cover

དཔལ་སྤྲུལ་གསུང་འབུམ།

གླེགས་བམ་དང་པོ།

རྫོགས་ཆེན་དཔལ་སྤྲུལ་རིན་པོ་ཆེ།

Nitartha International
Images scanned by TBRC

ཆོས་ཚུལ་འདི་ཡང་ཉི་ཟླའི་དཀྱིལ་འཁོར་བཞིན། །ཕྱོགས་ཀྱི་ཐ་གྲུ་ཀུན་དུ་གྲགས་གྱུར་ཏེ། །བློ་གྲོས་པདྨོ་རབ་ཏུ་རྒྱས་བྱེད་ཅིང༌། །སངས་རྒྱས་བསྟན་པ་དར་ཞིང་རྒྱས་པར་ཤོག །
—ཀློང་ཆེན་པ།

དཔལ་ལྡན་བླ་མ་དམ་པ་ཤེས་བྱ་ཀུན་མཁྱེན་ཤྲཱི་ནི་རྨ་ཀའི་གསུང་འབུམ་གྱི་བཞུགས་བྱང་འདོད་འབྱུང་རིན་པོ་ཆེའི་ཏོག


ZP01_Page_001
[མ་དཔེ་གཟིགས་ན་འདིར་གནོན།]

དཔལ་ལྡན་བླ་མ་དམ་པ་ཤེས་བྱ་ཀུན་མཁྱེན་ཤྲཱི་ནི་རྨ་ཀའི་གསུང་འབུམ་གྱི་བཞུགས་བྱང་འདོད་འབྱུང་རིན་པོ་ཆེའི་ཏོག་ཅེས་བྱ་བ་བཞུགས་སོ།།


ZP01_Page_002
[མ་དཔེ་གཟིགས་ན་འདིར་གནོན།]

ཨོཾ་དགེ་ལེགས་རྣམ་པར་རྒྱལ། །མཚུངས་མེད་སྟོན་པ་ཆོས་དང་དགེ་འདུན་ཏེ། །སྐྱབས་ཀྱི་མཆོག་གྱུར་རིན་ཆེན་རྣམ་གསུམ་གྱི། །


ZP01_Page_003
[མ་དཔེ་གཟིགས་ན་འདིར་གནོན།]

ཞབས་པད་ལྷར་བཅས་གཙུག་གི་རྒྱན་གྱུར་པ། །མི་ཕྱེད་དད་པའི་ཡིད་ཀྱི་དཔལ་དུ་བསྟན། །


ZP01_Page_004
[མ་དཔེ་གཟིགས་ན་འདིར་གནོན།]

བརྒྱུད་པ་གསུམ་ལྡན་རྗེ་བཙུན་བླ་མ་དང་། །རབ་འབྱམས་ཡི་དམ་ལྷ་ཡི་དཀྱིལ་འཁོར་མཆོག །གནས་གསུམ་མཁའ་འགྲོ་དམ་ཅན་ཚོགས་རྣམས་ཀྱིས། །ཕུན་ཚོགས་དགེ་ལེགས་ཤིས་པའི་དཔལ་སྩོལ་ཅིག །གདོད་མའི་མགོན་པོ་རྒྱལ་བ་ཀློང་ཆེན་པ། །མཁྱེན་བརྩེའི་འོད་ཟེར་སྟོང་འབར་འཇིགས་མེད་གླིང་། །རྒྱལ་བ་ཀུན་དངོས་མི་འགྱུར་ནམ་མཁའི་ཞབས། །རྒྱལ་བའི་མྱུ་གུར་བཅས་ལ་གུས་ཕྱག་འཚལ། །ཤེས་བྱ་ཀུན་མཁྱེན་འཇམ་དཔལ་དཔའ་བོ་དང་། །སྙིང་རྗེའི་མངའ་བདག་མགོན་པོ་སྤྱན་རས་གཟིགས། །དབྱེར་མེད་བླ་མ་བསྟན་འགྲོའི་དཔལ་མགོན་མཆོག །འཇིགས་མེད་ཆོས་ཀྱི་དབང་པོའི་ཞབས་སུ་འདུད། །དམ་པ་མཆོག་དེའི་ཞལ་ནས་ལེགས་གསུངས་པའི། །ལེགས་བཤད་རིན་ཐང་བྲལ་བའི་རིན་ཆེན་ཚོགས། །ཕྱོགས་གཅིག་ལེགས་པར་བསྟར་བའི་གླེགས་བམ་གྱི། །བཞུགས་བྱང་དཀར་ཆག་ཡི་གེར་འགོད་པར་བྱ། །དེ་ལ་འདིར་མཁྱེན་རྟོགས་ཀྱི་ཡོན་ཏན་རྨད་དུ་བྱུང་བ་དཔལ་དགེ་སྤྲུལ་པའི་སྐུ་རིན་པོ་ཆེ་ཨོ་རྒྱན་འཇིགས་མེད་ཆོས་ཀྱི་དབང་པོ་ཞེས་མཚན་གྱི་བ་དན་སྲིད་ན་མངོན་པར་མཐོ་བ་གང་ཉིད་སྐུ་ན་ཆུང་ངུའི་དུས་ནས་ཐེག་པ་ཆེན་པོའི་རིགས་སད་ཅིང་སྐྱེས་


ZP01_Page_005
[མ་དཔེ་གཟིགས་ན་འདིར་གནོན།]

ཐོབ་ཀྱི་མཁྱེན་རབ་ཕུལ་དུ་བྱུང་བ་མངའ་བ་དང་ལྷག་པའི་ལྷས་བྱིན་གྱིས་བརླབ་པའི་མཐུས་ཡོངས་འཛིན་དགེ་བའི་བཤེས་གཉེན་རྣམས་ཀྱི་ཞལ་ནས་ཆོས་ཀྱི་བདུད་རྩི་ཐོབ་པ་རྣམས་ཚེགས་ཆུང་ངུས་མཁྱེན་པས་མདོ་རྒྱུད་རིག་གནས་དང་བཅས་པའི་གཞུང་ལ་གཞན་དྲིང་མི་འཇོག་པའི་རྣམ་དཔྱོད་རྣམ་པར་དག་པས་ལེགས་བཤད་སྨྲ་བ་ལ་མི་ཟད་པའི་སྤོབས་པ་ཐོབ་ཅིང་། །འཇིག་རྟེན་ཆོས་བརྒྱད་ཀྱི་ཞེན་འཁྲིས་གཏན་ནས་ལོག་པས་སྐུ་ཚེ་ཧྲིལ་པོར་ཟོལ་མེད་ཀྱི་བྱ་བཏང་ཡང་དག་པའི་རྩེ་མོར་སོན་ཅིང་། །བསྟན་དང་འགྲོ་ལ་རྗེས་སུ་ཆགས་པའི་ཐུགས་ཀྱིས། མདོ་རྒྱུད་རིགས་གནས་དང་བཅས་པའི་འཆད་ཉན་སྣ་ཚོགས་དང་། ཁྱད་པར་ཐེག་པ་ཆེན་པོའི་ལམ་གྱི་རྩ་བ་བྱང་ཆུབ་ཀྱི་སེམས་རིན་པོ་ཆེའི་གཞུང་ཤིང་གཙུགས་པར་བཞེད་པས། རྒྱལ་སྲས་ཞི་བ་ལྷའི་གསུང་བྱང་ཆུབ་སེམས་དཔའི་སྤྱོད་པ་ལ་འཇུག་པའི་གཞུང་རྩལ་དུ་བཏོན་ཏེ་འཆད་ཉན་གྱི་སྲོལ་བཙུགས་པས། །གསར་རྙིང་རིས་མེད་ཀྱི་དགེ་བའི་བཤེས་གཉེན་ཆོས་ཀྱི་སྤྱན་དང་ལྡན་པ་རྣམས་ཀྱིས་བདག་ཉིད་ཆེན་པོ་འདི་ནི་སྔོན་གྱི་བཀའ་གདམས་གོང་མ་རྣམས་ཀྱི་རྣམ་ཐར་དང་ཁྱད་པར་དབྱེ་བ་མེད་པ་ཡོན་ཏན་རྒྱ་མཚོ་ཆེན་


ZP01_Page_006
[མ་དཔེ་གཟིགས་ན་འདིར་གནོན།]

པོའི་མཛོད་དུ་གྱུར་པའོ་ཞེས་བསྔགས་པའི་མེ་ཏོག་ཕྱོགས་ཀྱི་ཐ་གྲུ་ཀུན་ནས་འཐོར་ཞིང་ཞབས་པད་གུས་པའི་གཙུག་གིས་ལེན་པར་གྱུར་ཅིང་། དུས་རྒྱུན་དུ་བྱང་ཆུབ་ཀྱི་སེམས་རིན་པོ་ཆེ་རྣམ་པ་གཉིས་ཀྱི་ཉམས་ལེན་ལ་གཞོལ་ཞིང་། ཁྱད་པར་རིག་འཛིན་བླ་མ་གོང་མ་རྣམས་ཀྱི་དོན་བརྒྱུད་བྱིན་རླབས་ཀྱི་རྟོགས་པ་འཕོས་པའི་སྟོབས་ཀྱིས་འོད་གསལ་རྡོ་རྗེ་སྙིང་པོའི་དགོངས་པ་མངོན་དུ་གྱུར་ཏེ་ནང་གི་ཉམས་རྟོགས་ཀྱི་དྲོད་ཚད་ཤིན་ཏུ་མཐོན་པོར་གྱུར་ཀྱང་། ཕྱི་ཚུལ་སྔོན་གྱི་རྒྱལ་སྲས་དེས་པ་ཞེས་པའི་རྣམ་ཐར་དང་མཚུངས་པར། རྟག་ཏུ་རང་གི་ཡོན་ཏན་ལ་མངོན་རློམ་ཅུང་ཟད་མེད་པར་སྦས་ཤིང་བདག་ཉིད་ལ་དམན་པའི་འདུ་ཤེས་ཀྱི་ས་དམན་ས་འཛིན་པ་ཁོ་ནའི་གནས་པར་མཛད་ཀྱང་། མཁྱེན་རྩེ་ཉི་མ་ལྟ་བུའི་རང་རྟགས་ཀྱི་འོད་ཟེར་སྒྲིབ་དུ་མེད་པ་ཇེ་བས་ཇེ་གསལ་དུ་སྐུ་ཚེའི་མཐར་སོན་པར་གྱུར་ཅིང་། དམ་པ་འདི་ཉིད་གྲུབ་མཐའ་རིས་མེད་ལ་དག་པའི་སྣང་བ་དཀར་འབྱམས་ཡུག་གཅིག་ཏུ་སོང་བ་དང་། སྒྱུ་མེད་པའི་ཚིག་དྲང་པོར་སྨྲ་བ་ཁོ་ནས་དྲག་ཞན་སུ་ལའང་ངོ་བསྟོད་དང་ཟོལ་ཚིག་མེད་པར་སྨྲ་བས། གནས་སྐབས་བརླང་བ་ལྟར་སྣང་བའི་ཚིག་རྣམས་ཀྱང་གཞན་ལ་ཕན་པ་འབའ་ཞིག་ཏུ་གྱུར་པ་དང་། །


ZP01_Page_007
[མ་དཔེ་གཟིགས་ན་འདིར་གནོན།]

སྐུ་མཐོང་བ་དང་གསུང་ཐོས་པ་དང་གསུང་རྩོམ་གྱི་རྣམ་པ་ཕྲ་མོས་ཀྱང་གདུལ་བྱའི་རྒྱུད་ལ་རྣམ་དཀར་གྱི་ས་བོན་ཐེབ་པ་ཁོང་དང་འདྲ་བ་གཞན་སྙིགས་མའི་དུས་འདིར་འབྱུང་བར་དཀའོ་ཞེས་བློ་ལྡན་གཟུར་གནས་ཐམས་ཅད་ཀྱིས་བསྔགས་ཤིང་དད་པའི་བ་སྤུ་གཡོ་བའི་གནས་སུ་གྱུར་བ་འདི་ཉིད་ལེགས་བཤད་སྨྲ་བའི་སྦོབས་པ་མི་ཟད་པ་ཐོབ་པས་སྐུ་ན་ཆུང་ངུའི་དུས་ནས་བཟུང་སྟེ་ཕྱིས་སྐུ་ཚེ་ན་ཡོལ་ཙམ་གྱི་བར་དུ་གསུང་རྩོམ་སྣ་ཚོགས་པའི་རྣམ་པ་མང་དུ་མཛད་པར་འདུག་ཀྱང་། རྗེ་ཉིད་ཀྱིས་ནི་གཞན་དང་གཞན་ལ་གནང་བ་ལས། རང་རྩོམ་གྱི་དཔེ་ཆ་ཤོག་བྱང་གཅིག་ཀྱང་ཚགས་སུམ་མཛད་པས། གཞན་དག་གིས་ཀྱང་རེ་ཞིག་རྩོལ་བསྡུ་བྱེད་པའི་སྐབས་མ་རྙེད་པས། གསུངས་རྣམས་ཕྱོགས་དང་ཕྱོགས་སུ་འཐོར་བ་ལས་རྒྱ་ཆེར་མི་སྣང་ན་ཡང་། ཕྱིས་སུ་བདག་ཉིད་ཆེན་པོ་འདི་ཡི་དངོས་སློབ་བླ་མ་ལ་གུས་པ་མཆོག་དང་ལྡན་པ་བསླབ་པ་གསུམ་གྱི་མཛོད་འཛིན་དགེ་མང་དབོན་རིན་པོ་ཆེ་ཨོ་རྒྱན་བསྟན་འཛིན་ནོར་བུས་ཕྱོགས་རྣམས་ནས་ཇི་ལྟར་རྙེད་པ་བསྡུ་རྩོལ་མཛད་དེ་ཕྱོགས་གཅིག་གླེགས་བམ་དུ་བཀོད་ཅིང་། ཡིག་ནོར་ཤིན་ཏུ་མང་བ་རྣམས་ཅི་རིགས་དག་


ZP01_Page_008
[མ་དཔེ་གཟིགས་ན་འདིར་གནོན།]

བར་བྱས་ཤིང་ཡོན་སྦྱོར་དང་བཅས་ཏེ་སྐུ་ཞབས་སྤྲུལ་པའི་སྐུ་རིན་པོ་ཆེ་རྒྱལ་སྲས་གཞན་ཕན་ཆོས་ཀྱི་སྣང་བ་ལ་སྤར་དུ་འཁོད་པའི་མགོ་འདྲེན་ཞུས་པ་བཞིན། །སྤྲུལ་པའི་སྐུ་དེ་ཉིད་ཀྱིས་སྦར་དུ་ལེགས་པར་བསྒྲུབ་ཅིང་། སྡེ་སྣོད་འཛིན་པ་མཁན་བློ་གསལ་ནས་ཞུས་དག་བགྱིས་ཏེ་རུ་དམ་ཤྲཱི་སེངྒར་ཆོས་མཛོད་གྱི་གྲལ་དུ་བཀོད་པའི་གླེགས་བམ་ཕ་རོལ་ཕྱིན་པའི་གྲངས་ལྡན་བཞུགས་པ་ལས། གླེགས་བམ་དང་པོ། །ཀ་བ་ལ། བཞུགས་བྱང་འདོད་འབྱུང་རིན་པོ་ཆེའི་ཟ་མ་ཏོག་ཅེས་བྱ་བ། སྤྱིར་གསུང་འབུམ་ཡོངས་རྫོགས་ལ། ཐུན་མོང་རིག་གནས་ཀྱི་སྐོར་དང་། ཐུན་མིན་ནང་དོན་གྱི་སྐོར་གཉིས་ལས། དང་པོ་ལ། སྙན་དངགས། སྡེབ་སྦྱོར། སྐར་རྩིས་ཀྱི་བསྟན་བཅོས་གསུམ་སྟེ། དང་པོ་སྙན་དངགས་གི་ཕྱི་མོ་མེ་ལོང་གི་དཔེར་བརྗོད་རྣ་བའི་གླིང་བུ། བསྟོད་ཚོགས་འདི་དག་གི་བརྗོད་བྱེད་ཀྱང་དནྜི་པའི་གཞུང་གི་ཚིག་དང་དོན་གྱི་རྒྱན་གྱིས་སྤྲས་པ་ཁོ་ནའི་ཕྱིར་ས་བཅད་འདི་ལ་འགོད་པ་མི་འགལ་ཞིང་འཐད་དེ། དེ་ལ་དཔལ་ལྡན་རྡོ་རྗེ་སེམས་དཔའ་ལ་བསྟོད་པ། འཁོར་ལོ་དང་པོའི་དམ་པའི་ཆོས་འདུལ་བ་ལ་བསྔགས་པ་མེ་ཏོག་གི་སྐྱེད་མོའི་ཚལ། སྟོན་པ་མཆོག་གི་གསུང་ཐེག་པའི་


ZP01_Page_009
[མ་དཔེ་གཟིགས་ན་འདིར་གནོན།]

བྱེ་བྲག་སོ་སོ་ལ་བསྔགས་པ་ཆུན་འཕྱང་བརྒྱད་དེ། དང་པོ་གསུང་གསང་བ་བསམ་གྱིས་མི་ཁྱབ་པ་ལ་བསྔགས་པ་པདྨ་དཀར་པོའི་ཆུན་འཕྱང་། གཉིས་པ་གསུང་རྣམ་པ་ཐམས་ཅད་པ་ལ་བསྔགས་པ་ཨུ་དུམ་ཝ་རའི་ཆུན་འཕྱང་། གསུམ་པ་གསུང་དམ་པའི་ཆོས་ལ་བསྔགས་པ་ཨུ་ཏྤལ་གཞོན་ནུའི་ཆུན་འཕྱང་། བཞི་པ་གསུང་ཡི་གེའི་ཕྲེང་བ་ལ་བསྔགས་པ་ཀུ་མུད་དཱའི་ཆུན་འཕྱང་། ལྔ་པ་གསུང་གསང་སྔགས་ཀྱི་ཚུལ་ལ་བསྔགས་པ་མེ་ཏོག་གི་ཆུན་འཕྱང་། དྲུག་པ་གསུང་ཟབ་དོན་གསང་བ་ལ་བསྔགས་པ་ཟླ་བ་ཐིག་ལེའི་ཆུན་འཕྱང་། བདུན་པ་གསུང་ཡོན་ཏན་རྒྱ་མཚོའི་ཆེ་བ་ལ་བསྔགས་པ་མུ་ཀྟི་ཀའི་ཆུན་འཕྱང་། བརྒྱད་པ་གསུང་ཡེ་གྲོལ་རྫོགས་ཆེན་ལ་བསྔགས་པ་བཻཌུར་ཡའི་ཆུན་འཕྱང་རྣམས་དང་། ཀུན་མཁྱེན་བླ་མའི་གསུང་རབ་ལ་བསྔགས་པ་ཡོངས་རྫོགས་བསྟན་པའི་པད་ཚལ་ཞེས་བྱ་བ་དང་། བསྔགས་པའི་ཡུལ་དེར་འཇལ་བའི་ཡོན་ཏན་ལ་བསྔགས་པའི་སྒོ་ནས་བལྟ་བར་བསྐུལ་བ་རྣམས་དཔེ་བམ་གཅིག་གོ །རྗེ་བླ་མ་བཀའ་དྲིན་ཅན་འཇིགས་མེད་རྒྱལ་བའི་མྱུ་གུའི་གསང་གསུམ་ཡོན་ཏན་མི་ཟད་རྒྱན་གྱི་འཁོར་ལོ་ལ་ཤར་ཕྱོགས་གོ་ཌཱ་བའི་ལུགས་ཀྱི་བྱ་དཀའི་ཚིག་རྒྱན་ཀུན་


ZP01_Page_010
[མ་དཔེ་གཟིགས་ན་འདིར་གནོན།]

བཟང་འཁོར་ལོ་བཞི་ལྡན་གྱི་སྒོ་ནས་བསྔགས་པ། སྐྱབས་རྗེ་རྒྱལ་བའི་སྲས་པོ་གཞན་ཕན་མཐའ་ཡས་ལ་རོ་དྲུག་སྨན་གྱི་བྱེད་པས་ནད་དྲུག་སྦྱོང་བའི་དཔེས་ཕྱིན་དྲུག་གི་ཡོན་ཏན་དང་ལྡན་པར་བསྔགས་པ་ན་མོ་གུ་རུ་བཻ་ཥ་ཛྱ་སོགས། ཐབས་ལམ་མཆོག་གི་སྤྱོད་པ་ལ་དབང་བའི་ཡོན་ཏན་བསྐུལ་བའི་ཟོལ་གྱིས་བསྔགས་པ། །གཞན་ཕན་ཐུགས་བསྐྱེད་སོགས། སྣང་བཞི་ཚད་དུ་ཕེབས་པ་སོགས་རང་དོན་མངོན་དུ་གྱུར་ཅིང་སྡེ་སྣོད་གསུམ་སྟོན་པ་སོགས་གཞན་དོན་མཛད་པའི་ཡོན་ཏན་ལ་བསྔགས་པ། གཉིས་ཀྱི་གཉིས་པ་སོགས་བཤད་སྒྲུབ་གསེར་གྱི་འཁོར་ལོ་སོགས་ཆོས་ཀྱི་རྒྱལ་སྲིད་དང་ལྡན་པར་བསྔགས་པ། རིམ་རྩོལ་སྤྲོས་པས་སོགས། གཞན་ཡང་ལྟ་བ་ཆོས་སྐུའི་དབྱིངས་ལས་མ་གཡོས་བཞིན་སྤྱོད་པ་གཟུགས་སྐུའི་འགྲོ་དོན་མཛད་པ་ལ་བསྔགས་པ་རིང་ནས་མཐའ་ཀླས་སོགས་རྒྱ་ནག་ལྕང་ཀྱ་ལ་སྤྲིང་བ། སྒྲུབ་པའི་རྒྱལ་མཚན་འཛིན་བཞིན་སྐལ་ལྡན་སློབ་ཚོགས་ལ་ཟབ་རྒྱས་བདུད་རྩིའི་དགའ་སྟོན་འགྱེད་པ་ལ་བསྔགས་པ་མཐའ་ཀླས་འགྲོ་ལ་སོགས་རྒྱ་ནག་ཆོས་བཟང་ལ་སྤྲིང་པ། དཔོན་སློབ་བཤེས་པའི་ངང་ཚུལ་གྱིས་བརྩེ་བའི་


ZP01_Page_011
[མ་དཔེ་གཟིགས་ན་འདིར་གནོན།]

ཡོན་ཏན་ལ་བསྔགས་པ་ཟླ་གཞོན་ཐིག་ལེའི་སོགས་རྒྱ་རོང་དབོན་པོ་ལ་སྤྲིང་བ་སྟེ་འདི་རྣམས་སྐྱབས་རྗེ་དབུས་སུ་བཞུགས་སྐབས་སོགས་སུ་སྤྲིང་ཡིག་ཕུང་བའི་འཚམ་གསོལ་ཡིན་ཡང་དོན་ལ་གང་དེའི་གསང་གསུམ་དམ་པའི་ཚུལ་དགུའི་ཡོན་ཏན་ལ་རབ་བརྟགས་ཙམ་མིན་པ་ཚུལ་བཞིན་བསྔགས་པའི་ཚིག་རྒྱན་འཇེ་བ་མཛེས་ཀྱིས་སྤྲས་པས་བསྟོད་ཚོགས་སུ་སྡེབ་པར་འོས་པ་དང་། སྐྱབས་རྗེས་གསན་ཡིག་གི་མགོ་རྒྱན་འདི་ཡང་རྒྱལ་བསྟན་རིས་མེད་ལ་གསན་བསམ་བཞེས་པ་བསྟན་འཛིན་དམ་པའི་རྣམ་ཐར་མཆོག་གི་ཆེ་བས་བསྔགས་པ་རྣམས་དཔེ་བམ་གཅིག་གོ །དེ་ནས་གཏམ་ཚོགས་ཀྱི་སྐོར་ལ། ངེས་འབྱུང་སྐྱོ་ཤེས་ཀྱི་བློ་བསྐྱེད་པའི་གཏམ་པདྨའི་ཚལ་ཞེས་བྱ་བ་ཆོས་དང་མཐུན་པའི་ཟློས་གར་དུ་བསྒྱུར་བ། ངེས་འབྱུང་དང་བརྩོན་འགྲུས་ལ་བསྐུལ་བའི་གཏམ་སྔོན་ཤཱཀྱའི་ཁྱེའུ་གཞོན་ནུ་ཟུང་གི་གཏམ་རྒྱུད་དང་སྦྱར་བ། བསོད་ནམས་ཀྱི་ཚོགས་ལ་བསྐུལ་བའི་གཏམ་གུ་རུའི་སྐུ་ཚབ་གཙོ་བོར་གྱུར་པའི་རྟེན་གསུམ་ལ་གུས་པ་བྱ་ཚུལ་ལེགས་ལམ་དམ་པའི་གསོས་སྨན་ཞེས་བྱ་བ། ཆོས་དང་འཇིག་རྟེན་རྟོགས་པར་བྱེད་པའི་གཏམ་


ZP01_Page_012
[མ་དཔེ་གཟིགས་ན་འདིར་གནོན།]

གདོལ་བའི་དྲང་སྲོང་གི་བསྟན་བཅོས་ཐར་བའི་ཐེམ་སྐས་ཞེས་བྱ་བ། ལུགས་ཟུང་ཕུན་སུམ་ཚོགས་བཤད་འཕེལ་བའི་གཏམ་ལྷའི་སིལ་སྙན་ཞེས་བྱ་བ། ལུགས་ཟུང་ཚོགས་གཏམ་གྱི་ལྷན་ཐབས་རིན་ཆེན་ཕྲ་ཚོམ། ཚོགས་ཀྱི་གཏམ་མཎྜལ་རྣམ་བཤད་ཚོགས་གཉིས་ལམ་བཟང་། ངོ་མཚར་བསྐྱེད་པ་བཞེད་གད་ཀྱི་གཏམ་ཆུ་གྲུ་ལུས་ཀྱི་རྣམ་བཤད་བརྒལ་བའི་ལན་དང་བཅས་པ། འདུ་འཛི་སྤངས་ཏེ་དབེན་པར་བསྐུལ་བ་ཐེག་པ་མཆོག་གི་ཚུལ་དང་མཐུན་པ་དབེན་པའི་གཏམ་ལྷའི་རྔ་སྒྲ། སྐྱེལ་འཕོ་སོགས་ཀྱི་འདུ་འཛིས་ཀློག་སྤོང་ལ་གཡེང་བའི་རྒྱུ་སྤོར་བར་བསྐུལ་བའི་གཏམ་རྫ་དགོན་ལ་སྤྲིང་བ། རྡོ་གྲུབ་ལ་སྤྲིང་བ། བཟོད་པའི་གོ་ཆས་ཚིག་རྩུབ་ཀྱི་མདའ་བསྲུང་བ་མེད་ན་བླ་མ་དང་མཆེད་ཀྱི་དམ་ལ་འགལ་ཏེ་དམྱལ་བར་འགྲོ་བའི་ཉེས་སྤྱོད་སྤོང་བར་བསྐུལ་བའི་གཏམ་ཀུན་བསྟན་ལ་སྤྲིང་བ། དབྱར་དུས་སུ་བབས་པའི་ཆར་པ་ཡིད་ཅན་དགའ་བའི་གསོས་སུ་གྱུར་བ་ཉིད་གཅོད་པ་རང་གཅིག་བུའི་དོན་དུ་གཞན་མང་པོ་ལ་འཚེ་བ་སྤོང་བར་བསྐུལ་བའི་གཏམ་ཆར་གཅོད་མཁན་ལ་སྤྲིང་བ། གཞན་ནོར་


ZP01_Page_013
[མ་དཔེ་གཟིགས་ན་འདིར་གནོན།]

མཐུས་ལེན་པའི་ལས་འབྲས་བསྟན་ཏེ་སྤོང་བར་བསྐུལ་བའི་གཏམ་ཨར་ཇག་སྤྱི་ལ་སྤྲིང་བ། པདྨའི་རྒྱལ་ཚབ་སྤྲུལ་པའི་གཏེར་ཆེན་མཆོག་གྱུར་གླིང་པ་ལ་ཕུལ་བའི་འབུལ་ཡིག་རྣམས་སོ། །གཉིས་པ་ནི། སྡེབ་སྦྱོར་གྱི་མན་ངག་ངོ་མཚར་རྟོགས་བྱེད་རིན་ཆེན་ཕྲེང་བ་ཞེས་བྱ་བའོ། །གསུམ་པ་ལ། རྩིས་གཞུང་ཉིན་བྱེད་སྣང་བའི་འདས་ལོ་སོགས་ངེས་པ་གསར་སྤོས་མཛད་པ་དགེ་ལེགས་ཉི་མ་ཞེས་བྱ་བ། ཉིན་སྣང་བུ་ཡིག་བསྟན་རྩིས་ལ་ཆོས་འབྱུང་རག་པ་མཆན་དུ་སྟོན་པ་ངོ་མཚར་ཕྲེང་བ། རྩིས་སྐར་ནག་ཟུང་འཇུག་གི་ལེའུ་ཐུའི་རྣམ་བཤད་གོ་ལའི་རྣ་རྒྱན། ཡུལ་དུས་ལོངས་སྤྱོད་བསྒྲིགས་ཐབས་ཀྱི་མན་ངག་དང་། དུས་གཟེར་འགོད་པའི་ལག་ལེན་དང་རྩིས་འབྲས་མདོར་བསྡུས་སྤང་བླང་འདོད་པའི་སྙེ་མ། ལེའུ་ཐུའི་མགོ་རྒྱན་དཔྱོད་ལྡན་མཁས་པའི་ཡིད་འཕྲོག །ཕྱི་ནང་གཞན་གསུམ་དག་པར་བསྟན་པའི་དོན་འགྲེལ་བླང་དོར་གསལ་བའི་རེ་མིག་གི་མགོ་རྒྱན་རྣམས་དང་། ཞར་ལ་གོས་བ་རིག་པའི་བྱེ་བྲག་ཕྲན་ཚེག་འབམ་བཅོས་ཀྱི་ལག་ལེན་གོ་བདེར་བསྡུས་པ་བཅས་བཞུགས་སོ།། །།གླེགས་བམ་གཉིས་པ།


ZP01_Page_014
[མ་དཔེ་གཟིགས་ན་འདིར་གནོན།]

ཁ་པ་ལ། གཉིས་པ་ཐུན་མོང་མ་ཡིན་པ་ནང་དོན་རིག་པ་ལ། ཆོས་གང་ཞིག་འཆད་བྱེད་ཀྱི་ཡན་ལག་དང་། འཆད་བྱའི་གཞུང་གཉིས་ལས། དང་པོ་མདོ་སྔགས་ཐེག་པ་རྒྱ་མཚོའི་ཆོས་ཚུལ་གང་ཡང་གཞན་ལ་སྟོན་ཅིང་འཆད་པ་ལ། འཆད་བྱེད་ཀྱི་ཐབས་ཚུལ་མེད་དུ་མི་རུང་བ་ནི། དཀྱུས་ཀྱི་ས་གཅོད་པ་སྟག་མོའི་འཆོང་སྟབས་ལྟ་བུ་ཞེས། །གཞུང་དོན་ཚན་རེ་རེ་བཞིན་གྱིས་བསྟན་པའི་དོན་བསྡུས་ཏེ་སོ་སོར་མ་འདྲེས་པར་འཆད་ཤེས་པ་འཆད་ཚུལ་གྱི་མན་ངག་མཆོག་ཏུ་གྱུར་བ་སྟེ། བསྡུས་དོན་ས་བཅད་སྣ་ཚོགས་ཀྱི་སྐོར་ཕྱོགས་གཅིག་ཏུ་འགོད་པ་ལ། བཀའ་བསྟན་སྤྱིའི་བཤད་བྱའི་ཡན་ལག་ཀུན་མཁྱེན་དྲི་མེད་འོད་ཟེར་གྱིས་མཛད་པའི་བསྟན་བཅོས་ཡིད་བཞིན་རིན་པོ་ཆེའི་མཛོད་ལ་དཔེར་མཚོན་པ་དང་། འཁོར་ལོ་དང་པོ་གཙོ་ཆེ་བའི་བསྟན་བཅོས་མངོན་པའི་མཛོད་ཀྱི་ས་བཅད། འཁོར་ལོ་དང་པོ་གཙོ་ཆེར་སྟོན་པའི་བསྟན་བཅོས་དབུ་མ་རྩ་བ་ཤེས་རབ་ཀྱི་ས་བཅད། ཤེར་ཕྱིན་མངོན་རྟོགས་རྒྱན་གྱི་ས་བཅད། འཁོར་ལོ་ཐ་མ་གཙོ་ཆེར་འགྲེལ་བའི་བསྟན་བཅོས་རྒྱུད་བླ་མའི་ས་བཅད། སྤྱོད་ཕྱོགས་གཙོ་ཆེ་བ། བྱང་ཆུབ་སེམས་དཔའི་སྤྱོད་པ་ལ་འཇུག་པའི་ས་བཅད།


ZP01_Page_015
[མ་དཔེ་གཟིགས་ན་འདིར་གནོན།]

མདོ་སྡེའི་རྒྱན་གྱི་ས་བཅད། ཐེག་པ་གསུམ་དང་རིག་འཛིན་གྱི་སྡེ་སྣོད་དང་བཅས་པའི་ཉམས་ལེན་བསྟན་པའི་བསྟན་བཅོས་སྡོམ་གསུམ་རྣམ་པར་ངེས་པའི་ས་བཅད། རྒྱུད་ཐམས་ཅད་ཀྱི་རྒྱལ་པོ་སྒྱུ་འཕྲུལ་གསང་བ་སྙིང་པོའི་འཆད་ཐབས་བརྒྱུད་པ་གསུམ་གྱི་ལོ་རྒྱུས་དང་། མ་ཧཱ་ཡོ་གའི་རྒྱན་བདུན་བཤད་པ། གསང་སྔགས་གཙོ་ཆེར་སྟོན་པའི་བསྟན་བཅོས་ཡོན་ཏན་རིན་པོ་ཆེའི་མཛོད་ཀྱི་འཆད་ཐབས་ཡིད་ཀྱི་མེ་ལོང་། ཡོན་ཏན་མཛོད་ཀྱི་བསྡུས་དོན་ས་བཅད་ཨུཏྤ་ལ་གསར་བའི་ཕྲེང་བ། ཡོན་མཛོད་ས་བཅད་འབྲིང་པོ་ལྟར་བྱས་པ་མུ་ཏིག་དཀར་པོའི་ཕྲེང་བ། ཡོན་མཛོད་གྱི་ས་བཅད་རྒྱས་པ་འབྱེད་འགྲེལ་མེ་ཏོག་གི་ཕྲེང་བ་རྣམས་དང་། རྫོགས་པ་ཆེན་པོ་གཙོ་ཆེར་སྟོན་པའི་བསྟན་བཅོས་ངལ་བསོ་སྐོར་གསུམ་གྱི་འཆད་ཐབས་མན་ངག་གསལ་བ། སེམས་ཉིད་ངལ་བསོའི་བསྡུས་དོན་ས་བཅད་པདྨ་དཀར་པོའི་ཟིལ་མངར། ཀུན་མཁྱེན་འཇིགས་མེད་གླིང་པའི་གསུང་གུ་རུའི་གསོལ་འདེབས་བསམ་པ་མྱུར་འགྲུབ་མའི་ས་བཅད། དམ་པའི་རིགས་ཅན་དྲྭ་མ་ལྔ་དང་རིག་འཛིན་འདུས་པའི་འཁོར་གྱི་གསུང་སྤྱི་བཤགས་དུས་གསུམ་


ZP01_Page_016
[མ་དཔེ་གཟིགས་ན་འདིར་གནོན།]

བདེ་གཤེགས་མའི་ས་བཅད། སངས་རྒྱས་ཕལ་པོ་ཆེའི་མདོ་ལས་བྱུང་བ་བཟང་པོ་སྤྱོད་པའི་སྨོན་ལམ་གྱི་ས་བཅད་བསྡུས་པ་སྡོམ་སུ་བསྟན་པ། མཁས་གྲུབ་ཀརྨ་ཆགས་མེད་ཀྱིས་གསུངས་པའི་བདེ་སྨོན་ས་བཅད། རྗེ་རིན་པོ་ཆེ་བློ་བཟང་གྲགས་པའི་དཔལ་གྱི་གསུངས་པའི་བདེ་སྨོན་ཞིང་མཆོག་སྒོ་འབྱེད་ཀྱི་འདོན་འགྲིགས་ས་བཅད། གཏེར་ཆེན་འགྱུར་མེད་རྡོ་རྗེས་གསུངས་པའི་སྨོན་ལམ་སྤྱི་འགྲོ་བླ་མ་ཡི་དམ་མའི་ས་བཅད། སློབ་གསར་རྣམས་ཀྱི་བློ་གྲོས་རྩལ་སྦྱོང་བ་ཚོགས་བཤད་འབུལ་བའི་མགོ་བསྐུལ་དང་མཇུག་གི་མཚམས་སྦྱོར་བཅས་སོ། །གཉིས་པ་འཆད་བྱའི་གཞུང་ལ། རྒྱུ་མཚན་ཉིད་ཀྱི་ཐེག་པ་དང་། འབྲས་བུ་གསང་ཆེན་ངེས་པའི་ཐེག་པར་གཏོགས་པ་གཉིས་ལས། །དང་པོ་ལ། འཁོར་ལོ་གསུམ་སོ་སོ་བ་དང་། ཐུན་མོང་བ་རིག་འཛིན་གྱི་སྡེ་སྣོད་བཅས་འདུས་པའི་སྡེ་སྟེ་གཉིས་སོ། །དང་པོ་ལ། འཁོར་ལོ་དང་པོར་གཏོགས་པ། བདེན་པ་བཞི་སོགས་ཀྱི་ཟིན་བྲིས། དགེ་སློང་གིས་བསྒྲུབ་པའི་བསླབ་བྱ་གཞི་བཅུ་བདུན་གྱི་ཟིན་བྲིས་ཆེ་ཆུང་ཚན་གཉིས། སྤྱིར་དུས་ཁྲིམས་ཡན་ལག་བརྒྱད་པ་འདུལ་བར་གཏོགས་ཀྱང་འདི་ཐེག་ཆེན་གསོ་སྦྱོང་ཡིན་པ་


ZP01_Page_017
[མ་དཔེ་གཟིགས་ན་འདིར་གནོན།]

སྐབས་ཀྱི་ཐེག་རིམ་དགུའི་རྣམ་བཞག །ལེའུ་གསུམ་པ་བྱང་སེམས་ཀྱི་འབྲུ་འགྲེལ། ཉེས་བྱས་ཕྲ་བ་བརྒྱད་ཅུའི་རེ་མིག །འབྲས་བུ་སྐུ་དང་ཡེ་ཤེས་ཀྱི་ཟིན་བྲིས། སྡོམ་པ་གསུམ་གྱི་གནད་བསྡུས་པ། རྒྱལ་དབང་ལྔ་པ་ཆེན་པོས་གསུངས་པའི་སྡོམ་གསུམ་སྨོན་ལམ་གྱི་ཚིག་འགྲེལ། ཡོན་ཏན་རིན་པོ་ཆེའི་མཛོད་ཀྱི་བཀའ་འགྲེལ་ཉིན་བྱེད་སྣང་བ་དེའི་ཞིབ་དཔྱོད་ས་ལམ་བྱེ་བྲག་ཏུ་བཤད་པ་གསུང་རྒྱུན་གྱི་ཟིན་བྲིས། །བྱང་ཆུབ་སྤྱོད་པའི་སྨོན་ལམ་ཕན་བདེའི་ལྗོན་པའི་དཀའ་འགྲེལ་ས་ལམ་རྣམ་བཞག་དང་མཚམས་སྦྱོར་གྱི་ངག་བཀོལ། གསང་བ་སྔགས་ཀྱི་སྨོན་ལམ་འདོད་འཇོའི་དགའ་སྟོན་གྱི་དོན་འགྲེལ་དང་། དེའི་སྨད་ཆའི་རྫོགས་ཆེན་སྡེ་གསུམ་གྱི་ཚིག་འགྲེལ་རྣམས་སོ། །གཉིས་པ་འབྲས་བུ་སྔགས་ཀྱི་ཐེག་པའི་ཕྱོགས་ཀྱི་དགོངས་འགྲེལ་ལ། འཇུག་སྒོ་དབང་གི་གསལ་བྱེད་དང་། དབང་ཐོབ་པའི་གང་ཟག་གིས་སྔགས་ལ་སློབ་ཚུལ་གྱི་རིམ་པ་གཉིས་སོ། །དང་པོ་ལ། བླ་མེད་སྤྱིའི་དབང་བཞིའི་རྣམ་བཤད་རིན་ཆེན་ཕུང་པོ། །ཀར་གླིང་ཞི་ཁྲོའི་མཚོན་ནས་མ་ཧཱ་ཡོ་ག་གཙོ་བོར་གྱུར་པའི་དབང་གི་མཚམས་སྦྱོར་པུནྡྲཱ་རི་ཀའི་དོ་ཤལ། དེ་དང་འབྲེལ་བ་


ZP01_Page_018
[མ་དཔེ་གཟིགས་ན་འདིར་གནོན།]

ཀར་གླིང་ཞི་ཁྲོའི་བསྙེན་ཡིག་དང་ཆོ་གའི་ལས་འགྲིགས། བླ་སྒྲུབ་རིག་འཛིན་འདུས་པའི་ལས་འགྲིགས། ལུང་ཨ་ནུ་ཡོ་ག་འདུས་པ་མདོ་དབང་གི་ལས་འགྲིགས། མན་ངག་རྫོགས་པ་ཆེན་པོ་སྙིང་ཐིག ཡ་བཞིའི་མཁའ་འགྲོ་སྙིང་ཐིག་སོགས་ཀྱི་སོགས་ཀྱི་དབང་གི་ཟིན་བྲིས་ལས་འགྲིགས་བཅས་སོ། །གཉིས་པ་ལ་བུམ་དབང་གི་ལམ་བསྐྱེད་རིམ་ཡན་ལག་དང་བཅས་པ། གསང་ཤེར་དབང་གི་ལམ་རྫོགས་རིམ་དུ་གཏོགས་པ། དབང་བཞི་པའི་ལམ་ཕྱག་རྫོགས་ཀྱི་ཉམས་ལེན་སྟོན་པ། དེ་དག་གི་ཆ་ལག་ངག་འདོན་ཐོར་བུའི་སྐོར། ལམ་ཉམས་སུ་ལེན་ཚུལ་གྱི་མན་ངག་སྐལ་བ་དང་མཚམས་པར་གདམས་པའི་ཞལ་གདམས་སྣ་ཚོགས་ཀྱི་སྐོར་ཏེ་ལྔ་ལས། །དང་པོ་ལ། བླ་མེད་སྤྱིའི་བསྐྱེད་རིམ་ལྷའི་ཁྲིད་འོག་མིན་བགྲོད་པའི་ཐེམ་སྐས་ཀྱི་དཀའ་འགྲེལ། སྲོག་སྡོམ་གཟེར་བཞི་བཤད་པ་ཚངས་པའི་སྒྲ་དབྱངས། རྫོང་འཕྲང་སྲོག་གསུམ་གྱི་བཤད་པ་རྣམས་དང་། ལམ་གྱི་ཡན་ལག་དམ་ཚིག་གི་རྟེན་རྡོར་དྲིལ་རྣམ་བཤད་རྒྱལ་བའི་དགོངས་པ་གསལ་སྟོན། དཔལ་ལྡན་དུས་ཀྱི་འཁོར་ལོའི་སྙིང་པོ་སྔགས་ཀྱི་དཀྱིལ་འཁོར་རྣམ་བཅུ་དབང་ལྡན་གྱི་ཐིག་དང་དོན་བཤད་བཅས་སོ། །གཉིས་པ་ལ། ཐབས་གྲོལ་


ZP01_Page_019
[མ་དཔེ་གཟིགས་ན་འདིར་གནོན།]

མ་ཟད་གསང་སྔགས་བྱ་བའི་རྒྱུད་ཀྱི་དཀའ་ཐུབ་ཀྱི་ཡན་ལག་ཀྱང་ཡིན་མོད། དེ་ལྟ་ནའང་བསྲུང་བྱ་དུས་ཁྲིམས་ཀྱི་རྣམ་པ་དབང་བཙན་དུ་འདིར་འགོད་པ་ལ། །བསྙེན་གནས་དང་འབྲེལ་བའི་ཐེག་ཆེན་གསོ་སྦྱོང་སྦྱིན་པའི་མཚམས་སྦྱོར་འཆད་ཚུལ་ཐ་དད་པ་གཉིས་དང་། བཀའ་འཁོར་ལོ་བར་ཐ་ཐུན་མོང་གི་དང་པོའི་འཇུག་སྒོ་བྱང་ཆུབ་སེམས་བསྐྱེད་ཀྱི་སྡོམ་པ་འབོགས་ཆོག་རྒྱལ་སྲས་སཧནྟཱ་དེ་ཝའི་སྤྱོད་འཇུག་གི་ལུགས་ཀྱི་མཚམས་སྦྱོར། སེམས་བསྐྱེད་རྒྱུད་ལྡན་གྱི་གང་ཟག་བློ་དམན་གྱིས་བསྲུང་ཚུལ་གྱི་ཟིན་བྲིས་མདོར་བསྡུས་ལེ་ཚན་གསུམ། སྐྱབས་འགྲོ་དང་སེམས་བསྐྱེད་ཀྱི་ཟིན་བྲིས། བསླབ་པ་ཀུན་ལས་བཏུས་པ་ཞི་བའི་ལྷས་གསུངས་པ་ལ་མཆན་འགྲེལ་མཛད་པ། བྱང་སེམས་ཀྱི་བློ་སྦྱོང་གི་སྤྱོད་པ་གཙོ་བོར་སྟོན་པ་སྤྱོད་འཇུག་གི་སྒོམ་རིམ་རབ་གསལ་ཉི་མ་ཞེས་བྱ་བ། རྒྱལ་བའི་སྲས་ཀྱི་བསླབ་བྱ་མདོར་བསྡུས་པ་ཉམས་ལེན་སྙིང་པོ་ཞེས་བྱ་བ། ཐེག་པ་ཆེན་པོ་མདོ་སྡེའི་རྒྱན་གྱི་དོན་བསྡུས་པ། །བསླབ་པ་ཐམས་ཅད་ཀྱི་བསྲུང་ཐབས་དྲན་ཤེས་བག་ཡོད་བསྟེན་ཚུལ་གྱི་ཟིན་བྲིས། །ཐེག་ཆེན་ལམ་གྱི་རྩ་བ་དམ་པ་གསུམ་གྱི་ཟིན་བྲིས་


ZP01_Page_020
[མ་དཔེ་གཟིགས་ན་འདིར་གནོན།]

ཚན་གཉིས་བསྐུལ་པ་པོ་སོ་སོ་ལ་གསུངས་པ་དང་། །བྱང་ཆུབ་སེམས་དཔས་སེམས་ཅན་གྱི་དོན་སྤྱོད་པའི་ཚེ་རང་གཞན་གྱི་འབྱོར་བའི་གནས་སྐབས་དགུ་ལ་བརྟགས་པའི་ཚུལ། ཐེག་ཆེན་གྱི་ལྟ་བ་ངོ་སྤྲོད་པའི་ཁྲིད། དཀོན་མཆོག་བསྡུས་པའི་སྡོམ་བྱང་། བྱང་ཆུབ་སེམས་དཔའི་འགལ་རྐྱེན་བདུད་ཀྱི་བར་ཆད་བརྟགས་ནས་སྤོང་ཚུལ་གྱི་མན་ངག །བྱང་ཆུབ་སེམས་ཀྱི་མཐུན་རྐྱེན་ཐེག་ཆེན་མདོ་སྡེ་མཐོང་བའི་ཕན་ཡོན་རྣམས་བཞུགས་སོ།། ༈ །།གླེགས་བམ་གསུམ་པ། ག་པ་ལ། འཁོར་ལོ་བར་པའི་དགོངས་འགྲེལ་གྱི་བསྟན་བཅོས་ཏེ། ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་བསྟན་བཅོས་མངོན་པར་རྟོགས་པའི་རྒྱན་གྱི་སྤྱི་དོན་དང་། འབྲུ་འགྲེལ། ཐེག་ཆེན་དགེ་འདུན་ཉི་ཤུའི་ཟུར་བཀོལ། ཤེས་རབ་བསྡུས་པའི་སྡོམ་བྱང་། ཤེས་རབ་ཀྱི་ཕ་རོལ་ཏུ་ཕྱིན་པའི་སྒོམ་རིམ། ཤེས་རབ་ཁྲི་བའི་ལུང་འགྲེལ་དང་དོན་བསྡུས་རྣམས་བཞུགས་སོ།། ༈ །།གླེགས་བམ་བཞི་པ། ང་པ་ལ། འཁོར་ལོ་ཐ་མ་གཙོ་བོར་གྱུར་པའི་ཐེག་གསུམ་སྔགས་དང་བཅས་པའི་ཉམས་ལེན་གྱི་ཕྱོགས་ཏེ། ཕྱི་ནང་གྲུབ་མཐའི་དབྱེ་ཚུལ་ས་བོན། སྡོམ་གསུམ་རྣམ་ངེས་ཀྱི་ལེའུ་དང་པོའི་


ZP01_Page_021
[མ་དཔེ་གཟིགས་ན་འདིར་གནོན།]

ལམ་གྱི་ཁྱད་པར་སྤྱིར་བཤད་པ། རྫོགས་རིམ་གྱི་ཆོས་དྲུག་བསྡུས་ཏེ་བསྟན་པ་འདའ་ཁའི་ཉམས་ལེན་བར་དོའི་ངོ་སྤྲོད། རྫོགས་རིམ་གྱི་འབྲས་བུ་འཕོ་མེད་མི་འགྱུར་བའི་སྐུའི་དོན་བཤད་པ་སྐྱབས་རྗེ་གཞན་ཕན་མཐའ་ཡས་ཀྱི་བརྟན་བཞུགས་ཚིག་འགྲེལ་རྡོ་རྗེའི་ཚིག་གི་ཁ་འབྱེད་ཅེས་བྱ་བ་རྣམས་སོ། །གསུམ་པ་ལ། གནས་ལུགས་ཕྱག་རྒྱ་ཆེན་པོ་གཅིག་ཆར་དུ་སྟོན་པའི་ཁྲིད་ཡིག་མངའ་བདག་མར་པ་ལོ་ཙ་སོགས་ཀྱི་གསུང་གི་གནད་བསྡུས་པ་གེགས་སེལ་དང་བོགས་འདོན་གྱི་མན་ངག་དང་བཅས་པ། བསྐྱེད་རྫོགས་ཀྱི་འབྲས་བུ་གསང་སྔགས་ནང་ལྟར་ས་བཅུ་ལམ་ལྔ་བྱང་ཆུབ་ཕྱོགས་ཆོས་སོ་བདུན་གྱིས་བགྲོད་ཚུལ་མཚུངས་མེད་བླ་མའི་ཡོན་ཏན་དང་སྦྱར་ནས་བརྒྱུད་གསུམ་བླ་མ་རྒྱང་འབོད་ཀྱི་ཚུལ་དུ་བཤད་པ་བླ་མ་རྒྱང་འབོད་རྩ་འགྲེལ་དཀྱུས་སུ་བཀོད་པ་མོས་གུས་གདུང་བའི་རྒྱངས་གླུ་བརྒྱུད་གསུམ་བླ་མའི་བྱིན་རླབས་རང་རྒྱུད་ལ་ལེན་པའི་ཕོ་ཉ་ཞེས་བྱ་བ། རྫོགས་པ་ཆེན་པོ་སེམས་སྡེ་ཨ་རོའི་ལུགས་ཀྱི་ཁྲིད་ཡིག་སྙིང་པོར་བསྡུས་ཏེ་གང་ཟག་བློ་རིམ་དགུ་ལ་སོ་སོར་འཁྲིག་ཚུལ་རྗེ་བཙུན་བླ་མ་དམ་པའི་ཞལ་ཤེས་དང་བཅས་པ། རྫོགས་པ་ཆེན་པོ་མན་ངག་སྡེ་གསང་བ་སྙིང་


ZP01_Page_022
[མ་དཔེ་གཟིགས་ན་འདིར་གནོན།]

ཐིག་གི་འཕྱོང་དང་རྣམ་དབྱེ་སྟོན་པ་མུན་ཁང་སྒྲོན་མེ། སེམས་ཉིད་ཀྱི་རང་ངོ་གཅིག་ཐོག་ཏུ་ལྟ་ཞིང་རྟེན་བསླབ་གསུམ་ལ་གནས་པར་གདམས་པ་ངོ་སྤྲོད་གནད་ཀྱི་མེ་བཙའ། མཚུངས་མེད་བླ་མ་འཇིགས་མེད་རྒྱལ་བའི་མྱུ་གུའི་འདས་རྗེས་ཐུགས་སྲས་འཁོར་ལོའི་དབང་ཕྱུག་རྫོགས་སྤྲུལ་བཞི་པ་ལ་བབས་པ་རྫོགས་པ་ཆེན་པོའི་ཉམས་ལེན་མཐར་ཐུག་གི་འགྲེལ་པ་འོད་གསལ་གྱི་སྣང་ཆ་ཞེས་བྱ་བ། དགའ་རབ་དཔའ་བོའི་འདས་རྗེས་ཚིག་གསུམ་གནད་དུ་བརྡེག་པའི་མན་ངག་རྩ་འགྲེལ་སྡེབ་པ་མཁས་པ་ཤྲཱི་རྒྱལ་པོའི་ཁྱད་ཆོས་རྣམས་དང་། རྫོགས་ཆེན་རྟོགས་པའི་རྣལ་འབྱོར་པས་རོ་སྙོམ་བརྟུལ་ཞུགས་སྤྱོད་པའི་ལམ་ཁྱེར་གཅོད་ཡུལ་མཁའ་འགྲོའི་གད་རྒྱངས་ཀྱི་དམིགས་གནད་སྟོན་པའི་འགྲེལ་བཤད། རྫོགས་པ་ཆེན་པོ་ལ་ལོག་པར་རྟོག་པ་སེལ་བ་བརྒལ་ལན་སྨྲ་ངན་ཞི་བྱེད་ཅེས་བྱ་བ་རྣམས་བཞུགས་སོ།། ༈ །།གླེགས་བམ་ལྔ་པ། ཅ་པ་ལ། རྫོགས་པ་ཆེན་པོ་ཀློང་ཆེན་སྙིང་གི་ཐིག་ལེའི་ཐུན་མོང་དང་། ཁྱད་པར་གྱི་སྔོན་འགྲོའི་ཁྲིད་ཡིག་རྗེ་བླ་མ་དམ་པ་མཚུངས་མེད་རྒྱལ་བའི་མྱུ་གུའི་གསུང་རྒྱུན་ཇི་བཞིན་པར་བཀོད་པ་ཀུན་བཟང་བླ་མའི་ཞལ་ལུང་ཞེས་བྱ་བ། དེ་ལས་


ZP01_Page_023
[མ་དཔེ་གཟིགས་ན་འདིར་གནོན།]

ཁྱད་པར་གྱི་སྔོན་འགྲོའི་དམིགས་རིམ་རྣམས་ཟུར་བཀོལ་བགྱིས་པ། ཞར་བྱུང་ཤ་ཆང་གི་ཉེས་དམིགས་བསྟན་པ་ལེགས་བཤད་ཀུན་ལས་བཏུས་པ་བཅས་བཞུགས་སོ། །གླེགས་བམ་དྲུག་པ། ཆ་པ་ལ། བཞི་པ་ངག་འདོན་ཐོར་བུའི་སྐོར་ཏེ། སངས་རྒྱས་ཕལ་པོ་ཆེའི་མདོའི་དགོངས་པ་བཞིན་བྱང་ཆུབ་སེམས་དཔའི་སྤྱོད་ཡུལ་རྣམ་བཞི་ཐམས་ཅད་ཡོངས་སུ་དག་པར་བྱེད་པའི་སེམས་བསྐྱེད་ཀྱི་གསལ་འདེབས་སྨོན་ལམ། མདོ་དེ་ཉིད་དུ་བསྟན་པའི་རྒྱལ་སྲས་བྱང་ཆུབ་སེམས་དཔའ་ནོར་བཟང་གིས་ཐོག་མར་རྗེ་བཙུན་འཇམ་དཔལ་ལས་བྱང་ཆུབ་མཆོག་ཏུ་ཐུགས་བསྐྱེད་ནས་རྒྱལ་སྲས་ཀྱི་སྤྱོད་པའི་ཆོས་ཚོལ་ཏེ་དགེ་བའི་བཤེས་གཉེན་བྱང་ཆུབ་སེམས་དཔའ་སེམས་མ་ཆེན་པོ་ལྔ་བཅུ་རྩ་གཅིག་བསྟེན་པ་དེ་རྣམས་ལ་ཕྱག་འཚལ་ནས་དེ་དག་གིས་ནོར་བཟང་ལ་བསྟན་པའི་རྒྱལ་བའི་སྲས་ཀྱི་ཀུན་ཏུ་སྤྱོད་པའི་ཏིང་ངེ་འཛིན་རྒྱུད་ལ་སྐྱེ་བར་སྨོན་ལམ་གདབ་པ། ཡང་དེ་ལས་ཁྱིམ་བདག་སེམས་དཔའ་ཆེན་པོ་ནན་ཞུགས་བྱ་བས་ནོར་བཟང་ལ་ལྷོ་ཕྱོགས་དཔལ་གྱི་ཆུ་རྒྱལ་ཆེན་པོའི་དབུས་ན་རི་མཆོག་གྲུ་འཛིན་གྱི་ཕོ་བྲང་དུ་བརྟན་པ་སྤྱན་རས་གཟིགས་དབང་ཕྱུག་གི་དྲུང་དུ་


ZP01_Page_024
[མ་དཔེ་གཟིགས་ན་འདིར་གནོན།]

སོང་ལ་རྒྱལ་སྲས་ཀྱི་སྤྱོད་པའི་ཆོས་ཞུས་ཞེས་ལུང་བསྟན་པའི་ཚིག་ཕྲད་སྨོན་ལམ་དུ་བསྒྱུར་བ། བྱང་ཆུབ་སེམས་དཔའི་སྤྱོད་པ་ལ་འཇུག་པའི་གཞུང་བཤད་ཀྱི་བརྒྱུད་པའི་གསོལ་འདེབས། བླ་མ་འཇའ་ལུས་རྡོ་རྗེའི་མཚན་དོན་གསོལ་འདེབས། བླ་མ་བཀའ་དྲིན་ཅན་འཇིགས་མེད་རྒྱལ་བའི་མྱུ་གུའི་གསོལ་འདེབས་སྨོན་ལམ་དང་བཅས་པ། ཡང་བླ་མ་ལ་གསོལ་བ་འདེབས་པ་སྐྱབས་གནས་བསླུ་མེད་ཅེས་པའི་དབུ་ཅན། རྒྱལ་སྲས་ཞི་བའི་ལྷ་དང་ཀཿཐོག་པ་དམ་གཙང་བྱམས་གསུམ་གྱི་གསོལ་འདེབས། འཕགས་པ་འཇམ་དཔལ་དབྱངས་ཀྱི་རྒྱུན་ཁྱེར་བསྡུས་པ། རྗེ་བཙུན་བླ་མ་བཀའ་བབས་བདུན་ལྡན་པདྨའི་རྒྱལ་ཚབ་འཇམ་དབྱངས་མཁྱེན་བརྩེའི་དབང་པོ་ལ་ཕུལ་བའི་བརྟན་བཞུགས་གསོལ་འདེབས་ཚན་པ་བདུན། རྗེ་བླ་མ་མཚམས་པ་རིན་པོ་ཆེའི་ཡང་སྲིད་ཀྱི་བརྟན་བཞུགས་གསོལ་འདེབས། ཤར་ཛམ་ཐང་གི་གཙང་བ་དགེ་བཤེས་ཀྱི་ཞབས་བརྟན། ཞབས་དཀར་ཚོགས་དྲུག་རང་གྲོལ་གྱི་ཡང་སྲིད་མྱུར་འབྱོན་གསོལ་འདེབས། དཔལ་སྤུངས་ཟླ་བཟང་སྤྲུལ་སྐུའི་ཡང་སྲིད་མྱུར་འབྱོན། སྒྲོལ་མའི་མཎྜལ་བཞི་ཆོག་མདོར་བསྡུས་གཏོང་ཚུལ།


ZP01_Page_025
[མ་དཔེ་གཟིགས་ན་འདིར་གནོན།]

སྤུང་གཏོར་ཆ་བཞིའི་ཆོ་ག་བསྡུས་པ། གསུར་མཆོད་བདུད་རྩིའི་ཆར་འབེབས། དེ་ལས་སྙིང་རྗེའི་མགྲོན་དམིགས་བསལ་ལ་བསྔོ་བའི་ཁོལ་བཏོན་ལེ་ཚན། བློ་སྦྱོང་ལུགས་ཀྱི་ལུས་སྦྱིན་ཚོགས་གཉིས་ཟུང་འཇུག །བདེ་མཆོག་བཀའ་བསྲུང་དུར་ཁྲོད་བདག་པོའི་བསང་མཆོད། གནོད་སྦྱིན་ཙིའུ་དམར་པོའི་བསང་མཆོད་བྱ་ཚུལ། ཆོས་སྐྱོང་གི་འཁུ་ལྡོག་ཞི་བ་ཟ་དུའི་ཕྲིན་བཅོལ། མཐུ་ལྡན་དྲེག་པའི་ཚོགས་ལ་ཞི་རྒྱས་ཀྱི་ཕྲིན་ལས་བཅོལ་བ་བཀྲ་ཤིས་དགེ་ལེགས་ཀུན་འབྱུང་། དྲག་པོ་མངོན་སྤྱོད་ཀྱི་ཕྲིན་ལས་བཅོལ་བ་དམོད་ངན་དུག་གི་མེ་ཏོག །ཚེ་རབ་ཀུན་ཏུ་མཆོག་གསུམ་དང་མི་འབྲལ་ཞིང་མདོ་སྔགས་ལམ་གྱི་རིམ་པ་ཡོངས་རྫོགས་ལ་སློབ་པའི་སྨོན་ལམ། ན་མོ་གུ་རུ་བསྐལ་མང་གོང་ནས་སོགས། ཀུན་མཁྱེན་ཡབ་སྲས་ཀྱི་བསྟན་པ་ལ་ཐོས་བསམ་བཤད་བསྒྲུབ་ཀྱི་བྱ་བས་མི་ནུབ་པར་འཛིན་པའི་བསྟན་རྒྱས་སྨོན་ལམ། ཐུབ་བསྟན་མཛེས་པའི་རྒྱན་གཅིག་སོགས་སོ། ལྔ་པ་སྐལ་བཟང་སློབ་མའི་ཚོགས་ལ་རང་སྐལ་དང་མཚམས་པར་གདམས་པའི་མན་ངག་ཞལ་གདམས་སྣ་ཚོགས་ཀྱི་སྐོར་ལ། ཐོག་མར་དགེ་བ་


ZP01_Page_026
[མ་དཔེ་གཟིགས་ན་འདིར་གནོན།]

ངེས་འབྱུང་ཆོས་ལ་བསྐུལ་བའི་གཏམ་གྱིས་ཡང་དག་པའི་ཆོས་ལ་བློ་འདུན་པར་གདམས་ཏེ། བར་དུ་དགེ་བ་ལྟ་སྒོམ་གཏན་ལ་དབབ་པའི་གཏམ་གྱིས་སྣང་སྤྱོད་ཐམས་ཅད་ལྷ་མཆོག་ཐུགས་རྗེ་ཆེན་པོའི་རང་བཞིན་དུ་ཤེས་ཤིང་བསྒོམ་ལ་ཆོས་ཀྱི་སྙིང་པོ་ཡི་གེ་དྲུག་མ་བགྲང་བར་གདམས་ནས། ཐ་མར་དགེ་བ་སྙིགས་མའི་སྤྱོད་ཚུལ་ལ་སྐྱོ་བའི་གཏམ་གྱིས་བསླུ་བྲིད་འཁྲུལ་བའི་བདུད་དབང་དུ་མི་བཏང་བར་ལྷ་ཆོས་མཐར་ཕྱིན་པར་ཚུལ་བྱེད་ཚུལ་གདམས་པའི་མན་ངག་ཐོག་ཐ་བར་དུ་དགེ་བའི་གཏམ་ལྟ་སྒོམ་སྤྱོད་གསུམ་ཉམས་ལེན་དམ་པའི་སྙིང་ནོར་ཞེས་བྱ་བ། རང་གི་བློ་གྲོས་ཀྱིས་རང་ལ་གདམས་པའི་བརྡར་བརྟགས་པ་བྱར་མེད་རྫོགས་ཆེན་གྱི་ངང་སྒོམ་ཉལ་ཆོག་གི་གདམས་པ་གླང་ཉལ་མ། འདི་སྣང་ཚུལ་འཆོས་སོགས་སྙིང་པོ་མེད་པའི་ཆོས་དང་ཆོས་འདྲའི་ཤན་འབྱེད་ལ་གདམས་པ། གང་ཞིག་འཁོར་བར་སོགས། རང་ལ་གྲོས་འདེབས་ཀྱི་རྣམ་པས་བརྗེད་མི་ཉན་པ་གསུམ་སོགས་གསུམ་ཉེར་གཅིག་གི་གདམས་པ་ཆིག་བརྒྱུད་མན་ངག་གི་ཡི་གེ་རིན་པོ་ཆེའི་མཛོད་ཅེས་བྱ་བ། ངེས་འབྱུང་བྱང་སེམས་ཡང་དག་པའི་ལྟ་བ་སོགས་ཆོས་ཀྱི་ལུས་ཚང་བར་ཉམས་སུ་ལེན་ཚུལ་ཀུན་བཟང་ཆོས་རྒྱལ་ལ་གདམས་


ZP01_Page_027
[མ་དཔེ་གཟིགས་ན་འདིར་གནོན།]

པ། ཐོས་བསམ་སྒོམ་གསུམ་ཡུལ་དང་བཅས་པའི་རིམ་པ་མ་ནོར་བར་སློབ་ཚུལ་ལྷུན་གྲུབ་རྡོ་རྗེ་ལ་གདམས་པ། སྐྱབས་སེམས་ཀྱི་རྟེན་གཞི་མ་འཆོལ་པར་ངེས་འབྱུང་སོགས་ལ་སློབ་ཚུལ་གདམས་པ། བཀའ་དྲིན་མཚུངས་པ་མེད་པའི་སོགས། ས་གཡོས་ཀྱིས་དགོན་སྡེ་སོགས་ཐལ་བར་བཏང་བའི་མི་རྟག་པ་མངོན་གྱུར་གྱིས་དཔེར་མཚོན་ནས་འདུ་འཛི་སྤང་ལ་དབེན་པ་བསྟེན། འདི་སྣང་སྤང་ལ་ལྷ་ཆོས་བསྒྲུབ་དགོས་པར་བླ་མ་སངས་རྒྱས་ཚེ་རིང་ལ་གདམས་པ། ཡུལ་སྣང་དཔེ་རུ་མཚོན་ནས་ཆོས་ལ་བསྐུལ་བའི་གདམས་པ། ན་མོ་གུ་རུ་སྐྱེ་མེད་ཆོས་སྐུའི་སོགས། ཕྱི་ནང་གི་དབེན་པ་ལམ་བྲལ་བར་བསྟེན་ཚུལ་སོགས་འཇའ་བ་མདོ་སྔགས་ལ་གདམས་པ། འདུ་འཛི་སྤང་ནས་དབེན་པར་བསྐུལ་བའི་གདམས་པ། འཇིག་རྟེན་འཁྲུལ་སྣང་སོགས། དུས་མཐའི་སྙིགས་སྤྱོད་ལ་དཔྱད་དེ་སྤོང་བར་གདམས་པ། །མཚུངས་མེད་བླ་མ་སོགས། །འདི་སྣང་ཆོས་བརྒྱད་ཀྱི་ཕྱོགས་སྤང་ནས་ཉིད་ཀྱི་རྣམ་ཐར་ལྟར་སློབ་པར་གདམས་པ། །བླ་མའི་ཞབས་ལ་སོགས་སློབ་མ་རྡོ་དེད་མ་ཞེས་བྱ་བ། སྨྲར་ཁོག་ནས་རྡོ་ཁོག་ཏུ་ཕེབ་ཁར་


ZP01_Page_028
[མ་དཔེ་གཟིགས་ན་འདིར་གནོན།]

གསུངས་པའི་ཡུལ་ཤེས་ཀྱི་ཞེན་འབྲིལ་གཅོད་པར་གདམས་པ། སྣང་བ་སྒྱུ་མའི་སོགས། མཚན་ལྡན་བླ་མ་ཚུལ་བཞིན་བསྟེན་ནས་གདམས་ངག་ཉན་ཚུལ་གདམས་པ། སྐྱབས་གསུམ་ཀུན་འདུས་སོགས། འདི་སྣང་གི་ཞེན་པ་སྤང་ནས་དོན་གཉིས་བསྒྲུབ་ཚུལ་གདམས་པ། ན་མོ་གུ་རུ། གང་ལ་བསྟེན་ན་སོགས། ལམ་མཆོག་ཚང་ལ་མ་ནོར་བ་མཛོད་ཆེན་བདུན་དང་ཤིང་རྟ་གསུམ་བཞིན་སློབ་པར་གདམས་པ། སྟོབས་བཅུ་མངའ་བ་སོགས། །ལམ་བཟང་སྡོམ་པ་གསུམ་གྱི་བསྟན་བཅོས་སོགས་ལ་འཆད་ཉན་གྱི་ཉིན་སྣང་འཆར་བའི་དུས་སུ་འཇུག་དགོས་པར་གདམས་པ། ངེས་འབྱུང་སོ་ཐར་སོགས། གྲོགས་ཀྱི་ཀུན་སྤྱོད་འགོ་བར་ཤེས་ནས་སྤང་བླང་ལ་གདམས་པ། གྲོགས་བཟང་པོའི་སོགས་བླ་མ་རིག་འཛིན་རྒྱ་མཚོ་ལ་གནང་བ། གཞོན་པའི་དུས་ནས་ཐོས་པ་བྱ་བ་སོགས་ལམ་ལ་འཇུག་ཚུལ་མ་འཆོལ་བར་གཞོན་ནུ་པདྨ་དཔལ་བཟང་ལ་གདམས་པ། །ན་མོ་མཉྫུ་ཤྲཱི་ཡེ་སོགས། བྱ་བ་མང་པོའི་བློ་སྣ་སྤང་སྟེ་དབེན་པར་རང་རྒྱུད་འདུལ་བ་ལ་གདམས་པ། བསྐལ་བཟང་ཐུབ་པ་སོགས། སྙིགས་དུས་གྱི་བསམ་སྤྱོད་གཡོ་རྒྱུས་གཞན་བསླུ་ཐབས་ཀྱི་བསམ་སྦྱོར་མེད་པར་


ZP01_Page_029
[མ་དཔེ་གཟིགས་ན་འདིར་གནོན།]

བློ་ཆེན་ངང་རིང་རྒྱལ་སྲས་ཀྱི་སྤྱོད་པ་ལ་སློབ་ཚུལ་སྡེ་དགེའི་ཆོས་བློན་ལ་གདམས་པ། སྐྱབས་གསུམ་རྒྱལ་བ་སོགས། །ཆོས་ལ་གྱ་ཚོམ་མིན་པ་སེམས་ལ་ངེས་པ་ཐོབ་ནས་རིམ་པར་འཇུག་ཚུལ་སོགས་ཐོས་ཆུང་རྣམས་ལ་གདམས་པ། ཤར་རྒྱལ་མོ་རོང་པ་སོགས། མཉམ་པ་གཉེན་དུ་སྡེབ་པའི་བག་སྟོན་ལ་ཕྱུག་ལུག་མི་གསོད་པར་གདམས་པ་འདྲེ་མོ་ལྟས་བརྒྱ་མ་བྱ་བ། ཇི་སྐད་དུ་སོགས། བསྒྲུབ་བརྩོན་གཅོད་པ་པདྨ་ཚེ་བརྟན་གྱིས་གསོལ་བའི་ཚོགས་གླུའི་ལན་གནང་བ། བརྟུལ་ཞུགས་རྣལ་འབྱོར་སོགས། ཚོགས་གླུ་སྔོན་གནས་རྗེས་དྲན་གྱི་ཚུལ་བརྡའ་ཙམ་བསྟན་པ། མཁའ་སྤྱོད་མངོན་དགའི་སོགས། རྟོགས་པའི་སྐྱིད་གླུ་ཆེད་དུ་བརྗོད་པ་ཉིན་བྱེད་སྣང་བ་སོགས། །རང་བཞིན་རྫོགས་པ་ཆེན་པོའི་དོན་ཉམས་སུ་ལེན་ཚུལ་གདམས་པ། བླ་མ་ལ་ཕྱག་འཚལ་ལོ། །བསམ་གྱིས་མི་ཁྱབ་སོགས། །བླ་མ་བསྟེན་ནས་ཆོས་ཀྱི་བདུད་རྩི་ཐོབ་སྟེ་རང་གནས་སུ་འགྲོ་བ་དོན་འགྲུབ་མགྲོན་པོའི་དཔེས་བསྔགས་ཤིང་དེའི་རྒྱུན་བསྐྱངས་ཏེ་གནས་པར་ཚ་ཁབ་འོད་གསལ་ལ་གདམས་པ། མཐོན་མཐིང་ཟུར་ཕུད་སོགས། སྙིགས་མའི་བསམ་སྦྱོར་སྨྲ་བ་ཕྱིན་ཅི་ལོག་ལ་སྐྱེ་བོ་ཕལ་ཆེར་གནས་པ་ལྡོག་ཕྱིར་


ZP01_Page_030
[མ་དཔེ་གཟིགས་ན་འདིར་གནོན།]

རྒྱལ་བ་སྲས་དང་བསྲུང་མར་བཅས་པའི་ཐུགས་རྗེ་གནད་ནས་བསྐུལ་ཏེ་གསོལ་བ་གདབ་པ་ལྟ་བུའི་ཟོལ་ཚིག་ཉམས་ལྡན་གྱི་གདམས་པ། ན་མོ་གུ་རུ་ལོ་ཀི་ཤྭ་ར་ཡ་སོགས་སོ། །དྲན་ཤེས་ཀྱི་གཉེན་པོས་ཉོན་མོངས་གྱི་རྟོག་པ་གདོང་བཟློག་བྱས་ཏེ་འདི་སྣང་ལ་ཞེན་པ་སྤང་ཞིང་ཕྱི་མའི་ལྷ་ཆོས་བསྒྲུབ་ནས་རྙེད་ཕྱིར་རྒྱུ་འགྲུལ་སོགས་སྤང་བ་ལྷ་པ་བློ་ལྡན་ཉི་མ་ལ་གདམས་པ་ཚིག་ལྷུབ་མ། གོ་འཇོ་བླ་མ་པདྨ་རྡོ་རྗེ་ལ་གདམས་པ་ཚིག་ལྷུབ་མཚན་གཉིས། ལམ་ཡོངས་རྫོགས་ཀྱི་གདམས་པ། རྒྱལ་བ་ཀུན་གྱི་ཡེ་ཤེས་གཅིག་བསྡུས་སོགས། དེ་ལྟ་བུའི་ཟབ་རྒྱས་ཆོས་ཀྱི་བདུད་རྩི་མི་ཟད་རིན་པོ་ཆེའི་གཏེར་བཞིན་འཇོ་བས་སྐལ་ལྡན་སྐྱེ་བོའི་རེ་བ་ཡོངས་སུ་བསྐོད་བར་མཛད་པ་བོ་ཉིད་ལ་བཀའ་དྲིན་རྗེས་སུ་དྲན་པའི་ཕྱག་འཚལ་བ་གསང་བ་གསུམ་གྱི་ཡོན་ཏན་ལ་བསྔགས་པ། རྗེ་བཙུན་བླ་མ་འཇམ་དབྱངས་མཁྱེན་བརྩེའི་དབང་པོའི་ཞལ་སྔ་ནས་རྩལ་བས་མཐའ་རྟེན་པར་བྱས་པའོ། །དེ་ལྟར་གླེགས་བམ་རྣམས་ཀྱི་བཞུགས་བྱང་སྨྲོས་ནས་ཕྱོགས་འདིར་འབྲེལ་བའི་རྣམ་དཀར་གྱི་བགྱི་བ་རྣམས་དོན་ཡོད་པར་བྱ་བའི་ཕྱིར་ཡོངས་སུ་བསྔོ་ཞིང་སྨོན་པའི་ཚིགས་སུ་བཅད་པ་ནི། སྒྲིབ་མེད་གཟིགས་མངའ་རྒྱལ་བ་མཆོག་དང་རྒྱལ་སྲས་རིག་པ་འཛིན་པའི་ཚོགས། །ཕྱོགས་བཅུ་ཀུན་ནས་ལྷམ་མེར་གསལ་བ་དྭངས་བའི་ཡིད་ཀྱིས་མངོན་བྱས་ཏེ། །མཁྱེན་བརྩེའི་རྒྱུས་བྱུང་དམ་

གསང་བ་བསམ་གྱིས་མི་ཁྱབ་པའི་མདོ་ལས་བསྟན་པའི་གསུང་དབྱངས་ཡན་ལག་དྲུག་ཅུའི་སྡོམ་ཚིག


ZP01_Page_033
[མ་དཔེ་གཟིགས་ན་འདིར་གནོན།]

གསང་བ་བསམ་གྱིས་མི་ཁྱབ་པའི་མདོ་ལས་བསྟན་པའི་གསུང་དབྱངས་ཡན་ལག་དྲུག་ཅུའི་སྡོམ་ཚིག་བཞུགས།


ZP01_Page_034
[མ་དཔེ་གཟིགས་ན་འདིར་གནོན།]

འདི་ཡི་འདྲེས་ལ་དམིགས་པ་རྣམ་པ་ལྔ། །མདོ་སྡོམ་གླེང་གཞི་ཇི་སྙེད་གཟུང་བསྟན་དམིགས། །འདི་ཡི་མ་འདྲེས་པ་ལ་དམིགས་པ་བདུན། །མིང་ཚིག་ཡི་གེ་བདག་མེད་གཟུགས་གཟུགས་མེད། །འདི་ཡི་ཡོངས་སུ་ཤེས་པ་རྣམ་པ་ལྔ། །གཞི་དོན་ཤེས་པ་འབྲས་བུ་དེ་རབ་རིག །འདི་ཡི་རྣམ་པ་སྒོམ་དང་ལྡན་པ་བཞི། །གང་ཟག་ཆོས་ལ་བདག་མེད་མཐོང་དང་ཤེས། །རྣམ་པ་སྒོམ་དང་ལྡན་པ་སུམ་ཅུ་བདུན། །མི་སྡུག་སྡུག་བསྔལ་མི་རྟག་བདག་མེད་སྒོམ། །འཐོབ་བརྟེན་གསལ་བ་གཉེན་པོའི་རྣམ་པ་བསྒོམ། །ཆོག་ཤེས་རྣམ་གཡེང་ཐེ་ཚོམ་རྒོད་ཞུམ་པའི། །གཉེན་པོ་སྒོམ་པ་སྡེ་ཚན་དང་པོ་གསུམ། །འཇིག་རྟེན་ལས་འདས་ཕུན་སུམ་ཚོགས་པ་ལ། །ཡིད་ཆེས་འབད་དང་མི་བརྗེད་སེམས་གནས་པ། །རྣམ་འབྱེད་དབང་པོ་ལྔ་དང་སྟོབས་ལྔའོ། །རྫོགས་པའི་བྱང་ཆུབ་རབ་ཏུ་སྣང་རྣམ་པ། །དེ་འབྱེད་སྤྲོ་དང་ཡིད་བདེ་ལས་སུ་རུང་། །སེམས་གནས་མཉམ་ཉིད་བྱང་ཆུབ་ཡན་ལག་བདུན། །ཐོབ་ངེས་ཡོངས་སུ་སྦྱོང་བའི་ས་ཤེས་པ། །གོ་འབྱེད་འཕགས་པ་དགྱེས་པའི་ཁྲིམས་ལ་ཞུགས། །ཡོ་བྱད་བསྙུང་ལྡན་སྔོན་ཐོབ་ལམ་གོམས་པ། །ཆོས་ལ་གནས་པའི་རྒྱུ་མཚན་མི་བརྗེད་ཅིང་།


ZP01_Page_035
[མ་དཔེ་གཟིགས་ན་འདིར་གནོན།]

མཚན་མ་མེད་སེམས་གནས་པ་གནས་གྱུར་བརྒྱད། །གནས་ངན་ལེན་སེལ་ལྟ་མཚན་སེལ་ཕན་ཡོན། །སྦྱོར་བའི་ཡིད་ལ་བྱེད་པ་རྣམ་པ་ལྔ། །ཏིང་ངེ་འཛིན་གྱི་སྤྱོད་ཡུལ་ལ་བརྟེན་ནས། །གྲངས་ལ་ཉེར་རྟོག་མིང་ཚིག་ཡི་གེའི་གྲངས། །གནས་པ་ཉེར་རྟོག་ཚད་ཡོད་ཚད་མེད་གནས། །ཀུན་རྟོག་ཉེར་རྟོག་གཉིས་བརྟེན་གཉིས་རྟོག་མིན། །རིམ་པ་ཉེར་རྟོག་མིང་སྔོན་དོན་རྗེས་འཇུག །རྟོགས་པའི་སྦྱོར་བ་རྣམ་པ་བཅུ་གཅིག་ནི། །གློ་བུར་ཉིད་རྟོགས་སྣང་བའི་རྒྱུ་མཚན་རྟོགས། །དོན་དང་དམིགས་པ་མི་དམིགས་ཆོས་དབྱིངས་རྟོགས། །བདག་མེད་གཉིས་རྟོགས་བསམ་པ་དམན་པ་དང་། །ཡངས་ཤིང་བདག་ཉིད་ཆེན་པོའི་བསམ་པ་རྟོགས། །ཇི་ལྟར་རྟོགས་ཐོབ་ཆོས་ཉིད་རྣམ་བཞག་དང་། །རྣམ་པར་བཞག་པའི་ཆོས་རབ་རྟོགས་པའོ། །ཉོན་ཤེས་སྒྲིབ་དག་ཡོན་ཏན་མངོན་སྒྲུབ་དག །དབང་བསྒྱུར་ཡིད་ལ་བྱེད་པ་གསུམ་ཡིན་ནོ། །གཉེན་འཇམ་ཡིད་འོང་ཡིད་མཐའ་དག་དྲི་མེད། །གསལ་ཞིང་སྙན་འཇེབས་མཉན་འོས་མི་ཚུགས་པ། །སྙན་དུལ་མི་རྩུབ་མི་རླང་རབ་ཏུ་དུལ། །རྣར་སྙན་ལུས་དང་སེམས་ཚིམས་སྙིང་དགའ་བྱེད། །དགའ་དང་བདེ་བ་བསྐྱེད་པར་བྱེད་པ་ཉིད། །ཡོངས་སུ་གདུང་མེད་ཀུན་ཏུ་ཤེས་བྱ་བ། །རྣམ་


ZP01_Page_036
[མ་དཔེ་གཟིགས་ན་འདིར་གནོན།]

པར་རེག་བྱ་རྣམ་གསལ་དགའ་བར་བྱེད། །མངོན་པར་དགའ་བར་བྱེད་ཅིང་ཀུན་ཤེས་བྱེད། །རྣམ་པར་རིག་བྱེད་རིག་དང་འབྲེལ་བར་ལྡན། །ཟློས་པའི་སྐྱོན་མེད་སེང་གེ་གླང་ཆེན་སྒྲ། །འབྲུག་སྒྲ་ཀླུ་དབང་དྲི་ཟའི་དབྱངས་སྙན་བཞིན། །ཀ་ལ་པིང་ཀ་ཚངས་པ་ཆེན་པོའི་དབྱངས། །ཤང་ཤང་ཏེའུ་ལྷ་དབང་དབྱངས་བཞིན་སྙན། །རྔ་ཡི་སྒྲ་འདྲ་མ་ཁེངས་མི་དམའི་སྒྲ། །ཐམས་ཅད་རྗེས་ཞུགས་ཚིག་ཟུར་ཆག་པ་མེད། །མཚངས་པ་མེད་མ་ཞུ་མ་མི་ཞན་པ། །རབ་ཏུ་དགའ་བར་བྱེད་ཅིང་ཁྱབ་པ་ཉིད། །ཐ་བ་བཅས་དོན་རྒྱུན་ཆགས་སྣ་ཚོགས་འབྲེལ། །སྒྲ་ཀུན་རྫོགས་བྱེད་དབང་པོ་ཐམས་ཅད་ཚིམ། །མ་སྨད་མི་འགྱུར་མ་རྟབས་འཁོར་འདས་གྲགས། །རྣམ་པ་ཐམས་ཅད་མཆོག་དང་ལྡན་པ་སྟེ། །བདེ་གཤེགས་གསུངས་དབྱངས་ཡན་ལག་དྲུག་ཅུ་ཉིད། །གསང་བ་བསམ་གྱིས་མི་ཁྱབ་མདོ་བཞིན་ནོ། །དགེའོ།། །།མངྒ་ལམ། །

གཞོན་ནུ་བློ་ལྡན་གྱི་དྲིས་ལན་ལེགས་བཤད་བློ་གྲོས་སྙིང་པོ།


ZP01_Page_037
[མ་དཔེ་གཟིགས་ན་འདིར་གནོན།]

གཞོན་ནུ་བློ་ལྡན་གྱི་དྲིས་ལན་ལེགས་བཤད་བློ་གྲོས་སྙིང་པོ་ཞེས་བྱ་བ་བཞུགས་སོ། །


ZP01_Page_038
[མ་དཔེ་གཟིགས་ན་འདིར་གནོན།]

བླ་མ་དཀོན་མཆོག་གསུམ་ལ་ཕྱག་འཚལ་ལོ། །བདག་གཞན་སེམས་ཅན་ཐམས་ཅད་ཀྱི་རྒྱུད་བྱིན་གྱིས་བརླབ་དུ་གསོལ། །དེ་ལ་འཇིག་རྟེན་ལུགས་ཀྱི་ཁ་ཏ་རྒན་པོའི་བདེན་གཏམས་ཞེས་བྱ་བ་ནི། སྔོན་མདོ་སྨད་ས་ཡི་ཐིག་ལེ་ཁྲ་མོ་གླིང་དཀར་སྟོད་ཀྱི་ས་ཆ་འདིར། ཁྱིམ་བདག་ཞིག་ལ་བུ་བློ་རྣོ་ཞིང་གཤིས་བཟང་བ་ཡ་རབ་ཀྱི་རྟགས་ཐམས་ཅད་ཚང་བ་གཞོན་ནུ་བློ་ལྡན་ཟེར་བ་ཞིག་ཡོད་པ་དེའི་ཕ་ཆུང་ངུའི་དུས་ནས་ཤི་བས་ཁ་ཏ་བསླབ་མཁན་གཅིག་ཀྱང་མེད་པས། ཡུལ་དེའི་གྲོགས་ངན་འགའ་རེའི་ཁ་ལ་བརྒྱུག་ཏེ། རྫུན་རྐུས་སོགས་མ་རབ་ཀྱི་སྤྱོད་པ་ལ་ཕྱོགས་པའི་ཚེ། ཉིན་གཅིག་ལམ་ཀ་ཞིག་ན་རྒན་པོ་སྐྲ་དང་སྨྲ་


ZP01_Page_039
[མ་དཔེ་གཟིགས་ན་འདིར་གནོན།]

ར་དཀར་པོ་མགོ་དཀར་པོ་ལུག་གུའི་ཚར་ཆུང་འདྲ་བ་ཞིག་གི་ལ་གནད་བྱུག་བརྟེན་རིང་པོ་ཞིག་ཐོགས་ནས་གོམ་པ་འདར་ལྡེམ་ལྡེམ་འོང་མཁན་ཞིག་དང་འཕྲད་དེ། དེར་གཞོན་ནུའི་མཛུམ་རྒོད་ཞིག་བྱས་ནས་ཚིག་འདི་སྐད་སྨྲས་སོ། །ཧ་ཧ། མགོ་ལ་ཚར་དཀར་མ་གྱོན་རུང་། དགུན་འཁྱག་པ་མོ་འདི་ན་མེད། ལྕང་དཀར་དབྱུག་པ་མ་བཟུང་ཀྱང་། །སྒོ་ཁྱི་བཙན་པོ་འདི་ན་མེད། ལྡེམ་ལྡེམ་གོམ་པ་མ་སྤོས་ན། བྲོ་གར་འགྲན་ཡ་འདི་ན་མེད། རྒན་པོ་ས་ཆ་གང་གི་ཡིན། ད་ནང་གང་ནས་འོང་ནི་ཡིན། དོ་དགོང་གང་དུ་འགྲོ་ནི་ཡིན། ཅེས་སྨྲས་སོ། །རྒན་པོས་མིག་ཞིག་འཕུར་ནས་ཚུར་གཅིག་བལྟས་


ZP01_Page_040
[མ་དཔེ་གཟིགས་ན་འདིར་གནོན།]

ཏེ། ཨ་ཧོ། གྱོན་པ་ཡག་པོར་དགའ་ལུགས་ལ། །ལོ་ཆུང་ཅོར་མགོ་ཅན་ཞིག་འདྲ། །ཁ་བརྒྱག་རྩོམ་ལ་མཁས་ལུགས་ལ། །མ་རབ་བློ་རིག་ཅན་ཞིག་འདྲ། །མགོ་དཀར་རྒན་པོ་འཕྱ་ལུགས་ལ། །ཕ་མེད་གྲོགས་ངན་ཅན་ཞིག་འདྲ། །རྒས་པ་རྡོ་རྗེའི་བྲག་ལ་ཡོད། །བྲ་རྒས་དམར་ཡག་སྟག་ལ་ཡོད། །བཟང་ངན་ཕ་གཅིག་སྤུན་ལ་ཡོད། །གཞོན་ནུ་ཤ་རྒྱས་ཁྲག་རྒྱས་དུས། །ཁྱོད་ལས་ཡག་ཞིག་ང་ཡང་ཡིན། །ཁ་མིག་དབང་པོ་གསལ་བའི་དུས། །ཁྱོད་ལས་མཁས་ཞིག་ང་ཡང་ཡིན། །རང་ཡུལ་ཕ་ཁྱིམ་ཡོད་པའི་དུས། །ཁྱོད་ལས་དྲག་ཞིག་ང་ཡང་ཡིན། །ང་ས་ཆ་མདོ་ཁམས་སྒང་གི་ཡིན། །ད་ནང་འཁོར་བའི་གནས་ནས་འོང་། །དོ་དགོང་ཐར་པའི་གླིང་དུ་འགྲོ། ཟེར་བ་ལ། གཞོན་ནུས་འདིའི་བཤད་ལུགས་ལ་བལྟས་ན་མཁས་པ་ཞིག་རེད་སྙམས་ནས། ཀྱཻ། རྒན་པོ་དར་གཅིག་སྡོད་ལ་གཏམ་ཞིག་ཤོད་དང་ཟེར་བ་ལ། རྒན་པོས་གཏམ་ཅི་ཞིག་སྨྲ། ཆོས་ཀྱི་གཏམ་ནི་ངས་མི་ཤེས། འཇིག་རྟེན་གྱི་གཏམ་ནི་ཁྱོས་མི་ཉན། དེ་བས་རྒན་པོ་འགྲོ་དང་བཟང་། ཟེར་བ་ལ། གཞོན་ནུས། ཁྱོད་ཀྱིས་གཏམ་གང་བཤད་ཀྱང་ངས་ཉན་ཟེར་བ་ལ། རྒན་པོ་བསྡད་ནས། ཡ་ད་ཆོས་འཇིག་རྟེན་གི་གཏམ་མང་པོ་ངས་ཀྱང་མི་ཤེས། ཤེས་རུང་དེང་སང་སྙིགས་མའི་སྐྱེ་བོ་ཐམས་ཅད་མ་རབ་སྡིག་སྤྱོད་ཅན་གྱི་རྗེས་སུ་ཞུགས། །རང་འདོད་གཡོ་སྒྱུ་ཁོ་ནས་གཞན་ལ་གནོད་པ་བྱེད། བཟང་པོ་


ZP01_Page_041
[མ་དཔེ་གཟིགས་ན་འདིར་གནོན།]

ལས་ངན་པ་འགྲིམ་དུས། དྲང་པོ་ལས་ཁྲེལ་མེད་རྒྱལ་དུས། དྲིན་ཅན་ལས་གསར་འགྲོགས་བསྔམ་དུས། སྟེང་དཔོན་གི་ཁྲིམ་འཁྱུགས། འོག་འབངས་ཀྱི་བྱ་སྤྱོད་འཁྱུགས། དགེ་སྡིག་གི་བླང་དོར་འཁྱུགས། ལེགས་ཉེས་ཀྱི་གོ་ས་འཁྱུགས། ཚེ་ཕྱི་མ་ཕར་ཞོག །ཚེ་འདིའི་ཕྱི་འདེང་ཙམ་ཡང་མེད་པར་ཁྲེལ་མེད་བློ་མེད་གང་ཐུབ་དེ་ཕོ་རྒོད་པོར་བརྩི་ཞིང་། ལེགས་བཤད་ཡ་རབ་ཀྱི་སྲོལ་འཛིན་ནི་དང་བཤད་ནི་ཕར་ཞོག །གལ་ཏེ་བློ་འདྲི་གྲོས་མཐུན་རེ་བྱེད་ནི་ཞིག་ཡོད་ཀྱང་ངན་པར་བརྩི་བ་ཙམ་ལས་མྱི་ལུགས་བསླབ་རྒྱུ་ཡོད་པ་ཙམ་ཡང་གོ་མ་མྱོང་། དུས་ངན་འདིར། ང་འདྲའི་བཤད་པ་ལ་དགོས་མེད་རུང་། ཁ་མི་མང་ཁ་མེད་རོག་གིས་དྲིས་ནི། ཝ་མི་བརྒྱལ་ཁག་མེད་འདྲེས་འགྲམ་ལྕགས། ཁྱི་མི་ཟུག་ཁག་མེད་རྐུན་མས་ནག་འབུར་ཟེར་བའི་དཔེ་ལྟར། ཁྱོས་དྲི་དུས་ངས་བཤད་དགོས་ཏེ། དྲིས་ན་བཤད་དགོས། བསླབ་ན་རྩོབ་དགོས། ཟེར་རྒྱུ་བོ་ཡིན་པས། མདོ་ཙམ་ཞིག་བཤད་ན། དམ་པའི་ཆོས་ལུགས་ཟེར་རྒྱུ་བོ་དེ། དང་པོ་སུས་སྟོན་ན་བླ་མ་དགེ་བའི་བཤེས་གཉེན་ཞིག་གིས་སྟོན་ལ། ཕུག་རྒྱལ་བའི་བཀའ་ལ་གཏུག་དགོས། བར་དུ་སོར་བྱང་སྔགས་གསུམ་གྱི་རྩ་བ་ངེས་འབྱུང་བྱང་སེམས་


ZP01_Page_042
[མ་དཔེ་གཟིགས་ན་འདིར་གནོན།]

ཡང་དག་པའི་ལྟ་སྒོམ་རྣམས། གང་ཟག་དབང་པོ་རབ་འབྲིང་ཐ་མ་གསུམ་གྱི་རང་རང་གི་ས་ཚོད་ལྟར་ཉམས་སུ་ལེན་དགོས། །མཐར་རང་རྒྱུད་ཉོན་མོངས་ཀྱི་རྩ་བ་ཆོད་ན་སངས་རྒྱས་ཐབས་ཐམས་ཅད་དེར་འདུས་ཡོད། ད་འཇིག་རྟེན་མྱི་ལུགས་ཟེར་རྒྱུ་བོ་དེ། དང་པོ་སུས་སྟོན་ན། ཕ་མ་རྒན་རབ་རྣམས་ཀྱིས་སྟོན་ལ། ཕུག་སྔོན་བྱོན་དམ་པ་རྒྱལ་བློན་བྱང་སེམས་རྣམས་ཀྱི་བསྟན་བཅོས་ལ་གཏུག་དགོས། བར་དུ་རྒྱལ་བློན་འབངས་གསུམ། །མཐོ་དམན་ཕྱུག་དབུལ་ཐམས་ཅད་རང་གི་ས་ཚོད་ལྟར། གོང་མ་བཀུར་ལུགས་འོག་མ་སྐྱོང་ལུགས། མཉམ་པོར་འགྲོགས་ལུགས་ཐམས་ཅད་རང་ཚོད་དང་མཐུན་པར་ཉམས་སུ་ལེན་དགོས། མཐར་ཚེ་འདིར་བདེ་ཞིང་སྐྱིད་ལ་ཕྱི་མའི་ལམ་སྣ་རེ་ཟིན་ཐབས་ཡོད་ན་ཐམས་ཅད་དེར་འདུས་ཡོད་ཨེ་གོ །ད་ཆོས་ལུགས་ལ་བཀའ་བསྟན་བཅོས། ལུང་མན་ངག་ཐམས་ཅད་ཡོད་པས། ངས་ཤེས་མི་ཤེས་བྱེད་མི་དགོས། མྱི་ལུགས་མདོ་ཙམ་ཞིག་བཤད་ན། དང་པོ་གོང་མ་བཀུར་ལུགས་ལ། མཐོ་དམན་བཟང་ངན་ཐམས་ཅད་ཀྱི་ས་འདི་ཕྱི་གཉིས་ཀའི་རེ་ས་བླ་མ་དཀོན་མཆོག་གསུམ་མི་མེད་པས། སྐུ་གཟུགས་གླེགས་བམ་ས་ཚྭ་མཆོད་རྟེན་ལ་


ZP01_Page_043
[མ་དཔེ་གཟིགས་ན་འདིར་གནོན།]

སོགས་སྐུ་གསུང་ཐུགས་རྟེན་སོ་རྙིང་བཟང་ངན་གང་ཡིན་རུང་དད་པ་རྩེ་གཅིག་གིས། ཞེ་ས་དང་བཀུར་སྟི་བྱེད། ཕྱག་དང་སྐོར་བ་ལ་སོགས་བྱེད་དགོས། ཁྱད་པར་བླ་མ་སེར་མོ་ལ་ངན་སྨྲས་ལོག་ལྟ་སྐྱོན་བརྗོད་བརྙས་འཕྱ་བྱེད་མི་ཉན་ཏེ། ཤི་ན་རྣམ་ཤེས་གཏམས། གསོན་ན་སྐྱབས་འཇུག་ཞུས། ཡོད་ན་མཆོད་ས། མེད་ན་ཞུ་ས་ཡིན་ཏེ། ཡུལ་དཀོན་མཆོག་གསུམ་པོ་ལས་གཉན་ཞིག་སྲིད་པ་འདི་ན་མེད་པས་ཡར་དད་གུས་ཚོགས་བསགས་རེ་བྱེད་རྒྱུ་མ་གཏོགས། མར་ངན་སྨྲས་གནོད་པ་རེ་བྱས་རུང་། འབྲས་བུ་བསམ་གྱིས་མི་ཁྱབ་པ་ཡོད་པས། ཁོང་རྣམ་པ་བཟང་ངན་གང་ཡིན་འུ་ཚོས་དཔྱད་མི་ཤེས། རང་གི་མཐོང་སྣང་མ་དག་པ་རེ་ཡོད་ཀྱང་། དག་སྣང་དང་དད་གུས་བྱེད་དགོས། རང་གིས་རང་ལ་ར་ཀམ་འཇུག་དང་། གཞན་ངན་རུང་རང་ལ་མི་གནོད། ལར་སྐྱ་སེར་བུད་མེད་མཐོ་དམན་སུ་ཡིན་རུང་། གཞན་སྐྱོན་ཞིག་བཙལ་ནས་འདུག་རྒྱུ་དེའི་ཐུ་བའི་སྐྱོན་ཞིག་ཆོས་འཇིག་རྟེན་གཉིས་ཀའི་ལུགས་ན་མེད། གཞན་སྐྱོན་མ་ཡིན་རང་སྐྱོན་ཡིན། མེ་ལོང་ངོས་ལ་གཟུགས་ཤར་འདྲ། བཤད་པ་དེའང་ཅུང་ཟད་ཅུང་ཟད་བསམ་ཤེས་ཞིག་མིན་ན། བཤད་དུས་ཉན་ཉན་འདྲ་ཡང་། ཁོང་ན་སྙིང་ཁྲེལ་རེ་ཡོད་ན་འཇིག་རྟེན་པའི་ལུགས་


ZP01_Page_044
[མ་དཔེ་གཟིགས་ན་འདིར་གནོན།]

ལ། ཁ་ཚུར་འཁོར་གྱི་ག་ལི། ཕར་འཁོར་གྱི་རོག་ལི་ཞིག་རེད་སྙམ་པའོ། །དེའི་ཕྱིར་ན་གཞན་སྐྱོན་མ་བརྟགས། རང་གི་སྐྱོན་ལ་རྟོགས། །གཞན་མཚང་མ་འབྲུ། རང་གི་མཚང་ནས་བྲུས་གསུངས་པས། གང་གི་དཔོན་པོ་བློན་པོ་གཙོ་བོ་ཡུལ་མི་རྒན་རབ། ཕ་མ་ཆེ་རྒན་གྲྭ་རོག་གྲོགས་མཆེད་ཐམས་ཅད་ལ་ཞེས་བཀུར་སྟི་ཆེ་བཀྱགས་སྟན་བཏིང་ཕར་སྐྱེལ་ཚུར་བསུ་སོགས་བྱས་ནས་དད་དད་གུས་གུས་དང་། རང་དམའ་དམའ་ཞུམ་ཞུམ་བྱེད་དགོས། དེང་སང་འགའ་རེ་ཚོས། ཁོང་ཚོ་མཐོན་པོ་དང་ཕྱུག་པོ་མཁས་པ་དང་མྱི་རབ་ཡིན་སྙམས་ནས། གཞན་ཐམས་ཅད་བརྙས་བརྙས་ཞིག་བྱེད་འདུག་པ་དེ་རང་མཚང་ཕྱིར་བུད་ནི་རེད། ཡོན་ཏན་མེད་པ་ང་རྒྱལ་ཆེ། སྙི་མ་སྟོང་པ་མགོ་འཕང་མཐོ། ཟེར་བའི་དཔེ་རེད། བཙན་ཕྱུག་འཕན་གསུམ་འཛོམ་ནི་ཞིག་ལ་ཆོས་རྒྱལ་སྲོང་བཙན་སྒམ་པོ་དང་། རྒྱལ་པོ་ཁྲི་སྲོང་ལྡེའུ་བཙན་ཚོའི་ལྷག་ཞིག་དེང་སང་ཨོས་ཡོད་དེ། དེས་ཀྱང་སྤྲང་པོའི་ཚུལ་གྱི་རྣལ་འབྱོར་པ་ལ་ཕྱག་དང་བཀུར་སྟི་བྱེད་ཅིང་གཞན་ལ་ཡང་མི་ཆོས་གཙང་མ་བཅུ་དྲུག་གི་ཁྲིམས་བཞག་ཞིག་ཡོད་མ་གཏོགས་རང་འགྱིང་བྱེད་ཀི་མ་བསྡད་ཞིག །དེས་ན་འོག་མ་རྣམས་གྱིས་ཁ་མིག་ཡར་ལྟོས། སྔར་དཔེ་ཕྱི་འཇོག་བྱེད་དགོས།


ZP01_Page_045
[མ་དཔེ་གཟིགས་ན་འདིར་གནོན།]

གང་བཟང་ཡ་རབ་དེ་རྒྱུད་འཇམ་དུ་བས་སེ་སེམས་དྲང་ཤད་དེ། ཁོག་ཡངས་ཁྲོལ་ལེ་ཡོད་ནི་ཞིག་ཡིན་དགོས། དེ་བཞིན་དུ་འོག་མ་རྒྱུ་མེད་སྤྲང་པོ་ཁས་དམན་ཉམ་ཆུང་རྣམས་ལ་བརྙས་ཕྱ་དམན་སྡང་མི་བྱེད་པར། ཟས་གོས་སོགས་ཀྱི་ཕན་ཐོག་དང་། ཁ་འཇམ་ཁོག་དྲང་བྱེད་དགོས། ཁས་དམན་ལ་གྱོད་བ་སྡིག་བརྡུང་བ་ཙོག་སོགས་བྱེད་ནས་དཔའ་དཔའ་ཞིག་ཡིན་མདོག་དེ། ལག་པའི་ཐོག་ལ་གྲི་ངན་རྣོ། ཁས་དམན་ཐོག་ལ་སྤྲོ་ཐུང་མང་། སྤྲང་པོའི་ཐོག་ལ་ཁྱི་ངན་བཙན། ཟེར་རྒྱུ་དེ་རེད། ལར་མཐོ་འདོད་ན་དམན་ས་འཛིན་དགོས། རྒྱལ་འདོད་ན་ཕམ་ཁ་ལེན་དགོས། ཟེར་དཔེ། ལར་འུ་ཚོས་རྒྱུ་འབྱོར་བ། ཐོབ་མངའ་ཐང་སོགས་ཅུང་ཟད་རེ་མཐོང་ན། ཁ་ལག་པས་བཀབ་ནས། ཧ་ལས་འགྲོ་ཁ་དང་། དམན་སྤྲང་པོ་སྡུག་པོ་ངན་པ་སོགས་མཐོང་ན་མར་ཞབས་སུ་བཅད་དེ། ཁོས་མགོ་མཐོ་མཐོ་བྱེད་ཅིང་ཅུང་ཟད་རེའི་མཚར་འགྲོ་རྒྱུ་དེ་མཐོ་དམན་སྐྱིད་སྡུག་མང་པོ་གོ་མཐོང་མ་མྱོང་བའི་རྟགས་ཡིན། མཐོ་དམན་བཟང་ངན་གཞན་སུ་རིག་རུང་། སྐྱིད་སྡུག་མཐོ་དམན་ཡོདརནག་ལ་ཡོད་ཀྱང་། ཧ་ཅང་མཐོ་ཡང་རྒྱག་དམའ་ཡང་བརྙས་པ་མི་ཉན། མཐོ་དམན་སྐྱིད་སྡུག་ཕྱུག་དབུལ་ཐམས་ཅད་པོ་ཚེ་གཅིག་


ZP01_Page_046
[མ་དཔེ་གཟིགས་ན་འདིར་གནོན།]

ལ་རྟག་འདུག་རྒྱུ་བོ་དཀོན་ཏེ། མཐུན་པ་ཡུན་དུ་འགྲིགས་པ་དཀོན། ཕྱུགས་པོ་ཚེ་གཅིག་སྐྱིད་པ་དཀོན། མཁས་པ་ཉེས་མ་མྱོང་བ་དཀོན། ཟེར་རྒྱུ་པོ་རེད། དེ་བཞིན་དུ་གྲོགས་དགའ་མཐུན་ཡུལ་མི་ཁྱིམ་ཚེས་ཐམས་ཅད་རྫུན་གཡོ་སྒྱུ། རྐུས་མཁའ་གཡེན། ཁྲེལ་བློ་མེད། ངན་བླ་བཙག་མེད་པར་ཕན་ཅི་ཐོགས་དང་། བྱ་སྤྱོད་ཅུང་ཟད་རེས་དགའ་སྡུག་མི་བྱ་བར་བཟང་ཤོད་ངན་ཤོད་སྐྱིད་སྡུག་ཁྱེག་རེ་དགོས། གྲོགས་དང་བྱ་སྤྱོད་གང་ཡང་དྲན་རྒྱུ་མི་མང་བར་བློ་སྣ་གཅིག་གི་ཐོག་ཏུ་འདུག་དགོས། སུ་ལའང་ཁྲེལ་ངོ་ཚ་མི་འབོར་བར་གྲོས་མཐུན་ཏུ་འགྲོགས་དགོས། རང་ས་མྱི་བཞག །མྱི་ས་རང་བཞག་ནས་དཔྱད་རྒྱུ་བོ་གལ་ཆེ། ལར་སུ་ཡིན་རུང་སྐྱོན་གོ་དགོས། གཞན་སྐྱོན་ཚོལ་བའི་ཐུར་མ་རྣོ་རུང་། རང་སྐྱོན་བལྟ་བའི་མེ་ལོང་ཡོད་ནི་ཤིན་ཏུ་དཀོན། རང་གི་རང་མ་བརྟགས་ན། རོག་གིས་བཤད་ནི་མེད། ངོ་རིག་དུས་ངོ་བསྟོད་བརྒྱ་བཤད་རུང་། ཕར་འཁོར་དུས་ངན་བཤད་བླ་བཙག་ལས་མེད། གལ་ཏེ་བསམ་བཟང་རེས་སྐྱོན་དངོས་སུ་བཤད་ནི་ཡོད་ཀྱང་བཤད་པས་གོ་ནི་ཡང་མེད་དེ། གནོད་ཅན་ཁྲོ། རྒྱབ་བཅད་འཕགས་ཟེར་བ་ལྟར་འཁོན་དུ་འཛིན་ཡོང་། དེང་སང་ཀུན་གྱིས་རང་བཟང་ཆགས་བྱེད་ནི་ཤ་


ZP01_Page_047
[མ་དཔེ་གཟིགས་ན་འདིར་གནོན།]

སྟག་རེད། བཟང་གོབ་ཆོད་ནི་རེ་དཀའ། མཁས་པའི་གཞུང་ལུགས་ལ་སུས་དཔྱོད་ན་དེས་བཟང་གོབ་ཆོད་རྟགས་ཡིན། དོན་རང་གཤིས་བརྟགས་ནས་རང་རྒྱུད་བཅོས་བ་གལ་ཆེ། །ཞེས་ཟེར་རོ། །གཞོན་ནུ་བློ་ལྡན་གྱིས། དེ་ལྟར་མཐོ་དམན་བར་གསུམ་སུ་ལ་རང་གིས་ཡིན་ལུགས་བཤད་ཀྱང་། དེང་སང་དཔོན་འགའ་རེ་ཚོལ་ཚེ་གཅིག་ཏུ་ཁྲལ་འགྲོ་འདུག་གི་ཞབས་ཞུ་བསྒྲུབ་རུང་། ཅུང་ཟད་ཙམ་རེས་རྒྱུ་ཟས་སྲོག་ཀྱང་བརླག་པ་དང་། དེ་བཞིན་དུ་དམན་སྤྲང་པོ་གཉེན་ཉེ་མཛའ་ཚོའི་ནང་ནའང་ཕར་ལ་བུ་བཞིན་སྐྱོང་ན། ཚུར་ལ་རྒྱུ་ཟོག་ཆུང་མ་སོགས་རྐུ་འཕྲོག་པ་རྡོས་བཅད་སོགས་དགྲ་བཞིན་དུ་གནོད་སྐྱེལ་ནི་ཡང་ཡོད་པས་དེ་དག་ལ་ཅི་དགོས་བཤད་དུ་གསོལ་ཟེར་བ་ལ། རྒན་པོས་འོ་བློ་དང་ལྡན་པ་ཁྱོད་དེ་ལྟར་ཞིབ་ཏུ་འདྲི་དགོས་ཏེ་ཧང་ཧང་ཙམ་གྱིས་གོ་དཀའ། ཉོན་དང་མཐོ་དམན་བར་གསུམ་སུ་ཡིན་རུང་། དང་པོ་བཟང་ངན་བརྟགས་དགོས། སྤྱིར་མྱི་ལ་རབ་འབྲིང་ཐ་གསུམ་ཡོད། རབ་ཀྱིས་ཡུལ་ཁམས་སྡེ་འབངས་ཀུན་གྱི་སྤྱི་ཡི་དོན་བྱེད་བཞིན་རང་དོན་ཞོར་འབྱུང་དུ་འགྲུབ་ཡོང་། འབྲིང་གིས་གཞན་ལ་མི་གནོད་བཞིན་རང་དོན་སྨོན་རྒྱུ་ཞིག་འགྲུབ། ཐ་མས་གཞན་ལ་གནོད་སྐྱེལ་བཞིན་རང་དོན་ཁོ་ན་བསྒྲུབ་པ་ཡིན། དེ་རེ་རེ་ལའང་རབ་འབྲིང་ཐ་


ZP01_Page_048
[མ་དཔེ་གཟིགས་ན་འདིར་གནོན།]

གསུམ་དགུ་རེའི་དབྱེ་བ་ཡོད་ཀྱང་། དེང་སང་བསྟོད་ན་ཨ་སྔོན་དཀྱིལ་རེད། སྨད་ན་དོག་མོའི་ས་རེད། དེ་མིན་རང་རང་གིས་ཚད་ནས་མི་འཇོག་རྒྱུ་དེ་ཁོག་པ་ཆུང་བའི་སྐྱོན་རེད། །ལར་ཆ་མེད་ལ་བསྟོད་སྨད་མ་སྔ། ཆ་ཡོད་ལ་དགའ་སྡུག་མ་སྔ་ཟེར་དཔེ། བཟང་པོ་བླ་མ་མྱི་དཔོན་ཚེ་ལ་སྐྱོན་རེ་དང་། ངན་པ་སྤྲང་པོ་ཆོམ་རྐུན་སོགས་ལ་ཡོན་ཏན་སྣ་རེ་རེ་མེད་ནི་མེད་དེ། སྐྱོན་ཟད་ཡོན་ཏན་ལྡན་པའི་མྱི་དཀོན། འཛེར་མེད་དྲང་པོར་སྐྱེས་པའི་ཤིང་དཀོན། རྣོ་མཉེན་ངར་དང་ལྡན་པའི་ལྕགས་དཀོན་ཟེར་རྒྱུ་བོ་རེད། མཁས་པའི་ཁོག་དང་། གཡོ་ཅན་གྱི་རྒྱུས། མཛུམ་བག་ཅན་གྱི་གཤིས་རྣམས་གོ་དཀའ། ལར་མངོན་ལྐོག་གནད་སྐྱོན་སོགས་ཐབས་ཀྱིས་རྟོག་དགོས་ཏེ། དཔྱད་ཤེས་ན་གང་བྱུང་གོམ་ཆ་སྐྱེས། བརྟགས་ཤེས་ན་གང་མཐོང་ཆ་རྒྱུས་ལོན། ཟེར་བ་ལྟར། དང་པོ་ཞི་བ་པར་མ་བརྟགས་ན་གོ་དཀའ་སྟེ། དགྲ་འདྲེ་གཉིས་དང་མ་ཐུག་ན། རང་ཚུགས་ཅན་རེ་སུ་ཡང་ཡིན། རྒྱུ་ཚག་གཉིས་དང་མ་ཐུག་ན། །ཁ་ཡག་ཅན་རེ་སུ་ཡང་ཡིན། གྱོད་རྐྱེན་གཉིས་དང་མ་ཐུག་ན། ཁ་མཁས་ཅན་རེ་སུ་ཡང་ཡིན། སྐྱིད་སྡུག་སྟེང་དུ་མ་བབ་ན། ཨ་མའི་གོ་ཁའི་སུ་ཡང་བཟང་། ཟེར་བ་ལྟར་ཡིན་པས། བཟང་


ZP01_Page_049
[མ་དཔེ་གཟིགས་ན་འདིར་གནོན།]

