པར་འཆར་ཞིང་། ཆོས་ཐམས་ཅད་ཀྱི་རང་བཞིན་ཇི་ལྟ་བ་མངོན་དུ་འགྱུར་མོད་ཀྱང་། གང་ཟག་དབང་པོ་འབྲིང་ཐ་རྣམས་ཁྲིད་ཐབས་ལ་དགོངས་ནས། ཐོག་མར་ཞི་གནས་ཉིད་ལའང་མཚན་མ་དང་བཅས་པའི་ཞི་གནས་ཀྱི་བྱེ་བྲག མ་དག་པ་ཤིང་བུ་རྡེའུ་དང་། དག་པ་ཡེ་ཤེས་ཀྱི་ལྷ་དང་། ཡིག་འབྲུ་ཐིག་ལེ་རླུང་སྦྱོང་སོགས་ལ་བརྟེན་ནས་སེམས་གནས་ཐབས་དང་། མཚན་མ་མེད་པའི་ཞི་གནས་ལའང་། བསྒྲིམས་པ། གློད་པ། གྲིམ་ལྷོད་སྤེལ་མ་སོགས་སྣ་ཚོགས་ཀྱི་སྒོ་ནས་ཁྲིད་པའི་ཕྱག་བཞེས་ཡོད་མོད་ཀྱི། འདི་དག་ནི་དཔེར་ན་ཡི་གེ་སློབ་པའི་ཚེ་དང་

― TR004_Page_0236 ―

^{[མ་དཔེ་གཟིགས་ན་འདིར་གནོན།]}

[Full Size]

པོར་ཀ་ཁ་སོགས་ནས་རིམ་ཅན་དུ་སློབ་པའི་ཚུལ་དང་མཚུངས་པ་མིན་མོད་ཀྱང་། གཙོ་བོར་ནི་གསང་སྔགས་ཀྱི་ལམ་འདིར་སྒོམ་ཚད་ལྡན་རྒྱུད་ལ་སྐྱེ་བར་བྱེད་པ་ལ་བླ་མའི་བྱིན་རློབས་ཞུགས་པ་གལ་ཆེ་བར་གསུངས་ཏེ། རྒྱུད་ལས། གཞན་གྱིས་བརྗོད་མིན་ལྷན་ཅིག་སྐྱེས། གང་དུ་ཡང་ནི་མི་རྙེད་པ། བླ་མའི་དུས་ཐབས་བརྟེན་པ་དང་། །བདག་གི་བསོད་ནམས་ལས་ཤེས་བྱ། ཞེས་སོགས་དང་། སྐྱོབ་པ་རིན་པོ་ཆེས། གསང་སྔགས་བྱིན་རློབས་ལམ་པ་ཡིན། བླ་མའི་བྱིན་རླབས་མ་ཞུགས་པར། །ཇི་ལྟར་བྱས་ཀྱང་བློས་བྱས་ཡིན། གསུངས་ཤིང་། ༈ ཁྱད་པར་ཕྱག་རྒྱ་ཆེན་པོའི་ཞི་གནས་མཚན་མེད་དངོས་ལ་བསླབ་པའི་སྐབས་སུ། ད་ལྟའི་ཕྱག་ཆེན་ལ་ལ་དག་ནི་སེམས་ཀྱི་འགྱུ་བ་བཀག་ནས་འཇུར་འཛིན་ལ་ནན་ཏན་བྱེད་པར་གདའ་ཡང་། སྔོན་གྱི་གྲུབ་ཐོབ་རྣམས་ཀྱི་གསུངས་པའི་གཞུང་མན་ངག་ཐམས་ཅད་ལས་ནི་སེམས་རང་བབས་སུ་

― TR004_Page_0237 ―

^{[མ་དཔེ་གཟིགས་ན་འདིར་གནོན།]}

[Full Size]

འཇོག་ཐབས་ཁོ་ནར་གསུངས་ཏེ། དེ་ཡང་། ཏིལླི་པས། འདས་ལ་མི་མནོ་མ་འོངས་མི་བསམ་ཞིང་། ད་ལྟར་བ་ལ་མི་སེམས་བློས་མི་བསྒོམ། རྟོག་པས་མི་དཔྱད་སེམས་ནི་རྣམ་པར་གློད། ཅེས་དང་། ཤ་ཝ་རིས། རླུང་ནི་མི་གཟུང་ཡིད་ནི་མི་བཅིངས་བར། །མ་བཅོས་ཤེས་པ་བུ་ཆུང་ལྟ་བུར་ཞོག །ཞེས་སོགས་དང་། མཉམ་མེད་དྭགས་པོས། བཅས་བཅོད་མ་བྱེད་ལྷུག་པར་ཞོག །ལྟ་ཉུལ་མ་མང་རང་སར་ཞོག །ཡིད་ལ་མ་བྱེད་དམིགས་མེད་ཞོག ཅེས་སོགས་དང་། ཡང་དགོན་པའི་ངོ་སྤྲོད་བདུན་པར། བློ་རྟག་པ་ལ་སྐྱོན་དུ་མི་ལྟ་ཞིང་། །མི་རྟོག་པ་ཆེད་དུ་མ་བསྒྲུབ་པར། །སེམས་རང་ལུགས་སུ་ཞོག་ལ་རྒྱང་སོ་ཚུགས་དང་། །སྒོམ་ཞི་གནས་ཀྱི་མཐིལ་དུ་ཕེབས་པ་གཅིག་འོང་གི། །ཞེས་སོགས་བཀའ་རྒྱུད་གོང་མ་རྣམས་ཀྱི་ཇི་ལྟར་གསུངས་པ་བཞིན་དུ་བསྒོམ་ཤེས་པ་ཞིག་གལ་ཆེ་བར་གོའོ།། ༈ །།

― TR004_Page_0238 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་བཞིན་དུ་རྙིང་མའི་ཕྱག་ཆེན་ཐམས་ཅད་ནས་ཀྱང་དེ་ཀ་ལྟར་གསུངས་ཏེ། །ཕྱག་ཆེན་མ་རིག་མུན་སེལ་ལས། ལུས་ནི་རྣམ་སྣང་ཆོས་བདུན་བྱ། །ཡིད་ནི་མ་བཅོས་བྱ་བྱེད་བྲལ། །སྤྲོས་བྲལ་ངང་ལ་ལྷན་ནེར་བཞག །མ་བཅོས་ངང་ལས་མ་ཡེངས་སེམས། །འཛིན་མེད་བློ་བྲལ་ངང་དུ་བཞག །བཟུང་འཛིན་རྣམ་རྟོག་འཕྲོ་བ་ན། །འཕྲོ་མཁན་ཁོ་རའི་ངོ་བོར་ལྟ། །མ་རྙེད་སྔར་བཞིན་གློད་ལ་བཞག །སྔ་ཕྱིའི་རྟོག་པ་རག་པ་ཀུན། །རང་སར་ཞི་སྟེ་ལྷན་ནེར་གནས། །བདེ་གསལ་མི་རྟོག་ངང་ཉིད་དུ། །ལྷོད་དེ་ཤིག་གེར་གནས་པ་འབྱུང་། །དེ་ནི་ཞི་གནས་གཏན་ལ་ཕེབས། །ལྷག་མཐོང་ཤར་བའི་རྟགས་ཙམ་ཡིན། །ཞེས་སོགས་རྒྱ་ཆེར་གསུངས་ཤིང་། དེ་ལྟ་བུའི་གནས་ཆའི་བསམ་གཏན་ལ་བརྩོན་པས་ཉམས་སུ་བླངས་པ་ལས། གཡོ་བའི་ཉམས། གོམས་པའི་ཉམས། བརྟན་པའི་ཉམས། །མཐར་ཕྱིན་པའི་ཉམས་རྣམས་རིམ་པར་

― TR004_Page_0239 ―

^{[མ་དཔེ་གཟིགས་ན་འདིར་གནོན།]}

[Full Size]

འཆར་ཞིང་། །འདི་རྣམས་ལ་ཁྲིད་གཞུང་ལ་ལར་ནི། །གནས་པ་དང་པོ་རི་གཟར་འབབ་ཆུ་ལྟ་བུ། །གཉིས་པ་ཆུ་བོ་དལ་འབབ་ལྟ་བུ། །གསུམ་པ་རྒྱ་མཚོ་མི་གཡོ་ལྟ་བུ་ཞེས་པའི་དཔེ་དོན་དུ་སྦྱར་ནས་བསྟན་མོད་ལ། འདི་དག་ལ་བརྟན་པ་ཐོབ་པའི་ཉམས་རྟགས་སུ་ཟག་བཅས་ཀྱི་མངོན་ཤེས་རྫུ་འཕྲུལ་སོགས་ཕྲན་ཚེགས་སྐྱེས་པ་ལ་རློམ་སེམས་དང་ང་རྒྱལ་གྱིས་ཁེངས་ཏེ། ལམ་ལོག་པར་གོལ་ཉེན་བྱུང་བས་ན། བླ་མ་ཉམས་མྱོང་ཅན་བསྟེན་ལ་གོལ་སར་མ་ཤོར་བ་གལ་ཆེ་བར་གསུངས་སོ།། ༈ །།དེ་ལྟར་སྔར་བཤད་པ་ལྟར་འཇིག་རྟེན་པའི་ཞི་གནས་བློས་བྱས་ཡིད་བྱེད་ཅན་དང་། ཚོར་བ་འགགས་པའི་མུན་སྒོམ་སོགས་ཀྱིས་ནི་མྱང་འདས་ཀྱི་ལམ་དུ་མི་འགྲོ་བའི་ཕྱིར།། ༈ །།ཕྱག་རྒྱ་ཆེན་པོའི་སྒོམ་གྱི་རྟེན་གཞིར་གྱུར་པའི་ཞི་གནས་ནི་གོང་དུ་བསྟན་པའི་མ་བཅོས་སོོར་འཇོག་འདི་ཉིད་ཁོ་ན་དགོས་པར་བཞེད་ཅིང་། འགའ་

― TR004_Page_0240 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིག་གནས་ཆ་ཙམ་རྙེད་ཀྱང་རིག་པའི་དངས་ཆ་མ་ཐོན་པར་བཏང་སྙོམས་ལུང་མ་བསྟན་བྱིང་རྨུགས་སུ་འབྱམས་པ་དེ་ནི་བོགས་མི་འབྱུང་ཞིང་གོལ་སར་འཆོར་ཏེ། ཇི་སྐད་དུ། ཨོ་རྒྱན་གྱིས། རིག་པའི་རང་རྩལ་མ་ལྷོངས་པར། །གནས་པ་ངར་མེད་སྟེང་པོ་བ། །བོགས་ནི་ཅུང་ཟད་མི་འབྱུང་བས། །རིགས་པ་གསལ་ངར་ཐོན་པ་གཅེས། །སྒོམ་མཁན་མང་སྟེ་སྒོམ་ཤེས་ཉུང་། །ཞེས་གསུངས་པས་གནད་དང་ལྡན་པ་གལ་ཆེ་བར་གདའ་ལགས།། ༈ །།དེ་ལྟར་ཞི་གནས་ཀྱི་ཚུལ་བརྡའ་མཚོན་བཤད་ནས།། ༈ །།ལྷག་མཐོང་དངོས་ཀྱི་དོན་སྟོང་པ་ཉིད་ཀྱི་ཡེ་ཤེས་འདི་ལ།། ༈ །།ཉིད་ཀྱི་གསུངས་པ་ལྟར། །སྨྲ་བསམ་བརྗོད་མེད་ཤེས་རབ་ཕ་རོལ་ཕྱིན། ཞེས་སོགས་ནི་སེམས་ཉིད་རང་གི་ངོ་བོའི་ཆ་ནས་གསུངས་ལ། ཡང་བརྗོད་པ་ཀུན་གྱི་རྒྱུ་ཡི་མཆོག །ཅེས་སོགས་ནི་མཚན་ཉིད་

― TR004_Page_0241 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ་ལ་མ་འགག་པའི་ཆ་ནས་གསུངས་པ་སྟེ། དེ་གཉིས་འགལ་འདུ་ལྟར་མ་ཡིན་པར་སྟོང་གསལ་ཟུང་འཇུག་ཆེན་པོར་གདོད་ནས་ལྷུན་གྱི་གྲུབ་པ་ལག་མོད་ཅིང་། ལར་སྒོམ་ཕྱག་རྒྱ་ཆེན་པོ་ཞེས་ཉི་ཟླ་ལྟར་གྲགས་པ་འདི་ཉིད་ལ་ཡང་། ངོས་འཛིན་ལུགས་ཀྱི་བཞེད་པ་མི་གཅིག་པ་མང་སྟེ། རྒྱ་གར་དུ་ནཱ་རོ་པ་དང་། དེའི་སློབ་མ་ཏིལླི་པ་དང་བཅས་པ་ནི་ཐབས་ཤེས་གཉིས་ལས་ཐབས་གཙོ་བོར་མཛད་དེ། བདེ་སྟོང་ལྷན་སྐྱེས་ཀྱི་ཡེ་ཤེས་ལ་ཕྱག་རྒྱ་ཆེན་པོར་བཞེད་ཅིང་། ཉམས་ལེན་ཀྱང་ཐབས་ལམ་ལ་གནད་དུ་བསྣུན་པར་མཛད་པའི་ཕྱག་སྲོལ་མར་པ་མི་ལ་རས་ཆུང་སོགས་ཀྱིས་འཛིན་པ་དང་། ཡང་མཻ་ཏྲི་པ་དང་དེའི་བླ་མ་རི་ཁྲོད་དབང་ཕྱུག །དེའི་བླ་མ་ས་ར་ཧ་དང་བཅས་པས་ནི་ཤེས་རབ་སྟོངས་ཉིད་གཙོ་བོར་མཛད་དེ་རིག་སྟོང་ཕྱག་རྒྱ་ཆེན་པོའམ། །ཨ་མ་ན་སི་ཀ་ར་ཏེ།

― TR004_Page_0242 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིད་ལ་མི་བྱེད་པ་ཅེས་བྱ་བ། མ་བཅོས་སོར་འཇོག་ཁོ་ནའི་དོན་གྱི་ཡེ་ཤེས་ལ་ཕྱག་རྒྱ་ཆེན་པོར་བཞེད་པའི་ཕྱག་སྲོལ་མར་མི་ནས་བརྒྱུད་དེ། མཉམ་མེད་དྭགས་པོས་ལྷན་ཅིག་སྐྱེས་སྦྱོར་རྒྱ་ཆེར་སྤེལ་བར་མཛད་ལ། བཞེད་སྲོལ་འདི་ཉིད་དང་བསྟུན་ཏེ་ཕྱིས་སུ་ཡང་གར་དབང་ཆོས་ཀྱི་གྲགས་པ་སོགས་ཀྱིས་ཀྱང་། བདེ་སྟོང་ཕྱག་ཆེན་དང་། རིག་སྟོང་ངམ། གནས་ལུགས་ཕྱག་ཆེན་སོ་སོའི་ཡིག་ཆ་མཛད་པ་དང་། གཞན་ཡང་བོད་འདིར་རྗེ་ས་སྐྱ་པ་རྗེས་འབྲང་དང་བཅས་པ་རྣམས་ནི་ཕྱག་རྒྱ་ཆེན་པོ་ཅེས་བྱ་བ་དབང་དོན་གྱི་ཡེ་ཤེས་ཉིད་ཡིན་པས་དབང་གལ་ཆེ་བ་ཡིན་ཞེས། ཉམས་ལེན་ཀྱང་རྒྱུ་ལམ་འབྲས་གསུམ་གྱི་དབང་ལ་གཙོ་བོར་མཛད་པ་དང་། དཔལ་ལྡན་འབྲུག་པ་ཡབ་སྲས་དང་ཁྱད་པར་རྒྱལ་བ་རྒོད་ཚངས་པ་སོགས་ནི་ཐོལ་སྐྱེས་ཀྱི་ཤེས་པ་གྲ་མ་ཉམས་པ་ཉིད་ལ་

― TR004_Page_0243 ―

^{[མ་དཔེ་གཟིགས་ན་འདིར་གནོན།]}

[Full Size]

བཞེད་པ་དང་། མཁས་གྲུབ་ཀོ་བྲག་པ་ནི་སེམས་བྱུང་གནས་འགྲོ་གསུམ་བཙལ་བས་མ་རྙེད་པའི་རང་ངོ་ལ་བཞེད་པ་དང་། ཀུན་མཁྱེན་བུ་སྟོན་སོགས་ནི་བདེར་གཤེགས་སྙིང་པོ་ལ་བཞེད་ནས། གཞིའི་བཤད་པ་གཙོ་ཆེར་མཛད་པ་དང་། ཇོ་ནང་པས་ནི་སེམས་ཅན་གྱི་རྒྱུད་ལ་འབྲས་བུའི་ཡོན་ཏན་མཚན་དཔེ་སོགས་རྫོགས་པ་ཞིག་ལ་བཞེད་ནས་འབྲས་བུའི་བཤད་པ་གཙོ་བོར་མཛད་པ་དང་། བུ་དོང་པས་ནི་རྣམ་པར་མི་རྟོག་པའི་ཡེ་ཤེས་འབའ་ཤིག་ལ་བཞེད་དེ་དབུ་མ་ལྟར་སྟོང་ཕྱོགས་ཀྱི་བཤད་པ་གཙོ་བོར་མཛད་པ་དང་། དགེ་ལྡན་པས་ཀྱང་དེ་བཞིན་དུ་དབུ་མའི་ལྟ་བ་ལ་བཞེད་པ་དང་། ཞང་ཚལ་པས་ནི་འོད་གསལ་ཆེན་པོ་ལ་བཞེད་པ་དང་། འབྲི་ཁུང་པས་ནི་རང་རིགས་ཉག་གཅིག་ལ་བཞེད་པ་སོགས། མཐར་ཐུག་གི་དགོངས་པ་ལ་ཁྱད་ཆེར་མེད་རུང་། རྣམ་པ་ལྟར་གཙོར་འདོན་

― TR004_Page_0244 ―

^{[མ་དཔེ་གཟིགས་ན་འདིར་གནོན།]}

[Full Size]

ཚུལ་མཐའ་ཡས་མོད་ཀྱི།། ༈ །།ཀམ་ཚང་སྒྲུབ་རྒྱུད་ཀྱི་བཞེད་པ་ནི། རྒྱུད་སྡེ་ཐམས་ཅད་ཀྱི་མཐར་ཐུག་གི་དགོངས་པ་ཐབས་ཤེས་གཉིས་མེད་ཀྱི་ཡེ་ཤེས་གཉུག་མ་ལྷན་སྐྱེས་ཀྱི་དབྱིངས་སུ་རང་ཤར་སོ་མ་སྣང་རིགས་རྗེན་པ་འདི་ཉིད་ལ་ཕྱག་རྒྱ་ཆེན་པོའམ་ལྷག་མཐོང་གི་ངོ་བོར་བཞེད་དེ། དཔལ་མཁའ་སྤྱོད་པས་མཛད་པའི་ཕྱག་ཆེན་ངོ་སྤྲོད་ལས། གསལ་རིག་ཏུ་སྣང་ཞིང་ཅིའི་ངོ་བོར་ཡང་མ་གྲུབ་ལ། གདོད་ནས་གྲུབ་པ་ཅུང་ཟད་ཀྱང་མེད་བཞིན་དུ་སྣ་ཚོགས་སུ་དུ་མར་སྣང་བས། སྣང་རིག་སྟོང་གསུམ་ཟུང་འཇུག་དབྱེར་མེད་རོ་མཉམ་པ་འདི་ཉིད་ཕྱག་རྒྱ་ཆེན་པོའམ། རང་སེམས་སངས་རྒྱས་ཀྱི་རང་ཞལ་མངོན་སུམ་དུ་སྣང་བ་ཡིན་ནོ། །ཞེས་གསུངས་ཤིང་། དེ་དང་མཐུན་པར་སྒྲུབ་རྒྱུད་གོང་མ་རྣམས་ཀྱི་གསུང་བགྲོས་རྣམས་ལས་རྒྱ་ཆེར་འབྱུང་མོད་ལ། སྙིང་མའི་ཕྱག་ཆེན་དག་གི་བཞེད་དོན་ཡང་དེ་བཞིན་དེ།། ༈ །།གུ་རུ་རིན་པོ་

― TR004_Page_0245 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེའི་ཕྱག་ཆེན་ཞལ་གདམས་ལས། སེམས་ཉིད་ཕྱག་རྒྱ་ཆེན་པོ་ཞེས་བྱ་གསལ་སྟོང་གཉིས་སུ་མེད་པའི་ཡེ་ཤེས་ལ་ཟེར་བ་ཡིན། འཁོར་འདས་ཀྱིས་བསྡུས་པའི་ཆོས་ཐམས་ཅད་དང་པོར་བྱུང་ཡང་སེམས་ཉིད་ལས་བྱུང་། ད་ལྟ་ཡང་སེམས་ཉིད་ཀྱི་ངང་ལ་གནས་མཐར་གྲོལ་བ་ཡང་སེམས་ཀྱི་ཀློང་དུ་ཐིམ་ཕྱིར་ཐམས་ཅད་སེམས་ཉིད་ལས་མ་འདས་སེམས་དེ་ཉིད་བླ་མའི་བྱིན་རླབས་དང་གདམས་ངག་གི་ཟིན་རང་རིག་རང་ངོ་ཤེས་ན་མྱ་ངན་ལས་འདས་པའི་ཡོན་ཏན་ཐམས་ཅད་བསྐྱེད་པའི་གཞི་ཡིན། དེ་ཅིའི་ཕྱིར་ན། སེམས་ཀྱི་རང་བཞིན་གདོད་ནས་མ་སྐྱེས་པ་ཆོས་ཀྱི་སྐུ། རང་མདངས་འགག་མེད་དུ་གསལ་བ་ལོངས་སྐུ། རོལ་རྩལ་ཐུགས་རྗེ་ཀུན་ལ་ཁྱབ་པ་སྤྲུལ་པའི་སྐུ། དེ་གསུམ་གདོད་ནས་དབྱེར་མེད་ལྷུན་གྲུབ་ཏུ་བཞུགས་པ་ངོ་བོ་ཉིད་ཀྱི་སྐུ་སྟེ། དེ་ལྟར་རྟོགས་པས་སངས་རྒྱས་ཀྱི་ཡོན་ཏན་ཐམས་ཅད་ལྷུན་གྲུབ་ཏུ་འབྱུང་བའོ། །ཞེས་དང་། སེམས་ཉིད་ཡེ་གདོད་

― TR004_Page_0246 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ནས་སྐྱེ་བ་མེད་པ་ལས། འགག་མེད་དུ་འཁོར་འདས་ཀྱི་ཆོ་འཕྲུལ་སྣ་ཚོགས་ཤར་ཡང་སྐྱེ་མེད་ཀྱི་རོལ་པ་ལས་མ་འདས་དེའི་ཕྱིར་སྣང་བ་ཐམས་ཅད་སྟོང་པ། སྟོང་པའི་རང་མདངས་སྣང་བ་སྟེ་སྣང་སྟོང་གཉིས་སུ་མེད་དོ། །ཅེས་སོགས་དང་། དེ་ལ་ཐབས་ཤེས་དབྱེར་མེད་ཅེས་ཀྱང་བྱ་སྟེ། འགག་མེད་དྲན་སྣང་གི་ཡེ་ཤེས་ཐབས། དེའི་རང་བཞིན་སྐྱེ་བ་མེད་པ་ཤེས་རབ། ཐབས་ཤེས་གཉིས་མེད་ཀྱི་ཡེ་ཤེས་ཆེན་པོ་དེ་ནི་ཆོས་ཐམས་ཅད་ཀྱི་བཞུགས་ཚུལ་ལོ། །ཞེས་སོགས་རྒྱས་པར་གསུངས་པ་དང་། གཞན་ཡང་ཕྱག་ཆེན་ཀློང་ཡང་མཐའ་བྲལ་ལས། ཞི་གནས་ལྷག་མཐོང་ཞེས་བྱ་བ། །རྣམ་རྟོག་ཉོན་མོངས་རང་སར་ཞི། །ཡིད་ལ་བྱར་མེད་ཞི་གནས་ཏེ། །ལྷག་མཐོང་སྣང་སྲིད་སེམས་སུ་རྟོགས།། ༈ །།མཉམ་བཞག་སེམས་ལ་ལས་མི་བཀོལ། རང་བབས་ལྷུག་པར་འཇོག་པའོ།། ༈ །།རྗེས་ཤེས་ཕྲ་

― TR004_Page_0247 ―

^{[མ་དཔེ་གཟིགས་ན་འདིར་གནོན།]}

[Full Size]

རགས་རྣམ་རྟོག་ཡིན། ཞེས་དང་། སེམས་རྩལ་མ་འགག་སྣང་བ་སྟེ། །རང་བཞིན་ཤེས་པ་སྟོང་པའོ། །དམིགས་པ་མེད་པ་ལྟ་བ་སྟེ། །འཛིན་མེད་སྐྱོང་བ་སྒོམ་པའོ། །དགག་སྒྲུབ་མེད་པ་སྤྱོད་པ་ལ། །འབྲས་བུ་རེ་དོགས་བྲལ་བའོ། །འཇིག་རྟེན་ཞེན་པ་ལིངས་ཀྱི་བོར། །འཁྲུལ་པའི་སྣང་བ་ཤིགས་ཀྱི་བཤིག །བག་ཆགས་འཛིན་ཞེན་བུན་གྱི་ཐོང་། །ཤེད་པ་རང་སོར་ལྷོད་ཀྱི་གློད། །ཆོས་ཉིད་ངང་ལ་ལྷན་གྱི་ཞོག །སངས་རྒྱས་ཀུན་གྱིས་མེས་པོ་སེམས། །སེམས་ཀྱི་དེ་ཉིད་རྟོགས་པ་གཅེས། །སུམ་ཅུ་རྩ་བདུན་བྱང་ཆུབ་ཆོས། །ས་བཅུ་ལམ་ལྔ་ཕར་ཕྱིན་དྲུག །སྐུ་གསུམ་སྐུ་ལྔ་ཡེ་ཤེས་ལྔ། །དེ་སོགས་ཆོས་རྣམས་ཐམས་ཅད་ཀུན། །སེམས་ཉིད་ཐིག་ལེ་ཉག་གཅིག་གི གཞི་རྩ་ཆོད་ན་དེ་ལ་འདུས། །ཅེས་པ་ལ་སོགས། རིག་འཛིན་གྲུབ་ཐོབ་ཐམས་ཅད་མགྲིན་གཅིག་དབྱངས་གཅིག་ཏུ་ཆོས་ཐམས་ཅད་

― TR004_Page_0248 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་རྩ་བ་རང་སེམས་ལ་རང་དབང་ཐོབ་དགོས་པར་གསུངས་མོད་ཀྱང་། ཁ་ཆོས་ཚིག་གི་ལྟ་སྒོམ་ལ་འབྱམས་པ་དང་། བླུན་སྒོམ་ཡིད་བྱེད་བཅོས་མའི་སྒོམ་ལ་ཞེན་མཁན་མང་བས།། ༈ །།དེས་ན་གཙོ་བོར་མཚན་ལྡན་གྱིས་སློབ་མའི་ཁམས་དང་དབང་པོའི་བྱེ་བྲག་ཐ་དད་པ། རིམ་གྱིས་པ། ཅིག་ཆར་བ། ཐོད་རྒལ་བ་སོགས་གང་དང་གང་དེའི་རིགས་དང་བསྟུན་པའི་ཁྲིད་ཐབས་ཀྱིས། དང་པོར་ཐུན་མོང་དང་ཐུན་མོང་མ་ཡིན་པའི་སྔོན་འགྲོ་རྣམས་ལ་ནན་ཆགས་རྟགས་ཐོན་དུ་བྱ་བ་དང་། དངོས་གཞི་ཉིད་ལའང་ཁྲིད་ཚུལ་གྱི་ཕྱག་བཞེས་ཐ་དད་ཀྱི། སྒོམ་ཐོག་ནས་ལྟ་བ་གཏན་ལ་འབེབས་པའམ། ལྟ་ཐོག་ནས་སྒོམ་པ་གཏན་ལ་འབེབས་པ་སོགས་གང་ལྟར་བྱེད་རུང་། དགོས་དོན་ལ་སེམས་ཀྱི་གཞི་རྩ་ཆོད་པ་ཅིག་གལ་ཆེ་བའི་ཕྱིར། འོལ་ཚོད་དང་། གོ་ཡུལ་དང་། རྣ་

― TR004_Page_0249 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོས་དང་། དེས་ལ་ལྟས་པའི་ཚིག་དྲེད་སོགས་མ་ཡིན་པར། རང་ཉམས་ལ་ཐག་ཆོད་ཀྱི་སེམས་ཚོལ་བྱ་ཞིང་བརྡར་ཤ་བཤད་ནས། སྐབས་ལ་ནམ་བབས་ཚེ་ངོ་སྤྲོད་གནད་བསྣུན་དུ་གདབ་པ་མ་གཏོགས། དུས་མིན་སྐབས་མིན་དུ་གདམས་ངག་གི་ཟབ་ཚིག་ཆོལ་པར་བཤད་ན། སློབ་མ་མྱོང་མེད་ཁ་འཁྱེར་མཁན་དུ་འགྱུར་ཕྱིར། གནད་མཚམས་ཀྱི་བྱེ་བྲག་ཤེས་པ་གལ་ཆེ་བར་གདའ་ལགས།། ༈ །།སྐབས་འདིར་ཉིད་ཀྱིས་དྭགས་པོ་ཐར་རྒྱན་ནས་གསུངས་པ་ལྟར། དཔེ་རིག་ལུང་གསུམ་གྱི་སྒོ་ནས། སྟོང་པ་ཉིད་ལ་ལྟ་ཉེས་ན། །ཤེས་རབ་ཆུང་རྣམས་ཕུང་བར་འགྱུར། །ཞེས་པའི་སྐྱོན་སེལ་གྱི་སྐབས་དོན་ཞིབ་རྒྱས་སུ་རྩལ་བའི་ཆ་ལ།། ༈ །།སྤྱིར་བསྟན་བཅོས་ཡིད་བཞིན་གྱི་ནོར་བུ་ཐར་པ་རིན་པོ་ཆེའི་རྒྱན་འདི་ཉིད་བཀའ་ཕྱག་ཆུ་བོ་གཉིས་འདྲེས་ཀྱི་དགོངས་

― TR004_Page_0250 ―

^{[མ་དཔེ་གཟིགས་ན་འདིར་གནོན།]}

[Full Size]

པ་བསྟན་ལ་ཕབས་ཏེ། མདོ་སྔགས་ཐུན་མོངས་ལས་ཀྱང་མདོ་ལུགས་གཙོ་ཆེ་བར་གསུངས་ཤིང་ཐེག་ཆེན་གྱི་རིམ་དུ་མཛད་པ་ཡིན་ཕྱིར། ཤེས་རབ་ཀྱི་ལེའུར་བསྟན་པའི་སྟོང་ཉིད་འདི་ནི་དབུ་མའི་ལྟ་བ་གཙོ་ཆེར་གསུངས་པ་དང་། ལམ་ཐབས་ཀྱི་ཆ་རྣམས་ཀྱང་ཕར་ཕྱིན་དྲུག་གཙོ་བོར་བསྟན་ལ། ལུང་སྦྱོར་རྣམས་ཀྱང་དབུ་མའི་གཞུང་དང་བྱམས་ཆོས་སོགས་ཤས་ཆེར་དྲངས་པར་མཛད་ཕྱིར། མདོར་ན་ཐུན་མོང་ཐེག་པ་དང་སྒོ་མཚུངས་པར་ཡོད་པ་སྟེ།། ༈ །།ཕྱག་རྒྱ་ཆེན་པོའི་བཞེད་དོན་དང་པོ་ནི། རྗེ་སྒམ་པོ་པ་ཉིད་ཀྱི་ཞལ་གདམས་གབ་པ་མངོན་ཕྱུངས་སོགས་བསྟན་བཅོས་དང་ཞུས་ལན་གཞན་རྣམས་ལས་གསལ་བར་ལགས་ཤིང་། ལར་ཡང་མདོ་སྔགས་གཉིས་པོ་ལྟ་བ་ལ་ཁྱད་པར་མེད་ཀྱང་ཐབས་ཀྱི་ཁྱད་པར་ཡིན་ནོ་ཞེས་ཕལ་ཆེར་གྱིས་བཞེད་མོད་ཀྱང་། ཉམས་སུ་

― TR004_Page_0251 ―

^{[མ་དཔེ་གཟིགས་ན་འདིར་གནོན།]}

[Full Size]

ལེན་རྒྱུ་ནི་ལྟ་བའི་དོན་དེ་ཉིད་ཡིན་ཚེ། དོན་དེ་ཉིད་རྟོགས་ཚུལ་ལམ་སྒོམ་ཚུལ་ནི་ཐབས་ཡིན། དེ་ལ་ཁྱད་ཡོད་པ་དེ་ཀས་ལྟ་བ་ཉིད་ཅུང་ཟད་ཁྱད་ཡོད་པར་གྲུབ་སྟེ།། ༈ །།དེ་ཡང་རྒྱུ་མཚན་ཉིད་ཐེག་པའི་ལྟ་བ་བཟང་ཤོས་ནི་དབུ་མ་ཡིན་ལ། དབུ་མ་རང་གི་ནང་ཚན་གྱི་དབྱེ་བ་མང་ཡང་། སྤྱི་མཐུན་གྱི་སྒོམ་པའི་སྐབས་སུ། མཉམ་བཞག་ནམ་མཁའ་ལྟ་བུ་དང་། རྗེས་ཐོབ་སྒྱུ་མ་ལྟ་བུར་བསྒོམ་པར་བཤད་ཅིང་། མཉམ་བཞག་གི་སྟོང་ཉིད་ནམ་མཁའ་ལྟ་བུ་དེ་ཡང་ལུང་རིག་དང་བརྟག་དཔྱད་ཁོ་ནས་གཞིག་སྟེ། སེམས་ཀྱི་ངོ་བོ་གང་དུའང་མ་གྲུབ་པའི་སྟོང་པར་བློས་བསྒྲུབ་ནས་གཏན་ལ་འབེབས་པར་བྱེད་ཅིང་། བསྒོམ་པའི་ཚེ་ཡང་རྣམ་རྟོག་མཐའ་དག་ཆེད་དུ་སྤངས་པའི་རྟོག་མེད་ནམ་མཁའ་ལྟ་བུ་མཉམ་པར་འཇོག་ལ། རྗེས་ཤེས་དང་རྗེས་སྣང་ཀུན་ལ་སྒྱུ་མ་ལྟ་བུའི་འཛིན་སྟངས་སམ་

― TR004_Page_0252 ―

^{[མ་དཔེ་གཟིགས་ན་འདིར་གནོན།]}

[Full Size]

མོས་བློས་རྒྱས་འདེབས་བྱེད་པ་འབའ་ཞིག་སྣང་མོད།། ༈ །།ཕྱག་ཆེན་དུ་ནི་སེམས་ཀྱི་གནས་ཚུལ་ལམ། འཆར་ཚུལ་གང་ལྟར་འདུག་པ་དེ་ཀ་བཟོ་མེད་ལྷུག་པར་རང་རིག་ཡེ་ཤེས་སུ་ལམ་དུ་འཁྱེར་བ་མ་གཏོགས་དགག་སྒྲུབ་མི་བྱེད་པ་དང་།། ༈ །།སེམས་འཚོལ་གྱི་དུས་ན་ཡང་མཚན་ཉིད་ཐེག་པར་བློས་བརྟག་དང་ཡིད་བྱེད་བསམ་མནོ་ཁོ་ནས་འཚོལ་བར་བྱེད་ཅིང་། དེ་ལྟར་བཙལ་བས་མ་བརྙེད་པ་ཁང་སྟོང་གི་རྐུན་མ་ལྟ་བུའམ། མ་གྲུབ་པའི་སྟོང་པ་ལ་གཤིས་སུ་བྱེད་མོད་ཀྱི།། ༈ །།ཕྱག་ཆེན་པས་ནི་མཉམ་བཞག་གི་ཐོག་ནས་རང་གི་རང་ངོ་ལ་བལྟས་ཏེ། ཁ་དོག་དབྱིབས་མཚན་དུ་གྲུབ་མ་གྲུབ་དང་། བྱུང་ས་གནས་ས་འགྲོ་ས་སོགས་ཡོད་མེད་ཀྱི་བརྡར་ཤ་བཅད་པས། འཚོལ་མཁན་གྱི་རིག་པ་ཁོ་རང་ལས་གཞན་དུ་མེད་པར་ཐག་ཆོད་ཅིང་། འཚོལ་བྱ་འཚོལ་བྱེད་གཉིས་མེད་ཀྱི་ཤེས་པ་སྟོང་གསལ་

― TR004_Page_0253 ―

^{[མ་དཔེ་གཟིགས་ན་འདིར་གནོན།]}

[Full Size]

ཟུང་འཇུག་གི་རང་ངོ་མཐོང་བར་འགྱུར་ཕྱིར། དེས་ན་ཁྱད་པར་ཤིན་ཏུ་ཆེ་བ་ཉིད་དེ། བློས་གཞིག་ཅིང་གཏན་ཚིགས་དང་བརྟག་དཔྱད་ཀྱིས་སྟོང་པར་བྱས་པ་དེ་ལ་སྟོང་པ་ཇི་བཞིན་པར་མི་བཞེད་དེ། འཇམ་དཔལ་གྲགས་པས། ཕུང་པོ་རྣམ་དཔྱད་སྟོང་པ་ནི། །ཆུ་ཤིང་ཇི་བཞིན་སྙིང་པོ་མེད། །རྣམ་པ་ཐམས་ཅད་མཆོག་ལྡན་པའི། །སྟོང་ཉིད་དེ་ལྟར་འགྱུར་མ་ཡིན། །ཞེས་སོགས་གསུངས་ཤིང་བློ་ཡི་བཅོས་མ་དང་བརྟག་དཔྱད་ཁོ་ནས་ནི་བློ་འདས་ཀྱི་དོན་མི་རྟོགས་པའི་ཚུལ་ནི། ཏེ་ལོ་པས། བློ་ཡི་ཆོས་ཀྱི་བློ་འདས་དོན་མི་རྟོགས། །བྱས་པའི་ཆོས་ཀྱིས་བྱར་མེད་སངས་མི་རྒྱ། །བློ་འདས་བྱར་མེད་དོན་དེ་རྟོགས་འདོད་ན། །རང་སེམས་རྩ་བ་ཆོད་ལ་རིག་པ་གཅེར་བུར་ཞོག །ཅེས་གསུངས་པས་ན། རྒྱུའི་ཐེག་པའི་ལྟ་སྒོམ་རྣམས་ཕྱག་རྒྱ་ཆེན་པོའི་སྐབས་འདི་དང་ཅུང་ཟད་བཞེད་པ་མི་མཐུན་པ་

― TR004_Page_0254 ―

^{[མ་དཔེ་གཟིགས་ན་འདིར་གནོན།]}

[Full Size]

དང་།། ༈ །ཁྱད་པར་དུ་སྟོང་ཉིད་ལ་ལྷ་ཉེས་ན་ཕུལ་བའི་ཚུལ་ནི། རྒྱལ་བ་ཐབས་ལ་མཁས་པའི་གང་ཟག་ཐ་མལ་པ་དང་། ཉན་རང་སོགས་དངོས་པོར་འཛིན་པའི་ཞེན་པ་ལས་བཟློག་ཕྱིར་སྟོང་ཉིད་ལྡན་པ་ཡིན་མོད་ཀྱང་། སྟོང་ཉིད་ལ་མཆོག་འཛིན་བྱས་ན་དངོས་འཛིན་ལས་ཀྱང་སྐྱོན་ཆེ་བར་འགྱུར་ཚུལ། རྗེ་སྒམ་པོ་པས་དེས་རིག་ལུང་གསུམ་གྱིས་བསྟན་པ་ལྟར། །དཀོན་མཆོག་བརྩེགས་པ་ལས་འོད་སྲུངས། གང་དག་ཏུ་བལྟ་བ་རི་རབ་ཙམ་ནི་སླའི་མངོན་པའི་ང་རྒྱལ་ཅན་སྟོང་པ་ཉིད་དུ་ལྟ་བ་ནི་དེ་ལྟར་མ་ཡིན་ནོ་ཞེས་དང་། བྲམ་ཟེ་ཆེན་པོས། དངོས་པོར་འཛིན་པ་ཕྱུགས་ལས་བླུན་པ་སྟེ། །དངོས་པོར་འཛིན་པ་དེ་བས་ཀྱང་ནི་བླུན། །ཞེས་སོགས་ལུང་མང་མོད་ཅིང་། སྟོང་འཛིན་དེས་ཕུང་བའི་རྒྱུ་མཚན་ཅི་ཡིན་ཞེ་ན། དོན་དམ་གྱི་སྟོང་ཉིད་བློ་འདས་ཡིན་པ་ལ། འདི་བློ་

― TR004_Page_0255 ―

^{[མ་དཔེ་གཟིགས་ན་འདིར་གནོན།]}

[Full Size]

བྱས་སུ་གྱུར་པས་བྱང་ཆུབ་ཀྱི་ལམ་དུ་མི་འགྲོ་བའི་ཁར། སྟོང་པ་ཁོ་ནར་ཞེན་པ་དེ་ནི་ཆད་ལྟར་འགྱུར་ལ། དེ་ནི་ངན་སོང་གི་རྒྱུ་འབའ་ཤིག་སྟེ། སའི་སྙིང་པོ་འཁོར་ལོ་བཅུ་པའི་མདོར། ལས་ཀྱི་རྣམ་སྨིན་རྒྱུ་འབྲས་མི་འདོད་པ། །དེ་ནི་མུ་སྟེགས་ཆད་པར་སྨྲ་བ་སྟེ། །ཤི་མ་ཐག་རུང་མནར་མེད་དམྱལ་བར་སྐྱེད། །དེ་ནི་རང་ཕུང་གཞན་ཡང་རླག་པར་བྱེད། །ཅེས་གསུངས་སོ།། ༈ །།གཞན་ཡང་བོད་འདིར་མཁས་རློམས་ལ་ལས། ཕྱག་རྫོགས་གཉིས་ཀྱི་ལྟ་སྒོམ་དང་། ཁྱད་པར་སྤྱོད་པ་བླང་དོར་བྲལ་བ་སོགས་ཀྱི་ཆོས་སྐད་ལ་ཧྭ་ཤང་གི་གྲུབ་མཐའ་དང་མཐུན་མོང་མཉམ་པ་མཛད་མོད་ཀྱང་། ཧྭ་ཤང་ནི་ཐབས་ཀྱི་ཆ་དང་རྒྱུ་འབྲས་སོགས་གང་མི་འདོད་པར། དྲན་པ་མེད་ཅིང་ཡིད་ལ་བྱར་མེད་པ། ཅེས་གསལ་ཆ་ཐམས་ཅད་བཀག་

― TR004_Page_0256 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་མི་རྟོག་པ་གཉིད་ཐུག་པོ་ལྟ་བུའི་གཏི་མུག་ལ་སྒོམ་དུ་འདོད་པར་སྣང་ལ། དེ་དང་ཕྱག་རྫོགས་ཀྱི་གསལ་སྟོང་ཟུང་འཇུག་གི་ཡེ་ཤེས་གཉིས་ནམ་ཡང་མཚུངས་པའི་སྐབས་མེད་པ་དང་།། ༈ །།རྫོགས་ཆེན་གྱི་ཚིག་འགའ་ཞིག་ཏུ། དྲན་བསམ་ལས་འདས་པ་ཅེས་དང་།། ༈ །།ཕྱག་ཆེན་དུ་ཡིད་ལ་མི་བྱེད་པ། ཅེས་པ་རྣམས་ནི་བློས་བྱས་ཀྱི་བཟོ་བཅོས་སོགས་ཐ་མལ་འཁྲུལ་པའི་བསམ་བློ་བྱེད་པ་ལ་གསུངས་པ་ཡིན་ཅིང་།། ༈ །།སྤྱོད་པ་དགག་སྒྲུབ་བླང་དོར་མེད་པ་དེ་ཡང་། མཉམ་བཞག་གི་རང་ངོ་ལ་དགེ་སྡིག་དང་བཟང་ངན་སོགས་མཚན་འཛིན་གྱིས་མ་གོས་པའི་འདུས་མ་བྱས་ཀྱི་ཆོས་ཀྱི་ལ་ཟེར་བ་ཡིན་གྱི། ནམ་དུའང་དགེ་སྡིག་མེད་ཅེས་རྒྱུ་འབྲས་ཁྱད་དུ་གསོད་པ་ནི་མ་ཡིན་ཞིང་། ཐབས་ཤེས་ཡ་མ་བྲལ་བ་ཉམས་ལེན་ལ་གནད་དུ་བསྣུན་པ་ནི་ཕྱག་རྫོགས་ཀྱི་བཞེད་དོན་གཙོ་བོ་ཡིན་པས།།

― TR004_Page_0257 ―

^{[མ་དཔེ་གཟིགས་ན་འདིར་གནོན།]}

[Full Size]

༈ །།དེས་ན་ཇོ་བོ་རྗེས་གསུངས་པ་ལྟར། གཞི་བདེན་གཉིས་ཟུང་འཇུག །ལམ་ཐབས་ཤེས་སམ་ཚོགས་གཉིས་ཟུང་འཇུག །འབྲས་བུ་སྐུ་གཉིས་ཟུང་འཇུག་ཏུ་དགོངས་པ་མཐུན་པ་ལགས།། ༈ །།གཞན་ཡང་། མཉམ་མེད་སྒམ་པོ་པས། ཕར་ཕྱིན་ཐེག་པ་བས་ནི་རྟེན་འབྲེལ་སོགས་ལུང་རིགས་ཀྱི་སྒོ་ནས་སྣང་ལ་རང་བཞིན་མེད་པར་གཏན་ལ་ཕབས་ཏེ། བསྒོམ་པ་ཡིན། མོས་པས་སྟོང་ཉིད་དུ་བྱེད་པ་ཡིན་ཏེ་དབུ་མ་བའི་སྒོམ་ལུགས་ཡིན། དེ་རང་ཡང་བསྒོམ་བྱ་བསྒོམ་བྱེད་དང་བཅས་པའི་གཉིས་འཛིན་གྱི་བློར་འདུག་པས། དེས་ལྟ་བ་མ་རྟོགས། དངོས་འཛིན་ལ་གནོད་པ་བསྐྱལ་བས། སྒྲིབ་པ་དཔག་ཏུ་མེད་པ་མཛད་ནུས་ཏེ། འཚང་རྒྱ་མི་ནུས། ཞེས་གསུངས་པ་དང་ཡང་། ཡང་། གཞན་དག་མི་རྟོག་པ་དུམ་གཅིག་ལ་མཉམ་བཞག་བྱས་ནས། རྗེས་རྨི་ལམ་སྒྱུ་མ་ལྟར་བསྒོམ་པ་ཡིན། བླ་མ་མི་ལའི་ལུགས་ལ་

― TR004_Page_0258 ―

^{[མ་དཔེ་གཟིགས་ན་འདིར་གནོན།]}

[Full Size]

དུག་ལྔ་དང་རྣམ་རྟོག་ཐམས་ཅད་གཉིས་མེད་ཡེ་ཤེས་སུ་འཁྱེར་ནས། གོམས་ཙ་ན་མཉམ་རྗེ་དང་མཐུན་མཚམས་མེད་པར་ལམ་དུ་འཁྱེར་བ་ཡིན་ནོ། །ཞེས་སོགས་གསུངས་པ་འདི་དག་ནི་ཕྱག་ཆེན་གྱི་བཞེད་དོན་ཐུན་མོངས་མ་ཡིན་པ་རྗེན་ཕྱུངས་སུ་བསྟན་པར་གདའ་ལགས།། ༈ །།ཡང་ཉིད་ཀྱིས། སྟོང་ཉིད་མཚན་ཉིད་ཀྱི་སྒོམ་པས་ངན་འགྲོར་ཕྱོགས་ན། མཚན་བཅས་ཀྱི་སྒོམ་པས་དེ་བས་ཐེ་ཚོམ། གསུངས་པ་འདི་ལ། སྤྱིར་སྟོང་པ་ཉིད་ཀྱི་དོན་ཕྱིན་ཅི་མ་ལོག་པར་རྟོགས་པ་ནི་ཆོས་ཐམས་ཅད་ཀྱི་འབྱུང་གནས་ཡིན་ཏེ། དེའི་ཕྱིར་རྒྱལ་བའི་ཡུམ་ཞེས་ཀྱང་བྱ། ཆོས་ཀྱི་དབྱིངས་ཞེས་ཀྱང་བྱ། ཤེས་རབ་ཅེས་ཀྱང་བྱ། བཙུན་མོའི་བྷ་ག་དང་། མཁའ་དབྱིངས་དང་ཆོས་འབྱུང་དང་། ཨེ་ཝམ་སོགས་གསང་སྔགས་ཀྱི་བརྡ་དོན་བརྟགས་གསུམ་ཐམས་ཅད་འདི་ལྟ་བུའི་དོན་མཚོན་ཕྱིར་སྒྲ་ཇི་བཞིན་མ་ཡིན་པའི་ཚིག་ཏུ་གསུངས་ཤིང་།། ༈ །།ངེས་དོན་

― TR004_Page_0259 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་མདོ་སྡེ་རྣམས་ལས་སྟོང་ཉིད་བཅོ་བརྒྱད་ཀྱི་དབྱེ་བསྡུ་གསུངས་པ་ཐམས་ཅད་དང་། སྔགས་ཀྱི་སྐྱེད་རྫོགས་ཀུན་གྱི་ཡང་འབྱུང་གནས་ཡིན་མོད་ལ། དཔེར་ནི་ཕྱིའི་ནམ་མཁའ་ནི་སྣོད་བཅུད་ཐམས་ཅད་ཀྱི་བསྐྱེད་པའི་གཞིའམ་འབྱུང་གནས་ཡིན་པ་ལྟར། སྟོང་པ་ཉིད་ལས་འཁོར་འདས་ཀྱི་ཆོས་ཐམས་ཅད་དང་པོར་དེའི་ཀློང་ལས་ཤར་ཞིང་། མཐར་ཡང་དེའི་དབྱིངས་སུ་ཐིམ་པ་སྟེ། འབྲས་བུ་དྲི་མ་མེད་པའི་རྒྱུད་ལས། འཁོར་འདས་མ་ལུས་བསྐྱེད་པའི་གཞི། །ཅིར་ཡང་མ་གྲུབ་ཆོས་ཀྱི་དབྱིངས། །ཀུན་ལ་ཁྱབ་ཅིང་ཡངས་པའི་ཀློང་། །ཡེ་ཤེས་ནམ་མཁའི་དབྱིངས་ལྟ་བུ། །སྐྱེ་མེད་ངང་ལས་སྐྱེ་བ་ཡིན། །སྣ་ཚོགས་ཆོ་འཕྲུལ་ཅིར་ཡང་སྣང་། །གྲུབ་པ་མེད་ལས་མངོན་སུམ་དུ། །སྣང་སྲིད་འཁོར་འདས་ཐམས་ཅད་གྲུབ། །ཐམས་ཅད་གནས་ལུགས་དོན་ལ་གཅིག །སྤྲོས་དང་བྲལ་བའི་ཆོས་ཉིད་དོ། །ཅེས་པ་ལྟར་ཡིན་མོད་ཀྱང་དོན་ཇི་བཞིན་མ་རྟོགས་པ་རྣམས་ཀྱིས་ནི་འཁྲུལ་

― TR004_Page_0260 ―

^{[མ་དཔེ་གཟིགས་ན་འདིར་གནོན།]}

[Full Size]

པ་འབྱུང་བའི་གཞི་ཡང་ཡིན་ཕྱིར། སྟོང་གསལ་ཟུང་འཇུག་གི་འཚང་མ་རིག་པར། སྟོང་པ་ཕྱང་ཆད་དམ། ཉི་ཚེ་བའི་སྟོང་པ་སོགས་འཛིན་སྟངས་ལོག་པས་ངན་འགྲོར་ཕྱོགས་པ་མ་གཏོགས། ཡང་དག་པའི་སྟོང་པ་ཉིད་རྟོགས་པ་ལ་ནི། ངན་འགྲོར་འགྲོ་མཁན་དང་། འགྲོ་རྒྱུ་འགྲོ་ས་སོགས་མ་གྲུབ་ལ།། ༈ །ཁྱད་པར་ཕྱག་རྒྱ་ཆེན་པོའི་སྐབས་འདིར། གཞི་ཕྱག་རྒྱ་ཆེན་པོ་གདོད་མའི་གནས་ལུགས་སམ་བདེར་གཤེགས་སྙིང་པོ་འཕོ་འགྱུར་བྲི་གང་མེད་པའི་ཆོས་ཉིད་སྟོང་གསལ་རིག་པའི་སྙིང་པོ་ཅན་ཡེ་ནས་ལྷུན་གྲུབ་ཏུ་གནས་པ་ལ། ལམ་ཕྱག་རྒྱ་ཆེན་པོ་ཞི་ལྷག་དང་སྐྱེད་རྫོགས་དང་ཐབས་ཤེས་དང་ཚོགས་གཉིས་སོགས་ཟབ་ཅིང་མྱུར་བའི་རིམ་པ་དུ་མས་བློ་བུར་འཁྲུལ་པའི་དྲི་མ་སྦྱངས་པས་འབྲས་བུ་ཕྱག་རྒྱ་ཆེན་པོ་སངས་རྒྱས་སྐུ་གསུམ་གྱི་བདག་ཉིད་གཞན་ནས་མ་བཙལ་རང་ལས་རང་བྱུང་ལྷུན་གྲུབ་ཆེན་པོའི་ཆོས་ཀྱི་རྒྱལ་

― TR004_Page_0261 ―

^{[མ་དཔེ་གཟིགས་ན་འདིར་གནོན།]}

[Full Size]

སྲིད་ལ་རང་དབང་འབྱོར་བ་སྟེ། དེས་ན་སྟོང་ཉིད་ཇི་ལྟ་བ་མངོན་དུ་གྱུར་པའི་ཡོན་ཏན་ནི་ལགས་ཤིང་།། ༈ །།མཚན་བཅས་ཀྱིས་ཀྱང་ངན་འགྲོའི་རྒྱུ་རྐྱེན་བྱེད་མི་བྱེད་ནི་གང་ཟག་ལ་རག་པ་ཉིད་དེ།། ༈ །།དེ་ཡང་མཚན་བཅས་ཀྱི་བྱེ་བྲག་ནི། ཐུན་མོང་ཐེག་པར་བྱམས་སྙིང་རྗེ་བྱང་ཆུབ་ཀྱི་སེམས་དང་། ཕར་ཕྱིན་དྲུག་སོགས་ལམ་གྱི་ཆོས་ཐམས་ཅད་དང་།། ༈ །།ཐུན་མོང་མ་ཡིན་པ་གསང་སྔགས་ལྟར་ན་སྐྱེད་པའི་རིམ་པ་རྒྱས་བསྡུས་རྣམས་དང་། རྩ་རླུང་ཐིག་ལེའི་སྒོམ་རིམ་སོགས་མཚན་བཅས་ཀྱི་དམིགས་པ་ལ་བརྟེན་པ་ཐམས་ཅད་ཡིན་མོད་ཀྱི་དེ་རྣམས་ཀྱང་གདམས་པའི་གནད་ཀྱིས་ཟིན་ན་མཚན་བཅས་དང་མཚན་མེད་དབྱེར་མེད་པ་ཁོ་ན་སྟེ། གདམས་པའི་གནད་གང་ཡིན་ན་འཁོར་གསུམ་ཡོངས་དག་འབའ་ཤིག་ཡིན་ཏེ། དེ་ཡང་བྱང་ཆུབ་ཀྱི་སེམས་ལྟ་བུ་ལ་མཚོན་ན། སེམས་བསྐྱེད་བྱའི་ཡུལ། སྐྱེད་བྱེད་ཀྱི་མཁན་

― TR004_Page_0262 ―

^{[མ་དཔེ་གཟིགས་ན་འདིར་གནོན།]}

[Full Size]

པོ། བསྐྱེད་རྒྱུའི་སེམས་དང་བཅས་པ་ཐམས་ཅད་རང་བཞིན་སྟོང་པ་ཉིད་ཀྱི་དབྱིངས་སུ་རོ་གཅིག་པར་རྟོགས་པ་དང་། དེ་བཞིན་དུ་ཕ་རོལ་ཏུ་ཕྱིན་པ་སོགས་ལའང་ཤེས་པར་བྱ་སྟེ། དེ་ལྟར་ཤེས་ན་མཚན་བཅས་སམ་དམིགས་བཅས་མཐའ་དག་ཀྱང་བླ་མེད་རྫོགས་བྱང་གི་རྒྱུར་འགྱུར་བ་སྟེ། ཇི་སྐད་དུ། བཟང་པོ་ལུང་བསྟན་པའི་མདོར། ཆོས་རྣམས་ཐམས་ཅད་རང་བཞིན་མེད་པ་སྟེ། །སེམས་ཅན་དང་ནི་སངས་རྒྱས་མཚན་ཉིད་མེད། །མཚན་ཉིད་མེད་ལ་མཚན་དུ་འདོད་པ་དེ། །སངས་རྒྱས་ལ་ནི་ཤིན་ཏུ་རིང་བར་འགྱུར། །ཆོས་ཡོད་མི་ཀུན་རྟོག་པས་བསླད།། ༈ །།དངོས་པོ་མེད་པར་ཡང་ནི་རབ་ཏུ་ཤེས། །བྱེད་པ་གང་དག་བྱེད་པ་པོ་ལས་འདས། །མིང་དུ་འཛིན་པ་སྟོང་པར་རབ་ཏུ་སྟོན། །གང་གི་རྒྱུ་རྐྱེན་རང་བཞིན་མེད་ཤེས་པ། །དེ་ནི་ཆགས་བྲལ་གྱུར་བས་ཆོས་ཀྱང་ཤེས། །འདོད་ཆགས་བྲལ་བའི་ཆོས་ནི་ཤེས་གྱུར་པ། །དེ་ནི་རྣམ་དག་མིག་གིས་སངས་རྒྱས་མཐོང་། །

― TR004_Page_0263 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་སོགས་གསུངས་ཤིང་།། ༈ །།དེ་བཞིན་དུ་སྔགས་ཀྱི་སྐྱེད་རིམ་སོགས་མཚན་བཅས་ཀྱི་དམིགས་པ་ཐམས་ཅད་ཀྱང་དེའི་དེ་ཉིད་ཚུལ་བཞིན་ཤེས་པ་གལ་ཆེ་སྟེ། གང་བསྒོམ་པའི་བསྐྱེད་རིམ་དེ་དག་ཀྱང་སྨིན་བྱེད་བུམ་དབང་གི་སྐབས་སུ་བླ་མས་ཇི་ལྟར་ངོ་སྤྲད་པ་བཞིན། སྣོད་བཅུད་ཕུང་ཁམས་སྐྱེ་མཆེད་དུ་སྣང་བ་མཐའ་དག་ཡེ་ནས་ལྷའི་རང་བཞིན་ཡིན་པ་ལ་ཡིན་པར་ངེས་ཤེས་བསྐྱེད་པ་མ་གཏོགས། མ་ཡིན་པ་ལ་ཡིན་པར་བསྒོམ་པའི་བློས་བཏགས་པ་ནི་མ་ཡིན་ཏེ། དེ་ལྟར་བཏགས་ན་ལོག་པའི་ཀུན་རྫོབ་ཏུ་གྱུར་ཏེ། དཔེར་ན། སོལ་བ་ལ་དུང་དུ་སྒོམ་ཀྱང་མི་འགྲུབ་པ་ལྟ་བུའོ།། ༈ །།དེ་བཞིན་དུ་རྩ་རླུང་ཁམས་ཀྱི་བྱེད་ཅིང་དང་། དམིགས་པ་སོགས་ཀྱང་ཡེ་ནས་ཡོད་པའི་རང་བཞིན་དངོས་པོའི་གནས་ལུགས་མངོན་དུ་བྱེད་པའི་ཐབས་དང་རྟེན་འབྲེལ་གྱི་ཟབ་གནད་ཡིན་ཏེ། མེད་པ་ལ་ཡོད་པར་

― TR004_Page_0264 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒོམ་པ་ལྟ་བུ་མ་ཡིན་ནོ། གང་ཞིག་བསྒོམ་པ་དེ་དག་ཀྱང་ཨ་འཐས་མངོན་ཞེན་རྟག་པ་ཐེར་ཟུག་ཏུ་བསྒོམས་ན་མཚན་བཅས་ཀྱི་གོལ་ས་ཡིན་མོད་ཀྱི། སྣང་ལ་རང་བཞིན་མེད་པ་སྒྱུ་མ་ཆུ་ཟླ་ལྟ་བུ་དང་། དེ་ཉིད་ཀྱི་དོན་དམ་པར་སྤྲོད་མཚན་ལས་འདས་པ་རང་སེམས་ཕྱག་རྒྱ་ཆེན་པོའི་རྣམ་རོལ་ཉིད་དུ་ཐག་ཆོད་ཚེ། གེགས་སྐྱོན་དང་གོལ་པའི་གཞི་གཏན་ནས་མ་གྲུབ་པ་ཁོ་ན་ཏེ། དེ་ལྟ་བུའི་ཚུལ་ཡང་། སྙིང་པོའི་རྒྱུད་ལས། ལྷན་ཅིག་སྐྱེས་པའི་སེམས་ཉིད་ལ། །སྒོམ་མེད་སྒོམ་པ་པོ་ཡང་མེད། །ལྷ་མེད་སྔགས་ཀྱང་ཡོད་མ་ཡིན། །སྤྲོས་པ་མེད་པའི་རང་བཞིན་ལ། །ལྷ་དང་སྔགས་ནི་ཡང་དག་གནས། །དེ་ཉིད་རྟོགས་པའི་ཐབས་སུ་ནི། །དངུལ་རྡོ་དངུལ་དུ་མ་བཞུས་བར། །བཏུལ་དང་བཟོ་རུ་མི་ཉན་པས། །གསེར་དངུལ་བཞུ་བཏུལ་བྱེད་ལ་བཞིན། །

― TR004_Page_0265 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་གི་སྨིན་བྱས་བསྐྱེད་རིམ་གྱིས། །འབྲས་བུ་གཏན་ལ་འབེབས་པ་ཡིན། །ཞེས་དང་། ཕུང་པོ་ལྔ་ནི་རིགས་ལྔ་ལ། །རིགས་ལྔ་ཡེ་ཤེས་ལྔ་ཡིན་ཏེ། །འབྱུང་བ་ལྔ་ནི་ཡུལ་ལྔའོ། །རྡོ་རྗེའི་སྐྱེ་མཆེད་ཕྱི་ནང་རྣམས། །སེམས་དཔའ་སེམས་མའི་དཀྱིལ་འཁོར་མཆོག །ཆོས་སྐུ་གཅིག་གི་ངང་ཉིད་ལས། །སེམས་ཅན་རྣམས་ལ་ཕན་པའི་ཕྱིར། །ཞིང་ཁམས་སྤྲུལ་པས་ནམ་མཁའ་ཁྱབ། །མཐའ་ཡས་སྐུ་རུ་སྟོན་པར་མཛད། །མཐར་ཐུག་བསྐྱེད་དུ་མེད་པ་སྟེ། །རང་སྣང་ཡེ་ཤེས་ལྷ་རུ་རྫོགས། །ལྷ་ཉིད་སེམས་ལ་སེམས་ཉིད་ལྷ། །ཤེལ་དང་འོད་གཉིས་དབྱེར་མེད་བཞིན། །ལྷ་དང་སེམས་ཉིད་གཉིས་སུ་མེད། །གཉིས་མེད་རྒྱལ་བའི་དགོངས་པ་ཡིན། ཞེས་སོགས་དང་། དཔེར་ན་བ་བཞོན་འོ་མ་ནི། །ལུས་ཀུན་ཁྱབ་ཀྱང་རྭ་མཇུག་ནས། །འཐེན་ཡང་འོ་མ་མི་འབྱུང་ལ། །ནུ་མར་འཐེན་པས་འབྱུང་བ་ལྟར། །དེ་བཞིན་རང་རིག་

― TR004_Page_0266 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་ཀྱི་སྐུ། །རྡོ་རྗེ་གསུམ་གྱི་གནས་ལུགས་ལ། །ཐབས་དང་མན་ངག་གནད་ཤེས་ན། །སྐུ་གསུང་ཐུགས་ཀྱི་ཡོན་ཏན་ཀུན། །རྗེས་དཔག་མ་ཡིན་མངོན་སུམ་འབྱུང་། །ཚེ་གཅིག་མངོན་པར་སངས་རྒྱས་འགྱུར། ཞེས་གསུངས་ཕྱིར་སྒོ་གསུམ་རྡོ་རྗེ་གསུམ་གྱི་རང་བཞིན་དུ་ཡེ་ནས་གནས་པའི་གཞི་དེ་ལ། ལམ་སྨིན་གྲོལ་ཟབ་མོའི་ཐབས་ལ་བརྟེན་ནས་གནད་དུ་བསྣུན་པས། འབྲས་བུ་རྒྱལ་བའི་སྐུ་གསུང་ཐུགས་ཀྱི་ཡོན་ཏན་མངོན་གྱུར་དུ་འབྱུང་བ་ནི་གསང་སྔགས་རྡོ་རྗེ་ཐེག་པའི་ཁྱད་ཆོས་འབྲས་བུ་ལམ་དུ་བྱེད་པའི་ཟབ་གནད་ལགས་ཚེ། མཚན་བཅས་མཚན་མེད་ཀྱི་སྐྱེད་རྫོགས་བླ་མའི་མན་ངག་དང་བྱིན་རླབས་ཐོབ་ན་དཀའ་བ་མེད་པ་ཉིད་དོ།། ༈ །།ལར་ཡང་སྐྱེད་རིམ་གྱི་སྐབས་སུ། ཐོག་མར་སྭ་བྷཱ་ཝའི་སྔགས་ཀྱི་སྟོང་པར་སྦྱང་བ་དེ་ཡང་། ཆོས་ཐམས་ཅད་ཀྱི་ཡེ་གདོད་མའི་གནས་ལུགས་ཀྱི་གཤིས་སྟོང་པ་ཉིད་འཁོར་འདས་ཐམས་ཅད་ལ་ཡེ་ཁྱབ་ཏུ་

― TR004_Page_0267 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོད་པའི་རང་བཞིན་དེ་ཉིད་དྲན་ཞིང་གསལ་འདེབས་པ་ལྟ་བུའི་དོན་ཡིན་མོད་ཀྱང་། དེང་སང་ནི་སྣོད་བཅུད་ཀྱི་སྣང་བ་མཐའ་དག་དངོས་མེད་དུ་གཏོང་བའི་སྟོང་པ་ཉི་ཚེ་བ་ཞིག་ལ་སྭ་བྷཱ་ཝའི་སྔགས་དོན་དུ་འདོད་མཁན་མང་བར་མཆིས་ཤིང་། སྐྱེད་རིམ་གྱི་སྔོན་འདིར་གདོད་མའི་གནས་ལུགས་ཀྱི་སྟོང་ཆེན་དེ་དྲན་དགོས་པའི་རྒྱུ་གང་ཡིན་ཞེ་ན། དེ་ནི་གོང་དུ་བཤད་པ་ལྟར། ཆོས་ཐམས་ཅད་ཀྱི་ཡུམ་ཤེས་རབ་ཕར་ཕྱིན་ཞེས་ཀྱང་བྱ་བ་སྟེ། མྱང་འདས་ཀྱི་ཆོས་མཐའ་དག་དེའི་དབྱིངས་ལས་འབྱུང་དགོས་ཕྱིར། སྟོང་ཉིད་དེ་ཀའི་རང་གདངས་གསལ་ཆ་འགག་མེད་ཀྱི་རོལ་པའི་ཆོ་འཕྲུལ་དུ་གཞལ་ཡས་ཁང་དང་ལྷའི་རྣམ་པ་སྣ་ཚོགས་སུ་སྤྲུལ་ཞིང་ཤར་ལ། ཇི་ལྟར་ཤར་བའི་སྒྱུ་འཕྲུལ་དེ་དག་ཀྱང་ཨ་འཐས་གདོས་བཅས་སུ་མ་གྲུབ་པར། སེམས་ཉིད་སྟོང་ཆེན་གྱི་དབྱིངས་ལས་མ་གཡོས་པའི་

― TR004_Page_0268 ―

^{[མ་དཔེ་གཟིགས་ན་འདིར་གནོན།]}

[Full Size]

སྣང་སྟོང་ཟུང་འཇུག་ཆེན་པོ་དེ་ལ་སྐྱེད་རིམ་གྱི་མིང་དུ་བཏགས་པ་དང་། གང་བསྒོམས་པའི་ལྷ་ཚོགས་དེ་དག་ཀྱང་། རྣམ་པ་གསལ་བས་ཆད་མཐར་མ་ལྷུང་། རྣམ་དག་དྲན་པས་རྟག་མཐར་མ་ལྷུང་། ང་རྒྱལ་བརྟན་པས་རེས་འཇོག་དུམ་ཆད་ལྟ་བུར་མ་གྱུར་པར་སྒོ་གསུམ་རྡོ་རྗེ་གསུམ་ལས་མི་འདའ་བར་དགོས་པ་ཉིད་དུ་གསར་རྙིང་གི་རྒྱུད་དང་སྒྲུབ་ཐབས་ཕལ་མོ་ཆེར་འབྱུང་ནའང་། དེ་ལྟར་ཉམས་ལེན་དུ་མཛད་མཁན་ཀྱང་དཀོན་པ་དང་། ཡང་ལ་ལའི་བཞེད་ཀྱིས། ཐོག་མར་སྐྱེད་རིམ་བསྒོམས་ཤིང་མཐར་རྫོགས་རིམ་ལ་བསྡུ་བ་ནི་སྐྱེ་བ་དང་འཆི་བ་ལམ་དུ་ལྷོངས་ཕྱིར་ལ་དགོངས་པ་སྟེ། ཀླུ་སྒྲུབ་ཡབ་སྲས་སོགས་ཀྱི་སྲོལ་ཡིན་པར་བཤད་པ་དང་། ཡང་སྐྱེད་རྫོགས་ཟུང་འཇུག་ཏུ་བསྒོམ་པ་ནི་ནཱ་རོ་ཡབ་སྲས་ཀྱི་བཞེད་སྲོལ་ཡིན་པ་སྟེ། དེ་ལྟར་བཞེད་སྲོལ་ཐ་དད་དུ་ཡོད་པར་གྲགས་མོད་ཀྱང་། དམ་པ་དེ་དག་

― TR004_Page_0269 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་གྱི་དགོངས་པ་ལ་ཐ་མི་དད་པར་གོར་མ་ཆགས་ཤིང་། གནས་སྐབས་གདུལ་བྱའི་མོས་བློ་དང་དབང་པོའི་ཁྱད་པར་ལ་དགོངས་པ་སོགས་དང་། འགའ་ཞིག་ནི་རྒྱུད་སྡེ་སོ་སོའི་སྐབས་དོན་གྱི་ཁྱད་པར་ཙམ་མ་གཏོགས། མཐར་ཐུག་གི་དོན་ལ་ནི་སྐྱེད་རྫོགས་ཟུང་འཇུག་ཁོ་ན་ལས་མ་འདས་ཏེ། ཅིའི་ཕྱིར་ན། དང་པོའི་གཞི་ཡང་བདེན་གཉིས་ཟུང་འཇུག་དང་། མཐར་མངོན་གྱུར་གྱི་འབྲས་བུ་ཡང་སྐུ་གཉིས་ཟུང་འཇུག་ཡིན་པའི་ཕྱིར་རོ། །དེས་ན་དང་པོར་ཡང་སྟོང་ཉིད་ཀྱི་ཀློང་ལས་ཤར། མཐར་ཡང་གདོད་མའི་གནས་ལུགས་ཀྱི་ངང་དུ་ཐིམ་ཞིང་། ཤར་ཐིམ་གཉིས་ཀ་དོན་ལ་ཟུང་འཇུག་སེམས་ཉིད་གསལ་སྟོང་ལས་མ་འདས་པར་གསུངས་གདའ་ནའང་། དིང་སང་ནི། སྐྱེད་རྫོགས་ཡ་བྲལ་རེས་འཇོག་འབའ་ཤིག་བྱེད་མཁན་དང་། ཡང་སྐྱེད་རྫོགས་ཀྱི་ཉམས་ལེན་གང་ཡང་རང་གཞན་

― TR004_Page_0270 ―

^{[མ་དཔེ་གཟིགས་ན་འདིར་གནོན།]}

[Full Size]

མཁའ་ཁྱབ་ཀྱི་འགྲོ་ཀུན་བླ་མེད་བྱང་ཆུབ་ཀྱི་རྒྱུ་ཁོ་ནར་འབད་དགོས་ན་དང་། ད་ལྟའི་སྐྱེད་རིམ་དང་བསྙེན་སྒྲུབ་སོགས་བྱེད་མཁན་རྣམས་ནི། རང་ཉིད་གཅིག་བུ་གནས་སྐབས་ཚེ་དང་ལོངས་སྤྱོད་འཕེལ་ཕྱིར་རམ། ནད་གདོན་སོགས་ཞི་ཕྱིར་དང་། ལས་ཚོགས་ཕན་གནོད་ཕྲན་བུ་འགྲུབ་ཕྱིར་ལ་བསམས་ནས། ལྷ་སྔགས་ལ་བརྩོན་བློ་བྱེད་པ་འདི་དག་ནི། ཡང་དག་པའི་སྐྱེད་རིམས་སུ་འགྲོ་བ་ཡང་དཀའ་ཞིང་། བརྡ་དོན་རྟགས་གསུམ་ཚུལ་བཞིན་མི་ཤེས་པར་ལྷ་སྔགས་རང་རྒྱུད་པར་ཞེན་པ་དེ་ནི་ཡི་དྭགས་གཤིན་རྗེ་གཤེད་ཀྱི་གཟུགས་ཅན་དུ་སྐྱེས་ཚུལ་གྱི་གཏམ་བརྒྱུད་རྣམས་བཞིན་འབྱུང་ཉེན་དུ་གདའ་བས།། ༈ །།དེས་ན་ཆོས་གང་དང་གང་ཉམས་སུ་ལེན་ཀྱང་། གཞུང་དང་བླ་མའི་མན་ངག་ཚད་ལྡན་ཞིག་རྒྱུད་ལ་འཁེལ་བ་ཉིད་གལ་ཆེ་བར་གོ་ལགས། ཅེས་འཕྲོས་དོན་དུ་གསོལ་བའོ།། ༈ །།

― TR004_Page_0271 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་ཉིད་ཀྱིས། ཁྲིད་ཡིག་སོགས་ཐམས་ཅད་དུ་སེམས་ལ་བྱུང་བ་གནས་པ་འགྲོ་ས་སོགས་མ་གྲུབ་པར་གསུངས་ན་ཟབ་མོ་ནང་དོན་རང་འགྲེལ་ལས། གསང་སྔགས་རྙིང་ལུགས་ལྟར། སྙིང་གའི་དངས་མ་ལྔ་འདུས་སོགས་ལ་བརྟེན་ནས་སེམས་སྙིང་གར་གནས་ཚུལ་གསུངས་པ་འདི་ཇི་ལྟར་ཡིན་ཞེས་འདྲི་བར་མཛད་པའི་སྐབས་དོན་ལ།། ༈ །།སྤྱིར་ཡང་རྒྱལ་བས་གསུངས་པའི་ཆོས་ཐམས་ཅད་བདེན་པ་གཉིས་སུ་འདུ་བས་ན། འདི་སྐབས་སུ་ཡང་། སེམས་ཉིད་རང་གི་ངོ་བོའི་ཆ་ལ་ནི་སྐྱེ་འགག་འབྱུང་གནས་འགྲོ་འོངས་ལ་སོགས་སྤྲོས་པའི་མཚན་མ་མཐའ་དག་གིས་དབེན་ཞིང་དབྱིབས་དང་ཁ་དོག་ལ་སོགས་དངོས་པོའི་ཆོས་སུ་མ་གྲུབ་པས། གནས་པ་གནས་མཁན་སོགས་ཀྱི་ཡུལ་ལས་འདས་པ་སྟེ། ཡུམ་ལས་ཀྱང་། འདས་པའི་སེམས་ནི་མི་དམིགས་པའོ། །མ་འོངས་པའི་སེམས་ནི་མ་སྐྱེས་པའོ། །

― TR004_Page_0272 ―

^{[མ་དཔེ་གཟིགས་ན་འདིར་གནོན།]}

[Full Size]

ད་ལྟར་གྱི་སེམས་ནི་མི་གནས་པའོ། །ཞེས་སོགས་དང་། མ་སྐྱེས་མི་འགག་ནམ་མཁའི་ངོ་བོ་ཉིད། །ཅེས་པ་ལྟར། ཡོད་མེད་རྟག་ཆད་འགྲོ་འོང་ལས་འདས་པའི་ཆོས་ཉིད་དོན་དམ་པའི་བདེན་པ་ཁོ་ན་ཉིད་ལས་མ་གཡོས་ཀྱང་། ཅི་ཡང་མེད་པའི་སྟོང་པ་ཕྱང་ཆད་མ་ཡིན་པར། གཤིས་སྟོང་པ་ཉིད་ཀྱི་གདངས་འགག་པ་མེད་པའི་རྩལ་ཅིར་ཡང་འཆར་བ་སྟེ། སྐུ་གསུམ་འདུ་འབྲལ་མེད་པའི་རང་བཞིན་ཡིན་པའི་ཕྱིར། འགག་མེད་ཅིར་ཡང་འཆར་བ་དེ་ཉིད་ལ་ཀུན་རྫོབ་བདེན་པ་ཅེས་བྱ་ཞིང་།། ༈ །།དེ་ལ་ལྟར་སྣང་ཙམ་དུ་བྱུང་གནས་འགྲོ་གསུམ་ཡང་ཡོད་པར་གྲུབ་སྟེ། སེམས་ཀྱི་དང་པོ་བྱུང་ས་ནི། གནས་ལུགས་དོན་གྱི་ཀུན་གཞིའི་ཀློང་ནས་འགག་མེད་ཀྱི་རྩལ་སྣང་རང་ངོ་མ་རིག་པར་གཉིས་འཛིན་འཁྲུལ་པའི་ལས་རླུང་གི་བསྐྱོད་པའི་མཐུས་མེད་བཞིན་སྣང་བའི་ཆོ་འཕྲུལ་དུ་བྱུང་བ་ཡིན་ལ་

― TR004_Page_0273 ―

^{[མ་དཔེ་གཟིགས་ན་འདིར་གནོན།]}

[Full Size]

བར་དུ་གནས་པ་ཡང་གདོས་བཅས་ཀྱི་ཕུང་པོ་འདི་ཉིད་ལ་གནས་ཤིང་ཁྱབ། མཐར་འགྲོ་ས་ཡང་འཆི་བའི་ཚེ་ལུས་སེམས་གཉིས་ཀྱི་སྦྲེལ་ཐག་ལྟ་བུ་རླུང་དབུགས་ཀྱི་འགྱུ་བ་ཆད་དེ་རྣམ་པར་ཤེས་པ་དབང་པོའི་སྒོ་གང་རུང་ནས་སོ་སོའི་ལས་དང་རྗེས་སུ་མཐུན་པར་འཐོན་ནས་སྐྱེ་བ་ཕྱི་མ་གར་སྐྱེའི་ཉིང་མཚམས་སྦྱོར་བ་སྟེ། དེ་ལྟར་གནས་སྐབས་ཀུན་རྫོབ་བདེན་པའི་བྱུང་གནས་འགྲོ་གསུམ་ཚུལ་ནི་དེ་ལྟར་ལགས་མོད་དེ། ཀློང་གསལ་གྱི་རྒྱུད་ལས། ཨེ་མ་ཁམས་གསུམ་སེམས་ཅན་རྣམས། །བྱུང་གནས་འགྲོ་གསུམ་འཁོར་མོ་རུ། །ཟོ་ཆུའི་འཁྱུད་མོ་བཞིན་དུ་འཁོར། །སེམས་ཀྱི་བྱུང་ས་ཐོག་མའི་གཞི། །སེམས་ཀྱི་གནས་ས་ལུས་ཀྱི་རྟེན། །སེམས་ཀྱི་འགྲོ་ས་རྟོག་དཔྱོད་ཡུལ། །ཞེས་སོགས་རྒྱ་ཆེར་གསུངས་ཕྱིར། དྲང་དོན་ཀུན་རྫོབ་ལྟར་གྱི་བྱུང་གནས་འགྲོ་གསུམ་དེ་ལྟར་ཡིན་ལ། དེ་ལྟ་བུ་མེད་

