རྩེ་ལེ་སྣ་ཚོགས་རང་གྲོལ་གྱི་བཀའ་འབུམ།

གླེགས་བམ། ཉ༽

རྩེ་ལེ་སྣ་ཚོགས་རང་གྲོལ།

Nitartha international

Images scanned by TBRC

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

དཀར་ཆག

[Full Size]

འདིར་རྗེ་སྣ་ཚོགས་རང་གྲོལ་གྱི་བཀའ་འབུམ་ཆོས་ཚན་གྱི་རྣམ་གྲངས་ཇི་ལྟར་བཞུགས་པའི་རིམ་པ་བཀོད་པར་གླེགས་བམ། ཉ། པ་ལ། མངའ་བདག་མྱང་གི་གཏེར་ཁའི་གུ་རུ་དྲག་པོ་བདེ་གཤེགས་འདུས་པའི་ལས་བྱང་སྒྲིགས་ཆགས་བལྟས་ཆོག་ལྡེབ། ༢༧ དཀོན་མཆོག་སྤྱི་འདུས་ཀྱི་དབང་བསྐུར་བྱ་བའི་ལས་རིམ་ལོ་རྒྱུས་རྣམ་བཤད་དང་བཅས་པ་ལྡེབ། ༢༤ འཇའ་ཚོན་གཏེར་ཆོས་ལུགས་ཀྱི་ལས་བཞིའི་སྦྱིན་བསྲེག་ཇི་ལྟར་བྱ་ཐབས་ལྡེབ། ༢༨ བཀའ་བརྒྱད་ཁྲོ་བོ་རོལ་པའི་གཏེར་སྒྲུབ་ཆེན་མོའི་ཕྱག་བཞེས་ཀྱི་ཟིན་བྲིས་ལྡེབ། ༡༩ བཀའ་བརྒྱད་གསང་བ་ཡོངས་རྫོགས་

[Full Size]

ཀྱི་ལས་བྱང་གཞུང་སྲེང་གི་རིམ་པ་ལྡེབ། ༦༣ བླ་མ་དགོངས་འདུས་སྒྲུབ་ཆེན་བདུད་རྩི་སྨན་སྒྲུབ་སྤྲོས་བཅས་བུམ་དབང་དང་བཅས་པ་ཕྱག་བཞེས་བྱ་ཚུལ་གྱི་ས་བཅད་ཟིན་སུ་བཀོད་པ་ལྡེབ། ༢༢ བྱང་བཏང་ལ་ཉེ་བར་མཁོ་བའི་ཡོ་བྱད་ཀྱི་གསུངས་གླེང་ལྡེབ། ༦ མཐའ་འོག་བདུད་འདུལ་ཡུག་པའི་གནས་བཤད་ལྡེབ། ༧ ཁྱབ་བདག་དཔལ་ལྡན་བླ་མ་དམ་པ་སྣ་ཚོགས་རང་གྲོལ་གྱི་རྣམ་ཐར་གསོལ་འདེབས་ཡོན་ཏན་མི་ཟད་རྒྱན་གྱི་ཟློས་གར་ལྡེབ། ༡༤ བཀའ་འབུམ་ནང་གི་བརྡ་དང་སྙན་དངགས་སོགས་ཀྱི་འགྲེལ་པ་རྒྱ་ཆེར་བཤད་པ་ལྡེབ། ༧ ཐེག་པ་ཐམས་ཅད་ཀྱི་

[Full Size]

མཆོག་རབ་གསང་བ་བླ་ན་མེད་པ་འོད་གསལ་རྡོ་རྗེ་སྙིང་པོའི་དོན་རྣམ་པར་བཤད་པ་ཉི་མའི་སྙིང་པོ་ལྡེབ། ༦༧ བར་དོ་སྤྱིའི་དོན་གསལ་བར་བྱེད་པ་དྲན་པའི་མེ་ལོང་ལྡེབ། ༦༠ རྩ་གསུམ་གཏོར་འབུལ་ཕྲིན་ལས་མྱུར་འགྲུབ་ལྡེབ། ༧ རྩེ་ལེ་རིག་འཛིན་ཆེན་པོ་སྐུ་མི་མངོན་ཆོས་ཀྱི་དབྱིངས་སུ་གཤེགས་ཁར་གནང་བའི་ཞལ་གདམས་ལྡེབ། ༧ བསྔོ་སྨོན་ལྡེབ། ༣ བཀའ་འབུམ་ཀ་བའི་དཀར་ཆག་ལྡེབ། ༢ ཁ་པའི་དཀར་ཆག་ལྡེབ། ༢ ག་པའི་དཀར་ཆག་ལྡེབ། ༢ ང་པའི་དཀར་ཆག་ལྡེབ། ༢ ཅ་པའི་དཀར་

[Full Size]

ཆག་ལྡེབ། ༥ བཅས་བཞུགས་པ་དགེ་ཞིང་བཀྲ་ཤིས་པར་གྱུར་ཅིག །ཛ་ཡནྟུ།

མངའ་བདག་མྱང་གི་གཏེར་ཁའི་གུ་རུ་དྲག་པོ་བདེར་གཤེགས་འདུས་པའི་ལས་བྱངསྒྲིགས་ཆགས་ལྟས་ཆོག

[Full Size]

མངའ་བདག་མྱང་གི་གཏེར་ཁའི་གུ་རུ་དྲག་པོ་བདེར་གཤེགས་འདུས་པའི་ལས་བྱངསྒྲིགས་ཆགས་ལྟས་ཆོག་བཞུགས་སོ། །

[Full Size]

ཕྱོགས་དུས་རྒྱལ་བའི་ཐུགས་རྗེ་གཅིག་བསྡུས་པའི། །ཕྲིན་ལས་གདུག་པ་འདུལ་བར་རབ་མངག་པ། །བདུད་འདུལ་རྒྱལ་པོ་པདྨ་ཐོད་འཕྲེང་ཞབས། །བཏུད་ནས་དེ་ཡི་ཆོ་གའི་ལས་རིམ་བྲི། དེ་ལ་འདིར་འགྲོ་བའི་མགོན་པོ་མངའ་བདག་མྱང་རིན་པོ་ཆེའི་གཏེར་ཁ་ལས་བྱོན་པའི་གུ་རུ་དྲག་པོ་བདེར་གཤེགས་འདུས་པའི་ལས་བྱང་ཕྲིན་ལས་ཀྱི་རིམ་པ་ཇི་ལྟར་བྱ་བ་ལ། ཐོག་མར་དམ་ཚིག་དང་ལྡན་པའི་གང་ཟག་གིས། གནས་ཡིད་དང་མཐུན་པར་བྱི་དོར་ལེགས་པར་བྱས་ལ་ས་རྒྱན་གནམ་རྒྱན་སོགས་བཀོད་པའི་ཁྱད་པར་བག་དྲོ་བར་བྱས་ཏེ། གུ་རུ་ཞི་དྲག་གི་སྐུ་རྟེན་བྱིན་

[Full Size]

རླབས་ཅན་གྱི་རིགས་བྲིས་འབུར་ཅི་རིགས་བཤམས་པའི་དྲུང་དུ། དཔལ་གཏོར་ཟུར་གསུམ་རིན་ཆེན་འབར་བའི་དབྱིབས་ཅན་རྡོ་རྗེ་དང་མེ་རིས་མཚན་ཞིང་ཞབས་སུ་པདྨ་འདབ་བཞི་ཅན་རྒྱན་དཀར་དམར་གྱིས་མཛེས་ཤིང་བརྗིད་པར་བྱས་པའི་གཡས་གཡོན་དུ་བདུད་རྩི་སྨན་རག་དང་། བླ་མ་ཡི་དམ་མཁའ་འགྲོ་ཆོས་སྐྱོང་སྤྱིའི་གཏོར་མ་ཅི་རིགས་ཚོགས་ཀྱི་ཡོ་བྱད། ཕྱི་ནང་གསང་བའི་མཆོད་རྫས་མ་ཚང་བ་མེད་པར་བཤམས་ནས། སྤོས་དང་རོལ་མོ་སོགས་འཛོམ་པའི་ངང་ནས་སྒྲུབ་པ་པོ་རྣམས་བདེ་བའི་སྟན་ལ་འཁོད་དེ་རོལ་མོས་བྱིན་ཕབ་ནས། གུ་རུ་རིན་པོ་ཆེ་ལ་སྐྱབས་གནས་དཀོན་མཆོག་མ་ལུས་པས་བསྐོར་ནས་མདུན་གྱི་ནམ་མཁར་སྤྲིན་གཏིབས་པ་ལྟ་བུར་

[Full Size]

སྐྱབས་ཡུལ་ཚོགས་གསོག་གི་ཞིང་དུ་བཞུགས་པ་མོས་པ་རྩེ་གཅིག་གིས་སྐྱབས་སུ་འགྲོ་ཞིང་བྱང་ཆུབ་ཏུ་སེམས་བསྐྱེད་པ་ནི། ན་མོ། སྐྱབས་གནས་དཀོན་མཆོག་མ་ལུས་འདུས་པའི་སྐུ། །རིགས་ཀུན་ཁྱབ་བདག་པདྨ་དྲག་པོ་རྩལ། །ཡུལ་འཁོར་བཅས་ལ་བདག་སོགས་སེམས་ཅན་རྣམས། །འདི་བཟུང་བྱང་ཆུབ་བར་དུ་སྐྱབས་སུ་མཆིའོ། །སྲིད་ཞི་མཉམ་ཉིད་ཡེ་སངས་རྒྱས་པའི་དོན། །མ་རྟོགས་ཨ་འཐས་འཁྲུལ་པས་འཁོར་བར་འཁྱམས། །ད་ནི་རང་རིག་རང་ངོ་ཤེས་པ་ཡིས། །དོན་དམ་བྱང་ཆུབ་སེམས་མཆོག་བསྐྱེད་པར་བགྱིའོ། །ཞེས་ཚིག་དོན་མཐུན་པར་ལན་གསུམ་བྱ། དེ་ནས་ཡན་ལག་དགུ་པའི་སྒོ་ནས་ཚོགས་བསགས་པ་ནི། ཧཱུྃ། དུར་ཁྲོད་མེ་རི་འབར་བའི་ཕོ་བྲང་ནས། །འཇིགས་བྱེད་ཆོན་པོ་བཛྲ་ཧེ་རུ་ཀ །དབང་དྲག་པདྨ་བཀའ་ཡི་འཁོར་དང་བཅས། །མཆོད་པའི་གནས་འདིར་སྤྱན་འདྲེན་གཤེགས་སུ་གསོལ། བཛྲ་ས་མཱ་ཛཿ ཧཱུྃ། དུར་ཁྲོད་འཇིགས་སུ་རུང་བའི་ཕོ་བྲང་དུ། །དྲེགས་པ་ཕོ་མོ་

[Full Size]

ཉི་ཟླའི་གདན་སྟེངས་སུ། །དབང་དྲག་པདྨ་འཁོར་དང་བཅས་པ་རྣམས། །རྔམས་བརྗིད་དགྱེས་པའི་ཚུལ་གྱིས་བཞུགས་སུ་གསོལ། ས་མ་ཡ་ཏིཥྛ་ལྷན། ཧཱུྃ། སྐྱེ་འཆི་གཉིས་སྤངས་རྡོ་རྗེའི་རང་བཞིན་ལས། །ཕྲིན་ལས་ལྷུན་གྲུབ་སྡེ་བརྒྱད་དམ་ལ་འདོགས། །སྐུ་གསུམ་དབྱེར་མེད་སྐྱེ་འགྲོ་ཡོངས་ཀྱི་མགོན། །དབང་དྲག་པདྨའི་སྐུ་ལ་ཕྱག་འཚལ་ལོ། །ན་མོ་སུ་རུ་ཤ་ཡ་ཧོཿ ཧཱུྃ། ཁམས་གསུམ་སྐུ་གསུམ་དབྱིངས་སུ་བསྒྱུར་བའི་དཔྱིད། །དུག་གསུམ་དབང་གྱུར་དགྲ་གེགས་འབྱུང་པོ་རྣམས། །དྲག་པོས་བསྒྲལ་བའི་ཤ་ཁྲག་རུས་པའི་ཚོགས། །དབང་དྲག་པདྨའི་ལྷ་ལ་མཆོད་པར་འབུལ། །མ་ཧཱ་པུ་ཛཿཧོཿ ཧཱུྃ། བདག་ནི་མ་རིག་འཕྲུལ་པའི་དབང་སོགས་སྟེ། །དུག་གསུམ་ཉེས་པས་འགལ་བར་གྱུར་པ་དང་། ལུས་ངག་ཡིད་ཀྱིས་སྡོག་པ་ཅི་བགྱིས་པ། །དབང་དྲག་པདྨའི་སྐུ་ལ་བཟོད་པར་གསོལ། ཧཱུྃ། ཁམས་གསུམ་སྲིད་པ་གསུམ་ལ་དབང་བསྒྱུར་

[Full Size]

བའི། །དྲག་པོ་གཟི་བརྗིད་འབར་བའི་སྐུ་མཆོག་གིས། །འཁོར་བ་གཏིང་ནས་སྐམ་ལ་འདོན་པའི་ཕྱིར། །དུག་གསུམ་ཞལ་དུ་གསོལ་ལ་ཡི་རང་ངོ་། ཧཱུྃ། སྔོན་གྱི་ཐུགས་དམ་ཞལ་བཞེས་ཡིན་པའི་ཕྱིར། །པདྨ་དྲག་པོ་རྡོ་རྗེ་ཐོད་འཕྲེང་རྩལ། འགྲོ་རྣམས་ཇི་སྲིད་རྫོགས་སངས་རྒྱས་ཀྱི་བར། །མྱ་ངན་མི་འདའ་བདག་སོགས་ཐུགས་རྗེས་གཟིགས། ཧཱུྃ། རྣལ་འབྱོར་བདག་ཅག་འཁོར་བའི་སེམས་ཅན་རྣམས། །བྱང་ཆུབ་ལམ་གྱི་བར་ཆད་བསྒྲལ་བ་དང་། །དངོས་གྲུབ་མ་ལུས་མྱུར་དུ་ཐོབ་པའི་ཕྱིར། །ཐེག་ཆེན་ཆོས་ཀྱི་འཁོར་ལོ་བསྐོར་དུ་གསོལ། ཧཱུྃ། བདག་གིས་མོས་གུས་དད་པས་ཁྱེད་སྒྲུབས་ནས། །ཐུགས་རྗེ་མ་ཆུང་སྔོན་གྱི་ཐུགས་དམ་དགོངས། །སྨོན་ལམ་འབྲེལ་པ་བཟང་པོས་མཚམས་སྦྱར་ནས། །བདག་དང་འགྲོ་ཀུན་བྱང་ཆུབ་ཐོབ་ཕྱིར་བསྔོའོ། ཞེས་པ་དེ་ཡན་གྱིས་ཐོག་མར་བདག་ཉིད་རྒྱུད་དག་པར་བྱ་ཕྱིར་སྐྱབས་སེམས་ཚོགས་བསགས་གི་ལས་རིམ་སྔོན་དུ་བཏང་ནས། མདུན་གྱི་ནམ་མཁར་བཞུགས་པའི་ཚོགས་ཡུལ་དེ་རྣམས་སྐར་མདའ་རྒྱུགས་པ་

[Full Size]

བཞིན་ཚུར་བྱོན་ནས་རང་ཉིད་ཀྱི་སྤྱི་བོར་ཐིམ་པ་ཙམ་གྱིས་སྐད་ཅིག་ལ་བདག་ཉིད་དབང་དྲག་འབར་བའི་སྐུ་རི་རབ་ཙམ་དུ་གྱུར་པའི་ཐུགས་ཀའི་ཧཱུྃ་དམར་ལས་ཡེ་ཤེས་ཀྱི་མེ་དང་མཚོན་ཆའི་ཚ་ཚ་སྐར་ལྟར་འཁྲུག་པ་འཕྲོས་པས། བར་ཆད་གདོན་བགེགས་འབྱུང་པོའི་རིགས་ཐམས་ཅད་ཚར་བཅད་རྡུལ་དུ་བརླག་ཅིང་མེ་དང་མཚོན་ཆའི་བསྲུང་གུར་ཕུབ་པའི་ཕྱོགས་བཅུར་བདག་གི་ཐུགས་ཀའི་ཧཱུྃ་ལས་ཧཱུྃ་ཡིག་མཐིང་ནག་བཅུ་འཕྲོས་པ་སྤྲུལ་པ་ཁྲོ་བོ་བཅུར་གྱུར་པས་ཕྱོགས་བཅུའི་བར་ཆད་ཐམས་ཅད་བསྲུང་བའི་ཕྲིན་ལས་མཛད་པར་མོས་ལ། ཧཱུྃ་ཧཱུྃ་ཧཱུྃ། ཧཱུྃ་ཧཱུྃ་ཧཱུྃ། ཧཱུྃ་ཧཱུྃ་ཧཱུྃ། ཧཱུྃ། བདག་ཉིད་དྲག་པོའི་ཐུགས་སྲོག་ལས། །འབྱུང་བ་ལྔ་དང་མཚོན་ཆའི་གུར། །ཕྱོགས་མཚམས་སྟེང་འོག་ཀུན་ནས་ཕུབས། །བསྲུང་འཁོར་གནམ་ས་ཁ་སྦྱོར་ནང་། །མཐིང་ནག་ཧཱུྃ་ལས་གནས་གྱུར་པ། །སྤྲུལ་པ་ཁྲོ་ཆེན་འབར་བ་བཅུ། །མཐིང་ནག་རྔམ་བརྗིད་ཁྲོས་པའི་སྐུ། །གཡས་པ་རྡོ་རྗེ་ཐོ་བ་དང་། །གཡོན་པ་ལྕགས་ཀྱུ་འབར་བ་བསྣམས། །

[Full Size]

དུར་ཁྲོད་ཆས་ཀྱི་སྐུ་ལ་བརྒྱན། །བརྐྱང་བསྐུམ་ཞབས་ཀྱིས་དྲེགས་པ་གནོན། ཧཱུྃ་ཧཱུྃ་ཕཊ་ཕཊ་ང་རོ་སྒྲོག །མེ་དཔུང་ཀློངས་ན་འགྱིང་ཞིང་བརྗིད། །རང་འདྲའི་སྤྲུལ་འཁོར་གྲངས་མེད་བཅས། །ཕྱོགས་བཅུའི་གདོན་ཚོགས་འདུལ་བ་དང་། །མཚམས་གཅོད་བསྲུང་འཁོར་མཛད་པར་གྱུར། ཧཱུྃ། ང་ནི་དབང་དྲག་པདྨའི་སྐུ། །ཆེ་བའི་ལྷ་རྣམས་ང་ཡི་འཁོར། །འཇིག་རྟེན་དྲེགས་པ་འདུལ་བའི་ཕྱིར། །ཕྱོགས་བཅུར་ཁྲོ་བོའི་སྤྲུལ་པ་འགྱེད། །སྟེང་ཕྱོགས་འཁོར་ལོའི་རྩིབས་སྟེང་ན། །ལྷ་གདོན་བསྣོལ་བའི་ཁྲི་སྟེངས་སུ། །ཁྲོ་བོའི་རྒྱལ་པོ་ཧཱུྃ་ཀ་ར། །ལྷ་གདོན་འདུལ་ལ་ཕྱག་འཚལ་བསྟོད། །བར་སྣང་གདོན་ཚོགས་མཚམས་ཆོད་ཅིག །ཤར་ཕྱོགས་འཁོར་ལོའི་རྩིབ་སྟེང་ན། །དྲི་ཟ་བསྣོལ་བའི་ཁྲི་སྟེངས་སུ། །ཁྲོ་བོའི་རྒྱལ་པོ་རྣམ་པར་རྒྱལ། །དྲི་ཟ་འདུལ་ལ་ཤར་གྱི་གདོན་ཚོགས། །ལྷོ་ཕྱོགས་འཁོར་ལོའི་རྩིབས༴ གཤིན་རྗེ་བསྣོལ་བའི༴ ཁྲོ་བོའི་རྒྱལ་པོ་གཤིན་རྗེའི་གཤེད། །གྲུལ་བུམ་འདུལ་ལ་ཕྱག་འཚལ་ལྟོད།

[Full Size]

ལྷོ་ཡི་གདོན་ཚོགས་མཚམས༴ ནུབ་ཕྱོགས་འཁོར་ལོའི་རྩིབས༴ ཀླུ་རྒྱལ་བསྣོལ༴ ཁྲོ་བོའི་རྒྱལ་པོ་རྟ་མགྲིན་དཔལ༴ ཀླུ་གདོན་འདུལ༴ ནུབ་ཀྱི་གདོན༴ བྱང་ཕྱོགས་འཁོར་ལོའི་རྩིབས༴ གནོད་སྦྱིན་བསྣོལ༴ ཁྲོ་བོའི་རྒྱལ་པོ་བདུད་རྩི་འཁྱིལ། གནོད་སྦྱིན༴ བྱང་གི་གདོན༴ ཤར་ལྷོ་འཁོར་ལོའི༴ མེ་ལྷ་བསྣོལ། ཁྲོ་བོའི་རྒྱལ་པོ་དབྱུག་སྔོན་ཅན། མེ་ལྷ་འདུལ༴ ཤར་ལྷོའི༴ ལྷོ་ནུབ༴ སྲིན་པོ༴ ཁྲོ་བོའི་རྒྱལ་པོ་མི་གཡོ་མགོན། སྲིན་པོ་འདུལ༴ ལྷོ་ནུབ་གདོན༴ ནུབ་བྱང་འཁོར་ལོའི་རྩིབ༴ རླུང་ལྷ་བསྣོལ༴ ཁྲོ་བོའི་རྒྱལ་པོ་གཞན་མི་ཐུབ། རླུང་ལྷ༴ ནུབ་བྱང་༴ བྱང་ཤར་འཁོར་ལོའི༴ འབྱུང་པོ་བསྣོལ༴ ཁྲོ་བོའི་རྒྱལ་པོ་ཁམས་གསུམ་རྒྱལ། དབང་ལྡན་འདུལ༴ བྱང་ཤར་གདོན༴ འོག་ཕྱོགས་འཁོར་ལོའི༴ ས་བདག་བསྣོལ༴ ཁྲོ་བོའི་རྒྱལ་པོ་སྟོབས་པོ་ཆེ། ས་བདག་འདུལ་ལ་འཚལ་ལྟོད། འོག་ཕྱོགས་གདོན་ཚོགས་མཚམས། ཆོད་ཅིག །ཨོཾ་བཛྲ་

[Full Size]

མ་ཧཱ་ཀྲོ་དྷ་སརྦ་རཀྵ་ཧཱུྃ། ཞེས་པས་མཚམས་གཅོད་བསྲུང་འཁོར་བསྒོམ་ཞིང་། ཡང་དག་དོན་གྱི་སྲུང་མཚམས་ནི། འཁོར་བ་མྱང་འདས་ཀྱིས་བསྡུས་པའི་ཆོས་ཐམས་ཅད་གདོད་ནས་དག་པ་ཆེན་པོར་ལྷུན་གྱིས་གྲུབ་པའི་རང་བཞིན་ལ་བསྲུང་བྱ། སྲུང་བྱེད་ཀྱི་སྤྲོས་པ་མཐའ་དག་ལས་འདས་པའི་དོན་དྲན་པར་བྱ་བ་ནི་སྲུང་འཁོར་གྱི་དམ་པའོ། །དེ་ནས་གཏོར་མཆོད་བྱིན་གྱིས་བརླབས་པ་ནི། བདག་ཉིད་དྲག་པོའི་ཐུགས་ཀའི་ཧཱུྃ་ལས་ཡི་གེ་རྃ་ཡྃ་ཁྃ་འཕྲོས་པས་འབགས་རྩོགས་བསང་ཞིང་སྦྱངས། ཨོཾ་ཨཱཿཧཱུྃ་གིས་བྱིན་གྱིས་བརླབས་པའི་དོན་དྲན་པའི་ངང་ནས། བདག་གི་ཐུགས་ཀའི་ཧཱུྃ་ལས་རྃ་ཡྃ་ཁྃ། འཕྲོས་པས་ཡེ་ཤེས་མེ་ཡིས་ཉེས་སྐྱོན་བསྲེག །ཡེ་ཤེས་རླུང་གི་མཚན་འཛིན་བག་ཆགས་གཏོར་ཡེ་ཤེས་ཆུ་ཡི་ཀུན་རྟོག་དྲི་མ་བཀྲུས། ཨོཾ་ཨཱཿའཕྲོས་མཆོད་པའི་རྫས་ལ་ཐིམ། དག་པ་ཆེན་པོར་བྱིན་རླབས་སྤེལ་སྦྱང་བསྒྱུར། །ཕྱི་ནང་གསང་བ་དེ་བཞིན་ཉིད་ཀྱི་འཕྲུལ། །ཀུན་བཟང་མཆོད་སྤྲིན་ཆོས་དབྱིངས་ཁྱབ་པར་གྱུར། ཨོཾ་བཛྲ་ཨརྒྷཾ།

[Full Size]

པཱདྱཾ། པུཥྤེ། དྷཱུ་པེ། ཨཱ་ལོ་ཀེ། གནྡྷེ། ནཻ་ཝེ་དྱཱ། ཤབྟ་པཱུ་ཛ་ཨཱཿཧཱུྃ། རཱུ་པ་ཤབྟ། གྷནྡྷ། རཱ་ས། སྤརྴེ་ཨཱཿཧཱུྃ། བོ་དྷི་ཙིཏྟ་མ་ཧཱ་སུ་ཁ་པཱུ་ཛ་ཨཱཿཧཱུྃ། ཨོཾ་ཨཱཿཧཱུྃ་སརྦ་པཉྕ་ཨ་མྲྀ་ཏ་ཧཱུྃ་ཧྲཱི་ཐཱ། ཨོཾ་ཨཱཿཧཱུྃ་མ་ཧཱ་རཀྟ་ཛྭ་ལ་མཎྜ་ལ་ཧཱུྃ་ཕཊཿ ཨོཾ་ཨཱཿཧཱུྃ་མ་ཧཱ་བ་ལིངྟ་ཏེ་ཛོ་བ་ལིནྟ་བ་ལ་བྷ་ཏེ་གུ་ཧྱ་ས་མ་ཡེ་སྭཱ་ཧཱ། དེ་ལྟར་འདི་ཡན་ཆད་སྔོན་འགྲོའི་ལས་རིམ་ཡིན་ནོ།། ༈ །།གཉིས་པ་དངོས་གཞིའི་ཐོག་མར་ཏིང་འཛིན་རྣམ་པ་གསུམ་ཚིག་དོན་མཐུན་པར་སྒོམ་སྟེ། ཨོཾ་མ་ཧཱ་ཤུ་ནྱ་ཏ་ཛྙཱ་ན་བཛྲ་སྭཱ་བྷ་ཝ་ཨཏྨ་ཀོ྅ཧཾཿ སྣང་ཞིང་སྲིད་པས་བསྡུས་པའི་ཆོས་ཐམས་ཅད། །ཡེ་སྟོང་རྩ་བྲལ་གདོད་ནས་ཡང་དག་པ། ཀུན་བཟང་ཡངས་པ་ཆེན་པོར་ལྷུན་གྲུབ་པའི། །དེ་བཞིན་ཉིད་ཀྱི་ཏིང་འཛིན་བློ་འདས་དང་། །དེ་ལྟར་མ་རྟོགས་འཁྲུལ་པའི་འགྲོ་བ་རྣམས། །རང་ངོ་མ་རིག་གཉིས་འཛིན་འཁོར་བར་འཁྱམས།

[Full Size]

འགག་མེད་རྩལ་མདངས་སྙིང་རྗེར་ཤར་བ་ཡི། །ཀུན་ཏུ་སྣང་བའི་ཏིང་འཛིན་རིས་མེད་ཁྱབ། །རྒྱུ་འབྲས་གཉིས་སུ་འཛིན་མི་དམིགས་ཀྱང་། །རྟེན་ཅིང་འབྲེལ་པར་འབྱུང་བ་མི་འགོག་ཕྱིར། །ལུས་མེད་རིག་པའི་ངོ་བོ་ཡི་གེ་ཧཱུྃ། །དམར་གསལ་ནམ་མཁའི་མཐོངས་སུ་སྐར་ཆེན་བཞིན། དེ་ལྟར་ཏིང་འཛིན་གསུམ་གྱི་སྙིང་པོ་རྒྱུའི་ཡི་གེ་ལས་བྱུང་རིམ་གཞལ་ཡས་གདན་དང་བཅས་པ་བསྒོམ་པ་ནི། ཧཱུྃ་ལས་ཨེ་ཡྃ་རྃ། སུྃ་ཀེ༚་རྃ་བྷྲུྃ། ཡིག་འབྲུ་འཕྲོས་པ་གནས་འགྱུར་འབྱུང་རིམ་རྩེགས། ཨེ་ལས་ཆོས་དབྱིངས་ནམ་མཁའ་མཐའ་དབུས་བྲལ། ཡྃ་ལས་རླུང་གི་རྡོ་རྗེ་རྒྱ་གྲམ་སྟེང་། །ར་ལས་རཀྟའི་རྒྱ་མཚོ་རྦ་ཀློང་འཁྲུག །སུྃ་ལས་ཞིང་ཆེན་ས་གཞི་ཁྱབ་གདལ་དབུས། །ཀེ༚་ལས་རུས་པའི་རིབ་ཟུར་གསུམ་སྟེང་། །རྃ་ལས་བསྐལ་པའི་མེ་ཆེན་སྨུག་ནག་འབར། །བྷྲུྃ་ལས་དུར་ཁྲོད་ཆེན་པོའི་གཞལ་ཡས་ཁང་། །ཐོད་པའི་རྩིགས་པ་ཞིང་

[Full Size]

ཆེན་ཀ་གདུང་བྱས། །ཞིང་ཆུང་དྲལ་དྲབ་མི་ལྤགས་གཡང་གཞིའི་ཐོག །རྒྱུ་མའི་ལྡ་ལྡི་ཙིཏྟའི་ཕོ་ལོང་འཕྱང་། །མི་རོའི་རྒྱན་མཚན་སྐྲ་ཡི་བ་དན་འཕྱར། །གསུར་དུད་སྤྲིན་འཁྲིག་ཁྲག་ཆེན་ཞལ་ཆུར་འབབ། །རབ་ཏུ་འཇིགས་པའི་ཕོ་བྲང་ཆེན་པོའི་དབུས། །འཁོར་ལོ་རྩིབས་བཞི་ལྟེ་བ་ཆོས་འབྱུང་མཐིང་། །པདྨ་འདབ་སྟོང་ཟླ་བ་ཉི་མ་དང་། །དྲེགས་པ་རྒྱལ་བསེན་འབུམ་ཕྲག་བསྒྱེལ་བའི་སྟེང་། །བདག་གི་རིག་པའི་ངོ་བོ་ཧཱུྃ་དེ་བབས། །ཧཱུྃ་ལས་འོད་ཟེར་ཕྱོགས་བཅུའི་ཞིང་དུ་འཕྲོས། །རྒྱལ་བ་ཀུན་མཆོད་བྱིན་རླབས་ཧཱུྃ་ལ་འདུས། །འོད་འཕྲོས་ཁམས་གསུམ་སྐྱེ་འགྲོའི་ལས་ཉོན་སྦྱང་། །རྒྱལ་འགོང་དམ་སྲི་འབྱུང་པོ་རྡུལ་དུ་བརླག །ཐེའུ་རང་འབྱུང་པོའི་རྣམ་ཤེས་གཞོབ་ཏུ་བསྲེག །འོད་ཟེར་ཚུར་འདུས་ཧཱུྃ་ལ་ཐིམ་པ་ཡིས། །བདག་ཉིད་དབང་

[Full Size]

དབང་དྲག་པདྨ་ཐོད་ཕྲེང་སྐུ། །རི་རབ་ལྟ་བུའི་སྐུ་ཆེ་ཡན་ལག་རག །སྐུ་མདོག་མགར་གྱི་ལྕགས་བསྲེག་འབར་བ་འདྲ། །ཞལ་གཅིག་ཕྱག་གཉིས་ཞབས་ནི་དོར་སྟབས་བཞེངས། །སྤྱན་གསུམ་གདངས་མིག་ཉི་ཟླའི་འོད་བཞིན་འབར། །ཞལ་བགྲད་ལྗགས་འདྲིལ་མཆེ་བ་གངས་རི་འདྲ། །དབུ་སྐྲ་ཁམ་ནག་ནམ་མཁའི་དབྱིངས་སུ་འཕྱོ། །ཐོད་སྐམ་རིན་ཆེན་རྩེ་བྲན་དར་དཔྱང་བཅིངས། །སྙན་རྒྱན་མགུར་ཆུ་ཕྱག་ཞབས་སྐུ་ལུས་ཀུན། །རིན་ཆེན་རུས་རྒྱན་སྦྲུལ་ཆུན་སྤེལ་བས་བརྒྱན། །ཀོ་རློན་གཡང་གཞི་སྟག་ཤམ་མགོ་འཕྲེང་དང་། །ཐལ་ཞག་ཁྲག་གིས་བྱུགས་ཤིང་ཁྲོ་ཆས་རྫོགས། །གཡས་པའི་ཕྱག་གིས་གསེར་རྡོར་རྩེ་དགུ་འཕྱར། །དེ་ལས་གནམ་ལྕགས་ཐོག་གི་ཚ་ཚ་འཕྲོ། །ཕྱག་གཡོན་སྡིག་མཛུབ་ལྕགས་སྡིག་མགོ་དགུ་འགྱོད། །དེ་ལས་སྤྲུལ་པའི་ལྕགས་སྡིག་གྲངས་མེད་འཕྲོ། །རྔམས་འཇིགས་ཁྲོ་གཏུམ་

[Full Size]

པདྨ་དྲག་པོ་ཡི། །དབུ་གཙུག་ཁྱུང་ནག་མེ་ཡི་གཤོག་རླབས་ལྡིང་། །རྭ་བར་ནོར་བུ་འབར་བའི་འོད་འཁྱིལ་དུ། །རིགས་བདག་སྣང་མཐའ་ཚེ་དཔག་མེད་པ་བཞུགས། །བདག་གི་དུང་ཁང་སྐུ་ཡི་ལྷ་མཆོག་ནི། །འཇམ་དཔལ་སེར་ནག་རལ་གྲི་སྡིགས་མཛུབ་ཅན། །མགྲིན་པར་གསུང་གི་དབང་ཕྱུག་རྟ་མགྲིན་དམར། །དབྱིག་ཐོ་སྡིག་མཛུབ་སྤྱི་བོར་རྟ་མགོས་མཚན། །ཐུགས་ཀར་གསང་བདག་མཐིང་ནག་ཕྱག་གཡས་ཀྱིས། །ལྕགས་རྡོར་གདེངས་ཤིང་གཡོན་པ་སྡིགས་མཛུབ་བསྒྲེང་། །ལྟེ་བར་མཁའ་འགྲོ་དམར་མོ་གྲི་ཐོད་བསྣམས། ཁ་ཊྭཱྃ་རུས་རྒྱན་རིགས་བཞི་མཁའ་འགྲོས་བསྐོར། །གསང་གནས་ཡཀྴ་མེ་དབལ་སྐུ་མདོག་ནག །གཡས་གཡོན་རྡོ་རྗེའི་ཐོ་བ་མེ་ཞགས་འཛིན། །ཀུན་ཀྱང་ཁྲོ་ཆས་ཡོངས་རྫོགས་དོར་སྟབས་འགྱིང་། །གཞན་ཡང་མཐའ་སྐོར་ཕྱི་རིམ་ཐམས་ཅད་དུ། །རྒྱུད་སྡེ་བཞི་དྲུག་

[Full Size]

དཀྱིལ་འཁོར་ལྷ་ཚོགས་དང་། །ཡི་དམ་མཁའ་འགྲོ་ཆོས་སྐྱོང་རྒྱ་མཚོའི་ཚོགས། །ཉི་མ་དང་ནི་འོད་ཟེར་ཇི་བཞིན་བཞུགས། །སྟེང་གི་ནམ་མཁར་པདྨ་འབྱུང་གནས་དང་། །རྩ་རྒྱུད་བླ་མ་སྤྲིན་བཞིན་གཏིབས་ནས་བཞུགས། །དེ་ལྟར་རང་རིག་རོལ་རྩལ་ལྷ་ཚོགས་ཀུན། །སྣང་ལ་རང་བཞིན་མེད་པར་ཆུ་ཟླའི་གར། །ཡེ་ཤེས་སྒྱུ་མའི་རོལ་པ་ཆེན་པོ་ཡིཿ གནས་གསུམ་འབྲུ་གསུམ་དག་ལས་འོད་འཕྲོས་པས། །ཡེ་ཤེས་སེམས་དཔའི་ཐུགས་དམ་རྒྱུད་བསྐུལ་གྱུར། དེ་ལྟ་བུའི་ལྷ་རྣམས་ཡེ་ནས་རང་སེམས་དང་ཐ་དད་མེད་ཀྱང་གནས་སྐབས་གཉིས་འཛིན་གྱི་བག་ཆགས་སྦྱོང་ཕྱིར་དབྱིངས་ནས་སྤྱན་དྲངས་པ་ནི། ཚིལ་ཆེན་གུ་གུལ་སྦྱར་བའི་སྤོས་དུད་རྐང་གླིང་ཐོད་རྔ་ལ་སོགས་རོལ་མོའི་སྒྲ་དང་། །མོས་གུས་གདུང་ཤུགས་དྲག་པོ་བ་སྤུ་གཡོ་ཞིང་མཆི་མ་འཁྲུགས་ནུས་པ་བསྐྱེད་དེ་སྙན་པའི་དབྱངས་ཀྱིས། ཧཱུྃ། དུར་ཁྲོད་མེ་རི་སྨུག་ནག་འབར་བའི་ཀློང་དཀྱིལ་ནས། །སྟོང་གསུམ་དྲེགས་པ་འདུལ་མཛད་པདྨ་ཐོད་འཕྲེང་སྐུ། །བཞེངས་ཅིག་བཞེངས་ཅིག་ཆོས་ཀྱི་དབྱིངས་

[Full Size]

ནས་བཞེངས། །འགྲོ་བ་རྣམས་ཀྱི་དོན་ལ་སྐུ་བཞེངས་འཚལ། །འདོད་ཆགས་ཁྲག་གི་རྒྱ་མཚོའི་ཀློང་ནས་བཞེངས། །ཞེ་སྡང་ཀེང་རུས་གྲམ་ལྟར་ཁྲོལ་བའི་དབུས་ནས་བཞེངས། །གཏི་མུག་ཤ་ཆེན་རི་ལྟར་སྤུངས་པའི་དཀྱིལ་ནས་བཞེངས། །ང་རྒྱལ་མེ་ལྟར་འབར་བའི་ཀློང་ནས་བཞེངས། །ཕྲག་དོག་རླུང་ལྟར་འཚུབ་པའི་ཀློང་ནས་བཞེངས། །བསྐལ་པ་མེ་རླུང་འཚུབ་མའི་དཀྱིལ་ནས་བཞེངས། །དྲག་པོའི་ལས་ལ་གནས་པའི་སྤྱན་འདྲེན་ན། །དགྲ་གེགས་འབྱུང་པོ་འདུལ་ཕྱིར་གཤེགས་སུ་གསོལ། རཀྴ་སྲིན་པོ་འདུལ༴ ཕྱིར༴ འཆི་བདག་གཤིན་རྗེ་འདུལ༴ འཇིག་རྟེན་དྲེགས་པ་འདུལ༴ ལྷ་སྲིན་སྡེ་བརྒྱད་འདུལ༴ ས་བདག་ཀླུ་གཉན་འདུལ༴ རྒྱལ་འགོང་བསེན་མོ་འདུལ༴ བདུད་དང་མུ་སྟེགས་འདུལ་ཕྱིར་གཤེགས་སུ་གསོལ། ཁེས་སྤྱན་དྲངས་པས། ལྷོ་ནུབ་རྔ་ཡབ་གླིང་ནས་གུ་རུ་པདྨ་ཐོད་ཕྲེང་དཔའ་བོ་མཁའ་འགྲོའི་ཚོགས་དཔག་ཏུ་མེད་པ་དང་བཅས་

[Full Size]

རེ་བྱ་རྒོད་ཁྱུ་ལྡིང་བཞིན་བྱོན་པར་དམིགས་ལ། ཧཱུྃ། །དུར་ཁྲོད་མེ་རི་སྨུག་ནག་འབར་བའི་ཕོ་བྲང་ན། །འཇིགས་བྱེད་ཆེ་མཆོག་པདྨ་འབྱུང་གནས་སྐུ། །དགྲ་གེགས་སྲིན་པོ་བསྣོལ་བའི་ཁྲི་སྟེངས་སུ། །ཉི་ཟླ་པདྨ་བརྩེགས་པའི་གདན་སྟེང་འདིར། །བདག་དང་གཉིས་སུ་མེད་པར་བཞུགས་སུ་གསོལ། །ཞེས་པ་དམ་ཡེ་གཉིས་མེད་དུ་འདྲེས་པར་བསམ། ཧཱུྃ། རང་བྱུང་ལྷུན་གྲུབ་པདྨ་འབྱུང་གནས་སྐུ། །དུས་གསུམ་སངས་རྒྱས་སྐུ་གསུང་ཐུགས་ལས་སྤྲུལ། །མཐུ་འཚལ་རྨད་བྱུང་པདྨ་ཧེ་རུ་ཀ །ལྷ་སྲིན་དྲེགས་པ་འདུལ་བའི་མཐུ་མངའ་བ། །དབང་དྲག་པདྨའི་སྐུ་ལ་ཕྱག་འཚལ་ལོ། །ཞེས་པས་རང་ལས་སྤྲུལ་པའི་ལྷ་མོ་གྲངས་མེད་པས་ཕྱག་འཚལ་ཞིང་། ཕྱི་ནང་གསང་བ་དེ་ཁོ་ན་ཉིད་ཀྱི་མཆོད་པ་འབུལ་བ་དམིགས་ལ། ཧཱུྃ། སྣང་སྲིད་སྣོད་བཅུད་དངོས་པོར་གྱུར་ཚད་ཀུན། །ཀུན་ཏུ་བཟང་པོའི་མཆོད་སྤྲིན་བླ་ན་མེད། །མེ་ཏོག་བདུག་སྤོས་མར་མེ་ཞལ་ཟས་དྲི། །རོལ་མོ་གཟུགས་སྒྲ་དྲི་རོ་རེག་བྱ་ཆོས། །ཡབ་ཡུམ་ཐབས་ཤེས་ལྷན་སྐྱེས་བདེ་བའི་མཆོག །རྩ་

[Full Size]

བརྒྱད་སྟོང་སྦྱར་བདུད་རྩི་ཨ་མྲྀ་ཏ། །འཁོར་བ་རྒྱུ་རྐྱེན་རྩད་གཅོད་རཀྟ་དང་། །དམ་རྫས་རྒྱན་གྱི་གཏོར་མ་བརྗིད་ལྡན་བཅས། །དངོས་འབྱོར་ཡིད་སྤྲུལ་མཆོད་པའི་བྱེ་བྲག་ཀུན། །དབང་དྲག་ལྷ་ཚོགས་འཁོར་དང་བཅས་ལ་འབུལ། །མཆོད་ཡུལ་མཆོད་བྱ་མཆོད་བྱེད་རོ་མཉམ་པར། །འཁོར་འདས་མཉམ་ཉིད་ཆེན་པོར་བཞེས་སུ་གསོལ། །མ་ཧཱ་སརྦ་པཱུ་ཛ་པྲ་ཏཱིཙྪ་ཧཱུྃ། ཧཱུྃ། རྣལ་འབྱོར་བདག་ཅག་འཁོར་དང་བཅས་པ་རྣམས། །བྱང་ཆུབ་སྒྲུབ་ལ་བར་ཆད་བྱེད་པའི་རིགས། །གཟུགས་ཅན་དགྲ་དང་གཟུགས་མེད་བགེགས་ལ་སོགས། །དྲག་པོས་བསྒྲལ་བའི་ཤ་ཁྲག་རུས་པའི་ཚོགས། །དབང་དྲག་པདྨའི་ལྷ་ལ་མཆོད་པར་འབུལ། མ་ཧཱ་མཾ་ས་ཁཱ་ཧི། མ་ཧཱ་རཀྟ་ཁཱ་ཧི། མ་ཧཱ་ཙིཏྟ་ཁཱ་ཧི། མ་ཧཱ་བ་སུ་ཏ་ཁཱ་ཧི། མ་ཧཱ་གོ་རོ་ཙ་ན་ཁཱ་ཧི། དབང་པོ་ལྔ་ལ་ཁ་རམ་ཁཱ་ཧི། དེ་ནས་གུ་རུ་པདྨ་དྲག་པོའི་ལྷ་ཚོགས་རྣམས་ལ་ཆེ་བའི་ཡོན་ཏན་

[Full Size]

ལ་བསམ་ཞིང་དང་བའི་ཡིད་ཀྱིས་བསྟོད་པ་བྱ་སྟེ། ཧཱུྃ། ཁམས་གསུམ་གནས་ན་སྟོབས་ལྡན་རྫུ་འཕྲུལ་ཅན། །ནུབ་ཕྱོགས་བདེ་བ་ཅན་གྱི་ཞིང་ཁམས་ན། །སྣང་བ་མཐའ་ཡས་སྐུ་གསུང་ཐུགས་ལས་སྤྲུལ། །ངོ་མཚར་རྨད་བྱུང་པདྨ་ཧེ་རུ་ཀ །མཐུ་ཆེན་པདྨ་དབང་ཕྱུག་གཟི་མདངས་ཅན། །དུར་ཁྲོད་ཆས་བརྒྱད་སྐུ་ཡི་རྒྱན་དུ་ཁྲོལ། །སྐུ་མདོག་དམར་པོ་མེ་ཡི་མདོག་འདྲ་བ། །སྤྱན་གསུམ་ཁྲོ་གཉེར་སྡང་མིག་ཕྱོགས་བཅུར་གཟིགས། །ཞལ་བགྲད་མཆེ་གཙིགས་དྲག་པོའི་རྐན་སྒྲ་སྡེབས། །ཨག་ཚོམ་དམར་སེར་བསྐལ་པའི་མེ་ལྟར་འབར། །དབུ་སྐྲ་གྱེན་བརྫེས་ཐོད་སྐམ་ལྔ་ཡིས་བརྒྱན། །འཇིགས་བྱེད་ཁྲོ་རྒྱལ་རྡོ་རྗེ་ཐོད་ཕྲེང་རྩལ། །དྲག་པོ་པདྨའི་སྐུ་ལ་ཕྱག་འཚལ་བསྟོད། །ཕྱག་གཡས་གསེར་གྱི་རྡོ་རྗེ་རྩེ་དགུ་ལ། །ཧཱུྃ་རྃ་ཕཊ་གསུམ་རྒྱུ་ཡི་རྡོ་རྗེའི་མཚན། །དབང་སྡུད་བསྲེག་དང་གཏོར་བའི་ཕྲིན་ལས་ལྡན། །ཡེ་ཤེས་ལྔ་ཡི་མེ་དཔུང་འུར་འུར་འབར། །རི་རབ་ལྷུན་པོ་ཀུན་ཀྱང་

[Full Size]

ཐང་ལ་བསྙིལ། །གནམ་ཐོལ་དཀར་པོ་རྣམས་ཀྱི་ཀླད་པ་འཇོམས། །པེ་ཧར་སྲོག་བདག་རྒྱལ་པོ་རྡུལ་དུ་རློག །ཕྱག་གཡོན་ལྕགས་ཀྱི་སྡིག་པ་འགྱེད་ཚུལ་བསྣམས། །རྐན་སྒྲ་རྡེབ་ཅིང་ཤུག་ཀླུ་ཀྱུ་རུ་རུ། །རྔམས་བརྗིད་སྟོབས་ལྡན་ཁ་དགུ་མིག་དགུ་བགྲད། །ཚ་ཚ་འཕྲོ་ཞིང་མི་སྡུག་གཟུགས་ཅན་མ། །ཡེ་ཤེས་ལྔ་ཡི་མེ་སྤྲུངས་འཚུབས་ཅིང་འབར། །དགྲ་གེགས་ཞལ་དུ་བརྫངས་ནས་ལྟེ་བའི་དཀྱིལ་དུ་གཟིར། །ཆོས་ཉིད་ཐུགས་སུ་ཆུད་པས་རང་ལུགས་གཟི་བརྗིད་འབར། །བྱང་ཆུབ་ལམ་ལ་བར་ཆད་བྱེད་རྣམས་རྡུལ་དུ་རློག །ཕྲིན་ལས་ལྷུན་གྲུབ་པདྨ་ཐོད་ཕྲེང་རྩལ། །དབང་དྲག་པདྨའི་སྐུ་ལ་ཕྱག་འཚལ་བསྟོད། ཧཱུྃ། །གཏི་མུག་འཇོམས་ཕྱིར་གླང་ཆེན་སྟོད་གཡོགས་མཛད། །འདོད་ཆགས་འཇོམས་ཕྱིར་ཞིང་ལྤགས་རྐེད་ལ་དཀྲིས། །ཕྲག་དོག་འཇོམས་ཕྱིར་གནས་གསུམ་བྱུགས་པས་མཚན། །ང་རྒྱལ་དབང་བསྡུད་སྟག་གི་ཤམ་ཐབས་ཅན།

[Full Size]

ཞེ་སྡང་གཞོམ་ཕྱིར་སྦྲུལ་གྱི་ཡན་ལག་དཀྲིས། །དྲེགས་པ་འདུལ་ཕྱིར་ཐོད་ཕྲེང་དོ་ཤལ་མཛད། །འདོད་དོན་རྣམ་གཞག་རིན་ཆེན་དུ་མས་བརྒྱན། །ཞབས་གཉིས་བརྐྱང་བསྐུམ་དྲེགས་པའི་གདན་ལ་འགྱིང་། རྔམས་བརྗིད་པདྨའི་སྐུ་ལ་ཕྱག་འཚལ་བསྟོད། ཧཱུྃ། དྲག་པོ་པདྨ་རྡོ་རྗེ་ཐོད་ཕྲེང་རྩལ། །སྐུ་མཆོག་འགྱུར་ལྷུན་གྲུབ་བྱའི་ཕྱིར། །ཡ་མནྟ་ཀ་དུང་ཁང་ནང་ན་བཞུགས། །ཞལ་གཅིག་ཕྱག་གཉིས་ཁྲོ་ཚུལ་འགྱིང་བག་ལྡན། །སྐུ་མདོག་དམར་སེར་རལ་པའི་ཅོད་པཎ་ཅན། །ལོག་ལྟ་རྩ་གཅོད་ཕྱག་གཡས་རལ་གྲི་བསྣམས། །ཐམས་ཅད་ཟིལ་གནོན་ཕྱག་གཡོན་སྡིག་མཛུབ་མཛད། །ཞབས་གཉིས་བརྐྱང་བསྐུམ་སེམས་དཔའི་སྐྱིལ་ཀྲུང་བཞུགས། །དབུ་རྒྱན་སྙན་ཆ་རིན་ཆེན་འབར་བས་བརྒྱན། །སྐུ་ཡི་ལྷ་མཆོག་སྲིད་གསུམ་ཟིལ་གྱིས་གནོན། །ཡ་མཱནྟ་ཀའི་སྐུ་ལ་ཕྱག་འཚལ་བསྟོད། ཧཱུྃ། དྲག་པོ་པདྨ་རྡོ་རྗེ་ཐོད་ཕྲེང་རྩལ། །གསུང་མཆོག་འགགས་མེད་ལྷུན་གྱིས་གྲུབ་བྱའི་ཕྱིར། །མགྲིན་པར་

[Full Size]

དབང་ཆེན་རྟ་མགྲིན་རྒྱལ་པོ་བཞུགས། །ཞལ་གཅིག་ཕྱག་གཉིས་སྐུ་མདོག་དམར་བའི་མདངས། །སྤྱི་གཙུག་དབང་གི་རྟ་སྐད་འཚེར་བ་ཡིས། །དྲེགས་པ་ལྷ་སྲིན་སྡེ་བརྒྱད་ཟིལ་གྱིས་གནོན། །ཕྱག་གཡས་རྡོ་རྗེའི་དབྱུག་པས་དགྲ་གེགས་འདུལ། །ཐམས་ཅད་ཟིལ་གནོན་ཕྱག་གཡོན་སྡིགས་མཛུབ་མཛད། །བརྐྱང་བསྐུམ་དོར་སྟབས་ཞིང་ལྤགས་གཡང་གཞི་ཅན། །སྟག་གི་ཤམ་ཐབས་སྦྲུལ་གྱིས་ཡན་ལག་བརྒྱན། །པདྨ་ཧེ་རུ་ཀ་ལ་ཕྱག་འཚལ་བསྟོད། ཧཱུྃ། །དྲག་པོ་པདྨ་རྡོ་རྗེ་ཐོད་ཕྲེང་རྩལ། །ཐུགས་མཆོག་སྐྱེ་མེད་ལྷུན་གྱིས་གྲུབ་བྱའི་ཕྱིར། །གསང་བའི་བདག་པོ་ཐུགས་ཀྱི་དཀྱིལ་ན་བཞུགས། །སྐུ་མདོག་མཐིང་ནག་ཞལ་གཅིག་ཕྱག་གཉིས་པ། །གཡས་པས་རྡོ་རྗེ་རྩེ་ལྔ་སྟངས་སྟབས་མཛད། །ཐམས་ཅད་ཟིལ་གནོན་ཕྱག་གཡོན་སྡིགས་མཛུབ་མཛད། །སྟག་ལྤགས་ཤམ་ཐབས་རིན་ཆེན་སྦྲུལ་གྱིས་བརྒྱན། །ཞབས་གཉིས་བརྐྱང་བསྐུམ་སྟངས་སྟབས་

[Full Size]

འགྱིང་བག་ཅན། མཐུ་སྟོབས་རྡོ་རྗེ་འཛིན་ལ་ཕྱག་འཚལ་བསྟོད། ཧཱུྃ། དྲག་པོ་པདྨ་རྡོ་རྗེ་ཐོད་ཕྲེང་རྩལ། ཡོན་ཏན་འདོད་པའི་དོན་རྣམས་ལྷུན་གྲུབ་ཕྱིར། །མཁའ་འགྲོ་སྡེ་ལྔའི་དཀྱིལ་འཁོར་ལྟེ་བར་བཞུགས། །སྐུ་མདོག་དམར་མོ་ཞལ་གཅིག་ཕྱག་གཉིས་པ། །གཡས་པ་གྲི་གུག་གཡོན་པ་ཐོད་ཁྲག་བསྣམས། །རྡོ་རྗེ་ཁ་ཊྭཱཾ་རྩེ་གསུམ་མཆན་ཁུང་བརྟེན། །རིན་ཆེན་རུས་པའི་རྒྱན་ལྔ་རབ་ཏུ་འཁྲོལ། །ཐམས་ཅད་དབང་སྡུད་རིགས་བཞི་མཁའ་འགྲོས་བསྐོར། །ཡེ་ཤེས་མཁའ་འགྲོ་མ་ལ་ཕྱག་འཚལ་བསྟོད། ཧཱུྃ། །དྲག་པོ་པདྨ་རྡོ་རྗེ་ཐོད་ཕྲེང་རྩལ། །ཕྲིན་ལས་ལྷུན་གྲུབ་མཐའ་ཡས་ཁྲོས་པའི་ཁྱུང་། །སྤྱི་བོའི་གཙུག་ན་ལྷ་འདྲེ་གཉེན་པོར་ལྡིང་། །བྱ་ཁྱུང་མཐིང་ནག་མེ་ཡི་གཤོག་པ་ཅན། །ཁྲོ་གཉེར་སྤྱནགསུམ་རྡོ་རྗེའི་མཆུ་སྡེར་གྱིས། །ཞེ་སྡང་གདུག་པའི་ཀླུ་རྣམས་ཞལ་དུ་གསོལ། །གནམ་ལྕགས་རལ་པ་དྲག་པོའི་ཚ་ཚ་འཕྲོ། །རིགས་ཀྱི་བདག་པོས་དབུ་ཡི་གཙུག་ཏུ་བརྒྱན། །མི་འགྱུར་རྡོ་རྗེ་འབར་བའི་བ་སྤུ་ལས། །སྤྲུལ་

[Full Size]

པ་ཡང་སྤྲུལ་བྱ་ཁྱུང་མང་པོ་འགྱེད། །རལ་གྲི་འབར་བའི་གཤོག་པ་གཡས་གཡོན་ལས། །ཡེ་ཤེས་སྦལ་གྱི་མེ་སྒྲ་འབྲུག་སྟོང་ལྡིར། །མཐའ་ཡས་ཁྲོས་པའི་ཁྱུང་ལ་ཕྱག་འཚལ་བསྟོད། ཧཱུྃ། །དྲག་པོ་པདྨ་རྡོ་རྗེ་ཐོད་ཕྲེང་རྩལ། །དབང་དྲག་སྟོབས་ཀྱིས་དགྲ་གེགས་འདུལ་བའི་ཕྱིར། །སྐུ་ཡི་སྤྲུལ་པ་ཡཀྴ་མེ་དབལ་འགྱེད། །ཞལ་གཅིག་ཕྱག་གཉིས་འཇིགས་ཚུལ་ཁྲོ་བོའི་སྐུ། །སྐུ་མདོག་མཐིང་ནག་འཇིགས་པའི་འགྱིང་བག་ཅན། དཔའ་བོ་ལྟག་གི་ཤམ་ཐབས་སྐུ་སྨད་དཀྲིས། །སྐུ་ལས་བསྐལ་པའི་མེ་རི་སྨུག་ནག་འབར། །ཀླུ་རྣམས་འདུལ་ཕྱིར་སྦྲུལ་གྱིས་ཡན་ལག་བརྒྱན། །དབུ་སྐྲ་རལ་པ་དམར་སེར་གྱེན་དུ་བརྫེས། །གཅེར་བུ་སྟངས་སྟབས་ཁྲོ་གཉེར་གློག་སྟོང་འགྱུ། །ཕྱག་གཡས་རྡོ་རྗེ་ཐོ་བ་བསྣམས་པ་ཡིས། །དགྲ་གེགས་འབྱུང་པོ་རྣམས་ཀྱི་གཤེད་དུ་ཚེ། །གཡོན་པ་རྫུ་འཕྲུལ་མེ་ཡི་ཞགས་པ་ཡིས། །དམ་ཉམས་འབྱུང་

[Full Size]

པོ་རྡུལ་དུ་རླག་པར་བྱེད། །ཡཀྴ་མེ་དབལ་སྐུ་ལ་ཕྱག་འཚལ་བསྟོད། །པདྨ་འབྱུང་གནས་འགྲོ་བའི་སྐྱབས་མགོན་མཆོག །བླ་མ་ཡི་དམ་མཁའ་འགྲོ་ཆོས་སྐྱོང་བཅས། །ལྷ་ཚོགས་ཀུན་ལ་གུས་པས་བསྟོད་བགྱིས་ན། །བདག་སོགས་ཁྱེད་ཀྱིས་གོ་འཕང་མྱུར་འགྲུབ་ཤོག །དེ་ནས་འཛབ་བསྙེན་བྱ་བ་ནི། །དྲག་པོ་ཕྱི་ནང་གསང་བའི་སྒྲུབ་པ་ལས་ཁ་ཚར་གྱི་བྱེ་བྲག་སོགས་ནི་སྒྲུབ་གཞུང་ཉིད་ནས་འབྱུང་མོད་ཀྱི། །འདིར་ལས་གཞུང་རྒྱུན་ཁྱེར་གྱི་རྩ་སྔགས་བཟླ་བ་ནི། །བདག་ཉིད་པདྨ་དྲག་པོར་གསལ་བ་ཡིས། །ཐུགས་ཀྱི་ལྷ་མཆོག་གསང་བདག་ཕྱག་རྡོར་གྱི། །ཐུགས་ཀར་གསེར་གྱི་མཆོད་རྟེན་བུམ་པའི་དབུས། །འཁོར་ལོ་རྩིབས་བཞིའི་ལྟེ་བར་ཧཱུྃ་དམར་ལ། སྔགས་ཕྲེང་མེ་ཡི་མདོག་འདྲ་གཡས་སུ་འཁོར། །འོད་འཕྲོས་རྒྱལ་བ་ཀུན་མཆོད་དངོས་གྲུབ་བསྡུས། །སེམས་ཅན་རྣམས་ཀྱི་སྡིག་སྒྲིབ་སྡུག་བསྔལ་གསལ། །སྡེ་བརྒྱད་དམ་སྲི་འབྱུང་པོ་རྒྱལ་

[Full Size]

བསེན་ཚོགས། ལུས་སྲོག་རྡུལ་བརླག་ལས་ངན་རྒྱུན་བཅད་ཅིང་། །རྣམ་ཤེས་ཆོས་ཀྱི་དབྱིངས་སུ་ཐེམ་པར་གྱུར། ཨོཾ་ཨཱཿཧཱུྃ་ཧྲཱིཿ ཨར་ཙིག་ནིར་ཙིག་ན་མོ་བྷ་ག་ཝ་ཏེ་ཧཱུྃ་ཧཱུྃ་ཕཊཿ ཨོཾ་ཨཱཿཧཱུྃ་པདྨ་སིདྡྷི་ཧཱུྃ་ཧཱུྃ་ཕཊཿ ཨ་ཡ་མ་དུ་རུ་ཙ་ཤ་ན། ས་མ་ཡ་ཧཱུྃ་ཕཊཿ ཨོཾ་བཛྲ་ཡཀྴ་ཧཱུྃ། རཀྴ་ཧཱུྃ་ཕཊཿ རཱ་ཛཱ་གནོད་བྱེད་ཀྱི་སྙིང་ལ་མ་ར་ཡ་ཧཱུྃ་ཕཊཿ ཅེས་ལོང་སྐབས་དང་བསྟུན་ཏེ་ཅི་ནུས་བཟླས་པའི་མཐར། །ལྷག་པའི་ལྷ་མཆོག་པདྨ་དྲག་པོ་རྩལ། །འཇབ་བསྙེན་མཆོད་པ་ཕུལ་བའི་བྱིན་རླབས་ཀྱིས། །ལུས་ངག་ཡིད་ཀྱི་སྒྲིབ་པ་ཀུན་བྱང་སྟེ། །ལྷ་དང་གཉིས་སུ་མེད་པར་བདག་འགྲུབ་ཤོག །དེ་ཡན་ཆད་ཀྱི་དངོས་གཞིའི་རིམ་པ་གྲུབ་ནས། གསུམ་པ་རྗེས་ཀྱི་ལས་རིམ་རྣམས་ཀྱི་དང་པོར་ཚོགས་ཀྱི་མཆོད་པ་བྱ་བ་ནི། །རིན་ཆེན་གྱི་སྣོད་དུ་བཤོས་ཆེན་རྒྱན་ལྡན་བཟའ་བཏུང་འདོད་ཡོན་གྱི་ལོངས་སྤྱོད་རྒྱ་ཆེར་འཛོམ་པ་

[Full Size]

སྟག་ལྤགས་སོགས་ཀྱི་གདན་སྟེངས་སུ་བཤམས་ལ་བདུད་རྩིའི་ཟེར་ལས་ཁྱབ་པར་མཐོར་སྟེ། ཧཱུྃ། ཆོས་སྐུ་རྣམ་དག་སྐྱེ་བ་མེད་པ་ལས། །ལོངས་སྐུ་འགག་མེད་འོད་དཔག་མེད་དུ་ཤར། །སྣ་ཚོགས་སྤྲུལ་སྐུ་མ་ཧཱ་གུ་རུའི་སྐུ། །དབང་དྲག་པདྨ་དཔལ་གྱི་ཐུགས་ཀ་ནས། །རྃ་ཡྃ་ཁྃ་གསུམ་ཡིག་འབྲུའི་འཕྲོ་འདུ་ལས། །ཚོགས་ཀྱི་ཞལ་ཟས་འདོད་ཡོན་ལོངས་རྣམས། །མི་གཙང་དྲི་མ་ཉེས་པའི་སྐྱོན་རྣམས་ཀུན། །བསྲེག་གཏོར་བཀྲུ་ཞིང་བག་ཆགས་སྦྱང་བར་བྱ། བཛྲ་ཛྭ་ལ་རྃ། ཡྃ་སྥ་ར་ཎ་ཕཊཿ ཁྃ་ཤུདྡྷོ྅ཧཾ། རང་གི་ཐུགས་ཀའི་ས་བོན་ལས་བྱུང་བའི། །རྃ་ཡྃ་ཀེ༚་དང་ཨཱཿཡིག་འཕྲོ་འདུ་ལས། མེ་རླུང་ཐོད་སྐྱེད་བནྡྷའི་སྣོད་ནང་དུ། །ཨོཾ་ཨཱཿཧཱུྃ་གི་ཡིག་འབྲུའི་འཕྲོ་འདུ་ལས། །ཚོགས་ཀྱི་ཞལ་ཟས་ཤ་ལྔ་བདུད་རྩི་ལྔ། །ཟག་མེད་ཡེ་ཤེས་བདུད་རྩི་རྒྱ་མཚོ་ལས། །འདོད་པའི་ཡོན་ཏན་ལྔ་དང་ལྡན་པ་རུ། །རྒྱལ་བའི་

[Full Size]

། ཐུགས་དམ་བསྐང་ཕྱིར་བྱིན་གྱིས་བརླབས། ཨོཾ་ཨཱཿཧཱུྃ། །མཧཱ་ག་ཎ་ཙཀྲ་སརྦ་སཉྩ་ཨ་མྲྀ་ཧཱུྃ་ཧྲཱིཿཐཱ།། །རླུང་གཡོས་མེ་སྦར་ཐོད་པའི་བདུད་རྩི་ཁོལ། །རླངས་པའི་འོད་ཀྱི་རབ་འབྱམས་རྒྱལ་བ་མཆོད། །ཡེ་ཤེས་བདུད་རྩི་བཀུག་ནས་ཐོད་པར་ཐིམ། །དམ་ཡེ་དབྱེར་མེད་བདུད་རྩིའི་རྒྱ་མཚོར་གྱུར། ཨོཾ་ཨཱཿཧཱུྃ་ཧ་ཧོ་ཧྲཱིཿ ཞེས་པས་ཚོགས་རྫས་བྱིན་གྱིས་བརླབས་ན། ཚོགས་མགྲོན་སྤྱན་དྲངས་པ་ནི། རོལ་མོའི་དབྱངས་དང་བཅས་པས། ཧཱུྃ་ཧཱུྃ། ནུབ་ཕྱོགས་ཨུ་རྒྱན་ཡུལ་གྱི་དུར་ཁྲོད་ནས། །གནས་གསུམ་མཁའ་འགྲོ་སྤྲིན་ཕུང་འདུས་པའི་དབུས། །ཆགས་བྲལ་པད་ཉི་རོ་ཡི་གདན་སྟེང་ན། །རྔམས་འཇིགས་སྟོབས་ལྡན་པདྨ་ཐོད་ཕྲེང་སྐུ། །དུས་ངན་སྙིགས་མའི་འགྲོ་བ་འདུལ་བ་དང་། །བདག་ཅག་རྗེས་འཇུག་ཐུགས་རྗེས་བཟུང་སླད་དུ། །ཞལ་ཟས་འདོད་ཡོན་ཚོགས་ལ་སྤྱན་འདྲེན་ན། །ཐུགས་རྗེ་རྫུ་འཕྲུལ་ལྡན་

[Full Size]

པའི་སྐུ་བསྐྱོད་ལ། །བྱིན་རླབས་དངོས་གྲུབ་འབེབས་ཅིང་གཤེགས་སུ་གསོལ། །དགའ་བདེ་ཡེ་ཤེས་རྒྱུད་ལ་སྤར་བའི་ཕྱིར། །ཕག་མོ་ཡུམ་དང་བཅས་ཏེ་གཤེགས་སུ་གསོལ། །ཞི་བས་འཇིགས་པ་བརྒྱད་ལས་སྐྱོབས་པའི་ཕྱིར། །རྡོ་རྗེ་མཁའ་འགྲོའི་ཚོགས་དང་གཤེགས་སུ་གསོལ། །རྒྱས་པས་འབྱོར་པ་དྲུག་དང་ལྡན་པའི་ཕྱིར། །རིན་ཆེན་མཁའ་འགྲོའི་ཚོགས་དང་། །དབང་མཆོག་མོས་པ་བཞི་དང་ལྡན་པའི་ཕྱིར། །པདྨ་མཁའ་འགྲོའི་ཚོགས་དང་། དྲག་པོ་མངོན་སྤྱོད་ལས་རྣམས་གྲུབ་པའི་ཕྱིར། །ལས་ཀྱི་མཁའ་འགྲོའི༴ ཕྲིན་ལས་སྣ་ཚོགས་མ་ལུས་གྲུབ་པའི་ཕྱིར། །དཔའ་བོ་མཁའ་འགྲོའི་ཚོགས༴ བསྟན་པ་བསྲུང་ཞིང་བར་ཆད་བསལ་བའི་ཕྱིར། །བཀའ་སྲུང་ཆོས་སྐྱོང་ཚོགས་དང་གཤེགས་སུ་གསོལ། །གུ་རུ་པདྨ་སརྦ་ཌཱ་ཀི་ནཱི། །ཨེ་པཱ་ར་ལི་ཕེ༚་ཕེ༚། ཧཱུྃ། །ཚོགས་ཁང་དུར་ཁྲོད་འབར་བའི་གཞལ་ཡས་འདིར། །ཉི་ཟླ་པདྨ་བཾ་ཆེན་གདན་དུ་གཏིང་། །འཕན་གདུགས་བླ་བྲེས་གྲིབ་ཡོལ་

[Full Size]

རྒྱན་གྱིས་སྤྲས། །ཞལ་ཟས་ཚོགས་ཁང་འབར་བའི་ཕྲོང་འདིར། །དབང་དྲག་པདྨ་མཁའ་འགྲོའི་ཚོགས་དང་བཅས། །རྔམས་དགྱེས་པའི་ཚུལ་གྱིས་བཞུགས་སུ་གསོལ། །བཛྲ་ས་མ་ཡ་ཏིཥྛ་ལྷན། ཧཱུྃ། །མཐའ་ཡས་སྤྲུལ་པ་སྐྱེ་འགྲོ་ཡོངས་ཀྱི་མགོན། །ཕྱོགས་བཅུ་དུས་གསུམ་སངས་རྒྱས་ཐམས་ཅད་ཀྱིས། །བྱིན་གྱིས་བརླབས་པ་པདྨ་ཐོད་ཕྲེང་རྩལ། །ཡོན་ཏན་འགྲན་མེད་ཆེ་མཆོག་ཧེ་རུ་ཀ །དབང་དྲག་པདྨའི་སྐུ་ལ་ཕྱག་འཚལ་ལོ། ཨ་ཏི་པཱུ་ཧོ། པྲ་ཏི་ཛ་ཧོཿཨ་ལ་ལ་ཧོཿདེ་ནས་ཚོགས་ཕུད་རིམ་གསུམ་སྣོད་སོ་སོར་བཅུག་ནས་བཤམས་པའི་དང་པོ་ནི། ཧཱུྃ། །དབང་དྲག་པདྨ་འཁོར་དང་བཅས་པ་ལ། །འདོད་ཡོན་ཚོགས་ཀྱི་མཆོད་པ་འབུལ་བ་ནི། །གཟུགས་ཀྱི་ལྷ་མོ་མཛེས་པ་མེ་ལོང་བསྣམས། །བརྒྱན་གྱི་མཆོད་པར་འབུལ་ལོ་བཞེས་སུ་གསོལ། །སྒྲ་ཡི་ལྷ་མོ་སྙན་པའི་རོལ་མོ་འཐོགས། །སྙན་ལ་མཆོད་པར་འབུལ་ལོ་བཞེས་སུ་གསོལ། །དྲི་ཡི་ལྷ་

[Full Size]

མོ་དྲི་ཞིམ་བདུག་སྤོས་ཐོགས། །ཤངས་ཀྱི་མཆོད་པར་འབུལ་ལོ༴ རོ་ཡི་ལྷ་མོ་ཟས་མཆོག་ཞོང་པ་ཐོགས། ལྗགས་ལ་མཆོད་པར༴ རེག་བྱའི་ལྷ་མོ་གཉན་འཇམ་ན་བཟའ་འཐོགས། སྐུ་ལ་མཆོད༴ ཆོས་ཀྱི་ལྷ་མོ་བདེ་སྟོང་ཆོས་འབྱུང་འཛིན། ཐུགས་ལ་མཆོད་པར་འབུལ་ལོ༴ ཨོཾ་ག་ཎ་ཙཀྲ་རཱུ་པ། ཤཔྟ། གནྡྷ། རཱ་ས། སྤརྴེ། དྷརྨ་པཱུ་ཛ་མེ་གྷ་ཨཱཿཧཱུྃ། ཞེས་པས་ཚོགས་ཕུད་དང་པོ་གཏོར་མའི་ནང་དུའམ་དེའི་དྲུང་དུ་ཕུལ་ལོ། །ཚོགས་པར་བས་ཉམ་ཆགས་བཤགས་པ་ནི། ཧཱུྃ། དབང་དྲག་པདྨའི་ལྷ་ཚོགས་དགོངས་སུ་གསོལ། །བདག་ཅག་རྣལ་འབྱོར་དབང་ཕྱུག་རྡོ་རྗེ་འཛིན། །བསྐལ་པ་ཐོག་མ་མེད་པའི་སྔོན་རོལ་ནས། །མཐའ་མ་ལུས་འདི་བླངས་པ་ཡན་ཆོད་དུ། །མ་རིག་ཉོན་མོངས་འཁྲུལ་པའི་དབང་གྱུར་པས། །ལུས་ངག་ཡིད་གསུམ་མི་དགེའི་ལས་བགྱིས་ཏེ། །རྒྱལ་བའི་སྐུ་གསུང་ཐུགས་དང་འགལ་གྱུར་པ། །ཞལ་ཟས་ཚོགས་ཀྱི་

[Full Size]

མཆོད་པ་ལ་བརྟེན་ནས། །གནོང་ཞོང་འགྱོད་པའི་སེམས་ཀྱིས་བཤགས་པར་བགྱི། །ཐུགས་རྗེ་བརྩེ་བས་ཚངས་པར་ཡར་བཞེས་ནས། །ཡེ་ཤེས་དོན་གྱི་དངོས་གྲུབ་སྩལ་དུ་གསོལ། ས་མ་ཡ་ཨ་ཨ། ཞེས་པས་ཚོགས་བར་པ་འབུལ། དེ་ནས་ཚོགས་ཐ་མ་ལ་གནོད་བྱེད་བསྟིམ་ཞིང་བསྒྲལ་སྟབ་བྱ་བ་ནི། ན་མོ། དཀོན་མཆོག་གསུམ་དང་བླ་མ་ཡི་དམ་མཁའ་འགྲོ་ཆོས་སྲུང་རྣམས་ཀྱི་བྱིན་རླབས་ནུས་པའི་མཐུ་སྟོབས་དང་། ཆོས་ཉིད་རྣམ་པར་དག་པའི་བདེན་པ་ཆེན་པོས། དེང་འདིར་བསྟན་པ་ལ་གནོད་ཅིང་སེམས་ཅན་ལ་འཚེ་བར་བྱེད་པ་དང་། རྣལ་འབྱོར་བདག་ཅག་དམ་པའི་ཆོས་སྒྲུབ་པ་ལ་བར་དུ་གཅོད་པའི་དགྲ་གེགས་འབྱུང་པོ་གང་ཡིན་པ་དེ་དག་སྐད་ཅིག་གིས་ཚོགས་ཐ་མ་འདི་ལ་ཁུག་ཛཿ ཧཱུྃ། དབང་དྲག་པདྨ་ཐོད་ཕྲེང་རྩལ། །རྔམས་དྲག་གཏུམ་པའི་རང་བཞིན་ལས། ཡཀྴ་མེ་དབལ་སྐར་ལྟར་འཁྲུག །ལས་བྱེད་ཕོ་ཉས་སྟོང་གསུམ་

[Full Size]

གང་། །སྒྲོལ་བྱེད་མཚོན་ཆའི་ཆར་ཆེན་འབེབས། །གནོད་བྱེད་གཟུགས་ཕུང་དུམ་བུར་གཏུབ། །ལྔ་ཕུང་ལྷ་ཡི་ཞལ་དུ་སྟབ། །རྣམ་ཤེས་ཆོས་ཀྱི་དབྱིངས་སུ་ཕཊ། །གནོད་བྱེད་འབྱུང་པོ་མ་ར་ཡ་རྦད་རྦད། ཅེས་ཚོགས་ཐ་མ་དེ་དུམ་བུར་གཏུབ་ལ་དགྲ་གེགས་ཀྱི་ཤ་ཁྲག་ཏུ་དམིགས་ནས་གཏོར་མར་འབུལ་ཞིང་། ཧཱུྃ། དབང་དྲག་པདྨའི་ལྷ་ཚོགས་སྐུར་བཞེངས་ལ། །རྔམས་བརྗིད་རབ་ཏུ་འཇིགས་པའི་ཞལ་ཕྱེ་ཅིག །གྲུ་གསུམ་དམར་ནག་འབར་བའི་སྣོད་ནང་དུ། །དགྲ་གེགས་འབྱུང་པོ་བསྒྲལ་བའི་ཤ་ཁྲག་འདི། །དབང་དྲག་པདྨའི་ལྷ་ཚོགས་ཞལ་དུ་སྟབ། །དགྱེས་པར་རོལ་ཅིག་བཛྲ་ཨ་ར་ལི། །གཏི་མུག་ཤ་ལ་ཆེམ་ཆེམ་དགྱེས་པར་རོལ། །འདོདཆགས་ཁྲག་ལ་རྫིབ་རྫིབ་དགྱེས་པར་རོལ། ཞེ་སྡང་རུས་ལ་ཀྲུམ་ཀྲུམ་དགྱེས་པར་རོལ། །དངོས་གྲུབ་བར་ཆོད་བྱེད་པའི་དགྲ་དང་བགེགས། །དུག་གསུམ་ཤ་ཁྲག་རུས་པའི་མཆོད་པ་འདི། །དབང་དྲག་

[Full Size]

པདྨ་ཁྱེད་ཀྱིས་བཞེས་ནས་ཀྱང་། །བྱང་ཆུབ་བསྒྲུབ་ལ་བར་ཆད་མེད་པར་མཛོད། མ་ཧཱ་མཱཾ་ས༴ རཀྟ༴ ཀེ༚་ནི་རི་ཏི། མ་ཧཱ་ཙིཏྟ། གོ་རོ་ཙ་ན། བ་སུ་ཏ་ཁཱ་ཧིཿ དེ་ནས་སྒྲུབ་པ་པོ་དཔོན་སློབ་མཆེད་ལྕམ་རྣམས་ལ་ཚོགས་དྲངས་ཤིང་དངོས་གྲུབ་བླང་བ་ནི། ཧཱུྃ། དབང་དྲག་པདྨའི་ལྷ་ཚོགས་དགོངས་སུ་གསོལ། །སྙིགས་མ་རྩོད་ལྡན་དུས་ཀྱི་མཐའ་མ་འདིར། །འཁོར་བའི་རྒྱ་མཚོར་བྱིང་བའི་འགྲོ་བ་བདག །ཁྱོད་ལ་སྐྱབས་གསོལ་ཡུན་དུ་མཆོད་བགྱི་ན། །ཡེ་ཤེས་ཐུགས་རྗེའི་སྤྱན་གྱིས་གཟིགས་ནས་ཀྱང་། །ཁྱེད་ཀྱི་སྐུ་གསུང་ཐུགས་ཀྱི་བྱིན་རླབས་དང་། །མཆོག་དང་ཐུན་མོང་དངོས་གྲུབ་ཐམས་ཅད་ཀུན། །ཞལ་ཟས་ཚོགས་མཆོད་འདི་ལ་ཆར་ལྟར་ཕོབས། །དུས་འདི་ཉིད་ལ་བདག་ལ་སྩལ་དུ་གསོལ། །འགྱུར་མེད་སྐུ་ཡི་དངོས་གྲུབ༴ འགག་མེད་གསུང་༴ འཁྲུལ་མེད་ཐུགས༴ ཡོན་ཏན་ལྷུན་གྱིས་གྲུབ་པའི༴ ཕྲིན་ལས་ཐོགས་པ་མེད་པའི་དངོས་གྲུབ་སྩོལ།

[Full Size]

ཀཱ་ཡ་སིདྡྷི་ཧཱུྃ། ཝཱཀ་སིདྡྷི་ཨཱཿཙིཏྟ་སིདྡྷི་ཧཱུྃ། གུ་ཎ་སིདྡྷི་སྭཱ། ཀརྨ་སིདྡྷི་ཧཱ། ཞེས་པས་ཚོགས་ལ་རང་ཉིད་ལྷའི་རྣལ་འབྱོར་གྱི་ངང་ནས་རོལ་ཞིང་། དེ་ལྟར་ལྷ་ལ་ཕུལ་ཞིང་རྣལ་འབྱོར་པ་རྣམས་ལ་དྲངས་པའི་ཚོགས་ཀྱི་ལྷག་མ་གང་ཡོད་ཐམས་ཅད་སྣོད་ཆེ་བ་གཅིག་ཏུ་སྤུངས་ཏེ་དཀྱིལ་འཁོར་གྱི་མཐའ་ཟུར་ཅིག་ཏུ་བཞག་ནས་སྨན་རག་སྦྲན་པ་ལ། ཨོཾ་ཨཱཿཧཱུྃ། ལན་གསུམ་གྱིས་བྱིན་གྱིས་བརླབས་པས། བཀའ་སྡོད་སྲུང་མ་ལྷག་མའི་མགྲོན་རྣམས་ཇི་ལྟར་དགྱེས་པའི་ལོངས་སྤྱོད་ཕུན་ཚོགས་སུ་དམིགས་ལ། ཧཱུྃ། དབང་དྲག་པདྨའི་འཁོར་དུ་གནས་པ་ཡི། །ཕྱི་འཁོར་སྐྱོང་བའི་སྲུང་མ་ཐམས་ཅད་དང་། །དབང་ཕྱུག་མཁའ་འགྲོ་གང་གི་དང་ལངྐ་དང་། །ཕྲ་མན་ཤུགས་འགྲོ་གཤིན་རྗེ་སྲིན་པོའི་ཚོགས། །འཇིགས་པའི་ལུས་ལ་རྔམས་པའི་ཆ་བྱད་ཅན། །ལེགས་ཉེས་སྟངས་འཛིན་དམ་ཚིག་རྗེས་གཅོད་ཅིང་། །རྫུ་འཕྲུལ་ཐོགས་མེད་དཔལ་གྱི་ཕམ་ཕབ་བསྡུད། །ཏིང་འཛིན་དྲོད་མྱུལ་རྣལ་འབྱོར་ཚོགས་ཁང་འགྲིམ། །རང་རང་སྤྲུལ་པ་འཁོར་

[Full Size]

དང་བཅས་པ་རྣམས། །ཞལ་ཟས་ཚོགས་ཀྱི་ལྷག་མ་འདི་བཞེས་ལ། ཇི་ལྟར་དབང་བའི་ཕྲིན་ལས་སོ་སོར་མཛོད། ཨོཾ་ཨུ་ཙིཥྚ། སརྦ་ཌཱཀི་ནཱི། བ་ལིནྟ་ཁཱ་ཧི། ཞེས་ནམ་མཁའ་མཐོང་བའི་གཙང་སར་བསྐྱལ་ཞིང་སྣོད་དེ་ཉིད་བཤལ་བའི་བཤལ་ཆུ་ཡང་དེ་ཕྱོགས་སུ་གཏོར་རོ། དེ་ལྟར་རྒྱུན་གྱི་བསྐང་གསོ་ལས་གཞུང་ནི་འདི་ཀས་ཆོག་ཚེ། འདིའི་མཇུག་ཏུ་བསྔོ་སྨོན་ཤིས་བརྗོད་སོགས་བྱ་ཞིང་།། ༈ །།གལ་ཏེ་ཚེས་བཅུ་སོགས་དུས་བཟང་གི་གཏོར་ཆོག་རྒྱས་པར་བྱ་བའམ། བར་ཆད་སེལ་བའི་རིམ་འགྲོ་ལྟ་བུ་གལ་ཅན་གྱི་སྐབས་སུ་གཏོར་མཆོད་ཀྱང་ཆེར་བཤམས་ཞིང་། ཐུགས་དམ་གནད་ནས་བསྐུལ་ཏེ་ཕྲིན་ལས་གཞོལ་བ་ནི་ཚོགས་ལྡན་གྲུབ་པའི་སྐབས་འདིར། གཏོར་མ་རྣམས་བསྐུལ་ཞིང་སྨན་རག་བྲན། བསུར་དུད་རྔ་གླིང་རོལ་མོའི་སྒྲ་དང་བཅས་པས་སྒྲུབ་པ་པོ་དད་གུས་གདུང་ཤུགས་དྲག་པོ་བསྐྱེད་དེ་དབྱངས་ཀྱི་ང་རོས་འདི་ལྟར་བསྐུལ་བར་བྱའོ། །ཧཱུྃ། དུར་ཁྲོད་འཇིགས་སུ་རུང་བའི་ཕོ་བྲང་ནས། རྔམས་བརྗིད་སྟོབས་ལྡན་པདྨ་ཐོད་ཕྲེང་རྩལ། །ཐམས་ཅད་ཟིལ་གནོན༴

[Full Size]

སྲིན་པོའི་གདན་ལ་བཞེངས། །ཆགས་པའི་སྐྱོན་བྲལ་པདྨའི་ལྟ་བ་ལ། །ཐུགས་རྗེ་རྨད་བྱུང་ཟླ་བའི་དཀྱིལ་འཁོར་སྟོང་། །ཉོན་མོངས་འདམ་སྐམ་ཉི་མའི་དཀྱིལ་འཁོར་འབར། །མ་བཅོས་རང་བྱུང་ཧཱུྃ་གི་འཕྲོ་འདུ་ལས། །བདེན་པའི་སྟོབས་རྒྱས་བྱིན་རླབས་ཚ་ཚ་ཁོལ། །འཇིག་རྟེན་དྲེགས་པའི་ཚོགས་རྣམས་ཚར་གཅད་ནས། །གསུང་གི་དབང་ཕྱུག་ཧེ་རུ་ཀ་ཡི་སྐུ། །དཔའ་ལ་སྒེག་པའི་ཆ་ལུགས་གསལ་བར་ལྡན། །རྔམས་ལ་བརྗིད་པའི་ཁོ་བོ་གཡུལ་ལས་རྒྱལ། །གཏུམ་ལ་འཇིགས་པའི་ཁྲག་འཐུང་ཧེ་རུ་ཀ །བདུད་ཀྱི་དཔུང་རྣམས་འཇོམས་པའི་མཐུ་སྟོབས་ཅན། །ཆེ་མཆོག་བགེགས་འདུལ་པདྨ་ཐོད་ཕྲེང་རྩལ། །ཐུགས་ཉིད་ཀློང་ཡངས་འཇིག་རྟེན་ལྟོ་བར་བཅུག །དམ་ལས་འགལ་བའི་དགྲ་གེགས་འབྱུང་པོ་རྣམས། །རང་དབང་མེད་པར་དབང་དུ་བསྡུས་ནས་ཀྱང་། །བསད་བཅད་གཏུབ་ནས་ཤ་ཁྲག་རུས་པ་འཆའ། །ཁྱོད་ནི་དུས་ངན་བསྟན་པའི་རྒྱལ་ལན་

[Full Size]

ཏེ། །བསྟན་ལ་སྡང་བ་ཐམས་ཅད་ཕུང་བར་མཛོད། །བགེགས་འདུལ་པདྨའི་ཐུགས་དམ་དབྱིངས་ནས་བསྐུལ། །དུག་གསུམ་ཤ་ཁྲག་མཆོད་པ་འདི་བཞེས་ལ། །ཐུགས་དམ་དུས་ལ་བབ་པོ་ས་མ་ཡ། ཧཱུྃ། །དྲག་པོ་པདྨ་རྡོ་རྗེ་ཐོད་ཕྲེང་རྩལ། །སྐུ་མཆོག་ནམ་མཁའི་ཁམས་གང་འཇིགས་པ་ལ། །ལྟ་བས་ཆོག་མི་ཤེས་པའི་མཚན་དཔེར་ལྡན། །སྐུ་མདོག་དམར་པོ་བསྐལ་པའི་མེ་ལྟར་འབར། །དབུ་སྐྲ་ཁམས་ནག་རལ་པ་གྱེན་དུ་འཁྱིལ། །སྤྱན་རྩ་དམར་པོ་གདངས་མིག་ཕྱོགས་བཅུར་བགྲད། །བར་སྣང་ཁམས་གྱི་གདོན་ཚོགས་རླགས་པར་བྱེད། །ཞལ་བགྲད་མཆེ་གཙིགས་དྲག་པོའི་རྐན་སྒྲ་རྡེབ། །གཟི་བརྗིད་འོད་ཀྱི་སྟོང་ཁམས་མ་ལུས་བསྲེག །ཁྲོས་པའི་རྐན་རྡེབ་རི་རབ་ཐང་ལ་བསྙིལ། །རྔམས་པའི་སྟོབས་ཀྱིས་རྒྱ་མཚོ་ཧུབ་ཀྱིས་འདེབས། །ཐུགས་རྗེའི་ཤུགས་ཀྱིས་འགྲོ་དྲུག་ཞལ་དུ་གསོལ། །རྔམས་བརྗིད་པདྨའི་ཐུགས་དམ་དབྱིངས་ནས་བསྐུལ། དུག་གསུམ་ཤ་ཁྲག་

[Full Size]

མཆོད་པ་འདི་བཞིས་ལ། །ཐུགས་དམ་དུས་ལ་བབ་པོ་ས་མ་ཡ། ཧཱུྃ། དྲག་པོ་པདྨ་རྡོ་རྗེ་ཐོད་ཕྲེང་རྩལ། །ཆོས་ཉིད་མི་འགྱུར་ཕྱག་གཡས་རྡོ་རྗེ་བསྣམས། །འདྲེ་གདོན་འདུལ་ཕྱིར་ཕྱག་གཡོན་སྡིག་པ་བསྣམས། །གླང་ཆེན་མི་ལྤགས་སྟག་ཤམ་སྦྲུལ་གྱིས་བརྒྱན། །ཐོད་རློན་དོ་ཤལ་རིན་ཆེན་རུས་རྒྱན་དང་། །དུར་ཁྲོད་ཆས་ལྡན་གནས་གསུམ་བྱུགས་པས་མཚན། །ཉོན་མོངས་བསྲེག་བྱེད་མེ་དཔུང་ཀློང་ན་བགྱིང་། །ཆས་ལྡན་པདྨའི་ཐམས་དམ་དབྱིངས་ནས་བསྐུལ། །དུག་གསུམ་ཤ་ཁྲག༴ ཐུགས་དམ་དུས་ལ༴ ཧཱུྃ། །དྲག་པོ་པདྨ་རྡོ་རྗེ༴ སྐུ་དབང་རྫོགས་ཕྱིར་འཇམ་དཔལ་དབུ་ལ་བཞུགས། །གསུང་དབང་རྫོགས་ཕྱིར་རྟ་མགྲིན་མགྲིན་པར་བཞུགས། །ཐུགས་དབང་རྫོགས་ཕྱིར་ཕྱག་རྡོར་ཐུགས་ཀར་བཞུགས། །ཡོན་ཏན་འདོད་པའི་དོན་རྣམས་ལྷུན་གྲུབ་ཕྱིར། །མཁའ་འགྲོ་སྡེ་ལྔའི་དཀྱིལ་འཁོར་ལྟེ་བར་བཞུགས། །ཕྲིན་ལས་རྫུ་འཕྲུལ་ཐོགས་པ་མེད་པའི་ཕྱིར། །སྤྱི་བོའི་སྟེང་ན་ལྕགས་ཀྱི་བྱ་ཁྱུང་ལྡིང་། །ལོག་འདྲེན་བགེགས་ཀྱི་ཚོགས་རྣམས་ཚར་བཅད་ཕྱིར། །སྐུ་ཡི་

[Full Size]

སྤྲུལ་པ་ཡཀྴ་མེ་དབལ་འགྱེད། རྣམ་དག་པདྨའི་ཐུགས་དམ་རྒྱུད་ནས་བསྐུལ། །དུག་གསུམ་ཤ་ཁྲག༴ ཐུགས་དམ་དུས་ལ༴ ཧཱུྃ། དྲག་པོ་པདྨ༴ སྐུ་ཡི་གཟི་བརྗིད་འབར་བའི་འོད་ཟེར་གྱིས། །སྲིད་པ་གསུམ་ཡང་ཟིལ་གྱིས་གནོན་པར་བྱེད། །གསུང་གི་ང་རོ་རྔམས་པའི་གདངས་སྐད་ཀྱིས། ཁམས་གསུམ་མ་ལུས་དབང་དུ་སྡུད་པར་བྱེད། །ཐུགས་ཉིད་བྱམས་པའི་ཐུགས་རྗེ་ཚད་མེད་ཀྱིས། །འགྲོ་དྲུག་མ་ལུས་འཁོར་བའི་གནས་ནས་འདྲེན། །ཨ་ར་ལི་ཡི་སྒྲ་ཆེན་སྒྲོག་པ་ཡིས། །མ་མོ་མཁའ་འགྲོ་ཐམས་ཅད་དབང་དུ་སྡུད། ཧཱུྃ་དང་ཕཊ་ཀྱི་སྒྲ་ཆེན་སྒྲོག་པ་ཡིས། །དྲེགས་པ་ལྷ་སྲིན་སྡེ་བརྒྱད་དམ་ལ་འདུ། །སྟོབས་ལྡན་པདྨའི་ཐུགས་དམ་དབྱིངས་ནས་བསྐུལ། །དུག་གསུམ་ཤ་ཁག ཐུགས་དམ་དུས་ལ༴ ཧཱུྃ། དྲག་པོ་པདྨ་རྡོ་རྗེ༴ སྤྱི་བོའི་གཙུག་ནས་ཁྱུང་ཆེན་སྤྲུལ་པ་འགྱེད། ཡང་སྤྲུལ་ཁྱུང་གིས་སྟོང་གསུམ་འཇིག་རྟེན་འགྱེངས། ག་རུ་ཌ་ཡིས་ཐུགས་དམ་དབྱིངས་ནས་

[Full Size]

བསྐུལ། དུག་གསུམ༴ ཐུགས་དམ་དུས༴ ཧཱུྃ། དྲག་པོ་པདྨ་རྡོ་རྗེ༴ དུང་ཁང་ནང་ནས་འཇམ་དཔལ་སྤྲུལ་པ་འགྱེད། ཡང་སྤྲུལ་ཁྲོ་བོས་སྟོང་གསུམ་འཇིག་རྟེན་འགེངས། ཡ་མནྟ་ཀའི་ཐུགས་དམ་དབྱིངས་ནས་བསྐུལ། དུག་གསུམ༴ ཐུགས་དམ་དུས༴ ཧཱུྃ། དྲག་པོ་པདྨ༴ མགྲིན་པའི་གནས་ནས་རྟ་མགྲིན་སྤྲུལ་པ་འགྱེད། ཡང་སྤྲུལ་ཁྲོ་བོས་སྟོང་གསུམ་འཇིག་རྟེན་འགེངས། ཧ་ཡ་གྲཱྀ་བའི་ཐུགས་དམ། དུག་གསུམ༴ ཐུགས་དམ༴ ཧཱུྃ། དྲག་པོ་པདྨ༴ ཐུགས་ཀྱི་སྤྲུལ་ནས་ཕྱག་རྡོར་སྤྲུལ་པ་འགྱེད། ཡང་སྤྲུལ་ཁྲོ་བོས༴ བཛྲ་པཱ་ཎིའི་ཐུགས་དམ་དབྱིངས་ནས་བསྐུལ། དུག་གསུམ༴ ཐུགས་དམ་དུས༴ ཧཱུྃ། དྲག་པོ་པདྨ༴ ལྟེ་བའི་གནས་ནས་མཁའ་འགྲོའི་སྤྲུལ་པ་འགྱེད། །ཡང་སྤྲུལ་མཁའ་འགྲོས་སྟོང་གསུམ་འཇིག་རྟེན་ཁེངས། །དཔའ་བོ་དཔའ་མོའི་ཐུགས་དམ་དབྱིངས་ནས་བསྐུལ། །དུག་གསུམ༴ ཐུགས་དམ༴ ཧཱུྃ། དྲག་པོ་པདྨ༴ སྐུ་གསུང་ཐུགས་ལས་མེ་དབལ་སྤྲུལ་པ་འགྱེད། །ཡང་སྤྲུལ་ཁྲོ་བོས༴ ཡཀྴ།

[Full Size]

མེ་དབལ་ཐུགས་དམ༴ དུག་གསུམ་ཤ་ཁྲག༴ ཐུགས་དམ་དུས་ལ༴ ཧཱུྃ། དྲག་པོ་པདྨ་རྡོ་རྗེ་ཐོད་ཕྲེང་རྩལ། །འགྲོ་ལ་མགོན་དང་སྐྱབས་ཀྱི་མཆོག་གྱུར་པ། །བདག་གི་སྒོ་གསུམ་དད་པས་ཁྱོད་བསྒྲུབ་ན། །དཀའ་བ་དང་བླངས་ལྗི་བ་ཁུར་དུ་འཁུར། །ལུས་སྲོག་འབེན་བཙུགས་ཤ་ཁྲག་བཟས་ལ་བོར། །མོས་གུས་གཏིང་ནས་ཁྱེད་ལ་སྐྱབས་གསོལ་ན། །ཐུགས་རྗེ་མ་ཆུང་སྔོན་གྱི་ཐུགས་དམ་དགོངས། །དུས་ངན་སྙིགས་མའི་དུས་འདིར་བདག་བསྐྱེད་ན། །ཁྱེད་ཀྱིས་ཐུགས་རྗེས་བདག་ལ་བྱིན་གྱིས་རློབས། །བདག་ནི་བླ་མེད་བྱང་ཆུབ་བསྒྲུབ་པ་ལ། །ལམ་ལ་བར་དུ་གཅོད་པའི་དགྲ་གེགས་རྣམས། །དབང་དྲག་པདྨ་འཁོར་དང་བཅས་པ་ཡིས། །ཐུགས་རྗེ་དྲག་པོའི་སྟོབས་ཀྱིས་བསྒྲལ་ནས་ཀྱང་། །གྲུ་གསུམ་མཐིང་ནག་འབར་བའི་ཞལ་དུ་སྦྱོང་། །གསུང་དབྱངས་དྲུག་ཅུར་ལྡན་པའི་མགུར་དུ་དྲིལ། །དོན་དམ་སྐྱེ་མེད་ཆོས་ཀྱི་དབྱིངས་སུ་བསྟིམ། །རྣལ་འབྱོར་བདག་གི་

[Full Size]

འདོད་པའི་དོན་རྣམས་ནི། །དབང་དྲག་པདྨ་འཁོར་དང་བཅས་པ་ཡིས། །གྲུབ་པར་མཛོད་ཅིག་བཛྲ་ས་མ་ཡཱཿ ཞེས་བསྐུལ་ནས་གཏོར་མ་འབུལ་བའམ་ཟོར་དུ་འཕང་བ་གང་འོས་བྱ། དེ་ནས་གཏོར་གཞོང་ཆང་ཕུད་ཀྱིས་བཤལ་བར་འབྲུ་སྣ་ཅུང་ཟད་བླུག་པ་ཨོཾ་ཨཱཿཧཱུྃ་གིས་བྱིན་གྱིས་བརླབས་ཐོགས་ནས་སྔོན་གྱི་དམ་ཚིག་གི་ཆད་མོད་དང་བསྟན་སྐྱོང་བྱ་བ་ནི། ཧཱུྃ། །དུས་གསུམ་ཀུན་མཁྱེན་པདྨ་ཐོད་ཕྲེང་རྩལ། །ཡེ་ཤེས་རྩལ་གྱིས་ཁམས་གསུམ་དབང་དུ་བསྡུད། །རྫུ་འཕྲུལ་མཐུ་ཡིས་ལྷ་སྲིན་བཅུད་ལ་བོར། །གཙུག་ལག་ཁང་གི་བགེགས་ཚོགས་དམ་ལ་བཏགས། །ལྷ་སྲིན་སྡེ་བརྒྱད་ཆོས་སྐྱོང་ཆོས་སྐྱོང་སྲུང་མར་བཀོད། །མྱ་ངན་མི་འདའ་ཀུན་གྱི་གཉེན་གཅིག་པུ། །མི་མངོན་དབྱིངས་ནས་བདག་ལ་བྱིན་གྱིས་རློབས། །ཕྲིན་ལས་དགྲ་གེགས་འདུལ་བའི་དུས་ལ་བབས། །ཐུགས་དམ་ཐུགས་རྗེས་ཁམས་གསུམ་དབང་དུ་བསྡུས། ཧཱུྃ། །སྔོན་གྱི་བསྐལ་པའི་དང་པོ་ལ། །སློབ་དཔོན་པདྨ་

[Full Size]

འབྱུང་གནས་ཀྱིས། །དམ་ལ་བཏགས་པའི་ལྷ་འདྲེ་རྣམས། །ཆོས་ཉིད་བདེན་པའི་བཀའ་ལ་ཉོན། །སློབ་དཔོན་པདྨ་ཕར་གཤེགས་པས། །མང་ཡུལ་བྱེ་མའི་རབ་ཁ་དོར། །ལྷ་སྲིན་སྡེ་བརྒྱད་དམ་ལ་བཏགས། །ང་ནི་སློབ་དཔོན་རྒྱུད་འཛིན་ཡིན། །ཁྱེད་ནི་ལྷ་འདྲེ་དམ་ཅན་ཡིན། །སྔོན་ཚེ་ཁས་བླངས་བཀའ་མ་བཅག །ད་ལྟ་རིག་འཛིན་དམ་ལ་འདའ། །རྒྱན་གྱི་གཏོར་མ་འདི་བཞེས་ལ། །བཀའ་དང་དམ་ལས་མ་འདའ་ཅིག །གཙང་གི་གན་ས་ཆུ་མིག་ཏུ། །དགེ་བསྙེན་ཐམས་ཅད་དམ་ལ་བཏགས། །ང་ནི་སློབ་དཔོན་རྒྱུད་འཛིན་ཡིན། །ཁྱོད་ནི་ལྷ་འདྲེ་དམ་ཅན་ཡིན། །སྔོན་ཚེ་ཁས་བླངས་བཀའ་མ་བཅག །ད་ལྟ་རིག་འཛིན་དམ་ལ་འདའ། །རྒྱན་གྱི་གཏོར་མ་འདི་བཞེས་ལ། །བཀའ་དང་དམ་ལས་མ་འདའ་ཞིག །གནུབས་ཀྱི་རུ་ཐོག་བྲག་དམར་དུ། །དྲི་ཟ་ཕོ་མོ་དམ་ལ་བཏགས། ང་ནི་སློབ་དཔོན༴ ཁྱོད་ནི༴ སྔོན་ཚེ༴ ད་ལྟ༴ རྒྱན་གྱི༴

[Full Size]

བཀའ་དང་། གཡུ་མཚོ་ཕྱུག་མོའི་ནང་ཤེད་ན། ཕོ་རྒྱུད་ཐམས་ཅད་དམ་ལ་བཏགས། ང་ནི༴ བྱང་འབྲོག་གྲ་ཡི་རྫ་མགོ་དེར། ལྷ་བཙན་ཕོ་མོ་དམ༴ མལ་གྲོ་ཀུན་གྱི་རྒྱ་མཚོ་དེར། ཀླུ་རིགས་ཐམས་ཅད་དམ་པ་བཏགས། རོང་མདོ་ལུང་པ་ནག་པོ་དེར། སྲིན་པོ་ཕོ་མོ༴ རོ་ཧ་ལུང་པ་ཁྲ་མོ་དེར། མ་ཡམ་ཐམས་ཅད༴ སིལ་མ་གཙང་གི་གངས་དཀར་དེར། སྨན་དང་ལྷ་སྨན་དམ༴ ཁ་རི་གངས་ཀྱི་ལྷོ་བྲག་ཏུ། བསྟན་མ་བཅུ་གཉིས་དམ༴ གཙང་གི་ཁ་རག་གཡའ་མིག་ཏུ། འབྲོག་མོ་ཐམས་ཅད་དམ༴ བསམ་ཡས་དབུ་རྩེ་རིས་གསུམ་དུ། རྒྱལ་པོ་ཐམས་ཅད་དམ་ལ་བཏགས། ཁམས་ཀྱི་གླ་བ་རྐང་གཅིག་ཏུ། །ཐེའུ་རང་ཐོད་དམ་ལ་བཏགས། ང་ནི་སློབ་དཔོན༴ ཁྱོད་ནི་ལྷ་འདྲེ། སྔོན་ཚེ༴ ད་ལྟ་རིག་འཛིན། རྒྱན་གྱི༴ བཀའ་དང་དམ་ལས༴ རྣལ་འབྱོར་བསམ་པ་སྒྲུབ་ཏུ་གསོལ།

[Full Size]

ཅེས། བཤལ་ཆུ་དེ་ལ་སྨན་རག་འཐོར་ནས་ནམ་མཁར་གཏོར། སླར་ཡང་གཏོར་གཞོང་ཁ་སྤུབ་པའི་འོག་ཏུ་དམ་སྲེ་བཀུག་ཅིང་རྟ་བྲོས་མནན་པ་ནི། གཏོར་མ་འབུལ་བའི་སྐབས་གཏོར་མནན་འདི་ཡི་དགོས་ཀྱང་། གཏོར་མ་ཟོར་དུ་འཕང་བ་ཡིན་ན། ཚུར་ལམ་སྒོ་ཁང་འོག་གམ། ལམ་རྒྱ་གྲམ་ལྟ་བུར་གཏོར་གཞོང་གང་ཡོད་རྣམས་ཁ་སྤུབ་ཏུ་བརྩེགས་པའི་འོག་ཏུ་ཨེ་གྲུ་གསུམ་ནག་པོ་གཏིང་གཏིང་རིང་མཐའ་མེད་དུ་གནོད་བྱེད་དམ་སྲི་ཐམས་ཅད་བཅུག་པར་བསམ་ཞིང་། ན་མོ། དཀོན་མཆོག་གསུམ་གྱི་བཀའ་བདེན་པ་ཆེན་པོའི་ནུས་སྟོབས་ཀྱིས། བདག་གིས་དམ་པའི་ཆོས་སྒྲུབ་པ་ལ་བར་དུ་གཅོད་པའི་དམ་སྲི་འབྱུང་པོ་གང་ཡིན་པ་དེ་དག་ཐམས་ཅད་གཏོར་གཞོང་རི་རབ་ཆེན་པོའི་འོག་ཏུ་ཁུག་ཛཿདེ་ནས་རང་ཉིད་ཁྲོ་རྒྱལ་ཡཀྴ་མེ་དབལ་མཐིང་ནག་རབ་འཇིགས་ཁྲོ་ཚོགས་སྤྲུལ་པ་བུ་ཡུག་འཚུབ་པ་ལྟ་བུར་གསལ་བའི་གཡས་རྒྱ་གྲམ་གཡོན་རི་རབ་བསྣམས་པས་དམ་སྲི་འབྱུང་པོའི་ཚོགས་རྣམས་གྲུ་གསུམ་མཐིང་ནག་དྲག་པོའི་བཙོན་ཁང་དེར་བཅུག་པའི་ཁ་རྡོ་རྗེ་རྒྱ་གྲམ་གྱིས་བཅད་ཅིང་རི་རབ་གྱིས་

[Full Size]

མནན་པའི་སྟེང་ན་ཁྲོ་ཚོགས་རྣམས་རྡོ་རྗེའི་བྲོ་བརྡུང་བར་དམིགས་ཅིང་། ཧཱུྃ། གྲུ་གསུམ་མཐིང་ནག་དཀྱིལ་འཁོར་དུ། །དགྲ་གེགས་བསྒྲལ་བའི་ཚོགས་བརྒྱད་ལ། །ཁྲོ་བོ་ཆེན་པོས་བྲོ་བརྡུངས་སྟེ། །དམ་སྲི་འབྱུང་པོ་ཕྱེ་མར་རླག །སྐུ་མདོག་མཐིང་ནག་ཡ་ལ་ལ། །གཏི་མུག་མུན་པ་སེལ་བའི་རྟགས། །སྟག་གི་ཤམ་ཐབས་ང་རྒྱལ་འདུལ། །སྦྲུལ་གྱི་ཆུན་པོས་ཞེ་སྡང་འདུལ། །གཡས་བརྐྱང་གཡོན་བསྐུམ་དྲག་པོས་གཟིར། །མཆེ་གཙིགས་སྣང་སྲིད་ལྷ་འདྲེ་འདུལ། །རྐང་པ་གཡས་པས་བྲོ་བརྡུངས་པས། །རྣལ་འབྱོར་ཕོ་སྲི་འདུལ་བའི་བྲོ། །རྐང་པ་གཡོན་པས་བྲོ་བརྡུངས་པས། །རྣལ་འབྱོར་མོ་སྲི་འདུལ་བའི་བྲོ། །རྐང་གཉིས་ཐབས་སྲི་བྲོ་བརྡུངས་པས། །ཆེ་སྲི་ཆུང་སྲི་འདུལ་བའི་བྲོ། །དཔའ་བོའི་བྲོ་བརྡུངས་ཁྲིགས་སེ་ཁྲིག །དཔའ་མོས་གླུ་ལེན་ཀྱུ་རུ་རུ། །སྟབས་ཀྱི་གར་བྱེད་ཁྱུགས་སེ་ཁྱུག །སྡང་བའི་དགྲ་དང་གནོད་པའི་བགེགས། །མནན་ནོ་དེ་ནི་མ་ལྡང་

[Full Size]

ཅིག །བཅིང་ངོ་དེ་ནི་མ་གྲོལ་ཅིག །དགྲ་ནི་ཐལ་བར་རློག་པའི་བྲོ། །བདུད་ནི་ཕྱེ་མར་འཐག་པའི་བྲོ། །གནོད་བྱེད་ཐམས་ཅད་རྡུལ་དུ་རློག །ཨོཾ་སུམྦྷ་ནི་སུམྦྷ་ཧཱུྃ། གྲྀ་ཧྣ་གྲྀ་ཧྣ་ཧཱུྃ། གྲྀ་ཧྣ་པ་ཡ་གྲྀ་ཧྣ་པ་ཡ་ཧཱུྃ། ཨ་ན་ཡ་ཧོཿ བྷ་ག་ཝཱན། བཛྲ་བི་དྱཱ་རཱ་ཛ་ཡ་ཧཱུྃ་ཕཊཿ དེ་ནས་གཏོར་གཞོང་རྣམས་ཡར་ལ་ཁ་ཕྱེས་པས་སྒྲུབ་པ་པོའི་ཚེ་བསོད་དཔལ་འབྱོར་ཐམས་ཅད་ཟླ་བ་ཡར་གྱི་ངོ་བཞིན་འཕེལ་བར་བསམ་མོ། །དེ་ནས་དཀྱིལ་འཁོར་གྱི་ལྷ་ཚོགས་ལ་ཉེས་བྱས་བཤགས་ཅིང་བསྔོ་སྨོན་ཤིས་བརྗོད་བསྡུ་ཆོག་བྱ་བའི་ལས་རིམ་ནི། ཧཱུྃ། །གུ་རུའི་ཐུགས་རྗེའི་བདག་ཉིད་དགོངས་སུ་གསོལ། །བདག་ཅག་དུས་མཐའི་སེམས་ཅན་རྨོངས་པའི་བུ། །ཆོ་ག་ལྷག་ཆད་འགལ་འཁྲུལ་ཉེས་ཚོགས་ཀུན། །བཟོད་བཞེས་ཚངས་པར་རྩལ་ཞིང་བྱིན་གྱིས་རློབས། ཡིག་བརྒྱ་བརྗོད། ཧཱུྃ། བདག་གིས་པདྨ་དྲག་པོ་སྒྲུབ་པ་ཡི། །དགེ་བ་འདིས་མཚོན་འཁོར་འདས་ལམ་

[Full Size]

གསུམ་གྱི། །དགེ་རྩས་མཁའ་མཉམ་འགྲོ་བ་མ་ལུས་པ། །བླ་མ་དྲག་པོའི་གོ་འཕང་ཐོབ་ཕྱིར་བསྔོ། །བདག་ཀྱང་འཁོར་བའི་མཐའ་མཉམ་དེ་སྲིད་དུ། །རྣམ་འཕྲུལ་རྒྱ་མཚོས་འགྲོ་བ་འདྲེན་བྱེད་ཅིང་། །བསྟན་ལ་གནོད་པའི་བདུད་སྡེ་དཔུང་བཅས་ཀུན། །རྡུལ་དུ་རློག་པའི་ཕྲིན་ལས་མངའ་བརྙེས་ཤོག ཧཱུྃ། །བླ་མ་རྒྱལ་བ་རྒྱ་མཚོ་མ་ལུས་པའི། །ཐུགས་རྗེའི་ནུས་སྟོབས་གཅིག་ཏུ་བསྡུས་པའི་སྐུ། ཁམས་གསུམ་ཟིལ་གནོན་པདྨ་དྲག་པོ་རྩལ། །བྱིན་རླབས་བཀྲ་ཤིས་ཆར་རྒྱུན་གནས་འདིར་སྩོལ། །གུ་རུའི་སྐུ་གསུང་ཐུགས་ཡོན་ཕྲིན་ལས་སྤྲུལ། །འཇམ་དཔལ་རྟ་མཆོག་གསང་བདག་མཁའ་འགྲོ་ལྔ། །མེ་དབལ་ཁྱུང་ཆེན་ལྕགས་སྡིག་ཁྲོ་ཚོགས་ཀྱི། །དངོས་གྲུབ་བཀྲ་ཤིས་ཆར་རྒྱུན་གནས་འདིར་སྩོལ། །ཡང་སྤྲུལ་ཁྲོ་ཚོགས་དཔའ་བོ་མཁའ་འགྲོ་དང་། །ཆོས་སྲུང་བཀའ་སྡོད་དམ་ཅན་རྒྱ་མཚོ་རྣམས། །དམ་མེད་ཚར་གཅོད་དམ་ལྡན་བུ་བཞིན་སྐྱོངས།

[Full Size]

ཕྲིན་ལས་བཀྲ་ཤིས་ཆར་རྒྱུན་གནས་འདིར་སྩོལ། ཞེས་དང་། །གཞན་ཡང་བཀྲ་ཤིས་ཀྱི་ཚིགས་སུ་བཅད་པ་རྒྱས་པར་བརྗོད། །ཆོས་དབྱིངས་སྐྱེ་མེད་ཀློང་མ་འགག་མེད་གདངས། །ཡེ་ཤེས་སྒྱུ་མར་སྣང་བའི་ལྷ་ཚོགས་རྣམས། །སླར་ཡང་ཆོས་དབྱིངས་ཐིག་ལེ་ཉག་གཅིག་དང་། །ཁྱབ་གདལ་ཀུན་བཟང་ཆོས་སྐུར་ཨེ་མ་ཧོ། ཞེས་པས། སྣོད་བཅུད་གཞལ་ཡས་ལྷ་དང་བཅས་པའི་བཀོད་སྤྲུལ་ཐམས་ཅད་བདག་ཉིད་ཀྱི་ཐུགས་སྲོག་ཧཱུྃ་ལ་བསྡུ་ཞིང་ཧཱུྃ་ཡང་གྱེན་རྫོགས་སུ་ཐིག་ལེ་ནཱ་དའི་བར་དུ་སྤྲིན་ནམ་མཁར་ཡལ་བ་བཞིན་དམར་པོར་གྱུར་ནས། སྣང་སྲིད་ཐམས་ཅད་འོད་དམར་པོར་ཆམ་གདལ་བའི་ངང་དུ་འདས་མ་འོངས་ད་ལྟར་གྱི་རྟོགས་པ་མཐའ་དག་གཉིད་སད་པའི་རྨི་ལམ་བཞིན་ཡེ་གྲོལ་བློ་འདས་ཆེན་པོར་གློད་ཅིང་། སླར་ཡང་འོད་དམར་གྱི་ཀློང་ནས་བདག་ཉིད་པདྨ་དྲག་པོའི་སྐུར་ལམ་གྱི་ཤར་བར་མོས་ལ་སྤྱོད་ལམ་ཐམས་ཅད་པདྨ་དྲག་པོའི་དཀྱིལ་འཁོར་གསུམ་དང་མ་བྲལ་བར་བྱའོ།། ༈ །།རྒྱལ་བའི་དཀྱིལ་འཁོར་རབ་འབྱམས་མཐའ་ཡས་ཀུན། །རིགས་འདུས་བླ་མ་ཁོ་ནའི་རོལ་པ་ཉིད། །གང་གིས་བླ་མ་བསྒྲུབ་ལ་རབ་བརྩོན་ན།

[Full Size]

དེ་ཡིས་རྒྱལ་བའི་དཀྱིལ་འཁོར་ཀུན་འགྲུབ་འགྱུར། །བླ་མའི་བླ་མ་ཁྱབ་བདག་ཐོད་ཕྲེང་རྩལ། །འདི་ནི་སངས་རྒྱས་ཀུན་གྱི་ཕྲིན་ལས་པ། །དེ་སྒྲུབ་བསྙེན་ཅིང་མཆོད་བསྟོད་གསོལ་འདེབས་དང་། །དད་ཅིང་མོས་པ་ཙམ་ལའང་བྱིན་རླབས་འཇུག །སྙིགས་དུས་བདུད་དང་འབྱུང་པོ་མ་རུངས་པས། །དམ་ཆོས་དགེ་བ་བསྒྲུབ་ལ་བར་དུ་གཅོད། །དེ་ཉིད་གཉེན་པོའི་ལྷ་མཆོག་འདི་ཉིད་ལ། །ཡིད་གཉིས་སོམ་ཉི་སྤངས་ནས་སུས་བསྒྲུབས་པ། །བར་ཆད་ཀུན་ཞི་བསམ་པའི་དོན་རྣམས་འབྱུང་། །གདུག་པ་ཟིལ་ནོན་ལྷ་སྲིན་བྲན་ལྟར་ཉན། །མཆོག་གི་གོ་འཕང་བདེ་བླག་འགྲུབ་གྱུར་ན། །ཐུན་མོང་དངོས་གྲུབ་འབད་མེད་སྨོས་ཅི་དགོས། །དེ་ཕྱིར་གཏན་འདུན་དོན་གཉེར་སྐལ་བཟང་དག །ལྷ་དང་བླ་མ་དབྱེར་མེད་འདི་བསྒྲུབ་ནས། །གནས་སྐབས་ལས་ཚོགས་ཕྲ་མོ་མ་ཡིན་པར། །ཚེ་གཅིག་བྱང་ཆུབ་མཆོག་དོན་སྒྲུབ་འཚལ་ལོ།། ༈ །།གུ་རུ་པདྨ་དྲག་པོ་རྩལ་གྱི་བསྒྲུབ་བསྐོར་གཏེར་ཁ་གོང་འོག་ཐམས་ཅད་ནས་རྒྱས་བསྡུས་ཇི་སྙེད་བསམ་གྱིས་མི་ཁྱབ་པ་ཞིག་མཆིས་མོད་ཀྱང་། འདིར་མངའ་བདག་རིན་པོ་ཆེའི་གཏེར་ཁ་ལས་བྱོན་པའི་དྲག་པོ་བདེར་གཤེགས་

[Full Size]

འདུས་བ་ལ་ཕྲིན་ལས་ལས་བྱང་གི་རིམ་པ་དྲིན་ཆགས་སུ་བགྱིས་གཞིག་མི་འདུག་པས། རྒྱུན་ཁྱེར་ལྟས་ཆོག་མ་ཞིག་ཡི་གེར་འཁོད་པ་གྱིས་ཤིག་ཅེས། མདོ་ཁམས་རྒྱ་སྟོན་གྱི་ཕྱོགས་སུ་གསང་སྔགས་ཀྱི་བསྟན་པ་དྲི་མ་མེད་པ་འཛིན་སྐྱོང་སྤེལ་བའི་བདག་པོ་མཚུངས་པ་མེད་པའི་ཆོས་ཀྱི་རྒྱལ་པོ་ཆོས་ཀྱི་རྗེ་ཆོས་ཀྱི་སྤྱན་ལྡན་ངག་དབང་བསྟན་སྐྱོང་དཔལ་བཟང་པོའི་མཚན་གྱི་གྲགས་དཀར་སྲིད་རྩེར་ཁྱབ་པ་གང་གི་བཀས་རིང་མོ་ཞིག་ནས་བསྐུལ་བར་མཛད་པ་བཞིན། བརྒྱལ་དབང་པདྨའི་གུ་ལ་བྱར་གཏོགས་པའི་བཙུན་པ་མཁས་མཆོག་པདྨ་ལེགས་གྲུབ་རྩལ། མིང་གཞན་སྣ་ཚོགས་རང་གྲོལ་དུ་བོད་པ་དེས་ཆུ་བོ་གསེར་ལྡན་གཡས་སུ་འཁྱིལ་བའི་ངོགས་ཀྱི་སྒྲུབ་གྲ་ཀུན་བཟང་ཆོས་གླིང་གི་ཡང་དབེན་འཚམས་མལ་དུ་བཀོད་པ་ཕྱོགས་དུས་ཀུན་ཏུ་དགེ་བར་གྱུར་ཅིག །བཀྲ་ཤིས། གཅིག་ཞུད།

ཡང་ཟབ་དཀོན་མཆོག་སྤྱི་འདུས་ཀྱི་དབང་བསྐུར་ཇི་ལྟར་བྱ་བའི་ལས་རིམ་ལོ་རྒྱུས་རྣམ་བཤད་དང་བཅས་པ་སྒྲིགས་ཆགས་ལྟས་ཆོག་ཏུ་བཀོད་པ།

[Full Size]

ཡང་ཟབ་དཀོན་མཆོག་སྤྱི་འདུས་ཀྱི་དབང་བསྐུར་ཇི་ལྟར་བྱ་བའི་ལས་རིམ་ལོ་རྒྱུས་རྣམ་བཤད་དང་བཅས་པ་སྒྲིགས་ཆགས་ལྟས་ཆོག་ཏུ་བཀོད་པ་བཞུགས་སོ།

[Full Size]

དཀྱིལ་འཁོར་མ་ལུས་པའི་སྤྱི་དཔལ་ཁྱབ་བདག་པདྨ་འོད་འབར་སྤྲུལ་འཁོར་བཅས་པའི་ཞབས་ཀྱི་པདྨོར་ཕྱག་འཚལ་ཞིང་སྐྱབས་སུ་མཆིའོ། བྱིན་གྱིས་བརླབས་ཏུ་གསོལ། འདིར་མཚུངས་བྲལ་རིག་འཛིན་ཆེན་པོ་འཇའ་ཚོན་སྙིང་པོའི་གཏེར་ཆོས་ཡང་ཟབ་དཀོན་མཆོག་སྤྱི་འདུས་ཀྱི་དབང་བསྐུར་ཇི་ལྟར་བྱ་ཐབས་མདོ་ཙམ་སྟོན་ཏེ། དེ་ཉིད་ཀྱི་དཀྱིལ་འཁོར་དང་དབང་རྫས་སོགས་ཡ་བྱད་ཐམས་ཅད་ཚང་བར་བཤམས་དགོས་ཏེ། དེ་ཡང་གསང་སྔགས་ཟབ་མོའི་དབང་བསྐུར་གྱི་རིགས་འདི་དག་ལ་གཡས་མེད་ཁྱད་སོད་སྒྱིད་ངན་གྲོན་ཆུང་སྟབས་བདེའི་དབང་དུ་མི་བཏང་བར་ཕྱི་ནང་གི་རྫས་དང་ཡོ་བྱད་བཤམས་དགོས་ལག་ལེན་ཏིང་འཛིན་སོགས་གཞུང་ལྟར་བགྱིས་ན་ལེགས་ཚོགས་ཀྱི་ཡོན་ཏན་དང་བྱིན་རླབས་ཤུགས་ཀྱི་འབྱུང་

[Full Size]

ལ། དེ་ལྟར་མ་ཡིན་པར་སླ་ཆོས་དང་བཟོ་ལུམ་རས་ཆོས་བྱས་ན་སྔགས་ཀྱི་དམ་དང་འགལ་ཞིང་རྟེན་འབྲེལ་གྱི་གནས་འཆུགས་ཏེ་བར་ཆད་ཀྱི་རྒྱུ་རྐྱེན་དུ་འགྱུར་བས། དེས་ན་དཀྱིལ་འཁོར་དང་གཏོར་ཚོགས་མཆོད་སོགས་རྒྱས་པར་འཛོམ་ངོས། ཆོ་ག་གཞུང་སྲང་ལ་བདག་བསྐྱེད་དང་བཅས་པ་དང་། མདུན་བསྐྱེད་ཀྱི་དཀྱིལ་འཁོར་དབང་རྫས་རྣམས་ཀྱི་སྐྱེད་ཆོག་རབ་གནས་བྱིན་རླབས་རྣམས་ཀྱང་ནན་ཏན་དུ་བྱས་ལ། བཟླས་པའི་འཇབ་བསྙེན་ཅི་མང་དང་། ཐ་མར་སྟོང་ཕྲག་ལས་མི་ཉུང་བར་བཟླ་ཞིང་སློབ་དཔོན་རང་ཉིད་ཏིང་ངེ་འཛིན་གྱི་དབང་བླང་བ་སོགས་སྔོན་དུ་བྱ་བའི་ལས་རིམ་རྣམས་མཐའ་དག་གྲུབ་ཟིན་པར་བྱའོ།། ༈ །།དེ་ནས་སློབ་མ་རྣམས་ཚོགས་རེ་བར་ཆད་ཀྱི་བགེགས་སྦྱང་ཕྱིར་གླུད་གཏོར། ཉམས་ཆགས་གི་སྡིག་སྒྲིབ་སྦྱོང་བའི་ཁྲུས་

[Full Size]

ཆོག །བསོད་ནམས་ཀྱི་ཚོགས་བསགས་ཕྱིར་མཎྜལ་སོགས་སྤྱི་ལྟར་བྱས་པའི་རྗེས་སུ་ཟབ་མོའི་ཆོས་བཞིན་འཆད་དེ། ནམ་མཁའ་དང་མཉམ་པའི་སེམས་ཅན་ཐམས་ཅད་མྱུར་དུ་བླ་ན་མེད་པ་ཡང་དག་པར་རྫོགས་པའི་སངས་རྒྱས་ཀྱི་གོ་འཕང་ཐོབ་པར་བྱ་བའི་ཕྱིར་དུ་དམ་པའི་ཆོས་གསན་ཞིང་སྨིན་བྱེད་ཀྱི་དབང་བསྐུར་ཟབ་མོ་ཞུ་བར་དགྱི་སྙམ་པའི་ཐུགས་བསྐྱེད་རིན་པོ་ཆེ་མཛད་ནས་གསན་འཚལ། དེ་ཡང་ལུང་ལས། སངས་རྒྱས་འབྱུང་བ་བརྒྱ་ལ་རྙེད་པར་དཀའ། །མིར་སྐྱེ་བ་ཡང་ཤིན་ཏུ་དཀའ་བ་སྟེ། །གྲོགས་པོ་གང་དག་དད་དང་ཆོས་ཉན་པ། །འདི་འདྲ་བསྐལ་བ་བརྒྱར་ཡང་རྙེད་མི་འགྱུར། ཞེས་པ་ལྟར་ཡིན་པ་ལ། ད་རེས་དལ་འབྱོར་ཕུན་ཚོགས་ཀྱི་མི་ལུས་ཐོབ་ཅིང་རྒྱལ་བའི་བསྟན་པ་དང་མཇལ་ནས་དམ་པའི་ལྷ་ཆོས་ལ་སྤྱོད་དུ་ཡོད་པའི་དུས་འདིར། ནམ་བཞག་གཏན་གྱི་འདུན་མ་ཐར་པའི་ལམ་སྣ་ཟིན་པའི་ཐབས་ལ་འབད་དགོས། དེ་ལྟར་མ་བྱས་

[Full Size]

ན་མི་ཚེའི་ཉི་མ་ནི་ཡུན་ཐུང་། །འཆི་བདག་གི་བདུད་པོ་ནི་བང་མགྱོགས་འཆི་བའི་རྐྱེན་ངན་ནི་གྲངས་མང་། མ་ཚོར་ཡེངས་མ་ལམ་གྱི་ངང་ནས་འཆི་བ་ནམ་མཁའི་ཐོག་ལྟར་འོང་བས། དེ་ལ་འབྲོས་པ་དང་གཟུར་བའི་ཐབས་ནི་གང་ཡང་མེད། ཤི་བ་ཙམ་དུ་མ་ཟད་ཁམས་གསུམ་རིགས་དྲུག་འཁོར་བ་སྡུག་བསྔལ་གྱི་རྒྱ་མཚོ་གང་དུ་སྐྱེས་ཀྱང་བདེ་བའི་གོ་སྐབས་སྤུ་ཙམ༴ མེད་པར་སྡུག་བསྔལ་གྱི་ཡོ་ལང་འབའ་ཞིག་ལ་སྤྱོད་དགོས་པས་བཟོད་ཐབས་མི་འབྱུང་། དེ་ལྟ་བུ་ལས་སྐྱོབ་ཅིང་ཐར་བའི་ཐབས་ནི། དམ་པའི་ཆོས་གཅིག་པུ་ལས་གཞན་གང་གིས་ཀྱང་མི་ཕན་པས། དེས་ན་ད་ལྟ་དབང་པོ་ཚང་ཞིང་རང་དབང་རང་ལ་ཡོད་པའི། དལ་འབྱོར་འདི་དོན་མེད་སྟོང་ཟད་དུ་མི་བྱ་བར་འཆི་ཁར་འགྱོད་མེད་ཀྱི་གྲབས་ལ་རེམས་དགོས། དམ་པའི་ཆོས་ཀྱི་རྣམ་གྲངས་དང་

[Full Size]

ཐེག་པའི་བྱེ་བྲག་ལམ་གྱི་འཇུག་སྒོ་ནི་མཐའ་ཡས་པ་ཤིག་མཆིས་མོད་ཀྱང་། ཀུན་གྱི་སྙིང་པོ་དོན་གྱི་མཐར་ཐུག་ནི་ཐེག་ཆེན་གསང་སྔགས་རྡོ་རྗེའི་ཐེག་པ་ཁོ་ན་ཡིན་ཏེ། དེ་ལ་མ་བརྟེན་པར་ཚེ་གཅིག་བྱང་ཆུབ་འགྲུབ་པའི་ཐབས་མ་མཆིས་པ་དང་། ཐེག་པ་གཞན་རྣམས་ནི་ལམ་གྱི་གཞིའམ་ལམ་སྟེགས་ཀྱི་ཚུལ་ཙམ་ཡིན་ལ་གསང་སྔགས་ནི་ལམ་དངོས་དང་འབྲས་བུ་ཉིད་ལ་སྦྱོར་བར་བྱེད་པ་དང་། གཞན་རྣམས་ནི་བརྗོད་བྱེད་ཀྱི་ཚིག་གཙོ་བོར་སྟེན་ལ། གསང་སྔགས་ནི་བརྗོད་བྱའི་དོན་ཉིད་གཙོ་བོར་སྟོན་པ་དང་། གཞན་རྣམས་ནི་དཔེར་ན་འོ་མ་ལྟ་བུ་ཡིན་ལ། གསང་སྔགས་ནི་མར་གྱི་ཡང་ཞུན་ལྟ་བུ་ཡིན་པ་སོགས་ཀྱི་ཁྱད་ཆོས་མང་པོ་དང་ལྡན་ཞིང་། གསང་སྔགས་དེ་ལྟ་བུའི་འཇུག་སྒོ་ནི་སྨིན་བྱེད་ཀྱི་དབང་དང་གྲོལ་བྱེད་ཀྱི་གདམས་པ་གཉིས་ཡིན་པ་ལས་ཐོག་མར་སྨིན་བྱེད་ཀྱི་དབང་ཐོབ་དགོས་ཤིང་། དེ་ཉིད་ཐོབ་པར་

[Full Size]

བྱེད་པའི་བདག་པོའི་རྐྱེན་ནི་རྡོ་རྗེའི་སློབ་དཔོན་ལ་རག་ལས་པ་དང་། རྒྱུའི་རྐྱེན་དུ་སློབ་མ་རྣམས་དག་སྣང་མོས་གུས་དང་ལྡན་པ། དམིགས་པའི་རྐྱེན་དུ་དབང་རྫས་ཡོ་བྱད་ཚོགས་པ། དེ་མ་ཐག་པའི་རྐྱེན་དུ་དཀྱིལ་འཁོར་བསྒྲུབ་མཆོད་བཟླས་པ་ལ་སོགས་སྔོན་དུ་བྱ་བའི་ལས་རིམ་རྣམས་ལེགས་པར་གྲུབ་པ་ནས། དངོས་གཞི་དབང་བསྐུར་ལའང་ཐོག་མར་བརྒྱུད་པའི་ཁུངས་བཙུན་ཞིང་གདམས་པ་ལ་ཡིད་ཆེས་ངེས་ཤེས་བསྐྱེད་ཕྱིར་བླ་མ་བརྒྱུད་པའི་ལོ་རྒྱུས་བརྡ་ཙམ་ཞིག་སྙན་དུ་འབུལ་བར་དགྱི་ན། སྤྱིར་ཕྱོགས་དུས་ཀྱི་སངས་རྒྱས་ཐམས་ཅད་སྟོན་པ་སྐུ་གསུམ་གྱི་ངོ་བོར་མ་འདུས་པ་མེད་ལ། སྐུ་གསུམ་པོ་ཡང་བླ་མ་རྡོ་རྗེ་སློབ་དཔོན་མཆོག་གི་ངོ་བོ་ཉིད་དུ་དབྱེར་མེད་པ་ནི། བསྐལ་པ་སྟོང་གི་སངས་རྒྱས་ཀྱང་། བླ་མ་དག་ལ་བརྟེན་ནས་བྱུང་། ཞེས་པ་ལྟར་དང་། དེ་ལྟ་བུའི་བླ་མའམ་སློབ་དཔོན་དེ་དག་ལ་ཟེར་སྙམ་ན་སྐྱོན་ཐམས་ཅད་དང་བྲལ་

[Full Size]

བའི་ཡོན་ཏན་ཐམས་ཅད་ཚང་ཞིང་རྫོགས་པའི་རྡོ་རྗེའི་སློབ་དཔོན་ཡང་དག་པ་ནི་གུ་རུ་པདྨ་འབྱུང་གནས་ཡིན་ཏེ། ཇི་སྐད་དུ། །རང་བྱུང་པདྨ་ཞེས་བྱར་གྲགས་པ་གང་། །སངས་རྒྱས་སྣང་བ་མཐའ་ཡས་ཐུགས་ལས་སྤྲུལ། །འཕགས་པ་སྤྱན་རས་གཟིགས་དབང་གསུང་གི་འོད། །མཁའ་འགྲོ་ཡོངས་ཀྱི་མིང་པོ་དཔའ་བོའི་རྒྱལ། །དུས་གསུམ་རྒྱལ་བ་ཀུན་གྱི་ཕྲིན་ལས་བདག །མཉམ་མེད་ཀུན་བཟང་རྡོ་རྗེ་འཆང་ཆེན་པོ། །སྤྲུལ་པའི་སྐུར་སྣང་ཐུགས་རྗེའི་སྟོབས་ཆེན་ལྡན། །གང་ལ་གང་འདུལ་ཕྲིན་ལས་རླབས་པོ་ཆེས། །སེམས་ཅན་རྣམས་ཀྱི་རེ་འདོད་ཡིད་བཞིན་སྐོངས། ཞེས་གསུངས་པ་བཞིན་ཏེ། གུ་རུ་པདྨ་འབྱུང་གནས་དེ་ཉིད་འཁོར་འདས་ཐམས་ཅད་ཀྱི་སྔོན་རོལ་ནས་འཁྲུལ་མེད་རང་རིག་གདོད་མའི་ཀ་དག་ཀློང་ཡང་ཆེན་པོར་སངས་རྒྱས་པའི་མཚན་གྱི་རྣམ་གྲངས་སུ་ཆོས་སྐུ་ཀུན་བཟང་འོད་མི་འགྱུར་བའམ་དྲུག་པ་རྡོ་རྗེ་འཆང་ཆེན་པོ་དང་། །སངས་རྒྱས་སྣང་བ་མཐའ་ཡས་ཅེས་བྱ་སྟེ། འཁོར་འདས་དུས་གསུམ་མཉམ་ཉིད་ཡེ་ཤེས་ཆེན་པོ་

[Full Size]

སྤྲོས་བྲལ་འདུས་མ་བྱས་པའི་ཆོས་སྐུ་མཆོག་གི་ངོ་བོར་རྟག་ཏུ་བཞུགས་པ་ཡིན་ལ། དེ་ཉིད་ཀྱི་རང་མདངས་འགགས་མེད་ཀྱི་འོད་གསལ་ལྷུན་གྲུབ་ཟུང་འཇུག་བདེ་བ་ཆེན་པོའི་རོལ་པ་ལོངས་སྐུའི་དཀྱིལ་འཁོར་དུ་སྣང་བ་ནི་དཔག་ཏུ་མེད་དེ། དབུས་ཕྱོགས་བདེ་ཆེན་སྙིང་པོ་བཀོད་པའི་རྒྱན་ཞེས་བྱ་བའི་ཞིང་ཁམས་སུ་སློབ་དཔོན་པདྨ་རྣམ་པར་སྣང་མཛད་གངས་ཆེན་མཚོ་ཞེས་བྱ་བའི་སྐུའི་བ་སྤུའི་ཁུང་བུ་རེ་རེ་ནས༴ ཡང་གངས་ཆེན་མཚོའི་ལོངས་སྤྱོད་རྫོགས་སྐུའི་ཞིང་ཁམས་བྱེ་བ་ཕྲག་བརྒྱ་བརྒྱ་དང་། དེ་དག་རེ་རེའི་བ་སྤུའི་ཁུང་བུ་རེ་ལས་སྤྲུལ་པ་སྐུའི་ཞིང་ཁམས་བྱེ་བ་ཕྲག་བརྒྱ་བརྒྱར་གང་ལ་གང་འདུལ་གྱི་འགྲོ་བའི་དོན་མཛད་པ་དང་། དེ་བཞིན་དུ་ཤར་ཕྱོགས་བདེ་ཆེན་རྣམ་བཀོད་ཀྱི་ཞིང་ཁམས་སུ་པདྨ་འབྱུང་གནས་རྡོ་རྗེ་གངས་ཆེན་མཚོའི་སྐུའི་བ་སྤུའི་བུ་ག་རེ་རེ་ལ་དེ་དང་མཚུངས་པའི་ལོངས་སྤྲུལ་གྱི་ཞིང་ཁམས་བྱེ་བ་ཕྲག་

[Full Size]

བརྒྱ་གཅིག་ལ་གཅིག་འཕེལ་དང་། ལྷོ་ཕྱོགས་སུ་བདེ་ཆེན་རིན་ཆེན་བཀོད་པའི་ཞིང་ཁམས་ན་པདྨ་འབྱུང་གནས་རིན་ཆེན་གངས་ཆེན་མཚོ་བྱེ་བ་ཕྲག་བརྒྱ་བརྒྱ་འགྱུར་བ་གོང་བཞིན་དང་། ནུབ་ཕྱོགས་པདྨ་བཀོད་པའི་རྒྱན་དུ་སློབ་དཔོན་པདྨ་གངས་ཆེན་མཚོ་བྱེ་བ་ཕྲག་བརྒྱ་འགྱུར་སྔར་བཞིན་དང་། བྱང་ཕྱོགས་བདེ་ཆེན་ལས་རབ་བཀོད་པར་པདྨ་འབྱུང་གནས་ཕྲིན་ལས་གངས་ཆེན་མཚོ་བྱེ་བ་ཕྲག་བརྒྱ་གོང་འཕེལ་འགྱུར་གྱི་ཞིང་ཁམས་ཕུན་སུམ་ཚོགས་པའི་བཀོད་པས་འགྲོ་དོན་མཛད་པའི་ལོངས་སྐུའི་དཀྱིལ་འཁོར་དེ་དག་རེ་རེའི་བ་སྤུའི་གྲངས་མཉམ་བྱེ་བ་ཕྲག་བརྒྱའི་སྤྲུལ་སྐུའི་ཞིང་དང་གང་འདུལ་སྤྲུལ་པའི་ཟློས་གར་བསྒྱུར་ཚུལ་དུས་གསུམ་རྒྱུན་ཆད་མེད་པའི་ཚད་བཟུང་བར་ནི་སུ་ཡི་ནུས་ལ། འོ་སྐོལ་གྱི་མི་མཇེད་འཇིག་རྟེན་ཁམས་འདི་གཅིག་པུར་ཡང་ཞིང་དང་སྟོན་པར་སྤྲུལ་པའི་མཛད་ཕྲིན་ནི་དཔག་ཏུ་མེད་དེ། ཤཱཀྱའི་དབང་པོའི་བསྟན་

[Full Size]

པ་འདི་ལ་སློབ་དཔོན་པདྨ་འབྱུང་གནས་སྤྲུལ་པའི་གུ་རུ་མཚན་བརྒྱད་སོགས་སུ་སྤྲུལ་ནས་རྡོ་རྗེ་ཐེག་པའི་བསྟན་པ་རྒྱས་པར་མཛད་པ་འདི་བཞིན་དུ། འདི་ནས་ཤར་ཕྱོགས་སུ་ཞིང་ཁམས་དྲི་མ་མེད་པ་ཅེས་བྱ་བར་སངས་རྒྱས་དྲི་མེད་རྔ་སྒྲའི་བསྟན་པ་ལ་སློབ་དཔོན་པདྨ་དྲི་མེད་སྐྱེད་བཟང་དུ་སྤྲུལ་ནས་འགྲོ་དོན་མཛད་པ་དང་། ལྷོ་ཕྱོགས་ཡོན་ཏན་འབྱུང་བའི་ཞིང་དུ་གུ་རུ་པདྨ་ལྷུན་གྲུབ་འོད་ཀྱི་འཁོར་ལོ་དང་། ནུབ་ཕྱོགས་ཡེ་ཤེས་རྒྱ་མཚོའི་ཞིང་དུ་པདྨ་གར་གྱིས་དབང་ཕྱུག་དང་། བྱང་ཕྱོགས་འཇིགས་བྲལ་གྱི་ཞིང་ན་པདྨ་ཡེ་གྲུབ་མཐའ་བྲལ་དང་། དེ་བཞིན་དུ་ཕྱོགས་དང་ཕྱོགས་བྲལ་གྱི་ཞིང་སྣ་ཚོགས་པར་པདྨ་འབྱུང་གནས། སྨྲ་བའི་སེང་གེ། བཞད་པའི་རྩལ་འཆང་། ཐུགས་རྗེ་འགྲོ་འདུལ། འཇིག་རྟེན་དབང་ཕྱུག །འཁོར་བ་དོང་སྤྲུག །རང་བྱུང་ཡེ་ཤེས། བདེ་བའི་གཙུག་ཕུད། ཆོས་དབྱིངས་དཔལ་འབར། གསེར་གྱི་རི་དབང་། རྒྱལ་བའི་

[Full Size]

མེ་ལོང་། སྣང་བའི་ཅོད་པན། རྣམ་དག་ཡེ་ཤེས། འཁོར་བའི་གཅོང་འབྱིན། ལམ་སྟེར་བཤེས་གཉེན། འདོད་དགུ་འབྱུང་གནས། བདེ་བ་སྦྱིན་མཛད༴ མི་ནུབ་རྒྱལ་མཚན། འཁོར་བ་ཡོངས་འདུལ། རོལ་པ་རྣམ་དག་ཅེས་བྱ་བ་ལ་སོགས་པའི་མཚན་གྱི་རྣམ་གྲངས་བརྗོད་ལས་འདས་པར་བཞུགས་པ་དང་། སྟོང་གསུམ་འཇིག་རྟེན་འདི་ཉིད་ཁོ་ནའི་བྱེ་བྲག་འགྲོ་བ་རིས་དྲུག་གི་གནས་རིས་ཐ་དད་དུ་ཡང་འདུལ་བྱེད་སྤྲུལ་པའི་གུ་རུ་དྲུག་ཏུ་སྤྲུལ་བ་དེ་དག་རེ་རེ་ལས་ཀྱང་སྤྲུལ་པ་དུ་མར་འགྱེད་པ་སྟེ། ལྷ་རྣམས་འདུལ་བ་ལ་གུ་རུ་སྲིད་ཐུབ་འཛིན་དང་། དེའི་རྣམ་འཕྲུལ་ནི་ཆོས་ཀྱི་འབྱུང་གནས། རིག་པའི་འབྱུང་གནས། དགའ་བའི་འབྱུང་གནས། ཆགས་མཆོག་འབྱུང་གནས། ཡོན་ཏན་འབྱུང་གནས། ཤེས་རབ་འབྱུང་གནས། ཡེ་ཤེས་འབྱུང་གནས། དྲི་མེད་འབྱུང་གནས་ལ་སོགས་ཀྱི་མཚན་འཆང་བས་ལྷ་རྣམས་ཀྱི་འཕོ་ལྟུང་གི་སྡུག་བསྔལ་སེལ་ཞིང་བརྩོན་འགྲུས་ཀྱི་ཆོས་སྟོན་པ་དང་། དེ་བཞིན་དུ། ལྷ་མིན༴

[Full Size]

རྣམས་ལ་གུ་རུ་རྣམ་པར་རྒྱལ་བའི་སྐུར་སྤྲུལ་ཞིང་། དེ་ལས་ཀྱང་དྷརྨ་ཐོད་ཕྲེང་། སཾ་བྷ་ག་ཐོད་ཕྲེང་། ནིར་མ་ཎ་ཐོད་ཕྲེང་སོགས་དང་། བཛྲ་རཏྣ་པདྨ་ཀརྨ་བུདྡྷ་ཐོད་ཕྲེང་རྣམས་སུ་སྤྲུལ་ནས་ལྷ་མིན་འཐབ་རྩོད་ཀྱི་སྡུག་བསྔལ་སེལ་ཞིང་། བྱམས་དང་སྙིང་རྗེ་བཟོད་པ་སོགས་ཀྱི་ཆོས་སྟོན། མིའི་གནས་སུ་གུ་རུ་པདྨ་འབྱུང་གནས་ལས་སྤྲུལ་པའི་གུ་རུ་མཚན་བརྒྱད་ཡང་སྤྲུལ་ཉི་ཤུ་རྩ་བཞི་སོགས་སུ་སྤྲུལ་བས་གདུལ་བྱ་སོ་སོའི་སྐལ་བ་དང་དབང་པོའི་རིམ་པ་ཐ་དད་དང་མཐུན་པའི་ཆོས་སྟོན། བྱོལ་སོང་རྣམས་ལ་གུ་རུ་སེང་གེ་རབ་བརྟན་དང་། དེ་ལས་སྤྲུལ་པའི་རྣམ་གྲངས་བདེ་བའི་འབྱུང་གནས། དག་པའི་འབྱུངས། ཤིན་ཏུ་དག་འབྱུང་། གཏེར་གྱི་འབྱུང་གནས། བྱང་ཆུབ་འབྱུང་གནས་དབང་གི་འབྱུང་གནས། ཕྲིན་ལས་འབྱུང་གནས་ལ་སོགས་ཀྱིས། །དུད་འགྲོའི་བཀོལ་སྤྱོད་ཀྱི་སྡུག་བསྔལ་སེལ་ཞིང་ཤེས་རབ་དང་རྟེན་འབྲེལ་གྱི་ཆོས་

[Full Size]

རྣམས་རང་རང་གི་བརྡ་དང་སྐད་ཀྱིས་སྟོན་ཅིང་འདུལ་བར་མཛད། །ཡི་དྭགས་རྣམས་ལ་གུ་རུ་རྣམ་པར་སྣང་བྱེད་དང་། དེའི་ཡང་སྤྲུལ་བདེ་བའི་དབང་པོ། ཤཱནྟ་རཀྵི། གཤོར་བ་གཞོན་ནུ། སུ་ནི་ཏྲ། པདྨ་བཛྲ། པུཎྜ་རཱི་ཀ པདྨ་བྷཱུ་ཏི་ལ་སོགས་པས་ཡི་དྭགས་བཀྲེས་སྐོམ་གྱི་སྡུག་བསྔལ་སེལ་ཞིང་སྦྱིན་པ་དང་སྨོན་ལམ་གྱི་ཆོས་སྟོན། དམྱལ་བ་པ་རྣམས་ལ་གུ་རུ་རྣམ་པར་གནོན་པ་དྲག་པོའི་གཟུགས་ཅན་དང་། དེ་ལས་སྤྲུལ་པ་བདེ་མཆོག་སྙིང་པོ། བདེ་བའི་དངོས་གྲུབ། ནག་པོ་སྤྱོད་པ། གཟི་བརྗེད་འོད་འབར། པདྨ་ཀུན་རྒྱུ། པདྨ་མཁའ་ལྡིང་ལ་སོགས་པས་དམྱལ་བ་ཚ་གྲངས་གི་སྡུག་བསྔལ་སེལ་ཞིང་བསམ་གཏན་ཏིང་ངེ་འཛིན་གྱི་ཆོས་སྟོན་པར་མཛད་པ་སོགས་འགྲོ་དོན་གྱི་སྤྲུལ་པའི་སྒྱུ་འཕྲུལ་ནི་རང་ཅག །སོ་སོ་སྐྱེ་བོ་རྣམས་ཀྱི་བློའི་སྤྱོད་ཡུལ་ལས་འདས་པ་ལགས་ཤིང་། ད་ལྟ་རྔ་ཡབ་གླིང་དུ་སྲིན་པོའི་ཁ་གནོན་ལ་བཞུགས་ཚུལ་གཅིག་

[Full Size]

པུའི་སྐུའི་བཀོད་པའི་རྣམ་འགྱུར་ཀྱང་ཚད་མེད་དེ། སྲིན་པོའི་རྒྱལ་ཁམས་ཡུལ་གླིང་ཆེན་པོ་ཉི་ཤུ་རྩ་གཉིས་ཡོད་པའི་དབུས་ན་ཤ་ཁྲག་ཟ་བྱེད་ཀྱི་གླིང་དུ་གྲོང་ཁྱེར་བྱེ་བ་ཕྲག་དགུའི་རྒྱལ་པོ་བདུད་འདུལ་ཧེ་རུ་ཀ་ཞེས་བྱ་བར་སྤྲུལ་ནས་གསང་སྔགས་སྦྱོར་གྲོལ་མངོན་བྱུང་གི་ཆོས་ཀྱིས་འགྲོ་བའི་དོན་མཛད་པ་དང་། དེ་བཞིན་དུ། ཤར་སྟོད་ཛཱ་ཏིའི་ནགས་གླིང་ན་གྲོང་ཁྱེར་འབུམ་ཚོ་ཉེར་གཅིག་གི་རྒྱལ་པོར་པདྨ་དེ་ཝ་རཱ་ཛཱ་ཞེས་བྱ་བར་སྤྲུལ་ནས་ཞི་ཁྲོ་སྒྱུ་འཕྲུལ་གྱི་ཆོས་སྟོན་པ་དང་། ཤར་སྨད་ན་བུན་ཐིབ་པའི་གླིང་ན་གྲོང་ཁྱེར་བྱེ་བ་ཕྲག་གསུམ་ལ་རྒྱལ་པོ་སྨྲ་བའི་སེང་གེས་འཇམ་དཔལ་སྐུའི་ཆོས་ཀྱིས་འདུལ་བར་མཛད་པ་དང་། ལྷོ་ཕྱོགས་ཀེང་རུས་བརྩེགས་པ་གླིང་ན་གྲོང་ཁྱེར་བྱེ་བ་བཅུ་དྲུག་གི་རྒྱལ་པོ་ཀཱ་ལ་ཐོད་ཕྲེང་ཞེས་བྱ་བས་མ་གཤིན་ཕུར་པ་དྲག་པོའི་ཆོས་ཀྱིས་འདུལ་བ་དང་། ནུབ་སྟོད་ཤ་མཁར་

[Full Size]

ཅན་གྱི་གླིང་ན་གྲོང་ཁྱེར་འབུམ་ཕྲག་ཉེར་དགུའི་རྒྱལ་པོ་ཁྱུང་ཆེན་འབར་བ་ཞེས་པས་ངེས་དོན་ཕྱག་རྒྱ་ཆེན་པོའི་ཆོས་ཀྱིས་འདུལ་བ་དང་། ནུབ་སྨད་ཁྲག་མཚོ་ཁོལ་བའི་གླིང་ན་གྲོང་ཁྱེར་བྱེ་བ་གཉིས་ཡོད་པའི་རྒྱལ་པོ་གཏུམ་པོ་མེ་དབལ་ཞེས་བྱ་བས་འཕགས་པ་སྤྱན་རས་གཟིགས་ཀྱི་ཆོས་སྐོར་ཁོ་ནས་འདུལ་བ་དང་། བྱང་ཕྱོགས་འདོད་འབྱུང་ནོར་བུའི་གླིང་གི་གྲོང་ཁྱེར་བྱེ་བ་ཕྲག་གཅིག་ལ་རྒྱལ་པོ་བཛྲ་པཱ་ཎི་ཞེས་བྱ་བས་དྲག་སྔགས་མངོན་སྤྱོད་ཀྱི་སྒོ་ནས་འདུལ་བ་དང་། ཤར་ལྷོ་འབར་བ་གློག་ཕྲེང་གི་གླིང་ན་གྲོང་ཁྱེར་འབུམ་ཕྲག་བཅུ་གཉིས་ཀྱི་རྒྱལ་པོ་ཟིལ་གནོན་མེ་འོད་ཅེས་བྱ་བས་མ་མོ་རྒྱུད་ལུང་གི་ཆོས་ཀྱི་འདུལ། ལྷོ་ནུབ་རཀྴ་འཁྲུག་པའི་གླིང་ན་གྲོང་ཁྱེར་འབུམ་ཕྲག་དྲུག་གི་རྒྱལ་པོ་རཀྴ་ཐོད་ཕྲེང་གི་གསང་སྔགས་དུས་འཁོར་གྱི་ཆོས་སྟོན། ནུབ་བྱང་རླུང་ནག་འཁྲུག་པའི་གླིང་གི་གྲོང་ཁྱེར་འབུམ་མཚོ་

[Full Size]

གསུམ་ན་རྒྱལ་པོ་སེང་གེ་སྒྲར་སྤྲུལ་བས་འཇིག་རྟེན་མཆོད་སྟོད་ཀྱི་ཆོས་སྟོན། བྱང་ཤར་མུན་ནག་འཁྲིག་པའི་གླིང་ན་གྲོང་ཁྱེར་འབུམ་ཕྲག་ཉེར་གཅིག་གི་ལ་རྒྱལ་པོ་གཙུག་ན་མེ་འབར་གྱིས་དམོད་པ་དྲག་སྔགས་རོལ་པའི་ཆོས་ཀྱིས་འདུལ་བར་མཛད་ལ། ཁྱད་པར་དབུས་ཟངས་མདོག་དཔལ་རིའི་རྩེ་མོར་པདྨ་འོད་ཀྱི་ཕོ་བྲང་ཆེན་པོའི་ཡང་ཐོག་ན་གུ་རུ་ཐོད་ཕྲེང་རིག་ལྔ། བར་ཁང་ན་མཚན་བརྒྱད་རིག་འཛིན་འབུམ་གྱིས་བསྐོར་བ་འོག་ཁང་དུ་དྲག་པོ་ཐོད་ཕྲེང་རྩལ་ལ་མཁའ་འགྲོ་ཆོས་སྐྱོང་བཀའ་གཉན་བླ་མ་རྒྱ་མཚོས་བསྐོར་ནས་བཞུགས་ཏེ་བླ་མེད་འབྲས་བུ་རྫོགས་ཆེན་གྱི་ཆོས་འཁོར་རྒྱུན་མི་ཆད་པར་མཛད་པ་དང་། ཕོ་བྲང་གི་ཕྱི་རོལ་ཏུ་ཡང་ཤར་ཞི་བ་ཆོས་ཀྱི་ཚོགས་ཁང་ན་སློབ་དཔོན་ཉིད་པཎྜི་ཏའི་ཆ་བྱད་ཀྱིས་བཀའ་སྡེ་སྣོད་གསུམ་གྱི་ཆོས་འཁོར་བསྐོར། ལྷོ་རྒྱས་པ་ལོངས་སྤྱོད་

[Full Size]

ཀྱི་ཚོགས་ཁང་དུ་གུ་རུ་ཉིད་ཚེ་དཔག་མེད་ཀྱི་སྐུར་བཞེངས་ནས་གསང་སྔགས་རྒྱུད་སྡེ་རྒྱ་མཚོའི་སྨིན་གྲོལ་གྱི་ཆོས་འཁོར་བསྐོར་ནུབ་སྨད་དབང་གི་ཚོགས་ཁང་དུ་སློབ་དཔོན་ཉིད་རྟ་མགྲིན་དབང་གི་རྒྱལ་པོར་བཞེངས་ཏེ་མ་རྒྱུད་ཐབས་ལམ་ཟབ་མོའི་ཆོས་བསྐོར་གསུངས་བྱང་དྲག་པོ་ཕྲིན་ལས་ཀྱི་ཚོགས་ཁང་དུ་གུ་རུ་དྲག་པོ་གཏུམ་ཆེན་དུ་སྤྲུལ་ནས་སྡེ་བརྒྱད་དྲེགས་པ་འདུལ་བྱེད་ཕྲིན་ལས་རབ་འབྱམས་ཀྱི་ཆོས་འཁོར་བསྐོར་བར་མཛད་པ་སོགས་ངོ་མཚར་གྱི་རྣམ་པར་ཐར་པ་ནི་བསྐལ་པ་བརྒྱར་ཡང་བརྗོད་ཀྱི་མི་ལངས་ཤིང་། སྐུ་དངོས་དེ་ལྟ་བུའི་ཚུལ་ལས་མ་གཡོས་པར་བཞུགས་བཞིན་དུ། གདུལ་བྱའི་ཞིང་ཁམས་ནམ་མཁས་གར་ཁྱབ་ཐུགས་རྗེའི་སྤྲུལ་པས་ཁྱབ་ཅིང་། ཁྱད་པར་འོ་སྐོལ་ཐ་འཁོབ་བོད་ཀྱི་ཡུལ་དུ་དུས་བཟང་ཚེས་བཅུའི་མཆོད་པ་དང་གསང་སྔགས་ཟབ་མོའི་དབང་བསྐུར་ཡེ་ཤེས་འབེབ་པའི་སྐབས་རྣམས་དང་

[Full Size]

གཞན་ཡང་དད་ཅན་གསོལ་བ་གང་འདེབས་ཀྱི་སར་ཐུགས་རྗེའི་རྫུ་འཕྲུལ་ནམ་མཁའི་གློག་ལས་མྱུར་བས་གཤེགས་ནས་བྱིན་གྱིས་རློབས་པར་ཞལ་གྱི་བཞེས་ཤིང་ཐུགས་དམ་དུ་བཅས་པ་ལགས་ཏེ། །ཉིད་ཀྱི་བཀའ་ལས་ཀྱང་། དད་གུས་མོས་གདུང་ཅན་གྱི་སྐྱེ་འགྲོ་ལ། །སངས་རྒྱས་གཞན་ལས་བདག་ཉིད་ཐུགས་རྗེ་མྱུར། ཁམས་གསུམ་འཁོར་བའི་སེན་མ་ཟད་པར། །པདྨ་འབྱུང་གནས་ཐུགས་རྗེ་ཟད་མི་སྲིད། ཅེས་གསུངས་པ་བཞིན། མ་འོང་པ་ན་རྒྱལ་བ་བྱམས་པའི་བསྟན་པ་ཤར་ཚེ། །སློབ་དཔོན་ཉིད་རྒྱལ་སྲས་འགྲོ་བ་ཀུན། །འདུལ་ཞེས་པར་སྤྲུལ་ནས་གསང་སྔགས་ཐེག་ཆེན་བླ་མེད་ཀྱི་ཆོས་སྟོན་གསུངས་པ་བཞིན་དུ། བསྐལ་བཟང་གི་སངས་རྒྱས་ཐམས་ཅད་ཀྱི་བསྟན་པ་ལ་དེ་ལྟར་འགྲོ་དོན་མཛད་པར་འགྱུར་བ་སྟེ། མདོར་བསྡུ་ན། དེ་ལྟ་བུའི་ཐུགས་རྗེ་ཕྲིན་ལས་རྨད་དུ་བྱུང་ཞིང་སྐུ་ཆེ་བའི་ཡོན་ཏན་

[Full Size]

མཚུངས་པ་བྲལ་བའི་རྒྱལ་བ་པདྨ་འབྱུང་གནས་དེ་ཉིད་རྒྱ་གར་འཕགས་པའི་ཡུལ་དུ་མི་ལོ་སུམ་སྟོང་དྲུག་བརྒྱའི་བར་དུ་བསྟན་པའི་སྒྲོན་མེ་སྦར་ཞིང་སེམས་ཅན་གྱི་དོན་མཛད་པའི་མཐར། གངས་ཅན་བོད་ཀྱི་ཡུལ་འདིར་འཇམ་དབྱངས་སྤྲུལ་པའི་རྒྱལ་པོ་ཁྲི་སྲོང་ལྡེ་བཙན་གྱི་སྤྱན་དྲངས་ནས། ལྷ་མ་སྲིན་གདུག་པ་ཅན་རྣམས་དབང་དུ་བསྡུས་ཤིང་དམ་ལ་བཏགས་ཏེ་བཀའི་བསྲུང་མར་བསྐོས། བསམ་ཡས་མི་འགྱུར་ལྷུན་གྱིས་གྲུབ་པའི་གཙོ་བྱས་པའི་མཐའ་འདུལ་ཡང་འདུལ་གྱི་གཙུག་ལག་ཁང་གྲངས་མེད་བཞེངས་ཤིང་རབ་ཏུ་གནས་པར་མཛད། ལོ་པཎ་མཁས་གྲུབ་མང་པོར་བཅས་པས་བཀའ་མདོ་རྒྱུད་ལུང་མན་ངག་གི་ཆོས་ཀྱི་གཏེར་མཛོད་ཕྱེས། བཤད་སྒྲུབ་ཐོས་བསམ་སྒོམ་པའི་དགེ་འདུན་གྱི་སྡེ་གཙུག་སྟེ་སངས་རྒྱས་ཀྱི་བསྟན་པའི་རྒྱལ་མཚན་ཕྱོགས་བཅུར་འཇུག་པའི་བཀའ་དྲིན་གྱིས་

[Full Size]

ཁྱབ་པར་མཛད་པའི་སྐབས་དེར། གྲུབ་ཐོབ་རྗེ་འབངས་ཉེར་ལྔ་དང་སྐལ་ལྡན་སྙིང་གི་བུ་དགུ་ལ་སོགས་ལ་གསང་སྔགས་ཐེག་པའི་ཡང་སྙིང་ཟབ་པའི་མཐར་ཐུག་ཚེ་གཅིག་ལུས་གཅིག་ལ་རྫོགས་པའི་སངས་རྒྱས་བདེ་བླག་ཏུ་ཐོབ་པར་བྱེད་པའི་ཆོས་བཀའ་རབ་འབྱམས་མཐའ་ཡས་པའི་ཆར་རྒྱུན་ཕབས་ནས། དུས་མ་འོངས་སྙིགས་མ་རྩོད་ལྡན་གྱི་གདུལ་བྱ་རྣམས་ལ་བརྩེ་བ་ཆེན་པོས་དགོངས་ཏེ་རྒྱུད་ལུང་མན་ངག་བསྐྱེད་རྫོགས་སྨིན་གྲོལ་ལས་ཚོགས་དང་བཅས་པའི་ཆོས་སྐོར་ཟབ་ཅིང་རྒྱ་ཆེ་བ་ཡིད་བཞིན་གྱི་ནོར་བུ་དབང་གི་རྒྱལ་པོ་ལས་ལྷག་པའི་དངོས་གྲུབ་ཀྱི་འདོད་འཇོ་དམ་པར་གྱུར་པ་རྣམས་ཡི་གེར་བཏབ་ནས་གནས་ཆེན་རི་བྲག་གཉན་ཁྲོད་གཙུག་ལག་ལ་སོགས་པ་ཇི་སྙེད་ཁྱབ་པ་གཏེར་དུ་སྦས་པ་དག་རྗེ་འབངས་སྐལ་ལྡན་སྐྱེས་མཆོག་དེ་རྣམས་

[Full Size]

ཀྱི་སྨོན་ལམ་ཐུགས་རྗེའི་རྣམ་འཕྲུལ་རིམ་ཅན་དུ་བྱོན་པས་གཏེར་ནས་སྟོན་ཏེ་ལས་འཕྲོ་སྐལ་བར་ལྡན་པའི་གདུལ་བྱ་རྣམས་སྨིན་གྲོལ་དུ་མཛད་པ་ལས། ད་ལམ་གྱི་ཆོས་བཀའ་འདི་ཉིད་ཀྱི་དབང་དུ་བགྱིས་ན། གུ་རུ་རིན་པོ་ཆེའི་ཞལ་སློབ་ལྷག་མེད་འོད་ལུས་འགྲུབ་པའི་གྲུབ་ཐོབ་བརྒྱད་ཀྱི་ནང་ནས་ཏིང་འཛིན་ཟག་མེད་འོད་གསལ་ཆེན་པོར་དབང་བསྒྱུར་བ་མྱང་བན་ཏིང་འཛིན་བཟང་པོ་ཞེས། སྔོན་ཚེ་ཐུབ་པའི་དྲུང་ན་དགེ་སློང་འགོའུ་ཏ་མ། གསང་བདག་ཕྱག་རྡོར་གྱི་སྤྱན་སྔར་ལྷའི་རིག་འཛིན་གྲགས་ལྡན་མཆོག་སྐྱོང་། བོད་ཐ་འཁོབ་ཀྱི་རྒྱལ་པོ་ལ་སྔ་བ་འོད་གསལ་ལྷའི་རིགས་འཆང་གཉའ་ཁྲི་བཙན་པོ་ལ་སོགས་དག་པའི་སྐྱེ་བ་བརྒྱུད་མར་བྱོན་པའི་མྱང་བན་ཆེན་པོ་དེ་ཉིད་ལ་ཆོས་བཀའ་འདི་དག་གི་དབང་བསྐུར། བཀའ་གཏད། ལུང་བསྟན། བྱིན་གྱིས་

[Full Size]

བརླབས། སྨོན་ལམ་གྱི་མཚམས་སྦྱར་ཏེ། དིང་སང་འོ་སྐོལ་དུས་ངན་གྱི་འགྲོ་བ་སྡུག་བསྔལ་སྣ་ཚོགས་ཀྱིས་ཉམ་ཐག་པ་རྣམས་འདུལ་ཞིང་སྐྱོབས་པའི། རྣམ་འདྲེན་དམ་པར་བསྔགས་པར་མཛད་ཅིང་ཆོས་བཀའ་རྣམས་རྒྱ་རིམ་པ་བདུན་གྱིས་བཏབས་ནས་ཀོོང་ཡུལ་ཉང་ལུང་ཝ་རུ་ཎ་ཚལ་གྱི་གཏེར་གནས་ཧཾ་འཕྲང་ལྕགས་ཀྱི་སྒོ་མོར་གཏེར་དུ་བཏམས་ནས་བཞུགས་སུ་གསོལ། དེ་ནས་གུ་རུའི་ཐུགས་རྗེ་དང་སྔོན་གྱི་སྨོན་ལམ་གྱི་མཐུ་ལས་མྱང་བན་དེ་ཉིད་སྐུ་ལུས་ཟག་མེད་འོད་ཕུང་དུ་ཐིམ་ཀྱང་ཐུགས་རྗེ་ཡེ་ཤེས་རྣམ་རོལ་གྱི་རྒྱུ་འཕྲུལ་ལས། སྙིགས་མའི་དུས་སུ་འགྲོ་བའི་དོན་དུ་སྤྲུལ་པའི་སྐུ་སྐྱེས་སྒོམ་ཡེ་ཤེས་རྡོ་རྗེ། འགྲོ་མགོན་དུང་མཚོ་རས་པ། མཁས་གྲུབ་ཆོས་དབྱིངས་དབང་ཕྱུག་གམ་འཁྲུལ་ཞིག་བསོད་ནམས་རྒྱལ་མཚན། གྲུབ་ཐོབ་སངས་རྒྱས་སྒོམ་པ་