ངན་དགྲ་གཉེན་གང་ཡང་མྱུར་དུ་ཐག་མི་བཅད་པར་ཞིབ་པར་བརྟགས་དཔྱད་བྱ་དགོས། གོང་གི་དཔོན་པོ་སོགས་གཙོ་བོ་རྣམས་ནི། སྤྱིར་ཁ་ཉུང་ཁོག་ཡངས་ཚོད་ཟིན་ཚུགས་ཐུབ་བསམ་བཟང་སྤྱོད་ཞི་བ་སོགས་ཡོན་ཏན་ཐམས་ཅད་ཚང་བ་དང་། ཁྱད་པར་ཁྲམ་ཁྲིམས་རང་གཞན་མཐོ་དམན་སོགས་ཀྱི་དབང་དུ་མི་གཏོང་བར་རྒྱུ་འབྲས་ལྟར་སྙོམས་པ་ཞིག་དགོས། །ལར་དཔོན་མེད་ན་འབངས་མགོ་སུ་ཡིས་སྐྱོབས། འབངས་མེད་ན་རྒྱལ་པོ་སུ་ལ་བྱེད། དཔོན་དྲང་ན་སྡེ་འབངས་སྐྱིད་ཅིང་བཙན། འབངས་རྒྱས་ན་རྒྱལ་པོའི་རྒྱན་དེ་ཡིན། ཤིང་གི་ཤིང་བཀྱགས་ན་ཀ་བ་དང་གདུང་མ། མྱིས་མྱི་བཀྱགས་ན་དཔོན་པོ་དང་གཡོག་པོ། ཟེར་བས་དཔོན་གཡོག་རྗེ་འབངས་ཕན་ཚུན་ཕ་མ་ལྟར་བརྟེན་དགོས། ཕ་མ་ཨ་ཁུ་ཞང་པོ་སོགས་རྒན་རབ་རྣམས་ནི། ཁ་ཉུང་གཤིས་འཇམ་ལུས་བདེ་སེམས་བདེ་འཆི་ཆོས་མ་ཎི་རྡོག་རེར་འབད་འདུག་ནི་ཞིག་དགོས། སྐྱེས་པ་རྣམས་ནི་བློ་དང་བྱ་བ་ཚོད་ཟིན་པ། དགྲ་དང་བཙན་པོར་ཡ་ཟིན་པ། གཉེན་དང་དམན་པའི་ཚིག་ཁྱག་པ། རྒྱུད་འཇམ་ཞིང་རང་ཚུགས་མི་འཆོར་བ་ཞིག་དགོས། ཕུ་ནུ་ནང་འཛིང་བྱུང་ན་ཁྲེལ་མེད་རྒྱལ། བཟའ་ཚང་ནང་འཛིང་བྱུང་ན་ནག་མོ་རྒྱལ། ཟེར་བ་ལྟར།


ZP01_Page_050
[མ་དཔེ་གཟིགས་ན་འདིར་གནོན།]

ཕྱིའི་དགྲ་འདུལ་བ་ལ་རྒྱལ་ཁ་གང་ལོན་དང་། ནང་གི་གཉེན་ཉེ་བ་ལ་ཕམ་ཁ་ལེན་གང་ཐུབ་དེ་བུ་བཟང་བ་ཡིན། བུད་མེད་ཚོ་ཡང་ཁ་དང་བློ་མི་མང་བ། རང་མྱི་ལྷ་ལྟར་བརྩི་བ། གཞན་མྱི་ནད་ལྟར་འཛེམ་པ་ཞིབ་ཚོགས་བ་སོགས་འཇོག་ལ་མཁས་པ། །བྲན་གཡོག་སྒོ་ཁྱི་ཕྱུགས་ལུག་སྐྱོང་བ། དམན་ས་འཛིན་ཅིང་ཁྲེལ་དང་ངོ་ཚ་ཆེ་བ་ཞིག་དགོས། བྲན་གཡོག་སོགས་དམན་པ་རྣམས་ནི་ངན་གཡོ་སྒྱུ། རྐུས་ཁ་དབྱེ་ན་མེད་ཅིང་རྟག་ཏུ་གོ་ཆོད་ཅིང་ཤ་ཚ་བ་ཞིག་དགོས། དེ་ལྟར་མཐོ་དམན་བར་གསུམ་སུ་ཡིན་རུང་། བསམ་ངན་གཡོ་སྒྱུ་བློ་མང་ཚོད་མེད་ངན་པ་རྣམས་དང་པོ་ནས་སྤང་དགོས་ཏེ། ཞེ་སྡང་གི་དགྲ་བོ་མེད་ན་དགའ། ཤིག་འཚང་གི་དུག་པོ་མེད་ན་དགའ། ཟེར་རྒྱུ་བོ། སྤྱིར་ནི་གཅིག་ལ་བཟང་ཀྱང་ཀུན་ལ་མི་བཟང་། གཅིག་ལ་ངན་ཀྱང་ཀུན་ལ་མི་ངན། སེམས་ཅན་རང་རང་གི་མོས་པ་དང་ལས་སྣང་སྣ་ཚོགས་ཡིན། དགྲ་ལ་ཡང་། སྔོན་ལས་ཀྱི་དགྲར་གྱུར་བ་དང་། རང་ཉེས་ཀྱི་དགྲར་གྱུར་བ་དང་། ཕ་རོལ་པོ་ས་མ་ཤེས་པས་དགྲར་གྱུར་བ་དང་། ཐབས་མེད་ཀྱིས་དགྲར་གྱུར་བ་དང་། གཞན་གྱི་ཁ་དབྱེན་དང་རང་གིས་དཔྱད་མ་ཤེས་པས་དགྲར་གྱུར་བ་སོགས་མང་པོ་ཡོད། དགྲ་ཡང་རབ་བརྟེན་ཆོག་པ་ཞིག་ཡིན།


ZP01_Page_051
[མ་དཔེ་གཟིགས་ན་འདིར་གནོན།]

བྱམས་པའི་ཚིག་གིས་སེམས་རྣལ་དུ་ཕབ་ཏེ་དགྲ་ཐབས་ཀྱིས་གྲོགས་སུ་སྡུད་པ་ནི་དཔའ་བོ་མཁས་པའི་ལུགས་ཡིན། དགྲ་ཁ་འཇམ་ཁོག་རྩུབ་ངན་པ་རྣམས་གཡོ་ཐབས་ཀྱིས་འདུལ་བའམ་དཔྱོད་ཤེས་བཙན་པོའི་སྒོས་འདུལ་པ་ནི་དཔའ་བོ་མཁས་པའི་ལུགས་ཡིན། མི་ཐུབ་བཞིན་དུ་གྲིར་ལྕེབ་པ་ནི་བླུན་པོའི་ལུགས་ཡིན་པས། བཤད་མི་ཤེས་ཁ་རོག་བསྡད་ན་མཛེས། བྱ་མི་ཐོན་ཁ་མགོན་བསྐྱུར་ན་མཛེས། དཔའ་མི་ཐུབ་རྒྱངས་ནས་བཞག་ན་མཛེས། ཟེར་རྒྱུ་བོ་ཡིན། གཉེན་ལ་ཡང་། ཁ་ཡག་ངོ་བསྟོད་མི་བྱ་བར་ཉེས་པ་བྱུང་ན་བཤད་དེ་དེའི་རྒྱུད་བཅོས་ཐབས་དང་། ལེགས་ན་གཏང་རག་ཚིག་གིས་ཕན་ཐོགས་ཐབས་བྱེད་དགོས། ཁྱད་པར་བུ་དང་ཚ་བོ་བྲན་དང་ཆུང་མ་སོགས་ངན་ལང་སུ་མི་བཏང་བར་འཇམ་རྩུབ་རན་པ་ཞིག་གིས་ལམ་ལ་འཇོག་དགོས། མི་ངན་ཁ་ཅིག་འཇམ་པོས་མི་འདུལ་ཏེ་དྲག་པོས་འདུལ་བའང་ཡོད་དེ། རྔ་དང་རོལ་མོ་བརྡུང་ན་སྙན། གྱང་དང་ཕུར་པ་བརྡུང་ན་སྲ། གོ་དང་མྱི་ངན་བརྡུང་ན་འདུལ། བུ་དང་བུ་མོ་བརྡུང་ན་ཉན། ཟེར་བ་ལྟར་ཡིན་པའང་ཡོད། ཡང་མྱི་ངན་འགའ་རེས་གཟའ་ཚང་དང་གྲོགས་པོ་སོགས་བཟང་པོ་རེ་ཡོད་དུས་མི་གོ་བར་འཐབ་རྩོད་བྱེད་ཅིང་ཕྱི་ནས་བྲལ་


ZP01_Page_052
[མ་དཔེ་གཟིགས་ན་འདིར་གནོན།]

སོང་དུས་འགྱོད་པའང་ཡོད་དེ། འདྲིས་ཆེན་མིག་གིས་རྫི་མ་མི་རིག་ཟེར། དེ་ཚོ་འདྲིས་ཡུན་མེད་རྟགས་རེད། ལར་ཤེས་དགོས་རྒྱུ་ཞིག་ལ་མི་འདིའི་ཐུ་མེད། མི་རབ་རེ་རེས་ཡུལ་ཁམས་སྡེ་འབངས་མང་པོ་བདེ་བར་བཀོད། མི་ངན་རེ་རེས་ཡུལ་སྡེ་མང་པོ་དཀྲུགས་ཤིང་བྱེད་ནི་ཚོ་ཡོད། ལར་གྲོགས་བཟང་པོ་དང་འགྲོགས་ན་བཟང་འགོ །གྲོགས་ངན་པ་དང་འགྲོགས་ན་ངན་འགོ་བས་གྲོགས་འདི་གལ་ཆེ་ཏེ། དགེ་བའི་གྲོགས་པོ་གསེར་ལས་དཀོན། གཞན་ཕྱོགས་ཡིན་ཀྱང་གཉེན་དུ་ཁུག །སྡིག་པའི་གྲོགས་པོ་དུག་ལས་ཐུ། རང་ཕྱོགས་ཡིན་ཀྱང་བོར་ན་ལེགས། །གསུངས་པ་ལྟར་གྲོགས་ལ་ལེགས་པར་བརྟགས་ན་བརྟེན་བྱ་དང་སྤང་བྱ་ལ་སོགས་མང་པོ་ཡོད་པས་ཞིབ་པར་འདི་ཙམ་གྱིས་ཀྱང་མི་གོ་བས་ལེགས་པར་ཤེས་པར་གྱིས་ཤིག །ཟེར་བ་དང་། ཡང་གཞོན་ནུ་བློ་ལྡན་གྱིས་འདི་ལྟར་ཞུས་སོ། །བློ་དང་བྱ་བ་ཚོད་ཟིན་དགོས་གསུངས་པ་འདི། བྱ་བ་སྤྱོད་པ་གཉིས་ཇི་ལྟར་དགོས། བཤད་པར་ཞུ་ཞེས་ཟེར་བ་ལ་རྒན་པོས་འོ་ཡ་ཡ། ད་བྱ་བ་ནི་འགྲོ་འདུག་ལས་ཀ་དགྲ་འདུལ་གཉེན་སྐྱོང་སོགས་ཡིན། སྤྱོད་པ་ནི་རང་གིས་རྒྱུན་གྱི་ཟ་འཐུང་ཉལ་འདུག་སོགས་བཤད་ལུགས་འགྲོ་ལུགས་དེ་ཡིན། དེ་གཉིས་ཀ་ལ་བཟང་ངན་ཡག་ཉེས་


ZP01_Page_053
[མ་དཔེ་གཟིགས་ན་འདིར་གནོན།]

ཐམས་ཅད་རང་གིས་རྟོག །གཞན་ལ་དྲིས། སྔར་སོང་ལ་དཔེ་ཞོག །ཕྱི་འོང་ལ་འདིང་རྒྱོབ། རང་གི་ཚོད་དང་བསྟུན། ཡུལ་གྱི་སྤྱོད་པ་དང་བསྟུན། ཆེན་པོ་ཐུབ་མི་ཐུབ་ཆུང་ངུ་བརྙས་མ་བརྙས་ཁེ་ཉེན་བཟང་ངན་འགྲུབ་མི་འགྲུབ། འགྲུབ་ན་ཆེ་ཆུང་སོགས་བརྟགས་ཤིང་དཔྱོད། ཐབས་རིམ་གྲོ་དང་ཚོགས་བསགས་སོགས་དང་པོ་ནས་གཟབ་དགོས། །གཏམ་གྱི་མགོ་དཀའ། བྱ་བའི་གཞུང་དཀའ། ཆོས་ཀྱི་མཐའ་དཀའ་ཟེར་བ་ལྟར་བྱ་བ་གང་བརྩམ་དེ་མཐར་མ་ཕྱིན་གྱི་བར་དུ་སྙིང་སྟོབས་དང་བཟོད་སྲན་བསྐྱེད་དགོས། བློ་མང་མི་ཉན། །མྱི་ཁ་རྒྱུག་མི་ཉན། བྱ་བ་གཅིག་ཡག་སོང་ན་ཡག་ཐོགས་གི་ཚེད་ཟིན་དགོས། བྱ་བ་ཞིག་ཉེས་སོང་ན་གཞན་བསམ་བཟང་གིས་ལེས་བརྡ་དང་ཞེ་འགྱོད་མེད་ནི་ཞིག་དགོས། གལ་ཏེ་ལེས་བརྡ་བྱས་ན་དེའི་ཚིག་རྐྱེན་ཁྱེག་དགོས། བརྟགས་དཔྱད་མཁས་པས་བྱ་བ་འགྲུབ། བསོད་ནམས་ཤུགས་ཀྱིས་བདེ་བ་འགྲུབ། གསུངས་པས། རང་གི་འདི་ཕྱི་གཉིས་ཀའི་བདེ་ཐབས་འཆུག་མེད་ནི་བླ་མ་དཀོན་མཆོག་གསུམ་གྱི་ཞིང་ས་ལ་ཚོགས་བསགས་པ་ཡིན་ཏེ། འབད་རྩོལ་རི་བོ་ཙམ་གཅིག་བྱེད་པ་ལས། བསོད་ནམས་མེ་སྟག་ཙམ་གཅིག་བསགས་ན་དགའ། ཟེར་བ་དང་།


ZP01_Page_054
[མ་དཔེ་གཟིགས་ན་འདིར་གནོན།]

བསོད་ནམས་ཤུགས་ཀྱིས་དོན་འགྲུབ་པ། །ཉི་མའི་འོད་བཞིན་ལྟོས་པ་མེད། །འབད་པའི་ཤུགས་ཀྱི་དོན་འགྲུབ་པ། །མར་མེའི་འོད་བཞིན་ཀུན་ལ་ལྟོས། །གསུངས་པ་ལྟར་ཡིན། །མེད་པ་རྣམས་མི་ལ་ཚོས། །ཁ་སྐྱིད་འཕྱོར་དགའ་མཆེ། དུ་བ་ཆང་སོགས་མགོ་སྟོང་གི་བྱ་བ་མ་དྲན། ཉིན་རྫི་མཚན་སྲུང་ཚག་དམ་ཟུང་སོགས་ཞིབ་པར་གྱིས། བོར་བརླག་ཆུད་ཟོས་སུ་མ་སོང་བར་བསོགས། །ཁྲེལ་མེད་ལ་གཡར་སྐྱིན། རྒྱུས་མེད་ལ་ཚོང་བཞག་སོགས་མི་ཉན། ཕྱི་རྐུས་ནང་བསྡམ་ངན་གཡོ་རྒྱུ་རྐུ་འཕྲོག་བྱས་ན་མཐར་རང་སྲོག་ཀྱང་བརླག་སྤྱད་ཡིན། ལར་རང་ལ་སྔོན་བསགས་ཞིག་མེད་ན་འབད་རྩོལ་ཁོ་ནས་ཡར་མི་ཞོག་ཏེ། རྒྱུ་བསགས་པས་མི་སོགས་བསོད་ནམས་བསགས་པས་སོགས། །གོས་གྱོན་པས་མི་འཛད་དབང་ཐང་ཟད་ཉིན་འཛད། །མི་ན་བས་མི་འཆི་དུས་ཚོད་བབ་ཉིན་འཆི། །ཟེར་རྒྱུ་བོ་ཡིན། ཕྱུག་པོ་རབ་ཀྱིས་ཆོས་ཕྱོགས་ལ་གཏོང་། འབྲིང་གིས་གཞན་ལ་ཕན་ཐོགས་བྱེད། ཐ་ནའང་རང་གི་ཁ་རྒྱབ་གཉིས་སྐྱིད་པོ་ཞིག་དགོས། །དེ་མ་ཐུབ་ན། སེམས་བསམ་པ་མུན་མགོ་རུག་དུས། རྒྱུ་ལག་ན་ཡོད་པས་མི་ཕན། ཟེར་རྒྱུ་བོ་རེད། མི་གཞི་འཇམ་ལ་རང་ཚུགས་མ་འཆོར། །གཞན་ལ་བཟང་ངན་གང་བྱས་མ་བརྗེད།


ZP01_Page_055
[མ་དཔེ་གཟིགས་ན་འདིར་གནོན།]

རང་ལ་བཟང་ཡས་ངན་ཡས་ཀྱི་ཁྱད་གོ་དགོས། མྱུར་དུ་དགའ་སྡུག་མ་སྔ། གཏམ་གོ་ཚད་དྲན་ཚད་མ་བཤད། །གཏམ་དྲན་ཚད་བཤད་ན་སྨྱོན་པ་ཡིན། །ཟས་ཅི་རིག་ཟོས་ན་ཁྱི་ཕག་ཡིན། །བྱ་བ་གང་དྲན་སྒྲུབ་ན་མགོ་སྟོང་ཡིན། །ཟེར་དཔེ། ཆུ་བྲག་དགྲ་རྐུན་སོགས་ལ་ཕོད་མ་བཙོང་། །གནོད་པ་ཆུང་ངུ་རྣམས་ལ་དོག་ཟིན་གྱིས། །ཕན་ཐོགས་ཆུང་རུང་ཉམ་ཆུང་ཁ་ལ་ཉན། །བཟང་ངན་ཀུན་ལ་ལྐོག་ཕྲས་ངན་བཤད་མ་བྱེད། །ཁ་ཉུང་ལ་ཁོག་པ་ཡངས་ཡངས་ཀྱིས། །དགོས་དུས་སུ་རྒྱུ་མཚན་ཞིབ་པར་ཤོད། །ཁས་ལེན་མ་མང་བར་སྨྲས་ཚད་མི་རྫུན་པ་གྱིས། བཟང་པོ་ལ་རྒྱུ་ཚག་གང་ལ་ཐུག་ན་ཡོད་ནི་གྱིས། ངན་པ་ལ་རྒྱུ་མཚན་གོ་བར་ཤོད་ལ་གནོད་ཀ་མ་འཇུག །ཆ་མེད་ལ་ཞེ་ས་ཟས་འདྲེན་བཟང་པོ་གྱིས། རྒྱུ་ཟས་ནོར་དང་གཏམ་རང་རྒྱུས་མ་འཆོར། ཆ་ཡོད་ལ་ཕན་གང་ཐོག་གྱིས། བློ་ཁྲེལ་མནའ་རྫུན་མ་ཤོར། གཞན་རྒུད་དུས་དང་ཉེས་དུས་མ་སྨོད། རང་དར་དུས་དང་རྒྱགས་དུས་མ་ཁེངས། དཔོན་བཟང་པོ་དང་བན་བོན་གཉན་སོགས་མ་བདོ། མི་བློ་མང་དང་དགའ་སྡུག་ཆེ་བའི་རྗེས་སུ་མ་འདོང་། བཤད་ཚད་བདེན་དུ་མ་འཛིན། གནོད་ཚད་དགྲ་རུ་མ་ལྟ། མཐུན་ཀྱང་སྙིང་གཏམ་མ་བཤད།


ZP01_Page_056
[མ་དཔེ་གཟིགས་ན་འདིར་གནོན།]

མཁོན་ཀྱང་སྐྱོན་མཚང་མ་བྲུ། ཕར་སོང་མེད་པའི་མི་ལ་རེ་མ་ཆེ། རྒྱུས་མེད་མི་ལ་བློ་མ་གཏོད། མང་པོའི་ནང་དུ་ཚིག་མ་མང་། གཅིག་པུར་འདུག་དུས་ལག་མ་མང་། ནམ་དང་ནམ་དུ་བྱ་བ་མ་མང་། གློ་གཏད་ཀྱིས་གྲོགས་མ་བསླུ། གཞན་ནོར་ལ་ཧོབ་མ་ཆེ། །ལར་རང་དབང་ཐམས་ཅད་བདེ་བ་ཡིན། །གཞན་དབང་ཐམས་ཅད་སྡུག་བསྔལ་ཡིན། །ཐུན་མོངས་པ་ནི་རྩོད་པའི་གཞི། །དམ་བཅའ་བ་ནི་འཆིང་བའི་རྒྱུ། །ནོར་གྱི་མཆོག་ནི་ཚེག་ཤེས་ཡིན། །ཡོན་ཏན་མཆོག་ནི་ཕན་སེམས་ཡིན། །རྒྱན་གྱི་མཆོག་ནི་མཁས་པ་ཡིན། །གྲོགས་ཀྱི་མཆོག་ནི་མི་བསླུ་བ། །བདེ་བའི་མཆོག་ནི་སེམས་བསྐྱེད་པ། །ཟེར་བ་ཡིན། །ནོར་ཅན་ཚོ་བླུན་པོའི་ནང་ན་ཡོད། །དཔའ་བོ་ཚོ་གཅན་ཟན་ཁྲོད་ན་ཡོད། །རང་དོན་ཙམ་དུད་འགྲོ་ཚོས་ཀྱང་འགྲུབ། །ཡ་རབ་དེ་འཇིག་རྟེན་འདི་ན་དཀོན། ཟེར་བ་ཡིན་པས། སྐྱེ་བོ་ཡ་རབ་གཞན་ཕན་དམ་པའི་ལུགས་ལ་སློབས་ཤིག །མྱིའི་བཟང་ངན་རང་གིས་དཔྱད་ནམ་གཏོགས་དེང་སང་སྤྱིར་སྐྱེ་བོ་ཡ་རབ་དམ་པའི་ལུགས་སྲོལ་དང་མཐུན་མི་མཐུན་མི་ལྟ་བར། རང་ལ་ཕན་ཐོག་ངོ་འཇམ་རེ་བྱས་ན་བསྟོད་ཅིང་། རང་ལ་མི་དགའ་ན་ངན་སྨད་བྱེད་པ་དང་། གཞན་


ZP01_Page_057
[མ་དཔེ་གཟིགས་ན་འདིར་གནོན།]

གྱི་ཁར་བརྒྱུགས་ནས་བསྟོད་སྨད་བྱེད་པ་ལ་ཉན་རྒྱུ་མེད། །མཁས་པས་རང་གིས་དཔྱོད་ཤེས་ཤིང་། །བླུན་པོས་གྲགས་པའི་རྗེས་སུ་འབྲད། །ཁྱི་རྒན་ཀུ་ཅོ་འདོན་པ་ལྟའི། །དེ་ལ་རྒྱུ་མཚན་ཅི་ཞིག་ཡོད། །གསུངས་པ་དང་འདྲ། གཏམ་མི་ཁ་བརྒྱུད་ན་ཇེ་མང་ཡིན། །ཟས་མི་ལག་བརྒྱུད་ན་ཇེ་ཉུང་ཡིན། །ཟེར་བ་ལྟར་དེས་ཀྱང་མི་ཤེས། བྱ་བ་ཀུན་ལ་རང་གིས་ས་ཚད་ཟིན་དགོས། བྱ་བའི་དོན་འགྲུབ་ཟིན་དགོས། གྲོགས་ཀྱི་བསམ་པ་འཛིན་དགོས། མིའི་སེམས་རྒྱུད་གོ་དགོས། ལོངས་སྤྱོད་ལ་བདེ་ཆོད་དགོས། སྤྱོད་པ་ཡུལ་དང་བསྟུན། ཟས་གོས་རྒྱུ་དང་བསྟུན། གཏམ་གྲོགས་དང་བསྟུན། སེམས་ཆོས་དང་བསྟུན་ཏེ་འདི་ཕྱི་བདེ་བའི་ཆོས་ལ་འབད་དགོས། སེར་སྣ་མི་ཆེ་བར་ཟུང་སོགས་ཚགས་དམ་དགོས། །མི་གཞི་འཇམ་ལ་བསྒྱུར་དུ་མེད་པ་ཞིག་དགོས། རྒྱུད་དྲངས་ཤིང་ཚོད་ཟིན་པ་ཞིག་དགོས། དེ་ལྟར་རེམ་རེམ་ཟེར་བ་ལ། ཡང་གཞོན་ནུ་བློ་ལྡན་གྱིས་དེ་ལྟར་བསླབ་བྱ་མང་པོ་བློས་མི་ཟིན་པ་རྣམས་ལ་མདོ་རྩ་ཀུན་འདུས་ཞིག་བཤད་དུ་གསོལ། ཞེས་ཟེར་བ་ལ། རྒན་པོས་འོ་བློ་དང་ལྡན་པ་ཁྱོད་ཉོན་ཅིག །མྱི་ལུགས་ཐམས་ཅད་གཙོ་བོ་ཚུར་བསྡུ་ན། རྒྱུད་འཇམ་པ་དང་གཅིག །ཚོད་ཟིན་པ་དང་གཉིས། ཁོག་


ZP01_Page_058
[མ་དཔེ་གཟིགས་ན་འདིར་གནོན།]

ཡངས་ཚུགས་ཐུབ་དང་གསུམ། བརྟགས་དཔྱད་མཁས་པ་དང་བཞི། ཐམས་ཅད་ཀུན་ལ་ཕན་སེམས་དྲངས་པོས་ཟིན་པ་དང་ལྔ་པོ་ལ་ཐམས་ཅད་འདུས་ཡོད། དང་པོ་རྒྱུད་ཁོང་ཁྲོ་དུག་རྩུབ་ཅན་གྱི་མི་དེ་སུ་ལ་མི་མཐུན། ཕར་ལ་ཕན་བཏགས་ཀྱང་སུན་འགྲོ། ཀུན་གྱིས་རིག་པ་མེད་པས་རྒྱུད་འཇམ་དགོས། རྒྱུད་འཇམ་ཟེར་རྒྱུ་བོ་དེ་ཀུན་ལ་ཁོང་ཁྲོ་ཚིག་རྩུབ་མེད་པར་རྒྱུད་འཇམ་དུང་ངེ་ཡོད་ནི་ཞིག་ལ་ཟེར་ནི་རེད་མ་གཏོགས། སྣབས་འདྲ་འདྲའི་སུ་ཡིན་ངོར་འགོས་འགྲོ་ནི་ཞིག་ལ་ཟེར་ནི་མ་རེད། དེ་དོན་ཚན་གཅིག་རེད། བྱ་བ་མང་ཞིང་རང་ཚོད་མ་ཟིན་ན། སྐབས་རེར་ཡག་རུང་སྐབས་རེར་རང་ཕུང་མྱིས་འཕྱ་ཟེས་ཞིག་རེད་འགྲོ་བས་གྲོགས་དང་བྱ་བ་རང་ཚོད་ཞིག་གི་ཐོག་ནས་བློ་སྣ་འགྱུར་ལྡོག་མེད་པར་རང་ཚུགས་ཟིན་དགོས། རང་ཚོད་ཟིན་ཟེར་རྒྱུ་བོ་བྱ་བ་གང་བྱེད་རུང་རང་གི་རྒྱུ་ཚོད་ཐུབ་ཚོད་དུས་ཚོད་མྱི་ཚོད་སོ་སོར་བསྟུན་ཤེས་ནི་ཞིག་ལ་ཟེར་ནི་རེད་མ་གཏོགས། གླེན་པས་ཨུ་ཚུག་བྱས་ནས་གཞན་གྱི་བྱ་སྤྱོད་གང་ཡང་ཁས་མི་ལེན་ནི་ཞིག་ལ་ཟེར་ནི་མ་རེད། དེ་དོན་ཚན་གཉིས་པ་རེད། ཁ་ཟས་བུད་མེད་ནོར་རྫས་སོགས་མི་འདོད་ནི་མེད་ཀྱང་། ཕུག་གི་ཁེ་ཉེན་དང་ངོ་ཚ་ཁྲེལ་བ་ལ་བསམ། ཡང་ཚིག་ངན་སོགས་གནོད་པ་ལ་མི་ཁྲོ་ནི་མེད་ཀྱང་། །


ZP01_Page_059
[མ་དཔེ་གཟིགས་ན་འདིར་གནོན།]

ཕྱི་འདིང་ཁྲིམས་ཆད་སོགས་ལ་བསམ་ནས་སྐྱིད་སྡུག་གང་གི་སྐབས་ཀྱང་གཤིས་མི་འགྱུར་བར་རང་ཚུགས་ཐུབ་ན། ནམ་ཕུག་རྒྱལ་ཁམས་ཀུན་གྱིས་བསྟོད་ཡོད་པས་གལ་ཆེ། ཚུགས་ཐུབ་ཟེར་རྒྱུ་བོ་རང་གིས་དྲན་ཚད་མྱིས་ཟེར་ཚད་པོའི་རྗེས་སུ་མི་རྒྱུག་པར་བྱ་སྤྱོད་རྟག་ཐུག་པ་ཞིག་ལ་ཟེར་ན་རེད་མ་གཏོགས། རྒལ་ཚིག་ནང་དུ་དབྱུག་པ་དྲང་བ་ལྟར་བཀུག་རྒྱུ་མེད་ནི་ཞིག་ལ་ཟེར་ན་མ་རེད། དེ་དོན་ཚན་གསུམ་པ་རེད། དེ་ལྟར་བྱ་སྤྱོད་ཐམས་ཅད་ལ་འདི་དང་ཕྱི་མ་རང་དང་གཞན་ལ་འཕྲལ་དང་ཡུན་དུ་གང་ལ་གང་ཕན་ཁ་ཉེས་ལག་ཉེས་ཐམས་ཅད་ཞིབ་པར་བརྟགས་དཔྱད་མཁས་ན་གང་བསམ་ཐམས་ཅད་ལེགས་པར་འགྲུབ་འོང་། བརྟགས་ལོང་དཔྱད་ལོང་མེད་པར་བསྒྲུབ་ན་འུ་ཚོས་མ་ཟད་རྒྱལ་པོ་དཔའ་བའི་སྦྱིན་དང་། ཀ་ལིང་ཀའི་རྒྱལ་པོ་ཚོས་ཀྱང་། བྱང་ཆུབ་སེམས་དཔའ་མེ་ཏོག་ཟླ་མཛེས་དང་། དྲང་སྲོང་བཟོད་པ་སྨྲ་བ་ཚོ་བཙུན་མོ་རྣམས་དང་ལྷན་གཅིག་ཏུ་འདུག་ལུགས་ལ་བལྟས་ན། འདིས་འདོད་པའི་དབང་གིས་བཙུན་མོ་བསྡུ་འདོད་རེད་སྙམ་ནས། ཤན་པ་དང་ཁོ་རང་གིས་བསྐྲོངས་ཏེ་ཕྱི་ནས་འགྱོད་པ་སྐྱེས་པ་ལྟ་བུ་དང་། ཡང་གཞན་གྱི་ཁར་རྒྱུག་པ་དང་གཡོ་སྒྱུས། གཞན་མགོ་ལ་བསྒྱུར་


ZP01_Page_060
[མ་དཔེ་གཟིགས་ན་འདིར་གནོན།]

བའང་ཡོད་དེ་གཡོན་ཅན་པདྨའི་རྩ་ལག་གིས་བཟང་མོ་བསད་ནས་རལ་གྲི་ཁྲག་ཅན་གོའུ་ཏ་མའི་མདུན་དུ་འཕང་ཚེ་གོའུ་ཏ་མ་ཁྲིམས་ལ་ཕོག་པ་དང་། ཡང་རྐུན་མ་ཞིག་གིས་བེའུ་ཞིག་རྐུས་ཏེ། ནགས་ནང་གི་རང་སངས་རྒྱས་ཀྱི་མདུན་དུ་འཕང་ནས་བྲོས་པས་རང་སངས་རྒྱས་ཁྲིམས་ལ་གཏུག་པ་ལྟ་བུ་ཡོད་པས་བྱ་སྤྱོད་གང་ལ་ཡང་བརྟགས་དཔྱད་ཞིབ་པར་བྱེད་དགོས་ཏེ། གཏམ་གོ་ཡག་མ་བྱས་ཚིག་མ་བཤད། དོན་རྟོགས་ཡག་མ་བྱས་མནའ་མ་སྐྱེལ་ཟེར་དཔེ། བྱ་སྤྱོད་གང་འགྲུབ་མི་འགྲུབ། འགྲུབ་ན་དོན་ཆེ་ཆུང་སོགས་བརྟགས་དཔྱད་བྱས་ཏེ། །མདའ་ཕར་འཕང་ཐང་དུ་མི་ལྷུང་ནི། བྱ་གང་སྒྲུབ་ཐུར་ར་མི་ལྷུང་ནི་ཞིག་དགོས་མ་གཏོགས་རང་སྐྱོན་བལྟ་བའི་མེ་ལོང་མེད་པར། གཞན་སྐྱོན་ཚོལ་བའི་ཐུར་མ་བཟུང་ནས་ཐམས་ཅད་ཀྱི་ཚོད་ཉམས་སུ་བླང་ནས་གཡོ་སྒྱུ་ཀྱི་ཐབས་ཞིག་ལ་ཟེར་ནི་མ་རེད། དེ་དོན་ཚན་བཞི་པ་རེད། དེ་ལྟར་རང་གཞན་གྱི་བྱ་སྤྱོད་གང་བྱས་ཚད་ལ་ཕན་སེམས་བསམ་པ་དྲངས་པོ་ཞིག་ཡོད་ན། རང་གཞན་གྱི་དོན་འགྲུབ་ཅིང་། ཚེ་འདིར་དཀར་ཕྱོགས་ཀྱི་སྲུང་མ་རྣམས་ཀྱིས་སྲུང་སྐྱོབས་མཛད་དེ་ཁ་རྗེ་རླུང་རྟ་དར། མྱིས་ཀྱང་བྱམས་ལ་བཀུར་སྟི་དང་མཆོད་བསྟོད་བྱེད།


ZP01_Page_061
[མ་དཔེ་གཟིགས་ན་འདིར་གནོན།]

ཕྱི་མའི་ཆོས་ཀྱང་རང་བཞིན་ཤུགས་ཀྱིས་འགྲུབ་ཡོང་བས་བསམ་པ་བཟང་པོ་དང་མི་འབྲལ་བ་འདི་ཤིན་ཏུ་གལ་ཆེ། བསམ་པ་གཞན་ལ་ནག་ན་སྦྱོར་བ་རང་ལ་རྩུབ་ཡོང་བའི་དཔེ་རེད། ཕན་སེམས་དེ་ཡང་ཕན་བཏགས་མ་བཏགས་ཆ་ཡོད་མེད་མཐོ་དམན་བཟང་ངན་མེད་པར་ཕན་འདོག་གི་བསམ་པ་བཟང་པོ་ཞིག་ཡོད་དགོས་ནི་རེད་མ་གཏོགས་གཉེན་ཉེ་རིང་གྲོགས་མཛའ་བཤེས་བུ་ཆུང་མ་ཚོ་གཅེས་ནི་ལ་ཟེར་ནི་མ་རེད། འོད་ལྔ་ཀ་ཚང་ན་གཞན་ཅི་ཡང་མེད་རུང་། མྱི་ཡི་དམ་པ་མཆོག་ཏུ་གྱུར་པ་ཡིན་ནོ། །ཞེས་ཟེར་བ་ལ། ཡང་གཞོན་ནུ་བློ་ལྡན་གྱིས་འོ་ལེགས་སོ་དེ་ལྟར་བསླབ་བྱ་ཐམས་ཅད་ཤེས་རུང་ལག་ལེན་ལ་མི་ཐེབ་ཏེ། དེང་སང་སྐྱེ་བོ་ཐམས་ཅད་ཀྱི་ཁས་བཤད་པ་ལ་བལྟས་ན་ཡ་རབ་རྗེན་པ་མི་མེད་ནི་འདྲ་འདྲ། །ལག་གི་སྤྱོད་པ་ལ་བལྟས་ན་མ་རབ་རྗེན་པ་མི་མེད་ནི་འདྲ་འདྲ་འདི་ཅིའི་ལན་ནི་རེད་གསུང་དུ་གསོལ། འོ་བློ་དང་ལྡན་པ་ཁྱོས་ཉོན་ལ་སེམས་ལ་ཞོག་དང་། དེང་སང་སྐྱེ་བོ་ཐམས་ཅད་ཀྱིས་ཤེས་རུང་ལག་ལེན་ལ་མི་ཐེབ་རྒྱུ་བོ། རང་འདོད་ཆགས་སོགས་ཉོན་མོངས་པའི་དབང་དུ་སོང་བས་ལན་པ་རེད། ཐད་གི་བལྟས་ན་གླེན་པ་མཁས། ལག་ཏུ་བཞག་ན་གཅིག་མི་ཐོན། ཟེར་རྒྱུ་བོ་


ZP01_Page_062
[མ་དཔེ་གཟིགས་ན་འདིར་གནོན།]

ཡིན། །རང་འདོད་ཆགས་ཀྱི་དབང་དུ་འཇོག་མི་ཉན་བཞག་ན་གཞན་གྱི་ནོར་རྫས་རྐུ་བ་ལ་སོགས་ཟས་ཟ་བ། བུད་མེད་འཕྲོག་ཅིང་ཉེས་པ་ཁུར་བ། ལྷ་རྟེན་བཤིགས་ཤིང་སྙིང་གྲོགས་བསླུ་བ་སོགས་བྱེད་འོང་། ཞེ་སྡང་གི་དབང་དུ་བཞག་ན་གཞན་ལ་མཁོན་འཛིང་དང་བསད་བརྡུང་སོགས་ཀྱིས་ཁྲིམས་བཅད་པ། །ཕ་མ་ལ་བརྡུང་བརྡེག་སོགས་ཚིག་ངན་གྲོགས་ལ་འཁོན་གྱོད་སོགས་མི་ཁ་བྱེད་འོད། །ང་རྒྱལ་གྱི་དབང་དུ་བཞག་ན་གཞན་ལ་བརྙས་སྨོད་དང་འཕྱ་བཞེད་ངན་བཅད་དང་དམན་སྡང་སོགས་བྱེད། ཕྲག་དོག་གི་དབང་གིས་གོང་མ་ལ་ངན་སྨྲས། མཉམ་པ་ལ་འགྲན་སེམས་ཟུར་ཟ་གཞན་གྱི་མངའ་ཐང་འབྱོར་བ་སོགས་ལ་མི་དགའ་བར་བྱེད། སེར་སྣའི་དབང་གིས་ཡར་མཆོད་མར་སྦྱིན་མི་བྲ་ཕན་ཐོག་གཡར་སྐྱིན་མི་བྲ་བར་བསེ་རག་ཁུང་ན་ཡོད་པ་དེ་ཡིན། གཏི་མུག་གི་དབང་གིས་དགེ་སྒྲུབ་སྡིག་སྤང་བྱ་བ་ཡག་ཉེས་མྱིའི་བཟང་ངན་སོགས་བླང་དོར་མི་ཤེས་པར་ཐོ་མ་མེ་བ་དེ། འདི་ཕྱི་གཉིས་ཀའི་སྡུག་བསྔལ་དང་མི་འདོད་པ་ཐམས་ཅད་དྲང་ནས་ཆོས་འཇིག་རྟེན་གཉིས་ཀའི་བྱ་བ་ཉེས་འགྲོ་ཟེས་བོའི་རྩ་བ་ཉོན་མོངས་པ་རང་འདོད་འདིས་གང་བསམ་བསྒྲུབ་ནས་རང་ཚུགས་མ་ཟིན་པས་ལན་པ་ཡིན། ད་ནི་འདི་ཕྱིའི་བདེ་སྐྱིད་ལ་ལོངས་སྤྱོད་འདོད་ཡོད་ནི་ཚོས། ཁ་ཕར་


ZP01_Page_063
[མ་དཔེ་གཟིགས་ན་འདིར་གནོན།]

འཁོར་ནས་གཞན་གྱི་བཟང་ངན་ཡིན་མིན་དེ་བཤད་གི་མ་འདུག །ཚུར་རང་གི་རང་ལམ་ལ་ཞོག །རང་རྒྱུད་འདི་རང་གིས་བཅོས། །རང་གིས་རང་ལམ་ལ་ཞོག །ཆོས་འཇིག་རྟེན་གཉིས་ཀའི་སྒྲུབ་ཐབས་ཐམས་ཅད་ཀྱི་རྩ་བ་དེ་ལ་འདུས་ཡོད་ཨེ་ག །བུ་བློ་དང་ལྡན་པ་ཁྱོད་ཉོན་དང་སྨྲས་པ། །ནོར་ནི་ཁེ་ཉེན་ཆེ་བའི་རྒྱུ། །མཆོད་སྦྱིན་བསོད་ནམས་སྙིང་པོ་ལོང་། །མི་ལུས་རྙེད་དཀའ་ད་རེས་ཙམ། །བསྙེན་གནས་དགེ་བསྙེན་ཚུལ་ཁྲིམས་བསྲུང་། །ཞེ་སྡང་དམྱལ་བར་སྐྱེ་བའི་རྒྱུ། །གང་ལ་བཟོད་པའི་གོ་ཆ་གྱོན། །ལེ་ལོས་འདི་ཕྱིའི་དོན་མི་འགྲུབ། །བརྩོན་འགྲུས་ཆུ་བོའི་རྒྱུན་བཞིན་སྲུང་། །རྣམ་གཡེངས་ཅན་གྱི་མི་ཚེ་འཛད། །དོན་ཆེན་དགེ་ལ་ཚེ་གཅིག་ཞོག །དོན་གཉིས་བྱ་བ་ཤེས་པ་ལ། །ཐོས་བསམ་སྒོམ་པའི་ཤེས་རབ་བརྟེན། །ང་རྒྱལ་ཅན་ལ་མགུ་དུས་མེད། །ཕྲག་དོག་ཅན་ལ་དགའ་དུས་མེད། འདོད་ཆགས་ཅན་ལ་ཆོག་དུས་མེད། །ཞེ་སྡང་ཅན་ལ་མཐུན་དུས་མེད། །སེར་སྣ་ཅན་ལ་ཡོད་དུས་མེད། །གཏི་མུག་ཅན་ལ་འགྲུབ་དུས་མེད། །འཁྲུལ་པའི་སེམས་ལ་བདེ་དུས་མེད། །ཉོན་མོངས་ཆུང་ན་སྡུག་བསྔལ་ཆུང་། །ཉོན་མོངས་ཟད་ན་སྡུག་བསྔལ་ཟད། །དེ་ཕྱིར་མི་འདོད་ཀུན་གྱི་གཞི།


ZP01_Page_064
[མ་དཔེ་གཟིགས་ན་འདིར་གནོན།]

ཉོན་མོངས་དགྲ་བོ་བཅོམ་ན་ལེགས། ཞེས་སྨྲས་སོ། །དེ་ནས་གཞོན་ནུ་བློ་ལྡན་གྱིས་རྒན་པོ་ལ་ཕྱག་དང་ཞེ་ས་བྱས་ཏེ་འདི་སྐད་ཅེས་སྨྲས་སོ། །ཀྱཻ། བསྐལ་པ་བཟང་པོའི་སྐྱེས་བུ་ལ། །ལེགས་བཤད་ནོར་བུའི་གཏེར་དང་འདྲ། །དྲིན་ཅན་ཕ་མ་རྒན་རབ་ཏེ། །ཡ་རབ་སྐྱེ་བོའི་སྙིང་དང་འདྲ། །བསླབ་བྱ་སྙིང་གི་བདུད་རྩི་དེ། །ད་སྔ་ཁོ་བོས་ཐོས་མ་མྱོང་། །དེ་རིང་མཁས་པ་རྒན་པོའི་དྲིན། །ད་ཕྲུག་ཕ་ཡི་ཁ་ད་དྲན། །ད་ནི་ཕ་དང་བུ་བཞིན་དུ། །ཡང་ཡང་ཞལ་ཏ་གནང་བར་ཞུ། །བཀའ་དྲིན་འཁོར་མེད་རིན་པོ་ཆེ། །དགྱེས་ཞལ་ཡང་ཡང་མཇལ་བར་ཞུ། ཞེས་ཞུས་པས་རྒན་པོ་དགྱེས་ཤིང་སྤྲོ་བཞིན་དུ། །དྲིན་ཅན་ཕ་མའི་ཁད་དྲན་གསུང་ཀྱང་ཡོད་ཨོ་ཡ་ཡ་ཨ་བུ་ལོ་ལོ་ཟེར་ནས་སྐད་ཅིག་གིས་མི་མངོན་ནམ་མཁའི་དབྱིངས་སུ་མི་སྣང་བར་ཕེབས་ལགས་སོ། །དེ་ལྟར་གཞོན་ནུ་བློ་ལྡན་གྱི་དྲིས་ལན་འདི་གོ་ཚད་མཐོང་ཚད་ཐམས་ཅད་ཀྱིས་ཡ་རབ་དམ་པའི་ལྷ་ཆོས་ལ་སྤྱོད་ནས་དགེ་ཞིང་བཀྲ་ཤིས་པར་གྱུར་ཅིག །གེའོ། །འོ་ལགས་སོ་དཔལ་སྤྲུལ་རིན་པོ་ཆེའི་གསུངས་ངེས་དག་ཡིན་སྙམ་ལགས།

སྙན་དངགས་མེ་ལོང་གི་མངོན་བརྗོད་རྣ་བའི་གླིང་བུ།


ZP01_Page_065
[མ་དཔེ་གཟིགས་ན་འདིར་གནོན།]

སྙན་དངགས་མེ་ལོང་གི་མངོན་བརྗོད་རྣ་བའི་གླིང་བུ་ཞེས་བྱ་བ་བཞུགས་སོ། །


ZP01_Page_066
[མ་དཔེ་གཟིགས་ན་འདིར་གནོན།]

རྒྱ་གར་སྐད་དུ། ཀ་བྱཱ་དར་ཤ །བོད་སྐད་དུ། སྙན་ངགས་མེ་ལོང་། དཔལ་ལྷ་མོ་དབྱངས་ཅན་མ་ལ་ཕྱག་འཚལ་ལོ། །སྲིད་རྨོངས་མུན་ཁམས་མ་ལུས་མཐར་བྱེད་པའི། །ཟུར་ཕུད་ཟླ་རིས་མཛེས་པའི་འོད་དཀར་ཅན། །འཛིན་ཞལ་མེས་པོའི་ཡིད་བྲིས་མཚོ་བྱུང་འཛུམ། །བདག་ཡིད་ཀུན་དའི་སྐྱེད་ཚལ་འདི་རོལ་ཀྱཻ། ༡། གང་བྱིན་རྙོགས་མེད་བདུད་རྩི་མངར་བོའི་སྐྱེས། །སྙིང་ལ་ཕུལ་བྱུང་སིམ་པའི་རོ་སྦྱིན་པ། །བཏུང་ཙམ་ངག་གི་སྙན་བརྗིད་ཉམས་བརྒྱའི་གཏེར། །མི་ཟད་དྲི་ཟའི་རྒྱུད་མང་ལས་འཕོས་ཚུལ། །བརྗིད་བག་བརྗོད་བྱའི་དོན་བརླིང་དུ་བརླུང་དུནྡུ་བྷི། །ཟབ་ཡངས་ཚངས་པའི་གླུ་ཡིན་བསྐྲུན་དཀའི་གཏམ། །ངག་ལས་ངག་གི་འདོད་


ZP01_Page_067
[མ་དཔེ་གཟིགས་ན་འདིར་གནོན།]

འཇོར་སྤེལ་བའི་དཔྱིད། །གླེང་བཟོད་ངེས་པ་རྙེད་ལས་ངས་འདིར་བཤད། །གང་ན་སྲིད་ཁམས་སྙན་དགུའི་དངོས་སྤུངས་བའི། གླུ་བླངས་སྦུ་འཕྲེང་གཡོ་བའི་དོ་ཤལ་ལ། །དགའ་བའི་མིག་དཀྱུས་འཛུམ་བྲལ་ཚངས་ཆེན་ལྷས། །གཏད་གྱུར་བདུད་རྩིའི་མཚོར་རོལ་གཉིས་མེད་མངལ། །ཡིད་ལས་ཡིད་ཀྱི་བུ་མོར་སྦྲུམ་པ་སྙམས། །དེ་སླད་སྲིད་ན་སྡེ་བཞིའི་དབང་གྱུར་ངག །མཁས་ནས་མཁས་པར་བརྒྱུད་པའི་མུ་ཏིག་ཕྲེང་། །མ་ཉམས་དོ་ཤལ་གསར་བའི་ཕྲེང་རྒྱུད་དུ། །སྤེལ་མཁས་སྙན་ཚིག་ལྷ་མོ་དེ་བལྟམས་གྱུར། །གང་ཚེ་ལྷར་བཅས་སྲིད་ན་དེའི་གྲོགས་སྙན། །སྒྲོགས་ལ་སྤྲིན་གཞོན་སྒྲ་བརྒྱ་དགོད་ལས་ཁའི། །ཟེགས་རླན་བདུད་རྩིའི་དོགས་པར་


ZP01_Page_068
[མ་དཔེ་གཟིགས་ན་འདིར་གནོན།]

བྲུལ་བའི་ཆུས། །དཔྱིད་དཔལ་གསེར་ལྡན་མཁའ་ལས་བོས་པ་བཞིན། ཅི་སླད་ཐུབ་ཚུལ་གཏམ་གྱི་གླིང་བུའི་སྒྲ། །བརྒྱུད་བཟོད་མི་བསྙེངས་ལྷ་མོ་སྔར་སྲིད་ན། །མེད་གྱུར་ངེས་པ་འགོགས་པའི་ཐབས་ཁོ་ནས། །ཚུལ་དགོངས་བཅུ་དྲུག་གཞོན་ནུས་འཛུམ་ཞལ་རྩེར། །གཡོ་བའི་ཐོར་ཅོག་མཁའ་ཞུན་རྩིས་བགོས་ལྟའི། །ལྔ་ཕྲག་མུ་ཏིག་སྐ་རགས་འཆགས་བའི་མདོར། །གཞལ་དཀའ་ནོར་བུའི་ཐིག་ཕྲེང་གསར་བའི་འཕྲས། །ཚོམ་བུར་བཏབ་སྤྲས་མཛེས་པའི་ཀེ་ས་ར། །འཛིན་པའིཨུད་པལ་རྣ་ཆ་ཡིད་འོང་གིས། །བརྒྱན་གྱུར་ལྷ་ལུས་ཕྲག་བརྒྱའི་མཛེས་སྡུག་དཔྱིད། །བསྡམ་སྐུ་དབང་པོའི་གཞུ་རིས་འཁྱོགས་པོའི་གཟི། །ཕྲོག་པའི་རེག་འཇོམ་དཔག་བསམ་ལས་འོང་གོས། །འཁྲིལ་ཆགས་མཛེས་གསོལ་སྒེགས་གྱུར་སྣ་ཚོགས་སྒྲ། །སིལ་ཁྲོལ་གདུབ་འཛིན་དཔུང་པའི་སྔོན་མཛེས་རྩེར། །སྨིན་གྱུར་སོར་བཅུའི་ལྕུགས་ཕྲན་གྱིས་བཟུངས་བའི། །སྒྲིབ་གསུམ་དྲྭ་བ་དྲལ་མཛད་རལ་གྲི་ཅན། །འཇམ་དཔལ་གཞོན་ནུར་དགྱེས་པའི་དགའ་མར་བྱས། ༤ཤིས་བརྗོད། །གང་ན་རྒྱལ་ཀུན་གསུང་གི་རྡོ་རྗེའི་ངག །གཉིས་སུ་མ་ཡིན་སྣང་སྟོང་རོལ་བའི་ཚུལ། །འཇམ་པའི་རྡོ་རྗེར་ལེགས་ཤར་ཐབས་ཤེས་ལྷའི། །བྱིན་སྣང་བདུད་རྩིས་སྙིང་ལ་ཤིས་གྱུར་ཅིག༥ཕྱག་བྱ། །གཡོ་


ZP01_Page_069
[མ་དཔེ་གཟིགས་ན་འདིར་གནོན།]

རྩོལ་ངག་གི་རང་བཞིན་ཇི་སྙེད་ཚིག །སྒྲ་དོན་གབ་རྒྱན་ནོར་བུའི་འཕྱང་འཕྲུལ་བརྒྱས། །སྤུད་གྱུར་ལུས་མཛེས་མཁས་པའི་ཡིད་འཛིན་འཛུམ། །སྤེལ་མཁས་སློབ་དཔོན་བརྒྱུད་བཅས་ཕྱག་གི་གནས། ༦དངོས་པོ་ངེས་བསྟན། ཕུན་ཚོགས་དཔལ་དེས་གང་བཟུང་སྒྲ་སྙན་རྔ། །སྲིད་ན་གཅིག་ཏུ་སྒྲོགས་འགྱུར་སྙན་ཚིག་ལམ། །ལེགས་བཤད་གསེར་གྱི་ཐུར་མས་རྨོངས་ཁམས་སྒྲིབ། །དབྱེའོ་སྐལ་བཟང་སྣང་བ་ད་གཟིགས་ཤིག །༧།གྲོང་ཁྱེར་བསྔགས་པ། །འབྱོར་བའི་ཕུན་ཚོགས་ནོར་བུའི་ཕ་གམ་བརྒྱ། །བཀོད་པའི་ངོ་མཚར་ཐིག་ལེའི་འོད་ཕྲེང་གཟི། །འབར་གྱུར་མུ་ཏིག་དོག་པའི་དབྱང་ཐག་དེས། །མཛེས་མཐོང་དགོད་པའི་དགའ་བ་འཕྲུལ་པ་བཞིན། །འགྲན་ལ་ཕན་ཚུན་ཆས་ལྟའི་རྒྱ་བི་བརྩེས། །མཁའ་འཇིང་གོ་ས་ཡངས་འཕྲོགས་འབྱོར་པའི་གྲོང་། །བཀྲམ་པའི་རྒྱུ་སྐར་གྲངས་ལ་འགོགས་བཟོད་པའི། །གནས་དེར་སྲིད་ཁམས་མེས་པོ་དགའ་བཞིན་གཞེས། ༨རྒྱ་མཚོ་བསྔགས་པ། ཕུན་ཚོགས་མཛེས་པ་དེ་འཛིན་བདུད་རྩིའི་ཆབ། །རྙོག་མེད་དྭངས་འཁྱིལ་དགོད་པའི་དཔའ་རླབས་ཅན། །ཀློང་ལས་ལག་འགྲོའི་གྲོང་ཁྱེར་འབྱོར་མཛེས་ཤིང་། །དྭངས་ལས་ལྷ་ཡུལ་གྲོང་བཟང་གཉིས་པར་འཛིན། །ནོར་བུའི་དབང་མཛོད་གང་བའི་སྒོ་འཕར་བརྒྱ། །བསྲུངས་ལ་


ZP01_Page_070
[མ་དཔེ་གཟིགས་ན་འདིར་གནོན།]

ཆུ་སྲིན་གདུག་པའི་ཁྲོ་གཉེར་ཁ། །གླལ་བའི་ཤུགས་རིང་སྒྲ་བརྒྱས་ཟིལ་བསྐྱེད་པའི། །མཛེས་རྔམས་ཉམས་བརྒྱའི་དཔལ་འཛིན་རོལ་མཚོའི་འགྲམ། །རི་ལ་བསྔགས་པ། ཞུན་མའི་གསེར་ཁམས་གུར་གུམ་བདུད་རྩིའི་ཆུས། །བྲན་བྱས་མཚམས་སྤྲིན་ལང་འཚོའི་གཟི་འབར་ཞིང་། །བརྟན་གྱུར་དབང་ཆེན་གཞིར་བརླིང་གསེར་རིའི་ཕྲེང་། །ཁོར་ཡུག་ཙནྡན་ལྗོན་པའི་ཡ་ལད་ཅན། །ཟླ་ཉི་ལང་ཚོའི་ཅོད་པཎ་མཛེས་པའི་མགུལ། །སྣ་ཚོགས་རིན་ཆེན་བྲག་གི་ཁང་བཟང་སྐྱིབས། །བསིལ་བའི་རྡོ་ལེབ་དཀར་པོའི་འཇམ་སྟེང་གཞིར། །ལྷ་དང་དྲང་སྲོང་གྲུབ་པས་བརྟེན་བྱས་དེར། དུས་ལ་བསྔགས་པ། །དཔྱིད་དཔལ་ནམ་ཟླའི་དཔལ་ཕུན་བསྐྲུན་བཞེད་ལྷའི། །དོ་ཤལ་དཔྱད་ཐག་ཆད་པའི་འཕྲེང་འཐོར་ལྟའི། །ཆར་ཟིལ་མུ་ཏིག་ཐིག་པའི་གསོས་སྨན་རྒྱུན། །འགྲིམ་ལས་གེ་སར་དགོད་པའི་ཨུད་པ་ལ། །ལྡེམ་བག་དྲི་བསྲུངས་དངར་བོའི་འདབ་གཡོ་བས། །རྐང་དྲུག་ནགས་ཀྱི་དགའ་མར་འབོད་པ་བཞིན། །སྡོད་གནས་འཕུར་ལྡིང་གཡོ་བའི་བྷྲ་མ་རས། །གླུ་ལེན་དལ་གྱིས་བདུད་རྩིའི་རོ་མངར་འཐུང་། ཉི་ཟླ་འཆར་བ་ལ་བསྔགས། །དེ་སླད་ལྡུམ་ར་ཆས་པའི་རི་བོང་འཛིན། །འཛུམ་ཟེར་སོར་འཕྲེང་འོད་དཀར་བཀོད་པ་ན། །སྐྱེངས་པའི་ཆུ་སྐྱེས་འདབ་རྒྱ་ཟླུམ་བྱས་དེར། །ཡ་མཚན་ཀུ་མུད་དགོད་པས་འཕྱ་བ་སྙམས།


ZP01_Page_071
[མ་དཔེ་གཟིགས་ན་འདིར་གནོན།]

ནམ་ཞིག་སྐྱ་རེངས་གཞོན་ནུའི་སྔོན་བསྲུས་རྟ། །བདུན་ཕྲག་ཤུགས་ཀྱིས་བཏེགས་པའི་འོད་སྟོང་དཀྱིལ། །ཆས་མཐོང་རྒྱ་གྲོལ་པད་གཞོན་ཀཻ་པ་རར། །འདར་ལྡན་ཀུ་མུད་འདབ་མས་ཐལ་སྦྱར་འདུད། སྐྱིད་ཚལ། དེ་མཐོང་ཟླ་བ་ཟག་པའི་ཞུན་ཁམས་ཀླུང་། །སྣ་ཚོགས་ནོར་བུའི་རྫིང་གཏིང་བསྐྱིལ་ལྟའི་ཆུའི། །ཕྱོགས་ཕྱོགས་ཡལ་འདབ་གཡོ་བའི་ལྗོན་བཟང་ལུས། །འཁྲིལ་བག་ལྕུགས་ཕྲན་གོས་བཅས་སྒྲིབ་པའི་རྩེར། །བཻཌཱུར་རྒྱུད་མང་བཀོད་དམ་ཀུཾ་ཧུའི་མགྲིན། །དབྱི་དཀའ་སྐྱེད་ཚལ་ལང་འཚོའི་བཀོད་པ་ལ། །ཞི་བའི་གླུ་ལེན་ངང་དུང་རོལ་བའི་འགྲོས། །མཁའ་ལ་ཉི་ཟེར་གཟིས་རེགས་སྤྲིན་གཞོན་བཞིན། ཆུ་ཡི་རོལ་རྩེད། དེ་ན་ལྷ་ཡུལ་གཞོན་ནུས་རོལ་བྱའི་རྫིངས། །ཡིད་སྲུབ་དཔུང་གི་སོར་རྩེར་གནས་མིན་ཀྱང་། །རེགས་འཇམ་དོ་ཤལ་རླབས་མཛེས་གཡོ་བའི་གར། །སྨིན་ལེགས་ལྷ་མོ་དེ་ལ་ལ་འབོད་ལྟར་གྱུར། ཆང་འཐུང་བ། །སྐད་མེད་བདུད་རྩིའི་མྱོས་བུམ་ཐོག་པའི་ཁུར། །འདེགས་དཀའ་འདར་ལྡན་གདུ་བུའི་སིལ་ཁྲོལ་བཅས། །འོད་ལས་འཛུམ་བཅས་གཞོན་པའི་གྲལ་རིག་ན། །དལ་གྱི་མྱོས་པའི་དགའ་བ་ལག་པར་འཕེལ། དགའ་བའི་དགའ་སྟོན། གདུབ་འཛིན་ལྕུགས་ཕྲན་སོར་རྩེས་ཕན་ཚུན་ཡིད། །སྦྲེལ་བའི་འཆིང་ཐབ་དམ་པོས་བཟུང་གྱུར་ལས། །རབ་དགའི་མཆུ་སྒྲོས་གཞིབ་


ZP01_Page_072
[མ་དཔེ་གཟིགས་ན་འདིར་གནོན།]

པའི་དངར་བཅུད་ཀྱིས། །སྙིང་ལ་མྱོས་བཞིན་རབ་དགར་རྩེ་བསླུ་བ། ཁ་ཅིག་དུས་བཏབ་དགའ་བའི་ཆད་འདས་ལས། །སྐྱོ་གྱུར་གླལ་བའི་ཤུགས་རིང་གཏམ་སྨྲེ་བའི། །ཕྱོགས་ཕྱོགས་འཕྲུལ་བའི་མིག་དཀྱུས་གཏོང་ནའང་། །བཟུང་དཀའ་གཡོ་སྒྱུའི་ཞགས་འཆང་དེས་དེ་བསླུས། བག་མ། །འགའ་ཞིག་ཤིས་པར་གྱུར་ཅེས་མེ་ཏོག་འཕྲེང་། །འཐོབ་བྱེད་ཚངས་སྐུད་བཅིང་བས་མདུན་བསྲུས་ཏེ། །དོ་ཤལ་འཕྱང་འཕྲུལ་གཡོ་བའི་ལྡེམ་བགས་ཀྱིས། །གཉེན་བཅས་འབྱོར་བའི་ཁབ་དེར་བག་མར་བསུ། གཞོན་ནུ་སྐྱེ། །དེ་དག་མཐུན་པར་རྩེས་པའི་དགའ་བ་ལས། །དུས་སུ་མངལ་བུམ་མཐོ་བའི་སྐེད་མེད་ལུས། །ཟག་ལྡན་འོ་མ་འཛིན་པའི་ཁུར་དུད་ཅིང་། །འཕྲལ་ལ་ཡ་མཚན་ཁྱེའུར་བཙས་པར་གྱུར། །འཕེལ་བསྐྲན་བསྙོལ་མཚོར་གནས་པའི་པདྨ་བཞིན། །ལེགས་བསྐྱངས་ལང་ཚོར་འཕེལ་ལས་དེའི་དགའ་བ། །འཕྲུལ་མང་གཞོན་ནུའི་རོལ་རྩེད་ལ་ཕྱོགས་པའི། །རིགས་མཐུན་གཞོན་པའི་གྲལ་དུ་རྩེན་པར་བྱེད། གྲོས་ཀྱིས་བརྒྱན་པ། །རིམ་གྱིས་ངར་བབས་བླང་དང་དོར་བྱའི་གནས། །ཚུལ་ཤེས་རྒན་རིམ་ཚོགས་པའི་མདུན་པ་ན། །དོན་བརླིང་གཏམ་གྱི་བརྗོད་བྱ་ཕུལ་བྱུང་ཁུར། །འཛིན་བཟོད་ལྷར་བཅས་དབུས་ན་ལྷ་དབང་བཞིན། ཕོ་ཉ། གང་སླད་དོན་ཆེན་སྒྲུབ་ལ་ཕྱོགས་ཕྱོགས་འཕྲན། །སྐྱེས་བཅས་ཆུ་ཁུར་བཀོད་པའི་


ZP01_Page_073
[མ་དཔེ་གཟིགས་ན་འདིར་གནོན།]

གོམ་འགྲོས་ལྟའི། །མཛའ་དང་མི་མཛའ་བར་མའི་གླེང་འོས་ངག །སྒྲིབ་མིན་རི་བོར་གནས་ཀྱང་དྲུང་གནས་བཞིན། བསྒྲོད་པ། །དོན་བཟང་སྙེ་མ་སྦོམ་ལ་མངོན་ཕྱོགས་འགྲོས། །མཁའ་ལ་རླུང་གི་ཤིང་རྟས་ཉི་གཞོན་བཞིན། །མཛེས་སྟབས་དཔུང་བཅས་གཤེགས་ལས་དེའི་ཡིད་བཞེད། །སྐོང་ལ་མཁའ་ལམ་དགུ་ཚིག་ལམ་སྲོང་ངོམས། གཡུལ། །མུ་ཅོར་དེ་དེར་རྒོལ་རློམ་ཕས་རྒོལ་དཔུང་། །བརླགས་ལ་བརྒྱ་བྱིན་ཁྲོས་པའི་དཔུང་བཤམས་ལྟའི། །གཡུལ་ཚོགས་ཕྲུམ་བཏབ་མཐོང་ཚོགས་ཕྱིར་ཕྱོགས། །འདར་བའི་གཡོན་མིག་རྒྱབ་གཏོད་རྒྱང་རིང་འབྲོས། འདྲེན་པ་དར། གང་ཚེ་ལྷ་དང་བཅས་པའི་འཇིག་རྟེན་ཁྱོན། །ཡངས་པའི་རྒྱལ་ཐབས་གཅིག་གི་ཁྲིར་བཤམས་པའི། །ཆོས་བཞིན་གཏོང་བའི་སྒོ་འཕར་བརྒྱ་ཕྲག་བརྒྱ། །ཕྱི་གྱུར་མི་དབང་གྲགས་སྙན་སྲིད་ན་འབར། །ཕུན་ཚོགས་ཡུལ་དུས་སྐྱེད་ཚལ་ཆུ་ཀླུང་རྫིང་། །རྣམ་མང་བཀོད་གྱུར་མཚོར་བཅས་སའི་དཀྱིལ་འཁོར། །དབང་བྱས་མི་བདག་འབྱོར་བའི་རྣམ་གྲངས་ལས། །ལྗོང་དེར་ལེགས་བཤད་གཏམ་གྱི་གླིང་གཞིར་གྱུར། ཤར་ཕྱོགས་གཽཊ་བའི་མ་ཡིག་བསྐོང་བའི་རྗེས་ཁྲིད། །མ་དག་འགྲོ་ལ་མ་བས་བྱམས་ལྡན་མ། །མ་རིག་སྐྱེ་བོའི་མི་ཤེས་མིག་འབྱེད་མ། །མུ་ཏིག་མདངས་ལྡན་ལྷ་མོ་དབྱངས་ཅན་མ། །ཀྱེ་མ་མ་ལ་བདག་ཡིད་མ་མར་ཕེབས། ཡང་། །མ་


ZP01_Page_074
[མ་དཔེ་གཟིགས་ན་འདིར་གནོན།]

ལུས་འགྲོ་བའི་ལས་སྣང་མ་རྫོགས་པར། །མ་འགགས་སྤྲུལ་པའི་རོལ་གར་མི་བསྡུ་བར། །མ་གཅིག་བུ་ལྟར་བརྩེ་བས་མི་འདོར་བའི། །མ་འདྲེས་མཛའ་བའི་བཤེས་གཅིག་འཇམ་པའི་དབྱངས། །བཻད་རྦྷའི་སྦྱོར་བ། །རྨོངས་པའི་བློ་ཡི་ཕ་རོལ་མི་དཔོགས་པའི། །སྙན་དངགས་ཚིག་གི་ལེགས་ལམ་རྒྱ་ཆེན་པོར། །འཛམ་གླིང་ཡངས་པའི་ལྗོངས་འདིར་སྣང་བྱེད་པ། །གང་ཡིན་རྣམས་ལ་གུས་བཅས་ཐལ་མོ་སྦྱོར། །གཽ་ཊ་བའི་ལ་ཡིག་ལ་བསྐོར་བ། །ལ་ལ་ལེགས་ལམ་མི་བསྒྲུབ་ལེ་ལོས་གཡེང་། །ལ་ལ་ལང་ཤོར་ལ་ལུང་ཀུན་ཏུ་རྒྱུག །ལས་ངན་ལ་ལ་ལོག་པའི་ལམ་ལ་ཞུགས། །བདག་ནི་ཆོས་ལམ་དེ་རུ་ལའུར་འགྲོ། བཻ་དནྷའི་རབ་དངས་ཡོན་ཏན། །སྐྱེད་ཚལ་མཛེས་པའི་གཞི་ལ་གནས་བཅས་པའི། །པད་གཞོན་འདབ་མ་ཉི་ཟེར་གྱིས་བཀྲོལ་དབུས། །གེ་སར་བདུད་རྩིའི་རོ་མཆོག་མངར་བ་འདིས། །རྩི་བཅུད་སྙེག་པའི་སྦྲང་མ་ཀུན་དགར་འགྱེད། ལྡོག་བ་གཽ་ཌ་པའི་རབ་དངས། །དགའ་ཚལ་མཛེས་པའི་གཞི་ལ་འདུག་གྱུར་བའི། །དབྱར་སྐྱེས་འདབ་ཚོགས་མུན་འཇོམས་གྱིས་བཀྲོལ་དབུས། །ལེགས་གནས་གེ་སར་མཛེས་པའི་ཞལ་ཆབ་དེས། །དབྱངས་སྙན་རྐང་པ་དྲུག་པ་ཀུན་དགར་འགྱེད། བཻད་རྦྷའ་མཉམ་ཉིད་ཡོན་ཏན། །ཀུན་གསལ་ཉི་འོད་གཟི་ཡིས་བརྒྱན་པ་ལ། རྣམ་བཀྲ་འཇའ་གུར་གཡོ་ལྡན་ཡིད་འོང་ཞིང་། །ས་གསུམ་ཚ་ཆེན་འཕྲོག་ཕྱིར་སྤྲིན་ཚོགས་


ZP01_Page_075
[མ་དཔེ་གཟིགས་ན་འདིར་གནོན།]

ཁོལ། །ཕྱོགས་ཕྱོགས་སྦྲང་ཆར་ཚོགས་འཁྲིགས་སྒྲ་ཆེན་སྒྲོགས། །གཽཌ་བའི་མཉམ་ཉིད། དགའ་བའི་ཀུན་དགའ་རབ་ཏུ་ཡངས་པ་ཡི། །རྩེད་འཇོའི་རྣམ་འགྱུར་ངོམས་པའི་མིག་ཡངས་མ། །ཁོང་ཁྲོས་ཚ་ཆེན་སྤངས་ཤིང་ཕན་ཚུན་ཚོགས་ཡིད་འོང་བདུད་རྩིའི་བཏུང་བ་ཅིར་ཡང་བརྟེན། ཚིག་མཚུངས་ཉེ་བའི་ཉམས། པདྨའི་ཚལ་ན་བུང་བའི་བུ་མོའི་གླུ། །རབ་སྙན་སྙིང་ལ་འབབས་དེ་སྙོག་འདོད་ནས། །མེ་ཏོག་ཕང་ཕུང་འཕྱང་བདེ་བརྫིས་པས། །དགའ་མའི་རེག་བྱ་དྲན་ནས་དྲན་མེད་རྒྱུག །རྐང་པ་ལ་བསྐོར་བའི་རྗེས་ཁྲིད། སྙིང་སྡུག་དགའ་མས་མཛེས་པའི་བཞིན་རས་ཅན། །སྙོག་འདོད་སྐྱེད་ཚལ་ཡངས་བ་དེར་ཕྱིན་ཚེ། །སྙན་འཇེབས་ངང་པའི་བུ་མོའི་གླུ་ཐོས་ནས། །སྙིང་མེད་པོ་དེ་རྫིང་རིང་གཏིང་དུ་སོང་། །ཚིག་ལ་བསྐོར་བ། ལེགས་བྱས་ལང་ཚོའི་མཆོག་ལ་ལོངས་སྤྱོད་པས། །ལྷ་དབང་ལྷུན་པོའི་རྩེ་མོར་ལྷག་པ་ཡང་། །དགའ་མ་དགོད་པའི་དགེ་མཚན་ལ་ལྟ་ན། །འདོད་པའི་མདངས་བཀྲས་དེ་ལ་དེ་ལས་ཅི། །རིང་པོར་ཐོབ་པའི་རྗེས་ཁྲིད། ཕྲིན་ལས་ཉི་གཞོན་ཤིན་ཏུ་བཀྲག་གསལ་བའི། །སྲིད་པའི་རྨོངས་མུན་འབྱིན་པའི་སྒྱུ་ཐབས་ལ། །གཡེལ་མེད་ཐུགས་རྗེ་ཆེན་པོའི་ཁུར་བསྣམས་པ། །འཇམ་དཔལ་གཞོན་ནུས་དེང་འདིར་ཤེས་པ་སྩོལ། །ཤར་བ་ཁོ་ནས་འདོད་པ། ཚང་ཚིང་ནགས་ཚལ་མེ་ཚོགས་ཀྱིས་ཚིག་ཚེ། །འཇམ་དཔལ་གཞོན་ནུས་བསྲེགས་ཕྱེད་བསྲེགས་པའི་ཚུལ། །འགྲོ་དོན་མངོན་བརྩོན་ཉོན་མོངས་ཡེངས་བྲལ་བ། །མགོན་


ZP01_Page_076
[མ་དཔེ་གཟིགས་ན་འདིར་གནོན།]

པོ་གཞན་དོན་དགོངས་པ་བླ་ན་མེད། བཻད་རྦྷའི་ཤིན་ཏུ་གཞོན་པའི་ཡོན་ཏན། །དགའ་བའི་ལྗོངས་དང་མཛེས་པའི་རྫིང་བུ་རུ། །སྙན་པའི་ངག་བཅས་འཕུར་ལྡིང་གཡོ་བ་ཅན། །གཉིས་སྐྱེས་ལས་ཀྱང་ངང་བ་གཞོན་ནུ་ཁྱུ། །འདི་དག་སྡིག་མེད་ཟས་ཀྱིས་ངོམས་བཞིན་རྩེ། །གཽཊཱ་བའི་འདོད་པ་བརྗོད་དཀའ་བ། །སྤྲིན་ཚོགས་འབྲུག་སྒྲ་སྒྲོགས་ལྡན་འཁྲུགས་གྱུར་ཚེ། །དྲེགས་ལྡན་རྨ་བྱའི་སྒྲོ་གདུགས་སྦྲེང་བགྱིད་དེ། །འཁྲུལ་བྲལ་ཐེག་ཆེན་ཆོས་སྒྲ་ཡོངས་སྒྲོགས་ཚེ། །སྒྲིབ་འཐུལ་འཁྱོག་བློས་བདུད་ཚོགས་སྐྲགས་སྡངས་མཐོང་། དོན་གསལ་ཡོན་ཏན། །ཐུབ་དབང་ཐུགས་རྗེའི་འོད་ཟེར་གྱིས་རེག་པའི། །ཚ་བའི་མེ་ཚོགས་གཞིར་བའི་པད་ཚལ་ན། །དམྱལ་གནས་སེམས་ཅན་ཕན་ཚུན་དགའ་བའི་གཏམ། །གླེང་བའི་ཡ་མཚན་འདི་ལ་སུ་ཡིས་བསྙོན། ཤར་བ་རེ་འགའ་ཙམ་འདོད་པ། །འཛམ་གླིང་ཐུབ་དབང་ཐུགས་རྗེའི་གདུལ་ཞིང་སྟེ། །རྟག་པར་ལས་ངན་དབང་སོང་དམྱལ་བ་པ། །ཚ་གྲང་སྡུག་བསྔལ་བརྒྱུད་ལས་མནར་བ་ཡང་། །ཐང་ཙམ་བདེ་བའི་ངང་ན་གནས་པ་ཡོད། བཻད་རྦྷའི་རྒྱ་ཆེ་བའི་ཡོན་ཏན། །འཁོར་བའི་རྒྱ་མཚོར་གཏིང་རིང་ལ་ལྷུང་བ། །འདི་སྐྱོབས་སུ་ཞིག་ཡོད་ཅེས་སྨྲེགས་ངག་ཀྱང་། །ཀུན་མཁྱེན་ཞབས་ཀྱི་པདྨོ་ལ་རེག་ནས། །ད་ནི་འདྲེན་པ་གཞན་ལ་ཡོངས་མི་བརྟེན། །གཽཊཱ་བའི་རྒྱ་ཆེ་བའི་ཡོན་ཏན། །སྣ་ཚོགས་རིན་ཆེན་མཁར་གྱི་སྒོ་


ZP01_Page_077
[མ་དཔེ་གཟིགས་ན་འདིར་གནོན།]

འགྲམ་ན། །ཞུམ་མེད་བཀྲེན་ལྡན་སློང་མོའི་ཚོགས་འདུ་ཞིང་། །འདོད་དགུའི་གཅལ་དུ་བཀྲམ་པའི་ཉེ་གམ་ན། །དར་ཟབ་ཁྲིལ་གནས་པའི་མི་དབང་མཇལ། བཻད་རྦྷའི་བརྗོད་པའི་ཡོན་ཏན། གང་ན་ཐུབ་གསུངས་ལྷ་ལམ་རྒྱ་ཆེན་དུ། །དོན་གྱི་རྣམ་པ་ཆོས་ཀྱི་བདུད་རྩི་མཆོག །འཐུང་ལ་དབང་བསྐལ་བ་མཆོག་ལྡན་དུ། །ངེས་ལ་གང་སུ་བསྔགས་པ་ཉིད་མི་བྱེད། གཽ་ཊ་བའི་བརྗོད་པའི་ཡོན་ཏན། ཐུབ་ཚུལ་རབ་ཞི་བླ་ན་མེད་གྱུར་ཆོས། །གང་ཞིག་འཛིན་པ་མི་ཡི་འཇིག་རྟེན་ལས། །འདས་གྱུར་རྒྱལ་བ་ལྷ་ཡི་འབྲས་ཐོབ་ནས། །འགྲོ་ཁམས་ཀུན་ལ་བརྩེ་བ་རྨད་བྱུང་སྟོན། བཻ་དརྦྷའི་མཛེས་པ་གཏམ་ལ་སྦྱར་བ། །ཐུབ་པའི་མཚན་དཔེའི་ཕུན་ཚོགས་སྐུའི་ཆ་ཤས། །གང་ཞབས་འཁོར་ལོས་མཚན་པས་རེག་བྱས་རྡུལ། །འཛིན་ལྡན་འཛམ་བུས་མཚན་པའི་དབྱིག་འཛིན་ཁྱོན། །བསྔགས་འོས་གླེང་ཞེས་བརྗོད་པ་དོན་དང་ལྡན། བསྔགས་པ་ལ་སྦྱར་བ། །ཐུབ་པའི་ལེགས་བཤད་ཟབ་ཡངས་ཚངས་པའི་གཏམ། །ཕུལ་བྱུང་སྐྱེ་དགུའི་ཡིད་འཕྲོག་ཐེག་གསུམ་ཆོས། །རྫོགས་པར་ལྟ་ཅི་ཆོས་ཕུང་ཆ་ཙམ་ཡང་། །འགྲོ་ཁམས་ཡིད་ཀྱི་གོ་སར་ཤོང་ནུས་མིན། གཽ་ཊ་བའི་མཛེས་པ་གཏམ་ལ་སྦྱར་བ། །ཐུབ་ཚུལ་ལེགས་བཤད་གཏམ་གྱི་ཆ་རེས་ཀྱང་། །རྣམ་གྲོལ་ཡོན་ཏན་མཆོག་གི་འབྲས་སྟེར་དེས། །གང་ཞབས་སྤྱི་བོར་ནོད་པའི་


ZP01_Page_078
[མ་དཔེ་གཟིགས་ན་འདིར་གནོན།]

སྐལ་བཟང་འགྲོ། །དེང་ནས་རྒྱལ་བ་དངོས་ཞེས་གླེང་བར་རིགས། །བསྔགས་པ་ལ་སྦྱར་བ། །ཚངས་སྤྱོད་བླ་གོས་གསར་བའི་དམར་འོད་ཀྱིས། །སྲིད་ཁམས་མུན་པའི་དངོས་པོ་མཐར་བྱེད་པའི། །ཡང་དག་སྣང་བ་གསལ་བའི་ཚུལ་ངེས་ན། །མཁའ་ལ་ཉི་གཞོན་ངལ་མ་དགོས་གྲངས། ཏིང་ངེ་འཛིན་གྱི་ཡོན་ཏན་སྤྱིར་བསྟན་པ། །ཟུམ་པའི་པད་རྒྱར་འཐུམ་པའི་བྷྲ་མ་རས། །གཡོ་བའི་སྒྲ་བཅས་རྟ་བདུན་པོས་པའི་གླུ། །སྐྱ་རེང་པ་ལོའི་ལེགས་ཐོས་འོད་སྟོང་མིག །བསྒྲད་ནས་བདག་ཞོན་སོར་འདབ་དཀོལ་ལ་བརྩོན། ཆོས་གཅིག་བཀོད་པའི་ཏིང་ངེ་འཛིན་ནི། །ཟླ་ཟེར་ཟགས་པའི་རྒྱུན་འཐུང་ཀུནྡའི་ཚལ། །རབ་དཀར་ག་བུར་ཟག་པའི་རླན་ཁམས་རྒྱུན། །འཐུངས་ལས་ཡལ་འདབས་རུལ་བའི་ཆུ་ཐིག་ཕྲེང་། །ཟག་པ་ཉི་ཟེར་དང་བསྲེས་ལྷར་ཡང་འཐུང་། ཆོས་དུ་མ་བཀོད་པའི་ཏིང་ངེ་འཛིན་ནི། །བརྩེ་དགའི་པད་མར་འོ་བྱེད་བྷྲ་མ་རས། །དལ་གྱི་སྙན་པའི་གླུ་ལེན་ཡན་ལག་གིས། །ལེགས་འཁྱུད་མེ་ཏོག་ཁ་ཡི་བཅུད་འཐུང་ཞིང་། །མྱོས་པའི་རབ་དགའ་ཁོ་ན་སྙིང་ལ་སེམས། འདི་འཚམས་རང་བཞིན་བརྗོད་པས་དཔེ་རྒྱན་གཟུགས་ཅན་ཕལ་ཡོད་པ་མ་ཚང་བ་མ་དཔེའི་ཤོག་དྲིལ་བོར་བས་ཕྱིས་རྙེད་ན་འདིར་འཛུད་དགོས། གཟུགས་ཅན་གྱི་གཟུགས་ཅན། །ལེགས་བྱས་ནོར་འཛིན་ཟླ་བའི་མ་མ་ལས། །ལེགས་འོང་མཚན་དཔེའི་ཉི་གཞོན་འདབ་བརྒྱ་བ། །ལེགས་བཤད་འོད་སྟོང་བདུད་རྩིའི་ཟིལ་སྤྲོ་


ZP01_Page_079
[མ་དཔེ་གཟིགས་ན་འདིར་གནོན།]

བའི། །ལེགས་ལམ་ཕུན་ཚོགས་སྣང་བས་མྱོས་བགྱིད་ཉིད། བསྙོན་དོར་གཟུགས་ཅན། །རལ་ཚོགས་མ་ལགས་བསྐལ་བའི་མེ་ཆེན་དཔུང་། །ཁྱོད་སྤྱན་མ་ཡིན་འོད་སྟོང་ཉི་ཟླའི་བཀྲགས། །གཏུམ་པའི་སྒྲ་མིན་གནམ་ས་གྲུམ་པའི་གདངས། །ཐོས་པས་བདུད་སྡེའི་སྙིང་ལ་ཟུག་རྔུ་བྱིན། གསུམ་པ་གསལ་བྱེད་ཀྱི་རྒྱན་ལ། དང་པོ་རིགས་བརྗོད་ཐོག་གསལ། །རྒྱལ་རྣམས་མཚན་དཔེ་ཕུན་ཚོགས་འོད་སྣང་དཔལ། །སྲིད་པའི་གདུང་བ་མཐའ་དག་གཞིལ་སྤྱོད་ཅིང་། །རྩུབ་རྣོན་མེ་ལྕེས་བསྲེགས་ལྡན་དམྱལ་ཚོགས་ཀྱང་། །ཡུད་ཙམ་བསིལ་བའི་དགའ་བདེས་སིམ་པར་བྱེད། བྱ་བ་ཐོག་གསལ། །དགའ་བར་བྱས་སོ་ཉིན་མོའི་ཕུན་ཚོགས་ཀྱིས། །གླིང་བཞིའི་འགྲོ་སྟེ་ཁྱོད་གསུངས་ལེགས་བཤད་གཏམ། །ཞི་བསིལ་ཉོགས་མེད་སྡེ་སྣོད་རིན་ཆེན་མཐུས། །ལྷར་བཅས་སྐལ་བཟང་ཐར་པ་འདོད་པ་རྣམས། ཡོན་ཏན་ཐོག་གསལ། །སིམ་པ་ཐོབ་པོ་ལྷ་ཡུལ་ལྷས་བདུད་རྩིས། །མཐོ་རིས་གྲོང་གི་མིག་མི་འཛུམ་པ་སྟེ། །དར་བབ་དགའ་སྟེར་མྱོས་མའི་རེག་འཇམ་གྱིས། །ལང་ཚོའི་དཔལ་རྫོགས་འདོད་ལྡན་གཞོན་པའི་ཡིད། །རྫས་ཐོག་གསལ། རིན་ཆེན་རྒྱན་མང་འཁྲོལ་བའི་དྲ་བ་དང་། །ཕྱེད་འཕྱང་སྣ་ཚོགས་མཛེས་པའི་ཕྲས་བཏབ་ཤིང་། །གཡོ་བའི་སིལ་ཁྲོལ་གོམ་པའི་རྗེས་སྒྲོགས་པས། །ལྡེམ་བག་ལྷ་མོ་དལ་གྱིས་འོང་བར་ཤེས། རིགས་པར་


ZP01_Page_080
[མ་དཔེ་གཟིགས་ན་འདིར་གནོན།]

གསལ། ཟླུམ་པོར་གཤོགས་ཟུངས་གཡོ་བའི་གར་རྩེན་ཞིང་། །མྱོས་པའི་གླུ་ལེན་རྐང་པ་དྲུག་པ་རྣམས། །སྐྱེད་ཚལ་མེ་ཏོག་གཡོ་བའི་ཕང་བ་ནས། །ཟིལ་དངར་གེ་སར་དྭངས་བཅུད་འཐུང་བར་བྱེད། བྱ་བ་བར་གསལ། །ལེགས་བཤད་དམ་པའི་ཆོས་ཀྱང་ལོག་ལམ་དང་། །མཚུངས་མེད་རྒྱལ་བའི་སྐུ་ཡང་དགྲར་བལྟ་བ། །ཞི་བསིལ་བསྟན་པ་དྲི་མེད་དུག་གི་མཚོར། །གཞན་འཕྲུལ་ལྷ་ཡི་བདག་པོའི་ཡིད་ལའོ། །ཡོན་ཏན་ངང་གསལ། །སྟོན་མཚན་མཁའ་ལ་རྒྱུ་བའི་རི་བོང་ཅན། །མི་བཟད་དུས་མེའི་རུབ་ཀྱིས་མ་བཏབ་པ། །དཀར་མཛེས་ཉིད་དེ་ལང་ཚོའི་ཆ་རྫོགས་པའི། །དར་བབ་དགའ་མའི་བཞིན་གྱིས་ཆ་ཤས་ཡང་། རྫས་བར་གསལ། །བདེ་གཤེགས་ཐུགས་རྗེས་ཡོངས་སྤྲུལ་བཟོ་སྦྱངས་ཀྱི། །སྐུ་གསུང་ཐུགས་གྱི་རྟེན་མཆོག་རྒྱུར་ཆེ་བ། །བུམ་བརྒྱ་སྐྱེས་པའི་རང་བཞིན་ལས་གྲུབ་པའི། །སྣ་ཚོགས་རྒྱན་འཕྲུལ་དགའ་མ་ཉིད་ལའང་འོས། །རིགས་མཐའ་གསལ། །རྟོག་མེད་ལེགས་བཤད་སྒྲ་སྒྲོགས་དུནྡུ་བྷི། །རྩུབ་འགྱུར་སྲ་བའི་གོ་སྟེར་ལྷའི་སྐྱེད་ཚལ། །རྫིང་བདུན་སྤྲུལ་པའི་ལུས་བཟང་རབ་བརྟན་གླང་། །འདི་དག་སུམ་རྩེན་ལྷ་རྣམས་ཀུན་གྱི་དཔུང་། །བྱ་བ་མཐའ་དགས་ལ། །ཤར་རིའི་རྩེ་ནས་སྟོན་ཟླ་གསལ་བའི་འཛུམ། །ཡིད་འོང་མ་ལ་ན་དགའ་མ་མྱོས་པའི་ལུས། །བདག་ཡིད་རབ་དགའ་འདོད་པའི་འགྱུར་བག་བརྒྱ། །སྲོད་མུན་


ZP01_Page_081
[མ་དཔེ་གཟིགས་ན་འདིར་གནོན།]

མཚན་མོའི་ཐུན་ལ་མཉམ་དུ་མཐོང་། ཡོན་ཏན་མཐའ་གསལ། །ཆུ་སྐྱེས་ལང་འཚོ་དངར་བའི་སྐྱེད་ཚལ་གཞི། །འཛུམ་རླངས་འོད་དཀར་འཕེན་པས་རི་བོང་འཛིན། །སྙིང་སྡུག་མིག་ཟུར་གཡོ་བའི་སྨིན་ཁྱུག་གིས། །བཞིན་དཔལ་ལང་ཚོའི་དཀྱིལ་འཁོར་མཛེས་པར་བྱས། རྫས་མཐའ་གསལ། །འབྲལ་དཀའ་སྙིང་ལ་གནས་པའི་ཡིད་གཅུགས་ཤིང་། །འཁྱུད་པའི་རེག་འཇམ་བདེ་སྟེར་ལྷ་ཡི་ལུས། །འཛུམ་བག་དལ་གྱིས་བལྟ་བའི་རྣམ་འགྱུར་དང་། །བརྩེ་བའི་གསང་གཏམ་གླུར་ལེན་བདག་གི་གྲོགས། ཕྲེང་བའི་གསལ་བྱེད། ལང་ཚོའི་དཔལ་གྱིས་དགའ་མའི་མྱོས་པ་དང་། དེས་ནི་བདག་ཡིད་གདུང་བའི་རྣམ་འགྱུར་གྱིས། །འཕེལ་བྱས་འཁྱུད་བའི་སིམ་པ་གཞལ་དཀའ་བའི། །མིག་ཟླུམ་དགའ་བའི་རང་བཞིན་རྣམ་པར་གསལ། །འགལ་བའི་གསལ་བྱེད། མྱོས་ལྡན་དགའ་མའི་རེག་པའི་ཆ་ཤས་ཀྱིས། །གཡོ་བའི་ངང་ཚུལ་གསལ་བའི་བརྡའ་ཐབས་དེས། །སྙིང་ལ་སེམས་པའི་ཁེངས་པ་ཆེར་སྐྱེད་ཅིང་། །ཁྲོ་གཏུམ་བག་མེད་དག་གིས་ཉམས་པར་བྱས། །དོན་གཅིག །ཆུ་འཛིན་གཡོ་བའི་ཕྲེང་ཚོགས་ཀྱིས། །དལ་བུས་མཁའ་ལ་རྒྱུ་བྱེད་ཅིང་། །བསིལ་བའི་ཆུ་ཐིག་ཚོགས་འཐོན་ལ། །ཞིང་པའི་ཡིད་ནི་ཀུན་དགར་བགྱིད། སྦྱར་བའི་གསལ་བྱེད། གཉིས་སྐྱེས་སྙན་པའི་


ZP01_Page_082
[མ་དཔེ་གཟིགས་ན་འདིར་གནོན།]

ཚུལ་སྨྲ་བ། །དམར་སེར་ཉིད་དུ་མཛེས་པ་ཅན། །དུར་བའི་ཚོགས་དག་མཚོར་སྤྱོད་ཅིང་། །འཕགས་ཚོགས་ཡང་དག་དམ་ཆོས་ལ། དོན་བསྐོར་བ། །ཉིན་མོའི་སྣང་བས་གླིང་བཞི་རྣམ་གསལ་ཞིང་། །རི་བོང་འཛིན་པས་མཚན་མོའི་མུན་སེལ་ལ། །སྒྲོན་མེའི་འོད་ཀྱིས་ཁྱིམ་གནས་གཟུགས་སྟོན་ཏེ། །མེ་ཁྱེར་སྲིན་བུས་རང་ལུས་སྣང་བར་བྱས། །ཚིག་བསྐོར་བ། འཛུམ་བའི་སྨིན་མ་གཡོ་ལྡན་པའི། །ན་ཆུང་བཞིན་གྱི་འདྲེན་བྱེད་ཉིད། །དགའ་བས་རྣམ་འགྱུར་གྱིས་བལྟ་བས། །འདོད་པས་ཕྱོགས་དེར་འདྲེན་བྱེད་ཉིད། །གཉིས་ཀ་བསྐོར་བ། །ལེགས་བྱས་ཕུན་ཚོགས་སྐལ་བཟང་ལ་སྤྱོད་པའི། །ཐར་འདོད་སྐྱེ་བོ་ཡང་དག་ཆོས་ལ་གནས། །ཚུལ་བཟང་ཡབ་མེས་གོང་མའི་སྲོལ་སྐྱོང་བའི། །མི་དབང་རྗེ་ཁྱོད་སྲིད་ཀྱི་ཆོས་ལ་གནས། འགོག་པ་ལས་ཐུར་བ་འགོག་པ། །སྐེད་མེད་ལུས་ཕྲ་ལྡེམ་པའི་འཛུམ་གཅིག་གིས། །འདོད་ལྡན་ཡིད་ཀྱི་དལ་བ་བསྲེགས་ཞེས་བརྫུན། །འོན་ཀྱང་ལུས་མེད་བདག་གང་གཡོ་ཆེས་པའི། །རྣམ་འཕྲུལ་དེ་གང་བསམ་པར་དཀའ་བ་ཉིད། །ད་ལྟ་འགོག་བ། །གཡོན་མིག་ལྡེམ་པའི་སོར་མོའི་ལྕུགས་ཕྲན་ལ། །མཛེས་ལྡན་སྣ་ཚོགས་རིན་ཆེན་ཕྲས་བཏབ་པའི། །འཁྲོལ་བའི་སོར་གདུབ་རི་མོ་དེས་ཅི་བགྱི། །འཆིང་བའི་བརྡའ་ཐབས་ཁོ་ནས་བདག་ཡིད་ཕྲོགས། །འབྱུང་འགྱུར་འགོག་པ། །གང་ཞིག་


ZP01_Page_083
[མ་དཔེ་གཟིགས་ན་འདིར་གནོན།]

འཁོར་བ་མེ་ཡི་འོབ་འདྲ་ལས། །ཡིད་བྱུང་ཐར་བ་གཉེར་བའི་སྐལ་བཟང་རྣམས། །འདྲེན་མཆོག་མཚུངས་མེད་མིག་བཞིན་མ་བསྟེན་ན། །ཕྱིས་ནི་དམ་འགལ་གསོ་བའི་སྐབས་མི་དབྱེ། ཆོས་འགོག་པ། །རྣམ་འདྲེན་ཁྱོད་གསུངས་ལེགས་བཤད་དམ་པའི་ངག །ཞི་བསིལ་རྣ་བར་འཇེབ་ཅེས་སྨྲ་བ་བརྫུན། །གཞན་དུ་ལས་ཉོན་ཁུར་ལྕིའི་ཉན་བ་པོ། །མཁུར་ཚོས་ཅི་ཕྱིར་མཆི་མས་དག་པར་བྱས། ཆོས་ཅན་འགོག་པ། །སྐལ་བཟང་དམ་པའི་འཁོར་ཚོགས་མང་དབུས་སུ། །ཁྱེད་སྐུ་བརྗིད་པར་བཞུགས་སམ་མ་ཡིན་ཞེས། །དཔགས་ནུས་མིན་ཏེ་འདི་ན་འོད་སྟོང་གི །རང་བཞིན་གཡོ་བ་ཙམ་ལས་གཞན་མ་མཐོང་། རྒྱུ་འགོག་པ། །ཉེས་ཅན་རྣམ་འདྲེན་གང་གི་བཀས་བཀྱོན་ཞིང་། །རྫས་ངན་ཡོལ་གོ་ཕྲོག་སྟེ་བཅོམ་འགྱེད་ཀྱང་། །དྲི་འཛིན་ཡུལ་ལ་ཞེན་པར་མ་བགྱིས་པས། །བདག་གི་སེམས་ནི་ཅི་ཕྱིར་འཇིགས་ཤིང་དངངས། འབྲས་བུས་འགོག་པ། །དུས་སྙིགས་ཉེས་སྤྱོད་བདུད་སྡེའི་བསྟན་པ་དར། །གམ་ན་སྲིན་བུའི་གཡོ་འགུལ་སྡང་བར་སླད། །རྒྱ་དུད་རྩི་ནའི་ཚོང་དུས་འབོལ་ཆེ་ཡང་། །ངེས་པར་བླ་མའི་བཀའ་ལས་འདའ་མ་ནུས། རྗེས་གནང་འགོག་པ། །ཁྱོད་ཞེན་རྫས་དེ་འཆང་ན་ཅི་དགར་མཛོད། །ཕྱིས་ནི་དམ་པའི་ཐུགས་འགལ་མང་བསྐྱེད་པས། །རང་རྟགས་སྣང་


ZP01_Page_084
[མ་དཔེ་གཟིགས་ན་འདིར་གནོན།]

བར་གྱུར་ན་ཡིད་གཅུགས་བདག །ཡིད་ཆད་ལྔ་བའི་ལམ་དེར་འགྲོ་བར་འགྱུར། དབང་གིས་འགོག་པ། །རྣམ་འདྲེན་མཆོག་དེས་བཀས་ཀྱང་བཀྱོན་མིན་ལ། །ཉེས་པའི་རྣམ་གྲངས་མངའང་མི་བསྐྱེད་མེད། །འོན་ཀྱང་ཁྱོན་ཞེན་གདུང་བས་མི་གཏོང་བའི། །རྫས་དེ་རྣམ་པ་ཀུན་ཏུ་འཆང་མི་བྱ། མ་གུས་འགོག་པ། །བདག་སེམས་རྩུབ་པའི་དྲི་རྣོན་དེར་མི་དགའ། །འདྲེན་མཆོག་བཀའ་བཞིན་བསྒྲུབ་ལ་ཡིད་མགུ་མོད། །གྲོགས་དག་རང་གི་བཞེད་པ་ཇི་ལྟ་བུ། །བགྱིད་ཀྱང་གནས་ཚུལ་ཙམ་ཞིག་ཞུས་པ་ལགས། ཤིས་བརྗོད་ཀྱིས་འགོག་པ། །གྲོགས་དག་འཕྲལ་དགའི་རྫས་དེར་ཡིད་མཉེས་ན། །ཡང་ཡང་ལེགས་དགུའི་འབྱོར་བ་རྒྱས་པར་སྨོན། །ཁོ་བོ་ཕྱོགས་དེའི་དྲི་བཞོན་རྫི་ཡིས་ཀྱང་། །རེག་མིན་ཡུལ་ནས་ཕྱི་ཕྱག་བགྱིད་གྱུར་ཅིག །རྩུབ་མོའི་འགོག་བ། །ངས་བསླབ་དམ་པའི་དག་བཞིན་བགྱིད་མིན་བ། །ལོག་ལ་མ་ཐར་བར་སྟོན་ནུས་གཞན་ཞིག་ཚོལ། །ཁོ་བོས་རྣམ་འདྲེན་རྗེ་ལས་གང་ཐོས་པའི། །ལེགས་བཤད་དེ་ལས་གཞན་ཞིག་ཤེས་མི་འགྱུར། །གྲོགས་ཀྱིས་འགོག་པ། །ཁྱོད་ཅིག་འཕྲད་དགའི་གྲོགས་ལ་བརྟེན་བཞེད་ན། །ད་ལྟ་གསར་བའི་སྐབས་འདིར་ཅི་དགེས་མཛོད། །ཕྱི་ནས་སྙིགས་མའི་སྐྱེ་བོའི་རང་རྟགས་ཀྱིས། །ཁོང་ཁྲོས་རྣམ་འགྱུར་བསླང་ཚེ་མཉེས་མི་འགྱུར། །འབད་བ་འགོག་པ། །བསླབ་གསུམ་སྤངས་


ZP01_Page_085
[མ་དཔེ་གཟིགས་ན་འདིར་གནོན།]

བླང་བྱེད་ལོས་ཚུལ་འཆོས་ཀྱིས། །དགའ་མའི་འཛུམ་དཀར་འཕེན་ལ་ཁྲོ་སྙམས་ཡང་། །སྙིང་ནས་དགའ་བདེའི་རོ་ལ་ཞེན་ཆེས་པའི། །འདོད་ཞེན་འཛུམ་བག་ཕྱུང་ལ་ཅི་བྱར་ཡོད། གཞན་དབང་འགོག་པ། །ཡང་དག་ཁྲིམས་ལ་སྤངས་བླང་གྱིས་གསུང་ན། །བདག་སེམས་སྣང་བའི་ཡུལ་ལ་ཞེན་བདོ་བས། །རྨི་ལམ་ཡུལ་ནའང་དགའ་མའི་ཕྱོགས་བསྒྲོད་པའི། །གནས་དེར་ཚངས་པར་སྤྱོད་ཅེས་གསུང་བར་རིག །ཐབས་ཀྱིས་འགོག་པ། །ཚུལ་གནས་བསླབ་པའི་ཡང་དག་ཚངས་སྤྱོད་ཁྲིམས། །འཆའ་བར་བཞེད་ན་གང་གིས་བཏུང་ཙམ་གྱིས། །རྣམ་གཡེང་ཉོན་མོངས་འཇོམས་ནུས་བདུད་རྩིའི་ཆབ། །རྩོལ་ཤིག་གསུང་བཞིན་སྤྱི་བོས་བླང་བར་གྱིས། ཁྲོ་བས་འགོག་པ། །དགའ་མའི་དགའ་སྟོན་གསར་པ་དེ་སྤོང་ཞེས། །བརྩེ་མེད་གསུང་གི་ངང་ཚུལ་དེས་བཀྱོན་ནས། །ད་ནི་འདོད་ཡོན་ལམ་ཁྱེར་གདམ་པའི་གནད། །བསྟན་ཀྱང་ཡིད་ཆད་བདག་ལ་དེས་ཀོ་ཅི། མྱ་ངན་གྱི་འགོག་པ། །འཕྲལ་སྣང་དགའ་བའི་ལོངས་སྤྱོད་མ་བྱས་ཤིང་། །གཏན་ཕུག་ལེགས་པའི་ཆོས་ལ་ཕུལ་མིན་པར། །ཉམ་དམན་འཇུར་འགེག་སེར་སྣས་བསྡམ་པའི་ནོར། །སྐད་ཅིག་ཙམ་དུ་དགྲ་སྡེས་བཅོམ་ལ་ལྟོས། འགྱོད་པས་འགོག་པ།


ZP01_Page_086
[མ་དཔེ་གཟིགས་ན་འདིར་གནོན།]

མི་ཆོས་བརྩེ་དགའི་དགའ་སྟོན་མ་མྱོང་ཞིང་། །ལྷ་ཆོས་དམ་པའི་དཀའ་བ་སྤྱད་མིན་ལ། །འདི་སྣང་མཛེས་པའི་ལོངས་སྤྱོད་བསགས་མིན་པར། །ད་ནི་ལང་ཚོ་མཐའ་དག་སོང་བར་གྱུར། །འདི་ཡང་མྱ་ངན། །ཕབ་པའི་དགའ་སྟོན་ཉམས་སུ་མ་མྱོང་ཞིང་། །བསྐྲུན་པའི་རིགས་རྒྱུད་ཆེད་དུ་མ་བཞགས་ལ། །བསྐྱེད་པའི་བཀྲགས་མདངས་ལུས་ཀྱི་ལང་ཚོའི་བཅུད། །ཉེས་གསུམ་འདུ་བའི་ནད་ཀྱིས་ཕྲོག་པར་གྱུར། །ཐེ་ཚོམ་འགོག་པ། །སྐྱེད་ཚལ་པད་མའི་ཕུང་པོ་གཡོ་བའམ། །མཛེས་སྡུག་དགའ་མའི་རྣམ་འགྱུར་ངོམས་སམ་ཅི། །སྣ་ཚོགས་ནོར་བུའི་སིལ་ཁྲོལ་སྒྲོགས་པ་འདི། །འདམ་སྐྱེས་གསར་བའི་ལང་ཚོ་དེ་མ་ཡིན། སྦྱར་བའི་འགོག་པ། །རྡུལ་མེད་སྐྱོན་གྱིས་མ་གོས་དག་པའི་ཞལ། །འདབས་བཀྲོལ་ཡོན་ཏན་མང་འཛིན་རྒྱས་པ་ཅན། །ཡང་དག་གཉུག་མའི་པད་མོ་དེ་སྙེད་ན། །རེག་འཇོམ་འདབ་མའི་རྣ་ཆ་དེས་ཅི་བྱ། དོན་གཞན་འགོག་པ། །ཚེ་གང་གཡོ་སྒྱུས་གཞན་ནོར་བླང་ནའང་། །ཚིམ་གྱུར་འབྱོར་བའི་གོ་སྐབས་མེད་དེ་མཚར། །འོན་ཀྱང་གསོགས་མཁས་བྱི་པའི་བང་མཛོད་ཀྱང་། །མ་སྤྱད་མུ་གེའི་གདུང་བས་ཤི་ལ་ལྟོས། །རྒྱུས་འགོག་པ། །འབྱོར་ལྡན་ཁྱོད་ཅིག་ལོངས་སྤྱོད་རྒྱ་ཆེ་ཞེས།


ZP01_Page_087
[མ་དཔེ་གཟིགས་ན་འདིར་གནོན།]

སུས་ཀྱང་སློང་བའི་བློ་ལྟ་སྐྱེ་མིན་ཏེ། །སྔོན་ནས་གོམས་པའི་གཏོང་སེམས་ཉག་ཕྲ་བས། །སྦྱིན་པ་པོ་ཞེས་སུས་ཀྱང་ཤེས་མི་འགྱུར། །དོན་གཞན་ལ་དང་པོ་ཀུན་ཁྱབ་དོན་གཞན། །སོ་སོ་ཡང་དག་རིག་པའི་རྣམ་དཔྱོད་དོར། །ཆ་མེད་ཕྱི་ནང་དུས་རྡུལ་ཕྲ་མོའི་ཡང་། །རྟག་དངོས་ཚད་མའི་རང་ཚོ་མི་ཟིན་ན། །བདག་མེད་དམ་པའི་ལམ་འདིར་སུ་ཡིས་བསྙོན། །ཁྱད་པར་དོན་གཞན། །ཉི་གཞོན་ལང་ཚོ་དར་བའི་འོད་སྟོང་གཟིས། །སྲིད་གསུམ་ཡིད་ལ་དགའ་བ་སྦྱིན་པ་སྟེ། །འགྲོ་ལ་སྙོམས་པའི་ཕན་བདེ་སྦྱིན་པ་ཀུན། །སུས་ཀྱང་ཡི་གར་འོང་བ་ཆོས་ཉིད་ཡིན། སྦྱར་བའི་དོན་གཞན། །ལེགས་བྱས་ཕུན་ཚོགས་སྟོང་གི་རང་བཞིན་ཅན། །རྒྱལ་རྣམས་འགྲོ་བའི་གཉེན་དུ་གྱུར་བ་སྟེ། །ཉི་མའི་རིགས་སྐྱེས་འོད་སྟོང་སྣང་བ་ཅན། །སྲིད་གསུམ་ཡིད་ཀྱི་གདུང་སེལ་ཁོ་ན་བརྩོན། །མི་འོས་པའི་དོན་གཞན། བློ་འདས་མཆོག་གསང་ཐེག་པའི་གནད་ཤེས་ན། །ཟག་བཅས་ལམ་གྱི་དགེ་བའང་འཆིང་བའི་རྒྱུར། །རྟོགས་ནས་བྱ་རྩོལ་ཞེན་པས་མི་འཆིང་སྟེ། །ཐེག་རྩེ་ཨ་ཏིའི་ཁྱད་ཆོས་བསམ་མི་ཁྱབ། འགལ་བའི་དོན་གཞན། །གཅེར་བུའི་ཚུལ་ཀྱང་བལྟ་བས་མི་ངོམ་པའི། །གཟི་བརྗིད་དཔལ་ལྡན་བཞད་


ZP01_Page_088
[མ་དཔེ་གཟིགས་ན་འདིར་གནོན།]

པའི་རྡོ་རྗེ་སྟེ། །རྟོག་པར་ལྡན་མིན་སྲིང་ཁམས་མུན་སེལ་བ། །རྟ་བདུན་བདག་པོའི་དལ་གྱི་ཁྱད་ཆོས་ཡིན། མི་འོས་པའི་དོན་གཞན། །འགྲོ་ཀུན་སྣང་བྱེད་མིག་དུ་གྱུར་བ་སྟེ། །རྣམ་གསལ་འོད་སྟོང་སྤྲོ་བའི་ཉི་གཞོན་གཞི། །གཏིབ་པའི་མུན་པ་སྟུག་པོར་སྣང་གྱུར་བ། །འབྱུང་པོའི་བྱ་ཚོགས་ལས་སྣང་བ་རྣག་པར་དཀའ། འོས་པའི་དོན་གཞན་བཀོད་པ་ནི། །ཨུད་པལ་གེ་སར་གསར་དུ་དགོད་པ་ཡང་། །ཡིད་ལ་དགའ་བའི་ཕུན་ཚོགས་སྦྱིན་པ་སྟེ། །འཛུམ་པའི་ཚུལ་ལས་བསུང་ཞིམ་ངད་གཡོ་བ། །དགའ་མའི་ཞལ་དང་མཚུངས་པར་རིགས་པ་ཉིད། འོས་ཤིང་མི་འོས་པ། །ཁྲོ་བའི་བརླག་ཚིག་སྒྲ་ལ་གཤུགས་རིགས་ཀྱི། །ཕན་པའི་ཁ་ཏ་སྨྲ་ལ་ཅི་ཕྱིར་ཁྲོ། །གཡུལ་ངོར་མཚོན་ཆས་བརྡེག་ལ་ལེན་འདེབས་ཀྱི། །འཚོ་བྱེད་ག་ཙག་བུས་འདེབས་ལ་རྒོལ་རིགས་སམ། མི་འོས་ཤིང་འོས་པ་ནི། །ཚིག་ཙམ་གྱིས་ཀྱང་ཕས་རྒོལ་དཔུང་འཇོམས་ན། །ཡན་ལག་བཞི་པའི་གཡུལ་གྱིས་ལྟ་ཅི་ཞིག །ཉི་མ་གཅིག་གིས་རྩ་ཤིང་ཀུན་བསྲེགས་ན། །དེ་ཉིད་བདུན་དུ་གྱུར་ན་ཅིས་མི་བསྲེགས། ལྡོག་པ་ཅན་ལ། དང་པོ་གཅིག་གི་ལྡོག་པ་ཅན། །འཁོར་ཡུག་འོད་སྟོང་སྣང་བས་ཁྱབ་བགྱིད་ཅིང་། །སྙོམས་པས་སེམས་ཅན་ཀུན་གྱི་


ZP01_Page_089
[མ་དཔེ་གཟིགས་ན་འདིར་གནོན།]

མགོན་གྱུར་ལ། །གླིང་བཞིའི་མུན་སེལ་ནམ་མཁའི་ནོར་བུ་དང་། །འོད་མཚུངས་འོན་ཀྱང་རྒྱལ་རྣམས་མཚན་དཔེར་བཅས། །གཉིས་ལྡོག་པ། །ཞི་དུལ་ངང་རྒྱུད་དེས་པའི་ཨི་ཤ་ར། །པད་དཀར་འདབ་བཞིན་འཇམས་ཤིང་མཉེན་ན་ཡང་། །དེ་ནི་འདམ་ལས་སྐྱེས་ཤིང་སྨད་པ་སྟེ། །འདི་ནི་མི་ལུས་རིན་ཆེན་རྙེད་པ་ལགས། སྦྱར་བའི་ལྡོག་པ་ཅན། །རིག་སྔགས་སྟོབས་ཀྱིས་འཕགས་དང་འཁོར་ལོས་སྒྱུར། །ཁྱད་ཆོས་ཡན་ལག་བཞི་རྫོགས་འགའ་ཟླའི་དཔུང་། །འཇོམ་མཛད་ཡོན་ཏན་ནོར་བདུན་ལྡན་པ་སྟེ། །ཆོས་དང་སྲིད་ཀྱི་འཁོར་ལོའི་སོ་སོར་དབང་། འགོག་པའི་ལྡོག་པ་ཅན། །སྟོབས་བཅུའི་འཇུག་པ་རྒྱ་ཆེ་ལྷ་མིན་དཔུང་། །ཉམས་མཛད་ཐུབ་པ་མཆོག་ལ་འགྲན་ནུས་མཐུ། །གཡོ་སྒྱུས་ཕ་རོལ་གནོན་པའི་ཐབས་སེམས་པའི། །ཚུལ་ངན་གོས་སེར་ཅན་ལ་ཡོད་མ་ཡིན། གཏན་ཚིག་ལྡོག་པ་ཅན། །དཀར་མཛེས་རི་དྭགས་ཆ་འཛིན་གཞོན་གྱུར་ཡང་། །འཕེལ་འགྲིབ་དུས་མེས་སྐྱོན་ལས་མ་གྲོལ་ཕྱིར། རྒྱ་མཚོའི་མར་གསལ་མཁའ་ནས་ངོམས་པ་ཡང་། །དགའ་མའི་བཞིན་ལས་ལྷག་པར་དམན་པ་ཉིད། ཡང་འགོག་པའི་ལྡོག་པ། །དྲི་མེད་དག་པའི་རང་བཞིན་རྒྱ་ཆེ་ཞིང་། །དངོས་


ZP01_Page_090
[མ་དཔེ་གཟིགས་ན་འདིར་གནོན།]

མཚན་སྣང་བའི་ཡུལ་མིན་ཀུན་གསལ་ལམ། །ཆགས་མེད་མཁྱེན་ཆའི་ཡོན་ཏན་རྩལ་དམན་པ། །ཐུབ་པའི་དགོངས་ཀློང་ཡངས་པར་འགྲན་ནུས་མིན། དོན་གྱི་དབྱེ་བའི་ལྡོག་པ་ཅན། །ཐུབ་དབང་རྒྱལ་བའི་སྐུ་དང་གསེར་གྱི་རི། །ཕན་ཚུན་ཐ་དད་ཙམ་དུ་འབྱེད་པའི་ཆོས། །རྣམ་འདྲེན་མཆོག་གང་གདུལ་བྱའི་ཡུལ་ལ་སྟེ། །གསེར་རིའི་འཕྲེང་མཛེས་བ་ཚའི་མཚོ་འགྲམ་བརྟེན། །དཔེ་ཅན་ལྷག་པ། །བུམ་བརྒྱ་སྐྱེས་དེར་མཚན་དཔེའི་ཡོན་ཏན་དང་། །འཁོར་ཡུག་ཁྱབ་པའི་འོད་སྣང་ཡོད་མིན་ཏེ། །ཐུབ་དབང་ཐུགས་རྗེས་རང་བཞིན་སྐུའི་བཀོད་པ། །རྟགས་པར་ཡོན་ཏན་ཚོགས་འདིས་སྤྲས་པ་ལགས། །མཚུངས་ཆོས་འབྱེད་བྱེད་གཉིས་ཀ་ཅན། །བྱང་ཕྱོགས་ལྷུན་པོའི་ངོས་དང་ཐུབ་དབང་སྐུ། །གསེར་མདོག་བལྟ་ན་སྡུག་ཅིང་མཛེས་པ་སྟེ། །ཁྱོད་སྐུ་དམར་སེར་ཆོས་གོས་རྣམ་གསུམ་དང་། །རི་དབང་མཚམས་སྤྲིན་གསར་བས་མངོན་པར་སྤྲས། འབྱེད་བྱེད་ཅན། །ཐུབ་སྐུ་ཡོན་ཏན་རྒྱ་མཚོས་བརྗིད་པ་སྟེ། །རི་དབང་རིན་ཆེན་སྣ་ལྔའི་དཔལ་མཐོ་བའི། །རྒྱལ་རྣམས་གྲངས་མེད་སྤྲུལ་པའི་རྟེན་གྱུར་དེ། །ལྷུན་པོ་ལྷ་གནས་བྱེ་བའི་རྨིང་དུ་གནས། རིགས་མཐུན་འབྱེད་པའི་ལྡོག་པ་ཅན། །སྐྱེད་ཚལ་རོལ་བའི་རྫིང་བུ་མ་སྐྱེས་ཤིང་། །ཉི་གཞོན་འོད་སྣང་དང་པོའི་བྱེ་


