བྱིན་རླབས་ལམ་ཁྱེར་སྙིང་པོའི་ཡང་བཅུད།སླབཝཀྱེ་ལགས་དལ་རྟེན་རིན་ཆེན་རྙེད་དུས་འདིར། །སྙིང་ནས་སྙིང་པོའི་དོན་ལ་མ་འབད་ན། །ཕྱི་ནས་འདི་འདྲའི་ལུས་རྙེད་མི་འགྱུར་བས། །ཉིན་མཚན་མི་དལ་བརྩོན་པས་སྒྲུབ་པ་མཛོད། །སེམས་ངོ་འཕྲོད་ཀྱང་གོམས་པས་མ་སྦྱང་ན། །རྟོག་པ་རྐྱེན་འཆོར་ཉོན་མོངས་དབང་འགྱུར་བས། །ཐུན་དང་ཐུན་མཚམས་གནས་སྐབས་གང་ལ་ཡང་། །ཡེངས་མེད་དྲན་པས་རྒྱུད་ལ་འདྲིས་པར་མཛོད། །ཧ་ཅང་སྒྲིམ་དྲགས་བློ་ཡི་གཟེངས་ལང་པས། །གང་ལྟར་སྐྱོང་ཡང་བཟེ་རེ་རྒྱུན་མི་འཆད། །བག་ཡངས་ངང་ནས་ཞེན་མེད་རིག་པའི་འགྲོས། །ཤུགས་འབྱུང་ཟང་ཐལ་བློ་ཡངས་ངང་ལ་ཞོག །རིག་སྟོང་ཟང་ཐལ་རང་ཞལ་མཇལ་བ་ན། །ལྷ་དང་བླ་མ་ཀུན་དང་འདུ་འབྲལ་མེད། །གང་བྱུང་བྱིན་རླབས་ལམ་གྱི་གྲོགས་སུ་འཆར། །དེ་འདྲའི་སྐལ་བཟང་མཆོག་ལ་རེག་གྱུར་ཅིག །ཅེས་ཆོས་སྨན་ཕྲན་བུ་བཅས་རྒན་པོ་ཡོན་ཏན་མགོན་པོ་ནས་ཕུལ་བ་དགེ ། |