[Full Size]

རས་དཀར་ཐུགས་རྗེ་རྒྱལ་མཚན། དུང་མཚོ་རས་པ་ཕྱི་མ། སྤྲུལ་སྐུ་བསོད་ནམས་རྒྱལ་པོ། དྲུང་པ་ཆོས་བཟང་ཉི་མ། མཚུངས་མེད་གནས་པ་རབ་འབྱམས། གྲུབ་མཆོག་སྦྱིན་པ་རིན་ཆེན་ལ་སོགས་པ་སྐྱེས་ཆེན་དུ་མར་སྤྲུལ་ནས་ཡུལ་དུས་དེ་དང་དེ་སྐབས་ཀྱི་གདུལ་བྱ་རྣམས་དྲངས་ཏེ། སླར་ལྔ་བརྒྱ་ཐ་མ་རྩུབ་འགྱུར་རབ་ཏུ་འཁྲུག་པའི་དུས་འདིར་གཏེར་སྟོན་གྱི་ཨོ་རྒྱན་ལས་འགྲོ་གླིང་པའམ། མཚན་གྱི་རྣམ་གྲངས་སུ་རིག་འཛིན་འཇའ་ཚོན་སྙིང་པོ། ཁྲག་འཐུང་ཧཱུྃ་ནག་མེ་འབར་ལ་སོགས་པར་གྲགས་པའི་སྙན་པ་རྒྱ་མཚོའི་གོས་ཅན་ཁྱབ་པར་བྱོན་པ་དེ་ཉིད་སྐུ་གཞོན་ནུའི་དུས་ནས་སྐྱེས་བུ་དམ་པའི་རྣམ་ཐར་གྱི་མཚན་ཉིད་ཡོངས་སུ་ཚང་ཞིང་། སྐྱེ་བར་དམ་པའི་ཆོས་དོན་མཐར་ཕྱིན་ཀྱང་གདུལ་བྱ་རྣམས་ལ་གདམས་ངག་རྣམ་ཐར་གྱི་སྒོ་ནས་སྟོན་ཕྱིར་བསྟན་པ་རིན་པོ་ཆེའི་སྒོར་ཞུགས་ནས་མདོ་རྒྱུད་

[Full Size]

མན་ངག་གི་གསན་བསམ་ཕྱོགས་མེད་དུ་སྒྲོ་འདོགས་བཅད། དཀའ་དཔྱད་སྙིང་རུས་ཀྱི་གོ་ཆ་རྨད་དུ་བྱུང་བས་བསྒྲུབ་པ་བརྩེ་གཅིག་གི་རང་དོན་མངོན་དུ་གྱུར། ཟབ་མོའི་གཏེར་སྒོ་ཕྱེས་ཤིང་གཞན་དོན་དུ་ཐུགས་བསྐྱེད་སྨོན་ལམ་ལས་འཕྲོའི་འབྲས་བུ་སྨིན་པའི་མཁྱེན་བརྩེ་ནུས་པའི་ཕྲིན་ལས་ཟླ་མེད་པས་སྐལ་ལྡན་གདུལ་བྱའི་ཁ་ལོ་ཐར་གླིང་དུ་བསྒྱུར་བའི་འདྲེན་མཆོག་དེད་དཔོན་དམ་པ་དེ་ཉིད་ཀྱིས་གཏེར་ནས་སྤྱན་དྲངས་པའི་བཀའ་དྲིན་ལས་བྱུང་བའི་ཟབ་ཆོས་འདི་དག་མཚན་ལྡན་བླ་མ་བརྒྱུད་པའི་བྱིན་རླབས་ཀྱི་དྲོད་མ་ཡལ། དམ་ཚིག་གི་སེལ་མ་ཞུགས། སྙན་རྒྱུད་ཀྱི་ཟམ་མ་ཆད། དངོས་གྲུབ་ཀྱི་མཚོ་མ་སྐམ། ཕྱག་བཞེས་ཀྱི་གནས་མ་འཆུགས། གུ་རུ་པདྨ་འབྱུང་གནས་ནས་དྲིན་ཅན་རྩ་བའི་བླ་མའི་བར་དུ་སྨིན་གྲོལ་

[Full Size]

གྱི་ཆུ་རྒྱུན་མ་ཆད་པའི་བབས་ཚུལ་དེ་ལྟར་ལགས་པས་ན། ཐུགས་དད་པ་མོས་གུས་ཀྱི་སྣང་བ་གོང་འཕེལ་དུ་མཛད་པར་འཚལ་ཞིང་། འདི་ལྟ་བུའི་དབང་བསྐུར་ཟབ་མོ་གསན་པར་བྱེད་པ་ལ་དང་པོར་ལྷ་དང་བླ་མ་དབྱེར་མེད་ལ་གསོལ་བ་གདབ་པ་འདིའི་རྗེས་ཟློས་བཀའ་དྲིན་སྐྱོང་བར་ཞུ། །དཀོན་མཆོག་སྤྱི་འདུས་བླ་མ་ནི། །རིགས་རྣམས་ཀུན་བདག་ཆེ་བའི་མཆོག །དཔའ་བོ་ཆེན་པོས་རྗེས་སུ་བཟུང་། །དབང་གིས་སྨིན་གྲོལ་དངོས་གྲུབ་སྩོལ། དེ་ལྟར་གསོལ་བ་གདབ་པའི་སྔོན་དུ་སོང་ནས་སློབ་དཔོན་གྱི་གནང་བའི་སྐབས་ཕྱེས་པ་ཡིན་པས། དེས་ན་གསང་སྔགས་ཟབ་མོའི་ཆོས་ནི་དཔེར་ན་སེང་གེའི་འོ་མ་ལྟར་ཡིན་ཕྱིར་སྣོད་ཀྱི་མཚན་ཉིད་ཚུལ་བཞིན་ལྡན་པ་མ་གཏོགས། སྣོད་མ་ཡིན་པའི་ལམ་དུ་སོང་ན་ཉེས་ལྟུང་ཆེན་པོའི་སྐྱོན་གྱིས་ཕུང་བར་

[Full Size]

འགྱུར་བས། གསང་བའི་དམ་ཚིག་ལས་མི་འདའ་བར་མཛད་དགོས་པ་ལགས། དེ་ལྟར་ཡིན་ན་ཧེ་རུ་ཀའི། དལ་དུ་སུ་ཞུགས་སྨིན་པར་བྱ། བླ་མེད་ཡང་གསང་བྱིན་རླབས་འདི། གནས་ཁང་འདི་ཡི་ཕྱི་རོལ་དུ། དམ་མེད་པ་ལ་སྨྲར་མི་རུང་། དེ་ཕྱིར་སྙིང་ནས་བྲོ་བོར་ཞིག །བཛྲ་རཀྵ་སི་ཧཱུྃཿས་མ་ཡ་ཨི་དན་ན་ར་ཀན། ཅེས་པ། དམ་ཚིག་གི་རྡོ་རྗེ་སྤྱི་བོར་བཞག་ཅིང་བདུད་རྩི་ལྕེ་ལ་གཞག་གོ། །དེ་ནས་ཡེ་ཤེས་དབབ་པའི་ཕྱིར་དུ་སྤོས་དང་རོལ་མོ་སོགས་ཐ་མལ་འཁྲུལ་ཞེན་གྱི་སྣང་བ་བསྒྱུར་བའི་རྫས་དང་ཡོ་བྱད་རྣམས་གསར་ལ། དེ་ནས་ཡང་ཁྱེད་རང་རྣམས་ཐུགས་མ་ཡེངས་པར་གསན་མཛོད། གསང་སྔགས་སྙིང་པོའི་དོན་གྱི་དབང་ཞུ་བར་བྱེད་པ་ལ་བདག་གཞན་སྣོད་བཅུད་རྣམས་ཐ་མལ་འཁྲུལ་འཛིན་ཨ་འཐས་ཀྱི་བློ་ངོར་དབང་བསྐུར་བའི་ཡུལ་མིན་ཏེ། དེ་ལྟ་བུ་ལ་

[Full Size]

བསྐུར་ཡང་མི་ཆགས་པའི་ཕྱིར་སྣོད་བཅུད་ལྷའི་དཀྱིལ་འཁོར་ཡེ་ནས་ཡིན་ཀྱང་ཡིན་ཚུལ་ངོ་མ་ཤེས་པའི་གང་ཟག་ངོ་སྤྲོད་ཅིང་གསལ་གདབ་པ་དང་། དེ་ལས་མི་འགྱུར་བར་དམ་ཚིག་ཡེ་ཤེས་གཉིས་མེད་དུ་རྒྱས་བཏབ་དགོས་པ་ནི་དབང་དོན་གྱི་གཙོ་བོ་ཡིན་ཕྱིར་དེས་ན་དམིགས་པ་འདི་བཞིན་བསྒོམ་པར་ཞུ། འོ་སྐོལ་རྣམས་ཀྱི་འདུག་པའི་གནས་ཁང་ཡུལ་ཁམས་འདི་ཐམས་ཅད་ཐ་མལ་གྱི་ཡུལ་མ་ཡིན་པར་ཡེ་ཤེས་འོད་ལྔ་ལས་གྲུབ་པའི་ཞིང་ཁམས་གཞལ་ཡས་ཁང་དུ་མོས་པ་མཛད་པ་དང་། བདག་སློབ་དཔོན་ཡང་ཐ་མལ་རང་རྒྱུད་པ་ལ་མ་ཡིན་པར་གུ་རུ་པདྨ་འབྱུང་གནས་ཀྱི་རྣམ་རོལ་དུ་ངེས་ཤེས་བསྐྱེད་པ་གནང་། ཁྱེད་རང་རྣམས་ཀྱང་སྐད་ཅིག་དྲན་རྫོགས་སུ་གདན་པདྨ་ཉི་ཟླ་བརྩེགས་པའི་ཁར་སྐུའི་ངོ་བོ་རྗེ་བཙུན་ཆེན་པོ་རྒྱལ་བ་པདྨ་འོད་འབར་དུ་ལམ་གྱིས་གསལ་ཏེ། སྐུ་གཟི་བརྗིད་ཀྱི་ལྷུན་

[Full Size]

པོ་མཚན་དཔེའི་དཔལ་དུ་འབར་བ་ཐབས་ཤེས་ཀྱི་ཕྱག་གཉིས་སྣང་སྟོང་ཟུང་འཇུག་མཚོན་ཕྱིར་གཡས་གསེར་གྱི་རྡོ་རྗེ་དང་གཡོན་མཚན་ཐོད་པ་ཚེ་བུམ་གྱིས་མཚན་པ་བསྣམས་ཤིང་། །བདེ་སྟོང་མཉམ་ཉིད་མཚོན་པའི་ཁ་ཊྭྃ་མཆན་ཁུང་གཡོན་དུ་འཛིན་པ། སྐུ་ལྔ་ཡོངས་རྫོགས་ཀྱི་དབུ་ཞྭ་འདབ་ལྡན་རིགས་ལྔ་ཉི་ཟླ་རྒོད་སྒྲོ་དར་དཔྱང་དང་ལྡན་པ་དབུ་ལ་གསོལ་བས་ཁམས་གསུམ་ཟིལ་གྱིས་གནོན་པ་སྐུ་ལ་ཐེག་པ་རིམ་དགུའི་ཟབ་བེར། མདོ་སྔགས་ཟུང་འཇུག་གི་ཆོས་གོས། ཡོན་ཏན་ཡོངས་རྫོགས་ཀྱི་རྒྱན་ཆས་རྣམས་ཀྱི་སྤྲས་པས་སྲིད་གསུམ་དབང་དུ་བསྡུད་པ། སྲིད་ཞི་དང་རྟག་ཆད་ཀྱི་མཐའ་དང་བྲལ་བས་ཞབས་རྡོ་རྗེ་སྐྱིལ་ཀྲུང་གིས་ཞུགས་པ། ཡེ་ཤེས་ལྔ་རྫོགས་འཇའ་འོད་འཁྱིལ་བའི་ཀློང་ན་སྣང་སྟོང་ཟུང་འཇུག་གི་སྐུར་གསལ་ཞིང་། སྣང་གྲགས་ཐམས་ཅད་རིགས་འདུས་བླ་མའི་

[Full Size]

དཀྱིལ་འཁོར་ཡེ་གདོད་མ་ནས་ཡིན་པ་ལ་ཡིན་པའི་ངེས་ཤེས་བརྟན་པོ་མཛད་འཚལ་ཞིང་། དེ་ནས་བླ་མ་དང་དཀྱིལ་འཁོར་གྱི་གཙོ་བོའི་ཐུགས་སྲོག་གི་འོད་ཟེར་དང་། ཁྱེད་རང་རྣམས་ཀྱི་སྤྱི་བོ་མགྲིན་པ་སྙིང་ག་གསུམ་དུ་ཨོཾ་ཨཱཿཧཱུྃ་གིས་མཚན་པ་ལས་ཀྱང་འོད་ཟེར་ཁ་དོག་སྣ་ཚོགས་འཕྲོས་པས། ལྷོ་ནུབ་པདྨ་འོད་ཀྱི་གཞལ་ཡས་སུ་རྗེ་བཙུན་ཆེན་པོ་པདྨ་འབྱུང་གནས་སྤྲུལ་འཁོར་དང་བཅས་པ་རྣམས་ལ་ཕོག་པས་ཐུགས་དམ་གྱི་རྒྱུད་བསྐུལ་ནས། ནམ་མཁའི་ཁམས་ཐམས་ཅད་བླ་མ་ཡི་དམ་མཁའ་འགྲོའི་ལྷ་ཚོགས་ཁ་བ་བུ་ཡུག་འཚུབས་པ་ལྟར་བྱོན་ཏེ་སྣང་སྲིད་ཐམས་ཅད་རོལ་མོའི་སྒྲ་དང་སྤོས་དྲིས་གང་ཞིང་ཐུགས་རྗེ་བྱིན་རླབས་ཀྱི་རྫུ་འཕྲུལ་རླབས་ཆེན་གཡོ་བས་ཁྱེད་རང་རྣམས་ཀྱི་ལུས་ངག་ཡིད་གསུམ་ལ་དབྱེར་མེད་དུ་ཐིམ་པའི་མོས་པ་དྲག་པོ་རྩེ་གཅིག་ཏུ་མཛད་པར་ཞུ། ཅེས་དམིགས་པ་སྤྲད་ཅིང་

[Full Size]

སྤྱན་འདྲེན་འཛབ་དབྱངས་རོལ་མོ་སོགས་ཀྱི་རྟེན་འབྲེལ་རྒྱུ་རྐྱེན་འཛོམ་པས་སྣང་བ་ཟི་ཞུན་གྱི་འགྲོ་ཐུབ་པར་བྱ་ཞིང་། མེ་ཏོག་ལ་རྟེན་འབྲེལ་སྙིང་པོ་དང་གུ་རུ་བཟླས་པས་ཆར་ཕབ་ཅིང་དམ་ཡེ་གཉིས་མེད་བརྟན་པར་བྱའོ།། ༈ །།དེ་ནས་དབང་དངོས་གཞི་བསྐུར་བའི་རིམ་པ་ལ། དབང་དོན་སེམས་ལ་སྤྲད་པ། དབང་རྫས་ལུས་ལ་གཞག་པ། དབང་ཚིག་རྣ་བར་བསྒྲག་པ་དང་བཅས་པ་འཛོམ་དགོས་པས་ན། དབང་དོན་གྱི་དམིགས་པའི་བརྡ་དོན་འདི་བཞིན་ཐུགས་དགོངས་འཚལ་ཏེ། སྤྱིར་དབང་གི་རྣམ་གྲངས་ལ་བསམ་གྱིས་མི་ཁྱབ་པ་ཞིག་མཆིས་མོད་ཀྱང་མདོར་བསྡུ་ན། ལུས་ངག་ཡིད་གསུམ་ཤེས་བྱའི་སྒྲིབ་པ་དང་བཞི་པོ་དག་པར་བྱེད་ཅིང་འབྲས་བུ་སྐུ་བཞི་འགྲུབ་པའི་སླད་དུ་བུམ་གསང་ཤེར་ཡེ་ཚིག་དབང་དང་བཞི་ལ་བརྟེན་ནས་ལམ་སྨིན་གྲོལ་སྐལ་བ་རྒྱུད་ལ་འཇོག་པ་ཡིན་པས། ཐོག་མར་ལུས་སྨིན་པར་བྱེད་

[Full Size]

པ་བུམ་པའི་དབང་བསྐུར་བ་ལགས་ཏེ། དེས་ན་དབང་བསྐུར་བའི་སློབ་དཔོན་དང་བསྐུར་བའི་ཡུལ་ཁྱེད་རང་རྣམས་དང་བཅས་པ་ཐམས་ཅད་རྒྱལ་བ་པདྨ་འོད་འབར་གྱི་ངོ་བོར་གསལ་བར་མཛད་པའི་ངང་ནས། བསྐུར་བྱའི་དབང་རྫས་འདི་དག་རྣམས་ཀྱང་གནས་སྐབས་སུ་མཚོན་བྱེད་ཀྱི་དཔེ་དང་བརྡ་ཙམ་ཡིན་ལ་དོན་དམ་པར་རྒྱལ་བ་འོད་འབར་གྱི་སྐུ་ཉིད་ཡིན་པར་གསལ་བའི་གནས་གསུམ་འབྲུ་གསུམ་ལས་འོད་ཟེར་འཕྲོས་པ་ཁྱེད་རང་རྣམས་ཀྱི་སྤྱི་བོ་མགྲིན་པ་སྙིང་ཁ་རྣམས་ལ་རིམ་བཞིན་ཐིམ་པའི་དམིགས་པ་མ་ཡེངས་པར་གནང་བ་ཞུ།། ༈ །།ཧྲཱིཿ དཀོན་མཆོག་སྤྱི་འདུས་རིགས་ཀྱི་བདག །དུས་གསུམ་སངས་རྒྱས་ཐམས་ཅད་ཀྱི། །སྐུ་གསུང་ཐུགས་མཆོག་རིན་པོ་ཆེ། །བྱིན་རླབས་ཀློང་ཡངས་རང་བཞིན་འབར། ཨོཾ། སྐུ་ཡི་སྨིན་མཚམས་ཨོཾ་དཀར་ལས། །འོད་ཟེར་སྐར་མདའ་འཆད་པ་ལྟར། །སྐལ་ལྡན་ལུས་ལ་གཉིས་

[Full Size]

མེད་ཐིམ། །བུམ་དབང་ཐོབ་ནས་སྣང་སྟོང་བསྒོམ། །པདྨ་འབྱུང་གནས་སྐུ་ཡི་དབང་ཐོབ་ཤོག །ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི། ཀཱ་ཡ་ཨ་བྷི་ཥཱིཉྩ་ཧཱུྃ་ཨོཾ། ཞེས་འཛབ་དབྱངས་རོལ་མོར་བཅས་པས་བུམ་དབང་སྤྱི་བོར་བསྐུར་བའི་རྗེས་ལ་ངོ་སྤྲད་པ་ནི།། ༈ །།དེ་ལྟར་བུམ་པའི་དབང་བསྐུར་བས་ལུས་ཀྱི་སྒྲིབ་པ་མ་ལུས་པ་བྱང་ནས། ལུས་ལྷའི་ངོ་བོར་རྒྱས་ཐེབས་པས་སྣོད་བཅུད་ལྷའི་སྐྱེད་རིམ་བསྒོམ་པའི་སྐལ་བ་དང་ལྡན་ཞིང་། བླ་མ་སྤྲུལ་པ་སྐུའི་གོ་འཕང་ཐོབ་པའི་རྟེན་འབྲེལ་གྱི་ནུས་པ་རྒྱུད་ལ་བཞག་པ་ཡིན་པས་དེ་ལྟ་བུའི་ངེས་ཤེས་མཛད་པ་དང་། དབང་འདིའི་དམ་ཚིག་ཏུ་ལུས་ཀྱི་མི་དགེ་བ་སྤོང་ཞིང་ལྷ་དང་བླ་མའི་བསྐྱེད་རིམ་བསྒོམ་པ་ལ་རྒྱུན་དུ་བརྩོན་པར་མཛད་དགོས་པ་ལགས། ཧྲཱིཿ དཀོན་མཆོག་སྤྱི་འདུས་རིགས་ཀྱི་བདག །གསུང་གི་ལྗགས་སྟེང་ཨཱཿདམར་ལས། །འོད་ཟེར་མར་མེའི་རྩེ་

[Full Size]

མོ་ལྟར། །སྐལ་ལྡན་ལྕེ་ལ་གཉིས་མེད་ཐིམ། །གསང་བའི་དབང་ཐོབ་ངག་རླུང་བསྒོམ། །པདྨ་འབྱུང་གནས་གསུང་གི་དབང་ཐོབ་ཤོག །བཛྲ་གུ་རུ༴ ཝཱ་ཀ་ཨ་བྷིི་ཥཱིཉྩ་ཧཱུྃ། ཅེས་ཐོད་པ་བདུད་རྩིས་མགྲིན་པར་བསྐུར་ནས། དེ་ལྟར་གསང་དབང་ངག་ལ་བསྐུར་ནས་ངག་གི་སྒོ་ནས་བསགས་པའི་སྡིག་སྒྲིབ་དག་ཅིང་ངག་སྔགས་ཀྱི་འཁོར་ལོར་རྒྱས་ཐེབས་པ། བསྙེན་སྒྲུབ་བཟླས་དང་རྩ་རླུང་བསྒོམ་པའི་སྐལ་བར་ལྡན་ལ། མཐར་ཐུག་བླ་མ་ལོངས་སྐུ་འགྲུབ་པའི་རྟེན་འབྲེལ་རྒྱུད་ལ་བཞག་པ་ཡིན་ལ། དབང་འདིའི་དམ་ཚིག་ཏུ་ངག་གི་མི་དགེ་བ་སྤོང་ཞིང་རྟག་ཏུ་གསོལ་འདེབས་བཟླས་པ་ལ་འབད་པར་གནང་འཚལ། ཧྲཱིཿ དཀོན་མཆོག་སྤྱི་འདུས་རིགས་ཀྱི་བདག །ཐུགས་ཀྱི་ཧཱུྃ་སྔོན་འོད་འབར་ལས། །འོད་ཟེར་སྤོས་རེང་དུ་བ་ལྟར། །སྐལ་ལྡན་སེམས་ལ་གཉིས་མེད་ཐིམ། །ཤེར་ཡེའི་དབང་ཐོབ་གསལ་སྟོང་སྒོམ། །པདྨ་འབྱུང་གནས་ཐུགས་ཀྱི་དབང་ཐོབ་ཤོག །

[Full Size]

བཛྲ་གུ་རུ༴ ཙིཏྟ་ཨ་བྷི་ཥཱིིཉྩ་ཧཱུྃ། ཅེས་ཕྱག་མཚན་ཁ་ཊྭཱྃ་ཕྱག་རྒྱ་མཚོན་བྱེད་སྙིང་ཁར་བསྐུར་ལ། དེ་ལྟར་ཤེས་རབ་ཡེ་ཤེས་ཀྱི་དབང་ཡིད་ལ་བསྐུར་བས་སེམས་ཀྱི་སྒྲིབ་པ་སྦྱང་། །སེམས་ཆོས་ཉིད་ཀྱི་རོལ་པར་རྒྱས་ཐེབས་ཅིང་། །སྤྲོས་མེད་རྫོགས་རིམ་བསྒོམ་པའི་སྐལ་བར་ལྡན་པ་དང་། མཐར་ཐུག་བླ་མ་ཆོས་སྐུ་འགྲུབ་པའི་ནུས་པ་རྒྱུད་ལ་བཞག་པ་ལགས་ཅིང་། དབང་འདིའི་དམ་ཚིག་ཏུ་ཡིད་ཀྱི་མི་དགེ་བ་མཐའ་དག་སྤོང་ཞིང་རང་རིག་བཟོ་མེད་ལྷུག་པ་བཅིང་གྲོལ་བྲལ་བའི་ཉམས་ལེན་ལས་མི་འདའ་བར་མཛད་དགོས་པ་ལགས། དེ་ནས་དབང་རྫས་བླ་མར་གསལ་བའི་སྐུའི་སྤྱི་མགྲིན་སྙིང་ཁ་ལྟེ་བ་གསང་གནས་ལྔ་ལས་འོད་ཟེར་ལྔ་ལྡན་འཕྲོས་པ་ཁྱེད་རང་རྣམས་ཀྱི་གནས་ལྔར་ཐིམ་པས་དབང་བཞི་ཡོངས་རྫོགས་ཐོབ་པའི་མོས་པ་གནང་བར་ཞུ། ཧྲཱིཿ དཀོན་མཆོག་སྐུ་གསུང་ཐུགས་ཡོན་ཏན། །ཕྲིན་ལས་

[Full Size]

འདུས་པའི་འོད་ཟེར་ནི། །ནམ་མཁའ་ཆུ་ལ་འཇའ་ཤར་ལྟར། །སྐལ་ལྡན་གནས་ལྔར་གཉིས་མེད་ཐིམ། །དབང་བཞི་ཡེ་ཤེས་རྫོགས་ཆེན་བསྒོམ། །པདྨ་འབྱུང་གནས་རང་བཞིན་དབང་ཐོབ་ཤོག །བཛྲ་གུ་རུ༴ སརྦ་དྷརྨ་ཨ་བྷི་ཥཱིཉྩ་ཧཱུྃ། ཞེས་པས་སྟོང་པ་མཚོན་བྱེད་དུ་ཐོད་པའི་ནང་དུ་སྣང་བ་མཚོན་ཕྱིར་ཤེལ་བཅུག་ལ་སྣང་སྟོང་ཟུང་འཇུག་མཚོན་རྡོ་རྗེ་དང་ལྷན་ཅིག་ཏུ་གནས་ལྔའམ་སྤྱི་བོར་བཞག །འདི་སྐབས་སུ་བླ་མ་མཚན་ལྡན་གྱི་སློབ་མ་ཉམས་ལེན་གཅིག་དྲིལ་བྱེད་པའི་རིགས་ལ་ནི་གཞུང་ཉིད་ཀྱི་གུད་དུ་སྦས་པའི་ཚིག་དབང་དང་པདྨའི་སྲོག་ཕུར་དང་བཅས་པའི་ངོ་སྤྲོད་ཚུལ་བཞིན་བྱ་ལ། གང་ཟག་ཕལ་པ་རྣམས་ལ་ནི་ཡུལ་མ་ཡིན་པས་གོང་གི་བརྡ་མཚོན་འདི་ཀས་ཆོག་པའོ། དེ་ལྟར་ཚིག་དབང་རིན་པོ་ཆེ་སྒོ་གསུམ་ལ་དབང་བསྐུར་བས། ཤེས་བྱའི་བག་ཆགས་ཕྲ་མོ་ཡན་ཆད་སྦྱོང་བ་དང་། ཅིར་སྣང་ཡེ་ཤེས་ཀྱི་རྣམ་རོལ་དུ་རྒྱས་ཐེབས་ནས། གནས་ལུགས་ཕྱག་རྒྱ་ཆེན་པོ་འོད་གསལ་རྫོགས་པ་ཆེན་པོ་བསྒོམ་པའི་སྐལ་ལྡན་དུ་གྱུར་

[Full Size]

ནས། མྱུར་བ་ཉིད་དུ་བླ་མ་སྐུ་གསུམ་དབྱེར་མེད་ངོ་བོ་ཉིད་མངོན་དུ་འགྱུར་བའི་ནུས་པ་རྒྱུད་ལ་བཞག་པ་ལགས་ཤིང་། དབང་འདིའི་དམ་ཚིག་ཏུ་སྒོ་གསུམ་ཆོས་མིན་གྱི་བྱ་བ་རིང་དུ་སྤང་ནས་བསྐྱེད་རྫོགས་ཟུང་འཇུག་སྒོམ་མེད་ཡེངས་མེད་ཁྲིག་ཆོད་ཐོད་རྒལ་གྱི་ཉམས་ལེན་སྙིང་པོར་དྲིལ་བ་ལ་བརྩོན་དགོས་པ་ལགས་ཚེ་དེ་བཞིན་དགོངས་པར་བཅམས་འཚལ། དེ་ནས་གཏེར་ཆོས་ཀྱི་གླེགས་བམ་དར་སྣ་ལྔའི་ན་བཟའ་དྲིལ་བ་ཐོགས་ལ། དེ་ལྟ་བུའི་དབང་བཞི་ཡོངས་སུ་རྫོགས་པ་ཐོབ་པའི་མཐའ་རྟེན་ཟབ་ཆོས་བཀའ་གཏད་རྗེས་སུ་གནང་བའི་དབང་འབུལ་བ་ཡིན་ཏེ། ཆོས་བཀའ་འདི་དག་གི་ཡིག་འབྲུ་ཐམས་ཅད་འོད་ཟེར་ཁ་དོག་ལྔ་ལྡན་གྱི་ཡི་གེ་དབྱངས་གསལ་གྱི་རྣམ་པར་ཁྱེད་རང་རྣམས་ཀྱི་ཕུང་ཁམས་སྐྱེ་མཆེད་ཐམས་ཅད་ལ་ཐིམ་བྱུང་བའི་མོས་པ་མཛད་པར་ཞུ། ཧྲཱིཿ སངས་རྒྱས་ཀུན་གྱི་ངོ་བོ་

[Full Size]

པད་འབྱུང་གི། །ཟབ་གཏེར་ཐུགས་སྒྲུབ་ཡིད་བཞིན་ནོར་བུ་འདི། །ལས་ཅན་རྣམས་ལ་སྒྲུབ་བཤད་སྟན་ནས་ཀྱང་། །མ་འོངས་དམ་ལྡན་འགྲོ་ཀུན་གྲོལ་བར་ཤོག །ཅེས་ལག་ཏུ་གཏད་ཅིང་ཨཱ་ལྀ་ཀ་ལི་རྟེན་འབྲེལ་སྙིང་པོ་བཅས་པ་བརྗོད། དེ་ལྟར་བཀའ་པུ་ཏི་གླེགས་བམ་གྱི་དབང་བསྐུར་བས་ཟབ་ཆོས་འདི་དག་གི་ཚིག་དོན་ལ་རང་དབང་ཐོབ་ཅིང་རང་གཞན་གྱི་དོན་བསྒྲུབ་པ་ལ་དབང་བའི་སྐལ་ལྡན་དུ་བྱས་པ་ཡིན་ལ། འདིའི་དམ་ཚིག་ཏུ་གླེགས་བམ་དང་མི་འབྲལ་ཞིང་ཕྱག་མཆོད་བཀུར་བསྟི་དང་ཉམས་ལེན་ལ་བརྩོན་པར་མཛད་དགོས་པ་ལགས། འདི་སྐབས་སུ་སློབ་མ་འགྲོ་དོན་ནུས་པའི་རིགས་ལ་ཆོས་ཀྱི་སྙན་གྲགས་དང་གཞན་དོན་གྱི་རྟེན་འབྲེལ་དུ་རྒྱལ་མཚན་དང་བ་དན་ལ་སོགས་འཕྱར་ཞིང་དུང་འབུད་པ་དང་དཔོན་སློབ་རྣམས་ཀྱིས་བཀྲ་ཤིས་མངའ་གསོལ་རྒྱས་པར་མཛད་པ་ཡང་ཕྱག་བཞེས་སོ།། ༈ །།དེ་ནས་སློབ་མ་སྣོད་ལྡན་ཡིན་ན་བཀའ་སྲུང་གི་གཏོར་མ་ཙག་ཀ་འདི་དར་མཐིང་ནག་གི་གུར་ཕུབ་པ་ཐོག་ཏེ།། ༈ །།གཏོར་མ་འདི་ཉིད་ཀྱང་ཕྱི་

[Full Size]

གཏོར་མའི་རྣམ་པ་ཙམ་ལ་ནང་དུར་ཁྲོད་འཇིགས་པའི་གཞལ་ཡས་ཁང་གི་དབུས་སུ། ཡེ་ཤེས་ཀྱི་མཁའ་འགྲོ་སེང་གེའི་གདོང་ཅན་འཁོར་མཁའ་འགྲོ་ཆོས་སྐྱོང་བཀའ་སྲུང་གཏེར་བདག་གི་ཚོགས་རྔམས་བརྗིད་དྲག་རྩལ་མཐུ་སྟོབས་ཀྱི་གཟི་འོད་མེ་འབར་བ་ཞལ་མངོན་སུམ་དུ་ཁྲ་ལམ་མེ་བཞུགས་པ་འདི་ཉིད་ཀྱི་དབང་བསྐུར་བས་ཞི་རྒྱས་དབང་དྲག་གི་ཕྲིན་ལས་རབ་འབྱམས་ཐོགས་མེད་དུ་འགྲུབ་པའི་ངེས་ཤེས་མཛད་པར་ཞུ། ཧཱུྃ་བྷྱོཿ དུས་གསུམ་རྒྱལ་བའི་ཡུམ་གཅིག་སེང་གདོང་མ། །ནམ་མཁའི་མདོག་ཅན་འོད་ཟེར་སྤྲུལ་པ་འགྱེད། །མཐོང་དང་དྲན་པ་ཙམ་གྱིས་ཡེ་ཤེས་བསྐྱེད། །སྐལ་ལྡན་བུ་ལ་ལུས་དང་གྲིབ་མའི་ཚུལ། །མི་འབྲལ་བྱིན་རླབས་ཕྲིན་ལས་དབང་ཐོབ་ཤོག །ཌཱཀྐི་སིངྷ་མུ་ཁ་ཨ་བྷི་ཥཱིཉྩ་ཧཱུྃ། གཞན་ཡང་ཕྱི་ནང་གི་བཀའ་སྲུང་ཐམས་ཅད་ཀྱིས་སྐལ་ལྡན་འདི་ལ་བསྲུང་བ་

[Full Size]

དང་སྐྱོབས་པ་དང་སྦེད་པར་མཛད་དུ་གསོལ་ལོ། ཞེས་གཏོར་མ་གནས་གསུམ་དུ་བཞག་ཅིང་། རྐང་གླིང་སོགས་རོལ་མོ་བསྒྲགས། མེ་ཏོག་འཐོར་ཏེ། དེ་ལྟར་དབང་བསྐུར་བས་མཁའ་འགྲོ་ཆོས་སྐྱོང་རྣམས་ལུས་དང་གྲིབ་ལྟར་འཁོར་ཞིང་ཅི་བཅོལ་གྱི་ལས་འགྲུབ་པར་འགྱུར་བ་ཡིན་ལ་ཆོས་སྐྱོང་གཉེར་གཏད་ཀྱི་དབང་འདི་ཐོབ་ཕྱིན་ཆད་སྐྱེད་རྫོགས་ཀྱི་ཉམས་ལེན་བརྩོན་ཞིང་བསྲུང་མ་རྣམས་ལ་བསྐངས་གསོ་གཏོར་མཆོད་ལ་འབད་པ་དང་། གཙོ་བོར་དམ་ཚིག་མ་ཉམས་པ་གལ་ཆེ་སྟེ། བསྲུང་མ་རྣམས་ནི་དམ་ཚིག་དང་ལྡན་པའི་གདོང་གྲོགས་བྱེད་ཅིང་དམ་ཉམས་རྣམས་ཀྱི་སྲོག་གཅོད་བྱེད་པར་རྒྱལ་བའི་སྤྱན་སྔར་དམ་བཅས་པ་ཡིན་ཕྱིར། འོ་སྐོལ་རྣམས་དམ་ཚིག་ལས་འགལ་ན་སྲུང་མ་རྣམས་བདུད་དུ་འབབ་པར་འགྱུར་ལ། དམ་ཚིག་གཙང་ན་ཕྲིན་ལས་ཅི་འདོད་ཡིད་བཞིན་དུ་བསྒྲུབ་པར་འགྱུར་

[Full Size]

བས། དེ་ལྟ་བུའི་སྤང་བླང་གི་གནད་རྣམས་གོ་བ་མ་ལོག་པར་མཛད་དགོས་པ་དགོངས་པར་བཅགས་པ་ཞུ་ལགས།། ༈ །།དེ་ནས་བླ་མ་ཡི་དམ་མཁའ་འགྲོ་སངས་རྒྱས་བྱང་སེམས་སྤྲུལ་འཁོར་དང་བཅས་པ་མདུན་གྱི་ནམ་མཁར་བྱོན་ནས་མེ་ཏོག་གི་ཆར་འབེབས་ཅིང་བཀྲ་ཤིས་ཀྱི་ཚིགས་སུ་བཅད་པ་བརྗོད་ནས་རབ་ཏུ་གནས་པ་མཛད་པའི་མོས་པ་གནང་བར་ཞུ། ཅེས་བརྗོད་ལ་བཀྲ་ཤིས་བརྗོད་པར་བྱའོ།། ༈ །།འདི་ཉིད་ཀྱི་ཚེ་དབང་བསྐུར་བའི་རིམ་པ་ནི། དེ་ཡང་གང་ཟག་སྐལ་བ་དང་ལྡན་པའི་རིགས་ལ་ཆོས་བཀའ་ཆ་གི་བཀའ་གཏད་པ་སོགས་དབང་ཐམས་ཅད་རྫོགས་པར་བྱེད་པའི་དབང་དུ་བྱས་ནས། འདི་ཉིད་ཀྱི་དབང་བཞི་རྣམས་ཚུལ་བཞིན་བསྐུར་ནས། པུ་ཏི་ལུང་དབང་མ་བསྐུར་བའི་བར་དེར་ཚེ་དབང་བསྐུར་ཡང་རུང་ལ། ཡང་ན་སྒྲུབ་པ་ཞག་གྲངས་དང་བསྟུན་ནས་ཚེ་དབང་རྗེས་ནས་བསྐུར་བ་སོགས་གང་འཐད་བྱ། གཞན་སྐྱེ་བོ་ཕལ་པ་སོགས་འདི་ཉིད་དབང་བཞི་ཚུལ་ལྡན་མི་དགོས་པའི་རིགས་ལ་ཚེ་དབང་རྐྱང་པ་བསྐུར་བ་ནི། དབང་རྫས་ཡང་

[Full Size]

བུམ་པ། ཚེ་ཆང་གི་ཐོད་པ། ཚེ་རིལ། མདའ་དར་རྣམས་བཤམས་པ་མ་གཏོགས་གཞུང་གི་དབང་རྫས་རྣམས་མི་དགོས་ལ། ཚེའི་དབང་རྫས་དང་གཏོར་མཆོད་བཤམས་གྲུབ་པ་དང་ལས་གཞུང་བསྲང་ཞིང་འཛབ་ཀྱི་སྐབས་སུ་ཚེ་འཛབ་ཁོ་ན་བཟླས་པར་བྱ། དེ་ནས་དབང་གྲལ་ཚོགས་པ་རྣམས་ལ་བགེགས་སྒྲད་བསྲུང་འཁོར་ཁྲུས་ཆོག་སོགས་ནི་སྤྱི་དང་མཐུན་པར་རྒྱས་བསྡུས་གང་འོས་དང་། ཆོས་བཤད་ནི་གོང་གི་ཡེ་ཤེས་དབབ་པ་ཡན་ཆད་མཐར་ཆགས་བྱས་ཆོག་ལ། ཡེ་ཤེས་དབབ་ཚར་རྗེས་ཚེའི་དམིགས་པ་འདི་ལྟར་སྤྲད་ཏེ། ཤིན་ཏུ་བསྡུས་པ་ལ་ཆོས་བཤད་འདི་མན་ཆད་ཀྱི་ཆོག་གོ།། ༈ །།དེ་ཡང་འོ་སྐོལ་འགྲོ་བ་སེམས་ཅན་ཐམས་ཅད་སྐྱེས་པའི་མཐའ་མ་དེ་འཆི་བ་ལས་མ་འདས་ཤིང་། གླིང་གཞན་གྱི་མི་དང་འདོད་ཁམས་གཟུགས་ཁམས་ཀྱི་ལྷ་སོགས་ལ་ཚེ་ཚད་ངེས་ཅན་དུ་ཡོད་ཀྱང་། རང་ཅག་འཛམ་གླིང་བ་རྣམས་ལ་ནི་ཚེ་ཚད་ངེས་པ་མེད་པ་དང་། སོ་སོ་ལ་ཚེའི་དབང་སྐལ་ཇི་ཙམ་ཡོད་པ་དེ་ཉིད་ཀྱང་གློ་བུར་གྱི་རྐྱེན་གྱིས་བསྐྱོད་པས། ཚེ་ཉམས་པ་

[Full Size]

གུད་པ། ཡར་བ། འཐོར་བ། འཁྱེར་བ་ལ་སོགས་པའི་དབང་དུ་སོང་ན་དུས་མིན་བློ་བུར་དུ་འཆི་བར་འགྱུར་ཕྱིར། ཚེ་བསྲིངས་བའི་ཐབས་གལ་ཆེ་བ་དང་། དེའི་ཐབས་ཀྱི་བྱེ་བྲག་ལ་བསམ་གྱིས་མི་ཁྱབ་པ་ཡོད་མོད་ཀྱང་མདོར་བསྡུ་ན་རྒྱུ་རྐྱེན་གཉིས་ལ་འདུས་ཏེ། རྒྱུ་ནི་སྐྱེ་འགྲོ་གཞན་གྱི་སྲོག་བཅད་པའི་འབྲས་བུས་རང་ཉིད་ཚེ་ཐུང་བར་འགྱུར་བ་བསླུ་མེད་ཀྱི་རྒྱུ་འབྲས་ཡིན་ཕྱིར་དེའི་གཉེན་པོར་སྲོག་གཅོད་སྤངས་ཤིང་ཚེ་ཐར་སྲོག་བསླུ་སོགས་དཀར་ཕྱོགས་དགེ་བའི་ལས་ལ་བརྩོན་དགོས་པ་དང་། རྐྱེན་གྱི་སྒོ་ནས་ཚེ་བསྲིང་བའི་ཐབས་ནི་ལྷ་དང་བླ་མའི་བྱིན་རླབས་ལ་བརྟེན་པ་ཁོ་ན་ཐབས་ཟབ་ཅིང་ཁྱད་པར་དུ་གྱུར་པ་ཡིན་པ་དང་། དེ་ལྟ་བུའི་བྱིན་རླབས་དང་ལྡན་པ་ནི་ཆོས་སྐུ་སྣང་བ་མཐའ་ཡས་ལོངས་སྐུ་ཚེ་དཔག་མེད་

[Full Size]

པ། སྤྲུལ་སྐུ་པདྨ་འབྱུང་གནས་རྣམས་ངོ་བོ་གཅིག་ལ་རྣམ་པ་ཐ་དད་དུ་བསྟན་ནས་འགྲོ་བ་སེམས་ཅན་ལས་ངན་འཆི་རྐྱེན་དྲག་པོས་གཟིར་བ་རྣམས་སྡུག་བསྔལ་དེ་ལས་སྐྱོབ་པའི་ཐུགས་རྗེ་ནུས་སྟོབས་དང་ལྡན་པ་ལགས་ཚེ། དེས་ན་སྐབས་འདིར་འཆི་མེད་ཚེ་དབང་བསྒྲུབ་པའི་དཀྱིལ་འཁོར་བདག་མདུན་ཟུང་འབྲལ་ལྷའི་ངོ་བོ་ཚེ་བདག་པདྨ་འབྱུང་གནས་འཁོར་བཅས་རྣམས་བྱིན་རླབས་ཀྱི་སྤྲིན་ཐིབས། དངོས་གྲུབ་ཀྱི་མཚོ་འཁྱིལ། འཆི་མེད་ཚེའི་ཆུ་རྒྱུན་འབེབས་ཅིང་བཞུགས་པའི་དྲུང་དུ་དད་པ་དང་མོས་གུས་རྩེ་གཅིག་བསྐྱེད་ནས་ཚེ་དབང་དངོས་གྲུབ་ཞུ་ཕྱིར་གསོལ་བ་གདབ་པ་འདིའི་རྗེས་ཟློས་མཛད་པར་ཞུ། ཧྲཱིཿ དུས་གསུམ་སངས་རྒྱས་ཀུན་གྱི་ངོ་བོ་ཉིད། །འགྲོ་རྣམས་མ་ལུས་སྒྲོལ་བའི་དེད་དཔོན་མཆོག །ཨུརྒྱན་པདྨ་རིག་འཛིན་ཚེ་དཔག་མེད། །བདག་གི་ལུས་ངག་ཡིད་གསུམ་

[Full Size]

བྱིན་རློབས་ལ། །འཆི་མེད་ཚེའི་དངོས་གྲུབ་སྩལ་དུ་གསོལ།། ༈ །།དེ་ལྟར་གསོལ་བ་བཏབ་པ་ལ་བརྟེན་ནས་དཀྱིལ་འཁོར་ཀུན་གཙོ་ཚེ་བདག་པདྨ་འབྱུང་གནས་བདག་མདུན་ཐམས་ཅད་ཀྱི་ཐུགས་ཁའི་ས་བོན་དང་སྐུའི་གནས་ལྔ་ནས་འོད་ཟེར་དཔག་ཏུ་མེད་པ་སྟེང་འོག་ཕྱོགས་མཚམས་འཇིག་རྟེན་གྱི་ཁམས་ཐམས་ཅད་ཁྱབ་པར་འཕྲོས་པས། ཕྱི་འབྱུང་བ་ས་ཆུ་མེ་རླུང་ནམ་མཁའ་ལ་སོགས་སྣོད་ཀྱི་འཇིག་རྟེན་ཀུན་གྱི་མཐུ་དང་བཅུད་ཀྱི་དངས་མ་ཐམས་ཅད་དང་། ནང་ཁམས་གསུམ་གྱི་སྐྱེ་འགྲོ་སེམས་ཅན་མཆོག་དམན་བར་མ་སོ་སོའི་སྟོབས་རྩལ་ནུས་པ་ཇི་སྙེད་དང་། གསང་བ་ཕྱོགས་བཅུ་དུས་གསུམ་གྱི་བདེ་བར་གཤེགས་པ་སྲས་འཁོར་སྤྲུལ་པ་ཡང་སྤྲུལ་དང་བཅས་པའི་མཁྱེན་བརྩེ་མཛད་པ་ཕྲིན་ལས་ཐུགས་རྗེ་བྱིན་རླབས་ཡོན་ཏན་མཐའ་ཡས་པའི་བཅུད་དང་ནུས་པའི་དངས་མ་སོགས་མདོར་ན་འཁོར་བ་དང་མྱང་འདས་ཀྱིས་བསྡུས་པའི་བརྟན་གཡོའི་

[Full Size]

དངོས་གྲུབ་ཚེ་དཔལ་ལོངས་སྤྱོད་ཅི་ཡོད་པ་ཐམས་ཅད་འོད་ཟེར་ཡི་གེ་ནྲྀ་ཡི་རྣམ་པར་བསྡུས་ཏེ་ཁྱེད་རང་རྣམས་ལ་ཐིམ་པའི་མོས་པ་མ་ཡེངས་པར་མཛད་པར་ཞུ། ཧྲཱིཿ ཕྱི་ནི་བུམ་པ་ནང་ནི་བདུད་རྩིས་གང་། ཅེས་པ་ནས། འོད་འབར་འཆི་མེད་ཚེ་ཡི་དབང་ཐོབ་ཤོག །ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཨ་ཡུ་ཥེ་ཧཱུྃ་ནྲྀ་ཛཿ ཅེས། འཛབ་དབྱངས་རོལ་མོར་བཅས་ཏེ་མདའ་དར་གཡབ་ཅིང་ཚེ་འགུག་བྱས་ལ། མདའ་དར་དཔེ་དབང་བསྐུར་བ་ཡང་གཏེར་སྟོན་ཉིད་ཀྱི་ཕྱག་བཞེས་མཛད་དོ།། ༈ །།དེ་ནས་བུམ་པས་བསྐུར་བ་དང་། ཚེ་ཆུ་སྦྱིན་པ། ཚེ་རིལ་དང་། ཚེ་སྦྱིན་པ་རྣམས་ནི་གཞུང་ཚིག་ཇི་བ་མཐར་ཆགས་བྱས་ལ་དེ་ནས་རྒྱས་གདབ་པ་ནི་ཕྱག་བཞེས་སུ་མར་ལ་འབྲུ་གསུམ་བཟླས་ནས་སྤྱི་བོར་གཡང་མར་གྱི་ཚུལ་དུ་མཛད་པར་སྣང་ཞིང་། གཞུང་ཉིད་ལྟར་ན་རྡོ་རྗེ་རྒྱ་གྲམ་འམ་ཕྱག་མཚན་རྡོ་རྗེས་སྤྱི་བོར་རྒྱས་བཏབ་ཀྱང་རུང་ཞིང་དེའི་བརྗོད་ཚིག་ནི། ཨོཾ་ཨཱཿཧཱུྃ། དང་པོ་ཆོས་ཀྱི་དབྱིངས་ཀྱི་རྒྱ། ཅེས་པ་ནས། ཕྱག་རྒྱ་བདུན་གྱི་རྒྱས་གདབ་བོ། བཛྲ་རཀྵ་རཀྵ་ཧཱུྃ། དེ་ལྟར་

[Full Size]

དབང་བསྐུར་ཞིང་རྒྱས་བཏབ་པས་ཁྱེད་རང་རྣམས་ཀྱི་ལུས་ངག་ཡིད་གསུམ་ཡེ་ཤེས་རྡོ་རྗེ་གོ་ཁྲབ་ཀྱིས་རབ་ཏུ་བཏམས་ཏེ། ཕྱི་ནང་གསང་བའི་བར་ཆད་གང་གིས་ཀྱང་མི་ཚུགས་ཤིང་། ཚེ་སྲོག་རྡོ་རྗེའི་བྲག་ལྟར་བརྟན་པ་དང་འཆི་མེད་ཡེ་ཤེས་ཀྱི་སྐུ་འགྲུབ་པའི་མོས་པ་དང་ངེས་ཤེས་བརྟན་པོར་མཛད་པར་ཞུ། དེ་ནས་ཤིས་བརྗོད་རྒྱས་པས་རབ་ཏུ་གནས་པར་བྱ་ཞིང་། དཀྱིལ་འཁོར་རྗེས་ཀྱི་བྱ་བའི་ལས་རིམ་ཐམས་ཅད་སྤྱི་དང་མཐུན་པར་བྱའོ། །བཀའ་རྫོགས་པ་ཆེན་པོ་ཡང་ཟབ་དཀོན་མཆོག་སྤྱི་འདུས་ཀྱི་དབང་གི་ལོ་རྒྱུས་མཚམས་སྦྱོར་དམིགས་པ་འབོགས་ཚུལ་རྣམས་སྒྲིགས་ཆགས་སུ་བཀོད་པ་འདི་ནི། གཏེར་སྟོན་ཆེན་པོ་དེ་ཉིད་ཀྱི་སྐུའི་དབེན་པོ་སོགས་དོན་གཉེར་མང་པོར་ཕན་པར་དམིགས་ནས། སྣ་ཚོགས་རང་གྲོལ་གྱི་ཟིན་རིས་སུ་བགྱིས་པ་འདིས་ཀྱང་གཞན་ཕན་རྒྱ་ཆེར་འགྲུབ་པར་གྱུར་ཅིག །དགེའོ། གཅིག་ཞུད།

རིག་འཛིན་ཆེན་པོ་འཇའ་ཚོན་སྙིང་པོའི་གཏེར་ཆོས་ལུགས་ཀྱི་ལས་བཞིའི་སྦྱིན་བསྲེག་ཇི་ལྟར་བྱ་ཐབས།

[Full Size]

རིག་འཛིན་ཆེན་པོ་འཇའ་ཚོན་སྙིང་པོའི་གཏེར་ཆོས་ལུགས་ཀྱི་ལས་བཞིའི་སྦྱིན་བསྲེག་ཇི་ལྟར་བྱ་ཐབས་བཞུགས་སོ། །

[Full Size]

ཚད་མེད་ཐུགས་རྗེ་ཡེ་ཤེས་མེ་ཆེན་གྱིས། །ལས་ཉོན་བག་ཆགས་སྡུག་པོའི་ཚང་ཚིང་ཀུན། །སྲེག་རྫས་བླ་མ་ཡི་དམ་ལྷར་བཅས་ལ། །བཏུད་ནས་སྦྱིན་སྲེག་ཆོ་ག་མདོར་བསྡུས་བྲི། འདིར་རིག་འཛིན་ཆེན་པོ་འཇའ་ཚོན་སྙིང་པོའི་ཟབ་གཏེར་ལས་བྱུང་བའི་ཆོས་བཀའ་རྣམས་ཀྱི་གཞུང་བཞིན་སྦྱིན་སྲེག་བྱ་བར་འདོད་ན། དེ་ཡང་གནས་དང་གང་ཟག་གི་མཚན་ཉིད་སོགས་རྒྱུད་སྡེ་རྣམས་ལས་ཇི་ལྟར་གསུངས་པའི་ཚུལ་ལྡན་ནི་དེང་སང་གི་བསྐལ་དུས་ཀྱི་མི་རྙེད་མོད་ཀྱང་། མདོར་བསྡུ་ན་བླ་མ་མཆོག་ལ་དམ་ཚིག་མ་ཉམས་ཤིང་ཆོས་འདི་དག་གི་དབང་ལུང་ཐོབ་ནས་

[Full Size]

སྐྱེད་རྫོགས་ཀྱི་ཉམས་ལེན་ཅི་རིགས་བགྱིས་པ་དང་། གསང་སྔགས་ཀྱི་ཆོ་གའི་གོ་རྟོགས་དང་ལྡན་པ་ཞིག་གིས། གནས་ཡིད་དང་མཐུན་པར། ཇི་ལྟར་དགོས་པའི་རྫས་དང་ཡོ་བྱད་མཐའ་དག་ཚོགས་པར་བྱས་ལ། དུས་ནི་ཞི་རྒྱས་དབང་གསུམ་ལ་ཟླ་བ་ཡར་གྱི་ངོ་ཡི་ཆོས་གྲངས་གཟའ་སྐར་འཕྲོས་སྦྱོར་བཟང་པོ་དང་། དྲག་པོའི་སྦྱིན་སྲེག་ལ་ནི་མར་ངོའི་དུས་ཚད་དྲག་ཅིང་རྩུབ་ལ་སྡེ་བརྒྱད་འགྱུ་ཐོབས་སོགས་མདོར་ན་ཤིན་ཏུ་རྩུབ་པའི་དུས་དང་སྤྲད་པ་ལ་སོགས་སོ་སོའི་སྐབས་ཐོབ་ཤེས་པར་བྱའོ།། ༈ །།ཇི་ལྟར་བྱ་བའི་ཚུལ་ནི་འདི་ལྟ་སྟེ་སྔོན་འགྲོ་རྫས་དང་ཡོ་བྱད་བཤམས་བཀོད་ཇི་ལྟར་བྱ་བ་དང་། དངོས་གཞི་ཆོ་གའི་རིམ་པ་གཞུང་བསྲང་བ་དང་། རྗེས་ཀྱི་བྱ་བའི་རིམ་པ་རྣམས་

[Full Size]

ཞར་ལ་སྟོན་པ་དང་གསུམ་གྱི་དང་པོ་ནི། དབང་དང་སྒྲུབ་པ་ཆེན་མོ་སོགས་དང་འབྲེལ་བའི་སྐབས་ཡིན་ན་དེ་ཉིད་ཀྱི་དཀྱིལ་འཁོར་དང་འབྲེལ་ཕྱིར་པའི་ཆོ་ག་སོགས་ཟུར་དུ་མི་དགོས་ཀྱང་། དེ་ལྟ་བུ་དང་མ་འབྲེལ་ན། ས་བརྟག་པ་བསླང་བ། སྦྱང་བ། བཟུང་བ། བསྲུང་བ་སོགས་ཚུལ་བཞིན་བྱ་ཐབས་རྣམས་སྦྱིན་བསྲེག་གི་གཞུང་ཕལ་ཆེར་ལས་འབྱུང་བ་བཞིན་འདིར་ཡང་གྲུབ་ན་ལེགས་ཤིང་། དེ་ལྟར་མི་ནུས་ན་ཞི་རྒྱས་དབང་གསུམ་གྱི་དཀྱིལ་འཁོར་བསྟེགས་བུའམ་མེ་ཐབ་ཀྱི་ས་ནི་གཙང་ཞིང་བཀྲ་ཤིས་པའི་ས་ཕྱོགས་ནས་བསླང་བ་དང་། དྲག་པོའི་སྐབས་སུ་ནི་དུར་ཁྲོད་ཀྱི་ས་ལ་བྱ་བར་གསུངས། དེ་ཡང་གཞུང་རྣམས་ནས་བཤད་པ་ལྟར་གྱི་ཐབ་ཁུང་སོགས་ནི་མི་འགྲུབ་ཚེ། བྲི་ཐབ་བྱ་བའི་ཚུལ་ནི། རྟེགས་བུ་ཞིང་དུ་མདའ་གང་དངདབང་དུ་སོར་བཞི་པ་བྱ་སྟེ། དབྱིབས་ནི་དྲག་པོ་ལ་གྲུམ་དང་གཞན་རྣམས་ལ་གྲུ་བཞིར་བྱ་བའམ། ཡང་། ཟླུམ་པོ་གྲུ་བཞི་ཟླ་གམ་སོགས་ཕྲིན་ལས་བཞི་ཐ་དད་དང་མཐུན་པར་བཟོས་ཀྱང་ལེགས་ལ། ཅིས་ཀྱང་ལོང་མེད་པའམ་མ་འབྱོར་ན། ལྕགས་གླང་པས་བཀང་པས་ཀྱང་རུང་ཏེ། དེའི་སྟེང་དུ་དཀྱིལ་འཁོར་ནི་ཞི་རྒྱས་དབང་གསུམ་ལ་པདྨ་འདབ་བརྒྱད་མུ་ཁྱུད་ཅན་

[Full Size]

དང་དྲག་པོར་ནི་འཁོར་ལོ་རྩེབ་བརྒྱད་པ། སོ་སོའི་ལྟེ་བ་དང་མཐའ་སྐོར་དུ། ཞི་བ་ལ་རྡོ་རྗེ། རྒྱས་པ་ལ་ནོར་བུ་འབར་བ། དབང་ལ་པདྨ་ལྕགས་ཀྱུ། དྲག་པོ་ལ་རྒྱ་གྲམ་དང་རལ་གྲིས་མཚན་པ། ཕྱི་རོལ་དུ་རྡོ་ར་དང་མེ་རིས་བསྐོར་བ་འབྲི་ཞིང་། རྡུལ་མཚན་གྱི་ཁ་དོག་ཀྱང་དཀར། སེར། དམར། མཐིང་རྣམས་ལས་དང་མཐུན་པ་ཤས་ཆེ་བྱ། གལ་ཏེ་རྡུལ་ཚོན་མ་གྲུབ་ན་ཤོག་བུ་སོགས་ལ་བྲིས་ཤིང་ཚོན་ཁ་བསྒྱུར་ཏེ་འདི་དང་ནའང་རུང་ལ། ཞི་བ། རྒྱས་པ། དབང་། དྲག་པོ་དེ་ཙོ་ཡང་མི་ནུས་ན་ནི་འབྲུ་ཚོམ་ཙོ་ལ་བརྟེན་པ་ལས་འོས་མ་མཆིས་པ་ཉིད་དོ། དེའི་སྟེང་དུ་བུད་ཤིང་གི་ནི་གཞུང་ཆེན་པོ་རྣམས་ལས་བྱེ་བྲག་མང་དུ་གསུང་ཀྱང་། བསྡུ་ན་ཞི་བ་ལ་གླང་མའམ་ལྕང་མ་ཟླུམ་པོ་སྦོམ་ཕྲ་འཛུབ་མོ་དང་མཉམ་པ། རྒྱས་པ་ལ་སྟར་ཁ་སོགས་འབྲས་བུ་ཅན་གྱི་ཤིང་ལ་གྲུ་བཞི་གུང་མོ་དང་མཉམ་པ་དབང་ལ་མདོག་དམར་ཞིང་རོ་སྐྱུར་བའི་རིགས་སེ་རྒོད་སོགས་ཕྱེད་གཤག་ཟླ་གམ་སྲིན་ལག་དང་མཉམ་པ། དྲག་པོར་སྐྱེར་པ་ཚེར་ནག་སོགས་ལ་བཞི་གཤག་ཟུར་གསུམ་

[Full Size]

མཐེའུ་ཆུང་དང་མཉམ་པ་བྱ་སྟེ། བརྩིགས་ཚུལ་དང་རིང་ཐུང་གི་ཚད་ལ་སོགས་པ་ཐམས་ཅད་གཙོ་བོར་སློབ་དཔོན་གྱི་ཕྱག་བཞེས་མཐོང་བ་རྒྱུད་པ་གལ་ཆེ་ལ། གལ་ཏེ་ཅིས་ཀྱང་ཤིང་རྣམས་མེད་པའི་ས་ཕྱོགས་སུ་ནི་ལྕེ་རིང་ཐུང་གི་ཚད་ནི། ཞི་བ་ལ་ཁྲུ་གང་། རྐང་གང་། མཐོ་གང་། ཆག་གང་ས་དང་བཞི་དགོས་ལ། རྒྱས་པ་ལ་ཁྲུ་གང་ས་ཤ་སྟག དབང་ལ་གྲུ་རྐང་མཐོ་དང་གསུམ། དྲག་པོར་ཞི་བ་དང་ཚད་མཐུན་པ་ཉིད་དོ། །བ་ལའང་རུང་བར་བཤད་ཅིང་། དེ་དག་གང་ཡིན་ཟླུམ་པོ་གྲུ་བཞི་ཟླ་གམ་གྲུམ་ལས་སོ་སོ་དང་མཐུན་པར་བརྩིགས་པའི་ཞར་ཀུ་ཤ་གཙང་མས་ཁྱབ་པར་རྩེ་མོ་ལས་གང་བྱེད་ཀྱི་ཕྱོགས་དང་མཐུན་པར་བཀབ། དེ་ཡང་ཁ་ལྟ་ཕྱོགས་ནི་དཀྱིལ་འཁོར་དང་འབྲེལ་ངན་དེ་ཉིད་ཀྱི་ཕྱོགས་བཞི་ཐ་དད་དང་བསྟུན་དགོས་ལ། དཀྱིལ་འཁོར་དང་མི་འབྲེལ་ན་ནི་ཕྱི་རོལ་གྱི་ཤར་ལྷོ་ནུབ་བྱང་དང་མཐུན་པར་བྱས་པའི་ཕྱོགས་སུ་གྲུབ་པ་པོ་ཁ་བལྟས་ཏེ་མེ་ཐབས་དང་ཁ་སྤྲོད་དུ་བྱ་བའོ། སློབ་དཔོན་གྱི་གཡས་ཕྱོགས་སུ་སྟེགས་སྟེང་དུ་མེ་ཏོག་ཚོམ་བུའི་ཁར་རྣམ་རྒྱལ་གྱི་བུམ་པ་དང་། ལས་བུམ་དང་བཅས་པ་ཁ་རྒྱན་མགུལ་འཆིངས་བུམ་རྫས་སོགས་སྤྱི་མཐུན་དང་རྒྱས་པར་དཀྱིལ་འཁོར་གང་ཡིན་གྱི་ལྷ་གྲངས་དང་མཉམ་པ་དགོས་མེད་ཀྱི་བསྡུ་ན་རིགས་ལྔར་མ་འདུས་པ་མེད་ཕྱིར་ཚོམ་བུ་ལྔ་དགོད་དེ། གི་ དྲིག་ དབང་ རྒྱས་

[Full Size]

ལས་བུམ་མ་འཛོམས་ན་དུང་ཆོས་སམ། མཐར་ནི་འགུ་རྩེ་སོགས་ཀྱིས་ཀྱང་རུང་བར་ཀུ་ཤའི་ཆུན་བུ་དང་བཅས་ཏེ་བསངས་བཅུའི་སྣོད་དུ་བདུད་རྩི་འཁྱིལ་པའི་བསྒོམ་བཟླས་བྱས་པའི་ཆུ་དང་། གཞན་ཡང་། ལས་བཞི་གར་བླ་མ་ཡི་དམ་མཁའ་འགྲོའི་ཚོགས་ཆོས་སྐྱོང་དང་བཅས་པའི་གཏོར་མ་ཇི་ལྟར་འབྱོར་པ་སྨན་དང་རཀྟ། ཚོགས་ཀྱི་ཡོ་བྱད། དྲག་པོ་ལ་ཉི་ཟེར་དུ་འཕང་རྒྱུའི་གཏོར་མ་ཤ་ཁྲག་ཚ་ཉུང་དང་རྩངས་སོགས་ཀྱིས་བརྒྱན་པ་གཙོ་ཆེར་བཤམས། ཁྱད་པར་གྱི་འབུལ་གཏོར་ནི། ཞི་བ་ལ་དཀར་གསུམ་གང་འབྱོར་གྱི་བརྫིས་པའི་གཏོར་མ་བཟླུམ་པོ་ཉེར་གཅིག་སོགས་ཅི་འབྱོར་དང་། རྒྱས་པ་ལ་དཀར་གསུམ་དང་མར་ཁུ་སོགས་ཀྱིས་བརྫིས་ཏེ་སྐུར་བཞི་པ་དང་། དབང་ལ་ཆང་དང་འབྲི་མགོ་སོགས་ཀྱིས་བརྫིས་པ་ཟླ་གམ་གྱི་དབྱིབས་ཅན། དྲག་པོར་འབྲུ་ནག་གི་ཕྱེ་ལ་དུག་ཁྲག་རོ་སོལ་སོགས་ཀྱིས་བརྫིས་ཤིང་བྱུག་པའི་ནག་པོ་སྐུར་གསུམ་གྱི་དབྱིབས་ཅན་དང་། དེ་དག་གི་གཏོར་རྒྱན་ཡང་དཀར་སེར་དམར་མཐིང་ཐ་དད་ཀྱིས་བརྒྱན་པ་གྲངས་ཅན་དུ་བྱས་པ་བཤམས། ཞི་ རྒྱས་ དབང་ དྲག་

[Full Size]

ཕྱི་མཆོད་ནི། ལས་བཞི་སོ་སོའི་ཁ་དོག་དང་མཐུན་པའི་མེ་ཏོག་དང་། དེ་བཞིན་དུ་སྤོས་དང་དྲ་ཆབ་ཀྱང་འབྱོར་ན་ཞི་བ་ལ་ཙནྡ་དམར་པོ། སི་ཧུ། སྤོས་དཀར། ག་བུར། ཨ་ཀ་རུ་དཀར་པོ་སོགས་དང་། རྒྱས་པ་ལ་ཨར་སེར་དང་། འགེ་ཝམ། ན་ཁེ། སྤྱི་ཡང་ཀུ། ཛ་ཏི་གུར་ཀུམ་སོགས་སྦྱར་བ་དང་། དབང་ལ་ཙནྡ་དམར་པོ་ཨར་སྨུག །རྡེ་དྲེག །སྤང་སྤོས་གུ་གུལ། སིདྷཱུ་ར་སོགས་སྦྱར་བ་དང་། དྲག་པོ་ལ། ཤ་ཆེན། གླ་རྩི། མུ་ཟི། ཤིང་ཁུན། སྒོག་པ། ཆུ་དག་ནག་པོ་ལ་སོགས་ཀྱིས་དྲི་བྱ་བ་དང་སྤོས་བྱ་བར་བཤད། མར་མེ་ཡང་ཞི་བ་ལ་མར་དཀར་མར་ཁུ། རྒྱས་པ་ལ་ཤིང་ཏོག་གི་མར་ཁུ་སོགས་དང་། དབང་ལ་མར་ཁུ་དེ་དག་འབྲི་མགོ་དང་སྦྱར་བའམ། སྤྲ་རྩིལ་གྱི་མར་ཁུ། དྲག་པོ་ལ་ཞུན་ཆེན་དང་ཏིལ་ནག་ཡུང་ཀར་གྱི་མར་ཁུ་སོགས་ལ་བྱ་བར་གསུངས། ཞལ་ཟས་ཀྱང་། ཞི་བ་ལ་འབྲས་ཀྱི་ཕྱེ་དང་དཀར་གསུམ་ལས་བཟོས་པའི་ཁ་དོག་དཀར་པོ་དང་། རྒྱས་པར་འབྲུ་སྣའི་ཕྱེ་ལ་མར་ཁུ་དང་བསྲེས་པ་སེར་པོ་དང་། དབང་ལ་རམ་བུའི་ཕྱེའམ་གྲོ་མའི་ཕྱེ་

[Full Size]

མ་མངར་གསུམ་དང་སྦྱར་བ་དམར་པོ། དྲག་པོར་བྲ་ཟན་གྱི་ཕྱེ་ལ་དུག་ཁྲག་རོ་སོལ་དང་སྦྱར་བས་ནག་པོར་བྱ་བར་གསུང་ལ། ཡང་མེ་ཏོག་དངོས་མ་འཛོམ་པའི་དུས་ན་མཆོད་འབྲུ་ཁ་དོག་ལས་བཞི་སོ་སོ་དང་མཐུན་པར་བྱ་བ་དང་། ཡོན་ཆབ་ཀྱི་རིགས་རྣམས་ཀྱང་ཁ་དོག་ཐ་དད་པར་བསྒྱུར་ནས་བཤམས་དགོས་པར་གསུངས་སོ། །གཞན་ཡང་མཆོད་གཏོར། ཚོན་གྱིས་བསྒྱུར་བའམ་རང་གྲུབ། བཤམས་པའི་གདན། སྒྲུབ་པ་ ཞི་བར་འོ་མ་ རྒྱས་པར་གུར་གུམ། དབང་ལ་རྒྱས་སྟག །དྲག་པོར་སྣག་ཚའམ་རམ་སོགས་ཀྱིས་སོ་རྣམས་ཀྱི་ཞྭ་གོས་རྒྱན་ཆས་གདན་ཁྲིར་བཅས་པ་མཐའ་དག་ཕྲིན་ལས་བཞི་ཐ་དད་ཀྱི་མདོག་དང་བསྟུན་ཞིང་། ཁྲུས་དང་བྱུག་རྫས། འདུག་སྟངས། ཕྱག་རྒྱ། སྐོར་ཕྱོགས། ཞང་། ཚོན་གྱི་བསྒྱུར་བའམ་རང་གྲུབ་བླུགས་འཛིན་ཚུལ་སོགས་ཐ་དད་པའི་དགོས་ཚུལ་ཞིབ་ཆ་རྣམས་སྦྱིན་བསྲེག་གི་རྒྱུད་དང་གཞུང་ཆེན་ཐམས་ཅད་ནས་གསུངས་པས་འབྱོར་ན་དེ་ལྟར་བྱ་ལ། གལ་ཏེ་སྒྲུབ་པ་པོ་དང་སྦྱིན་བདག་སོགས་ཀྱི་

[Full Size]

སྟབས་ལས་ཇི་ལྟ་བར་མ་འཛོམས་ན་གང་འཛོམ་གྱིས་ཀྱང་རུང་སྟེ། གཙོ་བོར་མོས་པ་དང་ཏིང་འཛིན་སོགས་ཁོ་ན་གལ་ཆེ་བ་སྟེ། བཟང་ངན་གྱི་བྱེད་ལས་མཐའ་དག་སེམས་ཀྱི་བསྒྱུར་ཁ་ལ་རག་པའི་ཕྱིར་རོ། དེ་ལྟར་ཕྱི་མཆོད་བཤད་ནས། གཞན། ནང་མཆོད་གསང་མཆོད་ཁྱད་པར་གྱི་མཆོད་རྫས་སོགས་གཞུང་གཞན་ནས་མང་དུ་གསུངས་ནའང་། ཆོས་བཀའ་འདི་དག་གི་གཞུང་ལས་མ་གསུངས་ཕྱིར་དངོས་སུ་བཤམས་མི་དགོས་ལ། འདི་སྐབས་ཀྱི་དྲག་པོའི་སྲེག་རྫས་ཁྱད་པར་བ་ནི། དགྲ་གེགས་ཀྱི་ལིངྒ་དུག་ཤིང་གི་ལོ་མ་ལ་བྲིས་པ་གྲངས་མ་ཉུང་སྐབས་དང་བསྟུན་པས་གང་མཚམས་དང་། ཟན་ལིང་ཆེ་བ་གཅིག་དང་བཅས་པ་སྔ་ཚགས་སུ་ཚུད་པར་བྱ། གཞན་ཡང་། འབྲོག་འབྲང་ཞེས་བྱ་བ། ཤ་ཁྲག་ཚིལ་རྐང་ཞག་རུས་པ་དང་བཅས་པ་རྣམས་དགྲ་གེགས་ཀྱི་ཤ་ཁྲག་སོགས་སུ་མོས་ལ་སྣོད་དུ་གཅིག་ཏུ་བཤམས་པ་དང་། ཐུན་རྫས་ཞེས་པ་ནི། བྲི་ཚུལ་དང་སྔགས་ལ་སོགས་ཞིབ་པར་འདོད་ན་དགོངས་འདུས་སྦྱིན་བསྲེག་ལྟར། ལྕགས་ཕྱེ་ཟངས་ཕྱེ་

[Full Size]

གྲི་ལྕགས་ཀྱི། དྲི་གཟར་གྱིས་རྦབ་རྡོའི། རྡོ་ཕྱེ་དང་། སྐེ་རྩེ་ཤངས་རྩེ་ཐང་འབྲོམ་འབྲུ་གུ། སྦང་སྙམས་ཀྱི་ཕྱི་སོགས་ལྷན་ཅིག་དུག་ཁྲག་གིས་སྦོལ་ལ་སྣོད་གཅིག་ཏུ་བཤམས་པ་སྟེ། འདི་ལྟར་ལིངྒ་དང་འབྲོག་འབྲང་ཐུན་རྫས་རྣམས་ནི་དྲག་པོ་ཁོ་ན་ལ་མ་གཏོགས་ཞི་རྒྱས་དབང་གསུམ་ལ་མི་དགོས་སོ། །དེ་ལྟར་མཆོད་གཏོར་ཚོགས་ཀྱི་ཡོ་བྱད་དང་བཅས་པ་རྣམས་སློབ་དཔོན་གྱི་གཡས་མེ་ཐབ་ཀྱི་གཡོན་དུ་བཤམས། སློབ་དཔོན་གྱི་གཡོན་མེ་ཐབ་ཀྱི་གཡས་སུ་སྲེག་རྫས་རྣམས་བཤམས་སྟེ། དེ་ཡང་ལས་བཞི་སྤྱི་ཁྱབ་ཐམས་ཅད་ལ་དགོས་པའི་སྲེག །དྲག་པོར་གོ་ལོགས་ཏུ་བཤམས། རྫས་ནི། མར་ཁུ། ཡེ་ཤེས་ཤིང་། ཏིལ། ཐེའུ་རྦ། འབྲས་ཟས་མཆོག །ཀུ་ཤ་སོ་བ་ནས། སྲན་མ་དང་བཅས་པ་རྣམས་སྣོད་ཐ་དད་དུ་བཤམས་པར་བྱ་སྟེ། དེ་ལས་དང་པོར་མར་ཁུ་ནི་ཞི་རྒྱས་གཉིས་ལས་ཡར་དཀར་བཞུས་པ་དང་། དབང་དྲག་གཉིས་ལ་རིལ་མར་གྱིས་རུང་ངོ་། ཡམས་ཤིང་ནི་ཞི་བ་ལ་བལ་དཀར་པོར་བཞི་པ་ཤུན་པ་དང་བཅས་པ་ལ་དཀར་གསུམ་གྱི་བྱུག་པ་དང་

[Full Size]

རྒྱས་པ་ལ་སྟར་ཁ་ཁམ་བུ་སོགས་འབྲས་བུ་ཅན་སོར་བཅུ་གཉིས་པ་ལོ་འདབ་ཅུང་ཟད་དང་ལྡན་ཞིང་ཞུན་མར་དང་ཆང་གིས་བྱུགས་པ་དང་། དབང་ལ་སེང་ལྡིང་མཛོད་མོ་ཤིང་སོགས་མང་དུ་བཤད་ཀྱང་རྒྱ་ཤུགས་ཀྱི་རུང་སྟེ་སོར་བརྒྱད་པ་མཚལ་ལམ་བཙག་དང་སིནྡྷུ་ར་དང་མངར་གསུམ་གྱིས་བྱུག་པ་དང་། དྲག་པོར་ཚེར་ནག་སོགས་ལ་སོར་བཅུ་གཉིས་པ་ཟུར་གསུམ་རྣོ་བར་གཞོགས་ཏེ་མི་རྟ་ཁྱི་སོགས་ཀྱི་ཁྲག་དང་རོ་སོལ་དང་ཚྭ་ཆུས་བྱུགས་པ་སྟེ། དེ་ལྟར་ཡམ་ཤིང་ཐམས་ཅད་བརྒྱའམ་ཉེར་གཅིག་ལ་སོགས་ཅི་འབྱོར་བཤམས། ཟས་མཆོག་ཅེས་པ་ནི། ཞི་བའི་སྐབས་སུ་འབྲས་ཆེན་བཙོས་པ་ལ་ཞོ་དང་འོ་མ་བཏབ་པ་དང་། རྒྱས་པར་ནི་འབྲས་ཆན་དེ་ལ་མར་ཁུ་སྦྲང་རྩི་སོགས་བཏབ་ཅིང་གཞན་ཡང་ཟས་སྣ་བཟང་པོ་གང་འཛོམས་དང་ཤིང་ཏོག་སྣ་ཚོགས་སོགས་སྣོད་གཅིག་ཏུ་བླུགས་པ་ཡིན་ལ། དབང་ལ་ནི་འབྲས་དམར་རམ་གྲོའི་ཆན་ལ་ཆང་དང་མངར་གསུམ་གང་འབྱོར་བཏབ་པ་དང་། དྲག་པོ་ལ་ནི་ནས་སྲན་ནག་སོགས་ཀྱི་ཆན་ལ་ཁྲག་དང་ལན་ཚ་བཏབ་པ་སྟེ། དེ་ལྟར་ཟས་

[Full Size]

མཆོག་འདི་ཉིད་ལ་སྦྱིན་བསྲེག་གཞན་དུ་ནི་ཟན་ཞེས་ཀྱང་གྲགས་པའོ། དུརྦ་དང་ཀུ་ཤ་རྣམས་ལ་ཡང་ཞི་རྒྱས་དབང་གསུམ་ལ་ནི་ལེགས་པར་བཀྲུས་ནས་མར་དཀར་བཞུས་པའི་ཁུ་བས་བྲན་ཞིང་ལོ་འདབས་དང་རྩ་རྩེ་མ་ཉམས་པ་བྱ་ལ། རྟག་སོར་ནི་དུག་ཁྲག་གི་བྲན་ཞིང་དུམ་བུར་བཏུབ་པར་བཤད་དོ། །ཁྱད་པར་དུ་དྲག་པོ་ལ་ཏིལ་གྱི་ཚབ་ཏུ་ཐང་ཁྲོམ་རིགས་གསུམ་གང་རྙེད་ཀྱི་འབྲུ་ལ་བྱ་བར་བཤད་པ་དང་། དེ་བཞིན་དུ་མར་ཁུ་ཡང་བསི་ཤིང་མར་ཁུ་དང་རན་རོག་གི་མར་ཁུ་སོགས་ལ་བྱ་བར་གཞུང་ཆེན་རྣམས་ལས་འབྱུང་ཀྱང་མི་རྙེད་པས་རིལ་མར་ཉིད་ཀྱི་ཆོག་གོ། །དེ་ལྟ་བུའི་མཆོད་རྫས་དང་བསྲེག་རྫས་རྣམས་ཀྱི་སྣོད་ཀྱང་ཕྲིན་ལས་བཞི་སོ་སོ་དང་བསྟུན་ཏེ། ཞི་བ་ལ་དུང་དང་ཉ་ཕྱིབ་དངུལ་དང་དཀར་ཡོལ་ལ་སོགས་དང་། རྒྱས་པ་ལ་གསེར་དང་ར་གནང་དབང་ལ་ཟངས་སམ་རྫ་དམར། དྲག་པོར་ལྕགས་དང་པོ་དང་ཐོད་པ་སོགས་སུ་བཤམས་པར་གསུངས་པ་བཞིན་འཇོམས་ནའང་ལེགས་ཤིང་། མདོར་ན། དོན་དམ་པར་འཁོར་འདས་

[Full Size]

ཀྱི་ཆོས་ཐམས་ཅད་མཉམ་ཉིད་རིག་པའི་ཀློང་དུ་མ་གྱུར་པ་རྡུལ་ཙམ་མེད་ལ། ད་ལ་ནི་མཚན་མའི་སྤྲོས་པ་ཐམས་ཅད་ལས་འདས་ཀྱང་། གཉིས་འཛིན་མ་ཟད་ཀྱི་བར་དུ་ཀུན་རྫོབ་རྟེན་ཅིང་འབྲེལ་འབྱུང་གི་ཆ་ནས་རྒྱུ་དང་འབྲས་བུ་བསླུ་མེད་དུ་འབྱུང་བའི་ཚུལ་ལ་ཁྱད་དུ་མི་གསད་པར་ངེས་ཤེས་འགྲོངས་དགོས་ཕྱིར། སྤྲོས་མེད་དོན་ཇི་ལྟར་རྟོགས་བཞིན་དུ་སྤྲོས་པའི་ཚུལ་གྱི་ལག་ལེན་རྣམས་ལ་རྩིངས་ཆོས་སུ་མི་བྱ་བར་རྒྱལ་བའི་བཀའ་གཞུང་དག་དང་མཐུན་པར་བྱ་དགོས་ཀྱི། སྤྲོས་མེད་ཁ་ཁྱེར་ཙམ་གྱི་གདེངས་འཁུར་ནས་ཟོག་ཆོས་གཟུ་ལུམ་རས་ཆོད་དུ་འགྱུར་བའི་ཉེན་ཡོད་པས། དེས་ན་འདི་དག་གི་ལག་ལེན་ཞིབ་རྒྱས་མཐའ་དག་བླ་མ་དགོངས་པ་འདུས་པའི་སྦྱིན་བསྲེག་མེ་འོད་འབར་བ། ཞི་ཁྲོ་དགོངས་པ་རང་གྲོལ་གྱི་སྦྱིན་བསྲེག་འཕྲིན་ལས་རང་གྲོལ་སོགས་དང་། གསང་སྔགས་གསར་མ་ལྟར་ན་སློབ་དཔོན་ཨ་བྷ་ཡའི་སྦྱིན་བསྲེག་འོད་ཀྱི་སྙེ་མ་སོགས་ཀྱི་དགོངས་པ་ལོན། དགོས་པ་ཡང་ཕྱི་རབ་ཀྱི་གང་ཟག་

[Full Size]

ཤེས་ལྡན་རྣམས་ཀྱི་དགོངས་འཚལ་ལོ། དེ་ལྟར་དཀྱིལ་འཁོར་ཡོ་བྱད་བཤམས་དགོད་ཐམས་ཅད་ལེགས་པར་གྲུབ་ཅིང་། གཞན་ཡང་དགང་བླུགས་རྡོར་དྲིལ་རོལ་མོ་སོགས་མཁོ་བའི་ཡོ་བྱད་མཐའ་དག་ལེགས་པར་འཛོམས་ནས། དངོས་གཞི་ཆོ་གའི་ལས་རིམ་ཇི་ལྟར་བྱ་བའི་ཚུལ་ནི། ཐོག་མར་བདག་བསྐྱེད་ཡི་དམ་གང་དང་ཡང་རུང་བའི་ལས་གཞུང་བསྲང་བའམ། ཁྱད་པར་གཏེར་ཁ་འདིའི་ལུགས་ཀྱི་རྒྱས་པར་སྤྲོ་ན། ཞི་བའི་སྦྱིན་བསྲེག་གི་ཚེ་བདག་མདུན་ཐམས་ཅད་ཐུགས་རྗེ་ཆེན་པོ་ངན་སོང་རང་གྲོལ་གྱི་ཆོ་གའི་གཞུང་ལྟར་དང་། རྒྱས་པ་ལ་ཚེ་སྒྲུབ་གནམ་ལྕགས་རྡོ་རྗེའི་ལས་གཞུང་བསྲང་བ་དང་། དབང་ལ་རྟ་ཕག་ཡིད་བཞིན་ནོར་བུ་དང་། དྲག་པོའི་སྐབས་སུ་དཔལ་མགོན་མ་ནིང་ནག་པོའི་ཆོག་གཞུང་ལྟར་བྱ་བ་སྐབས་སུ་འབབ་མོད་ཀྱང་། རེ་ཞིག་སྐབས་འདིར་གང་ཟག་རྣམས་འཇུག་པ་བདེ་བའི་སླད་དུ་ལས་གཞི་ཐམས་ཅད་ལ་བདག་དང་བུམ་པ་གཉིས་དཀར་རྒྱལ་བ་དཀོན་མཆོག་སྤྱི་འདུས་པདྨ་འོད་འབར་ཁོ་

[Full Size]

ན་བསྐྱེད་པའི་ཚུལ་འཆད་པར་བྱ་སྟེ། ཧྲཱིཿ བདག་ཉིད་འགྱུར་མེད་ཡེ་ནས་རྡོ་རྗེའི་སྐུ། ཞེས་སོགས་ནས་བཟུང་སྟེ་བསྟོད་པའི་བར་དུ་ལས་བྱང་གཞུང་བཞིན་ལས། ཁྱད་པར་ལྷ་བསྐྱེད་པའི་སྐབས་སུ་རྣམ་རྒྱལ་བུམ་པ་དེ་ཡང་ཕྱི་བུམ་པའི་རྣམས་པ་ལ་ནང་ཡེ་ཤེས་འོད་ལྔའི་གཞལ་ཡས་ཁང་གི་དབུས་སུ་པད་ཟླའི་གདན་ལ་པདྨ་འོད་འབར་བདག་བསྐྱེད་དང་མཚུངས་པར་གསལ་ཞིང་སྐུ་མདོག་དཀར་དམར་ལ་ཅུང་ཟད་ལས་དང་མཐུན་པའི་ཁ་བསྒྱུར་ཏེ། དེ་ཡང་གཞུང་ཚིག་གི། འགྱུར་མེད་སྐུ་མདོག་གངས་ལ་ཉི་ཤར་ལྟར། དམར་མདངས་ཅུང་ཟད་འཚེར་ལ་ཕྱག་འཚལ་བསྟོད། ཅེས་པ་འདི་ཉིད། དབང་གི་སྦྱིན་སྲེག་ལ་འདི་ཀ་སོར་བཞག་བྱ་ཞིང་། གཞན་ཞི་བའི་སྐབས་སུ་ཡིན་ན། དཀར་མདངས་ཅུང་ཟད་འཚེར་ལ། ཞེས་པ་དང་། དེ་བཞིན་དུ་རྒྱས་པ། སེར་མདངས་དང་། དྲག་པོ་ལ་མཐིང་མདངས་ཞེས་ཁ་བསྒྱུར་ཤེས་པ་བྱ་ཞིང་། དམིགས་པ་ཡང་དེ་དང་། མཐུན་པའི་སྐུ་མདོག་ཏུ་བདག་བསྐྱེད་

[Full Size]

བུམ་བསྐྱེད་གཉིས་ཀར་གསལ་བ་དང་། སྤྱན་འདྲེན་གྱི་ཚེ་རྔ་ཡབ་གླིང་ནས་རང་འདྲའི་ཡེ་ཤེས་སེམས་དཔའ་དཔག་མེད་བྱོན་ནས་བདག་བུམ་གཉིས་ཀར་ཐིམ་པའི་མོས་པ་བྱ། འཇབ་ཀྱི་སྐབས་སུ་བདག་བུམ་གཉིས་ཀར་ཞི་བའི་སྦྱིན་བསྲེག་ལ་པདྨ་འོད་འབར་དཀར་པོའི་སྤྱི་བོར་ཨོཾ་དཀར་གྱི་མཐའ་སྐོར་དུ། ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ། ཨོཾ་ཤཱནྟིང་ཀུ་རུ་ཡེ་སྭཱ་ཧཱ། ཞེས། སྔགས་འཕྲེང་དཀར་པོས་བསྐོར་བར་དམིགས་ནས་བརྒྱ་སྟོང་སོགས་སྐབས་དང་སྦྱར་ལ་བཟླ་ཞིང་བདག་བུམ་གཉིས་ཀའི་སྔགས་འཕྲེང་ལས་འོད་ཟེར་དཀར་པོ་ཕྱོགས་བཅུར་འཕྲོས་པས་རང་གཞན་ཀུན་གྱི་ནད་གདོན་སྡིག་སྒྲིབ་ཞི་བར་བསམ།། ༈ །།རྒྱས་པའི་སྦྱིན་བསྲེག་ལ། བདག་བུམ་གཉིས་ཀ་པདྨ་འོད་འབར་སྐུ་མདོག་སེར་པོའི་ལྟེ་བར་སྟེ་བར་བྷྲུྃ་སེར་གྱི་མཐར། བཛྲ་གུ་རུའི་ཤམ་བུར་བྷྲུྃ་པུཥྚིངྐུ་རུ་ཡེ་སྭཱ་ཧཱཿ ཞེས་སེར་པོས་བསྐོར་བ་ལས་འོད་ཟེར་སེར་པོ་དཔག་མེད་འཕྲོས་པས། ཚེ་བསོད་དཔལ་འབྱོར་ལོངས་སྤྱོད་རྒྱས་པར་བསམ་ལ་

[Full Size]

སྔགས་བཟླ།། ༈ །།དབང་ལ་སྐུ་མདོག་དམར་པོའི་མགྲིན་པར་ཧྲཱིཿདམར་གྱི་མཐར་བཛྲ་གུ་རུ་དང་། ཧྲཱིཿཝ་ཤཾ་ཀུ་རུ་ཡེ་སྭཱ་ཧཱ་ཞེས་དམར་པོས་བསྐོར་ཞིང་འོད་ཟེར་དམར་པོས་ཁམས་གསུམ་དུ་སྡུད་པར་བསམ།། ༈ །།དྲག་པོ་ལ་སྐུ་མདོག་མཐིང་གའི་གསང་གནས་སུ་མཐིང་ལ་བཛྲ་གུ་རུ་དང་། སརྦ་དུཥྚན་མ་ར་ཡ་ཕཊཿ ཅེས་མཐིང་གས་བསྐོར་བའི་འོད་ཟེར་མེའི་ཚ་ཚ་ཁྲོ་ཆུང་མཚོན་ཆའི་ཆར་སོགས་གྲངས་མེད་འཕྲོས་པས་གནོད་བྱེད་ཐམས་ཅད་ཚར་བཅད་པར་དམིགས་པ་ལ་བཟླ་སྟེ། འདི་དག་ནི་ཡང་ཟབ་ཉིད་ཀྱི་ཕྲིན་ལས་བཞི་སྒྲུབ་ཀྱི་དགོངས་པ་ཡིན་ཞིང་། དེ་ཉིད་ནས་གསུངས་པའི་འདོད་གསོལ་གྱི་ཚིགས་བཅད་རྣམས་སོ་སོའི་། ཐུན་ཐར་བརྗོད་ཀྱང་ལེགས་སོ།། ༈ །།ལས་བུམ་མམ། བས་ས་ཆུའི་སྣོད་དེར་སྐྱེད་ཆོག་ནི། ཨོཾ་སྭཱ་བྷ་ཝ་ཤུདྡྷ་སརྦ་དྷརྨཱཿསྭ་བྷ་ཝ་ཤུདྡྷོ྅ཧཾ། སྟོང་པའི་ངང་ལས་སྐད་ཅིག་གིས། །ཕྱི་ནི་བུམ་གཟུགས་ནང་གཞལ་ཡས། །དབུས་སུ་པད་ཉིའི་གདན་སྟེང་

[Full Size]

ཧཱུྃ། །དེ་ལས་འོད་འཕྲོས་རྒྱལ་ཀུན་མཆོད། །འགྲོ་བའི་དོན་བྱས་འོད་ཚུར་འདུས། །ཡོངས་གྱུར་ཁྲོ་ཆེན་བདུད་རྩི་འཁྱིལ། །ལྗང་སྔོན་ཞལ་གཅིག་ཕྱག་གཉིས་གཡས། །རྡོ་རྗེའི་དབྱུག་ཏོ་ནམ་མཁར་འཕྱར། །གཡོན་པ་ཐུགས་ཀར་སྡིག་འཛུབ་བསྒྲེངས། །ཁྲོ་བོའི་ཆས་བརྒྱན་དོར་སྟབས་འགྱིངས། །གནས་གསུམ་འབྲུ་གསུམ་འོད་ཟེར་གྱིས། །ཡེ་ཤེས་སེམས་དཔའ་སྤྱན་དྲངས་ཐིམ། །བཛྲ་ས་མཱ་ཛཿ ཛཿཧཱུྃ་བྃ་ཧོཿ ཐུགས་ཀར་ཉི་སྟེང་ཧཱུྃ་ལྗང་ལས། །འོད་འཕྲོས་རིགས་ལྔ་སྤྱན་དྲངས་པས། །བུམ་པས་དབང་བསྐུར་བདུད་རྩིའི་རྒྱུན། །ཕབ་པས་སྐུ་གང་དྲི་མ་དག །དོན་གྲུབ་རིགས་ལྔས་དབུ་བརྒྱན་གྱུར། བཛྲ་ཨརྒྷཾ། པུཥྤེ། དྷུ་པེ། ཨཱ་ལོ་ཀེ། གནྡྷེ། ནཻཝི་དྱ། ཤབྟ་པཱུ་ཛ་པྲ་ཏིཙྪ་ཨཱཿཧཱུྃ།། ༈ །།རྒྱལ་བ་ཀུན་གྱི་ ཕྲིན་ལས་སྐུ། །འཇིགས་བྱེད་འཇིགས་པའི་མཐུ་སྟོབས་ཅན། །

[Full Size]

ཁྲོ་བོའི་རྒྱལ་པོ་ཁྱོད་ལ་བསྟོད། །ལས་རྣམས་འགྲུབ་པར་མཛད་དུ་གསོལ། ཞེས་པས་བསྟོད། ཐུགས་ཀར་ཉི་མའི་དཀྱིལ་འཁོར་གྱི་སྟེང་དུ་ཧཱུྃ་ལས་སྔགས་འཕྲེང་ལྗང་སྔོན་གྱི་བསྐོར་བར་དམིགས་ལ། ཨོཾ་ཨཱཿབི་གྷཱ་ནཱནྟ་ཀྲྀཏ་ཧཱུྃ་ཕཊཿཅེས་བརྒྱ་རྩ་སོགས་ཅི་འགྲུབ་བཟླ་ཞིང་། སྔགས་རྣམས་ལས་བདུད་རྩིའི་རྒྱུན་བབས་པས་སྣོད་ཁེངས། མཐར་ལྷ་ཉིད་ཀྱང་འོད་དུ་ཞུ་ནས་ཆུ་ལ་ཐིམ་པས། བདུད་རྩིའི་ཆུ་དེ་གང་དང་གང་ལ་འཐོར་བ་ཙམ་གྱིས་འབགས་རྩོག་ཉེས་སྐྱོན་མཐའ་དག་ཞི་ཞིང་། ཕྲིན་ལས་གང་འདོད་འགྲུབ་པའི་མཐུ་ལྡན་དུ་གྱུར་པར་བསམ་མོ།། ༈ །།དེ་ནས་སྐབས་འདིར་ལས་བྱང་གི་ཚོགས་བྱིན་རླབས་བྱ་ཞིང་སྤེལ་ནས་ཕུད་དཀྱིལ་འཁོར་ལ་འབུལ་དྲག་པོ་ཡིན་ན་ལིངྒ་བསྒྲལ་ལས་རྒྱས་བསྡུས་གང་འོས་ཀྱང་འདིར་བྱའོ།། ༈ །།དེ་ནས་བསངས་ཆུ་དེ་ཉིད་སྲེག་རྫས་ཐམས་ཅད་ལ་ཀུ་ཤའི་ཆུན་བུས་འཐོར་ཞིང་། ཨོཾ་སྭ་བྷ་ཝ་ཤུདྡྷཿསོགས་ཀྱི་དངོས་འཛིན་སྦྱངས་ལ། ཨོཾ་ཨཱཿསྭ་ཧཱ། སྔགས་འདི་རྣམས་རྡོ་གདན་བཞི་སོགས་རྒྱུད་སྡེ་མང་པོ་ལས་གསུངས་པའི་སྲེག་རྫས་སྦྱང་བའི་

[Full Size]

སྔགས་ཏེ། གསར་རྙིང་ཐམས་ཅད་དགོངས་པ་མཐུན་ནོ། །ཨོཾ་ཤྲཱི༚་སྭཱ་ཧཱ། ཨོཾ་སྭཱ་ཧཱ། ཨོཾ་ཛི༚་སྭཱ་ཧཱ། ཨོཾ་ཀུ་རུ་ཀུ་རུ་སྭཱ་ཧཱ། ཨོཾ་ཨཱཿཧཱུྃ། སྲེག་རྫས་ཀྱི་སྣོད་རྣམ་པར་དག་པ་སྟོང་གསུམ་གྱི་ཁྱོན་དང་མཉམ་པའི་ནང་དུ། བཅུད་རྣམ་པར་དག་པ་ངོ་བོ་ཡེ་ཤེས་ཀྱི་བདུད་རྩི་ལ་རྣམ་པ་སོ་སོར་གང་ལ་གང་འདོད་ཀྱི་ལོངས་སྤྱོད་ཟད་མི་ཤེས་ཤིང་ཕུན་སུམ་ཚོགས་པའི་རང་བཞིན་དུ་གྱུར། དེ་ནས་མེ་ཐབ་ལ་མེ་སྦར་བ་ནི། གཞུང་ཆེན་རྣམས་ལས་གསུངས་པ་ལྟར་གྱི་མེ་བླང་བའི་ཡུལ་དང་། སྦར་མཁན། སྤར་བའི་རྫས་དང་ཡོ་བྱད་སོགས་ཕྲིན་ལས་བཞི་ཐ་དད་ལ་གསུངས་པ་རྣམས་ཚུལ་བཞིན་འཛོམས་ན་ལེགས་ཤིང་། མ་འབྱོར་ན་མོས་པ་ཙམ་ལ་བརྟེན་པ་དང་། ལས་བཞི་སོ་སོའི་ཕྱོགས་སུ་ཁ་བལྟས་ནས་མེ་སྦར་ཞིང་། བསངས་ཆུ་ནི་ཞི་རྒྱས་དབང་གསུམ་ལ་གཡས་བསྐོར་དང་། དྲག་པོར་གཡོན་སྐོར་གྱི་འཐོར་ནས། ཐོག་མར་བགེགས་སྦྱངས་ཞིང་བསྲུང་བ་ནི། ཨོཾ་སྭ་བྷཱ་ཝ༴ འཁོར་འདས་

[Full Size]

ཀྱི་དངོས་པོའི་མཚན་འཛིན་ཐམས་ཅད་སྟོང་པ་ཉིད་དུ་གྱུར། སྟོང་པའི་ངང་ལས་མེ་ཐབ་ཀྱི་དབུས་སུ་ཧཱུྃ་ཡིག་འོད་དང་གཟི་མདངས་འབར་བ་རི་རབ་ཙམ་ཞིག་གསལ་བ་ལས་འོད་ཟེར་མེའི་ཚ་ཚ་ཁྲོ་ཆུང་མཚོན་ཆ་ལ་སོགས་སྐར་ལྟར་འཁྲུག་པ་འཕྲོས་པས། སྦྱིན་བསྲེག་གི་ལས་བསྒྲུབ་པ་ལ་བར་དུ་གཅོད་པའི་བགེགས་རིགས་ཐམས་ཅད་ཚར་བཅད། འོད་ཟེར་ཚུར་འདུས་པས་སྟེང་འོག་ཕྱོགས་མཚམས་ཀུན་ཏུ་ཡིག་འབྲུ་ཕྱག་མཚན་མཚོན་ཆའི་ར་བ་མེ་དཔུངས་དང་བཅས་པས་བསྲུང་བའི་གུར་ཁང་ཆེན་པོར་གྱུར། ཧཱུྃ། བསྐལ་པའི་མེ་ལྟར་འབར་བའི་ཀློང་དཀྱིལ་ནས། མེ་ལྷ་དྲང་སྲོང་ཡི་དམ། གཏོགས་པའི། གནོད་བྱེད་བགེགས་ཀྱི་ཚོགས་རྣམས་ཕྱིར་གདེངས་ཤིག །མི་འགྲོ་གནས་འདིར་འདུག་ན་རྡུལ་དུ་རློག །ཨོཾ་བཛྲ་ཀྲོ་དྷ་ཧ་ཡ་གྲྀ་བ་ཧུ་ལུ་ཧུ་ལུ་ཧཱུྃ་ཕཊཿདང་། ཧཱུྃ། དུག་ལྔ་

[Full Size]

འཇོམས་པའི་ཡེ་ཤེས་མེ་འོད་ལྔ། །ཡིག་འབྲུ་ལྔ་དང་དེ་བཞིན་ཕྱག་མཚན་ལྔ། །ཁྲོ་ཚོགས་སྤྲུལ་པ་དཔག་ཡས་བསམ་མི་ཁྱབ། །སྲུང་འཁོར་རིམ་པ་ལྔ་ཡི་ཚུལ་དུ་བསྐོར། །འབར་བ་ཡེ་ཤེས་མེ་ཡིས་མཚམས་ཆོད་ཅིག །ཨོཾ་ཨགྣ་ཡེ་ཛྭ་ལ་རཾ། དྷི་ནི་རཾ། ཧཱུྃ་ཧཱུྃ་ཧཱུྃ། ཨོཾ་ཙག་རཾ་ཛྭ་ལ་རཾ་ཛྭ་ལ་རམ་ཧཱུྃ་ཕཊཿ ཧཱུྃ། ཤར་ལྷོ་ནུབ་བྱང་ཕྱོགས་ཕྱོགས་ནས། །མེ་སྦར་ལྷ་མོ་རང་མདོག་ལྡན། །དྲི་ཟ་གཤིན་རྗེ་གནོད་སྦྱིན་ཀླུ། །ཞི་རྒྱས་དབང་དྲག་མེ་སྦར་མཛོད། ཧཱུྃ་ཧྲཱིཿ མཚམས་བཞི་མེ་ལྷ་སྲིན་པོ་དང་། །རླུང་ལྷ་དབང་ལྡན་ལ་སོགས་ཀྱང་། །ཤིང་ཐུན་རྣམས་ཀྱིས་ཤིང་ཐུས་ཤིག །རླུང་གཡབ་རྣམས་ཀྱི་རླུང་གཡོབ་ཅིག །ཞི་རྒྱས་དབང་དྲག་ཕྲིན་ལས་མཛོད། ཨོཾ་ཨགྣི་ཛྭ་ལ་རཾ་ཧཱུྃ། དེ་ནས་མེ་ལྷ་དམ་ཚིག་པ་བསྐྱེད་ཅིང་ཡེ་ཤེས་བསྟིམ་ནས་ཕྱག་འཚལ་མཆོད་བསྟོད་བྱ་

[Full Size]

པ་ལ། ཐོག་མའི་ཞི་བའི་སྦྱིན་བསྲེག་ལུགས་ལྟར་ན། ཧཱུྃ། མེ་ཐབ་མི་དམིགས་སྟོང་པའི་ངང་ཉིད་ལས། ཨེ་ལས་བྱུང་བ་ཞི་བའི་ཐབ་ཁུང་ཟླུམ། །དཀར་གསལ་མདངས་ལྡན་མེ་ལྕེ་ཟླུམ་པོར་འབར། །དབུས་སུ་པདྨ་ཉི་ཟླའི་གདན་སྟེངས་སུ། །དམ་ཚིག་མེ་ལྷ་དྲང་སྲོང་ཆ་ལུགས་ཅན། །སྐུ་མདོག་དཀར་པོ་འཛུམ་ཞིང་ཞི་འཛུམ་མཛེས། །ཞལ་གཅིག་ཕྱག་བཞི་སྤྱན་གསུམ་ར་སྐྱེས་ཆིབས། །ཕྱག་གཡས་མེ་ཐབ་འོག་མས་གྷུ་རྡེ་བསྣམས། །གཡོན་པ་བགྲང་ཕྲེང་འོག་མས་ལྕགས་ཀྱུ་འཛིན། ཤ་རྒྱས་གཟུགས་བྱུང་སྒེག་ཅིང་ལྟོ་བ་འཕྱང་། །སྨྲ་ར་དམར་སེར་རལ་པའི་ཅོད་པཎ་ཅན། །དྲང་སྲོང་ཚོགས་ཀྱིས་བསྐོར་བའི་དབུས་ན་གསལ། །བདག་ཉིད་ཡི་དམ་ལྷ་ཡི་ཐུགས་ཀ་ནས། །འོད་འཕྲོས་ཤར་ལྷོ་མེ་ལྷའི་ཡུལ་ནས་ནི། །ཡེ་ཤེས་སེམས་དཔའ་དམ་ཚིག་ཇི་ལྟ་བར། །དྲང་སྲོང་ཚོགས་ཀྱི་

[Full Size]

བསྐོར་བ་སྤྱན་དྲངས་གྱུར། འདི་བཞིན་དུ། རྒྱས་པའི་སྦྱིན་བསྲེག་ལ་ཚིག་གཞན་རྣམས་གོང་བཞིན་ལས། ཨེ་ལས་བྱུང་བའི་རྒྱས་པའི་ཐབ་ཁུང་ནི། །གྲུ་བཞི་སེར་པོ་མེ་ལྕེ་རིན་ཆེན་འབར། །དེ་དབུས་པདྨ་ཉི་ཟླའི་གདན་སྟེངས་སུ། །དམ་ཚིག་མེ་ལྷ་སེར་པོ་གཟི་བརྗིད་ཅན། ཞེས་ཁ་བསྒྱུར་ཞིང་། དེ་བཞིན་དུ་དབང་གི་སྐབས་སུ། ཨེ་ལས་བྱུང་བའི་དབང་གི་ཐབ་ཁུང་དམར། །ཟླ་གམ་མེ་ལྕེ་འགུགས་བྱེད་ལྕགས་ཀྱུ་འབར། ཞེས་པ་དང་། །དམ་ཚིག་མེ་ལྷ་དམར་པོ་ཆགས་པའི་མདངས། ཞེས་སོགས་དང་། དྲག་པོ་ལ། ཨེ་ལས་བྱུང་བའི་དྲག་པོའི་ཐབ་ཁུང་ནི། །གྲུ་གསུམ་ལྗང་ནག་མེ་ལྕེ་མཚོན་ཆར་འབར། ཞེས་དང་། དམ་ཚིག་མེ་ལྷ་ལྗང་ནག་ཁྲོས་པའི་སྐུ། ཞེས་ཁ་བསྒྱུར་བར་བྱའོ། །དེ་ནས་ཕྲིན་ལས་བཞི་གའི་མེ་ལྷ་སྤྱན་འདྲེན་ནི། ལས་སོ་སོའི་ཁ་དོག་མཐུན་པའི་མདའ་དར་གཡབ། ཧཱུྃ། དད་པ་དང་ནི་དམ་ཚིག་གིས། །སྤྱན་འདྲེན་ཚུར་གཤེགས་འབྱུང་

[Full Size]

པོ་ཆེ། མེ་ལྷའི་རྒྱལ་པོ་དྲང་སྲོང་མཆོག །རང་བཞིན་གནས་ནས་སྐུ་བསྐྱོད་ལ། །རང་གི་དམ་ཚིག་ཚུལ་བཞིན་དུ། །རང་བཞིན་དཀྱིལ་འཁོར་ཆེན་པོ་ནས། །གཟུགས་བརྙན་དཀྱིལ་འཁོར་དམ་པ་འདིར། །སྤྱན་འདྲེན་མཆོད་ཀྱིས་གཤེགས་སུ་གསོལ། ཨོཾ་ཨགྣ་ཡེ། བྷི་རི་ཥི་ཉྱ་ཛཿཛཿ ཨེ་ཧྱ་ཧི། ས་མཱ་ཛཿཛཿཧཱུྃ་བྃ་ཧོཿ བཞུགས་སུ་གསོལ་བ་ནི། ཧཱུྃ། གཟི་བརྗིད་འབར་བ་མེ་ཡི་ལྷ། །ཡིད་ལ་འདོད་པ་ཀུན་བསྒྲུབ་ཅིང་། །ཐུགས་རྗེས་སེམས་ཅན་དོན་བྱེད་པ། །འབར་བའི་གནས་འདིར་བཞུགས་སུ་གསོལ། ཨོཾ་ཨགྣ་དེ་ཝ། ས་མ་ཡ། ཨ་ཝེ་ཤ་ཡ་ཏིཥྛ་ལྷན། །དམ་ཡེ་གཉིས་མེད་དུ་གྱུར་པ་ལ་ཕྱག་འཚལ་བ་ནི། ཧཱུྃ། ཚངས་པ་འཇིག་རྟེན་མགོན་གྱི་སྲས། ཞི་ལ་སོགས་པའི་ལྷ་དཔལ་ཏེ། །ཇི་ལྟར་འདོད་པའི་དོན་འགྲུབ་པ། །གཟི་བརྗིད་རྒྱལ་པོར་ཕྱག་འཚལ་ལོ། ཨ་ཏི་པུ་ཧོ། པྲ་ཏི་ཛ་ཧོཿ མཆོད་པ་འབུལ་བ་ནི། ཧཱུྃ། སྟོང་གསུམ་འདིའམ་གཞན་

[Full Size]

དག་ན། །མེ་ཏོག་བདུག་སྤོས་མར་མེ་དྲི། །ཞལ་ཟས་རོལ་མོ་ཇི་སྙེད་ཀུན། །ཡེ་ཤེས་མེ་ལྷའི་ཚོགས་ལ་འབུལ། །ཕྲིན་ལས་སྒྲུབ་ཕྱིར་བཞེས་སུ་གསོལ། ཨོཾ་ཨགྣ་དེ་ཝ་ཏྱ། བཛྲ་ཨརྒྷཾ། པུཥྤེ། དྷུ་པེ། ཨཱ་ལོ་ཀེ། གྷནྡྷེ། ནཻ་བི་དྱ། ཤབྟ་པྲ་ཏཱིཙྪ་སྭཱ་ཧཱ། ཧཱུྃ། སྟོང་གསུམ་འདི་འམ་གཞན་དག་ན། །གཟུགས་སྒྲ་དྲི་རོ་རེག་བྱ་ཆོས། །འདོད་ཡོན་བླ་མེད་མཆོད་པ་འདི། །ཡེ་ཤེས་མེ་ལྷའི་ཚོགས་ལ་འབུལ། །ཕྲིན་ལས་བསྒྲུབ་ཕྱིར་བཞེས་སུ་གསོལ། ཨོཾ་ཨགྣེ་དེ་ཝ་ཏྱ། རཱུ་པ། ཤབྟ། གྷནྡྷ། རཱ་ས། པརྴེ་པྲ་ཏཱིཙྪ་སྭཱ་ཧཱ། ཧཱུྃ། སྟོང་གསུམ་འདི༴ བདུད་རྩི་རྩ་བརྒྱད་སྟོང་སྦྱར་དང་། །རཀྟ་དམར་མཆོད་ཨརྒྷཾ་དང་། བཅུད་ལྡན་མཆོག་གི་གཏོར་མ་རྣམས། ཡེ་ཤེས་མེ་ལྷའི༴ ཕྲིན་ལས་བསྒྲུབ་ཕྱིར་བཞེས་

[Full Size]

སུ་གསོལ། ཨོཾ་ཨགྣ་དེ་ཝ་ཏྱ། པཉྩ་ཨ་མྲྀ་ཏ། རཀྟ། བྷ་ལིངྟ་ཁ་རཾ་ཁཱ་ཧི། ཧཱུྃ། སྟོང་གསུམ༴ འདོད་ཡོན་མཆོག་གི་ལོངས་སྤྱོད་ནི། །ཚོགས་མཆོད་བདུད་རྩིའི་རྒྱ་མཚོ་འདི། ཡེ་ཤེས་མེ་ལྷའི༴ ཕྲིན་ལས་བསྒྲུབ་ཕྱིར་བཞེས་སུ་གསོལ། ཨོཾ་ཨགྣ་དེ་ཝ་ཏྱ། ག་ན་ཙཀྲ་པཱུ་ཛ་ཁཱ་ཧི། དེ་ལྟར་འདི་ཡིན་གྱི་མཆོད་པ་རྣམས་ནི་ལས་བཞི་ཐམས་ཅད་ལ་འབུལ་ཞིང་། དྲག་པོ་ཡིན་ན། འབྲོག་འབྲང་འབུལ་བ་ནི། ཧཱུྃ། །ང་བདག་གཟུང་འཛིན་དགྲ་གེགས་ཤ་ཁྲག་རུས། །ཀླད་པ་རྐང་མར་ཚིལ་བུ་ནང་རོལ་བཅས། །གཟུགས་ཀྱི་ཕུང་པོ་མེ་ལྷའི་ཞལ་དུ་འབུལ། །མ་རུང་གདུག་པ་ཐུལ་ཕྱིར་བཞེས་སུ་གསོལ། ཨོཾ་ཨགྣ་དེ་ཝ་ཏྱ། སརྦ་ཤ་ཏྲུམ་ཨ་མུ་ཀཾ་མ་ར་ཡ་ཧཱུྃ་ཕཊཿ དང་ཅེས་འབུལ་ཞིང་། མངའ་གསོལ་བ་ནི། ཧཱུྃ་ཧྲཱིཿ ཆེ་བའི་ཆེ་མཆོག་མེ་ལྷ་ནི། ཁམས་གསུམ་བསྲེག་

[Full Size]

ཕྱིར་ཞལ་ཆེར་བགྲད། །སྲིད་གསུམ་གཟིགས་ཕྱིར་སྤྱན་གསུམ་ཧྲིག །སྟོང་གསུམ་འདུལ་ཕྱིར་མེ་དཔུངས་འབར། །འུར་འུར་ཆེམ་ཆེམ་སྲེག་བྱེད་སྐུ། །ལས་ངན་སྡིག་སྒྲིབ་ཞལ་དུ་བསྲེག །བསམ་སྦྱོར་ངན་པ་ཞལ་དུ་བསྲེག །རྦད་འདྲེ་རྦོད་གཏོང་ཞལ་དུ་བསྲེག །བསྟན་པའི་རུ་དྲ་ཞལ་དུ་བསྲེག །རྐྱེན་ངན་བར་ཆད་ཞལ་དུ་བསྲེག །ཨོཾ་ཨགྣི་དེ་ཝ་ཏྱ། གནོད་བྱེད་འབྱུང་པོ་སརྦ་ཤ་ཏྲུམ་མཱ་ར་ཡ་ཕཊཿ དང་། དེ་ནས་ཐུན་རྫས་ཕུལ་ལ། ཧཱུྃ། ལྕགས་ཕྱེ་ཟངས་ཕྱེ་རྡོ་ཕྱེ་སོགས། །ཁྲག་དང་བསྲེས་ཏེ་འབུལ་ལགས་ན། །མུནྡྷ་ར་ཡི་ཆང་དང་སྦྱར། །བསྲེས་པས་དགྲ་གེགས་ཕུང་བར་མཛོད། །ཨ་མུ་ཀཾ་མཱ་ར་ཡ་ཕཊཿ དང་། དེ་ལྟར་གོང་གི་འབྲོག་འབྲང་ནས་འདི་ཡན་ཆད་རྣམས་དྲག་པོ་མ་གཏོགས་གཞན་གསུམ་ལ་མི་དགོས་ཤིང་། ཞི་རྒྱས་དབང་གསུམ་ལ་ནི་ཚོགས་ཕུལ་བའི་འཇུག་དེར་སོ་སོའི་

[Full Size]

ཡམ་ཤིང་འདི་ལྟར་འབུལ་ཏེ། ཧཱུྃ། ཞི་བའི་ཡམ་ཤིང་གླང་མ་བལ་དཀར་སོགས། །ཞི་བའི་རྫས་ཀྱི་བྲན་ནས་བྱིན་རླབས་པ། །བཅོམ་ལྡན་ཡེ་ཤེས་མེ་ལྷའི་ཚོགས་ལ་འབུལ། །ཞི་བའི་ཕྲིན་ལས་སྒྲུབ་ཕྱིར་བཞེས་སུ་གསོལ། ཨོཾ་ཨགྣེ་དེ་ཝ་ཏྱ། ནད་གདོན་སྡིག་སྒྲིབ་རྐྱེན་ངན་བར་ཆད་ཐམས་ཅད་ཤནྟི༚་ཀུ་རུ་ཡེ་སྭཱ་ཧཱ། ཞེས་འབུལ་ཞིང་། དེ་བཞིན་དུ་རྒྱས་པ་ལ། ཧཱུྃ། རྒྱས་པའི་ཡམ་ཤིང་འབྲས་བུ་ཅན་རྣམས་ལ། །དེ་དང་མཐུན་པའི་རྫས་བྱུག་བྱིན་རླབས་ཏེ། །བཅོམ་ལྡན་ཡེ་ཤེས་མེ་ལྷའི་ཚོགས་ལ་འབུལ། །རྒྱས་པའི་ཕྲིན་ལས་བསྒྲུབ་ཕྱིར་བཞེས་སུ་གསོལ། ཨོཾ་ཨགྣི་དེ་ཝ་ཏྱ། ཚེ་བསོད་དཔལ་འབྱོར་ལོངས་སྤྱོད་ཐམས་ཅད་པུཥིྚ་ཀུ་རུ་ཡེ་སྭཱ་ཧཱ། དབང་ལ། ཧཱུྃ། དབང་གི་ཡམ་ཤིང་ཙནྡ་རྒྱ་ཤུག་ལ། །དེ་དང་མཐུན་པའི་རྫས་བྱུགས་བྱིན་རླབས་ནས། བཅོམ་ལྡན་ཡེ་ཤེས༴ དབང་གི་ཕྲིན་ལས༴ ཨོཾ་ཨགྣི་དེ་

[Full Size]

ཝ་ཏྱ། ཁམས་གསུམ་སྲིད་པ་གསུམ་གྱི་སྐྱེ་འགྲོ་དང་བརྟན་གཡོའི་བཅུ་དང་ནུས་མཐུ་ཐམས་ཅད་ཝ་ཤམ་ཀུ་རུ་ཡེ་སྭཱ་ཧཱ། དྲག་པོ་ལ། ཧཱུྃ། དྲག་པོའི་ཡམ་ཤིང་ཚེར་མ་དུག་ཤིང་ཚོགས། །དེ་དང་མཐུན་པའི་རྫས་བྱུགས་བྱིན་རླབས་པ། །བཅོམ་ལྡན་ཡེ་ཤེས་མེ་ལྷའི༴ དྲག་པོའི་ཕྲིན་ལས༴ ཨོཾ་ཨགྣི་དེ་ཝ་ཏྱ། གནོད་བྱེད་དགྲ་གེགས་འབྱུང་པོ་ཐམས་ཅད་མཱ་ར་ཡ་ཕཊཿ དེ་ནས་སྲེག་གཞན་རྣམས་ཀྱང་རིམ་པ་བཞིན་འབུལ་བ་ནི། ཐོག་མར་དགང་བླུགས་ཀྱི་སྦྱོར་བས་མར་ཁུ་ལན་བདུན་སོགས་ཅི་རིགས་འབུལ་ཞིང་། ཨོཾ་ཨགྣ་ཡེ། ཨ་དྷི་བྷྱཿ ས་དྷི་བྷྱཿ ཨཱ་བྷེ་ཤ་ཡ་མ་ཧཱ་ཤྲི་ཡོ། ཧ་བྱ་ཀ་བྱ། བྷ་ཧ་ནཱ་ཡེ་སྭཱ་ཧཱ། ཞེས་པས་འབུལ་ཞིང་། གོང་གིས་ཡམ་ཤིང་གི་སྔགས་མཐའ་དང་མཐུན་པར། འདིར། བསྲེག་རྫས་ཐམས་ཅད་ཀྱི་ཕུད་ཅུང་ཟད་རེ་བཅད་ནས་འོག་ཏུ་ཡི་དམ་ལ་འབུལ་བ་ཡང་ཕྱག་བཞེས་ཏེ། །གཙོ་བོར་མཐིང་བ་རྒྱུད་པ་གལ་ཆེའོ། ལས་

[Full Size]

བཞི་གང་ཡིན་པའི་འདོད་གསོལ་བརྗོད། འདི་བཞིན་བསྲེག་རྫས་འོག་མ་ཀུན་ལ་ཡང་སྔགས་རིང་འདིར་བརྗོད་པའི་མཐར་སོ་སོའི་སྔགས་གདགས་པར་བྱ་སྟེ། ཨོཾ་སརྦ་པཱ་པཾ་ད་ཧ་ན་བཛྲ་ཡེ་སྭཱ་ཧཱ། ཞེས་པས་ཏིལ་འབུལ་ཞིང་འདོད་གསོལ་སྔར་ལྟར་བྱ། ཨོཾ་བཛྲ་ཨ་ཡུ་ཥེ་སྭཱ་ཧཱ། ཞེས་པས་དུརྦ་འབུལ། ཨོཾ་བཛྲ་པུཥྚཱ་ཡེ་སྭཱ་ཧཱ། འབྲས་འབུལ། ཨོཾ་བཛྲ་པཾ་པ་ཏེ་སྭཱ་ཧཱ། ཟས་མཆོག་འབུལ། ཨོཾ་ཨ་པྲ་ཏི་ཧ་ཏ་བཛྲ་ཡེ་སྭཱ་ཧཱ། ཀུ་ཤ་འབུལ། ཨོཾ་བཛྲ་བི་ཛ་ཡེ་སྭཱ་ཧཱ། སོ་བ་འབུལ། ཨོཾ་མ་ཧཱ་བི་དྱཱ་སྭཱ་ཧཱ། ནས་འབུལ། ཨོཾ་མ་ཧཱ་བ་ལ་སྭཱ་ཧཱ། སྲན་མ་འབུལ་ཏེ། དེ་ལྟར་སྲེག་རྫས་རྣམས་ཕུལ་བའི་མཐར། ཧཱུྃ། གཟི་བརྗིད་འབར་བ་མེ་ཡི་ལྷ། །དྲང་སྲོང་ཆེན་པོའི་ལྷ་ཚོགས་རྣམས། །ཐུགས་རྗེས་སེམས་ཅན་དོན་མཛད་ཕྱིར། །སྦྱིན་སྲེག་མཆོད་པ་བཞེས་སུ་གསོལ། ཧཱུྃ། ཡེ་ཤེས་ཀློང་ཡངས་འཁྱིལ་བའི་ཧོམ་ཁུང་དུ། །

[Full Size]

དམ་རྫས་བདུད་རྩི་འབར་བའི་སྦྱིན་བསྲེག་འདི། །མེ་ལྷ་དྲང་སྲོང་ཁྱོད་ལ་མཆོད་པ་འབུལ། །ཕྲིན་ལས་རྣམས་བཞི་མྱུར་དུ་འགྲུབ་པར་མཛོད། ཧ་ཧ་ཧེ་ཧེ་ཧཱུྃ་ཧཱུྃ། དེ་ནས་བསྟོད་པ་ནི། ཧཱུྃ། མེ་ལྷའི་རྒྱལ་པོ་དྲང་སྲོང་མཆོག །བདུད་བཞི་འཇོམས་མཛད་ཕྱག་བཞི་པ། །ལས་ཀུན་སྒྲུབ་མཛད་འོད་པོ་ཆེ། །སྔོན་ཚེ་དུས་ན་ལྷ་ཡི་མཆེད། །ད་ལྟ་རྣལ་འབྱོར་སྒྲུབ་པའི་མཆེད། །ལས་ཀུན་མཛད་ལ་ཕྱག་འཚལ་བསྟོད། ཧཱུྃ། དྲང་སྲོང་མེ་ལྷ་གཟི་བརྗིད་འབར་བའི་འོད། །འགྲོ་དོན་ཐུགས་རྗེ་རྒྱུན་ཆད་མེད་པ་ཡི། །ཡབ་ཡུམ་སྲས་དང་སྤྲུལ་འཁོར་བཅས་པ་ལ། །དམ་རྫས་སྦྱིན་བསྲེག་མཆོད་པ་འདི་ཕུལ་བས། །ཞི་རྒྱས་དབང་དྲག་ཕྲིན་ལས་ཐམས་ཅད་ནི། །ཐོགས་མེད་མྱུར་དུ་བསྒྲུབ་པའི་དུས་ལ་བབས། བཛྲ་ས་མ་ཡ་ཛཿ ཀརྨ་ཀུ་རུ་ཧཱུྃ། ཞེས་དང་། ལས་བཞི་སོ་སོའི་འདོད་གསོལ་

[Full Size]

ནི། ཞི་བ་ལ། ཧོ། དྲང་སྲོང་ཆེན་པོ་ཁྱོད་ལ་ཕྲིན་ལས་སུ་གསོལ་བ་ནི། བདག་ཅག་དཔོན་སློབ་རྒྱུ་སྦྱོར་ཡོན་བདག་འཁོར་དང་བཅས་པ་རྣམས་ལ། སྡང་བའི་དགྲ། གནོད་པའི་བགེགས། གདུགས་པའི་དབལ། རྣོ་བའི་མཚོན། སྦྱོར་བའི་དུག །ནད་བཞི་བརྒྱ་རྩ་བཞི་གདོན་སྟོང་ཕྲག་བརྒྱད་ཅུ། །ཡེད་འབྲོག་གསུམ་བརྒྱ་དྲུག་ཅུ། རྨི་ལམ་ངན་པ། ལྟས་ངན་པ། མཚན་མ་ངན་པ། སྦྱོར་བ་རྩུབ་པ། ལོ་སྐག་ཟླ་ཀག་ཞག་ཀག་ཟ་ཀག །མོ་ངན་རྩིས་རྩུབ། མི་ཁ་བྲམ་ཆུ་ལ་སོགས་པ། མདོར་ན་བཀྲ་མི་ཤེས་པའི་དངོས་པོ་ཐམས་ཅད་ཞི་བར་མཛད་དུ་གསོལ། ཤནྟིང་ཀུ་རུ་ཡེ་སྭཱ་ཧཱ། ཞེས་སོགས་གང་འདོད། སྐབས་དང་སྦྱར་རོ། དེ་བཞིན་དུ་རྒྱས་པ། ཧོ། དྲང་སྲོང་ཆེན་པོ་ཁྱོད་ལ་ཕྲིན་ལས་གསོལ་བ་ནི། བདག་སོགས་དཔོན་སློབ་རྒྱུ་སྦྱོར་ཡོན་བདག་འཁོར་དང་བཅས་པའི་ཚེ་དང་བསོད་ནམས་དཔལ་དང་འབྱོར་

[Full Size]

པ་སྙན་པ་དང་གྲགས་པ་སྟོབས་དང་ནུས་པ་གཟི་བརྗིད་དང་ལོངས་སྤྱོད་བུ་ནོར་དང་མངའ་ཐང་ཏིང་འཛིན་དང་ཉམས་རྟོགས་ལ་སོགས་དགེ་ལེགས་ཀྱི་ཡོན་ཏན་ཐམས་ཅད་འཕེལ་ཞིང་རྒྱས་པར་མཛད་དུ་གསོལ། ཤནྟིང་ཀུ་རུ་ཡེ་སྭཱ་ཧཱ། དབང་ལ། ཧོ། དྲང་སྲོང་ཆེན་པོ༴ བདག་ཅག་དཔོན་སློབ་རྒྱུ་སྦྱོར་ཡོན་བདག་འཁོར་དང་བཅས་པ་ལ་ཁམས་གསུམ་སྲིད་གསུམ་འཇིག་རྟེན་ཀུན་གྱི་མི་ནོར་ཟས་གསུམ་མོས་པ་རྣམ་བཞི་ལྷ་འདྲེ་མི་གསུམ་གྱི་མཐུ་སྟོབས་ལོངས་སྤྱོད་ལ་སོགས་སྣང་སྲིད་འཁོར་འདས་ཀྱི་འདོད་དགུའི་དངོས་གྲུབ་ཐམས་ཅད་དབང་དུ་འདུ་བར་མཛད་དུ་གསོལ། ཝ་ཤམ་ཀུ་རུ་ཡེ་སྭཱ་ཧཱ། དྲག་པོ་ལ། ཧོཿ དྲང་སྲོང་ཆེན་པོ་ཁྱོད་ལ་ཕྲིན་ལས་སུ་གསོལ་བ་ནི། །སྤྱིར་སངས་རྒྱས་ཀྱི་བསྟན་པ་བཤིག་པ། དཀོན་མཆོག་གི་དབུ་འཕང་སྨོད་པ། །དགེ་འདུན་གྱི་སྤྱི་དགྲ་བྱེད་པ། རྣལ་འབྱོར་པའི་དགོས་དགྲ་གྱུར་པ་ལ་སོགས་

[Full Size]

དང་། ཁྱད་པར་བདག་སོགས་དཔོན་སློབ་ཡོན་མཆོད་མི་ནོར་འཁོར་དང་བཅས་པ་ཐམས་ཅད་ལ། བསམ་པ་ངན་ཞིང་སྦྱོར་བ་རྩུབ་མོ་བཤོམ་པར་བྱེད་པའི་དགྲ་བོ་བྱས་མ་ལྷ་བསྲུང་དང་བཅས་པ་གནོད་བྱེད་ཀྱི་གདོན་བགེགས་རྒྱབ་རྟེན་དཔུང་རོག་དང་བཅས་པ་ལ་སོགས་ལོག་པར་འདྲེན་ཞིང་འཚེ་བར་གྱུར་པའི་རུ་དྲ་ཐམས་ཅད་རྡུལ་ཕྲན་བཞིན་དུ་རླག་པར་མཛད་དུ་གསོལ། མེད་པར་མཛད་དུ་གསོལ་སྟོང་པར་མཛད་དུ་གསོལ། མིང་གི་ལྷག་མ་ཙམ་ཡང་མ་ལུས་པར་མཛད་དུ་གསོལ། སརྦ་ཤ་ཏྲུམ་མཱ་ར་ཡ་ཕཊཿདེ་ནས་བར་སྐབས་འདིར། ཚེ་ལྷའི་ལྟོ་བར་གཞལ་ཡས་ཁང་གསལ་བར་དཀྱིལ་འཁོར་གྱི་ལྷ་ཚོགས་གང་འདོད་བསྐྱེད་པ་ལ་སྦྱིན་བསྲེག་གི་མཆོད་པ་འབུལ་བར་གསུངས་པས་འདིར་ཡང་ཚེ་སྒྲུབ་དང་ཐུགས་རྗེ་ཆེན་པོ་ལ་སོགས་གང་བསྐྱེད་ཀྱང་རུང་མོད་ཀྱི་འོན་ཀྱང་ལྷ་ཐམས་ཅད་རྒྱལ་བ་ཞི་ཁྲོ་ལ་མ་འདུས་པ་གང་ཡང་མེད་ཕྱིར། ཞི་ཁྲོ་

[Full Size]

ངེས་དོན་སྙིང་པོ་ལྟར་བསྐྱེད་པར་བྱ་སྟེ། མེ་ཐབ་བུད་ཤིང་དུ་ཅུང་ཟད་ཁ་གསོས་ནས་བསངས་ཆུ་འཐོར་ཏེ། མེ་ལྷའི་རྒྱལ་པོ་དྲང་སྲོང་ཆེན་པོའི་སྐུའི་ལྟོ་བ་རབ་ཏུ་ཡངས་པ་ཆོས་ཀྱི་དབྱིངས་དང་མཉམ་པའི་དབུས་སུ། ཡེ་ཤེས་འོད་ལྔ་འཁྲིག་པའི་གཞལ་ཡས་ཁང་གི་ནང་། པདྨ་ཉི་ཟླ་བརྩེགས་པའི་གདན་ལ། དཀྱིལ་འཁོར་མ་ལུས་པའི་བདག་ཉིད་རྒྱལ་བ་པདྨ་འོད་འབར་སྐུ་མདོག་ཕྱག་མཚན་རྒྱན་ཆ་ལུགས་ཐམས་ཅད་ཡོངས་སུ་རྫོགས་པར་བཞུགས་པའི་ཐུགས་ཆོས་དབྱིངས་ཁྱབ་གདལ་གྱི་ཀློང་ན། རང་སེམས་ཀ་དག་གི་ངོ་བོ་ཀུན་བཟང་ཡབ་ཡུམ། ལྷུན་གྲུབ་ཡེ་ཤེས་ཀྱི་རང་མདངས་རིགས་ལྔ་ཡབ་ཡུམ་བཅུ། སེམས་དཔའ་སེམས་མ་ཐུབ་དྲུག་སྒོ་བ་སྒོ་མ་དང་བཅས་པ་རྣམས་ཀྱི་རྩལ་གདངས་འགགས་མེད་ཀྱི་རོལ་པར། ཀླད་པ་དུང་ཁང་འབར་བའི་ཕོ་བྲང་འཇའ་འོད་མེ་སྤུངས་ཐིག་ལེའི་ཀློང་དུ། ཁྲོ་བོ་ཐམས་ཅད་

[Full Size]

ཀྱི་སྤྱི་དཔལ་ཆེ་མཆོག་ཧེ་རུ་ཀ་ཡབ་ཡུམ་གྱི་འཁོར་དུ། སྤྲུལ་པའི་ཁྲག་འཐུང་ཡབ་ཡུམ་བཅུ་དང་། ཡང་སྤྲུལ་ཀཽ་རི་མ་མོ་བརྒྱད། སིངྷ་ཕྲ་མོན་བརྒྱད། ལས་བྱེད་སྒོ་མ་བཞི། དབང་ཕྱུག་མ་ཉི་ཤུ་རྩ་བརྒྱད་ལ་སོགས་དམ་པ་རིགས་བརྒྱའི་ལྷ་ཚོགས་དང་། །མགྲིན་པར་རིག་འཛིན་དཔའ་བོ་ཡབ་ཡུམ་བཅུ། ལྟེ་བར་ཡུམ་མཆོག་མཁའ་འགྲོ་སྡེ་ལྔ་ལ་མ་མོ་མཁའ་འགྲོ་རྒྱ་མཚོས་བསྐོར་བ། གསང་བར་དཔལ་ཆེན་རྡོ་རྗེ་གཞོན་ནུའི་ལྷ་ཚོགས་ལ་ཆོས་སྲུང་དམ་ཅན་རྒྱ་མཚོའི་ཚོགས་ཀྱི་བསྐོར་བ་དང་། གཞན་ཡང་སྐུའི་བ་སྤུའི་ཁུང་བུ་ཡན་ཆད་ལ་ཕྱི་ནང་གསང་བའི་དཀྱིལ་འཁོར་རབ་འབྱམས་ནམ་མཁའི་མཐའ་ཀླས་པར་བཞུགས་པའི་ལྷ་ཚོགས་ཐམས་ཅད་ཀྱི་ཐུགས་ཀའི་ས་བོན་དང་གནས་གསུམ་འབྲུ་གསུམ་ལས་འོད་འཕྲོས་པས། ཡེ་ཤེས་ཀྱི་ལྷ་ཚོགས་ཉི་ཟེར་ལ་རྡུལ་འཁྲིགས་པ་ལྟར་བྱོན་ནས་དམ་ཚིག་གི་

[Full Size]

ལྷ་ཚོགས་རྣམས་ལ་ཐིམ་པར་གྱུར། །ཞེས་ཚིག་དོན་མཐུན་པར་བསྐྱེད་ལ། །སྤྱན་འདྲེན་མཆོད་བསྟོད་ཀྱི་རིམ་པ་ནི། ཧཱུྃ། རང་བཞིན་ཆོས་ཀྱི་དབྱིངས་ལས་མ་གཡོས་ཀྱང་། །རང་མདངས་རོལ་པའི་ཆོ་འཕྲུལ་ཞི་ཁྲོའི་ཚོགས། །འགྲོ་བའི་དོན་དུ་སོ་སོའི་སྐུ་སྤྲུལ་པ། །ཡབ་ཡུམ་སྲས་དང་བཅས་པ་གཤེགས་སུ་གསོལ། བཛྲ་ས་མ་ཡ་ཛཿ རང་བྱུང་ལྷུན་གྲུབ་ཡེ་ཤེས་གཞལ་ཡས་ཁང་། །ཡེ་ནས་མ་བཅོས་རང་བབས་དཀྱིལ་འཁོར་འདིར། །གླང་ཆེན་ལ་སོགས་བམ་དང་ཉི་ཟླའི་སྟེང་། །སྒྱུ་འཕྲུལ་ཞི་ཁྲོའི་ལྷ་ཚོགས་བཞུགས་སུ་གསོལ། །ས་མ་ཡ་ཨ་བྷེ་ཤ་ཡ་ཏི་ཥྛ་ལྷན། ཧཱུྃ། སྐུ་གསུང་ཐུགས་དང་ཡོན་ཏན་ཕྲིན་ལས་སྟེ། །སྣང་སྟོང་གྲགས་སྟོང་གསལ་སྟོང་རིག་སྟོང་དང་། །བདེ་སྟོང་དབྱེར་མེད་ཨ་འཐས་སྡུག་བསྔལ་བྲལ། །རྒྱལ་བ་ཞི་ཁྲོའི་ཚོགས་ལ་ཕྱག་འཚལ་ལོ། །ཨ་ཏི་པུ་ཧོ་པྲ་ཏི་ཛ་ཧོཿ ཡ་མི་ན་མོ། ཧཱུྃ་ཧྲཱིཿ མཆོད་ཡོན་བརྒྱ་དང་རྒྱལ་སྲིད་རིན་ཆེན་

[Full Size]

བདུན། །འདོད་ཡོན་ལྔ་ལྡན་ཕྱི་མཆོད་སྣ་ཚོགས་འབུལ། །ལྷ་མོ་བཅུ་དྲུག་སྨན་རཀ་བདུད་རྩི་དང་། །དུག་ལྔ་ཡེ་ཤེས་སྦྱོར་སྒྲོལ་ནང་མཆོད་འབུལ། ཨོཾ་ཨཱཿཧཱུྃ། སརྦ་པཱུ་ཛ་ཧོཿ ཧཱུྃ་ཧྲཱིཿ རྣམ་ཤེས་ཚོགས་བརྒྱད་དགའ་བཞི་བདེ་སྟོང་གསལ། །ཕྱི་ནང་སྣོད་བཅུད་འདོད་ཡོན་ཕྱི་གཏོར་དང་། །དུག་ལྔ་ཕུང་པོ་ཤ་ཁྲག་ནང་གཏོར་དང་། །ཡེ་ཤེས་ལྔ་ལྡན་ཏིང་འཛིན་གསང་གཏོར་འབུལ། ཨོཾ་ཨཱཿཧཱུྃ་གུ་རུ་དེ་ཝ་ཌཱ་ཀི་ནི། ཨི་བ་ལི༚་ཏ་ཁ་རཾ་ཁཱ་ཧི། ཨརྒྷཾ། པཱདྱཾ། པུཥྤེ། ཨཱ་ལོ་ཀེ། གྷ་ནྡྷེ། ནཻ་ཝི་དྱ། ཤབྟ་པྲ་ཏཱིཙྪ་ཨཱ་ཿཧཱུྃ། རཱུ་པ། ཤབྟ། གནྡྷེ། རཱ་ས། པརྴེ་པྲ་ཏིཙྪ་ཨཱཿཧཱུྃ། སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི། དེ་ནས་བར་འདིར་དཀྱིལ་འཁོར་ལྷ་ཚོགས་རྣམས་ལ་བསྲེག་རྫས་འབུལ་བ་ནི། དགང་བླུག་གི་སྦྱོར་བས་མར་ཁུ་ལན་བདུན་ནམ་ཉེར་གཅིག་སོགས་འབུལ་ཞིང་། སྔགས་ནི། ཨོཾ་གུ་རུ་དེ་ཝ་ཌཱ་ཀི་ནི་

[Full Size]

ན་མསྶ་མནྟ་བུདྡྷ་ནཾ། ཨགྣི་ཡེ་སྭཱ་ཧཱ། དཀྱིལ་འཁོར་གྱི་ལྷ་ཚོགས་རྣམས་ལ་སྦྱིན་བསྲེག་གི་མཆོད་པ་ཕུལ་ནས། བདག་སོགས་ཡོན་མཆོད་ཐམས་ཅད་ཀྱི་ནད་གདོན་སྡིག་སྒྲིབ་རྐྱེན་ངན་བར་ཆད་ཤིནྟང་ཀུ་རུ་ཡེ་སྭཱ་ཧཱ། ཞེས་པ་ལ་སོགས་ཕྲིན་ལས་བཞི་གང་ཡིན་གྱི་འདོད་གསོལ་རྣམས་གོང་དུ་ཡམ་ཤིང་གི་སྐབས་སུ་བཤད་པ་ལྟར་བརྗོད། དེ་བཞིན་དུ། ཡམ་ཤིང་། ཏིལ། དུར་ཝ། འབྲས། ཟས་མཆོག་ཀུ་ཤ །སོ་བ། ནས། སྲན་མ་རྣམ་ཀྱང་གོང་ལྟར་འབུལ་ཞིང་། སྔགས་ནི་ཡམ་ཤིང་ལ། ཨོཾ་གུ་རུ་དེ་ཝ་ཌཱ་ཀི་ནི། བཛྲ་ཏི་པ་ལཱ་ཡེ་སྭཱ་ཧཱ། ཞེས་དང་། །གཞན་རྣམས་ལ་རིམ་པ་བཞིན། ཨོཾ་གུ་རུ་དེ་ཝ་ཌཱ་ཀི་ནི། སརྦ་པཱ་པཾ་ཧ་ན་བཛྲ་ཡེ་སྭཱ་ཧཱ། ཞེས་སོགས་གོང་མ་རྣམ་ལྟར་འགྲེས་ཤེས་པར་བྱ་ཞིང་། སྲན་མའི་རྗེས་ལ་བདུད་རྩི། རཀྟ། གཏོར་མ། ཚོགས་དང་བཅས་པ་ཡང་རང་རང་གི་སྔགས་ཀྱི་འབུལ། ཨོཾ་གུ་རུ་དེ་ཝ་ཌཱ་ཀི་ནི། སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི། ཞེས་དང་། དེ་བཞིན་དུ་

[Full Size]

མ་ཧཱ་རཀྟ། མ་ཧཱ་བ་ལིངྟ། ག་ན་ཙཀྲ་སོགས། དྲག་པོ་ལ། འབྲོག་འབྲང་། ལིངྒ་ཐུན་རྫས་རྣམས་ཀྱང་འབུལ་ཞིང་། དེ་ཐམས་ཅད་ལ། བཅོམ་ལྡན་ཡེ་ཤེས་མེ་ལྷའི་ཚོགས་ལ་འབུལ་ཞེས་པའི་སར། བཅོམ་ལྡན་དཀྱིལ་འཁོར་ལྷ་ཡི་ཚོགས་ལ་འབུལ། །ཞེས་དང་། སྔགས་ཀྱི་སྐབས་སུ་ཡང་། ཨགྣི་དེ་ཝ་ཏྱ་ཞེས་པའི་སར་གུ་རུ་དེ་ཝ་ཌ་ཀི་ནི་ཞེས་བསྒྱུར་ཤེས་པར་བྱའོ། དེ་ནས་བསྟོད་པ་ནི། ཧཱུྃ། ཀུན་བཟང་ཡབ་ཡུམ་ཐུགས་རྗེའི་སྤྲུལ་པ་ནི། །རྡོར་སེམས་སྤྱན་མ་ལ་སོགས་རིགས་ལྔ་དང་། །སེམས་དཔའ་སེམས་མ་ཡབ་ཡུམ་བཅུ་དྲུག་བཅས། ཐུབ་དྲུག་སྒོ་བ་ཡབ་ཡུམ་བརྒྱད་ལ་སོགས། །ཞི་བ་བཞི་བཅུ་གཉིས་ལ་ཕྱག་འཚལ་བསྟོད། །ཆེ་མཆོག་ལ་སོགས་ཁྲག་འཐུང་ཡབ་ཡུམ་དང་། །ཀཽ་རི་སིངྷ་ཕྲ་མན་བརྒྱད་རྣམས་དང་། །སྒོ་མ་བཞི་དང་དབང་ཕྱུག་ཉི་ཤུ་བརྒྱད། །ཁྲག་འཐུང་ལྔ་བཅུ་བརྒྱད་ལ་ཕྱག་འཚལ་བསྟོད། ཧཱུྃ །ཞི་བའི་ལྷ་ཚོགས་མཚན་དཔེའི་གཟི་བརྗིད་འབར། །ཁྲག་འཐུང་ལྷ་ཚོགས་གར་དགུའི་ཆས་ཀྱིས་བརྒྱན། །རིག་འཛིན་དཔའ་བོ་མཁའ་འགྲོ་

[Full Size]

འཇའ་འོད་ཐིབས། །བཀའ་སྡོད་སྲུང་མར་བཅས་ལ་ཕྱག་འཚལ་བསྟོད། ཧཱུྃ་ཧྲཱིཿ པདྨ་འོད་འབར་གནས་ལྔར་དཀྱིལ་འཁོར་མཛེས། །དམ་པ་རིག་བརྒྱ་རིག་འཛིན་དཔའ་བོ་དང་། །མཁའ་འགྲོ་སྡེ་ལྔ་ཕུར་པའི་ལྷ་ཚོགས་བཅས། །དཀོན་མཆོག་སྤྱི་འདུས་དཀྱིལ་འཁོར་ལྷ་ལ་བསྟོད། དེ་ནས་སྐབས་འདིར་འཛབ་ནི། མདུན་བསྐྱེད་ཀྱི་ལྷ་ཚོགས་ཐམས་ཅད་ཀྱི་ཐུགས་ཀར་རང་རང་གི་ཐུགས་སྲོག་སྔགས་ཕྲེང་དང་མ་འདྲེས་ཡོངས་རྫོགས་སུ་མོས་པ་ཙམ་དང་། བདག་བསྐྱེད་ཀྱི་ཐུགས་སྲོག་གི་འོད་ཟེར་འཕྲོས་པས་མདུན་བསྐྱེད་རྣམས་ཀྱི་ཐུགས་སྲོག་ལ་ཕོགས་པས་ཐུགས་དམ་གྱི་རྒྱུད་བསྐུལ་དེ། ཞི་རྒྱས་དབང་དྲག་ཕྲིན་ལས་ཀྱི་དངོས་གྲུབ་ཐམས་ཅད་ཐོག་པ་མེད་པར་སྩོལ་བར་བསམ་ཞིང་། ཨོཾ་བོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷ་ཏུ་ཨཱཿ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ། ནད་གདོན་སྡིག་སྒྲིབ་ཞི་བར་གྱུར་ཅིག །ཤནྟིང་་ཀུ་རུ་ཡེ་སྭཱ་ཧཱ། ཞེས་ཞི་བའི་འཛབ་དང་། དེ་བཞིན་དུ་རྒྱས་པ་ལ་ཞི་ཁྲོའི་རྩ་སྔགས་དེ་ཉིད་ཀྱི་འཇུག་ཏུ། ཚེ་དང་བསོད་ནམས་རྒྱས་པར་གྱུར་རིག་པུཥིྚ་ཀུ་རུ་ཡེ་སྭཱ་ཧཱ། དབང་ལ་རྩ་སྔགས་

[Full Size]

ཀྱི་མཐར། ཁམས་གསུམ་སྲིད་གསུམ་དབང་དུ་བསྡུས་ཤིག་ཝ་ཤམ་ཀུ་རུ་ཡེ་སྭཱ་ཧཱ། དྲག་པོར། རྩ་སྔགས་ཤམ་བུར། གནོད་བྱེད་དགྲ་གེགས་འབྱུང་པོ་ཐམས་ཅད་མ་ར་ཕཊཿ དང་། ཅེས་བཟླ་ཞིང་། སྲུང་རྐུད་ལས་སོ་སོའི་ཁ་དོག་དང་མཐུན་པ་ལ་རྡོ་རྗེའི་མདུད་པ་བྱས་ནས་བསངས་བྲན་ཞིང་མེ་ཐབས་ཀྱི་མེ་ལྕེ་དང་དུ་བ་ལ་བདུག་ནས་ལུས་ལ་གདགས་པ་ཡང་རུང་ངོ་།། ༈ །།དེ་ནས་དཀྱིལ་འཁོར་གྱི་ལྷ་ལ་བཏང་རག་གི་ཚུལ་དུ། ཨོཾ་གུ་རུ་དེ་ཝ་ཌཱ་ཀི་ནི། བཛྲ་ཨརྒྷཾ་པུཥྤེ་སོགས་ཀྱིས་མཆོད་ཅིང་སྲེག་རྫས་ཚང་མར་ལན་རེ་འབུལ་བའམ། བསྡུས་པ་བྱེད་ན་དགང་བླུགས་ཀྱི་མར་ཁུ་ཕུལ་བས་ཀྱང་འགྲུབ་སྟེ། རྒྱུད་སྡེ་རྣམས་ལས་སྦྱིན་བསྲེག་གི་རྫས་ཀྱི་གཙོ་བོ་ནི་ཡམས་ཤིང་དང་། མར་ཁུ་ཡིན་པར་གསུང་བའི་ཕྱིར་རོ། །སྔགས་དང་འདོད་གསོལ་ཀྱང་དེ་དང་མཚུངས་པར་རྒྱས་བསྡུས་ཅི་རིགས་བྱས་པའི་རྗེས་ལ། ཧཱུྃ་ཧྲཱིཿ པདྨ་འོད་འབར་གནས་ལྔར་དཀྱིལ་འཁོར་མཛེས། །ཅེས་སོགས་ཤྭ་ལོ་ཀ་གཅིག་པས་བསྟོད་ལ། དངོས་གྲུབ་བསྐུལ་བ་ནི། ཧྲཱིཿ ཚེ་དཔག་མེད་མགོན་སྟོང་ཉིད་

[Full Size]

སྙིང་རྗེའི་ཐུགས། །སྤྲོས་བྲལ་ཆོས་སྐུའི་དངོས་གྲུབ་སྩལ་དུ་གསོལ། །སྤྱན་རས་གཟིགས་དབང་འགྲོ་དོན་དཔག་མེད་གསུང་། །འགགས་མེད་ལོངས་སྐུའི་དངོས་གྲུབ་སྩལ་དུ་གསོལ། །གུ་རུ་པདྨ་འཆི་མེད་རྡོ་རྗེའི་སྐུ། །མི་འགྱུར་སྐུ་ཡི་དངོས་གྲུབ༴ ཡི་དམ་རྟ་མཆོག་དངོས་གྲུབ་ཀུན་གྱི་དཔལ། །ཕྱག་རྒྱ་ཆེན་པོའི༴ རྡོ་རྗེ་ཕགས་མོ་དགོས་འདོད་རེ་བ་བསྐོངས། །མཆོག་དང་མཐུན་མོངས༴ ཡེ་ཤེས་མེ་ལྷ་ཕྲིན་ལས་སྒྲུབ་པའི་ལྷ། །ཞི་རྒྱས་དབང་དྲག་དངོས་གྲུབ༴ མ་དང་མཁའ་འགྲོ་མི་ཟད་གཏེར་གྱི་བདག །ཟས་ནོར་ལོངས་སྤྱོད༴ དམ་ཅན་རྒྱ་མཚོ་བསྟན་པ་བསྲུང་བའི་བདག །རིགས་རྒྱུད་དབང་གི་དངོས་གྲུབ༴ ཆོས་སྐྱོང་བསྲུང་མ་མངོན་སྤྱོད་ཕྲིན་ལས་བསྒྲུབ། །དྲག་རྩལ་མཐུ་ཡི་དངོས་གྲུབ་སྩལ་དུ་གསོལ། །སརྦ་སིདྡྷི་ཕ་ལ་ཧཱུྃ་ཧཱུྃ་ཧཱུྃ། བཅོམ་ལྡན་མེ་

[Full Size]

ལྷའི་རྒྱལ་པོ་དང་ཡི་དམ་དཀྱིལ་འཁོར་གྱི་ལྷ་ཚོགས་འཁོར་དང་བཅས་པ་ཐམས་ཅད་ཀྱིས། བདག་ཅག་ཡོན་མཆོད་རྣམས་ལ་མཆོག་དང་ཐུན་མོངས་ཀྱི་དངོས་གྲུབ་ཐམས་ཅད་ཐོགས་པ་མེད་པར་སྩལ་བར་མཛད་དུ་གསོལ་ལོ། །ཨོཾ་གུ་རུ་དེ་ཝ་ཌཱ་ཀི་ནི། སརྦ་སིདྡྷི་ཕ་ལ་པུཥྚིང་ཀུ་རུ་ཧོཿ ཞེས་པས་བདུད་རྩི་མྱང་ཞིང་། ཚོགས་ལ་རོལ་ལོ། དེ་ནས་བཀོད་གསོལ་ཉམས་ཆགས་བཤད་ཏེ། ཧོ། དགོངས་སུ་གསོལ། བདག་ཅག་གི་སྐུ་གསུང་ཐུགས་རྩ་བ་དང་ཡན་ལག་གི་དམ་ཚིག་ཉམས་ཆགས་དང་ཆོ་ག་ལྷག་ཆད་ནོར་འཕྲུལ་ལ་སོགས་པའི་ཉེས་པ་ཅི་བགྱིས་པ་ཐམས་ཅད་མཐོལ་ཞིང་བཤགས་སོ། །ཚེ་འདིའི་འགལ་རྐྱེན་དུ་མི་འགྱུར་བ་དང་། །ཕྱི་མ་བྱང་ཆུབ་ཐོབ་པའི་བར་ཆད་དུ་མི་འགྱུར་བར། །མྱུར་དུ་སངས་རྒྱས་ཐོབ་པར་བྱིན་གྱིས་བརླབས་ཏུ་གསོལ། ཡིག་བརྒྱ་ཡང་བརྗོད། ཨོཾ། ཁྱེད་ཀྱི་སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུབ་

[Full Size]

སྩོལ། །སངས་རྒྱས་ཡུལ་དུ་གཤེགས་སུ་གསོལ། །སངས་རྒྱས་ཡུལ་དུ་གཤེགས་ནས་ཀྱང་། །སླར་ཡང་འབྱོན་པར་མཛད་དུ་གསོལ། །བཛྲ་མུཿ ཞེས་ཡེ་ཤེས་པ་རྣམས་གཤེགས་ཅིང་དམ་ཚིག་པ་རྣམས་བདག་བསྐྱེད་ཀྱི་ཐུགས་ཀར་ཐིམ་པར་མོས་སོ།། ༈ །།དེ་ནས་སླར་ཡང་མེ་ཅུང་ཟད་ཁ་གསོས་ལ་བསངས་ཆུ་འཐོར་ཞིང་། །མེ་ལྷ་སྔར་ལྟར་ཡིད་ཀྱི་གསལ་བཏབ་ལ། བཏང་རག་གི་ཚུལ་དུ། ཨོཾ་ཨགྣི་དེ་ཝ་ཏྱ། བཛྲ་ཨརྒྷཾ་སོགས་ཀྱི་མཆོད་ཅིང་། །བདུད་རྩི་རཀྟ་གཏོར་མ་ཚོགས་དང་བཅས་པ་རྣམས་ཀྱང་རང་རང་གི་སྔགས་ཀྱི་འབུལ། སྲེག་རྫས་གཞན་རྣམས་དང་། དྲག་པོའི་ཁྱད་པར་གྱི་རྫས་ལིངྒ་ལ་སོགས་ཀྱི་ལྷག་མ་ཐམས་ཅད་ཀྱང་འབུལ་ཞིང་། བསྡུ་ན་དགང་བླུགས་ཀྱི་སྦྱོར་བས་མར་ཁུ་ལན་གྲངས་ཅི་རིགས་ཕུལ་བས་རུང་ཚུལ་ནི་གོང་བཞིན་ནོ། །སྲེག་རྫས་ཀྱི་ལྷག་རོལ་ཅུང་ཟད་ཚོགས་ལྷག་དང་བཅས་པ་ལས་བྱང་གི་ལྷག་མའི་ཚིག་གིས་ཕྱི་རོལ་དུ་འབུལ་ལོ།། ༈ །།མཐར་མེ་ལྷ་ལ་བསྟོད་པ་དང་གཤེགས་

[Full Size]

གསོལ་ནི། ཧཱུྃ། ཕྲིན་ལས་ཐོགས་མེད་མངའ་མཛད་པའི། །དྲང་སྲོང་འཁོར་བཅས་ཁྱོད་ལ་བསྟོད། །རང་བཞིན་གནས་སུ་ད་གཤེགས་ལ། །ཕྱོགས་འདིར་དགེ་ཞིང་ཤིས་པར་མཛོད། ཨགྣི་དེ་ཝ་གཙྪ། དེ་ནས་ཞི་རྒྱས་དབང་གསུམ་ལ་ནི་མཁའ་འགྲོ་ཆོས་སྐྱོང་གི་གཏོར་མ་འབུལ་བར་འོས་པ་རྣམས་ཆད་མོད་བྱས་ལ་འབུལ་ཞིང་། དྲག་པོར་ནི་གཏོར་མ་ཟོར་དུ་འཕངས་བའི་ལས་རིམས་རྒྱས་བསྡུས་ཅི་རིགས་ལས་གཞུང་ལྟར་བྱ་བ་དང་། གཞན་ཡང་ཆོ་གའི་འཇུག་གི་ལས་རིམས་བསྔོ་བ་སྨོན་ལམ་བཀྲ་ཤིས་རྫོགས་རིམས་དུ་བསྡུ་བ་སོགས་ཐམས་ཅད་ཡང་ཟབ་ལས་བྱང་བཞིན་བྱས་ལ་ཡོ་བྱད་རྣམས་བསྡུའོ།། ༈ །།དེ་ལྟར་ཆོ་ག་དངོས་གཞི་གྲུབ་ནས། ཞར་ལ་རྗེས་ཀྱི་བྱ་བ་བསྟན་པ་ནི། སྦྱིན་བསྲེག་གི་མེ་རོ་ནི་ཞི་རྒྱས་དབང་གསུམ་ལ་ལོང་ཁྱབ་ཡོད་ན་མེ་མ་ཤི་བར་བཞག་ཅིང་། ལོང་མེད་ན་ཆུ་གཙང་དང་འོ་མ་སོགས་ཀྱི་གཞིལ་ནས། ཞི་བའི་མེ་རོ་ནི་ཆུ་ཀླུང་ཆེན་པོར་དོར་བ་དང་། རྒྱས་པའི་མེ་རོ་ནི་ཞིང་གི་མུ་དང་བྱུགས་ཀྱི་ར་བ་སོགས་ལ་བླུགས་

[Full Size]

དབང་གི་ནི་རི་མཐོ་ས་ནས་རླུང་ལ་འཕྱར་བར་གསུངས་ཤིང་། དྲག་པོའི་མེ་ནི་ལོང་ཁྱབ་ཡོད་ཀྱང་མི་བཞག་བསད་ལ་ཐལ་བ་ཟོར་དུ་འཕང་བའམ། ལམ་མདོར་མནན་པ་སོགས་བྱ་བར་གསུངས་ཏེ། རྒྱས་པར་སྦྱིན་བསྲེག་ཆེན་མོ་རྣམས་ཀྱི་གཞུང་ནས་སོ་སོའི་ལས་ཁ་ཚར་བྱ་ཐབ་དང་བཅས་པ་ཞིབ་པར་འབྱུང་ཕྱིར་དེ་དག་ཏུ་བལྟ་བར་བྱའོ།། ༈ །།ཡང་གང་ཞིག་ཚེ་འདས་ཀྱི་ཕུང་པོ་ལ་སྦྱིན་བསྲེག་བྱ་བའི་ཚེ་ན། སྡིག་སྒྲིབ་སྦྱོང་ཕྱིར་ཞི་བའི་སྦྱིན་བསྲེག་ཁོ་ན་དགོས་མོད་ཀྱི། འདི་ལ་ནི་གང་ཟག་ཡུལ་གོང་འོག་གི་་ཁྱད་ཀྱིས། བླ་མ་སྐྱེས་ཆེན་དམ་པ་མཆོག་རྣམས་ཀྱི་སྐུ་གདུང་ལ་ནི་སྦྱོང་བ་དང་གནས་སྤར་སོགས་གང་ཡང་མི་དགོས་ཕྱིར། པུར་ཁང་དུ་དར་གྱི་ན་བཟའ་དྲི་བཟངས་དང་བཅས་པས་བཞུགས་སུ་གསོལ་སྟེ། དེ་ཉིད་ཀྱི་སྐུ་གསུང་ཐུགས་དཀྱིལ་འཁོར་ལྷ་དང་མཐའ་མི་དད་པར་ཐག་ཆོད་པའི་དད་གུས་ཀྱི་སྒོ་ནས། རང་གཞན་རྗེས་འཇུག་མཁའ་ཁྱབ་འགྲོ་བ་ཐམས་ཅད་ཚོགས་རྫོགས་སྒྲིབ་བྱང་གི་ཆེད་དུ་སྦྱིན་

[Full Size]

བསྲེག་ཕུལ་བ་ཁོ་ནས་ཆོག་ལ།། ༈ །།ཡང་དེ་ཙམ་དུ་མ་ཡིན་པའི་བླ་མའི་ཚུལ་དང་དགེ་བའི་བཤེས་གཉེན་རྣམས་ལ་ནི། ཕུང་པོ་དེེ་ཉིད་བུད་ཤིང་གི་ཚུལ་དང་རྣམ་པར་ཤེས་པའི་ངོ་བོ་རེ་ཤིག་ལ་ཏིང་ངེ་འཛིན་གྱིས་བཀུག་ནས་དེ་ཉིད་དཀྱིལ་འཁོར་གྱི་ལྷར་བསྐྱེད་དེ་སྦྱིན་བསྲེག་བྱས་པས། སྒོ་གསུམ་མ་དག་པའི་དྲི་མའི་དངོས་པོ་ཐམས་ཅད་དག་པ་ཆེན་པོར་བསྒྱུར་བའི་ཐབས་ཀྱི་ཁྱད་པར་ཡིན་པས་ཕན་ཡོན་ཆེ་བར་གསུངས་སོ།། ༈ །།གཞན་གང་ཟག་ཐ་མལ་པ་རྣམས་ལ་ནི་སྦྱོང་བ་དང་སྒྲིབ་པ་བཀྲུ་ཞིང་གཤེད་དང་འཕྲལ་ཐབས་ལ་སོགས་གང་འགྲུབ་བྱས་པའི་རོ་དེ་ཉིད་སྲེག་ཁང་དུ་བཅུག་སྟེ། བདག་བསྐྱེད་བུམ་སྐྱེད་ལ་སོགས་གྲུབ་རྗེས། མེ་སྦར་བའི་ཚེ་དམིགས་ཡུལ་དེ་ཉིད་ཀྱི་སྤྱི་བོར་ཉོན་མོངས་པ་ང་རྒྱལ་གྱི་བག་ཆགས་ལས་གྲུབ་པའི་ལྷའི་ས་བོན་ཨ་དཀར་པོ། །མགྲིན་པར་ཕྲག་དོག་ལྷ་མིན་གྱི་ས་བོན་སུ་ལྗང་སེར། །སྙིང་གར་འདོད་ཆགས་མེའི་ས་བོན་གྲྀ་སྔོ་སྐྱ། །ལྟེ་བར་གཏི་མུག་དུད་འགྲོའི་ས་བོན་ཏྲི་དམར་

[Full Size]

ནག །གསང་བར་སེར་སྣ་ཡི་དྭགས་ཀྱི་ས་བོན་སྲི་སེར་སྐྱ། རྐང་མཐིལ་དུ་ཞེ་སྡང་དམྱལ་བའི་ས་བོན་དུ་ནག་པོ་རྣམས་གསལ་ཞིང་། འཁོར་བ་ཐོགས་མེད་ཀྱི་ལས་ཉོན་སྡིག་སྒྲིབ་བག་ཆགས་ཐམས་ཅད་ཀྱང་ཡི་གེ་དེ་དག་ལ་འདུས་པར་བསམ། གདོས་བཅས་ཀྱི་ཕུང་པོ་དེ་ཉིད་ནི་བུད་ཤིང་གི་ཚུལ་དུ་མོས་ལ། བདག་བུམ་གཉིས་ཀའི་ཐུགས་སྲོག་ལས་འོད་ཟེར་ཡེ་ཤེས་ཀྱི་མེ་སྤུངས་འབར་བ་འཕྲོས་པས། ཁོའི་ལས་ཉོན་བག་ཆགས་རིས་དྲུག་གི་ས་བོན་དང་བཅས་པ་མཐའ་དག་ཐུལ་གྱི་བསྲེག་པར་བསམ་ལ་མེ་སྦར་རོ། །དེ་ནས་སྦྱིན་བསྲེག་ཚུལ་བཞིན་བྱ་ཞིང་འདི་དག་གིས་སྐབས་ཚོར་མདུན་སྐྱེད་ཀྱི་འཛབ་ཀྱང་ཡིག་བརྒྱ་འབའ་ཤིག་བཟླ་ཞིང་། སྲེག་རྫས་འབུལ་བའི་དུས་ཀྱི་འདོད་གསོལ་ཡང་གཞན་མི་བྱ་བར། ཚེ་ལས་འདས་པ་འདི་ཉིད་ཀྱི་ལུས་ངག་ཡིད་གསུམ་གྱི་སྒོ་ནས་བསགས་པའི་སྡིག་སྒྲིབ་དམ་ཚིག་ཉམ་བཞག་

[Full Size]

ལས་དང་ཉོན་མོངས་པའི་རྒྱུ་རྐྱེན་ས་བོན་བག་ཆགས་དང་བཅས་པ་ཐམས་ཅད་སརྦ་པཱ་པཾ་ད་ཧ་ན་ཤནྟིང་ཀུ་རུ་ཡེ་སྭཱ་ཧཱ། ཞེས་པ་ཁོ་ན་བརྗོད་པ་དང་། བསྲེག་རྫས་ཀྱི་གཙོ་བོར་མར་ཁུ་དང་རིལ་ནག་སྤུངས་ཆེ་བར་འབུལ་ལོ། ལར་ཚེ་འདས་ཀྱི་ཕུང་པོ་སྦྱོང་བའི་ཚུལ་རྣམས་ལ་བཀའ་གསར་སྙིང་ཐ་དད་ཀྱི་རྒྱུད་དང་མན་ངག་བླ་མ་སོ་སོའི་བཞེད་ཚུལ་སོགས་མི་མཐུན་པ་མང་ཕྱིར། ཕུང་པོ་ལྟར་བསྐྱེད་པ་དང་། མཆོད་རྫས་སུ་བྱ་བ་དང་། གཞལ་ཡས་སུ་བསྐྱེད་ནས་རྣམ་ཤེས་བཀུགས་ཏེ་ལྷར་བསྐྱེད་པ་དང་། དཀྱིལ་འཁོར་གྱི་བར་འཁྱམས་སུ་བཀུག་ནས་མགྲོན་ཐབས་སུ་བྱེད་པ་དང་། རྣམ་ཤེས་སྤར་ནས་ཕུང་པོ་བུད་ཤིང་གི་ཚུལ་དུ་བྱ་བ་སོགས་ཕྱག་བཞེས་མི་འདྲ་བ་མང་ཀྱང་། གཙོ་བོར་གོང་དུ་སྨོས་པ་ལྟར་གང་ཟག་མཆོད་དམན་གྱི་ཁྱད་འགྱེད་པ་གལ་ཆེ་བར་གསུངས་ཚེ། གང་ཟག་མཆོག་རྣམས་ལ་ལྷ་དང་དབྱེར་མེད་དུ་མཆོད་འབྲིང་རྣམས་ལ་ཕུང་པོ་གཞལ་ཡས་ཁང་བུད་ཤིང་གང་རུང་ལ། རྣམ་ཤེས་ལྷར་བསྐྱེད་ནས་མཆོད་ཅིང་། མཐར་ཡེ་ཤེས་