ZP01_Page_091
[མ་དཔེ་གཟིགས་ན་འདིར་གནོན།]

མིན་པའི། །རེགས་འཇོམས་མཆུ་སྒྲོས་པད་མའི་གེ་སར་ལ། །འཐུངས་ཤིང་འཐུངས་ཤིང་བདུད་རྩིའི་ཟིལ་དངར་སྤྲོ། །སྲིད་པ་ཅན་ཕྱི་དུས་ལ་སྦྱར་བ། །མ་བྲིས་མེ་ཏོག་ཚོན་བརྒྱའི་མདངས་འབར་དབུས། །མ་བསྐུལ་གླུ་སྙན་དབྱངས་སྒྲོགས་བྷཱ་མ་ར། །མ་བོས་གེ་སར་རྩི་ལ་འདུ་བའི་ཚུལ། །བྱ་མིན་སྐྱེད་ཚལ་མཛེས་པའི་དགའ་བ་ལགས། ནང་ལང་ཚོ་ལ་སྦྱར་བ། །མ་བསྐུས་པ་སངས་དཀར་བའི་མདངས་འཛིན་བཞིན། །མ་བྲིས་ལི་ཁྲིས་མཁུར་ཚོས་བཀྲགས་པ་ཅན། །མ་མཐོང་སྙིང་ལ་སེམས་པའི་དགའ་སྟེར་བ། །མ་འདྲིས་ཡིད་ཀྱི་དབུས་ན་གནས་འདི་ཅི། ངོ་བོ་ཙམ་སྟོན་པ། །མ་སྡུས་ཁྲོ་གཉེར་རི་མོ་མི་གཡོ་བའི། །མ་བསྐུས་མིག་སྨན་ཐལ་བའི་མདང་འཛིན་པ། །མ་བརྡར་བརླགས་ཚིག་རང་གཤིས་རྣོ་པ་ཅན། །མ་བཅོས་མ་རབ་སྐྱེ་བོའི་རང་གཤིས་ལགས། བསྡུས་བརྗོད་ལས་དང་པོ། སྤྱིའི་བསྡུས་བརྗོད། །དུད་པའི་འབྲས་བཟང་རོ་བདའི་བཟའ་ཤིང་ཚལ། །སྤྱོད་པའི་ངོ་མཚར་འབྱོར་བས་ཚིམ་མིན་པར། །ཟོས་ཟིན་ཡལ་གས་སྤངས་བའི་སྡོང་དུམ་ལ། །དངར་བའི་འབྲས་བཅུད་འཚོལ་འདི་བཞད་གད་གནས། ཁྱད་གཞི་ཐ་དད་ཁྱད་ཆོས་གཅིག་པའི་བསྡུས་བརྗོད། །དར་བབས་འཁྲིལ་ལྡེམ་ཆགས་པས་


ZP01_Page_092
[མ་དཔེ་གཟིགས་ན་འདིར་གནོན།]

མཛེས་པའི་དཔལ། །ཡིད་འོང་བསྲུང་ཞིམ་དངར་བའི་ཁྱད་ཆོས་ཅན། །མཐོང་ན་རབ་དགའ་སྙིང་ལ་སིམ་སྟེར་བ། །སྐྱེད་ཚལ་ཨུད་པལ་རྫིང་རིང་བདག་གིས་རྙེད། ཁྱད་ཆོས་ཐ་དད་བ་དད་མིན་པ། །རེགས་འཇམ་འདབ་མའི་སྦུབས་གྲོལ་གེ་སར་ཕྲེང་། །དངར་བཅུད་བདུད་རྩིའི་ཟེག་མ་སྤྲོ་བ་ཡི། །ཡིད་འོང་མཛེས་པའི་ཆ་རྫོགས་ཨུཏྤལ་ཚལ། །གཞོན་པའི་ཡིད་དབང་དགའ་བའི་དགའ་སྟོན་བྱས། སྔོན་མེད་བསྡུས་བརྗོད། །རྩུབ་པའི་རྡོ་གསེག་ཚེར་མས་བཟུངས་མིན་ལ། །དར་རྒུད་དུས་བཞིའི་འགྱུར་བ་མི་ངོམ་ཤིང་། །ཉིན་མཚན་རབ་དགའི་འོད་སྣང་མི་འབྲལ་པའི། །མི་ཡུལ་མེ་ཏོག་སྐྱེད་ཚལ་ཁོ་བོས་རྙེད། ཕུལ་བྱུང་ལས་ཁྱད་འཕགས་ཕུལ་བྱུང་། །རབ་དཀར་མཛེས་པའི་བཞིན་བཀྲགས་མཁུར་ཚོས་ཟུང་། །དམར་བའི་འོད་མཛེས་རེགས་འཇམ་བལྟ་ན་སྡུག །བསུངས་ཞིམ་རྐང་དྲུག་རོལ་བའི་སྐེད་མེད་ལུས། །སྐྱེད་ཚལ་མེ་ཏོག་ཚོགས་དབུས་མཚོན་མ་ཡིན། ཐེ་ཚོམ་ཕུལ་བྱུང་། །རབ་དགའ་གསར་བའི་འཛུམ་འཛིན་ལངས་ཚོའི་དཔལ། །རེགས་འཇམ་དར་དཀར་གོས་ཀྱིས་བཀླུབ་པའམ། །མཛེས་པའི་ཤ་བཀྲགས་གསེར་བའི་ཚུལ་ཡིན་ནམ། །རྣམ་པ་ཅི་ཞེས་བདག་ཡིད་འཕྱང་མོ་ཉུག །ངེས་པའི་ཕུལ་བྱུང་། །འཇམ་མཉེན་དར་དཀར་


ZP01_Page_093
[མ་དཔེ་གཟིགས་ན་འདིར་གནོན།]

གོས་ཀྱིས་ལྷབ་ལྷུབ་ཀྱིས། །བཀླུབ་མིན་སྒྲེན་མོར་སྤྱོད་པའི་འོས་མིན་ཕྱིར། །དགའ་སྟེར་ལང་ཚོའི་ཆ་ཤས་དེ་ཁོ་ན། །སྒྲིབ་བྱེད་ཟ་འོག་གསར་བར་ངེས་པ་རྙེད། ཡང་ཐེ་ཚོམ་ཕུལ་བྱུང་། །འཁྱུད་པའི་རེག་བདེའི་སིམ་གྱུར་ན། །འཁྲིལ་ལྡེམ་ཆགས་པའི་ལང་ཚོ་ནི། །ཕན་ཚུན་གཅིག་ཏུ་འདྲེས་སམ་རྩི། །བདག་ཡིད་ཐེ་ཚོམ་ཁོ་ནར་གནས། ངེས་པའི་ཕུལ་བྱུང་། །གཡོ་བའི་མཆུ་སྒྲོས་འདར་ལྡན་པའི། །ཕན་ཚུན་ཙུམ་པ་ནས་ཐ་དད། །ལན་སྟེར་དེ་མཐོང་ད་དུང་ཡང་། །གཅིག་ཏུ་གྱུར་མིན་ངེས་བ་རྙེད། གྲགས་པ་ཕུལ་བྱུང་། །འཁྲིལ་བག་ལུས་ཀྱི་ཆས་རེགས་པས། །དངོས་མེད་ཡིད་ལའང་དགའ་སྟེར་བ། །དགའ་མ་མྱོས་པའི་བདེ་ཆེན་ཁུར། །འདེགས་བཟོད་འདར་མིན་གསེར་ལྡན་མཚར། རབ་རྟོག་ལས་སེམས་ལྡན། །མྱོས་པའི་ཟུར་མིག་གྱིས་བལྟ་བའི། །མཛའ་གྱུར་མཐོང་བ་སྒྲིབ་བྱེད་པ། །མཐོན་མཐིང་འཕྱང་བ་ལ་ཁྲོ་ནས། །ལན་བུར་སླས་ཏེ་མདུད་པ་བཞིན། སེམས་མེད། །མཛེས་ལྡན་ལུས་ཀྱིས་ཆས་རེགས་ཞེས། །དེ་ལ་དགའ་བ་ཙམ་ཁོ་ནས། །ཟླ་གཞོན་ཁྲུས་རྫིང་ལ་རྩེན་པ། ཀུ་མུད་དགོད་པས་འཕྱ་བ་བཞིན། །ཟླ་ཞུན་དངས་མས་བྱུག་བཞིན་དཀར་བའི་ལུས། །སྟོན་མཚན་ཀུ་མུད་དགོད་ལ་འགྲན་པའི་བློས།


ZP01_Page_094
[མ་དཔེ་གཟིགས་ན་འདིར་གནོན།]

ཆས་བཞིན་དལ་བུས་འོང་བའི་ལུས་ཕྲ་མ། །བལྟའ་འདོད་བ་སྤུའི་འཁྲི་ཤིང་ལྡང་བ་བཞིན། །བཞིན་སྒྲ་ཅན་ནོ། །སྙམ་སྒྲ་ཅན། །ཆ་ཙམ་མིག་ཟུར་མཐོང་པས་མྱོས་པའི་ཡང་། །འདོད་ལྡན་ཡིད་ཀྱི་དལ་བརྙེད་མིན་ན། །ལང་ཚོའི་ཆ་ཀུན་བལྟ་བར་བཟོད་མིན་ཞེས། །སྣ་ཚོགས་ལྷབ་ལྷུབ་གོས་ཀྱིས་བསྒྲིབས་སམ་སྙམས། རབ་བརྟགས་ལས་དོགས་སྒྲ་ཅན། །གང་གི་ལན་བརྒྱར་དབུ་དང་ཕྱག་དག་ཀྱང་། །འགྲོ་ཀུན་ཉེར་མཚོའི་སླད་དུ་སྩལ་མཛད་ནས། །སྲིད་གསུམ་ལང་ཚོའི་མཛེས་པའི་ཡོན་ཏན་དཔལ། །གཅིག་ཏུ་བསྡམ་ཏེ་བདག་གིར་མཛད་པར་དོགས། ངེས་སྒྲ་ཅན། །རྒྱལ་སྲས་ཐུ་བོ་མཚན་དཔེའི་དཔལ་འབར་གཟི། །བཟོད་མིན་རི་དྭགས་མིག་གཞན་ཞུམ་གྱུར་ཚེ། །ལྷ་ཡུལ་ལང་ཚོའི་ཆ་ཀུན་ཡོངས་བསྡོམ་ནས། །ཤ་ཀ་རིགས་གྲགས་འཛིན་ལྷ་མོར་བྱིན་པར་ངེས། །འདྲ་བའི་སྒྲ་ཅན། །བརྒྱ་ཕྲག་བགྲངས་བ་ལས་འདས་མཚན་དཔེའི་དཔལ། །ཟུང་ཙམ་འདྲེན་བྱེད་གྱིས་བལྟ་ནུས་མིན་ཞེས། །ལྷ་དབང་གཙོ་དེས་མིག་དབང་སྟོག་ཕྲག་ཏུ། །སྤྲུལ་ནས་མི་ཡུལ་ལྗོང་འདིར་འོང་བ་འདྲ། མིན་པའི་སྒྲ་ཅན། །བརྒྱད་ཁྲི་བཞི་སྟོང་ལེགས་བཤད་དམ་པའི་ངག །སྒྲ་འཛིན་ཟུང་ཙམ་གྱིས་ཉན་ནུས་མིན་ཞེས། །དང་པོའི་ལེགས་གསུངས་དམ་ཆོས་བསྐུལ་བ་


ZP01_Page_095
[མ་དཔེ་གཟིགས་ན་འདིར་གནོན།]

སོང་། །ལྷ་ཡུལ་རྣ་བ་བརྒྱད་པས་བྱས་མིན་ནམ། རྒྱུའི་རྒྱན་ལས། དང་པོ་སྐྱེད་བྱེད་ཀྱི་རྒྱུ། །གྲངས་མེད་གོམས་པའི་ལེགས་བྱས་ཡོངས་རྫོགས་ཤིང་། །མཚན་དཔེའི་ཡོན་ཏན་ཕུན་སུམ་ཚོགས་པའི་དཔལ། །ཉི་མའི་རིགས་འཁྲུངས་ལེགས་བཤད་དམ་ཆོས་དེས། །སྐལ་བཟང་ཐར་འདོད་ཡིད་ཀྱི་དགའ་བ་བསྐྱེད། ཉམས་བྱེད་ཀྱི་རྒྱུ། །རྒྱལ་སྐུ་འོད་ཟེར་བསིལ་བའི་ཕྲེང་མཛེས་ཚོགས། །ཕུན་ཚོགས་དགེ་ལེགས་བྱེ་བའི་དཔལ་སྤྲོ་ཞིང་། །གྲངས་མེད་འགྲོ་བ་རྣམ་མཁྱེན་སར་དཀྲི་བའི། །ལུས་མེད་དཔུང་བཅས་དགའ་བ་ཉམས་པར་བྱས། རྣམ་འགྱུར་གྱི་རྒྱུ། །བརྒྱད་ཁྲིའི་གྲངས་ལྡན་བཙུན་མོའི་རོལ་རྩེད་དང་། །སྣ་ཚོགས་རྒྱལ་བའི་འབྱོར་བ་དཔག་མེད་པའི། །དབང་བསྒྱུར་འཁོར་ལོའི་སྒྱུར་བའི་རྒྱལ་སྲིད་ཀྱང་། །རྒྱལ་སྲས་མཆོག་དེས་མཆིལ་མའི་ཐལ་བཞིན་གཟིགས། །ཐོབ་བྱེད་ཀྱི་རྒྱུ། །འདོད་ཡོན་འཆིང་ཞེན་དམ་པོས་དཀྲིས་པའི་ཡིད། །ཕུན་ཚོགས་དཔལ་ལ་ཆགས་ལྡན་གདུལ་བྱའི་ངོར། །སྲབ་འཇམ་དར་དཀར་ཤ་ནའི་གོས་སྤངས་ཏེ། །ཐབ་ཀྱིས་ཕྱག་དར་ཁྲོད་པ་བདག་གིར་མཛད། ཕྱི་དུས་ཤེས་བྱེད་ཀྱི་རྒྱུ། །རབ་མཛེས་སྐྱེད་ཚལ་ལང་ཚོ་དར་བབས་ཤིང་། །ཕྱོགས་


ZP01_Page_096
[མ་དཔེ་གཟིགས་ན་འདིར་གནོན།]

ཕྱོགས་བུང་བའི་བུ་མོས་འཕུར་ལྡིང་གཡོ། །སྣ་ཚོགས་བཀོད་པས་མཛེས་པའི་གནྡྷོ་ལར། །ཐུབ་མཆོག་ཟླ་བ་གསུམ་ཞིག་གནས་པར་མཛད། ནར་ཤེས་བྱེད་ཀྱི་རྒྱུ། །གང་གི་སྨིན་མཚམ་མཛེས་པའི་མཛོད་སྤུ་ལས། །སྣ་ཚོགས་འོད་ཟེར་འཕྲོ་ཞིང་མཛེས་འབར་བ། །གཙུག་ཏོར་འཁོར་ལོ་འདུ་བའི་ངང་ཚུལ་འདིས། །རྒྱལ་སྲས་མཆོག་རྣམས་བྱང་ཆུབ་ལུང་སྟོན་ངེས། སྔན་མེད་བའི་བྱེད་རྒྱུ། །འཇུང་དང་སེར་སྣས་གསོག་འཇོགས་མ་བྱས་ཤིང་། །དཀའ་ཚེག་ངལ་བའི་འདོད་པས་བསྒྲུབ་མིན་ལ། །གཞན་འབྱོར་དཔལ་ལ་རློམ་སེམས་མ་བྱས་པའི། །སེམས་དཔའ་ཆེ་རྣམས་ལོངས་སྤྱོད་ཕ་མཐར་སོན། ཡང་ན། མཁོ་དགུ་ཡོ་བྱད་དངོས་པོ་མ་བསྲབས་ཤིང་། །ཞི་བསིལ་དམ་ཆོས་བདུད་རྩི་མ་བཏུང་བར། །ཡང་དག་ཚངས་སྤྱོད་བླང་མིན་སྐྱེ་བོ་འགའ། །ཐུབ་དེ་ཞི་བར་གཤེགས་ཞེས་མྱ་ངན་བྱེད། ཞི་གནས་མེད་པའི་བྱེད་རྒྱུ། །མཚུངས་མེད་སྐྱོབས་པ་དེ་ཡང་ཞི་བར་གཟིམ། །འགྲོ་ཁམས་དགེ་ལེགས་དཔལ་འབྱོར་ཀུན་ནས་ཉམས། །རྗེས་འཇུག་བསླབ་གསུམ་ཁྲིམས་ཀྱི་ཚུལ་ཞིག་པས། །བདག་ནི་བསྟན་པ་རིན་ཆེན་ཁོ་ན་སེམས། ཕན་ཚུན་མེད་པའི་བྱེད་རྒྱུ། །མཆོག་གསུམ་སྐྱབས་དེ་སྲིད་འབྱོར་དཔོན་མ་ཡིན། །རྡོ་རྗེའི་མཆེད་ལྕམ་གཉེན་འདུན་བུ་ཚ་མིན། །སྒོ་གསུམ་ངལ་


ZP01_Page_097
[མ་དཔེ་གཟིགས་ན་འདིར་གནོན།]

འདི་ཚེ་འདིའི་ཆེད་མིན་ཞིང་། །ལེགས་བཤད་འཁྲུལ་བ་མིན་དེས་དགའ་བ་ལ། སྤངས་ནས་མེད་པའི་བྱེད་རྒྱུ། །ཐོགས་མེད་རྒྱུན་དེ་ཉོན་མོངས་སྒྲིབ་པའི་ཆ། །དངོས་འཛིན་རང་སྣང་ཤེས་བྱའི་དྲི་བཅས་ཀུན། །གཉེན་པོའི་ཡེ་ཤེས་མཆོག་གིས་སྤངས་ཟིན་དེས། །རྒྱལ་རྣམས་ཐུགས་རྗེས་གཟིགས་པ་ཕ་མཐའ་མེད། ལྡོག་སྐྱེད་བྱེད་ཀྱི་རྒྱུ། །གང་གི་མཉན་ཡོད་ཆོ་འཕྲུལ་འདུན་ཁང་དུ། །སྣ་ཚོགས་སྤྲུལ་བསྒྱུར་མ་བསྟན་པ་མིན་ན། །ཕྱིར་རྒོལ་རྫོགས་བྱེད་ལ་སོགས་སྟོན་པ་དྲུག །ཉམས་སྨད་འགྱོད་བཅས་ཡུལ་དབུས་མི་གནས་འགྱུར། རིང་འབྲས་ཀྱི་རྒྱུ། །ཐུབ་པའི་ཆོ་འཕྲུལ་རྣམ་རོལ་མི་ཟད་པས། །ལོག་རྟོག་སྟོན་པ་དྲུག་པོ་ཚར་བཅད་པས། །ཁེངས་ལྡན་རལ་ཁུར་ལྕི་བ་འབུམ་ཕྲག་ཡང་། །འདུད་བཞིན་ཡང་དག་ཚངས་པར་སྤྱོད་ལ་བཀོད། །རྒྱུ་འབྲས་ལྷན་ཅིག་པ་ནི། །ལྷས་བསྟན་བླག་ཤས་དུད་པའི་སྐྱེད་ཚལ་དུ། །རྒྱལ་སྲས་མཚན་དཔེའི་དཔལ་ངོམ་དང་མཉམས་པར། །ཕུན་ཚོགས་ཡོན་ཏན་སྒོ་འཕར་བརྒྱ་ཕྲག་བརྒྱ། །ཤཀ་རིགས་རྒྱལ་པོའི་ཁབ་ན་ཕྱེ་ལ་ལྟོས། །རྒྱུ་ལས་འབྲས་སྔ། །བྱང་ཆུབ་སྙིང་པོའི་མངོན་མཛེས་རྡོ་རྗེའི་གདན། །སྔོན་དུ་ལྷ་ཡུལ་འབྱོར་བས་མཛེས་བྱས་ཤིང་།


ZP01_Page_098
[མ་དཔེ་གཟིགས་ན་འདིར་གནོན།]

ཡིད་འོང་ལྷ་རྫས་བཀྲམ་པའི་ལམ་སྲང་ནས། །ཕྱིས་ནི་ཐུབ་མཆོག་གླང་པོའི་སྟབས་བཞིན་གཤེགས། །རིག་མིན་གྱི་རྒྱུ། །ཐུབ་གསུང་ལེགས་བཤད་ཡང་དག་ཞི་བའི་ལམ། །མཉན་འོས་འཇེབས་ཤིང་འཇམ་པར་བསྟན་པའི་ངག །ལྷར་བཅས་བདུད་རྩིའི་སྣོད་གྱུར་སྐྱེ་བོའི་ཡིད། །སྒྲིབ་གསུམ་མ་རིག་དྲྭ་བ་གཅོད་ལ་དབང་། རིག་པའི་རྒྱུ། །མཚན་དཔེའི་དཔལ་རྫོགས་སྐྱོབས་པའི་ཐུགས་རྗེས་འོད། །ཕུལ་བྱུང་ཡིད་ཀྱི་གདུང་སེལ་མི་ཟད་པའི། །ས་འོག་ལག་འགྲོ་གདུང་བའི་མུན་ཚོགས་ཀྱང་། །རྨིག་མེད་གཞིལ་གྱུར་སྣང་བ་བསམ་མི་ཁྱབ། །ཕྲ་མོའི་རྒྱན་ལས་ཟུང་གྱི་ཕྲ་མོ། །དཔུང་བཅས་ཤཀ་རིགས་གཞོམ་འདོད་དམགས་ཚོགས་མདུན། །ཟླུམ་པོར་ཡལ་འདབ་གནས་མིན་ལྗོན་པའི་གྲིབ། །ཁྲལ་ཁྲོལ་ཉི་ཟེར་ཐིག་ལེའི་ཕིག་པའི་དྲུང་། །ཞི་གྱུར་ཐུབ་པ་མཆོག་གིས་བསིལ་གྲིབ་བརྟེན། རྣམ་པའི་ཕྲ་མོ། །ཕུན་ཚོགས་ལེགས་བྱས་མཆོག་གིས་བསྐྲུན་པའི་སྐུ། །མཐོང་ཙམ་ཉིད་ནས་དད་པའི་ཡིད་གཡོ་ཞིང་། །སོར་བཅུ་སྙིང་གར་ཟུམ་པའི་ཕྱག་རྒྱ་དང་། །ལྷན་ཅིག་ཨུད་པལ་མེ་ཏོག་འཐོར་བ་མཐོང་། ཆའི་རྒྱན་ལས་ཟོལ་གྱིས་སྦེད་པའི་འོས་པའི་ཆ། །འདུད་བཅས་ལ་སྦྱིན་ལག་པད་ཟུམ་པ་ཡི། །ཐལ་སྦྱར་གུས་


ZP01_Page_099
[མ་དཔེ་གཟིགས་ན་འདིར་གནོན།]

བཅས་ཐུབ་མཆོག་ཞབས་དྲུང་ན། །གང་ཞབས་སྤྱི་བོར་ལེན་པའི་ཚུལ་འཛིན་པ། །སྤྲུན་གྱུར་བཀུར་སྟིར་བྱེད་ལས་གཞན་དུ་ཅི། །མི་འོས་པའི་ཆ། །རྩུབ་པའི་དུག་ལྡན་སེན་མོས་འདེབས་པའི་ཚུལ། །ཐུབ་དབང་ཞབས་དཀྱིལ་འཁོར་ལོ་རེགས་པས་ཡང་། །མཚན་དཔེའི་རང་བཞིན་མདུད་མེད་འཇམ་པའི་དཔལ། །སྲིད་དམ་ཅི་ཞེས་བལྟ་ལས་གཞན་དུ་ཅི། ཟོལ་གྱིས་སྨད་པའི་ཆས། །ཤཀྱའི་རིགས་སྐྱེས་རྒྱལ་པོའི་སྲིད་ལ་དགའ། །སྒྱུ་རྩལ་ཀུན་ཤེས་ཕུན་ཚོགས་ཐབས་ལ་མཁས། །རྙེད་བཀུར་ཕུལ་བྱུང་གཅུང་གྱུར་ལྷས་བྱིན་ཡང་། །ཐུབ་པ་ཁྱོད་ཀྱི་འཁོར་དུ་འོས་པ་ལགས། ཟོལ་གྱིས་བསྟོད་པ། །འཁོར་གྱུར་བརྣག་པའི་ཟུག་རྔུ་སྙིང་བཅང་ནས། །འཕྲུལ་སྒྱོགས་འཁྲུལ་འཁོར་འཕེན་པའི་གཅུང་ལའང་། །ཕྱིར་རྒོལ་བརླག་པའི་ཐབས་ཚུལ་དགོངས་མིན་པ། །ཐུབ་པ་དགྲ་ཐུལ་ཁྱོད་ཀྱིས་རིགས་སམ་ཅི། །རིམ་པ་ཅན་གྱི་རྒྱན། །སྲིད་ཞིར་དབང་མཛད་ཐུབ་པ་མཆོག་ཁྱོད་ཀྱི། །མཛོད་སྤུ་མཛེས་འབར་གཙུག་ཏོར་མཐིང་ཀའི་འོད། །དཀྱུས་རིང་སྤྱན་ཟུངས་ཟླ་གཞོན་ནམ་མཁའི་ཁམས། །ཨུད་པལ་ལང་ཚོ་ཕྲོག་པར་ངེས་པ་རྙེད། དགའ་བའི་རྒྱན་ལས། དངོས་ཐོབ་ཀྱི་དགའ་བ། །བསྐལ་མང་ལེགས་བྱས་སྣང་བའི་དཔལ་མཐོ་བའི། །ཐུབ་དབང་མཚན་མཆོག་མཛེས་མཐོང་


ZP01_Page_100
[མ་དཔེ་གཟིགས་ན་འདིར་གནོན།]

དགའ་བའི་ཚུལ། །གང་ཡིན་སླར་ཡང་སྐྱོབས་པའི་དྲི་མེད་ཞལ། །ངེས་པར་བལྟ་ལས་གཞན་དུ་འབྱུང་མི་འགྱུར། གཟུགས་བརྙན་དགའ་བ། །ཞི་གྱུར་རྒྱལ་བ་སྐྱོབས་པའི་ཆོས་ཀྱི་སྐུ། །ཕུན་ཚོགས་ཡེ་ཤེས་གཟིགས་པའི་ཡུལ་ཡིན་གྱི། །མཐོང་འོས་གདུལ་བྱར་མངོན་སྣང་གཟུགས་སྐུའི་དལ། །སྐལ་བཟང་མིག་གི་བདུད་རྩིར་ལོངས་སུ་སྤྱོད། ཉམས་ལྡན་ལས། སྒེག་པའི་ཉམས། །དགྱེས་རོལ་བདུད་རྩིའི་རོས་མྱོས་རྒྱལ་པོའི་སྲིད། །སྤངས་པའི་དཀའ་ཐུབ་ལུས་ཅན་དོན་ཀུན་གྲུབ། །ཐེག་ཆེན་བདེ་སྟོང་རྡོ་རྗེའི་ལམ་མཁྱེན་ནས། །ལྷ་ཡུལ་ཕྱག་རྒྱའི་ལམ་བརྟེན་འགྱེས་དགུར་རོལ། དྲག་ཤུལ་གྱི་ཉམས། །བརྗིད་བག་ཁྲོས་པའི་ཚུལ་གནས་གསང་འཛིན་དབང་། །བཞུགས་བཞིན་ཐུབ་དབང་རྒྱལ་ལ་ཅོ་འདྲི་ཞིང་། །བསྐུལ་བཅས་བསླུ་བའི་སེམས་ལྡན་མུ་སྟེགས་སྡེ། །སྐད་ཅིག་སོས་དལ་སྟན་ལ་གནས་འགྱུར་རམ། དཔའ་བའི་ཉམས། །སྡེར་བཅས་དཔུང་གི་བཀོད་པ་བཤམས་མིན་ཞིང་། །སྣ་ཚོགས་རྒྱུ་ཡི་གཡོ་ཐབས་མ་བྱས་པར། །གང་ཞབས་རྩིབས་སྟོང་མཚན་མའི་གཟི་འབར་བ། །ལྷར་བཅས་དྲེགས་ལྡན་རལ་པའི་རྩེ་མོར་བཀོད། །སྙིང་རྗེའི་ཉམས། །ཨུཏྤལ་དོ་ཤལ་འཕྱང་བའི་ལྷབ་ལྷུབ་ཀྱིས། །ལེགས་སྤྲས་ཤཀ་རིགས་བུ་མོ་ལྔ་བརྒྱ་དག །རྩུབ་རྣོན་མཚོན་གྱིས་ཡན་ལག་


ZP01_Page_101
[མ་དཔེ་གཟིགས་ན་འདིར་གནོན།]

ཀུན་གཏུབ་སྟེ། །གཡོ་འགུལ་མེད་པའི་དོང་ན་འོ་དོད་འབོད། །མི་སྡུག་པའི་ཉམས། རུལ་མྱག་གཤང་ལྕིའི་འདབ་རྫབ་དྲི་ང་པར། །མི་གཙང་སྣབ་ལུད་སྐྱུགས་པའི་རོས་འཚོ་ཞིང་། །དལ་བུད་གཡོ་འགུལ་བྱེད་པའི་སྲིན་བུའི་ཁྲོད། །ཐུབ་ཁྱོད་གསེར་གྱི་སྦྲང་མས་ལེགས་བཤད་སྒྲོག །བཞད་གད་ཀྱི་ཉམས། ཡང་དག་ཚངས་སྤྱོད་ཁུར་འཛིན་རལ་པ་ཅན། །ཁྱོད་ཅིག་ཐུབ་དབང་རྒྱལ་ལ་ཅོ་འདྲི་ན། །དང་པོར་མཛེས་ལྡན་སྐེད་མེད་མཛེས་མཐོང་བའི། །ལྡང་བའི་སྤུ་ལང་ཅུང་ཞིག་སྙོལ་བར་རིགས། །ཉམས་ལྡན་ལས་རྨད་བྱུང་གི་ཉམས། ཐུབ་པ་ཁྱོད་གསུང་འདུལ་བ་རིན་པོ་ཆེ། །སྐལ་བཟང་ཐར་འདོད་ལེགས་ལམ་འཇུག་རོགས་ཏེ། །མ་བསྡོམ་བབས་ཅོལ་བསྲུང་བའི་མེལ་ཚེ་དང་། །ཉོན་མོངས་ཚང་ཚིང་བསྲེགས་པའི་མེ་ཚོགས་ལགས། །འཇིགས་རུང་གི་ཉམས། གདུལ་དཀའ་དྲེགས་ལྡན་གདུགས་པའི་འཁོར་ཚོགས་དབུས། །ཐུབ་ཁྱོད་འཁྱོལ་བའི་ཁྲོ་བོ་ལྟར་བསྟན་ཏེ། །གཤེ་བའི་སྒྲ་གདངས་ཧ་ཧར་དགོད་པའི་སྒྲས། །ཐོས་ཙམ་ཉིད་ནས་བདུད་སྡེའི་སྙིང་རྩ་འདར། །གཟི་བརྗིད་ཅན་གྱི་རྒྱན། ནགས་ཕྱོགས་བདུད་སྡེའི་ཚོགས་ཀུན་འཇོམས་མཛད་ཅེས། །ཕྱི་རྒོལ་གང་དག་དེང་སྐྲག་མི་འོས་ཀྱི། །ཐུགས་རྗེའི་འོད་སྣང་བཀྲག་འབར་བཟོད་མིན་ལས། །ཐུབ་པ་དེས་ནི་འགྲོ་ཀུན་སྲས་བཞིན་གཟིགས། །རྣམ་གྲངས་བརྗོད་པ། ཁྱོད་ཀྱིས་ཤཀ་རིགས་ལས་བརྩམ་


ZP01_Page_102
[མ་དཔེ་གཟིགས་ན་འདིར་གནོན།]

ཆོས་སྟོན་ཞེས། །ཐུབ་པ་གང་ལ་གཉེན་རྣམས་ཀྱིས་ཞུས་ཚེ། །རྡོ་རྗེའི་སྐུ་ཡང་བསྙུན་པའི་ཚུལ་ཙམ་དུ། །དྲན་པ་ཉེ་བར་བཞག་སྟེ་གཟིམ་ཚུལ་སྟོན། །ཀུན་ཕན། འཛམ་གླིང་ལྟ་ངན་ཐིབ་པོས་ཡོངས་བསྐོར་ཏེ། །ལམ་དང་ལམ་མིན་འབྱེད་པའི་བཤེས་བྲལ་བས། །ཕལ་ཆེར་ངན་འགྲོར་ཆས་ལ་བརྩོན་པ་ན། །ཐུབ་པ་ཁྱོད་ཀྱི་མཚན་དཔེ་ལྗོངས་འདིར་ངོམས། །བསམ་པ་རྒྱ་ཆེ་བ། ལྷར་བཅས་འགྲོ་བའི་ཅོད་པཎ་རྩེས་བཏུད་ཅིང་། །ཕུལ་བྱུང་སྒྱུ་རྩལ་དུ་མས་ཕྱུག་གྱུར་པ། །ས་བཅུའི་དབང་ཕྱུག་ཟས་གཙང་སྲས་དེས་ཀྱང་། །ད་དུང་རབ་ཏུ་འབྱུང་ཞེས་ཡབ་ལ་གསོལ། །འབྱོར་བརྒྱ་ཆེ་བ། སྣ་ཚོགས་རིན་ཆེན་ལས་གྲུབ་གཞལ་མེད་ཁང་། །ཡིད་འོང་ནོར་བུས་གཅལ་དུ་བཀྲམ་པའི་ཁྲིར། །བརྒྱད་ཁྲིའི་བཙུན་མོའི་འཁོར་དབུས་དགྱེས་རོལ་པའི། །ལྷ་མིའི་འབྱོར་དགུའི་ཕུན་ཚོགས་ཤཱཀྱའི་སྲས། །ཆོས་ལ་བསྙོན་དོང་། སྲིད་གསུམ་འགྲོ་བའི་སྣང་བར་རྗེས་མཐུན་པའི། །གྲངས་མེད་སྤྲུལ་པས་རོལ་མཛད་ཤཱཀྱའི་ཏོག །གཅིག་ཉིད་མ་ཡིན་མི་མཇེད་ལྗོངས་ཁོ་ནར། །དུས་གཅིག་བརྗོད་འདས་ཐུབ་རྣམས་བྱོན་པར་ངེས། །ལུས་ལ་བསྙོན་པ། ཐུབ་པའི་མཚན་དཔེ་ཕུན་ཚོགས་ལང་ཚོའི་གཟི། །བདུད་རིགས་ལོག་ལྟའི་སྙིང་ལབ་རྣག་དཀའ་བའི། །མི་བཟོད་སྡུག་བསྔལ་ཁུར་ལྕི་སྦྱིན་པ་སྟེ། །གཞན་དུ་ཕུན་ཚོགས་ཀུན་གྱི་བྱེད་པོར་གྲགས། །རང་བཞིན་བསྙོན་དོན་གྲངས་མེད་བསྐལ་


ZP01_Page_103
[མ་དཔེ་གཟིགས་ན་འདིར་གནོན།]

མང་གོང་ནས་འབྲལ་མེད་པར། །ཐུབ་པས་བྱང་ཆུབ་སྤྱོད་པའི་གྲོགས་གྱུར་བ། །གཞན་འཕྲུལ་བདག་གང་བདུད་གྱུར་མ་ཡིན་ཏེ། །ལེགས་ལམ་པར་གཅོད་བྱེད་པ་བདུད་རྩེས་གྲགས། སྦྱར་བ་ལས་ཐ་དད་མིན་པའི་སྦྱར་བ། རབ་མཛེས་ལང་ཚོའི་དཔལ་རྫོགས་མིག་གི་དཔྱིད། །སྐྱེ་དགུའི་ལེགས་ཚོགས་ཕན་བདེའི་བྱེད་པོ་དེ། །སྣ་ཚོགས་འདོད་དགུའི་ལོངས་སྤྱོད་རྒྱ་ཆེ་བའི། །བདག་ཉིད་དབང་ཕྱུག་ཆེན་པོ་དེ་ཁོ་ན། །ཐ་དད་ཚིག་འདྲའི་སྦྱར་བ། སྣ་ཚོགས་སྣང་བའི་ཡུལ་རྣམས་ཀུན་ཁྱབ་འཇུག །གཅིག་ལས་དུ་མའི་རྣམ་རོལ་ལེགས་འཆར་བའི། །ཐུགས་རྗེའི་ཁུར་བསྣམ་ཕན་མཛད་ཚུལ་ཤེས་ན། །སྐྱེས་བུ་དེའང་རྒྱལ་བའི་རྗེས་སུ་འཇུག །བྱ་བ་ཐ་དད་མིན་པའི་སྦྱར་བ། །འགྲོ་ཀུན་བརྩེ་བས་གཟིགས་པ་མི་འདོར་བའི། །ཞི་བའི་རེགས་བཞིན་ཡང་དག་ལམ་སྟོན་མཛད། །རྒྱལ་བ་མཆོག་དང་དེ་ཡི་སྲས་རྣམས་ཀུན། །འགྲོ་བ་ཀུན་གྱི་སྐྱབས་མགོན་ཉིད་དུ་བཞུགས། །བྱ་བ་འགལ་མིན་གྱི་སྦྱར་བ། །ཕུན་ཚོགས་ལེགས་ལམ་སྣང་མཛད་སྐྱེ་རྒུའི་བཤེས། །གང་ལ་བརྟེན་རྣམས་རྣམ་གྲོལ་མཛོད་བརྙེས་པའི། །ཐུབ་པའི་མཚན་དཔེ་ཡོན་ཏན་རྗེས་དྲན་ཏེ། །བསྟན་པ་རིན་ཆེན་དེ་ལ་མཇུག་པར་འོས། །བྱ་བ་འགལ་བའི་སྦྱར་བ། མཚུངས་མེད་སྐྱོབས་པ་དེ་ཡི་རྗེས་ཞུགས་ཏེ། །ཟད་དང་ཟིལ་གནོན་རྫུ་འཕྲུལ་སྟོབས་བརྙེས་པའི། །ཐོས་སྒྲོགས་འབྲས་མཐར་ཕྱིན་པ་


ZP01_Page_104
[མ་དཔེ་གཟིགས་ན་འདིར་གནོན།]

ཉུང་གྱུར་དེ། །གྲུབ་བརྙེས་སྔགས་རིག་འཛིན་པ་མང་ཞིག་བྱུང་། །ངེས་པའི་སྦྱར་བ། །རྣམ་གྲོལ་ཡེ་ཤེས་མཆོག་ལ་དབང་པོ་དང་། །སྒྲིབ་མེད་ཆོས་ཀུན་གཟིགས་ལ་སྤྱན་ཉིད་དེ། །ཟག་མེད་ཡོན་ཏན་ཕུང་པོའི་སྒྲས་བསྟན་པའི། །བདུད་བཞིའི་དགྲར་བགྱིད་མི་འཇིགས་ཐུབ་པ་ལགས། །ངེས་པ་འགོག་བའི་སྦྱར་བ། ཐུབ་ཁྱོད་གདུལ་བྱའི་ཡུལ་ལ་ནི་སྟྲིཾ་ཤ །གདུལ་དཀའ་གདུག་པའི་འཁོར་ལ་ཁྲོ་བའི་ཚུལ། །ཁོ་ནར་སྣང་མོད་འོན་ཀྱང་རིགས་དྲུག་པའི། །ཐ་མའི་ཕྱག་རྒྱར་རལ་གྲི་དག་ཀྱང་མཐོང་། །འགལ་མེད་ཀྱི་སྦྱར་བ། འདྲེན་པ་ཉིད་དེ་ལེགས་པར་སྤྱོད་པའི་བཤེས། །སྐྱེས་བུའི་མཆོག་གྱུར་གྲོང་ཁྱེར་གསུམ་ལས་འདས། །རང་བྱུང་མཆོག་བརྙེམ་བདུད་རྩིའི་བདག་པོ་སྟེ། །ཁ་ལོ་བསྒྱུར་བ་ཉི་མའི་རིགས་ལས་འཁྲུངས། །འགལ་བ་ཅན་གྱི་སྦྱར་བ། རྒྱལ་རིགས་ཆེན་པོར་སྐྱེས་ཀྱང་སྙེམས་དང་བྲལ། །ལེགས་ཉེས་རྣམ་པར་དཔྱད་དེ་འཁྲུལ་པ་སྤངས། །སྐྱེས་བུ་གདུལ་བ་ཉིད་དྲག་ཤུལ་མིན། །མགོན་པོ་སེམས་ཅན་ཀུན་ལ་སྙོམས་པར་གཟིགས། །ཁྱད་པར་བརྗོད་པའི་རྒྱན་ལས་དང་པོ་ཡོན་ཏན་མ་ཚང་བའི་ཁྱད་པར་བརྗོད་པ། གང་གི་བྱམས་པ་ཆེན་པོའི་ཏིང་ངེ་འཛིན། །སྲ་མཁྲེགས་བེམ་པོར་མ་ཡིན་རྩུབ་རྣོན་མིན། །འོན་ཀྱང་ལུས་མེད་དཔུང་གི་མཚོན་ཆར་གྱིས། །བརྫི་མིན་གཡུལ་ལས་རྣམ་རྒྱལ་ཤཱཀྱའི་ཏོག །རིགས་མ་ཚང་བའི་ཁྱད་པར་བརྗོད་པ། ཐུབ་པའི་ཆོས་འདུལ་རིན་ཆེན་མཛོད་


ZP01_Page_105
[མ་དཔེ་གཟིགས་ན་འདིར་གནོན།]

འཛིན་པ། །ཚངས་དབང་ལྷ་ཡི་སྲས་སུ་འཁྲུངས་མིན་ཞིང་། །རྒྱལ་དང་བྲམ་ཟེའི་རིགས་སུ་མ་སྐྱེས་ཀྱང་། །སྲིད་གསུམ་འགྲོ་བའི་སྤྱི་བོས་མཆོད་པར་འོས། །བྱ་བ་མ་ཚང་བའི་ཁྱད་པར་བརྗོད་པ། །སྟོབས་ཤུགས་གཡུལ་གྱི་རལ་ཁ་སྤྲད་མིན་ཞིང་། །སྒྱུ་རྩལ་འཕོང་གིས་གཅོད་ཚུལ་མ་བྱས་པར། །བརྣག་པའི་ཁྲོས་ལྡན་མ་ཡིན་ཐུབ་པ་དེས། །བདུད་རིགས་ལོག་སྤྱོད་གཡུལ་ངོ་ཕམ་པར་མཛད། །རྫས་མ་ཚང་བའི་ཁྱད་པར་བརྗོད་པ། རྒྱལ་བའི་ལེགས་བཤད་ཕ་རོལ་ཕྱིན་པའི་གཏམ། །སྙིང་ལ་ངེས་གནས་དུལ་བའི་བཟོད་ལྡན་ན། །སྲ་བའི་གོ་དང་རྣོ་བའི་མཚོན་སྤངས་ཀྱང་། །ཕ་རོལ་དགྲ་ཡིས་བརྫི་མིན་ངེས་པ་རྙེད། །རྒྱུ་མ་ཚང་བའི་ཁྱད་པར་བརྗོད་པ། རྒྱལ་པོའི་སྲིད་སྤངས་གཅིག་པུར་གནས་མཛད་ཅིང་། །ལོངས་སྤྱོད་འབྱོར་མིན་གཟི་བརྗིད་དཔལ་མངའ་མིན། །དཀའ་ཐུབ་ལུས་ཅན་དོན་ཀུན་གྲུབ་པ་དེ། །འཇིག་རྟེན་ལྷ་མིར་བཅས་པའི་ཕྱག་འོས་ཉིད། །བསྟོད་པའི་མཚུངས་སྦྱོར། ཉིན་བྱེད་དཀྱིལ་འཁོར་བཀྲག་དང་ཟླ་གཞོན་ཁམས། །ནོར་བུའི་སྒྲོན་མེ་ཚངས་ཆེན་ལྷ་ཡི་ལུས། །ཐུབ་པ་ཁྱོད་སྐུའི་ལང་ཚོ་མ་སྨད་པ། །འཇིག་རྟེན་སྣང་བྱེད་ཁོ་ན་སྲིད་ན་གླེང་། །སྨན་པའི་མཚུངས་སྦྱོར། གཞན་འཕྲུལ་ལྷ་ཡི་གཙོ་དང་དེའི་སྡེ་རིས། །ལམ་གོལ་སྟོན་པ་དྲུག་དང་མ་སྐྱེས་དགྲ། །ལྷས་བྱིན་ལོག་པའི་བློ་འཆང་དཔལ་སྦས་རྣམས། །དྲེགས་


ZP01_Page_106
[མ་དཔེ་གཟིགས་ན་འདིར་གནོན།]

བཅས་ཐུབ་པར་རྒོལ་ཡང་ཕམ་བར་གྱུར། །འགལ་རྐྱེན་ལས་དང་པོ་ཁྱད་གཞི་ཐ་དད་བྱ་བ་འགལ་བ། ཐུབ་པའི་ལེགས་བཤད་ཆོས་ཀྱི་སྒོ་དབྱེ་བས། །ལྷར་བཅས་སྐལ་བཟང་ལེགས་ལམ་མཆོག་རྙེད་ནས། །རབ་དགའི་དཔལ་ཐོབ་ལུས་མེད་སྡེ་དཔུང་བཅས། །ཕུན་ཚོགས་ཉམས་གྱུར་འགྱོད་བཅས་མྱ་ངན་བྱེད། །གཞི་གཅིག་བྱ་བ་འགལ་བ། ཐུབ་པའི་ལེགས་བཤད་ཆོས་འདུལ་དམ་པའི་མཛོད། །གང་གི་མཐོང་རྣམས་རྣམ་གྲོལ་ལམ་བཟང་ལ། །ལེགས་བརྩོན་རབ་དགའི་ཡོན་ཏན་འཕེལ་འགྱུར་ཞིང་། །ཉེས་བཅས་ལེགས་བཤད་གནས་ལ་སྤྲོ་མི་འགྱུར། །གཞི་གཅིག་གི་ཆོས་དུ་མ་འགལ་བ། ཐུབ་པའི་ལེགས་བཤད་བསླབ་པའི་ཁྲིམས་དམ་ཞིང་། །འཆིང་དང་ཉོན་མོངས་ལྷོད་གྱུར་གང་ལགས་པ། །ཉེས་པའི་ཆ་ཉུང་ཡོན་ཏན་ཚོགས་མང་དེ། །རྣམ་གྲོལ་སྤེལ་མཛད་ཉོན་མོངས་ཆ་ཕྲི་མཛད། །རྫས་དང་ལས་འགལ་བ། །ཐུབ་པའི་ལེགས་བཤད་ཞི་བསིལ་སྙན་གྱུར་པས། །ལམ་གོལ་སྟོན་རྣམས་འཁྲུགས་བགྱིད་ཡེ་ཤེས་དཔུང་། །རྣམ་པར་འབར་མཛད་བདུད་རིགས་ལོག་སྤྱོད་སྡེ། །སྙིང་ལ་ཟུག་རྔུའི་ཚོང་བས་གདུང་བར་བྱེད། །བྱ་བ་འགལ་བ། ཐུབ་པའི་ལེགས་བཤད་ཆོས་ཀྱི་གཏམ་མཛད་ཚེ། །ཐོས་པ་མེད་ཀྱང་བསྟིར་མེད་བཟོད་དཀའ་བའི། །དམྱལ་མེ་འབར་བའང་ཡུད་ཙམ་རབ་ཞི་བའི། །བདུད་རྩིའི་རང་བཞིན་ཉིད་དུ་གནས་པར་གྱུར།


ZP01_Page_107
[མ་དཔེ་གཟིགས་ན་འདིར་གནོན།]

སྦྱར་བའི་འགལ་བ། ཐུབ་པའི་ལེགས་བཤད་འཁོར་ལོ་དང་པོའི་གཏམ། །ཀུན་རྫོབ་མེད་དང་དོན་དམ་ཡོད་པའི་ཚུལ། །སྐལ་བཟང་བློ་དམན་རྗེས་སུ་འཛིན་པ་སྟེ། །སྐལ་དམན་བདུད་རིགས་སྐྱེ་བོ་དངངས་སྐྲག་སྐྱེ། །ཡང་། ཐུབ་པའི་ལེགས་བཤད་ཆོས་ཀྱི་འཁོར་ལོའི་གཏམ། །ཡོད་དང་མེད་པའི་མཐའ་གཉིས་རྣམ་སྤངས་ནས། །སྐལ་བཟང་ཐར་འདོད་རྗེས་སུ་འཛིན་པ་སྟེ། །སྐལ་མེད་བློ་གྲོས་དམན་པ་དངངས་སྐྲགས་སྐྱེ། །ཡང་། ཐུབ་པའི་ལེགས་བཤད་འཁོར་ལོ་ཐ་མའི་གཏམ། །མཐའ་ལ་མི་གནས་གཉིས་མེད་རང་བཞིན་ཚུལ། །སྐལ་བཟང་བློ་ཆེན་རྗེས་སུ་འཛིན་པ་སྟེ། །སྐལ་མེད་ཉན་རང་ཚོགས་རྣམས་དངངས་སྐྲགས་སྐྱེ། །སྐབས་མིན་བསྟོད་པ། ཐུབ་པའི་ལེགས་བཤད་བསྟན་པ་འདི་གནས་བཞིན། །བདུད་རྩིའི་བགོ་སྐལ་ཉམས་པའི་སྐྱེ་བོ་ལས། །གང་ཞབས་འཁོར་ལོས་བཅག་པའི་རྡུལ་ཕྲན་ཁམས། །འཛིན་པའི་གསེར་ལྡན་སྐལ་བ་བཟང་སྙམ་བགྱིད། །མཐུ་ཕུན་ཚོགས་ཀྱི་ཟོལ་བསྟོད། ཐུབ་པའི་ལེགས་བཤད་ཚིག་གི་ཆ་ཙམ་ཡང་། །ཐོས་པས་སྲིད་པའི་ཟུག་རྔུ་དྲུང་འབྱིན་ན། །ཇི་བཞིན་ཉམས་སུ་བླང་བའི་སྐལ་བཟང་དག །ཚེ་གཅིག་མངོན་སངས་རྒྱས་ལ་མཚར་དུ་ཅི། །དཔའ་བ་ཕུན་ཚོགས་ཀྱི་ཟོལ་བསྟོད། །ཐུབ་པའི་ལེགས་བཤད་ཆོས་ཀྱི་བདུད་རྩེ་དེས། །སྲིད་གསུམ་འགྲོ་མང་ངེས་ལེགས་སར་བཀོད་ནས། །གཞན་འཕྲུལ་བདག་པོའི་སྡེ་རིས་ཟད་གྱུར་པས།


ZP01_Page_108
[མ་དཔེ་གཟིགས་ན་འདིར་གནོན།]

སྡུག་བསྔལ་ཁུར་ཆེན་སྦྱིན་འདི་རིགས་སམ་ཅི། །སྦྱར་བའི་ཟོལ་བསྟོད། །ཐུབ་པའི་ལེགས་བཤད་ཆོས་དང་འཁོར་ཚོགས་བཅས། །དམན་པའི་སྤྱོད་ཡུལ་བི་ན་ཡག་སྟེ། །དེ་སླད་ཐུབ་པ་ཁྱོད་ཀྱི་ཕྲིན་ལས་མཆོག །སུས་ཀྱང་འགྲན་ཟླར་བྲལ་ཞེས་གླེང་འོས་སམ། །མཆོག་གི་ངེས་བསྟན། ཐུབ་པའི་ལེགས་བཤད་གཏམ་གྱི་གྲགས་སྙན་དེས། །སྐལ་བཟང་ཡིད་ལ་ཀུན་དགའི་དཔལ་སྟེར་བ། །དབྱར་སྐྱེས་སྤྲིན་གྱི་སྒྲ་བརྒྱ་བཞད་པའི་མོད། །མདངས་ཅན་རབ་དགའི་དཔལ་གྱིས་བྲེལ་དེས་མཚོན། །མཆོག་མིན་ངེས་བསྟན། ཐུབ་པའི་ལེགས་བཤད་གནས་ལས་ཉམས་གྱུར་པ། །གསོན་བཞིན་ལྷས་བྱིན་མནར་མེད་མེས་གདུང་བས། །གང་ཞིག་ཆོས་འདུལ་འདི་ལས་ཕྱིན་གྱུར་རྣམས། །ནམ་ཡང་འཁོར་བའི་གནས་ལས་ཐར་དཀའ་མཚོན། །ཡོན་ཏན་ལྷན་ཅིག་བརྗོད་པ། ཐུབ་པའི་རྗེས་འཇུག་ཚངས་སྤྱོད་བླ་གོས་དང་། །ལྷན་ཅིག་ཐུན་མཚམས་སྤྲིན་གྱི་ལང་ཚོ་མཛེས། །གང་གི་རྣམ་པར་གྲོལ་བའི་ཡོན་ཏན་དང་། །མཉམ་དུ་ཉིན་བྱེད་མཛེས་པ་ཆེས་ཆེར་འབར། །ལས་ལྷན་ཅིག་བརྗོད་པ། ཐུབ་པའི་རྗེས་འཇུག་འབྱོར་བའི་གྲོང་གཤེགས་དང་། །མཉམ་དུ་རྟ་བདུན་འཛམ་གླིང་མཁའ་ལ་རྒྱུ། །གང་གིས་ལེགས་བཤད་བཟང་པོའི་གཏམ་མཛད་དང་། །ལྷན་ཅིག་ཉིན་བྱེད་ལང་ཚོའི་འོད་སྟོང་སྤྲོ། །བྱ་བ་གཅིག་པའི་ལྷན་ཅིག་བརྗོད་པ། ཐུབ་པའི་རྗེས་འཇུག་བསླབ་


ZP01_Page_109
[མ་དཔེ་གཟིགས་ན་འདིར་གནོན།]

གསུམ་ཡོན་ཏན་དང་། །རྣམ་གྲོལ་མཆོག་གི་ཡེ་ཤེས་བྱང་ཆུབ་སེམས། །སྣ་ཚོགས་རྫུ་འཕྲུལ་མངོན་ཤེས་ཏིང་ངེ་འཛིན། །སྐྱེ་དགུའི་ལེགས་ཚོགས་མ་ལུས་མཉམ་དུ་འཕེལ། །ཡོངས་བརྗེས་ཀྱི་རྒྱན། ཐུབ་པའི་རྗེས་འཇུག་གྲོང་དང་རྒྱལ་པོའི་ཁབ། །ཀུན་ཏུ་སྐྱེ་བོའི་ཚོགས་ལ་ཆོས་སྟོན་ཞིང་། །དེ་དག་རྣམས་ལས་མཁོ་བའི་ཡོ་བྱད་དང་། །མཐའ་གཉིས་མ་ལྷུང་བསོད་སྙོམས་བདག་གིར་བཞེས། །ཤིས་བརྗོད་ཀྱི་རྒྱན། །ཐུབ་པའི་རྗེས་འཇུག་འཕགས་པའི་སྤྱོད་ཡུལ་ཏེ། །སྤྲོས་མཚན་དམིགས་པའི་ཡུལ་མིན་དེ་བཞིན་ཉིད། །ཡེ་ཤེས་མཆོག་གི་གཟིགས་པ་མི་འགྱུར་བའི། །སོ་སོ་རང་རིག་སྣང་བས་ཁྱོད་ལ་བསྲུང་། །སྙན་དངགས་མེ་ལོང་གི་ཚིག་རྒྱན་རྣམས་ཀྱི་དཔེར་བརྗོད་དཔལ་སྤྲུལ་རིན་པོ་ཆེས་གསུངས་པའོ། །

ཉམས་ལྡན་སོགས་ཁ་ཤས་ཀྱི་རྩོམ་དཔེ།


ZP01_Page_111
[མ་དཔེ་གཟིགས་ན་འདིར་གནོན།]

ཉམས་ལྡན་སོགས་ཁ་ཤས་ཀྱི་རྩོམ་དཔེ། མི་སྡུག་པའི་ཉམས། རུལ་ཞིང་མྱག་པ་གཤང་ལྕིའི་ཁྲོད། །དྲི་ངའི་ནང་དུ་ལུས་བྱིང་ཞིང་། །རྟག་པར་མི་གཙང་ཉིད་སྤྱོད་དེ། །ཐུབ་འོད་ཀྱིས་རེག་ལྷ་ཡུལ་འགྲོ། །བཞད་གད་ནི། ཐུབ་པ་དངོས་པོར་སྟོན་བཞེད་པས། །དང་པོར་བྱང་ཆུབ་གཉེར་བ་ན། །ཟབ་པ་ཞི་བ་སྤྲོས་བྲལ་བ། །གསུངས་དེས་ཅིའི་སླད་གསང་མི་མཛད། །རྨད་བྱུང་ནི། ཐུབ་པའི་བྱིན་རླབས་འོད་སྣང་གིས། །རེགས་པའི་ལྗོན་ཤིང་ཁང་བཟང་དང་། །མེ་ཏོག་ལས་ཀྱང་དོན་ཟབ་པས། །ཡིད་འོང་ཆོས་སྒྲ་སྒྲོགས་འདི་མཚར། །འཇིགས་རུང་གི་ཉམས། རིང་ནས་ཐུབ་པའི་རྗེས་འབྲང་བ། །གསང་བའི་བདག་པོ་ལྷས་བཟུངས་པའི། །འབར་བའི་རྡོ་རྗེ་མི་བཟད་པ། །དྲན་ན་བདུད་སྡེའི་མགོ་ཡང་འགེམས། །རྣམ་གྲངས་བརྗོད་པ་ནི། །མི་སྲུན་སྨོན་ལོག་མཐུ་རྫོགས་པ། །ལྷས་བྱིན་བསམ་པ་ལ་གཟིགས་ནས། །ཐུབ་པ་སོ་སྐྱེས་འཁོར་དང་བཅས། །མི་གསུངས་མཉམ་བཞག་ཁོ་ནས་བཞུགས། །བཟློག་པའི་དཔེ། ཐུབ་ཁྱོད་བསྐལ་པ་གྲངས་མེད་དུ། །ཚོགས་གཉིས་མ་གོམས་དེ་མིན་པས། །སྲིད་མཐར་བྱམས་པའི་ཏིང་འཛིན་ལ། །བདུད་སྡེའི་རྒོལ་བའི་ནུས་པ་བྲལ། །ཡང་། ཐུབ་ཁྱོད་ལམ་དུ་རང་དོན་


ZP01_Page_112
[མ་དཔེ་གཟིགས་ན་འདིར་གནོན།]

ལ། །ཞེན་པ་མ་སྤངས་མ་ཡིན་ན། །སྔ་ནས་དམན་པའི་ལམ་དག་ལས། །ཆགས་བྲལ་མངོན་དུ་བྱེད་པ་ཞིག །རིང་འབྲས་ནི། ཐུབ་གསུངས་ལེགས་བཤད་མི་ཡུལ་དུ། །སྐལ་བཟང་ལྡན་ལ་སྒྲོགས་པས་ན། །ཟུར་གྱིས་ངན་འགྲོའི་རྨོངས་པ་རྣམས། །ཐར་པའི་ས་བོན་འདེབས་ལ་ལྟོས། །ལྷན་ཅིག་གི་རྒྱུ་ནི། ཁྱོད་གསུང་བདུད་རྩི་ཆོས་འཁོར་གྱིས། །ཐར་ལམ་ངོ་བོར་སྟོན་པ་དང་། །ལྷན་ཅིག་སྐལ་པ་མཉམ་པའི་འཁོར། །སྲིད་མཐར་ཕྱིན་པ་ངོ་མཚར་རྨད། །འབྲས་བུ་སྔ་བ། གྲངས་མེད་གོང་ནས་འོག་མིན་དུ། །མངོན་རྫོགས་བྱང་ཆུབ་ཐོབ་བྱས་ཤིང་། །ཕྱིས་ནས་སྲིད་འདིར་བྱང་ཆུབ་ལམ། །སྦྱོང་བ་ཐུབ་པའི་ཐབས་མཁས་ཡིན། །རིགས་མིན་གྱིས་བཟློག་པ། ཐུབ་གསུང་འཇམ་པ་རྣར་སྙན་ལ། །ཅི་ནས་དགའ་བ་བསྐྱེད་བྱེད་པ། །བདུད་སྡེའི་སྙིང་ལ་ཟུག་རྔུའི་དཔལ། །ཚད་པས་གདུང་བ་སྐྱེས་ལ་ལྟོས། །རིགས་པའི་བཟློག་པ། ཐུབ་པའི་ཚེམ་དཀར་ཡིད་འོང་ལ། །རེག་པའི་གསུང་གི་ཟླ་ཟེར་གྱིས། །སྐལ་བཟང་བློ་ཡི་ཀུ་མུད་ཏ། །འབྱེད་འདིར་ངོ་མཚར་གནས་གཅིག་ཡིན། །ཟུར་གྱིས་ཕྲ་མོ་ནི། །མཚན་གཞི་མེད་པའི་མཚན་ཉིད་ལ། །འདྲེ་བའི་མུར་སྟུག་གཞན་དག་ལ། །བདག་མེད་འཇིག་རྟེན་མེད་སྟོན་ཕྱིར།


ZP01_Page_113
[མ་དཔེ་གཟིགས་ན་འདིར་གནོན།]

། ཐུབ་པ་ཅི་མི་གསུངས་བར་བཞུགས། །རྣམ་པའི་ཕྲ་མོ་ནི། སྐུ་ཚེ་འོད་དང་སྐུ་བོང་གིས། །མཆོག་དམན་བལྟ་བའི་གང་ཟག་ལ། །ཞིང་འདི་དག་ནི་ཞིང་གཞན་གྱི། །རྒྱལ་ཀུན་ངོ་བོ་གཅིག་ཏུ་སྟོན། །ཆེས་སྨད། ཁྱོད་ཀྱི་བསྟན་ལས་ཕྱིར་གྱུར་བ། །ལམ་འདི་འགྲོ་བས་ཆས་སྨད་དེ། །འདི་མེད་ན་ཡང་ཐུབ་ཁྱོད་ཀྱི། །བསྟན་པའི་ཁྱད་ཆོས་སུ་ཡིས་ཤེས། །ཆས་བསྟོད། གཅིག་ཏུ་ཐུབ་བསྟན་ལ་སྡང་བདུད། །ཁྱོད་ཀྱི་བྱང་ཆུབ་སྤྱོད་མཆོག་གི །གྲོགས་སུ་ངེས་ཀྱང་ཡུན་རིང་དུ། །ངལ་བ་འབྲས་མེད་བགྱིད་འདིས་ཅི། །ཞེས་པ་ལྟ་བུའོ།། །།

དམ་པའི་ཆོས་འདུལ་བ་ལ་བསྟོད་པ་མེ་ཏོག་གི་སྐྱེད་མོའི་ཚལ།


ZP01_Page_115
[མ་དཔེ་གཟིགས་ན་འདིར་གནོན།]

དམ་པའི་ཆོས་འདུལ་བ་ལ་བསྟོད་པ་མེ་ཏོག་གི་སྐྱེད་མོའི་ཚལ་ཞེས་བྱ་བ་བཞུགས་སོ།། །།


ZP01_Page_116
[མ་དཔེ་གཟིགས་ན་འདིར་གནོན།]

ན་མོ་མ་ཧཱ་མུ་ནེ་ཡེ། །གྲངས་མེད་བསྐལ་པར་ཚོགས་གཉིས་རྫོགས་མཛད་ཅིང་། །བདུད་བཏུལ་བྱང་ཆུབ་སྙིང་པོར་མངོན་སངས་རྒྱས། །ཞི་བའི་ལམ་བཟང་སྲིད་ན་སྣང་མཛད་པ། །འགྲོ་བའི་བླ་མ་ཐུབ་པ་དེར་ཕྱག་འཚལ། ༡། གང་ཞིག་འཁོར་བའི་རང་བཞིན་མེ་ཡི་འོབ། །ཡིད་བརྟན་མི་རུང་སྲིད་པའི་ཕུན་ཚོགས་དཔལ། །གང་ལ་མི་ཆགས་མཐའ་གཉིས་ལས་འདས་ལམ། །ཐུབ་པའི་ཆོས་འདུལ་མཛོད་ལ་ཕྱག་འཚལ་ལོ། ༢། ཐུབ་པ་དགྱེས་པའི་སྤྱོད་པ་རྨད་བྱུང་བའི། །ལེགས་མཛད་ཡང་དག་ཁྲིམས་ཀྱིས་རྒྱུད་བསྡམ་སྟེ། །ཕུན་ཚོགས་ཞི་བའི་དགའ་ཚལ་ལ་སྙེགས་པ། །གང་ཟག་འཕགས་


ZP01_Page_117
[མ་དཔེ་གཟིགས་ན་འདིར་གནོན།]

པའི་སྡེ་ལ་ཕྱག་འཚལ་ལོ། ༣། གང་ལ་སློབ་རྣམས་རྣམ་གྲོལ་སར་འགྲོ་ཞིང་། །ཡོན་ཏན་ཀུན་གྱི་གཞིར་གྱུར་རིན་པོ་ཆེ། །མི་ཟད་འཕགས་པའི་མཛོད་ཁང་དམ་པའི་ཆོས། །བསྟན་པའི་སྙིང་པོ་སོ་སོར་ཐར་པ་ཡིན། ༤། མགོན་པོ་སྐྱོབས་པ་དེ་ཡིས་ཡང་དང་ཡང་། །འདི་ནི་སྟོན་དང་བསྟན་པ་གཉིས་ཡིན་ཞེས། །བསྔགས་པའི་གནས་དེ་ཆོས་འདུལ་རིན་པོ་ཆེ། །མི་ཟད་བདུད་རྩིའི་མཛོད་ལ་སླར་ཡང་འདུད། ༥། ཀྱེ་མ་ཀྱེ་མ་མགོན་པོ་ཐུགས་རྗེ་ཅན། ། སེང་གེ་རྒྱལ་བ་ལྷ་ཡི་ལྷ། །སྟོན་པ་མཆོག་དེ་ཞི་བར་གཟིམས་པ་ནས། །ཆོས་འདུལ་ཉིན་བྱེད་སྣང་འདི་སྐལ་བཟང་མིག༦། འདིས་ནི་སྤངས་བླང་ངེས་པའི་ཚུལ་འདོམས་པས།


ZP01_Page_118
[མ་དཔེ་གཟིགས་ན་འདིར་གནོན།]

། །ཐུབ་ཚུལ་ཞི་བའི་ལམ་བཟང་གནས་པ་སྟེ། །གཞན་དུ་རྨོངས་པས་ལྡོངས་བའི་འགྲོ་བ་ཡིས། །ཐུབ་རྣམས་དགྱེས་པའི་སྤྱོད་པ་ཅི་སླད་ཤེས། ༧། འདི་ནི་ལང་ཚོས་མྱོས་ཏེ་རྣམ་འཁྲུལ་བའི། །རྐང་གཉིས་གཞོན་ནུ་འདུལ་བའི་ལྕགས་ཀྱུ་སྟེ། །སེམས་རྟ་གཡེང་པས་རྒོད་པའི་གཞན་དབང་ལས། །ལྡོག་སྤྱོད་མཐུན་པར་བྱེད་པའི་སྲབ་ཀྱང་ཡིན། ༨། རྨོངས་པས་བཅིངས་པའི་སྲིད་པའི་སེམས་ཅན་ནི། །སྲེད་པའི་མེ་ཡིས་རྣམ་པར་བསྲེགས་པ་ལ། །གཞིལ་ནུས་ཆོ་ག་གཞན་ན་མ་མཆིས་ཏེ། །ཆོས་འདུལ་ཞི་བསིལ་བདུད་རྩིའི་ཆར་པ་ཡིན། ༩། ཉེས་པའི་དུག་ཅན་གཏིང་ཟབ་འཁོར་བའི་མཚོ། །ཉོན་མོངས་ཆུ་སྲིན་བྱེ་བས་བཟུང་བ་ལས། །བརྒལ་ནས་ཞི་གླིང་གཉེར་བའི་མགྲོན་པོ་ལ། །ཆོས་འདུལ་མི་གཡོ་རིན་ཆེན་གྲུ་བོ་ཡིན། ༡༠། ཐོག་མེད་དུས་ནས་འཐིབ་པའི་མ་རིག་པ། །ཡང་དག་སྣང་བ་བསྒྲིབ་པའི་སྨག་རུམ་དུ། །ལམ་དང་ལམ་མིན་འབྱེད་པའི་སྐལ་དམན་ལ། །ཆོས་འདུལ་ལམ་བཟང་སྣང་བའི་སྒྲོན་མེ་ཡིན། ༡༡། འདི་གནས་ཐར་བའི་ལམ་ལས་མི་འཁྱོགས་ཏེ། །ཉེས་སྤྱོད་གཡང་ས་ཤུགས་ཀྱིས་ཆོད་པའི་ཕྱིར། །ཕུན་ཚོགས་ཡོན་ཏན་དགའ་ཚལ་ལ་འགྲོ་བའི། །ཆོས་འདུལ་མེ་ཏོག་བཀོད་པའི་ལམ་མ་སྲང་ཡིན། ༡༢། སྲིད་ན་ཡོན་ཏན་ཆོས་ཀྱིས་དབུལ་བའི་འགྲོ། །གང་ལ་འཕྲད་ན་འབྱོར་པའི་དཔལ་སྟེར་བའི། །གཏོང་བའི་སྒོ་འཕར་གཞན་གྱིས་མ་བཟུང་བ། །


ZP01_Page_119
[མ་དཔེ་གཟིགས་ན་འདིར་གནོན།]

ཆོས་འདུལ་བསླབ་གསུམ་ནོར་བུའི་བང་མཛོད་ཡིན། ༡༣། རིང་ནས་གོམས་པའི་ཉེས་སྤྱོད་གདུག་བ་དེས། །ཟིན་གྱུར་འཁོར་བའི་དུཿཁ་བརྒྱ་ཕྲག་གིས། །མནར་ལ་ཞི་བའི་བདེ་མཆོག་སླར་སྟེར་བའི། །ཆོས་འདུལ་ཡོན་ཏན་སྨན་གྱི་སྡོང་པོ་ཡིན། ༡༤། ཞེ་སྡང་ཚ་དཔལ་རྣོན་པོས་གདུང་གྱུར་ལས། །འདིར་ཚིག་ཁོང་ཁྲོའི་རྣམ་སྨིན་མི་བཟད་པས། །ཕྱི་མར་བསྲེག་འགྱུར་དམྱལ་མེའི་གདུང་སེལ་བའི། །ཆོས་འདུལ་ཟླ་བ་བདུད་རྩིའི་དཀྱིལ་འཁོར་ཡིན། ༡༥། ངན་སོང་ཆུ་བོ་སྡུག་བསྔལ་རྦ་རླབས་ཅན། །རྒྱུན་རིང་བཟློག་དཀའ་མཐོ་རིས་གྲོང་འཇོམས་པ། །བརྒལ་ནས་སྲིད་པའི་རྒྱུ་བ་རྒྱུན་གཅོད་པའི། །ཆོས་འདུལ་མི་ཤིག་ཆུ་ལོན་ཟམ་པ་ཡིན། ༡༦། མཐོ་རིས་གྲོང་བཟང་ནོར་བུའི་སྐྱེད་མོས་ཚལ། །ཞི་བའི་ཡོན་ཏན་ཚོགས་ཀྱི་མཛེས་བྱས་ལས། །ཐར་པའི་ཁང་བཟང་བརྩེགས་པའི་སྟེང་གི་གཞིར། །བགྲོད་ལ་ཆོས་འདུལ་ལྷ་ཡི་ཐེམ་སྐས་ཡིན། ༡༧། རྙོགས་བྲལ་འཕགས་པའི་ཡོན་ཏན་ཨུད་པ་ལ། །ཚུལ་ཁྲིམས་བསྲུང་ཞིམ་དངར་བའི་གེ་སར་ཅན། །སྐལ་བཟང་སྦྲང་རྩིས་མྱོས་པའི་རོ་སྟེར་བ། །ཆོས་འདུལ་མེ་ཏོག་རྒྱས་པའི་སྐྱེད་ཚལ་ཡིན། ༡༨། ཉོན་མོངས་དགྲ་གཡུལ་ཤིན་ཏུ་མི་བཟད་པ། །ཐར་པའི་སྲོག་རྩ་འཕྲོག་པའི་སྐབས་ཚོལ་ཞིང་། །དགེ་ཚོགས་འབྱོར་བའི་མཛོད་ལ་བརྣག་པ་ཡང་། །གཞོམ་ནུས་ཆོས་འདུལ་གྱད་ཀྱི་དམག་དཔུང་ཡིན། ༡༩། ཐུབ་པའི་


ZP01_Page_120
[མ་དཔེ་གཟིགས་ན་འདིར་གནོན།]

ཡོན་ཏན་ཕུང་པོ་བརྒྱ་ཕྲག་ཀྱང་། །གང་ལ་བསྙེན་ན་ངེས་པར་སྟེར་ནུས་པའི། །ལམ་འདི་བསྟན་པའི་སྲོག་ཤིང་ཉག་གཅིག་སྟེ། །རིན་ཆེན་ཆོས་འདུལ་ལྷ་མིའི་མཆོད་སྡོང་ཡིན། ༢༠། ཕུལ་བྱུང་དཔལ་གྱི་འབྱོར་བ་དུ་མ་ཡང་། །དཀའ་བསམ་ཡིན་མི་ངལ་འགྲུབ་པ་ལ། །ཚེགས་མེད་བདེ་ནས་བདེ་བར་འགྲོ་བའི་ལམ། །ཆོས་འདུལ་བདུད་རྩི་ཆོས་ཀྱི་སྒོ་མོ་ཡིན། ༢༡། ལམ་འདི་ལྷ་དང་ཀླུ་དང་མི་དབང་དང་། །སྲིད་ན་ཆེ་དགུར་རློམ་ལྟས་མི་ཤེས་ཏེ། །མཚུངས་མེད་རྒྱལ་བ་དེ་ཡི་བསྐལ་མང་དུ། །གོམས་པར་མཛད་ལས་ཚེགས་མེད་འདིར་མཁྱེན་གྱུར། ༢༢། དྲང་སྲོང་ཚུལ་འདི་མཚུངས་པ་མེད་པ་སྟེ། །སྔ་རབ་གཤེགས་པའི་མགོན་པོ་བགྲང་ཡས་ཀྱང་། །ཡང་དག་ལམ་འདི་སློབ་མའི་དབུས་སུ་བསྒྲགས། །བསྟན་པ་རིན་ཆེན་ཉི་མ་འདིས་གསལ་བྱས། ༢༣། བཞུགས་དང་འབྱུང་གྱུར་སྐྱོབས་པ་དུ་མ་ཡང་། །དང་པོར་ཚངས་སྤྱོད་ཡང་དག་ཚུལ་བླང་ནས། །ཕྱི་ནས་བྱང་ཆུབ་སྙིང་པོར་གཤེགས་འགྱུར་གྱི། །ལམ་འདི་མི་བསྟེན་འཚང་རྒྱར་འགྱུར་མ་ལགས། ༢༤། སྲིད་ན་ཆོས་འདུལ་ཉི་མ་ནམ་གནས་པ། །དེ་སྲིད་བསྟན་པའི་སྣང་བ་སྟོང་མིན་ཏེ། །གང་ཟག་ཐུབ་རྗེས་འབྲང་བའང་མང་བྱོན་ཕྱིར། །སངས་རྒྱས་བསྟན་པ་ཆོས་འདུལ་ཁོ་ན་ཡིན། ༢༥། མ་ཉམས་ཚངས་པར་སྤྱོད་པའི་གང་ཟག་ནི། །ལྷར་བཅས་འགྲོ་མང་ཕྱག་བྱའི་འོས་ལགས་ཏེ། །ཚངས་


ZP01_Page_121
[མ་དཔེ་གཟིགས་ན་འདིར་གནོན།]

།དབང་ཉི་ཟླའི་ལྷས་ཀྱང་བཏུད་འགྱུར་ན། །སྲིད་ན་དེ་ལས་ཆེ་འགྱུར་སུ་ཞིག་ཡོད། ༢༦ །དམངས་དང་གདོལ་བ་བརླང་པོར་སྤྱོད་པ་ཡང་། །ཆོས་འདུལ་རིན་ཆེན་བུམ་བཟང་འདི་བཟུང་ནས། རྒྱལ་རིག་དྲེགས་པའི་ཕྱག་གི་གནས་ཡིན་ན། །ཅི་སླད་ཆོས་ཀྱི་ཁྲི་འཕང་འདིར་མི་བསྙོན། ༢༧ །སྲིད་ན་ལེགས་བྱས་སྣང་བ་ཇི་སྙེད་པ། །ཆོས་འདུལ་ཉིན་བྱེད་སྣང་འདིའི་བྱིན་རླབས་ཏེ། །གཞན་ཏུ་སྲིད་པའི་མུན་ཁམས་སྟུག་པོ་ལ། །རྨོངས་པས་ལྡོངས་པ་ཉིད་ལས་གཞན་ཡོད་མིན། ༢༨ །ཚུལ་ཁྲིམས་ཙནྡན་ལྗོན་པའི་བསུང་ཞིམ་དྲིས། །རེག་པའི་ཕྱག་དར་གོས་ཀྱི་ཚལ་བུའང་། །ལྷར་བཅས་འགྲོ་བའི་མཆོད་རྟེན་ཉིད་ཡིན་ན། །སུ་ཞིག་ལེགས་བྱས་འདི་ལ་སྤྲོ་མི་འགྱུར། ༢༩ །ངུར་སྨིག་བླ་གོས་གསལ་བའི་དམར་འོད་དང་། །འགྲོགས་པའི་ཚངས་སྤྱོད་སྡོམ་པ་གནས་གྱུར་བ། །དེ་སྲིད་ས་འདི་བསོད་ནམས་ལྡན་པ་སྟེ། །མཐོ་རིས་འདིར་འོང་བའང་དོན་ཡོད་འགྱུར། ༣༠ །ཐུབ་ཚུལ་བདུད་རྩིའི་ལམ་འདི་ནམ་གནས་པ། །དེ་སྲིད་སྣོད་བཅུད་དགེ་མཚན་དཔལ་གནས་ཏེ། །ནམ་ཞིག་བསྟན་པ་རིན་ཆེན་ཉམས་དམས་པ། །དེ་ཚེ་འབྱོར་བའི་གྲོང་འདིའང་ཉམས་པར་འགྱུར། ༣༡ །མི་འདུལ་ཁ་ལོ་བསྒྱུར་བ་བླ་ན་མེད། །འཇིག་རྟེན་མགོན་པོ་བདེ་གཤེགས་སྐྱོབས་རྣམས་ཀྱང་། །ཆོས་འདུལ་དམ་པའི་ཁྲིམས་ལས་མི་འགོང་ན། །ལམ་འདི་སངས་རྒྱས་མཛད་


ZP01_Page_122
[མ་དཔེ་གཟིགས་ན་འདིར་གནོན།]

པ་ཁོ་ནར་གནས། ༣༢། མཚུངས་མེད་སྐྱོབས་པ་དེ་ཡི་རྗེས་ཞུགས་ཏེ། །ཐུབ་པའི་ལེགས་གསུང་ཁྲིམས་ལས་མི་འགལ་བར། །ཚངས་སྤྱོད་ཡང་དག་སྡོམ་པའི་སྐལ་པ་ཅན། །གང་ཟག་དེ་ཡང་རྒྱལ་བའི་འཕྲིན་ལས་བྱེད། ༣༣། དེ་ནི་བདུད་སྡེའི་གཡུལ་ལས་རྒྱལ་འགྱུར་ཏེ། །སྲིད་པའི་འདོད་ཡོན་དངོས་པོ་དུག་གི་ཆུར། །ཤེས་ཕྱིར་འདོད་པའི་རྒྱུ་ཡིས་འཆིང་མིན་ན། །དེ་ལ་གཞན་འཕྲུལ་ལྷས་ཀྱང་ཅི་བྱར་ཡོད། །༣༤ །རྒྱལ་འགྱུར་དྲེགས་པའི་སྙེམས་ཀྱང་དེས་སྤངས་ཏེ། །ཆོག་ཤེས་བདུད་རྩིའི་བཏུང་བས་ངོམ་པ་ལ། །ཡང་དག་ཆོས་ཀྱི་སྐལ་པ་ཕུན་ཚོགས་ཀྱིས། །ཞི་བའི་ཡོན་ཏན་ཚོགས་ཀྱང་བོས་པ་བཞིན། ༣༥ །འཆིང་འགྱུར་འཁོར་བའི་འཛིན་ཞེན་དེས་བཀྲོལ་བས། །ཕུལ་བྱུང་ཡོན་ཏན་ཕུང་པོའི་དཔལ་འཛིན་དེས། །ཐུབ་པའི་ཆོས་ཀྱི་འཁོར་ལོ་རང་དབང་བའི། །དཔལ་འདི་སངས་རྒྱས་སྲས་ཀྱི་རྒྱལ་ཐབས་ཡིན། ༣༦། མཚན་དཔེའི་ཉི་མ་གཞོན་ནུ་དོན་ཀུན་འགྲུབ། །སྲིད་འདིར་འཁོར་ལོས་བསྒྱུར་བའི་དཔལ་སྤངས་ཏེ། །ཚངས་སྤྱོད་བླ་གོས་གསར་བ་ལྷུར་བཞེས་ནས། །སྲིད་གསུམ་རྒྱ་མཚོའི་ཕ་རོལ་དེས་བསྒལ་གྱུར། ༣༧། ངེས་འབྱུང་རྩ་བ་བརྟན་པའི་ཚུལ་ཁྲིམས་ལྗོན། །སྤང་བླང་ཁོ་ལག་རྒྱས་པའི་ཡལ་གའི་ཁྱོན། །ནོར་བདུན་འཕགས་པའི་འདོད་དགུའི་འཕྱང་འཕྲུལ་ཅན། །ཆོས་འདུལ་དཔག་བསམ་ལྗོན་པ་དེ་ཁོ་ན། ༣༨། ནགས་ཚལ་མེ་ཏོག་རྒྱས་པའི་སྐྱེད་ཚལ་ན། །སྙོམ་ལས་


ZP01_Page_123
[མ་དཔེ་གཟིགས་ན་འདིར་གནོན།]

གཉིད་ཀྱིས་མི་འཆིང་མིག་མི་འཛུམ། །བསམ་གཏན་བདུད་རྩིའི་བཅུད་ལ་དགྱེས་རོལ་བ། །ཆོས་འདུལ་འདི་འཛིན་ལྷ་ལས་ཁྱད་པར་འཕགས། ༣༩་གསོག་དང་བསྲུང་དང་སྤེལ་བའི་དུཿཁ་ནི། །དེ་ལ་ཡོད་མིན་འབྱོར་རྒུད་མཐའ་སྤངས་པས། །འཁོར་བར་རྙེད་དཀའི་ལོངས་སྤྱོད་རྣམ་པ་ཡང་། །རྩོལ་སྒྲུབ་མི་དགོས་དེ་ལ་ངང་གིས་འོང་། ༤༠། སྲིད་འབྱོར་སྒྱུ་མའི་རྒྱལ་ཐབས་འཛིན་མིན་ཡང་། །དྲེགས་རློམ་ཁེངས་པའི་ཐོར་ཚུག་ཀུན་གནོན་པའི། །གང་ཞབས་སོར་མོས་རེག་པའི་རྡུལ་ཕྲན་ཡང་། །ས་གསུམ་བཀྲ་ཤིས་བྱེད་པའི་ངོ་མཚར་ལྡན། ༤༡། ཡོངས་རྫོགས་ཁྲིམས་ཀྱི་རྩ་བ་བརྟན་ལྡན་པའི། །གཞི་གསུམ་ཡལ་ག་ཡངས་པའི་གྲིབ་བསིལ་དུ། །སྦྱང་ཡོན་ངལ་བསོའི་བདེ་བའི་བག་ཡངས་ཅན། །འདུལ་འཛིན་འཛམ་གླིང་མཛེས་པའི་ལྷ་དབང་ཡིན། ༤༢། ཆོས་འདུལ་བཅས་པའི་དྲ་བ་མི་བརྟན་ན། ཏིང་འཛིན་མེ་ཏོག་རྒྱས་པའི་གེ་སར་བཅུད། །སྐལ་བཟང་བུང་བའི་ཉེར་འཚོར་མི་བརླིང་སྟེ། །རྣམ་གཡེངས་ཕྱུག་ཀྱིས་བརྫིས་པའི་མྱ་ངན་སྦྱིན། ༤༣། ཕ་རོལ་ཉེས་སྤྱོད་གཡུལ་ལས་ཕམ་མིན་པའི། སྡོམ་པའི་རྩ་བ་རྣམ་བཞིའི་ཡ་ལད་ཅན། །ཚང་པར་སྤྱོད་ལྡན་མི་འཚེ་བདེན་སྨྲ་ཞིང་། །འདོད་པ་ཆུང་དང་ཆོག་ཤེས་ཁོ་ནས་མཛེས། ༤༤། མ་ཆགས་མི་བཀུར་འགྱོད་པའི་སེམས་ལྡན་མིན། །ཚངས་བར་མཚུངས་


ZP01_Page_124
[མ་དཔེ་གཟིགས་ན་འདིར་གནོན།]

སྤྱོད་གྲོགས་ཀྱི་ངག་ལ་གུས། །བསླབ་པའི་ཡན་ལག་གཙོ་བོ་འདིས་མཛེས་པ། །བག་ཡངས་ཐོས་དང་ཏིང་འཛིན་སྟོབས་ཀྱིས་རྒྱལ། ༤༥། གོས་གདན་ཡོ་བྱད་ཉུང་དང་གྱི་ནས་འཚོ། །བསོགས་དང་འཇོག་སྤངས་བསོད་སྙོམ་བརྟུལ་ཞུགས་ཅན། །སུམ་བཅུའི་གྲངས་འཛིན་ལྟུང་བའི་སྒོ་བཅད་པ། །དེ་ལ་དོན་མང་འདུ་འཛི་ཇི་ལྟར་སྐྱེ། ༤༦། ཕམ་བཞིའི་ཆར་གཏོགས་ཉེས་མང་རྒྱུན་བཅད་ནས། །གསོ་དང་དགང་སླ་མཐུན་པའི་སྤྱོད་ལམ་ཅན། །ལྟུང་བ་དགུ་བཅུའི་གོ་སྐབས་འབྱེད་མིན་པ། །ཏིང་འཛིན་ཞི་བའི་དགའ་བས་ཅིས་མི་དགའ། ༤༧ །ཅི་ནས་མཛེས་པ་ཞི་བའི་སྤྱོད་ལམ་གྱིས། །ཕ་རོལ་མ་དད་སྐྱེ་བའི་རྒྱུ་སྤངས་ཤིང་། །མ་བརྟགས་བག་མེད་སྤྱོད་པ་ཀུན་སྡོམ་པ། །ཉེས་མང་ཉེས་བྲལ་འཇིག་རྟེན་མཛེས་པའི་རྒྱན། ༤༨། མ་རུང་ཁོང་ཁྲོའི་མེ་ཆེན་གཏུམ་པོ་ཡིས། །དགེ་ཚོགས་ནགས་ཚལ་ཟ་ལ་རིངས་བ་ན། །བྱམས་པའི་ཆུ་ཆར་འཛིན་པའི་རང་བཞིན་སྤྲིན། །ཚངས་སྤྱོད་ཞི་བའི་ཡིད་མཁར་བསྡུས་པ་བཞིན། ༤༩། དབྱིབས་དང་ཁ་དོག་རེག་བྱ་མཛེས་འཇམ་ཞེས། །མ་བརྟགས་སྲེད་པའི་སྤུ་ལོང་གཡོ་བགྱིད་ལ། །མི་སྡུག་མི་གཙང་རང་བཞིན་ཤེས་པའི་བློས། །ཆགས་རྡུལ་དྲི་མ་བཀྲུ་བའི་ཆུ་གཙང་བགྱིད། ༥༠། སྔོན་དང་ཕྱི་མཐའ་ད་ལྟའི་གནས་རྨོངས་ལ། རྟེན་ཅིང་འབྲེལ་འབྱུང་དམ་པའི་ཆོས་སྒྲོན་མས། །སྲིད་རྩ་མ་རིག་མུན་པའི་དཔུང་བཅིལ་ནས།


ZP01_Page_125
[མ་དཔེ་གཟིགས་ན་འདིར་གནོན།]

ཡང་དག་ལམ་བཟང་མགྲོན་དུ་བོས་པ་བཞིན། ༥༡། ནམ་གཡེངས་ཚང་ཚིང་ནགས་སུ་མི་འཕྱན་ཞིང་། །རྩེ་གཅིག་དམིགས་པའི་ལམ་ལས་མི་འཁྱོར་པར། །རྣམ་གསུམ་ཞི་བའི་ཞི་གནས་གསོ་སྦྱོང་གིས། །མྱ་ངན་འདས་པའི་སྒོ་འཕར་འབྱེད་ལ་བརྩོན། ༥༢། མཐུན་པ་འདུས་པ་ཅི་ནས་ཐུགས་མཐུན་ཞིང་། །ཉིས་བརྒྱ་ལྔ་བཅུ་དག་པའི་ཚུལ་མཐུན་པ། །མཐུན་པའི་ཞུ་དག་སོ་ཐར་བཀར་བགྱིས་པས། །གང་བའི་ཟླ་དཀྱིལ་མི་མཐུན་མེད་བཞིན་མཛེས། ༥༣། གནས་བསྲུང་གནས་པའི་བསླབ་པ་མི་གཏོང་བ། །ཆར་དུས་ཆར་ཀྱི་ལོ་ཏོག་གསོ་བ་བཞིན། །ཕན་ཚུན་ཡོན་ཏན་བསུང་ཞིམ་གཅིག་ལ་གཅིག །བགོ་བའི་སྣང་ཚུལ་ལྷ་ཡི་སྐྱེད་ཚལ་བཞིན། ༥༤་ལྟུང་དང་རྙེད་རྒྱུས་འཐབ་ཀྲོལ་འབྱུང་བའི་སྒོ། །དགག་ལས་བྱེད་པའི་ཚུལ་བཟང་རྨད་བྱུང་བས། །གླེང་དྲན་གདམས་ཆུས་ཕན་ཚུན་བསིལ་སྦྱིན་ཞིང་། །རྣམ་གསུམ་གོས་རྒྱུས་རྙེད་པ་ཉུང་མིན་བདེ། ༥༥། གནས་སྐབས་ཟླ་དཀྱིལ་འཕེལ་དང་འགྲིབ་སྣང་ཡང་། །ཡར་མར་ཕྱོགས་མཐར་གང་དང་སྟོང་མཐུན་བཞིན། །སྐྱོན་ཡོན་འཕེལ་འགྲིབ་གསོ་དང་སྦྱོང་ཐབས་ཀྱིས། །སྐྱོན་སྟོང་ཡོན་ཏན་ཕྱོགས་ཀྱིས་གང་བ་མཛེས། ༥༦། དབྱར་ཟླའི་ཆར་ཀྱིས་ལོ་ཏོག་བསྐྱེད་བསྲིང་ཞིང་། །མཚོ་དང་རྫིང་བུ་གང་ཞིང་མཛེས་པ་བཞིན། །ཐོས་སོགས་


ZP01_Page_126
[མ་དཔེ་གཟིགས་ན་འདིར་གནོན།]

ཡོན་ཏན་མཐུན་པའི་ཆུས་བསྐྱེད་ཅིང་། །རྙེད་པའི་ཚོགས་ཀྱིས་གང་བའི་མཚོ་བཞིན་གནས། ༥༧། སྟོན་ཟླའི་དཔལ་མོས་འབྲས་མང་བགོ་བྱའི་ཚོགས། །སྦྱིན་པ་སྙེ་མ་གཡུལ་ཟ་ལྡེམ་པ་བཞིན། །ཕན་པའི་ངག་དང་རྙེད་པའི་བགོ་བྱའི་ཤས། །དུ་མར་སྤྱོད་པས་འདུས་པའི་ཚོགས་རབ་དགྱེས། ༥༨། ཕྱི་ནང་རྟེན་འབྲེལ་མཐུན་པའི་སྤྱོད་བཟང་འདི། །ཐུབ་པའི་སྲས་ཀྱི་ཐུབ་ཚུལ་རྨད་བྱུང་སྟེ། །ལམ་འདི་གང་གནས་ལྷར་བཅས་འགྲོ་མང་གི །བསོད་ནམས་ཞིང་དུ་སྟོན་པ་མཆོག་དེས་གནང་། ༥༩། གཞི་གསུམ་ཚུལ་འདི་གང་དུ་གནས་པ་དེར། །རྒྱལ་བསྟན་རིན་ཆེན་གནས་ཞེས་གདགས་འོས་ལ། །ཡུལ་དབུས་ཡུལ་གྱི་སྙིང་པོ་དམ་པ་ཞེས། །བསྔགས་པའི་མེ་ཏོག་འདི་མིན་གང་ལ་འཐོར། ༦༠། གྲོང་དང་གྲོང་འདབ་འདུ་འཛིའི་གནས་ལས་རིང་། །དགོན་དང་དུར་ཁྲོད་དབེན་པའི་ཤིང་གི་དྲུང་། །ཇི་བཞིན་གཞི་ལ་བླ་གབ་མེད་གནས་པའི། །ཐུབ་པའི་སྲས་འདི་རི་དྭགས་རྒྱལ་པོ་བཞིན། ༦༡། འཇམ་པོར་མ་ཆགས་མང་པོར་དེ་མ་ཡིན། །བཟང་པོར་མ་ཞེན་ངན་ངོན་ཙམ་གྱི་གོས། །ཐར་བའི་རྒྱལ་མཚན་དྲང་སྲོང་ཚུལ་མཐུན་པའི། །དྲང་སྲོང་ཆེ་དེ་འདོད་པ་ཆུང་བའི་ཕུལ། ༦༢། ལན་གཅིག་བསོད་སྙོམས་དུས་གཅིག་ལས་མི་ལེན། སྟན་གཅིག་ཟས་ཀྱི་འཚོ་ཞིང་བདེར་གནས་པ། །འགྲང་ཆེན་བཀྲེས་པའི་མཐའ་གཉིས་གནས་གསལ་བའི། །ལུས་


ZP01_Page_127
[མ་དཔེ་གཟིགས་ན་འདིར་གནོན།]

སྤྱོད་སྲབ་འདིའི་སེམས་རྟའི་འདུལ་དཔྱད་བྱས། ༦༣། ཉལ་དང་འཁྲས་སོགས་སྙོམ་ལས་བདེ་བའི་རོར། །ཆགས་མིན་གཉིད་ཀྱི་མྱོས་པ་རྒྱང་རིང་བཏང་། །ཙོག་བུས་སྤྱོད་པས་མཚན་མོའི་དུས་འདའ་བས། །ཞི་བའི་ཏིང་འཛིན་འགྲོན་དུ་བོས་པ་བཞིན། ༦༤་ཚུལ་ཁྲིམས་བྱུག་པས་བསིལ་དང་བསུང་ཞིམ་བྱིན། །ངོ་ཚ་ཤེས་གོས་བགོས་ལ་བཀྲ་ཤིས་བྱས། །ཡོན་ཏན་རྒྱན་གྱི་རྒྱན་གཞན་ཟིལ་གནོན་པ། །ས་སྟེང་འདི་ན་ལྷ་ལས་ལྷག་པར་མཛེས། ༦༥། རྙེད་པའི་འདོད་ཆུང་བྱམས་པའི་འདོད་རབ་འཕེལ། །འབྱོར་བས་ཆོག་ཤེས་ཡོན་ཏན་ཆོག་མི་ཤེས། །སྲིད་པའི་བདེ་སྤངས་ཏིང་འཛིན་བདེ་བས་དགྱེས། །རྣལ་འབྱོར་སྤྱོད་མཆོག་ཕལ་པའི་ཡུལ་ལས་འདས། ༦༦། དབེན་པའི་ཤིང་དྲུང་ཞི་བའི་གནས་མཛེས་ལ། །ཐར་བའི་རྒྱལ་མཚན་བགོ་བའི་གོས་མཛེས་ཤིང་། །ཅི་ནས་མཛེས་པའི་སྤྱོད་ལམ་ཀུན་མཛེས་པ། །མཛེས་པ་སྟོང་གི་གནས་སུ་བྱས་པ་བཞིན། ༦༧། དལ་འབྱོར་རྟེན་བཟང་གཙང་མའི་ཟས་ཀྱིས་འཚོ། །ལྷ་ཚོགས་ཡིད་དབང་གཙང་མའི་སྤྱོད་པས་དགའ། །གཙང་མའི་ཆོས་ཆར་གསལ་བ་འཛིན་མཁས་འདིར། །གཙང་རིས་ལྷས་ཀྱང་བསྐྲུན་དུ་ཡོད་དམ་ཅི། ༦༨། དག་པ་ཡིད་ཀྱིས་ལུས་སྤྱོད་དག་བྱས་ཤིང་། །ཡང་དག་འཚོ་བས་རྣམ་སྨིན་ལྕི་བ་དག །མ་དག་ལྟུང་བའི་རྙོགས་མ་ཀུན་དག་པ། །དག་པའི་མཁའ་


ZP01_Page_128
[མ་དཔེ་གཟིགས་ན་འདིར་གནོན།]

ལ་གང་བའི་ཟླ་དཀྱིལ་བཞིན། ༦༩། ཏིང་འཛིན་བདེ་བའི་བདུད་རྩི་མཆོག་གིས་མྱོས། །བག་ཡངས་གནས་སུ་སྤྱོད་ལམ་ཅི་ཡང་བདེ། །གནོད་མེད་འགྱོད་མེད་འདི་དང་ཕྱི་མར་བདེ། །སངས་རྒྱས་སྲས་དེ་བདེ་ནས་བདེ་བར་འགྲོ། ༧༠། ཡོ་བྱད་མང་པོའི་བསོག་བསྲུང་རྒྱང་དུ་བཏང་། །བཟའ་བཏུང་མང་པོའི་གཡོ་བསྐོལ་དགོས་པ་མེད། །འདུ་འཛི་མང་པོའི་བྲེལ་དོ་སྤངས་གྱུར་ཏེ། །ལྷ་ཚོགས་མང་པོའི་ཕྱག་འོས་གྱུར་ལ་ལྟོས། ༧༡། དལ་བའི་རྟེན་ལ་དལ་བའི་སྤྱོད་ལམ་ཅན། །དུལ་བའི་སྒོ་གསུམ་འདུལ་བའི་ཁྲིམས་གྱིས་བསྡམ། །གདུལ་དཀའི་གཞན་རྒྱུད་ཞི་བའི་ཆོས་ཀྱིས་འདུལ། །འདུལ་འཛིན་མཆོག་དེ་རྒྱལ་བའི་རྒྱལ་ཚབ་ཡིན། ༧༢། ངན་པའི་གྲོགས་སྤང་བཟང་པོའི་ཆོས་ལ་བརྟེན། །དམན་པའི་ས་བཟུང་མཐོན་པོའི་ལམ་བཟང་སྙེགས། །སྲིད་པའི་ཞེན་བཅད་ཞི་བའི་ཏིང་འཛིན་གནས། །མི་གྲལ་ནས་བུད་ལྷ་བརྒྱའི་གཙུགས་རྒྱན་བྱེད། ༧༣། ཚུལ་ཁྲིམས་མ་ལ་ཡ་ཡི་བསུང་ཞིམ་དྲིས། །ཏིང་འཛིན་རེག་བྱའི་བསིལ་བ་མཆོག་སྦྱིན་པ། །ཤེས་རབ་བདུད་རྩི་མཆོག་གི་དཔལ་ཐོབ་དེའི། །འཆི་མེད་ཞི་བའི་ལམ་དང་མཛའ་བར་བྱས། ༧༤། མ་ཆགས་ཡང་དག་འཕགས་པའི་རིགས་ལ་གནས། །ལྟ་སོགས་ཡང་དག་འཕགས་པའི་ལམ་ལ་བརྟེན། །འཕགས་པ་དགྱེས་པའི་སྤྱོད་པ་ལྷུར་ལེན་པ། །འདུལ་


ZP01_Page_129
[མ་དཔེ་གཟིགས་ན་འདིར་གནོན།]

འཛིན་མཆོག་དེ་ལྷ་མིའི་མཆོད་སྡོང་ཡིན། ༧༥། གཤེ་ཡང་མི་གཤེ་ཁྲོས་ཀྱང་སླར་མི་ཁྲོ། །བརྡེག་ཀྱང་མི་བརྡེག་མཚང་འབྲུའི་བསམ་པ་མེད། །དགེ་སྦྱོང་ཆོས་ཀྱི་ལྷབ་ལྷུབ་བགོ་བ་ཅན། །འདུལ་འཛིན་མཆོག་དེ་བཟོད་པའི་རྒྱན་གྱིས་མཛེས། ༧༦། ཀློག་དང་སྤོང་བ་རབ་ཏུ་བྱུང་བའི་ལས། །འདི་ལ་གནས་ཏེ་ལུང་རྟོགས་རྒྱལ་བའི་བསྟན། །བཤད་དང་སྒྲུབ་པའི་གྲག་པས་ལེགས་བཏེག་པ། །འདུལ་འཛིན་མཆོག་དེས་བསྟན་པའི་ཁུར་ཆེན་ཁྱེར། ༧༧། དད་ལྡན་བསོད་ནམས་བསོགས་པའི་ཞིང་མཆོག་ཏེ། །འབྱོར་ལྡན་སྦྱིན་པའི་གནས་བཟང་བླ་ན་མེད། །གུས་ལྡན་ཡང་དག་བསླབ་གཞི་བླང་བའི་ཡུལ། །འདུལ་འཛིན་མཆོག་དེ་མངོན་མཐོ་ངེས་ལེགས་གཞི། ༧༨། རྒྱལ་བསྟན་རིན་ཆེན་ནོར་བུའི་གླིང་བགྲོད་དེ། །བསླབ་གསུམ་ནོར་གྱི་བགོ་སྐལ་དོན་གཉེར་བའི། །སྐལ་བཟང་དོན་མཐུན་ཆོས་ལམ་རྒྱུ་བ་ལ། །འདུལ་འཛིན་མཆོག་དེ་དམ་པའི་དེད་དཔོན་ཡིན། ༧༩། ཚུལ་ཁྲིམས་ཟུང་གིས་དལ་འབྱོར་གྲུ་རྙེད་དེ། །བརྩོན་པའི་དར་ཆེན་མཐུན་པའི་རླུང་གིས་བསྐྱོད། །ཐར་པའི་སྐམ་སར་འགྲོ་ཀུན་ལེགས་འདྲེན་པའི། །འདུལ་འཛིན་མཆོག་དེ་ཐར་ལམ་མཉན་པ་ཡིན། ༨༠། ཐོས་པའི་ཉི་གཞོན་བསམ་པའི་ཤིང་རྟས་དྲངས། །བསྒོམ་པའི་འོད་ཀྱིས་སྒྲིབ་པའི་མུན་པ་བཅོམས། །སྐལ་བཟང་འགྲོ་ལ་


ZP01_Page_130
[མ་དཔེ་གཟིགས་ན་འདིར་གནོན།]

ལམ་མཆོག་མིག་སྦྱིན་པའི། །འདུལ་འཛིན་མཆོག་དེ་ཉིན་མོའི་སྣང་བ་ཡིན། ༨༡་ཞི་བའི་ཚུལ་གྱིས་མ་དད་དད་བགྱིད་ཅིང་། །བསླབ་པའི་སྤྱོད་པས་དད་པ་སྨིན་པར་བྱེད། །དོན་བཟང་ཆོས་ཀྱིས་སྨིན་པ་གྲོལ་མཛད་པ། །འདུལ་འཛིན་མཆོག་དེ་འབྲེལ་ཚད་དོན་ལྡན་ཡིན། ༨༢ །གཏོང་བའི་སྐལ་ཅན་དབུལ་བ་རྒྱུན་གཅོད་ཅིང་། །འདོད་པའི་འབྲས་ཀུན་གང་ལས་བླང་མི་དཀའ། །ཕན་པའི་འབྱུང་གནས་དུས་ཀུན་མི་བསླུ་བ། །འདུལ་འཛིན་མཆོག་དེ་དཔགས་བསམ་ལྗོན་པ་ཡིན། ༨༣། བག་མེད་གནས་ལས་དམ་པའི་ཆོས་ཀྱིས་བསྐུལ། །ཉེས་སྤྱོད་ལྷ་མིན་གཡུལ་ལས་རྣམ་རྒྱལ་བྱེད། །རྣམ་ཀུན་ཡང་དག་ཕན་པ་བསྒྲུབ་བྱེད་པ། །འདུལ་འཛིན་མཆོག་དེ་ལྷ་ཡི་རྔ་སྒྲ་ཡིན། ༨༤། སྙིགས་མའི་དུས་འདིར་དཀོན་མཆོག་རྣམ་གསུམ་ཞེས། །།མཇལ་དུ་རུང་བ་མཁས་པ་འདི་ལས་གཞན། །ཡོད་པ་མིན་ན་ཤེས་ལྡན་སུ་གང་དག །འདུལ་འཛིན་རྒྱལ་བའི་སྲས་འདིར་ཅིས་མི་དད། ༨༥ །བསླབ་པ་ཀུན་གྱི་རྩ་བ་གཅིག་པུ་སྟེ། །ཡོན་ཏན་ཀུན་གྱི་གཞི་རྟེན་ཆེར་བསྔགས་པ། །དམ་པའི་ཆོས་མཆོག་འདུལ་བ་རིན་པོ་ཆེ། །སྲིད་པ་གསུམ་གྱི་རྒྱན་གཅིག་འདི་ཁོ་ན། ༨༦། ལམ་འདིར་འཇུག་པའི་སྐལ་བ་བཟང་ཐོབ་ནས། །མ་ཉམས་ཚུལ་ཁྲིམས་མིག་འབྲས་བཞིན་དུ་བསྲུང་། །དཔེན་པའི་གནས་སུ་བརྩོན་པས་གནས་བགྱིད་དེ། །ཐུབ་


ZP01_Page_131
[མ་དཔེ་གཟིགས་ན་འདིར་གནོན།]

པའི་སྲས་ཞེས་བརྗོད་པ་དོན་དང་ལྡན། ༨༧ །གང་ན་དགེ་ལེགས་ཚུལ་འདི་གནས་གྱུར་བ། །དེ་ན་ཐུབ་པའི་བསྟན་པ་གནས་སོ་ཞེས། །ལྷ་དང་བཅས་པའི་འདུ་བ་རྒྱ་ཆེ་ཞིང་། །ཀུན་ཀྱང་རབ་དགའི་མེ་ཏོག་གཏོར་ལ་བྲེལ། ༨༨་དམར་སེར་ཐུན་མཚམ་སྤྲིན་གྱི་ཕྲེང་བ་ལྟའི། །དུར་སྨིག་འཛིན་པའི་གྲལ་རིགས་སྲིད་མཐར་ཡང་། །རྒྱལ་བའི་མཛད་བཟང་འགྲོ་ལ་སྣང་བགྱིད་དེ། །ཁམས་གསུམ་ཞི་བར་འདྲེན་པའི་དེད་དཔོན་ཉིད། ༨༩། ཐུབ་པ་བདེ་གཤེགས་སྐྱོབས་པ་ཐུགས་རྗེ་ཅན། །འཛམ་བུའི་གླིང་འདིར་བསྟན་པའི་སྒྲོན་མེ་སྦར། །སྣང་བྱེད་ཉི་མ་དེ་ནི་དབྱིངས་སུ་གཤེགས། །ཆོས་འདུལ་སྟོན་པའི་རྒྱལ་ཚབ་ཉིད་དུ་བཞུགས། ༩༠ །གྲངས་མེད་ལེགས་བྱས་ཚོགས་གཉིས་བང་མཛོད་ནས། །བདུན་བརྒྱའི་གྲངས་སྙེད་འཁོར་ལོའི་བསྒྱུར་རྒྱལ་དཔལ། །འཛིན་པའི་རྒྱུར་ངེས་དགེ་ཚོགས་དངོས་པོ་ཡང་། །བརྩེ་བས་རྗེས་འཇུག་བསྐལ་པ་ཁོ་ནར་བསྔོས། ༩༡ །གང་ལ་བསྟེན་ན་རྣམ་གྲོལ་གོ་འཕང་ཡང་། །སྟེར་ནུས་བསླབ་གསུམ་ནོར་བུའི་བང་མཛོད་དང་། །ཐུགས་ཀྱི་གསང་བ་ཐེག་གསུམ་དམ་པའི་ཆོས། །ཐུབ་པའི་འབྱོར་པ་རྒྱ་མཚོ་སྲིད་འདིར་བཞག༩༢། ལྗོངས་གང་མུ་གེས་བསྐལ་པས་ཉམ་དམས་ཏེ། །བྲེ་གང་ཕྱེ་ལ་བདུན་འགྱུར་མུ་ཀྟི་ཀ །གཞལ་བར་བྱེད་ཀྱང་ཚངས་སྤྱོད་སྐལ་འཛིན་པ། །བཀྲེས་པས་


ZP01_Page_132
[མ་དཔེ་གཟིགས་ན་འདིར་གནོན།]

གདུང་བར་མི་འགྱུར་ཞལ་བཞེས་གནང་། ༩༣ །ཀྱེ་མ་སྙིགས་མ་འདིར་སྐྱེས་རབ་བྱུང་གཟུགས། །ཐུབ་བའི་ཆོས་ཀྱི་རྒྱལ་སྲིད་མཉམས་པ། །ལྷར་བཅས་འགྲོ་བའི་མཆོད་སྡོང་དེ་བཟུང་ནས། །དུག་ཅན་ལོག་འཚོས་རྙེད་ཕྱིར་འཚོང་པར་བྱེད། ༩༤ །ཐུབ་བསྟན་རྒྱལ་པོའི་རིགས་བཟང་འདིར་སྐྱེས་ནས། །ཚངས་སྤྱོད་དམ་པའི་རྒྱལ་སྲིད་མི་འཛིན་པར། །ཐ་ཆད་མུ་ཏོའི་གྲལ་དུ་རང་གིས་རང་། །འཕེན་འདི་ཀྱི་ཧུད་སུ་ཡིས་བསླུས་པ་ལགས། ༩༥ །ཀྱེ་མ་བྱིས་པ་བསླུ་བའི་སྙན་གྲགས་དང་། །ཚུར་མཐོང་རྨིག་རྒྱུའི་ཆུ་བོའི་རྗེས་བསྙེགས་ཤིང་། །རྣམ་གྲོལ་ལྷ་ཡི་བདུད་རྩི་རང་གི་ལག །མཆིས་འདི་ཕོ་བར་བྱེད་ན་སྨྱོའམ་ཅི། ༩༦ ཐུབ་པ་མཚན་དཔེའི་རང་བཞིན་ལྷའི་ཡང་ལྷ། །དབང་པོའི་རྒྱན་མཆོག་ནོར་བུའི་དོ་ཤལ་ཀྱང་། །དེ་ལ་འོས་མིན་མོག་པོར་བྱེད་པ་ཡི། །རྒྱན་སྤང་ཕྱག་དར་ཁྲོད་པའི་གོས་བཞེས་མཛད། ༩༧ །སྙིགས་མའི་སྐལ་ཆད་ཐུབ་དེའི་རྗེས་འཇུག་ཏུ། །ཁས་འཆེས་མི་གཙང་རྒྱལ་བའི་རང་བཞིན་ལུས། །ཆེ་ནོར་འོས་པའི་ཟ་འོག་གིས་དཀྲིས་ནས། །མི་གནོད་གྲགས་པར་བྱེད་པ་འདི་ཅི་ཞིག ༩༨ །ཐར་བའི་གྲོང་ན་ཐུབ་པའི་རྗེས་འབྲང་སྟེ། །འགྲོ་བའི་མགོན་དུ་གཤེགས་ལ་དགའ་མིན་པར། །འཁོར་བའི་གྲོང་ན་ཁྱིམ་པའི་གཡོག་བགྱིད་པའི། །དམར་སེར་ཅན་དེ་བདུད་ཀྱིས་བསླུས་པ་ལགས། ༩༩ །སྤང་བླང་རི་མོ་འབུམ་བཀྲ་ཆོས་འདུལ་གོས། །གཞལ་


ZP01_Page_133
[མ་དཔེ་གཟིགས་ན་འདིར་གནོན།]

དཀའི་ཡོན་ཏན་ཟ་འོག་མ་རྙིང་བ། །འདི་བགོས་ཁྱིམ་གནས་གྲོང་བའི་ཐལ་ཕུང་དུ། །སྤྱོད་ངན་འགྲེ་ལྡོག་བགྱིད་འདི་སྙིང་རྗེའི་གནས། ༡༠༠ ། སེང་གེ་སྐྱོབས་དེས་ལན་བརྒྱར་ཡང་། །དབུ་དང་ཕྱག་ཀྱང་གཏོང་བའི་དཀའ་བ་ཡིས། །དུས་རིང་བསྒྲུབ་པའི་ཆོས་མཛོད་བདུད་རྩིའི་ལམ། །མི་ཕོངས་བསྟན་པའི་བཙས་སུ་འདི་བཞག་མོད། ༡༠༡ །ཀྱེ་མ་ལོག་སྤྱོད་གོམས་པའི་སྐྱེ་བོ་ནི། །པན་མཛད་དེ་ཡི་བསྟན་པའི་ནགས་ཀློང་དུ། །ཞུགས་ནས་གཉིས་ཕོངས་བགྱིད་པའི་ཞུགས་སྤར་པ། །ཀྱི་ཧུད་ཕྱོགས་བཅུའི་རྒྱལ་བས་གཟིགས་སམ་ཅི། ༡༠༢ །སྙིགས་མའི་བསྐལ་མཐར་སྐྱེས་པ་བདག་དང་གཞན། །ཐུབ་ཚུལ་ཡོན་ཏན་རང་བཞིན་ཅུང་ཟད་ཙམ། །མཐོང་བ་མཆིས་ན་ཉོན་མོངས་གཞན་དབང་གིས། །ཤེས་བཞིན་ཁྱད་དུ་གསོད་པར་མ་གྱུར་ཅིག་༡༠༣ །བསྔགས་འོས་དམ་པའི་ལམ་བཟང་འདི་བསྔགས་པའི། །དགེ་ཚོགས་ཕུང་པོ་ཇི་སྙེད་མཆིས་ཀུན་དང་། །བདག་གིས་དུས་གསུམ་བསགས་པའི་དགེ་རྩར་བཅས། །བསྟན་པ་མི་ཉམས་གནས་པའི་རྒྱུ་རུ་བསྔོ། ༡༠༤། བསྔོས་པ་ཅི་བཞིན་འགྲུབ་པའི་མཐུན་གྱུར་དུ། །དབྱིངས་ནས་རྒྱལ་བ་སྲས་བཅས་བཞེངས་མཛད་ཅིང་། །ལྷག་བསམ་དག་པའི་གཞོན་ནུ་ཤྲཱི་ཡང་། །བསམ་དོན་ཆོས་བཞིན་འགྲུབ་པའི་བཀྲ་ཤིས་ཤོག།

གཏམ་བརྗོད།


ZP01_Page_135
[མ་དཔེ་གཟིགས་ན་འདིར་གནོན།]