― TR004_Page_0274 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་སྣང་བའི་ཆོ་འཕྲུལ་ཁམས་གསུམ་འཁོར་བའི་མཚན་ཉིད་སྐྱེ་འཆི་འབྱུང་འཇུག་གི་འཁྲུལ་འཁོར་ཟད་པ་མེད་པ་འདི་དག་ཀྱང་། དོན་དམ་པའི་ངོ་བོར་གང་ལས་ཀྱང་མ་བྱུང་། གང་དུ་ཡང་མི་གནས། གར་ཡང་མ་སོང་སྟེ། འཁོར་འདས་ཀྱི་ཆོས་ཐམས་ཅད་མིང་ཙམ་བརྡའ་ཙམ་བཏགས་པ་ཙམ་ལས། ཨ་འཐས་བདེན་གྲུབ་ཏུ་གྱུར་པ་ནི། གང་ཡང་མ་མཆིས་ཤིང་། ཡོད་མེད་དང་བདེན་བརྫུན་ཀུན་རྨི་ལམ་གྱི་ཡུལ་སྣང་ལྟ་བུ་ལས་མ་འདས་ལ། བདེན་མི་བདེན་དུ་འཛིན་བྱེད་མཁན་པོ་ཉིད་ཀྱང་མ་གྲུབ་པའི་ཕྱིར། ཤེར་སྙིང་ལས། ཆོས་ཐམས་ཅད་སྟོང་པ་ཉིད་དེ། མཚན་ཉིད་མེད་པ། མ་སྐྱེས་པ། མི་འགག་པ། ཅེས་སོགས་གསུངས་པ་རྣམས་དང་། བང་མཛོད་ཀྱི་རྒྱུད་ལས། སྣང་ཚུལ་ཅིར་ཡང་སྣང་བ་སྟེ། ཡིན་ཚུལ་ངེས་པ་མེད་པ་ཡིན། ཞེས་སོགས་གསུངས་ཤིང་། བྱེ་བྲག་ཏུ། ནང་དོན་ནས་

― TR004_Page_0275 ―

^{[མ་དཔེ་གཟིགས་ན་འདིར་གནོན།]}

[Full Size]

བཤད་པའི་སྐབས་ཀྱི། སེམས་སྙིང་ལ་གནས་ཚུལ་བཤད་པ་དེ་ནི། སྔགས་ཀྱི་བཞེད་པ་ཁྱད་པར་བ་ཡིན་ཏེ་རྟེན་འབྲེལ་ལུས་ལ་བསྒྲིགས་པས་རྟོགས་པ་སེམས་ལ་འཆར་བ། ཅེས་གསུངས་པའི་དོན་ལྟར། རྡོ་རྗེའི་ལུས་ལ་གནས་པ་རྩ་དང་གཡོ་བ་རླུང་། བཀོད་པ་བྱང་ཆུབ་སེམས་ཀྱི་གནས་ཚུལ་བཤད་པའི་སྐབས་དོན་ཡིན་ཚེ།། ༈ །།དེ་ལ་རྩའི་གསུམ་དང་འཁོར་ལྔ་ལས་གྱེས་པ་སྟོང་ཕྲག་བདུན་ཅུ་རྩ་གཉིས་སོགས་དང་། དེ་ལ་བརྟེན་པའི་རླུང་དང་ཐིག་ལེའི་གནས་ལུགས་སོགས་རྒྱུད་སྡེ་ཐ་དད་ཀྱི་དགོངས་དོན་རྣམས་གཅིག་ཏུ་བསྡུས་ནས། ཟབ་མོ་ནང་དོན་གཞུང་འགྲེལ་རྣམས་སུ་ཞིབ་རྒྱས་གསུངས་ཕྱིར། འདིར་གཞན་བརྗོད་དགོས་པར་མ་གྱུར་ལ། སྙིང་གའི་དངས་མ་ལྔ་འདུས་ཀྱི་སྐབས་དོན་ནི། གསར་རྙིང་གཉིས་གའི་རྡོ་རྗེ་ལུས་ཀྱི་སྦས་བཤད་

― TR004_Page_0276 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ནས་གསུངས་པ་ལྟར། སྙིང་ག་དྲན་པ་རྣམ་བཀོད་ཀྱི་རྩ་འདབ་རིན་ཆེན་ཅོད་པན་ལ་སོགས་སུམ་ཅུ་རྩ་གཉིས་ཀྱི་འཁོར་ལོའི་དབུས་ན། རྩ་གསུམ་འདུས་པའི་མདུད་པ་ཧཱུྃ་གི་དབྱིབས་ཅན་གྱི་ཕྱོགས། ངོ་ཁྲོ་འགྲེལ་ཆེན་དུ། རྩ་འདབ་རིན་ཆེན་ཅོད་པཎ་ཟེར་བ་འདི་འདྲ་འཆུག་པ་ཡིན་ཏེ་རིན་ཆེན་པོ་ཟེར་དགོས་པ་ཡིན་གསུང་འདུག་ཀྱང་། འདི་ནི་གསར་རྙིང་ཐམས་ཅད་མཐུན་པར་རྒྱུད་ཀྱི་རྒྱ་དཔེར། རཏྣ་མུ་ཀུ་ཊ་ཞེས་པ་རིན་ཆེན་ཅོད་པཎ་ཡི། ར་གསུངས་སོ། བཞིར་སྦས་པའི་རྩ་མདུད། བྷྲཱུཾ ཨཾ། བཛྲ། ཁཾ་དང་བཞིས་བསྐོར་བ། དེའི་དབུས་ན་ཡང་རྩའི་དངས་མ་བརྒྱད་ཡོད་པ་ལས། དབུས་མ་གསུམ་ནི་ཆོས་ཉིད་ཀྱི་རྩ་ཡིན་པས་སྐུ་གསུམ་འགྱུར་བ་མེད་པའི་རྟེན་བྱེད། མདུན་ན་མེ་ལོང་ཡེ་ཤེས་ཀྱི་རྩ་ཡོད་པས་ཡེ་ཤེས་བཞིའི་རྟེན་བྱེད། གཡས་ན་ཡོན་ཏན་གྱི་རྩ་ཡོད་པས་རག་པའི་ཞིང་དང་གཞལ་ཡས་ལ་སོགས་འཆར་གཞིའི་རྟེན་བྱེད། གཡོན་དུ་

― TR004_Page_0277 ―

^{[མ་དཔེ་གཟིགས་ན་འདིར་གནོན།]}

[Full Size]

དུག་གསུམ་རང་རྒྱུད་པའི་རྩ་གསུམ་ཡོད་པས་འཁོར་བའི་འཁྲུལ་རྟོག་ལས་ཉོན་རྣམས་གསོལ་བའི་རྟེན་བྱེད་པ་ཡོད་ཅིང་།། ༈ །།བྱེ་བྲག་གཞན་ཡང་། ཆོས་ཉིད་ཀྱི་རྩའི་ནང་དུ་འོད་སེར་པོ་ལ་ཀུན་གཞིའི་རྣམ་ཤེས་གནས་པའི་རྟེན་བྱེད་ཅིང་འོད་དེ་ནི་ཤའི་དངས་མ་ལས་གྲུབ་པ་ཡིན་པ་དང་། དེ་བཞིན་དུ་ཡེ་ཤེས་ཀྱི་རྩའི་ནང་དུ་དབུགས་ཀྱི་དངས་མའི་འོད་མཐིང་ག་ནི་ཡིད་ཀྱི་རྣམ་ཤེས་ཀྱི་རྟེན་གནས་དང་། ཡོན་ཏན་གྱི་རྩའི་ནང་དུ་འོད་དམར་པོ་ཁྲག་གི་དངས་མ་ནི་ཉོན་ཡིད་ཀྱི་རྟེན་གནས་དང་། རང་རྒྱུད་ཀྱི་རྩའི་ནང་དུ་དྲོད་ཀྱི་དངས་མ་འོད་དམར་ནག་ལ་སྒོ་ལྔའི་རྣམ་ཤེས་གནས་པའི་རྟེན་བྱེད་ལ། གཞན་ཡང་། དབུས་རྩ་ལ་རྩའི་སྙིགས་མ་ལས་གྲུབ་པའི་ཡི་གེ་སུ་དང་ཏྲི་ཡོད་པས་ལྷ་མ་ཡིན་དང་བྱོལ་སོང་དུ་སྐྱེ་བའི་བག་ཆགས་ཀྱི་ས་བོན་དང་རྒྱུ་བྱེད་ལ། དེ་སྦྱོང་བྱེད་

― TR004_Page_0278 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུའི་སྙིང་པོ་ཨོཾ་ཡིག་གནས་པ་དང་། མདུན་རྩའི་ནང་ན་དབུགས་ཀྱི་སྙིགས་མ་ལས་གྲུབ་པའི་ཨ་དང་ནྲི་གཉིས་ནི་ལྷ་དང་མིར་སྐྱེ་བའི་ས་བོན་དང་། དེ་སྦྱོང་བྱེད་ཐུགས་ཀྱི་སྙིང་པོ་ཧཱུྃ་ཡིག་ཡོད། གཡས་རྩའི་ནང་དུ་ཁྲག་གི་སྙིགས་མ་ལས་པྲེ་དང་དུ་གཉིས་ཡི་དྭགས་དང་དམྱལ་བར་སྐྱེ་བའི་ས་བོན་ཡོད་ཅིང་། དེ་སྦྱོང་བྱེད་གསུང་གི་སྙིང་པོ་ཨཱཿཡིག་གནས་པ་སྟེ། དེ་ལྟར་མ་དག་རིགས་དྲུག་གི་རྒྱུ་དང་ས་བོན་གྱི་ཡིག་གཟུགས་དེ་དག་ལས་དུག་ལྔ་དང་སེར་སྣ་སོགས་ཉོན་མོངས་པའི་རྟོག་ཚོགས་འབྱུང་བ་ནི་སྦྱང་གཞི་དང་སྦྱང་བྱ་ཡིན་ལ། རྒྱལ་བ་སྐུ་གསུམ་གྱི་སྙིང་པོ་འབྲུ་གསུམ་པོ་དེ་ལས་ནི་བསྐྱེད་པའི་ལྷ། བཟླས་པའི་སྔགས། བསྒོམ་པའི་ཏིང་འཛིན་ལ་སོགས་སྐུ་གསུང་ཐུགས་ཡེ་ཤེས་ཀྱི་རྣམ་རོལ་ཐམས་ཅད་འབྱུང་བ་ནི་སྦྱོང་བྱེད་ཡིན་ཞིང་། དེའི་མཐུས་སྦྱང་འབྲས་ལུས་ངག་ཡིད་གསུམ་རྡོ་རྗེ་གསུམ་གྱི་ནུས་པ་མཐར་

― TR004_Page_0279 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱིན་ཚེ་རྒྱལ་བ་སྐུ་གསུམ་མངོན་དུ་འགྱུར་བའི་གནད་དོན་ཡང་འདི་ཉིད་ཡིན་པར་གསུངས་སོ། ༈ ཁྱད་པར་དུ་དེ་དག་ཐམས་ཅད་ཀྱི་དབུས་ན། རྩ་དབུ་མའི་མདངས་མ་ལས་གྲུབ་པའི་རྩ་མདུད་བྲལ་མའམ། ཀ་ཏི་ཤེལ་གྱི་སྦུ་གུ་ཅན་ཡང་ཟེར། རྩའི་རྒྱལ་པོ་རི་བོང་མིག་ཀྱང་ཟེར། བྷ་སནྡྷུ་ཡང་ཟེར་བ་སྟེ། ཕྲ་ཞིང་མཉེན་པ། གསལ་ལ་དངས་པ། དར་དཀར་གྱི་སྐུད་པ་ལྟ་བུའི་རྩ་སྣ་དབྱིབས་གཡེར་མ་ཁ་བྱེ་བ་བཞིན་ཡོད་པ་དེ་ཉིད། ཕལ་པ་རྣམས་ལ་ཁ་ཐུར་དུ་བསྟན་ཞིང་ཟུམ་ནས་ཡོད་པ། ཉམས་རྟོགས་ཅན་དང་སྐྱེས་ཆེན་བྱང་སེམས་རྣམས་ཁ་ཅུང་ཟད་བྱེ་བ་འཕྲེད་དུ་བསྟན་པ་དང་། གྲུབ་པ་མཐར་སོན་པའམ་སངས་རྒྱས་ལྟ་བུ་རྣམས་ལ་ཁ་བྱེ་ཞིང་གྱེན་དུ་བསྟན་ནས་ཡོད་པའི་མཐུས་མཁྱེན་བརྩེ་ཡེ་ཤེས་རྒྱས་པར་བཤད་ཅིང་། རྩ་མཆོག་དེ་ཉིད་ཀྱི་དབུས་སུ་གཞི་གནས་ཡེ་ཤེས་ཀྱི་

― TR004_Page_0280 ―

^{[མ་དཔེ་གཟིགས་ན་འདིར་གནོན།]}

[Full Size]

ངོ་བོ་མི་ཤིག་པའི་ཐིག་ལེ་ཡུང་ཀར་གྱི་ཚད་ཙམ་ཆུ་ཤེལ་ལམ་དངུལ་ཆུ་གཡའ་བྲལ་གྱི་ཁ་དོག་ལྟ་བུ་དབྱིབས་ཧཱུྃ་གི་རྣམ་པ་ཅན་དངས་མ་ལྔའི་འོད་ཀྱི་ར་བས་བསྐོར་བ་ཡོད་དེ། དེ་ནི་རིག་པ་ཡེ་ཤེས་ཆོས་ཀྱི་སྐུ་གདོད་མའི་གནས་ལུགས་དོན་དམ་པའི་བདེན་པ་གསལ་སྟོང་ཟུང་འཇུག་ཆེན་པོར་བཞུགས་པ་སྟེ། ༈ འདི་ལ་འགའ་ཞིག །མུ་སྟེགས་རྟག་ལྟ་བ་རྣམས་སྙིང་གི་དཀྱིལ་དུ་སེམས་ཀྱི་དངོས་པོ་ཐིག་ལེ་སྒོ་ང་འདྲ་བ་བསྲ་འཐས་མི་འཇིག་པ་ལུས་ཆེ་ཆུང་སོ་སོར་དེ་ཉིད་ཀྱང་ཆེ་ཆུང་དེ་དང་མཐུན་པ་ཞིག་ཡོད་པར་འོད། འདི་སྐབས་ཀྱི་དངས་མ་ལྔ་འདུས་ཀྱི་ཐིག་ལེ་གཅིག་གོ་ཞེས་སྐུར་པ་འདེབས་མོད་ཀྱང་།། ༈ །།འདི་ནི་སྣང་ལ་རང་བཞིན་མེད་པ་ཡེ་ཤེས་ལྔ་རྫོགས་ཀྱི་ངོ་བོ་ཡིན་ཚེ། །དེ་གཉིས་མཚུངས་པའི་གནས་མེད་དོ། །དེ་ཡང་། དཔལ་ཀུན་ཏུ་ཁ་སྦྱོར་གྱི་རྒྱུད་ལས། སྙིང་གའི་དབུས་གྱུར་

― TR004_Page_0281 ―

^{[མ་དཔེ་གཟིགས་ན་འདིར་གནོན།]}

[Full Size]

པདྨོ་ནི། །འདབ་མ་བརྒྱད་དང་ལྟེ་བར་བཅས། །དེ་ཡི་དབུས་སུ་གྱུར་པའི་རྩ། །མར་མེ་ལྟ་བུར་གཟུགས་ཅན་ཏེ། །ཆུ་ཤིང་མེ་ཏོག་ལྟ་བུ་དབྱིབས། ཁ་ནི་ཐུར་དུ་བལྟས་ཏེ་དཔྱང་། །དེ་ཡི་དབུས་གནས་དཔའ་བོ་ནི། །ཡུང་ཀར་སྦོམ་པའི་ཚ་ཙམ་སྟེ། །ཧཱུྃ་གི་ས་བོན་མི་ཤིག་དང་། ཁ་བ་ལྟ་བུར་འཛག་པ་ཉིད། །བྷ་སནྟ་ཞེས་བཤད་པ་ཡིན། །ལུས་ཅན་རྣམས་ཀྱི་སྙིང་དགའ་བྱེད། །ཅེས་པ་དང་། ཀློང་གསལ་འབར་བ་ཉི་མའི་གསང་རྒྱུད་ལས། ཀུན་གསལ་ཀ་ཏི་ཤེལ་སྦུག་ཅན། །གཞི་གནས་ཡེ་ཤེས་ཆེན་པོའི་སྐུ། །པདྨོ་ཁ་འབུས་ནང་ནས་བཞེངས། །དཀྱིལ་འཁོར་ཡོངས་རྫོགས་དབྱིངས་སུ་འཆར། །ཞེས་པ་དང་། དྲི་མ་མེད་པ་སྙིང་པོའི་རྒྱུད་ལས། དྷཱུ་ཏི་ལུས་ཀྱི་སྲོག་ཤིང་ལྟ། །ཡས་མན་བསྐྱེད་ཅིང་འཁོར་ལོ་ལྔ། །ཟངས་དུང་ལྦ་བའི་གདུགས་རྩིབས་བཞིན། །

― TR004_Page_0282 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ཡི་སྙིང་པོ་དངས་མའི་རྩ། །དབུ་མ་ཆོས་ཉིད་དོན་གྱིས་རྩ། །སྐྱེ་བ་མེད་པའི་ལམ་ཆེན་པོ། །རྩ་རྣམས་དེ་ལས་གྱེས་པ་ནི། །དཔག་བསམ་ཤིང་ཆེན་རྒྱས་པ་ལྟར། །དེ་དཀྱིལ་སྙིང་གར་འདུས་པས་ནི། །སྙིང་ཞེས་རྣམ་ཤེས་སྲོག་གི་རྟེན། །ཤ་ཡི་དངས་མ་དབུ་མའི་རྩ། །དྲོད་ཀྱི་དངས་མ་ཨ་ཐུང་མེ། །ཐིག་ལེའི་དངས་མ་བདེ་ཆེན་ཧཾ། །དབུགས་ཀྱི་དངས་མ་སྲོག་གི་རླུང་། །ཡིད་ཀྱི་དངས་མ་ཀུན་གཞི་སེམས། །དངས་མ་ལྔ་འདུས་ར་བ་ན། །སྙིང་པོ་ཡེ་ཤེས་དོན་གྱི་ལྷ། །ཐོག་མའི་སངས་རྒྱས་སྤྱིས་མིས་བཞུགས། །ཅེས་པ་དང་། སྙིང་དཀྱིལ་རྩ་ཡི་རྒྱལ་པོ་ནི། །རི་ཝོང་མིག་ཅེས་བྱ་བ་ཡོད། །གཡེར་མའི་ཁ་བཞིན་འབྱེད་འཛུམ་ཅན། །སེམས་ཅན་རྣམས་ལ་ཁ་ཐུར་བལྟ། །སྣང་བ་གཏི་མུག་རྣམ་པར་འགྲིབ། །སྒོམ་གྱིས་ཡོན་ཏན་འཕྲེད་ལ་བྱེ། །འཁོར་འདས་གཉིས་སྣང་སྒྱུ་མར་འཆར། །སངས་རྒྱས་

― TR004_Page_0283 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ལ་ཁ་ཡར་བལྟ། །ཡེ་ཤེས་སྣང་བ་རྒྱས་པའོ། །ཞེས་སོགས་རྒྱ་ཆེར་གསུངས་ཤིང་། འདི་ནི་རྙིང་ལུགས་གཅིག་པུར་ཡང་མ་ཟད། གསར་མའི་རྒྱུད་སྡེ་མང་པོར་ཡང་གསུངས་ཏེ། གོང་དུ་བརྗོད་པའི་ཁ་སྦྱོར་གྱི་རྒྱུད་ཚིག་དེའི་འཕྲོར།། ༈ །།རྩ་ཡི་མཛེས་སྤྱི་ལས་བྱུང་བ། །དེ་ནི་རྡུལ་བྲལ་རབ་ཏུ་གྲགས། །དག་པ་ཤེལ་གྱི་འོད་དང་མཉམ། །བྱང་ཆུབ་སེམས་ནི་འོད་གསལ་བ། །ཡེ་ཤེས་ལྔ་ཡི་དངོས་ཉིད་དེ། །ཡུང་ཀར་གྱིས་ནི་སྦོམ་ཕྲ་ཙམ། །ཞེས་སོགས་དང་། རིམ་ལྔ་ལས། རྟག་ཏུ་སྙིང་ལ་གནས་པ་ཡི། །ཐིག་ལེ་གཅིག་ལ་འགྱུར་བ་མེད། །དེ་སྒོམ་བྱེད་པའི་སྐྱེས་བུ་ལ། །ངེས་པར་ཡེ་ཤེས་སྐྱེ་བར་འགྱུར། ཞེས་དང་། གཞན་ཡང་། བརྟག་གཉིས་ལས། ལུས་ལ་ཡེ་ཤེས་ཆེན་པོ་གནས། །སོགས་དང་། ས་ར་ཧས་ཀྱང་། མཁས་པ་ཐམས་ཅད་བསྟན་བཅོས་འཆད་པ་ན། །

― TR004_Page_0284 ―

^{[མ་དཔེ་གཟིགས་ན་འདིར་གནོན།]}

[Full Size]

ལུས་ལ་ཡེ་ཤེས་ཡོད་པར་མ་རྟོགས་སོ། །ཅེས་དང་། གཞན་ཡང་གྲུབ་ཐོབ་རྣམས་ཀྱིས་མཛད་པའི་གཞུང་། ནག་པོ་པའི་དཔྱིད་ཐིག་སོགས། འགྲེལ་མན་ངག་མང་པོར་འདི་ཁོ་ན་ལྟར་བཤད་ལ། མདོར་ན་ལུས་སེམས་རྩ་རླུང་རྣམས་ཚོགས་པའི་རྟེན་འབྲེལ་ལས། སྙིང་གའི་དངས་མ་ལྔ་འདུས་ཀྱི་ཐིག་ལེ་འདི་ནི་དོན་དམ་བྱང་ཆུབ་སེམས་ཀྱི་རྟེན་གཞི་ཡིན་པའི་གནད་ཀྱིས་འོད་གསལ་བསྒོམ་པའི་ཐབས་གནད་ཀུན་སྙིང་གར་རག་པ་དང་། སྐྱེད་རིམ་ལྷའི་རྣལ་འབྱོར་ཐམས་ཅད་ལ་ཡང་ཐུགས་སྲོག་ས་བོན་འབའ་ཤིག་ལ་བརྟེན་དགོས་པ་དང་། སེམས་དཔའ་གསུམ་རྩེགས་སོགས་དང་། སྔགས་འཕྲེང་བསྐོར་བ་དང་སྤྲོ་བསྡུའི་ཏིང་འཛིན་མཐའ་དག་ཐུགས་ཀ་ནས་བྱེད་པ་ཡང་གནད་འདི་ཡིན་པ་དང་། དམ་ཚིག་སེམས་དཔའ། ཡེ་ཤེས་སེམས་དཔའ། ཏིང་འཛིན་སེམས་དཔའ། སྐྱེ་འགྲོ་རྣམས་མཐར་འཆི་བའི་ཚེ་ཡང་རླུང་སེམས་ཐིག་ལེ་དང་བཅས་པ་སྙིང་ཁར་ཕྲད་པའི་རྐྱེན་གྱིས། གཞི་གནས་ཀྱི་འོད་

― TR004_Page_0285 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ་འཇག་མིག་གི་སྲིན་བུ་ཡན་ཆད་ལ་འཆར་ཞིང་། ཉམས་ལེན་གྱི་ནུས་ལྡན་རྣམས་བར་དོ་དང་པོར་གྲོལ་བའི་གནད་ཀྱང་འདི་ཡིན་པ་དང་། གཞན་ཡང་། རླུང་སེམས་དབུ་མར་ཆུད་པའི་ཡོན་ཏན་ཐམས་ཅད་ཀྱང་གནད་འདི་ལ་བརྟེན་པའི་ཕན་ཡོན་དུ་གསུངས་ལ།། ༈ །།རྙིང་ལུགས་ལས་ནི། རྫོགས་ཆེན་སྐོར་གྱི་ཉམས་ལེན་མན་ངག་རྣམས་སུ། ཙིཏྟ་ཤའི་སྒྲོན་མ། དཀར་འཇམ་རྩའི་སྒྲོན་མ། རྒྱང་ཞག་ཆུའི་སྒྲོན་མ། དབྱིངས་རྣམ་དག་གི་སྒྲོན་མ། ཐིག་ལེ་སྟོང་པའི་སྒྲོན་མ། ཤེས་རབ་རང་བྱུང་གི་སྒྲོན་མ་སྟེ། སྒྲོན་མ་དྲུག་དང་། དེའི་སྟེང་དུ། གནས་ལུགས་གཞིའི་སྒྲོན་མ། བར་དོ་དུས་ཀྱི་སྒྲོན་མ། མཐར་ཐུག་འབྲས་བུའི་སྒྲོན་མ་དང་བཅས་ཏེ། སྒྲོན་མ་དགུ་སྐོར་ཐམས་ཅད་ཀྱང་འདི་སྐབས་ཀྱི་གནད་དོན་འབའ་ཤིག་ཡིན་པ་དང་། ཆོས་བཀའ་དེ་དག་གི་སྐབས་རྣམས་སུ། རྣལ་འབྱོར་པའི་

― TR004_Page_0286 ―

^{[མ་དཔེ་གཟིགས་ན་འདིར་གནོན།]}

[Full Size]

ལུས་ལ་རྒྱལ་བའི་དཀྱིལ་འཁོར་ལྷུན་གྲུབ་ཏུ་ཞུགས་ཚུལ་བཤད་པའི་སྐབས་སུ། སྙིང་གའི་དངས་མ་ལྔ་འདུས་མི་ཤིག་པའི་ཐིག་ལེ་ནི་རྒྱལ་བ་རིགས་ལྔ་སོགས་ཞི་བའི་ལྷ་ཚོགས་བཞི་བཅུ་རྩ་གཉིས་དང་། དེའི་འོད་གདངས་ཀྱི་རྩལ་ལས་ཀླད་པ་དུང་ཁང་ན་ཁྲོ་བོའི་ལྷ་ཚོགས་ལྔ་བཅུ་རྩ་བརྒྱད་དང་བཅས་པ་རྣམས་ངོ་བོ་སྐུ། རང་བཞིན་འོད་རྣམ་པ་ཐིག་ལེ་དངས་མའི་ཚུལ་དུ་བཞུགས་པ་དག །ཆོས་ཉིད་བར་དོའི་ཚེ་རང་སྣང་གི་འཇིག་རྟེན་ཁམས་ཀུན་ཁེངས་པར་འཆར་བ་ལ། གདམས་པའི་གནད་ཀྱི་ཟིན་ན་གྲོལ་ཞིང་། རང་སྣང་དུ་མ་ཤེས་པར་གཞན་དུ་འཁྲུལ་ན་འཇིགས་སྐྲགས་སྐྱེས་ཏེ་གྲོལ་མི་ཐུབ་པའི་ཚུལ་སོགས་རྒྱ་ཆེར་གསུངས་ཤིང་། ངོ་སྤྲོད་ཀྱི་རྣམ་གྲངས་མཐའ་ཡས་པ་མཆིས་ནའང་། ཆོས་རྒྱུད་གཞན་རྣམས་ཀྱིས་ནི་སྤྱིར་རྙིང་མའི་ཆོས་དང་། ཁྱད་པར་རྫོགས་པ་ཆེན་པོ་ལ་ནི་མུ་སྟེགས་པའི་ལུགས་ལྟ་བུར་བལྟས་ནས་ཆོས་

― TR004_Page_0287 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་ཁྱུར་ཡང་མི་ཚུད་པར་འདོར་མཁན་མང་ལ། རྙིང་མ་བར་འདོད་པའི་གང་ཟག་ཕལ་མོ་ཆེས་ནི། བསྲུང་བཟློག་གསད་མནན་དང་། གཏོ་མདོས་རྩིས་གསུམ་སོགས་ལ་མགོ་འཁོར་ཞིང་། དེ་དག་གིས་རྙེད་པའི་ཟས་ནོར་ཅུང་ཟད་རྣམས་ཀྱིས་བུ་སྨད་གསོ་བའི་ངང་ལ་མི་ཚེ་བསྐྱལ་མཁན་ཤ་སྟག་མ་གཏོགས། ཟབ་ཆོས་རྫོགས་པ་ཆེན་པོའི་ཉམས་ལེན་ལྟ་ཞོག །གླེགས་བམ་དག་ཀྱང་འབུ་སྲིན་གྱི་ཚང་མལ་དུ་བསྐྱུར་བ་འདི་འདྲའི་གནས་སྐབས་ལ། རང་ཉིད་སྐྱོ་ཤས་འཕེལ་བ་ཙམ་མ་གཏོགས་གཞན་ཐབས་ཀྱི་དབེན་པར་ཟད་ཅིང་། ༈ སྐུ་ཉིད་ལྟ་བུ་མཁྱེན་རབ་ཀྱི་སྤྱན་ཡངས་པ་རྣམས་ནི། རྙིང་མའི་ཡིག་ཆ་རྣམས་ལ་མ་ལྟོས་པར། གྲུབ་ཆེན་པཀྴིའི་བཀའ་འབུམ་ཁྲོད་ཀྱི་བསྟན་པ་མཐའ་ཡས་རྒྱ་མཚོ་གཅིག་པུ་ལ་གཟིགས་ན་གྱི་ལྟ་གྲུབ་རྣམས་ཇི་ལྟ་བར་གསལ་བ་དང་། ཀུན་མཁྱེན་

― TR004_Page_0288 ―

^{[མ་དཔེ་གཟིགས་ན་འདིར་གནོན།]}

[Full Size]

རང་བྱུང་རྡོ་རྗེས་བི་མ་ལ་ཞལ་གཟིགས་པའི་སྐབས་སུ་མཛད་པའི་ཟབ་ཆོས་ཀརྨ་སྙིང་ཏིག་གཅིག་པུས་ཀྱང་རྫོགས་ཆེན་སྙིང་ཏིག་མཐའ་དག་གི་དགོངས་དོན་འཁྲོལ་ནུས་པ་ལགས་མོད། ཅེས། འཕྲོས་དོན་དུ་གསོལ་བའོ།། ༈ །།དེ་ལྟར་སེམས་ཀྱི་རྟེན་གནས་སྙིང་ག་ཡིན་པར་བཤད་པའི་སྐབས་འདི་དང་མཚུངས་པར། ཐ་མལ་པ་རྣམས་ཀྱང་ལུས་ཀྱི་གཉན་ས་སྙིང་ཡིན་པར་བྱེད་ཅིང་།། ༈ །།གསོ་བ་རིག་པའི་གཞུང་ལས་ཀྱང་། ཇི་སྐད་དུ། དྲན་པའི་དབང་པོ་གསལ་བར་བྱེད་པའི་རྩ། སྙིང་ལ་སྲིད་དེ་རྩ་བྲན་ལྔ་བརྒྱས་བསྐོར། །ཞེས་སོགས་གསུངས་པ་དང་།། ༈ །།ཚེ་དང་བླ་སྲོག་གནས་པའི་རྟེན་ཡང་སྙིང་ག་ཡིན་ཕྱིར། སྒྲལ་ལས་མཁན་པོ་རྣམས་ཀྱི་དམིགས་ཡུལ་ཡང་དེར་གཏོད་པར་བཤད་གདའ་བ་དང་།། ༈ །།གཞན་ཡང་། གསང་སྔགས་འོག་མ་དག་ལས་ཀྱང་དགོངས་དོན་ཆ་མཐུན་ཕྱིར། རྣམ་སྣང་མངོན་བྱང་སོགས་ལས་

― TR004_Page_0289 ―

^{[མ་དཔེ་གཟིགས་ན་འདིར་གནོན།]}

[Full Size]

གསུངས་པ་བཞིན། དབང་ཆོག་མང་པོར། སྙིང་ཁར་ཀུན་རྫོབ་བྱང་ཆུབ་སེམས་ཀྱི་ངོ་བོ་ཟླ་བའི་དཀྱིལ་འཁོར་ཉ་གང་བའི་སྟེང་དུ་དོན་དམ་བྱང་སེམས་ཀྱི་ངོ་བོ་རྡོ་རྗེ་དཀར་པོ་རྩེ་ལྔ་པ་སྒོམ་ཚུལ་སོགས་གསུངས་པ་དེ་དག་ཀྱང་སྙིང་གའི་མི་ཤིག་པའི་ཐིག་ལེའི་བརྡའ་དོན་དུ་སྣང་ལ།། ༈ །།ལར་གསང་སྔགས་ཀྱི་ཉམས་ལེན་མཐར་ཕྱིན་ཚེ་རང་སྣང་དོན་གྱི་འོག་མིན་དུ་ལོངས་སྤྱོད་རྫོགས་སྐུར་འཚང་རྒྱ་བར་བདེ་དགྱེས་གསང་གསུམ་དང་དུས་འཁོར་ལས་གསུངས་པ་དང་། རྫོགས་ཆེན་ལས་སྙིང་གར་ལོངས་སྐུའི་དཀྱིལ་འཁོར་བཞུགས་ཚུལ་དང་། ཆོས་ཉིད་བར་དོའི་འཆར་ཚུལ་གྲོལ་ཚུལ་བཤད་པ་སོགས་ཐམས་ཅད་དོན་གྱི་དགོངས་པ་ལ་ཁྱད་པར་མི་འདུག་པ་དང་། ༈ ཕྱི་ནང་གཞན་གསུམ་གནས་གཅིག་པའི་མཐུས། མི་འཇེད་འདིར་བསྐལ་བཟང་གི་སངས་རྒྱས་སྟོང་རྣམས་མངོན་པར་རྫོགས་པ་

― TR004_Page_0290 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་རྒྱ་བའི་གནས་ཀྱང་འཛམ་གླིང་གི་སྙིང་པོ་རྡོ་རྗེ་གདན་ཁོ་ནར་མཛད་པ་ཡང་། ཕྱི་ནང་གི་རྟེན་འབྲེལ་གནད་གཅིག་པའི་རྟགས་ཡིན་པར་གསུངས་སོ། དེ་ལྟར་ཉིད་ཀྱི་དྲི་རྨད་མཛད་པའི་ལན་དོན་གཞན་རྣམས་ཕྱོགས་མཚོན་ཙམ་ཕུལ་ནས། ད་ནི་སྒོམ་ཕྱག་རྒྱ་ཆེན་པོ་དངོས་གཞིའི་སྐབས་དོན་ལ། ཉིད་ཀྱི་གསུངས་ལས། མཉམ་བཞག་གི་ཚེ། ལྟ་སྟངས་ནམ་མཁའ་དང་ས་གཞི་སོགས་གང་དུ་གཏད་པ་དེར་གནས་ཤིང་། དེ་དང་དེའི་ཁ་དོག་གསལ་ཡང་དེར་འཛིན་བྲལ་བར་སྣང་ཚུལ་སོགས་གསུངས་པ་འདི་ལ།། ༈ །།སྤྱིར་ལས་དང་པོ་པ་ལ་སྒོམ་མ་སྐྱེས་པར་སྐྱེ་བར་བྱེད་པའི་ཐབས་ཀྱི་རྣམ་སྣང་གི་ཆོས་བདུན་དང་། མིག་གི་ལྟ་སྟངས་སོགས་གལ་ཆེ་བར་བཤད་པ་དང་། ཁྱད་པར་ཞི་གནས་མཚན་བཅས་ཤིང་བུ་རྡེའུ་སོགས་ལ་བརྟེན་ནས་བསྒོམ་པའི་དུས་སུ་ནི་མིག་དང་སེམས་རྩེ་གཅིག་ཏུ་གཏད་དགོས་

― TR004_Page_0291 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལགས་ཤིང་། གང་དུ་གཏད་པའི་ཡུལ་དེ་ཉིད་སྣང་ལ་དེར་འཛིན་བྲལ་བ་དེ་ལའང་འདྲ་མིན་གཉིས་མཆིས་ཏེ། ཡུལ་སྣང་ལ་གསལ་ཆའི་ཡུ་རིས་མ་ཕྱེད་པར་ཧང་ངེ་བའི་བཏང་སྙོམས་པ་དེ་ནི་སྒོམ་གྱི་ངོ་བོ་མ་ཡིན་ཞིང་། ཤེས་པ་ཧད་པོ་ཅེས་བྱ་བ་ཡིན་ལ། ཡུལ་སྣང་མཐའ་དག་སྐྱོན་མེད་དུ་གསལ་ཞིང་། ཚོགས་དྲུག་གི་འཆར་སྒོ་ཐམས་ཅད་ཇི་ལྟ་བར་ཚོར་བཞིན་དུ། སེམས་ཉིད་དངུལ་ཆུ་ས་ལ་འཕོ་བ་ལྟར་ལྷད་མེད་དུ་རང་ངོ་ཧྲིག་གེ་རིག་པ་ཞིག་དགོས་པར་བཞེད་དེ། དེའི་ཕྱིར་ཞེན་འཛིན་གྱི་ལྷད་དང་མ་འདྲེས་ན། སྣང་ཡུལ་སྤོང་དང་དགག་པ་སོགས་བྱེད་མི་དགོས་ཏེ། སེམས་ཉིད་ལྷན་སྐྱེས་ཀྱི་རང་མདངས་ཡིན་པའི་ཕྱིར་རོ། དེ་སྐད་དུ། ཏེ་ལོ་ཞབས་ཀྱིས། སྣང་བས་མ་བཅིངས་ཞེན་པས་འཆིང་། །ཞེན་པ་ཆོད་ཅིག་ནཱ་རོ་པ། །ཞེས་གསུངས་པ་

― TR004_Page_0292 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། མར་པས་ཀྱང་། སྤྱིར་སྣང་བ་ཇི་ལྟར་སྣང་ལགས་ཀྱང་། །མ་རྟོགས་དུས་ན་འཁྲུལ་སྣང་སྟེ། །ཕྱི་ཡུལ་གྱི་ཞེན་པས་འཆིང་བར་བྱེད། །རྟོགས་པ་རྣམས་ལ་སྒྱུ་མར་སྣང་། །ཡུལ་སྣང་བ་སེམས་ཀྱི་གྲོགས་སུ་འཆར། །མཐར་ཐུག་དོན་ལ་སྣང་མ་མྱོང་། །སྐྱེ་མེད་ཆོས་སྐུར་རྣམ་པར་དག །ཅེས་གསུངས་པ་ལྟར་ཡིན་མོད་ཀྱི།། ༈ །།ལར་ཡང་། གོང་དུ་བཤད་པ་བཞིན་ཞི་གནས་ཀྱི་སྐབས་རྣམས་སུ་ནི་མིག་གི་ལྟ་སྟངས་སོགས་གནད་ཆེ་བའི་ཕྱིར། རྫོགས་ཆེན་རྣམས་ལས་ཀྱང་། སེམས་མི་གནས་པ་གནས་པར་བྱ་ཕྱིར་ཉན་ཐོས་ཞི་བའི་ལྟ་སྟངས། གནས་པ་བརྟན་པར་བྱ་ཕྱིར་བྱང་ཆུབ་སེམས་དཔའི་ལྟ་སྟངས། བརྟན་པར་གྲོལ་བར་བྱ་ཕྱིར་ཁྲོ་བོའི་ལྟ་སྟངས་སོགས་རྣམ་གྲངས་དུ་མར་གསུངས་མཆིས་ཏེ།། ༈ །།སྒོམ་ཕྱག་རྒྱ་ཆེན་པོ་དངོས་གཞི་ཞི་ལྷག་དབྱེར་མེད་ཉམས་སུ་ལེན་པའི་ཚེ་ནི། ལྟ་སྟངས་སོགས་རྩོལ་བཅས་ལ་རག་

― TR004_Page_0293 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ལུས་པ་ཞིག་གལ་ཆེ་སྟེ། རྗེ་ཀོ་བྲག་པས། ང་ཕྱག་རྒྱ་ཆེན་པོའི་རྣལ་འབྱོར་པ། ལུས་གནད་ལྟ་སྟངས་སེམས་འཛིན་མེད། གང་ཤར་གྱི་རྣམ་རྟོག་འདི་ཀ་སྐྱོང་། ཞེས་གསུངས་པ་ལྟར། འགྲོ་འདུག་ཟ་ཉལ་ཐམས་ཅད་སྒོམ་དང་བསྲེ་དགོས་ཕྱིར། ལུས་ཀྱི་འདུག་སྟངས་དང་མིག་གི་ལྟ་སྟངས་སོགས་རྣམ་པ་ཀུན་ཏུ་དགོས་པ་ནི་མ་ལགས་སོ།། ༈ ཡང་ཉིད་ཀྱིས། སྐད་ཅིག་སྐད་ཅིག་ལ་གནས་ཤིང་། །སྐད་ཅིག་སྐད་ཅིག་ལ་འགྱུར་བ། །ཞེས་སོགས་གསུངས་པ་ལ་ནི།། ༈ །།སྤྱིར་ཁྲིད་རིམ་གྱི་ཕྱག་བཞེས་ཕལ་ཆེ་བར། དང་པོ་ནི་སྔར་བཤད་པ་བཞིན་སེམས་ཀྱི་གནས་ཆ་གཏན་ལ་འབེབ་པའི་ཐབས་དུ་མའི་སྒོ་ནས་བསླབས་ཏེ། རྣམ་རྟོགས་གི་རྦ་རླབས་རང་སར་ཞི་བར་མ་བྱས་ན། རང་བྱུང་གི་ཡེ་ཤེས་རྗེན་པ་ངོས་མི་ཟིན་པས། གནས་ཆའི་རིམ་པ་རབ་འབྲིང་ཐ་གསུམ་རྒྱུད་ལ་སྐྱེ་དགོས་པར་

― TR004_Page_0294 ―

^{[མ་དཔེ་གཟིགས་ན་འདིར་གནོན།]}

[Full Size]

གསུངས་ཤིང་། སྒོམ་གྱི་གཞི་རྟེན་པ་ཡིན་ཏེ། རྗེ་དུས་གསུམ་མཁྱེན་པས། སེམས་ཀྱི་རྟ་ཕོ་སྲབ་མེད་དེ། སྔོན་ཆད་ལོག་པའི་ལམ་ལ་རྒྱུགས། ད་ལྟ་ཡང་དག་གི་ཐུར་ལ་ཟིན། །ཞེས་གསུངས་པ་ལྟར་ཡིན་ཚེ་གནས་ཆ་མ་རྙེད་པར་ཇི་ལྟར་སྒོམས་ཀྱང་སོ་ཐུབ་པ་ཅིག་དཀའ་བར་གསུངས་ཏེ། གྲུབ་ཆེན་ཨོ་རྒྱན་པས། དྲན་པས་མ་ཟིན་འཁྲུལ་པའི་བློ། །རིག་པ་འཕྱོ་སང་འཁྱེར་བ་དེ། །བྱ་སྤུ་རླུང་གི་བསྐྱོད་འདྲའི་སེམས། །གཉུག་མའི་རང་སོ་ཟིན་པར་དཀའ། ཞེས་སོགས་གསུངས་ཕྱིར། གནས་པ་ལ་རང་དབང་ཐོབ་དགོས་ལ།། ༈ །།འོན་ཀྱང་གནས་པ་ལ་དེ་ཁོ་ན་སྒོམ་ཡིན་པར་སེམས་ཤིང་། འགྱུར་བ་སོགས་གཞན་ཐམས་ཅད་མིན་པར་འདོད་ན་ལྷག་མཐོང་། ངོ་མི་འཕྲོད་པའི་སྐྱོན་ཡིན་ཞིང་སྒོམ་གྱི་མུ་གེ་འབྱུང་བས་ན།། ༈ །།གནས་ན་གནས་ཐོག་ཏུ་སྐྱོང་ཞིང་། འགྱུ་ན་འགྱུ་ཐོག་ཏུ་

― TR004_Page_0295 ―

^{[མ་དཔེ་གཟིགས་ན་འདིར་གནོན།]}

[Full Size]

རང་ངོ་ཤེས་པར་བྱ་བ་སྟེ། རྒོད་ཚང་པས། རང་གི་སེམས་ལ་ཅེར་གྱི་ལྟོས། །བལྟས་པས་མི་མཐོང་དངོས་པོ་མེད། །མེད་པའི་ངང་ལ་ལྷོད་དེ་ཞོག །ཡལ་ལེ་ཆད་དེ་འཛིན་མེད་ཞོག །ཡང་ཅིག་རྣམ་རྟོག་སྐྱེས་པ་ན། །ངོ་ཡིས་ཚིར་གི་བཟུང་མཛོད་ལ། །ཁོ་རང་ཐོག་ཏུ་ལྷོད་དེ་ཞོག །རང་སར་གྲོལ་བར་ཐེ་ཚོམ་མེད། །ཕྱི་ཡི་ཡུལ་ལ་ཅེར་གྱི་ལྟོས། །རང་སྣང་སྒྱུ་མ་ལྟ་བུ་ཡིན། །གང་ཤར་ཐོག་ཏུ་འཛིན་མེད་ཞོག །བར་གྱི་རིག་པ་ཁྲོལ་དུ་གཞུག །འགྱུ་བ་དངོས་མེད་སེར་དབུ་འདྲ། །འཛིན་པ་མ་ཞུགས་འགྱུས་པས་ཆོག །རང་ངོ་ཤེས་པས་དགག་སྒྲུབ་བྲལ། །དེ་ལ་རྣམ་རྟོག་སྒོམ་ཤར་ཟེར། །ཞེས་གསུངས་པ་ལྟར་ལགས་ཚེ་དྲན་རིག་གིས་ཟིན་ན་འགྱུ་བ་ཡང་སྒོམ་ལས་མ་འདས་པས། གནས་ཆ་ཡུན་རིང་པོར་གནས་པའི་ངེ་ས་མི་འོང་ཞིང་། དོན་ལ་

― TR004_Page_0296 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་འགྱུ་གཉིས་ག་སྒོམ་དུ་འཁྱེར་ཤེས་པ་ཞིག་གལ་ཆེ་བ་ལགས། ཡང་ཉིད་ཀྱིས། འགྱུ་རྗེས་སུ་གནས་པ་དེ་ན་བུན་ཡལ་བ་འདྲ་བ། གནས་རྗེས་སུ་འགྱུ་བ་དེ་སྤྲིན་གསར་སྐྱེས་པ་འདྲ་བ། སོགས་གསུངས་པ་དེ་ནི། སེམས་ཉིད་ཁོ་རང་གཅིག་པུ་སྟེ། རེས་འགའ་གནས་པར་ཤར་ཞིང་རེས་འགའ་འགྱུ་བར་ཤར་བ་མ་གཏོགས་སེམས་གཉིས་མ་གྲུབ་པའི་ཕྱིར། གནས་དུས་ན་འགྱུ་མཁན་མེད་ལ། འགྱུ་དུས་ན་གནས་མཁན་མེད་དེ། དོན་དམ་པར་གནས་པ་དང་འགྱུ་བ་སོགས་ཅིར་ཤར་ཅིར་སྣང་མཐའ་དག་སེམས་ཉིད་ཅིག་བུའི་འཆར་ཚུལ། མེད་བཞིན་སྣང་བའི་སྒྱུ་འཕྲུལ་ཏེ། དོ་ཧ་ལས། སེམས་ཉིད་གཅིག་པུ་ཀུན་གྱི་ས་བོན་ཏེ། གང་ལས་སྲིད་དང་མྱ་ངན་འདས་འཕྲོ་བ། །ཞེས་སོགས་དང་། རྗེ་རང་བྱུང་གི་ཕྱག་ཆེན་སྨོན་ལམ་དུ། སྣང་ཡང་སེམས་ལ་སྟོང་ཡང་སེམས་ཉིད་དེ། །རྟོགས་

― TR004_Page_0297 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་སེམས་ལ་འཁྲུལ་ཀྱང་རང་གི་སེམས། །སྐྱེས་ཀྱང་སེམས་ལ་འགག་ཀྱང་སེམས་ཡིན་པས། །སྒྲོ་འདོགས་ཐམས་ཅད་སེམས་ལ་ཆོད་པར་ཤོག །ཅེས་གསུངས་པ་དང་། ཡང་དགོན་པས་ཀྱང་། བློ་རྟོག་པ་རུ་འགྱུ་བ་གནས་ལུགས་ཀྱི་སྒོ་རང་ངོ་ཤེས་པ་ཉམས་ལེན་གནད། ཅེས་གསུམ་པ་བཞིན། ཐ་མལ་འཁྲུལ་རྟོག་ཨ་འཐས་ཀྱི་དབང་དུ་མ་ཤོར་བར་རང་རིག་གི་དྲན་པས་ཟིན་པ་ཞིག་དགོས་པ་མ་གཏོགས། གནས་འགྱུར་གཉིས་ལ་བཟང་ངན་སྤོང་ལེན་ནི་ཅུང་ཟད་ཀྱང་དགོས་པར་མ་གསུངས་ཏེ། འབའ་ར་བས། ཕྱག་རྒྱ་ཆེན་པོ་ཅེས་བྱ་བ། །ལོག་ན་ཡོར་རེ་བ་ཞིག་མེད། །ད་ལྟའི་སྣང་བ་སྣ་ཚོགས་འདིའི། །རང་སྒོ་སྐྱོང་བ་ཕྱག་རྒྱ་ཆེ། །གང་ཤར་འཛིན་པ་མེད་པ་ལ། །རང་སོར་སྐྱོང་བ་ཕྱག་ཆེན་ཡིན། །ཨེ་མ་

― TR004_Page_0298 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་རྒྱ་ཆེན་པོ་འདི། །གཉེན་པོས་སྣ་བསྐྱིལ་མ་བྱེད་པར། ཁ་ཡན་སྐྱོང་དང་གུ་རེ་ཡངས། །བློ་ཡི་གཉེར་ཁ་མ་བྱེད་པར། །རང་སར་ཞོག་དང་སོས་རེ་དལ། །གང་བྱུང་ཅིས་ཀྱང་ཆོག་པས་ན། །དགག་སྒྲུབ་མེད་པས་ཁོག་རེ་ཡངས། །ཅེས་སོགས་གསུངས་པ་ལྟར། སེམས་གནས་ན་གནས་ཐོག་ཏུ་ལྷོད་དེ། འགྱུར་ན་འགྱུ་ཐོག་ཏུ་ཁྲོལ་ལེ། སྣང་ན་སྣང་ཐོག་ཏུ་ལམ་མེ། གང་དང་གང་ལྟར་འདུག་ཀྱང་བཟོ་བཅོས་དང་སྤྲོ་བསྡུ་སོགས་ཀྱི་སེམས་ལ་ལས་མི་བཀོལ་བར། རང་ལ་རང་གིས་ངོ་ཤེས་ཙམ་པའི་ངང་ལ་གསལ་ལེ། རྗེན་ནེ། ཧྲིག་གེ། གུ་ཡངས་ཕྱམ་མེ་བར་འཇོག་པ་ལགས་ཤིང་། འཇོག་ཅེས་བཞག་རྒྱུ་དང་བཞག་མཁན་ཐ་དད་དུ་གྲུབ་པ་མེད་དེ། ཆོས་རྒྱལ་སྲོང་བཙན་སྒམ་པོས་བསམ་པ་ཐམས་ཅད་བློ་ཡིན་གྱི། །བློ་ཡི་བྱེད་པ་ཞོག་ལ་ཐོང་། །ཞོག་ཅེས་

― TR004_Page_0299 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ་བའང་ཚིག་ཡིན་པས། །ཚིག་གི་འཛིན་པ་བོར་ལ་ཐོང་། །ཞེས་སོགས་གསུངས་པ་ལྟ་བུ་ཚིག་ཏུ་བརྗོད་པ་ཐམས་ཅད་ཀུན་རྫོབ་ལས་མ་འདས་ཚེ། དོན་དམ་པའི་གནས་ལུགས་ཀྱི་ཡེ་ཤེས་ནི་རང་གི་རྒྱུད་ཐོག་ཏུ་མྱོང་དགོས་ཕྱིར། མིང་དང་ཚིག་གི་མཐའ་ལ་མ་ཞེན་པ་གལ་ཆེ་བར་གདའ་ལགས།། ༈ །།ཡང་ཉིད་ཀྱི་རྐྱེན་བཟང་ངན་གང་ཡང་ཐུག་ཕྲད་ཀྱི་དུས་སུ་གློག་འཁྱུག་པ་འདྲ་བར་སྣང་། གསུངས་པ་ལ།། ༈ །།སྤྱིར་གོང་དུ་བཤད་པ་བཞིན་དྲན་རིག་གིས་ཟིན་པའི་ངང་ནས་ནི་རྐྱེན་སྣང་གང་བྱུང་ཐམས་ཅད་ཀྱང་སྒོམ་དུ་མ་གྱུར་པ་མེད་ལ།། ༈ །།འོན་ཀྱང་། རང་རིག་ལ་མ་བུད་པའི་གནས་ཉམས་འཇམ་འབོལ་ལེ་བ་ལྟ་བུ་ཞིག་ལ་འབྱམས་པའི་འཕྲོར། རྐྱེན་བློ་བུར་བའམ། མི་སྐད་ཁྱི་སྐད་ལྟ་བུ་ཞིག་བྱུང་ཚེ། གནས་ཉམས་དེ་སད་རྒྱུ་

― TR004_Page_0300 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོད་འདྲ་བ་བྱུང་ན། ཐ་མལ་ཤེས་པ་རྗེན་པ་སྒོམ་དུ་མ་ཤར་བར། ཅུང་ཟད་ཉམས་ལ་ཞེན་པ་ཡིན་ཏེ། དེ་ལྟ་བུའི་རིགས་ཅན་རྣམས་ནི་གནས་དབེན་ཞིང་རྐྱེན་མེད་པར་བསྒོམ་བདེ་བདེ་འདྲ་བ་ཞིག་འབྱུང་ཡང་། སྒྲ་སྐད་སོགས་ཚོགས་དྲུག་ཡུལ་རྐྱེན་བྱུང་ཚེ་སྒོམ་འཐོར་བ་དང་། དེ་ལ་ནི་ཉིད་ཀྱིས་གསུངས་པ་བཞིན། གནས་དུས་ལ་བལྟས་ན་རྐྱེན་གང་བྱུང་ཐེག་པ་འདྲ་ལ་རྐྱེན་བྱུང་བའི་ཚེ་གནས་པས་མི་སླེབ་པ་ནི། ཞི་གནས་རྐྱང་པ་སོང་བའི་རྟགས་ཡིན་པར་གསུངས་ཏེ། དེ་ལྟ་བུ་ལ་ནི་ལྷག་མཐོང་གི་ཉམས་ལེན་ལ་རྩལ་འདོན་དགོས་པའི་ཕྱིར།། ༈ །།སྔོན་རྗེ་ཕག་མོ་གྲུབ་པས་སློབ་མ་ལ་ལར་སྒོ་འབྱེད་གཅོད་ཀྱི་སྐད་ཆེན་པོ་ཡོད་པའི་འགྲམ་དུ་མལ་ས་བྱས་ཏེ་བསྒོམ་དུ་བཅུག་པས་བོགས་ཐོན་པའི་ལོ་རྒྱུས་དང་།། ༈ །།

― TR004_Page_0301 ―

^{[མ་དཔེ་གཟིགས་ན་འདིར་གནོན།]}

[Full Size]

དགེ་བའི་བཤེས་གཉེན་བྱ་ཡུལ་བས། སློབ་མ་རྣམས་སྒོམ་ལ་གནས་ཚེ་ཁོང་རང་རོལ་ཆ་དཀྲོལ་བ་འབའ་ཞིག་མཛད་པའི་ལོ་རྒྱུས་ལྟར། གནས་ཉམས་ལྟེང་པོ་ལ་མི་འཇོག་པར་རིག་པ་ལ་དངས་ཆ་འཐོན་པར་བྱས་ནས་རྐྱེན་གང་བྱུང་དེ་དག་སྒོམ་དུ་འཁྱེར་ཐུབ་པ་ཞིག་ནན་ལྟར་གལ་ཆེ་བས་ན། དུས་ནམ་དུ་ཡང་ད་ལྟའི་ཐ་མལ་ཤེས་པ་རྗེན་པ་འདི་ག་ཧུར་རེ། ཧྲིག་གེ་བ་མ་གཏོགས། གནས་ཉམས་བན་བུན་འོལ་གྱི་དབང་དུ་མི་བཏང་བ་གལ་ཆེ་བར་གསུངས་ཏེ། ལོ་རས་ཀྱིས། གསལ་ཆ་མེད་པའི་ཞི་གནས་ལྟེང་པོ། །བསྒོམ་ཡུན་རིང་ཀྱང་དོན་མི་རྟོགས་ཀྱི། །ལྟ་སྟངས་རིག་པའི་ངར་དང་ལྡན་པས། །ཐུན་ཆུང་འཕྲོ་ལ་འཐུད་ཀྱིན་སྒོམས་ཤིག ཅེས་པ་ལྟར། རིག་པ་དངས་ཆ་ཐོན་པར་བྱས་ན་གནས་ཉམས་ཐོམ་

― TR004_Page_0302 ―

^{[མ་དཔེ་གཟིགས་ན་འདིར་གནོན།]}

[Full Size]

པོར་མི་འཆོར་བར་ཤེས་པ་རྗེན་པ་ངོས་ཟིན། དེ་ལྟར་ངོས་ཟིན་མཁན་དེ་ལྷག་མཐོང་ཡིན་ཞིང་། སྒོམ་གྱི་གནད་ཐམས་ཅད་ལྷག་མཐོང་ལ་རག་པ་ཉིད་དང་།། ༈ །།གཞན་ཡང་སྡུག་བསྔལ་ལམ། ཞེ་སྡང་སོགས་ཉོན་མོངས་རགས་པ་རྣམས། ན་ཚ་སོགས་ཐམས་ཅད་ལ་ཚོར་མཁན་གྱི་རིག་པ་དེ་ཀ་ཉམས་ལེན་གྱི་སྙིང་པོར་བྱ་བ་སྟེ། རོ་སྙོམས་ཀྱི་གདམས་པ་ཡང་འདི་ལས་སྤྲོས་པ་ཤིག་མེད་པ་དང་། དེ་ལྟར་གང་ཤར་ལ་དྲན་རིག་གིས་རང་ངོ་ཤེས་པའི་དུས་ན་རྣམ་རྟོག་འཁྲུལ་ཕྱིར་འབྲང་རྒྱུ་མེད་ཚེ། རྣམ་རྟོག་ཆོས་སྐུའམ། ཅིར་སྣང་སྒོམ་གྱི་རང་བཞིན་དུ་མི་འགྱུར་ཀ་མེད་ཡིན་ལ། དེའི་ཕྱིར་མཉམ་རྗེས་སོགས་ཀྱི་དབྱེ་བ་མང་ཡང་། མདོར་བསྡུས་ན་རང་རིག་གི་དྲན་པ་ཡོད་མེད་ཁོ་ན་ལས་གཞན་མ་མཆིས་སོ། སྤྱིར་ཡང་། མཉམ་རྗེས་ཀྱི་སྐབས་འདི་དག་ལ། བཀའ་རྒྱུད་ཀྱི་སྐྱེས་ཆེན་རྣམས་ཀྱི་

― TR004_Page_0303 ―

^{[མ་དཔེ་གཟིགས་ན་འདིར་གནོན།]}

[Full Size]

བཞེད་ཚུལ་སྣ་ཚོགས་འབྱུང་སྟེ།། ༈ །།རྗེ་རང་བྱུང་སོགས་ནི་ཉམས་ཀྱི་མཉམ་རྗེས་དང་། རྟོགས་པའི་མཉམ་རྗེས་སོགས་དབྱེ་བར་མཛད་པ་དང་།། ༈ །།སྐྱོབ་པ་རིན་པོ་ཆེ་སོགས་ནི་སྒོམ་མེད་འབྲིང་པོ་མན་ཆད་ལ་རང་སའི་མཉམ་རྗེས་ཀྱི་ཚུལ་ཙམ་མ་གཏོགས་མཉམ་རྗེས་དངོས་མི་འབྱུང་བར་གསུངས་པ་སོགས་སྣང་ཞིང་།། ༈ །།གཞན་ཡང་། ཕྱག་བཞེས་ཀྱི་འཁྲིད་ཚུལ་དག་ལ་སྤྲོས་བྲལ་ཆེན་པོར་མ་སླེབ་ཀྱི་བར་དུ་མཉམ་རྗེས་ཐ་དད་པར་ཐུན་མཚམས་བཅད་ཏེ་སྒོམ་དུ་བཅུག་ནས། སྤྲོས་བྲལ་མངོན་དུ་གྱུར་པ་ཙམ་གྱི་ཚེ་མཉམ་རྗེས་ཟུང་འཇུག་ཏུ་མ་བཟློ་བར་གསུངས་པའི་ཁྲིད་རིམ་སྣང་མོད་ཀྱི། གང་ཟག་དབང་པོའི་ཁྱད་པར་སོགས་ལ་དགོངས་པ་ཡང་ཡིན་མཆི།། ༈ །།སློབ་དཔོན་ཆེན་པོ་པདྨ་འབྱུང་གནས་ཀྱི་གསུངས་པའི་ཕྱག་ཆེན་ཕལ་ཆེར་དུ་ནི། འཁོར་

― TR004_Page_0304 ―

^{[མ་དཔེ་གཟིགས་ན་འདིར་གནོན།]}

[Full Size]

འདས་གཉིས་ཀྱི་སོ་མཚམས་ནི། འཁྲུལ་མ་འཁྲུལ་ལམ། རིག་མ་རིག་གཉིས་ལས་འགྲོ་ས་མེད་པས་ན། མཉམ་རྗེས་གཉིས་ཀྱང་དྲན་རིག་ཡོད་མེད་ཁོ་ན་ལ་བསྡུ་བར་མཛད་པར་སྣང་སྟེ། ཐ་མལ་ཤེས་པ་རྗེན་པ་ལ་བཟོ་བཅོས་ཀྱིས་མ་བསླད། འཁྲུལ་ཕྱིར་མི་འབྲེང་བར་བསྐྱང་བ་དེ་ཇི་ཙམ་ཐུབ་ཐུབ་ཏུ་འཕྲོ་འཐུད་ཅིང་སྤྱོད་ལམ་ཐམས་ཅད་ལ་བསྲེ་གང་ཐུབ་གོམས་སུ་འཇུག་པ་ལས་ལྷག་པའི་མཉམ་བཞག་རྗེས་ཐོབ་གཅིག་མི་འབྱུང་བར་གསུངས་སོ། །ཇི་སྐད་དུ། རིག་པ་ངོ་སྤྲོད་ཅེར་མཐོང་རང་གྲོལ་ལས། །རྟག་ཆད་མཐའ་བརྒྱད་བྲལ་བའི་རིག་པ་འདི། །གང་གི་མཐར་མ་ལྷུང་བས་དབུ་མ་ཟེར། །དྲན་རིག་རྒྱུན་ཆད་མེད་པས་རིག་པ་ཟེར། །སྟོང་པ་རིག་པའི་སྙིང་པོ་ཅན་ཡིན་པས། །དེ་ཕྱིར་བདེ་གཤེགས་སྙིང་པོ་མིང་དུ་བཏགས། །འདི་དོན་ཤེས་ན་ཤེས་བྱ་ཀུན་གྱི་

― TR004_Page_0305 ―

^{[མ་དཔེ་གཟིགས་ན་འདིར་གནོན།]}

[Full Size]

རབ། །དེ་ཕྱིར་ཤེས་རབ་ཕ་རོལ་ཕྱིན་པ་ཟེར། །བློ་འདས་མཐའ་དང་ཡེ་ནས་བྲལ་བའི་ཕྱིར། །དེ་ཕྱིར་ཕྱག་རྒྱ་ཆེན་པོར་མིང་དུ་བཏགས། །དེ་ཉིད་རྟོགས་དང་མ་རྟོགས་ཁྱད་པར་ལས། །དེ་ཕྱིར་ཀུན་གཞི་ཞེས་ཀྱང་མིང་དུ་གྲགས། །བཟོ་མེད་ཐ་མལ་རང་གར་གནས་དུས་ཀྱི། །ཤེས་པ་གསལ་ལེ་ཧྲིག་གེ་འདི་ག་ལ། །ཐ་མལ་ཤེས་པ་ཅེས་པ་མིང་དུ་བཏགས། །མིང་འདོགས་སྙན་སྙན་མང་པོ་ཅིར་བཏགས་ཀྱང་། །དོན་ལ་ད་ལྟའི་ཤེས་རིག་འདི་ཀ་སྟེ། །འདི་ལས་གཞན་དུ་ལྷག་པ་སུ་འདོད་པ། །གླང་པོ་བརྙེད་ནས་རྗེས་འཚོལ་ཇི་བཞིན་ཏེ། །སྟོང་གསུམ་འཐག་སུ་བྲན་ཡང་རྙེད་མི་སྲིད། །སེམས་ལས་མ་གཏོགས་སངས་རྒྱས་རྙེད་མི་འགྱུར། །ཞེས་དང་། འཁོར་འདས་གཉིས་པོ་རིག་དང་མ་རིག་གཉིས། །སྐད་ཅིག་གཅིག་གི་བར་ལས་བྱེ་བྲག་མེད། །རང་གི་སེམས་ལས་

― TR004_Page_0306 ―

^{[མ་དཔེ་གཟིགས་ན་འདིར་གནོན།]}

[Full Size]

གཞན་དུ་མཐོང་བས་འཁྲུལ། །འཁྲུལ་དང་མ་འཁྲུལ་ངོ་བོ་སེམས་སུ་གཅིག །འགྲོ་ལ་སེམས་རྒྱུད་གཉིས་སུ་མ་གྲུབ་ཕྱིར། །སེམས་ཉིད་མ་བཅོས་རང་སོར་བཞག་པས་གྲོལ། །སྣང་བ་ཐམས་ཅད་སེམས་སུ་རིག་པའི་ངང་། །མཐོང་སྣང་ཤར་ཡང་འཛིན་མེད་ཡེ་ཤེས་ཡིན། །སྣང་བས་མ་འཁྲུལ་འཛིན་པས་འཁྲུལ་བས་ན། །འཛིན་རྟོག་སེམས་སུ་ཤེས་ན་ངང་གིས་གྲོལ། །ཞེས་སོགས་དང་། འདི་ལྟར་ཉམས་སུ་བླངས་ན་ཀུན་གྲོལ་ཏེ། །དབང་པོ་དག་ལ་རྣོ་བརྟུལ་མེད་པར་གྲོལ། །ཏིལ་དང་འོ་མ་མར་གྱི་རྒྱུ་ཡིན་ཀྱང་། །མ་བསྲུབ་མ་བཙིར་མར་ཁུ་མི་འབྱུང་ལྟར། །འགྲོ་ཀུན་སངས་རྒྱས་སྙིང་པོ་ཅན་ཡིན་ཀྱང་། །ཉམས་སུ་མ་བླང་སེམས་ཅན་སངས་མི་རྒྱ། །དེ་ཕྱིར་རང་རིག་འདི་ལ་འདྲིས་པར་གྱིས། །ཅེས་གསུངས་པ་བཞིན་ཡེངས་འཁྲུལ་གྱི་དབང་དུ་མ་ཤོར་བར་རང་རིག་རང་ངོ་ཤེས་པ་ལ་ཉམས་ལེན་གྱི་སྙིང་པོར་བྱ་

― TR004_Page_0307 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ལས་ལྷག་པའི་སྒོམ་རྒྱུ་མ་མཆིས་པ་ལགས།། ༈ །།ཡང་། ཉིད་ཀྱིས། སྒོམ་བློ་མ་སྐྱེས་པར་སྒོམ་འབྱུང་བ་ནི་དཀའ། སྒོམ་བློ་སྐྱེས་པ་ཡང་ཐེ་ཚོམ་པར་གསུངས་པ་འདི་ལ། སྤྱིར་ཐོག་མར་སྒོམ་ཁྲིད་ཀྱི་གདམས་པ་ཞུ་བའི་བློ་དང་། བར་དུ་ཡང་ཉམས་ལེན་ལ་མ་བརྩོན་ན་དོན་མི་འགྲུབ་ཕྱིར་རྩེ་གཅིག་ཏུ་ཉམས་སུ་ལེན་པར་འདོད་པའི་བློ་སོགས་ནི། གུས་སྦྱོར་དང་རྟག་སྦྱོར་གྱི་བརྩོན་འགྲུས་ཡིན་ཕྱིར། དེ་ལྟ་བུའི་བློ་ནི་ཅེས་ཀྱང་དགོས་ཤིང་ཕན་ཡོན་ཡང་ཆེ་བ་སྟེ། སྡོང་པོ་བཀོད་པའི་མདོ་ལས། སེམས་ཀྱི་ཐེ་ཚོམ་རྣམ་པར་བསལ་དོན་དུ། །ལེ་ལོ་མེད་པར་བཤེས་གཉེན་གདམས་པ་བསྟེན། །དེ་ནི་བདུད་ཀྱི་སྲུངས་མ་ཉོན་མོངས་འཇོམས། དེས་ནི་ལྟ་བའི་དྲི་མ་སྲེད་པ་སེལ། །འདིས་ནི་འགྲོ་བ་ཐམས་ཅད་སྒྲོལ་ལ་བརྩོན། །ཞེས་པ་ལྟར། དྲན་

― TR004_Page_0308 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཡེངས་མེད་ཀྱི་བསྐུལ་མ་བྲལ་བར་བྱ་ཞིང་།། ༈ །།སྒོམ་དངོས་གཞི་ཉིད་ལ་ནི་སྒོམ་བློའི་རྟོག་པ་དང་། སྒོམ་ཡེང་དུ་རེ་ཞིང་མི་ཡོང་གི་དོགས་པའི་བློ་དང་བདེ་གསལ་མི་རྟོག་ཆེད་དུ་བསྒྲུབ་བློ་སོགས། མདོར་ན་ཞེ་འདོད་དང་བློས་བྱས་ཀྱི་རིགས་མཐའ་དག་པ་ནི་སྒོམ་གྱི་གོལ་ས་འབའ་ཤིག་ཡིན་ཕྱིར། བློ་བྲལ་གཉུག་མ་རང་བབས་རྗེན་པར་བསྐྱང་དགོས་པ་དང་། སེམས་ཀྱི་འཆར་ཚུལ་དང་འདུག་ཚུལ་གང་བྱུང་དེ་ཀ་རང་ངོ་ཤེས་པ་དེས་མི་མཆོག་པར། སྒོམ་བཟང་བཟང་བ་ཞིག་བློས་བཅོས་ནས་བསྒོམ་པ་ནི་སྒོམ་གྱི་འཆིང་བྱེད་དམ། ལྷད་ཀྱིས་བསླད་པར་འགྲོ་སྟེ།། ༈ །།མཉམ་མེད་སྒམ་པོ་པས། སྒོམ་ཆེན་སྒོམ་གྱིས་མ་བཅིངས་ན། །གཞན་གྱིས་འཆིང་བར་མི་འགྱུར་བས། །གོ་བའི་ལྟ་བ་རྒྱབ་ཏུ་བསྐྱུར། །བསྒོམ་པའི་ཉམས་མྱོང་རྨང་ནས་བཤིག །

― TR004_Page_0309 ―

^{[མ་དཔེ་གཟིགས་ན་འདིར་གནོན།]}

[Full Size]

ཅེས་གསུངས་པ་དང་། གླིང་རས་ཀྱིས། ཇི་སྲིད་བློ་ཞེན་ཡོད་ཀྱིས་བར། །འཁོར་བའི་ཆུ་བོ་སྒྲོལ་མི་འགྱུར། །འཛིན་པ་ཐོངས་ན་གྲོལ་བའི་གནད། །ཞེ་འདོད་མེད་ན་སངས་རྒྱས་འགྲུབ། །ཅེས་དང་། རྒྱ་རས་ཀྱིས་ཀྱང་། ཡིད་ལ་མི་བྱེད་སྒོམ་པ་ལ། །བློས་བཅོས་ནས་བཞག་རྒྱུ་མི་གདའོ། །སེམས་འཛིན་ཀུན་ཇི་ལྟར་དགྱེས་དགྱེས་མཛོད། །སྤྲང་པོ་ང་ཐ་མལ་ཤེས་པ་སྐྱོང་། །ཞེས་སོགས་དང་། ཨོ་རྒྱན་པས། རྣམ་རྟོག་ཆོས་སྐུའི་རོལ་པ་ལ། །སེམས་གནས་པ་རྐྱང་པ་སྐུ་མདོག་མིན། །ཡན་པར་ཐོང་ལ་ལྟད་མོ་ལྟོས། །རང་ངོ་ཤེས་ན་དེ་ཀས་ཆོག །ཉོན་མོངས་ཡེ་ཤེས་ཆེན་པོ་ལ། །གཉེན་པོ་བསྒོམ་པས་མི་སྤོངས་ཀྱི། །རང་ངོ་ལྟོས་ལ་ཉམས་སུ་ལོང་། །རང་ངོ་ཤེས་ན་གྲོགས་སུ་འཆར། །ཚོགས་དྲུག་སེམས་ཀྱི་འཆར་ཚུལ་ལ། །ཡུལ་སྣང་བཀག་པས་མི་ཁེགས་ཀྱི། །གསོལ་བ་གདབ་ཅིང་ཉམས་སུ་

― TR004_Page_0310 ―

^{[མ་དཔེ་གཟིགས་ན་འདིར་གནོན།]}

[Full Size]

ལོང་། །ཡུལ་སྣང་སྒྱུ་མའི་རོལ་པར་འཆར། ཞེས་དང་། ཞང་རིན་པོ་ཆེས། ཞེན་མེད་བདེ་གསལ་མི་རྟོག་གནས་འདོད་ན། །སྒོམ་པ་མ་བསྒོམ་བསྒོམ་པའི་བྱ་བ་ཐོང་། །བསྒོམ་དང་མི་སྒོམ་ཞི་འདོད་བྱ་བྲལ་ན། །བྱ་བཏང་སྒོམ་པ་སྒོམ་པའི་མཐར་ཐུག་ཡིན། །ཞེས་གསུངས་པ་དང་། འབའ་ར་བས། སེམས་ནི་མ་སྤྲོ་མ་བསྡུ་བར། །རང་ག་རྣལ་མ་ཉིད་དུ་ཞོག །བཞག་བྱ་འཇོག་བྱེད་མེད་པས་ན། །འཇོག་མཁན་རང་ངོ་ཤེས་པར་མཛོད། །ཤེས་མཁན་རང་ཡང་བློ་ཡིན་གྱི། །བློ་ཡི་དེར་འཛིན་མེད་པར་མཛོད། །བློ་དང་མ་བྲལ་སྒོམ་པ་ནི། །བློ་འདས་བསྒྲིབ་པའི་མུན་ཆེན་ཡིན། །སྒོམ་པ་བློ་བྲལ་བསྒྲུབས་བསྒྲུབས་ནས། །བློ་བྲལ་བློ་རུ་སོང་དོགས་ཡོད། །བློ་བྲལ་ཉིད་ཀྱང་མ་བསྒྲུབ་པར། །བློ་ཡི་ཡིད་བྱེད་མེད་པར་གྱིས། ཅེས་སོགས་དང་། བློ་ཡིས་

― TR004_Page_0311 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒོམ་དུ་མེད་ན་ཡང་། །སྒོམ་མེད་དོན་ལ་གོམ་སུ་ནི། །ཡོད་པས་དུས་རྣམས་ཀུན་ཏུ་ཡང་། །མ་ཡེངས་ཡང་དག་དྲན་པ་ཡི། །རྩི་དང་མ་བྲལ་སྐྱོང་བ་གཅེས། །ཡེངས་ན་གནས་ལུགས་དོན་མི་རྟོགས། །བསྒོམ་ན་གང་བསྒོམ་མཚན་མར་འཆོར། །མ་ཡེངས་མི་སྒོམ་སོ་མའི་ངང་། །གོམས་པར་མཛོད་ཅིག་ཡང་དག་ལམ། །ཞེས་སོགས་སྒྲུབ་རྒྱུད་རྣམས་ཀྱི་གསུངས་སྒྲོས་ལས་ཟབ་ཅིང་རྒྱ་ཆེ་བ་དཔག་མེད་འབྱུང་མོས་ཀྱི། ༈ འགག་དོན་གྱི་སྙིང་པོར། རང་སེམས་ཀྱི་འདུག་ཚུལ་གང་དང་གང་ལྟར་སྣང་བ་དེ་ཀ་རང་རིག་དྲན་པས་བསྐྱང་བ་ཉིད་ལ་འདུས་པ་དང་།། ༈ །།མདོར་བསྡུ་ན་མཚན་ལྡན་གྱི་བླ་མ་ལ་སངས་རྒྱས་ཆོས་ཀྱི་སྐུར་ཐག་ཆོད་པའི་མོས་གུས་ཀྱི་གསོལ་བ་རྒྱུན་དུ་གདབ། ཁམས་གསུམ་གྱི་སེམས་ཅན་མཐའ་དག་ཕ་མར་མ་གྱུར་པ་མེད་ཕྱིར་བྱམས་

― TR004_Page_0312 ―

^{[མ་དཔེ་གཟིགས་ན་འདིར་གནོན།]}

[Full Size]

སྙིང་རྗེ་བྱང་ཆུབ་ཀྱི་སེམས་དང་ལྡན་པས་རླབས་ཆེན་གྱི་སྨོན་ལམ་རྣམ་དག་འདེབས་ཤིང་། དགེ་སྦྱོར་གང་བྱེད་མཁའ་མཉམ་འགྲོ་བའི་དོན་འབའ་ཞིག་མ་གཏོགས་རང་འདོད་ཀྱི་མུན་པ་སྤུ་ཙམ་མི་བྱ། ན་ཚ་རྐྱེན་ངན་དགྲ་འདྲེ་སྡུག་བསྔལ་འཆི་བ་དང་བཅས་པ་ཅི་བྱུང་ཡང་། བླ་མ་དཀོན་མཆོག་མ་གཏོགས་པ་གཞན་ལ་མི་རེ་ཞིང་། ཅིར་སྣང་རང་གི་སེམས། རང་སེམས་ཆོས་ཀྱི་སྐུ། ཆོས་སྐུ་མཚན་མའི་ཡུལ་ལས་འདས་པར་ཐག་ཆོད་ཀྱི་ངེས་ཤེས་བསྐྱེད། མི་ཚེ་རྨི་ལམ་གྱི་སྣང་བ་ཡུད་ཙམ་འདི་ལ་དོན་མེད་ཀྱི་བློ་རྒྱ་དང་བཤོམ་ར་མང་པོའི་ལོང་མེད་པས་བློ་སྣ་ནང་དུ་བསྟུང་། ཇི་སྲིད་བདག་ཏུ་འཛིན་པ་མ་ཟད་ཀྱི་རིང་ལ་དཀར་ནག་རྒྱུ་འབྲས་ཀྱི་སྣང་ཚུལ་བསླུ་བ་མེད་ཕྱིར་དགེ་སྡིག་བླང་དོར་ཚུལ་བཞིན་དུ་འབད། འདུས་མ་བྱས་ཀྱི་དོན་མངོན་དུ་གྱུར་ཀྱང་འདུས་བྱས་ཀྱི་དགེ་བ་ཁྱད་

― TR004_Page_0313 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་མི་གསད་པར་བསག་སྦྱང་ལ་ཅི་ནུས་སུ་རེམས། ཉམས་ལེན་བྱེད་ལོང་མེད་པ་ནས་ཉམས་རྟོགས་དང་། གྲུབ་རྟགས་དང་། གཞན་དོན་སོགས་འོང་དུ་རེ་བའི་ངར་འཛིན་གྱི་ཁོང་འཚང་སྤངས་ཏེ། བྱང་ཆུབ་མངོན་དུ་མ་གྱུར་གྱི་བར་སེམས་དང་ཆོས་སུ་མི་འབྲེལ་བར་འབུངས་ཤིང་། ཁྱད་པར་དུ་ཉམས་ལེན་ཅུང་ཟད་བགྱིས་པ་ལ་བརྟེན་ནས་དྲོད་རྟགས་དང་མངོན་ཤེས་རྫུ་འཕྲུལ་མཐོང་སྣང་ངག་ནུས་གཞན་ཕན་གདུལ་བྱ་སྙན་གྲགས་འདུ་ལོང་སོགས་བྱུང་བ་ལ་དགའ་བྲོད་དང་ཁེངས་རློམས་སྐྱེས་པས་རང་གཞན་འདི་ཕྱི་ཐམས་ཅད་ཕུང་ལ་སྦྱོར་བའི་ཆོས་པ་དིང་སང་ལྷག་པར་མང་ཞིང་། བར་ཆད་དང་དངོས་གྲུབ་ནོར་བའི་ནོར་ཆབས་ལ་འདི་ལས་ཆེ་བ་གང་ཡང་མ་མཆིས་ཀྱང་། དེ་ལྟར་གོ་མཁན་དཀོན་པར་གདའ་ལ།། ༈ །།གྲུབ་རྟགས་ཀྱི་མཆོག་ཏུ་གྱུར་པ་ནི་