[Full Size]

གཤེགས་པ་ནི་རྣམ་ཤེས་སྤར་བ་ཡིན་པས། ཚུལ་འདི་ནི་བསྐྱེད་རྫོགས་ཀྱི་མཐུས་པ་ལམ་སྦྱང་བགྲོད་ཀྱི་རྣམ་པར་གྱུར་ཏེ་ཕན་ཡོན་རླབས་པོ་ཆེར་འབྱུང་བར་གསུངས་པ་དང་། ཐ་མལ་ཕལ་པ་རྣམས་ལ་ནི་སྡིག་སྒྲིབ་སྦྱོང་ཐབས་ཀྱི་སྦྱིན་བསྲེག་ཁོ་ན་ཡིན་ཕྱིར། དེ་ལྟར་དབྱེ་བ་ཤེས་པར་བྱའོ།། ༈ །།གཞན་ཡང་། སྦྱིན་བསྲེག་ལས་བཞི་པོ་མེ་ཐབ་གཅིག་ཏུ་སྤྱིར་དྲིལ་བྱ་ཐབས་དང་། ཕྱོགས་བཞི་སོ་སོར་ཐབ་བཞི་གང་བཤམས་ནས་ལས་བཞི་མཐར་ཆགས་སུ་བྱ་བ་དང་། དེའི་ཐབ་ཆེན་རེ་རེ་ལ་ཐབ་ཕྲན་ཉི་ཤུ་རྩ་བཞི་བཞིས་བསྐོར་ནས་བཤམས་ཤིང་ཆོ་ག་ཚར་གཅིག་ལ་སྦྱིན་བསྲེག་བརྒྱ་རྩ་ཕྲིན་ལས་བཞི་ཡོངས་རྫོགས་སུ་བྱ་བ་སོགས་དང་། བསྙེན་གྲུབ་ཀྱི་སོགས་ཀྱི་ཁ་བསྐོངས་སྦྱིན་བསྲེག་བརྒྱ་སྟོང་ཁྲི་འབུམ་གྲངས་ཐིམས་སུ་བྱ་ཐབས་སོགས་རྣམ་གྲངས་མང་ཡོད་ཀྱི། འདིར་ནི་ཡང་ཟབ་དཀོན་མཆོག་སྤྱི་འདུས་ཀྱི་གཞུང་དང་ཚེ་སྒྲུབ་གནམ་ལྕགས་རྡོ་རྗེ་ནས་གསུངས་པའི་སྦྱིན་བསྲེག་མྱུར་

[Full Size]

མགྱོགས་འོད་འབར་གཙོ་བོར་བྱས་ཞིང་། འཕྲི་བསྣན་ཕྲན་བུ་དགོས་པ་དག་ཀྱང་དགོངས་འདུས་དང་ཐོས་གྲོལ་གྱི་སྦྱིན་བསྲེག་གི་དགོངས་པ་ལྟར་བཀོད་པ་སྟེ། མདོར་ན་བདག་འདྲ་རྨོངས་པས་འདི་ལྟར་འབྲི་བར་སྤོབ་པ་མ་ཡིན་ནའང་། སྔོན་ནས། རིག་འཛིན་ཆེན་པོ་འཇའ་ཚོན་སྙིང་པོ་དེ་ཉིད་ཀྱི་ཞལ་སྔ་ནས། གཏེར་གསར་འདི་ལ་སྦྱིན་བསྲེག་ཁྱེར་བདེ་སྒྲིགས་ཆགས་ཤིག་ཅིས་ཀྱང་དགོས་པར་ཡོད་ཀྱང་། ཁོ་བོ་ནི་སྤྱིར་ཡང་རྙིང་ལུགས་ཀྱི་ཆོ་གའི་ལག་ལེན་སྐོར་འདི་ལ་ཧ་ཅང་གོམ་འགྲིས་ཆེ་བ་ཞིག་མེད་པ་དང་། ཁྱད་པར་ན་སོ་རྒས་ཤིང་བློ་སྣ་འཐུང་བའི་དབང་གིས་མ་ནུས་པས། ཕྱེད་ཀྱི་དེ་ལྟ་བུ་ཞིག་ཅིས་ཀྱང་བཟོས་དང་། རྗེས་འཇུག་མང་པོར་ཕན་པ་འོ་ཞེས་ཡང་ཡང་བཀའ་གསལ་ནའང་། རང་ཉིད་རྣམ་གཡེང་གི་དབང་དུ་གྱུར་ཅིང་། ཕྱིས་ནས་ནི་སྐལ་པའི་འཕོ་འགྱུར་དང་གང་ཟག་རྣམས་ཀྱི་བྱེད་སྤྱོད་སོགས་གང་ལ་བལྟས་ཀྱང་དགོས་ཆེད་ཅིག་མི་ཡོང་བར་བསམ་

[Full Size]

ནས་སྩོལ་བ་མ་བྱས་ཏེ། སླད་དུ། རྗེ་དེ་ཉིད་ཀྱི་ཞལ་སློབ་དམ་པར་གྱུར་པ་དབོན་པོ་རྒྱལ་དབང་གིས་ཆེད་གཉེར་དུ་བསྐུལ་བར་མཛད་པ་ལ་བརྟེན་ནས། ཤར་ཕྱོགས་ཀོང་རོང་གི་ཡུལ་ཁམས་མཐའ་དག་ཟད་པའི་དབེན་ཁྲོད་དཔལ་རིའི་གངས་ཞོལ་རྒོད་ཚང་ཕུག་ཏུ། སྣ་ཚོགས་རང་གྲོལ་གྱི་ཟིན་རིས་སུ་བགྱིས་པ་འདིའི་དགེ་བ་མཚོན་བྱེད་དུ་བྱས་ནས་ཚེ་རབས་ཀུན་གྱི་དགེ་ཚོགས་མཐའ་དག་གཅིག་ཏུ་བཟླུམས་པའི་མཐུས་རྗེ་བཙུན་བླ་མ་མཆོག་དེའི་དགོངས་པ་རྫོགས་ཤིང་། རྡོ་རྗེ་ཐེག་པའི་བསྟན་པ་དྲི་མེད་ཕྱོགས་དུས་གནས་སྐབས་ཀུན་ཏུ་དར་ཞིང་རྒྱས་ལ་ཡུན་རིང་དུ་གནས་པར་གྱུར་ཅིག །སརྦ་མངྒ་ལཾ། དགེའོ། །

ཞི་ཁྲོ་བདེར་གཤེགས་འདུས་པ་སྒྲུབ་པ་བཀའ་བརྒྱད་ཁྲོ་བོ་རོལ་པའི་གཏོར་སྒྲུབ་ཆེན་མོའི་ཕྱག་བཞེས་ཀྱི་ཟིན་བྲིས།

[Full Size]

ཞི་ཁྲོ་བདེར་གཤེགས་འདུས་པ་སྒྲུབ་པ་བཀའ་བརྒྱད་ཁྲོ་བོ་རོལ་པའི་གཏོར་སྒྲུབ་ཆེན་མོའི་ཕྱག་བཞེས་ཀྱི་ཟིན་བྲིས་བཞུགས་སོ། །

[Full Size]

ན་མོ་གུ་རུ་ས་མཱ་དཱ་ན་ཡེ། །ཡེ་ཤེས་སྒྱུ་མ་སྟོང་ཉིད་རོལ་པ་ལས། །ལོག་རྟོག་སྒྱུ་མའི་དགྲ་གེགས་འདུལ་སླད་དུ། །ཐུགས་རྗེ་སྒྱུ་མ་ལྟ་བུའི་གར་མཁན་མཆོག །བླ་མ་ཡི་དམ་དཀྱིལ་འཁོར་ལྷར་བཅས་མཆོད། །གསང་སྔགས་རྒྱུད་སྡེ་མ་ལུས་ཀུན་གྱིས་སྙིང་། །བདེར་གཤེགས་འདུས་པ་བཀའ་བརྒྱད་ཀྱི། །གཏོར་སྒྲུབ་ཆེན་མོའི་ལས་རིམ་ཁྲིགས་ཆགས་སུ། །གསལ་བར་བསྟན་འདིར་དོན་གཉེར་འཇུག་པར་བྱའོ།། ༈ །།དེ་ལ་དོན་གསུམ་གྱིས་སྟོན་ཏེ། སྔོན་འགྲོ་དཀྱིལ་འཁོར་དང་ཡོ་བྱད་བཤམས་བཀོད་ཀྱི་ཚུལ་ཇི་ལྟར་བྱ་བ་དང་།

[Full Size]

དངོས་གཞི་བསྙེན་སྒྲུབ་ཀྱི་ལས་རིམ་མཐར་ཆགས་ཀྱི་ཚུལ་རྣམས་བྱ་བའི་ཐབས་དང་། རྗེས་ཀྱི་ལས་སྦྱོར་ཕྲིན་ལས་ཁ་བསྒྱུར་དྲག་ལས་ཀྱི་རིམ་པའི་ཚུལ་རྣམས་སྟོན་པ་དང་གསུམ་ལས་དང་པོ་སྔོན་འགྲོ་ནི། དེ་ཡང་འདི་ལྟ་བུ་བྱེད་པའི་གང་ཟག་དེས་སྔོན་ནས་སྒྲུབ་པ་བཀའ་བརྒྱད་ཀྱི་ཆོས་བཀའ་ཡོངས་སུ་རྫོགས་པའི་དབང་ལུང་ལེགས་པར་ཐོབ་ཅིང་བསྙེན་སྒྲུབ་མཐར་ཕྱིན་པའམ། ཐ་མ་ཡང་དབང་བསྡུས་པ་གང་རུང་དང་འདི་སྐབས་ཀྱི་ཆོག་གཞུང་རྣམས་ཀྱི་ལུང་ཐོབ་པ་དང་། ཡི་དམ་གང་རུང་ཞིག་ལ་བསྙེན་ཚད་ཐེམ་

[Full Size]

པ་ཙམ་ཞིག་ནི་མེད་མི་རུང་བ་དེ་ལྟར་སྔོན་དུ་གྲུབ་པར་བྱས་ལས།། ༈ །།དེ་ནས་འདི་ཉིད་གང་དུ་བྱས་པའི་གནས་དེར་དགོས་པའི་ཡོ་བྱད་དང་འཁོར་ལོ་ལིངྒ་རྫས་ཀྱི་བྱེ་བྲག་སོགས་ཐམས་ཅད་སྔ་ཚགས་སུ་ཆུད་པར་བྱས་ནས། དུས་ཚེས་ལ་ནམ་བབས་པའི་སྐབས་དེར། ཐོག་མར་དཀྱིལ་འཁོར་གྱི་སྟེགས་བུ་རྒྱ་ཁྱོན་མཐོ་དགུ་ལས་མི་ཆུང་བའི་ཁར། སྦ་ཕུབ་ཀྱི་ཁྱོན་དང་མཉམ་པའི་རྡུལ་ཚོན་གྱི་དཀྱིལ་འཁོར་བཞེངས་ཏེ། དེ་ཡང་བཀའ་བརྒྱད་ཉིད་ཀྱི་དབང་སྒྲུབ་ཆེན་མོ་དང་འབྲེལ་བའི་སྐབས་ལྟ་བུ་ཡིན་ན་ནི། དཀྱིལ་འཁོར་ཆེན་མོའི་མདུན་སོགས་གང་འཐད་དུ་འདི་ཉིད་ལས་ཀྱི་དཀྱིལ་འཁོར་དུ་བྱ་ཞིང་། དེ་ལྟ་བུ་དང་མ་འབྲེལ་བར་འདི་ཁོ་ན་ཆོད་གཏད་དུ་བསྒྲུབ་པ་ཡིན་ན། ཐིག་ཆོག་དང་ཚོན་བྱིན་རླབས་སོགས་ཀྱང་སྒྲུབ་ཁོག་ལྟར་གྲུབ་ན་ལེགས་ཤིང་། དཀྱིལ་འཁོར་ནི་ལྟེ་བ་ཆོས་འབྱུང་བསྣོལ་མ་ཧཱུྃ་མཐིང་ནག་གིས་མཚན་པའི་ཕྱི་རིམ་འཁོར་ལོ་སྔོན་པོ་རྩིབས་བརྒྱད་

[Full Size]

ལ་ཧཱུྃ་བརྒྱད་རྣམས་གཙོ་བོ་སོ་སོའི་སྐུ་མདོག་དང་མཐུན་པ་བྲིས་པའི་མཐའ་སྐོར་ཐོད་ར་རྡོར་པད་མེ་རིས་བསྐོར་ཞིང་། ཕྱི་ནས་མ་ཏྲཾ་གི་གཟུགས་མགོ་ལྷོ་ནུབ་ཏུ་བསྟན་པ་སྤྱི་དང་མཚུངས་པར་བྲི། དེའི་སྟེང་དུ་ལྡིང་ཁྲི་དངོས་སམ་མ་འཛོམ་ན་ཧོཾ་བཞི་བསྣོལ་མདའ་གང་ཙམ་བསྲ་ཞིང་བརྟན་པའི་ཁར་སྦ་ཕུབ་ཆེ་བ་ཞིག་བཞག་པའི་སྟེང་དུ་གཡང་གཞི་སོགས་ཀྱི་གདན་ལ་དབུས་སུ་ཚོམ་བུ་དགུ་དང་། ཕྱོགས་མཚམས་བརྒྱད་དུ་ལྔ་ཚོམ་རེ་དགོད། དེ་ནས་གཏོར་མ་རྣམས་བཞེངས་གྲུབ་ནས་མ་བཤམ་ཙམ་གྱི་བར་དེར་རྡོ་རྗེ་སློབ་དཔོན་གྱི་མདུན་དུ་ལྕགས་སླང་སོགས་ཀྱི་ནང་དུ་གདན་འཁོར་ལོ་ལིངྒ་ལྟོ་འཁོར་རྣམས་བཤམས་ཏེ་བསངས་སྦྱང་ཞིང་། མཁྱེན་གསོལ་གཟུ་དཔང་རྒྱས་བསྡུས་གང་འོས་བྱས་ལ་བདེན་སྟོབས་དགུག་གཞུག་དྲག་པོ་བདུན་ནམ་གསུམ་སོགས་ཀྱིས་བཀུག་བསྟིམ་ནན་ཏན་དུ་བྱས་ཏེ་དེ་ནས་གོ་རིམ་

[Full Size]

མ་ནོར་བར་བཀོད་པ་ནི་གལ་ཆེ་བའི་གནད་ཅིག་གོ། །འཁོར་ལོ་སོགས་དེ་དག་གི་བྲི་ཚུལ་ནི་གཞུང་དཔེ་རིས་ཕྱག་ལེན་སོགས་ལས་བྱུང་བ་ལྟར་ཏེ། གཙོ་གཏོར་གྱི་འོག་ཏུ་འཁོར་ལོ་རྩིབས་བརྒྱད་པ་རྩེ་མོ་ནང་བསྟན་དང་། འཁོར་རྣམས་ལ་རྩིབས་དྲུག་པ་སྟེ་མདོར་ན་དཔེའུ་ཆུང་ལྟར་བྲིས་པའི་ལིངྒའི་འཕོང་ཕྱིར་བསྟན་ནས་སོ་སོའི་ཚོམ་བུའི་ཁར་བཀྲམ་ལ། དེ་དག་སྟེང་དུ་གསད་འཁོར་རྣམས་ཁ་མར་བསྟན་ལ་བཀབ་པའི་ཁར་གདན་འཁོར་རྣམས་ཁ་ཡར་བསྟན་ནས་བཏིང་བའི་སྟེང་དུ་གཏོར་ཆེན་རྣམས་དགོད་པར་བྱའོ། །གཏོར་མ་ནི་གཞུང་ལས་དྲེག་པ་སྤྱི་ཟློག་གཏོར་མ་མདོས་སུ་གཏོང་བའི་དགོངས་པ་ལྟར་གྱི་དབང་དུ་བྱས་ན། སྣ་ཕུབ་དེ་ཀའི་སྟེང་དུ་གཏོར་ཆེན་དགུ་པོ་ཤོང་བའི་ཆག་ཚད་དང་བསྟུན་པའི་གཏོར་སྣོད་ལ། དབུས་སུ་ཆེ་མཆོག་གི་གཏོར་མ་གཙོ་འཁོར་དགུ་པ་མཐེབ་ཀྱུས་བརྒྱན་པ་ལ་རྩངས་

[Full Size]

མར་ཁྲུ་གང་བ་བཅོ་བརྒྱད་ལ་དྲག་སྔགས་ཀྱི་ཤོག་བྱང་གིས་བརྒྱན་པ་གཟུག་ཅིང་། ལྟེ་བར་གཏོར་ཁུང་བཏོད་ལ་ལྟོ་འཁོར་ཕྱག་བཞེས་ལྟར་ལྟེབས་པ་རླན་གྱིས་མི་འཇིག་པའི་དྲིལ་ཚས་དང་ལྡན་པར་བཞུག །གཙོ་གཏོར་གྱི་ཁྱུང་གི་ལྟོ་བར་ལྟོ་འཁོར་ཆེ་ཆུང་དང་། སྐུ་གསུང་ཐུགས། གྲོ་གའི་ལྤགས་པ་གཙང་མ་སོགས། ཡོན་ཏན་ཕྲིན་ལས་ཀྱི་འཁོར་ལོ་ལྔ། གཞན་ཡང་འདེབས་ཁའི་ལྟོ་བྱང་སོགས་དགོས་ཆེད་རྒྱས་བསྡུས་གང་འོས་སྐབས་དང་མཐུན་པར་རླན་གྱིས་མི་འཇིག་པར་བྱས་ཏེ་གཞུག་ཅིང་། བྱང་བུ་ལྔ་པ་ལྟར་གྱི་ཕོ་ཤིང་མོ་ཤིང་གི་བྱང་བུ་རྣམས་དང་། ཁྱུང་བཅས་ནས་གསུངས་པའི་སྔགས་བྱང་རྣམས་དང་བཅས་པ་རྣམས་རྫོགས་པར་དག །གཡས་གཡོན་དུ་རྩངས་རིང་སྔགས་བྱང་ཅན་གཉིས་དང་། སྟེང་ནས་སྦྲུལ་མའི་འཁོར་ལོ། འདི་ནི་གཏོར་མ་མདོས་སུ་གཏོང་བའི་ལུགས་ལྟར་ཡིན་ལ། གཞན་སྐབས་དང་སྦྱར་རུང་ངོ་། ནམ་མཁའི་ཏོག་དང་ལྡན་

[Full Size]

པ་རྩིབས་བརྒྱད་པ་བྱས་ལ་བསྲུང་འཁོར་མར་ཁ་བསྟན་པ་དང་ཟློག་འཁོར་སྟེང་ནས་ཡར་ཁ་བསྟན་པ་བྱས་པའི་རྩིབས་བརྒྱད་ལ་ཕྱོགས་མཚམས་ཀྱི་རྒྱལ་མཚན་བརྒྱད་དང་། ནམ་མཁའི་ཏོག་ལ་གཙོ་བོ་ཉིད་ཀྱི་རྒྱལ་མཚན་བཏགས་པར་བྱ་ཞིང་། དེ་བཞིན་དུ་གཙོ་བོ་བརྒྱད་པོའི་གཏོར་སྣོད་རྣམས་རྒྱབ་ཕྱོགས་ཀྱི་ཟུར་གཉིས་བཅག །ཚར་གཉིས་འཛོམ་ན་འདི་ལྟར་བྱ་བ་ཡིན་ནོ། །ནས་གྲུ་གསུམ་དུ་བྱས་ན་བཀོད་བདེ་བའི་ཁྱད་ཡོད་ཅིང་། དཔལ་སོ་སོ་ལ་འཁོར་ལོ་བཞི་བཞི་དང་མཐིབས་ཀྱུས་བརྒྱན་པ། རྩངས་རིང་གཉིས་སྔགས་བྱང་དང་བཅས་པ། སྦ་ཕུབ་ཁར། གོང་བཞིན་དང་། སྟེང་ནས་སྣལ་མའི་འཁོར་ལོ་རྩིབས་བཞི་པ་རེ་ལ་རང་རང་གི་སྲུང་ཟློག་གི་འཁོར་ལོ་དང་སོ་སོའི་རྒྱལ་མཚན་བཅས་གཟུག །ཁྱུང་ཕྲན་རྣམས་ཀྱི་ལྟོ་བར་ཡང་ལྟས་ངན་ཟློག་པའི་འཁོར་ལོ་རེ་དང་། བྱང་བུ་ལྔ་པ་ལྟར་གྱི་སྔགས་བྱང་གི་བརྒྱན་པ་བྱ་ཞིང་། སོ་སོའི་གཏོར་མའི་ཁྱུངས་དགུ་མ་ཡིན་ཚེ་ལྟོ་འཁོར་བཞུགས་ཚུལ་

[Full Size]

རྣམས་ཀྱང་གོང་བཞིན་བྱས་ལ། གཙོ་བོའི་ཕྱོགས་མཚམས་བརྒྱད་དུ་ཞལ་ཕྱིར་གཟིགས་སུ་བཀོད། རྡུལ་ཚོན་དཀྱིལ་འཁོར་གྱི་ལྟེ་བ་དང་མཐའ་སྐོར་དུ་ཕུར་པ་དགུ། མར་མེ་དགུ། ཟན་ལིང་དགུ་རྣམས་བཀྲམ། དེའི་མཐར་ཤར་ཕྱོགས་སུ་ཞི་བ། ཆེ་མཆོག་ཡང་དག་དང་གསུམ་གྱི་ཁྲམ་ཤིང་དང་། ཕྱོགས་མཚམས་གཞན་རྣམས་སུ་གཙོ་བོ་སོ་སོའི་ཁྲམ་ཤིང་རྣམས་གཟུག་ཅིང་། དེ་བཞིན་དུ་བརྒྱ་གསོགས་ཀྱི་དབང་དུ་བྱས་ན་ཟོར་མདའ་བརྒྱ། འདི་རྣམས་ཕྱག་བཞེས་ལུགས་གཅིག་ཡིན་ཅིང་། ཁྲོ་ཟློག་གི་གཞུང་གྱེར་རྒྱུ་ཀྱང་ཡོད་ལ། མ་བྱས་ཀྱང་འགལ་བ་མེད་དོ། སོ་སྦ་ཕུབ་དང་མཉམ་པ་བསྐོར་ལ་གཟུག །དེའི་ཕྱི་སྐོར་དུ་ཟོར་སྐོང་བརྒྱ་ལ་བྱང་བུ་བརྒྱ་གསོགས་ནས་གསུངས་པའི་ཤིང་ལ་སྔགས་ཚན་གཉིས་གསུམ་རེ་བྲིས་པ་དང་རྩང་ཐུང་གཉིས་རེ་གཙུག་ཅིང་ཟོར་གཞུང་ལྟར་གྱི་རྫས་རྣམས་བླུགས་པ་དང་། གཞན་ཡང་། གཏོར་ཟོར། ཁྲག་ཟོར། རྡོ་ཟོར་རྣམས་བརྒྱ་རྩེ་རེ། བསྡུ་ན་བདུན་ལྔ་གསུམ་གཅིག་སོགས་གང་རིགས་བྱར་རུང་ངོ་།

[Full Size]

བྱས་ཏེ་བཤམས། དཀྱིལ་འཁོར་གྱི་ལྷོ་ནུབ་མ་ཏྲཾ་གི་མགོའི་སྟེང་དུ་ཁམས་གསུམ་ཧཱུྃ་སྒྲ་ཅན་གྱི་གཏོར་མ་ཟུར་གསུམ་གཙོ་འཁོར་དགུ་ལྡན་ཁྱུང་དང་གཙོ་བོའི་ཞལ་འབག་སོགས་བྲིས་པ་གཙུག་ཅིང་། རྩངས་དང་སྔགས་བྱང་སོགས་གཙོ། འདི་གང་ཡིན་པ་གོ་མཁན་མི་འདུག་ཀྱང་ཁྱུང་རྣམས་ཀྱི་དགོས་གཏོར་ཡིན་ནོ། །གཏོར་དང་ཆ་མཐུན་པ་བྱས་ལ་བཤམས། མདུན་ཕྱོགས་སུ་སྡེ་དཔོན་སུམ་ཅུ་དང་། དཔལ་གྱི་བཀའ་སྡོད་ཀྱི་གཏོར་མ་དེ་ཉིད་ཀྱི་རྒྱལ་མཚན་ཅན་དང་། མཐའ་སྐོར་རྣམས་སུ་ཆོས་སྐྱོང་གི་གཏོར། མདུན་བྱང་དུ་བཞག་ན་འཐད་པར་སྣང་མ་རྣམས། འདི་མདུན་ཕྱོགས་སུ་འཐད་ཀྱང་ཇི་ལྟར་རིགས་པ་སོ་སོའི་བྲིས་སྐུ་དང་དར་གྱི་ཅོད་པན་རྒྱལ་མཚན་སོགས་ཀྱིས་མཛེས་ཤིང་རྔམས་བརྗིད་དང་ལྡན་པར་བཀོད་ཁྱད་པར་སྒྲུབ་ཆེན་དཀྱིལ་འཁོར་དང་མི་འབྲེལ་ན། རྒྱབ་ཕྱོགས་སམ་གང་འོས་སུ་སྟེགས་མཐོ་བར་བླ་མ་ཡི་དམ་མཁའ་འགྲོའི་གཏོར་མ་དང་སྨན་རག་མཆོད་རྫས་རྒྱ་ཆེན་པོ་དང་། ཚེ་དང་དངོས་གྲུབ་བླང་བའི་ཡོ་བྱད་

[Full Size]

རྣམས་ཀྱང་ཚུལ་བཞིན་བཤམས་པ་ཡང་གལ་པོ་ཆེའི་གནད་ཡིན་ཅིང་། གཞན་ཡང་། འདི་ཉིད་ཀྱི་ལས་སྦྱོར་ཁ་བསྒྱུར་གང་བྱེད་ཀྱི་གཅའ་གཞིའི་བྱེ་བྲག་སྲིན་མོ་ཟ་ལམ་མ་དང་། ལྟས་ངན་དམིགས། རྗེས་མཐའ་རྒྱས་ཀྱི་ལས་རིམ་རྣམས་འདི་ལ་བརྟེན་དགོས་པའི་ཕྱིར་རོ། །སྒྲལ། རྔ་མོ་ཁྱུང་ཞོན། འདེབས་ཁ། ལས་ཕྲན། ཁ་བསྒྱུར་སོགས་ཐ་དད་ཀྱི་རིགས་གང་ལ་གང་དགོས་རྣམས་ཀྱང་གཞུང་དང་ཕྱག་བཞེས་མཐོང་རྒྱུད་ལྟར་བསགས་ཤིང་བཤམ། བསྒྲལ་ལས་སོགས་ལ་དགོས་པའི་ཡོ་བྱད་ཐུན་དང་ཕྱག་མཚན་གཡབ་དར་ཕུར་ཐུན་མཚོན་དགུ་ལ་སོགས་མཐའ་དག་ཀྱང་ཚགས་སུ་ཆུད་ཅིང་འཛོམ་པར་བྱ་བ་སྟེ། ལར་ཡང་འདི་ནི་བདེར་གཤེགས་འདུས་པའི་ལྷ་ཚོགས་མ་ལུས་པའི་བསྙེན་སྒྲུབ་ཆེན་མོ་གཏོར་མ་ལ་བརྟེན་པ་ཡིན་པས་ན། གནས་དང་གང་ཟག་གིས་ཁྱབ་ན་ཕྱི་ནང་གི་མཚམས་གཅོད་རྒྱལ་ཐོ་སྒོ་བྱང་

[Full Size]

མཚམས་ཕུར་གདག་པ་དམ་སྲི་མནན་པ་སོགས་དང་། ནང་དུ་དཀྱིལ་འཁོར་རྒྱན་བཀོད་འབར་གདབ་མངའ་གསོལ་སོགས་མདོར་ན་སྒྲུབ་ཆེན་ཁོག་འབུབ་ཀྱི་གཞུང་ཚུལ་བཞིན་བསྲང་དགོས་པ་ཡིན་གྱི། དིང་སང་ནི་ཁྲོ་བོ་རོལ་པའི་གཏོར་ཟློག་ཅེས་ཀུན་རྫོབ་ལྟར་གྱི་སྔགས་བོན་ཕལ་པའི་ཡས་བཏགས་དཀྱུས་མ་དང་འདྲ་བར་བརྩི་ཞིང་། གང་ཟག་ཀྱང་སུ་ཡིན་ཡིན་གྱི་བྱེད། ཡུལ་དང་སྦྱིན་བདག་ཀྱང་རུང་རུང་ལ་བྱེད། ཡོ་བྱད་དང་ཕྱག་ལེན་ཡང་ཅི་བྱུང་བྱུང་གིས་ཆོག་པར་བྱེད་པ་འདི་ལྟ་བུ་ལ་ནི་གསང་སྔགས་དམར་གནས་སུ་བྱེད་པ་ཅེས་གསུངས་ཏེ། བྱིན་རླབས་དང་ནུས་པ་ནི་ཕར་ཞོག །མཁའ་འགྲོ་བཀའ་སྲུང་སོགས་མི་མཉེས་པའི་འཁུ་ལྡོག་འབྱུང་བར་བཤད་ཅིང་། བྱེད་པ་པོ་ལ་ཡང་གསང་སྔགས་གསང་སྒྲོག་གི་ལྟུང་བ་དང་གཟུ་ལུམ་རས་ཆོད་ཀྱི་ཉེས་པ་ཚད་མེད་པ་འབྱུང་བར་གསུངས་ལ། འོན་ཏེ་སྤྲོས་པ་མེད་

[Full Size]

པའི་དོན་འབའ་ཞིག་མངོན་དུ་གྱུར་པ་ཞིག་ལ་ནི་འདི་དག་གི་བྱ་བ་བརྩམས་པར་ཡང་མི་འཚལ་ལ། དེ་ཉིད་མངོན་དུ་མ་གྱུར་པའི་གང་ཟག་གིས་ནི་གཞུང་དང་སློབ་དཔོན་གྱི་ཕྱག་བཞེས་ཇི་ལྟ་བ་ལ་ཚུལ་བཞིན་འབད་དགོས་ཀྱི། སླ་ཆོས་དང་སྒྱིད་ངན་གྱི་དབང་དུ་བཏང་ནས་སྤྲོས་མེད་ལ་ཁག་བཀལ་བའི་རྩིང་ཆོས་ཀྱིས་རྒྱལ་བའི་བཀའ་གཞུང་གི་ཁྱད་དུ་གསད་པས་ནི་དོན་འགྲུབ་པར་མི་འགྱུར་བས། དེ་ལྟ་བུའི་དགོངས་དོན་རྟོག་དགོས་པར་གདའ་བ་ནི་ཕྱི་རབས་ཀྱི་གང་ཟག་བློ་ལྡན་རྣམས་ཀྱི་ཡིད་ལ་བཅག་འཚལ།། ༈ །།དོན་གཉིས་པ་ཆོ་ག་དངོས་གཞི་བསྙེན་སྒྲུབ་གཞུང་སྲོང་གི་རིམ་པ་ཇི་ལྟར་བྱ་བའི་ཚུལ་ནི་དེ་ལྟ་བུའི་སྔོན་འགྲོ་བཤམ་བཀོད་ཀྱི་ལས་རིམ་ཐམས་ཅད་ཚུལ་ལྡན་དུ་ལེགས་པར་གྲུབ་ནས། ཐོག་མར་སྐྱབས་སེམས་ཡན་ལག་བདུན་པ་དང་།

[Full Size]

སྔོན་གཏོར་བགེགས་སྐྲད་མཚམས་སྤྱོད་བསྲུང་འཁོར་མཆོད་རྫས་བྱིན་རླབས་སོགས་ཀྱི་ལས་རིམ་མཐའ་དག་ལས་གཞུང་ཆེ་ཆུང་གང་བྱེད་ཀྱི་གཞུང་ནས་འབྱུང་བ་བཞིན་རྒྱས་པར་བྱ་ཞིང་། བདག་བསྐྱེད་སྐྱེད་རྫོགས་ཆེ་འབྲིང་ཆུང་ངུ་གང་བྱེད་ཀྱི་སྤྱན་འདྲེན་ཡན་དང་། དེ་ནས་མདུན་བསྐྱེད་མངོན་རྟོག་འོད་ཀྱི་དྲ་བ་སོགས་རྒྱས་བསྡུས་གང་ཡིན་བསྒོམ་ལ། བདག་མདུན་ཟུང་འཇུག་ཏུ་སྤྱན་འདྲེན་བཞུགས་གསོལ་ཕྱག་འཚལ་མཆོད་བསྟོད་བཟླས་པའི་བར་དང་། ཁྱུང་གི་ལས་བྱང་བྱ། ཆོས་སྐྱོང་གི་བསྐང་གསོ་རྒྱས་བསྡུས་ཇི་ལྟར་རིགས་པ་དང་། སྡེ་དཔོན་སུམ་ཅུའི་མཆོད་གཏོར་སོགས་ཀྱང་བྱ་ཞིང་། དེ་ཡང་མི་ལག་གིས་ཁྱབ་ན། ལ་ལས་སྔགས་ཀྱི་བཟླས་རྒྱུན་འབའ་ཞིག་བཟུང་ཞིང་། ལ་ལས་ཆོ་ག་གཞུང་སྲོང་དང་བསྐང་རྒྱུན་བཟུང་བ་སོགས་མདོར་ན་སྒྲུབ་ཆེན་གྱི་སྐབས་ལྟར་བྱ་ཞིང་། མི་ལག་གིས་

[Full Size]

མ་ལྕོགས་ན་ཆོ་ག་དང་བཟླས་པ་དང་སྤེལ་མར་བྱ་བ་ཉིད་ལས་འོས་མེད་དེ། གང་ལྟར་ཡང་འཛབ་ཀྱི་ཐུན་མཚམས་རྣམས་སུ་སྟོང་ཚིག་གི་མཆོད་བསྟོད་བྱ་བར་གསུངས་ཕྱིར། མཆོད་པ་བསྡུས་པ་ཏེ་དང་བཞི་བསྟོད་དང་ཉིས་བསྟོད་སོགས་གང་འོས་སྐབས་དང་བསྟུན་ཏེ་བྱ་ཞིང་། ཚོགས་ཀྱི་སྐབས་སུ་དམ་རྫས་མདངས་ཀྱིས་བསྐང་བ་དང་མཆོད་བསྟོད་བཤགས་པའི་བསྐང་བ་ཡང་བྱ་བ་དང་། ཉིན་ཚན་ཐུན་རྣམས་ལ་གདབ་ལས་དོན་དྲུག་པ་ཡན་ཆད་ཀྱང་སྤྱི་ལྟར་བྱའོ།། ༈ །།ཁྱད་པར་བསྙེན་སྒྲུབ་ཀྱི་ཞག་གྲངས་ཇི་ཙམ་བྱ་བའི་ནུབ་དང་པོར་བདེར་གཤེགས་ཞི་བའི་ལྷ་ཚོགས་ཀྱི་འཛབ་བསྐུལ་འཛབ་དགོངས་སོགས་དང་བཅས་ཏེ་ཞི་བསྙེན་བྱ། དེ་བཞིན་དུ་ནུབ་གཉིས་པ་ལ་གཙོ་བོ་ཆེ་མཆོག །ནུབ་གསུམ་པར་དཔལ་བརྒྱད་པོ་རྣམས་དང་། འདི་ནི་རྒྱུད་ལས་ཞི་བར་བསྙེན་ཅིང་་ཁྲོ་བོར་བསྒྲུབ། ཅེས་གསུངས་པ་ལྟར་གྱིས། ཞག་དང་པོ་

[Full Size]

འདི་བསྙེན་ལ། དེ་ལྷག་མ་རྣམས་སྒྲུབ་པ་ཡིན་པ་དང་། ཕྱི་མའི་ནུབ་མོ་མན་ཆད་ལས་སྦྱོར་ཡིན་ནོ། །བཞི་པར་ཁྱུང་ཆེན་རིགས་ལྔའི་བསྙེན་པ་ཁྱུང་གི་ལས་སྔགས་ལ་འབད། དེ་ལྷག་གི་ཞག་རྣམས་བཀའ་བརྒྱད་སྤྱི་དྲིལ་དྲག་སྔགས་སོ་ལྔ་པ་བཟླ་ཞིང་། ནུབ་རྟིང་མ་ལ་ཟོར་གྱི་ལས་དགུ་སོགས་ནས་འབྱུང་བའི་ཟོར་གྱི་ངར་འདོགས་པའི་ལས་སྔགས་རྣམས་དང་། གཞན་ཡང་ཟུར་གསོག་གི་རིགས་སོགས་ལས། ལས་འགྲིག་ཆེེན་མོ་ཚར་བའི་ནུབ་མོ། སྦྱོར་གྱི་དྲག་སྔགས་གང་ལ་གང་འདོད་ཀྱི་བཟླས་པ་རྣམས་བྱ་ལ། གལ་ཏེ་ཅིས་ཀྱང་མི་གྲངས་དང་ཞག་གྲངས་ལོང་ཁྱབ་སོགས་ཀྱིས་མ་འབྱོར་ན་དྲག་སྔགས་སོ་ལྔ་པ་ཁོ་ན་ལ་འབུངས་ཀྱང་རུང་ངོ་། །གཞན་བར་མཚམས་རྣམས་སུ་ཐུན་ལ་བརྟེན་ནས་གསད་པའི་སྔགས་དང་། ལིངྒའི་ སྒྲུབ་ཞག་ཐམས་ཅད་ བླ་འགུགས་ཀྱི་སྔགས་སོགས་ཀྱང་གང་འགབ་སྐབས་སྦྱོར་ཤེས་པར་བྱ་སྟེ། མདོར་ན་འདི་ཡན་ཆད་སྒྲུབ་པ་དངོས་

[Full Size]

གཞིའི་ལས་རིམ་ཡིན་པས་ཞག་གྲངས་སོགས་ཇི་ལྟར་རིགས་པའམ། གལ་ཆེ་ན་དངོས་ཉམས་རྨི་ལམ་གྱི་རྟགས་ཐོན་དུ་བསྒྲུབ་པར་བྱའོ།། ༈ །།དེ་ནས་ལས་སྦྱོར་གྱི། དགུ། བདུན། ལྔ། སྐབས་ལ་བབས་པའི་ཉི་མ་སྔ་མར་བདག་མདུན་ལས་གཞུང་དང་ཆོས་སྐྱོང་གི་བསྐང་བ་སོགས་སྔ་བར་གྲུབ་པར་བྱ་སྟེ། ཚོགས་མཆོད་རྒྱས་པར་བྱ་ཞིང་། འདི་སྐབས་དིང་སང་ཕལ་ཆེར་ལས་འགྲིག་དང་གཏོར་མ་འཕང་བ་གཉིས་ཉིན་གཅིག་ལ་བྱེད་པ་མང་ཡང་། དེ་ལྟར་ན་ཧ་ཅང་རིངས་སྟབས་སུ་གྱུར་ཏེ་ཕྱག་ལེན་སྨིན་པོ་མི་འབྱུང་བས། ཉི་མ་སྔ་རྟིང་བྱེད་པ་ཕྱག་བཞེས་ལེགས་སོ། །བསྐང་བའི་རིགས་རྣམས་དང་། ཁྱད་པར་ཚོགས་ཉ་བསྒྲལ་བའི་མཐར་བམ་སྐོང་ཡང་འདིར་བྱ་བ་ཕྱག་སྲོལ་དང་སྲུང་མའི་རིགས་ཀྱི་བསྐང་བ་དང་། ཚོགས་ལྷག་ཡན་ཆད་གྲུབ་པར་བྱས་པའི་རྗེས་སུ་དེ་ནས་བསྒྲལ་ལས་ཆེན་མོ་ལ། ཡང་ན་བསྒྲལ་ལས་ཚར་བའི་ལིང་རོ་བསྟབ་པ་དང་ལྷན་

[Full Size]

ཅིག་བྱ་བའི་གང་འཐད་བྱ། །དགོས་པའི་ལིང་ཆེན་ཡང་སྟ་གོན་བྱས་ལ། ཉིན་གུང་གི་ཐུན་ལ་གདབ་ལས་རྒྱས་པ་བྱེད་རྒྱུའི་སྔ་གྲོ་ནས་ལས་འགྲིག་གི་ཐོག་མར་ལྷ་ཚོགས་རྣམས་ལ་བསྟོད་པ་མངའ་གསོལ་བ་རྒྱས་པར་བྱ་ཞིང་། དེ་ནས་དྲག་པོའི་ཕྲིན་ལས་བསྐུལ་ཕྱིར་རྒྱལ་བ་སྤྱི་སྐུལ་ཆེན་མོ་དང་། དམ་ཅན་དགོས་བསྐུལ། ཕོ་ཉ་དགོས་བསྐུལ་དང་བཅས་པ་རྣམས་ཀྱིས་ཐུགས་དམ་གནད་ནས་བསྐུལ། གསེར་སྐྱེམས་ཀྱི་མཆོད་རྫས་བསངས་དུད་སོགས་ཀྱི་ཡོ་བྱད་དང་ལྡན་པས། མཆོད་པ་ཕུད་སྐོངས་ཆེན་མོ་དང་། །དམ་བདར་བཅོས་བསྐུལ་རྒྱས་བསྡུས་ཅི་རིགས་བྱ། དེ་ནས་སློབ་དཔོན་གྱི་མདུན་དུ་བསྒྲལ་ལས་ཀྱི་བཅའ་གཞི་བཤམས་ལ། ཕྱོགས་བཅུ་དུས་གསུམ་སོགས་ཀྱི་གཟུ་དབང་གི། བསྙེན་སྒྲུབ་ཚུལ་བཞིན་བྱེད་པའི་དོན་མ་ཆུང་། ཞེས་པའི་མཐར། ཁྱུང་བཅས། ཁྱུང་བཅས་ནས་འབྱུང་བའི་སྣོད་བཅུད་ལྷར་གསལ་བ་དེ་དག་དམག་དཔུང་གོ་གསར་པ་ལྟར་བསྐྱེད་ཨེ་བཛྲ་མཎྜ་ལ་ཧཱུྃ་ཅེས་སོགས་

[Full Size]

ཅིང་ཀྱི་གཞུང་ནས་འབྱུང་བའི། ཕྱོགས་བཅུ་ནམ་མཁའ་ཡངས་པ་ཅེས་སོགས་ནས། འདུལ་བའི་ལས་མཛོད་ཅིག་ཅེས་པའི་བར་དང་། སླར་བཀའ་བརྒྱུད་བླ་མ་རྣམས་ཀྱི་དོན་མ་ཆུང་། ཞེས་སོགས་ཀྱིས་མཁྱེན་གསོལ་གཟུ་དཔང་རྒྱས་པར་བྱ། དེ་ནས་བདག་དཔལ་ཆེན་པོར་གསལ་བ། ལིངྒ་དགྲ་གེགས་དངོས་སུ་གསལ་བ་ཕུར་པ་གྲས་མཆོག་ཏུ་གསལ་བ་དང་གསུམ་གྱི་དང་པོ་ནི། བདག་ཉིད་དཔལ་དུ་གསལ་བའི་ཐུགས་ཀ་ནས་ཨེ་ཅིག་འཕྲོས་པ་ལས། ཅེས་སོགས་ཀྱིས་ཧོམ་ཁུང་བསྐྱེད་ལ། དེའི་ནང་དུ་ལིངྒ་དགྲ་གེགས་དངོས་སུ་བསྐྱེད་པ། གདབ་ལས་ནས་འབྱུང་བ་ལྟར་གྱིས་ ཚིག་དོན་མཐུན་པར་བྱས་ནས། བདེན་སྟོབས་ཀྱིས་དགུག་གཞུག་དྲག་པོ་ལན་མང་དུ་བྱས་པས་བཀུག་པའི་མཐར། གདབ་ལས་ཀྱི་ སྨུག་ནག་གྲུ་གསུམ་སོགས་ཚིག་རྐང་བརྒྱད་ཀྱིས་ཆེ་མཆོག་ལྷ་ཚོགས་རྣམས་བསྐུལ་ཞིང་། སླར་དམ་ཚིག་ཆེན་པོ་དང་། ཁྲག་འཐུང་སྐུ་ལས་སྤྲུལ་པའི་སོགས་དང་། ནམ་མཁའ་ ཁྱུང་བཅས་ནས་འབྱུང་བའི་ གདབ་ལས་ཀྱི་

[Full Size]

མཐོངས་སུ་ཤོར་མི་སྲིད། སོགས་ཀྱི་འཕྱོང་རྣམས་གདག་པའི་མཇུག་ཏུ། ཨོཾ་བཛྲ་ཀྲོ་དྷ་མ་ཧཱ་ཤྲཱི་སོགས་དང་། ཧོ། དཔལ་ཆེན་པོ་ཆེ་མཆོག་ཡོན་ཏན་གྱི་ལྷ་ཚོགས་ཅེས་པ་ནས་ཁུག་གཅིག་གྱི་བར་གྱི་མོད་པ་རྣམས་བརྗོད་དེ། འདི་བཞིན་དཔལ་བརྒྱད་ཀ་ལ་འགྲོའོ།། ༈ །།དེ་ནས་ཡང་། མཐིང་ནག་གྲུ་གསུམ་འབར་བའི་སོགས་ཀྱིས་ཡང་དག་ལྷ་ཚོགས་རྣམས་བསྐུལ་ཞིང་། ཨེ་ཡི་ཚོགས་ཀྱི་སོགས་དང་། ལྷ་མོ་བློ་ལྡན་ནས། རྡུལ་དུ་རློག ཅེས་པའི་བར་གྱི་འཕྱོང་གདག་ཅིང་། རུ་ལུའི་སྔགས་དང་། ཧོཿ དཔལ་ཆེན་པོ། ཁྱུང་བཅས་ནས་ཡང་དག་ཐུགས་ཀྱི་སོགས་ནས། རླག་པར་གྱིས་ཤིག་གི་བར་གྱི་མོད་པ་བརྗོད་དོ། །དེ་ནས་ཡང་། སེར་ནག་གྲུ་གསུམ་སོགས་རྐང་པ་བརྒྱད་ཀྱི་འཇམ་དཔལ་སྐུའི་ལྷ་ཚོགས་བསྐུལ་ཞིང་། དེའི་འཕྱོང་དུ། དམ་ཉམས་དགྲ་གེགས་སྡིག་ཅན་ལ། །འགོ་བར་བྱེད་པའི་ལྷ་ཁྱོད་ཉོན། ཞེས་སོགས་ནས། །མ་མཛད་གཅིག་ཅེས་པའི་བར་དང་། དང་སོ་སོར་མ། ཁྱུང་བཅས་ནས་ ཡི་གདབ་ལས་

[Full Size]

པང་དུ་བླངས་ཙ་ན། སོགས་མཐར་ཆགས་དང་། ཨ་ཀྲོའི་སྔགས་དང་དམོད་པ་ཡང་བརྗོད་ཅིང་རྫས་སྔགས་ཕྱག་རྒྱ་དང་བཅས་པས་ལྷ་བྱེ་བྱའོ། དེ་ནས་རྟ་མགྲིན། ཕུར་པ། མ་མོ་དང་བཅས་པ་རྣམས་ལ་འཕྱོང་གཞན་མེད་པས་རང་རང་གི་བསྐུལ་དང་། སྔགས་དམོད་པ་རྣམས་མཐར་ཆགས་གདབ་ལས་ལྟར་བྱ་བ་ཉིད་དོ། །དེ་ནས་བསྒྲལ་ལས་ཀྱི་དང་པོ་ཉེས་པ་བསྒྲགས་པ་ནི་སེམས་ཅན་ཆེན་པོ་ཁྱོད་ཉོན་ཅིག །ཞེས་པ་ནས། བསྒྲལ་བར་བྱ། ཞེས་པའི་བར་བརྗོད་དེ། སྐབས་འདིར་ཕུར་པ་སྲས་མཆོག་ཏུ་གསལ་བ་ནི། ཁྱུང་བཅས་ནས་འབྱུང་བའི། གདབ་ལས་ནས་བྱུང་བ་ལྟར་ བདག་གི་ལས་པ་གཡས་ཀྱི་སོར་མོ་ལྔ་ལ་ཞེས་སོགས་ཀྱིས་གསལ་གདབ་ལ། །སྒྲོལ་ནུས་པའི་དབང་ཐོབ་པར་འགྱུར། ཞེས་པའི་བར་གྱིས་བྱིན་གྱིས་བརླབ་ཅིང་། སླར་ཡང་བདག་ཉིད་ཆེ་མཆོག་ཅེས་སོགས་ནས། སྨོས་ཅི་དགོས་

[Full Size]

ཅེས་པའི་བར་དང་། །བདག་ཉིད་ཁྲག་འཐུང་ཧེ་རུ་ཀ་ནས། བྃ་ཧཱུྃ་ཕཊ། ཞེས་པའི་བར་གྱིས་ཕུར་པ་མངའ་གསོལ་ཞིང་གཟི་བྱིན་བསྐྱེད་འདི་སྐབས་སུ་ཕུར་པ། ཁྱུང་བཅས་ནས་ ཡེ་ཤེས་ཀྱི་ལྷ་ལ་བཏབ་པ་དང་སྣོད་བཅུད་ལ་བཏབ་པ་ལ་སོགས་རྣམས་ནི་ཁྲོ་བོ་རོལ་པའི་གཞུང་འདི་དཀྱུས་ལས་མི་གསལ་བས་རྒྱས་པར་སྤྲོ་ན་སློབ་དཔོན་མཆོག་རྣམས་ཀྱི་ཞལ་གྱི་བདུད་རྩི་མྱང་བར་བྱའོ། །དེ་ནས་ཚེ་ཁྲུས་ཀྱི་དགོངས་པས་བདག་ཉིད་ནུས་སྟོབས་བསྐྱེད། བརྡ་ཙམ་ཁྱུང་བཅས་ནས་བསྟན་ཀྱང་། ཅིང་དམིགས་བྱའི་ལས་ངན་གྱི་བག་ཆགས་སྦྱང་བར་བྱ་སྟེ། ཨེ་མ་ཁམས་གསུམ་སེམས་ཅན་རྣམས། ཅེས་སོགས་དང་། ཕོའི་སྙིང་གི་དཀྱིལ་དུ་ཞེས་སོགས་ནས་མཐར་ཆགས་སུ་བྱ་ཞིང་། ཁྱུང་བཅས་ནས། ལྕགས་སམ་ནག་པོའི་ཤིང་སོགས་ནས་ཁྱུང་བཅས་ནས།། ༈ །།འདི་ནི་བདེར་འདུས་ཉིད་ཀྱི་དཀྱུས་ལྟར་ཡིན་ཀྱང་། དིང་སང་ནི་གནམ་གོ་དྲུང་པས་མཛད་པའི་གདབ་ལས་གདུག་པ་ཀུན་སྒྲོལ་ལྟར་བྱེད་པ་མང་ཞིང་སྟབས་ཀྱང་དེ་ཀ་བདེ་བར་སྣང་ངོ་། །ཧཱུྃ་ཧཱུྃ་ཕཊ་ཕཊཿསོགས་ཀྱི་བར་

[Full Size]

བྱས་པའི་མཇུག་ཏུ་གདབ་པ་དོན་སྙིང་ནས་འབྱུང་བའི། ལྕགས་སམ་གདུག་པའི་སོགས་ནས། ལྷ་ཀླུ་བྱད་ཁ་ཟློག་སོགས་དང་། ཡོན་ཏན་རྒྱུད་ནས་འབྱུང་བ་ཡི། སོགས་ཀྱི་ཕུར་ཟློག་ཀྱང་བྱ་ཞིང་། དེའི་རྗེས་སུ་ཁྲམ་ཤིང་དང་མདའ་དར་ནག་པོ་འཐོགས་ཏེ། ད་ནི་སྔགས་འཆང་སོགས་ཀྱི་མཐར། བྱད་མའི་ཐོག་ཏེ་བྷྱོཿསོགས་ཀྱིས་བྷྱེ་འདེབས་བྱ་ཞིང་སླར། ཆེ་མཆོག་ལྷ་ཚོགས་འཁོར་བཅས་རྣམས། ཅེས་སོགས་ཀྱི་བཅོལ། ཁ་སྐོང་ནས། གདམས་ཀྱང་བྱའོ། །དེ་ནས་བསྒྲལ་བ་དངོས་ལ་དང་པོར། མཐིང་ནག་གྲུམ་སོགས། ཁ་སྐང་ནས་འབྱུང་ ཀྱི་ཚིག་རྐང་བརྒྱད་ཀྱིས་མཆོད་བསྟོད་ལྷ་ཚོགས་བསྐུལ་ལ། ཆོས་ཀྱི་དབྱིངས་ནས་རང་བྱུང་སོགས་ཚིག་རྐང་བཞི་དང་། ཆེ་མཆོག་བཛྲ་ཀཱི་ལ་ཡ། ཅེས་སོགས་དང་། དུག་ལྔ་འདུས་པའི་ཅེས་པ་ནས། །ང་ལ་ལྟོས་ཅེས་པའི་བར་དང་། །ང་ནི་བཀའ་བརྒྱད་ཧེ་རུ་ཀ །ལག་ལེན་ཆེན་མོ་ནས་ སོགས་དང་། ང་ནི་དུས་གསུམ་ ཁ་སྐོང་ནས་འབྱུང་བའི་ སོགས་ནས་ ལག་ལེན་ལས། ཁ་བཅས་ནས་

[Full Size]

མ་ར་ཡ་ཛ་ཛའི་བར་བརྗོད་པའི་རྗེས་སུ་ཕུར་ཐུན་མཚོན་དགུ་རྣམས་ཀྱིས་བསྒྲལ་ཏེ། །རྡོ་རྗེ་ཕུར་པ་ཀཱི་ལ་ཡ། སོགས་མཐར་ཆགས་བྱ། དེ་ནས་རྡུང་གཅིག་རྡོ་རྗེ་འབར་བ་སོགས་ནས། ཁ་ཐམ་གྱི་བར་བརྗོད་པ་གཏུན་རྡུང་དང་། སླར་ཡང་། གདབ་ལས་ནས། བཀའ་བརྒྱད་སྤྲུལ་པའི་གཤན་པ་འབུམ། ཁྱུང་བཅས་ནས་ །ཞེས་སོགས་བརྗོད་པས་མཚོན་ཆས་བཏུབ་ཅིང་བསྒྲལ། དྲག་པོའི་ཐུན་གྱིས་གསད་པ། ཁ་སྐོང་ནས། ཡང་སྐབས་འདིར་བྱ་ཞིང་དེ་ནས། ཨོཾ་བཛྲ་ཙཎྜ་སརྦ་སོགས་མཆོད་བསྟོད་ཀྱི་སྔགས་དང་དམོད་པ་རྣམས་བྱའོ། །དེ་ནས་བསྟབ་པའི་ལས་རིམ་རྣམས་ཀྱི་ཐོག་མར། མཐིང་ནག་གྲུ་གསུམ་སོགས་རྐང་པ་བརྒྱད་ཀྱིས་དྲག་སྔགས་ལྷ་ཚོགས་བསྐུལ་ཞིང་། ཕྱེ་ཅིག་ཕྱེ་ཅིག་ཞལ་ཕྱེ་ཅིག་སོགས་དང་། ཆོས་སྐུ་སྐྱེ་མེད་རང་བཞིན་ལས། ཅེས་སོགས་ཀྱི་སྟབ་ཅིང་། ཟློག་འབུམ་རྒྱས་བསྡུས་གང་རིགས་ཀྱིས་མི་ཤ་ཁྲག་མཆོད་བྱ་ཞིང་ཕྲིན་ལས་གཞོལ། ཨོཾ་བཛྲ་སརྦ་དུཥྚན་སོགས་དམོད་པ་དྲག་ ལག་ལེན་ལས་

[Full Size]

སྔགས་ཀྱི་སྔགས་དང་དམོད་མོ་བྱས་ལ། སླར་ཡང་ལྷ་ཚོགས་རྣམས་ལ་སྒྲལ་ལས་ཀྱི་དཔའ་ཡོན་ལྟ་བུའམ་གཏང་རག་གི་ཕྱིར་དུ་དམར་སྦྲེང་། སླར་སྟབས། མཆོད་པ། བསྟོད་པ་དང་བཞི་ལས་དང་པོ་དམར་ཆེན་ཁྲག་གི་མཆོད་པ་འབུལ་ཞིང་། ང་རྒྱལ་ཁྲག་གི་རྒྱ་མཚོ་འཁྱིལ་ལི་ལི། སོགས་དཔལ་དགུ་སོ་སོའི་གཅིག་དྲིལ་གང་རུང་ལོང་སྐབས་དང་བསྟུན་ཏེ་བྱ། སླར་སྟབ་ནི། གོང་གི་ལིང་རོ་ལྷག་མ་བྲན། ཁ་སྐོང་གིས་དམུག་ནག་གྲུ་གསུམ་འབར་བའི་དཀྱིལ་འཁོར་ནས། ཞིང་། །བདེར་གཤེགས་ཞི་ཁྲོའི་ལྷ་ཚོགས་རྣམས། ཅེས་པ་ནས། ས་མ་ཡ་ཁ་ཧིའི་བར་གྱིས་འབུལ་ཞིང་། །འདིར་དཀྱིལ་འཁོར་དུ་འབུལ་བ་ལ་མི་དབང་། ཁ་སྐོང་ནས་བའི་རིགས་ཀྱི་སྲུང་མ་དག་ལ་ཤ་ཁྲག་གི་ལྷག་མ་ཅུང་ཟད་ཕྱི་རོལ་དུ་གཏོར། བམ་སྐོང་ཡང་གོང་དུ་མ་བྱས་ན་སྐབས་འདིར་བྱའོ། །ཞིང་བསྔོ་བར་བྱ་བ་ཡང་ཕྱག་བཞེས་སོ། །མཆོད་པ་ནི། །གཏོར་མ་ཁ་

[Full Size]

གསོ་ཞིང་སྨན་རག་སྦྲེང་ལ། །འཇིག་རྟེན་གཏོར་སྣོད་བཅུད་རྣམས་གཏོར་མར་སྦྱར། སོགས་ཀྱིས་མཆོད་ལ། བཀའ་བརྒྱད་ཀྱིས་བསྟོད་པ་རྒྱས་བསྡུས་ལོང་སྐབས་དང་སྦྱར། ཁ་སྐོང་ལས་བའི་གཏང་རག་གི་བསྟོད་བྱའོ། །མཐར་བདག་དང་ལྷའི་མཐུ་སྟོབས་གཟི་བྱིན་གསོ་བ་དང་། གཟས་པ་པོའི་ཁམས་བཅོ་བརྒྱད་ཀྱི་སྒྲིབ་པ་སྦྱང་ནས་རྒྱལ་བའི་སྲས་སུ་བྱ་བ། སྣོད་བཅུད་ཐམས་ཅད་དཔལ་གྱི་སྐུར་བསྡུ་ཞིང་དབྱིངས་སུ་འཁོར་གསུམ་ཡོངས་དག་ཆེན་པོའི་རྒྱས་གདབ་པ་རྣམས་ནི་འདི་སྐབས་གཅིག་པུར་མ་ཟད་བསྒྲལ་ལས་བྱེད་ཏོ་ཅོག་ཐམས་ཅད་ཀྱི་མཇུག་དོན་ཡང་དག་པའི་སྙིང་པོ་ཡིན་ཕྱིར། ཚུལ་འདི་དག་གི་ཕྱག་བཞེས་རྣམས་ཀྱི་ཐུགས་རྒྱུད་ལ་འཁེལ་འཚལ་ལོ།། ༈ །།དེ་ལྟར་གཏོར་སྒྲུབ་ཆེན་མོའི་བསྙེན་སྒྲུབ་དང་ལས་འགྲིག་དངོས་གཞིའི་རིམ་པ་ཐམས་ཅད་ཡོངས་སུ་རྫོགས་པར་གྲུབ་ནས། མཐར་མནན་སྲེག་འཕང་གསུམ་གྱིས་ལས་ཀྱི་

[Full Size]

མཇུག་བསྡུ་བ་ནི་གསང་སྔགས་སྤྱི་འགྲོས་ཡིན་མོད་ཀྱི། དེ་ལས་མནན་པའི་ལས་མཐའ་ཁྱད་པར་བ་ནི་འདི་སྐབས་དཀྱུས་ཀྱི་ཁྲིགས་རིམ་ལ་དགོས་ཤས་ཆུང་བས་འདིར་རེ་ཤིག་སྲེག་འཕང་གཉིས་ཀྱི་བྱ་ཚུལ་འཆད་པར་བྱ་སྟེ། དེ་ཡང་གོང་དུ་བརྗོད་པ་བཞིན་སྒྲུབ་པའི་ཞག་གྲངས་ཇི་ཙམ་བྱེད་པའི་ཞག་ཕྱི་མའི་ཉིན་མོ་བསྒྲལ་ལས་དངོས་བྱས། དེའི་ནུབ་མོ་ཟོར་སྔགས་སོགས་བཟླ། ནང་པར་ཐོ་རངས་ནས་ལས་གཞུང་བསྐང་གསོ་ཚོགས་མཆོད་སོགས་རྒྱས་པར་གྲུབ་རྗེས། བཀའ་བརྒྱད་ཉིད་ཀྱི་སྦྱིན་སྲེག་རྒྱས་པ་བྱ་བའམ། ཡང་ཕྲིན་ལས་ཀྱི་གཟེར་ཆེན་ལྔའི་ནང་ཚན་གྱི་ཧོམ་ལ་བརྟེན་ནས་བསྲེག་པའི་ལས་སྦྱོར་ཚུལ་ལྡན་བྱེད་ན་མཆོག་ཡིན་མོད་ཀྱི། དེ་ལྟ་བུ་མ་གྲུབ་པའི་ཚེ་ན། ལྕགས་སླང་གི་ནང་དུ་སྐྱེར་པའི་ཤིང་སོགས་ཀྱི་མེ་ཐབ་ཆུང་ངུ་

[Full Size]

བཅས་ལ། མེ་ལྷ་དྲག་པོའི་ལུགས་ཀྱི་སྐྱེ་མཆོག་དང་དེའི་ལྟོ་བར་བཀའ་བརྒྱད་ཀྱི་ལྷ་ཚོགས་ཚང་བར་བསྐྱེད་ནས། སྤྱན་འདྲེན་མཆོད་པ་མདོར་བསྡུས་བྱ་ཞིང་། ལས་སྦྱོར་གྱི་འཁོར་ལོ་དང་ལིངྒ་སོགས་བསྲེག་པར་འོས་པ་ཐམས་ཅད་དང་། གདབ་ལས་ཀྱི་ལིང་རོ་ཤ་ཁྲག་སོགས་དང་གཞན་ཡང་སྲེག་རྫས་ཀྱི་ཚོགས་ཀྱང་གང་འབྱོར་འབུལ་ཞིང་། བསྟོད་པ་དང་ཕྲིན་ལས་བཅོལ་བ་ལ་གཤེགས་གསོལ་བྱ། དེའི་མེ་རོ་ཡང་གཏོར་ཟོར་འཕང་བའི་དུས་ལྷན་ཅིག་ཏུ་འཁྱེར་ལ་ཟོར་དུ་འཕེན། ཡང་ན་ཐལ་བ་ཆ་གཅིག་མནན་པ་བྱས་ཀྱང་རུང་བས་ཇི་ལྟར་རིགས་པ་སྐབས་ཀྱི་དགོས་དོན་དང་བསྟུན་ལ་བྱའོ།། ༈ །།དེ་ནས་ལྷ་ཚོགས་རྣམས་ལ་དཔའ་བོ་གཡུལ་དུ་འཆད་པའི་དམག་གི་གོ་སར་བའི་མིག་བརྡའ་གཏོང་བའི་ཚུལ་དུ་དྲག་ལས་ཀྱི་བཅའ་ཀ་དང་གཤོམ་ར་ཐམས་ཅད་སྟ་གོན་དུ་བྱས་ལ། ཐོག་མར་ ཆོས་སྐྱོང་གི་ཏུ་དར་སོགས་

[Full Size]

གསེར་སྐྱེམས་ཕུལ་ཞིང་། རིགས་འཛིན་སྤྱི་བསྐུལ། དམ་ཅན་སྤྱི་བསྐུལ་ཆོས་སྐྱོང་སོ་སོའི་དགོས་བསྐུལ་རྣམས་དང་། །གཟེར་ཁའི་འཕྱོང་སྨད་ལས་བསྐུལ་གྱི་བྱང་བུ། ཁྱུང་གིས་ལས་བྱང་ཆེན་མོའི་ འདི་དག་ད་ལྟའི་ཁྲོ་རོལ་དཀྱུས་མའི་དཔེ་ལ་མེད་པ་ནས་ཆེ་ཡང་བདེར་འདུས་ཉིད་ལས་འབྱུང་ངོ་། བསྐུལ་སོགས་ཁྱུང་བསྐལ་རྒྱས་བསྡུས་བྱ་ལུང་རྒྱ་མཚོ་ལ་སོགས་པ་བསྐུལ་གྱི་རིགས་ཐམས་ཅད་བྱས་ལ། བར་འདིར་ལས་ཕྲན་བཅུ་དང་། འདེབས་ཀ་དགུ། ཁ་བསྒྱུར་བཅུ་གསུམ་སོགས་ཁ་ཚར་གྱི་ལས་སྦྱོར་དགོས་པའི་རིགས་ཡོད་ན་བྱ་ཞིང་གཏོར་ཟློག་རྐྱང་པ་ལ་ནི་དེ་དག་མི་དགོས་པས་དབྱེ་མཚམས་ཤེས་པར་བྱའོ། །དེ་ནས་ཟློག་གཞུང་རྣམས་ཀྱི་དང་པོར། ཕྱིའི་གཏོར་མས་འཁོར་བ་མྱང་འདས་སུ་བཟློག་པ་དང་། ནང་གི་གཏོར་མས་སེམས་ཅན་སངས་རྒྱས་སུ་བཟློག་པ་དང་། གསང་བའི་གཏོར་མས་དུག་ལྔ་ཡེ་ཤེས་ལྔར་བཟློག་པ་དང་བཅས་

[Full Size]

པ་རྣམས་དང་། དེ་ནས་གཏོར་མ་ལ་བརྟེན་ནས་བཟློག་པའི་ཟེར་ཁ། རྒྱལ་མཚན་དགུ་འཕྱོང་། བྷྱོ་འདེབས། ཁྲམ་བཟློག །རྩངས་གྱེར་སོགས་བྱ། ཡང་། སྐག་བསྒྱུར་ངར་གླུད་ལྟར་གཏོང་བའི་ཚེ་ན་བར་འདིར་དེའི་གཞུང་ཡང་གྱེར་དྲག་པོའི་སྔགས་ཟློག་ཆེན་མོ་ནི་སྔ་ཕྱི་ལོང་སྐབས་དང་བསྟུན་པའི་ངོས་ནས་ཇི་ཙམ་གྲུབ་པ་བྱ་ཞིང་། ཁྱུང་གི་པྲ་བརྟག་ཀྱང་བྱ། དེ་ནས་གཏོར་མ་རྣམས་དཀྱིལ་འཁོར་སྟེང་ནས་མདུན་དུ་དཔགས་ཏེ་གཏོར་དྲིལ་བྱ། ཟོར་སྒོ་དབྱེ་ཞིང་ཕྱི་རོལ་ཏུ་སླེབ་ནས་འཆད་མདོའི་གཏོར་མ་འབུལ་རྒྱུ་ཟུར་དུ་བྱས་ དཔེ་རིས་ལྟར་རྡུལ་མཚོན་ནམ་འབྲུ་ནག་གི་ཕྱེ་མ་བྲི། ལ་འབུལ་ཞིང་། རྒྱལ་ཐོ་སྒོ་བྱང་སོགས་ཡོད་ན་བཏང་རག་ཕུལ་ལ་དཀྲོལ་བ་སྒྲུབ་ཆེན་ལྟར་དང་ འཆད་མདོ་གྱེར། དེ་རྗེས་ཟ་ལམ་དང་དམིགས་བསྒྲལ་སོ་སོའི་ཟློག་གཞུང་གྱེར་ལ་དེ་གཉིས་འཕང་། ཁྱུང་ཟློག་གྱེར་ཞིང་ཁྱུང་རྣམས་གཤེགས། སྤུང་གཏོར་ཆུང་བ་གཅིག་སྔར་ནས་སྟ་གོན་བྱས་ནས་འདི་སྐབས་སུ་འབུལ་བ་ཡང་

[Full Size]

གཏོར་མ་འཕང་འདས་རིམས་ཐམས་ཅད་ལ་གལ་ཆེ་བར་གསུངས་སོ། དེ་ནས་ཟོར་དངོས་ཀྱི་དང་པོར་གསེར་སྐྱེམས་ཕུལ་ཞིང་ཟོར་ལྷ་བསྐུལ། དེ་ནས་ཟོར་གྱི་ལས་དགུ་པའི་ལུགས་དང་བསྟུན་ན་དེ་ལྟར་དང་། གཞན་བདེར་འདུས་ཉིད་ཀྱི་ཟོར་གཞུང་བཞིན་ཏེ། དང་པོ་སྐོང་ བདེར་འདུས་ནས་ཟོར་འཕང་བའི་བྱ་བུ་ནས་འབྱུང་ ཟོར། གཉིས་པ་གཏོར་ཟོར། གསུམ་པར་མདའ་ཟོར། བཞི་པ་རྡོ་ཟོར། ལྔ་པ་ཁྲག་ཟོར་རྣམས་གྱེར་དང་མཐུན་པར་རིམ་པ་འཕང་། འདིར་དིང་སང་ཕྱག་སྲོལ་ལ་ལར་ཟོར་རྣམས་ཕྱོགས་མཚམས་ཐམས་ཅད་དུ་འཕང་བར་བྱེད་པ་སྣང་ཀྱང་། འདིའི་དགོངས་པར་ནི། གསེར་སྐྱེམས་དང་དཀར་གཏོར་སོགས་ཕྱོགས་བཅུར་ཕུལ་ནས་ཕྱོགས་སྐྱོང་སོགས་ལ་རུ་ང་མ་བྱེད་པར་བཀའ་བསྒོ་བ་ཡིན་མོད་ཀྱི། ཟོར་ནི་ངེས་པར་དམིགས་སྒོ་ཡོད་ན་དེ་ཕྱོགས་དང་། མེད་ན་གཏོར་མ་འཕང་བའི་ཕྱོགས་སུ་འཕང་དགོས་ཀྱི། གཞན་ཕྱོགས་

[Full Size]

སུ་འཕང་ན་གཟའི་འགྱུ་ཕྱོགས་དང་སྒྲ་གཅན་སོགས་བརྩི་བ་ལ་དགོས་པ་མེད་པར་འགྱུར་བའི་ཕྱིར་རོ། །དེ་ནས་བཞེས་འབོད་སོགས་བྱས་ལ་གཏོར་མའི་ཡེ་ཤེས་པ་གཤེགས་ཅིང་དུག་མཚོན་དམག་དཔུང་སོགས་དམིགས་པ་ཁ་བསྒྱུར་ནས་དགྲ་ཕྱོགས་སུ་འཕང་ཞིང་དྲག་སྔགས་དམོད་བཅོལ་རྡུལ་རློག་སོགས་བྱ། གཏོར་གཞོང་བཤལ་ཆུས་བསྟན་མ་བསྐྱོང་བ་དང་། གཏོར་མནན་སོགས་དང་ཕྱི་རྗེས་ཀྱི་མཚམས་གཅོད་དང་གོ་བགོ་བ་སོགས་བྱ་ཞིང་། ནང་དུ་ལོག་ནས་ཚེའི་ཆོ་ག་དངོས་གྲུབ་བླང་བ། མར་མེའི་སྨོན་ལམ་སོགས་དང་། བཤགས་པ་བསྔོ་སྨོན་བཀྲ་ཤིས་སོགས་རྗེས་མཐའ་རྒྱས་ཀྱི་ལས་རིམ་རྣམས་ནི་སྒྲུབ་ཆེན་དང་འབྲེལ་ན་དེའི་དཀྱུས་བཞིན་དང་། མི་འབྲེལ་ན་ཡང་སྤྱི་དང་མཐུན་པར་ཞིབ་རྒྱས་སུ་བྱ་སྟེ། མཇུག་གི་ལས་རིམ་འདི་ལ་སླ་ཆོས་བྱར་མི་རུང་སྟེ། ཡོན་མཆོད་དང་གནས་ཡུལ་སོགས་ལ་བཀྲ་ཤིས་མི་ཤིས་

[Full Size]

ཀྱི་རྟེན་འབྲེལ་གནད་ཆེ་བར་གསུངས་པས་སོ། ཨེ་མ། གསང་སྔགས་རྒྱུད་སྡེའི་སྙིང་པོ་ཡང་ཞུན་མཆོག །བདེ་གཤེགས་ཀུན་འདུས་སྒྲུབ་པ་བཀའ་བརྒྱད་ལ། །བསྙེན་ཅིང་བསྒྲུབ་པས་དངོས་གྲུབ་མཆོག་བརྙེས་པ། །རྒྱ་བོད་རིག་འཛིན་གྲངས་མང་བྱོན་མོད་ཀྱང་། །དིང་སང་སྙིགས་མའི་ཡང་སྙིགས་འདི་འདྲའི་ཚེ། །བཀའ་བརྒྱད་སྨིན་གྲོལ་བང་མཛོད་མ་ཐོབ་པར། །ཁྲོ་རོལ་བུ་སྨད་གསོ་བའི་ཡས་ཆོག་ཏུ། །བྱེད་པའི་སྔགས་འཆང་ཁས་འཆེས་གྲོང་སྒོ་ཁེངས། །ཀྱེ་མ་གསང་སྔགས་སྔ་འགྱུར་བསྟན་པའི་ཉི། །ནུབ་རིའི་ཕག་ཏུ་བཞུད་ལ་མི་སྐྱོ་ཞིང་། །དལ་འབྱོར་ལན་ཅིག་ཐོབ་འདི་ལྟོ་ཕྱིར་དུ། །འབད་པས་རྒྱུག་འདི་འཆི་ཁར་ཅིར་འགྱུར་བསོམ།། ༈ །།གསང་སྔགས་ཆོས་ལ་བསླབ་པའི་མཐའ་བཅུ་དགོས། །བཀའ་བརྒྱད་མཁན་ལ་བསྐྱེད་རྫོགས་གུང་དགུ་

[Full Size]

དགོས། །གདབ་ལས་བྱེད་ན་རྫོང་འཕྲང་སྲོག་གསུམ་དགོས། །དགོས་ཀྱང་ཡོད་མཁན་དཀོན་པར་གཟིགས་ལགས་སམ།། ༈ །།སྐྱེད་རྫོགས་དགོངས་དོན་ཆ་ཙམ་མ་རྟོགས་བཞིན། །སྲུང་ཟློག་ལས་གཞུང་བོན་ལྟར་གྱེར་བ་དེས། །ལྟོ་ཙམ་ཕྱིད་ཀྱང་གསང་སྔགས་དམར་བཤད་ཀྱི། །རྣམ་པར་སྨིན་དེས་ཕྱི་མ་ཅིར་སྐྱེ་བསོམ།། ༈ །།ཟོལ་ཟོག་རྫུན་ལམ་འཁྱོག་པོས་དགུ་རྣམས་ལ། །བདེན་གཏམ་དྲང་པོའི་ལམ་སྲོལ་བསྟན་ན་ཡང་། །རླུང་ནད་ཅན་ལ་ག་བུར་བླུད་ལྟར་བས། །ལྕེ་རྩེ་ནང་དུ་བཀུག་པ་གནད་དུ་ཟབ།། ༈ །།དེ་ལྟའང་བཀའ་དྲིན་མཚུངས་མེད་རྗེ། །དཔལ་ལྡན་གཞན་ཕན་རྡོ་རྗེའི་དང་། །རྒྱལ་སྲས་རིག་འཛིན་སྙིང་པོ་སོགས། །ཞལ་གདམ་ལས་བྱུང་ཚུལ་འདི་བྲིས།། ༈ །།རང་ཉིད་སྒོམ་ཆེན་རྒན་པོ་ལ། །འདི་འདྲའི་ཚུལ་གྱི་ཅི་ཞིག་བྱ། །འོན་ཀྱང་ཕྱི་རབས་སྔགས་ཆུང་འགར། །ཕན་སྙམ་བསམ་པ་དཀར་དེའི་

[Full Size]

དགེ།། ༈ །།འདི་དང་དུས་གསུམ་དགེ་ཚོགས་ཀུན། །གཅིག་བསྡོམས་གསང་སྔགས་འབྲས་བུའི་ཐེག །འཛིན་སྐྱོང་བསྲུང་དང་ཡེལ་བའི་རྒྱུར། །བསྔོ་དང་སྨོན་པ་འགྲུབ་གྱུར་ཅིག །ཅེས། སྤོང་བའི་བརྟུལ་ཞུགས་ལ་མོས་པ་ལམ་དུ་བྱེད་པ་སྣ་ཚོགས་རང་གྲོལ་གྱི་བཀོད་པ་དགེའོ།། ༈ །།གོང་དུ་སྨོས་པའི་བསླབ་པའི་མཐའ། སྐྱེད་རྫོགས་ཀྱི་གུང་ཤིང་དགུ་དང་རྫོང་འཕྲང་སྲོག་གསུམ་ཞེས་པ་དེ་དག་གང་ལ་ཟེར་སྙམ་ན། མཐའ་བཅུ་ནི། གསང་སྔགས་ཀྱི་ཆོས་ལ་འཇུག་པའི་སྒོ་ནི་དབང་གིས་ཕྱེ་བ། གཞི་དང་སྲོག་ནི་དམ་ཚིག་གིས་བཟུང་བ། ཐག་ནི་ལྟ་བས་བཅད་པ། ལ་ནི་སྤྱོད་པས་དོར་བ། ཉམས་སུ་ནི་ཏིང་ངེ་འཛིན་གྱིས་བླང་བ། དོན་ནི་མན་ངག་ཟབ་མོ་སྒྲུབས་པ། རྒྱུད་ནི་ཐོས་པས་འགྲོལ་བ། སྒོ་ནི་ཐེག་པ་ཀུན་ནས་བདུར་བ། ཤེས་བྱ་ནི་ཕྱོགས་མེད་ལ་བསླབ་པ། །དགོངས་དོན་ནི་དུ་མ་རོ་གཅིག་ཏུ་བསྡུ་བ་སྟེ། དེ་ལྟར་བསླབ་པར་བྱའོ། །སྒྲུབ་པ་བཀའ་བརྒྱད་ལ། སྐྱེད་རྫོགས་ཀྱི་གུང་ཤིང་དགུ་ནི། སྐུ་འཇམ་དཔལ་འཆི་མེད་ཀྱི་དགོངས་པ་འཁོར་ལོ་རྣམ་བཞི། གསུང་པདྨ་རྣམ་དག་གི་འོངས་པ་རྟ་སྐད་

[Full Size]

ཐེང་གསུམ། ཐུག་ཡང་དག་དོན་གྱི་དགོངས་པ་རུ་ལུ་འབྲུ་བརྒྱད། ཡོན་ཏན་ཆེ་མཆོག་ཧེ་རུ་ཀའི་དགོངས་པ་བདུད་རྩི་རྣམ་བཞི། ཕྲིན་ལས་རྡོ་རྗེ་གཞོན་ནུའི་དགོངས་པ་ཕུར་བུ་ཐལ་འབྱིན། རྦོད་གཏོང་མ་མོ་ཀུན་ཁྱབ་ཀྱི་དགོངས་པ་རྩ་རླུང་ཐིག་ལེ། རིག་འཛིན་བླ་མ་བྱིན་རླབས་ཀྱི་དགོངས་པ་ཐུགས་གསལ་རྣམ་དག །མཆོད་བསྟོད་དྲེག་པ་ཀུན་འདུས་ཀྱི་དགོངས་པ་སྒྲུབ་ལུགས་དོན་བཞི། དྲག་སྔགས་དུག་ལྔ་རང་མདངས་ཀྱི་དགོངས་པས་གནད་ཀྱི་མན་ངག་བཞི་སྟེ། དེ་ལྟར་དགུ་ལ། རྒྱུད་མ་ཧཱ་ཡོ་ག་ལྟར་སྐྱེད་རིམ་དུ་སྒྲུབས་པ། ལུང་ཨ་ནུ་ཡོ་ག་ལྟར་རྫོགས་རིམ་སྒྲུབས་པ། མན་ངག་ལ་ཨ་ཏི་ཡོ་ག་ལྟར་རྫོགས་པ་ཆེན་པོར་སྒྲུབ་པ་དང་ཡོད་དོ། གདབ་ལས་ཀྱི་རྫོང་འཕྲང་སྲོག་གསུམ་ནི། བསྒྲལ་ལས་བྱེད་པའི་མཁན་པོ་དང་། སྒྲོལ་བྱེད་ཀྱི་ཕུར་བུ། བསྒྲལ་བྱའི་དམིགས་ཡུལ་གསུམ་པོ་གཞི་ཆོས་ཉིད་སྐྱེ་མེད་ཀྱི་ངོ་བོར་ཐག་ཆོད་པ་ནི་ལྟ་བའི་རྫོང་། ལམ་རོལ་པ་འགགས་མེད་གསལ་བ་གསུམ་དང་ལྡན་པ་ནི་སྒོམ་པའི་འཕྲང་། ཚེ་ལུང་ཁྲུས་ལུང་གི་དགོངས་པས་བདག་ཉིད་ནུས་པ་བསྐྱེད་ཅིང་དམིགས་བྱ་བསྒྲལ་འདྲེན་

[Full Size]

བྱས་ནས་འབྲས་བུ་ཟད་པར་སྐྱོལ་བ་ནི་སྤྱོད་པའི་སྲོག་སྟེ། དེ་ནས་འདི་དག་གི་དོན་མི་ཤེས་པར་སྔགས་འཆང་དུ་མི་རུང་བ་ཡང་ཕྱི་རབས་རྣམས་ཀྱིས་ཐུགས་ལ་བཅག་པ་འཚལ་ལོ། །ཤུ་བྷཾ། མངྒ་ལམ། གཅིག་ཞུས་ཁུལ།

བདེར་གཤེགས་སྒྲུབ་པ་བཀའ་བརྒྱད་གསང་བ་ཡོངས་རྫོགས་ཀྱི་ལས་བྱང་གཞུང་སྲོང་གི་རིམ་པ་རྣམས།

[Full Size]

བདེར་གཤེགས་སྒྲུབ་པ་བཀའ་བརྒྱད་གསང་བ་ཡོངས་རྫོགས་ཀྱི་ལས་བྱང་གཞུང་སྲོང་གི་རིམ་པ་རྣམས་བཞུགས་སོ། །

[Full Size]

ཤྲཱི་ཧེ་རུ་ཀ་གུ་རུ་ཨ་དྭ་ཡ་ན་མོ། །བདེར་གཤེགས་རྒྱལ་བའི་དཀྱིལ་འཁོར་རབ་འབྱམས་ཀུན། །སྒྲུབ་པ་བཀའ་བརྒྱད་གསང་བ་ཡོངས་རྫོགས་སུ། །གདོད་ནས་ལྷུན་གྲུབ་ཆེན་པོར་ཡོངས་འདུས་པའི། །ཁྱབ་བདག་ཆེ་མཆོག་པདྨ་ཐོད་ཕྲེང་མཆོད། །གང་དེའི་ཐུགས་རྗེའི་རོལ་རྩལ་སྒྱུ་འཕྲུལ་ནི། །ཡེ་ཤེས་དཀྱིལ་འཁོར་རྣམ་དགུར་ཤར་བ་ལ། །བསྙེན་སྒྲུབ་མཆོད་བསྟོད་ཕྲིན་ལས་གཞུང་སྲོང་གི། །ལས་རིམ་གཏེར་གཞུང་ཇི་བཞིན་འདིར་བཀོད་བྱ། གུ་རུ་རིན་པོ་ཆེ་ཆོས་ཀྱི་དབང་ཕྱུག་གིས་གཏེར་ནས་སྤྱན་དྲངས་པའི་ཞི་ཁྲོ་བཀའ་བརྒྱད་གསང་བ་ཡོངས་

[Full Size]

རྫོགས་ཆེན་པོའི་བསྙེན་སྒྲུབ་ལས་གཞུང་གི་རིམ་པ་ཇི་ལྟར་བྱ་བ་ནི། ཐོག་མར་གང་དུ་བྱ་བའི་གནས་དེར་འཕྱག་བདར་རྐྱང་ནུལ་སོགས་ལེགས་པར་བྱས་ནས། དེ་ཡང་དབང་དང་སྒྲུབ་ཆེན་སོགས་མདུན་སྐྱེད་གཙོ་བོར་བཏོན་པའི་སྐབས་དག་ཏུ་ནི། དེ་དང་མཐུན་པའི་དཀྱིལ་འཁོར་གྱི་བཤམས་བཀོད་རྒྱས་པར་དགོས་མོད་ཀྱང་། འདིར་ནི་བདག་སྐྱེད་རྐྱང་སྒྲུབ་ཀྱི་སྐབས་ཁོ་ནའི་དབང་དུ་བྱས་ཕྱིར། གཏོར་མཆོད་གང་རྒྱས་ཙམ་བཤམས་པའི་ཚུལ་བཤད་པར་བྱ་སྟེ། ཞི་ཁྲོ་བཀའ་བརྒྱད་ལྷ་ཚོགས་ཀྱི་སྐུ་རྟེན་སོགས་ཇི་ལྟར་འབྱོར་བ་བཀྲམ་པའི་མདུན་དུ་ཅོག །རྩེ་སོགས་སྟེགས་བཟང་པོ་ལྷ་གོས་མཛེས་པས་གཡོགས་པའི་ཁར་མེ་ཏོག་སིལ་མ་དཀྲམ་ཞིང་། རིན་ཆེན་གྱི་སྣོད་ཆེ་བ་ཞིག་ཏུ་ཆེ་མཆོག་

[Full Size]

དཔལ་དགུའི་གཏོར་མ་དཔལ་གཏོར་ཟུར་གསུམ་པ་འཁོར་བརྒྱད་དང་མཐེབ་ཀྱུས་བསྐོར་ཞིང་རྒྱན་དཀར་དམར་གྱིས་མཛེས་པ་སྟེང་ན་དར་མཐིང་ནག་གི་གུར་ཕུབ་པ་གཟི་བརྗིད་དང་ལྡན་པ་དབུས་སུ་བཞག །དེའི་གཡས་སུ་བླ་མའི་གཏོར་མ། གཡོན་དུ་ཡི་དམ་མཁའ་འགྲོ་ཆོས་སྐྱོང་སྤྱིའི་གཏོར་མ་དང་། གཡས་ཀྱི་མཐའ་ལོགས་སུ་འདི་ཉིད་ཀྱི་བཀའ་སྲུང་དྲེགས་པའི་སྡེ་དཔོན་སུམ་ཅུའི་སྒེར་གཏོར་གཙོ་བོ་ཟུར་གསུམ་པ་གྲི་རིས་ཅན་ཆེ་བ་གཅིག་ལ་འཁོར་ཟུར་གསུམ་སུམ་ཅུས་བསྐོར་བ་ཤ་ཁྲག་གིས་རྒྱན་པ་བཞག །གཡོན་གྱི་མཐའ་འགྲམ་དུ་དཔལ་གྱི་བཀའ་སྡོད་རྣམས་ཀྱི་གཏོར་མ་ཡང་སྔ་མ་ལྟར། གཙོ་བོ་ནི་ཟུར་གསུམ་གྲི་རིས་ཅན་དེ་ཁམས་གསུམ་ཧཱུྃ་སྒྲ་ཅན་ཞེས་ཁྱུང་གི་གཏོར་མ་ཡིན་ལ། དེའི་འཁོར་ནི་ལྷ་གྲངས་མང་བས་གྲངས་མཉམ་པ་ནི་མི་འགྲུབ་ཀྱང་ཇི་ཙམ་ཤོང་ཤོང་གིས་བསྐོར་ཞིང་ཤ་ཁྲག་གིས་བརྒྱན་པ་བཞག །དེ་དག་གི་གཡས་གཡོན་དུ་ཀ་པཱ་ལར་བདུད་རྩི་སྨན་རཀ་སྤྱི་ལྟར་དང་། འདི་ལ་ཁྱད་པར་དུ་བདུད་རྩི་བསང་ནན་ཞེས་པ། རིན་ཆེན་གྱི་སྣོད་ཅི་རིགས་པར་ཛཱ་གད་ཆང་ཕུད་བཟང་པོས་བཀང་བ་ཞིག་ཀྱང་གཙོ་གཏོར་གྱི་མདུན་དུ་བཞག་ཅིང་། གཞན་ཡང་ཕྱི་ནང་གསང་མཆོད་སྤྱན་

[Full Size]

གཟིགས་འདོད་ཡོན་ཕུན་སུམ་པའི་མཆོད་རྫས་དང་བཀོད་པའི་ཁྱད་པར་མཛེས་ཤིང་བརྗིད་ལ་བག་དྲོ་བ་སྒྲུབ་པ་པོ་རྣམས་སྣང་བ་འགྱུར་ཐུབ་པའི་བཤམ་བཀོད་དང་། སྤོས་དང་རོལ་མོའི་བྱེ་བྲག་སོགས་མདོར་ན་རྩ་གསུམ་ཞི་ཁྲོ་དམ་ཅན་གྱི་ཚོགས་ཐམས་ཅད་མཉེས་ཤིང་དམ་ལ་འདུ་བའི་རྟེན་འབྲེལ་གྱི་གནད་ཡོད་པས། གཡས་མེད་ཁྱེར་བདེ་སྒྱིད་ངན་གྱི་དབང་དུ་མི་བཏང་ཞིང་། གཏོར་ཚོགས་མར་མེ་མཆོད་རྫས་ཡོ་བྱད་སོགས་ལ་འབགས་རྩོགས་དང་སེར་སྣ་སོགས་སྐྱོན་གྱིས་བསླད་ན། ཡེ་ཤེས་ལྷ་ལ་རྟོག་པའི་འཛིན་པ་དང་བྲལ་ཡང་བཀའ་སྲུང་དམ་ཅན་རྣམས་ནི་ལེགས་ཉེས་ཕྲ་མོ་ལའང་མགུ་ཁང་བྱེད་ཅིང་། དེའི་ཕན་གནོད་ཀྱི་འབྲས་བུ་སྒྲུབ་པ་པོ་ལ་འཕྲལ་དུ་འབྱུང་ཕྱིར། རྩིངས་ཆོས་སུ་མ་སོང་བར་བྱ་དགོས་པ་ནི་གསང་སྔགས་ཀྱི་དམ་ཚིག་གི་སྒོ་དང་པོ་ཡིན་ནོ། དེ་ནས་ཆོ་ག་དངོས་ལ་འཇུག་པའི་དང་པོར། སྐྱབས་སེམས་ཚོགས་གསོག་སྡོམ་གཟུང་རྣམས་ཀྱིས་རང་རྒྱུད་ལས་རུང་དུ་མ་སྒྲུབས་ན་གསང་སྔགས་རྡོ་རྗེ་ཐེག་པའི་ལམ་ལ་འཇུག་པར་མི་དབང་བས་དེ་དག་བྱ་བ་ནི། ཕྱོགས་བཅུ་མཐའ་ཡས་པའི་ཞིང་ཁམས་ན་བཞུགས་པའི་རྒྱལ་བ་སྲས་བཅས་ཡེ་ཤེས་ཀྱི་སྤྱན་ལྡན་རྣམས་ལ་མོས་གུས་གདུངས་ཤུགས་

[Full Size]

ཀྱི་འདུན་པ་བསྐྱེད་ཅིང་། ཇི་སྐད་དུ། ཡེ་ཤེས་ལྷ་ལ་རང་རྒྱུད་ཀྱི། །རྩིས་གདབ་ཁྲིགས་སུ་བཅད་པ་མེད། །གང་ལྟར་མོས་པ་དེ་བཞིན་སྣང་། ཞེས་གསུངས་པ་བཞིན་མོས་པའི་རང་གཟུགས་ཇི་ལྟར་འདོད་བཞིན་འཆར་བ་ཡིན་ཕྱིར། འདི་སྐབས་སུ་ཕྱོགས་བཅུའི་རྒྱལ་བ་མ་ལུས་སྒྲུབ་པ་བཀའ་བརྒྱད་ཀྱི་ལྷ་ཚོགས་འབའ་ཤིག་པའི་རྣམ་འགྱུར་གྱིས་ཞིང་ཁམས། ཁྱབ་པར་བཞུགས་པར་མོས་ལ་ཚིག་གི་རྗེས་སུ་དོན་སེམས་ལ་དྲན་པའི་ངང་ནས་འདི་སྐད་དོ། །ན་མོ། །ཕྱོགས་བཅུའི་འཇིག་རྟེན་རབ་འབྱམས་གཞལ་ཡས་ནས། །བླ་མེད་དཀོན་མཆོག་རྒྱལ་བ་སྲས་བཅས་དགོངས། །བདག་སོགས་མཐའ་ཡས་སེམས་ཅན་མ་ལུས་ཀུན། །དུས་འདི་ནས་བཟུང་སངས་རྒྱས་མ་ཐོབ་བར། །ཐུགས་རྗེའི་དབང་གིས་འགྲོ་ལ་དགོངས་མཛད་པའི། །བླ་མ་རྣམས་ལ་ཕྱག་འཚལ་སྐྱབས་སུ་མཆི། །རྩེ་གཅིག་ཐུགས་རྗེས་བྱིན་རླབས་ཡེ་ཤེས་སྐུ། །ཡི་དམ་ལྷ་ལ་ཕྱག་འཚལ་སྐྱབས་སུ་མཆི། །རྩོལ་རྟོག་མི་མངའ་ཡོན་ཏན་ཐུགས་རྗེའི་བདག །སངས་རྒྱས་རྣམས་ལ་ཕྱག་འཚལ་ལོ། །ཆགས་པ་མེད་པར་འགྲོ་དོན་མ་ལུས་འབྱུང་།

[Full Size]

དམ་ཆོས་རྣམས་ལ་ཕྱག་འཚལ་ལོ། །མ་ནོར་ལམ་ལ་གནས་མཛད་ཞིང་མཆོག་སྐྱོང་། དགེ་འདུན་རྣམས་ལ་ཕྱག་འཚལ། འགྲོ་བའི་དོན་དུ་རང་བྱུང་སྐུར་སྤྲུལ་པ། །པདྨ་འབྱུང་གནས་སྐུ་ལ་ཕྱག་འཚལ་ལོ། །གཅིག་ཤེས་ཀུན་གྲོལ་སྐད་ཅིག་སངས་རྒྱས་སྟོན། འགྲོ་མགོན་ཆོས་དབང་སྐུ་ལ། ཇི་བཞིན་རྟོགས་པའི་གདེངས་ལྡན་ཐུགས་རྗེའི་བདག །རྒྱལ་སྲས་སྨན་ལུང་པ་ལ། མཐར་ཕྱིན་ངེས་པའི་དོན་སྟོན་མཁྱེན་བརྩེའི་སྐུ། སངས་རྒྱས་དྭགས་སྟོན་སྐུ་ལ༴ བཀའ་ལུང་དབང་བསྒྱུར་མཐར་ཕྱིན་ངེས་དོན་བདག །བཛྲ་ཛྙཱ་ནའི་སྐུ་ལ༴ གསང་སྔགས་རྒྱུད་འཛིན་ལུང་རིག་ཀུན་གྱིས་བདག །བུ་དྷ་ཤྲཱིའི་སྐུ་ལ༴ སྔོན་གྱི་ལས་སད་གུ་རུས་བྱིན་བརླབས་པ། གུ་ཎ་ཕ་ལའི་སྐུ་ལ༴ ཨུ་རྒྱན་ལུང་བསྟན་ཆོས་དབང་ཐུགས་ཀྱི་སྲས། ཆོས་སྐུ་འོད་ཟེར་སྐུ་ལ༴ རང་སེམས་ཆོས་སྐུར་རྟོགས་ནས་གཞན་

[Full Size]

དོན་མཛད། ཡེ་ཤེས་ཀུན་དགའི་སྐུ་ལ་ཕྱག་འཚལ། སྐྱེད་རྫོགས་མཐར་ཕྱིན་སྒྲུབ་རྒྱུད་བསྟན་པ་འཛིན། དཔལ་འབྱོར་དབང་ཕྱུག་སྐུ་ལ༴ མཐུ་སྟོབས་ནུས་པའི་དཔུངས་ལ་མངའ་བརྙེས་པ། །ནམ་མཁའ་གུ་རུའི་སྐུ་ལ༴ སྔགས་ཀྱི་རབ་འབྱམས་བསླབ་གསུམ་རྒྱན་གྱིས་མཛེས། །བསོད་ནམས་རྣམ་རྒྱལ་སྐུ་ལ༴ །རྒྱལ་བས་བྱིན་རླབས་ལུང་རིགས་ཀུན་གྱི་བདག །ཨོ་རྒྱན་བསྟན་འཛིན་སྐུ་ལ༴ །ལེགས་ངེས་སྟངས་འཛིན་དངོས་གྲུབ་སྟེར་མཛད་པ། །མཁའ་འགྲོའི་ཚོགས་ལ་ཕྱག་འཚལ་ལོ། །སངས་རྒྱས་བསྟན་བསྲུང་བཀའ་ཡི་བྱ་ར་མཛད། །ཆོས་སྐྱོང་སྲུང་མའི་ཚོགས་ལ་ཕྱག་འཚལ་སྐྱབས་སུ་མཆི། བཛྲ་ས་མ་ཡ་ཛཿ བཛྲ་ས་མ་ཡ་ཧཱུྃ། ཡོ་ག་ས་མ་ཡ་ཛཿ ཡོ་ག་ས་མ་ཡ་ཧཱུྃ། ཀྲོ་དྷ་ས་མ་ཡ་ཛཿཀྲོ་དྷ་ས་མ་ཡ་ཧཱུྃ། ཛཿཧཱུྃ་བྃ་ཧོ། བདག་གཞན་འགྲོ་བ་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་དུས་འདི་ནས་བཟུང་སྟེ་སྙིང་པོ་སངས་རྒྱས་མ་ཐོབ་ཀྱི་བར་དུ་

[Full Size]

དྲིན་ཅན་རྩ་བ་དང་རྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ལ་སྐྱབས་སུ་མཆིའོ། །སངས་རྒྱས་བཅོམ་ལྡན་འདས་ལ་སྐྱབས་སུ་མཆིའོ། །དམ་པའི་ཆོས་ལ་སྐྱབས་སུ་མཆིའོ། །འཕགས་པའི་དགེ་འདུན་རྣམས་ལ་སྐྱབས་སུ་མཆིའོ། །བླ་མ་ལ་སྐྱབས་སུ་མཆིའོ། །སངས་རྒྱས་ལ༴ ཆོས་ལ༴ དགེ་འདུན་ལ༴ བླ་མ་ལ༴ སངས་རྒྱས་ལ༴ ཆོས་ལ༴ དགེ་འདུན་ལ༴ ཡི་དམ་དཀྱིལ་འཁོར་ལྷ་ཚོགས་རྣམས་ལ༴ མཁའ་འགྲོ་དཔའ་བོ་དཔའ་མོ་རྣམས་ལ༴ དམ་པ་ཡེ་ཤེས་ཀྱི་ཆོས་སྐྱོང་བའི་སྲུང་མ་ཡེ་ཤེས་ཀྱི་སྤྱན་དང་ལྡན་པ་རྣམས་ལ་སྐྱབས་སུ་མཆིའོ། །སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག །སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་བར་གྱུར་ཅིག །སྡུག་བསྔལ་མེད་པའི་བདེ་བ་དང་མི་འབྲལ་བར་གྱུར་ཅིག །ཉེ་རིང་ཆགས་སྡང་གཉིས་དང་བྲལ་བའི་བཏང་སྙོམས་ཆེན་པོ་ལ་གནས་པར་གྱུར་ཅིག །ཨོཾ། བདེར་གཤེགས་ཡོངས་

[Full Size]

རྫོགས་རྒྱལ་བ་ཞི་ཁྲོའི་ངང་། །ཆོས་སྐུ་སྤྲོས་བྲལ་བདེ་ཆེན་གདོད་ནས་དག །ལོངས་སྤྱོད་རྫོགས་སྐུ་བསམ་འདས་བརྗོད་ལས་འདས། །སྤྲུལ་སྐུ་འགྲོ་དོན་རྫོགས་མཛད་བདག་ལ་དགོངས། །ཀུན་ཏུ་བཟང་པོ་ཆེ་མཆོག་ཧེ་རུ་ཀ །འགྲོ་འདུལ་ཐབས་ཀྱི་གཙོ་བརྒྱད་འཁོར་དང་བཅས། །ཡོན་ཏན་སྐུ་གསུང་ཐུགས་དང་ཕྲིན་ལས་བདག །འདོད་འཇོའི་ཀུན་མཛོད་ཁྱོད་ལ་ཕྱག་འཚལ་ལོ། །ཨོཾ། །དཔལ་ལྡན་ཞི་ཁྲོ་དབང་ཕྱུག་གསང་བའི་བདག །ཕྱི་ནང་གསང་བ་དེ་ཉིད་མཆོད་པའི་སྤྲིན། །སྐུ་གསུང་ཐུགས་མཆོག་ནམ་མཁའི་གཏེར་མཛོད་ཀྱི། །བླ་མེད་མཆོད་སྤྲིན་མཆོག་སྦྱར་མཆོད་པ་བཞེས། ཨོཾ། ཐོག་མེད་དུས་ནས་འཁོར་འདས་བདག་གཞན་དོན། །གཉིས་མེད་བྱང་ཆུབ་སེམས་སུ་གཅིག་ཉིད་ཀྱང་། །ལས་ཀྱིས་འཁྲུལ་པས་ཐ་དད་སོ་སོར་བཟུང་། །གཉིས་འཛིན་ལོག་རྟོག་ཡིད་ཀྱི་ཐེ་ཚོམ་བྱུང་། །མ་རིག་བག་ལ་ཉལ་

[Full Size]

བའི་རྣམ་སྨིན་གྱིས། །རྒྱལ་བའི་དགོངས་སྤྱོད་ཟབ་མོའི་གཏིང་མ་རྟོགས། །ཐབས་དང་ཤེས་རབ་ཡ་བྲལ་བླང་དོར་སྤྱད། །ཆེ་མཆོག་གསང་བའི་བཀའ་ལས་འགལ་ཞིང་ཉམས། །འབྲས་བུ་དོན་ཆེན་སྒྲིབ་པའི་རྒྱུར་གྱུར་པ། །མནོང་འགྱོད་ཞི་བའི་སེམས་ཀྱིས་རབ་སྦྱང་ཞིང་། །རྩ་བ་ཡན་ལག་སྐུ་གསུང་ཐུགས་ཀྱི་གསང་། །ཐུན་མོང་མཆོག་དང་བྱེ་བྲག་བསམ་མི་ཁྱབ། །ཇི་ལྟར་གདམས་པ་གཞུང་བཞིན་མ་བགྱིས་པ། །བདེར་གཤེགས་རྒྱལ་བ་ཞི་ཁྲོ་འཁོར་དང་བཅས། །ཐུགས་རྗེའི་མངའ་བདག་ཁྱེད་ལ་བཟོད་གསོལ་བཤགས། ཨོཾ། ཡེ་ཤེས་རྩལ་གྱིས་སངས་རྒྱས་ས་ནོན་ཅིང་། །ཐུགས་རྗེའི་ཤུགས་ཀྱིས་གང་འདུལ་འགྲོ་དོན་མཛད། །དུས་གསུམ་མི་འབྲལ་ཀུན་ཏུ་དགོངས་མཛོད་ལ། །དག་ཚངས་མཆོག་གི་དངོས་གྲུབ་སྩལ་དུ་གསོལ། ཨོཾ། ཞི་ཁྲོ་རྒྱལ་བ་ཡེ་ཤེས་སྐུ། །འགྲོ་ལ་ཕན་མཛད་

[Full Size]

ཐུགས་རྗེ་ཅན། །སྲིད་པ་གསུམ་གྱི་གཉེན་གཅིག་བུ། །ལྷ་ཡི་ལྷ་རྣམས་དགོངས་སུ་གསོལ། །བདེ་བར་གཤེགས་པ་ཀུན་འདུས་པ། །སྤྲུལ་པ་རྒྱ་མཚོའི་ཚོགས་དང་བཅས། །ཕྱོགས་དུས་ཀུན་ཏུ་བཞུགས་པ་རྣམས། །མ་ལུས་འདུས་པ་མཁྱེན་པར་གསོལ། །བདག་ནི་རྒྱལ་སྲིད་ལོངས་སྤྱོད་དང་། །རང་དོན་ཆེད་དུ་མི་སྒྲུབ་ཅིང་། །འགྲོ་གཞན་དོན་དུ་འབད་བརྩོན་ནས། །ཀུན་གྱི་དཔལ་དུ་འགྱུར་བར་བྱ། །ཀུན་མཁྱེན་ཡེ་ཤེས་སྤྱན་ལྡན་པས། །བདག་གཞན་ཀུན་གྱི་ལྷག་བསམ་མཁྱེན། །སྤྱན་སྔར་བདག་གིས་དམ་བཅས་པ། །རྣལ་འབྱོར་བསླུ་བར་མི་བགྱིའོ། །ཁེ་དང་གྲགས་པ་འཇིག་རྟེན་ཆོས། །གཡོ་སྒྱུ་ངན་པའི་སེམས་སྤངས་ནས། །ཀུན་ཏུ་བཟང་པོ་བྱང་ཆུབ་སེམས། །དོན་དམ་ཀུན་རྫོབ་ཚུལ་བཟུང་ངོ་། །སེམས་ཅན་ཐམས་ཅད་འདུས་གྱུར་ཏེ། །བདག་ལ་གནོད་པར་རབ་སྦྱར་ཀྱང་། །ཤེས་རབ་སྙིང་རྗེ་དང་བྲལ་བས། །ཡི་དམ་ལྷ་དང་བླ་མ་དང་། །མཆོད་བཟུང་ཐེག་

[Full Size]

པ་ཆེར་གནས་པ། །སྲོག་གི་ཕྱིར་ཡང་མི་གཏོང་སྒྲུབས། །སྣང་སྲིད་རྨི་ལམ་སྒྱུ་མ་ལ། །འཆི་བའི་འཇིགས་པ་མ་མཆིས་པས། །སྐྱེ་བོ་གཞན་གྱི་དོན་འགྱུར་ན། །བྱང་ཆུབ་སེམས་ཀྱི་སྤྱོད་པ་ཡིས། །རང་དབང་དུ་ནི་སྐྱེ་བ་བླང་། །བདག་ནི་གཅིག་པུ་ཞི་བདེ་ལ། །མྱུར་འགྲོའི་སྤྲོ་བ་མ་མཆིས་པར། །ཇི་སྲིད་འཁོར་བ་མ་སྟོངས་བར། །བསྐལ་པ་རྒྱ་མཚོར་མི་གཏོང་ཞིང་། །བྱང་ཆུབ་སེམས་ཀྱི་དགའ་བས་ཀྱང་། །ཤེས་རབ་ཐབས་ཀྱིས་དོན་མཛད་ཚེ། །འགྲོ་བ་ལས་ཀྱི་འདུལ་སྐལ་ལ། །སོ་སོའི་བློ་དང་སྐད་བཞིན་དུ། །ཇི་ལྟར་འཚས་པ་དེ་སྟོན་ནོ། །རྣལ་འབྱོར་མཆོག་གི་ལམ་ཞུགས་ཏེ། །སྐྱེས་ཆེན་རིག་པ་འཛིན་པ་དག །ནུས་པ་ཇི་སྙེད་ཤུགས་ཀྱིས་ནི། །བརྩོན་འགྲུས་འདབ་པས་བསྙེན་བཀུར་རོ། །གསང་བའི་ཐེག་པ་བླ་མེད་ལ། །རབ་སྡང་གདུག་པའི་ཚུལ་

[Full Size]

འཆང་བ། །ནུས་མཐུ་དྲག་རྩལ་ཅི་ཡོད་ཀྱིས། །མྱུར་དུ་སྒྲོལ་བར་དྲག་བརྩམ་མོ། །ད་ལྟའི་དུས་ཆེན་འདི་ཉིད་ནས། །ཐེག་ཆེན་བླ་མེད་ཐུག་གི་བར། །དཔལ་ཆེན་བདེ་བར་གཤེགས་རྣམས་ཀྱིས། །ཇི་ལྟར་དམ་བཅས་དེ་བཟུང་ངོ་། །དེ་ལྟར་འདི་ཡན་ཆད་རྣམས་ཐུན་མོང་གི་སྔོན་འགྲོ་ཡིན་ལ། དེ་ནས་ལས་གཞུང་ཉིད་ལ་ཐུན་མོང་མ་ཡིན་པའི་སྔོན་འགྲོ་དང་། དངོས་གཞི། རྗེས་དང་གསུམ་གྱི་ས་བཅད་རྩ་ཐོ་གུ་རུ་རིན་པོ་ཆེ་པདྨ་འབྱུང་གནས་ཉིད་ཀྱིས་མཛད་པ་ལས།། ༈ །།ཞི་ཁྲོ་གསང་བ་ཡོངས་རྫོགས་ཀྱི། །སྒྲུབ་ཆེན་ལས་གཞུང་བསྲང་བ་ལ། །སྔོན་འགྲོ་དངོས་གཞི་རྗེས་དང་གསུམ། སྔོན་འགྲོ་ཐུན་མོང་ལས་བདུན་ནི། མཚམས་བཅད། བརྡ་སྒོ། བརྡ་ཕྱག་འཚལ། དམ་བཅའ། བྱིན་དབབ། མཆོད། བཤགས་བྱ། ཞེས་གསུངས་པའི་དང་པོར་མཚམས་གཅོད་ཀྱི་སྔོན་དུ་བདག་ཉིད་ལྷའི་ཏིང་འཛིན་བསྒོམ་ནས་བར་གཅོད་ཀྱི་བགེགས་བསྐྲད་པ་འདི་བཞིན་ཚིག་དོན་མཐུན་པར་བྱ་སྟེ། ཨོཾ་མ་ཧཱ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧྃ། སྣང་སྲིད་འཁོར་འདས་ཀྱིས་

[Full Size]

བསྡུས་པའི་ཆོས་ཐམས་ཅད་མི་དམིགས་པར་སྟོང་པ་ཉིད་དུ་གྱུར། སྟོང་པའི་ངང་ལས་སྐད་ཅིག་གིས་རྃ་ལས་བསྐལ་པའི་མེ་རབ་ཏུ་འབར་བའི་ཀློང་ན། བདག་ཉིད་སྐད་ཅིག་གིས་ཆེ་མཆོག་ཧེ་རུ་ཀ་དབུ་གསུམ་པ་ཕྱག་དྲུག་པ། ཞབས་བཞི་པ་སྐུ་མདོག་མཐིང་ནག་རབ་ཏུ་འབར་བ། གཡས་ཞལ་དཀར་ལ་འཚེར་བ། གཡོན་ཞལ་དམར་ལ་གཤེ་བ། དབུས་ཞལ་མཐིང་ལ་རྔམས་པ། །སྤྱན་གཡས་གསུམ་གྱེན་དུ་གཟིགས་པ། །གཡོན་གསུམ་ཐུར་དུ་གཟིགས་པ། །དབུས་གསུམ་ཐད་ཀར་གདངས་མིག་ཏུ་བགྲད་པ། ཞལ་བགྲད་པ་ལྗགས་འདྲིལ་བ་མཆེ་བ་གཙིགས་པ། སྨིན་མ་ཨག་ཚོམ་རལ་པ་ཁམ་ནག་མུན་ལྟར་གཏིབས་པ། སྙན་དྲུག་གསངས་ལ་མ་འགགས་པར་གསལ་བ། ཞལ་གསུམ་ནས་ཕཊ་སྒྲ་སྒྲོག་པ། ཤངས་གསུམ་ནས་ཧཱུྃ་སྒྲ་འབྱིན་པ། ཨུཏྤལ་ཉི་མ་ཟླ་བས་སྙན་གོང་

[Full Size]

བརྒྱན་པ། །ཀླུ་རིགས་ལྔ་སྦྲུལ་གྱི་རྣམ་པས་བརྒྱན་པ། ཕྱག་གཡས་ཀྱི་དང་པོ་ན་རྡོ་རྗེ་རྩེ་དགུ་པ། བར་པ་ན་རྩེ་ལྔ་པ། མཐའ་མ་ན་རྩེ་གསུམ་པ་བསྣམས་པ། གཡོན་གྱི་དང་པོ་ན་བནྡྷ་ལྕང་ལོ་ཅན་ཁྲག་གིས་བཀང་བ། བར་པ་ན་ཐོད་རློན་ཁྲག་གིས་བཀང་བ། མཐའ་མ་ན་ཐོད་སྐམ་ཁྲག་གིས་གང་བ་བསྣམས་པ། གཡས་དང་པོའི་རྡོ་རྗེ་གཡོན་དང་པོའི་བན་དམར་དཀྲུག་པའི་ཚུལ་གྱིས་ཡུམ་ལ་འཁྱུད་པ། ཞབས་བཞི་བརྐྱང་བསྐུམ་དོར་སྟབས་སུ་བགྲད་པ། གསང་བཀབ་དར་སྣ་ལྔ་དང་སྟ་ཟུར་དར་དཔྱངས་གསུམ་གྱིས་བརྒྱན་པ། སྐུ་སྟོད་ལ་གླང་ཆེན་གྱི་ཀོ་རློན་དང་མི་ལྤགས་ཀྱི་གཡང་གཞི་གསོལ་བ། སྐུ་སྨད་ལ་སྟག་ལྤགས་ཀྱི་ཤམ་ཐབས་དཀྲིས་པ། ཐོད་པ་སྐམ་པོ་ལྔ་ཡིས་དབུ་ལ་བརྒྱན་ཅིང་ཐོད་རློན་ལྔ་བཅུས་དོ་ཤལ་བྱས་པ། ཐལ་ཆེན་ཞག་ཆེན་དམར་ཆེན་གསུམ་གྱིས་ཞལ་གྱི་འབུར་བཞི་དང་སྐུ་སུལ་ཐམས་ཅད་བརྒྱན་པ་

[Full Size]

རྡོ་རྗེའི་གཤོག་པ་གཡས་སུ་གདེངས་པ། རིན་པོ་ཆེའི་གཤོག་པ་གཡོན་དུ་གདེངས་པ། དཔུངས་པ་གཡས་གཡོན་གཉིས་ན་ཡེ་ཤེས་ཀྱི་ཁྱུང་དཀར་ནག་རེ་རེ་ལྡིང་བ། དབུ་སྐྲ་དང་བ་སྤུ་ཐམས་ཅད་ཁྲོ་ཆུང་དང་མཚོན་ཆའི་རྣམ་པར་འཕྲོ་བ་རྡོ་རྗེའི་སླག་པ། དབང་གི་བསེ་ཁྲབ། དཔལ་གྱི་ཆས་བཅུ། དུར་ཁྲོད་ཀྱི་ཆས་བརྒྱད། གར་གྱི་ཉམས་དགུ། རུས་པའི་རྒྱན་དྲུག །ཧེ་རུ་ཀའི་རྔམས་བརྗིད་དང་ལྡན་པ། །དེའི་པང་དུ་ཡུམ་གནམ་ཞལ་ཀུན་ཏུ་བཟང་མོ་སྐུ་མདོག་མཐིང་ནག །ཞལ་གཅིག་ཕྱག་གཉིས། ཕྱག་གཡས་ཁ་ཊྃྭཱ་ག་ཡབ་ལ་འཁྱུད་ཅིང་གཡོན་པ་དུང་དམར་གཙོ་ལ་སྟོབ་པ། ཞབས་གཡས་ཕབ་ཀྱི་སྐེད་ལ་འཁྲིལ་ཞིང་གཡོན་བརྐྱང་བ་གཟིག་གི་པགས་པའི་ཤམ་ཐབས་དང་དུར་ཁྲོད་རུས་པའི་དྲ་བས་བརྒྱན་པ། ཡབ་ཡུམ་གཉིས་སུ་མེད་པར་བསྐལ་པའི་མེ་རབ་ཏུ་འབར་བའི་ཀློང་

[Full Size]

ན་བཞུགས་པའི་ཐུགས་ཀའི་ཧཱུྃ་ལས། ཤར་དུ་ཐུགས་ལས་སྤྲུལ་ཏེ་བཛྲ་ཧེ་རུ་ཀ་འཕྲོས། །ལྷོར་སྐུ་ལས་སྤྲུལ་ཏེ་གཤིན་རྗེའི་གཤེད་པོ། ནུབ་ཏུ་གསུང་ལས་སྤྲུལ་ཏེ་རྟ་མགྲིན་དབང་ཆེན། བྱང་དུ་ཕྲིན་ལས་ལས་སྤྲུལ་ཏེ་རྡོ་རྗེ་གཞོན་ནུ། ཤར་ལྷོར་གཟི་བརྗིད་ལས་སྤྲུལ་ཏེ་བླ་མེད་ཧེ་རུ་ཀ །ལྷོ་ནུབ་ཏུ་རིགས་ལས་སྤྲུལ་ཏེ་རིག་འཛིན་ཐོད་པ་རྩལ། ནུབ་བྱང་དུ་འཇིགས་བྱེད་ལས་སྤྲུལ་ཏེ་དྲེགས་པ་ཀུན་འདུལ། བྱང་ཤར་དུ་སྟོབས་ལས་སྤྲུལ་ཏེ་སྟོབས་ལྡན་ནག་པོ་འཕྲོས། དེའི་སྟེང་གི་ཕྱོགས་སུ་ཁྲོ་བོ་ཆེན་པོ་ཧཱུྃ་ཀ་ར་ཤར་དུ་རྣམ་པར་རྒྱལ་བ། ལྷོར་གཤིན་རྗེ་གཤེད་པོ། ནུབ་ཏུ་རྟ་མགྲིན་རྒྱལ་པོ། བྱང་དུ་བདུད་རྩི་འཁྱིལ་པ། ཤར་ལྷོར་དབྱུག་པ་སྔོན་པོ། ལྷོ་ནུབ་ཏུ་མི་གཡོ་མགོན་པོ། ནུབ་བྱང་དུ་འདོད་པའི་རྒྱལ་པོ། བྱང་ཤར་དུ་ཁམས་གསུམ་རྣམ་རྒྱལ། འོག་ཏུ་སྟོབས་

[Full Size]

པོ་ཆེ། དེ་ཐམས་ཅད་ཀྱི་སྤྲུལ་པ་ཡང་སྤྲུལ་ཉིང་སྤྲུལ་གསུམ་སྤྲུལ་བསམ་གྱིས་མི་ཁྱབ་པའི་ཕྱག་ན་མཚོན་ཆ་སྣ་ཚོགས་ཀྱི་ཆར་འབེབས་ཤིང་ཞལ་ནས་ཧཱུྃ་སྒྲ་འབྱིན་པ་རོལ་པ་ཁྲོ་བོ་ཆེན་པོའི་དཀྱིལ་འཁོར་དུ་གྱུར། ལྷ་ཚོགས་དེ་དག་ཐམས་ཅད་ཀྱི་སྤྱི་བོར་ཨཱོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོ་ལས་འོད་ཟེར་འཕྲོས་པས་འོག་མིན་ནས་ཡེ་ཤེས་པ་སྤྱན་དྲངས། གཉིས་སུ་མེད་པར་གྱུར། ཨོཾ་བཛྲ་ཀྲོ་དྷ་མ་ཧཱ་ཤྲཱི་ཧེ་རུ་ཀ་ཧཱུྃ་ཕཊཿ ན་མོ། །སངས་རྒྱས་ཀྱི་བདེན་པ་དང་། ཆོས་ཀྱི་བདེན་པ་དང་། དགེ་འདུན་གྱི། གསང་སྔགས་དང་རིགས་སྔགས་དང་གཟུངས་སྔགས་དང་སྙིང་པོ་དང་ཕྱག་རྒྱ་དང་ཏིང་ངེ་འཛིན་གྱི་བདེན་པ་དང་། བདེན་པ་ཆེན་པོ་དེ་རྣམས་ཀྱི་མཐུ་དང་ནུས་པ་བྱིན་རླབས་ལ་བརྟེན་ནས། གནོད་བྱེད་ལོག་འདྲེན་བར་ཆད་འབྱུང་པོ། མི་མིན་མི་རུ་བརྫུ་བ། ལྷ་མིན་ལྷ་རུ་བརྫུ་བ་

[Full Size]

གང་དག་ཚེ་དང་སྲོག་ལ་བར་དུ་གཅོད་པ། དཀྱིལ་འཁོར་གྱི་མདངས་འཕྲོག་པ། བདུད་རྩིའི་བཅུད་འཕྲོག་པ། གཏོར་མའི་རོ་འཕྲོག་པ། རཀྟའི་ཞག་འཕྲོ་པ། བདུག་སྤོས་ཀྱི་དྲི་འཕྲོག་པ། མེ་ཏོག་གི་མདངས་འཕྲོག་པ། མར་མེའི་འོད་འཕྲོག་པ། དྲི་ཆབ་ཀྱི་བསུང་འཕྲོག་པ། ཞལ་ཟས་ཀྱི་གཟུགས་འཕྲོག་པ། རོལ་མོའི་སྒྲ་གཅོག་པ། རྣལ་འབྱོར་པའི་དྲོད་ལ་མྱུལ་ཞིང་སྒྲུབ་པ་པོ་ལ་བར་དུ་གཅོད་པ་ཐམས་ཅད་གནས་འདིར་མ་འདུག་པར་གཞན་ལ་ཕར་བྱེར་ཞིག །དེང་ཞིག །སོང་ཞིག །སརྦ་བྷཱུ་ཏ་ཨུཙྪ་ཊ་ཡ་ཕཊཿ ཞེས། རོལ་མོའི་སྒྲ་དྲག་པོ་དང་ཏིང་འཛིན་གསལ་བས་བགེགས་བསྐྲད་དོ། །སླར་ཡང་ལས་གཞུང་ཉིད་ཀྱི་མཚམས་གཅོད་ལ་རིམ་པ་གསུམ་ཡོད་པའི་དང་པོ་རང་བཞིན་ལྟ་བའི་གདེངས་ཀྱིས་བགེགས་སྐྲོད་པ་ནི། བདག་ཉིད་དཔལ་ཆེན་པོའི་སྐུ་གསུམ་ཐུགས་རྡོ་རྗེ་གསུམ་གྱི་ངོ་བོར་གསལ་བའི་ངང་ནས། ཧཱུྃ། རྒྱལ་བ་ཞི་ཁྲོ་ཡོངས་རྫོགས་དཀྱིལ་འཁོར་དུ། །སྣང་སྲིད་རྣམདག་ཡེ་ཤེས་ལྷ་ཡི་ཚོགས། །ཀུན་བཟང་ཆོས་

[Full Size]

ཀྱི་དབྱིངས་ལས་མ་གཡོས་ཀྱང་། །རིག་རྩལ་རྣམ་དག་ཐབས་ཤེས་གཡུ་དྲུང་ལྷ། །འདི་ལ་ལོག་པར་ལྟ་བའི་དགྲ་དང་བགེགས། །བདུད་སྡེ་དཔུངས་བཅས་ཐམས་ཅད་ཕྱིར་དེངས་ཤིག །ཨོཾ་སུམྦྷ་ནི་སུམྦྷ་ཧཱུྃ། གྲྀཧྣ་གྲྀཧྣ་ཧཱུྃ། གྲྀཧྣ་པཱ་ཡ་གྲྀཧྣ་པཱ་ཡ་ཧཱུྃ། ཨཱ་ན་ཡ་ཧོ། བྷ་ག་ཝཱ་ན། བཛྲ་བི་དྱཱ་རཱ་ཛཱ་ཡ་ཧཱུྃ་ཕཊཿ གཉིས་པ་དྲག་པོ་མཚོན་ཆའི་མཚམས་ཀྱི་བསྲུང་བ་ནི། བདག་ཉིད་དཔལ་ཀྱི་ཐུགས་ཀའི་ཧཱུྃ་ལས་འོད་ཟེར་གྱི་མཚོན་ཆ་སྣ་ཚོགས་བུ་ཡུག་འཚུབ་པ་བཞིན་འཕྲོས་པས་གུར་ཁང་དུ་གྱུར་པར་དམིགས་ལ། ཧཱུྃ། བདག་ཉིད་དཔལ་ཆེན་ཁྲག་འཐུང་ཐུགས་ཀ་ནས། །དྲག་པོའི་བྱིན་རླབས་མཚོན་ཆའི་འོད་ཟེར་འཕྲོ། །མཚོན་ཆའི་གུར་ཆེན་ཡེ་ཤེས་མེ་དཔུང་འབར། །ཕྱོགས་མཚམས་སྟེང་འོག་ཀུན་ཏུ་ཁྱབ་པར་བསྲུང་། ཨོཾ་བཛྲ་ཙཀྲ་ཏཱིཀྵཱ་ཀརྨ་ཀཱི་ལ་ཡཿ ཛྭ་ལ་རཾ་ཧཱུྃ་ཕཊཿ གསུམ་པ་ཁྲོ་བོ་རོལ་པའི་

[Full Size]

མཚམས་ཀྱིས་ཚར་བཅད་པ་ནི། སླར་ཡང་བདག་གི་ཐུགས་ཀའི་ཧཱུྃ་ལས་སྤྲུལ་པའི་ཁྲོ་ཚོགས་མཐིང་ནག་རབ་འཇིགས་གྲངས་མེད་འཕྲོས་པས། ཕྱོགས་བཅུའི་བགེགས་རིགས་ཐམས་ཅད་བསྒྲལ་ཏེ་རྣམ་ཤེས་ཆོས་དབྱིངས་སུ་སྤར་ཞིང་གཟུགས་ཕུང་གདན་དུ་བཏིང་བའི་ཁར་བཞུགས་ནས་བར་ཆད་བསྲུང་བར་བསམ་ལ། ཧཱུྃ། དྲེགས་པ་ལྷ་ཆེན་ཕྱོགས་སྐྱོང་བསྣོལ་བའི་སྟོང་། །ཆེ་མཆོག་ལ་སོགས་དཔལ་ཆེན་ཁྲོ་རྒྱལ་ཚོགས། །གར་དགུའི་ཚུལ་གྱིས་ཧཱུྃ་སྒྲ་སྒྲོག་ཅིང་བཞུགས། །བར་ཆད་འབྱུང་པོ་ཐམས་ཅད་རྡུལ་དུ་རློག །ཨོཾ་བཛྲ་ཀྲོ་དྷ་སྭ་བྷཱ་ཝ་ས་མ་ཡ་རུ་ལུ་རུ་ལུ་ཧཱུྃ་ཕཊཿ ཧཱུྃ་ཧཱུྃ་ཧཱུྃ། བི་ཤྭ་བཛྲ་ཙཀྐྲ་ཛྭ་ལ་མཎྜ་ལ་ཧ་ལ་ཧ་ལ་ཧཱུྃ་ཕཊཿ ཧཱུྃ། ཕྱོགས་མཚམས་ཀུན་ཏུ་རྡོ་རྗེའི་མེ། །རྣམ་པར་འཕྲོ་བ་རབ་བསམ་སྟེ། །མ་རུངས་པ་དག་ཚིག་བྱས་ནས། །ཕྱོགས་བཅུ་རབ་ཏུ་འཕྲོ་བར་གྱུར། །ཕྱོགས་མཚམས་ཕུར་བུས་གདབ་ནས་ཀྱང་། སྟེང་འོག་ཡན་ལག་བྱིན་རླབས། བཛྲ་བཛྲ་བཛྲ་རྃ་ཡྃ་ཝྃ།

[Full Size]

སྔོན་འགྲོའི་ལས་རིམ་གཉིས་པ་བརྡ་སྒོ་དབྱེ་བ་ནི། སྣོད་དང་བཅུད་གཞལ་ཡས་ཁང་དང་ལྷའི་རང་བཞིན་ཡེ་ནས་ཡིན་པའི་ཡིན་ཚུལ་དྲན་པར་བྱས་ཏེ། ཧཱུྃ། སྣང་སྲིད་ཐམས་ཅད་བདེ་ཆེན་གཞལ་ཡས་ཁང་། །གཟུགས་སྣང་ཐམས་ཅད་རང་རིག་ཡེ་ཤེས་ལྷ། །དེ་ཉིད་མ་རྟོགས་མ་རིག་སྒོ་བཅད་པས། །རང་གསལ་ཡེ་ཤེས་འཆར་སྒོ་ད་ཕྱེས་ཅིག །བྷྲུྃ་པྲ་བེ་ཤ་ཡ་ཕཊཿ གསུམ་པ་བརྡ་ཕྱག་འཚལ་བ་ནི། སྣོད་བཅུད་ལྷའི་དཀྱིལ་འཁོར་དེ་ཐམས་ཅད་ཀྱང་རང་སེམས་ལས་གཞན་དུ་མ་མཆིས་པར་རང་ངོ་ཤེས་པའི་ཕྱག་འཚལ་བ་ནི། ཧཱུྃ། རང་བྱུང་ཡེ་ཤེས་སྙིང་པོ་སེམས་ཀྱི་ལྷ། །མ་རྟོགས་རང་ངོ་རང་གིས་མ་ཤེས་པས། །ཡེ་ནས་རང་དང་འགྲོགས་ཀྱང་ཞལ་མ་མཇལ། །རང་གསལ་བརྡ་ཡི་དོན་དང་མཇལ་ཕྱག་འཚལ། ཧཱུྃ་ཧེ་རུ་ཀ །ཨ་ཏི་པུ་ཧེ། པྲ་ཏྲཱིཙྪ་ཧོ། བཞི་པ་ལྷ་དང་མི་འབྲལ་བར་དམ་བཅའ་བ་ནི། ལྷ་དང་རང་སེམས་དབྱེར་མེད་ཡིན་པར་སྔན་ཆད་མ་རིག་པ་དེ་ད་ལྟ་རྟོགས་པ་འདི་ལས་མི་འདའ་ཞིང་མི་གཏོང་བར་ཞེ་དམ་བཅས་ཞིང་། ཧཱུྃ། དུས་གསུམ་

[Full Size]

བདེར་གཤེགས་རྒྱལ་བ་ཞི་ཁྲོའི་ཚོགས། །བསྐལ་པ་སྔོན་འདས་དུས་ནས་ཡི་དམ་ལྷ། །ད་ལྟ་གཉིས་མེད་དོན་དམ་རང་ངོ་ཤེས། །སྲོག་གི་ཕྱིར་ཡང་མི་བཏང་བསྒྲུབ་ལགས་སོ། །ཧཱུྃ་བཛྲ་ཙིཏྟ་ས་མ་ཡ་ཧཱུྃ། བཛྲ་ས་མ་ཡ་ཛཿ ས་མ་ཡ་ཧཱུྃ། ལྔ་པ་བྱིན་དབབ་པ་ནི། བདག་གི་ཐུགས་སྲོག་ཧཱུྃ་ལས་དད་པའི་འོད་ཟེར་ལྕགས་ཀྱུ་ལྟ་བུ་གྲངས་མེད་པ་འཕྲོས་པས། ཕྱོགས་བཅུའི་རྒྱལ་བ་ཐམས་ཅད་ཀྱི་ཐུགས་དམ་རྒྱུད་བསྐུལ་ཏེ་སངས་རྒྱས་མ་ལུས་རྒྱལ་བ་ཞི་ཁྲོ་ཡོངས་རྫོགས་ཀྱི་ལྷའི་རྣམ་པར་བྱོན་ནས་བདག་ལ་དབང་བསྐུར། གནས་ཁང་ཡོ་བྱད་དཀྱིལ་འཁོར་མཆོད་རྫས་ཐམས་ཅད་ལ་བྱིན་གྱིས་བརླབས་པར་མཛད་ཅིང་བདག་དང་སྣོད་བཅུད་ཐམས་ཅད་ཡེ་ཤེས་ཆེན་པོའི་རང་བཞིན་དུ་གྱུར་པར་མོས་ལ། ཧཱུྃ། ཆོས་དབྱིངས་ཡེ་ཤེས་ལྔ་ཡི་ཕོ་བྲང་ནས། །ཆོས་སྐུ་སྐྱེ་མེད་དབྱིངས་ལས་མ་གཡོས་ཀྱང་། །ལོངས་སྐུ་རིགས་ལྔ་ཞི་ཁྲོ་འཁོར་དང་བཅས། །སྤྲུལ་སྐུ་ཡི་དམ་དཀྱིལ་འཁོར་ལྷ་ཚོགས་རྣམས། །ཐུགས་དམ་དབང་གིས་གནས་འདིར་གཤེགས་སུ་གསོལ། །སྐུ་གསུང་ཐུགས་ཀྱི་བྱིན་

[Full Size]

གྱིས་བརླབ་ཏུ་གསོལ། །ཡེ་ཤེས་ལྔ་ཡི་དབང་མཆོག་བསྐུར་དུ་གསོལ། །གསང་བའི་དཀྱིལ་འཁོར་འདི་ལ་བྱིན་ཅིག་ཕབ། །ཁྱེད་ཀྱི་ཐུགས་རྗེས་མཆོག་གིས་བཟུང་དུ་གསོལ། ཨོཾ་ཤྲཱི་བཛྲ་ཀྲོ་དྷ་ཧེ་ཝ་དེ་ཝ་སརྦ་དུཥྚན་ཌཱ་ཀི་ནཱི་ས་མ་ཡ་རུ་ལུ་རུ་ལུ་ཧཱུྃ་བྷྱོ་ཧཱུྃ། ཨཱ་ཝེ་ཤ་ཡ་ཨ་ཨཱཿ། དྲུག་པ་མཆོད་པ་འབུལ་བ་ནི། མཆོད་པ་བྱིན་རླབས་རྒྱས་པར་སྤྲོ་ན་སངས་རྒྱས་དྭགས་སྟོན་པས་མཛད་པའི་སྐབས་འདིར་གུ་རུ་རིན་པོ་ཆེའི་ཚིག་བདུན་གསོལ་འདེབས་ཀྱིས་བྱིན་འབེབས་བྱ་བ་ཡང་། ཆོས་དབང་རིན་པོ་ཆེའི་ཕྱག་བཞེས་སོ། །ལྷན་ཐབས་སོགས་གཞན་ནས་འབྱུང་བ་བཞིན་དང་། བསྡུས་པ་ནི་གོང་གི་བྱིན་འབེབས་དེས་སྣོད་བཅུད་མ་ལུས་བྱིན་གྱིས་བརླབས་པ་ཡིན་ཕྱིར་དེས་ཆོག་ཅིང་། འབུལ་ཚིག་ནི། མཆོད་བྱ་མཆོད་བྱེད་གཉིས་མེད་དུ་ཤེས་པའི་ངང་ནས། ཧཱུྃ། རང་དང་གཉིས་མེད་ལྷ་ཚོགས་ལ། །མར་མེ་སྨན་གཏོར་རཀྟ་དང་། །ཕྱི་ནང་གསང་བའི་མཆོད་སྤྲིན་གཏིབས། །ཐུགས་དམ་བསྐང་ཕྱིར་འབུལ་གྱི་བཞེས། ཨོཾ་ཨཱཿཧཱུྃ། བཛྲ་པུཥྤེ་ཧཱུྃ། བཛྲ་དྷུ་པེ་ཧཱུྃ།

[Full Size]

བཛྲ་ཨཱ་ལོ་ཀེ་ཧཱུྃ། བཛྲ་གནྡྷེ་ཧཱུྃ། བཛྲ་ནཻ་ཝི་དྱཱ་ཧཱུྃ། བཛྲ་ཤབྟ་ཧཱུྃ། བཛྲ་སརྦ་པཱུ་ཛ་མེ་གྷ་ཧཱུྃ། དེས་ནི་ཕྱི་མཆོད་རྣམས་བྱིན་གྱིས་བརླབས་ཅིང་ཕུལ་ནས། ནང་མཆོད་སྨན་གཏོར་རཀྟ་བྱིན་བརླབས་པ་ཡང་། རྒྱས་པར་སྤྲོ་ན་གཞན་ནས་བྱུང་བ་ལྟར་དང་། བསྡུ་ན་གཏེར་གཞུང་ཉིད་ཀྱི་སྔགས་ཀྱིས་བྱིན་རླབས་འདི་ནས་འགྲུབ་སྟེ། ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧཱུྃ་ཧྲཱིཿཐཱ། ཞེས་ལན་བདུན་ནམ་གསུམ་གྱིས་རྩ་བརྒྱད་ཡན་ལག་སྟོང་སྦྱར་གྱི་བདུད་རྩིའི་རྒྱ་མཚོར་གྱུར་པར་མོས། ཨོཾ་ཨཱཿཧཱུྃ་མ་ཧཱ་བ་ལིནྟ་ཏེ་ཇོ་བ་ལིནྟ་བ་ལ་བྷ་ཏེ་གུ་ཧྱ་ས་མ་ཡེ་སྭཱ་ཧཱ། ཞེས་བཟླས་པས་དམ་རྫས་གཏོར་མ་འདོད་ཡོན་ཕུན་ཚོགས་ནམ་མཁའ་དང་མཉམ་པར་བསམ། ཨོཾ་ཨཱཿཧཱུྃ་མ་ཧཱ་རཀྟ་ཛྭ་ལ་མཎྜ་ལ་ཧཱུྃ་ཕཊཿ ཞེས་བཟླས་པ་ཙམ་གྱིས་རཀྟའི་རྒྱ་མཚོ་སྟོང་གསུམ་གང་བར་གྱུར་པར་བསམ་མོ། །གསུམ་པ་ཕྱི་ནང་གསང་བའི་མཆོད་པ་ཐམས་ཅད་བྱིན་གྱིས་བརླབས་པ་ནི། ཨོཾ་སརྦ་ཏ་ཐཱ་ག་ཏ་པཱུ་ཛ། མ་ཧཱ་པཉྩ། མ་ཧཱ་བ་ལིནྟ། མ་ཧཱ་རཀྟ།

[Full Size]

ཨ་ཧོ་སུ་ཁ་ས་མ་ཡེ་སྭཱ་ཧཱ། ཞེས་བརྗོད་པས་མཆོད་པའི་རྫས་དང་དངོས་པོར་གྱུར་ཚད་ཐམས་ཅད་རྒྱ་ནམ་མཁའི་ཁམས་དང་མཉམ་ཞིང་རྒྱུན་འཁོར་བ་མ་སྟོངས་ཀྱི་བར་དུ་ཟད་པ་མེད་ཅིང་ཡོངས་སུ་འཕེལ་བས། མཆོད་ཡུལ་ཐམས་ཅད་ཀྱི་ཐུགས་རྒྱུད་ལ་ཟག་མེད་ཀྱི་བདེ་བ་ཁྱད་པར་ཅན་བསྐྱེད་ནུས་པར་བསམ་མོ།། ༈ །།བདུན་པ་བཤགས་པ་བྱ་བ་ནི། རང་གི་ཐུགས་ལས་སྤྲུལ་པའི་རྩ་གསུམ་ཞི་ཁྲོའི་ལྷ་ཚོགས་མདུན་གྱི་ནམ་མཁའ་གང་བར་བཞུགས་པར་མོས་ལ། ཧཱུྃ། བླ་མ་ཡི་དམ་མཁའ་འགྲོ་ཐམས་ཅད་དགོངས། །བསྐལ་པ་སྔོན་ནས་ད་ལྟའི་དུས་ཡན་ཆད། །རྩ་བ་ཡན་ལག་དམ་ཚིག་ཉམ་ཆགས་སོགས། །རང་གནོང་འགྱོད་སེམས་དྲག་པོས་མཐོལ་ཞིང་བཤགས། ཨོཾ་ཨཱཿཧཱུྃ་སྭཱ་ཧཱ། བཛྲ་ས་མ་ཡ་ཛཿ ན་ར་ཀ །པྲེ་ཏ་ཀ །ཏིཏྱ་ཀ །ནི་བེ་ཤ །དེ་ཝ་ཨ་ལི་བི་ཤུདྡྷེ། དཀྵ་ཀ་ཤུདྡྷེ་ཤུདྡྷེ་སྭཱ་ཧཱ། ཞེས་བཤགས་པས་སྡིག་སྒྲིབ་ཉམ་ཆགས་ཐམས་ཅད་གཞི་མེད་དུ་བྱང་ཞིང་དག་ནས། མདུན་གྱི་བཤགས་ཡུལ་ཐམས་ཅད་ཀྱང་རང་ཉིད་ལ་

[Full Size]

ཐིམ་མ་ཐག །རང་ཉིད་ལྷ་ཚོགས་སུ་སྣང་བ་ཐམས་ཅད་ཀྱང་རེ་ཤིག་ལ་སྤྲིན་ནམ་མཁའ་ལ་ཡལ་བ་བཞིན་ཆོས་དབྱིངས་སྟོང་པ་ཆེན་པོར་ཡལ་བར་བསམ་མོ། །དེ་ལྟར་འདི་ཡན་ཆད་ཀྱིས་སྔོན་འགྲོའི་ལས་རིམ་བདུན་པོ་གྲུབ་པའོ།། ༈ །།དེ་ནས་དངོས་གཞིའི་ལས་རིམ་ཉེར་ལྔ་ནི། རྩ་ཐོ་ལས། ཏིང་འཛིན་རྣམ་གསུམ་འབྱུང་རིམ་བརྩེགས། །གཞལ་ཡས་ལྷ་བསྐྱེད་བྱིན་རླབས་བསྐུར། །རང་བཞིན་སྤྱན་དྲངས་བརྟན་པར་བཞུགས། །ཕྱག་དང་ཕྱག་རྒྱ་གླུས་མཆོད་ཅིང་། །ཕྱི་དང་ནང་དང་གསང་མཆོད་འབུལ། །དུག་གསུམ་སྨན་གཏོར་རཀྟ་དང་། །བདུད་རྩི་བསང་ནན་སྦྱོར་སྒྲོལ་མཆོད། །བསྟོད་བཤགས་འཛབ་བཟླས་དངོས་གྲུབ་བླང་། ཞེས་གསུངས་པའི་དངོས་པོར་ཏིང་འཛིན་རྣམ་པ་གསུམ་གྱི་ཐོག་མར་དེ་བཞིན་ཉིད་ཀྱི་ཏིང་འཛིན་ནི། སྣང་སྲིད་འཁོར་འདས་ཀྱིས་བསྡུས་པའི་ཆོས་ཐམས་ཅད་རང་སེམས་གདོད་མའི་གནས་ལུགས་ཉིད་ལས་མ་གཡོས་པའི་དོན་ལ་མཉམ་པར་བཞག་ཏེ། ཧཱུྃ། སྤྲོས་མེད་ཡང་དག་དེ་བཞིན་ཉིད། །མཉམ་ཡངས་ཕྱོགས་བྲལ་ཀུན་ཏུ་གདལ། །མ་ནོར་མ་བཅོས་ཆོས་ཀྱི་སྐུ།

[Full Size]

རང་བཞིན་ལྷུན་གྲུབ་ངང་གི་གསལ། ཨོཾ་མ་ཧཱ་ཤུ་ནྱ་ཏཱ་ཛྙཱ་ན་བཛྲ་སྭཱ་བྷཱ་ཝ་ཨཏྨ་ཀོ྅ཧཾ། གཉིས་པ་ཀུན་ཏུ་སྣང་བའི་ཏིང་འཛིན་ནི། དེ་ལྟ་བུའི་རང་སེམས་ཆོས་སྐུའི་རང་ཞལ་མ་མཐོང་བའི་སེམས་ཅན་བདག་མེད་ལ་བདག་ཏུ་འཛིན་ཞིང་དངོས་མེད་ལ་དངོས་པར་བཟུང་བས་འཁོར་བ་མཐའ་མེད་དུ་འཁྱམས་པ་རྣམས་ལ་སྟོང་ཉིད་ཀྱི་རྩལ་མདངས་སྙིང་རྗེ་ཕྱོགས་མེད་དུ་བསྒོམ་ཞིང་། ཧཱུྃ། དེ་བཞིན་ཀུན་ཁྱབ་ཀུན་ཏུ་སྣང་། །མ་རིག་འཁྲུལ་སྣང་འཁོར་བའི་ཀློང་། །གཟུང་འཛིན་བག་ཆགས་རབ་ཏུ་འཐས། །མ་རྟོགས་སེམས་ཅན་སྙིང་རེ་རྗེ། ཨོཾ་དྷརྨ་དྷཱ་ཏུ་སྱ་བྷཱ་ཝ་བི་ཤུདྡྷེ་མཎྜ་ལ་ཧཱུྃ། གསུམ་པ་རྒྱུའི་ཏིང་ངེ་འཛིན་ནི། རང་སེམས་སྟོང་ཉིད་སྙིང་རྗེ་ཟུང་འཇུག་གི་ངོ་བོ་དེ་ཉིད་སེམས་ཅན་གྱི་དོན་རྒྱ་ཆེར་བྱ་བའི་ཕྱིར། སྤྲུལ་པ་ཐམས་ཅད་སྤྲོ་བའི་གཞིའམ་རྒྱུ་རང་རིག་ཡི་གེ་ཧཱུྃ་མཐིང་ནག་འོད་འབར་བ་གཅིག་ཏུ་གྱུར་པ་ཆོས་དབྱིངས་ནམ་མཁའི་ཐོངས་སུ་ཟླ་བ་ལྟར་ལྡིང་བར་དམིགས་ལ། ཧཱུྃ། ཆོས་རྣམས་རང་བྱུང་རྟེན་འབྲེལ་ཏེ། །རྒྱུ་ལས་མ་བྱུང་གང་ཡང་

[Full Size]

མེད། ཧཱུྃ་ནི་ཐམས་ཅད་སྐྱེད་པའི་རྒྱུ། །དགོས་འདོད་འབྱུང་བའི་ཡི་གེ་བསྒོམ། ཙིཏྟ་བཛྲ་ས་མཱ་དྷི་ཧཱུྃ། བཞི་པ་འབྱུང་བ་རིམ་རྩེགས་ནི། རང་རིག་རྒྱུའི་ཡི་གེ་ཧཱུྃ་དེ་ལས་རྃ་ཡྃ་ཁྃ་གསུམ་འཕྲོས་པ་ལས། མེ་རླུང་ཆུ་གསུམ་གྱི་སྐལ་པ་བྱུང་སྟེ་མ་དག་འཇིག་རྟེན་གྱི་སྣོད་བཅུད་ཐམས་ཅད་བསྲེག་གཏོར་བཀྲུས་ནས་ནམ་མཁའ་སྟོང་པ་མཐའ་དབུས་བྲལ་བར་གྱུར་པ་ལ། སླར་ཡང་རྒྱུའི་ཡི་གེ་ཧཱུྃ་ལས་ཡུམ་ལྔའི་རང་བཞིན་འབྱུང་བ་རྣམས་ཀྱི་ས་བོན་ཡི་གེ་རྣམས་འཕྲོ་བར་བསམ་སྟེ། རྃ་ཡྃ་ཁྃ། ཧཱུྃ། བསྐལ་པ་གསུམ་གྱིས་འཇིག་རྟེན་སྟོངས། །ཡི་ནས་དག་པའི་ངང་ཉིད་ལས། །སྣོད་བཅུད་སྦྱང་ཕྱིར་འབྱུང་རིམ་བརྩེགས། །རྣམ་དག་ཡུམ་ལྔའི་མཁའ་ཀློང་གསལ། ཧཱུྃ་ཨེ་ཡྃ་ར་སུྃ་ཀེ༚་རྃ་བྷྲུྃ། ཧཱུྃ། ཨེ་ལས་ནམ་མཁའ་མཐའ་དབུས་མེད། །ཡྃ་ལས་རླུང་གི་དཀྱིལ་འཁོར་སྟེང་། །ར་ལས་རཀྟའི་རྒྱ་མཚོ་འཁྱིལ། །སུྃ་ལས་ཞིང་ཆེན་ས་གཞི་གདལ། །ཀེ༚་ལས་རུས་པའི་རི་རབ་སྟེང་། །རྃ་ལས་བསྐལ་པའི་མེ་དཔུང་འབར།

[Full Size]

ལྔ་པ་གཞལ་ཡས་ཁང་གདན་དང་བཅས་པ་སྐྱེད་པ་ནི། རྒྱུའི་ཡི་གེ་ཧཱུྃ་ལས་བྷྲུྃ་ཁ་དོག་ལྔ་ལྡན་འཕྲོས་པ་གནས་འགྱུར་བ་ལས་གཞལ་ཡས་ཁང་དུ་གྱུར་ཏེ། ཕྱི་ཕོ་བྲང་ཆེན་པོ་གཅིག་ལ་ནང་དཀྱིལ་འཁོར་ཡོངས་རྫོགས་དགུ་དང་ལྡན་པའི་ཕྱི་རོལ་འཁོར་ཡུག་ཏུ་དུར་ཁྲོད་བརྒྱད་ཀྱིས་བསྐོར་ཞིང་། དེའི་ཕྱི་རོལ་ཏུ་པདྨ་འདབ་སྟོང་ཁ་གྱེན་དུ་ལྟ་བ་དང་། གསེར་གྱི་འཁོར་ལོ་རྩིབས་སྟོང་སྟེང་ནས་མར་ཕུབས་པའི་མཐའ་སྐོར་རྡོ་རྗེའི་བྲག་རིས་བསྐོར་བའི་ཕྱི་ནས་ཡེ་ཤེས་ཀྱི་མེའི་ར་གུར་སྟེང་འོག་ཕྱོགས་མཚམས་ཀུན་ཏུ་འབར་བ། དེའི་ཕྱི་རོལ་འོག་བཞི་ཀེ༚་རུས་ཀྱི་རི་རབ་སྟེང་གི་ཟུར་བཞིར་གཏེར་གྱི་བུམ་པ་རི་བོ་ཙམ་བཞིའི་ཁ་རྒྱན་དཔག་བསམ་གྱི་ཤིང་ལོ་མེ་ཏོག་འབྲས་བུར་འཛོམ་པས་ནམ་མཁའ་ཁྱབ་སྟེ། འདི་དག་གསང་སྔགས་ཀྱི་དཀྱིལ་འཁོར་གཞན་ལས་མ་བཤད་ཀྱང་སྒྲུབ་པ་བཀའ་བརྒྱད་ཀྱི་ཁྱད་ཆོས་ཡིན་ནོ། །གདན་བསྐྱེད་པ་ལ་ཡང་། ཕོ་བྲང་གླིང་དགུ་རེ་རེ་བཞིན་དུ་ནང་གི་དབུས་སུ་གསེར་གྱི་འཁོར་ལོ་རྩིབས་བཞི་མུ་འཁྱུད་དང་བཅས་པ་རེ་རེ་དང་། ཕོ་བྲང་དབུས་མ་གཙོ་མཆོག་གི་གནས་སུ་འཁོར་ལོའི་ལྟེ་བར་ཟླ་གམ་

[Full Size]

སྒོ་གཅིག་པ། དེའི་ནང་དུ་ཆོས་འབྱུང་མཐིང་ནག་གྲུ་གསུམ་གྱི་སྟེང་དུ་སྣ་ཚོགས་པདྨ་ཟླ་བ་ཉི་མ་རྣམས་བརྩེགས་པའི་ཁར། དྲེགས་པའི་གདན་ནི། ཚངས་པ། ཁྱབ་འཇུག །དབང་ཕྱུག་དབང་པོ། ཚོགས་བདག །བྷྲིངྒི་རི་རི། དགའ་བྱེད་དབང་ཕྱུག །ཀརྟཱི་ཀ་སྡེ་ལྷ་ཆེན་བརྒྱད། མཐའ་ཡས། དུང་སྐྱོང་། འཇོག་པོ། པད་ཆེན། སྟོབས་རྒྱུ། རིགས་ལྡན། ཧུ་ལནྟ། བ་སུ་ཀ་སྟེ་ཀླུ་ཆེན་བརྒྱད་པོ་རྣམས་བསྣོལ་བའི་ཁར། བྱོལ་སོང་གཙོ་བོ་བརྒྱད་ནི། མི་འཇིགས་པ་སེང་གེ། དཔའ་བ་སྟག །རྔམས་པ་གཟིག །གཏུམ་པ་དོམ། སྟོབས་གླང་པོ་ཆེ། བརྗིད་པ་མ་ཧེ། འཇིགས་པ་ཆུ་སྲིན། གདུག་པ་སྦྲུལ་དང་བརྒྱད་ཀྱིས་གནོན་པ། དེ་དག་གི་སྟེང་དུ་གསེར་གྱི་འཁོར་ལོ་རྩིབས་བཅུ་གཉིས་པ་བཏིང་བའི་ཁར། འཁོར་བའི་རྒྱུ་ཆགས་སྡང་གཉིས་ཀྱི་རང་གཟུགས་དྲེགས་པ་ཅན་ཐམས་ཅད་ཀྱི་གཙོ་བོ་དབང་ཕྱུག་དང་ཨུ་མ་གཉིས་ཁ་སྤུབ་དང་གན་རྒྱལ་དུ་བསྐྱེལ་བའི་གདན་དང་། ཕྱོགས་མཚམས་ཀྱི་གཙོ་བོ་བརྒྱད་ལ་པདྨ་ཉི་ཟླའི་སྟེང་དུ། ཤར་དུ་རུ་དྲ་ཕོ་མོ་བསྣོལ་བ་ལྷོར་ཆུང་གླང་ཟུང་བཞི། ནུབ་ཏུ་ཀླུ་རྒྱལ་ཕོ་མོ། བྱང་དུ་ལྷ་ཆེན་ཕོ་མོ། ཤར་ལྷོར་སྲིད་པའི་ཕོ་མོ་བསྣོལ་

[Full Size]

བ། ལྷོ་ནུབ་ཏུ་དར་ཟབ་སྣ་ལྔའི་འབོལ་སྟན། ནུབ་བྱང་དུ་འཇིག་རྟེན་དྲེགས་པ་བསྣོལ་བ། བྱང་ཤར་དུ་དགྲ་གེགས་བསྣོལ་བའི་གདན་གྱིས་མཚན་པ། རྩིབས་བཞི་རེ་རེ་ལ་ཡང་པདྨ་ཉི་ཟླ་དགྲ་གེགས་ཀྱི་གདན་དང་། སྒོ་བ་རྣམས་ལ་བམ་རོའི་གདན་རེ་དང་བཅས་པ་བསྐྱེད་དེ། ཧཱུྃ། བྷྲུྃ་ལས་རིན་ཆེན་གཞལ་ཡས་ཁང་། །དུར་ཁྲོད་རབ་འཇིགས་དཀྱིལ་འཁོར་བསྐྱེད། །ཟླ་གམ་ཡེ་ཤེས་འཆར་སྒོའི་དབུས། །ཆོས་སྐུ་འགྱུར་མེད་ཨེ་རུ་གསལ། །བྷཉྫ་སྐམ་རློན་ཕོ་བྲང་བརྩིགས། །རིན་ཆེན་མཛེས་པའི་དཀྱིལ་འཁོར་དགུ། །འཁོར་ལོ་རྩིབས་བཞི་མུ་འཁྱུད་བཅས། །གྲུ་ཆད་བར་འཁྱམ་སྒོ་འཁྱུད་རྫོགས། །རང་བྱུང་ལྷུན་གྲུབ་ངོ་མཚར་ཆེ། །དྲེགས་པ་པདྨ་ཉི་ཟླའི་གདན། །གཙོ་དང་འཁོར་ལ་འཚམ་པར་བསལ། བྷྲུྃ་བི་ཤྭ་བི་ཤུདྡྷེ། བྷཉྫ་ཛྙཱ་ན་ཨེ་ཙཀྲ་མཎྜ་ལ་བྷྲུྃ། །ཏུ་དྲ་ཀྲོ་དྷི་ཏི་ར་བམ། མ་སཱུ་རྱ་མཎྜ་ལ། ཨ་ཙནྟྲ་མཎྜ་ལ། སམ་པདྨ་མཎྜ་ལ།། ༈ །།དྲུག་པ་ལྷ་བསྐྱེད་པ་ནི། དེ་ལྟར་འབྱུང་རིམ་གཞལ་ཡས་གདན་དང་བཅས་པ་གསལ་

[Full Size]

བའི་ངང་ནས། རང་སེམས་རྒྱུའི་ཡི་གེ་ཧཱུྃ་དེ་ཉིད་བྱ་ཆེན་བཟླས་ལ་བབས་པ་ལྟར་ནམ་མཁའི་དབྱིངས་ནས་ཕོ་བྲང་དབུས་མའི་གདན་གྱི་སྟེང་དུ་བབས་ཏེ། ཧཱུྃ་ལས་འོད་ཟེར་འཕྲོས་པས་ཕྱོགས་བཅུའི་རྒྱལ་བ་ཐམས་ཅད་ལ་མཆོད་པ་འབུལ། འགྲོ་དྲུག་སེམས་ཅན་ཐམས་ཅད་ཀྱི་སྡིག་སྒྲིབ་སྡུག་བསྔལ་སྦྱངས། བསྟན་པའི་རུ་དྲ་གདུག་པ་ཅན་ཐམས་ཅད་ཚར་བཅད། འོད་ཟེར་ཚུར་འདུས་ནས་ཧཱུྃ་ལ་ཐིམ་པ་ཙམ་གྱིས་གནས་འགྱུར་ཏེ། བདག་ཉིད་གཙོ་མཆོག་ཡབ་ཡུམ་དུ་གསལ་བར་བྱ་བ་འདི་ནི་ཆོ་ག་གསུམ་བསྐྱེད་ཀྱི་སྒོམ་ཚུལ་ཡིན་ལ། རྒྱས་པར་མངོན་བྱང་ལྔ་བསྐྱེད་ཀྱི་ལུགས་སུ་བྱེད་ན་ཧཱུྃ་ཡིག་དེས་འོད་ཟེར་སྤྲོ་བསྡུ་དོན་གཉིས་བྱས་ནས་འོད་ཟེར་ཚུར་འདུས་ཧཱུྃ་ལ་ཐིམ་མ་ཐག་རྡོ་རྗེ་མཐིང་ནག་རྩེ་དགུ་པ་ལྟེ་བར་ཧཱུྃ་གིས་མཚན་པར་གྱུར། དེ་ལས་འོད་འཕྲོས་དོན་གཉིས་གོང་བཞིན་བྱས་ནས་ཚུར་འདུས་ཡོངས་སུ་གྱུར་པ་ལས་གཙོ་མཆོག་གི་སྐུར་གསལ་བའོ། ཧཱུྃ། རྒྱུ་ཡི་ཡི་གེ་གདན་ལ་བབས། །སྤྲོ་བསྡུའི་སྦྱོར་བས་དཔལ་ཆེན་སྐུ། །བདག་ཉིད་ཆེ་མཆོག་ཧེ་རུ་ཀ །མཐིང་ནག་ཞལ་གསུམ་ཕྱག་དྲུག་པ། །ཞབས་བཞི་གྱད་ཀྱི་དོར་ཐབས་

[Full Size]

བགྲད། །གཡས་དཀར་གཡོན་དམར་དབུས་མཐིང་ཞལ། །རིགས་ལྔས་དབུས་བརྒྱན་ཐུགས་སྲོག་ཧཱུྃ། །སྤྱན་དགུ་ཞལ་བགྲད་མཆེ་བ་གཙིགས། །གཡས་ཀྱི་ཕྱག་གསུམ་རྡོ་རྗེ་གསོར། །གཡོན་གྱི་ཕྱག་གསུམ་བྷན་དམར་འཛིན། །དུར་ཁྲོད་འཇིགས་པའི་ཆས་ཀྱིས་བརྒྱན། །གནམ་ཞལ་ཡུམ་ཆེན་ཀུན་བཟང་འཁྲིལ། །ཞལ་གཅིག་ཕྱག་གཉིས་སྐུ་མདོག་མཐིང་། །གཡས་པ་གཙོར་འཁྱུད་ཁ་ཊྭཱྃ་བསྣམས། །གཡོན་པ་དུང་དམར་གཙོ་ལ་སྟོབ། །ཡབ་ཡུམ་སྦྱོར་བའི་བྱིན་རླབས་ལས། །རིགས་བཞི་ལྷ་ཚོགས་འཁོར་བཅས་གསལ། །བསྐལ་པའི་མེ་དཔུངས་ཀློང་ན་བཞུགས། ཨོཾ་བཛྲ་ཀྲོ་དྷ་མ་ཧཱ་ཤྲཱི་ཧེ་རུ་ཀ་ཧཱུྃ་ཕཊཿ མ་ཧཱ་ཀྲོ་དྷི་ཤྭ་རི་སྟྭཾ། དེ་ནས་ཡབ་ཡུམ་ཀྱི་མཁའ་གསང་བྱིན་བརླབས་ཅིང་ཐབས་ཤེས་བདེ་སྦྱོར་གྱི་བྱང་ཆུབ་སེམས་ལས་སྲས་འཁོར་སྤྲོ་བ་ནི། མ་སཱུརྱ་མཎྜ་ལ་ཧཱུྃ་བཛྲ་ཨོཾ། ཨ་ཙནྡྲ་མཎྜ་ལ་ཨེ་ཨཾ། ས་མ་

[Full Size]

ཡ་ཧོ། ས་མ་ཡ་སྟྭཾ། ར་ཧོ་ཧཾ། ར་ག་ཡ་མི། ཛཿཧཱུྃ་བྃ་ཧོ། ས་མ་ཡ་མུ་དྲ་པྲ་ཝེ་ཤ་ཡ་ཕཊཿ ཨོཾ་ཨོཾ་ཨོཾ། ཧཱུྃ་ཧཱུྃ་ཧཱུྃ། ཕཊ་ཕཊ་ཕཊཿ སྥ་ར་ཎ་ཕཊཿ ཧཱུྃ་ཧཱུྃ་ཧཱུྃ་ཧཱུྃ། དེ་ལྟར་ཡབ་ཡུམ་སྦྱོར་བའི་བྱང་སེམས་ཡུམ་གྱི་པདྨ་ནས་ཡབ་ཀྱི་གསང་བའི་ལམ་དུ་ཡར་ལོག་པ་ཧཱུྃ་མཐིང་ནག་ཉིས་འབྲེལ་བརྒྱད་དུ་གྱུར་པ་རྣམས་གཙོ་བོའི་ཐུགས་ཀ་ནས་ཕྱིར་འཕྲོས་ཏེ་ཕྱོགས་མཚམས་བརྒྱད་ཀྱི་གདན་ཐོག་ཏུ་བབས་གནས་གྱུར་བས་ལྷ་སོ་སོའི་སྐུར་གྱུར་པར་བསམ་ལ། ཧཱུྃ། དཔལ་ཆེན་ཡབ་ཡུམ་ཐུགས་ཀ་ནས། །ཕྱོགས་བཞི་མཚམས་བཞིའི་དཀྱིལ་འཁོར་དུ། །མཐིང་ནག་ཧཱུྃ་ཆེན་ཡིག་འབྲུ་སྤྲོ། །ཁྲག་འཐུང་ཡབ་ཡུམ་སྲས་བཅས་བསྐྱེད། ཧཱུྃ་ཧཱུྃ། ཧཱུྃ་ཧཱུྃ། ཧཱུྃ་ཧཱུྃ། ཧཱུྃ་ཧཱུྃ། ཧཱུྃ་ཧཱུྃ། ཧཱུྃ་ཧཱུྃ། ཧཱུྃ་ཧཱུྃ། ཧཱུྃ་ཧཱུྃ། ཧཱུྃ། ཤར་དུ་བཛྲ་ཧེ་རུ་ཀ །བཛྲ་ཀྲོ་དྷི་ཤྭ་རི་ཡུམ། རིགས་བཞི་ལ་སོགས་འཁོར་བཅས་ལ། ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊཿ ཧཱུྃ། ལྷོ་རུ་འཇམ་དཔལ་གཤིན་རྗེའི་གཤེད།

[Full Size]

ཟ་བྱེད་བཻ་ཏྲ་ནག་མོ་ཡུམ། རིགས་བཞི་ལ་སོགས། ཨོཾ་ཨ་ཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ། ཧཱུྃ་ཕཊཿ ཧཱུྃ། ནུབ་ཏུ་དབང་ཆེན་རྟ་མཆོག་དཔལ། །པདྨ་གཟི་ལྡན་ཁྲོ་མོ་ཡུམ། རིགས་བཞི། ཨོཾ་པདྨ་ཏ་ཀྲྀ་མ་ཧཱ་ཀྲོ་དྷ་ཧ་ཡ་གྲཱྀ་ཝ་ཧུ་ལུ་ཧུ་ལུ་ཧཱུྃ་ཕཊཿ ཧཱུྃ། བྱང་དུ་རྡོ་རྗེ་གཞོན་ནུ་ཆེ། འཁོར་ལོ་རྒྱས་འདེབས་དཔལ་གྱི་ཡུམ། རིགས་བཞི། ཨཱོཾ་བཛྲ་ཀཱི་ལི་ཀཱི་ལ་ཡ་ཡ། སརྦ་བིགྣན་བཾ་ཧཱུྃ་ཕཊཿ ཧཱུྃ། ཤར་ལྷོར་བླ་མེད་ཧེ་རུ་ཀ །ཉིད་བཞི་བདེ་མཆོག་ཆེན་མོ་ཡུམ། །མ་ལྔ་ལ་སོགས་འཁོར་བཅས་གསལ། །ཨཱོཾ་གུ་ཧྱ་ཛྙཱ་ན་ཤྲཱི་ཧེ་རུ་ཀ །ཀྲོ་དྷི་ཤྭ་རི་ཧཱུྃ་ཕཊཿ ཧཱུྃ། ལྷོ་ནུབ་རིག་འཛིན་ཐོད་པ་རྩལ། །རྡོ་རྗེ་རྣལ་འབྱོར་གསང་བའི་ཡུམ། །རིགས་བཞི། ཨོཾ་བཛྲ་མ་ཧཱ་གུ་རུ་སརྦ་ཧཱུྃ་ཕཊཿ ཧཱུྃ། ནུབ་བྱང་དྲེགས་པ་ཀུན་འདུལ་ཆེ། ཁམས་གསུམ་སྲིད་པའི་སྤྱི་འདུལ་ཡུམ།

[Full Size]

རིགས་བཞི་ལ༴ ཨོཾ་བཛྲ་ཙཎྜ་སརྦ་དུཥྚན་ཧཱུྃ་ཕྲཊཿ ཧཱུྃ། བྱང་ཤར་སྟོབས་ལྡན་ནག་པོ་ཆེ། །འབྱུང་བ་ལྔ་ཡི་བདག་མོ་ཡུམ། རིགས་བཞི། །ཨོཾ་བཛྲ་སརྦ་དུཥྚན་ཨེ་ཛ་བྷྱོ་ཧཱུྃ་ཕཊཿ ཧཱུྃ། ཉི་མ་དང་ནི་འོད་ཟེར་བཞིན། །དཔལ་ཆེན་སོ་སོའི་སྤྲུལ་འཁོར་བཅས། །ཕྱི་རོལ་སྒོ་བ་རིགས་བཞི་ནི། །ཡ་མན་པྲཛྙཱ་པདྨ་བིག །ལྕགས་ཀྱུ་ཞགས་པ་ལྕགས་སྒྲོགས་དྲིལ། །ཚོམ་བུ་དགུ་ཡི་ལྷ་ཚོགས་རྣམས། །སྐུ་མདོག་ཕྱག་མཚན་རྒྱན་ཆ་ལུགས། །མ་འདྲེས་ཡོངས་སུ་རྫོགས་པར་གསལ། ཛཿཧཱུྃ་བྃ་ཧོ། ཧཱུྃ། ཕྱི་རོལ་ལྕགས་རི་ཁོར་ཡུག་ལ། །མཁའ་འགྲོ་དབང་ཕྱུག་གིང་ལངྒ། །འབར་མ་མ་སྲིང་བཀའ་སྡོད་ཚོགས། །བསམ་གྱིས་མི་ཁྱབ་ཡོངས་རྫོགས་གཏིབས། །མ་ཧཱ་མུ་དྲ་ས་མ་ཡ་ཧོ།། ༈ །།དེ་ལྟར་ཕོ་བྲང་གླིང་དགུ་རེ་རེ་བཞིན་དུ་གཙོ་བོ་ཡབ་ཡུམ་གྱི་ཕྱོགས་བཞིར་རིགས་བཞི་ཡབ་ཡུམ་དང་། ལྷག་མ་ཐམས་ཅད་རང་རང་བར་འཁྱམས་སུ་བཞུགས་ཤིང་། སྒོ་བཞིར་རང་རང་གི་སྒོ་བ་རྣམས་དང་བཅས་