གང་ཞིག་སྲིད་བའི་རབ་རིབ་ནི། །དག་པ་སྨན་གྱིས་སྦྱངས་གྱུར་པ། །ཐུབ་བ་ཤེས་རབ་སྤྱན་མངའ་བ། །འགྲོ་བའི་དམིགས་བུ་གཅིག་པུར་ངེས། །ལེགས་ལམ་སྟོང་གི་སྦྲུམ་པའི་དཀུ། །མིང་ལ་ནོར་འཛིན་དགའ་མ་ཙམ། །སྲིད་ན་རྒྱལ་བསྟན་རིན་ཆེན་མངལ། །འཛིན་བཟོད་དེ་ཡང་དེ་ཙམ་མོ། །གང་ལ་སྟོན་དང་བསྟན་པ་ནི། །གཅིག་པུ་ཆོས་འདུལ་བདུད་རྩིའི་གཏེར། །བླངས་ལས་འཆལ་བའི་དཔུང་སྙིལ་ལ། །དེ་འོས་དེ་དང་བཅས་པ་ཡིན། །ཡིད་འོང་ལི་ཁྲིས་བྲིས་སམ་ཅི། །གུར་གུམ་ཚོན་གྱིས་ཉུག་གམ་ཅི། །ཐུན་མཚམས་སྤྲིན་གྱི་བླ་གོས་ཅན། །འདི་ཀོ་སུ་ཡི་རྗེས་སྐྱེས་ཡིན། །རལ་བས་མ་ཡིན་ཐལ་བས་མིན། །དེ་ལ་སྐུད་པ་དབྱུག་གུས་མིན། །རྟག་འདི་ཐུབ་པ་ལྷའི་ཡང་ལྷས། །ཕྱག་རྒྱས་བཏབ་པ་གདོན་མི་ཟ། །གང་གིས་བསྟན་པ་རྟ་ཐུལ་ལས། །མཁས་པ་མཆོག་ཟུང་གྲགས་ཆེན་ལས། །འཕྲོག་པ་མིན་ནམ་ཐུབ་བསྟན་ལ། །ཉིན་མོར་བགྱིད་འདི་དེང་སུ་ཞིག །དེ་ཡི་ཕྱི་བཞིན་ལྷུན་པོ་ཡི། །དྲུང་ན་གསེར་རིའི་འཕྲེང་དངར་ལྟའི། །ཚོགས་ཀྱི་མཆོག་གཟིགས་གནོན་པ་ལ། །ཚོགས་མཆོག་ཉིད་དུ་ངོམས་པ་བཞིན། །བློ་གྲོས་བསླབ་པ་རྫོགས་པ་ལ། །རིངས་པ་ཐོབ་ཀྱང་ན་ཚོད་ཀྱིས། །དེ་ཞིག་ངལ་བསོའི་སྟེགས་ཕྱིན་པར། །སྤོང་བཅུའི་ཁུར་འཛིན་དེ་ཡང་ཡོད། །གཞོན་ནུ་ན་ཚོད་གསལ་


ZP01_Page_136
[མ་དཔེ་གཟིགས་ན་འདིར་གནོན།]

བ་དང་། །འགྲོགས་པའི་བློ་གྲོས་བརྩེ་འོས་པ། །རེ་ཞིག་དེ་རྗེས་འབྲང་དེའི་མཐུ། །སྙན་ཚིག་གཏམ་ལ་དགྱེས་ཚུལ་ངོམས། །དེ་སླད་རྔ་ལ་དབྱུག་གུས་བཞིན། །གཏམ་གྱི་སྦྱོར་བ་ཁྱོད་བྱོས་ཞེས། །བསྐུལ་བ་བཟློག་པའི་ནུས་བྲལ་ཡང་། །སྨྲ་ལ་མོས་པ་རྒྱས་པ་མེད། །སྔོན་བྱུང་གཏམ་ལས་གྱུར་པའི་ངག །སྙན་ངག་དམ་པའི་གཞི་ཉིད་ཅེས། །མཁས་པའི་གཏམ་དུ་བརྒྱུད་ཀྱང་སྦྱར། །ཐོས་དང་མཐོང་བའང་དེ་ལགས་མོད། །འོན་ཀྱང་དོན་ཆུང་དོན་ལོག་པའི། །ཅ་ཅོ་སྨྲ་ཡུལ་ཁྱོད་མི་འོས། །དོན་བཟང་ལྡན་ཅིང་སྙན་འཇེབས་པའི། །བརྗོད་པའི་བདུད་རྩིས་བདག་སྟོང་གྱུར། །འདོད་པ་དུག་ཅན་ཟས་འདྲ་བའི། །དུག་གི་ཉིད་ཁུར་གང་གྱུར་པ། །ཧ་ལ་ཧ་ལ་འདྲའི་བུད་མེད། །སྒྱུ་མ་དེ་བསྔགས་བདག་སྤོབས་རྒྱས། །དེ་འདྲ་མཁས་པས་སྨད་འོས་གང་། །རུང་བ་མ་ཡིན་མི་མཛེས་པའི། །གཏམ་གྱིས་ཁྱོད་སྙན་གཙེར་བ་ལ། །དགོས་པ་ཅི་ཡོད་གྱི་ན་ཙམ། །དེ་སླད་སྔོན་གྱི་མཁས་པས་མང་བསྟན་པ། །དམ་པའི་སྤྱོད་མཛེས་རྒྱུ་སྐར་ཕྲེང་འདྲ་ལས། །བསོད་ནམས་འདུན་སླད་བདག་གིས་ཉུང་ངུ་ཞིག །བསྡེབ་པར་བགྱི་ཡི་མེ་ཏོག་ཕྲེང་བཞིན་ལོངས། །གང་གི་ལོངས་སྤྱོད་རྒྱས་པ་ལ། །དབང་པོས་ཀྱང་ནི་སྨོན་འོས་པ། །སེར་སྐྱའི་གྲོང་ཁྱེར་བལྟ་ན་སྡུག །གཉིས་པ་བཞིན་དུ་མཆིས་པ་ལགས། །ཐོག་


ZP01_Page_137
[མ་དཔེ་གཟིགས་ན་འདིར་གནོན།]

མ་ཐ་མ་བར་དག་ཏུ། །གཅིག་ཏུ་གནས་པ་མི་བཟད་ལས། །རྩུབ་མོའི་བགྱི་བར་མངོན་ཕྱོགས་པ། །འཕགས་སྐྱེས་པོ་ནི་བདུད་ཉིད་བཞིན། །གཅིག་ཏུ་རབ་དཀར་ཟླ་འདྲ་བའི། འབྱོར་པ་བཟང་བ་ལ། །དུས་མེ་ལྟར་རྔམ་དེ་ཡི་དཔུང་། །མ་ལ་གནོད་དང་བཅས་པ་ཡིན། །རིང་ནས་ཐོག་མའི་ལས་ཀྱིས་དང་། །དྲུང་ནས་འདུན་ན་འདོན་གྱི་ཚིག །ལྕགས་དང་འདྲ་བས་བསྐལ་བསྐུལ་ནས། །ཁྲོ་བ་རང་གཞན་བདུད་དུ་སྐྱེས། །ཁྲོ་བ་སྤངས་བ་སངས་རྒྱས་ཀྱི། །སྲས་པོ་ཞི་བའི་བདག་ཉིད་ཅན། །སྒོར་ལ་སླར་ཡང་འདུད་འདུད་པ། །དེ་གསོད་པ་ལས་སླ་བ་མེད། །འོན་ཀྱང་བླུན་པོ་བརྩེ་བྲལ་བ། །ཁྲོ་བའི་མིག་རྩ་དམར་དང་བཅས། །དེ་དཔུང་བཅོམ་ནས་བདག་ཁོ་ན། །དཔའ་བོ་བཞིན་དུ་དྲེགས་པ་ལེན། །གང་ཞིག་འབྱོར་དང་འདུས་དང་རབ་བསགས་པ། །རྒུད་འབྲལ་འཛད་པའི་བྱ་གཏོང་ཇི་བཞིན་ཏུ། །གྲོང་བརླག བུ་སྨད་ཕྱོགས་ཕྱོགས་སུ། །བཀྲེས་པས་ལག་པ་སྒྲེང་ཞིང་སློང་མོར་རྒྱུ། །དེ་དབུས་ལང་ཚོའི་རྣམ་པར་རབ་གསལ་བ། །གསར་དུ་ཕ་མ་བྲལ་བའི་མྱ་ངན་ཅན། །གདོང་པ་མཆི་མའི་རི་མོ་སྐྱ་འགྱུར་བ། །བྱིས་པ་ཉེ་དུའི་སྲེད་ཅན་གཉིས་ཤིག་ངུ ། །བཟའ་བ་གང་ལ་བཏུང་བ་གང་ཞིག་ལས། བརྩེ་བ་སུས་ཤེས་དེ་ལྟར་སྔར་སྤྱད་པའི། །བདེ་བའི་རྗེས་སུ་སེམས་


ZP01_Page_138
[མ་དཔེ་གཟིགས་ན་འདིར་གནོན།]

པའི་སྨྲེ་སྔགས་ཅན། །དེ་མཐོང་མི་ལ་མཆི་མར་བཅས་མིན་མེད། །བཟོད་པ་བསྲན་ཆུང་རང་བཞིན་བློ་སྲབ་པ། །འཕྲལ་ལ་ངུ་དགའ་གྲོང་གི་བུད་མེད་དག །བྱིས་པ་དེ་མཐོང་འདུས་ནས་བྲང་བརྡུངས་ཤིང་། །ཉམ་ཐག་སྐད་ཀྱིས་སྙིང་རྗེ་རྗེ་བཞིན་དུ། །དེ་གཉིས་ཀྱི་ནི་མ་ཡི་མིང་པོ་རུ། །གྱུར་པ་ཤཱཀྱའི་སྲས་པོ་ཀུན་དགའ་བོ། །དེ་ཡང་དེར་འོང་དེ་ཡི་བཞིན་རྟོགས་ཤིང་། །བག་གིས་ཤེས་ནས་མིག་རྩ་བརླན་པར་གྱུར། །བྱིས་པ་ཕ་མ་ཡོད་དམ་ཅི། །གང་ལས་གང་དུ་ཇི་ལྟར་འོང་། །འདི་ལྟར་སྨྲ་བའི་རྒྱུ་ཅི་ཞེས། །དེ་གཉིས་ལ་ནི་ཀུན་དགས་དྲིས། །འཕགས་པ་བདག་ཅག་ཕ་མ་མེད། །རྒྱུ་མེད་བཞིན་དུ་འཕགས་སྐྱེས་པོས། །རྣམ་པར་བཅོམ་ལས་སྡུག་བསྔལ་ཐོབ། །སྐྱབས་མེད་པར་ནི་འཁྱམས་ཤིང་རྒྱུ། ། རྒྱལ་རིགས་ཀུན་དགའ་བོ། །ཁྱེད་གཉིས་ཀྱི་ནི་ཞང་པོ་ཡིན། །ཕྱོགས་འདིར་ཡོད་ཅེས་གཞན་དག་སྨྲ། །མ་མཐོང་ཕྱིར་ན་སྨྲེ་སྔགས་བགྱིད། །དེ་ཐོས་ནས་ནི་ཀུན་དགའ་བོ། །གཉེན་ལ་སྲེད་པའི་གདུང་བ་སྐྱེས། །བྱིས་པ་དེ་གཉིས་ཕྱི་བཞིན་ཏུ། །བཀྲིས་ནས་རང་གི་གནས་སུ་འོང་། །མ་ཆགས་ཡང་དག་འཕགས་པའི་རིགས། །འདོད་པ་ཆུང་ཞིང་ཆོག་ཤེས་པའི། །གནས་ལ་ཡིད་རྟོན་དུལ་བ་ལ། །འབྱོར་བའི་བགོ་བྱ་ཅི་ཞིག་ཡོད། །དྲང་པོ་མཆོག་གི་སྣོད་


ZP01_Page_139
[མ་དཔེ་གཟིགས་ན་འདིར་གནོན།]

གཅིག་པུར། །སྒོ་བརྒྱ་འགྲིམ་ལས་གང་རྙེད་དེ། །གྱི་ན་ཙམ་ཞིག་རང་འཚལ་ཞིང་། །དེ་དག་དུ་ཡང་ཐུན་མོང་བྱས། །སྐྱེ་བོས་ལུས་ནི་ཟས་ཀྱིས་ཆུས། །པདྨོ་བཞིན་ཏུ་བསྐྱེད་བྱ་བ། །དེ་ལ་བསྙེན་དུ་མེད་རྒྱུ་དེས། །དེ་བཞིན་སྐྱ་བོ་ཐངས་པོར་གྱུར། །ཐམས་ཅད་མཁྱེན་ཀྱང་མཁྱེན་བཞིན་ཏུ། །འདྲི་མཛད་ཐུགས་རྗེའི་དགོངས་མངའ་བ། །ཐུབ་པས་དེ་ལུས་སྐེམ་པའི་རྒྱུ། །དྲི་ལ་ཇི་བཞིན་ཉིད་དུ་ཞུས། །འདི་ན་བསྟན་པ་བདུད་རྩིའི་སྒོ། །དཔག་བསམ་གྱི་ནི་ཤིང་འདྲ་བ། །ཀུན་ལ་མཉམ་པར་ངེས་བརྡལ་ན། །དེ་དག་ཅིས་མི་ཞུགས་ཞེས་གསུངས། །མགོན་པོ་དེ་དག་ན་ཚོད་ཕྲ། །ཀློག་དང་སྤོང་ལ་བརྩོན་ནུས་དཀའ། །དེ་སླད་ཐུབ་པའི་རྒྱལ་མཚན་གྱིས། །དགབ་པ་བདག་གིས་མ་སྤོབས་སོ། །གང་གིས་ཤེས་བྱ་ཅི་ཙམ་པ། །གཟིགས་གྱུར་ཐུབ་པ་བསྙེངས་མེད་པས། །ཀུན་དགའ་བོ་ཡི་ཚིག་གསན་ནས། །དེ་ལ་ཐུགས་རྗེས་དགོངས་པར་མཛད། །ཀྱེ་མ་འོད་སྟོང་སྐྱེས་མཆོག་གི །བསྟན་ལ་གང་གིས་སྨོན་སྨོན་པ། །དེ་འབྲས་མེད་བགྱིད་བདག་ཆ་མིན། །དེ་སླད་གནས་འདི་གནང་བར་དགོངས། །དགེ་འདུན་གྱི་ནི་སྤྱི་བུད་ལ། །བྱ་རོག་ཟ་བ་སྐྲོད་ནུས་ཤིང་། །ལོ་བདུན་ལོན་པར་གང་གྱུར་པ། །རབ་ཏུ་བྱུང་ཞེས་གནང་བར་མཛད། །ཀྱེ་མ་ཐུགས་རྗེ་ཆེན་པོའི་ཁུར། །གང་གིས་རིང་ནས་བསྣམས་


ZP01_Page_140
[མ་དཔེ་གཟིགས་ན་འདིར་གནོན།]

བསྣམས་པ། །སྐྱེ་དགུའི་བཤེས་སུ་རྩལ་ལགས་ན། །གང་དོན་མི་འགྱུར་དེ་ཡོད་མིན། །ཕུན་ཚོགས་ཐུབ་པ་ཉིད་བཞིན་དུ། །རྒྱས་པ་བསྟན་པའི་དགའ་ཚལ་ནི། །ལང་ཚོ་གཞོན་ནུའི་ཐར་ལམ་གྱི། །བརྩེ་དགའི་གསོས་སུ་དེ་རིང་བྱོན། །མཛེས་པ་ལྷ་ཡི་བུ་ཇི་ལྟར། །གཅུག་པ་འཛིན་པའི་གཞོན་ནུ་ཟུང་། །དར་པ་ཚུལ་ཁྲིམས་སྙེ་མ་ཡི། །ཕོན་པོའི་ཁུར་གྱིས་ལྕི་བར་བྱས། །ཆོས་འདུལ་ནོར་བུའི་དོ་ཤལ་གྱིས། །སྒེག་འཆང་དགྱེས་པའི་བག་ཡོད་འདིས། །སྐྱེངས་བྱས་མེས་པོ་ཚངས་པ་ཡང་། །བྱེད་པོར་རྫུན་གྱིས་བསྙེན་ནམ་སྙམ། །དེར་ནི་ཀློག་པའི་བརྟུལ་ཞུགས་ལས། །བརྩོན་པར་བྱོས་ཞེས་ཀུན་དགའ་བོས། །བསླབ་ཀྱང་གཞོན་པའི་རྒྱུ་མཚན་གྱིས། །བརྩེ་བའི་གཏམ་དེས་གདུལ་མ་ནུས། །རྫུ་འཕྲུལ་ཆེན་པོ་དབང་ཡོད་པོ། །མཁས་པ་མཽའུ་གལ་བུའི་དྲུང་དེར། །ཚིག་གིས་བཅོལ་ནས་དེས་བསླབ་པར། །འཕྲལ་དུ་ཀློག་ཀྱང་རྒྱུན་བཅས་མིན། །བག་བསྐྱངས་རྩེད་མོའི་རྣམ་འགྱུར་ལ། །དགའ་བར་བྱིས་པའི་ངང་ཚུལ་དེར། །འཇམ་པོས་བསླབ་ཀྱང་ཉན་བྲལ་བས། །འཇམ་པོས་བསླབ་ཀྱང་ཉན་བྲལ་བས། །བསྡིགས་པར་བྱོས་ཞེས་ཀུན་དགས་བསྐུལ། །གང་དུ་གནས་བརྟན་མཛེས་པར་གཤེགས། །གྲོང་ན་གུས་བཅས་གཞོན་ནུ་ཟུང་། །ཕྲག་གོང་གདེངས་པའི་ཁུར་མཛེས་ལས།། །།དད་དང་བརྩེ་འོས་འགྲན་པ་བཞིན། །གནས་དང་གནས་པ་ལྷན་ཅིག་པས། །ཉིན་


ZP01_Page_141
[མ་དཔེ་གཟིགས་ན་འདིར་གནོན།]

མོར་སྤྱོད་པའི་གནས་བསྙེགས་ལ། །དད་པས་ལྷ་དག་རང་གི་ཚལ། །འདི་ན་སྐད་ཅིག་བཀྲམ་པ་བཞིན། །མར་གད་བཞུས་པའི་དཀྱིལ་འཁོར་ལ། །མེ་ཏོག་ཐིག་ལེའི་ཚོམ་བུ་ཅན། །ཅུང་ཟད་མཐོང་བར་གནས་སྣང་དེར། །ལྷག་མཐོང་མགྲོན་དུ་འབོད་པ་བཞིན། །ཀླུ་ཡི་རྒྱལ་པོ་བསྐྱིལ་བ་ལྟར། །མི་གཡོ་མཉམ་པར་བཞག་པ་ཅན། །ཏིང་འཛིན་གང་གིས་རྣམ་སྤྲུལ་པ། །མེད་བཞིན་སྣང་དང་བཅས་པ་ཡིན། །སྒྲ་ཆེན་པོ་དང་སྒྲ་མཐོན་པོ། །དུཿཁའི་སྒྲ་གདངས་རྣར་རྩུབ་པ། །རིང་བ་མིན་པའི་ས་ཕྱོགས་ཐོས། །རྒྱུ་མཚན་གནས་ལ་གནས་པས་དྲིས། །གཞོན་ནུ་དལ་གྱིས་འགྲོ་བར་བྱོས། །ལེགས་པར་སྒྲིམ་ལ་ལྟོས་ཤིག་དང་། །རྒྱུ་མཚན་ངེས་པར་འགྱུར་སྲིད་ཀྱི། །རྒྱུ་དེ་བདག་གིས་མ་འཚལ་ཏེ། །ཞེས་པ་བླ་མའི་ཚིག་མཉན་ནས། །དེ་གཉིས་དལ་གྱིས་དལ་གྱིས་ནི། །འཇིགས་དང་རབ་དགའ་མཚར་བའི་སེམས། །འགྲན་པ་ལྟ་བུས་དེ་བལྟར་ཕྱིན། །གང་དུ་རབ་འབར་མེ་ཚོགས་འཁྱིལ་བ་ཆོག་ཡར་ཏོག་སྒྲས་ལྕེ་འབབ་པ། །འཇིགས་དུས་མེ་བཞིན་ལྟ་བར་བཟོད་དཀའ་གཤིན་རྗེ་ལྟ་བུར་འཇིགས་སུ་རུང་། །འབར་བའི་ཤུགས་ཀྱིས་བསྐོལ་བའི་ཟངས་ཞུན་ལྷག་ལྷག་འཁྱིལ་བའི་དབུས་གནས་པ། །དུ་བ་སྔོ་ཕྱུར་ཉམ་ཐག་སྐད་འབྱིན་སྡུག་བསྔལ་སེམས་ཅན་དེ་ལྟར་མཐོང་། །གཞན་དུ་ལྕགས་སྣོད་མེ་ལྕེའི་ཕྲེང་འཁྲིགས་འབར་


ZP01_Page_142
[མ་དཔེ་གཟིགས་ན་འདིར་གནོན།]

བའི་མེ་ཡི་ཚོགས་བཅས་པ། །གོ་རེ་ལོངས་བཞིན་ཕྱོགས་ཕྱོགས་རྒྱུ་བའི་མེ་བཞིན་ཚ་དཔལ་མཚོན་ཆའི་ལག །གཡོ་བ་དང་ལྡན་དེ་ཡི་ཕྱོགས་ཀུན་གཤིན་རྗེའི་སྐྱེས་བུ་གཏུམ་ལྡན་པས། །བསྐོར་བ་ཕན་ཚུན་འགྲན་པ་བཞིན་ཏུ་གཉིས་ཤིག་དེ་ན་བཀོད་ཅིང་མཆིས། །དེ་མཐོང་སྐྱི་བུང་བྱེད་ཅིང་འཇིགས་དྲགས་མཉམ་པའི་གོམ་པ་འདོར་ནུས་མིན། །ཀྱེ་མ་འདི་ཅི་འདི་འདྲ་ཅི་ཞིག་ཀྱི་ཧུད་བཟོད་པར་དཀའ་འདི་ཅི། །འདི་འདྲ་བལྟ་བར་ནུས་པ་མིན་ན་འདི་རུ་ཚུད་པ་ལྟ་ཅི་ཞེས། །ཤིན་ཏུ་ཞུམ་པའི་སྐད་གདངས་དམའ་བས་དེ་དག་ལ་ནི་དེ་གཉིས་འདྲི། །བཟོད་པར་མཛོད་ཅིག་སྐྱེས་སུ་དག །འདི་ན་ལྟད་མོ་མི་བཟོད་པའི། །རྒྱུ་མཚན་གང་ཡིན་བདག་ཅག་འདྲི། །བརྩེ་བཅས་ཡང་དག་འཆད་པར་རིགས། །གང་དུ་འཕགས་པ་ཀུན་དགའ་བོས། །སྲིད་མོའི་བུ་གཉིས་རབ་བྱུང་བ། །ཀློག་པར་མི་བརྩོན་དགེ་འདུན་གྱི། །དཀོར་ལ་བག་མེད་སྤྱོད་པར་བགྱིད། །མི་བཟད་ལས་ཀྱི་ཆད་པ་ནི། །གདུག་པ་ཅན་འདིར་དེ་འཛུད་དོ། །གཞན་ཡང་བག་མེད་སྔར་སྤྱོད་པ། །མང་པོ་འདི་རུ་འཚེད་འདིའོ། །དེ་སྐད་གཤིན་རྗེའི་སྐྱེས་བུའི་ཚིག །གནམ་ལྕགས་ལྷུང་བཞིན་འཇིགས་འོས་པ། །ཐོས་པས་མིག་ཀྱང་རིག་རིག་པོར། །གྱུར་པའི་ཉམས་ཐག་གཞོན་ནུ་ཟུང་། །སྐྲག་པས་རྟབས་རྟབས་པོར་བགྱིད་ཅིང་། །མྱུར་བར་ཚིག


ZP01_Page_143
[མ་དཔེ་གཟིགས་ན་འདིར་གནོན།]

ལན་ལྡོན་བྲལ་ནས། །མཉམ་པ་མིན་པའི་གོམ་པ་ཅན། །ཞུམ་བཞིན་མཁན་པོའི་དྲུང་དུ་འོང་། །ཀྱེ་མ་བལྟ་བར་དཀའ་དག་མཆིས། །ཐོས་དང་མཐོང་བ་འདི་འདྲ་ཞེས། །སྨྲས་ཞིང་རང་གི་གཙུག་ལག་ཏུ། །ལ་འུར་འདོང་ཞེས་བསྐུལ་བར་བགྱིད། །དེ་ཚིག་མཉན་ནས་དེ་དག་འོང་། །གནས་སུ་ཕྱིན་ནས་ཀློག་པ་ཡི། །གནས་ལ་ཤིན་ཏུ་བརྩོན་པ་ཡི། །སྒྲིན་དང་བཅས་པར་དེ་གཉིས་གྱུར། །འོན་ཀྱང་དམྱལ་མེ་མ་རུང་བའི། །འཇིགས་པ་ཟས་ཀྱི་གོང་དྲན་ན། །ཟ་བར་མི་ནུས་དེ་ལས་ཕྱིན། །དྲན་པས་སླར་ལ་སྐྱུགས་པར་བགྱིད། །མ་ཟོས་པའམ་སྐྱུགས་པའི་རྒྱུས། །བཟའ་བ་བཅུད་དུ་མ་གྱུར་དེས། །དེ་གཉིས་ལུས་ནི་རིང་གྱུར་རྒྱུ། །ཞང་པོས་དྲིས་ནས་མཁན་པོའི་སྨྲས། །སྤོབས་པར་བྱོས་ཞེས་བསྐུལ་བ་ལས། །རྫུ་འཕྲུལ་གྱིས་ནི་ལྷ་ཡུལ་བསྟན། །ངེས་འབྱུང་བདུད་རྩི་ཡུན་རིང་དུ། །བཏུང་བ་གནས་འདིར་སྲིད་མི་སྐྱོ། །འདི་འདྲའི་བདེ་བ་རབ་དགའ་བ། །ཟད་པར་འགྱུར་རམ་མ་ཡིན་ཞེས། །ངེས་པར་སྐྱེས་བུ་མཁས་པ་ཡི། །བརྟག་འོས་གནྶའདི་བླ་མར་དྲིས། །དེས་ཀྱང་ཐུབ་པ་ཀུན་མཁྱེན་པའི། །གསུང་གི་གནས་བཞིན་འཁོར་བ་ཀུན། །མེ་འོབས་ལྟ་བུའི་ཚུལ་འདོམས་ཞིང་། །སྲིད་བདེའི་མཐའ་ཡང་ངེས་པར་བྱས། །རྒྱུ་དེས་སྲིད་པ་ཐ་མ་པའི། །གང་ཟག་དེ་གཉིས་བརྩོན་པ་དང་། །འབད་པ་རྒྱུན་རིང་འགྲོགས་པ་ཡིས། །འཁོར་བ་


ZP01_Page_144
[མ་དཔེ་གཟིགས་ན་འདིར་གནོན།]

འདི་ལས་ཕྱི་རོལ་ལོག །གང་ཞིག་ཙནྡན་མཆོག་བདར་བཞིན། །བསིལ་བར་གྱུར་པ་རྙོགས་མེད་པའི། །མྱ་ངན་འདས་ཞི་དགྲ་བཅོམ་པ། །མཁས་པ་དེ་གཉིས་མངོན་ཏུ་བྱས། །མཁའ་ལ་སྐྱིལ་ཀྲུང་བཅས་གཤེགས་པའི། །མདུན་ན་ཆུ་ཡི་བུམ་པ་དག །རྟེན་པ་མེད་པར་འགྲོ་བ་ཡི། །རྫུ་འཕྲུལ་མཐུ་ཡངྔྷེས་པར་བསྟན། །གང་གི་ལོ་བདུན་པ་ཁོ་ནར། །ལམ་མཐར་ཕྱིན་པ་མངོན་བྱས་པ། །ངེས་འབྱུང་ཁ་ལོ་དང་བཅས་པའི། །བརྩོན་པའི་ཤིང་རྟར་ཞོན་ལས་ལགས། །དེ་སླད་རྨོངས་རྒྱུ་བག་མེད་དང་འགལ་བའི། །ངེས་འབྱུང་ཚུལ་ཁྲིམས་བསླབ་མཆོག་སྣོད་ལྟ་བུར། །སྨོན་འཇུག་བདུད་རྩིའི་བཅུད་མཆོག་གང་ཡིན་པ། །བསྙེན་ན་ཀུན་མཁྱེན་རིང་བ་མིན་པ་ལགས། །དགེའོ།། །།

སྟོན་པ་བདེ་བར་གཤེགས་པའི་གསུངས་གསང་བ་བསམ་གྱིས་མི་ཁྱབ་པ་ལ་བསྔགས་པ་པདྨ་དཀར་པོའི་ཆུན་འཕྱངས།


ZP01_Page_145
[མ་དཔེ་གཟིགས་ན་འདིར་གནོན།]

སྟོན་པ་བདེ་བར་གཤེགས་པའི་གསུངས་གསང་བ་བསམ་གྱིས་མི་ཁྱབ་པ་ལ་བསྔགས་པ་པདྨ་དཀར་པོའི་ཆུན་འཕྱངས་ཞེས་བྱ་བཞུགས་སོ།།


ZP01_Page_146
[མ་དཔེ་གཟིགས་ན་འདིར་གནོན།]

དཔལ་ཤཱཀྱ་སེངྒེ་ལ་ཕྱག་འཚལ་ལོ། །དབྱིངས་ཀྱི་སྟོང་པ་སྤྲོས་པ་ཀུན་བྲལ་བ། །ལྷུན་གྲུབ་མི་གཡོ་རྫོགས་པའི་སངས་རྒྱས་ཏེ། །མཐའ་དག་ཡོན་ཏན་མཆོག་གི་གཏེར་གྱུར་པ། །མཚུངས་མེད་སྐྱོབས་པ་དེ་ལ་ཕྱག་འཚལ་ལོ། ༡ །ཐུབ་པའི་གསུང་ནི་མཚན་མའི་ཡུལ་མིན་ཏེ། །བརྟགས་པར་དཀའ་བ་འདུས་མ་བྱས་པའི་ཀློང་། །བརྗོད་བྲལ་ཉག་གཅིག་བརྗོད་པ་ཀུན་གྱི་གཞི། །ནམ་མཁའི་རང་བཞིན་ཟབ་པར་གྱུར་པ་ལགས། ༢ །མིང་ཚིག་ཡི་གེ་བྱེད་རྩོལ་ཡུལ་དུ་མིན། །སྒྲིབ་གཉིས་དྲི་མ་གཞན་ཡང་མི་དམིགས་པས། །འཁོར་གསུམ་ཡོངས་དག་དག་པ་ཆེན་པོའི་གནས། །སྤྲོས་པའི་ཡུལ་མིན་ཞི་བ་ཆེན་པོ་ལགས། ༣ །རྟག་པར་མ་ཡིན་ཆད་པར་ལྟ་ཅི་ཞིག །གཉིས་དང་གཉིས་མིན་དབྱེ་བ་མི་


ZP01_Page_147
[མ་དཔེ་གཟིགས་ན་འདིར་གནོན།]

བཟོད་པའི། །ཐུབ་པའི་གསུང་ནི་བློ་ཡི་ཡུལ་མིན་ཏེ། །ཚིག་དང་དོན་ཞེས་སྤྲོས་པ་ཀུན་དང་བྲལ། ༤ །འགགས་པ་མེད་པ་རྒྱལ་བའི་གསུང་ཡིན་ཕྱིར། །རྨོངས་པའི་མུན་པ་གཤིས་ལ་མི་གནས་པའི། །ལྷུན་གྲུབ་རང་བཞིན་མཚོན་བརྗོད་ཀུན་བྲལ་ལ། །ངང་གིས་འོད་གསལ་མཆོག་ཏུ་ཞི་བར་བཞུགས། ༥ །ལྕེ་མཆུའི་རྩོལ་བས་ཡི་གེ་སྒྲ་བྱུང་ཞིང་། །དེ་ལས་མིང་དང་ཚིག་གི་ཚོགས་འབྱུང་བའི། །ངག་གི་རང་བཞིན་རྒྱལ་བའི་གསུང་མིན་ཏེ། །འདུས་མ་བྱས་པ་རང་བཞིན་བབས་ཀྱིས་སྣང་། ༦ །ཡུལ་དང་ཡུལ་ཅན་བརྗོད་པ་ཚིག་གི་སྒྲར། །འཛིན་པའི་དུག་འདི་འཁྲུལ་པའི་ངག་ལ་སྟེ། །འཁྲུལ་མེད་ཐུབ་དབང་ཡོན་ཏན་མཆོག་གི་མཛོད། །བདུད་རྩི་རྒྱུ་ཡི་ཆོས་མཆོག་སྙོགས་པ་མེད། ༧ །བྱས་པའི་


ZP01_Page_148
[མ་དཔེ་གཟིགས་ན་འདིར་གནོན།]

ཆོས་ཀུན་འཇིག་པར་འགྱུར་བ་སྟེ། །མ་བྱས་ལྷུན་གྲུབ་སྟོན་པ་མཆོག་གི་གསུང་། །བརྗོད་བྱ་ཙམ་མིན་བརྗོད་པས་མ་ཡིན་པས། །ནམ་ཡང་འགགས་པར་འབྱུང་བ་དམིགས་སུ་མེད། ༨ ། འགགས་མེད་གསུང་ནི་རྒྱུ་ཡིས་མ་བསྐྱེད་དེ། །རྐྱེན་ལས་མ་སྐྱེས་ཆོས་ཉིད་ཟབ་པའི་དབྱིངས། །དུས་གསུམ་དུས་མེད་མཉམ་པར་རོ་གཅིག་པ། །དོན་དམ་དབྱིངས་ཏེ་སྐྱེ་བའི་ཆོས་སུ་མེད། ༩ །སྐྱེ་བ་མེད་པ་ཡི་གེ་ཨ་ཡི་གསུང་། །ཨ་ནི་ཡེ་ནས་སྐྱེ་མེད་མཉམ་པ་སྟེ། །མཉམ་པའི་དབྱིངས་ལས་བརྗོད་པ་ཀུན་འབྱུང་བས། །གསུང་ནི་རང་བཞིན་རྒྱུན་ཆད་ཡེ་ནས་མེད། ༡༠ །ཆད་པ་མེད་པ་དངོས་པོའི་ཆོས་མིན་ཏེ། །ཡོད་མིན་མེད་མིན་བློ་ཡི་ཡུལ་ལས་འདས། །བསམ་ཡུལ་བྲལ་བ་འཛིན་པའི་ཡུལ་མིན་ཕྱིར། །རྟག་པ་མ་ཡིན་རྟག་རྒྱུར་ཡེ་ནས་མེད། ༡༡ །ཐོག་མེད་རང་བཞིན་ཡེ་ནས་ཞི་བའི་གསུང་། །བསམ་མེད་གཉིས་མེད་རྟག་པ་མེད་པ་སྟེ། །གང་ལ་གང་དུ་སྨྲ་བའི་བློ་མེད་པ། །འོང་བ་ཞུད་པ་དུས་གསུམ་རྒྱལ་བའི་གསུང་། ༡༢ །ཟད་པའི་ཐ་མ་གསུང་འདིར་ཡོད་མིན་ཏེ། །སྲིད་པའི་མཐར་ཡང་གསུང་གི་རྒྱུན་གཅིག་པུ། །སྟོང་པ་ཉག་གཅིག་བཟུང་དུ་མེད་པ་ཉིད། །འགྲོ་བ་མེད་པ་གསུང་གི་རང་བཞིན་ཡིན། ༡༣ །དོན་དུ་འཛིན་པ་ཡེ་ནས་མི་དམིགས་ཏེ། །ཤེས་བྱའི་ཆོས་ཀུན་སྟོང་པ་གཅིག་པའི་ཚུལ། །བཏགས་པའི་རྣམ་གྲངས་མཚན་མ་འདིར་ཟད་པའི། །ཐ་དད་དོན་མིན་མཉམ་པ་ཉིད་ཀྱི་ངང་། ༡༤ །གཅིག་ཏུ་འཛིན་པའི་བདག་འཛིན་


ZP01_Page_149
[མ་དཔེ་གཟིགས་ན་འདིར་གནོན།]

ཡུལ་བྱུང་སྟེ། །དུ་མའི་གསུང་གིས་སྒྱུ་མའི་ཚུལ་མཚོན་པ། །བློ་དང་དབང་པོ་མོས་པའི་རྗེས་འགྲོ་བར། །ཀུན་མཁྱེན་ཉིད་དེ་བཟུང་བའི་དོན་གཅིག་མིན། ༡༥ །མཉམ་པར་བཞག་པ་རྟག་ཏུ་ཞི་བའི་ཐུགས། །རྒྱལ་བ་ཀུན་གྱི་རང་བཞིན་འདི་ཡིན་ཕྱིར། །ཐུགས་ལས་གསུང་ཞེས་དབྱེ་བའི་གཞི་མེད་པའི། །གསུང་གི་རང་བཞིན་སྨྲ་བར་དཀའ་བ་ལགས། ༡༦ །གསུང་གིས་ཡེ་ནས་མཉམ་ཉིད་གཅིག་གསུང་སྟེ། །མཉམ་པ་ཉིད་དབྱིངས་བློ་ཡི་ཡུལ་མིན་ཕྱིར། །བློ་ལས་འདས་པ་དཔགས་པར་དཀའ་བ་ཉིད། །ཟབ་པའི་ཚུལ་དེ་ཇི་ལྟར་བསམ་དུ་རུང་། ༡༧ །བརྗོད་པའི་ཚིག་གི་ཆོས་ཉིད་མི་མཚོན་ཏེ། །སྤྲོས་པའི་ཡུལ་ལས་རྒྱལ་བའི་གསུང་འདས་ཕྱིར། །ཆོས་སུ་སྣང་བའང་བཏགས་པ་ཙམ་དུ་སྟེ། །ཐུབ་པ་ཆེན་པོའི་གསུང་ནི་བརྗོད་དུ་མེད། ༡༨ །ཤེས་དང་ཤེས་བྱ་ཐ་དད་མ་ཡིན་ཏེ། །གཅིག་ཏུ་འཛིན་པ་ངང་གིས་མི་དམིགས་པ། །སྤྲོས་པ་གཅོད་པ་ཆུ་ཟླ་ལྟ་བུའི་ཚུལ། །རྒྱལ་བའི་གསུང་ནི་ཤེས་རབ་ཕ་རོལ་ཕྱིན། ༡༩ །གསུང་ཙམ་ཉིད་ནས་མ་སྐྱེས་མི་འགགས་ཏེ། །ནམ་མཁའི་རང་བཞིན་ཀུན་ལ་ཁྱབ་གདལ་བ། །ཆོས་རྣམས་ཀུན་གྱི་ངོ་བོ་དེ་བཞིན་ཉིད། །སངས་རྒྱས་ཀུན་གྱི་གསུང་གི་མཐར་ཐུགས་ཡིན། ༢༠ །གཟུང་འཛིན་ཤེས་པས་དམིགས་སུ་མི་རུང་ཡང་། །སོ་སོར་རང་རིག་འཕགས་པ་ཆེན་པོའི་ཐུགས། །རྟོག་བྲལ་བརྗོད་པ་ལྷ་ཡི་རྔ་སྒྲ་བཞིན། །བདེ་གཤེགས་གསུང་ནི་མཚན་ཉིད་མུ་མཐའ་མེད། ༢༡ །ཕལ་བའི་ཡུལ་མིན་གསུང་


ZP01_Page_150
[མ་དཔེ་གཟིགས་ན་འདིར་གནོན།]

གཅིག་ཟབ་མོའི་དབྱིངས། །དུ་མའི་ཚུལ་དུ་སྣང་བ་མི་འགོག་སྟེ། །ཇི་ལྟ་ཇི་སྙེད་ཡེ་ཤེས་མཆོག་གི་ཚུལ། །དོན་དམ་གཟིགས་པའི་སྤྱོད་ཡུལ་གྱུར་པ་ཡིན། ༢༢ །རྒྱལ་བའི་གསུང་གིས་རྒྱལ་བའི་ལམ་མཚོན་ཏེ། །འབྲས་བུའི་རང་བཞིན་གཞན་དུ་མི་དམིགས་པས། །དུས་གསུམ་རྒྱལ་བའི་རྣམ་གྲོལ་གཞིར་གྱུར་ཕྱིར། །ཡུམ་གྱི་རང་བཞིན་གསུང་ལ་ཕྱག་འཚལ་ལོ། ༢༣ །ཟབ་མོའི་གནས་འདི་དཔགས་པར་དཀའ་བ་སྟེ། །རྒྱལ་བ་དེ་ཡི་གསུང་ལས་རྗེས་སྐྱེས་ཞེས། །བསམ་པའི་བློ་ཉིད་ཡིད་ལ་དབང་བགྱིས་ནས། །བསྟོད་པའི་ཚིག་ཕྲེང་མཁས་པའི་གཞུང་བཞིན་བགྱིས། ༢༤ །དགེ་བ་འདི་ཡིས་རྨོང་པའི་འགྲོ་མང་ཁམས། །ཡེ་ཤེས་མཆོག་གི་ཉི་མ་སྣང་བྱེད་ཅིང་། །འོས་པར་སྨྲ་བའི་ཨ་བུ་རྨོངས་པ་ཡང་། །རྒྱལ་བའི་གསུང་དབྱངས་ཚེ་འདིར་ཐོབ་པར་ཤོག་༢༥ །སྟོན་པ་བདེ་བར་གཤེགས་པའི་གསུང་གསང་བ་བསམ་གྱིས་མི་ཁྱབ་པ་ལ་བསྔགས་པའི་སྐབས་རྫོགས་སོ།། །།

གསུང་རྣམ་པ་ཐམས་ཅད་ལ་བསྔགས་པ།

༈ གསུང་རྣམ་པ་ཐམས་ཅད་ལ་བསྔགས་པ། ཆུན་འཕྱངས་གཉིས་པ། །སྟོན་པ་བདེ་བར་གཤེགས་པའི་གསུང་རྣམ་པ་ཐམས་ཅད་པ་ལ་བསྔགས་པ་ཨུ་དུམ་ཝཱ་རའི་ཆུན་པོ་ཞེས་བྱ་བ། ངག་གི་དབང་ཕྱུག་ལ་ཕྱག་འཚལ་ལོ། །བརྗོད་མེད་བརྗོད་པ་ཀུན་གྱི་གཞིར་བཞེངས་ནས། །སྨྲ་བ་མཆོག་གི་ཉི་མ་གཅིག་པུ་རུ། །གཉིས་སུ་མེད་པར་གསུང་གི་ཚུལ་སྟོན་པ། ། ཏོག་གྱུར་དེ་ལ་ཕྱག་འཚལ་ལོ། ༡ །རྒྱལ་བའི་གསུང་ནི་རྣམ་པ་ཐམས་ཅད་དུ།


ZP01_Page_151
[མ་དཔེ་གཟིགས་ན་འདིར་གནོན།]

གསུང་གཅིག་སྒྲ་ལས་དུ་མའི་ཚུལ་གོ་སྟེ། །གང་ཡང་བརྗོད་པ་རྙོག་པ་མི་མངའ་བས། །ཟབ་པའི་ཚུལ་དེའི་རྒྱ་ཆེར་གྱུར་པ་ཡིན། ༢ །ལེགས་པར་སྦྱར་བས་མཁས་པའི་ཡིད་འཕྲོག་ཅིང་། །སྒྲ་དག་དབྱངས་གསལ་སྡེབ་སྦྱོར་ཉམས་པ་མེད། །ཀློག་པའི་ཚུལ་མཛེས་སྐྱེ་གནས་མ་འཁྲུལ་བར། །ཐམས་ཅད་མཁྱེན་པ་ལྷ་ཡི་སྐད་བཞིན་གསུངས། ༣ །ཉུང་ངུ་མ་ཡིན་རྒྱས་པར་སྟོན་པ་སྟེ། །གང་ཡང་དོན་ཟབ་བླུན་པོས་རྟོགས་པ་སླ། །སྙན་པའི་ངག་གིས་ཡིད་ནི་དགར་བགྱིད་དེ། །འགྲོ་བའི་གཙོ་བོས་ཀླུ་ཡི་སྐད་བཞིན་གསུངས། ༤ །དྲག་ཤུལ་ཚུལ་གྱིས་བསྒྲིམ་དེ་སྨྲ་བའི་སྒྲ། །ང་རོའི་གདངས་གསལ་ཟབ་ཅིང་ཡིད་འཕྲོག་པ། །འབྲུག་སྒྲ་ལྟ་བུར་ཟིལ་གནོན་དཔའ་བའི་དབྱངས། །མི་མཆོག་དེ་ནི་གནོད་སྦྱིན་སྐད་དུ་གསུངས། ༥ །སྒྲ་ལ་ཞེན་པ་རྟོག་གེ་སུན་འབྱིན་ཅིང་། །སྒྲ་དང་སྒྲ་མིན་དབྱེ་བ་མི་མཛད་དེ། །ལེགས་སྦྱར་དབྱངས་ལས་སྒྲུབ་པ་མ་བྱས་པས། །གྲུལ་བུམ་སྐད་དུའང་རྒྱལ་པས་ཆོས་རྣམས་སྟོན། ༦ །སྣ་ཚོགས་ཡུལ་དང་ཡུལ་གྱི་བྱེ་བྲག་གིས། །དུ་མར་སྨྲ་ཡང་དེ་ཚུལ་དང་མཚུངས་པའི། །རང་རང་སྐད་དུ་རྣ་བར་མཇེབས་པའི་ངག །མི་རྣམས་སྐད་དུ་ཐུབ་པས་ཆོས་ཚུལ་སྟོན། ༧ །ཚིགས་སུ་བཅད་པ་ཡིད་འོང་སྙན་ངག་ཕྲེང་། །ཚིག་སྙན་དོན་ཟབ་ལུས་དང་རྒྱུན་དུ་འགྲེལ། །སྨྲ་བའི་སྤོབས་པ་མི་ཟད་ཐོགས་མེད་པས། །དྲང་སྲོང་མཆོག་གིས་དྲང་སྲོང་རྗེས་སུ་འཛིན། ༨ །སྲབ་ཅིང་རིང་ལ་ཡངས་ཤིང་བཟང་བ་སྟེ། །


ZP01_Page_152
[མ་དཔེ་གཟིགས་ན་འདིར་གནོན།]

པདྨའི་འདབ་ལྟར་རྣམ་པར་དག་གྱུར་པ། །སྟོང་ཁམས་འདི་ཡང་རྒྱས་པར་ཁེབ་ནུས་པའི། །ལྗགས་ཀྱི་དབང་པོ་མཆོག་ཅིག་ཁྱོད་ལ་མངའ། ༩ །བསོད་ནམས་དུ་མས་ཡོངས་སུ་བསྐྲུན་པའི་ངག །འཁོར་གྱི་དཀྱིལ་འཁོར་ཡོད་དགུར་དུས་གཅིག་ཀྱང་། །སྣ་ཚོགས་སྐད་དུ་སྣ་ཚོགས་ཆོས་སྟོན་པ། །ཐུབ་པའི་དབྱངས་ཀྱི་ཡན་ལག་རྒྱ་མཚོ་ཡིན། ༡༠ །ཟབ་ཅིང་ཡངས་ལ་གཏིང་དཔགས་དཀའ་བ་སྟེ། །མཐའ་ཡས་རྒྱ་ཆེ་རྒྱུན་རིང་ཟད་མེད་པར། །ཐུབ་པ་ཆེན་པོའི་གསུང་ནི་འབྲུག་སྒྲ་བཞིན། །གདངས་ཀྱི་བྱེ་བྲག་ཟིལ་གནོན་བརྗིད་པར་གསུངས། ༡༡ །གསུངས་སྙན་དབྱངས་ནི་རང་རང་སྐད་དུ་སྟེ། །གཅུ་དང་འཛེར་བག་འདར་བའི་ཉམས་མེད་པར། །ལྔ་ལྡིབ་མ་ཡིག་དག་གསལ་ཡིད་དུ་འོང་། །ཤིན་ཏུ་འཇེབས་ལ་རྣ་བར་སྙན་པ་ཡིན། ༡༢ །བརྗོད་པ་གང་གིས་བརྗོད་བྱ་གང་སྟོན་པ། །ཚིག་དོན་མ་འཁྲུལ་དོན་དང་ལྡན་པ་སྟེ། །དོན་མེད་མི་གསུངས་གདུལ་བྱས་ཤེས་ནུས་པས། །ཐུབ་པའི་གསུང་ནི་བརྗོད་བྱ་ཟབ་པ་ལགས། ༡༣ །ཐུབ་པའི་བྱིན་རླབས་ཚངས་པའི་དབྱངས་ཀྱི་གསུང་། །གང་ལྟར་བསྟན་པ་དེ་ལྟར་གཟུང་སླ་སྟེ། །གསུངས་གཅིག་གིས་ཀྱང་བསྐལ་པར་དོན་བྱེད་ཅིང་། །བླུན་པོ་ཡིན་ཀྱང་ཤེས་ནི་རྟོགས་པར་ནས། ༡༤ །སུ་ཡིས་གང་ཞིག་དྲི་བའི་ཚིག་སྨྲས་པ། །དེ་དང་དེ་ཡི་འདོད་པ་ཡོངས་སྐོང་ཞིང་། །དུད་འགྲོ་ལ་སོགས་སྣ་ཚོགས་རང་རང་གིས། །སྐད་དག་ལས་ནི་ཅི་འདོད་ཉིད་འཆད་མཛད། ༡༥ །དེ་དག་གི་ཕྱིར་འགྲོ་བ་སོ་


ZP01_Page_153
[མ་དཔེ་གཟིགས་ན་འདིར་གནོན།]

སོ་ཡང་། །ཕྱོགས་དང་ཕྱོགས་ནས་དད་པས་འདུས་གྱུར་ཏེ། །རྨོངས་པར་སོང་བ་ཉམས་པའི་དུད་འགྲོ་ཡང་། །ཐུབ་པ་ཁྱོད་ཀྱི་གསུང་ནི་མཉན་པར་མོས། ༡༦། སྙན་པའི་དཔེ་ནི་འགྲོ་བའི་ཡིད་འཛིན་ཏེ། །དེ་ལས་མི་འགྲོ་དབང་པོ་དེར་གཏོད་ཅིང་། །རྣམ་པར་མི་གཡེངས་གཅིག་ཏུ་དགའ་བའི་ཡིད། །ཐམས་ཅད་མཁྱེན་པའི་གསུང་གིས་ངོམས་པར་རྒྱུར། ༡༧ །ཚིག་གི་དོན་ནི་རྣམ་གྲོལ་ལམ་ཡིན་ཏེ། །ཚིག་གཅིག་གིས་ཀྱང་དོན་མང་མཚོན་ནུས་ཕྱིར། །ཐུབ་པ་ཁྱེད་ཀྱི་སློབ་མར་གང་གྱུར་པ། །ཐར་པའི་ལམ་ལས་ཐ་དད་སོང་བ་མེད། ༡༨། རྟོག་གེ་སྨྲ་བ་གཡོ་རྒྱུའི་བསྟན་བཅོས་བཞིན། །གཟུང་བར་དཀའ་བ་རྒྱལ་བས་མི་སྟོན་ཏེ། །ཐོས་པ་ཙམ་ནས་ཁོང་དུ་ཆུད་པའི་ཕྱིར། །ཁྱེད་ཀྱི་རྗེས་འཇུག་མཁས་པར་ཆུད་པ་མང་། ༡༩ །མ་སྨིན་ལོག་འགྲོ་རྨོངས་པའི་སྐད་ལས་ཀྱང་། །ཆོས་ཀུན་སྟོན་ཅིང་སྨིན་པར་བྱེད་པ་སྟེ། །ཁྱོད་གསུང་ས་བོན་གང་གི་རྣམ་བཏབ་པ། །དེ་ནི་བྱང་ཆུབ་སྙེ་མ་ནམ་ཡང་སྦོམ། ༢༠ །ལྷ་ཡི་ཡུལ་དུ་དབང་པོའི་རྔ་དག་དང་། །དྲི་ཟའི་ཡུལ་དུ་རྒྱུན་མང་། །སྐལ་པར་ལྡན་ལ་ལྗོན་ཤིང་སིལ་སྙན་དང་། །བེམ་པོའི་སྒྲ་དག་ལས་ཀྱང་ཆོས་མང་སྟོན། ༢༡ །མི་གཙང་འདམ་དུ་གསེར་གྱི་བུང་བ་དང་། །གཅན་གཟན་ཁྲོད་དུ་སེངྒེའི་རྒྱལ་པོ་སོགས། །གང་གིས་གང་འདུལ་ད་ཡི་སྐད་དུ་སྟེ། །རྣམ་པ་ཐམས་ཅད་མཁྱེན་པའི་གསུང་ལས་བྱུང་། ༢༢ །གསུང་གི་བྱིན་རླབས་སྤྲུལ་པ་མི་ཟད་པ། །གདུལ་བྱའི་དབང་


ZP01_Page_154
[མ་དཔེ་གཟིགས་ན་འདིར་གནོན།]

དང་སྨོན་ལམ་དབང་ལས་ཏེ། །དེ་ཕྱིར་འགགས་པ་མེད་པ་རྒྱལ་བའི་གསུང་། །གསུང་གསང་རྣམ་པར་འཕྲུལ་ལ་ཕྱག་འཚལ་ལོ། ༢༣ །གསུང་གི་ཡོན་ཏན་སྐལ་པ་བྱེ་བར་ཡང་། །རྡོ་རྗེའི་ལྕེས་ཀྱང་བགྲངས་པར་མི་ནུས་ན། །མཁས་པ་མིན་པ་བདག་འདྲས་ལྟ་ཅི་སྟེ། །ཉུང་ངུའི་ངག་འདི་དད་པའི་ཡིད་ཀྱིས་ཡིན། ༢༤ །དགེ་བ་དེ་ཡིས་ཁམས་གསུམ་འགྲོ་བ་ཀུན། །སྐྱེ་འགག་མེད་པ་རྒྱལ་བའི་གསུང་ཐོབ་ཅིང་། །གསུང་དེར་མོས་པའི་ཨ་བུ་བླུན་པོ་ཡང་། །འཁྲུལ་བའི་ངག་འདིའི་སྒྲིབ་པ་བྲལ་གྱུར་ཅིག་༢༥ །སྟོན་པ་བདེ་བར་གཤེགས་པའི་གསུང་རྣམ་པ་ཐམས་ཅད་པ་ལ་བསྔགས་པའི་སྐབས་རྫོགས་སོ།། །།

གསུང་དམ་པའི་ཆོས་ལ་བསྔགས་པ།

༈ གསུང་དམ་པའི་ཆོས་ལ་བསྔགས་པ། ཆུན་འཕྱངས་གསུམ་པ་སྟོན་པ་བདེ་བར་གཤེགས་པའི་གསུང་དམ་པའི་ཆོས་ལ་བསྔགས་པ་ཨུཏྤལ་གཞོན་ནུའི་ཆུན་འཕྱངས་ཞེས་བྱ་བ། དཔལ་སྣང་བ་མཐའ་ཡས་ལ་ཕྱག་འཚལ་ལོ། །གྲངས་མེད་བསྐལ་པར་ཚོགས་གཉིས་ཡོངས་རྫོགས་ཤིང་། །བདུད་བཏུལ་བྱང་ཆུབ་མཆོག་གི་སར་གཤེགས་ཏེ། །ཚངས་པའི་དབྱངས་ཀྱིས་སྣ་ཚོགས་ཆོས་སྟོན་པ། །དབུས་འགྱུར་ཚལ་བཞུགས་དེ་ལ་ཕྱག་འཚལ་ལོ། ༡ །ཐུབ་པའི་གསུང་ནི་རྣམ་གྲངས་མི་ཟད་པ། །བརྗོད་བྱ་དོན་གྱི་ཆོས་འཁོར་མཚོན་པའི་ངག །བརྗོད་བྱེད་སྒྲ་ཚིག་ཆོས་ཀྱི་འཁོར་ལོ་སྟེ། །རྣམ་གསུམ་རིམ་པར་བྱོན་ལ་ཕྱག་འཚལ་ལོ། ༢ །སྡུག་བསྔལ་ཀུན་འབྱུང་འགོག་པ་ལམ་བདེན་པ། །འཁོར་དང་གཞན་ཡང་འབྲས་བུ་རྒྱུར་བཅས་ཟུང་། །


ZP01_Page_155
[མ་དཔེ་གཟིགས་ན་འདིར་གནོན།]

ཤེས་ནས་སྤང་བླང་བགྱིད་དང་བགྱིས་ཟིན་པའི། །བཟླས་པ་བཅུ་གཉིས་ཐུབ་པས་དངོས་པོར་བསྟན། ༣ །གང་གི་རྒྱུད་ལ་སྒྲིབ་དར་ཉོན་མོངས་ཁམས། །ཇི་སྙེད་མཆིས་པ་ཐོགས་མེད་གཅོད་པའི་མཚོན། །ཐུབ་པའི་གསུངས་འདི་ཆོས་ཀྱི་འཁོར་ལོ་སྟེ། །འཁོར་ལོ་དེ་ཡང་རྩིབ་མང་རྣོ་བ་ལགས། ༤ །ཐ་བ་འདིས་བཅོད་སྒྲིབ་པ་འདིས་འབྲལ་ཏེ། །དྲི་མ་འདིས་འཁྲུད་ཤིན་ཏུ་གཙང་གྱུར་པ། སྲིད་པའི་སྐྱོན་མང་ངེས་པར་དག་པ་ཅན། །འཁོར་ལོ་དེ་ནི་ཚངས་པའི་འཁོར་ལོ་ལགས། ༥ །ལྷའམ་ཀླུའམ་མི་མཆོག་གཞན་སུས་ཀྱང་། །བསྐོར་བར་མི་ནུས་རྒྱུ་འབྲས་ཟབ་མོའི་གཏམ། །ཐར་པའི་ལམ་གྱི་རྫིང་བུ་བཟང་པོ་སྟེ། །འཁོར་ལོ་དེ་ནི་ཟབ་པར་གྱུར་པ་ལགས། ༦ །ཁྱིམ་ན་གནས་ཀྱང་ཚངས་པའི་ལམ་སྤྱོད་ཅིང་། །ཚངས་པར་སྤྱོད་པ་ཞི་བའི་དབྱིངས་འགྲོ་བ། །བསྟན་འདིར་གང་ཞུགས་སྡུག་བསྔལ་གཡུལ་འཇོམས་སྟེ། །འཁོར་ལོ་དེ་ནི་ཐོགས་པ་མེད་པ་ཡིན། ༧ །ཞི་བ་བསིལ་བ་བདུད་རྩི་དམ་པའི་ལམ། །བདུད་རྩིའི་སྒོ་མོ་ཐུབ་པས་གང་དབྱེ་བ། །ལྷར་བཅས་སྲིད་པའི་སྣང་བ་གཅིག་པུ་ཏེ། །འཁོར་ལོ་དེ་ནི་གསལ་བར་བགྱི་པ་ཡིན། ༨ །སྤྱོད་པ་རྒྱ་ཆེ་དོན་མང་ཚུལ་མཛེས་ཤིང་། །མཐའ་གཉིས་ལས་འདས་སྒོ་གསུམ་ཉེ་བར་ཞིག །སྟོན་དང་བསྟན་པ་གཉིས་སུ་བཀའ་སྩལ་བ། །ཆོས་འདུལ་ནོར་བུའི་མཛོད་ལ་ཕྱག་འཚལ་ལོ། ༩ །སྣང་བའི་ཆོས་འདི་རང་བཞིན་སྟོང་པ་སྟེ། །སྟོང་པའི་དབྱིངས་ནི་བློ་ཡི་ཡུལ་མིན་ལ། །བློ་འདས་གང་ཡིན་ཁས་ལེན་


ZP01_Page_156
[མ་དཔེ་གཟིགས་ན་འདིར་གནོན།]

ཚིག་བྲལ་བ། །ཟབ་པའི་ཚུལ་འདི་འཁོར་ལོ་བར་པར་བསྟན། ༡༠ །བསམ་པ་རྒྱ་ཆེ་སྤྱོད་དང་སྨོན་ལམ་དང་། །ཐབས་ལ་མཁས་པ་བསྔོ་བ་དམ་པའི་མཆོག །འགྲོ་དོན་ཕྲིན་ལས་ཀུན་ནས་རྒྱ་ཆེ་བ། །གསུང་གི་ཚུལ་འདི་ཐེག་པ་ཆེན་པོ་ཡིན། ༡༡ །སྟོང་པའི་རང་བཞིན་བརྟགས་པར་དཀའ་བ་སྟེ། །ཟབ་པའི་དབྱིངས་ལ་རྟེན་འབྱུང་སྒྱུ་མའི་ཚུལ། །བདེན་པ་གཉིས་ཞེས་ཚིག་གིས་མཚོན་ཙམ་སྟེ། །སྐྱེ་བ་མེད་པ་བདེན་པ་གཅིག་པུར་གསུངས། ༡༢ །ཤེས་བྱ་དངོས་ཀུན་བཏགས་པ་ཙམ་ཉིད་དེ། །རྨི་ལམ་སྒྱུ་མ་ཆུ་ཟླ་ལྟ་བུའི་ཚུལ། །རང་བཞིན་མེད་ཀྱང་རྣམ་པ་མི་འགོགས་ཤིང་། །སྟོང་ཉིད་རྒྱུ་འབྲས་འཆར་བ་དེ་ལྟར་གསུངས། ༡༣ །ཚད་མས་གྲུབ་པའི་ཀུན་རྫོབ་མི་དམིགས་ཀྱང་། །བདེན་པར་ཞེན་པའི་བློ་འདིས་བཟོས་པའི་ཕྱིར། །བློ་བྲལ་དབྱིངས་ནི་དཔྱོད་པའི་ཡུལ་མིན་ཏེ། །དབུ་མའི་ལམ་འདི་ཤིན་ཏུ་ཟབ་པ་ལགས། ༡༤ །སྨྲ་བསམ་བརྗོད་མེད་ནམ་མཁའ་ལྟ་བུའི་ཀློང་། །ཕུང་ལྔའི་འཛིན་བྲལ་དག་པའི་མཉམ་བཞག་སྟེ། །འདུ་བྱེད་རྣམ་དག་རླུང་གིས་མི་དཀྲུགས་པས། །དབུ་མའི་ལམ་འདི་མཆོག་ཏུ་ཞི་བ་ལགས། ༡༥ །ཡུལ་དང་ཡུལ་ཅན་འཛིན་པ་གཉིས་མེད་ཅིང་། །མེད་དོ་སྙམ་པའི་འཛིན་རྟོག་རང་ཞིག་སྟེ། །སྙམས་བྱེད་བདག་དེ་ཡུལ་མེད་རང་སངས་པ། །དབུ་མའི་ལམ་འདི་བདག་མེད་སྟོང་པ་ཡིན། ༡༦ །འཕོ་མེད་རྟག་པ་དག་པ་ཆེན་པོའི་ཁམས། །མ་ལུས་སེམས་ཅན་བདེ་གཤེགས་སྙིང་པོ་ཅན། །ཡོངས་གྲུབ་ཞི་བ་འདུས་མ་བྱས་


ZP01_Page_157
[མ་དཔེ་གཟིགས་ན་འདིར་གནོན།]

བསྟན་པ། །ཐུབ་པའི་ཚུལ་འདི་འཁོར་ལོ་ཐ་མ་ཡིན། ༡༧ །ཀུན་བཏགས་ཆོས་ཀུན་རང་བཞིན་སྟོང་པ་སྟེ། །གཞན་དབང་དངོས་ཀྱང་སྐྱེ་བ་མེད་པའི་ཚུལ། །འགྱུར་མེད་ཡོངས་གྲུབ་སྒྲིབ་པ་བྲལ་བའི་ཁམས། །འདི་དེ་སངས་རྒྱས་རྣམས་ཀྱི་ཆོས་སྐུར་བཞུགས། ༡༨ །སྒྲིབས་པས་བསྒྲིབ་ཀྱང་ངོ་བོ་དག་པའི་ཁམས། །ཤེས་ཉོན་མུན་པ་གཤིས་ལ་མི་འདྲེ་བའི། །ཆོས་ཉིད་དབྱིངས་འདི་ཉི་མའི་དཀྱིལ་འཁོར་བཞིན། །བསལ་བཞག་གཉིས་མེད་གཙང་བའི་ཕ་རོལ་ཕྱིན། ༡༩ །བྱིས་པས་བཟུངས་བའི་བདག་འདི་ཡོད་མིན་ཏེ། །དམ་པས་བསྟན་པའི་སྙིང་པོ་མེད་མིན་པའི། །འགྲོ་བའི་ཆོས་ཁམས་རྒྱལ་བའི་རང་བཞིན་ཅན། །མི་གཡོ་ཁྱབ་བདག་བདག་གི་ཕ་རོལ་ཕྱིན། ༢༠ །འཁྲུལ་པས་བསླུས་པའི་རྨོངས་པ་མནར་གྱུར་ཀྱང་། །ཡོན་ཏན་རང་བཞིན་འཛིན་མེད་རྒྱལ་བའི་ཆོས། །པདྨའི་སྦུབས་ན་སྤྲུལ་པའི་སངས་རྒྱས་བཞིན། །བདེ་གཤེགས་སྙིང་པོ་བདེ་བའི་ཕ་རོལ་ཕྱིན། །༢༡ །ཇི་ལྟར་སྔོན་བཞིན་ཕྱིས་ཀྱང་དེ་བཞིན་ཏེ། །འགྱུར་བ་མེད་ཕྱིར་སྲིད་ཞིག་གཉིས་མེད་པ། །ལྷུན་གྱིས་གྲུབ་པ་མངོན་པར་འདུས་མ་བྱས། །ཞི་དབྱིངས་འཕོ་མེད་རྟག་པའི་ཕ་རོལ་ཕྱིན། ༢༢ །ཟུང་དང་འཛིན་པ་བདེན་པར་ཡོད་མིན་ཏེ། །གཉིས་མེད་ཤེས་པའང་ཀུན་རྫོབ་ཙམ་དུ་བས། །ཟབ་མོ་སྟོང་ཆེན་དཔགས་པར་དཀའ་བའི་ཁམས། །རྒྱལ་བའི་སྡེ་སྣོད་ད་དུང་ཡོད་པར་ཤེས། ༢༣ །ཐུབ་པའི་ཆོས་ཀུན་གཏིང་དཔགས་


ZP01_Page_158
[མ་དཔེ་གཟིགས་ན་འདིར་གནོན།]

དཀའ་བ་སྟེ། །སོ་སྐྱེའི་ངག་གིས་འདོམས་པར་སླ་མིན་ཡང་། །རང་གི་བློ་ཤེས་བསྐལ་པས་གང་འཆུན་ཙམ། །བསྔགས་པའི་ཡུལ་དུ་བརྗོད་པར་མི་རུང་མིན། ༢༤ །དགེ་བ་དེས་ནི་སྲིད་པའི་ཁམས་འདི་དག། ཡང་དག་དམ་ཆོས་སྣང་བས་མི་གཏོང་ཞིང་། །བརྗོད་པ་འདི་བགྱིད་ཨ་བུ་གླེན་པ་ཡང་། །ངག་ལ་ཆོས་ཀྱི་བདེན་པས་བསྲུངས་གྱུར་ཅིག ༢༥ །བདེ་བར་གཤེགས་པའི་གསུང་དམ་པའི་ཆོས་ལ་བསྔགས་པའི་སྐབས་རྫོགས་སོ།། །།

གསུང་ཡི་གེའི་ཕྲེང་བ་ལ་བསྔགས་པ།

གསུང་ཡི་གེའི་ཕྲེང་བ་ལ་བསྔགས་པ་ཆུན་འཕྱངས་བཞི་པ། སྟོན་པ་བདེ་བར་གཤེགས་པའི་གསུང་ཡི་གེའི་ཕྲེང་བ་ལ་བསྔགས་པ་ཀུ་མུད་དའི་ཆུན་འཕྱངས་ཞེས་བྱ་བ། །དཔལ་ལྷ་མོ་སྒྲ་དབྱངས་ལ་ཕྱག་འཚལ་ལོ། །གཏིང་མཐའ་མི་མངོན་བཻཌཱུར་བདུད་རྩིའི་ཀླུང་། །སྲིད་པའི་སྙན་བཅུད་འཛགས་པའི་ཡིད་འཛིན་མ། །ཕྲོག་པ་མེད་པའི་ཡིད་འབྱུང་ལྷའི་བུ་མོའི། །སྙིང་ལ་ཀཻ་ལ་ཤ་བཞིན་ཁྱེད་བཞེས་ཤིག་༡ །ལེགས་བྱས་བྱེད་པོས་བྲིས་པའི་གཟུགས་གང་ཞིག །ཚོགས་པས་བརྗོད་པའི་དོན་སྟོན་མིང་ཚིག་གཞི། །སྲིད་ན་རྒྱལ་བའི་ཆོས་ཁམས་ངེས་འཛིན་པ། །མི་འགྱུར་མིང་གི་ངེས་པས་ཁྱོད་ཅིག་བཟུངས། ༢ །བརྗོད་མེད་ལུས་ཀྱི་རྣམ་པ་གསལ་བྱེད་གཟུགས། །བརྗོད་པ་སྲོག་གི་འཛིན་པའི་བཅུ་དྲུག་དབྱངས། །བསྡོམ་བའི་ཤེས་བྱའི་དངོས་སུ་གང་མཆིས་པ། །སྨྲ་ལས་བས་བར་ཞེས་ཁྱོད་མི་མཆི། ༣ །བྲིས་པས་དངོས་པོའི་ཕྱོགས་ཞེས་ལམ་མཚོན་ཞིང་། །


ZP01_Page_159
[མ་དཔེ་གཟིགས་ན་འདིར་གནོན།]

གནས་པའི་མགོ་ལུས་འབྱེད་པའི་རྒྱན་མཚོན་ལ། །བརྗོད་པ་མིང་གི་དངོས་པོ་འཁྱུད་དཀའ་བའི། །གཟུགས་དེ་དང་པོར་གནས་ཞེས་མཁས་པས་གླེང་། ༤ །མ་འདྲེས་བརྗོད་པའི་སྲོག་དུ་ཀུན་ཁྱབ་ཅིང་། །བསྲེས་ན་ཆུ་ལ་ཆུ་བཞིན་གཤིས་མཐུན་པ། །དབྱངས་ལས་རིགས་ཀྱི་དང་པོར་གྲལ་འཛིན་པའི། །གཟུགས་དེ་མཚུངས་པའི་མིང་གིས་ལྷག་པར་སྙན། ༥ །འདྲ་མིན་འདྲེན་པར་གྱུར་ཀྱང་ཁྲོ་མེད་པར། །གཟུགས་གཅིག་སྲོག་ཐག་རིང་བའི་ངང་བསྲིངས་ཏེ། །མཐོ་བའི་བརྗོད་པར་ཆས་པའི་དབྱངས་གང་ཞིག །མཁས་པའི་འདུན་སར་མཚམས་སྦྱོར་མིང་གིས་བཞུགས། ༦ །ཁོང་ནས་བརྗོད་པར་ཆས་པའི་ངག་གང་ཡང་། །ཅུང་ཞིག་དྲི་འཛིན་སྐལ་བའི་ཆར་བྱས་པ། །ང་རོའི་མིང་གིས་བརྗོད་བྱར་དེ་བཞུགས་ཏེ། །དབྱིབས་སུ་ཟླ་བ་ཉ་བའི་དཀྱིལ་འཁོར་བཞིན། ༧ །བརྡར་བ་དཔའ་བོའི་རལ་གྲི་མ་ཡིན་ཡང་། །རྣམ་པར་བཅད་པ་མིང་ཙམ་ཁོ་ནས་ཏེ། །སྲོག་བྲལ་ས་རའི་ལུས་ལ་ཁྱོད་སྐྱེས་ཀྱང་། །བཤིགས་ན་ཕ་རོལ་རྗེས་མཐུན་ཅིར་ཡང་འགྱུར། ༨ །མ་སྐྱེས་དལ་གྱིས་ཆས་པ་དེའི་རང་ལམ། །འགེགས་བྱེད་ལྕེ་མཆུའི་རྩོམ་པ་མི་ཆེ་སྟེ། །ལྷོད་ལྷོད་མགྲིན་པའི་ལམ་ན་གདངས་བཟང་བ། །གང་ཞིག་མཆིས་པར་གྱུར་བ་ཀ་ཡི་སྡེ། ༩ །གཡོ་བའི་དབུགས་ཀྱི་བོས་པ་ལོས་ལགས་ཀྱང་། །གནས་པ་སྐན་ལ་འདི་མཆིས་རྔ་སྒྲ་ལྟར། །བྱེད་པོས་བསྐུལ་བའི་རྐྱེན་ལས་ལེགས་སྐྱེས་


ZP01_Page_160
[མ་དཔེ་གཟིགས་ན་འདིར་གནོན།]

པ། །དེ་འདྲའི་ངེས་པ་མི་འགོང་ཙ་ཡི་སྡེ། ༡༠། མཐོ་བ་སྤྱི་བོ་ལས་ལྟུང་འདར་གྱུར་པ། །བརྗོད་པ་སྲོག་དང་འཕྲད་ལས་སྡེབ་ཐོན་ཞིང་། །འཕགས་ཡུལ་མཁས་པའི་ངག་ལ་ཁྱེད་འཁྲི་སྟེ། །བྷོ་ཊར་ཁྲོས་པ་བཞིན་གནས་ཊ་ཡི་སྡེ། ༡༡ །སྨྲ་བྱེད་ཟླ་བ་བཀས་འདྲའི་རྩེར་སྐྱེས་ཤིང་། །བརྗོད་བྱེད་དྲི་བཞོན་རྒྱུ་བའི་སྲོག་བྱས་ལས། །ལྡབ་ལྡིབ་མིག་སྨན་ཚོས་ཀྱིས་བསྒྱུར་དཀའ་བ། །ངག་གང་བརྗོད་པ་དག་སྟེ་ཏ་ཡི་སྡེ། ༡༢ །བྱིས་པ་པདྨའི་ཡར་འདབ་འདིར་བཟླུམ་པ། །འོང་བ་ཁྱོད་ཅིག་ཟླ་བའི་སྤུན་ཡིན་ནམ། །ཅི་སླད་དབུགས་ཀྱི་རྒྱུ་ལ་ཁྱོད་ཁྲོ་སྟེ། །ལྕིད་བཅས་མཆུ་ལས་སྐྱེས་པ་ས་ཡི་སྡེ། ༡༣ །དྲུད་པ་གཙུབས་ཤིང་གཙུབས་པའི་མེ་མིན་ཡང་། །དྲོ་བ་དལ་གྱིས་འོང་བའི་དབུགས་ལས་ཏེ། །སྐྱེ་གནས་ཁམས་ཀྱི་བྱེད་པ་སོ་སོ་རང་། །མཐུན་པའི་རང་གྲལ་སྡེབ་པ་ཤཥ་ས། ༡༤ །ཁེངས་པས་ཐོག་མའི་གྲལ་ལ་མི་སྙོགས་ཏེ། །ཁ་ཅིག་བརྗོད་རུང་སྲོག་གྱུར་ཞིག་པ་ལྟའི། །ཐོག་མ་དགྱེས་པའི་གད་མོ་དེ་འོང་བ། །མཐར་གནས་དམན་ས་འཛིན་པ་བཞི་ཞིག་ཡོད། ༡༥ །རྫོགས་པ་ལྔ་བཅུའི་སྤུན་གྱི་ཐ་ཆུང་བ། །འགྱུར་བཅས་ཟད་པ་མཚོན་ཕྱིར་དགག་བྱ་སྟེ། །བསྡུ་བ་ཐ་མའི་སྡུད་པོར་གང་གྱུར་པ། །གཅིག་ཅིག་ཡི་གེའི་མིང་གི་ཕྱེད་ཀྱང་ཡིན། ༡༦ །གཅོད་པ་རལ་གྲིས་བྱེད་པ་གང་འཛིན་པ། །རིང་པོ་རི་མོས་མཚོན་པའི་མདའ་ཡིན་ཏེ། །སྙན་ཚིག་བརྗོད་པ་བདེ་བའི་གྲལ་གཅོད་པ། །བརྗོད་མེད་བརྗོད་པའི་


ZP01_Page_161
[མ་དཔེ་གཟིགས་ན་འདིར་གནོན།]

མཚམས་གཅོད་ཤད་ཀྱིས་བྱས། ༡༧ །བསྡུས་ན་བརྗོད་པའི་གཟུགས་གྱུར་ལྔ་བཅུ་སྟེ། །བཀྲལ་ན་མི་ཟད་ཤེས་བྱའི་མིང་སྟོན་པ། །དབྱིབས་སུ་དུ་མར་སྣང་བའི་སྤྲུལ་བསྒྱུར་ཅན། །ཐུབ་པའི་གསུང་གི་བྱིན་རླབས་ཁོ་ན་ལགས། ༡༨ །སུ་ཞིག་ཐར་ལམ་སྣང་བ་ཚོལ་བ་དང་། །གང་གི་ཞི་བའི་སྒྲོན་མེ་སྙེད་གྱུར་པ། །དེ་ལ་སྦྱིན་པ་རྩོམ་པའི་ལམ་འདིས་ཏེ། །གཞན་ཏུ་ཤེས་པའི་དངོས་པོ་ཇི་ལྟར་སྟེར། ༡༩ །དོན་དུ་མཚན་མར་གྱུར་པ་མ་ལགས་ཀྱང་། །སྣང་ཙམ་སྐལ་བཟང་སྐལ་པའི་མིག་ཡིན་ཕྱིར། །ལེགས་གསུང་བསྟན་པ་རྒྱ་མཚོའི་དེ་ཉིད་ཀྱང་། །དེང་དུ་བརྗོད་པ་ཡི་གེའི་སྒྲ་ལྟར་སྣང་། ༢༠ །མ་སྐྱེས་རང་བཞིན་ཡི་གེ་ཨ་ཡིན་ཏེ། །དོན་དམ་བདེན་གཅིག་སྤྲོས་པའི་ཡུལ་ལས་འདས། །སྐྱེ་བའི་ཆོ་འཕྲུལ་སྣང་བའི་གཞིར་གྱུར་བ། །བརྗོད་དུ་མེད་བཞིན་བརྗོད་པ་ཀུན་གྱི་གཞི། ༢༡ །རྡུལ་སྙེད་བསྐལ་པར་ཇི་སྙེད་བགྲངས་དཀའ་ཡང་། །གོམས་པར་བྱས་པ་ལེགས་མཛད་ཁོ་ན་སྟེ། །དེ་འདྲ་ལས་སྐྱེས་མགུལ་གྱི་བུམ་བཟང་ལས། །ཐུབ་པའི་གསུངས་ཀྱང་ཡི་གེའི་སྒྲ་བཞིན་སྣང་། ༢༢ །ཡི་གེ་འདུས་ལས་གྲགས་པའི་མིང་བྱུང་སྟེ། །མིང་ལས་ཚིག་བྱུང་དེ་ལས་ཇི་སྙེད་ཆོས། །བརྗོད་པའི་དོན་སྟོན་ཡོན་ཏན་མཛོད་འཛིན་ཕྱིར། །སྤང་བླང་ལེགས་ཉེས་དཀའ་གནས་འདི་ཡིས་སྦྱིན། ༢༣ །སྲིད་པའི་ཁམས་ན་ཕན་བདེའི་དངོས་གྱུར་བ། །གང་ཡང་ཐུབ་པའི་སྤྲུལ་པར་བཀའ་སྩལ་ན། །བློ་མཆོག་བློ་ལ་ཤེས་པའི་མིག་


ZP01_Page_162
[མ་དཔེ་གཟིགས་ན་འདིར་གནོན།]

སྦྱིན་པ། །ཡི་གེའི་གཟུགས་འདི་བཟོ་ཡི་སྤྲུལ་སྐུ་ཡིན། ༢༤ །སྡེ་སྣོད་རིན་ཆེན་ཐུབ་པའི་ལེགས་གསུང་བཀའ། །བཀའ་ཡི་རྗེས་འབྲེལ་ཕུན་ཚོགས་བསྟན་བཅོས་གཞུང་། །ཐར་ལམ་བྱེད་པོ་གཞན་ན་ཡོད་མིན་ཏེ། །རྒྱལ་བ་དངོས་ཞེས་ཐུབ་པ་མཆོག་གིས་གསུངས། ༢༥ །དེ་སླད་ཆོས་ཀྱི་ཉི་མ་འདི་ཡིན་ཏེ། །རྨོངས་པས་འཁོར་བར་ལོང་ལ་འདི་དམིགས་བུ། །ཡང་དག་ཐར་ལམ་ཐེམ་པ་འདིས་བགྱིད་དེ། །མདོར་ན་ལེགས་དགུའི་བྱེད་པོ་གཅིག་ཅིག་ཡིན། ༢༦ །མཚུངས་མེད་ཐུབ་པའི་ལེགས་བཤད་ཡི་གེའི་གཟུགས། །རྗེས་འཇུག་འཕགས་པའི་གསུང་བཅས་མ་ལུས་པའི། །ཡོན་ཏན་ཕྲེང་བར་བསྡུ་བར་དཀའ་མོད་དེ། །མོས་པ་ཁོ་ནས་ཅུང་ཟད་ཚིག་ཏུ་སྡེབ། ༢༧ །དགེ་བ་དེ་ཡིས་རྒྱལ་བསྟན་ཡོངས་འདུའི་ཕྲེང་། །ཉམས་མེད་སྐལ་པའི་མཐར་ཡང་སྲོག་བརླིང་ཞིང་། །གུས་པའི་བློ་ཅན་ཨ་བུ་ཧྲུལ་པོ་ཡང་། །ལྕེ་ལ་དབྱངས་ཅན་ལྷ་མོ་བཞུགས་གྱུར་ཅིག་༢༨ །བདེ་བར་གཤེགས་པའི་གསུང་ཡི་གེའི་གཟུགས་བརྙན་ལ་བསྔགས་པའི་སྐབས་རྫོགས་སོ།། །།

གསུང་གསང་སྔགས་ཀྱི་ཚུལ་ལ་བསྔགས་པ།

༈ གསུང་གསང་སྔགས་ཀྱི་ཚུལ་ལ་བསྔགས་པ། ཆུན་འཕྱངས་ལྔ་པ། སྟོན་པ་བདེ་བར་གཤེགས་པའི་གསུང་གསང་སྔགས་ཀྱི་ཚུལ་ལ་བསྔགས་པ་མེ་ཏོག་གི་ཆུན་འཕྱངས་ཞེས་བྱ་བ། །བླ་མ་འཇམ་དཔལ་དབྱངས་ལ་ཕྱག་འཚལ་ལོ། །གཉིས་སུ་མེད་པའི་ཡེ་ཤེས་རྡོ་རྗེའི་ཁམས། །སྲིད་ཞིའི་སྲོག་ཏུ་གྱུར་པའི་དེ་ཁོ་ན། །བརྗོད་མེད་བརྗོད་པའི་


ZP01_Page_163
[མ་དཔེ་གཟིགས་ན་འདིར་གནོན།]

ཀློང་ཆེན་ནཱ་དའི་སྒྲ། རབ་འབྱམས་རྒྱལ་ཀུན་གསུང་གི་རྡོ་རྗེས་སྐྱོངས། ༡ །དག་ཆེན་ཡེ་ཤེས་གཅིག་གི་དབྱིངས་ཁོ་ནར། །ཤེས་བྱའི་རང་ཚུལ་ཞིག་བ་ཟབ་མོའི་ངག །མིང་ཚིག་ཡི་གེའི་སྤྲོས་པས་མ་ལགས་ཏེ། །ཐུགས་ཉིད་གསུང་གི་གསང་བར་གཉིས་སུ་མེད། ༢ །ཆོས་དབྱིངས་རང་བཞིན་བརྗོད་དུ་མེད་པའི་ཁམས། །འཕོ་མེད་དག་པ་སྒྲིབ་བྲལ་དོན་གྱི་གཤིས། །ཡུལ་དང་ཡུལ་ཅན་སྤྲོས་པས་ལྟ་ཅི་སྟེ། །འཛིན་པའི་ཁམས་ལ་གསུངས་ཞེས་དམིགས་སུ་མེད། ༣ །གཅིག་ཏུ་མ་ཡིན་དབྱིངས་རིག་མཉམ་པ་ཆེ། །རྟོག་མེད་རྟོགས་པས་དག་པའི་རང་བཞིན་བྱིན། །སྤྲོས་པས་མ་རླབས་སྤྲོས་བྲལ་ཉིད་ཀྱི་ངང་། །གསུང་གི་གསང་བ་མ་འདྲེས་སོ་སོར་རྟོགས། ༤ །ཐ་དད་མ་ཡིན་ཐིག་ལེ་གཅིག་གི་ཀློང་། །གཉིས་འཛིན་ཅི་ཞིག་ཡོད་མེད་ཡུལ་མིན་ཏེ། །མཐའ་ཡི་མི་ཕྱེད་རྡོ་རྗེ་དེ་ཁོ་ན། །གསུང་གི་དབྱིངས་ནི་རང་བཞིན་མཉམ་པ་ཉིད། ༥ །དག་པས་དགོངས་པ་གཞི་ལས་མི་གཡོ་ཡང་། །ཡེ་ཤེས་སྒྱུ་མའི་བཀོད་པ་བརྡའ་ཡི་ཚུལ། །སྣང་དང་དེ་ཡུལ་ཐ་མི་དད་མཚོན་པ། །གསུང་གི་རང་བཞིན་དག་པའི་མེ་ལོང་བཞིན། ༦ །བརྗོད་མེད་དབྱངས་ཀུན་བརྗོད་པའི་སྤྲར་ཤར་བ། །གདུལ་བྱའི་ཡུལ་ལ་ཚངས་པ་ཆེན་པོའི་དབྱངས། །རྩོལ་བསམ་ཡིན་རང་བཞིན་བབས་ཀྱིས་སྣང་། །གསང་གི་ཕྲིན་ལས་བརྗོད་པའི་བྱ་བ་གྲུབ། ༧ །འདོད་ཆགས་ཆེན་པོའི་བདེ་ཆེན་དག་པའི་མེས། །


ZP01_Page_164
[མ་དཔེ་གཟིགས་ན་འདིར་གནོན།]

བསྲེགས་པའི་འོད་སྣང་དཔགས་མེད་ཆོས་རྒྱལ་པོ། །དག་པས་འདུ་ཤེས་ཡེ་ཡོད་རྟག་པའི་ཁམས། །གསུང་གི་རྡོ་རྗེ་སྐུ་དང་ཡེ་ཤེས་མཛོད། ༨ །རྨོངས་པའི་རྩུབ་རེག་གཞན་ཡང་དམིགས་མིན་ཏེ། །འཇམ་པའི་རྡོ་རྗེ་དཔལ་ལྡན་རྒྱལ་བའི་དབྱངས། །སྒྲིབ་པའི་དྲ་བ་ཡེ་བྲལ་བསྡུར་མེད་པ། །གསུང་གི་ཐུགས་ནི་རྣམ་ཀུན་ཟབ་པའི་དབྱིངས། ༩ །ལྔ་ཕྲག་རང་བཞིན་གསལ་བའི་སྤྱན་རས་ནི། །དག་པས་གཟིགས་པའི་སྣང་བ་རྒྱ་ཆེ་རུ། །གསུང་གཅིག་དབྱངས་ཀྱིས་ཟབ་པའི་གནས་སྟོན་པས། །གསུང་གི་གསུང་ནི་དམིགས་པའི་ཡུལ་ལས་འདས། ༡༠ །མཉམ་པའི་གཞི་ཀློང་ཡེ་གདལ་གཏིང་མཐའ་མེད། །བརྗོད་པའི་ངག་ཀུན་བརྗོད་མེད་གསུང་ཡིན་ཏེ། །རྣམ་གསུམ་སྒྲ་འདི་སྒྲ་ཡི་རྡོ་རྗེ་མ། །གསུང་གི་སྐུ་སྟེ་རྒྱལ་ཀུན་དགྱེས་པ་སྐོང་། ༡༡ །རྨོངས་པའི་མུན་ཆེན་ཟད་བྱེད་སྣང་བའི་ཁམས། །ཆོས་རབ་གསལ་བ་ཡེ་ཤེས་ཉི་མ་སྟེ། །སྲིད་པའི་སྲེད་པ་གཅོད་པའི་དཔལ་གང་བ། །གསུང་གི་ཡོན་ཏན་འགྲོ་བའི་རེ་བ་སྐོང་། ༡༢ །སྒྲིབ་མེད་འཚེར་བའི་དབྱངས་གཅིག་དེ་ཁོ་ན། །འགྲོ་ཁམས་རྣམ་གྲོལ་ལམ་གྱི་རྟ་ཡིན་ཏེ། །ཐེག་པའི་ཚུལ་ཆེན་མགྲིན་པ་ལས་འཕོས་ཀླུ། །གསུང་གི་ཕྲིན་ལས་ཤེས་ཉོན་ཡུལ་ལ་ཁྲོ། ༡༣ །སྲིད་པའི་ལྕགས་ཁམས་འཆིང་བའི་མཀྵི་ཀས། །ལས་ཉོན་འཁོར་བའི་སྒྲོགས་སུ་མི་བགྱིད་ཏེ། །ཡེ་ཤེས་སྒྱུ་མ་ཐབས་ཀྱི་རང་བཞིན་ཉིད། །གསུང་གི་རྣམ་པར་འཁོར་འདས་རོ་གཅིག་སྡོམ། ༡༤ །བསམ་


ZP01_Page_165
[མ་དཔེ་གཟིགས་ན་འདིར་གནོན།]

གྱིས་མི་ཁྱབ་འོག་མིན་ཆེན་པོའི་གནས། །གཉིས་འཛིན་སྣང་བ་དབྱིངས་སུ་ནུབ་པའི་གཞི། །རང་སྣང་རང་བཞིན་ཕྱོགས་བྲལ་མཉམ་པའི་ཀློང་། །གསུང་གི་དཀྱིལ་འཁོར་རང་བཞིན་ལྷུན་གྱིས་གྲུབ། ༡༥ །དབང་བཅུའི་རང་བཞིན་ཡོན་ཏན་ཆ་བསགས་སྒྲོ། །ཉོན་མོངས་དུག་ཆེན་ཐབས་ཀྱིས་ཞི་བའི་གར། །བཀྲགས་པའི་རྒྱན་སྣང་རྨ་བྱའི་མགྲིན་བཏེག་པ། །གསུང་གི་གདན་ཁྲི་རྒྱལ་བའི་རྒྱན་དུ་བཀྲམ། ༡༦ །འཁོར་བའི་མུན་པ་མཐར་བྱེད་ཤེས་རབ་ཅན། །རྣམ་གྲོལ་དག་ཆེན་སོ་སོར་རྟོགས་པའི་གདངས། །དྲན་པའི་གསུང་འགྲུབ་གྲུབ་པ་བཞི་ཡི་ཚུལ། །གསུང་གི་སྙིང་པོ་བརྗོད་མེད་ཀློང་ལས་ཤར། ༡༧ །དག་པའི་ཆགས་ཆེན་ཆགས་པ་གཅོད་པའི་མཚོན། །སྐུ་ལས་ལེགས་འོང་ཡེ་ཤེས་སྣང་བའི་གདངས། །དབྱིངས་ལས་རང་ཤར་ཁ་དོག་དམར་པོ་སྟོན། །གསུང་གི་འོད་ཟེར་རང་སྣང་བཀོད་པའི་རྒྱན། ༡༨ །བདེན་ཞེན་གཉིས་འཛིན་འཆིང་བ་ལྟ་ཅི་སྟེ། །རང་བཞིན་གྲུབ་པའི་ཆོས་ཞིག་དམིགས་མིན་ཕྱིར། །རྫུན་སྣང་རང་བཞིན་ཤེས་ཀྱང་དོན་སྨྲ་སྟེ། །གསུང་གི་དམ་ཚིག་འགྲོ་བློའི་ངོར་སྣང་ཙམ། ༡༩ །གང་ཡང་མ་གསུངས་ཅི་ཞིག་གསུང་འགྱུར་ཏེ། གསུང་བར་མི་མཛད་ཚུལ་དེ་རྒྱལ་བའི་གསུང་། །མི་ཤིག་རང་བཞིན་རྡོ་རྗེའི་ཟ་མ་ཏོག །གསུང་བའི་དུས་ནི་བསམ་མི་ཁྱབ་པ་ཉིད། ༢༠ །དབྱངས་འདིའི་རང་བཞིན་བྱིས་བློས་མ་ཡིན་ཏེ། །ཡིད་ཆེས་ཚད་མ་ལུང་གིས་མི་བསླུ་བའི། །རྡོ་རྗེའི་གནས་ལ་གང་གིས་གང་བསྟན་


ZP01_Page_166
[མ་དཔེ་གཟིགས་ན་འདིར་གནོན།]

པ། །གསུང་གི་ཟབ་དོན་སྤས་པའི་གསང་བར་བཞུགས། ༢༡ །ཡ་ཡིས་མཚོན་པ་ཟླ་གམ་རྡོ་རྗེའི་ལྗགས། །དབང་ཤེས་ཡོངས་རྫོགས་དག་པའི་སེམས་དཔའ་སྟེ། །བགྲངས་བར་མི་སྤྱོད་ཡོན་ཏན་རྒྱ་མཚོའི་གཞི། །གསུང་གི་དབྱིངས་སུ་མ་བྱས་རང་བཞིན་ཤར། ༢༢ །འཕགས་པའི་ཡེ་ཤེས་རྣམ་པར་དག་པས་ཀྱང་། །གསུང་གི་གསང་བ་གཞལ་བའི་ཡུལ་མིན་ན། །སོ་སྐྱེས་བློ་ལས་ཡེ་ནས་འདས་མོད་དེ། །སྤྱི་བརྟོལ་ངག་མིན་གསུང་གི་དོན་བཞིན་སྨྲས། ༢༣ །མོས་པའི་བློ་ཡིས་བློ་ལ་རྗེས་བསྐུལ་ནས། །བློ་བྲལ་གཤིས་ལུགས་གསུང་གི་རྡོ་རྗེ་དེར། །གུས་པ་ཁོ་ནས་རྗེས་བསྔགས་ཚིག་བཅད་སྡེབ། །ཁེངས་དང་མུ་ཅོར་ནོང་ཆ་འདིར་ཡོད་མིན། ༢༤ །གེ་བ་དེ་ཡིས་བརྗོད་བྲལ་ཟབ་མོའི་དོན། །འགྲོ་བའི་རྒྱུད་ལ་རང་བཞིན་སྒྲིབ་བྲལ་ཏེ། །དད་པའི་བློ་གྲོས་ཨ་བུ་ཧྲལ་པོ་ཡང་། །གསུང་གི་རྡོ་རྗེས་རྗེས་སུ་འཛིན་གྱུར་ཅིག །དེ་བཞིན་གཤེགས་པའི་གསུང་གི་གསང་བ་གསང་སྔགས་ཀྱི་ཚུལ་དུ་བསྔགས་པ་བརྗོད་པའི་སྐབས་རྫོགས་སོ།། །།

གསུང་ཟབ་དོན་གསང་བ་ལ་བསྔགས་པ།

༈ གསུང་ཟབ་དོན་གསང་བ་ལ་བསྔགས་པ་ཆུན་འཕྱངས་དྲུག་པ། སྟོན་པ་བདེ་བར་གཤེགས་པའི་གསུང་གི་གསང་བ་གསང་སྔགས་ཀྱི་ཐོར་བུ་ལ་བསྔགས་པ་ཟླ་བ་ཐིག་ལེའི་ཆུན་འཕྱངས་ཞེས་བྱ་བ། དཔལ་གསང་བའི་བདག་པོ་ལ་ཕྱག་འཚལ་ལོ། །འཕོ་མེད་བདེ་ཆེན་ཟླ་བ་བདུད་རྩིའི་ཆུ། །གྱེན་དུ་ནམ་མཁའི་འཁོར་ལོར་རྒྱས་བཏབ་པས། །སྒྲིབ་བྲལ་


ZP01_Page_167
[མ་དཔེ་གཟིགས་ན་འདིར་གནོན།]

བདེ་ཆེན་དག་པའི་དཔལ་བརྙེས་ཏེ། །ཟུང་འཇུག་འཇུག་པ་མཐོར་གཤེགས་ལ་ཕྱག་འཚལ། ༡ །ཁ་སྦྱོར་བདེ་ཆེན་མཆོག་གི་སྟོན་པ་ལས། །ཉི་ཟླ་ཟབ་ཟབ་པའི་དབང་བརྙེས་ནས། །མཆེད་པའི་བག་ཆགས་ཕྲ་བའི་ཁམས་སྟོང་བས། །རྡོ་རྗེ་གསུང་གི་རང་བཞིན་བརྙེས་པ་ལགས། ༢ །ལྷན་སྐྱེས་བདེ་ཆེན་བརྗོད་པ་བྲལ་བའི་གསུང་། །སྲིད་དང་ཞི་བ་ཡོངས་ཡེ་ཁྱབ་པ་ཡང་། །སྒྲིབ་པའི་སྤྲིན་སྟུག་གང་དུ་བྲལ་གྱུར་བར། །ཐུབ་གསུང་ཉི་འོད་གསལ་བ་བཞིན་དུ་སྣང་། ༣ །མི་ཤིག་ཐིག་ལེ་བདེ་ཆེན་དག་པའི་ཡིད། །ལུས་ཅན་སྙིང་ལ་སྟོན་པ་ཉིད་བཞུགས་ནས། །མཆོག་གི་ཡེ་ཤེས་བསྟན་པ་དམ་པའི་གསུང་། །སྒྲིབ་པའི་སྒྲུབ་ནང་དག་པ་ཆེན་པོར་བཞུགས། ༤ །རྡོ་རྗེ་བཙུན་མོ་གསང་བའི་སྒྱུ་མ་ཡིས། །གང་དུ་དྲང་པ་སྟོན་པའི་ཐིག་ལེ་ནི། །རང་གི་རང་བཞིན་མཚོན་པ་བྲལ་བའང་། །རྡོ་རྗེ་གསུང་གིས་དེ་རུ་སྣང་བར་མཛད། ༥ །བདེ་ཆེན་ཡེ་ཤེས་དག་པའི་སྟོན་འཁོར་གྱིས། །སྣང་བ་གཉིས་ཟོས་མུན་པའི་ལྟ་བྲལ་ནས། །ནམ་མཁའི་ཐིག་ལེ་གཅིག་ལ་ཞུགས་པ་ན། །སྙིང་པོའི་གསུང་ནི་ཡུལ་དང་བྲལ་བར་གསལ། ༦ །གང་གིས་མ་བསྟན་བརྗོད་དུ་མེད་པའི་དོན། །བསྐལ་བཟང་སྙིང་ལ་བྱིན་རླབས་མཐུས་བྱིན་པས། །གསུང་གི་དེ་ཉིད་སྒྲིབ་དང་བྲལ་གྱུར་བ། །ཚིག་ལས་འདས་པ་རང་གི་རང་བཞིན་ཤེས། ༧ །འཁྲུལ་པའི་ངག་ནི་གསུང་གི་རྡོ་རྗེའི་རྒྱུ། །ལྕགས་ལ་རྩི་བཞིན་


ZP01_Page_168
[མ་དཔེ་གཟིགས་ན་འདིར་གནོན།]

ཐབས་ཀྱིས་མངོན་བྱེད་པ། །ལམ་གྱི་ལམ་མཆོག་གསུང་གི་སྙིང་པོ་ནི། །གང་ལ་སྣང་བ་སྲིད་པ་ཐ་མར་བྱེད། ༨ །སྟོང་ལས་ངེས་པར་སྙིང་པོའི་དྲངས་བའི་གཟུགས། །སྣང་སྟོང་གཉིས་མེད་གསུང་གི་རྣམ་པ་ནི། །ཟླ་བ་བཞུ་བས་རི་མོ་བྱས་ལྟའི་མདངས། །གསལ་བརྟན་གོམས་ལས་ཡིད་ནི་འཆིང་བར་འགྱུར། ༩ །མ་སྐྱེས་མཚོན་པ་ཡི་གེའི་རྣམ་པ་ལས། །སྤྲོས་པས་ཐབས་མཁས་ནམ་མཁའི་ཁྱོན་འགེངས་ཤིང་། །གང་དུ་བསྡུས་པའི་ཐིག་ལེ་གཅིག་གི་ཀྱང་། །འཕེལ་འགྲིབ་མེད་པ་གཉུག་མ་ཉིད་དུ་གནས། ༡༠ །གསུང་གི་རྣལ་འབྱོར་གོམས་པའི་ཕྲིན་ལས་ཀྱིས། །བཅིངས་པས་འཛིན་གཉིས་བདུད་རྩིའི་དཔལ་འཛིན་ཞིང་། །རྒྱས་དང་སྒྲིབ་འཇོམ་མཐོ་རིས་སྲོག་སྦྱིན་ལ། །སྨོན་པའི་འབྲས་བུ་དུད་པར་བྱེད་པ་ཡིན། ༡༡ །སྟོང་པ་སྲ་ཞིང་འབང་བ་འདིས་བསྲེགས་ཏེ། །གཤེར་གྱུར་འབབ་ལ་བརྟན་པ་འཐོར་ཞིང་གཡེངས། །འཐས་པ་བཤིག་ནས་སྟོང་ཞིང་ལྟུང་བ་སྟེ། །གསུང་གི་ཏིང་འཛིན་འཕྲིན་ལས་བསམ་མི་ཁྱབ། ༡༢ །རིང་ནས་དགུགག་ཤིང་གནས་ལས་སྐྲོད་པ་དང་། །འཆིང་བར་བྱེད་ཅིང་འཆིང་བ་གྲོལ་གྱུར་ལ། །ཤི་བ་སློང་དང་གསོན་པ་མཐར་བྱེད་ཅིང་། །ཕྱོགས་གཉིས་རྒྱལ་དང་ཕམ་པའང་བྱེད་པར་འགྱུར། ༡༣ །གང་གི་ཡིད་ལ་མཆོག་གི་དཔལ་སྦྱིན་པ། །ཤིན་ཏུ་ཡང་དག་དཀྱིལ་འཁོར་འཁོར་ལོ་ནི། །ཡི་གེ་སྤྲིན་གྱི་ཕྲེང་བ་ལས་བཀོད་དེ། །ཐ་མལ་སྣང་བ་རྡོ་རྗེའི་གྲོང་དུ་བྱེད། ༡༤ །གསུང་


ZP01_Page_169
[མ་དཔེ་གཟིགས་ན་འདིར་གནོན།]

གི་སྙིང་པོ་ཕྲ་ཞིང་གཡོ་བའི་གཟུགས། །སྲོག་གི་དབུས་ན་ཡིད་ནི་དེར་འཆིང་ཞིག །རྩོལ་བས་བཟླས་པའི་ཐུགས་དམ་རྒྱུད་བསྐུལ་ཏེ། །སྐལ་བཟང་དངོས་གྲུབ་སྐལ་བ་སྔོམ་པོར་བྱེད། ༡༥ །གྲུབ་པ་རྣམ་བཞིས་ཡོངས་བྠུང་དག་པའི་ངག །རྡོ་རྗེའི་གསུང་ཞེས་ཅིས་ཕྱིར་འོས་མིན་ཏེ། །སྲིད་པའི་བརྗོད་པ་ཉེས་པའི་འབྲས་བརྡོ་བ། །འགོག་དང་ཡོངས་དག་འདི་ཡིས་བྱེད་པར་འགྱུར། ༡༦ །དགྱེས་དང་དྲག་ཤུལ་རྡོ་རྗེའི་གད་མོ་ནི། །དྲན་པ་ཡིས་ཀྱང་འབྱུང་པོའི་ཚོགས་བྱེར་ཞིང་། །དགོང་གཤེ་དྲག་ཤུལ་ཉམས་བརྒྱའི་ང་རོ་ཡིས། །དུག་གསུམ་རྡུལ་ཀྱང་བསྲེག་ཤིང་ཟད་པར་བྱེད། ༡༧ །ཟླུམ་པོའི་འགྲོས་ཀྱིས་རྟོག་པའི་དུག་སྦྱོང་ཤིང་། །ཐབས་ཤེས་འབྲེལ་བ་མགལ་མེ་ལྟར་རྒྱུ་བས། །བདེ་གསལ་སིམ་པ་སྙིང་ལ་བྱིན་པའི་མོད། །གྲགས་སྟོང་གསུང་ནི་བུང་བ་ཚང་ཞིག་བཞིན། ༡༨ །འཁོར་འདས་བྱིན་བཅུད་ཐབས་ཀྱི་འཕྲོ་བའི་ཁུར། །འཆི་བ་མེད་པའི་བཅུད་དུ་གནས་པའི་དཔལ། །རྣལ་འབྱོར་སྲོག་ལ་བདུད་རྩི་སྦྱིན་ནུས་པ། །སྐུ་ཡི་སྙིང་པོ་ཨཱོཾ་ལས་གཞན་ན་མེད། ༡༩ །ཀུན་རྟོག་སྲོག་རྩ་སྐད་ཅིག་གཅིག་ཁོ་ནར། །གཅོད་པའི་རྣོ་ནུས་ཉི་ཟླའི་ཁྱིམ་བརྒྱུད་ནས། །ཁམས་གསུམ་བསད་ནས་སྒྲ་གཅན་ལྟོར་འདེབས་པ། །གཉིས་སྤང་གྲོགས་དེ་ཨཱཿཡིག་བསྟི་བར་འགྱུར། ༢༠ །སྤྲོས་པས་རི་མོ་ནམ་མཁའི་ཁྱོན་གང་བས། །སྣོད་བཅུད་སྣང་བ་ངེས་པར་རྒྱས་བཏབ་ནས། །སྒྱུ་མའི་གྲོང་


ZP01_Page_170
[མ་དཔེ་གཟིགས་ན་འདིར་གནོན།]

ཁྱེར་རྣལ་འབྱོར་མངོན་སུམ་དུ། །ཆུ་ཟླ་ལྟ་བུའི་ཧཱུྃ་ཡིག་གཡོ་བས་ངོམས། ༢༡ །གསུང་གི་དཀྱིལ་འཁོར་བཅུ་ཕྲག་གཡོ་བའི་གསུང་། །མས་ནས་ཞུགས་པས་སྲིད་པའི་ཁྱིམ་བཅུ་གཉིས། །ངེས་པར་བཤིག་སྟེ་གཟུང་འཛིན་སྲོག་བཅད་ནས། །ཤིན་ཏུ་དག་པའི་ཡེ་ཤེས་གཅིག་ཏུ་འགྱུར། ༢༢ །གཡོ་བ་དེས་ནི་ཉི་མ་མཁར་སྦས་ནས། །ཟླ་བ་བཞུ་བའི་འགྲོས་བཞིའི་ཤིང་རྟ་ལས། །མཆོག་གི་སྟོན་པ་ཡིད་ཀྱི་གྲོང་དྲངས་བས། །བརྗོད་དུ་མེད་པའི་ཆོས་འཁོར་དེ་རུ་བསྐོར། ༢༣ །ཐབས་ཀྱིས་བཅིང་བས་འཁྲུལ་པའི་ཡི་གེ་ནི། །ལོངས་སྤྱོད་རྫོགས་པ་མཆོག་གི་གསུང་ཁོ་ནར། །ཡུད་ཀྱིས་བྱེད་པ་ལམ་གྱི་ལམ་མཆོག་ནི། །རྒྱལ་བའི་གསང་ཆེན་རྡོ་རྗེ་ཐེག་པར་ངེས། ༢༤ །ངེས་པའི་རང་བཞིན་མངོན་པར་བརྗོད་འདིའི་དགེས། །ཐབས་ཆེན་ལམ་འདིས་སྲིད་པའི་སྲོག་འཇོམས་ཤིང་། །ཉེས་རྟོག་མང་བ་ཨ་བུ་གདོལ་བ་ཡང་། །གཡོ་བའི་ངག་འདི་དབུ་མར་འཆིང་གྱུར་ཅིག་༢༥ །སྟོན་པ་བདེ་བར་གཤེགས་པའི་གསུང་ཟབ་མོའི་གསང་བ་ལ་བསྔགས་པའི་སྐབས་རྫོགས་སོ།། །།

གསུང་ཡོན་ཏན་རྒྱ་མཚོའི་ཆེ་བ་ལ་བསྔགས་པ།

༈ གསུངས་ཡོན་ཏན་རྒྱ་མཚོའི་ཆེ་བ་ལ་བསྔགས་པ་ཆུན་འཕྱངས་བདུན་པ། སྟོན་པ་བདེ་བར་གཤེགས་པའི་གསུང་ཡོན་ཏན་རྒྱ་མཚོའི་ཆེ་བ་ལ་བསྔགས་པ་མུཀྟི་ཀའི་ཆུན་འཕྱངས་ཞེས་བྱ་བ། དཔལ་དོན་ཀུན་གྲུབ་པ་ལ་ཕྱག་འཚལ་ལོ། །གང་གི་སྲིད་པའི་དྲྭ་བ་གཅོད་དོན་དུ། །ཐོག་མར་ཞི་བའི་བདུད་


ZP01_Page_171
[མ་དཔེ་གཟིགས་ན་འདིར་གནོན།]

རྩི་བརྙེས་མཛད་ནས། །གོ་འཕང་འཆི་བ་མེད་པར་འགྲོ་བ་ཀུན། །སྦྱོར་མཛད་ལེགས་གསུང་མངའ་ལ་ཕྱག་འཚལ་ལོ། ༡ །རྟག་ཏུ་མཉམ་བཞག་དགོངས་པ་གཡོ་མེད་པ། །ཆོས་སྐུའི་ཀློང་ནི་ཚིག་དང་ཡི་གེ་ལས། །རྣམ་པར་འདས་ཀྱང་སྣ་ཚོགས་གསུང་གི་ཚུལ། །སྲིད་པར་ཡོངས་སྣང་གསུང་གི་ཆེ་བ་ཡིན། ༢ །སྲིད་ཞིའི་སྒྲར་གྱུར་མ་ལུས་ཟིལ་གནོན་ཞིང་། །དུས་གཅིག་ཉིད་དུ་མར་གསུངས་མཛད་ལ། །དུས་རྣམས་ཀུན་ཏུ་རྒྱུན་ཆད་མེད་གསུང་བ། །མོས་པ་རྒྱ་མཚོའི་སྣོད་དང་མཐུན་པར་སྣང་། ༣ །སྙན་ཞིང་ཡིད་འོང་ཐུབ་པ་ཆེན་པོའི་གསུང་། །ཉན་པའི་ཡིད་ལ་ཀུན་དགའི་དཔལ་སྦྱིན་ཞིང་། །སྐྱོ་དང་བག་མེད་མ་གུས་མེད་གྱུར་པ། །རྒྱལ་བའི་གསུང་ནི་ཐོག་མར་དགེ་བ་ཡིན། ༤ །གསུང་དེས་རྗེས་སུ་གང་ཞིག་གུས་སྦྱོར་བ། ངལ་བ་མེད་པར་མཐའ་གཉིས་རྣམ་སྤངས་ནས། །དབུ་མའི་ལམ་ལ་ཡང་དག་བརྟེན་འགྱུར་ཕྱིར། །ཐུབ་པ་ཁྱོད་གསུང་བར་དུ་དགེ་བ་ལགས། ༥ །ཤིན་ཏུ་དྲི་མེད་ཤིན་ཏུ་མཐར་ཕྱིན་ཞིང་། །འདོད་ཆགས་དང་བྲལ་ཆགས་བྲལ་མཐར་ཐུག་པ། །རྣམ་པ་ཀུན་ཏུ་འབྲས་བུ་མཆོག་སྦྱིན་ཕྱིར། །ཁྱེད་ཀྱི་གསུང་ནི་ཐ་མར་དགེ་བ་ཡིན། ༦ །མཐོ་རིས་ཡོན་ཏན་དཔལ་མང་སྦྱིན་པ་དང་། །ངན་འགྲོའི་སྡུག་བསྔལ་གཅད་ཕྱིར་ཕན་པ་སྟེ། །རྗེས་བསླབ་བདེ་ནས་བདེ་བའི་གནས་འགྲོ་བའི། །བསླུ་མེད་བརྗོད་དོན་བཟང་


ZP01_Page_172
[མ་དཔེ་གཟིགས་ན་འདིར་གནོན།]

པོ་མངའ་བ་སྟེ། ༧ །ཉམས་པ་མེད་པར་ཚིག་གི་ཟུར་ཕྱིན་ཞིང་། །ལེགས་པར་སྦྱར་བས་མཁས་པ་མགུབ་སྐྱེད། །ཤིན་ཏུ་སྒྲོས་གཙང་སྙན་པའི་སྡེབ་མངའ་བ། །རྒྱལ་བའི་གསུང་ནི་ཚིག་འབྲུ་བཟང་པོ་ཡིན། ༨ །རྟག་ཆད་བདག་རྟོག་དམ་པའི་ལམ་མིན་པ། །རྟོག་གེ་ཕྱི་རོལ་གཡོ་རྒྱུའི་རྡུལ་སྤངས་ཤིང་། །ཐུབ་ཚུལ་ཡང་དག་ཀུན་ལས་ཁྱད་འཕགས་ཕྱིར། །འདྲེན་པ་ཁྱོད་གསུང་མ་འདྲེས་པ་ཉིད་ཡིན། ༩ །སྣ་ཚོགས་མོས་ཁམས་རྒྱ་མཚོའི་རྡུལ་ཇི་སྙེད། །དེ་སྙེད་ཡང་དག་ལམ་ལ་ཚད་མེད་ཅིང་། །ཀུན་ཀྱང་རང་འབྲས་བླ་ན་མེད་ལྡན་པ། །རྣམ་པ་ཀུན་ཏུ་ཡོངས་སུ་རྫོགས་པ་ཡིན། ༡༠ །ཡེ་ནས་དག་པ་གསུང་གི་རང་བཞིན་ཏེ། །འདུས་མ་བྱས་པ་ལྷུན་གྲུབ་གཡོ་མེད་པ། །རྣམ་རྟོག་སྐྱོན་གྱིས་བསྐུལ་བ་ཉིད་མིན་ཕྱིར། །ཐུབ་པའི་གསུང་ནི་ཡོངས་སུ་དག་པ་ཡིན། ༡༡ །ཇི་སྙེད་ཉོན་མོངས་སྲིད་པའི་སྐྱོན་མང་པོ། །སྤང་བའི་ཡེ་ཤེས་ཐམས་ཅད་མཁྱེན་བརྙེས་པའི། །མཆོག་གི་གནས་ལས་བདུད་རྩིའི་ཚུལ་སྦྱིན་པ། །སྐྱོབ་པ་ཁྱོད་གསུང་རྣམ་པར་བྱང་བ་ཡིན། ༡༢ །སྲིད་ཁམས་བསོད་ནམས་ཕུང་པོ་གཞལ་བྲལ་བའི། །རྒྱལ་བའི་དཔེ་བྱད་མཚན་དང་མཚན་མཆོག་གི །བསོད་ནམས་དེས་ཀྱང་བསྐྲུན་དུ་མེད་པ་ཡི། །རྒྱུས་བསྐྱེད་ཚངས་དབྱངས་གསུང་གི་ཁྱད་ཆོས་ལགས། ༡༣ །ཞེན་པའི་ཀུན་དཀྲིས་མདུད་པ་ཆེས་དམ་པས། །རྣམ་པར་འཆིང་ལྡན་དགའ་བོ་ལྟ་བུ་


ZP01_Page_173
[མ་དཔེ་གཟིགས་ན་འདིར་གནོན།]