― TR004_Page_0314 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་ལ་མོས་གུས་མཆེད་གྲོགས་ལ་དག་སྣང་། སེམས་ཅན་ལ་སྙིང་རྗེ། རྒྱུ་འབྲས་ལ་ཞིབ་ཆ། འཁོར་བ་ལ་ཞེན་ལོག །ཟང་ཟིང་ལ་དགོས་མེད། རང་རྒྱུད་ལ་ཞི་དུལ། ཉམས་ལེན་ལ་ཆིག་དྲིལ། འདི་རྣམས་རྒྱུད་ལ་ཇེ་ཆེ་ཇེ་འཕེལ་དུ་འགྲོ་བ་ཞིག་བྱུང་ན། གྲུབ་རྟགས་དེ་ཀས་ཆོག་པར་གདའ་ཡང་། སྙིགས་དུས་འདི་འདྲར་ཆོས་རྒྱུད་དང་། བླ་མ་དང་། གང་ཟག་སོགས་ཐམས་ཅད་ང་བཟང་ཁོ་ན་འགྲན་ཞིང་རྩོད་པར་བྱེད་ཀྱང་། ལག་ལེན་ལ་ཆོས་དང་གང་འགལ་ཁོ་ན་འགྲན་པ་ལྟ་བུ་ཞིག་ལས་མ་མཆིད་མོད་ཀྱི། རྒྱལ་བ་ཡང་དགོན་པས། ཆོས་སྐད་ལ་རྟ་རི་བ་བཤད་ཅིང་ལག་ལེན་ལ་ཁྱི་མི་རི་བར་སྣང་། གསུངས་པ་བཞིན་བདེན་པར་འགྱུར་ལ། གཞན་ཡང་། རྒྱལ་སྲས་ཐོགས་མེད་པས། དེ་རིང་ཙམ་ཡང་མི་འཆིའི་གདེངས་མེད་ཀྱང་། །གཏན་དུ་སྡོད་གྲབས་

― TR004_Page_0315 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་པའི་ངང་རིང་པོ། །འཆི་ཁར་བྲང་ལག་ཐལ་མོ་འཆོར་ཉེན་གདའོ། །ཞེས་དང་། ད་ལྟའི་སྡུག་བསྔལ་ཕྲ་མོའང་མི་བཟོད་ཀྱང་། །རྒྱུ་འབྲས་ཁྱད་དུ་གསོད་པའི་སྙིང་ཁམས་ཅན། །འཇིགས་རུང་ངན་འགྲོའི་གཡང་སར་འཆེན་གདའོ། །ཞེས་དང་དགེ་སྦྱོང་ཆོས་བཞི་བསྒྲུབ་པར་དམ་བཅས་ནས། ཁ་དྲག་དབང་ཆེ་འདོད་པའི་ང་རྒྱལ་ཅན། ཁས་བླང་ཐོག་ཏུ་ཁེལ་བར་མི་གདའོ། །སོགས་དང་། ཁྲོས་ཀྱང་སླར་མི་ཁྲོ། གཤེ་ཡང་སླར་མི་བཤེ། རྡེགས་ཀྱང་སླར་མི་བརྟེག །འཚང་བྲུས་ཀྱང་སླར་འཚང་མི་འབྲུ་བ་ནི་དགེ་སྦྱོང་ཀྱི་ཆོས་བཞིའོ། །ལྟོ་འགྲངས་ཉི་མས་དྲོས་ཚེ་ཆོས་པའི་གཟུགས། །རྐྱེན་ངན་སྡུག་བསྔལ་བྱུང་ཚེ་ཐ་མལ་པ། རང་སེམས་ཆོས་དང་འདྲ་བར་མི་གདའོ། །ཞེས་སོགས་གསུངས་པ་ཁོ་ན་བཞིན་ཡིན་ཕྱིར། དེས་ན། དཔལ་གཙུག་ལག་འཕྲེང་བས། ཆོས་རྒྱུད་ལ་བདག་གཞན་མི་བྱེད་དེ། ཆོས་མིན་ཞིག་འདུག་ན་གར་

― TR004_Page_0316 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་ཕུང་། །རང་ཉིད་ལ་འདུག་ཀྱང་འདོར་རེམས་དགོས། །ཕྱག་རྫོགས་དང་དབུ་མ་ཞི་བྱེད་གཅོད། སྦྱོར་དྲུག་དང་རིམ་ལྔ་ཆོས་དྲུག་དང་། །བསྲེ་འཕོ་དང་ལམ་འབྲས་ལ་སོགས་པ། །ཐ་དད་ཀྱི་རྣམ་དབྱེ་མང་ན་ཡང་། །འཇུག་ཚུལ་དང་འཇུག་སྒོའི་རིམ་པ་ཙམ། །རང་རང་གི་དོན་དེ་རྟོགས་ཙ་ན། །ཐམས་ཅད་ཀྱང་དབྱེར་མེད་མཉམ་པ་ཉིད། །ཅེས་གསུངས་པ་ལྟར་ཆོས་ཀྱིས་གོ་མི་ཆོད་པའམ་མི་ཟབ་པ་ཅིག་མེད་རུང་གང་ཟག་གིས་གོ་མ་ཆོད་པའི་སྐྱོན་གྱིས། རང་རྒྱུད་སྨིན་གྲོལ་དུ་གྱུར་མ་ནུས་པ་ཡིན་ཚེ། དེས་ན་ཆོས་ལུགས་གང་ཡིན་ཀྱང་། ཆོས་དང་རང་རྒྱུད་འདྲེས་ནུས་པ་གཅིག་འབད་པར་ཞུ། ཞེས་ཕྱི་རབས་ཀྱི་གང་ཟག་རྣམས་ལ་སྙིང་ཐག་པ་ནས་གསོལ་བ་ལགས།། ༈ །།དེ་ལྟར་ཉིད་ཀྱིས་དྲི་བ་གནང་བའི་ལན་དོན་རགས་བསྡུས་རྣམས་འདི་དག་ཏུ་འདུས་པར་མཆིས་ཤིང་། འདིར་མ་འདུས་པའི་ཕྲ་ཞིབ་

― TR004_Page_0317 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་གནད་རྣམས་ནི་སྔོན་གྱི་ཁྲིད་གཞུང་གི་ཡི་གེ་སྤྱི་དང་། ཁྱད་པར་རྗེ་དགུ་པས་མཛད་པའི་ཕྱག་ཆེན་ཁྲིད་ཡིག་སོགས་སུ་གཟིགས་པས་མཐུས་པ་དང་། གཞན་ཡང་རྣལ་འབྱོར་བཞི་རིམ་དང་། ས་ལམ་གྱི་གྲོད་ཚུལ། ཤོར་གོལ་གྱི་གེགས་སེལ་སོགས་ནི་བཀའ་བརྒྱུད་རིན་པོ་ཆེ་རྣམས་ཀྱི་གསུང་འབུམ་དག་ལས་རྒྱ་ཆེར་འབྱུང་བ་དང་། བདག་གིས་ཀྱང་གོ་ཚོད་ཕྲན་བུ་དག་ཡིག་ཆ་གཞན་དུ་སྔར་ནས་བྲིས་ཡོད་ཕྱིར། སྐབས་འདིར་ཡི་གེ་མང་བས་མ་བཀོད་ལ།། ༈ །།དོན་གྱི་སྙིང་པོར་ནི། བསྒོམ་བྱའི་བློ་དང་། སྒོམ་བྱེད་ཀྱི་སེམས་ཐ་དད་དུ་མ་ལུས་པར། དབྱེར་མེད་བློ་ཟད་ཆོས་ཟད་གཅིག་མ་གཏོགས། ཉམས་རིམ་དང་ས་ལམ་རེ་འདོད་དང་ཡིད་སྨོན་གྱི་དགོས་པ་མེད་པ་མཁྱེན་པར་མཛད་དུ་གསོལ།། ༈ །།ཨེ་མ། རྒྱལ་བ་སྲས་དང་སྤྲུལ་པར་བཅས་པ་རྣམས། །མ་ལུས་འགྲོ་བ་འདྲེན་པ་ལས་གཞན་པའི། །

― TR004_Page_0318 ―

^{[མ་དཔེ་གཟིགས་ན་འདིར་གནོན།]}

[Full Size]

མཛད་པ་ནམ་ཡང་ཡོད་པ་མ་ཡིན་ཕྱིར། །རང་སྐལ་དང་མཐུན་ཆོས་སྒོ་བསམ་ཡས་བསྟན། །བརྗོད་མེད་བརྗོད་པ་ཀུན་གྱི་རྒྱུ་ཡི་མཆོག །གསུང་གཅིག་ཉིད་ལ་ཐ་དད་སྐལ་བ་དང་། །རྗེས་མཐུན་བརྒྱད་ཁྲི་བཞི་སྟོང་ལ་སོགས་ཀྱང་། །མཐར་ཐུག་སྙིང་པོ་དོན་དམ་བདེན་པར་གཅིག །གཅིག་པུ་དེ་ཡང་འགྲོ་བའི་ཁམས་རྒྱུད་ལ། །བཟོད་ནས་གནས་པའི་བདེར་གཤེགས་བྱང་ཆུབ་སྙིང་། །དབུལ་པོའི་ཁྱིམ་གྱི་གཏེར་བཞིན་མ་རིག་བསྒྲིབས། །འཁྲུལ་རྟོག་སྒྱུ་མའི་བཙོན་རར་རྟག་ཏུ་མནར།། ༈ །།ཐག་ཁྲ་སྦྲུལ་དང་མཁྲིས་ནད་ཅན་གྱིས་དུང་། །སེར་པོར་མཐོང་བཞིན་ལོག་ལམ་འཁྲུལ་པའི་འགྲོ། །སྣ་ཚོགས་སྡུག་བསྔལ་བརྒྱས་གཟིར་ཉམས་ཐག་ལས། །སྐྱོབས་མཛད་ཐར་པའི་དེད་དཔོན་རྡོ་རྗེ་འཆང་།། ༈ །།གང་གི་གསུང་རབ་རྒྱ་མཚོའི་བཅུད་ཀྱི་སྙིང་། །སྐལ་བཟང་ཚེ་གཅིག་བདེ་སྟེར་

― TR004_Page_0319 ―

^{[མ་དཔེ་གཟིགས་ན་འདིར་གནོན།]}

[Full Size]

མྱུར་ལམ་ནི། །རབ་བཟབ་སྨིན་དང་གྲོལ་བྱེད་རྣམ་གཉིས་ལ། ཆོས་ཕུང་བརྒྱད་ཁྲི་བཞི་སྟོང་གཅིག་ཅར་རྫོགས།། ༈ །།དེ་ཕྱིར་སྙིང་པོའི་གནད་དོན་མ་རྟོགས་ན། །བརྗོད་བྱའི་ཡལ་འདབ་རྒྱ་ཆེར་བསྐྱོད་བྱས་ཀྱང་། །བླ་མེད་བྱང་ཆུབ་འབྲས་བུ་མི་ཐོབ་ཕྱིར། །མི་ཕམ་མགོན་ཁྱེད་ཚུལ་འདིར་དོན་གཉེར་མཛོད།། ༈ །།སྔོན་སྦྱངས་འོད་དཀར་བདག་ཁྱོད་ཐེ་ཚོམ་གྱི། །མུན་པའི་གོ་སྐབས་རྡུལ་ཙམ་མ་དམིགས་ཀྱང་། །སྐལ་ལྡན་ཐར་འདོད་ཀུན་ལྡན་གཞད་པའི་སླད། །དྲི་བའི་འོད་སྣང་སྤྲོ་འདི་དམ་པའི་ལུང་།། ༈ །།ཆོས་བཞིན་དྲིས་ལ་ཆོས་བཞིན་ལན་ལྡོན་པ། །སོ་སོ་ཡང་དག་རིག་བཞི་ཐོབ་དགོས་ཀྱང་། །ཤེས་རབ་གསུམ་གྱི་ནོར་དང་མི་ལྡན་པའི། །སྤྱི་བརྟོལ་ལན་འདིར་མཁས་རྣམས་གཞད་གད་གནས།། ༈ །།ཆོས་སོ་སོ་ཡང་དག་རིག་པ། དོན་སོ་སོ་ཡང་དག་རིག་པ། ངེས་ཚིག་སོ་སོ་ཡང་

― TR004_Page_0320 ―

^{[མ་དཔེ་གཟིགས་ན་འདིར་གནོན།]}

[Full Size]

དག་རིག་པ། །སྤོབས་པ་སོ་སོ་ཡང་དག་པ་དང་བཞིའོ། །བདག་འདྲ་ཐོས་པའི་བསླབ་སྦྱངས་མ་བྱས་ཤིང་། །ངེས་པའི་དོན་ལ་གཅིག་ཏུ་མོས་ན་ཡང་། །ཐོག་མེད་མུན་ཆེན་བག་ཆགས་ངན་གོམས་དང་། །རྣམ་གཡེང་དཀོར་ནག་སྒྲིབ་པས་འཐུམས་ཆེས་རྨོངས།། ༈ །།རང་ལོ་བརྒྱད་ནས་ངེས་གསང་ལམ་འདིར་བཞུགས། །མཚན་ལྡན་མང་པོས་ཐུགས་རྗེས་ལེགས་བསྐྱངས་ནའང་། །ད་དུང་ཉིན་མཚན་འདྲ་བ་ཙམ་ཞིག་ཀྱང་། །མ་གྱུར་རྒན་པོ་གནས་སྐབས་འདི་ལྟར་ཟད། །འཇིག་རྟེན་བྱ་བ་ཤེས་ཀྱང་མི་ཤེས་ལ། །འདོད་ཀྱང་མི་འདོད་བྱས་ཀྱང་མ་བྱས་པར། །མི་ལོ་ཉེར་བདུན་དབེན་པ་བརྟེན་ན་ཡང་། །རྣལ་འབྱོར་མ་ཐོབ་རང་ཉིད་ཐ་མལ་ལུས།། ༈ །།དེ་ཕྱིར་གདམས་པའི་གནད་གསང་ཇི་ལྟ་བར། །སྨྲ་བའི་རྒྱུ་མེད་སྨྲས་ཀྱང་དོན་ལྡན་དཀའ། །འོན་ཀྱང་ཁྱོད་གསུང་མི་བཟློག་བླུན་གཏམ་འདི། །ཡི་གེར་སྤེལ་ལ་ཉེས་

― TR004_Page_0321 ―

^{[མ་དཔེ་གཟིགས་ན་འདིར་གནོན།]}

[Full Size]

པར་མ་གྱུར་ཅིག། ༈ །།ཐེག་པའི་ཡང་རྩེ་གསང་སྔགས་སྨིན་གྲོལ་གཉིས། །སྙིགས་དུས་སྐྱེ་བོས་ལོག་པར་སྤྱོད་མཐོང་ཚེ། །མ་གཟོད་དྲང་གཏམ་གླང་བུའི་ངོ་རོ་འདི། །གཞན་སྡེ་རྣ་བའི་ཟུག་ངུར་མ་གྱུར་ཅིག །རབ་འབྱམས་ནམ་མཁའི་མཐའ་ཁྱབ་མ་རྒན་རྣམས། །ལས་ཉོན་རྒྱུ་འབྲས་མི་ཟད་འཁྲུལ་འཁོར་གྱི། །འཕང་ལོ་ཞིག་པའི་རྡོ་རྗེ་ཕ་ལམ་དུ། །གྱུར་ནས་ཐར་མཆོག་གླིང་དུ་བགྲོད་བྱེད་ཤོག །སྐུ་བཞི་དབྱེར་མེད་ཡེ་ཤེས་རྡོ་རྗེ་ཆེ། །མ་ལུས་འགྲོ་བ་ཀུན་གྱིས་མྱུར་ཐོབ་ནས། །ཉེས་མང་སྲིད་པའི་རྒྱ་མཚོ་དོང་སྤྲུག་ཅིང་། །གདོད་མའི་ཡེ་ཤེས་མངོན་གྱུར་བཀྲ་ཤིས་ཤོག །ཅེས་མྱུར་ལམ་གྱི་གནད་དོན་ཟབ་མོར་གླེང་བསླང་དུ་བགྱིས་པའི་ཚུལ་འདི་ནི། རྣམ་འདྲེན་ཀརྨ་མི་ཕམ་མགོན་པོའི་བཀའ་ཡིས་ཉེ་བར་བསྐུལ་བའི་མཐུས། སྤོང་བའི་

― TR004_Page_0322 ―

^{[མ་དཔེ་གཟིགས་ན་འདིར་གནོན།]}

[Full Size]

བརྟུལ་ཞུགས་ལ་མོས་པ་ལམ་དུ་བྱེད་པའི་མི་རྒན་སྣ་ཚོགས་རང་གྲོལ་ལམ། མིང་གཞན་ཀརྨ་རིག་འཛིན་རྣམ་པར་རྒྱལ་བས། ཀུན་ལྡན་ལྕགས་ཕོ་བྱི་བའི་ལོ། སྨིན་དྲུག་གིས་ཉ་བའི་ཟླ་ཚེས་དཀར་ཕྱོགས་མངོན་པར་འཕེལ་བའི་དུས་སུ་དགེ་སྦྱོར་གྱི་ཐུན་བར་དག་ལ་བྲིས་པའི་དགེ་བས། འགྲོ་བ་ཀུན་ཀྱང་ཐ་སྙད་འཁྲུལ་ཕྱིར་འབྲེང་བའི་ལམ་ལས་བཟློག་ཏེ། ཐེག་མཆོག་སྨིན་གྲོལ་གྱི་ལམ་བཟང་དམ་པར་འཇུག་པ་མཐར་སོན་པའི་རྒྱུར་གྱུར་ཅིག །མངྒ་ལཾ། །དགེའོ། གཅིག་ཞུས།

ཆོས་ཚུལ་སྣ་ཚོགས་ལས་བརྩམས་ཏེ་འབེལ་གཏམ་དུ་བགྱིས་པའི་རབ་མེ་ཏོག་ཆུན་འཕྱང་།

― TR004_Page_0323 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་ཚུལ་སྣ་ཚོགས་ལས་བརྩམས་ཏེ་འབེལ་གཏམ་དུ་བགྱིས་པའི་རབ་མེ་ཏོག་ཆུན་འཕྱང་ལགས།

― TR004_Page_0324 ―

^{[མ་དཔེ་གཟིགས་ན་འདིར་གནོན།]}

[Full Size]

སྭ་སྟི་པྲ་ཛཱ་བྷྱཿ གཟོད་ནས་རབ་ཞི་མཉམ་ཉིད་དག་པའི་མཁར། །ཡེ་ཤེས་སྒྱུ་འཕྲུལ་ཐུགས་རྗེའི་འོད་དཀར་གསལ། །གང་འདུལ་གདུལ་བྱའི་དད་ཚོར་ཆུ་ཟླའི་གར། །སྟོན་མཛད་བླ་མའི་ཞབས་པད་ལ་བཏུད་ནས། །མི་ཕམ་ཆོས་ཀྱི་སྤྱན་ལྡན་སྐྱེས་མཆོག་གིས། །ཟབ་རྒྱས་ཆོས་ཀྱི་འབེལ་གཏམ་སྤྲོ་མཛད་པའི། །མཆིད་ལན་ཆོས་ཀྱི་དགོངས་དོན་ཇི་ལྟ་བ། །ནུས་མིན་ཆོས་ཀྱི་གོ་ཚོད་འབའ་ཞིག་འབུལ། །དེ་ལ་སྔར་དྲི་ལན་སྐལ་བཟང་དགའ་བྱེད་ཕུལ་བ་ལས་ཉེ་བར་སྤྲོས་ནས་སླར་ཡང་བཀའི་ཕེབས་སྒོར། སྔགས་ཀྱི་ལམ་ལ་འཇུག་པའི་ཐོག་མར། སྨིན་

― TR004_Page_0325 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་བུམ་པའི་དབང་ལེན་པར་བྱ་བ་ལ་ཡང་སྣོད་བཅུད་ཡེ་ནས་དཀྱིལ་འཁོར་དུ་ཤེས་པ་དང་། ཕུང་ཁམས་ལྷར་ཤེས་པའི་སྐྱེད་རིམ་དང་། དེ་ལས་ཀྱང་སྔོན་དུ་སྭ་བྷཱ་ཝའི་སྔགས་དོན་གྱི་སྟོང་ཉིད་བསྒོམ་ཤེས་དགོས་ན། སློབ་མ་དེ་ཉིད་སྔར་ནས་སྐྱེད་རྫོགས་ཀྱི་དོན་དང་ལྡན་པ་ཞིག་དགོས་པར་འགྱུར་བ་དང་། དེ་ལྟར་ན་སྨིན་གྲོལ་གཉིས་ཀྱི་སྔ་རྟིང་གི་རིམ་པ་ཡང་དོན་མེད་དུ་འགྱུར་བའི་ཕྱིར། ཚུལ་འདི་ཇི་ལྟར་ཡིན་གྱི་དྲི་བ་གནང་བའི་ཆ་ལ། ལན་དུ་ཕུལ་བ་ནི། གང་ཞིག་སྔགས་ཀྱི་ལམ་ལ་བརྟེན་ནས་ཚེ་གཅིག་བྱང་ཆུབ་བསྒྲུབ་པར་འདོད་པ་དེས་ནི་ཐོག་མར་བླ་མ་མཚན་ལྡན་ལ་སྨིན་བྱེད་

― TR004_Page_0326 ―

^{[མ་དཔེ་གཟིགས་ན་འདིར་གནོན།]}

[Full Size]

ལེགས་པར་ཞུས་ནས། དེ་རྗེས་གྲོལ་བྱེད་སྐྱེད་རྫོགས་ལ་འཇུག་པའི་སྔ་ཕྱི་གོ་རིམ་མ་ལོག་པ་ནི་ངེས་པར་དགོས་ལགས་ཀྱི། སྨིན་བྱེད་ཀྱི་དབང་དེ་ཐོག་མར་ཞུ་བ་པོ་དེ་སྐྱེད་རྫོགས་ཀྱི་དོན་ཇི་ལྟ་བ་སྔ་ནས་མི་ཤེས་མོད་ཀྱང་། དེ་ལྟར་ཤེས་པའི་རྒྱུའི་སྣོད་རུང་དུ་བསྒྲུབ་ཕྱིར། དང་པོར་སློབ་མ་སྟ་གོན་གྱི་ལས་རིམ་རྣམས་ཀྱི་རྒྱུད་སྦྱངས། སྐྱབས་སེམས་སྡོམ་བཟུང་སོགས་ཀྱིས་ཐུན་མོང་གི་ཐེག་པའི་ལམ་སྲོལ་དུ་བཅུག །དཀྱིལ་འཁོར་དུ་གཞུག་ཅིང་ལྷ་ངོ་བསྟན་ཏེ་སྣོད་གཞལ་ཡས་ཁང་དང་བཅུད་ལྷ་ཚོགས་ཀྱི་བཞུགས་ཚུལ་ཕྱི་ནང་གཞན་གསུམ་གྱི་དག་སྦྱོར་དང་བཅས་པས་ངོ་སྤྲད་ནས་ཡེ་གདོད་མའི་ཡིན་ལུགས་དང་གནས་ཚུལ་གྱི་ངེས་ཤེས་བསྐྱེད། དེ་ལྟ་བུའི་གནད་དོན་གྱི་སྐལ་བ་དང་ལྡན་པ་ལ་གསང་བ་བསྒྲག་ན་དངོས་གྲུབ་ཀྱི་གེགས་སུ་འགྱུར་ཕྱིར་གསང་བའི་དམ་ཚིག་ཕོགས། འགྲོ་ཁམས་བདེ་གཤེགས་སྙིང་པོར་རོ་གཅིག་ཀྱང་གནས་སྐབས་སུ། རང་རང་གི་སྔོན་གྱི་ལས་འཕྲོ་གང་ལ་ཡོད་པའི་ལྷའི་རིགས་བརྟག་ཕྱིར་

― TR004_Page_0327 ―

^{[མ་དཔེ་གཟིགས་ན་འདིར་གནོན།]}

[Full Size]

མེ་ཏོག་ཅོད་པཎ་དོར། དེ་ཉིད་གང་ལ་བབས་པའི་ལྷ་དེ་ཡི་དམ་དུ་འབོག་ཅིང་རིགས་དང་མཐུན་པའི་གསང་མཚན་གདགས་པ་དང་བཅས་པའི་ལས་རིམ་རྣམས་ཀྱིས། དཔེར་ན་སློབ་གཉེར་གྱི་ཐོག་མར་ཡི་གེ་སློབ་པ་ལྟ་བུའམ། རབ་བྱུང་བསྙེན་པར་རྫོགས་པའི་སྔོན་དུ་དགེ་གཉེན་དང་། བར་པ་རབ་བྱུང་སོགས་སུ་བསྒྲུབ་ཏེ། སྤང་བླང་གིས་གནས་ལ་གོམས་སུ་འཇུག་པའི་མཐུས། དངོས་གཞི་མ་བདེ་བླག་ཏུ་སྤྱོད་ནུས་པར་འགྱུར་བའི་དཔེ་དང་མཚུངས་ཕྱིར་གོ་རིམས་འགལ་བ་སོགས་མེད་ལ། ཁྱད་པར་སློབ་མ་ལྷར་སྐྱེད་པའི་སྐབས་སུ། སྭ་བྷཱ་ཝའམ། ཤུ་ནྱ་ཏའི་སྔགས་ཀྱིས་སྦྱོང་བ་ཡང་སློབ་མས་ཇི་ལྟ་བར་སྒོམ་མི་ཤེས་ཀྱང་སློབ་དཔོན་ཉིད་ཀྱིས་བྱ་བའི་སྒོ་ནས་མ་དག་མཚན་འཛིན་གྱིས་རྟོག་པ་སྦྱང་སྟེ་སྒོ་གསུམ་ལྷ་དེ་ཉིད་ཀྱི་ངོ་བོར་བྱིན་གྱིས་བརླབ་ཅིང་ཡེ་ཤེས་བཅུག་པ་ནི། དཔེར་ན། སེང་གེའི་འོ་མ་ནི་གསེར་དངུལ་རིན་ཆེན་གྱི་སྣོད་མ་གཏོགས། རྫ་ཤིང་སོགས་ཕལ་པའི་སྣོད་དུ་བླུག་ན་

― TR004_Page_0328 ―

^{[མ་དཔེ་གཟིགས་ན་འདིར་གནོན།]}

[Full Size]

སྣོད་ཆགས་ཅིང་བཅུད་འབོ་བ་ལྟ་བུའི་ཉེས་པ་མི་འབྱུང་བའི་ཕྱིར་དུ། དབང་བསྐུར་གྱི་སློབ་མ་དམ་ཚིག་སེམས་དཔའ་རུ་སྐྱེད་ཅིང་ཡེ་ཤེས་སེམས་དཔའ་བསྟིམ་པ་དེ་དག་མི་ཕྱེད་པར་དབང་བསྐུར་ཞིང་རྒྱས་གདབ་པ་ཡིན་པ་དང་། དེའི་ཚེ་བླ་མ་དང་ཆོས་ཀྱི་བྱིན་རླབས་དང་ཏིང་ངེ་འཛིན་གྱིས་ནུས་པ། སློབ་མའི་མོས་གུས། རྫས་སྔགས་རྟེན་འབྲེལ་གྱི་རྒྱུ་རྐྱེན་སོགས་ཀྱི་མཐུས། སློབ་མའི་རྒྱུད་ལ་སྐྱེད་རྫོགས་ཀྱི་དོན་ཅི་རིགས་སྐལ་བ་དང་མཐུན་པར་ཤར་བ་དེ་ལ་དབང་དོན་ཅི་རིགས་སྐལ་བ་དང་མཐུན་པར་ཤར་བ་དེ་ལ་དབང་དོན་གྱི་ཡེ་ཤེས་ཟེར་བ་ལགས་མོད་ཀྱི། དེ་ནི་དཔེར་ན་ཞིང་པ་རྣམས་ཐོག་མར་རྨོ་འཁྲོལ་ཆུ་ལུད་སོགས་ཀྱི་ས་བོན་གདབ་རུང་དུ་བསྒྲུབ་ནས་སྐབས་ལ་ནམ་བབས་ཚེ་ས་བོན་སྐྱོན་མེད་བསྐྲུན་པར་བྱེད་པ་ལྟ་བུ་ནི། སྨིན་བྱེད་ཀྱི་དགོས་དོན་ཡིན་པ་དང་། སླད་དུ་ས་བོན་དེ་དག་མི་རུལ་མི་སྐམ་གནོད་པ་གཞན་གྱིས་ཆུད་འཛའ་བ་སོགས་སུ་མི་འགྱུར་བའི་ཐབས་དུ་མས་ལེགས་པར་བསྐྱངས་པས། རིམ་གྱིས་མྱུ་གུ་དང་

― TR004_Page_0329 ―

^{[མ་དཔེ་གཟིགས་ན་འདིར་གནོན།]}

[Full Size]

ལྗང་པ་སྙེ་མ་སོགས་སུ་འགྲུབ་པའི་མཐར་འབྲས་བུ་སྨིན་པར་འགྱུར་བ་ནི་གྲོལ་བྱེད་ལམ་གྱི་དཔེ་ལགས་པ་དང་། ཡང་འོ་ན་གདོད་མ་ནས་སངས་རྒྱས་ཀྱིས་རྒྱུ་དང་སྒོ་གསུམ་དཀྱིལ་འཁོར་གསུམ་དུ་ལྷུན་གྱིས་གྲུབ་ན། སླར་སྨིན་གྲོལ་དུ་བྱ་རྒྱུ་ཅི་ཞིག་སྙམ་ན། དཔེར་ན་ཞིང་པ་དང་ས་བོན་ཡོད་ཀྱང་འདེབས་པ་དང་གསོ་སྐྱེད་ཀྱི་རྩོལ་བ་མ་བྱས་ན་འབྲས་བུ་མི་ཐོབ་པ་ལྟ་བུ་དང་། དཔེ་གཞན་ཡང་། མདོ་རྒྱུད་རྣམས་ནས་རྒྱ་ཆེར་གསུངས་པ་བཞིན་ནོ། །གསེར་དངུལ་གྱི་རྡོ་ཡང་བཞུ་བཏུལ་ལ་རག་ལས་པ་དང་། ཏིལ་དང་འོ་མ་ལ་མར་གྱིས་ཁྱབ་ཀྱང་བཙིར་བ་དང་བསྲུབ་པའི་རྩོལ་བ་དགོས་ཚུལ་སོགས་དང་མཚུངས་པ་ཉིད་དོ། །དེས་ན། སྨིན་གྲོལ་གཉིས་ཀྱི་གོ་རིམས་དང་དགོས་དོན་ནི་དེ་ལྟར་ལགས་ཤིང་། བུམ་དབང་དེས་མཚོན་ནས་དབང་གཞན་རྣམས་ཀྱང་དེ་དང་དེའི་ཉམས་ལེན་གྱི་གོང་དུ་ཐོབ་དགོས་ཚུལ་ནི་སྐལ་བཟང་དགའ་བྱེད་དུ་ཡོད་པ་ལྟར་ལགས་པ་དང་། རྒྱུད་སྡེ་འོག་མ་དག་ལ་ནི་ལྷ་གང་ཡིན་པ་དེ་ཉིད་བསྒོམ་ཞིང་

― TR004_Page_0330 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒྲུབ་པ་ལ་དབང་ཕྱིར་རིགས་གཏད་རྗེས་གནང་སོགས་ཀྱིས་ཆོག་ཡོད་ཀྱང་། བླ་མེད་ཀྱི་ལམ་ཡོངས་རྫོགས་ཞིག་ལ་ཉམས་ལེན་བྱེད་ན་དེ་ཉིད་ཀྱི་དབང་བཞི་ཡོངས་རྫོགས་ཐོབ་དགོས་ཚུལ་དང་། དབང་སྔ་མས་མ་སྨིན་པར་ཕྱི་མ་བསྐུར་དུ་མི་རུང་བ་སོགས་ཀྱང་བསྐལ་བཟང་དགའ་བྱེད་དུ་བཤད་པ་བཞིན་རིམ་ནོད་གོ་མ་ལོག་པར་བྱ་ལ། ཡང་གང་ཟག་གིས་ཁྱད་ཀྱི་ཀུན་རྫོབ་ཆོ་གའི་དབང་བསྐུར་ཁོ་ན་ལ་ལྟོས་དགོས་སོགས་ཀྱང་མ་ངེས་མོད་ཀྱི། གང་ལྟར་ཡང་། གྲོལ་ལམ་ཉམས་སུ་ལེན་རྒྱུ་ནི་སྨིན་ལམ་དབང་དོན་གྱི་ཡེ་ཤེས་ཉིད་ཡིན་ཕྱིར། སྨིན་གྲོལ་གྱི་གོ་རིམ་སྔ་ཕྱི་ནི་འདི་ཀས་རྟོགས་པར་འགྱུར་བའོ། སྐབས་འདིར་འཕྲོས་དོན། སྭ་བྷཱ་ཝའི་སྔགས་དོན་འདི་ལ། ཕྱིས་བྱོན་གྱིས་མཁས་པ་རྣམས་ཀྱི་བཞེད་པར། སྭ་བྷཱ་ཝས་འཁོར་འདས་ཀྱི་ཆོས་ཐམས་ཅད་རང་བཞིན་གདོད་ནས་དག་པའི་སྟོང་ཉིད་ཀྱི་དོན་དང་། ཤུ་ནྱ་ཏ་ནི་ཆོས་ཐམས་ཅད་ཀྱི་ཡུལ་གདོད་ནས་དག་པའི་སྟོང་ཉིད་དེ་དང་ཡུལ་ཅན་ཡེ་ཤེས་གཉིས་

― TR004_Page_0331 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱེར་མེད་པའི་སྟོང་ཉིད་ཀྱི་དོན་ཡིན་ནོ་ཞེས་པའི་དབྱེ་བ་མཛད་མོད་ཀྱང་། བདག་གི་བླུན་ཚོད་ལ་ནི། འདི་གཉིས་ལ་དབྱེ་བ་བྱེད་དོན་ཞིག་ཡོད་པ་མ་མཐོང་སྟེ། སྔགས་འདི་གཉིས་ཀྱི་འབྲུ་དོན་ལ་རྟག་ན། ཨོཾ་སྭ་བྷཱ་ཝ་ཤུདྡྷ་ཞེས་པ་ནི་རང་བཞིན་གྱིས་དག་པ་དང་སརྦ་དྷརྨ་ནི་ཆོས་ཐམས་ཅད། སྭ་བྷཱ་ཝ་ཤུདྡྷོ྅ཧྃ་ནི་རང་བཞིན་གྱིས་དག་པའི་བདག་ཉིད་དོ། །ཅེས་པར་འགྱུར་པ་དང་། ཨོཾ་མ་ཧཱ་ཤུ་ནྱ་ཏ་ནི་སྟོང་པ་ཉིད་ཆེན་པོ། ཛྙཱ་ན་བཛྲ་ནི་ཡེ་ཤེས་རྡོ་རྗེ། ས་བྷཱ་ནི་རང་བཞིན། ཨཏྨ་ཀོ྅ཧཾ་ནི་བདག་ཉིད་དོ། །ཅེས་པའམ། ང་ཉིད་དོད་ཅེས་པར་འགྱུར་སྤྱིར། གདོད་ནས་དག་པའི་སྟོང་ཉིད་ཡེ་ཤེས་འགྱུར་བ་མེད་པའི་རྡོ་རྗེའི་ངོ་བོའི་བདག་ཉིད་ཀྱི་དོན་གསལ་འདེབས་པ་ཉིད་ཡིན་པར་གོ་ལགས། ཡང་ལ་ལའི་བཞེད་ཀྱིས། ལས་དང་པོ་པའི་གང་ཟག་རྣམས་ཀྱིས་དངོས་པོའི་ཆོས་རྣམས་གཞིགས་ནས་སྟོང་ཉིད་བསྒོམ་པ་དང་། གོམས་པ་རྣམས་རང་བཞིན་གྱིས་གདོད་ནས་དག་པའི་སྟོང་ཉིད་དྲན་

― TR004_Page_0332 ―

^{[མ་དཔེ་གཟིགས་ན་འདིར་གནོན།]}

[Full Size]

པ་གཉིས་གང་ཟག་གི་ཁྱད་ཡིན་གསུང་མཁན་སྣང་ཡང་། སྔ་མ་དེ་ནི། ཕྱི་ནང་གི་ཆོས་ཐམས་ཅད་མི་དམིགས་པར་སྟོང་པ་ཉིད་དུ་འགྱུར། ཅེས་པའི་ཚིག་ལ་བསམ་འདུག་ནའང་། མི་དམིགས་པར་གྱུར་བསམ་པ་དེ་ཀ་དམིགས་པ་ཚབ་ཆེ་ཤོས་སུ་འགྱུར་ལ། བློས་བྱས་ཀྱི་སྟོང་ཉིད་དེ་ནི་གདོད་མའི་གནས་ལུགས་སུ་ནམ་ཡང་མི་འགྱུར་བའི་ཕྱིར་དང་། སྔགས་དེ་ཉིད་ཀྱི་སྐད་དོད་ལ་རང་བཞིན་གྱིས་དག་པ་ཅེས་པ་དེ་དང་རྒྱབ་འགལ་དུ་འགྲོ་བས་ན། སྔགས་དོན་དུ་ནམ་ཡང་མི་འགྱུར་བར་གོའོ། །འོ་ན། ལས་དང་པོ་བ་རྣམས་ཀྱི་སྔགས་དོན་འདི་སྒོམ་ཐབས་གཏན་ནས་མེད་པར་ཐལ་ལོ་སྙམ་ན། དེ་ཡང་མ་ཡིན་ཏེ། གདོད་མའི་ཡེ་ཤེས་མ་རྟོགས་པའི་གང་ཟག་ལས་དང་པོ་བ་རྣམས་སྭ་བྷཱ་བའམ་ཤུ་ནྱ་ཏ་བརྗོད་ཚེ། སྣོད་བཅུད་ཀྱི་སྣང་བ་སོགས་འདི་ཐམས་ཅད་རང་ཉིད་ཀྱི་བདེན་འཛིན་ཨ་འཐས་སུ་བཟུང་བའི་བག་ཆགས་འཁྲུལ་ངོར་འདི་ལྟ་བུ་སྣང་བར་ཟད་ཀྱིས། དོན་དམ་པར་བདེན་རྫུན་རྟག་ཆད་ཡོད་མེད་སོགས་སྒྲོ་སྐུར་གྱིས་མཚན་མ་མཐའ་

― TR004_Page_0333 ―

^{[མ་དཔེ་གཟིགས་ན་འདིར་གནོན།]}

[Full Size]

དག་གིས་དབེན་པའི་ཚུལ་རྒྱལ་བ་རྣམས་ཀྱི་མདོ་བརྒྱུད་མཐའ་དག་ཏུ་གསུངས་པ་བཞིན་ཏུ་ཡིན་པར་གདོན་མི་ཟའོ། །སྙམ་པའི་ངེས་ཤེས་བསྐྱེད་པར་གསུངས་པས། མོས་པས་སྟོང་ཉིད་དུ་བྱེད་པ་འདིས་ཀྱང་དངོས་འཛིན་ཞི་ཐུབ་པར་སྒམ་པོ་པས་ཀྱང་གསུངས་ལ། དང་པོར་འདི་ཙམ་གྱི་ཚུལ་ལ་ངེས་ཤེས་འགྲོངས་ན། སླད་མར་རེམ་གྱི་རང་བཞིན་གདོད་ནས་དག་པའི་སྟོང་ཉིད་རྟོགས་པ་ལ་དཀའ་ཚེགས་མེད་པར་འགྱུར་བ་སྟེ། མི་དམིགས་པའི་སྟོང་པར་གྱུར་སྙམ་པའི་མཚན་འཛིན་དེ་དང་མི་གཅིག་གོ། །དེ་ལྟར་བརྗོད་བྱའི་ཚིག་གཅིག་ཀྱང་བརྗོད་བྱེད་ཀྱི་དོན་ལ་གོ་བ་ལེན་ཚུལ་ཐ་དད་པ་འདི་འདྲ་མང་པོས་གང་ཟག་རྣམས་ལམ་ལོག་ལམ་གོལ་ལམ་ནོར་དུ་གྱུར་པ་མང་ངོ་། །མདོར་ན། སྐྱིད་རིམ་མམ། གཏོར་མཆོད་བྱིན་རླབས་སོགས་སྭ་བྷཱ་ཝ་བརྗོད་པའི་སྐབས་ནམ་དུའང་། ད་ལྟ་མངོན་སུམ་དུ་བཤམས་པའམ་ཡོད་པའི་དངོས་པོ་འདི་རྣམས་ཅི་ཡང་མེད་པར་

― TR004_Page_0334 ―

^{[མ་དཔེ་གཟིགས་ན་འདིར་གནོན།]}

[Full Size]

སོང་ངོ་བསམ་པ་བྱེད་པ་ལ་སྭ་བྷཱ་བའི་སྔགས་དོན་དུ་འཁྲུལ་བར་མི་བྱ་སྟེ། འབག་རྩོག་སམ་མཚན་འཛིན་གྱི་རྟོགས་པ་དེ་ཁོ་རང་སྟོང་ཉིད་དུ་སྦྱང་ཐབས་ཡིན་པའི་གནད་གོ་བར་བྱ་བ་འདི་ཡང་རྡོ་རྗེ་ཐེག་པའི་ལམ་གྱིས་གལ་ཆེ་ཤོས་གཅིག་ཏུ་གདའ་ལགས། དེ་ལྟར་སྔགས་དོན་འདིའི་དགོས་ཆེད་ནི་ཇོ་བོ་རྗེའི་གསུངས་ལས་ཀྱང་། དེ་ལྟ་བུའི་སྔགས་རྣམ་པ་གཉིས་ལན་གསུམ་དུ་བརྗོད་པ་ནི། སྟོང་པ་ཉིད་རྟོགས་ནུས་པ་དང་། སྟོང་ཉིད་ཀྱི་དྲན་པ་གསོ་བ་དང་གནས་པ་བརྟན་པ་དང་། ཡེ་ཤེས་ཀྱི་ཚོགས་རྫོགས་པ་དང་། ཐ་མལ་པའི་ལུས་ངག་ཡིད་གསུམ་གྱི་ཞེན་རྟོགས་སྤོང་བ་དང་། རྟེན་དང་རྟེན་པ་ཐམས་ཅད་སྟོང་པ་ཉིད་ཀྱི་རྣམ་འཕྲུལ་དུ་རྟོགས་པའི་ཕྱིར་རོ། །ཞེས་གསུངས་ཤིང་། དོན་གྱི་སྙིང་པོ་ནི། འཁོར་འདས་ཀྱི་འདུས་པའི་ཆོས་མཐའ་དག་དང་པོར་ཡང་སྟོང་ཉིད་ཀྱི་ངང་ནས་འགགས་མེད་ཀྱི་རྩལ་མདངས་སུ་ཤར། ད་ལྟ་ཡང་ཇི་ལྟར་ཤར་བའི་ངོ་བོ་སྟོང་ཉིད་ལས་མ་གཡོས་པར་གནས། མཐར་ཡང་སྟོང་ཉིད་ཀྱི་ཀློང་

― TR004_Page_0335 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་ཐིམ། དེ་ལྟ་བུ་ཤར་གནས། ཐིམས་གསུམ་ཡང་མེད་བཞིན་སྣང་བ་སྟོང་པ་ཉིད་ཀྱི་རྣམ་རོལ་དུ་ཐག་ཆོད་པ་ནི་ཆོས་ཐམས་ཅད་ཀྱི་ཡིན་ཚུལ་ཇི་ལྟ་བར་རྟོགས་པའོ། །ཡང་ཉིད་ཀྱིས། ཧེ་རུ་ཀའི་དབང་ལ་རྡོར་སེམས་ཀྱི་བརྟུལ་ཞུགས་བསྟན་པ་དང་། བརྟུལ་ཞུགས་ཉིད་ཀྱི་དོན་ཡང་མ་གོ་གསུངས་པ་ཡང་། སྤྱིར་བུམ་དབང་གི་མཐའ་རྟེན་གྱི་རྣམ་གྲངས་འདྲེན་ཚུལ་རྒྱས་བསྡུས་དང་སྔ་ཕྱི་མི་འདྲ་བ་སྣ་ཚོགས་པ་གསར་རྙིང་སོ་སོའི་གཞུང་ལས་འབྱུང་མོད་ཀྱི། སློབ་དཔོན་ཨ་བྷ་ཡ་སོགས་ཀྱིས་ནི། སངས་རྒྱས་ཀྱི་ཐུགས་ཡེ་ཤེས་རྡོ་རྗེ་དང་མི་འབྲལ་བར་རྟོགས་ཕྱིར་རྡོ་རྗེའི་དམ་ཚིག །ཆོས་ཐམས་ཅད་རང་བཞིན་མེད་པར་རྟོགས་ཕྱིར་དྲིལ་བུའི་དམ་ཚིག ལྷ་སྐུ་ཕྱག་རྒྱ་ཆེན་པོ་ལས་མི་འདའ་བ་ཕྱག་རྒྱའི་དམ་ཚིག ཁམས་གསུམ་ཆོས་ཀྱི་རྒྱལ་སྲིད་ལ་དབང་ཕྱིར་སློབ་དཔོན་གྱི་དབང་དངོས་དང་། རྡོར་སེམས་ཀྱི་གོ་འཕངས་ལ་སྒྲིབ་བྱེད་ཀྱི་དྲི་མ་འཁྲུ་ཕྱིར་ཆུ་དབང་། རྡོ་རྗེ་སློབ་དཔོན་གྱི་བྱ་བ་བསྒྲུབ་ཕྱིར་དེ་ཁོ་ན་ཉིད་ལས་རིམ་དང་བཅས་

― TR004_Page_0336 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་དབང་། སྔགས་དང་ལས་བཞིའི་དངོས་གྲུབ་འགྲུབ་ཕྱིར་སྔགས་དབང་། མ་རིག་པའི་ལིང་ཏོག་བསལ་ཞིང་ཡེ་ཤེས་སྤྱན་གྱི་ནུས་པ་འཇོག་ཕྱིར་མིག་སྨན་སྦྱིན་པ། ཆོས་ཐམས་ཅད་རང་བཞིན་མེད་པར་རྟོགས་ཕྱིར་མེ་ལོང་བསྟན་པ། བདུད་བཞིའི་གཡུལ་ལས་རྒྱལ་བྱེད་མདའ་གཞུའི་དབང་དང་། རང་དང་གཞན་གྱི་དོན་གཉིས་མཐར་ཕྱིན་པའི་ནུས་པ་ཐོབ་ཕྱིར་རྗེས་གནང་སྦྱིན་པ། ཡེ་ཤེས་ཆེན་པོའི་དོན་གྱིས་བོགས་འབྱིན་ཕྱིར་བརྟུལ་བཞུགས་སྦྱིན་པ། མ་འོངས་པར་མངོན་སངས་རྒྱས་ནས་སྲིད་པ་གསུམ་དུ་འགྲན་ཟླ་དང་ད་པའི་སྟོན་པར་ལུང་བསྟན་ཞིང་དབུགས་དབྱུང་གཟེངས་བསྟོད་དང་བཅས་པ་གསུངས་པའི་དབང་འདི་རྣམས་ལ་ནང་མཚན་གྱི་དབྱེ་ཚུལ་འདྲ་མིན་ཡང་དུ་མར་ཡོད་པ་དང་། རྙིང་ལུགས་ལ་ནི་འདི་དག་གི་སྐབས་སུ། ནང་ནུས་པའི་དབང་། གསང་བ་རྡོ་རྗེ་སློབ་དཔོན་གྱི་དབང་། ཡང་གསང་བཀའ་རབ་འབྱམས་ཀྱི་དབང་སོགས་ཀྱི་རྣམ་གྲངས་འབྱུང་མོད་ལ། ཁྱད་པར་གྱི་སྐབས་དོན་དུ། བརྟུལ་བཞུགས་ཀྱི་དབང་གི་དོན་ནི། ལྷ་དང་རྒྱུད་སྡེ་གང་

― TR004_Page_0337 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན་པ་དེ་ཉིད་ཀྱི་ཆ་བྱད་དང་ལམ་དང་སྤྱོད་པ་དང་འབྲས་བུ་བསྒྲུབ་པ་ལ་དབང་བར་བྱེད་ཐབས་ལ་བརྟུལ་ཞུགས་ཀྱི་མིང་དུ་བཏགས་པ་སྟེ། དཔེར་ན། འདུལ་བ་ནས་ཀྱང་མཁན་པོས་སློབ་བུ་དེ་ལ་ཆོས་གོས་གསུམ་དང་ལྷུང་བཟེད་དང་ཆུ་ཚགས་ལ་སོགས་ཚིག་གིས་གཏད་ས་དེ་དགེ་སློང་གི་བརྟུལ་ཞུགས་སྦྱིན་པར་འགྱུར་བ་ལྟ་བུའི་དོན་ཡིན་ནོ། །ཧེ་རུ་ཀའི་དབང་ལ་རྡོར་སེམས་ཀྱི་བརྟུལ་ཞུགས་བྱུང་བ་ནི། སྤྱིར་རྡོ་རྗེ་སེམས་དཔའ་ཞེས་པའི་མཚན་འཇུག་པ་ནི་མང་ནའང་། འདི་སྐབས་ནི་རྡོ་རྗེ་སེམས་དཔའ་རིགས་རྣམས་ཀུན་གྱི་བདག །ཅེས་གསུངས་པ་ལྟར། རྡོ་རྗེ་འཆང་། རྡོ་རྗེ་འཛིན་རྡོ་རྗེ་སེམས་དཔའ་སོགས་མཚན་གྱི་རྣམ་གྲངས་དང་། རྙིང་ལུགས་སུ་ཆོས་སྐུ་ཀུན་བཟང་སོགས་སུ་གྲགས་པ་ལྟར། རིགས་ཐམས་ཅད་ཀྱི་ཁྱབ་བདག་ལ་འཇུག་ཅིང་། དེ་ཉིད་ཁྲོ་བོའི་ཚུལ་དུ་བསྟན་པ་ལ་ཧེ་རུ་ཀ་སོགས་ཀྱི་མཚན་དང་རྣམ་འགྱུར་དུ་མ་སྟེ། ཇི་སྐད་དུ། རྡོ་རྗེ་འཇིགས་བྱེད་སམ་རྡོ་རྗེ་ཧེ་རུ་ཀ་དང་དུས་འཁོར་རོ། དང་པོའི་སངས་རྒྱས་ལ་སོགས་མཚན། ཞེས་

― TR004_Page_0338 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་དང་། ཡོ་ག་ལས་ཀྱང་། རྡོ་རྗེ་སེམས་དཔའ་སེམས་དཔའ་ཆེ། །རྡོ་རྗེ་དེ་བཞིན་གཤེགས་པ་ཀུན། །རྡོ་རྗེ་དང་པོའི་ཀུན་ཏུ་བཟང་། །ཞེས་པ་དང་དགོངས་པ་མཚུངས་ལ། འདི་ལ་སེམས་དཔའ་ཞེས་བྱང་ཆུབ་སེམས་དཔའ་ཙམ་ལ་བརྗོད་པ་ཡང་མ་ཡིན་ཏེ། དམ་ཚིག་སེམས་དཔའ། ཡེ་ཤེས་སེམས་དཔའ། ཏིང་འཛིན་སེམས་དཔའ་སོགས་སེམས་དཔའི་མཚན་གྱི་འཇུག་སྒོ་མང་མོད་ཀྱི། སྐབས་དོན་འདིར་ནི་རྡོར་སེམས་དང་ཧེ་རུ་ཀ་སོགས་མིང་ཐ་དད་ཀྱང་ངོ་བོ་དབྱེར་མེད་རིགས་བདག་བླ་མ་རྡོ་རྗེ་འཛིན་པ་ཉིད་ལ་འདུ་ཞིང་དེའི་བཏུལ་བཞུགས་ཀྱི་གོ་འཕངས་བསྒྲུབ་པའི་དབང་གི་བྱེ་བྲག་ལགས། ༈ ཡང་དུས་འཁོར་གྱི་དབང་གི་སྐབས་ཀྱི། རླུང་བཅུ་དང་ནུས་མ་བཅུ་གང་ཡིན་གསུངས་པ། རླུང་ནི་རྩ་བའི་རླུང་མེ་མཉམ་སོགས་ལྔ་དང་། རྒྱུ་བ་དང་རབ་ཏུ་རྒྱུ་སོགས་ཡན་ལག་གི་རླུང་ལྔ་སྟེ་བསྡོམས་པའི་བཅུ་པོ་དེ་ཀ་ལགས་ཤིང་། ནུས་མ་བཅུའི་ངོ་བོ་ནི། ཤ་ཁྲག་དྲོད་དབུགས་སེམས་དང་བཅས་པའི་ནང་གི་ཁམས་ལྔ་དང་། བདུད་རྩི་ལྔ་སྟེ། དེ་ལྟར་བཅུ་པོ་ཡེ་ཤེས་ཀྱི་ལྷ་མོའི་ངོ་བོར་

― TR004_Page_0339 ―

^{[མ་དཔེ་གཟིགས་ན་འདིར་གནོན།]}

[Full Size]

ཤར་བ་ལ་འཇུག་པར་གདའ་སྟེ། དུས་འཁོར་ཉིད་ཀྱི་ལུགས་ལྟར་འདི་དག་བཅུ་པོའི་ནང་ཚན་དང་མངོན་རྟོགས་སོགས་ཀྱི་གསལ་ཁ་ནི་འདིར་དུས་འཁོར་གྱི་ཡིག་ཆའི་རིགས་ཙམ་མ་བཞུགས་ཤིང་བདག་ལ་འདྲིས་གོམས་མེད་པས་ཞུར་མ་མཚལ་ལ། སྤྱི་ཙམ་དུ་ནི་ནུས་མ་བཅུ་དེ་སྦྱོར་དྲུག་གི་ཡུན་ཁྲིད་ཀྱི་འཆར་བར་ཚུལ་དང་སྒོ་བསྟུན་དེ། ནག་མོ་འབར་བ། སེར་མོ་འབར་བ། དཀར་མོ་འབར་བ། དམར་མོ་འབར་བ། དུ་བ་མ། མིག་རྒྱུ་མ། མར་མེ་མ། མཁའ་སྣང་མ། འདི་དག་གི་སྟེང་དུ། སྣ་ཚོགས་ཡུམ་དང་། དབྱིངས་ཕྱུག་མ་སྟེ། དེ་ལྟར་བཅུ་པོ་ནི་ནུས་མ་བཅུར་གསུངས་སོ། །རྒྱུད་སྡེ་གཞན་མ་ལྟར་ན་ཁམས་ལྔ་པོ། གནས་སུ་དག་པ་ནི་སྤྱན་མ་སོགས་ཡུམ་ལྔ་དང་། བདུད་རྩི་ལྔ་ནི་གཟུགས་རྡོ་རྗེ་མ་སོགས་ཡུལ་ལྔའི་འདོད་ཡོན་ལྔའི་ལྷ་མོ་ལ་སྦྱོར་བ་མང་འདུག་རུང་། དུས་འཁོར་རང་ལུགས་ཀྱི་སྐབས་དོན་གང་ཡིན་པ་ནི་དེ་ཉིད་ཀྱི་རྒྱུད་འགྲེལ་ སྐབས་ལ་ལར་རིགས་ལྔ་ལ་སྦྱོར། དང་དཀྱིལ་ཆོག་སོགས་ལ་དོགས་གཅོད་གནང་འཚལ་ལགས།། ༈ །།སྦྱང་གཞི་

― TR004_Page_0340 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱོང་བྱེད་སོགས་ཀྱི་སྐབས་སུ། འདོད་ཆགས་བཞི་སྤང་བྱར་བཤད་པ་ཇི་ལྟར་ཡིན་གསུངས་པ་ནི། སྤྱིར་གསང་སྔགས་ཀྱི་རྒྱུད་སྡེ་བཞི་པོ་བྱུང་ཚུལ་འཆད་པའི་གཞུང་རྣམས་སུ། རྫོགས་ལྡན། གསུམ་ལྡན། གཉིས་ལྡན། རྩོད་ལྡན་དང་བཞི་ལ་འདོད་ཆགས་བཞི་རིམ་ཅན་དུ་ཡོད་པའི་གཉེན་པོར་སྔགས་ཀྱི་རྒྱུད་སྡེ་བཞི་གསུངས་ཚུལ་དང་། གཞན་འཕྲུལ་སོགས་འདོད་ལྷ་རྣམས་དང་འདོད་ཆགས་བཞི་པོ་སྦྱར་ཚུལ་སོགས་ནི་སྐབས་འདིར་བརྗོད་དགོས་པར་མ་གྱུར་ལ།། ༈ །།འདིའི་སྐབས་དོན་ནི། འདོད་ཆགས་སོགས་ཉོན་མོངས་པ་རྣམས་ཉན་ཐོས་སུ་སྤོང་། བྱང་སེམས་སུ་བསྒྱུར། གསང་སྔགས་ལམ་དུ་འཁྱེར་བར་གསུངས་པ་ལ། འདིར་སྤང་བྱར་བཤད་པ་ཅི་ཡིན་སྙམ་ན། ཉོན་མོངས་པ་ཐ་མལ་རང་གར་སྤྱད་རུང་བ་ནི་ཐེག་པ་གོང་འོག་གང་ནས་ཀྱང་མ་བཤད་པའི་ཕྱིར་ན་འདིར་སྤྱི་ཙམ་དུ་སྤང་བྱར་བགྲང་ལ། ཁྱད་དོན་ལ་ལམ་དུ་འཁྱེར་ཚུལ་ཡང་། མན་ངག་གི་གནད་དང་ལྡན་ན་ལམ་གྱིས་གྲོགས་སམ་བོགས་འདོན་

― TR004_Page_0341 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་འགྱུར་ལ། གནད་ཀྱིས་མ་ཟིན་ན་དུག་སྔགས་མེད་པར་བཙན་དུག་ཟ་བའམ། དངུལ་ཆུ་འཆིངས་བའི་མན་ངག་མེད་པར་ལོངས་སྤྱོད་པ་བཞིན་ཕུང་བར་འགྱུར་བའི་གཏན་ཚིག་ཀྱི་དབང་གིས་སྤང་བྱར་བརྗོད་པ་ལགས་ཀྱིས། དབང་བཞིའི་སྐབས་འདིར་ནི། ཇི་སྐད་དུ། དབང་དོན་རབ་དབྱེ་ལས། བུམ་དབང་བལྟས་པས་ཚིམ་པའི་འདོད་ཆགས་དག །གསང་དབང་བགད་པས་ཚིམ་པའི་འདོད་ཆགས་དག །ཤེས་རབ་ཡེ་ཤེས་གཉིས་འཁྱུད་འདོད་ཆགས་དག །ཚིག་དབང་ལག་བཅངས་ཚིམ་པ་དག་པར་བྱེད། །དེ་ནི་འདོད་ཆགས་བཞི་པོ་སྦྱོང་ཚུལ་ལོ། །ཞེས་གསུངས་པ་ལྟར། དབང་བཞི་པོ་དེས་འདོད་ཆགས་བཞི་པོའི་ཐ་མལ་རང་གའི་དྲི་མ་སྦྱོང་ནས་དགའ་བཞི་སོགས་ཀྱི་ཡོན་ཏན་མངོན་དུ་བྱེད་པའི་དོན་ལགས་མོད།། ༈ །།དབང་གསུམ་པའི་དོན་གྱི་ལྷན་སྐྱེས་ཡེ་ཤེས་བདེ་སྟོང་ཟག་མེད་མངོན་དུ་གྱུར་པའི་ཡོན་ཏན་གྲུབ་ཐོབ་རྣམས་ཀྱི་ལྟར་གྱུར་པ་ཞིག་མ་བྱུང་ན་ཐབས་ལམ་ཚུལ་ལྡན་དུ་མི་འགྲོ་ཚུལ་བདག་

― TR004_Page_0342 ―

^{[མ་དཔེ་གཟིགས་ན་འདིར་གནོན།]}

[Full Size]

གིས་བསྐལ་བཟང་དགའ་བྱེད་དུ་བཤད་པ་ལ་བརྟེན་ནས། སླར་འོ་ན་རྩ་ཐེམ་རླུང་ཐེམ་གྱི་དགོས་པ་གང་ཡིན་པ་འདྲི་བར་མཛད་པ་ལ།། ༈ །།སྤྱིར་ཡང་། གསུམ་པའི་ལམ་གཅིག་པུ་ལ་ལྟོས་མ་དགོས་པར་ཚེ་གཅིག་བྱང་ཆུབ་བསྒྲུབ་ཐབས་ནི་བསམ་གྱིས་མི་ཁྱབ་མོད་ཀྱི། འོན་ཀྱང་འདོད་ཁམས་ཀྱི་སེམས་ཅན་རྣམས་ཀྱི་རྒྱུ་རྐྱེན་ཡང་འདི་ལ་རག་པ་དང་། དེའི་སྟོབས་ཀྱི་ཉོན་མོངས་པའི་ནང་ནས་འདི་ཉིད་ཤས་ཆེ་བ་དང་། འདི་ལམ་དུ་ལྷོངས་ན་གྲོལ་ཞིང་མ་ལྷོངས་ན་འཆིང་ནས་འཁོར་བར་འཁྱམས་འགྱུར་གྱི་རྒྱུ་ཡིན་པ་ལ་དགོངས་ཏེ། ཐེག་པའི་འོག་མར་སྤང་བྱའི་གཙོ་བོ་དང་། གོང་མར་ལམ་དུ་སློང་བྱའི་རྩ་བར་གསུངས་ཤིང་། དབང་གི་སྐབས་སུ་ཡང་། དང་པོར་བདག་གཞན་སྣོད་བཅུད་ཕུང་ཁམས་ཐ་མལ་གྱི་ཞེན་པ་ལས་བཟློག་ཕྱིར་བུམ་དབང་བསྟན། དེ་ནས་རྩ་དང་རླུང་དང་ཐིག་ལེ་རྣམས་ཐ་མལ་རང་རྒྱུད་པར་ཞེན་པའི་དྲི་མ་སྦྱངས་ཕྱིར་གསང་དབང་བསྟན་ནས་ཁྱད་པར་དུ་སེམས་ཀྱི་རྟོགས་ཚོགས་དང་བདེ་

― TR004_Page_0343 ―

^{[མ་དཔེ་གཟིགས་ན་འདིར་གནོན།]}

[Full Size]

སྡུག་གི་ཚོར་བ་སོགས་ལ་ཆགས་སྡང་གིས་བག་ཆགས་ཨ་འཐས་འཁྲུལ་ཞེན་ལས་བཟློག་ཕྱིར་ཤེར་དབང་བསྐུར་བས་ཉོན་མོངས་པ་རང་གར་འཆོར་བའི་ཉེས་པའི་རྩ་བ་དྲུང་ནས་ཕྱུངས་པ་སྟེ། འདི་སྐབས་སྙིང་ལུགས་ཀྱི་དབང་ཆོག་དག་ཏུ། གསང་བའི་དགྲ་གསུམ་གསད་ཡུལ་གསུམ་མངོན་དུ་གྱུར། ལམ་གསུམ་གནད་དུ་ཚུད། ཅེས་སོགས་ཀྱི་རྣམ་དབྱེ་མང་དུ་གདའ་ཞིང་། དགོས་དོན་གྱི་གཙོ་བོར་ཐ་མལ་རང་རྒྱུད་པའི་ཆགས་པ་དག་སྟེ་ལྷན་སྐྱེས་ཡེ་ཤེས་ངོས་ཟིན་པ་ནི་དབང་གསུམ་པའི་དོན་གྱི་རྩ་བར་སྣང་ཞིང་། དེའི་ཕྱིར། རྗེ་བཙུན་རས་ཆུང་པའི་ལོ་རྒྱུས་འགའ་ཞིག་ན། དབང་ཐོབ་ཀྱང་ཡེ་ཤེས་ངོས་མ་ཟིན་པའི་སློབ་མ་གཅིག །ཞེས་སོགས་ཀྱི་སྒྲོས་འདུག་པ་ལྟར། དབང་ཡང་ཐོབ་ལ་ཡེ་ཤེས་ངོས་ཡང་ཟིན་པ་ཞིག་དགོས་པར་བཞེད་ཅིང་། དེ་ལྟ་བུའི་ཡེ་ཤེས་ཤར་བ་ཉིད་སླར་ཡང་ནན་ཆགས་སུ་ཚིག་གི་ངོ་སྤྲད་བརྡ་ཡིས་ངེས་ཤེས་བསྐྱེད། གནད་ཀྱི་གསང་བསྟན། དོན་གྱི་འགག་

― TR004_Page_0344 ―

^{[མ་དཔེ་གཟིགས་ན་འདིར་གནོན།]}

[Full Size]

དཀྲོལ་ཏེ། འཁོར་འདས་ལམ་གསུམ་གྱི་ཆོས་ཐམས་ཅད་རང་སེམས་གཅིག་པུའི་ཐོག་ཏུ་གཏན་ལ་འབེབས་པ་ནི་དབང་བཞི་པ་ཡིན་ཚེ། ཉིད་ཀྱིས། ཚིག་དབང་རིན་པོ་ཆེ་ཞེས་པའི་ངེས་ཚིག་གང་ཡིན་གསུངས་པའི་དོན་ཡང་། དབང་བཞི་པ་འདི་ལ་ཀུན་རྫོབ་རྫས་ཀྱི་དབང་ལ་མ་ལྟོས་པར་ཚིག་གིས་ངོ་སྤྲོད་པ་ལ་བརྟེན་ནས་དོན་ལ་རང་དབང་ཐོབ་པར་བྱེད་ཕྱིར་དང་། དབང་གཞན་རྣམས་ནོར་བུ་མཆིང་བུ་དང་འདྲ་ལ། འདི་ནི་རིན་པོ་ཆེ་དབང་གི་རྒྱལ་པོ་ལྟ་བུ་སྟེ། གཞན་ལས་ཁྱད་པར་མཆོག་དང་རབ་དང་ཕུལ་དུ་གྱུར་ཕྱིར། ཚིག་དབང་རིན་པོ་ཆེ་ཞེས་བྱ་བ་ལགས། དེ་ལྟར་གོང་གི་འཕྲོ་བཞིན། དབང་གསུམ་པ་དེ་བསྐུར་ཞིང་ཉམས་སུ་བླངས་པའི་རྟེན་ནི་ཀུན་རྫོབ་རྒྱུའི་ཐིག་ལེ་ལ་རག་ལས་ལ། དེ་ཉིད་ལ་བརྟེན་ནས་དོན་དམ་ཡེ་ཤེས་ཀྱི་ཐིག་ལེ་མངོན་དུ་གྱུར་དགོས་པ་དང་། རྒྱུའི་ཐིག་ལེ་ཟག་མེད་དུ་འཆིང་ཞིང་འཕེལ་བར་བྱེད་པ་ལ་རྩ་ཐེམ་རླུང་ཐེམ་གྱི་མན་ངག་ལ་མ་བརྟེན་པར་དེ་ལྟ་བུ་

― TR004_Page_0345 ―

^{[མ་དཔེ་གཟིགས་ན་འདིར་གནོན།]}

[Full Size]

མི་ནུས་ཤིང་། དེ་མི་ནུས་བཞིན་དུ་གསུམ་པའི་ལམ་ལ་འབད་པར་རློམས་ཀྱང་རྩ་ལྟུང་ལྔ་པ་སོགས་ཉེས་པ་མང་པོའི་རྒྱུར་འགྱུར་བ་ལས། ཡོན་ཏན་གྱི་བསྐལ་བས་དབེན་པའི་ཚུལ་ནི། གསང་བ་བླ་ན་མེད་པའི་འབྲས་བུ་དྲི་མ་མེད་པ་སྙིང་པོའི་རྒྱུད་ལས། ཐིག་ལེ་མཐའ་བྲལ་བདེ་སྟོང་ཆེ། །འཇིག་རྟེན་འདས་དང་མ་འདས་པ། །ཐམས་ཅད་ཀུན་གྱི་སྲོག་ཡིན་ཏེ། །ཕྱི་ལྟར་མ་རྟོགས་འབྱུང་བ་ལྔ། །ནང་ལྟར་རྟོགས་ན་སྐུ་ལྔ་དང་། །གསང་བ་ཡེ་ཤེས་ཆོས་ཉིད་དངོས། །ཐམས་ཅད་སངས་རྒྱས་རང་བཞིན་གྱིས། །རྩ་ཁམས་དཔའ་བོ་མཁའ་འགྲོ་ཡིན། །རྒྱུ་ཡིས་ཐིག་ལེ་དྭངས་མ་ནི། །ཏིལ་འབྲུ་ཙམ་ཞིག་ཉམས་གྱུར་ན། །བདེ་སྟོང་ཡེ་ཤེས་ཡོན་ཏན་དང་། །མྱང་འདས་སྲོག་རྩ་བཅད་པའི་ཕྱིར། །མཁའ་འགྲོ་ཁྲི་འབུམ་ངུ་དིར་འགྱུར། །དངོས་གྲུབ་དམ་པ་ཉམས་པ་ཡིན། །དེ་ཉིད་མ་ཉམས་ལོང་སྤྱད་ན། །བདེ་སྟོང་ཡེ་ཤེས་ཡོན་ཏན་འཕེལ། །རང་རིག་བདེ་བ་ཆེན་པོའི་ངང་། །མཁའ་འགྲོ་མ་ལུས་མཉེས་གྱུར་ཏེ། །འཁོར་འདས་ཐམས་ཅད་དབང་དུ་འདུ།

― TR004_Page_0346 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་སོགས་དང་། དེ་ལྟར་མ་ཤེས་ཐིག་ལེ་སྤངས། །ཡི་དམ་ཕྱི་ནས་བསྒོམ་པ་དང་། །ཚོགས་དང་མཆོད་པ་ཕྱིར་འབུལ་ཞིང་། །དངོས་གྲུབ་གཞན་ནས་ཐོབ་འདོད་རྣམས། །གྲངས་མེད་གསུམ་དུ་ཚོགས་བསགས་ཀྱང་། །ཡེ་ཤེས་རང་ལ་རང་གསལ་དུ། །ཡོད་བཞིན་གནད་དོན་མ་རིག་པས། །འཁོར་བའི་བག་ཆགས་གྲོལ་མི་འགྱུར། །ཞེས་སོགས་རྒྱ་ཆེར་གསུངས་པའི་ཕྱིར། །ཐབས་ཀུན་རྡ་འཛག་མེད་དུ་སྤེལ་ཞིང་། ཤེས་རབ་ལྷན་སྐྱེས་ཡེ་ཤེས་ལས་མི་འདའ་བར་བསྒྲུབ་ཕྱིར། རྩ་རླུང་ཐེམ་བུའི་དགོས་པ་ནི་དེར་འདུ་མོད་ཀྱི། ཡེ་ཤེས་ཀྱི་མ་ཟིན་པར་ཐིག་ལེ་འཆིང་ནུས་པ་གཅིག་པུས་ནི་གནས་སྐབས་ལུས་ཀྱི་མདངས་སྟོབས་མི་ཉམས་པ་ཙམ་ཨེ་ཡོད་དམ། མཐར་ཐུག་གི་མྱུར་ལམ་དུ་འགྲོ་བ་ནི་མི་སྲིད་པའི་ཕྱིར། སྐལ་བཟང་དགའ་བྱེད་དུ་སྐྱོན་གྱི་རྣམ་གྲངས་བཤད་པའི་དོན་དེ་ལྟར་ལགས།། ༈ །།ཡང་། དབང་བཞི་ཐོབ་ཚུལ་ས་ལམ་དང་སྦྱར་བའི་སྐབས་སུ། དུས་འཁོར་དང་དགོངས་པ་མཐུན་པར་ནང་དོན་

― TR004_Page_0347 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲེལ་པ་སོགས་སུ་ས་བཅུ་གཉིས་པའི་བར་དུ། བདེ་མཆོག་ཏུ་རྩ་ཉེར་བཞིའི་དག་པ་དང་སྦྱར་ཞིང་ས་བཅུ་པ་མན་ལས་མ་གསུངས་པས། བཅུ་གསུམ་རྡོ་རྗེ་འཛིན་པའི་ས་སོགས་ཀྱི་སྒྲོས་མ་བྱུང་གསུངས་པ།། ༈ །།དེ་ལ་སྤྱིར་ས་ལམ་གྱི་རྣམ་གཞག་ཐམས་ཅད་ནི་ཆོས་རང་རང་སོ་སོའི་ཉམས་ལེན་གྱི་འབྲས་བུ་འགྲུབ་ཚུལ་གྱི་བྱེ་བྲག་ཡིན་ཕྱིར། རྒྱུའི་ཐེག་པ་རྣམས་སུ་ནི་ཕ་རོལ་ཏུ་ཕྱིན་པ་བཅུ་ལ་བརྟེན་ནས་ས་ལམ་བགྲོད་ཚུལ་དང་། སྔགས་ཀྱི་ཐེག་པར་ནི་རིམ་པ་གཉིས་ཀྱི་ལམ་ལ་བརྟེན་ནས་བགྲོད་དགོས་ཕྱིར་ལམ་གང་ལ་བརྟེན་པ་དེ་དང་མཚུངས་པའི་རྟགས་དང་ཡོན་ཏན་གྱི་ལྡོག་ཆོས་དང་སྦྱར་བས་ན་མཐའ་གཅིག་ཏུ་ནི་མ་ངེས་མོད་ཀྱི། དབང་བཞི་དང་སྦྱར་བ་དེ་ནི་སའི་རིམ་པ་དེ་དག་ཐོབ་རུང་གི་ནུས་པའམ་ས་བོན་རྒྱུད་ལ་བཞག་པ་ཡིན་པས་ན། དེ་རྣམས་ཀྱི་ལམ་ཇི་ལྟར་ཉམས་སུ་བླངས་པའི་ནུས་པ་མངོན་དུ་གྱུར་ཚུལ་དང་འབྲེལ་དགོས་པར་ནི་གཞིར་བཅས་ཏེ་

― TR004_Page_0348 ―

^{[མ་དཔེ་གཟིགས་ན་འདིར་གནོན།]}

[Full Size]

མཚན་བཅས་རྩ་རླུང་ཐིག་ལེའི་ཉམས་ལེན་གྱི་གཞུང་རྣམས་ལས་ནི་དེ་དག་གི་དག་འབྲས་དང་སྦྱར་ནས་གསུངས་ལ། མཚན་མེད་ཀྱི་རྫོགས་རིམ་ཕྱག་རྒྱ་ཆེན་པོ་ལ་སོགས་སུ་ནི་རྣལ་འབྱོར་བཞི་རིམ་སོགས་དང་སྦྱར་ནས་གསུངས་མོད་ཀྱི། མཐར་ཐུག་གི་སྐྱེལ་སོ་ནི་ནམ་ཀྱང་སངས་རྒྱས་ཀྱི་སར་ཁྱད་པར་མ་མཆིས་ལ། གནས་སྐབས་ལམ་མྱུར་ཁྱད་ཀྱི་བྱེ་བྲག་ནི་མདོ་རྒྱུད་བསྟན་བཅོས་རྣམས་ལས་འབྱུང་བ་བཞིན་སྣ་ཚོགས་དང་། སྤྱི་ཁྱབ་ཏུ་ནི་ས་བཅུ་མཐར་ཕྱིན་ཚེ་ཤེས་སྒྲིབ་བག་ལ་ཉལ་གྱི་ཆད་ཕྲ་མོ་སྔགས་སུ་སྦྱངས་གཞི་སྦྱོང་བྱེད་སྦྱང་འབྲས་སོགས་གསུངས་པའི་མིང་ལ། རྒྱུའི་ཐེག་པ་རྣམས་སུ་བྲལ་གཞི་བྲལ་རྒྱུ། བྲལ་འབྲས་སོགས་གསུངས་སོ། མ་གཏོགས་གཞན་ནི་མཐོང་སྤངས་བསྒོམ་སྤངས་ཀྱི་དྲི་མ་མཐའ་དག་ཟད་པས་དག་བྱའམ་སྦྱང་བྱའི་དྲི་མ་དང་བྲལ་བའི་གནས་སྐབས་དེར། ཕྱོགས་བཅུའི་སངས་རྒྱས་རྣམས་ཀྱི་འོད་ཟེར་ཆེན་པོས་དབང་བསྐུར་བས་ཤེས་སྒྲིབ་ཀྱི་ལྷག་མ་ཕྲ་ཞིང་ཕྲ་བ་ཡང་ཟད་ནས་

― TR004_Page_0349 ―

^{[མ་དཔེ་གཟིགས་ན་འདིར་གནོན།]}

[Full Size]

འཚང་རྒྱ་བ་དང་། དེ་སྐབས་ཡོན་ཏན་གྱི་ལྡོག་ཆ་ལ་མིང་གི་ཐ་སྙད་ཙམ་དུ་ས་བཅུ་གཅིག་བཅུ་གཉིས་བཅུ་གསུམ་པ་རྣམས་སུ་བགྲངས་པ་ཙམ་ལས། འོག་མའི་ས་རྣམས་ཀྱི་བགྲོད་ཚུལ་ལྟར་མི་དགོས་པ་ལ་དགོངས་ནས། བཅུ་པ་ཡན་མ་བསྟན་པ་དང་། བཅུ་གསུམ་པའི་མིང་མ་གསུངས་པ་སོགས་དེ་ལྟར་ཡིན་པར་གོ་ལ། ཡང་འགའ་ཞིག་ཏུ་ནི་ཡོན་ཏན་གྱི་ལྡོག་ཆ་ལ་དབྱེ་བའི་རྣམ་གྲངས་ས་བཅོ་ལྔ་དང་། བཅུ་དྲུག་དང་ཉེར་གཅིག་སོགས་ཀྱི་བར་དུ་བགྲང་བ་ཡང་སྣང་མོད་ཀྱི། དོན་དམ་པར་ནི་སྐུ་གསུམ་འདུ་འབྲལ་མེད་པའི་ཡེ་ཤེས་གཞི་ལམ་འབྲས་གསུམ་ནམ་དུ་ཡང་འཕོ་འགྱུར་བྲི་གང་མེད་པར་བཞུགས་པ་ཉིད་ལ་འདུ་བ་སྟེ། ཇི་སྐད་དུ། རྟོགས་པའི་ཡེ་ཤེས་སྐད་ཅིག་ལ། །ཕྱིར་མི་ལྡོག་པ་བདེན་པའི་དོན། །མངོན་སུམ་མཐོང་ཕྱིར་ས་རྣམས་ནི། །ཀུན་རྫོབ་ཙམ་དུ་བསྟན་པ་ལས། །ཡང་དག་དོན་དུ་རང་ལས་ནི། །ས་ཞེས་བྱ་བ་གུད་ན་མེད། །བགྲོད་དུ་མེད་

― TR004_Page_0350 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་རང་རིག་ལ། །མུན་པའི་དཀྱིལ་དུ་ཉི་ཤར་བཞིན། །ཐམས་ཅད་མ་ལུས་དུས་གཅིག་རྫོགས། །ཅེས་དང་། ལམ་ས་རྣམས་དང་སྒོ་བསྟུན་ན། །སྡུག་བསྔལ་བདེ་བར་ཤར་བ་ཡིས། །ས་ནི་དང་པོ་རབ་ཏུ་དགའ། །ཐེ་ཚོམ་དྲི་མ་བྲལ་བ་ཡིས། །གཉིས་པ་དྲི་མ་མེད་པའི་ས། །རང་སྣང་ཡེ་ཤེས་གསལ་འགྲིབ་མེད། །གསུམ་པ་འོད་བྱེད་ས་ཡིན་ནོ། །འོད་གསལ་སྣང་བ་ཕྱོགས་བཅུར་ཁྱབ། །བཞི་པ་འོད་འཕྲོའི་ས་ཞེས་བྱ། །ཉོན་མོངས་སྣང་བ་རང་དག་པས། །ལྔ་པ་སྦྱངས་དཀའི་ས་རུ་འདོད། །རང་རིག་ཐིག་ལེའི་སྐུར་སྨིན་པས། །དྲུག་པ་མངོན་དུ་གྱུར་པའི་ས། །དེ་ལ་གོམས་པས་འཁོར་བ་དག །བདུན་པ་རིང་དུ་སོང་བའི་ས། །སྐུ་ཡི་འོད་དང་ཞིང་ཁམས་རྒྱས། །བརྒྱད་པ་མི་གཡོའི་ས་ནོན་པའོ། །དེ་ཉིད་མི་འགྱུར་བསྟན་པ་ཡིས། །དགུ་པ་ལེགས་པའི་བློ་གྲོས་ཡིན། །ཆོས་ཉིད་རང་གསལ་ལྷུག་པར་ཤར། །བཅུ་པ་ཆོས་ཀྱི་སྤྲིན་ཞེས་བྱ། །དེ་ལྟར་བདེན་མཐོང་གང་ཟག་དེ། །ལུས་