[Full Size]

པ་ཡོངས་བསྡོམ་གྱི་ལྷ་གྲངས་ནི། ཆེ་མཆོག་ཡོན་ཏན་གྱི་ལྷ་ཚོགས་སུམ་ཅུ་སོ་གཉིས། ཡང་དག་ཐུགས་ཀྱི་ལྷ་ཚོགས་ལྔ་བཅུ་རྩ་བརྒྱད། འཇམ་དཔལ་སྐུའི་ལྷ་ཚོགས་ལྔ་བཅུ་རྩ་དགུ། པདྨ་གསུང་གི་ལྷ་ཚོགས་དགུ་བཅུ་རྩ་བརྒྱད། ཕུར་པ་ཕྲིན་ལས་ལྷ་ཚོགས་བདུན་བཅུ་རྩ་བཞི། མ་མོ་རྦོད་གཏོང་ལྷ་ཚོགས་བདུན་ཅུ་དོན་དགུ། རིག་འཛིན་སློབ་དཔོན་ལྷ་ཚོགས་ཉི་ཤུ་རྩ་དྲུག འཇིག་རྟེན་མཆོད་བསྟོད་ཀྱི་ལྷ་ཚོགས་བཞི་བཅུ་ཐམ་པ། དམོད་པ་དྲག་སྔགས་ཀྱི་ལྷ་ཚོགས་ཉི་ཤུ་རྩ་བརྒྱད། དཔལ་གྱི་བཀའ་སྡོད་ཀྱི་ལྷ་ཚོགས་ཉིས་བརྒྱ་དང་སོ་དྲུག་རྣམས་བསྡོམས་པས་བདུན་བརྒྱ་ཉེར་ལྔར་བསྡུས་པ་ཡིན་ནའང་། ནང་ཚན་དུ་ཕྱེས་ན། འབུམ་ཕྲག་ཡངས་པའི་མཁའ་འགྲོ་མ་འབུམ་ཚོ་ཉི་ཤུ་ཡོད་ཀྱང་ཡོད་ཀྱང་འདིར་དེ་དག་གི་གཙོ་མོ་ཉི་ཤུ་ལ་བསྡུས་ནས་བགྲངས་པ་ཡིན་ནོ། །དེ་ལྟར་ལྷ་ཚོགས་ཐམས་ཅད་ཀྱང་ངོ་བོ་གཅིག་ལ་རྣམ་འགྱུར་ཐ་དད་པའི་གཙོ་བོ་སོ་སོའི་འཁོར་ཐམས་ཅད་ཀྱང་ཉི་མ་དང་འོད་ཟེར་གྱི་ཚུལ་ལྟར་རང་བྱུང་ལྷུན་གྲུབ་ཏུ་གསལ་བའི་ལྷ་ཐམས་ཅད་ཀྱི་སྤྱི་བོར་འཁོར་ལོ་དཀར་པོ་རྩིབས་བརྒྱད་པའི་ལྟེ་བར་ཨོཾ་དཀར་པོ། མགྲིན་པར་པད་དམར་འདབ་བརྒྱད་ཀྱི་ཟེའུ་འབྲུར་ཨཱཿདམར་པོ། ཐུགས་ཀར་

[Full Size]

རྡོ་རྗེ་རྒྱ་གྲམ་མཐིང་གའི་ལྟེ་བར་ཧཱུྃ་མཐིང་ནག་གིས་མཚན་པ་རེ་རེ་བསྒོམ་པར་བྱའོ།། ༈ །།བདུན་པ་དབང་བསྐུར་བ་ནི། ལྷ་ཐམས་ཅད་ཀྱི་གནས་གསུམ་འབྲུ་གསུམ་ལས་འོད་འཕྲོས་འོག་མིན་ཆོས་ཀྱི་དབྱིངས་ནས་རྒྱལ་བ་ཀུན་བཟང་རིགས་ལྔ་ཡབ་ཡུམ་ལ་ཕྱོགས་བཅུའི་རྒྱལ་བ་སྲས་བཅས་ཉི་ཟེར་གྱི་རྡུལ་བཞིན་བྱོན་ནས་བདག་དམ་ཚིག་འཁོར་བཅས་རྣམས་ལ་སྐུ་གསུམ་ཡེ་ཤེས་ལྔའི་དབང་བསྐུར་བར་མོས་ལ། ཧཱུྃ། རང་བྱུང་དཀྱིལ་འཁོར་དཔལ་ཆེན་ཚོགས། །མཐུ་རྩལ་ཡོངས་སུ་རྫོགས་བྱའི་ཕྱིར། །སྐུ་གསུང་ཐུགས་སུ་བྱིན་རླླབས་ལ། །ཡེ་ཤེས་རྣམ་ལྔའི་དབང་བསྐུར་ཅིག །ཨོཾ་ཨཱཿཧཱུྃ། ཨོཾ་ཧཱུྃ་སྭཱ་ཧྲཱིཿཧ་ཨོཾ་ན་མཿསརྦ་ཏ་ཐཱ་ག་ཏ་ཀཱ་ཡ་ཝཀྩི་ཏྟྟ་ཛྙཱ་ན་པཉྩ་བཛྲ་སཱ་བྷཱ་ཝ་ཨཏྨ་ཀོ྅ཧཾ། ཞེས་དབང་བསྐུར་བའི་དབང་རྟགས་སུ་ལྷ་ཐམས་ཅད་ཀྱི་དབུའི་གཙུག་ཏུ་ཀུན་བཟང་དང་། གཞན་རྒྱལ་བ་རིགས་ལྔ་རྣམས་ལྷ་སོ་སོའི་རིགས་མཐུན་གྱིས་གཙོ་བོ་མཛད་པའི་རིགས་ལྔས་དབུ་བརྒྱན་པའོ། །བརྒྱད་པ་ཡེ་ཤེས་པ་སྤྱན་དྲངས་བ་ནི། ལྷ་གཙོ་འཁོར་རང་རང་སོ་སོའི་ཐུགས་ཀ་ནས་འོད་ཟེར་

[Full Size]

ཚད་མེད་བཞིའི་ལྷ་མོ་གྲངས་མེད་པ་འཕྲོས་པས། རང་བཞིན་གྱི་གནས་ན་ཡེ་ཤེས་སེམས་དཔའ་རྣམས་ཀྱི་ཐུགས་རྒྱུད་བསྐུལ་བས། ཆོས་སྐུ་ལས་གཟུགས་སྐུར་བཞེངས་ཏེ་ནམ་མཁའི་ཁམས་་ཁེངས་པར་བྱོན་པའི་མོས་པ་དང་དད་གདུང་བསྐྱེད་ལ། ཧཱུྃ། རྣམ་དག་ཆོས་དབྱིངས་མཉམ་ཉིད་ལས། །ཞི་ཁྲོ་ཡོངས་རྫོགས་སྐུ་བཞེངས་ལ། །སྲིད་གསུམ་གདུག་པའི་ཚོགས་བསྒྲལ་ཕྱིར། །གནས་འདིར་སྤྱན་འདྲེན་གཤེགས་སུ་གསོལ། ཨོཾ་ཨེ་ཧྱེ་ཧེ་ཛཿཧཱུྃ་བྃ་ཧོ། ས་མ་ཡ་ཧྲི༚་ཧྲི༚་ཛཿ དགུ་པ་བཞུགས་གསོལ་ནི། དེ་ལྟ་བུའི་ལྷ་ཚོགས་ཐམས་ཅད་ཡེ་ནས་རང་རིག་ཡེ་ཤེས་སུ་དབྱེར་མེད་ཀྱང་། རྣམ་པ་སྒྱུ་མ་ཙམ་དུ། གཙོ་བོ་ལ་གཙོ་བོ། འཁོར་ལ་འཁོར་གཉིས་མེད་དུ་ཐིམ་པར་བསམ་ཞིང་། ཧཱུྃ། བདེར་གཤེགས་ཀུན་འདུས་དཀྱིལ་འཁོར་འདིར། །དམ་ཚིག་ཡེ་ཤེས་དབྱེར་མེད་པར། །ཆུ་ལ་ཆུ་བཞག་ཇི་བཞིན་དུ། །དུ་མ་རོ་གཅིག་བརྟན་པར་བཞུགས། །ས་མ་ཡ་ཨ་ཝེ་ཤ་ཡ་ཏིཥྛ་སྟྭཾ། བཅུ་པ་ཕྱག་འཚལ་བ་ནི་

[Full Size]

བདག་ཉིད་ཀྱི་ཐུགས་ཀ་ནས་སྤྲུལ་པའི་ལྷ་མོ་བཞི་ལ་རང་འདྲའི་འཁོར་ཚོགས་གྲངས་མེད་པས་བསྐོར་བ་འཕྲོས་པས་དཀྱིལ་འཁོར་གྱི་ཕྱོགས་བཞི་ནས་ཕྱག་བསམ་གྱིས་མི་ཁྱབ་པ་བཙལ་ནས་སླར་རང་གི་ཐུགས་ཀར་ཐིམ་པར་བསམ་ཞིང་། ཧཱུྃ། ཆོས་རྣམས་རང་བཞིན་ཡེ་ནས་དག །རྟོག་འཁྲུལ་འཇིག་རྟེན་སེམས་ཅན་ལ། །སྐུ་གསུང་ཐུགས་ཡོན་ཕྲིན་ལས་སྟོན། །དཀྱིལ་འཁོར་ལྷ་ལ་ཕྱག་འཚལ་ལོ། ཨ་ཏི་པུ་ཧོ། ན་མཿཧྲི། སླར་ཡང་ཕྱག་འཚལ་རྒྱས་པར་སྤྲོ་ན་ཆོས་བཀའ་འདི་ཉིད་ཀྱི་ན་རག་བཤགས་སྐོངས་ནས་གསུངས་པའི་ཕྱག་འཚལ་ཡང་སྐབས་འདིར་དྲངས་ཏེ། ན་མོ། ཡོན་ཏན་ཕུན་ཚོགས་བླ་མ་རྣམས་ལ་ཕྱག་འཚལ་ལོ། །དམིགས་མེད་སྤྲོས་བྲལ་ཆོས་ཀྱི་སྐུ་ལ་ཕྱག་འཚལ་ལོ། །བདེ་ཆེན་ལོངས་སྤྱོད་རྫོགས་པའི་སྐུ་ལ། །འགྲོ་མགོན་སྤྱིར་ཡང་སྤྲུལ་པའི་སྐུ་ལ༴ གནས་ལུགས་མི་འགྱུར་རྡོ་རྗེའི་སྐུ་ལ༴ ཡང་དག་མངོན་པར་བྱང་ཆུབ་སྐུ་ལ༴ ཉོན་མོངས་ཞི་མཛད་ཞི་བའི་ལྷ་ལ༴ ལོག་ལྟ་ཚར་གཅོད་ཁྲོ་བོའི་ཚོགས་ལ༴ ཐབས་མགོན་ཚེ་བདག་འཇམ་དཔལ་

[Full Size]

སྐུ་ལ་ཕྱག་འཚལ་ལོ། །སྐྱོན་བྲལ་སྒྲ་སྒྲོག་པདྨ་གསུང་ལ༴ ཡང་དག་དོན་རྟོགས་བཛྲ་ཐུགས་ལ༴ དུག་ལྔའི་ནད་སེལ་བདུད་རྩི་སྨན་ལ༴ དྲེགས་པ་འཇོམས་མཛད་ཕུར་པའི་ཚོགས་ལ༴ འབྱུང་བའི་མངའ་བདག་མ་མོའི་ཚོགས་ལ༴ ས་དང་ལམ་རྫོགས་རིག་འཛིན་རྣམས་ལ༴ བསྟན་པ་སྲུང་མཛད་དམ་ཅན་རྣམས་ལ༴ དགྲ་གེགས་བདུད་འདུལ་སྔགས་བདག་ཚོགས་ལ་ཕྱག་འཚལ་ལོ། །རྩ་བའི་བླ་མ་རྒྱུད་པའི་རྗེ། །དངོས་གྲུབ་སྩོལ་བའི་ཡི་དམ་ལྷ། །ལས་བྱིན་རློབས་པའི་མཁའ་འགྲོ་མ། །རྩ་བ་གསུམ་ལ་ཕྱག་འཚལ་ལོ། །ཕྱི་དཀོན་མཆོག་གསུམ། ནང་རྩ་བ་གསུམ། གསང་བ་སྐུ་གསུམ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །མཆོད་པ་འབུལ་ལོ། །སྡིག་པ་བཤགས་སོ། །དགེ་བ་ལ་རྗེས་སུ་ཡི་རང་ངོ་། །སྐུ་མྱ་ངན་ལས་མི་འདའ་བར་འགྲོ་བ་སེམས་ཅན་གྱི་དོན་རྒྱ་ཆེན་པོ་མཛད་དུ་གསོལ་ལོ། །བཅུ་གཅིག་པ་ཕྱག་རྒྱ་གར་མཆོད་ནི། སླར་ཡང་བདག་ཉིད་ཀྱི་ཐུགས་

[Full Size]

ཀ་ནས་མཆོད་པའི་ལྷ་མོ་བསམ་གྱིས་མི་ཁྱབ་པ། རྣམས་ཀྱིས་མཆོད་པའི་རྣམ་གྲངས་མཐའ་དག་རིམ་པ་བཞིན་འབུལ་བར་དམིགས་ཏེ། ཐོག་མར་ལྷ་སོ་སོའི་སྐུ་མདོག་ཕྱག་མཚན་བཞུགས་སྟངས་སོགས་ཇི་ལྟ་བའི་རྣམ་འགྱུར་དང་མཐུན་པའི་ཕྱག་རྒྱ་གར་གྱིས་མཆོད་པར་བསམ་ལ། ཧཱུྃ། །གདུལ་བྱའི་མོས་བློ་ཐ་དད་པས། །ཞི་དང་ཁྲོ་དང་འདྲེས་པའི་ཚུལ། །སྐུ་མདོག་ཞལ་ཕྱག་བསམ་འདས་ཀྱང་། །ལྷ་རྣམས་གསལ་འདེབས་གར་མཆོད་འབུལ། ཧཱུྃ། དཔེན་ཆེ་མཆོག་ཧེ་རུ་ཀ །དབུ་གསུམ་ཕྱག་དྲུག་ཞབས་བཞི་བགྲད། །གཡས་དཀར་གཡོན་དམར་དབུས་མཐིང་ཞལ། །རིགས་ལྔས་དབུ་བརྒྱན་ཐུགས་སྲོག་གསལ། །གཡས་ཀྱི་ཕྱག་གསུམ་རྡོ་རྗེ་གདེངས། །གཡོན་གྱི་ཕྱག་གསུམ་བྷན་དམར་འཛིན། །ཡུམ་ཆེན་གནམ་ཞལ་ཀུན་བཟང་མོ། །གཡས་པ་གཙོར་འཁྱུད་ཁ་ཊྭཱཾ་ག །གཡོན་པ་ཆགས་པའི་དུང་དམར་སྟོབ། ཡབ་ཡུམ་ཐབས་ཤེས་ཟུང་འཇུག་རྒྱ། །ཕྱག་རྒྱ་གར་གྱི་མཆོད་པ་བཞེས་

[Full Size]

མ་ཧཱ་མུ་དྲ་པཱུ་ཛ་ཧོ། ཧཱུྃ། དཔལ་ཆེན་བཛྲ་ཧེ་རུ་ཀ །དབུ་གསུམ་ཕྱག་དྲུག༴ གཡས་དཀར༴ རིགས་ལྔས༴ གཡས་གསུམ་རྩེ་དགུ་ཁ་ཊྭཱཾ་རྔ༴ གཡོན་གསུམ་དྲིལ་བྷན་རྒྱུ་ཞགས་བསྣམས། ཡུམ་ཆེན་ཀྲོ་དྷི་ཤྭ་རི་མ། གཡས་པ་གཙོ་གཡོན་པ་དུང་། ཡབ་ཡུམ་ཐབས་ཤེས༴ ཕྱག་རྒྱ་གར༴ མ་ཧཱ་མུ་དྲ་པཱུ་ཛ་ཧོ། ཧཱུྃ། དཔལ་ལེན་འཇམ་དཔལ་གཤིན་རྗེའི་གཤེད། དབུ་གསུམ༴ གཡས་དཀར༴ རིགས་ལྔས༴ གཡས་གསུམ་བེ་ཅོན་རལ་གྲི་སྟེ། གཡོན་གསུམ་སྡིགས་མཛུབ་མདུང་བྷན་དམར། ཡུམ་ཆེན་བཛྲ་བེ་ཏཱ་ལི། གཡས་པ་གཙོར༴ གཡོན་པ༴ ཡབ་ཡུམ༴ ཕྱག་རྒྱ༴ མ་ཧཱ་མུ༴ ཧཱུྃ། དཔལ་ལེན་རྟ་མགྲིན་པདྨ་དབང་། དབུ་གསུམ༴ གཡས་དཀར་གཡོན་སྔོ་དབུས་དམར་ཞལ། དབུ་གཙུག་རྟ་སྐད་ཕྱོགས་བཅུར་སྒྲོག །རིགས་ལྔས༴ གཡས་གསུམ་རྡོ་རྗེ་ཁ་ཊྭཱཾ་ཞགས། །གཡོན་གསུམ་དྲིལ་བུ་བྷན་དམར་སྒྲོགས།

[Full Size]

ཡུམ་ཆེན་ཨེ་ཀ་ཛྭ་ཊི་མ། གཡས་པ་གཙོར༴ གཡོན་པ་ཆགས༴ ཡབ་ཡུམ༴ ཕྱག་རྒྱ་གར༴ མ་ཧཱ་མུ༴ ཧཱུྃ། དཔལ་ལེན་རྡོ་རྗེ་གཞོན་ནུ་ཆེ། དབུ་གསུམ༴ གཡས་དཀར༴ རིགས་ལྔས༴ གཡས་གཉིས་རྩེ་དགུ་རྩེ་ལྔ་སྟེ། །གཡོན་གཉིས་མེ་དཔུང་ཁ་ཊྭཾ་ག །མཐའ་གཉིས་རི་རབ་ཕུར་བུ་འདྲིལ། །ཡུམ་ཆེན་འཁོར་ལོ་རྒྱས་འདེབས་མ། གཡས་པ༴ གཡོན་པ༴ ཡབ་ཡུམ་ཐབས་ཤེས༴ ཕྱག་རྒྱ༴ མ་ཧཱ་མུ་དྲ༴ ཧཱུྃ། དཔལ་ཆེན་བླ་མེད་ཧེ་རུ་ཀ །དབུ་གསུམ༴ གཡས་དཀར༴ རིགས་ལྔས༴ གཡས་གསུམ་རྡོ་རྗེ་ཁྱུང་སྦྲུལ་ཞགས། །གཡོན་གསུམ་དུང་དམར་ཞིང་ག་འུ། །ཡུམ་ཆེན་ཉིད་ཞི་མུ་ཁ་ལེ། གཡས་པ༴ གཡོན་པ༴ ཡབ་ཡུམ༴ ཕྱག་རྒྱ༴ མ་ཧཱ་མུ་དྲ་པཱུ་ཛ་ཧོ། ཧཱུྃ། དཔལ་ལེན་རིག་འཛིན་ཐོད་པ་སྩལ། །ཞལ་གཅིག་ཕྱག་གཉིས་ཞབས་གཉིས་བགྲད། །སྐུ་མདོག་དཀར་དམར་རུས་རྒྱན་མཛེས། རིགས་ལྔས༴ རྡོ་རྗེ་དྲིལ་བུ་ཕྱག་རྒྱ་བསྒྱུར། །ཡུམ་ཆེན་ཆོས་

[Full Size]

དབྱིངས་རྣལ་འབྱོར་མ། །གཉིས་མེད་འཁྲིལ་སྦྱོར་བདེ་ཆེན་བསྐྱེད། གཡས་པ་གཙོར༴ གཡོན་པ་དུང་༴ ཡབ་ཡུམ༴ ཕྱག་རྒྱ༴ མ་ཧཱ༴ ཧཱུྃ། དཔལ་ཆེན་དྲེགས་པ་ཀུན་འདུལ་ཆེ། དབུ་གསུམ༴ གཡས་དཀར༴ རིགས་ལྔས་དབུ༴ གཡས་གསུམ་རྡོ་རྗེ་ལྷ་བརྒྱདམགོ་གཡོན་གསུམ་བྷན་དམར་ཀླུ་བརྒྱད་མགོ། །ཡུམ་ཆེན་སྲིད་པ་སྤྱི་འདུལ་མ། གཡས་པ༴ གཡོན་པ༴ ཡབ་ཡུམ༴ ཕྱག་རྒྱ༴ མ་ཧཱ༴ ཧཱུྃ། དཔལ་ཆེན་སྟོབས་ལྡན་ནག་པོ་ཆེ། དབུ་གསུམ༴ སྐུ་མདོག་མཐིང་ནག་འཇིགས་པ་ལ། རིགས་ལྔས༴ གཡས་གསུམ་རྡོ་རྗེ་ལྷ་བརྒྱད་སྙིང་། །གཡོན་གསུམ་བྷན་དམར་ཀླུ་བརྒྱད་སྙིང་། །ཡུམ་ཆེན་འབྱུང་བ་ལྔ་ཡི་བདག །གཡས་པ་གཟུགས་ཁམས་མཁའ་ལ་འདེགས། །གཡོན་པ་འདོད་ཁམས་ས་ལ་གནོན། ཡབ་ཡུམ༴ ཕྱག་རྒྱ༴ མ་ཧཱ་མུ་དྲ་པཱུ་ཛ་ཧོ། ཧཱུྃ། སོ་སོའི་རིགས་བཞི་འཁོར་ཚོགས་རྣམས། །ཞལ་དང་ཕྱག་མཚན་ཅིར་ཡང་བསྒྱུར། །བདེར་གཤེགས་ཐམས་ཅད་གར་གྱི་

[Full Size]

བདག །ཕྱག་རྒྱ་གར་གྱི་མཆོད་པ་བཞེས། མ་ཧཱ་མུ་དྲ་པཱུ་ཛ་ཧོ། །བཅུ་གཉིས་པ་གླུ་བྲོའི་མཆོད་པ་ནི། སྤྲུལ་པའི་ལྷ་མོ་རྣམས་ཀྱིས་སྐྱེ་མེད་སྟོང་པའི་གླུ་དང་། འགག་མེད་སྣང་བའི་བྲོའི་བྱེ་བྲག་བསམ་གྱིས་མི་ཁྱབ་པས་མཆོད་པར་བསམ་ལ། ཧཱུྃ། སྟོང་པའི་རང་བཞིན་ཅིར་ཡང་སྣང་། །སྣང་བའི་མཚན་ཉིད་སྐྱེ་བ་མེད། །གླུ་ནི་འདུ་འབྲལ་མེད་པའི་གླུ། །བྲོ་ནི་བར་ཆད་མེད་པར་བརྡུང་། ཨོཾ་མ་ཧཱ་ཛྙཱ་ན་ཏེ་ན་ཧཱུྃ། ཏེ་ན་ཏེ་ཏེ་ཧཱུྃ། དེ་ནས་བཅུ་གསུམ་པ་ཕྱིའི་མཆོད་པ་ནི། ཐུན་མོང་ཐེག་པ་དང་མཐུན་པའི་མཆོད་པ་རྣམ་ལྔ་འབུལ་ཏེ། ཧཱུྃ། རྒྱལ་བ་རྒྱ་མཚོའི་དཀྱིལ་འཁོར་དུ། །བདུག་སྤོས་མེ་ཏོག་མར་མེ་དྲི། །ཞལ་ཟས་སིལ་སྙན་མཆོད་པའི་སྤྲིན། །དབྱིངས་ནས་བཏོན་ཏེ་དབྱིངས་སུ་འབུལ། ཨོཾ་ས་ན་སེམ། པེ་ནུ་པ་ར་ཏེ། ཏི་པུ་པ་ར་མུ། སརྦ་ཐཱ་ག་ཏ་སིདྡྷི་ས་མ་ཡ་ཧོ། ཨོཾ་ཤྲཱི་བཛྲ་རཱ་ག་དྷུ་པེ་ཧཱུྃ། ཨོཾ༴ པུཥེྤ་ཏྲཾ། ཨོཾ༴ ཨ་ལོ་ཀཻ་ཧྲཱིཿ ཨོཾ༴ གནྡྷེ་ཧོ། ཨོཾ༴ ནཻ་ཝི་དྱ་ཨཿ ཨོཾ་ཤྲཱི་བཛྲ་རཱ་ག་གཱིརྟི་ཤབྟ།

[Full Size]

ཧཱུྃ། བཅུ་བཞི་པ་ནང་འདོད་ཡོན་ལྔའི་མཆོད་པ་འབུལ་བ་ནི། སྣང་སྲིད་སྣོད་བཅུད་ཀྱི་འདོད་ཡོན་མཐའ་དག་བློས་བླངས་ནས་འབུལ་ཞིང་། ཨོཾ། མཆོད་པའི་ཕྱག་རྒྱ་ཆེན་པོ་ནི། །སེམས་ཀྱི་ཡིད་བཞིན་སྤྲིན་ཚོགས་གཏིབས། །གཟུགས་སྒྲ་དྲི་རོ་རེག་བྱ་ཚོགས། །འདོད་ཡོན་ལྔ་ལྡན་མཆོད་པ་བཞེས། ཨོཾ་སརྦ་པཱུ་ཛ་ས་མ་ཡ་ཧོ། བཅོ་ལྔ་པ་གསང་མཆོད་ནི། ཉོན་མོངས་པ་དུག་ལྔ་པོ་ཡེ་ནས་ཡེ་ཤེས་ལྔར་ལྷུན་གྱིས་གྲུབ་པའི་རང་བཞིན་དུ་རྟོགས་པའི་མཆོད་པ་འབུལ་ཞིང་། ཧཱུྃ། འདོད་ཆགས་ཞེ་སྡང་གཏི་མུག་ཆེ། །ང་རྒྱལ་ཕྲ་དོག་ཉོན་མོངས་ལྔ། །ཡེ་ནས་རིམས་ལྔའི་རང་བཞིན་ཏེ། །སྦྱོར་སྒྲོལ་ཏིང་འཛིན་དམ་མཆོད་བཞེས། །ཧ་ལ་པཉྩ་པཱུ་ཛ་ཧོ། ཧ་ལ་པཉྩ་ཁ་རཾ་ཁཱ་ཧི། བཅུ་དྲུག་པ་དེ་ཁོ་ན་ཉིད་དུག་གསུམ་གཏན་ཡན་ལག་གི་མཆོད་པ་ནི་འཁོར་བར་འཁྱམས་པའི་རྒྱུ་རྐྱེན་གྱི་རྩ་བ་དུག་གསུམ་པོ་རྩད་ནས་བཅད་པའི་ཕྱིར། ལྷ་མོ་རྣམས་ཀྱིས་ཁམས་གསུམ་སེམས་ཅན་གྱི་རྒྱུད་ལ་ཡོད་པའི་དུག་གསུམ་ཐམས་ཅད་གཏི་མུག་ཤ །འདོད་ཆགས་

[Full Size]

ཁྲག །ཞེ་སྡང་རུས་པའི་རྣམ་པར་ལྷ་ཚོགས་ཀྱི་ཞལ་དུ་ཕུལ་ཞིང་མཆོད་པས། སེམས་ཅན་ཀུན་གྱི་དུག་གསུམ་བག་ཆགས་དང་བཅས་པའི་ཁུངས་སྟོང་པར་བསམ་ལ། ཧཱུྃ། ཤ་ཁྲག་རུས་པ་རྣམ་པ་གསུམ། །དུག་གསུམ་མཆོད་པ་བླ་ན་མེད། །ཡེ་ནས་སྐུ་གསུམ་རང་བཞིན་ཏེ། །རང་གྲོལ་ཉིད་དུ་མཆོད་པ་བཞེས། མ་ཧཱ་མཾ་ས། མ་ཧཱ་རཀྟ། མ་ཧཱ་ཀེ༚་ནི་རི་ཏི་ཁཱ་ཧི། བཅུ་བདུན་པ་བདུད་རྩི་སྨན་མཆོད་བྱ་བ་ལ་གསུམ་སྟེ། སྨན་གྱི་ཆེ་བའི་ཡོན་ཏན་བརྗོད་པ་དང་། ལྷ་ཚོགས་རྣམས་ལ་ཇི་ལྟར་འབུལ་བ་དང་། །སྨན་གྱི་དངོས་གྲུབ་བླང་བ་དང་གསུམ་གྱི་དང་པོ་ནི། ཧཱུྃ། རང་བྱུང་གདོད་ནས་རྣམ་པར་དག །རྩ་བརྒྱད་སྟོང་ལས་སྦྱར་བའི་སྨན། །རིགས་ལྔ་དམ་ཚིག་ལྔ་ཡི་དངོས། །ཡེ་ཤེས་ལྔ་རྫོགས་སྒྲུབ་པའི་རྫས། །རྒྱུད་ལྔ་སེམས་ཅན་ཀུན་གྲོལ་ཕྱིར། །དུག་ལྔ་སེལ་བའི་བདུད་རྩི་ཆེ། ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧཱུྃ་ཧྲཱིཿཐཱཿ གཉིས་པ་བདུད་རྩིའི་འབུལ་བ་ལ་སྤྱིར་འབུལ་བ་དང་། བྱེ་བྲག་ཏུ་འབུལ་བ་གཉིས་ཀྱི་དང་པོ་ནི། ཧཱུྃ། རྩ་བརྒྱད་ཡན་ལག་སྟོང་

[Full Size]

སྦྱར་བའི། ཐུན་མོང་མཆོག་དང་ཁྱད་འཕགས་འདི། དུས་གསུམ་བླ་མ་ཡི་དམ་ལྷ། རྒྱལ་བ་ཞི་ཁྲོའི་ལྷ་ཚོགས་ལ། རྣམ་དག་བདུད་རྩི་དམ་རྫས་མཉེས་མཆོད་འབུལ། ཐུགས་རྗེ་བརྩེར་དགོངས་དབང་དང་དངོས་གྲུབ་སྩོལ། ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཁ་རྃ་ཁཱ་ཧི། བྱེ་བྲག་རྒྱས་པར་ལྷ་སོ་སོའི་མཚན་དོན་ལྟར་འབུལ་བ་ནི། ཧྲཱི། དམ་སྐོངས་དབང་དང་ཤེས་རྒྱུད་ལུང་སྟོན་པའི། ངེས་པའི་དོན་སྟོན་རྡོ་རྗེའི་སློབ་དཔོན་ལ། རྣམ་དག་བདུད་རྩི་དམ་རྫས་མཉེས་མཆོད་འབུལ། །ཐུགས་རྗེ་བརྩེར་དགོངས་དབང་དང་དངོས་གྲུབ་སྩོལ། །ཞི་བ་ལྷུན་གྱིས་གྲུབ་པའི་དཀྱིལ་འཁོར་ནས། །སངས་རྒྱས་བཞི་བཅུ་རྩ་གཉིས་ལྷ་ཚོགས་ལ། རྣམ་དག །ཐུགས་རྗེ་བརྩེར༴ ཁྲོ་བོ་རོལ་པའི་དཀྱིལ་འཁོར་ཆེན་པོ་ནས། ཆེ་མཆོག་ཡོན་ཏན་ལྷ་ཚོགས་འཁོར་བཅས་ལ། རྣམ་དག༴ ཐུགས་རྗེ༴ ཁྲག་འཐུང་རོལ་པའི་དཀྱིལ་འཁོར་ཆེན་པོ་ནས། ཡང་དག་ཐུགས་ཀྱི་ལྷ་ཚོགས་འཁོར་བཅས་ལ༴ གཤིན་རྗེ་རོལ་པའི་དཀྱིལ་འཁོར་ཆེན་པོ་ནས། འཇམ་དཔལ་སྐུ་

[Full Size]

ཡི་ལྷ༴ དབང་ཆེན་རོལ་པའི༴ པདྨ་གསུང་གི༴ ཕུར་པ་རོལ་པའི༴ ཕུར་པ་ཕྲིན་ལས༴ ཤ་ཁྲག་རྒྱ་མཚོར་འཁྱིལ་བའི་དཀྱིལ་འཁོར་ནས༴ མ་མོ་རྦོད་གཏོང་ལྷ༴ ཐུགས་རྗེ་གདུང་ཚོབ་སྐུ་ཡི་དཀྱིལ་འཁོར་ནས། རིག་འཛིན་བླ་མའི་ལྷ་ཚོགས༴ དུག་ལྔ་མེ་ལྟར་འབར་བའི་དཀྱིལ་འཁོར་ནས། །འཇིག་རྟེན་མཆོད་བསྟོད་ལྷ་ཚོགས་འཁོར་བཅས་ལ། གཏུམ་དྲག་མེ་ལྟར་འབར་བའི་དཀྱིལ་འཁོར་ནས། དམོད་པ་དྲག་སྔགས༴ ཞིང་ཆེན་བཅལ་དུ་དཀྲམ་པའི་དཀྱིལ་འཁོར་ནས། །བཀའ་སྲུང་ཕོ་ཉའི་ལྷ་ཚོགས་འཁོར་བཅས་ལ། །དཀྱིལ་འཁོར་དགུ་ཡི་བར་འཁྱམས་འཁོར་ཡུག་ན། །དཔལ་གྱི་བཀའ་སྲུང་དམ་ཅན་རྒྱ་མཚོ་ལ། །སངས་རྒྱས་ཀྱི་བཀའ་སྲུང་ཞལ་བཞེས་པའི། །དྲེགས་པའི་སྡེ་དཔོན་སུམ་ཅུ་འཁོར་བཅས་ལ། རྣམ་དག་བདུད་རྩི༴ ཐུགས་རྗེ་བརྩེར་དགོངས་དབང༴ ཨོཾ་ཨཱཿཧཱུྃ་སརྦ་ཨ་མྲྀ་ཏ་ཁ་རཾ་ཁཱ་ཧི། གསུམ་པ་བདུད་རྩིའི་དངོས་གྲུབ་བླང་བ་ནི། མཐེབ་སྲིན་གཉིས་སྦྱར་བ་ཐབས་ཤེས་ཀྱི་ཕྱག་རྒྱས་བདུད་རྩི་ཐིགས་གཅིག་བླང་ནས་

[Full Size]

རང་གི་གནས་གསུམ་དུ་རེག་ཅིང་ལྕེ་ཐོག་ཏུ་མྱང་ལ། ལྷ་ཚོགས་ཐམས་ཅད་མཉེས་ནས་དངོས་གྲུབ་ཡི་གེ་འབྲུ་གསུམ་གྱི་རྣམ་པ་རང་གི་གནས་གསུམ་དུ་ཐིམ་པར་བསམ་ཞིང་། ཧཱུྃ། ལྕེ་ཡི་དམ་ཚིག་རྡོ་རྗེ་ལ། །དམ་ཚིག་ཅན་གྱིས་ཧཱུྃ་སྒོམས་ཏེ། །མཐེབ་སྲིན་ཐབས་ཤེས་ཕྱག་རྒྱ་ཡིས། །མྱ་ན་དངོས་གྲུབ་མཆོག་ཐོབ་འགྱུར། ཀཱ་ཡ་སིདྡྷི་ཨོཾ། ཝཱཀཱ་སིདྡྷི་ཨཱཿ ཙིཏྟ་སིདྡྷི་ཧཱུྃ། སརྦ་སིདྡྷི་ཧྲཱིཿབཅོ་བརྒྱད་པ་གཏོར་མའི་མཆོད་པ་ནི། གཏོར་མའི་ངོ་བོ་ཡེ་ཤེས་ཀྱི་བདུད་རྩི་ལ་རྣམ་པ་འདོད་ཡོན་གང་ལ་གང་དགྱེས་ཀྱི་རྫས་དང་ཡོ་བྱད་ཀྱིས་ལྷ་ཐམས་ཅད་མཉེས་ཚིམ་དུ་གྱུར་པར་དམིགས་ཤིང་། ཧཱུྃ། དམ་རྫས་རྨད་བྱུང་གཏོར་ཆེན་པོ། །འདོད་ཡོན་ལྔ་ཡི་ཕུང་པོ་འབར། །ཐམས་ཅད་ཚིམ་བྱེད་ཆོས་སྦྱིན་ཆེ། །ཞི་ཁྲོ་ཡོངས་རྫོགས་ཐུགས་དམ་བསྐང་། མ་ཧཱ་བ་ལིནྟ་པཱུ་ཛ་ཧོ། མ་ཧཱ་བ་ལིནྟ་ཁ་རྃ་ཁཱ་ཧི། བཅུ་དགུ་པ་རཀྟ་དམར་གྱི་མཆོད་པ་ནི། སྟོང་གསུམ་དང་མཉམ་པའི་པཱ་ལར་བསྟན་པའི་རུ་དྲ་བསྒྲལ་བའི་ཁྲག་གིས་

[Full Size]

བཀངས་ཏེ་ཕུལ་བ་ལྷ་ཚོགས་ཐམས་ཅད་རྔམས་པའི་ཚུལ་གྱིས་གསོལ་བར་བསམ་ལ། ཧཱུྃ། རུ་དྲ་བསྒྲལ་བའི་ཁྲག་ཆེན་པོ། །ལྕང་ལོར་བཅས་པའི་བྷཉྫར་བསྐྱིལ། འཁོར་བ་དབྱིངས་སུ་དག་བྱའི་ཕྱིར། །དཔལ་ལེན་ཚོགས་ཀྱི་ཞལ་དུ་འབུལ། མ་ཧཱ་རཀྟ་པཱུ་ཛ་ཧོ། མ་ཧཱ་རཀྟ་ཁ་རཾ་ཁཱ་ཧི། ཉི་ཤུ་པ་བདུད་རྩི་བསང་ནན་གྱི་མཆོད་པ་ནི། ནས། འབྲས། གྲོ། སྦྲང་། ཤིང་ཏོག་དང་བཅས་པ་ལས་བྱུང་བའི་ཛྭ་གད་དཔའ་བོའི་མཆོད་པ་ཕུལ་བས་ལྷ་ཚོགས་ཐམས་ཅད་མཉེས་པར་བསམ་ལ། ཧཱུྃ། རྒྱུ་གཉིས་རྐྱེན་སྦྱར་འབྲུ་བཅུད་འདི། །དུག་ལྔ་སྨན་གྱུར་དམ་པའི་རྫས། །ཛ་གད་དཔའ་བོའི་བདུད་རྩི་འདིས། རྒྱལ་བ་ཞི་ཁྲོའི་ཐུགས་དམ་བསྐང་། མ་ཧཱ་ཇ་གད་པཱུ་ཛ་ཧོ། མ་ཧཱ་ཛ་གད་ཁ་རཾ་ཁཱ་ཧི། ཉེར་གཅིག་པ་སྦྱོར་བའི་མཆོད་པ་ནི། ལྷ་ཚོགས་ཡབ་ཡུམ་སོ་སོ་རྣམས་མ་ཆགས་ཐབས་ཀྱི་སྦྱོར་བ་ལྷན་སྐྱེས་ཟག་མེད་ཀྱི་ཡེ་ཤག་སྐུ་ཉམས་སུ་བསྟར་བས་ཤེས་རབ་སྟོང་པ་ཆོས་ཀྱི་དབྱིངས་དང་ཐབས་བདེ་ཆེན་རིག་པའི་ཡེ་ཤེས་དབྱེར་མེད་ཟུང་འཇུག་ཆེན་པོ་མངོན་དུ་མཛད་པར་

[Full Size]

མོས་ལ། ཧཱུྃ། དབྱིངས་རིགས་གཉིས་མེད་སྦྱོར་བ་ཡིས། །འཁོར་འདས་གཉིས་སུ་མེད་པར་སྦྱོར། །གཉིས་མེད་རྟོགས་པའི་སྦྱོར་མཆོད་འདིས། །རྒྱལ་བ་ཡབ་ཡུམ་མཉེས་གྱུར་ཅིག །ཛཿཧཱུྃ་བྃ་ཧོ། པདྨ་ཡོ་གི་ནཱི་ས་མ་ཡ་པྲ་ཝེ་ཤ་ཡ་ཕཊཿ ཉེར་གཉིས་བསྒྲལ་མཆོད་ནི། ལྷ་ཚོགས་ཡབ་ཡུམ་ཀུན་གྱི་སྦྱོར་མཚམས་ནས་སྤྲུལ་པའི་ལས་མཁན་འཁོར་ཚོགས་གྲངས་མེད་པ་ཉི་ཟེར་གྱི་རྡུལ་བཞིན་འཕྲོས་པས་འཇིག་རྟེན་གྱི་ཁམས་ཐམས་ཅད་ཁྱབ་ནས། མ་རུང་ལོག་པར་སྤྱོད་པའི་རུ་དྲ་དམ་ཉམས་རྣམས་བསྒྲལ་ནས་གཟུགས་ཕུང་ཞལ་དུ་བཞེས་ཤིང་རྣམ་ཤེས་ཆོས་དབྱིངས་སུ་སྤར་བས། སྐྱེ་འགྲོ་ཐམས་ཅད་ཀྱི་འཁོར་བར་འཁྱམས་པའི་རྩ་བར་འཛིན་རྩ་ནས་བཅད། གཟུང་འཛིན་དྲུངས་ནས་ཕྱུངས། འཁོར་བ་ཁུངས་ནས་སྟོངས་པར་གྱུར་པར་དམིགས་ཏེ། ཧཱུྃ། ཡང་དག་དོན་རྟོགས་བློ་ཡིས་ནི། །མ་རྟོགས་སེམས་ཅན་གནས་སུ་བསྒྲལ། །དུས་གསུམ་བདེར་གཤེགས་དེ་ལ་མཉེས། །མཆོག་གི་མཆོད་པ་ཆེན་པོ་བཞེས། །ཨོཾ་མ་ཧཱ་ཤྲཱི་ཧེ་རུ་ཀ །མ་ཏྲམ་རུ་དྲ༴

[Full Size]

པྲ་བཉྩཀྲ་ཧཱུྃ་ཕྲཊཿ པྲ་ཝེ་ཤ་ཡ་ཕཊ། ཏི་ཧཱུྃ་ཨཿཡྃ་སྥ་ར་ཎ་ཕཊ། ཅེས་མཆོད་པའི་རིམ་པ་ཐམས་ཅད་གྲུབ་པ་ནས་ལྷ་མོ་དང་ཁྲོ་ཚོགས་སོགས་ཐམས་ཅད་ཀྱང་གཙོ་འཁོར་རྣམས་ལ་ཚུར་ཐིམ་པས་ལྷ་ཐམས་ཅད་སྟོབས་དང་གཟི་བརྗིད་སྔར་ལས་ཀྱང་ལྷག་པར་བསམ་མོ། །ཉེར་གསུམ་པ་བསྟོད་པའི་ལས་རིམ་ལ་སྤྱི་དང་བྱེ་བྲག་གི་བསྟོད་པ་གཉིས་ཀྱི་དང་པོ་ལྷ་ཚོགས་སྤྱི་ལ་སྐུ་གསུང་ཐུགས་ཡོན་ཕྲིན་ལས་ཀྱི་ཆེ་བའི་ཡོན་ཏན་ལ་བསྟོད་པ་ནི། ཡེ་ཤེས་ཀྱི་ལྷ་ལ་བསྟོད་པས་མཉེས་པ་དང་མ་བསྟོད་པས་མི་མཉེས་པ་ལྟ་བུའི་འཛིན་རྟོག་མི་མངའ་ཡང་། བདག་སོགས་འགྲོ་བའི་ཚོགས་གཉིས་སྤེལ་ཞིང་བདེ་བར་གཤེགས་པའི་ཡོན་ཏན་ལ་ངེས་ཤེས་བསྐྱེད་ཕྱིར་སྒོ་གསུམ་གུས་པ་ཆེན་པོས་བསྟོད་པར་བྱ་སྟེ། ཨོཾ། མཉམ་ཉིད་ཆོས་སྐུའི་རང་བཞིན་ལས། །ཀུན་བཟང་ཟག་པ་མེད་པར་བདེ། །སེམས་ཅན་དོན་ལ་དེ་བཞིན་གཤེགས། །ཐུགས་རྗེའི་སྐུ་ལ་ཕྱག་འཚལ་བསྟོད། ཨཱཿ རྩོལ་མེད་རང་བྱུང་ཆོས་ཀྱི་སྒྲ། །མ་འགག་རང་གསལ་འཛིན་པ་མེད། །ཆད་མེད་སྐྱོན་བྲལ་པདྨའི་གསུང་། ཡང་དག་གསུང་ལ༴ ཧཱུྃ། སྤྲོས་པ་

[Full Size]

མེད་པ་དབྱིངས་ཀྱི་ངང་། །མ་སྐྱེས་འཇིགས་མེད་རྡོ་རྗེའི་ཐུགས། །བླང་དོར་མེད་པ་ཆོས་ཀྱི་དབྱིངས། །འགྱུར་མེད་ཐུགས་ལ༴ སྭཱ། ཆོས་དབྱིངས་རོལ་པ་ཆེན་པོ་ལས། །རྩལ་དང་རོལ་པར་མི་དམིགས་ཀྱང་། །ནམ་མཁའ་མཛོད་ཀྱི་ཆོ་འཕྲུལ་གྱིས། །ཡོན་ཏན་རེ་སྐོངས་ཕྱག་འཚལ་བསྟོད། ཧཱ། རང་བཞིན་ཅིར་ཡང་མ་ངེས་ཀྱང་། །དཀྱིལ་འཁོར་ཆེན་པོའི་ཆ་བཟུང་ནས། །རྟོག་མེད་དྲེག་པ་ངང་གིས་འདུལ། །ཕྲིན་ལས་མཛད་ལ་ཕྱག་འཚལ་བསྟོད། ཨོཾ་ཨཱཿཧཱུྃ་ན་མོ་ཧྲི་ད་ཡ་ཨོཾ་ན་མ༔ གཉིས་པ་བྱེ་བྲག་ཏུ་བསྟོད་པ་ལ་རྒྱས་པར་ནི་དཀྱིལ་འཁོར་ཕོ་བྲང་ལ་གཞལ་ཡས་དོན་གྱི་བསྟོད་པ་དང་། ལྷ་ཚོགས་རྣམས་ལ་མཚན་གྲངས་དང་རྒྱན་ཆས་བརྡ་རྟགས་ཀྱི་སྒོ་ནས་བསྟོད་པ་སོགས་མང་ཡང་། འདིར་མདོར་བསྡུས་དཀྱིལ་འཁོར་ཚོམ་བུར་དྲིལ་རེ་བསྟོད་པ་ནི། ཚིག་དང་མཐུན་པའི་དོན་ཡིད་ལ་དྲན་པའི་ངང་ནས་བསྟོད་དེ། ཧཱུྃ། དུས་གསུམ་བདེར་གཤེགས་ཆོས་རྣམས་རྫོགས་པའི་དཔལ། །ཞི་བ་ཡོངས་རྫོགས་ལྷ་ལ་ཕྱག་འཚལ་

[Full Size]

བསྟོད། དུས་གསུམ་བདེར་གཤེགས་ཡོན་ཏན་རྫོགས་པའི་དཔལ། ཆེ་མཆོག་ཡོངས་རྫོགས་ལྷ་ལ༴ དུས་གསུམ་བདེ་གཤེགས་ཐུགས་མཆོག་རྫོགས་པའི་དཔལ། ཡང་དག་ཡོངས་རྫོགས་ལྷ༴ དུས་སུམ་བདེ་གཤེགས་སྐུ་མཆོག་རྫོགས་པའི་དཔལ། གཤིན་རྗེ་ཡོངས་རྫོགས་ལྷ༴ དུས་གསུམ་བདེ་གཤེགས་གསུང་མཆོག་རྫོགས་པའི་དཔལ། དབང་ཆེན་ཡོངས་རྫོགས༴ དུས་གསུམ་བདེ་གཤེགས་ཕྲིན་ལས་རྫོགས་པའི་དཔལ། ཕུར་པ་ཡོངས་རྫོགས༴ དུས་གསུམ་བདེ་གཤེགས་གཟི་བརྗིད་རྫོགས༴ མ་མེ་ཡོངས༴ དུས་གསུམ་བདེ་གཤེགས་ཕྱག་རྒྱ་རྫོགས་པའི་དཔལ། རིག་འཛིན་ཡོངས་རྫོགས་ལྷ༴ དུས་གསུམ་བདེ་གཤེགས་མངོན་སྤྱོད་རྫོགས་པའི་དཔལ། །འཇིག་རྟེན་ཡོངས་རྫོགས་ལྷ༴ དུས་གསུམ་བདེ་གཤེགས་དམོད་མཐུ་རྫོགས་པའི་དཔལ། དྲག་སྔགས་ཡོངས་རྫོགས་ལྷ༴ ཕྲིན་ལས་བཞི་བསྒྲུབ་ཕྱི་ནང་བར་ཆད་སེལ། སྒོ་བ་སྒོ་མའི་ཚོགས་ལ༴ རྒྱལ་བའི་སྤྱན་སྔར་བསྟན་པའི་གཉེར་བླངས་པའི། བཀའ་ཉན་སྲུང་མའི་ཚོགས་ལ༴ ཕྱི་ནང་

[Full Size]

གསང་བའི་མཆོད་པ་འདི་བཞེས་ལ། །བླ་མེད་སྐུ་གསུང་ཐུགས་ཀྱི་དངོས་གྲུབ་རྣམས། །བདག་སོགས་མོས་པའི་བུ་ལ་སྩལ་དུ་གསོལ། ཉེར་བཞི་པ་བཤགས་པ་བྱ་བ་ནི། ཡི་དམ་གྱི་ལྷ་ཡང་ཡེ་གདོད་མ་ནས་རང་རིག་པ་ཆོས་ཀྱི་སྐུ་དང་ཐ་དད་མེད་ཅིང་འདུ་འབྲལ་སྐད་ཅིག་མེད་ཀྱང་དེ་ལྟར་མ་རྟོགས་པས་གཉིས་འཛིན་མཚན་མའི་བག་ཆགས་ལུ་གུ་རྒྱུད་ཀྱིས་དངོས་གྲུབ་ཀྱི་གེགས་སུ་གྱུར་པ་དེ་ཉིད་བཤགས་བྱ་བཤགས་བྱེད་ལས་འདས་པའི་ངང་དུ་མཉམ་པར་བཞག་ཅིང་། ཧཱུྃ། ཞི་ཁྲོ་བདེར་གཤེགས་ཡོངས་རྫོགས་དགོངས། །སྔོན་ནས་རང་དང་མཉམ་ཉིད་དོན། །མ་རྟོགས་རིས་ཚན་སོ་སོར་བཟུང་། །དབྱེར་མེད་རྣམ་དག་ཀློང་དུ་བཤགས། ས་མ་ཡ་ཨེ་ཧོ་ཤུདྡྷེ་ཨཱཿ ཞེས་དང་། ཧེ་རུ་ཀའི་ཡིག་བརྒྱ་ཡང་བཟླ་སྟེ། ཨོཾ་ཤྲཱི་བཛྲ་ཧེ་རུ་ཀ་ས་མ་ཡ་མ་ནུ་པ་ལ་ཡ། བཛྲ་ཧེ་རུ་ཀ་ཏེ་ནོ་པ་ཏིཥྠ། དྲི་དྡྷོ་མེ་བྷ་ཝ། སུ་ཏེ་ཥྱོ་མེ་བྷ་ཝ། ཨ་ནུ་རཀྟོ་མེ་བྷ་ཝ། སུ་སོ་ཥྱོ་མེ་བྷ་

[Full Size]

ཝ། སརྦ་སིདྡྷི་མྨེ་པྲ་ཡཙྪ། སརྦ་ཀརྨ་སུ་ཙ་མེ་ཙིཏྟཾ་ཤྲཱི་ཡཿཀུ་རུ་ཧཱུྃ། ཧ་ཧ་ཧ་ཧ་ཧོཿ བྷ་ག་ཝཱནཱ། བཛྲ་ཧེ་རུ་ཀ་མ་མེ་མུཉྩ་ཧེ་རུ་ཀོ་བྷ་ཝ། མ་ཧཱ་ས་མ་ཡ་ས་ཏྭ་ཨཱ་ཧཱུྃ་ཕཊཿ ཉེར་ལྔ་པ་ཛྲབ་བསྙེན་བྱ་ཞིང་དངོས་གྲུབ་བླང་བ་ལ་ཐོག་མར་ཛྲབ་ལ་ཞི་ཁྲོ་གཉིས་ལས་ཞི་བར་བསྙེན་་ཅིང་ཁྲོ་བོར་བསྒྲུབ། ཅེས་གསུངས་པའི་ཞི་བསྙེན་ལ་ཛྲབ་ཀྱི་དགོངས་པའི་ཏིང་ངེ་འཛིན་ནི། བདག་ཉིད་དཀྱིལ་འཁོར་དགུའི་ལྷ་ཐམས་ཅད་ཀྱི་དབུ་རྒྱན་རིགས་བདག་གི་ལྷ་ནི་སྤྱི་བོའི་གཙུག་ཏུ་པདྨ་ཉི་ཟླའི་གདན་ལ་ཁྱབ་བདག་ཀུན་བཟང་ཡབ་ཡུམ། དེའི་མདུན་དུ་མི་སྐྱོད་རྡོར་སེམས་ཡབ་ཡུམ་དང་། ཆེ་མཆོག་ཡོན་ཏན་གྱི་ལྷ་རྣམས་ཀྱི་དཔྲྲལ་བར་རིན་འབྱུང་། རྣ་ལྟག་གཡས་སུ་རྣམ་སྣང་ལྟག་པར་སྣང་མཐའ་རྣ་ལྟག་གཡོན་པར་དོན་གྲུབ་ཡབ་ཡུམ་སྟེ། སོ་སོའི་འཁོར་ཚོགས་ཀྱང་ཉི་མ་ལ་འོད་ཟེར་ཞར་འབྱུང་ལྟར་ལྷུན་གྲུབ་ཏུ་བཞུགས་པར་མོས། དེ་བཞིན་དུ། ཡང་དག་ཐུགས་ཀྱི་ལྷ་ཚོགས་རྣམས་ཀྱི་གཙུག་ཏུ་ཀུན་བཟང་ཡབ་ཡུམ་གྱི་མདུན་དུ་རྣམ་སྣང་། དཔྲལ་བར་མི་སྐྱོད། གཡས་སུ་རིན་འབྱུང་། རྒྱབ་ཏུ་སྣང་མཐའ། གཡོན་དུ་དོན་གྲུབ་དང་། འཇམ་དཔལ་སྐུའི་ལྷ་ཚོགས་ལ་གཞན་འདྲ་བ་ལས། དཔྲལ་བར་རྣམ་སྣང་

[Full Size]

པདྨ་གསུང་གི་ལྷ་ཚོགས་ དཔྲལ་བར་ བར་སྣང་མཐའ། ཕུར་པ་ཕྲིན་ལས་ལ་དཔྲལ་བར་དོན་གྲུབ། མཚམས་བཞིའི་ཤར་ལྷོ་བླ་མེད་ཧེ་རུ་ཀ་ལ་ཆེ་མཆོག་གི་ཇི་ལྟ་བ་དང་། ལྷོ་ནུབ་རིག་འཛིན་ལ་དཔྲལ་བར་རྣམ་སྣང་དང་། མཆོད་བསྟོད་དྲག་སྔགས་གཉིས་ཀྱི་དཔྲལ་བར་མི་སྐྱོད་དང་གཞན་རྣམས་མཚུངས་པ་སྟེ། དེ་ལྟར་ཞི་བའི་ལྷ་ཚོགས་ཐམས་ཅད་དབུའི་རྒྱན་ལ་རྫོགས་པར་བཞུགས་པ་ཐམས་ཅད་ཀྱི་སྐུ་གསུང་ཐུགས་ཀྱི་གནས་གསུམ་དུ་ཡི་གེ་གསུམ་དང་ཐུགས་ཀའི་ཧཱུྃ་ལ་རྩ་སྔགས་ཀྱིས་བསྐོར་བར་མོས་ཤིང་། ལྷ་ཐམས་ཅད་ཀྱི་ཞལ་ནས་ཛྲབ་ཀྱི་སྒྲ་བསྒྲག་པས། སྔགས་ཕྲེང་ལས་འདོག་ཕྲོས་པས་སྟོང་གསུམ་ཐམས་ཅད་ཞི་བའི་ལྷ་ཚོགས་དང་སྔགས་ཀྱི་སྒྲས་འུར་དིར་དུ་སོང་བ་དང་། ཕྱོགས་བཅུའི་རྒྱལ་བ་སྲས་བཅས་ཀྱི་བྱིན་རླབས་ཚུར་བསྡུས་ནས་ལྷ་རྣམས་ཀྱི་ཐུགས་ཀར་ཐིམ་པར་དམིགས་ལ། ཧཱུྃ། གསང་བ་ཡོངས་རྫོགས་དཀྱིལ་འཁོར་དུ། །ཆེ་མཆོག་དཔལ་དགུའི་དབུ་རྒྱན་ནང་། །ཐབས་ཤེས་ཉི་ཟླ་པདྨའི་སྟེང་། མི་སྐྱོད་རྣམ་པར་སྣང་མཛད་དང་། རིན་འབྱུང་སྣང་མཐའ་དོན་ཡོན་གྲུབ། །ཡུམ་ཆེན་ཀུན་བཟང་སངས་རྒྱས་སྤྱན། །མཱ་ཀི་གོས་དཀར་དམ་ཚིག་སྒྲོལ། །རྒྱལ་བ་ཡབ་ཡུམ་ཕྱག་མཚན་བཅས། །ཀུན་བཟང་

[Full Size]

ཡབ་ཡུམ་དགྱེས་པར་སྦྱོར། །སྲས་མཆོག་སེམས་དཔའ་སེམས་མར་བཅས། །སྤྲུལ་སྐུ་ཐུབ་དྲུག་མཐར་བྱེད་བརྒྱད། །མཉེན་ལྕུག་འཁྲིལ་ལྡེམ་གཞོན་ཚུལ་ཅན། །གསལ་འཚེར་ལྷུན་སྡུག་གཟི་བརྗིད་འབར། །དབུ་རྒྱན་ཅོད་པན་འཕྲེང་བ་དང་། །དོ་ཤལ་དཔུང་རྒྱན་སེ་མོ་དོ། །རིན་ཆེན་དར་དཔྱངས་ཆས་རྣམས་རྫོགས། །གསུང་ནི་ཡང་སྙིང་སྔགས་སྒྲ་སྒྲོག །ཐུགས་ནི་རང་བྱུང་ཡེ་ཤེས་གསལ། །ཛྲབ་ཀྱིས་སྐུ་གསུང་ཐུགས་རྒྱུད་བསྐུལ། །སྤྲོས་པས་སྟོང་གསུམ་སྐུ་ཡིས་གང་། །སྐུ་ལས་གསུང་བྱོན་སྔགས་འབྲུག་ལྡིར། །བསྡུས་པས་ཆོས་དབྱིངས་མཁའ་ལ་ཐིམ། །མ་གསལ་བར་དུ་བསྐྱེད་ཅིང་སྒོམ། །མ་སྒྲུབ་བར་དུ་མི་བཏང་ངོ་། །ཞེས་གསལ་གདབ་ཅིང་དམ་བཅས་ལ། །ཛྲབ་དངོས་ལ་གསུམ་གྱི་དང་པོ་ཞི་བ་དམ་པ་རིགས་བརྒྱའི་རྩ་སྔགས་ནི། ཨོཾ་ཨཱཿལི་ཀཱ་ལོ་ཛྙཱ་ན་པཉྩ་སཏྭ་ཀྲོ་དྷ་མུ་ནི་ཡེ་སྭཱ་ཧཱ། ཞེས་བཞི་བཅུ་རྩ་གཉིས་ཀྱི་རྩ་སྔགས་ནི། ཨོཾ་བོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷ་ཏུ་ཨཱཿགཙོ་བོ་རིགས་ལྔ་ཡབ་ཡུམ་ཀྱི་སྙིང་པོ་ནི་

[Full Size]

ཨོཾ་ཨཱཿཧཱུྃ་སྭཱ་ཧཱ། མུྃ་ལཱྃ་མྃ་པྱྃ་ཏཱྃ། ཞེས་པའི་ཛྲབ་རྣམས་བརྒྱ་སྟོང་ཁྲི་འབུམ་ལ་སོགས་ལ་ལོང་སྐབས་དང་བསྟུན་ཏེ་བཟླས་པའི་མཐར་སྟོང་ཚིག་ཀྱི་མཆོད་པ་ནི། །བདེར་གཤེགས་ཞི་བའི་ལྷ་ཚོགས་སྤྱན་འདྲེན་གཤེགས། །ཕྱི་ནང་གསང་བའི་ཛྲབ་བསྙེན་མཆོད་པ་འབུལ། །སྐུ་གསུང་ཐུགས་དང་ཡོན་ཏན་ཕྲིན་ལས་བསྟོད། །ཉམ་ཆགས་འགལ་འཁྲུལ་ཅི་མཆིས་མཐོལ་ལོ་བཤགས། མ་ཧཱ་པཉྩ། རཀྟ། བ་ལིནྟ། སརྦ་པཱུ་ཛ་ཁཱ་ཧི། ཞི་བའི་ལྷ་ཚོགས་ཁྱེད་སྐུ་ཅི་འདྲ་དང་། ཞེས་སོགས་ཀྱི་སྨོན་ལམ་ཡང་གདབ་བོ།། ༈ །།གཉིས་པ་ཁྲོ་བོར་སྒྲུབ་པའི་ལས་རིམ་གྱི་ཛྲབ་དགོངས་ནི། དེ་ཡང་སྒྲུབ་པ་ཆེན་པོའི་སྐབས་ལྟ་བུར་ནི་འཛབ་དགོངས་རྒྱས་པའི་གཞུང་ལྟར་དགོས་མོད་ཀྱང་། ལས་བྱང་གི་སྐབས་འདིར་ནི། ཕྲ་མོའི་ཏིང་འཛིན་ཡིད་ལ་གསལ་བས་རང་གི་གནས་སྦྱང་བ། བཟླས་བརྗོད་བསྙེན་པའི་འཕྲོ་འདུས་ཡེ་ཤེས་ཀྱི་ལྷ་ཉེ་བར་བསྙེན་པ། གསང་བ་བྱང་ཆུབ་སེམས་ཀྱི་འཕྲོ་འདུས་དངོས་གྲུབ་ཡུམ་གྱི་མཁར་བསྡུ་བ་དང་གསུམ་གྱི་ཛྲབ་དགོངས་ཡིན་ཏེ། དེ་ཡང་བདག་ཉིད་གཙོ་བོ་ཡབ་ཡུམ་དམ་ཚིག་སེམས་དཔའི་ཐུགས་ཀར་རིགས་འདུས་ཡེ་ཤེས་

[Full Size]

སེམས་དཔའ་དཀར་པོ་རྡོར་སེམས་ཀྱི་ཆ་བྱད་ཅན་དུ་གསལ་བའི་ཐུགས་རིན་པོ་ཆེ་ཟུར་བརྒྱད་པའི་ནང་དུ་ཉི་མའི་གདན་ལ་ཏིང་འཛིན་སེམས་དཔའ་རྡོ་རྗེ་རྩེ་ལྔ་སྔོན་པོའི་ལྟེ་བར་ཧཱུྃ་མཐིང་ནག་གི་མཐའ་སྐོར་དུ་གཙོ་བོའི་སྔགས་ཀྱིས་བསྐོར་བར་གསལ་བ་ནི་རང་གི་གནས་སྦྱང་བའོ། །དེ་ནས་ཛྲབ་བཟླས་པ་ཙམ་གྱིས་ཡེ་ཤེས་སེམས་དཔའི་ཐུགས་ཀར་བསྐར་བའི་སྔགས་འཕྲེང་སྔོ། རྒྱངས་ཀྱི་གྱེན་དུ་བྱུང་ནས་མགྲིན་པའི་ལམ་ནས་ལྗགས་ཀྱི་སྟེང་དུ་གསུང་གི་སྙིང་པོ་ཨཱཿལ་བསྐོར་བ་གཅིག་བྱས། སླར་ཤངས་བུག་གཡས་ནས་ཡར་བརྒྱུད་དེ་སྤྱི་བོའི་ཨཱོཾ་ལ་སྐོར་བ་བྱས་ནས་མར་ལ་ཤངས་བུག་གཡོན་གྱི་སྐོར་ཐོན་པ་ཡུམ་གྱི་ཤངས་བུག་གཡས་སུ་ཞུགས་ཤིང་ཐུགས་ཀའི་ཧཱུྃ་ལ་སྐོར་བ་བྱས་ཏེ་གསང་བའི་པདྨོར་བབས་པར་བསམ་ཞིང་ཛྲབ་བཟླ་བ་ནི་ཡེ་ཤེས་ཀྱི་ལྷ་ཉེ་བར་བསྙེན་པའོ། དེ་ནས་ཡུམ་གྱི་མཁའ་དབྱིངས་ནས་སྔགས་ཕྲེང་ལས་འོད་ཟེར་ཕྱོགས་བཅུར་འཕྲོས་པས་རྒྱལ་བ་ཐམས་ཅད་མཆོད། དེ་དག་གི་ཐུགས་རྗེ་བྱིན་རླབས་དངོས་གྲུབ་བསྡུས་ནས་ཡུམ་གྱི་པདྨར་བསྐྱིལ་བ་དེ་ཡབ་ཀྱི་གསང་རྡོར་གྱིས་རྔུབ་སྲེ་ཡར་དྲངས་ནས་ཐུགས་ཀའི་ཧཱུྃ་ལ་ཐིམ་པར་དམིགས་པ་ནི་བྱང་ཆུབ་སེམས་ཀྱི་འཕྲོ་འདུས་དངོས་གྲུབ་བསྡུ་བའོ། དེ་ལྟ་བུ་གཙོ་བོའི་ཛྲབ་དགོངས་འདི་ནི་བསྙེན་སྒྲུབ་ཡན་ལག་

[Full Size]

བཞི་ཡོངས་རྫོགས་ཀྱི་དགོངས་པ་ཡིན་པས་གཙོ་འཁོར་ཐམས་ཅད་ཀྱི་ཛྲབ་དགོངས་འདི་ཀས་འགྲུབ་པར་གསུང་མོད་ཀྱི། རྒྱས་པར་སྤྲོ་ན་གཙོ་བརྒྱད་རྣམས་ལ་གོང་གི་འདི་དང་མཚུངས་པར་བསྒོམ་ཞིང་། འཁོར་ཐམས་ཅད་ལ་ཐུགས་སོགས་ལ་སྔགས་ཕྲེང་གིས་བསྐོར་བར་མོས་པ་ཙམ་གྱིས་འགྲུབ་བོ། ཧཱུྃ། དབུས་ཕྱོགས་འཁོར་ལོའི་གཞལ་ཡས་ནས། །ཟླ་གམ་དབང་ཆེན་ཨེ་དཀྱིལ་དུ། །བྱོལ་སོང་གཙོ་བརྒྱད་དྲེགས་པའི་སྟེང་། །ཐབས་ཤེས་ཉི་ཟླ་འོད་ཀྱི་དཀྱིལ། །མ་ཆགས་པདྨའི་གེ་སར་ལ། །བཅོམ་ལྡན་ཆེ་མཆོག་ཧེ་རུ་ཀ །ཡུམ་ཆེན་གནམ་ཞལ་དབྱིངས་ཕྱུག་མ། །གཉིས་མེད་འཁྲིལ་སྦྱོར་ཆ་ལུགས་ནི། །སྒེག་པ་དཔའ་བ་འཇིགས་སུ་རུང་། །རྒོད་དང་གཤེད་དང་སྙིང་རྗེ་རྔམ། །འབར་ཁྲོ་ཞི་སོགས་གར་དགུར་ལྡན། །སྐུ་ལ་དུར་ཁྲོད་ཆས་རྣམས་རྫོགས། །གསུང་ནི་དྲག་པོའི་སྔགས་སྒྲ་སྒྲོག །ཐུགས་ནི་སྒྲོལ་མཛད་སྲོག་དང་བཅས། །ཛྲབ་ཀྱི་སྐུ་གསུང་ཐུགས་རྒྱུད་བསྐུལ། ཕཊཿཀྱིས་སྤྲོས་པས་སྟོང་གསུམ་

[Full Size]

གང་། །བསྡུས་པས་ཡུམ་གྱི་མཁའ་ལ་འཁྲིལ། །གསང་བའི་སྦུབས་ནས་ཐུགས་ཀར་ཐིམ། །མ་གསལ་བར་དུ་བསྐྱེད་ཅིང་སྒོམ། །མ་གྲུབ་བར་དུ་མི་གཏང་ངོ་། །ཨོཾ་བཛྲ་ཀྲོ་དྷ་མ་ཧཱ་ཤྲཱི་ཧེ་རུ་ཀ་ཧཱུྃ་ཕཊཿ ཅེས་གཙོ་མཆོག་གི་སྙིང་པོ་ནན་ཏན་དུ་བཟླ་ཞིང་། འཁོར་རྣམས་ལ་ཅི་ནུས་སྐབས་དང་བསྟུན་ནས་རིམ་པར་བཟླའོ། ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊཿ ཡང་དག་ཐུགས་ཀྱི་སྙིང་པོའོ། ཨོཾ་ཧྲཱིཥཱིྚ་ཝི་ཏྲི་ཏཱ་ན་ན་ཧཱུྃ་ཕཊཿ འཇམ་དཔལ་གཤིན་རྗེའི་སྙིང་པོའོ། །ཨོཾ་ཧ་ཡ་གྲྀ་ཝ་ཧུ་ལུ་ཧུ་ལུ་ཧཱུྃ་ཕཊཿ པདྨ་གསུང་གི་སྙིང་པོའོ། །ཨོཾ་བཛྲ་ཀི་ལི་ཀི་ལ་ཡ་ཧཱུྃ་ཕཊཿ ཕུར་པ་ཕྲིན་ལས་ཀྱི་སྙིང་པོའོ། ཨོཾ་གུ་ཧྱ་ཛྙཱ་ན་ཤྲཱི་ཧེ་རུ་ཀ་ཀྲོ་དྷི་ཤྭ་རི་ཧཱུྃ་ཕཊཿ མ་མོ་རྦོད་གཏོང་གི་སྙིང་པོའོ། །ཨོཾ་བཛྲ་མ་ཧཱ་གུ་རུ་སརྦ་ཧཱུྃ་ཕཊཿ རིག་འཛིན་སློབ་དཔོན་གྱི་སྙིང་པོའོ། །ཨོཾ་བཛྲ་ཙཎྜ་སརྦ་དུཥྚན་ཧཱུྃ་ཕཊཿ མཆོད་བསྟོད་ཡོངས་རྫོགས་ཀྱི་སྙིང་པོའོ། །ཨོཾ་བཛྲ་སརྦ་དུཥྚན་ཨེ་ཛབྷྱོ་ཧཱུྃ་ཕཊཿ དམོད་པ་དྲག་སྔགས་འདུས་པའི་སྙིང་པོའོ།

[Full Size]

ཧཱུྃ། ཡང་སྤྲུལ་ཁྱུང་ཆེན་བཀའ་སྡོད་ཚོགས། །བཟླས་བརྗོད་བསྙེན་པའི་མཆོད་པ་བཞེས། ཨོཾ་ཁྲོམ་ག་རུ་ཌ་ཧཱུྃ་ཕཊཿ སརྦ་ཌཱཀྐི་ནི་ས་མ་ཡ་ཧྲིང་ཧྲིང་ཧཱུྃ་ཕཊཿ ཅེས། སྤྲུལ་པའི་ཁྱུང་ཆེན་དཀར་ནག་དང་། །དཔལ་གྱི་བཀའ་སྡོད་རྣམས་ཀྱི་སྲོག་སྔགས་ཀྱང་ཅུང་ཟད་བཟླའོ། །དེ་ལྟར་སྒྲུབ་པ་བཀའ་བརྒྱད་ཚོམ་བུ་དགུའི་ལྷ་ཚོགས་སོ་སོའི་ཛབ་བསྙེན་གྲུབ་པའི་མཐར། གསང་སྔགས་ཁྲོ་བོ་ཡོངས་འདུས་ཀྱི་སྙིང་པོ་བཀའ་བརྒྱད་བདུན་བརྒྱ་ཉེར་ལྔའི་སྤྱི་དྲིལ་བསྙེན་སྒྲུབ་ལས་སྦྱོར་གཅིག་ཏུ་དྲིལ་བའི་དྲག་སྔགས་ཆེན་མོ་སྤུ་གྲི་རེག་ཆོད་གནམ་ལྕགས་ཐོག་རྒོད་ལྟ་བུའི་བཟླས་པ་བྱ་བ་ནི། བདག་ཉིད་ལུས་ལྷའི་དཀྱིལ་འཁོར་ལྷ་ཚོགས་བདུན་བརྒྱ་ཉེར་ལྔ་ཡོངས་རྫོགས་རྣམས་ངག་སྔགས་ཀྱི་དཀྱིལ་འཁོར་དྲག་སྔགས་སོ་ལྔ་པ་ལྷ་ཐམས་ཅད་ཀྱི་ཞལ་ནས་འབྲུག་སྟོང་དུས་གཅིག་ལྡིར་བ་བཞིན་སྟོང་ཁམས་གང་བར་སྒྲོག་པ། སེམས་ཆོས་ཉིད་ཀྱི་དཀྱིལ་འཁོར་དུག་གསུམ་གཏན་སྤྲུགས་ཁམས་གསུམ་ཡོངས་སྒྲོལ་ཆེན་པོའི། ཐུགས་རྗེའི་སྟོབས་དང་རིག་རྩལ་གྱི་ངར་བསྐྱེད་དེ། བདག་ཉིད་ཀྱི་སྐུའི་བ་སྤུའི་བུ་ག་རེ་རེ་ཚུན་ཆད་ནས་ཡེ་ཤེས་མེའི་ཚ་ཚ་འགར་གྱི་ལྕགས་སྲེག་བརྡབ་པ་

[Full Size]

ལྟར་འཕྲོས་ཤིང་མེ་སྤུངས་གིས་སྣང་སྲིད་ཁེངས་པས། ཕྱི་སྐྱེ་འགྲོ་སེམས་ཅན་གྱི་ལས་དང་ཉོན་མོངས་པའི་ཕུང་པོ། །ནང་སྒྲུབ་པོའི་རྣམ་རྟོག་བག་ཆགས་འཁྲུལ་འཛིན། བར་གདོན་བགེགས་འབྱུང་པོ་གནོད་བྱེད་ཀྱི་ཚུལ་དུ་སྣང་ཚད་སྲིད་ཚད་ཐམས་ཅད་གཞོན་ཏུ་བསྲེག །རྡུལ་དུ་རླགས། སྐྱེ་མེད་ཀྱི་དབྱིངས་སུ་ཐིམ་པར་དམིགས་ལ། དྲག་སྔགས་ཆེན་མོ་འདི་ཉིད་གནམ་ལྕགས་ཀྱི་ཐོག་ལྟར་བཟླའོ། །ཨོཾ་བཛྲ་མ་ཧཱ་ཀྲོ་དྷ་པདྨ་ཀྲོ་དྷི་ཤྭ་རི་བཛྲ་ཀཱི་ལི་ཀཱི་ལ་ཡ། མ་ཧཱ་ཡཀྴ་ཀཱ་ལ་རཱུ་པ་ཀརྨ་རཾ་རཾ་ཛྭ་ལ་རཾ་ཧཱུྃ་ཕཊཿ དེ་ནས་སྟོང་ཚིག་ཀྱི་མཆོད་པ་ནི། །ཡེ་ཤེས་ལྷ་ཚོགས་སྤྱན་འདྲེན་གཤེགས། །ཕྱི་ནང་གསང་བའི་མཆོད་ཚོགས་འབུལ། །སྐུ་གསུང་ཐུགས་ཡོན་ཕྲིན་ལས་བསྟོད། །ཉམ་ཆགས་འགལ་འཁྲུལ་ཅི་མཆིས་བཤགས། །མ་ཧ་པཉྩ་བ་ལིནྟ་རཀྟ་ཁཱ་ཧི། དེ་ནས་སླར་ཡང་ལྷ་ཚོགས་རྣམས་ལ་གཏང་རག་གི་ཚུལ་དུ་བསྟོད་པར་བྱ་བ་ནི། །དང་པོ་ཞི་བའི་ལྷ་ཚོགས་ལ་བསྟོད་པ་བྱ་སྟེ། ཧཱུྃ། བཅོམ་ལྡན་བདེར་གཤེགས་ཀུན་བཟང་རིགས་ལྔ་ཡབ། །གདུལ་པ་འདུལ་ཕྱིར་ཁྲག་འཐུང་སྐུ་ལྔར་སྟོན། །

[Full Size]

བཟང་མོ་ལ་སོགས་ཀྲོ་དྷི་ཡུམ་དང་སྦྱོར། །སེམས་དཔའ་ལྕམ་དྲལ་མཐར་བྱེད་ཐུག་པ་དྲུག །དྲེགས་པ་འཇོམས་མཛད་གཏུམ་རྔམས་ཚོགས་དང་བཅས། །ཞི་བ་ཡོངས་རྫོགས་ལྷ་ལ་ཕྱག་འཚལ་བསྟོད། །མི་མངོན་དབྱིངས་ནས་གནས་འདིར་སྐུ་བསྐྱོད་ལ། །དམ་ཚིག་དཀྱིལ་འཁོར་འདི་ལ་བརྟན་པར་བཞུགས། །གཉིས་མེད་ངང་དུ་ཕྱག་འཚལ་མཆོད་པ་འབུལ། །སྨན་གཏོར་རཀྟ་སྦྱོར་དང་བསྒྲལ་མཆོད་བཞེས། །ཉམས་ཆག་འགལ་འཁྲུལ་ཕམ་ལྟུང་ཉེས་བྱས་བཤགས། །ཞི་རྒྱས་དབང་དྲག་ལས་བཞིའི་དངོས་གྲུབ་སྩོལ། །གཞན་སྤྲུལ་གནོད་བྱེད་ཐམས་ཅད་བཟློག་པ་དང་། །བླ་མེད་སྐུ་གསུང་ཐུགས་ཀྱི་དངོས་གྲུབ་སྩོལ། དེ་ནས་ཁྲོ་བོའི་ལྷ་ཚོགས་ཚོམ་བུ་དགུའི་དཀྱིལ་འཁོར་ལ་བསྟོད་པ་ནི། ཧཱུྃ། །བཅོམ་ལྡན་དཔལ་ཆེན་ཆེ་མཆོག་ཧེ་རུ་ཀ །གཉིས་མེད་ཡུམ་ཆེན་གནམ་ཞལ་དབྱིངས་ཕྱུག་འཁྲིལ། །རིགས་བཞི་ཧེ་རུ་ཡབ་ཡུམ་ཡོན་ཏན་སྲས། །སྤྲུལ་པའི་ཁྲོ་བཅུ་སྒོ་སྐྱོང་འཁོར་གྱིས་བསྐོར། །

[Full Size]

བདེར་གཤེགས་དགོངས་འདུས་ཆེ་བའི་ཡོན་ཏན་རྒྱས། །ཆེ་མཆོག་ཡོངས་རྫོགས་ལྷ༴ བཅོམ་ལྡན་དཔལ་ལེན་བཛྲ་ཧེ་རུ་ཀ །གཉིས་མེད་ཡུམ་ཆེན་ཀྲོ་དྷི་ཤྭ་རི་འཁྲིལ། །ཁྲག་འཐུང་རིགས་བཞི་ཡབ་ཡུམ་ཐུགས་ཀྱི་སྲས། །གནས་དང་ཡུལ་གྱི་མ་ཚོགས་སྒོ་མར་བཅས། །དྲི་མེད་རྣམ་དག་ཐུགས་མཆོག་འགྱུར་བ་མེད། །ཡང་དག་ཡོངས་རྫོགས་ལྷ༴ བཅོམ་ལྡན་དཔེན་འཇམ་དཔལ་གཤིན་རྗེའི་གཤེད། །སྐུ་ལྔ་སྦྱར་དང་དུག་ལྔ་སྦྱོར་ཡུམ་འཁྲིལ། །གཤེད་བཞི་ཡབ་ཡུམ་སྐུ་ཡི་སྲས་དང་བཅས། །ཕྱོགས་སྐྱོང་གིང་བདུད་སྒོ་བཞི་ཕྲ་མེན་བསྐོར། །རབ་འཇིགས་རྔམས་པའི་སྐུ་མཆོག་ཁྱད་པར་ཆེ། །གཤིན་རྗེ་ཡོངས་རྫོགས་ལྷ་ལ༴ བཅོམ་ལྡན་དཔེན་རྟ་མགྲིན་པདྨ་དབང་། །པདྨ་གཟི་ལྡན་བདེ་ཆེན་ཡུམ་མཆོག་འཁྲིལ། །དབང་ཆེན་རིགས་བཞི་ཡབ་ཡུམ་གསུང་གི་སྲས། །ཕྲ་མེན་ཟིལ་གནོན་ཁྲོ་རྒྱལ་སྒོ་བར་བཅས། །གསུང་གི་དབང་ཕྱུག་རྟ་སྐད་ཕྱོགས་བཅུར་སྒྲོག །དབང་ཆེན་ཡོངས་རྫོགས་སྐུ༴ བཅོམ་ལྡན་དཔལ་ཆེན་

[Full Size]

རྡོ་རྗེ་གཞོན་ནུ་ཆེ། །གསང་ཆེན་རྒྱས་མཛད་འཁོར་ལོ་རྒྱས་འདེབས་འཁྲིལ། །ཕྲིན་ལས་སྲས་བཞི་ཁྲོ་བཅུ་ཡབ་ཡུམ་བཅས། །ཟ་གསོད་མ་ཚོགས་མིང་པོ་སྒོ་བས་བསྐོར། །ཕྲིན་ལས་བདག་ཉིད་རྩལ་ཆེན་འགྲོ་བ་འདུལ། །ཕུར་པ་ཡོངས་རྫོགས་ལྷ༴ བཅོམ་ལྡན་དཔེན་བླ་མེད་ཧེ་རུ་ཀ །དགྱེས་མཛད་ཡུམ་ཆེན་ཉིད་ཞི་མུ་ཁ་ལེ། །རྟག་རྒྱལ་མ་ལྔ་བདེ་ཆེན་ཀུན་བསྐྱེད་སྲས། །ཡེ་ཤེས་རྗེ་མོ་སྨན་མོ་སྒོ་སྐྱོང་ཚོགས། །ལས་ཀྱི་བདག་མོ་མ་མོ་རྦོད་གཏོང་འགྱེད། །མ་མོ་ཡོངས་རྫོགས་ལྷ༴ བཅོམ་ལྡན་དཔེན་རིག་འཛིན་ཐོད་པ་རྩལ། །གཉིས་མེད་ཡུམ་མཆོག་རྡོ་རྗེ་རྣལ་འབྱོར་འཁྲིལ། །ཐུགས་ཀྱི་སྲས་མཆོག་སློབ་དཔོན་རིགས་བཞི་དང་། །དཔའ་བོ་དཔའ་མོ་སྒོ་བཞི་སྲུང་མཛད་བཅས། །རྒྱུད་ལུང་མན་ངག་འགྲོ་འདུས་རིག་པ་འཛིན། །རིག་འཛིན་ཡོངས་རྫོགས་ལྷ་ལ༴ དྲེགས་པ་ཀུན་འདུལ་ཁྲོ་རྒྱལ་མི་བཟད་པ། ཁམས་གསུམ་སྲིད་པ་སྤྱི་འདུས་ཡུམ་

[Full Size]

མཆོག་འཁྲིལ། །ཐུགས་སྲས་ཕོ་ཉ་སྡེ་བཞི་ཡབ་ཡུམ་བཅས། །སྡེ་དཔོན་འཁོར་བཅས་སྒོ་སྐྱོང་དྲེགས་པའི་ཚོགས། །ཞི་རྒྱས་དབང་དྲག་ལས་རྣམས་ཅི་བཅོལ་བསྒྲུབ། །འཇིག་རྟེན་ཡོངས་རྫོགས་ལྷ༴ མཐུ་སྟོབས་རྩལ་ལྡན་རབ་གཏུམ་ཁྲོ་བོའི་རྒྱལ། །འབྱུང་ལྔའི་བདག་མོ་ཡུམ་ཆེན་སྐུ་ལ་འཁྲིལ། །ཐུགས་སྲས་སྔགས་བདག་ལས་མཁན་སྡེ་བཞིར་བཅས། །དམ་ཚིག་དབང་གིས་བསྟན་སྲུང་སྔགས་བདག་ཚོགས། །དྲེགས་པ་བཅོ་བརྒྱད་གདུག་པའི་མཚོན་ངར་ཅན། །དྲག་སྔགས་ཡོངས་རྫོགས་ལྷ་ལ༴ དུས་གསུམ་རྒྱལ་བ་ཡོངས་རྫོགས་སྤྱན་སྔ་རུ། །དམ་མནོན་རང་རྟགས་སྲོག་གི་སྙིང་པོ་ཕུལ། །བཀའ་སྩལ་གཉེར་བླངས་རྫུ་འཕྲུལ་གར་གྱི་བདག །མ་ལྟར་བྱམས་ཤིང་སྲིད་ལྟར་གདུངས་ལ་སོགས། །དཀྱིལ་འཁོར་ཚུལ་འཛིན་རྣལ་འབྱོར་ཡོངས་ལ་སྐྱོབས། །བཀའ་སྲུང་ཡོངས་རྫོགས་ལྷ་ལ༴ ཧཱུྃ། རྣམ་དག་ཡེ་ཤེས་ཐུགས་ཀྱི་དཀྱིལ་འཁོར་ནས། །འགྲོ་དོན་འདོད་དགུར་བསྒྱུར་བའི་གཙོ་

[Full Size]

དང་འཁོར། །ཇི་ལྟར་སྤྲུལ་ཡང་ཡེ་ཤེས་རིག་པའི་རྩལ། །རང་ཤར་རང་གྲོལ་བདེ་ཆེན་གཡུང་དྲུང་ལྷ། །རྣམ་དག་ཆོས་ཀྱི་དབྱིངས་ལས་མ་གཡོས་པས། །ཐམས་ཅད་ཆོས་སྐུར་ཡོངས་རྫོགས་ལྷ་ལ་བསྟོད། །བདུན་བརྒྱ་ཉེར་ལྔ་རྒྱལ་བ་ཐུགས་དམ་ཅན། །མི་མངོན་དབྱིངས་ནས་གནས་འདིར་སྐུ་བསྐྱོད་ལ། །ཞེས་པ་ལ་སོགས་པའི་འདོད་གསོལ་རྣམས་གོང་གི་ཞི་བའི་མཇུག་དང་མཚུངས་པར་བྱའོ། །དེ་ལྟར་ཛྲབ་བསྙེན་བསྟོད་པ་དང་བཅས་པ་གྲུབ་རྗེས། ཐུན་ལ་མཚམས་སུ་དངོས་གྲུབ་བླང་བ་ནི། བདག་ཉིད་ཀྱི་ཐུགས་སྲོག་ཧཱུྃ་ལས་འོད་ཟེར་འཕྲོས་ཏེ་རྒྱལ་བའི་དཀྱིལ་འཁོར་རབ་འབྱམས་ཡི་དམ་ལྷ་དང་མཁའ་འགྲོ་དམ་ཅན་ཆོས་སྲུང་ཐམས་ཅད་ལ་ཕོག་པས་ཐུགས་དམ་གྱི་རྒྱུད་བསྐུལ། སོ་སོའི་སྐུ་གསུང་ཐུགས་ཀྱི་གནས་རྣམས་ནས་བྱིན་རླབས་མཆོག་ཐུན་གྱི་དངོས་གྲུབ་ཐམས་ཅད་འདིར་ལྔ་ལྡན་གྱི་ཚུལ་དུ་བྱུང་ནས་བདག་གི་གསུམ་དུ་ཐིམ་པར་བསམ་ལ། ཧཱུྃ། ལྷ་དང་རིག་འཛིན་མཁའ་འགྲོ་དགོངས། །འདིར་འདུས་རིག་འཛིན་བདག་ཅག་རྣམས། །སྨིན་གྲོལ་གཉིས་ཀྱི་རྒྱུད་སྦྱངས་ཤིང་། །སྐྱེད་རྫོགས་གཉིས་ཀྱི་ལས་

[Full Size]

གཞུང་སྲོང་། །བསྙེན་སྒྲུབ་རྣམ་གསུམ་མཐའ་རུ་ཕྱིན། །ལས་དང་ཐུགས་རྗེ་མཐུན་པ་ཡི། །ཞི་རྒྱས་དབང་དྲག་ཡིད་བཞིན་གཏེར། །སྐུ་གསུང་ཐུགས་ཀྱི་དངོས་གྲུབ་སྩོལ། ཨོཾ་ཨཱཿཧཱུྃ། །ཀཱ་ཡ་ཝཀྩིཏྟ་སིདྡྷི་ཧཱུྃ་ཨཱཿ དེ་ཡན་ཆད་ཀྱི་དངོས་གཞིའི་ལས་རིམ་ཉེར་ལྔ་རྣམས་གྲུབ་ནས།། ༈ །།གསུམ་པ་རྗེས་ཀྱི་ལས་རིམ་བཅུ་གཅིག་ནི། རྩ་ཐོ་ལས། ཆེ་བ་བསྐྱེད་ཅིང་། ཕྲིན་ལས་བསྐུལ། ཚོགས་དང་། ལྷག་ཆོག གཏོར་སྐྱོང་བྱ། གཏོར་ཟོར། བསྟན་མ་རྣམ་བཞིའི་བྲོ། དཀྱིལ་འཁོར་བསྡུ། བཀང་རྒྱུན་སྤྱོད་བྱ། ཞེས་གསུངས་པའི་དང་པོར། ཆོག་གཞུང་ལ་ལར་ཐུགས་བསམ་བསྐུལ་བ་སོགས་ཚོགས་ཀྱི་ལས་རིམ་གྲུབ་པའི་རྗེས་ཐོག་ཏུ་འབྱུང་མོད་ཀྱི། འདིར་ནི་བསྙེན་སྒྲུབ་ལས་གསུམ་གྱི་གོ་རིམ་དང་བསྟུན་པས་སྐབས་འདིར་བྱུང་བར་སྣང་བས། དེ་ལས་ཐོག་མར་བཀའ་སྡོད་ཕོ་ཉའི་ཚོགས་ལ་ཕྲིན་ལས་གཞོལ་བར་བྱེད་པ་ལ་རང་ཉིད་ལྷའི་ང་རྒྱལ་དང་མ་ལྡན་ན་སྲུང་མ་དམ་ལ་མི་འདུ། ཟིལ་གྱིས་མི་ནོན། ལས་ལ་མི་ཁོལ་བའི་ཕྱིར། བདག་ཉིད་ཡེ་གདོད་མ་ནས་རང་བཞིན་ཆོས་སྐུ་ཀུན་ཏུ་བཟང་པོའི་ངོ་བོར་ལྷུན་གྱིས་གྲུབ་པའི་

[Full Size]

རང་གདངས་འགག་མེད་ཀྱི་རོལ་པ་ལས་གཟུགས་སྣང་ཐམས་ཅད་སྐུ། སྒྲ་སྒྲག་ཐམས་ཅད་སྔགས། དྲན་རྟོགས་ཐམས་ཅད་ཆོས་ཉིད་ཀྱི་རྣམ་རོལ་ཡིན་ལ་ཡིན་པར་ཤེས་པའི་ང་རྒྱལ་གྱི་དཔའ་གདེངས་བསྐྱེད་ལ། ཧཱུྃ། སྣང་སྲིད་ཐམས་ཅད་གཞལ་ཡས་ཁང་། །གཟུགས་སྣང་ཐམས་ཅད་ཧེ་རུ་ཀ །ཐམས་ཅད་ཐམས་ཅད་བྲན་དུ་ཁོལ། །ང་ལས་ཆེ་བ་སུ་ཡང་མེད། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཞེས་ཆེ་བ་བསྐྱེད་པས་སྣང་སྲིད་ཐམས་ཅད་མངའ་འོག་ཏུ་འདུས་པས་ཅི་བསྒོ་བའི་བཀའ་ཉན་པར་བསམ་མོ།། ༈ །།གཉིས་པ་ཕྲིན་ལས་བསྐུལ་བ་ནི། ཚོམ་བུ་དགུའི་ལྷ་ཚོགས་རྣམས་ལ་འགྲོ་བའི་དོན་དུ་ཐུགས་དམ་བསྐུལ་བ་ཙམ་གྱིས། ལྷ་ཐམས་ཅད་ལས་རང་འདྲའི་སྤྲུལ་པ་གྲངས་མེད་ཉི་ཟེར་གྱི་རྡུལ་བཞིན་སྤྲོས་ཏེ། འཇིག་རྟེན་གྱི་ཁམས་གང་བས་འཇིགས་བརྒྱད་ཞི་བ་དང་། འབྱོར་དྲུག་རྒྱས་པ་དང་། མོས་པ་རྣམ་བཞི་དབང་དུ་བསྡུ་བ་དང་། དགྲ་གེགས་འབྱུང་པོ་རྡུལ་དུ་རློག་པ་སོགས་ཕྲིན་ལས་གང་འདོད་ཐོགས་མེད་དུ་བསྒྲུབ་པར་དམིགས་ལ། ཧཱུྃ། ཆོས་སྐུ་སྐྱེ་མེད་ངང་ཉིད་ལས། །གཟུགས་སྐུ་འཇིགས་པའི་ཆ་ལུགས་བཞེངས། །ཞི་རྒྱས་དབང་དང་མངོན་སྤྱོད་ལས། །

[Full Size]

བཅོལ་བའི་ཕྲིན་ལས་གྲུབ་པར་མཛོད། ཧཱུྃ་སརྦ་དུཥྚན། ཨོཾ་ཤནྟིང་། པུཔུཥྚི༚། ཨ་ཝ་ཤམ། ཧཱ་མ་ར་ཡ་ཕཊ། སརྦ་སིདྡྷི་ཀུ་རུ་ཧཱུྃ་རྦོད་ཟོར་སརྦ་ཟློག་བྷྱོཿ ༈ །།གསུམ་པ་ཚོགས་ཀྱི་ལས་རིམ་རྣམས་ཀྱི་དང་པོར་བསང་སྦྱང་། བྱིན་གྱིས་བརླབས་པ་ནི། འདོད་ཡོན་གྱི་ལོངས་སྤྱོད་ཐབས་ཤེས་བཟའ་བཏུང་གཟུགས་སྒྲ་དྲི་རོ་རེག་བྱ་མ་ཚང་བ་མེད་ཅིང་སེར་སྣ་དང་རློམ་སེམས་ཀྱིས་མ་བསླད་པར་བསགས་ནས་ཞིང་ཆེན་གཡང་གཞིའམ་སྟག་པགས་སོགས་ཀྱི་གདན་ཁར་བཤམས་ལ། རྡོ་རྗེའི་ཕྱག་མཚན་དང་བཅས་པས་བདུད་རྩིའི་ཟེར་གྱིས་ཁྱབ་པར་འཐོར་ཏེ། ཨོཾ་ཨུཙྪུཥྨ་བཻ་ཏཱ་ལི་ཀྲོ་དྷ་ནཱི། སརྦ་དྲཱ་ཕྱཾ་སཾ་ཤོ་དྷ་ནི་ཧཱུྃ་ཕཊཿསྭཱ་ཧཱ། ཞེས་ཁྲོ་མོ་ཉེས་སྒྲིབ་ཟ་བྱེད་མའི་སྔགས་ཀྱིས་ཚོགས་ཀྱི་བགེགས་སྦྱང་། དེ་ནས་རང་རིག་མ་བཅོས་སྤྲོས་མེད་རྡོ་རྗེ་ལྟ་བུའི་ཏིང་འཛིན་གྱིས་འཁོར་འདས་བཟང་ངན་གཙང་རྩོགས་སོགས་ཀྱི་རྣམ་པར་རྟོགས་པ་བདེན་མེད་སྒྱུ་མར་ཤེས་པའི་ངང་ནས། བདག་སྐྱེད་ཀྱི་ཐུགས་སྲོག་ཧཱུྃ་ལས་ཡི་གེ་རཾ་ཡཾ་ཁཾ་འཕྲོས་པ་ལས་བྱུང་བའི་ཡེ་ཤེས་ཀྱི་མེ་རླུང་ཆུ་གསུམ་གྱིས་དྲི་མ་སྦྱང་། ཨཱོཾ་

[Full Size]

ཨཱཿཧཱུྃ་གསུམ་གྱིས་ཟག་མེད་ཀྱི་ལོངས་སྤྱོད་དུ་བྱིན་བརླབས་པར་མོས་ལ། ཧཱུྃ། རྡོ་རྗེ་ལྟ་བུའི་ཡེ་ཤེས་ཀྱིས། །ཆོས་ཀུན་ཐམས་ཅད་སྒྱུ་མར་རིག །རིག་པའི་ཡེ་ཤེས་རྃ་ཡྃ་ཁྃ། །ཚོགས་ཀྱི་དངོས་པོ་སྲོག་སྦྱང་བཀྲུ། རྃ་ཡྃ་ཁྃ། རྃ་སྥ་ར་ཎ་ཕཊཿ སྃ་ཧ་ར་ཎ་ཧཱུྃ། ཡྃ་སྥ་ར་ཎ་ཕཊཿ སྃ་ཧ་ར་ཎ་ཧཱུྃ། ཁྃ་སྥ་ར་ཎ་ཕཊཿ སྃ་ཧ་ར་ཎ་ཧཱུྃ། ཨོཾ་ཨཱཿཧཱུྃ། །ལྷར་གསལ་ཐུགས་ལས་སྦྱང་ཡིག་འཕྲོས། རྃ། རཾ་ལས་མེ་བྱུང་དངོས་འཛིན་བསྲེག །ཡྃ། ཡཾ་ལས་རླུང་འབྱུང་བག་ཆགས་གཏོར། ཁྃ། ཁཾ་ལས་ཆུ་བྱུང་གཉིས་འཛིན་བཀྲུ། །རང་ཉིད་ལྷ་ཡི་ཐུགས་ཀ་ནས། །བྱིན་གྱིས་རློབས་པའི་ཡི་གེ་སྤྲོ། ཧཱུྃ། ཧཱུྃ་གིས་རྣམ་པར་རྟོག་པ་སྦྱང་། ཨཱཿ ཨཱཿཡིས་ཡེ་ཤེས་བདུད་རྩིར་བསྒྱུར། ཨོཾ། ཨོཾ་གིས་འདོད་ཡོན་སྣང་། ཧྲཱིཿ ཧྲཱིཿཡིས་ཐུགས་ཀར་ལྷ་ཚོགས་དགྱེའོ། ཞེས་བྱིན་བརླབ་ཅིང་།། ༈ །།དེ་ནས་ཚོགས་མགྲོན་སྤྱན་དྲངས་

[Full Size]

དྲངས་ཤིང་ཕྱག་མཆོད་བྱ་བ་ནི། བདག་ཉིད་ཀྱི་ཐུགས་ཀ་ནས་ཚད་མེད་བཞིའི་ལྷ་མོ་དཔག་ཏུ་མེད་པ་འཕྲོས་པས། རང་བཞིན་གྱི་གནས་རྣམས་ནས་རྒྱལ་བ་སྲས་བཅས་བླ་མ་ཡི་དམ་མཁའ་འགྲོ་དམ་ཅན་མཐའ་དག་སྤྱན་དྲངས་ནས་མདུན་གྱི་ནམ་མཁར་བཞུགས་པར་མོས་ལ། ཧཱུྃ། རྒྱལ་བ་ཞི་ཁྲོའི་ལྷ་ཚོགས་རྣམས། །ཡེ་ཤེས་རོལ་པའི་ཚོགས་ལ་གཤེགས། །དམ་ཚིག་དཀྱིལ་འཁོར་གནས་འདིར་བཞུགས། །བདག་དང་གུས་པས་ཕྱག་འཚལ་ལོ། །གཟུགས་སྒྲ་དྲི་རོ་རེག་བྱ་ཆོས། །མཛེས་སྙན་དྲི་ཞིམ་རོ་བདའ་ཞིང་། །རེག་བདེ་གླུ་གར་ཆོས་ཡིད་ཚིམ། །འདོད་ཡོན་མཆོད་པས་ཐུགས་དམ་བསྐང་། །དེ་ནས་ཚོགས་མཆོད་ཀྱི་བསྐང་བ་བྱ་བའི་སྔོན་དུ་བསྐང་ཡུལ་རྣམས་ལ་སྙན་གསན་དབབ་པའི་དགོངས་གསོལ་ནི། ཧཱུྃ། ཞི་ཁྲོ་བདེར་གཤེགས་ཡོངས་རྫོགས་ལྷ། །འགྲོ་ལ་ཕན་མཛད་ཐུགས་རྗེའི་བདག །སེམས་ཅན་ཡོངས་ཀྱི་གཉེན་གཅིག་པུ། །ཀུན་ནས་བདག་ལ་དགོངས་སུ་གསོལ། །ཞེས་པའི་མཐར་བཤགས་སྐོངས་དངོས་ནི། །ཚོར་དང་མ་ཚོར་བའི་དམ་ཚིག་ཉམས་ཆག་མཐའ་དག་མནོང་

[Full Size]

དང་བཅས་པས་མཐོལ་བཤགས་བྱ་སྟེ། ཧཱུྃ། ཤར་ནས་བཛྲ་ཨཀྵོ་བྷྱ། །རྡོ་རྗེ་རིགས་ཀྱི་ཐུགས་དམ་ལས། །ཞེ་སྡང་དམ་ཚིག་ཉམས་པོ་འཚལ། །འདི་ཡང་མི་འཆབ་མཐོལ་ལོ་བཤགས། །ལྷོ་ནས་རཏྣ་སམྦྷ་ཝ། །རིན་ཆེན་རིགས་ཀྱི་ཐུགས་དམ་ལས། །ང་རྒྱལ་དམ་ཚིག་ཉམས་པོ་འཚལ། འདི་ཡང་མི་འཆབ༴ ནུབ་ནས་པདྨ་དེ་ཝ་ཧྲཱིཿ པདྨ་རིགས་ཀྱི་ཐུགས་དམ་ལས། །འདོད་ཆགས་དམ་ཚིག་ཉམས་པོ་འཚལ། འདི་ཡང་༴ བྱང་ནས་ཨ་མོ་བྷ་སིདྡྷི༴ ལས་ཀྱི་རིགས་ཀྱི་ཐུགས་དམ་ལས། །ཕྲ་དོག་དམ་ཚིག་ཉམས༴ འདི་ཡང་༴ དབུས་ནས་བཻ་རོ་ཙ་ན་ཨོཾ། དེ་བཞིན་རིགས་ཀྱི་ཐུགས་དམ་ལས། །གཏི་མུག་དམ་ཚིག་ཉམས༴ འདི་ཡང་༴ ཡང་ཡང་ཡང་མི་བྱེད་མཐོལ་ལོ་བཤགས། ལང་ལང་ལང་མི་འཆབ་མཐོལ་ལོ་བཤགས། ཧཱུྃ། རྩ་བའི་དམ་ཚིག་གསོ་བའི་ཕྱིར། །མཆེད་དང་སློབ་དཔོན་ཐུགས་དམ་བསྐང་། །མི་སྤང་དམ་ཚིག་གསོ་བའི་ཕྱིར། གཉིས་སུ་མེད་པའི༴ དང་དུ་བླང་བའི་དམ་ཚིག་ལས། །ཉམས་པ་གསོ་བར་བྱ་བའི་ཕྱིར།

[Full Size]

དམ་རྫས་ལྔ་ཡིས་ཐུགས་དམ་བསྐང་། །སྤྱད་པར་བྱ་བའི་དམ་ཚིག་ལས། ཉམས་པ་གསོ༴ སྦྱོར་དང་སྒྲོལ་བའི་ཐུགས་དམ་བསྐང་། སྒྲུབ་པར་བྱ་བའི་དམ་ཚིག་ལས། ཉམས་པ་གསོ༴ རིགས་ལྔ་དག་པས་ཐུགས་དམ་བསྐང་། ཤེས་པར་བྱ་བའི་དམ་ཚིག་ལས། ཉམས་པ༴ ཕུང་པོ་ཞིག་ཁྲོལ་འདི་ཡི་ཐུགས་དམ་བསྐང་། ཧཱུྃ། བསྐང་བ་མེད་དེ་ཁམས་གསུམ་ཡོངས་ཀྱིས་བསྐང་། །སྦྱོར་བ་མེད་དེ་སྲིད་གསུམ་ཡོང་ལ་སྦྱོར། །སྒྲོལ་བ་མེད་དེ་དུག་གསུམ་ཡེ་ནས་སྒྲོལ། །ཡེ་སྦྱོར་ཡེ་སྒྲོལ་ཆེན་པོས་ཐུགས་དམ་བསྐང་། །ཐུགས་དམ་གཉན་པོ་བསྐང་བའི་དམ་རྫས་ནི། །རྩ་བརྒྱད་སྟོང་ལས་སྦྱར་བའི་བདུད་རྩི་དང་། །ཁྱད་པར་རྨད་དུ་བྱུང་བའི་གཏོར་མ་དང་། །འཁོར་བ་རྒྱུ་ལས་བསྒྲལ་བའི་རཀྟ་དང་། །རྣམ་དག་རྒྱུད་ལས་བྱུང་བའི་བམ་ཆེན་དང་། །འབྲུ་བཅུད་སྟོང་ལས་སྦྱར་བའི་ཛཱ་གད་དང་། །ཕྱི་ནང་མཆོད་པའི་ཚོགས་ཀྱི་ཡོ་བྱད་ཀྱིས། །བཀའ་རྒྱུད་བླ་མ་རྣམས་ཀྱི་ཐུགས་དམ་བསྐང་། །ཞི་བ་ལྷུན་གྱིས་གྲུབ་པའི་དཀྱིལ་འཁོར་ནས། །བཞི་བཅུ་རྩ་གཉིས་རྒྱལ་བའི་ཐུགས་དམ་བསྐང་། ཁྲོ་བོ་རོལ་པའི་

[Full Size]

དཀྱིལ་འཁོར་ཆེན་པོ་ནས། །ཆེ་མཆོག་ཡོན་ཏན་ལྷ་ཚོགས༴ ཁྲག་འཐུང་རོལ་པའི༴ ཡང་དག་ཐུགས་ཀྱི་ལྷ༴ གཤིན་རྗེ་རོལ་པའི་དཀྱིལ་འཁོར༴ འཇམ་དཔལ་སྐུ་ཡི༴ དབང་ཆེན་རོལ་པའི༴ པདྨ་གསུང་གི༴ ཕུར་པ་རོལ་པའི༴ ཕུར་པ་ཕྲིན་ལས་ལྷ༴ ཤ་ཁག་རྒྱ་མཚོར་འཁྱིལ་བའི་དཀྱིལ་འཁོར་ནས། མ་མོ་རྦོད་གཏོང་༴ ཐུགས་རྗེ་གདུང་ཚོབ་སྐུ་ཡི་དཀྱིལ་འཁོར་ནས། རིག་འཛིན་བླ་མའི་ལྷ༴ དུག་ལྔ་མེ་ལྟར་འབར་བའི༴ འཇིག་རྟེན་མཆོད་བསྟོད༴ གཏུམ་དྲག་མེ་ལྟར་འབར་བའི་དཀྱིལ་འཁོར་ནས། དམོད་པ་དྲག་སྔགས་ལྷ༴ དཀྱིལ་འཁོར་དགུ་ཡི་བར་འཁྱམ་འཁོར་ཡུག་ནས། །བཀའ་སྲུང་དམ་ཅན་རྒྱ་མཚོའི་ཐུགས་དམ་བསྐང་། །ཞིང་ཆེན་བཅལ་དུ་བཀྲམ་པའི་དཀྱིལ་འཁོར་ནས། །ཕོ་ཉ་ལས་བྱེད་ཚོགས་ཀྱི༴ སངས་རྒྱས་བསྟན་པ་བསྲུང་བར་ཞལ་བཞེས་པའི། །སྔགས་བདག་སྡེ་དཔོན་སུམ་ཅུའི༴ ཕོ་རྒྱུད་མགོན་པོའི་ཚོགས་ཀྱི༴ མ་རྒྱུད་ལྷ་མོའི་ཚོགས་ཀྱི༴ གནོད་སྦྱིན་ནོར་ལྷའི་ཚོགས༴ དྲང་སྲོང་གཟའ་ཡི་ཚོགས་ཀྱི༴

[Full Size]

དམ་ཅན་དཔེ་སྲོག་གཙང་གསུམ་ཐུགས་དམ་བསྐང་། །ཡུལ་ལྷ་གཞི་བདག་རྣམས་ཀྱི་ཐུགས་དམ་བསྐང་། ཨོཾ་ཨཱཿཧཱུྃ། རྒྱལ་བ་ཞི་ཁྲོ་རྡོ་རྗེ་སློབ་དཔོན་དང་། །བདེར་གཤེགས་ཡོངས་རྫོགས་སྲུང་མ་དམ་ཚིགས་ཅན། །སྐུ་གསུམ་གདུང་ཚོབ་རྡོ་རྗེ་ལྕམ་དྲལ་མཆེད། །དཔང་གྱུར་སྐྱབས་མཆོག་མ་ལུས་དགོངས་སུ་གསོལ། །བདག་ནི་མ་རིག་ལུས་དང་ངག་སེམས་ཀྱིས། །སློབ་དཔོན་མཆེད་སོགས་སྐུ་སྨོད་ངན་སྨྲ་ཞིང་། །ཡི་དམ་སྔགས་དང་ཕྱག་རྒྱ་གསང་བའི་བསྒྲགས། །རྩ་བའི་དམ་ལས་འགལ་གྱུར་མཐོལ་ལོ་བཤགས། །ཤེས་བྱ་ལྔ་དང་སྤྱད་པར་བྱ་བ་ལྔ། །མི་སྤང་ལྔ་དང་བསྒྲུབ་པར་བྱ་བ་ལྔ། །དང་ལེན་ལྔ་སོགས་ཡན་ལག་དམ་ཚིག་རྣམས། །ཉམས་གྱུར་རང་མནོང་འགྱོད་པ་མཐོལ་ལོ་བཤགས། །སྔགས་ལ་ཐེ་ཚོམ་བླ་མེད་ཐེག་པ་སྨོད། །ལྟ་སྤྱོད་ཡ་བྲལ་བསྙེན་སྒྲུབ་གཞུང་མ་སྲོང་། །ལོང་ཡོད་ལེ་ལོས་དུས་ཀྱི་མཆོད་པ་ཆག །སྡོམ་གསུམ་ཐུན་མོང་དམ་ཉམས་མཐོལ་ལོ་བཤགས། །རིགས་པའི་རྩལ་ཆུང་སྙིང་པོའི་དོན་མ་རྟོགས། །སྒོམ་

[Full Size]

པའི་སྲན་ཆུང་གནས་ལུགས་སོ་མ་ཐུབ། །བློ་ཡི་སྟོབས་ཆུང་སྤྱོད་པའི་བོག་མ་ཐོན། །ལེགས་སམ་སྤྱད་ཀྱང་དོན་ལ་ཐུགས་འགལ་བསགས། །འབྲས་བུ་ཡིད་སྨོན་ལུས་པ་མཐོལ་ལོ་བཤགས། ཡིག་བརྒྱའང་བརྗོད། ཧཱུྃ། དུར་ཁྲོད་གསང་བ་མཆོག་གི་དཀྱིལ་འཁོར་འདིར། །གསང་བའི་ཕོ་བྲང་གཞུང་བཞིན་བཀོད་ནས་ཀྱང་། །སྒྲུབ་རྫས་གཉན་པོ་ཚུལ་བཞིན་བཀྲམ་ལགས་ན། །རྒྱལ་བ་ཞི་ཁྲོའི་ཐུགས་དམ་གཉན་བསྐོངས་ཏེ། །རྣལ་འབྱོར་བདག་ལ་གཡར་དམ་གསོར་སྩོལ་ཅིག །ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ། དེ་ནས་ཚོགས་ཀྱི་ཡོ་བྱད་ཆེ་ཆུང་ཇི་ཙམ་ཡོད་པ་དེ་ཐམས་ཅད་གསིལ་ནས་མང་དུ་སྤྲོས་ལ། དཀྱིལ་འཁོར་པ་ལ་ཇི་ཙམ་འབུལ་རྒྱུ་དེ་ལའང་རིམ་པ་གསུམ་སྟེ། དངོས་ཕུད། བར་པ་ཉམམ་ཆགས་བཤགས་རྟེན། ཐ་མས་གནོད་བྱེད་བསྒྲལ་སྟབས་བྱ་རྒྱུ་དང་། བར་དུ་སྒྲུབ་པ་པོ་རྣམས་དངོས་གྲུབ་ཏུ་ལོངས་སྤྱད་རྒྱུ་དང་། ཚོགས་ལྷག་ལ་ཡང་ཡར་གནས་ཀྱི་མགྲོན་རྣམས་ལ་གཙང་ལྷག་དང་། མར་གནས་རྣམས་ལ་སྒྲུབ་པ་པོ་རྣམས་ཀྱི་ལོངས་སྤྱོད་པའི་

[Full Size]

ལྷག་མ་བསྡུ་བའམ། འོན་ཀྱང་དིང་སང་ནི་ཆོ་ག་བ་ནུས་ལྡན་དགོན་པའི་གཤིས་ཀྱིས། རྡོ་རྗེ་སློབ་དཔོན་གཅིག་པུའི་བཞེས་ལྷག་ལ་བརྟེན་པའི་ཕྱག་སྲོལ་ཉིད་ལེགས་པར་སྣང་ངོ་། །དེ་ལས་ཐོག་མར་ཚོགས་ཕུད་རིམ་པ་གསུམ་གྱི་དང་པོ་ཚོགས་ཀྱི་རྩེ་མོ་དང་བཟའ་བཏུང་ཐམས་ཅད་ཀྱི་ཕུད་བསྡུས་ནས་རིན་ཆེན་སྣོད་དུ་ཡུངས་རེ་དཀྱིལ་འཁོར་རམ་གཏོར་མའི་དྲུང་དུ་འབུལ་ཞིང་། ཚོགས་ཀྱི་མཆོད་པ་དེ་ལས་གཟུགས་སྒྲ་དྲི་རོ་རེག་བྱའི་མཆོད་པ་ཐོགས་པའི་ལྷ་མོ་གྲངས་མེད་འཕྲོས་པས་མཆོད་ཡུལ་ལྷ་ཚོགས་ཐམས་ཅད་མཉེས་པའི་མཆོད་པ་འབུལ་བར་དམིགས་ཤིང་། ཧཱུྃ། བླ་མེད་མཆོག་གི་མཆོད་སྦྱར་བས། །ཡེ་ཤེས་ལྔ་ཡི་འོད་ཟེར་འཕྲོ། །འདོད་ཡོན་ལྷ་མོས་རབ་བརྒྱན་འབུལ། །དམ་སྐོངས་དབང་དང་དངོས་གྲུབ་སྩོལ། ཨོཾ་ན་མསྶ་རྤ་ཏ་ཐཱ་ག་ཏེ། བྷྱོ་བི་ཤྭ་མུ་ཁེ་བྷྱཿ སརྦ་ཐཱ་ཁཾ་ཨུཏྒ་ཏེ་སྥ་ར་ཎ་ཨི་མཾ། ག་ག་ན་ཁ་སྭ་ཧཱ། ཚོགས་ཕུད་བར་པ་ཡང་སྔར་བཞིན་གཏོར་མའི་དྲུང་དུ་ཕུལ་ཞིང་བཤགས་ཚིག་བརྗོད་པས། ཚོགས་གཏོར་དང་མཆོད་པའི་དངོས་པོ་ཞེན་ཅིང་མ་ཚང་བ་དང་སྒོ་གསུམ་གྱི་སྤྱོད་པ་ལ་སོགས་པའི་ཉེས་སྐྱོན་དག་ཅིང་ཐུགས་

[Full Size]

དམ་བསྐོངས་པར་མོས་ལ། ཧཱུྃ། མ་རིག་བདག་ཅག་ལུས་ངག་སེས། །བག་མེད་དམ་འགལ་འབྱོར་ཚོགས་ཆུང་། །བླ་མ་ཡི་དམ་མཁའ་འགྲོ་ཡི། །ཐུགས་དང་འགལ་གྱུར་བཟོད་པར་གསོལ། ཨ་ཧོ་མ་ཧཱ་སུ་ཁ་ས་མ་ཡ་ཧོ། ཚོགས་ཕུད་ཐ་མ་ལ་བསྒྲལ་སྟབས་བྱ་བ་ནི་དེ་ཡང་སྒྲུབ་ཆེན་ནམ། གཏོར་ཟློག་སོགས་དྲག་ལས་རྒྱས་པར་བྱ་བའི་སྐབས་དག་ཏུ་ནི་ལིངྒ་སོགས་བཅའ་གཞི་ཚང་བ་དང་། ཕུར་ཐུན་ཚོམ་བུར་བསྐུལ་བ་སོགས་ག་བ་ས་ལས་བརྒྱད་རྫོགས་པར་བྱ་དགོས་མོད་ཀྱི། ལས་གཞུང་རྒྱུན་ཁྱེར་གྱི་སྐབས་འདིར་ནི་ཚོགས་ཐ་མ་ལ་བརྟེན་ནས་དགུག་བསྒྲལ་སྟབས་གསུམ་མདོར་བསྡུས་ཙམ་བྱ་བ་ཡིན་ཏེ། ཚོགས་ཕུད་ཐ་མ་དེ་ཉིད་ཟན་དང་ཤ་ཁྲག་རུས་གསུམ་གཙོ་བོར་སྤུངས་ནས་ལྕགས་ཟེར་ལྟ་བུ་དྲག་པོའི་སྣོད་གཅིག་ཏུ་བཤམས་ལ། སྒྲོལ་བའི་ཕྱག་མཚན་ལྕགས་ཕུར་སོགས་ཐང་གསར་ནས། བརྗོད་ཚིག་དང་མཐུན་པའི་ཏིང་འཛིན་གསལ་ངར་དང་ལྡན་པས་བདག་ཉིད་གཙོ་བོའི་ཐུགས་ཀ་ནས་སྤྲུལ་པའི་ཆེ་མཆོག་བཛྲ་ཀཱི་ལ་ཡ་མཐིང་ནག་ཕྱག་གཉིས་ཕུར་བུ་འདྲིལ་ཞིང་། སྐུ་སྟོད་ཁྲོ་བོ་

[Full Size]

ཆེན་པོ་ལ་སྐུ་སྨད་གནམ་ལྕགས་ཀྱི་ཕུར་པ་རབ་ཏུ་རྣོ་བས་གཏམས་པ་མེ་སྤུངས་ཀྱི་ཀློང་ན་རྔམས་པར་བཞུགས་པའི་མདུན་ན། ལྕགས་ཀྱི་ཁང་སྒྲོམ་སྒོ་མེད་འཇིགས་སུ་རུང་བའི་ནང་དུ་གནོད་བྱེད་བསྒྲལ་བའི་ཞིང་དུ་གྱུར་པ་གང་ཡིན་དེ་དག་དབང་པོ་སྐྱེ་མཆེད་ཚང་ཞིང་ཡན་ལག་ལྕགས་སྒྲོག་གིས་བསྡམས་པ་མངོན་སུམ་དུ་གསལ་བར་གྱུར། ན་མོ། །རྗེ་བཙུན་རྩ་བ་དང་རྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་། སངས་རྒྱས་ཀྱི་བཀའ་བདེན་པ་དང་། ཆོས་ཀྱི༴ དགེ་འདུན་གྱི༴ གསང་སྔགས་དང་རིགས་སྔགས་དང་གཟུངས་སྔགས་དང་སྙིང་པོ་དང་ཕྱག་རྒྱ་དང་ཏིང་ངེ་འཛིན་གྱི་བདེན་པ་དང་། ཡི་དམ་ཞི་ཁྲོ་རབ་འབྱམས་སྒྲུབ་པ་བཀའ་བརྒྱད་ལྷ་ཚོགས་བདུན་བརྒྱ་ཉེར་ལྔ་སྤྲུལ་འཁོར་དང་བཅས་པའི་བདེན་པ་དང་། གནས་གསུམ་དཔའ་བོ་མཁའ་འགྲོ་ཆོས་སྲུང་བཀའ་སྡོད་དམ་ཅན་རྒྱ་མཚོ་དཀར་ཕྱོགས་ཡུལ་ལྷ་གཞི་བདག་དང་བཅས་པའི་བདེན་

[Full Size]

པ་དང་། དོན་དམ་ཆོས་ཀྱི་དབྱིངས་རྣམ་པར་དག་ཅིང་ཀུན་རྫོབ་བརྟེན་ཅིང་འབྲེལ་བར་འབྱུང་བ་རྒྱུ་འབྲས་བསླུ་བ་མེད་པའི་བདེན་པ་ཆེན་པོའི་སྟོབས་ལ་བརྟེན་ནས། སྤྱིར་སངས་རྒྱས་ཀྱི་བསྟན་པ་བཤིག་པ། དཀོན་མཆོག་གི་དབུ་འཕང་སྨོད་པ། དགེ་འདུན་གྱི་སྤྱི་དགྲ་བྱེད་པ། སེམས་ཅན་ཡོངས་ལ་གནོད་པ་ཁྱད་པར་དུ་ཡང་། རྡོ་རྗེའི་སློབ་དཔོན་གྱི་སྐུ་ལ་བདོ་བ། མཆེད་དང་ལྕམ་དྲལ་གྱི་དམ་ལས་འགལ་བ། རྣལ་འབྱོར་སྒྲུབ་པ་པོ་ལ་གནོད་ཅིང་འཚེ་བ། དམ་པའི་ཆོས་དང་བྱང་ཆུབ་སྒྲུབ་པ་ལ་བར་དུ་གཅོད་པར་བྱེད་པའི་གཟུགས་ཅན་གྱི་དགྲ། གཟུགས་མེད་ཀྱི་བགེགས། ལས་ངན་གྱི་སྲི། བཀའ་ལས་འདའ་བ། དམ་ལས་ཉམས་པ། ཁྲིམས་ལས་དྲལ་བ། ཞིང་བཅུར་གྱུར་པའི་དགྲ་གེགས་འབྱུང་པོ་གང་ཡིན་པ་དེ་དག་སྲིད་པ་གསུམ་གང་དུ་གནས་ཀྱང་། ཕོ་ཉ་ལས་མཁན་དྲེགས་པའི་ཚོགས་རྣམས་ཀྱི་ལྕགས་ཀྱུས་སྙིང་ནས་བཟུང་སྟེ་རང་དབང་མེད་པར་སྐད་

[Full Size]

ཅིག་ཙམ་ལ་ཚོགས་ཐ་མ་འདི་ལ་ཁུག་ཛཿ ནྲྀ་ཏྲི་བཛྲ་ཨང་ཀུ་ཤ་ཛཿ བཛྲ་པཱ་ཤ་ཧཱུ། བཛྲ་སྥོ་ཊ་བཾ། བཛྲ་གྷཎྜེ་ཧོ། ཞེས། རོལ་མོའི་སྒྲ་དྲག་པོ་དང་བཅས་པས་བཀུག་བསྟིམ་བྱ། དེ་ནས་ལྷ་ཚོགས་རྣམས་དྲག་པོའི་ཕྲིན་ལས་ལ་བསྐུལ་ཏེ། ཧཱུྃ། ཆོས་ཀྱི་དབྱིངས་ལས་རང་བྱུང་གྲུབ་པའི་ལྷ། །ཁྲོ་བོ་རོལ་པའི་དུར་ཁྲོད་ཆེན་པོ་ནས། །ཤིན་ཏུ་མི་བཟད་རབ་འཇིགས་སྐུར་སྟོན་པ། །དཔལ་ཆེན་ཡོངས་རྫོགས་དྲག་པོའི་ཕྲིན་ལས་མཛོད། ཧཱུྃ་ཧཱུྃ་བི་ཤྭ་ཀྲོ་དྷ་ཛྭ་ལ་མཎྜ་ལ་ཧཱུྃ་ཕཊཿ དེ་ནས་མགོན་སྐྱོབས་བྱེད་པའི་ལྷ་སྲུང་དང་འཕྲལ་ཏེ། ཧཱུྃ་བཛྲ་ཡཀྴ་ཀྲོ་དྷ་ཨ་ནྲྀ་དེ་ཝ་མ་ནུ་ཤག་ཕྱེ་ཕྱེ། དེ་ནས་བདག་ཉིད་ཧེ་རུ་ཀའི་རྒྱལ་གྱིས་ཕུར་པ་ཐལ་མོ་སྦྱར་བའི་བར་དུ་བཟུང་སྟེ་ལིངྒ་ལ་གཟིར་བས། འཁོར་འདས་སེམས་སུ་ཐག་ཆོད་པ་ནི་རིག་པ་ཆོས་སྐུ་ཡེ་ཤེས་ཀྱི་ཕུར་པ། དེ་ལྟར་མ་རྟོགས་པའི་སེམས་ཅན་འཁྲུལ་པ་ཨ་འཐས་ཀྱི་དགྲ་གེགས་ལ་ཚད་མེད་སྙིང་རྗེ་བསྐྱེད་པ་ནི་གསལ་མདངས་ལོངས་སྐུ་སྙིང་རྗེའི་ཕུར་པ། ལག་པའི་སོར་མོ་བཅུ་པོ་ཁྲག་འཐུང་རིགས་ལྔ་ཡབ་ཡུམ་སྦྱོར་བའི་སྲས་སུ་བཛྲ་ཀི་ལ་

[Full Size]

ཡ་བྱུང་བ་ནི་སྤྲུལ་སྐུ་རྫས་ཀྱི་ཕུར་པ་རེ། བདག་ཕུར་འབེན་གསུམ་སྐུ་གསུམ་གྱི་རྣམ་རོལ་དུ་ཤེས་པ་ནི་ལྟ་བའི་རྫོང་ཡིན་ཞིང་ཕུར་པའི་དབལ་རྩིར་ཧཱུྃ་ཡིག་ལས་མེ་འོད་འཕྲོས་པས་གནོད་བྱེད་དེའི་སྙིང་དཀྱིལ་དུ་ཡིད་ཀྱི་རྟེན་དབུགས་ཀྱི་དངས་མ་གཏོར། སྲོག་གི་རྟེན་ཁྲག་གི་དངས་མ་སྙམ། ཚེ་བསོད་ཀྱི་རྟེན་ཨ་ཡིག་དཀར་པོ་ཕུར་པའི་རྩེ་ལ་ཚུར་བྱུང་བ་བདག་གི་སྙིང་གར་བསྟིམ། རྣམ་ཤེས་ཀྱི་ནྲྀ་ལྗང་གུ་ཕུར་པའི་ཁོང་སེང་ནས་ཡར་བརྒྱུད་དེ་དཔལ་ཆེན་པོ་ནི་རུ་ཀའི་སྐུ་གསུང་ཐུགས་ལ་བསྟིམ་ཞིང་། སླར་ཡང་ཡབ་ཀྱི་དབུ་མའི་ལམ་བརྒྱུད་ནས་ཡུམ་གྱི་གསང་བར་བབས་པ་སྤྲུལ་པའི་སྲས་མཆོག་ཏུ་བལྟམས་ཤིང་འགྲོ་བའི་དོན་མཛད་པར་དམིགས་པ་ནི་སྒོམ་པའི་འཕྲང་། དེ་ལྟ་བུ་གསལ་སྟོང་ཟུང་འཇུག་ཐབས་ཤེས་དབྱེར་མེད་ཀྱི་སྒོ་ནས་སྒྲོལ་བ་ནི་སྤྱོད་པའི་སྲོག་སྟེ། རྫོང་འཕྲང་སྲོག་གསུམ་ཚང་བའི་ཏིང་འཛིན་དང་ལྡན་པས། གཟུགས་ལིང་གཏུབ་ཅིང་། ཧཱུྃ། ང་ནི་ཆེ་མཆོག་ཧེ་རུ་ཀ །གཡས་པ་ཐབས་ཀྱི་རང་བཞིན་ལ། གཡོན་པ་ཤེས་རབ་རང་བཞིན་ཏེ། །ཐབས་དང་ཤེས་རབ་སྦྱར་བ་ལས། །སྲས་མཆོག་བཛྲ་ཀཱི་ལ་

[Full Size]

ཡ། དགྲ་གེགས་སྒྲོལ་བའི་དུས་ལ་བབས། །གང་ལ་བྱ་བ་ཁྱེད་ཀྱིས་ཤེས། །ཡིད་ལ་བརྣག་པའི་དགྲ་གེགས་འདི། །མ་ཐོགས་མྱུར་དུ་སྒྲོལ་བར་མཛོད། ཅེས་པའི་མཇུག་ཏུ་དྲག་སྔགས་སོ་ལྔ་པའི་ཤམ་དུ། ཀརྨ་རཾ་རཾ་ཛྭ་ལ་རཾ། །དགྲ་གེགས་འབྱུང་པོ་མཱ་ར་ཡ་ཧཱུྃ་ཕཊ། ཅེས་བསྒྲལ་ཞིང་གནས་སྤར་བས་འབྲས་བུ་ཡེ་ཤེས་ཀྱི་ཚོགས་བསྒྲུབས་ཏེ། ཤ་ཁྲག་གཟུགས་ཀྱི་ཕུང་པོའི་ལྷག་རོལ་དེ་ཉིད་ཤའི་ཕུང་པོ། ཁྲག་གི་རྒྱ་མཚོ། རུས་པའི་རི་བོར་གྱུར་པ་དེ་དག་ལྷ་ཚོགས་རྣམས་ཀྱི་ཞལ་དུ་སྟབས་པས་རྒྱུ་བསོད་ནམས་ཀྱི་ཚོགས་རྫོགས་ཤིང་འཁོར་བའི་རྒྱུ་རྐྱེན་རྩད་ནས་ཆོད་པར་བསམ་ལ་བསྒྲལ་བའི་རོ་མ་རྣམས་དཀྱིལ་འཁོར་དུ་འབུལ་ཞིང་། ཧཱུྃ། དཔལ་ཆེན་ཁྲག་འཐུང་ལྷ་ཚོགས་ཞལ་ཕྱེ་ཅིག །བག་ཆགས་ཀུན་སྦྱོང་འཁོར་བའི་ལམ་དགག་ཕྱིར། །དགྲ་གེགས་བསྒྲལ་བའི་དུག་གསུམ་ཤ་ཁྲག་རུས། །ཟ་བྱེད་མི་འགྱུར་ཆོས་ཉིད་ཀློང་དུ་རོལ། །བཛྲ་ཡཀྵ་ཀྲོ་དྷ་བི་ཛ་ཡེ་ཁཱ་ཧི། དེ་ལྟར་དཀྱིལ་འཁོར་ལྷ་ཚོགས་ལ་ཚོགས་མཆོད་གྲུབ་པའི་རྗེས་ལ་ལྷག་མའི་མགྲོན་ཡར་གནས་ཡེ་ཤེས་པ་ལ་འབུལ་རྒྱུའི་གཙང་ལྷག་སྣོད་

[Full Size]

བཟང་པོར་བླུག་ནས་དཀྱིལ་འཁོར་གྱི་འགྲམ་དུ་བཞག་པ་དང་། བར་འདིར་སློབ་དཔོན་མཆེད་ལྕམ་རྣམས་ཚོགས་ཀྱི་དངོས་གྲུབ་བླང་བ་ནི། ལྷ་ཚོགས་ཀྱི་གནས་གསུམ་འབྲུ་གསུམ་ལས་འོད་འཕྲོས་པས་ཚོགས་ལ་ཐིམ་པས་ཡིད་བཞིན་ནོར་བུ་ལྟར་ཅི་འདོད་ཀྱི་དངོས་གྲུབ་འབྱུང་བར་མོས་ལ། ཚོགས་རྫས་ཀྱི་དངོས་པོ་གང་ཡོད་སྣ་ཚང་དུ་རིམ་པར་དྲངས་ཤིང་ཧོ། །ཞལ་ཟས་ཚོགས་ཀྱི་མཆོད་པ་འདི། །འདོད་ཡོན་མ་སྤངས་ལོངས་སྤྱོད་བརྒྱན། །དངོས་གྲུབ་སྣ་ཚོགས་འདི་ལས་འབྱུང་། །རྣལ་འབྱོར་དགྱེས་པར་ཚོགས་ལ་རོལ། །སིདྡྷི་ཕ་ལ་ཨ་ལ་ལ་ཧེ། ཞེས་བརྗོད་ནས་རང་རང་སྒོ་གསུམ་ལྷའི་རྣལ་འབྱོར་དང་ལྡན་པས་ཚོགས་ལ་རོལ་ཞིང་། དེ་ཚེ་ཚོགས་ཀྱི་ཟས་ལ་བཟང་ངན་ཞིམ་མངར་གྱི་སྤོང་ལེན་མི་བྱ། ཚོགས་རྫས་ལ་ཐ་མལ་གྱི་མིང་མི་འབོད། བྱིན་གྱིས་བརླབས་པའི་རྫས་ཡིན་པས་ཟོས་ལྷག་སོགས་གང་བྱུང་དུ་མི་བསྐྱུར། བཟི་བ་དང་ཀུ་ཅོ་འཐབ་རྩོད་བག་མེད་པའི་སྤྱོད་པ་མི་བྱ། རྡོ་རྗེའི་གླུ་གར་བྱ་བར་གསུངས་ནའང་གསང་སྔགས་ཟབ་མོའི་རྒྱུད་ནས་གསུངས་པའི་རྡོ་རྗེའི་ཚིག་དང་གྲུབ་པའི་རིག་འཛིན་དག་གི་ཉམས་རྟོགས་

[Full Size]

པར་ཤར་བའི་རྡོ་རྗེའི་མགུར་སོགས་མ་གཏོང་འཇིག་རྟེན་གྱི་གླུ་གར་མི་བྱ་བ་ལ་སོགས་མདོར་ན་ཚོགས་ཀྱི་འཁོར་ལོའི་དམ་ཚིག་རྣམས་དང་མི་འགལ་བར་བྱ་ཞིང་། མཇུག་ཏུ་ཧེ་རུ་ཀ་ཡི་དཀྱིལ་འཁོར་དུ། །ཚོགས་ཀྱི་འཁོར་ལོས་མཆོད་པ་ཡིས། །བདག་གཞན་འགྲོ་བ་མ་ལུས་པ། །དཀྱིལ་འཁོར་གཅིག་ཏུ་འགྲུབ་པར་ཤོག །ཅེས་པའི་སྨོན་ལམ་ཀྱང་གདབ་པོ། །བཞི་པ་ལྷག་མའི་ཆོ་ག་ལ། ཚོགས་གཞོང་སོགས་སྣོད་རྣམས་ཀྱི་ནང་དུ་ཚོགས་རྫས་ལྷག་རོལ་ཇི་ཙམ་ཡོད་པ་ཐམས་ཅད་སྣོད་ཆེ་བ་གཅིག་ཏུ་སྤུངས་པའི་ཁར་རྡོ་རྗེ་སློབ་དཔོན་གྱི་བཞེས་ལྷག་རྣམས་བཅུག་ལ། སློབ་དཔོན་ནུས་ལྡན་ཡིན་ན་སོར་མོ་ནང་དུ་བསྣོལ་བ་རྡོ་རྗེ་དྲ་མིག་གི་ཕྱག་རྒྱའི་ཁོང་སེང་ནས། བདུད་རྩི་ཨ་མྲྀ་ཏ་ཞལ་དུ་འཐོགས་པའི་ཞལ་ཕྲུ་ཕྱག་རྒྱའི་ཁོང་སེང་ནས་ལྷག་མ་ལ་བཏབ་ཅིང་། ནུས་པར་མི་ལྡན་ན་བདུད་རྩི་སྨན་བདུད་རྩི་སྨན་རག་འཐོར་བས་ཆོག་པ་ཉིད་དེ། བདག་གི་དཔལ་གྱི་ཐུགས་སྲོག་ལས་འོད་ཟེར་ཨོཾ་ཨཱཿཧཱུྃ་གིས་མཚན་པ་འཕྲོས་ཏེ་ཚོགས་ལྷག་གཉིས་ལ་ཕོག་པ་ཙམ་གྱིས། ཡར་གནས་མར་གནས་ཀྱི་མགྲོན་རིགས་སོ་སོའི་ཐུགས་དང་མཐུན་པའི་

[Full Size]

དངོས་པོ་གང་ལ་ཅི་འདོད་དུ་གྱུར་པར་དམིགས་ནས་འབྲུ་གསུམ་ལན་བདུན་ནམ་གསུམ་གྱིས་བྱིན་བརླབ་སྟེ། ཐོག་མར་ཡར་གནས་རྣམས་ལ་གཙང་ལྷག་འབུལ་བ་ནི། ཧཱུྃ། ཆོས་དབྱིངས་སྐྱེ་མེད་རྣམ་དག་ལས། སྐྱེ་བའི་ཆོ་འཕྲུལ་ཞི་ཁྲོའི་ཚོགས། །འདིར་བྱོན་རྒྱན་གྱི་མཆོད་གཏོར་བཞེས། །སྐུ་གསུང་ཐུགས་ཀྱི་དངོས་གྲུབ་སྩོལ། ཨོཾ་ཨཱཿཧཱུྃ། ཨོཾ་ཨ་ཀཱ་རོ་མུ་ཁཾ། སརྦ་དྷརྨ་ཎཾ། ཨུདྱ་ནུཏྤནྣ་ཏྭད། ཨོཾ་ཨཱཿཧཱུྃ་ཕཊ་སྭཱ་ཧཱ། ཞེས། གཙང་ལྷག་ནམ་མཁར་འཐོར་ཞིང་། བདུད་རྩི་གསང་ནན་ཀྱང་འདི་སྐབས་ལྷན་ཅིག་འབུལ་བའི་ཕྱག་བཞེས་སྣང་། ཆོག་གཞུང་གཞན་ལ་ལར་འདི་ལ་གནམ་ཕུད་ཅེས་ཀྱང་གྲངས་པ་དེ་དང་དོན་གཅིག་གོ། །དེ་ནས་གོང་དུ་བཤད་པའི་ལྷ་མོ་དངོས་དེ་ཉིད་མར་གནས་རྣམས་ལ་འབུལ་བ་ནི། རང་ཉིད་ལྷའི་ང་རྒྱལ་གྱིས་ལྷག་མགྲོན་རྣམས་བཀུག་ཅིང་། ཟིལ་གྱིས་མནན་པར་མོས་ཏེ། འདི་ལ་ཡང་རིམ་པ་བཞི་ཡོད་དེ། དང་པོ་དབང་ཕྱུག་དང་མཁའ་འགྲོ་སུམ་ཅུ་རྩ་གཉིས། གཉིས་པས་གིང་ཕོ་མོ་རྣམས་དང་། གསུམ་པས་མ་

[Full Size]

བདུན་སྲིང་བཞི་འབར་མ་ཕོ་ཉ་རྣམས་དང་། བཞི་པས་ལངྒ་དང་འབུམ་ཕྲག་མཁའ་འགྲོ་ལྷ་སྲིན་སྡེ་བརྒྱད་སོགས་མཆོད་པའི་རིམ་པ་ནི། ཧཱུྃ། དང་པོར་ཕུད་ཀྱིས་མི་མཆོད་དུ། །བཀའ་བརྒྱད་ཡོངས་རྫོགས་ལྷ་རྣམས་གཉན། །བར་དུ་ལྷག་མས་མི་མཆོད་དུ། །མ་དང་མཁའ་འགྲོ་ལྷག་ལ་དགྱེས། །ཐ་མ་གཅིག་ཏུ་མི་བསྲེ་རུ། །ཆོས་ཉིད་ཡེ་ནས་རྒྱུ་འབྲས་ཅིག །ཧཱུྃ། དཔལ་གྱི་བཀའ་ཉན་ལྷག་སྡུད་མ། །རིགས་བཞི་མཁའ་འགྲོ་ཤུགས་འགོད་བཅས། །དབང་ཕྱུག་ཆེན་མོ་ཉེར་བརྒྱད་དང་། །མཁའ་འགྲོ་སུམ་ཅུ་རྩ་གཉིས་རྣམས། །གནས་བཟང་དེ་ནི་དུར་ཁྲོད་འཛིན། །གོས་བཟང་དེ་ནི་ཞིང་ཆེན་གྱོན། །སྐྱོགས་བཟང་དེ་ནི་བྷཉྫ་ཐོགས། །ཟས་བཟང་དེ་ནི་མམ་ས་གསོལ། །སྐྱིམ་བཟང་དེ་ནི་རཀྟ་འཐུང་། །དམ་ཚིག་བསྲུང་ཞིང་མཁའ་ལ་འགྲོ། །ཟས་སུ་ཤ་དང་ཁྲག་ལ་དགྱེས། །ལས་སུ་གསོད་དང་གཅོད་ལ་བརྩོན། །ཤ་ཁག་གཏོར་མ་འདི་བཞེས་ལ།

[Full Size]

སྔོན་ཚེ་དཔལ་གྱི་བཀའ་བཞིན་དུ། །བཅོལ་བའི་ཕྲིན་ལས་སྒྲུབ་པར་མཛོད། ཧཱུྃ། དཔལ་གྱི་བཀའ་ཉན་ལྷག་སྡུད་མ། །སྐྱེས་མཆོག་གིང་ཆེན་བཅོ་བརྒྱད་པོ། །དབུ་ལ་རལ་ཕུར་ཤར་ར་ར། །ཕྱག་ན་གྲི་ཐོག་ཟིངས་སེ་ཟིང་། །གིང་ཕོ་དགུ་ནི་ཤ་ར་ར། །གིང་མོ་དགུ་ནི་སིལ་ལི་ལི། །ཐམས་ཅད་རུ་མཚོན་ཆེམས་སེ་ཆེམ། །དམ་ཚིག་བསྲུང་ཞིང་མཁའ་ལ་འགྲོ། །ཟས་སུ་ཤ་དང་ཁྲག་ལ་དགྱེས། །ལས་སུ་གསོད་དང་གཅོད་ལ་བརྩོན། །ཤ་ཁྲག་གཏོར་མ་འདི་བཞེས་ལ། །སྔོན་ཚེ་དཔལ་གྱི་བཀའ་བཞིན་དུ། །བཅོལ་བའི་ཕྲིན་ལས་གྲུབ་པར་མཛོད། ཧཱུྃ། དཔལ་གྱི་བཀའ་ཉན་ལྷག་སྡུད་མ། །མ་མོ་བདུན་དང་སྲིང་མོ་བཞི། །འབར་མ་ཆེན་མོ་བརྒྱད་རྣམས་དང་། །ཕོ་ཉ་དྲུག་ཅུ་རྩ་བཞི་རྣམས། །མཛེས་པའི་སྐུ་ལ་སྒེག་ཚུལ་ཅན། །དུར་ཁྲོད་རྒྱན་ཆ་

[Full Size]

སྤུངས་སེ་སྤུངས། །རྣལ་འབྱོར་ཀུན་གྱི་དྲོད་མྱུལ་ཞིང་། །སྒྲུབ་པ་པོ་ཡི་གྲོག་མཛད་མ། །དམ་ཚིག་བསྲུང་༴ ཟས་སུ་ཤ་དང་༴ ལས་སུ་གསོད་དང་། ཤ་ཁྲག་གཏོར་མ༴ སྔོན་ཚེ་དཔལ༴ བཅོལ་བའི་ཕྲིན་ལས༴ ཧཱུྃ། དཔལ་གྱི་བཀའ་ཉན་ལྷག་སྡུད་མ། །ལངྐ་དུར་ཁྲོད་བདག་མོ་དང་། །འབུམ་ཕྲག་ཡངས་པའི་མཁའ་འགྲོ་མ། །ལྷ་སྲིན་སྡེ་བརྒྱད་ཐམས་ཅད་ཀྱང་། །དུར་ཁྲོད་རྫས་ལ་ལོངས་སྤྱོད་ཅིང་། །བསྟན་པའི་དགྲ་གེགས་གཉན་པོར་ཆེ། །དམ་ཚིག་བསྲུང་ཞིང་༴ ཟས་སུ་ཤ་དང་༴ ལས་སུ་གཅོད་དང་༴ ཤ་ཁྲག་གཏོར་མར༴ སྔོན་ཚེ་དཔལ༴ བཅོལ་བའི་ཕྲིན་ལས༴ ཨོཾ་མ་ཧཱ་ཤྲཱི་ཧེ་རུ་ཀ །ས་མ་ཡ་དེ་ཝི་ཀྲོ་དྷ་སརྦ་བ་ལི༚་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཨཱཿཧཱུྃ་ཨུཙྪཥྚ་བཛྲ་ཨ་དྷིཥྠ། ས་མུ་དྲ་ཀྲ་མ། ས་མ་ཡ་ཧཱུྃ་ཕཊཿཧཱུྃ་ཧཱུྃ་ཧཱུྃ། ཧྲཱིཿཧྲཱིཿཧྲཱིཿ བྷྱོ་བྷྱོ་བྷྱོ། ཨ་ར་ལི་ཛཿ ཞེས་པས་ཕུལ་ཞིང་ལྷག་མ་སྒྲུབ་ཁང་གི་ཕྱི་རོལ་གཙང་སར་སྤུངས་ལ་

[Full Size]

བཞག་སྟེ་སྣོད་ཆུས་བཤལ་ལ་དེ་ཕྱོགས་སུ་འཐོར་རོ། །ཚོགས་ལྷག་འདི་དཔལ་གྱི་བཀའ་སྡོད་སྲུང་མའི་རིགས་ཐམས་ཅད་ཀྱི་ཚོགས་མཆོད་ཡིན་ཅིང་། དེ་དག་གཉན་ལ་ཏུ་དོག་པ་ཁང་སྐྱེན་པས་ན། ལྷག་ཆོག་ལ་བརྙས་བཅོས་དང་སྒྱིད་ངན་མི་རུང་བས་གནད་བསྣུན་དུ་བྱས་ན་ཕྲིན་ལས་གང་འདོད་འགྲུབ་པའི་གནད་ཡོད་པར་གསུངས་སོ།། ༈ །།དེ་ལྟར་འདི་ཡན་ཆད་ཀྱིས་རྒྱུན་གྱི་ལས་གཞུང་དཀྱུས་མ་རྣམས་གྲུབ་པ་ཡིན་ཚེ་མཇུག་ཆོག་བསྔོ་སྨོན་ཤིས་བརྗོད་བྱ་བའམ། གཏོར་མ་འབུལ་རྒྱུ་ལྟ་བུ་ཡོད་ན་སྐབས་འདིར་དམ་ཚིག་འཆད་མོད་བསྒྲགས་ནས་གཏོར་མ་ཕུལ་ལ་བརྟན་མ་སྐྱོང་བྱས་པའི་མཇུག་ཏུ་བསྡུ་ཆོག་བྱ་བ་ཡིན་ལ། གལ་ཏེ་དྲག་པོ་མངོན་སྤྱོད་ཀྱི་ལས་བསྒྲུབས་པའམ། དུས་བཟང་གལ་ཆེན་ལྟ་བུའི་སྐབས་སུ་གཏོར་མ་འཕང་བའི་ལས་རིམ་རྒྱས་པར་བྱེད་ན། ཐོག་མ་ནས་གཏོར་མའི་བཅའ་གཞི་ཡང་རྒྱས་པར་དགོས་ཕྱིར། གཙོ་བོ་དགུ་ཀའི་གཏོར་མ་ཟུར་གསུམ་གྲི་རིས་ཅན་ལ་འཁོར་རིགས་བཞི་བཞི་དང་འཁོར་ཕྲག་ཇི་ཙམ་ཤོང་ཤོང་མཐེབ་ཀྱུ་དང་བཅས་པས་བསྐོར་ཞིང་། ཤ་ཁྲག་སོགས་གཏོར་རྒྱན་ཅི་བཟང་དང་།

[Full Size]

དཔལ་གྱི་བཀའ་སྡོད་ལའང་སྔར་བཤད་པ་བཞིན་བྱ། གལ་ཏེ་ཅེས་ཀྱང་གཙོ་བོ་དགུ་ཐ་དད་མ་འབྱོར་བར་སྣོད་གཅིག་ཏུ་བསྡོམ་པའི་ཚེ་ན་ནི་ཀ་ཊོ་རའམ་ལྕགས་སླང་སོགས་ཆེ་བའི་ནང་དུ་སྤུངས་དགོས་ཏེ། ལར་ཡང་གསང་སྔགས་བླ་མེད་ཀྱི་ཆོ་གའི་རིགས་མ་གཏོར་ཚོགས་སྤུངས་ཆེར་མ་བསྐྱེད་ན་ལྷ་ཚོགས་ཐུགས་དམ་མི་སྐོངས། དེ་མ་ཁོངས་ན་དངོས་གྲུབ་མི་འབྱུང་བའི་བར་ཆད་དང་འཁུ་ལྡོག་གི་རྒྱུ་གྱེན་དུ་འགྱུར་ཕྱིར་གཏོར་ཚོགས་བཟང་བར་གལ་ཆེ་ཞིང་། དེ་ལྟར་ཕྲིན་ལས་དྲག་པོའི་ཐུགས་དམ་བསྐུལ་བར་བྱ་བའི་ཚིག་མདོར་བསྡུས་ནི་ལས་གཞུང་འདི་ཉིད་ནས་བྱུང་བ་གོང་དུ་སྨོས་ནའང་། གལ་ཆེན་སྐབས་འདིར་གསང་བ་ཡོངས་རྫོགས་ཀྱི་བསྐུལ་བྱང་རྒྱས་འབྲིང་ཅི་རིགས་བྱ་བར་གསུངས་པ་བཞིན། ལྷ་ཚོགས་བདུན་བརྒྱ་ཉེར་ལྔའི་བསྐུལ་བྱང་བསྡུས་པ་འདི་བྱ་སྟེ། ཐུགས་དམ་སྐོང་བའི་དམ་རྫས་སྤྱན་གཟིགས་མཆོད་གཏོར་རོལ་མོའི་སྒྲ་མི་རྐང་གི་གླིང་བུ་སོགས་ཐུགས་དམ་རྒྱུད་བསྐུལ་གྱི་ཡོ་བྱད་ཅི་འཛོམ་དང་བཅས། གཏོར་མ་བསྐུལ་ནས་སྨན་རཀ་སྦྲིང་། སྒྲུབ་པ་པོ་རྣམས་ཏིང་འཛིན་གྱི་ངར་དང་དད་གདུང་གྱི་ཤུགས་བསྐྱེད་ལ་འདི་ལྟར་བསྐུལ་བར་བྱའོ། ཧཱུྃ། མི་མངོན་དབྱིངས་ན་བཞུགས་པའི་རྒྱལ་བ་ཞི་ཁྲོའི་ཚོགས། །བཞེངས༴

[Full Size]

ཅིག་བཞེངས་ཅིག་ཆོས་ཀྱི་དབྱིངས་ནས་བཞེངས། །བསྐུལ་ལོ་བསྐུལ་ལོ་སེམས་ཅན་དོན་དུ་བསྐུལ། །མཛོད་ཅིག་མཛོད་ཅིག་དྲག་པོའི་ཕྲིན་ལས་མཛོད། ཧཱུྃ། ཞི་བ་ལྷུན་གྱིས་གྲུབ་པའི་དཀྱིལ་འཁོར་ནས། །སེང་གེ་གླང་ཆེན་ལ་སོགས་ཁྲི་སྟེང་ན། །བཅོམ་ལྡན་རྡོ་རྗེ་སེམས་དཔའ་ཡུམ་དང་འཁྲིལ། །རིགས་བཞི་ཡབ་ཡུམ་སེམས་དཔའ་ལྕམ་དྲལ་དང་། །ཡིད་ཆོས་ཐུབ་དྲུག་མཐར་བྱེད་བརྒྱད་ལ་སོགས། །བཞི་བཅུ་རྩ་གཉིས་རྒྱལ་བ་ཐུགས་དམ་ཅན། །དབྱིངས་ནས་སྐུ་བསྐྱོད་དམ་རྫས་མཆོད་གཏོར་བཞེས། །ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད། ཧཱུྃ། དབུས་ཕྱོགས་གཙོ་བརྒྱད་ཉི་ཟླ་ས་སྟེང་ན། །དཔལ་ཆེན་ཆེ་མཆོག་གནམ་ཞལ་ཡུམ་དང་འཁྲིལ། །རིགས་བཞི་ཡབ་ཡུམ་ཕྱོགས་སྐྱོང་འདུལ་བྱེད་བཅུ། །ཏ་ཀྲིད་བཞི་དང་ལྕེ་སྤྱང་མ་བརྒྱད་སོགས། །ཆེ་མཆོག་ཡོན་ཏན་ཡོངས་རྫོགས་ལྷ་ཚོགས་ནི། །སུམ་ཅུ་རྩ་གཉིས་རྒྱལ་བ་ཐུགས་དམ་ཅན། དབྱིངས་ནས་སྐུ། ཐུགས་དམ་རྒྱུད་བསྐུལ༴

[Full Size]

ཧཱུྃ། ཤར་ཕྱོགས་ཏུ་དྲ་ཉི་ཟླ་པད་སྟེངས་སུ། །དཔལ་ལེན་བཛྲ་ཧེ་རུ་ཀྲོ་དྷི་འཁྲིལ། །རིགས་བཞི་ཡབ་ཡུམ་ཀི་སིང་བཅུ་དྲུག་དང་། །སྒོ་སྐྱོང་བཞི་དང་དབང་མོ་ཉེར་བརྒྱད་སོགས། །ཐུགས་དམ་ཡང་དག་ཡོངས་རྫོགས་ལྷ་ཚོགས་ནི། ལྔ་བཅུ་རྩ་བརྒྱད་རྒྱལ༴ དབྱིངས་ནས༴ ཐུགས་དམ་རྒྱུད༴ ཧཱུྃ། ལྷོ་ཕྱོགས་ཆུ་གླང་ཉི་ཟླ་པད་སྟེངས་སུ༴ དཔེན་གཤིན་རྗེའི་གཤེད་པོ་བཻ་ཏཱ་འཁྲིལ། །སྒྲོལ་བའི་ཡུམ་དང་རིགས་བཞི་ཡབ་ཡུམ་དང་། །ཕྱོགས་སྐྱོང་གཤིན་རྗེ་ཡབ་ཡུམ་སྒོ་སྐྱོང་བཅས། །གྲི་ཐོགས་གིང་སོགས་ཕོ་ཉ་བཅུ་དྲུག་སྟེ། ལྔ་བཅུ་རྩ་དགུ༴ དབྱིངས་ནས༴ ཐུགས་དམ་རྒྱུད༴ ཧཱུྃ། ནུབ་ཕྱོགས་ཀླུ་རྒྱལ་ཉི་ཟླ་པད་སྟེངས་སུ། །དཔེན་རྟ་མགྲིན་པདྨ་གཟི་ལྡན་འཁྲིལ། །རིགས་བཞི་ཡབ་ཡུམ་ཕྲ་མེན་ཟིལ་གནོན་བརྒྱད། །ཡུམ་བཅས་སྒོ་བཞི་ཁྱི་སྤྱང་ཁམ་རྒྱ་དྲུག །དམུས་ལོང་བཞི་བཞི་དང་མཆེ་གཤོག་ངུར་འབྲུག་བཞི། དགུ་བཅུ་རྩ་བརྒྱད༴ དབྱིངས་ནས༴ ཐུགས་དམ་རྒྱུད༴ ཧཱུྃ། བྱང་ཕྱོགས་ལྷ་ཆེན་པདྨ་ཉི་ཟླའི་སྟེང་། །

[Full Size]

དཔལ་ལེན་རྡོ་རྗེ་གཞོན་ནུ་རྒྱས་འདེབས་འཁྲིལ། །རིགས་བཞི་ཡབ་ཡུམ་ཁྲོ་བཅུ་ཡུམ་དང་བཅས། །ཟ་གསོད་སྒོ་བ་ཕུར་བསྲུང་བཅུ་གཉིས་དང་། །བསེ་ལྕགས་དུང་གི་སྐྱེས་བུ་ཕོ་ཉའི་ཚོགས། །བདུན་བཅུ་རྩ་བཞི་རྒྱལ༴ དབྱིངས་ནས༴ ཐུགས་དམ༴ རྒྱུད་བསྐུལ༴ ཧཱུྃ། ཤར་ལྷོར་མ་མོ་པདྨ་ཉི་ཟླའི་སྟེང་། །དཔལ་ཆེན་བླ་མེད་ཧེ་རུ་མུ་ཁ་འཁྲིལ། །རྟག་རྒྱལ་མ་ལྔ་སྲིད་འགྲོ་ས་བདེ་འགྲོ་དང་། །ཡེ་ཤེས་རྗེ་མོ་སྨན་མོ་སྒོ་མ་བཞི། །སྦས་པའི་མ་བཞི་ལ་སོགས་ཕོ་ཉའི་ཚོགས། །བདུན་ཅུ་རྩ་དགུ་རྒྱལ་ཐུགས་དམ་ཅན། དབྱིངས་ནས༴ ཐུགས་དམ་རྒྱུད༴ ཧཱུྃ། ལྷོ་ནུབ་དར་ཟབ་ཉི་ཟླ་པད་སྟེངས་སུ། །རིག་འཛིན་སློབ་དཔོན་རྡོ་རྗེ་རྣལ་འབྱོར་འཁྲིལ། །སྲས་མཆོག་རིགས་བཞི་བཀའ་བརྒྱད་རིག་འཛིན་དང་། །དཔའ་བོ་དཔའ་མོ་སྒོ་སྐྱོང་བཞི་ལ་སོགས། །རིག་འཛིན་སློབ་དཔོན་ཡོངས་རྫོགས་ལྷ་ཚོགས་ནི། །ཉི་ཟླ་རྩ་དྲུག་རྒྱལ༴ དབྱིངས་ནས༴

[Full Size]

ཐུགས་དམ་རྒྱུད༴ ཧཱུྃ། ནུབ་བྱང་ལྷ་ཆེན་ཉི་ཟླ་པད་སྟེངས་སུ། །དཔལ་ལེན་དྲེགས་པ་ཀུན་འདུལ་སྤྱི་འདུལ་འཁྲིལ། །རིགས་བཞི་ཡབ་ཡུམ་སྡེ་དཔོན་སུམ་ཅུ་དང་། །དྲེགས་པ་སྡེ་བརྒྱད་སྒོ་སྐྱོང་བཞི་ལ་སོགས། །འཇིག་རྟེན་མཆོད་བསྟོད་ཡོངས་རྫོགས་ལྷ་ཚོགས་ནི། །སུམ་ཅུ་རྩ་གཉིས་རྒྱལ་བ༴ དབྱིངས་ནས༴ ཐུགས་དམ་རྒྱུད༴ ཧཱུྃ། བྱང་ཤར་དགྲ་གེགས་པདྨ་ཉི་ཟླའི་སྟེངས། །དཔེན་སྟོབས་འབྱུང་ལྔ་བདག་མོས་འཁྲིལ། །རིགས་བཞི་ཡབ་ཡུམ་སྔགས་བདག་བཅོ་བརྒྱད་དང་། །ཕོ་ཉ་དམ་ཅན་སྒོ་སྐྱོང་ལ་སོགས་ཏེ། །དྲག་པོ་སྔགས་ཀྱི་ལྷ་ཚོགས་དམོད་པའི་བདག །ཉི་ཤུ་རྩ་བརྒྱད་རྒྱལ༴ དབྱིངས་ནས༴ ཐུགས་དམ་རྒྱུད༴ ཧཱུྃ། དཔལ་གྱི་ཐུགས་ལས་སྤྲུལ་པའི་ཕོ་ཉ་ནི། །ཡེ་ཤེས་ཁྱུང་ཆེན་གཟུགས་སྐུར་སྟོན་མཛད་ཅིང་། །ལོག་འདྲེན་དགྲ་གེགས་མ་ལུས་བསྒྲིལ་བ་དང་། །བསྒོ་བ་ཉན་ཅིང་མི་མཐུན་ཕྱོགས་རྣམས་འདུལ། །གཞལ་ཡས་བར་འཁྱམ་དང་ནི་སྒོ་བཞི་ན། །དཔའ་བོ་དཔའ་མོ་

[Full Size]

ཡབ་ཡུམ་ཟུང་བཞི་དང་། །མཁའ་འགྲོ་སོ་གཉིས་དབང་མོ་ཉི་ཤུ་བརྒྱད། །མ་བདུན་སྲིང་བཞི་འབར་མ་བརྒྱད་རྣམས་དང་། །གིང་ཆེན་བཅོ་བརྒྱད་སྒོ་བ་ཡབ་ཡུམ་བརྒྱད། །བརྒྱ་དང་རྩ་བརྒྱད་བར་འཁྱམ་ལྷ་ཚོགས་རྣམས། དབྱིངས་ནས༴ ཐུགས་དམ་རྒྱུད༴ ཧཱུྃ། ཕྱི་རོལ་ལྕགས་རི་འཁོར་ཡུག་ལ་གནས་པ། །ས་བདག་སོ་གཉིས་ལངྐ་བཅུ་དྲུག་དང་། །ཕོ་ཉ་དྲུག་ཅུ་རིགས་འདུས་ཌཱཀིྐ་བརྒྱད། །བསྟན་མ་བཅུ་གཉིས་ལ་སོགས་བརྒྱ་སོ་གཉིས། དཔལ་གྱི་བཀའ་ཉན་འཁོར་ཡུག་སྐྱོང་མཛད་པའི། །བཀའ་སྡོད་དམ་ཅན་ཡོངས་རྫོགས་ཐུགས་དམ་ཅན། དབྱིངས་ནས༴ ཐུགས་དམ་རྒྱུད༴ ཧཱུྃ། ཞི་ཁྲོའི་ལྷ་ཚོགས་བཞི་བརྒྱ་སོ་དྲུག་ལ། །ཡེ་ཤེས་ལྷ་ནི་ཉིས་བརྒྱ་སོ་བརྒྱད་དེ། །ཚོམ་དགུའི་ཕོ་ཉ་བརྒྱ་དང་གོ་དགུ་སོགས། ། ལས་བྱེད་བར་འཁྱམས་སྐྱོང་མཛད་བརྒྱ་བཅུ་གསུམ། །ལྕགས་རི་སྐྱོང་བ་བརྒྱ་དང་སུམ་ཅུ་སྟེ། །བདུན་བརྒྱ་ཉེར་

[Full Size]

ལྔ་རྒྱལ་བ་ཐུགས་དམ་ཅན། དབྱིངས་ནས་སྐུ་སྐྱོད་དམ་རྫས་མཆོད་གཏོར་བཞེས། །ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད། ཅེས་བསྐུལ་ལོ་ལྔ་པ་གཏོར་སྐྱོང་བྱ་བ་ལ་ཐོག་མར་སྔོན་གྱི་དམ་ཚིག་གཉན་པོའི་མཐའ་ཚིག་གི་ཆད་མདོ་བསྒྲག་པ་ནི། གཏོར་ཟློག་ཆེན་མོ་ལྟ་བུ་ལ་ནི་ཆད་མདོ་གཏོར་མ་འཕང་སར་སླེབ་ནས་བྱེད་པར་ཕྱག་སྲོལ་དང་། དེ་ལྟར་མ་ཡིན་པའི་ཚེ་ཡང་། གཏོར་མ་རྣམས་དཀྱིལ་འཁོར་ལས་ཕྱིར་དཔགས་རེ་ཅོག་རྩེ་ལྟ་བུའི་ཁར་བཞག་ནས་སྨན་རཀ་སྦྲིང་ཞིང་། དེ་ཡང་ཆད་མདོའི་དགོས་ཆེད་ནི། ད་ལྟ་འོ་སྐོལ་སྒྲུབ་པ་པོ་རྣམས་ལྟ་དགོངས་ཏིང་འཛིན་གྱི་ནུས་པ་དམན་པས། སྲུང་མ་ལས་ལ་བཀོལ་ནུས་པའི་གདེངས་དང་མི་ལྡན་ཡང་། སྔོན་གྱི་རྒྱལ་བ་རིག་འཛིན་རྣམས་ཀྱིས་བཀའ་དང་དམ་ཚིག་གི་གཉེར་ཕོགས་ཚུལ་གྱི་དྲན་གསོ་ལྟ་བུར་བགྱིས་པས་ཁོངས་རྣམས་ཕྲིན་ལས་མི་སྒྲུབ་པའི་རང་དབང་མེད་པར་འགྱུར་བ་ཡིན་ཕྱིར་ཆད་མདོ་འདི་ལྟར་བསྒྲག་པར་བྱའོ། ཧཱུྃ་བྷྱོ། སྔོན་ཚེ་འདས་དུས་བསྐལ་པ་དང་པོ་ལ། །འོག་མིན་དགའ་ལྡན་

[Full Size]

གནས་མཆོག་དམ་པ་རུ། །བཅོམ་ལྡན་དཔལ་ཆེན་ཁྲག་འཐུང་རྒྱལ་པོ་ཡིས། །སྣང་སྲིད་མ་མོ་དམ་ལ་བཏགས་པའི་ཚེ། །ཀོའུ་རི་ལ་སོགས་གནས་ཀྱི་མ་མོ་བརྒྱད། །སིངྷ་ལ་སོགས་ཡུལ་གྱི་ཕྲ་མེན་བརྒྱད། །རྟ་གདོང་ལ་སོགས་ཡེ་ཤེས་སྒོ་མ་བཞི། །སོ་སོའི་གཟུགས་མཆོག་དམ་པ་བསྟན་ནས་ཀྱང་། །བཀའ་ཡི་གཏོར་མ་ལེན་པར་མ་ཆད་དམ། །སངས་རྒྱས་བསྟན་པ་བསྲུང་བར་མ་ཆད་དམ། །རྣལ་འབྱོར་ཚེ་སྲོག་བསྲིང་བར་མ༴ རྒྱུ་སྦྱོར་བར་ཆད་བསལ་བར་མ༴ བརྣག་པའི་དགྲ་གེགས་བསྒྲལ་བར་མ༴ བཅོལ་བའི་ཕྲིན་ལས་སྒྲུབ་པར་མ་ཆད་དམ། །སྔོན་ཚེ་ཞལ་བཞེས་དམ་ལས་མ་འདའ་བར། །ཤ་ཁྲག་བརྒྱན་པའི་གཏོར་མ་འདི་བཞེས་ལ། །ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད། །དེ་འོག་བར་གྱི་བསྐལ་པ་དབུས་མ་ལ། །བལ་ཡུལ་ཡང་ལོ་ཤོད་ཀྱི་དབེན་གནས་སུ། །སློབ་དཔོན་ཆེན་པོ་པདྨ་

[Full Size]

