རྩོལ་མེད་ཡེ་རྫོགས་ཀྱི་གདམས་ཕྲན་ཡིད་དཔྱོད་འཕྲང་སྒྲོལ།

ཧོ་ཧོ། བློ་བྲལ་ཆོས་ཟད་ཀྱི་རང་ངོ་། །ཞེན་མེད་རྒྱ་ཡན་དུ་སྐྱོང་བས། །བློས་བྱས་ལྟ་སྒོམ་གྱི་འཇོག་སོ། །བྱ་ལམ་རྗེས་མེད་དུ་ཡལ་སོང་། །དམིགས་གཏད་སེམས་འཛིན་གྱི་རེ་དོགས། །བཙལ་ཀྱང་རྙེད་ཚོད་ནི་མི་གདའ། །རང་བབས་ཆོས་ཉིད་དུ་འདུག་པ། །ཨ་འཐས་འཕྲང་གཅུར་དེས་ཅི་བྱ། །རྩོལ་བཅས་ས་ལམ་གྱི་སྦྱང་བགྲོད། །རྩོལ་མེད་ཡེ་རྫོགས་སུ་འདུག་པས། །རེ་འདོད་ཡིད་སྨོན་གྱི་ཞེན་པ། །སྨིག་རྒྱུའི་རི་མོ་བཞིན་ཡལ་སོང་། །ཞེས་ཀྱང་ཉམས་མཚར་དུ་འཇིགས་མེད་ཡོན་ཏན་མགོན་པོས་སྨྲས་སོ། །