― TR004_Page_0351 ―

^{[མ་དཔེ་གཟིགས་ན་འདིར་གནོན།]}

[Full Size]

འདི་མ་བོར་ས་བཅུ་ནོན། །གཟུངས་འཛིན་ལུས་བརྒྱ་གྲོལ་བའི་ཚེ། །སྣང་སྲིད་ཆོས་སྐུའི་དཀྱིལ་འཁོར་ཉིད། །ཡེ་ཤེས་སྐུ་ཡིས་འོད་ཀྱིས་ཁྱབ། །བཅུ་གཅིག་ཀུན་འོད་ས་ཞེས་བྱ། །དེ་ལ་ཞེན་ཆགས་རྟོག་སྒྲིབ་མེད། །བཅུ་གཉིས་མ་ཆགས་པདྨའི་ས། །སྐུ་དང་ཞིང་ཁམས་འཁོར་གྱི་ཚོགས། །གསལ་ལ་འཛིན་མེད་ཡེ་ཤེས་ཀློང་། །བཅུ་གསུམ་འཁོར་ལོ་ཚོགས་ཆེན་ས། །བདེ་ཆེན་ཡེ་ཤེས་འགྱུར་མེད་སྐུ། །བཅུ་བཞི་བདེ་བ་ཆེན་པོའི་ས། །ལྷུན་གྲུབ་ཡེ་ཤེས་རྩལ་ཆེན་རྫོགས། །བཅོ་ལྔ་རྡོ་རྗེ་འཛིན་པའི་ས། །རྣམ་པར་མི་རྟོགས་ཡེ་ཤེས་ལྡན། །ས་རྣམས་མ་ལུས་ས་གཅིག་སྟེ། །ལྷག་བཅས་ཚུལ་དུ་མངོན་སངས་རྒྱ། །ཞེས་པ་ལ་སོགས་རྒྱ་ཆེར་གསུངས་པས་ན། ས་ལམ་གྱི་བགྲོད་ཚུལ་ངེས་ངེས་རྟག་རྟག་གཞུང་གཅིག་ཁོ་ན་ནས་བཤད་པ་བཞིན་ཀུན་མཚུངས་པར་མི་འབྱུང་བ་ནི། ཆོས་དབྱིངས་བསམ་མི་ཁྱབས་པའི་གནས་ལུགས་ཡིན་པར་གདའ་བས། དེ་ལྟར་

― TR004_Page_0352 ―

^{[མ་དཔེ་གཟིགས་ན་འདིར་གནོན།]}

[Full Size]

དགོངས་འཚལ་ཞིང་། རྩ་རླུང་ཐིག་ལེའི་དག་འབྲས་ཀྱི་ས་ལམ་བགྲོད་ཚུལ་འབའ་ཞིག་པའི་ཞིབ་ཆ་ནི། ནང་དོན་གྱི་རང་འགྲེལ་དང་། ངོ་ཁྲོ་འགྲེལ་ཆེན་སོགས་སུ་གཟིགས་པ་ལས་ལྷག་པ་ཞིག་རྨོངས་པ། དབུ་མའི་རྩ་མདུད་གཉིས་གཉིས་གྲོལ་བའི་ས་བཅུ་རེ་རེ་ཐོབ་ཚུལ་སོགས། བདག་འབྲས་འབུལ་རྒྱུ་ག་ལ་མཆིས། ཡང་བུམ་དབང་གིས་བསྐྱེད་རིམ་བསྟན་ནས། དབང་བཞི་པས་རྫོགས་རིམས་ཤུགས་ལ་བསྟན་པ་ཡིན་ནམ། གསུངས་པ་ལ།། ༈ །།གསང་སྔགས་འོག་མ་རྣམས་ལས་ནི་སྐྱེད་རིམས་གཙོ་ཆེར་གསུངས་ཤིང་། དེ་མཐར་རྫོགས་རིམ་ལ་བསྡུ་ཚུལ་ཕྱོགས་མཚོན་ཙམ་དང་། གནས་སྐབས་ཀྱི་ལས་ཚོགས་བསྟན་པ་མ་གཏོགས། རིམ་གཉིས་ཀྱི་ལམ་ཡོངས་རྫོགས་མ་གསུངས་ཚེ། དབང་ཡང་དེ་དང་མཚམས་པར་རྗེས་གནང་རིག་གཏད་ལས་མི་འབྱུང་མོད་ལ། བླ་མེད་ཀྱི་རྒྱུད་སྡེ་སོ་སོའི་སྨིན་གྲོལ་གྱི་གཞུང་ལས་ནི། ཐོག་མར་བུམ་དབང་གི་ལུས་སྐུ་རྡོ་རྗེར་ཡེ་ནས་གནས་ཀྱང་

― TR004_Page_0353 ―

^{[མ་དཔེ་གཟིགས་ན་འདིར་གནོན།]}

[Full Size]

རང་གི་རང་མ་རིག་པར་བསྒྲིབས་པའི་དྲི་མ་བསལ་ཏེ། སྐྱེད་རིམ་གྱི་ལམ་བསྟན། དེ་བཞིན་དུ། གསང་དབང་གིས་ངག་གསུང་རྡོ་རྗེ་དང་། བཟླས་བརྗོད་སྔགས་ཀྱི་ལམ་བསྟན་ཞིང་རྫོགས་རིམ་མཚན་བཅས་རྩ་ཐིག་རླུང་གསུམ་བྱིན་གྱིས་བརླབས། ཤེར་དབང་གིས་ཡིད་ཐུགས་རྡོ་རྗེ་དང་། བདེ་སྟོང་གསལ་སྟོང་རིག་སྟོང་སོགས་རང་ལ་རང་ཆས་སུ་གནས་ཚུལ་ངོ་སྤྲད། དེ་ནས་དབང་བཞི་པས་དབྱེར་མེད་ཡེ་ཤེས་རྡོ་རྗེ་འཁོར་འདས་ལམ་གསུམ་སེམས་ལ་ངོ་སྤྲོད་གསལ་འདེབས་ཀྱི་སྒོ་ནས་མཚན་མེད་ཀྱི་རྫོགས་རིམ་གཅེར་མཐོང་མཛུབ་ཚུགས་སུ་བསྟན་པ་སྟེ། མདོར་ན་བུམ་དབང་གི་སྐྱེད་རིམ་དང་། གཞན་གསུམ་པོས་རྫོགས་རིམ་སྟོན་པ་ཡིན་པས་ན། བཞི་པོ་དེ་ལ་ནི་ལམ་གྱིས་རིམ་པ་ཆགས་ལམ་གྲོལ་ལམ་ཐམས་ཅད་ཚང་བས། རྫོགས་པའི་བྱང་ཆུབ་ཀྱི་བར་ལ་ཐུག་པའི་ཉམས་ལེན་མཐའ་དག་སྟོན་པ་ནི་བླ་མེད་ཀྱི་ཁྱད་ཆོས་སུ་གདའ་ལགས་ཤིང་། གཞན་ཡང་། རྙིང་ལུགས་

― TR004_Page_0354 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟར་གྱིས་དབང་བཞིས་སྡོམ་གསུམ་ཐོབ་ལུགས་ས་དང་སྦྱར་ཚུལ་འདི་ལྟར་ཡང་མཆིས་ཏེ།། ༈ །།རྒྱུད་རྣམས་ཀུན་གྱི་དོན་འདུས་པ། །རྡོ་རྗེའི་གནས་གསུམ་སྨིན་བྱེད་དབང་། །ལུས་ནི་རྒྱལ་བའི་སྐུ་རྡོ་རྗེར། །མ་ཤེས་ཡེ་ཤེས་བསྐྱེད་པའི་ལམ། །སྣང་སྟོང་ལྷ་ཡི་སྐུར་བྱེད་པ། །བུམ་པའི་དབང་ནི་དང་པོ་སྟེ། །སྔགས་ཀྱི་དགེ་བསྙེན་ཉིད་དུ་འགྱུར། །བཅུ་གཉིས་པ་ཡི་འབྲས་བུ་ཐོབ། །ངག་ནི་རྒྱལ་བའི་གསུང་རྡོ་རྗེ། །སྨིན་བྱེད་གྲགས་སྟོང་སྔགས་ཀྱི་བཅུད། །རྣམ་རྟོག་ནད་སེལ་བདུད་རྩིའི་སྨན། །གཉིས་པ་གསང་བའི་དབང་བསྐུར་བས། །དགེ་ཚུལ་ཉིད་འགྱུར་བཅུ་གསུམ་པ། །འཁོར་ལོ་ཚོགས་ཆེན་ཡོན་ཏན་ཐོབ། །སེམས་ནི་རྒྱལ་བའི་ཐུགས་རྡོ་རྗེ། །གཟུང་འཛིན་བག་ཆགས་རྣམ་དག་པའི། །བདེ་སྟོང་ཡེ་ཤེས་ཆོས་ཉིད་མཁར། །ལྷན་ཅིག་སྐྱེས་པའི་དོན་རྟོགས་ཕྱིར། །གསུམ་པ་ཤེས་རབ་ཡེ་ཤེས་བསྐུར། །འདོད་ཆགས་དག་པ་དགེ་སློང་མཆོག །བཅུ་བཞི་བདེ་བ་ཆེན་པོ་ཐོབ། །སྒོ་གསུམ་ཡེ་ཤེས་སྐུ་གསུང་ཐུགས། །གཉིས་

― TR004_Page_0355 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་མཉམ་སྦྱོར་ངོ་སྤྲོད་མཆོག །དབང་གི་ནང་ནས་དབང་ཆོག་སྟེ། །བཞི་པ་ཚིག་དབང་རིན་ཆེན་བསྐུར། །སྒོ་གསུམ་རྣམ་དག་ཡེ་ཤེས་ཀྱི། །ཕྱག་རྒྱ་ཆེན་པོར་རབ་སྦྱོར་བས། །བཅོ་ལྔ་རྡོ་རྗེ་འཛིན་པའི་ས། །མཉམ་སྦྱོར་སྡོམ་པའི་མཆོག་ལྡན་པའོ། །ཞེས་གསུངས་པ་དང་། དེ་བཞིན་དུ་ལམ་ལྔ་བགྲོད་པའི་ཚུལ་ཡང་།། ༈ །།རྡོ་རྗེ་ཐེག་པའི་དཀྱིལ་འཁོར་འདིར། །བླ་མ་མཉེས་པས་ཚོགས་ལམ་བགྲོད། །བྱིན་རློབས་ཞུགས་པས་སྦྱོར་ལམ་སྟེ། །དག་སྣང་འབྱོངས་པས་མཐོང་ལམ་འཆར། །དབང་བསྐུར་ཐོབ་པས་སྒོམ་པའི་ལམ། །སྐྱེད་རྫོགས་མཐར་ཕྱིན་ཚེ་གཅིག་གིས། །རྫོགས་པའི་བྱང་ཆུབ་འབྲས་བུ་ཐོབ། །ཅེས་གསུངས་ལ། །གཞན་ཡང་དབང་བཞིའི་སྐབས་འདི་ལ། །རྒྱལ་བ་ཡང་དགོན་པས་འདི་ལྟར་གསུངས་ཏེ། །རྒྱུའི་དུས་སུ་དབང་བཞི་ཐོབ་པ་སྟེ་ཇི་ལྟར་ཡིན་ཚུལ་གྱི་དོན་ངོ་ཤེས། ལམ་གྱི་དུས་སུ་གོམས་པར་བྱེད་པ་སྟེ། དབང་བཞི་སོ་སོའི་མངོན་པར་རྟོགས་པ་ཉམས་སུ་བླངས་པས། འབྲས་བུའི་དུས་སུ་དབང་བཞི་

― TR004_Page_0356 ―

^{[མ་དཔེ་གཟིགས་ན་འདིར་གནོན།]}

[Full Size]

འཆར་བ་སྟེ། ས་བཅུ་རྒྱུན་མཐའི་བྱང་ཆུབ་སེམས་དཔའ་དེ་གྲགས་ཆེན་དུ་འཚང་རྒྱ་ཁར་འོད་ཟེར་ཆེན་པོའི་དབང་གིས་སྦས་པ་ནང་གི་ས་གསུམ་བགྲོད་ནས། རྒྱུའི་དུས་ན་དབང་བཞིས་རྩ་རླུང་ཐིག་སེམས་བཞི་ལ་སྐུ་བཞིའི་རྟེན་འབྲེལ་བསྒྲིགས་པའི་དོན་ཇི་ལྟ་བ་འབྲས་བུའི་དུས་སུ་མངོན་དུ་གྱུར་པས་རྡོ་རྗེ་འཛིན་པའི་གོ་འཕངས་ཐོབ་པའོ། ཞེས་གསུངས་པ་འདིར་འགག་འདུས་པར་གོ་ལགས།། ༈ །།དེ་ནས་ཡང་། གྲོལ་བྱེད་ལམ་གྱི་སྐབས་སུ་སྐྱེད་རྫོགས་གཉིས་པོའི་དྲི་བ་གནང་བའི་ཆ་ལ། འདི་གཉིས་སོ་སོ་རིམ་གྱིས་བསྒོམ་པའི་ལུགས་དང་ཟུང་འཇུག་གཅིག་ཅར་དུ་བསྒོམ་པའི་ལུགས་གཉིས་བཤད་པ་ནི་གནས་སྐབས་སུ་གང་ཟག་རིམ་གྱིས་པ་དང་གཅིག་ཅར་བའི་ཁྱད་དང་། གོམས་པ་ཐོབ་མ་ཐོབ་དང་། རྒྱུད་སྡེའི་གོང་འོག་གི་ཁྱད་པར་སོགས་ལས་བྱུང་མོད་ཅིང་། མཐར་ཐུག་དོན་གྱིས་ངོ་བོ་ལ་ནི་དེ་གཉིས་དབྱེར་མེད་ཟུང་འཇུག་ལས་མི་འདའ་བའི་རྒྱུ་མཚན་ནི་འོག་ནས་སྟོན་ལ། དང་པོར་རིམ་ཅན་དུ་བསྒོམ་ཚུལ་

― TR004_Page_0357 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་སྐབས་འདིར།། ༈ །།ཉིད་ཀྱི། བདེ་མཆོག་དྲིལ་བུ་ལུགས་ཀྱི་བསྐྱེད་རིམ་བསྒོམ་པའི་རྗེས་ཐོབ་ཏུ་སེམས་དཔའི་ཐུགས་ཀའི་ཐིག་ལེ་ཏིང་འཛིན་ལ་ཤེས་པ་གཏད་དེ་འཇོག་པའི་རྫོགས་རིམ་དང་། དེ་དག་སླར་ཕྱི་ནས་རིམ་ཅན་དུ་བསྡུས་མཐར་དམིགས་མེད་དུ་མཉམ་པར་འཇོག་པའི་མཚན་མའི་རྣལ་འབྱོར་གསུངས་པ་དེ་དང་། ལྷ་ལྔ་པར་རྫོགས་རིམ་དངོས་ཕྱི་མ་འདི་ལྟར་གསུངས་པ་དེ་གཉིས་མཐུན་མ་བྱུང་ཞེས་གསུངས་པ་ལ།། ༈ །།གོང་མ་དེ་ནི་སྤྱིར་མཚན་བཅས་ཀྱི་རྫོགས་རིམ་དུ་འདུག་པས་ན། དེའི་དགོངས་པ་ནི་འདི་སྐབས་སྐྱེད་རིམས་དངོས་གཞི་དྲིལ་བུ་རིམ་ལྔ་སོགས་ལས་སྟོན་པར་བཞེད་པ་ཡིན་པར་སེམས་ལ། ལྷ་ལྔའི་གཞུང་ལྟར་གསུངས་ཚུལ་དེ་ནི་སྐྱེད་རྫོགས་རིམ་ཅན་དུ་བསྒོམ་ཚུལ་སྤྱི་འགྲོ་དང་བསྟུན་ནས་གསུངས་པར་གདའ་མོད་ཀྱི། ལར་སྙིང་གའི་ཐིག་ལེ་སོགས་ལ་བརྟེན་པ་ལ་མི་ཟབ་པའི་རྫོགས་རིམ་མམ། སེམས་འཛིན་གྱི་རྫོགས་རིམ་ཞེས་གྲགས་

― TR004_Page_0358 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཟབ་པའི་རྫོགས་རིམ་ནི་སྤྲོས་བྲལ་སྟོང་ཆེན་ཉིད་ལ་བཞེད་པ་དང་། ཡང་ཉལ་བའི་རྣལ་འབྱོར་གྱི་སྐབས་རྣམས་སུ་ཡང་། སྙིང་ཁའི་འོད་དང་ཐིག་ལེ་ལ་གཏད་པའི་རིགས་རྣམས་ནི་ཉམས་ཀྱི་འོད་གསལ་འཛིན་ཐབས་ཡིན་ལ། སྤྲོས་མེད་མཉམ་བཞག་གི་ངང་ལ་གཉིད་དུ་བྱེད་པ་ནི་རྟོགས་པའི་འོད་གསལ་འཛིན་ཐབས་ཡིན་པའི་ཚུལ་ནི་གསར་རྙིང་ཕལ་ཆེར་མཐུན་ནོ། དེས་ན་བདེ་མཆོག་དྲིལ་བུ་ལུགས་ཀྱི་བྱ་བ་ལ་འཇུག་སྐབས་བསྡུད་རིམ་མ་བཤད་པ་དེ་ནི་ཉལ་བའི་རྣལ་འབྱོར་མ་གཏོགས་ཐུན་མཚམས་གཞན་མི་བྱེད་པར་བསྐྱེད་རིམ་རྒྱུན་མི་ཆད་དུ་བསྒོམ་པའི་དབང་དུ་མཛད་པ་ལོས་ཡིན། གཞན། བསྐྱེད་རྫོགས་ཟུང་འཇུག་ལ་ནི་བསྡུད་རིམ་མི་དགོས་མོད་ཀྱི། ཟུང་འབྲེལ་ལམ་རིམ་ཅན་དུ་བསྒོམས་པའི་སྐབས་འདིར་ནི་མཐུན་མཚམས་ཀྱི་བྱ་བ་ལ་འཇུག་སྐབས་བསྐྱེད་རིམས་བསྡུས་མག་ངེས་པར་མཛད་པ་ཕྱག་བཞེད་དང་། འོན་ཀྱང་བསྐྱེད་རིམ་གྱི་མཉམ་གཞག་དེ་ཉིད་བསྡུས་ནས་རྫོགས་རིམ་

― TR004_Page_0359 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་མཐར་བསྔོ་སྨོན་གྱི་རྒྱས་གདབ་པ་སོགས་གྲུབ་རྗེས་སླར་ཡང་ཆུ་ལས་ཉ་འཕར་བ་ལྟ་བུའི་ཀྲོང་བསྐྱེད་ཀྱི་ངང་ནས་བྱ་བ་གང་ཡིན་ལ་འཇུག་པ་ནི་བསྐྱེད་རིམས་ཀྱི་རྗེས་ཐོབ་ཡིན་པ་དང་། དེ་ལྟ་བུའི་ལྷའི་འདུ་ཤེས་དང་མ་བྲལ་ན་བཟའ་བཏུང་ཚོགས་འཁོར་ཅི་སྨྲས་བཟླས་བརྗོད། ཅི་བྱེད་འགྲོ་དོན་སོགས་རྡོ་རྗེ་ཐེག་པའི་ལམ་ཁྱེར་གྱི་གནད་ཐམས་ཅད་རྩོལ་མེད་ལྷུན་གྲུབ་ཏུ་འབྱུང་བ་ཉིད་དང་། དེ་ལྟ་བུ་རྗེས་ཐོབ་ཀྱི་ལྷའི་ང་རྒྱལ་དང་མི་ལྡན་པར་ཐ་མལ་པའི་འདུ་ཤེས་ཀྱིས་ནི་སྔགས་ཀྱི་རྩ་ལྟུང་ཕོག་པའི་རྒྱུ་རྐྱེན་འབའ་ཤིག་ལས་མི་འབྱུང་བ་སྟེ། ཇི་སྐད་དུ་དྲན་དང་ཤེས་བཞིན་མི་ལྡན་ན། ཐེག་ཆེན་སྔགས་པ་ཅི་ཡིས་ཆུད། །ཅེས་གསུངས་ཕྱིར། གསང་སྔགས་ཀྱི་དམ་ཚིག་སྤྱི་དང་། ཁྱད་པར་དབང་བཞིའི་དམ་ཚིག་གི་སྐལ་བཟང་དགའ་བྱེད་དུ་བཤད་པ་དེ་རྣམས་ཀྱང་མི་ཐུབ་ཚེ། བསྐྱེད་རྫོགས་བསྒོམ་པའི་དོན་ལྡན་དུ་ནམ་ཡང་མི་འགྱུར་ལ། དེའི་ཕྱིར་བདག་གིས་བསྐལ་

― TR004_Page_0360 ―

^{[མ་དཔེ་གཟིགས་ན་འདིར་གནོན།]}

[Full Size]

བཟང་དགའ་བྱེད་དུ་ད་ལྟའི་ཆོས་པ་རྣམས་ལ་སྐུར་པ་འདེབས་པ་ཤོར་བའི་རྒྱུ་མཚན་ཡང་དེ་ལྟར་ཡིན་པ་དང་། རྗེ་ས་པཎ་གྱིས། དེས་ན་འདུལ་བའི་བསྟན་པ་ནི། །གཟུགས་བརྙན་ཙམ་ཞིག་དིང་སང་སྣང་། །འབྲས་བུ་གསང་སྔགས་བསྟན་པ་ནི། །གཟུགས་བརྙན་ཙམ་ཡང་མི་སྣང་ངོ་། །ཞེས་གསུངས་པ་དེ་ལྟར་ཟད་དེ་འདུལ་བ་ནི་དངོས་པོའམ་བྱ་བ་གཙོ་ཆེ་ཞིང་། གསང་སྔགས་ནི་དམིགས་པའམ་བསམ་པ་གཙོ་ཆེ་ཚེ། དིང་སང་བསམ་པ་འཇིག་རྟེན་ཐ་མལ་པ་ལྟར་བྱས་ནས་སྤྱོད་པ་གསང་སྔགས་ཀྱི་ལུགས་ཡིན་ཟེར་བ་འདི་འདྲ་ནི་དམ་པའི་ཆོས་ཀྱི་ཕྱོགས་གང་དུ་ཡང་མི་ཉེ་བར་མངོན་སུམ་ཚད་གྲུབ་ཏུ་གྱུར་ཏོ། །དེ་བས་ན་སྐྱེད་རིམ་བསྒོམ་མཁན་ཡིན་ཚད། རྒྱུད་སྡེ་གོང་འོག་གི་ལྷ་གང་དང་གང་ཡིན་རུང་། རྣམ་པ་གསལ་བ། རྣམ་དག་དྲན་པ། ང་རྒྱལ་བརྟན་པ་རྣམས་ཀྱི་སྒོ་ནས་སྣང་བ་སྐུའི་འཁྱེར་སོ། སྒྲ་གྲགས་གསུང་གི་ཁྱེར་སོ། དྲན་རྟོག་ཐུགས་ཀྱི་ གདངས་འགག་མེད་ ངོ་བོ་སྟོང་ཉིད་ དེ་གཉིས་ཟུང་འཇུག་ འཁྱེར་

― TR004_Page_0361 ―

^{[མ་དཔེ་གཟིགས་ན་འདིར་གནོན།]}

[Full Size]

སོ་རྣམས་མེད་ཐབས་མི་འབྱུང་ཕྱིར། རབ་ཀྱི་རྟོགས་པ། འབྲིང་གི་གོ་བ། ཐ་མ་གསར་བུ་བ་དག་ཀྱང་མོས་པ་ལམ་བྱེད་ཀྱི་བློ་ཙམ་ཞིག་མེད་ན་བསྐྱེད་རིམ་དུ་ནམ་ཡང་མི་འགྱུར་བ་ལགས་པས། བླ་མའམ་སློབ་དཔོན་རྣམས་ཀྱིས་ཀྱང་སློབ་མ་རྣམས་ཀྱི་བློ་ཚོད་ལ་དཔག་པའི་གོ་རྟོགས་སྤྲོད་མཁས་པ་ཞིག་གལ་ཆེ་བར་གདའ་ལགས།། ༈ །།རྡོར་སེམས་ཕྱག་རྡོར་སྒྲོལ་མ་སོགས་ལ་རྒྱུད་སྡེའི་རྣམ་དབྱེ་ཤེས་དཀའ་བར་འདུག་གསུངས་པ་རྒྱུད་སྡེའི་རིམ་པ་ནི་གདུལ་བྱའི་བློ་རིགས་ཐ་དད་ལ་དགོངས་པ་ཡིན་ཕྱིར། རང་རང་གང་ལ་མོས་པ་དེར་ཞུགས་ནས་དེ་ཉིད་ཀྱི་ལུགས་བཞིན་ཉམས་སུ་བླངས་ཆོག་མོད་ལ། འོན་ཀྱང་། སྔོན་ལོ་ཆེན་རིན་བཟང་རྒྱུད་སྡེ་ཐམས་ཅད་ཀྱི་ལྷ་ཁང་ཐོག་རིམ་པ་ཅན་དུ་བཞེངས་ཏེ་ཉིན་རེ་བཞིན་འོག་ཐོག་ནས་རིམ་པ་ལྟར་སོ་སོའི་ཉམས་ལེན་སྒྲིགས་ཆགས་མཛད་པ་ལ་ཇོ་བོ་རྗེ་བྱོན་ཚེ། རྒྱུད་སྡེ་ཐ་དད་ཀྱི་མཁྱེན་རྒྱ་ལ་ཐུགས་མགུ་ཡང་ཐམས་ཅད་གཅིག་དྲིལ་དུ་ཉམས་

― TR004_Page_0362 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་ལེན་མ་ཤེས་པ་ཐུགས་ཁྲེལ་བས། སླར་ལོ་ཆེན་གྱི་གཅིག་དྲིལ་ཉམས་སུ་བླངས་ཐབས་ཞུས་ནས་བསྒོམ་པས་མཁའ་སྤྱོད་འགྲུབ་ཚུལ་གྱི་ལོ་རྒྱུས་ལྟར་ལགས་པ་དང་། གཞན་ཡང་། ཇི་སྐད་དུ། ཡེ་ཤེས་ལྷ་ལ་རང་རྒྱུད་ཀྱི། །རྩིས་གདབ་འཁྲིགས་སུ་བཅད་པ་མེད། གང་ལྟར་མོས་པ་དེ་ལྟར་སྣང་། ཞེས་དང་། སངས་རྒྱས་གར་མཁན་བསམ་མི་ཁྱབ། །ཅེས་སོགས་ཀྱི་ལུང་ལྟར་ཡིན་ཏེ། དཔེར་ན། རྣམ་འཇོམས་དང་ཕྱག་རྡོར་གཉིས་ནི་མཚན་གྱི་བྱེ་བྲག་ཙམ་ཡིན་ཚེ། རྣམ་པར་འཇོམས་པ་བྱ་རྒྱུད་ཀྱི་ལྷར་གྲགས་ཀྱང་བླ་མེད་ཀྱི་དཀྱིལ་འཁོར་ལ་ཡོད་པ་ཡང་མང་ཞིང་། ལས་བུམ་གྱི་ལྷར་རྣམ་འཇོམས་ཁྲོ་བོར་བསྟན་ཚེ་བདུད་རྩི་འཁྱིལ་པར་བརྗོད་པ་དང་། དེ་བཞིན་དུ། རིགས་གསུམ་མགོན་པོ་བྱ་རྒྱུད་གྱི་ལྷའི་གཙོ་བོ་ཡིན་ཀྱང་། རྣལ་འབྱོར་རྒྱུད་དང་རྣལ་འབྱོར་བླ་མེད་རྒྱུད་ཐམས་ཅད་དུ་མ་ཁྱབ་པ་མེད་པ་ལྟར་དང་། སྒྲོལ་མ་ཡང་རྒྱུད་སྡེ་ཕལ་ཆེར་གྱི་ལྷར་བཞུགས་ཤིང་། མདོ་ལུགས་ཀྱི་ཤེར་ཕྱིན་དང་

― TR004_Page_0363 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་སྤྱིའི་སྒྲོལ་མ་དང་། བླ་མེད་དུ་ཕག་མོ་སོགས་དོན་དུ་གཅིག་པས་ན། དབྱེ་བ་དཀའ་མི་དགོས་ལ། གནས་སྐབས་ཐ་དད་ཀྱི་བསྒོམ་ལུགས་ནི་རང་རང་གི་སྒྲུབ་ཐབས་བཞིན་བྱས་པས་འགྲུབ་པ་ལགས།། ༈ །།ཡང་ཆུ་གཏོར་དང་བསངས་ཀྱི་བདག་བསྐྱེད་སོགས་ལ་བསྐྱེད་རིམ་གྱི་ཡན་ལག་ཚང་བའི་སྤྲོ་བསྡུ་མ་བྱུང་གསུངས་པ་ནི། སྤྱིར་བདག་མདུན་བུ་སྐྱེད་ཀུན་གྱི་སྐྱེད་རིམས་རྒྱས་པའི་སྐབས་སུ་ན་དེ་ཉིད་ཀྱི་སྦྱོར་དངོས་རྗེས་གསུམ་ཚང་བ་ཞིག་དང་། སྐྱེད་ཚུལ་དངོས་ཀྱང་། མངོན་བྱང་ལྔ། ཆོ་ག་གསུམ། རྡོ་རྗེ་བཞི་སོགས་ཀྱི་བསྐྱེད་ཅིང་། བསྙེན་བསྒྲུབ་ཡན་ལག་བཞི་ལྡན་གྱི་སྒོ་ནས་བསྒྲུབ་ཚུལ་དང་། མཇུག་བསྡུད་ཀྱི་ལས་རིམ་རྣམས་ཚང་བར་དགོས་ནའང་། བསངས་དང་ཆུ་གཏོར་སོགས་ཐུན་མཚམས་ཀྱི་ཆོས་སྤྱོད་ཀུན་ལ་ནི་གོང་དུ་སྨོས་པ་བཞིན་ཡི་དམ་གྱི་ང་རྒྱལ་དང་མ་བྲལ་བའི་ངང་ནས་བྱ་བ་ཡིན་རུང་། ཡི་དམ་ལྷའི་ངོ་བོ་ལ་ཁྱད་མེད་ཀྱང་གནས་སྐབས་ལྟར་

― TR004_Page_0364 ―

^{[མ་དཔེ་གཟིགས་ན་འདིར་གནོན།]}

[Full Size]

སྣང་ཙམ་དུ། ལས་གང་བྱེད་དེ་དང་མཐུན་པའི་ལྷར་སྐད་ཅིག་དྲན་རྫོགས་སུ་གསལ་ཞིང་བསྒྱུར་བ་ནི་གང་འདུལ་སྤྲུལ་བསྒྱུར་གྱི་འགྲོ་དོན་བྱེད་པའི་ཕྲིན་ལས་ཡིན་པ་དང་། དེ་ལྟ་བུ་ལ་ནི་སྐྱེད་རིམ་གྱི་ལས་ཆོག་ཐམས་ཅད་ཚང་བར་སྒྲིགས་ཆགས་སུ་དགོས་པ་མ་ལགས་སོ།། ༈ །།ཐུགས་སྲོག་ས་བོན་བསྒོམ་པའི་ སྔོན་བུ་སྟོན་གྱི་ཉིན་རེའི་ཚོགས་མཆོད་གནང་བའི་ཞོར་ལ་ཡང་དཀྱིལ་འཁོར་མི་འདྲ་བ་མང་པོའི་བསྙེན་སྒྲུབ་མཛད་པའི་ལོ་རྒྱུས་ལྟར་ལགས་སོ། །ཡི་གེའི་གདོང་ངམ་མདུན་གང་ལ་བརྩི་གསུངས་པ་ནི། དེ་ནི་དཔེ་ཆའི་ཡིག་མགོ་ལ་བལྟ་བ་དེ་མ་ལགས་ཏེ། རང་ལ་བལྟ་བ་འདི་ཁོ་ན་ལ་བཞེད་ཅིང་། འདི་སྐབས། རྙིང་མའི་བཏགས་གྲོལ་སོགས་འགའ་རེའི་ཧེ་རུ་ཀ་རིགས་ལྔ་ཡབ་ཡུམ་ཞལ་སྦྱར་མཚོན་པའི་ཧཱུྃ་གཉིས་སྒྲིག་མ་ལ་གཅིག་དྲང་པོ་དང་གཅིག་ཁ་ལོག་ཏུ་འབྲི་བ་ཡོད་པ། མཚོན་བྱེད་རྟགས་ཀྱི་ཡི་གེ་ཙམ་ཡིན་ནའང་། འགའ་ཞིག་གི་ཧཱུྃ་གཉིས་པོ་ཀློག་ལུགས་ཀྱང་མི་འདྲ་བར་བྱེད་མཁན་སྣང་བ་ནི་མི་

― TR004_Page_0365 ―

^{[མ་དཔེ་གཟིགས་ན་འདིར་གནོན།]}

[Full Size]

མཁས་པའི་མཁས་འདོད་དུ་ཟད་ལ། ལར་སྔགས་འཕྲེང་བསྐོར་ཚུལ་སོགས་ལའང་སོ་སོའི་བཞེས་པ་མི་མཐུན་པ་སྣ་ཚོགས་སྣང་མོད་ཀྱི། གསར་མའི་ཕག་མོ་ལྷ་ཁྲིད་ཀྱི་སྟེང་སྤྲོ་འོག་སྤྲོ་སོགས་དང་། རྙིང་མའི་འགལ་མེ་སྐོར་ཚུལ་སོགས་ཀྱི་དགེར་དོན་དུ་ནི་སྔགས་འབྲུ་གཅིག་གི་ཞབས་སུ་གཅིག་གི་དབུ་འཐུད་པའི་ལུ་གུ་རྒྱུད་དུ་བྱེད་དགོས་པ་སོགས་ཐ་དད་ཡོད་ནའང་། གཞན་སྤྱི་འགྲོ་ལ་ནི། མ་ཎི་རྡོ་འབུམ་ལ་ཡོད་ཚུལ་ལྟར་བྱེད་པ་ཤས་ཆེ་ཞིང་། དེ་ཡང་ཨ་འཐས་ཁ་ལྟ་ཕྱོགས་གཅིག་ཁོ་ནར་མི་བཟུང་སྟེ། ཏིང་འཛིན་ཡེ་ཤེས་ཀྱི་རྣམ་རོལ་ཡིན་ཚེ་ཕྱོགས་གང་ནས་བལྟས་ཀྱང་ཁ་ཕྱོགས་ལོག་པ་སོགས་མ་ཡིན་པར་མདུན་འབའ་ཤིག་སྣང་བར་བྱེད་པ་ལགས། སྐྱེད་རིམ་གྱི་བརྡ་དོན་རྟགས་གསུམ་གང་ལ་ཟེར་གསུངས་པ།། ༈ །།འདི་ནི་སྤྱིར་རྙིང་ལུགས་ཀྱི་ཆོས་སྐད་དུ། གདའ་བས་གསར་མ་ལ་གྲགས་ཆུང་ནའང་། རྗེ་དོན་ལྡན་ཞབས་ཀྱི་ཕག་མོའི་གཞུང་དུ། བརྡ་དོན་རྟགས་གསུམ་གྱི་ཕག་མོ་

― TR004_Page_0366 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱེ་བ་མཛད་པ་དང་དགོངས་པ་གཅིག་པ་ཉིད་ལགས་ཏེ། དེ་ཀ་ལ་མཚོན་ན། བརྡའི་ཕག་མོ་ནི་ལྟེ་བའི་ཙཎྜ་ལི། དོན་གྱི་ཕག་མོ་ནི་སེམས་ཉིད་ལྷན་སྐྱེས་ཀྱི་ངོ་བོ། རྟགས་ཀྱི་ཕག་མོ་ནི་སྐུ་མདོག་ཕྱག་མཚན་སོགས་ཀྱི་རྣམ་པར་ཇི་ལྟར་བསྒོམ་པའི་བསྐྱེད་རིམ་དངོས་ཏེ། དེ་གསུམ་ལ་ངོས་འཛིན་པ་ཡིན་ཚུལ་ནི་དགོངས་པར་ལོས་མངའ་ལ། རྙིང་ལུགས་ལྟར་ནའང་། སྣོད་བཅུད་ཕུང་ཁམས་སྐྱེ་མཆེད་སོགས་གདོད་ནས་ལྷར་གྲུབ་པ་ནི་བརྡ། དེའི་རང་བཞིན་གསལ་སྟོང་གཉིས་སུ་མེད་པ་ནི་དོན། དོན་དེ་རྟོགས་ཅིང་མངོན་གྱུར་དུ་བྱ་ཕྱིར་རྣམ་པ་གསལ་བར་བསྐྱེད་པ་ནི་རྟགས་ཏེ། དེ་གསུམ་ག་ཡང་རང་སེམས་ཀྱི་རྣམ་རོལ་ལས་ནི་མ་འདས་སོ། །འདི་ལ་རྟགས་དང་བརྡ་གཉིས་སྦྱོར་ས་གོ་བརྗེ་བ་ཡང་ཡོད་པ་དང་། བསྡུ་ན་མཚོན་བྱེད་དཔེའི་སྐྱེད་རིམ་དང་། མཚོན་བྱ་དོན་གྱི་སྐྱེད་རིམ་གཉིས་ལ་ཡང་འདུ་སྟེ། བློས་བསྒོམ་པ་ནི་དཔེ། གདོད་ནས་གྲུབ་པའི་དོན་ཡིན་ཕྱིར། འདུས་བྱས་དང་འདུས་མ་བྱས་གཉིས་

― TR004_Page_0367 ―

^{[མ་དཔེ་གཟིགས་ན་འདིར་གནོན།]}

[Full Size]

སམ། ཀུན་རྫོབ་དོན་དམ་མམ། གཟུགས་སྐུ་ཆོས་སྐུ་སོགས་ཀྱི་དོན་ལགས་ཏེ། ཨོ་རྒྱན་རིན་པོ་ཆེས། རྟགས་ཀྱི་སངས་རྒྱས་ལོངས་སྤྱོད་རྫོགས་སྐུ་དང་། །དོན་གྱི་སངས་རྒྱས་ཆོས་སྐུ་གང་ཡིན་པ། །ཆོས་ཉིད་རིགས་པ་མངོན་སུམ་ཉིད་ཡིན་པས། །སངས་རྒྱས་གཞན་ནས་མ་འཚོལ་རྗེ་འབངས་རྣམས། །ཞེས་གསུངས་པ་ལྟར་ཡིན་ཚེ། སེམས་ཉིད་ཀྱི་རང་བཞིན་རིགས་ན་སྐྱེད་རིམ་གྱི་བརྡ་དོན་བརྟགས་གསུམ་ངང་གིས་ཚང་བ་ནི། ཇི་སྐད་དུ། སྤྲོས་པ་མེད་པའི་རང་བཞིན་ལ། །ལྷ་དང་སྔགས་ནི་ཡང་དག་གནས། །ཅེས་པ་ལྟར་ལགས།། ༈ །།དེ་ལྟར་སྐྱེད་རྫོགས་རིམ་ཅན་དུ་བསྒོམ་ཚུལ་ནི། གང་ཟག་ལས་དང་པོ་པ་རྣམས་འཁྲིད་ཐབས་དགོངས་ནས་སོ་སོར་གསུངས་པ་མ་གཏོགས། ཡང་དག་པའི་དོན་ལ་ནི་ནམ་ཡང་ཟུང་འཇུག་ཁོ་ན་ལས་མ་གཡོས་པ་སྟེ། ཀུན་རྫོབ་ལྟར་སྣོད་ཀྱི་འཇིག་རྟེན་དང་བཅུད་ཀྱི་སེམས་ཅན་ཐམས་ཅད་ཀྱང་མེད་བཞིན་སྣང་བའི་ཆོ་འཕྲུལ་རྨི་ལམ་གྱི་ཡུལ་སྣང་ལྟ་བུ་སྟེ། གཤིས་སྟོང་པ་ཉིད་དང་། གདངས་འགག་པ་མེད་པ་

― TR004_Page_0368 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་གཉིས་ཀྱང་ཚིག་ལ་ཐ་དད་དུ་བརྗོད་ཀྱང་དོན་ལ་གཉིས་སུ་གྲུབ་པའི་ཟུང་འཇུག་འབའ་ཤིག་ཡིན་པ་དང་། ལམ་པའི་རྣལ་འབྱོར་པ་ལ་ཡང་སྐྱེད་རིམ་ལྷའི་འཁོར་ལོ། །རྫོགས་རིམ་སྟོང་ཉིད་ཡེ་ཤེས་ལ་སོགས་རྣམ་གྲངས་ཇི་སྙེད་བརྗོད་ཀྱང་། གཞི་ལམ་འབྲས་གསུམ་ནམ་གྱི་དུས་ནའང་། གཤིས་མ་གྲུབ་པ་སྟོང་པར་ཆམ་མེ། གདངས་མ་འགག་པ་གསལ་བར་ལམ་མེ། ངོ་བོ་གཉིས་མེད་ཟུང་འཇུག་ཏུ་འཁྲིག་གེ་བ་ལས་ནམ་ཡང་མ་གཡོས་ལ། སྣང་བའི་ཆ་ཐམས་ཅད་ཡི་དམ་ཡབ་ཀྱི་རང་བཞིན། སྟོང་པའི་ཆ་ཐམས་ཅད་ཡུམ་གྱི་རང་བཞིན། སྣང་སྟོང་ཐ་མི་དད་པ་ནི་ཡབ་ཡུམ་ཟུང་འཇུག །དེ་ནི་རྣལ་འབྱོར་པའི་སེམས་དང་དབྱེར་མེད་པ་ཉིད་དོ། །དེ་ལྟར་རྟོགས་ཚེ། སེམས་ཉིད་འགག་མེད་ཀྱི་འཆར་སྒོ་ཐམས་ཅད་ཐབས་སྐྱེད་རིམ་གྱིས་རང་བཞིན། ངོ་བོ་སྟོང་ཉིད་ཀྱི་གནས་ཚུལ་ཐམས་ཅད་ཤེས་རབ་རྫོགས་རིམ་གྱི་རང་བཞིན། དེ་གཉིས་ནི་གསེར་དང་སེར་པོའམ། ཙནྡ་དང་དྲི། མེ་དང་དྲོད། ཆུ་དང་རླན་ལྟ་བུ་ཡེ་ནས་ཟུང་འཇུག་ཁོ་ན་མ་གཏོགས། ཆུ་དང་ཕྱེ་བསྲེས་ནས་ཟན་

― TR004_Page_0369 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་ངོ་བོར་བཟོས་པ་ལྟ་བུ་བློ་བུར་དུ་བྱས་ཤིང་བཅོས་པ་ནི་མ་ཡིན་ནོ། །འོ་ན་རྒྱུད་དང་མན་ངག་རྣམས་སུ་སྐྱེད་རྫོགས་སོ་སོར་བསྟན་པ་གང་ཡིན་ཞེ་ན། རྒྱལ་བ་ཐབས་ལ་མཁས་པས་གདུལ་བྱ་བློ་དམན་རྣམས་ལ་ཐུགས་རྗེས་དགོངས་ཏེ་དང་པོར་སོ་སོ་ལ་བསླབ་པས་མཐར་ཟུང་འཇུག་ཏུ་རྟོགས་པར་བྱ་བའི་ཕྱིར། ཀུན་རྫོབ་ལམ་དུ་བྱས་ནས་དོན་དམ་མངོན་དུ་བྱེད་པ་སྐྱེད་རིམ་དང་། དོན་དམ་ལམ་དུ་བྱས་ནས་ཀུན་རྫོབ་མངོན་དུ་བྱེད་པ་རྫོགས་རིམ། ཞེས་སོགས་བསྟན་ནའང་། མཐར་ཐུག་གི་དོན་ལ་ནི། གཞི་བདེན་གཉིས་ཟུང་འཇུག །འབྲས་བུ་སྐུ་གཉིས་ཟུང་འཇུག་ཉིད་ལ་རྒྱལ་བས་གསུངས་པའི་ཆོས་ཐམས་ཅད་འདུ་མོད་ཀྱི། དེ་ལྟ་བུར་མ་རྟོགས། ལོག་རྟོག །ཕྱོགས་རྟོགས་ཀྱི་དབང་དུ་གྱུར་པ་ནི་དག་ནི་གང་ཟག་གི་རང་སྐྱོན་དུ་ཟད་མོད། དོན་ཇི་བཞིན་རྟོགས་པ་རྣམས་ལ་སྐྱེད་རྫོགས་གཉིས་པོ། འཇིག་རྟེན་པ། མུ་སྟེགས་པ། ཉན་རང་རྣམས། ཟུང་འཇུག་ཏུ་ལྷུན་གྱིས་གྲུབ་བར་མཆིས་སོ།། ༈ །།ཡང་སྐྱེད་རྫོགས་གཉིས་

― TR004_Page_0370 ―

^{[མ་དཔེ་གཟིགས་ན་འདིར་གནོན།]}

[Full Size]

ཀ །སྟན་ཐོག་གཅིག་ཏུ་མ་ཚང་ན་ཉེས་པ་ཅི་ལྟ་བུ་ཡོད། གསུངས་པ་ནི། དེ་ཡང་རྫོགས་རིམ་གྱིས་མ་ཟིན་པའི་སྐྱེད་རིམ་ནི་བློས་བྱས་ཀུན་བཏགས་ཡིན་པས། དེས་ནི་གནས་སྐབས་ཀྱི་འབྲས་བུ་མཐུན་མོང་གི་དངོས་གྲུབ་ཙམ་འབྱུང་སྲིད་ནའང་། མཐར་ཐུག་རྫོགས་བྱང་གི་འབྲས་བུ་ལ་མི་ཉེ་སྟེ། ཇི་སྐད་དུ། རྒྱན་དང་ཆ་ལུགས་གསལ་གྱུར་ཀྱང་། །ལྷ་ནི་རང་རྒྱུད་སར་བསྒོམ་ན། །གཟུང་འཛིན་འཁྲུལ་པའི་བློ་ཡིན་པས། །མཁའ་ལ་རྒྱུ་བའི་རིགས་ཅན་གྱི། །ལྷའམ་འབྱུང་པོའི་རིགས་སུ་གོལ། ཞེས་དང་། ཡང་སྣང་ཆའམ་གསལ་ཆ་ཡེ་མི་འདོད་པར་མི་རྟོགས་སྟོང་རྐྱང་ཁོ་ན་བསྒོམ་པ་ནི་འགོག་པའི་སྙོམས་འཇུག་ཏུ་གོལ་ཞིང་། ཐབས་ཀྱི་མ་ཟིན་པས་སངས་རྒྱས་ལམ་དུ་མི་འགྱུར་བའི་ཚུལ་ནི།། ༈ །།ལྷ་ཉིད་གསལ་བར་མི་སྒོམ་ཞིང་། །བསོད་ནམས་ཚོགས་ནི་མ་རྫོགས་ན། །ཡེ་ཤེས་རྫོགས་ཆེན་མི་རྫོགས་ཏེ། །གཟུགས་མེད་ཁམས་ཀྱི་ལྷ་རུ་སྐྱེ། །དེ་

― TR004_Page_0371 ―

^{[མ་དཔེ་གཟིགས་ན་འདིར་གནོན།]}

[Full Size]

བས་སྣང་སྟོང་གཉིས་མེད་ཀྱི། །གནས་ལུགས་ཡེ་ཤེས་ཆོས་ཀྱི་སྐུ། །གསལ་བདག་བདེ་བ་ཆེན་པོའི་སྐུར། །ཟུང་འཇུག་ཡོན་ཏན་དྲན་པས་བསྒོམ། །མི་དམིགས་ལས་བྱུང་སྐྱེད་རིམ་དང་། །བསྐྱེད་པ་དམིགས་མེད་རྫོགས་རིམ་སྟེ། །གཉིས་མེད་རྣམ་པར་གནས་པ་ནི། །རྡོ་རྗེ་འཆང་གི་ཆོས་ཉིད་དོ། །ཅེས་གསུངས་པས། ཐབས་ཤེས་རིམ་གཉིས་ཚང་བར་ཉམས་སུ་མ་བླངས་ན་སངས་རྒྱས་མི་འགྲུབ་སྟེ། བྱ་ནམ་མཁར་འཕུར་བ་ཡང་འདབས་གཤོག་ཚང་དགོས་པ་ལྟར་ལགས་མོད་ཀྱི། ཚུལ་འདི་ལ་ལུང་མང་ཡང་ཡིག་རྫོགས་ལ་འཛེམ་སྟེ་མ་བྲིས་སོ།། ༈ །།དེ་ནས་ཡང་རྫོགས་རིམ་གཙོ་བོར་གྱུར་པའི་འཕྲོས་དོན་ལས་ནང་དོན་གྱི་ལུང་འདྲེན་གནང་ནས། སྐབས་དོན་སྙིང་པོར། རྩ་ཨ་ཝ་དྷཱུ་ཏི་ལུས་ཅན་ཀུན་གྱི་སྲོག་རྩར་གསུངས་ན། འགྲོ་བ་དྲུག་ཀ་ལ་ཡོད་མེད་དང་། བར་དོའི་སེམས་ཅན་འགྲོ་བ་དྲུག་ལ་གཏོགས་མ་གཏོགས་སོགས་ཀྱི་དྲི་བ་གནང་བ་ནི། སྤྱིར་ལུས་ཅན་ཐམས་ཅད་སྲོག་གིས་

― TR004_Page_0372 ―

^{[མ་དཔེ་གཟིགས་ན་འདིར་གནོན།]}

[Full Size]

བསྡུས་པ་ཡིན་ཕྱིར་སྲོག་གི་རླུང་ཙམ་ནི་ཡོད་པར་འདོད་དགོས་ནའང་། གཟུགས་མེད་ཀྱི་ལྷ་སོགས་ལ་ཁྱབ་པའི་ངེས་པ་བསྒྲུབ་དཀའ་ཞིང་། ལར་ཡང་ཁམས་དྲུག་ལྡན་པ་མིའི་ལུས་ཁོ་ན་དང་དེ་ལས་ཀྱང་འཛམ་གླིང་མ་གཏོགས་གཞན་ལ་རྡོ་རྗེ། ཡིད་ལུས་རྣམས་ ཐེག་པའི་ལམ་གྱི་རྟེན་དུ་མི་རུང་བར་གསུངས་པས་ན། ས་ཆུ་མེ་རླུང་། ནམ་མཁའ། རྣམ་པར་ཤེས་པའི་ཁམས་ རྩ་ཐིག་རླུང་གསུམ་ཚང་བ་ནི་མི་ཁོ་ན་ལགས་ཤིང་། འགྲོ་བ་གཞན་རྣམས་དབྱིབས་དང་ཁ་དོག་ཐ་དད་པའི་དབང་གི་རྩ་གསུམ་འཁོར་ལོ་དྲུག་སོགས་བཤད་པའི་དོན་ཡང་མ་མཆིས་པ་སྟེ། དཔེར་ན་ཆུ་ལ་གནས་པའི་ཉའི་རིགས་རྣམས་ཀྱི་སྙིང་ནི་མགོའི་ནང་ཡོད་པ་རྒྱུད་སྡེ་ནས་གསུང་ཕྱིར། དེ་ལྟར་ན་འཁོར་ལོ་ལྔའི་རིམས་པ་དག་ཀྱང་བཞད་གད་ཀྱི་གནས་སུ་འགྱུར་མོད་ཀྱི། དེས་ན་སྲོག་རྩ་སོགས་ཀྱང་འགྲོ་བ་མིའི་ལུས་ཅན་ཁོ་ན་ལ་འཆད་པ་ཉིད་འཐད་པར་སེམས་སོ།། ༈ །།བར་སྲིད་པའི་འགྲོ་བ་རྣམས་ཀྱང་འགྲོ་དྲུག་ལ་འདུ་བར་བཞེད་དེ།

― TR004_Page_0373 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱེ་བ་ཕྱི་མའི་མ་ལ་དུ་མ་ཆུད་ཀྱི་བར་ལ་སྐྱེ་བ་སྔ་མ་དེ་ཉིད་ཀྱི་ཆ་ཤས་ཡིན་པའི་ཕྱིར་དང་། འོན་ཀྱང་འཇིག་རྟེན་བདུན་པོ་ཞབས་ཀྱི་མནན་ཏེ། ཞེས་སོགས་ཀྱི་སྐབས་སུ་ནི། འགྲོ་བ་དྲུག་གི་སྟེང་དུ་གཤིན་རྗེའི་འཇིག་རྟེན་དང་བདུན་དུ་འདྲེན་པ་སྟེ། གཤིན་རྗེའི་འཇིག་རྟེན་ནི་བར་སྲིད་ལ་འཇུག་པར་བཞེད་དོ།། ༈ །།ཡང་ནང་དོན་ནས་གསུངས་པའི་མངལ་གྱི་གནས་སྐབས། མཁྲང་གྱུར་ཞག་ནི་དང་པོ་ནས། །རང་སོར་ཕྱེད་དང་བཅུ་གསུམ་གྱི། །ཚད་ལྡན་དབུ་མ་སྲོག་རླུང་བཅས། །ཅེས་ཆགས་ཚུལ་གྱི་སྐབས་དེར། ཉིད་ཀྱི། དེ་དུས་ཡན་ལག་གི་རྣམ་པ་ཙམ་ཡང་མ་འགྲུབ་པ་ལ། སོ་སོར་བགྲངས་པའི་ཐབས་མ་མཆིས་གསུངས་པ་ལ། འདིའི་དགོངས་པ་ནི། སྤྱིར་གླིང་བཞིའི་མི་སོ་སོའི་ལུས་ཚད་ཐ་དད་པ་མངོན་པ་སོགས་ནས་གསུངས་པ་ལས། འཛམ་བུ་གླིང་པ་རྣམས་ཚེ་ལོ་དང་བསོད་ནམས་དང་ལུས་ཚད་རྣམས་རིམ་གྱི་བྲི་བ་ལས། ད་ལྟ་སྤྱིར་རང་ཁྲུ་བཞི་དང་

― TR004_Page_0374 ―

^{[མ་དཔེ་གཟིགས་ན་འདིར་གནོན།]}

[Full Size]

གཟུགས་ངན་རྣམས་ལས་རང་ཁྲུ་ཕྱེད་དང་བཞི། ཞེས་བཤད་རྒྱུད་ནས་གསུངས་པ་བཞིན་ཡིན་པ་དང་། སོར་མོ་བཅུ་གཉིས་སམ་ཕྱེད་དང་བཅུ་གསུམ་ལ་རང་མཐོ་གང་དང་། མཐོ་དོ་ལ་ཁྲུ་གང་དུ་བཤད་ཅིང་། །དེ་བཞིན་གཤེགས་པའི་སྐུ་ཚད་ལ་སོར་བརྒྱ་ཉེར་ལྔ། ས་གནས་ཀྱི་བྱང་སེམས་རྣམས་ལ་བརྒྱ་ཉི་ཤུ། ཉན་རང་སོགས་ལ་བརྒྱ་དང་དགུ། སོ་སྐྱེས་ཕལ་པ་འདོམ་གང་གྲུ་བཞི་མཉམ་པའི་ལུས་ཆུ་ཞེང་གབ་པ་ལ་སོར་དགུ་བཅུ་གོ་དྲུག་དང་། གཞན་མཆུ་ཞེངས་མཉམ་པ་དཀོན་ཕྱིར། ཡས་མན་ལ་བརྒྱད་བཅུ་གྱ་བཞི་དང་། ཕན་ཚུན་གྱི་འདོམ་ལ་དགུ་བཅུ་རྩ་དྲུག་ཡིན་པར་གསུངས་པས་ན། དེའི་ཕྱིར་མཁྲང་གྱུར་གྱིས་སྐབས་ཁྱབ་འཇུག་ཉའི་རྣམ་པའི་ལུས་ཚད་གང་ཡོད་པ་དེ་ཀའི་བརྒྱད་ཆ་གཅིག་ལ་ཁོ་རང་གི་རང་སོར་བཅུ་གཉིས་སམ་ཕྱེད་དང་བཅུ་གསུམ་དུ་རྩི་དགོས་པ་དང་། ལར་འདི་སྐབས་སུ། ནང་དོན་ལས་ནི་དུས་འཁོར་དང་མཐུན་པར་འཁོར་ལོ་ལྔའི་བར་ཐག་ཏུ་སོོར་མོ་ཕྱེད་དང་བཅུ་གསུམ་དུ་གསུངས་ལ།

― TR004_Page_0375 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུད་སྡེ་ལ་ལ་ནས་ནི། སྐྱེས་བུ་ལུས་ཚད་རྫོགས་པ་ལ་དེ་ལྟར་ཡིན་ཀྱང་། དེ་སྐབས་ལུས་ཆག་ཚད་མ་རྫོགས་པའི་དབང་གིས། འཁོར་ལོ་རྣམས་ཀྱི་བར་ཐུག་ལ་རང་སོར་བརྒྱད་བརྒྱད་དུ་བཤད་པ་ཡང་གདའ་ལགས། ཡང་སྲོག་རྩ་དང་དབུ་མ་གཅིག་མི་གཅིག་དྲི་བ་གནང་བའི་སྐབས། རྒྱལ་བ་ཡང་དགོན་པའི་རྡོ་རྗེ་ལུས་ཀྱི་སྦས་བཤད་དུ། རྣལ་འབྱོར་ཆེན་པོའི་རྒྱུད་ལས། སྲོག་གི་དབྱུག་པའི་ནང་གནས་པ། ཅེས་སོགས་ཀྱི་ལུང་ཁུང་དེ་རྣལ་འབྱོར་རྒྱུད་ལ་བླ་མེད་ཀྱི་ཚིག་འདི་འོངས་མི་ཐང་གསུངས་པ་ལ།། ༈ །།ཚིག་འདིའི་ལུང་ཁུངས་རྣལ་འབྱོར་ཡོ་གའི་རྒྱུད་མ་ལགས་ཏེ། རྣལ་འབྱོར་ཆེན་པོ་ཞེས་པ་གསང་སྔགས་ནང་པ་བླ་མེད་ཀྱི་སྐབས་ཁོ་ནར་འཇུག་ཕྱིར། རྙིང་མའི་ལུགས་ལ་ཐེག་པ་རིམ་དགུར་བགྲང་པའི་ཚེ་ཡང་། ཉན་རང་བྱང་སེམས་གསུམ་ཐེག་དམན་དང་ཐེག་ཆེན་ཏེ་མཚན་ཉིད་ཐེག་པ། བྱ་སྤྱོད་རྣལ་འབྱོར་གསང་སྔགས་ཕྱི་པ། མ་ཧཱ་ཡོ་ག །ཨ་ནུ་ཡོ་ག །ཨ་ཏི་ཡོ་ག་

― TR004_Page_0376 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་གསང་སྔགས་ནང་པ་བླ་མེད་ཡིན་ཕྱིར། མ་ཧཱ་ཡོ་ག་བོད་སྐད་དུ་བསྒྱུར་ན་རྣལ་འབྱོར་ཆེན་པོ་ཟེར་བ་ལགས་ཚེ། དེ་ལ་རྒྱུད་ཀྱི་རྩ་བ་ཏནྟྲ་སྡེ་བཅོ་བརྒྱད། དེ་དག་གི་ཡན་ལག་རྒྱུད་སྡེ་མཐའ་ཡས་པ་དང་། གསར་མའི་བདེ་དགྱེས་གསང་འཇིག་དུས་འཁོར་སོགས་ཐམས་ཅད་རྒྱུད་སྡེ་འདི་དག་གི་ནང་མཚན་ལགས་མོད་ཀྱི། དེས་ན་གོང་འོག་གི་ལུང་འདྲེན་དེ་ནི་ཕྱག་ཆེན་ཐིག་ལེ་ཁ་སྦྱོར་གྱི་རྒྱུད་ཚིག་ཏུ་གདའ་ལགས།། ༈ །།སྲོག་རྩ་དང་དབུ་མ་གཅིག་གམ་ཐ་དད་པ་ནི། སྤྱིར་བཞེད་པ་མི་གཅིག་པ་དུ་མར་འབྱུང་བ་ནི། རྒྱལ་བས་འཇིག་རྟེན་ཞེན་པས་གཟིགས་པ་མ་ཡིན་ཚེ་གདུལ་བྱའི་ཁམས་དབང་ཐ་དད་སྣ་ཚོགས་པའི་ངོར་རྒྱུད་སྡེ་ཡང་ཐ་དད་པ་དུ་མའི་འཆད་ཚུལ་མི་འདྲ་བ་བསམ་གྱིས་མི་ཁྱབ་པ། ཇི་ལྟར་སྣོད་ཀྱི་བཟོ་དབྱིབས་ཐ་དད་པའི་ནང་གི་ནམ་མཁའི་དབྱིབས་ཀྱང་ཐ་དད་ལ། སྣོད་ཆགས་པའི་ཤུལ་ན་ནི་ནམ་མཁའི་དབྱིབས་ཐ་དད་མི་འབྱུང་བ་ལྟ་བུའི་དཔེ་ལྟར། འཁོར་འདས་ཀྱི་ཆོས་རྣམས་རང་གི་ངོ་བོ་ངོས་བཟུང་དང་

― TR004_Page_0377 ―

^{[མ་དཔེ་གཟིགས་ན་འདིར་གནོན།]}

[Full Size]

བྲལ་ཡང་། ཀུན་རྫོབ་ཀྱི་སྣང་ཚུལ་ཙམ་དུ་གང་ཡང་འཆར་ཞིང་། ཤར་བ་ཉིད་བདེན་གྲུབ་ཏུ་མ་ཡིན་པའི་ཚུལ་རྣམས་མ་གོ་ན། གཞུང་ཐ་དད་པའི་འགལ་འདུ་ལ་ཨ་འཐས་སུ་བཟུང་ན་བྱིས་པ་ནམ་མཁའི་མཐའ་རྒྱ་ལ་རྩོད་པ་ལྟར་འགྱུར་བ་སྟེ། དེས་ན། རང་ཉིད་གང་ལ་ཉམས་སུ་ལེན་པ་དེའི་ལུགས་ཉིད་དབང་བཙན་པར་བྱ་ཞིང་། གཞན་ལུགས་རྣམས་ཀྱང་བློའི་ར་བར་ཤོང་བར་བྱེད་པ་འདི་ནི་ཆོས་ཐམས་ཅད་ཀྱི་སྒོ་འབྱེད་པའི་ལྡེ་མིག་དམ་པ་ལགས་པར་དགོངས་འཚལ། ཞེས་སྔོན་དུ་གསོལ་ནས། བྱེ་བྲག་གི་སྐབས་དོན་ལ།། ༈ །།སྲོག་པ་རྩ་དང་དབུ་མ་གཉིས་རག་པའི་དབང་དུ་ནི་གཅིག་པར་གསུངས་ཕྱིར་ཟབ་མོ་ནང་དོན་ལས་ཀྱང་གཅིག་ཏུ་གསུངས་པ་ཉིད་ལགས་པ་དང་།། ༈ །།དགེར་དོན་ཕྲ་ཞིབ་ཀྱི་དབང་ལྟར་ན། མཆོག་གི་དབུ་མ་དང་། མཆོག་མ་ཡིན་པའི་དབུ་མ་དང་། སྲོག་རྩ་ཉིད་དང་། རོ་རྐྱང་གཉིས་དང་ལྔ་པོ་

― TR004_Page_0378 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཡེ་ཤེས་ཀྱི་རྩ་རྡོ་རྗེ་རྩེ་ལྔ་པའི་དབྱིབས་ཡིན་པར་བཤད་པ་ཡང་ཡོད་ལ། དབུ་མ་གཉིས་པོ་ཐབས་ཀྱི་དབུ་མ་དང་ཤེས་རབ་ཀྱི་དབུ་མའམ། ཡབ་དང་ཡུམ་གྱི་དབུ་མ་ཞེས་སུ་གྲགས་ཅིང་། དོན་དུ་སྲོག་རྩ་ལས་གྱེས་པའི་བྱེ་བྲག་ཡིན་པར་བཞེད་པ་དང་། གནས་ཚུལ་ནི། སྲོག་རྩའི་ནང་ལ་ནང་བཅུག་ལྟ་བུར་བཞེད་པའི་ལུགས་གཅིག་དང་། སྲོག་རྩའི་མདུན་དུ་ཡོད་པར་བཞེད་པའི་ལུགས་གཅིག་ཀྱང་ཡོད་པ་སྟེ། དེ་གཉིས་གང་ལྟར་ཡང་དབུ་མ་མཆོག་དེ་ནི་སྣང་ལ་རང་བཞིན་མ་གྲུབ་པའི་ཚུལ་གྱི་ཕྱི་གསལ་ནང་གསལ་འོད་ཀྱི་རྣམ་པ་ལྟ་བུ་སྲོག་རྩ་དང་སྦུབས་གཅིག་ཏུ་འབྲེལ་བར་གསུངས་པ་དང་། ཆུ་ཤིང་ལྟར་དྲང་བ་མཚན་ཉིད་བཞི་ལྡན་དང་། ཡར་མར་གྱི་རྩ་སྣ་སོགས་ཟུག་ཚུལ་འབྲེལ་ཚུལ་རྣམས་ནང་དོན་སོགས་ནས་ཇི་ལྟར་གསུངས་པ་བཞིན་དང་། དཀར་དམར་སོགས་གསུམ་གྱི་གནས་ཚུལ་ཡང་དེ་བཞིན་ཏེ། འདིའི་མིང་གི་རྣམ་གྲངས་རྣམས་ཀྱི་ཞིབ་ཆ་

― TR004_Page_0379 ―

^{[མ་དཔེ་གཟིགས་ན་འདིར་གནོན།]}

[Full Size]

དང་བཅས་པ་དག་ནི་ནང་དོན་དང་སྦས་བཤད་ལས་གསུངས་པ་དེ་དག་ལས་ལྷག་པ་འདིར་བརྗོད་མ་དགོས་ལ། སུམ་བཅུ་རྩ་གཉིས་མདུད་དང་ལྡན་པ་ནི་རོ་རྐྱང་གཉིས་པོ་དབུ་མར་འཁྲིལ་ཚུལ་རེ་ལ་མདུད་པའི་གྲངས་སུ་བརྗོད་ཅིང་། མཆོག་མ་ཡིན་པའི་དབུ་མ་ནི་དེའི་ཡན་ལག་ཡིན་ནོ།། ༈ །།སྲོག་རླུང་ཨ་ཡིག་གི་ཚུལ་དུ་གནས་པ་ཡང་བོད་ཡིག་གི་ཨ་གསུམ་ཁྱོག་འདི་མ་ཡིན་པར། ཨ་ཤད་ཀྱི་རྣམ་པས་རང་གང་དུ་ཡོད་པར་བཞེད་པ་མང་བ་དང་། ཁྱད་པར་སྐལ་བཟང་དགའ་བྱེད་དུ་བཤད་པའི་རྣམ་ཤེས་ཚོགས་བརྒྱད་ཀྱི་རྩ་བའི་འཆད་ཚུལ་དེ་ནི་རྙིང་མའི་སྒྱུ་འཕྲུལ་ཆེན་པོའི་རྒྱུད་སྡེ་རྣམས་ཀྱི་ལུགས་ལྟར་ཡིན་ཞིང་། གསར་མ་ལྟར་ན། སྦས་བཤད་དུ་ཡོན་ཏན་གྱི་རྩ་ཁྱི་མོ་ཉལ་འདྲ་ཞེས་པ་དེ་དང་ཡང་འབྲེལ་གཅིག་པར་སེམས་ལ། ངོ་ཁྲོ་འགྲེལ་ཆེན་དུ་ནི་འདི་དང་བྷ་སནྟུ་སོགས་ལ་དགག་པ་མཛད་འདུག་རུང་། རྒྱུད་སྡེ་ཐ་དད་ཀྱི་དགོངས་པ་ཡིན་ཚེ་དགག་

― TR004_Page_0380 ―

^{[མ་དཔེ་གཟིགས་ན་འདིར་གནོན།]}

[Full Size]

པ་མཛད་པོ་ངལ་བར་ཟད་དོ། །མདོར་ན་ཚོགས་བརྒྱད་ཀྱི་རྩ་འདི་རྣམས་དང་ནང་དོན་སོགས་ནས་གསུངས་པའི་རྩ་དབུ་མ་གསུམ། ཡན་ལག་ལྔ་སྟེ་བརྒྱད་པོ་རྣམས་དང་ངོ་བོ་གཅིག་ལ། འདི་རྣམས་དབུ་མའི་རྩ་འདབས་སུ་ཡོད་ཅིང་། རིན་ཆེན་ཅོད་པཎ་དང་མགོན་པོ་ཆེན་པོ་སོགས་སུམ་ཅུ་རྩ་གཉིས། མཛེས་མ་དང་། རོ་བཅུད་མ་ཀུན་སྐྱོབས་མ། ཕྱི་འདབ་ཡིན་པར་བཤད་དོ། །སྦས་པའི་རྩ་ལྔ་སོགས་ཀྱི་རྩ་ཡིག་རྣམས་ཀྱང་རྒྱུད་སྡེ་ཐ་དད། གསུམ་སྐོར་པ་འདོད་མ་འཁྱིལ་མ་གཏུམ་མོ། བདུད་འདུལ་མ། པར་མི་མཐུན་ཚུལ་སྦས་བཤད་དུ་ཞིབ་པར་མཆིས་ཤིང་། ཡང་བྷ་སནྟུ་དང་རི་བོང་མིག་ཞེས་པ་གཅིག་ལ། ཀ་ཏི་ཤེལ་སྦུག་དང་འདི་གཉིས་པོ་རྩ་བ་གཅིག་ལ་རྩེ་མོ་ཐ་དད་གྱེས་ཏེ་མི་གཉིས་ལ་ཟུག་པ་དང་། དེའི་ཡན་ལག་གི་ཆ་ཤས་གཅིག་ལྕེའུ་ཆུང་ཟུག་པའི་མདུད་བྲལ་མདོད་མིན་པར་བཤད། ལྕེའུ་ཆུང་ནི་ཕལ་སྐད་དུ་ལྕེ་རྐྱལ་ཟེར་བའི་འོག་གི་རྩ་བ་འདི་ལ་འདོད་དོ།། ༈ །།འདི་ལ་ཡང་ནང་མཚན་དུ། མངོན་གྱུར་གྱི་སྒོ་མིག་གཉིས་དང་། ལྐོག་

― TR004_Page_0381 ―

^{[མ་དཔེ་གཟིགས་ན་འདིར་གནོན།]}

[Full Size]

གྱུར་གྱི་སྒོ་རྣ་བ་གཉིས་ལ་ཟུག་པར་གསུངས་སོ། །ཉིད་ཀྱིས་སྒོ་ལྔའི་རྣམ་ཤེས་ཀྱི་ཕྱི་མ་དེ་མ་གོ་གསུངས་པ་ནི། ལུས་ཀྱི་རྣམ་ཤེས་ཅེས་བྱ་བ་རེག་བྱའི་ཡུལ་འཛིན་མཁན་གྱིས་ཤེས་པ་དེ་ཡིན་མོད་ཀྱི། དེའི་རྩ་གཅིག་མདུད་བྲལ་མ་འདི་ཡིན་པར་གསུངས་ལ། རེག་བྱའི་རྩ་བྲན། གཞན་ནི་བ་སྤུའི་གྲངས་མཉམ་ཡིན་པས་བསམ་གྱིས་མི་ཁྱབ་པོ། །ཀ་ཏི་ཤེལ་སྦུག་གི་བྱེ་བྲག་གཞན་ཡང་། རྫོགས་ཆེན་གྱི་སྣང་མུན་གཉིས་ཀྱི་ཉམས་ལེན་སྐབས་ཚོར་ནི་རྩའི་བྱེ་བྲག་གཞན་ཐམས་ཅད་བཏང་སྙོམས་སུ་བཞག་ནས། དབུ་མའི་ཡལ་འདབས་ཀྱི་རྩ་ཕྲ་ལ་འཁྲིལ་དར་དཀར་རྣལ་མ། གསེར་གྱི་རྩ་ཆེན། སྟོང་པ་རང་གྲོལ། ཀ་ཏི་ཤེལ་སྦུག་སྟེ། ཡེ་ཤེས་ལྔའི་རྩ་འདབ་རྣམས་ཀྱི་རྒྱས་བཤད་ཡོད་རུང་སྐབས་འདིར་བརྗོད་དོན་ཆུང་མོད་ཀྱི། མདོར་ན་གོང་དུ་སྨོད་པ་བཞིན་གདམས་པ་གང་ཉམས་སུ་ལེན་པ་དེའི་གཞུང་དོན་དང་སྦྱར་བ་མ་གཏོགས་མ་མཐའ་དག་གིས་གནས་

― TR004_Page_0382 ―

^{[མ་དཔེ་གཟིགས་ན་འདིར་གནོན།]}

[Full Size]

ཚུལ་ནི་བསམ་པར་མི་ནུས་སོ།། ༈ །།ཡང་མི་ཤིག་པའི་དཔྱིད་ཀྱི་ཐིག་ལེའམ་དྭངས་མ་ལྔ་འདུས་ཀྱི་སྐབས་འདི་ལ་རྒྱུད་སྡེ་སྤྱི་མཐུན་དུ་ནི། ཤ་ཡིས་དྭངས་མ་དབུ་མའི་རྩ། ཁྲག་གི་དྭངས་མ་ཨ་ཐུང་མེ། དཔྱིད་ཀྱི་ཐིག་ལེ་ཞེས་པ་འདི་ལ་ཡང་བཤད་ཚུལ་ལ་ལར། དཔྱིད་ནི་ཨ་ཤད་གྱི་མེ་དང་། ཐིག་ལེ་ནི་སྤྱི་བོའི་ཧཾ་ལ་ངོས་འཛིན་པ་ཡང་ཡོད། རུས་པའི་དྭངས་མ་ཐིག་ལེ་ཧཾ། །དབུགས་ཀྱི་དྭངས་མ་སྲོག་གི་རླུང་། །ཡིད་ཀྱི་དྭངས་མ་ཀུན་གཞི་སེམས། །ཞེས་པ་འདི་ནང་དོན་གཞུང་འགྲེལ་སོགས་ཕལ་ཆེར་དགོངས་པ་མཐུན་ལ། ལྔ་འདུས་ཀྱི་ཐིག་ལེ་དངོས་བསྟན་སྙིང་གར་ཡོད་ཚུལ་བཤད་པ་འདི་ལ་མུ་སྟེགས་པའི་ལུགས་དང་འདྲེས་དོགས་སྣང་ཡང་། རྙིང་ལུགས་འོད་གསལ་ཐོད་བརྒལ་གྱིས་གཞུང་མཐའ་དག་ཏུ་ནི་གོང་དུ་སྨོས་པའི་དྭངས་མ་ལྔ་པོ་འདི་དག་གི་དྭངས་མའི་དྭངས་མ་འོད་ཀྱི་ཐིག་ལེའི་རྣམ་པར་ཡོད་ཚུལ་ནན་གྱིས་གསུངས་ཤིང་། ཀུན་ཏུ་ཁ་སྦྱོར་གྱི་རྒྱུད་ཚིག །སྙིང་གའི་དབུས་གྱུར་པདྨོ་ནི། ཞེས་སོགས་

― TR004_Page_0383 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་ལུང་དེ་དང་སྦྱར་ནས། རྩ་མཆོག་དེ་ཉིད་ཁ་གྱེན་ལ་བསྒྱུར་བས་དྭངས་མ་ལྔ་འདུས་ཀྱི་ཡོན་ཏན་སྤེལ་ཐབས་རྒྱ་ཆེར་གསུངས་པ་ཡོད་ཅིང་། དེ་དང་མཐུན་པ་སྦས་བཤད་དུ་ཡང་སྣང་མོད། ལར་རྒྱལ་བ་ཡང་དགོན་པ་དེ་ཉིད་རྗེ་རང་བྱུང་གི་ལྟར། ནང་རྡོ་རྗེ་ལུས་ཀྱི་སྣང་ཚུལ་ཇི་ལྟ་བར་གཟིགས་ཤིང་། གཞན་ཡང་རིན་ཆེན་རྣམ་བཞི་ལ་བརྟེན་ནས་གསར་མའི་གདམས་ངག་ཟབ་དགུ་དང་། མི་སྐྱོད་པ་དང་ཕུལ་མར་བ་སོགས་ལས་རྙིང་མའི་གདམས་པ་རྣམས་ཀྱི་སྒྲོ་འདོགས་བཅས་པའི་མཐུས། རྒོད་ཚང་པ། འབྲི་གུང་པ། ས་སྐྱ་པ། གོ་བྲག་པ་དང་བཞི་ཡིན་ནོ། །གསུང་འབུམ་སྤྱི་དང་ཁྱད་པར་སྦས་བཤད་སྐོར་རྣམས་ཤིན་ཏུ་མཐའ་རྒྱ་ཆོད་པ་སྣང་བར་སེམས་ལགས་ཤིང་།། ༈ །།དེས་ན་གོང་དུ་སྨོས་ལྟར། ཆོས་རང་རང་གི་སྐབས་དོན་གྱི་དབང་གིས་ཐམས་ཅད་གཅིག་ཏུ་མཐུན་པ་ཞིག་ནི་གདམས་ངག་གང་ལ་ཡང་མི་འབྱུང་ངོ་། །ཡང་གོང་གི་ཚོགས་བརྒྱད་ཀྱི་རྩའི་ནང་ཚན་ཡེ་ཤེས་ཀྱི་རྩ་དེ་ལ་ཉོན་མོངས་

― TR004_Page_0384 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་དྲི་མ་ཡོད་དམ་མེད། གསུངས་པ་དེ་ནི།། ༈ །།སྤྱིར་ཉོན་མོངས་དང་ཡེ་ཤེས་ནི་གསང་སྔགས་སུ་ལམ་དུ་ལྷོངས་མ་ལྷོངས་ཀྱི་སྐྱོན་ཡོན་ཙམ་ལས་ངོ་བོ་ཐ་དད་དུ་མི་འདོད་པ་དང་། ཁྱད་པར་ཐ་མལ་པའམ་ལམ་པའི་རྣལ་འབྱོར་གྱི་སྐབས་ལ་ཉོན་མོངས་ཀྱི་དྲི་མ་ཡོད་པར་གོར་མ་ཆགས་ལ། ནམ་ཞིག་ཉམས་ལེན་གྱི་འབྲས་བུ་མངོན་དུ་གྱུར་ཚེ་ནི། རྩ་ཐིག་རླུང་སེམས་མཐའ་དག་ཡེ་ཤེས་ཀྱི་རང་བཞིན་དུ་དག་ཚེ་ཉོན་མོངས་ཀྱི་དྲི་མ་ཤུལ་དུ་ལུས་རྒྱུ་ནི་ག་ལ་མཆིས་ལགས་ཤིང་། ད་ལྟ་ཡེ་ཤེས་ཀྱི་རྩར་མིང་དུ་བརྗོད་པ་ནི་ཡེ་ཤེས་འཆར་བའི་རྟེན་གནས་ཡིན་པ་ལ་དགོངས་པའོ། །ལར་ཡང་གསར་མའི་བདེ་དགྱེས་གསང་གསུམ་དང་དུས་འཁོར་རྣམས་སུ་འདི་དག་གི་མིང་དང་གནས་ཚུལ་ཅུང་ཞིག་མི་འདྲ་བ་འབྱུང་བ་ལྟར། རྙིང་མའི་མ་ཧཱ་ཨ་ནུ་ཨ་ཏིའི་རྒྱུད་སྡེ་སོ་སོར་འཆད་ལུགས་མི་གཅིག་པས་ན། ཕྱི་ནང་གཞན་གསུམ་གྱི་ཚུལ་མཐའ་དག་ཡེ་ཤེས་ཀྱི་གཟིགས་པས་

― TR004_Page_0385 ―

^{[མ་དཔེ་གཟིགས་ན་འདིར་གནོན།]}

[Full Size]

མངོན་སུམ་པར་གྱུར་པའི་སྐྱེས་ཆེན་རྣམས་མ་གཏོགས། རང་ཅག་གི་སྤྱོད་ཡུལ་མ་ཡིན་མོད་ཅིང་། རྒྱུད་འགྲེལ་མང་པོའི་རབ་འབྱམས་སྨྲ་བར་ཞལ་གྱིས་བཞེས་པ་དག་ཀྱང་། གྱི་ལིང་ཞར་བའི་འགྲོས་ལྟར་ཕྱོགས་རེར་ཅུང་ཟད་འཁྱོག་པ་མང་བར་གདའ་བས་ན་རྨོངས་རྒན་བདག་འདྲ་བས་ཡིག་ཆ་རེ་རེ་གཉིས་གཉིས་ལ་བལྟས་པས་བླུན་ཚོད་འདིར་བྲིས་པའི་དགོས་པ་གང་ཡང་མ་མཆིས་ཤིང་། སྐལ་བཟང་དགའ་བྱེད་དུ་ཚོགས་བརྒྱད་ཀྱི་རྩའི་དབུས་མ་གསུམ་ཆོས་ཉིད་ཀྱི་རྩ་ཞེས་པ་དེ་ཡང་རྩའི་གཙོ་བོ་གསུམ་ལས་གཞན་ནི་མ་ལགས་ཀྱང་། བརྗོད་བྱ་གམ་མ་གཙང་བས་ཉིད་ཀྱི་དགོངས་པར་འབྱོར་དཀའ་བ་ཤིན་ཏུ་ནས་ཐུགས་བདེན་ལ། དེ་དག་གི་སྐབས་ཀྱི་འགྲོ་བ་དྲུག་གི་གནས་སྦྱོང་གི་ཡི་གེ་དང་སྐུ་གསུམ་གྱི་སྙིང་པོ་སོགས་ཀྱི་འཆད་ཚུལ་དེ་ཡང་ལུགས་གཅིག་ཁོ་ནའི་འཆད་ལུགས་ཡིན་པ་མ་གཏོགས། གཞན་ལ་དེ་དང་མི་མཐུན་