ཡང་། །ཐུབ་པའི་གསུང་གཅིག་ཁོ་ནས་རྒྱུད་བསྡམས་པས། །སྲིད་པའི་འཆིང་བ་མ་ལུས་ཡོངས་སུ་གྲོལ། ༡༤ །སྡང་བའི་མཚོན་འཁོར་བསྐྱོད་ལ་མི་ངལ་བའི། །མྱོས་པའི་ནོར་སྐྱོང་སྟབ་པོར་རྒྱུག་པའང་། ཁྱེད་གསུང་བདུད་རྩིའི་ཐིག་པ་གཅིག་བྲན་པས། །དུལ་བ་ཁོ་ནས་འཆི་མེད་གནས་སུ་སོང་། ༡༥ །རྨོངས་པའི་མུན་པ་ཀུན་ཏུ་གཞིག་དཀའ་བ། །རྟུལ་བའི་བློ་གྲོས་བྲམ་ཟེ་ལམ་ཆུང་ཡང་། །རྡུལ་མེད་དྲི་བྲལ་གསུང་གི་འོད་གཅིག་གིས། །ཐོག་མེད་སྒྲིབ་ཕུང་མིང་ཙམ་ཉིད་དུ་བྱས། ༡༦ ། རྒྱལ་རྒྱགས་པས་སྲིད་པའི་རྩེར་འགྱིང་བའི། །བྱེད་པོར་རློམ་ལྡན་ཚངས་དབང་བརྗིད་གྱུར་ཀྱང་། །གསུང་གཅིག་ཆོས་ཀྱིས་དྲེགས་པ་ཀུན་བཅོམ་སྟེ། །འདུད་པའི་ཐོར་གཙུགས་ཞབས་ཀྱི་རྡུལ་འོག་ལྟུང་། ༡༧ །ཕྲག་དོག་རྒྱུས་བསྐུལ་ལུས་མེད་དྲག་པོའི་དཔུང་། །བྱེ་བ་ཁྲག་ཁྲིག་མཚོན་ཆར་འབེབ་བཞིན་པ། །ཡི་གེར་བཅོས་མིན་གསུང་གི་གདངས་གཅིག་གིས། །སེན་རྩིའི་རྡུལ་ལ་སྲིད་མཐའི་རླུང་བཞིན་བྱས། ༡༨ །མི་གསོན་ཐོས་པའི་ཁྲག་གིས་ལུས་རྒྱས་པའི། །གདུག་པའི་འབྲོག་གནས་མཆེ་བ་དམར་གཙིག་ཀྱང་། །ཞི་བའི་གསུང་ལས་འདའ་བར་མ་ནུས་ཏེ། །སྡོམ་པའི་ཀུན་སྤྱོད་སློབ་མ་བཞིན་ཏུ་བླངས། ༡༩ །རྔམ་ཟས་ཁོ་ནར་མི་བཙས་སྲོག་འགམ་ཞིང་། །ལྔ་བརྒྱའི་བུར་བཅས་སྲིད་པའི་ཁམས་རྒྱུ་བའི། །འཕྲོག་མ་སྲིན་མོ་ཐུབ་གསུང་གིས་བཅིངས་པས། །འདུས་པའི་གྲལ་


ZP01_Page_174
[མ་དཔེ་གཟིགས་ན་འདིར་གནོན།]

མཐར་ཆང་བུ་ཉུལ་ཞིང་བསྣོམས། ༢༠ །ལམ་གོལ་གོམས་པའི་ཡུན་ཏུ་བསླུས་རབ་བཟང་། །རྒས་པའི་འཁྱོར་གོམ་འཁར་བས་བརྟེན་པ་ལ། །གསུང་གཅིག་ཁོ་ནས་མྱ་ངན་འདས་བྱིན་པས། །ཡང་སྲིད་མེད་དང་རྫུ་འཕྲུལ་སྟོབས་བཅས་གཤེགས། ༢༡ །བསྲིབ་མེད་པར་དམྱལ་གནས་ལ་སྤྱོད་པའི། །བསྲེག་གཏུབ་གཅོད་པའི་ཚོར་བས་མནར་བའང་། །གསུང་གི་འོད་ཀྱིས་སྐད་ཅིག་གཅིག་རེག་པས། །ངལ་བསོའི་བདེ་བ་ལྷ་ཡུལ་ལྷ་བཞིན་མྱོང་། ༢༢ །ཐུབ་པའི་གསུང་ནི་རྣམ་པ་ཐམས་ཅད་དུ། །ཡོན་ཏན་རྒྱ་མཚོའི་ངེས་པར་བཟུང་བ་སྟེ། །སྲིད་ཞིའི་ཁམས་ན་ལེགས་དགུའི་ཆ་ཅི་མཆིས། །མགོན་པོ་ཁྱེད་ཀྱི་གསུང་གི་ཕྲིན་ལས་ཡིན། ༢༣ །གསུང་གི་ཆེ་བ་ཟབ་པས་མཐའ་སྤང་བ། །བརྗོད་པའི་ཡུལ་ཏུ་འཕགས་པས་ཀྱང་མིན་ན། །བླུན་པོ་བདག་ལྟས་སྨྲ་བར་ནུས་མིན་ཡང་། །མོས་པའི་ཡིད་ཀྱིས་ཅུང་ཟད་ཚིག་ཏུ་བསྡེབ། ༢༤ །དགེ་བ་འདི་ཡིས་དམན་པའི་འགྲོ་ཁམས་ཀུན། །ཆེ་བའི་རྒྱལ་པོ་ཐུབ་པའི་དཔལ་བརྙེས་ཤིང་། །ཉེས་པའི་ངག་ཅན་ཨ་བུ་འཆལ་བ་ཡང་། །ཚིག་བཙན་གཏམ་བཙུན་དྲང་སྲོང་བཞིན་གྱུར་ཅིག་༢༥ །སྟོན་པ་བདེ་བར་གཤེགས་པའི་གསུང་ཡོན་ཏན་རྒྱ་མཚོའི་ཆེ་བ་ལ་བསྔགས་པའི་སྐབས་རྫོགས་སོ།། །།

སྟོན་པ་བདེ་བར་གཤེགས་པའི་གསུང་ཡེ་གྲོལ་རྫོགས་ཆེན་ལ་བསྔགས་པ།

༈ སྟོན་པ་བདེ་བར་གཤེགས་པའི་གསུང་ཡེ་གྲོལ་རྫོགས་ཆེན་ལ་བསྔགས་པ་བཻཌཱུ་རྱའི་ཆུན་འཕྱངས་ཞེས་བྱ་བ། སྙིང་གི་རྒྱ་ཅན། དཔལ་འཁོར་ལོའི་


ZP01_Page_175
[མ་དཔེ་གཟིགས་ན་འདིར་གནོན།]

དབང་ཕྱུག་ལ་ཕྱག་འཚལ་ལོ། །གང་གི་རང་བཞིན་ནམ་མཁའ་ལྟ་བུའི་ཀློང་། །སྲིད་དང་ཞི་བ་གཉིས་སུ་མེད་གྱུརབ། །སྤྲོས་བྲལ་ཡོངས་གྲུབ་རྫོགས་པ་ཆེན་པོ་ནི། །མི་གནས་བསམ་ཡུལ་འདས་ལ་ཕྱག་འཚལ་ལོ། ༡ །གང་ཞིག་གང་གིས་ཡོད་དང་མེད་པའི་ཕྱོགས། །གཉིས་སུ་མི་འཛིན་ཆེད་དུ་མི་བཀགས་པར། །གྲུབ་མཐས་མ་བསླད་དྲན་པས་མ་བཅིང་བའི། །ཐ་མལ་ཤེས་པ་རྩོལ་སྒྲུབ་གཉིས་ལས་འདས། ༢ །དེ་ནི་ང་ཡིན་ཡེ་ནས་མ་འཁྲུལ་ཞེས། །ཀུན་བྱེད་ཆོས་སྐུའི་སྟོན་པས་འདིར་གསུངས་ཏེ། །གསུངས་ཙམ་ཉིད་ནས་རྒྱུ་འབྲས་འདས་པའི་གནད། །སྐལ་ལྡན་རྣམས་ཀྱིས་ཤེས་ནས་རང་བཞིན་གནས། ༣ །གསུང་གཅིག་གིས་ནི་བསྐལ་པའི་གསུངས་མཐའ་དག །རྫུན་དུ་བྱས་ནས་ཅི་ཡང་མི་གསུང་ཏེ། །གང་ལ་གསུང་ཞེས་ཡུལ་ཀྱང་མ་དམིགས་པ། །ཆོས་སྐུའི་ཀློང་དེར་འཁོར་འདས་འདྲེས་པར་གྱུར། ༤ །རང་བཞིན་དེ་ཤེས་འཕགས་པ་ཉིད་གྱུར་པ། །བདེན་པ་གཟིགས་ཀྱང་བདེན་ཞེས་འཛིན་མིན་པར། །ངེས་ཤེས་ཟད་ནས་གྲུབ་མཐའི་བློ་སྟོར་ཏེ། །ལྟ་སྒོམ་སྤྱོད་པའི་ཐ་སྙད་དེ་རུ་ཆད། ༥ །ཀྱེ་མ་མཁས་པ་རྣམས་ནི་རྟོག་དཔྱོད་དུག །མྱང་བཞིན་མྱང་བཞིན་གཅིག་ལ་གཉིས་སུ་འཁྲུལ། །ཆོས་སྐུ་རང་ལ་གནས་པ་མ་མཐོང་ནས། །སྲིད་པའི་རྡུལ་ཕྲན་བགྲངས་ནས་རྙེད་དུ་རེ། ༦ །དམ་པས་བསྟན་པ་རང་ལས་གང་རྙེད་པ། །སྲིད་པའི་རྙོགས་མ་


ZP01_Page_176
[མ་དཔེ་གཟིགས་ན་འདིར་གནོན།]

རྣམས་ནི་དེས་འཁྲུད་ཏེ། །རང་བཞིན་བཞུགས་པས་ཆོག་པའི་གནད་ཤེས་ན། །སུ་ཡང་བུས་པའི་ཆོས་ཀྱིས་གཡེང་མི་འགྱིད། ༧ །གང་གིས་སྲིད་དང་ཞི་བ་ནམ་མཁའ་སྟེ། །ནམ་མཁའ་ལྟ་བུའི་ཆོས་ཉིད་བྱང་ཆུབ་ལ། །སྐྱེ་འཆིའི་མིང་འདོགས་ཟད་ཅེས་སུས་ཤེས་པ། །དེ་ལ་སྔ་ཕྱིའི་ཚེ་རབས་ཡོད་མི་འགྱུར། ༨ །དེ་ཕྱིར་སྡིག་དང་དགེ་བས་སུ་ལ་ཅི། །སངས་རྒྱས་བསྒྲུབ་པས་འགྲུབ་པ་མ་ཡིན་ཏེ། །ས་ལམ་རྩོལ་སྒྲུབ་བྲལ་བའི་གཉུག་མ་འདི། །མཐོང་ཙམ་ཉིད་ནས་རྒྱུ་འབྲས་རྫུན་པར་འགྱུར། ༩ །སྔར་ཡང་སྲིད་ཅེས་སུ་ཡང་མ་འཁྲུལ་ལ། །ད་ལྟ་མི་འཁྲུལ་འཁྲུལ་པར་མི་འགྱུར་ཕྱིར། །བཅིང་གྲོལ་མེད་པ་ཀུན་གྱི་ཆོས་ཉིད་དེ། །དེ་ལ་གྲོལ་དང་ཐར་བ་ཇི་ལྟར་ཡོད། ༡༠ །ཡོད་དང་མེད་པ་རྟག་ཆད་འགྲོ་འོང་ཆོས། །བློ་ཡིས་བཀགས་ཀྱང་ཇི་ལྟར་ཁེག་འགྱུར་ཏེ། །བློ་འདས་ཉིད་ཅེས་བློ་ཡིས་བཟོ་བཅོས་ན། །ཆུ་ལ་ཆུ་ཡིས་རག་བྱེད་འཁྲུལ་མིན་ཅི། ༡༡ ། ཅིག་ཡོད་ཅེས་ཀུན་རྫོབ་ལས་བསམ་སྨྲ། །འགའ་ཞིག་མེད་ཅེས་དོན་དམ་ལ་དམིགས་ཏེ། །དམིགས་པའི་དུག་དེས་གཉིས་ཀ་ཁྱབ་གྱུར་པས། །དམིགས་སུ་མེད་པའི་ཆོས་སྐུ་ཤེས་མི་འགྱུར། ༡༢ །ཐབས་ཀྱིས་བཅིང་བའི་རྨོངས་པ་ལམ་ནོར་བ། །བདེ་གནས་གསལ་བའི་ཡིད་ལ་ཆོས་སྐུར་རེ། །ཀྱེ་མ་གཉུག་མའི་ཡིད་ནི་སྒྲིབ་བྲལ་དུ། །རྟག་ཏུ་རང་ལ་གནས་པ་མ་མཐོང་ངོ ། ༡༣ །ཕྱལ་བ་ལྷུག་པ་རང་བཞིན་གུ་ཡངས་པ། །གླེན་པའི་ཡིད་འདི་བཅོས་


ZP01_Page_177
[མ་དཔེ་གཟིགས་ན་འདིར་གནོན།]

སུ་ཅི་དགོས་ཏེ། །བཅོས་ཤིང་བཅོས་ཤིང་སེམས་ཀྱི་རྟོག་ལང་བ། །རང་གི་རང་བཞིན་བསྒྲིབ་པ་ཉིད་དུ་གྱུར། ༡༤ །དཔེ་ལས་འདས་པ་དཔེ་ཡིས་མཚོན་མིན་ཏེ། །ཚིགས་དང་བྲལ་ལ་ཚིག་གིས་དབང་བསྐུར་ཅི། །ཡེ་ནས་སྨིན་ཟིན་གདོད་སྨིན་བྱར་མེད་ན། །སྨིན་དང་གྲོལ་ཞེས་དེ་ལྟར་བརྫུན་དུ་སྨྲ། ༡༥ །སྣ་ཚོགས་གྲུབ་མཐས་བྱིས་པའི་ཡིད་བསླུས་ནས། །རིམ་བརྩོལ་བྲལ་ལ་ཐེག་རིམ་འཇུག་སྒོ་བཟུངས། །ལྟ་སྒོམས་སྤྱོད་པས་རྣལ་འབྱོར་ཀུན་བསླུས་ཏེ། །ཆོས་སྐུའི་གཤིས་ལས་རིང་བ་ཉིད་དུ་གྱུར། ༡༦ །ཤིན་ཏུ་རྣལ་འབྱོར་ངག་ལས་འདས་མོད་ཀྱང་། །སྣ་ཚོགས་ཐེག་པའི་གཟེབ་ཀྱིས་བཅིང་པ་ལ། །གཅོད་པའི་དོན་དུ་རལ་གྲིར་འདི་སྣང་བས། །ནམ་མཁའི་མདུད་བཞིན་ད་ནི་ཅིར་མི་བརྡུག་༡༧ །གང་ཡང་ཡིན་ཏེ་སྣང་ཙམ་ཀུན་ཏུ་བདེན། །གང་ཡང་མིན་ཏེ་གཤིས་ལ་བསམ་བརྗོད་བྲལ། །ཡིན་མིན་མེད་དེ་ཁས་ལེན་མཁན་པོ་སྟོར། །རྟོགས་དང་མ་རྟོགས་ཡེ་ནས་ཡོད་པ་མིན། ༡༨ །སུས་ཀྱང་མ་བསྟན་གང་གིས་བཟུང་མིན་པ། །མཁའ་མཉམ་རྣམ་གྲོལ་རྫོགས་པ་ཆེན་པོ་ནི། །སྒྲ་ཚིག་ལས་འདས་ལམ་དང་ཡི་གེ་མེད། །ནམ་མཁའ་བཞིན་དུ་ཡེ་ནས་རང་བཞིན་སྣང་། ༡༩ །རྩོལ་ཞིང་བསྒྲུབ་མེད་ཡེ་སངས་རྒྱས་པའི་དལ། །རང་རིག་ལྷུན་འབྱམས་བདེ་ཆེན་དག་པའི་ཞིང་། །འཁོར་འདས་འདི་ཀུན་ཡེ་ནས་དབྱིངས་གཅིག་སྟེ། །མ་བྱས་ལྷུན་གྲུབ་རྡོ་རྗེ་བཀོད་པའི་རྒྱན། ༢༠ །རང་བཞིན་ཤེས་པ་ན་སངས་


ZP01_Page_178
[མ་དཔེ་གཟིགས་ན་འདིར་གནོན།]

རྒྱས་རང་ཡིན་པས། །རྟོག་བྲལ་སེམས་འདི་ཆོས་སྐུ་ཉག་གཅིག་སྟེ། །བཟང་ངན་དགེ་སྡིག་སྤྲིན་བཞིན་ཡལ་བ་ན། །གཉུག་མའི་སེམས་ནི་དག་པའི་ཉི་བཞིན་གསལ། ༢༡ །ངེས་པ་འདི་ཤེས་སྙིང་པོའི་རྣལ་འབྱོར་པ། །ཆོས་སྐུའི་དབྱིངས་ནས་ཡེ་ཤེས་ཡས་བབས་ཏེ། །འཁྲུལ་རྟོག་དུག་ལྡན་བྲང་འགྲོ་བཞིན་ཟོས་ནས། །ཕྱོགས་ལྷུང་མེད་པར་ནམ་མཁའ་ལྡིང་བཞིན་གྱུར། ༢༢ །ཀྱེ་ཧོ་གསང་བ་ལས་ཀྱང་ཆེས་གསང་བ། །གསུང་གི་གསང་ཆེན་ཡང་གསང་རྡོ་རྗེའི་རྩེ། །བསྟན་ཡང་བསྒྲུབ་མེད་ངག་གི་ཡུལ་མིན་ན། །བསྟོད་པའི་ཡུལ་དུ་ཇི་ལྟར་བྱ་བར་རུང་། ༢༣ །དེ་ལྟར་ནའང་རྟོག་པས་བཅིང་པའི་ཡིད། །བྱིས་དང་ལམ་ཞུགས་ཐེག་བརྒྱད་གོལ་བའི་མཚངས། །བརྟོལ་ཙམ་ཉིད་ནས་ཐེག་རྩེའི་ཆེ་འབྱིན་ཏེ། །རང་གི་རང་བཞིན་བརྗོད་དང་བྲལ་བར་ཤོག་༢༤ །དགེ་བ་དེ་ཡིས་སྲིད་ཞི་མ་ལུས་པ། །མི་གནས་ས་ལ་རྫོགས་སངས་རྒྱས་འགྱུར་ཞིང་། །ནམ་མཁའི་ཡིད་ཅན་ཨ་བུ་ཧ་ཤང་ཡང་། །བརྗོད་པའི་ངག་འདི་བྲག་ཆ་བཞིན་གྱུར་ཅིག། ༢༥

ཀུན་མཁྱེན་བླ་མའི་གསུང་རབ་ལ་བསྔགས་པ།

༈ ཀུན་མཁྱེན་བླ་མའི་གསུང་རབ་ལ་བསྔགས་པ་བཞུགས་སོ། །ནམཿསརྦ་ཛྙཱ་ཡ་གུ་ར་ཝེ། གང་ཞིག་རྒྱལ་བའི་ཡོན་ཏན་མཐའ་ཀླས་པ། །མ་ལུས་ཡང་དག་རྫོགས་པའི་དཀྱིལ་འཁོར་ཅན། །ཀུན་མཁྱེན་བླ་མ་རྒྱལ་བ་ཐམས་ཅད་ཀྱི། །རྒྱལ་ཚབ་སེམས་དཔར་གྱུར་ལ་ཕྱག་འཚལ་ལོ། ༡ །གདོད་མའི་གཞི་དབྱིངས་ཡོན་ཏན་རྫོགས་པའི་ཀློང་། །སྟོང་ཆེན་ལྷུམས་


ZP01_Page_179
[མ་དཔེ་གཟིགས་ན་འདིར་གནོན།]

སུ་ཆོས་ཉིད་ཟད་ཞུགས་པས། །རབ་འབྱམས་མཁྱེན་པས་ཤེས་བྱ་ཡོངས་གཅོད་པ། །ཀུན་མཁྱེན་བླ་མ་ཐམས་ཅད་མཁྱེན་པ་ཡིན། ༢ །སྐྱོབ་པ་དེ་ཡི་ལེགས་བཤད་ཚིག་གཅིག་གི །ཟུར་ཙམ་ཐོས་ཀྱང་སྲིད་པ་ཧྲུལ་པོ་རུ། །ངེས་པར་བགྱིད་ན་བསྟན་པ་ཡོངས་རྫོགས་པའི། །གསུང་ལ་ཐོས་བསམ་བགྱིད་རྣམས་ལྟ་ཅི་སྨོས། ༣ །རྒྱལ་བ་རྣམས་དང་རྒྱལ་སྲས་ཆེ་རྣམས་ཀྱིས། །དཔའ་བར་འགྲོ་སོགས་ཏིང་འཛིན་རྣམ་ཐར་མཐུས། །འཕགས་བཞི་སོ་སྐྱེ་དུ་མའི་སྤྲུལ་གཟུགས་ཀྱིས། །རྒྱལ་བའི་མཛད་བཟང་ཅི་ཡང་སྟོན་པ་ཡིན། ༤ །དེ་སླད་ཀུན་མཁྱེན་མཆོག་གི་སྤྲུལ་པའི་སྐུས། །རྒྱལ་བའི་མཛད་པས་སྙིགས་མའི་འགྲོ་སྐྱོང་ཞིང་། །ཐོས་པས་གྲོལ་བ་ཐེག་རྩེའི་ཆོས་འཁོར་གྱིས། །རྡོ་རྗེ་སྙིང་པོའི་བསྟན་པ་གསལ་བར་མཛད། ༥ །ཀུན་མཁྱེན་བླ་མ་རྫོགས་པའི་སངས་རྒྱས་དེའི། །ལེགས་བཤད་བདུད་རྩི་ཤིན་ཏུ་དག་པ་འདི། །ལུང་གི་ཆོས་མཆོག་ཞལ་ནས་གསུངས་པའི་བཀའ། །མི་ཤེས་བ་དེ་བ་གླང་ཡ་སོ་ཅན། ༦ །སྐལ་པ་བཟང་དགར་བ་དགའ་སྐྱིད་བྱོས་ལ། །སངས་རྒྱས་མཐོང་བའི་ངེས་ཤེས་གྱིས་ཤིག་དང་། །ཀུན་མཁྱེན་བླ་མའི་ལེགས་བཤད་འདི་མཐོང་ལས། །སངས་རྒྱས་མཇལ་ཡང་ཅུང་ཟད་ཡོད་རེ་ཀན། ༧ །ཐུབ་པའི་མཚན་དཔེ་མིག་གི་བདུད་རྩི་སྟེ། །སྐལ་བཟང་ཡིད་ལ་དད་གསུམ་བསྐྱེད་པ་ལགས། །ལེགས་བཤད་ཡིག་གཟུགས་བཟོ་ཡི་སྤྲུལ་སྐུ་སྟེ། །དད་པའི་གསོས་སུ་འདི་ལས་


ZP01_Page_180
[མ་དཔེ་གཟིགས་ན་འདིར་གནོན།]

ལྷག་པ་མེད། ༨ །སྟོན་པའི་ཚངས་དབྱངས་རྣ་བའི་བདུད་རྩི་སྟེ། །བསྐལ་བཟང་ཡིད་ལ་ཤེས་རབ་བསྐྱེད་པ་ལགས། །ལེགས་བཤད་ཚིག་ཕྲེང་རྣ་བའི་བདུད་རྩི་སྟེ། །ཤེས་རབ་གསོས་སུ་འདི་དང་མཉམ་པ་མེད། ༩ །རྒྱལ་བའི་བྱིན་རླབས་སྙིང་གི་བདུད་རྩི་སྟེ། །བསྐལ་བཟང་ཡིད་ལ་བདེན་པ་སྟོན་པ་ལགས། །ལེགས་བཤད་དོན་བཟང་སྙིང་གི་བདུད་རྩི་སྟེ། །ཡིད་ལ་ཡེ་ཤེས་གསོས་སུ་འདི་ཉིད་ཆེ། ༡༠ །རྣམ་ཐར་ཏིང་འཛིན་སྟོབས་ཀྱིས་བྱིན་རླབས་པས། །འདི་མཐོང་ཡིད་ལ་ཆོས་ཉིད་ཤུགས་ཀྱིས་སྐྱེ། །ཀ་དག་དགོངས་པ་འཕྲལ་ལ་སྟོན་ནུས་ཤིང་། །ཆོས་ཅན་འཛིན་པ་གཞིག་ལ་འདི་འདྲ་མེད། ༡༡ །ཡི་གེའི་རྣམ་རོལ་ཤཱཀྱ་སེང་གེའི་སྐུ། །རྗོད་བྱེད་ཚིག་ཕྲེང་ཀུན་མཁྱེན་བླ་མའི་གསུང་། །བརྗོད་བྱ་དོན་ཟབ་རྒྱལ་བ་ཀུན་གྱི་ཐུགས། །གསུང་རབ་འདི་མཐོང་བདེ་གཤེགས་ཡོངས་རྫོགས་མཐོང་། ༡༢ །ལྔ་བརྒྱ་ཐ་མའི་བསྟན་པར་གྱུར་པ་ན། །གསུང་རབ་རྣམ་རོལ་ཡི་གེའི་གཟུགས་དག་གིས། །སྟོན་པ་བཞུགས་ཞེས་སྐྱོབ་པ་ཐུགས་རྗེ་ཅན། ། སེང་གེའི་ཞལ་བཞེས་དེ་ལྟར་ལགས། ༡༣ །དོན་བཟང་ལེགས་བཤད་མཛོད་ཆེན་བདུན་ལ་སོགས། །བསྟན་པ་ཡོངས་རྫོགས་ཚེ་གཅིག་སངས་རྒྱས་ཆོས། །ཟབ་ལམ་རྨད་བྱུང་བདུད་རྩིའི་ཐིག་པ་འདི། །ཀུན་མཁྱེན་བླ་མའི་གསུང་དུ་སུ་ཡིས་བསྙོན། ༡༤ །ལྷུན་གྲུབ་ཡོན་ཏན་ཤིན་ཏུ་རྒྱ་ཆེན་པོ། །ཀ་དག་དབྱིངས་སུ་ཟབ་པའི་ཆོས་ཉིད་ཅན། །ཟུང་འཇུག་ཐེག་རྩེ་རྡོ་རྗེ་སྙིང་པོའི་ཆོས། །རྒྱལ་ཀུན་ཐུགས་


ZP01_Page_181
[མ་དཔེ་གཟིགས་ན་འདིར་གནོན།]

གསང་འདི་ལས་ཅི་ཞིག་ཡོད། ༡༥ །ཐུབ་པའི་མཛེས་སྐུ་གསེར་གྱི་རི་འདྲ་བ། །གཟུགས་སྐུ་མཐོང་བའི་ཁྱད་ཆོས་དེ་ལགས་མོད། །ཆོས་ཉིད་རང་བཞིན་བརྗོད་དུ་མེད་སྟོན་པ། །ཆོས་སྐུ་མཐོང་བའི་སྐལ་བཟང་འདི་ཙམ་ལགས། ༡༦ །ཤིང་དབང་དྲུང་དེར་སྐྱོབ་པས་གང་མཁྱེན་དང་། །རྒྱལ་སྲས་རྣམས་ཀྱིས་བདེན་པ་གང་གཟིགས་པ། །ཀུན་མཁྱེན་བླ་མའི་ལེགས་བཤད་ཚིག་གཅིག་གིས། །བརྗོད་དུ་མེད་དོན་ཐབས་ཀྱིས་སྟོན་པར་མཛད། ༡༧ །ཡོན་ཏན་རང་བཞིན་བྱང་ཆུབ་ཕྱོགས་ཀྱི་ཆོས། །མ་ལུས་ཡོངས་རྫོགས་རྫོགས་པ་ཆེན་པོ་ནི། །རྒྱལ་བ་ཀུན་གྱི་ཆོས་སྐུའི་མཆོད་སྡོང་སྟེ། །བསོད་ནམས་ཞིང་དུ་འདི་ལས་ལྷག་པ་མེད། ༡༨ །ཐུབ་པའི་མདོ་སྡེ་ཇི་སྙེད་བསམ་ཡས་པའི། །ཡོན་ཏན་མཆོག་ཀྱང་ཟབ་རྒྱས་སྟོན་པས་ཏེ། །ཆོས་ཉིད་རང་བཞིན་ཟབ་ཅིང་རྒྱ་ཆེ་བ། །རྗེན་པར་སྟོན་འདིའི་ཡོན་ཏན་ཡང་དེ་ཙམ། ༡༩ །དེ་སླད་གཞུང་འདིའི་ཚིག་གཅིག་ཉན་པ་དང་། །འཛིན་ཀློག་སྒྲུབ་རྣམས་ཇི་སྙེད་རྒྱལ་བའི་ཆོས། །ཉན་དང་འཛིན་ཀློག་སྒྲུབ་ལ་བརྩོན་པ་དང་། །བསྐལ་པ་མཉམ་ཞིང་བསོད་ནམས་རྣམ་སྨིན་མཉམ། ༢༠ །བརྒྱད་ཁྲི་བཞི་སྟོང་ཆོས་དོན་རིག་པའི་ཀློང་། །འདུས་པར་ངེས་ན་དེ་ཡི་བརྗོད་བྱེད་གཞུང་། །ཀུན་མཁྱེན་བླ་མའི་ལེགས་བཤད་ཟབ་མོའི་ཆོས། །ཚིག་བཅད་གཅིག་ཏུ་ཅི་ཡི་ཕྱིར་མི་འདུ། ༢༡ །དད་པའི་སེམས་ཀྱིས་སྐད་ཅིག་མཇལ་ན་ཡང་། །གང་གི་ཡིད་ལ་གདུང་བ་སྐྱེ་འགྱུར་བའི། །ཉོན་མོངས་རྙོགས་པ་


ZP01_Page_182
[མ་དཔེ་གཟིགས་ན་འདིར་གནོན།]

ཤུགས་ཀྱིས་འབྲལ་བགྱིད་པ། །ཀུན་མཁྱེན་བླ་མའི་ལེགས་བཤད་མཐོང་གྲོལ་ཡིན། ༢༢ །ཚིག་གཅིག་ཐོས་ཀྱང་རྣམ་པར་རྟོག་པའི་རྡུལ། །རྣམ་པར་སྤངས་ནས་ཞི་བའི་ཏིང་ངེ་འཛིན། །གང་གི་ཡིད་ལ་རྩོལ་མེད་སྐྱེ་འགྱུར་བ། །ཀུན་མཁྱེན་བླ་མའི་ལེགས་བཤད་ཐོས་གྲོལ་ཡིན། ༢༣ །རྟོག་གེའི་བློ་གྲོས་རྩུབ་མོའི་སྐྱོན་སྤོངས་པའི། །ཞི་བ་བསིལ་བ་འཇམ་པའི་རེག་བྱ་ཅན། །འཁོར་བའི་གདུང་སེལ་འཆི་མེད་ཐེག་པ་སྟེ། །ཀུན་མཁྱེན་བླ་མའི་ལེགས་བཤད་རེག་གྲོལ་ཡིན། ༢༤ །ཟབ་པའི་དོན་བཟང་བདུད་རྩིའི་རོ་མངར་ཅན། །ཇི་ཙམ་མྱོང་བཞིན་ཐོས་བསམ་སྒོམ་པའི་ལུས། །བརྟས་པའི་འཕུར་ལྡིར་ཆོས་ཉིད་དབྱིངས་སྤྱོད་པ། །ཀུན་མཁྱེན་བླ་མའི་ལེགས་བཤད་མྱོང་གྲོལ་ཡིན། ༢༥ །རྒྱལ་བའི་བསྟན་པ་ཇི་སྙེད་ཡོགས་རྫོགས་པའི། །གཞུང་བཟང་ཀུན་མཁྱེན་བླ་མས་བཀྲལ་འདི་འདྲ། །འཕགས་བོད་མཁས་པའི་སྐྱེ་བོ་སུ་ཡིས་ཀྱང་། །སྔོན་ཆད་འཛམ་གླིང་ལྗོངས་འདིར་བཞག་པ་མེད། ༢༦ །རྒྱུ་འབྲས་ཐེག་པའི་ཆོས་ཀྱི་སྒོ་དབྱེ་ནས། །རྒྱུ་འབྲས་མེད་དབྱིངས་མཉམ་པར་ལ་ཟློས་པའི། །ཀུན་མཁྱེན་བླ་མའི་གདམས་ངག་འདི་འདྲ་བ། །འཆད་པའི་མཁས་གྲུབ་གཉིས་པ་སུ་ཡང་མེད། ༢༧ །གཞུང་བཟང་འདི་དག་ཡན་ལག་ཡོངས་རྫོགས་པའི། །ལྷ་ལུས་མཛེས་པ་བརྒྱན་གྱིས་སྤྲས་འདྲ་སྟེ། །འདི་དང་བསྐྲུན་ན་མཁས་པའི་བསྟན་བཅོས་གཞན། །ཕྱོགས་རེའི་ཡན་ལག་དུམ་བུར་འཐོར་དང་འདྲ། ༢༨ །ཚིག་བཟང་སྙན་དངགས་དམ་པའི་


ZP01_Page_183
[མ་དཔེ་གཟིགས་ན་འདིར་གནོན།]

རྒྱན་གྱིས་མཛེས། །དོན་ཆེན་རྒྱལ་བསྟན་རྫོགས་པའི་ཁོ་ལག་དར། །ཐེག་རྩེ་ནོར་བུ་མཆོག་གི་ཐོར་ཚུགས་ཅན། །གཞུང་བཟང་འདི་དག་ལྷ་ཡི་དབང་པོ་འདྲ། ༢༩ །ལམ་སྟེགས་རྒྱུ་འབྲས་ཐེག་པའི་ཐེམ་སྐས་བཀྲམ། །གསང་ཆེན་ལམ་གྱི་བ་གམ་བརྗིད་ཆགས་ཤིང་། །ལྷུན་གྲུབ་སྐུ་བཞིར་བགྲོད་པའི་རྩེ་མོ་འབར། །གཞུང་བཟང་འདི་དག་རྣམ་རྒྱལ་ཕོ་བྲང་འདྲ། ༣༠ །འདོད་ཁམས་དགེ་བཅུའི་རི་དབང་ལྷུན་བརྗིད་ཅིང་། །གཟུགས་མེད་ཏིང་འཛིན་ཞི་བའི་སྤྲིན་ཚོགས་བཀྲམ། །གཟུགས་ཁམས་འཕགས་ལམ་རྫོགས་པའི་འོག་མིན་ཅན། །གཞུང་བཟང་འདི་དག་སྲིད་པ་གསུམ་པོ་འདྲ། ༣༡ །གང་འདུལ་འགྲོ་ཁམས་མོས་པ་དེ་བཞིན་འདུལ། །སྣ་ཚོགས་ཤེས་བྱའི་ཆོས་ཀུན་མ་འདྲེས་འཆད། །དོན་དམ་མཉམ་པའི་ཀློང་ལས་མི་འདའ་བས། །གཞུང་བཟང་འདི་དག་རྫོགས་པའི་སངས་རྒྱས་འདྲ། ༣༢ །ཇི་སྙེད་ཐེག་པའི་རྣམ་གྲངས་མཐའ་ཡས་སྟོན། །ཡིད་དཔྱོད་རྒྱུ་འབྲས་ལམ་ལས་ཐེག་དགུང་ཕྱེ། །མངོན་སུམ་འོད་གསལ་ཀློང་དུ་སྤང་བླང་ཟད། །གཞུང་བཟང་འདི་དག་སྲིད་ཞི་གཉིས་ཀ་འདྲ། ༣༣ །དོན་འདི་ཤེས་ན་རྡོ་རྗེ་སྙིང་པོའི་ལམ། །སྙིང་ཐིག་གསང་བའི་ཟབ་གནད་སྙིང་འདྲ་བའི། །དོན་འདི་མི་སྟོན་མཁས་པའི་བསྟན་བཅོས་གཞན། །ལུས་ཉིད་མཛེས་ཀྱང་སྙིང་མེད་རོ་དང་འདྲ། ༣༤ །རྟོགས་པའི་འདྲ་འབག་རྡོ་རྗེ་སྙིང་པོའི་གླུ། །མངོན་སུམ་ཆོས་ཉིད་རྗེན་པར་སྟོན་པའི་ངག །ཀློང་


ZP01_Page_184
[མ་དཔེ་གཟིགས་ན་འདིར་གནོན།]

རྡོལ་གཏམ་འདི་སྐད་ཅིག་ཐོས་པས་ཀྱང་། །འོད་གསལ་ཡེ་ཤེས་རྒྱུད་ལ་ཤུགས་ཀྱིས་སྐྱེ། ༣༥ཟབ་ལས་ཆེས་ཟབ་ཆོས་དབྱིངས་རིན་པོ་ཆེ། །བྱིན་བརྒྱུད་ཡེ་ཤེས་རྟོགས་པའི་མཛོད་གཅིག་པུར། །ཡང་དག་ཆོས་སྐུ་དངོས་བྱོན་བཞུང་འདི་འདྲ། །གང་གིས་ཉམས་བླང་སྲིད་པ་ཐ་མ་ཡིན། ༣༦ །ཟང་ཐལ་རིག་པ་ཀུན་མཁྱེན་བླ་མའི་ཐུགས། །རྗེན་པར་སྟོན་པའི་མན་ངག་འདི་འདྲ་བ། །སངས་རྒྱས་དངོས་ཡིན་དམ་པའི་ཆོས་ཀྱང་ཡིན། །མོས་གུས་སྐྱེས་ན་དགེ་བའི་བཤེས་གཉེན་ཡིན། ༣༧ །རྒྱུད་སྡེ་ཀུན་གྱི་ཟབ་གནད་མཐར་ཐུག་པ། །བཞི་པའི་དབང་ཞེས་གྲགས་པ་འདི་ཡིན་ཏེ། །དབང་བཞི་ཡོངས་རྫོགས་རིག་པ་རྩལ་གྱི་དབང་། །གཞུང་བཟང་འདི་འདྲ་མཐོང་ལས་གཞན་ཡོད་མིན། ༣༨ །ཀུན་མཁྱེན་བླ་མ་འཇའ་ལུས་སྒྱུ་མའི་སྐུ། །སྔོན་ཞིག་བཞུགས་ཀྱི་ད་ལྟ་མེད་པ་མིན། །མཐོང་བར་ནུས་ན་རང་གི་མདུན་ན་བཞུགས། །རྟོག་པས་བསྒྲིབ་ན་མངོན་སུམ་བྱོན་ཀྱང་ཅི། ༣༩ །གསུང་གི་གནད་འདི་རྟོགས་པའི་འདྲ་འབག་སྟེ། །ཡེ་ཤེས་ཆེན་པོས་ཚིག་དོན་བྱིན་གྱིས་བརླབས། །མོས་གུས་ཅན་ལ་བདེན་ཚིག་གཏད་རྒྱ་མཛད། །ངེས་པར་བརྟེན་ན་བླ་མ་འདི་རང་ཡིན། ༤༠ །མོས་གུས་ཐོབ་ནས་ཚིག་དོན་དཔྱོད་ཤེས་ན། །གཞུང་བཟང་འདི་འདྲ་ཅི་ཙམ་མཇལ་བའི་ཡུན། །དེ་སྲིད་དེ་བློ་ཆོས་ཉིད་མངོན་སུམ་པའི། །འོད་གསལ་མཆོག་ལས་གཡོ་བ་ཡོད་རེ་ཀན། ༤༡ །རྣམ་པར་དཔྱོད་མང་རྟོག་གེའི་བསྟན་བཅོས་གཞན། །ཇི་ཙམ་བལྟས་བཞིན་


ZP01_Page_185
[མ་དཔེ་གཟིགས་ན་འདིར་གནོན།]

འཁྲུལ་པའི་རྣམ་རྟོག་འཕེལ། །བློ་ལས་འདས་སྟོན་ཀུན་མཁྱེན་བླ་མའི་གཞུང་། །ཚིག་གཅིག་ཐོས་ཀྱང་རྩོལ་མེད་ཏིང་འཛིན་སྐྱེད། ༤༢ །རྟོག་གེའི་དཀྲུགས་པ་ཕལ་བའི་གཞུང་མང་དུ། །འཁྱམས་ཤིང་འཁྱམས་པའི་དོན་མེད་ངལ་བ་ཅན། །ཚིག་དོན་ཕུན་ཚོགས་ནོར་བུའི་ངལ་སྟེགས་སུ། །ངལ་བསོ་སྦྱིན་པ་ཀུན་མཁྱེན་བླ་མའི་གཞུང་། ༤༣ །ཕྱོགས་རེའི་རིག་པ་སྦྲང་བུའི་གཤོག་རླབས་ཀྱིས། །གླིང་བཞི་ཉུལ་འདོད་འབྲས་མེད་ལྟད་མོ་བ། །རྡོ་རྗེ་སྙིང་པོའི་རི་རབ་རྩེར་བགྲོད་ནས། །ཐེག་དགུ་གསལ་སྟོན་ཁྱུང་ཆེན་རྒྱལ་པོ་འདྲ། ༤༤ །བྱིས་པའི་བསྟན་བཅོས་རྩེད་མོའི་རྩོད་པ་ཅན། །ཡིན་དང་མ་ཡིན་རང་རང་ཕྱོགས་ལ་ཞེན། །མཉམ་པའི་ཆོས་ཉིད་རྒན་པོའི་བློ་གྲོས་ཅན། །ཀུན་མཁྱེན་བླ་མའི་ལེགས་བཤད་གཟུ་བོ་ཡིན། ༤༥ །ཨོངས་དང་མ་རིག་ཐེ་ཚོམས་སྐྱེས་པའི་དུས། །གཞུང་བཟང་འདི་དག་བལྟ་བར་བྱོས་ཤིག་དང་། །རྨོངས་པའི་དྲྭ་བ་གང་གིས་གཅོད་འགྱུར་བའི། །ཀུན་མཁྱེན་ལེགས་བཤད་ཤེས་རབ་རལ་གྲི་ཡིན། ༤༦ །སྣ་ཚོགས་རྟོག་པའི་བུན་ལོང་གཡོ་བའི་དུས། །གཞུང་བཟང་འདི་དག་བལྟ་བར་བྱོས་ཤིག་དང་། །འཁྲུལ་རྟོག་རྩིག་པ་གང་གིས་འཇིག་འགྱུར་བའི། ཀུན་མཁྱེན་ལེགས་བཤད་ཡེ་ཤེས་རྡོ་རྗེ་ཡིན། ༤༧ །ཆགས་སྡང་འཁྲུལ་པའི་ཟུག་རྔུ་འབར་བའི་དུས། །གཟུང་བཟང་འདི་དག་བལྟ་བར་བྱོས་ཤིས་དང་། །ཉོན་མོངས་བུད་ཤིང་སྐད་ཅིག་སྲེག་བྱེད་པའི། །ཀུན་མཁྱེན་ལེགས་


ZP01_Page_186
[མ་དཔེ་གཟིགས་ན་འདིར་གནོན།]

བཤད་རྟོགས་པའི་མེ་དཔུང་ཡིན། ༤༨ །དུ་འཛིའི་གནས་དང་སྐྱོ་བས་གདུང་བའི་ཚེ། །གཞུང་བཟང་འདི་དག་བལྟ་བར་བྱོས་ཤིག་དང་། །ངེས་འབྱུང་བློ་ཡིས་ཁམས་གསོ་སྦྱིན་བྱེད་པའི། །ཀུན་མཁྱེན་ལེགས་བཤད་བདུད་རྩིའི་སྨན་མཆོག་ཡིན། ༤༩ །དབེན་པའི་གནས་སུ་གཅིག་པུར་གནས་པའི་ཚེ། །གཞུང་བཟང་འདི་དག་བལྟ་བར་བྱོས་ཤིག་དང་། །ཉིན་མཚན་འཁོར་ཡུག་ཆོས་ཀྱིས་འདའ་བྱེད་པའི། །ཀུན་མཁྱེན་ལེགས་བཤད་རིག་པའི་སྐྱོ་གྲོགས་ཡིན། ༥༠ །མང་པོའི་དབུས་སུ་ཆགས་སྡང་སྐྱེས་པའི་ཚེ། །གཞུང་བཟང་འདི་དག་བལྟ་བར་བྱོས་ཤིག་དང་། །མཉམ་པའི་ཀློང་དུ་སེམས་དལ་སྦྱིན་བྱེད་པའི། །ཀུན་མཁྱེན་ལེགས་བཤད་ནོར་བུའི་ངལ་སྟེགས་ཡིན། ༥༡ །ཡིད་དཔྱོད་རྟོག་པའི་ཞེ་འདོད་སྐྱེས་པའི་ཚེ། །གཞུང་བཟང་འདི་དག་བལྟ་བར་བྱོས་ཤིག་དང་། །བདེན་ཞེན་གྲུབ་མཐའི་ལྕགས་སྒྲོགས་གྲོལ་བྱེད་པའི། །ཀུན་མཁྱེན་ལེགས་བཤད་ཐབས་ཀྱི་ལྡེའུ་མིག་ཡིན། ༥༢ །བྱིང་རྒོད་རྨུགས་པས་སྒོམ་གེགས་སྐྱེས་པའི་ཚེ། །གཞུང་བཟང་འདི་དག་བལྟ་བར་བྱོས་ཤིག་དང་། །ཞི་བའི་ཏིང་འཛིན་སྐྱོན་མེད་ལེགས་སྐྱེད་པའི། །ཀུན་མཁྱེན་ལེགས་བཤད་གནད་ཀྱི་མན་ངག་ཡིན། ༥༣ །ནད་དང་སྡུག་བསྔལ་གནོད་པ་སྐྱེས་པའི་ཚེ། །གཞུང་བཟང་འདི་དག་བལྟ་བར་བྱོས་ཤིག་དང་། །རྐྱེན་ངན་སྣང་བ་གྲོགས་སུ་བསྒྱུར་བྱེད་པའི། །ཀུན་མཁྱེན་ལེགས་བཤད་གསེར་འགྱུར་བདུད་རྩི་ཡིན། ༥༤ །རིག་རྩལ་རྟོགས་པའི་ཉམས་


ZP01_Page_187
[མ་དཔེ་གཟིགས་ན་འདིར་གནོན།]

མྱོང་འབར་བའི་ཚེ། །གཞུང་བཟང་འདི་དག་བལྟ་བར་བྱོས་ཤིག་དང་། །ཆོས་སྐུའི་ཀློང་དུ་མཉམ་ཉིད་ངོ་སྤྲོད་པའི། །ཀུན་མཁྱེན་ལེགས་བཤད་གནད་ཀྱི་བོག་འདོན་ཡིན། ༥༥ །བྱུང་རྒྱལ་ཉམས་ཀྱི་སྣང་བ་འུར་བའི་ཚེ། །གཞུང་བཟང་འདི་དག་བལྟ་བར་བྱོས་ཤིག་དང་། །ཞེན་མེད་ངང་དུ་བརྟུལ་ཞུགས་གོང་འཕེལ་པའི། །ཀུན་མཁྱེན་ལེགས་བཤད་རྡོ་རྗེའི་ཐལ་གླུ་ཡིན། ༥༦ །འདོད་ཡོན་ལོངས་སྤྱོད་ཤུགས་ཀྱི་འདུ་བའི་དུས། །གཞུང་བཟང་འདི་དག་བལྟ་བར་བྱོས་ཤིག་དང་། །ཞེན་མེད་ངང་དུ་ཅི་འདོད་རྒྱན་འཆང་བའི། །ཀུན་མཁྱེན་ལེགས་བཤད་རྨ་བྱ་དུག་རོལ་ཡིན། ༥༧ །སྙེམས་བྱེད་རེ་དོགས་གཟུང་འཛིན་སྐྱེས་པའི་ཚེ། །གཞུང་བཟང་འདི་དག་བལྟ་བར་བྱོས་ཤིག་དང་། །བརྟུལ་ཞུགས་རོལ་པའི་དཔའ་གདེང་སྐྱེད་བྱེད་པའི། །ཀུན་མཁྱེན་ལེགས་བཤད་བདུད་ཀྱི་གཅོད་ཡུལ་ཡིན། ༥༨ །དངོས་འཛིན་འཁྲུལ་བ་ཨ་འཐས་སྐྱེས་པའི་ཚེ། །གཞུང་བཟང་འདི་དག་བལྟ་བར་བྱོས་ཤིག་དང་། །བདེན་ཞེན་གདོས་བཅས་བུན་ལོང་འཇིག་བྱེད་པའི། །ཀུན་མཁྱེན་ལེགས་བཤད་སྒྱུ་མའི་མན་ངག་ཡིན། ༥༩ །ཨུན་མཁྱེན་ལེགས་བཤད་ནོར་བུའི་གཏེར་འདྲ་བའི། །ཡོན་ཏན་ཕྲེང་བ་གཞལ་དུ་མི་སྤྱོདྨོད། །ཅུང་ཟད་སྨྲས་འདིས་ཁོ་བོའི་སྤོབས་པ་ཡང་། །མཐར་ཐུག་མིན་ན་བརྗོད་བྱ་ཇི་ལྟར་རྫོགས། ༦༠ །བསྔགས་པའི་གནས་འདི་གྲངས་མེད་ཞིང་དུ་ཡང་། །རྒྱལ་བ་རྣམས་དང་རྒྱལ་སྲས་མཁས་རྣམས་ཀྱི། །དམ་ཆོས་གཏམ་གྱི་གླེང་


ZP01_Page_188
[མ་དཔེ་གཟིགས་ན་འདིར་གནོན།]

གཞིར་གྱུར་པ་སྟེ། །སོ་སོ་ཡང་དག་རིག་པའི་སྤྱོད་ཡུལ་ཡིན། ༦༡ །མཁའ་དབྱིངས་བཞིན་ཏུ་མཁས་པའི་རོལ་གནས་ལ། །སོ་སྐྱེ་བློ་གྲོས་སྦྲང་བུའི་གཤོག་རླབས་བཅས། །བསྔགས་པའི་སྙན་གླུ་དར་དིར་སྒྲོགས་པ་འདི། །ལེགས་བཤད་ཚལ་ལ་རབ་དགའ་སྐྱེས་ནས་ཡིན། ༦༢ །དགའ་བར་བྱོས་ཤིག་སྐལ་བཟང་དོན་མཐུན་དག །གེ་སར་རོ་མངར་ཡང་ཡང་བཏུང་གྱིས་ལ། །བསྟོད་པའི་གླུ་ཕྲེང་བདག་དང་མཐུན་སྒྲོགས་དང་། །མི་ཟད་སྤོབས་པ་ཁྱེད་ལ་མཛའ་བར་འགྱུར། ༦༣ །བསྔགས་འོས་ཡུལ་ལ་བསྔགས་པའི་མཆོད་སྤྲིན་འདིའི། །ལེགས་བྱས་དགེ་བ་སྲིད་ལ་ཞི་རྒྱུ་དང་། །ཞི་ལ་སྲིད་དོན་གཉིས་མཐར་མི་གནས་པའི། །རྒྱལ་དང་དེ་སྲས་ཐུགས་དགོངས་རྫོགས་ཕྱིར་བསྔོ། ༦༤ །མཚམས་སྤྲིན་གཟི་འདྲ་མཚན་དཔེའི་གཟི་འབར་བ། །འཇམ་དཔལ་དཔའ་བོའི་མཁྱེན་པ་དེ་དྲན་ནས། །དེ་ཡི་རྗེས་བཞིན་བདེན་པའི་འཁོར་གསུམ་བློ། །སྤོངས་པའི་ཡོངས་བསྔོ་སྨོན་པ་མེད་དབྱིངས་སྙོགས། ༦༥ །བདག་ཀྱང་དེང་ནས་ཀུན་མཁྱེན་བརྒྱུད་བཅས་ཀྱི། །སྨིན་གྲོལ་རྒྱལ་ཐབས་རྒྱས་པའི་སྒོ་དྲུང་ནས། །དད་གསུམ་སློང་ཕོར་གཏོང་བ་མེད་ལྡན་པས། །བལྟ་བའི་


ZP01_Page_189
[མ་དཔེ་གཟིགས་ན་འདིར་གནོན།]

སྐལ་བཟང་འཁོར་བའི་མར་སྨོན། ༦༦ །མ་ཞིག་སྲིད་དང་ཞི་བ་མཉམ་པར་བརྡལ། །འཁོར་བ་དོང་སྤྲུགས་ཞི་བ་བུམ་སྐུར་བཞེང་། །འཁོར་འདས་མ་ལུས་ཐིག་ལེ་གཅིག་གི་ཀློང་། །ཀུན་མཁྱེན་བླ་མའི་དགོངས་པར་འདྲེས་གྱུར་ཅིག་༦༧ །ཅེས་པའང་ཨ་བུ་ཧྲལ་པོའི་གང་དྲན་བརྗོད་པ་དགེ་ལེགས་འཕེལ།། །དགེའོ། །དགེའོ། །དགེའོ།། །།

ཀུན་མཁྱེན་ཀློང་ཆེན་རབ་འབྱམས་བའི་གསུང་རབ་མཛོད་བདུན་ལ་བལྟ་བར་བསྐུལ་བ།


ZP01_Page_191
[མ་དཔེ་གཟིགས་ན་འདིར་གནོན།]

ཀུན་མཁྱེན་ཀློང་ཆེན་རབ་འབྱམས་བའི་གསུང་རབ་མཛོད་བདུན་ལ་བལྟ་བར་བསྐྲལ་བ་བཞུགས། །


ZP01_Page_192
[མ་དཔེ་གཟིགས་ན་འདིར་གནོན།]

ནམཿསརྦ་ཛྙཱ་ཡ། གདོད་ནས་རབ་ཞི་གཉུག་མ་བརྡལ་བའི་ཞིང་། །རྟག་ཏུ་མི་གཡོ་ཡེ་ཤེས་ཆོས་སྐུའི་ཀློང་། །དགོངས་པའི་རྩལ་ཆེན་རྫོགས་པའི་སྣང་འགྲོས་ཅན། །ཀུན་མཁྱེན་བླ་མ་དེ་ལ་ཕྱག་འཚལ་ལོ། །ཀྱེ་ལགས་ཡོན་ཏན་མཆོག་གི་རང་བཞིན་ནི། །དམ་པའི་གཞུང་ལ་མ་བརྟེན་རང་བཟོས་མིན། །རྒྱ་མཚོ་ཆེ་ལས་ནོར་བུ་མཆོག་འབྱུང་གི །དམན་པའི་ཡུལ་ལས་རང་གར་ཅི་ཞིག་རྙེད། །རྟོགས་པའི་ཡེ་ཤེས་ཉི་མ་སྣང་བ་ཡང་། །བྱིན་བརྒྱུད་མ་ཉམས་བླ་མའི་མན་ངག་ལས། །ངེས་པར་འོང་གི་སྟོང་སྒོམ་མུན་རྡོ་བ། །ལེགས་པའི་ལམ་དུ་རྣལ་མར་འགྲོ་བ་ཉུང་། །ཐོསཔ་མེད་པ་སྲིད་ན་སྐྱོན་ཆེ་ཡང་། །ལོག་པར་ཐོས་པ་དེ་བས་སྡིག་ཆེ་བས། །མཁས་པའི་གཞུང་ལ་བལྟ་བ་ཡོད་དུས་འདིར། །ཐོས་པའི་མིག་དཀྱུས་ཅི་ཕྱིར་དག་མི་བགྱིད། །སྲིད་པ་འདི་ན་ཡིད་བཞིན་ནོར་གཅིག་པུ། །ཀུན་མཁྱེན་བླ་མའི་གཞུང་ལུགས་རིན་པོ་ཆེ། །འདི་ལས་གཞན་ལ་སངས་རྒྱས་ཡོད་མིན་ན། །འདི་ལ་རབ་དགའ་མི་སྐྱེ་སུ་ཞིག་ཡོད། །ཐེག་པའི་ཡང་རྩེ་རྡོ་རྗེ་སྙིང་པོའི་མཆོག །འབུམ་ཕྲག་རྒྱུད་སྡེའི་དགོངས་དོན་རིན་ཆེན་མཛོད། །རྗོད་བྱེད་རྒྱ་ཆེ་བརྗོད་བྱ་དོན་ཟབ་པ། །འདི་མཐོང་ཀུན་ཏུ་བཟང་པོ་དངོས་ཞལ་མཇལ། །འབུམ་ཕྲག་དྲུག་ཅུའི་རྒྱུད་དོན་ཁོང་དུ་ཆུད། །སྲིད་ཞི་འཁོར་འདས་ཡོངས་ཀྱི་གནས་ལུགས་ཤེས། །ཟབ་


ZP01_Page_193
[མ་དཔེ་གཟིགས་ན་འདིར་གནོན།]

ལམ་ཐེག་རྩེའི་དགོངས་པའི་ཁྱད་ཆོས་རྟོགས། །དེ་ཕྱིར་གཞུང་འདི་མཇལ་ལ་ནན་ཏན་མཛོད། །བསྲུང་དུ་མེད་པ་ཆོས་སྐུའི་གནས་ལུགས་ནི། །རྒྱུ་འབྲས་ལས་འདས་ཀུན་བཟང་དགོངས་པའི་མཛོད། །གཞུང་བཟང་འདི་འདྲས་སྤྲོས་པ་མ་བཅད་ན། །ཡིད་དཔྱོད་ཐེག་པའི་ངན་ཞེན་སུ་ཡིས་གཞིག །མན་ངག་ཀུན་གྱི་སྙིང་པོ་བསྡུ་བསྡུ་པ། །དྲུག་ཚན་རས་ཀྱང་དམ་ཆོས་མཛོད་རྫོགས་པའི། །ལམ་བཟང་འདི་འདྲ་རྒྱལ་བ་དངོས་མཇལ་ཀྱང་། །ཅིག་ཆར་ཐོས་པ་དཀའ་བ་མ་ཡིན་ནམ། །བསྟན་པ་ཡོངས་རྫོགས་བསྟན་བཅོས་གཅིག་ཁོ་ནར། །ཚང་བའི་རྣམ་བཤད་གྲུབ་མཐའ་རིན་ཆེན་མཛོད། །གཞུང་བཟང་འདི་འདྲ་རྒྱ་བོད་གཉིས་ཆར་ཡང་། །སྔར་ཡང་མ་བྱོན་ད་ཡང་འབྱོན་རེ་ཀན། །སྤང་བླང་གནས་ཀུན་ཡིད་བཞིན་ལེགས་སྟོན་པ། །ཆོས་ཚུལ་ཡོངས་རྫོགས་ཐོས་བསམ་སྒོམ་པའི་མཛོད། །འདི་མཐོང་བསྟན་པ་ཀུན་གྱི་དེ་ཉིད་ཤེས། །བརྒྱ་ཕྲག་གཞུང་ལ་ཅིག་ཆར་སྦྱངས་པར་འགྱུར། །ཐེག་རྩེའི་དགོངས་དོན་ཚིག་དོན་བཅུ་གཅིག་ཏུ། །ལེགས་བསྡུས་ཁ་ཚང་དོན་འདྲིལ་མན་ངག་གི །ཉམས་ལེན་གནད་ཀྱི་མཛོད་གཅིག་སྲིད་པ་ན། །སྲིད་པའི་རྩ་བ་གཅོད་ལ་གཅིག་ཏུ་དཔའ། །ཁྱད་པར་གཉུག་མའི་སེམས་ཉིད་ཆོས་སྐུའི་དོན། །བསལ་བཞག་བྲལ་བའི་ཡེ་ཤེས་རྗེན་པ་རུ། །ལེགས་སྟོན་ཀུན་མཁྱེན་


ZP01_Page_194
[མ་དཔེ་གཟིགས་ན་འདིར་གནོན།]

བླ་མའི་དགོངས་པའི་མཐིལ། །ཟབ་ལས་ཆེས་ཟབ་ཆོས་དབྱིངས་རིན་ཆེན་མཛོད། །ཡང་དག་ཆོས་སྐུ་དངོས་སུ་བྱོན་པའི་གཞུང་། །གཞུང་བཟང་འདི་འདྲ་སངས་རྒྱས་དངོས་ཡིན་ཏེ། །སྲིད་པ་འདི་ན་རྒྱལ་བའི་མཛད་པ་སྒྲུབ། །རྒྱལ་བའི་དགོངས་པ་མངོན་སུམ་སྟོན་པའི་གཞུང་། །སངས་རྒྱས་མཇལ་ཀྱང་འདི་ལས་ཡོད་རེ་ཀན། །གཞུང་བཟང་འདི་འདྲ་དམ་ཆོས་ཀུན་གྱི་མཛོད། །ཆོས་རྣམས་ཀུན་གྱི་བརྗོད་བྱ་མཐར་ཐུག་པ། །ཆོས་སྐུའི་ཡེ་ཤེས་རྗེན་པར་སྟོན་པ་སྟེ། །ཆོས་ཀུན་བསྡུར་ཀྱང་འདི་ལས་ཡོད་རེ་ཀན། །གཞུང་བཟང་འདི་འདྲ་འཕགས་ཚོགས་ཀུན་གྱི་ཐུགས། །དུས་གསུམ་སྔ་ཕྱིའི་རྒྱལ་སྲས་འཕགས་རྣམས་ཀྱི། །རྟོགས་པའི་ཡེ་ཤེས་འདི་ལས་མ་འདས་ཏེ། །འཕགས་པའི་ཡེ་ཤེས་འདི་ལས་ཡོད་རེ་ཀན། །མཆོག་གསུམ་ཡོངས་རྫོགས་ཆོས་སྐུའི་མཆོད་སྡོང་ནི། །རྒྱལ་བ་ཀུན་གྱི་གཤེགས་ཤུལ་བླ་ན་མེད། །གུན་མཁྱེན་བླ་མའི་རྟོགས་པའི་འདྲ་འབག་སྟེ། །འདི་ལ་སུ་མཇལ་སྲིད་པ་ཐ་མ་ཡིན། །གཞུང་བཟང་འདི་འདྲ་ཚིག་གཅིག་ཐོས་པས་ཀྱང་། །སྲིད་པའི་སྣང་ཤས་ཧྲུལ་པོར་བགྱིད་ནུས་ན། །ཡོངས་རྫོགས་མཇལ་བའི་སྐལ་བ་རྙེད་བཞིན་དུ། །འདོར་བར་བགྱིད་ན་སེམས་ཡོད་ཇི་ལྟར་ཡིན། །ཀྱེ་ལགས་སྡེ་སྣོད་གསུམ་དང་རིམ་དགུའི་ཆོས། །ཕལ་ཆེར་བརྩོན་འགྲུས་ཅན་ལ་དགོངས་པ་སྟེ། །སྒོམ་དང་སྒྲུབ་དང་རྩོལ་


ZP01_Page_195
[མ་དཔེ་གཟིགས་ན་འདིར་གནོན།]

བས་གྲོལ་ལོ་ཞེས། །བསལ་བཞག་བྲལ་བའི་ཡེ་ཤེས་མཐོང་བ་མེད། །རྩོལ་མེད་བློ་འདས་རྡོ་རྗེ་རྩེ་མོ་འདི། །མ་བསྒོམས་སངས་རྒྱས་རིག་སྟོང་རྗེན་པའི་ཀློང་། །ལེ་ལོ་ཅན་ཡང་ཆོས་སྐུར་དེང་སྤྲོད་དེ། །སྒོམ་དང་སྒྲུབ་དང་རྩོལ་བློའི་ཞེན་པ་མེད། །ལམ་འདི་སྟོན་ལ་ལྷར་བཅས་འཇིག་རྟེན་ན། །ཀུན་མཁྱེན་བླ་མ་ཆོས་སྐུ་ཉག་གཅིག་ཡིན། །ཆོས་སྐུའི་བསྟན་པ་ཇི་སྙེད་གནས་པ་ལས། །ཆོས་དབྱིངས་མཛོད་འདི་ཆོས་ཀྱི་ཉིང་ཁུ་ཡིན། །དེ་ཕྱིར་གཞུང་བཟང་འདི་འདྲ་སྲིད་འདི་ན། །མཐོང་གྲོལ་ཡིན་ཏེ་ཐོས་གྲོལ་དྲན་གྲོལ་ཡིན། །འབྲེལ་བ་ཐོགས་ཚད་མ་འོངས་སངས་རྒྱས་ཡིན། །དགོངས་པ་རྙེད་ན་ད་ལྟའི་སངས་རྒྱས་ཡིན། །བྱིན་རླབས་བརྒྱུད་པའི་རྣོ་སོ་མ་ཉམས་ཤིང་། །དགོངས་པ་གཏད་པས་དོན་བརྒྱུད་ཡེ་ཤེས་འཕོ། །ཕྱི་རབས་བུ་ལ་གཏད་རྒྱས་རྒྱས་བཏབ་པས། །ཀུན་མཁྱེན་བླ་མ་དངོས་དང་མཚུངས་པ་ཡིན། །ཇི་བཞིན་ཚིག་དོན་དགོངས་པ་མ་ཁྲོལ་ཡང་། །མོས་གུས་ཐོབ་ན་བྱིན་བརྒྱུད་ཡེ་ཤེས་འཕོ། །གཞུང་འདི་མཇལ་ལས་ཚིག་དབང་རིན་པོ་ཆེ། །གཞན་ན་མེད་དེ་རིག་པའི་རྩལ་དབང་རྫོགས། །སྐྱོ་སུན་འཇིགས་དང་མི་དགས་གདུང་བའི་ཚེ། །གཞུང་འདི་མཇལ་ན་དགའ་ཆེན་ཡེ་ཤེས་སྐྱེ། །བག་དྲོ་ཉམས་དགའ་རིག་པ་དྭངས་ཤིང་གསལ། །ཡུལ་སྣང་འཁྲུལ་བ་ཐུག་ཕྲད་འཇིག་པ་ཡིན། །ཉམས་དགའ་


ZP01_Page_196
[མ་དཔེ་གཟིགས་ན་འདིར་གནོན།]

རྒྱས་དང་བདེ་ཆེན་འབར་བའི་ཚེ། །གཞུང་འདི་མཇལ་ན་དགའ་བྲོ་བཞིན་པ་འཇིག །སྤང་བླང་རིས་མེད་གཉུག་མ་བརྡལ་བའི་ཀློང་། །ཀུན་མཁྱེན་བླ་མའི་དགོངས་ཟབ་སྟོན་པ་ཡིན། །ཚེ་འདིར་ཞེན་དང་རྩོལ་བས་གདུང་བའི་ཚེ། །གཞུང་འདི་མཇལ་ན་ཨ་འཐས་མངོན་རློམ་འཇིག །སྣང་བ་གུ་ཡངས་གང་ལྟར་བྱས་ཀྱང་ཆོག །རེ་དོགས་ཁྲིགས་མེད་མཉམ་གཞག་ལྷོད་ཀྱིས་འགྲོ། །དབུ་མ་འདི་ཡིན་ཕ་རོལ་ཕྱིན་པ་འདི། །གཅོད་ཡུལ་འདི་ཡིན་སྡུག་བསྔལ་ཞི་བྱེད་དེ། །ཕྱག་རྒྱ་ཆེ་དང་རྫོགས་པ་ཆེན་པོ་དངོས། །ཆོས་ཀུན་འདིར་འདུས་ཀུན་ལས་ཁྱད་དུ་འཕགས། །ཀུན་མཁྱེན་བླ་མའི་རྗེས་འཇུག་སྲས་ཡིན་ན། །གཞུང་བཟང་འདི་དང་ནམ་ཡང་མི་འབྲལ་ཏེ། །རིག་པའི་གཏན་གྲོགས་འདི་ལ་བཅོལ་བས་ཆོག །ཕུག་གི་བློ་གཏད་འདི་འདྲ་ཡོད་རེ་ཀན། །འཕྲལ་དུ་བློ་བདེ་ཕུགས་སུ་སངས་རྒྱས་ཐོབ། །རྩོལ་བས་མི་གདུང་བློ་ཡི་འཆིང་བ་འཇིག །སྐྱིད་ན་གོང་ནོན་སྡུག་ན་སྐྱོ་གྲོགས་བྱེད། །གཞུང་བཟང་འདི་འདྲ་མི་བསླུ་ཉག་གཅིག་ཡིན། །དེ་ཕྱིར་དབྱངས་སུ་གྱེར་ཞིང་མགུར་དུ་འཐེན། །ཚིགས་སུ་བཅད་ཅིང་ལྟུག་པོར་འདོན་ཞིང་བལྟ། །ནམ་ཡང་འདི་དང་འབྲལ་བར་མ་བྱས་ན། །འཁོར་བའི་འཁྲུལ་སྣང་དུམ་བུ་དུམ་བུར་འགྲོ། །ནམ་ཞིག་བྱིན་བརྒྱུད་རྟོགས་པའི་གནད་འཕོས་ནས། །བརྗོད་དུ་མེད་པའི་ཡེ་ཤེས་ཁོང་ནས་སྐྱེ། །


ZP01_Page_197
[མ་དཔེ་གཟིགས་ན་འདིར་གནོན།]

ཀུན་མཁྱེན་ཆོས་སྐུའི་བླ་མ་དངོས་ཞལ་མཇལ། །གཞི་བདེའི་སྟེང་དུ་བློ་བདེ་རྒྱུན་ཆད་མེད། །གཞུང་འདི་མཇལ་ལས་ཉམས་ལེན་གཞན་མེད་དེ། །སྒོམ་དང་སྒྲུབ་པའི་སྙིང་པོ་དེ་ཉིད་ཡིན། །གཞུང་བཟང་འདི་དག་ཅི་ཙམ་མཇལ་བའི་ཡུན། །དེ་སྲིད་ཆོས་སྐུའི་དགོངས་པ་ངང་གིས་སྐྱེ། །དེ་སླད་རྩོལ་བློའི་བློ་ཚུབ་མ་མང་བར། །བག་ཡངས་ངང་ནས་གཞུང་བཟང་འདི་དག་གཟིགས། །བརྗོད་བྱའི་དོན་ཟབ་རྒྱང་ན་ཅང་མེད་ཀྱི། །བློ་ཐག་ཆོད་ལ་རང་བབ་ངང་ལ་ཞོག །རྟོགས་པར་དཀའ་བ་རྟོག་གེའི་བསྟན་བཅོས་བཞིན། །བསྒྲིམས་ཤིང་བསྒྲིམས་ནས་ཚིག་དོན་ཚོལ་མི་དགོས། །རང་བབ་ངང་ལ་གཞུང་སེམས་སྲེས་ཤིག་དང་། །གུ་ཡངས་རྗེན་པ་ཟང་མ་ཐལ་གྱིས་འགྲོ། །ངོ་སྤྲོད་དེ་ཡིན་གཉུག་མའི་ཡེ་ཤེས་དེ། །ཀུན་མཁྱེན་བླ་མའི་གདམས་ངག་དེ་རང་ཡིན། །བརྗོད་བྱ་དེ་ཡིན་དབང་བསྐུར་དངོས་ཀྱང་དེ། །སྙིང་པོའི་ཉམས་ལེན་དེ་ག་རང་གིས་ཆོག །ངེས་ཚིག་ཚིག་དོན་ཁྲོལ་རུང་མ་ཁྲོལ་རུང་། །བརྗོད་བྱའི་དོན་ཟབ་ཤེས་རུང་མ་ཤེས་རུང་། །དགོངས་པའི་ཞེ་ཕུག་རྙེད་རུང་མ་རྙེད་རུང་། །རེ་དོགས་ཆོད་ལ་མ་ཡེངས་ངང་ནས་གཟིགས། །ཡང་ལྟོས་ཡང་ལྟོས་ཉམས་དང་བསྲེས་ལ་ལྟོས། །གཞུང་དང་སེམས་སྲེས་སེམས་ལ་གཞུང་རྒྱས་ཐོབ། །དབྱེར་མེད་ངང་ནས་ཉམས་དགའ་གདངས་སུ་


ZP01_Page_198
[མ་དཔེ་གཟིགས་ན་འདིར་གནོན།]

གྱེར། །མོས་གུས་རྩལ་འབར་རྟོགས་པའི་ཡེ་ཤེས་སྐྱེ། །ཀྱེ་ལགས་སྙིང་པོའི་སྙིང་པོ་འདི་ཡིན་ཏེ། །ཟབ་པའི་ཡང་ཟབ་འདི་འདྲ་གཞན་ན་མེད། །བྱིན་རླབས་མཛོད་ཡིན་སྙིང་པོའི་བསྟན་པ་ཡིན། །སྟོན་པ་དངོས་ཡིན་སངས་རྒྱས་ལག་བཅངས་ཡིན། །འདི་འདྲའི་ཡོན་ཏན་བསྐལ་པར་བརྗོད་ན་ཡང་། །བློ་ཆུང་བདག་གི་བློ་གྲོས་མི་འཛད་ན། །བློ་ཆེན་གཞན་གྱི་སྦོབས་པ་ལྟ་ཅི་སྟེ། །འཕགས་པ་དགྱེས་པའི་ལམ་བཟང་འདི་འདྲ་མེད། །ཀྱེ་ལགས་འདི་འདྲའི་ནོར་བུ་རིན་པོ་ཆེ། །རང་དབང་མཇལ་བའི་སྐལ་བཟང་རྙེད་དུས་འདིར། །སྲིད་ན་གནས་ཀྱང་ཧ་ཅང་ཅི་སྐྱོ་སྟེ། །མོས་གུས་བསྐྱེད་ནས་གུ་ཡངས་ཅིས་མི་ཆོག །སྙིང་གི་གྲོགས་ཁྱེད་གཞུང་འདིར་བློ་ཕོབ་ལ། །བག་ཡངས་ངང་ནས་བློ་ཐག་འདི་རུ་ཆོད། །བྱ་བྱེད་རྩོལ་བློའི་བློ་ཚུབ་འདི་རུ་ཤིག །གཞུང་མང་གདམས་པའི་སྤྲོས་པ་འདི་རུ་ཆོད། །སྙན་སྙན་གཞུང་ལུགས་མང་པོས་ཅི་ཞིག་བྱ། །ཟབ་ཟབ་མན་ངག་མང་པོས་ཅི་ཞིག་བྱ། །སྤྲོས་སྤྲོས་ཉམས་ལེན་མང་པོས་ཅི་ཞིག་བྱ། །ཡིན་ཡིན་ཁ་བཤད་མང་པོས་ཅི་ཞིག་བྱ། །བག་ཡངས་བསམ་གཏན་ཉལ་ཆོག་འདི་རང་ཡིན། །བློ་བདེ་གུ་ཡངས་རང་གྲོལ་འདི་རང་ཡིན། །གཞུང་བཟང་གཅིག་ཤེས་ཀུན་གྲོལ་འདི་རང་ཡིན། །མན་ངག་ཆུ་བརྒྱ་ཟམ་གཅིག་འདི་རང་ཡིན། །རང་ལ་བཞག་ནས་གཞན་ལ་མ་


ZP01_Page_199
[མ་དཔེ་གཟིགས་ན་འདིར་གནོན།]

ཚོལ་ཀྱེ། །སྙིང་པོ་དོར་ནས་ཤུན་པ་མ་བསྡུ་ཀྱེ། །རྩོལ་མེད་བོར་ནས་བརྩོན་པས་མ་བསྒྲུབ་ཀྱེ། །བྱར་མེད་བསྐྱུར་ནས་བྱ་བྱེད་མ་མང་ཀྱེ། །ཀུན་མཁྱེན་བླ་མའི་བརྒྱུད་དུ་སྐྱེས་ཙམ་ནས། །གཞུང་བཟང་འདི་འདྲ་མེས་པོའི་ཕ་ཕོག་ཡིན། །ལམ་བཟང་འདི་འདྲ་ཕ་མེས་བཞག་པ་ཡིན། །བག་ཞིག་ཕབ་ན་འདི་རུ་ལོས་ཀྱང་ཕབ། །ཀྱེ་མ་ཀྱེ་མ་བརྒྱུད་གསུམ་ཐུགས་རྗེ་ཆེ། །གཞུང་བཟང་མཇལ་དུ་ཡོད་པ་སྐལ་བ་བཟང་། །ལམ་བཟང་བསྒྲུབ་ཏུ་ཡོད་པ་ཁ་རྗེ་ཆེ། །སངས་རྒྱས་རང་ལ་ཡོད་པ་ལོས་ཀྱང་བདེན། །དེ་སླད་རྒྱལ་བ་དགྱེས་པའི་ལམ་བཟང་འདིར། །སྙིང་གི་གྲོགས་ཁྱེད་བློ་དང་ཆོས་སུ་སྲེས། །སྙིང་གཏམ་ལགས་ཀྱིས་སྙིང་གི་དབུས་སུ་སྟིམས། །སྙིང་ལ་བཅངས་ན་སྙིང་པོ་ཡིན་ཀྱང་སྲིད། །བག་མེད་མདོ་སྟོར་ཨ་བུ་ཧྲལ་པོ་བདག །རང་ལ་མེད་པའི་ཁ་ཆོས་འཆད་པ་ལ། །སྤྲོ་བ་མེད་ཀྱང་ཀུན་མཁྱེན་བརྒྱུད་པའི་གཞུང་། །ཡིད་ཆེས་ཐོབ་པ་ཉམས་མྱོང་ཉག་གཅིག་ཡིན། །དུག་ལྔ་མེ་འབར་རྣམ་གཡེང་ཁོལ་པོར་འཕྱན། །འཁྲུལ་སྣང་བཟློག་དཀའ་ལས་ངན་བདག་འདྲ་ཡང་། གཞུང་བཟང་འདི་འདྲ་ཐོས་དང་མཇལ་བའི་ཚེ། །སྲིད་པའི་སྣང་ཤས་ཁྲལ་མ་ཁྲོལ་དུ་འགྲོ། །དེས་ན་བློ་བརྟན་དུག་ལྔའི་རྟོག་པ་ཆུང་། །སྐལ་བཟང་དམ་གཙང་ཁྱེད་དང་ཁྱེད་འདྲ་བས། །གཞུང་འདི་མཇལ་ན་བྱིན་བརྒྱུད་ཡེ་ཤེས་མཆོག །ཐོབ་པར་ངེས་ཀྱི་


ZP01_Page_200
[མ་དཔེ་གཟིགས་ན་འདིར་གནོན།]

ངེས་ཐེས་ཡང་ཡང་སྐྱེད། །ཀུན་མཁྱེན་བླ་མ་རྫོགས་པའི་སངས་རྒྱས་དེའི། བྱིན་རླབས་འོད་སྣང་གང་ལ་རེག་གྱུར་པ། །རྟོགས་གྲོལ་དུས་མཉམ་མངོན་སུམ་ཚད་མ་སྟེ། །གྲུབ་བརྒྱའི་སྤྱི་མེས་ཀུན་མཁྱེན་བླ་མ་ཡིན། །རྟོགས་པའི་དབང་ཕྱུག་ལྷ་བཙུན་ཆེན་པོ་དང་། །དགོངས་པའི་ཀློང་བརྡོལ་རིག་འཛིན་འཇིགས་མེད་གླིང་། །བསྟན་པའི་མངའ་བདག་གཏེར་ཆེན་བླ་མ་སོགས། །ཀུན་མཁྱེན་གཞུང་ལས་བྱིན་བརྒྱུད་ཐོབ་པ་ཡིན། །དེ་ཚུལ་དགོངས་མཛོད་སྙིང་གི་གྲོགས་པོ་ཁྱེད། །དེ་དང་འདྲ་བར་ཀུན་མཁྱེན་ལེགས་བཤད་མཆོག །དེ་ཚུལ་མཐོང་ནས་དོན་བརྒྱུད་ཡེ་ཤེས་ཐོབ། །དེ་བཞིན་ཉིད་དབྱིངས་དགོངས་ཀློང་གྲོལ་གྱུར་ཅིག །སརྦ་མངྒ་ལཾ།

རྒྱལ་བའི་མྱུ་གུ་ཆོས་ཀྱི་དབང་པོ་རྗེས་སུ་དྲན་པའི་ངག་གི་འཕྲེང་བ་བཀྲ་ཤིས་བིལ་བའི་ལྗོན་བཟང་ཀུན་ཏུ་དགའ་བའི་ཚལ།


ZP01_Page_201
[མ་དཔེ་གཟིགས་ན་འདིར་གནོན།]

རྒྱལ་བའི་མྱུ་གུ་ཆོས་ཀྱི་དབང་པོ་རྗེས་སུ་དྲན་པའི་ངག་གི་འཕྲེང་བ་བཀྲ་ཤིས་བིལ་བའི་ལྗོན་བཟང་ཀུན་ཏུ་དགའ་བའི་ཚལ་ཞེས་བྱ་བ་བཞུགས་སོ།


ZP01_Page_202
[མ་དཔེ་གཟིགས་ན་འདིར་གནོན།]

རྒྱ་གར་སྐད་དུ། །ཛ་ཡངྐུར་དྷ་རྨཱི་ནྟྲ་སྟུ་ཏི། བོད་སྐད་དུ། རྒྱལ་བའི་མྱུ་གུ་ཆོས་ཀྱི་དབང་པོ་ལ་བསྟོད་པ། །འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །ཨོ་རྒྱན་མཚོ་སྐྱེས་རྡོ་རྗེའི་རང་ལུགས་འཆད་དང་སྒྲུབ་པས་འཛིན་པ་ལ། །འཇིགས་མེད་སྨྲ་བའི་སེང་གེ་ཉིད་ཅེས་འཇིག་རྟེན་ཀུན་ཏུ་གྲགས་འབར་བ། །ཆོས་ཀྱི་དབང་པོ་དཔལ་ལྡན་བླ་མའི་ཞབས་སེན་ཉིན་མོར་བྱེད་པའི་གཟིས། །བྱང་ཆུབ་བར་ཏུ་ཤེས་པའི་སྣང་བས་རྟག་ཏུ་དགེ་ལེགས་མཛད་གྱུར་ཅིག །གང་ཚེ་ཤེས་དང་ཤེས་བྱ་རོ་གཅིག་གདོད་མའི་དབྱིངས་སུ་བྱང་ཆུབ་ཀྱང་། །དམིགས་མེད་སྙིང་རྗེའི་རྫོགས་ལྡན་སྤྲིན་ཆེན་རྒྱས་པར་དཀྲིགས་པའི་འཛུམ་དཀར་ལས། །མཆོག་གི་སྤྲུལ་སྐུའི་སྒྱུ་འཕྲུལ་རོལ་མོས་ཡིད་ཅན་འདོད་པ་འཇོ་བའི་ཕུལ། །རྒྱལ་བའི་མྱུ་གུ་ཆོས་ཀྱི་དབང་པོའི་བྱང་ཆུབ་བར་དུ་རྗེས་སུ་ཟུངས། །མཚན་དཔེའི་ཟླ་བ་བདུད་རྩིའི་འོད་ཅན་ཐོག་མར་འཆར་དང་ལྷན་གཅིག་པར། །རིགས་དང་བརྩེ་སོགས་སྣང་ཆེན་དཀར་པོས་དཔྱོད་ལྡན་ཡིད་ཀྱི་ཀུ་མུ་ད། །ཅི་དགར་བཞད་པའི་ངལ་འཚོ་སྟེར་ལས་བསྔགས་པའི་ཆུ་གཏེར་འབུམ་གཡོ་བ། །རྒྱལ་བའི་མྱུ༴ །ཚུལ་གནས་ཁྲིམས་ཀྱི་མཐོ་རིས་ཚལ་དུ་མང་པོར་གསན་བའི་ཡོངས་འདུའི་དབང་། །ཇི་བཞིན་བསམ་པའི་མེ་ཏོག་མཛེས་འབར་སྒོམ་བྱུང་ཤེས་རབ་འབྲས་


ZP01_Page_203
[མ་དཔེ་གཟིགས་ན་འདིར་གནོན།]

བུས་སྤུད། །འཕགས་དང་མཁས་མང་བློ་མཆོག་ཟུར་མིག་ཕྱོགས་དེར་གཅིག་ཆར་ལྷུང་གྱུར་བ། །རྒྱལ་བའི༴ །ཆོས་བརྒྱད་འཁྲུལ་པའི་རྫུན་རིས་མ་ལུས་འོད་གསལ་ཞི་བའི་དབྱིངས་སུ་ཟུམ། །ཆོས་བཞིན་སྤྱོད་ཕྱིར་དབེན་པའི་རི་སུལ་ལྷ་ཡི་ཁང་བཟང་བཞིན་བསྟེན་ནས། །ཆོས་ཀྱི་སྙིང་པོ་ཐེག་ཆེན་ལམ་ལ་རྩེ་གཅིག་སྒྲུབ་པ་ལྷུར་བཞེས་པ། །རྒྱལ་བའི༴ །གཟོད་ནས་རྣམ་གྲོལ་ཡེ་ཤེས་བརྙེས་ཀྱང་ཚོགས་ཟུང་བྱེ་བས་རྒྱུད་སྦྱངས་ཏེ། །ཟག་མེད་སྦྱོར་བའི་འབྲས་བུ་ལས་སྐྱེས་བདེན་པ་མངོན་སུམ་ཉིད་མཐོང་ཕྱིར། །སྤོབ་པའི་གཏེར་མཛོད་མཐའ་ཀླས་འཇོ་སྒེགས་འཕགས་བཞིའི་དབུས་སུ་ཆེས་རྔམས་པ། །རྒྱལ་བའི༴ །ཤིང་རྟ་ཆེན་པོའི་ལམ་སྲོལ་འཆད་ལ་དགོས་པའི་དོན་གྱིས་མངོན་བསུས་ཏེ། །བསྡུས་དོན་ཚོམས་སུ་ལེགས་པར་བཅད་ཅིང་ཚིག་གི་སྦྱོར་བ་སྙན་འཇེབས་ཀྱིས། །སྔ་ཕྱིའི་མཚམས་སྦྱོར་བ་རྒལ་ལན་དང་བཅས་མ་ཕམ་དགྱེས་པའི་གཟུགས་དོམ། །རྒྱལ་བའི༴ །གཞལ་བྱ་མངོན་སུམ་མངོན་སུམ་མིན་དང་ཤིན་ཏུ་ལྐོག་གྱུར་ཇི་སྙེད་པ། །ཚད་མ་གསུམ་གྱིས་གཏན་ལ་ཕབས་ནས་དངོས་སྟོབས་རིག་པའི་མཚོན་རྣོན་པོས། །ཕས་རྒོལ་བསྟན་པ་གཅིག་ཆར་འཕྲོག་མཁས་ཆོས་ཀྱི་གྲགས་པའི་རྗེས་འགྲོ་བ། །རྒྱལ་བའི༴ །ཚིག་སྙན་རྒྱན་གསུམ་ལམ་ལས་དྲངས་ཤིང་སྡེབ་ལེགས་སྦྱོར་བ་འབུམ་གྱིས་བཅིངས། །


ZP01_Page_204
[མ་དཔེ་གཟིགས་ན་འདིར་གནོན།]

དོན་བཟང་རིན་ཆེན་ཐང་མར་བརྡལ་བས་དཔྱོད་ཤེས་ཡིད་ཀྱི་འདོད་དགུ་འཇོ། །ཐུབ་བསྟན་སྲོག་ཤིང་བསྐལ་བརྒྱར་བརྟན་མཛད་ལེགས་བཤད་རྩོམ་ལ་དཔའ་བོའི་ཞབས། །རྒྱལ་བའི༴ །མཁྱེན་པས་ཤེས་བྱ་ཀུན་གཟིགས་འཇམ་དཔལ་གཞོན་ནུས་རྗེས་སུ་འགྲོ། །བརྩེ་བས་སེམས་ཅན་ཁམས་ཀུན་ཁྱབ་འཇུག་ཕྱག་ན་པད་མོའི་གཟུགས་ཀྱི་ཟླ། །ནུས་པས་ཡིད་སྲུབ་སྡེར་བཅས་བསྙིལ་མཛད་གསང་བའི་བདག་པོས་སྙེམས་འཆང་བ། །རྒྱལ་བའི༴་མདོར་ན་སྲས་བཅས་རྣམ་འདྲེན་ཡོངས་ཀྱི་ཡེ་ཤེས་སྒྱུ་འཕྲུལ་དྲཱ་བའི་ཚུལ། །རྣམ་པ་ཉི་ཤུས་མངོན་པར་བྱང་ཆུབ་སྙིང་རྗེ་ཆེན་པོས་ལུས་བཟུངས་ཏེ། །སྙིགས་མའི་མཐའ་ཡང་ཀུན་མཁྱེན་གཉིས་པའི་ཕྲིན་ལས་ས་གསུམ་རྒྱས་མཛད་པ། །རྒྱལ་བའི་མྱུ༴ །དེ་ལྟར་ངག་གི་ནོར་བུའི་རྒྱུད་མང་དད་གསུམ་སོར་མོས་བསྒྲེངས་དང་བཅས། །རྣམ་ཀུན་གུས་པས་ཁྱོད་ཉིད་འབོད་ན་མཐའ་ཡས་འགྲོ་བའི་གཉེན་གཅིག་པུ། །ཅི་སླད་བདག་ལ་ཐུགས་བརྩེར་མི་མཛད་ཏིང་འཛིན་རྫུ་འཕྲུལ་མཐའ་ཡས་གཏེར། །རྒྱལ་བའི༴ །ཨེ་མ་འཕགས་ཁྱོད་བྱིན་རླབས་བདུད་རྩིས་ཡང་ཡང་ཡིད་ལ་བཤེས་བྱས་པས། །སྲིད་ལས་ངེས་འབྱུང་ཨུཏྤལ་ནག་ཀློང་ཐར་བའི་ཕྱོགས་སུ་རབ་གྲོལ་བར། །དད་སོགས་འཕགས་ནོར་འབྲས་བུ་ཁུར་གྱིས་ཤིན་ཏུ་ལྕི་དང་ལྷན་ཅིག་པར། །རྒྱལ་བའི༴ །ཇི་ལྟར་ཁས་བླངས་


ZP01_Page_205
[མ་དཔེ་གཟིགས་ན་འདིར་གནོན།]

ཁྲིམས་ཀྱིས་རྒྱུད་སྦྱངས་དབེན་པའི་བྲག་རིའི་ཁང་བཟང་དུ། །མང་ཐོས་བསམ་པས་གཏན་ལ་ཕབ་ཅིང་རྩེ་གཅིག་མཉམ་པར་བཞག་པ་ལས། །ལུས་ཤེས་ཤིན་སྦྱང་བདེ་བས་རབ་བརླན་ཤེས་རབ་ཟབ་མོའི་གཟུངས་ཐོབ་བཞིན། །རྒྱལ་བའི༴ །སྙིང་རྗེ་ཆེན་པོས་མ་མས་རབ་བསྐྱེད་ཕར་ཕྱིན་དྲུག་གི་མཆོད་སྦྱིན་ཅན། །བསྡུ་དངོས་བཞི་ཡི་ཚངས་སྐུད་འཁྲིགས་ཆགས་འཕགས་རྣམས་དགྱེས་པའི་དྲང་སྲོང་ཆེ། །སྤྱོད་ཚུལ་ནམ་ཡང་མཚུངས་པ་སྤང་བས་འཇིག་རྟེན་དགེ་བའི་མཐུ་ཐོབ་བཞིན། །རྒྱལ་བའི༴་སྙིང་ནི་བདེ་སྟོང་བདུད་རྩིའི་རོས་སིམ་སྣང་སྤྱོད་ཐམས་ཅད་ལྷ་སྐུར་ཤར། །སྲོག་རྩོལ་དྷུ་ཏིའི་ཕྱག་རྒྱར་དབང་བྱས་གཞོམ་མེད་འོད་གསལ་ཐིག་ལེ་ཆེར། །རྡོ་རྗེ་གསུམ་གྱི་དགའ་བས་སྙེམས་གྱུར་རིག་འཛིན་ཚོགས་དང་ལྷན་གཅིག་ཏུ། །རྒྱལ་བའི༴ །གནས་སྐབས་ཆོས་བཞིན་སྤྱོད་པའི་འགལ་ཟླ་ཡིད་སྲུབ་རྒྱུར་བཅས་མཚོན་རྣོན་པོས། །དབང་གཞུ་གསར་བའི་རྗེས་སུ་སོན་པས་མཐུན་པའི་རྐྱེན་ཀུན་ཕུན་ཚོགས་ཏེ། །ཕན་དང་བདེ་བའི་ལེགས་བྱས་ཇི་སྙེད་ཉིན་རེ་ཞིང་ཡང་འཕེལ་བཞིན་དུ། །རྒྱལ་བའི༴ །མདོར་ན་རྒྱལ་བའི་མྱུ་གུ་བྱུ་མཆོག་ཆོས་ཀྱི་དབང་པོའི་གསང་གསུམ་དང་། །རྣམ་དཀར་མཛད་པའི་ངོ་མཚར་མ་ལུས་འགྲོ་ཀུན་སྙིང་ལ་རྫོགས་གྱུར་པས། །སྲིད་དང་ཞི་བའི་ཕ་མཐར་མི་གནས་དགེ་


ZP01_Page_206
[མ་དཔེ་གཟིགས་ན་འདིར་གནོན།]

མཚན་བྱེ་བའི་མནྡ་རས། །དེང་ནས་བཟུང་སྟེ་འཇིག་རྟེན་གསུམ་ན་རྟག་ཏུ་བཀྲ་ཤིས་སྣང་གྱུར་ཅིག །འདི་ལྟར་འཕགས་པ་དང་མཁས་པ་དང་། །སོ་སོའི་སྐྱེ་བོ་རྣམ་ཤེས་ཤིན་ཏུ་ལྐོག་གྱུར་བདག་གིས་ཀྱང་། ཨེ་མ་རྒྱལ་བའི་སྲས་ཆེན་པོ་ཞེས་བསྔགས་པའི་མེ་ཏོག་ཕྱོགས་བརྒྱར་འགྲེམ་པ་མགོན་པོ་ཞི་བ་ལྷ་དང་དབྱེར་མི་ཕྱེད་བའི་བྱང་ཆུབ་སེམས་དཔའ་སེམས་དཔའ་ཆེན་པོ་གང་ལ་བསྔགས་པའི་ཚིག་གི་སྦྱོར་བ་གྱིས་ཞེས་འཕགས་བཞིའི་རིགས་ལ་ཡང་དག་པར་གནས་པའི་དྲང་སྲོང་ཆེན་པོའི་བརྟུལ་ཞུགས་ཅན་བི་ཛ་ཡ་དྷརྨཱ་བྷ་ཏྲས་གུས་པས་བསྐུལ་བ་དོན་ཡོད་ཅིང་རང་ཉིད་ཀྱིས་ཀྱང་། །སྐྱེ་བར་ངག་གི་ལས་དཀར་མིན་བསགས་པའི་གཉེན་པོར་ཆེད་དུ་དམིགས་ཏེ་ཀུན་མཁྱེན་བླ་མ་དགྱེས་པའི་འབངས། །མཁྱེན་བརྩེའི་དབང་པོས་དཀྱུས་གཅིག་ཏུ་དང་བས་གསོལ་བ་བཏབ་པའི་དགེ་བས་བདག་གཞན་རྣམས་ཀྱི་རྒྱུད་ལ་རྗེ་བཙུན་སྙིང་རྗེའི་གཏེར་དང་མི་གཉིས་པའི་བླ་མ་མཆོག་གི་ཡེ་ཤེས་གཟིགས་པའི་བྱིན་རླབས་མྱུར་དུ་འཇུག་པའི་རྒྱུར་གྱུར་ཅིག །དགེའོ།། །།

ལྷ་ཆོས་དང་མཐུན་པའི་གཏམ་པདྨའི་ཚལ་གྱི་ཟློས་གར།


ZP01_Page_207
[མ་དཔེ་གཟིགས་ན་འདིར་གནོན།]

ལྷ་ཆོས་དང་མཐུན་པའི་གཏམ་པདྨའི་ཚལ་གྱི་ཟློས་གར་བཞུགས་སོ།། །།


ZP01_Page_208
[མ་དཔེ་གཟིགས་ན་འདིར་གནོན།]

ཨོཾ་བཛྲ་ཏཱི་ཀྵྞ། བཀྲ་ཤིས་ཀུན་གྱི་བཀྲ་ཤིས་པ། །གྲགས་པའི་བཀྲ་ཤིས་སྙན་གྲགས་དགེ། །ཆོས་ཀྱི་རྒྱལ་མཚན་ལེགས་པར་འཛུགས། །འཇམ་དཔལ་ཡེ་ཤེས་སེམས་དཔས་སྐྱོངས། །གང་གི་ཚེ་ལྷ་གཅིག་ཆུའི་པདྨས་བྱིན་གྱིས་བརླབས་ཤིང་། །བརྟུལ་ཞུགས་པདྨ་རྒྱལ་པོའི་ཞབས་ཀྱིས་བཅགས་ལ། ཏཱ་རེ་པདྨོ་ཡོ་གི་ནཱི་དངོས་སུ་བཞུགས་པའི་ཡུལ་ལྗོངས། །ཐོ་པདྨའི་རི་བོ་ངོས་ཡངས་ཀྱི་ནགས་ཚལ། །ཤེལ་དཀར་པདྨའི་ཕུག་པ་ཟླ་བ་ཚེས་པ་ལྟ་བུའི་གནས་ན། བྱང་ཐང་མེ་ཏོག་སྐྱེད་ཚལ་ནས་འོངས་པའི་བྲམ་ཟེའི་ཁྱེའུ་པདྨ་དགྱེས་པ་ཞེས་བྱ་བ། ཅི་ཡང་ཤེས་པ། །གང་ཡང་འགྲོ་བ། །གང་དུ་ཡང་གནས་པ། སུ་དང་ཡང་མཐུན་པ་ཞིག་གནས་བཅས་ཏེ། སྐྱོན་མེད་པདྨ་ལྟ་


ZP01_Page_209
[མ་དཔེ་གཟིགས་ན་འདིར་གནོན།]

བུ་ཞེས་བྱ་བ་རྒྱལ་སྲས་ཀྱི་སྤྱོད་པ་ལ་སློབ་ཅིང་། ཆགས་མེད་ཆུའི་པདྨ་ཞེས་བྱ་བའི་བྱང་ཆུབ་ཀྱི་སེམས་ལ་མཉམ་པར་འཇོག་གོ །དེའི་ཚེ་གནས་དེ་དང་ཧ་ཅང་མི་རིང་བ་ན་པདྨ་སྤུངས་པའི་སྐྱེད་ཚལ་ཞེས་བྱ་བ་ལྗོན་ཤིང་གི་ར་བས་བསྐོར་བའི་སྤང་ལྗོངས་མེ་ལོང་གི་ངོས་ལྟར་མཉམ་པ་ན་པདྨ་རྒྱས་པའི་ཚལ་ཡོད་པ་སྟེ། །དེ་ཡང་ཁེངས་པའི་པདྨ་རྣམས་སྡོང་བུ་རིང་བ། རྒྱས་པའི་པདྨ་རྣམས་འདབ་མ་ཡངས་པ། སྨིན་པའི་པདྨ་རྣམས་ཟིལ་མངར་མང་བ། བཀོད་པའི་པདྨ་རྣམས་ལོ་མ་ཆེ་བ། །མ་སྨིན་པའི་པདྨ་རྣམས་མྱུ་གུ་བཀྲ་བ། །ཟུམ་པའི་པདྨ་རྣམས་ཐལ་མོ་སྦྱར་བ། གོད་པའི་པདྨ་རྣམས་གེ་སར་བྲལ་བ། ཟག་པའི་པདྨ་རྣམས་རྩི་བཅུད་ཀྱིས་སྟོང་པ། རྙིངས་པའི་པདྨ་རྣམས་


ZP01_Page_210
[མ་དཔེ་གཟིགས་ན་འདིར་གནོན།]

འདབ་མ་ལྷུང་བ། དགོད་པའི་པདྨ་རྣམས་གེ་སར་ངོམ་པ། སྦས་པའི་པདྨ་རྣམས་སྦུབས་ན་གནས་པ། ལྷུན་གྱིས་གྲུབ་པའི་པདྨ་རྣམས་ཀྱང་སྐྱེ་བར་རུང་བ་ཞིག་ཡོད་དོ། །དེ་ན་ཁྱད་པར་དུ་ཡང་ཁངས་ཤིང་སྨིན་ལ་བཀོད་པའི་པདྨ་གསུམ་ཞིག་ཡོད་དེ། དེ་ལས་གཉིས་ནི་རྒྱས་པའི་པདྨ་ཡང་ཡིན་ལ། དེ་ལས་ཀྱང་གཅིག་ནི་ལྷག་པར་ཡང་ཁེངས་ཤིང་བཀོད་པ་སོགས་ཡིན་ཡང་སུས་ཀྱང་ཉེར་སྤྱད་དུ་མ་གྱུར་པའོ། །དེ་ལྟ་བུའི་སྐྱེད་མོས་ཚལ་དེ་ན་བུང་བའི་ཚོགས་དུ་མ་འཕུར་ལྡིང་གཡོ་ཞིང་རྩེ་བ། ཁྱད་པར་དུ་ཡང་གསེར་གྱི་སྦྲང་ཆུང་པདྨའི་འདབ་ཡངས་ཞེས་བྱ་བ་དང་། གཡུའི་སྦྲང་ཆུང་པདྨའི་ངག་སྙན་ཞེས་བྱ་བའི་ཁྱོ་ཤུག་གཉིས་ཀྱང་གནས་ཏེ། གསེར་གྱི་སྦྲང་མ་དེ་ནི་ན་ཚོད་གཞོན་པ། ལང་ཚོ་དར་བ། ཤེས་རབ་གསལ་བ། བློ་ཁོག་ཡངས་པ། གསར་འགྲོགས་མེད་པ། རྒྱུ་བ་ལྷོད་པ། གཏོང་ལ་དགའ་བ་ཡིན་ནོ། །གཡུ་སྦྲང་ཡང་གཏོང་ཕོད་ཆེ་བ། ཕན་སེམས་ལྡན་པ། ངང་རྒྱུད་འཇམ་པ། ཆོས་ལ་དཀར་བ། གཡོ་སྒྱུ་མེད་པ། །ཕྲག་དོག་དང་མིག་སེར་ཆུང་བ་ཡིན་ནོ། །དེ་གཉིས་ཕན་ཚུན་ཡིད་ཤིན་ཏུ་གཅུགས་པའི་ཚུལ་གྱིས་འཛུམ་པའི་བཞིན་དང་། བརྩེ་བའི་ངག་དང་། མཐུན་པའི་སྤྱོད་ལམ་གྱིས་འགྲོགས་ཤིང་། །ཕན་ཚུན་ཡིད་ཀྱི་ཞེ་འདོད་ཀྱང་གསང་གཏམ་དུ་སྨྲ་བ་ནི་འདི་ལྟར་རོ། །ཀྱེ་ཀྱེ་ཡིད་འོང་གཞོན་པའི་


ZP01_Page_211
[མ་དཔེ་གཟིགས་ན་འདིར་གནོན།]

ལང་ཚོ། །ཕུན་ཚོགས་བྱེད་པོའི་པིར་གྱིས་མ་བྲིས། །ལེགས་བྱས་སྒྱུ་མའི་འཕྲུལ་གྱིས་བཞེངས་པ། །ལྷ་ཡུལ་ལྷ་ལ་འགྲན་ཡང་ཕོད་དམ། །དཔལ་འབྱོར་ལོངས་སྤྱོད་རང་གིས་མ་བསོགས། །འདི་ན་བཀོད་པ་སྔོན་གྱི་ལས་དབང་། །མེ་ཏོག་སྟན་འཇམ་ཐགས་སུ་མ་བཏགས། །རེག་འཇམ་དང་པོ་རང་གི་ཉེར་སྤྱད། །གེ་སར་ཟིལ་མངར་གཡོ་བསྐོལ་མ་བྱས། །རོ་བརྒྱའི་བཏུང་བ་འཆི་མེད་བདུད་རྩི། །བདེ་སྐྱིད་དཔལ་འདི་འབད་པས་མ་ཡིན། །ཐུགས་གྱིས་གྲུབ་པ་སྔོན་བསགས་བསོད་ནམས། །རང་སེམས་བསམ་བློ་ཆོས་ལ་བཀོལ་ན། །དལ་འབྱོར་ལུས་ཞེས་བཏགས་ཀྱང་ཆོག་གི །སྨྲ་ཤེས་དོན་གོ་སྡིག་སྦྱོང་སྒྲུབ་པའི། །རྐང་གཉིས་གཞན་ལ་ཡིད་སྨོན་མ་དགོས། །ཀྱེ་ཀྱེ་གསོན་དང་ཡིད་འོང་སྙིང་སྡུག །འདི་ན་མེ་ཏོག་སྐྱེད་ཚལ་མཛེས་མཛེས། །ཟིལ་མངར་བདུད་རྩིའི་རོ་བཅུད་མང་མང་། །སྐད་མཐུན་བུང་བའི་ཁྱུ་ཚོགས་མང་མང་། །དབྱར་ཟླའི་དཔལ་འདི་ཡུད་ཙམ་ཡུད་ཙམ། །འཚེ་བའི་རྐྱེན་མང་གློ་བུར་གློ་བུར། །བདེ་སྡུག་འགྱུར་བ་སྐད་ཅིག་སྐད་ཅིག །འཆི་བདག་སུན་མ་ཇེ་ཉེ་ཇེ་ཉེ། །སྐྱིད་འདོད་ངང་ལ་ཚེ་འདི་འདས་ན། །འདི་སྣང་བདེ་ལ་སྙིང་པོ་མི་འདུག །འཁོར་བའི་བྱ་བ་བྲེལ་དོའི་རྣམ་གཡེངས། །འཕྲལ་དང་ཡུན་དུ་འཛད་པ་མི་འདུག །ཚེ་འདིའི་འདུག་


ZP01_Page_212
[མ་དཔེ་གཟིགས་ན་འདིར་གནོན།]

ཆུས་ཡུན་དུ་འབད་ཀྱང་། །ཚེ་ཚད་རྫོགས་ན་སྙིང་པོ་མི་འདུག །ཡིད་འོང་སྐྱེད་ཚལ་སྣང་བ་བདེ་ཡང་། །འབྲལ་དགོས་བྱུང་ན་ཕན་པ་མི་འདུག །དོན་དེ་དགོངས་ནས་བློ་ཐག་ཆོད་དང་། །ཡིད་མཐུན་གཟའ་ཚོ་ཆོས་ལ་མ་དེང་འགྲོ། །སྐལ་བཟང་ཡིད་མཐུན་ལྷ་ཆོས་བྱེད་འདོད། །སྙིང་གི་གྲོགས་ཁྱེད་དེ་ལྟར་ཨེ་དགོངས། །ཞེས་ཟེར་བས་གཅིག་ཤོས་ཀྱིས་ཀྱང་ན་རེ། །ལེགས་སོ་ལེགས་སོ་སྙིང་སྡུག་ཁྱོད་བདེན། །བདེན་ནོ་བདེན་ནོ་ཡིད་འཛིན་སྙིང་གཏམ། །སྙིང་གཏམ་སྙིང་གི་བཅུད་དུ་བཏབ་པ། །སྙིང་ལ་འཆི་མེད་བདུད་རྩི་དེ་ལགས། །ལྷ་ཡུལ་ལྗོངས་ནས་འདི་རུ་མ་བོས། །མི་ཡུལ་ཡིད་འོང་མེ་ཏོག་སྐྱེད་ཚལ། །སྐལ་བཟང་ཡིད་མཐུན་བུང་བའི་ལོངས་སྤྱོད། །རབ་དགའ་སྦྱིན་པ་སྔོན་གྱི་ལས་དབང་། །མཛེས་ཀྱང་མི་རྟག་འཁོར་བའི་མཚན་ཉིད། །འབྱོར་ཀྱང་མི་རྟག་སྒྱུ་མའི་ལོངས་སྤྱོད། །སྤྱད་ཀྱང་མི་ངོམ་འདོད་ཡོན་བསླུ་བྲིད། །སྙིང་པོ་མེད་པ་འཁོར་བའི་གནས་ལགས། །ཁྱེད་ཀྱང་སེམས་ལ་གོ་ཆ་གྱོན་དང་། །ངས་ཀྱང་སྙིང་ལ་རི་མོ་བྲི་ཡིས། །ཐག་ཆོད་གྲོས་ལ་འགྱུར་བ་ཅི་ཡོད། །སྐལ་བཟང་ཡིད་མཐུན་ཆོས་ལམ་སྙོགས་འགྲོ། །བསགས་པའི་ནོར་ལ་སྙིང་པོ་མི་འདུག །འབད་པས་བཙལ་ཀྱང་གཞན་གྱི་ལོངས་སྤྱོད། །བསྐྱངས་པའི་འཁོར་ལ་སྙིང་པོ་མི་འདུག །བརྩེ་བས་བསྐྱངས་ཀྱང་དགྲ་ཡི་


ZP01_Page_213
[མ་དཔེ་གཟིགས་ན་འདིར་གནོན།]

གཡབ་མོ། །བརྩེགས་བའི་མཁར་ལ་སྙིང་པོ་མི་འདུག །ཕན་པར་སེམས་ཀྱང་སྲོག་གཅོད་རྦབ་རྒོད། །རྨོས་པའི་ཞིང་ལ་སྙིང་པོ་མི་འདུག །བཟང་པོར་བརྩི་ཡང་འབུ་སྲིན་བཤན་ཁང་། །འོན་ཏེ་དང་བསྲིང་དལ་གྱིས་དགོས་ཀྱི། །ཙབ་ཙོབ་བྱ་བས་མཐའ་གཞུག་མི་འཁྱོངས། །སྙིང་གི་དམ་བཅའ་སྙིང་ལ་བྲིས་ན། །རང་སེམས་རང་དབང་ཆེ་བ་ལགས་མོད། །ཅེས་ཟེར་རོ། །དེའི་ཚེ་ལྗོངས་ཀྱི་དྲང་སྲོང་དོན་ཀུན་གྲུབ་པ་ཞེས་བྱ་བ། །བརྩེ་བའི་ཐུགས་དང་ལྡན་པ། །ཞི་བའི་སྤྱོད་ལམ་དང་ལྡན་པ། །འགྲོ་དོན་ལ་ལྷག་པར་དགྱེས་པ་ཞིག་ཡོད་པ་དེ་ཡང་ཕྱོགས་དེར་ཕེབས་པའི་དྲུང་དུ་བུང་བ་གཉིས་ཕྱིན་ནས་གུས་པའི་ཕྱག་གིས་བཏུད། སྦྲང་རྩིའི་རོ་མངར་གྱིས་མཆོད། །སྙན་པའི་གཏམ་གྱིས་མདུན་བསུས་ནས་གསོལ་བ་བཏབ་པ། ཀྱེ་ཀྱེ་ལྷའི་དྲང་སྲོང་ཆེན་པོ། །ཁྱེད་ནི་སྟོན་པའི་རྒྱལ་ཚབ་ལགས་པས་སྟོན་པའི་བཀའ་དང་འདྲ་བའི་ཆོས་ཤིག་གསུང་དུ་གསོལ། བསྟན་པའི་སྒྲོན་མེ་ལགས་པས་ཉམས་ལེན་གནད་ཀྱི་ཆོས་ཤིག་གསུང་དུ་གསོལ། འཕགས་པའི་དགེ་འདུན་ལགས་པས་རྒྱལ་བའི་སྲས་ཀྱི་སྤྱོད་ཡུལ་ཞིག་བསྟན་དུ་གསོལ། །བདག་ཀྱང་དམ་པ་ཁྱེད་ཀྱི་རྗེས་སུ་སློབ་པར་འཚལ་ལོ། །ཞེས་གསོལ་བ་བཏབ་པས་དྲང་སྲོང་ཆེན་པོ་ངེས་ཀྱང་དགྱེས་པའི་མདངས་ཕྱུང་། སྐུ་ཡི་ཟིལ་བསྐྱེད་


ZP01_Page_214
[མ་དཔེ་གཟིགས་ན་འདིར་གནོན།]

གསུང་གི་དཔངས་བསྟོད་ནས་ཆོས་གསུངས་པ། ན་མོ་ཨཱ་རྱ་དམ་པ། མི་མཆོག་སྐྱོབ་པ་ལྷ་ཡི་ལྷར་གྱུར་པ། །མཚུངས་མེད་འདྲེན་པ་ཁ་ལོ་སྒྱུར་བ་པོ། ། སྐྱེས་མཆོག་དེ་ལ་ཕྱག་འཚལ་ལོ། །འགྲོ་དྲུག་བློ་སྣ་ཆོས་ལ་བསྒྱུར་དུ་གསོལ། །སྔོན་ནས་ལས་ཀྱིས་འབྲེལ་བའི་སྦྲང་ཆུང་གཉིས། །སྙིང་ནས་ཆོས་ལམ་གཉེར་ན་དོན་འདིར་དགོངས། །རྒྱལ་བའི་བཀའ་ལུང་ལགས་ཀྱི་དགོས་པ་དཔྱོད། །ཆོས་ཀྱི་ཉིང་ཁུ་ལགས་ཀྱི་ཡིད་ལ་ཆོངས། །ཨེ་མ་རིགས་དྲུག་འཁོར་བའི་སེམས་ཅན་རྣམས། །སྔོན་ནས་འཁོར་བའི་གནས་འདིར་འཁྱམས་ཡུན་རིང་། །ཕྱིས་ཀྱང་ལས་ཉོན་འཁྲུལ་སྣང་ཟད་པ་མེད། །བསྐལ་པ་བྱེ་བ་གྲངས་ཀྱིས་མི་ཆོད་པར། །དཀོན་མཆོག་མཚན་ཐོས་ཙམ་ཡང་རྙེད་དཀའ་ན། །ཐུབ་པའི་བསྟན་དང་མཇལ་བ་ཉིད་སྐར་ཙམ། །ད་རེས་རྣམ་འདྲེན་བཞི་པ་ཟས་གཙང་སྲས། །འདྲེན་མཆོག་ཐུབ་པའི་དབང་པོ་འཇིག་རྟེན་བྱོན། །ཆོས་ཀྱི་འཁོར་ལོ་རིམ་པ་གསུམ་དུ་བསྐོར། །ལྔ་བརྒྱ་ཕྲག་བཅུའི་བསྟན་པའི་ཚད་མ་རྫོགས། །རང་ཉིད་ཆོས་ལམ་གཉེར་བའི་འདུན་མ་ཡོད། །མཐུན་རྐྱེན་དགེ་བའི་བཤེས་ཀྱིས་ཟིན་དུས་འདིར། །སྙིང་ནས་ཆོས་ལམ་དོན་དུ་མ་གཉེར་ན། །ཕྱིས་ནས་འདི་འདྲའི་ཡུལ་དུ་མི་སྐྱེ་ཞིང་། །དཀོན་མཆོག་མཚན་ཐོས་ཙམ་ཡང་རྙེད་པར་དཀའ། །ཨེ་མ་འཁྲུལ་སྣང་


ZP01_Page_215
[མ་དཔེ་གཟིགས་ན་འདིར་གནོན།]

