སྐྱོ་སུན་ལམ་ཁྱེར་ཅིར་སྣང་ཡེ་ཤེས་འཁོར་ལོ།

ཀྱེ་ཧོ། གནས་འཁོར་བ་སྒྱུ་མའི་གྲོང་ཁྱེར་ན། །བསླུ་བྲིད་ཀྱི་ཡུལ་རྐྱེན་གྲངས་མང་ཡང་། །སྣང་སེམས་ལ་རྩིས་གདབ་ཟད་ཙ་ན། །སྤང་གཉེན་དང་ལམ་ཁྱེར་རྫུན་དུ་གདའ། །ནམ་མཁའི་རྣལ་འབྱོར་ཞེས་མི་ཟེར་རམ། །ཆུང་མ་ལས་སྐྱེས་ནས་ད་བར་དུ། །ལུགས་གཉིས་ཀྱི་དམ་ཚིག་ནང་གཤིན་པའི། །ལྷ་གྲོགས་ཁོང་བདེ་ཆེན་དབྱིངས་སུ་གཤེགས། །འདི་སྐྱོ་སུན་གྱི་གཞི་རུ་ཆེ་མོད་ཀྱང་། །ངེད་གུ་ཡངས་ཀློང་གྲོལ་གྱི་རྣལ་འབྱོར་ལ། །བདེ་གསལ་དང་མི་རྟོག་ཉམས་ཀྱི་རྩལ། །བདེ་སྡུག་དང་སྐྱོ་སུན་ཡུལ་གྱི་རྐྱེན། །གང་བྱུང་ལ་རེ་དོགས་སྤང་བླང་ཞིག །ཅིར་སྣང་ཀུན་ཡེ་ཤེས་ཀྱི་རོལ་པ་ལ། །བླང་དོར་གྱིས་དམིགས་ཞེས་དབྱེ་བསལ་མེད། ཨ་ལ་ལ། །ཞེས་ཀྱང་སྨྲས་པའོ། །དགེའོ། བཀྲ་ཤིས། །