― TR004_Page_0386 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་འཆད་ཚུལ་མཐའ་ཡས་པ་གཞུང་སོ་སོར་ཡོད་ཕྱིར་མཐའ་གཅིག་ཏུ་འཛིན་རྒྱུ་ནི་མ་ལགས་སོ།། ༈ །།ནཱ་ཊི་དབུ་མར་རེངས་པ་ཞེས་གསུངས་པའི་ནཱ་ཊི་དེ་སྲོག་གི་རླུང་ཡིན་ཤས་ཆེ་ཡང་། སྐད་དོད་ཀྱི་ཡིག་ཆ་བྱེ་བྲག་རྟོགས་བྱེད་སོགས་སུ་ནི་མ་མཐོང་ལ། ལར་ཡང་། གསང་སྔགས་ཀྱི་མཐའ་དྲུག་ཚུལ་བཞིས་བཅིངས་པའི་མིང་འདི་འདྲའི་མཐའ། ཁྲིམས་ཁང་ལོ་ཆེན་སོགས་ཀྱི་གསུང་སྒྲོས་སུ་ནཱ་ཊི་སྲོག་གི་རླུང་ལ་ངོས་འཛིན་པར་མཛོད། ཆོད་པར་དཀའ་བ་དང་།། ༈ །།ལོག་པ་དང་རེངས་པ་གཉིས་གཅིག་གམ་ཐ་དད་གསུངས་པ། སྤྱིར་ནི་རླུང་གི་གནད་མ་འཆུན་པའི་གེགས་སྐྱོན་ཀུན་ལ་རླུང་ལོག་ཅེས་པར་གྲགས་མོད་ཀྱང་། བྱེ་བྲག་ཏུ་ནི་མི་གཅིག་པར་གསུངས་ཏེ། རླུང་ལོག་པ་ནི་རྒྱུ་བའི་ལམ་དེ་ལས་གོ་ཟློག་པའམ། གནས་མིན་གྱི་ལམ་དུ་ཤོར་བ་ཡིན་ལ། རེངས་པ་ནི། དཔེར་ན་དགུན་གྱི་ཚེ་བུམ་པ་ལ་སོགས་པའི་སྣོད་ཀྱི་ཆུ་མཁྲེགས་

― TR004_Page_0387 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་སུ་མི་རུང་ཞིང་སྣོད་ཀྱང་ཆུ་ཟོས་སུ་འགྱུར་བ་ལྟ་བུ་ལ་འཇུག་པ་སྟེ། ལོག་རེངས་གཉིས་ཀྱི་གེགས་སེལ་ཡང་ཐ་དད་དུ་གདའ་ལགས་མོད།། ༈ །།རྩ་བཅུ་པོའི་མིང་དང་དངོས་འཛིན་སོགས་རྒྱུད་གཞན་ནས་གསུངས་པ་དང་། དུས་འཁོར་ནས་སེར་སྐྱ་ཕྲ་མོ་ལུས་སྲོག་གི་མིང་དོན་ཕན་ཚུན་སྦྱོར་དཀའ་བར་སྣང་གསུངས་པ་དེ་ནི། རང་འགྲེལ་ཉིད་ལས་ཅུང་ཟད་ཞིབ་པ་ཙམ་ངོ་ཁྲོའི་འགྲེལ་པར་དྲི་མེད་འོད་ཀྱི་ལུང་དང་བཅས་ཏེ་སྣང་བས་དེར་གཟིགས་པ་ཞུ་ཞིང་། གཞན་ཡང་། ལས་དང་ཡེ་ཤེས་ཀྱི་རླུང་གི་འགྲོ་ལྡོག་དང་ལོ་གསུམ་ཕྱོགས་གསུམ་གྱི་རྣམ་གཞག །མཉམ་དང་མི་མཉམ་པའི་ཁྱིམ་གྱི་ཕོ་འཇུག །ཕྱི་ནང་གཉིས་ཀྱི་ཉི་ཟླར། ཨོ་རྒྱན་རིན་པོ་ཆེའི་གསུངས་ལས་ནི། རྒྱུད་སྡེ་སྤྱི་ཁྱབ་ནས་ལས་དང་ཡེ་ཤེས་ཀྱི་རླུང་གིས་འགྱུ་གྲངས་དང་འཕོ་སོགས་ངེས་ངེས་པོར་བཤད་པའི་རིགས་རྣམས། གང་ཟག་གི་ཁྱད་ཀྱིས་ངེས་རྟགས་མི་འབྱུང་བར་གསུངས་སོ། །སྒྲ་གཅན་གྱི་འཇུག་ཚུལ་སོགས་

― TR004_Page_0388 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་རྣམ་དབྱེ་ཞིབ་པ་གཅིག་བགྱིས་ན་ཕྲལ་ཡུན་གྱི་བློ་གསལ་མང་པོར་ཕན་པར་འགྱུར་ཚུལ་གྱིས་བཀའ་ཕེབས་པའི་ཆ་ལ། སྤྱིར། བདག་ཐོགས་མ་ནས་ཤེས་རབ་ཀྱི་སྟོབས་སྩལ་དམན་ཞིང་ཐོས་བསམ་གྱི་བསགས་པ་དང་མི་ལྡན། དགོས་སུ་གསང་སྔགས་གསར་མའི་གཞུང་ལུགས་དང་དུས་འཁོར་རྒྱུད་འགྲེལ་སོགས་ལ་འགྲིས་གོམས་ཆུང་བ་དང་། ནང་དོན་ཡང་བཀླག་ལུང་ཙམ་ལས་གཞན་པའི་འགྲེལ་བཤད་བཞིན་ནི་མ་ཐོབ་པ་དང་། ལྷོ་བྲག་སྲས་མཁར་སོགས་སུ་བསྡད་སྐབས་ཀྱང་། སྐྱབས་གནས་དེ་ཉིད་བདག་འདྲར་ཐུགས་རྗེས་གཟིགས་ཚུལ་ནི་གཞན་དང་མི་འདྲ་བ་ཞིག་ཡོད་ཅིང་། དེ་སྐབས་ཕྱག་ཕྱིར་ཡང་མདོ་སྔགས་ཀྱི་ཆོས་ལ་དབང་འབྱོར་བའི་མཁས་གྲུབ་ཚར་དུ་དངར་བ་གདའ་ནའང་། རང་ཉིད་བསོད་ནམས་དམན་ཏེ་དགོན་ཆུང་རྣམས་ཀྱི་གཉེར་ཁུང་རང་ཐོག་ཏུ་གལ་བའི་རྐྱེན་གྱིས། ཞབས་ཕྱིར་ཡུན་དུ་སྡོད་དབང་མ་བྱུང་བས་ཐོས་བསམ་གྱིས་ཡལ་འདབ་མ་རྒྱས་

― TR004_Page_0389 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ངང་ནས་ལང་ཚོའི་མེ་ཏོག་ཡོལ་བ་ཞིག་བྱུང་བའི་རྒྱུ་ལས། བཀའ་ཕེབས་པའི་གནད་དོན་འདི་དག་སྨྲ་བའི་ནུས་པས་དབེན་ཕྱིར། དེས་ན་སྐུ་ཉིད་ནང་དོན་གྱི་བདག་པོར་སྣང་བས་མི་མཁྱེན་མི་གཟིགས་པའི་ཆ་ཙམ་མི་འབྱུང་མོད་ལ། སྤྱིར་ཡང་། གཙུག་ལག་འཕྲེང་བའི་གསུང་ལས་ནི། ནང་དོན་གྱིས་འབྲེལ་པ་ཕྱིས་བྱུང་བ་ལ་ནི་མཁས་གྲུབ་དྭགས་རམ་པ་ཆོས་རྒྱལ། བསྟན་པས་མཛད་པ་དེ་ལས་ལེགས་པ་མི་འདུག་ཅེས་གསུངས་པ་སྣང་ཀྱང་བདག་གིས་ནི་ཕྱི་རྟིང་ལས་མ་མཇལ། ངོ་ཁྲོ་འགྲེལ་ཆེན་ནི་རྒྱུའི་ཐེག་པའི་བཤད་པ་རྒྱ་ཆེར་གནང་བ་ཙམ་ལས། གཞུང་དོན་ཉིད་ནི་རང་འགྲེལ་ལས་ཞིབ་པ་ཞིག་གནང་ཡོད་མདོག་མི་ཁ་བར་སེམས་ལགས་པ་དང་།། ༈ །།རྙིང་མའི་ལུགས་ལ་ནི། སློབ་དཔོན་རིན་པོ་ཆེས་གསུངས་པའི་གཏེར་ཆོས་ཕལ་ཆེར་དུ་རྩ་ཐིག་རླུང་གསུམ་གྱིས་གདམས་པ་རྒྱས་བསྡུས་བསམ་མི་ཁྱབ་པ་

― TR004_Page_0390 ―

^{[མ་དཔེ་གཟིགས་ན་འདིར་གནོན།]}

[Full Size]

མཆིས་པའི་ནང་ནས། རང་ཉིད་ཀྱིས་མཐོང་བ་ལ་ནི་བླ་མ་དགོངས་པ་འདུས་པའི་ནང་གི་ལམ་འབྲས་ཆེན་མོ་རྩ་རླུང་རྡོ་རྗེ་དྲ་མིག་གི་ཆོས་སྐོར་ཉིད་ཁོ་ན་ལེགས་པར་གོ་ཞིང་། དེའི་དངོས་པོའི་གནས་ལུགས་འཆད་པའི་སྐབས་རྣམས་ནི་ཡང་དགོན་པའི་སྦས་བཤད་དང་ཤིན་ཏུ་མཐུན་པར་ཡོད་པ་དང་། གཞན་ཡང་། ཡང་དགོན་པའི་རི་ཆོས་ཞེས་དིང་སང་འབྲུག་ལུགས་སོགས་ལ་རླུང་ལྟར་གྲགས་པ་དེ་ཡང་། མངའ་བདག་མྱང་གི་གཏེར་ཆོས་ཀྱི་ཁྲོད་ན། པདྨ་ལམ་རིམ་ཞེས་པ་དེ་དང་ཞུས་དག་ཕེར་ལ་ཁད་དུ་ཡོད་ཚེ། དེས་ན་ཨོ་རྒྱན་སྤྲུལ་པ་ཡང་དགོན་རྒྱལ་བ་འབྱུང་། ཞེས་ལུང་བསྟན་འགའ་ལ་འདུག་པ་དེ་ཡང་ཤིན་ཏུ་བདེན་ནམ་ཞེས་རང་ཉིད་ཁོ་ན་སེམས་ལགས། ཅེས་འཕྲོས་དོན་དུ་གསོལ་བ་དང་།། ༈ །།སྙིང་པོའི་གསོལ་འབྲས་བདག་འཚོ་ནི་གསར་རྙིང་གི་ཁྲིད་སྐོར་གང་ཞུས་རྣམས་ཀྱི་ཞར་ལས་འོངས་པའི་ཐབ་ལམ་གྱི་རིགས་མང་ཞིག་ཐོབ་ཐོབ་དུ་བགྲང་བ་ཙམ་ལས། བློའི་

― TR004_Page_0391 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོད་ཡུལ་ནི་རྫོགས་ཆེན་སྐོར་གྱི་མན་ངག་རྣམས་ལས་འབྱུང་བ་ལྟར། རྩ་ཐམས་ཅད་ཀྱི་ཡེ་ཤེས་ཀྱི་རྩ་ཆོས་དབྱིངས་སྤྲོས་བྲལ། རླུང་ཐམས་ཅད་ཡེ་ཤེས་ཀྱི་རླུང་རིམ་པ་རང་གསལ། ཐིག་ལེ་ཐམས་ཅད་བདེ་ཆེན་ཡེ་ཤེས་ཀྱི་ཐིག་ལེ་མ་བཅོས་ཁྱབ་གདལ་ཆེན་པོར་འདུས་པའི་ཉམས་ལེན་གཅིག་པུར་དྲིལ་ཁུས་ཙམ་ལས་གཞན་པའི་ཉམས་མྱོང་གི་དབེན་ཕྱིར། མར་པ་ནས་རྒྱུད་པའི་རྫོགས་རིམ་རླུང་སེམས་དབྱེར་མེད་ཀྱི་རྩ་བའི་ཟབ་གནད། སྐྱེ་མེད་རླུང་སེམས་དབྱེར་མེད་དུ་གྲགས་པའི་དགོངས་པ་ཡང་འདི་ཀ་ལགས་མོད། ནང་དོན་སོགས་ཀྱིས་དགོངས་འགྲེལ་རྒྱས་པར་འབུལ་བའི་ནུས་པ་མ་མཆིས་ལགས།། ༈ །།ཡང་འཕོ་བའི་སྐབས་དོན་གྱིས་དྲི་བ་གནང་བའི་ཆར། ཕ་རོལ་པོའི་ལུས་དང་རང་ལུས་གཉིས་ཀ་ལྷར་གསལ་དགོས་སམ་མི་དགོས་གསུངས་པ་ནི། སྤྱིར་འཕོ་བའི་གདམས་པ་ཡང་ལུགས་མི་འདྲ་བ་ཤིན་ཏུ་མང་ཕྱིར། རང་ཉིད་གང་གི་ལུགས་ལ་གོམས་དེ་ཀ་དང་མཐུན་པར་བྱེད་དགོས་པར་གཞིར་

― TR004_Page_0392 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས་ལ། རང་ལུས་ལྷར་བསྒོམ་ན་བྱིན་རླབས་ཆེ་བར་ཡོད་ཤས་ཆེ་ཡང་། འདི་སྐབས་ངེས་པར་བསྒོམ་དགོས་པ་རུ་ནི་མ་གསུངས། ཕ་རོལ་པོ་ཡང་བསྐྱེད་རིམ་སོགས་གོ་རྟོགས་འཕྲོད་པ་ཞིག་ཡིན་པའམ། ཁྱད་པར་སྔར་ནས་སྐྱེད་རིམ་གྱི་འཕོ་བ་བྱང་བ་ཞིག་ཡིན་ན་མ་གཏོགས། གཞན་དེ་སྐབས་ལྷར་གསལ་བ་སོགས་ཀྱི་དམིགས་པ་མང་ན་མི་ཟིན་པས་དོན་མི་འགྲུབ་ཚེ། ལུས་སྟོང་རའི་ནང་དུ་དབུ་མ་ཡང་འདི་སྐབས་རག་དུང་གྱེན་ལ་བསྟན་པ་ལྟ་བུ་ཙམ་ལ་བསྡུ་བ་མ་གཏོགས་རླུང་སོགས་བསྒོམ་དུས་ཀྱི་དམིགས་པ་ལྟར་དབུ་མ་མཚན་ཉིད་བཞི་ལྡན་སོགས་ཀྱི་ཞིབ་ཆ་མང་པོ་ནི་དེ་དུས་རང་དབང་མི་འདུ་བས། དམིགས་པ་མདོར་བསྡུ་བ་ཞིག་ཁོ་ན་གལ་ཆེ་བ། ཁོའི་རྣམ་ཤེས་ཀྱི་ངོ་བོ་ཡང་གཞུང་སོ་སོའི་ཁྱད་ཀྱིས་ལྷ་སྐུ། ཡིག་འབྲུ་ཕྱག་མཚན། འོད་ཀྱི་ཐིག་ལེ་སོགས་བསྒོམ་ཚུལ་སྣ་ཚོགས་འབྱུང་མོད་ཀྱི། ཕ་རོལ་པོ་ཡི་གེ་མི་ཤེས་མཁན་ཡིན་

― TR004_Page_0393 ―

^{[མ་དཔེ་གཟིགས་ན་འདིར་གནོན།]}

[Full Size]

ན་ནི་ཧཱུྃ་སོགས་ཡིག་འབྲུའི་དམིགས་པ་ནི་སྤྲོད་ཐབས་ཀྱང་མི་འབྱུང་བས་གཞན་གང་འཐད་ཙམ་དང་། གཙོ་བོར་འདི་ནི་རྣམ་ཤེས་འཐོན་པའི་སྒོ་ཁ་ནས་ཁྱད་པར་དུ་བྱེད་པ་ཡིན་ཕྱིར། ཁྱེད་རང་གི་རིག་པ་སྤྱི་གཙུག་ཁོ་ནར་གཏོད། ཟེར་བ་ཙམ་གྱིས་ནི་ཁྱད་པར་ཆེ་བར་ཡོད་པར་གསུངས་ཤིང་། ཁོ་རང་གང་ལ་མོས་པའི་བླ་མ་དེ་ཉིད་སྤྱི་བོར་བསྒོམ་དུ་བཅུག་ནས་མོས་གུས་གདུང་ཤུགས་ཀྱིས་དེའི་ཐུགས་ཀར་སེམས་རྩེ་གཅིག་ཏུ་གཏད་དུ་བཅུག་ལ། རང་གིས་ཀྱང་གསལ་འདེབས་དང་སྨོན་ལམ་གཟུངས་སྔགས་བྱིན་རླབས་ཅན་དང་སངས་རྒྱས་ཀྱི་མཚན་བསྒྲགས་པ་སོགས་ཁོའི་མགོ་ཕྱོགས་ནས་གསལ་དག་སྙན་པས་བྱ་ཞིང་། སྤྱི་གཙུག་ལས་གཞན་པའི་ཁྱད་པར་སྨད་ཕྱོགས་ལ་མི་རེག་པར་བྱ་བ་ནི་ཐམས་ཅད་ལ་གལ་ཆེ་བར་གསུངས་པས། དུད་འགྲོ་ཡན་ཆོད་ལ་ཡང་དེ་ཙམ་གྱིས་ཀྱང་ཕན་པར་བཤད་ཡོད། རྣམ་ཤེས་སྤར་རྗེས་སྐྱེད་རིམ་བསྡུ་

― TR004_Page_0394 ―

^{[མ་དཔེ་གཟིགས་ན་འདིར་གནོན།]}

[Full Size]

བ་སོགས་ནི་དགོས་པའི་གནས་མེད་དོ། །རང་ཉིད་ནི་ཕ་རོལ་པོ་ལ་དམིགས་པ་སྤྲོ་མཁན་དང་ཁོའི་བསྒོམ་མཁན་བྱེད་པ་ལྟ་བུ་ཙམ་མ་གཏོགས་རང་ལུས་ལ་བསྒོམ་རྒྱུ་མིན་ཚེ་མཉམ་དུ་འཕོ་བའམ་ཚེ་ལ་གཟན་པ་སོགས་ཀྱི་དོགས་པ་མེད་ལགས་ཞིང་། འཕོ་བ་འདེབས་པའི་ཉེ་སྐོར་དུ་གཉེན་འཁོར་སོགས་སུ་བྱུང་བྱུང་ཚོགས་ན་སྔགས་ཀྱི་གསང་སྒྲོགས་སུ་ཡང་ལོས་འགྱུར་མོད་ལ། གཞན་ཡང་དེར་ཡོད་རྣམས་ཀྱི་མྱ་ངན་དང་ངུ་འབོད་སོགས་ཀྱིས་ནི་དམིགས་ཡུལ་དེ་ལ་གནོད་ཚབ་རབ་ཏུ་ཆེ་ཚེ་དེ་འདྲའི་རིགས་ཉེ་བསྐོར་གྱི་ཕྱོགས་ཙམ་དུ་ཡང་མེད་པར་བྱེད་པ་ནི་གལ་པོ་ཆེར་སྣང་ངོ་། །ལར་ནས་རྣམ་ཤེས་སྤྱི་བོར་འཐོན་ཐབ་ཙམ་མ་གཏོགས། འཕོ་བ་ཚུལ་ལྡན་ཐེབ་པར་བྱེད་པ་ལ་སྔར་ནས་སྦྱངས་སྦྱངས་པ་དང་། དམིགས་པ་སོགས་ལ་གོ་རྟོགས་ཡོད་མཁན་དང་དམ་ཚིག་མ་ཉམས་པ་ཞིག་མ་གཏོགས། ཐ་མལ་པ་ཀུན་གྱིས་ཡོང་བར་མ་གསུངས་ཀྱང་། དིང་སང་གསང་སྔགས་འཆལ་པའི་

― TR004_Page_0395 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་གིས་སྐྱེ་བོ་ཕལ་པ་ཤི་ཚད་ལ་འཕོ་བའི་དམིགས་པ་འདེབས་པ་འདི་བཞིན་དར་སྣང་ཡང་། དོན་ཚུལ་བཞིན་འགྲུབ་པ་ནི་མ་ཐོས་ལ། འདེབས་པའི་དུས་མཚམས་ཡང་། ཕྱི་དབུགས་ཆད་ནས་ནང་དབུགས་མ་ཆད་པའི་བར་དེར་གདབ་དགོས་པར་གསུངས་ན། དིང་སང་ནི་ཕུང་པོ་ལ་བཟོ་བཅོས་ཐུག་རག་མང་དུ་བྱས་རྗེས་འཕོ་བ་འདེབས་མོད་ཀྱང་། ཕུང་པོ་བསྒུལ་སྐྱོད་བྱས་ན་རྣམ་ཤེས་འཐོན་འགྲོ་བས། སླར་འཕོ་བ་བཏབ་པའི་དོན་མ་མཆིས་ལགས་ཚེ། གང་ལྟར་དིང་སང་གི་ཕྱག་ལེན་ཅི་ལ་བལྟས་ཀྱང་ཆོས་ཀྱི་གཞུང་ནས་གསུངས་པ་དང་མཐུན་པ་ཞིག་རང་གཞན་སུ་ལའང་དཀོན་པར་ཟད་དོ། །ཡང་འཕོ་བ་སྦྱངས་བའི་རིགས་ལ་ནི། ལ་ལར་རླུང་བུམ་ཅན་རབ་འབྲིང་ཐ་གསུམ་གང་རུང་མི་ནུས་ན་མི་སྦྱོངས་པར་བཤད་འདུག་ཀྱང་། དེའི་ངེས་པ་ནི་མི་སྣང་སྟེ། རྙིང་ལུགས་ཀྱི་འཕོ་བའི་ཁྲིད་རྣམས་སུ་རླུང་ཅི་ཡང་མེད་པས་ཀྱང་འཕོ་བ་རྟགས་ཐོན་

― TR004_Page_0396 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེ་ཚངས་སྦུབ་ཏུ་འཇག་མ་ཚུགས་པ་ནི་ཞག་གསུམ་བཞི་ལས་ཕྱིར་མི་འགྱངས་པར་འདུག་ལགས་པ་ནི་མངོན་སུམ་ཚད་གྲུབ་སྟེ། དམིགས་པའི་ཟབ་གནད་ཀྱི་ནུས་པ་ཡིན་པར་གོ།། ༈ །།ཡང་། ཐུགས་དམ་རྫོགས་རིམ་ཀྱིས་སྐབས་ཀྱི་འཕྲོས་དོན་དུ། མར་པའི་མགུར་ཆེན་གྱི་ནང་གི། རྩ་བ་ཁྱིམ་ན་གནས་པ་ཞེས་སོགས་ཀྱི་དགོངས་དོན་ནི་ཉིད་རང་གིས་གང་གསུངས་པ་དེ་ཀར་འདུག་ཅིང་། ཀུན་གཞིའི་སྐབས་འདི་ལ། མདོ་ལུགས་དང་བྱམས་ཆོས་སོགས་སུ་བདེ་གཤེགས་སྙིང་པོའི་རྣམ་བཤད་ཀྱི་སྐབས་སུ། ཇི་སྐད་དུ། སྙིང་པོ་དེ་ལ་ཀུན་གཞིའི་སྒྲས། །དེ་བཞིན་གཤེགས་པས་བསྟན་པར་མཛད། །སྙིང་པོ་ཀུན་གཞིར་བསྒྲགས་པའི་དོན། །བློ་དམན་རྣམས་ཀྱི་མི་ཤེས་སོ། །ཅེས་སོགས་དང་། རྫོགས་ཆེན་རྣམས་སུ་ནི་ཀུན་གཞི་ལ་ཡང་། ཡེ་དོན་གྱི་ཀུན་གཞི། སྦྱོར་བ་དོན་གྱིས་ཀུན་གཞི། བག་ཆགས་སྣ་ཚོགས་ཀྱི་ཀུན་གཞི་སོགས་དབྱེ་མོད་ཀྱང་། ཕྱག་ཆེན་གྱི་སྐབས་འདིར་ནི་སྤྲོ་མི་འཚལ་ཞིང་།

― TR004_Page_0397 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིད་ཀྱི་རྣམ་ཤེས་བཙོན་དུ་བཟུང་བ་ནི་འཁྲུལ་པ་ཨ་འཐས་སུ་མི་འཆོར་བར་བྱ་བ་སྟེ། བཙོན་དུ་བཟུང་རྒྱུ་དང་བཟུང་མཁན་ཐ་དད་གཉིས་སུ་ཡོད་པ་ནི་མ་ལགས་ཚེ། རང་ངོ་ཤེས་པར་བྱ་བ་ཉིད་དང་། ཚིག་འོག་མ་གཉིས་ཀྱི་དོན་ནི། ཉིད་ཀྱི་གསུངས་པ་ལྟར། རང་ངོ་ཤེས་པ་དེ་ལས་ལྷག་པ་སླར་བཅོས་མའི་སྒོམ་རྒྱུ་མེད་པའི་དོན་དུ་སྣང་ལ། སྤྱི་སྡོམས་ལྟར་ན། སྟོང་ཉིད་སྙིང་རྗེ་དབྱེར་མེད་པ་སོགས་ཤོ་ལོ་ཀ་གཅིག་གིས་ལྟ་བའི་དོན་བཤད། རྩ་བ་ཁྱིམ་ན་གནས་པ་སོགས་ནས་ཚིག་རྐང་བརྒྱད་ཀྱི་སྒོམ་ཚུལ་བཤད། དེ་མཐོང་ནས་ནི་སོགས་ཚིག་དྲུག་གིས་སྤྱོད་པ་བཤད། འཁོར་བ་སྐྱོན་དུ་མི་ལྟ་ཞིང་སོགས་ཀྱི་འབྲས་བུའི་དོན་བཤད་པར་གདའ་ལགས་ཤིང་། དེ་ཐམས་ཅད་ཀྱི་རྩ་བའི་གནད་ནི། ཐ་མལ་ཤེས་པ་རང་ལུགས་དེ། མ་བཅོས་སོ་མ་ཉིད་དུ་ཞོག །ཅེས་གསུང་པ། འདི་ལས་ལྷག་པའི་སྒོམ་ནི་ཕྱག་རྫོགས་ཞི་བྱེད་གཅོད་ཡུལ་སྦྱོར་དྲུག་སོགས་གང་ནས་ཀྱང་མ་གསུངས་སོ། །

― TR004_Page_0398 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་། ལྷག་མཐོང་གི་མིང་འདི་ཅུང་གོ་དཀའ་བ་དང་། ཡིད་ལ་མི་བྱེད་པ་འདི་གོ་བདེ་བར་གདའ། གསུངས་པ་ནི། ཞི་ལྷག་གི་མིང་འདི་ནི་སྤྱིར་མདོ་སྔགས་གཉིས་ཀའི་ཆོས་སྐད་ཡིན་པ་དང་། ཁྱད་པར་སྔགས་ཀྱི་སྒོམ་ཕྱོགས་མཐའ་དག་ནས་གསུངས་མོད་ལ། བྱེད་ལས་ནི། ཞི་གནས་ཀྱིས་ནི་ཉོན་མོངས་མགོ་གནོན་ལ། ལྷག་མཐོང་གིས་ནི་ཉོན་མོངས་རྩ་བ་འབྱིན། ཅེས་པ་ལྟར་དང་། ལྷག་མཐོང་གི་དབྱེ་བ་གསུམ་བཤད་པ་སོགས་སྒོམ་གྱི་གཞུང་ཐམས་ཅད་ནས་རྒྱས་པར་འབྱུང་མོད་གྱི། ལྷག་མཐོང་རང་གི་ངོ་བོ་མཛུབ་ཚུགས་སུ་ངོས་འཛིན་ན། ད་ལྟའི་ཤེས་པ་བརྗེན་པ་འདི་ཀ་ཡིན་ཕྱིར། མཉམ་པར་གཞག་མི་གཞག །ཞི་བར་གནས་མི་གནས། རྟོགས་པར་འགྱུས་མ་འགྱུས་སོགས་ཚོར་མཁན་ནམ་རིག་མཁན་འདི་ཀ་ལ་ལྷག་མཐོང་ཟེར་བ་ལགས།། ༈ །།ཡིད་ལ་མི་བྱེད་པ་ཅེས་པའི་སྐད་དོད་ལ། ཨ་མ་ན་སི་ཀ་ར་ཞེས་བྱ་བ་སྟེ། མཻ་ཏྲི་པ་ནས་རྒྱ་གར་

― TR004_Page_0399 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་ན་དང་། བལ་པོ་ཨ་སུ་སོགས་ལ་བརྒྱུད་པའི་ཆོས་སྐོར་རྣམས་ཡིན་ཞིང་། རྫོགས་ཆེན་སེམས་སྡེ་བ་རྣམས་དང་ཕྱོགས་མཚུངས་པར་ཅུང་ཟད་སྟོང་ཆ་ཆེ་བར་བཤད་པ་དང་། རྗེ་མི་ལས་རོང་སྟོན་ལྷ་དགའ་ལ་རྫོགས་ཆེན་གསན་པ་ཡང་སེམས་སྡེའི་རིགས་ཡིན་པས། གྲུབ་མཐའ་གཞན་རྣམས་ཀྱིས་ནི་ཆད་ལྟ་ཡིན་པ་ཙམ་དུ་འཛིན་ཅིང་། རྫོགས་ཆེན་གོང་མ་རྣམས་ལས་ཀྱང་འདི་ཕྱོགས་ལ་སྟོང་ཞེན་གྱི་གོལ་ས་ཅུང་ཟད་བཤད་ཅིང་། དེང་སང་ནི་རྫོགས་ཆེན་སེམས་ཕྱོགས་འདི་ནུབ་ནས་མི་སྣང་ལ། གང་ལྟར། ཕྱག་ཆེན་གྱི་ཡིད་ལ་མི་བྱེད་པ་འདི་དང་། ཉེ་ཚེ་བའི་སྟོང་པ་གཉིས་ནོར་དོགས་འདུག་གསུངས་པ་ཐུགས་བདེན་ཏེ། ཅི་ཡང་ཡིད་ལ་མི་བྱེད་དོ་སྙམ་ན་ནི། དེ་ཀ་ཡིད་བྱེད་ཆེ་ཤོས་སུ་འགྱུར་ལ། ཡིད་ལ་བྱེད་མི་བྱེད་གཉིས་ཀ་མ་དྲན་ན་ནི་ཉེ་ཚེ་བའི་སྟོང་པའམ་དྲན་མེད་ཀྱི་གཏི་མུག་ཏུ་འགྱུར་བ་སྟེ། དེ་གཉིས་གང་ཡང་ཕྱག་ཆེན་དུ་མི་འགྲོ་བས།། ༈ །།འོ་ན་གང་ཡིན་

― TR004_Page_0400 ―

^{[མ་དཔེ་གཟིགས་ན་འདིར་གནོན།]}

[Full Size]

ན། བློས་བྱས་ཀྱི་ཡིད་བྱེད་རྣམ་རྟོག་རང་ག་མའམ། མཚན་བཅས་ཀྱི་དམིགས་པའི་རིགས་སོགས་མདོར་ན་ཡིད་ཀྱིས་བཅོས་མ་བྱེད་དགོས་པའི་རིགས་ཐམས་ཅད་དོར་ཏེ། ཐ་མལ་གྱི་ཤེས་པའི་བབས་གང་ཤར་དེ་ཀའི་ངང་ལ་འཇོག་པ་ཉིད་ལགས་སོ།། ༈ །།ཡང་། ཧྭ་ཤང་གི་སྒོམ་གཉིད་ཐུག་པོ་ལྟ་བུ་དང་། ནང་དོན་སོགས་ཀྱི་གཉིད་སྟུག་ཆོས་སྐུར་གསུངས་པ་དེ་གཉིས་ཀྱི་ཁྱད་པར་གང་ཡིན་གསུངས་པ་ལ། དེ་ནི་སྔོན་བསྟན་པ་སྔ་དར་གྱིས་མཇུག་ཏུ། མཁན་སློབ་ཆོས་གསུམ་སོགས་མ་བཞུགས་པའི་སྐབས་དེར། ཧྭ་ཤང་མ་ཧཱ་ཡཱ་ནས་སྒོམ་དཀར་པོ་གཅིག་ཐུབ་ཡིན་ཟེར་བའི། དྲན་མེད་ཉི་ཚེ་བའི་སྟོང་པ་བསྒོམ་ལུགས་བསླབ་སྟེ། རྒྱུ་འབྲས་བླང་དོར་བཀག་པས། དེའི་རྗེས་འབྲངས་མང་པོར་གྱུར་ནས་བསྟན་པ་དངོས་ལ་གནོད་ཅིང་སྟོན་མིན་རྩེན་མིན་དུ་གྱེས་ནས་བསྟན་པའི་སེལ་དུ་གྱུར་སྐབས་དེར། སློབ་དཔོན་ཀ་མ་ཤཱི་ལ་གདན་དྲངས་ནས་ཧཱ་ཤང་བཏུལ་ཞིང་སྒོམ་

― TR004_Page_0401 ―

^{[མ་དཔེ་གཟིགས་ན་འདིར་གནོན།]}

[Full Size]

རིམ་རྣམ་གསུམ་གྱིས་བསྟན་བཅོས་མཛད་པ་སོགས་ཀྱི་ལོ་རྒྱུས་ནས་བྱུང་བ་ལྟར། ཧྭ་ཤང་གི་སྒོམ་དེ་ནི་དྲན་མེད་ཧད་པོ་ལ་སྒོམ་དངོས་གཞིར་འདོད་པ་ནི་ཕྱག་རྫོགས་ཀྱི་གསལ་རིགས་སྟོང་གསུམ་ཟུང་འཇུག་ལམ་དུ་འཁྱེར་བ་འདི་དང་རྒྱབ་འགལ་དུ་གྱུར་ལ།། ༈ །།གཉིད་ཐུག་ཆོས་སྐུར་བཤད་པའི་སྐབས་ཀྱི་ཆོས་སྐད་ནི། གསང་སྔགས་སུ་གཞི་སེམས་ཅན། ལམ་རྣལ་འབྱོར། འབྲས་བུ་སངས་རྒྱས་དང་བཅས་པ་ནམ་གྱི་ཚེ་ཡང་སྐུ་བཞིའི་ངོ་བོ་ལས་མ་འདས་པར་གསུངས་པའི་ནང་ཚན་གྱི། གཉིད་ཐུག་ཆོས་སྐུ། རྨི་ལམ་ལོངས་སྐུ། སད་པ་སྤྲུལ་སྐུ། སྙོམས་འཇུག་བདེ་བ་ཆེན་པོའི་སྐུ་སྟེ། གནས་སྐབས་བཞི་དང་སྐུ་བཞི་སྦྱར་བ་ཡིན་ཚེ། རྒྱུའམ་གཞི་ལ་དེ་ལྟར་ཡོད་པ་མངོན་དུ་བྱེད་པ་ལ་ཉམས་ལེན་གྱི་གནད་རྣམས་དགོས་ཕྱིར། གཉིད་ཆོས་སྐུར་བྱེད་ཐབས་འོད་གསལ། རྨི་ལམ་ལོངས་སྐུར་བྱེད་པ་སྒྱུ་ལུས། སད་པ་སྤྲུལ་སྐུར་བྱེད་པ་བསྐྱེད་རྫོགས། སྙོམས་

― TR004_Page_0402 ―

^{[མ་དཔེ་གཟིགས་ན་འདིར་གནོན།]}

[Full Size]

འཇུག་བདེ་ཆེན་དུ་བྱེད་པ་གཏུམ་མོ་རྣམས་གསུངས་པ་ལགས་མོད། ཡང་བྱམས་སྨོན་ནས་གསུངས་པའི་ཏིང་འཛིན་རྣམ་པ་གསུམ་གྱི་དྲི་བ་གནང་བའི་ཆ་ལ། སྤྱིར་སངས་རྒྱས་བྱང་སེམས་སོགས་ཏིང་འཛིན་མངོན་གྱུར་རྣམས་ལ་ནི་ཏིང་འཛིན་གཅིག་གི་ངང་ནས་ཏིང་འཛིན་བརྒྱ་སྟོང་མང་པོའི་སྒོ་འབྱེད་པའི་ཕྱིར། རྒྱལ་བའི་ཡུམ་ལས་གསུངས་པ་ལྟར་ཏིང་འཛིན་གྱི་རྣམ་གྲངས་མཐའ་ཡས་མོད་ལ། སྐབས་འདིར་འཕྲོས་དོན་ལ། ཆོས་རྒྱལ་ཁྲི་སྲོང་གི་དུས་སུ། སློབ་དཔོན་སངས་རྒྱས་གསང་བ་གངས་ཏི་སེར་བྱོན་ཚེ། བོད་ལ་གདན་འདྲེན་དུ་བཏང་བས། ཁོ་བོ་བོད་ལ་ཕན་ཐོགས་མི་ཐོགས་ཡི་དམ་ལྷ་ལ་འདྲི་དགོས་གསུངས་ནས། མཚོ་མ་ཕམ་ལ་གསང་འདུས་ཀྱི་དཀྱིལ་འཁོར་སྤྲུལ་ནས། ལྷ་ཐམས་ཅད་ནུབ་ཏུ་ཞལ་གཟིགས་པ་བྱུང་བ་ན། ཁོ་བོ་བོད་དུ་འགྲོ་བའི་རྟེན་འབྲེལ་མི་འདུག་གསུངས་ནས་རྒྱལ་པོ་ལ་ཆོས་ཀྱི་སྐྱེས་བརྫངས་ཏེ་རྒྱ་གར་དུ་བྱོན་པའི་ལོ་རྒྱུས་འདི་ལ། ཕྱིས་སུ་རྗེ་འཇིག་རྟེན་མགོན་པོའི་གསུངས་ནས། ཁོ་བོ་

― TR004_Page_0403 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན་ན་དེ་དུས་ལྷ་དེ་རྣམས་ཀྱི་ཞལ་བོད་དུ་བསྒྱུར་བ་ལ་དཀའ་ཚེགས་མི་འོང་སྟེ། ཏིང་འཛིན་ཐུན་གཅིག་གིས་ཆོག་གསུངས་པ་ཡང་ཐུགས་བདེན་མོད། ཏིང་འཛིན་གཅིག་ལ་རང་དབང་ཐོབ་ན་ཏིང་འཛིན་ཐམས་ཅད་ཐོགས་པ་མི་འབྱུང་ལ། འོན་ཀྱང་སངས་རྒྱས་གསང་བ་ཡང་དཀྱིལ་འཁོར་སྤྲུལ་ཐུབ་པ་ལ་ཞལ་ཁ་བསྒྱུར་མ་ཐུབ་པར་ལུས་དོགས་མེད་ཀྱང་། གདུལ་བྱའི་བསྐལ་བ་རྟེན་འབྲེལ་དུ་བསྟན་པར་གོར་མ་ཆགས་མོད།། ༈ །།དེས་ན་སྐབས་དོན་གྱི་ཏིང་འཛིན་གསུམ་པོ་འདིའི་རྡོ་རྗེ་ལྟ་བུའི་ཏིང་འཛིན་ནི་མདོ་ལུགས་སུ་ས་ཆུ་རྒྱུན་མཐའི་ཡེ་ཤེས་དེ་ཡིན་པར་གསུངས་ནའང་། ཡེ་ཤེས་དེ་ཉིད་གང་ལ་ཟེར་ན། ཐར་རྒྱན་དུ་རྗེ་མི་ལྷའི་གསུང་ལུང་དུ་དྲངས་ཏེ། ཡེ་ཤེས་བྱ་བ་ཡང་ད་ལྟར་གྱི་ཤེས་པ་བཟོ་བཅོས་མ་ཕོག་པ་འདི་ལ། ཡོད་མེད་རྟག་ཆད་སོགས་ཀྱི་ཚིག་དང་བློ་ལས་འདས་པ་འདི་རང་ཡིན་ནོ། །ཞེས་གསུངས་པ། ཏིང་འཛིན་ཐམས་ཅད་ཀྱི་རྩ་བ་ནི་འདི་གཅིག་པུར་འདུས་གདའ་བ་དང་། སྒྱུ་མ་ལྟ་བུའི་ཏིང་འཛིན་ནི་འཁོར་

― TR004_Page_0404 ―

^{[མ་དཔེ་གཟིགས་ན་འདིར་གནོན།]}

[Full Size]

འདས་ཀྱི་ཆོས་ཐམས་ཅད་གང་ལྟར་སྣང་ཡང་བདེན་འཛིན་དང་བྲལ་བ་དང་། དཔའ་བར་འགྲོ་བ་ནི་དེ་ལྟ་བུའི་ངང་ནས་སྙིང་རྗེས་སེམས་ཅན་གྱི་དོན་ལ་སྐྱོ་བའམ་ངལ་དུབ་ཀྱི་དབང་དུ་མི་འགྱུར་བའམ་གཞན་གྱིས་གནོད་པ་དང་ལོག་སྒྲུབ་སོགས་ཀྱིས་མི་བརྫི་བ་སྟེ། དེ་ལྟར་འཆད་ཚུལ་འདི་ནི་ཐུན་མོངས་བའི་ལུགས་ཡིན་ལ།། ༈ །།ཐུན་མོང་མ་ཡིན་པ་སྔགས་ཀྱི་ལུགས་ལྟར་ན། པདྨ་སྙིང་གུར་བརྩེགས་པའི་རྒྱུད་ལས། དཔའ་བར་འགྲོ་བ་སྣོད་བཅུད་ལྷར་བལྟ་ཞིང་། །སྒྱུ་མ་ལྟ་བུས་སྒྲ་རྣམས་ཆོས་ཀྱི་དབྱངས། །རྡོ་རྗེ་ལྟ་བུ་རང་རིག་དོན་དམ་ངང་། །ཏིང་འཛིན་གསུམ་ལས་རྒྱུན་དུ་གཡོ་མི་བྱ། ཞེས་ཁྱེར་སོ་གསུམ་ལ་སྦྱོར་བ་དང་།། ༈ །།ཡང་རྙིང་ལུགས་ཀྱིས་ལས་གཞུང་རྣམས་སུ་ནི། །གསུམ་པོ་འདི་ལ་མིང་གི་རྣམ་གྲངས་སུ། དེ་བཞིན་ཉིད་ཀྱི་ཏིང་འཛིན། ཀུན་ཏུ་སྣང་བའི་ཏིང་འཛིན་རྒྱུའི་ཏིང་འཛིན་དང་གསུམ་དུ་མཛད་དེ། གུ་རུའི་ལས་བྱང་རྣམས་སུ། དང་པོར་ཆོས་རྣམས་དམིགས་མེད་ཅིང་། །སྨྲ་བརྗོད་བྲལ་བའི་རྫོགས་པ་ཆེ། །བློ་འདས་ཆོས་

― TR004_Page_0405 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་མི་འགྱུར་ན། །དེ་བཞིན་ཉིད་ཀྱི་ཏིང་འཛིན་སྒོམ། །ཅེས་པ་ནི་རྡོ་རྗེ་ལྟ་བུའི་ཏིང་འཛིན་ཡིན་ལ། །བློ་བྲལ་དེ་ཡི་ངང་ལས་ནི། །སེམས་ཅན་ཀུན་ལ་ཁྱབ་པ་ཡི། །བརྩེ་བའི་སྙིང་རྗེ་ཆེན་པོ་བསྒོམ། ཞེས། །ཀུན་སྣང་སྒྱུ་མ་ལྟ་བུ་དང་། །སྟོང་ཉིད་སྙིང་རྗེའི་ངང་ཅན་གྱི། །འགྲོ་དོན་དཔག་མེད་བྱེད་པའི་ཕྱིར། །རང་རིག་ཧྲཱིཿལས་རྡོ་རྗེར་སྒོམ། ཞེས། དཔའ་བར་འགྲོ་བ་རྒྱུའི་ཏིང་འཛིན་གྱི་སྒོ་ནས་སྣོད་བཅུད་ལྷའི་དཀྱིལ་འཁོར་སྐྱེད་ཚུལ་རྣམས་འབྱུང་སྟེ། འདི་ལྟར་རྙིང་མའི་ལས་གཞུང་མཐའ་དག་ཏུ་ཚིག་དང་ལྷའི་རྣམ་པ་ཐ་དད་ཀྱང་དོན་གྱི་གསལ་འདེབས་ཏིང་འཛིན་གསུམ་འདི་ཐམས་ཅད་ལ་གཅིག་པར་ཡོད་དོ།། ༈ །།ཡང་ཁྱད་པར་ཕྱག་རྒྱ་ཆེན་པོའི་སྐབས་སུ་ནི། ཏིང་འཛིན་འདི་རྣམས་སྦྱོར་ལམ་དང་རྣལ་འབྱོར་བཞི་ལ་སྦྱར་བའི་ཚུལ་ནི། གསང་བ་བསམ་གྱིས་མི་ཁྱབ་པའི་རྒྱུད་ལས། སེང་གེའི་རྣམ་པར་བསྒྱིངས་པའི་ཏིང་འཛིན་གྱིས། མི་གཡོ་རྩེ་གཅིག་དངས་པའི་ཤེས་པ་གསལ། །རང་རིག་ཡེ་ཤེས་ཁོང་ནས་སད་པ་

― TR004_Page_0406 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད། །བཟོད་པ་བརྟན་པོས་ངན་སོང་སྡུག་བསྔལ་སྤོང་། །གཉིས་པ་ལྟ་བུའི་ཏིང་འཛིན་གྱིས། །སྤྲོས་དང་བྲལ་བའི་མཉམ་བཞག་ཆེན་པོ་ལས། །བསམ་གྱིས་མི་ཁྱབ་ཏིང་འཛིན་སྩལ་དུ་ཤར། །དྲོད་ཐོབ་ནས་ནི་སྐྱེ་ལ་དབང་བ་ཡིན། །གསུམ་པ་དཔའ་བར་འགྲོ་བའི་ཏིང་འཛིན་གྱིས། །དུ་མ་རོ་གཅིག་ས་བཅུའི་རྟོགས་པ་ཤར། །དུས་གསུམ་རྒྱལ་བའི་སྲས་པོ་གཞན་དོན་མཛད། །རྩེ་མོ་ཐོབ་ནས་འཕེལ་བ་རྒྱུན་མི་འཆད། །བཞི་པ་རྡོ་རྗེ་ལྟ་བུའི་ཏིང་འཛིན་གྱིས། །བསྒོམ་དུ་མེད་པའི་ཉམས་ལེན་བརྩོན་པ་ལས། །མཁྱེན་པའི་ཡེ་ཤེས་སངས་རྒྱས་ཞིང་ཁམས་མཐོང་། །མ་བཙལ་ལྷུན་གྲུབ་ཆོས་མཆོག་ཆེན་པོའི་ངང་། །ཞེས་གསུངས་པ་སྟེ། ཏིང་འཛིན་འདི་གསུམ་ལ། ཏིང་འཛིན་གྱི་སྒོ་ཐམས་ཅད་འདུ་ཞིང་། དེ་གསུམ་ཡང་རྡོ་རྗེ་ལྟ་བུ་ལ་འདུས་པ་དང་། དེ་ནི་མངོན་དུ་གྱུར་མ་གྱུར་གྱི་ཁྱད་ཙམ་ལས། ས་བཅུའི་རྒྱུན་མཐའི་དེ་དང་། སངས་རྒྱས་ཀྱི་མཁྱེན་པ་གཉིས་ལྡན་གྱི་ཡེ་ཤེས་དེ་དང་། ད་ལྟའི་ཐ་མལ་ཤེས་པ་བཟོ་མེད་དུ་འཇོག་པ་

― TR004_Page_0407 ―

^{[མ་དཔེ་གཟིགས་ན་འདིར་གནོན།]}

[Full Size]

འདི་དང་གསུམ་པོ་ངོ་བོ་ཁྱད་མེད་ཚུལ་ནི། གོང་དུ་མི་ལའི་གསུང་དེས་གོ་མོད་ལ།། ༈ །།ཉིད་ཀྱིས་འདི་ཤེས་རབ་ཀྱི་སྨོན་ལམ་དུ་དགོས་མདོག་ཁ་ཡང་། བསམ་གཏན་དུ་བྱུང་གསུངས་པ་ནི། ཤེས་རབ་ཀྱི་དོན་དེ་རྟོགས་པའི་ཐབས་ནི་བསམ་གཏན་ཡིན་པ་ལ་དགོངས་པར་གོའོ། ཡང་། ཟུང་འཇུག་ཡན་ལག་བདུན་ལྡན་ཞེས་པའི་འདྲེན་ཚུལ་གང་ཡིན་གསུངས་པ། འདི་ནི་གསར་མ་རང་ལ་གྲགས་ཆེ་བས་དགོངས་པར་ལོས་བཞུགས་མོད་ཀྱིས། འདི་ལ་འབྲས་བུའི་ཡན་ལག་བདུན་དང་། རྒྱུའི་ཡན་ལག་བདུན་ཏེ་གཉིས་ཡོད་པ་ལས།། ༈ །།འབྲས་བུའི་བདུན་ནི། འོག་མིན་གྱི་གནས་སུ་དག་པའི་འཁོར་འབའ་ཤིག་ལ་ཟབ་གསལ་གྱི་ཆོས་འཁོར་ལ་རྟག་ཏུ་ལོངས་སྤྱོད་པས་ན། ལོངས་སྤྱོད་ཀྱི་ཡན་ལག ༡ །མཚན་རྫོགས་ལོངས་སྐུ་རང་འོད་ཀྱི་ཡུམ་དང་འདུ་འབྲལ་མེད་པ། ཁ་སྦྱོར་གྱི་ཡན་ལག ༢ ཟག་མེད་ཡེ་ཤེས་ཀྱི་བདེ་བ་རྒྱུན་ཆད་མེད་པས། བདེ་ཆེན་གྱི་ཡན་ལག ༣ དམིགས་

― TR004_Page_0408 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་ཐུགས་རྗེ་མཁའ་ལྟར་ཁྱབ་པས། སྙིང་རྗེས་གང་བའི་ཡན་ལག ༤ ཕྲིན་ལས་འཁོར་བའི་མཐའ་སྙམ་དུ་འབྱུང་བ། རྒྱུན་མི་འཆད་པའི་ཡན་ལག ༥ ཞི་བའི་མཐའ་ལ་མི་གནས་པ། འགོག་པ་མེད་པའི་ཡན་ལག ༦ སྟོང་ཉིད་སྙིང་རྗེ་ཟུང་འཇུག་གི་རང་བཞིན་སྤྲོས་པའི་མཐའ་ལས་འདས་པ་ནི་རང་བཞིན་མེད་པའི་ཡན་ལག ༧ དེ་ལྟར་སྐུ་གསུམ་དབྱེར་མེད་ཀྱི་ཆེ་བའི་ཡོན་ཏན་བདུན་དུ་འདྲེན་ལ།། ༈ །།གཉིས་པ་འབྲས་བུ་དེ་ལྟ་བུ་འགྲུབ་བྱེད་རྒྱུའི་ཡན་ལག་བདུན་ནི། ཟུང་འཇུག་གི་ལམ་ཉམས་བླང་བྱའི་དོན་གྱི་ཡེ་ཤེས་དེ་ཉིད་ལ་ཡོད་མེད་རྟག་ཆད་གཉིས་འཛིན་གྱི་མཚན་མའི་མཐའ་དང་བྲལ་བས་རང་བཞིན་མེད་པའི་ཡན་ལག་དང་། ༡ །ཕྱི་ནང་བདག་གཞན་ཐབས་ཤེས་དབྱིངས་དང་ཡེ་ཤེས་སོགས་གཉིས་ཆོས་ཐམས་ཅད་ཟུང་འཇུག་ཏུ་གདོད་ནས་ལྷུན་གྱིས་གྲུབ་པར་ཤེས་པ་ནི་ཁ་སྦྱོར་གྱི་ཡན་ལག ༢ བདེ་སྡུག་ཚ་གྲང་སོགས་སུ་བཏགས་པའི་ཚོར་བ་ཐམས་ཅད་ལྷན་སྐྱེས་བདེ་ཆེན་གྱི་ངོ་བོར་རྟོགས་པ་ནི་བདེ་བ་ཆེན་པོའི་ཡན་ལག ༣

― TR004_Page_0409 ―

^{[མ་དཔེ་གཟིགས་ན་འདིར་གནོན།]}

[Full Size]

འདོད་ཡོན་ལྔ་སོགས་ཡུལ་དང་དངོས་པོར་སྣང་བ་བཟང་ངན་ཐམས་ཅད་རོ་མཉམ་བདུད་རྩི་ཆེན་པོར་ལོངས་སྤྱོད་པ་ནི་ལོངས་སྤྱོད་ཀྱི་ཡན་ལག ༤ དེ་ལྟར་མ་རྟོགས་པའི་འགྲོ་ལ་རིས་མེད་ཕན་པ་བསྒྲུབ་པར་གོ་ཆ་བགོ་བ་ནི་སྙིང་རྗེས་གང་བའི་ཡན་ལག ༥ དེ་ལྟ་བུའི་བརྩོན་པ་རྒྱུན་མི་འཆད་པར་རིམ་གཉིས་ཀྱི་ཉམས་ལེན་ཟབ་མོ་གཞན་དོན་དུ་འབད་པ་ནི་རྒྱུན་ཆད་མེད་པའི་ཡན་ལག ༦ དེ་ལྟ་བུ་ལ་ཁེངས་རློམས་དང་བདག་ལྟ་སོགས་ཀྱི་དྲི་མས་མ་གོས་པར་འཁོར་གསུམ་ཡོངས་དག་ཆེན་པོར་སྤྱོད་པ་ནི་འགོག་པ་མེད་པའི་ཡན་ལག་སྟེ། ༧ དེ་ལྟར་བདུན་ལྡན་ལ་བརྟེན་པས། འབྲས་བུའི་ཡན་ལག་བདུན་པོ་གེགས་མེད་དུ་འགྲུབ་པར་གསུངས་སོ། །དེ་ནས་ཡང་རྡོ་རྗེ་ཐེག་པ་ཉམས་སུ་ལེན་པའི་རྟེན་གཞི་སོ་སོར་ཐར་པའི་སྡོམས་པ་ངེས་པར་དགོས་མི་དགོས་ཀྱི་དྲི་བ་དང་། ཞར་ལ། ཇོ་བོའི་ལམ་སྒྲོན་གྱི་ལུང་། སོ་སོ་ཐར་པ་རིགས་བདུན་གྱི། ཞེས་སོགས་ཀྱི་དགོངས་

― TR004_Page_0410 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལྟར་བྱང་སྡོམས་ཀྱི་རྟེན་དུ་སོ་ཐར་དགོས་མི་དགོས་སོགས་གསུངས་པའི་ཆར།། ༈ །།སྤྱིར་ནི། རྒྱལ་བའི་བསྟན་པའི་གཞི་མ་འདུལ་བ་ཡིན་པ་དང་། དེའི་བསླབ་པ་ཐམས་ཅད་ཀྱི་རྩ་བ་ནི། ཉེས་སྤྱོད་སྡོམས་པ། དགེ་བ་ཆོས་སྡུད་པ། སེམས་ཅན་དོན་བྱེད་དང་གསུམ་དུ་འདུ་ལ། དེ་གསུམ་ནི་བྱང་སྡོམས་དང་སྔགས་སྡོམས་གཉིས་ཀའི་དོན་གྱི་རྩ་བ་ཡིན་ཕྱིར་དང་། སོ་ཐར་ནི་གཞན་ལ་གནོད་པ་སྤོང་བ། བྱང་སྡོམས་ནི་ཕན་པ་བསྒྲུབ་པ། སྔགས་སུ་ནི་དག་སྣང་ལམ་འཁྱེར་ཡིན་ཕྱིར་གནོད་པ་མ་སྤངས་པར་གཞན་གཉིས་ནམ་ཡང་མི་འགྲུབ་པ་དང་། གཞན་ཡང་། སྔགས་ལམ་ཉམས་སུ་ལེན་པའི་རྟེན་ནི་རབ་དགེ་སློང་། འབྲིང་དགེ་ཚུལ། ཐ་མ་ཁྱིམ་པ་དགེ་བསྙེན་དུ་གསུངས་པ་དང་། ཡང་ས་ཐོབ་མ་གཏོགས་ཁྱིམ་པ་ཡིས། །བླ་མའི་མིང་དུ་མི་བྱའོ། །ཞེས་པས། ཡེ་ཤེས་ཀྱི་རྒན་པ་ཡིན་ན་མ་གཏོགས་སྔགས་ཀྱི་སྡོམས་ལྡན་ཁྱིམ་པའི་ཆ་བྱད་ནི་རབ་

― TR004_Page_0411 ―

^{[མ་དཔེ་གཟིགས་ན་འདིར་གནོན།]}

[Full Size]

བྱུང་གི་གྲལ་གོང་དང་ཕྱག་དང་བསྙེན་བཀུར་སོགས་སྤང་དགོས་ཚུལ་དང་། མ་སྤངས་ན་རྒྱལ་བའི་བསྟན་པ་དང་། དཀོན་མཆོག་གསུམ་ལ་བརྙས་པར་འགྱུར་ཚུལ་སོགས་དུ་མ་འབྱུང་ཕྱིར། དེས་ན་སྔགས་ཀྱི་སྡོམས་པའི་རྟེན་དུ་འོག་མ་རྣམས་ཚང་བར་ཡོད་ན་གསུམ་ལྡན་རྡོ་རྗེ་འཛིན་པ་ཞེས་མཆོག་ཏུ་གྱུར་བར་གསུངས་མོད་ལ། བྱང་སྡོམས་ཀྱི་རྟེན་དུ་ཡང་སོ་ཐར་ཡོད་ན་མཆོག་ཏུ་ལེགས་ཤིང་། དབུ་སེམས་གཉིས་བཞེད་པ་དང་མཐུན་པར་འགྱུར་མོད་ཀྱི། འོན་ཀྱང་གོང་གི་ལམ་སྒྲོན་གྱི་ལུང་དེ་ནི་བྱམས་མགོན་ཐོགས་མེད་སྐུ་མཆེད་ལས་བརྒྱུད་པའི་སེམས་ཙམ་གྱི་བཞེད་པ་ཡིན་ལ། འཇམ་དབྱངས་ཀླུ་སྒྲུབ་ཡབ་སྲས་ནས་བརྒྱུད་པ་དབུ་མའི་ལུགས་ལ་ནི། སྐྱབས་སྡོམས་ལ་རྟེན་པས་ཀྱང་རུང་བ་དང་། ལྷ་ལ་སོགས་པ་ཡང་བྱང་སྡོམས་ཀྱི་གང་ཟག་སྣོད་རུང་དུ་གསུངས་པ་ལྟར་ལགས་མོད།། ༈ །།དམིགས་གསལ་གྱི་སྐབས་དོན་ལ། སྔགས་ཀྱི་རྟེན་དུ་

― TR004_Page_0412 ―

^{[མ་དཔེ་གཟིགས་ན་འདིར་གནོན།]}

[Full Size]

སོ་ཐར་གྱི་རབ་བྱུང་ཁོ་ན་ངེས་པར་དགོས་པ་ནི་མ་ལགས་ཏེ། རྒྱ་གར་དུ་ཨིཎྜ་བོ་དྷི་དང་རྒྱལ་པོ་ཛ་དང་རབ་གསལ་ཟླ་བ་སོགས་མཐའ་ཡས་པ་དང་། དུས་འཁོར་ཆོས་རྒྱལ་རིགས་ལྡན་ཐམས་ཅད་དང་། བོད་ཡུལ་དུ་མེས་དབོན་རྣམ་གསུམ་སོགས་དང་། གཞན་ཡང་མར་མི་ཡབ་སྲས་རྣམས་དང་། ས་སྐྱའི་དཀར་པོ་རྣམས་གསུམ་སོགས་དང་། །རྙིང་མའི་གྲུབ་ཐོབ་ཕལ་ཆེར་དང་། གཡུ་ཐོག་མགོན་པོ་སོགས་མདོར་ན་ཁྱིམ་པའི་ཚུལ་གྱི་སྔགས་ཀྱི་གྲུབ་ཐོབ་ནི་བསམ་གྱིས་མི་ཁྱབ་པའི། ཨོ་རྒྱན་གྱི་ལུང་བསྟན་དག་ལས་ཀྱང་། གྲངས་ཀྱི་བསྟན་པ་སྡེ་བན་རྒྱས་ན་ཡང་། །གྲུབ་ཐོབ་རྟོགས་ལྡན་སྔགས་པ་སྒོམ་ཆེན་མང་། །ཞེས་དང་། དགེ་འདུན་གྱི་སྡེ་ཚོགས་གྲངས་མང་པོར་འབྱུང་ཡང་། གྲུབ་པ་བརྙེས་པ་ནི། སྔགས་འཆང་དང་སྒོམ་ཆེན་རྣམས་ལས་མང་བར་གསུངས་ཤིང་།། ༈ །།ཅི་འདོན་སོ་ཐར་སྔགས་ཀྱི་གཞི་རྟེན་ཡིན་ན། རབ་བྱུང་མ་ཡིན་པ་དེ་དག་ཅིའི་ཕྱིར་སྔགས་འགྲུབ་ཅེ་ན། དེ་དག་

― TR004_Page_0413 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟར་སྣང་དུ་འདུལ་བ་ཁོ་ནའི་རྟགས་དང་ཆོ་ག་མ་བླངས་པ་ཙམ་མ་གཏོགས། དོན་གྱི་སྡོམས་པ་གསུམ་ལྡན་ཡང་དག་པ་ཡིན་ཏེ། དབང་གི་སྐབས་སུ། ཚུལ་ཁྲིམས་ཀྱིས་ནི་བསླབ་པ་དང་། །ཅེས་སོགས་མཐའ་དག་ཐོབ་པའི་ཕྱིར་ཏེ། སྒྱུ་འཕྲུལ་དྲ་བ་ལས། བླ་མེད་མཆོག་གི་སྡོམས་པ་རུ། །འདུལ་བའི་དབང་གི་སྡོམས་པ་དང་། །བྱང་ཆུབ་སེམས་དཔའི་བསླབ་པ་སོགས། མ་ལུས་ཀུན་འདུས་རྣམ་པར་དག ཅེས་གསུངས་པ་ལྟར་ཡིན་ལ།། ༈ །།འོ་ན་ཇོ་བོ་རྗེ་དང་། འཇིག་རྟེན་གསུམ་མགོན་དང་། གཙང་པ་རྒྱ་རས་སོགས་སྐྱེས་ཆེན་མང་པོ་སྔགས་ཀྱི་གྲུབ་པ་བརྙེས་ནས་ཀྱང་སླར་བསྙེན་པར་རྫོགས་ཚུལ་བསྟན་པ་ཅི་ཡིན་སྙམ་ན། དེ་དག་ནི་རང་དོན་མངོན་དུ་གྱུར་ཀྱང་གདུལ་བྱ་ཐུན་མོངས་མང་པོ་ཐེག་པ་རིམ་འཇུག་གི་ལམ་ལ་ཁྲིད་ནས་བསྟན་པའི་བྱ་བ་རྒྱ་ཆེར་བསྒྲུབ་པའི་སླད་དུ་བླ་མ་དང་ལྷ་ཡི་ལུང་བསྟན་པ་ལ་བརྟེན་ནས་དེ་ལྟར་མཛད་པ་ཡིན་གྱིས། གསང་སྔགས་ཀྱི་

― TR004_Page_0414 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་སྒོ་མ་ཆོད་པར་སོ་ཐར་ལ་འཇུག་པ་ནི་མ་ཡིན་ནོ། །ཡང་སོ་ཐར་གྱི་སྡོམས་བསྲུང་མ་ནུས་པས་གསང་སྔགས་པ་ཡིན་པར་རློམས་པའི་རྩིང་སྤྱོད་པ་རྣམས་ནི་མདོ་སྔགས་གཉིས་ཀར་མི་རུང་སྟེ། སྔགས་གསར་མའི་དམ་ཚིག་གི་སྐབས་ཀྱི་བརྟུལ་ཞུགས་ཉེར་ལྔའི་ཐོག་མ་ནི་རྩ་བཞི་ཆང་དང་ལྔ་ཡིན་ཕྱིར་དང་། རྙིང་མའི་སྐུ་གསུང་ཐུགས་ཀྱི་དམ་ཚིག་གི་ཉེར་བདུན་གྱི་ནང་ཚན་ཀྱང་དེ་དག་ཡིན་ཕྱིར། བྱེ་བྲག་གཞན་རྣམས་ཕར་ཞོག །རྩ་བ་བཞི་པོ་མ་བསྲུང་བ་དེ་ནི་འདུལ་བ་ཙམ་དུ་མ་ཟད་སྔགས་ཀྱི་དམ་ཉམས་སུ་འགྱུར་བ། ཉིད་དེ་འཇམ་དཔལ་རྩ་རྒྱུད་ལས། ཚུལ་ཁྲིམས་འཆལ་པས་སྔགས་འགྲུབ་པར། །རྒྱལ་བ་རྣམས་ཀྱིས་མ་གསུངས་ཏེ། །མྱ་ངན་འདས་འགྲོར་འགྱུར་བ་ཡི། །ཡུལ་དང་ཕྱོགས་མཚམས་མ་ཡིན་ནོ། །ཅེས་གསུངས་ཤིང་། ཡང་། དེ་ལྟར་དབང་གསུམ་པ་སོགས་སྦྱོར་སྒྲོལ་གྱི་ལམ་རྣམས་ཅི་ཡིན་ཞེ་ན། གསང་སྔགས་པ་སྤྱི་ལ་ནི་དེ་རྣམས་སྒྲ་ཇི་བཞིན་མ་ཡིན་པའི་ཚིག་ཏུ་གསུངས་

― TR004_Page_0415 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཡིན་ཏེ། དགོངས་པ་ལུང་སྟོན་གྱི་རྒྱུད་ལས། མ་བྱིན་ལེན་ནི་བྱང་ཆུབ་སེམས། །ཀུན་རྫོབ་སྟོན་ལ་རྫུན་དུ་བརྗོད། །ཕུང་པོ་སྲོག་ཆགས་གསོད་པའི་ཚིག །ཚང་པའི་གནས་བཞི་བུད་མེད་ཅེས། །དགོངས་པ་ཡིས་ནི་བཤད་པ་ལ། །བྱིས་པ་རྣམས་ཀྱིས་ཡི་གེར་འཁྲུལ། །རྡོ་རྗེ་ཐེག་པར་གནས་འདོད་ཀྱང་། །ཆོས་ཉིད་དེ་ཡིས་མི་ཤེས་སོ། །ཞེས་གསུངས་པ་ལྟར། དེ་ཡང་གང་ཟག་ཁྱད་པར་བ་ཡུལ་དང་ཡུལ་ཅན་ཐ་དད་དུ་འཛིན་པའི་བློ་དང་ཞེན་པ་ཟད་དེ་རྟོགས་པ་མངོན་དུ་གྱུར་པ་དག་ལ་ནི་སྒྲ་ཇི་བཞིན་པར་སྤྱད་དུ་རུང་བ་སྟེ། ཡེ་ཤེས་རྒྱས་པའི་རྒྱུད་ལས། ཇི་ལྟར་སྒྱུ་མའི་མཁན་པོ་དག །རང་གིས་སྤྲུལ་པའི་སྒྱུ་མ་ལ། །དགེ་དང་མི་དགེའི་འདུས་བྱས་ཀྱང་། །ཉེས་པ་གང་གིས་མི་གོས་ལྟར། །ཐབས་ལ་མཁས་པས་དེ་བཞིན་སྤྱད། །ཅེས་གསུངས་ཤིང་། འདི་ལྟ་བུ་ཡང་མདོ་སྔགས་གཉིས་ཀ་དགོངས་པ་མཐུན་ཏེ། ཏིང་འཛིན་རྒྱལ་པོའི་མདོར། ངོ་བོ་ཉིད་

― TR004_Page_0416 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོང་རང་བཞིན་འོད་གསལ་བ། །བདག་མེད་ཆོས་རྣམས་དེ་ཡིས་རྣམ་རིག་ན། །དེ་ལ་ནམ་ཡང་སྡོམ་པ་མེད་མི་འགྱུར། །ཞེས་དང་། །འདུལ་བ་ཉིད་ནས་ཀྱང་ཇི་སྐད་དུ། རབ་ཏུ་བྱུང་བ་དེ་ལྟ་བུ་ལ་ནི་ཀརྵ་པཱ་ཎི་སྟོང་རི་བའི་གོས་དང་། མི་ལྔ་བརྒྱ་ཤོང་བའི་ཙནྡ་གྱི་ཁང་བརྩེགས་དང་། རོ་བརྒྱ་དང་ལྡན་པའི་ཟས་རྣམས་ཀྱང་རྗེས་སུ་གནང་ངོ་། །ཞེས་དང་། གཞན་ཡང་། རྒྱན་གྱིས་བརྒྱན་པར་བྱས་ཀྱང་ཆོས་སྤྱོད་ཅིང་། །སོགས་ནས། དགེ་སློང་དགེ་སྦྱོང་དེ་ཡིན་བྲམ་ཟེའང་དེ། །ཞེས་སོགས་ཀྱིས་གོ་མོད་ཀྱང་། དེ་ལྟ་བུའི་ནུས་ལྡན་ནི་དིང་སང་དཀོན་པར་ཟད་དོ། །དེའི་ཕྱིར་ན། རང་རང་གི་རྒྱུད་ཚོད་དམ། ནུས་པ་དང་མཐུན་པའི་སྤྱོད་པ་གལ་ཆེ་བ་དང་། དེ་ལྟར་ཤེས་ན་གོང་གི་དམ་སྡོམས་ཀུན་ཀྱང་རང་རྒྱུད་ལ་ཡོངས་རྫོགས་སུ་འབྱུང་བ་ལགས།། ༈ །།ཡང་སོ་ཐར་གྱི་སྡོམས་པ་འདི་ཟ་མ་དང་མ་ནིང་ལྷ་དང་གསུམ་ལ་མི་སྐྱེ་བའི་རྒྱུ་གང་ཡིན་པ་དང་། བརྒྱ་བྱིན་ནི་ས་གསུམ་པའི་བྱང་སེམས་སུ་གསུངས་ན། སྡོམས་པ་མི་སྐྱེ་བའི་ལྷ་

― TR004_Page_0417 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་གང་ཡིན་པ་སོགས་དྲི་བ་གནང་བ་ལ།། ༈ །།དེ་ཡང་སྡོམས་པའི་རྩ་བའི་གནད་དོན་ནི། མདོ་སྔགས་དགོངས་པ་གཅིག་པ་ཡིན་ཕྱིར། འདུལ་བ་ནས་སྤང་བྱར་བཤད་པའི་ཉེས་སྤྱོད་རྣམས་གསང་སྔགས་ནས་ཐབས་ཀྱིས་མ་ཟིན་པར་རང་གར་སྤྱད་ཆོག་པ་ནི་ནམ་དུ་ཡང་མ་གསུངས་ཕྱིར། མི་ཚངས་སྤྱོད་སྡོམས་ཀྱི་དབང་དུ་བགྱི་ན། འདུལ་བ་ནི་ཆགས་ཡུལ་དང་ཆགས་སྤྱོད་སྤོང་བ་ཡིན་ལ། གསང་སྔགས་སུ་སྤྱོད་ཀྱང་ཆགས་པའི་དྲི་མས་མ་གོས་པར་བྱ་བ་ཡིན་ཚེ། དེ་གཉིས་ཀ་ཐ་མལ་རང་གའི་ཆགས་པའི་སྐྱོན་གྱིས་མ་གོས་པར་མཚུངས་པ་སྟེ། དེས་ན་འདུལ་བའི་སྐབས་སུ་ཆགས་སྤྱོད་ཀྱི་ནུས་པ་ཡོད་བཞིན་མི་སྤྱོད་པ་དེ་ལ་ཚངས་པར་སྤྱོད་པ་ཞེས་བྱ་ལ། སྤྱོད་པའི་ནུས་པ་མེད་ན་སྤོང་བ་དང་བསྲུང་བའི་ཕན་ཡོན་འོངས་དོན་མེད་པ་ལ་དགོངས་ནས། མ་ནིང་སོགས་ལ་སྣོད་མིན་དུ་གསུངས་ཤིང་། མ་ནིང་ལ་དབྱེ་ན་རིགས་བཅུ་བཞིར་བགྲང་མོད་ཀྱང་

― TR004_Page_0418 ―

^{[མ་དཔེ་གཟིགས་ན་འདིར་གནོན།]}

[Full Size]

བསྡུ་ན་ཕོ་མོའི་དབང་པོ་དོན་བྱེད་ནུས་པ་དང་མི་ལྡན་པ་ལ་འཇུག་ཅིང་། ཟ་མ་ནི་སྤྱིར་མ་ནིང་བཅུ་བཞིའི་ནང་མཚན་དུ་འདུ་ཡང་།། ༈ །།དམིགས་བསལ་དུ། ཕོའི་འབྲས་བུ་བཅད་པ་ལ་འཇུག་པ་སྟེ། རྒྱ་གར་རྒྱ་ནག་སོགས་སུ་བཙུན་མོ་བསྲུང་མཁན་དང་། གཡོག་རྣམས་ལ་འབྲས་བུ་ཕྱུངས་ནས་དེ་ལ་ཉུག་རུམ་པ་ཞེས་འབོད་པ་ལྟ་བུ་ཟ་མ་ཞེས་བྱ་བ་དང་། དེའི་ཞར་ལ། དགེ་ཚུལ་ལ་ལོ་བདུན་དང་། བསྙེན་རྫོགས་སུ་ཉི་ཤུ་ལོན་དགོས་པ་དང་། བར་ཆད་དྲི་བའི་ཚེ་ཡང་། ལོ་བཅོ་ལྔ་མ་ལོན་པ་མ་ཡིན་ནམ། ལོ་བཅོ་ལྔ་ལོན་པ་བྱ་རོག་སྐྲོད་མི་ནུས་པ་མ་ཡིན་ནམ། ཞེས་པ་ཡང་། ཆགས་སྤྱོད་ཀྱི་ནུས་པ་རྫོགས་མ་རྫོགས་ལ་དགོངས་པར་གསུངས་སོ།། ༈ །།ལྷ་དང་སྒྲ་མི་སྙན་དང་། མི་མ་ཡིན་རྣམས་ལ་སྡོམས་པ་མི་སྐྱེ་བ་ནི། སོ་ཐར་ནི་ངེས་འབྱུང་ལ་བརྟེན་དགོས་ནི། ལྷ་དང་སྒྲ་མི་སྙན་སོགས་གནས་སྐབས་སུ་རང་གི་བསོད་ནམས་ཀྱི་ལོངས་སྤྱོད་དང་ཚེ་སོགས་

― TR004_Page_0419 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱོར་པ་རྒྱ་ཆེ་བས་ངེས་འབྱུང་གི་བློ་མི་སྐྱེ་བ་དང་། ཉོན་མོངས་རག་པ་མངོན་གྱུར་ཀྱང་ཆེར་མེད་པས་སྡོམས་པར་བྱ་བའི་རྒྱུ་མ་ཚང་བ་ཡིན་ལ། ཚངས་པ་དང་བརྒྱ་བྱིན་སོགས་ཐུབ་པའི་ཞབས་པད་ལ་བསྟེན་ཞིང་བྱང་ཆུབ་སེམས་དཔའ་ཡིན་ནའང་སོ་ཐར་གྱི་དགེ་སློང་མ་ཡིན་ནོ། དེ་ནས་ཡང་། གནས་བརྟན་བཅུ་དྲུག་གི་ལོ་རྒྱུས་སྐོར་གྱི་ཞིབ་ཆའི་དྲི་བ་གནང་བའི་ཆར། བདག་གིས་གནས་བཅུའི་ཆོ་ག་དང་རྗེས་གནང་གི་རིགས་སོགས་རྙིང་ལུགས་དང་། བཀའ་གདམས་ལུགས་སོགས་འགའ་ཞིག་ཐོབ་ནའང་། ལོ་རྒྱུས་ཀྱི་རིགས་ནི་དགེ་བའི་བཤེས་གཉེན་གྱི་རྟོགས་བརྗོད་ལས་བྱུང་བ་ལྟར། ཉིད་ཀྱི་གསུངས་པ་དེ་ལས་ཞིབ་པ་ཅིག་མ་མཐོང་ཞིང་། དེ་ཀའི་ལུགས་ནས་གནས་བརྟན་རྣམས་ཀྱི་མཚན་དང་བཞུགས་གནས་དང་དགྲ་བཅོམ་གྱི་གྲངས་སོགས་དེང་སང་གི་ཡོངས་གྲགས་དང་ཅུང་ཟད་མི་འདྲ་བ་བྱུང་ལ། སློབ་དཔོན་རིན་པོ་ཆེའི་གསུངས་ལས་བྱུང་བའི་གཏེར་ཆོས་ཀྱི་གཞུང་རྣམས་དང་

― TR004_Page_0420 ―

^{[མ་དཔེ་གཟིགས་ན་འདིར་གནོན།]}

[Full Size]

དིང་སང་ཆོས་རྒྱུད་ཐམས་ཅད་ཀྱི་ཚོགས་འདོན་དུ་བྱེད་པ། པཎ་ཆེན་ཤཱཀྱ་ཤྲིས་མཛད་པའི་གནས་བརྟན་ཕྱག་འཚལ་ནི་མཐུན་པར་སྣང་ངོ་།། ༈ །།དེས་ན་སྐབས་དོན་འབུལ་རྒྱུར། གནས་བརྟན་བཅུ་དྲུག་རྒྱ་དཀར་ནག་ལུགས་གཉིས་སུ་བཤད་པ་དེ་ནི་ངོ་བོ་མི་གཅིག་པ་གཉིས་ནི་མ་ལགས་མོད་ཀྱང་། དིང་སང་སྐུ་འདྲ་ལ་ན་བཟའི་ཁྱད་ཀྱིས་ཕྱེ་བ་སྟེ། རབ་བྱུང་ཆ་བྱད་གཙང་མར་ཡོད་པ་དེ་རྒྱ་གར་ལུགས་དང་། ཟབ་བེར་རམ་ཕོད་ཀ་སོགས་ལྷབ་ལྷུབ་སྣ་ཚོགས་ཡོད་པ་དེ་ལ་རྒྱ་ནག་ལུགས་སུ་གྲགས་པར་སྣང་ལ། དེ་ནི་རྒྱ་ནག་གི་རྒྱལ་པོ་ཐ་ཧི་ཛུས་དང་པོར་བིར་ཝ་པ་སོགས་གྲུབ་ཐོབ་མང་པོ་སྤྱན་དྲངས་ནས་མཆོད་པ་བྱས། དེ་ནས་གནས་བརྟན་བཅུ་དྲུག་སྤྱན་དྲངས་ནས་མཆོད་ཅིང་། ན་བཟའི་ཁྱད་པར་མང་པོ་ཕུལ་བའི་སྐབས་ཀྱི་དིང་ཕོན་སོགས་ཡོད་པར་དཔྱད་དོན་མཁན་རྣམས་འཆད་ལ།། ༈ །།ཉིད་ཀྱི་བཀའ་ཕེབས་ལྟར། ཧྭ་ཤང་ཞེས་པ་ནི་སྤྱིར་རྒྱ་ནག་གི་རབ་བྱུང་བསམ་གཏན་པ་ཐམས་ཅད་ལ་ཧྭ་ཤང་དུ་འབོད་པར་

― TR004_Page_0421 ―

^{[མ་དཔེ་གཟིགས་ན་འདིར་གནོན།]}

[Full Size]

