Nitartha Digital Library
Tibetan
འཇིགས་མེད་ཡོན་ཏན་མགོན་པོའི་གསུང་འབུམ།


  expand section
  expand section
  expand section
  expand section
  collapse section
   
   
   
   
   
   
   
   
   
གུ་རུའི་གསོལ་འདེབས་བར་ཆད་ལམ་སེལ།
   
   
   
   
   
   
   
   


 
previousགུ་རུའི་གསོལ་འདེབས་བར་ཆད་ལམ་སེལ།next

གུ་རུའི་གསོལ་འདེབས་བར་ཆད་ལམ་སེལ།

གཟུངས་དང་བདེན་པའི་ཚིག་གྲུབ་པའི། །འཕགས་ཆེན་རྣམས་ཀྱི་གསུང་ཚད་མར། །མཆོག་ཐུན་གང་འདོད་བདེ་བླག་ཏུ། །འཇུག་པའི་བྱིན་ནུས་དངོས་སུ་ཞུགས། །གཞན་དུ་སོ་སྐྱེས་ངག་འཆལ་ལ། །སྙིང་པོ་ཡོད་པ་མ་ལགས་པས། །དེ་འདྲའི་ཚུལ་ལ་སྤྲོ་བ་མེད། །འོན་ཀྱང་སྐུ་ངོ་མི་བཟློག་ཙམ། །ལྷག་བློ་མོས་གུས་དག་པ་ཡིས། །གང་ཤེས་ཚིག་ཕྲེང་ཉུང་ངུ་ཙམ། །བྲིས་ཏེ་ཕུལ་བ་འདི་ལྟར་རོ། ཨེ་མ་ཧོ། དུས་གསུམ་ཀུན་མཁྱེན་ཨོ་རྒྱན་རྡོ་རྗེ་འཆང་། །ཐུགས་ཀྱི་དགྱེས་སྡེ་མཁར་ཆེན་མཚོ་རྒྱལ་དང་། །བཻ་རོ་ཆོས་རྒྱལ་རྗེ་འབངས་རིག་པ་འཛིན། །མ་མགོན་གཟའ་རྡོར་བརྒྱུད་གསུམ་སྲུང་མ་བཅས། །མོས་ལྡན་བུ་ལ་ཐུགས་རྗེའི་སྤྱན་གྱིས་གཟིགས། །གློག་ལྟར་མྱུར་བའི་རྫུ་འཕྲུལ་ཤུགས་ཆེན་བསྐྱེད། །ཕྱི་ནང་གསང་བའི་བར་ཆད་དབྱིངས་སུ་སོལ། །ཆོས་མཐུན་བསམ་པ་མྱུར་དུ་འགྲུབ་པ་དང་། །ལེགས་ཚོགས་བཀྲ་ཤིས་ནུབ་མེད་རྒྱས་པར་མཛོད། དེ་སྐད་ཉམས་མཚར་གང་དྲན་ཚིག །བྲིས་ལ་དགོས་དོན་འགའ་མེད་ཀྱང་། །ཁྱེད་ཐུགས་དགྱེས་པ་བསྐྱེད་ཕྱིར་ཕུལ། །དབྱིངས་ཁྲེལ་མེད་པའི་བཀྲ་ཤིས་ཤོག །

previousགུ་རུའི་གསོལ་འདེབས་བར་ཆད་ལམ་སེལ།next