ཞལ་གདམས་གནད་ཀྱི་ཐུར་མ།

བུ་རིག་པ་རྗེན་ལ་བུད་དུས་སུ། །གཏད་སོའི་ཞེན་ཡུལ་མ་འཚོལ་ཞིག །དེ་འཚོལ་ན་བློས་བྱས་ཀྱི་གཟེབ་ཏུ་འཆིང་། །ནམ་ཡང་གྲོལ་བའི་དུས་མི་འབྱུང་། །བུ་རྟོག་པ་གང་ཤར་རང་ངོ་རུ། །དབྱེ་བསལ་མེད་པའི་རང་ལུགས་ལ། །རྒྱས་འདེབས་སྒྲིན་པོས་མ་འཆོས་ཤིག །དེ་འཆོས་ན་གོ་ཡུལ་གྱི་ཞེན་རོ་ལྡང་། །ཤར་གྲོལ་གྱི་གཤིས་ལ་རེག་དུས་མེད། །བུ་ཆོས་བརྒྱད་འཇའ་ཚོན་རི་མོ་ལ། །བསྙེག་འདོད་མངོན་ཞེན་མ་ཆེ་ཞིག །དེ་ཆེ་ན་འདུ་འཛིའི་བྲེལ་དོ་འཕེལ། །ཐ་མལ་འཁྲུལ་འབྱམས་སུ་ཤོར་ཉེན་ཆེ། །བུ་གང་ཡང་ལམ་དུ་གྱུར་པ་དེ། །རྟོགས་པའི་རང་རྩལ་རྫོགས་པ་ཡིན། །ཧ་ཅང་རང་རྩིས་ཆེ་དྲགས་ན། །སྙེམས་ཀྱིས་རང་ངོ་སྒྲིབ་ཉེན་ཆེ། །བུ་ཉམས་ཀྱི་གླུ་ཆུང་ལེན་པ་འདི། །རྩལ་སྣང་ཟང་མ་ཡིན་མོད་ཀྱང་། །མང་པོའི་ཚོགས་སུ་འཆེལ་བ་ན། །སྒྲོ་སྐུར་གཡབ་མོ་འབྱུང་ཉེན་ཆེ། །ལྐུགས་པ་ལྟ་བུའི་རྣམ་ཐར་སྐྱོངས། །དབོན་སྤྲུལ་འཕྲིན་ལས་ལའོ། །