སྣང་ལ། གནས་བརྟན་རྣམས་ཀྱི་སྦྱིན་བདག་འདི་ལ་དབང་ཧྭ་ཤང་ཟེར་བ། དང་པོར་ཁྱིམ་པ་ཡིན་ཞིང་འབྱོར་པ་ཤིན་ཏུ་ཆེ་ཡང་། བུ་མེད་པའི་སྡུག་བསྔལ་ལ་བརྟེན་ནས་གནས་བརྟན་རྣམས་ཁྱིམ་དུ་གདན་དྲངས་ཏེ་རྒྱ་ཆེར་མཆོད་ཅིང་གསོལ་བ་བཏབ་པས་བུ་བཅུ་དྲུག་བྱུང་། ཕྱིས་ཁོ་རང་རབ་ཏུ་བྱུང་བས་ཧྭ་ཤང་ཞེས་གྲགས་པ་ཡིན་པར་ཐོས་ལ།། ༈ །།དྷརྨ་ཏཱ་ནི་འཕགས་པ་སྤྱན་རས་གཟིགས་ཉིད་ཤཱཀྱའི་བསྟན་པ་སྐྱོང་ཕྱིར་དགེ་བསྙེན་དུ་སྤྲུལ་ཏེ་གནས་བརྟན་རྣམས་ཀྱི་ཞབས་འབྲིང་བའི་ཚུལ་གྱིས་འགྲོ་དོན་མཛད་པ་སྟེ། དེ་ཉིད་བོད་ཡུལ་དུ་ཡང་འབྲོམ་སྟོན་རྒྱལ་བའི་འབྱུང་གནས་སོགས་སུ་སྤྲུལ་ཏེ་བསྟན་པའི་བྱ་བ་མཛད་པར་ཨོ་རྒྱན་གྱི་ལུང་བསྟན་མང་པོར་གདའོ། །དེས་ན་གནས་བཅུ་རྒྱ་ནག་ལུགས་ཞེས་ཟེར་བའི་རྒྱུ་མཚན་ནི་དེ་ཙམ་དུ་ཟད་ལ། སྤྱིར་གནས་བརྟན་ཞེས་པ་ནི་དགེ་འདུན་རྣམས་ཀྱི་གཙོ་བོ་སྟེ་

― TR004_Page_0422 ―

^{[མ་དཔེ་གཟིགས་ན་འདིར་གནོན།]}

[Full Size]

དིང་སང་གི་ཆོས་སྡེའི་སློབ་དཔོན་ལྟ་བུ་ཡིན་པར་སྣང་ཞིང་། བཅུ་དྲུག་པོ་འདི་དག་ནི་ཤཱཀྱའི་དབང་པོ་འདི་ཁོ་ནའི་སྤྲུལ་པའི་ཉན་ཐོས་ཀྱིས་ཚུལ་གྱིས། ཇི་སྲིད་ཤཱཀྱའི་བསྟན་པའི་མཐའ་མ་རྫོགས་ཀྱི་རིང་ལ་མྱ་ངན་ལས་འདའ་བ་མེད་པར་བཞུགས་ནས། སྐུ་གསུང་ཐུགས་རྟེན་དང་གཙུག་ལག་ཁང་དང་གཎྜི་སོགས་ཀྱི་རབ་གནས་ཚུལ་ལྡན་གང་དུ་བྱེད་པའི་ས་དང་། གཞན་ཡང་དགེ་འདུན་གྱི་འདུ་ཚོགས་སམ། དད་ལྡན་གང་གིས་སར་མཆོད་པ་བཤམས་ཤིང་གུས་པས་སྤྱན་དྲངས་ན། རྫུ་འཕྲུལ་གྱིས་འབྱོན་པར་འགྱུར་བ་ནི་གོང་གི་ཧྭ་ཤང་གི་དཔེས་གོ་བ་ལྟར་དང་། སྔོན་མ་གྷ་དྷ་བཟང་མོས་གྲོང་ཁྱེར་བུ་རམ་ཤིང་འཕེལ་ནས་དད་པའི་ཤུགས་དང་སྤོས་ཀྱི་མཆོད་པས་སྟོན་པ་འཁོར་བཅས་སྤྱན་དྲངས་པའི་སྤོས་དུད་ཀྱིས་རྒྱལ་བྱེད་ཚལ་གྱི་ནམ་མཁའ་ལ་སྤོས་ཀྱི་སྤྲིན་ཆགས་ཤིང་། དཔག་ཚད་ལྔ་བཅུའི་ས་དེར་སྐད་ཅིག་ལ་བྱོན་ནས་ཡུལ་ཁམས་དེ་དག་

― TR004_Page_0423 ―

^{[མ་དཔེ་གཟིགས་ན་འདིར་གནོན།]}

[Full Size]

སྨིན་པར་མཛད་པ་ལྟ་བུ་ལགས་ཤིང་། སྟོན་པ་འདི་ཁོ་ན་མ་གཏོགས་སངས་རྒྱས་གཞན་ལ་ནི་གནས་བརྟན་བཅུ་དྲུག་གི་ཐ་སྙད་ནི་མེད་པ་དང་།། ༈ །།ཡང་ཉིད་ཀྱིས། འདི་དག་ལ་གནས་བརྟན་གྱིས་མཚན་ཡོང་ལུགས་ཀྱིས། གྲུབ་མཐའང་གནས་བརྟན་སྡེ་པ་ཡིན་ནམ། གསུངས་པ་དེ་ནི་མ་ལགས་ཏེ། གནས་བརྟན་གྱི་མཚན་ཙམ་ནི་མང་སྟེ། གནས་བརྟན་འོད་སྲུངས། གནས་བརྟན་རབ་འབྱོར། ཞེས་སོགས་ཐམས་ཅད་ལ་འབོད་ཅིང་། གྲུབ་མཐའ་སྡེ་པ་བཞི་དང་། དེ་ལས་གྱེས་པ་བཅོ་བརྒྱད་སོགས་ནི་བཀའ་བསྡུ་གཉིས་པ་ཕྱིན་ཆད་ལ་བྱུང་བ་མ་གཏོགས། སྟོན་པ་བཞུགས་དུས་སུ་ཐ་དད་མེད་མོད་ཀྱི། ལར། གྲུབ་མཐའ་གྱེས་ཚུལ་ལའང་། ལ་ལའི་བཞེད་ཀྱིས། ཐོག་མར་ཕལ་ཆེན་དང་གནས་བརྟན་པ་གཉིས་སུ་བྱུང་། དེ་ལས་ཀྱང་གསུམ་དང་བཞི་སོགས་གྱེས་པར་བཤད་ལ། བཀའ་བརྒྱུད་འདི་ཡི་ལུགས་ལ་ནི་དང་པོ་ནས་བཞིར་གྱེས་པར་བཞེད་དེ། ཕྱི་

― TR004_Page_0424 ―

^{[མ་དཔེ་གཟིགས་ན་འདིར་གནོན།]}

[Full Size]

རོལ་པ་རྣམས་ཀྱི། འཇིག་རྟེན་གྱི་མི་རིགས་བཞི་པོ་ཚངས་པའི་གདོང་པ་བཞི་ལས་སོ་སོར་བྱུང་བར་འདོད་པ་དང་སྒོ་བཏུན་ནས། དུས་ཀྱི་འཁོར་ལོའི་ཞལ་བཞི་ལས་སྡེ་པ་བཞི་བྱུང་བར་གསུངས་པ་དང་། ནང་གི་རྩ་འཁོར་བཞི་ཡི་སྤྱི་གཙུག་ནི་ཁམས་བྱང་ཆུབ་ཀྱི་སེམས་ཕལ་ཆེར་འདུ་ཕྱིར། ཕལ་ཆེན་པའི་སྡེ་དང་། མགྲིན་པ་ནི་ཟས་སྐོམ་གྱིས་བཀུར་ནས་ཡིན་ཕྱིར། མང་བཀུར་སྡེ་དང་། སྙིང་ག་ནི་དྲན་བསམ་ཐམས་ཅད་ཀྱི་འབྱུང་གནས་ཡིན་ཕྱིར་ཐམས་ཅད་ཡོད་སྨྲ་དང་། ལྟེ་བ་ནི་ཆགས་པའི་སྔ་ཤོས་ཡིན་ཚེ། རྒན་པོའམ་གནས་བརྟན་པའི་སྡེར་མིང་གིས་གསུངས་པ་སོགས་ནི་གསང་སྔགས་ཀྱི་སྒྲ་ཇི་བཞིན་མ་ཡིན་པའི་བརྡའི་བྱེ་བྲག་འདི་ལྟ་བུ་ནི་བསམ་གྱིས་མི་ཁྱབ་མོད། སྡེ་པ་བཞིའི་མཁན་པོའམ་བྱུང་ཁུངས་ཀྱང་། བཀའ་བརྒྱུད་ཀྱི་བཞེད་པར། སྒྲ་གཅན་འཛིན་ལས་མང་བཀུར་དང་། འོད་སྲུངས་ལས་གནས་བརྟན་དང་། ཀ་ཏྱཱ་ཡ་ན་ལས་ཕལ་ཆེན་པ་དང་། ཉེ་བར་འཁོར་ལས་ཡོད་སྨྲ་རྣམས་བྱུང་ཚུལ་གྱི་

― TR004_Page_0425 ―

^{[མ་དཔེ་གཟིགས་ན་འདིར་གནོན།]}

[Full Size]

ལུགས་འདི་ནི། དབྱིག་བཤེས་ཀྱིས་མཛད་པའི་རིག་པ་ཀློག་པའི་འཁོར་ལོའམ། སྡེ་པ་ཐ་དད་བཀླག་པའི་འཁོར་ལོ་ཞེས་པའི་གཞུང་དེའི་དགོངས་པར་བཞེད་ལ། ཀུན་མཁྱེན་ཀློང་ཆེན་པ་སོགས་ཀྱིས་བཞེད་ཚུལ། སློབ་དཔོན་པདྨས་མཛད་པའི་དགེ་སློང་དང་དགེ་ཚུལ་གྱི་ལོ་དྲི་བ་ཞེས་པ་དེའི་ལུགས་ཡིན་པར་གསུངས་ཤིང་། ལུགས་འདི་ལ་ནི། སྒྲ་གཅན་འཛིན་ཡོད་སྨྲ། འོད་སྲུངས་ཕལ་ཆེན་པ། ཀ་ཏྱཱ་གནས་བརྟན་པ། ཉེ་བར་འཁོར་མང་བཀུར་དུ་བཤད་དེ། རང་ཉིད་ཀྱི་གོ་ཚུལ་ནི། ཕྱོགས་ཞེན་མ་ཡིན་ཏེ། བོད་འདིར་འདུལ་བའི་སྡོམ་རྒྱུན་སྔ་ཕྱི་ཐམས་ཅད་ཡོད་སྨྲའི་ལུགས་འབའ་ཤིག་ལ། འདིའི་མཁན་རྒྱུད་ནི་སྒྲ་གཅན་འཛིན་ནས་བརྒྱུད་ལུགས་ལ་དཔག་ན། སྡེ་པ་བཞིའི་ངོས་འཛིན་ལུགས་ཀྱང་སློབ་དཔོན་པདྨའི་བཞེད་པ་འདི་བདེན་ནམ་བསམ་པ་བླུན་ཚོད་ལགས། གཞན་ཡང་ཇོ་བོ་རྗེ་ནི་ཕལ་ཆེན་པ་ཡིན་པས། ཇོ་བོ་བོད་དུ་ཕེབས་སྐབས་སུ་དང་པོར་ནི།

― TR004_Page_0426 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱོད་བོད་ཡུལ་འདིར་ཡོད་སྨྲའི་སྡེ་གཅིག་པུ་ལས་མི་འདུག་པས། ཕལ་ཆེན་པའི་མཁན་པོ་ང་རང་གི་བྱ། གཞན་གཉིས་པོའི་མཁན་པོ་རྒྱ་གར་ནས་གདན་དྲངས་ཏེ། བོད་འདིར་སྡེ་པ་བཞི་ཀ་ཚང་བར་འཛུག་དགོས་གསུངས་པ་ལ། ཕྱིས་བོད་ཀྱི་བཙུན་པ་རྣམས་ཆང་འཐུང་བ་གཟིགས་པས་ཤིན་ཏུ་ཐུགས་ཁྲེལ་ནས། དེ་ཕྱིན་ཆད་སུ་ལ་ཡང་སྡོམས་པ་མ་གནང་བས། བོད་འདིར་ཐམས་ཅད་ཡོད་སྨྲ་ལས་གཞན་པའི་སྡེ་མ་བྱུང་བ་དང་། གཞན་ཡང་ལོ་རྒྱུས་འགའ་ཞིག་ཏུ། ཕལ་ཆེན་བའི་སྡེ་པ་རྣམས་ཆོས་གོས་རྣམས་གསུམ་དཀར་པོར་བྱེད་ཕྱིར། ཇོ་བོ་ཡང་དང་པོ་ན་བཟའ་དཀར་པོར་ཡོད་ཀྱང་། བོད་ལ་གོས་དཀར་ཅན་ལ་རབ་བྱུང་དུ་མི་རྩི་བ་གསན་པས། མང་ཡུལ་དུ་ཕེབས་ནས་ན་བཟའ་ངུར་སྨྲིག་ཏུ་བསྒྱུར་བ་ཡིན་པར་གྲགས་ཀྱང་། དེ་ནི་མི་བདེན་པར་མངོན་ཏེ། ཇོ་བོའི་རྣམ་ཐར་ཉིད་དུ། གསེར་གླིང་དུ་ཕེབས་དུས་དཔོན་སློབ་བརྒྱ་དང་ཉི་ཤུ་

― TR004_Page_0427 ―

^{[མ་དཔེ་གཟིགས་ན་འདིར་གནོན།]}

[Full Size]

རྩ་ལྔའི་རྣམ་སྦྱར་ངུར་སྨྲིག་གི་འོད་ཀྱི་བར་སྣང་ཐམས་ཅད་ཐུན་མཚམས་ཀྱི་འོད་ལྟར་གྱུར་ཚུལ་སོགས་ཀྱིས་གོ་མོད་ཅིང་། སྡེ་པ་བཞི་རྣམས་རྣམ་སྦྱར་གྱི་རྟགས་ཐ་དད་དུ་བཤད་པ་མ་གཏོགས་ཁ་དོག་ཐ་དད་དུ་མ་བཤད་པའི་ཕྱིར་རོ།། ༈ །།ཡང་གོང་གི་འཕྲོར། ཉིད་ཀྱིས་ཚེ་ལོ་བཅུ་པ་ནས་ཤཱཀྱའི་བསྟན་པ་རྫོགས་པ་ཡིན་པར་བཤད་པ་དང་། སླར་ཡང་འཕེལ་གྱི་བདུན་བརྒྱ་པ་ལ་གནས་བརྟན་བཅུ་དྲུག་རྣམས་བསྟན་པའི་བྱ་བ་མཛད་ཚུལ་བཤད་པ་གཉིས་འགལ་བས་ཐེ་ཚོམ་བྱུང་གསུངས་པ་ལ།། ༈ །།ཤཱཀྱའི་བསྟན་པ་དངོས་ཀྱི་གནས་ཚད་ནི་ཚེ་ལོ་བཅུ་པར་རྫོགས་ཚུལ་ཡིག་ཆ་ཀུན་མཚུངས་མོད་ཀྱི། འོན་ཀྱང་། ལོ་གྲངས་མ་མཐུན་པ་དུ་མ་ནི་མདོ་སྡེ་རྣམས་ནས་གསུངས་པ་དང་། རྗེས་འབྲང་གི་བསྟན་བཅོས་རྣམས་ནས་ཀྱང་སྣ་ཚོགས་འབྱུང་བ་སྟེ། འདུལ་བ་ལུང་ཕྲན་ཚེགས་ནས། ཤཱཀྱའི་བསྟན་པ་མི་ལོ་བདུན་སྟོང་གནས་རྒྱུ་ལ། སྐྱེ་དགུའི་བདག་

― TR004_Page_0428 ―

^{[མ་དཔེ་གཟིགས་ན་འདིར་གནོན།]}

[Full Size]

མོ་རབ་ཏུ་ཕྱུངས་པའི་རྐྱེན་གྱི་ཉིས་སྟོང་མར་བྲི་སྟེ། ལྔ་སྟོང་གནས་པར་གསུངས་པ་དང་། མདོ་བསྐལ་བཟང་ལས། བསྟན་པ་དངོས་ལོ་ལྔ་བརྒྱ། གཟུགས་བརྙན་ཙམ་ལྔ་བརྒྱ་སྟེ་ལོ་སྟོང་གནས་པར་གསུངས་པ་དང་། སྙིང་རྗེ་པདྨ་དཀར་པོ་ལས་ཕྱེད་དང་ཉིས་སྟོང་དང་། ཟླ་བ་སྙིང་པོའི་མདོར་ཉིས་སྟོང་དང་། བློ་གྲོས་མི་ཟད་པའི་མདོའི་འགྲེལ་པར་ཡང་སྟོང་དང་། རྡོར་གཅོད་འགྲེལ་པར་ཕྱེད་དང་གསུམ་སྟོང་དང་། འབུམ་ཊིག་གནོད་འཇོམས་ལས་ལྔ་སྟོང་དུ་གསུངས་པ་ལས། དིང་སང་ནི་ཕྱི་མ་འདི་ཁོ་ནའི་ལུགས་ལ་ཆ་འཇོག་པ་མང་བ་དང་། ལུགས་འདི་ལ་ལོ་ལྔ་བརྒྱ་ཕྲག་བཅུར་ཕྱེད་པའི་དང་པོ་གསུམ་ལ། དགྲ་བཅོམ་པ། ཕྱིར་མི་འོང་། རྒྱུན་དུ་ཞུགས་པ་སྟེ། འབྲས་བུའི་དུས་གསུམ་དུ་བརྗོད་ལ། དེ་ནས་བར་པ་གསུམ་ལ། ལྷག་མཐོང་དང་། ཏིང་འཛིན་དང་། ཚུལ་ཁྲིམས་ཏེ། སྒྲུབ་པའི་དུས་གསུམ་དང་། དེ་ནས་ཕྱི་མ་གསུམ་ལ། མངོན་པ་དང་། མདོ་སྡེ་དང་། འདུལ་བ་

― TR004_Page_0429 ―

^{[མ་དཔེ་གཟིགས་ན་འདིར་གནོན།]}

[Full Size]

སྟེ། ལུང་གི་དུས་གསུམ་དང་། མཐར་རྟག་ཙམ་འཛིན་གྱི་དུས་གཅིག་དང་བཅས་པ་རྣམས་ཡོད་པ་ལས། དིང་སང་ནི་གཞན་རྣམས་རྫོགས་ནས། མདོ་སྡེའི་དུས་ཀྱི་ལྷག་མ་ལོ་ཉིས་བརྒྱ་ཙམ་དང་། འདུལ་བའི་ལྔ་བརྒྱ་དང་། རྟགས་ཙམ་འཛིན་གྱི་ལྔ་བརྒྱ་རྣམས་ཡོད་པར་གསུངས་མཁན་མང་བར་གདའ་ནའང་། དེ་ལ་ཡང་སྟོན་པའི་འཁྲུངས་ལོ་ནས་བཟུང་སྟེ། འདྲེན་མི་འདྲེན་གྱི་ཚུལ་དང་འཁྲུངས་ལོའི་འདོད་ཚུལ་སོགས་མི་མཐུན་པ་མང་བས་མཐའ་གཅིག་ཏུ་འཛིན་དཀའ་ཞིང་། དུས་འཁོར་གྱི་བསྟན་རྩིས་མཁན་པོ་རྣམས་ཀྱང་བཞེད་པ་མི་གཅིག་པར་སྣང་བས། བདག་ནི་དཀར་རྩིས་སོགས་དང་པོར་བསླབ་པའི་ཁུལ་གྱིས་མགོ་གཙུགས་ནས། སླར་སྒོམ་ཕྱོགས་ལ་འབད་ལོ་དང་འདི་རྣམས་རྒྱབ་འགལ་དུ་གོ་བ་ནས། རྒྱང་དུ་བསྐྱུར་བས་མི་ཤེས་ལ། ཉིད་དཀར་རྩིས་སོགས་ལས་མཁྱེན་ཏེ། བསྟན་རྩིས་ཀྱི་རྣམ་གཞག་སོགས་དགོངས་པར་

― TR004_Page_0430 ―

^{[མ་དཔེ་གཟིགས་ན་འདིར་གནོན།]}

[Full Size]

བཞུགས་མཆི། གཞན་ཡང་། བྱམས་པ་ལུང་བསྟན་གྱི་མདོར། ཤཱ་རིའི་བུས། ང་ཡོངས་སུ་མྱ་ངན་ལས་འདས་ནས་ལོ་སྟོང་ཕྲག་ལྔའི་བར་ལ་རྣམ་པ་ལྔ་པོ་འདི་དག་རིམ་གྱིས་ནུབ་པར་འགྱུར་རོ། །ལྔ་གང་ཞེ་ན། དང་པོ་ལ་འབྲས་བུ་ཐོབ་པ་རྣམས་ནུབ་པར་འགྱུར་བ་དང་། དེ་ནས་སྒྲུབ་པ་ལ་གནས་པ་རྣམས་ནུབ་པར་འགྱུར་བ་དང་། དེ་ནས་ལུང་གི་ཆོས་རྣམས་ནུབ་པར་འགྱུར་བ་དང་། དེ་ནས་ངུར་སྨྲིག་གི་རྟགས་རྣམས་ནུབ་པར་འགྱུར་བ་དང་། དེ་ནས་ཐུབ་པའི་རིང་བསྲེལ་རྣམས་ནུབ་པར་འགྱུར་བ་ཡིན་ནོ། །ཞེས་གསུངས་པ་འདི་ཡང་གི་འབུམ་ཊཱི་གའང་མཐུན་མོད་ཀྱི། དེ་ཡང་བསྟན་པ་དངོས་ནི་ལོ་ལྔ་སྟོང་ནས་རྫོགས་པར་གསལ་ཞིང་། སླར་ཡར་འཕེལ་གྱི་དྲུག་བརྒྱ་ནས་བདུན་བརྒྱའི་བར་དུ་གནས་བརྟན་རྣམས་ཀྱིས་ཀྱང་གདུལ་བྱའི་ལྷག་མ་རྣམས་ལ་རང་རང་གི་སྐལ་བ་དང་འཚམས་པའི་འགྲོ་དོན་མཛད་པར་གོ་ལ། དེའི་མཐར་དེ་བཞིན་གཤེགས་པའི་བཀའ་དང་། རིང་བསྲེལ་སོགས་ལྷ་ཀླུ་མིའི་གནས་ཐམས་ཅད་

― TR004_Page_0431 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་གང་བཞུགས་ཀུན་བསྡུས་ཏེ་བྱང་ཆུབ་ཀྱི་སྙིང་པོ་རྡོ་རྗེ་གདན་དུ་རིན་ཆེན་གྱི་མཆོད་རྟེན་དུ་བཞུགས་སུ་གསོལ་ནས། ཕྱག་མཆོད་མཛད་དེ་གནས་བརྟན་རྣམས་ཀྱང་ལྷག་མེད་ཀྱི་དབྱིངས་སུ་མྱ་ངན་ལས་འདས་ཞིང་། མཆོད་རྟེན་དེ་ཡང་རིམས་ཀྱིས་དབང་ཆེན་གསེར་གྱི་ས་གཞི་ལ་ཐུག་པར་ནུབ་ནས་མི་སྣང་བར་འགྱུར་ལ། ནམ་སེམས་ཅན་རྣམས་ནད་དང་མཚོན་དང་མུ་གེའི་བསྐལ་པ་སོགས་ཀྱི་མནར་བའི་ཚེ། སླར་ཡང་རིང་བསྲེལ་དེ་དག་ནོར་བུ་རིན་པོ་ཆེ་བཻཌཱུརྱ་ཏོག་གི་བློ་གྲོས་ཞེས་བྱ་བའི་རང་བཞིན་དུ་གྱུར་ནས། སྐྱེ་འགྲོ་གང་གིས་མཐོང་ཐོས་རེག་པ་ཙམ་གྱིས་སྡུག་བསྔལ་དེ་དག་ལས་སྐྱོབས་པ་དང་། རིན་པོ་ཆེ་དེ་རྣམས་ཀྱི་ནམ་མཁར་འཕགས་ཏེ་འོག་མིན་གྱི་གནས་ལ་ཐུག་གི་བར་གྱི་འགྲོ་བ་རྣམས་ལ་མེ་ཏོག་དང་རིན་ཆེན་གྱི་ཆར་འབེབས་ཆོས་ཀྱི་སྒྲ་སྒྲོགས་པ་སོགས་ཀྱི་གཞན་ཕན་མཐའ་ཡས་མཛད་ཚུལ་བྱམས་པ་ལུང་བསྟན་དང་སྙིང་རྗེ་པདྨ་དཀར་པོ་སོགས་མདོ་སྡེ་རྣམས་ལས་གསུངས་

― TR004_Page_0432 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱིར་སངས་རྒྱས་ཀྱི་ཕྲིན་ལས་ལ་ནི་མཐའ་བཏུག་པ་མ་མཆིས་མོད་ཀྱི། གོང་གི་བསྟན་པའི་རྫོགས་ཚད་སོགས་འདི་དག་ནི་གདུལ་བྱ་ཐུན་མོང་པའི་སྣང་ངོར་སྡེ་སྣོད་གསུམ་གྱི་བསྟན་པ་ཁོ་ནའི་དབང་དུ་མཛད་མོད་ལ། ཐུན་མོངས་མ་ཡིན་པ་རྡོ་རྗེ་ཐེག་པའི་ངེས་དོན་གྱིས་དབང་ལྟར་ན་ནི། སངས་རྒྱས་མྱ་ངན་ཡོངས་མི་འདའ། ཆོས་ཀྱང་ནུབ་པར་མི་འགྱུར་ཏེ། ཞེས་པ་ལྟར། ཇི་སྲིད་སེམས་ཅན་གྱི་ཁམས་ནམ་མཁའི་མཐའ་མཉམ་དེ་སྲིད་སངས་རྒྱས་ཀྱི་ཕྲིན་ལས་མཚུངས་པར་འབྱུང་བ་ཉིད་དོ།། ༈ །།འདི་འཕྲོས་ཞོར་དུ། རབ་བྱུང་གི་ཡོ་བྱད་ཆོས་གོས་རྣམས་གསུམ་གདིང་ལྷུང་ཆབ་རིལ་སོགས་ཀྱི་དགོས་པ་དང་ཆག་ཚད་དབྱེ་བ། ཡང་། གོས་ལྷམ་སྦུབས་ཅན་གྱི་རིགས་སྤང་དགོས་པའི་རྒྱུ་མཚན་སོགས་འདུལ་བའི་སྐབས་ཀྱི་དྲི་བ་ཞིབ་རྒྱས་གནང་བའང་།། ༈ །།སྤྱིར་དེང་སང་གི་རྙིང་མ་བ་དང་། ཁྱད་པར་བདག་ཅག་མཐའ་ཁོབ་དྭགས་ཀོང་གི་རྙིང་ཧྲུལ་རྣམས་ལ་འདུལ་བའི་དྲི་ཙམ་མནམ་མ་མྱོང་བས་ཅི་

― TR004_Page_0433 ―

^{[མ་དཔེ་གཟིགས་ན་འདིར་གནོན།]}

[Full Size]

ཞུ་བ་ལས་མེད་ཀྱང་། ཕྲན་ཚོགས་ཙམ་གྱི་གོ་ཚོད་སྙན་དུ་འབུལ་རྒྱུར།། ༈ །།དེ་ཡང་སོ་སོར་ཐར་པའི་སྡོམ་པ་ལ་གནས་མཁན་ཞིག་བྱེད་ཕྱིན་ཆད་སྦྱངས་ཡོན་བཅུ་གཉིས་ནི་མེད་ཐབས་མེད་པར་གསུངས་ཏེ། གང་ཞེ་ན། ཟས་ཉིན་གཅིག་འཚོ་བའི་བསོད་སྙོམས་དང་ ༡ །ཉིན་རེ་ལ་མང་པོ་མི་ཟའ་སྟན་ཅིག་པ་དང་ ༢ ཆོག་ཤེས་བཞིན་སླར་ཡང་འདོད་པ་མི་བྱེད་པས་ཕྱིས་མི་ལེན་པ་སྟེ་ ༣ དེ་ལྟར་ཟས་ཀྱི་སྦྱང་ཡོན་གསུམ། གོས་གསར་པ་འཆོར་པོ་སོགས་ཀྱི་ཞེན་འདོད་སྤོང་ཕྱིར་ཕྱག་དར་ཁྲོད་པ་དང་ ༤ སྤུ་ཅན་དང་འཇམ་པོ་དང་སྦུབས་ཅན་སོགས་སྤོང་བ་ཕྱིང་པ་བ་དང་༥ གོས་ཐེབ་ལྷག་མང་པོ་མི་འཛིན་ཕྱིར་ཆོས་གོས་གསུམ་པ་སྟེ་ ༦ །གོས་ཀྱི་སྦྱང་ཡོན་གསུམ་གནས་རྣམ་གཡེང་འདུ་ལོང་ཅན་སོགས་སྤོང་བ་དགོན་པ་བ་དང་ ༧ སྟེང་ནས་ཐོག་འབུབ་པ་དང་། མཐའ་བསྐོར་ནས་རྩིགས་པ་དང་། གྱང་དང་ལྕགས་རི་

― TR004_Page_0434 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་བཤོམས་ཞིང་བཙན་སའི་ཞེན་པ་སྤོང་བས། བླ་གབ་མེད་པ་དང་ ༨ ཤིང་དྲུང་པ་དང་ ༩ གནས་སྐྱིད་པོ་ལ་ཞེན་ཆགས་བདག་བཟུང་སྤོང་ཕྱིར་དུར་ཁྲོད་པ་སྟེ་ ༡༠ དེ་ལྟར་གནས་ཀྱི་སྦྱང་ཡོན་བཞི། ཉལ་བ་ཁོ་ན་ལ་ཞེན་པ་སྤོང་བ་ཅོག་བུ་པ་དང་ ༡༡ །མལ་གདན་སོགས་འཇམ་པོ་དང་དྲོ་འཇམ་བདེ་བ་སོགས་ཀྱི་རྩོལ་ཞེན་སྤོང་བས། གཞི་ཇི་བཞིན་པ་སྟེ་ ༡༢ མལ་གདན་གྱི་སྦྱང་ཡོན་གཉིས་རྣམས་བསྡོམ་པའི་སྦྱང་ཡོན་བཅུ་གཉིས་ལ་རྟག་ཏུ་སྤྱོད་པར་འདུལ་བ་ནས་གསུངས་ནའང་། དེང་སང་གི་དགེ་སྦྱོར་རྣམས་ཀྱི་སྤྱོད་པ་དང་རྒྱབ་འགལ་དུ་གདའ་མོད།། ༈ །།གོས་སྦུབས་ཅན་ཞེས་ཕུ་དུང་དོར་མ། ལྷམ་ཡུ་བ་ཅན་སོགས་ནི་ཁྱིམ་པའི་རྟགས་ཡིན་ཕྱིར་དང་། དེ་དང་མཚུངས་པར། སྐྲ་མི་འབྲེག་པ་དང་། རྒྱན་གྱིས་བྱེ་བྲག་དང་། རྟ་ལ་སོགས་པའི་གཞོན་པའི་རིགས་རྣམས་དང་། གྲི་ཆུ་སོར་བཞིའམ་དྲུག་ལས་ལྷག་པའི་མཚོན་ཆའི་རིགས་དང་། གཞན་ཡང་ཕྱག་

― TR004_Page_0435 ―

^{[མ་དཔེ་གཟིགས་ན་འདིར་གནོན།]}

[Full Size]

དར་དང་ཞིང་ལས་ཀྱི་ཡོ་བྱད་སོགས་ཁྱིམ་པའི་རྟག་སུ་གྱུར་པའི་ལག་ཆ་དང་ཡོ་བྱད་ཀྱི་རིགས་མཐའ་དག་འཆང་བར་མ་གནང་ངོ་། ༈ འཆང་དུ་རུང་བའི་ཡོ་བྱད་ཀྱི་གཙོ་བོ་ནི་སྡོམ་པའི་ལས་ཆོག་ལས་བྱུང་བའི། ཆོས་གོས་རྣམ་པ་གསུམ་ནི་རྣམ་སྦྱར། བླ་གོས། མཐང་གོས་དང་གསུམ། ལྷུང་བཟེད། གདིང་བ། ཆུ་ཚག་དང་བཅས་པ་ནི་གཙོ་བོ་ཡིན་པར་བཤད་ཅིང་། ལྷག་པའི་ཡོ་བྱད་བཅུ་གསུམ་དུ་བགྲང་བའི་ཚེ་ན། རྣམ་སྦྱར། བླ་གོས། མཐང་གོས། ཤམ་ཐབས། དེའི་གཟན། རྔུལ་གཟན། དེའི་གཟན། གདིང་བ། གདོང་ཕྱིས་རྣག་གཟན། གཡན་དགབ། སྐྲ་བཟེད། དབྱར་གྱིས་རས་ཆེན་ཏེ་བཅུ་གསུམ་དང་། ཁྱད་པར་བ་ནི་སྲ་རྐྱང་སོགས་དང་། མཁར་སིལ་དང་རིལ་བ་སོགས་ཞར་ལ་ཕྲན་ཚོགས་ཀྱི་ཡོ་བྱད་རྣམས་གསུང་མོད་ཀྱང་། གཞན་རྣམས་དེང་སང་དར་ཆ་ཆུང་ལ། གཙོ་བོར་དགེ་ཚུལ་ལ་སྣམ་སྦྱར་མི་འབྱུང་མོད་ཀྱི་གཞན་

― TR004_Page_0436 ―

^{[མ་དཔེ་གཟིགས་ན་འདིར་གནོན།]}

[Full Size]

དགེ་སློང་དང་མཚུངས་པ་སྟེ། ཆོས་གོས་རྣམ་གསུམ་གྱི་རྒྱུར་རུང་དང་མི་རུང་གི་བྱེ་བྲག་མང་ཡང་། བོད་དུ་ནི་སྤུ་ཅན་དང་རྔ་ཐེར་མིན་པའི་རྒྱུ་ལ་བྱ་བ་དང་། ཁ་དོག་ནི། རྒྱ་སྐེག་ལེབ་རྒན་རྩི་དང་བཙོད། །རྨ་ཤིང་རྩི་དང་མཐིང་ཤུན་མཚལ། །སིནྡྷུ་ར་དང་གུར་གུམ་སྟེ། །འདི་དག་ཚོད་ཆེན་བརྒྱད་དུ་གྲགས། ཅེས་པ་རྣམས་མི་རུང་ལ།། ༈ །།རུང་བའི་ཚོན་གསུམ་ནི། སྔོན་པོ་བཙག་དང་ངུར་སྨྲིག་རྩི། །འདི་དག་རུང་བའི་ཚོན་གསུམ་ཡིན། ཞེས་པས་སྔོ་སྐྱ་དང་། བཙག་ཁ་དང་། ཆུ་རྩའི་མདོག་རྣམས་བྱ་བར་གསུང་མོད་ཅིང་། ཆེ་ཆུང་གི་ཚད་ནི། རྣམ་སྦྱར་དང་བླ་གོས་གཉིས་ལ་ཡས་མན་དུ་ཁྲུ་གསུམ་ཕན་ཚུན་ལ་ཁྲུ་ལྔ་སྟེ། འདི་ནི་ཆེ་ཚད་ཡིན་ཞིང་། ཆུང་ཚད་ནི་ཡས་མན་ཕྱེད་དང་གསུམ་ཕན་ཚུན་ཕྱེད་ལྔ་སྟེ། དེ་ལྟར་ལུས་ཚད་ཆེ་ཆུང་དང་བསྟུན་ནས་འཚམས་པར་བྱ་ཞིང་། མཐང་གོས་ཀྱི་ཚད་ནི་ཡས་མན་དུ་ཁྲུ་དོའི་ཕྱེད་དང་དོ། །ཕན་ཚུན་ལ་ཁྲུ་ལྔའམ་བཞིར་གསུངས་པ་དང་། གདིང་བའི་དཀྱུས་

― TR004_Page_0437 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཁྲུ་གསུམ། ཞེང་དུ་ཁྲུ་དོ་སོར་དྲུག་ཏུ་གསུངས་མོད་ཀྱི། དེང་སང་ནི་སྤྱིར་ཡང་ཆག་ཚད་དང་མི་མཐུན་པ་འབའ་ཤིག་དང་། ཁྱད་པར་མཐང་གོས་ཀྱི་དར་ཆ་ཆུང་བས་ཤམ་ཐབས་དཀྱུས་མ་འདི་ལའང་ཚད་མེད་ཆོར་མཛེས་ཁོ་ནར་བྱེད་པ་ཟད་དོ། །ལྷུང་བཟེད་སོགས་ཡོ་བྱད་གཞན་རྣམས་ཀྱི་ཚད་སོགས་ནི་བརྗོད་པའི་དགོས་པ་དེང་སང་མི་སྣང་ལ།། ༈ །།ཉིད་ཀྱི་དྲི་བའི་སྐབས་དོན་གྱི་སྙིང་པོར། སྡེ་པ་བཞི་ལ་བླ་གོས་མཐང་གོས་གདིང་བ་སོགས་མཐུན་ནའང་། སྣམ་སྦྱར་གྱི་རྣམ་ཕྲན་དང་རྟགས་ཀྱི་ཁྱད་པར་མི་འདྲ་བའི་ཚུལ་ཉིད་རང་ཇི་ལྟར་གསུངས་པ་དེ་བཞིན་ལགས་ཀྱི། དེ་ལ་སྣམ་ཕྲན་དང་གླེགས་བུ་དང་ཚལ་བུ་སོགས་ངོས་འཛིན་ཚུལ་དང་འདྲེན་ཚུལ་མི་མཐུན་པ་མང་ཡང་། འོ་བསྐོལ་གྱི་ལུགས་ལ་ནི་སྣམ་སྦྱར་ཆོས་གོས་གཉིས་རབ་བྱུང་ལ་དྲས་དྲུབ་ཁོ་ན་དང་། ཁྱད་པར་སྣམ་སྦྱར་ནི་ངེས་པར་དྲས་དྲུབ་བྱ་བར་འདུལ་བ་ནས་གསུངས་ཀྱང་། དེང་སང་ནི་

― TR004_Page_0438 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷན་ཐབས་མ་འདི་ཁོ་ན་མང་བར་གདའ་བས། འདིའི་དབང་དུ་བགྱིས་ན། ཡས་མན་དུ་ཀ་བ་ལྟ་བུར་ཡོད་པ་འདི་ནི་སྣམ་ཕྲན་ཡིན་ལ་ཕན་ཚུན་དུ་གདང་བུ་ལྟ་བུ་ལ་གླེགས་བུ་ཞེས་བྱ་བ་ཡིན་པ་དང་། འདི་གཉིས་ཀྱི་ཚེམ་བུའི་ཆེ་ཆུང་གི་ཚད་ནི་སོར་བཞི། གསུམ་གཉིས་ཀྱི་བར་གང་འཚམས་བྱ་བར་བཤད། མཐའ་ལྗགས་ལ་ནི་ཚལ་བུ་ལས་སོར་གཉིས་ཀྱི་ཆེ་བར་བྱེད་དོ། །རྣམ་ཕྲན་གྱི་གྲངས་འདྲེན་པ་ནི། ཀ་བ་རེ་དང་དེའི་བར་གྱི་ས་སྟོང་རེ་བསྡོམས་པ་ལ་རྣམ་ཕྲན་རེ་རྩིས་ལ། རྒྱབ་གཞུང་གི་རྣམ་ཕྲན་དེ་ལ་ནི་ཀ་བ་གཉིས་གཡས་སོ་སོར་ཁ་བསྟན་ཞིང་། གཞན་རྣམས་དེ་དང་འགྲོས་མཐུན་པར་གཡས་གཡོན་ལ་ཆར་ཁེབས་བསམ་ཡུ་གནོན་གྱི་ཚུལ་དུ་འགྲོ་བའི་སྣམ་ཕྲན་ཇི་ཙམ་ཡོད་པའི་སྟེང་དུ་རྒྱབ་གཞུང་གི་རྣམ་ཕྲན་དེ་དང་བསྡོམས་པས། བདུན་ནམ་དགུ་ནས་ཉེར་ལྔའི་བར་གྱི་རྒྱས་བསྡུས་རྣམས་འབྱུང་ལ་རྣམ་ཕྲན་གྱི་གྲངས་ནི་ཕན་ཚུན་

― TR004_Page_0439 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་རྣམ་པ་བགྲང་བ་མ་གཏོགས། ཡས་མན་གྱི་གླེགས་བུ་ནི་མི་ཐེའོ། ཡས་མན་གྱིས་གླེགས་བུ་ནི་རྣམ་སྦྱར་བསྡུས་པ་དང་བླ་གོས་གཉིས་ཀ་མཐུན་པར། ཀ་བ་གཉིས་རེའི་བར་དུ་གླེགས་བུ་ཕྱེད་དང་གསུམ་ཡོད་དོ། རྣམ་སྦྱར་རྒྱས་པ་ལ་ལར་ཕྱེད་དང་བཞི་པ་དང་རྒྱས་པ་ལ་ཕྱེད་དང་ལྔ་ཡང་འབྱུང་ངོ་། དེས་ན་རྣམ་ཕྲན་གྱི་གྲངས་འདི་རྣམ་སྦྱར་ཉིད་ལ་རྒྱས་བསྡུས་རིམས་པ་མི་གཅིག་ཀྱང་། བླ་གོས་ལ་ནི་སྣམ་ཕྲན་བདུན་ཁོ་ན་ཡིན་པས། འདི་གོ་ན་རྣམ་སྦྱར་ལ་གོ་བར་འགྱུར་རོ། མཐང་གོས་ལ་རྣམ་ཕྲན་ལྔ་དང་། གླེགས་བུ་ཕྱེད་དང་གཉིས་གཉིས། །གདིང་བ་ནི་གླེགས་བུ་གཅིག་པ་ཟེར་ཡང་། །དོན་ལ་ཕྱེད་དང་གཉིས་པར་འགྱུར་བ་ཉིད་ལགས་སོ། །ཆོས་གོས་ཞེས་པ་ནི་གསུམ་གའི་སྤྱི་མིང་ཡིན་ལ།། ༈ །།འདི་རྣམས་ཀྱི་དགོས་ཆེད་ནི། ཁྱིམ་པ་དང་མུ་སྟེགས་སོགས་ལས་ཁྱད་པར་དུ་འབྱེད་པའི་དཀོན་ཅོག་གི་རྟགས་ཡིན་ཕྱིར། ལྷ་ཀླུ་གནོད་སྦྱིན་དྲི་ཟ་ལ་སོགས་མི་དང་མི་མ་ཡིན་པ་ཀུན་གྱི་ཕྱག་མཆོད་བཀུར་བསྟིའི་གནས་

― TR004_Page_0440 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་འགྱུར་བ་དང་། རང་ཉིད་ཀྱང་དགེ་སྦྱོར་གྱི་འདུ་ཤེས་དང་མི་འབྲལ་བའི་དགོས་པ་ཡོད་པར་གསུངས་སོ།། ༈ །།ཆབ་རིལ་ནི། འགུ་རྡེའམ་རིལ་བ་སྤྱི་བླུག་ཞེས་དབྱིབས་ལས་མིང་དུ་བཏགས་པ་འདི་ནི་རྒྱ་གར་བྲམ་ཟེ་དྲང་སྲོང་སོགས་ཀུན་གྱི་ཐོགས་ལ། གྷ་ཊུ་ཞེས་གྲགས་པའི་ཁ་ཆོད་ཅན་བུམ་པ་འདྲ་མིན་ལྟ་བུ་འདི་ལ་བྱ་མ་བུམ་ཞེས་བྱ་སྟེ། ཆུ་ལེན་པ་སོགས་གནས་སྐབས་ཀྱི་ཉེར་མཁོ་ཙམ་ཡིན་ཚེ། རབ་འབྱུང་གི་ཆབ་རིལ་དངོས་ནི་རྒྱན་དྲུག་མ་འདི་ཡིན་ཟེར་བ་དང་། རྒྱན་དྲུག་ནི་ཕར་ཕྱིན་དྲུག་མཚོན་བྱེད་ཡིན་ཟེར་བ་སོགས་ངག་རྒྱུན་ལ་སྣང་ནའང་ཡིག་ཆ་ལ་མ་མཐོང་ཞིང་། རྒྱན་དྲུག་པོ་གང་ཡིན་པ་ཡང་བཤད་ཚུལ་ངེས་དག་མི་འདུག་པ་དང་། དེ་བཞིན་དུ་ལྷུང་བཟེད་ཤུབ་ལ་རྟེན་འབྲེལ་བཅུ་གཉིས་ཀྱི་མཚོན་བྱེད་བཤད་མཁན་སོགས་གདའ་བའི་ཁུངས་ནི་མ་མཐོང་ཚེ། རིག་བཟོས་སྦྱར་ན་གང་ལ་སྦྱོར་སྦྱོར་འོང་མོད་ཀྱང་། གཞུང་གི་ཁུངས་དགོས་པར་སེམས་ཏེ། མཁར་

― TR004_Page_0441 ―

^{[མ་དཔེ་གཟིགས་ན་འདིར་གནོན།]}

[Full Size]

བསིལ་ལ་ནི་ཚད་དང་དག་སྦྱོར་སོགས་ཤིན་ཏུ་ཞིབ་པར་མདོ་ཉིད་ནས་འབྱུང་བ་ལགས་པ་དང་།། ༈ །།ཆབ་ལེན་པའི་དགོས་པའི་གཙོ་བོ་ནི་དགེ་སྦྱོང་གི་དྲན་པ་མི་ཉམས་པའི་རྗེད་ཐོ་ལྟ་བུ་ཡིན་པར་གསུངས་ལ། ཞོར་བྱུང་དུ་ཁ་ཟས་ཀྱི་རོ་ལ་ཞེན་པ་གཅོད་པ་དང་། ཁའི་དྲི་མ་ངན་པས་རང་གི་ཁོང་ན་ལྷན་སྐྱེས་ཀྱི་སྲིན་བུ་འགའ་ཞིག་ལ་གནོད་པར་འགྱུར་བ་ཡོད་པས། དེ་ལས་སྐྱོབས་ཕྱིར་དང་ཁའི་དྲི་ངན་དེས་དཀོན་མཆོག་གི་རྟེན་དང་དགེ་འདུན་སོགས་ལ་ཉེས་པ་མི་གསོག་པའི་སླད་དུ་ཆབ་ལེན་པར་གསུངས་སོ།། ༈ །།སྟན་ལ་འདུག་པ་དང་ཟས་ཟ་བ་སོགས་ཀྱི་དུས་སུ་ལྷམ་འབུད་པའི་རྒྱུ་མཚན་ནི། སྟོན་པ་བཞུགས་སྐབས་སུ་དགེ་སློང་འགའ་ཞིག་ལྷམ་ལ་མི་གཙང་ལྗན་ལྗིན་སོགས་ཀྱི་གོས་པ་སྟན་ལ་འདུག་པས། དེ་མཐོང་བའི་དགེ་འདུན་གཞན་མང་པོ་ཟས་མི་འདོད་པར་འགྱུར་ཞིང་། སྟན་ཡང་མི་རུང་པར་གྱུར་པ་ལ་

― TR004_Page_0442 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོན་པས་ད་ཕྱིན་ཆད་མཆིལ་ལྷམ་གྱོན་བཞིན་སྟན་ལ་འདུག་པར་མ་བྱེད། ཅེས་བཅའ་བ་མཛད་པ་སྟེ། འདི་ལ་དཔག་ན། ལྷམ་མ་གྱོན་ཀྱང་རྐང་པ་འཕྱི་བ་སོགས་མ་བྱས་པར་དགེ་འདུན་གྱི་སྟན་ལ་འདུག་ན་ཉེས་པ་འདི་འབྱུང་ཉེས་གདའ་བར་གོའོ།། ༈ །།གཞན་ཡང་ཉིད་ཀྱི་ཕེབས་སྒོ་ལྟར། སྟོད་འགག་འདི་རྒྱ་གར་གྱི་རབ་བྱུང་ལ་ནི་མེད་དེ། སྡོམ་པའི་ཆོ་གར་བླ་གོས་སྦྱིན་པའི་ཚིག་གི་དང་པོར། འདི་ནི་སྟོད་དུ་གྱོན་པར་བྱ་བའི་ཆོས་གོས་བླ་གོས་ཞེས་བྱ་བ་ཡིན་ཏེ། སྟོད་གཅེར་བ། རླུང་དང་ཉི་མ་དང་སྦྲང་བུ་ལ་སོགས་ཚ་གྲང་གི་རེག་པ་ལས་སྐྱོབས། ཅེས་སོགས་འབྱུང་ཕྱིར། སྟོད་གོས་གཞན་ཡོང་དོན་མེད་ལ། འོན་ཀྱང་དགེ་སློང་མ་རྣམས་ལ་ནུ་མ་སོགས་སྒྲིབ་ཕྱིར། ཤིང་ང་དཔུང་བཅད་དུ་གྲགས་པ་ཞིག་ཡོད་པར་གདའ་ཞིང་། བོད་འདིར་ས་གྲང་བའི་གཤིས་ཀྱི་ཇོ་བོ་རྗེས་རྩར་ཤག་ཅེས་པ་ཞིག་སྐུ་ལ་བཞེས་པས། དེ་ནས་

― TR004_Page_0443 ―

^{[མ་དཔེ་གཟིགས་ན་འདིར་གནོན།]}

[Full Size]

བཟུང་སྟེ་བཀའ་གདམས་པའི་སྟོད་འགག་ཧྭ་ཟླུམ་དེ་དར་ཞིང་། སླད་དུ་པཎ་ཆེན་ཤཀྴཱི་ཡང་སྐུ་བསིར་བའི་ཚུལ་བསྟན་ཏེ། བཞུགས་གདིང་སྐུ་སྟོད་དུ་བཞེས་པ་ལ་བརྟེན་ནས། ཇོ་གདན་པའི་ཕྲག་ཡུ་མར་གྲགས་པ་དེ་དར་བ་ཡིན་པར་ཐོས་ལ། ད་ལྟའི་སྟོད་འགག་འདི་ལ་ཡང་ཕུ་དུང་མེད་ཚེ་སྦུབས་ཅན་གྱི་ལྟུང་བ་མེད་དམ་སྙམ་ཞིང་། གོས་ཆེན་སོགས་ཀྱི་མཆོར་རྒྱན་དུ་བྱེད་པ་དེ་ནི་ནམ་ཡང་རུང་བར་མི་སེམས་སོ།། ༈ །།མདོར་ན་ཤཱཀྱའི་བསྟན་ལ་ཞུགས་ཕྱིན་ཆད། བསླབ་པའི་གནས་ཕྲ་ཞིབ་མང་པོ་འོ་སྐོལ་བོད་འདིར་ཡུལ་དང་དུས་དབང་གིས་བཀའ་མོད་ལ། འགག་ཏུ་དྲིལ་བའི་སྙིང་པོར། སྡིག་པ་ཅི་ཡང་མི་བྱ་ཞིང་། །དགེ་བ་ཕུན་སུམ་ཚོགས་པར་སྤྱད། །ཅེས་འདི་དང་། དེ་ཡིས་རྩ་བ་དངོས་ནི། རང་གི་སེམས་ནི་ཡོངས་སུ་གདུལ། །ཞེས་པ་འདིར་བསྟན་པ་ཐམས་ཅད་ཀྱི་སྡོམ་པའི་སྙིང་པོ་གཅིག་ཏུ་འདུ་བ་ཡིན་པར་སྣང་བས། ཆུང་མ་མེད་

― TR004_Page_0444 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཙམ་ཞིག་ལ་ཚུལ་ཁྲིམས་གཙང་བའི་ཚད་དུ་བྱེད་པ་མ་གཏོགས་གཞན་འདུལ་བའི་ཁག་མི་སྣང་ངོ་། །རང་རྒྱུད་དུལ་བ་ཞིག་བྱུང་ན་བསླབ་གཞི་ཕྲ་མོ་རྣམས་ཤུགས་ལ་ཚང་བར་གདའ་ནའང་། དེང་སང་ནི་ཆབ་ལེན་པ་དང་ལྷམ་འབུད་པ་སོགས་ཡན་ལག །འདུལ་བ་ཞེས་བྱ་བ་རང་རྒྱུད་དུལ་བ་ཁོ་ན་དགོས་པ་གསུངས་ནའང་། དེ་ཡང་དགེ་སྦྱོང་གི་ཆོས་བཞི་སོགས་རྣ་བར་ཐོས་ཀྱང་མ་མྱོང་ཞིང་། ཕྲ་མོ་རྣམས་ལ་བརྩོན་པར་བྱེད་ཀྱང་། རྩ་བའི་ལྟུང་བ་ཆེ་ཤོས་རྣམས་ལ་རྡུལ་ཙམ་ཡང་མི་འཛེམ་ཕྱི་དྲོའི་ཁ་ཟས་སྤང་པ་ཡིན་ཟེར་བུར་སྦྲང་ཕྱེ་མར་སོགས་ཁ་ལ་མི་དལ་བར་སྤྱོད་པ་དང་། ཁྱད་པར་རབ་བྱུང་གིས་ཤ་ཆང་འཛེམ་པའི་སྲོལ་མེད་པ་འདི་ལྟ་བུ་དང་། ཁ་ཟས་བྱིན་ལེན་བྱ་བའི་དོན་ནི་རྐུ་འཕྲོག་སོགས་མ་བྱིན་ལེན་པ་སྤོང་བའི་དོན་ཡིན་མོད་ཀྱང་། གཞན་ནོར་ལ་ཐབས་སྣ་ཚོགས་ཀྱི་སྒོ་ནས་མ་བྱིན་ལེན་པ་འབའ་ཤིག་བྱེད་བཞིན་དུ། རང་གི་ཁ་ཟས་རང་གིས་གཡོས་ནས་ཟ་རན་ཚེ་བྱིན་ལེན་བྱེད་གྲོགས་གཅིག་འཚོལ་འགྲོ་བ་སོགས་ཉམས་

― TR004_Page_0445 ―

^{[མ་དཔེ་གཟིགས་ན་འདིར་གནོན།]}

[Full Size]

མཚར་བའི་སྤྱོད་ཚུལ་མང་པོ་དེང་སང་གི་དུས་འདིར་དར་བས། འདི་ལྟ་ན། གོང་དུ་བརྗོད་པའི་བསྟན་པའི་གནས་ཚད་ཀྱི་གཞུང་རྣམས་སུ། ལྔ་བརྒྱ་ཐ་མ་རྟགས་ཙམ་འཛིན་གྱི་དུས་སུ་ཆོས་ཀྱི་སྤྱོད་པ་གཞན་གང་ཡང་མེད་པ་ལ་ངུར་མྲིག་གི་ཚལ་བུ་རེ་མགུལ་དང་སྐྲ་དང་རྣ་བ་སོགས་ལ་འདོགས་པར་འགྱུར་བར་བཤད་ཀྱང་། ད་ལྟའི་ཆོས་པ་རྣམས་ཀྱི་སྤྱོད་ཚུལ་ལ་བལྟས་ན་རྟགས་ཙམ་འཛིན་པ་འདི་ཀ་ཡིན་ནམ་སྙམ་པས་ཡིད་སྐྱོ་ཞིང་། གཞན་ཡང་ཟླ་བ་སྙིང་པོའི་མདོ་དང་། དཀོན་བརྩེགས་སོགས་མང་པོར། སྙིགས་དུས་ཀྱི་དགེ་སྦྱོང་རྣམས་ཆོས་བཞིན་མི་སྤྱོད་པར། ཞིང་ལས་དང་། ཚོ་ཁེ་དང་། དམག་དང་། འཁྲུག་རྩོད་དང་། བུད་མེད་སོགས་ཁྱིམ་པའི་བྱ་བ་དང་། ནོར་གྱིས་རྩོལ་སྒྲུབ་གསོག་འཇོག་དང་། སྡེ་རིས་གཉེན་སྲིད་ཀྱི་ཕྱོགས་ཆད་དང་། རྒྱལ་པོ་དང་སྦྱིན་བདག་སོགས་ཀྱི་ཉེ་གནས་དང་ཕོ་ཉ་བྱེད་ཅིང་། བཟའ་བཏུང་། གོས་རྒྱན། གླུ་གར། གཞོན་པ། གོ་མཚོན་ལ་སོགས་ཀྱིས་ཡིད་

― TR004_Page_0446 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་པར་གཡེང་། ལོག་པར་གཡེང་། ཤིན་ཏུ་རབ་ཏུ་གཡེང་སྟེ། མི་རུང་བའི་བྱ་བ་འབའ་ཞིག་གི་དབང་དུ་གྱུར་ཚེ། བསྟན་པ་ལ་དགའ་བའི་དཀར་ཕྱོགས་ཀྱི་ལྷ་རྣམས་མྱ་ངན་དུ་གྱུར་ནས་རིང་དུ་དོར། ནག་པོའི་ཕྱོགས་རྣམས་མཐུ་དང་སྟོབས་རྒྱས་པས། འཇིག་རྟེན་གྱི་ཁམས་སུ་མི་ནད་དང་ཕྱུགས་ནད་སྣ་ཚོགས་དང་ས་གཡོས། རི་ཉིལ། བྲག་ཆད། ཆུ་སྨྱོན་དང་རླུང་དམར་ལྡང་བ་ལ་སོགས་དང་། སད་སེར། ཐན་ཆེན། ཞོད་ལོག་ལ་སོགས་པའི་ལོ་འབྲས་འབྲུ་བཅུད་མི་སྨིན། དུག་སྦྲུལ་གཅན་གཟན། འབྱུང་པོ་མི་མ་ཡིན་ལ་སོགས་ཀྱི་འཚེ་བས་སྐྱེ་འགྲོ་རྣམས་ཉམས་ཐག་པར་འགྱུར་ཚུལ་སོགས། ཇི་ལྟར་ལུང་བསྟན་པ་ཐམས་ཅད་རྗེས་དཔག་མ་ཡིན་པར་མངོན་སུམ་ཚད་མར་གྱུར་པ་འདི་ལགས་ནའང་། ད་དུང་ཚེ་འདི་ཁོ་ནའི་བྱ་བ་དང་། ལོག་པའི་འཚོ་བ་ལྔ་བསྒྲུབ་ཕྱིར་ཁོ་ན་ཉིད་ལ་འབད་མཁན་ཤ་སྟག་སྟེ། ལོག་འཚོ་ལྔ་གང་ཞེ་ན། ཚུལ་འཆོས་དང་། ཁ་གསག་དང་། གཞོག་སློང་དང་། ཐོབ་ཀྱིས་

― TR004_Page_0447 ―

^{[མ་དཔེ་གཟིགས་ན་འདིར་གནོན།]}

[Full Size]

འཇལ་དང་། བརྙེད་པས་རྙེད་པ་འཚོལ་བ་དང་ལྔ་ཡིན་ཏེ། དེ་ལས་ཚུལ་འཆོས་ནི། རང་གི་སེམས་རྒྱུད་གཏིང་ནས་མ་རུང་བཞིན་དུ། གཞན་བསླུ་བའི་ཕྱིར། མ་དུལ་བའི་དུལ་ཚུལ། མི་ཤེས་པའི་ཤེས་བརྫུ། མ་གྲོལ་བའི་གྲོལ་བརྫུ་སོགས་ཀྱིས་གཞན་བསླུས་ཏེ་རང་འདོད་བསྒྲུབ་པ་དང་།། ༈ །ཁ་གསག་ནི། བདག་དགེ་བའི་རྩ་བ་རྒྱ་ཆེན་པོ་དེ་དང་དེ་ལྟ་བུ་བྱེད་པ་ཡིན་པས་ཁྱེད་རྣམས་ཀྱིས་ཀྱང་ཅི་འབྱོར་པ་ཕུལ་ཞིག །ཅེས་སོགས་རྫུན་དང་གཡོ་རྒྱུའི་བསམ་པ་ཁོང་དུ་བཅངས་ནས། དགེ་བསྐུལ་དུ་བསྙད་པས་ཟང་ཟིང་བསྡུ་བ་དང་།། ༈ །།གཞོག་སློང་ཡང་དེ་དང་ཆ་འདྲ་བ་སྟེ། སྔོན་གཞུ་ཀུན་དགའ་ར་བའི་བཙུན་པ་གཡོ་ཅན་ཞིག་གིས། གཙུག་ལག་ཁང་མཇལ་མཁན་གྱི་ཡོན་བདག་ཕོ་མོ་མང་པོ་འོང་བའི་སར་བསྡད་ནས། གདིང་བ་རྩིད་སྐུས་ཀྱིས་བཙེམ་ཚུལ་བྱས་པས། ཁོང་རྣམས་ཀྱིས་སྐུད་པ་དེ་འདྲས་ཚེམ་དུ་མི་རུང་ངམ་ཟེར་བ་ལ། ཁོས་བདག་

― TR004_Page_0448 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་བལ་སྐུད་མ་འཛོམ་པ་ཡིན་བྱས་པས། འོ་ན་བདག་ཅག་གི་འབུལ་ལོ་ཟེར་ནས། བལ་དང་སྐུད་པ་མང་པོ་བྱུང་བའི་ལོ་རྒྱུས་ཀྱི་ངན་གཡོ་དེ་ལྟ་བུ་དང་།། ༈ །།ཐོབ་ཀྱི་མཇལ་བ་ནི། བདག་གིས་ཁྱེད་རྣམས་ཀྱི་གཤིན་པོའམ་གསོན་པོའི་དོན་འདི་ལྟར་བྱས་པ་ཡིན་པས། ཡོན་དང་འབུལ་བ་སོགས་འདི་དང་འདི་ལྟ་བུ་དགོས་སོ། །ཞེས་སོགས་དང་། ཁྱོད་ལ་གདམས་པ་ཟབ་མོ་འདི་ལྟ་བུ་བྱིན་དགོས་ན་ཁྱོད་ཀྱིས་ཀྱང་བདག་ལ་མཎྜལ་གྱི་མཆོད་པ་འདི་ཙམ་ཞིག་ཕུལ་ཞིག་ཅེས་སོགས་ལྟ་བུ་དང་།། ༈ །།བརྙེད་པས་རྙེད་འཚོལ་ནི། མི་ཆོས་ངོ་བསྲུང་ཐབ་ཀ་གནང་སྦྱིན་སོགས་བྱས་ནས་ཟང་ཟིང་བསྡུད་པ་སྟེ། དེས་ན། དེང་སང་གི་བླ་མའམ་ཆོས་པ་ཐམས་ཅད་ཀྱི་བཞེས་སྒོ་ནི་འདི་རྣམས་གང་རུང་ལ་མ་བརྟེན་པ་ཞིག་གར་ཡང་མ་མཐོང་བས། ཡོན་མཆོད་གཉིས་ཀ་ཕྱི་མའི་འབྲས་བུ་ཅི་འདྲར་འགྱུར་བ་མི་ཤེས་སོ། །གཞན་ཡང་། བཅོམ་ལྡན་འདས་ཀྱི་གསུངས་ལས་ནི། དགེ་སློང་གཉིས་པོ་འདིས་དད་པས་བྱིན་པའི་ཟས་ཟ་བར་

― TR004_Page_0449 ―

^{[མ་དཔེ་གཟིགས་ན་འདིར་གནོན།]}

[Full Size]

གནང་གིས། གཞན་དག་ལ་ནི་ཅུང་ཟད་ཙམ་ཡང་ཟ་བར་མི་གནང་ངོ་། གཉིས་གང་ཞེ་ན་ལྡན་པ་དང་གྲོལ་བའོ། །ཞེས་གསུངས་པའི། ལྡན་པ་ནི་ཚུལ་ཁྲིམས་ལྡན་པ་དང་། གྲོལ་བ་ནི་སེམས་རྒྱུད་གྲོལ་བར་ཡིན་པར་གསུངས་ན། ད་ལྟ་དེ་གཉིས་ཀ་ཡོད་མཁན་དཀོན་ཞིང་། གཞན་ཡང་། དགྲ་བཅོམ་མང་པོས་དད་ཟས་ཀྱི་ཉེས་དམིགས་ལ་དགོངས་ཏེ། དད་ཟས་མི་འབྱུང་བའི་ཆེད་ཁོ་ནའི་ཕྱིར་དུ་བསླབ་པ་འབུལ་བར་ཞུས་པས་སྟོན་པས། དེ་དེ་བཞིན་ཏེ་ཤིན་ཏུ་ལེགས་སོ། །ཞེས་གསུངས་པའི་ཚུལ་རྒྱ་ཆེར་གསུངས་ཕྱིར། བདག་སོགས་ཀྱང་དད་ཟས་ཟོས་པ་ལ་འགྱོད་ཅིང་། སླན་ཆད་ཀྱང་དེ་ལྟར་ཟ་མཁན་དུ་མི་སྐྱེ་བར་སྨོན་པའི་རྒྱུ་མཚན་དེ་བཞིན་ལགས། ཅེས་འཕྲོས་དོན་དུ་གསོལ་བའོ། །ལར་འོ་སྐོལ་རྣམས་སློབ་དཔོན་ཀླུ་སྒྲུབ་ཀྱིས་བཤེས་སྤྲིང་དུ་གསུངས་པ་ལྟར། འཇིག་རྟེན་གྱི་ཆོས་བརྒྱད་པོ་འདི་སྤོང་བར་མ་ནུས་པ་ཁོ་ནས་ལན་པ་སྟེ།

― TR004_Page_0450 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱད་གང་ཞེ་ན་ཟང་ཟིང་སོགས་རྙེད་ན་དགའ་བ་དང་ ༡ །མ་རྙེད་ན་མི་དགའ་བ་དང་ ༢ རང་གི་ཡོན་ཏན་གཞན་ལ་གྲགས་ན་དགའ་ཞིང་ ༣ མ་གྲགས་ན་མི་དགའ་བ་དང་ ༤ གཞན་གྱིས་རང་ལ་བསྟོད་ན་དགའ་ལ་ ༥ སྨད་ན་མི་དགའ་བ་དང་ ༦ །ཚེ་ཁོ་ན་སྐྱིད་ན་དགའ་ཞིང་། ༧ སྡུག་ན་མི་དགའ་བ་སྟེ། ༨ དེ་ལྟར་བརྒྱད་པོ་འདི་སློས་མ་ཐེངས་པས་ཕྱི་མའི་དོན་འགྲུབ་པར་དཀའ་བའི་ཚུལ་འདི་དཔྱོད་ལྡན་རྣམས་ཀྱི་དགོངས་འཚལ་ལོ།། ༈ །།དེ་ནས་སྔགས་ཀློག་སྐབས་ཀྱི་འཕྲོས་པ་གནང་བའི་ཆར། སྣར་ཐང་པའི་སྔགས་ཀློག་ཏུ་གྷ་ཛྷ་དྷ་དྷ་བྷ་རྣམས་ལས་གཞན་པ་ཐམས་ཅད་འཕྲལ་ཡང་། ཀྴ་ཙྪ། འདི་གཉིས་འཕྲལ་བའི་སྲོལ་མི་འདུག་གསུངས་པ་ལ།། ༈ །།སྤྱིར། རྒྱ་གར་ཉིད་དུ་ཡང་སྐད་རིགས་མི་གཅིག་པ་མང་བ་དང་། སྔགས་ཀློག་གི་སྐབས་རྣམས་ནི་སཾསྐྲྀ་ཏའི་སྐད་ཡིན་པས་ཕལ་ཆེར་མཐུན་པར་བཤད་ཀྱང་། དཔེར་ན་ཛྙཱ་ན་ཞེས་པ་འདི་ལ་ཡུལ་དབུས་ཀྱི་པཎྜི་

― TR004_Page_0451 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་འགྱ་ན་ཟེར་བ་ལ། ཁ་ཆེའི་པཎྚི་རྣམས་གཉའ་ན་ཟེར་བ་བཞིན་མི་གཅིག་པ་དུ་མ་དང་། དེ་ལ་བརྟེན་ནས་བོད་ཀྱི་ལོ་ཙཱ་བ་རྣམས་ཀྱང་མི་མཐུན་པ་ཆེས་མང་སྟེ། མཐའ་གཅིག་ཏུ་བཟུང་རྒྱུ་མི་སྣང་ཡང་། གྷ་ཛྷ་སོགས་ལྔ་པོ་ནི་བོད་ཡིག་ལ་ཐོན་མི་སམྦྷོ་ཊས་ཡིག་གཟུགས་ཟུར་དུ་མ་མཛད་པས་ཉིས་རྩེགས་འདི་ལྟ་བུ་འདི་བཞིན་བྱུང་བ་མ་གཏོགས་ངོ་བོ་ཡིག་འབྲུ་རེ་རེ་ཡིན་ཏེ་དཔེར་ན་ལཱཉྪ་ལ་ནི། འདི་ལྟ་བུ་ཡིན་ཚེ་འཕྲལ་རྒྱུ་མེད་ལ། དེ་བཞིན་དུ་ཀྵ་ཡང་ཡི་གེ་གཅིག་ཏུ་རྩི་བ་ཡིན་ཏེ། གཉིས་སུ་བྱས་ན་དབྱངས་གསལ་གྱི་གྲངས་ཡང་མི་འགྲིག་པར་འགྱུར་རོ།། ༈ །།ཡང་གོང་དུ་ཉིད་ཀྱིས་སྨོས་པའི་ཡིག་འབྲུ་དེ་གཉིས་ནི་གསལ་བྱེད་གཉིས་བརྩེགས་ཡིན་པས། སྟེང་མ་དེ་ཡི་གེ་སྔ་མ་ལ་སྦྱར་དགོས་ཏེ་སྲོག་མེད་ཡིན་པའི་ཕྱིར་རོ། །དཔེར་ན། ཡཀྴ་གནོད་སྦྱིན། རཀྴ་སྲིན་པོ། འདི་ལྟ་བུ་བྱུང་ན། ཡག་ཤ་

― TR004_Page_0452 ―

^{[མ་དཔེ་གཟིགས་ན་འདིར་གནོན།]}

[Full Size]

རག་ཤ་ལྟ་བུར་བརྗོད་དོ། ཡང་། པྲ་ཡཙྪ། པྲ་ཏིཙྪ། ལྟ་བུ་ལ། པྲ་ཡད་ཚ། པྲ་ཏཱིད་ཚ། ཞེས་པ་ལྟར་འདོན་ནོ། །ཀྵ་ནི་ཡི་གེ་གཅིག་ཡིན་ཀྱང་། ཡཀྵ་རཀྵ། པཀྵ་ལྟ་བུ་བྱུང་དུས། རབ་ཏུ་སྩོལ། སོ་སོར་བཞེས། ཀ་དེས་གོང་མ་ལ་ཅུང་ཟད་སྦྱར་ནས་འདོན་ཏེ། ཡག་ཁྱ། རག་ཁྱ། པག་ཁྱ་ཞེས་པ། གནོད་སྦྱིན་ བསྲུང་། འདབ་ཆགས། ལྟ་བུ་བྱའོ། །གཞན་ཡང་ཡ་བཏགས་ཅན་གྱི་རིགས། ཧྱ། བྷྱ། ཤུ་ནྱ་ཏཱ་སོགས་དང་། ཝ་བཏགས་ཅན། ས་ཏྭ། ཤྭ་ར། ཛྭ་ལ། ཞེས་པ་སོགས་རྣམས་ཀྱི་བཀློག་ལུགས་མི་འདྲ་བ་ཡོད་དེ། རྒྱ་གར་ཏཱི་ན་ར་ཀའི་པཎྜི་ཏ་ཤྲི། སྟོང་པ་ཉིད་ མ་ཎི་ཀའི་གསུང་རྒྱུན། སེམས་དཔའ་ དབང་ཕྱུག །འབར་བ་ གྱི་རྗེས་འབྲངས་སྣར་ཐང་ལོ་ཙཱའི་བཞེད་པ་ནི། ཡ་བཏགས་ཅན་རྣམས་འགྲེང་བུ་ལ་ཡ་སྒྲ་ཅུང་ཟད་དང་བཅས་པ་དགོས་པར་བཞེད་དེ། ཧེ་ཡ། བྷེ་ཡ། ཤུ་ནེ་ཡ། ཏཱ་ཞེས་པ་ལྟ་བུ་དང་། ཝ་ཟུར་ཅན་ལ་ཡང་ན་རོ་ཝ་སྒྲ་དང་ལྡན་པ་སྟེ། ས་ཏོ་ཝ། ཤོ་ཝ་ར། ཛོ་ཝ་ལ། ལྟ་བུར་བཞེད་དོ། །གསལ་བྱེད་ལ་དབྱངས་རི་

― TR004_Page_0453 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཞུགས་པ་རྣམས་ཀྱང་དཔེར་ན། ཀྲྀ། ཀླྀ། ཨ་མྲྀ་ཏ་སོགས་ལ། ཀི་རི། ཀི་ལི། ཨ་མི་རི་ཏ་སོགས་བརྗོད་ལ། དབྱངས་ཨི་བཞུགས་པས་གི་གུ་མ་ལོག་པ་ལ་ནི། ཀྲི། ཀླི། ལྟ་བུ་ལ། ཀ་རི། ཀ་ལི། ཞེས་སོགས་བརྗོད་པར་བཞེད་དོ། །ཡང་། ས་པཎ་ཆེན་ནགས་རིན་གྱི་རྗེས་འབྲང་། འགོས་ལོ་གཞོན་ནུ་དཔལ་དང་། ཞ་ལུ་ལོ་ཆེན་སོགས་ཀྱི་བཞེད་པ་ནི། ཧྱ། བྷྱ། ཤུ་ནྱ་ཏཱ་སོགས་ལ། ཧེ། བྷེ། ཤུ་ནེ་ཏཱ། ཞེས་པར་བརྗོད་པ་དང་། ས་ཏྭ། ཤྭ་ར། ཛྭ་ལ་སོགས་ཀྱང་། ས་ཏོ། ཤོ་ར། ཛོ་ལ་ཞེས་པ་ལྟར་བརྗོད་ཅིང་། འོན་ཀྱང་། རྒྱ་སྐད་ལ་འགྲེང་བུ་དང་ན་རོ་དངོས་བསྟན་ཡོད་པ་ཐམས་ཅད་གཉིས་ཡུན་ཅན་གྱི་རིང་པོ་ཡིན་ཏེ། སྒྲ་མདོ་ལས། མཚམས་སྦྱོར་གྱི་རྣམས་རྟག་ཏུ་རིང་པོར་གནས་སོ། །ཅེས་བཤད་པ་ལྟར་ཡིན་མོད་ཀྱང་། ཡ་བཏགས་ཅན་དང་། ཝ་ཟུར་ཅན་གྱི་རིགས་འདི་རྣམས་ནམ་འགྲེང་བུ་དང་ན་རོ་འགྲེང་བུ་དང་ན་རོ་ཐུང་ངུར་བཀླག་དགོས་པའོ། །གཞན་

― TR004_Page_0454 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་ཞྭ་ལུ་ལོ་ཙཱ་སོགས་ཀྱི་ལུགས་འདི་ལ་ནི་དབྱངས་རི་ལི་བཞུགས་པའི་གི་གུ་ཕྱིར་ལོག་ཅན་ལ། ཀྲྀ། ཀླྀ། བཀླག་ཚུལ་ནི། ཀིར་རི། ཀིལ་ལི་ཞེས་པ་ལྟ་བུ་དང་། ཨ་མྲྀར་རི་ཏ་ཅེས་པ་ལྟར་ཀློག་དགོས་པར་གསུངས་སོ། །གཞན་ཡང་རྟ་མགྲིན་གྱི་སྔགས་ཧྱ་གྲཱྀ་བ་ཞེས་ཧ་ལ་ཡ་བཏགས་འབྲི་བ་མང་པོར་སྣང་ཡང་། འདི་ལ་ཡ་བཏགས་མི་འབྲི་སྟེ། ཧ་ཡ་ཞེས་སོ་སོར་འབྲི་དགོས་པར་བཤད། བྷྱོཿཞེས་པ་འདི་ལ། བྷྱོ་བི་ཤྭ་མུ་གེ་ཞེས་སོགས་སྔགས་སྤྱི་ཁྱབ་ཐམས་ཅད་ལ་འཕྲལ་ནས་བཀླག་སྟེ། བྷ་ཡོ་ཞེས་བྱ་བ་ཡང་དམིགས་བསལ་དུ་མ་མོ་དང་ལྷ་མོ་སོགས་ཀྱི་སྲོག་སྙིང་དང་། དྲག་ལས་བཟློག་བསྒྱུར་སོགས་ཀྱི་སྐབས་སུ་ནི་འཕྲལ་མི་རུང་སྟེ། འབྱོཿཞེས་བརྗོད་དགོས་པའི་རྒྱུ་མཚན་ནི། སྐབས་འདི་ནི་ལེགས་སྦྱར་གྱི་སྔགས་མ་ཡིན་པའི་ཕྱིར་རོ། །འདིས་མཚོན་ཏེ་སྐབས་ཐོབ་ཀྱི་བྱེ་བྲག་ཤེས་དགོས་པར་གདའ་ཡང་། སྔགས་ཐམས་ཅད་ས་ཾསྐྲྀ་ཏའི་སྐད་གཅིག་བུར་འདོད་མཁན་མང་སྟེ།

― TR004_Page_0455 ―

^{[མ་དཔེ་གཟིགས་ན་འདིར་གནོན།]}

[Full Size]

དེའི་ཕྱིར་གསར་མ་བ་རྣམས། རྙིང་ལུགས་ཀྱི་བཛྲ་གུ་རུ་པདྨ་ཐོད་འཕྲེང་རྩལ་ཞེས་སོགས་ལ། སྔགས་རྒྱ་མིན་བོད་མིན་དུ་འདོན་ཞེས་བཀའ་བཀྱོན་མཛད་མོད་ཀྱང་། སོ་སོ་ལ་དགོས་པ། འདི་བཛྲ་གུ་རུ་ནི་རྒྱ་ཡིན་ལ་པདྨ་ཐོད་འཕྲེང་རྩལ་ནི་བོད་སྐད་རང་ཡིན་ཏེ། རྒྱ་མིན་བོད་མིན་མ་ཡིན་པ་ལ་ཡིན་ཟེར་བ་ཁོ་རང་ནོར་བའོ་ཞེས་ཀོང་ཡུལ་བུ་ཆུ་བདེ་སྟེང་བླ་མིང་པུ་ཎྱེ་ཀེ་རུས་ལན་བཏབ་པ་ལགས། སྐབས་དོན་རེ་འབྱུང་ཚེ། རང་ལུགས་དང་མ་མཐུན་པ་ཁོ་ན་ལ་བཀའ་བཀྱོན་མཛད་པས་མི་འཐུས་ཏེ། དཔེར་ན། ཨོཾ་ཡིག་གཅིག་པུ་ལའང་སྐབས་དོན་མི་འདྲ་བ་ཡོད་དེ། སྤྱི་ཁྱབ་ཏུ་ནི་རྡོ་རྗེ་རྩེ་མོའི་རྒྱུད་ལས། ཨོཾ་ནི་ཅི་ཞིག་ཡིན་པར་བཤད། །མཆོག་དང་ནོར་གཏེར་དཔལ་དང་ཡང་། །བསྐལ་བཟང་རྣམས་པ་དང་ལྡན་ཞིང་། །དམ་བཅའ་བ་དང་བཀྲ་ཤིས་དོན། །ནོར་བུ་འཛིན་པའི་སྙིང་པོ་ཡིན། ཞེས་པ་ལ་བརྟེན་ན། ལེགས་སྦྱར་སོར་བཞག་པའི་དབང་དུ་མཛད་དེ་གསར་མའི་སྔགས་

― TR004_Page_0456 ―

^{[མ་དཔེ་གཟིགས་ན་འདིར་གནོན།]}

[Full Size]

ཀློག་ཐམས་ཅད་ལས། རྙིང་མ་རྣམས་ཨོཾ་ལ་འ་བཏགས་པ་ནི་ཤིན་ཏུ་འཁྲུལ་ཏེ། ན་རོ་ཡོད་བཞིན་འ་འདོགས་ཀྱི་དགོས་པ་མེད་ཅིང་། ལེགས་སྦྱར་སྐད་དང་རྒྱ་ཡིག་ལ་འ་མེད་པའི་ཕྱིར་རོ། །ཞེས་སོགས་མགྲིན་གཅིག་ཏུ་གསུང་མོད་ཀྱང་། ཨོཾ་ཐམས་ཅད་ལེགས་སྦྱར་ལུགས་ཀྱི་གཅིག་བུ་མ་ཡིན་ཏེ། མཚོན་བྱེད་དཔེའི་ཡི་གེ་དང་། མཚོན་བྱེད་དོན་གྱི་ཡི་གེ་གཉིས་ལས། རྙིང་ལུགས་ཀྱི་ཨཱོཾ་འ་འདོགས་ཡོད་པའི་རིགས་འདི་ནི་དོན་གྱི་ཡི་གེ་ཉིད་ཡིན་ཏེ་དོན་གང་ཡིན། སྐུ་ལྔ་དང་ཡེ་ཤེས་ལྔའི་དོན་མཚོན་པ་ཡིན་ཚུལ། རྒྱུད་ལས། ཨ་ནི་རྣམ་སྣང་འ་མི་སྐྱོད་དང་། །ན་རོ་རིན་ཆེན་འབྱུང་ལྡན་དེ། །ཟླ་ཚེས་སྣང་བ་མཐའ་ཡས་ལ། ཐིག་ལེ་དོན་ཡོད་གྲུབ་པའོ། །ཞེས་དང་། ཨ་ཆོས་དབྱིངས་ཡེ་ཤེས། འ་མེ་ལོང་ཡེ་ཤེས། ན་རོ་མཉམ་ཉིད་ཡེ་ཤེས། ཟླ་ཚེས་སོར་རྟོག་ཡེ་ཤེས། ཐིག་ལེ་བྱ་གྲུབ་ཡེ་ཤེས་སུ་གསུངས་པ་སོགས་ཀྱི་དོན་ལ་སྦྱོར་བ་མ་གཏོགས། ན་རོ་ཡོད་བཞིན་དུ་རིང་ཆ་ལ་