འབྱུང་གནས་དང་། །སློབ་མ་མཁས་པ་བི་མ་མི་དྲ་ཡིས། །རྡོ་རྗེ་དབྱིངས་ཀྱི་དཀྱིལ་འཁོར་ཞལ་ཕྱེའི་ཚེ། །རྡོ་རྗེ་རིགས་ཀྱི་སྲུང་མ་ཡོངས་འདུས་ནས། སོ་སོའི་གཟུགས༴ བཀའ་ཡི༴ སངས་རྒྱས༴ རྣལ་འབྱོར་ཚེ༴ རྒྱུ་སྦྱོར་བར་ཆད༴ བརྣག་པའི་དགྲ་གེགས༴ བཅོལ་བའི༴ སྔོན་ཚེ་ཞལ༴ ཤ་ཁྲག་བརྒྱན༴ ཐུགས་དམ་རྒྱུད་བསྐུལ༴ དེ་འོག་བསྐལ་པ་དུས་ཀྱི་ཐ་མ་ལ། །བསམ་ཡས་ལྷུན་གྱིས་གྲུབ་པའི་གཙུག་ལག་ཏུ། །སློབ་དཔོན་ཆེན་པོ་པདྨ་འབྱུང་གནས་དང་། །སློབ་མའི་དངས་མ་རྗེ་འབངས་གྲོགས་བཅས་ཀྱིས། །ཞི་ཁྲོ་ཡོངས་རྫོགས་དཀྱིལ་འཁོར་ཞལ་ཕྱེའི་ཚེ། །སྒྲུབ་པ་བཀའ་བརྒྱད་དམ་ཅན་ཡོངས་འདུས་ནས། སོ་སོའི༴ གཟུགས༴ བཀའ་ཡི༴ སངས་རྒྱས༴ རྣལ་འབྱོར་ཚེ༴ རྒྱུ་སྦྱོར༴ བརྣག་པའི༴ བཅོལ་བའི༴ སྔོན་ཚེ༴ ཤ་ཁྲག༴ ཐུགས་དམ༴ དེ་འོག་ལྔ་རྒྱ་དུས་ཀྱི་མཐའ་མ་ལ། །དཔལ་རི་པདྨ་འོད་ཀྱི་གཞལ་ཡས་སུ། །སློབ་དཔོན་ཆེན་པོ་པདྨ་ཐོད་འཕེྲང་དང་། །ཐུགས་རྗེ་ཆེན་པོའི་རྣལ་འབྱོར་ཆོས་དབང་གིས། །གསང་བ་སྒྲུབ་ཆེན་དཀྱིལ་འཁོར་ཞལ་

[Full Size]

ཕྱེའི་ཚེ། །དྲེགས་པའི་སྡེ་དཔོན་ཆེན་པོ་སུམ་ཅུ་ཡིས། སོ་སོའི་གཟུགས༴ བཀའ་མི༴ སངས་རྒྱས༴ རྣལ་འབྱོར་ཚེ༴ རྒྱུ་སྦྱོར༴ བརྣག་པའི༴ བཅོལ་བའི༴ སྔོན་ཚེ༴ ཤ་ཁྲག༴ ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད། ཅེས་པའི་ཆད་མདོ་བསྒྲག་ནས་གཏོར་མ་འབུལ་བའི་དུས་ཡིན་ན་ཕྱི་རོལ་གཙང་ཞིང་མཐོ་བའི་སར་དངོས་གྲུབ་ཕྱིར་མི་ཡལ་བའི་རྟེན་འབྲེལ་གྱི་གཏོར་ཁ་ནང་དུ་བསྟན་ནས་ཕུལ་ལ་བཞག་ཅིང་བཤལ་ཆུས་བསྟན་སྐྱོང་བྱའོ། །གཏོར་མ་འཕང་བའི་དུས་ཡིན་ན། དྲུག་པ་གཏོར་ཟོར་ནི། དེ་ཡན་ཆད་ཐམས་ཅད་གཏོར་མ་ཡེ་ཤེས་ཀྱི་བདུད་རྩི་འདོད་ཡོན་ཕུན་སུམ་ཚོགས་པའི་དངོས་པོར་འདུ་ཤེས་པར་བྱ་བ་ཡིན་ཀྱང་། འདི་ནས་གཏོར་མ་ནི་དྲག་པོའི་མཚོན་ཆ་ཐོག་གི་ཆར་པ་ནད་ཀྱི་ན་བུན་དུག་གི་འཚུབ་མ་མིའི་ཕུང་པོ་ཁྲོ་ཆུང་གི་ཚ་ཚ་ལ་སོགས་འཇིགས་པའི་སྤྲུལ་པ་སྣ་ཚོགས་པར་གྱུར་ནས། བསྟན་པ་བཤིག་པའི་དགེགས་ཀྱི་སྣོད་བཅུད་ཡུལ་མཁར་མི་ནོར་དང་བཅས་པ་རྡུལ་དུ་རློག་པའི་ནུས་ལྡན་དུ་གྱུར་པར་དམིགས་ཤིང་། སྲུང་མ་དམ་ཅན་ཕོ་ཉ་

[Full Size]

ལས་བྱེད་ཀྱི་ཚོགས་རྣམས་དམིགས་བྱའི་ཡུལ་དུ་དམག་དཔུངས་ལ་འཆས་པར་བསམ་ལ། གསེར་སྐྱེམས་ཕུལ་ནས་གཟུག་ཅིང་གཏོར་ཟོར་འཕང་བ་ནི། ཧཱུྃ། མ་ཉེས་དཔང་དུ་དཀོན་མཆོག་བཞུགས། །དགྲ་གེགས་མ་གཏོགས་སྐུ་གཟུར་ཅིག །བཀའ་བརྒྱད་ལྷ་ཚོགས་དམག་དཔུངས་འགྱེད། །དགྲ་གེགས་སྙིང་ལ་གཏོར་ཟོར་རྒྱོབ། བཛྲ་སརྦ་དུཥྚཱན་ཏིགྣན། ཨེ་ཧུར་ཐུཾ་ཛཿ དགྲ་གེགས་ནྲྀ་ཏི་ཤཏྲཾུ་མཱ་ར་ཡ་རྦད། ཅེས་པས་གཏོར་མ་འཕང་ཞིང་དྲག་སྔགས་དམོད་པ་སྣ་ཚོགས་བརྗོད་ཅིང་ཐལ་མོ་བརྡབ་མ་ཏིང་འཛིན་གྱིས་གཟིར་རོ། །བདུན་པ་བསྟན་མ་བསྐྱང་བ་ནི། གཏོར་གཞོང་རྣམས་རཀྟའམ་ཆང་ཕུད་ཀྱིས་བཤལ་བ་དེ་ལ་འབྲུ་གསུམ་གྱིས་བྱིན་བརླབས་ནས་དམ་ཚིག་གི་བདུད་རྩི་འདོད་ཡོན་ཕུན་ཚོགས་སུ་དམིགས་པ་འཐོག་ཏེ། བསྟན་མ་འཁོར་བཅས་བཀུག་ཅིང་མཆོད་དེ་དམ་ཚིག་བསྒྲག་པ་ནི། ཧོ། དེ་ཡན་ཆད་དུ་དཔལ་ཆེན་པོའི་ཕ་ཕོག་ལ་མ་གཏོགས་པར་ཕྱིན་ན་ཡང་། ནག་མོ་བཞིན་མི་སྡུག་གི་བུ་མོ་བདུད་མོ་ཆེན་མོ་བཞི་དང་། དམར་མོ་ཁྲོ་གཉེར་

[Full Size]

ཅན་གྱི་བུ་མོ་གནོད་སྦྱིན་མོ་ཆེན་མོ་བཞི་དང་། དཀར་མོ་མདངས་ལྡན་མའི་བུ་མོ་སྨན་བཙུན་ཆེན་མོ་བཞི་ལ་སོགས་པ་བོད་ཁམས་སྐྱོང་བའི་བསྟན་མ་བཅུ་གཉིས་འཁོར་རྡུལ་སྙེད་དང་བཅས་པ་ཐམས་ཅད། སྔོན་གྱི་ཐུགས་དམ་དང་དམ་ཚིག་ལས་མ་གཡེལ་བར། བསྟན་པ་གཉན་པ་བསྲུང་བ་དང་སྒྲུབ་པ་པོའི་གདོང་གྲོག་ལ་སྐད་ཅིག་ཡུད་ཙམ་ཐང་གཅིག་གིས་གཤེགས་ཤིག །ཨེ་ཨ་ར་ལི་ཧོ། ཧྲི༚་ཧྲི༚་ཛ་ཧཱུྃ་བྃ་ཧོ། བཛྲ་ཌཱཀིྐ་ནི་ཧཱུྃ་ཛཿ བྷྱོ། བསྟན་མ་སྐྱོང་མཛད་མ་དང་སྲིང་། །དཔལ་གནས་མ་དང་ཡང་དག་བཤེས། །ཁྱུང་བཙུན་ཀོང་ལྷ་གཡུ་བུན་མ། །མེ་སྟག་ཟླ་འོད་བྱང་རྒྱལ་མ། །གསེར་ཐང་ཀུན་བཟང་ཤནྟིང་དཔལ། །ཀླུ་མོ་གཟི་འབར་ལ་སོགས་པའི། །བསྟན་མ་བཅུ་གཉིས་གཏོར་མ་ལོངས། །མི་མཐུན་གནོད་པའི་ཕྱོགས་རྣམས་བཟློག །མ་མ་ཧྲིང་། མ་མ་

[Full Size]

ཧྲི༚། བསྟན་སྐྱོང་ཆེན་མོ་ཁྱེད་རྣམས་ཀྱང་། །སྔོན་ཚེ་སྔོན་གྱི་དུས་ཙ་ན། །སློབ་དཔོན་པདྨ་འབྱུང་གནས་ཀྱིས། །ཨ་སུ་ར་ཡི་བྲག་ཕུག་ཏུ། །ཞིང་ཆེན་མཆོག་གི་བཅལ་བཀྲམ་ནས། །ལག་ཏུ་རྡོ་རྗེ་བྱིན་ནས་ཀྱང་། །རྡོ་རྗེ་འཆང་གི་གྲལ་དུ་བཞག །ཐར་པ་ཐོབ་པར་མིང་ཡང་བཏགས། །མ་ཚོགས་ཁྱེད་ཀྱིས་དམ་བཅས་པ། །རྣལ་འབྱོར་སྒྲུབ་པའི་གྲོགས་བྱའོ་ཞེས། །ནད་ཡམ་ཐམས་ཅད་ཞི་བ་དང་། །དགྲ་གེགས་ཐམས་ཅད་སྒྲོལ་བ་དང་། །བསམ་པ་ཐམས་ཅད་སྒྲུབ་བོ་ཅེས། །ཇི་ལྟར་ཁས་བླངས་དམ་བཅས་བཞིན། །དམ་ཚིག་དེ་ལས་ཁྱེད་མ་འདའ། །དམ་ཚིག་དེ་ལས་འདས་གྱུར་ན། །བཛྲ་ཡཀྵ་དྲག་པོ་ཡིས། །སྙིང་གི་དཀྱིལ་ནས་ཁྲག་ཕྱུངས་ཏེ། །དེ་བས་ཐུགས་དམ་ཆེར་དགོངས་ལ། །བཅོལ་བའི་ཕྲིན་ལས་གྲུབ་པར་མཛོད། །ཅེས་བནལ་ཆུ་ནམ་མཁར་འཐོར་ཞིང་། བཛྲ་ཨ་མྲྀ་ཏ་ཁཱ་ཧི། ཡ་ཧི་གཙྪ། ཞེས་པས་རང་རང་གི་གནས་སུ་གཤེགས་གསོལ་བྱའོ།། ༈ །།བརྒྱད་པ་གཏོར་གཞོང་གི་འོག་ཏུ་དམ་སྲི་མནན་པའི་ལས་བཞིའི་བྲོ་ནི་

[Full Size]

ལམ་རྒྱ་གྲམ་མམ། སྒོ་ཁང་གི་འོག་ལྟ་བུར་གཏོར་གཞོང་གང་ཡོད་རྣམས་ཁ་སྤུབས་པའི་འོག་ཏུ་ཨེ་གྲུ་གསུམ་འཇིགས་སུ་རུང་བ་དབང་ཆེན་གསེར་གྱི་ས་གཞིའི་འོག་ཏུ་ཐུག་པའི་གཏིང་ན། དམ་སྲི་འབྱུང་པོའི་རིགས་ཐམས་ཅད་བཀུགས་ནས་བཅུག་པའི་ཁ་རྡོ་རྗེ་རི་རབ་ཀྱིས་མནན་པའི་སྟེང་དུ་བདག་ཉིད་ཧེ་རུ་ཀའི་འཁོར་དུ་རིགས་བཞིའི་ཧེ་རུ་ལས། བཞིའི་མདོག་ཅན་ཕྲིན་ལས་བཞིའི་ཕུར་པ་བསྣམས་པ་གྲངས་མེད་པས་བསྐོར་ཏེ་ཁྲོ་བོའི་རྟ་བྲོ་བརྡུང་བར་དམིགས་ཤིང་། ན་མོ། །རྗེ་བཙུན་རྩ་བ་དང་རྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་། སངས་རྒྱས་ཀྱི། ཆོས་ཀྱི༴ དགེ་འདུན་གྱི༴ ཡི་དམ་དཀྱིལ་འཁོར་གྱི་ལྷ་ཚོགས་དཔའ་བོ་མཁའ་འགྲོ་ཆོས་སྲུང་དམ་ཅན་རྒྱ་མཚོའི་བདེན་པ་ཆེན་པོའི་སྟོབས་ཀྱིས། བསྟན་པ་ལ་གནོད་ཅིང་སེམས་ཅན་ལ་འཚེ་བར་བྱེད་པ་དང་དམ་པའི་ཆོས་ཟབ་མོ་སྒྲུབ་པ་ལ་བར་དུ་གཅོད་པའི་གནོད་བྱེད་དམ་སྲི་འབྱུང་པོའི་རིགས་སུ་གྱུར་པ་ཐམས་ཅད། སྐད་ཅིག་ཙམ་ལ་གཏོར་གཞོང་རི་རབ་ཆེན་པོའི་འོག་ཏུ་ཁུག་ཅིག །ཏྲི་ཡྃ་

[Full Size]

ཀཾ་པ་རི་ཨཾ་ཀུ་ཤ་ཛཿ ཞེས་བཀུག་ལ། དེ་ནས་སྒྲུབ་པ་པོ་རྣམས་གཡས་གཡོན་སྲིན་ལག་ལུ་གུ་རྒྱུད་དུ་སྦྲེལ་ནས་བྲོ་ར་ཟླུམ་པོ། གྲུ་བཞི། ཟླ་གམ། གྲུ་གསུམ་གྱི་བསྐོར་བའི་དཀྱིལ་དུ་རྡོ་རྗེ་སློབ་དཔོན་གྱིས་ཁྲོ་བོའི་སྟངས་སྟབས་འགྱིང་གར་གྱིས་གཏོར་གཞོང་ཞབས་ཀྱིས་གནོན་ཚུལ་དང་བཅས་པས་དབྱངས་ཀྱི་ང་རོས་རྟ་བྲོ་བརྡུང་སྟེ། ཧཱུྃ། སངས་རྒྱས་ཀུན་གྱི་སྐུ་གསུང་ཐུགས། །ཡོན་ཏན་ཕྲིན་ལས་རྫོགས་པའི་དཔལ། །གཏི་མུག་བུདྡྷ་རྡོ་རྗེ་ལ། ཞི་བའི་ལྷ་དང་ལྷ་མོས་བསྐོར། །དངུལ་ལམ་དཀར་པོའི་ཤིང་དག་ལ། །མགོ་བོ་བརྒྱ་མདུད་རྩེ་ཟླུམ་པོ། །ངོས་ལ་ཞི་བའི་ལྷ་བཀོད་དེ། །བཏབ་པས་འཇིགས་བརྒྱད་ཞི་བར་འགྱུར། །ཞི་བར་མ་གྱུར་གང་ཡང་མེད། །ཞི་མཛད་ལྷ་ལ་ཕྱག་འཚལ་བསྟོད། ཨོཾ་ཨོཾ་ཨོཾ་མི་མཐུན་ཕྱོགས་རྣམས་ཤནྟིང་ཀུ་རུ་ཡེ་སྭཱ་ཧཱ། ཧཱུྃ། སངས་རྒྱས་ཀུན་གྱི་སྐུ་གསུང་ཐུགས། །ཡོན་ཏན་ཕྲིན་ལས་རྫོགས་པའི་དཔལ། །ང་རྒྱལ་རིན་ཆེན་རྡོ་རྗེ་ལ། །རྒྱས་པའི་ལྷ་དང་༴ གསེར་རམ་སེར་པོའི་ཤིང་༴ མགོ་བོ་བརྒྱ་མདུད་རྩེ་གྲུ་བཞི། །

[Full Size]

ངོས་ལ་རྒྱས་པའི་ལྷ་བཀོད་དེ། །བཏབ་པས་འབྱོར་དྲུག་རྒྱས་པར་འགྱུར། རྒྱས་པར་མ༴ རྒྱས་མཛད་ལྷ་ལ༴ སྭཱ་སྭཱ་སྭཱ། ཚེ་དང་བསོད་ནམས་པུཥྚིང་ཀུ་རུ་ཡེ་སྭཱ་ཧཱ། ཧཱུྃ། སངས་རྒྱས་ཀུན༴ ཡོན་ཏན་ཕྲིན་ལས༴ འདོད་ཆགས་པདྨ་རྡོ་རྗེ་ལ། དབང་གི་ལྷ༴ ཟངས་སམ་དམར་པོའི༴ མགོ་བོ་བརྒྱ་མདུད་རྩེ་ཟླ་གམ། ངོས་ལ་དབང་གི༴ བཏབ་པས་སྣང་སྲིད་དབང་དུ་འགྱུར། དབང་དུ་མ་གྱུར༴ དབང་མཛད་ལྷ་ལ༴ ཧྲཱི་ཧྲཱི་ཧྲཱི་༴ ལྷ་འདྲེ་མི་གསུམ་ཝ་ཤཾ་ཀུ་རུ་ཡེ་སྭཱ་ཧཱ། ཧཱུྃ། སངས་རྒྱས༴ ཡོན་ཏན་ཕྲ་དོག་ཀརྨ་རྡོ་རྗེ་ལ། དྲག་པོའི་ལྷ་དང་ལྷ་མོས་བསྐོར། ལྕགས་སམ་ནག་པོའི་ཤིང་དག་ལ། མགོ་བོ་བརྒྱ་མདུད་རྩེ་ཟུར་གསུམ། ངོས་ལ་དྲག་པོའི་ལྷ༴ བཏབ་པས་དགྲ་གེགས་རླག་པར་འགྱུར། རླག་པར་མི་འགྱུར་གང་ཡང་མེད། །རླག་མཛད་ལྷ་ལ་ཕྱག་འཚལ་བསྟོད། ཧཱ་ཧཱ་ཧཱ། །གནོད་བྱེད་དགྲ་གེགས་མཱ་ར་ཡ་ཕཊཿ ཅེས་ཕྲིན་ལས་བཞིའི་བྲོ་བརྡུངས་པའི་རྗེས་སུ། གཏོར་གཞོང་རྣམས་ཁ་

[Full Size]

ཡར་ཕྱེས་པ་ཙམ་གྱི། རྣལ་འབྱོར་སྒྲུབ་པ་པོ་ཡོན་མཆོད་རྣམས་ཀྱི་ཚེ་བསོད་དཔལ་འབྱོར་ལོངས་སྤྱོད་མཐའ་དག་ཡར་ངོའི་ཟླ་བ་ལྟར་འཕེལ་ཞིང་རྒྱས་པར་གྱུར། ཞེས་མོས་ལ་ནང་དུ་ལོག་གོ།། ༈ །།དགུ་པ་སྐྱེད་རིམ་ཉིད་རྫོགས་རིམ་གྱི་དབྱིངས་སུ་བསྡུ་བ་ནི། ཧཱུྃ། དང་པོ་ཆོས་སྐུ་སྐྱེ་མེད་ངང་ཉིད་ལས། །འགྲོ་དོན་སྐྱེ་བའི་ཆོ་འཕྲུལ་ཚོམ་བུ་དགུ། །ཞི་ཁྲོ་ཡོངས་རྫོགས་འགྲོ་བ་ཀུན་བཏུལ་ནས། །སླར་ཡང་ཆོས་དབྱིངས་རྣམ་དག་ཀློང་དུ་བསྡུ། ཨོཾ་ཨཱཿཧཱུྃ་བཛྲ་མུཿ ཞེས་བརྗོད་པ་ཙམ་གྱིས། བདག་ཉིད་ཀྱི་སྤྲུལ་པ་ལས་ཀྱི་ཧེ་རུ་ཀ་དེ་ཉིད་བདག་གཙོ་བོ་ལ་ཚུར་ཐིམ་པས་གཙོ་མཆོག་གི་ཞལ་ནས་ཧཱུྃ་ཞེས་གསུངས་མ་ཐག་ཕྱི་རོལ་སྣོད་བཅུད་བརྟན་གཡོའི་དངོས་པོ་མཐའ་དག་འོད་དུ་ཞུ་བས་འོད་མཐིང་གའི་རང་བཞིན་དུ་གྱུར་པ་གཞལ་ཡས་ཁང་ལ་ཐིམ་ཞིང་། གཞལ་ཡས་ཁང་འཁོར་གྱི་ལྷ་ཚོགས་ལ་ཐིམ། འཁོར་དང་གཙོ་མཆོག་ལ་ཐིམ། གཙོ་བོ་ཉིད་ཀྱང་རིམ་པས་ཡས་མན་རྣམས་ཐུགས་སྲོག་ཧཱུྃ་ལ་འདུས་ཏེ་ཧཱུྃ་ཡང་མས་རིམ་བཞིན་གྱེན་རྫོགས་སུ་ཐིག་ལེ་ནཱ་ད་ལ་འདུས་པའི་མཐར་འཇའ་སྤྲིན་

[Full Size]

ནམ་མཁའ་ཡལ་བ་བཞིན་གྱུར་པའི་ངང་ནས། འཁོར་འདས་ལམ་གསུམ་གྱི་འཛིན་རྟོག་གང་གིས་ཀྱང་མ་བསླད་པའི་གནས་ལུགས་གདོད་མའི་ཡེ་ཤེས་ཁྱབ་གདལ་ཆེན་པོར་མཉམ་པར་བཞག་བྱ་འཇོག་བྱེད་དང་བྲལ་བར་གློད་པ་ནི་ཀུན་བཟང་ཆེ་མཆོག་ཧེ་རུ་ཀའི་ཏིང་འཛིན་ཡང་དག་པའི་སྙིང་པོའོ།། ༈ །།བཅུ་པ་ཆོ་གའི་ལྷག་ཆད་བསྐང་བ་ནི། སྐུ་སྐྱེད་རིམ་མ་གསལ་བ་དང་བསྒོམ་ཚུལ་མ་ཤེས་པ། བརྡ་དོན་རྟགས་གསུམ་རྒྱུད་ལ་མ་འབྱོར་བ་ལ་སོགས་ཀྱི་ཉེས་སྐྱོན་ཐམས་ཅད་ཀཱ་ལི་ཐབས་ཀྱི་ཡི་གེས་བསྐང་སྟེ། ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ་ཀྵཿ གསུང་བཟླས་བརྗོད་སྔགས་ཀྱི་སྒྲ་མ་དག་པ། གྲངས་མ་ཚང་བ། གོ་རིམ་མ་ཤེས་པ་ལ་སོགས་ཀྱི་ཉེས་སྐྱོན་ཐམས་ཅད་ཤེས་རབ་ཨཱ་ལིས་བསྐང་སྟེ། ཨ་ཨཱ། ཨི་ཨཱི། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ། ཨཾ་ཨཱཿ ཐུགས་ཏིང་འཛིན་འཕྲོ་འདུའི་རིམ་པ་ནོར་འཁྲུལ་འགལ་ཉེས་ཅི་མཆིས་པ་ཐམས་ཅད་ཞི་ཁྲོ་ཀུན་འདུས་ཀྱི་སྙིང་པོ་

[Full Size]

རྡོ་རྗེ་སེམས་དཔའི་ཡི་གེ་བརྒྱ་པས་བསྐང་སྟེ། ཨཱོཾ་བཛྲ་སཏྭ་ས་མ་ཡ། མ་ནུ་པཱ་ལ་ཡ། བཛྲ་སཏྭ་ཏེ་ནོ་པ་ཏིཥྠ། དྲྀ་ཌྷོ་མེ་བྷ་ཝ། སུ་ཏཥྱོ་མེ་བྷ་ཝ། སུ་པོཥྱོ་མེ་བྷ་ཝ། ཨ་ནུ་རཀྟོ་མེ་བྷ་ཝ། སརྦ་སིདྡྷི་མྨེ་པྲཙྪ། སརྦ་ཀརྨ་སུ་ཙ་མེ། ཙིཏྟཾ་ཤྲཱི་ཡཿཀུ་རུ་ཧཱུྃ། ཧ་ཧ་ཧ་ཧ་ཧོཿ བྷ་ག་ཝཱན། སརྦ་ཏ་ཐ་ག་ཏོ་བཛྲ་མཱ་མེ་མུཉྩ། བཛྲི་བྷ་ཝ་མ་ཧཱ་ས་མ་ཡ་སཏྭ་ཨཱཿ དེ་ལྟར་སྔགས་རྣམས་ཚར་གསུམ་སོགས་བརྗོད་ཅིང་། དོན་དམ་པར་ནི་ཉེས་སྒྲིབ་བསག་བྱ་གསོག་བྱེད་དང་བསྐང་བྱ་བསྐོངས་བྱེད་ཀྱི་ཆོས་ཐམས་ཅད་ཀྱང་ཆོས་དབྱིངས་སྤྲོས་ཐལ་ཆེན་པོ་ལས་གཞན་མི་དམིགས་སོ། །བཅུ་གཅིག་པ་ཆད་མཐའ་བསལ་ཕྱིར་སླར་ཡང་ལྷར་ལྡང་ཞིང་སྤྲུལ་པ་སྒྱུ་མའི་ཚུལ་གྱིས་འགྲོ་དོན་རྒྱུན་དུ་སྤྱོད་པའི་གོ་ཆ་བགོ་བ་དང་སྨོན་ལམ་གྱིས་མཚམས་སྦྱར་བ་ནི། ཆོས་དབྱིངས་སྟོང་པ་ཉིད་དེའི་ངང་ནས་སྐད་ཅིག་གིས་གསལ་མདངས་འགག་མེད་ཆུ་བུར་རྡོལ་བ་ལྟར། རང་ཉིད་དཔལ་ཆེན་ཧེ་རུ་ཀ་མཐིང་ནག་རྡོ་རྗེ་ཐོད་ཁྲག་བསྣམས་ཤིང་ཁྲོ་ཆས་ཐམས་ཅད་རྫོགས་པ་ཡེ་ཤེས་ཀྱི་མེ་སྤུངས་འབར་

[Full Size]

བའི་ཀློང་ན་འགྱིངས་པའི་ཚུལ་དུ་ལམ་གྱི་གསལ་བའི་གནས་གསུམ་འབྲུ་གསུམ་གྱིས་མཚན་པ་ལས་འོད་འཕྲོས་ནས་སྣོད་བཅུད་ཐམས་ཅད་ལ་ཕོག་པའི་མཐུས། སྣོད་ཀྱི་འཇིག་རྟེན་ཐམས་ཅད་གཞལ་ཡས་ཁང་དང་། བཅུད་ཀྱི་སྐྱེ་འགྲོ་མཐའ་དག་ཧེ་རུ་ཀ་ཁོ་ནའི་ངོ་བོར་གྱུར་ཏེ། སྣང་ཚད་སྐུ། གྲག་ཚད་གསུང་དྲན་རྟོག་མཐའ་དག་ཆོས་ཉིད་རོལ་པ་ཆེན་པོ་འབའ་ཤིག་ཏུ་རིག་ཅིང་རྟོགས་པའི་རྣལ་འབྱོར་དང་མ་བྲལ་བའི་ངང་ནས་བྱ་སྤྱོད་ཐམས་ཅད་མཁའ་མཉམ་འགྲོ་བའི་དོན་དུ་དམིགས་ཤིང་། ཧཱུྃ། ངར་འཛིན་རྣམ་དག་སྒྱུ་ལུས་འཇའ་འདྲ་འདི། །དཔལ་ཆེན་སྐུ་གསུང་ཐུགས་ཀྱི་རྒྱས་བཏབ་སྟེ། །བདེན་པ་དབྱེར་མེད་ལྟ་སྤྱོད་ཟུང་འབྲེལ་བས། །རྒྱུན་དུ་འགྲོ་བ་འདྲེན་པའི་སྤྱོད་ལམ་བྱའོ། ཨོཾ་ཨཱཿཧཱུྃ་བཛྲ་ཧྲི༚། ཞེས་དམ་བཅའ་ཞིང་། དགེ་བ་མི་ཟད་ཅིང་གོང་དུ་འཕེལ་ཕྱིར་བསྔོ་བ་སྨོན་ལམ་གྱི་རྒྱས་གདབ་པ་འདི་ཡང་བྱ་སྟེ། ཧོ། བསོད་ནམས་ཡེ་ཤེས་ཚོགས་གཉིས་མཐུ་བྱིན་གྱིས། །བདག་གཞན་འགྲོ་བ་མ་ལུས་ཐམས་ཅད་ཀུན། །ཞི་

[Full Size]

རྒྱས་དབང་དྲག་ཕྲིན་ལས་མངའ་བརྙེས་ཤིང་། །སྐུ་གསུམ་ལྷུན་གྲུབ་འགྲོ་དོན་མཐའ་ཕྱིན་ཤོག །དེ་ནས་མཇུག་གི་མཐའ་རྒྱན་དུ་བཀྲ་ཤིས་བདེ་ལེགས་ཀྱི་ཚིགས་སུ་བཅད་པ་བརྗོད་ཅིང་རྟེན་འབྲེལ་སྙིང་པོ་བཟླས་པའི་མེ་ཏོག་གི་ཆར་དབབ་ཅིང་དབྱངས་དང་བཅས་པས། ཁྱབ་བདག་ཀུན་ཏུ་བཟང་དང་རྡོ་རྗེ་སེམས། །དགའ་རབ་ཤྲཱི་སིང་ཨུ་རྒྱན་ཡབ་ཡུམ་དང་། །ཆོས་ཀྱི་དབང་ཕྱུག་ཡབ་སྲས་རྒྱུད་པར་བཅས། །རྩ་རྒྱུད་བླ་མ་རྣམས་ཀྱི་བཀྲ་ཤིས་ཤོག །ཆོས་སྐུ་མི་འགྱུར་ཀུན་ཏུ་བཟང་པོའི་ཀློང་། །ལོངས་སྐུ་རིགས་ལྔ་སྐུ་ལྔ་ཡེ་ཤེས་ལྔ། །སྤྲུལ་སྐུ་སྣ་ཚོགས་འགྲོ་དོན་ཡིད་བཞིན་གཏེར། །བདེར་གཤེགས་ཞི་བའི་ལྷ་ཚོགས༴ ཆོས་དབྱིངས་རྣམ་དག་ངང་ལས་མ་གཡོས་ཀྱང་། །ཐབས་ཀྱིས་ཁྲོ་བོར་སྐུར་བསྟན་གདུག་པ་འདུལ། །ཆེ་བའི་ཆེ་མཆོག་ལྷ་ཡི་ལྷར་གྱུར་པ། །ཀུན་བཟང་ཧེ་རུ་ཀ་ཡི༴ སྐུ་མཆོག་འགྱུར་བ་མེད་པའི་དཀྱིལ་འཁོར་ནས། །འཇམ་དཔལ་བཤེས་གཉེན་སྲིད་སྐུ་

[Full Size]

ཡི་དཔལ། །འགྱུར་མེད་དོན་ནི་ཡེ་ནས་ལྷུན་གྲུབ་པའི། །བཤེས་གཉེན་ཡོངས་རྫོགས་སྐུ་ཡི་བཀྲ་ཤིས་ཤོག །གསུང་མཆོག་འགག་པ་མེད་པའི་དཀྱིལ་འཁོར་ནས། །དབང་ཆེན་རྟ་མགྲིན་ཆོས་སྒོ་འདུས་པའི་དཔལ། །འགག་མེད་དོན་ནི་ཡེ་ནས་ལྷུན་གྲུབ་པའི། །དབང་ཆེན་ཡོངས་རྫོགས་གསུང་གི༴ ཐུགས་མཆོག་འཁྲུལ་པ་མེད་པའི་དཀྱིལ་འཁོར་ནས། །བཛྲ་ཧེ་རུ་ཀ་རང་བྱུང་ཐུགས་ཀྱི་དཔལ། །འཁྲུལ་མེད་དོན་ནི་ཡེ་ནས་ལྷུན་གྲུབ་པའི། །ཡང་དག་ཡོངས་རྫོགས་ཐུགས་ཀྱི༴ ཡོན་ཏན་མི་ཟད་གཏེར་གྱི་དཀྱིལ་འཁོར་ནས། །ཆེ་མཆོག་ཧེ་རུ་ཀ་ཡོན་ཏན་རྫོགས་པའི་དཔལ། །ཡོན་ཏན་དོན་ནི་ཡེ་ནས་ལྷུན་གྲུབ་པའི། །བདུད་རྩི་ཡོན་ཏན་ཡོངས་རྫོགས༴ ཕྲིན་ལས་ཐོགས་པ་མེད་པའི་དཀྱིལ་འཁོར་ནས། །རྡོ་རྗེ་གཞོན་ནུ་མཐུ་སྟོབས་རྫོགས་པའི་དཔལ། །ཕྲིན་ལས་དོན་ནི་ཡེ་ནས་ལྷུན་གྲུབ་པའི། །ཕུར་པ་ཕྲིན་ལས་

[Full Size]

ཡོངས་རྫོགས༴ གཟི་བརྗིད་ཡོངས་སུ་རྫོགས་པའི་དཀྱིལ་འཁོར་ནས། །བླ་མེད་ཧེ་རུ་ཀ་མ་མོ་འདུས་པའི་དཔལ། །སྐྱེ་འགག་གཉིས་མེད་དོན་ནི་ལྷུན་གྲུབ་པའི། །མ་ཚོགས་ལས་ལ་འཁོར་བའི༴ བྱིན་རླབས་ཡོངས་རྫོགས་འདུས་པའི་དཀྱིལ་འཁོར་ནས། །རིག་འཛིན་གཙོ་མཆོག་རྒྱུད་ལུང་མན་ངག་དཔལ། ས་ལམ་ཡོན་ཏན་རང་བཞིན་ལྷུན་གྲུབ་པའི། །ཤེས་རབ་རྣམ་གསུམ་མངའ་བརྙེས༴ དྲག་རྩལ་མེ་ལྟར་འབར་བའི་དཀྱིལ་འཁོར་ནས། །དྲེགས་པ་ཀུན་འདུལ་བདུད་དཔུངས་འཇོམས་པའི་དཔལ། །མཐུ་རྩལ་རྨད་བྱུང་སངས་རྒྱས་བསྟན་པ་བསྲུང་། །སྡེ་བརྒྱད་བྲན་དུ་འཁོལ་བའི༴ དགྲ་གེགས་གདུག་པ་ཚར་གཅོད་དཀྱིལ་འཁོར་ནས། །སྟོབས་ལྡན་ནག་པོ་སྣང་སྲིད་སྲོག་བདག་དཔལ། །དྲག་སྔགས་དམོད་པས་མ་རུངས་ལོག་ལྟ་སྒྲོལ། །ནུས་མཐུ་ཡོངས་སུ་རྫོགས་པའི་བཀྲ་ཤིས་ཤོག །བཀའ་དང་དམ་ལ་གནས་པའི་དཀྱིལ་འཁོར་ནས། །དམ་ལྡན་

[Full Size]

སྐྱོངས་ཤིང་དམ་ཉམས་རྡུལ་དུ་རློག །རྣམ་བཞིའི་ཕྲིན་ལས་ལྷུན་གྱིས་གྲུབ་པའི་དཔལ། །བཀའ་སྡོད་ཡོངས་རྫོགས་སྲུང་མའི་བཀྲ་ཤིས་ཤོག །ཐོས་བསམ་སྒོམ་པ་མཐར་ཕྱིན་བླ་མ་མཆོག །དངོས་གྲུབ་ཀུན་སྩོལ་ཡི་དམ་ཡོངས་རྫོགས་ལྷ། བར་ཆད་སེལ་མཛད་མཁའ་འགྲོ་ཆོས་སྐྱོང་ཚོགས། །བཀྲ་ཤིས་དེས་ཀྱང་དེང་འདིར་བདེ་ལེགས་ཤོག །ཅེས་སོགས་ཤིས་བརྗོད་རྒྱས་པར་བྱའོ། །དེ་ནས་བླ་མའི་གཏོར་མ་དང་བདུད་རྩི་སྨན་སོགས་དངོས་གྲུབ་ཏུ་ལེན་པར་འོས་པའི་རྫས་རྣམས་དངོས་གྲུབ་ཏུ་བླངས་ཤིང་། གཞན་མཆོད་རྫས་ཡོ་བྱད་སོགས་བསྡུ་བར་འོས་པ་རྣམས་གཤེགས་བསྡུ་བྱ་ཚུལ་མཇུག་གི་བྱ་བ་མཐའ་དག་སྤྱི་དང་མཐུན་པར་བྱའོ། །འདི་ལ་གང་ཟག་ལ་ལའི་བསམ་ཡུལ་དུ་རྒྱུད་སྡེ་འོག་མ་དག་གི་འགྲོས་དང་བསྟུན་ན་ཡེ་ཤེས་པ་རང་བཞིན་གྱི་གནས་སུ་གཤེགས་ཚུལ་མི་འདུག་པས་ཅི་ཞིག་སྙམ་དུ་སེམས་པ་འབྱུང་སྲིད་འདི་ནི་གསང་སྔགས་བླ་མེད་རྒྱུད་སྡེ་གོང་མའི་ལུགས་ཀྱིས། དམ་ཡེ་དབྱེར་མེད་དུ་བསྲིས་ཚར་ནས་སླར་གཤེགས་

[Full Size]

གསོལ་བྱ་མི་དགོས་པར་ཆོས་ཉིད་ཐིག་ལེ་ཉག་གཅིག་ཆེན་པོར་བསྡུ་བ་ནི་ཁྱད་པར་འཕགས་པའི་སྐབས་དོན་ཡིན་ནོ། །དེ་ལྟར་འདི་ཡན་ཆད་ཀྱིས་ཞི་ཁྲོ་བཀའ་བརྒྱད་གསང་བ་ཡོངས་རྫོགས་ཆེན་པོའི་ལས་བྱང་གཞུང་སྲོང་གི་རིམ་པ་གུ་རུ་རིན་པོ་ཆེ་པདྨ་འབྱུང་གནས་ཉིད་ཀྱིས་མཛད་ནས་རྗེ་འབངས་གྲོགས་གསུམ་ལ་ཟབ་པར་གདམས་པ་ཆོས་དབང་གི་གཏེར་བྱོན་སོར་བཞག་དང་། ས་བཅད་ཀྱི་གོ་རིམ་ཀྱང་རྩ་ཐོ་ཉིད་ཇི་ལྟ་བ་ལས་གཞན་པའི་བཅོས་སླད་ཀྱི་དྲི་མ་མེད་པར་བསྟན་ཟིན་ཏོ། །དེ་ཡང་སྤྱིར་གང་ཟག་གི་བསམ་པའི་བྱེ་བྲག་ཐ་དད་སྣ་ཚོགས་པའི་དབང་གིས། གསང་སྔགས་སྔ་འགྱུར་གཏེར་བྱོན་གྱི་ལས་གཞུང་སོགས་ལ། ལ་ལས་ཧ་ཅང་རྒྱས་ནས་ཉོག་འདུག་ཅེས་ཟེར་ནས་འཕྲི་བ་དང་། ལ་ལས་བསྡུས་པས་མ་ཚང་འདུག་ཅེས་གཞན་ནས་འགེབས་པ་དང་། འགའ་ཞིག་གིས་གསང་སྔགས་གསར་མའི་ཆོག་གཞུང་སོགས་ཀྱི་འགྲོས་དང་བསྟུན་ནས་བཅོས་བསྒྱུར་སྣ་ཚོགས་བྱེད་པ་སྣང་ཡང་། འཁོར་འདས་དུས་གསུམ་མ་ལུས་སྒྲིབ་མེད་དུ་གཟིགས་པའི་རྒྱལ་མཆོག་པདྨ་འབྱུང་གནས་ཀྱིས་མ་མཁྱེན་མི་དགོངས་པ་ཅིག་ནམ་དུའང་སྲིད་པ་མ་ཡིན་ཚེ། དེའི་བཀའ་གཞུང་ལྷད་མེད་དྲི་བྲལ་

[Full Size]

ཉིད་ལག་ཏུ་བླངས་ཤིང་ཉམས་སུ་ལོན་ན་བྱིན་རླབས་ཀྱི་འཇུག་ཚུལ་བསླུ་བ་མེད་པ་ཆོས་ཉིད་ཡིན་པས་ན། ཟབ་མོའི་ཆོས་ལ་རང་བཟོའི་དྲི་མས་མ་བསླད་པ་ཤིན་ཏུ་གལ་ཆེ་བའི་ཚུལ་ཡང་ཕྱིས་འབྱུང་གི་གང་ཟག་རྣམས་ཀྱིས་ཤེས་པར་བྱའོ།། ༈ །།རྒྱལ་བའི་དཀྱིལ་འཁོར་རབ་འབྱམས་མཐའ་ཡས་ཀུན། །ཞི་ཁྲོ་བཀའ་བརྒྱད་སྙིང་པོར་མ་འདུས་མེད། །འདི་བསྒྲུབ་རྒྱལ་བའི་དཀྱིལ་འཁོར་མ་ལུས་ཀྱི། །ཐུགས་སྲོག་སྙིང་པོའི་དངོས་གྲུབ་བདེ་བླག་གྲུབ། །དུས་གསུམ་རྒྱལ་བའི་སྤྱི་སྒྲུབ་ཟབ་མོ་ལ། །གང་གིས་རྩེ་གཅིག་གུས་པས་མཆོད་དང་བསྒྲུབ། །དེ་ལ་རྒྱལ་བ་རྣམས་ཀྱིས་བྱིན་རློབས་ཤིང་། །རིག་འཛིན་དཔའ་བོ་མཁའ་འགྲོས་སྤུན་དུ་དགོངས། །བཀའ་སྡོད་དམ་ཅན་རྣམས་ཀྱང་རྗེ་བོར་ཁུར། །མ་རུངས་འབྱུང་པོ་འདུག་པའི་གཉེན་པོར་ཆེ། །མཆོག་དངོས་གེགས་མེད་ཚེ་གཅིག་ཐོབ་འགྱུར་ན། །ཐུན་མོང་ཕྲིན་ལས་བཞི་སོགས་སྨོས་ཅི་དགོས། །དེ་ཕྱིར་གསང་བ་ཡོངས་སུ་རྫོགས་པའི་གཞུང་། །འདི་ནི་རྒྱལ་དབང་པདྨའི་བཀའ་ཟོལ་མེད། །ཆོས་ཀྱི་དབང་ཕྱུག་ཟབ་གཏེར་ཡང་བཅུད་དེ། །རིག་འཛིན་བརྒྱུད་པའི་ཐུགས་དམ་སྙིང་པོའོ།། ༈ །།དེ་ལྟ་བུའི་གསང་སྔགས་སྙིང་པོ་སྒྲུབ་པ་བཀའ་བརྒྱད་ཡོངས་རྫོགས་ཆེན་པོའི་ཕྲིན་ལས་

[Full Size]

ཕྲིན་ལས་གཞུང་སྲོང་གི་རིམ་པ་འདི་ཉིད་ཀྱི་ངག་འདོན་གྱི་ཚིག་རྣམས་གཏེར་གཞུང་སོར་བཞག་དང་། ཅུང་ཟད་ཙམ་ཁ་སྐོང་ལྷན་ཐབས་མེད་མི་རུང་གི་རིགས་དག་ཀྱང་བཀའ་བརྒྱད་ཡོངས་རྫོགས་ཉིད་ཀྱི་ཡིག་ཆ་ལས་བྱུང་བ་ཁོ་ན་མ་གཏོགས་གཞན་དང་མ་འདྲེས་པ་དང་། ས་བཅད་སོ་སོའི་སྐབས་དོན་བསྒོམ་བྱའི་དམིགས་རིམ་རྣམས་མདོ་ཙམ་མ་བསྟན་ན། དིང་སང་གི་ཆོས་པ་སྤྱི་དང་ཁྱད་པར་གསང་སྔགས་པར་རློམ་པ་ཕལ་མོ་ཆེས་ཆོ་ག་ཏིང་འཛིན་དང་མ་ལྡན་པར་བྲོ་པ་གླུ་གྲ་བསྒྲིགས་པ་ལྟར་གདངས་དབྱངས་དང་རོལ་མོའི་སྒྲ་ཙམ་འབའ་ཤིག་དོན་དུ་གཉེར་བ་ཆོ་གའི་གཟུགས་བརྙན་གྱིས་འཚོ་བ་ཤ་སྟག་མཐོང་བས། དེ་འདྲ་བས་དོན་འགྲུབ་པ་མ་ཡིན་ཚེ། བསྐལ་བཟང་དོན་ལ་བརྟེན་པའི་སྐྱེས་མཆོག་དག་ལ་ཕན་པར་བསམ་ནས། བཀའ་བརྒྱད་ཡོངས་རྫོགས་ཀྱི་སྐྱེད་རྫོགས་གསུམ་གྱི་གཞུང་འགྲེལ་སྒོམ་ཁོག་སོགས་ལས་ཇི་ལྟར་བྱུང་བ་ལྷད་མེད་འགག་བསྡུས་གོ་བདེར་བཀོད་པ་ལས། མི་ཤེས་ཤེས་བརྫུའི་སྤྱི་བརྟོལ་གྱིས་གཟུ་ལུམ་རས་ཆོད་དུ་བྱས་པ་མ་ཡིན་ལ། འདི་ལྟ་བུ་ཡི་གེའི་ལམ་དུ་འཁོད་ནས་སྒྲུབ་པ་པོ་མཆོག་དམན་བར་མ་ཐམས་ཅད་ཀྱིས་ཚིག་དོན་ལག་ཏུ་

[Full Size]

བླང་བདེ་བ་ཞིག་ཀྱང་གྱིས་ཤིག་ཅེས། མདོ་ཁམས་ཤར་ཕྱོགས་སུ་གསང་སྔགས་རྙིང་པོའི་བསྟན་པ་རིན་པོ་ཆེ་འཛིན་སྐྱོང་བསྲུང་སྤེལ་གྱི་མངའ་བདག་དམ་པར་གྱུར་པ་མི་ཡི་མགོན། ལྷའི་རྗེ་གདུལ་བྱའི་དེད་དཔོན། མངོན་པར་མཐོ་བ་དང་ངེས་པར་ལེགས་དཔལ་ལ་དབང་འབྱོར་བ་མཚུངས་བྲལ་ཆོས་ཀྱི་རྗེ་ངག་དབང་བསྟན་སྐྱོང་དཔལ་བཟང་པོ་ཕྱོགས་ཐམས་ཅད་ལས་རྣམ་པར་རྒྱལ་བའི་སྡེབ་བཀའི་བསྐུལ་བ་ཡང་དག་པ་གསེར་གྱི་མེ་ཏོག་དང་བཅས་པ་བསྩལ་བ་ཉིད་ལྷག་བསམ་བཟང་པོའི་ཐོད་དུ་བཅིངས་ཏེ་ཡི་གེར་སྒྲིགས་ཆགས་སུ་བཀོད་པ་འདི་ནི། ཡང་དག་པར་སྤོང་བ་བཞི་ལ་མོས་པ་ལམ་དུ་བྱེད་པའི་བཙུན་པ་མཁས་མཆོག་པདྨ་ལེགས་གྲུབ་རྩལ་གྱིས། ཆུ་ཀླུང་པཀྵུ་གཡས་སུ་འཁྱིལ་བའི་ངོགས་ཀྱི་རི་བོའི་སྤོ་བསམ་གཏན་དང་རྣམ་པར་གྲོལ་བ་ལ་མངོན་པར་སྦྱོར་བའི་དབེན་ཁང་གསེར་གྱི་རྒྱལ་མཚན་ཅན་དུ་ཡིག་ལམ་དུ་བཀོད་པ་འདིས་མཚོན་ཚེ་རབས་ཀུན་གྱི་ལེགས་བྱས་མ་ལུས་གཅིག་ཏུ་བཟླུམས་པའི་མཐུ་འབྲས་ཀྱིས། ཕྱོགས་བཅུ་རབ་འབྱམས་ནམ་མཁའི་མཐའ་ཀླས་པའི་སེམས་ཅན་རྣམས་

[Full Size]

མི་གནས་པའི་མྱང་འདས་ཆེན་པོ་ལ་འཁོད་པར་གྱུར་ཅིག །མསྡུ་སརྦ་ཛ་ག་ཏཱཾ། གཅིག་ཞུས་ཁུལ་ལགས།

བླ་མ་དགོངས་པ་འདུས་པའི་སྒྲུབ་པ་ཆེན་པོ་བདུད་རྩི་སྨན་སྒྲུབ་སྤྲོས་བཅས་བུམ་དབང་དང་བཅས་པ་ཕྱག་བཞེས་ཇི་ལྟར་བྱ་ཚུལ་གྱི་ས་བཅད་ཟིན་སུ་བཀོད་པ།

[Full Size]

བླ་མ་དགོངས་པ་འདུས་པའི་སྒྲུབ་པ་ཆེན་པོ་བདུད་རྩི་སྨན་སྒྲུབ་སྤྲོས་བཅས་བུམ་དབང་དང་བཅས་པ་ཕྱག་བཞེས་ཇི་ལྟར་བྱ་ཚུལ་གྱི་ས་བཅད་ཟིན་སུ་བཀོད་པ་བཞུགས་སོ།

[Full Size]

གདོད་ནས་རང་བཞིན་རྣམ་དག་ཆོས་སྐུའི་ཀློང་། །འགག་མེད་རང་ཤར་གཟུགས་སྐུ་དཀྱིལ་འཁོར་ལྷ། །སྣ་ཚོགས་སྤྲུལ་བསྒྱུར་སྒྱུ་མའི་གར་མཁན་མཆོག །བླ་མ་ལྷ་དང་ཌཱ་ཀིར་སྙིང་ནས་འདུད། །ཐེག་དགུའི་ཡང་ཞུན་ཟབ་གསལ་རྡོ་རྗེའི་ཐེག །མཐའ་དག་སྨིན་གྲོལ་གནད་གསང་ལ་འདུས་ཕྱིར། །ཟབ་པའི་མཐར་ཐུག་དགོངས་འདུས་གསེར་ཆོས་ཀྱི། །སྨིན་གྲོལ་ཕྱག་བཞེས་རིམ་པ་འདིར་བསྟན་བྱ། དེ་ལ་འདིར་བླ་མ་དགོངས་པ་འདུས་པའི་སྨིན་བྱེད་ཀྱི་སྒྲུབ་པ་ཆེན་པོའི་ཕྱག་བཞེས་རིག་འཛིན་བརྒྱུད་པའི་

[Full Size]

ཞལ་གྱི་བདུད་རྩི་དྲི་མ་མེད་པ་ཡི་གེར་བཀོད་དེ་སྐལ་ལྡན་རྣམས་ཀྱི་འདོད་པ་འཇོ་བའི་ནོར་བུར་སྦྱིན་པར་བྱ་བ་ལ། ཐོག་མར་ས་བཅད་ཀྱི་སྡོམས་ནི། སྙན་གསན་དབབ་ཅིང་སྒྲུབ་རྫས་ཡོ་བྱད་བསག །ས་ཡི་བདག་པོ་རྣམས་ལ་བདེན་ཚིག་བརྗོད། །ཆུ་གཏོར་སཱཙྪ་རྒྱ་བཞི་གསུམ་རབ་བསྒྲག །གཏོར་ཟློག་ལིང་སྒྲུབ་དྲག་པོའི་སྦྱིན་སྲེག་བྱ། །དེ་ལྟར་རྐྱེན་ཟློག་ཚོགས་གསོག་ཅི་འགྲུབ་འབད། །དེ་ནས་སྔོན་འགྲོར་སྐོངས་དང་ཡིག་བརྒྱ་འབུམ། །བརྒྱ་ཕྱག་སྤང་སྐོང་ཞི་བའི་སྦྱིན་

[Full Size]

སྲེག་བྱ། །རྟགས་ཀྱི་ཕྱག་རྒྱས་རྣལ་འབྱོར་གྲངས་ལ་གདབ། །ས་དབྱིབས་སྤྱི་དང་བྱེ་བྲག་བརྟག་ལ་བླངས། །སྔགས་དང་བྱ་བས་སྦྱང་ཞིང་མ་ཏྲྃ་བསྒྲལ། །གཏེར་སྦ་བློ་དང་སྟངས་སྟབས་ཁྲོ་གར་བཟུང་། །ཕུར་བུས་བསྲུང་ཞིང་ཤིས་བརྗོད་གར་སྡུད་བྱ། །ཚོམ་བུའི་དཀྱིལ་འཁོར་བཞེངས་ཤིང་བུམ་སོགས་བཤམ། །སྐྱབས་སེམས་ཡན་ལག་བདུན་དང་ཕྱི་གཏོར་བཏང་། །བདག་སྐྱེད་རྒྱལ་ཐོ་གཟུག་ཅིང་གསོལ་བ་གདབ། །མདུན་སྐྱེད་བུམ་སྐྱེད་སོ་ཤིང་སོགས་བྱིན་བརླབ། །ཆོས་སྐྱོང་བསྐང་གསོ་ཁྲུས་དང་མེ་ཐུན་བརྡེག །དམ་སྲི་མནན་ཞིང་སྒོ་བྱང་ཕྱི་ནང་གདག །ཀུན་ཚོགས་བྱུར་ཕུད་བགེགས་སྦྱང་ཌཱཀིྐ་འགྱེད། །མཚམས་ཕུར་ཕྱག་འཚལ་མཎྜལ་ཆོས་བཤད་བྱ། །སྐྱབས་སེམས་སྡོམ་བཟུང་གནས་གསུམ་བྱིན་གྱིས་བརླབ། །སོ་ཤིང་ཁྱོར་ཆུ་སྲུང་སྐུད་ཀུ་ཤ་སྦྱིན། །ལོ་རྒྱུས་བཤད་ནས་ཤིས་བརྗོད་འདུ་ཚོགས་གྱེས།

[Full Size]

བཏང་རག་ཚོགས་མཆོད་གཏོར་བསྔོ་གསོལ་གདབ་བྱ། ལྷ་ཚོགས་ནམ་མཁར་བཏེགས་ནས་རྫས་རྣམས་བསྡུའོ། །སྔོན་འགྲོ་ཐུན་མོང་ཁྱད་པར་ཡོངས་རྫོགས་པའོ།། ༈ །།དངོས་གཞིའི་དང་པོར་ཆག་ཆག་ཐིག་ཚོན་བྲི། །བུམ་སོགས་བཅས་བཤམ་ལྷ་ཚོགས་བསྐོས་ལ་གདབ། །དཀྱིལ་འཁོར་རྒྱན་དང་སྒྲུབ་རྫས་ཤར་གདབ་དགོད། །བསངས་སྦྱངས་སྐྱབས་སེམས་ཚོགས་བསགས་སྲུང་མཚམས་བཅད། །ཆོས་བཤད་སློབ་དཔོན་མཆེད་ལྕམ་མངའ་གསོལ་དབུལ། །རྟགས་གདབ་བརྡའ་སྒོ་བརྡའ་ཕྱག་བྱིན་འབེབས་བྱ། །ཡན་ལག་བདུན་ནས་བདག་མདུན་བུམ་སྐྱེད་སོགས། །དཀྱིལ་ཆོག་བསྐང་གསོ་ཚོགས་ལས་ཡོངས་རྫོགས་བཏང་། །ནང་པར་དཀྱིལ་ཆོག་ཡོངས་རྫོགས་གཞུང་བསང་ལ། དཀྱིལ་འཁོར་ཕྱི་འཇུག་ནང་འཇུག་ལྷ་སྔགས་ཀྱི། དག་པ་སོ་སོར་རྒྱས་བཤད་འཛབ་དགོངས་ཕོགས། །འཛབ་བསྐུལ་ཞགས་གསུམ་ལ་སོགས་

[Full Size]

ཅེ་རིག་སྒྲུབས།། ༈ །།དེ་ཚེ་སྨན་དང་སྦྲེལ་ན་ཁྲོམ་བུ་བཤམ། །སྦྱང་དང་བཞུ་བཏུལ་འཛབ་བཅས་བསྒྲུབ་བྱས་ལ། སླར་ཡང་བཏགས་བཙགས་སྦོལ་གཞལ་རྒྱས་བཏབ་བཤམ། །རྟ་བྲོས་བགེགས་བསྐྲད་སྨན་གྱི་བྱིན་འབེབས་ནི། །དུས་དྲུག་མྱུལ་ལེ་བཀྲད་བཅས་འཛབ་འབུངས་སྒྲུབས། །རྟ་ཐེན་ནུ་མོ་ལས་བྱང་བསྟོད་བསྐུལ་འབད། །མཎྜལ་ཞལ་བསྒྱུར་ཚེ་དབང་རྫས་སོགས་བཤམ། །ཐོ་རངས་སྒྲུབ་ཁོབ་གཞུང་ལྟར་དངོས་གྲུབ་བླངས། །བདུད་རྩིའི་དངོས་གྲུབ་ལེན་ཆོག་སྨན་དབང་བསྐུར། །རྒྱ་དཀྲོལ་སྨན་མཆོད་དངོས་གྲུབ་རྫས་ཆོག་རོལ། །ཚེ་དབང་བསྐུར་ཞིང་ཕྱི་དྲོ་སྒྲུབ་ལུང་སྦྱིན། །རྒྱས་པའི་སྦྱིན་སྲེག་གཏུམ་མོའི་མེ་དབང་བྱ།། ༈ །།དེ་ནས་སྤྲོས་བཅས་བུམ་དབང་མཐའ་རྟེན་བཅས། །རབ་འབྱམས་སྐུ་གསུང་ཐུགས་ཡོན་ཕྲིན་ལས་དང་། །གསང་བ་རྡོ་རྗེ་སློབ་དཔོན་དོན་དམ་བཅུད། །ཡོན་ཏན་མཆོད་རྫས་ཕྲིན་ལས་སྲོག་དབང་དང་། །དབང་གི་སྦྱིན་

[Full Size]

སྲེག་ལ་སོགས་སྐབས་སྦྱར་བྱ། །དངོས་གཞི་སྒྲུབ་སྨན་དབང་ཀུན་ཡོངས་རྫོགས་པའོ། །རྗེས་ནི་དྲག་ལས་བཅས་གསར་བསྐུལ་ཆེན་བཏང་། །མཁྱེན་གསོལ་གཟུགས་དཔང་བསྒྲལ་ལས་ཆོས་སྐྱོངས་བསྐུལ། །ཕྱི་ནང་ཐོད་དཀྲོལ་བཏང་རག་ཟོར་སྒོ་དབྱེ། །འཆད་མདོ་གཏོར་ཟོར་བསྟན་སྐྱོང་གཏོར་བྲོ་བྱ། །བཏང་རག་མཆོད་བསྟོད་དངོས་གྲུབ་གཏོར་དབང་བླང་། །གཤེགས་གསོལ་བསྔོ་སྨོན་བསྡུ་མཆོག་ཀུན་གྲུབ་ཚེ། །རྡོ་རྗེ་སློབ་དཔོན་སྟེགས་བུའི་སྟེང་བཞུགས་ལ། །སྐུ་དྲིན་གསོ་ཞིང་མར་མེ་སྨོན་ལམ་གདབ། །ཤིས་བརྗོད་གཏེར་སྦ་རྡུལ་ཚོན་གཤེགས་གནས་བསྲུང་། །རྗེས་ཀྱི་རིམ་པ་མཐའ་དག་ཡོངས་གྲུབ་པའོ།། ༈ །།དེ་ལྟ་བུས་སྒྲུབ་ཆེན་གྱི་ས་བཅད་སྤྱི་སྡོམ་གྱི་རིམ་པ་མདོར་བསྟན་ནས། །བྱེ་བྲག་ཏུ་ཕྱག་བཞེས་ཀྱི་ལས་རིམ་ཇི་ལྟར་བྱ་ཚུལ་རྒྱས་པར་བཤད་པ་ནི། དེ་ཡང་གསང་སྔགས་ཐེག་ཆེན་བླ་

[Full Size]

མེད་ཀྱི་དབང་དང་སྒྲུབ་པ་ཆེན་པོ་འདི་ལྟ་བུ་སྟོན་པར་བྱེད་པའི་རྡོ་རྗེའི་སློབ་དཔོན་མཚན་ཉིད་དང་ལྡན་པ་གང་དེ་ཉིད། སྔོན་དུ་བདག་ཉིད་བརྩ་བ་གསུམ་གྱི་བསྙེན་པ་གྲངས་དུས་རྟགས་ཀྱི་རིམ་པ་དང་བཅས་པ་གཞུང་དང་མཐུན་པར་ཚད་དུ་འཁྱོལ་བ་དང་། རང་དོན་དུ་སྤྲོས་མེད་ཀྱི་སྒྲུབ་པའི་རིགས་གང་དང་གང་དག་རྣམས་ཀྱང་ནུས་ལྡན་རྟགས་ཐོན་དུ་སྒྲུབས་པ་ནི་མཆོག་ཏུ་གཅེས་པ་ཁོ་ན་ཡིན་ཕྱིར་དེ་ལྟ་བུ་སྔོན་དུ་བཏང་ལ།། ༈ །།དེ་ནས་མཚན་ཉིད་དང་ལྡན་པའི་སློབ་མ་རྣམས་ཀྱིས་ཀྱང་ལོ་ཟླའི་གོང་ནས་སློབ་དཔོན་ལ་སྙན་གསན་དབབ་པ་དང་། བླ་མས་ཀྱང་སྒྲུབ་པ་ཆེན་པོ་ལ་དགོས་པའི་ཡོ་བྱེད་ཀྱི་སྟ་གོན། བསྙེན་པ་ཁ་གསོ་བའི་རིགས་སོགས་གྲུབ་པར་བྱས་ནས། དེ་ནས་སྒྲུབ་པ་དངོས་ཀྱི་དུས་ཚེས་ཕུན་སུམ་ཚོགས་པའི་སྐབས་ལ་ནམ་བབས་པའི་ཚེ། ཐོག་མར་ཐུན་མོང་གི་སྔོན་དུ་འགྲོ་བའི་ལས་ཁྲིགས་ལ། དང་པོ་ས་ཆོག་སྟ་གོན་

[Full Size]

ལས། ས་བསླང་བ་ནི། ཡུལ་ཅན་མི་ལ་བསླང་བ་ནི་བཟའ་བཏུང་བདེན་ཚིག་དཀྲོལ་བ་སོགས་ཀྱིས་བསླང་ཞིང་། མི་མ་ཡིན་རྣམས་ལ་ནི་བསངས་དང་བསུར་མཆོད་ལ་སོགས་པས་ཚིམ་པར་བྱས་ཏེ་ས་བསླང་བའི་ཆོ་ག་བྱ་ཞིང་མ་མོའི་མདོས་སམ། རྒྱལ་མདོས་དང་ལྷ་འདྲེ་སྟོང་དྲ་སོགས་ཀྱིས་བར་མ་ཆད་བསམ། རི་རྒྱ་ཀླུ་རྒྱ་ལམ་རྒྱ་མགས་རྒྱ། རྒྱ་བཞི་བསྡམས་པ། སཱཙྪ། ཆུ་གཏོར། གསུང་རབ་བསྒྲགས་པ་སོགས་ཀྱི་རྒྱབ་ཆོས་དཀར་ཆོས་གང་འགྲུབ་དང་། བཀའ་བརྒྱད་དང་ཕུར་པ་གང་རུང་གི་གཏོར་སྒྲུབ་ལོངས་སྐབས་བསྟུན་པའི་ཞག་གྲངས་ཀྱི་སྒྲུབས་ནས། དམ་སྲི་མནན་པའི་ལིངྒ་དང་ཐུན་ལ་སོགས་ཀྱང་འདིའི་ཁོངས་ནས་ནན་ཏན་དུ་བསྒྲུབ་ཅིང་གཏོར་ཟློག་ཚུལ་ལྡན་དུ་བྱ་བ་དང་། དྲག་པོའི་སྦྱིན་སྲེག་ལ་དགོས་པའི་ལིངྒ་ཡང་བརྒྱ་ཕྲག་ཙམ་དུ་སྟ་གོན་བྱས་ལ་འདི་དུས་ལྷན་ཅིག་ཏུ་བསྒྲུབ་པའི་

[Full Size]

མཐར། སྒྲུབ་པ་ཆེན་པོ་ལ་བར་དུ་གཅོད་པའི་བགེགས་རིགས་རྡུལ་དུ་རློག་པའི་དྲག་པོའི་སྲེག་ཀྱང་རྒྱལ་སར་བྱ་བ་རབ་ཏུ་གཅེས་ཏེ། མདོར་ན་འདི་ཡན་ཆད་མཐའ་དག་ནི་སྒྲུབ་པའི་སྔོན་ནས་བར་ཆད་བསལ་བའི་རྟེན་འབྲེལ་གྱི་ཆོ་ག་ཡིན་ཕྱིར། སྒྲུབ་པའི་ཞག་གྲངས་དངོས་ལ་མི་ཐེ་བ་ཉིད་དོ།། ༈ །།དེ་ནས་སྔོན་འགྲོ་དངོས་ཀྱི་ཞག་དང་པོ་ལ། ན་རག་སྐོངས་བཤག་ཡིག་བརྒྱ་སྤང་སྐོང་ཕྱག་རྒྱ་ལ་སོགས་སྒྲུབ་པ་པོ་ཐམས་ཅད་ཀྱི་ཉམས་ཆགས་བཤགས་པའི་ཐབས་ལ་འབད་ཅིང་། སྡིག་སྒྲིབ་སྦྱོང་ཕྱིར་ལ་དམིགས་ནས་ཞི་བའི་སྦྱིན་སྲེག་དང་དེའི་བླུད་ཆོག་སོགས་གནད་ཀྱི་ཞལ་གདམས་ནས་འབྱུང་བ་ལྟར་བྱ་བ་ཡང་གཏེར་སྟོན་བརྒྱུད་པའི་ཕྱག་བཞེས་ཡིན་ལ། འདི་ནས་བཟུང་སྟེ་སྒྲུབ་ཆེན་ལ་ཞུགས་མཁན་ཇི་ཙམ་ཡོད་པའི་གྲངས་དང་མཐུན་པའི་རྡོ་རྗེ་སློབ་དཔོན་གྱི་ཕྱག་རྟག་བཀྲམ་ནས་གྲངས་ངེས་སུ་བྱས་ལ་

[Full Size]

ཕྱག་རྟགས་དང་མི་ལྡན་པ་ནི་སྒྲུབ་པའི་ཁོངས་སུ་མི་གཞུག་པ་ཡང་བར་ཆད་མི་འབྱུང་བའི་རྟེན་འབྲེལ་གྱི་ཐབས་གནད་ཟབ་མོ་སྟེ། དེ་ལྟར་འདི་ཡན་ཆད་སྔོན་འགྲོའི་ཞག་དང་པོའོ། །ཞག་གཉིས་པ་ལ། ས་བརྟག་པ། བླང་བ། སྦྱང་བ་རྣམས་དཀྱིལ་ཆོག་ཆེན་མོ་ལས་འབྱུང་བ་བཞིན་དང་། སྦྱང་བ་ཚུལ་བཞིན་བྱས་པའི་ས་དེ་ཉིད་སྟེགས་བུའི་གནས་སུ་སྤུངས་པ་ལ་མ་ཏྲྃ་གཟུགས་གཞུང་བཞིན་བཟོས་ནས། གིང་དང་རོལ་མོ་བ་སོགས་ཚགས་སུ་ཆུད་པ་དང་། ཐམས་ཅད་འཚོགས་ཏེ་བླ་མས་འདུས་པ་རྣམས་ལ་མ་ཏྲྃ་གི་ལོ་རྒྱུས་བཤད་ལ། མཁྱེན་གསོལ་གཟུགས་དཔང་མ་ཏྲྃ་བསྐྱེད་ཆོག་དགུགས་བསྟིམ་དྲག་པོ་ལན་མང་པོ་དང་བཅས་པ་བྱ་ཞིང་། འདི་སྐབས་ཀྱི་བདག་བསྐྱེད་ནི་མངོན་རྟོག་ཆེན་མོ་ལྟར་གྱི་གདན་རྟ་མགྲིན་ཁོ་ན་བསྐྱེད་པར་བསྔགས་སོ། དེ་ནས་གིང་པ་རྣམས་འཐོན་པས་

[Full Size]

སྒྲུབ་ཁོག་གི་གཞུང་ནས་ཇི་ལྟར་གསུངས་པའི་མ་ཏྲྃ་མནན་ཆོག་ཚུལ་བཞིན་བྱས་ནས། དེའི་ཁོག་པ་ཆ་བརྒྱད་དུ་བགོས་པ་རྣམས་དཀྱིལ་ཆོག་གྱི་ཕྱོགས་མཚམས་བརྒྱད་དུ་བརྗོད་ཚིག་དང་མཐུན་པར་བཀྲམ་ལ། རྡོ་རྗེ་སློབ་དཔོན་ཉིད་དེའི་དབུས་སུ་གར་དབྱངས་དང་བཅས་པས་མ་ཏྲྃ་མནན་ཆོག་བྱ། སྟེག་བུ་རྒྱུན་ཞག་ཏུ་བཟོ་ན་འདི་སྐབས་ས་གཏེར་སྦ་བ་སྤྱི་དང་མཚུངས་པར་བྱ་བ་ཡིན་ལ། དེ་ནས་ས་བཟུང་བ་ལ་བློས་བཟུང་ཚུལ་ནི་གཞུགས་ཉིད་ཀྱི་གོ་སླ་མོད་ཀྱི། སྟངས་སྟབས་ཀྱིས་བཟུང་བ་ནི། དཀྱིལ་འཁོར་གཙོ་བོ་རྡོ་རྗེའི་སློབ་དཔོན་ནུས་ལྡན་གྱི་རྒྱལ་ཐེབས་བརྒྱད་དང་བཅས་པ་ཆས་ཀྱིས་རབ་ཏུ་བརྒྱན་ཞིང་རྡོ་རྗེ་དྲིལ་བུ་འཆང་བ་ཧཱུྃ་གི་གླུ་ཆེན་འབྱིན་བཞིན་པས་ལམ་ཞུགས་རྡོ་རྗེའི་འགྲོས་ཀྱིས་སྟེགས་བུ་བསྐོར་ནས། དབུས་དང་ཕྱོགས་མཚམས་སོ་སོར་འཁོད་པའི་མདུན་དུ་མཆོད་གཏོར་མདོར་བསྡུས་བཤམ་སྟེ། སྐྱབས་

[Full Size]

སེམས་ཡན་ལག་བདུན་དང་ལྕེ་ལག་རྡོ་དྲིལ་མཆོད་གཏོར་བྱིན་རླབས་སོགས་ནས་བཟུང་སྟེ་གཙོ་བོ་དགུའི་བདག་སྐྱེད་སྤྱན་འདྲེན་བཞུགས་གསོལ་དབང་བསྐུར་རྒྱས་གདབ་མཆོད་བསྟོད་བཟླས་པའི་བར་གཞུང་བསྲང་། སློབ་དཔོན་གྱི་ལྷ་ལ་གསོལ་བ་གདབ་པ་དང་། ཕྱོགས་མཚམས་ཀྱི་རྒྱལ་ཐེབས་རྣམས་ཀྱིས་གཙོ་བོ་ཉིད་ལ་གསོལ་བ་བཏབ་པ་སོགས་གྲུབ་རྗེས། བཛྲ་ཨུ་ཏིཥྛ་ཡི་སྔགས་དང་ཕྱག་རྒྱས་ཡེ་ཤེས་བཏེགས་ལ། སླར་ལས་ཀྱི་རྟ་མགྲིན་བསྐྱེད་ནས། ཆོས་སྐུ་རྣམ་དག་མཚན་མ་ཀུན་སྤངས་ཀྱང་། །ཞེས་སོགས་ཀྱི་བགེགས་རིགས་ལ་བཀའ་བསྒོ་ཞིང་བདེན་སྟོབས་བརྗོད་པས་བསྐྲད། དེ་ནས་ཁྲོ་གར་གྱི་བཟུང་བ་དངོས་ནི། འབྱུང་འདུས་དང་བསྐྲད་གཟིར་ལ་སོགས་པའི་སྟང་སྟབས་ཀྱིས་ས་བཞིའི་བར་ཆད་བསལ། རྡོ་རྗེ་ཁྱུང་གཤོག་འགྲོས་དང་སྣ་ཚོགས་རྡོ་རྗེའི་འགྲོས་ལ་

[Full Size]

སོགས་པས་ས་གཞི་ཟིལ་གྱིས་མནན་ཞིང་བཅགས། ཕྱག་མཚན་ལྔའི་འགྲོས་ཀྱིས་ས་གཞི་བྱིན་གྱིས་བརླབ་པར་བྱ། དེ་རྗེས་ས་བསྲུང་བའི་ཕྱིར་ཕུར་བུ་ཁྲོ་བོར་མངའ་གསོལ་བ་དཀྱིལ་འཁོར། སྟེགས་བུའི་བྱང་ཤར་མཚམས་སུ་བཏབ་ལ། གར་གྱི་སྡུད་འགྲོས་ཁམས་གསུམ་དབང་བསྡུད་ཀྱི་ངང་ནས་ལོག་པར་བྱའོ། །ཞག་གསུམ་པ་ལ་དཀྱིལ་འཁོར་སྟ་གོན། བུམ་པ་སྟ་གོན། ལྷ་སྟ་གོན། སློབ་མ་སྟ་གོན་དང་བཅས་པ་རྣམས་ལས། དང་པོ་ནི། སྟེགས་བུའི་ཁར་ཐིག་ཆེན་བརྒྱད་དང་ལིང་ཚེ་དགུ་ཐིག་བཏབ་ལ། ལྷ་སོ་སོའི་རྩ་སྔགས་བུམ་དབང་ཆེན་མོ་ལྟར་དང་བཅས་པས་དྲིའི་ཐིག་ལེ་བྱས་པའི་ཁར་ཚོམ་བུ་དགོད་དེ། དེ་ཡང་དབུས་ཀྱི་གཙོ་མཆོག་ལ་ཚོམ་བུ་གཞན་གྱི་ལྔ་འགྱུར་དང་འཁོར་གྱི་གཙོ་བརྒྱད་ལ་གསུམ་འགྱུར། འཁོར་ཕལ་པ་ལ་རེ་རེ། སྒོ་མཚམས་དང་དཔའ་བོ་དཔའ་མོ་རྣམས་ལ་ཚོམ་བུ་ཕལ་གྱི་སུམ་

[Full Size]

ཆ་ཙམ་དུ་དགོད། བུམ་པ་སྟ་གོན་ནི། ཕྱག་བཞེས་ལ་ལར་དངོས་གཞིའི་རྒྱན་དགོད་ཀྱི་སྔོན་དེར་མཛད་པའང་ཡོད་མོད་ཀྱི། སྤྱི་འགྲོ་ལྟར་ན་འདིར་བྱ་བ་སྟེ། དེ་ཡང་རྡོ་རྗེ་སློབ་དཔོན་གྱི་མདུན་དུ་གདན་མཛེས་གཙང་མའི་ཁར་མེ་ཏོག་བཀྲམ་ལ། བུམ་པ་དགུ་ལས་བུམ་དང་བཅས་པ་རྣམས། གུ་གུལ་གྱིས་བདུག་ཅིང་བགེགས་བསྐྲད། ཁ་རྒྱན་མགུལ་འཆིང་གཟུངས་ཐག་བུམ་རྫས་ཆུ་སོགས་ཐམས་ཅད་བཤམ་ལ། དཀྱིལ་ཆོག་ནས་བྱུང་བ་ལྟར་གྱི་བུམ་པ་བཅའ་བའི་རིམ་པ་རྣམས་ཞིབ་པར་བྱ་སྟེ། བུམ་པ་རྣམས་དཀྱིལ་འཁོར་དབུས་སུ་ལྡིང་ཁྲིའི་ཁར་ཕྱོགས་མཚམས་མ་འཁྲུག་པར་དགོད། གཞན་ཡང་ལྷའི་སྐུ་རྟེན་ཙཀྐ་ལི་རྣམས་དང་། །ཕྱི་རིམ་དུ་མཚམས་ཕུར་སོ་ཤིང་། སྲུང་སྐུད། ཐོར་ཆུ་ཀུ་ཤ་སོགས་སློབ་མ་སྟ་གོན་གྱི་ཡོ་བྱེད་མཐའ་དག་ཚང་བར་བཤམས་པའི་དཀྱིལ་འཁོར་

[Full Size]

གྱི་མཐའ་སྐོར་དུ་ཕྱི་ནང་གི་མཆོད་གཏོར་གྱིས་སྐོར་ལ། སྐྱབས་སེམས་ཡན་ལག་བདུན་སོགས་སྔོན་དུ་བཏང་སྟེ། སྔོན་གཏོར་ལ་བབས་པའི་ཚེ། དཔོན་སློབ་རྣམས་ཕྱི་རོལ་བླ་གབ་མེད་པར་ཕྱིན་ནས་བསངས་བསུར་གྱི་མཆོད་པ་དང་བཅས་པས་དཀར་ཕྱོགས་སྐྱོང་བའི་གཞི་བདག་ལ་གསེར་སྐྱེམ། ལན་ཆགས་བགེགས་རིགས་ཀྱི་འབྱུང་གཏོར་དང་། སྤྱི་དང་མཐུན་པའི་ཆ་གསུམ་གཏོར་མ་སོགས་ཀྱང་རྒྱས་པར་བཤམ་ལ་དེ་དག་གི་ཆོ་གའི་རིམ་པ་རྣམས་ཀྱང་ཚུལ་བཞིན་དུ་བྱ། ནང་དུ་ལོག་ནས་བསྲུང་འཁོར་མཚམས་གཅོད་ནས་བཟུང་སྟེ་བདག་སྐྱེད་འཛབ་ཡན་ཆད་གྲུབ་པ་དང་། སླར་ཕྱི་རོལ་གྱི་ཕྱོགས་བཞིར་འཇིག་རྟེན་སྐྱོང་བའི་རྒྱལ་ཆེན་བཞི་པོོའི་ཐོ་སྐུ་རྟེན་འཕན་དར་དང་བཅས་པ་གཙུག་ལ། དེ་དག་སོ་སོར་གསེར་སྐྱེམ་གཏོར་མཆོད་བཤམ་ནས་ཆོ་ག་གཉེར་གཏད་རབ་

[Full Size]

གནས་ཤིས་བརྗོད་དང་བཅས་པ་གཞུང་ལྟར་ཕྱོགས་བཞིར་རིམ་ཅན་དུ་བྱས་ཏེ། ནང་དུ་ལོག་ཚེ་སློབ་དཔོན་གྱིས་དཀྱིལ་འཁོར་པ་ལ་གསོལ་གདབ་བྱ་ཞིང་། སླར་རིམ་བཞིན་མདུན་སྐྱེད་བུམ་སྐྱེད་སོགས་དཀྱིལ་ཆོག་ཡོངས་རྫོགས་བཟླས་པ་དང་བཅས་པའི་མཐར། མཚམས་ཕུར་པོ་ཤིང་སོགས་ཐ་དད་ཀྱི་བསྐྱེད་བཟླས་དང་། ཁྱོར་ཆུ་ཀུ་ཤ་སོགས་ཀྱི་བྱིན་རླབས་བཟླས་སྔགས་ཐམས་ཅད་སྐབས་བསྟུན་ཅི་འགྲུབ་བྱ། ཆོས་སྐྱོང་རྣམས་ཀྱི་བསྐང་གསོ། །བཀའ་སྲུང་གཏེར་སྲུང་གི་གཏོར་མ་དགེར་འབུལ་སོགས་མདོར་ན་ཚོགས་ལས་ལ་ཐུག་གི་བར་མཐའ་དག་གྲུབ་པར་བྱ་ཞིང་། དམ་སྲི་མནན་པའི་ལིང་སྒྲུབ་རྒྱས་པ་སྔོན་དུ་མ་གྲུབ་ན་ནི་འདི་དུས་གདབ་པ་ལས་དྲུག་ཐམས་ཅད་ཞིབ་པར་བྱ་དགོས་པ་ཉིད་དོ། དེ་ནས་ཕྱི་རོལ་ཏུ་སློབ་མ་གྲངས་ངེས་གང་ཡོད་རྣམས་ལ་ཁྲུས་ཆོག་དང་མེ་ཐུན་བརྡེག་

[Full Size]

པ་ལ་སོགས་བགེགས་སྦྱང་བའི་ཆོ་ག་རྣམས་བྱས་ནས་སྒྲུབ་ཁང་སྐོར་བ་བྱེད་ཅིང་ཡིག་བརྒྱ་བཟླར་གཞུག སློབ་དཔོན་དང་རྒྱལ་ཐེབས་སོགས་དཔོན་སློབ་རྣམས་ཀྱིས་སྒྲུབ་ཁང་ཐེམ་འོག་ཏུ་དམ་སྲི་མནོན་པའི་ལས་རིམ་དང་། སྒེ་བྱང་ཕྱི་ནང་གདག་ཅིང་སོ་སོའི་སྐྱེད་ཆོག་དགུག་བསྟིམ་མཆོད་གཏོར་གཉེར་གཏད་རབ་གནས་དང་བཅས་གཞུང་བཞིན་བྱ། དེ་ནས་སློབ་མ་རྣམས་ནང་དུ་ཚོགས་ནས། དང་པོ་བྱུར་ཕུད་པ། བགེགས་སྦྱང་བ། ཊཀྐི་འགྱེད་པ། མཚམས་ཕུར་གདབ་པ་རྣམས་དང་། ཕྱག་འཚལ། མཎྜལ། ཆོས་བཤད། སྐྱབས་འགྲོ། སེམས་སྐྱེད་སྡོམས་བཟུང་། གནས་གསུམ་བྱིན་རླབ། སོ་ཤིང་དོར་བ། ཁྱོར་ཆུ་སྦྱིན་པ། སྲུང་སྐུད་གདབ་པ། ཀུ་ཤ་སྦྱིན་པ་དང་བཅས་པའི་སློབ་མ་སྟ་གནོ་གྱི་ཆོས་བཅོགས་སོ་རྣམས་དབང་གཞུང་ཆེན་མོ་སྨིན་བྱེད་སྙིང་གི་མེ་ལོང་ཉིད་ནས་ཇི་ལྟར་འབྱུང་བ་བཞིན་ཐར་ཆགས་སུ་བྱ་ཞིང་། བླ་མས་

[Full Size]

སྟ་གོན་གྱི་དགོས་ཆེད་དང་དག་སྦྱོར་བཤད་དེ་ཤིས་པ་བརྗོད་ནས་ཚོགས་པ་རྣམས་ཀྱིས་ལ། དཔོན་སློབ་རྣམས་ཀྱིས་དཀྱིལ་འཁོར་པ་ལ་བཏང་རག་གི་མཆོད་བསྟོད། ཚོགས་འཁོར། སྲུང་མ་སྤྱི་ལ་གཏོར་འབུལ་སོགས་བྱ་ཞིང་། དཀྱིལ་འཁོར་གྱི་ཕྱོགས་བཞི་ནས་གསོལ་བ་གདབ་པ་དང་། ཡེ་ཤེས་ཀྱི་དཀྱིལ་འཁོར་ནམ་མཁར་བཏེགས་པའི་སྔགས་དང་ཕྱག་རྒྱ་ཏིང་འཛིན་བྱས་ནས། རྫས་དང་ཡོ་བྱེད་ཐམས་ཅད་གཙང་བར་བསྡུའོ། །དེ་ལྟར་འདི་ཡན་ཆད་རྣམས་སྔོན་འགྲོ་སྟ་གོན་གྱི་ལས་རིམ་མོ། དེ་ནས་ཞག་བཞི་པའི་ཚེ། དངོས་གཞིའི་ལས་རིམ་རྣམས་ཀྱི་དང་པོར། ཕྱི་ནང་གསང་གསུམ་གྱི་ཆག་ཆག་གདབ་ཅིང་ཐིག་ཆོག་རྒྱས་པར་བྱས་ཏེ་དཀྱིལ་འཁོར་གྱི་ཐིག་ཞུང་བཞིན་བཏབ། རྡུལ་མཚོན་བྱིན་གྱིས་བརླབ་ལ་དཀྱིལ་འཁོར་ནོར་འཁྲུལ་མེད་པར་བྲིས་ནས། ཡིག་བརྒྱས་ཁ་བསྐང་ཞིང་རོལ་མོས་

[Full Size]

བྱིན་ཕབས་པས་ཡེ་ཤེས་ཀྱི་དཀྱིལ་འཁོར་ནམ་མཁར་བཏེགས་པ་དེ་ཉིད་རྡུལ་མཚོན་དམ་ཚིག་གི་དཀྱིལ་འཁོར་ལ་བསྟིམ་མོ། །ཞག་ལྔ་པའི་ཚེ། ཐོག་མར་སློབ་དཔོན་གྱི་མདུན་དུ་གཞི་མ་གཙང་མ་རྒྱ་ཆེར་བཏིང་བའི་ཁར་མེ་ཏོག་སིལ་མ་བཀྲམ་ནས། བུམ་པ་རྣམས་དང་སྐུ་རྟེན། དབང་རྫས། དཀྱིལ་འཁོར་རྒྱན་བཀོད་ཀྱི་རྫས་དང་ཡོ་བྱེད་མཐའ་དག་གོ་རིམ་བཞིན་བཀྲམ་ལ། རོལ་དབྱངས་ཏིང་འཛིན་དང་བཅས་པས་སོ་སོའི་བཤར་གདབ་མངའ་གསོལ་གྱི་རིམ་པ་རྣམས་གྱེར་ཞིང་། ལས་ཀྱི་རྒྱལ་ཐེབས་རྣམས་ཀྱིས་སོ་སོའི་གྱེར་ཚིག་དང་བསྟུན་པས་དབང་རྫས་སྒྲུབ་རྫས་སོགས་རིམ་པས་གདན་དྲངས་ནས་དཀྱིལ་འཁོར་དུ་དགོད་ཚུལ་ཕྱག་བཞེས་མཐོང་བརྒྱུད་ལྟར་བཞུགས་གསོལ། ཞིང་སྟེང་འོག་གི་རྒྱན་དགོས་ཀྱི་རིམ་པ་མཐའ་དག་ཀྱང་བརྗོད་ཚིགས་དང་མཐུན་པར་དགྲམ། ཕྱི་རིམ་མཐའ་སྐོར་དུ་སྨན་

[Full Size]

རཀཱ་གཏོར་མཆོད་སོགས་གྱ་ནོམ་པ་དཀོད་པའི་ཁྱད་པར་ཕུན་སུམ་ཚོགས་པས་རྩ་གསུམ་ལྷ་ཚོགས་ཆོས་སྲུང་ཐམས་ཅད་མཉེས་ཤིང་སྒྲུབ་པའི་མཆེད་ལྕམ་ཀུན་ཀྱང་སྣང་བ་འགྱུར་པའི་བཤམ་བཀོད་དང་ལྡན་པར་བྱའོ། །ཞར་ལ་སློབ་དཔོན་མཆེད་ལྕམ་ཀརྨ་གིང་ཆེན་སོགས་ལ་མངའ་གསོལ་བའི་རྟགས་ཀྱི་ཕྱག་རྒྱའི་ཡོ་བྱེད་རྒྱན་ཆས་ཐམས་ཅད་ཀྱང་མ་ཚང་བ་མེད་པར་དཀྱིལ་འཁོར་གྱི་ཉེ་ལེགས་གར་འོས་ཀྱི་སར་བཤམས་ལ་བཞག་གོ།། ༈ །།དེ་ནས་མཆོད་རྫས་བསང་སྦྱང་བྱས་ཏེ་སྐྱབས་སེམས་བདུན་དང་སྲུང་འཁོར་མཚམས་གཅོད་ཀྱི་བར་རྣམས་གྲུབ་པ་དང་སློབ་མ་རྣམས་ཚོགས་པ་ལ་བླ་མས་དལ་འབྱོར་རྙེད་དཀའ་མི་རྟག་ལས་འབྲས་འཁོར་བའི་སྡུག་བསྔལ་ཐར་པའི་ཕན་ཡོན་སོགས་དང་། སྒོས་ལམ་ཁྱད་པར་དུ་ཟབ་ཆོས་དགོངས་པ་

[Full Size]

འདུས་པའི་ཆེ་བ། བླ་མ་རྒྱུད་པའི་ལོ་རྒྱུས་རྣམས་དང་། ཡང་དགོས་སུ་སྒྲུབ་པ་ཆེན་མོའི་འབབ་ཚུལ་ཕུན་སུམ་ཚོགས་པ་ལྔའི་མཚན་ཉིད་དགོས་ཆེད་སྐབས་དོན་གྱི་རྣམ་བཤད་རྒྱས་བསྡུས་སྐབས་དང་སྦྱར་ཏེ་བཤད་པའི་མཐར། རྒྱལ་ཐེབས་རྣམས་ཀྱིས་སྟོན་པ་རྡོ་རྗེའི་སློབ་དཔོན་ཉིད་ལ་མངའ་གསོལ་བའི་རྒྱན་ཆས་ཡོ་བྱད་རྣམས་འཐོགས་ནས། དེའི་གྱེར་ཚིག་མ་བུ་གོང་འོག་སྤྲད་ཚུལ་རྣམས་གཞུང་བཞིན་མ་ནོར་བར་བྱས་ལ་ཞི་ཆས་ཁྲོ་ཆས་ཡོངས་རྫོགས་དང་། གཞན་ཡང་དབང་དགོས་ཟབ་བེར་པད་ཞྭ་སོགས་མཐའ་དག་དབུལ་ཞིང་མངའ་གསོལ་ཕྱག་མཆོད་བྱ། དེ་རྗེས་བཟུང་མ་བུམ་འཛིན་གྱི་ལྷ་མོ་དགུའམ། ལྔ་ལ་སོགས་པ་རྣམས་ལ་ཡུམ་ཀུན་ཏུ་བཟང་མོ་སོགས་སུ་མངའ་གསོལ་བའི་སྐབས་སུ། དཔོན་སློབ་རྣམས་ཀྱིས་རོལ་དབྱངས་གཡབ་རྫས་སྤོས་དུད་སོགས་

[Full Size]

འཛོམ་ཞིང་ཏིང་འཛིན་རྣོན་པོ་དང་ལྡན་པས། མཁའ་འགྲོའི་ལས་བྱང་པདྨའི་ཟེ་འབྲུ་ནས་འབྱུང་བའི་ཡེ་ཤེས་མཁའ་འགྲོ་སྤྱན་འདྲེན་ནན་ཏན་ཏུ་བྱས་བསྟིམ་པས་དམ་ཚིག་གཙང་ཞིང་སློབ་དཔོན་ནུས་པ་ལྡན་དང་མཁའ་འགྲོའི་དམ་རྫས་ཚོགས་ན་མཁའ་འགྲོ་དངོས་སུ་བབས་པས་ཉེས་སྨྲ་བ་ཡང་འབྱུང་ལ་འདི་སྐབས་སུ་གཏེར་སྟོན་ཉིད་ཀྱི་ཕྱག་བཞེས་མན་ངག་ཏུ། བུམ་འཛིན་གྱི་གཙོ་མོ་དང་ཕྱོགས་ཀྱི་བུམ་འཛིན་གང་ལ་བབས་འགྱུར་གྱི་མིང་བྱང་གི་རྟེན་འབྲེལ་བརྟག་པའི་ཐབས་ངེས་འགྲོངས་ཡོད་མོད་ཀྱང་། དིང་སང་ནི་འདི་དག་གི་ལག་ལེན་གནད་ལ་མཁལ་ནུས་ཀྱི་དཔོན་སློབ་སྣོད་བཅུད་ནུས་པ་མཉམ་པ་མི་རྙེད་ཚེ། ཚུལ་དེ་དག་གི་བྱ་ལུགས་ཞིབ་ཏུ་བརྗོད་དགོས་པར་མ་གྱུར་མོད།། ༈ །།དེ་ན་གོང་གི་འཕྲོར། བཟུངས་མ་ལ་ཞིབ་ཆས་ཀྱིས་མངའ་

[Full Size]

གསོལ་བ་དང་། གིང་པ་རྣམས་ལ་གིང་ཆས། གཞན་ཡང་རྒྱལ་ཐེབས་རིགས་སོ་སོ། །མཆོད་དང་ལྕམ་དྲལ་ལས་བྱེད་འདུས་པ་ཀུན་ལ་མངའ་གསོལ་སྤྱི་དང་བྱེ་བྲག་ཐམས་ཅད་ཚུལ་བཞིན་དུ་བྱ་ཞིང་། དམ་ཚིག་རྟགས་ཀྱི་རྒྱས་གདབ་པ་རྣམས་ཀྱང་འདིར་བྱའོ།། ༈ །།དེ་ནས་དཔོན་སློབ་ཀུན་ཆས་ཀྱིས་བརྒྱན་ཏེ་གར་འཆམས་སྤོས་རོལ་མཆོད་རྫས་ཀྱི་ཡོ་བྱད་སྣ་ཚོགས་འཐོགས་པས། དཀྱིལ་འཁོར་བསྐོར་ཞིང་བརྡ་སྐོ་བྱེ་བ། བརྡ་ཕྱག་འཚལ། དམ་བཅའ་བ། བྱིན་དབབ་པ་རྣམས་རིམ་པ་ལྟར། བྱིན་འབེབས་ཀྱི་ཚེ་གུ་རུ་ཚིག་བདུན་གསོལ་འདེབས་འཛབ་དབྱངས་དང་། དུར་ཁྲོད་བརྒྱད་ཀྱི་བྱིན་འབེབས་སོགས་ཀྱང་སྐབས་དང་བསྟུན་པས་བྱའོ། སླར་ཡན་ལག་བདུན་དང་ཕྱི་ནང་གི་མཆོད་པ་བྱིན་སློབས་སོགས་ནས་བཟུང་སྟེ་བདག་མདུན་བུམ་གསུམ་བསྐང་གསོ་ཚོགས་ལས་སོགས་ཡོངས་སུ་རྫོགས་པར་གཞུང་བསྲང་ངོ་།

[Full Size]

ཞག་དྲུག་པའི་ཚེ་ཐོག་མར་བདག་མདུན་བུམ་གསུམ་མཆོད་བསྟོད་རྣམས་འགྲུབ་པར་བྱས་ལ་སློབ་མའི་ཚོགས་ལ་དཀྱིལ་འཁོར་ཕྱི་འཇུག་ནང་འཇུག་གི་ལས་རིམ་རྣམས་དབང་གཞུང་ཆེན་མོ་ཉིད་ནས་འབྱུང་ལྟར་བྱ་བ་སྟེ། ཁྱད་པར་ཡེ་ཤེས་འབེབས་པའི་ཚེ་རྩ་བ་གསུམ་སོ་སོའི་སྤྱན་འདྲེན་ལས་བྱང་ཚངས་པའི་སྒྲ་དབྱངས་ལྟར་དང་། དམིགས་རིམ་ནི་བྱིན་སློབས་གཏོར་མའི་བརྡ་དབང་གི་གཞུགས་དུ་ཡོད་པ་ལྟར་ནན་ཏན་དུ་འབོག་ཅིང་བསྟིམ། དམ་ཚིག་འབོག་པའི་དུས་སུ་ནི་དམ་ཚིག་རྣམ་བཤད་བརྒྱ་མདུད་ཀྱི་གཞུང་བཞིན་དང་། དཀྱིལ་འཁོར་གྱི་བརྡ་དོན་དག་སྦྱོར་ནི་དཀྱིལ་འཁོར་རྣམ་དག་རབ་བསལ་དང་། འཛབ་ལ་འཇུག་པའི་སྔོན་དུ་ལྷ་སྔགས་ཀྱི་དོན་རྣམས་འགྲེལ་པ་མེ་ཏོག་རྒྱན་ནས་གསུངས་པ་ལྟར་བཤད་པར་བྱ་སྟེ། འདི་དག་ཐམས་ཅད་སློབ་དཔོན་ཆེན་པོའི་གསུང་དྲི་མ་མེད་

[Full Size]

པ་དགོངས་འདུས་ཉིད་ཀྱི་རང་གཞུང་ཡིན་པའི་ཕྱིར། ཆོས་གཞན་ལས་དྲངས་དགོས་པ་མ་མཆིས་སོ།། ༈ །།དེ་ནས་འཛབ་ལ་ལ་འཇུག་ཚེ། འཛབ་གོངས་དམིགས་པའི་འཁྲུལ་འཁོར་གྱི་གཞུང་ལྟར་དམིགས་པ་འབོག་ཅིང་ཏིང་འཛིན་བསླབ་བྱ་ཞིབ་ཏུ་བྱས་ལ། འཛབ་བསྐུལ་རྣམས་རིམ་པ་ལྟར་དབྱངས་དང་བཅས་པས་བསྐུལ་ཞིང་འཛབ་རྒྱུན་གྱི་དབུ་འཛུག་པར་བྱ་བ་ལས། དེ་ཡང་སྒྲུབ་པའི་ཞག་གྲངས་ཇི་ཙམ་བྱ་བའི་དང་པོའི་ཞག་ལ་ནི་གཙོ་མཆོག་གི་འཛབ་ཁོ་ན་ལ་འབད་ཅིང་ཐུན་མཚམས་ལ་མཆོད་བསྟོད་དང་བཅས་པས་སྒྲུབས། ཞག་གཉིས་པ་ལ་འཁོར་གྱི་གཙོ་བརྒྱད་སོ་སོའི་འཛབ་བསྐུལ་དང་བཅས་ཏེ་སྒྲུབས། དེ་ལྷག་ཞག་གྲངས་ཇི་ཙམ་བྱས་པ་ཐམས་ཅད་སྤྱི་དྲིལ་ཆེན་མོ་འབའ་ཤིག་ལ་འབུངས། ཕྱོགས་མཚམས་ཀྱི་གཟུངས་ཐག་

[Full Size]

འཛིན་པའི་སློབ་དཔོན་བརྒྱད་པོས་ནི་གཙོ་བརྒྱད་སོ་སོའི་ཏིང་འཛིན་དང་བཅས་པ་བྱ། དེ་ལྟར་མི་ལག་གིས་མ་ལྕོགས་ན་གང་ཡོད་ཀྱིས་སྤྱི་དྲིལ་ཆེན་མོ་ལ་འབད་ཅིང་། སྟོན་པ་རྡོ་རྗེ་སློབ་དཔོན་ཉིད་ཀྱིས་ནི་དེ་བཞིན་ཉིད་ཀྱི་ཏིང་ངེ་འཛིན་གྱི་ཀློང་ནས་རྡོར་ཟླས་དང་སྤྱི་དྲིལ་སྤེལ་མར་བྱ། མཆེད་ལྕམ་ལ་ལས་ནི་དཀྱིལ་ཆོག་གི་གཞུང་བསྲངས་ཞིང་ལྷ་ཚོགས་ལ་མཆོད་བསྟོད་དང་བཀའ་སྲུང་གཏེར་སྲུང་རྣམས་ལ་བསྐང་གསོ་ཚོགས་མཆོད་སོགས་རྒྱུན་མི་འཆད་དུ་འབད། རྡོ་རྗེ་རྒྱལ་ཐེབས་འཁོར་བཅས་ཀྱིས་ནི་ཉིན་མཚན་གྱི་ཐུན་དྲུག་ཏུ་གིང་གཏོར་འབུལ་ཞིང་གིང་བསྐུལ་བྱས་ནས། གིང་རྣམས་ཀྱིས་མྱུལ་ལེ་བསྐྲད་པའི་ལས་རིམ་རྣམས་ཀྱང་ཕྱག་ལེན་མཐོང་བརྒྱུད་ལྟར་དུས་ལས་མི་ཡེལ་བར་བྱ་བ་སོགས། མདོར་ན་སྒྲུབ་པ་དབུ་གཙུག་ནས་

[Full Size]

དབང་ཞལ་ཕྱེའི་བར་དུ་འཛབ་རྒྱུན་སྐད་ཅིག་ཀྱང་མ་ཆད་པ་དང་། བསྐང་རྒྱུན་སོགས་ལེ་ལོའི་སེང་ཅུང་ཟད་ཀྱང་མ་ཤོར་བས་བསྒྲུབ་པར་བྱའོ། །གལ་ཏེ་བདུད་རྩི་སྨན་གྱི་སྒྲུབ་པ་དང་སྦྲེལ་ན། འདི་སྐབས་སུ་སྔོན་ལ་གོང་བཞིན་རྩ་བའི་སྒྲུབ་པ་ཞག་བདུན་ནམ་ལྔའམ་གསུམ་སོགས་གང་འོས་བྱས་ལ། དེ་ནས་ཁྲོལ་བུ་སྒྲུབ་པའི་བཅས་བཤམ་སྟེ་སྨན་སྒྲུབ་བདུད་རྩིའི་རྒྱ་མཚོའི་གཞུང་ཉིད་ནས་གསུངས་པའི་བསངས་སྦྱང་བཞུ་བཏུལ་སོགས་ཀྱི་ལས་རིམ་ཚུལ་ལྡན་དུ་ཁྲོལ་སྒྲུབ་ཞག་གསུམ་སོགས་སྐབས་བསྟུན་དུ་བྱ་ཞིང་། སླར་སྨན་རྣམས་བཏགས་བཙགས་སྦོལ་བའི་རིམ་པ་རྣམས་ཀྱང་ཕྱག་ལེན་མ་ཆུགས་པ་གཞུང་དང་མཐུན་པར་བྱས་ལ་གཞལ་ཞིང་རྒྱས་གདབ་མངའ་གསོལ་གྱི་ལས་རིམ་རྒྱས་པ་དང་བཅས་པས་དཀྱིལ་འཁོར་དུ་བཞུགས་སུ་གསོལ་ནས་དུག་གསུམ་གྱི་

[Full Size]

མེ་རྦར་ནས། སྟེང་ནས་སྐུ་གསུམ་གྱི་དར་ཁང་དབུགས་ལ་སོགས་བྱ་སྟེ། ལར་བདུད་རྩི་སྨན་གྱི་སྒྲུབ་པ་འདི་ལ་ནི་འོལ་ཚོད་རིག་དཔྱོད་ཀྱིས་འགྲུབ་པའི་ཡུལ་མ་ཡིན་ཚེ། བླ་མ་བརྒྱུད་པའི་ཞལ་གདམས་ཕྱག་བཞེས་མངོན་སུམ་དུ་གཏན་ལ་ཕེབས་པ་དང་། ཉམ་མྱོང་གི་དྲོད་ཐོབ་པ་གལ་ཆེ་བ་ཡིན་པ་ཤེས་པར་བྱ་ཞིང་། ཉིན་མཚན་དུས་དྲུག་ཏུ་རྟ་བྲོས་བགེགས་བསྐྲད་པ་དང་། སྨན་གྱི་ལྷ་མོ་སྤྱན་འདྲེན་བྱིན་འབེབས་ཀྱི་སྐབས་ཐམས་ཅད་དུ་རྡོ་རྗེ་རྒྱལ་པོ་རྒྱལ་ཐེབས་བུམ་འཛིན་གྱི་ལྷ་མོར་བཅས་པ་རྣམས་ཀྱིས། སྤོས་དང་རོལ་མོ་གླིང་བུ་གཡབ་དར་ལྔ་ལྡན་སོགས་འཛོམས་པས་གདུང་བའི་དབྱངས་ཀྱིས་བླ་མ་རིག་འཛིན་དྲང་སྲོང་ཡི་དམ་ལྷ་ཚོགས་སྨན་གྱི་ལྷ་མོ་འབྱུང་བའི་ལྷ་དང་སྲུང་མ་སོགས་སྤྱན་དྲངས་ཤིང་བསྟིམ་པའི་རྫས་སྔགས་ཏིང་འཛིན་ནན་ཏན་དུ་འབད་དེ།

[Full Size]

དཔོན་སློབ་ཀུན་དམ་ཚིག་གི་སེལ་མ་ཞུགས་ཅིང་ལེ་ལོ་བཏང་སྙོམ་ཚོད་ཡོད་གལ་མ་མཆིས་སུ་མི་བྱ་བར། མོས་གུས་གདུང་ཤུགས་བརྩོན་འགྲུས་དྲག་པོས་སྨན་གྱི་འཛབ་དབྱངས་གསུང་མི་འཆད་དུ་སྒྲོག་ཅིང་རྩེ་གཅིག་ཏུ་སྒྲུབས། མདོར་ན་སྒྲུབ་པ་འདི་ལ་ནི་ཇི་སྲིད་རྟགས་མ་བྱུང་གི་བར་དུ་སྒྲུབ་པའི་འཕྲོ་བཤོལ་ཐབས་མེད་ཚེ། ཐོག་མ་ནས་དཔོན་སློབ་ཐམས་ཅད་དེ་ལྟ་བུའི་གོ་ཆ་དང་འདུན་པ་གཅིག་ཏུ་མཐུན་པ་གལ་ཆེའོ། །དེ་ནས་འོད་དང་དུ་བ་སྒྲ་དང་དྲི། ལྷ་མོའི་གཟུགས་ཀྱང་སྟོན་པར་བྱེད། ཅེས་པ་ལྟ་བུའི་རྟགས་ཀྱི་རིམ་པ་སོ་སོའི་སྐལ་བ་དང་མཐུན་པ་ནམ་བྱུང་བའི་ཚེ། ནང་པར་དངོས་གྲུབ་ལེན་རྒྱུའི་ནུབ་མོ་ནས་མཎྜལ་ཞལ་བསྒྱུར་གྱི་དཀྱིལ་འཁོར་དང་། ཚེ་སྒྲུབ་བདུད་རྩི་སྙིང་པོའི་དབང་་རྫས། དངོས་གྲུབ་ཀྱི་རྫས་དང་ཡོ་བྱད་ཐམས་ཅད་རྒྱས་པར་ནས་དེ་དག་གི་ཆོ་ག་དང་དངོས་གྲུབ་བསྐུལ་བའི་འཛབ་རྣམས་ལ་འབུངས་

[Full Size]

ཤིང་ལས་བྱང་རྒྱས་པ་དང་བསྟོད་འབུམ་བསྐང་བ་ཚེ་འགུགས་ཚོགས་བརྒྱ་སོགས་དང་། ཁྱད་པར་ལྷ་གནད་ལ་དབབ་སྟེ་དངོས་གྲུབ་འབེབས་པའི་ལས་རིམ་རྣམས་ཀྱང་སྨན་སྒྲུབ་ཀྱི་གཞུང་བཞིན་བྱ། ནང་པར་ཐོ་རངས་ནས་སྒྲུབ་པའི་སྤྲ་ཁྲིད་ལས་གསུངས་པའི་དངོས་གྲུབ་བླང་ཆོག་དང་བདུད་རྩི་སྨན་གྱི་དངོས་གྲུབ་བླང་ཆོག་སོགས་རྒྱས་པར་བྱས་ནས་དཔོན་སློབ་ཀུན་སྨན་བུམ་གྱི་དབང་བླང་། དེ་ནས་ནམ་ལངས་པ་དང་སྨན་གྱི་རྒྱ་དཀྲོལ་ཏེ། མཚན་ལྡན་གྱི་ཐོད་པར་སྨན་ཕུད་ཛཱ་གད་དང་སྦྱར་ལ་སྨན་མཆོད་རྒྱས་པར་བྱས་དངོས་གྲུབ་བླང་ཞིང་སྨན་བོག་བ་དང་ཚོགས་ཀྱི་དགའ་སྟོན་བྱའོ། ཉི་མ་ཤར་བ་དང་དུས་སྤྲད་དེ་བདུད་རྩི་སྙིང་པོའི་ཚེ་དབང་བསྐུར་བ་དང་། དེའི་ཉིན་སྒྲུབ་པ་ལུང་དབང་རྒྱས་པར་མཛད་པ་ཡང་གཏེར་སྟོན་གྱི་ཕྱག་བཞེས་སུ་གདའ། དེའི་

[Full Size]

ནང་པར་དངོས་གྲུབ་འཕེལ་བྱེད་རྒྱས་པའི་སྦྱིན་སྲེག་བྱ་ཞིང་། ཉམས་ལེན་གྱི་སྣོད་ལྡན་རྣམས་ལ་ནི་གཏུམ་མོའི་མེ་དབང་དགའ་བ་འཁྱིལ་པ་བདེ་བའི་གསང་མཛོད་ཀྱི་དབང་ཡང་སྐབས་འདིར་བསྐུལ་བར་མཛད་དོ། །དེ་ནས་དབང་དངོས་གཞི་སྤྲོས་བཅས་བུམ་དབང་ཆེན་མོ་ཉིད་སྐབས་ཐབ་དང་བསྟུན་དབུ་གཙུག་ལ། དེ་ཡང་རིག་པའི་དབང་ལྔ་མཐའ་རྟེན་དང་བཅས་པ་བསྐུར་བའི་དུས་སུ། སྟོན་པའི་རྡོ་རྗེ་རྒྱལ་པོ་རྒྱན་ཐམས་ཅད་དང་ལྡན་པ་བུམ་འཛིན་གྱི་ལྷ་མོར་བཅས་པས་དབང་རྣམས་བསྐུར་ཚེ་བྱང་སེམས་རྣམས་ཀྱིས་མེ་ཏོག་འཐོར་ཞིང་ཤིས་པ་བརྗོད་པ་དང་། རིག་མ་རྣམས་ཀྱིས་རྡོ་རྗེའི་གླུ་བླང་། ལྷ་མོ་རྣམས་ཀྱིས་མཆོད་པ་འབུལ། ཏ་ཀྲྀཏ་ཁྲོ་བོ་རྣམས་ཀྱིས་བགེགས་སྐྲོད་པ་སོགས་ཀྱང་བརྗོད་བྱང་དང་མཚུངས་པའི་ཆས་ཞུགས་སོགས་ཕྱག་ལེན་མཐོང་བརྒྱུད་ལྟར་བྱ་ཞིང་། དབང་གི་རིམ་པ་རྣམས་ཡུལ་

[Full Size]

དུས་གང་ཟག་གི་སྣོད་དང་ཇི་ལྟར་འཚམས་པར་སློབ་དཔོན་ཉིད་ཀྱིས་དགོངས་པས་དཔྱད་དེ་ཞག་གྲངས་དང་རྒྱས་བསྡུས་སྐབས་བསྟུན་དུ་བྱ་ལགས། དབང་གོང་མ་རྣམས་ཀྱིས་ཚེ་སློབ་མ་ཆོས་ཀྱི་རྒྱུན་འཛིན་གཞན་དོན་ནུས་པའི་རིགས་ལ་ནི། སྤྲོས་མེད་དོན་དབང་སྲོག་རྩ་དམར་འབྱིན་དབང་བཞིའི་ལག་ལེན་བདེ་སྟོང་རབ་འབྱམས། ཆགས་ཆེན་ལམ་སློངས་ཌཱ་ཀིའི་སྲོག་དབང་། ཐོད་རྒལ་རྩལ་དབང་བརྡའ་དོན་ཟུང་འབྲེལ། འཁོར་འདས་གཞི་རྫོགས་རང་བྱུང་དོན་དབང་ལ་སོགས་པའི་དབང་ཆེན་རྣམས་ཀྱང་ལྷན་ཐབས་སུ་མ་བུ་སྤྲད་ནས་བསྐུར་ཚུལ་དང་། དེ་བཞིན་དུ་གཅོད་དབང་སྒོ་འབྱེད། པུསྟིའི་ལུང་དབང་ལ་སོགས་དབང་ཕྲན་རྣམས་དང་། གཞན་ཡང་། བཏགས་གྲོལ་རྒྱུད་དབང་དང་། གཅོད་དབང་བཀའ་རྒྱ་མ་དང་། ལམ་འབྲལ་གྱི་ཀྱིབ་དབང་གུད་དུ་སྦས་པ་སོགས་

[Full Size]

ཉིད་ཀྱི་རྒྱལ་ཚབས་སྟོན་པའི་ཞལ་སྐྱིན་སྟོན་པའི་སྒྲོན་མེར་གྱུར་ངེས་ལ་མ་གཏོགས། ཚོགས་པ་སྤྱི་དང་གང་ཟག་ཕལ་པ་དག་ལ་བསྐུར་དུ་རུང་བ་ནི་མ་ཡིན་ཕྱིར། གཙོ་བོར་སྣོད་དང་སྦྱོར་ཚུལ་ཤེས་དགོས་ལ། །འདི་དག་བསྐུར་བའི་སྐབས་སུ་ནི། བཀའ་སྲུང་རྟ་ནག་སྡེ་བརྒྱད༴ གཏེར་སྲུང་འབར་བ་སྤུ་བདུན། ཆོས་ཀྱི་རྗེས་འབྲེང་ཤ་ཟ་ཁ་མོ་ཆེ་དང་བཅས་པ་རྣམས་ཀྱི་ལས་གཏོར་རྒྱན་ལྡན་གཟི་བརྗིད་འབར་བར་བཤམས་ནས། སོ་སོའི་གསོལ་མཆོད་རྒྱས་པ་ནན་ཏན་དུ་བྱེད་པ་ཡང་ཆོས་འཁྲེན་དང་རུ་དོག་མི་འབྱུང་བའི་ཐབས་གནད་གལ་པོ་ཆེ་ཡིན་པ་དང་། སྲོག་དབང་ཆེན་མོའི་ཚེ་དྲེག་པ་སྡེ་བརྒྱད་སོ་སོའི་ཆོས་ཞུང་རྔམ་པའི་འཁོར་ཚོགས་དང་བཅས་པ་སྟ་གོན་བྱས་ལ་དཔོན་སློབ་རྣམས་ཀྱིས་སྤྱན་འདྲེན་དྲག་ཏུ་བྱས་པའི་མཐར་རོལ་མོ་

[Full Size]

ཤུག་གླུ་རྐང་གླིང་བསུར་དང་བཅས་པས་སྤྱན་དྲངས་ཏེ་འགྱིང་འཚམས་རྔམས་བསྟབས་དང་ལྡན་པས། དབང་བསྐུར་རྣམས་མ་རྫོགས་ཀྱི་རིང་ལ་དཔང་པོའམ་དམིགས་རྟེན་གྱི་ཚུལ་དུ་བཞུགས་སུ་གསོལ་ཞིང་ཤ་ཁྲག་ལ་གཞི་བླངས་པའི་དགྲ་གེགས་ཀྱི་ལིང་ཆེན་བཟོས་པ་ལ་དགུག་གཞུག་བསྐྲལ་བསྟབས་བྱ་ཞིང་། གཏོར་མ་གསེར་སྐྱེམས་སོགས་རྒྱ་ཆེར་ཕུལ་ལ་ཕྲིན་ལས་གཞོལ་ནས་གཤེགས་གསོལ་བྱ་སྟེ། དེ་ལྟར་འདི་ཆད་ཐམས་ཅད་སྒྲུབ་དབང་དངོས་གཞིའི་རིམ་པའོ།། ༈ །།དེ་ནས་རྗེས་ཀྱི་ལས་རྣམས་ཀྱི་དང་པོར་དྲག་པོ་མངོན་སྤྱོད་ལས་ལ་མཁོ་བའི་རྫས་དང་ཡོ་བྱད་རྣམས་གསར་ཞིང་ཡི་དམ་ཆོས་སྐྱོང་གི་གཏོར་མ་དྲག་པོའི་ཟོར་རྫས་སོགས་མཐའ་དག་ཚགས་སུ་ཆུད་ཅིང་། ཕུང་གསུམ་བདུད་ཀྱི་ཉི་མ་ལ་བབས་པས་དུས་སུ་ཐོག་མར་བླ་མ་ཡི་དམ་མཁའ་འགྲོའི་ལས་བྱང་ཆོས་སྐྱོང་རྣམས་ཀྱི་བསྐང་གསོ་གཞུང་སྲང་

[Full Size]

ཚོགས་ལས་བསྐང་བ་ལ་སོགས་རྒྱས་པ་སྔོན་དུ་བཏང་ལ། དྲག་སྔགས་ཕྲིན་ལས་ཀྱི་རྒྱུད་སྤུ་གྲི་རེག་ཆོད་དང་ཞི་ཁྲོ་བཀའ་བརྒྱད་སོགས་ལས་འབྱུང་བ་ལྟར་གྱི་མཁྱེན་གསོལ་གཟུགས་དཔགས་ཐུགས་དམ་བསྐུལ་བ་རྣམས་དང་བསྒྲལ་སོགས་ལས་བྱང་ཚངས་སྒྲ་ལྟར་རྒྱབ་པར་བྱ་ཞིང་། བསྐུལ་འབུམ་མྱུར་འགྱོགས་གློག་འཕྲེང་དང་། བཀའ་སྲུང་སྤྱི་དང་བྱེ་བྲག་པའི་བསྐུལ་བྱང་གི་ལས་རིམ་ཐམས་ཅད་གྲུབ་དང་། ཕྱི་མཚམས་བསྲུང་བའི་རྒྱལ་ཆེན་རྣམས་ལ་གསེར་སྐྱེམས་དང་དཀར་གཏོར། བར་མཚམས་སྒོ་བྱང་གི་ཁྲོ་བོ་གཉིས་དང་། ནང་མཚམས་བསྲུང་བའི་ཁྲོ་བཅུ་རྣམས་ལ་སྨན་རཀ་དང་བཅས་པས་བཏང་རག་གི་མཆོད་བསྟོད་ཕུལ་ཞིང་རང་གནས་སུ་གཤེགས་སུ་གསོལ་བ་སྒྲུབ་པ་སྤྲ་ཁྲིད་ལས་བྱུང་བ་ལྟར་བྱས་ནས་སྐུ་རྟེན་རྣམས་དཀྲོལ་ལ་ཐོ་སོགས་རྗེས་མི་མངོན་པར་བཤིག །

[Full Size]

༈ །།དེ་ནས་དཔོན་སློབ་མཆེད་ལྕམ་ཐམས་ཅད་དྲག་པོའི་ཆས་སུ་ཞུགས་ཏེ། ཐོག་མར་ལས་བྱང་མེ་ཏོག་འཕྲེང་མཛེས་ཀྱི་བསྐུལ་ཐུང་གི་བཞེས་སུ་གསོལ་ནས། ཆོས་སྐྱོང་གི་རུ་དར་དང་མེ་ཡིས་སྣ་དྲངས་ལ། ལས་གཏོར་རྣམས་ཕྱིར་དཔགས་པ་དང་ལྷན་ཅིག་པར་དཔོན་སློབ་རྣམས་ཀྱིས་བཀའ་བརྒྱད་ནས་འབྱུང་བའི་ཤར་ཕྱོགས་དུང་སྒོ་དཀར་པོ་ཕྱེས། ཞེས་སོགས་ཀྱིས་ཟོར་ལམ་དབྱེ་ཞིང་། ཕྱི་རོལ་དུ་སླེབ་པ་དང་གཞི་བདག་ཕྱོགས་སྐྱོང་རྣམས་ལ་གསེར་སྐྱེམ་ཕུལ་ནས་གདོང་གྲོགས་བཅོལ་ཞིང་འགྱུ་ཕྱོགས་སོགས་དང་མཐུན་པའི་ཕྱོགས་སུ་ཁ་བལྟས་ལ། འཆད་མདོའི་འབུལ་གཏོར་ཟུར་དུ་བྱས་ལ་ཕུལ་ཞིང་སྔོན་གྱི་མཐའ་ཚིག་གིས་འཆད་མདོ་གྱེར་སླར་ཡང་རྡོ་རྗེ་རྒྱལ་པོས་སྣང་སྲིད་ཀྱི་ལྷ་མ་སྲིན་རྣམས་ལ་སྲིད་པ་ཧུའི་ཕྱག་རྒྱ་བསྟན་ཞིང་། འདི་ནི་སངས་རྒྱས་གླིང་པའི་གཏེར་ཁ་ལས་བྱུང་བ་དྲག་ལས་ལ་ཆེད་དུ་

[Full Size]

བསྔགས་སོ། །བཞེས་འབོད་དང་དམ་བདར་བྱས་ནས། ལས་བྱང་ཆེན་མོ་དང་རྟ་མགྲིན་ནག་པོའི་ལས་གཞུང་སོགས་ནས་བྱུང་བ་ལྟར་གྱི་གཏོར་གཟོར་གྱེར་ལ་གཏོར་མ་རྣམས་འཕང་། བསྟན་སྐྱོང་དང་གཏོར་བྲོ་སོགས་སྤྱི་ལྟར་བྱས་ཏེ་ནང་དུ་ལོག་ཚེ་དཀྱིལ་འཁོར་ལྷ་ཚོགས་ལ་བཏང་རག་གི་མཆོད་བསྟོད་རྒྱ་ཆེར་བྱས་པའི་མཐར། དངོས་གྲུབ་བླང་བའི་སྐབས་འདིར་བྱིན་རླབས་གཏོར་མ་བརྡ་དབང་ཉིད་མཐའ་རྟེན་གྱི་ཚུལ་དུ་བསྐུར་བ་ཡང་རིག་འཛིན་བརྒྱུད་པའི་ཕྱག་བཞེས་སོ།། ༈ །།དེ་ནས་དཀྱིལ་འཁོར་གཤེགས་སུ་གསོལ་བསྡུ་ཆོག་སྔོ་སྨོན་ཤིས་བརྗོད་སོགས་རྗེས་ཆོག་མཐའ་དག་སྤྱི་དང་མཐུན་པར་གྲུབ་ནས། ཡོ་བྱད་ཐམས་ཅད་བསྡུས་པའི་ཤུལ་གྱི་སྟེགས་བུའི་ཁར་རྡོ་རྗེ་སློབ་དཔོན་བཞུགས་པའི་ཁྲིའུ་བཤམས་པ་ལ་བཞུགས་སུ་གསོལ། སློབ་མ་ཀུན་གྱིས་སྐུ་དྲིན་བཏང་རག་གི་མཆོད་གསོལ་

[Full Size]

འབུལ་ནོད་དང་བཅས་ཏེ། སྒྲུབ་ཁོག་གསུངས་པའི་སྐུ་དྲིན་གསོ་ཞིང་སྨོན་ལམ་གདབ་པའི་ཚིག་རྣམས་དང་ཉེས་བྱས་བཤགས་པ་ལ་སོགས་ནན་ཏན་བྱ། མཆེད་ལྕམ་འདུ་ཚོགས་གང་ཡོད་ཀུན་གྱི་ལག་ཏུ་མར་མེ་བཟུང་ནས་དཔོན་སློབ་ཀུན་གྱི་མར་མེའི་སྨོན་ལམ་དང་། གཞན་ཡང་སྨོན་ལམ་ཤིས་བརྗོད་ཀྱི་རིགས་རྒྱ་ཆེན་པོ་བྱའོ།། ༈ །།འདི་སྐབས་སུ་སྒྲུབ་རྫས་བྱིན་རླབས་དངོས་གྲུབ་ཀྱི་རྫས་སྣ་ཚང་བ་དང་དར་སྨོན་རིན་ཆེན་འབྲུ་སྣ་སོགས་བཀྲ་ཤིས་པའི་བུམ་གཏེར་གྱི་ཡོ་བྱད་ཚུལ་ལྡན་སྤྱི་དང་མཐུན་པར་བྱས་པའི་བུམ་པ་ལྔའམ་གཅིག་གིས་རུང་བ་ལ་རྒྱས་བཏབ་སྟེ་རབ་ཏུ་གནས་ཤིང་སེམས་སྐྱེད་སྨོན་ལམ་གྱིས་མཚམས་སྦྱར་བས་དཀྱིལ་འཁོར་གྱི་ཤུལ་དུའམ་གར་འོས་ཀྱི་སར་སྦ་ཞིང་ཚོགས་བལྡམ། དེ་ནས་ནང་དཀྱིལ་འཁོར་གྱི་རྡུལ་ཚོན་རྣམས་རིན་ཆེན་གྱི་བུམ་པ་རྒྱལ་ལྡན་དུ་བརྩལ་བ། གཞན་ཡང་བུམ་

[Full Size]

ཆུ། བདུད་རྩི་ཆོས་སྨན་གྱི་ཆ་ཤས་ཅུང་ཟད་དང་། དངོས་གྲུབ་ཀྱི་གཏོར་མའི་དུམ་བུ་སྣ་ཚང་ཐོད་པ་མཚན་ལྡན་ནམ་རིན་པོ་ཆེའི་སྣོད་དུ་བླུགས་གདན་དྲངས་ཤིང་། ཚོགས་ཀྱི་ཡོ་བྱད། སྤོས་དང་རོལ་མོའི་བྱེ་བྲག །དར་འཕན་མཆོད་རྫས་སེར་སྦྲེང་དང་བཅས་ནས་ཆུ་ཀླུང་ཆེན་པོ་རྒྱུན་འབབས་ཀྱི་འགྲམ་ངོགས་སུ་འཁྱེར་ལ། དེར་དཔོན་སློབ་རྣམས་ཀྱིས་བདག་སྐྱེད་ལས་གཞུང་མདོར་བསྡུས་ཚོགས་མཆོད་དང་བཅས་པ་བྱས་པའི་མཐར། རྫས་དེ་དག་ཆུ་བོར་གཤེགས་པ་དང་ལྷན་ཅིག་ཏུ་ཡིག་བརྒྱ་སོགས་ཀྱི་གཟུངས་སྔགས་བྱིན་རླབས་ཅན་འུར་དིར་དུ་བསྒྲག་ཅིག །བསྟན་འགྲོའི་དོན་ཆེན་དང་ཆོས་རྒྱུད་མི་ནུས་རྒྱ་ཆེར་འབྱུང་བའི་སྨོན་ལམ་གདབ། བུམ་པ་སོགས་ཀྱི་སྣོད་རྣམས་སྟོང་པར་མི་ལོག་པར་ཆུ་གཙང་གི་བཀང་ནས་འཁྱེར་ཏེ་སྒྲུབ་ཁང་སོགས་

[Full Size]

ལ་འཐོར། །དེ་རྗེས་ཞག་གསུམ་སོགས་ཀྱི་བར་གནས་བསྲུང་བ་དང་། དགའ་སྟོན་གྱི་རིགས་ཀྱང་ཅི་འབྱོར་བྱ་བ་ནི་རྗེས་འཇུག་བཀྲ་ཤིས་པའི་རྟེན་འབྲེལ་གྱི་གནད་དུ་ཆེ་བར་གསུངས་སོ། དེ་ལྟར་ཟབ་ཆོས་དགོངས་པ་འདུས་པའི་སྨིན་བྱེད་སྒྲུབ་དབང་ཆེན་མོ་དངོས་གྲུབ་སྨན་དང་བྲལ་བའི་སྤྲོས་བཅས་ཚོམ་བུ་ཚོགས་སྒྲུབ་ཀྱི་སྒོ་ནས། རང་གཞན་སྨིན་གྲོལ་དུ་བྱ་བའི་ལས་རིམ་སྔོན་འགྲོ་དངོས་གཞི་རྗེས་དང་བཅས་པའི་ཕྱག་བཞེས་ཀྱི་ཁྲིག་རིམ་མཐར་ཆགས་ལྟས་མཆོག་ཏུ་བགྱིས་ཏེ་ཟིན་རིས་སུ་བཏབས་པ་འདི་ནི་གཙོ་བོར་དགོངས་འདུས་ཉིད་ཀྱི་སྒྲུབ་ཁོག་ཆེན་མོ་སྤྲ་ཁྲིད་གསལ་བའི་མེ་ལོང་། སྤྲོས་བཅས་བུམ་དབང་ཆེན་མོ། །ལག་ཁྲིགས་གབ་པ་སྔོན་མངོན་ཕྱུངས། སྨན་སྒྲུབ་བདུད་རྩིའི་རྒྱ་མཚོ་སོགས་ལས་ཇི་ལྟར་གསུངས་པ་བཞིན་དང་། ཕྱག་ལེན་གྱི་རིགས་ཕྲན་

[Full Size]

བུ་ཁ་སྐོངས་དཀྲུག་སྡེབས་ཀྱི་རྣམ་པ་དག་ཀྱང་རིག་འཛིན་ཆེན་པོ་སངས་རྒྱས་གླིང་པ་ཉིད་ནས་ཞལ་གྱི་བདུད་རྩི་ཟམ་མ་ཆད་པ་ལས་ལེགས་པར་འོངས་པ་ཁོ་ན་མ་གཏོགས་གཟུ་ལུམ་རས་ཆོད་ཀྱི་དྲི་མའི་བསླད་པ་ཅུང་ཟད་ཙམ་ཡང་མ་མཆིས་ལགས་པས། ཡིད་བརྟན་གྱི་ཕྱི་མོར་རུང་བ་ནོར་བུའི་ཕྲེང་བ་ལྟ་བུ་འདི་ནི། རིག་འཛིན་ཆེན་པོ་སངས་རྒྱས་གླིང་པའི་རིགས་དང་ཆོས་ཀྱི་རིང་ལུགས་དྲི་མ་མེད་པ་འཛིན་པར་རྡོ་རྗེའི་སློབ་དཔོན་རིག་འཛིན་སྙིང་པོའི་སྤྱན་སྔར། བདག་ཉིད་དུས་ཀྱི་བླ་མའི་ཟོལ་གྱིས་འཚོ་བ་པ་མཁས་མཆོག་པདྨ་ལེགས་གྲུབ་རྩལ་གྱིས་ཡི་གེའི་བྱེད་པོ་དང་བསྐུལ་བ་སོར་བགྱིས་ཤིང་། རྩེ་ལེ་རིག་འཛིན་ཡབ་སྲས་ནས་བརྒྱུད་པ་སོགས་རང་ལུགས་ཀྱི་བླ་མ་བརྒྱུད་པ་རྣམས་ཀྱི་ཕྱག་བཞེས་ཞལ་རྒྱུན་དག་དང་ཡང་དགོངས་པ་བསྟུན་ཏེ་

[Full Size]

བདག་ཅག་དཔོན་སློབ་ལྷན་གཅིག་ཏུ་གོ་བདུར་ནས་ཕྱི་རབས་ཀྱི་གང་ཟག་གསར་བུ་དག་ལ་ཕན་པར་བསམས་ཏེ་ཡི་གེར་བཀོད་པ་འདིས་མཚོན་ཚེ་རབ་ཀུན་གྱི་དགེ་ཚོགས་དུས་གསུམ་བསགས་པའི་རྣམ་དཀར་མཐའ་དག་གཅིག་ཏུ་བསྡོམ་པའི་མཐུ་འབྲས་ཀྱིས། མ་རྒན་མཁའ་མཉམ་འགྲོ་རྣམས་རྣམ་མཁྱེན་སངས་རྒྱས་ཀྱི་གོ་འཕངས་ལ་མ་འཁོད་དེ་སྲིད་དུ་ཐེག་ཆེན་བླ་མེད་རྡོ་རྗེ་ཐེག་པའི་བསྟན་པ་རིན་པོ་ཆེ་འགྲིབ་མེད་གོང་ནས་གོང་དུ་འཕེལ་ཞིང་རྒྱས་པའི་ཆ་རྐྱེན་དུ་གྱུར་ཅིག །མངྒ་ལཾ་བྷ་ཝནྟུ། གཅིག་ཞུད།

བྱ་བཏང་ལ་ཉེ་བར་མཁོ་བའི་ཡོ་བྱད་ཀྱི་གསུངས་གླིང་།

[Full Size]

བྱ་བཏང་ལ་ཉེ་བར་མཁོ་བའི་ཡོ་བྱད་ཀྱི་གསུངས་གླིང་ལགས།

[Full Size]

སྒོམ་ཐག་ལ་སོགས་བྱ་བཏང་གི་ཡོ་བྱད་རྣམས་ཀྱི་དྲི་བ་མཛད་པའི་ཆར་སྤྱི་རྒྱ་གར་དུ་ནི་རབ་བྱུང་སྦྱང་ཡོན་བཅུ་གཉིས་ལྡན་པའི་དགེ་སྦྱོང་རྣམས་ནི་བྱ་བཏང་གི་ཡང་རྩེ་ཡིན་པར་སྣང་ཡང་འོ་སྐོལ་བོད་ཀྱི་དགེ་སྦྱོང་ཚོ་ནི་འཇིག་རྟེན་པ་ལས་ཀྱང་སྤྲོས་པ་དང་སྣང་ཤས་ཆེ་བ་འདི་འདྲར་གྱུར་ཚེ་ཐ་སྙད་ག་ལ་ཡོད། དྲ་བ་དང་སྒོམ་ཐག་ནི་དགེ་སློང་མ་ཡང་གནང་བ་ཡིན་འདུག་པ་དང་། དགེ་སློང་གི་སྒོམ་ཐག་ནི་སྤུས་འཁྱུད་ཅེས་བྱ་བ་མལ་ནང་དུ་འདུག་དུས་ལུས་གནད་མི་ཞིག་ཕྱིར་སྤུས་མོ་ལ་བཅིང་བར།

[Full Size]

བཤད་པ་ཙམ་མ་གཏོགས་ཆག་ཚད་ངེས་པ་མ་གསུངས། དྲ་བ་ཡང་དགེ་སྦྱོང་དང་རྣལ་འབྱོར་པ་གཉིས་ཀ་ལ་དྲ་བ་ཞེས་སྐུད་པ་ལ་བཟོས་པ་ཕྱི་ནང་ཟང་ཐལ་དུ་མཐོང་བ་དེ་དགོས་པ་སྟེ། ཟང་ཟིང་གི་དངོས་པ་རིན་ཐང་ཅན་མི་ཚགས་པའི་དགོས་ཆེད་ལ་དམིགས་ཤིང་། རྫ་ཁོག་དང་ཕོར་པ་ཕྱེ་རྐྱལ་ཙམ་ལས་གཞན་མི་བཟུང་བ་ལ་དགོངས་པ་ཡིན་ཕྱིར། དིང་སང་ཆོས་པ་ཚོས་འཁུར་བའི་རས་དང་སྣམ་སླེབ་སོགས་ལ་བཟོས་པ་དང་། དེ་ལ་ཡང་མ་བརྒྱན་དང་དགུ་བརྒྱན་བྱས་པ་འདི་ནི་

[Full Size]

འཇིག་རྟེན་སྣང་ཤས་ཁོ་ན་མ་གཏོགས། ཆོས་པའི་ཡོ་བྱད་མ་ཡིན་མོད་ཅིང་། འདི་ལ་ནི་མིང་ཡང་དྲ་ཕད་ཅེས་བྱ་བ། འཇིག་རྟེན་ཕལ་པ་རྣམས་ཀྱི་སྒྱེ་ཁུག་དང་ཁྱད་མེད་པས། དྲ་བ་དངོས་ཀྱི་མཚན་ཉིད་དུ་མི་འགྱུར་རོ། །དེ་བཞིན་དུ་སྒོམ་ཐག་ཀྱང་ཚུལ་ལྡན་བྱེད་ན་དྲ་མིག་ཅན་དེ་དགོས་པར་གསུངས་པ་སྟེ། རྩ་དབུ་རྐྱང་རོ་གསུམ་མཚོན་པས་གཞུང་སྐུད་གསུམ་བཤིབས། །དགའ་བ་བཅུ་དྲུག་མཚོན་པས་དྲ་མིག་བཅུ་དྲུག །གཏུམ་མོའི་མེ་མཚོན་པའི་ཁ་དོག་དམར་པོ། གསང་ཡུམ་རྡོ་རྗེ་རྣལ་འབྱོར་མ་མཚོན་ཕྱིར། སྐྱེ་བོ་ཕལ་གྱིས་མི་མཐོང་བར་རང་ལུས་དང་འབྲལ་མེད་བཅང་བར་བཤད་པའི་དམ་ཚིག་གི་ཡོ་བྱད་ཡིན་པ་དང་། ཆག་ཚད་ཀྱང་། རྗེ་མི་ལ་ཡན་གྱི་གྲུབ་ཐོབ་ཐམས་ཅད་ཀྱི་ལུགས་ལ། ཉིས་ཁུག་མགོ་བོ་ལ་འཁོར་ཙམ་དེ་ཀ །གཅིག་ཀྱང་མཐོ་དྲུག་ཡིན་ཀྱང་། རྗེ་སྒམ་པོ་པ་མི་ལའི་དྲུང་དུ་ཐབས་

[Full Size]

ལམ་བསྒོམ་པའི་སྐབས་སུ་དམྱལ་བ་ཐིག་ནག་གི་བཀོད་པ་མཐོང་ཞིང་སྐུ་ཁམས་མ་བདེ་བ་བྱྱུང་བ་དེ་ལ། རྗེ་བཙུན་གྱིས་སྒོམ་ཐག་ཐུང་བའི་སྐྱོན་གྱིས་རྩ་འཐུམས་པར་འདུག་པས་སྒོམ་ཐག་རིང་དུ་ཐོང་གསུངས་ནས་ཆང་པ་གང་གིས་རིང་དུ་བཏང་བའི་རྗེས་སུ་འབྲང་ནས། དིང་སང་ནི་མགོ་འཁོར་ཆང་གང་གི་ཆག་ཚད་ཡིན་ལ། ཞེང་ནི་སོར་བཞིའམ་གསུམ་ལས་མ་བཤད་ཀྱང་། ད་ལྟའི་ཆོས་གཟུགས་ཟོག་མཁན་ཚོས་སྟོད་ཐམས་ཅད་ཁེབས་པ། གཅིག་རྐྱང་མཐོ་བདུན་ དང་། ལ་ལས་ཕོར་པ་སོགས་བཅུག་པའི་སྣོད་དང་སྦྲག་པ་སོགས། གསང་སྔགས་འཆལ་བའི་སྤྱོད་པ་སྣ་ཚོགས་མུ་མེད་བྱེད་མོད། གསང་སྔགས་རྙིང་ལུགས་ལ་ནི། བཻ་རོ་ཙ་ན་ཚ་བ་རོང་ནས་བོད་དུ་ཡར་བྱོན་པའི་ལམ་དུ། གཙང་རྒན་མི་ཕམ་མགོན་པོའམ། མིང་གི་རྣམ་གྲངས་སུ། སྤམ་སངས་རྒྱས་མགོན་པོ་ཞེས་པ་ལོ་བརྒྱད་ཅུ་

[Full Size]

ལོན་པའི་དད་ཅན་དེ་ལ་རྫོགས་པ་ཆེན་པོ་སྙན་བརྒྱུད་རྡོ་རྗེ་ཟམ་པའི་གདམས་པ་གནང་སྐབས། ཁོང་ཧ་ཅང་རྒས་པས་ལུས་གནད་མ་ཐུབ་པས། སྒོམ་ཐག་དང་སྒོམ་མཁར་ལ་བརྟེན་ཏེ་བསྒོམ་དུ་བཅུག་པས། ཕུང་པོ་འཇའ་ལུས་གྲུབ་ས་བྱུང་། དེའི་རྟེན་འབྲེལ་དང་བྱིན་རླབས་ལ་དམིགས་ནས། ད་ལྟ་ཡང་ཆོས་བཀའ་དེའི་དབང་གི་སྐབས་སུ། དབང་རྫས་ལ་སྒོམ་ཐག་དང་། སྒོམ་མཁར་རམ་སྒོམ་ཤིང་གིས་ངོས་ལ་རྡོ་རྗེ་ཟམ་པའི་རྩ་ཚིག་ཡི་གེར་བྲིས་པ་དང་བཅས་པས་དབུ་མར་བའི་ཕྱག་བཞེས་མཛད་པ་ལགས། སྒོམ་སྐྱེད་ནི་གང་ཟག་ཆོས་འཕྲལ་བཟོས་མ་གཏོགས་གཞུང་ནས་བཤད་པ་མ་མཐོང་། འབྲུག་ལུགས་ལ་ནི། གཙང་པ་རྒྱ་རས་ནས། རྒྱལ་དབང་རྗེའི་བར་གྱི་ཕྱག་བཞེས་ལ་བྱ་ཆས་བཞི་ཞེས། སྒོམ་ཞྭ། སྒོམ་ཐག །དྲ་བ་མིག་མང་། གཉེན་པོ་དུང་ཆོས་

[Full Size]

ཞེས་པ། ཁམས་བྱང་སེམས་མི་ཉམས་པའི་དྲན་རྟེན་དུ་རྡོག་ཅིག་སྐུད་པ་དམར་པོ་ལ་བརྒྱུས་ཏེ་སྲིན་ལག་གཡོན་ལ་བཅིངས་ཤིང་སྦེད་པ་སྟེ། བྱ་ཆས་བཞི། རང་ཤོང་གི་ཅོག་པུ། དམ་ཚིག་དང་མཐུན་པའི་ཕྲེང་བ་དང་བཅས་པའི་མཚན་ཉིད་དགོས་ཆེད་ཕན་ཡོན་སོགས་ནས་གསུངས་སོ། །རྐང་གླིང་ནི། སྤྱིར་རབ་བྱུང་དང་བྱ་བཏང་ཤ་སྟག་ལ་དགོས་པ་མི་ཡོང་མོད་ཀྱང་། གསང་སྔགས་པའི་དམ་ཚིག་གི་རྫས་ཀྱི་བྱེ་བྲག་ཡིན་མོད་ཀྱི། རྒྱ་གར་དུ་རབ་བྱུང་རྣམས་སྦྱིན་བདག་གི་སྒོ་དྲུང་དུ་བསོད་སྙོམས་སློང་བའི་བརྡར་འཁར་སིལ་གྱི་སྒྲ་འཁྲོལ་ཞིང་། རྣལ་འབྱོར་པ་ཡིན་ན་ཌཱ་མ་རུ་འཁྲོལ་བའམ། ཁྲི་གཉན་ར་དུང་འབུད་པ་ཡིན་མོད་ཚེ། རྐང་གླིང་དུས་མིན་དུ་འབུད་ཀྱང་མི་རུང་བ་ཡིན་སྣང་ལ། བོད་ཁྲིམས་མེད་གདོལ་པའི་ཡུལ་དུ་སོང་ཚེ་ངེས་པ་མ་མཆིས་མོད། གསང་སྔགས་ཁྱད་པར་

[Full Size]

བའི་སྐབས་དོན་ལ་ནི། ཆོ་ག་སོགས་ཀྱི་དུས་ན། རྩ་གསུམ་མཁའ་འགྲོ་ཆོས་སྐྱོང་སྤྱན་དྲངས་བ། ཐུགས་དམ་བསྐང་བ། ཕྲིན་ལས་བསྐུལ་བ་སོགས་དགོས་ཆེད་མང་བ་དང་། དེ་དག་ཀྱང་རང་རང་གི་སྐབས་ལ་ནལ་བབས་ཚེ། ཏིང་འཛིན་རྟགས་མཐུན་དུ་འབུད་ཅིང་། །དུས་མིན་སྐབས་མིན་དང་རྩེད་མོའི་ཞོར་ལ་འབུད་པ་སོགས་མི་བྱ་བ་དང་། གཅོད་ཀྱི་སྐབས་སོགས་ལ་ནི། རྐང་དུང་གི་མཚན་ཉིད་སྤང་བླང་སོགས་ཞིབ་པར་ལབ་སྒྲོན་གྱི་གཅོད་གཞུང་ཆེན་མོར་འབྱུང་བ་ལྟར་དང་། གནས་སྐབས་རྒྱུན་གྱི་ཐུན་ཚོད་འཛིན་པ་སོགས་འདི་དག་ལའང་། འབུད་ལུགས་ཀྱི་སྐད་འགྱུར་ཚད་ལྡན་དགོས་ཕྱིར་དིང་སང་བཀའ་རྒྱུད་པ་རྣམས་ཀྱི་དགུ་འབུད་ཟེར་བ་འདི་ནི། བདེ་མཆོག་གི་རྩ་སྔགས་ཡི་གེ་བདུན་པ་ཉིད་ཀྱི་བརྡ་སྐད་ཡིན་པར་གསུངས་ཏེ། དེ་ཡང་ཡི་གེ་བདུན་པ་ལ་ཨོཾ་གཅིག་ལས་མེད་ཀྱང་སྐབས་

[Full Size]

འདིར་ཕག་མོའི་ཨོཾ་གསུམ་མ་དང་བསྟུན་པའི་སྐད་བརྡ་བྱ་བ་ཡིན་པས། ཐོག་མར། ཨོཾ་ཨོཾ་ཨོཾ། ཞེས་འཐུང་བ་གསུམ་འབུད། དེ་ནས་ཧྲཱིཿ ཞེས་རྒྱང་རིང་བ་གཅིག །དེ་ནས་ཧ་ཞེས་རིང་བ་གཅིག །དེ་ནས། ཧ་ཧ་ཧ་ཧ་ཧ་ཞེས་རྒྱང་རིང་ཞིང་ལྡེམ་འགྱུར་ཡོད་པ་གཅིག །དེ་ནས་ཧཱུྃ། ཧཱུྃ། ཞེས་ཐུང་བ་གཉིས། དེ་རྗེས། ཕཊཿ འདི་ཅུང་ཟད་རིང་བ་ཙམ་བྱས་བྱས་པ་སྟེ། དེ་ལྟར་དགུ་ལ། དགུ་འབུད་ཟེར་བ་སྟེ་དིང་སང་དཀར་འབྲུག་ཚོས་བྱེད་པ་དེ་ཀ་ཡིན།། ༈ །།འོ་སྐོལ་རྙིང་ལུགས་ལ་སྔོན་ཚེ་ཁམ་ཀ་ཐོག་གི་གྲུབ་ཐོབ་དམ་གཙང་བྱམས་གསུམ་སོགས་ཀྱིས་ཞལ་བཀོད་ཀྱི་རྒྱུན་ལ་རྐང་དུང་བདུན་འབུད་འདི་བླ་མ་ལ་གསོལ་བ་གདབ་པའི་སྐད་བརྡ་ཡིན་ཏེ། ཐོག་མར། མཆོད། མཆོད། ཅེས་པ་གཉིས་འདིའི་སྔ་མ་རིང་ཙམ་དང་རྗེས་ལ་ཐུང་བར་བྱ། དེ་ནས།

[Full Size]

བླ་མ། བླ་མ། ཞེས་བླ་མ་འབོད་པ་འདི་གཉིས་ཀ་རྒྱང་རིང་པོར་བྱ། དེ་ནས། བླ་མ་མཁྱེན་མཁྱེན་མཁྱེན་མཁྱེན་མཁྱེན། ཞེས་པ་རྒྱང་རིང་ཞིང་ལྡེམ་འགྱུར་དང་བཅས་པ་བྱ། དེ་རྗེས། ཕཊཿ ཕཊཿ ཅེས་པ་གཉིས་འདིའི་སྔ་མ་ཅུང་ཟད་རིང་ཙམ་དང་། །ཕྱི་མ་ཐུང་རྦད་ཀྱི་བཅད་ནས་བཞག་པ་ཡིན་ལ། བླ་མ་འབོད་པའི་རྒྱང་གསུམ་པོ་དེ་ལའང་། མགོ་ལ་སྐད་ཤད་ཆེ་བ་ལ་མཇུག་ཏུ་རིམ་པས་ཆུང་ནར་གྱི་བཞག་པ་ནི་བླ་མ་དྲན་པའི་མོས་གུས་གདུང་ཤུགས་སྐྱོ་ཕྱིར་ཡིན་ཞིང་། སྐད་བརྡ་འདི་འབུད་ལུགས་མཁས་པ་ཅིག་བྱུང་ན་སྣང་བ་འགྱུར་ཏེ་སྐྱོ་ལྷང་གི་གཏོང་ཐུབ་པ་ཡོད། དེ་ལྟར་རྐང་དུང་ལ་ཡང་སྐད་བརྡ་ཚད་ལྡན་དགོས་པར་གསུངས་པ་ལགས་སྤྱིར། སྒྲུབ་གྲྭ་ཚོ་ལ་ཐུན་བཞི་ངེས་ཅན་བྱེད་པ་འདི་ནི། འདི་ཚོ་རྐྱག་རེ་ཆུང་བ་མ་གཏོགས། དགེ་སྦྱོར་སྒྲིག་མ་ཚུལ་ལྡན་བྱེད་མཁན་ནི། ཐོ་རངས་ཀྱི་འདི་

[Full Size]

བླ་མའི་གསོལ་འདེབས་ཀྱི་ཐུན། ཉི་མ་ཤར་བ་ན་ཆུ་གཏོར་གྱི་ཐུན། ཕྱི་དྲོ་འདི་གཏོར་བསྔོས་ཐུན། །སྲོད་ཀྱི་འདི་གཅོད་ཀྱི་ཐུན་ཡིན་ཚེ། ཐུན་དུང་འདི་རྣམས་དང་བསྟུན་པའི་དགེ་སྦྱོར་དེ་དག་སྒྲིགས་ཆགས་སུ་བྱེད་དགོས་པར་བརྡ་ཡིན་པར་འདུག་མོད་ཀྱི། ཚུལ་བཞིན་བྱེད་མཁན་མི་རྙེད་ཀྱང་གོ་རྟོགས་དེ་བཞིན་འཇགས་པར་བྱའོ། །གཅིག་ཞུད།

མཐའ་འོག་བདུད་འདུལ་ཕུག་པའི་གནས་བཤད།

[Full Size]

མཐའ་འོག་བདུད་འདུལ་ཕུག་པའི་གནས་བཤད་བཞུགས་སོ།

[Full Size]

ན་མོ་གུ་རུ་རཏྣ་སིདྡྷི་ཧཱུྃ། མཆོག་ཏུ་མི་འགྱུར་བདེ་བ་ཆེན་པོའི་བདག་ཉིད་རིགས་རྣམས་ཀུན་གྱི་ཁྱབ་བདག་རྗེ་བཙུན་དཔལ་ལྡན་བླ་མ་མཆོག་གི་ཞབས་ཀྱི་པདྨོར་གུས་པས་ཕྱག་འཚལ་ཞིང་སྐྱབས་སུ་མཆིའོ། །བདག་སོགས་ཁམས་གསུམ་གྱི་སེམས་ཅན་ཐམས་ཅད་ལ་ཐུགས་རྗེས་གཟིགས་ཤིང་བྱིན་གྱིས་བརླབས་ཏུ་གསོལ། དངོས་འདིར་དད་ཅན་གྱི་སྐལ་ལྡན་རྣམས་ལ་གནས་མཆོག་འདི་ཉིད་ཀྱི་ཞིང་བཀོད་མདོ་ཙམ་སྟན་དུ་གསོལ་ན། ལོ་རྒྱུས་བྱུང་ཁུངས་ཀྱི་ཁོག་ཕུབ། བཀོད་པ་བཞུགས་ཚུལ་གྱི་ངོ་བསྟན། ཕན་ཡོན་དགོས་ཆེད་ཀྱི་མཚམས་སྦྱར་བ་དང་གསུམ་

[Full Size]

གྱིས་འཆད་པར་བྱ་སྟེ། དང་པོ་ལོ་རྒྱུས་ནི། སྤྱིར་ཡང་སངས་རྒྱས་ཐམས་ཅད་ཀྱི་ཐུགས་ཡེ་ཤེས་ཆེན་པོ་གཅིག་ཏུ་བསྡུས་པ་ལོངས་སྤྱོད་རྫོགས་སྐུ་རྣམ་པར་སྣང་མཛད་གངས་ཆེན་མཚོའི་ཕྱག་གི་ལྷུང་བཟེད་ཀྱི་སྤོས་ཆུའི་རྒྱ་མཚོ་ལས་འཁྲུངས་པའི་པདྨ་ཉི་ཤུ་རྩ་ལྔའི་ཟེའུ་འབྲུ་མཐའ་དག་སངས་རྒྱས་ཀྱི་ཞིང་ཁམས་ཁོ་ནས་གང་སྟེ་ཡོད་པའི་ཞིང་ཁམས་བཅུ་གསུམ་པ་མི་མཛེད་ཀྱི་ཞིང་ཁམས་ཅེས་པ་འོ་སྐོལ་རྣམས་ཀྱི་འཇིག་རྟེན་འདི་ཡིན། དེ་ལས་ཁྱད་པར་དུ་གླིང་བཞིའི་འཇིག་རྟེན་ལས་ལྷོའི་འཛམ་བུ་གླིང་འདི་སྐལ་བཟང་གི་སངས་རྒྱས་ཐམས་ཅད་བྱོན་ཞིང་ཆོས་འཁོར་

[Full Size]

བསྐོར་བས་ཚེ་གཅིག་སངས་རྒྱས་ཐོབ་པའི་སྐལ་བ་ཅན་གྱི་ཞིང་ཡིན། དེ་ལས་ཁྱད་པར་དུ་བྱང་ཕྱོགས་གངས་ཅན་གྱི་ལྗོངས་བོད་ཁམས་གླིང་དགུའི་ཡུལ་འདི་ཐུགས་རྗེའི་མངའ་བདག་འཕགས་པ་སྤྱན་རས་གཟིགས་ཀྱིས་བདག་གིར་མཛད་དེ། སྤྲེའུ་བྲག་སྲིན་གྱི་རྣམ་པར་སྤྲུལ་ནས་མིའི་ས་བོན་དུ་བཀོད་ཅིང་། ཆོས་དང་ཟང་ཟིང་གིས་ལེགས་པར་བསྐྱངས་པས་བོད་ཡུལ་ཐེག་པ་ཆེན་པོའི་ཆོས་ཀྱི་གླིང་ཆེན་དུ་གྱུར་པ་འདི་ཡིན། དེ་ལས་ཁྱད་པར་དུ་གྱུར་པ་ཤར་ཕྱོགས་ཀོང་ཡུལ་ཤིང་ལོའི་ཚལ་ཙནྡ་ལྗོན་པའི་ནགས། དཀར་མོ་འབྲུའི་གླིང་། བདེ་སྐྱིད་ལོངས་སྤྱོད་ཀྱི་འབྱུང་གནས་གསང་སྔགས་རྡོ་རྗེ་ཐེག་པ་དར་བའི་ཞིང་འདི། གུ་རུ་རིན་པོ་ཆེ་པདྨ་འབྱུང་གནས་ཀྱིས་ཞབས་ཀྱིས་བཅགས་བྱིན་གྱིས་བརླབས། ཚེ་གཅིག་བྱང་ཆུབ་སྒྲུབས་པའི་གནས་སུ་མཛད་པ་ངོ་མཚར་མཆོག་ཏུ་གྱུར་པ་ལགས། དེ་ལ་གུ་རུ་རིན་པོ་ཆེ་དེ་ཉིད་ཀྱིས་སྤྱིར་བོད་ཡུལ་གྱི་རྒྱལ་ཁམས་མ་ལུས་

[Full Size]

ཞབས་ཀྱིས་མ་བཅགས་པ་ནི་ཁབ་རྩེ་གང་ཡང་མེད་ལ། ཁྱད་པར་ཀོང་པོའི་ཡུལ་འདི་གུ་རུ་ཉིད་ཀྱི་འདུལ་ཞིང་དུ་བདག་གིར་མཛད་ཅིང་བྱིན་གྱིས་བརླབས་པ་ཡིན་ཕྱིར། ལྟ་བ་ཡུལ་གྱི་གཏེར་ལུང་གསང་བའི་བྲག་ཕུག་གུ་རུ་ཡབ་ཡུམ་ཏིང་ངེ་འཛིན་ལ་བཞུགས་པའི་སྐབས་ན། གུ་རུའི་ཞལ་ནས། འདི་ནས་ཉི་མ་ཤར་གྱི་ཕྱོགས་ན་རི་སེང་ཆེན་འགྱིངས་པ་འདྲ་བའི་ངོས་སུ་པདྨ་བདག་འཆི་མེད་ཚེའི་རིག་འཛིན་ཐོབ་པའི་གནས་མཆོག་ར་ག་ར་ཏིའམ། བྲག་ཕུག་མ་ར་ཏཱི་དང་ཆ་མཚུངས་པའི་སྒྲུབ་གནས་ཁྱད་པར་ཅན་ཡོད་པས་དེར་འགྲོ་བར་བྱའོ། །ཞེས་གསུངས་ནས་རྫུ་འཕྲུལ་གྱི་ནམ་མཁའ་ལ་འཕུར་ཏེ་སྐད་ཅིག་ལ་གནས་འདིར་ཕེབས་ནས་བཞུགས་ཤིང་། ཕྱི་རབས་ཀྱི་གང་ཟག་སྒྲུབ་པ་པོ་སུ་དང་སུས་བསྡད་ཀྱང་བར་ཆད་མེད་ཅིང་བཀྲ་ཤིས་དགེ་ལེགས་འབྱུང་བར་བྱིན་གྱིས་བརླབས་པར་མཛད། དེ་དང་

[Full Size]

རྗེས་མཐུན་པར་དུས་ཕྱིས་ཀྱང་ཆོས་རྒྱལ་ཁྲི་སྲོང་གི་རྣམ་འཕྲུལ་གཏེར་སྟོན་ཆེན་པོ་མངའ་བདག་མྱང་ཉི་མ་འོད་ཟེར་དང་། རིག་འཛིན་ཆེན་པོ་རཏྣ་གླིང་པ་སོགས་ཀྱིས་ཀྱང་གནས་འདི་ཞབས་ཀྱིས་བཅགས་ཤིང་གཟིགས་སྣང་གཏན་ལ་ཕབ་པ་དང་། དེ་བཞིན་དུ། གྲུབ་ཆེན་ཐང་སྟོང་རྒྱལ་པོ། སྤྱན་སྔར་རི་ཁྲོད་རས་ཆེན། དབུས་སྨྱོན་ཀུན་དགའ་བཟང་པོ། རྗེ་བཙུན་མི་ཕམ་བློ་གྲོས། རིག་འཛིན་འཇའ་ཚོན་སྙིང་པོ་རྣམས་ཀྱང་རིམ་པས་བྱོན་ནས་གནས་འདིར་ཏིང་ངེ་འཛིན་གྱིས་རྩལ་སྦྱངས། རྟེན་འབྲེལ་ཟབ་མོའི་སྒོ་བསྒྲིགས། མི་དང་མི་མ་ཡིན་གྱི་གདུལ་བྱ་ལ་སྨིན་གྲོལ་ཆོས་ཀྱི་ཆར་བབས་པར་མཛད་པའི་གནས་མཆོག་ཁྱད་པར་འཕགས་པ་ཡིན་པའི་ཚུལ་ནི་སྔོན་བྱུང་ལོ་རྒྱུས་ཀྱི་ཁོག་ཕུབས་ཏུ་གསོལ་བ་ལགས། དེ་ནས་གནས་ཀྱི་ཆ་ལུགས་བཀོད་པ་བཞུགས་ཚུལ་གྱི་དབང་དུ་བགྱི་ན། རྒྱབ་རི་སེང་ཆེན་

[Full Size]

འགྱིངས་པ་འདྲ་བས་བདུད་དཔུང་ཟིལ་གྱིས་གནོད་པ། མདུན་གཙང་ཆབ་ཀྱི་རྒྱུན་འབབས་པས་ཏིང་འཛིན་རྒྱུན་ཆད་མེད་པ། སྟེང་ནས་བྱ་སྐྱིབས་གདུགས་ལྟར་ཕུབས་པས་དཀོན་མཆོག་གིས་སྐྱབས་འོག་ཏུ་ཚུད་པ། འོག་ནས་བྲག་གཡང་གི་བ་གམ་པད་སྡོང་ཁྲི་འཕང་བརྩེགས་པ་ལྟ་བུས་སྒྲུབ་པའི་རྐང་ཚུགས་པ། གཡས་གཡོན་གྱི་རི་རྒྱུད་ཕྱག་རྒྱ་བསྣོལ་བ་ལྟ་བུས་ཐབས་ཤེས་ཟུང་འཇུག་གི་ལམ་དུ་ཆུད་པ། ཞལ་ཁ་ལྷོ་རུ་བསྟན་པས་འོད་གསལ་གྱིས་འཆར་སྒོ་རྒྱ་ཆེ་བ། འོག་བཞི་རྡོ་རྗེའི་བྲག་ལ་བསྟེན་པས་ཆོས་སྐུ་འགྱུར་མེད་ཀྱི་བསྟན་པ་ཟིན་པ། གཡང་ས་འཇིགས་སུ་རུང་བས་མི་རྟག་ངེས་འབྱུང་གིས་བློ་རྒྱུད་འཁུལ་བ། ཡུལ་གྲོང་དང་རྒྱང་གྲག་གིས་ཆོད་པས་རྣམ་གཡེང་འདུ་འཛིས་དབེན་ཅིང་མཐུན་རྐྱེན་བཙལ་སླ་བ། མཐོ་ཞིང་ཕྱོགས་ཀུན་མཐོང་བས་རིག་པ་དངས་སྙིགས་ཕྱེད་པ། ཆུ་དང་མེ་ཤིང་

[Full Size]

འཛོམ་པས་སྒྲུབ་པ་ངང་གིས་འཕེལ་བ་ལ་སོགས་ཏེ། གནས་ཀྱི་ཕྱིའི་ཆགས་ཚུལ་དེ་ལྟ་བུ་དང་ལྡན་པ་ལགས་ཤིང་། ནང་གི་ལྷའི་བཞུགས་ཚུལ་གྱི་དབང་དུ་བགྱི་ན། སྒྲུབ་གནས་འདི་ཉིད་ཕྱི་ལྟར་དཔལ་གསང་བའི་བདག་པོ་ཕྱག་ན་རྡོ་རྗེས་བྱིན་གྱིས་བརླབས་པའི་རྟགས་སུ་ཁྱུང་གཤོག་རིན་ཆེན་འབར་བའི་སྐུ་རང་བྱོན་རྭ་དང་མཆུ་སྡེར་སྒྲོ་གཤེག་དང་ཕྱག་ཏུ་སྦྲུལ་བཟུང་བ་ཚུན་ཆོད་ཤིན་ཏུ་གསལ་བ་འདི་ཉིད་ལ་གསང་བདག་ཕྱག་རྡོར་དངོས་སུ་མོས་པས་དད་གུས་གསོལ་བ་བཏབ་ན་གཟའ་ཀླུ་ས་བདག་གཉན་ལྷོག་གི་ནད་དང་གནོད་པ་མ་ལུས་ཞི་ཞིང་སྐྱོབས་པའི་བྱིན་རླབས་དང་ལྡན་པ་ལགས། ནང་ལྟར་འཕགས་པ་སྤྱན་རས་གཟིགས་ཀྱིས་བྱིན་གྱིས་བརླབས་པའི་རྟགས་སུ་ཕུག་པའི་ཡང་ཐོག་ན་བཀའ་རྟགས་རྡོ་རིང་རང་བྱོན་གྱི་ངོས་ལ་ཇོ་བོ་ཐུགས་རྗེ་ཆེན་པོ་བཅུ་གཅིག་ཞལ་གྱི་སྐུ་དང་གཟུངས་མཆོག་

[Full Size]

ཡི་གེ་དྲུག་པའི་སྔགས་རྣམས་རང་བྱོན་དུ་ཡོད་པ་ལ་གསོལ་འདེབས་མོས་གུས་བྱས་ན་ངན་སོང་གི་སྡུག་བསྔལ་ལས་སྐྱོབས་པའི་བྱིན་རླབས་དང་ལྡན་པ་ལགས། གསང་བ་ལྟར་ན་མགོན་པོ་ཚེ་དཔག་མེད་ཀྱིས་བྱིན་གྱིས་བརླབས་པའི་རྟགས་སུ། བྲག་གི་ངོས་གཡས་ཕྱོགས་འདི་ན་ཚེ་དཔག་མེད་ཀྱི་སྐུ་ཤིན་ཏུ་གསལ་བ་དང་། ཕུག་པའི་གཡོན་ན་འཆི་མེད་བདུད་རྩིའི་ཆུ་རྒྱུན་ལྷུང་ལྷུང་དུ་འབབ་པ་འདི་ཉིད་འཐུང་ཞིང་ཁྲུས་པས་ནད་གདོན་སྡིག་སྒྲིབ་ཐམས་ཅད་དག་ཅིང་ཚེའི་དངོས་གྲུབ་ཐོབ་པ་དང་། ཚེ་ཆུའི་འགྲམ་དུ་གཏེར་བཏོན་འཇའ་ཚོན་སྙིང་པོས་ཕྱག་མཛུབ་བཙུགས་པའི་རྗེས་ཀྱི་བྲག་ཁུངས་ན་ནད་སེལ་གྱི་སྨན་ཆུ་ངོ་མཚར་ཅན་ཡང་ཡོད་དོ། དེ་ཁོ་ན་ཉིད་ལྟར་ན་གུ་རུ་རིན་པོ་ཆེ་པདྨས་བྱིན་གྱིས་བརླབས་པའི་རྟགས་སུ། ཕུག་པའི་ཡ་ཐོད་དུ་གུ་རུ་རིན་པོ་ཆེ་ལ་སྤྲུལ་པའི་གུ་རུ་མཚན་

[Full Size]

བརྒྱད་ཀྱིས་བསྐོར་བའི་སྐུ་རང་བྱོན་དང་དུས་དང་གང་ཟག་ཁྱད་པར་ཅན་འཛོམ་པའི་སྐབས་རྣམས་སྒྲུབ་ཕུག་ལས་བདུད་རྩིའི་ཆུ་ཟིལ་ཚན་ཆེར་འབབ་པའི་ཡ་མཚན་ཡང་ཡོད་དོ། །གཞན་ཡང་བྲག་ལོགས་ཀྱི་རྩེ་མོར་གྲུབ་ཆེན་བིར་ཝ་པ་དང་། རྗེ་བཙུན་མི་ལ་བཞད་པ་རྡོ་རྗེའི་སྐུ་རང་བྱོན་དང་། ཕུག་པའི་འོག་ཕྱོགས་སུ་ཁྲོ་བོ་ཆེན་པོ་སྟོབས་པོ་ཆེ་གླང་ཆེན་རབ་བརྟན་གྱི་གཟུགས་སུ་སྤྲུལ་ནས་སྒྲུབ་གནས་ཞབས་འདེགས་ཀྱི་ཚུལ་ཀྱང་གསལ་བར་ཡོད་ཅིང་། མདོར་ན། ཆོས་རྣམས་ཐམས་ཅད་རྐྱེན་བཞིན་ཏེ། །འདུན་པའི་རྩེ་ལ་རབ་ཏུ་གནས། ཞེས་དང་། །གང་ལ་མོས་པ་ཡིད་བྱེད་པ། །དེ་ཡི་མདུན་ན་ཐུབ་པ་བཞུགས། ཅེས་གསུངས་པ་ལྟར་གང་ཟག་མོས་པའི་ཁྱད་པར་གྱིས་དབང་གིས། དག་པའི་སྣང་ངོར་ནི་ཡུལ་སྣོད་བཅུད་ཐམས་ཅད་རྒྱལ་བའི་དཀྱིལ་འཁོར་དུ་ལྷུན་གྱིས་གྲུབ་པ་ཡིན་ལ། རང་སྣང་མ་དག་པའི་ངོར་ནི་སངས་རྒྱས་དངོས་སུ་

[Full Size]

བྱོན་ཡང་དད་མོས་མི་སྐྱེ་བ་ནི་གང་ཟག་གི་རང་སྐྱོན་དུ་ཟད་ལ། སྐལ་ལྡན་དད་ཅན་གྱི་ངོར་ནི་གནས་འདི་ཤར་ཕྱོགས་མ་ར་ཏི་ཀའི་སྒྲུབ་གནས་དང་ཁྱད་མ་མཆིས་པར་ཨུ་རྒྱན་གུ་རུ་ཉིད་ཀྱིས་གསུངས་པ་ལགས།། ༈ །།དེ་ལྟར་གནས་ཀྱི་བཀོད་པ་ངོ་སྤྲད་དེ། ད་ནི་ཕན་ཡོན་དང་དགོས་ཆེད་ཀྱི་མཚམས་སྦྱར་ནས་བཤད་ན། འདི་ལྟ་བུ་ཁྱད་པར་འཕགས་པའི་སྒྲུབ་གནས་དམ་པ་འདི་དག་ཏུ་འཇིག་རྟེན་གཡེང་བ་སྤངས་ཤིང་ཉམས་ལེན་ཟབ་མོ་ལ་རྩེ་གཅིག་ཏུ་འབད་པ་ན་ཚེ་གཅིག་བྱང་ཆུབ་ཀྱི་གཏན་སྲིད་ཟིན་པར་འགྱུར་བ་ལྟ་ཅི་སྨོས་ཏེ། འཇིག་རྟེན་ཕལ་པ་དག་ཀྱང་གནས་མཆོག་འདི་ལྟ་བུ་ལ་མོས་པ་དང་གུས་པས་མཇལ་ཞིང་ཕྱག་མཆོད་ཞབས་ཏོགས་བགྱིས་པ་ཙམ་གྱིས་ཀྱང་རྒྱུ་འབྲས་རྟེན་འབྲེལ་ཟབ་མོས་འཚམས་སྦྱོར་གྱིས་མ་འོངས་པས་ན་དམ་ཆོས་ཀྱི་སྐལ་