འཁོར་བའི་འཇིག་རྟེན་པ། །འདུས་བྱས་སྙིང་པོ་མེད་ལ་རྟག་པར་འཛིན། །ཕྱི་སྣོད་སྣོད་ཀྱི་འབྱུང་བའི་ཁམས་མི་རྟག །ནང་བཅུད་སྐྱེ་འགྲོ་སེམས་ཅན་ཚེ་མི་རྟག །བར་དུ་དུས་བཞི་མ་ཟླའི་དཔལ་མི་རྟག །རྒྱལ་དང་དེ་སྲས་དམ་པའི་སྐྱེས་བུ་ཡང་། །མི་རྟག་མྱ་ངན་འདའ་ཚུལ་སྟོན་ལ་གཟིགས། །སྲིད་ན་ཆེ་བའི་ཚངས་དབང་སྐྱེ་རྒུའི་བདག །འཆི་བདག་ཞགས་པས་འདེབས་པ་ལྟ་ཅི་སྨོས། །སུ་ལའང་ནམ་འཆི་འདིར་འཆིའི་ངེས་བཟུང་མེད། །འཆི་བའི་རྐྱེན་མང་འཚོ་རྐྱེན་ཉུང་བ་ཞིག །དེས་ན་མྱུར་དུ་ཆོས་ལམ་མ་གཉེར་ན། །འཆི་བདག་ནམ་འོང་མེད་དོ་འགྲོ་བ་ཀུན། །འཆི་ངེས་བཤས་རར་ཚུད་པའི་དུད་འགྲོ་བཞིན། །ཨེ་མ་ཤི་ནས་མེད་དུ་མི་འགྲོ་སྟེ། །འགྲོ་ཞིང་འཁོར་བའི་གནས་འདིར་སྐྱེ་བོ་ལེན། །གང་དུ་སྐྱེས་ཀྱང་བདེ་བའི་སྐབས་མེད་དེ། །དམྱལ་ཁམས་བཅོ་བརྒྱད་ཚ་གྲང་དུཿཁས་གདུང་། །ཡི་དྭགས་བཀྲེས་སྐོམ་དུད་འགྲོ་ཕན་ཚུན་ཟ། །མི་རྣམས་ཚེ་ཐུང་ལྷ་མིན་འཐབ་ཅིང་རྩོད། །ལྷ་རྣམས་བག་མེད་གཡེངས་ཤིང་འཆི་འཕོ་ལྟུང་། །གར་ཡང་བདེ་བ་མེད་དེ་མེ་ཡི་འོབས། །སྐྱེ་དང་ཚེ་རབས་སྡུག་བསྔལ་བརྒྱུད་མར་འཁོར། །འཁོར་བའི་ཆོས་ལ་སྐྱོ་བ་སྐྱེ་བར་རིགས། །ཨེ་མ་བདེ་དང་སྡུག་བསྔལ་ལས་ཀྱིས་བྱེར། །ལས་ནི་ཀུན་བྱེད་རི་མོ་མཁན་དང་འདྲ། །


ZP01_Page_216
[མ་དཔེ་གཟིགས་ན་འདིར་གནོན།]

ལས་སྨིན་བསྐལ་པ་བརྒྱར་ཡང་ཆུད་མི་ཟ། །རང་བྱས་གཞན་གྱིས་མི་མྱོང་འགྱུར་བ་མེད། །དགེ་བས་བདེ་འགྲོ་མཐོ་རིས་ཐར་པ་དང་། །སྡིག་པས་སྡུག་བསྔལ་ངན་སོང་འཁོར་བ་སྒྲུབ། །རྒྱུ་ཆུང་ན་ཡང་འབྲས་བུ་མང་དུ་སྨིན། །མཐོ་རིས་ལྷ་ཡི་བདེ་སྐྱིད་དཔལ་འབྱོར་དང་། །ངན་སོང་དམྱལ་བའི་སྡུག་བསྔལ་བཟོད་དཀའ་ཡང་། །རང་བྱས་ལས་ཀྱིས་བསྐྱེད་དེ་རྒྱུ་གཞན་མེད། །དེས་ན་དུས་དང་གནས་སྐབས་ཐམས་ཅད་དུ། །དྲན་དང་ཤེས་བཞིན་བག་ཡོད་གཞིར་བཞག་སྟེ། །རྒྱུ་འབྲས་སྤང་བླང་ཚུལ་ལ་ནན་ཏན་མཛོད། །ཨེ་མ་ཐར་ལམ་འདྲེན་པའི་སྒྲོན་མེ་མཆོག །ཡོན་ཏན་ཀུན་གྱི་འབྱུང་གནས་དགེ་བའི་བཤེས། །སྙིགས་དུས་རྒྱལ་བ་དངོས་འདྲའི་མཛད་པ་ཅན། །ཐུགས་རྗེ་བཀའ་དྲིན་ཚད་མེད་རྒྱལ་ལས་ལྷག །ཡང་དག་དགེ་བའི་བཤེས་གཉེན་མ་བསྟེན་ན། །དམུས་ལོང་དམིགས་བུ་མེད་པའི་ལམ་ཞུགས་འདྲ། །དེ་བས་འདོད་འབྱུང་ནོར་བུ་དཔག་བསམ་ཤིང་། །དང་པོ་དམ་པའི་མགོན་དེ་བརྟག་ཅིང་བསྟེན། །ཐ་མར་དགོངས་སྤྱོད་བསླབ་ཅིང་ཐུགས་ཡིད་བསྲེ། །སྐལ་བཟང་དེ་འདྲ་བདུད་ཀྱི་དབང་མི་འགྲོ། །རྒྱལ་བ་དགྱེས་པའི་ལམ་བཟང་རྙེད་པར་འགྱུར། །ཨེ་མ་མྱ་ངན་འདས་ཞི་བདེ་བའི་གནས། །འཁོར་བའི་གཅོད་ནད་ཀུན་དང་བྲལ་བའི་ཆོས། །སྡུག་བསྔལ་རྒྱུ་


ZP01_Page_217
[མ་དཔེ་གཟིགས་ན་འདིར་གནོན།]

བཅས་ཟད་པའི་ཡང་དག་མཐའ། །ཟག་མེད་ལམ་བཅས་ཐར་པ་དམ་པའི་གྲོང་། །རྒྱལ་དང་རྒྱལ་སྲས་འབྱོར་བས་ཡོངས་གང་ཞིང་། །ཉན་རང་འཕགས་པའི་སྐྱེ་བོ་བསྟི་བའི་གནས། །ཐར་པའི་ལམ་དེ་གཉེར་ལ་བརྩོན་པར་རིགས། །ཨེ་མ་གཏན་དུ་མི་བསླུ་དམ་པའི་སྐྱབས། །མཚུངས་མེད་དཀོན་མཆོག་རིན་ཆེན་བཀའ་དྲིན་ཅན། །ངེད་ཀྱང་སྐྱབས་གནས་ཁོང་ལ་བཅོལ་བས་འཚེངས། །ཁྱེད་ཀྱང་སྐྱབས་གནས་འདི་ལ་འཆོལ་བར་རིགས། །སྙིང་ནས་ཡིད་ཆེས་གུས་པས་སྐྱབས་སོང་ན། །དུས་ཀུན་མི་བསླུ་དཀོན་མཆོག་གསུམ་འདྲ་མེད། །འཁོར་བའི་སྡུག་བསྔལ་སྐྱོབ་ནུས་དཀོན་མཆོག་གསུམ། །སྐྱབས་སོང་བསོད་ནམས་ནམ་མཁའི་མཐའ་དང་མཉམ། །ཚེ་འདིར་འཇིགས་པ་བརྒྱད་དང་བཅུ་དྲུག་སོགས། །མི་མཐུན་གནོད་པའི་ཚོགས་ཀུན་སེལ་བ་དང་། ཕྱི་མ་ངན་སོང་ངན་འགྲོར་འཁོར་བ་ཡི། །སྡུག་བསྔལ་ཀུན་ལས་ཐར་བར་ངེས་པས་ན། །དུས་ཀུན་མི་བརྗེད་དཀོན་མཆོག་རྗེས་དྲན་ཞིང་། །ཡང་ཡང་སྐྱབས་སུ་སོང་ལ་གསོལ་བ་གདབ། །ཨེ་མ་གྲངས་མེད་རྒྱལ་བ་གཤེགས་པའི་ཤུལ། །རྒྱལ་སྲས་ཀུན་གྱི་བགྲོད་པ་གཅིག་པུའི་ལམ། །མཚུངས་མེད་བྱང་ཆུབ་སེམས་མཆོག་དམ་པའི་ནོར། །སྨོན་དང་འཇུག་པའི་བདག་ཉིད་བསྐྱེད་པར་མཛོད། །


ZP01_Page_218
[མ་དཔེ་གཟིགས་ན་འདིར་གནོན།]

དེས་ནི་རྒྱལ་བའི་སྲས་ཀྱི་མིང་འཐོབ་ཅིང་། །བདེ་བའི་ལམ་ནས་བདེ་བའི་གནས་སུ་འགྲོ། །ཡང་དག་རྫོགས་པའི་སངས་རྒྱས་རིང་བ་མིན། །ཁམས་གསུམ་འགྲོ་འདི་དྲིན་ཅན་ཕ་མ་སྟེ། །སྐྱབས་མེད་བཤེས་བྲལ་ལོང་བ་ཐང་འཁྱམས་འདྲ། །བདེ་བ་འདོད་ཀྱང་སྡུག་བསྔལ་རྒྱུ་ལ་སྤྱོད། །འདི་ལ་བྱམས་དང་སྙིང་རྗེའི་བློ་བཞག་ནས། །འགྲོ་ཀུན་སྡུག་བསྔལ་བདག་གིས་བསལ་སྙམ་པའི། །དཔག་མེད་སེམས་སྟོབས་ཆེན་པོའི་གོ་ཆ་བགོ །བདག་གཞན་མཉམ་བརྗེ་བདག་བས་གཞན་གཅེས་དང་། །ཚད་མེད་བཞི་དང་ཕྱིན་དྲུག་བསྡུ་དངོས་བཞི། །སྙིང་ནས་བརྩོན་པས་ཉམས་སུ་བླངས་གྱུར་ན། །རྒྱལ་སྲས་རྣམས་ཀྱི་སྤྱོད་པ་མ་ལུས་པ། །ལམ་བཟང་ཕར་ཕྱིན་དྲུག་ལ་འདུ་ཞེས་གསུངས། །ཡང་དག་རྒྱལ་བ་དགྱེས་པའི་ལམ་བཟང་འདི། །སྙིང་གི་སྙིང་པོ་ལགས་ཀྱི་སྙིང་དབུས་ཆོངས། །ཨེ་མ་འཁོར་བའི་གནས་འདིར་ཡུན་རེ་རིང་། །ཐོག་མ་མེད་ནས་ལས་ངན་ཚབ་ཆེར་བསགས། །དེ་ཕྱིར་སྟོབས་བཞི་ཚང་བའི་མན་ངག་གིས། །སྡིག་ལྟུང་བཤགས་པའི་ཐབས་ལ་མ་འབད་ན། །ངན་སོང་འཁོར་བའི་གནས་ནས་ཐར་བ་དཀའ། །བདེ་གཤེགས་སངས་རྒྱས་ཀུན་གྱི་སྐུ་གཅིག་པུ། །རྩ་བརྒྱུད་བླ་མ་ཀུན་འདུས་ནོར་བུའི་ལུགས། །རྡོ་རྗེ་སེམས་དཔའ་དུད་དང་ཟླ་བའི་མདོག །པད་དཀར་ཟླ་བའི་གདན་


ZP01_Page_219
[མ་དཔེ་གཟིགས་ན་འདིར་གནོན།]

གནས་འཛུམ་པའི་ཞལ། །བསྒོམ་ཞིང་ཡི་གེ་བརྒྱ་པ་ཆོ་ག་བཞིན། །བཟླས་ན་སྡིག་དང་ལྟུང་བ་ཀུན་འཇོམས་ཤིང་། །ན་རཀ་དམྱལ་བའི་གནས་ཀུན་དོང་ནས་སྤྲུགས། །ཨེ་མ་ཚོགས་རྫོགས་པ་ལ་སངས་རྒྱས་ཏེ། །ཚོགས་མ་བསགས་ལ་དངོས་གྲུབ་སྐལ་བ་མེད། །དེས་ན་ཐབས་མཁས་འབྱོར་པའི་ཚོད་བསྟུན་ནས། །ཡིད་སྤྲུལ་རྒྱལ་བའི་ཞིང་ཁམས་མཆོད་པ་འབུལ། །སྟོང་གསུམ་སྤྲུལ་སྐུ་འོག་མིན་ལོངས་སྤྱོད་རྫོགས། །ཆོས་ཉིད་ཆོས་སྐུའི་ཞིང་ཁམས་རྣམས་བསམས་ལ། །ལུས་དང་ལོངས་སྤྱོད་དུས་གསུམ་དགེ་བར་བཅས། །བླ་མ་དཀོན་མཆོག་སྐུ་གསུམ་ལྷ་ལ་འབུལ། །རང་གི་ཚོགས་རྫོགས་སངས་རྒྱས་ཞིང་སྦྱངས་ཤིང་། །འགྲོ་བའི་རྒྱུད་སྨིན་བསོད་ནམས་ཕ་མཐའ་ཡས། །དེས་ན་ཚོགས་བསགས་གདམས་པའི་སྙིང་པོར་ཟུངས། །ཨེ་མ་ཐོག་མེད་དུས་ནས་མ་རིག་པ། །བདག་མེད་བདག་ཏུ་བཟུང་བས་འཁོར་བར་འཁྱམས། །ལུས་མེད་ལུས་སུ་ཞེན་པས་ཆགས་སྡང་བྱུང་། །དེ་ཕྱིར་གཅེས་འཛིན་སྒྱུ་མའི་ཕུང་པོ་འདི། །ཆགས་མེད་མཆོད་སྦྱིན་ཡོན་དུ་བསྔོ་བར་བྱ། །བདུད་རྩིའི་རང་བཞིན་ཡར་ལ་དཀོན་མཆོག་མཆོད། །མར་ལ་འགྲོ་དྲུག་ཚིམ་ཞིང་ཚོགས་གཉིས་རྫོགས། །ལན་ཆགས་གདོན་བགེགས་ཀུན་ཚིམ་བར་ཆད་ཞི། །ཡིད་སྤྲུལ་མཆོད་པའི་རྫས་དང་མཁོ་རྒུའི་དཔལ། །


ZP01_Page_220
[མ་དཔེ་གཟིགས་ན་འདིར་གནོན།]

ཡར་མཆོད་མར་སྦྱིན་དགེ་བ་འགྲོ་ལ་བསྔོ། །ཆོས་ཀུན་བསམ་པའི་བྱེ་བྲག་ཙམ་ཡིན་ཕྱིར། །རང་ལུས་དངོས་སུ་སྦྱིན་དང་བསོད་ནམས་མཉམ། །གཏོང་བ་ཆེན་པོའི་གནས་ལ་བག་ཆགས་འཇོག །ཚོགས་རྫོགས་སྒྲིབ་དག་བར་དོའི་འོད་གསལ་ཟིན། །འཆི་བ་བསླུ་ཞིང་ན་ཚ་གདོན་བགེགས་བཟློག། །དེ་ཕྱིར་ཐབས་ལ་མཁས་པའི་ཚོགས་བསགས་ཡིན། །ཨེ་མ་དཀོན་མཆོག་ཀུན་འདུས་བཀའ་དྲིན་ཅན། །སངས་རྒྱས་ཀུན་གྱི་རང་བཞིན་རིན་པོ་ཆེ། །བརྒྱུད་གསུམ་གདམས་པའི་མཛོད་འཛིན་བྱིན་རླབས་ཅན། །འདྲེན་མཆོག་རྩ་བའི་བླ་མར་གསོལ་བ་ཐོབ། །སྤྱི་བོའི་གཙུག་བསྒོམ་སྙིང་གི་དཀྱིལ་བསྒོམ་ན། །བདེ་གཤེགས་ཀུན་བསྒོམས་པ་དང་བསོད་ནམས་མཉམ། །བརྒྱུད་གསུམ་བླ་མའི་བྱིན་རླབས་རང་རྒྱུད་འཇུག །ཐུགས་ཡིད་དབྱེར་མེད་འདྲེས་ནས་རྟོགས་པ་འཆར། །དེས་ན་གནས་ལུགས་རྟོགས་པའི་བོགས་འདོན་ལ། །མཆོག་གྱུར་བླ་མའི་རྣལ་འབྱོར་གནད་དུ་ཟབ། །གནས་གསུམ་ཡི་གེའི་འོད་ལས་དབང་བཞི་བླང་། །སྒྲིབ་པ་བཞི་དག་སྐུ་བཞིའི་གོ་འཕང་དང་། །རྣམ་བཞིའི་རིག་འཛིན་ཐོབ་པའི་སྐལ་བ་བཞག །ལམ་བཞིའི་ཉམས་ལེན་ལ་དབང་དམ་ཚིག་གསོ། །འཁོར་འདས་ཆོས་ཀུན་བླ་མའི་རོལ་པར་འཆར། །གནས་སྐབས་མི་མཐུན་ཞི་ཞིང་བསམ་དོན་འགྲུབ། །


ZP01_Page_221
[མ་དཔེ་གཟིགས་ན་འདིར་གནོན།]

ཚེ་འདིར་ཆོས་སྐུའི་རྒྱལ་སྲིད་ཟིན་པའོ། །མིན་ཀྱང་ཕྱི་མ་པདྨ་འོད་དུ་སྐྱེ། །གནས་དེར་རིག་འཛིན་བཞི་ཡི་ལམ་བགྲོད་ནས། །གདོད་མའི་དབྱིངས་སུ་མིག་འཕྲུལ་ལྟ་བུར་འགྲོ། །ནམ་མཁའི་མཐའ་མཉམ་འགྲོ་བའི་དོན་བྱེད་ཅིང་། །སྐུ་དང་ཡེ་ཤེས་སྣང་བས་སྣང་སྲིད་འགེངས། །ཨེ་མ་རྒྱལ་བ་ཀུན་གྱི་བགྲོད་གཅིག་ལམ། །བརྒྱུད་གསུམ་རིག་འཛིན་བརྒྱུད་པའི་ཞལ་གྱི་ལུང་། །བརྒྱད་ཁྲི་བཞི་སྟོང་དམ་ཆོས་འདུས་པའི་མདོ། །གདམས་ངག་གནད་ཀྱི་སྙིང་པོ་དེ་ལྟར་ལགས། །མཁས་པ་བརྒྱ་དང་གྲུབ་པ་སྟོང་བྱོན་ཡང་། །འདི་ལས་ཟབ་པའི་དམ་ཆོས་སྟོན་པ་མེད། །དམ་ཆོས་བདུད་རྩིའི་ཉིང་ཁུང་དེ་ལགས་ཏེ། །འཕགས་ཚོགས་དགེ་འདུན་སྟོང་གི་ཐུགས་དམ་མཐལ། །ལམ་འདི་བཤད་དང་ཉན་ལས་བསོད་ནམས་ཚོགས། །གང་ཞིག་ཐོབ་དེས་མཐའ་ཡས་འགྲོ་བ་ཀུན། །ལམ་བཟང་འདི་ལ་བརྟེན་ནས་ཚེ་གཅིག་གིས། །ཡང་དག་རྫོགས་པའི་སངས་རྒྱས་ཐོབ་པར་ཤོག །ཅེས་གསུངས་ནས་སྦྲང་བུ་གཉིས་ལ་བྱིན་རླབས་དང་སྨོན་ལམ་མཛད་ནས། །ལྗོངས་རྒྱུ་ཞིང་མཐོང་ཐོས་དྲན་རེག་གི་སེམས་ཅན་གྱི་དོན་བྱས་ནས་མིག་སྨན་ཐིག་ལེའི་དགོན་པ་ཞེས་བྱ་བར་བུད་ཤིང་ཟད་པའི་མེ་ལྟར་ཕུང་པོ་ལྷག་མ་མེད་པའི་དབྱིངས་སུ་ཡོངས་སུ་མྱ་ངན་ལས་འདས་སོ། །དེ་ནས་བུང་བ་དེ་གཉིས་ཀྱང་སྤྱོད་ལམ་ཕལ་ཆེར་དྲང་


ZP01_Page_222
[མ་དཔེ་གཟིགས་ན་འདིར་གནོན།]

སྲོང་གི་བཀའ་བཞིན་དུ་བསྒྲུབས་ལ། རེས་འགའ་ནི་བག་མེད་པའི་རྩེད་མོ་ནི་རྩེ་ཞིང་འདོད་པའི་ཡུལ་ལ་ཆགས་ཏེ་རིང་ཞིག་འདས་པའི་ཚེ། །ངག་སྙན་གྱིས་མེ་ཏོག་གི་ཟིལ་མངར་འཐུང་ཞིང་། །འདབ་ཡངས་ཀྱིས་ནམ་མཁའ་ལ་འཕུར་ལྡིང་གཡོ་བའི་སྐབས་ཤིག་ཉི་མའི་མདངས་འོད་གློ་བུར་དུ་ཉམས་ནས། སྤྲིན་ནག་གི་གྲིབ་མ་ས་ལ་ལྷུང་སྟེ་པདྨོ་རྣམས་གཅིག་ཅར་དུ་ཁ་ཟུམ་པས་ངག་སྙན་པདྨའི་སྦུབས་སུ་འཐུམས་ནས་དབུགས་འཐུམས་ཏེ་འཇིགས་སྐྲག་དངངས་ཤིང་གཏམ་བརྗོད་མ་ནུས་པར་བུབ་བུབ་བུབ་བུབ་ཟེར་ཞིང་འདུག་པ་ན། འདབ་ཡངས་ཀྱང་འཇིགས་ཤིང་སྐྲག་སྟེ་ཅི་བྱ་གཏོལ་མེད་པར་གྱུར་ནས་པད་ལྗོན་གྱི་དྲུང་དུ་ས་ལ་བབས་ནས་མྱ་ངན་གྱི་གདུང་བས་སྙིང་ལ་ནོན་ཏེ་ས་ལ་འགྲོ་ལྡོག་བྱེད་ཅིང་འདི་སྐད་དུ། ཀྱི་ཧུད་ཀྱི་ཧུད་འཇིགས་ཤིང་སྐྲག་པ། །ཨ་ཙི་ཨ་ཙི་གློ་བུར་རྐྱེན་ངན། །ཅི་བྱེད་ཅི་བྱེད་མ་རུངས་འཚེ་བ། །འཕྲལ་དུ་འདི་རུ་བདུད་པོ་སུ་སླེབ། །མཁའ་ལམ་ཡིད་འོང་ཉིན་བྱེད་དཀྱིལ་འཁོར། །གློ་བུར་འགེབ་ས་པའི་དྲག་ཤུལ་དེ་སུ། །ས་གཞིར་བཀོད་པའི་མེ་ཏོག་འདབ་བརྒྱ། །འཕྲལ་དུ་སྡུད་པའི་རྐྱེན་ངན་དེ་ཅི། །ཡིད་འོང་སྙིང་སྡུག་གྲོགས་དེ་གར་སོང་། །འཇམ་པའི་འདབ་ཡངས་བསྐྱོད་དེ་གར་སོང་། །སྙན་པའི་གླུ་སྒྲ་སྒྲོགས་དེ་གར་སོང་། །བརྩེ་བའི་གསང་གཏམ་ཅན་དེ་གར་


ZP01_Page_223
[མ་དཔེ་གཟིགས་ན་འདིར་གནོན།]

སོང་། །མཛེས་པའི་འཛུམ་མདངས་ཅན་དེ་གར་སོང་། །དགྱེས་པའི་འཕུར་ལྡིང་ཅན་དེ་གར་སོང་། །གཡུ་ལོ་ཟུར་མིག་ཅན་དེ་གར་སོང་། །རྐང་དྲུག་ཡན་ལག་མཛེས་དེ་གར་སོང་། །གསལ་བའི་ཐིག་ལེ་ཅན་དེ་གར་སོང་། །གནག་སྣུམ་སྐྲ་ཅོག་ཅན་དེ་གར་སོང་། །ཁོ་བོའི་སྙིང་གི་དུམ་བུ་གར་སོང་། །འདབ་ཡངས་ཁོག་པ་སྟོན་ན་ཅི་བྱེད། །ལོང་ལོང་ངག་སྙན་སྙིང་སྡུག་ཨེ་བོ། །འདབ་ཡངས་གཏམ་ལ་ཨ་ལན་མེད་ན། །སྙིང་འདི་ཚལ་བར་འགས་ལ་ཉེའོ། །གློ་བུར་སྙིང་རྗེ་མེད་པའི་སྤྲིན་ནག །ཉེས་མེད་སྦྲང་བུའི་ཉམས་མྱོང་འདི་ཅི། །འདབ་ཡངས་པདྨ་འདབ་བརྒྱའི་དྲིན་ཅན། །ཁྱེད་ལ་རང་དབང་མེད་པ་ལགས་སམ། །ཀུན་ཕན་ཉིན་བྱེད་སྙིང་རྗེའི་མངའ་བདག །མ་རུངས་སྤྲིན་ནག་གྲིབ་ན་མ་བཞུགས། །ཐུགས་རྗེའི་ཚ་ཟེར་འོད་སྣང་སྤྲོས་ཤོག །མ་རུངས་སྤྲིན་ནག་གཏོར་བའི་རླུང་པོ། །བ་ཡ་བེ་དེ་ཡིན་ན་དགའ་བ། །པདྨ་འདབ་བརྒྱ་འབྱེད་པའི་སྟོབས་ལྡན། །རྐང་གཉིས་མི་ཞིག་ཡིན་ན་དགའ་བ། །ཉམ་ཆུང་སྦྲང་བུའི་ལས་བསྐོས་འདི་འདྲ། ཀྱི་ཧུད་མཐོན་པོ་གནམ་གྱིས་ཨེ་དགོངས། །མ་རུང་སྤྲིན་ལ་འགའ་ཞིག་ཕེབས་ཤོག །ངག་སྙན་ངག་སྙན་སྙིང་གི་ཐིག་ལེ། །ངག་སྙན་ངག་སྙན་ཡིད་ཀྱི་འཁྲི་ཤིང་། །ངག་སྙན་ངག་སྙན་


ZP01_Page_224
[མ་དཔེ་གཟིགས་ན་འདིར་གནོན།]

བརྩེ་བའི་ཟླ་གྲོགས། །ངག་སྙན་ངག་སྙན་སྙིང་སྡུག་ལྷ་མོ། །ཀྱི་ཧུད་ཀྱི་ཧུད་འདབ་ཡངས་སྡུག་སྡུག །ཅེས་ཟེར་ཞིང་ཤིན་ཏུ་ཉམ་ཐག་པར་བསྒྲེ་ཞིང་འདུག་གོ །དེར་ངག་སྙན་གྱིས་ཀྱང་ཅུང་ཞིག་དབུགས་ངལ་སོས་ནས་དལ་བུས་གཏམ་སྨྲ་ནུས་པར་གྱུར་ཏེ་པདྨོའི་སྦུབས་ནས་འདབ་ཡངས་འདབ་ཡངས་ཞེས་འབོད་པར་བྱེད་དོ། །དེར་འདབ་ཡངས་ཀྱང་ཤིན་ཏུ་དགའ་སྟེ་ངག་སྙན་སོས་པ་སྙམ་བྱེད་ཅིང་སྟབ་སྟབ་ཏུ་ལངས་ནས་པདྨའི་འདབ་མ་ལ་ཁ་གཏད་དེ་ངག་སྙན་ཞེས་འབོད་པར་བྱེད་དོ། །དེའི་ཚེ་ངག་སྙན་གྱིས་འདབ་ཡངས་ཀྱིས་འབོད་པའི་སྐད་ཀྱང་ཐོས། རང་ཉིད་པདྨའི་སྦུབས་སུ་འཐུམས་པ་ཡང་ཤེས་ཏེ་རྟོག་དཔྱོད་ཞིབ་ཏུ་བཏང་ནས། ཨ་ཁ་ཁ་ངེད་གཉིས་ནས་སྔོན་ཆད་དྲང་སྲོང་ཆེན་པོ་དོན་ཀུན་གྲུབ་པ་དེའི་དྲུང་ནས་ཟབ་རྒུའི་གདམས་ངག་ཐོབ་པ་ཡིན་ཀྱང་ཉམས་སུ་ནི་ཅུང་ཟད་ཀྱང་མ་ལོན། ཡང་དག་པའི་ལྷ་ཆོས་བསྒྲུབ་འདོད་ཀྱི་བློ་གཏད་དང་དམ་བཅའ་ཡོད་དེ། ཆོས་བྱེད་འདོད་ཀྱི་ངང་ལ་ཚེ་ཚད་རྫོགས། ད་ནི་པདྨའི་སྦུབས་འདིར་ལྷ་འཕོ་ལྟུང་གི་སྡུག་བསྔལ་ལྟ་བུ་ཡུན་རིང་མྱོངས་ནས་མཐར་འཆི་དགོས་པ་ཡིན་ནོ། །ཡང་ན་སླར་ཡང་ཉི་མའི་འོད་ཟེར་ཕོག་ནས་མེ་ཏོག་གི་འདབ་རྒྱ་གྲོལ་ནས་མ་ཤི་བར་ཐར་བ་ཡང་སྲིད་དམ། གང་ལྟར་ཡང་འདབ་ཡངས་མྱ་ངན་གྱིས་ནོན་འདུག་པས་འདི་ལ་གཏམ་ལན་


ZP01_Page_225
[མ་དཔེ་གཟིགས་ན་འདིར་གནོན།]

ཞིག་གཞལ་ན་ཐོས་པ་ཡིན་ནམ་སྙམ་དུ་འདི་སྐད་དུ། །ཀྱེ་ཀྱེ་འདབ་ཡངས་ཀྱེ་ཀྱེ་འདབ་ཡངས། །འདབ་མ་རབ་ཡངས་ལྷ་ཡི་སྲས་པོ། །གསུང་སྙན་ཡིད་འོང་རྣ་བའི་བདུད་རྩི། །ཐོས་པར་ཡོད་པ་སྙིང་ལ་དགའ་ཡང་། །ལང་ཚོའི་ཞལ་མཛེས་མིག་གི་བདུད་རྩི། །མཇལ་དུ་མེད་པའི་སྐལ་དམན་འདི་ཅི། །གློ་བུར་མུན་པ་འཆི་བདག་བང་ཆེན། །ནམ་ཙམ་སླེབ་པ་ངས་ནི་མ་ཤེས། །ཀུན་ཕན་ཉིན་བྱེད་སྣང་བའི་དཀྱིལ་འཁོར། །མཁའ་ལམ་མི་གནས་གང་དུ་ཕེབས་སོང་། །རེག་འཇམ་འདབ་མའི་མལ་སྟན་བཀོད་དང་། །རོ་མངར་རྩི་བཅུད་བདུད་རྩི་འཛག་ལ། །དྲི་ཞིམ་སྤོས་བསུང་སྣ་ཡི་བཅུད་ལེན། །དཀར་དམར་ལང་ཚོ་མིག་གི་དགའ་སྟོན། །འདོད་རྒུའི་ལོངས་སྤྱོད་པདྨའི་དཀྱིལ་འཁོར། །སྲོག་གཅོད་གཤེད་པོར་གྱུར་པ་འདི་ཅི། །སྲབ་འཇམ་འདབ་རྒྱ་གདུག་པའི་བཙོན་ཁང་། །འབྱར་བག་ཟིལ་མངར་སྡོམ་བྱེད་ལྕགས་སྒྲོག །འགྱུར་བའི་སྡུག་བསྔལ་འདི་འདྲ་ལགས་མོད། །ཀྱེ་ལགས་དྲིན་ཅན་དྲང་སོང་ཆེན་པོའི། །བཀའ་གསུང་བདུད་རྩིའི་གདམས་ངག་གནང་དུས། །མི་རྟག་འཁོར་བའི་མཚན་ཉིད་གསུངས་པ། །ད་རེས་རང་རའི་སྟེང་དུ་མངོན་སུམ། །བདེ་སྐྱིད་ལྷ་ལ་འགྲན་པའི་ལོངས་སྤྱོད། །ཉམ་ཐག་གཤིན་རྗེའི་གྲོང་སྒོར་སླེབ་ལ། །མིག་གི་འབྱེད་འཛུམ་


ZP01_Page_226
[མ་དཔེ་གཟིགས་ན་འདིར་གནོན།]

ཙམ་ལས་མ་འགོར། །ཀྱི་ཧུད་འཕོ་ལྟུང་སྡུག་བསྔལ་འདི་འདྲ། །ལྷ་ཆོས་བསྒྲུབ་འདོད་སེམས་ན་ཡོད་ཀྱང་། །འཕྲལ་དུ་བརྩོན་པའི་ཉམས་ལེན་མ་ནུས། །འཕྲང་རིང་བར་དོ་འགྲིམ་དགོས་བྱུང་ན། །བློ་གཏད་ཕེར་བའི་དམ་ཆོས་མི་འདུག །འཆི་བ་འོང་སྙམ་སེམས་ན་ཡོད་ཀྱང་། །ནམ་འཆི་ཆ་མེད་རྒྱུད་ལ་མ་སྐྱེས། །བག་ཡངས་སྙོམ་ལས་ལེ་ལོངས་ངང་ལ། །འཆི་བདག་བདུད་པོ་གློ་བུར་སླེབ་བྱུང་། །འཁོར་བའི་སྡུག་བསྔལ་སེམས་ན་ཡོད་ཀྱང་། །འཕྲལ་སྣང་ཉམས་དགའི་ཞེན་པ་མཆོད། །ཡུལ་ལྔའི་བདུད་ཀྱིས་དབང་ལྔ་བསླུས་ནས། །སྡུག་བསྔལ་འཁོར་བའི་གཞི་མ་གྲུབ་སོང་། །རྒྱུ་འབྲས་བསླུ་མེད་སེམས་ན་ཡོད་ཀྱང་། །སྤང་བླང་ཟབ་མོའི་ལག་ལེན་མ་བྱུང་། །རྣམ་གཡེངས་རང་ལ་མི་ཚེ་ཟད་ནས། །དགེ་བ་འདི་སྒྲུབ་གཏད་སོ་མི་འདུག །ཀྱེ་ལགས་སྙིང་སྡུག་བུང་བ་གཞོན་ནུ། །འཆི་བདག་བདུད་པོ་འཇིགས་སུ་རུང་བའི། །དགྲ་ཞིག་ཡོད་ཅེས་སྔོན་དུ་ཐོས་པ། །ད་རེས་མངོན་སུམ་སླེབ་པ་འདྲའོ། །འདུག་པའི་གནས་ལ་པདྨའི་སྐྱེད་ཚལ། །བསྐྱུར་འདོད་བསམ་པ་སྙིང་ན་མེད་དེ། །ད་རེས་གློ་བུར་འཆི་བདག་རྒྱལ་པོས། །གཤིན་རྗེའི་གྲོང་སྒོར་ཁྲིད་པར་འདུག་གོ །བཟའ་བའི་ཟས་ལ་རྩི་བཅུད་ཟིལ་མངར། །སྤང་འདོད་བསམ་པ་སེམས་ན་མེད་དེ། །ད་རེས་དབང་མེད་


ZP01_Page_227
[མ་དཔེ་གཟིགས་ན་འདིར་གནོན།]

བཙན་པོའི་ཁྲིམས་ཀྱིས། །ཟས་སུ་དྲི་གསུར་ཟ་དགོས་འདུག་གོ །འགྲོ་བའི་ལམ་ལ་བར་སྣང་ཡངས་པ། །འདི་ལས་གཞན་དུ་འབབ་འདོད་མེད་དེ། །ད་རེས་དབང་མེད་གཤིན་རྗེས་ཁྲིད་ནས། །འཕྲང་རིང་བར་དོར་འགྲིམ་དགོས་འདྲའོ། །བརྩེ་བའི་གཉེན་ལ་དྲིན་ཆེན་ཕ་མ། །འདི་ལ་བྱེར་འདོད་སེམས་ན་མེད་དེ། །ད་རེས་ཆོས་ཀྱི་རྒྱལ་པོའི་ཁྲིམས་རར། །གཉེན་མེད་བཤེས་མེད་འཁྱམས་པ་འདྲའོ། །བསྐྱངས་པའི་འཁོར་ལ་འབུ་སྦྲང་སྲོག་ཆགས། །འདི་ལས་འབྲལ་འདོད་སེམས་ན་མེད་དེ། །ད་རེས་ཕྱི་མའི་ལམ་ཆེན་བླངས་ནས། །གྲོགས་མེད་གཅིག་བུར་འགྲོ་དགོས་འདྲའོ། །བགོ་བའི་གོས་ལ་ཤིང་བལ་རེག་འཇམ། །འདི་ལ་སྤང་འདོད་སེམས་ན་མེད་དེ། །ད་རེས་འཆི་བདག་ཞགས་པས་བཅིངས་ནས། །གོས་མེད་གཅེར་བུར་འཁྲིད་པ་འདྲའོ། །འགྲོགས་པའི་གྲོགས་ལ་འདབ་ཡངས་གསེར་སྦྲང་། །འདི་ལས་འབྲལ་འདོད་སེམས་ན་མེད་དེ། །ད་རེས་འདུས་བྱས་རང་མཚང་བསྟན་ནས། །མཐོང་ཐོས་མེད་པར་འགྲོ་བ་འདྲའོ། །ཀྱེ་ཀྱེ་ཡིད་འོང་སྙིང་སྡུག་གཞོན་པ། །དང་པོ་འགྲོགས་ནས་ད་ལྟའི་བར་དུ། །བརྩེ་བའི་འཛུམ་གྱིས་བསྐྱངས་པའི་ཞལ་མཛེས། གནག་པའི་ཁྲོ་གཉེར་བསྡུས་པ་མི་དྲན། །བྱམས་


ZP01_Page_228
[མ་དཔེ་གཟིགས་ན་འདིར་གནོན།]

པའི་གསུང་གིས་བསྐྱངས་པའི་ངག་སྙན། །ཁྲོས་པའི་བཀའ་བཀྱོན་གནང་བ་མི་དྲན། །བརྩེ་བའི་ཐུགས་ཀྱིས་འགྲོགས་པའི་ངང་བཟང་། །ཁྲེལ་མེད་ཕྱི་ཐག་བསྟུང་བ་མི་དྲན། །འཕྲལ་དགོས་ལོངས་སྤྱོད་ཡུལ་གྱི་ཉེར་སྤྱད། །ང་ཁྱོད་ཁྱད་པར་ཕྱེ་བ་མི་དྲན། །རྒྱུན་རིང་འཕྲལ་དང་འཕྲལ་གྱི་མཛད་སྤྱོད། །མི་དགའི་རྣམ་འགྱུར་ངོམ་པ་མི་དྲན། །གཞུང་བཟང་ཕྱི་ཐག་རིང་བའི་ཐུགས་ཀྱིས། །བསྐྱངས་པའི་སྐུ་དྲིན་སེམས་ན་ཡོད་ལགས། །ཐུགས་བརྩེ་འདུ་འབྲལ་མེད་པའི་ཚུལ་གྱིས། །འགྲོགས་པའི་བརྩེ་གདུང་སེམས་ན་ཡོད་ལགས། །ཡིད་འོང་སྣང་བ་མཐུན་པའི་གསུང་གི །བྱམས་པའི་གསུང་སྒྲོས་སེམས་ན་ཡོད་ལགས། །ཡིད་གཅུགས་འདུ་འབྲལ་མེད་པའི་ཚུལ་གྱིས། །ཐུགས་བརྩེའི་ཐུགས་གཏད་སེམས་ན་ཡོད་ལགས། །སྡོག་པའི་གནས་དང་འབྲལ་འབྲལ་འདྲ་ཡང་། །གནས་ཡུལ་རང་གནས་བསམ་ནས་མི་འགྱོད། །བསགས་པའི་ནོར་དང་འབྲལ་འབྲལ་འདྲ་ཡང་། །ལོངས་སྤྱོད་འབྱོར་བ་བསམ་ནས་མི་འགྱོད། །བསྐྱངས་པའི་གཡོག་དང་འབྲལ་འབྲལ་འདྲ་ཡང་། །མངགས་གཞུག་འཁོར་གཡོག་བསམ་ནས་མི་འགྱོད། །གཅེས་པའི་ལུས་དང་འབྲལ་འབྲལ་འདྲ་ཡང་། །ལང་ཚོའི་ན་ཚོད་བསམ་ནས་མི་འགྱོད། །ཕངས་པའི་སྲོག་དང་


ZP01_Page_229
[མ་དཔེ་གཟིགས་ན་འདིར་གནོན།]

འབྲལ་འབྲལ་འདྲ་ཡང་། །འདི་སྣང་བདེ་སྐྱིད་དྲན་ནས་མི་འགྱོད། །བྱམས་སྐྱོང་སྙིང་སྡུག་ཁྱེད་ཀྱི་དྲུང་ནས། །འབྲལ་དགོས་སྡུག་བསྔལ་སྙིང་ལ་ཟུག་པའི། །འགྱོད་པ་འདི་ལ་ཟློག་ཐབས་མི་འདུག །བྱམས་པའི་ཞལ་གྱི་མཛེས་པ་དྲན་ནས། །མིག་ལས་མཆི་མའི་ཆར་རྒྱུན་ཐར་ཐར། །བརྩེ་བའི་ཐུགས་ཀྱིས་དགོངས་པ་དྲན་ནས། །སེམས་ལ་སྡུག་བསྔལ་མུན་པ་ཐིབས་ཐིབ། །བརྩེ་བའི་གསུང་གིས་དབུགས་དབྱུང་དྲན་ནས། །ཡིད་ལ་གདུང་བའི་མེ་དཔུང་འབར་ཡང་། །ད་ནི་ལས་དབང་སླེབས་པས་ཅི་བྱ། །འཆི་བདག་གཤིན་རྗེའི་དམག་དཔུང་སུས་བཟློག །སྡུག་བསྔལ་འཁོར་བའི་སྣང་ཚུལ་སུས་འགེགས། །ཁྱེད་ཀྱང་གནས་ཚུལ་འདི་ལ་དགོངས་ནས། །ཐུགས་ལ་འགྱོད་པ་མེད་པར་ཞུའོ། །ད་དུང་ཉིད་བྱེད་སྣང་བའི་འོད་ཕྲེང་། །ཕེབས་ན་ཐར་ཡང་སྲིད་པ་ཡོད་ཀྱི། །བག་ཡངས་ཐུགས་བག་བརྐྱངས་ལ་བཞུགས་མཛོད། །གལ་ཏེ་མ་ཐར་འདི་རུ་ཤི་ཡང་། །བརྩེ་བས་འགྲོགས་པའི་སྙིང་གྲོགས་ཁྱེད་ཀྱིས། །སྔོན་ཆད་བརྩེ་གདུང་བྱམས་པས་སྐྱོང་ཚུལ། །དེ་ལས་ལྷག་པའི་མཛད་ཐབས་མེད་ཀྱི། །ཚེ་མཐའི་འདུན་མ་འཁྱོངས་པ་ཡིན་ལགས། །སྔོན་ཆད་རང་རེ་སྐྱིད་པའི་སྐབས་ན། །ཞེ་འདོད་སྙིང་ལ་བྲིས་པའི་དམ་བཅའ།


ZP01_Page_230
[མ་དཔེ་གཟིགས་ན་འདིར་གནོན།]

ད་ལྟ་དམ་པའི་ཐུགས་ལ་མངའ་འམ། །ཕྱིན་ཆོད་འབྲལ་བའི་དུས་ཚོད་བྱུང་ཡང་། །ཁྱེད་ཐུགས་དམ་བཅའ་བསྐྱུང་བར་མ་མཛད། །བློ་གཏད་དམ་ཆོས་འཕྲལ་འཁྱོལ་བྱུང་ན། །དེ་ལས་གཞན་པའི་ཞུ་དོན་མེད་ལགས། །ཞེས་ཟེར་ཞིང་འདུག་གོ །དེར་འདབ་ཡངས་ན་རེ། ཀྱེ་ཀྱེ་ངག་སྙན་ཀྱེ་ཀྱེ་ངག་སྙན། །ངག་སྙན་གླུ་ལེན་གཡུ་ཡི་སྦྲང་ཆུང་། །མ་འཇིགས་མ་འཇིགས་བློ་ཡི་བག་ཕོབ། །མ་སྐྲགས་མ་སྐྲགས་སེམས་ཀྱི་དཔའ་སྐྱེད། །ཡུན་རིང་མི་བརྟན་འཕྲལ་གྱི་སྐྱིད་སྡུག །གནས་གཅིག་མི་སྡོད་ནམ་མཁའི་སྤྲིན་ནག་ཉམས་པ་མི་སྲིད་ཉིན་བྱེད་འོད་སྣང་། །གློ་བུར་སྤྲིན་ནག་འཕྲལ་གྱི་རྐྱེན་ངན། །བར་ཆད་འདི་ལ་སེལ་ཐབས་ཡོད་འགྲོ། །བསྐྱངས་པའི་འབུ་སྦྲང་སྲིན་བུའི་འཁོར་མང་། །ཕྱོགས་ཕྱོགས་མངགས་གཞུག་བང་མིར་བཏང་ན། །དོན་གཉེར་ཡིད་ཀྱི་འདོད་པ་སྒྲུབ་ཆོག །བསགས་པའི་ནོར་རྫས་སྦྲང་རྩིའི་བང་མཛོད། །གཏོང་ཕོད་བྱས་ན་འཕྲལ་རྐྱེན་སེལ་འགྲོ། །རྒྱལ་ཁམས་ཤེས་ཅན་མཁས་དགུར་དྲིས་ན། །འཕྲལ་རྐྱེན་རྒྱུ་རྐྱེན་ཟློག་ཐབས་ཤེས་ཡོང་། །ནུས་ལྡན་དབང་ཡོད་གཞན་ལ་རེ་ན། །གློ་བུར་སྤྲིན་ནག་གདོང་བཟློག་བྱེད་འགྲོ། །ཕྱོགས་མེད་གྲོང་དང་བྲག་རིའི་ཚང་ན། །ནག་ཆུང་ཕོ་རོག་སྐད་འགྱུར་རྒྱབ་ཅིང་། །རྒྱལ་ཁམས་ཡོངས་ལ་མངོན་


ZP01_Page_231
[མ་དཔེ་གཟིགས་ན་འདིར་གནོན།]

ཤེས་འཆད་སྐད། །འདི་ལ་དྲིས་ན་ལུང་བསྟན་གནང་འོང་། །མཐོན་པོའི་མཁར་གྱི་མཐོང་ཁ་བད་རྩེར། །མཆིལ་པ་རྒྱ་བོའི་མང་འཚོགས་འདུས་པས། །འུར་འུར་གཟུངས་སྔགས་རྣམ་འཇོམས་གསུངས་སྐད། །ཚོགས་འདི་དྲངས་ན་གསུང་སྒྲུབ་གནང་འགྲོ། །ཁྲོན་པ་རྫིང་བུའི་རླན་གཤེར་ཁྲོད་ན། །མི་སྡུག་སྟོན་པའི་སྦལ་པ་རྒྱ་བོ། །ཀླུ་བདུད་ནག་པོའི་ཕོ་ཉ་ཡིན་སྐད། །འདི་ལ་ཞུས་ན་ཐབས་ཤིག་ཡོད་འགྲོ། །ཁུང་དང་ཤིང་དྲུང་ལོ་མའི་ཁྲོད་ན། །འཇིགས་གཟུགས་ངོམ་པའི་དུག་སྦྲུལ་ནག་པོ། །ཆུ་བདག་གདུག་པའི་རང་གཟུགས་ཡོད་སྐད། །འདི་ལ་སྐྱབས་ན་སྤྲིན་ནག་བཟློག་འགྲོ། །རི་རྩེ་ས་ཕུག་རང་གི་གནས་ན། །ཡུན་རིང་བསྒོམས་པའི་ཕྱི་བ་སྒོམ་ཆེན། །བསམ་གཏན་གྲུབ་པའི་ཏིང་འཛིན་ཡོད་སྐད། །ཁོང་ལ་ཞུས་ན་ཐུགས་གཏད་གནང་འོང་། །ཡིད་འོང་ལྗོན་ཤིང་འདབ་མའི་རྩེ་ལ། །སྙན་སྙན་སྒྲོགས་པའི་གཡུ་བྱ་ཁུ་བྱུག །ཆར་སྤྲིན་འབོད་པའི་སྐད་གཏོང་ཡིན་སྐད། །འདི་ལ་བརྔན་ན་གསུང་ངག་བསྡམ་འགྲོ། །བྱང་ཐང་སྤང་ལྗོངས་ཉམས་དགའི་ཐང་ན། །ཁ་དཀར་རྐྱང་ཆུང་ལྷ་ཡི་བང་ཆེན། །ཉི་ཟེར་འབོད་པའི་ནོར་བུ་ཡོད་སྐད། །ཁོང་ལ་ཞུས་ན་མུར་མུར་བཏེག་འགྲོ། །ངེས་མེད་གནས་དང་རང་གི་ཁུང་ན། །ཀུན་གསོད་རྔོན་པ་སྡོམ་ནག་


ZP01_Page_232
[མ་དཔེ་གཟིགས་ན་འདིར་གནོན།]

ལག་དགུ། །གདོལ་བ་ནག་པོའི་སྤྲུལ་པ་ཡིན་སྐད། །འདི་ལ་གཅར་ན་ཐབས་ཚུལ་བྱེད་འགྲོ། །བར་སྣང་ལམ་ནས་རི་རྩེ་བྲག་སྟོང་། །མཚེར་སྐད་སྒྲོགས་པའི་འོལ་བ་སྨུག་ཆུང་། །མཁའ་ལྡིང་རྒྱལ་པོའི་ཕོ་ཉ་ཡིན་སྐད། །འདི་ལ་གཏད་ན་དྲག་ཤུལ་བྱེད་འགྲོ། །ཅིས་ཀྱང་མི་བཟློག་རྐྱེན་ངན་མི་སྲིད། །བཤགས་ཀྱང་མི་འདག་ལས་ངན་མི་སྲིད། །གཉེན་པོས་མི་ནོན་བར་ཆད་མི་སྲིད། །ཟློག་ཐབས་མེད་པའི་བདུད་གཅོད་མི་སྲིད། །བློ་ཡོད་ཐབས་ཡོད་གསེར་སྦྲང་འདབ་ཡངས། །གུ་ཡངས་གནས་ན་རང་དབང་ཐེམས་འདུག །ཅི་དགའ་གང་དྲག་ཐབས་བརྒྱ་འབད་དགོས། །ཞེས་ཟེར་ནས་བྱ་རོག་གི་དྲུང་དུ་སོང་ནས་དྲིས་པས། །འབྱུང་ཁུངས་ཀླུ་ཡིན་འདུལ་བྱེད་ཁྱུང་། །གཉེན་པོ་རླུང་ཡིན་བཟློག་ཐབས་མང་། །འཕྲལ་དུ་འཚུབས་ཀྱང་ཕུགས་མི་སྐྱོན། །ཟེར་སྐད། དེ་བཞིན་ཐམས་ཅད་དྲུང་དུ་ཕྱིན་པས། མཆིལ་བའི་ཚོགས་དཔོན་ན་རེ། །འདུས་པའི་བྱིན་རླབས་མེ་དཔུང་འདྲ། །སྔོན་ལས་ནགས་ཚལ་བསྲེགས་ནུས་ན། །འཕྲལ་རྐྱེན་རྩྭ་སྦུར་སྨྲོས་ཅི་དགོས། །འབུལ་བ་ཞབས་ཏོག་གཟབ་དགོས་སོ། །ཟེར་ནས་ཕེབས་ཏེ་གསུང་སྒྲུབ་བྱེད་སྐད། སྦལ་བ་ན་རེ། མི་སྡུག་སྟོན་པའི་སྦལ་པ་ང་། །ཀླུ་བདུད་ནག་པོའི་ཕོ་ཉ་ཡིན། །སྤྲིན་ནག་འབྱུང་ཁུངས་གདོལ་པ་ཀླུ། །


ZP01_Page_233
[མ་དཔེ་གཟིགས་ན་འདིར་གནོན།]

ཁོང་ལ་ཞུས་ན་སེལ་ལོས་ནུས། །ཟེར་ནས་ལྟ་སྟངས་གནམ་དུ་གཅེར་སྐད། སྦྲུལ་ན་རེ། ཆུ་བདག་ཁྲོས་པའི་གདེངས་ཀ་ལས། །རླངས་པ་སྤྲིན་ནག་སེར་བ་བྱུང་། །གདེངས་ཀ་གདུག་པ་སྦྲུལ་ལ་དབང་། །སྤྲིན་ནག་སེལ་ཐབས་ང་ལ་ཡོད། །ཟེར་ནས་འཁྱིལ་འགྲོས་བྱེད་སྐད། ཕྱི་བ་ན་རེ། ངས་ནི་ཡེངས་མེད་ཏིང་འཛིན་བསྒོམ། །འོན་ཀྱང་གསེར་སྦྲང་ཞལ་ངོ་གཉན། །མཚམས་ཁུང་ཞབས་བརྟན་ལོས་ཀྱང་སྒྲུབ། །ནམ་ཕུགས་མི་སྐྱོན་ངེས་པ་ཡིན། །ཟེར་ནས་མི་ཟིམ་ཟིམ་ཟིམ་བྱེད་སྐད། ཁུ་བྱུག་ན་རེ། ཆར་སྤྲིན་ལྷ་ཡི་བཀའ་སྡོད་ལ། །བང་ཆེན་ཁུ་བྱུག་སྔོན་མོ་ཡིན། །བྱོན་བཞུགས་རང་དབང་ཅུང་ཟད་ཡོད། །གང་དྲག་ཐབས་ཚུལ་ལོས་ཀྱང་བྱེད། ཟེར་ནས་ལྡེམ་ལྡེམ་འདུག་སྐད། རྐྱང་ན་རེ། ཕོ་རེངས་རྐྱང་ཆུང་འུ་ར་དེ། །ཡ་མཆུ་ཡིད་བཞིན་ནོར་བུ་ཡིན། །མཁའ་སྒྲིབ་སེལ་བའི་ཕྱགས་མ་ཡིན། །དེ་ལ་རེ་བ་མ་ནོར་འདུག་ཟེར་ནས་ཡ་མཆུ་གནམ་དུ་བཏེག་གོ །སྡོམ་ནག་ན་རེ། །གདོལ་བ་ཁྲོས་བའི་ཁ་རླངས་དེ། །སེལ་བྱེད་གཞན་གྱིས་སེལ་མི་ནུས། །འབུ་སྦྲང་མང་པོའི་ཤ་ཚོགས་ན། །ཡས་མཆོད་གདོན་བཀྲོལ་ང་ཡིས་བྱེད། །ཟེར་ནས་མདོས་ཐག་མང་པོ་བྲན་སྐད་དོ། །འོལ་བ་ན་རེ། ཀླུ་འདུལ་ཁྱུང་ཆེན་ང་རང་ཡིན།


ZP01_Page_234
[མ་དཔེ་གཟིགས་ན་འདིར་གནོན།]

སྤྲུལ་བཟའ་སྦལ་འཆའ་ཀླུ་ནོར་གཞོམ། །སྡེར་མོའི་ནུས་པ་གནམ་ལྕགས་འདྲ། །དྲག་ཤུལ་སྒོ་ནས་རྡུལ་དུ་བརླག །ཟེར་ནས་ནམ་མཁའ་ལ་བཤུར་ཞིང་བཤུད་སྐད་འདེབས་སྐད་དོ། །འདབ་ཡངས་ནས་ཀྱང་ཡོངས་ལ་གྲགས་པའི་སྲོག་ཆགས་ཆེ་རྒུ་དེ་དག་གིས་གསུངས་ཚུལ་ལ་བལྟས་ན་ནམ་ཕུགས་སྤྲིན་ནག་དངས་ནས་ངག་སྙན་ཡང་ཐར་པ་ཞིག་འོང་བ་ཡིན་ནམ་སྙམ་ནས་བློ་བག་ཕབ་སྟེ་ཅུང་ཞིག་གནས་པའི་ཚེ། །ནམ་མཁའ་ལ་སྤྲིན་ནག་ལྷོག་ལྷོག་ཁོལ་ཞིང་ཕྱོགས་ཐམས་ཅད་ཀྱང་དོམ་ནག་ཁོར་ཁོར་བྱེད་ལ། ལྷོ་ཕྱོགས་ནས་འབྲུག་སྒྲ་ལྡི་རི་རི་བྱེད་པ་དང་ཆབ་གཅིག་རླུང་དྲག་པོ་འུ་རུ་རུ་གཡོ་བ་དང་མཉམ་དུ་པདྨའི་འདབ་མ་རྣམས་ཀྱང་ལྷག་པར་ཡང་བཅུམ་ཞིང་སྡུད་དུ་བྱུང་བས་ངག་སྙན་ཡང་པདྨའི་སྦུབས་སུ་འཐུམས་ནས་རྐང་ལག་རྣམས་བརྐྱང་བསྐུམ་མི་ནུས་ཤིང་། དབུགས་ཀྱང་འཚུབས་ཏེ་སྐད་འདོན་དཀའ་བར་གྱུར་ནས་སྐད་གདངས་དམའ་བུས་འདི་སྐད་དུ། ཀྱེ་མ་འདབ་ཡངས་ལྷ་ཡི་སྲས། །མེ་ཏོག་འདབ་རྒྱབ་ཅུམ་ཞིང་བྱུང་། །གེ་སར་གདུག་རྩུབ་ཚེར་ལྟར་གཟན། །འདབ་མའི་སུལ་མང་རྡོ་ལྟར་སྲ། །འཐུམས་པས་རྐང་ལག་བརྐྱང་བསྐུམ་དཀའ། །འཚུབས་པས་དབུགས་ཀྱི་འབྱིན་སྡུད་དཀའ། །འཚངས་པས་གཏམ་གྱི་བརྗོད་པ་དཀའ། །ད་ནི་མི་ཐར་ཐག་གིས་ཆོད།


ZP01_Page_235
[མ་དཔེ་གཟིགས་ན་འདིར་གནོན།]

ཕྱོགས་ནས་འབྲུག་སྒྲ་ལྡི་རི་རི། །གློ་བུར་རླུང་པོ་འུ་རུ་རུ། །པད་སྦུབས་འཕྱོ་ཞིང་ལྡིང་ལུགས་ཀྱིས། །རྫིང་བུ་འཕྱོ་ཞིང་གཡོ་བ་འདྲ། །སྤྲིན་ནག་སེར་བ་འོང་ཐག་ཆོད། །སྐྱིན་ཐང་དྲག་ཤུལ་བྱུང་བ་ན། །སྐྱེས་པའི་རྩྭ་ལྗང་སྙོལ་ཞིང་འགྲོ། །འགྲེང་བའི་རྐང་སྦུབས་གཅོག་ཅིང་འགྲོ། །བཀོད་པའི་ལ་ལ་འདབ་གཅོད་ཅིང་འགྲོ། །སྨིན་པའི་འབྲས་བུ་གཏོར་ཞིང་འགྲོ། །སྨིན་པའི་འབྲས་བུ་གཏོར་ཞིང་འགྲོ། རྒྱས་པའི་མེ་ཏོག་བརླག་ཅིང་འགྲོ། །གནམ་ས་ཐོག་འོག་བསྒྱུར་ལ་ཁང་། །སྲ་མོའི་བུག་ཀྱང་བཤིག་ལ་ཁད། །མཐོན་པོའི་ཤིང་ཡང་བཅོམ་ལ་ཁད། དྲག་ཤུལ་གནམ་ལྕགས་འབེབས་ཤིང་འོང་། །ད་ནི་ཁྱེད་ཀྱང་བྲོས་ན་འཐད། །ངག་སྙན་མི་ཐར་ཐག་གིས་ཆོད། །ཤི་གསོན་ཕྱེ་བའི་གཏམ་གཞུག་ལ། །སྨྲ་མང་མི་འཐད་མདོ་དོན་འདྲིལ། །སྔོན་ཆད་དྲང་སྲོང་ཆེན་པོའི་གསུང་། །ད་རེས་སེམས་ལ་ལྷག་པར་གཅགས། །སྡུག་བསྔལ་འཁོར་བའི་གནས་ཚུལ་གཏམ། །ད་རེས་ལྷག་པར་རང་ངོ་འཕྲོད། །ཐམས་ཅད་རྟག་པ་མེད་པའི་གསུང་། །ད་རེས་ལྷག་པར་མངོན་དུ་གྱུར། །འདུས་ཚད་ངེས་པར་འབྲལ་བ་ལས། །ཁྱེད་ཀྱང་ཐུགས་གཅོད་བྱས་ཞེན་འདྲ། །ངས་ཀྱང་མི་འགྱོད་སྙིང་རུས་བྱེད། །སྔར་གཏམ་དར་གྱི་མདུད་པ་དེ། །ད་དུང་མ་གྲོལ་དམ་ལགས་སམ། །ཞེ་འདོད་རྡོ་ཡི་རི་མོ་དེ། །


ZP01_Page_236
[མ་དཔེ་གཟིགས་ན་འདིར་གནོན།]

ད་དུང་མ་ཟུམ་བཀྲ་ལགས་སམ། །དམ་བཅའ་སྙིང་གི་ཕུར་བ་དེ། །ད་དུང་མ་བུད་བརྟན་ལགས་སམ། །སྡུག་བསྔལ་འཁོར་བའི་སྣང་ཚུལ་ལ། །སྐྱོ་བ་གཏིང་ནས་སྐྱེས་ལགས་སམ། །འཆི་བདག་ནམ་འོང་མེད་པ་ལ། །ངེས་ཤེས་ཐུགས་ཐག་ཆོད་ལགས་སམ། །འདོད་ལྔ་ཡུལ་གྱི་བསླུ་བྲིང་ལ། །ཞེན་པ་གཏིང་ནས་ལོག་ལགས་སམ། །འདུས་ཚད་ངེས་པར་འབྲལ་བ་ལ། །ཡིད་ཆེས་བརྟན་པ་ཐོབ་ལགས་སམ། །དམ་པའི་རྗེ་དང་མཇལ་ན་ཡང་། །སྒྲོ་འདོགས་མ་ཆོད་ང་རེ་འགྱོད། །དམ་ཆོས་ལེགས་གསུང་ཐོས་ན་ཡང་། །ཉམས་སུ་མ་ལོན་ང་རེ་འགྱོད། །དལ་འབྱོར་མི་ལུས་ཐོབ་ན་ཡང་། །སྙིང་པོ་མ་ལོན་ང་རེ་འགྱོད། །མི་རྟག་འཆི་བ་ཤེས་ན་ཡང་། །འཆི་ཆོས་མ་འགྲུབ་ང་རེ་འགྱོད། །རྒྱུ་འབྲས་རྣམ་གྲངས་ཐོས་ན་ཡང་། སྤང་བླང་མ་ནུས་ང་རེ་འགྱོད། །འཁོར་བའི་སྡུག་བསྔལ་གསུངས་ན་ཡང་། །སྐྱོ་ཤས་མ་སྐྱེས་ང་རེ་འགྱོད། །ད་ནི་འཆི་བ་གློ་བུར་སླེབ། །འཆི་བདག་ཁྲོ་གཉེར་མན་ལྟར་གནག །སྡང་མིག་གཡོ་ཚེ་ང་རེ་འཇིགས། །འཇིགས་རུང་མུན་པས་མདུན་ནས་བསུ། །རང་ལམ་མི་མཐོང་ང་རེ་འཇིགས། །ལས་ཀྱི་རླུང་དམར་རྒྱབ་ནས་དེད། །རང་དབང་མི་ཐོབ་ང་རེ་འཇིགས། །སོད་སོད་རྒྱོབ་རྒྱོབ་འབྲུག་ལྟར་སྒྲོགས། །འཁྲུལ་སྣང་ཤར་ཚེ་ང་རེ་འཇིགས། །གཤིན་རྗེའི་ལས་མཁན་ཨམ་གཙིགས་


ZP01_Page_237
[མ་དཔེ་གཟིགས་ན་འདིར་གནོན།]

བསྡམས། །དྲག་ཤུལ་བྱེད་ཚེ་ང་རེ་འཇིགས། །འཆི་བདག་ཞགས་པས་རྐེ་ལ་ཐེབས། །དབང་མེད་ཁྲིད་ཚེ་ང་རེ་འཇིགས། །ཕྱི་མའི་ཡུལ་དུ་སྐྱས་ཆེན་འདེགས། །གྲོགས་མེད་གཅིག་པུ་ང་རེ་འཇིགས། །རྒྱུས་མེད་ཡུལ་དུ་མི་ལྡོག་འཁྱམས། །གར་འགྲོ་མི་ཤེས་ང་རེ་འཇིགས། །རིགས་དྲུག་འཁྲུལ་སྣང་སྐར་ལྟར་བཀྲ། །སྐྱབས་མེད་མགོན་མེད་ང་རེ་འཇིགས། །ཆོས་ལ་བྱེད་བློ་ཡོད་ན་ཡང་། །འཕྲལ་དུ་མ་འགྲུབ་ང་དང་འདྲ། །སྙིང་ནས་བརྩེ་བའི་སྦྲང་ཆུང་ཁྱེད། །དོན་འདི་དགོངས་ལ་ལྷ་ཆོས་རེམ། །མ་འགྱངས་དམ་པའི་ཆོས་ལ་ཕེབས། །མ་གཡེངས་སྒྲུབ་ལ་བློ་ཐག་ཆོད། །མ་བཤོལ་སྙིང་རུས་བློ་སྣ་ཐུངས། །མ་འགྱངས་ལ་འུར་བརྩོན་པ་སྐྱེད། །གལ་ལ་ཐུག་ཀྱང་ཆོས་མ་འདོར། །སྲོག་ལ་བབས་ཀྱང་དམ་བཅའ་ཟུངས། །འདི་སྣང་ཁ་ཏ་བདུད་ཀྱི་ཚིག །ཐུགས་ལ་མ་བཞག་ཁྲེལ་གྱིས་ཐོབ། །རྣམ་གཡེང་ལེ་ལོ་བསླུ་པའི་རྒྱུ། །དེ་ལ་མ་ཞེན་དུག་ལྟར་སྤོངས། །ཚེ་དང་སྒྲུབ་པ་མཉམ་པ་ཞིག །མི་ཚེ་ཆོས་ལ་འབྲེལ་བ་ཞིག །དམ་ཆོས་མཐའ་རུ་ཕྱིན་པ་ཞིག །ཁྱེད་ཀྱང་བཙན་ས་ཟིན་པ་ཞིག །ང་ཡང་ཐར་ལམ་ཐོབ་པ་ཞིག །མཐར་ཐུག་བདེ་ཆེན་ཞིང་ཁམས་སུ། །ཤི་གསོན་དངོས་མཇལ་འོང་བ་ཞིག །ཨེ་མཛད་མི་མཛད་ཁྱེད་རང་ཤེས། །རེ་བ་ཕྱི་མའི་ཡུལ་ནས་བྱེད། །ཤི་མིག་དུར་ཁུང་ནང་ནས་བལྟ། །ཁ་


ZP01_Page_238
[མ་དཔེ་གཟིགས་ན་འདིར་གནོན།]

ཆིམས་ཚིག་གསུམ་དེ་ལས་མེད། །དོན་དེ་སྙིང་གྲོགས་ཐུགས་ལ་ཆོངས། །ད་ནི་བཙན་པོའི་རྫོང་ལ་བྱོན། །ང་རང་ཤི་ཡུལ་འགྲོ་ན་ཡང་། །རྗེས་ལ་ཁྱེད་ཡོད་སེམས་ལ་ཕན། །ལྷ་ཆོས་འགྲུབ་ན་གཉིས་ཀར་ཕན། །སྐྱིན་ཐང་སེར་བ་མ་སླེབ་གོང་། །ལ་འུར་གབ་ས་བཙལ་ན་དགའ། །སྐུ་ཁམས་བདེ་བའི་སྨོན་ལམ་འདེབས། །ཡུན་དུ་བཞུགས་པའི་སྨོན་ལམ་འདེབས། །ལྷ་ཆོས་འགྲུབ་པའི་སྨོན་ལམ་འདེབས། །ཐུགས་བཞེད་མཐར་ཕྱིན་སྨོན་ལམ་འདེབས། །ད་ནི་སྐུ་ཁམས་ཅི་བདེར་བཞུགས། །ཟེར་ནས་དབུགས་འཐུམ་འཐུམ་འདུག་གོ །དེར་འདབ་ཡངས་ཀྱང་སྙིང་ལ་སྡུག་བསྔལ་གྱི་ཚེར་མ་དཔལ་ཚ་བ་གློ་བུར་དུ་སླེབ་ཅིང་མྱ་ངན་གྱིས་གདུངས་ནས་གཏམ་ལ་ལན་གཞལ་མ་ནུས་པས་ཨ་ཁ་ཁ་ཟེར་ཞིང་འདུག་པ་ན། །རླུང་དམར་གྱི་གསེབ་ནས་སེར་བ་ཐ་ར་ར་འབེབས་ཤིང་། སྟེང་གི་ནམ་མཁའ་ནས་འབྲུག་སྒྲ་དྲག་པོ་འུ་རུ་རུ་སྒྲོགས་ཏེ། གློག་དམར་གྱི་ཞགས་པ་བར་སྣང་ལ་ཚུབ་ཚུབ་འཁྱུགས་ཤིང་བྱུང་བས། །འདབ་ཡངས་ཀྱང་ཅི་བྱ་གཏོལ་མེད་པར་གྱུར་ནས་གད་ཁུང་ཞིག་ཏུ་འཛུལ་ནས་ཀྱི་ཧུད་ཀྱི་ཧུད་ཅེས་སྨྲ་ཞིག་འདུག་གོ །དེ་ནས་སེར་བ་དྲག་ཏུ་བབས་ཏེ་ཤྭ་འུད་དང་རྦབ་རྒོད་ཀྱིས་རི་ལུང་ཁེངས་ཤིང་། གནམ་ལྕགས་ཀྱི་ཚག་སྤྲས་གནམ་ས་འགེངས་བ་ལྟར་བྱེད། ཆུ་ཀླུང་ཐམས་ཅད་རྦ་རླབས་འཕྱོ་ཞིང་གནམ་དུ་འཕྱུར་བ་སྙམ་བྱེད།


ZP01_Page_239
[མ་དཔེ་གཟིགས་ན་འདིར་གནོན།]

རི་ཐམས་ཅད་ནི་གྲོག་པོར་བཏང་། ཐང་ཐམས་ཅད་ནི་གྲམ་པར་བརྡལ། མཚོ་ཐམས་ཅད་ནི་ཁྲག་ཏུ་ཁོལ། རྩྭ་ལྡུམ་དང་མེ་ཏོག་ཐམས་ཅད་ཀྱང་ཆེ་བ་རྣམས་བསྙིལ། ཆུང་བ་རྣམས་བརྡལ། །རིང་བ་རྣམས་བཅག །ཐུང་བ་རྣམས་མནན། ཕྲ་མོ་རྣམས་རྗེས་ཤུལ་ཙམ་ཡང་མེད་པར་བྱས་ནས་འདུག་གོ །དེའི་རྗེས་སུ་སྤྲིན་ནག་རྣམས་དྭངས་ནས་ཉི་མ་གསལ་པོ་ཞིག་ཤར་བྱུང་བས་འདབ་ཡངས་ལངས་ཏེ་པདྨའི་ཚལ་དུ་ཕྱིན་པས། སྤང་དང་འདམ་ལ་སྐྱེས་པའི་མེ་ཏོག་ཐམས་ཅད་ནི་ཆེ་བ་རྣམས་ཐང་མར་བརྡལ་ནས་བསྙིལ་འདུག །ཆུང་བ་རྣམས་ནི་ཤུལ་རྗེས་ཙམ་ཡང་མི་མངོན་པར་སོང་འདུག །ཆུ་ན་གནས་པའི་པདྨ་ཐམས་ཅད་ནི་སིར་བ་འབབ་པའི་ཚེ་ཆུ་གཏིང་དུ་བྱིངས་ནས། །སླར་སེར་བ་དྭངས་ཚེ་ཆུ་ཁར་གཡེངས་ཤིང་འདབ་མ་ཡང་ཁ་བྱེ་སྟེ་འདུག་པ་ལ་བུང་བ་འགའ་ཞིག་འཕུར་ལྡིང་གིས་རྩེ་ཞིང་ཉམས་དགའ་དགའ་ལྟར་འདུག །ངག་སྙན་གནས་པའི་མེ་ཏོག་ཀྱང་སེར་བས་མ་བཅོམ་པར་འདུག་རུང་མེ་ཏོག་ཆུ་གཏིང་དུ་ཕྱིངས་བས་ངག་སྙན་སྦུབས་སུ་འཐུམས་ནས་ཤི་སྟེ་རོ་ཡང་གུམ་གུམ་པོར་བྱས་ནས་གེ་སར་ལ་འབྱར་འདུག །དེར་འདབ་ཡངས་ཤིན་ཏུ་མྱ་ངན་གྱིས་ནོན་ནས་སྙིང་ཁར་འཚངས་ཤིང་མིག་མཆི་མས་གང་ནས་འདུག་སྟེ། ཉི་འོད་གསལ་བ་དང་པད་འདབ་བྱེ་བ། བུང་བ་གཞན་གྱི་རྩེ་


ZP01_Page_240
[མ་དཔེ་གཟིགས་ན་འདིར་གནོན།]

དགའི་རྣམ་འགྱུར་སོགས་སྔར་སེམས་ལ་དགའ་བ་བསྐྱེད་པ་ཐམས་ཅད་ཀྱང་སྡུག་བསྔལ་གྱི་སྣོན་པར་གྱུར་ནས་ཤིན་ཏུ་ཉམ་ཐག་པའི་སྐད་ཀྱིས་སྨྲེ་སྔགས་འདོན་པ། ཀྱི་ཧུད་ཀྱི་ཧུད་ཀྱི་ཧུད། །རེ་སྡུག་རེ་སྡུག་རེ་སྡུག །སྡུག་བསྔལ་འཁོར་བའི་གནས་ཚུལ། །སྡུག་བསྔལ་འདི་ལ་ལྟོས་དང་། །མི་རྟག་སྒྱུ་མའི་གྲོང་ཁྱེར། །ཞིག་ཤུལ་འདི་ལ་ལྟོས་དང་། །མི་རྟག་འཁྲུལ་པའི་གནས་ཁང་། །འགྱེལ་ཚུལ་འདི་ལ་ལྟོས་དང་། །མི་བདེན་བསླུ་བའི་འདོད་ཡོན། །འགྱུར་ཚུལ་འདི་ལ་ལྟོས་དང་། །སྔར་ཞིག་བཀོད་པའི་མེ་ཏོག །ད་ལྟ་འདབ་རྒྱ་ཉམས་འདུག །སྔར་ཞིག་སྐྱེས་པའི་ལོ་མ། །ད་ལྟ་གཅལ་དུ་བཀྲམ་འདུག །ད་ནངས་བདེ་སྐྱིད་ཡུལ་ལྗོངས། །ད་ལྟ་སྡུག་བསྔལ་འཛོམ་འདུག །སྔོན་ཆད་འགྲོགས་པའི་གྲོགས་བཟང་། །ད་ལྟ་ལུས་སེམས་བྲལ་འདུག །སྔོན་ཆད་བག་ཕེབས་འདབ་ཡངས། །ད་རེས་རེ་ཐག་ཆད་འདུག །སྔོན་ཆད་ཉམས་དགའི་འདོད་ཡོན། །ད་ལྟ་སྡུག་བསྔལ་རྒྱུར་འདུག །ད་ནངས་མཛེས་པའི་རྐང་དྲུག །ད་ལྟ་རོ་རུ་གྱུར་འདུག །སྣང་ཚུལ་འདི་ལ་བསམ་པས། །སྐྱོ་སྐྱོ་སེམས་ལ་སྐྱེའོ། །རྨོངས་རྨོངས་བློ་སེམས་རྨོང་ངོ ། །འཁྲུག་འཁྲུག་སེམས་པ་འཁྲུག་གོ །འདར་འདར་ལུས་སེམས་འདར་རོ། །གློ་བུར་འཆི་བདག་བདུད་བོ། །སྔོན་མ་ཁོང་ལ་སླེབ་སོང་


ZP01_Page_241
[མ་དཔེ་གཟིགས་ན་འདིར་གནོན།]

ངེད་ལ་ནམ་ཙམ་སླེབ་འོང་། །མཁྱེན་ནོ་བླ་མ་མཁྱེན་ནོ། །སྡུག་གོ་འདབ་ཡངས་སྡུག་གོ །བློ་སྣ་ཆོས་ལ་འགྱུར་བར། །བླ་མས་བྱིན་གྱིས་རློབས་ཤིག །ཅེས་སོགས་སྨྲེ་སྔགས་དུ་མ་འདོན་ཅིང་ཡིད་ལྷག་པར་སྐྱོ་ནས་དེར་སྡོད་མ་ཚུགས་པས་རྩེ་མཐོ་པདྨའི་རི་བོའི་ངོས་སུ་ཕྱིན་ཏེ། བྲམ་ཟེའི་ཁྱེའུ་པདྨ་དགྱེས་པའི་གནས་དང་ཉེ་བ་གཡུ་ཤུག་ཟིལ་པ་མཐའ་ཡས་པའི་ལོ་མའི་དྲུང་ནས་འཕུར་ལྡིང་བྱེད་ཅིང་སྐྱོ་ཤས་ཀྱི་གླུ་བླངས་པ། ཀྱེ་མ་ཉམས་དགའ་མེ་ཏོག་གི་སྐྱེད་ཚལ། །ཉམས་ལ་མི་དགའ་སྡུག་བསྔལ་གྱི་གྲོང་ཁྱེར། །ཡིད་འོང་འདོད་ཡོན་ཡུལ་ལྔ་ཡི་ལོངས་སྤྱོད། །ཡིད་དུ་མི་འོང་འདུ་བྱེད་ཀྱི་སྡུག་བསྔལ། །སྙིང་སྡུག་ཡིད་འཕྲོགས་ཚེ་གང་གི་གཏན་གྲོགས། །སྙིང་ལ་མི་སྡུག་རོ་རུལ་དུ་གྱུར་འདུག །མཁྱེན་ནོ་མཁྱེན་ནོ་དཀོན་མཆོག་གསུམ་མཁྱེན་ནོ། །དྲན་ནོ་དྲན་ནོ་ལྷ་ཆོས་རང་དྲན་ནོ། །ལ་འུར་ལ་འུར་ཆོས་ལམ་ལ་ཞུགས་འགྲོ། །བརྩེགས་ཚད་འགྱེལ་ན་གནས་ཁང་གིས་ཅི་བྱེད། །བསགས་ཚད་འཛད་ན་ནོར་རྫས་ཀྱིས་ཅི་བྱེད། །འདུས་ཚད་འབྲལ་ན་གཉེན་འདུན་གྱིས་ཅི་བྱེད། །མཐོ་ཚོད་ལྷུང་ན་ཐོབ་ཐང་གིས་ཅི་བྱེད། །སྐྱེས་ཚད་འཆི་ན་འདི་སྣང་གིས་ཅི་བྱེད། །ལས་ཀྱིས་འབྲེལ་བའི་བརྩེ་གདུང་གི་ཟླ་གྲོགས། །བར་དོའི་ཡུལ་ལ་ད་ལྟ་ཙམ་སླེབ་ཡོད། །ཤི་ན་རེ་ས་ལྷ་ཆོས་ལས་མི་འདུག །


ZP01_Page_242
[མ་དཔེ་གཟིགས་ན་འདིར་གནོན།]

ཕན་པའི་ལྷ་ཆོས་རང་བྱས་ཤིག་མེད་ན། །འབྱོར་ཀྱང་ནོར་གྱིས་ཉོ་རྒྱུ་ནི་མི་འདུག །མང་ཡང་དཔུང་གིས་འཕྲོག་རྒྱུ་ནི་མི་འདུག །མཐུན་ཡང་གྲོགས་ལ་བསླུ་རྒྱུ་ནི་མི་འདུག །ལས་དཀར་རྫོངས་ལ་བསྐུར་རྒྱུ་ནི་མི་འདུག །གཤིན་རྗེའི་ཁྲིམས་ལ་ཕྱི་བཞག་ནི་མི་འོང་། །མ་བསྒྲུབས་བཞག་པའི་ཐོས་པ་དེས་མི་ཕན། །མ་རྨོས་བཞག་པའི་ས་ཞིང་དེས་མི་ཕན། །མ་ཞོན་བཞག་པའི་རྟ་ཕོ་དེས་མི་ཕན། །ད་ནི་ཅིས་ཀྱང་དགོས་མེད་ཅིག་དྲན་པས། །མི་ཚེའི་ལྷག་མ་ལྷ་ཆོས་ལ་དྲིལ་གཏོང་། །དགྲ་ཡང་མི་བསམ་འདུལ་ཐབས་ནི་མི་བྱེད། །གཉེན་ཡང་མི་བསམ་སྐྱོང་བྲན་ནི་མི་གྲུབ། །ནོར་ཡང་མི་བསམ་གསོག་འཇོག་ནི་མི་ཁོམ། དབོན་ཡང་མི་བསམ་ངོ་སྲུང་ནི་མི་འཛོམ། །གྲོགས་ཀྱང་མི་བསམ་བརྩེ་གདུང་ནི་མི་མོས། །གོས་ཀྱང་མི་བསམ་དྲོ་འཇམ་ནི་མི་འབྱོར། །ཟས་ཀྱང་མི་བསམ་ཞིམ་མངར་ནི་མི་རྙེད། །གནས་ཀྱང་མི་བསམ་མཁར་ཁང་ནི་མི་འཛིན། །ཚེ་འདི་མི་བསམ་འདི་སྣང་འདི་བདུད་རེད། །ཅིར་ཡང་མི་བསམ་འཁྲུལ་སྣང་འདི་དགྲ་རེད། །རྟོག་མེད་ངང་ལ་བག་ཡངས་སུ་གནས་ཤིང་། །བསམ་མེད་ངང་དུ་མཉམ་གཞག་རང་ལྷོད་དེ། །སྒོམ་མེད་ངང་ནས་ཆོས་སྐུ་དང་མཇལ་བའི། །རི་སུལ་ཉལ་བའི་རྟོགས་ལྡན་དེ་སྐྱིད་དོ། །འཁྲུལ་སྣང་ཞིག་པས་རྣམ་རྟོག་ནི་མི་མང་། །སྤང་བླང་ཞིག་


ZP01_Page_243
[མ་དཔེ་གཟིགས་ན་འདིར་གནོན།]

པས་བཅོས་མ་ནི་མི་བྱེད། །རེ་དོགས་ཞིག་པས་ཞེ་འདོད་དང་བྲལ་བའི། །འཁྲུལ་པ་ཞིག་པའི་ཞིག་པོ་དེ་སྐྱིད་དོ། །སེམས་ཉིད་མ་བཅོས་ཐ་མལ་གྱི་ཤེས་པ། །རལ་པ་མ་བཅོས་ལྕང་ལོ་ཡི་ཟར་བུ། །སྤྱོད་ལམ་མ་བཅོས་གཏད་མེད་དུ་བྱུང་རྒྱལ། །བཅོས་མ་སྤངས་པའི་རྣལ་འབྱོར་དེ་སྐྱིད་དོ། །གཏུམ་མོ་སྦར་བས་གཅེར་བུ་རུ་བག་ཡངས། །ཏིང་འཛིན་འབྱོངས་པས་ཟས་མེད་དུ་ཉམས་དགའ། །རང་རིག་རྟོགས་པས་གཅེར་བུ་རུ་ལྷོད་ཆགས། །ལམ་རྟགས་འབྱོངས་བའི་གྲུབ་ཐོབ་དེ་སྐྱིད་དོ། །སྙིང་རུས་ཆེ་བས་དཀའ་ཐུབ་ལ་སེམས་སྤྲོ། །དམ་བཅའ་ཐུབ་པས་གཅིག་པུ་རུ་སྡོད་ཚུགས། །ཆུ་དང་རྡེའུའི་བཟའ་བཏུང་གིས་འཚོ་བའི། །བརྟུལ་ཞུགས་གྲུབ་པའི་དྲང་སྲོང་དེ་སྐྱིད་དོ། །གང་ཡང་སྐྱིད་དོ་ཆོས་བཞིན་དུ་སྤྱོད་ཚད། །སུ་ཡང་སྡུག་གོ་ཚེ་འདི་ལ་ཞེན་ཚད། །ནམ་ཡང་སྐྱིད་དོ་དབེན་པ་ཡི་རི་ངོགས། །ཅིས་ཀྱང་སྡུག་གོ་འཁོར་བ་ཡི་གྲོང་ཁྱེར། །གཏན་དུ་འཚེང་ངོ་དཀོན་མཆོག་ལ་བསྟེན་ཚད། །ནམ་ཡང་ཕུང་ངོ་ཁེ་གྲགས་ལ་རེ་ཚད། །གོང་གི་དབོན་ལ་འཇལ་འཇལ་ནི་འཇལ་ཡོད། །འཇལ་ཚོད་མི་འདུག་གང་དགའ་རུ་བསྐྱུར་ཐོངས། །འོག་གི་གཡོག་ལ་བྱིན་བྱིན་ནི་བྱིན་ཡོད། །སྦྱིན་ཚོད་མི་འདུག་གང་དགའ་རུ་བསྐྱུར་ཐོངས། །བར་གྱི་གཉེན་ལ་བསྐྱང་བསྐྱང་ན་བསྐྱངས་ཡོད། །


ZP01_Page_244
[མ་དཔེ་གཟིགས་ན་འདིར་གནོན།]

བསྐྱང་ཚོད་མི་འདུག་གང་དགའ་རུ་བསྐྱུར་ཐོངས། །སྡང་བའི་དགྲ་ལ་འཐབ་འཐབ་ནི་ཐབས་ཡོད། །འཐབ་ཚོད་མི་འདུག་གང་དགའ་རུ་བསྐྱུར་ཐོངས། །རྨོས་པའི་ཞིང་ལ་བཏབ་བཏབ་ནི་བཏབ་ཡོད། །འདེབས་ཚོད་མི་འདུག་ཐ་རྒོད་དུ་བསྐྱུར་ཐོངས། །བརྩེགས་པའི་མཁར་དུ་བསྡད་བསྡང་ནི་བསྡང་ཡོད། །འདུག་ཚོད་མི་འདུག་དབེན་རི་ལ་ཆས་འགྲོ། །བཟང་བའི་ཟས་ལ་ཟོས་ཟོས་ནི་ཟོས་ཡོད། །ཟ་ཚོད་མི་འདུག་དཀའ་ཐུབ་ལ་བསྟེན་འགྲོ། །བགོ་བའི་གོས་ལ་གྱོན་གྱོན་ནི་གྱོན་ཡོད། །གྱོན་ཚོད་མི་འདུག་གཅེར་བུ་རུ་འཕྱོངས་འགྲོ། །ད་བྱེད་ད་བྱེད་ལྷ་ཆོས་རང་བྱེད་དོ། །ད་སྒྲུབ་ད་སྒྲུབ་འཆི་ཆོས་ཤིག་སྒྲུབ་བོ། །དམ་བཅའ་ཡིན་ནོ་ལྷ་རྣམས་གྱིས་དགོངས་མཛོད། །ཁས་ལེན་ཡིན་ནོ་རང་སེམས་འདི་དབང་ངོ ། །ཞེས་ཟེར་བར་པདྨ་དགྱེས་པའི་བསམ་པ་ལ། གསེར་སྦྲང་འདབ་ཡངས་འདི་སྔོན་ནས་ཆོས་ལ་དཀར་ཞིང་བྱ་བ་གང་ལ་ཡང་ཚུགས་ཐུབ་ཅིང་གཞུང་བཟང་བ་ཞིག་ཡིན་མོད་ཀྱི། ད་རེས་རྐྱེན་གྱིས་བསྒྱུར་བའི་ངེས་འབྱུང་གློ་བུར་བ་ལ་ནམ་ཕུགས་རང་མེད་ལས་ཆེ་ཡང་བརྟགས་དཔྱད་ཅིག་བྱེད་དགོས་སྙམ་ནས་འདི་སྐད་དུ། ཀྱེ་ལགས་གསེར་སྦྲང་འདབ་ཡངས་སྙིང་གི་གྲོགས། །གཅིག་པུར་སྐྱོ་གླུ་ལེན་པ་ཇི་ལྟར་ལགས། །ད་རེས་ལས་ཀྱིས་བསྐོས་པའི་གཏན་གྲོགས་ལ། །གློ་བུར་


ZP01_Page_245
[མ་དཔེ་གཟིགས་ན་འདིར་གནོན།]

འཆི་བདག་ཞགས་པས་བཏབ་ན་ཡང་། །ཐུགས་ངལ་མ་མཛད་སྙིང་ལ་རུས་པ་སྐྱེད། །ལྷ་ཆོས་གཞི་མ་མི་ཆོས་ཕུན་སུམ་ཚོགས། །མི་ཆོས་ཟེར་བ་འཁོར་བའི་བདེ་སྐྱིད་ཡིན། །བདེ་སྐྱིད་མི་འདོད་ཆོས་ཀྱིས་ཅི་ཞིག་བྱ། །ཆོས་ལྷུར་ལེན་ལ་བདེ་སྐྱིད་འདོད་པ་ཡིན། །གྲོགས་གཅིག་ཤི་ཡང་གྲོགས་ཀྱིས་ག་ལ་ཕོངས། །ཤི་བས་ཐབས་ཆགས་འཁོར་བའི་དཔེ་ལ་མེད། །སྐྱིད་སྡུག་རེས་མོས་འཁོར་བའི་གནས་ཚུལ་ཡིན། །སྐྱིད་དམ་སྙམ་པ་ད་དུང་བརྒྱ་རེ་འོང་། །གློ་བུར་ངེས་འབྱུང་རཱ་ཛའི་ཆོ་འཕྲུལ་ཡིན། །དེ་ལ་སྙིང་པོ་མེད་པ་མ་དགོངས་སམ། །འཕྲུལ་སྣང་དད་པ་བློ་ཡི་འགྱུར་བག་ཡིན། །དེ་ལ་ནམ་ཕུགས་མེད་པ་མ་དགོངས་སམ། །ཐོ་ཅོའི་གཏོང་ཕོད་ཨ་ལ་ཧ་སུད་ཡིན། །དེ་ལ་འབྲས་བུ་མེད་པ་མ་དགོངས་སམ། །རྐྱེན་ངན་གློ་རྡེག་འཕྲལ་སྣང་སྐད་ཅིག་ཡིན། །དེ་ལ་ཕུང་འཚེངས་མེད་པ་མ་དགོངས་སམ། །ལུགས་གཉིས་ཟུང་འབྲེལ་མཁས་པའི་བསྒྲུབ་བྱ་ཡིན། །དེ་ལ་ཐར་ལམ་ཡོད་པ་མ་དགོངས་སམ། །འདོད་ཡོན་ལམ་ཁྱེར་གསང་སྔགས་ཐབས་མཁས་ཡིན། །དེ་ལ་ཉེ་ལམ་ཡོད་པ་མ་དགོངས་སམ། །རྒྱལ་པོའི་ས་འཛིན་རྒྱལ་སྲས་སྤྱོད་པ་ཡིན། །དེ་ལ་འགྲོ་དོན་ཡོད་པ་མ་དགོངས་སམ། །ནོར་རྫས་བསགས་པ་ཅན་ལ་སྦྱིན་གཏོང་ཡོད། །དེ་ལ་ཕྱིན་དྲུག་ཚང་


ZP01_Page_246
[མ་དཔེ་གཟིགས་ན་འདིར་གནོན།]

བ་མ་དགོངས་སམ། །ཞེ་བཅད་མེད་པའི་དམ་བཅའ་མང་བ་དེ། །མཐར་ཐུག་འགལ་བ་མང་བའི་རྒྱུར་ཤེས་དགོས། །སྙིང་རུས་མེད་པའི་དཀའ་ཐུབ་བྱེད་པ་དེ། །མཐར་ཐུག་ལོག་ལྟ་སྐྱེ་བའི་རྒྱུ་ཡིན་གཟབ། །ནམ་ཕུགས་མེད་པའི་ཞེན་ལོག་ངེས་འབྱུང་དེ། །མཐར་ཐུག་རང་ཆུས་ཤོར་བའི་རྒྱུ་ཡིན་གཟབ། །ཏིང་འཛིན་མ་སྐྱེས་དབེན་རི་འཛིན་པ་དེ། །མཐར་ཐུག་སུན་པ་སྐྱེ་བའི་རྒྱུ་ཡིན་གཟབ། །ལྟ་བ་མ་རྟོགས་གཉན་ས་འགྲིམ་པ་དེ། །མཐར་ཐུག་ལྷ་འདྲེས་བརླམ་པའི་རྒྱུ་ཡིན་གཟབ། །གྲུབ་པ་མ་ཐོབ་བརྟུལ་ཞུགས་སྤྱོད་པ་དེ། །མཐར་ཐུག་དམྱལ་བར་སྐྱེ་བའི་རྒྱུ་ཡིན་གཟབ། །རང་རྒྱུད་མ་འགྱུར་ཆ་ལུགས་བསྒྱུར་བ་དེ། །མཐར་ཐུག་གཞན་གྱིས་ཁྲེལ་བའི་རྒྱུ་ཡིན་གཟབ། །བརྟགས་དཔྱད་མ་བཏང་ཙབ་ཙོབ་བློ་མང་དེ། །མཐར་ཐུག་འགྱོད་པ་སྐྱེ་བའི་རྒྱུ་ཡིན་གཟབ། །གཅིག་ཏུ་མ་རེས་བྱ་སྤྱོད་གྲངས་མང་དེ། །མཐར་ཐུག་ཐམས་ཅད་སུན་པའི་རྒྱུ་ཡིན་གཟབ། །མཐོང་ལམ་མ་ཐོབ་མངོན་ཤེས་འཆད་པ་དེ། །མཐར་ཐུག་རང་གཞན་ཕུང་བའི་རྒྱུ་ཡིན་གཟབ། །སྙིང་རྗེ་མ་འབྱོངས་འགྲོ་དོན་བྱེད་པ་དེ། །མཐར་ཐུག་ཞེན་པ་སྐྱེ་བའི་རྒྱུ་ཡིན་གཟབ། །སྟབས་གཟབ་རྟོག་དཔྱོད་ཞིབ་ཏུ་མ་བཏང་བར། །སེམས་ལ་དྲན་ཚད་ཁ་རུ་འདོན་མི་རུང་། །ཁ་ཡིས་སྨྲས་ཚད་ལག་ཏུ་ལེན་མི་རུང་། །འཇུས་ནས་མ་ཤོར་བ་ཞིག་གནད་


ZP01_Page_247
[མ་དཔེ་གཟིགས་ན་འདིར་གནོན།]

དུ་ཆེ། །བཟུང་ནས་མ་བཏང་བ་ཞིག་གནད་དུ་ཆེ། །བཤད་ནས་མ་བརྫུན་པ་ཞིག་གནད་དུ་ཆེ། །གསེར་སྦྲང་ཐིག་ལེའི་ཐུགས་ལ་དེ་ལྟར་ཞོག །བག་ཡངས་པདྨ་དགྱེས་པའི་སྙིང་གཏམ་ཡིན། །རང་བློའི་ཉམས་མྱོང་ཡིན་གྱི་ཐུགས་མ་ཁྲེལ། །བརྩེ་བའི་གསང་གཏམ་ཡིན་གྱི་བཀའ་མ་བཀྱོན། །ཐུགས་བཞག་བརྟགས་དཔྱད་མཛོད་དང་བདེན་གཏམ་ཡིན། །ཟེར་བས་གསེར་སྦྲང་གི་ཡིད་ལ་ཅུང་ཟད་མ་འཐད་ནས་འདི་སྐད་དུ། ཨེ་མ་དབེན་པའི་ནགས་ཚལ་ན། །བྲམ་ཟེའི་ཁྱེའུ་ལྷོད་རེ་ཆགས། །པདྨ་དགྱེས་པ་ཉམས་རེ་དགའ། །གཅིག་པུར་ལུས་པའི་སྦྲང་ཆུང་ལ། །སྐྱོ་གྲོགས་བྱེད་པ་འདྲིས་གཞུང་བཟང་། །སྐྱོ་གླུ་ལེན་པའི་འདབ་ཡངས་ལ། །གསང་གཏམ་འཆད་པ་ཕྱི་ཐག་རིང་། །མྱ་ངན་གདུངས་པའི་གསེར་སྦྲང་ལ། །སེམས་གསོ་བྱེད་པ་སྐུ་དྲིན་ཆེ། །ལུགས་གཉིས་མཐུན་པའི་གསུང་སྒྲོས་ལ། །དོན་བཟང་ཡོད་པ་ངོ་མཚར་ཆེ། །སྡུག་བསྔལ་འཁོར་བའི་གནས་ཚུལ་ལ། །སྐྱོ་བ་སྐྱེས་པའི་སྦྲང་ཆུང་ང་། །སྔོན་ནས་དམ་པའི་དྲུང་དུ་བསྡད། །བློ་རྩེ་དམ་པའི་ཆོས་ལ་གཏད། །སྒྲུབ་པའི་དམ་བཅའ་སྙིང་ལ་བྲིས། །གློ་བུར་རྣམ་འགྱུར་ཡིན་རེ་ཤི །དབེན་པའི་ནགས་ཚལ་སྙིང་ལ་བཅངས། །གོང་མའི་རྣམ་ཐར་ཡིད་ལ་བཞག །བྱིས་པའི་བསམ་སྤྱོད་བྱས་རེ་ཤི །བློ་རྩེ་


ZP01_Page_248
[མ་དཔེ་གཟིགས་ན་འདིར་གནོན།]

དཀོན་མཆོག་གསུམ་ལ་གཏང་། །དྲིན་ཆེན་བླ་མ་གཙུག་ཏུ་ཁུར། །གཏད་ས་ནོར་བ་ཡོད་རེ་ཤི །སྡང་བའི་དགྲ་ལ་ཁོག་ཡངས་བྱས། །བྱམས་པའི་གཉེན་ལ་ཕྱི་གཞུང་བཟུང་། །སྡུག་འཐབ་ཁོང་ཁྲོ་བྱེད་རེ་ཤི །མཆོད་པ་དཀོན་མཆོག་གསུམ་ལ་འབུལ། །སྦྱིན་པ་མ་ནུས་པ་ལ་གཏོད། །འབྲས་མེད་སྦྱིན་གཏོང་བྱེད་རེ་ཤི །རང་གི་ཡོན་ཏན་སྦུབས་སུ་བསྐྱིལ། །གཞན་གྱི་ཡོན་ཏན་དར་བཞིན་འཕྱར། །ཐོ་ཅོ་ང་རྒྱལ་བྱེད་རེ་ཤི །ཚེ་གང་བསྒོས་པའི་གཏན་གྲོགས་ལ། །འཆི་བདག་ཞགས་པས་གློ་བུར་ཐེབས། །ད་རེས་མི་རྟག་མངོན་སུམ་མཐོང་། །སྐྱོ་ཤས་ངེས་འབྱུང་གཏིང་ནས་སྐྱེས། །གཏམ་ལ་ཟོལ་ཟོག་ཡོད་རེ་ཤི །དམ་བཅའ་སྙིང་གི་དབུས་སུ་བྲིས། །ལག་ལེན་བརྩོན་འགྲུས་ལྕག་གིས་འདེབས། །ཚིག་ལ་བརྫུན་པ་ཡོད་རེ་ཤི །ཡིད་མཐུན་པདྨ་དགྱེས་པ་ཁྱོད། །བླ་མ་སངས་རྒྱས་དངོས་དང་མཇལ། །ཟབ་དགུའི་གདམས་ངག་མངའ་ལགས་སམ། །ཐོས་བསམ་ཕྱོགས་མེད་གཞུང་ལ་བྱས། །ཚིག་གི་སྒྲོ་འདོགས་ཆོད་ལགས་སམ། །ཉམས་ལེན་དབེན་པའི་གནས་སུ་བསྐྱངས། །བཅོས་མིན་རྟོགས་པ་སྐྱེས་ལགས་སམ། །སྐྱིད་གླུ་བྲག་རིའི་དྲུང་ནས་བླངས། །ཉམས་སྣང་རྩལ་ཁ་འབར་ལགས་སམ། །སྤྱོད་པ་བག་ཡངས་བྱུང་རྒྱལ་བྱས། །རོ་སྙོམས་ལམ་དུ་ལོངས་ལགས་སམ། །ལྟད་


ZP01_Page_249
[མ་དཔེ་གཟིགས་ན་འདིར་གནོན།]

མོ་འཁོར་བའི་གྲོང་ལ་བལྟས། །སྐྱོ་ཤས་གཏིང་ནས་སྐྱེས་ལགས་སམ། །ཆོས་དང་མཐུན་པའི་གཏམ་སྨྲོས་ཤིག །ལམ་དང་མཐུན་པའི་གླུ་ཞིག་ལོངས། །མི་རྟག་སྟོན་པའི་དཔེ་ཞིག་ཤོད། །འཁོར་བའི་གྲོང་ཁྱེར་སྨ་ཕབ་མཛོད། །ཐར་པའི་ལམ་གྱི་ཡོན་ཏན་ཤོད། །དབེན་པའི་རི་ལ་བསྔགས་བརྗོད་གྱིས། །གསེར་གྱི་སྦྲང་ཆུང་འདབ་ཡངས་ང་། །སྡོད་ས་དབེན་པའི་གནས་སུ་བྱེད། །བརྩེ་གདུང་ལྷ་ཆོས་གྲོགས་ལ་བྱེད། །ལྟད་མོ་རང་གི་སེམས་ལ་བལྟ། །ཡིད་མཐུན་བགྲོ་གླེང་ཁྱོད་ལ་བྱེད། །ཚིག་ལ་སྦ་གསང་མེད་པར་ཞུ། །ཞེས་ཟེར་བས་བྲམ་ཟེའི་ཁྱེའུ་པདྨ་དགྱེས་པས་ཀྱང་། །གསེར་གྱི་སྦྲང་ཆུང་འདབ་ཡངས་འདི་གཞུང་བཟང་ཕྱི་ཐག་རིང་ཞིང་ཚུགས་ཐུབ་པ་ཡིན་པས་ཐོ་ཅོའི་བློ་མང་བྱེད་པ་ཕལ་པ་དང་མི་འདྲ་བ་ཙམ་ཞིག་ཡོད། གང་ལྟར་ཡང་ད་ལྟའི་ཟེར་ཚུལ་ལ་དཔག་ན་གཏིང་ནས་ཆོས་ལ་དད་པ་འདྲ་མོ་ཞིག་འདུག་པས། །དེ་ལྟར་ན་ཁོང་གི་བློ་ལ་འཐད་པའི་གཏམ་ཞིག་བྱེད་དགོས་སྙམ་ནས་འདི་སྐད་དུ། །ཀྱེ་ཀྱེ་ཡིད་གཅུགས་སྙིང་གི་གྲོགས། །གསེར་གྱི་སྦྲང་ཆུང་འདབ་ཡངས་ཁྱོད། །བློ་གཏད་དཀོན་མཆོག་གསུམ་ལ་བྱས། །ཡིད་ཆེས་དམ་པའི་ཆོས་ལ་འབུངས། །སྐྱོ་ཤས་ངེས་འབྱུང་བློ་སྣ་བསྟུང་། །སྒྲུབ་ལ་མོས་པ་ཡོད་པ་དེ། །ཚེ་སྔོན་ལེགས་


ZP01_Page_250
[མ་དཔེ་གཟིགས་ན་འདིར་གནོན།]

སྨོན་སོང་བའི་རྟགས། །འདུས་བྱས་མི་རྟག་སྒྱུ་མར་གོ །འཁོར་བའི་གྲོང་ལ་སྐྱོ་བ་སྐྱེས། །ཆོས་བརྒྱད་ཚེ་འདིའི་བློ་ངན་བཤོལ། །དབེན་པའི་རི་ལ་དགའ་བ་དེ། །ཆོས་ལ་ལས་འཕྲོ་ཡོད་པའི་རྟགས། །རྣམ་དཔྱོད་ཐོས་བསམ་ཡུལ་ལ་ཤར། །ལས་འབྲས་ཟབ་མོའི་སྤང་བླང་གོ །རྒྱལ་སྲས་དམ་པའི་མཛད་སྤྱོད་ཤེས། །ལམ་མཆོག་འཇུག་སྒོ་རྙེད་པ་དེ། །དམ་པའི་མགོན་གྱིས་ཟིན་པའི་རྟགས། །སྐལ་བ་བཟང་པོའི་སྦྲང་ཆུང་ལ། །བླ་མ་བཟང་པོའི་སློབ་མ་ངས། །ངེས་ཤེས་བཟང་པོའི་གསལ་ཞིག་འདེབས། །ཐུགས་བསྐྱེད་བཟང་པོའི་སྣོན་པ་མཛོད། །མར་ལ་འཁོར་བའི་གྲོང་ཞིག་ན། །སྣོད་ལ་འཁྲུལ་སྣང་སྒྱུ་མ་ཟེར། །བཅུད་ལ་ཨ་འཐས་འཁྲུལ་པ་ཟེར། །སྣོད་བཅུད་འཛོམ་པའི་སྐབས་ཤིག་ན། །སྡིག་ལ་ཧབ་ཐོབ་བྱས་བྱས་ནས། །སྡུག་བསྔལ་ནགས་མེ་མཆེད་པ་འདྲ། །དགེ་ལ་རྒྱབ་ཀྱིས་ཕྱོགས་ཕྱོགས་ནས། །བདེ་སྐྱིད་ནམ་ལངས་སྐར་མ་འདྲ། །སྤྱོད་ངན་དང་དུ་བླང་བླང་ནས། །དུས་ངན་དགོངས་ཀའི་གྲིབ་སོ་འདྲ། །ཞེ་སྡང་གདུག་པའི་རང་འཐག་ལ། །འདོད་ཆགས་ཞེན་པའི་ལྟེ་ཁུང་དེར། །མཐོ་རིས་མི་ཡི་ཡོས་ཁྲ་བླུགས། །བཏགས་ཤིང་ངན་སོང་གཏིང་དུ་བབས། །སྟེང་ནས་གོད་ཀྱི་ཆེ་ལུགས་ལ། །ཞབས་ནས་འཕེལ་གྱི་མང་ལུགས་ལ། །རྒྱུ་འབྲས་བབ་ཀྱིས་ཞིབ་ལུགས་


ZP01_Page_251
[མ་དཔེ་གཟིགས་ན་འདིར་གནོན།]

ལ། །གནའ་ཞིག་འཛམ་གླིང་མི་ཡུལ་ན། །གྲོང་ལ་མུ་དང་རྒྱུད་དུ་འབྲེལ། །ཕན་ཚུན་བྱ་གག་འཕུར་བས་སླེབ། །ལོངས་སྤྱོད་བདེ་སྐྱིད་ལྷ་ལ་འགྲན། །དཔོན་ལ་འཁོར་ལོས་སྒྱུར་རྒྱལ་བཞུགས། །མངའ་ཐང་གསེར་གྱི་འཁོར་ལོས་བསྒྱུར། །བྲན་ལ་གླིང་བཞི་གླིང་ཕྲན་བསྐོར། །ཁྲིམས་ལ་དགེ་བ་བཅུ་པོ་དར། །མི་འཕེལ་མཐོ་རིས་ལྷ་ཡུལ་འགྲོ། །ལྷ་འཕེལ་མེ་ཏོག་སྐྱེད་ཚལ་གང་། །དེང་སང་བསྐལ་པའི་སྙིགས་མ་ལ། །གྲོང་ལ་གྱང་རལ་མུ་རུ་འབྲེལ། །ཞིང་ལ་ཐ་བ་རྒྱུད་དུ་མཐུད། །ལོངས་སྤྱོད་ཤ་ཁྲག་ཟས་ལ་བྱེད། །དཔོན་ལ་དམྱལ་བའི་བང་ཆེན་བཞུགས། །མངའ་ཐང་དམེ་ཤི་འཁྲུག་པས་བསྒྱུར། །བྲན་ལ་ལས་ངན་སེམས་ཅན་འཁོར། །ཁྲིམས་ལ་གཡོ་སྒྱུ་ཟ་ཐབས་དར། །མི་ཟད་རྟིང་པ་ཁྲམ་པས་བཟུང་། །ཁྲམ་པ་ངན་སོང་གྲོང་སྒོ་འགྲིམ། །འཕེལ་ལ་ཚ་གྲང་དམྱལ་བ་ཆེ། །གཡུལ་ལ་ལྷ་མིན་སྲིན་པོ་རྒྱལ། །བཟའ་ལ་ནད་བདག་གོང་བདག་ཆེ། །ཁྲི་ཐོག་རྒྱལ་པོས་ཁྲམ་ཞིག་བྱེད། །ཐབས་ཀྱིས་ཉེས་མེད་ཆད་པས་གཅོད། །བརྫུན་གྱིས་བྲན་ལ་ཉེས་པ་བགྲང་། །གཡོ་སྒྱུས་རང་གཞན་ཕུང་ལ་སྦྱོར། །གདུགས་ཞབས་བླ་མས་ཁྲམ་ཞིག་བྱེད། །དམ་པའི་ཆོས་ལ་ཕག་ཅིག་གཡར། །མངོན་ཤེས་རྫུན་གྱི་འོལ་ཚོད་སྒྲོགས། །དབང་ལ་ནོར་གྱི་ཉོ་བཙོང་


ZP01_Page_252
[མ་དཔེ་གཟིགས་ན་འདིར་གནོན།]

བྱེད། །མཐུ་ཡིས་དཔོན་ལ་ངོ་འཛིན་བྱེད། །ཆོས་ལ་གྲོང་བའི་རྐྱེན་བཟློག་བྱེད། །རི་ཁྲོད་སྒོམ་ཆེན་ཁྲམ་ཞིག་བྱེད། །རི་ཁྲོད་གནས་ན་རོ་ཉལ་བྱེད། །ཕལ་པས་མཐོང་ན་ལུས་ཚུགས་འཛིན། །རང་ནོར་ཡོད་པ་གུད་དུ་སྦས། །སྦྱིན་བདག་དྲུང་དུ་ཁ་གསགས་བརྗོད། །སྐྱེ་བོ་ཕལ་གྱིས་ཁྲམ་ཞིག་བྱེད། །སེམས་ལ་རྫ་མཁན་འཕང་ལོ་འདྲ། །ཅི་དགོས་བལྟ་ཞིང་འཁོར་ལོ་བསྐོར། །གཏམ་ལ་མགར་བའི་ལག་ཆ་འདྲ། །གར་འགྲོ་བལྟ་ཞིང་བདེ་ཁ་བསྒྱུར། །བྱ་བྱེད་སོས་ཀའི་གནམ་དང་འདྲ། །ད་ལྟ་དཀར་ཡང་ད་ལྟ་གནག །ཕྱི་ཐག་སྦྲང་བུའི་མཆུ་དང་འདྲ། །ཟ་ཚེ་ཡོད་དེ་ཚར་ཚེ་མེད། །ངོ་སྲུང་ཐད་ཀའི་རི་མོ་འདྲ། །སྔ་སོ་ལེགས་ཏེ་ཕྱི་སོར་མེད། །དད་འདུན་གློ་བའི་ཚོད་མ་འདྲ། །ཁ་ལ་ཡོད་དེ་གཏིང་ལ་མེད། །ཆོས་པ་རྣམས་ཀྱིས་ཁྲམ་ཞིག་བྱེད། །ཐོས་བསམ་ལྕོང་མོའི་ལུས་དང་འདྲ། །མགོ་བོ་ཆེ་སྟེ་མཇུག་མ་ཕྲ། །དོན་གཉེར་སྦལ་པའི་ཁ་དང་འདྲ། །ཉན་དུས་ཡོད་དེ་སྒྲུབ་དུས་མེད། །རྫུན་གྱིས་བླ་མའི་མགོ་བོ་བསྐོར། །གཡོ་ཡིས་ཆོས་མིན་ཆོས་སུ་བརྫུ། །སྒྱུ་ཡིས་ཉམས་ལེན་ཁ་བཤད་བྱེད། །ས་སྟེང་ཁྲམ་པས་བཟུང་བའི་དུས། །བདེན་པའི་གཞུང་ལམ་གང་ནས་འཛིན། །རྒྱལ་ཁམས་ཟོག་པོས་གང་བའི་དུས། །མཁས་པའི་གཞུང་ལུགས་སུ་ལ་འཆད། །རྒྱལ་པོས་རང་


ZP01_Page_253
[མ་དཔེ་གཟིགས་ན་འདིར་གནོན།]

ཁྲིམས་བཤིག་པའི་དུས། །འབངས་ཀྱི་སྐྱིད་སྡུག་སུ་ལ་རེ། །བླ་མས་རང་དོན་གཉེར་བའི་དུས། །ཉམ་ཐག་གཞན་ཕན་སུ་ཡིས་བྱེད། །དཔོན་གྱིས་བྲན་འཁོར་བཅོམ་པའི་དུས། །ཉམ་ཆུང་ཁ་འཛིན་སུ་ལ་རེ། །ཀྱེ་མ་ཀྱི་ཧུད་ཀྱེ་མ་ཀློང་། །ཁྱེའུ་ཆུང་སྐྱོ་བ་གཏིང་ནས་སྐྱེས། །མི་རྟག་སྲིན་པོའི་སོ་བར་ན། །ཁམས་གསུམ་སེམས་ཅན་འཁོར་ཞིང་རྒྱུག །ད་དུང་རྟག་འཛིན་ཞེན་པས་བཅིངས། །ཚེ་འདིར་རང་དོན་བསྒྲུབས་བསྒྲུབས་ནས། །འཆི་ཁར་འགྱོད་པས་བྲང་ལག་འཐབ། །སང་གི་ཆོས་ལ་བློ་ཐག་གཅོད། །ཕྱི་མའི་ཆོས་ལ་ཕྱི་བཤོལ་བྱེད། །ད་ནངས་གསོན་པའི་ལུས་པོ་ལ། །དོ་དགོང་རོ་ཞེས་འདོད་ལ་ལྟོས། །སང་དང་འཇིག་རྟེན་ཕྱི་མ་གཉིས། །སྔོན་ལ་གང་ཡོང་ཤེས་ལགས་སམ། །ཁྱེའུ་ཆུང་པདྨ་དགྱེས་པ་ང་། །བླ་མ་སངས་རྒྱས་དངོས་དང་མཇལ། །ཐུགས་བརྩེ་ཐུགས་རྗེས་རྗེས་སུ་བཟུང་། །དད་འདུན་ཡིད་ཆེས་རྩེ་གཅིག་ཡིན། །མོས་གུས་ལྟེམ་རྐྱང་བྱེད་མ་མྱོང་། །ཞུ་དོན་བློ་ལ་གང་ཤར་ཡིན། །ཚིག་སྒྲོས་གདམ་ག་བྱེད་མ་མྱོང་། །བྱེད་སྤྱོད་རང་གཤིས་ལྷུག་པ་ཡིན། །གཡོ་སྒྱུ་ངོས་ལྐོག་བྱེད་མ་མྱོང་། །བློ་གཏད་མི་གཅིག་ལྷ་གཅིག་ཡིན། །སྐྱབས་གནས་གཞན་ནས་ཚོལ་མ་མྱོང་། །དམ་པའི་དྲུང་དུ་འདུག་ཡུན་རིང་། །མཁས་པའི་བླ་མ་


ZP01_Page_254
[མ་དཔེ་གཟིགས་ན་འདིར་གནོན།]

བསྟེན་གྲངས་མང་། །ཕྱོགས་མེད་གཞུང་ལུགས་མཐོང་རྒྱ་ཆེ། །དེ་ཕྱིར་ཆོས་དང་ཆོས་འདྲ་ཤེས། །གསེར་གྱི་སྦྲང་ཆུང་འདབ་ཡངས་ཁྱེད། །སྙིང་ནས་ཆོས་ཤིག་མཛད་དགོངས་ན། །སྐྱོ་ཤས་གཏིང་ནས་སྐྱེས་པ་ན། །འདྲ་མིན་སྤང་བའི་ཆོས་ཤིག་དགོས། །དང་པོ་ཆོས་ལམ་གཉེར་བའི་དུས། །སྐྱོ་ཤས་འདི་ལ་འདྲ་ཞིག་ཡོད། །སྡུག་བསྔལ་ཅན་གྱི་གདུང་ཡུས་གཅིག །གློ་བུར་རྐྱེན་གྱིས་ཡི་ཆད་གཉིས། །སྙིང་སྡུག་གྲོགས་ཀྱི་རེ་འཁོང་གསུམ། །ངལ་དུབ་དཀའ་བའི་ཚེགས་ཡུས་བཞི། །གནས་སྐབས་འགྱུར་བའི་ཁམས་འདུས་ལྔ། །སྐྱོ་ཤས་འདྲ་སྟེ་སྐྱོ་ཤས་མིན། །ངེས་འབྱུང་འདི་ལ་འདྲ་ཞིག་ཡོད། །ཆ་ལུགས་འཆོས་པའི་ཕྱོར་འདོད་གཅིག །རི་ཁྲོད་བདེ་བའི་དལ་འདོད་གཉིས། །ནུས་མཐུ་རེ་བའི་བཟླས་བརྗོད་གསུམ། །རྒྱལ་ཁམས་ལྟད་མོའི་གནས་བསྐོར་བཞི། །རེ་དོགས་སྒྲུབ་པའི་ཆོས་བརྒྱད་ལྔ། །ངེས་འབྱུང་འདྲ་སྟེ་ངེས་འབྱུང་མིན། །རི་ཁྲོད་འཛིན་ལ་འདྲ་ཞིག་ཡོད། །ཕྱི་དམ་ནང་ལྷོད་དེ་དང་གཅིག །ཁྲིགས་མེད་བག་ཡངས་དེ་དང་གཉིས། །ལག་ཤེས་རིག་གནས་སྐྱོང་དང་གསུམ། །འཕྲལ་སྤྱོད་བྱ་བླག་མང་དང་བཞི། །གཉིད་ཉལ་མི་ཚེ་འཕུལ་དང་ལྔ། །རི་ཁྲོད་བསྡད་ཀྱང་སྙིང་པོ་མེད། །ཞེན་ལོག་འདི་ལ་འདྲ་ཞིག་ཡོད། །མི་ཆོས་མ་ཕེར་བྲོས་ཁུང་གཅིག །