― TR004_Page_0457 ―

^{[མ་དཔེ་གཟིགས་ན་འདིར་གནོན།]}

[Full Size]

བསམ་ནས་འ་འདོགས་མཛད་པ་མ་ཡིན་ཚེ། པདྨ་འབྱུང་གནས་དང་བི་མ་ལ་སོགས་ཀྱིས་སཾསྐྲྀ་ཏའི་སྐད་མི་མཁྱེན་པ་ག་མང་འོངས་ཀྱང་། དོན་ལ་དགོངས་པའི་སྐབས་ཐོབ་ཡིན་ནའང་། འདི་ལྟར་མ་གོ་བར། རྙིང་མ་བར་འདོད་པའི་བླུན་པོ་བདག་གིས་ནི་ཨོཾ་ཡོད་ཚད་ལ་འ་དགོས་པར་འདོད་ལ། གསར་མའི་སྒྲ་པ་རྣམས་ཀྱིས་ནི་ཨོཾ་ཐམས་ཅད་ལ་འ་མི་འདོད་པ་སོགས། ཕྱོགས་རེའི་ཁ་འཛིན་གྱིས་གོ་མི་ཆོད་པར་གདའ་བ་དང་། གཞན་ཡང་སྣར་ཐང་པའི་སྔགས་ཀློག་འགྲེལ་པར། སྔགས་དག་པར་དགོས་ཚུལ་བརྗོད་པའི་སྐབས་སུ། བོད་མོས་པས་འགྲུབ་པ་སོགས་ལ་བཀའ་བཀྱོན་མཛད་སྣང་ཡང་། ཇོ་བོ་རྗེ་མགུལ་བསྙུན་པའི་རིམ་གྲོར་བང་སྟོན་ལ་རྣམ་རྒྱལ་གྱི་གཟུངས་འདོན་དུ་བཅུག་པས། མ་དག་ཚབས་ཆེ་བ་གསན་ཚེ་བཞད་མོ་ཤོར་བས་བརྣག་རྡོལ་ཞིང་བསྙུན་དངས་བས། ཇོ་བོའི་བཀའ་ལས་

― TR004_Page_0458 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱོད་བོད་འདི་མོས་པ་ཁོ་ནས་འགྲུབ་པར་སྣང་བས། ཁྱོད་རང་ཚོས་ལུགས་ལྟར་འཐོན་གསུངས་འདུག་ཚེ། མོས་པ་དང་ཏིང་འཛིན་ཁོ་ན་གལ་ཆེ་བར་ཡོད་སྣང་བས་དེས་ན་སྒྲ་ཚིག་ཁོ་ན་ལ་ཞེན་མི་འཚལ་བར་མང་མཁྱེན་པར་མཛད་དུ་གསོལ། ཞེས་འཕྲོས་དོན་ཞུས་པའོ། །ཡང་ཉིད་ཀྱིས། དག་ཡིག་གི་སྐབས་རྣམས་ཛ་ཡིག་ལ་ར་མགོ་དང་ས་མགོ་གཟབ་ཤུར་གཉིས་ལ་ཐ་དད་དུ་འོང་མི་ཐང་བ་ལ། སོ་སོར་བྱུང་བ་འདི་གང་ཡིན་གསུངས་བ། འདི་སྐབས་གཞན་མ་ཡང་དེ་ལྟར་གསུངས་མཁན་བྱུང་ཞིང་། བདག་ཀྱང་དང་པོར་ཐེ་ཚོམ་བྱུང་བས་མཁས་པ་འགའ་ལ་དོགས་གཅོད་ཀྱང་ཞུས་པ་ཡིན་པས། རྫ་འདི་པ་མགོ་ལར་ནས་མ་ཡིན་ཏེ། ཟ་མ་ཏོག་ནས། ར་མགོ་ལྡན་པ་བཅུ་གཉིས་གསུངས་པའི་སྡེ་ཚན་ཡིན་པ་དང་། དེ་བཞིན་དུ་ལ་མགོ་ལྡན་པ་བཅུ། ས་མགོ་ལྡན་པ་བཅུ་གཅིག་དུ་གསུངས་པ་འདི་ནི་དག་ཡིག་ཆེན་མོ་ཐམས་ཅད་

― TR004_Page_0459 ―

^{[མ་དཔེ་གཟིགས་ན་འདིར་གནོན།]}

[Full Size]

མཐུན་ལ། རྫ་འདི་བཤུར་མའི་གཟུགས་འདི་ལྟར་བྱུང་བ་ནི་ཡི་གེ་ལུས་འགྱུར་ཡིན་ཏེ། དཔེར་ན་ས་ལ་པ་བཏགས་པའི་གཟུགས་ཀྱང་། སྤ་འདི་ལྟ་བུར་བྱུང་བ་དང་། གཞན་ཡང་ལུས་གྱུར་གྱི་རིགས་མང་ཏེ། ར་བཏགས་ཞབས་ཀྱུ་དགོས་པ་ཐམས་ཅད་ཞབས་ཀྱུ་ཉིས་རྩེགས། ཁྲུ་གྲུ་དྲུ་སོགས་འབྱུང་བ་ལྟ་བུ་དང་། གའི་རྒྱབ་ཏུ་ས་མཐའ་དགོས་མཁན་རྣམས་ལ་ལོག་འབྲི་བ་དང་། ན་ལོག་ཎ་ལ་མེད་ཟེར་དགོས་པ་དང་། བྷཻ་ལ་སྒོམ་ཟེར་དགོས་པ་སོགས་ཀྱི་ལུས་འགྱུར་མང་དུ་འབྱུང་མོད་ལ། རྒྱ་གར་གྱི་ཡི་གེ་ལ་ནི་དབྱངས་ཡིག་རེ་རེ་ལའང་གཟུགས་མི་གཅིག་པ་ནི་ཨའི་ལུས་འགྱུར་ཡིན་ནོ། །དེས་ན་རྫ་འདི་སྦྱོར་ཀློག་སོགས་ཀྱི་ཚེ་ཡང་ར་མགོར་བསླབ་ཅིང་འབྲི་བའི་ཚེ་ཡང་བཤུར་མ་ལ། སའི་འོག་ཏུ་ཇ་བཏགས་པ་འདྲ་བ་འདི་འབྲི་བར་བྱ་ཞིང་། གཟབ་མ་ལ་ནི་ར་མགོ་ཉིད་དུ་འབྱུང་བས་གོ་སླའོ།། ༈ །།ཡང་། ཕྲན་བུའི་དོན་བསྐོར་གྱི་ཕེབས་སྒོའི། སྲིད་པ་གསུམ་

― TR004_Page_0460 ―

^{[མ་དཔེ་གཟིགས་ན་འདིར་གནོན།]}

[Full Size]

ནི། སྟེང་ལྷའི་སྲིད་པ། འོག་ཀླུའི་སྲིད་པ། བར་མིའི་སྲིད་པ་དང་གསུམ། འཇིག་རྟེན་གསུམ་ཡང་དེ་རྣམས་ཏེ། ལྷའི་འཇིག་རྟེན་ཞེས་སོགས་སོ། །ཁམས་གསུམ་ནི། གཟུགས་ཀྱི་ཁམས། གཟུགས་མེད་ཀྱི་ཁམས། འདོད་པའི་ཁམས་སོ། །ས་གསུམ་ནི། ས་འོག་ས་སྟེང་། ས་བླ་དང་གསུམ་སྟེ། ས་བླ་ཞེས་པ་ནི་སའི་གོང་ལ་འཇུག་ཚེ། བར་སྣང་སོགས་ཡིན་ནོ། །འགའ་ཞིག་ཏུ་གྲོང་ཁྱེར་གསུམ་ཞེས་པའང་འབྱུང་བ་ནི། སྣང་བའི་གྲོང་ཁྱེར། ཕྱེད་སྣང་བའི་གྲོང་ཁྱེར། མི་སྣང་བའི་གྲོང་ཁྱེར། ཞེས་པ་གསུམ་ནི། འདོད་ཁམས། གཟུགས་ཁམས། གཟུགས་མེད་ཁམས་རྣམས་དང་གཅིག་པ་ཉིད་ལགས་སོ།། ༈ །།དེ་ལྟར་བརྗོད་བྱའི་ཆོས་ཚུལ་ཇི་སྙེད་ལ། དྲི་མེད་གཟིགས་པའི་སྤྱན་ཡངས་མི་ཕམ་མགོན། གང་ཁྱེད་མི་ཤེས་མུན་ཁྲོད་མི་གནས་ཀྱང་། གཞན་ལ་ཕན་དགོངས་འབའ་ཤིག་འདི་བརྩོན་མཛད།། ༈ །།བསྟན་པའི་མཐའ་འདིར་བཤེས་གཉེན་རབ་དཀོན་ཞིང་། ཡོད་རྣམས་

― TR004_Page_0461 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་བརྒྱད་རྟ་བང་འགྲན་ལ་འབྲེལ། །དེ་ཕྱིར་ལེགས་བཤད་འཚོལ་དང་སྦྱིན་པ་པོ། །གཉིས་ཀས་དབེན་འདིར་བདག་འདྲའི་ཚིག་གིས་ཅི། །མཁས་རྣམས་མགུ་བའི་ཚིག་གི་རྣམ་དཔྱོད་མེད། །གྲུབ་པ་དགྱེས་པའི་ཉམས་མྱོང་དོན་གྱིས་སྟོངས། ཅལ་ཅོལ་ཡི་གེར་འགོད་པའི་སྤྱི་བརྡོལ་འདི། །མི་རྒན་སྤོབས་པ་ཆེ་བའི་སུག་རྗེས་ལགས།། ༈ །།ཤེས་ནས་སྨྲས་ན་མཁས་པའི་ལུགས་ཡིན་ཀྱང་། །མི་ཤེས་སྨྲ་མང་དཔྱོད་ལྡན་འཁྲེལ་བའི་རྒྱུ། །དོན་མེད་གླེགས་བམ་ལོངས་འདྲའི་དྲི་ལན་འདིར། འགལ་འཁྲུལ་བཟོད་པར་བཞེས་གཅིག་མི་ཕམ་མགོན། །གལ་ཏེ་ཚུལ་འདིར་ལེགས་བཤད་ཆ་མཆིས་ན། །དེ་ཡིས་དགེ་མཐུ་ཇི་སྙེད་ཡོད་པ་དང་། །རྣམ་དཀར་བསམ་པའི་མཐུ་བྱིན་ཡོངས་བསྡོམས་ཏེ། །སྲིད་ཞིའི་འདམ་ལས་འགྲོ་ཀུན་འདྲེན་པར་ཤོག །ཅེས་པ་འདི་ཡང་སྙིགས་མཐར་སྐྱེས་པའི་རྙིང་ཧྲུལ་གྱི་བཙུན་པ་མཁས་མཆོག་པདྨ་ལེགས་གྲུབ་སྩལ་གྱིས། ཀོང་རོང་ཟད་མཐའི་རི་ཁྲོད་ནས་ཕུལ་བ་མངྒ་ལཾ། །དགེའོ། །

སྤྲུལ་པའི་སྐྱེས་མཆོག་མི་ཕམ་མགོན་པོས་དྲི་བ་སྔ་ཕྱི་མཛད་པ་རྣམས་ཕྱོགས་གཅིག་ཏུ་བཀོད་པ།

― TR004_Page_0463 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲུལ་པའི་སྐྱེས་མཆོག་མི་ཕམ་མགོན་པོས་དྲི་བ་སྔ་ཕྱི་མཛད་པ་རྣམས་ཕྱོགས་གཅིག་ཏུ་བཀོད་པ་བཞུགས་སོ།

― TR004_Page_0464 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་པའི་བསྟན་འཛིན་པདྨའི་སྙིང་པོ་ལས། །སྤྲུལ་མཛད་སྤྲུལ་པའི་རྒྱུད་འཛིན་གངས་རིའི་ཁྲོད། །གྲངས་མང་གྲངས་ཀྱི་ནང་ནས་མཆོག་གྱུར་རྗེ། །བདག་དང་བདག་འདྲའི་སྐྱབས་མགོན་གང་དེའི་དྲུང་། །ཞུ་མཆིད་མན་ངག་ཉམས་འགྱུར་གྱིས་དབེན་ཀྱང་། །གྲངས་མེད་བསྐལ་པའི་གོང་ནས་བཟོད་པའི་རྒྱུད། །རབ་གོམས་བྱམས་ཐུགས་འཁྲེལ་བ་མི་མངའ་ཕྱིར། །འདོད་དོན་ཚིག་འགའ་སྙན་དུ་གསོལ་བར་བགྱི། །ཆོས་རྣམས་ཀུན་གྱི་རང་བཞིན་རང་སེམས་དང་། གཉིས་སུ་མེད་པར་གསུང་ཀྱང་མ་

― TR004_Page_0465 ―

^{[མ་དཔེ་གཟིགས་ན་འདིར་གནོན།]}

[Full Size]

རིག་པས། །བསྒྲིབས་ཏེ་ཐེ་ཚོམ་གྱུར་རྣམས་དྲི་ཚིག་ཏུ། །ཡི་གེར་ཕུལ་ལ་བརྩེ་བས་གཟིགས་པར་གསོལ། ༈ དེ་ལ་ཐོག་མར། གསང་སྔགས་རྡོ་རྗེ་ཐེག་པའི་སྨིན་བྱེད་དབང་གི་སྐབས་སུ། གང་ཟག་གི་སྣོད་དང་སྐལ་བའི་ཁྱད་ཀྱིས། དབང་པོ་རབ་ཏུ་གྱུར་པའི་རིགས་ལ་ཡེ་ཤེས་དབབ་པ་ཙམ་གྱིས་དབང་བཞི་སྟན་ཐོག་གཅིག་ལ་ཐོབ་པར་འགྱུར་བ་དང་། འབྲིང་ལ་བུམ་དབང་ཙམ་བསྐུར་བས་སྨིན་པ་དང་། ཐ་མ་ཙམ་ལ་དབང་བཞི་ཡོངས་སུ་རྫོགས་པ་ཐོབ་པས་རྒྱུད་སྨིན་པར་གསུངས་པ་དེའི་དོན་ཧྲིལ་གྱི་

― TR004_Page_0466 ―

^{[མ་དཔེ་གཟིགས་ན་འདིར་གནོན།]}

[Full Size]

དྲིལ་ན། རྒྱུད་སྡེ་རྣམས་དགོངས་པ་མཐུན་ཕྱིར། བདེ་མཆོག་ལྟ་བུ་ལ་མཚོན་ན། མཐར་ཐུག་གི་རྡོ་རྗེ་ཕག་མོ་ནི་རང་གི་སེམས་ཉིད་སྤྲོས་པ་དང་བྲལ་བ་འདི་ཡིན་ཏེ། འདི་ཉིད་ཤེས་རབ་ཀྱི་ཕ་རོལ་ཏུ་ཕྱིན་མའང་ཡིན་ནོ། །ཞེས་དང་། གཞན་ཡང་སྐྱེས་བུ་ཐབས་ཏེ་སེམས་ཤེས་རབ། ཅེས་དང་། མིག་ནི་ཐབས་ཏེ་གཟུགས་ཤེས་རབ། སོགས་དང་། སྣང་བ་ཡབ་ལ་སྟོང་པ་ཡུམ། ཞེས་སོགས་རྒྱ་ཆེར་གསུངས་ཏེ། དབང་བཞིའི་དོན་ནི་ཟུང་འཇུག་གི་ཡེ་ཤེས་ཉིད་ཁོ་ནར་བཤད་ན། དིང་སང་ནི། དབང་གསུམ་པའི་ཉམས་ལེན་འམ་ཞིག་ཡིན་ཟེར་ནས་ཕྱག་རྒྱ་བརྟག་པ། དགུག་པ། སྒྲིབས་པ། སྨིན་པར་བྱ་བ་ལ་སོགས་ཀྱི་རིམ་པ་ཇི་བཞིན་ནི་ལྟ་ཞོག །དབབ་བསྐྱིལ་ཟློག་གྲམ་སོགས་གང་ལ་ཡང་རང་དབང་སྤུ་རྩེ་ཙམ་མ་ཐོབ་པའི། མགོ་སོག་སྒབ་རྡུམ་ཕོ་མོ་ཟུང་དུ་བསྡེབས་ནས་འཇིག་རྟེན་གྱི་ཁམས་ཀུན་མྱུལ་

― TR004_Page_0467 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་། ཆོས་མིན་མི་བྱེད་པའི་བྱ་བ་སྣ་གཅིག་ཀྱང་མེད་ཅིང་། ཞེ་སྡང་གི་སྤྲིན་ནག་ལས་རྡོ་བྱུག་གི་ཐོག་སེར་ཕབས་ཏེ། ཁྱིམ་སྒོ་དང་སྲང་ཁྱིམས་ཀུན་ཐལ་བར་རློག་པ་འདི་འདྲ་བ་མང་པོ་མཐོང་བའི་རྒྱུས། རྒྱལ་བསྟན་གྱི་ཉི་མ་ཆུ་ལྷའི་རི་ཕག་ཏུ་གཤེགས་པར་གོ་སྟེ། ཡི་མུག་གི་མུན་པ་སངས་དུས་ཀྱི་སྐལ་བ་མ་མཆིས་པ་དང་། སྐབས་འགར་ནི། རང་སེམས་རང་འཚོ་མ་ཐུབ་པའི་ཆོ་འཕྲུལ་དུ་གོ་བ་ཞིག་ཀྱང་ཤར་བས། དེས་ན། དབང་བཞིའི་དོན་གྱི་ངོ་བོ་དང་དབྱེ་བ། ཐོབ་མཚམས་སོགས་ཀྱི་སྙིང་པོའི་འགག་དོན་ལྟར་ལགས།། ༈ །།གྲོལ་བྱེད་ཁྲིད་ཀྱི་སྐབས་སུ། ཕྱི་རོལ་དུ་ཤ་ཁྲག་གདོས་བཅས་ཀྱི་ཕུང་པོ་འདི་ཉིད་གཙོ་བོར་གྱུར་པའི་དངོས་པོ་རི་རབ་ཁང་ཁྱིམ་རྩི་ཤིང་ནགས་ཚལ་འབྱུང་ལྔ་སྐྱེ་འགྲོ་བདེ་སྡུག་གི་ཡོ་ལངས་ཐམས་ཅད་དང་། ནང་དུ་དུག་ལྔའམ་གསུམ་ལས་

― TR004_Page_0468 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱེས་པའི་རྣམ་པར་རྟོག་པ་ཕྲ་རག་མཐའ་དག་རང་སེམས་ཀྱི་ཆོ་འཕྲུལ་ཉིད་ལས་གཞན་མ་ཡིན་པར་ཐག་ཆོད་ལ་རང་སེམས་དེ་ཉིད་ཀྱི་འགྱུ་བའམ་རྟོག་པ་ལས་འཁོར་བ་དང་། གནས་པའི་མི་རྟོག་པ་ལས་མྱང་འདས་སུ་བཞེད་པ་དང་། འགྱུ་བ་ཉིད་ལའང་། དཀར་ནག་གཉིས་སུ་སྣང་བས། གཉིས་ཀ་འཁོར་བའི་རྒྱུ་ཡིན་མིན་ཐེ་ཚོམ་དུ་གྱུར་པ་དང་། མི་རྟོག་པའམ་གནས་པ་ལ་ཡང་ཞི་ལྷག་གཉིས་སུ་གསུངས་ཕྱིར། གཉིས་ཀ་མྱང་འདས་ཀྱི་རྒྱུ་དངོས་གཞིར་འགྱུར་རམ་མི་འགྱུར་ཇི་ལྟར་ལགས།། ༈ །།ཡང་། སེམས་ཀྱི་ངོ་བོ་ཉིད་ཀྱང་སྐབས་འགའ་ཞིག་ལས་ནི། སྨྲ་བསམ་བརྗོད་མེད་ཤེས་རབ་ཕར་ཕྱིན་དུ་གསུངས་ལ། སྐབས་འགར་ནི། བརྗོད་པ་ཀུན་གྱི་རྒྱུའི་མཆོག་ཏུ་གསུངས་པས་འགལ་འདུ་ཇི་ལྟར་ལགས་དང་།། ༈ །།ཡང་གནས་སྐབས་ཀྱི་འཆར་ཚུལ་དུ། མིག་གི་ལྟ་སྟངས་ནམ་མཁར་གཏད་ན་སེམས་

― TR004_Page_0469 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་ནམ་མཁར་གནས་ལ། ས་གཞིར་གཏད་ན་ས་གཞིར་གནས་པ། གང་དུ་གནས་པའི་ཡུལ་དེ་ཉིད་དབྱིབས་དང་ཁ་དོག་གི་རྣམ་པ་གསལ་ཡང་དེར་འཛིན་དང་བྲལ་བ། གནས་མལ་ཡང་ཆེ་ན་ཆེ་གང་ཞིང་ཆུང་གང་བ་ལྟ་བུ་ལ་གནས་མཁན་ཁོ་རང་གི་ངོ་བོ་ནི་ཡོད་པར་ཡང་བརྗོད་མི་བདེ་ལ་མེད་པར་ཡང་བརྗོད་དུ་མི་བདེ་བ་ཞིག་འདུག་པ་འདི་ཉིད་གནས་པའི་མཚན་ཉིད་དུ་འགྱུར་རམ་མི་འགྱུར་ཇི་ལྟར་ལགས་པ་དང་། ༈ གཞན་ཡང་། སྐད་ཅིག་སྐད་ཅིག་ལ་གནས་ཤིང་། སྐད་ཅིག་སྐད་ཅིག་ལ་འགྱུ་བ་འགྱུ་རྗེས་སུ་གནས་པ་དེ་ན་བུན་ཡལ་བ་འདྲ་བ། གནས་རྗེས་སུ་འགྱུ་བ་དེ་སྤྲིན་པར་སྐྱེས་པ་འདྲ་བ། དེ་ཡང་རྐྱེན་བཟང་ངན་གང་ཡང་ཐུག་ཕྲད་ཀྱི་དུས་སུ་གློག་འཁྱུག་པ་འདྲ་བ་འདི་ཉིད་སྒོམ་གྱི་ངོ་བོར་རུང་ངམ་མི་རུང་ཇི་ལྟར་དང་། གལ་ཏེ་དེ་ཉིད་རུང་ནའང་། གནས་

― TR004_Page_0470 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་ལ་བལྟས་ན་རྐྱེན་གང་བྱུང་ཐེགས་པ་འདྲ་ཡང་། རྐྱེན་དང་ཕྲད་མ་ཐག་གནས་པས་མི་སླེབ་པ་ཤས་ཆེ་བས་ན་ཐེ་ཚོམ་གྱི་གནས་སུ་གྱུར་ལགས་པ་དང་། ལར་ཡང་། སྒོམ་གྱི་སྐབས་འདི་དག་ཏུ་གང་ཞིག་སྒོམ་བློ་མ་སྐྱེས་པར་སྒོམ་འབྱུང་བ་ནི་དཀའ་ལ། །སྐྱེས་ནས་བསྒོམ་བློ་མ་སྐྱེས་འབྱུང་བ་ནི་དཀའ་ལ། སྐྱེས་ནས་བསྒོམ་པ་ཡང་ཤིན་ཏུ་ཐེ་ཚོམས་ཏེ།། ༈ །།མགོན་པོ་ཀླུ་སྒྲུབ་ཀྱིས་མཛད་པའི་དབུ་མ་རྩ་བ་ཤེས་རབ་ལས་གང་དག་སྟོང་པ་ཉིད་ལྟ་བ། དེ་དག་གསོར་མི་རུང་བར་བཤད། ཅེས་པའི་དོན། རྗེ་ཟླ་འོད་གཞོན་ནུས་དཔེ་རིགས་ལུང་གསུམ་གྱིས་བསྟན་ཏེ། དཔེ་ནི། ཇི་ལྟར་ནད་པ་ལ་འཁྲུ་སྨན་བཏང་བས། ནད་དང་འཁྲུ་སྨན་གཉིས་ག་འཁྲུས་པས་ནི་ནད་པ་གསོར་རུང་བ་ཡིན་མོད་ཀྱི། ནད་འཁྲུས་ཀྱང་བཀྲུ་སྨན་མ་ཞུ་ན་དུག་ཏུ་འགྱུར་བས་ནད་པ་གསོར་མི་རུང་བས་འཆི་བར་

― TR004_Page_0471 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར་བའི་དཔེ་དེ་བཞིན་དུ། རིག་པའི་གཏན་ཚིག་ཀྱང་། དངོས་པོར་ལྟ་བ་ཐམས་ཅད་ནི་སྟོང་ཉིད་བསྒོམས་པས་ཞིག་ཀྱང་། སྟོང་པ་ཉིད་ལ་ཞེན་ཅིང་འཐས་པ་ལ་ནི་གང་གིས་ཀྱང་འཇིག་པར་མི་ནུས་ཏེ། ངན་འགྲོ་ལོག་པར་ལྟུང་བར་འགྱུར་རོ། །དེའི་ལུང་ནི། ཀླུ་སྒྲུབ་ཀྱི་རིན་ཆེན་འཕྲེང་བར། སྟོང་པ་ཉིད་ལ་ལྟ་ཉེས་ན། །ཤེས་རབ་ཆུང་རྣམས་ཕུང་བར་འགྱུར། །ཞེས་སོགས་གསུངས་པ་དང་། སྒོམ་བློ་སྐྱོར་མི་རུང་བའི་ཚུལ་ཡང་། རྒྱལ་བ་ཡུམ་ལས། རིགས་ཀྱི་བུ། གང་ཡིད་ལ་བྱ་རྒྱུའི་ཆོས་ཤིག་བྱུང་ན་དེ་ནི་ཡང་དག་པའི་ལྟ་བ་མ་ཡིན་ནོ། །ཞེས་གསུངས་པའི་ཕྱིར་དང་། གཞན་ཡང་། སྟོང་ཉིད་མཚན་མེད་བསྒོམས་པས་ཀྱང་ངན་འགྲོར་ལྟུང་བ་དེ་ལྟ་ན། མཚན་བཅས་དམིགས་པའི་སྒོམ་ཀུན་གྱིས་ཅི་ཞིག་འགྱུར་བར་ཐེ་ཚོམས་རབ་ཏུ་ཆེ་བར་མཆིས་ལགས་པ་དང་།། ༈ །།

― TR004_Page_0472 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་། དང་པོ་གང་དུའང་མ་གྲུབ་པའི་སེམས་ཉིད་འདི་ལ། དང་པོ་བྱུང་ས་མེད། བར་དུ་གནས་ས་མེད། མཐའ་མར་འགྲོ་ས་མེད་པས་སྐྱེ་འགག་གནས་གསུམ་དང་བྲལ་ཚུལ་བཤད་པ་འབའ་ཤིག་གསུང་རབ་སྤྱི་དང་བཀའ་རྒྱུད་རིན་པོ་ཆེའི་ཁྲིད་དཔེའི་རིགས་ཐམས་ཅད་མཐུན་པར་བྱུང་རུང་། ཀུན་མཁྱེན་རང་བྱུང་ཞབས་ཀྱི་བསྟན་བཅོས་ཟབ་མོ་ནང་དོན་གཞུང་འགྲེལ་གྱི་ལེའུ་གཉིས་པ་ལུས་སེམས་གྲུབ་ཚུལ་འཆད་པའི་སྐབས་སུ། གསང་སྔགས་རྙིང་མའི་ལུང་འདྲེན་མཛད་པར། དངས་མ་ལྔ་འདུས་ཀྱི་ཡེ་ཤེས་ནི་སྙིང་ག་ཁོ་ནར་གནས་ཚུལ་གསུངས་པ་དང་། ད་ལྟ་ཕལ་པ་རྣམས་ཀྱི་དྲན་བསམ་ཕལ་ཆེར་ཡང་སྙིང་ནས་འཕྲོ་འདུ་བྱེད་པ་ཤས་ཆེ་བ་འདྲ་ཞིག་སྣང་བ་སོགས་ལ་ཐེ་ཚོམ་གྱི་གནས་ཁོ་ནར་གྱུར་པ་ཞིག་བྱུང་བ་ནས། དོགས་གཅོད་ཞུ་བའི་ཡུལ་དུ་གྱུར་པ་ཡིད་

― TR004_Page_0473 ―

^{[མ་དཔེ་གཟིགས་ན་འདིར་གནོན།]}

[Full Size]

བརྟན་ཐུབ་པའི་གནས་ནི་དུས་དབང་གར་ཡང་དཀོན་པ་དང་། རྗེ་ཉིད་འགྲོ་ཀུན་ཡོངས་ཀྱི་ཆེད་དུ་མཛད་པའི་སྒྲུབ་པའི་མེ་ཏོག་ལ་བར་ཆད་ཀྱི་བྱང་ལྗིར་འགྱུར་དོགས་ནའང་། གསེར་གླིང་ནས་སྟོང་ལོག་གི་འཇིགས་པས་ཀུན་ནས་བླངས་ཏེ་དྲི་འབུལ་གྱི་ཡིག་གཟུགས་འཕྲེང་བར་བཀོད་དེ་ཕུལ་བར། དམིགས་མེད་ཐུགས་རྗེ་ཆེན་པོས་བརྩེར་གཟིགས་ཀྱིས། བདག་བློ་རྣམ་རྟོག་གི་ཐག་ཧྲུལ་གཅོད་པའི་དྲི་ལན་ཡེ་ཤེས་ཀྱི་རལ་གྲི་རིག་པ་གཅེར་མཐོང་གི་མེད་འོད་དུ་འབར་བ་ཞིག་ཐུགས་རྗེས་སྩོལ་བར་གསོལ་བ་འདེབས་ཤིང་། བདག་འདྲ་དལ་འབྱོར་གྱི་ལུས་རྟེན་ཙམ་ཐོབ་ཀྱང་ལས་རླུང་གི་ཤུགས་དྲག་པོས་བསྐྱོད་པས་རང་དབང་རང་གི་འདུ་བར་དཀའ་ཞིང་། གཞན་ཕན་གྱི་ས་བོན་ནི་འདེབས་པ་དང་འདེབས་རྒྱུ་གཉིས་ཀས་དབེན་ལ། རང་དོན་སྙིང་པོར་མི་མེད་ལུང་

― TR004_Page_0474 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོངས་རྣམས་སུ་གྲོགས་མེད་གཅིག་པུའི་བརྟུལ་ཞུགས་ཀྱི་ཉམས་བག་ཡངས་སུ་རྒྱུ་བ་ལ་ཡིད་སྨོན་གྱི་འདུན་པ་གཏད་མེད་དུ་འཕྱོ་ནའང་། སྔོན་བསགས་ཀྱི་བང་མཛོད་སྟོངས་ཚེ་སྙིང་སྟོབས་ཀྱི་འབྱོར་པ་དང་བྲལ། ཡུལ་དགོན་དུ་བཏང་སྙོམས་སུ་གནས་པ་འདི་ལྟ་བུར་ནི། ཆོས་ཐོག་ཏུ་རྐྱེན་ངན་ཤིག་གི་སོ་ནད་ཙམ་ཡང་མི་ཐེག་བཞིན་དུ། གཤིན་པོའི་སྒྲིབ་སྦྱོང་དང་གསོན་པོའི་ཚོགས་ཡུལ་དུ་ཁས་ལེན་ཞིང་། གདོས་བཅས་ཀྱི་སྒྱེའུ་དཀོར་ནག་ལོག་འཚོའི་རྫས་ངན་གྱིས་བརྒྱང་བ་ནི་སེམས་ཀྱིས་མི་བཟོད་པའི་ཟུག་ངུ་རྟ་མོ་རྟེའུ་སྟོར་བ་ལྟར་གྱུར་བའི་མཐུས། ཆོས་མེད་པར་མི་ཚེ་རིང་པོའི་སྨོན་ལམ་མི་འདེབས་ཐག་ཆོད་ལག་ཚེ། མཁྱེན་བརྩེ་ཡེ་ཤེས་ཀྱི་གཟིགས་པས་འདི་བཟུང་མཐར་ཐུག་བྱང་ཆུབ་ཀྱི་བར་དུ་འདོར་མེད་དུ་གསོལ་བ་འདེབས་སོ། །ཞེས། བམ་སྟེང་ངེས་འབྱུང་གི་དགོན་

― TR004_Page_0475 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ནས། སེར་གཟུགས་པ་ཀརྨ་མི་ཕམ་མགོན་པོས་ཕུལ་བའོ། །ཞེས་པ་འདི་ཡན་གྱི་དྲི་ལན་དུ་སྐལ་བཟང་དགའ་བྱེད་བདུད་རྩིའི་འདོད་འཇོ་ཞེས་པ་དེ་ཉིད་ཡིན་ནམ།། ༈ །།ལགས་སྔོན་གྱི་དུས་ན་མཁས་པ་གཡུ་ཐོག་མགོན་པོས་རྒྱུད་བཞི་གསུངས་དུས་ཀྱི་དྲི་བ་དྲིས་ལན་ལྟར། བདག་འདྲ་བའི་འགྲོ་བ་གཅིག་པུའི་དོན་དུ། བསྐལ་བཟང་དགའ་བྱེད་འདི་ལྟར་ཕེབས་པའི་བཀའ་དྲིན་ནི་བློའི་ཡུལ་ལས་འདས་ཤིང་། འཛམ་གླིང་ལན་གསུམ་བསྐོར་ཡང་། སྡེ་སྣོད་རྒྱུད་སྡེ་གསར་རྙིང་ཀུན་གྱི་དགོངས་དོན་གཅིག་ཏུ་དྲིལ་བ་སྟན་ཐོག་གཅིག་ཁོ་ནར་རྣ་བར་ཐོས་པའི་སྐལ་བ་ནི་ད་རེས་ལས་སྔར་ཕན་མ་མཆིས་ཤིང་། སླད་མར་བྱང་ཆུབ་ཀྱི་བར་དུ་ཡང་ཟབ་དོན་ལྟ་བུ་སྟོན་པའི་བཤེས་གཉེན་དང་ནམ་ཡང་མི་འབྲལ་ཞིང་། ཇི་ལྟར་བསྟན་པའི་དོན་ཇི་བཞིན་ཁོང་དུ་

― TR004_Page_0476 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུད་པ་དང་། དེ་ཡང་ཚེ་ལྟ་བུ་མ་ཡིན་པར། བརྩོན་འགྲུས་དྲག་པོས་ཉམས་སུ་ལེན་པ་ལ་སྐད་ཅིག་ཀྱང་གཡེལ་བ་མེད་པའི་སྨོན་ལམ་གྱི་བསམ་སྦྱོར་སྔོན་དུ་བཏང་ནས།། ༈ །།སླར་ཡང་སྙན་དུ་གསོལ་པ་དང་པོ་བུམ་དབང་ཐོབ་པ་ནས་སྣོད་བཅུད་ཐམས་ཅད་ལྷར་ལྟ་དགོས་ཤིང་། བུམ་དབང་ཉིད་ལེན་པར་བྱེད་པ་ལའང་རང་ལུས་སྣང་སྟོང་སྒྱུ་མའི་ལྷར་ལྡང་དགོས་པ་དང་། དེ་ལས་ཀྱང་གོང་དུ་སྭ་བྷ་ཝའི་སྔགས་དོན་ནས་གཟོད་མ་ཉིད་ནས་རྣམ་པར་དག་པའི་སྟོང་པ་ཆེན་པོ་ཉིད་ཡིན་པ་ལ་ཡིན་པར་ངོ་ཤེས་དགོས་པ་དེ་ལྟ་ན། སློབ་མ་དེ་སྔར་ནས་དབང་བཞི་པའི་དོན་གོ་བ་ཞིག་དགོས་པར་འགྱུར་ལ། ཕྱག་བཞེས་ཀྱི་རིམ་པར་ཡང་དང་པོར་ཤིང་བུ་རྡེའུ་སོགས་ལ་བརྟེན་པའི་ཞི་གནས་དང་མཚན་མེད་ཀྱི་ཞི་གནས་སོགས་གོམས་པ་ཞིག་ལ་དབང་བཞི་བསྐུར་ན་ལེགས་པར་འགྱུར་གྱི། ད་ལྟ་

― TR004_Page_0477 ―

^{[མ་དཔེ་གཟིགས་ན་འདིར་གནོན།]}

[Full Size]

ནི་དབང་སྔོན་ལ་བསྐུར་རྗེས་ཁྲིད་འདེབས་པའི་ཕྱག་བཞེས་དང་། མཚན་ཡང་སྨིན་གྲོལ་གཉིས་ཞེས་སྨིན་བྱེད་སྔོན་ལ་ངེས་པར་འབྱུང་བས་དེས་ན་ཚུལ་འདིའི་དགོངས་ཇི་ལྟར་ལགས་པ།། ༈ །།དབང་གསུམ་པ་ཡང་། བྱང་སེམས་སྙིང་ཁར་སླེབ་པ་ཙམ་ལ་བཟློག་དགྲམ་གོམས་སུ་བཅུག་པའི་མཐར་ནོར་བུའི་རྩེ་མོར་ལྷན་སྐྱེས་སམ། བདེ་སྟོང་ངམ། བཞི་པའི་དོན་ཁོ་ནས་བསྐྱིལ་བར་ནུས་ལ། སྔོན་གྱི་སྐྱེས་ཆེན་དག་དབུ་བྲག་ཕུག་ལ་བརྡབས་པ་དང་ཞབས་ལ་ཚེར་མ་ཟུག་པ་སོགས་ཀྱང་ལྷན་སྐྱེས་སུ་འཆར་བ་རྣམས་དང་མཐུན་པར་འགྱུར་བར་གོ་ཡང་།། ༈ །།དིང་སང་ཁྲིད་དཔེ་དང་ཕྱག་བཞེས་སྨར་ཁྲིད་ཐམས་ཅད་དུ་ནི་རྩ་ཐེམ་རླུང་ཐེམ་ཁོ་ན་ལ་གལ་པོ་ཆེར་མཛད་པར་གྲགས་ལ། འདི་ལ་ནི། སྙན་རྒྱུད་རྡོ་རྗེའི་ཚིག་དབང་དུ། གཞན་དབང་འདོད་སྲེད་བག་མེད་ཆང་གིས་མྱོས། །

― TR004_Page_0478 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་ལས་ཉམས་ཤིང་སླར་ཡང་ངན་སོང་ལྷུང་། ཞེས་དང་། ལུང་བསྟན་དག་ཏུའང་། འགོ་སྡོམ་ཁན་ལ་ཐབས་ལམ་ཤེས་སོ་ཟེར། ཞེས་གསུངས་པ་ལྟར་འགྱུར་བར་གོ་བས། དེས་ན་རྩ་རླུང་ཐེམ་བུའི་དགོས་པ་དང་དགོངས་དོན་ཇི་ལྟར་ལགས་པ་དང་།། ༈ །།དབང་བཞི་པའི་མཚན་ལ་ཚིག་དབང་རིན་པོ་ཆེ་ཞེས་འདོགས་པའི་འབྲུ་དོན་ནམ་ངེས་ཚིག་ཅི་ཞིག་ལགས། ཡང་བུམ་དབང་གི་ལམ་སྐྱེད་རིམ་གྱི་སྐབས་སུ་བརྡའ་དོན་རྟག་གསུམ་ཞེས་པ་དེ་ཉིད་གང་དང་གང་ལགས་པ་དང་། ཁ་སྦྱོར་ཡན་ལག་བདུན་གྱི་འདྲེན་ཚུལ་ཇི་ལྟར་བཞེད་པ་ལགས།། ༈ །།དབང་བཞི་རྫོགས་པར་ཐོབ་ཕྱིན་ཆད་སྐྱེད་རྫོགས་གཉིས་ཀྱང་སྟན་ཐོག་གཅིག་ལ་ཚང་བར་ཉམས་སུ་ལེན་དགོས་པར་གསུངས་ན། བུམ་དབང་གིས་སྐྱེད་རིམ་བསྟན་ནས། རྫོགས་རིམ་བཞི་པས་ཤུགས་ལས་བསྟན་པ་ལགས་སམ། དངོས་ནི་དབང་བཞིས་བསྟན་པར་མ་གོ་ཞིང་། ལར་སྐྱེད་རྫོགས་གཉིས་འདི་

― TR004_Page_0479 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱ་གར་དུ་ཡང་པཎ་གྲུབ་སོ་སོའི་བཞེད་ཚུལ་སྣ་ཚོགས་ཏེ། ཐུན་སྟོད་ཐུན་སྨད་སོ་སོར་ཉམས་སུ་ལེན་པའི་ལུགས་དང་སྔ་དྲོ་ཕྱི་དྲོ་དང་ཉིན་མཚན་ཐ་དད་དུ་དང་། ཚེ་སྟོད་ཚེ་སྨད་ཀྱི་ཉམས་ལེན་དུ་འདོད་པ་སོགས་མི་མཐུན་པ་མང་ཡང་། ན་རོའི་སྒྲུབ་རྒྱུད་པའི་ཕྱག་བཞེས་ལ་སྟན་ཐོག་གཅིག་ཏུ་བསྒོམ་པར་བཞེད་ན། དེ་ལྟ་བུ་སྟན་ཐོག་གཅིག་ལ་སྐྱེད་རྫོགས་གཉིས་ཀ་མ་ཚང་ན་སྐྱོན་དང་ཉེས་པ་ཅི་ལྟ་བུ་མཆིས་པ་ལགས། རྫོགས་རིམ་དངོས་ཀྱང་། དེ་ཡང་བདག་གིས་ནི་བདེ་མཆོག་དྲིལ་བུ་པའི་ལུགས་ཀྱི་དཀྱིལ་འཁོར་དུ་སྨིན་བྱེད་ཐོབ་ཁུས་ལགས་པ་དེའི་བདག་སྐྱེད་ཀྱི་རྫོགས་རིམ་ནི་ནང་གི་ཧེ་རུ་ཀའི་སྙིང་གར་ཐིག་ལེ་ཡུང་འབྲུ་ཙམ་ལ་ཤེས་པ་གཏད་ཚུལ་སོགས་དང་། རྫོགས་རིམ་དངོས་བསྟན་ནི། ཕྱི་གཞལ་ཡས་ཁང་ནང་གི་ལྷ་འཁོར་ལ་སྡུ་ཞིང་། དེ་གཙོ་བོ་དང་། དེ་ཉིད་ཧཱུྃ་དང་། ཧཱུྃ་ནཱ་ད་ལ་བསྡུས་ནས་སྟོང་ཆེན་གྱི་དབྱིངས་སུ་མཉམ་པར་

― TR004_Page_0480 ―

^{[མ་དཔེ་གཟིགས་ན་འདིར་གནོན།]}

[Full Size]

འཇོག་ཚུལ་སོགས་མཚན་མོའི་རྣལ་འབྱོར་དུ་བསྟན་བྱུང་ཞིང་། ཡང་རྗེ་མི་སྐྱོད་ཞབས་ཀྱིས་མཛད་པའི་ལྷ་ལྔ་པར་ནི་ཚུལ་འདི་བདག་སྐྱེད་ཀྱི་རྫོགས་རིམ་དུ་བསྟན་ནས། སླར་ལྷན་སྐྱེས་ཀྲོང་སྐྱེད་ཀྱི་སྐུར་ལྡང་སྟེ་ཐུན་མཚམས་ཀྱི་བྱ་བའི་འཁོར་ལོ་ལ་འཇུག་ཐབས་སོགས། འདི་ལྟ་བུའི་རིགས་ཅན་མི་འདྲ་བ་ཤིན་ཏུ་མང་བས་དགོངས་དོན་རྟོགས་དཀའ་བར་གྱུར་ཚེ། ཇི་ལྟར་ལགས་པ་དང་། རྗེ་དགུ་པས་མཛད་པའི་མངོན་པ་རྟོག་པ་མུ་ཏིག་འཕྲེང་བའི་ལྷ་རྣམས་ནི། ཐུགས་ཀའི་ས་བོན་གང་ཡིན་ལ་བསྡུ་ཞིང་དམིགས་མེད་ཀྱི་རྒྱས་འདེབས་པ་ཙམ་ལས་གཞན་པ་གང་ཡང་མ་གསུངས་པས་ཐེ་ཚོམ་དང་། གལ་ཏེ་རྒྱུད་སྡེ་གོང་འོག་གི་ཁྱད་པར་ཡིན་ན་ནི། ཕྱག་རྡོར་ལྟ་བུ་ལ་མཚོན་ན་རྣམ་འཇོམས་ནི་བྱ་རྒྱུད་ཀྱི་ལྷར་བསྟན་པ་འདྲ་ཞིག་ལ། ཟླ་བཟང་ནི་དུས་འཁོར་གྱི་སྣོད་དུ་གྱུར་ཕྱིར་ཐེ་ཚོམ་

― TR004_Page_0481 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། དེ་བཞིན་དུ། རྡོར་སེམས། སྒྲོལ་མ་སོགས་མང་པོར་རྒྱུད་སྡེའི་དབྱེ་བ་དཀའ་བ་དང་། ཧེ་རུ་ཀའི་དབང་ལ་རྡོར་སེམས་ཀྱི་བརྟུལ་ཞུགས་བསྟན་པ་དང་། རྡོར་སེམས་དང་ཧེ་རུ་ཀ་གཉིས་ཀའི་བརྟུལ་ཞུགས་ཉིད་ཀྱི་དགོས་དོན་གང་ཡིན་པ་དང་གཞན་ཡང་། ཆུ་གཏོར་གྱི་བདག་སྐྱེད་སྤྱན་རས་གཟིགས་དང་། བསངས་ཀྱི་བདག་སྐྱེད་གུ་རུ་རིན་པོ་ཆེ་སོགས་མང་པོར་སྐྱེད་རིམ་གྱི་སྦྱོར་དངོས་རྗེས་གསུམ་ཚང་བའི་སྤྲོ་སྡུ་རྣམས་མི་སྣང་བའི་དགོངས་དོན་ཅི་ཞིག་ཡིན་པ་དང་། ལྷའི་ཐུགས་སྲོག་ས་བོན་གྱི་ཡི་གེའི་གདོང་དེ་ལྷའི་མདུན་ཕྱོགས་སུ་བསྟན་དགོས་པར་གསུངས་མོད་ཀྱི། གདོང་དེ་དཔེ་ཆའི་ངོས་ལ་ཡོད་སྐབས་ཀྱི། རང་ལ་ཚུར་ལྟ་བ་དེ་ལ་ངོས་འཛིན་ནམ་ཡིག་མགོའི་ཕྱོགས་སུ་ལྟ་བ་ལ་ངོས་འཛིན་པ་གང་ལགས་པའི་བཞེད་དོན་རྣམས་ལྷུག་པར་སྩོལ་བ་མཁྱེན་

― TR004_Page_0482 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་། སྐྱེད་རྫོགས་གཉིས་ཀའི་སྲོག་ཤིང་ལྟ་བུར་གྱུར་པའི་རྩ་དབུ་མ་འདི་ལ། གནས་པའི་དབུ་མ་དང་། སྒོམས་པའི་དབུ་མ་གཉིས་ཀྱི་ཕྱི་མ་ནི་ཁྲིད་གཞུང་སོ་སོ་བཞིན་ལ། གནས་པའི་དབུ་མ་ནི། རྗེ་རང་བྱུང་ཞབས་ཀྱིས་ནང་དོན་དུ་གསུངས་པར། མཁྲང་གྱུར་ཞག་ནི་དང་པོ་ནས། །རང་སོར་ཕྱེད་དང་བཅུ་གསུམ་གྱི། །ཚད་ལྡན་དབུ་མ་སྲོག་རླུང་བཅས། །ཨ་ཝ་དྷཱུ་ཏིར་ཤེས་བྱ་སྟེ། །ལྷན་ཅིག་སྐྱེས་སྟེར་བྱེད་པའོ། །ཞེས་གསུངས་ཤིང་། དེའི་འགྲེལ་པར། ལྷན་ཅིག་སྐྱེས་པའི་དགའ་བ་སྟེར་བ་སྟེ། མདོར་ན་ལུས་ཅན་སྲོག་རྩ་ཡིན་པས་འདི་གོ་བར་བྱའོ། །ཞེས་ལུས་ཅན་ཐམས་ཅད་ཀྱི་སྲོག་རྩར་གསུངས་ན། འགྲོ་བ་དྲུག་ཀ་ལ་ཡོད་པར་བཞེད་དམ། དལ་འབྱོར་གྱི་མི་ལུས་གཅིག་པུ་ལ་ཡིན་ནམ་ཇི་ལྟར་ལགས་དང་། བར་དོའི་སེམས་ཅན་རྣམས་འགྲོ་བ་དྲུག་པོའི་ཁོངས་སུ་འདུའམ་མི་

― TR004_Page_0483 ―

^{[མ་དཔེ་གཟིགས་ན་འདིར་གནོན།]}

[Full Size]

འདུ་ཇི་ལྟར་དང་། གོང་གི་འཕྲོས་ལས། འགྲེལ་པར། འཁོར་ལོ་དྲུག་པོའི་བར་བར་དུ་སེམས་ཅན་དེ་ཉིད་ཀྱི་རང་སོར་ཕྱེད་དང་བཅུ་གསུམ་པའི་ཚད་ཀྱི་སྲོག་རྩ་འཆགས་པར་འགྱུར་ཏེ། རྩེ་མོ་གཅིག་ནི་རྩ་དང་འབྲེལ་ལོ། །ཞེས་གསུངས་ན། འདི་སྐབས་མཁྲང་གྱུར་གྱི་གནས་སྐབས་དེར་སེམས་ཅན་དེ་ཉིད་ལ་ཡན་ལག་གི་གནས་རྣམས་སུ་འབུར་པོ་ལྔ་དོད་པའི་དུས་ལའང་མ་སླེབ་པར། སོར་འབྱུང་བའི་རྒྱུ་མ་མཆིས་པས་ན་འདིའི་དགོངས་པ་གང་ཞིག་ལགས། ཡང་སྔར་གྱི་མཇུག་ཏུ། དྲི་མེད་འོད་ཀྱི་ལུང་ཡང་། ཟླ་བ་གཅིག་ནས་བྱང་ཆུབ་ཀྱི་སེམས་ཐམས་ཅད་ཀྱི་མྱུ་གུར་གྱུར་པའི་སྙིང་གི་དབུས་ཀྱི་གནས་སུ་རྩ་བཅུ་སྲོག་རླུང་ལ་སོགས་པའི་གཞིར་གྱུར་པ་ཤིན་ཏུ་ཕྲ་བ་སྒྲའི་ཚད་ཙམ་མོ། །ཞེས་པས། དབུ་མ་དང་སྲོག་རྩ་གཅིག་པར་བཞེད་ཅིང་། སྲོག་གི་རླུང་

― TR004_Page_0484 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་དབུ་མའི་ནང་དུ་གནས་པར་གསུངས་ཏེ། །སྲོག་རླུང་སྒྲ་གཅན་རང་བཞིན་ཏེ། །དབུ་མར་རྒྱལ་པོ་ལྟ་བུར་གནས། །ཞེས་དང་། རྩ་བའི་རླུང་ལྔ་འཆད་པའི་སྐབས་སུ་ཡང་། སྲོག་ནི་ཨ་ཝ་དྷཱུ་ཏི་སྟེ། །གཞན་ནི་རྩ་བའི་རླུང་རྒྱུའི་གནས། །ཞེས་པ་དང་། ནམ་མཁའི་མགོན་པོ་ཅེས་བྱ་བ། །འཆི་བའི་ཚེ་ན་ཡང་དག་རྒྱུ། །ད་ལྟ་བདག་འཛིན་དྲན་པ་བསྐྱེད། །ལོག་ན་བརྒྱལ་སྨྱོ་འཆི་བར་བྱེད། །ཅེས་སོགས་གསུངས་ཕྱིར། དབུ་མ་ལས་གཞན་པའི་སྲོག་རྩ་ཡོད་པར་མ་གསུངས་པར་གོ་ཡང་། རྒྱལ་བ་ཡང་དགོན་པ་ཆེན་པོས་མཛད་པའི་རྡོ་རྗེ་ལུས་ཀྱི་སྦས་བཤད་དུ། རྣལ་འབྱོར་ཆེན་པོའི་རྒྱུད་ལས། སྲོག་གི་དབུག་པའི་ནང་ན་གནས། །སུམ་ཅུ་རྩ་གཉིས་མདུད་དང་ལྡན། །ཕྲ་བའི་ཕྲ་བ་ཡང་དག་མཆོག །ཕྱི་རོལ་མ་ཡིན་ནང་མ་ཡིན། །ཞེས་སྲོག་རྩའི་ནང་ངམ་མདུན་

― TR004_Page_0485 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་དབུ་མ། གཡས་གཡོན་དུ་རོ་རྐྱང་། དེ་རྣམས་ཀྱི་བར་དུ་རང་སོར་རེའི་བར་ཐག་ཡོད་པར་བཤད་ཅིང་། སྲོག་རླུང་དབུ་མར་གནས་ཚུལ་གོང་ལྟར་ལ། སྲོག་རྩ་ནི་སྟོང་པར་གནས་གསུང་སྣང་བས་ན། དེས་ན་འདི་གཉིས་ཀྱི་འགལ་འདུ་ནི། སྲོག་རྩ་དང་དབུ་མ་གཅིག་དང་ཐ་དད་པའི་ཁྱད་པར་དང་། དབུ་མའི་དབྱིབས་ཀྱང་། ནང་དོན་ལས་ནི། ཆུ་ཤིང་མེ་ཏོག་ལྟར་སྟོང་པ། སོགས་དང་། གཞན་ལས་དབུ་མ་མཚན་ཉིད་བཞི་ལྡན་གྱི་སྐབས་སུ་ཡང་། དྲང་ཞིང་འཁྲོངས་པ་ཆུ་ཤིང་གི་སྡོང་པོ་ལྟ་བུ། ཞེས་གསུངས་པ་འབའ་ཤིག་བྱུང་བ་ལས། སྦས་བཤད་དུ་ནི། སུམ་ཅུ་རྩ་གཉིས་མདུན་དང་ལྡན་པར་གསུངས་པས་ཤིན་ཏུ་ཐེ་ཚོམ་ཆེན་ཆེ་བར་བྱུང་ལགས་པ་དང་། ཡང་དགོན་པའི་ལུང་ཁུངས་ཀྱང་། རྣལ་འབྱོར་ཆེན་པོའི་རྒྱུད་ལས། ཞེས་པ། རྩ་མཆོག་འདི་དག་ནི་བླ་མེད་ཀྱི་མཐར་

― TR004_Page_0486 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུག་པའི་སྦས་དོན་བཤད་པའི་སྐབས་ཡིན་ཚེ་རྣལ་འབྱོར་ཡོ་གའི་རྒྱུད་ཀྱི་ལུང་འོང་དོན་མ་མཆིས་ན། ཇི་ལྟར་ལགས། ཡང་མི་ཕམ་པདྨ་དཀར་པོས་མཛད་པའི་བསངས་རབ་ཀྱི་ཆོས་སྐྱོང་གི་རྩ་བ་བཤད་སྐབས་ན། ་ནཱ་ཌི་དབུ་མར་རེངས་པའི་གཟུགས། ཞེས་བྱུང་བས། ནཱ་ཌི་ཞེས་པ་སྲོག་གི་རླུང་ལ་འཇུག་མི་འཇུག་དང་། རེངས་པ་དང་ལོག་པ་གཉིས་དོན་གཅིག་མི་གཅིག་ཅི་ལྟ་བུ་ལགས། སྲོག་གི་རླུང་དེ་ཉིད་དབུ་མའི་ནང་དུ་རང་གང་གི་ཚུལ་དུ་གནས་པར་འདོད་པ་དང་། གསུམ་ཁྱོག་ཨ་ཡིག་གི་རྣམ་པར་གནས་ཞེས་འདོད་ཚུལ་ཐ་དད་དུ་སྣང་བས་ཐེ་ཚོམ་དང་། དུས་འཁོར་གྱི་གཞུང་ལུགས་ནི། སྲོག་རླུང་གི་སྟོད་སྒྲ་གཅན། འོག་དུས་མེར་བཞེད་ཅིང་། དེ་ལ་ལྟེ་བའི་ལས་རླུང་གི་གསོ་སྐྱེད་ལ་བརྟེན་ནས་ཕྱི་རོལ་གྱི་ཉི་ཟླ་གཟའ་འཛིན་འབྱུང་བར་གསུངས་སྣང་བས། དེ་ལྟར་ན། ཟླ་བ་མཇུག་

― TR004_Page_0487 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན་དང་ཉི་མ་ལ་གདོང་འཛིན་གཏན་མི་སྲིད་པའམ། ཡང་ན་ནི་སྲོག་རླུང་ཉིད་མགོ་མཇུག་ལྡོག་དགོས་པར་འགྱུར་བའི་སྐྱོན་དང་། ལར། ཕྱི་རོལ་ཟླ་དྲུག་གི་ངེས་པ་འདི་ཡང་ནང་དུ་ལས་རླུང་གི་གསོ་སྐྱེ་ལས་འབྱུང་དགོས་པར་གདའ་ཡང་། དུས་མཚམས་ཀྱི་གནད་གོ་བར་དཀའ་ཞིང་ཐེ་ཚོམ་ཆེ་བ་དང་། འགའ་ཞིག་གི་གསུང་ལས་ནི། དཀར་དམར་གཉིས་སྙིང་ཁར་འཛོམ་སྟེ་འབྲོས་འདོད་ཀྱི་ཚུལ་དུ་བསྐོར་བས། དཀར་པོས་དམར་པོ་ཟིན་དུས་ཉི་འཛིན་འོང་ཚུལ་སོགས་གསུངས་གདའ་ཡང་། དེ་ལྟར་ན་གནས་གང་ལ་ཉི་ཟླ་ལྷན་ཅིག་འཛོམས་ནས་གཅིག་གིས་གཅིག་སྒྲིབས་རེས་བྱེད་དགོས་པར་འགྱུར་བས། དེ་ལྟ་བུ་འཐད་པར་མི་སེམས་ཤིང་ཟླ་དྲུག་གི་ངེས་པ་ཡང་སྟོར་བར་འགྱུར་བ་དང་། ཁྱད་པར་དུ། ལྟེ་བའི་རོ་རྐྱང་ལས་བཞིར་གྱེས་ཤིང་

― TR004_Page_0488 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི་གསུམ་གསུམ་དུ་གྱེས་པའི་བཅུ་གཉིས་པོ་ལ། སྐབས་འགར་ལུག་སོགས་མཉམ་པའི་ཁྱིམ་དྲུག །གླང་སོགས་མི་མཉམ་པའི་ཁྱིམ་དྲུག་ཏུ་འཆད་ཅིང་། སྐབས་འགར་ནི། ལུག་སོགས་མི་མཉམ་པ་དང་གླང་སོགས་མཉམ་པའི་ཁྱིམ་དུ་བཤད་པ་འདི་ལ། དཔལ་གཙུག་ལག་འཕྲེང་བ་ལྟ་བུས་ཀྱང་། ཚུལ་འདི་དག་སྔོན་ནས་བྲིས་ནོར་རམ། དགོངས་པ་ཅི་ལྟར་ཡིན་མ་ཤེས་ཚེ། ཞྭ་དམར་ཐམས་ཅད་མཁྱེན་པ་སོགས། ཀརྨཱ་པའི་བསྟན་འཛིན་རྣམས་ཀྱི་གཏན་ལ་འབེབས་པར་ཞུ་ཞེས་གསུངས་པར་མཛད་ན། ཤིན་ཏུ་ཡང་མགོ་འཁོར་བའི་གནས་དུ་སྣང་བ་དང་། ཁྱད་པར་གནད་དོན་འདིའི་སྐབས་ཀྱི་བྱེད་པ་ལས་བརྟེན་ནས་ཕྱི་རོལ་གྱི་ཉི་ལྡོག་འདི་འབྱུང་རྒྱུར་སྣང་ཡང་། བདག་ནི་ཕྱི་ནང་གཉིས་ཀར་ཡང་དམ་པའི་མན་ངག་ལ་མང་ཐོས་འབྱོར་པས་དབེན་ཞིང་དཔེ་ལ་བལྟས་པ་ཙམ་གྱིས་ཕྱི་ནང་གི་དོན་

― TR004_Page_0489 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་གོ་ཡུལ་མ་རྙེད་ཚེ་ཐེ་ཚོམ་གྱི་དྲ་བ་ཆོད་ཐུབ་པའི་བཀའ་དྲིན་སྩོལ་བ་ཞུ། གཞན་ཡང་། སྐལ་བཟང་དགའ་བྱེད་ཀྱི་ཕེབས་ནང་དུ། དྲན་པ་རྣམས་བཀོད་ཀྱི་འཁོར་ལོའི་དབུས་སུ་རྩ་གསུམ་འདུས་པའི་མདུད་པ་ཧཱུྃ་གི་དབྱིབས་ཅན། ཞེས་པའི་རྩ་གསུམ་པོ་ནི་གཙོ་བོ་གསུམ་ཉིད་ཡིན་ཤས་ཆེ་ཡང་། སླར་དབུས་མ་གསུམ་ཆོས་ཉིད་ཀྱི་རྩ། ཞེས་གསུངས་པ་འདི་གསུམ་གྱི་བཞུགས་གནས་གོ་མ་བདེ་བ་དང་། མདུན་རྩ་ཡེ་ཤེས་ཀྱི་རྩར་གནས་པའི་ཡིད་ཀྱི་རྣམ་ཤེས་དེ་ལ་ཉོན་མོངས་ཀྱི་དྲི་མ་ཡོད་མེད་ཇི་ལྟར་དང་།། ༈ །ཁྱད་པར་དེ་དག་གི་དབུས་རྩའི་ནང་དུ་དབུ་མའི་དངས་མ་ཀ་ཏི་ཤེལ་གྱི་བུ་གུ་ཅན་ནམ། མདུད་བྲལ་མ་ཞེས་བྱ་བ་འདི་ཉིད། ཡང་དགོན་པའི་སྦས་བཤད་ཀྱི་སྲོག་རྩ་དང་དགོངས་པ་གཅིག་པ་ལགས་སམ། ནང་དོན་དུ་ནི། མདུད་བྲལ་མ་ཡན་ལག་གི་

― TR004_Page_0490 ―

^{[མ་དཔེ་གཟིགས་ན་འདིར་གནོན།]}

[Full Size]

རྩ་རུ་བཤད་ནས་གནས་ཀྱང་ལྕེའུ་ཆུང་གི་དབུས་སུ་ཟུག་པར་བསྟན་པའི། ལྕེ་ཆུང་གང་ཡིན་ཡང་ཐེ་ཚོམ་དང་། ཁྱད་པར་རྩའི་རྒྱལ་པོ་རི་ཝོང་མིག་དང་འདི་གཉིས་གཅིག་མི་གཅིག་ཇི་ལྟར་ལགས། ཡང་རྣམ་ཤེས་ཚོགས་བརྒྱད་ཀྱི་བཞུགས་གནས་དངས་མ་བརྒྱད་ཀྱི་རྩ་འདི་དག །དུས་འཁོར་སོགས་ནས་གསུངས་པའི་རྩ་བ་དང་ཡན་ལག་གི་རྩ་བཅུ་པོ་དང་དགོངས་པ་གཅིག་གམ་ཐ་དད་ལགས་དང་། བཅུ་པོ་དེ་རྣམས་ཀྱང་རྒྱུད་སྡེ་གཞན་རྣམས་སུ་ནི་དབུ་མ། དུང་ཅན་མ། རྣར་མ། གླང་ཆེན་ལྕེ། ཁྱབ་བྱེད་དེ་རྩ་བའི་ལྔ་དང་། ཡན་ལག་གམ་སྦས་པའི་རྩ་ལྔ་ནི། སུམ་སྐོར་མ། འདོད་མ། ཁྱིམ་མ། གཏུམ་མོ། མདུད་བྲལ་མ་དང་ལྔའི་མིང་གིས་བསྟན་ཀྱང་། དུས་འཁོར་ལས་ནི། སོར་སྐྱ་ཕྲ་མོ་ལུག་ལ་སོགས་པ་ལམ་གསུམ་གྱུར་པ་རྣམས་དང་སྣར་མ་དང་ནི་གླང་ཆེན་ལྕེ་རྒྱལ་ནི་དྲུག་པ་ཡིན་ལ་རྒྱལ་

― TR004_Page_0491 ―

^{[མ་དཔེ་གཟིགས་ན་འདིར་གནོན།]}

[Full Size]

བ་འགྲོ་དང་བརྒྱད་པ་ལམྦུ་ཥ་སྟེ་དགུ་པ་ཀུ་ཧའོ། བཅུ་པའི་གྲངས་ནི་དུང་ཅན་མ་གང་མི་ཡི་བདག་པོ་བདེ་བའི་མཐར་ནི་བྱང་སེམས་ས་བོན་འཇག །ཅེས་གསུངས་པ། འདི་རྣམས་ཀྱི་མིང་དོན་ཕན་ཚུན་སྦྱོར་མ་ཤེས་ཚེ། གང་དང་གང་ལགས་པ་བསྟན་པར་གསོལ་ཞིང་། མདོར་བསྡུ་ན། དོན་འདི་རྣམས་ལས་འཕྲོས་ཏེ། སྐྱེས་བུ་ཚེ་ལོ་བརྒྱ་པའི་ཞག་གཅིག་གི་རླུང་ཉི་ཁྲི་ཆིག་སྟོང་དྲུག་བརྒྱའི་ནང་ནས་ཡེ་ཤེས་ཀྱི་རླུང་དྲུག་བརྒྱ་བདུན་བཅུ་རྩ་ལྔ་བསྒོམས་པ་ལོ་གསུམ་ཕྱོགས་གསུམ་གྱི་ཞག་ལ་འཆར་བའི་ཐབས་ཤེས་ཀྱི་རྒྱུད་ལྷ་གྲངས་དང་བཅས་པ། ལས་རླུང་ལས་དཀར་ནག་གི་རྩིས་གཞུང་བདེ་བླག་ཏུ་འཆར་བ། ཁྱད་པར་ཚུལ་འདིའི་སྨིན་གྲོལ་གྱི་ཁྲིད་དཔེ་གོ་སླ་ཞིང་འཁྱེར་བདེ་ལ་ལག་ལེན་དགོངས་ཅན་དུ་མ་སོང་བ། གསར་རྙིང་གཅིག་ཏུ་འབབ་པ་ཞིག་གནང་བར་གསོལ་བ་འདེབས་

― TR004_Page_0492 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་དུས་ད་ལྟ་སྟོན་པ་དངོས་སུ་བཞུགས་པའི་སྐབས་འདིར་འགྲུབ་ན། མ་འོངས་པའི་འགྲོ་བ་སྤྱི་དང་། ཁྱད་པར་བདག་རང་གི་ཕྱི་མའི་རྟེན་འབྲེལ་ལ་ལེགས་ཚོགས་ཀྱི་དཔལ་དུ་འགྱུར་བར་གོ་ཡང་། ཁྱེད་དམ་པ་རྣམས། སྔོན་ཐུབ་པ་ཉིད་མདོ་སྡེ་པད་དཀར་གསུངས་ཚེ་ཕྱི་དྲོ་གཅིག་ལ་བར་བསྐལ་ལྔ་བཅུའི་ཡུན་དུ་བྱིན་གྱིས་རློབས་པ་ལྟ་བུའི་རྫུ་འཕྲུལ་ལ་མ་ངེས་མོད་ཀྱང་། བདག་ཅག་སོ་སྐྱེ་བྱིས་པ་རྣམས་ཀྱི་སྣང་ངོར། སྐུ་ཞབས་སུ་ཡི་གེ་པ་ཞིག་མ་མཆིས་ཚེ། བསྟན་བཅོས་དེ་ལྟ་བུ་མཛད་པར་ཞུར་མ་སྤོབས་ལགས། ཡང་བསྐལ་བཟང་དགའ་བྱེད་དུ། དུས་འཁོར་གྱི་དབང་ལ་མཚོན་ནས། དགེ་ཚུལ་སློང་དུ་འགྱུར་ཚུལ་དང་ས་ཐོབ་ཚུལ་སོགས་ཕེབ་པའི་སྐབས་སུ། དབང་བཞི་པས་ས་བཅུ་གཉིས་པ་དང་སྐྱེ་དགུའི་བདག་པོ་ཆེན་པོར་འགྱུར་ཚུལ་གསུངས་པ་འདི་དང་། ནང་དོན་

― TR004_Page_0493 ―

^{[མ་དཔེ་གཟིགས་ན་འདིར་གནོན།]}

[Full Size]

རང་གྲེལ་གཉིས་མཚུངས་པར་བྱུང་ཞིང་། གཞན་རྣམས་ལས་བཅུ་གསུམ་རྡོ་རྗེ་འཛིན་པ་ཐོབ་པར་བཤད་པ་ཁོ་ན་བྱུང་བས་ཇི་ལྟར་ལགས་དང་། བདེ་མཆོག་དྲིལ་བུ་ལུགས་ལས་ནི་རྩ་ཉེར་བཞི་དང་སའི་རིམ་པ་སྦྱར་ནས་བཤད་ཀྱང་། བཅུ་པ་ཆོས་སྤྲིན་ཡན་མ་བསྟན་པར་སྣང་བས་དགོངས་པ་ཅི་ཞིག་ཡིན་ཐེ་ཚོམ་དང་། ཡང་། དུས་འཁོར་དབང་གི་སྐབས། ས་གསུམ་པ་ཐོབ་བྱེད་དར་དཔྱངས་ཀྱི་དབང་གི་དག་སྦྱོར། རླུང་བཅུའི་དྲི་མ་སྦྱོང་ཞིང་། ནུས་མ་བཅུའི་དངོས་གྲུབ་སྒྲུབ་བྱེད་དུ་གསུངས་ན། རླུང་བཅུ་དེ་རྩ་བ་དང་ཡན་ལག་གི་རླུང་བཅུ་ལ་བཞེད་པ་ཡིན་ལགས་སམ། ནུས་མ་བཅུ་པོ་གང་ཡིན་མ་འཚལ་བ་དང་། སྦྱང་བཞི་སྦྱོང་བྱེད་ཀྱི་སྐབས་དེར་འདོད་ཆགས་བཞི་པོ་སྤང་བྱར་བཤད་པའི་དགོངས་དོན་གང་ལགས་པ་དང་། སྒོ་ལྔའི་རྣམ་ཤེས་ཀྱི་དབྱེ་བའི་སྐབས་སུ་གཟུགས་སྒྲ་དྲི་རོ་བཞི་

― TR004_Page_0494 ―

^{[མ་དཔེ་གཟིགས་ན་འདིར་གནོན།]}

[Full Size]

ནི་དབང་པོ་དང་ཡུལ་ཤེས་སོགས་གོ་སླ་ཡང་གཅིག་མ་གོ་བས། གང་ལ་ངོས་འཛིན་པ་ལགས། གཞན་ཡང་། གོང་དུ་སྔགས་ཀྱི་དགེ་ཚུལ་སློང་གི་འཕྲོས་ལས། དོགས་པའི་གནས་འདི་ལྟར་ཡང་མཆིས་ཏེ། སོ་ཐར་གི་སྡོམ་པ་འདི་སྔགས་ཀྱི་རྟེན་དུ་དགོས་པར་གསུངས་ཚུལ་ནི། དབང་ཆོག་རྣམས་ཀྱི་སྡོམ་བཟུང་གི་སྐབས་སུ། ཚུལ་ཁྲིམས་ཀྱིས་ནི་བསླབ་པ་དང་། །དགེ་བའི་ཆོས་ནི་སྡུད་པ་དང་། །སེམས་ཅན་དོན་བྱེད་ཚུལ་ཁྲིམས་གསུམ། །བདག་གིས་བརྟན་པོར་བཟུང་བར་བགྱི། ཞེས་པ་དང་། རྒྱུད་ལས་ཀྱང་། དང་པོར་གསོ་སྦྱོང་སྦྱིན་པར་བྱ། །ཞེས་སོགས་གསུངས་ན། སོ་ཐར་གྱི་སྡོམས་པ་མ་ཐོབ་པས་སྔགས་ལ་འཇུག་ཏུ་རུང་མི་རུང་ཇི་ལྟར་དང་འདི་སྐབས་ཀྱི་སྡོམ་བཟུང་འདི་དག་གིས་སོ་ཐར་གྱི་གོ་ཆོད་མི་ཆོད་ཇི་ལྟར་ལགས། འགྲོ་མགོན་གཙང་པ་རྒྱ་རས་ཀྱི་གསུངས་ལས། ང་རྒས་ནས་རབ་

― TR004_Page_0495 ―

^{[མ་དཔེ་གཟིགས་ན་འདིར་གནོན།]}

[Full Size]

བྱུང་བྱེད་པ་ནི། །སངས་རྒྱས་བསྟན་པའི་ཆེ་བ་ཡིན། །ཆོས་མགོ་མཇུག་ལོག་པར་མི་དགོངས་འཚལ། །ཞེས་གསུངས་པ་ལྟར། སྔགས་ཀྱི་རྣལ་འབྱོར་པ་སླར་སོ་ཐར་གྱི་བསླབ་པ་བཞེས་མཁན་ཀྱང་མང་བར་བྱུང་སྣང་བའི་དགོངས་པ་གང་ཞིག་ལགས། བྱང་ཆུབ་སེམས་དཔའི་སྡོམ་པའི་རྟེན་དུ་ཡང་སོ་ཐར་དགོས་པར་གསུངས་ཚུལ་ནི། སོ་སོ་ཐར་པ་རིས་བདུན་གྱི། །རྟག་ཏུ་སྡོམ་གཞན་ལྡན་པ་ལ། །བྱང་ཆུབ་སེམས་དཔའི་སྡོམ་པ་ཡི། །སྐལ་བ་ཡོད་ཀྱི་གཞན་དུ་མིན། །ཞེས་ལམ་སྒྲོན་ལས་གསུངས་པ་བཞིན་ངེས་པར་དགོས་པ་ལགས་སམ། གཞན་ཡང་། སོ་ཐར་གྱི་སྡོམ་པའི་དངོས་པོ་ནི་ཟ་མ་དང་། མ་ནིང་དང་། ལྷ་དང་གསུམ་ལ་མི་སྐྱེ་བར་གསུངས་ན། དེ་དག་ལ་མི་སྐྱེ་བའི་རྒྱུ་གང་ཡིན་པ་དང་། ཟ་མ་ཞེས་བྱ་བ་དེ་སྤྱིར་བུ་མེད་ལ་ངོས་འཛིན་

― TR004_Page_0496 ―

^{[མ་དཔེ་གཟིགས་ན་འདིར་གནོན།]}

[Full Size]

མཁན་ཡོད་རུང་། དེ་ནི་མིན་པར་གསལ་ཏེ་སྐྱེ་དགུའི་བདག་མོ་སོགས་དགྲ་བཅོམ་མང་པོ་དང་། དགེ་སློང་མ་དཔལ་མོ་སོགས་བུ་མེད་རབ་བྱུང་མང་མོད་ཀྱི། དེ་ན་ཟ་མ་དངོས་དེ་གང་ཞིག་ལགས་པ་དང་། མ་ནིང་ཞེས་པ་ཕོ་མོའི་དབང་པོ་དང་མི་ལྡན་པ་ཞིག་ཡིན་ལགས་སམ། ལྷ་ལ་སྡོམ་པ་མི་སྐྱེ་ན། བརྒྱ་བྱིན་ནི་ས་གསུམ་པའི་བྱང་སེམས་ཡིན་པར་མདོ་ལས་གསུངས་ན། སྡོམ་པ་མི་སྐྱེ་བའི་ལྷ་དེ་གང་ཞིག་ཡིན་ལགས་པ་སོགས་ཀྱི་ཐེ་ཚོམ་མ་རིག་པའི་མུན་ཚོགས་བསལ་བར་མཛད་དུ་གསོལ། ཡང་། མགོན་པོ་བྱམས་པའི་སྨོན་ལམ་གྱི་ནང་དུ། སྒྱུ་མ་ལྟ་བུའི་ཏིང་འཛིན། དཔའ་བར་འགྲོ་བའི་ཏིང་འཛིན། རྡོ་རྗེ་ལྟ་བུའི་ཏིང་འཛིན་དང་གསུམ་གསུང་བའི་ནང་ཚན་གྱི། རྡོ་རྗེ་ལྟ་བུ་དེ་ནི་བསྟན་བཅོས་ཐར་རྒྱན་སོགས་ནས། ས་བཅུ་རྒྱུན་མཐའི་ཡེ་ཤེས་དེ་ཡིན་པར་གསུངས་སྣང་བ། དེ་ལྟར་ན་འདིར་ཤེས་

― TR004_Page_0497 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་ཀྱི་སྨོན་ལམ་དུ་འོང་ཐང་བ་ལ། བསམ་གཏན་གྱི་སྨོན་ལམ་དུ་བྱུང་བའི་དགོངས་པ་ཇི་ལྟར་ལགས་དང་། སྒྱུ་མ་ལྟ་བུའི་ཏིང་འཛིན་ཞེས་པ། འཁོར་འདས་ཀྱི་ཆོས་ཐམས་ཅད་སྒྱུ་མ་ལྟར་མེད་བཞིན་སྣང་བའི་ཆོ་འཕྲུལ་དུ་རྟོགས་པ་ལ་འཇུག་པར་གོ་བས་དེ་ལྟར་ལགས་སམ། དཔའ་བར་འགྲོ་བའི་ཏིང་འཛིན་དེ་གང་ཡིན་པ་གཏན་ནས་མ་གོ་བས་གང་ཡིན་གྱི་ཕེབས་གསལ་ཞུ་བ་དང་།། ༈ །།སྒོམ་གྱི་སྐབས་སུ། ལྷག་མཐོང་ཞེས་པའི་མིང་འདི་བདག་ཅག་སོ་སྐྱེ་བྱིས་པ་རྣམས་མགོ་འཁོར་བའི་ཆེད་དགོངས་པ་ཅན་གྱི་སྒྲར་གསུངས་པ་ཡིན་ནམ་སྙམ་དུ་གོ་མ་བདེ་བ་ཞིག་དང་། ཡིད་ལ་མི་བྱེད་པ་ཅེས་པའི་སྒྲ་འདི་དགོངས་མིན་དུ་གོ་ནའང་། གང་ཡང་ཡིད་ལ་མི་བྱེད་དོ་སྙམ་ན་ནི་ཡིད་བྱེད་ཚབས་ཆེ་ཤོས་སུ་འགྱུར་ཞིང་། ཅི་ཡང་མ་དྲན་པར་བརྗོད་པ་འདྲ་བ་དེ་ནི་ཧྭ་ཤང་གི་སྒོམ་ལྟར་སྟོང་

― TR004_Page_0498 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཉི་ཚེ་བའི་ཕྱོགས་སུ་ལྷུང་བར་འགྱུར་ཕྱིར། འདི་ཡང་དཀའ་བའི་གནས་ཤིག་ཏུ་བྱུང་ལགས།། ༈ །།ཡང་། ཧྭ་ཤང་གི་ལྟ་བ་བླུན་སྒོམ་དྲན་མེད་གཉིད་ཐུག་པོ་ལྟ་བུ་ཞེས་ཆད་ལྟའི་སྐྱོན་ཅན་དུ་གསུངས་པ་འདི་དང་། རྒྱུད་འགྲེལ་དག་ཏུ། གཉིད་སྟུག་པོ་ཤིན་ཏུ་སེམས་མེད་པ་ནི་ཆོས་ཀྱི་སྐུའོ། །ཞེས་གསུངས་པ། འདི་གཉིས་ཀྱི་ཁྱད་པར་གང་གིས་འབྱེད་པ་ལགས།། ༈ །།རྗེ་བཙུན་མར་པ་དེ་ཉིད་བལ་ཡུལ་ལི་ཤོ་ཀ་ར་ན་བཞུགས་སྐབས་སུ་དག་སྣང་ལ་མཁའ་འགྲོས་གདན་དྲངས་ནས་ལྷོ་ཕྱོགས་དཔལ་གྱི་རི་བོར་བྲམ་ཟེ་ཆེན་པོ་ས་ར་ཧ་དང་མཇལ་བའི་ཚེ་ཕྱག་ཆེན་གྱི་མན་ངག་གནང་བའི་རྩ་ཚིག་དེར། ཇི་སྐད་དུ། རྩ་བ་ཁྱིམ་ན་གནས་པའི་ཕྱིར། །ཡིད་ཀྱི་རྣམ་ཤེས་བཙོན་དུ་བཟུང་། །སྒོམ་པ་ཤེས་པ་ཕྱི་མ་ཡིས། །སེམས་ལ་ལྷན་པ་གདབ་ཏུ་མེད། །ཅེས་གསུངས་པ་འདི་ལ། བདག་གི་བླུན་ཚོད་