[Full Size]

བ་བཟང་པོ་དང་ལྡན་ཞིང་ཕྱི་མ་དག་པའི་ཞིང་དུ་སྐྱེ་བའི་སྐལ་བཟང་དུ་འགྱུར་ཞིང་། སངས་རྒྱས་བཅོམ་ལྡན་འདས་ཀྱི་ཞལ་ནས་ཀྱང་། གང་གིས་བསྐལ་པ་བྱེ་བ་བརྒྱ་སྟོང་མང་པོར་བསོད་ནམས་ཀྱི་ཚོགས་ཇི་སྙེད་བསགས་པ་ལས་ཀྱང་། གང་གིས་ངེས་འབྱུང་གི་བསམ་པས་དགོན་པའི་ཕྱོགས་སུ་གོམ་པ་བདུན་བོར་བ་དེ་ནི་ཆེས་ཆེར་ཕན་ཡོན་ཆེའོ། ཞེས་གསུངས་པ་དང་། །ཨུ་རྒྱན་རིན་པོ་ཆེའི་ཞལ་ནས། །དབེན་གནས་རི་ཐང་མཚམས་སུ་མ་བྱེད་པར། །ང་ཡིས་བསྒྲུབས་པའི་སྒྲུབ་གནས་ཀུན་ལ་གྱིས། ཞེས་གསུངས་པ་ལྟར། གུ་རུ་ཉིད་དང་སྒྲུབ་རྒྱུད་ཀྱི་སྐྱེས་ཆེན་དམ་པ་གྲུབ་པ་བརྙེས་པ་རྣམས་ཀྱིས་བྱིན་གྱིས་རླབས་པའི་དབེན་གནས་འདི་ལྟ་བུ་བསྟེན་དགོས་པ་དང་། དབེན་པར་གནས་ཀྱང་རང་རྒྱུད་མ་ཐུལ་ན་རི་དྭགས་དང་གཅན་ཟན་གྱི་ཚོགས་དང་ཁྱད་པར་མི་འབྱུང་ཚེ། སྒོ་གསུམ་དགེ་ལ་གཞོལ་ཞིང་དམ་པའི་ཆོས་དང་རང་རྒྱུད་འདྲེས་དགོས་

[Full Size]

ལ། དེ་ལྟ་བུའི་དབེན་གནས་རི་ཁྲོད་སྒྲུབ་ཁང་བྱིན་ཆེན་རྣམས་ལ་ནི་ཁྱིམ་པ་དག་གིས་ཀྱང་བསྐུར་སྟིའི་ཡུལ་ཕྱོགས་སུ་གྱུར་པ་ཡིན་པས། དད་པའི་ནོར་དང་ལྡན་པ་རྣམས་འདུས་བྱས་འདུས་མ་བྱས་ཀྱི་ཚོགས་གསོག་སྒྲིབ་སྦྱོང་ལ་འབད་པར་ཞུ་ལགས། བཀྲ་ཤིས། གཅིག་ཞུས་ཁུལ་ལགས།

སྲིད་ཞིའི་མ་ལུས་པའི་ཁྱབ་བདག་དཔལ་ལྡན་བླ་མ་དམ་པ་མཚུངས་མེད་སྣ་ཚོགས་རང་གྲོལ་གྱི་རྣམ་པར་ཐར་པའི་སྒོ་ནས་གསོལ་བ་གདབ་པ་ཡོན་ཏན་མི་ཟད་རྒྱན་གྱི་ཟློས་གར།

[Full Size]

སྲིད་ཞིའི་མ་ལུས་པའི་ཁྱབ་བདག་དཔལ་ལྡན་བླ་མ་དམ་པ་མཚུངས་མེད་སྣ་ཚོགས་རང་གྲོལ་གྱི་རྣམ་པར་ཐར་པའི་སྒོ་ནས་གསོལ་བ་གདབ་པ་ཡོན་ཏན་མི་ཟད་རྒྱན་གྱི་ཟློས་གར་ཞེས་བྱ་བ་བཞུགས་ལགས།

[Full Size]

བསྔགས་འོས་ཡོན་ཏན་རྒྱ་མཚོའི་གཏེར་གྱུར་པ། །རྒྱལ་བ་ཀུན་གྱི་ཐུགས་རྗེའི་སྒྱུ་འཕྲུལ་གྱི། །ཟློས་གར་བསྒྱུར་ལ་ཟླ་མེད་རྗེ་བླ་མ། །གང་གི་ཞབས་རྡུལ་གཙུག་གི་ནོར་བུས་མཆོད། །སྐྱེ་དགུ་ཀུན་གྱི་མ་འདྲིས་མཛའ་བའི་བཤེས། །བླ་མེད་བླ་མ་ཁྱོད་ཀྱི་རྣམ་ཐར་ལ། །བདག་བློ་མི་ཕྱེད་དད་པས་སྐྱབས་མཆི་ན། །ཁྱོད་ཀྱི་མཛད་པ་བཟང་པོས་བདག་སྐྱོངས་ཤིག །མགོན་ཁྱོད་རྒྱལ་ཀུན་སྤྱི་གཟུགས་ལྷུན་གྲུབ་ཀྱང་། །སོ་སྐྱེའི་སྣང་ངོར་སྐྱེ་སྤྲུལ་མཛད་པའི་གར། །སྟོན་ལ་ཐབས་མཁས་

[Full Size]

ཐུགས་རྗེ་ཆེ་བརྙེས་པས། །མདོར་བསྡུས་གདུང་བའི་དབྱངས་ཀྱི་བསྟོད་པར་བགྱི། །ཐུབ་དབང་སྤྱན་སྔར་འཕགས་པ་ཀུན་དགའ་བོ། །གངས་རིའི་ཁྲོད་འདིར་འཇམ་དབྱངས་ཐོན་མི་སོགས། །སྐྱེས་ཆེན་མང་པོའི་ཕྲེང་བ་ཡོངས་བཟུང་ནས། །བསྟན་པ་རྒྱས་པར་མཛད་ལ་གསོལ་བ་འདེབས། །ཁྱད་པར་སློབ་དཔོན་ཆེན་པོས་བཻ་རོ་ཡི། སྤྲུལ་པ་ལུང་བསྟན་རྟ་མགྲིན་གསུང་དབྱངས་ཐོས། །ཨ་ཏིའི་དོན་རྟོགས་སྔ་འགྱུར་བསྟན་པའི་བདག །མཚུངས་མེད་བསྟན་འཛིན་རྡོ་རྗེར་གསོལ་བ་འདེབས། །འགྲོ་ཀུན་འཁོར་བའི་མཚོ་

[Full Size]

ལས་བསྒྲལ་བའི་ཕྱིར། །རྒྱལ་སྲས་ཆེན་པོའི་བསྟན་པ་ཇི་ལྟ་བར། །བསམ་བཞིན་སྐྱེ་བ་བཞེས་པའི་བཀའ་དྲིན་ཅན། །བརྟན་གཡོའི་ཁྱབ་བདག་ཁྱོད་ལ༴ གསང་བ་གསུམ་གྱི་སྣང་བརྙན་ངོ་བོ་ཉིད། །གདོད་མའི་སེམས་དང་དབྱེར་མེད་རོ་གཅིག་པའི། །ཆོས་སྐུའི་མངའ་བདག་བླ་མ་རིན་པོ་ཆེ། །སྣ་ཚོགས་རང་གྲོལ་ཞབས་ལ༴ དྲི་བྲལ་ཤེལ་ལ་ཚོན་རིས་བཀྲ་བ་བཞིན། །དག་པའི་གཤིས་ལ་འགགས་ཅིར་ཡང་འཆར། །ལོངས་སྐུའི་མངའ་བདག་བླ་མ་རིན་པོ་ཆེ། །པདྨ་ལེགས་གྲུབ་སྩལ་ལ༴ ཡིད་བཞིན་ནོར་བུས་འདོད་དགུ་སྩོལ་བ་ལྟར། །མཆོག་གིས་སྤྲུལ་པས་འགྲོ་བའི་རེ་འདོད་བསྐོངས། །སྤྲུལ་སྐུའི་མངའ་བདག་བླ་མ་རིན་པོ་ཆེ། །རིག་འཛིན་རྣམ་པ་གསུམ་ལ༴ ཉི་མའི་འོད་དང་དཀྱིལ་འཁོར་དབྱེར་མེད་ལྟར། བདེ་གསལ་མི་རྟོག་ལྷུན་གྲུབ་གཉུག་མའི་ངང་། །སྐུ་གསུམ་མངའ་བདག་བླ་མ་རིན་པོ་ཆེ། །ཀུན་འདུས་རྒྱལ་པོ་

[Full Size]

ཁྱོད་ལ་གསོལ༴ དགོངས་འདུས་རྩ་བའི་རྒྱུད་དྲུག་སྦས་པའི་གནས། །མཐོ་རིས་དགའ་ཚལ་ལྟ་བུ་ཡུལ་ལྗོངས་སུ། །ས་སྤྲེལ་སྟོན་འབྲིང་ཚེས་བཅུའི་ཉི་ཤར་དུས། རྡོ་རྗེའི་སྐུ། གླ་དཀར་དུང་གི་སྒོ་མོ་དང་ཉེ་བར་ བལྟམས་མཛད་ལ༴ མངའ་གྱི་ཉེས། དུས་མེ་ལྷ་གཤོངས་ཞེས་གྲགས་པར་ པས་མ་གོས་ལྟ་སྟངས་སོགས། །དམ་པའི་ངང་ཚུལ་ལས་གཞན་ཉེས་སྤྱོད་ཀུན། །རིང་སྤངས་སྙིང་རྗེ་ཆེན་པོའི་གོ་ཆ་ཡིས། གཞན་ཕན་རླབས་ཆེན་མཛད་ལ་གསོལ༴ ཡིན་མིན་བརྟག་པའི་གྱ་གྱུ་མི་དགོས་ཀྱང་། ཡིན་ལ་ཡིན་པར་ཤེས་པའི་གདེངས་འགོད་ཕྱིར། །དད་ལྡན་འགའ་ཡིས་རྣམ་གཡེ་ཞུས་པའི་ཚེ། །སྒྲིབ་མེད་ཐེ་ཚོམ་བཅད་ལ༴ ཁྱིམ་གྱི་ཉེས་པས་ཐུགས་ཕྱུངས་སྔོན་གྱི་གནས། །རྗེས་དྲན་གདན་པར་འཕེབས་ལ་ཤིན་ཏུ་དུངས། །འདུས་པ་རྒྱ་

[Full Size]

མཚོས་བསུས་ཏེ་རྡོ་རྗེའི་ཁྲིར། །མཚན་དཔེའི་སྣང་བརྙན་བཀོད་ལ༴ སྲིད་ལས་གྲོལ་ཡང་སྲིད་ལ་ངེས་འབྱུང་གི། །བརྡུལ་ཞུགས་ཆེན་པོས་བསྟན་ལ་རབ་ཏུ་བྱུང་། །ལྷར་བཅས་སྐྱེ་དགུའི་མཆོད་སྡོང་གཅིག་པུ་པ། ཕན་བདེའི་རྩ་ལག་ཁྱོད་ལ་གསོལ༴ ཐམས་ཅད་མཁྱེན་ནས་བསྐལ་མང་འདས་གྱུར་ཀྱང་། །ཚུར་མཐོང་གདུལ་བྱའི་ཡིད་རབ་དྲངས་བའི་ཕྱིར། །དང་པོའི་ཤེས་བྱ་ཀུན་ལ་ཐོགས་མེད་ཀྱི། །མི་འཇིགས་སྤོབས་པ་སྦྱིན་ལ༴ རྣམ་གཡེང་སྲེད་པའི་འདམ་དུ་མ་བྱིང་བར། །རྟག་པར་དགེ་བའི་བཤེས་གཉེན་བསྟེན་བཟོད་པའི། །བརྩོན་འགྲུས་ཆེན་པོས་མཁས་གྲུབ་དུ་མ་ལ། །གསན་པ་ངོམས་མེད་མཛད་ལ༴ རྣམ་དཔྱོད་དྲིས་དབེན་ལྟར་སྣང་ཐོས་པའི་ཚོགས། །ལྷུར་ལེན་ཚིག་གི་ལྦུ་བས་མ་བྲིད་པར། །ཐོས་དོན་རྒྱུད་ལ་སྨིན་པའི་ཤེས་རབ་ཀྱིས། །བློ་གྲོས་དོན་ལྡན་མཛད་ལ་གསོལ༴ བསྟེན་འོས་ཡོངས་

[Full Size]

འཛིན་འགའ་དང་རྡོ་རྗེ་འཆང་། །རྗེ་བཙུན་བསོད་ནམས་དབང་པོའི་ཞབས་པད་འཕྲེང་། །མཉེས་པ་གསུམ་གྱིས་བསྙེན་ནས་སྨིན་གྲོལ་གྱི། །བདུད་རྩིའི་རྒྱ་མཚོར་རོལ་ལ་གསོལ༴ ཆོས་ཀུན་སྒྱུ་མར་འཆར་བའི་རོལ་རྩེད་ཀྱི། །དག་པའི་གཤིས་ལ་ཨོ་རྒྱན་སྤྲུལ་པའི་ཞིང་། །བཀོད་པ་དུ་མར་གཟིགས་པའི་རྫུ་འཕྲུལ་ཐོབ། །ས་བཅུའི་དབང་ཕྱུག་ཁྱད་ལ༴ རིགས་བདག་ལས་འཕྲོ་གླིང་པས་རྗེས་བཟུང་སྟེ། ཆོས་ཚུལ་སྤྱི་དང་ཁྱད་པར་ཟབ་གཏེར་གྱི། །བདག་པོར་དབང་བསྐུར་ལུང་བསྟན་མངའ་གསོལ་མཛད། །དཀྱིལ་འཁོར་གཅིག་ཏུ་འདྲེས་ལ་གསོལ༴ །རྡོ་རྗེ་ལྟ་བུའི་ཏིང་འཛིན་གཡོ་མེད་ཀྱང་། །ཟབ་ལམ་ཐབས་ཀྱི་ཡན་ལག་སྤྲོས་པའི་ཚོགས། །གཡེལ་མེད་རྒྱུན་མི་ཆད་པའི་ཕྲིན་ལས་ལ། །དབང་བསྒྱུར་རིག་འཛིན་མཆོག་ལ༴ ཕུན་ཚོགས་ལྔ་ལྡན་མངོན་གྱུར་ལ་གཟིགས་ཏེ། །དགྱེས་མཛད་ ལྷོ་བྲག་སྲས་མཁར་ རྡོ་རྗེའི་ཕོ་བྲང་ཆེན་

[Full Size]

པོ་རུ། །བསྟན་རྩ་པོ་ཐར་བྱང་སེམས་ལ་སོགས་པ། །ཉེས་མེད་ཕུན་ཚོགས་ནོས་ལ་གསོལ༴ ཚུལ་ཁྲིམས་རྣམ་དག་བསླབ་གསུམ་ལྡན་པ་ཁྱོད། །དཔལ་གཙུག་ལག་རྒྱ་མཚོའི་དྲུང་དུ། །བཅས་རང་ཉེས་ལྟུང་ས་བོན་དུངས་འབྱིན་པའི། །སྒོ་གསུམ་བག་ཡོད་སྤྱོད་པ་རྣམ་པར་མཛེས། །དྲི་མེད་སྡོམ་བརྩོན་གྱུར་ལ༴ །རང་ཉིད་ཞི་བདེ་འདོད་པའི་ཐུགས་སྤངས་ནས། །ཐེག་ཆེན་ལམ་གྱི་རྩ་བ་བྱང་སེམས་ཀྱིས། །རྟག་ཏུ་གཞན་དོན་འབའ་ཤིག་སྒྲུབ་མཛད་པའི། །སེམས་དཔའ་ཆེན་པོ་ཁྱོད་ལ༴ ཆོས་དབང་མངའ་བདག་སངས་རྒྱས་གླིང་སོགས་ཀྱིས། གདུང་རིགས་རྙིང་བསྟན་འཛིན་ལས་ཆོས་ཀྱི་བཅུད། །བླངས་ཏེ་རྟགས་དང་ཡོན་ཏན་མངོན་སུམ་དུ། །གྲུབ་པའི་དབང་པོ་ཁྱོད་ལ༴ ནོར་བཟང་རྟག་ཏུ་ངུ་ཡི་རྣམ་ཐར་བཞིན། །བཤེས་གཉེན་དམ་པ་བསྟན་ལ་སྐྱེ་མེད་པར། །སྔ་འགྱུར་བསྟན་པ་འཛིན་པའི་མིག་གཅིག་པུ། གཞན་ཕན་ གུ་རུ་ མྱང་ གཅོང་རོང་གོང་ར་ལོ་ཆེན།

[Full Size]

རྡོ་རྗེར་གཏུད་ལ་གསོལ་བ་འདེབས། །གང་གི་བློ་གྲོས་རབ་ཡངས་པདྨོའི་ཚལ། །ཐ་སྙད་རིག་པའི་གཞུང་ལུགས་ཉིན་བྱེད་ཀྱིས། །ཕྱེ་བས་ལེགས་པར་བཤད་པའི་ཟིལ་དངར་དང་། །རྣམ་དཔྱོད་དྲི་བསྲུང་སྤྲོ་ལ༴ ས་གནས་སེམས་དཔའ་བསྟན་འགྲོའི་དོན་མཛད་གར། སྒྲ་སྙན་ངག་སོགས་ མཛད་གར། །སྨིན་གྲོལ་བཅུད་ཀྱི་མེ་ཏོག་ཅི་ཡང་འཐོར། །དག་སྣང་ཡིད་ཆེས་ཕན་ཚུན་འགྲན་པ་བཞིན། །ཕྲིན་ལས་ཀུན་ཏུ་སྤེལ་ལ༴ གསུང་སྤྲུལ་རིན་པོ་ཆེ་དང་ཀ་ཐོག་ཆོས་རྗེ་ལ་སོགས། །གྲུབ་ཆེན་མང་པོའི་དཀྱིལ་འཁོར་ཞལ་ཕྱེས་ནས། །དབང་བཞིའི་རིམ་པས་སྐལ་ལྡན་བདེ་ཆེན་གྱི། །གོ་འཕང་ལ་བཀོད་མཐོང་ཐོས་དྲན་རེག་ལའང་། །སྨིན་གྲོལ་སྐྱེད་རྫོགས་གླིང་དང་དུར་ཁྲོད་མགོ་དགུ་བདེ་ཆེན་དགོན་སོགས་སུ། །ཐར་པའི་ས་བོན་བསྐྲུན་ལ་གསོལ་བ་འདེབས། །དེ་ཉིད་བཅུ་སོགས་རྡོ་རྗེ་སློབ་དཔོན་གྱི། །ལས་རིམ་རབ་འབྱམས་ཀུན་ལ་ཐོག་མེད་ཀྱི། །མཐུ་སྟོབས་གསང་བའི་

[Full Size]

བདག་པོ་ལྟར་གྱུར་ཀྱང་། །མི་བསྙེངས་དུལ་བ་ཁྱོད་ལ་གསོལ༴ །རིགས་གསུམ་གདུལ་བྱའི་བསམ་པ་སྣ་ཚོགས་ལ། །ཆོས་དང་ཟང་ཟིང་མི་འཇིགས་བྱམས་པའི་མཐུས། །རང་རང་བསམ་པ་ཐམས་ཅད་སྐོངས་མཛད་པའི། །ཡིད་བཞིན་ཁྱོད་ལ༴ འཕགས་ཡུལ་གངས་ཅན་ལྗོངས་འདིར་ཡོངས་གྲགས་ཀྱི། །མཁས་གྲུབ་དུ་མའི་རྣམ་པར་ཐར་པ་ཡང་། །ཁྱོད་ཀྱི་སྔོན་བྱུང་གཏམ་ལས་གཞན་ཅི་ཞིག །ཡོངས་གྲགས་དོན་མཐུན་ཁྱེད་ལ༴ ཐོབ་ཀའི་དལ་བ་སླར་ཡང་དོན་ཡོད་ཕྱིར། །དཔལ་གྱི་རི་ལ་འཕགས་པ་ཀླུ་སྒྲུབ་འམ། །ནཻ་རཉྫ་ནའི་འགྲམ་དུ་ཐུབ་དབང་ལྟར། །དཔལ་རིའི་གངས་འདབས་བཞུགས་ལ་གསོལ༴ སེམས་དཔའ་ཆེན་པོའི་སྙིང་སྟོབས་ཇི་བཞིན་དུ། །རང་ཉིད་གཅེས་པར་འཛིན་པ་ཁྱད་དུ་བསད། བསྟན་ལ། །མི་ལོ་ཉེར་བཞི་དབེན་མཚམས་ལ་དགེ་གཅིག་ཏུ། །སྟོན་པ་གཉིས་པའི་རྣམ་

[Full Size]

ཐར་བཞིན། །སྟོན་མཛད་དྲང་སྲོང་ཁྱོད་ལ༴ བདག་འཛིན་ཕྱོགས་ལྷུང་གདོན་གྱིས་མ་སླད་པར། །དག་སྣང་ཕྱོགས་མེད་འབྱོངས་པའི་དགེ་མཚན་གྱིས། །བསྟན་པ་ཡོངས་ཀྱི་གཙུག་ཏུ་མངོན་འཕགས་པ། །གཞན་བློའི་དྲེགས་སྙིལ་ཁྱོད་ལ༴ རྙེད་བཀུར་དོར་ཀྱང་སྲིད་ཞིའི་དཔལ་ལ་རོལ། །གྲགས་པ་སྤངས་ཀྱང་སྙན་པས་སྲིད་གསུམ་ཁྱབ། །སྙིང་རྗེའི་ཞགས་པས་ཁམས་གསུམ་སེམས་ཅན་འཆང་། །སྐྱེ་དགུའི་མཆོད་སྡོང་ཁྱོད་ལ༴ མཐའ་ཡས་ཡོན་ཏན་མི་ཟད་གཏེར་ཆེན་པོ། །ཁོང་དུ་ཆུད་ཀྱང་སྦས་པའི་ཚུལ་མཛད་ཅིང་། །རྣམ་གྲོལ་ཆོས་དབྱིངས་ངང་ལས་མི་གཡེལ་བའི། །ཟླ་བྲལ་དགེ་བའི་བཤེས་ལ་གསོལ༴ རྒྱ་ཡན་སྣང་བའི་བློ་ལ་བདེ་ཆེན་གཤིས། །ཚོགས་གཉིས་ཟུང་འཇུག་ཆེན་པོའི་རྩེར་སོན་པས། མདོ་སྔགས་བསྟན་པའི་རྒྱལ་མཚན་འཛིན་པའི་དཔལ། །ཆོས་ཀྱི་གཏེར་མཛོད་འཆང་

[Full Size]

ལ་གསོལ་བ་འདེབས། །ཡན་ལག་དྲུག་དང་རྡོ་རྗེ་རྣམ་གསུམ་སོགས། །རིམ་པ་དང་པོའི་རྣམ་གཞག་ཇི་སྙེད་པ། །ཐ་མལ་སྣང་ཞེན་མ་ལུས་ཀུན་བཅད་པའི། །སྐྱེད་རིམ་མཐའ་ཕྱིན་མཛད་ལ༴ རྩ་ཚོགས་བདུན་ཅུ་རྩ་གཉིས་དགྲ་བཅོམ་ཞིང་། །ལས་རླུང་མ་ལུས་དབུ་མའི་དབྱིངས་སུ་བསྡུས། །མི་ཤིག་བདེ་ཆེན་ཐིག་ལེ་མངོན་དུ་མཛད། །རྫོགས་རིམ་མངོན་དུ་གྱུར་ལ་གསོལ༴ གསང་ཆེན་ལམ་གྱི་བགྲོད་པ་མཐའ་ཕྱིན་ནས། །ཟག་མེད་བདེ་ཆེན་ལྷན་ཅིག་སྐྱེས་པའི་དོན། །གཡོ་མེད་མཆོག་ཏུ་མི་འགྱུར་བསྟན་པའི་བདག །འཁོར་ལོའི་དབང་ཕྱུག་ཁྱོད་ལ་གསོལ༴ ཐ་སྙད་སྤྲོས་པའི་ཚོགས་ལ་མ་ལྟོས་པར། །ཐེ་ཚོམ་སྒྲོ་འདོགས་ཐམས་ཅད་ནང་ནས་ཆོད། །སྣང་སྲིད་དཔེ་དང་སློབ་དཔོན་དུ་འཆར་བའི། གཅིག་ཤེས་ཀུན་གྲོལ་ཁྱོད་ལ༴ །ཆུ་འཛིན་ནམ་མཁའི་དབྱིངས་སུ་དག་པ་བཞིན། །ཉོན་མོངས་རྣམ་རྟོག་ར་རི་ཇི་སྙེད་པ། མི་རྟོག་ཆོས་ཉིད་ཀློང་དུ་

[Full Size]

ཉེར་ཞི་ནས། །འོད་གསལ་མངོན་དུ་གྱུར་ལ་གསོལ༴ སྐྱེ་མེད་ངང་ལས་ཆོས་རྣམས་ཐམས་ཅད་སྐྱེ། །གང་དག་སྐྱེས་ཙམ་ཉིད་ནས་སྐྱེ་མེད་པས། །རང་བཞིན་ནམ་ཡང་གཡོ་བ་མི་མངའ་བའི། །རང་ཤར་རང་གྲོལ་ཁྱོད་ལ༴ ཁྱོད་ཐུགས་མཁྱེན་བརྩེ་ནུས་པའི་ཡེ་ཤེས་ནི། །སྨྲ་བསམ་བརྗོད་པའི་ཡུལ་བྲལ་རྟོག་དཀའ་བའི། །བསམ་གྱིས་མི་ཁྱབ་ཟབ་མོ་རྡོ་རྗེའི་གནད། །ཇི་བཞིན་མངོན་དུ་མཛད་ལ༴ བརྟན་དང་གཡོ་བའི་དངོས་པོ་ཇི་སྙེད་པ། །ཆོས་དབྱིངས་རྒྱ་མཚོའི་རོལ་པ་ལས་ཤར་བའི། །ཟུང་འཇུག་བློ་འདས་ཁྱབ་གདལ་ཆེན་པོའི་དོན། །བྱར་མེད་མངོན་དུ་མཛད་ལ་གསོལ༴ དཔག་ཡས་ཆོས་ཀྱི་ཕུང་པོའི་དགའ་སྟོན་ནི། །མན་ངག་ཕྱག་རྫོགས་སྙིང་པོར་ལེགས་བསྡུས་ནས། །སྐལ་ལྡན་འགྲོ་ལ་བདེ་བླག་གཅིག་ཅར་དུ། །སྩོལ་མཛད་

[Full Size]

བླ་མ་ཁྱོད་ལ་གསོལ༴ མཉམ་བཞག་ཆུ་བོ་རྒྱུན་གྱི་རྣལ་འབྱོར་ལ། །རྒྱུན་ཆད་མེད་པར་གོམས་པའི་བརྟུལ་ཞུགས་ཀྱི། །ཚོགས་དྲུག་ཆོས་ཉིད་ངང་དུ་རོ་གཅིག་པའི། །ཆོས་སྐུའི་རྒྱལ་ས་ཟིན་ལ༴ དངོས་དང་དངོས་པོ་མེད་པ་ལས་གྲོལ་ཞིང་། །ཀུན་རྫོབ་དོན་ལ་མཚན་མ་དང་བྲལ་བའི། །རྟེན་ཅིང་འབྲེལ་བར་འབྱུང་བའི་ལམ་མཐའ་དག །ཁོང་དུ་ཆུད་པར་མཛད་ལ་གསོལ༴ །ཟབ་མོའི་ལམ་བཟང་དཔག་པར་དཀའ་བ་ཡི། །གནད་རྣམས་མ་ལུས་ཇི་བཞིན་ལེགས་གཟིགས་ནས། །ཚིག་དང་དོན་ལ་འཁྲུལ་པ་མི་མངའ་བའི། །བདེན་པར་གསུང་བ་ཁྱོད་ལ་གསོལ༴ སྐད་ཅིག་མངོན་པར་ཤེས་པ་རྒྱུ་འབྲས་དང་། །དམིགས་མེད་ཐུགས་རྗེ་སྐྱེས་པ་སྙིང་རྗེ་དང་། །སྣོད་བཅུད་ལྷར་གསལ་ཞིང་ཁམས་འབྱོངས་པ་ཡི། །རྟོགས་པ་གསུམ་ལྡན་ཁྱོད་ལ༴ ཚེ་འདིར་ལྟོས་མེད་སྒྲུབ་པའི་ཚན་ཁ་བསྐྱེད། །ཆོས་བརྒྱད་འདོད་དོན་

[Full Size]

བདུད་ཀྱིས་མ་བྲིད་པར། །སྟོང་ཉིད་སྙིང་རྗེའི་སྐུ་ལ་རྒྱུ་འབྲས་ཀྱི། །དཔྱད་པ་གསལ་མཛད་ཁྱོད་ལ༴ དགེ་སྡིག་ཕྲ་མོའི་འདོར་ལེན་མངོན་བྱེད་པའི། །རྟགས་དང་རྟེན་འདྲེལ་ཀུན་ཤེས་གཞན་སྣང་སོགས། །དབང་འདུས་སྒྱུ་མའི་ངོ་བོ་གཅིག་ཏུ་རྫོགས། །ཐམས་ཅད་མཁྱེན་གཟིགས་མཁྱེན་པ་གསོལ༴ བྱར་མེད་ངང་ནས་བརྩོན་འགྲུས་ཆེན་པོ་རྩམས། །འདུས་མ་བྱས་ཀྱང་འདུས་བྱས་ཆེན་པོ་མཛད། །རང་རྒྱུད་ལས་རུང་ཞེན་ལོག་དྲག་པོ་ཡིས། འཁོར་བའི་གཡུལ་ལས་རྒྱལ་ལ་གསོལ༴ སྒྲུབ་པ་ལ་ རྟེན་བཞེངས་སོགས་ སྣང་སྲིད་སེམས་སུ་ཤེས་པའི་ལྟ་བ་ཡིས། དཀོར་ཟས་སྤངས་ཏེ། དམ་བཅའ་མང་པོ། །གཞན་དོན་ལེགས་ཚོགས་སྒྲིག་པའི་རྟེན་འབྲེལ་དང་། །རང་སྣང་སྒྱུ་མར་བརྟན་པ་ཐོབ་པ་ཡི། །གྲུབ་པའི་ཁྱུ་མཆོག་ཁྱོད་ལ༴ སྐྱེ་བའི་ཕྲེང་བར་རྫོགས་སྨིན་སྦྱངས་མཐར་སོན། །འདིར་ཡང་དམ་པ་

[Full Size]

རྣམས་ཀྱིས་བྱིན་རླབས་པས། །གཞོན་ནུའི་སྣང་ཚུལ་སྟོན་པའི་དུས་ཉིད་ནས། །ངོ་མཚར་གཏེར་མངའ་ཁྱོད་ལ༴ ཡི་གེའི་འདུ་བྱེད་དཀའ་གནས་མ་ལུས་ཀུན། །རྔ་ཡབ་གླིང་ནས་གུ་རུས་མཚན་ལམ་དུ། །སྤྲུལ་པའི་གཟུགས་བསྟན་གནད་ཀྱི་ཕྱག་ཁྲིད་མཛད། སྐུ་གཞོན་ནུའི་དུས་ ཇི་བཞིན་མངོན་གྱུར་ཁྱོད་ལ༴ ཡེ་ཤེས་ཌཱ་ཀི་གྲིབ་ལྟར་འགྲོགས་པའི་མཐུས། །བགྲོད་དཀའི་ནགས་ཁྲོད་བྲག་ཡང་གཤེགས་པའི་ཚེ། །གཟུགས་མེད་ལག་པས་ཞབས་ནས་མངོན་སུམ་བཏེགས། །འཇིགས་བྲལ་དཔའ་བོ་ཁྱོད་ལ༴ ཆིབས་རྟ་འགྱེལ་ཚེ་སྟེང་ནས་བྱ་ལྟར་འཕུར། །གསོལ་དཀར་འཕངས་པ་ཆག་གྲུམ་གཏན་མེད་དང་། །གྲུ་ཁའི་རྦ་ཆེན་ཕྱག་ནས་འཐོར་བས་ཞི། །རྫུ་འཕྲུལ་སྟོབས་མངའ་ཁྱོད་ལ༴ སྐྱེ་བདུན་གྲུབ་ཚེ་འཕགས་མཆོག་ཞལ་གཟིགས་ཤིང་། བཅུ་གཅིག་ཞལ་གྱི་ །དབུ་ཡི་གཙུག་ཏུ་ནས་དཀར་ཚར་དུ་བབས། །ཁྱད་པར་འཕགས་པའི་

[Full Size]

སྤོས་རེང་རང་བྱུང་འབར། །དངོས་གྲུབ་མཆོག་བརྙེད་ཁྱོད་ལ༴ དགུ་ཞག་སྒང་ལ་བདུད་རྩི་སྨན་གྲུབ་མཛད། །ས་ཆུ་ཀུན་དྲོས་འཇའ་འོད་གུར་ཁང་ཕུབས། །སྨན་གྱི་དྲི་བཟང་ཚ་ལམ་འགྲུལ་པས་ཚོར། །བྱིན་རླབས་ལྷུན་གྲུབ་ཁྱོད་ལ༴ ཐེན་པས་ཉེན་ཚེ་བདེན་ཚིག་གྲུ་ཆར་ཕབས། །སྲུང་མདུད་ཐོགས་ལ་མཚོན་གྱི་མ་ཚུགས་དང་། །གསང་ཆབ་བཏུང་པས་གཟའ་ནད་ལྐུག་ལས་གྲོལ། །ཐུགས་རྗེའི་འདོད་འཇོ་ཁྱོད་ལ༴ །ལོངས་ཡུལ་གཉགས་འཕྲང་རྦ་འདྲེ་དམ་ལ་བཏགས། །མཁར་སྤེལ་རྫོང་དུ་རྒྱལ་འགོང་གདུགས་པ་བཏུལ། །སྤུ་བོའི་ཡུལ་དུ་བཙན་གསར་ཆོས་ལ་བཀོད། །ནུས་ལྡན་རྡོ་རྗེ་ཁྱོད་ལ༴ གཡོར་པོའི་གཞུང་དུ་པ་ལ་མ་རེག་བྱོན། །གཙང་རོང་མཐིལ་དུ་བར་ཆད་སྲི་ཆེན་བཟློག །ཏིང་འཛིན་

[Full Size]

གཏད་པས་སྨྱོན་པ་གདོན་ལས་གྲོལ། །ཡ་མཚན་རྨད་བྱུང་ཁྱོད་ལ༴ སྐུ་ལ་ལོག་པར་ལྟ་བྱེད་ཡུལ་གྲོང་ལ། །བྱམས་བརྩེས་གཟིགས་ཀྱང་ལོ་གསུམ་མ་འགྱངས་པར། །མི་གྲངས་ལྔ་བཅུ་སྲུངས་མས་སྲོག་དབུགས་བསྡུས། །སྒྲིབ་སྦྱོངས་གནས་ལ་མཛད་ལ་གསོལ༴ བྲག་ལོང་མཚམས་སུ་སྐུ་ཆས་སྟོར་བ་ནི། །སྦེད་པོའི་སྣོད་ལ་མེ་སྟག་འཕྲོ་ཞིང་འབར། །མཐའ་མར་མི་ནོར་ཁྱིམ་བཅས་རྡུལ་དུ་བརླག །མཐུ་རྩལ་རང་བྱུང་ཁྱོད་ལ༴ མཆིམས་ཡུལ་ཡོན་བདག་དངུལ་སྐུ་འདྲེ་རྩ་ལ། བཀའ་བསྒོའི་ཆབ་ཤོག་རྩལ་བ་སློབ་ཉེའི་ཚེ། བེམ་པོའི་གཟུགས་སྐུས་དངོས་སུ་འབྲོས་ཚུལ་བསྟ། ཅོ་ཁར་དུ་ ཕྱིན་ཆད་གདོན་བྲལ་མཛད་ལ་གསོལ༴ དམ་ཉམས་ཤིག་ལ་གཏོར་མ་འཕངས་བའི་ཚེ། །གཏེར་བདག་སྤུན་བདུན་གཏོར་མས་

[Full Size]

མངོན་སུམ་རྒྱུག །བཀའ་ལས་འགལ་བྱེད་མྱུར་དུ་ཕ་རོལ་སོང་། །བཀའ་སྲུང་བྲན་བཀོལ་ཁྱོད་ལ་གསོལ༴ དྲི་ལྷའི་གངས་ཉིལ་གཙང་ཆབ་ཞག་དྲུག་འགགས། །ཀོང་ཡུལ་ཆུ་ཡིས་འཇིག་ཉེར་བདེན་སྟོབས་དང་། །ཕྱག་ནས་སློབ་པས་སྐད་ཅིག་ཙམ་ལ་ཞི། །འབྱུང་བ་དབང་བསྒྱུར་ཁྱོད་ལ་གསོལ༴ སྨིན་གྲོལ་སྐྱེད་རྫོགས་གླིང་དང་རྩ་གོང་གནས། །རྒྱ་ལའི་ལྷ་ཁང་ལ་སོགས་རབ་གནས་ཀྱི། །དུས་ཚེས་བསྒྲིག་མཐུན་མེ་ཏོག་དངོས་སུ་བབས། །ཡེ་ཤེས་བརྟན་ཐོབ་ཁྱོད་ལ༴ དེ་སོགས་མཆོག་ཐུན་གྲུབ་པའི་མཚན་མ་ནི། །ཡང་དག་མངའ་ཡང་ལོག་རྟོག་དགག་པའི་ཕྱིར། །ཡོན་ཏན་སྦེད་པའི་བརྟུལ་ཞུགས་འབའ་ཞིག་མཛད། ས་བདག་ཁ་གནོན་གྱི་ །སྦས་པའི་རྣལ་འབྱོར་ཁྱོད་ལ་གསོལ༴ ལྟར་སྣང་ཟང་ཟིང་ལ་སོགས་

[Full Size]

འདིར་སྣང་གིས། །གཟིར་བའི་འགྲོ་དོན་བསྟན་པའི་ཆོམ་རྐུན་གྱི། །རྒྱུ་སྐར་ཁྲོད་དུ་མ་འདྲེས་ཡང་དག་པའི། །འགྲོ་དོན་འོད་དཀར་འཛིན་ལ་གསོལ༴ སོ་སྐྱེའི་སྣང་ངོར་ལོག་པར་ལྟ་བའི་ཆ། །སྐད་ཅིག་ཙམ་ཡང་འཆར་བར་མི་ནུས་ཤིང་། །སྔོན་བྱོན་མཁས་གྲུབ་རྣམས་ཀྱི་རྣམ་པར་ཐར། །རྩོད་དུས་དཔེར་སྟོན་མཛད་ལ་གསོལ་བ་འདེབས།། ༈ །།མདོར་ན་ཁྱོད་ཀྱི་ཡོན་ཏན་བྱེ་བའི་གཏེར། །ངག་དང་བསམ་པའི་སྤྱོད་ཡུལ་ལས་འདས་ཀྱང་། །ཚུར་མཐོང་སྐྱེ་བོའི་དད་པ་རྒྱ་མཚོ་ཡིས། །མངོན་པར་བསྔགས་འདིས་ཁྱོད་བཞིན་འགྱུར་བར་སྨོན། །མཐའ་ཡས་འགྲོ་ཀུན་རིས་མེད་མ་རྒན་རྣམས། །བྱང་ཆུབ་རྗེས་སུ་སློབ་ཅིང་མཐའ་ཕྱིན་སླད། རྣམ་པར་ཐར་པ་ཡོན་ཏན་ཕུང་པོ་འདིར། །མི་ཕྱེད་སྒོ་གསུམ་གུས་པས་ཕྱག་བགྱིའོ། །བདེ་སྟོང་སྙིང་རྗེ་ཆེན་པོའི་མཆོད་པ་འབུལ། །

[Full Size]

ལྷན་སྐྱེས་དྲི་མས་ནོང་གང་མཐོལ་ལོ་བཤགས། །བསྔགས་འོས་ཚུལ་བཞིན་བསྔགས་ལ་རྗེས་ཡི་རངས། །སླར་ཡང་རྣམ་ཐར་ཆོས་དབྱངས་སྒྲོག་པར་བསྐུལ། །བསྟོད་ཡུལ་བསྟོད་ཚིག་མི་ནུབ་བསྐལ་བརྒྱའི་བར། །རྟག་ཏུ་མི་འགྱུར་འགྱུར་བ་མེད་པའི་དགེ། །རྒྱལ་བསྟན་སྒྲོན་མེ་གསལ་ཞིང་བླ་མ་ཡི། །གོ་འཕང་མྱུར་དུ་ཐོབ་པའི་ཆེད་དུ་བསྔོ། །དེང་ནས་བརྩམས་ཏེ་བྱང་ཆུབ་སྙིང་་པོའི་བར། །ཁྱེད་ཀྱི་བརྩེ་བའི་ལྕགས་ཀྱུས་རྗེས་འཛིན་ཅིང་། །དམ་ཆོས་བདུད་རྩིའི་མཚོ་ལ་རྣམ་ཀུན་ཏུ། །སྤྱོད་པས་རྡོ་རྗེའི་ས་ལ་འགོད་པར་ཤོག །རྨི་ལམ་སྒྱུ་ཐབས་མཁས་འདྲའི་ཚེ་འདིར་ཡང་། །རི་སུལ་གངས་སོགས་དབེན་པའི་གནས་ཆེན་དུ། །ཁྱོད་ཀྱི་དམ་པའི་སྙིང་པོས་བདག་གིས་རྒྱུད། །ཡོངས་སུ་གྲོལ་བར་བྱིན་གྱིས་བརླབས་ཏུ་གསོལ། །ཚེ་རབས་ཀུན་ཏུ་བླ་མ་ཁྱོད་ཀྱི་ཞབས། །བདག་གཙུག་རིགས་ཀྱི་བདག་པོར་བསྟེན་བྱེད་ཅིང་། །རྒྱལ་བ་དགྱེས་པའི་སྤྱོད་

[Full Size]

ཚུལ་འབའ་ཤིག་གིས། །རྣམ་པ་ཀུན་ཏུ་ཡོངས་སུ་འཚོ་བར་ཤོག །ངོ་བོ་ཀ་དག་རང་བཞིན་ལྷུན་གྱིས་གྲུབ། །ཐུགས་རྗེ་ཀུན་ཁྱབ་རིག་པའི་ཡེ་ཤེས་ཏེ། །ཁྲེག་ཆོད་རིག་སྟོང་ཐོད་རྒལ་སྣང་སྟོང་གི། །ལེགས་རྟོགས་སྐུ་དང་ཡེ་ཤེས་འགྲུབ་པར་ཤོག །བསམ་གྱིས་མི་ཁྱབ་འོད་གསལ་ཕྱག་རྒྱ་ཆེའི། །གནས་ལུགས་ཐ་མལ་ཤེས་པ་མངོན་གྱུར་ཏེ། །ཁྱབ་བདག་དཔལ་ལྡན་བླ་མའི་དཀྱིལ་འཁོར་དུ། །འགྲོ་ཀུན་མཉམ་ཉིད་ཆེན་པོར་སྒྲོལ་བར་ཤོག །དེ་ལྟར། སྐྱེ་དགུ་མཐའ་དག་གི་སྐྱབས་དང་དཔུང་གཉེན་དུ་གྱུར་པ་ནི་བདག་ཅག་གི་སྟོན་པ་མཉམ་མེད་ཤཱཀྱའི་རྒྱལ་པོ་ཁོ་ན་ཡིན་ལ། དེ་ཉིད་འགྲོ་བ་ཐ་དད་ཀྱི་སྣང་ངོར་གང་ལ་གང་འདུལ་གྱི་སྤྲུལ་པའི་རྣམ་རོལ་བསམ་གྱིས་མི་ཁྱབ་པར་སྟོན་ཀྱང་། །རྒྱལ་ཚབ་ཏུ་བསྔགས་ཤིང་དབང་བསྐུར་བ་ནི། རིག་འཛིན་པདྨ་ཀ་ར་དང་། མཉམ་མེད་ཟླ་འོད་གཞོན་ནུ་གཉིས་ལས་གཞན་དུ་མ་མཆིས་ཤིང་། དེ་དག་གི་བསྟན་པ་རིན་པོ་ཆེ་ཇི་ལྟ་བར་འཛིན་པའི་སྐྱེས་བུ་དམ་པ། སྐྱོན་མ་ལུས་པ་སྤངས་

[Full Size]

ཤིང་། །ཡོན་ཏན་བྱེ་བའི་གཏེར་གྱི་གཏམས་པ། མཁས་ཤིང་གྲུབ་པའི་དབང་པོ་རྗེ་བཙུན་སྣ་ཚོགས་རང་གྲོལ་ལམ། མཁས་མཆོག་པདྨ་ལེགས་གྲུབ་སྩལ་བཞེས་གྲགས་པའི་རྣམ་པར་ཐར་པ་ངོ་མཚར་གྱི་རིན་ཆེན་འབྱུང་གནས་ལས། བདག་ཅག་ཚུར་མཐོང་གི་དད་པས་ཀུ་ཤའི་རྩེ་མོའི་ཆ་ཤས་ཙམ་བསྟོད་པའི་བསྐལ་བཟང་དུ་བགྱིས་པ་འདི།། ༈ །།རྗེ་དེ་ཉིད་ལ་མི་ཕྱེད་པའི་དད་པ་རབ་ཏུ་བརྟན་པ། །སྙི་སྒོམ་ཆེན་པོའི་རིགས་དབོན། རྒྱལ་སྲས་རིག་འཛིན་ཆོས་ཉིད་ཀློང་གྲོལ་གྱི་བཀས་བསྐུལ་བ་ལྟར། སྒམ་པོ་ཤཱཀྱའི་བཙུན་པ་བཟང་པོའི་མིང་ཅན་ནམ། དགའ་བའི་རྡོ་རྗེར་བོད་པ་དེས་གུས་པའི་ཡིད་རྩེ་གཅིག་ཏུ་བགྱིས་ནས་བཀོད་པ་ཡིན་ལ། དེ་ཡང་། གསོལ་བ་འདེབས་སོ་ནི་དད་མོས་ཀྱི་གཞི་ཚུགས་ཤིང་། ལས་འབྲས་གོ་བ་དང་། དམ་ཚིག་སོགས་ལ་གནས་པ་ཞིག་གིས་མཚན་ལྡན་གྱི་བླ་མར་སྐྱབས་སུ་འཛིན་ཅིང་གསོལ་བ་གདབ་པར་འོས་ལ། གསོལ་བ་འདེབས་ཡུལ་གྱི་བླ་མ་དེ་ཡང་རྒྱལ་བའི་བསྟན་པ་དང་ལྟ་སྤྱོད་ཀུན་མཐུན་པ་ཞིག་སྟེ། ཇི་ལྟ་བུ་ཡིན་ན། རྗེ་བཙུན་བླ་མ་དེ་ཉིད་ལྟ་བུ་སྟེ། རྒྱལ་

[Full Size]

བསྟན་རྣམ་དག་གི་ལྟ་སྒོམ་སྤྱོད་གསུམ་ཁོ་ནས་ཐོས་བསམ་སྒོམ་གསུམ་འཆད་རྩོད་བརྩོམས་གསུམ་སོགས། མདོར་ན་བསྟན་པའི་ཡང་སྙིང་སྒྲུབ་པས་ཉམས་སུ་ལེན་ཅིང་། བསྟན་འགྲོའི་དོན་ཡང་སྒྲུབ་པའི་སྒོ་ནས་མཛད་པ་འདི་གཞན་ལས་ཆེད་ཁྱད་པར་དུ་འཕགས་ལ། འགྲོ་དོན་གྱི་ཡང་རྩེར་གྱུར་པ་ཡིན་ཀྱང་། །འདི་དག་གི་མཚན་ཉིད་ག་དོན་རྟོགས་ཤིང་ངེས་པ་བརྙེད་པའི་གང་ཟག་གི་ནི། །དེང་དུས་ཉིན་མོའི་སྐར་མ་ལྟར་གྱུར་མོད་ཀྱི། དེའི་དབང་གིས། ཆོས་བཞིན་གྱི་སྐྱེས་བུ་དམ་པ་ལས། བླུན་པོ་ཆོས་བརྒྱད་ཀྱི་འཁོར་ལོ་བསྐོར་ཞིང་ལས་འབྲས་ཁྱད་དུ་བསད་ནས་རང་འདོད་འབའ་ཞིག་སྒྲུབ་པའི་གང་ཟག་དག་ལ་དགའ་ཞིང་དད་ལ་སྐྱབས་གནས་སུ་འཛིན་པ་དང་། །དེ་དག་གི་ས་སྟེགས་གང་བ་འདི་འདྲར་གྱུར་ཚེ། ཆོས་བཞིན་གྱི་གཏམ་དང་ཚད་ལྡན་གྱི་རྣམ་ཐར་དྲང་པོར་བརྗོད་པ་ལ་དགོས་པས་དབེན་ཞིག །མ་དག་པའི་སྐྱེ་བོ་དག་གིས་སླར་ཡང་ལས་སོགས་པའི་རྒྱུར་གདའ་བ་ལ་ཐེ་ཚོམ་མ་མཆིས་ཀྱང་། གཟུར་གནས་སྐལ་བ་དང་ལྡན་པ་དག་མཆིས་ཚེ། རང་རྒྱུད་ལ་ཆོས་ཀྱི་ས་བོན་འཇོག་པ་དང་ལྷན་ཅིག་རྒྱུ་མཚན་འདི་ཡང་སྙན་དུ་གསོལ་བ། སྔོན་གྱི་མཁས་

[Full Size]

གྲུབ་མང་པོའི་གསུང་ལས། རང་དོན་ཆོས་སྐུའི་ལག་ལེན་གང་ལ་ཡང་བདག་པོ་མེད་པ་ལག་ལེན་བྱེད་གཞན་དོན་གཟུགས་སྐུའི་ལག་ལེན་སྙིང་རྗེས་སྤྲུལ་པ་བསམ་གྱིས་མི་ཁྱབ་པས་འགྲོ་དོན་བྱེད། རང་དོན་དུ་འཇིག་རྟེན་གྱི་བྱ་བ་བློས་བཏང་། སྒྲུབ་པའི་མཚན་ཁ་སྐྱེས་ནས། སངས་རྒྱས་རྩ་ན་འགྲོ་དོན་བྱེད་པ་ཡིན། རང་འདོད་ཀྱི་འགྲོ་དོན་བྱས་ན་འཁོར་བར་འཁྱམས། གདམས་ངག་ཚིག་ཏུ་བཤད་པ་དང་། །སྟོང་ཉིད་ཕྱོགས་རེ་བ་སྟོན་པའི་བླ་མས་ཅེས་མི་རུང་། །སྒྲུབ་པ་ལས་འགྲོ་དོན་ཆེ་བ་མེད། དངོས་ཀྱི་འབྲེལ་པ་ནི་གནས་ལུགས་ཕྱག་རྒྱ་ཆེན་པོའི་ངང་ནས་བདག་གཞན་འདྲེས་ཚར། འགྲོ་དོན་བྱ་བའི་ཡུལ་ངང་ཡུལ་ཅན་ཟད། འོན་ཀྱང་ནམ་མཁའ་དང་མཉམ་པའི་སེམས་ཅན་ལ་སྙིང་རྗེ་ཆེན་པོ་སྐྱེ་ན། སྙིང་རྗེ་དེ་ཉིད་སེམས་ཅན་གྱི་སྣང་ངོར་གང་ལ་གང་འདུལ་གྱི་སྤྲུལ་པའི་སྐུ་རེར་སྣང་བས། འགྲོ་དོན་དེ་ལ་ཟེར་བ་ཡིན། དེ་མིན་སྙིགས་མའི་དུས་སུ་འགྲོ་དོན་བྱས་པས། སློབ་དཔོན་གཙོ་རྒན་དུ་འགྲོ། སློབ་མ་འཕྲུག་དཔོན་དུ་འཆོར་བསྟན་པ་སློབ་དཔོན་གྱིས་བཤིག་པ་ལ་ཚེག་མེད། གསུངས་

[Full Size]

པ་ལྟར། དེས་ན་དམ་པ་འདི་ནི་རྒྱལ་བའི་བཀའ་དང་བླ་མའི་ལུང་ཇི་བཞིན་དང་མཐུན་པར་ཉམས་བཞེས་ཕྱག་ལེན་དུ་བསྟར་བས། དེང་དུས་ཀྱི་བསྟན་པའི་བདག་པོ་གཅིག་པུ་བར་གྱུར་པ་ལ་ཁོམ་ནི་ཡིད་གཉིས་མ་མཆིས་ཤིང་། མ་མཆིས་པ་དེ་དག་སླར་ཡང་གོང་འཕེལ་དུ་འགྱུར་བའི་མཚན་མར། རྗེ་བཙུན་ནི་འཕགས་པའི་གནས་བརྟན་ཡན་ལག་འབྱུང་གི་རྣམ་པར་སྤྲུལ་པ་ཡིན་ཞེས་ལུང་བསྟན་ཐོས་པས། སྐྱེ་བ་དང་ཚེ་རབས་ཀྱི་བར་དུ་རྡོ་རྗེའི་སློབ་དཔོན་དུ་མི་འགྲལ་ཞིང་འབྲལ་བ་མེད་པར་སྨོན་ལམ་གདབ་པ་ཡིན་ཚེ་བསྟན་པ་རྣམ་དག་དང་མཐུན་པའི་སྒོ་ནས་འདི་ཉིད་ཀྱི་བསྔགས་པ་བརྗོད་རྒྱུ་ནི་སྨྲ་བསམ་གྱི་ར་བ་ལས་འགོངས་ཀྱང་། གང་ཟག་ཆོས་ཀྱི་སྤྱན་ལྡན་མཆིས་ན་ནི། བདག་བླུན་པོས། གློག་ལ་མུན་པའི་གསལ་འདེབས་ག་ལ་དགོས་ལྟ་བུར་གྱུར་ལ། བླུན་པོ་དཀོར་ཁྲེབ་ཅན་ལོག་པའི་ལམ་དུ་འཕྱར་ཞིང་འཕྱན་པར་འགྱུར་བ་བདག་ལ་མཉམ་མེད་རྫོགས་པའི་སངས་རྒྱས་དངོས་སུ་བྱོན་ཀྱང་རང་སྣང་མ་དག་པའི་ངོར་ནི། དེ་དག་ལས་ཆང་བུམ་འཐོགས་ཤིང་

[Full Size]

བླུད་པའི་སྐྱེ་བོའམ། སྡིག་ཅན་བཤན་པ་ལྟ་བུ་མཐོང་ན་དགའ་ཞིང་འགུ་ལ་རངས་སར་བྱེད་ཚེ། འདི་རིགས་བརྗོད་པའི་དོན་མ་མཆིས་ཤིང་རང་ཉིད་ངལ་བའི་རྒྱུར་ཟད་མོད། སྐལ་ལྡན་རང་དང་སྐལ་མཉམ་ཞིག་མཆིས་ཚེ། འདི་དག་ལ་མོས་གུས་ལྟེམ་ཀྱང་མེད་པར་ཡོན་ཏན་དྲན་བཞིན་དུ་ངེས་ཤེས་ཀྱི་གསོལ་བ་འདེབས་པར་མཛོད་དོ། །གཏན་གྱི་བདེ་ལེགས་ཆེན་པོར་ཚེ་འདི་ཉིད་ལ་འགྲུབ་པར་གདོན་མི་ཟའོ། །ཞེས་ནན་ཏན་དུ་གསོལ་བ་དང་། གསོལ་བའི་དགེ་འབྲས་གང་མཆིས་མཁའ་མཉམ་འགྲོ་བ་མཐའ་དག་དཔལ་ལྡན་བླ་མའི་གོ་འཕང་ཐོབ་པའི་རྒྱུར་བསྔོའོ། །ཤུ་བྷམ།། ༈ །།སྣ་ཚོགས་རང་གྲོལ་གྱི་རྣམ་ཐར་གསོལ་འདེབས་འདི་ཉིད། སྒམ་པོ་ནས་ཞབས་དྲུང་གདུང་རྒྱུད་རིན་པོ་ཆེས་ཞུ་བ་པོ་མཛད་ཅིང་མཆོག་གི་སྤྲུལ་པའི་སྐུ་རིན་པོ་ཆེ་ཉིད་ཀྱིས་གསུང་བརྩོམས་སུ་གནང་བ་ལགས་སོ། །བཀྲ་ཤིས། གཅིག་ཞུས་ཁུལ་ལགས།

འདིར་བཀའ་འབུམ་ནང་གི་བརྡ་དང་སྙན་ངག་སོགས་ཀྱི་འགྲེལ་པ་རྒྱ་ཆེར་བཤད་པ།

[Full Size]

འདིར་བཀའ་འབུམ་ནང་གི་བརྡ་དང་སྙན་ངག་སོགས་ཀྱི་འགྲེལ་པ་རྒྱ་ཆེར་བཤད་པ་བཞུགས་སོ།

[Full Size]

རྣམ་ཐར་ལེའུ་གསུམ་པའི་ནང་གི་བརྡ་ཚིག་འཁྲོལ་བ་ནི། འོད་མའི་ཁང་བུ་ནི་སྨྱུག་མའི་ཁྲིམ། ལོག་ལྟ་མིག་སྨན་ནི་མུན་པ། །བྱ་མ་རྟ་ནི་བངས་ཕྱིན་པ། ཙ་ཀོ་ར་ནི་སྐབས་འགའ་རེར་རི་དྭགས་ལ་འཇུག་པ་ཡོད་ཀྱང་སྐབསའདིར་ནི་འུག་པ། སྣང་བྱེད་ཉི་མ་ཡིན་ཕྱིར། དེ་ཤར་བའི་དུས་སུ་འུག་པ་མི་དགའ་ཡང་། བྱེའུ་སོགས་དགའ་བར་བྱེད་པའི་དཔེ། ཁ་བའི་རོ་ལ་བྱོལ་བ་ནི། གཟུར་བའམ་འབྲོད་པར་བྱེད་པ། ཡན་ལག་ཐམས་ཅད་ཀྱི་མཆོག་ནི་མགོ་བོ།། ༈ །།ལོ་ཆེན་སྐུ་ཞབས་ནས་བངས་ཕྱིན་སླེབས་པ། གྲ་པ་རྣམས་

[Full Size]

མི་དགའ་ཡང་བདག་དགའ། ཡིན་ཕྱིར། མགོ་སྐོར་ལ་ཟེར། ཉལ་འགྲོ་ནི་ཆུ་བོ་གསུམ་བརྩེགས་ནི་རྣམ་པར་རྒྱལ་བའི་ཁང་བཟང་། ཀླུབས་པ་ནི་བརྒྱན་པ། བདག་ལ་ཡང་མ་འགྲོ་ཞེས། །གཙང་པོ་མགོ་དགུར༴ ས་འཛིན་ནི་རི་བོ། །དར་དཀར་ཐོད་ཕུད་པ་ནི་ཁ་བ་ཞུ་བ། མྱུ་གུའི་ཚོགས་ནི་རྩི་ཤིང་ལོ་ཐོག་ཚོགས་ཀྱི་མྱུ་གུ། ལོགས་པོོའི་འབྲུག་སྒྲ་དང་། མུ་ཏིག་ཆུན་པོའི་ཆར་སོགས་འདི་དག་ཐམས་ཅད་ནི། བདག་ཅག་རྣམས་ལོ་ཆེན་དྲུང་དུ་ཐོག་མར་འགྲོ་བའི་ཉིན་ཟླ་བ་གཉིས་པ་དཔྱིད་ཟླ་ར་བའི་ཚེས་བཅུ་ཡིན་ཚེ་དེའི་ཞོར་ལ་འབྲུག་དང་ཆར་ཐོག་

[Full Size]

མར་བྱུང་ཞིང་ཁམ་བུ་མེ་ཏོག་ཤར། འཇའ་ཟུག་པ་སོགས་རྟེན་འབྲེལ་བཟང་བར་བྱུང་ཚུལ།། ༈ །།བླ་མ་ཟང་ཟིང་རིན་དུ་སྤྲོད་པ་སོགས་ནི། གྲྭ་ཚང་ནས་བཤོལ་བཏབ་མཁན་སླེབ་པ་ལ་ཟེར་རྒྱུ་ཡིན་ཏེ། འགྱུར་བྱེད་ཆེས་པ་ནི་སྤྲང་ལམ་མདོ་དོན་མེད་པ་ལ་ཟེར། རྣམ་འགྱུར་དགའ་བ་ལས་གཞན་ནི་མི་དགའ་བ་ལ་ཟེར། ཨ་བ་ལེ་བ་ནི་འཇིག་རྟེན་ཆོས་བརྒྱད་ལ་ཞེན་པ་ཆེ་བ་འཇུག་ཉོན་མོངས་ཀྱི་ཞུགས་ནི་མེད། འཆིལ་པ་ནི་སྲེད་པ། ལྷ་ཆེན་རྣམ་ཐར་ནི་སྤྱི་དོན་ལེགས་བཤད་དུ་ཡོད་པ་ལྟར་གྱི། དགེ་སློང་ལྷ་ཆེན་པོས་ཆོས་དང་མི་མཐུན་ཞིང་རྒྱལ་བའི་བཀའ་དང་འགལ་བ་འབའ་ཤིག་བྱེད་པ་དེ་དཔེར་བླངས་པའོ། །གནོད་མཛེ་མཁར་ནི་གསུམ་མཁར་ལུང་པ། མཐོ་ཞིང་དབེན་པའི་མིང་ནི། གཡོ་མཐོ་དབེན་སྟེང་ཞེས་ཆོས་རྗེ་པདྨ་དབང་རྒྱལ་གྱི་དགོན་པ་བསམ་གཏན་གླིང་ནི་རྩེས་ཐང་གི་

[Full Size]

ཤར་ཕྱོགས་ཀྱི་སྒྲུབ་སྡེ་ཤུལ་རིང་ནི་ལམ་ཐག་རིང་པོ། མགྲོན་པ་ནི་གྲུལ་བུ། དམིག་བུ་ལོང་ཁྲིད། དཔལ་དང་འབྱོར་པས་བརྒྱན་པའི་དེའུ་ནི་ཡར་འབྲོག་་དཔལ་སྡེ།། ༈ །།ཟླ་འོད་གཞོན་ནུས་རྨེག་ལྕོག་པ། རིན་ཆེན་བརྩོན་འགྲུས་ཆོས་ཀྱི་ཆེད་དུ་འོང་བ་མངོན་མཁྱེན་གྱིས་གཟིགས་ནས་བསུ་བ་མཛད་པར་བྱོན་པའི་དཔེ། ཐམས་ཅད་སྒྲོལ་གྱི་ལོ་རྒྱུས་ནི་སངས་རྒྱས་ཀྱི་སྐྱེས་རབས་ལ་ཡོད། ཆུ་གཏེར་ཆུ་སྲིན་འཛིན་ཁྲི། རྒྱ་མཚོའི་འཇིངས་ཞེས་སོགས་ཐམས་ཅད་དོན་གཅིག་སྟེ་རྒྱ་མཚོ་གཏིང་ཟབ་པ་ལ་འཇིངས་ཞེས་བྱའོ། །རྫ་མཁན་འཁོར་ལོའི་དབུ་ནི་མགོ་འཁོར་བ། འགའ་ཞིག་ཐོས་ཤེས་མིན་ཡང་གྲགས་ཕྱིར་འཚོགས་པ་ནི། ཆོས་རང་གིས་མི་ཤེས་པར་གཞན་ལ་ཁེ་གྲགས་འདོད་པས་འཆད་པ། ཤེས་ཀྱང་མི་ནུས་ཁོང་འདྲུལ་ནི། ཡོན་ཏན་ཡོད་ཀྱང་གཞན་

[Full Size]

ལ་མི་ཕན་པར་སྙོམ་ལས་དབང་གིས་ཆོས་ཁོང་རུལ་བཏང་བ། འོན་པའི་རོལ་མོ་མཁན་ནི་རང་གིས་ཐོས་མ་མྱོང་བར་ཟོག་དང་སྤོབ་པའི་གཞན་ལ་ཆོས་འཆད་པ། རུརྔུཥྐ་ནི་མཐན་དམག བདེན་བྲལ་ནི་སྲིན་པོ། ཙིནྟ་ཤུན་པ་ནི་སྙིང་ལྤགས། ལྔ་པ་ཞེས་པ་ནི་འཆི་བ་ལ་འཇུག་སྟེ། འདིའི་ངེས་ཚིག་ནི། དང་པོ་མངའ་དུ་ཞུགས། གཉིས་པ་སྐྱེ། གསུམ་པ་རྒས། བཞི་པ་ན། ལྔ་པ་ཤི་བའི་ཕྱིར་རོ། །གཞོན་པ་ནི་རྟ། རང་ཉིད་ཐོས་བསམ་སྒོམས་པའི་ནུས་མེད་པའི་ཟངས་དེ་ཉིད་ལ་བསྟར་བ་ཕྱི་གད་བྱེད་པ་ཟེར་ཏེ། ཤེལ་གྱི་ས་གཞི་གསལ་ཞིང་འཚེར་བ་བསྟར། ཞེས་སོ། པཱུཝརྞ་ནི་གསེར། ཀཻ་ལ་ཤ་ནི་གངས་རི། སྟོང་ཉིད་ཐོད་ལྡན་ནི་མགོ་སྟོང་ངམ་ཀླད་པ་མེད་པའི་མི་རིགས། སོད་ཆུང་ནི་པུསྟི་ཆུང་། ཀློང་ཆེན་སྤྲུལ་པ་ནི་ཆོས་རྗེ་གསུང་

[Full Size]

སྤྲུལ། དཱ་རི་དྲ་ནི་སྤྲང་པོའི་བྱ་བྲལ་བ། གདེངས་ཅན་དབང་པོ་ནི་ཀླུའི་རྒྱལ་པོ། རྫོགས་ཆེན་རྣམ་རྒྱལ་ཁང་བཟང་ལ་དབང་བསྒྱུར་བ་ནི་རྫོགས་ཆེན་པ། ཏི་སེར་འགྲན་པའི་རི་ནི་གངས་ལ་རྫ་རིའི་ཁྲོད། རྡོ་རྗེའི་ཚེར་མ་ནི་འབྲུམ་ནད། ལུས་སྲོག་བསྐྱེད་པའི་དྲིན་ཅན་ནི་ཕ་མ། །བགྲང་གཞི་ནི་ལོ་འམ་ན་སོ་བདེ་ཆེན་བསམ་འགྲུབ་ནི་སྙིམ་ཕུ། །དབུགས་བྲལ་ནི་བམ་རོ།། ༈ །།ཛ་ཧཱའི་བུ་མོ་ནི་ཆུ་བོ་གངྒཱ། ལོ་ཀ་ནི་འཇིག་རྟེན། འཕྲོགས་བྱེད་ནི་ཁྱབ་འཇུག་འདི་སྣང་ནི་འཇིག་རྟེན་འདིའི་བྱ་བྱེད། བསྒྱིངས་པ་ནི་སྒྲོབས་ཆེན་བ་སྟེ། ཆུ་བོ་གངཱྒ་དང་ཁྱབ་འཇུག་མཁའ་ལྡིང་ཁྱུང་ལ་གཞོན་པའི་ལོ་རྒྱུས་འདི་དག་སྙན་དངགས་ཀྱི་གཏམ་རྒྱུད་ལ་ཁ་ཐག་རིང་བར་འདུག་ཀུ་རན་ཧ་ནི་ཉིད་དགའ་ཞེས་བྱ་སྟེ་ལྕམ་པའི་མེ་ཏོག །རྟ་ལྗང་ཅན་ནི་ཉི་མ་ཡིན་ཕྱིར། མེ་ཏོག་དེ་ཉིད་ཉི་མ་གར་ཡོད་དུ་ཁ་བསྟན་

[Full Size]

པའི་དཔེ། ཨ་ཝཱ་དྷཱུ་ཏི་ནི་སྒྲ་ཐད་པོར་བསྒྱུར་ན་གཉིས་མེད་ལ་འཇུག་ཀྱང་། དོན་འགྱུར་གྱི་དབང་དུ་ཨ་ཝཱ་དྷཱུ་ཏི་པ་ཞེས་པ་འཇིག་རྟེན་སྤྲོས་པ་སྤོང་བ་ཟེར། ཆ་ཤས་ཅན་ནི་ཟླ་བ།། ༈ །།བླ་མ་ཀརྨ་ལགས་གྲུབ་ལ་གདམས་པའི་ནང་དུ། ལུས་མེད་ཅེས་པ་ནི་དགའ་རབ་དབང་ཕྱུག་སྐྱོ་སྔོགས་ནི་འཁྲུག་རྩོད། །རང་འདོད་ངོ་མཐོན་གྱི་ སྤོབས་པའི་ ཁྱད་གསོད་བྱེད་པ། གྱི་ན་ནི་མ་ཆད་ཙམ་ངན་ངོན་ཙམ། ཀ་ལིང་ཀའི་ཡུལ་གྱི་ནགས་ཚལ་གླང་པོ་ཆེ་ སྡོམ་པ་དམ་ཚིག་ གཏན་མི་ཆགས་པའི་དཔེ་གསོག་སོན་ནི་དོན་མེད་དམ་སྙིང་པོ་མེད་པ། གྲུ་གུ་བརྡོག་པའི་དཔེ་ནི་ཐུང་ངུ་ཐུང་ངུ་དྲིལ་པའི་ལྔ་པ་འཚོ་བའི་འདུ་ཤེས་ཆུང་བ་ནི་ཤི་ནའང་རུང་བསམ་པ། དཀྲི་བ་ནི་འཁྲིད་པ། འཇིག་རྟེན་གྱི་གཉེན་ནོར། གྲུབ་མཐའི་ཆགས་སྡང་། དགོན་གནས། གྲ་འཁོར། རང་གི་ལུས་སྲོག་གི་དོན་ལ་ཐུགས་ཀྱང་འཁྲུག་རྩོད་སོགས་སྡིག་པ་

[Full Size]

སྤོང་ལ། ཐམས་ཅད་དང་མཐུན་པར་གྱིས་ཞེས་གདམས་པ། ནད་མདངས་ཕྱི་ལོ་གསལ་བའི་ཉམས་འགྱུར་ནི། རང་འཚོ་མ་ཐུབ་པ་བློ་མང་པོ་བྱེད་པ། ནུས་པ་ནི་བྱིས་པ། མ་གོར་ནི་མྱུར་མགྱོགས་བས་མཐའ་ནི་ལུང་སྟོང་། །ཀུ་ས་ལེ་ནི་བོད་སྐད་དུ་བསྒྱུར་ན། དགེ་བ་ཅན་ཞེས་བྱ་ཡང་། དིང་སང་ཕལ་སྐད་དུ་ཀུ་སུ་ལུ་ཞེས་བྱ་བཏང་ལ་ཟེར་རོ།། ༈ །།འཇང་རྒྱལ་པོ་ལ་བསྐུར་བའི་ནང་དུ། །འཆི་མེད་ན་ཆུང་ནི་ལྷའི་བུ་མོ། །སྤྱན་སྟོང་མངའ་བའི་བརྒྱ་བྱིན། །རྒྱ་མཚོའི་གོས་ཅན་ནི་ས་གཞི། །ཆུ་ལྷ་མོའི་ལང་ཚོ་གསལ་བ་ནི་ནུབ་ཕྱོགས། ལྷ་ལམ་ནི་ནམ་མཁའ། ཨ་ཀྵ་ར་ནི་ཡི་གེ། །དོ་རོ་ནི་འདུན་པའམ་ཚོགས་པ། ཉི་འོག་ནི་ཤར་ཕྱོགས། དུཿཁ་ནི་སྡུག་བསྔལ། དཀྵི་ཎ་ནི་ལྷོ་ཕྱོགས། སྐབས་གསུམ་གྲོང་ནི་སུམ་ཅུ་རྩ་གསུམ། ཀུ་སུ་ལི་ནི་རས། ཤ་ར་ནི་མདའ་

[Full Size]

ནོར་ལྷ་ནི་ཡོན་བདག །ཡན་ལག་མཆོག་ནི་མགོ་པའི། འཁོར་ལོ་བསྒྱུར་བ་ནི། གཞན་ལ་མི་ཆོས་མགོ་བསྐོར། ཇ་ཧོང་ནི་ངུར་སྨྲིག༴ མཆི་མ་བཀུ་བ་ནི་མཆི་མ་བྲོ་བ། མགྲིན་སྔོན་ནི། སྒྲ་ཐད་ནོར་བསྒྱུར་ན་མི་འགྱུར་བ་ལ་འཇུག་པ་ཡིན་ཀྱང་། དོན་འགྱུར་ལ་ཡི་གེའོ། ལྷ་དབང་ཕྱུག་ཆེན་པོ། །དེའི་རལ་པའི་སྤོར་འབར་བ་ནི་ཟླ་བ། དྭགས་བརྒྱུད་ནི་དྭགས་པོ་བཀའ་བརྒྱུད། དམར་ཕྱོགས་ནི་ཚེས་ལོངས་སྤྱོད་པ་ནི། ཟླ་བ་དམར་པོ། དུས་མོ་ནི་སྒྲ་མཚན། ལི་ཁྲིའི་སྤྲིན་སྒྲིབ་ནི་ཞྭ་དམར་སེར་གྱི་བསྟན་པའི་ཆགས་སྒོ། རྣམ་འདྲེན་མུ་ཏིག་ལྟོ་བ་ནི་སྐྱེས་ཆེན་དམ་པ་རྣམས་གཤེགས་ཚུལ། སྒྲུབ་ཚོགས་ནི་སྒོམ་ཆེན་རྣམས། ལོ་ཀའི་ཤ་ར་བྷ་ནི། །འཇིག་རྟེན་ཆོས་བརྒྱད་ཀྱི་ཁྲི་ལ་འཇོག་པ། །འདི་སྣང་ནི་ཚེ་འདིའི་བྱ་བ། རྒྱགས་པའམ་དྲེགས་པ་ནི་ཁེངས་སེམས། ཞེན་པ་ཕྱི་ནང་བསྒྱུར་ལོག་ནི་འཇིག་རྟེན་ལ་ཞེན་པ་མི་

[Full Size]

ལོག་པར་ཆོས་ལ་ཞེན་པ་ལོག་པ། གཞུང་ལུགས་ཀྱིས་ངོམས་པ་ནི་ཐོས་པ་ཆེ་བ་གནས་ལུགས་ལ་གཟིགས་པ་ནི། སྒོམ་ཕྱོགས་ལ་རྨོངས་པ། སྲིད་འབྱོར་ལ་ཞེན་པ། །མཚོ་མ་དྲོས་པའི་ཁ་རྒྱ་ལས་ཆེ་བ། རྟག་བརྟན་ནི་འཆི་བ་མི་དྲན་པ། གདེངས་ཅན་ནི་ཀླུ་ལྟར་ལྐུགས་པས། ས་གཞི་གང་བ། བཞད་རྡོར་ནི་མི་ལ། དྷཱུ་ཀུ་ལ་ནི། རས་གོས་ཀྱི་གོ་ཆ་བཞེས་པ་ལ་འགྲན་པ་ལྟར། བཀའ་བརྒྱུད་པ་རྣམས་གོ་མཚོན་ཐོགས་པའི་མཐུས་སྒྲུབ་བརྒྱུད་ཀྱི་བསྟན་པ་ཆོས་ཀྱི་དབྱིངས་སུ་ནུབ་པར་གྱུར་ཚུལ། ཁ་བའི་རྡུལ་རྩེགས་ནི་གངས་རི། དེ་ལ་གནས་པའི་གདོང་ལྔ་པ་ནི་སེང་གེ་ཡིན་ཕྱིར། བཀའ་བརྒྱུད་པ་རྣམས་ཕྱག་ཆེན་ཉམས་རྟོགས་ཀྱི་གཡུ་རལ་སྤྲུག་ནས་ལོག་ལྟའི་སྡེ་འཇོམས་པར་མི་མཛད་པ་ཅི་ཡིན་ཞེས་

[Full Size]

པའོ། །མ་ཧཱ་ས་ན་ནི། གདན་ས་ཆེན་པོ་དེ་དག་བཞུགས་པའི་སྐྱེས་ཆེན་དམ་པ་རྣམས། ཐིག་པའི་རྩེ་ནི་ཕྱག་རྒྱ་ཆེན་པོ་ཡུ་མོ་ནི་རྭ་ཅོ་མེད་པ་ཡིན་ཏེ། གཞན་སྐུ་ཁམས་ཆེ་བ་རྣམས་དེ་ལྟར་མི་མཛད་ན་འོ་སྐོལ་མཐའ་འཁོབས་ན་གནས་པའི་མི་རྒན་གཉིས་ཡུ་རྡོག་བརྡུང་ཁ་རྒྱབ་ནས་ཅི་བྱེད་ཞེས་པའོ། །རྐང་ཐུང་ནི་ལྗོན་ཤིང་། གཉིས་སྐྱེས་ནི་བྱ་ཚོགས། ཡིབ་ས་ནི་གབ་པའམ་མཚམས་ལ་འདུག་པ། གཉིས་ཐུང་ནི་གླང་པོ་ཆེ་སྟེ། གྲོང་ཁྱེར་གྱི་གླང་པོ་མཆེ་བ་དྲུག་ལྡན་རྣམས་ལ་རྩིས་ཆེ་བས། མགོ་ལ་གསེར་གྱི་དྲྭ་བ་གཡོག་ཤིང་། སྒལ་པ་ལ་ནོར་བུ་བཀལ་མོད་ཀྱང་། ནགས་ན་གནས་པའི་གླང་པོ་ལ་དེ་ལྟར་བྱེད་མཁན་མི་འོང་བའི་དཔེ་དོན་ལྟར། བཱྱནྫ་ནི་ཡི་གེ་ཡིན་ཕྱིར། དྲི་ཡིག་གཞན་ལ་བསྐུར་བར་འོས་

[Full Size]

བཞེས་པའོ། དབའ་རླབས་ནི་རྦ་རླབས།། ༈ །།སངས་རྒྱས་དངོས་ལྟ་བུའི་བླ་མ་འགའི་ཐུགས་རྗེའི་ལྗོན་ཤིང་གི་བསིལ་གྲིབ་བདག་ལ་བབས་པའི་མཐུས། མ་ཧཱ་སནྟི་རྫོགས་ཆེན་གྱི་རྫིང་བུ་རང་བབས་མ་བཅོས་པར་གནས་པ་ལས། ཉམས་ཀྱི་ཞེན་འདོད་མེད་པས། ཁ་བཤད་ཀྱི་རྦ་རླབས་མི་འཁྲུག །བཅོམ་སྐྱུང་བ་ནི་ཁ་རོག་སྡོད་པ་འཇུག་པའོ། ལུས་ཕྲ་མ་ནི་མཛེས་མ་ཟེར་བས། བདག་རྫོགས་ཆེན་རང་བབས་སྐྱོང་བ་མ་གཏོགས། ཁྱེད་ཕྱག་ཆེན་པ་ལྟར་བློས་བྱས་ཀྱི་བདེ་གསལ་མི་རྟོགས་སོགས་ཀྱི་ལམ་རྟགས་དང་། རྣལ་འབྱོར་བཞི་རིམ་གྱི་བང་རིམ་ཐོབ་འདོད་སོགས་ཀྱི་ བློ་བྲིད་མཁན་ གཞོན་ནུ་མ་འབུམ་ཕྲག་ལ་ཡང་སེམས་འཆོར་བའམ། ཡིད་སྨོན་གྱི་འགྲམ་ཆུའམ་མཆིལ་མ་འོང་དོན་མེད་ཅེས་པའོ།།

[Full Size]

༈ །།དེ་ལྟར་ཕྱག་ཆེན་གྱི་དྲི་བ་བྱེད་མཁན་དང་པོ་ཚུར་ཡང་ཅིར་སྣང་བལྟ་བའི་ཅོ་འདྲི་ལྟ་བུའི་དྲི་བ་འདི་བྱས་བྱུང་བས། ཕར་ལའང་ཟུར་ཟའི་རྩེ་མོ་འདི་ལྟར་སྨྲས་པ་ཡིན་ཀྱང་སླར་གཏིང་དམ་པ་ནས་ཡིད་ཆེས་པའི་དད་པ་སྐྱེས་ཁུས་བྱས་སོང་བས་བར་དོའི་སྤྱི་དོན་དང་། རྡོ་རྗེ་མདོ་འཛིན་སོགས་བསྐུལ་བ་པོ་བྱས་པ་ལ་བརྟེན་ནས་ཞིབ་ཏུ་བྱས་པ་ཡིན་ནོ། །འདི་རྣམས་ཀྱང་རང་གྲོལ་ཞབས་ཀྱི་གསུང་ལ། རྒོད་ཕུག་བསོད་ནམས་དབང་རྒྱལ་ཞེས། རང་གྲོལ་རྗེ་དངོས་ཀྱི་བཀའ་དྲིན་འཚོ་བ་དེས་ཟིན་བྲིས་ངོ་མར་དཔེ་བྱས་པ་ཡིན་ནོ། །བཀྲ་ཤིས། གཅིག་ཞུས་ཁུལ་ལགས།

ཐེག་པ་ཐམས་ཅད་ཀྱི་མཆོག་རབ་གསང་བ་བླ་ན་མེད་པ་འོད་གསལ་རྡོ་རྗེ་སྙིང་པོའི་དོན་རྣམ་པར་བཤད་པ་ཉི་མའི་སྙིང་པོ།

[Full Size]

ཐེག་པ་ཐམས་ཅད་ཀྱི་མཆོག་རབ་གསང་བ་བླ་ན་མེད་པ་འོད་གསལ་རྡོ་རྗེ་སྙིང་པོའི་དོན་རྣམ་པར་བཤད་པ་ཉི་མའི་སྙིང་པོ་ཞེས་བྱ་བ་བཞུགས་སོ།

[Full Size]

ན་མསྶཱ་བི་དྷྱཱ་དི་བུདྡྷ་ཡ། རང་རིག་གདོད་མའི་སངས་རྒྱས་ལ་ཕྱག་འཚལ་ལོ། །གདལ་བ་ཆེན་པོ་ཀུན་ཁྱབ་གདོད་ནས་ཡེ་སངས་རྒྱས་པ་དག་པ་གཉིས་ལྡན་ཆོས་ཀྱི་སྐུ། རང་བཞིན་ལྷུན་གྲུབ་འགག་མེད་རང་གསལ་ཞི་དང་ཁྲོ་གར་སྣ་ཚོགས་སྟོན་མཛད་ལོངས་སྤྱོད་རྫོགས། རྨད་བྱུང་ཐུགས་རྗེ་ཆུ་ཟླའི་གར་གྱིས་རྣམ་མང་འགྲོ་བའི་རེ་འདོད་སྐོང་མཁས་སྤྲུལ་པའི་སྐུ། དོན་ལ་དབྱེར་མེད་ངོ་བོ་ཉིད་སྐུ་དཔལ་ལྡན་མཚུངས་མེད་བླ་མ་ཞེས་གྲགས་དེས་སྐྱོངས་ཤིག །བསམ་གྱིས་མི་ཁྱབ་གདུལ་བྱའི་ཁམས་དབང་པོ། །ཐ་དད་སྣ་ཚོགས་ལ་དགོངས་ཐེག་པའི་ཆོས། དུ་མར་བསྟན་པའི་སྙིང་

[Full Size]

པོའི་ཆོས་ཀྱི་མཆོག །ཡང་ཟབ་རྫོགས་པ་ཆེ་ལས་གཞན་ཅི་ཞིག །ལམ་གྱི་སྟེགས་ ཐེག་དམན་ དང་ལམ་ ཐེག་ཆེན་ དང་གསང་སྔགས་ཀྱི་ འབྲས་བུ་ལ། །མངོན་པར་སྦྱོར་བའི་བྱེ་བྲག་རབ་མང་ཡང་། །ངེས་པ་ཁོ་ནར་སྦྱོར་ནུས་འདི་ལྟ་བུར། །བློ་ལྡན་སྐྱེས་བུ་གང་ཞིག་ཅིས་མི་འཇུག །ཟབ་ཟབ་ཡིན་ཡིན་སྨིག་སྒྱུའི་ཆུ་གཟུགས་ལ། །བློ་ཆུང་རི་དྭགས་ཞེན་པས་བསྐལ་པ་བརྒྱར། །བསྙེགས་ཀྱང་གདུང་བ་འཕེལ་ལས་ཞི་མིན་གྱིས། །ཆོས་ཚུལ་རྒྱ་མཚོའི་འཇིངས་འདི་བསྟེན་པར་གྱིས། །ལམ་མཆོག་ཚེ་གཅིག་བྱང་ཆེན་མངོན་བྱེད་ཅིང་། །ཐུགས་རྗེའི་ཟློས་གར་

[Full Size]

འགྲོ་ལ་སྣང་ནུས་པའི། །མྱུར་ཟབ་གདམས་པའི་ཡང་ཞུན་སྙིང་ཐིག་གི། །དགོངས་དོན་གནད་འདུས་འདི་ནི་ངེས་བཤད་བྱ། དེ་ཡང་རྒྱལ་བ་སྲས་བཅས་རྣམས་ཀྱི་ཕྲིན་ལས་ཀྱི་སྒོ་རབ་འབྱམས་མཐའ་ཡས་པའི་ཆོས་ཀྱི་རྣམ་གྲངས་མཐའ་དག་གི་དབུས་ན། རྒྱལ་མཚན་རྩེ་མོའི་ཏོག་ལྟ་བུར་གྱུར་པའི་མཐར་ཐུག་རྫོགས་པ་ཆེན་པོ་འདི་ཉིད་ལའང་། ཕྱི་སེམས་སྡེ། ནང་ཀློང་སྡེ་གསང་བ་མ་ཧ་ངག་གི་སྡེ། ཡང་གསང་བླ་ན་མེད་པའི་སྡེ་བཞིར་ཡོད་པའི་ནང་ནས་མཆོག་ཏུ་ཟབ་པ་སྙིང་པོའི་ཡང་ཞུན་བླ་ན་མེད་པའི་སྐོར་རྣམས་ཀྱི་རྒྱུད་སྡེ་ཆེན་པོ་ཀུན་གྱི་དགོངས་པ་མན་ངག་ཏུ་བསྡེབས་པ་ཡང་གསང་སྙིང་ཐིག་རྣམས་ཀྱི་དོན་མདོར་བསྡུས་ཏེ་བསྟན་པའི་རིམ་པ་ལ་གསུམ་སྟེ། གཞི་ཀ་དག་ལྷུན་གྲུབ་ཀྱི་སྒོ་ནས་འཁོར་འདས་འཁྲུལ་གྱོལ་གྱི་ཚུལ་

[Full Size]

སྤྱིར་བཤད་པ། ལམ་ཁྲིགས་ཆོད་ཐོད་རྒལ་གཉིས་ཀྱི་མན་ངག་ཉམས་སུ་ལེན་ཚུལ་བྱེ་བྲག་ཏུ་བཤད་པ་འབྲས་བུ་སྐུ་དང་ཡེ་ཤེས་ཀྱི་ཐོབ་ཚུལ་བཤད་པས་མཇུག་བསྡུ་བ་དང་གསུམ་ལས། དང་པོ་ལའང་། ཤེས་བྱ་ལ་ཆོག་འཛིན་གྱི་གཞི་དང་། གནས་ལུགས་ཀ་དག་གི་གཞི་གཉིས་ཡོད་པའི་དང་པོ་ལ་དྲུག་སྟེ། གཞི་ལྷུན་གྲུབ་ཏུ་འདོད་པ་དང་། མ་ངེས་པར་འདོད་པ་དང་། ངེས་པ་དོན་དུ་འདོད་པ་དང་། ཅིར་ཡང་བསྒྱུར་བཏུབ་ཏུ་འདོད་པ་དང་། གང་དུའང་ཁས་བླང་དུ་རུང་བར་འདོད་པ་དང་། རྣམ་པ་སྣ་ཚོགས་པས་ཁྲ་བོར་འདོད་པ་སྟེ། དེ་ལྟར་རྣམ་པ་དྲུག་པོ་ལ་ནི་ཕྱོགས་ལྷུང་སྐྱོན་ཅན་གྱི་གཞིར་གསུངས་སྟེ། སྐྱོན་ཅན་དུ་གྱུར་པའི་རྒྱུ་མཚན་ཅི་ཞེ་ན། ལྷུན་གྲུབ་ཏུ་འདོད་པ་དེ་ལ་ནི་སྐྱོན་ཡོན་གཉིས་ཀ་ཡེ་ནས་ལྷུན་གྱིས་གྲུབ་པའི་ཆོས་

[Full Size]

ཅན་ཡིན་ན་ཀ་དག་དང་འགལ་ཞིང་ལམ་ཉམས་སུ་ལེན་མི་རུང་ལ། བླངས་ཀྱང་གྲོལ་མི་རུང་བའི་སྐྱོན་ཡོད་པར་འགྱུར་བ་དང་། ངེས་མེད་དུ་འདོད་པ་དེ་ལ་ནི། གཞི་ངེས་པ་མེད་པར་བློས་གང་བཏགས་པ་དེར་འགྱུར་ན་གྲོལ་ཚར་ནས་ཀྱང་འཁྲུལ་པ་འབྱུང་བར་ཐལ་བའི་སྐྱོན་དང་། ངེས་པ་ཅན་དུ་འདོད་པ་དེ་ལྟར་ན། འགྱུར་དུ་མི་བཏུབ་པས་མ་རིག་པའི་དྲི་མ་དག་པར་ཡང་མི་འགྱུར་བའི་སྐྱོན་དང་། །ཅིར་ཡང་འགྱུར་བཏུབ་ཏུ་འདོད་པ་ལྟར་ན། རྟག་མི་ཐུབ་ཚེ་གྲོལ་བའི་འབྲས་བུ་ཡང་སླར་རྒྱུར་ལྡོག་པའི་སྐྱོན་དང་། གང་དུའང་ཁས་ལེན་བཏུབ་པར་འདོད་པ་ན། དངོས་པོ་ལ་ཐུགས་པ་མེད་ཕྱིར་གཞི་ཡང་ཐུག་མེད་དུ་འགྱུར་ལ་རྟག་ཆད་དུའང་ཁས་ལེན་དགོས་པར་འགྱུར་བའི་སྐྱོན་དང་། སྣ་ཚོགས་སུ་འདོད་པ་དེ་ཡང་ནི། དག་པ་རྣམ་གྲོལ་གྱི་གཞིར་

[Full Size]

མི་རུང་སྟེ། རྟོག་ཚོགས་དུ་མ་ཅན་དེ་ཉིད་ཀ་དག་གཞིར་མི་རུང་བའི་སྐྱོན་ཅན་ཏེ། དེ་ལྟར་གཞི་དྲུག་པོ་དེ་ནི་ཕྱོགས་འཛིན་ལ་ཐལ་སྐྱོན་ཅན་དུ་འགྱུར་ཕྱིར་འདི་སྐབས་ཀྱི་གཞི་རུ་མི་བཞེད་ཅིང་། དེ་ཐམས་ཅད་ཀྱིས་གནས་ལུགས་ཀྱི་ཕྱོགས་རེ་ལས་མ་རྟོགས་པའི་ཕྱིར་རོ། །དེའང་སྒྲ་ཐལ་འགྱུར་རྩ་བའི་རྒྱུད་ལས། སྣ་ཚོགས་ཡེ་ནས་ལྷུན་གྲུབ་དང་། །འགྱུར་ཚད་ཆ་ནས་ངེས་མེད་པ། །མི་འགྱུར་བས་ན་ངེས་པ་ཅན། །སྣང་བའི་རྩལ་ནི་ཅིར་ཡང་བསྒྱུར། །ཐམས་ཅད་འབྱུང་ཕྱིར་ཁས་ལེན་བཅས། །འཁྲུལ་པ་དག་ཕྱིར་ཀ་དག་ལ། །སྣང་ཚུལ་ཐ་དད་ཁྲ་བོར་འདོད། །འདི་ལྟར་འདོད་པའི་བྱེ་བྲག་ལས། །རྫོགས་པ་ཆེན་པོ་ཅིར་སྣང་ཕྱིར། །ཐ་དད་འདོད་པ་གྲངས་མང་ཡང་། །གནས་ལུགས་བབས་ཀྱི་ལྟ་བ་ལ། གཅིག་

[Full Size]

མེད་གཉིས་མིན་གང་དང་བྲལ། ཅེས་པ་དང་། ཀུན་བཟང་ཀློང་དྲུག་པའི་རྒྱུད་ལས། འདི་ཀུན་བློ་ཡི་རིམ་པར་སྣང་། །རང་ངོ་ཀ་ནས་དག་པའོ། ཅེས་པས། དེ་ལྟ་བུའི་འདོད་པ་ཐམས་ཅད་ནི། ཀ་དག་གི་དངོས་གཞི་ཉིད་མ་རྟོགས་པའི་བློ་ངོ་ཐ་དད་ཀྱི་འཛིན་ཚུལ་ཡིན་ལ། འདི་ཉིད་ཀྱི་གཞི་སྐྱོན་མེད་དངོས་དེ་གང་ཡིན་ན། དེ་ཡང་དངོས་པོ་དང་མཚན་མའི་ཆོས་སུ་མ་གྲུབ་པས་རྟག་པའི་མཐའ་དང་བྲལ་ཞིང་། རང་བཞིན་གྱི་ཡོན་ཏན་མཐའ་དག་ལྷུན་གྱིས་གྲུབ་པ་ཆད་པའི་མཐའ་དང་བྲལ་བའི། འོད་གསལ་སྟོང་པ་ཆེན་པོའི་དབྱིངས་དང་ཆོས་ཉིད་རྣམ་དག་གི་ཡེ་ཤེས་འདུ་འབྲལ་མེད་ཅིང་། སྨྲ་བསམ་བརྗོད་མེད་ཀྱི་ཡུལ་ལས་འདས་པའི་ཆོས་སྐུ་འགྱུར་མེད་ཀྱི་དགོངས་པ་གདོད་མའི་གནས་ལུགས་ཀ་དག་ཆེན་པོ་ཅེས་བྱ་བ་ནི་འདི་ཉིད་ཀྱི་ཐོག་

[Full Size]

མའི་གཞི་ཡིན་ཏེ། འདིའི་ངོ་བོའི་ཆ་ནས་ཀ་དག་དང་། རང་བཞིན་གྱི་ཆ་ནས་ལྷུན་གྲུབ་ཏུ་བཏགས་ཤིང་། འདི་གཉིས་དབྱེར་མེད་ཀྱི་གདངས་པོའམ་རྩལ་དུ་འཆར་བའི་ཆ་ལ་ནི་ཐུགས་རྗེ་ཀུན་ཁྱབ་ཅེས་བྱ་བ་སྟེ། མདོར་ན་དེ་གསུམ་ཀའང་ངོ་བོ་གཅིག་ལ་ལྡོག་པ་ཐ་དད་ལྟ་བུར་གསུངས་ཏེ། རྡོ་རྗེ་སེམས་དཔའ་སྙིང་གི་མེ་ལོང་ལས། གཞིའི་ཆོས་ཐམས་ཅད་ངོ་བོ་རང་བཞིན་ཐུགས་རྗེ་གསུམ་དུ་ཤེས་པར་གྱིས་ཤིགཅེས་དང་། མུ་ཏིག་ཕྲེང་བའི་རྒྱུད་ལས། །ངོ་བོ་ཀ་དག་བརྗོད་གཞི་བྲལ། །རང་བཞིན་ལྷུན་གྲུབ་ཅིར་སྣང་རྫོགས། །ཐུགས་རྗེ་ཀུན་ཁྱབ་རང་ཤར་བའོ། ཅེས་སོ། །དེ་ལྟ་བུའི་ཀ་དག་གནས་ལུགས། །དབྱིངས་དོན་དམ་པའི་བདེན་པ། །རིག་པ་རང་བྱུང་གི་ཡི་ཤེས། །ཡེ་སྟོང་ཐོག་མའི་ཆོས་སྐུ། ཆོས་ཉིད་འོད་གསལ་གྱི་

[Full Size]

རང་ངོ་དེ་ལ་ནི་འཁོར་འདས། བདེ་སྡུག །ཡོད་མེད། ཡིན་མིན། རྟག་ཆད། གྲོལ་འཁྲུལ། རིག་མ་རིག་སོགས་ཀྱི་གདགས་གཞི་གང་དུའང་མ་གྲུབ་ཅིང་མ་གོས་པ་སྟེ། འདི་ནི་ཆོས་སྐུ་ཀུན་ཏུ་བཟང་པོ་ནས་འཇག་མའི་སྲིན་བུ་ཡན་ཆད་ལ་ཡེ་ཁྱབ་ཏུ་གནས་པར་ནི་མདོ་རྒྱུད་ཐམས་ཅད་དགོངས་པ་མཐུན་ཏེ། རྒྱུད་བླ་མར། ཐོག་མཐའ་མེད་པའི་དུས་ཀྱི་དབྱིངས། །ཆོས་རྣམས་ཀུན་གྱི་གནས་ཡིན་ཏེ། །འདི་ཡོད་པས་ན་འགྲོ་ཀུན་དང་། །མྱ་ངན་འདས་པ་ཐོབ་པ་ཡིན། ཞེས་ཐོག་མེད་དུས་ཀྱི་ཆོས་ཁམས་དགེ་བ་ཞེས་གྲགས་པ་དང་། ཕྱག་ཆེན་གྱི་མན་ངག་རྣམས་ལས་ཀྱང་། གནས་ལུགས་ཕྱག་རྒྱ་ཆེན་པོ་ཞེས་གསུངས་པ་དེའང་འདི་ཉིད་དོ། འདི་སྐབས་སུ་ཀ་དག་ཅེས་པའི་མིང་འདི་ལ་གསར་མའི་མཁས་གྲུབ་

[Full Size]

མང་པོས་ཐ་སྙད་ཀྱི་ཚིག་དགག་སྣ་ཚོགས་མཛད་མོད་ཀྱང་། འདིའི་དོན་ནི། གདོད་མ་ནས་དག་པའམ་ཡེ་ནས་དག་པ། ཐོག་མ་ནས་དག་པ། རང་བཞིན་དག་པ་ཞེས་སོགས་དང་མཐུན་པའི་མིང་དོན་ཡིན་པས། ཀ་དག་ཏུ་བརྗོད་པ་ལ་སྐྱོན་དུ་མི་འགྱུར་རོ། དོན་ལ་ཀ་ནས་དག་པ་མི་འཐད་ན་ནི་སྔར་བཤད་པ་བཞིན་གྱི་ཐོག་མ་མེད་པའི་ཆོས་ཁམས་དགེ་བ་དང་གནས་ལུགས་ཕྱག་ཆེན་སོགས་ཀྱང་རྩོད་གཞི་ཅན་དུ་ཐལ་བའི་ཕྱིར་ཏེ། དེས་ན་སྐྱོན་དུ་མི་འགྱུར་རོ། །འོ་ན་ཀ་དག་གི་སྟོང་ཉིད་ཡིན་ན་ཅི་ཡང་མེད་པའི་སྟོང་པ་ཕྱང་ཆད་གཅིག་ཡིན་ནམ་ཞེ་ན། མ་ཡིན་ཏེ་རིག་སྟོང་ཀ་དག་གི་ཡེ་ཤེས་བསམ་བརྗོད་དང་བྲལ་ཡང་རང་བཞིན་ལྷུན་གྲུབ་ཀྱི་ཡེ་ཤེས་གཏིང་གསལ་ཡེ་གདངས་ཆེན་པོར་

[Full Size]

བཞུགས་ཤིང་། ཐུགས་རྗེ་ཀུན་ཁྱབ་ཀྱི་ཡེ་ཤེས་འཆར་སྒོ་འགག་མེད་ཀྱི་རྩལ་དང་ལྡན་ཕྱིར། སྟོང་གསལ་རིག་པའི་སྙིང་པོ་ཅན་མཐའ་ཐམས་ཅད་དང་རང་གྲོལ་བ་ཡིན་ཏེ། ཀློང་གསལ་གྱི་རྒྱུད་ལས། ངོ་བོ་ཀ་དག་ཡེ་ཤེས་ནི། །མ་རིག་རྟོག་པ་ཀུན་དང་བྲལ། །རང་བཞིན་ལྷུན་གྲུབ་ཡེ་ཤེས་ནི། །སྟོང་གསལ་རང་གདངས་ཉིད་དུ་གནས། །ཐུགས་རྗེ་ཀུན་ཁྱབ་ཡེ་ཤེས་ནི། །འགག་མེད་སྣང་སྟོང་ཉིད་དུ་གནས། ཞེས་པས་ངོ་བོ་རིག་སྟོང་དབྱེར་མེད། རང་བཞིན་གསལ་སྟོང་དབྱེར་མེད། ཐུགས་རྗེ་སྣང་སྟོང་དབྱེར་མེད་དུ་བཞུགས་པ་སྟེ། དེ་ལྟ་བུ་ལ་གནས་ལུགས་ཀ་དག་གི་ཡེ་གཞི་ཞེས་བྱའོ།། ༈ །།དེ་ལྟར་ཀ་དག་གི་སྤྱི་གཞི་དེ་ལས་འཁྲུལ་གཞི་བྱུང་ཚུལ་བཤད་པ་ནི། དེ་ལྟ་བུའི་གདོད་མའི་ཀ་དག་ཆེན་

[Full Size]

པོའི་གནས་ལུགས་དེ་བཞིན་ཡིན་ཕྱིན་ཆད་འཁྲུལ་པ་འབྱུང་བར་མི་རིགས་ན། ཁམས་གསུམ་གྱི་སེམས་ཅན་ཅིའི་ཕྱིར་བྱུང་ཞེ་ན། ངོ་བོ་ཀ་དག་གི་ཆ་ལ་འཁྲུལ་པའི་རྒྱུ་རྐྱེན་དུ་མ་གྲུབ་ཀྱང་། རང་བཞིན་ལྷུན་གྲུབ་དང་ཐུགས་རྗེ་འགག་མེད་ཀྱི་ཆ་ནས་གློ་བུར་དུ་འབྱུང་ཚུལ་ནི། བཀྲ་ཤིས་མཛེས་ལྡན་ཆེན་པོའི་རྒྱུད་ལས། ཀྱེ་མ་ང་ལ་འཁྲུལ་པ་མེད་ཀྱང་ངའི་རྩལ་ལས་འཁྲུལ་པ་འབྱུང་སྟེ། གཞི་མི་འགྱུར་བ་ལས་རང་བཞིན་མ་འགག་པར་ཤར་ནས། ཐུགས་རྗེ་མ་ངེས་པ་ལས་མ་རིག་པ་རང་བྱུང་བ་སྟེ། དཔེར་ན་ནམ་མཁའ་ལ་སྤྲིན་ཡང་དག་པ་ཡོད་པ་མ་ཡིན་ཀྱང་གློ་བུར་དུ་སྤྲིན་བྱུང་བ་དང་འདྲ་བར། གཞི་

[Full Size]

ལ་མ་རིག་པ་ཡོད་པ་མ་ཡིན་ཀྱང་ཐུགས་རྗེ་ལྟར་ཤར་བའི་ཆ་ལས་མ་རིག་པ་རང་བྱུང་སྟེ་གཞི་ལྷུན་གྲུབ་ཀྱི་གནས་ལུགས་ཞེས་བྱ་བ་ཆགས་སོ། །ཞེས་གསུངས་པས། ནང་དབྱིངས་ཀ་དག་གི་ཡེ་གཞི་བུམ་ནང་གི་སྐུའམ་མར་མེ་ལྟར་ནང་། གསལ་དུ་ཡོད་པ་དེ་ལས་ཕྱི་རྒྱ་རལ་བ་ལྟར་གྱུར་ཅིང་། རང་བྱུང་ཡེ་ཤེས་ཀྱི་རླུང་གཡོས་པས་རིག་པ་གཞི་ཐོག་ནས་འཕགས་ཤིང་། རང་སྣང་ལྷུན་གྲུབ་ཀྱི་སྒོ་བརྒྱད་རང་ཤར་བ་སྟེ། དེ་ཡང་ངོ་བོའི་སྣང་བ་གོ་མ་འགག་པར་རང་གསལ་རང་བཞིན་གྱི་སྣང་བ་འོད་ལྔའི་ཚུལ་དུ་ཡེ་གདངས་ཐུགས་རྗེའི་སྣང་བ་ནམ་མཁའ་ལྟ་བུར་སྒོ་ཕྱེ་བ་སྟེ། འདི་ཉིད་ལ་གཞི་ལས་གཞི་སྣང་དུ་ཤར་བ་ཞེས་བྱ་ཞིང་། ལྷུན་གྲུབ་ཀྱི་སྒོ་བརྒྱད་གང་ཞེ་ན། ཐུགས་རྗེ་ལྟར་ཤར་བའི་སྒོ་དང་དེ་བཞིན་དུ་འོད་ལྟར་ཤར་བ་དང་

[Full Size]

སྐུ་ལྟར་ཤར་བ་དང་། ཡེ་ཤེས་ལྟར་ཤར་བ་དང་། གཉིས་མེད་ལྟར་ཤར་བ་དང་། མཐའ་གྲོལ་ལྟར་ཤར་བ་དང་། མ་དག་པ་འཁོར་བའི་སྒོ་ལྟར་ཤར་བ་དང་། དག་པ་ཡེ་ཤེས་ཀྱི་སྒོ་ལྟར་ཤར་བ་བརྒྱད་ཡིན་ལ། དེ་དག་ཀྱང་བསྡུ་ན་དག་མ་དག་གི་སྒོ་ཕྱི་མ་གཉིས་འདིར་འདུས་སོ། །དེའི་ཚེ་སྣང་སྲིད་ཐམས་ཅད་འོད་དང་སྐུ་རུ་ཤར་བས་ལྷུན་གྲུབ་ཞིང་སྣང་ཆེན་པོ་ཞེས་བྱ་ལ། ངོ་བོའི་རྩལ་ལས་ལོངས་སྐུའི་ཞིང་སྣང་དང་། །ཡོན་ཏན་གྱི་རྩལ་ལས་རང་བཞིན་སྤྲུལ་སྐུའི་ཞིང་སྣང་། ཐུགས་རྗེའི་རྩལ་ལས་མ་དག་པ་འཁོར་བའི་སྒོ་དང་བཅས་པ་རང་སྣང་རྨི་ལམ་གྱི་ཚུལ་དུ་རང་ཤར་ཞིང་། གཞི་སྣང་གི་འཆར་ཚུལ་དེ་ལྟར་སྣང་བ་དེ་ལ་རང་གི་རང་གདངས་སུ་ངོ་ཤེས་ཏེ། སྐད་ཅིག་དང་པོ་ལ་

[Full Size]

འགྱུ་བ་རང་ཐོག་ཏུ་ཆོད་པས་དོན་གྱི་ཡིན་ཚུལ་རྟོགས། གཉིས་པར་འཁྲུལ་བྲལ་ཡེ་ཤེས་ཀྱི་རྩལ་ཆེན་རྒྱས་ཏེ་གཞི་ཉིད་འབྲས་བུར་སྨིན་པས་རང་སྣང་ཀ་དག་གི་དབྱིངས་སུ་ཐིམ་ནས་རང་གྲོལ་བ་དེ་ལ། འཁོར་འདས་ཐམས་ཅད་ཀྱི་སྔོན་རོལ་དུ་སངས་རྒྱས་པ་སྟོན་པ་ཀུན་ཏུ་བཟང་པོ་ཞེས་བྱ་ཞིང་། ལྷུན་གྲུབ་ཀྱི་སྣང་བ་ལ་མ་འཁྲུལ་རང་བཞིན་རང་བཞིན་དུ་གྲོལ་བས་ཀུན་ཏུ་བཟང་པོའི་གྲོལ་གཞི་ཅེས་ཀྱང་བྱ་ལ། དེར་རང་སྣང་ལ་རང་སྣང་དུ་མ་ཤེས་པས་འཁྲུལ་པའི་གཞིར་འགྱུར་ཕྱིར། །བྱོས་གསུམ་གྱི་སེམས་ཅན་གྱི་འཁྲུལ་གཞི་ཞེས་བྱ་སྟེ། ཆོས་སྤྱི་ནས་བཤད་པའི་ཀུན་གཞི་ཞེས་བྱ་བ་འདི་ཉིད་ལ་འཇུག་ཅིང་། འདིར་ཐར་པ་ཆ་མཐུན་གྱི་རྒྱུ་ལ་སྦྱོར་བ་དོན་གྱི་ཀུན་གཞི་དང་། འཁོར་བར་འཁྱམས་པའི་རྒྱུའི་ཆ་ལ་བག་

[Full Size]

ཆགས་སྣ་ཚོགས་པའི་ཀུན་གཞི་སོགས་བྱེད་ལས་ཀྱི་ཆ་ནས་བཏགས་པའི་མིང་མང་དུ་ཡོད་པ་དང་། །ཀུན་གཞི་ཀུན་གྱི་གཞི་ཡིན་ཏེ། །མྱ་ངན་འདས་པའི་གཞི་ལའང་ཡིན། ཞེས་སོགས་ཐུན་མོང་ཐེག་པར་གསུངས་ལ། འདིར་ཡང་ཐལ་འགྱུར་ལས། རང་ངོ་ཡིན་པར་མ་ཤེས་པས། འདི་ཡང་འཁོར་བའི་ཐོག་མའོ། །ཞེས་སོ། འོ་ན་གཞི་ལས་ཤར་བའི་གཞི་སྣང་ལྷུན་གྲུབ་ཀྱི་འཆར་ཚུལ་རང་རིག་པས་ལྷུན་གྲུབ་ཉིད་ཀ་དག་གི་དབྱིངས་སུ་སླར་ཐིམ་ཞིང་གྲོལ་བ་དེ་ལས་ཡང་ཕྱིས་ཕྱིར་སྔར་ལྟར་འཁྲུལ་པར་མི་འབྱུང་ངམ་ཞེ་ན། འདི་ནི་འབྱུང་བའི་གནས་མེད་དེ་ཀུན་བཟང་གཞི་ཐོག་ཏུ་གྲོལ་བ་དེ་དང་། རྣལ་འབྱོར་པས་ལམ་ཉམས་སུ་བླངས་པས་གྲོལ་བ་གཉིས་ཀ་རིམས་ནད་བྱང་

[Full Size]

བའི་སྐྱེས་བུ་ལྟ་བུའོ། །བསེ་ཤིང་གི་འབྲས་བུ་ལྟར་སླར་རྒྱུ་རུ་ལྡོག་པའི་གནས་མེད་དོ། །དེ་ལས་གཞན་པའི་སེམས་ཅན་ཐམས་ཅད་ནི་ཐོག་མའི་ཀ་དག་གི་གཞི་ལས་ལྷུན་གྲུབ་ཀྱི་གཞི་སྣང་ཤར་ཞིང་། དེ་ཉིད་རང་སྣང་དུ་མ་ཤེས་པས་འཁྲུལ་པའི་འོག་རྩོམ་ཚུལ་ནི། སྒྲོན་མ་སྣང་བྱེད་ལས། །དེ་ལྟར་གནས་པའི་གཞི་དེ་ལས། །རྒྱུ་དང་འཁྲུལ་པའི་ས་བོན་ནི། །གསལ་བའི་ཆ་ནས་ཕྱིར་ཤར་བས། །ཤེས་པ་གསལ་གསལ་རིག་རིག་སྟེ། །མ་རིག་པ་ནི་གསུམ་དག་ལ། །ཡུད་ཙམ་ཕྱིར་འགྱུར་སྣང་ཆ་ལ། །ཡུལ་དེ་དག་ཏུ་བཟུང་བའི་བློས། །གཞི་དང་གཞི་ཞེས་ཁྱད་པར་འཁྲུལ། །འཁྲུལ་པའི་རྒྱུ་ལས་ཡུལ་རྐྱེན་འཕྲད། ཅེས་སོགས་རྒྱས་པར་གསུངས་ཏེ་དེ་ཡང་རྒྱུ་བདག་ཉིད་གཅིག་པའི་མ་རིག་པ་ཞེས་སེམས་ཉིད་ཁོ་

[Full Size]

རང་དང་། དེ་རང་ངོ་མ་ཤེས་པ་ལྟ་བུ་ལྷན་ཅིག་སྐྱེས་པའི་མ་རིག་པ་དང་། རང་སྣངལ་གཞན་དུ་འཛིན་མཁན་ཀུན་ཏུ་བཏགས་པའི་མ་རིག་པ་སྟེ། དེ་ལྟར་ངོ་བོ་གཅིག་ལ་ལྡོག་པ་ཐ་དད་ཀྱི་མ་རིག་པ་གསུམ་པོ་དེས་འཁྲུལ་པའི་རྒྱུ་བྱས། ངོ་བོ་རང་བཞིན་ཐུགས་རྗེ་གསུམ་ལ་དེར་མ་ཤེས་པས་རྒྱུའི་རྐྱེན་དང་། སྟོང་གསལ་ཡེ་ཤེས་ཀྱི་རང་གདངས་ལྷུན་གྲུབ་འོད་ཁྱིམ་དུ་འཆར་བས་དམིགས་པའི་རྐྱེན་དང་། དེ་གསལ་སྟོང་དུ་མ་ཤེས་པར་ཡུལ་དང་ཡུལ་ཅན་ཐ་དད་དུ་དངོས་པོར་བཟུང་བས་དེར་འཛིན་གྱི་རྐྱེན་ཏེ། དེ་ལྟར་རྒྱུ་རྐྱེན་དྲུག་པོ་དེ་ལ་བརྟེན་ཏེ། ཀློང་གསལ་ལས། དང་པོར་མ་རིག་དྲུག་ལས་འབྱུང་།། ༈ །།ཞེས་གསུངས་སོ། །དེ་ནས་ཡང་སྟོང་པའི་རང་རྩལ་འོད་ལྟར་སྣང་བ་ལ་དངོས་འཛིན་ལས་ཀྱི་རླུང་འབྱུང་ཞིང་། འཁྲུལ་པ་ཡིན་ཏེ་

[Full Size]

ཡེ་ཤེས་ལྔའི་རང་འོད་ལ་འཛིན་པ་ཞུགས་པའི་འབྲས་བུ་འབྱུང་བ་ལྔ་དངོས་སུ་སྣང་བ་དང་། ཕྱིའི་འབྱུང་ལྔའི་དྭངས་མ་ལས་ནང་གི་ཁམས་ལྔ་སྐྱེ་མཆེད་དྲུག་སོགས་བྱུང་བས་སྣོད་བཅུད་ཐམས་ཅད་རིམ་གྱིས་ཆགས་ཤིང་གྲུབ་སྟེ། ཁམས་གསུམ་རིགས་དྲུག་གི་སྐྱེ་འགྲོ་རྣམས་མ་རིག་གཟུང་འཛིན་གྱི་དྲ་བར་ནི་ཆུད། རྟེན་འབྲེལ་བཅུ་གཉིས་ཀྱི་སྲིད་པའི་འཁོར་ལོས་ནི་བསྐྱོད། ཉོན་མོངས་འཁྲུལ་ཞེན་གྱི་ལས་ངན་ལ་སྤྱད་པའི་འབྲས་བུས་སྡུག་བསྔལ་ཉམ་ཐག་པ་རྣམ་པ་མང་པོས་ནི་གཟིར། དེ་བྱུང་ཀྱང་སྡུག་བསྔལ་ལ་སྡུག་བསྔལ་དུ་མ་ཤེས་པར་སླར་ཡང་འཁོར་བར་འཁྱམས་པའི་རྒྱུ་དང་ས་བོན་འགའ་ཞིག་བསྒྲུབ་པའི་བརྩོན་པ་ལ་ཨ་འཐས་ཡང་འཐས་སུ་འབད་པ་འདི་ནི་ཁམས་གསུམ་འགྲོ་བ་ཀུན་གྱི་ཆོས་ཉིད་ལགས་ཏེ་ཐལ་འགྱུར་

[Full Size]

ལས། །ཕུང་པོ་རྣམས་དང་ཁམས་རྣམས་དང་། །སྐྱེ་མཆེད་ལས་ཀྱི་ཚོགས་འདུ་ལས། །ཉོན་མོངས་འདུས་པ་དཔག་མེད་པར། །འགྲོ་བ་ལུས་ཀྱི་རྟོག་ཚོགས་བསྡུས། །རྟེན་འབྲེལ་སྣ་ཚོགས་དུ་མ་ལས། །མི་མཐུན་གཟུགས་སོགས་བྱེ་བྲག་གོ། །ཞེས་དང་། །མུ་ཏིག་ཕྲེང་བའི་རྒྱུད་ལས། །དེ་ལྟར་འཇིག་རྟེན་གསུམ་པོ་ནི། །ཕུང་པོ་ལྔ་དང་དབང་པོ་ལྔ། །ཡན་ལག་ལྔ་དང་དོན་སྙིང་ལྔ། །ཡུལ་ལྔ་དང་ནི་ཉོན་མོངས་ལྔ། །སེམས་ལ་ཡིད་ལྔ་རྟོག་པ་ལྔ། །གཟུང་འཛིན་འཁོར་བ་ཉིད་དུ་གྲུབ། །འཁྲུལ་པ་གཉིས་སྣང་དེ་ལྟ་བུས། དཔེར་ན་མྱུར་འགྲོའི་འཁོར་ལོ་བཞིན་། རྒྱུན་ཆད་འཁོར་བར་ཡུན་རིང་གནས། ཞེས་སོགས་རྒྱ་ཆེར་གསུངས་སོ། འོ་ན་ཐོག་མེད་དུས་ནས་འཁོར་བའི་འདམ་དུ་ཚུད་

[Full Size]

ཕྱིན་ཆད། ད་འཁྲུལ་པ་ལྡོག་ཅིང་ཐར་པའི་ལམ་མེད་པ་ཡིན་ནོ་ཞེ་ན། དེ་ནི་མ་ཡིན་ཏེ། དེ་ལྟ་བུའི་མ་དག་འཁོར་བའི་ཆོས་ཐམས་ཅད་ཀྱང་དོན་དམ་པར་ནི་ཆོས་ཉིད་སྟོང་པའི་དབྱིངས་ལས་ལ་གཡོས་ཤིང་། ཀུན་རྫོབ་ཙམ་དུ་མེད་བཞིན་སྣང་བའི་རོལ་པ་རྨི་ལམ་ལྟ་བུའི་སྟོང་པའི་ངང་ལས་གསལ་སྣང་གི་ཆོ་འཕྲུལ་ནམ་མཁའ་ལ་ སྤྲིན་ བྱུང་གནས་ཐིམ་གསུམ་གྱི་ཚུལ་ལྟ་བུ་ཉིད་ལས་ཡང་དག་པའི་བདེན་པའི་དངོས་པོར་མ་གྲུབ་ཕྱིར། རང་གི་དེ་ཉིད་རིག་ཅིང་རྟོགས་ན་གྲོལ་བ་ལ་ཚེགས་མེད་པ་དང་། ཁྱད་པར་དུ་སྔར་བཤད་པའི་སེམས་ཅན་ཀུན་གྱི་རྒྱུད་ལ་གདོད་མའི་གནས་ལུགས་དོན་དམ་པའི་ཀ་དག་གི་ཡེ་ཤེས་ཆེན་པོས་ཁྱབ་ཅིང་། །དེ་ལ་ནི་འཕོ་འགྱུར་བྲི་གང་མེད་པས་གང་གིས་རྟོགས་ཤིང་མངོན་དུ་གྱུར་པ་དེ་གདོད་མའི་ཀུན་

[Full Size]

ཏུ་བཟང་པོ་ཉིད་དང་ཁྱད་པར་རྡུལ་ཙམ་མེད་པར་འགྱུར་བ་སྟེ། དེ་ལྟར་ཡང་མུ་ཏིག་ཕྲེང་བ་ལས། དེ་ལྟར་སྣང་བ་སྣ་ཚོགས་རྣམས། །ཐག་པ་ལ་ནི་སྦྲུལ་མཐོང་བཞིན། །དེ་མ་ཡིན་ལ་དེར་བཟུང་བས། །ཕྱི་ནང་སྣོད་བཅུད་གཉིས་སུ་ཆགས། །དེ་ཡང་བརྟགས་ན་ཐག་པ་ཉིད། །སྣོད་བཅུད་ཡེ་ནས་སྟོང་པ་སྟེ། །དོན་དམ་ཀུན་རྫོབ་གཟུགས་ཅན་ནོ། །ཞེས་དང་། བདེན་པ་གཉིས་ཀྱི་རང་བཞིན་ནི། །ཏིང་འཛིན་ཀུན་རྫོབ་ཙམ་དུ་སྟེ། །ཡང་དག་ཉིད་ལ་འབྲེལ་བ་མེད། །སྟོང་པ་ཉིད་ཀྱང་དབྱིངས་ལ་ནི། །དེ་ཡི་ངོ་བོར་ཐམས་ཅད་གྲོལ། །ཞེས་དང་། ཀློང་གསལ་ལས་བདེར་གཤེགས་ངོ་བོ་འགྲོ་ཀུན་ལ། །ཏིལ་ལ་མར་གྱིས་ཁྱབ་བཞིན་གནས། །མ་རིག་གྲོལ་ཚེ་འབྱུང་བའི་ལུས།

[Full Size]

ལྷག་མེད་ཡེ་ཤེས་ངང་དུ་བཟློག །ཅེས་སོགས་གསུངས་པས། གདམས་པ་ཉམས་ལེན་གྱི་གནད་དང་ལྡན་ན་གྲོལ་བའི་སྐལ་པ་ཅན་དུ་གྱུར་པའོ། །དེ་ལྟ་བུས་འཁྲུལ་གྲོལ་གཉིས་ཀྱི་གཞིའི་གནས་ལུགས་སྤྱིར་བསྟན་ནས། ད་ནི་ལམ་ཁྲེགས་ཆོད་ཐོད་རྒལ་གཉིས་ཀྱི་རང་བཞིན་བྱེ་བྲག་ཏུ་འཆད་པ་ལ་གཉིས་ཏེ། སེམས་རིག་དབྱེ་བའི་སྒོ་ནས་ཁྲེགས་ཆོད་ཀྱི་དོན་བསྟན་པ་དང་། གནས་ལམ་སྒོ་ཡུལ་ཐབས་གནས་སོགས་ཀྱི་སྒོ་ནས་ཐོད་རྒལ་གྱི་དོན་བཤད་པ་གཉིས་ཀྱི་དང་པོ་ནི། དེ་ཡང་སྔར་བཤད་པའི་བདེར་གཤེགས་སྙིང་པོའི་གནས་ལུགས་དོན་གྱི་ཡེ་ཤེས་དེ་སེམས་ཅན་གྱི་ཁམས་ལ་ཁྱབ་ཚུལ་དང་། དེ་ཉིད་ལམ་གྱི་དངོས་གཞིར་ཉམས་སུ་བླངས་པས་འབྲས་བུ་སྐུ་དང་ཡེ་ཤེས་འགྲུབ་ཚུལ་སོགས་ནི་ཆོས་ཐམས་ཅད་དགོངས་པ་གཅིག་ནའང་།

[Full Size]

སེམས་དང་རིག་པ་སོ་སོར་ཕྱེས་ཏེ་ཉམས་ལེན་གྱི་སྙིང་པོ་རིག་པའི་ཡེ་ཤེས་ཁོ་ན་ལ་དམིགས་བསལ་དུ་བྱ་བ་ནི་རྫོགས་པ་ཆེན་པོའི་དགོངས་དོན་ཐུན་མོང་མ་ཡིན་པ་ཉིད་དེ། དེ་ཡང་དང་པོར་གཞིའི་སྐབས་སུའང་ཀ་དག་དང་ཀུན་གཞི་ཐ་དད་པའི་ཚུལ་སྔར་བཤད་པ་བཞིན་ཏེ། ཀ་དག་ནི་ཆོས་སྐུའི་ངོ་བོ་སྟེ། འཁོར་བའི་ཆ་ནས་དྲི་མ་མཐའ་དག་གིས་མ་གོས་པའི་ཕྱིར་དང་། ཡེ་ཤེས་གསུམ་གྱི་འབྱུང་གནས་སམ་མཚན་ཉིད་ཅན་དུ་གྱུར་པ་དང་། མྱ་ངན་ལས་འདས་པའི་ཆོས་ཐམས་ཅད་ཀྱི་རྩ་བ་ཡིན་པ་དང་། མཚན་མའི་སྤྲོས་པ་ཀུན་དང་བྲལ་ཞིང་འདུས་མ་བྱས་པའི་རང་བཞིན་ཡིན་པ་དང་། ལྟ་སྒོམ་སྤྱོད་པ་ལ་སོགས་ལམ་གྱི་ཆོས་ཐམས་ཅད་ཀྱི་དངོས་གཞིར་གྱུར་པ་དང་། སྟོབས་དང་མི་འཇིགས་མ་འདྲེས་པའི་ཆོས་སོགས་

[Full Size]

སངས་རྒྱས་ཀྱི་ཆེ་བ་ཡོན་ཏན་མ་ལུས་པའི་རྒྱུ་འབྲས་གྲུང་པོ་ཡིན་པ་སོགས་ཁྱད་ཆོས་དུ་མ་དང་ལྡན་ལ། ཀུན་གཞི་ནི་འཁོར་བའི་བག་ཆགས་ཀུན་གྱི་གཞི་རྟེན་ཡིན་པ་དང་། ལུང་མ་བསྟན་གྱི་མ་རིག་པའི་རང་བཞིན་དུ་གནས་པའི་ཕྱིར་དང་། ལས་དང་བག་ཆགས་རྟོག་ཚོགས་ཉོན་མོངས་ཀུན་གྱི་རྒྱུ་རྐྱེན་བྱེད་པ་དང་། ལུས་སྣང་སེམས་གསུམ་སོགས་འདུས་བྱས་ཀྱི་ཆོས་རྣམས་བསྐྱེད་ཅིང་སྨིན་པས་འཁོར་བའི་ཕྱི་མོ་བྱེད་པ་སོགས་སྐྱོན་གྱི་ཆ་དུ་མ་ཅན་ཡིན་ལ། ཀུན་གཞི་ཉིད་ལའང་དབྱེ་ན་ལྷན་ཅིག་སྐྱེས་པའི་མ་རིག་པའི་ངོ་བོ་ལ་ཡེ་དོན་གྱི་ཀུན་གཞིར་གྲགས་པ་དང་། འཁོར་འདས་ཀྱི་ལས་སོ་སོའི་འཕེན་སྡུད་བྱེད་པ་པོ་ལ་སྦྱོར་བ་དོན་གྱི་ཀུན་གཞི་ཞེས་བྱ་བ་དང་། སེམས་དང་སེམས་བྱུང་གི་རྟེན་འབྲེལ་ལུགས་འབྱུང་དུ་བྱེད་པའི་རྩ་བ་བག་ཆགས་སྣ་ཚོགས་པའི་ཀུན་གཞི་ཞེས་བྱ་བ་དང་། ཁམས་གསུམ་སོ་སོའི་ལུས་རག་པ་དང་ འདོད་ཁམས་པ་

[Full Size]

འོད་གཟུགས་ཁམས་དང་ཏིང་འཛིན་གཟུགས་མེད་ལྟར་སྣང་བའི་ལུས་སོགས་ཀྱི་གཞི་རྟེན་དུ་གྱུར་པ་བག་ཆགས་ལུས་ཀྱི་ཀུན་གཞི་སྟེ། དེ་ལྟར་ངོ་བོའི་རྩ་བ། གཅིག་ལ་བྱེད་ལས་ཀྱིས་ཕྱེ་བའི་ཀུན་གཞི་རྣམ་པ་བཞི་པོ་དེ་ཐམས་ཅད་ནི་དག་བྱ་དྲི་བཅས་ཀྱི་རང་བཞིན་འབའ་ཞིག་ཡིན་ཚེ། དེས་ན་ཐོག་མའི་གྲོལ་གཞི་དང་མཐར་ཐུག་གི་གྲོལ་ས་དངོས་ནི་ཀ་དག་ཉིད་ཡིན་གྱི། ཀུན་གཞི་མ་ཡིན་པར་གསུངས་ཏེ། ཀུན་བཟང་ཐུགས་ཀྱི་མེ་ལོང་གི་རྒྱུད་ལས། ཀུན་གཞི་ཆོས་སྐུར་འདོད་པ་ང་ལས་གོལ་བ་ཡིན། ཞེས་སོགས་དང་། མུ་ཏིག་ཕྲེང་བ་ སེང་ཐལ་ལུགས་ ལས་ཀྱང་། །ཆོས་ཀྱི་སྐུ་ནི་ཟག་པ་ཟད། །སྟོང་ཞིང་གསལ་ལ་གསལ་ཞིང་ཁྱབ། །བསམ་པས་མ་བསླད་དྲན་པ་དང་། སྤྲོས་

[Full Size]

པ་ཉིད་དང་བྲལ་བ་སྟེ། །ནམ་མཁའ་ལྟ་བུར་ཁྱབ་ཅིང་སྟོང་། །རང་གར་མཚོན་པ་ཀུན་དང་བྲལ། ཞེས་སོགས་གསུངས་ཤིང་། །རིག་པ་རང་ཤར་གྱི་རྒྱུད་ལས། །ཀུན་གཞི་རྣམ་རྟོག་འཛིན་པ་ལས། །སྣ་ཚོགས་པ་ཡི་ཤེས་པས་བསླད། །ཀུན་གཞི་མ་རིག་དངོས་པོ་ཡིན། ཞེས་སོགས་གསུང་ཕྱིར། ཀ་དག་ཆོས་སྐུ་དྲི་བྲལ་དང་ཀུན་གཞི་མ་རིག་དྲི་བཅས། །གཉིས་ཀྱི་དབྱེ་བ་ཤེས་དགོས་ལ། དེ་དག་གོང་དུ་ཀ་དག་དང་ལྷུན་གྲུབ་གཉིས་ཀྱིས་དབྱེ་བའི་ཚུལ་བརྗོད་པ་དེས་ཀྱང་གོ་བར་འགྱུར་རོ། དེ་བཞིན་དུ་སེམས་དང་རིག་པ་གཉིས་ཀྱི་ཁྱད་པར་ཡང་། སེམས་ཞེས་བྱ་བ་ནི་གློ་བུར་གྱི་དྲི་མ་ཡིན་ཏེ་རྣམ་རྟོག་ཅེས་ཀྱང་བྱ་ལ། རིག་པའི་ཡེ་ཤེས་ནི་སྔར་བཤད་པའི་གདོད་མའི་གནས་ལུགས་སམ་ཐོག་མ་མེད་

[Full Size]

པའི་ཆོས་ཁམས་དགེ་བ་དེ་བཞིན་གཤེགས་པའི་སྙིང་པོ་དེ་ཡིན་པའི་ཕྱིར། དེ་གཉིས་གཅིག་པའི་ཡུལ་མེད་པ་དང་། གཞན་ཡང་སེམས་ནི་དག་བྱ་ཡིན་ལ། རིག་པའི་ཡེ་ཤེས་ནི་རྟོགས་བྱ་ཡིན་པ་དང་། སེམས་ནི། རྫོབ་ཆོས་ཅན་དང་། རིག་པ་ནི་དོན་དམ་ཆོས་ཉིད་ཡིན་པ་དང་། སེམས་ནི་འགྲོ་དྲུག་སོ་སོའི་གཟུང་འཛིན་གྱི་དྲན་བསམ་རང་རྒྱུད་པར་འཆར་བའི་ཤེས་པ་རང་ག་མ་དེ་ཡིན་ལ། རིག་པ་ནི་ཡེ་ཤེས་རང་གསལ་སྐུ་གསུམ་དབྱེར་མེད་སྟོང་གསལ་ཟུང་འཇུག་གི་ངོ་བོ་ཡིན་པ་དང་། སེམས་ཀྱི་ངོ་བོ་ཀུན་གཞི་རྣམ་ཤེས་དང་། དེ་ལས་མཆེད་པ་གཟུང་བའི་རྟོག་པ་ཡིད་ཀྱི་རྣམ་ཤེས་དང་། ཆགས་སྡང་བར་མ་གསུམ་གྱི་འཛིན་པའི་ཤེས་པ་ཉོན་མོངས་པ་ཅན་གྱི་

[Full Size]

ཡིད་དང་གཟུང་འཛིན་གྱི་རྟོག་པ་རགས་པོ་དེ་སོ་སོའི་ཡུལ་ལ་སྤྱོད་པ་སྒོ་ལྔའི་རྣམ་ཤེས་དང་། དེ་དག་ལས་ཉོན་མོངས་པ་དུག་ལྔ་དང་། དེ་ལས་ཀྱང་ཉེ་བའི་ཉོན་མོངས་པ་ཉི་ཤུ་དེ་དག་ལས་ཉོན་མོངས་པ་སྟོང་ཕྲག་དྲུག་ཅུ་སོགས་སུ་མཆེད་པས་ཁམས་གསུམ་འཁོར་བར་འཁྲུལ་ཞིང་འཁྱམས་པའི་རྒྱུ་དང་རྩ་བ་ནི་སེམས་ཁོ་ན་ཡིན། རིག་པའི་ཡེ་ཤེས་ཀྱི་རྩ་བ་ནི་གཞི་གནས་ལུགས་ཀྱི་ཡེ་ཤེས། ངོ་བོ་རང་བཞིན། ཐུགས་རྗེ་གསུམ་པོ་སྐུ་གསུམ་གྱི་དབྱིངས་ཉིད་དང་། མཚན་ཉིད་འཛིན་པའི་ཡེ་ཤེས་ཆོས་དབྱིངས། མེ་ལོང་། མཉམ་ཉིད། སོར་རྟོག །བྱ་གྲུབ་ཡེ་ཤེས་ལྔའི་རང་བཞིན་དང་། །ཡུལ་ལ་ཁྱབ་པའི་ཡེ་ཤེས་ནི། །གནས་ལུགས་ཇི་ལྟ་བ་མཁྱེན་པ་དང་། ཤེས་བྱ་ཇི་སྙེད་པ་མཁྱེན་པའི་ཡེ་ཤེས་གཉིས་

[Full Size]

དང་ལྡན་པ་སོགས་མདོར་ན་ཡང་དག་པའི་དོན་མངོན་གྱུར་གྱི་སངས་རྒྱས་འགྲུབ་པའི་རྒྱུའམ་རྩ་བ་དངོས་ནི་རིག་པ་ཉིད་ཡིན་པ་སྟེ། དེས་ན་སེམས་དང་རིག་པའི་ཁྱད་པར་མཐའ་ཡས་ཤིང་། ཚུལ་དེ་དག་ངེས་དོན་ཟབ་མོའི་རྒྱུད་སྡེ་རྣམས་ལས་འབྱུང་སྟེ། མུ་ཏིག་ཕྲེང་བར། སེམས་དང་ཡེ་ཤེས་དབྱེ་བ་ནི། །མཁས་པ་རྣམས་ཀྱིས་ཤེས་པར་བྱ། ཞེས་དང་། སེམས་ནི་བག་ཆགས་ཀུན་གྱི་གཞི། །ལུས་ཅན་རྣམས་ཀྱི་དྲི་མ་ཡིན། །གཟུང་བ་ཡུལ་ལ་འཛིན་པ་སེམས། །དེ་ཕྱིར་འཁོར་བའི་ཆོས་ཉིད་དོ། །སེམས་དེ་བྲལ་ན་སངས་རྒྱས་པ། །ལུས་ཅན་ཀུན་གྱི་དྲི་མ་དག །ཤེས་ཤིང་རིག་ལ་གསལ་བྱེད་སྣང་། །རྣམ་པར་རྟོག་པ་ཀུན་བསྲེགས་ཏེ། །སྟོང་གསལ་རིག་བཅས་ཉིད་ཡིན་ནོ།

[Full Size]

ཞེས་སོགས་དང་། ཀུན་བཟང་ཀློང་དྲུག་པ་ལས། ཀྱེ་སེམས་དཔའ་ཆེན་པོ། སེམས་དང་ཡེ་ཤེས་རང་གི་ངོ་བོ་མ་ཕྱེད་ན་ཉི་མ་སྤྲིན་ཕུང་གིས་བསྒྲིབས་པ་དང་འདྲ་སྟེ་ཕྱིར་སྣང་བའི་དོན་བྱེད་མི་ནུས་སོ། །དེའི་ཕྱིར་ན་སེམས་ལ་མཁས་པའི་རྣལ་འབྱོར་པ་རྣམས་ཀྱིས་ཕྱི་རོལ་གྱི་ཡུལ་ལ་བདག་མེད་དུ་རྟོགས་སོ། ཡེ་ཤེས་ལ་མཁས་པའི་རྣལ་འབྱོར་པ་རྣམས་ཀྱིས་རིག་པ་ཉིད་ཀྱི་ཡེ་ཤེས་ལ་དབང་བསྒྱུར་བའོ། ཞེས་པ་ལ་སོགས་དཔག་ཏུ་མེད་པར་གསུངས་ཤིང་། མདོར་ན་རྫོགས་ཆེན་དུ་མ་ཟད་མདོ་སྡེ་དང་བསྟན་བཅོས་དག་ལས་ཀྱང་མགྲིན་གཅིག་ཏུ་གསུངས་ནའང་དགོངས་པ་ལེན་ཕྱོགས་ཀྱི་དབང་གིས་མ་གོ་བའི་རིགས་ཀྱང་མང་མོད་ལ། དེས་ན་འདའ་ཀ་ཡེ་ཤེས་ཀྱི་མདོར། སེམས་རྟོགས་ན་སངས་རྒྱས་ཡིན་པས་སངས་རྒྱས།

[Full Size]

གཞན་ནས་མི་འཚོལ་བའི་འདུ་ཤེས་པར་བྱའོ། །ཞེས་གསུངས་པའི་དོན་ཡང་སེམས་རྟོགས་པ་ནི་ཡེ་ཤེས་ཡིན་ཕྱིར་འདི་སྐབས་དང་དགོངས་པ་མཐུན་པ་ཉིད་དོ། མདོར་བསྡུ་ན། ཉམས་སུ་ལེན་རྒྱུའི་སྙིང་པོ་ནི་རིག་པའི་ཡེ་ཤེས་ཡིན་ལ། སེམས་ནི་དེའི་གདངས་པའམ་རྩལ་ཡིན་པའི་ཕྱིར་རིག་པ་ངོས་ཟིན་ན་སེམས་ལ་འཁྲུལ་དབང་མེད་དེ། དཔེར་ན་རྒྱལ་པོ་བཙོན་དུ་ཟིན་ཚེ་འབངས་འཁོར་དབང་དུ་འདུ་བ་ལྟ་བུའོ། །དེ་ལྟར་ཉམས་སུ་ལེན་པ་ལ་ཐོག་མར་རྡོ་རྗེ་ཐེག་པའི་ལམ་གྱི་འཇུག་སྒོ་ནི་སྨིན་བྱེད་ཀྱི་དབང་དང་གྲོལ་བྱེད་ཀྱི་གདམས་པ་གཉིས་སུ་འདུས་ལ། དེ་ལུས་ཀྱང་ཐོག་མར་སྨིན་བྱེད་ཁོ་ན་དགོས་པ་དང་། དབང་དེ་ཉིད་ལ་ཕྱི་སྤྲོས་བཅས། བུམ་དབང་། ནང་སྤྲོས་མེད་ གསང་དབང་ གསང་

[Full Size]

བ་ ཤེས་རབ་ཡེ་ཤེས་ ཤིན་ཏུ་སྤྲོས་མེད། དེ་ཁོ་ན་ཉིད་ཚིག་དབང་རབ་ཏུ་སྤྲོས་མེད་ཀྱི་དབང་དང་བཅས་པ་རྣམས་ཡོངས་སུ་རྫོགས་པར་ཐོབ་དགོས་ལ། དབང་དེ་ལྟ་བུ་དག་ཐོབ་མ་ཐོབ་ཀྱི་ས་མཚམས་ནི་རྒྱུད་སྨིན་ནུས་མི་ནུས་དབང་དོན་སེམས་ལ་འཕྲོད་མ་འཕྲོད་ལ་བྱེད་དགོས་ནའང་། ཚིག་དབང་ དེ་ལྟ་བུའི་དབང་དེ་དག་ཐོབ་ཚུལ་ལམ་དབང་དོན་ངོ་སྤྲོད་ཚུལ་དེ་ཅི་འདྲ་ཞིག་དགོས་ཞེ་ན། བུམ་དབང་ཐོབ་ན་སྣོད་བཅུད་འབྱུང་ལྔ་ཕུང་ཁམས་སྐྱེ་མཆེད་སོགས་གཟོད་མ་ནས་ལྷའི་དཀྱིལ་འཁོར་དུ་ལྷུན་གྱིས་གྲུབ་པའི་ཡིན་ལུགས་གོ་དགོས། དེ་ལྟར་མ་ཤེས་པར་སྣོད་བཅུད་ཐ་མལ་ཨ་འཐས་སུ་འཛིན་ན་བུམ་དབང་མ་ཐོབ། དེས་མཚུངས་པར་རང་བཞིན་གྱི་སྒྲ་སྐད་དང་དབུགས་འབྱིན་འཇུག་ཐམས་ཅད་སྔགས་སུ་མ་ཤེས་ན་གསང་དབང་ཐོབ་མ་ཐོབ་དང་། ཡིད་ཀྱི་འབྱུང་

[Full Size]

ཚོར་དང་རྟོག་ཚོགས་ཐམས་ཅད་ལྷན་སྐྱེས་ཡེ་ཤེས་སུ་ཤེས་མ་ཤེས་ལ་དབང་གསུམ་པ་ཐོབ་མ་ཐོབ་དང་དེ་དག་ཐམས་ཅད་རང་རིག་ཆོས་སྐུའི་ངོ་བོར་ཐག་ཆོད་མ་ཆོད་ལ་དབང་བཞི་པ་ཐོབ་ལ་ཐོབ་ཀྱི་མཚམས་ཡིན་པས། དེས་དབང་བཞི་ཞུས་ཕྱིན་ཆད་དབང་དོན་འདི་དག་རབ་ལ་རྟོགས་པ། འབྲིང་ལ་མྱོང་བ། ཐ་མ་ལ་གོ་བ་རྒྱུད་ལ་སྐྱེ་དགོས་ཀྱི་བདག་གིས་ཆོས་བཀའ་དེ་དང་དེའི་དབང་ཞུས་ཐོབ་བོ། ཞུས་སོ་སྙམ་པ་གཅིག་པུས་ཆོག་པ་མིན་ནོ། །དེང་སང་ནི་ཆོ་གའི་དབང་བསྐུར་ཙམ་ཞིག་ཞུས་མ་ཞུས་ཐ་སྙད་དུ་བྱེད་པ་མ་གཏོགས་དབང་དོན་རྒྱུད་ལ་འཕྲོད་མ་འཕྲོད་དམ། སློབ་དཔོན་སློབ་མའི་མཚན་ཉིད། དབང་གི་ངོ་བོ་དང་། དབང་བཞི་པོ་ཐ་དད་ལ་དཀྱིལ་འཁོར། དབང་རྫས། ཇི་ལྟར་བསྐུར་ཐབས་

[Full Size]

སོགས་ཀྱི་ཞིབ་ཆ་ནི་དབང་ཆོག་སོ་སོ་ལ་འབྱུང་མོད་ཅིང་སོ་སོའི་དམ་ཚིག་ཀྱང་བཟའ་བའི་དམ་ཚིག །བཅའ་བའི་དམ་ཚིག །བསྲུང་བའི་དམ་ཚིག །མི་འབྲལ་བའི་དམ་ཚིག་སོགས་གསང་སྔགས་གསར་རྙིང་ཐམས་ཅད་ནས་རྒྱས་པར་འབྱུང་བ་ལྟར་ལག་ཏུ་ཁེལ་དགོས་པ་ཉིད་དོ། །དམ་ཚིག་གི་བསྲུང་མཚམས་སོགས་ནི་ཡིད་ཀྱི་ཕུག་ལའང་མེད་པ་ཤ་སྟག་ཡིན་ཕྱིར་དབང་ཐོབ་པ་དེ་མཚན་ཉིད་ཚུལ་མཐུན་མི་འབྱུང་ལ། དེ་མ་ཡིན་ཚེ་གདམས་པ་འཆད་ཉན་དང་ཉམས་སུ་ལེན་ལོ་ཙམ་བྱེད་པ་འདི་དག་གིས་ཀྱང་རང་རྒྱུད་གྲོལ་མ་ནུས་པར་མངོན་སུམ་དུ་གསལ་བ་འདི་དག་ཉིད་ལས་མ་འདས་ཀྱི། གང་ཞིག་དེ་དག་ཚུལ་ལྡན་དུ་བྱེད་པ་དག་གིས་དབང་དུ་བགྱིད་ན། དབང་ཐོབ་དམ་ལྡན་གྱི་སློབ་མ་དེ་ཉིད་གྲོལ་བྱེད་ཀྱི་ཐོག་

[Full Size]

མར་ཐུན་མོང་དང་ཁྱད་པར་གྱི་སྔོན་འགྲོ་མཐའ་དག་རེ་རེ་ནས་རྟགས་དང་ངེས་པ་རྙེད་པ་མ་བྱུང་གི་བར་དུ་ནན་ཏན་ཆེན་པོས་འབད་ནུས་ན། དངོས་གཞི་རང་བྱུང་ཡེ་ཤེས་ཀྱི་དོན་རྒྱུད་ལ་མི་སྐྱེ་བའི་ཐབས་མེད་པ་དང་། དེ་ཉིད་ཀྱི་དོན་དངོས་ལ། རྣམ་གྲངས་མང་ཡང་འདིར་ནི་ཁྲེགས་ཆོད་ཐོད་བརྒལ་གཉིས་སུ་འདུས་པའི་དང་པོར་ཁྲེགས་ཆོད་ལའང་ལྟ་བ་གནས་ལུགས་ཀྱི་དོན་ཡིན་ལུགས་རང་ངོ་ཤེས་ཤིང་ཐེ་ཚོམ་གྱི་སྒྲོ་འདོགས་གཅོད་པའི་ཕྱིར། དང་པོར་རྟོག་པ་རྩད་གཅོད་པ་བར་དུ་སེམས་ཀྱི་མཚངས་བཙལ་བ། མཐར་བྱུང་གནས་འགྲོ་གསུམ་ལ་བརྟགས་པ་སོགས་ཁྲིད་རིམ་སོ་སོའི་དཀྱུས་ནས་སྣང་བ་ལྟར་ལ། བླ་མས་མན་ངག་གིས་མཚམས་སྦྱར་ཏེ། སློབ་མའི་བློ་རིགས་ལ་རྗེས་སུ་དཔག་ནས། རྒྱས་བསྡུས་ཅི་རིགས་

[Full Size]

པར་བསྟན་པར་བྱ་ཞིང་།། ༈ །།ལྟ་བ་དངོས་ནི་འཇིག་རྟེན་ཐ་མལ་པའི་འགྲོ་བ་གྲུབ་མཐའ་ལ་མ་ཞུགས་པ་རྣམས་ནི་ཨ་འཐས་སུ་གཟུང་འཛིན་ཆགས་སྡང་རྨོངས་གསུམ་ལས་མ་འདས་པས་ལྟ་བ་མ་རྟོགས་པ་དང་། ཕྱི་པ་མུ་སྟེགས་པ་ལ་ནི་རྟག་པ་ཐེར་ཟུག་པ་དང་། ཆད་པ་རྒྱང་འཕེན་པ་གཉིས་ལ་བརྟེན་ནས་འཇིག་ཚོགས་ཀྱི་ལྟ་བ་སུམ་བརྒྱ་དྲུག་ཅུ་ཐམས་ཅད་ལྟ་བ་ལོག་པར་རྟོག་པ་འབའ་ཞིག་དང་། ནང་པ་ལ་ཡང་ཉན་ཐོས་པས་སྡུག་བསྔལ། ཀུན་འབྱུང་། འགོག་པ། ལམ་སྟེ་བདེན་པ་བཞི་དང་། རང་རྒྱལ་བས་རྟེན་འབྲེལ་འབྱུང་ལྡོག་གཉིས་དང་། བྱང་སེམས་པས་སྣང་བ་ཀུན་རྫོབ་སྟོང་པ་དོན་དམ་དུ་འདོད་ཅིང་། ཉམས་ལེན་སྨོན་འཇུག་ལ་བྱེད་པ་སྟེ། དེ་ལྟར་ཕར་ཕྱིན་ཐེག་པ་པས་བདག་མེད་ཀྱི་ལྟ་བ་ཕྱོགས་ཙམ་རྟོགས་པ་དང་

[Full Size]

ཀྲི་ཡ་པས་ཀུན་རྫོབ་རིགས་གསུམ་གྱི་ལྷ། དོན་དམ་དག་པ་མཐའ་བཞི་དང་བྲལ་བར་འདོད་པ་དང་། ཨུ་པ་དང་ཡོ་ག་པས་རིགས་བརྒྱ་སོགས་ཀྱི་ལྷར་སྣང་བ་ནི་ཀུན་རྫོབ། རང་བཞིན་སྟོང་པ་དོན་དམ་དང་། མ་ཧཱ་ཡོ་ག་པས་སྣང་གྲགས་ཞི་ཁྲོའི་དཀྱིལ་འཁོར་སོགས་ཀུན་རྫོབ་དང་། །སྐྱེ་འགག་གནས་གསུམ་དང་བྲལ་བ་དོན་དམ། དེ་གཉིས་མེད་བདེན་པ་དབྱེར་མེད་དང་། ཨ་ནུ་ཡོ་ག་པས་སེམས་ཉིད་སྤྲོས་བྲལ་ནི་དབྱིངས། དེ་ཀ་ཡུལ་མེད་དུ་གསལ་བ་ཡེ་ཤེས། གཉིས་མེད་བདེ་བ་ཆེན་པོར་འདོད་པ་སོགས་མདོར་ན་སྔགས་ཀྱི་ཐེག་པ་དྲུག་གམ་ལྔའི་ལྟ་བ་ཐམས་ཅད་ཀྱང་། བློས་བྱས་ཀྱི་མཐའ་ལ་རེག་པས་ན། ཡང་དག་པའི་ལྟ་བ་དངོས་ལ་རྟོགས་པ་རུ་འདིར་གསུངས་ལ། འདི་སྐབས་ཀྱི་ལྟ་བ་དངོས་དེ་གང་

[Full Size]

ཡིན་ན། རང་རིག་ཀ་དག་འདུས་མ་བྱས་པའི་ཡེ་ཤེས། བསམ་བྲལ་གདོད་མའི་གནས་ལུགས། རང་བྱུང་ཐིག་ལེ་ཉག་གཅིག །ཡེ་གྲོལ་ཀློང་ཡངས་ཆེན་པོ་སྟེ། དེ་ཡང་སྟོང་པ་ཉིད་ཀྱི་རང་བཞིན་དུ་ཡེ་ནས་ལྷུན་གྱིས་གྲུབ་པས་སྐྱེ་བ་མེད་ཅིང་། གསལ་མདངས་འགག་པ་མེད་པས་འཁོར་འདས་ཀྱི་ཆོས་ཐམས་ཅད་ཀྱི་འཆར་གཞིར་རུང་ཡང་ངོ་བོ་ལ་གང་གིས་ཀྱང་གོས་པ་མེད་པས་ཅིར་སྣང་སྟོང་པ་ཉིད་ལས་མ་འདས་པ། དབྱིབས་དང་ཁ་དོག་བཟང་ངན་ཡོད་མེད་རྟག་ཆད་ཀྱི་མཚན་མའི་མཐའ་ལས་འདས་ཤིང་། མཐའ་ལས་འདས་སོ་སྙམ་པ་ལ་སོགས་པའི་ཡིད་བྱེད་ཀྱི་བློའི་ཞེན་འཛིན་གྱིས་བཅོས་སླད་བྱས་པ་ལ་ཡིན་པར་ཡེ་གདོད་མའི་ཡེ་ཤེས་བསམ་བརྗོད་བྲལ་བ་ཉིད་ནི་ལྟ་བའི་

[Full Size]

དོན་ཡིན་ལ། དེ་ཉིད་བླ་མས་བརྡ་ཐབས་མན་ངག་སྣ་ཚོགས་དང་ཁྱད་པར་བྱིན་རླབས་ཀྱི་འཇུག་པ་ཟབ་མོ་རྨད་དུ་བྱུང་བའི་མཐུས། ཐེ་ཚོམ་ཡིད་བྱེད་གཉིས་འཛིན་གྱི་སྒྲོག་ལས་གྲོལ་ནས་ཡིན་ལུགས་ཇི་བཞིན་དུ་རིག་ཅིང་རྟོགས་པ་དེ་ལ་ལྟ་བ་རྟོགས་པ་ཞེས་བྱ་སྟེ། དོན་དུ་རྟོགས་རྒྱུ་དང་རྟོགས་མཁན་ཐ་དད་གཅིག་གཞན་ནས་གསར་བྱུང་ལྟ་བུ་ནི་མ་ཡིན་ཏེ་རང་ལ་ཡོད་པའི་ཡེ་ཤེས་རང་ངོ་ཤེས་པ་ཁོ་ནའོ། དེ་ལྟ་བུའི་ཁྲེགས་ཆོད་གཞིའི་དོན་རྟོགས་པ་གཅིག་པུས་ཆོག་གམ་ཞེ་ན། གང་ཟག་དབང་པོ་ཡང་རབ་ཀྱི་སྐལ་ལྡན་འགའ་ལ་ནི་དེ་ལྟ་བུའི་དོན་རྟོགས་པ་དང་གྲོལ་བ་དུས་མཉམ་དུ་འགྱུར་བ་ཡོད་ནའང་། གཞན་ཕལ་པ་ལ་ནི་ངོ་ཤེས་པ་ཙམ་གྱིས་མི་ཆོག་སྟེ། གློ་བུར་གྱི་

[Full Size]

བག་ཆགས་དང་སྒྲིབ་བྱེད་མཐའ་དག་ཟད་ཅིང་དབྱིངས་སུ་ཐིམ་དགོས་པར་གསུངས་ཏེ། ཇི་སྐད་དུ། ལས་རྣམ་པར་དག་པའི་མདོ་ལས། བཅོམ་ལྡན་འདས་ལ་སྒྲིབ་པ་རྣམ་པར་སེལ་བས་གསོལ་བ། ལས་ཀྱི་རྣམ་པར་སྨིན་པའི་རང་བཞིན་ཇི་ལྟ་བུ་ལགས། བཀའ་སྩལ་པ། རང་བཞིན་ནི་ཆོས་ཉིད་ཡིན་ནོ། །གསོལ་བ། འོ་ན་ སེང་ཐལ་ སེམས་ཅན་ཐམས་ཅད་འབད་པ་མེད་པར་གྲོལ་བར་རིགས་སོ། །བཀའ་བསྩལ་བ། དེ་ནི་མི་རིགས་རེ་འོ་མ་མ། བསྲུབས་ཀྱི་བར་དུ་མར་མི་འབྱུང་བ་བཞིན་ནོ། །དངུལ་རྡོ་མ་བཞུས་ཀྱི་བར་དུ་དངུལ་མི་འབྱུང་བ་བཞིན་དུ་སེམས་ཅན་གྱིས་མ་བསྒོམས་མ་བསྒྲུབས་ཀྱི་བར་དུ་འཚང་མི་རྒྱའོ། །ཡང་གསོལ་བ། ཡེ་ནས་ཆོས་ཉིད་ལགས་ན་བསྒོམ་ཅི་འཚལ། བཀའ་

[Full Size]

སྩལ་པ། རྣམ་རྟོག་གློ་བུར་བ་ནམ་མཁར་སྤྲིན་བྱུང་བ་ལྟ་བུ་དེ་སེལ་དགོས་པས་བསྒོམ་མོ། །གསོལ་བ། རྣམ་རྟོག་གློ་བུར་བ་ལགས་ན་སངས་རྒྱས་ནས་ཀྱང་འབྱུང་བར་རིགས་སོ། བཀའ་སྩལ་པ། སངས་རྒྱས་ནས་ནི་རྟོག་པ་རྩད་ནས་ཆོད་པ་ཡིན་ཏེ་འབྲུམ་ནད་ལེགས་པར་བྱང་བ་དང་འདྲའོ། །ཞེས་གསུངས་ཤིང་། དེ་ཡང་གང་ཟག་ཐུན་མོང་བ་སྤྱི་ལ་ཐོག་མར་སེམས་མི་ གནས་པ་ གནས་པར་བྱེད་པ་ཉན་ཐོས་ཞི་བའི་ལྟ་སྟངས། གནས་པ་བརྟན་པར་བྱེད་པ་བྱང་ཆུབ་སེམས་དཔའི་ལྟ་སྟངས། བརྟན་པ་གྲོལ་བར་བྱེད་པ་ཁྲོ་བོའི་ལྟ་སྟངས་ལ་སོགས་པ་ལུས་གནད་དང་། རླུང་གི་ཁ་དོག །དབྱིབས། གྲངས། འགྲོ་འོང་། བུམ་པའི་སྦྱོར་བ་སོགས་ངག་གི་གནད་དང་། མཚན་མ་དང་བཅས་པ་དང་།

[Full Size]

མཚན་མ་མེད་པའི་ཞི་གནས་སོགས་སེམས་གྱི་གནད་རྣམས་ལ་བརྟེན་ནས་རྣམ་རྟོག་གི་འགྱུ་འཕྲོ་ཆམ་ལ་ཕབ་པའི་རིམ་པ་ལ་རྩེ་གཅིག་ཏུ་འབད་པས། དང་པོ་གཡོ་བའི་ཉམས་ཀྱིས་གནས་འགྱུའི་དབྱེ་བ་ཤེས་པ་དང་། གཉིས་པ་ཐོབ་པའི་ཉམས་ཀྱིས་སེམས་ཉིད་གནས་པར་ཤར། གསུམ་པ་གོམས་པའི་ཉམས་ཀྱིས་བསམ་གཏན་ལ་ངེས་ཤེས་རྙེད། བཞི་པ་བརྟན་པ་ཐོབ་པའི་ཉམས་ཀྱིས་གནས་ཆ་ལ་རང་དབང་ཐོབ་པ་རྣམས་འབྱུང་བ་སྟེ། འདི་དག་ལ་ཆོས་སྤྱི་དང་ཕྱག་ཆེན་སོགས་སུ་ནི་གནས་ཉམས་དང་པོ་རི་གཟར་འབབ་ཆུ། གཉིས་པ་ཆུ་བོ་དལ་འབབ། གསུམ་པ་རྒྱ་མཚོ་ལྟ་བུ་སོགས་གསུངས་པ་དང་མཐུན་ལ། རྫོགས་ཆེན་ཕལ་ཆེར་ལས་རྣལ་དུ་དབབ་པ་དང་། །སོར་གཞུག་པ་སོགས་ཀྱང་སྐབས་འདིར་གསུངས་ཤིང་། དོན་

[Full Size]

ལ་གང་ཟག་རིམ་གྱིས་པ་དང་། གཅིག་ཆར་བའམ་དབང་པོ་རབ་འབྲིང་ཐ་གསུམ་རེ་རེ་ལའང་གསུམ་གསུམ་དུ་ཕྱེ་བའི་བློ་རིམ་སོ་སོ་ལ་སྐབས་སུ་གང་བབས་ཀྱི་གདམས་པ་གདབ་ཚུལ་རྣམས་བླ་མ་ཉམས་མྱོང་ཅན་གྱིས་ཤེས་པར་བྱའོ། །དེ་ནས་ལྷག་མཐོང་དངོས་ལ་གནས་པ་སེམས་ཀྱི་རྒྱན་དུ་འཆར་བ། འཕྲོ་བ་སེམས་ཀྱི་རོལ་པར་ཤར་བ། གཉིས་མེད་མཉམ་པའི་ངང་དུ་ལ་བཟླ་བ་སོགས་དང་། །ཕྱི་སྣང་བ་ལ་བརྟགས་ཤིང་ངོ་སྤྲོད་པ། ནང་རིག་པ་ལ་བརྟགས་ཤིང་ངོ་སྤྲོད་པ། དེ་གཉིས་མེད་ལ་བརྟགས་ཤིང་ངོ་སྤྲོད་པ་སོགས་ཁྲིད་གཞུང་སོ་སོ་ནས་རྒྱ་ཆེར་འབྱུང་མོད་ཀྱི་འགག་དོན་ལ། ངོ་རང་ཐོག་ཏུ་སྤྲོས་པ། ཐག་གཅིག་ཐོག་ཏུ་བཅད་པ། གདིང་གྲོལ་ཐོག་ཏུ་བཅའ་བ་སྟེ་འདི་གསུམ་ལ་གནད་ཐམས་ཅད་འདུས་པ་

[Full Size]

ཉིད་དེ། དེ་ཡང་རང་གི་སེམས་ཉིད་དབྱིབས་དང་ཁ་དོག་མཚན་མའི་ཆོས་ལས་འདས་པའི་སྟོང་གསལ་རིག་པའི་སྙིང་པོ་ཅན་འདི་ག་རང་གསལ་ཧྲིག་གེ་རྗེན་ནེ། སལ་ལེ་བར་རིག་པ་དེ་ལ་སེམས་རང་བཞིན་གྱིས་རྣམ་པར་དག་པའི་གནས་ལུགས་ཇི་ལྟ་བར་ཤེས་པའི་ལྷག་མཐོང་ཞེས་བྱ་བར་ཆོས་སྤྱི་ནས་བཤད་ལ། རྫོགས་ཆེན་ཉིད་ལས་ནི་ཀུན་ཏུ་བཟང་པོ་ཡེ་ཤེས་ཟང་ཐལ་གྱི་དགོངས་པ་ཞེས་བྱ་སྟེ་ཡེ་གདོད་མའི་ཀ་དག་གི་གནས་ལུགས་ཇི་ལྟ་བར་ད་ལྟ་རང་ཐོག་ཏུ་ངོ་ཤེས་པ་དེ་ནས་ངོ་རང་ཐོག་ཏུ་འཕྲོད་པ་ཞེས་བྱ། དེ་ལྟ་བུའི་རིག་པ་རང་ངོ་འཕྲོད་ན་ཚོགས་དྲུག་གི་ཡུལ་ལ་གསལ་ལེར་འཕྲོའམ། རང་གསལ་གྱི་ངང་དུ་ལྷན་ནེར་གནས་སམ་བཟང་ངན་གྱི་རྟོག་པ་ཧྲམ་མེར་ཤར་རམ་ཇི་ལྟར་

[Full Size]

འདུག་ཀྱང་ཡུལ་གྱིས་མ་བསྒྱུར། འཛིན་པས་མ་བསླད། སྤང་གཉེན་མ་ཞུགས་པར་སལ་ལེ། སང་ངེ་བའི་རིག་པ་རྗེན་པ་དེ་ངོ་ཤེས་ཚེ་ཆོས་སྐུ་རང་བྱུང་གི་ཡེ་ཤེས་ལས་མ་འདས་པ་དེ་ལ་ཐག་གཅིག་ཐོག་ཏུ་ཆོད་པ་ཞེས་བྱ། དེ་ལྟར་ཐག་ཆོད་ངེས་པ་རྙེད་པ་དེའི་ཚེ་ཚོགས་དྲུག་གི་བྱེ་བྲག་ཏུ་གྱུར་པ་ཕྱི་ཡུལ་གྱི་སྣང་བའམ། འགྱུ་དྲན་གྱི་ཆ་ཤས་སུ་གྱུར་པ་ནང་སེས་དང་སེམས་བྱུང་རྣམ་རྟོག་ཏུ་བཏགས་པ་ཅིར་སྣང་ཅི་ཤར་ཐམས་ཅད་དང་པོར་ཡང་ཆོས་ཉིད་རྩལ་ལས་རང་བྱུང་ཞིང་། ད་ལྟའང་ཆོས་ཉིད་ཀྱི་རོལ་པར་རང་ཤར་ལ། མཐར་ཡང་ཆོས་ཉིད་ཀྱི་ངང་དུ་རང་ཐིམ་པ་ཉིད་ལས་གཞན་དུ་མ་ཡིན་ཏེ། ཐོག་མཐའ་བར་གསུམ་གང་དུའང་མ་བཅིངས་མ་གྲོལ་བར་རང་བཞིན་གྱི་མཚན་ཉིད་དུ་ཐག་ཆོད་པ་ལ་གདིང་གྲོལ་ཐོག་

[Full Size]

ཏུ་བཅའ་བ་ཞེས་བྱ་སྟེ། མདོར་ན་སེམས་ཉིད་ཀྱི་རང་ཚུལ་རང་བབས་ཁ་ཡན་དུ་གློད་ཅིང་གནས་འགྱུ་གཉིས་ལ་བཟང་ངན་འདོར་ལེན་དུ་མི་བྱ་བར་གང་སྣང་རང་རིག་རྗེན་པར་སྐྱོང་བ་འདི་ནི་ཁྲེགས་ཆོད་ཀྱི་སྙིང་པོ་ཉིད་དེ་འདིའི་གནད་ཤེས་ན་བསྒོམ་ལ་མི་ཡོང་བའི་ཐབས་མེད་ཅིང་། ཆེད་དུ་བསྒོམ་རྒྱུ་མེད་ཚེ་དཀའ་བས་འབད་རྩོལ་དང་གཟུང་འཛིན་གྱི་དྲན་པ་མི་དགོས་ལ། རིག་པས་ངོས་ཟིན་ཚེ་ཐ་མལ་ཡེངས་འཁྲུལ་དུ་འགྱུར་བའི་གནས་མེད་པར་སྒོམ་གྱི་རང་བཞིན་ཉིད་ལས་མ་གཡོས་པ་ཡིན་ཀྱང་། དེང་སང་གི་སྒོམ་ཆེན་པ་ཕལ་ཆེར་ནི་གནད་འདི་མ་གོ་མ་རྟོགས་པར་གཞི་གནས་སྟེང་པོ། ཁ་ལྟ་གོ་དྲེད་ཨ་འཐས་འཇུར་ཅན། རྣམ་རྟོག་རང་རྒོད། འགྱུ་བ་རྗེས་འབྲངས། བློས་བྱས་ཡིད་བྱེད་ལ་སོགས་ལ། སྐྱོན་འདི་དག་གི་ངོས་

[Full Size]

འཛིན་རྣམས་ཞིབ་པར་ཕྱག་ཆེན་ཟིན་བྲིས་སུ་བཤད་ཡོད་པས་དེར་བལྟ་བར་བྱོས་ཤིག །མཆན། བསྒོམ་དུ་རློམས་པ་ཁོ་ན་མང་ཚེ་འདི་ནས་བཤད་པའི་གནད་དོན་འདི་དག་ལ་བློ་ཁེལ་གྱི་ངེས་ཤེས་འདྲོངས་མཁན་ནི་ཤིན་ཏུ་དཀོན་པར་ཟད་དོ། །དེ་ཡང་ཁྱུང་ཆེན་མཁའ་ལྡིང་གི་རྒྱུད་ལས། མ་བསྒོམ་བཞག་པ་དེ་ཉིད་རང་རིག་པ། །སྒྲ་དང་བློ་བྲལ་ཀུན་གྱི་ཕ་རོལ་ཕྱིན། །དམིགས་བཅས་རང་སོ་ཉིད་དེ་བཅོས་ཅི་དགོས། །གནས་པས་འགགས་མ་བསྡུས་པར་རང་སར་དག །ཅེས་དང་། སྣང་མེད་སྟོང་དང་བྲལ་བའི་ཡེ་ཤེས་དེ། །མ་བཟུང་མ་བཏང་མ་བསླད་རང་པོ་ཉིད། །གང་གིས་མ་བསྒྱུར་རང་རིག་གྲོལ་བའི་གནད། །ལུས་དང་སེམས་དང་ཉོན་མོངས་རང་གི་ཆོས། །མི་ཤེས་བྱིས་པ་རྣམས་ཀྱིས་ཀྱང་སྣང་ཡང་། །མ་བཞག་