ZP01_Page_255
[མ་དཔེ་གཟིགས་ན་འདིར་གནོན།]

སྨྱོ་རྒོད་རྒྱུག་པའི་ཐོ་ཅོ་གཉིས། །བསམ་བློ་མ་བཏང་ཁ་ཕོ་གསུམ། །མདོ་མེད་ནོར་ལ་རྩིས་ཆུང་བཞི། །གློ་མེད་འཕྲལ་གྱི་ཐབས་རྡུགས་ལྔ། །ཞེན་ལོག་འདྲ་སྟེ་ཞེན་ལོག་མིན། །རྒྱལ་ཁམས་འགྲིམ་ལ་འདྲ་ཞིག་ཡོད། །ལྟད་མོ་བལྟ་བའི་མཚར་འདོད་གཅིག །དད་པ་མ་སྐྱེས་གནས་མཇལ་གཉིས། །ཕན་ཡོན་མི་ཤེས་བསྐོར་བ་གསུམ། །ཟ་འདོད་རྙེད་ཚོལ་ཁྲམ་པ་བཞི། །བསམ་བློ་མ་བཏང་སྐོར་རྒྱུག་ལྔ། །གནས་བསྐོར་འདྲ་སྟེ་གནས་བསྐོར་མིན། །མཚམས་སྒྲུབ་བྱེད་ལ་འདྲ་ཞིག་ཡོད། །ལྷར་སྣང་མེད་པའི་བཟླས་བརྗོད་གཅིག །དྲན་ཤེས་མེད་པའི་བསྐྱེད་རྫོགས་གཉིས། །ནུས་མཐུ་རེ་བའི་དྲག་སྒྲུབ་གསུམ། །རྣམ་གྲངས་བརྩི་བའི་དུས་སོན་བཞི། །འདི་སྣང་རེ་བའི་ཕྲིན་སྒྲུབ་ལྔ། །མཚམས་སྒྲུབ་འདྲ་སྟེ་སྙིང་པོ་མེད། །བར་དུ་ཉམས་སུ་ལེན་པའི་དུས། །སྐྱབས་འགྲོ་འདི་ལ་འདྲ་ཞིག་ཡོད། །ཚིག་ཙམ་གསོག་པའི་ཁ་གྲངས་གཅིག །ཁྱེད་ཤེས་བློ་གཏད་མི་ཤེས་གཉིས། །སྐྱབས་ཡུལ་ཁྱད་པར་མི་ཤེས་གསུམ། །དཀོན་མཆོག་ཡོན་ཏན་མི་ཤེས་བཞི། །རེ་འཁོད་བྱེད་པའི་སྐྱབས་འགྲོ་ལྔ། །སྐྱབས་འགྲོ་འདྲ་སྟེ་སྙིང་པོ་མེད། །སེམས་བསྐྱེད་འདི་ལ་འདྲ་ཞིག་ཡོད། །རང་བཟང་འདོད་པའི་སེམས་བསྐྱེད་གཅིག །


ZP01_Page_256
[མ་དཔེ་གཟིགས་ན་འདིར་གནོན།]

རྣམ་སྨིན་འབྲས་བུ་འདོད་དང་གཉིས། །ཕྱོགས་རིས་ཅན་གྱི་སྙིང་རྗེ་གསུམ། །ཁ་ཙམ་བྱེད་པའི་སེམས་བསྐྱེད་བཞི། །བསླབ་བྱ་མི་ཤེས་གོ་ཡུལ་ལྔ། །སེམས་བསྐྱེད་ཟེར་ཡང་སྙིང་པོ་མེད། །བསྐྱེད་རིམ་འདི་ལ་འདྲ་ཞིག་ཡོད། །གསལ་སྣང་མ་ཟིན་ང་རྒྱལ་གཅིག །ང་རྒྱལ་མེད་པའི་གསལ་སྣང་གཉིས། །རང་རྒྱུད་འཛིན་པའི་རེ་དོགས་གསུམ། །སེམས་བསྐྱེད་མེད་པའི་དྲག་ཤུལ་བཞི། །དག་རྫོགས་སྨིན་གསུམ་མི་སྦྱོར་ལྔ། །བསྐྱེད་རིམ་ཟེར་ཡང་འཁོར་བའི་རྒྱུ། །རྫོགས་རིམ་འདི་ལ་འདྲ་ཞིག་ཡོད། །འོད་གསལ་མི་ཤེས་རྩ་རླུང་གཅིག །སྒྱུ་མར་མི་འབྱོངས་རྨི་ལམ་གཉིས། །རྩ་མདུད་མི་ཁྲོལ་ཐབས་ལམ་གསུམ། །གྲོལ་ལུགས་མི་ཤེས་ཕྱག་རྫོགས་བཞི། །སྣང་ངོར་ཞེན་པའི་ཐོད་རྒལ་ལྔ། །རྫོགས་རིམ་ཟེར་ཏེ་སྙིང་པོ་མེད། །ཐ་མ་བསྒྲུབས་འབྲས་འབྱིན་པའི་དུས། །གཞན་དོན་བྱེད་ལ་འདྲ་ཞིག་ཡོད། །ཉམས་སྣང་བ་སྒུགས་པའི་མངོན་ཤེས་གཅིག །ལྷ་འདྲེས་བརླམ་པའི་གྲུབ་རྟགས་གཉིས། །ཆོས་བརྒྱད་སྒྲུབ་པའི་ཆོས་བཤད་གསུམ། །ཆོས་ལ་མི་འཁོད་འཁོར་སྡུད་བཞི། །རང་ཉམས་མེད་པའི་ཁྲིད་བཤད་ལྔ། །འགྲོ་དོན་འདྲ་སྟེ་སྙིང་པོ་མེད། །འདྲ་མིན་ལྔ་བཅུ་རྩ་ལྔ་འདི། །གཞན་སྐྱོན་ལྟ་བའི་མེ་ལོང་མིན། །ངས་ཀྱང་རང་


ZP01_Page_257
[མ་དཔེ་གཟིགས་ན་འདིར་གནོན།]

ལ་གསལ་འདེབས་ཡིན། །ཁྱེད་ཀྱང་རྒྱུན་དུ་ཐུགས་ལ་ཆོངས། །ལྟར་སྣང་ཆོས་བཞིན་བྱེད་པའི་དུས། །འདྲ་མིན་གོལ་ས་བྱུང་མ་བྱུང་། །ཞུ་དག་ཞིབ་ཏིག་ནན་ཏན་དགོས། །ཚིག་ལ་སྙན་ཆ་མི་ཆེ་ཡང་། །དོན་ལ་ཟབ་རྒྱུའི་རོ་བཅུད་བདའ། །མཚུངས་མེད་བླ་མའི་ཞལ་རྒྱུན་ཡིན། །སྙིང་ནས་དམ་ཆོས་མཛད་དགོངས་ན། །ཁ་ཕོ་ཁ་བཤད་བྱེད་རྒྱུ་མེད། །ཤོམ་ར་བཅའ་ག་བསྒྲིགས་རྒྱུ་མེད། །དུས་ཚོད་ངེས་བཟུང་བྱེད་རྒྱུ་མེད། །ཕར་ལ་ཆོས་སྙོགས་འགྲོ་མི་དགོས། །ལྷ་ཆོས་ལུས་དང་ཡན་ལག་འདྲ། །ནམ་དགོས་རང་གི་དྲུང་ན་ཡོད། །སྐད་ཅིག་རེར་ཡང་སྙིང་རུས་དགོས། །ཐང་ཅིག་རེར་ཡང་གསལ་འདེབས་དགོས། །ཡུད་ཙམ་རེར་ཡང་ཞུ་དག་དགོས། །ཉིན་ཞག་རེར་ཡང་བསྔོ་བགྲང་དགོས། །ནངས་མ་རེ་བཞིན་དམ་བཅའ་དགོས། །ཐུན་རེ་བཞིན་དུ་བརྟགས་དཔྱད་དགོས། །ཞར་དང་ཞོར་ལ་མི་འབྲལ་དགོས། །དུས་དང་རྒྱུན་དུ་མི་བརྗེད་དགོས། །ཉམས་ལེན་ཞིབ་ལ་མ་ཕེབས་ན། །ཤོ་མར་ཆེ་བའི་ཆོས་པ་དེ། །ཆོས་གཟུགས་འོང་བའི་དོན་འབྲས་མེད། ལེ་ལོས་རི་ལ་ཁྱེར་དང་གཅིག །རྣམ་གཡེངས་དགོན་པར་སྒྲུབ་དང་གཉིས། །སྐྱིད་འདོད་དབེན་པར་ཚོལ་དང་གསུམ། །དེ་ལས་སྡུག་པ་སྲིད་ན་མེད། །དགོངས་སམ་གསེར་སྦྲང་


ZP01_Page_258
[མ་དཔེ་གཟིགས་ན་འདིར་གནོན།]

ལྷ་ཡི་སྲས། །སྐྱིད་ན་མི་དགའ་སྡུག་ན་དགའ། །སྐྱིད་ན་ཉོན་མོངས་དུག་ལྔ་འབར། །སྡུག་ན་སྔོན་བསགས་ལས་ངན་འཛད། །སྡུག་བསྔལ་བླ་མའི་ཐུགས་རྗེ་ཡིན། །བསྟོད་ན་མི་དགའ་སྨད་ན་དགའ། བསྟོད་ན་ང་རྒྱལ་ཁེངས་སེམས་ཆེ། །སྨད་ན་རང་སྐྱོན་ཐེར་ལ་འབུད། །མི་ཁ་ལྷ་ཡི་ཕ་འབབ་ཡིན། །མཐོ་ན་མི་དགའ་དམའ་ན་དགའ། །མཐོ་ན་ཕྲག་དོག་ང་རྒྱལ་སྐྱེ། །དམའ་ན་བག་ཡངས་དགེ་སྦྱོར་འཕེལ། །དམན་ས་གོང་མའི་གདན་ས་ཡིན། འབྱོར་ན་མི་དགའ་རྒུད་ན་དགའ། །འབྱོར་ན་གསོག་སྲུང་སྡུག་བསྔལ་ཆེ། །རྒུད་ན་དཀའ་སྤྱད་ལྷ་ཆོས་འགྲུབ། །སྦྲང་ལུས་ཆོས་པའི་གཏད་སོ་ཡིན། །བྱིན་ན་མི་དགའ་འཕྲོག་ན་དགའ། །བྱིན་ན་ལན་ཆགས་ཁུར་པོ་འཕེལ། །འཕྲོག་ན་ཚེ་རབས་བུ་ལོན་སོད། །ཆོག་ཤེས་འཕགས་པའི་སྤྱི་ནོར་ཡིན། །གཉེན་ལ་མི་དགའ་དགྲ་ལ་དགའ། །གཉེན་གྱིས་ཐར་ལམ་བར་དུ་གཅོད། །དགྲ་བོ་བཟོད་པའི་ཡུལ་དུ་བྱེད། །རོ་སྙོམས་ཉམས་ལེན་གནད་འགགས་ཡིན། །ཆོས་བཞིན་མཛད་ན་དེ་འདྲ་དགོས། །བློ་ཐག་ཆོད་ན་དེ་འདྲ་དགོས། །རི་ཁྲོད་འཛིན་ན་དེ་འདྲ་དགོས། །རྒྱལ་ཁམས་འགྲིམ་ན་དེ་འདྲ་དགོས། །གདམས་ཟབ་གནད་ཀྱི་མདོ་འགགས་དྲུག །ཕ་གཅིག་བླ་མའི་ཞལ་རྒྱུན་ཡིན། །བུ་གཅིག་སེམས་ཀྱི་གཏད་སོ་ཡིན། །སྙིང་གི་སྙིང་པོ་


ZP01_Page_259
[མ་དཔེ་གཟིགས་ན་འདིར་གནོན།]

ཚིག་དྲུག་འདི། །གྲོགས་གཅིག་ཁྱོད་རང་མ་ལགས་པ། །གཞན་ལ་ཚིག་ཟུར་ཕུད་པ་མེད། །ཨེ་མ་གསེར་སྦྲང་ལྷ་ཡི་སྲས། །གནས་ལ་རྩེ་མཐོ་པདྨའི་རི། །ལྷ་གཅིག་སྒྲོལ་མའི་ཞིང་ཁམས་ཡིན། །ཐུགས་རྗེ་ཆེན་པོའི་ཕོ་བྲང་ཡིན། །པདྨ་རྒྱལ་པོའི་སྒྲུབ་གནས་ཡིན། །རི་ལ་ལྟོས་དང་འཕགས་པའི་སྐུ། །སེམས་ཉིད་ངལ་བསོའི་བཀོད་པ་རྫོགས། །བྲག་ལ་ལྟོས་དང་འཕགས་པའི་གསུང་། །རང་བྱོན་ཡིག་དྲུག་བགྲང་ལས་འདས། །ཤིང་ལ་ལྟོས་དང་སྔོ་ལྗང་ཚལ། །གཡུ་ལོ་བཀོད་པའི་ཁྱད་ཆོས་རྫོགས། །དུག་སྦྲུལ་གདུག་པས་མཐའ་ནས་བསྐོར། །སྐལ་དམན་བློ་ཆུང་བགྲོད་པར་དཀའ། །གྲུ་འཛིན་རི་བོའི་མཚན་ཉིད་རྫོགས། །མདུན་ན་ནྠུགས་སྤྲུལ་པདྨ་སྐྱེས། །འགྲོ་བའི་དོན་ལ་སྤྲུལ་པ་འགྱེད། །འདབས་ན་འཕགས་མའི་ཕོ་བྲང་མཛེས། །ལྷ་མོའི་འགྲོ་དོན་དུས་ལ་བབས། །ཐུགས་རྗེ་ཆེན་པོའི་ཐུགས་ཀ་ན། །པདྨ་དགྱེས་པའི་སྒྲུབ་ཕུག་ཡོད། །ལྷ་ལ་སྤྱན་རས་གཟིགས་དབང་བསྟེན། །སྔགས་ལ་ཡི་གེ་དྲུག་པ་བཟླ། །ཆོས་ལ་བྱམས་དང་སྙིང་རྗེ་བསྒོམ། །ལམ་ལ་རྒྱལ་སྲས་བདེ་ལམ་སྙོགས། །སྡུག་བསྔལ་འདོད་ཀྱང་བདེ་བ་འབྱུང་། །འདི་བདེ་ཕྱི་སྐྱིད་ཨ་ལ་ལ། །བདེ་ནས་བདེ་བའི་གནས་སུ་འགྲོ། །གཏན་བདེ་མི་


ZP01_Page_260
[མ་དཔེ་གཟིགས་ན་འདིར་གནོན།]

འགྱུར་ཨ་ལ་ལ། །གསོལ་བ་བླ་མ་རྗེ་ལ་འདེབས། །ཐུགས་རྗེ་མི་གཡེལ་ཨ་ལ་ལ། །ཡི་དམ་སྤྱན་རས་གཟིགས་ལ་ཞུ། །དངོས་གྲུབ་མི་འགྱང་ཨ་ལ་ལ། །ཨ་ལ་ལ་སྟེ་ངོ་མཚར་ཆེ། །ཆེ་བར་དགོངས་སམ་ལྷ་ཡི་སྲས། །ངས་ཀྱང་སྙིང་གི་དམ་བཅའ་གཅིག །ཁྱེད་ཀྱང་ཡིད་ཀྱི་ཞེ་འདོད་གཉིས། །མཐུན་ན་གོང་མའི་རྗེས་སུ་སྙོགས། །ཆོས་བརྒྱད་ལམ་ཁའི་རོ་བཞིན་དོར། འདི་སྣང་གནོད་པའི་དུག་ལྟར་སྤང་། །ཉམས་ལེན་བརྩོན་འགྲུས་ཞིབ་ལ་བྱེད། །གདམས་ངག་མཚང་གི་ཐོག་ཏུ་འབེབས། །ཁ་ཕོ་ཁ་བཤད་རླུང་ལ་བསྐུར། །སེམས་བསྐྱེད་བྱང་སེམས་གཞུང་ལམ་བསྲང་། །ད་ལྟས་འཐད་ན་གྲོས་རྐང་ཚུགས། །གྲོས་མཐུན་འགྲིག་པའི་སྤུན་གྲོགས་གཉིས། །ཐར་བའི་ལམ་ལ་འགྲོགས་ནས་འགྲོ། །འཁོར་བའི་མཐའ་ལ་སྨིན་པས་བསྐྱང་། །ཚེ་རབས་ཀུན་ཏུ་འབྲེལ་བས་བསྡུ། །བྱང་ཆུབ་སྤྱོད་པ་མཉམ་དུ་སྤྱོད། །འཐད་དམ་དགོངས་སམ་ལྷ་ཡི་སྲས། །དོན་དུ་འདུའོ་ཨ་ལ་ལ། །གནད་དུ་འདྲིལ་ལོ་ཨེ་མ་ཧོ། །ཞེས་ཟེར་བས་འདབ་ཡངས་ཀྱི་ཡིད་ལའང་ལྷག་པར་འཐད་དེ་བློ་གྲོས་མཐར་ཕྱིན་པ་ཡིན་སྐད་དོ། །སྟོན་མཚན་མཁང་ལ་རྒྱས་པའི་འོད་དཀར་བཞིན། །མཚན་དཔེའི་ལང་ཚོ་ངོམ་པ་འཇམ་པའི་ལྷ། །རྒྱལ་བ་ཀུན་ལ་ཡེ་ཤེས་སེམས་དཔའ་སྟེ། །འགྲོ་བ་ཀུན་ལ་སེམས་ཀྱི་ཆོས་


ZP01_Page_261
[མ་དཔེ་གཟིགས་ན་འདིར་གནོན།]

ཉིད་ཡིན། །མཐའ་ཡས་འགྲོ་ཁམས་སྡུག་བསྔལ་རང་བཞིན་ལ། །བྱམས་པའི་ཕྱག་ཡངས་རྐྱོང་བ་མིག་མི་འཛུམ། རྒྱལ་བ་ཀུན་ལ་ཐུགས་རྗེ་ཆེན་པོ་སྟེ། །འགྲོ་བའི་ཁམས་ལ་ཐར་པའི་ས་བོན་ཡིན། །གསང་ཆེན་གསང་བ་ཟབ་མོའི་མཛོད་འཛིན་པ། །རྒྱལ་ཀུན་གསང་བའི་བདག་པོ་རྡོ་རྗེ་ཅན། །རྒྱལ་བ་ཀུན་ལ་ཡེ་ཤེས་ཕྲིན་ལས་ཏེ། །འགྲོ་བའི་ཁམས་ལ་རིག་སྟོང་རྗེན་པར་བཞུགས། །གསོལ་བ་འདེབས་སོ་རྒྱལ་སྲས་རིགས་གསུམ་མགོན། །བྱིན་གྱིས་རློབས་ཤིག་དབྱེར་མེད་བླ་མ་རྗེ། །བྱང་ཆུབ་བར་དུ་རིགས་བདག་མི་འབྲལ་ན། །དུས་ཀུན་ཐུགས་རྗེས་ཟུངས་ཤིག་ཐུགས་རྗེ་ཅན། །ལྷ་ཆོས་དང་མཐུན་པའི་གཏམ་པདྨའི་ཚལ་གྱི་ཟློས་གར་ཞེས་བྱ་བ། བུ་བཀྲ་ཤིས་དགེ་ལེགས་ཀྱིས་ཚིག་རྩ་བཞག་ནས་རྩོམ་པར་བསྐུལ་བ་ལྟར། །བག་ཡངས་ཤྲཱི་ལྷོད་པོས་སུག་བྲིས་སུ་བྱས་པའོ།། །།དགེ་འོ།། ༈ །།རྣམ་དག་ལྷ་ཆོས་སྤྱོད་པའི་ཚུལ། །སེམས་དཔའ་ཆེན་པོའི་ཞལ་ལུང་མཆོག །ཐར་འདོད་ཡོངས་ཀྱི་དགའ་སྟོན་འདིར། །གཏམ་ཚོགས་ཕལ་གྱིས་འགྲན་ཟླ་མིན། །དེ་ཕྱིར་གནམ་སའི་དབང་ཕྱུག་གི །གཉེར་མཛོད་ཚེ་རིང་དོན་གྲུབ་ནས། །ཆོས་སྦྱིན་སྤར་དུ་བསྒྲུབས་པའི་དགེས། །འགྲོ་ཀུན་རྣམ་གྲོལ་རྒྱུད་གྱུར་ཅིག །སརྦ་དཱ་ཀ་ལྱཱ་ཎ་བྷ་བ་ཏུ།། །།

ཨོ་རྒྱན་སངས་རྒྱས་གཉིས་པའི་སྐུ་ཚབས་གཙོ་བོར་གྱུར་པའི་སྐུ་གསུང་ཐུགས་རྟེན་ལ་གུས་པར་བྱེད་པའི་ཚུལ་བརྗོད་པ་ལེགས་ལམ་དམ་པའི་གསོས་སྨན།


ZP01_Page_263
[མ་དཔེ་གཟིགས་ན་འདིར་གནོན།]

ཨོ་རྒྱན་སངས་རྒྱས་གཉིས་པའི་སྐུ་ཚབས་གཙོ་བོར་གྱུར་པའི་སྐུ་གསུང་ཐུགས་རྟེན་ལ་གུས་པར་བྱེད་པའི་ཚུལ་བརྗོད་པ་ལེགས་ལམ་དམ་པའི་གསོས་སྨན་ཞེས་བྱ་བ་བཞུགས་སོ།།


ZP01_Page_264
[མ་དཔེ་གཟིགས་ན་འདིར་གནོན།]

ན་མོ་པདྨ་ཀཱ་རཱ་ཡེ། །རྒྱལ་ཀུན་གསུང་གི་རྡོ་རྗེ་འོད་དཔག་མེད། །སིན་དྷུའི་པད་མཚོར་མཚན་དཔེའི་སྐུར་སྣང་བ། །ཁབ་ཅན་གྱི་སྐྱབས་གཅིག་ཐུགས་རྗེའི་གཏེར། །ཨོ་རྒྱན་རྡོ་རྗེ་འཆང་གི་བྱིན་གྱིས་རློབས། །ཞེས་མཆོད་པར་བརྗོད་པ་ཅུང་ཟད་ཀྱིས་མདུན་བསུས་ནས་འདིར་གང་གླེང་བར་བྱ་བ་ནི། སྤྱིར་བདག་ཅག་གི་སྟོན་པ་ཐབས་མཁས་ལ་ཐུགས་རྗེ་ཆེན་པོའི་མངའ་བདག་རྒྱལ་བ་ཡང་དག་པར་རྫོགས་པའི་སངས་རྒྱས་དེ་ཉིད། །ཆོས་སྐུའི་གནས་སྐབས་ན་སྐུ་དང་ཡེ་ཤེས་རྒྱ་མཚོའི་བདག་ཉིད་དུ་མངོན་པར་རྫོགས་པར་བྱང་ཆུབ་ནས། གདུལ་བྱས་ཐོབ་པ་རྣམས་ཀྱི་སྣང་ངོར་ལོངས་སྤྱོད་རྫོགས་པའི་དབྱིངས་དང་སྐུའི་རྣམ་རོལ་ཚད་མེད་པ་བསྟན་ནས་ཐེག་པ་ཆེན་པོ་ཉག་གཅིག་གི་ཆོས་ཀྱི་གདུལ་བྱ་རྗེས་སུ་འཛིན་ལ། སྤྲུལ་པའི་སྐུའི་གནས་སྐབས་ན། བཟོ་


ZP01_Page_265
[མ་དཔེ་གཟིགས་ན་འདིར་གནོན།]

དང་སྐྱེ་བ་མཆོག་གི་སྤྲུལ་སྐུའི་རོལ་པ་ཚད་མེད་པ་ཉིད་ཀྱིས་དག་པ་དང་མ་དག་པའི་གདུལ་བྱ་བགྲང་བ་ལས་འདས་བདག་གང་ལ་གང་འདུལ་གྱི་སྒོ་ནས། བྱང་ཆུབ་གསུམ་ལ་འདྲེན་པར་མཛད་པ་ལས། །དང་པོར་གདུལ་བྱ་ལམ་ལ་གནས་པ་བསྒྲིབ་པ་ཤས་ཆུང་བས་དག་པ་རྣམས་ཀྱི་སྣང་ངོར་མཆོག་གི་སྤྲུལ་པའི་སྐུ་མཚན་དང་དཔེ་བྱད་ཀྱི་བདག་ཉིད་དུ་སྣང་ཞིང་གསུང་ཚངས་པའི་དབྱངས་ཀྱི་ཆོས་སྟོན་པར་གོ་ནས་བྱང་ཆུབ་ཀྱི་ལམ་དུ་ངེས་པར་མཛད། གདུལ་བྱ་རྒྱུད་དེ་ལས་དམན་ཞིང་སྒྲིབ་པ་ཤས་ཆེ་བ་དག་གི་སྣང་ངོར་སངས་རྒྱས་ཀྱི་སྐུ་གཟུགས་དང་། །གསུང་གླེགས་བམ་ཡོན་ཏན་དང་ཕྲིན་ལས་དགེ་བའི་བཤེས་གཉེན་ལྟར་སྣང་ནས་སེམས་ཅན་གྱི་དོན་མཛད་དེ། འཇམ་དཔལ་རྩ་བརྒྱུད་ལས། སྐུ་གཟུགས་རྣམ་པ་མང་པོ་དེར་སྤྲུལ་ནས། །འགྲོ་བ་དགེ་ལ་སྦྱོར་


ZP01_Page_266
[མ་དཔེ་གཟིགས་ན་འདིར་གནོན།]

བའི་དོན་བྱེད་དོ། །ཞེས་དང་། ཕལ་པོ་ཆེ་ལས། །ལྔ་བརྒྱའི་ཐ་མར་གྱུར་པ་ན། །ང་ནི་ཡི་གེའི་གཟུགས་སུ་སྣང་། །ང་ཡིན་སྙམ་དུ་ཡིད་བྱོས་ལ། །དེ་ཚེ་དེ་ལ་གུས་པ་གྱིས། །ཞེས་དང་། མྱང་འདས་ལས། །མྱ་ངན་མ་བྱེད་ཀུན་དགའ་བོ། །སྨྲེ་སྔགས་མ་འདོན་ཀུན་དགའ་བོ། །ང་ནི་སྙིགས་མའི་དུས་ཀྱི་ཚེ། །དགེ་བའི་བཤེས་གཉེན་ཉིད་སྤྲུལ་ནས། །ཁྱོད་ལ་སོགས་པའི་དོན་བྱེད་འགྱུར། །ཞེས་སོ། །དེས་ན་སྔོན་མཆོག་གི་སྤྲུལ་པའི་སྐུ་ཤཱཀྱ་ཐུབ་པར་སྣང་བ་དང་། །ད་ལྟ་བཟོ་གནས་སྤྲུལ་པའི་སྐུ་སྐུ་གཟུགས་སུ་སྣང་བ་གཉིས་གདུལ་བྱ་དག་མ་དག་གི་སྣང་ཚུལ་ཐ་དད་པ་ཙམ་ལས་ངོ་བོ་གཅིག་ཅིང་། །བསོད་ནམས་བསགས་པའི་ཞིང་ལ་ཁྱད་པར་མེད་པ་ཉིད་ཡིན་ཏེ། ཇི་སྐད་དུ་མདོ་ལས། ད་ལྟ་ང་ལ་མཆོད་པ་དང་། མ་འོང་སྐུ་གཟུགས་མཆོད་པ་གཉིས། །བསོད་ནམས་མཉམ་ཤིང་རྣམ་སྨིན་མཉམ། །འདི་གཉིས་ཐ་དད་ཅུང་ཟད་མེད། །ཅེས་སོ། །འདི་ལ་ལོག་ལྟ་ཅན་དག་གིས་སྐུ་གཟུགས་ནི་རྒྱུ་འཇིམ་པ་དང་གསེར་དངུལ་སོགས་ལ་ལྟོས་ཤིང་རྐྱེན་བཟོ་བོ་ལ་རག་ལས་པས་སངས་རྒྱས་ཀྱི་སྐུ་དངོས་ཇི་ལྟར་ཡིན་སྙམ་ན། དེ་ཡང་འདྲ་སྟེ། །སངས་རྒྱས་སྤྲུལ་པའི་སྐུ་ཤཱཀྱ་ཐུབ་པ་ཐུགས་རྗེའི་བདག་ཉིད་ཀྱི་མཚན་དང་དཔེ་བྱད་ཀྱི་སྐུ་དེ་ཡང་གདུལ་བྱའི་སྣང་ངོར་ཡབ་དང་ཡུམ་གྱི་རྒྱུ་ལ་བརྟེན་ནས་བྱུང་བ་ལྟར་སྣང་སྟེ། ཡབ་རྒྱལ་པོ་ཟས་གཙང་དང་ཡུམ་སྒྱུ་མ་ལྷ་མཛེས་ཞེས་ཡོངས་ལ་གྲགས་པ་དང་། །དོན་དམ་པ་ནི་སངས་རྒྱས་ལ་བེམ་བོ་རང་རྒྱུད་དུ་གྲུབ་པའི་སྐུ་མེད་དེ། མདོ་སྡེ་གསེར་འོད་དམ་པ་ལས། །སྐུ་ལ་རུས་པ་ཁྲག་


ZP01_Page_267
[མ་དཔེ་གཟིགས་ན་འདིར་གནོན།]

མེད་ན། །རིང་བསྲེལ་ཡོད་པར་ག་ལ་འགྱུར། །ཞེས་དང་། རྡོ་རྗེ་གཅོད་པ་ལས། །གང་དག་ང་ལ་གཟུགས་སུ་མཐོང་། གང་དག་ང་ལ་སྒྲར་ཤེས་པ། །ལོག་པའི་ལམ་དུ་ཞུགས་པ་སྟེ། །སྐྱེ་བོ་དེ་དག་ང་མི་མཐོང་། །ཞེས་སོ། །དེས་ན་ད་ལྟའི་སྐུ་གཟུགས་ཀྱང་བཟོ་བོ་ལ་སོགས་པའི་རྒྱུ་རྐྱེན་ལས་བྱུང་བ་ལྟར་སྣང་བ་ནི་གདུལ་བྱའི་བློ་ངོར་ཡིན་གྱིས་དོན་ལ་སངས་རྒྱས་ཀྱི་སྐུ་གསུང་ཐུགས་རྟེན་རྣམས་ནི་སངས་རྒྱས་ཀྱི་ཐུགས་རྗེས་སྨོན་ལམ་དང་གདུལ་བྱའི་ལས་འཕྲོ་སྐལ་པ་གཉིས་གོང་འཛོམ་པ་ལས་རང་བཞིན་གྱི་སྣང་བ་ཡིན་ཏེ། །རྒྱུད་ལས། །བདེ་གཤེགས་སྐུ་གསུང་ཐུགས་རྟེན་ནི། །བསྟན་པ་ནུབ་ན་ཡོད་མིན་ཞིང་། །མུ་སྟེགས་ཀླ་ཀློ་དག་ལ་མེད། །དེ་ཕྱིར་སྐུ་གཟུགས་སྤྲུལ་པ་ཡིན། །ཞེས་སོ། །དོན་དེ་དག་གི་ཕྱིར་ད་ལྟ་སྙིགས་མར་གྱུར་ཅིང་འཇིག་རྟེན་གྱི་རྒུད་པ་ལ་སོགས་སྣ་ཚོགས་མངོན་དུ་གྱུར་བའི་སྐབས་འདིར། །རང་རང་གི་ཉེ་སྐོར་ན་ཡོད་པའི་གཙུག་ལག་ཁང་དང་སྐུ་གསུང་ཐུགས་ཀྱི་རྟེན་དག་ལ་ཕྱག་དང་བསྐོར་བ་སྡིག་པ་དང་མ་འདྲེས་པའི་མཆོད་པ་སོགས་འབད་པ་བྱས་ན་སངས་རྒྱས་དངོས་སུ་བཞུགས་པ་ལ་མཆོད་པ་དང་ཁྱད་མེད་ཅིང་། །གནས་སྐབས་འདོད་པའི་དོན་ཐམས་ཅད་འགྲུབ་ལ་མཐར་ཐུག་མྱ་ངན་ལས་འདས་པའི་གོ་འཕང་ཐོབ་པར་འགྱུར་བ་གདོན་མི་ཟ་སྟེ། །ཐེག་པ་ཆེན་པོའི་མདོ་སྡེ་སྙིང་རྗེ་པདྨ་དཀར་པོ་ལས། མི་གཞན་ཞིག་གི །།་སྐྲའི་ཉག་མ་གཅིག་བརྒྱར་གཤགས་པའི་རྩེ་མོས་ཆུ་ཐིག་པ་གཅིག་བླང་སྟེ་བདེ་བར་གཤེགས་པ་ལ་བཅོལ་ན་ཕྱིས་བསྐལ་པ་དཔག་ཏུ་མེད་པ་ཞིག་སོང་བའི་རྗེས་སུ་ཡང་། །རྫོགས་པའི་སངས་རྒྱས་ཀྱི་རྣམ་


ZP01_Page_268
[མ་དཔེ་གཟིགས་ན་འདིར་གནོན།]

མཁྱེན་གྱི་ཡེ་ཤེས་ཀྱིས་གཟིགས་ནས་སྔར་གྱི་ཆུ་ཐིག་དེ་མ་ཉམས་པ་སྤྲོད་ནུས་པའི་མཁྱེན་པ་མངའ་བ་དེས་སྔོན་དུ་བཏང་སྟེ། ད་ལྟ་སངས་རྒྱས་བཞུགས་པའམ། མ་འོང་མྱ་ངན་ལས་འདས་པའི་སྐབས་གང་ཡིན་ཡང་འདྲ་སྟེ། །སངས་རྒྱས་ཀྱི་མཚན་ཐོས་པ་དང་། །སངས་རྒྱས་ལ་ཕྱག་འཚལ་ལོ་ཞེས་པའི་སྒྲ་བརྗོད་པ་དང་། །སངས་རྒྱས་ལ་དམིགས་ནས་སེམས་དངས་བ་ཙམ་བྱེད་པ་དང་། སངས་རྒྱས་ལ་དམིགས་ནས་མེ་ཏོག་ཅིག་ནམ་མཁའ་ལ་དེང་བྱེད་པ་ཐམས་ཅད་ཀྱང་སངས་རྒྱས་ཀྱི་རྣམ་པ་ཐམས་ཅད་མཁྱེན་པའི་ཡེ་ཤེས་ཀྱིས་མཁྱེན་ཏེ་མྱ་ངན་ལས་འདས་པའི་བར་དུ་ཆུད་ཟ་བར་མི་འགྱུར་རོ། །ཞེས་ཤིན་ཏུ་རྒྱས་པར་བཀའ་སྩལ་བ་དང་། །མདོ་གཞན་ལས་ཀྱང་། །རྩིག་ངོས་ཤིང་བུ་སེན་མོས་གཟུགས་བྲིས་པ། །དངས་པའི་སེམས་ཀྱིས་བདེ་གཤེགས་ལྟ་ན་ཡང་། །དེ་དག་རྣམས་ཀྱི་བྱང་ཆུབ་མཆོག་འདི་ཐོབ། །ཅེས་དང་། །བྱིས་པ་རྩེད་མོ་དགའ་དང་དེ་བཞིན་དུ། །བྱེ་མ་ལ་ནི་མཆོད་རྟེན་བྱེད་པ་ཡང་། །དེ་དག་རིམ་གྱི་སངས་རྒྱས་བྱེ་བ་མཐོང་། །ཞེས་བྱིས་པ་རྩེད་མོའི་ཕྱིར་རྩིག་པ་ལ་སངས་རྒྱས་ཀྱི་སྐུ་བྲིས་པ་དང་། བྱེ་མ་ལ་མཆོད་རྟེན་བྱེད་པ་ཡང་མཐོང་བ་ཙམ་གྱིས་ཀྱང་རིམ་གྱིས་བླ་ན་མེད་པའི་བྱང་ཆུབ་ཐོབ་པར་འགྱུར་ཞེས་རྫོགས་པའི་སངས་རྒྱས་ཉིད་ཀྱིས་གསུང་བ་དང་། །སངས་རྒྱས་ལ་དམིགས་ནས་ཕྱག་དང་མཆོད་པ་ལ་སོགས་གང་བྱས་ཡུལ་གྱི་སྒོ་ནས་ཐར་བ་ཆ་མཐུན་གྱི་དགེ་བ་ཞེས་བྱ་སྟེ། རང་བློས་བྱང་ཆུབ་ཀྱི་རྒྱུར་བསྔོ་མ་ཤེས་ཀྱང་མཐར་ཐུག་བྱང་ཆུབ་ཀྱི་རྒྱུར་མི་འགྲོ་མི་སྲིད་པར་མདོ་རྒྱུད་མན་ངག་ཐམས་ཅད་ནས་བཀའ་


ZP01_Page_269
[མ་དཔེ་གཟིགས་ན་འདིར་གནོན།]

སྩལ་པ་ལ་ཡིད་ཆེས་པར་བྱ་ཞིང་། ཁྱད་པར་རང་རེ་བོད་ཁ་བ་ཅན་པ་དག་གི་ལྷ་དང་བླ་མའི་སྐལ་པ་ཇོ་བོ་སྤྱན་རས་གཟིགས་དང་གུ་རུ་པདྨ་འབྱུང་གནས་གཉིས་ཡིན་ཏེ། །ཇི་སྐད་དུ་ཨོ་རྒྱན་ཉིད་ཀྱི་ཞལ་ནས། བོད་ཀྱི་བླ་མའི་སྐལ་པ་གུ་རུ་ཉིད། །ལྷ་སྐལ་ཇོ་བོ་ཐུགས་རྗེ་ཆེན་པོ་ཡིན། །ཞེས་པ་ལྟར་སྔོན་ཁ་བ་ཅན་བོད་ཀྱི་ལྗོངས་འདིར་སངས་རྒྱས་ཀྱི་ཞབས་ཀྱིས་མ་བཅག །དམ་པའི་ཆོས་མ་དར། དཀོན་མཆོག་གསུམ་གྱི་སྒྲ་ཙམ་ཡང་མི་གྲགས་པར་ཆོས་མེད་མུན་པའི་ཡུལ་དུ་ཡོད་པའི་སྐབས་སུ་འཕགས་པ་སྤྱན་རས་གཟིགས་ཀྱིས་སྤྲུལ་པ་དུ་མའི་སྒོ་ནས་ཆོས་དར་བའི་རྟེན་འབྲེལ་བསྒྲིག་ཤིང་། །སྤྲུལ་པའི་རྒྱལ་པོ་སྲོང་བཙན་སྒམ་པོར་སྤྲུལ་ནས་ཐུགས་རྗེ་ཆེན་པོ་ནམ་མཁའི་རྒྱལ་པོ་བཅུ་གཅིག་ཞལ་རང་བྱུང་ལྔ་ལྡན་སྤྲུལ་པ་དང་། བྱིན་བརླབས་ཀྱི་སྒོ་ནས་སྣང་བར་བྱས་པ་ཉིད་བོད་ཁ་བ་ཅན་དུ་སྐུ་གཟུགས་བཞེངས་པའི་ཐོག་མར་བྱུང་ཞིང་། དེ་ནས་རྒྱལ་རབས་ལྔ་ནས་འཇམ་དཔལ་དབྱངས་ཀྱི་སྤྲུལ་པ་ཆོས་སྐྱོངས་པའི་རྒྱལ་པོ་ཁྲི་སྲོང་སྡེའུ་བཙན་གྱིས་སངས་རྒྱས་གཉིས་པ་ཨོ་རྒྱན་ཆེན་པོ་སྤྱན་དྲངས་ནས་བོད་ཁམས་ཀྱི་ས་གཞི་བརྟུལ་ལྷ་འདྲེ་མ་རུང་བ་ཐམས་ཅད་དམ་ལ་བཞག །སྐུ་རྟེན་དུ་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་བཞེད། །གསུང་རྟེན་དུ་དམ་པའི་ཆོས་བསྒྱུར། །ཐུགས་རྟེན་དུ་དགེ་འདུན་གྱི་སྡེ་བཙུག་སྟེ་སངས་རྒྱས་ཀྱི་བསྟན་པ་ཉི་མ་ཤར་བ་ལྟ་བུ་མཛད། ཕྱི་རབས་མོས་གུས་ཀྱི་རྟེན་དང་། བསྟན་པའི་བཅོས་སུ་དགོངས་ཏེ་མཐའ་འདུལ་ཡང་འདུལ་གྱི་གཙུག་ལག་ཁང་དང་། །སྦས་ཡུལ་སྒྲུབ་


ZP01_Page_270
[མ་དཔེ་གཟིགས་ན་འདིར་གནོན།]

གནས་རྣམས་སུ་གུ་རུ་ཉིད་ཀྱི་སྐུ་ཚབ་མཐོང་བས་འདྲེན་པ་དུ་མ་བཞེངས་ཏེ་གུ་རུ་ཉིད་ཀྱི་རབ་གནས་མཛད། མ་འོང་དུས་ཀྱི་རྒུད་པ་དང་བསྟན་པའི་རྐྱེན་ཆགས་བཟློག་པ་ལ་དགོངས་ནས་སྐུ་ཚབས་ཉི་ཤུ་རྩ་ལྔ་ལ་སོགས་བོད་གཏེར་དུ་སྦས། ཕྱིས་བོད་ཀྱི་གདུལ་བྱ་རྫོགས་ནས་རྔ་ཡབ་གླིང་དུ་སྲིན་པོ་འདུལ་བ་ལ་འབྱོན་པའི་ཚེ། ལྷ་མ་མན་དཱ་ར་བས། །ཉིད་དང་མ་འཇལ་མ་འོང་སེམས་ཅན་རྣམས། །མ་རིག་མུན་པའི་སྒྲོན་མེ་གང་གི་བྱེད། དེ་བཞིན་སྤྱིན་པའི་བསོད་ནམས་གང་ལ་གསོག །ལུས་ཕུང་བདེ་བའི་མེ་ཏོག་གང་ལ་འབུལ། འཇིག་རྟེན་དག་ན་བདེ་བ་སྦྱིན་པའི་མཆོག །འཁོར་བའི་སྡུག་བསྔལ་རྒྱ་མཚོ་གང་གིས་སྐེམས། །བདེ་སྟོང་བླ་མེད་བརྒྱུད་པ་སུ་ཡིས་འཛིན། །པད་སྡོང་ལས་འཁྲུངས་དཀར་ལ་དམར་མདངས་ཅན། །བཟང་པོའི་མཚན་གྱི་སྐུལ་བརྒྱན་པས་གསུངས། །ཞེས་དོན་ཚན་ལྔའི་དྲི་བ་ཞུས་པའི་ཚེ། །གུ་རུའི་ཞལ་ནས། །ཉོན་ཅིག་ལྷ་མོའི་གཟུགས་ཅན་ཡིད་འོང་མ། །ང་དང་མ་འཕྲད་མ་འོང་སེམས་ཅན་རྣམས། །མ་རིག་མུན་པའི་སྒྲོན་མེ་སྐུ་འདྲས་བྱེད། །པད་འབྱུང་སྐུ་ཚབས་མཆོད་པའི་རྟེན་བཞེངས་པ། །འདི་ཕྱི་དོན་ལྡན་བསྟན་པའི་རྒྱལ་མཚན་འཛུག །དེ་ལ་འདུན་ཅིང་མོས་གུས་སུས་བྱེད་པ། །འདོད་པ་ཀུན་ཚོགས་རིན་ཆེན་ཕུང་པོ་འདྲ། །འཕེལ་འགྲེབ་མེད་པ་འགྱུར་མེད་བདེ་བའི་ཞིང་། །སྙིང་པོ་རྒྱུན་དུ་བཟླ་བ་གང་བྱེད་པ། །མི་རྣམས་སྨོན་ལམ་ཇི་ལྟར་བཏབ་པ་བཞིན། །ལེགས་པ་ཀུན་འབྱུང་ཨེ་མ་ངོ་མཚར་ཆེ། །ཞེས་དྲི་བ་དང་པོའི་དོན་གུ་རུ་ཉིད་བོད་དུ་མི་བཞུགས་པའི་ཚེ་མ་


ZP01_Page_271
[མ་དཔེ་གཟིགས་ན་འདིར་གནོན།]

རིག་མུན་པའི་སྒྲིན་མེ་སྐུ་འདྲས་བྱེད་པར་གསུང་ཤིང་། །དེའི་ཕྱིར་གུ་རུ་ཉིད་ཀྱི་སྐུ་ཚབས་གསར་དུ་བཞེངས་ན་སྐུ་གསུམ་ཐོབ་པའི་དོན་དང་ལྡན་ཞིང་བསྟན་པའི་རྒྱལ་མཚན་འཛུག་པ་དང་། གུ་རུའི་སྐུ་ཚབས་དེ་ལ་ཡིད་གུས་པའི་སྒོ་ནས་མོས་གུས་བྱེད། ངག་གུས་པས་སྙིང་པོ་བཛྲ་གུ་རུ་འཛབ་དབྱངས་ཀྱི་གསོལ་བ་འདེབས་པ་དང་། །ལུས་གུས་པས་ཕྱག་དང་བསྐོར་བ་ལ་སོགས་བྱས་ན། རང་གི་ཡིད་ལ་གང་འདོད་པའི་སྨོན་ལམ་ཐམས་ཅད་འགྲུབ་པར་ཞལ་གྱིས་བཞེས་ཤིང་། །དྲི་བ་གཉིས་པའི་ལན་དུ། འབྱུང་བའི་བཅུད་ལས་བསམ་འཕེལ་ནོར་འབྱུང་བཞིན། ཇི་ལྟར་ཚོགས་པ་བཤམས་པའི་འདོད་ཡོན་ལྔ། །བྱི་དོར་ལྡན་པའི་བཀྲ་ཤིས་འཕེལ་བར་འགྱུར། །ཞེས་སོགས་ཀྱིས་སྦྱིན་པའི་བསོད་ནམས་གསོགས་པའི་ཞིང་བླ་ན་མེད་པ་ཡང་གུ་རུའི་སྐུ་ཚབས་ཉིད་ཡིན་པར་བསྟན་ཏེ། རིམ་པ་བཞིན་སྨན་ལྔ་ཕུལ་ན་འདུ་བའི་ནད་ལས་གྲོལ། ན་བཟའ་ཕུལ་ན་ཡེ་ཤེས་ཀྱི་སྤྱན་དང་ལྡན། གདན་ཕུལ་ན་རེག་འཇམ་མཛེས་པའི་གདན་ཐོབ། མར་མེ་ཕུལ་ན་བློ་དང་རིག་པ་གསལ། རིན་པོ་ཆེའི་རིགས་ཕུལ་ན་དབུལ་ཕོངས་བྲལ། སྤོས་ལྔ་ཕུལ་ན་ཀུན་གྱི་ཡིད་དུ་འོང་། སྙིང་པོ་ལྔ་ཕུལ་ན་བདེ་བའི་མཆོག་ཐོབ། དྲི་བཟང་ཕུལ་ན་གནས་གཙང་དྲི་མ་མེད་པ་ཐོབ། འབྲུ་བཅུད་ཕུལ་ན་བདུད་རྩིའི་རྒྱ་མཚོ་ལ་སྤྱོད། མེ་ཏོག་ཕུལ་ན་ཉོན་མོངས་ལྔ་ཞི་ཞིང་སྒྲིབ་པ་བྱང་། དཀར་གསུམ་ཕུལ་ན་བདུད་རྩིའི་འདོད་འཇོའི་བ་ལ་ལོངས་སྤྱོད། །མངར་གསུམ་ཕུལ་ན་བདུད་རྩི་ཁ་ཟས་ཞིམ་དགུ་ཐོབ། སྤྱན་གཟིགས་


ZP01_Page_272
[མ་དཔེ་གཟིགས་ན་འདིར་གནོན།]

ཕུལ་ན་བསོད་ནམས་དང་ལོངས་སྤྱོད་འཕེལ། འབྲུ་ལྔ་ཕུལ་ན་མ་རྨོས་པའི་ལོ་ཏོག་ལ་ལོངས་སྤྱོད། །འཕན་གདུག་ཕུལ་ན་ཆོས་ཀྱི་བཤད་པ་བླ་ན་མེད་པ་ཐོབ། དར་དཔྱང་ཕུལ་ན་ལྷ་ཡི་ན་བཟའ་ཐོབ། །སིལ་སྙན་ཕུལ་ན་དབྱངས་སྙན་ཞིང་ངག་བདེ། རོལ་མོ་ཕུལ་ན་སྟོབས་ཆེ་ཞིང་གཟུགས་བཟང་། གསེར་དངུལ་གཡུ་ལྕགས་དུང་ཟངས་སྣག་ཚ་རྣམས་ཕུལ་ན་རྒྱལ་སྲིད་བདུན་ཐོབ་ཅིང་ལོངས་སྤྱོད་རྫོགས་པའི་ཞིང་ཁམས་མཐོང་། །སྤྱན་ལ་སྤྱན་དབྱེ་བྱས་ན་ཡེ་ཤེས་ཀྱི་སྤྱན་དང་ལྡན། སྙན་ལ་སྙན་ཤལ་དར་དཔྱངས་ཕུལ་ན་ལྷའི་སྙན་དང་ལྡན། ཤང་ལ་དྲི་ཞིམ་མཆོད་ན་དྲི་བསུང་ངད་ལྡན་གྱི་གནས་ཐོབ། ཚེམས་ལ་དཀར་མདངས་བཏོན་ན་དུག་གསུམ་རྩད་ནས་གཅོད། ལྗགས་ལ་རོ་མཆོག་ཕུལ་ན་འགྲོ་ཀུན་འཁོར་བ་ལས་སྒྲོལ་བའི་ཆོས་འཆད་པའི་ལྗགས་དང་ལྡན། །སྐུ་ཚབས་བཞུགས་ཁང་གི་གཞལ་ཡས་ཁང་ཕུལ་ན་ལྷའི་ཕོ་བྲང་ནང་དུ་སྐྱེ། སྐུ་ཚབས་བཞུགས་ཁང་བཞེངས་པའི་ལས་དཔོན་བྱས་ན་ཆོས་ཀྱི་འཁོར་ལོས་བསྒྱུར་བ་ཐོབ། སྐུ་འདྲའི་བཟོ་གནས་བྱས་ན་འདི་ཕྱི་ཀུན་ཏུ་རིག་པའི་གནས་ལྔ་ལ་མཁས། སྐུ་ཚབས་རྒྱུའི་འདམ་རྫབ་སྦྱར་ན་བསོད་ནམས་གོང་ནས་གོང་དུ་འཕེལ། སྐུ་འདྲ་ལ་རྡུལ་ཕྱིས་བྱས་ན་གཟུགས་བཟང་བ་དང་། ཆོས་གོས་ལེགས་པ་དང་ཁ་དོག་མཛེས་པ་ཐོབ། སྐུ་ཁྲུས་གསོལ་ན་དྲི་མ་མེད་ཅིང་ཡིད་དུ་འོང་བའི་ཁ་དོག་དང་ལྡན། སྐུ་ཚབས་ཀྱི་མཆོད་གཡོག་བྱས་ན་རྫུ་འཕྲུལ་གྱི་རྐང་པ་དང་ལྡན། ཕྱག་དང་བསྐོར་བ་བྱས་ན་འཁོར་བའི་སྡུག་བསྔལ་ཐམས་ཅད་ཞི་ནས་མྱ་ངན་འདས་པའི་བདེ་བ་ཐོབ། བསྐྱེད་རྫོགས་དང་ལྡན་པས་རབ་


ZP01_Page_273
[མ་དཔེ་གཟིགས་ན་འདིར་གནོན།]

གནས་བྱས་ན་ཡུལ་དེར་དམག་འཁྲུགས་དང་མུ་གེ་ནད་ཡམས་ལ་སོགས་བཞི། སྐུ་ཚབས་ལ་རྟེན་བཤད་བྱས་ན་སེམས་བསྐྱེད་དང་ཏིང་ངེ་འཛིན་ལ་གནས། གཞན་ལ་ཕྱག་མཆོད་དང་བསྐོར་བ་སོགས་བྱེད་པར་བསྐུལ་མ་བཏབ་ན་འབྲེལ་ཚད་དོན་དང་ལྡན་ཞིང་འགྲོ་བ་མང་པོའི་ལས་སྒྲིབ་དག་པར་གསུངས། གཞན་ཡང་ཇི་ལྟར་སྨོན་པའི་དོན་འབྲས་ཐམས་ཅད་གུ་རུའི་སྣང་བརྙན་ལ་གསོལ་བ་བཏབ་པ་ལས་འབྱུང་སྟེ། སྐྱེ་རྒུའི་ཚེ་འཕེལ་པད་འབྱུང་སྐུ་འདྲ་ནི། །ང་ཡི་ཐུགས་ལས་ཡེ་ཤེས་འོད་འཕྲོས་ནས། །མ་འོང་མོས་པའི་རྟེན་དུ་གཏད་པ་ཡིན། །འདོད་དགུ་འབྱུང་བའི་ཡིད་བཞིན་ནོར་བུ་འདྲ། ཞེས་དང་། གཞན་ཡང་རྨོང་པོ་བུ་མེད་པ་དག་བུ་འདོད་ན་ལུས་སེམས་དཔང་དུ་བཙུག་པའི་དད་པ་དང་དག་སྣང་རྩེ་གཅིག་པའི་སྒོ་ནས་བསྐོར་བ་བྱས་ན་ཆུང་སྲི་ཐེའུ་རང་ལ་སོགས་དཔག་ཚད་དང་རྒྱང་གྲགས་སུ་འབྲོས་ཤིང་ཡིད་དུ་འོང་བའི་བུ་སྐྱེ་བར་གསུངས་ཤིང་། །དཔང་པོ་བུད་མེད་ང་ལ་གསོལ་བ་ཐོབ། །ལུས་སེམས་དཔང་བཙུག་རྐང་པས་བསྐོར་བ་གྱིས། །ལོག་འདྲེན་བར་ཆད་དཔག་ཚད་རྒྱང་གྲགས་བྲོས། །ཡིད་འོང་ཉམས་དགའི་དངོས་པོ་དཔང་དུ་སྐྱེས། །ཞེས་དང་དབུལ་པོ་ནོར་མེད་པ་ལོངས་སྤྱོད་དང་བཟའ་བཏུང་ཐོབ་པར་འདོད་ན་ཡང་། ཨོ་རྒྱན་སྐུ་ཚབས་ལ་ཕྱག་རྒྱ་མཆོད་བསྐོར་བ་སོགས་བྱས་ནས་གསོལ་བ་བཏབ་པས། གུ་རུའི་སྐུ་ལས་འོད་ཟེར་སྣ་ཚོགས་སྤྲོས་ཏེ་འཇིག་རྟེན་ཁམས་ཀྱི་བཟའ་བཏུང་དང་ལོངས་སྤྱོད་ཀྱི་བཅུད་ཐམས་ཅད་བསྡུས་ཏེ་བདག་ལ་སྩལ་བར་བསྒོམ་ན་


ZP01_Page_274
[མ་དཔེ་གཟིགས་ན་འདིར་གནོན།]

འཇིག་རྟེན་ཟང་ཟིང་གི་འབྱོར་པ་ཐོབ་སྟེ། །དབུལ་པོ་ནོར་མེད་ང་ལ་གསོལ་བ་ཐོབ། །གསང་སྔགས་གསུངས་རབ་པད་འབྱུང་བཀོད་པ་ལས། །རོ་འབྱུང་བཅུད་བསྡུས་དོན་ལ་ཐིམ་པར་བསྒོམ། །འཇིག་རྟེན་ཟང་ཟིང་ནོར་གྱིས་ལག་མི་ཐོག་ཅེས་དང་། གཞན་ཡང་འཕྲལ་གྱི་འདོད་པའི་དོན་གང་དང་གང་ཡིན་ཀྱང་པད་འབྱུང་གི་སྐུ་ཚབས་ལ་མཆོད་པ་ཕུལ་ནས་གསོལ་བ་བཏབ་ན་ཡིད་བཞིན་གྱི་ནོར་བུ་རིན་པོ་ཆེ་ལ་གསོལ་བ་བཏབ་པ་ལྟར་དགོས་འདོད་ལྷུན་གྲུབ་ཏུ་འབྱུང་བས་ན། །བྱེས་སུ་འགྲོ་བའི་ལམ་ལྷ་གཞི་ལ་སྡོད་པའི་སྲུང་མ། ནད་གདོན་གྱི་ཉེན་པའི་རིམ་གྲོ་སོགས་གང་དང་གང་ལ་ཡང་གུ་རུའི་སྐུ་ཚབས་ཀྱི་དྲུང་དུ་གསོལ་བ་བཏབ་པ་ལས་ལྷག་པ་མེད་དེ། དོན་དང་མི་ལྡན་ང་ལ་གསོལ་བ་ཐོབ། རིག་པའི་སེམས་ལ་འཁོར་བའི་སྐྱོན་མེད་དེ། ནོར་བུ་རིན་ཆེན་རང་ལ་ཡོད་མོད་ཀྱང་། བཀུར་སྟི་རིམ་གྲོ་མཆོད་པ་མ་བྱས་ན། །འདོད་པའི་ཡོན་ཏན་གང་ཡང་འཕེལ་མི་འགྱུར། །སྨོན་ལམ་གང་བཏབ་དེ་ཡིས་དེ་ཐོབ་བྱེད། །གསོལ་བཏབ་པད་འབྱུང་ང་ལ་དགོས་འདོད་འབྱུང་། ཅེས་སོ། །ཡང་རྨོངས་པ་གང་དག་དེ་ལྟ་བུའི་ཡོན་ཏན་འབྱུང་བ་ནི་སྔོན་གུ་རུ་ཉིད་ཀྱིས་བྱིན་གྱིས་བརླབས་པའི་སྐུ་ཚབས་རིན་པོ་ཆེ་མཚོ་སྐྱེས་རྡོ་རྗེ་ལ་སོགས་པ་ཡིན་གྱི་གུ་རུའི་སྣང་བརྙན་ཡིན་ནོ་ཅོག་ལ་མ་ཡིན་ནོ་སྙམ་ན། དེ་ནི་མ་ཡིན་ཏེ་གུ་རུའི་ཐུགས་རྗེ་ལ་ཉེ་རིང་མེད་ཅིང་སྐུ་བརྙན་ལ་ཁྱད་པར་མེད་པ་དང་། གུ་རུ་ཉིད་ཀྱི་སྐུ་ཚབས་ཡིན་ནོ་ཅོག་ལ་གུ་རུའི་རབ་གནས་མ་བྱས་པ་ཡང་ཡོད་མི་སྲིད་དེ། རྒྱལ་པོ་བཀའ་ཐང་ལས། །བྱང་ཆུབ་སེམས་དཔའི་སྐུ་གདུང་ལུང་


ZP01_Page_275
[མ་དཔེ་གཟིགས་ན་འདིར་གནོན།]

བསྟན་པའི་སྐབས་སུ། རབ་གནས་ལྷོ་ནུབ་སྲིན་ཡུལ་ནས། །ཨོ་རྒྱན་པདྨ་ང་ཡིས་བྱེད། །ཅེས་གསུངས་པ་ལྟར། །གུ་རུ་ཉིད་ཀྱི་ཐུགས་རྗེས་སྤྱིར་ཁམས་གསུམ་རིགས་དྲུག་གི་སེམས་ཅན་ཀུན་ལ་གཟིགས་ཀྱང་ཡང་དགོས་བོད་ཡུལ་གྱི་འགྲོ་བ་ཀུན་ལ་སྨོན་ལམ་གྱི་དབང་གིས་ཐུགས་རྗེས་ལྷག་པར་དུ་གཟིགས་ཤིང་སྐུ་གསུང་ཐུགས་ཀྱི་རྟེན་རྙིང་པོ་དང་གསར་དུ་བྱས་པ་ཐམས་ཅད་འཕྲལ་ལ་བྱིན་གྱིས་བརླབས་ཏེ་གུ་རུ་ཉིད་དང་ཁྱད་པར་མེད་པར་མཛད་པ་ཤ་སྟག་ཡིན་པས་ན་ཕྱག་དང་མཆོད་པ་ལ་སོགས་གང་བྱས་ཀྱང་ཕན་ཡོན་གོང་ལྟར་འབྱུང་ཞིང་ཁྱད་པར་གུ་རུ་ཉིད་ཀྱིས་རྗེས་སུ་འཇུག་པ་དག་གིས་ནི་གུ་རུའི་སྐུ་བརྙན་གྱི་དྲུང་དུ་ཡར་ངོ་ཚེས་བཅུའི་དུས་མཆོད་བཟུང་ནས་གསོལ་བ་འདེབས་པ་ནི། ངེས་པར་གལ་ཆེ་ཞིང་ཕན་ཡོན་ཀྱང་ཚད་ལས་འདས་པ་དང་ལྡན་པར་མ་ཟད། །ཡར་ངོ་དང་མར་ངོའི་ཚེས་བཅུ་ལ་ཚོགས་ཀྱི་འཁོར་ལོ་བྱེད་པ་དང་། དཔའ་བོ་དང་དཔའ་མོའི་དགའ་སྟོན་ལ་སོགས་པ་བྱེད་པ་ནི་གསར་རྙིང་གི་རྒྱུད་སྡེ་ཐམས་ཅད་ནས་བཤད་དེ། བདེ་མཆོག་རྩ་རྒྱུད་ལས། །མར་གྱི་ངོ་ཡི་ཚེས་བཅུ་དང་། །ཟླ་བ་ཡར་ངོའི་ཚེས་བཅུ་ལ། །མྱུར་དུ་འབད་པས་མཆོད་བྱ་སྟེ། །ཞེས་དང་། རྣལ་འབྱོར་ཀུན་སྤྱོད་ལས། །དགུན་འབྲིང་ལ་སོགས་ཟླ་བ་ཡི། བཅུ་པ་ལ་ནི་རབ་ཏུ་མཆོད། ཅེས་དང་། ཀུན་མཁྱེན་ཆོས་ཀྱི་རྒྱལ་པོས་ཀྱང་། ཚེས་བཅུ་ཡར་ངོ་མར་ངོའི་ཉིན་དང་མཚན། །བསྙེན་བསྒྲུབ་ཚོགས་མཆོད་བསྐང་བཤགས་འབད་པར་བྱ། །ཞེས་གསུངས་པ་ལྟར། །ཡར་ངོའི་ཚེས་


ZP01_Page_276
[མ་དཔེ་གཟིགས་ན་འདིར་གནོན།]

བཅུའི་ཉིན་མོ་དང་། མར་ངོའི་ཚེས་བཅུའི་མཚན་མོའི་ཁྱད་པར་གྱི་དངོས་གྲུབ་མྱུར་བས་དུས་ཆེན་ཡིན་ཞིང་ལྷག་པར་ཨོ་རྒྱན་སངས་རྒྱས་གཉིས་པ་ཉིད་ཀྱིས་མཛད་པ་རྒྱ་ཆེན་པོ་ཐམས་ཅད་ཡར་ངོའི་ཚེས་བཅུ་ཁོ་ན་ལ་མཛད་པ་ཤས་ཆེ་བས་ཟླ་བ་བྱུང་ངོ་ཅོག་གི་ཚེས་བཅུ་ཐམས་ཅད་ཀྱང་ཨོ་རྒྱན་ཉིད་ཀྱི་མཛད་པ་ཕྲིན་ལས་ཀྱི་དུས་ཆེན་ཁོ་ན་ཡིན་ཏེ། སྤྲེལ་གྱི་ཟླ་བའི་ཚེས་བཅུ་ལ་དྷ་ན་ཀོ་ཤར་པདྨའི་སྦུབ་ལས་སྐུ་འཁྲུང་བའི་དུས་ཆེན་ཡིན་པར་གཏེར་གཞུང་ཚད་ལྡན་དུ་མ་ནས་བཤད་ཅིང་། དེ་ཡང་བོད་འདིར་རྩིས་གཞུང་འགྱུར་མགོ་མི་འདྲ་བའི་དབང་གིས་སྤྲེལ་ཟླའི་ངོས་འཛིན་མི་འདྲ་བ་གསུམ་དུ་འབྱུང་ཞིང་དེའི་དབང་གིས་རྗེས་འཇུག་རྣམས་ཚེས་བཅུ་ཆེན་མོ་བྱེད་པའི་དུས་ཚིག་མི་འདྲ་བ་དུ་མ་བྱུང་ཡང་འདིར་ཨོ་རྒྱན་རིན་པོ་ཆེ་ཉིད་ཀྱིས་རྡོ་རྗེའི་གསུང་དུ་འཁྲུལ་པ་མེད་པ་བླ་མ་དགོངས་པ་འདུས་པའི་ཚེས་ཁང་རེའུ་མིག་ལ་ཧོར་ཟླ་བཅུ་གཉིས་པ་རྒྱལ་གྱི་ཟླ་བ་ཉིད་སྟག་ཟླར་བྱས་ནས་བགྲང་བའི་རྗེས་སུ་འབྲང་སྟེ་མཁས་གྲུབ་ཀརྨ་ཆགས་མེད་ལ་སོགས་དམ་པ་དུ་མ་ཞིག་གིས་རྩིས་གཞུང་བཀོད་ཅིང་། ཁྱད་པར་ཚེས་བཅུའི་དུས་ཚིགས་གནད་བྱང་ཐུགས་ཀྱི་སྒྲོམ་བུ་ལས། །སྤྲེལ་ལོ་སྤྲེལ་ཟླའི་ཚེས་བཅུ་ལ། །པདྨ་ང་དང་དངོས་སུ་མཇལ། །ཞེས་རྡོ་རྗེའི་ལུང་གིས་བསྔགས་པའི་རིག་འཛིན་ཆེན་པོ་འཇིགས་མེད་གླིང་པ་ཉིད་ཀྱིས། ཧོར་ཟླ་དྲུག་པའི་ཚེས་བཅུའི་ཉི་ཤར་ལ། དྷ་ན་ཀོ་ཤར་པདྨའི་སྦུབས་ལ་བྱོན། ཅེས་ཐག་ཆོད་པར་གསུངས་པ་ཉིད་ཀྱི་རྗེས་སུ་འབྲང་ན་ཧོར་ཟླ་བཅུ་གཉིས་པ་སྟག་གི་ཟླ་བ་ལ་ཨོ་རྒྱན་གྱི་རྒྱལ་པོ་ཨིན་དྲ་བྷོ་དྷིས་སྤྱན་


ZP01_Page_277
[མ་དཔེ་གཟིགས་ན་འདིར་གནོན།]

དྲངས། རྒྱལ་སར་མངའ་གསོལ། ཟླ་བ་དང་པོ་ཡོས་ལ་རྒྱལ་སྲིད་སྤངས་ནས་དུར་ཁྲོད་ཆེན་པོ་བསིལ་བའི་ཚལ་དུ་བརྟུལ་ཞུགས་ཀྱི་སྤྱོད་པ་མཛད། གཉིས་པ་འབྲུག་ཟླར་སློབ་དཔོན་པྲ་བྷ་ཧསྟི་ལས་རབ་ཏུ་བྱུང་། གསུམ་པ་སྦྲུལ་ལ་ཟ་ཧོར་རྒྱལ་པོས་གསོན་བསྲེག་མཛད་ཚེ་མེ་ཉིད་ཆུར་བསྒྱུར་བའི་རྫུ་འཕྲུལ་བསྟན། །བཞི་པ་རྟ་ལ་ཨོ་རྒྱན་རྒྱལ་པོས་གུ་རུ་ཡབ་ཡུམ་གཉིས་ཙནྡ་གྱི་མེར་བསྲེག་ཀྱང་མ་ཚིག་པར་དད་པའི་གནས་ལ་བཀོད། ལྔ་པ་ལུག་ལ་ལྷོ་ཕྱོགས་ཀྱི་རྒྱལ་ཁམས་སུ་བསྟན་ལ་འཚེ་བའི་མུ་སྟེགས་པ་རྣམས་ཐོག་གིས་བསྒྲལ། །དྲུག་པ་སྤྲེལ་ལ་སིནྡྷུའི་རྒྱ་མཚོར་སྐུ་འཁྲུངས། །བདུན་པ་བྱ་ལ་མཐའ་འཁོབ་ཀྱི་རྒྱལ་པོས་ཟངས་ཁ་སྦྱོར་དུ་བཅུག་ནས་ཆུ་ལ་བསྐུར་ཀྱང་རྫུ་འཕྲུལ་གྱི་ནམ་མཁར་བྱོན། །བརྒྱད་པ་ཁྱི་ལ་མུ་སྟེགས་ངན་པས་ཟས་དུག་ཅན་དྲངས་ཀྱང་ཟད་ཀྱང་མ་གནོད་པར་གཟི་མདངས་ལྷག་པར་རྒྱས་པའི་ཚུལ་བསྟན། དགུ་པ་ཕག་ལ་བལ་ཡུལ་ཡང་ལེ་ཤོད་དུ་ཕེབས་ཏེ་དཔལ་རྡོ་རྗེ་གཞོན་ནུའི་སྐུར་བཞེངས་ནས་བལ་ཡུལ་དང་བོད་ཀྱི་ལྷ་འདྲེ་ཐམས་ཅད་དམ་ལ་བཏགས། བཅུ་པ་བྱི་བར་བོད་ཡུལ་དུ་ཕེབས་ནས་ཧས་པོ་རིའི་རྩེར་ལྷ་སྲིན་དམ་ལ་བཞག་སྟེ་བསམ་ཡས་ཀྱི་ས་བཏུལ། །བཅུ་གཅིག་པ་གླང་གི་ཟླ་བའི་ཚེས་བཅུར་ལྷོ་ནུབ་སྲིན་པོའི་ཡུལ་དུ་གཤེགས་པར་དགོངས་ནས་བསམ་ཡས་མཆིམ་ཕུར་ཡོན་མཆོད་བཀའ་བགྲོས་མཛད་དེ་གཏེར་ཁ་སྦས་པའི་སྟ་གོན་དུ་ལྷ་འདྲེ་དབང་དུ་བསྡུས་ཏེ་གཏེར་གྱི་གཉེར་བྱང་གཏད་པའི་དུས་ཆེན་ཡིན་ཞིང་། གུ་རུ་


ZP01_Page_278
[མ་དཔེ་གཟིགས་ན་འདིར་གནོན།]

ཉིད་ཀྱི་ཞལ་ནས། །དབང་ཆེན་སྤྲེལ་ཟླའི་ཚེས་བཅུ་དང་། །དུས་ཀྱི་ཚེས་བཅུ་ཐམས་ཅད་ལ། །སྤྲུལ་པ་འཛམ་གླིང་ཁྱབ་པར་འགྱེད། །མཆོག་ཐུན་དངོས་གྲུབ་ང་ཡིས་སྟེར། །མི་ཚེ་བླ་མའི་སྒྲུབ་པ་ལ། །བསྐྱལ་ན་ཚེ་ཡི་དུས་བྱས་ཚེ། །ཨོ་རྒྱན་ང་ཡི་ཐུགས་ཀར་ཐིམ། ཞེས་དང་། །པདྨ་བཀའ་ཐང་ལས། །ཚེས་བཅུ་བྱུང་རེས་ང་ཉིད་བོད་དུ་འོང་། །རླུང་ཁྱེར་རྫས་བཞིན་ཅི་ཡོད་ཚོགས་སུ་ཕུལ། ཞེས་དང་། གསོལ་འདེབས་བསམ་པ་ལྷུན་གྲུབ་ལས། །ཉི་ཟེར་འཆར་སྡུད་མདངས་ལ་ཆིབས་ཏེ་བྱོན། །ཡར་ངོའི་ཚེས་བཅུའི་དུས་སུ་དངོས་སུ་བྱོན། །ཞེས་སོགས་གསུངས་པ་བཞིན་ཡར་ངོའི་ཚེས་བཅུ་ནམ་ཤར་དུ་གུ་རུ་ཉིད་སྐུ་དངོས་ཀྱི་བོད་ཡུལ་དུ་བྱོན་ནས་དད་པ་ཅན་ལ་བྱིན་གྱིས་བརློབས་པར་ཞལ་གྱིས་བཞེས་པ་ཡིན་ཞིང་ཁྱད་པར་བྱིན་བརླབས་བླ་མའི་སྒྲུབ་པ་གང་བྱེད་ཀྱི་རྣམ་གཡེང་མེད་པའི་བསྐྱེད་རིམ་གསལ་བའི་དུས་དང་། སེར་སྣ་སྤངས་ཏེ་མཆོད་གཏོར་བཤམས་པའི་དུས་ཉིད་གུ་རུ་ང་ཉིད་དེའི་དྲུང་དུ་ཐེ་ཚོམ་མེད་པར་བྱོན་ཏེ། གསང་འདུས་ཞལ་གདམ་ལས། །སྒྲུབས་ཐབས་གང་ཡིན་བསྐྱེད་རིམ་ནི། །གསལ་བར་བསྒོམ་པའི་དུས་ན་ཡང་། །ང་ཉིད་དེ་ཡི་དྲུང་ན་གནས། །མཎྜལ་མཆོད་པ་གཏོར་མ་ཡི། །བཅའ་གཞི་བཤམས་པའི་དུས་ན་ཡང་། །ང་ཉིད་ཐེ་ཚོམ་མེད་པར་བྱོན། །ཞེས་དང་། །ཤ་མེད་འོད་ཀྱི་གཟུགས་ཅན་ནི། །པདྨ་འབྱུང་གནས་སྐུ་རུ་བསྒོམ། །དེ་དུས་ཆེ་བའི་ང་རྒྱལ་བསྐྱེད། །སྲོག་གི་སྙིང་པོ་ཐོད་ཕྲེང་རྩལ། །


ZP01_Page_279
[མ་དཔེ་གཟིགས་ན་འདིར་གནོན།]

བྲག་ཁ་དག་ནས་ཆུ་འབབ་བཞིན། །དྲག་པོ་བར་མཚམས་མེད་པར་བགྲངས། །ང་ཉིད་རང་དབང་མེད་པར་བྱོན། །ཨོ་རྒྱན་པདྨ་ང་ཉིད་ལ། །མོས་གུས་གདུང་ཤུགས་དྲག་པོ་ཡིས། །གསོལ་བ་དྲག་ཏུ་བཏབ་པའི་ཚེ། །ང་ཉིད་དེ་ཡི་དྲུང་དུ་འོང་། །ཞེས་སོ། །དེས་ན་ཚེས་བཅུ་འདི་དག་གི་སྐབས་སུ་གུ་རུ་ཉིད་ཐུགས་བསྐྱེད་སྨོན་ལམ་གྱི་དབང་གིས་བོད་ཡུལ་དུ་བྱོན་པ་དང་གནས་ཡུལ་གྱི་དཔའ་བོ་མཁའ་འགྲོ་ཆོས་སྐྱོང་རྣམས་ཀྱང་འཛམ་བུའི་གླིང་ཁྱབ་པར་ཉུལ་ཞིང་ཚོགས་ཁང་དང་སྒྲུབ་གནས་གང་ཡོད་དུ་སྒྲུབ་པ་པོའི་རྒྱུད་ཚོད་ཉུལ་ཏེ་ཚུལ་བཞིན་སྤྱོད་པ་ལ་དངོས་གྲུབ་སྟེར། ཉེས་པ་སྤྱོད་པ་ལ་ཆད་པ་གཅོད་པ་ཡིན་པས་ཚེས་བཅུའི་དུས་མཆོད་ཀྱི་སྐབས་སུ་གུ་རུ་ཉིད་ལ་མོས་གུས་ཀྱི་གདུང་ཤུགས་བསྐྱེད་ཅིང་བསྐྱེད་རྫོགས་ཀྱི་དོན་ལས་མི་གཡེལ་བར་ཚུལ་བཞིན་དུ་སྤྱོད་པ་ལས། སྲེད་ཞེན་གྱི་དབང་གི་བཟའ་བཏུང་ལ་ལྷག་པར་སྤྱོད་པ་དང་། ཆང་བཟི་ཀུ་ཅོ་སོགས་བྱས་ན་ནི་དམ་ཚིག་གི་རྫས་བག་མེད་སྤྱད་པའི་རྩ་ལྟུང་དང་། ཚོགས་ཀྱི་འཁོར་ལོའི་དུས་ན་ལུས་ངག་རྩོད་པའི་ཡན་ལག་སྦོམ་པོའི་ལྟུང་བའི་ཉེས་པ་གཉིས་འབྱུང་ཞིང་སྒྲུབ་པ་པོ་ཇི་ཙམ་འདུས་པའི་གྲངས་ཀྱི་འཕེལ་དང་། དུས་ཆེན་གྱི་དབང་གིས་འབུམ་འགྱུར་དུ་འགྲོ་ལ། ཨོ་རྒྱན་གྱི་ཐུགས་ཁྲེལ་དང་མཁའ་འགྲོས་བཀའ་ཆད་རིན་གྱིས་ཉོས་པ་ཡིན་པས་བག་མེད་དུ་ཉེས་པ་ཅི་ཆེ་མི་བྱེད་པ་ཚེས་བཅུའི་དུས་སུ་སྡིག་དང་མ་འདྲེས་པའི་མཆོད་པ་


ZP01_Page_280
[མ་དཔེ་གཟིགས་ན་འདིར་གནོན།]

ཡོན་ཆབ་མར་མེ་སོགས་དངོས་གཙང་རྩལ་དུ་འདོན་ཞིང་གསང་སྔགས་ཀྱི་རྫས་ཤ་ཆང་སོགས་རྟེན་འབྲེལ་གྱི་རྫས་ཙམ་ཚོགས་ན་ཡང་བག་མེད་དུ་མི་སྤྱད་བཟའ་བཏུང་གི་རྣལ་འབྱོར་དང་ལྡན་པར་བྱ་ཞིང་ཁྱད་པར་སེམས་སྐད་ཅིག་ཀྱང་མ་ཡེངས་བར་གུ་རུ་ཉིད་ལ་དད་པའི་གདུང་ཤུགས་བསྐྱེད་པ་གལ་ཆེ་སྟེ། གསང་འདུས་ལས། ལེགས་ཉེས་སྐྱིད་སྡུག་མཐོ་དམན་དང་། །ཤི་གསོན་ཚེ་འདི་ཕྱི་མ་སོགས། །གནས་སྐབས་མཐར་ཐུག་ཐམས་ཅད་དུ། །སྐྱིད་སྡུག་རེ་ལྟོས་ཁྱོད་ཤེས་པས། །བདག་ལ་རེ་ས་གཞན་ན་མེད། །ཨོ་རྒྱན་མཁྱེན་ནོ་སྙམས་པ་ཡིས། །བློ་ནི་ཡང་ཡང་གཏད་པར་བྱ། །ཞེས་སོ། །དེ་ལྟ་བུའི་དད་བརྩོན་དང་ལྡན་པས་ཚེས་བཅུའི་དུས་མཆོད་ལན་གཅིག་བཟུང་ཀྱང་གང་འདོད་པའི་དོན་ཐམས་ཅད་འགྲུབ་པ་ཉིད་རིག་འཛིན་འཇིག་མེད་གླིང་པའི་ཞལ་ནས། དེ་ཕྱིར་བྱུང་ངོ་ཅོག་གི་ཚེས་བཅུ་རྣམས། །ཁྱོད་ཀྱི་མཛད་པ་ཕྲིན་ལས་དུས་ཆེན་དང་། །མ་དང་མཁའ་འགྲོ་འདུ་བའི་དུས་ཡིན་པས། །ནང་དུ་རྡོ་རྗེའི་ལུས་ལ་རྩ་ཐིག་རླུང་། །འདུ་བ་ངོ་མཚར་ཅན་གྱི་རྟེན་འབྲེལ་ལས། །རྣམ་བཞིའི་ཕྲིན་ལས་ཀུན་ལ་དབང་འབྱོར་ཞིང་། །ཆར་ཆུ་དུས་འབེབས་མི་ཕྱུག་ནད་ཡམས་ཞི། །དམགས་འཁྲུགས་དབུལ་ཕོངས་སད་སེར་བཙའ་ཐན་སོགས། །འཇིག་རྟེན་དུས་ཀྱི་རྒུད་པ་ཇི་སྙེད་པ། །ཚེས་བཅུའི་དུས་མཆོད་བཟུང་ནས་གསོལ་འདེབས་ཀྱི། །བྱིན་རླབས་ཁོ་ནས་ཞི་བ་མངོན་སུམ་ཉིད། །ཅེས་གསུངས་སོ། །དེས་ན་ད་ལྟ་རང་རེ་སངས་རྒྱས་ཀྱི་


ZP01_Page_281
[མ་དཔེ་གཟིགས་ན་འདིར་གནོན།]

བསྟན་པ་དར་བའི་ཡུལ་དུ་སྐྱེས། བདེ་བར་གཤེགས་པའི་སྐུ་གསུངས་ཐུགས་རྟེན་དང་མཇལ་དུ་ཡོད་པ་འདི་སྔོན་བསོད་ནམས་བསགས། །ད་ལྟ་སྐལ་པ་བཟང་བ་ཡིན་པས་མཆོག་དམན་སེར་སྐྱ་བུད་མེད་སུ་དང་གང་ཡིན་ཀྱང་རང་རང་གི་ཉེ་སྐོར་ན་གནས་པའི་ལྷ་ཁང་དང་རྟེན་གསུམ་སྤྱིར་སྒེར་སུས་དབང་པ་ཡིན་ཀྱང་གུས་པ་དང་ཞེ་ས་བསྐྱེད། །ཕྱག་དང་བསྐོར་བ་རང་འབྱོར་དང་བསྟུན་པའི་མཆོད་པ། དཀར་མེ། སྙན་ཤལ། །སེར་སྣ་མེད་པའི་དངོས་རྫས་མེ་ཏོག་དང་ཡོན་ཆབ་སོགས་འབད་པས་ཕུལ་ན་འདི་ཕྱི་ཀུན་ཏུ་བསོད་ནམས་རྒྱུན་ཆད་མེད་པར་འབྱུང་ཞིང་། །ཚེ་འདིར་བསམ་པའི་དོན་ཐམས་ཅད་འགྲུབ་པ་དང་། ཕྱི་མ་ལྷ་མིའི་ལུས་རྟེན་ཁྱད་པར་ཅན་ཐོབ་པར་འགྱུར་ལ་ཐ་ན་གཙུག་ལག་ཁང་གི་ཕྱི་ནང་དུ་རྡུལ་ཕྱག་ཙམ་བྱས་ན་ཡང་ཕན་ཡོན་ཚད་མེད། །འདུལ་བ་ལུང་ལས། ཕྱག་དར་བྱས་པ་ལ་ཕན་ཡོན་ལྔ་ཐོབ་སྟེ། རང་གི་སེམས་དངས་བར་འགྱུར་བ་དང་། གཞན་གྱི་སེམས་མོས་པར་འགྱུར། ལྷ་རྣམས་ཡིད་དགའ་བར་འགྱུར། མཛེས་པར་འགྱུར་བའི་དགེ་བའི་རྩ་བ་སོགས་པར་འགྱུར་རོ། །ལུས་ཞིག་ནས་ཀྱང་བདེ་འགྲོ་མཐོ་རིས་ཀྱི་འཇིག་རྟེན་ལྷ་རྣམས་ཀྱི་ནང་དུ་སྐྱེ་བར་འགྱུར་རོ། །ཞེས་གསུངས་སོ། །དེས་ན་ལྷ་ཁང་གཙུག་ལག་ཁང་རྣམས་ཀྱི་དཀོར་གཉེར་དང་ཉེ་སྐོར་ན་གནས་པ་དག་གིས་ཀྱང་འབད་པ་དྲག་པོའི་ཞེ་ས་དང་གུས་པ་བསྐྱེད་དེ་ལྷ་ཁང་ཕྱི་ནང་རྡུལ་ཕྱག་དང་ཕྱག་དང་བསྐོར་བ་འབད་ཅིང་ཆུ་དང་མེ་ཏོག་གི་མཆོད་པ་འབུལ་བ་ལ་བརྩོན་ན་ཕན་ཡོན་རྒྱ་ཆེན་པོ་


ZP01_Page_282
[མ་དཔེ་གཟིགས་ན་འདིར་གནོན།]

ཐོབ་ཅིང་དེ་ལས་གཞན་དུ་ལྷ་ཁང་ལ་བརྙས་བཅོས་སོགས་བྱས་ན་མཚམས་མེད་པའི་སྡིག་པ་དང་འདྲ་བའི་ཉེས་པ་འབྱུང་། ཐ་ན་གཙུག་ལག་ཁང་གི་ཕྱགས་མས་རང་ཁྱིམ་ཕྱགས་ན་ཕྱགས་མ་ལྟ་བུའི་དམྱལ་བར་སྐྱེ་བ་དང་། རྩིག་པ་དང་ཀ་བ་ལ་སྣབས་སོགས་བགོས་ན་ཀ་བ་དང་རྩིགས་པ་ལྟ་བུའི་དམལ་བར་སྐྱེ་བར་འགྱུར་ཞེས་འདུལ་བ་ལུང་ལས་གསུང་ཞིང་། །ཁྱད་པར་ལྷ་ཁང་གི་རྫས་དང་མཆོད་ཐེབས་རྟེན་བཞག་སོགས་ལོངས་སྤྱད་ན་ཉེས་པ་མཚམས་མེད་དང་འདྲ། དཀོན་མཆོག་གི་དཀོར་འཕྲོག་པས་བྱང་ཆུབ་སེམས་དཔའི་རྩ་ལྟུང་འབྱུང་། ཤི་མ་ཐག་ཏུ་ཁྲོ་ཆུ་ཁོལ་མ་འཐུང་བའི་དམྱལ་བར་སྐྱེ་ཞིང་དེ་ནས་ཀྱང་ཡི་དྭགས་གི་ལུས་སྟོང་ཕྲག་ལ་སོགས་པ་ལེན་པར་འགྱུར་བ་དང་། ཐ་ན་ལྷ་ཁང་དུ་སྔ་དྲོ་འབུལ་རྒྱུའི་མཆོད་རྫས་ཕྱི་དྲོ་འབུལ་བ་དང་། དབྱར་ཕུལ་ཞིག་ཟེར་བའི་མཆོད་རྫས་སྟོན་འབུལ་བ་དང་། ད་ལྟ་ཕུལ་ཞིག་ཟེར་བའི་མཆོད་རྫས་དུས་མཆོད་ལ་སོགས་པའི་བར་དུ་འཇོག་པའི་བསྔོས་བརྒྱུར་བྱས་ཚེ་ཕྱི་མ་ལ་རྐེད་པ་ཆད་པའི་ཆ་རྒྱུས་པ་ཕྲ་མོས་སྤྲེལ་ནས་སྡུག་བསྔལ་མྱོང་བའི་ཉི་ཚེ་བའི་དམྱལ་བར་སྐྱེ་བར་འདུལ་བ་ནས་གསུངས་པས་ཤིན་ཏུ་གཟབ་པར་བྱ་ཞིང་། ཇི་ལྟར་བཤད་པའི་ཕན་ཡོན་དང་ཉེས་པ་འབྱུང་ཚུལ་རྒྱལ་བའི་བཀའ་ནས་འབྱུང་བ་རྣམས་ལ་ཡིད་ཆེས་པར་བྱས་ཏེ། དཀོན་མཆོག་གི་རྟེན་གང་བཞུགས་པ་ལ་དད་པ་དག་སྣང་བསྐྱེད་དེ་ཕྱག་སྐོར་དང་མཆོད་པ་ལ་བརྩོན་པ་བསྐྱེད་ན་གནས་སྐབས་མཐར་ཐུག་ཀུན་ཏུ་ལེགས་ཚོགས་ཀྱི་དཔལ་ཡོན་གོང་ནས་གོང་འཕེལ་དུ་འགྱུར་བ་ཡིན་པས་


ZP01_Page_283
[མ་དཔེ་གཟིགས་ན་འདིར་གནོན།]

སྙིང་ཐག་པ་ནས་འབད་པར་མཛོད་ཅིག །ཅེས་ཁོ་བོས་ཐལ་མོ་སྦྱར་ཏེ་མཆོག་དམན་ཀུན་ལ་གསོལ་བ་འདེབས་པ་ལགས་ན་དེ་དེ་བཞིན་དུ་མཛད་དུ་གསོལ་ལོ། །རྒྱལ་བ་སྲས་དང་བཅས་པའི་བདེན་སྟོབས་དང་། མཆོག་གསུམ་བསླུ་བ་མེད་པའི་ཐུགས་རྗེ་དང་། དྲིན་ཅན་རྩ་བརྒྱུད་བླ་མའི་ཐུགས་བསྐྱེད་མཐུས། །ཁོ་བོའི་བདེན་པའི་ཚིག་འདི་འགྲུབ་གྱུར་ཅིག །སྐྱབས་མཆོག་དཀོན་མཆོག་རིན་ཆེན་དབུ་འཕང་མཐོ། །བསྟན་འཛིན་དགེ་འདུན་འདུས་སྡེ་མཛད་སྤྱོད་ལེགས། གཙུག་ལག་ཁང་རྣམས་བཤད་སྒྲུབས་མཆོད་ཚོགས་རྒྱས། ཕན་བདེའི་འབྱུང་གནས་རྒྱལ་བསྟན་དར་གྱུར་ཅིག །ཐ་མལ་སྐྱེ་བོ་ཀུན་གྱི་དཀོན་མཆོག་མཆོད། མཆོག་གསུམ་ཐུགས་རྗེ་བྱིན་རླབས་འགྲོ་ལ་ཞུགས། །སྣོད་བཅུད་ཀུན་ཀྱང་ལེགས་ཚོགས་ཡོན་ཏན་རྒྱས། །འབད་མེད་རྫོགས་ལྡན་དཔལ་ལ་སྤྱོད་པར་ཤོག །བདག་ཀྱང་ཚེ་རབས་ཀུན་ཏུ་དཀོན་མཆོག་གསུམ། །བསླུ་མེད་སྐྱབས་གཅིག་ཁྱོད་དང་མི་འབྲལ་ཞིང་། །གཞན་ལའང་ལེགས་བྱས་ཚུལ་འདི་ལེགས་འདོམས་པའི། །བདེན་ཚིག་རྒྱལ་བ་བཞིན་དུ་འགྲུབ་གྱུར་ཅིག །ཅེས་ཨོ་རྒྱན་སངས་རྒྱས་གཉིས་པའི་སྐུ་བརྙན་གཙོ་བོར་གྱུར་བའི་རྒྱལ་བའི་སྐུ་གསུངས་ཐུགས་རྟེན་ལ་གུས་པར་བྱེད་པའི་ཚུལ་བརྗོད་པ་ལེགས་ལམ་དམ་པའི་གསོས་སྨན་ཞེས་བྱ་བ་འདི་ཡང་མཐའ་ཡས་པའི་སེམས་ཅན་ལ་ཕན་འདོད་ཀྱི་བསམ་པ་དུང་དང་ཟླ་བ་ལྟར་དཀར་བ་དང་། །ཁྱད་པར་སྔར་འདྲིས་ཀྱི་གྲོགས་པོ་སྒྲུབ་བརྩོན་དམ་པ་བླ་མ་ཚེ་དབང་བཟང་པོའི་ཚེས་བཅུའི་གཙུག་ལག་ཁང་གསང་དུ་བཞེངས་པའི་སྐབས་སུ་བདག་གིས་ཀྱང་རྗེས་


ZP01_Page_284
[མ་དཔེ་གཟིགས་ན་འདིར་གནོན།]

སུ་ཡི་རང་བའི་སེམས་ཀྱི་ཟང་ཟིང་ཞབས་རྟོག་བཅས་བཙུན་གཟུགས་དཔལ་དགེ་ཧྲལ་པོ་ལས་ངན་དུག་ལྔ་མེ་འབར་དུ་འབོད་བས་རང་གཤིས་ཉོན་མོངས་པའི་དུག་དང་མ་འདྲེས་པ་རྒྱལ་ཕགས་རི་ཁྲོད་ལྗོན་པའི་ཚལ་ཉམས་དགའ་བར་བྲིས་པ་དེ་ཁོ་ན་བཞིན་འགྲུབ་པར་གྱུར་ཅིག །དགེའོ།། །།

ཆོས་དང་འཇིག་རྟེན་ཤེས་པའི་བསྟན་བཅོས་གདོལ་བའི་དྲང་སྲོང་གི་གཏམ་ཐར་པའི་ཐེམ་སྐས།


ZP01_Page_285
[མ་དཔེ་གཟིགས་ན་འདིར་གནོན།]

ཆོས་དང་འཇིག་རྟེན་ཤེས་པའི་བསྟན་བཅོས་གདོལ་བའི་དྲང་སྲོང་གི་གཏམ་ཐར་པའི་ཐེམ་སྐས་ཞེས་བྱ་བ་བཞུགས་སོ།། །


ZP01_Page_286
[མ་དཔེ་གཟིགས་ན་འདིར་གནོན།]

ན་མོ་ལོ་ཀེ་ཤྭ་ར་ཡེ། །གང་གིས་ཁམས་གསུམ་ཁམ་ཟས་སུ། །བྱེད་པ་འཇིགས་བྱེད་དུས་ཞེས་བྱ། །དུས་ཀྱང་འཇོམས་པ་འཇམ་པའི་དབྱངས། །སྒྲ་དང་ལྡན་པའི་ཕོ་བྲང་ནས། །གཏུམ་པོ་དུལ་བའི་ཚུལ་འཛིན་ཅིང་། །འབར་བ་ཞི་བའི་རྣམ་པ་ཅན། །གདོལ་བའི་དྲང་སྲོང་དེ་གནས་ཏེ། །དེ་ཡི་མིང་ནི་ཤྲཱི་ཞེས་གྲགས། །དེ་ལ་ལེགས་པར་སྤྱོད་པ་མེད་ན་ཡང་། །དེ་ལ་ལེགས་པར་བར་སྨྲ་བ་ཡོད་པ་སྟེ། །དེ་ཕྱིར་དེ་ལ་ཀུན་གྱིས་དོན་འདྲི་ཞིང་། །དེས་ཀྱང་དེ་ལ་ཚུལ་བཞིན་འདོམས་པར་བྱེད། །དེ་ལ་ཁ་ཅིག་གིས་དྲིས་པ། །ཀྱེ་དྲང་སྲོང་ཆེན་པོ་ཆོས་དང་ལུགས་ཞེས་བྱ་བ་ཅི། །ཆོས་དང་ལུགས་ཀྱི་དབྱེ་བ་གང་། །ཆོས་དང་ལུགས་ལ་གང་དག་སྤང་། །ཆོས་དང་ལུགས་


ZP01_Page_287
[མ་དཔེ་གཟིགས་ན་འདིར་གནོན།]

ལ་གང་དག་བླང་། །སྨྲས་པ། ཆོས་ནི་ཤེས་བྱ་ཐམས་ཅད་དེ། །ལུགས་ནི་དེ་ཡི་མཚན་ཉིད་ཡིན། །ཆོས་ན་བླང་དོར་བྱ་བའི་གནས། །ལུགས་ནི་དེ་ཡི་ལག་ལེན་ཡིན། །ཤེས་བྱའི་ཆོས་ལ་དབྱེ་ན་འཁོར་འདས་གཉིས། །བླང་དོར་ཆོས་ལ་དབྱེ་ན་དགེ་སྡིག་གཉིས། །དང་པོ་གཉིས་ནི་སྡུག་བསྔལ་ཞི་མ་ཞི། །ཕྱི་མ་གཉིས་ནི་སྡུག་བསྔལ་བསྐྱེད་མི་བསྐྱེད། །དེ་ལ་འཁོར་བ་སྤང་བྱ་སྟེ། །འཁོར་རྒྱུ་སྡིག་པ་མ་སྤངས་ན། །འཁོར་བ་སྤང་བར་མི་ནུས་པས། །དེ་ཕྱིར་དང་པོ་སྡིག་པ་སྤང་། །མྱ་ངན་འདས་པ་བླང་བྱ་སྟེ། །དེ་རྒྱུ་དགེ་བ་མ་བསྒྲུབས་ན། །མྱང་འདས་བླང་བར་མི་ནུས་པས། །དེ་ཕྱིར་དང་པོ་དགེ་བ་བླང་། །འཁོར་བ་སྤང་བར་བྱ་བ་ཡིན་ནའང་། །འཁོར་


ZP01_Page_288
[མ་དཔེ་གཟིགས་ན་འདིར་གནོན།]

བའི་ཆོས་ལ་དང་པོར་མ་བརྟེན་ན། །མྱང་འདས་ལམ་ལ་འཇུག་པར་མི་ནུས་པས། །དང་པོ་འཁོར་བའི་རང་བཞིན་ཤེས་པ་གཅེས། །འཁོར་བ་འདི་ལ་ལམ་ཆེན་གཉིས་ཡོད་པ། །དེ་ནི་དྲང་པོ་དང་ནི་འཁྱོག་པོའོ། །དྲང་པོ་ནས་ནི་ལྷ་དང་མིར་འགྲོ་སྟེ། །འཁྱོག་པོའི་ལམ་ནས་ངན་སོང་དག་ཏུའོ། །ས་སྟེང་འདི་ན་དྲང་པོར་སྤྱོད་མང་ན། །ས་ཡི་བླ་ན་ལྷ་ཡུལ་རྒྱས་འགྱུར་ཏེ། །ས་སྟེང་འདི་ན་འཁྱོག་པོར་སྤྱོད་མང་ན། །ས་ཡི་འོག་ན་ངན་སོང་རྣམ་པར་འཕེལ། །དྲང་པོ་མི་ཡི་ཆོས་ལུགས་ཞེས་བྱ་སྟེ། །ཤིན་ཏུ་དྲང་ན་ལྷ་ཡི་ཆོས་ལུགས་ཡིན། །འཁྱོག་པོ་སྙིགས་མའི་སྤྱོད་པའི་ཆོས་ལུགས་ཏེ། །ཤིན་ཏུ་འཁྱོག་པོ་དམྱལ་བའི་ཆོས་ལུགས་ཡིན། །དྲང་པོ་དེ་ཡང་གང་ཞེ་ན། །གཡོ་སྒྱུ་ཡོངས་སུ་སྤངས་ནས་ནི། །ཁ་དང་དོན་དུ་མཚུངས་པ་དང་། །ཕྱི་དང་ནང་དུ་མཚུངས་པའོ། །ཁ་ནི་བརྗོད་པའི་གཏམ་ཡིན་དོན་ནི་དེ་ཡི་ལག་ལེན་ཡིན། །ཕྱི་ནི་ལུས་དང་ངག་ཡིན་ནང་ནི་རང་གི་སེམས་ཡིན་ཏེ། །དོན་ནི་འཁྱོག་ལ་ཁ་ནི་དྲང་བ་ནང་འཁྱོག་ཕྱི་དྲང་བས། དྲང་པོས་འཁྱོག་པོ་བསྒྲིབས་པ་དེ་ཡང་སྙིགས་མའི་ཆོས་ལུགས་ཡིན། །སེམས་ལ་གཡོ་སྒྱུ་སྤངས་ནས་ནི། །དྲང་པོར་སྤྱོད་པ་འདི་ཁོ་ན། །མི་ཡི་ཆོས་ལུགས་མཆོག་ཡིན་དེ། །མི་ཆོས་ཐམས་ཅད་འདི་ལ་འདུས། །


ZP01_Page_289
[མ་དཔེ་གཟིགས་ན་འདིར་གནོན།]

འདོད་པའི་རྣམ་རྟོག་འཁྱོག་པོ་སྟེ། །འདོད་པ་ཆུང་བ་དྲང་པོ་ཡིན། །རང་འདོད་ཁོ་ནས་དོན་བསྒྲུབ་པ། །སྤངས་ན་ལྷ་ཡི་ཆོས་ལུགས་ཡིན། །སྙིགས་མའི་སྐྱེ་བོ་ཐམས་ཅད་ནི། །ལུས་འཁྱོག་ཚུལ་འཆོས་སྤྱོད་པ་ཅན། །ངག་འཁྱོག་གཡོ་སྒྱུའི་སྨྲ་བ་ཅན། །ཡིད་འཁྱོག་བསླུ་བའི་བསམ་པ་ཅན། །འདི་ལ་མི་འདོད་ཀུན་འདུ་སྟེ། །འདི་ཡིས་འདོད་པ་འགྲུབ་མི་འགྱུར། །འདི་ལ་ལྷ་དང་དྲང་སྲོང་ཁྲེལ། །འདི་ལ་ངན་སོང་ཐག་མི་རིང་། །ཤིན་ཏུ་འཁྱོག་ཅིང་གཞན་ལ་གནོད་སྤྱོད་པ། །རང་འདོད་ཕུག་བཅུག་བསླུ་བའི་སེམས་པ་ཅན། །དེ་ནི་དགེ་བའི་ལས་ལམ་ཀུན་སྤངས་ནས། །ས་ཡི་འོག་ཏུ་དམྱལ་མེ་འབར་བས་འཚིག །དེ་ལྟར་འཁོར་བའི་ཆོས་ལ་སྤང་བླང་དག །ཤེས་ནས་དྲང་པོའི་སྤྱོད་ལ་གནས་པ་དེས། །ཡང་དག་མྱ་ངན་འདས་པ་ཐོབ་བྱ་བ། །དེ་རྒྱུ་རྒྱལ་བའི་བསྟན་པ་མཆོག་ཡིན་ནོ། །རྒྱལ་བའི་བསྟན་པ་ལུང་རྟོགས་གཉིས། །ལུང་ནི་བཤད་པའི་ཆོས་ཡིན་ལ། །རྟོགས་པ་དེ་དོན་སྒྲུབ་པ་སྟེ། །རིམ་བཞིན་སྡེ་སྣོད་བསླབ་གསུམ་མོ། །འདུལ་བ་མདོ་སྡེ་སྣོད་རྣམ་གསུམ་པོ། །འདི་ནི་ལུང་གི་ཆོས་ཡིན་བཤད་པའི་ཆོས། །འདི་ཡི་ཚིག་དོན་ཐོས་བསམ་ཡུལ་ཡིན་ནོ། །ཚུལ་ཁྲིམས་


ZP01_Page_290
[མ་དཔེ་གཟིགས་ན་འདིར་གནོན།]

ཏིང་འཛིན་ཤེས་རབ་རིན་པོ་ཆེ། །ཡང་དག་རྒྱལ་བའི་སྲས་ཀྱི་བསླབ་པ་གསུམ། །འདི་ནི་རྟོགས་པའི་ཆོས་ཏེ་བསྒྲུབ་པའི་ཆོས། །འདི་གསུམ་ཉམས་སུ་བླངས་ཤིང་གོམས་པར་བྱ། །ཐུབ་པའི་སྡེ་སྣོད་རྣམ་པ་གསུམ། །ཐམས་ཅད་ཤེས་པ་ཡོད་མིན་ཡང་། །ཚིག་འབྲུ་གཅིག་གི་དོན་ཤེས་ན། །དེ་ཡང་ལུང་གི་བསྟན་པ་ཡིན། །རྒྱལ་བའི་སྲས་ཀྱི་བསླབ་པ་གསུམ། །ཐམས་ཅད་བསྒྲུབ་པ་དཀའ་ན་ཡང་། །དགེ་སེམས་སྐད་ཅིག་གཅིག་སྐྱེས་ཀྱང་། །དེ་ཡང་རྟོགས་པའི་བསྟན་པ་ཡིན། །དེ་ཕྱིར་རྒྱལ་བའི་བསྟན་པ་འཛིན་བཞེད་ན། །བསྟན་པ་ཕྱི་རུ་མ་བཙལ་ནང་དུ་བསྒྲུབ། །ནང་དུ་བསྒྲུབས་ན་སེམས་འདི་བསྟན་པས་འདུལ། །སེམས་འདི་ཐུལ་ན་མྱ་ངན་འདས་པ་ཡིན། །དེ་ལྟར་འཁོར་འདས་ཆོས་ལ་སྤང་བླང་དུ། །བྱེད་པ་དགེ་སྡིག་བླང་དོར་ཡིན་མོད་ཀྱང་། །ད་དུང་ལག་ལེན་གནད་དུ་དྲིལ་བའི་ཕྱིར། །དགེ་སྡིག་སྤངས་བླང་བཤད་ཀྱིས་ཉོན་ལ་སྒྲུབས། །དགེ་བ་སེམས་ཀྱི་རྣམ་རྟོག་སྟེ། །སྡིག་ཀྱང་སེམས་ཀྱི་རྣམ་རྟོག་ཡིན། །དགེ་སྡིག་ཕྱིན་མེད་ངེས་ཀྱི། །དགེ་སྡིག་སེམས་ཀྱི་སྟེང་དུ་ཚོལ། །སེམས་འདི་དགེ་ན་ལུས་དང་ངག་ཀྱང་དཔེ། །སེམས་འདི་སྡིག་ན་ལུས་དང་ངག་ཀྱང་སྡིག །དེ་ཕྱིར་ཆོས་ཀུན་རྩ་


ZP01_Page_291
[མ་དཔེ་གཟིགས་ན་འདིར་གནོན།]

བ་སེམས་ཡིན་ཞེས། །སེམས་ཀྱི་འདུལ་ཐབས་ཐུབ་པ་མཆོག་གིས་གསུངས། །དུས་དང་དུས་སུ་རང་གི་སེམས་ལ་བལྟ། །ནམ་དང་ནམ་ཡང་རང་གི་སེམས་ལ་བལྟ། །སྐད་ཅིག་མི་གཡེངས་རང་གི་སེམས་ལ་བལྟ། །འཕྲལ་དང་འཕྲལ་དུ་རང་གི་སེམས་ལ་བལྟ། །མང་པོ་འཚོགས་པའི་དུས་དང་གཅིག་པུར་གནས་པའི་དུས། །དུས་འདིར་འདི་ལྟར་བྱ་ཞེས་དགེ་བའི་དམ་བཅས་ནས། །དེ་ནས་དྲན་པའི་བྱ་ར་བཞག་སྟེ་མཐར་ཕྱིན་པར། །དུས་དང་དུས་སུ་རང་གི་སེམས་ལ་དེ་ལྟར་བལྟ། །ཟ་དང་ཉལ་དང་འགྲོ་དང་འཆག་དང་འདུག་པ་དང་། །སྤྱོད་ལམ་ཀུན་ཏུ་དྲན་པའི་བྱ་རས་ཡིད་བཟུང་སྟེ། །དོན་མེད་པ་དང་འདོད་ཆེན་སྤངས་ནས་བག་ཡོད་པས། །ནམ་དང་ནམ་ཡང་རང་གི་སེམས་ལ་དེ་ལྟར་བལྟ། །སེམས་ཀྱི་རྣམ་རྟོག་འདི་ནི་མུ་མཐའ་མེད་པ་སྟེ། །རྣམ་རྟོག་ཁ་ཡན་མི་བཏང་དྲན་པའི་ལྕག་ཀྱུས་གཟུངས། །དེ་ལ་སྤང་བླང་མེད་པར་རྟོག་ཚོགས་རང་གྲོལ་གཏོང་། །སྐད་ཅིག་མི་གཡེང་རང་གི་སེམས་ལ་དེ་ལྟར་བལྟ། །འོན་ཀྱང་དང་པོའི་ལས་ཅན་རྣམ་གཡེང་མང་བས་ན། །སེམས་ལ་བལྟ་བའི་དྲན་པ་བསྒྲིམས་ནས་ཡང་དང་ཡང་། །རང་གི་སེམས་འདི་ཡེངས་འཁྲུལ་ཅིར་འགྱུར་བརྟགས་བྱ་སྟེ། །འཕྲལ་དང་འཕྲལ་དུ་རང་གི་སེམས་ལ་དེ་ལྟར་བལྟ། །


ZP01_Page_292
[མ་དཔེ་གཟིགས་ན་འདིར་གནོན།]

སེམས་ལ་བལྟ་བ་གོམས་པ་ན། །སེམས་ཀྱི་གནད་གསང་ཤེས་འགྱུར་ཏེ། །སེམས་ཀྱི་གནད་གསང་ཤེས་གྱུར་ན། །ཆོས་རྣམས་ཀུན་གྱི་དེ་ཉིད་ཤེས། །ཆོས་རྣམས་ཀུན་གྱི་དེ་བཞིན་ཉིད། །སེམས་ཀྱི་རང་བཞིན་འདི་ལགས་ཏེ། །ཇི་བཞིན་བརྗོད་པར་མི་ནུས་ཏེ། །རང་གིས་བརྟགས་ན་ཤེས་པར་རུང་། །བརྟགས་བྱ་མེད་ལ་ཅི་ཞིག་རྟོགས། །རྟོགས་དང་བརྟགས་པ་ཐ་སྙད་ཙམ། །ཐ་སྙད་ལས་འདས་དམ་པའི་དོན། །ཤེས་ན་མྱ་ངན་འདས་ཞེས་བྱ། །ཀྱི་ཧོ་གྲོགས་དག་རང་གི་སེམས་ལ་ལྟོས། །དགེ་སྡིག་འཁོར་འདས་རང་གི་སེམས་ལ་ཚང་། །འདི་ལ་ལུས་ངག་བྱ་བ་ཅི་ཡང་མེད། །རང་སེམས་འདུལ་བ་སངས་རྒྱས་བསྟན་པ་ཡིན། །ཡང་ཁ་ཅིག་གིས་དྲིས་པ། སྐྱབས་གསུམ་དང་ནི་སྡོམས་པ་གསུམ། །ཐེག་པ་གསུམ་གྱི་རྣམ་བཞག་གསུངས། །གསུམ་རེའང་གཅིག་ཏུ་བསྡུས་ལ་ཤོད། གཅིག་པོའང་གནད་དུ་དྲིལ་ལ་སྟོན། །སྨྲས་པ། མ་འཁྲུལ་པ་ནི་སྟོན་པ་སྟེ། །འཁྲུལ་པ་མེད་པར་ལམ་བཟང་སྟོན། །འཁོར་བའི་དོང་ནས་འགྲོ་འདྲེན་པ། །སྟོན་པ་སངས་རྒྱས་གཏན་གྱི་སྐྱབས། །མི་བསླུ་པ་ནི་བསྟན་པ་སྟེ། །བཀའ་བཞིན་བསྒྲུབས་ན་བསླུ་བ་མེད། །ཡང་དག་ལམ་ལ་འགྲོ་འདྲེན་པའི། །སྐྱོབ་པ་དམ་ཆོས་གཏན་གྱི་


ZP01_Page_293
[མ་དཔེ་གཟིགས་ན་འདིར་གནོན།]

སྐྱབས། །མི་འབྲལ་བ་ནི་བསྒྲུབ་པོ་སྟེ། །བསྟན་པའི་དོན་དང་དེ་མི་འབྲལ། །དེ་ལ་བསྟེན་ན་དེ་འདྲར་འགྱུར། །འདྲེན་པ་དགེ་འདུན་གཏན་གྱི་སྐྱབས། །སྟོན་པ་སངས་རྒྱས་དང་ནི་སྐྱོབས་པ་དམ་པའི་ཆོས། །འདྲེན་པ་དགེ་འདུན་ཆེ་སྟེ་ཐར་པ་འདོད་པའི་སྐྱབས། །འདི་ལ་སུ་བསྟེན་དུས་རྣམ་ཀུན་ཏུ་མི་བསླུ་བ། །ཡང་དག་སྐྱབས་གསུམ་རྣམ་པར་བཞག་པ་དེ་ལྟར་ཡིན། །འཁོར་བ་འདི་ནི་སྡུག་བསྔལ་ཁྱིམ། །འདིས་ནི་སྡུག་བསྔལ་མི་སྐྱེད་མེད། །འདི་ལས་ངེས་པར་ཐར་འདོད་པའི། །བློ་འདི་སོ་ཐར་སྡོམ་པ་ཡིན། །ཁམས་གསུམ་འགྲོ་འདི་ཕ་དང་མ། །འདི་ལ་དྲིན་གྱིས་མ་བསྐྱངས་མེད། །འདི་ཀུན་སངས་རྒྱས་ཐོབ་འདོད་པའི། །བློ་འདི་བྱང་སེམས་སྡོམ་པ་ཡིན། །སྣོད་དང་བཅུད་འདི་དག་པའི་ཞིང་། །འདི་ན་མ་དག་སྣང་བ་མེད། །སྣང་སྲིད་དཀྱིལ་འཁོར་འཁོར་ལོ་རུ། །ཤེས་པ་གསང་སྔགས་སྡོམ་པ་ཡིན། །ངེས་འབྱུང་སོ་ཐར་ཡིན་ཏེ་གཞན་ཕན་བྱང་སེམས་ཡིན། །དག་སྣང་གསང་སྔགས་ཡིན་ཏེ་གཞན་ལ་གནོད་པ་དང་། །རང་དོན་ཡིད་ལ་བྱེད་དང་མཚན་མའི་རྟོག་པ་སྡོམ། །ཡང་དག་སྡོམ་གསུམ་རྣམ་པར་བཞག་པ་དེ་ལྟར་ཡིན། །འཁོར་བ་མེ་ཡི་འོབས་ལྟར་ལྟ། །


ZP01_Page_294
[མ་དཔེ་གཟིགས་ན་འདིར་གནོན།]

རང་གི་དོན་ལ་གཙོ་བོར་འཛིན། །མྱ་ངན་འདས་པ་དོན་གཉེར་བ། །ཐེག་པ་དམན་པ་ཡིན་ཤེས་བྱ། །འགྲོ་ཀུན་དྲིན་ཅན་ཕ་མར་ལྟ། །གཞན་གྱི་དོན་ལ་གཙོ་བོར་འཛིན། །ཐམས་ཅད་མཁྱེན་པ་དོན་གཉེར་བ། །ཐེག་པ་ཆེན་པོ་ཡིན་པར་བརྗོད། །འཁོར་འདས་མཉམ་པ་ཉིད་དུ་ལྟ། །རང་གཞན་དོན་གཉིས་མཉམ་དུ་བསྒྲུབ། །ལྷུན་གྱི་གྲུབ་པ་མངོན་བྱེད་པ། །ཐེག་པ་བླ་ན་མེད་པ་ཡིན། །རང་དོན་གཞན་དོན་གཉིས་དོན་མཆོག་གང་ཡིན། །བློ་ཆུང་བློ་འབྲིང་བློ་སྟོབས་ཆེན་པོ་ཡིས། །འཁོར་བར་འཇིགས་བཅས་འཇིགས་མེད་འཇིགས་བྲལ་བས། །སྒྲུབ་པ་ཡང་དག་ཐེག་གསུམ་རྣམ་བཞག་ཡིན། །སྐྱབས་གསུམ་བླ་མ་རྗེ་ལ་འདུས། །སྡོམ་གསུམ་རྣམ་རྟོག་སྤང་ལ་འདུས། །ཐེག་གསུམ་རང་སེམས་འདུལ་ལ་འདུས། །ཐམས་ཅད་ཆོས་ཉིད་རྟོགས་ལ་འདུས། །ཡང་དག་བླ་མ་མཆོག་ནི་དཀོན་མཆོག་གསུམ་གྱི་ངོ་བོ་སྟེ། །རང་སེམས་རྣམ་རྟོག་ཞི་ན་སྡོམ་པ་གསུམ་པོ་དེ་ལ་ཚང་། །སེམས་འདི་ཆོས་ཀྱིས་ཐུལ་ན་ཐེག་གསུམ་གནད་དོན་དེ་ལས་མེད། །རང་སེམས་ཆོས་ཉིད་རྟོགས་ན་རྟོག་ཞི་རྒྱུད་ཐུལ་ཐུགས་ཡིད་འདྲེས། །ཆོས་སྐུའི་དབྱིངས་ན་དབྱེར་མེད་ཅིང་། །ལོངས་སྐུ་བསྐྱེད་རྫོགས་ཟུང་དུ་འཇུག །སྤྲུལ་སྐུའི་ཐུགས་རྗེས་འགྲོ་ལ་དགོངས། །བླ་