― TR004_Page_0499 ―

^{[མ་དཔེ་གཟིགས་ན་འདིར་གནོན།]}

[Full Size]

དུ། རྩ་བ་ཁྱིམ་དུ་གནས་པ་ནི་ཀུན་གཞི་ཉིད་དང་། ཡིད་ཀྱི་རྣམ་ཤེས་བཙོན་དུ་བཟུང་བ་ནི། རྣམ་རྟོག་གམ་འགྱུར་བ་རང་གར་མགོ་ཡན་དུ་མི་འཆོར་བར་དྲན་པས་ཟིན་པ་དང་། སྒོམ་པ་ཤེས་པ་ཕྱི་མ་ཡིས། ཞེས། སྐད་ཅིག་ཕྱི་མའི་སྒོམ་བློའི་རྟག་པ་དེས། སེམས་ལ་ལྡན་པ་གདབ་ཏུ་མེད་པ་ནི། སྔ་མ་རྣམ་རྟོག་ངོས་ཟིན་པ་དེ་ལས་སླར་སྒོམ་ལོགས་སུ་བཙལ་རྒྱུད་མེད། ཅེས་པའི་བརྡར་གོ་བས་དེ་ལྟར་ཡིན་མིན་གྱི་དོན་འགྲོལ་སྐུ་དྲིན་སྐྱོང་བ་མཁྱེན།། ༈ །།ཡང་སྐབས་འདིར་འཕོ་བའི་གདམ་ངག་གི་དོགས་གནས་འགའ་ཞིག་སྙན་དུ་གསོལ་ཏེ། དེ་ཡང་། ཕ་རོལ་པོ་དེའི་ལུས་ལྷར་གསལ་བའི་ནང་དབུས་སུ་རྩ་དབུ་མ་མཚན་ཉིད་བཞི་ལྡན་དང་། སྙིང་གར་རྣམ་ཤེས་ཀྱི་ངོ་བོ་ཧཱུྃ་ཡིག་གི་རྣམ་པ་དེ་རང་ཉིད་ཀྱི་ཏིང་འཛིན་དང་ཧི་ཀ་གིས་སྤོར་བར་གསུངས་ན། དིང་སང་ལ་ལའི་ཕྱག་

― TR004_Page_0500 ―

^{[མ་དཔེ་གཟིགས་ན་འདིར་གནོན།]}

[Full Size]

བཞེས་སུ་ཕུང་པོའི་མདུན་དུ། ཉེ་འཁོར་སོགས་ཐམས་ཅད་ཚོགས་པའི་སར། ལྷ་སྐུ་རྩ་ཡིག་སོགས་དམིགས་རིམ་རྣམས་སྐ་གསངས་མཐོན་པོས་དམིགས་པ་སྤྲོད་པའི་སྲོལ་འདུག་པ། དེ་ལ་གསང་སྔགས་གསང་སྒྲོགས་ཀྱི་ཉེས་པ་ཡོད་མེད་ཇི་ལྟར་དང་། ཕ་རོལ་པོ་ལ་ལྷར་བསྐྱེད་ནས་རྣམ་ཤེས་སྤར་བའི་མཇུག་ཏུ་སྐྱེད་རིམ་བསྡུ་བ་སོགས་དགོས་སམ་མི་དགོས་དང་། ལྷར་མ་གསལ་བར་རྣམ་ཤེས་སྤར་དུ་རུང་མི་རུང་ཅི་ལྟ་བུ་དང་། དེའི་ཚེ་རང་ཉིད་ཀྱང་ལྷ་རུ་གསལ་དགོས་མི་དགོས་དང་། ཕ་རོལ་པོའི་རྣམ་ཤེས་སྤོར་བར་བྱེད་པ་ལ་རང་ཉིད་ཀྱི་བྱེས་ས་མ་གཏད་པའི་ཐབས་ནི་ནམ་ཀྱང་མ་མཆིས་ལ། གཏད་ཆེས་ན་རང་ཡང་ལྷན་དུ་འཕོ་བར་ཉེན་པའམ། མཐར་ཡང་ཚེ་ལ་གཟན་པ་སོགས་བཤད་འདུག་པས། དེས་ན་འདི་དག་གི་ཐེ་ཚོམ་གྱི་གནས་རྣམས་དཀྲོལ་བའི་བཀའ་དྲིན་ཞུ། ཡང་ཞུ་འབུལ་གྱི་དོན་ཚན་ཅིག་ན། འཕགས་པའི་གནས་བརྟན་

― TR004_Page_0501 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུ་དྲུག་འདི་དག་གི་ཁུངས་དང་ལོ་རྒྱུས་སོགས་ཀྱི་ཡིག་ཆ་ཁུངས་ཐུབ་བཞི་ནི་མ་རྙེད་ལ། གལ་ཏེ་རྙེད་ཀྱང་དམུས་ལོང་གི་ཡར་གྱི་དཔེ་དོན་བཞིན་འགྱུར་ཕྱིར། དགོས་གཅོད་ཞུ་རྒྱུར། སྟོན་པའི་ཉན་ཐོས་རྣམས་ཀྱི་ནང་ནས་འདི་རྣམས་བསྟན་པའི་ཞབས་འདེགས་སུ་ཆེད་གཉེར་དུ་བྱོན་པའི་རྒྱུ་གང་ལགས་པ་དང་། ༈ མཚན་གནས་བརྟན་དུ་བརྗོད་ལུགས་ཀྱིས། གྲུབ་མཐའ་ཡང་གནས་བརྟན་པའི་སྡེ་ཉིད་ལགས་སམ། སངས་རྒྱས་སྟོང་ཐམས་ཅད་ལ་གནས་བརྟན་བཅུ་དྲུག་རེ་འབྱོན་ནམ་ཤཱཀྱའི་བསྟན་པ་གཅིག་པུར་ལགས།། ༈ །།ངག་རྒྱུན་འགའ་ཞིག་ཏུ། གནས་བཅུ་རྒྱ་གར་རྒྱ་ནག་ལུགས་གཉིས་དང་། ཧྭ་ཤང་ཡོད་པ་འདི་རྒྱ་ནག་ལུགས་ཡིན་པ་དང་། གནས་བརྟན་རྣམས་ཧྭ་ཤང་གི་བུ་ཡིན་པར་བཤད་པ་སོགས་སྣ་ཚོགས་དང་། གཞན་ཡང་བདག་ནི་སྔར། ཧྭ་ཤང་ཞེས་པ་མི་གཅིག་ཁོ་ནར་གོ་ཡོད་ནའང་། ད་ལམ་བསྐལ་བཟང་དགའ་བྱེད་ཀྱི་

― TR004_Page_0502 ―

^{[མ་དཔེ་གཟིགས་ན་འདིར་གནོན།]}

[Full Size]

ཕེབས་ནང་དུ། ཧྭ་ཤང་ཞིག་ལ་སྒོམ་གྱི་མན་ངག་བསླབ་ཚུལ་བྱུང་བས་ན། ཧྭ་ཤང་གི་སྡེ་རིགས་བཞིན་ཡོད་པ་ལགས་སམ། ལར་གནས་བཅུ་ལུགས་གཉིས་ཐ་དད་ཡོད་ངེས་ཡིན་ན་ནི་མཚན་སོགས་ཀྱང་ཐ་དད་དུ་འོང་ཐང་ཡང་མི་སྣང་བ་དང་། སྒྲ་གཅན་ཟིན་ནི་སྟོན་པའི་སྲས་ཡིན་ཚེ་ཧྭ་ཤང་གི་བུ་ཡིན་དོན་མི་འདུག་པ་སོགས་ཀྱི། ངག་རྒྱུན་ལ་ནི་ཡིད་བརྟན་མི་ཐུབ་པར་གོ་ལ། རྗེ་བཙུན་གཙུག་ལག་འཕྲེང་བའི་ཆོས་འབྱུང་ཆེན་མོར། དགེ་བའི་བཤེས་གཉེན་གྱི་རྟོག་བརྗོད་ལུང་འདྲེན་དུ་མཛད་པ་དེར། སྐྱེ་དགུ་རྣམས་ཚེ་ལོ་ཡར་འཕེལ་གྱི་བདུན་བརྒྱ་པ་ལ། གནས་བརྟན་ཐམས་ཅད་དངོས་སུ་བྱོན་ཏེ་ཐུབ་པའི་བཀའ་མ་ལུས་པ་རིན་པོ་ཆེའི་མཆོད་རྟེན་དུ་བསྡུས་པ་ལ་ཕྱག་དང་མཆོད་པ་སོགས་རྒྱ་ཆེར་མཛད་པའི་མཐར་གནས་བརྟན་རྣམས་རང་རང་གི་ཐུགས་ཀ་ནས་རང་བྱུང་གི་མེ་ཕྱུངས་ཏེ་མྱ་ངན་

― TR004_Page_0503 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་འདས་པའི་སྐུ་གདུང་ཙམ་ཡང་མེད་པར་མཛད་ཅིང་། མཆོད་རྟེན་དེ་ཡང་འོག་ཏུ་རིམ་གྱི་ནུབ་ནས་གསེར་གྱི་ས་གཞི་ལ་བཞུགས་པར་འགྱུར་ཚུལ་གསུངས་པ་འདི་དང་། པདྨ་བཀའི་ཐང་ཡིག་ཏུ། ཤཱཀྱའི་བསྟན་པ་འགྲིབ་ཚུལ་ལུང་བསྟན་པའི་སྐབས་སུ། ཚེ་ལོ་བཅུ་པ་ལ་ནི་མཐིལ་དུ་ཐུག །ཅེས་གསུངས་ཚེ། འདི་གཉིས་མི་མཐུན་པར་བྱུང་བས། བསྟན་པའི་གནས་ཚད་སོགས་ཇི་ལྟར་ངེས་པ་ལགས།། ༈ །།གནས་བསྟན་རྣམས་ཀྱི་ཞར་ལ་དྷརྨཱ་ཏཱ་ངེས་པར་འོང་བའི་རྒྱུ་མཚན་ཡང་གང་ཞིག་ལགས། འདི་དག་གི་འཕྲོས་ལ་བརྟེན་པས་འདུལ་བའི་སྐབས་དོན་འགའ་ཞིག་ཞུ་བར་གྱི་ན། སྤྱིར། རབ་ཏུ་བྱུང་བ་ལ་ཆོས་གོས་རྣམ་གསུམ་དུ་གྲགས་པའི་གསུམ་པོ་གང་གང་ལགས་པ་དང་། དེ་བཞིན་དུ་མཁོ་བའི་ཡོ་བྱད་བཅུ་གསུམ་པོ་ཇི་ལྟར་དང་།། ༈ །།ཡང་སྔགས་ནང་པའི་གཞུང་

― TR004_Page_0504 ―

^{[མ་དཔེ་གཟིགས་ན་འདིར་གནོན།]}

[Full Size]

ལུགས་ཀྱི་སྐྱེ་འཆི་སྐུ་གསུམ་གྱི་ངོ་བོར་ལྷུན་གྱིས་གྲུབ་ཚུལ་ལས། སྐྱེ་བ་སྤྲུལ་སྐུའི་དག་སྦྱོར་གྱི་སྐབས་དེར། མངལ་གྱི་ཁྲུ་མ་ཆོས་གོས་ཉིད་ཅེས་སོགས་གསུངས་པ་ལས་སྣམ་སྦྱར་གྱི་སྒྲོས་མི་འདུག་ཚེ། སྣམ་སྦྱར་ཆོས་གོས་ཀྱི་ཁོངས་སུ་འདུ་བ་ལགས་སམ། ཁྱད་པར་དུ། ཉན་ཐོས་སྡེ་པ་བཞིའི་དབྱེ་བ་བཤད་སྐབས་སུ་དེ་ཡང་། ཕལ་ཆེར་སྡེ་པ་ལ། སྣམ་ཕྲན་ཉི་ཤུ་རྩ་ལྔ་ནས། བདུན་གྱི་བར་འདོད་དུང་གིས་མཚན། ཞེས་པ་དང་། ཐམས་ཅད་ཡོད་སྨྲའི་སྡེ་ལ། རྣམ་ཕྲན་དགུ་ནས་ཉེར་ལྔའི་བར། ཞེས་དང་། གནས་བརྟན་པའི་སྡེ་པར། རྣམ་ཕྲན་ལྔ་ནས་ཉེར་གཅིག་བར། ཞེས་དང་། མང་བཀུར་གནས་བརྟན་པ་དང་མཚུངས། ཞེས་བཤད་འདུག་པར། ཡང་། གུ་རུ་རིན་པོ་ཆེ་པདྨ་འབྱུང་གནས་ཀྱི་བཞེད་པ། མཁས་པ་ཀློང་ཆེན་པས་ངལ་གསོ་སྐོར་གྱི་གཞུང་དུ་གསུངས་པ་ནི། སྡེ་བཞིའི་དབྱེ་ཚུལ་དང་། སྣམ་ཕྲན་གྱི་གྲངས་སོགས་ཀྱང་གོང་

― TR004_Page_0505 ―

^{[མ་དཔེ་གཟིགས་ན་འདིར་གནོན།]}

[Full Size]

གི་འདི་དང་ཅུང་མི་མཐུན་པར་འདུག་པ། གང་ལྟར་ཡང་སྣམ་ཕྲན་གླེག་བུ་སོགས་ལ་ངོས་འཛིན་མི་གཅིག་པ་མང་ཞིང་ཤིན་ཏུ་གོ་དཀའ་བར་བྱུང་བས། གང་ལྟར་ལགས་པ་དང་། ཁ་དོག་ཀྱང་གནས་བརྟན་གྱི་སྐུ་རྣམས་ལ་ནི་སྔོ་ལྗང་སོགས་སྣ་ཚོགས་ཡོང་འདུག་པ་དེ་ལྟར་རུང་བ་ལགས་སམ། དེ་བཞིན་དུ། ཤམ་ཐབས་དང་གདིང་བ་སོགས་ཀྱི་མཚན་ཉིད་དང་། ལྷུང་བཟེད་ཀྱང་དགེ་སློང་ཕོ་མོ་སོ་སོ་ལ་ཚད་ཐ་དད་དུ་དགོས་པར་གྲགས་ན་ཇི་ལྟར་དང་།། ༈ །།ཆབ་རིལ་ལ་དབྱིབས་མི་འདྲ་བ་གཉིས་སྣང་བའི་ཁྱད་དོན་དང་ཆབ་ལེན་པའི་དགོས་པ་ནི་ཁ་ཟས་ཀྱི་རོ་ལ་ཞེན་པ་གཅོད་ཐབས་ཡིན་ཟེར་བ་ཐོས་ཀྱང་། དེ་ལྟར་ན་སྔ་ཆབ་ལེན་པ་སོགས་དགོས་མེད་དུ་ཐལ་ཚེ། དགོས་ཆེད་ཅི་ལྟ་བུ་དང་། ལར་ཡང་རབ་ཏུ་བྱུང་བའི་རྟགས་དང་ཆ་ལུགས་ལ་ཁྱད་པར་གྱི་དགོས་དོན་དང་ཕན་

― TR004_Page_0506 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོན་གང་ལགས་པ་དང་།། ༈ །།སྟན་ལ་འདུག་པ་དང་། ཟས་ཀྱི་དུས་སུ་ལྷམ་འབུད་པའི་ཕྱག་སྲོལ་གྱི་དགོས་ཆེད་ཅི་ཡིན་པ་དང་།། ༈ །།འདུལ་བ་ནས་གོས་བུག་པ་ཅན་ནམ་སྦུབས་ཅན་གྱི་རིགས་སྤོང་བར་གསུངས་པའི་དགོས་ཆེད་ཇི་ལྟར་དང་ལྷམ་ལ་ཡུ་བ་མི་བྱེད་པ་ཡང་དེ་ལ་དགོངས་པ་ལགས་སམ། དེ་ལྟར་ན། དིང་སང་སེར་མོ་བ་སྤྱིའི་རིགས་འགག་དང་། ཤམ་ཐབས་དཀྱུས་མ་འདི་དག་བུག་པ་ཅན་དུ་འགྲོའམ་མི་འགྲོ་སོགས་ཇི་ལྟར་ལགས།། ༈ །།གཞན་ཡང་། སྔགས་ཀྱི་རྒྱུད་འགྲེལ་དག་ཏུ། སྡེ་པ་བཞི་པོ་འདི་ནང་གི་རྩ་འདབ་འཁོར་ལོ་བཞི་ལ་སྦྱོར་བ་དང་། ལྷའི་ཞལ་བཞི་དང་སྦྱོར་ཚུལ་སོགས་ཀྱང་གསུངས་སྣང་བ་ལ་ཐེ་ཚོམ་བྱུང་བས། མི་ཤེས་རྨོངས་པའི་མུན་པ་བསེལ་བ་ཞིག །བདག་དང་མ་འོངས་པའི་གང་ཟག་ལ་ཐུགས་རྗེས་དགོངས་ཏེ་གནང་བར་གསོལ་བ་འདེབས་སོ།། ༈ །།གཞན་ཡང་།

― TR004_Page_0507 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྲན་བུའི་འདོད་དོན་གསོལ་བ་ནི། ཞ་ལུ་ལོ་ཆེན་གྱིས་མཛད་པའི་དག་ཡིག་ཟ་མ་ཏོག་དང་། དག་ཡིག་གཞན་ཡང་གང་ལ་བལྟས་ཀྱང་། མགོ་ཅན་གྱི་སྐབས་སུ། ཇ་ཡིག་ས་མགོ་ཅན་འདི་མ་བསྟན་འདུག་པ་དང་དེ་མཚུངས། གསུང་རབ་ཆེན་མོ་དབུ་ཅན་ཐམས་ཅད་ལའང་ལར་མི་འདུག་ཅིང་། བཤུར་མ་ལ་ནི་སྔར་གྱི་དཔེ་རྙིང་ཤིན་ཏུ་དག་པ་རྣམས་ལའང་ས་ཛ་འདི་ཉིད་ངེས་པར་བྲིས་འདུག་པ། བཟབས་བཤུར་གཉིས་ལ་སྡེབས་ཐ་དད་བར་ཐ་དད་འོང་བ་མི་སྲིད་ཕྱིར། ཚུལ་འདི་ཇི་ལྟར་ལགས་པའི་ཐེ་ཚོམ་དང་།། ༈ །།ཡང་སྔགས་ཀློག་གི་སྐབས་སུ། སྣར་ཐང་ལོ་ཙས་མཛད་པ་སོགས་གང་མཐོང་ཀུན་ལ། གྷ་ཛྷ་ཌྷ་དྷ་བྷ་རྣམས་མ་གཏོགས་གཞན་རྩེགས་མ་ཐམས་ཅད་འཕྲལ་ཏེ་འདོན་དགོས་པར་བཤད་ན། ངག་རྒྱུན་ལ། ཀྴ། ཙྪ། འདི་དག་མ་འཕྲལ་

― TR004_Page_0508 ―

^{[མ་དཔེ་གཟིགས་ན་འདིར་གནོན།]}

[Full Size]

བར་འདོན་པའི་སྲོལ་དང་། གཞན་ཡང་། ཧྱ། བྷྱོ། ཨ་མྲྀ་ཏ། ཤུ་ནྱ་ཏ། འདི་རྣམས་ལ་ཡང་སྔགས་ཀློག་ལྟར་ན། ཧེ། བྷྱ་ཡོ། ཨ་མིར་ཏ། ཤུ་ནེ་ཏ། ཅེས་པ་ལྟ་བུར་བརྗོད་དགོས་མདོག་ཁ་ཡང་། དིང་སང་ཕལ་ཆེར་ནི། ཧ་ཡ། འབྱོ། ཨ་མྲི་ཏ། ཤུ་ནཱེ་ཏ་ཅེས་པ་འདྲ་བར་ཀློག་འདུག་པས་ཤིན་ཏུ་ཐེ་ཚོམ་ཆེ་ཞིང་། འདི་འདྲའི་རིགས་ཀྱི་འདོན་ལུགས་ཡིད་མི་ཆེས་པ་མང་པོ་ཞིག་སྣང་བ་སྙན་དུ་ཞུར་མ་ལངས་ལགས།། ༈ །།གཞན་ཡང་། ཕྲན་བུའི་སྐབས་དོན་དུ། ཆོས་པ་རྣམས་ལོག་པའི་འཚོ་བ་ལྔ་པོ་སྤོང་དགོས་པར་གསུངས་པ་ལས་ལོག་འཚོ་ལྔ་དེ་གང་གང་ཡིན་པ་དང་།། ༈ །།ཡང་ཐམས་ཅད་ཀྱི་ཁ་གཏམ་ལ་ནི་འཇིག་རྟེན་ཆོས་བརྒྱད་ཆེ་ཆུང་སོགས་ཟེར་བཞིན་དུ། བརྒྱད་པོ་གང་ཡིན་པ་ནི་གོ་མཁན་དཀོན་པས། འདིའི་ངེས་གསལ་དང་།། ༈ །།ཡང་ཁམས་གསུམ། ས་གསུམ་སྲིད་

― TR004_Page_0509 ―

^{[མ་དཔེ་གཟིགས་ན་འདིར་གནོན།]}

[Full Size]

པ་གསུམ། འཇིག་རྟེན་གསུམ་ཞེས་པ་འདི་དག་གཅིག་གམ་ཐ་དད་པའི་ཚུལ་གང་ལགས་པ་སོགས། དེ་ལྟར་བདག་འདྲའི་རྣམ་རྟོག་གང་ཤར་ཐམས་ཅད་ཡིག་གཟུགས་བཀོད་པ་འདི་འདྲ་བ་རྣམས། ཞབས་པད་དམ་པའི་དྲུང་དུ་འབུལ་བར་མི་འོས་ཀྱང་། སྙིགས་དུས་ཕྱོགས་མཐའི་བཙུན་པ་བདག་སྒྲོ་འདོགས་གཅོད་པའི་ཡུལ་དང་རེ་ས་གཞན་དུ་མ་རྙེད་པའི་སྡུག་ཡུས་ཀྱི་སྙན་དུ་ཕུལ་ཐལ་བ་ལ་དགོངས་ཀློང་ཟབ་མོ་འཁྲེལ་བ་མེད་ངོས་ནས། སངས་རྒྱས་ལ་མཛད་རྒྱུ་སེམས་ཅན་གྱི་དོན་ལས་མི་མངའ་ཕྱིར་བདག་སོགས་ཀྱི་སྐལ་བ་དང་མཚམས་པའི་ལན་གྱི་རིམ་པ་ཇི་ལྟར་འོས་པ། ཐུགས་དམ་རིན་པོ་ཆེའི་པད་རྐྱེན་མི་འགྱུར་བའི་སྐབས་བསྟུན་དུ་ཞུ་ཞེས་ཞེས་གསོལ་བ་འདེབས་པ་ལགས།། ༈ །།འདི་ཡན་གྱི་ལན་དུ། ཆོས་ཚུལ་སྣ་ཚོགས་ལས་བརྩམ་ཏེ་འབེལ་གཏམ་དུ་བགྱིས་པའི་རབས་མེ་ཏོག་ཆུན་འཕྱང་ཞེས་བྱའི་

― TR004_Page_0510 ―

^{[མ་དཔེ་གཟིགས་ན་འདིར་གནོན།]}

[Full Size]

དཔེ་ཚན་གཅིག་ཡོད་དོ། །བསྟན་དང་འགྲོ་བའི་སྲོག་ཤིང་རྡོ་རྗེ་འཛིན། །སྲིད་ཞིའི་འཆིང་བ་གཅོད་པའི་མགོན་པོ་མཆོག །གང་གི་ཞབས་སེན་བཀྲ་ཤིས་འཁོར་ལོའི་དཔལ། །མི་འགྱུར་རྡོ་རྗེའི་ལྟེ་བར་དགོད་དུ་གསོལ། །ཞེས་པའི་གསོལ་བ་འདེབས་པ་སྔོན་དུ་བཏང་ནས། སྐབས་འདིར་གསོལ་དོན།། ༈ །།གསང་སྔགས་ཀྱི་བསྙེན་སྒྲུབ་གྲངས་ཚད་བཤད་པའི་སྐབས་དག་ཏུ། འབུམ་ཕྲག་མན་དང་དུང་ཕྱུར་ཡན་ལ་ནི་ཐམས་ཅད་བཞེད་ཚུལ་མཐུན་ཚེ་གོ་བདེ་ནའང་། བྱེ་བ་དང་ས་ཡ་འདི་གཉིས་རྩིས་དཔེ་སོགས་མང་པོར་སྔ་རྟིང་འདྲེན་ལུགས་མི་མཐུན་པ་ཁོ་ནར་བྱུང་བས། གང་ཡིན་ཐེ་ཚོམ་དང་།། ༈ །།བསྙེན་སྒྲུབ་གང་བྱེད་ཀྱི་བསྙེན་ཚད་དེའི་བཅུ་ཆའི་གྲངས་དང་མཚུངས་པའི་བསྙེན་པ་ཁ་སྐོང་གི་སྦྱིན་སྲེག་འབུལ་དགོས་པར་གསུངས་ན། དེ་ཉིད་དཔེར་ན་བསྙེན་པ་འབུམ་ཕྲག་གཅིག་

― TR004_Page_0511 ―

^{[མ་དཔེ་གཟིགས་ན་འདིར་གནོན།]}

[Full Size]

བཟླ་བ་ན། འབུམ་གྱི་བཅུ་ཆ་ནི་ཁྲི་ཡིན་ཚེ། སྦྱིན་སྲེག་ཁྲི་ཕྲག་གཅིག་འབུལ་དགོས་པར་འགྱུར་བ་དེ་ལ། ཆོ་ག་ཚར་གཅིག་གི་ཁོངས་ནས་སྲེག་རྫས་ཡམས་ཤིང་ལ་སོགས་ཁྲི་ཕྲག་ཕུལ་བས་རུང་བ་ཡིན་ནམ། ཆོ་ག་ཚར་ཁྲི་ཚོ་ངེས་པར་འགྲོ་དགོས་སམ་ཇི་ལྟར་ལགས།། ༈ །།སྲེག་རྫས་ཁྲི་ཕྲག་ཕུལ་བས་ཆོག་པ་ཡིན་ནའང་། འཇིག་རྟེན་གྱི་མེ་ལྷ་དང་ཡེ་ཤེས་ཀྱི་དཀྱིལ་འཁོར་ལྷ་ཚོགས་གཉིས་ཀར་འབུམ་དགོས་པ་ལགས་སམ། དཀྱིལ་འཁོར་པ་ཁོ་ན་ལ་གྲང་ཚང་བར་ཕུལ་བས་རུང་བ་ལགས་སམ་ཅི་ལྟར་ལགས།། ༈ །།མཆོད་རྫས་དང་སྲེག་རྫས་གཉིས་ཀ་གྲངས་ཚང་བ་དགོས་བསམ་སྲེག་རྫས་ཁོ་ན་ཡིན་པ་དང་།། ༈ །།ལར་ཡང་། སྦྱིན་སྲེག་གི་སྐབས་འདིར་དཀྱིལ་འཁོར་ལྷ་ཚོགས་མ་སྐྱེད་པའི་གོང་དེར་འཇིག་རྟེན་མེ་ལྷ་ཞིག་ངེས་པར་བསྐྱེད་པའི་ཕྱག་སྲོལ་སྣང་བ་འདི་ལ་

― TR004_Page_0512 ―

^{[མ་དཔེ་གཟིགས་ན་འདིར་གནོན།]}

[Full Size]

དགོས་པ་གང་ཞིག་ལགས། ཁྱད་པར་ཕག་མོའི་སྦྱིན་སྲེག་མཛད་མཁན་ཕལ་ཆེར། མེ་ཐབ་ཏུ་ཆོས་འབྱུང་གི་དཀྱིལ་འཁོར་བྲིས་པ་ལ་འཇིག་རྟེན་མེ་ལྷ་བསྐྱེད་པར་མཛད་པ་འདི་ལ་ཤིན་ཏུ་ཐེ་ཚོམ་བྱུང་ལགས་ཤིང་། ཡང་དཔལ་མཁའ་སྤྱོད་པའི་སློབ་མ་ལྷའི་མིང་ཅན་གྱིས་མཛད་པའི་ཕག་མོའི་ཟིན་བྲིས་ལ་ནི་འཇིག་རྟེན་མེ་ལྷ་བསྐྱེད་པར་བཤད་མི་འདུག་པ་དང་།། ༈ །།གཞན་ཡང་བདག་བླུན་པོའི་འོལ་ཚོད་ལ་འདི་ལྟར་ཡང་དྲན་ཏེ། མེའི་མཆོད་སྦྱིན་གྱི་སྐབས་འདིར་སྔོན་དུ་མེ་ལྷ་ངེས་པར་བསྐྱེད་དགོས་པ་ཞིག་ཡིན་ན། འབྱུང་བ་གཞན་གསུམ་ལ་ཡང་མཚུངས་ཕྱིར། དཔེར་ན། སཱ་ཚ་ལྟ་བུར་ཡང་དང་པོར་ས་བདག་ཐེ་སེ་སོགས་སུ་བསྐྱེད་པར་འགྱུར་བས། དེས་ན་ཚུལ་འདིའི་དགོས་དོན་ཅི་ལྟ་བུ་ཞིག་ལགས།། ༈ །།ཡང་རབ་གནས་དང་སྦྱིན་སྲེག་ལ་ལའི་

― TR004_Page_0513 ―

^{[མ་དཔེ་གཟིགས་ན་འདིར་གནོན།]}

[Full Size]

གཞུང་དུ། ཙཱ་རུའི་བཟའ་བ་ཞེས་བྱ་བ་དགོས་པ་འདི་ཉིད་ཚོགས་འཁོར་དངོས་ནི་མིན་པར་སྣང་ཚེ། འདིའི་ངོ་བོ་དང་ངེས་ཚིག་དགོས་ཆེད་སོགས་ཇི་ལྟར་ལགས།། ༈ །།གཞན་ཡང་། ཚེ་འདས་ཀྱི་མིང་བྱང་ལ་སྦྱང་བ་དང་ཁྲུས་ཆོག་སོགས་ཐམས་ཅད་དཀྱིལ་འཁོར་ལྷོ་སྒོའི་ཕྱོགས་ཁོ་ནར་བྱེད་ཅིང་། མིང་ཡང་ལྷོ་སྒོ་ཆོ་ག་ཞེས་སུ་གྲགས་པར་གདའ་བ། སྒོ་གཞན་དུ་བྱ་མི་རུང་བའམ། ལྷོ་སྒོ་རང་དུ་བྱེད་དགོས་པའི་གཏན་ཚིག་ཅི་ཞིག་ལགས་པ་དང་།། ༈ །།གང་ཟག་ཕལ་པའི་རིགས་འཆི་བ་ཀུན་ཞག་ཕྱེད་དང་བཞིར་རྣམ་ཤེས་བརྒྱལ་ཞིང་། ཞག་གྲངས་དེ་ཉིད་ཚང་བ་ན་བརྒྱལ་སངས་པ་ཡིན་ནོ་ཞེས་གྲགས་པ་དང་། དབུས་གཙང་གི་ཡུལ་ཕྱོགས་སུ་ནི། ཞག་ཕྱེད་དང་བཞི་འདས་མཚམས་དེར་བླ་མའམ་འདྲེན་མཆོག་མཁན་ཞིག་གིས་ཁྲུས་ཆོག་དང་དབང་བསྐུར་སོགས་བྱེད་ཐུབ་ན་མི་ཐུབ་ལྟ་བུའི་སྲོལ་སྣང་

― TR004_Page_0514 ―

^{[མ་དཔེ་གཟིགས་ན་འདིར་གནོན།]}

[Full Size]

བས། ཞག་གྲངས་དེ་ལྟ་བུའི་ངེས་པ་ཅན་འབྱུང་བ་ལགས་སམ། ཡང་། རྗེ་ཉིད་ཀྱི་མཛད་པའི་བར་དོའི་སྤྱི་དོན་དུ། ཐིམ་རིམ་རྣམས་བྱ་རྫོགས་ཀྱི་སྐད་ཅིག་མའི་ཡུན་དུ་གསུངས་པའི། བྱ་རྫོགས་ཀྱི་ཡུན་ཚད་ལ། རྩིས་ཀྱི་གསང་བ་སྟག་རྣ་ཅན་གྱི་མདོ་ལས་ནི་དཔེར་ན། བུད་མེད་བལ་མི་སྐྱེན་མི་བུལ་བ་ཞིག་གིས། བལ་འདབས་སྣ་ནར་གྱིས་དྲངས་ཏེ། སླར་འཕང་ལ་དཀྲིས་པའི་བར་གྱི་ཡུན་ཚད་དེ་ལ་བྱ་རྫོགས་ཀྱི་སྐད་ཅིག་ཏུ་བཤད་ཅིང་། དུས་མཐའི་སྐད་ཅིག་ནི། གྱད་ཀྱིས་སེ་གོལ་གཏོག་པའི་ཡུན་ཅིག་ལ་གསུང་ན། འདི་སྐབས་ཀྱི་བྱ་རྫོགས་ཀྱང་གོང་གི་འདི་ཀ་དང་མཚུངས་པ་ལགས་སམ། བཞེད་ཚུལ་གཞན་མཆིས་པ་ལགས།། ༈ །།ཡང་ཞུ་དོན་གསུང་རབ་རྣམས་སུ། མངོན་པར་རྫོགས་པར་སངས་རྒྱས་པ་དང་། ཡང་དག་པར་རྫོགས་པའི་སངས་རྒྱས་གཉིས་སོ་སོར་གསུངས་སྣང་ཚེ། དེ་གཉིས་

― TR004_Page_0515 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་དབྱེ་བ་གང་གིས་འབྱེད་པ་དང་།། ༈ །།སངས་རྒྱ་བ་དང་། འཚང་རྒྱ་བའི་ཚིག་ཟུར་འདི་གཉིས་ནི་འདས་མ་འོང་གི་རྣམ་དབྱེ་ཡིན་ནམ་སྙམ་པས། དེ་ལྟར་ཡིན་ལགས་སམ། ལས་རྒྱུ་འབྲས་ཀྱི་སྐབས་རྣམས་སུ། གང་ཞིག་རྒྱུ་འབྲས་ཀྱི་ཚུལ་ཇི་ལྟ་བ་གོ་བཞིན་དུ་སྤང་བླང་མི་བྱེད་པར་ཁྱད་དུ་གསོད་པ་དག་ནི་རྣམ་སྨིན་རབ་ཏུ་ལྕི་བར་གཞི་གྲུབ་མོད་ཀྱང་། དེ་ལྟར་མ་ཡིན་པའི་འགྲོ་བ་མི་ལུས་ཙམ་པོ་བ་ཀླ་ཀློ་ལྟ་བུའམ། དུད་འགྲོའི་རིགས་གཅན་ཟན་ལ་སོག་པ་དང་། མདོར་ན་དགེ་སྡིག་གི་སྣང་བ་ཡེ་མེད་པ། ག་གིས་སྲོག་གཅོད་སོགས་བྱས་པའི་སྡིག་པའི་རྣམ་སྨིན་གོང་མ་དེ་དང་ཁྱད་མེད་དུ་འབྱུང་ངམ་འོན་ཏེ་ཅུང་ཟད་ཁྱད་མཆིས་སམ་ཇི་ལྟ་བུ་ལགས།། ༈ །།གཞན་ཡང་ཐོར་བུའི་ཞུ་མཆིས་ལ། གཏོར་ཆོག་སོགས་མང་པོར་

― TR004_Page_0516 ―

^{[མ་དཔེ་གཟིགས་ན་འདིར་གནོན།]}

[Full Size]

གཏན་པ་མེད་པའི་མཆོད་སྦྱིན་རྒྱལ་པོ་ལ། སྤྱན་འདྲེན་འཁོར་དང་བཅས་ཏེ་གཤེགས་སུ་གསོལ། ཞེས་འབྱུང་བའི་སྐབས་ཀྱི་གཏན་པ་མེད་པ་ཅེས་པའི་དོན་འཇུག་པ་མ་གོ་བས་གང་ཞིག་ལགས། འདི་ཡན་གྱི་དྲི་ལན་ནི་ཐོར་བུའི་དྲི་ལན་གྱི་དཔེ་ཚན་དེ་ཉིད་ཡིན་ལ། འདིར་མ་འདུས་པའི་དྲི་བའི་ཚིག་ཕྲ་རྒྱས་ཕལ་ཆེར་ནི་དྲིས་ལན་ཉིད་ལ་འཁོད་པའི་གཤིས་གྱིས་འདིར་མ་བྲིས་པ་ལགས་སོ། དགེའོ། །གཅིག་ཞུས།

སྨན་སྒོམ་གྱི་དྲིས་ལན། གཉིས་ཆོས་ཟུང་འཇུག་གི་ངོ་སྤྲོད་ཞལ་མདམས།

― TR004_Page_0517 ―

^{[མ་དཔེ་གཟིགས་ན་འདིར་གནོན།]}

[Full Size]

སྨན་སྒོམ་གྱི་དྲིས་ལན། གཉིས་ཆོས་ཟུང་འཇུག་གི་ངོ་སྤྲོད་ཞལ་མདམས་བཞུགས་སོ།

― TR004_Page_0518 ―

^{[མ་དཔེ་གཟིགས་ན་འདིར་གནོན།]}

[Full Size]

སྨན་སྒོམ་རིག་པ་འཛིན་པ་མཆོག་གིས་ད་ལམ་གྱི་ཕྱག་བྲིས་ཡིག་ཆུང་གནང་བའི་ཞིབ་ཆར། གསལ་བ་ཞེས་བྱ་བ་གང་ཡིན་པའི་དངོས་དོན་ཁ་གསལ་དགོས་གསུངས་པ་ལ་བརྗོད་པར་བྱ་སྟེ། ཐོག་མར་འགྲོ་བ་སེམས་ཅན་ཐམས་ཅད་འཁྲུལ་པ་ཤར་ཏེ་འཁོར་བར་འཁྱམས་པའི་རྒྱུ་རྐྱེན་ཡང་ཀུན་གཞི་ལས་གསལ་ཆའི་སྣང་བ་ཤར་བ་ལ་རང་མདངས་ཡིན་པར་མ་ཤེས་པར་ཡུལ་དུ་བཟུང་ཞིང་། རང་གཞན་ཐ་དད་དུ་འཛིན་པའི་དབང་གིས་འཁྲུལ་པ་ཡིན་ཚུལ་སོགས་

― TR004_Page_0519 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་ཞིབ་ཆ་རྣམས། སྔར་ཕྱག་རྫོགས་ཟིན་བྲིས་གཉིས་ཀྱི་མགོར་ཡོད་པ་ལྟར་ཡིན་པ་དང་།། ༈ །།ད་ལྟ་ལམ་ཉམས་ལེན་གྱི་དུས་སུ་ཡང་། སེམས་ཉིད་ངོ་བོ་སྟོང་པ་ངོས་གཟུང་བྲལ་བའི་རང་མདངས་གསལ་བ་འགག་མེད་ཀྱི་ཆ་ལས་ཕྱི་ནང་གི་འཆར་སྒོ་མཐའ་དག་སྣང་བ་འདི་ཡིན་ཏེ། ཕྱི་རོལ་གྱི་གཟུགས་སྒྲ་དྲི་རོ་རེག་སོགས་ཚོགས་དྲུག་གི་ཡུལ་དུ་གྱུར་པ་ཐམས་ཅད་གསལ་བའི་ཆར་མ་གྱུར་པ་ནི་གཅིག་ཀྱང་མེད་མོད། ནང་གི་མིག་རྣ་བ་སྣ་ལྕེ་ལུས་ཡིད་ཀྱི་འགྱུར་ཚོར་

― TR004_Page_0520 ―

^{[མ་དཔེ་གཟིགས་ན་འདིར་གནོན།]}

[Full Size]

ཆགས་སྡང་ཐམས་ཅད་ཀྱང་གསལ་བར་མ་གྱུར་པ་ཅི་ཡང་མེད་ལ། དེ་ལྟར་ཕྱི་ནང་གི་དངོས་པོ་མཐའ་དག་མ་ལུས་པ་རང་སེམས་ཀྱི་གསལ་ཆའི། འཆར་སྒོ་ཁོ་ན་ཡིན་པ་འདི་ལ་གསལ་བ་ཟེར། འདི་མེད་ན་འཁོར་བར་འཁྱམས་འཁྲུལ་སོགས་དང་། ཐུགས་རྗེ་ཉམས་ལེན་བྱེད་རྒྱུ་བྱེད་མཁན་བྱས་འབྲས་ཐམས་ཅད་མི་འབྱུང་བར། སྟོང་པ་ཕྱང་ཆད་དང་། ཆད་པའི་མཐར་ལྷུང་བ་ཞིག་ལས་མི་འབྱུང་ཚེ། དེའི་ཕྱིར་ཐེག་པ་གོང་འོག་གི་ཉམས་ལེན་ཀུན་དང་། ཁྱད་པར་སྒོམ་ཕྱོགས་ཀྱི་སྐབས་འདིར་གསལ་ཆ་ལམ་དུ་འཁྱེར་ཚུལ་རྣམས་བཤད་པ་ཡིན་ལ། ལྷག་པར་དིང་སང་གི་སྒོམ་ཆེན་ལ་ལ་ཞིག །བླ་མ་མཚན་ལྡན་དང་གདམས་ངག་ཟོལ་མེད་ཀྱིས་མ་ཟིན་པའི་སྐྱོན་དབང་གིས། སེམས་ཀྱི་གསལ་ཆའི་འཆར་སྒོ་ཐམས་ཅད་སྒོམ་དུ་མི་འདོད་པར་ནན་གྱིས་བཀག་ནས། མི་རྟོག་པ་ཞིག་ཁོ་ན་དགོས་པར་འདོད་མཁན་མང་དུ་གདའ་བས། དེ་

― TR004_Page_0521 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟར་བྱས་ན་ཞི་གནས་འགོག་པར་འགྱུར་ཚེ། ཕྱག་རྫོགས་ཀྱི་སྒོམ་དུ་གཏན་དུ་མི་འགྲོ་ལ་བྱང་ཆུབ་ཀྱི་ལམ་དུའང་མི་འགྱུར་བའི་ཕྱིར་རོ། །མཐར་ཐུག་འབྲས་བུ་མངོན་འགྱུར་གྱི་དུས་ནའང་མཁྱེན་བརྩེ་མཛད་ཕྲིན་ཐུགས་རྗེ་སོགས་ཐམས་ཅད་ཀྱང་གསལ་བ་འདིའི་མཐུ་འབྲས་ཡིན་པས། ད་ལྟ་ལམ་གྱི་དུས་སུ་འདི་བཀག་ན་མཐར་འབྲས་བུའི་དུས་མཁྱེན་བརྩེ་སོགས་ག་ནས་འོང་། དེའི་ཕྱིར་ན། ཉམས་ལེན་གྱི་རྩ་བ་གསལ་བ་ལམ་འཁྱེར་བྱེད་པའི་རྒྱུ་མཚན་དེ་ལྟར་ཡིན་པ་དང་། ལམ་དུ་འཁྱེར་ཚུལ་གང་ཞེ་ན། རྣམ་རྟོག་དང་ཚོགས་དྲུག་སོགས་གང་སྣང་ཅི་ཤར་ཐམས་ཅད་ལ་ཨ་འཐས་རྗེས་འབྲེང་ཡང་མི་བྱ། དགག་ཀྱང་མི་དགག །གཉེན་པོ་དང་དམིགས་པའི་ཁ་བསྒྱུར་སོགས་གཞན་གང་ཡང་མི་བྱ་བར། རང་རིག་ཁོ་ནས་ཟིན་ཙམ་རང་སར་གློད། གང་དགར་བསྐྱུར། གར་འགྲོར་བཏང་

― TR004_Page_0522 ―

^{[མ་དཔེ་གཟིགས་ན་འདིར་གནོན།]}

[Full Size]

ཇི་ལྟར་འཆར་ཡང་ཐ་མལ་ཤེས་པ་སོ་མ་འདི་ཀ་ལས་མ་འདས་ཚེ། བཟང་ངན་གྱི་ཞེན་འཛིན་དགག་སྒྲུབ་མི་བྱ་བ་འདི་ཉིད་ཁོ་ནས་ཆོག་པ་ལ་རང་རིག་རང་གསལ་གྱི་ཉམས་ལེན་ཟེར་བ་ལགས་ཤིང་།། ༈ །།འགག་དོན་ལ། ད་ལྟའི་རྣམ་རྟོག་འགྱུ་དྲན་འདི་ཀ་ལ་གསལ་བ་ཟེར་བ་ཡིན། འདི་ཉིད་རང་ལ་རང་གིས་རིག་ཙམ་དྲན་ཙམ་ཚོར་ཙམ་བྱེད་མཁན་དེ་ལ་དྲན་པ་ཡང་ཟེར། རང་རིག་ཀྱང་ཟེར། མཉམ་བཞག་ཀྱང་ཟེར། ལྷག་མཐོང་ཡང་ཟེར་བ་སྟེ། ཆོས་ལུགས་ཐམས་ཅད་ཀྱི་དགོངས་པ་མཐུན་པར་སྒོམ་ཉམས་སུ་ལེན་རྒྱུ་འདི་རང་གིས་ཆོག་པ་ལགས་ཤིང་། འདི་ལས་ལྷག་པའི་སྒོམ་གནས་ཆའམ། བདེ་གསལ་མི་རྟོག་སོགས་ཅི་ལྟ་བུ་ཞིག་བསྒྲུབ་ཀྱང་བཅོས་མ་ཁོ་ན་ཡིན་ཚེ་མ་བཅོས་ཐ་མལ་ཤེས་པ་བཟོ་མེད་དུ་མི་འགྲོ་ཞིང་སྒོམ་སྐྱོན་མེད་དུ་མི་འགྱུར་བས། དེས་ན་གནས་འདི་གཅིག་པུ་ལ་

― TR004_Page_0523 ―

^{[མ་དཔེ་གཟིགས་ན་འདིར་གནོན།]}

[Full Size]

ངེས་འགྲོངས་ཐག་ཆོད་ཅིག་དགོས་པ་ལགས་པས་དེ་ལྟར་དགོངས་འཚལ།། ༈ །།གཉིས་ཆོས་ཟུང་འཇུག་གི་རྣམ་གྲངས་མང་པོ་དེ་དག་གི་དོན་གང་ཡིན་གསུངས་པ་ལ།། ༈ །།གསལ་སྟོང་དབྱེར་མེད་ཅེས་པའི་གསལ་བ་ནི་གོང་དུ་བརྗོད་པ་དེ་ཀ་ཡིན་ལ། སྟོང་པ་ནི། འཁོར་འདས་ཀྱི་འཆར་སྒོ་ཅིར་སྣང་གི་གསལ་ཆ་དེ་ཐམས་ཅད་ཀྱི་ངོ་བོ་ནི་རང་སེམས་ཁོ་ན་ལས་མ་འདས་ལ། སེམས་ཁོ་རང་ཁ་དོག་དབྱིབས་མཚན་དུ་མ་གྲུབ་པའི་སྟོང་པ་ཉིད་དང་། དེ་གཉིས་ཀྱང་དོན་ལ་ཐ་མི་དད་པར། སྟོང་པའི་རང་མདངས་གསལ་བ་གསལ་བའི་ངོ་བོ་སྟོང་པ་ཡིན་པ་དེ་ལ་གསལ་སྟོང་དབྱེར་མེད་ཅེས་བྱ་བའོ།། ༈ །།ཡང་སྣང་སྟོང་ནི། ཁ་དོག་དབྱིབས་ཀྱི་སྣང་ཚུལ་གང་དང་གང་ལྟར་འཆར་བ་མཐའ་དག་ལ་ཅེས་བྱ་ལ། དེ་དག་ཇི་ལྟར་སྣང་ཡང་སེམས་ཀྱི་མདངས་ལས་གཞན་པའི་དངོས་པོ་བདེན་

― TR004_Page_0524 ―

^{[མ་དཔེ་གཟིགས་ན་འདིར་གནོན།]}

[Full Size]

པར་གྲུབ་པ་གཏན་པ་མ་ཡིན་པའི་ཕྱིར་ངོ་བོ་སྟོང་པ། དེ་གཉིས་ཐ་དད་མེད་ནི་གོང་མ་ལྟར་རོ།། ༈ །།ཡང་མཚོན་བྱེད་དཔེའི་བླ་མ་དངོས་སུ་སྣང་བ་ནི་སྣང་ཆའམ་གསལ་ཆའི་བྱེ་བྲག་ཡིན་ལ། དེས་ངོ་སྤྲད་ནས་རང་སེམས་རང་ངོ་རིག་པ་ནི་མཚོན་བྱ་དོན་གྱི་བླ་མ། དེ་གཉིས་དབྱེར་མེད་ཚུལ་ནི་གོང་ལྟར་རོ། ༈ །སྣང་སྲིད་འཁོར་འདས་ཐམས་ཅད་ནི་རང་སེམས་ཀྱི་རོལ་རྩལ། དེ་དག་གི་རང་བཞིན་ནི་སྟོང་པ་སྟོང་པའི་ཡིན་ཚུལ་རིག་ཅིང་རྟོགས་པ་ནི་རིག་སྟོང་དབྱེར་མེད།། ༈ །།ཚོར་བ་བདེ་བའི་རིགས་གང་ཤར་ཐམས་ཅད་ནི་སྡུག་བསྔལ་གྱི་ཟུག་ངུ་མེད་པས་ན་བདེ་བ་ཅེས་བྱ་ལ། བདེ་བར་ཤར་མཁན་ནམ། ཚོགས་མཁན་ནི་སེམས་ཉིད་ཁོ་རང་། བདེ་བ་དེ་ཉིད་ངོ་བོས་བདེན་གྲུབ་མེད་པར་སེམས་ཀྱི་གསལ་ཆའི་བྱེ་བྲག་ལས་གཞན་པའི་དངོས་པོ་གང་ཡང་མིན་ཕྱིར་བདེ་སྟོང་དབྱེར་མེད་ཅེས་བྱའོ།། ༈ །།གཞན་ཡང་། ལྷ་དང་

― TR004_Page_0525 ―

^{[མ་དཔེ་གཟིགས་ན་འདིར་གནོན།]}

[Full Size]

དཀྱིལ་འཁོར་སྔགས་དང་འོད་ཟེར་སྤྲོ་བསྡུ་སོགས་མཐའ་དག་ཀྱང་དོན་དམ་པར་ནི་སྒོམ་མཁན་སྒོམ་རྒྱུ་བསྒོམ་པ་སོགས་ཐམས་ཅད་སེམས་ལས་གཞན་མེད་ལ། སེམས་ཀྱི་ངོ་བོ་སྟོང་པ་རྫོགས་རིམ་གསལ་ཆ་ལྷར་སྣང་བ་སྐྱེད་རིམ། དེ་གཉིས་སེམས་གཅིག་པུར་ཚང་ཕྱིར་སྐྱེད་རྫོགས་དབྱེར་མེད་ཡིན་ཏེ། འདི་སྐབས་ཀྱི་གོ་དོན་ཞིབ་ཆ་ནི་སྔར་ནས་མང་ཡང་གསུང་གླེང་བྱེད་རེས་ཡོད་ཚེ་ཐུགས་ལ་ལོས་བཞུགས་མོད་ཀྱི། དིང་སང་གི་སྐྱེད་རིམ་པ་ཕལ་མོ་ཆེ་རྣམས་ནི་ཀུན་བརྟགས་བློས་བྱས་ཀྱི་སྐྱེད་རིམ་མ་གཏོགས། སྐྱེད་རྫོགས་དབྱེར་མེད་ལ་བློ་ཁོལ་མཁན་ཆེར་མ་མཐོང་ཚེ། སླད་དུ་ངོས་མཇལ་བྱུང་ན་འདི་དོན་གྱི་གསུང་གླེང་ཞིབ་ཏུ་ཡོད་ལས་ཆེ་ལགས། ༈ ཡང་སྐུ་དང་ཡེ་ཤེས་ནི། དངོས་པོར་སྣང་བའི་གསལ་ཆ་མཐའ་དག་ནི་སྐུ་ཡི་རང་བཞིན་དུ་ཡེ་ནས་ལྷུན་གྱིས་གྲུབ་ལ། དེ་དག་གི་རང་བཞིན་སྟོང་གསལ་

― TR004_Page_0526 ―

^{[མ་དཔེ་གཟིགས་ན་འདིར་གནོན།]}

[Full Size]

ནི་གདོད་མའི་ཡེ་ཤེས་ལས་མ་འདས་སོ། །འདི་ལའང་རྒྱས་བཤད་བྱས་ན་ནི་ཚིག་ཚོགས་ཆེ་བས་མ་བྲིས་ལ། འགག་ནི་གསལ་སྟོང་དབྱེར་མེད་ལ་འདུས་སོ།། ༈ །།དབྱིངས་རིག་དབྱེར་མེད་ནི། སྟོང་ཆ་ལ་དབྱིངས་ཀྱང་ཟེར། ཡུམ་ཡང་ཟེར། གསང་བའི་བྷ་ག་ཡང་ཟེར། ཤེས་ཀྱང་ཟེར། ཆོས་དབྱིངས་ཡང་ཟེར་ལ། གསལ་རིག་གི་ཆ་ལ་རིག་པ་ཡང་ཟེར། ཡབ་ཀྱང་ཟེར། རྡོ་རྗེ་དང་། ཐབས་དང་། ཡེ་ཤེས་ལ་སོགས་མིང་གི་རྣམ་གྲངས་དུ་མར་བཏགས་མོད་ཀྱང་། དོན་ལ་འདི་གཉིས་ཀྱང་གོང་དུ་བརྗོད་པ་ལྟར་སེམས་ཉིད་གསལ་སྟོང་གཉིས་ལས་གཞན་མིན་ཅིང་། དབྱེར་མེད་ཚུལ་ནི་སྔར་བཞིན་ནོ།། ༈ །།ཐབས་ཤེས་དབྱེར་མེད་ནི་འདི་ཀས་གོ་ལ་འདི་སྐབས། ཐབས་ལམ་གྱི་གདམས་གཞུང་རྣམས་ལས། རྩ་ཐམས་ཅད་དཔའ་མོ་ཡུམ་གྱི་རང་བཞིན། རླུང་ཐམས་ཅད་དཔའ་བོ་ཡབ་ཀྱི་རང་བཞིན་དང་། ཐིག་ལེ་དཀར་ཆ་

― TR004_Page_0527 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་ཡབ་དང་དམར་ཆ་ཐམས་ཅད་ཡུམ་དུ་གསུངས་པ་དང་། བདེ་བ་ཡབ་དང་སྟོང་པ་ཡུམ། དེ་བཞིན་དུ་རྩ་རོ་རྐྱང་དང་རླུང་ཕོ་རླུང་མོ་རླུང་གཉིས་ཐབས་ཤེས་སོ་སོར་གསུངས་ཚུལ་སོགས། སྤྲོས་བཅས་ཉམས་ལེན་གྱི་རིགས་རྣམས་ནས་རྒྱ་ཆེར་གསུངས་ཏེ། དཔེར་ན་རྡོར་དྲིལ་གཉིས་ཀྱི་བརྡ་དོན་རྣམས་བཤད་གཅིག་པུ་ལ་ཡང་བསམ་གྱིས་མི་ཁྱབ་མོད་ཀྱི། འགག་དོན་གྱི་རང་སེམས་གསལ་སྟོང་ལ་མ་འདུས་པ་ཞིག་ག་ལ་མཆིས།། ༈ །།སྟོང་ཉིད་དང་སྙིང་རྗེ་ནི། སེམས་ཀྱི་ངོ་བོ་སྤྲོས་བྲལ་སྟོང་ཉིད་གོང་དུ་བརྗོད་པ་བཞིན་ལས། གདངས་འགག་མེད་ཀྱི་འཆར་ཚུལ་ཙམ་དུ། མ་རྟོགས་པའི་འགྲོ་ལ་སྙིང་རྗེ་བཅོས་མིན་རང་ཤུགས་སུ་འཆར་བ་དང་། ཤར་ཡང་ཤར་མཁན་དང་འཆར་རྒྱུ་ཤར་སའི་ཡུལ་སོགས་མཐའ་དག་རང་རིག་ཅིག་པུ་ཉིད་ཡིན་ཚུལ་རྟོགས་པ་ནི་སྟོང་ཉིད་སྙིང་རྗེ་

― TR004_Page_0528 ―

^{[མ་དཔེ་གཟིགས་ན་འདིར་གནོན།]}

[Full Size]

ཟུང་འཇུག་ཡིན་ཏེ། ལས་བྱང་རྣམས་ནས་ཀུན་ཏུ་སྣང་བའི་ཏིང་འཛིན་དེ་ཡང་འདི་ཡིན་པ་དང་། ཆོས་སྤྱི་ཁྱབ་ལྟར་ན་འདི་ལ་ཡང་། ཆོས་ལ་དམིགས་པའི་སྙིང་རྗེ། སེམས་ཅན་ལ་དམིགས་པའི་སྙིང་རྗེ། དམིགས་པ་མེད་པའི་སྙིང་རྗེ་སོགས་ཀྱི་རྒྱས་བཤད་མང་མོད་ཀྱང་། སྐབས་འདིར་ནི། བདག་དང་སེམས་ཅན་དང་སྙིང་རྗེ་ཉིད་དང་གསུམ་ག་རང་སེམས་གཅིག་པུར་ཐག་ཆོད་པ་ཁོ་ནས་ཆོག་གོ། ༈ །།བདག་གཞན་དབྱེར་མེད་ཀྱང་འདི་ཀ་ཡིན་ཏེ། བདག་དང་གཞན་དུ་སྣང་བ་ཐམས་ཅད་ནི་འཁྲུལ་རྟོག་གི་བག་ཆགས་ཡིན་ཕྱིར། སེམས་ཉིད་གསལ་སྟོང་སྤྲོས་བྲལ་གྱི་རང་ངོ་ལ་བདག་གཞན་གྱི་དངོས་པོ་མ་གྲུབ་ལ། བདག་གཞན་དུ་སྣང་ཞིང་མཐོང་བ་འདི་དག་ནི་རྨི་ལམ་གྱི་སྣང་བ་ལྟར། མེད་པ་ལ་ཡོད་པར་སྒྲོ་བཏགས་པའི་བག་ཆགས་ཀྱི་རང་གཟུགས་ཡིན་ནོ།། ༈ །།ཕྱི་ནང་གཉིས་ཀྱང་དེ་བཞིན་ཏེ། སེམས་ཀྱིས་བཅོས་ཤིང་བཏགས་པའི་བག་ཆགས་

― TR004_Page_0529 ―

^{[མ་དཔེ་གཟིགས་ན་འདིར་གནོན།]}

[Full Size]

འཁྲུལ་གཟུགས་འབའ་ཤིག་ཡིན་ནོ།། ༈ །།འཁོར་འདས་གཉིས་ནི་རྣམ་བཤད་རྒྱས་པར་བྱས་ན་ཁ་ཐག་རིང་བས་འགག་དོན་ལ། འཁྲུལ་ངོར་འཆར་ཞིང་སྣང་བ་ཐམས་ཅད་འཁོར་བའི་ཆོས་ཡིན་ལ། འཁྲུལ་པ་རང་འཚང་རིག་པའི་ཆ་ཐམས་ཅད་མྱང་འདས་ཀྱི་ཆོས་ཡིན་པ་དང་། དོན་དམ་པར་ནི་འཁྲུལ་མ་འཁྲུལ་དུ་དབྱེ་བ་ཉིད་ཀྱང་ངོས་བཟུང་གི་མཚན་མ་དང་བྲལ་ཕྱིར་འཁོར་འདས་ཀྱང་སེམས་སུ་ཐག་ཆོད་དགོས་ལ། དེ་ལྟར་ཆོད་ན། རྒྱུ་འབྲས། དགེ་སྡིག །ངན་སོང་དང་ཐར་ལམ། སེམས་ཅན་དང་སངས་རྒྱས་ཆོས་དང་ཆོས་མིན་སོགས་སྤང་བླང་གི་མཚན་མ་མཐའ་དག་རང་སར་གྲོལ། དེ་གྲོལ་ཚེ། ཡར་སངས་རྒྱ་རྒྱུའམ། མར་འཁོར་བར་འཁྱམས་རྒྱུའི་གཞི་རྩ་ཟད་པ་དེ་ལ་གྲུབ་པ་ཐོབ་ཟེར་བའམ། འབྲས་བུ་མངོན་དུ་གྱུར་པ་ཅེས་ཟེར་བ་ལགས་མོད།། ༈ །།

― TR004_Page_0530 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོང་ཉིད་རྒྱུ་འབྲས་དབྱེར་མེད་ཀྱང་འདིར་འདུས་མོད་ཀྱི། སྟོང་ཉིད་ཀྱི་དོན་ཚུལ་བཞིན་རྟོགས་ཚེ་གསལ་ཆའི་རོལ་རྩལ་རྒྱུ་འབྲས་སུ་འཆར། འཆར་བ་དེའི་རང་ངོ་སྟོང་ཉིད་དུ་ཐག་ཆོད་པ་དེ་ལ་སྟོང་ཉིད་རྒྱུ་འབྲས་དབྱེར་མེད་ཟེར་བ་སྟེ། ཚུལ་འདི་མ་གོ་བར། རྒྱུ་འབྲས་མི་བདེན། ཐམས་ཅདསྟོང་པ་ཡིན་ཟེར་བའི་ནག་པོ་ཁ་འབྱམས་རྣམས་དང་མ་འཛོམ་པ་གལ་ཆེ་བར་སྣང་ངོ་།། ༈ །།ནམ་མཁའ་རང་སེམས་དབྱེར་མེད་ནི། ཆོས་སྤྱི་ལྟར་ན་ཕྱིའི་འབྱུང་བ་ལྔ་དང་ནང་གི་ཁམས་ལྔ་པོ་སྦྱར་བ་སྟེ། དེ་སྐབས་སུ་ཕྱིའི་འབྱུང་བ་ནམ་མཁའ་དང་ནང་དུ་སེམས་ཀྱི་ཁམས་གཅིག་ཚུལ་བཤད་མོད་ཀྱང་། སྤྲོས་མེད་ཀྱི་སྐབས་འདིར་ནི། འབྱུང་བ་ནམ་མཁའ་ཙམ་དུ་མ་ཟད་སྣང་སྲིད་འཁོར་འདས་མཐའ་དག་སེམས་ཐོག་ཏུ་ཐག་ཆོད་ཕྱིར་གཞན་བརྗོད་མ་དགོས་སོ།། ༈ །།སྐྱིད་སྡུག་དབྱེར་མེད་ནི་གོང་མ་རྣམས་སུ་མ་འདུས་རྒྱུ་མེད་ཀྱང་།

― TR004_Page_0531 ―

^{[མ་དཔེ་གཟིགས་ན་འདིར་གནོན།]}

[Full Size]

བདེ་སྡུག་གམ་སྐྱིད་སྡུག །ཆང་སྡང་། བཟང་ངན། གཙང་མི་གཙང་། ཞིམ་མངར། ཚ་གྲང་། ལེགས་ཉེས། དགྲ་གཉེན། ལྷ་འདྲེ། ཕན་གནོད་ལ་སོགས་ཏེ། འདི་འདྲའི་རིགས་མཐའ་དག་ཀུན། སེམས་ཉིད་ཀྱི་གསལ་ཆའི་བྱེ་བྲག་འགག་མེད་ཀྱི་རྩལ་མདངས་ཙམ་དུ་འཆར་ཡང་། རང་གི་རང་བཞིན་གང་དུ་ཡང་གྲུབ་པ་མེད་པས་སྟོང་པ་ཉིད་ལས་མ་གཡོས་པ་དེ་ལ་དོན་དམ་བདེན་པ་ཟེར། རང་བཞིན་མེད་ཀྱང་འཆར་ཚུལ་སྣ་ཚོགས་ཟད་མེད་དུ་ཤར། མཐོང་། ཚོར། མེད་བཞིན་དུ་སྣང་བའི་ཆོ་འཕྲུལ་རྨི་ལམ་དང་སྒྱུ་མའི་ལྟད་མོ་ལྟ་བུ་འདི་ལ་ཀུན་རྫོབ་བདེན་པ་ཟེར་བ་སྟེ། འདི་དག་ཐམས་ཅད་ལ་སོ་སྐྱེ་ཐ་མལ་པ་རྣམས་ཀྱིས་ནི་མི་བདེན་པ་ལ་བདེན་པར་བཟུང་། རང་སྣང་ལ་གཞན་དུ་བཟུང་། དོན་དམ་མ་ཡིན་པ་ལ་དོན་དམ་དུ་བཟུང་བ་ལ་བརྟེན་ནས་འཁོར་བར་འཁྲུལ་འབྱམས་ཁོར་ཡུག་ཏུ་གྱུར་ཞིང་། རྣལ་འབྱོར་པ་རྣམས་ཀྱིས་

― TR004_Page_0532 ―

^{[མ་དཔེ་གཟིགས་ན་འདིར་གནོན།]}

[Full Size]

ནི་དེ་དག་གི་གནད་འཚང་ཇི་བཞིན་རིག་ཅིང་ཤེས་པ་དང་། ཤེས་ཐོག་ཏུ་དགག་སྒྲུབ་བྲལ་བར་བཞག་པ་གཅིག་པུས་འཁྲུལ་པ་རང་སར་གྲོལ་བ་ལགས་མོད་ཀྱི། དེ་ལྟར་འཇོག་ཐབས་དང་གྲོལ་ཐབས་ནི་ཐེག་པ་ཀུན་གྱི་ཡང་རྩེ་རྡོ་རྗེ་ཐེག་པའི་ལམ་བཟང་ཕྱག་རྫོགས་ལྟ་བུ་ལ་མ་བརྟེན་ན། འོག་མའི་ཆོས་གཞན་དག་གིས་གྲོལ་མི་ནུས་པའི་རྒྱུ་མཚན་དང་གནད་ཀྱང་དེ་ཡིན་ནོ།། ༈ །།ཡང་གཤིན་པོ་སོགས་སེམས་ཅན་ཀུན་གྱི་སེམས་དང་རང་སེམས་བསྲེ་བའི་གནད་གང་ཡིན་གསུངས་པ་ནི། སྤྱིར་བདེ་གཤེགས་སྙིང་པོ་འགྲོ་ཀུན་ཡོངས་ལ་ཁྱབ་པ་དེ་ཡང་། མི་རེ་རེ་ལ་དུམ་བུ་རེ་རེ་བགོས་ནས་ཡོད་པ་ལྟ་བུ་ཞིག་མ་ཡིན་ཏེ། སངས་རྒྱས་ཀྱི་ཐུགས། སེམས་ཅན་གྱི་སེམས། སྣང་གྲང་ཀུན་གྱི་རང་ཚུལ་མཐའ་དག་རྒྱར་མ་ཆད། ཕྱོགས་སུ་མ་ལྷུང་ཡེ་གདོད་མ་ནས་རང་བཞིན་ཆོས་ཀྱི་སྐུར་ཀུན་ལ་ཁྱབ། ལྷུན་གྱིས་གྲུབ། ཕྱོགས་

― TR004_Page_0533 ―

^{[མ་དཔེ་གཟིགས་ན་འདིར་གནོན།]}

[Full Size]

རིས་བྲལ་བའི་ཐིག་ལེ་ཉག་གཅིག་ཡིན་ཀྱང་། རིག་མ་རིག་དང་རྟོགས་མ་རྟོགས། འཁྲུལ་མ་འཁྲུལ་ཁོ་ནས་ཁྱད་པར་དུ་གྱུར་ལ། ད་ལྟ་ལམ་ཉམས་ལེན་གྱིས་སྐབས་སུ་ཡང་། གོང་མ་རྣམས་སུ་ཡང་ཡང་བཤད་པ་ལྟར། བདག་དང་སེམས་ཅན་ཞེས་ཐ་དད་དུ་དོན་ལ་མ་གྲུབ་ཀྱང་། སྣང་ཚུལ་ཐ་དད་དུ་སྣང་བ་ཙམ་ཡིན་པའི་ཚུལ་རྟོགས་ན། སེམས་ཅན་གྱི་སེམས་དང་རང་གི་སེམས་སླར་བསྲེ་རྒྱུ་ཞིག་མ་གྲུབ་སྟེ། ཡེ་ནས་འདྲེས་འདྲེས་པ་ཡིན་ལ། འོན་ཀྱང་ལས་དང་པོ་པའི་རྣལ་འབྱོར་དག་གིས་སེམས་ཀྱི་རྩལ་སྦྱོང་ངམ། འགག་མེད་རོལ་རྩལ་གྱི་སྒྱུ་འཕྲུལ་ཙམ་དུ། བླ་མའི་རྣལ་འབྱོར་བསྒོམ་པ་དང་། སེམས་ཅན་ཐམས་ཅད་ལ་བྱམས་སྙིང་རྗེ་སེམས་སྐྱེད་དང་། སྣང་གྲགས་ལྷ་སྔགས་ཀྱི་ཞིང་སྦྱོང་སོགས་དང་། དེས་མཚོན་ཏེ། གཏོར་མ་གཅོད། བསྔོ་སྨོན་སོགས་བྱེད་པ་ཡིན་མོད་ཀྱི། དེ་དག་གི་སྐབས་སུ། དཔེར་ན། བླ་མ་དྲན་ཙམ་ལ་བླ་མ་དང་རང་སེམས་འདྲེས་ཚར་བ་ཡིན་ཏེ་

― TR004_Page_0534 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མར་སྣང་བ་དེ་ཉིད་རང་སེམས་ཁོ་རང་ཡིན་པའི་ཕྱིར་རོ། །དེ་བཞིན་དུ། མཁའ་ཁྱབ་ཀྱི་སེམས་ཅན་ཞེས་བརྗོད་པ་ཙམ་ནས་སེམས་ཅན་ཀུན་གྱི་སེམས་དང་། རང་གི་སེམས་འདྲེས་ཚར་བ་སྟེ། དོན་ལ་ཐ་དད་མ་ཡིན་པའི་ཕྱིར་རོ། །གནད་དོན་འདི་ལྟ་བུ་ཐམས་ཅད་ལ་འགྲེས་ཤེས་དགོས་ཏེ། ལྷ་ལ་རབ་གནས་མི་ལ་དབུ་མར། ལྷ་འདྲེ་ལ་གཅོད་ཡུལ། ཚེ་འདས་ལ་གནས་སྤར། སེམས་ཅན་སྤྱི་ཁྱབ་ལ་སེམས་སྐྱེད་དང་བསྔོ་སྨོན་སོགས་ཐམས་ཅད་ལ་གནད་དོན་འདི་མི་ཤེས་པར་གཞན་ཕན་ཅི་དང་ཅི་ལྟ་བུར་བྱེད་པར་རློམས་ཀྱང་ཚུལ་མཐུན་ཞིག་ནམ་ཀྱང་མི་འོང་སྟེ། འདི་དག་གི་ལུང་འདྲེན་སོགས་ཤིན་ཏུ་མང་མོད་ཀྱང་འདིར་ཡི་གེས་འཇིགས་ནས་མ་བཀོད་ལ། འདི་དང་མཐུན་པར་རྒྱལ་བ་ཡང་དགོན་པའི་བློ་སྦྱོང་དོན་བཞི་མ་སོགས་ཀྱང་དགོངས་དོན་འདི་ཀ་ལང་ཤིང་། ཐེག་ཆེན་གྱི་ཆོས་ཐམས་ཅད་ལ་འདིས་ཁྱབ་པ་ལགས།། ༈ །།ལར་ཡང་ཐེག་ཆེན་དང་གསང་སྔགས་ཀྱི་ཆོས་ཉམས་སུ་ལེན་པར་

― TR004_Page_0535 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་པ་ལ་བློ་ཁོག་ཡངས་དགོས་པ་དང་། ཁྱད་པར་ཕྱག་རྫོགས་དབུ་གསུམ་སོགས་ལྟ་སྒོམ་གྱི་ཆོས་བློ་ལ་ཤོང་བ་ལ་དབང་པོ་རབ་སོགས་དགོས། རྒྱུ་མཚན་ཡང་དེ་མིན་པས། ཐེག་དམན་བློ་ཆུང་ལ་འདི་དག་གི་གནད་དོན་བཤད་ཀྱང་རང་གི་སྐལ་བ་དང་མ་མཐུན་ཚེ་བློར་མ་ཤོང་། ཡིད་མི་ཆེས་ངེས་ཤེས་མི་འགྲོངས། དེའི་སྐྱོན་གྱིས་རྒྱུད་ལ་མི་ཁེལ་བར་ལྟ་སྤྱོད་ཉམས་ལེན་ཚིག་དོན་ཐམས་ཅད་ཡ་བྲལ་ཁོ་ནར་གྱུར་པ་ནི་དིང་སང་ཤིན་ཏུ་མང་བར་མཆིས་ཚེ། འཁོས་མེད་བདག་འདྲས་འགྲོ་དོན་དང་གཞན་ཕན་མི་ནུས་ཤིང་མི་བྱེད་པའི་རྒྱུ་མཚན་ཡང་དེ་ཡིན་ནོ།། ༈ །།གཞན་ཉིད་རང་གི་ཐོད་རྒལ་གྱི་འཆར་ཚུལ་དེ་རྣམས་ལ་ནི་བོག་འདོན་སོགས་ཀྱི་ཞིབ་ཆ་གཞན་དགོས་པར་མ་གྱུར་ཚེ། སྔར་ལས་མ་གཡོས་པའི་ཉམས་ལེན་རྒྱུན་བརྩོན་མཛད་པ་དང་། སྐུ་དང་

― TR004_Page_0536 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་ཁམས་ཀྱི་སྣང་བ་ཅི་དང་ཅི་ལྟར་འཆར་ཡང་། གཙོ་བོར་བལྟ་བྱའི་ཡུལ་དང་ལྟ་བྱེད་ཀྱི་རིག་པ་ཐ་དད་མ་གྲུབ་པའི་ངང་ནས། ཞེན་འཛིན་རློམ་སེམས་ཀྱི་མཁྲིས་མེད་པར་གུ་ཡངས་རང་བབས་ཀྱི་ཀློང་ནས་ཉམས་ལེན་གནང་འཚལ་ཞིང་།། ༈ །།མདོར་ཧྲིལ་གྱི་དྲིལ་བའི་སྙིང་པོར་གང་གི་གཉིས་ཆོས་ཀྱི་རྣམ་གྲངས་དེ་དག་ཐམས་ཅད་ཀྱང་རང་རིག་བློ་འདས་རྗེན་པའི་ཐོག་ཏུ་མ་འདུས་རྒྱུ་ནི་སྤུ་ཙམ་ཡང་མེད་པས་འདི་ཀ་ལ་བཟོ་མེད་ལྷུག་པར་འཇོག་པ་ཁོ་ནས་ཆོག་གི། དབྱེ་བ་དང་མིང་ཚིག་གི་རྣམ་གྲངས་མཐའ་དག་ནི་བརྗོད་ཀྱིས་ཀྱང་མི་ལང་ལ། བརྗོད་ཀྱང་དགོས་པ་ཆུང་བ་དང་། རྗོད་བྱེད་ཀྱི་ཚིག་ཚོགས་མང་པོས་བརྗོད་བྱ་དོན་གྱི་རང་ཞལ་སྒྲིབ་བྱེད་འབའ་ཤིག་ལས་མི་འབྱུང་བས། དཔེ་ལ་བལྟ་བའམ། གོ་བ་འཚོལ་བ་དང་། མཆོད་གྲོག་ཆོས་གཏམ་སོགས་གང་དང་གང་བྱས་རུང་སེམས་ལ་མི་ཕན་པའི་ཁར། སླར་དོགས་པ་སྤེལ་

― TR004_Page_0537 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ལས་མ་མཆིས་ཚེ། ཕྱི་ནང་གི་ཆོས་ཐམས་ཅད་ལ་བརྟག་དཔྱད་དམ། གོ་བསྡུར་རམ། འཆད་རྩོད་སོགས་ཀྱི་སྤྲོས་པས་མི་གཡེང་བར། ད་ལྟའི་ཐ་མལ་ཤེས་པ་རང་འགྲོས་རང་བབས་ཁོ་ན་བསྐྱང་། མཉམ་རྗེས་ཐུན་མཚམས་བཞག་ལོན་སོགས་ལས་དང་པོ་པའི་དུས་ཀྱི་ཉམས་ལེན་སྤྲོས་བཅས་རྣམས་ལ་ཨ་འཐས་ཀྱི་ཞེན་འཛིན་དང་། ཉམས་རྟོགས་འཕེལ་སྐྱེད་ལམ་རྟགས་གོང་འཕེལ་སོགས་འོང་དུ་རེ་བའི་འདོད་བློ་ཐམས་ཅད་ལིངས་ཀྱི་བསྐྱུར་ནས་རིག་པ་རྗེན་པ་ཅིག་པུ་ལ་སྨར་འཇུས་སུ་བྱ་ཞིང་། སངས་རྒྱས་ན་རྒྱ་ལ་མ་རྒྱས་ན་མ་རྒྱས། འཁོར་བར་འཁྱམས་ན་འཁྱམས་ལ་མ་འཁྱམས་ན་མ་འཁྱམས། བདུད་དང་བར་ཆད་སོགས་ཡོད་ན་ཡོད་མེད་ན་མེད། ཅི་དགའ་བ་གྱིས། གང་ཡོང་ན་ཤོག །གར་འགྲོ་ནའང་སོང་སྙམ་པས། བསྙེམ་ཐག་རྦད་ཀྱི་ཆོད། ལིངས་ཀྱི་བསྐྱུར། ཅམ་གྱི་འཇོག་པ་ཞིག་

― TR004_Page_0538 ―

^{[མ་དཔེ་གཟིགས་ན་འདིར་གནོན།]}

[Full Size]

ཁོ་ན་ལ་སྐུ་ཚེ་འཁྱོལ་བར་མཛོད་དང་། གེགས་སེལ་བོག་འདོན་ངོ་སྤྲོད་གདམས་ངག་ཡོད་དོ་ཅོག་ཅིག་ཏུ་བསྡུས་ཀྱང་འདི་ལས་ཟབ་པ་བསྟན་རྒྱུ་མེད་པས། དེས་ན་ཚེ་འདིའི་སྣང་བ་ཐིབ་ཀྱི་མ་འགག་གི་བར་ལ་གནད་དོན་འདི་དང་མི་འབྲལ་བ་མཛད་པར་ཞུ། ཞེས་པ་འདི་ནི། སྨན་པ་སྒོམ་ཆེན་ཚུལ་ཁྲིམས་བཟང་པོས་དྲི་ཡི་གེ་ལན་དུ། ལྷོ་བདེར་གཤེགས་ཚེའི་ཕུག་པའི་ཡང་དབེན་ནས་བྲིས་ཏེ་བསྲིངས་པ་དགེ་ལེགས་འཕེལ་བར་གྱུར་ཅིག །མངྒ་ལཾ་བྷ་ཝནྟུ།། ༈ །།ཆོས་སྒོ་བརྒྱད་ཁྲིར་གསུངས་ཀྱང་དགོས་ཆེད་སེམས་འདུལ་ཐབས། །ཚིག་ཚོགས་གྲངས་མེད་བརྗོད་ཀྱང་གནད་དོན་སྒོམ་ལ་རག །མི་ཚེ་ཆོས་ལ་བསྐྱལ་ཡང་རང་རྒྱུད་ཐུལ་མ་ཐུལ། །རྐྱེན་ངན་ཅུང་ཟད་བྱུང་ཚེ་གསལ་རྟགས་མངོན་སུམ་སྟོན། ཁ་བཤད་ཆུ་ཡི་ལྦུ་བས་བྱང་ཆུབ་ལམ་མི་རྙེད། །གནད་དོན་སྙིང་པོའི་མཐར་ཐུག་རང་སེམས་གནས་ལུག་དོན། །མ་བཅོས་བཟོད་མེད་སྐྱོང་ལ་གེགས་དང་གོལ་ས་མེད། །རང་རིག་ཅིག་པུའི་སྟེང་དུ་བློ་ཐག་རྦད་ཀྱི་ཆོད། །སྙིང་གཏམ་གདམ་ངག་ཡིན་ནོ་སྙིང་གི་དཀྱིལ་དུ་འཆོང་། གཅིག་ཞུས