[Full Size]

མ་བཅོས་རྣལ་འབྱོར་རང་རིག་པ། །ཡེ་ནས་རང་གྲོལ་སུས་ཀྱང་དཀྲོལ་བ་མེད། །མ་བཅོས་རང་སར་བཞག་ལས་འབད་ཅི་དགོས། ཅེས་སོགས་ཀྱི་ལུང་བརྗོད་ལས་འདས་མོད་ཀྱང་རང་རིག་རྗེན་པ་ངོས་མ་ཟིན་ན་ནི་ཚིག་དང་ཡི་གེ་ལས་བྱུང་བའི་བཤད་ཚོགས་ལ་དགོས་པ་མི་ཡོང་ཞིང་ཚེ་གཅིག་གིས་བྱང་ཆུབ་ཐོབ་པ་ལ་མི་ཕན་ལ། བླ་མའི་བྱིན་རླབས་ཞུགས་ཤིང་སྒྲོ་འདོགས་སེམས་ལ་ཆོད་དེ་ཉམས་ལེན་རང་རྒྱུད་ལ་ཁེལ་བའི་གང་ཟག་རྣམས་ལ་ནི་ཞི་གནས་ལྷག་མཐོང་གི་རྣམ་དབྱེ་མི་དགོས་པར་རིག་ཐོག་ཏུ་ཟུང་འཇུག་ཤེས། མཉམ་གཞག་རྗེས་ཐོབ་ཀྱི་བཞག་ལེན་མེད་པར་སེམས་ལ་བསྒོམ་འབྲལ་བ་མེད། གནས་འགྱུ་ཐ་དད་ཀྱི་དགག་སྒྲུབ་མ་དགོས་པར་མཐའ་གྲོལ་ཀློང་ཡངས་ཀྱི་དགོངས་པར་ཕྱམ་གདལ།

[Full Size]

ཉམས་རྟོགས་སྐྱེ་འཕེལ་གྱི་ཞེ་འདོད་མི་དགོས་པར་རང་རིག་གནས་ལུགས་ཀྱི་རང་ས་ཟིན། འབྲས་བུ་ཐོབ་བྱ་ཐོབ་བྱེད་ཀྱི་རེ་ལྟོས་མི་བལྟ་བར་གདོད་མའི་སངས་རྒྱས་རང་གི་སེམས་ལས་རྙེད་པ་སྟེ། དེ་ལྟར་ཐེག་པའི་རྩེ་རྒྱལ་རྫོགས་པ་ཆེན་པོའི་ཁྲེགས་ཆོད་ཀྱི་གནད་དོན་ཐམས་ཅད་འདིར་འདུས་ཤིང་། དེ་ལ་ནི་ཤོར་བ་དང་གོལ་བའི་ཡུལ་མེད་པས་ཅིར་སྣང་ཆོས་ཉིད་ཀྱི་རོལ་པ་ཉིད་ལས་འདས་པ་མེད་དེ། དགའ་རབ་རྡོ་རྗེའི་ཞལ་ནས། །ཡིན་པར་གྲུབ་པ་མེད་པའི་རིག་པ་འདི། །རང་གདངས་འཆར་ཚུལ་ཅི་ཡང་མ་འགགས་པས། །སྣང་སྲིད་ཀུན་ཀྱང་ཆོས་སྐུའི་ཞིང་དུ་ཤར། །ཤར་བ་དེ་ཉིད་རང་གི་ཐོག་ཏུ་གྲོལ། ཞེས་གསུངས་པ་ལྟར་ལགས་ཤིང་འོན་ཀྱང་དབང་པོ་ཐ་མ་དག་ལ་རྫོགས་ཆེན་སེམས་སྡེ་

[Full Size]

པའི་ལུགས་ཀྱི་ཉམས་རིམ་བཞི་དང་། ཕྱག་རྒྱ་ཆེན་པོའི་རྣལ་འབྱོར་བཞི་པོ་སྦྱར་ཏེ་བརྗོད་ན། དེ་ཡང་ལས་དང་པོ་པས་མཉམ་པར་བཞག་དུས་ཤེས་པ་འཕྲོ་རྒོད་ངོས་ཟིན་པའི་གནས་ཆ་དང་པོ་གཡོ་བའི་ཉམས་འབབ་ཆུ་ལྟ་བུ་དེ་ནས་མགོ་བཟུང་སྟེ། མཐར་གནས་པ་གར་བཞག་སྡོད་པ་བརྟན་པའི་ཉམས་རྒྱ་མཚོ་ལྟ་བུའི་བར་དེ་ལ། ཕྱག་ཆེན་ལ་ལར་རྩེ་གཅིག་ཆུང་ངུར་བཞེད་ལ། དོན་ལ་ཞི་གནས་ཡིན་ཡང་དེ་ལས་ལྷག་མཐོང་གི་རིག་པ་རྗེན་པར་འཆར་བ་ནས་རྩེ་གཅིག་འབྲིང་དང་ཆེན་པོར་མྱུར་དུ་འགྱུར་ཞིང་། མཐར་ནི་གསལ་སྣང་ཟག་བཅས་ཀྱི་མངོན་ཤེས་སོགས་ཡོན་ཏན་ལྟར་སྣང་རྣམས་ཀྱང་སྐྱེ་བར་འགྱུར་བ་དང་། འདི་དག་གི་ཚེ་མཉམ་བཞག་གནད་དུ་སོང་ན་རྗེས་ཐོབ་ཀྱང་ཅིར་སྣང་བདེན།

[Full Size]

ཞེན་སྒྱུ་མ་ལྟར་འཆར་བར་འགྱུར་ལ། གནད་དུ་མ་སོང་ན་རྗེས་སྣང་ཨ་འཐས་འཆར་བ་སྟེ། མདོར་ན་རྩེ་གཅིག་གསུམ་པོའི་སྐབས་འདི་ཐམས་ཅད་ལ་རྫོགས་ཆེན་སེམས་ཕྱོགས་པས་ནི། དང་པོར་གནས་པའི་ཉམས་ཤེས་པ་ཡུལ་ཕྱིར་མི་འཕྲོ་བར་རྩེ་གཅིག་ཏུ་ཟིན་ཐུབ་པ་ཞེས་པའི་ཐ་སྙད་བརྗོད་ཅིང་། ཆུང་འབྲིང་ཆེ་གསུམ་གྱི་མིང་མི་འདོགས་པར་གོམས་པ་ཅུང་ཟད་དང་། ཆེར་གྱུར་པ་དང་། མངོན་དུ་གྱུར་པ་ཞེས་པའི་རིམ་པ་འདྲེན་ནོ།། ༈ །།དེ་ནས་སྔར་བཞིན་རྩེ་གཅིག་ཏུ་ཉམས་སུ་བླངས་ན། རང་གི་མོས་གུས་དང་བླ་མའི་བྱིན་རླབས་ཀྱི་མཐུ་ལས། རང་གི་སེམས་ཉིད་དངོས་པོ་གང་དུའང་མ་གྲུབ་ཕྱིར་བརྗོད་མི་ཤེས་ཀྱང་ཉམས་མྱོང་གི་ངེས་ཤེས་ཁྱད་པར་ཅན་སྐྱེས་ཏེ། འཁོར་བར་འཁྱམས་རྒྱུ་

[Full Size]

དང་འཚང་རྒྱ་རྒྱུ་གང་ཡང་མི་འདུག །སེམས་ཅན་ཐམས་ཅད་ཆོས་སྐུར་འདུག་པ་ལ་ངོ་མ་ཤེས་པ་རྣམས་སྙིང་རེ་རྗེ་སྙམས་པ་དང་གང་ཤར་སྟོང་པར་འཆར་བ་ལ་ཕྱག་ཆེན་པས་སྤྲོས་བྲལ་གྱི་སྣ་ཟིན་པར་བཞེད་ལ། འདི་དང་ཆ་འདྲ་བ་ནི། རྩེ་གཅིག་སྐབས་སུའང་འབྱུང་བ་སྲིད་ཀྱང་། དེ་ནི་གོ་བ་ཙམ་ཤས་ཆེ་ལ། འདིར་ནི་ཉམས་མྱོང་སྐྱེས་པ་ཡིན་པས་སྤྲོས་བྲལ་ཆུང་ངུ་སྟེ། འདི་ལ་དྲན་རིག་གིས་གསལ་མ་ཐེབ་ན་གཞི་གནས་སྟེངས་པོར་འགྲོ་དགོས་ཡོད་པར་ཕྱག་ཆེན་དུ་བཤད་ཅིང་། རྫོགས་ཆེན་དུ་ནི་ཉམས་ལེན་གྱི་དངོས་གཞི་རིག་པ་རང་ལ་བྱེད་ཚེ་དེར་འགྲོ་བའི་དགོས་པ་མེད་དོ། །དེ་ནས་སྔར་གྱི་གང་སྣང་ཅི་ཤར་ཐམས་ཅད་སྟོང་པར་འཆར་བ་ཉིད་སྟོབས་འཕེལ་བས། སྐྱེ་འཆི་བར་དོ་སོགས་རྣམ་རྟོག་མཐའ་

[Full Size]

དག་གིས་སྟོང་པ་ཞིག་འཆར་བ་ལ་སྤྲོས་བྲལ་འབྲིང་དང་། རྟོག་པ་ཤར་བ་ཚོར་ཡང་གྲོལ་རྒྱུ་ལོགས་སུ་མེད་པར་དྲན་པ་ཉིད་ཀྱི་ཐོག་ཏུ་འགྲོ་ཞིང་། བསྒོམས་པས་མྱོང་རྒྱུ་དང་མ་བསྒོམས་པས་ཡེངས་རྒྱུ་མེད་པ་དང་། དེ་ཉིད་གཉིད་ཀྱི་སྐབས་ཕལ་ཆེར་དུའང་སླེབ་ཐུབ་པའི་ཚེ་སྤྲོས་བྲལ་ཆེན་པོར་བཞེད་དེ། ལར་སྤྲོས་བྲལ་གྱི་སྐབས་འདིར་ཐམས་ཅད་སྟོང་ཆ་ཤས་ཆེ་བས་ན། བླ་མ་མཚན་ལྡན་གྱིས་མ་ཟིན་པའི་རིགས་རྣམས་ནི་རྒྱུ་འབྲས་ཁྱད་གསོད་ནག་པོ་ཁ་འབྱམས་སུ་ཤོར་དོགས་ཡོད་ལ། རྫོགས་ཆེན་དུ་འདི་ནི་སྐབས་ཐམས་ཅད་ལ། བྱིང་རྒོད་ལ་སོགས་པའི་སྐྱོན་གྱིས་མི་གནོད་པར་ཏིང་འཛིན་མི་གཡོ་བའི་ཉམས་ཞེས་མིང་དུ་བརྗོད་ལ། ཆེ་ཆུང་སོགས་མི་དབྱེ་ཡང་གོམས་པ་ཐོབ་

[Full Size]

མ་ཐོབ་ཀྱི་དབྱེ་ཚུལ་ནི་གོང་དང་མཚུངས་སོ། །དེ་ནས་ཡང་གེགས་སྐྱོན་དང་ཤོར་གོལ་སོགས་ཀྱི་དབང་དུ་མ་ཐལ་བར་ཉམས་སུ་བླངས་པས། སྣང་བ་སེམས་ལ་ཐིམ་པ་ཞེས་བྱ་བ། ཕྱི་གཟུང་བའི་ཡུལ་དང་ནང་འཛིན་པའི་སེམས་ཀྱི་ངོ་བོ་རང་སར་ཡལ་ཏེ། འདི་དུས་མངོན་ཤེས་ནི་ངེས་པར་འཆར་རོ། །སྟོང་ཉིད་ཚུལ་བཞིན་རྟོགས་པས་ཕྱི་ནང་གི་རྒྱུ་རྐྱེན་འབྲས་བུ་གསུམ་སོགས་མཐའ་དག་གི་རྟེན་འབྲེལ་ཐོགས་མེད་དུ་ཤར་བ་ལ་རོ་གཅིག་ཆུང་ངུ་ཟེར། དེ་ནས་ཀྱང་སེམས་ལ་རང་དབང་ཐོབ་སྟེ་སྣང་བ་ལ་རང་བྱན་ཚུད་པར་དྲན་པ་ཁོ་ནས་ཆོག་པ་ལས། ཀུན་གཞི་ལུང་མ་བསྟན་གྱི་མ་རིག་པའི་ཆ་ཤས་ཀྱིས་རེས་འགའ་འཁྲུལ་པར་ཡང་འཆར་ཞིང་། རྟེན་འབྲེལ་གྱི་ཤར་ཚུལ་ནི་སྔར་ལས་ཀྱང་གསལ་དུ་སོང་བའི་ཚེ་རོ་གཅིག་འབྲིང་

[Full Size]

པོར་བཞེད། དེ་ལའང་འདྲ་མིན་ཡོད་དེ། སྟོང་ཉིད་ལ་ལྟོས་མི་དགོས་པར་དྲན་པའི་སྤུ་རིས་རང་ཡལ་དུ་འགྲོ་ན་རོ་གཅིག་ཡིན་ལ། སྟོང་ཉིད་ཀྱི་ཉམས་ལ་ལྟོས་ན་སྤྲོས་བྲལ་ངང་དུ་གསུངས་ཤིང་། གང་ལྟར་འདི་སྐབས་ཀྱང་མཉམ་རྗེས་ཀྱི་རྣམ་པ་ཙམ་ནི་ཡོད་པར་ཕྱག་ཆེན་རྫོགས་ཆེན་ལྟར་ན། མཉམ་པ་ཉིད་ཀྱི་ཉམས་ཞེས་འཁོར་འདས་རོ་མཉམ་པའི་མཉམ་གཞག་ནམ་མཁའ་ལྟ་བུ་དང་། རྗེས་ཤེས་སུ་ཆོས་བརྒྱད་སྒྱུ་མ་ལྟར་ཁོང་དུ་ཆུད་པས་འཇིགས་བྲལ་གྱི་གདིང་ཐོབ་པ་ཞེས་བྱ་ཞིང་རོ་གཅིག་ཆེན་པོའི་ཚེ། ལ་ལར་མཉམ་རྗེས་འདྲེ་བར་བཤད་པའང་ཡོད་ཀྱང་། ཨ་འཐས་ལ་ནི་མི་འབྱུང་། མཉམ་རྗེས་ཀྱི་ཐ་སྙད་ཙམ་ནི་ཕལ་ཆེར་ཕོད་པར་མངོན་ལ། འོན་ཀྱང་སྔར་གོམས་

[Full Size]

ཀྱི་བག་ཆགས་ཕྲ་མོ་ཙམ་ལས་གཞན་པའི་ཡུལ་དང་ཡུལ་ཅན་གྱི་བློ་རང་ག་མ་ནི་མི་འབྱུང་བར་སྒོམ་ཁོར་ཡུག་དང་། རྟེན་འབྲེལ་མཐའ་དག་ལ་རང་བྱན་ཚུད་པའི་ཚེ་རོ་གཅིག་ཆེན་པོར་བརྗོད་པའོ། །ལར་རྩལ་འདི་མན་ཆད་ནས་ཚེའི་དུས་བྱས་ན་བར་དོར་ལམ་གྱི་ལྷག་མ་རྣམས་བགྲོད་ནས་འཚང་རྒྱ་བ་ཙམ་ལས། འདི་མན་ཆད་ཀྱི་རིམ་པ་རྩལ་རྫོགས་སུ་ཚེ་འདིར་ཤར་ཐུབ་པ་ཞིག་དེང་སང་གི་སྐབས་འདིར་དཀོན་པར་ཟད་ཅིང་། འོན་ཀྱང་ད་དུང་ཉམས་ལེན་ལ་བརྩོན་པའི་དབང་དུ་བགྱིས་ན། ད་ལྟའི་ཤེས་པ་གྲྭ་མ་ཉམས་པ་འདི་ཀ་མཉམ་རྗེས་དབྱེར་མེད་དུ་ཤར་ཏེ་དྲན་པ་སྐྱོང་རྒྱུའི་དངོས་པོ་ཟད་པའི་ཚེ་སྒོམ་མེད་ཆུང་ངུ་དང་། ཕྱི་སྣང་བ་དང་ནང་འཛིན་པའི་འགྱུ་དྲན་གྱི་ཆ་ཤས་ཙམ་ཡང་རང་སར་དག་

[Full Size]

ནས་འོད་གསལ་མ་བུ་འདྲེས་པ་ནི་སྒོམ་མེད་འབྲིང་དང་། དེ་ནས་མཐར་ཕྱིན་པས་ཕྱི་སྣང་བའི་ཡུལ་མེད། ནང་དུ་ང་བདག་གི་འཛིན་པ་གཏན་ནས་ཟད་པའི་དྲན་རིག་བློ་ལས་འདས་ཏེ་རང་སེམས་སངས་རྒྱས་སུ་གྲོལ་བ་ལ་སྒོམ་མེད་ཆེན་པོ་ཞེས་བྱ་ཞིང་། རྫོགས་ཆེན་དུ་ནི་ལྷུན་གྱིས་གྲུབ་པའི་ཉམས་ཏེ་ཐུན་མཚམས་ལས་འདས་པ་ཞེས་བྱ་བ་སྟེ། འདི་དུས་འབྲས་བུ་བློ་ཟད་ཆོས་ཟད་ལ་སོགས་པའོ། །མདོར་ན་རྫོགས་ཆེན་སེམས་ཕྱོགས་པའི་ཉམས་རིམ་བཞི་པོ་འདི་དང་། ཕྱག་ཆེན་ལྷན་ཅིག་སྐྱེས་སྦྱོར་གྱི་རྣལ་འབྱོར་བཞི་པོ་འདི་དག་མཐུན་ཤས་ཆེ་བར་རིག་འཛིན་གོང་མ་རྣམས་ཀྱིས་གསུང་ཕྱིར། རང་ཉིད་ལ་འདི་དག་གི་ཉམས་མྱོང་དང་རྟོགས་པའི་ངེས་པ་གང་ཡང་མེད་ཀྱང་

[Full Size]

ཕྱག་རྫོགས་སོ་སོའི་ཁྲིད་ཚུལ་འདྲ་མིན་གྱི་རིགས་མང་ཞིང་། ཁྱད་པར་ཡོངས་འཛིན་བློ་གྲོས་རྒྱལ་མཚན་སོགས་གྲུབ་ཐོབ་རྣམས་ཀྱི་གསུངས་ལས་ཇི་ལྟར་བྱུང་བ་ལྟར་བྲིས་པ་ལགས་ཤིང་། སྤྱིར་ཡང་ཕྱག་རྫོགས་གཉིས་པོ་དོན་གྱི་མཐར་ཐུག་ལ་ཁྱད་པར་མེད་པར་གྲུབ་མོད་ཀྱང་། རྣམ་པ་ལྟར་ན་སྣང་བ་སེམས་སུ་འདོད་མི་འདོད་དང་། རྣམ་རྟོག་ཆོས་སྐུ་གཅིག་མི་གཅིག་དང་། དྲན་པ་ལ་སྒོམ་དུ་བྱེད་མི་བྱེད་སོགས་ཀྱི་བཞེད་སྲོལ་ཐ་དད་པར་གསུངས་པ་དང་། ཕྱག་རྒྱ་པས་རྫོགས་པ་ཆེན་པོ་གཤིས་ཐོག་ཏུ་ཤོར་བ་ཞེས་གོལ་བའི་རྣམ་གྲངས་སུ་བྱེད་ལ། རྫོགས་ཆེན་གྱི་རིམ་པ་གོང་མ་རྣམས་ལས་ནི། ཕྱག་ཆེན་མན་ཆད་ཡིད་དཔྱོད་འཛིན་པའི་ལྟ་བ་ཞེས་དྲི་བཅས་སུ་གསུངས་པ་སོགས་དང་སྐབས་ཀྱི་ཁྱད་དོན་སྣ་ཚོགས་མཆིས་ནའང་། གང་ཟག་སྐལ་ལྡན་གྱི་རྣལ་འབྱོར་པ་བླ་མ་མཚན་ལྡན་གྱི་

[Full Size]

ཞབས་ལ་ཟིན་ཅིང་གནས་ལུགས་ཀྱི་རང་འཚང་ཇི་བཞིན་ཤེས་པ་དག་གི་ངོར་ནི། ཐམས་ཅད་ཆོས་ཉིད་ཀྱི་རོལ་པ་ལས་མ་འདས་ཚེ་དབྱེ་བྱ་མ་གྲུབ་ལ། གཞན་དུ་ན་རྫོགས་ཆེན་གཤིས་ལ་ཤོར་བར་གསུངས་པ་དེའང་གཤིས་ཀྱི་ངོ་བོ་ནི་ཐུན་མོང་ཐེག་པར་བདེ་གཤེགས་སྙིང་པོ་དང་། ཕྱག་ཆེན་རང་དུའང་གཞི་ཕྱག་རྒྱ་ཆེན་པོའམ་གནས་ལུགས་ཕྱག་ཆེན་ཞེས་སུ་གྲགས་ལ། དེ་མངོན་དུ་བྱ་བའི་ཐབས་སུ་ཉམས་ལེན་བསྒོམ་རིམ་གྱི་རིགས་རྣམས་ཡིན་པར་ནི་ཐམས་ཅད་མཐུན་ཚེ། དེས་ན་སྐྱོན་དེ་རྫོགས་ཆེན་ལ་མི་ཕོག་ཅིང་། དེ་བཞིན་དུ་ཕྱག་ཆེན་ཡིད་དཔྱོད་ཀྱི་ལྟ་བར་གསུངས་པ་ཡང་། དེ་ལྟར་བྱེད་མཁན་གྱི་གང་ཟག་ཐ་ཤལ་བ་དག་ལ་དགོངས་ཀྱི་ཕྱག་ཆེན་གྱི་དོན་ཇི་ལྟ་བར་རྟོགས་མཁན་རྣམས་ནི་སེམས་ཉིད་

[Full Size]

བློ་བྲལ་རྗེན་པའི་རང་ཞལ་མཐོང་ཚེ་ཡིད་དཔྱོད་ལ་རག་མ་ལུས་པས་སྐྱོན་དེ་མི་ཕོག་གོ། །གཞན་ཡང་རྣམ་རྟོག་ཆོས་སྐུའི་བཞེད་པ་གཉིས་ཀྱང་དོན་ལ་གཅིག་སྟེ། ཐ་མལ་པའི་རྣམ་རྟོག་འཁྲུལ་འཛིན་རང་ག་མ་ནི་ཕྱག་ཆེན་པས་ཀྱང་ཆོས་སྐུར་མི་འདོད་ལ། གནད་ཀྱི་ཟིན་པའི་འཆར་སྒོ་ནི་རྫོགས་ཆེན་པས་ཀྱང་མི་འགེགས་པས་ན་དོན་ལ་མཐུན་ནོ། །སྣང་སེམས་ཀྱི་སྐབས་ཀྱང་དོན་དམ་པའི་གཤིས་ངོར་བདེན་བརྫུན་གྱི་མཐའ་ལས་འདས་པ་དང་། ཀུན་རྫོབ་རིག་རྩལ་ཙམ་དུ་ཅིར་ཡང་འཆར་ལ་ཅིའི་ངོ་བོར་ཡང་མ་གྲུབ་པའི་ཚུལ་སོགས་དང་། སྣང་བ་ལ་དགག་སྒྲུབ་མི་དགོས་པ་སོགས་གནད་ཐམས་ཅད་གཅིག་པ་ཉིད་དོ། །དྲན་པ་སྒོམ་ཡིན་མིན་ཡང་གང་ཟག་རྨོངས་པ་འགའ་

[Full Size]

ཞིག་ཨ་འཐས་འཇུར་སྒྲིམ་བྱས་ཏེ་རང་སེམས་བརྩོན་འཛིན་ལ་ཕྱག་ཆེན་གྱི་སྒོམ་དུ་འདོད་པར་སྣང་བ་དག་ནི་རང་སྐྱོན་དུ་ཟད་ལ། བཀའ་བརྒྱུད་ཀྱི་སྐྱེས་ཆེན་ཚད་ལྡན་ཐམས་ཅད་ནི་རང་གསལ་གྱི་དྲན་པ་ལ་སྒོམ་དུ་མཛད་པ་དེ་ནི་རྫོགས་ཆེན་གྱི་ཀ་དག་རང་རིག་དང་གཅིག་པ་ཡིན་ཕྱིར་མིང་ཐ་དད་ཀྱང་དོན་ལ་ཁྱད་མེད་ཅིང་། དྲན་པ་མཆོག་འཛིན་གྱི་བློ་ནི་ཕྱག་རྫོགས་གཉིས་ཀས་སྒོམ་དུ་མི་མཛད་དོ། །མདོར་ན་རྫོགས་ཆེན་དུ་ངོ་བོ་ཀ་དག །རང་བཞིན་ལྷུན་གྲུབ། ཐུགས་རྗེ་ཀུན་ཁྱབ་སྟེ་ཡེ་ཤེས་གསུམ་ལྡན་འདི་ལ་ཕྱག་ཆེན་པས་གཤིས་སྐྱེ་བ་མེད་པ། མདངས་འགགས་པ་མེད་པ། །རྩལ་ཅིར་ཡང་འཆར་བ་ཞེས་སུ་བརྗོད་ཅིང་། དེ་དག་ཐམས་ཅད་ཀྱང་ངོ་བོ་གཅིག་ལ་ལྡོག་པ་ཐ་དད་

[Full Size]

པའི་ཚུལ་སོགས་ཀྱང་བཞེད་པ་མཐུན་ལ། སྔར་བཤད་པའི་ཉམས་རིམ་བཞི་པོ་དག་ཀྱང་གང་ཟག་རིམ་གྱིས་པ། གཅིག་ཆར་པ་ཐོད་བརྒལ་བ་རྣམས་ཀྱི་ཁྱད་པར་དང་། །ཉམས་ལེན་ལ་བརྩོན་པ་ཆེ་ཆུང་། ཚེ་འདིའི་བྱ་བྱེད་དང་འདྲེས་མ་འདྲེས་སོགས་ཀྱི་དབང་གིས་བཤད་རིམ་ལྟར་འབྱུང་མི་འབྱུང་ལྟ་ཞིང་། །དེས་ན་གང་ལའང་རྨོངས་ཞེན་ཆེན་པོས་མཐའ་གཅིག་ཏུ་བཟུང་བར་མི་བྱ་སྟེ། ལམ་རྟགས་ཀྱི་ཡོན་ཏན་སྐྱེས་རུང་མ་སྐྱེས་རུང་། བླ་མ་སངས་རྒྱས་སུ་མཐོང་བའི་དད་པ་དང་། ཉམས་ལེན་ལ་ཐང་ལྷོད་མེད་པའི་སྙིང་རུས་སྒོམ་སྲན་དང་ལྡན་ཕྱིན་ཆད། ཉམས་རྟོགས་ཀྱི་ཡོན་ཏན་ལ་མི་སྐྱེ་བའི་དབང་མེད་ཁོ་ནའོ། །དེ་ལྟ་བུའི་སེམས་ཉིད་ཡེ་ནས་ཆོས་སྐུའི་རང་བཞིན་དུ་ཤེས་ཤིང་རྟོགས་པ་དེའི་ངང་ལ་ཆེད་དུ་བཅོས་མས་སྒོམ་རྒྱུ་མེད་ཀྱང་ཐ་

[Full Size]

མལ་འཁྲུལ་འབྱམས་སུ་མི་བཏང་བར། མ་བཅོས་རང་བབས་རང་རིག་ཆེན་པོའི་ཉམས་ལེན་སྐྱོང་ཚུལ་ནི་མདོ་རྒྱུད་མན་ངག་ཐམས་ཅད་མཚུངས་ཏེ། ཇི་སྐད་དུ། མཚན་མོ་བཟང་པོའི་མདོ་ལས། འདས་པའི་རྗེས་སུ་འགྲོ་མི་བྱེད། མ་འོངས་པ་ལ་རེ་བ་མེད། །ད་ལྟ་བྱུང་ཆོས་གང་ཡིན་པ། །དེ་དང་དེ་ལ་རྣམ་བལྟ་བ། །མི་འཕྲོག་ཀུན་ཏུ་མི་འཁྲུལ་བར། །དེ་ལྟར་མཁས་པས་སྤེལ་བར་བྱ། །ཞེས་དང་། ཡི་གེ་མེད་པའི་རྒྱུད་ལས། ལྟ་བའི་རྩལ་གསུམ་འབྱོངས་ན་སྣང་བ་ཆོས་སྐུའི་ཀློང་། །བྱ་བྱེད་གཡེང་བ་མེད་ན་ཆོས་ཉིད་བདེ་བའི་ས། །ཐད་ཀ་གྲོགས་སུ་ཤེས་ན་ཅོག་བཞག་གཅིག་གི་ངང་། །དེ་དང་རྒྱུན་དུ་ལྡན་ན་དེ་ལས་ཅི་ཞིག་དགོས། ཞེས་གསུངས། གཞན་ཡང་དཔལ་ཤ་བ་རི་པས། གང་ལའང་སྐྱོན་

[Full Size]

དུ་མི་བལྟ་ཞིང་། །ཅིར་ཡང་མ་ཡེངས་ཉམས་སུ་བླངས། །དྲོད་རྟགས་ལ་སོགས་འདོད་མི་བྱ། ཞེས་སོགས་དང་། པཎ་ཆེན་ཤཱཀྱ་ཤྲིས་ཅིར་སྣང་རང་པོར་བཞག་ན་བྱ་བྲལ་ལྷུན་གྱིས་གྲུབ། གང་ཤར་ངོ་ཡིས་བཟུང་ན་རིག་པ་རང་སར་གྲོལ། འགྱུ་བའི་སྦད་རྗེས་ཆོད་ན་དྲན་རྟོག་དབྱིངས་སུ་ཡལ། ཐུན་མཚམས་དྲན་པས་བཟུང་ན་མཉམ་རྗེས་རོ་གཅིག་འགྲུབ། ཅེས་དང་། མཚིམས་ནམ་མཁའ་གྲགས་ཀྱིས། སྒོམ་ཞེས་བྱས་ཀྱང་སྒོམ་རྒྱུ་རྡུལ་ཙམ་མེད། །བསྒོམ་མེད་བྱས་ཀྱང་ཡེེངས་སུ་སྐད་ཅིག་མེད། །དོན་མཐོང་བ་ལ་བསྒོམ་དང་སྒོམ་མཁན་མེད། །བློ་གྲོས་ཅན་ལ་ཡེངས་སུ་སྐད་ཅིག་མེད། །སྒོམ་མེད་ཡེངས་མེད་རྣལ་འབྱོར་བསྒོམ་པ་ཡིན། ཞེས་དང་། །མཁས་གྲུབ་གཡག་པཎ་ཆེན་གྱིས། སྡེ། སྒོམ་ན་བློ་

[Full Size]

ཡིན་ཡེངས་ན་འཁྲུལ་པ་ཡིན། །བློ་ཉིད་བློ་འདས་འཁྲུལ་པ་ཡེ་ཤེས་སོ། ཞེས་དང་། གནུབས་བན་ཡོན་ཏན་རྒྱ་མཚོས། སེམས་དང་ཆོས་ནི་ཅིར་ཡང་མ་ཡིན་པས། །བསྒོམ་པའི་ཚེ་ན་ཅི་ཡང་མི་བསྒོམ་མོ། །རྣམ་པར་རྟོག་པའི་མཚན་མ་ཅི་བྱུང་ཡང་། །རྟོག་པ་དེ་ཀ་ཆོས་ཉིད་ཡིན་པའི་ཕྱིར། །ཆོས་ཀྱི་དབྱིངས་ཉིད་གཞན་དུ་བསྒོམ་མི་དགོས། །དེ་ལ་གཉེན་པོས་བཅོས་ཤིང་དགག་ཏུ་མེད། །འདི་ལྟར་དུས་གསུམ་རྣམ་པ་ཐམས་ཅད་དུ། །ཉིད་ལས་མ་ཡེངས་པ་ནི་ཆོས་སྐུའོ། །ཞེས་གསུངས་པ་སོགས་མདོར་ན་མདོ་རྒྱུད་དང་རྒྱ་བོད་ཀྱི་མཁས་གྲུབ་ཚད་ལྡན་རྣམས་ཀྱི་གསུང་འབུམ་ལས་དཔག་མེད་འབྱུང་ཡང་འདེར་ཡི་གེ་མང་དོགས་མ་བཀོད་དོ།། ༈ །།དེ་ལྟར་ཁྲེགས་ཆོད་རིག་སྟོང་

[Full Size]

གི་ཉམས་ལེན་གྱི་འགག་དོན་བརྡ་ཙམ་བསྟན་ནས། ད་ནི་གཞན་ལས་ཁྱད་པར་རྨད་བྱུང་ཐོད་བརྒལ་སྣང་སྟོང་གི་དགོངས་དོན་མདོར་བསྡུས་འཆད་དེ། འདི་ནི་རྫོགས་ཆེན་ཉིད་ཀྱི་ཡང་གོང་མའི་གོང་མ་རྣམས་སུ་མ་གཏོགས་སེམས་ཀློང་གི་རྒྱུད་དང་མན་ངག་རྣམས་སུ་མ་བསྟན་ཕྱིར། ཐེག་པ་གཞན་དུ་ནི་སྒྲ་ཙམ་དུ་ཡང་མ་གྲགས་པས། ཕྱིས་བྱོན་གྱི་མཁས་པ་ཕལ་ཆེར་གྱི་ཐུགས་སུ་མ་ཤོངས་བར་དགག་གཞི་སྣ་ཚོགས་མཛད་མོད་ཀྱང་། སྐལ་བཟང་སྣོད་ལྡན་ཡང་རབ་ཀྱི་སྐྱེས་བུ་དག་ལམ་ལོག་པར་བསྒྱུར་མི་ནུས་ལ། སོ་སྐྱེ་ཕལ་པ་རྣམས་ནི་ལམ་མཆོག་འདི་ལྟ་བུའི་སྒོར་འཇུག་པའི་བློ་སྐྱེ་བའི་བསོད་ནམས་ཅན་རབ་ཏུ་དཀོན་པར་མཆིས་ཚེ་དགག་པ་མཛད་དགོས་པར་མི་སྣང་ངོ་། །དེས་ན་འདི་དོན་དངོས་གཞི་རང་རྒྱུད་ལ་ཇི་

[Full Size]

ལྟར་བཞུགས་ཚུལ་དང་། དེ་ཉིད་ཉམས་ལེན་གྱིས་མངོན་དུ་བྱ་ཐབས་རྟགས་མཚན་འཆར་ཚུལ་དང་བཅས་པ་མདོར་བསྡུས་ཏེ་བསྟན་པ་ལ། དང་པོ་ནི། སེམས་ཅན་གྱི་ཁམས་ལ་བདེ་བར་གཤེགས་པའི་སྙིང་པོའམ། ཆོས་ཉིད་རང་བྱུང་གི་ཡེ་ཤེས་ཀུན་ཁྱབ་ཆེན་པོར་ཡེ་ནས་བཞུགས་པའི་ཚུལ་སྔར་ནས་ཡང་ཡང་བརྗོད་པ་དེའི་ངོ་བོ་དངོས་དེ་གང་ཡིན་ན་ད་ལྟའི་རིག་པ་དྲི་མེད་དུ་གསལ་སྟོང་རྗེན་རིག་གེ་འདི་ཉིད་ཡིན་ནོ། །འདི་ཉིད་གང་ལ་བརྟེན་ན་ལུས་རྒྱལ་བའི་དཀྱིལ་འཁོར་དུ་གདོད་ནས་ལྷུན་གྱིས་གྲུབ་པ་འདི་ལ་བརྟེན་ནོ། །གནས་ཚུལ་ཇི་ལྟ་བུ་ཞེ་ན། སྤྱིར་ངོ་བོའི་ཆ་ནས་སྐྱེ་འགག་གནས་གསུམ་དང་ཡོད་མེད་རྟག་ཆད་འགྲོ་འོང་སོགས་ཀྱི་མཐའ་ལ་མི་གནས་མོད་ཀྱང་། རྣམ་པ་ལྟར་ན་ད་ལྟ་

[Full Size]

ལུས་ངག་ཡིད་གསུམ་ལྷན་ཅིག་ཏུ་ཡོད་རིང་ལ། རིག་པ་ཡེ་ཤེས་ཀྱིས་སྤྱིར་གཟུགས་ཀྱི་ཕུང་ཁམས་ཀུན་ལ་ཁྱབ་ཅིང་། ཁྱད་པར་ཙིཏྟ་ཤའི་སྒྲོན་མའི་ཕོ་བྲང་ན་བཞུགས་ལ། བཞུགས་ཚུལ་གྱི་རང་བཞིན་ཇི་ལྟ་བུ་ཞེ་ན། དཔེར་ན་བུམ་ནང་གི་མར་མེ་ལྟར་བཞུགས་པ་སྟེ། དེ་ཡང་ངོ་བོ་ནི་ཆོས་ཀྱི་སྐུ་སྤྲོས་པའི་མཐའ་དང་བྲལ་བར་བཞུགས། རང་བཞིན་ལོངས་སྤྱོད་རྫོགས་པའི་སྐུ་ཡེ་ཤེས་འོད་ལྔའི་དཀྱིལ་འཁོར་དུ་བཞུགས། ཐུགས་རྗེ་ནི་སྒྲོན་མ་དྲུག་གི་འཆར་སྒོ་རིག་རྩལ་འགག་མེད་ཀྱི་རོལ་པར་བཞུགས་ཏེ། དེ་ཡང་ཀློང་གསལ་ལས། སེམས་ཅན་ཀུན་གྱི་ལུས་ཀྱི་ནང་། །ཙིཏྟ་དུང་ཁང་རྩ་ནང་སྒོ། །དེ་ནི་རིག་པའི་གནས་པ་ཡིན་ནོ། །ཞེས་དང་། རིན་ཆེན་ལུས་ཀྱི་གནས་དེ་ན། །ངོ་བོ་སྟོང་གསལ་སྐུ་རུ་གནས།

[Full Size]

རང་བཞིན་གསལ་འཚེར་ཐིག་ལེ་འོད། །ཐུགས་རྗེ་སྣང་སྟོང་སྒྲོན་མར་གནས། ཞེས་གསུངས་པས་རིག་པའི་ཡེ་ཤེས་ཀ་དག་སྟོང་གསལ་ཆོས་སྐུ་ངོ་བོ་དེ་ཉིད་རང་བཞིན་གསལ་མདངས་ལོངས་སྐུ་རིགས་ལྔ་ཞི་བའི་ལྷ་ཚོགས་ཀྱི་དཀྱིལ་འཁོར་ལྷུན་གྲུབ་ཏུ་བཞུགས་པའི་མདངས་ལས། བདེ་ཆེན་དུང་ཁང་གི་ཕོ་བྲང་ན་ཁྲག་འཐུང་ཁྲོ་བོའི་དཀྱིལ་འཁོར་དང་བཅས་པ་སྟེ། མདོར་ན་རིགས་བརྒྱ་ཞེ་གཉིས་སྐུ་ལྔ་རིག་གཅིག་སོགས་ཞི་ཁྲོའི་ལྷ་ཚོགས་ཐམས་ཅད་རང་གི་རིག་པའི་ཡེ་ཤེས་ཁོ་ནར་གདོད་མ་ཉིད་ནས་རང་བཞིན་ལྷུན་གྲུབ་ཕྱིར། ད་ལྟར་མ་རིག་འཁྲུལ་པའི་སེམས་ཅན་རྣམས་ལ་ཕུང་པོ་ལྔ་དང་འབྱུང་བ་ལྔ་ཁམས་དང་སྐྱེ་མཆེད་ཚོགས་བརྒྱད་སོགས་སུ་ཤར་ལ་ཉམས་ལེན་གྱི་གང་ཟག་རྣམས་ལ་ནི་ཀུན་རྫོབ་དོན་དམ་གྱི་

[Full Size]

ཐིག་ལེ་སྒྲོན་མ་འོད་སྣང་སྐུ་དང་ལུག་རྒྱུད་སོགས་སུ་སྣང་བ་དང་། བར་དོར་འཆར་སྣང་ཐམས་ཅད་འདིའི་རྟེན་འབྲེལ་ཁོ་ན་དང་། མཐར་ཐུག་འབྲས་བུ་མངོན་གྱུར་གྱི་ཚེ་ནའང་སྐུ་དང་ཞིང་ཁམས་ཀྱང་གཞན་དུ་ཡོད་པ་མ་ཡིན་ཏེ་འདི་ཉིད་ཀྱི་མཐུ་ལས་གྲུབ་ཅིང་། འདི་ལྟར་བཞུགས་ཚུལ་གྱི་བྱེ་བྲག་རྒྱུད་དང་། མན་ངག་སོ་སོར་དགོས་པ་སྣ་ཚོགས་ལ་དགོངས་པའི་གསུངས་ཚུལ་མི་འདྲ་བ་དུ་མ་འབྱུང་བ་སྟེ། དེ་ཡང་ངེས་དོན་གྱི་མདོ་སྡེ་དག་ནས་བཟུང་རྫོགས་ཆེན་སེམས་ཀློང་མན་ངག་རྣམས་སུ་ནི། བདེ་གཤེགས་སྙིང་པོ་སེམས་ཉིད་དབྱེར་མེད་འགྲོ་བའི་ཁམས་རྒྱུད་ལ་ཏིལ་ལ་མར་གྱིས་ཁྱབ་པ་བཞིན་གནས་ཚུལ་ཙམ་གསུངས་ཤིང་། ཉམས་ལེན་གྱི་མན་ངག་ཀྱང་ཁྲེག་ཆོད་གཅིག་པུ་བསྟན་ལ། རྫོགས་ཆེན་གསང་སྐོར་རྣམས་ནས་ནི་སྙིང་

[Full Size]

ནང་དུ་བཞུགས་པའི་ལྷ་ཚོགས་ཐམས་ཅད་སྐུ་ཞལ་ཕྱག་གི་རྣམ་པ་ཅན་བསྐྱེད་རིམ་གྱི་སྐབས་ལྟར་དངོས་སུ་བཞུགས་པར་བསྟན་ཅིང་། མན་ངག་ཉམས་ལེན་ལ་ཡང་། སྒྲོན་མ་རྣམ་བཞི་སོ་སོར་དབྱིབས་ཁ་དོག་གི་དམིགས་པ་བསྒོམ་སྐབས་དང་བཅས་པ་གསུངས་མོད་ཀྱི། ཡང་གསང་བླ་ན་མེད་པ་སྙིང་ཐིག་གི་སྒོ་འདི་དག་ནི། བརྡ་དོན་རྟགས་གསུམ་གྱི་སྒོ་ནས་ཡིན་ལུགས་ཇི་ལྟ་བར་གསུངས་པ་ཡིན་ཕྱིར། དེ་ཡང་བཞུགས་ཚུལ་གོང་དུ་བཤད་པ་ལྟར། ངོ་བོ་ཆོས་སྐུར་བཞུགས་པས་ཀ་དག་ཁྲེགས་ཆོད་ཀྱི་དགོངས་པ་དང་མཐུན་པ་ནི་དོན། རང་བཞིན་འོད་དུ་བཞུགས་པར་བཤད་པས་གསང་སྐོར་ལུས་དཀྱིལ་དང་མཐུན་པ་ནི་བརྡ་དང་། ཐུགས་རྗེ་སྒྲོན་མའི་བཞུགས་ཚུལ་བཤད་པས་མངོན་སུམ་སྙིང་ཐིག་དང་མཐུན་པར་

[Full Size]

བསྟན་ཅིང་དབྱིངས་རིག་མཐོང་བ་ནི་རྟགས་ཏེ། དེ་ལྟར་བརྡ་དོན་རྟགས་གསུམ་གྱི་ཡིན་ཚུལ་འདི་བཞིན་མ་རྟོགས་ན། འདི་སྐབས་སུ་གང་ཟག་ཐུན་མོང་རྣམས་མགོ་འཁོར་ཞིང་། རྟོག་གེ་བ་རྣམས་ཀྱིས་ཐ་སྙད་ཚིག་གི་དགག་རྩོད་འབྱུང་བའི་རྒྱུར་སྣང་ཚེ། སྙིང་ཏིག་གི་དགོངས་པ་ཚུལ་བཞིན་ལེན་པར་བྱའོ། །དེ་ནས་ཀྱང་ཡེ་ཤེས་དེ་ཉིད་ལམ་གང་ལས་རྒྱུ་བ་ནི། སྤྱིར་རྡོ་རྗེའི་ལུས་འདི་ལ་རྩ་ཡི་གྲངས་རྒྱས་པར་ཕྱེ་ན་བྱེ་བ་ཕྲག་བཅུ་ཡོད་ལ། དེ་ལས་ཁྲག་གནས་པའི་རྩ་སྟོང་ཕྲག་བདུན་བཅུ་རྩ་གཉིས། རླུང་རྒྱུ་བའི་རྩ་ཉིས་ཁྲི་ཆིག་སྟོང་དྲུག་བརྒྱ། བྱང་ཆུབ་ཀྱི་སེམས་འབབ་པའི་རྩ་སུམ་ཅུ་སོ་གཉིས། ཡུལ་གྱིས་བསྡུས་པའི་རྩ་སོ་བདུན། འཁོར་ལོ་ལྔས་བསྡུས་པ་ལ་བརྒྱ་ལྔ་བཅུ་རྩ་བདུན། རྩའི་གཙོ་

[Full Size]

བོ་གསུམ་དང་བཅས་པ་སོགས་ཀྱང་། འདི་སྐབས་ཀྱི་ལམ་ནི། རོ་མ་རྐྱང་མ་ཀུན་འདར་མ་དང་། ཁྱད་པར་འོད་རྩ་ཀ་ཏི་ཤེལ་གྱི་སྦུ་གུ་ཅན་ཉིད་ཡིན་པ་དང་། རིག་པའི་ཡེ་ཤེས་ནི་སྤྱིར་ཐམས་ཅད་ལ་ཁྱབ་ཀྱང་ཁྱད་པར་འཁོར་ལོ་ལྔ་ལ་ཀུན་རྫོབ་རྒྱུའི་ཐིག་ལེ་དང་དོན་དམ་སྟོང་ཉིད་ཀྱི་ཐིག་ལེ་གཉིས་བརྟེན་པའི་ཚུལ་དུ་གནས་ཤིང་། དེ་དག་ཀྱང་ཉམས་ལེན་རང་རང་གི་སྐབས་ཐོབ་ཀྱི་དབང་གིས་སྐུ་ལྟར་གནས་པ་དང་། ཡིག་འབྲུ་ལྟར་གནས་པ་དང་། ཐིག་ལེ་ལྟར་གནས་པ་དང་། འོད་ལྟར་གནས་པ་སོགས་ཐ་དད་སྣ་ཚོགས་པ་རྣམས་ཀྱང་མི་མཐུན་འགལ་བ་ཅན་དུ་མི་བལྟ་སྟེ། སྔར་རིག་པའི་ངོ་བོ་ཅིར་ཡང་མ་གྲུབ་ཅིང་རྣམ་པ་ཅིར་ཡང་འཆར་དུ་རུང་བ་ཞེས་པའི་དོན་དྲན་པ་དང་། རྩའི་གཙོ་བོ་གསུམ་

[Full Size]

གྱི་གཡས་པ་རོ་མ་ལས་བདེ་བའི་ཡེ་ཤེས་བསྐྱེད་པ་དང་། གཡོན་པ་རྐྱང་མ་ལས་གསལ་བའི་སྣང་བ་འཆར་ཞིང་། དབུས་ཀྱི་ཀུན་འདར་མས་མི་རྟོག་ཏིང་འཛིན་གྱི་རྒྱུའམ་རྟེན་བྱེད་པར་བཤད་པ་དང་། ཀུན་རྫོབ་རྒྱུའི་ཐིག་ལེ་ལམ་དུ་བྱེད་པའི་ཉམས་ལེན་གྱི་སྐབས་དག་ཏུ་ནི་རྩ་གསུམ་འཁོར་ལོ་ལྔ་སོགས་གནད་དུ་བསྣུན་དགོས་ནའང་། སྐབས་འདིར་ནི་དོན་དམ་ཡེ་ཤེས་ཀྱི་ཐིག་ལེ་ལམ་དུ་བྱེད་པའི་གདམས་པ་ཡིན་ཕྱིར་དེས་ན་ཙིཏྟ་ཤའི་སྒྲོན་མ་ཞེས་པ་སྙིང་གི་རྩེ་མོ་ནས་ཀ་ཏི་ཤེལ་སྦུག་ཅན་ཁྲག་དང་ཆུ་སེར་ལ་སོགས་མེད་པའི་རྩ་དར་དཀར་གྱི་སྐུད་པ་ལྟ་བུ་རྩེ་མོ་གཉིས་སུ་གྱེས་པ་ཞིག །དབུ་མའི་ནང་ནས་མགྲིན་པ་རྩའི་དྲ་བར་བརྒྱུད་ཅིང་ཀླད་པ་དུང་ཁང་ནས་མར་གུག་པ་མིག་ཨ་འབྲས་གཉིས་ལ་ཟུག་ནས་ཡོད་

[Full Size]

པ་དེ་ནི་དཀར་འཇམ་རྩའི་སྒྲོན་མ་ཞེས་བྱ་བ་ཡེ་ཤེས་མངོན་སུམ་འཆར་བའི་ལམ་ཡིན་པས། རྡོ་རྗེ་སེམས་དཔའི་གསང་ལམ་ཞེས་ཀྱང་བྱ་ཞིང་། མངོན་སུམ་སྙིང་ཐིག་གི་རྣལ་འབྱོར་གང་དག་འཆི་ཁར་རིག་པ་འཕོ་བའི་ལམ་ཡང་དག་ཏུ་གསུངས་པའི་གནད་ཀྱང་འདི་ཉིད་དོ། །དེ་ཡང་ཀློང་གསལ་ལས། ཁྱད་པར་སྙིང་ནས་འབྲེལ་བའི་རྩ། །དར་སྐུད་བ་མེན་རྭ་འདྲའི་ཁ། །དབང་པོ་མིག་ལ་ཟུག་པ་སྟེ། །དེ་ནི་ཆོས་ཉིད་གསལ་བའི་ལམ། །ཡིད་དཔྱོད་ཚིག་ཕྱིར་མ་ལུས་པར། །མངོན་སུམ་འཆར་བའི་སྒོ་ནི་མིག །སྒོ་གཞན་དེ་ལྟར་མ་ཡིན་ནོ། །ཞེས་གསུངས་པ་བཞིན། རིག་པའི་ཡེ་ཤེས་ཉིད་འོད་རྩའི་ལམ་དེ་ལ་བརྒྱུད་ནས། རྒྱང་ཞགས་ཆུའི་སྒྲོན་མ་ཞེས་བྱ་བ་མིག་གི་

[Full Size]

སྒོ་ལས་སྐུ་དང་ཞིང་ཁམས་ཀྱི་རང་སྣང་མངོན་སུམ་དུ་འཆར་བ་སྟེ། འདི་ལ་རྒྱང་ཞག་གི་ནང་ཚུན་དབྱེ་ན་གསུམ་ཡོད་དེ། འབྱུང་བ་འདུས་པའི་རྒྱང་ཞག་ཅེས་མིག་གི་དབང་རྟེན་ཉིད་དང་། དབང་པོ་འདུས་པའི་རྒྱང་ཞག་ནི་གཟུགས་སྣང་འཛིན་ནུས་པའི་མིག་གི་ཤེས་པ་དང་། ཡེ་ཤེས་འདུས་པའི་རྒྱང་ཞགས་ནི་འོད་རྩ་དངས་མའི་སྒོ་དངོས་ཡེ་ཤེས་ཀྱི་མཐོང་བྱེད་དང་གསུམ་པོ་ཚོགས་པའི་མཐུས་ཆོས་ཉིད་མངོན་སུམ་གྱི་སྣང་བ་མཐོང་བར་འགྱུར་བ་སྟེ་སྒྲོན་མ་འབར་བའི་རྒྱུད་ལས། འཆར་བྱེད་འགག་པ་མེད་པ་ཡི། །དབང་པོའི་དྭངས་མ་མིག་གི་སྒོར། །སྐྱེད་པའི་པདྨའི་སྤྱན་དུ་གནས། ཞེས་དང་། སྒྲ་ཐལ་འགྱུར་ལས། ཡེ་ཤེས་འཆར་བའི་སྒོ་ཉིད་ནི། །ལུས་བཅུད་དྭངས་མ་ཀུན་འདུས་པ། །རྩཀཱུ་ཞེས་པའི་སྒོ་ནས་ཐོན། །འདི་ལས་ཡེ་ཤེས་དངོས་འབྱུང་སྟེ། ཞེས་སོགས་རྒྱ་ཆེར་གསུངས་ཤིང་། དེ་ལྟ་བུའི་ནང་གི་སྒྲོན་མ་གསུམ་ལ་བརྟེན་ནས་མན་ངག་གི་གནད་དུ་བསྣུན་པས་ཕྱིའི་སྒྲོན་མ་གསུམ་འཆར་བར་འགྱུར་ལ། དེ་ལ་གོམས་

[Full Size]

ན་བར་དོ་དུས་ཀྱི་སྒྲོན་མ་དང་། མཐར་ཐུག་འབྲས་བུའི་སྒྲོན་མ་གཉིས་ཀྱང་ཤུགས་ལས་འབྱུང་ཞིང་གནས་པ་གཞིའི་སྒྲོན་མས་ཀུན་ལ་ཁྱབ་ཚེ་དེ་ལྟར་སྒྲོན་མ་རྣམ་པ་དགུ་པོ་འདི་དག་ནི་རྫོགས་ཆེན་གྱི་ཉམས་ལེན་རྩ་བ་སྟེ། བསྡུས་ན་དྲུག་ལ་འདུ་ཞིང་དེ་དག་ཀྱང་བཞི་རུ་འདུ་བར་གསུངས་སོ། །དེ་ལྟར་སྒྲོན་མ་སྔ་མ་གསུམ་པོ་བསྟན་ནས། ད་ནི་སྒྲོན་མ་རྗེས་མ་རྣམས་ཉམས་ལེན་དངོས་དང་ལྷན་ཅིག་ཏུ་འཆད་དེ། དེའང་སྣོད་ལྡན་གྱི་སློབ་བུ་གང་ཞིག་གིས་བླ་མ་མཆོག་གི་ཞལ་གྱི་བདུད་རྩི་ཡོངས་རྫོགས་སུ་ཐོབ་ཅིང་། དམ་ཚིག་ཉེས་ལྟུང་རྡུལ་ཙམ་གྱིས་ཀྱང་མ་གོས་པར་བྱས་ལ། རི་གླིང་ནགས་ཁྲོད་རབ་ཏུ་དབེན་ཅིང་ཡིད་དང་མཐུན་པའི་གནས་སུ། ཁ་ན་མ་ཐོ་བ་མེད་པའི་

[Full Size]

ཟས་གོས་ཆོག་ཤེས་དང་ལྡན་པས། ལུས་ངག་ཡིད་གསུམ་གྱི་བྱ་བ་དགུ་ཕྲུགས་སུ་བཏང་ལ་འཁོར་འདས་རུ་ཤན་ཕྱེས་ཏེ། དུས་གནད་དང་མཐུན་པར་སྐུ་གསུམ་གྱི་བཞུགས་སྟངས་ཆོས་སྐུ་སེང་གེ། ལོངས་སྐུ་གླང་ཆེན། སྤྲུལ་སྐུ་དྲང་སྲོང་ལྟ་བུ་རྣམས་རང་གི་ཁམས་དང་ཕྱིའི་ཡུལ་སོགས་འཕྲོ་ཚུལ་མན་ངག་ཞལ་གདམས་སོགས་དང་བསྟུན་པས། ལུས། མིག །སེམས་མི་འགུལ་བ་གསུམ་ལ་གཞི་བཅའ། ལྡོག །ཕབ། ཟུར་གྱིས་ལྟ་བ་སྟེ་ལྟ་སྟངས་སྒོའི་གནད་གསུམ་དང་། ནམ་མཁའ་གཡའ་དག་པའི་ཡུལ་དུ་དབྱིངས་རྣམ་དག་གི་སྒྲོན་མ་ལ་གཏད་པ་ཡུལ་གྱི་གནད་གསུམ་དང་། རླུང་རོ་བསལ་ཞིང་འཇམ་རླུང་རིང་པོ་དལ་བར་བཟུང་ལ། རིག་པ་རྟོག་མེད་ཀ་དག་ཡེངས་འཁྲུལ་བྲལ་བའི་ངང་ལ་མཉམ་པར་འཇོག་པ་ནི་རླུང་རིག་གི་

[Full Size]

གནད་དེ། གནད་གསུམ་ཆོས་ཉིད་ཀྱི་འཁོར་ལོས་ཉམས་སུ་བླང་བར་བྱ་བ་སྟེ། ཐལ་འགྱུར་ལས། མངོན་སུམ་གནད་འདི་ལུས་ངག་ཡིད། །སོ་སོའི་གནད་རྣམས་ངེས་པར་བསྟུན། །དེ་ཡང་ལུས་ནི་སྐུ་གསུམ་ལས། །རྒྱུན་དུ་འདའ་བར་མི་བྱའོ། །ངག་ནི་གནད་དང་བསླབ་པ་དང་། །ལ་བཟླ་བ་ཉིད་བསྟེན་པར་བྱ། །སེམས་ནི་དབྱིངས་ལ་གཏད་པས་འགྲུབ། །གནད་གསུམ་མན་ངག་འབྲལ་མི་བྱ། །དེ་ཡང་སྒོ་དང་ཡུལ་ཉིད་དང་། །རླུང་དང་རིག་པའི་གནད་རིམ་བཞིན། །སྒོ་ནི་སྐུ་གསུམ་མིག་གིས་བལྟ། །ཡུལ་ནི་སྒྲིབ་བྱེད་བྲལ་བའོ། །རླུང་རིག་བྲལ་བས་ཡེ་ཤེས་གྲུབ། ཅེས་པ་ལྟ་བུའི་གནད་རྣམས་ཞིབ་པར་ཁྲིད་གཞུང་དང་ཕྱག་བཞེས་སྙན་བརྒྱུད་ལྟར་ཉམས་སུ་བླངས་པས། དབྱིངས་རྣམ་དག་གི་སྒྲོན་མ་མཐིང་ག་ཁྱབ་ཆེན་གྱི་

[Full Size]

དབུས་ན་ལྔ་ལྡན་འོད་ཀྱི་རང་བཞིན་ཡི་གེའི་ན་རོ་ལྟ་བུའམ། གཞན་ཡང་གྱེན་འགྲེང་རྩིབས་ཤར་ལ་སོགས་པ་དབྱིབས་མ་ངེས་དུ་མར་སྣང་བ་དང་། དེ་ཉིད་ཀྱི་ནང་ན་ཐིག་ལེ་སྟོང་པའི་སྒྲོན་མ་ནི་ཐོག་མར་ཁ་དོག་དམར་སེར་རམ་ཁྲོ་བོའི་སྤྱན་ལྟ་བུ་ལ། ཕྱི་ནི་རྨ་བྱའི་མདོངས་བཞིན་ལྔ་ལྡན་གྱི་མུ་ཁྱུད་ཅན་ཏེ། དེ་ཡང་དང་པོ་ཉིས་སྦྲེལ་སུམ་སྦྲེལ་ནས་བརྩམས་ཏེ་མཐར་གོམས་ཚེ་རབ་ཏུ་མང་པོ་རྒྱ་ཁྱོན་ཤིན་ཏུ་ཆེ་བའི་བར་འཆར་བ་དང་། རིག་མདངས་རྡོ་རྗེ་ལུ་གུ་རྒྱུད་མུ་ཏིག་བསྟར་ལ་བསྒྱུས་པ་ལྟ་བུར་འགུལ་འཁྲིག་འགྲོ་འོང་གི་ཚུལ་དུ་སྣང་ཞིང་། དེ་དག་བར་བར་ཐིག་ཕྲན་གྲངས་མེད་པས་བརྒྱན་པ་དང་བཅས་ཏེ། མདོར་ན་གང་ཟག་སོ་སོའི་རྩ་ཁམས་དང་སྐལ་པ་མཚུངས་པའི་འཆར་སྒོ་རྣམས་སྣང་བར་འགྱུར་

[Full Size]

བ་སྟེ་སྒྲོན་མ་འབར་བའི་རྒྱུད་ལས། མིག་གི་རྣམ་ཤེས་དག་པ་ལ། །གསལ་བྱེད་འབར་བའི་འོད་ཟེར་ལྔ། །མི་འགྱུར་ཁྱབ་པའི་ཚུལ་དུ་ཡང་། །མཐིང་གའི་རང་གདངས་ཆེན་པོར་གནས། །འཆར་བྱེད་སྣང་བ་ལ་འགག་པས། །ཕྱི་ཡི་ཡུལ་ལ་རྣམ་པར་སྣང་། ཞེས་དང་། དབྱིངས་ཀྱི་རང་བཞིན་འོད་ཀྱི་ཁྱིམ། །འགྱུར་མེད་ཡེ་གདངས་ཆེན་པོར་ནི། །སངས་རྒྱས་སེམས་ཅན་ཐམས་ཅད་ལ། །ཡེ་ནས་གཉིས་མེད་མཉམ་པར་གནས། ཞེས་དང་། །ཐིག་ལེ་སྟོང་པའི་སྒྲོན་མ་ནི། །ཆོས་རྣམས་ཀུན་གྱི་ཡིད་ཆེས་པ། །དེ་ཉིད་སུ་ཡིས་ཤེས་པ་དེ། །ཐིག་ལེ་སྐུ་ལ་ལོངས་སྤྱོད་དོ། །ཞེས་སོགས་དང་། སེང་གེ་སྩལ་རྫོགས་ལས། །དབྱིངས་ནི་དབྱིངས་ཀྱི་སྒྲོན་མ་ལ། །རིག་པ་ལུ་གུ་བརྒྱུད་དུ་གསལ། །དབྱིངས་ནི་འོད་ཀྱི་མུ་ཁྱུད་ལ། །རིག་

[Full Size]

པ་སྐུ་ལྔའི་སྣང་བ་ཤར། །དབྱིངས་དང་རིག་པ་ཡེ་ཤེས་གསུམ། །འདུ་འབྲལ་མེད་པའི་ཚུལ་དུ་གནས། །ཞེས་སོགས་རྒྱ་ཆེར་གསུངས་ལ། །ཤེས་རབ་རང་བཞིན་སྒྲོན་མ་ནི། ཡེ་ཤེས་ཀྱི་རང་སྣང་མཐོང་ཞིང་རྟོགས་པར་བྱེད་པ་པོ་ཁྲེགས་ཆོད་ཀྱི་དངོས་གཞི་རང་རིག་པའི་ཡེ་ཤེས་ཉིད་ཡིན་ཏེ། དེ་ཡང་ཆོས་སྤྱི་ལས་སེམས་རིག་གཅིག་པ་དུ་བྱེད་ཀྱང་། འདི་ནི་སྔར་བཤད་པ་བཞིན་ཐོག་མར་ཡང་ཀ་དག་དང་ཀུན་གཞི་ཐ་དད་པ་དང་། ད་ལྟ་ལམ་གྱི་དུས་ནའང་སེམས་རིག་ཤན་ཕྱེས་ནས། ཉམས་ལེན་གྱི་རྩ་བ་ནི་རིག་པ་རང་ལ་བྱེད་དགོས་པའི་རྒྱུ་མཚན་ཡང་། དེ་ལ་སེམས་ཀྱང་བརྟེན་པའི་གནས་ནི་གཡོ་བ་རླུང་གི་མཛོད་ལ་བརྟེན་ཅིང་། ལམ་ནི་མེད་པ་དཀར་ནག་ལ་བརྒྱུད་ནས། སྒོ་ནི་ཁ་སྣ་གཉིས་ལས་ཐོན་ཏེ། བྱེད་ལས་ནི་འཁོར་

[Full Size]

བའི་རྒྱུ་འབྲས་སྣ་ཚོགས་པ། །ངོ་བོ་ནི་མ་རིག་འཁྲུལ་པའི་ཤེས་པ་སྟེ། མིང་གི་རྣམ་གྲངས་ནི། སེམས་ཡིད། རྣམ་ཤེས། བག་ཆགས། རྟོག་པ། འགྱུ་བ་ཞེས་པ་ལ་སོགས་སུ་བརྗོད་ལ། འགྱུ་བའི་གྲོགས་སམ་རྟ་ནི་ལས་ཀྱི་རླུང་གིས་བྱེད་ཕྱིར། དེས་ན་འདི་ཀུན་རྫོབ་ཀྱི་རླུང་སེམས་ཐིག་ལེ་སོགས་ལ་ཉམས་ལེན་གཙོ་བོར་མི་བྱེད་པའི་རྒྱུ་མཚན་དེ་ལྟར་ཡིན་པ་དང་། རིག་པའི་གནས་དང་ལམ་སྒོ་སོགས་ནི་གོང་དུ་བཤད་མ་ཐག་པ་ལྟར་ལ། ངོ་བོ་ནི་སངས་རྒྱས་ཀྱི་སྙིང་པོའམ། སྐུ་གསུམ་དབྱེར་མེད་ཡེ་ཤེས་གསུམ་དང་། །མཁྱེན་པ་གཉིས་ལྡན་ཡིན་པ་དང་། བྱེད་ལས་ནི་མྱང་འདས་ཀྱི་ཆོས་ཐམས་ཅད་མཐར་ཕྱིན་པའམ། སྨིན་པ་དང་གྲོལ་བར་བྱེད་ཅིང་། མིང་གི་རྣམ་གྲངས་ནི། ཀ་དག །བློ་འདས། རང་རིག །ཆོས་སྐུ་

[Full Size]

ཐིག་ལེ་ཉག་གཅིག །ཤེས་རབ་ཕར་ཕྱིན། ཕྱག་རྒྱ་ཆེན་པོ། རྫོགས་པ་ཆེན་པོ། དོན་དམ་པའི་ཡེ་ཤེས་ལ་སོགས་དཔག་ཏུ་མེད་ཅིང་། ཐོད་རྒལ་གྱི་སྐབས་འདིར་ནི། ཤེས་རབ་རང་བྱུང་གི་སྒྲོན་མ་ཞེས་སུ་བཏགས་པ་སྟེ། མདོར་ན་འདི་སྐབས་ཀྱི་སྒྲོན་མ་གཞན་ཐམས་ཅད་ཀྱང་ཡང་དག་པའི་ལམ་དུ་འགྲོ་མི་འགྲོའི་གནད་ནི་འདི་ཁོ་ན་ལ་རག་པའོ། དེ་ལྟར་ཡིན་པར་ཡང་། སྒྲོན་མ་འབར་བ་ལས། འདི་ལྟར་སྒྲོན་མ་ཐམས་ཅད་ཀྱི། །ཤེས་བྱེད་ཚུལ་དུ་གནས་པས་ན། །ཀུན་གྱི་ཆ་ལ་འདི་ཉིད་ཀྱིས། །འབྱེད་པ་མེད་པའི་ཚུལ་དུ་གནས། ཞེས་དང་། །སྣང་དང་མི་སྣང་ཆོས་རྣམས་ཀུན། །རང་བཞིན་མེད་པར་སུས་ཤེས་པ། །དེ་ནི་འདི་ཡི་མཚན་ཉིད་དོ། །ཞེས་དང་། གཞན་ཡང་། །ཤེས་པ་འགྱུ་བ་

[Full Size]

རྟོགས་ཡུལ་ལས། །མཐོང་ཤེས་རིག་པ་ཐ་དད་མིན། །དེ་ཉིད་རང་གི་ཐོག་ཏུ་གྲོལ། །གཅིག་ཤེས་པས་ནི་ཀུན་གྲོལ་ལོ། །ཞེས་སོགས་རྒྱ་ཆེར་འབྱུང་བའི་ཕྱིར། །ཐོད་རྒལ་གྱི་འཆར་སྣང་དུ་མ་ཟད་ཚོགས་དྲུག་བག །ཆགས་འཁྲུལ་སྣང་ཀུན་ལའང་། གནད་དོན་འདི་ཉིད་ཁོ་ནས་གྲོལ་མི་གྲོལ་དུ་འགྱུར་བས། དེས་ན་སྒྲོན་མ་ཐམས་ཅད་ཀྱི་གཙོ་བོའི་ཁྱབ་བྱེད་ནི་ཤེས་རབ་རབ་བྱུང་གི་སྒྲོན་མ་དང་། དེའི་གདངས་རྡོ་རྗེ་ལུ་གུ་རྒྱུད་ལ་ནན་ཏན་དུ་བྱ་སྟེ། །ནོར་བུ་ཕྲ་བཀོད་ཀྱི་རྒྱུད་ལས། སངས་རྒྱས་ཐམས་ཅད་ཀྱི་ཐུགས་ལ་བལྟ་བར་འདོད་ན་རྡོ་རྗེ་ལུ་གུ་རྒྱུད་ཀྱི་སྐུ་ལ་ལྟོས་ཤིགསངས་རྒྱས་ཐམས་ཅད་ཀྱི་དགོངས་པ་ཐུགས་སུ་ཆུད་པར་འདོད་ན་རྡོ་རྗེ་ལུ་གུ་རྒྱུད་དང་མ་བྲལ་བར་གྱིས་ཤིག །ཆོས་ཐམས་ཅད་ཀྱི་

[Full Size]

མདོ་དང་རྒྱས་པ་ཤེས་པར་འདོད་ན། རྡོ་རྗེ་ལུ་གུ་རྒྱུད་ཀྱི་འདུག་ཚུལ་ལ་ལྟོས་ཤིག ལྟ་སྒོམ་སྤྱོད་པ་ཀུན་དང་འདུ་འབྲལ་མེད་པར་འདོད་ན། རྡོ་རྗེ་ལུ་གུ་རྒྱུད་ཀྱི་སྐུ་ལས་མ་ཡེངས་ཤིག །ཨེ་མ། ཡང་དག་པར་རྫོགས་པའི་སངས་རྒྱས་སྐུ་ཐམས་ཅད་ཀྱི་མངའ་བདག་ཀྱང་རྡོ་རྗེ་ལུ་གུ་རྒྱུད་ལ་ཐུག་གོ། །ཞེས་སོགས་གསུངས་སོ། །དེ་ལྟར་ཁྲེགས་ཆོད་ཐོད་རྒལ་ཟུང་འཇུག་ཏུ་ཉམས་སུ་ལེན་པ་ལ་བརྩོན་ཞིང་། འདི་སྐབས་ཀྱི་མཚན་མོའི་ཆ་ཐམས་ཅད་དུ་རྒྱ་མཚོ་ཨར་གཏད་ཀྱི་རྣལ་འབྱོར་དང་། གཞན་ཡང་ཉིན་མོའི་ཚོགས་དྲུག་གང་ཤར་ཐམས་ཅད་ལ་བདེན་ཞེན་དགག་སྒྲུབ་ཀྱིས་མ་བཅིངས་རང་གྲོལ་ཅོག་བཞག་གི་གནད་བཞིའི་རྒྱས་གདབ་པ་དང་། ནུབ་མོ་རྨི་ལམ་ཉིང་འཁྲུལ་གཏི་མུག་ཁ་ཡན་དུ་མ་བཏང་བར་འོད་གསལ་

[Full Size]

ཤེས་བྱ་བུམ་འཇུག་ལ་དྲིལ། ནང་ནུབ་ལྟོ་གོས་རྣམ་གཡེང་གི་བྱ་བྲལ་ཀུན་ལ་ཞེན་འཛིན་ཨ་འཐས་རང་རྒྱུད་ཀྱི་རྟོད་ཕུར་ཕུད་ལ། རྣམ་པ་ཐམས་ཅད་དུ་ཉམས་ལེན་གྱི་སྙིང་པོར་དབྱིངས་རིག་གི་ངང་ལ་ཐག་ཆོད་ཀྱི་དགོངས་པ་འཕོ་འགྱུར་མེད་པར་རི་བོ་ཅོག་བཞག་གི་ལྟ་བ་དང་། སྣང་སྟོང་དབྱེར་མེད་འཛིན་བྱེད་བློ་འདས་རྒྱ་མཚོ་ཅོག་བཞག་གི་སྒོམ་པ་དང་། རིག་དང་ལུག་རྒྱུད་བཙོན་དུ་ཟིན་པས་བག་ཆགས་འཁྲུལ་ཞེན་གྱི་ཤུན་པ་ཡམ་པ་རིག་པ་ཅོག་བཞག་གི་མན་ངག་དང་། བྱིང་རྨུག་འཕྲོ་རྒོད་ཀྱི་དབང་དུ་མ་སོང་ཞིང་བདེ་གསལ་མི་རྟོག་གི་ཉམས་ཀྱིས་མ་བཅིངས་པའི་ཡེ་ཤེས་མངོན་སུམ་གྱི་དོན་ལས་མ་ཡེངས་པ་སྣང་བ་ཅོག་བཞག་གི་ཉམས་ལེན་ཏེ་དེ་ལྟར་རྣམ་པ་བཞི་པོ་ལ་བརྩོན་དགོས་

[Full Size]

པར་འདི་ཉིད་ཀྱི་གཞུང་དང་། མན་ངག་ལས་གསུངས་པའི་དོན་གྱི་རྩ་བ་ནི་དབྱིངས་རིག་འབྲལ་མེད་ཀྱི་ཉམས་ལེན་ཉིད་ལ་འདུ་བར་ཤེས་པར་བྱའོ། །དེ་ལྟར་ཉམས་སུ་ལེན་པ་ལ་ཆིག་དྲིལ་དུ་བརྩོན་པའི་རྣལ་འབྱོར་རྣམས་ལ་རྟགས་ཚད་ཀྱི་རིམ་པ་ཇི་ལྟར་འཆར་ཚུལ་དང་། གྲོལ་ཚད་ངེས་པའི་གཟེར་དང་བཅས་ཏེ་སྣང་བ་བཞིའི་འཕེལ་ཚུལ་འཆད་པར་བྱེད་པ་ལ། ཁྲེགས་ཆོད་ཀྱི་རྟགས་ཚད་ཐུན་མོང་ནི། གོང་གི་ཕྱག་རྫོགས་དགོངས་མཐུན་དུ་བསྟན་ནས། འདིར་ཁྱད་པར་གྱི་མན་ངག་ཐོད་རྒལ་སྣང་བཞིའི་རིམ་པ་མདོར་བསྡུས་བརྗོད་པ་ནི། སྣང་བཞི་སོ་སོར་འཆར་ཚུལ་དང་རྟགས་ཚད་ལྷན་ཅིག་ཏུ་འཆད་དེ། དེ་ཡང་དང་པོ་འཁོར་འདས་ཏུ་ཤན་འབྱེད་པ་ལ་སོགས་སྔོན་འགྲོ་སྤྱི་དང་བྱེ་བྲག་ཐམས་ཅད་ལ་རྟགས་ཐོན་པར་མ་བྱས་ན་ནི། འདིར་

[Full Size]

ཉམས་ལེན་དངོས་ཀྱི་སྐབས་སུ་འཆར་སྒོ་དང་རྟགས་མཚན་ཚུལ་མཐུན་པ་མི་འབྱུང་ཞིང་། ཁྱད་པར་ཁྲེགས་ཆོད་ཀྱི་གནད་དོན་ཇི་བཞིན་མ་རྟོགས་པས་ནི་འདིར་ཡང་ལམ་དུ་མི་འགྱུར་བའི་ཕྱིར་ན། ཐོག་མར་དེ་དག་ལ་སྐྱོན་མེད་ཀྱི་གཞི་ཟིན་པར་བྱ་བ་ནི་གནད་ཀྱི་གལ་པོ་ཆེ་ཡིན་ལ། དེ་དག་ཚུལ་ལྡན་ཉམས་སུ་བླངས་པས་དང་པོ་དབྱིངས་རིག་གི་སྣང་བ་འོད་ཁྱིམ་དང་། སྒྲོན་མའི་སྣང་བ་ཐིག་ལེ། སྐུའི་རིག་པའི་སྣང་བ་ལུ་གུ་རྒྱུད་རྣམས་ངོ་སྤྲད་ནས་མཐོང་བ་དེ་ལ་ཆོས་ཉིད་མངོན་སུམ་གྱི་སྣང་བ་ཞེས་བྱ་སྟེ། འདི་དག་ལ་དང་པོར་ཅུང་ཟད་དམ་འགའ་ཙམ་མཐོང་བ་ལ་སྣ་ཟིན་པ་ཞེས་བྱ་བ་དང་། བར་དུ་ཚུལ་ཞིན་བཀྲ་ཤེས་ཤིང་ལེགས་པར་མཐོང་ཚེ་གཏན་ལ་ཕེབས་པ་ཞེས་བྱ་བ་དང་། མཐར་རྣམ་པ་

[Full Size]

བལྟས་བལྟས་སུ་ཆག་ཚེགས་མེད་པ་མཐོང་བ་ལ་རྩལ་རྫོགས་པ་ཞེས་པའི་མིང་གི་ཐ་སྙད་བྱེད་ཚུལ་ནི་སྣང་བ་རྗེས་མ་རྣམས་ལ་ཡང་ཤེས་པར་བྱ། ཆོས་ཉིད་མངོན་སུམ་གཏན་ལ་ཕེབས་པའི་རྟགས་ནི་སྒོ་གསུམ་ལ་འབྱུང་བ་སྟེ། དེ་ཡང་ལུས་རུས་སྦལ་མཁར་གཞོང་དུ་བཅུག་པ་ལྟ་བུ་ཞེས་ལུས་ཀྱི་བྱ་བྱེད་གཞན་གང་ཡང་མི་སྤྲོ་བར། སྐུ་གསུམ་གྱི་བཞུགས་སྟངས་ལས་འདའ་སྙིང་མི་འདོད་པ་འབྱུང་སྟེ། སྤྲོས་བཅས་བུམ་པའི་དབང་གིས་ལུས་སྨིན་ཅིང་རྫོགས་ཆེན་བྱ་རྩོལ་དང་བྲལ་བའི་རྟགས་སུ་གསུངས། ངག་གི་ལྐུགས་པ་ལྟར་འབྱུང་བ་སྟེ། ཐ་མལ་འཁྲུལ་པའི་སྨྲ་བརྗོད་ཀྱི་སྤྲོས་པ་དང་། བྲེལ་བ་ནི་གསང་དབང་གི་ནུས་པ་དང་། སེམས་ནི་འདབ་ཆགས་སྙི་ལ་ཟིན་པ་བཞིན་ཏེ། རྟོག་པ་འཕྲོ་བར་བརྩམ་མ་

[Full Size]

ཐག་རིག་པས་ཟིན་ནས་འཁྲུལ་སྣང་དུ་འགྲོ་བའི་དབང་མེད་པར་འབྱུང་བ་སྟེ་ཁྱད་པར་གྱི་རྟགས་འདི་དག་དང་གཞན་ཡང་ཐུན་མོང་གི་རྟགས་སུ་ནི། བླ་མ་སངས་རྒྱས་དངོས་སུ་མཐོང་བའི་དད་གུས་བཅོས་མེད་དུ་སྐྱེ། བྱམས་སྙིང་རྗེ་རྩོལ་མེད་དུ་འབྱུང་ཞིང་རྒྱུ་འབྲས་ལ་ངེས་ཤེས་རྙེད། ཉོན་མོངས་རག་པ་མགོ་ནོན་ཅིང་ཤེས་རྒྱུད་འབོལ་གྱིས་འགྲོ་བ་དང་། བདེ་གསལ་མི་རྟོག་རང་ཤུགས་ལ་འཆར་བས་འཇིག་རྟེན་ཆོས་མིན་རྣམ་གཡེང་གི་ལས་ལ་བློ་མི་འཇུག་པ་སོགས་འབྱུང་བ་སྟེ། མདོར་ན་ཕྱག་རྒྱ་ཆེན་པོའི་རྩེ་གཅིག་གསུམ་གྱི་ལམ་རྟགས་རྣམས་དང་ཤས་ཆེར་མཐུན་པར་བཤད་ལ། ཆོས་ཉིད་མངོན་སུམ་གཏན་ལ་ཕེབས་པའི་གང་ཟག་དེ་དམ་ཚིག་ཉེས་ལྟུང་གི་དྲི་མ་མེད་ན་ངན་སོང་གི་སྐྱེ་སྒོ་རྒྱུན་ཆོད་པའི་ཚད་ཡིན་ནོ། །

[Full Size]

དེ་ནས་ཡང་སྔར་ལས་མ་གཡོས་པར་ཉམས་སུ་བླངས་ན་ཉམས་གོང་འཕེལ་གྱི་སྣང་བ་འཆར་ཏེ། དེ་ལ་སྣང་བའི་ཉམས་དང་ཤེས་ཉམས་གཉིས་ལས། བདེ་གསལ་མི་རྟོག་པ་སོགས་ཟག་བཅས་ཀྱི་ཡོན་ཏན་སེམས་ཀྱི་དྭངས་ཆར་མྱོང་བ་ཐམས་ཅད་ལ་ནི་ཤེས་ཉམས་ཞེས་བྱ་སྟེ། འགྱུར་ལྡོག་དང་འཕེལ་འགྲིབ་ཅན་དུ་ཡིན་པས་ཚད་མི་བཟུང་ལ། འདི་སྐབས་སུ་སྣང་ཉམས་ལ་ཚད་འཛིན་ཏེ། དབྱིངས་སྣང་འོད་ཀྱི་ཤར་ཚུལ་སྔར་ལས་གོང་དུ་འཕེལ་ཏེ་ཁ་དོག་ལྔ་ལྡན་གསལ་འཚེར་དྭངས་པའི་འོད་སྣམ་བུ་གྱེན་བསྒྲེངས་དང་རྩིབས་ཤར། མིག་མང་རིས་དང་། རེ་ལྡེ་ལྟ་བུ། གུར་ཁྱིམ་མཆོག་རྟེན། པདྨ་སྟོང་ལྡན་ལྟ་བུའི་དབྱིབས་དང་། འཁོར་ལོ་རྡོ་རྗེ་རིན་ཆེན་ལ་སོགས་པའི་ཕྱག་མཚན་དང་། རྒྱལ་སྲིད་བདུན་དང་བཀྲ་ཤིས་རྟགས་བརྒྱད་

[Full Size]

ལ་སོགས་པའི་དབྱིབས་ཀྱི་རྣམ་གྲངས་མཐའ་ཡས་པ་འཆར་ལ། ཁྱད་པར་ཡེ་ཤེས་སོ་སོའི་གདངས་ཀྱི་བྱེ་བྲག་ལ་དབྱེ་ན། དེ་ཡང་མེ་ལོང་ཡེ་ཤེས་ཀྱི་འོད་གྱེན་བསྒྲེངས་དང་། མཉམ་ཉིད་ཡེ་ཤེས་ཀྱི་རྩིབ་ཤར། སོར་རྟོག་ཡེ་ཤེས་ཀྱི་གྲུ་ཆད་བྱ་གྲུབ་ཡེ་ཤེས་ཀྱི་རེ་ལྡེ་ལྟ་བུ། ཆོས་དབྱིངས་ཡེ་ཤེས་ཀྱི་ཡུལ་གྲུ་ཙམ་གྱི་རྒྱ་ཁྱོན་ལྡན་པའི་འོད་ཁྱིམ་དང་། དེ་བཞིན་དུ་དབྱིབས་ཀྱང་མེ་ལོང་ཡེ་ཤེས་མིག་ཚགས་ལྟ་བུ། མཉམ་ཉིད་ཀྱི་དྲ་བ་དྲ་ཕྱེད་ལྟ་བུ། སོ་སོར་རྟོག་པའི་མེ་ཏོག་གི་ཚོམ་བུ་ལྟ་བུ། བྱ་གྲུབ་ཀྱི་མཚོན་ཆ་སྣ་ཚོགས་པ་ལྟ་བུ། ཆོས་དབྱིངས་ཡེ་ཤེས་ཀྱི་དཀྱིལ་འཁོར་དང་མཁར་ཐབས་སུ་སྣང་བ་སོགས་བརྗོད་ཀྱིས་མི་ལང་བའི་འཆར་སྒོ་འབྱུང་ཞིང་། དབྱིངས་སྣང་དེ་དག་ཀྱང་དང་པོར་ཁྲུ་གང་ཙམ་དང་། ཐིག་ལེ་ཡང་

[Full Size]

རིལ་མ་ཙམ་འཆར་བ་ནས་གོང་འཕེལ་གྱི་སྣ་ཟིན་པར་བཤད་ལ། མཐར་ཡུལ་གྲུ་ཙམ་དང་རང་གནས་ཀྱི་ལུང་པར་ཁྱབ་པར་འཆར་ཞིང་། ཐིག་ལེ་ཡང་མཁར་གཞོང་དང་སྦ་ཕུབ་ཙམ་དུ་འགྱུར་བའི་བར་གྱི་གཏན་ལ་འབེབས་པ་དང་རྩལ་རྫོགས་པ་སོགས་སུ་གསུངས་པ་དང་། དེའི་ཚེ་ལུས་ཀྱི་རྟགས་ནི་སྐྱེས་བུ་ནད་ཀྱིས་གདུང་བ་ལྟ་བུ་ནས་བཅོས་མའི་ཚུལ་འཆོས་ངོ་ཚ་མཆོར་མཛེས་སོགས་ཀྱི་སྣང་བ་དང་བྲལ། ངག་སྨྱོན་པ་ལྟ་བུ་སྟེ་འཇིག་རྟེན་འཁྲུལ་ཞེན་གྱི་གཏམ་ཚིག་སྒྲིག་ཆགས་སུ་མི་འབྱུང་། སེམས་སྐྱེས་བུ་རྩི་དུག་གིས་ཟིན་པས་ཟུང་ཆེན་པོའི་རྣམ་པ་འགག་པ་བཞིན་དུ། ཐ་མལ་གྱི་རྣམ་པར་རྟོག་པ་ཐམས་ཅད་རིག་པའི་ཀློང་དུ་ཐིམ་པས་ཀུན་རྫོབ་འཁྲུལ་པའི་དྲན་འཛིན་བུལ་ནས་སྟོང་གསལ་ཀ་དག་གི་ངང་ལས་མི་འདའ་

[Full Size]

བ་རྣམས་འབྱུང་ཞིང་། འདི་དུས་ཐུན་མོང་གི་རྟགས་སུ་དངོས་འཛིན་གྱི་འཁྲུལ་པ་ཞིག་པས་དགྲ་གཉེན་དང་ཆགས་སྡང་གི་བག་ཆགས་ཨ་འཐས་ཐམས་ཅད་ཡལ། ཟང་ཟིང་ཟས་གོས་ཞིམ་མངར། སྐྱིད་སྡུག་ལེགས་ཉེས་སྤོང་ལེན་དགག་སྒྲུབ་སོགས་ཀྱི་འཛིན་པ་ལས་གྲོལ་བར་འགྱུར་ཏེ། འདི་དག་ནི་ཤིན་ཏུ་སྤྲོས་མེད་ཤེས་རབ་ཡེ་ཤེས་ཀྱི་དབང་གི་ནུས་པ་དང་། དངོས་འཛིན་གྱི་འཆིང་བ་ཕལ་ཆེར་ལས་གྲོལ་བར་འགྱུར་བ་སྟེ་འདི་དུས་རིག་པ་ནི་འདབ་ཆགས་འཕུར་རྐྱེན་ཙམ་དུ་གསུངས་ཀྱང་ཕལ་ཆེར་བུང་བ་བཅུད་ལ་རོལ་པ་ཙམ་དུ་འབྱུང་ཞིང་། མདོར་ན་འདི་སྐབས་རྣམས་སུ་ཕྱག་ཆེན་གྱི་སྤྲོས་བྲལ་དང་སྦྱར་བ་མང་ཡང་། མངོན་སུམ་ཐོད་རྒལ་འདི་ལས་མྱུར་ཚད་ཀྱི་དབང་གིས་རོ་གཅིག་དང་མཚུངས་པར་སྣང་བ་དང་། ལར་འདི་

[Full Size]

སྐབས་ཀྱི་སྣ་ཟིན་པ་ཙམ་ནས་འཁོར་འདས་ཀྱི་རྒྱབ་གྱེས་པ་ཞེས་བྱ་སྟེ། ཕྱིན་ཆད་རིགས་དྲུག་གི་མངལ་དུ་མི་འཇུག་ཅིང་རང་བཞིན་སྤྲུལ་པའི་ཞིང་དུ་གྲོལ་བར་གཏན་ལ་ཕེབས་ཤིང་རྩལ་རྫོགས་པས་ནི་བར་དོའི་འོད་གསལ་ཟུང་འཇུག་ནས་ལྷུན་གྲུབ་རིན་པོ་ཆེའི། སྣང་བ་ཚུན་ཆད་གང་རུང་ལ་ནི་མི་གྲོལ་མི་སྲིད་པའི་ཚད་ཟིན་པའོ། །དེ་ཡང་རིག་པ་ཚད་ཕེབས་ཀྱི་སྣང་བ་ནི། དབྱིངས་སྣང་དེ་དག་ནམ་མཁས་གར་ཁྱབ་ཏུ་ཁྱབ་ཅིང་། ཐིག་ལེ་ནི་ཕུབ་ཙམ་མམ་རྔ་བོ་ཆེ་ཙམ་ལྔ་ཚོམ་དང་དགུ་ཚོམ་ལ་སོགས་པའི་ཚོམ་བུར་སྣང་བ་དང་། རྐྱང་པ་དང་། །གྲོལ་ཐབས་སོགས་ངེས་པ་མེད་ལ། ཐིག་ལེའི་རེ་རེའི་ནང་དུ་པདྨ་འདབ་བཞི་སོགས་ལ་ཐོག་མར་ཞི་བའི་སྐུ་ཕྱེད་པ་དང་། སྐུ་རྐྱང་རྒྱན་མེད་པར་སྣང་བ་དག་འབྱུང་ལ། དེ་ནས་ལྔ་ཚོམ་

[Full Size]

དང་ཡབ་ཡུམ་ཟུང་འབྲེལ། མཐར་ནི་སྣང་བས་གར་ཁྱབ་སྐུ་ཡིས་ཁྱབ་པར་འབྱུང་ཞིང་། གཞན་ཡང་འདི་ཚེ་རང་གི་བ་སྤུའི་ཁུང་བུ་རེ་རེར་ཡང་སངས་རྒྱས་ཀྱི་ཞིང་སྣང་བརྒྱ་སྟོང་གྲངས་མེད་པར་མཐོང་བ་དང་། ཕྱི་རོལ་གྱི་ས་རྡོ་རི་བྲག་གདོས་བཅས་ཀྱི་སྣང་བ་འགགས་པའམ། མ་འགགས་ཀྱང་སྐྲ་ཉག་རེ་རེ་དང་ཤིང་ལོ་རེ་རེ་རྡུལ་ཕྲན་རེ་རེ་ལའང་ཞིང་ཁམས་ཀྱི་བཀོད་པ་དཔག་ཏུ་མེད་པ་སྣང་བ་སོགས་མདོར་ན་འདི་སྐབས་ཀྱི་འཆར་སྒོ་ནི་བརྗོད་པའི་ཡུལ་ལས་འདས་ལ། ཐིག་ལེ་རྣམས་འགུལ་འཁྲིག་མེད་པར་སྡོད་པ་འབྱུང་། གཞན་འདི་རྩ་ན་ཕྱིས་བར་དོ་ཤར་རྒྱུའི་སྣང་བ་ཐམས་ཅད་ད་ལྟ་ནས་གཏན་ལ་ཕབ་ཚར་བ་ཡིན་ཕྱིར། རང་གི་སྙིང་ག་ནས་འོད་ཀྱི་ཟེར་ཐག་ཚོམ་བུའི་སྐུ་རྣམས་ལ་ཟུག་པར་སྣང་བ་དང་། སྤྱི་

[Full Size]

གཙུག་གི་ནམ་མཁར་འོད་ཀྱི་འཁོར་ལོ་རྨ་བྱའི་གདུགས་ལྟ་བུ་བརྩེགས་མ་གྲངས་མེད་པ་སྣང་ཞིང་། སྟེང་གི་ནམ་མཁར་ཁྲོ་བོའི་དཀྱིལ་འཁོར། ཐད་ཀར་ལོངས་སྐུ་ཞི་བའི་དཀྱིལ་འཁོར། འོག་ཏུ་རང་བཞིན་སྤྲུལ་པའི་ཞིང་སོགས་ཏེ་མདོར་ན་ལྷུན་གྲུབ་རིན་པོ་ཆེའི་སྣང་བ་མཐའ་དག་ཡོངས་རྫོགས་སུ་འདི་དུས་འཆར་བར་འགྱུར་བ། དེ་ཚེ་རྟགས་ནི་ལུས་གླང་ཆེན་འདམ་དུ་བྱིང་ན་སྐད་ཅིག་ལ་ཐོན་ནུས་པ་བཞིན། ཕྱི་ནང་གི་གདོས་བཅས་རང་སར་དག་པས་རི་བྲག་ཁང་ཁྱིམ་སོགས་ལ་ཐོག་མེད་ཟང་ཐལ་དང་། ངག་ནི་གྲུལ་བུམ་གྱི་ཕྲུ་གུའི་སྐད་དེ་སུས་ཐོས་ཀྱང་ཡིད་འཕྲོག་པ་དེ་བཞིན་དུ། རྣལ་འབྱོར་པ་དེས་ཅི་སྨྲས་ཆོས་སུ་འགྱུར་ཞིང་ངག་གི་བདེན་ཚིག་གྲུབ་སྟེ་འགྲོ་བ་སོ་སོའི་བསམ་པ་ཐ་དད་དང་མཐུན་པའི་ཆོས་ཀྱི་རྣམ་

[Full Size]

གྲངས་དཔག་མེད་དུས་གཅིག་ལ་སྟོན་ནུས་པ་དང་། ཡིད་ནི་རིམས་ནད་བྱང་བའི་སྐྱེས་བུ་ལ་སླར་རིམས་ནད་ཀྱི་དོགས་པ་མེད་པ་བཞིན། འཁོར་འདས་འབྲེལ་ཐག་ཆོད་པས་ད་ཕྱིན་ཆད་འཁོར་བ་ལ་ལྷུང་བའི་དོགས་པ་མེད་པ་རྣམས་འབྱུང་ལ། ཐུན་མོ། །ཡོན་ཏན་གྱི་རྩལ་མཐའ་དག་རྫོགས་པས། ནམ་མཁར་འཕུར་ཞིང་པ་ལ་འཛུལ་བ་དང་། འབྱུང་བས་གནོད་པ་མེད་ཅིང་རྫུ་འཕྲུལ་སྤྲུལ་བསྒྱུར་གྱི་ཚོགས་ལ་རང་དབང་ཐོབ་པ་སྟེ། འདི་དག་ནི་རབ་ཏུ་སྤྲོས་མེད་ཚིག་དབང་རིན་པོ་ཆེའི་ནུས་པ་མཐར་ཕྱིན་ཅིང་། སྐུ་གསུམ་ལམ་དུ་རྫོགས། འབྲས་བུ་བཅུད་དུ་སྨིན། གདོས་བཅས་འོད་དུ་གྲོལ་བས། ལུས་ཐོག་འདི་ཉིད་ལ་བྱང་ཆུབ་མངོན་དུ་གྱུར་པའི་ཚད་ལ་ཕེབས་པའོ། །འདི་དག་སྒོམ་མེད་ཆུང་འབྲིང་དང་

[Full Size]

སྦྱོར་མོད་ཀྱང་། དོན་ལ་སྒོམ་མེད་ཆེན་པོ་མཐར་ཕྱིན་པ་ཉིད་དེ། ལུས་སྣང་སེམས་གསུམ་གྱི་སྒྲིབ་བྱེད་མཐའ་དག་ནི་ཟད། ཤེས་སྒྲིབ་ཀྱི་དྲི་མའི་ཆ་ཙམ་ཡང་བྲལ། མཁྱེན་བརྩེ་ནུས་པའི་ཡོན་ཏན་གྱི་རྩལ་ཆེན་མ་ལུས་རྫོགས་པའི་ཕྱིར། འདི་ལས་གོང་དུ་བགྲོད་པའི་ཡུལ་མེད་པ་ཉིད་དོ། །དེ་ནས་ཆོས་ཉིད་ཟད་པའི་སྣང་བ་ཞེས་པའི་ཐ་སྙད་ནི། ཕྱིའི་སྣང་བ་ནང་གི་དབྱིངས་ལ་ཐིམ་པ་ཞེས་ཀྱང་བྱའོ། །གཟུགས་སྐུ་ཆོས་སྐུར་སྡུད་པས་སངས་རྒྱས་མྱ་ངན་ལས་འདས་པ་ཡང་ཟེར། བྱ་བྱེད་ཀྱི་སྤྲོས་མཚན་དང་བྲལ་ཕྱིར་འབྲས་བུ་བློ་ཟད་ཆོས་ཟད་ཅེས་ཀྱང་བྱ་བ་སྟེ། མདོར་ན་འདིའི་སྐབས་ཀྱི་དགོངས་པ་ལྟར་ན་ལྷུན་གྲུབ་ཉིད་ཀ་དག་གི་གཞི་ལ་ཐིམ་པ་ཡིན་ནོ། །འདི་དུས་རྟགས་ནི་ལུས་འདབ་ཆགས་སྙི་ལས་གྲོལ་བ་ཞེས་

[Full Size]

གདོས་བཅས་ཀྱི་རྒྱ་དང་བྲལ། ངག་བྲག་ཅ་ལྟ་བུ་ཞེས། གདུལ་བྱ་གཞན་ངོར་ཆོས་སྒོ་སྣ་ཚོགས་སུ་གོ་ཡང་རང་ངོ་ལ་བརྗོད་གཞི་དང་བརྗོད་མཁན་མེད། སེམས་སྐྱེས་བུ་སྙིང་ལ་མདས་ཟིན་ན་སྐད་ཅིག་ལ་འཆི་བར་འགྱུར་བ་བཞིན། ལུས་ཉམས། དབང་པོ། རྟོག་ཚོགས་མཐའ་དག་ཟད་པས། སངས་མི་རྒྱ་བའི་དབང་མེད་པར་ཆོས་ཉིད་བསམ་བརྗོད་བྲལ་བའི་དབྱིངས་སུ་ཡལ་བ་སྟེ། འདི་དུས་ཐུན་མོང་གི་རྟགས་ཚད་ཡུལ་ལས་འདས་ཕྱིར་བརྗོད་དུ་མེད་དོ། །དེ་ལྟར་ཡང་སྒྲ་ཐལ་འགྱུར་ལས། ཆོས་ཉིད་མངོན་སུམ་སྣང་བ་ཡིས། །ཡིད་དཔྱོད་འཛིན་པའི་ཚིག་ལས་འདས། །གོང་དུ་འཕེལ་བའི་ཉམས་སྣང་གིས། །འཁྲུལ་པའི་སྣང་བ་ནུབ་པར་བྱེད། །རིག་པ་ཚད་ཕེབས་སྣང་བ་ཡིས། །སྐུ་གསུམ་རྟོགས་པའི་ རྟོགས་པའི་ལམ་སྣང་འདས་

[Full Size]

ལམ་སྣང་འདས། །ཆོས་ཉིད་ཟད་པའི་སྣང་བ་ཡིས། ཁམས་གསུམ་འཁོར་བའི་རྒྱུན་ཐག་ཆོད། ཅེས་གསུངས། དེ་ལྟ་བུའི་སྣང་བཞིའི་ཉམས་ལེན་གྱི་སྐབས་འདི་དག་ཏུ་མི་འགུལ་བ་གསུམ་ལ་གཞི་བཅས་ཏེ་ཉམས་སུ་བླངས་པས་སྣང་བཞིའི་ཡེ་ཤེས་གོང་འཕེལ་དུ་འཆར་ལ། དེ་ལྟར་ཤར་བཞིན་དུ་སྡོད་པ་གསུམ་ཡང་འབྱུང་སྟེ་གང་ཞེ་ན། ཕྱི་སྣང་བ་སྡོད་པས་སྣང་རྐྱེན་མཐའ་དག་ཞིང་ཁམས་སུ་ཤར། ནང་སྒྱུ་ལུས་སྡོད་པས་རྣམ་གཡེང་འཁྲུལ་པའི་བྱ་བ་བྲལ། གསང་བ་རླུང་རིག་སྡོད་པས་དབྱིངས་དང་ཡེ་ཤེས་འདུ་འབྲལ་མེད་པའི་ཀློང་ལས་མི་འདའ་བའོ། །རིག་པ་ཚད་ཕེབས་ཀྱི་ཚེ་ཐོབ་པ་གསུམ་འབྱུང་སྟེ། རླུང་སེམས་ལ་རང་དབང་ཐོབ་པས། ཟད་པ་ཟིལ་གནོན་ཚར་གཅོད་ལྟ་སྟངས་སོགས་ཀྱི་གྲུབ་རྟགས་དང་གཞན་ཡང་ས་ལམ་གྱི་དྲོད་རྟགས་ཡོན་ཏན་

[Full Size]

ཀུན་གྱི་རྩལ་རྫོགས་པ་དང་། སྐྱེ་བ་ལ་རང་དབང་ཐོབ་པས་རང་ལུས་འོད་དུ་གྲོལ་ཞིང་གཞན་སྣང་དུ་འཕོ་བ་ཆེན་པོའི། སྐུ་ཞེས་སྣང་སྟོང་ཆུ་ཟླ་ལྟ་བུའི་སྐུ་གཟུགས་ཀྱིས་འགྲོ་བའི་དོན་ལ་འཁོར་བ་མ་སྟོང་བར་དུ་འདས་གྲོངས་མི་མངའ་བར་བཞུགས་པ་སྟེ་པད་འབྱུང་བི་མ་ལ་སོགས་དཔག་མེད་བྱོན་པ་རྣམས་དང་མཚུངས་ལ། འཇུག་པ་ལ་དབང་ཐོབ་པ་ཞེས་བྱ་བ་ནི། སྐུ་ལུས་དེས་འགྲོ་བ་འདུལ་བའི་རྟེན་འབྲེལ་གྱི་ཡུལ་མེད་པར་གཟིགས་ནས་སྔོན་གྱི་སྨོན་ལམ་ལས་འཕྲོ་མཐུན་པའི་འགྲོ་བ་སྟོང་ཕྲག་གསུམ་སོགས་རང་ཉིད་དང་ལྷན་ཅིག་ཚོམ་བུ་གཙོ་འཁོར་གྱི་ཚུལ་དུ་ཕུང་པོ་ལྷག་མེད་ཀ་དག་ཆོས་དབྱིངས་སུ་སངས་རྒྱས་ནས་སྐུ་དང་ཡེ་ཤེས་འདུ་འབྲལ་མེད་པའི་ཕྲིན་ལས་རྒྱུན་ཆད་མེད་པར་མཛད་པའོ། །གཞན་ཡང་སྣང་བ་བཞི་ཉམས་སུ་ལེན་པའི་

[Full Size]

གང་ཟག་རྣམས་ལ། ཚད་རྨི་ལམ་གྱིས་འཛིན་ཅིང་རྟགས་ལུས་ངག་ལ་འཆར་བ་ཞེས་གསུངས་པའི་རྟགས་འདི་ནི་གོང་དུ་ཆོས་ཉིད་མངོན་སུམ་གྱི་དུས་ན་ལུས་རུས་སྦལ་མཁར་གཞོང་དུ་བཅུག་པ་ལྟ་བུ་སོགས་སྔར་བརྗོད་པ་རྣམས་ཡིན་ལ། རྨི་ལམ་གྱི་ཚད་ནི། བརྩོན་འགྲུས་དང་དབང་པོ་རབ་རྣམས་ཚེ་འདིར་གྲོལ་བའི་ཚད་དུ་རྨི་ལམ་དབྱིངས་སུ་ནུབ་སྟེ་འཁྲུལ་པ་རྒྱུན་ཆད་པས་ཉིན་མཚན་འོད་གསལ་ཁོར་ཡུག་ཏུ་འགྱུར་བ་དང་། འབྲིང་རྣམས་བར་དོར་གྲོལ་བའི་ཚད་ལ་རྨི་ལམ་ཉིང་འཁྲུལ་དུ་མི་འགྱུར་བར་ཅི་ལྟར་རྨིས་པ་ཀུན་རྨི་ལམ་དུ་ཤེས་ཤིང་ཟིན་པ་དང་། གང་ཟག་དབང་པོ་ཐ་མ་དག་རང་བཞིན་སྤྲུལ་པའི་ཞིང་ཁམས་སུ་དབུགས་དབྱུང་ནས་ལོ་ལྔ་བརྒྱ་ན་འཚང་རྒྱ་བར་འགྱུར་བའི་རིགས་ཅན་རྣམས་ལ་ནི་རྨི་ལམ་བཟང་པོ་ཤ་སྟག་རྨི་བ་སྟེ།

[Full Size]

འདི་ནི་ཐུན་མོང་ཐེག་པར་ཡང་བྱང་ཆུབ་སེམས་དཔའ་ས་ཐོབ་པའི་རྟགས་ཡིན་པར་གསེར་འོད་དམ་པ་མདོ་སྡེ་པ་བཅུ་པ་སོགས་ནས་གསུངས་པའི་རྨི་ལམ་རྣམས་ཡིན་ཏེ། གསེར་གྱི་རི་ལ་འཛེགས་པ་དང་། ཉི་ཟླའི་སྟེང་དུ་སྡོད་པ་དང་། ལུས་ལས་འོད་ཟེར་འཕྲོ་བས་རིགས་དྲུག་རྣམས་ཀྱི་སྡུག་བསྔལ་བསལ་བ་སོགས་ཀྱི་རྨི་ལམ་ཁྱད་པར་ཅན་རྒྱུན་པར་རྨིས་ན། སྣང་བཞི་མཐར་ཕྱིན་གྱི་རྣལ་འབྱོར་དག་ལ་གྲོལ་ཚད་ཀྱི་གདིང་བཞི་ཡང་འབྱུང་བ་སྟེ། ཐོགས་བཅས་ཐོགས་མེད་སོགས་ཀྱི་འཇིགས་པའམ་དམྱལ་བ་ཚ་གྲང་གི་སྡུག་བསྔལ་སོགས་གང་ལ་ལན་རེ་ལན་གཉིས་ལ་ནི་ཐ་སྙད་མེད། འཇིགས་སྐྲག་དང་ཡ་ང་བག་ཚ་བྲལ་བས་ཉམས་ང་མེད་པའི་གདིང་དང་། རིགས་དྲུག་གི་སྐྱེ་གནས་དང་ཁམས་གསུམ་འཁོར་བར་འཁྱམས་སུ་དོགས་པ་མེད་པའི་གདིང་སྟེ་

[Full Size]

དེ་ལྟར་མར་གྱི་གདིང་གཉིས་ཡར་སངས་རྒྱས་ཀྱི་ཡོན་ཏན་དང་ཞིང་ཁམས་ཀྱི་བདེ་སྐྱིད་སོགས་ལ་བྲོད་པ་མེད་པའི་གདིང་དང་། མྱང་འདས་ཀྱི་འབྲས་བུ་ཐོབ་པར་འདོད་པའི་རེ་བ་མི་དགོས་པའི་གདིང་སྟེ་ཡར་གྱི་གདིང་གཉིས་ཞེས་དེ་ལྟར་གདིང་བཞི་སོ་ཐོབ་པ་ནི་འཁོར་འདས་ཐམས་ཅད་རང་རིག་བློ་འདས་སུ་ཐག་ཆོད་པ་ལ་བརྟེན་ནས་བྱུང་ངོ་། །དེ་ལྟ་བུ་ཡང་དག་གི་དོན་མངོན་དུ་གྱུར་པ་དེའི་ཚེ། ཐུན་མོང་ཐེག་པ་ནས་གསུངས་པའི་ལམ་ལྔ་དང་། ཕྱི་རྒྱུའི་ཐེག་པའི་ས་བཅུ་དང་། ནང་འབྲས་བུ་ཐེག་པའི་ས་བཅུ་དྲུག་སོགས་རང་བཞིན་གྱི་ཤུགས་ལས་བགྲོད་ཅིང་རྫོགས་པ་སྟེ། དེ་ཡང་ལམ་ལྔ་ནི་ཐིག་ལེ་ཀུན་གསལ་ཆེན་པོའི་རྒྱུད་ལས། བསྒྲོད་མེད་ལམ་གཅིག་རྟོགས་པའི་ཐབས། །སྒྲ་མཐུན་དོན་འཕགས་ལམ་ལྔ་བཤད། །དམ་པའི་དྲུང་ན་གནས་

[Full Size]

པ་ཡིས། །བླ་མའི་བསྙེན་བཀུར་ཡོངས་རྫོགས་པ། །ཚོགས་ཀྱི་ལམ་ཞེས་དེ་ལ་བྱ། །བླ་མས་གདམས་པའི་དོན་བཤད་དེ། །གདམས་ངག་རྣམ་གཉིས་ཐུགས་ལས་འབྱོར། སྔོན་འགྲོ། སྦྱོར་བའི་ལམ་ཞེས་དེ་ཡིས་བསྟན། །ངོ་སྤྲོད་རྣམ་བཞིའི་སྒོ་ནས་སུ། ཁྲིགས་ཆོད་ཐོད་བརྒལ། །ཚེ་འདིར་ངེས་པའི་གདིངས་ཐོབ་པ། །མཐོང་བའི་ལམ་དུ་བཤད་པ་ཡིན། དཔེ་དོན་བརྡ་རྟགས་ །བསྒོམ་དུ་མེད་པའི་བསྒོམ་པ་དང་། །བསྒོམ་དུ་ཡོད་པའི་མེད་པ་གཉིས། །འདུ་འབྲལ་མེད་པའི་བརྟན་པ་ཞིག །བསྒོམ་པའི་ལམ་དུ་ང་ཡིས་བཤད། ཁྲིགས་ཆོད། ཐོད་རྒལ། །སངས་རྒྱས་དགོངས་པ་བདེན་ཞེན་བཞིར། །མི་གནས་ཚུལ་གྱིས་མཐར་ཕྱིན་པ། །མི་སློབ་ལམ་དུ་བསྟན་པ་ཡིན། །དཔེ་ན་འཁོར་འདས་ལམ་གསུམ་སོགས། །ཇི་ལྟར་

[Full Size]

སྣང་བའི་ཆོས་རྣམས་ཀུན། །སེམས་ལས་བྱུང་ཞིང་སེམས་ལ་སྣང་། །དེ་མ་ཡིན་པའི་ཆོས་གཞན་མེད། །ཅེས་གསུངས་ལ་ས་བཅུའི་དོན་ཡང་། བདེན་པ་མཐོང་བའི་གང་ཟག་གཅིག་གིས་ས་ཐམས་ཅད་མྱུར་དུ་བགྲོད་པ་སྟེ། དེ་ཡང་ཁྲེགས་ཆོད་ཐོད་རྒལ་གྱི་ངོ་སྤྲོད་རྒྱུད་ལ་ཁེལ་ནས་མཆོག་ཏུ་དགའ་བ་སྐྱེས་པ་ནི་ས་དང་པོ་རབ་ཏུ་དགའ་བ། རང་སྣང་དུ་ངོ་ཤེས་པ་ནི་གཉིས་པ་དྲི་མ་མེད་པ། དེ་ཉིད་ལ་རིམ་གྱིས་གོམས་པ་ནི་གསུམ་པ་འོད་བྱེད་པ། ཆོས་ཉིད་མངོན་སུམ། དབྱིངས་རིག་གི་སྣང་བ་ཆེར་མཐོང་བ་ནི་བཞི་པ་འོད་འཕྲོ་བ། ཉམས་གོང་འཕེལ། དེའི་མཐུས་ཉོན་མོངས་པ་ཐམས་ཅད་རང་བཞིན་གྱིས་དག་པ་ནི་ལྔ་པ་སྦྱང་དཀའ་བ། ཐིག་ལེ་ལས་སྐུ་མཐོང་བ་ནི་དྲུག་པ་མངོན་དུ་གྱུར་པ། རིག་པ་ཚད་ཕེབས་ འཁོར་བ་དང་རྒྱབ་གྱེས་པས་བདུན་པ་

[Full Size]

རིང་དུ་སོང་བ། རྣམ་པར་རྟོག་པ་མི་འབྱུང་བ་ནི་བརྒྱད་པ་མི་གཡོ་བ། སྣང་བཞི་དཀྱིལ་འཁོར་ཡོངས་སུ་རྫོགས་ཤིང་ཡེ་ཤེས་སྒྱུ་འཕྲུལ་ལ་དབང་ཐོབ་པ་ནི་དགུ་པ་ལེགས་པའི་བློ་གྲོས། ཡེ་ཤེས་ཀྱི་སྣང་བ་ལ་རང་གིས་ཤིས་པ་ཟིན་པས་ཆོས་ཐམས་ཅད་ལ་བྱན་ཚུད་ཅིང་ཞིང་ཁམས་རྒྱ་མཚོའི་སྤྲིན་ལ་དབང་བསྒྱུར་བས་ས་བཅུ་ཆོས་ཀྱི་སྤྲིན་ཐོབ་པ་སྟེ། དེ་ལྟར་ས་བཅུ་པོ་རྣམས་རྒྱུའི་ཐེག་པའི་བྱང་སེམས་དང་མི་མཐུན་ལ་དོན་ཁྱད་པར་འཕགས་ཚུལ་ནི། བྱང་སེམས། ཆོས་ཉིད་ཟད་པ་ ས་ལ་བཞུགས་ཤིང་གནས་པ་དེ་དག་ནི་ཕ་རོལ་ཏུ་ཕྱིན་པ་བཅུ་ལ་སོགས་པ་ཚོགས་གཉིས་ཀྱི་ལམ་སྒྲུབ་པ་ཐམས་ཅད་རྩོལ་བཅས་དཀའ་བ་སྣ་ཚོགས་ཀྱི་སྒོ་ནས་འབད་དགོས་ཤིང་། དེ་ལས་གྲུབ་པའི་རྫུ་འཕྲུལ་ཞིང་ཁམས་སོགས་ཀྱང་ཡུལ་སེམས་ཐ་དད་

[Full Size]

དུ་འཛིན་པ་ལ། འདིར་ནི་མྱུར་ལམ་གྱི་ཐབས་བསྐལ་པ་གྲངས་མེད་གསུམ་སོགས་ཟབ་མོས་དཀའ་བ་མེད་པར་ལོ་ཟླ་ཙམ་གྱིས་འགྲུབ་པའི་སྐུ་དང་ཞིང་ཁམས་ཡོན་ཏན་གྱི་སྣང་བ་མཐའ་དག་རང་རིག་ཐིག་ལེ་ཉག་གཅིག་ཏུ་ངོ་ཤེས་ཤིང་ཐག་ཆོད་པས། ལས་དང་ཉོན་མོངས་ཤེས་བྱའི་སྒྲིབ་པ་དང་བཅས་པ་ཡང་སྤང་གཉེན་སོ་སོར་འཛིན་བློ་མི་དགོས་པར་རང་སངས་རང་དག་གི་གནད་ཀྱི་ལམ་དུ་མངོན་གྱུར་ཁྱད་པར་དུ་འཕགས་པ་ཉིད་དོ། །ནང་གི་ས་བཅུ་དྲུག་ཀྱང་གསང་སྔགས་སྤྱི་ལྟར་དགའ་བཞི་འགྲོས་ཐིམ་སོགས་ཉོན་མོངས་གནས་འགྱུར་གྱི་ལམ་ལ་མི་ལྟོས་ཏེ། འདིར་འོད་གསལ་རྣམ་པ་བཞིའི་ངོ་བོར་གྲོལ་ཚུལ་ནི། ཆོས་ཉིད་མངོན་སུམ་གྱི་སྣང་བ་མཆེད་པ་ཡིན། ཉེ་བར་མཆེད་པ་མིག་གི་དེ་ཁོ་ན་ཉིད། ཐོབ་པ་ནི་ལུ་གུ་རྒྱུད་མཐོང་བ་

[Full Size]

ཉེ་བར་ཐོབ་པ་ནི་དེ་ལ་ངེས་པ་བརྙེས་པའོ། །གོང་འཕེལ་གྱི་སྣང་བ་མཆེད་པ་ནི་འོད། ཉེར་མཆེད་ཐིག་ལེ། ཐོབ་པ་ནི་ཡེ་ཤེས་ལྔའི་ཁ་དོག །ཉེར་ཐོབ་ནི་དབྱིབས་སྣ་ཚོགས་སུ་འཆར་བའི་སྣང་བའོ། །ཚད་ཕེབས་ཀྱི་སྣང་བ་མཆེད་པ་སྐུ་རྐྱང་། ཉེར་མཆེད་ཡབ་ཡུམ་ཟུང་འབྲེལ། ཐོབ་པ་ནི་ཚོམ་བུར་གསལ་བ། ཉེར་ཐོབ་ནི་དཀྱིལ་འཁོར་ཡོངས་རྫོགས་ལྷུན་གྲུབ་རིན་པོ་ཆེའི་སྣང་བའོ། ཆོས་ཉིད་ཟད་པའི་སྣང་བ་མཆེད་པ་ནི་གཟུང་འཛིན་པ་ཟད་པ་ཉེར་མཆེད་སྟོང་ཉིད་ཀ་དག །ཐོབ་པ་བརྗོད་དུ་མེད་པའི་དོན། ཉེ་བར་ཐོབ་པ་ནི་བལྟར་མེད་ཅིང་གང་དུའང་གྲུབ་པ་མེད་པའི་ཆོས་ཉིད་གྱི་དོན་མཐར་ཕྱིན་པ་སྟེ། འདི་ལྟར་འདི་དག་ལ་སྣང་བའི་ས་བཅུ་དྲུག་ཅེས་རྫོགས་ཆེན་གྱི་ཐུན་མོང་མ་ཡིན་

[Full Size]

པའི་བཞེད་དོན་ཡིན་ལ། རྒྱུའི་ཐེག་པའི་ས་བཅུ་མཐར་ཕྱིན་ཆོས་ཀུན་གཞིའི་བག་ཆགས་ཀྱི་ལྷག་མ་ཤེས་སྒྲིབ་ངོ་མ་ཤེས་ཀྱི་དྲི་མ་རང་དག་ཚེ་ཕྱོགས་བཅུའི་སངས་རྒྱས་རྣམས་ཀྱིས་འོད་ཟེར་ཆེན་པོའི་དབང་བསྐུར་ནས་འཚང་རྒྱ་བར་བཤད་པ་དང་། གསང་སྔགས་རྣམས་ནས་འོག་མིན་དུ་ལྷན་སྐྱེས་ཡེ་ཤེས་ཀྱི་ཡུལ་ལ་བརྟེན་ནས་བཅུ་གཅིག་ཀུན་ཏུ་འོད་དང་བཅུ་གཉིས་མ་ཆགས། པདྨ་སྟེ་ནང་གི་ས་གཉིས་པོ་བགྲོད་དེ་བཅུ་གསུམ་རྡོ་རྗེ་འཛིན་པ་སངས་རྒྱས་ཀྱི་འབྲས་བུ་མངོན་དུ་མཛད་པར་གསུངས་པ་སོགས་ཀྱང་། འདིར་རིག་པ་ཚད་ཕེབས་རྩལ་རྫོགས་པ་དང་རང་སྣང་དོན་གྱི་འོག་མིན་ཞིང་ཁམས་རྒྱ་ཆད་ཕྱོགས་ལྷུང་མེད་པར། དོན་དམ་དུ་སངས་རྒྱས་པའི་རྒྱུ་རྐྱེན་རང་བྱུང་ལྷུན་གྲུབ་ཡིན་པ་སོགས་ཁྱད་ཆོས་དུ་མས་འཕགས་ཚུལ་རྣམས་འདིར་ཡི་གེས་འཇིགས་

[Full Size]

ནས་འབྲི་བར་མ་ནུས་པས་ཞིབ་པར་འདོད་ན་རྒྱུད་བཅུ་བདུན་གཞུང་འགྲེལ་དང་། བསྟན་བཅོས་རིན་པོ་ཆེ་མཛོད་བདུན་སྐོར་སོགས་སུ་བལྟ་བར་བྱའོ། །དེ་དག་གིས་དབང་པོ་རབ་ཚེ་འདིར་གྲོལ་ཚུལ་རྣམས་བསྟན་པ་ཡིན་ལ། འབྲིང་བར་དོར་གྲོལ་ཚུལ་དང་། ཐ་མ་རང་བཞིན་སྤྲུལ་པའི་ཞིང་དུ་དབུགས་དབྱུང་བ་དང་། ཡང་ཐ་འདིའི་སྒོ་མཐོང་ཞིང་མོས་པ་མ་ལོག་པ་ཙམ་ཡང་སྐྱེ་བ་ཕྱི་མར་འདི་དང་འཕྲད་ནས་གྲོལ་ཚུལ་རྣམས་ནི་ཁྲིད་གཞུང་སོ་སོར་ཞིབ་རྒྱས་འབྱུང་བ་དང་། བདག་གིས་བྱས་པའི་བར་དོའི་སྤྱི་དོན་ནང་དུ་བསྟན་ཡོད་པས་དེ་དག་ཏུ་ཤེས་པར་བྱ་ཞིང་འགག་དོན་ནི། ད་ལྟ་ཚེ་འདིའི་བྱ་བ་ལིངས་ཀྱིས་བཏང་ནས་ཁྲེགས་ཆོད་ཐོད་རྒལ་གྱི་ཉམས་ལེན་ལ་འབད་འབུངས་བརྟེན་ཅིང་དམ་ཚིག་གི་སེལ་མེད་ན་ནི་གདམས་

[Full Size]

པའི་ཟབ་གནད་ཀྱི་མཐུས་ཚེ་འདིར་མི་གྲོལ་བའི་ཐབས་མེད་ལ། དེ་ལྟ་བུའི་ཉམས་ལེན་ལ་མི་བརྩོན་པར་ཐོས་ལོ་དང་སྒོམ་ལོ་ཙམ་བྱེད་པ་དང་། ང་རྒྱལ་ཁེངས་སེམས་ཀྱིས་ནང་བརྒྱངས་ནས་སྟོང་སྐད་ཀྱི་ཁ་བཤད་འབྲུག་ལྟར་ལྡིར་ཡང་རང་རྒྱུད་ལ་ཆོས་ཀྱི་དྲི་ཙམ་ཡང་མ་གོས་པའི་གང་ཟག་རྣམས་ལ་ནི། གྲོལ་གྲོལ་དང་ཐོབ་ཐོབ་ཀྱི་མིང་སྙན་འབུམ་ཕྲག་བཤད་རུང་འགྲོ་ས་འཁོར་བ་ངན་སོང་ལས་མི་འབྱུང་ཚེ། ཡིག་ཚོགས་མང་པོས་དགོས་པ་མེད་པར་སེམས་སོ། །དེ་ལྟར་འདི་མན་ཆད་ཀྱི་ལྟ་སྒོམ་ས་ལམ་རྟགས་ཚད་ཀྱི་ངེས་པ་མདོ་ཙམ་བསྟན་ནས། ད་ནས་བར་སྐབས་འདིར་ཆོས་སྤྱི་དང་བསྟན་ན། ལམ་ཁྱེར་གྱི་གྲོགས་སུ་སྦྱོར་བའི་རྣམ་གུངས་དང་སྦྱོར་ཚུལ་སོགས་བོགས་འདོན་དགོས་ཆེད་སོགས་འཆད་པར་རིགས་ཀྱང་། རྫོགས་པ་ཆེན་པོ་བྱ་

[Full Size]

རྩོལ་དང་བྲལ་བའི་དགོངས་པ་མངོན་དུ་མ་གྱུར་ན་དགོས་དོན་གྲུབ་པར་དཀའ་མོད་ཀྱི། འོན་ཀྱང་ས་བོན་ཙམ་ཞིག་བརྗོད་ན་དེ་ཡང་ཉི་ཟླ་ཁ་སྦྱོར་གྱི་རྒྱུད་སོགས་ནས་སྤྱོད་པའི་རྣམ་གྲངས་ཉེར་གཅིག་གསུངས་པའི་ནང་ནས་འདིར་གལ་ཆེན་གྱི་མདོ་དོན་བདུན་དུ་བསྡུས་ཏེ་གང་ཞེ་ན། ལས་དང་པོ་པས་ཆོས་ཀྱི་སྒོ་མོ་ཀུན་ནས་བསྟུན་པ་བུང་བ་ལྟ་བུའི་སྤྱོད་པས་ཐོས་བསམ་སྒོམ་གསུམ་གྱི་མཐའ་རྒྱ་བཅད། ༡ ཐི་བྱ་ཚང་འཇུག་གི་སྤྱོད་པས་གདམས་ངག་གི་སྒྲོ་འདོགས་ཆོད་ཅིང་ཐེ་ཚོམ་གེགས་སྐྱོན་གྱི་གོལ་ས་མི་འབྱུང་བར་བྱ། ༢ དེ་ནས་ཉམས་ལེན་དངོས་ཀྱི་དུས་སུ་རི་དྭགས་སྨས་མ་ལྟ་བུའི་སྤྱོད་པས་འཇིག་རྟེན་རྣམ་གཡེང་གི་འཁྲི་བ་མེད་པར་མི་མེད་རི་ཁྲོད་འགྲིམ། ༣ དེའི་གྲོགས་སུ་ལྐུགས་པ་ལྟ་བུའི་སྤྱོད་པས་སྨྲ་བཅད་ལ།

[Full Size]

མི་ཚེ་དྲིལ་ཞིང་བཟང་ངན་གྱི་རྗེས་སུ་མི་འབྲང་། ༤ སྨྱོན་པ་ལྟ་བུའི་སྤྱོད་པ་དགྲ་གཉེན་ཆགས་སྡང་བར་མ་གསུམ་གྱི་དགག་སྒྲུབ་ཞེན་འཁྲིས་བསྐྱུང་། ༥ ཁྱི་ཕག་ལྟ་བུའི་སྤྱོད་པས་ཟས་གོས་གནས་མལ་སོགས་ལ་གཙང་རྨེའི་རྣམ་རྟོག་མེད་པར་གང་བྱུང་གིས་ཆོག་ཤེས་ཤིང་ཅིར་སྣང་གྲོགས་སུ་ཁྱེར། ༦ གཅན་གཟན་གྱི་རྒྱལ་པོ་སེང་གེ་ལྟ་བུའི་སྤྱོད་པས་སྣང་རྐྱེན་ལ་ཉམས་ང་མེད་ཅིང་རེ་དོགས་ཀྱི་འཆིང་བ་མཐའ་དག་བཙན་ཆེད་དུ་བཏང་ཞིང་འབྲས་བུ་མངོན་དུ་མ་གྱུར་གྱི་བར་ལ་གཞན་རྐྱེན་གྱི་དབང་དུ་མི་འཆེར་་བར་ཉམས་ལེན་ཚ་ཐུབ་གྲང་ཐུབ་ཤ་ཆོད་རུས་ཆོད་དུ་བྱ་བ་སྟེ། ༧ དེ་ལྟར་སྤྱོད་པའི་རྣམ་གྲངས་བདུན་པོ་འདིར་ཐམས་ཅད་འདུ་བས། ཧྲིལ་གྱིས་དྲིལ་ན་ཐོག་མར་འདིའི་སྒོར་ཞུགས་ནས་མཐར་ཐུག་བློ་ཟད་དུ་མ་གྱུར་གྱི་

[Full Size]

བར་དེ་སྲིད་དུ་ཐུན་མོང་བྱམས་སྙིང་རྗེ་བྱང་ཆུབ་སེམས་ཀྱིས་གཞི་བཟུང་། མོས་གུས་དག་སྣང་དམ་ཚིག་གསུམ་གྱིས་རྐང་བཙུག །ཞེན་ལོག་དགོས་མེད་བརྩོན་འགྲུས་གསུམ་གྱིས་ངར་བཏགས། ཉམས་ལེན་གྱི་སྙིང་པོ་ཁྲེགས་ཆོད་ཐོད་རྒལ་ཟུང་འཇུག་ཉིད་ལ་རྩེ་གཅིག་ཏུ་འབུངས་ནུས་པའི་རྣལ་འབྱོར་ཕོ་མོ་གང་ཞིག་གིས་འཁོར་བ་དང་གཏན་གྱེས་བྱེད། སྒྲུབ་བརྒྱུད་ཀྱི་རྐང་ཚུགས་ཟིན། གདམས་ངག་གི་ལྡེ་མིག་ཐོབ། ཉམས་ལེན་གྱི་རུ་ཤན་ཕྱེད་དེ་འཁོར་འདས་ཀྱི་ཆོས་ཐམས་ཅད་རང་རིག་ཀ་དག་ཡེ་རྫོགས་ཆེན་པོའི་ཀློང་དུ་ཐིམ་པས་སངས་རྒྱས་ཉིན་ཁུངས་སུ་གྱུར་པའི་སྐལ་ལྡན་དེ་ལྟ་བུ་རྣམས་ལ་ནི་སྣང་སྲིད་བླ་མར་ཤར་བས་བྱིན་རླབས་ཀྱི་མཚོ་རྡོལ། སྣང་ཡུལ་ཞིང་ཁམས་འཆར་བས་རྐྱེན་ངན་བར་ཆད་ཀྱི་ཁུངས་སྟོངས་

[Full Size]

གཟུགས་ཕུང་འོད་སྐུར་གྲོལ་བས་ན་ཚ་རྐྱེན་ངན་གྱི་རྩ་བ་ཟད། སེམས་ཉིད་ཀ་དག་ཏུ་ཐིམ་པས་ལྟ་སྒོམ་སྤྱོད་འབྲས་ཀྱི་རྫུན་ཁྲིགས་ཡལ། སྐུ་གསུམ་རང་ལས་བརྙེས་པས་སངས་རྒྱས་ཐོབ་བྱ་ཐོབ་བྱེད་ཀྱི་ལྟོས་གཞི་ཟད་པའི་དུས་ཤིག་མྱུར་དུ་འབྱུང་བ་ལ་དཀའ་ལས་མེད་པའོ། །རྩོད་ལྡན་སྙིགས་མའི་ཆོས་གཟུགས་འཁོར་བའི་ཞེན་ཆགས་ཀྱི་རྩིས་ཐེབས། ང་རྒྱལ་ཁེངས་སེམས་ཀྱི་སྐྲན་ཞུགས་ལོ་འདོད་ཆོས་བརྒྱད་ཀྱི་གདོན་གྱིས་བརླམས་ཏེ། ཉིན་གཅིག་གི་ཉམས་ལེན་སྙིང་རུས་ཀྱང་མ་ནུས་པར་གཉིད་དང་ལྟོ་གོས་རྣམ་གཡེང་ཁོ་ན་ལ་འབྱམས་པའི་ངང་ནས་གྲུབ་རྟགས་ཤ་མོ་བརྡོལ་བ་བཞིན་ཡོད་དུ་རེ་བའི་སྒོམ་ཆེན་པ་མང་ལུགས་ལ་བལྟས་ན་ས་ལམ་ཉམས་རྟོགས་ཡོན་ཏན་གྱི་རིགས་ཀྱང་ནམ་མཇུག་ཟད་པའི་ཆར་པ་ལྟར་རེ་བ་བྱས་ཀྱང་དཀོན་དུ་

[Full Size]

འགྲོ་བར་གདའ་བར་དཔྱོད་ལྡན་རྣམས་ཀྱིས་གཟིགས་ལགས་སོ། །ཇི་སྐད་དུ་སྡོང་པོ་བཀོད་པའི་མདོ་ལས། ཇི་ལྟར་འགྲོ་བ་མང་པོ་ལ། །ཟས་དང་སྐོམ་དག་སྦྱིན་བྱེད་ཀྱང་། །རང་ཉིད་བཀྲེས་པས་ཤི་བ་ལས། །ཆོས་ལ་མ་བསྒོམ་དེ་དང་འདྲ། ཞེས་དང་། ཇི་ལྟར་ཡོངས་སུ་མ་བསྒོམ་པས། །ཆོས་ཉིད་མཐོང་བར་མི་འབྱུང་སྟེ། །ཆུ་ནི་མཐོང་དང་ཐོས་ན་ཡང་། །མ་འཐུངས་སྐོམ་པ་ག་ལ་སེལ། ཞེས་པ་ལྟར་ཉམས་ལེན་ཁོ་ན་གལ་ཆེ་ཞིང་། །ཆོས་གཞན་ལྟར་ན་གེགས་སེལ་དང་། །ཤོར་གོལ། དབྱེ་བ་སོགས་ཞིབ་ཏུ་དགོས་ནའང་། ཁྲེགས་ཆོད་གནས་ལུགས་ཀྱི་ནོར་ས་དང་ཤོར་གོལ་གྱི་དབྱེ་བ་ནི་བདག་གིས་ཕྱག་ཆེན་ཟིན་བྲིས་སུ་བསྟན་པ་དེས་རྟོགས་པར་འགྱུར་ལ། ཁྲེགས་ཆོད་ཀྱི་གནད་དོན་ཚུལ་

[Full Size]

བཞིན་མ་ཤེས་པ་ནི་ཐོད་རྒལ་ལ་འཇུག་ཏུ་མི་རུང་ཞིང་ཞུགས་ཀྱང་དོན་མེད་ལ། ཁྲེགས་ཆོད་གནད་ཐོག་ཏུ་ཁེལ་ན་ཐོད་རྒལ་ལ་ནི་གེགས་རྐྱེན་ཤོར་གོལ་ཀྱི་ཡུལ་ལས་འདས་ཕྱིར་སྨོས་མ་དགོས་ཤིང་། ཐུན་མོང་མིག་གི་གེགས་སེལ་སྨན་གྱི་མན་ངག་སོགས་ནི་གཞུང་རྣམས་སུ་རྒྱས་པར་འབྱུང་བས་འདིར་མ་བསྟན་ཏོ། །དེ་ནས་མཐར་ཐུག་འབྲས་བུ་སྐུ་དང་ཡེ་ཤེས་ཀྱི་འགྲུབ་ཚུལ་བཤད་ཅིང་མཇུག་བསྡུ་བ་ལ། དེ་ཡང་ཉམས་ལེན་གྱི་སྒོམ་པ་མཐར་ཕྱིན་པ། གློ་བུར་མ་རིག་ལྷན་སྐྱེས་ཀྱི་དྲི་མ་རགས་པ་དང་ཕྲ་བ་རབ་ཏུ་ཕྲ་བ་རྣམས་རིམ་གྱིས་ཟད་ཅིང་། དྲི་མ་ཇི་ལྟར་སངས་པ་བཞིན་དུ་རང་རིག་ཡེ་ཤེས་ཀྱི་མཁྱེན་པ་གོང་འཕེལ་དུ་རྒྱས་པར་འགྱུར་བ་ནི་ཆོས་ཉིད་ཡིན་ཏེ། དཔེར་ན་ཆུ་བུར་གྱི་མིག་ལོགས་པར་གྱུར་པའི་

[Full Size]

དམུས་ལོང་ཞིག་སྨན་པ་མཁས་པས་སྨན་དང་དཔྱད་དག་གིས་སྒྲིབ་བྱེད་བསལ་ཞིང་མིག་ཕྱེ་བའི་ཚེ་དང་པོ་སྒྲིབ་བྱེད་ཅུང་ཟད་བསལ་བས་ཕྱི་རོལ་གྱི་དངོས་པོ་ཕྲ་ཞིབ་མི་མཐོང་ཡང་རགས་པ་ཙམ་མཐོང་བར་འགྱུར་བ་དང་། དེ་ནས་སྒྲིབ་བྱེད་རིམ་པར་བསལ་བས་མཐར་ཐམས་ཅད་ཇི་ལྟ་བ་མཐོང་བར་འགྱུར་མོད་ཀྱི། མིག་གི་སྔར་ནས་རང་ཉིད་ལ་ཡོད་པ་ལས་ཕྱི་རོལ་གཞན་ནས་གསར་བྱུང་མ་ཡིན་པའི་དཔེ་དེ་བཞིན་དུ། འདིར་ཡང་བདེ་བར་གཤེགས་པའི་སྙིང་པོའི་ཁམས་གདོད་ནས་ཀ་དག་གི་ཡེ་ཤེས་ཉིད་གློ་བུར་གྱི་དྲི་མས་བསྒྲིབས་པ་ལོང་བ་ལྟ་བུ་ལ། སྨན་པ་ལྟ་བུའི་བླ་མས་གདམས་ངག་སྨན་དཔྱད་ལྟ་བུས་རང་ལ་ཡོད་པའི་སྐུ་དང་ཡེ་ཤེས་མིག་ལྟ་བུ་སྣང་བར་མཛད་ཅིང་དེ་དོན་མངོན་དུ་གྱུར་པ་ལ་འབྲས་བུ་

[Full Size]

ཐོབ་པ་ཞེས་པའི་མིང་དང་ཐ་སྙད་ཙམ་དུ་བཏགས་པར་ཟད་ཀྱིས། སྐུ་གསུམ་དང་ཡེ་ཤེས་སོགས་གཞན་ནས་གསར་བྱུང་ནི་མ་ཡིན་ཅིང་། འོན་ཀྱང་གློ་བུར་གྱི་དྲི་མ་སྔར་བྱུང་རྣམས་སྤངས་ཤིང་། སླར་མི་འབྱུང་བའི་ཐབས་སུ་ཉམས་ལེན་དགོས་ཚུལ་ནི་གོང་དུ་ལས་རྣམ་པར་དག་པའི་མདོའི་ལུང་དྲངས་པ་དེས་ཤེས་པར་འགྱུར་ལ། གྲོལ་བའི་དུས་ནི་རབ་ཚེ་འདིར་ཕུང་པོ་ལྷག་མེད་དབྱིངས་སུ་ཐིམ་པ་ནི་ཕྱག་རྫོགས་སྤྱི་མཐུན་གྱི་གྲོལ་ལུགས་ཡིན་ཏེ། དེ་ཡང་རིན་ཆེན་སྤུངས་པའི་རྒྱུད་ལས། འདི་ཉིད་རང་གི་བློར་གོ་བས། །མི་སྣང་རྟོག་པ་མེད་པ་ཡིས། །སྣང་བ་ཐམས་ཅད་རང་དག་ནས། །ཐམས་ཅད་ཟང་མ་ཐལ་བྱུང་དུ། །སྟོང་གསལ་ཆེན་པོའི་རིགས་སུ་འགྱུར། །ས་ཆུ་མེ་རླུང་འབྱུང་བ་བཞི། །སོ་སོའི་ནུས་པ་མི་སྣང་བར། །ན་བུན་བཞིན་དུ་མཁའ་ལ་དེངས། །

[Full Size]

འཁྲུལ་པའི་ཞེན་པ་སྣ་ཚོགས་ཞིག །ཇི་ལྟར་བསམས་ཀྱང་སྐྱེ་མེད་པར། །གཟུང་འཛིན་ཆ་རྣམས་རང་འགག་ནས། །གང་གི་སྣང་བ་རང་ཟད་དེ། །གསལ་བྱེད་རང་གི་ཉམས་མྱོང་བར། །ལུས་ཅན་ཀུན་ཀྱང་དེ་བཞིན་ནོ། །ཞེས་སོགས་གསུངས་ལ། ཐོད་རྒལ་བས་ནི་ཕྱི་འཁྲུལ་པའི་སྣང་ཡུལ་གདོས་བཅས་མཐའ་དག་འགག་ནས། ནང་ཡེ་ཤེས་ཀྱི་ཞིང་ཁམས་དངོས་ལ་རང་དབང་གྱུར་པའི་ཁྱད་པར་དང་། སྐྱེ་འཇུག་གཉིས་ལ་དབང་ཐོབ་ཅིང་འཕོ་བ་ཆེན་པོའི་སྐུ་སྒྱུ་མ་ཆུ་ཟླ་ལྟ་བུས་འགྲོ་བའི་དོན་ནམ་མཁའི་མཐས་གཏུགས་སུ་མཛད་པ་དང་། དབང་པོ་འབྲིང་རྣམས་ཀྱང་བར་དོ་གང་རུང་ལ་གྲོལ་བ་དེའི་རྟགས་སུ་སྐུ་གདུང་རིང་བསྲེལ་ཡིག་འབྲུ་སྒྲ་དང་ས་གཡོ་འཇའ་འོད་མེ་ཏོག་གི་ཆར་སོགས་ཀྱིས་གདུལ་བྱ་དད་པར་བྱེད་པ་དང་། ཐ་མས་ཀྱང་

[Full Size]

རང་བཞིན་སྤྲུལ་པ་སྐུའི་ཞིང་ཁམས་སུ་པདྨ་ལས་འཁྲུངས་ཏེ་དབང་བསྐུར་ལུང་བསྟན་ཐོབ། ས་ལམ་གྱི་ལྷག་མ་བགྲོད་ནས་སངས་རྒྱས་པ་སྟེ། དེ་རྣམས་གང་ལྟར་ཡང་རུང་སྟེ་གློ་བུར་གྱི་ལས་ཉོན་བག་ཆགས་ཤེས་བྱའི་སྒྲིབ་པ་ཐམས་ཅད་རང་དག་པས་བློ་དང་བག་ཆགས་ཀྱི་མཐའ་ཟབ་ཅིང་ཕྲ་བ་མཐའ་དག་མི་གནས་པས། རྣམ་པར་རྟོག་པའི་མཐའ་ཟད་དེ་རང་བཞིན་སྟོང་གསལ་བདེ་བ་ཆེན་པོའི་ངང་དུ་དབྱིངས་དང་ཡེ་ཤེས་འདུ་འབྲལ་མེད་པར་རྟག་པ་རྒྱུན་གྱི་འཁོར་ལོར་བཞུགས་པ་ལ་སངས་རྒྱས་ཆོས་ཀྱི་སྐུ་ཞེས་བྱ། ཞིང་དེ་ཉིད་ཞལ་ཕྱག་གི་སྐུར་བཞུགས་སོགས་ལ་མདོ་རྒྱུད་རྣམས་ནས་གང་འདུལ་གྱི་གསུང་ཚུལ་སྣ་ཚོགས་བྱུང་བའི་ལུང་ཕྱོགས་རེ་བ་ལ་ཞེན་ཏེ་བསྟན་བཅོས་ཐ་དད་པ་མང་པོ་དར་ཞིང་རྩོད་གཞི་དུ་མི་བྱེད་པར་གདའ་ཡང་། རང་ཉིད་གོ་ཚོད་ལ་ནི་དེ་ལྟ་བུ་མཐའ་

[Full Size]

གཅིག་ཏུ་གྲུབ་མ་གྲུབ་དང་ཡོད་མེད་སོགས་རྩོད་པས་ནི་ཆོས་ཀྱི་སྐུའི་གནས་ཚུལ་རྟོགས་པར་མི་འགྱུར་ཏེ། ཆོས་སྐུ་ནི་བསམ་བརྗོད་ཀྱི་ཡུལ་མིན་ཅིང་རྟག་ཆད་ཀྱི་མཐའ་ལ་མི་གནས་པའི་ཕྱིར། འཛིན་རྟོག་བློའི་དགག་སྒྲུབ་བསྐལ་པ་བརྒྱར་འབད་ཀྱང་ཆོས་སྐུའི་རང་ཞལ་མི་མཐོང་མོད་ཀྱི། ཀ་དག་དོན་གྱི་གནས་ལུགས་ཇི་བཞིན་མངོན་དུ་ནམ་གྱུར་ཚེ། ཐ་སྙད་ཀྱི་རྩོད་གཞི་བྱ་མི་དགོས་པར་ཆོས་སྐུ་རང་མལ་རྙེད་པར་འགྱུར་བ་དེ་ཀས་ཆོག་པར་སེམས་སོ། །དེ་ལྟ་བུའི་ཆོས་སྐུ་སྤྲོས་དང་བྲལ་བའི་རང་མདངས་ལས་ལྷུན་གྲུབ་ལོངས་སྤྱོད་རྫོགས་པ་མཚན་དང་དཔེ་བྱད་ཀྱི་ཕུང་པོ་ཡེ་ཤེས་ལྔ་ལྡན་གྱི་དཀྱིལ་འཁོར་དུ་རང་ཤར་བས་ས་བཅུའི་བྱང་སེམས་རིག་འཛིན་རྣམས་ཀྱི་དོན་རྩོལ་མེད་དུ་མཛད་པ་སྟེ། དེ་དག་སྐུ་གཉིས་

[Full Size]

ཟུང་འཇུག་གི་རྩལ་སྣང་འགག་མེད་ཀྱི་ནུས་པ་དང་། ལམ་དུས་སུ་སེམས་བསྐྱེད་སྨོན་ལམ་གྱི་ས་བོན་ལས་སྨིན་པ་འབྲས་བུས་གང་ལ་གང་འདུལ་ཐུགས་རྗེའི་སྤྲུལ་སྐུ་བསམ་ལས་འདས་པ་སྣ་ཚོགས་པར་གདུལ་བྱའི་ཡུལ་དང་མཚམས་པར་བཀོད་པ་གྲངས་མེད་གཞལ་དུ་མེད་པ་སྣང་ཞིང་། ངོ་བོ་ལ་ནི་བྱ་བྱེད་བློ་རྟོག་བདག་གཞན་ཐ་དད་དུ་འཛིན་པའི་རྩོལ་སེམས་མི་མངའ་ཡང་སྨོན་ལམ་ཐུགས་རྗེའི་མཐུ་ལས་ཡིད་བཞིན་ནོར་བུའམ་དཔག་བསམ་གྱི་ཤིང་ལྟར་འགྲོ་བའི་རེ་འདོད་ཚུལ་བཞིན་དུ་སྐོང་བ་ནི་རྒྱལ་བ་རྣམས་ཀྱི་ཡོན་ཏན་ཕྲིན་ལས་ཀྱི་ངང་ཚུལ་ཡིན་ལ། དེ་ལྟར་སྐུ་གསུམ་པོ་དང་གཞན་ཡང་སྐུ་བཞིའམ་ལྔ་དང་སྐུ་གསུམ་དགུ་ཕྲུགས་སོགས་ཀྱི་དབྱེ་བ་ཐམས་ཅད་ཀྱང་དོན་ལ་ཆོས་སྐུ་གཟུགས་སྐུ་གཉིས་སུ་འདུས་ཤིང་། དེ་གཉིས་པོ་ཡང་དོན་དེའི་སར་ཆོས་སྐུར་རོ་གཅིག་

[Full Size]

པ་སྟེ། དེ་དག་དཔེའི་དབང་དུ་ན་མེ་ལོང་དང་གཟུགས་བརྙན་ནམ་ནམ་མཁའ་དང་འཇའ་ཚོན་ལྟ་བུ། དོན་གྱི་དབང་དུ་སྐུ་དང་ཡེ་ཤེས། ཆོས་ཅན་དང་ཆོས་ཉིད། གསལ་བ་དང་སྟོང་པ། ངོ་བོ་དང་སྣང་ཚུལ། དབྱིངས་དང་ཡེ་ཤེས་ཀྱི་ཚུལ་དུ་མཉམ་རྫོགས་ལྷུན་གྲུབ་ཐིག་ལེ་ཆེན་པོར་དུས་བཞི་འཕོ་འགྱུར་མེད་པར་བཞུགས་པ་ནི་སྐུ་དང་ཡེ་ཤེས་དབྱེར་མེད་པ་ཞེས་བྱ་བ་སྟེ། འདི་དག་གི་ཚུལ་རྒྱས་པར་ནི་གཞུང་ཆེན་པོ་ཐམས་ཅད་ལ་རྒྱ་ཆེར་འབྱུང་ཕྱིར་འདིར་ནི་མདོ་ཙམ་དུ་བསྡུས་ཏེ་བསྟན་པའོ། །དེ་ལྟར་རྒྱལ་བའི་བཀའ་གསང་རྒྱ་ཆེ་བའི། །སྙིང་པོའི་ཡང་སྙིང་བཅུད་ཀྱི་མཐར་ཐུག་ནི། །རྨད་བྱུང་རྫོགས་པ་ཆེ་ལས་ལྷག་པ་གང་། །སྟོང་གསུམ་བྱེ་བ་ཕྲག་བརྒྱར་ཡོངས་མ་མཆིས། །ལུས་མེད་བདག་པོའི་མཐུ་

[Full Size]

བྱིན་གྱིས་བརླབས་པ། །ཞུགས་པ་ལྷས་བཙས་དཔལ་འཛིན་སོགས་དུ་མས། །འབད་པ་ཆེན་པོས་བཀག་ཀྱང་བོད་ཡུལ་དུ། །འོད་ལུས་གྲུབ་པ་གྲངས་མེད་བྱོན་སུས་ཁེགས། །དེང་སང་བསྟན་ཉི་ནུབ་རིར་ཕྱོགས་དུས་འདིར། །ཐ་སྙད་གཞུང་ལུགས་ཚིག་སྐམ་འབུམ་སྦྱངས་ཡང་། །བློ་རེངས་མར་སྐོགས་སྣུམ་གྱིས་ཐུལ་མིན་ཚེ། །ཐོས་པས་རྒྱགས་རྣམས་ཕྱོགས་འདིར་ག་ལ་གཟིགས། །སྔ་འགྱུར་བསྟན་པའི་གྲུ་བོར་བཞུགས་རྣམས་ཀྱང་། །ངེས་འབྱུང་བ་དན་མཁའ་ལ་མི་འཕྱར་ཞིང་། །ཞེན་ལོག་གྲུ་སྐྱ་དྲག་པོར་མི་བསྒྱུར་བར། །རིག་འཛིན་བརྒྱུད་པའི་ཕ་རབས་ཅི་ཞིག་ཟིན། །ངར་འཛིན་དགྲ་བོ་སྙིང་ཕུག་རབ་སྦས་ནས། །ཧཱུྃ་ཧཱུྃ་ཕཊ་ཕཊ་སྲུངས་སྲུངས་ཟློག་ཟློག་གི། །དྲག་སྔགས་ཕྲེང་སྒྱུགས་ལོ་བརྒྱར་ཉམས་བྱས་ཀྱང་། །རང་རྒྱུད་འགོང་པོ་ཐུལ་བ་རེ་

[Full Size]

ཐག་ཆོད། །སྐུ་གསུམ་ཞིང་ཁམས་རིག་པའི་སྒྱུ་འཕྲུལ་གྱི། །ཡིན་ལུགས་ཅོག་བཞག་ཀློང་གྲོལ་མ་ཤེས་ན། །མངོན་སྣང་འཆར་སྒོ་མིག་འཕྲུལ་ལྟད་མོ་ཡིས། །རྣལ་འབྱོར་བྱ་རྗེས་ཁྱི་ཡིས་མ་བདས་སམ། །ཁྲེགས་ཆོད་ཀ་དག་རིག་པ་རྗེན་ལ་ཕུད། །ཐོད་རྒལ་སྣང་གསལ་ཞེན་མེད་ཞིང་ཁམས་སྦྱོང་། །སྣང་བཞིའི་དྲོད་རྟགས་རེ་འདོད་མི་བྱ་བར། །ཉམས་ལེན་ནུས་ན་ཀུན་བཟང་རྒྱལ་པ་ཟིན། །འདི་ལྟའི་ཚུལ་རྣམས་རྨོངས་བདག་གིས། །འཆང་བསྟན་འབྲི་བའི་ནུས་མེད་ཀྱང་། །རྣལ་འབྱོར་ཚུལ་ཁྲིམས་བཟང་པོ་དེས། །ནན་གྱིས་བསྐུལ་ངོར་འདིར་བཀོད་པའི། །ཚིག་དོན་ནོར་འཁྲུལ་དགོངས་མིན་སྐྱོན། །ཅི་མཆིས་བླ་མར་མཐོལ་ཞིང་བཤགས། །ལྷག་བསམ་དགེ་བས་རབ་མཆོད་པའི། །དགེ་ཀུན་མཁའ་མཉམ་

[Full Size]

འགྲོ་ལ་བསྔོ། དགོངས་བརྡ་སྙན་བརྒྱུད་རྒྱལ་བ་སྲས་བཅས་རྨད་བྱུང་ཐུགས་རྗེའི་མཐུ་བྱིན་དང་། འགྲོ་ཁམས་སྐུ་གསུམ་ཡེ་ཤེས་ལྔ་ཡི་རང་བཞིན་ཡེ་ནས་ལྷུན་གྲུབ་མཐུས། ཟབ་བཅུད་རྫོགས་ཆེན་བསྟན་པའི་སྒྲོན་མེས་སེམས་ཅན་ལྷན་སྐྱེས་སྒྲིབ་བསལ་ནས། ཡེ་ཤེས་གསུམ་ལྡན་ཆོས་ཉིད་ཀློང་དུ་མཉམ་རྫོགས་བྱང་ཆུབ་བཀྲ་ཤིས་ཤོག །ཅེས་དེ་ལྟར་གསང་བ་བླ་ན་མེད་པ་འོད་གསལ་རྡོ་རྗེ་སྙིང་པོའི་དགོངས་དོན་མདོར་བསྡུས་པའི་ཟིན་བྲིས་འདི་ནི། སྐལ་ལྡན་ཚུལ་ཁྲིམས་བཟང་པོས་ལོ་ཟླ་མང་པོའི་གོང་ནས་ཡང་ཡང་བསྐུལ་བར་མཛད་མོད་ཀྱང་། རང་ཉིད་ཐོས་བསམ་སྒོམ་གསུམ་གྱིས་དམན་ཅིང་ཁྱད་པར་ཆོས་ཚུལ་འདི་ལྟ་བུའི་ཉམས་རྟོགས་ཀྱི་ནོར་དང་མི་ལྡན་ཕྱིར་འདི་ལྟར་འདྲིལ་བར་མ་སྤོབས་པས་ཆེར་འགྱངས་མོད་ཀྱི། སླད་མར་ཡང་ནན་ཏན་དུ་བསྐུལ་བའི་

[Full Size]

ངག་ཆུད་མི་གཟོན་པའི་ཕྱིར་དང་། ལས་དང་པོ་པའི་གང་ཟག་བློ་རྨོངས་ཀྱི་རིགས་དང་མན་ངག་རྒྱ་ཆེ་བ་རྣམས་བལྟ་བར་མི་ནུས་པར་རེ་ཞིག་ཕན་པའང་སྲིད་མཐའ་མི་ཁེགས་པར་བསམ་ནས། མཁས་གྲུབ་ཀློང་ཆེན་པོ་དང་ཡོངས་འཛིན་ནམ་མཁའ་སྤྱོད་པ་སོགས་ཀྱི་གསུང་སྒྲོས་ལ་བརྟེན་ནས། སྣ་ཚོགས་རང་གྲོལ་གྱིས་གནས་ཆེན་དཔལ་རི་གངས་ཀྱི་ལྷོ་ཕྱོགས་བདེ་གཤེགས་ཚེའི་ཕུག་པར། དབྱར་གསུམ་མེ་ཏོག་སྣ་ཚོགས་བཀྲ་བའི་དུས་ན་བྲིས་པ་འདིས་ཀྱང་འགྲོ་བ་ཐམས་ཅད་ཀྱིས་གདོད་མའི་གནས་ལུགས་ཇི་བཞིན་རྟོགས་པའི་རྒྱུར་གྱུར་ཅིག། ༈ །།རྒྱལ་བསྟན་ཉིན་བྱེད་སྙིགས་ལྔའི་སྨག་རུམ་དུ། མནལ་ལམ་ཕྱོགས་ཚེ་གསུང་རབ་ཕྲ་མོ་རེའི། དཔེ་རྒྱུན་ཙམ་རེ་སྲིད་ན་གནས་པའི་ཆེད། །དཔར་འགྲེམ་ཞུས་པའི་རྣམ་དཀར་དགེ་བའི་མཐུས། མུ་མེད་འགྲོ་བའི་ཕན་བདེའི་ཉེར་འཚོ་རུ་

[Full Size]

བསྟན་པ་རིན་ཆེན་སྲིད་པའི་མཐར་གནས་ཤིང་། །བདག་ཀྱང་ཚེ་རབས་ཀུན་ཏུ་རྒྱལ་བའི་བསྟན། །མཁའ་ཁྱབ་འགྲོ་ལ་སྤེལ་བའི་དཔལ་ཐོབ་ཤོག །ཅེས་དཔར་འགྲེམ་བྱེད་པོོ་ཤེས་རབ་རྒྱལ་མཚན་གྱིས་སྨོན་པ་དགེ།

བར་དོ་སྤྱིའི་དོན་ཐམས་ཅད་རྣམ་པ་གསལ་བར་བྱེད་པ་དྲན་པའི་མེ་ལོང་།

[Full Size]

བར་དོ་སྤྱིའི་དོན་ཐམས་ཅད་རྣམ་པ་གསལ་བར་བྱེད་པ་དྲན་པའི་མེ་ལོང་ཞེས་བྱ་བ་བཞུགས་སོ།

[Full Size]

ན་མོ་གུ་རུ་བྷྱཿགདོད་ནས་རབ་དག་དག་པ་གཉིས་ལྡན་སྲིད་དང་ཞི་བའི་སྤྲོས་པ་ཀུན་བྲལ་ཆོས་ཀྱི་སྐུ། རང་མདངས་མ་འགག་འགག་མེད་འཆར་ཚུལ་ཞི་དང་ཁྲོ་གར་ཡེ་ཤེས་ལྔ་ལྡན་ལོངས་སྤྱོད་རྫོགས། སྣ་ཚོགས་འགྲོ་འདུལ་འདུལ་ཞིང་གང་འཚམས་སྤྲུལ་བསྒྱུར་བགྲང་ཡས་འདོད་འབྱུང་མཛོད་ལྔ་སྤྲུལ་པའི་སྐུ། དབྱེར་མེད་བླ་མ་མ་ལུས་རྒྱལ་བའི་དཀྱིལ་འཁོར་ཀུན་གྱི་ཁྱབ་བདག་རང་རིག་གཉིས་མེད་མཆོད། །འཁོར་འདས་སྣང་སྲིད་གདོད་ནས་ཡོངས་དག་པའི། །གཤིས་ངོར་སྐྱེ་འཆི་བདེ་སྡུག་མིང་དབེན་ཀྱང་། །མ་རྟོགས་བློ་ལ་འཁྲུལ་སྣང་མཐའ་མེད་

[Full Size]

ཀྱི།། ༈ །།སྦུབས་ཆུད་སྡུག་བསྔལ་མང་མྱོང་སྙིང་རྗེའི་གནས། །དེ་དག་ཐབས་མང་དུ་མས་བསྒྲལ་སླད་ཆོས། །ཟབ་ཅིང་རྒྱ་ཆེར་མངའ་ལས་སྙིང་པོའི་བཅུད། །མཆོག་གྱུར་བར་དོའི་གདམས་པ་བསམ་ཡས་ཀྱང་། །སྒྲུབ་བརྒྱུད་གོང་མ་རྣམས་ཀྱིས་གསལ་མཛད་མོད། དེ་དག་ལས་ལྷག་རྨོངས་པ་བདག་འདྲ་ཡིས། །བརྗོད་དུ་ཅི་མཆིས་བརྗོད་ཀྱང་དགོས་པ་གང་། །འོན་ཀྱང་བློ་དང་ལྡན་པ་ཁྱེད་ཉིད་ཀྱིས། །དྲིས་ཕྱིར་གོང་མ་རྣམས་གསུང་བསྐྱར་བཞིན་བརྗོད།། ༈ །།དེ་ཡང་སྤྱིར་སེམས་ཅན་ཐམས་ཅད་ཐོག་མའི་འཁྲུལ་གཞི་ལས་བརྩམས་ཏེ། མཐར་ཐུག་བྱང་ཆུབ་

[Full Size]

མངོན་དུ་མ་གྱུར་གྱི་བར་ཐམས་ཅད་ནམས་ཀྱང་བར་མ་དོའི་གནས་སྐབས་ཁོ་ནའི་ཕྱིར། གཞི་ལམ་གྱི་ཆོས་ཐམས་ཅད་བར་དོའི་ཐ་སྙད་གདགས་སུ་རུང་བ་ཁོ་ན་ཡིན་ནའང་། ཐ་མལ་པ་དག་བར་སྲིད་ཀྱི་གནས་སྐབས་གཅིག་པུ་ཁོ་ན་ལ་བར་དོ་ཞེས་སྡུག་སྡུག་པ་གཅིག་ཏུ་འཛིན་ལ། གསང་སྔགས་རྙིང་མའི་བར་དོ་ཐོས་གྲོལ་གྱི་གདམས་པ་སོགས་སུ་བར་དོའི་རྣམ་གྲངས་དྲུག་ཏུ་འདྲེན་པའི་སྐབས་ཀྱི་ནང་ཚན་ལས། ཏིང་ངེ་འཛིན་བསམ་གཏན་གྱི་བར་དོ་ཞེས་པ་འདི་ལ། ཕྱིས་བྱོན་གྱི་མཁས་པ་ལ་ལའི་ཐུགས་སུ་མ་ཤོང་བར་དགག་པ་སྣ་ཚོགས་མཛད་པ་སྣང་མོད་ཀྱང་། འཁོར་འདས་ཀྱི་ཆོས་ཐམས་ཅད་བར་དོའི་རང་བཞིན་ཡིན་ན། བསམ་གཏན་ཀྱང་བར་དོ་རུ་ཅིའི་ཕྱིར་མི་རུང་བར་བྱེད། འདིར་མ་ཟད་རྗེ་མི་ལས་མཁའ་

[Full Size]

འགྲོ་བཀྲ་ཤིས་ཚེ་རིང་མ་ལ་གནང་བའི་བར་དོ་འཕྲང་སྒྲོལ་དུའང་སྤྱིར་བར་དོ་དྲུག་ཏུ་འདྲེན་ཚུལ་དང་། སྒོས་སུ་བསམ་གཏན་ཏིང་ངེ་འཛིན་གྱི་བར་དོའི་རྣམ་བཞག་མཛད་ལུགས་ཀྱང་ཐོས་གྲོལ་དང་ཐ་མི་དད་པ་དེ་བཞིན་ཡིན་ཚེ། གསར་རྙིང་དགོངས་བཞེད་མཐུན་ལ། སྤྱིར་བར་དོའི་རྣམ་གྲངས་འདྲེན་ཚུལ་ལ་གཞུང་མཐའ་དག་སོ་སོར་མི་གཅིག་པ་དུ་མ་འབྱུང་སྟེ། རང་བཞིན་སྐྱེ་གནས། འཆི་ཁ་སྡུག་བསྔལ། ཆོས་ཉིད་སྲིད་པ་སྟེ་བར་དོ་གསུམ་དུ་མཛད་པ་དང་། ཡང་ཟུང་འཇུག་སྐུ་བཞི་རང་རིག་ཡེ་ཤེས། དུས་མཚམས་རང་བཞིན། འཆུགས་མེད་རྟེན་འབྲེལ་གྱི་བར་དོ་དང་བཞིར་མཛད་པ་དང་། གཞན་ཡང་སྐྱེ་གནས། རྨི་ལམ། བསམ་གཏན། འཆི་ཁ ཆོས་ཉིད། སྲིད་པའི་བར་དོ་དང་དྲུག་ཏུ་མཛད་པ་དང་བཅས་

[Full Size]

པ་སོགས་ལུགས་མང་མོད་ཀྱི། རེ་ཞིག་སྐབས་འདིར་ནི། ཉིད་ཀྱིས་དྲིས་པའི་མཐུས་གསར་རྙིང་ཐུན་མོང་ལྟར་གྱི་འགག་དོན་བསྡུས་ཏེ་རྟོགས་བདེ་བའི་སླད་དུ། རང་བཞིན་སྐྱེ་གནས་ཀྱི་བར་དོ་དང་། །འཆི་ཁ་སྡུག་བསྔལ་གྱི་བར་དོ་དང་། །ཆོས་ཉིད་འོད་གསལ་གྱི་བར་དོ་དང་། །སྲིད་པ་ལས་ཀྱི་བར་དོ་སྟེ། དེ་ལྟར་རྣམ་པ་བཞིར་བསྡུས་ནས་བསྟན་པར་བྱ་ཞིང་། དེ་དག་རེ་རེ་ལའང་ངོ་བོ་ངོས་བཟུང་བ། འཆར་ཚུལ་རྒྱས་པར་བཤད་པ། གདམས་ངག་ལམ་དུ་བྱ་བ་དང་གསུམ་གྱིས་འཆད་དེ།། ༈ །།དང་པོ་ལ་སྐྱེ་གནས་ཀྱི་བར་དོ་ཞེས་གང་ལ་ཟེར་ཅེ་ན། མའི་མངལ་ནས་བྱུང་བ་ནས་མཐར་འཆི་རྐྱེན་གྱིས་མ་ཟིན་པའི་བར་འདི་ལ་ཟེར། འཆར་ཚུལ་ལམ་སྣང་གང་ལྟ་བུ་ཞེ་ན། གང་ཟག་མཆོག་དམན་གྱི་ཁྱད་པར་ཐ་དད་པའི་དབང་གིས་སོ་སོར་

[Full Size]

སྣང་བ་སྟེ། དེ་ཡང་མཆོག་རབ་ཀྱི་སྐལ་ལྡན་དག་ལ་ནི། སྣང་གྲགས་ལྷ་སྔགས་སུ་ཤེས་པས་སྣོད་བཅུད་དཀྱིལ་འཁོར་དུ་ལྷུན་གྱིས་གྲུབ་ཅིང་། རྟོག་ཚོགས་ཆོས་ཉིད་ཀྱི་རོལ་པར་ཤར་བས་ཐམས་ཅད་སྐུ་གསུམ་གྱི་རང་བཞིན་ཉིད་དུ་ཡེ་ནས་ཀྱང་ཡིན་ལ། ད་ལྟ་ཡང་སྣང་། མཐར་ཡང་དེའི་ངང་དུ་གྲོལ་ཕྱིར་སྣང་སྲིད་དག་པ་རབ་འབྱམས་སམ། ཅིར་སྣང་ཡེ་ཤེས་ཀྱི་འཁོར་ལོ་ཞེས་བྱ་སྟེ། ཚུལ་འདི་ལ་ནི་དཔལ་མཁའ་སྤྱོད་ཞབས་སོགས་ཀྱིས་ཟུང་འཇུག་སྐུ་བཞིའི་བར་དོ་དང་། རང་རིག་ཡེ་ཤེས་ཀྱི་བར་དོ་སོགས་སུ་མིང་གདགས་པར་མཛད་ཅིང་། སྔར་བཤད་པའི་ཏིང་འཛིན་བསམ་གཏན་གྱི་བར་དོ་ཡང་འདིའི་ཁོངས་སུ་འདུ་བས་ལོགས་སུ་བརྗོད་མ་དགོས་ལ། དེ་ལྟར་མ་རྟོགས་མ་རིག་པའི་ཐ་མལ་པའི་གང་ཟག་རྣམས་ནི་སྐྱེས་ནས་འཆི་ནད་མ་

[Full Size]

ཐེབས་པའི་བར་དེ་སྲིད་ཀུན་ཏུ་བག་ཆགས་ངན་གོམས་འཁྲུལ་སྣང་ཨ་འཐས་ཀྱི་རྗེས་སུ་འབྲང་སྟེ། མི་བདེན་པ་ལ་བདེན་པར་འཛིན། མི་རྟག་པ་ལ་རྟག་ཏུ་རེ། སྡུག་བསྔལ་བ་བདེ་བར་འཁྲུལ་ཞིང་ཞེན་པས། དགྲ་འདུལ་གཉེན་སྐྱོང་། ང་ཁྱོད་ཆགས་སྡང་། མ་ཟིན་མ་ཆོག །བསགས་སྲུང་འཚོ་སྐྱོང་། འཇིག་རྟེན་ཆོས་བརྒྱད། དོན་མེད་འཁྲུལ་ཞེན་གྱི་བྱ་བ་ཁོ་ནས་མི་ཚེ་སྟོང་ཟད་དུ་ཕྱལ་གྱིས་གཏོང་བ་འདི་ལྟ་བུར་སྐྱེ་འགྲོ་ཕལ་མོ་ཆེའི་སྣང་ཚུལ་གྱི་ཆོས་ཉིད་ཡིན་ཚེ། སྐྱེ་གནས་བར་དོའི་རང་བཞིན་ནི་འདི་ལས་མ་འདས་ཤིང་། དེ་སྐབས་ཀྱི་མཚན་མོ་སོགས་ཀྱང་མན་ངག་གི་གནད་ཀྱིས་མ་ཟིན་པའི་གཏི་མུག་རོ་ཉལ་བསམ་མེད་དུད་འགྲོ་ལྟ་བུར་གྱུར་པ་དང་། དེ་ལའང་ཉིད་འཁྲུལ་རྨི་ལམ་གྱི་སྣང་བ་སྣ་ཚོགས་

[Full Size]

པས་བསྐྱེད་ཅིང་གཟིངས་ཕྱིར། བག་ཆགས་རྨི་ལམ་གྱི་བར་དོ་ཡང་སྐྱེ་གནས་བར་དོའི་ཁོངས་འདིར་འདུ་བ་ཉིད་དོ། །ཇི་སྐད་དུ། འཕགས་པ་དཀོན་མཆོག་འབྱུང་གི་མདོ་ལས། ལོག་པར་རྟོག་ལ་ཆགས་པའི་དབང་གིས་ནི། །འདིར་ནི་འགྲོ་བ་འདི་ཀུན་རབ་ཏུ་འཁྱམས། །སྐྱེས་བུ་གང་ཞིག་ཞི་བའི་ཆོས་རིགས་པ། །དེས་ནི་རང་བྱུང་དེ་བཞིན་གཤེགས་པ་མཐོང་། །ཆོས་མཆོག་ཞི་བ་རྣམས་ཀྱང་རབ་ཏུ་ཤེས། ཞེས་གསུངས་པ་ལྟར་རྟོགས་མ་རྟོགས་ཀྱི་ཁྱད་པར་ཤིན་ཏུ་ཆེའོ། །སྐྱེ་གནས་བར་དོ་འདི་ལམ་དུ་ཁྱེར་ཐབས་གདམས་ངག་གི་རིམ་པ་ནི། སྙིང་ལུགས་ཀྱི་མན་ངག་དག་ལས་ཐོས་བསམ་གྱི་སྒྲོ་འདོགས་གཅོད་པ་ཐི་བྱ་ཚང་འཇུག་ལྟ་བུའི་གདམས་པ་ལ་འབད་ཅེས་གསུངས་ཤིང་། དེ་ཇི་ལྟར་བྱ་ན་དང་པོར་བླ་མ་མཚན་ཉིད་དང་ལྡན་པ་

[Full Size]

བཙལ། སྙིང་ནས་སྒོ་གསུམ་ཟོལ་མེད་ཀྱིས་མཉེས་པའི་ཐབས་དུ་མས་བསྟེན། བསྟན་པའི་གཞི་མའམ་ལམ་གྱི་སྲོག་ཤིང་སྡོམ་པ་གསུམ་ལེགས་པར་མནོས་ལ། ཉམས་ཆགས་ཉེས་ལྟུང་གི་དྲི་མ་ཕྲ་མོས་ཀྱང་མ་གོས་པར་བསྲུང་། མདོ་རྒྱུད་ཐེག་པའི་རིམ་པ་མཐའ་དག་ལ་ཐོས་བསམ་ཕྱོགས་མེད་དུ་བྱས་ནས། གྲུབ་མཐའི་ཞེན་ཕྱོགས་སྤང་། ཧ་ཅང་ཐོས་པ་ལ་ཞེན་ཅིང་འབྱམས་ན་ཐ་སྙད་ཚིག་མཐར་འཁོར་ནས་དོན་གྱི་སྙིང་པོ་མི་ལོན་པས། གང་ཐོས་རང་གི་རྒྱུད་ལ་བཀལ། ཐོས་བསམ་ཐམས་ཅད་ཀྱི་རྩ་བ་བླ་མའི་མན་ངག་ཁོ་ནར་འདུས་ཕྱིར་གདམས་ངག་མཐིལ་ཕྱིན་པར་ཞུན་ཐར་བཅད། མི་ཚེ་སྟོང་ཟད་དུ་འགྲོ་བའི་རྒྱུ་ནི་འཇིག་རྟེན་གྱི་བྱ་བ་མ་ཐོགས་པ་ཉིད་ལས་འབྱུང་བས། ཚེ་འདིའི་ཞེན་འཁྲིས་རྦད་ཀྱིས་བཅད་ལ་དབེན་པའི་རི་ཁྲོད་

[Full Size]

འགྲིམ། དབེན་པར་བསྡད་ཀྱང་སྒོ་གསུམ་དགེ་བ་ལ་མ་བརྩོན་ན་བྱ་དང་རི་དྭགས་གཅན་གཟན་གྱི་ཚོགས་དང་འདྲ་བས་ཐ་མལ་སྙོམ་ལས་ཆོས་མིན་གྱི་དབང་དུ་སྐད་ཅིག་ཀྱང་མི་བཏང་བར་འགྱོད་མེད་གདིང་ཐོབ་བྱ། སྟོང་ཉིད་ཀྱི་དོན་རྟོགས་ཀྱང་བསླུ་མེད་རྒྱུ་འབྲས་རྟེན་འབྲེལ་ལ་ཡིད་ཆེས་ངེས་ཤེས་བརྟན་པོས་དགེ་སྡིག་ཁྱད་གསོད་དུ་མ་སོང་བར་རྒྱལ་བའི་བཀའ་དང་མཐུན་པའི་ལྟ་སྤྱོད་ཟུང་འབྲེལ་ལ་བསླབ།། ༈ །།ཁྱད་པར་བར་དོ་འོག་མ་ཐམས་ཅད་ཀྱི་གནད་འགག་འདིར་རག་ལས་ཕྱིར། སྐྱེ་གནས་བར་དོ་ལོང་ཁྱབ་ཡོད་པའི་དུས་འདིར་ཉམས་ལེན་གོམས་ཤུགས་དང་ལྡན་པར་མ་གྱུར་ན་ལོང་མེད་འཆི་རྐྱེན་གྱི་གག་ལ་ཐུག་ཚེ་འགྱོད་ཀྱང་འཕྱིས་ཚར་ཏེ། ཨོ་རྒྱན་རིན་པོ་ཆེས། ལོང་ཡོད་སོ་ཚེ་འཆི་ཁར་སྤྲད་

[Full Size]

སྤྲད་བྱེད། །ཨ་རེ་འགྱོད་དེ་བག་ཙམ་འཕྱིས་པ་འདྲ། ཞེས་གསུང་པ་ལྟར་འབྱུང་བས། དེས་ན་བར་དོ་ད་ལྟ་ནས་སྦྱང་བ་གལ་ཆེ་བ་ཉིད་ཀྱི་ཕྱིར། གང་ཟག་སོ་སོའི་སྐལ་པ་དང་མོས་པར་མཐུན་པའི་ཆོས་སྒོ་གང་དང་གང་ལ་ཞུགས་པ་དེ་དང་དེའི་གདམས་པ་ཉམས་སུ་བླངས་ནས་རྒྱུད་སྨིན་གྲོལ་དུ་བྱ་དགོས་ཚེ། ཐོག་མར་སྨིན་བྱེད་དབང་གི་རིམ་པ་རྒྱས་བསྡུས་ཅི་རིགས་ཐོབ་ངེས་སུ་བྱ། དབང་དེ་ཡང་དེང་སང་སྙིགས་དུས་ཀྱི་སློབ་དཔོན་སོ་སོའི་དབང་ཆོག་བསྐུར་ཐོབ་ཀྱི་ཚུལ་ཕལ་ཆེར་ནི་རྒྱུད་སྡེ་དང་རིག་འཛིན་གོང་མ་རྣམས་ཀྱི་བཀའ་སྲོལ་དང་མཐུན་པ་ནི་ཆེས་དཀོན་པར་གྱུར་ཏེ། བླ་མས་ཀྱང་ཟང་ཟིང་བསྡུ་ཐབས་སམ་ཁེ་གྲགས་སོགས་ཀྱི་སླད་དུ་དབང་བསྐུར་བྱེད་པ་མང་ཞིང་། སློབ་མ་ཞུ་བ་པོ་རྣམས་ཀྱིས་ཀྱང་འཕྲལ་རྐྱེན་ནད་གདོན་སོགས་ལ་ཕན་དུ་རེ་བའམ། མི་ཆོས་དང་

[Full Size]

ཟླ་གྲོགས་ཀྱི་ཞོར་དང་། ལྟད་མོའམ་ཅི་བྱེད་ལྟ་བ་ལྟ་བུའི་བསམ་པའི་སྒོ་ནས་ཞུ་ཚུལ་བྱེད་པ་ལས། ཡང་དག་གི་དད་པའི་དངོས་པོ་དང་མི་ལྡན་ཞིང་། དབང་དོན་ངོ་འཕྲོད་པའི་ཕྱོགས་ཙམ་ཡང་མི་སྲིད་པ་ལྟ་བུར་སྣང་ཚེ་མདོར་ན་དཔོན་སློབ་གཉིས་ཀས་དབང་གི་ཟོལ་དང་བྱིས་རྩེད་ལད་མོ་བྱེད་པ་འདྲ་བ་འདི་ལྟ་བུས་ནི་གང་ཟག་གི་རྒྱུད་སྨིན་ནུས་པའི་ཐབས་མི་འདུག་པས་མངོན་སུམ་དུ་གསལ་མོད། སྣོད་བཅུད་ཚུལ་ལྡན་འཛོམ་པ་ཞིག་ལ་ནི་ཀུན་རྫོབ་ཀྱི་དབང་རྫས་རྣམས་མགོ་བོར་བཞག་ཀྱང་རུང་མ་བཞག་ཀྱང་རུང་སྟེ། དབང་དོན་གྱི་ཡེ་ཤེས་རྒྱུད་ལ་སྐྱེས་ན་ཡང་དག་པའི་དབང་ཐོབ་པའི་མཆོག་ཏུ་གྱུར་པ་སྟེ། ཏཻ་ལོ་པས་ནཱ་རོ་ལ་ཕྱག་ལྷུམ་འཕངས་བས་བརྒྱལ་བ་ལས་བསངས་ཚེ་དབང་དོན་མཐར་ཐུག་རྟོགས་པའི་ཚུལ་དང་། པཎ་ཆེན་

[Full Size]

ཤྲཱི་སེང་ཧས། མཁས་པ་བཻ་རོ་ལ་ཤིང་ཏོག་ཀུ་ཤུ་གཅིག་སྦྱིན་པའི་བརྡ་ཐབས་ཀྱིས་རྫོགས་ཆེན་རིག་པའི་རྩལ་དབང་ཡོངས་རྫོགས་ཐོབ་པ་དང་། གཞན་ཡང་སྐྱེ་སྟོན་བསོད་ནམས་བླ་མས་མ་ཅིག་ལབ་སྒྲོན་ལ་དབང་བསྐུར་དུས་ཀྱི་ལོ་རྒྱུས་སོགས་གྲུབ་ཐོབ་རྣམས་ཀྱི་རྣམ་ཐར་དཔག་ཏུ་མེད་པ་མཆིས་ཚེ། དོན་དུ་ནི་དབང་ཞུས་མ་ཞུས་གཅིག་པུ་ལ་ཚད་མི་བཟུང་བར་སྨིན་ནུས་མ་ནུས་ལ་གཙོ་བོར་བྱ།། ༈ །།དེ་ནས་གྲོལ་བྱེད་ཀྱི་གདམས་པ་དངོས་ལའང་ཞུས་ལོ་དང་ཐོབ་ལོའི་རྣམ་གྲངས་ཙམ་གྱིས་ནི་རང་རྒྱུད་གྲོལ་བ་ལྟ་ཞོག །ཉོན་མོངས་ཅུང་ཟད་ཁ་བྲི་བའམ་བདག་འཛིན་དང་ཞེན་ཆགས་ཅུང་ཞིག་ཆུང་དུ་འགྲོ་བ་ཙམ་ཡང་ཤིན་ཏུ་དཀའ་བར་མངོན་སུམ་གྱིས་གྲུབ་ཕྱིར། དེས་ན་ཆོས་གང་ལ་ཉམས་ལེན་བྱེད་པ་དེ་ཉིད་ཀྱི་ལམ་རྟགས་

[Full Size]

རྣམས་ཚུལ་བཞིན་ཤར་ཐུབ་པའམ། ཐ་ན་ཡང་ཚིག་དོན་ལ་ངེས་པ་རྙེད་པའི་ཐབས་ལ་ནན་ཏན་དུ་བྱ་བ་ནི་སྤྱིར་གཅེས་པ་དང་། ཁྱད་པར་དུ་ནི། གདམས་པའི་བྱེ་བྲག་མཐའ་ཡས་མོད་ཀྱང་མདོར་བསྡུ་ན་སྒྲུབ་པ་པོ་རང་ཉིད་ཟབ་ལམ་ཆོས་དྲུག་གམ། ལམ་འབྲས་པ་ལྟ་བུ་ཞིག་ཡིན་པའི་དབང་དུ་བགྱི་ན། གཏུམ་མོ་ལམ་གྱི་གཞུགས་ཤིང་ལ་ཉམས་ལེན་བརྩོན་འགྲུས་དྲག་པོས་འབད་ནས། གནས་པ་རྩ་དང་གཡོ་བ་རླུང་། བཀོད་པ་བྱང་ཆུབ་སེམས་ཀྱི་རྩལ་སྦྱོང་ལ་བརྟེན་པས་ཟག་མེད་ལྷན་སྐྱེས་ཡེ་ཤེས་བདེ་སྟོང་ཟུང་འཇུག་མཆོག་གི་ལམ་ལ་གནད་དུ་བསྣུན་ཏེ། ཀུན་རྫོབ་འབྱུང་འདུས་ཀྱི་ཕུང་པོ་དྭངས་མ་འཇའ་ལུས་ཀྱི་རང་བཞིན་དུ་སྨིན་ཅིང་དོན་དམ་ཤེས་རིག་གི་ངོ་བོ་ཆོས་སྐུ་སྐྱེ་མེད་ཀྱི་དབྱིངས་སུ་རོ་གཅིག་

[Full Size]

པའི་སྐུ་གཉིས་ཟུང་འཇུག་གི་གོ་འཕང་ཚེ་འདི་ཁོ་ནར་འགྲུབ་པའི་ཐབས་ལ་རབ་ཏུ་བརྩོན་པས་མཐར་ཕྱིན་པར་བྱ་བ་དང་གང་ཟག་དེ་རྫོགས་ཆེན་པ་ལྟ་བུ་ཡིན་ན། སྤྱིར་རྫོགས་ཆེན་ལ་ཕྱི་སེམས་སྡེ། ནང་ཀློང་སྡེ། གསང་བ་མན་ངག་ཡང་གསང་བླ་ན་མེད་པ་དང་། ཨ་ཏི་སྤྱི་ཏི་ཡང་ཏི་སོགས་རྣམ་གྲངས་བསམ་གྱིས་མི་ཁྱབ་ཀྱང་། བསྡུ་ན་ཁྲེགས་ཆོད་རིག་སྟོང་གི་ཉམས་ལེན་དང་། ཐོད་རྒལ་སྣང་སྟོང་གི་ཉམས་ལེན་གཉིས་སུ་གནད་ཐམས་ཅད་འདུས་པས་དེ་ཉིད་བཀའ་གཏེར་གང་དང་གང་གི་ལུགས་ལ་ཞུགས་ཀྱང་། དང་པོར་བླ་མ་མཆོག་ལ་མཐར་ཕྱིན་པ་ཞུས་ཏེ། མི་མེད་ཀྱི་ལུང་སྟོངས་སུ་ལུས་ངག་ཡིད་གསུམ་གྱི་བྱ་བ་དགུ་ཕྲུགས་སུ་བཏང་ཞིང་། འཁོར་འདས་རུ་ཤན་ཕྱེས་ཏེ་ཉིན་མཚན་ཁ་སྦྱོར་དུ་བྱ་བྱེད་གཞན་དང་སྐད་ཅིག་ཀྱང་།

[Full Size]

མ་འདྲེས་པར་ཉམས་སུ་བླངས་ན། ལུས་ཐོག་འདིར་ཀུན་བཟང་ཆོས་སྐུའི་གོ་འཕང་མངོན་དུ་འགྱུར་ཞིང་། འདི་ལ་གང་ཟག་དབང་པོ་རབ་འབྲིང་གསུམ་ཚན་དགུར་ཕྱེས་པའི་རབ་ཀྱི་རབ་སྦྲུལ་མདུད་ནམ་མཁར་གྲོལ་བའི་དཔེ་ལྟར་གདམས་པ་ཐོབ་པ་དང་གྲོལ་བ་དུས་མཉམ་རིག་འཛིན་ཆེན་པོ་དགའ་རབ་རྡོ་རྗེ་ལྟ་བུ། རབ་ཀྱི་འབྲིང་མཚོ་ལ་ཁ་བ་བབས་པ་ལྟར་གང་ཤར་ཆོས་ཉིད་དུ་ཐིམ་ནས་གྲོལ་བ་འཇམ་དཔལ་བཤེས་གཉེན། ཤྲཱི་སིངྷ། བི་མ་ལ། པད་འབྱུང་ལ་སོགས་འཇའ་ལུས་རྡོ་རྗེའི་སྐུ་བརྙེས་པ་རྣམས་དང་། རབ་ཀྱི་མཐའ་མ་འཁྱག་རུམ་ཆུར་ཞུ་བ་བཞིན་གདམས་པ་ཉམས་ལེན་ཡུན་དུ་འབད་པས་འཁྲུལ་པའི་བག་ཆགས་དང་གདོས་བཅས་ཀྱི་ཕུང་པོ་འོད་ལུས་སུ་རིམ་གྱིས་གྲོལ་བ་མྱང་བན་ཏིང་འཛིན་བཟང་

[Full Size]

པོ། ལྕེ་བཙུན་སེང་གེ་དབང་ཕྱུག །སློབ་དཔོན་ཉང་སྟོན་སྐུ་མཆེད་ལ་སོགས་ལུས་མ་སྤངས་པར་མཁའ་སྤྱོད་འགྲུབ་པ་རྣམས་ལྟ་བུ་སྟེ། མདོར་ན་ཕྱག་རྫོགས་ལམ་སྦྱོར་ཞི་གཅོད་ལ་སོགས་གདམས་པ་ཟབ་མོས་ཚེ་འདི་ཉིད་ལ་གྲུབ་པ་མཐར་ཕྱིན་པ་རྣམས་ལ་ནི་བར་དོ་འོག་ལ་རྣམས་མཐོང་མི་དགོས་པར་ལུས་ཐོག་འདིར་གྲོལ་བ་ནི་སྐྱེ་གནས་བར་དོའི་ཉམས་ལེན་མཐར་ཕྱིན་པའི་ཚད་ཡིན་ཀྱང་། དེང་སང་ནི་བཀའ་གསར་རྙིང་སུ་ལ་བལྟས་རུང་དེ་ལྟ་བུ་ཤིན་ཏུ་དཀོན་པར་མཆིའོ། །འོན་ཀྱང་རྣམ་གཡེང་སྙོམ་ལས་ཀྱི་དབང་དུ་མ་སོང་བར་ཉམས་ལེན་གྱི་དངོས་གཞི་ཕྱག་རྫོགས་གང་ཡིན་ལ་གཅིག་སྒྲིལ་དུ་བྱ་བ་དང་། མཚན་མོའི་ཉམས་ལེན་དུ་རྨི་ལམ་དང་འོད་གསལ། ཐུན་མཚམས་ཐམས་ཅད་དུ་སྒྱུ་ལུས་དང་བར་དོ། །ཐུན་གྱི་མགོ་མཇུག་རྣམས་སུ་བླ་མ་ཡི་དམ་གྱི་

[Full Size]

བསྐྱེད་བཟླས་གསོལ་འདེབས་བསྔོ་སྨོན་སོགས་ཏེ། མདོར་ན་སྤྱིར་གྱི་སྒོ་གསུམ་ཐ་མལ་འཁྲུལ་འབྱམས་སུ་མ་ཤོར་བ་དང་། སྒོས་སུ་བར་དོ་འོག་མ་རྣམས་ཀྱི་ཉམས་ལེན་ཐམས་ཅད་ལ་ད་ལྟ་ནས་གོམས་འདྲིས་ཡིད་འཇགས་ནན་ཏན་ཏུ་བྱ་དགོས་པ་ནི་བཀའ་གསར་རྙིང་ཐམས་ཅད་ཀྱི་དགོངས་བཞེད་གཅིག་ཏུ་མཐུན་པའི་གནད་འགག་གལ་པོ་ཆེ་ལགས་སོ། །འདིར་སྨྲས་པ། ཡིད་བཞིན་ནོར་འདྲའི་དལ་འབྱོར་ལེགས་ཐོབ་ཅིང་། །དགེ་བའི་བཤེས་དང་ཟབ་ཆོས་རྙེད་གྱུར་ཀྱང་། །འཁོར་བ་ཉམས་དགའི་ལྟད་མོ་ལ་ཡེངས་ཏེ། །གཏན་གྱི་འདུན་མ་འགྲུབ་པ་ཉིན་སྐར་ཙམ། །ཐོ་ཡོར་ལུས་དང་སེམས་ཀྱི་བྱིའུ་ཆུང་གཉིས། །ཡུད་ཙམ་ཚོགས་འདིར་བྱང་ཆུབ་མི་བསྒྲུབ་ན། །ཐོས་ཐོས་ཤེས་ཤེས་རྣམ་གྲངས་བརྒྱ་ཡོད་ཀྱང་། །འཁོར་བའི་མཚོ་ཆེན་སྒྲོལ་ལ་མི་ཕན་ནོ། །

[Full Size]

ཕུན་ཚོགས་རང་དབང་ཡོད་དུས་ལེ་ལོར་བསྡད། །བཟློག་མེད་འཆི་བདག་བྱུང་ཚེ་འགྱོད་པས་གཟིར། །རང་ཕུང་རང་སྒྲུབ་སྨྱོན་པ་དུག་འཐུང་འདྲ། །ཚུལ་འདི་སྐྱེ་གནས་བར་དོའི་སྣང་ཚུལ་ལགས། །ཅེས་བར་སྐབས་ཀྱི་ཚིགས་སུ་བཅད་པའོ།། ༈ །།སྤྱི་དོན་གཉིས་པ། འཆི་ཁ་སྡུག་བསྔལ་གྱི་བར་དོའི་རང་བཞིན་བཤད་པ་ལའང་། གསུམ་གྱི་དང་པོ་ངོ་བོ་ངོས་བཟུང་བ་ནི། འཆི་རྐྱེན་གང་ཡིན་པ་དེའི་ནད་ཀྱིས་ཟིན་པ་ནས་བར་དོ་དང་པོ་ཆོས་ཉིད་དོན་གྱི་འོད་གསལ་མ་ཤར་ཚུན་ཆད་ཀྱི་སྐབས་རྣམས་ཡིན་ལ། འདི་སྐབས་སུ་ཆོས་སྤྱི་ལས་འོད་གསལ་ཤར་བ་དེ་ཡང་བར་དོ་འདི་ཉིད་ཀྱི་ཁོངས་སུ་ཚུར་བསྡུས་ནས་སྟོན་མོད་ཀྱང་། །ད་རེས་འདིར་ནི་རྫོགས་ཆེན་རྣམས་ནས་གསུངས་པ་ལྟར། ཆོས་ཉིད་འོད་གསལ་གྱི་བར་དོ་ནི་འོག་ཏུ་འཆད་ཕྱིར། འདིར་འཆི་ཁ་བར་

[Full Size]

དོ་ཁོ་ན་བསྟན་པར་བྱའོ།། ༈ །།ཞན་ཡང་གོང་དུ་བརྗོད་པ་ལྟར། གང་ཟག་མཆོག་རབ་ཀྱི་རིགས་ཅན་ལུས་ཐོག་འདིར་གྲོལ་བ་དག་ལ་ནི་བར་དོ་འོག་མ་འདི་རྣམས་མི་འབྱུང་སྟེ། དེ་ཡང་རྫོགས་ཆེན་རྣམས་ནས་འདི་ལྟར་གསུངས་ཏེ། རྣལ་འབྱོར་པ་རབ་རྣམས་ལ་འཆི་ལུགས་བཞི་ཡོད། བུམ་ཆག་ནམ་མཁའ་ཕྱི་ནང་འདྲེས་པ་བཞིན་ལུས་སེམས་ཆོས་སྐུ་སྟོང་ཉིད་དུ་ཐིམ་པ་དང་། དེ་བཞིན་དུ་བུད་ཤིང་ཟད་པས་མེ་དཔུང་དུལ་བ་ལྟར་དང་། ནམ་མཁའ་འོད་ཕུང་གིས་གང་བ་རིག་འཛིན་འཆི་བ་ལྟ་བུ་དང་། ཤི་ཡང་ཕུང་པོ་འདོར་རྒྱུ་མེད་པ་མཁའ་འགྲོ་མ་འཆི་བ་ལྟ་བུ་རྣམས་ནི་རབ་ཀྱི་འཆི་ལུགས་སོ། །ཞེས་པ་འདི་དག་ལ་ནི་ཐིམ་རིམ་གྱི་སྤྲོས་པ་དང་བྲལ་ལ། ཡང་རྣལ་འབྱོར་པ་འབྲིང་ལ་འཆི་ལུགས་གསུམ་སྟེ། འཆི་བའི་

[Full Size]

དུས་དང་འཆི་མི་འཆིའི་རྩིས་གདབ་མེད་པ་བུ་ཆུང་འཆི་བ་ལྟ་བུ་དང་། ཡུལ་རྐྱེན་ལ་ཉམ་ང་མེད་པ་ཕྱོགས་མེད་སྤྲང་པོ་འཆི་བ་ལྟ་བུ་དང་། ཡུལ་རྐྱེན་གྱི་འཁྲི་བ་བཅད་དེ་གངས་ཁྲོད་ལུང་སྟོངས་སོགས་སུ་འཆི་བ་སེང་གེ་ལྟ་བུ་རྣམས་ནི་འབྲིང་གི་འཆི་ལུགས་སོ། །ཞེས་པ་འདི་དག་ལ་ཡང་གསལ་འདེབས་སོགས་ལ་མི་ལྟོས་པར་རྟོགས་པའི་གདིངས་དང་ལྡན་པའི་འཆི་ལུགས་ཡིན་ལ། རྣལ་འབྱོར་པ་ཐ་མ་དང་གང་ཟག་ཕལ་པ་སྤྱིའི་འཆི་ལུགས་ཀྱི་འཆར་ཚུལ་རྒྱས་པར་བཤད་པ་ལ་གཉིས་ཏེ། ཕྱི་འབྱུང་བའི་ཁམས་དབང་སྐྱེ་མཆེད་ཐིམ་ཚུལ་དང་། །ནང་རྣམ་རྟོག་ཕྲ་རགས་ཀྱི་ཐིམ་ཚུལ་གཉིས་བཤད་ཅིང་། ཞར་ལ་འཕོ་བའི་མན་ངག་གི་སྐབས་དོན་བཤད་པ་དང་བཅས་པའོ།། ༈ །།དེ་ལ་དང་པོ་ནི། སྤྱིར་སྐྱེ་འགྲོ་ཐམས་ཅད་དང་

[Full Size]

པོར་ལུས་ཆགས་པ་ཡང་འབྱུང་བ་ལྔ་ལ་བརྟེན་ནས་ཆགས། བར་དུ་ཡང་དེ་དག་ལ་བརྟེན་ནས་གནས། མཐར་འཇིག་པ་ཡང་དེ་དག་ཐིམ་སྡུད་ཀྱིས་འཇིག་པར་འགྱུར་བ་ཡིན་ཏེ། དེ་ཡང་འཆི་དུས་ལས་རླུང་གྱེན་ལ་ལོག་ནས་རླུང་ཐམས་ཅད་དེས་དབང་བྱས་ཤིང་འཁོར་ལོ་ལྔའི་རྩ་མདུད་ཞིག་པ་དང་རླུང་ལྔ་མལ་འཆུགས་པས་ཕྱི་ནང་གསང་གསུམ་གྱི་འབྱུང་བ་སོ་སོར་ཐིམ་པ་ཡིན་ཏེ། འདི་དག་གི་ཐིམ་ཚུལ་རྒྱས་པར་རྫོགས་ཆེན་རིག་པ་རང་ཤར་གྱི་རྒྱུད་ལས་འབྱུང་ཡང་འདིར་ཡིག་ཚོགས་ལ་འཛེམ་ནས་མ་བཤད་ལ། གསར་རྙིང་སྤྱི་མཐུན་ལྟར་གྱི་འགག་བསྡུས་ཏེ་བརྗོད་ན་དེ་ཡང་དང་པོར་མཉམ་གནས་ཀྱི་རླུང་མལ་འཆུགས་པའི་དབང་གིས་ཁ་ཟས་མི་འཇུ་ཞིང་དྲོད་མཐའ་ནས་སྡུད་

[Full Size]

སྲོག་འཛིན་འཆུགས་པས་ཤེས་པ་མི་གསལ་ཞིང་འཆུགས་པ་དང་། ཐུར་སེལ་འཆུགས་པས་གཤགས་གཅི་མི་ཐུབ་པ་དང་། གྱེན་རྒྱུ་འཆུགས་པས་ཟས་སྐོམ་ནང་དུ་མིད་མི་ཤེས་ཤིང་དབུགས་སྣ་ཐུང་། ཁྱབ་བྱེད་འཆུགས་པས་ཡན་ལག་ལས་སུ་མི་རུང་ཞིང་རྩ་རྣམས་སྡུད་པར་འགྱུར་བ་དང་། རྩ་འཁོར་རྣམས་འཇིག་པའི་ཐོག་མར་ལྟེ་བའི་རྩ་འཁོར་འཇིག་པར་བཤད་ཅིང་། དེ་ནས་རིམ་པ་ལྟར་འདེགས་བྱེད་ཀྱི་རླུང་འབྲོས་པས་ས་ཁམས་ཆུ་ལ་ཐིམ་པས་ཕྱིའི་རྟགས་སུ། ལུས་ཀྱི་སྟོབས་ཤོར་ཏེ་མཇིང་པས་མགོ་མི་ཐེག །རྐང་པས་ལུས་མི་ཐེག །ལག་པས་ཟས་སྣོད་མི་ཐེག །བྱད་ལ་ཧམ་པ་དང་། སོ་ལ་དྲེག་ནག་ཆགས་ཤིང་ཁ་ཆུ་སྣ་ཆུ་མི་ཐུབ་པར་འགྱུར་བ་དང་། ཕྱི་རྟགས་དེ་རྣམས་བྱུང་ཚེ་ནང་གི་རྟགས་སུ་ཤེས་པ་རབ་ཏུ་བྱིང་ཞིང་

[Full Size]

འཐིབ་པའི་དབང་གིས་ཤིན་ཏུ་ཟུབ་པའི་སྣང་བ་ཤར་ནས་ལག་པ་ཕྱིར་འདོན་ཅིང་གོས་བསལ་བ་དང་། ང་སློང་དང་ཟེར་ཞིང་མིག་མཐོངས་ཁར་ལྟ་བར་བྱེད་པ་དང་། འདི་དུས་གསང་བའི་རྟགས་སུ་འོད་གསལ་སྨིག་སྒྱུ་ལྟ་བུ་རབ་རིབ་ཏུ་འཆར་བའི་དུས་ཡིན། དེ་ནས་སྙིང་གའི་རྩ་འཁོར་འཇིག་ཅིང་བཀྲག་མདངས་བསྐྱེད་པའི་རླུང་འབྲོས་པས་ཆུ་ཁམས་མེ་ལ་ཐིམ་རྟགས་སུ། ཁ་ལྕེ་སྐམ་ཞིང་སྣ་ཞོམ་ལྕེ་རྩེ་རང་གིས་མི་མཐོང་ཞིང་འཁྱོག །ནང་རྟགས་སུ་ཤེས་པ་བུན་ཅིང་འཚུབས་ནས་ཚིག་པ་ཟ་བ་དང་། གསང་རྟགས་སུ་དུ་བ་ལྟ་བུ་ལང་ལོང་གི་སྣང་བ་འབྱུང་། དེ་ནས་མགྲིན་པའི་རྩ་འཁོར་འཇིག་ཅིང་དྭངས་སྙིགས་འབྱེད་པའི་རླུང་འབྲོས་པས་མེ་ཁམས་རླུང་ལ་ཐིམ་པའི་རྟགས་སུ། ཁ་སྣའི་དབུགས་གྲང་སིལ་གྱིས་འགྲོ་ཞིང་ལུས་

[Full Size]

ནང་གི་དྲོད་ཕྱིར་འཆོར་བས་རླངས་པ་ཐོལ་གྱིས་བྱུང་སྟེ་དྲོད་མཐའ་ནས་ཆད། ནང་རྟགས་ཤེས་པ་རེས་གསལ་རེས་མི་གསལ་བས་ངོ་ཤེས་ལ་མི་ཤེས་ཙམ་དང་། ཕྱི་རོལ་གྱི་སྣང་བ་འདི་གསལ་པོར་མི་མཐོང་། གསང་རྟགས་སྲིན་བུ་མེ་ཁྱེར་ལྟར་དམར་ཁྱེམ་ཁྱེམ་ས་འཆར། དེ་ནས་གསང་གནས་ཀྱི་རྩ་འཁོར་འཇིག་ཅིང་བསྐལ་པ་ལས་ཀྱི་རླུང་འབྲོས་ཏེ་རླུང་ཁམས་རྣམ་ཤེས་ལ་ཐིམ་པས། ཕྱི་རྟགས་སུ་དབུགས་བརྩེགས་མར་འབྱུང་ཞིང་ཕྱིར་རྒྱུ་བ་རིང་ལ་ནང་དུ་སྡུད་དཀའ་བ་དང་། སྒྲ་ངར་ངར་པོ་འབྱིན་ཞིང་མིག་གྱེན་ལ་ལོག །ནང་རྟགས་སུ་ཤེས་པ་འཁྲུལ་ནས་མཐོང་སྣང་སྣ་ཚོགས་འཆར་ཏེ། སྡིག་ཅན་རྣམས་ལ་གཤིན་རྗེའི་སྣང་བ་མཐོང་བས་སྐྲག་སྟེ། ལུས་སྤྲད་སྤྲད་དང་རྣམ་འགྱུར་སྣ་ཚོགས་བྱེད་ཅིང་འཇིགས་པའི་སྒྲ་སྐད་འདོན།

[Full Size]

ལས་བཟང་པོ་རྣམས་ལ་ནི་དཔའ་བོ་མཁའ་འགྲོའི་བསུ་མ་དང་དགེ་བའི་སྣང་བ་འཆར་བར་བཤད། གསང་རྟགས་སུ་སྒྲོན་མེ་འབར་བ་ལྟ་བུའི་སྣང་བ་འཆར་ཏེ། དེ་ལྟར་འབྱུང་བ་ལྔ་དང་རླུང་ཆེན་ལྔ་ཐིམ་པས་དེའི་ཚེ་ཡན་ལག་གི་རླུང་ལྔ་རང་གཞར་ལ་མལ་འཆུགས་པས་དབང་པོ་སྐྱེ་མཆེད་རྣམས་ཀྱང་རིམ་གྱིས་ཐིམ་པ་ཏེ། མིག །རྣ་བ། སྣ་ལྕེ། ལུས་ཀྱི་དབང་པོ་རྣམས་ནུས་པ་ཉམས་ཤིང་ཐིམ་པའི་གནད་ཀྱིས་གཟུགས་སྒྲ་དྲི་རོ་རེག་བྱ་རྣམས་མི་ཚོར་བ་དག་ཀྱང་ལོག་པར་ཚོར་ཞིང་བཟང་ངན་གྱི་དབྱེ་བ་སྤུ་རིས་མི་ཕྱེད་པར་འགྱུར། དེ་ནས་རྣམ་ཤེས་ནམ་མཁའ་ལ་ཐིམ་པ་ཞེས་བྱ་སྟེ་ཕྱི་དབུགས་ཆད་པར་འགྱུར་ལ། འདི་དུས་ལུས་ཀྱི་མདོག་སྣུམ་ཞིང་འཇམ་པ་སྙིང་ཁ་ཡན་ཆད་དུ་དྲོད་ཅུང་ཟད་ཡོད་ལ། བར་དོ་

[Full Size]

འཕྲང་སྒྲོལ་སོགས་ལས་ནི་འདི་ཡན་ལ་ཐུན་མོང་གི་འཆི་རྟགས་ཞེས་བྱ་བ་ཡིན་པས། ནད་གདོན་གྱི་བྱེད་པས་འགའ་ཞིག་མཚམས་འདི་ནས་ཚུར་ལྡོག་པ་ཡང་འབྱུང་བར་གསུངས་སོ། །དེ་ནས་ཁྱད་པར་གྱི་འཆི་རྟགས་ཅིས་ཀྱང་ལྡོག་མི་སྲིད་པའི་སྣང་རྟོག་ཕྲ་རགས་ཀྱི་ཐིམ་རིམ་རྣམས་ཡིན་ཏེ། དེ་ཡང་དུས་འཁོར་རྩ་རྒྱུད་ལས། ལུས་ཅན་རྣམས་ནི་འཆི་བ་ན། །ཟླ་བ་བདུད་རྩི་ཐུར་དུ་འགྲོ། །སྟེང་དུ་ཉི་རྡུལ་སྒྲ་གཅན་དང་། །རྣམ་ཤེས་སྲིད་པའི་མཚན་ཉིད་དོ། །ཅེས་པ་ལྟར། སྣང་མཆེད་ཐོབ་གསུམ་ཐིམ་ཞིང་དུག་གསུམ་ལས་གྱུར་པའི་རྟོག་པའི་རང་བཞིན་བརྒྱད་ཅུ་འགགས་པས། དཀར་ལམ་སོགས་ཤར་བ་སྟེ། འདི་སྐབས་སུ་དཀར་ལམ་དམར་ལམ་གཉིས་པོ་སྔོན་ལ་འཆར་ཚུལ་ངེས་མེད་དུ་བཤད་ཀྱང་། འདིར་དུས་འཁོར་ལྟར་འཆད་པར་བྱ་སྟེ། དེ་

[Full Size]

ཡང་ལུས་ཅན་རྣམས་ཀྱི་དབུ་མའི་ཡར་སྣེ་སྟེ། སྤྱི་བོར་ཕ་ལས་ཐོབ་པའི་ཁམས་ཀུན་རྫོབ་རྒྱུའི་ཐིག་ལེ་དཀར་པོ་ཧཾ་ཡིག་གི་ཚུལ་དུ་གནས་པ་དེ། སྟེང་རླུང་འཆུགས་པའི་གནད་ཀྱིས་དབུ་མའི་ལམ་ནས་ཐུར་དུ་བྱུང་ཅི་རང་སྣང་དུ་ཟླ་བ་ཤར་བ་ལྟ་བུ་དཀར་ལམ་གྱི་སྣང་བ་དང་དུས་མཚུངས་པར་ཞེ་སྡང་ལས་གྱུར་པའི་རྟོག་ཚོགས་ཀྱི་བྱེ་བྲག་སུམ་ཅུ་རྩ་གསུམ་ཡང་འགག་པར་འགྱུར་བ་སྟེ། དེ་རྣམས་གང་ཞེ་ན། ཆགས་བྲལ་བར་མ་ཆེན་པོ་དང་། །ཡིད་ཀྱི་འགྲོ་དང་འོང་བ་དང་། །མྱ་ངན་ཆུང་འབྲིང་ཆེན་པོ་དང་། །ཞི་དང་རྣམ་པར་རྟོག་པ་དང་། །འཇིགས་དང་བར་འཇིགས་ཤིན་ཏུ་འཇིགས། །སྲེད་དང་བར་སྲེད་ཤིན་ཏུ་སྲེད། །ཉེར་ལེན་མེ་དགེ་བཀྲེས་དང་སྐོམ། །ཚོར་དང་ཚོར་འབྲིང་ཤིན་ཏུ་ཚོར། །རིག་དང་རིག་པོ་འཛིན་པའི་

[Full Size]

གཞི། །སོ་སོར་རྟོག་དང་ངོ་ཚ་ཤེས། །སྙིང་རྗེ་བརྩེ་བ་ཆུང་འབྲིང་ཆེ། །དགོས་བཅས་སྡུད་དང་ཕྲག་དོག་སྟེ། །རྣམ་རྟོག་སུམ་ཅུ་རྩ་གསུམ་ཡིན། ཅེས་པ་རྣམས་འགག་པར་འགྱུར་བའོ། །དེ་ནས་དབུ་མའི་མར་སྣ་སྟེ་ལྟེ་བར་མ་ལས་ཐོབ་པའི་ཁམས་དམར་ཆའི་དྭངས་མ་ཨ་ཤད་ཀྱི་རྣམ་པར་གནས་པ་དེ་ཉིད་འོག་རླུང་འཆུགས་པའི་མཐུས་གྱེན་དུ་སོང་བའི་དུས་སུ་སྣང་བ་དམར་ལམ་པ་གཅིག་འཆར་བ་དང་ལྷན་ཅིག འདོད་ཆགས་ཀྱི་རྟོག་པ་བཞི་བཅུ་རྣམས་ཀྱང་འགག་སྟེ། གང་ཞེ་ན། །ཆགས་པ་དང་ནི་ཞེན་པ་དང་། །དགའ་དང་བར་དགའ་ཤིན་ཏུ་དགའ། །རང་ས་དང་ནི་རབ་མགུ་དང་། །ངོ་མཚར་ཚིམ་དང་རྒོད་དང་འཁྱུད། །འོ་བྱེད་འཇིབས་དང་བརྟེན་པ་དང་། །བརྩོན་དང་ཁེངས་དང་བྱ་བ་དང་། །འགྲོགས་དང་སྟོབས་དང་སྤྲོ་བ་དང་། །དགའ་ལ་སྦྱོར་བ་

[Full Size]

ཆུང་འབྲིང་ཆེ། །དྲེགས་དང་རྣམ་པར་སྒེག་པ་དང་། །འབྲས་དང་དགེ་དང་ཚིག་གསལ་དང་། །བདེན་དང་བདེན་མིན་ངེས་པ་དང་། །ཉེར་ལེན་སྦྱིན་དང་བསྐུལ་དང་དཔའ། །ངོ་ཚ་མེད་དང་ཟིན་དང་གདུག །མི་བསྲུན་དང་ནི་གྱ་གྱུའོ། །ཞེས་པ་རྣམས་འགག་པའོ།། ༈ །།དེ་ནས་ཁྱབ་བྱེད་ཀྱི་རླུང་གིས་རིག་པ་བསྐྱོད་པ་དེ་ཉིད་བྱང་སེམས་དཀར་དམར་འཕྲད་པའི་བར་དུ་འཐུམས་མཚམས་དེར་སྣང་བ་ནག་ལམ་པ་གཅིག་འཆར་ཞིང་། །གཏི་མུག་ལས་གྱུར་པའི་རྟོག་པ་བདུན་ཀྱང་འགག་སྟེ། གང་ཞེ་ན། ཆགས་པ་བར་མའི་སྐད་ཅིག་དང་། །བརྗེད་ངས་འཁྲུལ་དང་མི་སྨྲར་འགྱུར། །སྐྱེ་དང་ལེ་ལོ་ཐེ་ཚོམ་བདུན། ཞེས་པ་ཐམས་ཅད་འགགས་ཤིང་འགའ་ཞིག་ལ་གནད་གཅོད་ཀྱི་སྡུག་བསྔལ་དྲག་པོ་མྱོང་བར་བཤད་ལ། གཞན་ནི་ཐིམ་

[Full Size]

པ་རྣམས་རྫོགས་པའི་སྐབས་འདིར་རྩ་རླུང་ཁམས་སེམས་ཀུན་གྱི་དྭངས་མ་སྙིང་གར་ལྷན་ཅིག་འཛོམས་པ་ལ་བརྟེན་ནས། ནམ་མཁའ་འོད་གསལ་ལ་ཐིམ་པ་ཞེས་ཀྱང་བྱ་སྟེ། བར་དོ་དང་པོའི་གཞིའི་འོད་གསལ་ཉིད་འཇག་མའི། སྲིན་བུ་ཡན་ཆད་ལ་འཆར་བའོ།། ༈ །།ད་ནི་བར་དོ་འདི་དག་ལམ་དུ་ཁྱེར་ཚུལ་སྟོན་ཏེ། དེ་ཡང་སྤྱིར་འདུས་བྱས་ཐམས་ཅད་མི་རྟག་པའི་ཚུལ་དང་། སྒོས་སུ་རང་ཉིད་ནམ་འཆི་ཆ་མེད་པ་དང་། ཁྱད་པར་འཆི་དུས་སུ་བླ་མའི་གདམས་ངག་མ་གཏོགས་གང་གིས་ཀྱང་མི་ཕན་པའི། ཚུལ་རྣམས་རྟག་ཏུ་ཡིད་ལ་མ་བསམས་ན། ཆོས་ཀྱི་སྣ་ཁ་མང་པོ་ལ་རྟོག་འཇུག་གམ། སྐྱིད་འདོད་ལྟོ་གོས་ཀྱི་རྩོལ་སྒྲུབ་སོགས་བྱེད་པའི་བར་ལ་འཆི་བས་སླེབས་ཏེ་འགྱོད་དགོས་པ་འབྱུང་བ་ཉིད། ཆེད་དུ་བརྗོད་པའི་ཚོམ་ལས། བུ་དང་

[Full Size]

ནོར་ཕྱུག་འབྱོར་བ་ལ། །མི་རྣམས་ཡོད་ནི་རྣམ་ཆགས་ནས། །འདི་ནི་བྱས་ཟིན་ད་འདི་བྱ། །དེ་དག་བྱས་ནས་འདི་བྱ་ཞེས། །མི་རྣམས་གཡེང་བས་བསླུས་ཀྱི་བར། །འཆི་བདག་གིས་ནི་བླང་ནས་འགྲོ། ཞེས་སོགས་མདོ་རྒྱུད་བསྟན་བཅོས་མཁས་གྲུབ་རྣམས་ཀྱི་གསུང་མགུར་སོགས་ལས་རྒྱ་ཆེར་འབྱུང་བ་བཞིན། ཆོས་སྙིང་པོར་དྲིལ་བ་གཅིག་མ་བྱས་ན་རྣམ་རིག་དང་ཐོས་བསམ་སོགས་ཀྱིས་དགོས་དུས་བསླུས་པ་མང་ཞིང་། ཁྱད་པར་ཚེའི་དུས་ལ་ནམ་བབས་པའི་སྐབས་དེར་ཡང་ལུགས་གཉིས་བྱ་བྱེད་སྤྲོས་བཅས་རྣམས་ཀྱི་འཕྲོའམ་ལྷག་མ་སོགས་ལུས་པའི་སེམས་ཁྲལ་ལྟ་བུ་དང་། གཉེན་འདུན་མཛའ་གྲོགས་མཐོ་དམན་གང་དང་གང་ལའང་ཆགས་པ་དང་སྡང་བའི་ཡིད་བྱེད་ཐམས་ཅད་རྩ་བ་ནས་ལིངས་ཀྱིས་དོར། ཟང་ཟིང་ཡོ་བྱད་

[Full Size]

ཀྱི་རིགས་ཀྱང་ཆེ་བ་སྐུ་གསུང་ཐུགས་རྟེན་ནས་ཆུང་བ་ཁབ་སྐུད་ཡན་ཆད་ཐམས་ཅད་ལྟོས་མེད་མཆོད་སྦྱིན་སྤོང་དག་བྱས་ལ། སེམས་ཀྱི་ལྷག་མ་སྤུ་ཙམ་ཡང་ལུས་རྒྱུ་དང་ཞེན་ཡུལ་མེད་པར་བྱེད་པ་ནི་གལ་ཆེན་གྱི་གནད་དུ་སྣང་བས་བློ་ཐག་ཆོད་པར་བྱ། འཆི་ཁའི་བསམ་པ་སྟོབས་དབང་བཙན་པས་སྡོམ་པ་དམ་ཚིག་སོགས་ལ་ཉེས་ལྟུང་ཕྲ་ཞིང་ཕྲ་བའི་རིགས་ཚོར་བ་དང་མ་ཚོར་བ་མཐའ་དག་དངོས་སམ་ཡིད་ཀྱིས་བཤགས་སྡོམ་བྱ་བ་དང་། དངོས་སུ་བླ་མ་འཛོམས་ནའང་སྐྱབས་ཡུལ་དང་བླ་མའི་རྣལ་འབྱོར་གསལ་ལ་ཏིང་འཛིན་དབང་དང་སྡོམ་པ་བླངས། གྲོགས་ཀྱང་དམ་གཙང་ཆོས་མཐུན་གདམས་ངག་གི་གསལ་འདེབས་སོགས་ཤེས་པ་ཡོད་ན་ཤིན་ཏུ་ལེགས་ལ། གཞན་ནི་འཇིག་རྟེན་གྱི་གཉེན་འདུན་སོགས་ངུ་སྐད་དང་མྱ་

[Full Size]

ངན་གྱི་ཆགས་སྡང་བསྐྱེད་པར་འགྱུར་བའི་རྐྱེན་རྣམས། ཐོ་ཕྱིར་གཏན་ནས་མེད་པ་གལ་ཆེ་ཆེ། རབ་ཀྱིས་ནི་སྔར་བཤད་པ་བཞིན་རི་དྭགས་ལྟ་བུའི་འཆི་ལུགས་སོགས་ཁོ་ན་ལེགས་པར་གསུངས་ཕྱིར་གྲོགས་ཀྱི་སྤྲོས་པ་བཅད། དེ་ནས་ཐིམ་རིམ་རྣམས་ཀྱང་འདིར་བཤད་པ་རྣམས་གང་ཟག་སྤྱི་ཁྱབ་ལ་འབྱུང་ཚུལ་བརྡ་མཚོན་ཙམ་སྟེ། གཞན་ནི་སོ་སོའི་རྩ་རླུང་ཁམས་རིགས་ཐ་དད་ཀྱི་ཁྱད་པར་དང་། ནད་གདོན་རྐྱེན་དབང་སོགས་ངེས་མེད་དུ་འབྱུང་བས་ཐིམ་རིམ་སྔ་རྟིང་སྣ་ཚོགས་དང་། འགའ་ཞིག་ལ་ནི་ཅིག་ཅར་རྩལ་སྤྲུགས་སུ་བསྡུ་བ་ཡང་འབྱུང་བས་འདི་བཞིན་ཚད་ཅན་དུ་ནི་མི་འབྱུང་ལ། གང་ལྟར་ཡང་ཕྱི་ནང་གསང་བའི་རྟགས་སྣང་ཚུལ་རྣམས་སྔ་གོང་ནས་བློ་ལ་འཇགས་ཤིང་འདྲིས་པ་གལ་ཆེ། དེ་ནས་དུས་ལ་ནམ་བབས་པའི་

[Full Size]

ཚེ་ལུས་གནད་ནི་རབ་ཀྱི་ཙོག་པུའམ་མི་ནུས་ན་གཞོག་གཡས་ཕབ་སྟེ་སེང་གེའི་ཉལ་ལུགས་སུ་བྱ་ཞིང་། ཉམས་ལེན་གོམས་འདྲིས་གང་ལ་ཡོད་པ་དེ་ཉིད་ལ་དྲིལ་དགོས་ཕྱིར། ཕྱག་རྒྱ་ཆེན་པོའམ། རྫོགས་ཆེན་ཁྲེགས་ཆོད་པའམ། ཞི་བྱེད་པ་སོགས་མདོར་ན་སྟོང་གསལ་རང་རིག་གི་དྲན་པ་ལ་གཙོ་བོར་བྱེད་པ་ཞིག་ཡིན་ན། ཐིམ་རིམ་གང་ཤར་ཐམས་ཅད་གནས་ལུགས་ཆོས་ཉིད་ཀྱི་ངང་ཁོ་ནར་གློད་པ་ལས། གཞན་དུ་མ་ཡེངས་མ་འཁྲུལ་ཙམ་ཉིད་ལ་ཆིག་དྲིལ་དུ་བྱས་ན། གཞིའི་འོད་གསལ་ལ་མ་སླེབས་ཀྱི་བར་གཞན་བྱ་མི་དགོས་ལ། དེར་སླེབས་ནས་ནི་གྲོལ་བ་ལ་ཚེགས་མེད་དོ། །ཡང་སྦྱོར་དྲུག་པའམ། རྫོགས་ཆེན་ཐོད་རྒལ་སྣང་མུན་གཉིས་ཀྱི་འོད་གསལ་ལ་གོམས་པ་ཞིག་ཡིན་ན། འབྱུང་བཞི་ཐིམ་

[Full Size]

ཚེ་གསང་རྟགས་དུ་བ་སྨིག་སྒྱུ་སོགས་རིམ་ཅན་དུ་ཤར་བ་མཐའ་དག་རང་རིག་ཆོས་སྐུའི་གསལ་མདངས་ཁོ་ནར་ཐག་ཆོད་པའི་ངེས་པ་དང་། གསལ་སྟོང་ཡེ་ཤེས་ལྷུན་གྲུབ་ཀྱི་ཉམས་ལེན་ལ་རྩེ་གཅིག་ཏུ་འབད། ཡང་ལམ་འབྲས་སམ་ཆོས་དྲུག་སོགས་ཟབ་ལམ་བདེ་སྟོང་ཕྱག་རྒྱ་ཆེན་པོའི་གདམས་པ་ལ་འདྲིས་པའི་ཚེ་ནའང་དེ་དང་མཐུན་པར་རྩ་འཁོར་སོ་སོའི་རླུང་སེམས་སྡུད་རིམ་ངོ་ཤེས་པར་བྱ་ཞིང་། ཁྱད་པར་དུ་ཡང་དཀར་ལམ་འཆར་བའི་ཚེ་སྣང་བའི་འོད་གསལ་དུ་ཤེས་པས་དམ་ཚིག་གི་ཕྱག་རྒྱའི་ལམ་ཁྱེར་དགའ་བའི་ཡེ་ཤེས་ཀྱི་དོན་མངོན་དུ་བྱ་བ་དང་། དེ་བཞིན་དུ་དམར་ལམ་ཤར་ཚེ་མཆེད་པའི་ཉམས་དང་ལས་ཀྱི་ཕྱག་རྒྱའི་ཡེ་ཤེས་དྲན་པ་དང་། ནག་ལམ་འཆར་དུས་ཐོབ་པའི་ཉམས་ཆོས་ཀྱི་ཕྱག་རྒྱའི་དོན་དགའ་བྲལ་ལམ་ཁྱད་དགའི་ཡེ་ཤེས་

[Full Size]

ལ་མཉམ་པར་འཇོག་པ་དང་། གནད་གཅོད་ཀྱི་ཟུག་རྔུ་གང་བྱུང་ཉམས་ལེན་དང་བསྲེས་ལ། ལྷན་སྐྱེས་མ་ཤར་གྱི་བར་དུ་མཚམས་སྦྱོར་ངན་པ་གཞན་གྱིས་བར་མ་ཆོད་པར་བྱའོ། །གཞན་ཡང་གང་ཟག་དེ་ལྟ་བུའི་ཉམས་རྟོགས་དང་མི་ལྡན་པ་ཞིག་ཡིན་པའི་ཚེ་ནའང་། བྱིན་རླབས་བླ་མའི་མོས་གུས་ལ་གནད་དུ་བསྣུན་ཏེ། དེ་ཡང་དང་པོ་ས་ཁམས་ཐིམ་ཞིང་འོད་གསལ་སྨིག་རྒྱུ་སྣང་དུས་སུ་སྙིང་གར་བླ་མ་བསྒོམ་ཞིང་མོས་གུས་རྩེ་གཅིག་བྱས་ལ། ཡིད་ཀྱིས་གསོལ་བ་གདབ། ཆུ་ཁམས་ཐིམ་ནས་དུ་བ་ལྟ་བུ་འཆར་ཚེ་ལྟེ་འཁོར་དུ་བླ་མ་བསྒོམ། མེ་ཁམས་ཐིམ་ཞིང་མེ་ཁྱེར་ལྟ་བུ་སྣང་ཚེ་དཔྲལ་བར་བླ་མ་བསྒོམ། རླུང་ཁམས་ཐིམ་སྟེ་སྒྲོན་མེ་ལྟ་བུ་དག་ལ་ནི་ཁྱད་པར་དྲན་མཆོག་བླ་མའི་འཕོ་བ་ལ་གནད་དུ་བསྣུན་

[Full Size]

པར་གསུངས་སོ།། ༈ །།ད་ནི་ཞར་ལ་འཕོ་བའི་སྐབས་དོན་བཤད་པ་ལ་གསུམ་སྟེ། གང་ཟག་གི་ཁྱད་པར་དང་། འཕོ་བའི་དུས་དང་། འཕོ་བ་དངོས་དང་གསུམ་ལས། གང་ཟག་ནི། རྣལ་འབྱོར་རབ་ཚེ་འདིར་ཕྱག་རྫོགས་སོགས་ཀྱི་དོན་མངོན་དུ་གྱུར་ཏེ་ལྷག་མེད་དུ་འགྲུབ་པའམ། མ་འགྲུབ་ཀྱང་དབུགས་ཆད་པ་དང་གྲོལ་བ་དུས་མཉམ་གྱི་གདིང་ལྡན་དག་ལ་ནི་འཕོ་བའི་མན་ངག་ལོགས་སུ་སྦྱང་ཡང་མི་དགོས་ལ། འཕོ་བ་འདེབས་སུ་ཡོང་མི་འཚལ་ཞིང་། འོན་ཀྱང་གདུལ་བྱ་གཞན་དྲང་བའི་དོན་ལ་དགོངས་ནས་འཕོ་བའི་ཚུལ་མཛད་པ་ལྟར་སྣང་བ་ནི། རྒྱ་གར་ན་སློབ་དཔོན་ཀླུ་སྒྲུབ་སོགས་མང་པོ་དང་། བོད་དུ་ཡང་རྗེ་མར་པ་མྱ་ངན་ལས་འདའ་ཁར་ཡུམ་བདག་མེད་མ་འོད་ཀྱི་གོང་བུར་བྱས་ནས་ཐུགས་ཀར་

[Full Size]

བསྡུས་ཏེ། སྐུ་ལུས་བསྲངས་ནས་བུ་ཀུན་འཕོ་བ་བྱེད་ན་འདི་ལྟར་གྱིས་ཤིག་གསུངས་ཏེ་དབུ་ཐོད་ཀྱི་ཚལ་པ་ཡལ་བའི་ཤུལ་ནས་འོད་ལྔ་ལྡན་སྒོ་ང་ཙམ་ཞིག་སྟེང་གི་ནམ་མཁར་འཕགས་པའི་སྣང་ཚུལ་བསྟན་པ་དང་། གྲུབ་ཐོབ་མེ་ལོང་རྡོ་རྗེས་ཚོགས་འཁོར་གྱི་དབུས་སུ་ཞལ་ཆེམས་ཀྱི་མགུར་གསུངས་པའི་མཐར། དབུ་གཙུག་ནས་འོད་ཟེར་དཀར་པོ་རྫ་མ་ཙམ་ཞིག་ནམ་མཁར་འཕགས་པ་ཇེ་ཆེར་གྱུར་པས་འཇའ་འོད་དང་ཐིག་ལེས་ནམ་མཁའ་ཁྱབ་པར་མཛད་པ་སོགས་མདོར་ན་གསར་རྙིང་གི་གྲུབ་ཐོབ་སྐྱེས་ཆེན་མང་པོས་འདི་ལྟར་མཛད་ཚུལ་ཤིན་ཏུ་མང་མོད་ཀྱི། འདི་དག་ནི་མིང་འཕོ་བ་རུ་བཏགས་ཀྱང་དོན་ལ་འཇའ་ལུས་དང་ཁྱད་ཆེར་མི་འབྱུང་ཞིང་། ཡང་འགའ་ཞིག་རྩ་བའི་དམ་ཚིག་ཉམས་པའི་རིགས་ཅན་

[Full Size]

འགའ་ཞིག་ལ་ནི་འཕོ་བ་བཏབ་ཀྱང་མི་ཐེབས་པར་བཤད། ཅིའི་ཕྱིར་ན་འཕོ་བའི་གདམས་ངག་དེ་བྱིན་རླབས་ལ་རག་ཅིང་། དེ་ནི་བླ་མ་ལ་རག་ལུས་པས་དམ་ཚིག་རྩ་བ་ནས་ཉམས་ཤིང་མ་བཤགས་ན་བྱིན་རླབས་འཇུག་པའི་ཡུལ་མེད་ཕྱིར་འཕོ་བ་ཡང་འབྲས་བུ་མེད་དོ། །འོ་ན་རྡོ་རྗེ་གདན་བཞིའི་རྒྱུད་ལས། མཚམས་མེད་ལྔ་པོ་བྱེད་པ་ཡང་། །འདི་ཡི་ལམ་གྱིས་གྲོལ་གྱུར་ཏེ། །སྡིག་པས་གོས་པར་མི་འགྱུར་རོ། །ཞེས་གསུངས་སོ་སྙམ་ན། དེ་ནི་དང་པོར་སྡིག་པ་ལ་སྤྱད་ཀྱང་སླར་ཉམས་ལེན་ལ་ཞུགས་པས་གྲོལ་བ་རྣམས་དང་། དེར་མ་ཟད་རྡོ་རྗེ་སློབ་དཔོན་ལ་དམ་ཚིག་མ་ཉམས་ཤིང་དད་པ་དང་ལྡན་ན་སྡིག་ཅན་ཡང་འཕོ་བས་གྲོལ་བ་ལ་དགོངས་པའོ།། ༈ །།གཉིས་པ་འཕོ་བའི་དུས་ནི་

[Full Size]

ཕྱི་འབྱུང་རགས་པ་ཐིམ་པ་ཡན་ཆད་ནི་ཚུར་པོས་པའང་སྲིད་ལ། གང་ཟག་གཞན་ལ་འཕོ་བ་འདེབས་སྔས་ན་དེས་ཁོང་ཁྲོ་སོགས་མཚམས་སྦྱོར་ངན་པ་བྱེད་རྐྱེན་གྱི་ཉེན་ཡང་ཡོད་པ་དང་། གཞན་ཡང་རྒྱུད་ལས། དུས་ལ་བབས་ན་འཕོ་བྱ་སྟེ། །དུས་མིན་ལྷ་རྣམས་བསད་པར་འགྱུར། ཅེས་གསུངས་ཕྱིར་དུས་གནད་གལ་ཆེ་ལ། དུས་ནི་སྔར་བཤད་པ་ལྟར་གྱི་འབྱུང་བ་རྣམས་ཐིམ་ཞིང་ཕྱི་དབུགས་ཆད་ནས་ནང་གི་སྣང་བ་ཐིམ་རྟགས་དཀར་ལམ་ཤར་བ་དང་འཕོ་བ་གསལ་གདབ་ལ། མཆེད་པ་ཐིམ་རྟགས་དམར་ལམ་ཤར་མཚམས་སུ་སྡིག་ཅན་ལ་གཤིན་རྗེའི་འཇིགས་སྣང་དང་། ལས་དག་པ་རྣམས་ལ་དཔའ་བོ་མཁའ་འགྲོས་བསུ་བའི་བཀོད་པ་འཆར་བས་དེ་དུས་འཕོ་བར་བྱའོ།། ༈ །།འཕོ་བའི་གདམས་པ་དངོས་ནི། སྦྱངས་པ་དང་ལས་སྦྱོར་གཉིས་

[Full Size]

ལས། དང་པོ་སྦྱངས་པ་གལ་ཆེ་བ་དང་། ཇི་ལྟར་སྦྱོང་བའི་ཐབས་ཀྱི་རྣམ་གྲངས་མང་ཡང་བསྡུ་ན་ལྔར་འདུས་ཏེ་ཆོས་སྐུ་གཏད་མེད་ཀྱི་འཕོ་བ། ལོངས་སྐུ་ཟུང་འཇུག་གི་འཕོ་བ། སྤྲུལ་སྐུ་རྩལ་སྦྱོང་གི་འཕོ་བ། བྱིན་རླབས་བླ་མའི་འཕོ་བ་དང་ལྔར་གསུངས་པ་ལས། འཆུགས་མེད་མཁའ་སྤྱོད་ཀྱི་འཕོ་བ། དང་པོ་ཆོས་སྐུའི་དོན་ནི། སྔར་བཤད་པའི་ཕྱག་རྫོགས་སོགས་ལ་བརྟན་པ་ཐོབ་པ་ཉིད་ཡིན་ཚེ་ལོགས་སུ་སྦྱང་མི་འཚལ་ཞིང་། འདི་སྐབས་རྫོགས་ཆེན་སྙིང་ཐིག་དག་ལ་ནི། ཤེས་རབ་རང་བྱུང་གི་སྒྲོན་མ་ཞེས་བྱ་བ་རང་རིག་འདི་ཉིད། ལམ་དཀར་འཇམ་རྩའི་སྒྲོན་མ་ནས་བརྒྱུད། སྒོ་རྒྱང་ཞག་ཆུའི་སྒྲོན་མ་ལས་ཐོན་ཏེ། ཡུལ་དབྱིངས་རྣམ་དག་གི་སྒྲོན་མར་འཕོ་ཚུལ་གྱི་བརྡར་ཐབས་རྒྱས་པར་གསུངས་ཕྱིར། ཆོས་དེ་དག་གི་

[Full Size]

ཉམས་ལེན་ལ་གོམས་པས་ནི་དེ་ལྟར་བྱ་ཞིང་། ཟབ་ལམ་ཆོས་དྲུག་ལ་ནི་གཤིས་ལུགས་གཉུག་མའི་འཕོ་བ་ཞེས་གསུངས་པ་ཡང་ཆོས་སྐུའི་འཕོ་བ་འདི་ཉིད་དོ།། ༈ །།གཉིས་པ་ལོངས་སྐུ་ཟུང་འཇུག་ནི། གང་ཟག་བསྐྱེད་རིམ་ཚུལ་ལྡན་ལ་རང་དབང་ཐོབ་པའམ། ཆོས་དྲུག་ལྟར་ན་དག་པའི་སྒྱུ་ལུས་ལ་བསྒོམ་པ་མངོན་གྱུར་དག་གི་སྤྱོད་ཡུལ་ཏེ། མདོར་ན་ཆོས་སྐུ་ལོངས་སྐུ་གཉིས་པོ་འདི་ནི་ཚེ་འདིར་རྫོགས་རིམ་དང་བསྐྱེད་རིམ་ལ་རབ་ཏུ་གོམས་པས། དུས་ལ་ནམ་བབས་ཚེགས་མེད་འགྲུབ་པ་ལས། ཕལ་པ་གཞན་གྱིས་ནི་མ་ཡིན་ཅིང་། དོན་དམ་གསང་ཆེན་གྱི་འཕོ་བའང་འདིར་འདུ་བའོ།། ༈ །།གསུམ་པ་སྤྲུལ་སྐུ་རྩལ་སྦྱོང་གི་འཕོ་བའམ། གསལ་སྣང་མིག་འཕྲུལ་གྱི་འཕོ་བ་འདི་ལ་ནི་ད་ལྟ་ནས་སྦྱོང་བ་གལ་ཆེ་སྟེ་

[Full Size]

ཁྲིད་རིམ་གང་གི་རྒྱུད་ནས་འབྱུང་བ་ལྟར་རམ་འཕོ་བའི་སྒོས་ཁྲིད་བྱེད་ཀྱང་རུང་སྟེ། བླ་མ་ཉམས་མྱོང་བྱིན་རླབས་དང་ལྡན་པ་ལ་ཞུས་ནས་རྟགས་ཐོན་དུ་སྦྱང་བར་བྱ་སྟེ། དེ་ལ་སྐྱབས་སེམས་སྔོན་དུ་བཏང་ལ། དངོས་གཞི་ནི། བཅའ་བ་ལུས་ཀྱི་གནད། འཕོ་འཇུག་རླུང་གི་གནད། འཕྲུལ་བསྒྱུར་དམིགས་པའི་གནད་རྣམས་ལ་རྩེ་གཅིག་ཏུ་བྱ་ཞིང་། ལུས་ཡི་དམ་གང་རུང་གི་བསྐྱེད་རིམ་དང་ལྡན་པའི་ངང་ནས་འཁོར་བའི་སྒོ་བརྒྱད་དགག་པ་དང་། གསལ་སྟོང་ལུས་ཀྱི་སྟོང་པའི་ནང་དུ་དབུ་མ་རྩའི་སྟོང་ར་གསལ་བ་དང་། ཚངས་བུག་སྐར་ཁུང་གི་སྟེང་ན་འོད་དཔག་མེད་དམ་ལྷག་པའི་ལྷ་གང་མོས་བསྒོམ་པ་དང་། རླུང་སེམས་ཀྱི་ངོ་བོ་ལྷ་སྐུའམ་ཡིག་འབྲུ་ཕྱག་མཚན་འོད་གོང་ལ་སོགས་དབུ་མའི་ལམ་དུ་འགྲིམ་

[Full Size]

འགྲུལ་སྤར་འབེབས་ཀྱི་རྩལ་སྦྱང་བ་རྣམས་དང་། ཐུན་མཐར་ཚེ་བསྲིང་གི་མན་ངག་སོགས་མདོར་ན་འཕོ་བའི་གཞུང་གང་བྱེད་དེ་ཀའི་ལུགས་དང་མཐུན་པར་སྦྱངས། གལ་ཏེ་ལོག་ནོན་དང་ཁ་བསྒྱུར་སོགས་དགོས་པ་བྱུང་ནའང་བླ་མས་ལེགས་པར་བསྟན་ལ་རྟགས་ཐོན་པར་བྱའོ།། ༈ །།བཞི་པ་བྱིན་རླབས་བླ་མའི་འཕོ་བ་ཡང་། སྤྱི་བོའི་ལྷ་དེ་བླ་མར་བསྒོམ་པ་མ་གཏོགས་གཞན་ཕལ་ཆེར་འདི་དང་མཐུན་ཞིང་། འདི་ལ་ནི་ཁྱད་པར་དུ་བླ་མ་ལ་སངས་རྒྱས་དངོས་སུ་ཤེས་པའི་མོས་གུས་གལ་ཆེའོ།། ༈ །།ལྔ་པ་མཁའ་སྤྱོད་ཀྱི་འཕོ་བ་ནི། དག་པའི་ཞིང་ཁམས་སྦྱོང་བ་སྟེ། འདི་ལ་ནི་གང་ཟག་དེ་རྨི་ལམ་སྤྲུལ་བསྒྱུར་འབྱོང་པ་ཞིག་དགོས་ལ། རྫོགས་ཆེན་དུ་རང་བཞིན་སྤྲུལ་པའི་ཞིང་དུ་དབུགས་དབྱུང་བའི་གདམས་པ་གསུངས་པ་རྣམས་དང་དོན་

[Full Size]

གཅིག་གོ།། ༈ །།མཐར་འཕོ་བ་ལས་ལ་སྦྱར་བ་ནི། དེ་ལྟར་འཕོ་བའི་རིགས་རྣམས་གང་བྱེད་ཀྱང་ཚེ་འདི་སྣང་གི་ཞེན་ཆགས་དང་། དུག་གསུམ་སོགས་ཉོན་མོངས་པའི་དབང་དུ་མ་ཤོར་བར་དམིགས་པ་གར་གཏད་ལ་ཡིད་ཆེས་རྩེ་གཅིག་ལས་སུ་རུང་བ་གཅིག་དགོས་ཏེ། མཚམས་སྦྱོར་ངན་པ་ཅུང་ཟད་ཙམ་གྱིས་ཀྱང་འཕོ་བའི་གེགས་བྱེད་པས་ན། ངན་རྟོག་གི་དབང་དུ་སྐད་ཅིག་ཀྱང་མི་བཏང་བར་དུས་ལ་ནམ་བབས་ཚེ་དཔག་ཆེན་གྱི་མདའ་ལྟར་དམིགས་པའི་འབེན་ལ་ཐེ་ཚོམ་མེད་པར་འཕངས་ཏེ་ཕྱིར་མི་དབབ་བོ། །དེས་ནི་གྲུ་ཁ་སྐྱ་བའམ། རྟ་ཁ་སྲབ་ཀྱིས་བསྒྱུར་བ་བཞིན་གང་འདོད་ཀྱི་དོན་འགྲུབ་སྟེ། ལར་འཕོ་བ་འཕོ་བ་ཟེར་ཡང་རང་གི་རིག་པ་དྲི་མེད་འདི་ངོས་བཟུང་ནས་འཁྲུལ་པའི་ལམ་དུ་ཁ་ཤོར་དུ་མི་འཇུག་པར་

[Full Size]

གདམས་ངག་གི་སྲང་ལ་བཅུར་ནས་ཆོས་ཀྱི་དབྱིངས་སུ་བསྟིམ་པ་ལ་ཟེར་བས། ཚེ་རབས་ནས་སྨོན་ལམ་དང་ཚོགས་གཉིས་ཀྱི་བསགས་རྒྱབ་ཅུང་ཡོད་པ་རྣམས་དང་། ཚེ་འདིར་ཡང་གསང་སྔགས་རྡོ་རྗེ་ཐེག་པའི་ཆོས་དང་བླ་མ་ལ་མོས་པ་མ་ལོག་ཅིང་དམ་ཚིག་ལ་ཉེས་ལྟུང་མེད་པ་ཞིག་གིས་ནི་འགྲུབ་སླ་བར་གདའ་ཡང་། སུ་རུང་རུང་གིས་ཡོང་བར་དཀའ་བ་འདྲ་ཞིང་། སྡིག་པོ་ཆེ་བཙན་ཐབས་སུ་སངས་རྒྱས་ཟེར་བ་ཡང་གོང་དུ་བཤད་པ་ལྟར་གྱི་རྟེན་འབྲེལ་འཛོམ་དགོས་པར་གསལ་བས། གདམས་ངག་ཐམས་ཅད་ཀྱི་གོམས་འདྲིས་དང་རྟེན་འབྲེལ་ཀུན་ད་ལྟ་རང་དབང་དང་ལོང་ཁྱབ་ཡོད་དུས་ནས་བསྒྲིགས་པ་ནི་གནད་དམ་པའོ། །འདིར་སྨྲས་པ། རྗེ་རྒྱལ་བ་སྲས་བཅས་ཀྱི་ཐུགས་རྗེ་ལས། །ཆོས་མདོ་རྒྱུད་ཟབ་དོན་གྱི་ཆར་བབས་ཀྱང་། །བློ་འཁྲུལ་

[Full Size]

ཞེན་ཨ་འཐས་ཀྱི་སེམས་ཅན་ལ། །རྒྱུད་སྨིན་གྲོལ་མྱུ་གུ་ཞིག་འཁྲུངས་པར་དཀའ། །ཚེ་འདི་གང་ཆོས་མིན་གྱི་དབང་བཏང་ནས། །དོན་དགོས་ངེས་དམ་ཆོས་ཉིད་ཡལ་བར་དེར། །ནམ་འཆི་ཁར་འགྱོད་ཆེན་གྱི་མེ་ལོང་དེ། །རང་གདོང་ལ་རང་ཉིད་ཀྱིས་འཆར་ཚེ་འཕྱིས། །དྲན་གསལ་པོ་མི་ཆོས་ཀྱི་ཕེར་ཡོང་དང་། །ཚིག་ཁ་བཤད་རྒྱ་འབྱམས་ཀྱི་མཁས་པ་རྣམས། །གག་ཐུག་པོ་ཤི་ནད་ཀྱིས་ཐེབས་དུས་དེར། །གྱོང་ལེན་ཉེན་སུ་ཞིག་ལ་འདེད་དམ་སེམས། །ཅེས་བར་སྐབས་ཀྱི་ཚིག་སུ་བཅད་པའོ།། ༈ །།དོན་གསུམ་པ་ཆོས་ཉིད་འོད་གསལ་གྱི་བར་དོའི་རང་བཞིན་བཤད་པ་ལ་ཡང་། ངོ་བོ་ངོས་བཟུང་བ་དང་། །འཆར་ཚུལ་རྒྱས་པར་བཤད་པ་དང་། །གདམས་ངག་ལམ་དུ་ཁྱེར་ཐབས་དང་གསུམ་གྱི་དང་པོ། ངོ་བོ་

[Full Size]

གང་ཞེ་ན། དེ་ལྟར་གོང་དུ་བཤད་པའི་ཐིམ་རིམ་མཐའ་དག་རྫོགས་པ་དང་། ཁམས་ཀྱི་དྭངས་མ་དཀར་དམར་ཨ་ཧཾ་ཐབས་ཤེས་ཁ་སྦྱོར་གྱི་བར་དུ་རླུང་རིག་འདུས་པའི་རྐྱེན་གྱིས་ཡེ་གདོད་མའི་འོད་གསལ་ཆོས་ཀྱི་སྐུ་སྤྲོས་བྲལ་ལྷན་ཅིག་སྐྱེས་པ་བདེ་བ་ཆེན་པོའི་ཡེ་ཤེས་བཅོས་མ་མ་ཡིན་པ་ཞིག་ངེས་པར་འཆར་བ་དེ་ལ་མིང་གི་རྣམ་གྲངས་སུ་རྒྱུའི་ཐེག་པ་རྣམས་ལས་ནི། དོན་དམ་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱ་ལ། དབུ་མ་པས་ནི་དོན་དམ་པའི་བདེན་པ་ཞེས་ཟེར། ཕྱག་ཆེན་པས་ནི་མི་རྟོག་པ་ནང་འཕྲོད་པ་ཡང་ཟེར། རྫོགས་ཆེན་སེམས་ཕྱོགས་པ་རྣམས་ནི་རིག་པ་གཤིས་ཐོག་ཏུ་ཕེབས་པ་ཟེར། འོད་གསལ་གསང་སྐོར་བ་རྣམས་ལས་ནི་ལྷུན་གྲུབ་འོད་ཀྱི་བསུན་མ་ཡང་ཟེར། ཟབ་ལམ་པ་

[Full Size]

རྣམས་ལྷན་སྐྱེས་ཡེ་ཤེས་ཀྱི་ཕྱག་རྒྱ་ཆེན་པོ་ཡང་ཟེར། ཆོས་སྤྱི་ཁྱབ་ཀུན་མཐུན་པར་བར་དོ་དང་པོའི་འོད་གསལ་ཞེས་གྲགས་པ་དེ་ཉིད་དོ། །འཆར་ཚུལ་རྒྱས་པར་བཤད་པ་ལ་ཡང་། ཐུན་མོང་དང་ཁྱད་པར་གཉིས་ཀྱི་དང་པོ་ནི། དེ་ཡང་རྒྱུད་སྡེ་ཕལ་མོ་ཆེ་རྣམས་ལས་ནི། ཐོག་མར་སྨིག་སྒྱུ་ལ་སོགས་སྔར་བཤད་པ་རྣམས་རིམ་ཅན་དུ་འཆར་བ་དེ་ལ་སྣང་བའི་འོད་གསལ་དུ་བརྗོད་ལ། ཐིམ་རིམ་རྫོགས་ནས་གཞིའི་འོད་གསལ་དངོས་དེ་ལ་སྣང་མེད་ཀྱིའམ། སྟོང་པའི་འོད་གསལ་ཀྱང་ཟེར། ཡང་འགའ་ཞིག་ལས་ནི། སྣང་མཆེད་ཐོབ་གསུམ་གྱི་ཤར་ཚུལ་དེ་དག་ལ་རྟགས་ཀྱི་འོད་གསལ་དང་། དངོས་གཞི་འདི་ལ་དོན་གྱི་འོད་གསལ་ཞེས་པའི་ཐ་སྙད་ཀྱང་མཛད་ཅིང་། གཉིས་མེད་རྣམ་རྒྱལ་ལས་

[Full Size]

ཀྱང་། །དང་པོ་སྨིག་རྒྱུ་དེ་ཉིད་ཀྱང་། །འོད་ཟེར་ལྔ་དང་ལྡན་པར་མཐོང་། །གཉིས་པ་ཟླ་བ་ལྟ་བུ་དང་། །གསུམ་པ་ཉི་མ་ལྟ་བུ་སྟེ། །བཞི་པ་མུན་པ་ལྟ་བུ་དང་། །ཞེས་རྟགས་ཀྱི་འོད་གསལ་དང་། །ལྔ་པ་སྤྲིན་མེད་ནམ་མཁའ་ལྟར། །མི་རྟོག་མཐའ་དབུས་མེད་པར་འཆར། ཞེས་དོན་གྱི་འོད་གསལ་དངོས་བསྟན་པའོ། །དེ་དག་ལ་རྟགས་ཀྱི་འོད་གསལ་དུ་བརྗོད་པ་ཅི་ཞེ་ན། དང་པོ་སྨིག་རྒྱུ་སོགས་ནི་སྒོ་ལྔའི་རྣམ་ཤེས་ཀུན་གཞིར་ཐིམ་པའི་རྟགས་དང་། དེ་བཞིན་དུ། དཀར་ལམ་ཉོན་ཡིད་ཀུན་གཞིར་ཐིམ་རྟགས་དང་། དམར་ལམ་ནི་ཡེ་ཤེས་ཐིམ་རྟགས་དང་། ནག་ལམ་ནི་ཀུན་གཞི་མ་རིག་པའི་ཆ་དེ་ཉིད་རང་སར་ཐིམ་པ་དང་། དེ་ཐམས་ཅད་དོན་དམ་ཆོས་དབྱིངས་སུ་ཐིམ་པ་ཆོས་སྐུའི་ཡེ་ཤེས་དྲི་མ་དང་བྲལ་བ་འཆར་བ་

[Full Size]

ཡིན་ལ། དེ་ལྟར་གཞིའི་འོད་གསལ་དེ་ཉིད་སྐབས་འདིར་འཆར་བའི་རྒྱུ་ནི། སེམས་ཅན་ཐམས་ཅད་ལ། བདེ་གཤེགས་སྙིང་པོས་ཡེ་ཁྱབ་ཏུ་གནས་པ་དེ་ཉིད་ལྷུན་ཅིག་སྐྱེས་པའི་མ་རིག་པའམ། ཀུན་གཞི་གཏི་མུག་གི་ཆས་བསྒྲིབས་ཏེ། རང་ལ་ཡོད་པའི་ཡེ་ཤེས་ཡིན་པར་རང་ངོ་མ་ཤེས་པས་རྟག་ཏུ་འཁྲུལ་འབྱམས་སུ་གྱུར་ཅིང་། ཐིམ་རིམ་གྱི་སྐབས་འདིར་སྒྲིབ་ཆ་དེ་དར་གཅིག་རང་སར་ཐིམ་པའི་གནད་ཀྱིས་ཡེ་ཤེས་རྗེན་པར་ཤར་བ་ཡིན་ལ། ཐ་མལ་པ་རྣམས་ལ་ཤར་ཡང་རང་ངོ་མ་ཤེས་པས་སླར་བསྒྲིབས་པའི་བག་ཆགས་ལངས་ཏེ་ཡང་ཡང་སྐྱེ་བ་ཕྱི་མའི་འཕྲོ་མཐུད་ནས་འཁོར་བ་ལུ་གུ་རྒྱུད་དུ་གྱུར་པ་ཡིན་པ་དང་། གདམས་པའི་གནད་ལ་གོམས་པ་ཐོབ་པའི་རྣལ་འབྱོར་རྣམས་ལ་

[Full Size]

ནི་གདོད་མའི་གནས་ལུགས་རང་བཞིན་གྱིས་ཤར་བའི་འོད་གསལ་མ་དེ་དང་། ལམ་ཉམས་སུ་བླངས་པའི་འོད་གསལ་བུ་དེ་ཉིད་སྔར་འདྲིས་ཀྱི་མི་འཕྲད་པའམ། ཆུ་སྣ་རྒྱ་མཚོར་སླེབས་པ་ལྟར་དབྱེར་མེད་དུ་འདྲེས་ཕྱིར་གྲོལ་སླ་བའི་རྒྱུ་མཚན་དེ་ལྟར་ཡིན་པ་སྟེ། འདི་ལ་གསང་སྔགས་གསར་མ་ལྟར་ན། དོན་དམ་པའི་འོག་མིན་ཆོས་ཀྱི་དབྱིངས་རྣམ་དག་གི་ཕོ་བྲང་ན་ཟུང་འཇུག་ཡན་ལག་བདུན་ལྡན་གྱི་སྟོན་པ་རྡོ་རྗེ་འཆང་ཆེན་དབྱིངས་དང་ཡེ་ཤེས་རོ་མཉམ་དུ་གྱུར་པའི་བདག་ཉིད། ཅེས་སོགས་གསུངས་པ་དང་། རྙིང་ལུགས་རྣམས་ནས་ཀྱང་གདལ་བ་ཆེན་པོ་ཀུན་ཁྱབ་ཀྱི་ཞིང་དུ་ཡིད་བྱེད་པ་པོ་ཀུན་ཏུ་བཟང་པོ་རང་ཤེས་རིག་པའི་རྒྱལ་པོ་དང་ཆོས་བྱ་བ་མོ་ཀུན་ཏུ་བཟང་མོ་མཁའ་དབྱིངས་རྣམ་པར་དག་པའི་བདག་ཉིད་གཉིས། དབྱེར་

[Full Size]

མེད་བདེ་ཆེན་ཀ་དག་གི་ངོ་བོར་དུས་བཞི་མཉམ་ཉིད་འཕོ་འགྱུར་མེད་པར་བཞུགས་སོ། །ཞེས་སོགས་མདོར་ན། གསང་སྔགས་ཟབ་མོའི་རྒྱུད་ཀྱི་གླེང་གཞི་ཐམས་ཅད་གནས་ལུགས་འདིའི་མངོན་རྟོགས་སུ་གསུངས་པ་ཁོ་ན་ཉིད་ལས་མ་འདས་པ་ཡིན་ནའང་བློ་ཆུང་དང་རྟོག་གེ་བ་རྣམས་ཀྱི་བློར་ཤོང་བ་དཀའ་མོད། ཁྱད་པར་སྐབས་འདིར་ཉིད་ཀྱིས་དྲིས་པའི་དངོས་དོན་སྙིང་པོ་དང་། འཕྲོས་སུ་རྡོ་རྗེའི་ཚིག་རྐང་སྐྱེས་ཆེན་རྣམས་ཀྱི་གསུང་བགྲོས་ལུང་འདྲེན་དང་བཅས་མཛད་སྣང་བ་དེ་བཞིན་བདག་གི་ཡིད་ལ་ཡང་ཤིན་ཏུ་བབས་ཤིང་། འདི་སྐབས་ནི་གསར་རྙིང་གི་རྒྱུད་སྡེ་རྣམས་དང་། རིག་འཛིན་གྲུབ་ཐོབ་ཐམས་ཅད་བཞེད་པའང་ཞལ་མཐུན་པར། གཞིའི་འོད་གསལ་འདི་དོན་དམ་ཆོས་སྐུའི་ངོ་བོའི་གྲོལ་གཞིར་དགོས་ཚུལ་མཐུན་

[Full Size]

ལ། འོན་ཀྱང་རྗེ་ཇོ་ནང་པའི་ཞལ་ཆེམས་སུ། བླ་མ་གཞན་རྣམས་འོད་གསལ་ཞེས་འདོད་པ་དེ་ནི་གཞི་གནས་ལ་བརྟན་པ་ཅུང་ཟད་ཐོབ་པའི་གང་ཟག་ལ་རླུང་དབུ་མར་ཆུད་པས་བདེ་སྣང་ཅུང་ཞིག་འཆར་བ་ལ་སེམས་ཆགས་པ་ཡིན་ཞིང་། བྲག་ཕུག་འོད་གསལ་ཅེས་བྱ་སྟེ་འོད་གསལ་རྣལ་མ་རུ་མི་འདོད། ཅེས་སོགས་གསུངས་པ་ཡོད་པར་གྲགས་ཀྱང་། དགོས་པ་གཞན་ལ་དགོངས་པ་ལྟ་བུ་ཡིན་ལས་ཆེ་ཞིང་། གཞན་ནི་ཆོས་ལུགས་ཐམས་ཅད་འདི་སྐབས་བཞེད་ཚུལ་གཅིག་པར་སྣང་བ་དང་། ལར་གང་ཟག་ཕལ་ཆེ་བ་ལ་ནི་ཤར་ཡང་ངོ་མ་ཤེས་ཤེས་ཀྱང་གོམས་པ་ཆུང་ཚེ་དེའི་ངང་ལ་གནས་མ་ནུས་པས་ལན་པ་མ་གཏོགས་གྲོལ་གཞི་དངོས་ཡིན་མིན་ཐེ་ཚོམ་དང་བྲལ་བ་སྟེ། ཇི་སྐད་དུ། །རྫོགས་ཆེན་སེང་གེ་

[Full Size]

རྩལ་རྫོགས་ཀྱི་རྒྱུད་ལས། །སངས་རྒྱས་རྣམས་ཀྱི་དགོངས་པའི་ཆོས་ཉིད་ནི། །འགྲོ་བ་ཀུན་ལ་རང་བཞིན་ཡེ་ནས་ཁྱབ། །གསང་བའི་རིག་པ་ཡུལ་ལ་སྣང་གྱུར་ན། །སྣང་བའི་འོད་ལྔ་མ་བུ་འཕྲད་པའི་ཚུལ། །བུ་ཡི་སྣང་བ་མ་ལ་ཐིམ་པའི་ཚེ། །བྱ་བྱེད་བློ་ཡི་སྣང་བ་ཀུན་སངས་ཏེ། །འཁྲུལ་རྟོག་ལུང་གི་ཐེ་ཚོམ་ཆོད་གྱུར་ནས། །ཡེ་ཤེས་ཉི་ཟེར་ཀུན་ཏུ་སྣང་བ་ཡིས། །མཚན་མའི་དངོས་པོ་རབ་ཏུ་དེངས་པར་འགྱུར། །རྣམ་རྟོག་བློ་ཡི་ཐེ་ཚོམ་བྲལ་བའི་མཐུས། །རིག་པའི་ཡེ་ཤེས་སྟོབས་སུ་གྱུར་ནས་ནི། །བསམ་བྲལ་ངང་ལ་དེ་བཞིན་གནས་པ་འབྱུང་། །སྣང་བ་མེད་པའི་ཡེ་ཤེས་ཅི་ཡང་མཐོང་། །གསང་སྔགས་འབྲས་བུ་བཅུད་དང་ལྡན་གྱུར་ནས། །རིག་པའི་ཡེ་ཤེས་ཐུབ་པ་མེད་

[Full Size]

པར་སྣང་། །དེ་ཚེ་རང་གི་དྲན་པས་སད་ནས་ནི། །ཡུལ་རྐྱེན་འབྱུང་བའི་ངོ་བོ་རྣམ་པར་དག །ཐ་སྙད་བྲལ་བའི་ཡེ་ཤེས་དོན་ལ་སྤྱོད། །གསང་སྔགས་ཚད་མའི་སྣང་བ་མཐོང་བར་འགྱུར། །ཡིན་དང་མིན་པའི་ཤེས་པ་མ་ཞུགས་ན། །ཞག་ལྔ་དག་ན་ཏིང་འཛིན་ཐོབ་པར་འགྱུར། ཅེས་སོགས་དང་། །ཉི་ཟླ་ཁ་སྦྱོར་གྱི་རྒྱུད་ལས། །དེ་ཕྱིར་འདི་མ་གོས་པས་ཆོག །རང་ཤར་རང་གྲོལ་སྐྱེ་མེད་ཀློང་། །ལྷུན་གྲུབ་ཀ་དག་ཀློང་དུ་ཐིམ། །རེ་དོགས་གཉིས་ཀྱི་མཐའ་དང་བྲལ། །རྒྱུ་འབྲས་གཉིས་ཀྱི་མཐའ་ཟད་ནས། །དབྱིངས་རིག་གཉིས་མེད་ཀ་དག་གྲོལ། །བྱར་མེད་ལྷུན་རྫོགས་ཆེན་པོའོ། །ཞེས་པ་དང་། གཞན་ཡང་དུས་འཁོར་རྩ་བའི་རྒྱུད་ལས། །འོད་གསལ་དེ་ལ་སེམས་ཟིན་ན། །བར་དོ་མེད་པར་མྱ་ངན་དང་།

[Full Size]

སྡུག་བསྔལ་ཀུན་ལས་ངེས་པར་གྲོལ། ཅེས་དང་། གཉིས་མེད་རྣམ་རྒྱལ་ལས་ཀྱང་། །འོད་གསལ་ཟིན་པའི་གང་ཟག་ལ། །བར་དོའི་གྲོང་ཁྱེར་དེས་མི་མཐོང་། །གཞན་དོན་གཟུགས་སྐུའི་སྣང་བ་འཆར། །དཔེར་ན་ཡིད་བཞིན་ནོར་བུ་བཞིན། །ཅེས་སོགས་ལུང་མཐའ་ཡས་ཕྱིར་ཐེ་ཚོམ་མི་བྱའོ། །དེས་སྤྱི་མཐུན་ལྟར་བཤད་ནས། །ཁྱད་པར་རྫོགས་པ་ཆེན་པོའི་མན་ངག་གི་སྡེ་དང་། ཡང་གསང་བླ་ན་མེད་པའི་སྙིང་ཐིག་སྐོར་གྱི་ལུགས་ལྟར་ན། །ཀ་དག་ཆོས་སྐུའི་འོད་གསལ་དང་། །ལོངས་སྐུའི་འོད་གསལ་གཉིས་སུ་ཕྱེ་བའི་དང་པོ་དེ་ན། སྔར་བསྟན་པའི་གནས་ལུགས་གཞིའི་འོད་གསལ་སྤྲིན་མེད་ཀྱི་ནམ་མཁའ་གཡའ་དག་པ་ལྟ་བུར་འཆར་བ་དེ་ཉིད་ཡིན་པས། དེར་རང་ངོ་ཤེས་ན་ཤེས་ཐོག་དེར་གདོད་མའི་

[Full Size]

ཀ་དག་ཆེན་པོར་འཚང་རྒྱ་བས་འོག་མ་རྣམས་འཆར་བའི་སྤྲོས་པ་དང་བྲལ་ལ། གལ་ཏེ་དེ་ཉིད་ལ་གོམས་པ་ཆུང་བས་གྲོལ་མ་ནུས་ན་དེ་ནས་ནང་དབུགས་ཆད་དེ་དམར་ཆ་སྣ་བུག་གཡས་ནས་ཁྲག་གམ་ཆུ་སེར་གྱི་རྣམ་པ་ཕྱིར་འབྱུང་ལ། དཀར་ཆ་གསང་ལམ་ནས་འཐོན་པ་དུས་མཚུངས་སུ། རིག་པ་མེ་སྟག་ཡལ་བ་བཞིན་དུ་མིག་སོགས་སྒོ་གང་རུང་ནས་འཐོན་པ་དང་། ཆོས་ཉིད་བར་དོ་འཆར་བ་ཡིན་ལ། །འདི་ལ་ཀ་དག་ཆོས་སྐུའི་འོད་གསལ་ཟེར། དེར་མ་གྲོལ་ན། ནམ་མཁའ་འོད་གསལ་ལ་ཐིམ་པའི་མཐར་འོད་གསལ་ཟུང་འཇུག་ལ་ཐིམ་པ་ཞེས་བྱ་བ་ནི། སྐད་ཅིག་དེར་ཁྲག་འཐུང་ཁྲོ་བོའི་ལྷ་ཚོགས་རྒྱན་དང་ཆ་ལུགས་ཕྱག་མཚན་སྣ་ཚོགས་པ་དང་མགོ་བརྙན་གྱི་རྣམ་པ་མང་པོ་དང་

[Full Size]

བཅས་པས་འཇིག་རྟེན་གྱི་ཁམས་གང་བར་འཆར། ཆོས་ཉིད་ཀྱི་རང་སྒྲ་འབྲུག་སྟོང་ལྡིར་བ་ལྟ་བུ་དང་། འོད་དང་ཟེར་གྱི་ཚོགས་མཚོན་ཆའི་ཆར་འབབ་པ་ལྟ་བུ་སོགས་འཇིགས་རུང་གི་སྣང་བ་ཚད་མེད་པ་འཆར་བས། འདི་དུས་ངོ་མ་འཕྲོད་པའི་རིགས་རྣམས་སེམས་རབ་ཏུ་སྐྲག་ཅིང་བརྒྱལ་བར་འགྱུར་ལ། བརྒྱལ་སངས་ཙ་ན་དེ་དག་གར་སོང་ཆ་མེད་དུ་ཡལ་ནས་སླར་ཞི་བའི་ལྷ་ཚོགས་རིམ་གྱིས་འཆར་ཏེ། དེ་ཡང་སྣང་ཡུལ་མཐའ་དག་གདོས་བཅས་ས་རྡོ་རི་བྲག་སོགས་མེད་པ་འཇའ་འོད་ཀྱི་རང་བཞིན་ཀུན་ཏུ་གསལ་ཞིང་འཚེར་བ། རྒྱ་ཆེ་ཞིང་ཐོགས་རྡུགས་དང་བྲལ་བ་བཀྲག་གསལ་ལྷུན་སྡུག་ཅིང་མཐའ་ལས་འདས་པའི་རང་བཞིན་ཅན་དུ་སྣང་སྟེ། དེ་ཚེ་རང་གི་ལུས་ཀྱི་རྣམ་པ་རུ་ཡོད་པ་སྙམ་

[Full Size]

བྱེད་ཅིང་། ཕྱོགས་མཚམས་སྟེང་འོག་ནམ་མཁས་གར་ཁྱབ་ཏུ་འཇའ་འོད་ལྔ་ལྡན་གྱི་ཐིག་ལེའི་རྣམ་པ་གྲངས་མེད་པ་རེ་རེའི་ནང་ན་རྒྱལ་བ་རིགས་ལྔ་སེམས་དཔའ་སེམས་མ་སོགས་ཞི་བ་རྡོ་རྗེ་དབྱིངས་ཀྱི་ལྷ་ཚོགས་རྣམ་འགྱུར་ཆ་ལུགས་ངོ་མཚར་ལྟ་བས་ཆོག་མི་ཤེས་པ་དཔག་ཏུ་མེད་པར་འཆར་བ་དེ་དག་གི་ཐུགས་ཀ་ནས་འོད་ཀྱི་ཟེར་ཐག་ཤིན་ཏུ་ཕྲ་བ་རེ་རེ་རང་གི་སྙིང་གར་ཟུག་པར་སྣང་བ་དང་། སྣང་བ་དེ་དག་ཐམས་ཅད་ཕྲིག་ཕྲིག་ཏུ་བྱེད་ཅིང་སྙིང་གའི་ཟེར་ཐག་དེ་ལས་ཀྱང་ཐིག་ལེ་ཕྲ་མོ་གྲངས་མེད་པ་འཕྲོ་བར་འཆར་ལ། སླར་སྐུ་དེ་དག་ཐམས་ཅད་རང་ཉིད་ལ་ཐིམ་པར་སྣང་བར་འགྱུར་ཞིང་། དེ་རྗེས་ཟུང་འཇུག་ཡེ་ཤེས་ལ་ཐིམ་པ་ཞེས་བྱ་བ། རང་གི་སྙིང་ག་ནས་སྟེང་གི་ནམ་མཁར་འོད་མཐིང་ག་དང་། དཀར་པོ་

[Full Size]

དང་། སེར་པོ་དང་། དམར་པོ་རྣམས་དར་ཡུག་བརྐྱངས་པ་ལྟ་བུ་བརྩེགས་མར་སྣང་ཞིང་། དེ་དག་ལ་རང་རང་གི་ཁ་དོག་དང་མཐུན་པའི་འོད་ཀྱི་ཐིག་ལེ་རེ་རེ་ལ་ཡང་ཐིག་ཕྲན་ལྔ་ལྔས་བརྒྱན་པ་ཤར་བའི་སྟེང་ཕྱོགས་སུ་འོད་ལྔ་ལྡན་རྨ་བྱའི་གདུགས་ལྟར་བཀྲ་བ་ཞིག་ཀྱང་འཆར་ཏེ། འདི་དག་ལ་ནི་རྡོ་རྗེ་སེམས་དཔའི་ཁོང་སེང་གི་ལམ་ཞེས་ཀྱང་བྱ་སྟེ། །ཡེ་ཤེས་བཞི་སྦྱོར་གྱི་འོད་ལམ་ཡིན་ནོ། །འོད་ལམ་ལྗང་གུ་མི་སྣང་བ་ནི་ཉམས་ལེན་གྱི་རྩལ་མ་རྫོགས་པས་བྱ་བ་གྲུབ་པའི་ཡེ་ཤེས་མི་སྣང་བར་གསུངས་སོ། །དེ་ནས་ཡེ་ཤེས་ལྷུན་གྲུབ་རིག་འཛིན་ལ་ཐིམ་པ་ཞེས་བྱ་བ་གོང་གི་འོད་སྣང་དེ་དག་སྟེང་གི་འོད་ལྔ་གདུགས་ལྟར་སྣང་བ་དེ་ཉིད་ལ་འདུས་ཏེ་སླར་རང་སྣང་གི་སྟེང་ཐམས་ཅད་དུ་ཀ་དག་རིག་སྟོང་མཚོན་པའི་

[Full Size]

ནམ་མཁའ་སྤྲིན་བྲལ་ལྟ་བུ་ཆོས་སྐུའི་སྣང་བ་དང་། བར་དུ་ལྷུན་གྲུབ་གཟུགས་སྐུ་ཁྲོ་བོའི་ཞིང་དང་ཞི་བའི་ཞིང་ཁམས། རང་བཞིན་སྤྲུལ་པའི་སྐུའི་ཞིང་ཁམས་བྱེ་བྲག་སོགས་ཐམས་ཅད་སྣང་ལ། འོག་ཏུ་མ་དག་རིགས་དྲུག་འཇིག་རྟེན་གྱི་བཀོད་པ་ཐམས་ཅད་ཀྱང་དུས་གཅིག་ཏུ་སྣང་བ་མེ་ལོང་གི་གཟུུགས་བརྙན་ལྟར་བཀྲ་གསལ་ལེ་འཆར་ཞིང་། འདི་སྐབས་སུ་གང་ཟག་དེ་ལ་མངོན་པར་ཤེས་པ་ལྔ་དང་། རྗེས་སུ་དྲན་པ་དྲུག །མི་བརྗེད་པའི་གཟུངས་དང་། རྒྱུན་གྱི་ཏིང་ངེ་འཛིན་རྣམས་ཀྱང་རང་བཞིན་གྱིས་འཆར་བ་ཆོས་ཉིད་ཡིན་ལ། གཞན་ཡང་སྔར་ཤེས་པ་དང་མི་ཤེས་པའི་ཆོས་ཀྱི་རྣམ་གྲངས་མང་པོ་ཡང་རྒྱུད་ལ་འཆར་བར་གསུངས་ཏེ། མདོར་ན་འདི་དག་གི་སྐབས་གང་དང་གང་ལ་གདམས་པའི་གནད་དྲན་ཅིང་ཉམས་ལེན་གྱིས་སླེབས་

[Full Size]

བཅས་པས་འཇིག་རྟེན་གྱི་ཁམས་གང་བར་འཆར། ཆོས་ཉིད་ཀྱི་རང་སྒྲ་འབྲུག་སྟོང་སྙིར་བ་ལྟ་བུ་དང་། འདོ་དང་ཟེར་གྱི་ཚོགས་མཚོན་ཆའི་ཆར་འབབ་པ་ལྟ་བུ་སོག་འཇིགས་རུང་གི་སྣང་བ་ཚད་མེད་པ་འཆར་བས། འདི་དུས་ངོ་མ་འཕྲོད་པའི་རིགས་རྣམས་སེམས་རབ་ཏུ་སྐྲག་ཅིང་བརྒྱལ་བར་འགྱུར་ལ། བརྒྱལ་སངས་ཙ་དེ་དག་གར་སོང་ཆ་མེད་དུ་ཡལ་ནས་སླར་ཞི་བའི་ལྷ་ཚོགས་རིམ་གྱིས་འཆར་ཏེ། དེ་ཡང་སྣང་ཡུལ་མཐའ་དག་གདོས་བཅས་པ་རྡོ་རི་བྲག་སོགས་མེད་པ་འཇའ་འོད་ཀྱི་རང་བཞིན་ཀུན་ཏུ་གསལ་ཞིང་འཚེར་བ། རྒྱ་ཆེ་ཞིང་ཐོགས་རླུགས་དང་བྲལ་བ་བཀྲག་གསལ་ལྷུན་སྤྲུག་ཅིང་མཐའ་ལས་འདས་པའི་རང་བཞིན་ཅན་དུ་སྣང་སྟེ། དེ་ཚེ་རང་གི་ལུས་ཀྱི་རྣམས་པ་རུ་ཡོད་པ་སྙམ་

[Full Size]

བྱེད་ཅིང་། ཕྱོགས་མཚམས་སྟེང་འོག་ནམ་མཁས་གར་ཁྱབ་ཏུ་འཇའ་འོད་ལྔ་ལྡན་གྱི་ཐིག་ལེའི་རྣམ་པ་གྲངས་མེད་པ་རེ་རེའི་ནང་ན་རྒྱལ་བ་རིགས་ལྔ་སེམས་དཔའ་སེམས་མ་སོག་ཞི་བ་རྟེ་རྫི་དབྱིངས་ཀྱི་ལྷ་ཚོགས་རྣམས་འགྱུར་ཆ་ལུང་ངོ་མ་ཚར་ལྟ་བས། ཆོག་མི་ཤེས་པ་དཔག་ཏུ་མེད་པར་འཆར་བ་དེ་དག་གི་ཐུགས་ཀ་ནས་འོད་ཀྱི་ཟེར་ཐག་ཤིན་ཏུ་ཕྲ་བ་རེ་རེ་རང་གི་སྙིང་གར་ཟུག་པར་སྣང་བ་དང་། སྣང་བ་དེ་དག་ཐམས་ཅད་ཕྲིག་ཕྲིག་ཏུ་བྱེད་ཅིང་སྙིང་གའི་ཟེར་ཐག་དེ་ལས་ཀྱང་ཐིག་ལེ་ཕྲ་མོ་གྲངས་མེད་པ་འཕྲོ་བར་འཆར་ལ། སླཏ་སྐུ་དེ་དག་ཐམས་ཅད་རང་ཉིད་ལ་ཐིམས་པར་སྣམ་བར་འགྱུར་ཞིང་། དེ་རྫས་ཟུང་འཇུག་ཡེ་ཤེས་ལ་ཐིམས་པ་ཞེས་བྱ་བ། རང་གི་སྙིང་ག་ནས་སྟེང་གི་ནམ་མཁར་འོད་མཐིང་ག་དང་། དཀར་པོ་

[Full Size]

དག་ནི་འོད་གསལ་གྱི་ངང་དེར་ཡུན་ཇི་ཙམ་འདོད་པ་མཉམ་པར་འཇོག་ཐུབ་ཅིང་། དེ་ལྟ་བུ་དག་ལ་ནི་མཐར་ཡེ་ཤེས་ཀྱི་རླུང་གིས་རིག་པ་སྤྱི་གཙུག་ཏུ་བཏོན་ཏེ་ཡར་གྱི་ཟང་ཐལ་ཆེན་པོ་འགྲུབ་ལ། དེའི་རྟགས་སུ་བྱང་སེམས་དཀར་པོ་སྤྱི་བོའམ་སྣ་བུག་གཡོན་ནས་འཐོན་པ་འབྱུང་བ་དང་། གཡོན་དུ་ཡེ་ཤེས་ཀྱི་རླུང་རྒྱུ་བའི་གནད་ཀྱིས་ཡིན་ནོ། །འཕོ་བ་ཐེབས་པ་ཚུལ་ལྡན་གྱི་རྟགས་ལའང་བྱང་སེམས་འཐོན་ལུགས་འདི་བཞིན་འབྱུང་གི། དེང་སང་གི་འཕོ་བ་ཐེབས་ཡོད་ཟེར་བ་ཕལ་ཆེ་བར་རྟགས་འདི་མ་བྱུང་བ་མང་བས་ཐེབས་མ་ཐེབས་ཐེ་ཚོམ་མོ། །ཡང་འཇམ་དབྱངས་དཔལ་ལྡན་བཟང་པོ་སོགས་མཁས་གྲུབ་འགའི་གསུང་ལས་ནི། ཕུང་པོ་ལས་རྣམ་ཤེས་མ་ཐོན་པར་ཡུན་རིང་སྡོད་པ་ཐམས་ཅད་རང་ནི་ཐུགས་དམ་ལ་བཞུགས་པ་ཚུལ་ལྡན་

[Full Size]

ཡིན་པར་མ་ངེས་ཏེ། གང་ཟག་ལ་ལ་ཕུང་པོ་ལ་སེམས་ཆགས་ནས་སྡོད་པ་དག་ཀྱང་ཡོད། ཅེས་གསུངས་ལ། གང་ལྟར་ཡང་མཆོག་དམན་གང་ལའང་ཁམས་དཀར་དམར་སྟེང་འོག་གི་སྒོར་མ་འཐོན་པའི་བར་ལ་ནི་ཕུང་པོ་སྲེག་སྦྱོང་སོགས་གཏན་ནས་མི་རུང་བ་ཉིད་དེ། ཅིའི་ཕྱིར་ན། ཐུགས་དམ་ལ་བཞུགས་པ་ཡིན་ན་ནི་དེའི་བར་ཆད་དུ་འགྱུར་ལ། ཕལ་པ་རོ་ལ་ཆགས་པ་ཡིན་པའི་ཚེ་ནའང་རྣམ་ཤེས་མ་འཐོན་ཚེ་གསོད་པ་དང་མཚུངས་པར་འགྱུར་བས་སོ། །དེ་ནས་རྫོགས་ཆེན་ལྟར་གྱི་ལྷུན་གྲུབ་འོད་གསལ་གྱི་སྣང་བ་དེ་དག་ཀྱང་། གོམས་པ་ཅུང་ཞིག་ཡོད་པ་དག་ལ་ནི་རང་ཉིད་ཀྱི་གོམས་ཆ་དང་། མཚུངས་པའི་བསམ་གཏན་གྱི་ཞག་རེ་རེ་ནས་ལྔའི་བར་དུ་འཆར་ལ། གོམས་མེད་རྣམས་ལ་བྱ་རྫོགས་ཀྱི་སྐད་ཅིག་རེ་

[Full Size]

ལས་མི་འབྱུང་ཚེ་ངོས་ཟིན་པ་དཀའ་ཞིང་། ལ་ལ་ནི་སྒྲ་འོད་ཟེར་གསུམ་རང་སྣང་དུ་མ་ཤེས་པར་སྐྲག་པས་བརྒྱལ་ཐབས་སུ་ཟད་དོ། །དེ་ལྟར་འཕྲོས་དོན་བརྗོད་ནས། སྐབས་དོན་གྱི་དངོས་གཞི་ནི། དེ་ཡང་བར་དོ་དང་པོ་གཞིའི་འོད་གསལ་འདི་ཟིན་ཅིང་གྲོལ་བར་བྱེད་པའི་ཐབས་མཆོག་ནི། ད་ལྟ་སྐྱེ་གནས་བར་དོའི་སྐབས་འདིར་སེམས་ཀྱི་བདར་ཤ་ལེགས་པར་བཅད་ཅིང་། གནས་ལུགས་དོན་དམ་ཐ་མལ་ཤེས་པ་བཟོ་མེད་རང་བབས་ཆོས་སྐུ་ཁོར་ཡུག་གི་ཉམས་ལེན་བསྒོམ་ཡེངས་འདས་པ་ལ་གནད་དུ་བསྣུན་དགོས་པ་ཁོ་ན་སྟེ། འདི་ལ་སྐྱོན་གྱི་སེལ་དང་བློས་བྱས་ཡིད་བྱེད་ཀྱི་དྲི་མས་མ་བསླད་པར་སྐྱོང་ཤེས་ན་བར་དོ་དང་པོ་མ་ཟད། །རྣམ་པ་ཀུན་ཏུ་གཅེས་པའི་སྙིང་པོ་ཡིན་པ་དང་། མདོ་རྒྱུད་མན་ངག་མཐའ་དག་གི་

[Full Size]

དོན་སྙིང་བཅུད་མཆོག་མཐར་ཐུག་པ་ཉིད་དོ། །བརྒྱད་ཁྲི་བཞི་སྟོང་གི་ཆོས་ཐམས་ཅད་འདིར་འདུས་ཤིང་རྫོགས་པས་ན་རྫོགས་པ་ཆེན་པོ། ཐམས་ཅད་སྐུ་གསུམ་ལས་འདའ་བ་མེད་པས་ཕྱག་རྒྱ་ཆེན་པོ། བློས་བྱས་ཐམས་ཅད་ལས་འདས་པས་ན་ཤེས་རབ་ཕར་ཕྱིན། མཐའ་ཐམས་ཅད་དང་བྲལ་བས་དབུ་མ། ལམ་གྱི་མཆོག་འབྲས་བུ་མངོན་དུ་བྱེད་ཕྱིར་ལམ་འབྲས། ཉོན་མོངས་རང་སར་ཞི་བས་ཞི་བྱེད། །གཉིས་སྣང་གི་ཞེན་འཛིན་རྩད་ནས་གཅོད་པས་གཅོད་ཡུལ། སངས་རྒྱས་ཀྱི་གོ་འཕང་ལ་དངོས་སུ་སྦྱོར་བས་སྦྱོར་དྲུག །མ་རིག་འཁྲུལ་པའི་བློ་རྟོག་སྦྱོང་བས་བློ་སྦྱོང་སོགས་མདོར་ན་ཆོས་ཟབ་དགུའི་རྣམ་གྲངས་མཐའ་ཡས་པས་དངོས་དོན་གྱི་སྙིང་པོ་ནི་འདི་ཁོ་ན་ལས་གཞན་མེད་ཕྱིར། དེས་ན་ངེས་པའི་དོན་ལ་ཆིག་དྲིལ་དུ་མི་འབད་ན་བློ་མང་

[Full Size]

གི་བྱ་བྱེད་ཀྱིས་དགོས་ཁར་དོན་མི་འགྲུབ་སྟེ། ཀུན་བྱེད་རྒྱལ་པོའི་རྒྱུད་ལས། །རང་སེམས་དེ་བཞིན་ཉིད་འདི་རྟོགས་གྱུར་ན། །སངས་རྒྱས་ཚིག་གི་ལམ་ལ་གནས་མིན་ཏེ། །ད་ལྟ་ཉིད་ནས་ཤིན་ཏུ་རྣལ་འབྱོར་ཐོབ། །ལས་མེད་སྐལ་པ་དམན་པ་རྣམས་ལ་ནི། །གབ་པ་མངོན་དུ་ཕྱུང་ཀྱང་མི་གོ་སྟེ། །གང་ཞིག་ནོར་བུ་རིན་ཆེན་འདོད་པ་དེས། །ཤིང་ལ་བྱི་དོར་བྱས་པས་མི་འབྱུང་ཞིང་། ཞེས་པ་ལྟར། ད་ལྟ་ནས་མ་ནོར་བའི་དོན་ལ་བརྩོན་པ་གལ་ཆེ་ཞིང་། བྱེ་བྲག་ཏུ་ཆོས་དྲུག་དང་ཐོས་གྲོལ་སོགས་མན་ངག་སོ་སོ་ལས་འབྱུང་བ་ལྟར་གྱི་འོད་གསལ་སྦྱང་བའི་རིམ་པ་རྣམས་ལའང་ནན་ཏན་ཏུ་བྱས་ལ་གཉིད་འཐུག་པོའི་སྐབས་སོགས་ལ་རྟོགས་པ་འོད་གསལ་རང་དབང་ཐོབ་ན། འདི་སྐབས་ཀྱི་གཞིའི་འོད་གསལ་ཟིན་པར་ཚོགས་

[Full Size]

མེད་ཅིང་། ལར་འོད་གསལ་དང་པོ་ཟིན་ཐུབ་མི་ཐུབ་ཀྱི་ཚད་ནི་ད་ལྟ་གཉིད་ལ་དགེ་སྦྱོར་སླེབས་མི་སླེབས་ཁོ་ནས་ཤེས་པས། དེ་ལྟར་ན་གོང་དུ་བཤད་པའི་ཐུགས་དམ་ལ་བཞུགས་པ་དངོས་དང་། ཕུང་པོ་ལ་ཆགས་ནས་སྡོད་པ་གཉིས་ཀྱི་དབྱེ་བ་ཡང་འདི་ཀས་ཤེས་མོད་ཅིང་། ཐུགས་དམ་ལ་བཞུགས་པ་ཚུལ་ལྡན་སྣང་ན་དེ་ཀའི་གསལ་འདེབས་བཞིན་བྱེད་ཤེས་ན་མ་གཏོགས། གཞན་ནི་མཚན་བཅས་ཀྱི་འཕོ་བའི་རིགས་སོགས་ཀྱང་མི་གདབ་སྟེ། མདོར་ན་འདི་ལྟ་བུ་དག་ལ་ནི་སླད་དུ་ཁྲུས་ཆོག་བྱང་བཞུས་སོགས་ལའང་ལྟོས་མི་དགོས་པར་གྲུབ་བོ། །སྣང་བའི་འོད་གསལ་གྱི་ངོ་སྤྲོད་ནི། ཐབས་ལམ་རིགས་ལྔ་སྦྱོར་དྲུག་སོགས་ལ་འདྲིས་པའི་གང་ཟག་ལ་སྔར་ལྟར་སྨིག་སྒྱུ་སོགས་དང་དཀར་ལམ་སོགས་གང་ཤར་ཐམས་ཅད་རང་རིག་ཆོས་སྐུའི་གདངས་ལས་གཞན་མ་ཡིན་

[Full Size]

པར་ངོ་འཕྲོད་དགོས་པ་དང་། རྫོགས་ཆེན་ཐོད་རྒལ་བ་རྣམས་ལ་ནི་སྒྲ་འོད་ཟེར་གསུམ་ཞི་ཁྲོའི་ལྷ་དང་། ཐིག་ལེ་ཟེར་ཐག་འོད་ལམ་ཞིང་ཁམས་ཅི་ཤར་མཐའ་དག་རང་མདངས་ཁོ་ནར་ཡིད་ཆེས་ཤིང་ཐག་ཆོད་པའི་ངང་ལ་མཉམ་པར་འཇོག་པ་ཤིན་ཏུ་གཅེས་ཏེ་དེ་ལྟར་བྱ་ནུས་པའི་ཐབས་སུ་ད་ལྟ་ཁྲེགས་ཆོད་གཞིའི་གནས་ལུགས་ལ་བདར་ཤ་ཆོད་ཅིང་། ཐོད་རྒལ་ལམ་གྱི་ངོ་སྤྲོད་རྣམས་གནད་དུ་ཐེབས་པས་ཉམས་སུ་ལེན་དགོས་མོད་ཀྱི་དེང་སང་གི་སྐབས་འདིར། ཆོས་སྤྱི་པ་རྣམས་ཀྱིས་ནི་བོན་དང་རྙིང་མ་ཞེས་ཐ་སྙད་ལོག་པའི་ལམ་དུ་འཛིན་པ་མ་གཏོགས་ཆོས་ཀྱི་ཁྱུར་ཡང་མི་འཇུག་ལ། ཁྱད་པར་ཟབ་ཆོས་རྫོགས་པ་ཆེན་པོ་ནི། རྒྱ་གར་དུ་དགའ་རབ་འཇམ་དཔལ་ཤྲཱི་སིངྷ་དང་མཁས་པ་ཉེར་ལྔ་སོགས་འོད་ལུས་འགྲུབ་པ་མང་མོད་ཀྱི། དེ་དག་

[Full Size]

གིས་ནི་གསང་བ་སྦས་པའི་ཚུལ་དུ་ཐུགས་ཉམས་སུ་བཞེས་པ་མ་གཏོགས། འོ་སྐོལ་བོད་ཀྱི་ལྟར་ཁེ་གྲགས་རྙེད་འཚོལ་གྱི་ཟོང་དུ་མི་མཛད་པས་གྲགས་ཆུང་ལ། རྒྱུད་སྡེ་འབུམ་ཕྲག་དྲུག་ཅུ་སོགས་ཕལ་ཆེར་ཀྱི་ཡེ་ཤེས་ཀྱི་མཁའ་འགྲོ་དང་རིག་འཛིན་གྱི་གནས་རྣམས་སུ་བཞུགས་ཕྱིར། མི་ཡུལ་དུ་བཞུགས་ཚན་ཆུང་བ་དང་། །གངས་ཅན་འདིར་ཡང་བསྟན་པ་སྔ་དར་གྱི་ཚེ་ཨོ་རྒྱན། བི་མ་བཻ་རོ་སོགས་ཀྱི་སྐུ་དྲིན་ལས་སྐལ་ལྡན་མང་པོ་འོད་ལུས་སུ་གྲོལ་ཞིང་། སྙན་བརྒྱུད་དང་གཏེར་བརྒྱུད་མང་པོ་དེང་སང་གི་བར་དུ་ཡོད་ནའང་། འགོས་ལྷ་བཙས་དང་། འབྲི་གུང་དཔལ་འཛིན་སོགས་ཀྱིས་སྣ་དྲངས་བཤེས་གཉེན་མང་པོས་རྫོགས་ཆེན་རྒྱ་གར་ན་དེང་སང་མི་འདུག་པས་བཀའ་ཚད་མ་མིན་པར་བསྒྲུབས་པ་དང་ཧ་ཤང་གི་ལྟ་བ་ཡིན་པ་སྐད་དུ་མཛད་པ་དང་། བོད་ཀྱི་བརྩམས་

[Full Size]

ཆོས་ཡིན་པ་རུ་གསུངས་པ་སོགས་ཀྱི་བཀའ་བཀྱོན་སྣ་ཚོགས་པས་དད་ཅན་མང་པོ་ཉམས་ཉེས་པར་མཛད་ཅིང་། བཀའ་འགྱུར་དང་རྒྱུད་འབུམ་སོགས་ཀྱི་ཁྲོད་དུ་དྲི་ཙམ་མནམ་དབང་མེད་པར་གྱུར་པའི་མཐུས། གང་ཟག་ཕལ་ཆེར་ནི་རྫོགས་པ་ཆེན་པོ་སོགས་ཡོ་ག་རྣམ་གསུམ་གྱི་ཆོས་ནད་ངན་གྱིས་ཤི་བའི་རོ་མཐོང་བ་བཞིན་དུ་འཛེམ་པར་བྱེད་ལ། རྙིང་ལུགས་པར་ཁས་འཆེ་བ་དག་ནི་སྲུང་ཟློག་མཐུ་གཏད་སོགས་ཀྱིས་ཡིད་དྲངས་ཤིང་། རང་འཁོར་བུ་སྨད་གསོ་ཕྱིར་གྲོང་ཆོག་རྙེད་འཚོལ་དང་སྐྱུར་འབྱམས་ལ་ཉམས་ལེན་བྱེད་པ་མ་གཏོགས་རྫོགས་པ་ཆེན་པོའི་གནད་དོན་ནི་ཡིད་ཀྱི་རྒུ་ལའང་ཐོས་མ་མྱོང་བ་ཤ་དག་ཏུ་གྱུར་ཚེ། དེས་ནི་གོང་གི་འཕྲོ་ལྟར་ཚེ་འདིར་འོད་ལུས་འགྲུབ་པའམ་འོད་གསལ་དང་པོར་གྲོལ་བ་ནི་ལྟ་ཞོག །ཆོས་ཉིད་བར་དོ་

[Full Size]

ངོ་ཤེས་པའི་གོ་རྟོགས་འཇགས་པ་ཙམ་ཡོང་བའི་གོ་སྐབས་ཀྱང་མི་སྣང་བར་གསལ་ཏེ། རྒྱལ་བ་ཡང་དགོན་པ་ཆེན་པོས་ཚོས་རྫོགས་པ་ཆེན་པོ་ཡིན་པས་མི་ཕན། གང་ཟག་རྫོགས་པ་ཆེན་པོར་སེང་བ་ཞིག་དགོས། ཞེས་གསུངས་པ་ཤིན་ཏུ་བདེན་པར་ཟད་དོ། དེ་ལྟར་སྣང་ལུགས་ཀྱི་དྲང་གཏམ་འཕྲོས་དོན་དུ་བརྗོད་ནས། འདི་སྐབས་ཀྱི་དངོས་དོན་ལ། དེ་ཡང་རྫོགས་ཆེན་གྱི་རང་གཞུང་སོ་སོ་ནས་འབྱུང་བ་ལྟར་གྱི་ཁྲེགས་ཆོད་ལ། ངོ་རང་ཐོག་ཏུ་འཕྲོད་པ། ཐག་གཅིག་ཐོག་ཏུ་ཆོད་པ། གདིང་གྲོལ་ཐོག་ཏུ་བཅའ་བ་རྣམས་དང་། ཐོད་རྒལ་ལ་སྒྲོན་མ་དྲུག་གི་རང་བཞིན་གཏན་ལ་ཕབས་ཏེ། མི་འགུལ་བ་གསུམ་ལ་གཞི་བཅའ་བ། །སྡོད་པ་གསུམ་གྱིས་ཚད་བཟུང་བ། །ཐོབ་པ་གསུམ་གྱིས་གཟེར་གདབ་པ། །གདིང་བཞིས་

[Full Size]

གྲོལ་ཚད་བསྟན་པ་སོགས་ཐམས་ཅད་ཁ་ཚིག་ལ་མ་འབྱམས་པར་དོན་རྒྱུད་ཐོག་ཏུ་ཁེལ་ན་སྣང་བ་བཞི་མཐར་ཕྱིན་ཏེ། །རབ་ཀྱིས་ཕུང་པོ་ཟག་མེད་འོད་སྐུར་གྲོལ་བ་དང་། འབྲིང་གིས་བུམ་ཆག་ནམ་མཁའ་ཕྱི་ནང་འདྲེས་པ་བཞིན་གཞིའི་འོད་གསལ་ལ་བཙན་པ་ཟིན་པས་སེང་གེ་མངལ་རྒྱ་དང་ཁྱུང་སྒོང་རྒྱ་གྲོལ་བ་ལྟ་བུ་རྣམ་སྨིན་ལུས་རྒྱ་གྲོལ་བ་དང་སེམས་ཆོས་སྐུ་འགྲུབ་པ་དུས་མཉམ་དུ་འབྱུང་། ཐ་མ་ཡང་ཆོས་ཉིད་བར་དོ་ལྷུན་གྲུབ་གཟུགས་སྐུའི་འོད་གསལ་ཤར་ཚེ་འོད་གསལ་ཟུང་འཇུག་ལ་ཐིམ་དུས་སུ་འཇུག་པ་ཤེས་པའི་གནད་དང་ལྡན་པ་དང་། ཟུང་འཇུག་ཡེ་ཤེས་ལ་ཐིམ་ཚེ་གྲོལ་བ་ལུས་ཀྱི་གནད་དང་། ལྷུན་གྲུབ་རིག་འཛིན་ལ་ཐིམ་དུས་མཐར་ཕྱིན་ངོ་ཤེས་ཀྱི་གནད་རྣམས་གལ་ཆེ་ཞིང་

[Full Size]

ལྷུན་གྲུབ་ཀྱི་སྐབས་འདིར་རྒྱུད་ལས་ཀྱང་། །ལྷུན་གྲུབ་རིག་པའི་འཆར་ཚུལ་ནི། །རྣམ་པ་བརྒྱད་དུ་ཤར་བའོ། །ཞེས་པ་བཞིན་རིག་པའི་གདངས་ཉིད་ཐུགས་རྗེ་ལྟར་ཤར་བ་དང་། འོད་ལྟར་ཤར་བ་དང་། སྐུ་ལྟར་ཤར་བ་དང་། ཡེ་ཤེས་ལྟར་ཤར་བ་དང་། གཉིས་མེད་ལྟར་ཤར་བ། མཐའ་གྲོལ་ལྟར་ཤར་བ། མ་དག་འཁོར་བའི་སྒོ་ལྟར་ཤར་བ། དག་པ་ཡེ་ཤེས་ཀྱི་སྒོ་ལྟར་ཤར་བ་སྟེ། དེ་དག་ལ་གདམས་པས་ཟིན་ན་ཐིམ་ལུགས་ཀྱང་རྣམ་པ་བརྒྱད་འབྱུང་སྟེ། ཐུགས་རྗེ་ཐིམ་པས་འཁོར་བའི་སེམས་ཅན་རང་སྣང་དུ་གྲོལ་ཏེ་འཁྲུལ་པའི་མིང་མེད་པ་དང་། དེ་བཞིན་དུ་འོད་ཐིམ་པས་མཚན་མའི་ཁ་དོག་སོགས་རིགས་ཅན་དུ་མ་གྲུབ་པའི་ཆོས་དབྱིངས་སུ་རོ་གཅིག་པ་དང་། སྐུ་ཐིམ་པས་ཞལ་ཕྱག་གི་སྤྲོས་པ་ལས་འདས་པའི་ངོ་བོར་

[Full Size]

རྣམ་པར་དག་པ་དང་། །ཡེ་ཤེས་ཐིམ་པས་ཆོས་ཉིད་མ་བུ་འདྲེས་པ་དང་། །གཉིས་མེད་ཐིམ་པས་སྟོང་ཆེན་ངོ་བོ་ཉིད་དུ་གྲོལ། །མཐའ་གྲོལ་ཐིམ་པས་དམིགས་གཏད་ཀྱི་ཡུལ་ཟད། འཁོར་བའི་སྒོ་ཐིམ་པས་སྐྱེ་གནས་འཁྲུལ་པའི་ཡུལ་རྐྱེན་བྲལ། དག་པ་ཡེ་ཤེས་ཀྱི་སྒོ་ངོ་བོ་ཉིད་སྐུར་ཐིམ་པས་ཀ་དག་ཆོས་ཟད་བློ་འདས་ཆེན་པོར་སངས་རྒྱས་ཏེ། ནམ་མཁའ་ཀློང་ཡངས་ཀྱི་རྒྱུད་ཆེན་ལས། །རྣག་ཅན་ལུས་འདི་མ་བོར་བར། །སངས་རྒྱས་ཡོན་ཏན་མ་སྣང་སྟེ། །དཔེར་ན་ཁྱུང་ཕྲུག་སྒོ་ངའི་ནང་། །གཤོག་དྲུག་རྒྱས་པར་གྱུར་མོད་ཀྱང་། །མ་ཆག་བར་དུ་འཕུར་མི་ནུས། །སྒོང་འཆག་འཕུར་ཤེས་དུས་མཉམ་འབྱུང་། །དེ་ནི་སངས་རྒྱས་ཡོན་ཏན་ཡང་། །ད་ལྟ་མི་སྣང་ལུས་ཀྱིས་

[Full Size]

བསྒྲིབ། །རྣམ་སྨིན་ལུས་འདི་བོར་མ་ཐག །སངས་རྒྱས་ཡོན་ཏན་སྣང་བར་འགྱུར། ཅེས་དང་། །དགོངས་པ་ཐིག་འདེབས་ལས་ཀྱང་། །རྟོགས་པའི་གདིང་ཆེན་དེ་ལྡན་ན། །སེང་གེ་མཆོངས་པས་ས་ཆོད་ལྟར། །ཡེ་ཤེས་ཟང་ཐལ་ཆེན་པོ་ཡིས། །བར་དོ་མེད་པར་སྐད་ཅིག་ལ། །རིན་ཆེན་སྦུབས་སུ་སངས་རྒྱས་འགྱུར། ཅེས་སོགས་གསུངས་ལ། །གྲོལ་ཚད་ཀྱང་ཉི་ཟླ་ཁ་སྦྱོར་གྱི་རྒྱུད་ལས། །དེ་ལྟར་དབང་པོའི་རིམ་པ་ནི་གསུམ་སྟེ། །རབ་ནི་སྐད་ཅིག་མ་གསུམ་ལ་གྲོལ་བར་འགྱུར་རོ། །འབྲིང་ནི་བསམ་གཏན་གྱི་ཞག་ལྔ་ལ་གྲོལ་བ་ཡང་ཡོད་དོ། །སྐད་ཅིག་ཉི་ཤུ་རྩ་གཅིག་ལ་ནི་བརྟན་པ་ཐོབ་ངེས་པ་ཡིན་ནོ། །དབང་པོ་ཐ་མ་རྣམས་ནི་སྤྲུལ་པ་སྐུའི་ཞིང་ཁམས་སུ་དབུགས་དབྱུང་ནས་བར་དོ་མེད་པར་

[Full Size]

སངས་རྒྱས་པའོ། །ཞེས་གསུངས་ཏེ། གཙོ་བོར་ད་ལྟའི་ཉམས་ལེན་ལ་རག་ལས་སོ། །ཡང་འདི་སྐབས་སུ་གང་ཟག་ལ་ལའི་བསམ་ཡུལ་དུ་རྫོགས་ཆེན་མ་གཏོགས་ཆོས་གཞན་ལས་ནི་བར་དོ་དང་པོའི་འོད་གསལ་མ་ཟིན་ན་རྣམ་ཤེས་འཐོན་ཏེ་སྲིད་པ་བར་དོ་འཆར་བར་བཤད་པ་ལས། སྒྲ་འོད་ཟེར་གསུམ་ཞི་ཁྲོའི་ལྷ་ཚོགས་འཆར་ཚུལ་མི་འབྱུང་ལ། གལ་ཏེ་འཆར་བ་ཡིན་ནའང་རང་རང་གི་ཆོས་ལུགས་དང་ཉམས་ལེན་གང་བྱེད་དེའི་ལྷ་ཚོགས་ཤར་ན་མ་གཏོགས། ཐམས་ཅད་ལ་རྙིང་ལུགས་ཀྱི་ཞི་ཁྲོ་འཆར་བ་མི་སྲིད་སྙམ་པ་སོགས་བྱེད་པ་འབྱུང་མོད་ཀྱི། དེ་ལ་སྤྱིར་ཆོས་ལུགས་སོ་སོའི་ལམ་རིམ་མན་ངག་གང་ཡིན་དེ་དང་ཆ་མཐུན་པར་བར་དོའི་གདམས་པ་ཡང་ཆ་ཚང་འབྱུང་མོད་ལ། རང་གི་རྒྱུད་གཞུང་

[Full Size]

དེ་ཀའི་དགོངས་དོན་ལྟར་ཉམས་ལེན་གྱི་རྩལ་འདོན་ཕྱོགས་ཀྱང་གང་མང་མཆིས་ཏེ། དེ་ཡང་འགའ་ཞིག་བསྐྱེད་རིམ་གཙོ་བོར་གསུངས་པ་དང་། ལ་ལར་ཐབས་ལམ་བདེ་སྟོང་གི་ཉམས་ལེན་ལ་རྩལ་དུ་བཏོན་པ་དང་། གཞན་དག་ཏུ་སྤྲོས་མེད་ཁོ་ནར་དྲིལ་བར་གསུངས་པ་སོགས་མཐའ་ཡས་མོད་ཀྱི། ད་ལྟ་ཉམས་ལེན་གང་ལ་གོམས་པ་དེས་བར་དོར་སླེབས་དགོས་པ་གཞིར་བཅས་ཀྱང་། རྫོགས་ཆེན་སྙིང་ཐིག་སོགས་ནི་ཁྲེགས་ཆོད་ཐོད་རྒལ་ཟུང་འཇུག་ཏུ་ཉམས་སུ་ལེན་པར་གསུངས་པའི་སྐབས་ཡིན་པས། ད་ལྟ་དེ་དག་ལ་གོམས་ཚེ་བར་དོ་ཡང་དེ་ལྟར་འཆར་ཞིང་། དེ་ལ་ཉམས་ལེན་གྱིས་སླེབས་ན་གྲོལ་བར་ཡང་། གཞི་གྲུབ་ལ། ཆོས་གཞན་ནས་ཐོད་རྒལ་གྱི་ཉམས་ལེན་དངོས་སུ་མ་གསུངས་པས། བར་དོར་དེ་དག་འཆར་བ་ཡང་།

[Full Size]

མ་གསུངས་ཀྱང་། སྒྲ་འོད་ཟེར་གསུམ་ནི་རླུང་སེམས་དབྱེར་མེད་དྭངས་མ་ལྔ་འདུས་ཀྱི་རྐྱེན་ལས་ནམ་ཡང་འཆར་ལ། དེ་ཡང་འཕྲང་སྒྲོལ་ཆེན་པོ་སོགས་ལས་དོན་གྱི་རྩ་རླུང་ཐིག་ལེ་རྣམས་ནི་ནམ་དུའང་འབྲལ་བ་མེད་པར་གསུངས་པའི་གནད་དོན་དང་། གཞན་ཡང་དུས་འཁོར་སྦྱོར་དྲུག་སོགས་ནི་རྫོགས་ཆེན་གྱི་སྣང་མུན་ཉམས་སུ་ལེན་ཚུལ་དང་མཐུན་ཅིང་ལྷ་འཆར་བ་རྣམས་ཀྱང་འགྲོ་བའི་ཕུང་པོ་ཁམས་དབང་སྐྱེ་མཆེད་ཐམས་ཅད་གཟོད་ནས་དཀྱིལ་འཁོར་ཉིད་དུ་ལྷུན་གྱིས་གྲུབ་ཚུལ་ནི་རྒྱུད་སྡེ་ཀུན་མཐུན་ཏེ། ཕུང་པོ་ལྔ་རྒྱལ་བ་རིགས་ལྔ་དང་། འབྱུང་བ་ལྔ་ཡུམ་ལྔ། ཚོགས་བརྒྱད་སེམས་དཔའ་བརྒྱད། ཡུལ་བརྒྱད་སེམས་མ་བརྒྱད་སོགས་ཡེ་ནས་ཡིན་ཚེ། དམ་པ་རིགས་བརྒྱར་བཤད་པའི་ཁོངས་སུ་ལྷ་གཞན་ཀྱང་མ་འདུས་སུ་མེད་

[Full Size]

པ་དང་། འོན་ཀྱང་སྐུ་མདོག་ཕྱག་མཚན་སོགས་མི་གཅིག་པ་སྣ་ཚོགས་ནི་སྦྱང་གཞི་སྦྱོང་བྱེད་ཀྱི་དག་སྦྱོང་སོ་སོ་ལ་བརྟེན་ནས་བཤད་པ་མ་གཏོགས། དོན་དམ་པ་ནི་རང་རིག་སྐུ་གསུམ་དབྱེར་མེད་དམ། སྐུ་གཉིས་ཟུང་འཇུག་ཏུ་མ་འདུས་པའི་ལྷ་དང་། དཀྱིལ་འཁོར་ནི་འགའ་ཡང་མེད་པ་དང་། རང་རང་གི་བག་ཆགས་གོམས་འདྲིས་ཀྱི་མཐུ་ལས་ནི་དམ་པ་རིགས་བརྒྱད་མ་ཟད་གཞན་འཆར་བ་ཡང་མ་ངེས་ལ། སྡིག་ཅན་ལ་གཤིན་རྗེའི་སྐྱེས་བུར་སྣང་ཡང་རང་ཉིད་ཀྱི་ལས་སྣང་དུ་ཟད་མོད། དོན་ལ་ནི་གང་དང་གང་ལྟར་ཤར་ཡང་རང་སྣང་ཉིད་དུ་ཤེས་དགོས་པ་ནི་གནད་དམ་པའོ། གཞན་ཡང་ཇི་སྐད་དུ་སྡོམ་འབྱུང་ལས། །རྣལ་འབྱོར་པ་རྣམས་འཕོ་བའི་ཚེ། །ཁྲག་འཐུང་ལ་སོགས་རྣལ་འབྱོར་ལས། །མེ་ཏོག་སྣ་ཚོགས་ལག་

[Full Size]

ན་ཐོགས། །རྒྱལ་མཚན་བ་དན་སྣ་ཚོགས་དང་། །རོལ་མོའི་སྒྲ་ནི་སྣ་ཚོགས་ཀྱིས། །འཆི་བ་ཞེས་བྱ་རྣམ་རྟོག་སྟེ། །མཁའ་སྤྱོད་གནས་སུ་ཁྲིད་པར་བྱེད། །ཅེས་གསུངས་པ་འདིའང་རྙིང་ལུགས་ཀྱི་ཆོས་ཉིད་བར་དོ་དང་དགོངས་པ་མཐུན་པར་སྣང་ངོ་། །ལར་ཅིར་སྣང་ལྷ་དང་བླ་མའི་རོལ་པ་དང་། དེ་ཡང་རང་རིག་དང་གཉིས་མེད་རོ་མཉམ་ཆེན་པོར་རྟོགས་པའི་གང་ཟག་ལ་ནི་འདི་ཕྱི་བར་དོ་ཁྱད་མེད་དུ་ཆོས་ཉིད་བདེ་བ་ཆེན་པོའི་ཞིང་ལས་མ་གཡོས་མོད་ཀྱི། གཞན་ནི་མཁའ་སྤྱོད་གླུ་ཕྲེང་དུ། །མདངས་རྨི་ལམ་གཉིད་ཀྱི་འཁྲུལ་ལུགས་ཀྱིས། །སང་བར་དོ་འབྱོངས་པར་དཀའ་མོར་མཆི། ཞེས་གསུངས་པ་འདི་ཁོ་ན་ཉིད་དེ། །ད་ལྟ་ལུས་ངག་ཡིད་རྣམས་ལྷན་ཅིག་རང་དབང་ཐོབ་དུས་འདིར། །འཁྲུལ་པ་ཨ་འཐས་

[Full Size]

ཡང་འཐས་ལ་ཞེན་པས་ཉིན་མཚན་འདའ་ལུགས་འདི་འདྲ་ལ་འཆི་དུས་གནད་གཅོད་ཀྱི་སྡུག་བསྔལ་དང་འཇིགས་སྐྲག་འཁྲུལ་སྣང་རླུང་ལྟར་འཚུབས་དུས་དེ་འདྲར་ཐུགས་དམ་གྱི་སླེབས་རེ་ཨ་ཐང་ཆད་པར་གདའ་བས། དེས་ན་གཏན་གྱི་དོན་ཆེན་ད་ལྟ་ནས་གྲབས་ཚུད་ཅིག་ཅིས་ཀྱང་དགོས་པར་སེམས་སོ། །འདིར་སྨྲས་པ། གཞི་བདེ་གཤེགས་སྙིང་པོའི་གནས་ལུགས་དང་། །ལམ་རང་བྱུང་ཆོས་སྐུའི་རང་འགྲོས་དང་། །འབྲས་དྲི་བྲལ་མངོན་གྱུར་སངས་རྒྱས་གསུམ། །དོན་དབྱེར་མེད་ད་ལྟའི་རིག་པ་གཅིག །དེ་ཡིན་ཀྱང་དབུལ་པོའི་ཁྱིམ་གཏེར་བཞིན། །དུས་ཐོག་མེད་ད་བར་ངོ་མ་ཤེས། །དེས་ཤེས་ཀྱང་རང་བབས་མི་སྐྱོང་བར། །བློ་འཁྲུལ་ཞེན་མང་པོས་བསླད་པས་ཕུང་། །དེ་ཡིན་ལུགས་ཀྱི་རང་ངོ་རིག་ཐོག་ཏུ། །སྒོམ་བློས་བྱས་ཀྱི་འཇུར་བུས་

[Full Size]

མ་བཅིངས་པར། །སེམས་གང་ཤར་གྱི་ངོ་བོ་ཡེངས་མེད་སྐྱོང་། །ངེས་བར་དོ་ཀུན་བཙན་ཆོད་དུ་འགྱུར་ཏེ་མཆི། ཞེས་པ་ཡང་བར་སྐབས་ཀྱི་ཚིགས་སུ་བཅད་པའོ། །༈། །དོན་བཞི་པ་སྲིད་པ་ལས་ཀྱི་བར་དོའི་རང་བཞིན་འཆད་པ་ལའང་གསུམ་གྱི་དང་པོ་ངོ་བོ་ངོས་བཟུང་བ་ནི། དེ་ཡང་རྫོགས་ཆེན་གྱི་རྣལ་འབྱོར་པ་རབ་འབྲིང་རྣམས་ནི་སྔར་བཤད་པའི་བར་དོ་གོང་མ་དེ་དག་ཏུ་གྲོལ་ལ། ཐ་མའི་རྣལ་འབྱོར་ཚེ་འདིར་ངོ་སྤྲོད་ཀྱི་སྒོ་མཐོང་ཡང་གྲོལ་བར་མ་ནུས་པ་དག་སྲིད་པ་བར་དོའི་སྣང་བ་རྨི་ལམ་ཙམ་ཞིག་མཐོང་བས་རྐྱེན་བྱས་ཏེ། སྔར་གྱི་གདམས་པ་དྲན་པའི་མཐུ་དང་ཆོས་ཉིད་བདེན་པའི་བྱིན་རླབས་ཀྱིས་རང་བཞིན་སྤྲུལ་པའི་ཞིང་དུ་པདྨ་ལས་བརྫུས་ཏེ་སྐྱེས་ནས་རྨི་ལམསད་པ་ལྟར་དྲན་པའི་ཏིང་འཛིན་

[Full Size]

རྙེད་པར་འགྱུར་ཏེ། ཤར་མངོན་པར་དགའ་བའི་ཞིང་དུ་མི་བསྐྱོད་པ་རྡོ་རྗེའི་རིགས་ཀྱི་སྤྲུལ་པའི་ཞལ་མཐོང་། ལྷོ་དཔལ་དང་ལྡན་པར་རིན་ཆེན་རིགས་ཀྱི་སྤྲུལ་པས་དབང་བསྐུར། །ནུབ་པདྨ་བརྩེགས་པར་འོད་དཔག་མེད་ཀྱི་སྤྲུལ་པས་ལུང་བསྟན། བྱང་ལས་རབ་གྲུབ་པར་འཕྲིན་ལས་རིགས་ཀྱི་སྤྲུལ་པས་བག་ཆགས་སྦྱངས། དབུས་ཕྱོགས་འཁོར་བ་ཡོངས་སྒྲོལ་གྱི་ཞིང་དུ་དཔལ་ཧེ་རུ་ཀ་ཁྲོ་བོ་འདུས་པའི་དཀྱིལ་འཁོར་དུ་ཤེས་བྱའི་སྒྲིབ་པ་ཕྲ་མོ་ཚུན་ཆད་ཟད་པར་བྱས་ཏེ། ལོ་ལྔ་བརྒྱ་ན་ཆོས་སྐུ་ཀ་དག་ཆེན་པོར་སངས་རྒྱས་ཤིང་སྤྲུལ་པ་དུ་མས་འགྲོ་བའི་དོན་བྱེད་ལ། གང་ཟག་འགའ་ཞིག་ནི་ཕྱོགས་བཞིའི་ཞིང་ཁམས་དེ་དག་གང་རུང་གཅིག་ཁོ་ནར་དབང་བསྐུར་ལུང་བསྟན་དབུགས་དབྱུང་ཐོབ་ནས་སངས་རྒྱས་པ་དག་ཀྱང་འབྱུང་བ་སྟེ། མདོར་ན་

[Full Size]

འདིའི་རིགས་ཀྱི་གང་ཟག་དེ་ལ་ནི་སྲིད་པ་བར་དོའི་སྣང་བ་ཡུད་ཙམ་འཆར་ཡང་། དེའི་སྡུག་བསྔལ་རྣམས་མི་མྱོང་ཞིང་མངལ་སྒོར་མི་འཇུག་པར་ཞིང་ཁམས་ཟིན་པ་ཡིན་ཚེ་སྲིད་པ་བར་དོ་དངོས་སུ་མི་བཞེད་དེ། རྒྱུད་ཉི་ཟླ་ཁ་སྦྱོར་ལས། འདི་མཐོང་དབང་པོ་ཐ་མ་ལ། །བར་མ་དེ་ཉིད་སྣང་འགྱུར་རམ། །འོན་ཏེ་མི་སྣང་བའམ་ཅི། །སྟོན་པས་གསུངས་པ་དེ་སྣང་སྟེ། །རང་གར་འཛིན་པའི་བག་ཆགས་ཟད། །རང་བཞིན་སྤྲུལ་པར་དབུགས་ཕྱུངས་ཏེ། །བར་དོ་མེད་པར་སངས་རྒྱས་ཉིད། ཅེས་གསུངས་ལ། །སྲིད་པ་བར་དོ་དངོས་དེ་གང་ཡིན་ཅེ་ན། །ལུས་སེམས་གྱེས་ནས་ཆོས་ཉིད་འོད་གསལ་སྒྲ་འོད་ཟེར་གསུམ་སོགས་རང་ངོ་མ་ཤེས་པས་ཡལ་ཞིང་། འཁྲུལ་པའི་བག་ཆགས་ལངས་པ་ནས་མགོ་བཟུང་སྟེ། ཕྱི་མའི་མངལ་དུ་མ་ཆུད་ཀྱི་བར་

[Full Size]

སྐབས་དེ་དག་སྲིད་པ་ལས་ཀྱི་བར་དོ་ཞེས་ཟེར་བའོ། །གཉིས་པ་དེ་དག་འཆར་ཚུལ་རྒྱས་པར་བཤད་པ་ལ། དེ་ཡང་གང་ཟག་ཐ་མལ་པ་རྣམས་གདམས་པ་ཟབ་མོའི་གནད་དང་ནི་མ་ལྡན། ལས་སྒྲིབ་ཤས་ཆེ་བས་འཕོ་བའི་མན་ངག་སོགས་ཀྱི་མཚམས་སྦྱོར་དང་རྟེན་འབྲེལ་འགྲིགས་པ་ཡང་དཀའ་ལ། གལ་ཏེ་འཕོ་བ་བཏབ་ཀྱང་ངེས་ཤེས་དང་གོམས་འདྲིས་མེད་ཚེ་དམིགས་ཡུལ་དེར་འཕོ་ཐུབ་པ་ཡང་ཤིན་ཏུ་དཀའ་བའི་དབང་གིས་ཐོག་མར་ཐིམ་རིམ་རྣམས་ཀྱི་ཟུག་རྔུ་ཉམས་སུ་མྱོང་ཞིང་སླར་གཞིའི་འོད་གསལ་འཆར་བ་དེ་ལ་ཕལ་པ་དག་རྣམ་ཤེས་བརྒྱལ་བ་ཞེས་ཀྱང་ཟེར་ལ། རང་ངོ་མ་ཤེས་པས་བརྒྱལ་བ་ལྟ་བུ་ཞིག་བྱས་ནས་མཐར་ཁམས་དཀར་དམར་སྟེང་འོག་གི་སྒོ་གཉིས་སུ་འཐོན་སྐབས་རྣམ་ཤེས་ཉིད་ཀྱང་ལས་རླུང་གིས་བསྐྱོད་དེ་སྒོ་དགུ་གང་རུང་

[Full Size]

གཅིག་ཏུ་འཐོན་པར་འགྱུར་ལ། །འདི་དུས་ཆོས་ཉིད་ཀྱི་རང་སྒྲ་ལ་ནི་དངངས། འོད་གསལ་གྱི་སྣང་བ་ལ་ནི་སྐྲག །ཐུགས་རྗེའི་ཟེར་ཐག་ལ་ནི་འབྲོས། ཡེ་ཤེས་རང་བྱུང་གི་ལྷ་ཚོགས་ལ་ནི་གཤིན་རྗེའི་ལས་མཁན་དུ་མཐོང་བས་འཇིགས། ལྷུན་གྲུབ་རིན་པོ་ཆེའི་ཞིང་གི་བཀོད་པ་འཁོར་འདས་ཀྱི་སྣང་བ་ཐམས་ཅད་མེ་ལོང་གི་གཟུགས་བརྙན་ལྟར་བཀྲ་ལམ་མེ་མཐོང་ཡང་། ཡར་སྐུ་གསུམ་དག་པའི་ཞིང་ཁམས་རྣམས་ལ་ནི་མིག་གིས་བལྟ་ཡང་མི་ཕོད། མར་རིགས་དྲུག་འཁོར་བའི་སྣང་ཚུལ་དག་ལ་སྔར་ཞེན་གྱི་བག་ཆགས་ངན་གོམས་མཐུ་བལྟས་པའི་དབང་གིས་ཡིད་འཇུག་པར་བྱེད་དོ། །དེ་ཡང་སྔར་རང་བཞིན་བརྒྱད་ཅུའི་རྟོག་པ་དང་འབྱུང་བའི་རླུང་རྣམས་གཞི་ལ་ཐིམ་པའི་གནད་ཀྱིས། རང་བཞིན་གནས་

[Full Size]

ལུགས་ཀྱི་འོད་གསལ་རྣམས་ཤར་ཡང་ངོ་མ་ཤེས་པའི་མཐུས། ད་ནི་སླར་མ་རིག་པ་ཁྱབ་བྱེད་ཀྱི་རླུང་ལས། རླུང་གི་རླུང་ཚུར་བྱུང་། དེ་ལས་མེའི་རླུང་དང་། དེ་ལས་ཆུ་རླུང་། དེ་ལས་ས་རླུང་བྱུང་སྟེ། འཁོར་བར་འདུ་བྱེད་པ་དང་རྣམ་པར་ཤེས་པ་གསལ་དུ་གསལ་དུ་སོང་བས་གཏི་མུག་ལས་གྱུར་པའི་རྟོག་པ་བདུན་པོ་ལངས། དེ་ལས་ཀྱང་འཁྲུལ་རྟོག་རག་ཏུ་རག་ཏུ་སོང་བས་འདོད་ཆགས་ཀྱི་རྟོག་པ་བཞི་བཅུ་དང་། ཞེ་སྡང་གི་རྟོག་པ་པོ་གསུམ་པོ་ཐམས་ཅད་ལངས་ཤིང་། ཁམས་ལྔའི་རླུང་དང་རྣམ་ཤེས་ཟུང་འབྲེལ་དུ་གྲུབ་པའི་མཐུ་ལས་ཡིད་ཀྱི་ལུས་དབང་པོ་ཀུན་ཚང་བའི་སྣང་བ་ཅན་གཅིག་ཏུ་ཤར་ཏེ། ལུས་ལ་འོད་ཅུང་ཟད་དང་ལྡན་པ་ཟས་སུ་དྲི་ཟ་ཞིང་གཞན་སེམས་ཤེས་པའི་མངོན་ཤེས་ཕྲ་མོ་ཡོད་པ། མའི་མངལ་དང་རྡོ་རྗེ་གདན་མ་གཏོགས་སྟོང་གསུམ་

[Full Size]

ཀུན་ཏུ་ཡིད་ལ་བསམ་པ་ཙམ་གྱིས་བགྲོད་ཐུབ་པ། མངོན་ཤེས་ཅན་དང་རང་གི་རིགས་མཐུན་བར་དོའི་འགྲོ་བ་རྣམས་ཕན་ཚུན་མཐོང་ལ་ལུས་ཅན་གཞན་གྱིས་མི་མཐོང་བ་དེ་ལྟ་བུར་ཀྲོངས་ཀྱིས་གྱུར་ཏེ། དེ་སྐབས་ནི་རང་གི་སྔར་གྱི་རོ་སོགས་མཐོང་ཡང་ད་དུང་རང་ཉིད་ཤི་བ་ནི་མི་ཤེས་ལ། རང་གི་ཁང་ཁྱིམ་ནོར་རྫས་ཡོ་བྱད་སོགས་ལ་ཞེན་པ་ཆེན་པོས་བདག་ཏུ་གཟུང་བར་བྱེད་ཅིང་། གྲོགས་དང་ཉེ་འཁོར་རྣམས་ཀྱིས་རང་ཉིད་ཀྱི་དངོས་པོ་ལོངས་སྤྱོད་པ་སོགས་ལ་འཕང་སེམས་དང་ཁོང་ཁྲོ་སྔོན་ལས་རག་པ་མང་པོ་བྱེད་ཀྱང་ཁོང་རྣམས་ཀྱིས་ནི་མི་ཤེས། ནང་གི་དྭངས་མ་ཁམས་དཀར་དམར་མེད་པའི་གནད་ཀྱིས་ཕྱི་རོལ་གང་དུ་ཕྱིན་ཀྱང་ཉི་ཟླའི་སྣང་བ་མེད་པ་དང་། བཀྲེས་སྐོམ་གྱིས་རབ་ཏུ་གདུངས་ཀྱང་བཟའ་བཏུང་མ་བསྔོས་པ་ལ་སྤྱོད་

[Full Size]

དབང་མེད་པ་དང་། རྟེན་གཞི་ལུས་དངོས་མེད་པའི་གནད་ཀྱིས་བྱ་སྒྲོ་རླུང་ཁྱེར་ལྟར་རང་དབང་མེད་པར་ཡད་ཡུད་ཕྱད་ཕྱོད་དུ་འཁྱམས་ཤིང་། སྡུག་བསྔལ་ཚོར་བ་གཞན་ལས་རག་པ་འབྱུང་། གཞན་ཡང་དེའི་ཚེ་མ་ངེས་པའི་རྟགས་དྲུག་འཆར་ཏེ། གནས་ལ་ངེས་པ་མེད་པར་ཡུད་ཙམ་རང་ལ་འཕོ་འགྱུར་བྱེད་ཅིང་། ཁང་སྟོང་གྲོགས་པོ་ཕུག་རྡུག་བྲག་ཕུག་སོགས་ངེས་མེད་དུ་སྡོད་པར་སྣང་བ་དང་། རྟེན་པ་ངེས་མེད་ཟུག་རྔུའི་ངལ་སྟེགས་མཆོད་རྟེན་རྩ་བརྒྱད་ལ་སོགས་བརྟེན་པ་དང་། སྤྱོད་པ་ངེས་མེད་སྐད་ཅིག་རེ་ལ་སྣ་ཚོགས་བྱེད་པ་དང་། ཁ་ཟས་ངེས་མེད་རིགས་དྲུག་གི་ཟས་བཟང་ངན་སྣ་ཚོགས་མཐོང་ཡང་མ་བསྔོས་པར་མི་ཐོབ་པ་དང་། གྲོགས་ངེས་མེད་ལྷ་དང་འདྲེ་སྲིན་བར་དོའི་སེམས་ཅན་སྣ་ཚོགས་དང་ཡུད་རེ་འཕྲད་ཅིང་འགྲོགས། སྣང་ཚུལ་ངེས་མེད་ཡིད་ཀྱི་འཆར་སྒོ་བདེ་སྡུག་རྣམ་པ་སྣ་ཚོགས་སྐད་ཅིག་རེ་ལ་འགྱུར་ལྡོག་བྱེད་ཅིང་། འཇིགས་སྐྲག་

[Full Size]

འཁྲུལ་སྣང་ལ་མི་འབྱུང་བའི་སྣ་མེད་པ་མང་པོ་འཆར་བར་འགྱུར་རོ། གཞན་ཡང་འཇིགས་པའི་དགྲ་བཞི་ཞེས་བྱ་བ། ས་རླུང་ལོག་པའི་རྐྱེན་གྱིས་རང་སྣང་དུ་རི་ཉིལ་བའམ་ཁང་པ་རྡིབ་པའི་འོག་ཏུ་ཚུད་པའི་སྣང་བ་དང་། ཆུ་རླུང་ལོག་པས་ཆུ་ཆེན་པོའི་ཀློང་དུ་ཁྱེར་བའམ། མཚོ་ཆེན་དུ་བྱིང་བའི་ཉམས་སྣང་དང་། མེ་རླུང་ལོག་པས་ནགས་ཚལ་ལམ་ཁང་ཁྱིམ་ཚིག་པའི་དཀྱིལ་དུ་བསྲེག་པའི་སྣང་བ་དང་། རླུང་གི་རླུང་ལོག་པས་རླུང་འཚུབ་དྲག་པོས་ཁྱེར་བའི་སྣང་བ་སོགས་འབྱུང་ཞིང་། ཉོན་མོངས་དུག་གསུམ་གྱི་བག་ཆགས་རང་གཟུགས་ལས་གྲུབ་པའི་ཡ་ང་བའི་གཡང་ས་ཆེན་པོ་དཀར་དམར་ནག་གསུམ་སྣང་བ་རུ་ལྷུང་བའི་སྡུག་བསྔལ་དང་། ཆར་ལྷག་གིས་བརྡུང་བ་དང་། རྣག་ཁུག་གི་སེར་བ་འབབས་པ་དང་། ཤ་ཟ་སྲིན་

[Full Size]

པོ་གཅན་གཟན་འཇིགས་རུང་མང་པོས་འདོད་པའི་སྣང་བ་དང་། ཁྱད་པར་ཉ་པ་རྔོན་པ་བཤན་པ་སོགས་ཚེ་འདིར་སྡིག་ཆེན་གྱི་ལས། གང་དང་གང་ལ་བསགས་པ་དེ་དང་དེ་དག་མང་པོས་ཚུར་བརྡེག་བརྡུང་གསོད་གཅོད་ཀྱི་འཁྲུལ་སྣང་ཤས་ཆེར་འབྱུང་ལ། མདོར་ན་བདུན་ཕྲག་གཅིག་ནས་ཞི་དགུའི་བར་རམ། ལ་ལ་དག་ལོ་ཟླའི་བར་དུ་མར་སྲིད་པ་བར་དོའི་སྡུག་བསྔལ་མྱོང་བའང་ཡོད་ལ། ཕལ་ཆེར་ནི་བདུན་ཞག་མ་ཚང་གི་རིང་ལ་སྡོད་པ་ཤས་ཆེ་ཞིང་། ཞག་བདུན་བདུན་ལ་འཆི་ཐེང་རེ་བྱེད་པའི་སྣང་བ་དང་། ཟུག་རྔུའི་ཚོར་བ་ཉམས་སུ་མྱོང་བར་འགྱུར་བ་དང་། མདོར་ན་བར་དོ་འདིར་ཇི་ཙམ་གནས་པའི་ཕྱེད་ནི་ད་ལྟའི་ལུས་དང་སྐྱེ་བ་དེའི་བག་ཆགས་བྱེད་ཅིང་། ཕྱེད་ཕན་ཆད་ནས་སྐྱེ་བ་རྗེས་མ་དེའི་སྣང་བ་ཤས་ཆེར་འགྱུར་བའོ། །ཕྱེད་ཙམ་དེ་ཤེད་དུ་

[Full Size]

གཤིན་ཡུལ་སྐྱེ་མོའི་གླིང་ན་གཤིན་རྗེ་ཆོས་རྒྱལ་ལ་ལས་མཁན་འཇིགས་སུ་རུང་བ་མང་པོའི་འཁོར་གྱིས་བསྐོར་བའི་མདུན་དུ་སླེབས་ནས་ལྷན་སྐྱེས་ཀྱི་ལྷ་དང་འདྲེས་རྡེའུ་དཀར་ནག་བཤར་ཏེ་དགེ་སྡིག་གི་ཤན་འབྱེད་བྱེད་པའི་སྣང་བ་ཡང་འབྱུང་བར་བཤད་ལ། ལར་ཕྱེད་མཚམས་ཕན་ཆོད་དེ་ནས་བརྩམས་ཏེ། ལས་རླུང་དང་དུག་ལྔའི་བག་ཆགས་ཀྱི་རྟེན་འབྲེལ་རང་གདངས་ལས་རིགས་དྲུག་གི་སྐྱེ་གནས་ཀྱི་སྔ་རྟགས་སུ་རྣམ་བྱང་འོད་ཀྱི་ལམ་ལྔ་གང་རུང་འབྱུང་སྟེ། དེ་ཡང་ལྷར་སྐྱེ་ན་འོད་ལམ་དཀར་པོ་བཀྲག་མེད་ཀྱི་སྣང་བ་དང་། །དེ་བཞིན་དུ་ལྷ་མ་ཡིན་ལ་དམར་པོ། མི་ལ་སྔོན་པོ། དུད་འགྲོ་ལ་ལྗང་གུ། ཡི་དྭགས་ལ་སེར་སྐྱ་རྣམས་འཆར་ལ། དམྱལ་བར་སྐྱེ་བའི་ལས་ཅན་ཡིན་ན་

[Full Size]

མར་གྱི་ཟང་ཐལ་མ་གཏོགས་འདི་སྐབས་སུ་སྡོད་པ་མི་འབྱུང་བར་ཡང་གསུངས་ཤིང་། གཞུང་ལ་ལར་ནི་འོད་ལམ་དུད་ཁ་ལ་ཟིན་ན་དམྱལ་བར་སྐྱེ་བ་ཡང་བཤད་པས་ངེས་པ་མེད་པར་མངོན་ཅིང་། ཡང་ཐོས་གྲོལ་ལས་ནི་འོད་ལམ་འདི་དག་གོང་གི་ཡེ་ཤེས་བཞི་སྦྱོར་གྱི་འོད་དང་རིགས་ལྔའི་ལྷ་ཚོགས་ཤར་སྐབས་སུ་ལྷན་ཅིག་འབྱུང་བར་གསུངས་པ་ནི་གང་ཟག་གི་རིགས་ལ་དགོངས་པ་ཡང་ཡིན་མོད་ཀྱི། ལར་ཡང་ཉོན་མོངས་པ་དུག་ལྔ་པོ་ལམ་མ་ལྷོངས་ཤིང་མ་རྟོགས་པའི་ངོར་ནི་འགྲོ་དྲུག་གི་ལམ་སྣང་དང་སྐྱེ་གནས་རྣམས་འཆར་ལ། དེ་དག་ཡེ་ཤེས་ལྔའི་རང་བཞིན་དུ་རྟོགས་པའི་རྣལ་འབྱོར་རྣམས་ཀྱི་ངོར་ཡེ་ཤེས་འོད་ལྔ་དང་རྒྱལ་བ་རིགས་ལྔར་ཤར་ནས་དེ་དག་གི་ངོ་བོར་གྲོལ་བ་ལ་དགོངས་ཤིང་། གཞན་ཡང་དེ་སྐབས་སུ་ཐོས་གྲོལ་སོགས་

[Full Size]

ལས། ཞག་དང་པོར་རྒྱལ་བ་མི་བསྐྱོད་པ་གཙོ་འཁོར་རྣམས་འཆར་བ་དང་། གཉིས་པ་ལ་རིན་འབྱུང་སོགས་ཞག་གྲངས་རིམ་པ་ལྟ་བུར་དགོངས་ཅན་དུ་གསུངས་པ་འདི་ལ་ཉིན་ཞག་དངོས་ཡིན་པར་བསམ་མཁན་མང་ཡང་མ་ཡིན་ཏེ། འདི་ནི་གོང་དུ་བརྗོད་པ་བཞིན་བསམ་གཏན་གྱི་ཞག་ཡིན་ཚེ་ཕལ་པ་རྣམས་ལ་ཡུད་ཙམ་ཞིག་ལས་མི་འཆར་བར་ཤེས་པར་བྱའོ། །དེ་ལྟར་གོང་གི་འཕྲོ་བཞིན་རྣམ་བྱང་ལྔ་གང་རུང་ལ་ཟིན་པར་གྱུར་ཚེ་རང་ཉིད་ཤི་བ་ཡང་ཤེས་ལ། བར་དོའི་ཡིད་ལུས་དེས་རབ་ཏུ་སྐྱེ་སྟེ་སྐྱེ་གནས་འཚོལ་བའི་འདུན་པ་ཁོ་ན་བྱེད་པར་འགྱུར་ཞིང་། དེའི་དབང་གིས་རིགས་དྲུག་གང་དུ་སྐྱེ་འགྱུར་གྱི་ལས། ཡོད་པ་དེ་དང་དེའི་སྣང་བ་སོ་སོར་འཆར་བ་སྟེ། ལྷར་སྐྱེ་ན་གཞལ་ཡས་ཁང་དུ་འགྲོ་བའི་སྣང་བ་དང་། ལྷ་མ་ཡིན་ལ་