ZP01_Page_295
[མ་དཔེ་གཟིགས་ན་འདིར་གནོན།]

མའི་ཐུགས་ནི་སངས་རྒྱས་ཡིན། །ཉོན་མོངས་འདུལ་བ་གཙོར་བྱས་ནས། །ཆོས་ཀུན་གནད་དོན་མདོ་རུ་བསྡུས། །ཆོས་ཉིད་གནས་ལུགས་མངོན་དུ་སྟོན། །བླ་མའི་གསུང་ནི་སྡེ་སྣོད་ཆོས། །ཉན་ཐོས་ཚུལ་དུ་ཞི་ཞིང་དུལ། །བྱང་སེམས་ཚུལ་དུ་གཞན་ཕན་སྤྱོད། །དཔའ་བོ་དཔའ་མོའི་གྲོང་ཁྱེར་ཕྱིར། །སྐུ་ནི་ཐེག་གསུམ་དགེ་འདུན་ནོ། །ཐུགས་ནི་སངས་རྒྱས་གསུང་ནི་དམ་ཆོས་སྐུ་དགེ་འདུན། །དེ་སླད་བླ་མ་ཉག་གཅིག་དཀོན་མཆོག་ཀུན་འདུས་པར། །ཤེས་ནས་མི་འབྲལ་གཙུག་གི་རྒྱན་དུ་རྟག་བསྟེན་པ། །དེ་ལ་སྐྱབས་གསུམ་བྱིན་རླབས་ཀུན་འཇུག་སྦྱར་སྨན་བཞིན། །གཙང་དང་བདེ་དང་བདག་རྟག་པར། །ལྟ་བ་ཚུལ་བཞིན་མིན་ཡིད་བྱེད། །འདི་ནི་ཉེས་ཀུན་རྩ་བ་སྟེ། །རྟོག་པ་འདི་སྤངས་སོ་སོར་ཐར། །རང་ལ་གཅེས་པར་ལྟ་བ་དང་། །གཞན་ལ་དེ་ལྟར་མ་ཡིན་པ། །འདི་ནི་རང་དོན་ཡིད་བྱེད་དེ། །རྣམ་རྟོག་དེ་སྤངས་བྱང་ཆུབ་སེམས། །ཐ་མལ་སྣང་བ་ལ་ཞེན་དང་། །གྱ་ནོམ་པ་ཡི་ལྷར་ཞེན་པ། །འདི་ནི་མཚན་མ་ཡིད་བྱེད་དེ། །རྣམ་རྟོག་དེ་སྤངས་སྔགས་སྡོམ་ཡིན། །ཚུལ་བཞིན་མ་ཡིན་ཡིད་ལ་བྱེད་མིན་རང་དོན་ཡིད་ལ་བྱེད་མ་ཡིན། །མཚན་མའི་རྣམ་རྟོག་ཡིད་ལ་བྱེད་


ZP01_Page_296
[མ་དཔེ་གཟིགས་ན་འདིར་གནོན།]

མིན་གང་ཡང་ཡིད་ལ་མི་བྱེད་པའི། །རྣམ་རྟོག་མེད་འདིར་སྡོམ་གསུམ་ཀུན་འདུས་རྣམ་པར་དག་ཅིང་འཇུག་པ་སྟེ། །རྒྱ་མཚོ་ཆེ་ལ་ཆུ་བོ་ཇི་བཞིན་རང་གི་ངང་གིས་དབྱེར་མེད་དོ། །ཁམས་གསུམ་གནས་ལ་མཆགས་ཤིང་། །སྲེད་དང་ལེན་པ་དྲུང་ནས་འབྱིན། །གཙོ་བོར་འདོད་ཆགས་སེམས་འདུལ་བ། །ཐེག་པ་དམན་པ་ཉིད་ཡིན་ནོ། །སྙིང་རྗེས་འགྲོ་ལ་རྗེས་སུ་ཆགས། །བྱམས་པ་ཆེན་པོའི་དགོངས་པ་ཡིན། །གཙོ་བོར་ཞེ་སྡང་སེམས་འདུལ་བ། །ཐེག་པ་ཆེན་པོ་ཡིན་ཞེས་བྱ། །ཐབས་མཁས་བསྐྱེད་རྫོགས་ཟུང་དུ་འཇུག། མཉམ་པ་ཆེན་པོའི་ཏིང་འཛིན་གྱིས། །རྣམ་རྟོག་གཏི་མུག་གཙོར་འདུལ་བ། །ཐེག་པ་བླ་ན་མེད་པ་ཉིད། །བདག་མེད་ཤེས་ན་སུ་ཞིག་ཆགས་སྟེ་བདག་གཞན་མཉམ་ན་སུ་ལ་སྡང་། །བདག་དང་གཞན་མེད་བློ་ཡི་ཆོས་དེ་བློ་འདས་ཀློང་ན་གཉིས་སུ་མེད། །དེ་འདྲར་གྱུར་ན་སེམས་ཐུལ་ཞེས་བྱ་ཆོས་རྣམས་ཀུན་ལ་རང་དབང་བསྒྱུར། །དེ་ཡི་ཕྱིར་ན་སེམས་འདུལ་བ་ལ་ཐེག་གསུམ་འདུ་སྟེ་ཐ་མི་དད། །སེམས་ཀྱི་ཆོས་ཉིད་ལེགས་རྟོགས་ན། །སྐྱབས་གསུམ་རང་གི་སེམས་སུ་ཤེས། །བླ་མ་མཆོག་དང་ཐུགས་ཡིད་འདྲེས། །དེ་ཕྱིར་འདི་ལ་འདུས་ཞེས་བྱ། །སེམས་ཀྱི་ཆོས་ཉིད་ལེགས་རྟོགས་ན། །རྣམ་རྟོག་རང་ཤར་རང་སར་ཞི། །རྣམ་རྟོག་


ZP01_Page_297
[མ་དཔེ་གཟིགས་ན་འདིར་གནོན།]

ཡེ་ཤེས་རྒྱུན་མི་འཆད། །དེ་ཕྱིར་འདི་ལ་འདུས་ཞེས་བྱ། །སེམས་ཀྱི་ཆོས་ཉིད་ལེགས་རྟོགས་ན། །སྣང་སེམས་གཉིས་ལ་རང་དབང་བསྒྱུར། །ཆོས་ཉིད་ཀློང་དུ་ཆོས་ཅན་ཐུལ། །དེ་ཕྱིར་འདི་ལ་འདུས་ཞེས་བྱ། །ཆོས་ཉིད་ཀློང་ན་བླ་མའི་ཐུགས་དང་རང་གི་སེམས་ཉིད་ཐ་མི་དད། །དེ་ལ་གནས་ན་རྣམ་རྟོག་ཀུན་ཞི་དུག་གསུམ་འཁྲུལ་བ་ལེགས་པར་ཐུལ། །སྤང་གཉེན་རོ་གཅིག་རྟོགས་པའི་ངང་ནས་སྙིང་རྗེས་འགྲོ་ལ་ལྷག་པར་བརྩེ། །ཆོས་ཉིད་རྟོགས་ལ་ཆོས་ཀུན་འདུ་སྟེ་ནམ་མཁའི་ཀློང་ན་སྣོད་བཅུད་བཞིན། །ཇི་སྙེད་སངས་རྒྱས་ཐམས་ཅད་ཀྱང་། །ཆོས་སྐུའི་ཀློང་ན་ཐ་མི་དད། །ཇི་སྙེད་བླ་མ་ཐམས་ཅད་ཀྱང་། །སྤྲུལ་གཞིའི་ཀློང་ན་ཐ་མི་དད། །བླ་མ་ཐམས་ཅད་སངས་རྒྱས་སྟེ། །དགོངས་པ་ཆོས་སྐུ་འདུ་འབྲལ་མེད། །སངས་རྒྱས་ཐམས་ཅད་བླ་མ་སྟེ། །གང་འདུལ་གདུལ་བྱར་དེ་ལྟར་སྣང་། །ཆོས་ཀྱི་དབང་གིས་ཟླ་བ་གཅིག །ཡང་ཡང་ཆེ་ཆུང་སྣ་ཚོགས་འཆར། །གདུལ་བྱའི་དབང་གིས་བླ་མ་གཅིག །ཡང་ཡང་རྣམ་རོལ་དུ་མས་བྱོན། །ཆུ་སྣོད་དབང་གིས་ཟླ་བ་གཅིག །དུས་གཅིག་ཟླ་གཟུགས་དུ་མར་སྣང་། །འགྲོ་བློའི་དབང་གིས་བླ་མ་གཅིག །དུས་མཉམ་བླ་མ་དུ་མར་སྣང་། །སྤྲིན་གྱི་དབང་གིས་ཟླ་བ་གཅིག །


ZP01_Page_298
[མ་དཔེ་གཟིགས་ན་འདིར་གནོན།]

འོད་ཟེར་གསལ་འགྲིབ་དུ་མར་སྣང་། །རྣམ་རྟོག་དབང་གིས་བླ་མ་གཅིག །བཟང་ངན་སྐྱོན་ཡོད་དུ་མར་སྣང་། །ལས་ཀྱི་དབང་གིས་ཟླ་བ་གཅིག །བསིལ་བྱེད་གདང་བྱེད་སོ་སོར་སྣང་། །བསམ་པའི་དབང་གིས་བླ་མ་གཅིག །དད་དང་ལོག་ལྟའི་གཞི་རུ་སྣང་། །ཉིན་མཚན་དབང་གིས་ཟླ་བ་གཅིག །འཆར་དང་འགྲིབ་པ་ལྟ་བུར་སྣང་། །འགྲོ་དོན་དབང་གིས་བླ་མ་གཅིག །གཤེགས་དང་བཞུགས་པ་ལྟ་བུར་སྣང་། །བླ་མ་ཀུན་གྱི་སྐུ་གཅིག་པོ། །རྩ་བའི་བླ་མ་སངས་རྒྱས་དངོས། །རང་སེམས་ཆོས་སྐུར་ངོ་སྤྲོད་པ། །བཀའ་དྲིན་སངས་རྒྱས་ཀུན་ལས་ལྷག །བརྒྱུད་གསུམ་བླ་མ་ཀུན་ཀྱང་ངོ་བོ་གཅིག །ཐ་དད་བླ་མ་ཀུན་ཀྱང་དབྱེ་བ་མེད། །མཛད་པ་ཐ་དད་མེད་ཅིང་གཤེགས་བཞུགས་མེད། །གང་ལས་བཀའ་དྲིན་ཐོབ་པ་དེ་རྩ་བ། །གཞན་དོན་མཛད་པ་བླ་མ་སྟེ། །རང་དོན་བསྒྲུབ་པ་བླ་མ་མིན། །ཐེག་གསུམ་ཆོས་སྟོན་བླ་མ་སྟེ། །ཆོས་མིན་སྟོན་ན་བླ་མ་མིན། །སློབ་མའི་སེམས་འདུལ་བླ་མ་སྟེ། །སེམས་མི་འདུལ་ན་བླ་མ་མིན། །དགེ་ལ་སྦྱོར་ན་བླ་མ་སྟེ། །དགེ་ལ་མི་སྦྱོར་བླ་མ་མིན། །འབྲེལ་ཚད་དོན་ལྡན་བླ་མ་སྟེ། །དོན་དང་མི་ལྡན་བླ་མ་མིན། །སྙིང་རྗེའི་ཐུགས་ལྡན་བླ་མ་སྟེ། །སྙིང་རྗེ་མེད་ན་བླ་མ་མིན། །ཡིན་པའི་བླ་མ་ཇི་སྙེད་པ། །མཚན་དང་རྣམ་འགྱུར་


ZP01_Page_299
[མ་དཔེ་གཟིགས་ན་འདིར་གནོན།]

ཐ་དད་ཀྱང་། །ཆོས་སྐུ་མཉམ་ཞིང་ཕྲིན་ལས་མཉམ། །ཐུགས་བཞེད་མཉམ་ཞིང་འགྲོ་ཕན་མཉམ། །གཞན་དོན་ཆོས་སྟོན་སློབ་མའི་སེམས་རྒྱུད་འདུལ། །འབྲེལ་ཚད་ཡང་དག་དགེ་བའི་ལམ་དགོད་ཅིང་། །འདི་ཡིས་རྩ་བ་སྙིང་རྗེའི་ཐུགས་ལྡན་པ། །བླ་མ་ཡིན་ཏེ་ཇི་སྙེད་ཀུན་ཀྱང་མཉམ། །བླ་མ་བསྟེན་དང་བླ་མ་སྒྲུབ། །འདི་ལ་ཆོས་སྒོ་བརྒྱད་ཁྲི་འདུས། །འདི་ཡི་གནད་གཅིག་མཐར་ཐུག་པ། །མོས་གུས་དཀར་པོ་གཅིག་ཐུབ་ཡིན། །ཆོས་རྣམས་ཀུན་གྱི་སྒོ་འབྱེད་ཅིང་། །ཉམས་ལེན་ཀུན་གྱི་གེགས་སེལ་ལ། །གདམས་ངག་ཀུན་གྱི་བོགས་འདོན་པ། །མོས་གུས་ཡིན་ཞེས་ཤེས་པར་བྱ། །ཐུགས་རྗེ་ཀུན་གྱི་ཐུགས་བསྐུལ་ཞིང་། །བྱིན་རླབས་ཀུན་གྱི་སྣོད་དུ་འགྱུར། །དངོས་གྲུབ་ཀུན་གྱི་བཅུད་བསྡུད་པ། །མོས་གུས་དཀར་པོ་གཅིག་ཐུབ་ཡིན། །བདུད་རྣམས་ཀུན་གྱིས་མི་ཐུབ་ཅིང་། །བར་ཆད་ཀུན་གྱིས་མི་ཚུགས་ལ། །སྒྲིབ་པ་ཐམས་ཅད་རང་འདག་པ། །མོས་གུས་ཡིན་ཞེས་ཤེས་པར་བྱ། །བསམ་པ་ལོག་པ་མི་སྐྱེ་ཞིང་། །འཆི་བའི་ཚེ་ན་གནད་གཅོད་མེད། །བར་དོའི་འཁྲུལ་སྣང་ཞི་བྱེད་པ། །མོས་གུས་ཡིན་པར་ཤེས་པར་བྱ། །ཚེ་འདིར་དམ་པས་རྗེས་སུ་འཛིན།


ZP01_Page_300
[མ་དཔེ་གཟིགས་ན་འདིར་གནོན།]

འཆི་ཁ་བླ་མའི་སྣང་བ་འཆར། །ཕྱི་མ་དག་པའི་ཞིང་འགྲོ་བ། །མོས་གུས་ཡིན་པར་ཤེས་པར་བྱ། །སྐྱབས་གནས་ཀུན་དང་འདུ་འབྲལ་མེད། །ཅི་བསམ་དོན་རྣམས་ལྷུན་གྱི་གྲུབ། །མཐར་ཐུག་རང་གཞན་དོན་གཉིས་འགྲུབ། །མོས་གུས་ཡིན་ཞེས་ཤེས་པར་བྱ། །དགེ་སེམས་རྣམ་རྟོག་གོང་དུ་འཕེལ། །ས་ལམ་རྟོགས་པ་ངང་གིས་སྐྱེ། །མཐར་ཐུག་ཐུགས་ཡིད་གཅིག་འདྲེས་པ། །མོས་གུས་ཡིན་ཞེས་ཤེས་པར་བྱ། །བླ་མའི་མོས་གུས་འདི་ཁོ་ན། །མི་འགྱུར་བླ་མ་བསྟེན་བསྒྲུབས་ན། །ཞེས་བྱས་ཀྱང་མ་བྱས་ཀྱང་། །གསོལ་བ་བཏབ་ཀྱང་མ་བཏབ་ཀྱང་། །གདམས་ངག་གནད་འདུས་བྱིན་རླབས་ཀུན་འཇུག་བར་ཆད་སེལ། །སྐྱེ་འཆི་བར་དོའི་འཁྲུལ་སྣང་སེལ་ཞིང་འདི་ཕྱིར་བདེ། །བསམ་ཀུན་འགྲུབ་ཅིང་མཐར་ཐུག་སངས་རྒྱས་ཐོབ་འགྱུར་བ། །མོས་གུས་ཡིན་ཏེ་གདམས་ངག་སྟོང་གི་གནད་གཅིག་ཡིན། །བླ་མ་བསྟེན་ཐབས་མོས་གུས་ཡིན་ཏེ་ཞེ་ས་མིན། །བླ་མ་སྒྲུབ་ཐབས་མོས་གུས་ཡིན་ཏེ་གསོལ་འདེབས་མིན། །མོས་གུས་ཡོད་ན་ཇི་ལྟར་བྱས་ཀྱང་བྱིན་རླབས་འཇུག །མོས་གུས་མེད་ན་ཇི་ལྟར་བྱས་ཀྱང་ཕན་པ་མེད། །སྡོམ་པ་གསུམ་དང་ཐེག་པ་གསུམ། །མིང་དུ་ཐ་དད་དོན་དུ་གཅིག །རྣམ་རྟོག་སྤང་དང་རང་རྒྱུད་འདུལ།


ZP01_Page_301
[མ་དཔེ་གཟིགས་ན་འདིར་གནོན།]

མིང་དུ་ཐ་དད་དོན་དུ་གཅིག །དེ་ཕྱིར་གཅིག་ལ་ཀུན་འདུས་པ། །བླ་མའི་གདམས་པས་རང་རྒྱུད་འདུལ། །འདི་ན་ཆུ་བརྒྱ་ཟམ་གཅིག་འོག །གཅིག་ཏུ་དྲུག་འདུས་དགུ་ཡང་འདུས། །རྒྱུད་ཅེས་བྱ་བ་རྣམ་རྟོག་སྟེ། །རྣམ་རྟོག་མིན་པའི་རྒྱུད་མི་རྙེད། །རྣམ་རྟོག་འདུལ་ལ་ཆོས་ཀྱི་སྒོ། །བརྒྱད་ཁྲི་དང་ནི་བཞི་སྟོང་འདུས། །འདི་ལྟར་འཁོར་བར་སྣང་བ་ཡང་། །རྣམ་པར་རྟོག་པས་བཏགས་པ་ཙམ། །འདི་ལྟར་མྱ་ངན་འདས་པ་ཡང་། །རྣམ་པར་རྟོག་པས་བཏགས་པ་ཙམ། །དེ་བཞིན་དགེ་སྡིག་རྣམ་རྟོག་སྟེ། །ལམ་དང་ལམ་མིན་རྣམ་པར་རྟོག །བདག་དང་བདག་མེད་རྣམ་རྟོག་ཙམ། །ལྟ་བ་གྲུབ་མཐའ་ཀུན་རྣམ་རྟོག །དེ་ཕྱིར་རྣམ་པར་རྟོག་འདུལ་བ། །འདི་ནི་སྔ་ཕྱི་ཀུན་གྱི་གནད། །སྔར་ཡང་བསྟན་ཏེ་ད་དུང་སྟོན། །དོན་ཆེའི་ཕྱིར་ན་བསྐྱར་ཞིང་འཆད། །རྣམ་རྟོག་ཇི་ལྟར་འདུལ་ཞེ་ན། །དང་པོ་རྣམ་རྟོག་ཕྱེ་ཞིང་འདུལ། །བར་དུ་རྣམ་རྟོག་བལྟ་ཞིང་འདུལ། །ཐ་མ་རྣམ་རྟོག་བཞག་ཅིང་འདུལ། །དང་པོ་རྣམ་རྟོག་དཀར་ནག་ཕྱེ། །དཀར་པོ་སྤེལ་ཞིང་ནག་པོ་བསལ། །དད་དང་བྱང་སེམས་ཤེས་རབ་དཀར། །ཆགས་དང་སྡང་དང་གཏི་མུག་ནག །དཀར་གསུམ་ཐར་པའི་ཕྱོགས་ཡིན་ཏེ། །གཅིག་ཏུ་དགེ་ཞིང་འཕྲལ་ཕུག་དགེ། ནག་གསུམ་སྡིག་


ZP01_Page_302
[མ་དཔེ་གཟིགས་ན་འདིར་གནོན།]

པའི་ཕྱོགས་ཡིན་ཏེ། །གཅིག་ཏུ་སྡིག་ཅིང་འཕྲལ་ཕུག་སྡིག །དད་པས་དགེ་རྩ་ཀུན་སྡུད་ཅིང་། །བྱང་སེམས་ཐེག་ཆེན་ཀུན་གྱི་གཞི། །ཤེས་རབ་ཐར་ལམ་ཀུན་རྩ་བ། །དེ་ཕྱིར་གསུམ་པོ་བསྐྱེད་པར་བྱ། །ཆགས་པས་སྲིད་པ་ཀུན་འཛིན་ཏེ། །སྡང་བས་སྡུག་བསྔལ་ཐམས་ཅད་བསྐྱེད། །རྨོངས་པ་ཆགས་སྡང་འབྲས་བཅས་གཞི། །དེ་ཕྱིར་འདི་གསུམ་སྤང་བར་བྱ། །ཡང་དག་ཆོས་ལ་ཡིད་ཆེས་དད་པ་སྟེ། །གཞན་དོན་སངས་རྒྱས་འདོད་པ་བྱང་ཆུབ་སེམས། །ཆོས་ཀུན་བདེན་མེད་རྟོགས་པ་ཤེས་རབ་མཆོག །འདི་གསུམ་དུག་གསུམ་སྦྱོང་ཞིང་སྒྲིབ་གཉིས་སེལ། །བར་དུ་རྣམ་རྟོག་བལྟ་ཞིང་འདུལ། །ཁ་ཡན་མི་བཏང་དྲན་པས་བཟུང་། །འོག་འགྱུར་མ་ཤོར་ཤེས་བཞིན་སྐྱོངས། །ངོས་ཟིན་དུས་ན་རང་ངོ་བལྟ། །འདི་ལ་བལྟས་པ་ཙམ་གྱིས་སྟོང་། །འདི་ལ་དཔྱོད་པ་འཇུག་མི་དགོས། །འགྱུ་འཕྲིག་དངོས་མེད་ངོ་བོས་སྟོང་། །སྟོང་པའི་རང་བཞིན་རང་འོད་གསལ། །སེམས་ཀྱི་སྟོང་ཉིད་འདི་ཤེས་ན། །ཆོས་རྣམས་ཀུན་གྱི་སྟོང་ཉིད་ཤེས། །སྣ་ཚོགས་ཡུལ་ལ་དཔྱད་མི་དགོས། །རྩ་བ་ཆོད་ན་ཡལ་ག་སྐམ། །སེམས་འདི་ཆོས་རྣམས་ཀུན་གྱི་གཞི་ཡིན་པས། །སེམས་ཀྱི་སྟོང་ཉིད་ཆོས་རྣམས་ཀུན་གྱི་ཡིན། །འདི་ནི་བལྟས་མ་ཐག་ཏུ་རང་སྟོང་སྟེ། །


ZP01_Page_303
[མ་དཔེ་གཟིགས་ན་འདིར་གནོན།]

འདི་ལ་དཔྱད་པ་མང་པོའི་ལོང་མེད་དོ། །མཐར་ནི་སེམས་ཀྱི་རང་ཞལ་མཇལ། །བརྗོད་དུ་མེད་ཅིང་བསམ་དུ་མེད། །གཏད་སོ་མེད་ཅིང་རྟོད་ཕུར་མེད། །འོད་གསལ་བ་ཞེས་དེ་ལ་བྱ། །འདི་ཡིན་མེད་པའི་དོན་རྟོགས་ན། །གཟའ་གཏད་མེད་པའི་ཉམས་མྱོང་འབྱུང་། །རྟོགས་དང་མ་རྟོགས་སུ་ཡིས་ཤེས། །རྟོགས་བྱ་རྟོགས་བྱེད་གང་དུ་ཚོལ། །དེ་ཚེ་རྣམ་རྟོག་སྤོང་མི་དགོས། །སྤྱང་ཡང་མི་དགོས་སྒྱུར་མི་དགོས། །ལམ་དུ་མི་བྱེད་གྲོལ་མི་དགོས། །རང་སར་བཞག་ན་རང་སར་གྲོལ། །སྣང་དུས་སྟོང་ཞིང་སྟོང་དུས་སྣང་། །སྣང་སྟོང་དབྱེར་མེད་རང་འོད་གསལ། །གསལ་བའི་ཐུགས་རྗེ་འགགས་པ་མེད། །གཟུང་འཛིན་རང་གྲོལ་ཡེ་ཤེས་དང་། །དྲི་མེད་སེམས་ཀྱི་རང་བཞིན་འོད་གསལ་བ། །གཟུང་འཛིན་གཉིས་མེད་ཆོས་ཉིད་བྱང་ཆུབ་སེམས། །ལྷན་སྐྱེས་བདེ་ཆེན་བདེན་པ་འདི་མཐོང་བ། །མོས་གུས་བླ་མའི་ལམ་གྱི་དངོས་འབྲས་ཡིན། །སེམས་ཀྱི་འདུལ་ཐབས་ཐམས་ཅད་ཀྱི། །རྩ་བ་དྲན་པ་ཁོ་ན་སྟེ། །དང་པོ་འཇུར་དྲན་བར་དུ་ཀློད། །ཐ་མ་དྲན་མེད་འོད་གསལ་དང་། །དྲན་པ་ཁོ་ནས་སྡིག་ཀུན་སྤོང་། །དྲན་པ་ཁོ་ནས་དགེ་ཀུན་སྡུད། །དྲན་པ་ཁོ་ནས་རང་སེམས་འདུལ། །དྲན་པ་ཆོས་ཀུན་རྩ་བ་ཡིན། །མང་པོའི་ནང་དུ་དྲན་པ་བརྟེན། །གཅིག་པུར་འདུག་ཀྱང་དྲན་པ་


ZP01_Page_304
[མ་དཔེ་གཟིགས་ན་འདིར་གནོན།]

བརྟེན། །དུས་རྣམས་ཀུན་ཏུ་དྲན་པ་བརྟེན། །སྐད་ཅིག་མི་ཡེངས་དྲན་པ་བརྟེན། །མོས་གུས་སྣ་ཐག་བླ་མའི་ཕྱག་ཏུ་གཏོད། །དྲན་པའི་རྟོད་ཕུར་ཡེངས་མེད་གཞི་ལ་བཏབ། །སྣ་ཚོགས་ཐབས་ཀྱིས་རང་གི་སེམས་འདུལ་བ། །སྐྱེས་བུ་མཆོག་དེ་ཐེག་ཆེན་བཞོན་པས་འགྲོ། །རྣམ་པར་དབྱེ་བ་གཞུང་ཡིན་ཏེ། །གནད་དུ་བསྡུས་པ་མན་ངག་ཡིན། །གཞུང་དང་མན་ངག་ཀུན་བསྡུས་ནས། །འདི་ལྟར་སྨྲ་ཤེས་བླ་མའི་དྲིན། །འདི་སྨྲས་དགེ་བ་གང་ཡིན་པ། །བསྐུལ་བ་པོ་ཡི་ཐུགས་རྒྱུད་དང་། །འདྲེས་ནས་རྣམ་པ་ཀུན་མཁྱེན་པའི། །གོ་འཕང་བར་དུ་འབྲལ་མེད་ཤོག །ཅེས་མདོ་སྨད་ཀྱི་མཁས་པ་ཆེན་པོ་ཤུ་བྷཾ་ཤྲཱི་ཞེས་བྱ་བས་འཇམ་པའི་དབྱངས་ཀེང་རུས་མཆེ་བ་གཙིག་པའི་ཕོ་བྲང་དུ་སྦྱར་བ་རྫོགས་སོ།། །།

ཆོས་འབྱུང་འབེལ་གཏམ་ཉུང་ངུ།


ZP01_Page_305
[མ་དཔེ་གཟིགས་ན་འདིར་གནོན།]

ཆོས་འབྱུང་འབེལ་གཏམ་ཉུང་ངུ་བཞུགས་སོ།། །


ZP01_Page_306
[མ་དཔེ་གཟིགས་ན་འདིར་གནོན།]

ངག་ལ་ངག་གི་དཔལ་སྟེར་མཚོ་བྱུང་ལྷ། །སྙིང་ལ་སྙིང་རྗེས་རྗེས་འཛིན་མིག་མི་འཛུམ། །ཡིད་ལ་ཡེ་ཤེས་མཆོག་སྦྱིན་འཇམ་པའི་དབྱངས། །རོ་གཅིག་རིག་པའི་ཐིག་ལེ་བླ་མར་ཟླུམ། །བརྗོད་པའི་ངག་གང་ཞིག་སྙན་ཞིང་རྣ་བར་འཇེབ་པ་དང་། །མཛེས་ཤིང་ཡིད་དང་མཐུན་པ་བཟང་ཞིང་སྤྲོ་བ་བསྐྱེད་པ་དེ་ནི་ཚངས་པའི་དབྱངས་ཀྱི་ཡན་ལག་ཡིན་པས་ངག་གི་སྒྲིབ་པ་སྤངས་པ་ལ་འབྱུང་བ་ཤེས་ཆེ། །བརྗིད་ལ་དོན་དང་ལྡན་པ། མཚར་ལ་བཞད་གད་འབྱིན་པ། །བདེན་ལ་ངེས་ཤེས་བསྐྱེད་པ་དེ་མི་ཆོས་ཀྱི་ཕུ་ཐག་ཆོད་པ་ལ་འབྱུང་། །མཚར་ལ་དད་པ་སྐྱེ་བ། སྙན་ལ་མཆི་མ་འཆོར་བ། སེམས་ལ་ངེས་ཤེས་སྐྱེ་བ་དེ། ལྷ་ཆོས་ཀྱི་ཕུ་ཐག་ཆོད་པ་ལ་འབྱུང་། མང་ལ་འབྲེལ་བ་མེད་པ། དཔེ་དང་དོན་དུ་འགལ་བ། དཔེ་མང་ལུང་དུ་ལུས་པ།


ZP01_Page_307
[མ་དཔེ་གཟིགས་ན་འདིར་གནོན།]

དེ། །མི་མཁས་ང་རྒྱལ་ཆེ་བ་ལ་འབྱུང་། ཟོབ་ལ་ཟད་དུས་མེད་པ། ལུས་མེད་ཡན་ལག་མང་བ། །འབྲེལ་མེད་གཏམ་གཞུང་རིང་བ་དེ། རྒན་པོ་ཨུ་ཚུག་ཅན་ལ་འབྱུང་། ད་དེ་དག་ཐམས་ཅད་ཀྱང་རང་ལ་གཤིས་ཀྱིས་ཡོད་པ་དང་། འཕྲལ་བྱུང་གོམས་པས་བསྐྱེད་པ་སྟེ་གཉིས་ལས་སྔ་མ་གཙོ་ཆེ། རང་ལ་གཤིས་ཀྱིས་མེད་ན་འཕྲལ་དུ་བཟོ་བཅོས་བྱས་པ་དེ་ལ་གཏམ་གྱི་གོལ་ས་སྡང་བ་ཡིན་ཏེ། དཔེ་བལྟས་ཡིག་འདོན་གྱི་གོལ་ས་ལྷ་ཆོས་ཀྱི་གཏམ་ལ་འབྱུང་། ལད་མོ་འབྲེལ་མེད་ཀྱི་གོལ་ས་མི་ཆོས་ཀྱི་གཏམ་ལ་འབྱུང་། ཚིག་ངན་ཅར་ཕོག་གི་གོལ་ས་བཞད་གད་ཀྱི་གཏམ་ལ་འབྱུང་། མཐོ་དམན་ཕྱོགས་ལྷུང་གི་གོལ་ས་ནམ་དུ་ཡང་འབྱུང་བ་ཡིན་པས་གཟབ་དགོས་ལ། ལྷ་ཆོས་ལ་ཤེས་གལ་ཆེ། མི་ཆོས་ལ་གོམས་གལ་ཆེ། ལོ་


ZP01_Page_308
[མ་དཔེ་གཟིགས་ན་འདིར་གནོན།]

རྒྱུས་ལ་ཞིབ་གལ་ཆེ། ཚིག་ངན་ལ་ནོན་གལ་ཆེ། །བཞད་གད་ལ་འཇམ་གལ་ཆེ་བས། །ཐོས་པའི་མཐའ་རྒྱ་མ་བཅད་ན། །ཆོས་བཤད་ཁོལ་བུས་ས་མི་ཆོད་སྟེ་སླར་ལ་དྲིས་ན་ཡང་ལན་མི་འབྱུང་། གོམས་པའི་གཏམ་གཞུང་མི་ཤེས་ན་ཨུ་ཚུག་ཚིག་གིས་དོན་མི་འགྲུབ་སྟེ། བཤད་རྒྱ་ཆེ་ཡང་ནམ་ཕུག་ཕམ་ངེས་པས་ཞིབ་ཆ་མེད་ན་ཕྱོགས་མཐོང་གྱིས་དག་ཆ་མི་ཐོན་སྟེ། ཞིབ་དུ་བཤད་ན་ཕུག་སྡུག་ནོན་ཆ་དོན་གྱི་ལྕིད་མེད་ན་རྣམ་འགྱུར་རྩུབ་མོས་ཕ་རོལ་མི་ཐུབ་སྟེ། ཝ་ཁ་དགྲ་འབོད་མི་ཡིས་འཕྱ། འཇམ་ལ་མཚར་བའི་ཉམས་མེད་ན། གཞན་མཚང་ཟློས་པ་བཞང་གད་མིན་ཏེ། རྩེད་མོ་བྱས་པ་རྩོད་པར་འགྱུར་བ་ཡོད་པས་གཤིས་བཟང་པོ་རང་ལ་ཡོད་པ་དང་། ཤེས་གོམས་ཆ་ཡུན་དུ་སོང་བ་ཞིག་དང་གཉིས་ཀ་དགོས་པ་ཡིན། །ད་གཏམ་དེ་དག་ཐམས་ཅད་ཀྱང་མདོར་བསྡུ་ན། སྐྱོན་ཅན་དང་སྐྱོན་མེད་གཉིས་ལ་འདུ། གཏམ་སྐྱོན་མེད་དེ་མཁས་པའི་ལྷ་གྲལ་དུ་དགོས་པས། དེའི་ལོ་རྒྱུས་ཅུང་ཟད་འཆད་ན། །གཏམ་དེ་ལའང་ཡས་གཏམ་དང་མས་གཏམ་གཉིས་ཡོད་པས། ཡས་གཏམ་ལྷ་ཆོས་ཀྱི་གཏམ་ཡིན་སྟེ། དེ་ཡང་བླ་མའི་ཆོས་བཤད་ལ་ལག་ལེན་གྱི་དོན་གཙོ་ཆེ། ཆོས་ཁྲིམས་གྱི་ཆོས་བཤད་ལ་ལོ་རྒྱུས་ཀྱི་བྱུང་ཚུལ་གཙོ་ཆེ་བས་སྔ་མ་ནི། བཀའ་རྒྱུད་སྡེ་དབང་པོར་བཞག་པའི་ཐོས་བསམ་བསྒོམ་གསུམ་ཉམས་མྱོང་དང་འབྲེལ་བ་ཞིག་དགོས། ཕྱི་མའང་། བཤད་པའི་སྐབས་ལ་བབས་པ་རང་ཤེས་ཀྱི་མཐའ་རྒྱ་ཆོད་པ། ཉན་པ་པོ་ཆེ་དགུ་འཛོམ་པ། གནས་སྐབས་ཀྱི་འབྲེལ་བ་དང་ལྡན་པ་ཞིག་མེད་ན་མཁས་


ZP01_Page_309
[མ་དཔེ་གཟིགས་ན་འདིར་གནོན།]

མཁས་ཆེ་བ་བླུན་གཟུགས་སུ་འགྲོ་བའི་དཔེ་ཡོད། ད་ཆོས་ཀྱི་ལོ་རྒྱུས་དེ་ཅུང་ཟད་བཤད་ན། སྤྱིར་སྟོན་པ་སངས་རྒྱས་ཀྱི་བྱོན་ཚུལ། སྐྱོབ་པ་དམ་ཆོས་ཀྱི་དར་ཚུལ་དང་གཉིས་ལ་འདུས་དེ་ཡང་གླིང་གཞི་ཕུན་སུམ་ཚོགས་པ་ལྔ་དང་འབྲེལ་བ་ཞིག་ཡིན་སྟེ། སྟོན་པ་ཕུན་སུམ་ཚོགས་པ་རྣམ་འདྲེན་ཟས་གཙང་སྲས་པོ་དེ་ཉིད་གནས་ཕུན་སུམ་ཚོགས་པ་དབུས་འགྱུར་ཚུལ་མ་གྷ་དྷ་རྡོ་རྗེའི་གདན་དུ་མངོན་པར་བྱང་ཆུབ་པའི་ཚུལ་བསྟན་སྟེ། དུས་ཕུན་སུམ་ཚོགས་པ་གདུལ་བྱ་ཡོངས་སུ་སྨིན་པའི་གནས་སྐབས་ལ་བབ་པ། མི་རྣམས་ཀྱི་ཚེ་ལོ་བརྒྱ་ཉི་ཤུ་ཐུབ་པའི་དུས་ན་འཁོར་ཕུན་སུམ་ཚོགས་པ་སངས་རྒྱས་མཇལ་བའི་སྐལ་པ་དང་ལྡན་པའི་གང་ཟག་རིགས་ཅན་གསུམ་ལ། །ཆོས་ཕུན་སུམ་ཚོགས་པ་སྡེ་སྣོད་རིན་པོ་ཆེ་རྣམ་པ་གསུམ་གསང་སྔགས་ཕྱི་ནང་དང་བཅས་པ། རྗོད་བྱེད་ཀྱི་ངག་དག་པ་གསུང་དབྱངས་ཡན་ལག་དྲུག་ཅུ་དང་ལྡན་པའི་བརྗོད་བྱའི་དོན་བཟང་བ་ལམ་བསླབ་པ་གསུམ་གྱི་གནད་ཚང་བར་ཆོས་ཀྱི་སྒོ་མོ་བརྒྱད་ཁྲི་བཞི་སྟོང་དུ་གསུངས། རྗེས་འཇུག་འཕགས་པའི་གང་ཟག་རྡོ་རྗེའི་ཐུགས་དང་ལྡན་པས་མི་བརྗེད་གཟུངས་ཀྱི་དབང་ཐོབ་པ་རང་ལམ་གྱིས་ས་ལ་གནས་པ་དང་འབྲས་བུ་ཐོབ་པ་དག་གིས་བཀའི་བསྡུ་བ་གསུམ་ཀྱིས་གཏན་ལ་ཕབ། ཆོས་ཕུན་སུམ་ཚོགས་པ་ཚིག་ཏུ་བཟླས། ཚིགས་ལ་བཤད་པ་དཔེ་ལ་བྲིས་ཏེ། འཇུག་འདོད་ཀྱི་གང་ཟག་འཆད་པས་རྗེས་སུ་བཟུང་། རྒོལ་འདོད་ཀྱི་གང་ཟག་རྩོད་བས་ཚེ་བཅད། རྗེས་འཇུག་གི་གང་ཟག་ལ་རྩོམ་བས་བསྟན་རྒྱུན་བཞག་ནས་རྒྱ་གར་འཕགས་


ZP01_Page_310
[མ་དཔེ་གཟིགས་ན་འདིར་གནོན།]

པའི་ཡུལ་དུ་སངས་རྒྱས་ཀྱི་བསྟན་པ་ཉི་མ་ཤར་བ་ལྟར་དུ་མཛད། །དེ་ལས་བོད་གངས་ཅན་གྱི་ཡུལ་དུ་ལྷ་སྤྲུལ་པའི་རྒྱལ་པོ་མི་རྗེ་ཐོ་ཐོ་རི་གཉན་གྱི་རིང་ལ་དམ་པ་ཆོས་ཀྱི་དབུ་བརྙེས། ལྷ་ཅིག་སྲོང་བཙན་སྒམ་པོ་འཕགས་པ་མིག་མི་འཛུམ་པ་མངོན་སུམ་མི་ཡི་རྣམ་རོལ་དུ་བྱོན་ཏེ། བོད་མ་སང་འདྲེའི་ཡུལ་དུ། འཕགས་ཆེན་ལྷ་ཡི་རྒྱལ་པོ་མཛད། །མཐའ་བཞིའི་ཆེ་དགུ་དབང་དུ་བསྡུས། ཡི་གེ་དང་བསྟན་བཅོས་ཀྱི་དབུ་བཙུག །སྐུ་རྟེན་རིན་པོ་ཆེ་ཇོ་ཤག་རྣམ་གཉིས་སྤྱན་དྲངས། དགའ་བཞིའི་འཕྲུལ་སྣང་ལྷ་ལས་བབ་པའི་གཙུག་ལག་ཁང་བཞེངས་ཏེ། སངས་རྒྱས་ཀྱི་བསྟན་པའི་སྲོལ་བཏོད། རྒྱལ་རབས་ལྔ་ནས་རྗེ་བཙུན་འཇམ་པའི་རྡོ་རྗེ་མི་རྗེ་པོར་ཕེབས་པ། གནམ་ལྷ་བབ་ཀྱི་རྒྱལ་པོ། ས་ལྷུན་གྲུབ་ཀྱི་མངའ་བདག་མགོ་ནག་བོད་ཀྱི་སྤྱི་རྗེ་སྤྲུལ་པའི་རྒྱལ་པོ་ཁྲི་སྲོང་ལྡེའུ་བཙན་ཕོ་བྲང་འོམ་བུ་བྲག་དམར་དུ་སྐུ་བལྟམས། ཡབ་མེས་ཀྱི་ཡིག་ཚངས་གཟིགས་པས་དམ་པའི་ཆོས་ཀྱི་ཐུགས་བབ་བྱུང་སྟེ། བདུད་བློན་གྱི་མདུན་གྲོས་རྣམ་དཔྱོད་ཀྱིས་ཚར་བཅད། །ཟ་ཧོར་མེ་ཏོག་གི་གླིང་ནས་མཁན་ཆེན་བྱང་ཆུབ་སེམས་དཔའ་འདུལ་འཛིན་ཤཱནྟ་རཀྵི་སྤྱན་དྲངས་ཏེ་མདོ་སྡེ་རྒྱུ་འབྲས་ཀྱི་ཆོས་ལ་ཐུགས་སྦྱངས། བལ་ཡུལ་ཡང་ལེ་ཤོད་ནས་ཨོ་རྒྱན་སངས་རྒྱས་གཉིས་པ་སྤྱན་འདྲེན་ཀྱི་ཕོ་ཉས་བསུས་ཏེ་མཁན་སློབ་ཆོས་གསུམ་གདན་འཛོམས་པས་ནག་ཕྱོགས་ཀྱི་ལྷ་འདྲེ་དམ་ལ་བཏགས། དཀར་ཕྱོགས་ཀྱི་སྡེ་བརྒྱད་བྲན་དུ་བཀོལ་ནས་ལུགས་གསུམ་མི་འགྱུར་ལྷུན་གྲུབ་ཀྱི་གཙུག་ལག །ལྷ་ཡུལ་རྩ་གསུམ་གྱི་བཀོད་པ་ལ་མི་ཡུལ་རྟེན་གསུམ་གྱི་ལང་ཚོའི་


ZP01_Page_311
[མ་དཔེ་གཟིགས་ན་འདིར་གནོན།]

ཕྲ་བཏབ་པ་བཞེངས་ནས། ཕྱོགས་ཀྱི་མཁས་པ་དུ་མ་དང་། བོད་ཀྱི་ལོ་ཙཱ་དུ་མས་བཤད་ཉན་འགྱུར་གསུམ་ཀྱི་ཆོས་གྲ་བཙུགས་ནས་བྱ་བ་ལེགས་ཉེས་ཀྱི་སྤངས་བླང་སྟོན་པ་གཙུག་ལག་རྩིས་ཀྱི་སྒོ་མོ། ནད་པའི་ཟུག་ཟེར་གཅོག་པ་ཐུགས་རྗེ་སྨན་གྱི་བསྟན་བཅོས། །འཁོར་བའི་སྡུག་བསྔལ་སེལ་བ་སངས་རྒྱས་ཀྱི་བསྟན་པ་རིན་པོ་ཆེ་དཀར་འཇམ་ཡུག་གཅིག་ཏུ་བརྡལ་ནས། ཆོས་ཐེག་དགུ་འཛོམ་པས་སངས་རྒྱས་ཀྱི་བསྟན་པའི་ལུས་ཚང་བ། གྲུབ་མཐའ་ང་ཁྱོད་ཀྱི་ཕྱོགས་རིས་མེད་པས་བསྟན་པ་ཐམས་ཅད་གཅིག་ཏུ་འདུས་པ། །བཤད་སྒྲུབ་ཟུང་དུ་འབྲེལ་པས་མཁས་གྲུབ་གཉིས་ལྡན་དུ་འབྱུང་བ། །མདོ་སྔགས་ཟུང་དུ་འཆང་པས་ལྟ་སྤྱོད་ཡ་མ་བྲལ་བའི་སྔ་འགྱུར་རྙིང་མའི་ཆོས་ཞེས་གྲགས་ཆེན་དོན་དང་ལྡན་པ་སངས་རྒྱས་ཀྱི་བསྟན་པའི་གཞི་བཏིང་། སད་མི་མི་བདུན་ལ་སོགས་བསྙེན་པར་རྫོགས་ཏེ་བསྟན་པའི་གཞི་མ་ཆོས་འདུལ་བ་རིན་པོ་ཆེའི་སྲོལ་བཏོད་ནས་རབ་བྱུང་བཙུན་པའི་སྡེ་དང་གོས་དཀར་ལྕང་ལོའི་སྡེ་ཞེས་མཆོད་གནས་ཀྱི་སྡེ་གཉིས་སུ་མཛད་དེ་དགེ་འདུན་གྱི་གྲྭ་བཙུག་བོན་ཞང་ཞུང་གི་གྲུབ་མཐའ་ལུགས་གཉིས་ཟུང་འཇུག་གི་ཁྲིམས་ཀྱིས་ཚར་བཅད། ཕྱི་རོལ་མུ་སྟེགས་ཀྱི་རྒྱུ་འགྲུལ་བཀའ་སྲུང་བསྟན་མའི་ཕྲིན་ལས་ཀྱིས་མཚམས་བཅད་དེ་རྒྱལ་བསྟན་ཡིད་བཞིན་གྱི་ནོར་བུ་ཕྱི་མའི་མཐར་ཡང་ཉམས་པ་མེད་པའི་མཛད་ཕྲིན་རྩིབས་སྟོང་གི་འཁོར་ལོས་སྣ་དྲངས་སྟེ། །འཛམ་བུའི་གླིང་སུམ་གཉིས་ཀྱི་རྒྱལ་སྲིད་རང་དབང་དུ་བྱས་ནས་ཆོས་སྲིད་ཟུང་འཇུག་གི་སྣང་བ་འགྲན་ཟླ་དང་བྲལ་བར་མཛད། བར་


ZP01_Page_312
[མ་དཔེ་གཟིགས་ན་འདིར་གནོན།]

སྐབས་སུ་བསྟན་པའི་དར་ནུབ་ཅི་རིགས་པ་ཞིག་བྱུང་ཡང་། དབོན་སྲས་སྤྲུལ་པའི་བཙན་པོ་འཕགས་ཆེན་ལག་ན་རྡོ་རྗེའི་རྣམ་རོལ་མིའི་སྒྱུ་འཕྲུལ་དུ་ཤར་བ་ལྷ་གཅིག་ཁྲི་སྡེ་སྲོང་བཙན་བོད་ཀཻ་ལ་ཤའི་རྒྱལ་སར་སྟོབས་ཀྱི་འཁོར་ལོས་བསྒྱུར་བའི་རྒྱལ་པོར་ཕེབས་ཏེ། ཟན་གཡང་ཆོས་འཁོར་ཆེན་པོ་སུམ་སྤྲུགས་དགུ་བརྩེགས་ཀྱི་བཀོད་པའི་འཁྲུལ་ཐབས་སྒྱུ་མའི་བཟོ་སྒྲོས་བགྲངས་པ་ལས་འདས་པའི་ཁྱད་ཆོས་སུ་བྱས་པ་འོན་ཅང་རྡོ་བཀྲ་ཤིས་དགེ་ལེགས་འཕེལ་གྱི་གཙུག་ལག་ཁང་བཞེངས་ནས། །ཆོས་ཐམས་ཅད་སྐད་གསར་བཅད་ཀྱིས་གཏན་ལ་ཕབས། །བཀའ་དང་བསྟན་བཅོས་ཡོངས་སུ་རྫོགས་པ་ཕྱོགས་གཅིག་ཏུ་བསྡུས་ནས་བཀའ་གཙིགས་དཀར་ཆགས་ཀྱིས་མནན། །ཡང་ཟབ་མཁའ་འགྲོའི་སྙིང་ཁྲག་རྡོ་རྗེ་འཆང་གི་རྒྱུད་སྡེ་བསམ་གྱིས་མི་ཁྱབ་པ་གསང་སྔགས་མིང་དོན་མཐུན་པས་སྐལ་བཟང་དབང་རྣོན་གྱི་སྤྱོད་ཡུལ་དུ་བྱས་ནས་སྐལ་དམན་ལོག་སྤྱོད་ཀྱི་སླད་མི་འཇུག་པའི་བཀའ་རྒྱས་བཏབ་སྟེ་བསྟན་པ་ལ་ཕྱག་བཞེས་འགྲན་ཟླ་དང་བྲལ་བ་ཡབ་མེས་ཀྱི་དུས་ལས་ཀྱང་ལྷག་པ་མཛད་དེ་སྐབས་དེ་ཙ་ན་དཔོན་སྲས་ཨུ་དུམ་བཙན་པོའི་ཐུགས་ལ་གདོན་གསོལ་གྱིས་ཐེབ་པས། སངས་རྒྱས་ཀྱི་བསྟན་པ་རིན་པོ་ཆེ་ཅུང་ཟད་སྨ་ཕབ་སྟེ་བོད་དབུས་གཙང་གི་ཡུལ་གྲུ་ན་རབ་ཏུ་བྱུང་བའི་གཟུགས་ཀྱི་སྟོང་པར་བྱས་ཀྱང་སྐུ་ཚེ་མཐར་མ་ཕྱིན་སྟེ་མཚོན་གྲིར་གཤེགས། གསང་སྔགས་འབྲས་བུ་ཐེག་པའི་རང་ལམ་ནས་གྲུབ་པ་བརྙེས་པའི་འཕགས་ཆེན་བ་གྲངས་ཡས་སུ་བཞུགས་པའི་བཀའ་དྲིན་ལས་ཆོས་ཐེག་པ་ཆེན་པོ་མདོ་སྡེ་བསླབ་བ་གསུམ་དང་གསང་སྔགས་


ZP01_Page_313
[མ་དཔེ་གཟིགས་ན་འདིར་གནོན།]

བསྐྱེད་རྫོགས་ཀྱིས་གཞུང་མན་ངག་དང་བཅས་པ་བཀའ་དང་བསྟན་བཅོས་ཟུང་དུ་འབྲེལ་བར་ཉམས་མེད་དུ་བཞུགས། དམར་གཡོ་གཙང་གསུམ་དུ་གྲགས་པའི་ཡེར་བའི་གྲུབ་ཆེན་རྣམ་གསུམ་མདོ་ཁམས་སྨད་ན་བཞུགས་པ་ལ་ཤཱཀྱ་དགེ་བ་རབ་གསལ་རབ་ཏུ་བྱུང་སྟེ་བསྙེན་པར་རྫོགས་ནས་དེ་ལས་དབུས་གཙང་མི་བཅུ་ལ་སོགས་པར་མཆེད་དེ་བསྟན་པའི་གཞི་མཆོས་འདུལ་བ་རིན་པོ་ཆེ་སྨད་འདུལ་རྙིང་མའི་ལུགས་སྲོལ་ཚུགས། །བོད་རྒྱལ་རབས་སིལ་བུར་འཐོར་བའི་ནང་ཚན་མངའ་རིས་པུ་རོང་གྱི་རྒྱལ་པོ་ལྷ་བཙུན་བྱང་ཆུབ་འོད་ལ་རྒྱལ་བསྟན་གཞི་བཞེངས་སུ་བཏང་བའི་རྣམ་དཔྱོད་གསར་དུ་འཁྲུངས་ཏེ། ལུས་སྲོག་ཆོས་ཕྱོགས་སུ་འདོར་བའི་དཀའ་སྤྱད་ཀྱི་ཁུར་ཁྱེར་དཔོན་སྲས་ཞི་བ་འོད་ཀྱི་དཀའ་ལས་ཐུགས་ལ་བཞེས། མི་ཕུང་གསེར་ལ་བྱས་ནས། བདེ་གཤེགས་སྣང་བ་མཐའ་ཡས་ཀྱི་རྣམ་རོལ་སྤྲུལ་པའི་དགེ་སློང་དུ་བསྟན་པ་ལྷ་ཅིག་དཱི་བཾ་ཀ་ར་ཐོ་ལྡིང་སྤྲུལ་པའི་ལྷ་ཁང་དུ་སྤྱན་དྲངས། ལྷ་ཆོས་བདུན་ལྡན་གྱི་ཆོས་འཁོར་རྒྱུན་མི་འཆད་དུ་བསྐོར་ཏེ། བྱང་ཆུབ་ཀྱི་སེམས་རིན་པོ་ཆེ་རྣམ་པ་གཉིས་ལ་ཆོས་ཐམས་ཅད་ཀྱི་ལག་ལེན་བསྡུས་ནས་ཆེ་ཐོབ་ཆེ་འཚེངས། །ཆུང་ཐོབ་ཆུང་འཚེངས་པའི་བྱང་ཆུབ་ལམ་གྱི་རིམ་པ་བློ་སྦྱངས་བྱང་སེམས་ཀྱི་རིམ་པ་རྩལ་དུ་བཏོན་ནས་བོད་གངས་ཅན་གྱི་འགྲོ་བ་རྒྱལ་བའི་སྲས་པོ་ཁྱུ་གཅིག་ཏུ་བྱིན་གྱིས་བརླབས། འདུལ་བ་གཞི་གསུམ་གྱི་ལག་ལེན་དགེ་འདུན་ཕལ་ཆེར་།།།གཤིས་གསར་དུ་བསྙེན་རྫོགས་བསྒྲུབས་པ་སོགས་བསྟན་བརྩོད་པ་ཅན་དུ་འགྱུར་བའི་རྐྱེན་དུ་དགོངས་ཏེ་མ་མཛད་ཀྱང་སྤངས་བླང་


ZP01_Page_314
[མ་དཔེ་གཟིགས་ན་འདིར་གནོན།]

ལག་ལེན་གྱི་གནད་འགགས་དོན་མཐུན་ཡང་དག་གི་མཛད་པ་ཤེས་པར་བྱས་ནས། གསང་སྔགས་ཟབ་དོན་གྱི་གདམས་པ་ཆིག་རྒྱུད་ལ་དོ་ཧའི་དཀོར་མཛོད་འབྲོམ་རྒྱལ་བའི་འབྱུང་གནས་ལ་ཡང་གསང་མན་ངག་ཏུ་གདམས་ཏེ། །མདོ་སྔགས་ཟུང་གི་ཉམས་ལེན། །ཕྱི་འདུལ་བའི་སྤངས་བླང་གི་ཚུལ་མཛེས་ཤིང་། །ནང་བྱང་ཆུབ་སེམས་ཀྱི་བསླབ་པས་རྒྱུད་གྲོལ་ཏེ། །གསང་བ་གསང་ཆེན་གྱི་ཐེག་པས་གྲུབ་པ་བརྙེས་པའི་ཇོ་བོ་བཀའ་གདམས་པ་ཞེས་ཕྱི་དར་གྱི་བསྟན་པའི་ཐོག་མར་བྱུང་། །མར་པ་ཆོས་ཀྱི་བློ་གྲོས་སྐྱེས་སྦྱངས་ཀྱི་ལང་ཚོ་རྣམ་པར་རྒྱས་པའི་སྔོན་སྨོན་གྱི་ཐུགས་བསྐྱེད་དུས་སུ་བབས་ཏེ་རྒྱ་གར་འཕགས་པའི་ཡུལ་དུ་དཀའ་བ་ཁྱད་དུ་བསད་དེ་ལུས་སྲོག་ལྟོས་མེད་དུ་བྱོན་ནས་པཎ་ཆེན་ནཱ་རོ་པ། མངའ་བདག་ཨ་བ་དྷུ་ཏི། གྲུབ་ཆེན་ཞི་བ་བཟང་པོ་ལ་སོགས་མཁས་གྲུབ་གཉིས་ལྡན་གྱི་བླ་མ་དུ་མ་བསྟེན་ཏེ། བཀའ་རྒྱུད་སྡེ་བཞིའི་སྙིང་ཁུ་བྱུང་བ་ཆོས་ཐེག་པ་གསུམ་གྱི་མདོ་དོན་དྲིལ་ཏེ་གང་ཟག་དབང་པོ་རྣོན་པོ་ཚེ་ལུས་གཅིག་གིས་མགོན་པོ་རྡོ་རྗེ་འཆང་གི་གོ་འཕང་བདེ་བླག་ཏུ་བགྲོད་པའི་གསང་ཆེན་རྡོ་རྗེའི་ཐེག་པ་རྩལ་དུ་བཏོན་ཏེ། ཐུགས་སྲས་ཀ་ཆེན་བཞི་ལ་བཀའ་བབས་ཀྱི་གདམས་པ་སོ་སོར་གཏད་པ་ལས་སྙན་རྒྱུད་ཉམས་ལེན་ཀྱི་ཆོས་བཀའ་མི་ལ་བཞད་པ་རྡོ་རྗེ་ལ་བབ་སྟེ་སྲས་གྲུབ་པའི་སྐྱེས་བུ་བགྲངས་པ་ལས་འདས་པ་བྱོན་ཞིང་། ཉི་མ་ལྟ་བུ་མཉམ་མེད་དྭགས་པོ་རིན་པོ་ཆེ་ནས་སློབ་མ་ཁམས་པ་མི་གསུམ་ལས་ཀརྨ་བཀའ་རྒྱུད། འབྲུག་པ། འབྲི་གུང་། སྟག་ལུང་། ཁྲོ་ཕུལ་སོགས་བཀའ་རྒྱུད་ཟུང་བཞི་ཡ་བརྒྱད་


ZP01_Page_315
[མ་དཔེ་གཟིགས་ན་འདིར་གནོན།]

དུ་གྲགས་པ་ལས་ཀྱང་། ཀརྨ་པ་རིན་པོ་ཆེའི་སྐུའི་སྐྱེ་འཕྲེང་དུ་མར་ཤར་རྒྱ་ནག་གི་དབུ་བླར་ཕེབས་ཏེ་ཆོས་སྲིད་ཟུང་གི་མཛད་པ་རྒྱ་ཆེ། འགྲོ་མགོན་ཕག་མོ་གྲུབ་པའི་སློབ་རྒྱུད་ལས་དཔལ་ལྡན་འབྲུག་པའི་བསྟན་པ་བྱ་རྒོད་པོའི་ཉིན་ལམ་བཅོ་བརྒྱད་དུ་འཕེལ་སྟེ་སྦས་པའི་རྣལ་འབྱོར་གྲུབ་པ་ཐོབ་པ་གཞལ་དུ་མེད་པ་བྱུང་། །འབྲི་གུང་སྐྱོབ་པ་རིན་པོ་ཆེ་སོགས་ནས་གྲུབ་ཐོབ་གྱི་སྐྱེས་བུ་བགྲངས་ལས་འདས་པ་བྱུང་ཞིང་ཁྱད་པར་ལྷ་སྲས་རིན་ཆེན་ཕུན་ཚོགས་ལ་གསར་རྙིང་ཟུང་འཇུག་གི་བརྒྱུད་པའི་བཀའ་བབས་ཏེ་བསྟན་པ་ཐམས་ཅད་ཀྱི་མངའ་བདག་ཏུ་བཞུགས་པ་ནས་བརྒྱུད་པའི་སྲོལ་འཛིན་པ་དང་དགོངས་པས་བྱིན་གྱིས་བརླབས་པ་སོགས་བསྟན་པ་ལ་ཕྱག་བཞེས་འགྲན་ཟླ་དང་བྲལ་བ་བྱུང་། །ཨོ་རྒྱན་སངས་རྒྱས་གཉིས་པའི་དངོས་སློབ་འཁོན་ཆེན་ཀླུའི་དབང་པོའི་མི་རྒྱུད་དང་ཆོས་རྒྱུད་ཟུང་དུ་འཇུག་པ་འཁོན་དཀོན་མཆོག་རྒྱལ་པོ་ཡབ་སྲས་ཀྱི་རིང་ལ་གསང་སྔགས་གསར་མའི་ཆོས་ལ་ཞུགས་ཏེ་སྲས་ས་ཆེན་ཀུན་དགའ་སྙིང་པོ་རྟེན་དགེ་བསྙེན་གོས་དཀར་ཅན་དུ་བཞུགས་ཀྱང་ཞང་དགོན་པ་བ་ལ་སོགས་བླ་མ་མཁས་གྲུབ་དུ་མ་བརྟེན་མགོན་པོ་བིར་ཝ་པའི་ཡེ་ཤེས་ཀྱི་སྐུས་རྗེས་སུ་བཟུང་། །གདམས་པ་ཐམས་ཅད་ཀྱི་བཀའ་བབས་ལམ་འབྲས་བུ་དང་བཅས་པ། འབྲས་བུ་ལམ་དང་བཅས་པ། །ཆེ་བ་བཅུ་གཅིག་དང་ལྡན་པའི་མན་ངག་གྲོལ་བྱེད་ཀྱི་གདམ་པས་ཐུགས་རྒྱུད་ཡོངས་སུ་གྲོལ་ཏེ་དཔལ་ལྡན་ས་སྐྱའི་གཙུག་ལག་ཁང་བཞེངས་ཏེ་གདན་སའི་ཐོག་མར་མཛད། ཐབས་ལམ་འགྲོ་དོན་ཀྱི་སྤྱོད་པའི་


ZP01_Page_316
[མ་དཔེ་གཟིགས་ན་འདིར་གནོན།]

རིགས་རྒྱུད་བྱིན་གྱིས་བརླབས་ཏེ་ས་ཆེན་བསོད་ནམས་རྩེ་མོ། །གོང་མ་གྲགས་པ་རྒྱལ་མཚན་དང་བཅས་ས་སྐྱའི་དཀར་པོ་རྣམ་གསུམ་དུ་གྲགས་པའི་མི་རྒྱུད་གཅིག་ཏུ་བྱོན་ཞིང་ཁྱད་པར་དུ། རྗེ་བཙུན་འཇམ་པའི་རྡོ་རྗེ་ངུར་སྨིག་གར་གྱི་རོལ་པར་བསྟན་པས་པཎ་ཆེན་ཀུན་དགའ་རྒྱལ་མཚན་ནམ་འཁོན་སྲས་དཔལ་ཆེན་དོན་གྲུབ་འཁོན་དཔལ་ཆེན་འོད་པོའི་སྲས་སུ་འཁྲུངས། སྔོན་སྦྱང་གི་ལས་འཕྲོ་སྟོབས་སུ་གྱུར་ཏེ་ཆོས་ཐམས་ཅད་མ་བསླབ་པར་ཤེས། རྒྱ་བོད་ཀྱི་གཙུག་ལག་ཇི་སྙེད་པ་ཐོག་མེད་དུ་གཟིགས་པའི་བློ་གྲོས་ཀྱི་རྩལ་རྫོགས་བོད་གངས་ཅན་ཀྱི་ལྗོངས་སུ་རིག་པའི་གནས་ཆེན་ལྔ་དང་རིག་གནས་ཕྲན་བུ་དུ་མའི་སོལ་བཏོད། །སྒྲ་ཚད་ཀྱི་སྦྱངས་པ་མཐར་སོན་འཆད་རྩོད་རྩོམ་གསུམ་གྱི་ཕྲིན་ལས་ལ་འཕགས་ཡུལ་མཁས་པའི་ཚོགས་ཀྱང་ངོ་མཚར་གྱི་མེ་ཏོག་འཐོང་། མུ་སྟེགས་ཀྱི་མཁས་པ་འཕྲོག་བྱེད་དགའ་བོ། ཡང་དག་པའི་རྩོད་པས་ཚར་བཅད་དེ་རྒྱ་གར་འཕགས་པའི་ཡུལ་དུ་རྒྱལ་བསྟན་རྣམ་པར་རྒྱལ་བའི་རུ་མཚོན་ཕྱར། །ཁ་ཆེའི་པཎ་ཆེན་ཤཱཀྱ་ཤྲཱི་ལས་བསྙེན་པར་རྫོགས་ཏེ་གཞི་གསུམ་གྱི་ཕྱག་བཞེས་འགྲན་ཟླ་དང་བྲལ་བར་མཛད། སྔ་འགྱུར་རྙིང་མའི་ཆོས་ཀྱི་གཙོ་བོ་དཔལ་ཡང་དག་དང་རྡོ་རྗེ་ཕུར་པ་གཉིས་ལ་ཐུགས་དམ་གྱི་མཐིལ་མཛད་དེ་ཡབ་མེས་ཀྱི་ཕ་ཆོས་རྒྱུན་བསྐྱང་པས་གྲུབ་པའི་རྗེས་ཟིན། སྐུ་ཚེའི་སྨད་ཙམ་ན་ཧོར་གནམ་གྱི་རྒྱལ་པོ་སེ་ཆེན་གན་གྱི་ལུང་བྱུང་སྟེ་རྒྱ་ནག་གི་རྒྱལ་ཁབ་ཏུ་ཕེབས། མཁས་པའི་ཚུལ། བཙུན་པའི་ཚུགས། །གྲུབ་པའི་རྟགས་བསམ་གྱིས་མི་ཁྱབ་པས་མཐའ་ཁོབ་ཀྱི་ཡུལ་


ZP01_Page_317
[མ་དཔེ་གཟིགས་ན་འདིར་གནོན།]

ཁམས་ཆོས་ལ་བསྒྱུར་ཏེ། རྒྱ་བོད་ཧོར་གསུམ་དུ་འཇམ་མགོན་ས་སྐྱ་པཎ་ཆེན་ཞེས་རྒྱལ་བསྟན་ཡིད་བཞིན་ནོར་བུའི་མངའ་བདག་ཏུ་བཞུགས། དབོན་ཆོས་རྒྱལ་འཕགས་པས་ཧོར་རྒྱལ་པོའི་དབུའི་མཆོད་གནས་མཛད་ཏེ། བོད་ཤིང་སྒོ་ཅན་གྱི་མངའ་བདག་ཏུ་གྱུར། བསྟན་པ་ཡོངས་སུ་རྫོགས་པའི་མཁྱེན་དཔྱོད་ཕུལ་དུ་བྱུང་བའི་ཆོས་སྲིད་ལུགས་གཉིས་ཀྱི་སྣང་བས་གངས་ལྗོངས་ཉིན་མོར་བྱེད་པ་དཔལ་ལྡན་ས་སྐྱ་པ་ཞེས་གྲགས་པ་སྲིད་པའི་ཁྱོན་དུ་ཤོང་དཀའ་བ་ཙམ་དུ་བྱུང་། །ཕྱི་མའི་དུས་འདིར་རྗེ་བཙུན་བསྟན་པའི་འཁོར་ལོ་རིགས་གྲོལ་སྤྲུལ་པའི་དགེ་སློང་དུ་ཞལ་བསྒྱུར་བ་མཉམ་མེད་བློ་བཟང་གྲགས་པ་ཤར་ཙོང་ཁའི་ཡུལ་གྲུ་རྒྱ་བོད་གཉིས་ཀྱི་སོ་མཚམས་སུ་སྐུ་བལྟམས། ཀརྨ་པ་རོལ་བའི་རྡོ་རྗེ་ལས་རབ་ཏུ་བྱུང་སྟེ་སངས་རྒྱས་ཀྱི་བསྟན་པ་རྟགས་ཀྱི་ཆེ་བའི་ཕྱི་འདུལ་བའི་ཕྱག་བཞེས་ལ་ཐོག་མར་སྦྱངས། ཇོ་བོ་བཀའ་གདམས་པའི་བརྒྱུད་འཛིན་ཆོས་རྗེ་དོན་གྲུབ་རིན་ཆེན་ལ་ཐུགས་བསྐྱེད་ལམ་གྱི་རིམ་པ་གསན་ཏེ་རྒྱལ་སྲས་བྱང་ཆུབ་སེམས་དཔའི་སྙིང་རྗེ་ནོར་བུའི་རྒྱན་ལ་གཙིགས་སུ་བྱས་ཏེ་སྤྱོད་ཕྱོགས་རྒྱ་ཆེའི་གཞུང་བསྲིངས། དཔལ་ལྡན་ས་སྐྱའི་མཁས་པ་རེ་མདའ་གཞོན་ནུ་བློ་གྲོས་ལས་ཟབ་མོ་དབུ་མའི་ལྟ་བ་རྣམ་དཔྱོད་རིགས་ལམ་གྱིས་གཞལ་པའི་མན་ངག་ཐོས་པའི་མཐའ་རྒྱ་བཅད་དེ་ཟབ་མོ་ལྟ་བའི་ལུགས་ལ་འགྲན་ཟླ་དང་བྲལ། གསང་སྔགས་སྙིང་མའི་གྲུབ་ཆེན་ལྷོ་བྲག་ནམ་མཁའ་རྒྱལ་མཚན་ལས་ཆོས་ཉིད་གཅེར་མཐོང་དུ་སྟོན་པའི་ཉམས་ལེན་གནད་ཀྱི་ངོ་སྤྲོད་


ZP01_Page_318
[མ་དཔེ་གཟིགས་ན་འདིར་གནོན།]

ཞུས་ཏེ། ཐུགས་ཀྱི་དོགས་པ་ཐམས་ཅད་ཡོངས་སུ་བཅད་ནས་གདམས་ངག་ཚིགས་གཅིག་ཏུ་འདུས་པ་རང་བཞིན་རྫོགས་པ་ཆེན་པོའི་ཉམས་ལེན་བྱིན་བརླབས་ཀྱི་རྒྱུད་ལས་གྲུབ་པའི་ས་མཐོར་གཤེགས་པའི་ཐོས་གྲོལ་ཅིག་ཆར་དུ་གྱུར་པས་ཐུགས་དགྱེས་རྩེར་སོན་ཏེ། ཇི་སྐད་དུ། །ལས་ཀྱི་རྡོ་རྗེ་བླ་མའི་མཆོག །བློ་བཟང་གྲགས་པ་སློབ་མའི་མཆོག །བདུད་རྩི་སྨན་མཆོག་ཆོས་ཀྱི་མཆོག །ཅེས་ཆེད་དུ་བརྗོད་པའི་ངོ་མཚར་གྱི་གླེང་གཞི་འགྲན་ཟླ་བྲལ་བའི་རོལ་མོ་དཀྲོལ་ཏེ། རྒྱལ་བསྟན་ཡོངས་སུ་རྫོགས་པའི་མངའ་བདག་ཏུ་གྱུར། །གཞུང་ལུགས་གདམས་པར་ཤར་བ་དང་། །བསྟན་པ་འགལ་མེད་རྟོགས་པའི་རྣམ་དཔྱོད་བླ་ན་མེད་པས་བྱང་ཆུབ་ལམ་གྱི་རིམ་པ་དང་། མདོ་སྡེ་རྒྱུ་འབྲས་ཀྱི་ཆོས་དང་། ཟབ་མོ་དབུ་མའི་ལྟ་བ་ཟུང་དུ་འཇུག་པའི་མན་ངག་ཉམས་ལེན་གྱི་ཁྲིད་ཚུལ་རྣམ་པར་དག་པས་ཐུན་མོང་གི་གདུལ་བྱ་རྗེས་སུ་འཛིན་ཞིང་གསང་སྔགས་ལམ་གྱི་རིམ་པ་བཤད་པ་རྒྱུད་དང་འབྲེལ་ཞིང་། ཉམས་ལེན་གདམ་ངག་དང་འབྲེལ་བ་སྐུ་རྒྱུད་འཇམ་དཔལ་དཔའ་བོའི་བསྐྱེད་རྫོགས་དང་བཅས་པའི་དབང་རྣོན་ཚེ་གཅིག་གིས་གྲོལ་བའི་ཉེ་ལམ་སྟོན་ཞིང་། ཡང་གསང་བླ་ན་མེད་པའི་ལྟ་སྒོམ་རྩོལ་བྱས་ལས་འདས་པའི་སྙན་རྒྱུད་གདམས་པའི་ཆུ་བོའི་གང་ཟག་ཤིན་ཏུ་དབང་རྣོན་ཐོས་གྲོལ་ཅིག་ཆར་དུ་བྱེད་པའི་མན་ངག་རྟོགས་ལྡན་འཇམ་དཔལ་རྒྱ་མཚོ་ལ་སོགས་སྐལ་བཟང་གི་སྐྱེས་བུ་རྣམས་ལ་ཡང་གསང་ཐུགས་ཀྱི་མན་ངག་ཏུ་གནང་ནས། ལྷ་ལྡན་སྨོན་ལམ་ཆེན་མོ་ལ་སོགས་བསྟན་འགྲོ་ལ་


ZP01_Page_319
[མ་དཔེ་གཟིགས་ན་འདིར་གནོན།]

ཕན་པའི་བྱ་བ་ལས་ཀྱི་འཁོར་ལོ་འགྲན་བྲལ་དུ་མཛད། །འབྲོག་རི་བོ་དགེ་ལྡན་རྣམ་པར་རྒྱལ་པའི་གླིང་བཏབ་སྟེ་གདན་སའི་མཐིལ་མཛད། ཕྱི་འདུལ་བའི་ཀུན་སྤྱོད་དངོས་གཙང་མའི་སྦྱང་བའི་ཡོན་ཏན་བཅུ་གཉིས་དང་ལྡན་པའི་སྤྱོད་པ་མཐའ་གཉིས་ལ་མི་གནས་པའི་སྲོལ་བསྐྱངས་ཏེ་རྒྱལ་བ་དགྱེས་པའི་མཛད་པ་ལྷུར་ལེན་པ་ལས་ཆོས་བརྒྱད་དོན་དུ་གཉེར་བའི་མི་ཆེན་གྱི་ལད་མོ་མི་མཛད། ནང་དུ་བྱང་ཆུབ་སེམས་ཀྱིས་ཐུགས་རྒྱུད་ཡོངས་སུ་གྲོལ་ཏེ་སྙིང་རྗེ་ཆེན་པོའི་ཁུར་འཛིན་ཞིང་ཕ་རོལ་ཕྱིན་པའི་སྤྱོད་པ་ལ་དགྱེས་པའི་གཞན་ཕན་འབའ་ཞིག་ལྷུར་ལེན་ཕྱོགས་འཛིན་གྱི་འཁྲུགས་པ་སློང་བ་དང་། མངའ་འབངས་ཚར་གཅོད་ཀྱི་དབང་བསྒྱུར་བ་ལ་སོགས་གཞན་གནོད་གཞིར་བཅས་ལ་རྩ་བ་ནས་མི་དགྱེས། གསང་བ། གསང་ཆེན་རྡོ་རྗེ་ཐེག་པའི་བསྐྱེད་རྫོགས་ཉམས་ལེན་ཀྱི་གདམས་པས་གྲུབ་པའི་ས་མཐོར་གཤེགས་ཏེ་ཆོས་ཉིད་བློ་བྲལ་དུ་རྟོགས་པས་ཚུལ་ཁྲིམས་མཆོག་འཛིན་གྱི་གོལ་ས་དང་ཡིད་དཔྱོད་རྩོལ་བཅས་ཀྱི་ལྟ་བ་ལ་བློ་ཕུག་མི་གཏད་པའི་རྒྱལ་བ་སྲས་དང་བཅས་པའི་ཞལ་སྐྱིན་དུ་བཞུགས་ཏེ། སྐལ་བཟང་ལས་ལྡན་གྱི་སློབ་རྒྱུད་ཆོས་མཐུན་དམ་པའི་རྗེས་འཇུག་བགྲངས་པ་ལས་འདས་པ་བྱུང་ཞིང་རྒྱལ་བསྟན་གཞི་བཞེངས་སུ་སློང་བའི་བདག་རྐྱེན་བླ་ན་མེད་པ་མཛད་པ་ཡིན་ལ། མཐུན་འཇུག་ལྟོ་གོས་ལ་ལྟ་བ་དང་། ཆགས་སྡང་ཆོས་བརྒྱད་ལ་ཞེན་པའི་དུས་མཐའི་རབ་བྱུང་གདུལ་བར་དཀའ་བའང་རྗེ་འདི་ཉིད་ཀྱི་མཚན་ཙམ་རྣ་བར་སོན་པ་རྒྱུ་མཚན་དུ་བྱས་


ZP01_Page_320
[མ་དཔེ་གཟིགས་ན་འདིར་གནོན།]

ཏེ་གྲུབ་མཐའ་འཛིན་པ་ས་ཆེན་པོའི་རྡུལ་ལས་ཀྱང་མང་ངོ ། །དེ་དག་ཐམས་ཅད་ལས་ཀྱང་ཁྱད་པར་དུ་གྱུར་པ་འོད་གསལ་རྡོ་རྗེ་སྙིང་པོ་ཟབ་དོན་སྙིང་གི་ཐིག་ལེ་མན་ངག་རྫོགས་པ་ཆེན་པོའི་གདམས་པ་ཡིན་ཏེ། །དེ་ཡང་རྒྱ་གར་འཕགས་པའི་ཡུལ་དུ་རིག་འཛིན་དགའ་རབ་རྡོ་རྗེ་སངས་རྒྱས་མི་གཟུགས་སུ་བྱོན་ཏེ་རྫོགས་པ་ཆེན་པོའི་རྒྱུད་འབུམ་ཕྲག་དྲུག་ཅུ་རྩ་བཞིའི་ཆོས་ཐམས་ཅད་དཔལ་རྡོ་རྗེ་སེམས་དཔའ་ལས་དངོས་སུ་གསན་ནས་པཎ་ཆེན་འཇམ་དཔལ་བཤེས་གཉེན་ལ་གནང་བ་ནས་བརྒྱུད་དེ། རྒྱ་ནག་པོའི་སློབ་དཔོན་ཤྲཱི་སེང་ཧ། ཨོ་རྒྱན་སངས་རྒྱས་གཉིས་པ། ཁ་ཆེའི་པཎ་ཆེན་བི་མ་མི་ཏྲ་སོགས་ཟག་མེད་འོད་སྐུར་གཤེགས་ཏེ་འཕོ་ཆེན་ཟུང་འཇུག་གི་སྐུར་བཞེངས་པའི་མི་སློབ་པའི་གང་ཟག་དུ་མར་སྙན་ནས་སྙན་དུ་བརྒྱུད་པ་ལས་ཕྱི་མའི་དུས་འདིར་ཀུན་མཁྱེན་ཆོས་ཀྱི་རྒྱལ་པོ་ཀློང་ཆེན་རབ་འབྱམས་འཇམ་པའི་རྡོ་རྗེའི་རྣམ་པར་འཕྲུལ་པ་གྲུབ་པའི་རྡོ་རྗེ་འཛིན་པའི་ཚུལ་དུ་ཕེབ་པ་སྟེ། གཡོ་རུ་གྲྭའི་ཕུ་རུ་སྐུ་བལྟམས། ཆུང་ནས་སངས་རྒྱས་ཀྱི་བསྟན་པ་རིན་པོ་ཆེའི་རྗེས་སུ་ཞུགས་ཏེ་ཁྱིམ་པའི་རྟགས་དོར། གསང་ཕུ་ནེའུ་ཐོག་ཏུ་བླ་བྲང་བ་ཆོས་དཔལ་རྒྱལ་མཚན་ལ་སོགས་མཁས་པ་དུ་མའི་ལེགས་བཤད་ལ་གསན་བསམ་མཛད་དེ། ཆོས་སྡེ་སྣོད་གསུམ་གཞུང་བཤད་པ་ལམ་ཉམས་ལེན་གཞེ་སེམས་བསྐྱེད། སྒྲུབ་བྱེད་ཚད་མ་དང་བཅས་པར་འགྲན་ཟླ་བྲལ་བའི་མཁས་གྲུབ་ཏུ་གྱུར་ཏེ། བསམ་ཡས་ལུང་མང་པའམ། ཀུན་མཁྱེན་ཀློང་ཆེན་


ZP01_Page_321
[མ་དཔེ་གཟིགས་ན་འདིར་གནོན།]

རབ་འབྱམས་ཞེས་རྩོད་པ་ཐམས་ཅད་དང་བྲལ་བའི་དོན་གྱི་པཎྜི་ཏར་བཞུགས་པ་ས་སྐྱ་བཀའ་རྒྱུད་ལ་སོགས་པའི་གཞུང་གི་བཤད་པ། མན་ངག་གིས་ཁྲིད་དུ་མ་ཡང་གསན་བསམ་གྱིས་ཉམས་བཞེས་མཛད་དེ། །བསྟན་པ་ཐམས་ཅད་ཀྱི་བདག་པོར་གྱུར། ཁྱད་པར་དུ་ཡར་སྟོད་སྐྱམ་གྱི་ཕུར་རིག་འཛིན་ཀུ་མ་རཱ་ཛ་ལས་འོད་གསལ་རྡོ་རྗེ་སྙིང་པོ་སྙིང་ཐིག་མན་ངག་གི་སྡེབ་ཆོས་ཉིད་ཡིད་དཔྱོད་དུ་མ་ལུས་པའི་མངོན་སུམ་གནད་ཀྱི་ངོ་སྤྲོད། སངས་རྒྱས་ལག་བཅང་གི་གདམས་པ་གསན་ཏེ། །ཕུར་ཚུགས་སུ་ཉམས་སུ་བླང་བས་དགོངས་པའི་གསང་མཛོད་རྡོལ། །བློས་བྱས་ཀྱི་འཛིན་པ་དག །ཡང་དག་པའི་ཆོས་ཀྱི་གཏེར་ཆེན་པོ་ལ་དབང་བསྒྱུར་ཏེ་བསྟན་པ་ཐམས་ཅད་ཀྱི་གནད་སྟོན་ཅིང་འོད་གསལ་རྫོགས་པ་ཆེན་པོའི་གྲུབ་མཐའ་གཙོ་བོར་སྟོན་པ། །མཛོད་ཆེན་བདུན། སྙིང་ཐིག་བཞི། ངལ་བསོ་སྐོར་གསུམ། རང་གྲོལ་སྐོར་གསུམ་ལ་སོགས་རྒྱལ་བ་རྡོ་རྗེ་འཆང་གི་བཀའ་དངོས་དང་ཁྱད་པར་སྤུ་ཙམ་ཡང་མེད་པའི་བསྟན་བཅོས་བསམ་གྱིས་མི་ཁྱབ་པས་བསྟན་པ་སྤྱི་དང་ཁྱད་པར་འོད་གསལ་རྫོགས་པ་ཆེན་པོའི་བསྟན་པ་གཞི་བཞེངས་སུ་བསླངས། །གྲུབ་པའི་ས་མཐོར་གཤེགས་པས་ཆོས་སྐྱོང་མ་གཟའ་དམ་གསུམ་ལ་སོགས་གཡོག་ཏུ་བཀོལ་ནས་སྣག་ཚ་འདུལ་བ་དང་ཤོག་བུ་མཉེ་བ་ཡན་ཆད་ཀྱི་ལག་ལས་བྲན་ལྟར་དུ་བསྐོ། རྒྱུད་སྡེ་བཞི་དྲུག་གསར་རྙིང་གི་ལྷ་དང་གནས་གསུམ་གྱི་མཁའ་འགྲོ་རྣམས་ཚོགས་ཀྱི་མཆོད་པའི་དངོས་གྲལ་དུ་


ZP01_Page_322
[མ་དཔེ་གཟིགས་ན་འདིར་གནོན།]

འབྱོན་ཞིང་མི་དང་མི་ལབ་པ་བཞིན་དུ་མཛད། དངོས་པོ་དངོས་མེད་དང་། དངོས་མེད་དངོས་པོར་བསྒྱུར་བ། དུས་གསུམ་གྱི་ལྐོག་གྱུར་ཇི་བཞིན་དུ་གཟིགས་པ་ལ་སོགས་གྲུབ་པའི་སྤྱོད་པ་མཐའ་ཀླས། བྱང་ཆུབ་ཀྱི་སེམས་རིན་པོ་ཆེས་ཐུགས་རྒྱུད་ཡོངས་སུ་གང་བས་འཇིག་རྟེན་གྱི་འགྲོ་བ་མཆོག་དམན་འབྲིང་གསུམ་ལ་མ་གཅིག་པུའི་བུ་ལྟར་ཐུགས་རྗེས་རྗེས་སུ་དགོངས་ཏེ་རང་རང་གི་སྐལ་བ་དང་འཚམས་བའི་ཆོས་ཀྱིས་རྗེས་སུ་བཟུང་སྟེ་ཐར་བའི་ལམ་བླ་ན་མེད་པའི་གོ་འཕང་ལ་གཅིག་ཆར་དུ་དཀྲི་བ་སོགས་བོད་མཁས་གྲུབ་བགྲངས་ལས་འདས་པ་དེ་དག་གིས་ཀྱང་འགྲན་ཟླ་དང་བྲལ་བས་རྒྱུ་སྐར་གྱི་དབུས་ན་ཟླ་བའི་དཀྱིལ་འཁོར་ཉ་གང་བ་བཞིན་དུ་གྱུར་ཀྱང་། འཇིག་རྟེན་གྱི་ཆོས་བརྒྱད་ལ་གཏན་ནས་མི་དགྱེས་པས། སྟོབས་འབྱོར་གྱི་ཁེང་བ་དང་། གདན་སའི་རྣམ་དཔྱོད་ལ་སོགས་སྙིགས་མའི་རབ་བྱུང་གི་ལད་མོ་མི་མཛད་པར་སྦྱང་བའི་ཡོན་ཏན་ལ་གནས་པའི་དགེ་སློང་སྡེ་སྣོད་འཛིན་པར་གྱུར་ཏེ། སངས་རྒྱས་ཀྱི་བསྟན་པའི་བདག་པོར་བཞུགས་པ་ཡིན་ལ། སྙིགས་མའི་དུས་འདིར་ཆོས་ཡང་དག་པའི་ཉམས་ལེན་དང་བཤད་སྒྲུབ་ཀྱི་རྒྱུན་ནུབ། །རང་རང་གི་གྲུབ་མཐའི་གནད་མི་ཤེས་པའི་སྔ་འགྱུར་པར་རློམ་པ་རྣམས་ཀྱང་། སྒྲུབ་ཕྲིན་དང་དབྱངས་རོལ་ཙམ་ལ་ཆོས་ཀྱི་སྙིང་པོར་བྱེད། གསར་མ་པ་རྣམས་ཀྱང་ཁ་ཤག་དང་བཤད་རལ་ཙམ་ལས་གནད་ཀྱི་ཉམས་ལེན་བྱེད་པའི་གང་ཟག་དཀོན་པར་གྱུར་བའི་གནས་སྐབས་འདིར། །ཇི་སྐད་དུ་བླ་མ་དགོངས་པ་


ZP01_Page_323
[མ་དཔེ་གཟིགས་ན་འདིར་གནོན།]

འདུས་པའི་ལུང་བསྟན་བཀའ་རྒྱ་མ་ལས། ལྷོ་ཕྱོགས་འོད་ཟེར་མིང་ཅན་སྤྲུལ་པའི་སྐུ། །ཟབ་དོན་སྙིང་ཐིག་ཆོས་ཀྱིས་འགྲོ་བ་འདྲེན། །འབྲེལ་ཚད་རིག་འཛིན་ཞིང་དུ་འཕེན་པ་འབྱུང་། ཞེས་པ་ལྟར། ཀུན་མཁྱེན་བླ་མ་འཇིགས་མེད་གླིང་པ་གཡོ་རུ་ཡུལ་གྱི་དབུས་སུ་སྐུའི་སྐྱེ་བ་བཟུངས། ལོ་གསུམ་དུ་ཉམས་ལེན་ཆིག་སྒྲིལ་དུ་མཛད་པས་རང་བྱུང་གི་རྟོགས་པ་རྒྱུད་ལ་སྐྱེས། །ཆོས་ཐམས་ཅད་མ་བསླབ་པར་ཤེས། །ཀུན་མཁྱེན་ཆོས་ཀྱི་རྒྱལ་པོ་རིག་འཛིན་དྲི་མེད་འོད་ཟེར་གྱི་ཞལ་ལན་གསུམ་དུ་མཇལ་ཏེ་ཡེ་ཤེས་ཀྱི་སྐུས་རྗེས་སུ་བཟུང་། བསྟན་པ་ཐམས་ཅད་ཀྱི་བདག་པོར་དབང་བསྐུར། ཆོས་ཐམས་ཅད་དགོངས་བརྒྱུད་གཅིག་ཏུ་བྱིན་གྱིས་བརླབས་ཏེ་རྒྱལ་བའི་རྒྱལ་ཚབ་ཏུ་མངའ་གསོལ་བ་ནས་བཟུང་སྟེ། སྟོད་རྒྱ་གར་གྱི་ཡུལ་གྲུ་ཕྱིན་ཆད། སྨད་རྒྱ་ནག་གི་ཆུ་མཐའ་ཡན་ཆད་ཀྱི་མངའ་རིས་སྐོར་གསུམ། མདོ་ཁམས་སྒང་དྲུག །དབུས་གཙང་རུ་བཞི། མོན་ཁ་སྣ་བཞི། རྒྱལ་མོ་རོང་གི་རྒྱལ་ཁག་བཅོ་བརྒྱད། ཨོ་བོད་སྡེ་བ་ཚོ་བཞི། བོད་སྡེ་སྤྲ་ནག་ཁག་གསུམ་ཚུན་ཚད། ཆོས་རྒྱུད་དང་སློབ་བརྒྱུད་ཀྱིས་གང་རྙིང་མ་རང་རྐང་མ་ནོར་བའི་ཀུན་མཁྱེན་ཀློང་ཆེན་པའི་ཆོས་ལུགས་ཞེས་བསྟན་པ་ཐམས་ཅད་ཀྱི་གནད་ཚང་བ། མན་ངག་ཐམས་ཅད་ཀྱི་བཅུད་འདུས་པ། རྒྱུད་སྡེ་ཐམས་ཅད་ཀྱི་སྙིང་ཕྱུང་བ། བཤད་པ་དང་སྒྲུབ་པ་ཟུང་དུ་འཇུག་པའི་ཆོས་ཉིད་གཅེར་མཐོང་དུ་རྟོགས། །ཆོས་ཅན་རྟེན་འདྲེལ་དུ་ཤེས་པས་ཟབ་པ་ལས་ཀྱང་ཟབ་པའི་གྲུབ་མཐའ་ཀུན་གྱི་རྩེ་མོར་གྱུར་པ་འདི་


ZP01_Page_324
[མ་དཔེ་གཟིགས་ན་འདིར་གནོན།]

ལྟར་དུ་ཡིན་ཏེ། །དེ་ཡང་ཆོས་ཐམས་ཅད་ཤེས་པ་ལ་མཁས་པ་ཟེར་གྱི་ཕྱོགས་མཐོང་ཙམ་ལ་བསྔགས་སུ་མེད་པས་ལོ་རྒྱུས་ཀྱིས་དག་ཐོན་པ་ཞེས་ཕོ་རྩལ་སྣ་དགུའི་ཡང་རྩེར་བཤད་པ་བཞིན་དོན་འདི་དག་སེམས་ལ་ངེས་པར་བྱས་ཏེ་གནད་ཟབ་མོ་མཁས་པའི་ངག་ལས་ཀྱང་བསླབ་ནས། དོན་བཤད་པ་རང་ཡུལ་གྱི་གཏམ་དང་སྦྱར་ནས་སྙན་ལ་གོ་བདེ་བ། འབྲེལ་ལ་གཅོད་མཚམས་ལེགས་པ། རང་བློས་འཕྲལ་དུ་བྱས་པ་ལྟ་བུ་ཞིག་མ་བྱུང་ན། བླུན་པོས་གོ་དཀའ་སྟེ། བླ་མས་ལུང་འདོན་པ་དང་འདྲ། མཁས་པས་ཐུགས་ཁྲེལ་ཏེ་བྱིས་པས་ལད་མོ་ཟློས་པ་དང་འདྲ་བས། གཏམ་གྱི་གོལ་ས་མེད་པ་ཞིག་ཅིས་ཀྱང་ཤེས་པར་བྱ་དགོས་ལ། མས་གཏམ་འཇིག་རྟེན་གྱི་ལུགས་དང་སྦྱར་ན། གོང་ན་རྗེའི་གདུང་རབས། འོག་འབངས་ཀྱི་མི་རབས། །སྟོང་སྡེ་སྲིད་པའི་ཆགས་ཚུལ་དང་གསུམ་དུ་ཤེས་པར་བྱ་དགོས་ལ། བསྐལ་རབས་བཞིའི་དང་པོ། །འཛམ་གླིང་ཆགས་ནས་རིང་པོར་མ་ལོན་པའི་གནས་སྐབས་ན། །སྟེང་ན་དཔོན་མེད་དེ་མི་ལ་དྲག་ཞན་མེད། འོག་ན་འབངས་མེད་དེ་དབུལ་པོའི་ཐ་སྙད་མེད་པའི་གནས་སྐབས་ན། མི་ཐམས་ཅད་ནམ་མཁའ་ལ་འགྲོ། བདུད་རྩིའི་ཟས་ཟ། རྫུ་འཕྲུལ་གྱི་རྟ་ཞོན། རང་འོད་ཀྱིས་སྣང་བ་བྱེད་པའི་བསྐལ་པ་རྫོགས་ལྡན་དང་པོ་ཞེས་གྲགས་ལ་དེ་ནས་རིམ་གྱིས་ཟ་ཐད་དང་བསོད་ནམས་ཕྲི། འབྲས་སཱ་ལུའི་ཞིང་ལ་སྤྱོད་པའི་སྐབས་སུ་བྱུང་སྟེ་ཞིང་ལ་བགོ་བཤའ་བྱས། རང་གཞན་གྱི་ཕྱོགས་འཛིན་བྱུང་། རྒྱལ་པོ་ལ་སྡ་མང་པོས་བསྐུར་བའི་རྒྱལ་པོ་བྱུང་སྟེ། །རྒྱ་གར་འཕགས་པའི་ཡུལ་དུ་འཁོར་ལོས་


ZP01_Page_325
[མ་དཔེ་གཟིགས་ན་འདིར་གནོན།]

བསྒྱུར་བའི་རྒྱལ་པོ་བགྲངས་པར་དཀའ་བ་བྱུང་བ་ནས་དྲི་མེད་ཤཱཀྱའི་རྒྱལ་རྒྱུད་ཅེས་རྒྱལ་རིགས་ཀུན་གྱི་མཆོག་ཏུ་གྲགས་ཤིང་། རྒྱལ་ཕྲན་ཕལ་པ་ཡུལ་རེ་རེར་དུ་མ་བྱུང་བ་ནི་རང་རང་གི་སྲིད་ལ་གྲགས་ཆེ་བ་ཙམ་ལས་བཤད་པར་ཡང་མི་ལྡང་ལ། བོད་གངས་ཅན་གྱི་ལྗོངས་འདིར་ནི། དང་པོ་ཡུལ་ཁམས་རྒྱ་མཚོར་གནས་པ་ལས་རིམ་གྱིས་ལྗོངས་སུ་ཆགས་ཏེ། །མི་དང་མི་མིན་གྱི་འགྲོ་བས་གང་བར་མཆེད་པ་ལས་རིམ་པ་བཞིན་དུ་དང་པོ་མི་མིན་གྱི་དབང་དུ་བྱས་ཏེ་མ་སང་སྦུན་དགུས་རིམ་པར་དབང་བསྒྱུར། །བར་དུ་མི་ཡི་རྗེ་ལ་སྔ་བ་གཉའ་ཁྲི་བཙན་པོ། གནམ་ལྷ་ཡི་ཡུལ་ནས་དམུ་སྐས་ཐེམས་པ་ལས་བརྒྱུད་ཏེ་མགོ་ནག་བོད་ཀྱི་རྒྱལ་པོར་ཕེབས་པ་ནས་གནམ་ལ་ཁྲི་བདུན། །ས་ལ་ལེགས་དྲུག་བར་ལ་བཙན་ལྔ། ཚིག་ལ་སྡེ་བརྒྱད། སྐྱིད་པའི་གདུང་རབས་བཅུ་གསུམ། །ཤིན་ཏུ་སྐྱིད་པའི་གདུང་རབ་ལྔ། རྒྱལ་རབས་སིལ་མ་བཅུ་དྲུག་ཏུ་གྲགས་པ་ལ་སོགས་དུ་མ་བྱུང་བ་ཡིན་ལ། དེ་དག་ལས་ཁྱད་པར་དུ་གྱུར་པ། །ཆོས་རྒྱལ་ཁྲི་སྲོང་ལྡེའུ་བཙན་གྱི་རིང་ལ། ཆོས་ཁྲིམས་དར་གྱི་མདུད་པ་འཇམ་ལ་དམ་པ། རྒྱལ་ཁྲིམས་གསེར་གྱི་གཉའ་ཤིང་སྦུམ་ལ་ལྕི་བའི་ལུགས་གཉིས་ཁྲིམས་ཀྱི་སྲོལ་བཏོད། ངན་བྱེད་ལ་ཆད་པ་བཅད། །བཟང་བྱེད་ལ་གཏང་རག་བྱིན། མཁས་བླུན་ལ་ཁྱད་པར་བྱས། ཡ་རབས་ཀྱི་གཞུང་བསྲངས། མ་རབས་ཀྱི་སྲོལ་བསྣུབ། བཀའ་གཙིགས་ཀྱི་ཡི་གེ་བྲིས་ཏེ་བོད་ཁྲིམས་མེད་ལ་ཁྲིམས་ཀྱི་སྲཽལ་བཏོད། །མི་དཔོན་མེད་ལ་ཤོགས་ཀྱི་དཔོན་བསྐོས། རྒྱལ་རབས་ཀུན་ལས་འགྲན་ཟླ་བྲལ་


ZP01_Page_326
[མ་དཔེ་གཟིགས་ན་འདིར་གནོན།]

པར་གྱུར་ཏེ། ལྷ་སྲས་བརྒྱུད་པ་གསུམ་གྱི་རིང་ལ། ཡབ་མེས་ཀྱི་སྲོལ་བཟུངས། གླང་དར་མ་ཨུ་དུམ་བཙན་པོས་ཆོས་ཁྲིམས་ཀྱི་སྲོལ་བསྣུབས། རྒྱལ་ཁྲིམས་ཤུགས་ཀྱིས་ཞིག །རྒྱལ་རབས་སིལ་བུར་འཐོར། གོང་དབོན་ལ་སྤྱི་ཁྲིམས་མེད་པའི་གནས་སྐབས་ན། ལྷ་སྲས་རྩེ་སྡེའི་བརྒྱུད་པ་ལས། སྟོད་མངའ་རིས་སྐོར་གསུམ་ལ་དབང་བསྒྱུར་ཏེ་བོད་བྱེ་བྲག་ལ་དབང་བའི་རྒྱལ་པོ་རིམ་པར་བྱོན་ཏེ་ལུགས་གཉིས་ཀྱི་སྲོལ་རིམ་པར་དར། ཕྱི་ནས། འགྲོ་མགོན་ཆོས་རྒྱལ་འཕགས་པ་གནམ་སེ་ཆེན་རྒྱལ་པོའི་དབུ་བླར་ཕེབས་ཏེ། བོད་ཁྲི་སྐོར་བཅུ་གསུམ་དབང་ཡོན་དུ་ཕུལ། །བོད་སྤྱི་ལ་དབང་བའི་དཔོན་ཆེན་ཤཱཀྱ་བཟང་པོ་སོགས་བསྐོས་ཏེ་ཁྲིམས་སྲོལ་ཧོར་དང་བསྟུན་པས། བཟང་ལ་གཏང་རག་དང་། །ངན་ལ་ཆད་པ་བྱས། མགར་བློན་རིག་པ་ཅན་གྱི་བུ་རྒྱུད་མདོ་ཁམས་སྨད་ཀྱི་ཡུལ་གྲུར་བྱོན་ཏེ། སྡེ་དགེ་བླ་མ་ཞེས། མཚན་སྙན་གྱི་ཅོད་པཎ་དང་ལེགས་བྱས་ཀྱི་དབུ་འཕང་གསར་དུ་འཕོས་ཏེ། སྨད་གླིང་ཁམས་ཀྱི་ཡུལ་གྲུ་ཕལ་ཆེར་ལ་དབང་བསྒྱུར། སྨད་ཤར་སྡེ་འབྲོག་པའི་མི་རྒྱུད་དང་། ལྷོ་རོང་སྡེ་ཁང་ཞིང་གི་བདག་པོ་རྫོང་ཁག་ཉི་ཤུ་རྩ་ལྔ། སྟོང་སྡེ་ཁྲི་སྐོར་མང་པོའི་རྒྱལ་པོར་གྱུར་ཏེ། གོང་མ་གནམ་གྱི་རྒྱལ་པོའི་བཀའ་ཤེལ་དམ་ལག་ཏུ་བཞག །ཐོབ་འཕྲུ་ཏོག་མགོ་ལ་བཙུགས། སྡེ་རང་ཐོབ་ཧོ་བཅུར་བྲིས་ནས་བསྐོས་པ་རྒྱས་མཛད་ཀྱང་། མཛད་པ་བོད་ཀྱི་སྲོལ་དུ་བྱས་ཏེ། བོད་སྔ་རབས་ཀྱི་ཆོས་རྒྱལ་མེས་དབོན་རྣམ་གསུམ་གྱི་ཁྲིམས་སྲོལ་རྒྱུན་བསྐྱངས་ཏེ་ཉེས་ཅན་ལ་ཆད་པ་བྱས།


ZP01_Page_327
[མ་དཔེ་གཟིགས་ན་འདིར་གནོན།]

སྡིག་ཅན་ལ་ཁྲིམས་ལུང་བསྟན། རྐུན་པོ་ལ་ཆད་འཇལ་ལེན། མི་བསད་ལ་རྒྱུ་སྟོང་འཇལ། བསད་པ་དང་རྐུ་བ་ཉེས་པའི་ཆེ་ཤོས་སུ་བྱས་ཏེ་དགེ་བ་བཅུའི་ཁྲིམས་བཙུགས། ལྔ་ལ་ལྔ་དཔོན། བཅུ་ལ་བཅུ་དཔོན། སྡེ་ལ་སྤྱི་དཔོན། ཡུལ་ལ་རྫོང་དཔོན་བསྐོས་ཏེ་རྒྱལ་རབས་རིམ་པར་བརྒྱུད་པ་ནས། ད་ལྟའི་ལྷ་སྲས་མི་ཡི་རྗེ་བོ་འཇིགས་བྲལ་ཚེ་དབང་རྡོ་རྗེ་ཞལ་དངོས་སུ་བཞུགས་པ་འདི་ནི་སྟེང་ན་རྗེའི་གདུང་རབས་ཞེས་ཟེར་ལ། སྤྱིར་ཕྱི་སྣོད་ཀྱི་འཇིག་རྟེན་མས་ནས་ཡར་ཆགས། ནང་བཅུད་ཀྱི་སེམས་ཅན་ཡས་ནས་མར་ཆགས། སྲིད་རྩེ་བསམ་གཏན་གྱི་ལྷ་ལས་ཟག་བཅས་ནམ་མཁའ་ལ་བརྟེན་པའི་འདོད་པའི་ལྷ་རིགས་དྲུག་ཏུ་ཆགས་ཏེ། གླིང་གསུམ་འོད་གསལ་ལྷ་ལས་ཆད། བྱང་གླིང་རྩ་གསུམ་ལྷ་ལས་ཆད་དེ་བར་གླིང་བཞི་སྲིད་པའི་མི་རུ་བྱུང་། དེ་ལས་ཀྱང་ལྷོ་འཛམ་བུ་གླིང་པ། བསོད་ནམས་ཆོས་ཀྱི་ཡུལ་གྲུ། བདེ་སྐྱིད་ལས་ཀྱི་ས་པ། སྐལ་བཟང་ཐུབ་པའི་གདུལ་ཞིང་། སྟོད་རྒྱ་གར་ལྷ་ལས་ཆད་དེ་དཔལ་དང་རིགས་གཟུགས་བཟང་། །ཡ་རབས་ཀྱི་སྲོལ་མང་། མཁས་པའི་རིག་པ་རྩི། ལྷ་ཆོས་ཀྱི་གྲོལ་ཕུགས་སུ་བྱུང་། སྨད་རྒྱ་ནག་ཀླུ་ལས་ཆད་དེ། ནོར་དང་ལོངས་སྤྱོད་ཆེ། ཁྱད་ནོར་གྱི་ཡོ་བྱད་མང་། ཕྱུག་པོའི་ཟས་གོས་ལ་རྩི། ཁྲིམས་སྲོལ་གྱི་གྲོལ་ཕུགས་སུ་བྱུང་། བར་སོག་སྡེ་ལྷ་མིན་ལས་ཆད་དེ། དཔའ་རྩལ་དང་བརྟུལ་ཕོད་ཆེ། མཚོན་ཆའི་སྒྱུ་ཐབས་ལ་མཁས། དཔའ་བོ་དང་ཧ་ཤག་ལ་རྩི། འཐབས་པའི་གྲོལ་ཕུགས་སུ་


ZP01_Page_328
[མ་དཔེ་གཟིགས་ན་འདིར་གནོན།]

བྱུང་། བོད་སྤྲེའུ་དང་བྲག་སྲེན་ལས་ཆད་དེ་མི་དང་འདྲེ་རུ་འབྲེལ། ཁ་ཡང་ལ་ཞེ་གནག །རིགས་སྔོན་བྱུང་དང་བསྟུན་པའི་བོད་མི་བུ་གདུང་དྲུག །སྟོད་མངའ་རིས་སྐོར་གསུམ་རྫིང་ལྟ་བུ། བར་དབུས་གཙང་རུ་བཞི་ཡུར་བ་ལྟ་བུ། སྨད་མདོ་ཁམས་སྒང་དྲུག་ཞིང་ས་ལྟ་བུ་སྟེ། བོད་ཐུགས་རྗེ་ཆེན་པོའི་གདུལ་ཞིང་དུ་གྱུར། སངས་རྒྱས་ཀྱི་བསྟན་པ་དཀར་འཇམ་དུ་དར། རྒྱ་གར་མཁས་པའི་བསྟན་བཅོས། བོད་རྗེ་རྒྱལ་པོའི་ཁྲིམས་སྲོལ། རང་སྡེ་ཡུལ་གྱི་སྤྱི་སྲོལ། འདྲ་ལ་ཁྱད་ཆོས་མང་བའི། མི་ཆོས་ཀྱི་ལུགས་ཀ་ཤེས། ལྷ་ཆོས་ཀྱི་ལོ་རྒྱུས་ཞིབ། ཕོ་མཁས་ན་ཕོ་རྩལ་སྣ་དགུ་དང་། ཉམས་མཚར་བའི་རྩེད་མོ་སྣ་དགུ། མི་ཡ་རབས་ཀྱི་དམ་པའི་གནས་ལྔ་ཞེས། སྒྱུ་རྩལ་ལ་གཞི་བཅོལ། ཟས་གོས་ལ་རྒྱན་བྱས། ལོངས་སྤྱོད་ལ་འཕེལ་རྩི། མཁས་པའི་གྲགས་པ་འདོན། བཟང་པོའི་ཡོན་ཏན་བསྟོད། ལྷ་ཆོས་རྒྱ་གར་དང་བསྟུན། ཚོང་སྲོལ་རྒྱ་ནག་དང་བསྟུན། གཡུལ་འཁྲུགས་ཧོར་སྡེ་དང་བསྟུན། ཁྲིམས་སྲོལ་རང་ལུགས་སུ་སྐྱོངས་པའི་བོད་གངས་ཅན་གྱི་ལྷ་སྡེ་མང་ལ་རྒྱ་ཆེ། བཟང་ལ་གྲལ་འཛོམ། མཐུན་ལ་ཡ་རབས་པ་ཤ་སྟག་ཏུ་བྱུང་སྟེ། ཕོ་བྱུང་ཚད་འཕགས་པའི་དགེ་བསྙེན་དང་། མོ་བྱུང་ཚད་ཆོས་ཀྱི་ལྷ་མོར་གྱུར་བས། བྱིས་པ་ལོ་གསུམ་གྱི་དུས་ནས་ཨ་མ་དང་མ་ཎི་མཉམ་དུ་ཟློས་པའི་བསྟན་པ་ལ་མ་ཞུགས་པའི་གང་ཟག་མེད་ལ། དཀོན་མཆོག་ལ་མི་དད་པའི་གྲུབ་མཐའ་མེད་པས་བོད་ཐུགས་རྗེ་ཆེན་པོའི་ཞིང་ཁམས་


ZP01_Page_329
[མ་དཔེ་གཟིགས་ན་འདིར་གནོན།]

ཞེས་ཁྱད་པར་འཕགས་པའི་གཏམ་སྲོལ་དུ་བྱུང་ལ། དེ་ལས་ཀྱང་ཕོ་བྲང་དམར་པོའི་རི་ལ་ཆོས་སྲིད་ཟུང་དུ་འཇུག་པའི་རྒྱལ་ཁྲིམས་ལྷ་ཆོས་སུ་སྐྱོངས་པས། མི་སྡེ་ལས་ལྷ་སྡེ་མང་། མི་ནག་ལས་རབ་བྱུང་མང་། ལྷ་ཤཱཀྱ་མུ་ནེ་སྟོན་པའི་རྒྱལ་ཚབས་སུ་བཞུགས་པའི་ཕྱོགས་ཀྱི་རྒྱལ་པོ་སྡེ་བཞིར་དད་འདུན་ཀྱི་རང་དབང་བྱེད། །མཐའ་བཞིའི་ནོར་སྣ་མང་། ཕྱོགས་བཞིའི་ཚོགས་འདུས་ཆེ། ཕྱུགས་པོས་སྐྱོངས་སླ། མེད་པོས་བཙལ་སླ། ཉོ་ཚོང་གིས་སྒྲུབ་སླ། ཟས་གོས་ཀྱི་རིགས་མང་། སྟེར་སློང་གི་སྲོལ་ཡོད། ཕྱོགས་བཞིའི་མི་སྣ་དུ་མ་འོད་སྡེའི་ཡུལ་དུ་མཆེད་དེ། ཤར་རྒྱལ་རོང་གི་ཡུལ་གྲུ། །བོད་ལྷ་ཆོས་ཀྱི་སྡེ་ལ་ཡར་འདུ། བྱང་ཧོར་སོག་གི་རྒྱལ་ཁམས་ཆོས་དད་གཏོང་བའི་ཡོན་བདག་ཏུ་བྱུང་། སྨད་མདོ་ཁམས་སྒང་དྲུག་ཕལ་མོ་ཆེ་བ། སྟོབས་ལྡན་སྡེ་དགེ་རྒྱལ་པོའི་ཆབ་འོག་ཏུ་འདུ་བའི། རོང་སྡེ་རྫོང་ཁག་ཉེར་ལྔ། འབྲོག་སྡེ་ལྷོ་རྫ་གཉིས་ཞེས་པའི། བྱང་རྫ་ཆུའི་ཀླུང་འགྲམ་དུ་མི་ལ་ལྷ་དཔོན་བྱུང་སྟེ། ལྷ་རྗེ་རྫ་རྒྱལ་བཙད་པོ། །ལྷ་མིང་མི་ལ་འཕོས། ཤར་གསེར་གཡུའི་གཞུང་ནས་གདུང་ལྷ་སྡེ་དཀར་མོ་རྗེས་པ་དཔོན་རིགས་སུམ་བཅུ་གདུང་ཞྭ་དཀར་ཅན་ཀྱི་བརྒྱུད་པ་བྱུང་སྟེ། བཤད་ན་གཏམ་མཁས་བསྐོར་ན་བློ་བཟང་། བརྟན་ལ་གཞུང་ཐུབ། སྔ་ཚིག་གི་ཕུག་ཐུབ་པས་འབངས། མི་སྡེའི་དཔོན་རིགས་སུ་བྱུང་། གོང་རྒྱལ་པོའི་བློན་རིགས་སུ་བྱུང་སྟེ། སྡེ་རང་ཕྱོགས་ཀྱི་སྐྱིད་སྡུག་ལ་དབང་བའི་དཔོན་ཐོབ་སུམ་ཅུ་


ZP01_Page_330
[མ་དཔེ་གཟིགས་ན་འདིར་གནོན།]

སོ་ལྔ། །ཉེ་འབྲེལ་ཡ་རབས་སུ་འབྲེལ་བའི་བཟང་པོའི་མི་རྒྱུད་མི་འཆད། བྱང་ཕྱོགས་ཧོར་སོག་གི་ཡུལ་ཁམས་ཨོ་རོད་ཚོ་ཆེན་གྱི་མི་རིགས་ཚ་ཞང་ཕྱུགས་དར་དུ་འཇོམ་པར་བྱུང་སྟེ། དགྲ་དཔའ་རྩལ་གྱིས་འདུལ། གཉེན་ཟས་ནོར་གྱིས་སྐྱོངས། དཔོན་དཔྱ་ཁྲལ་གྱིས་མཆོད། མི་རྒྱུ་ལ་ཧེབ་མི་ཆེ་བས་རྐུ་ཇག་གིས་འགྲོས་སྣ་མི་མང་། རང་རྒྱུ་ལ་བསོགས་འཇོག་མི་དམན་པས་ལོངས་སྤྱོད་ཀྱི་ལྟུང་བ་མི་འོང་། སྔར་བྱུང་གི་ཁྲིམས་སྲོལ་མི་སྣུབ་པས་གཞུང་ལམ་ལ་འཕོ་འགྱུར་མི་འོང་། ཉེས་བྱས་རྗེ་ལ་ཞུ་བས་མི་དམངས་ལ་ཤི་བསད་མི་མང་། དམེ་འཁྲུགས་ཀྱི་སྲོལ་ཀ་མེད་པས་ཁྲིམས་སྲོལ་ལ་བློ་གྲོས་ཞིབ་སྟེ་བཟང་ལྷ་གྲལ་ནས་འདོན། མཁས་ཚོགས་གྲལ་ནས་བཤད། བདེན་རང་ལམ་དུ་གཏོང་། རྫུན་ཉེས་ཆད་ཀྱི་བསྣུབ། ཁྲིམས་སྤྱི་དཔོན་གྱིས་གཏམ་པའི་མི་ཡུལ་ལྷ་ལ་འགྲན་པར་བྱུང་སྟེ་འོག་ན་འབངས་ཀྱི་མི་རབས་ཞེས་བྱ། ཕྱི་སྣོད་ཀྱི་འཇིག་རྟེན་མས་ནས་ཡར་ཆགས་པ་ཞེས་བྱ་སྟེ། ཡེ་མེད་སྲིད་པ་དང་པོའི་འབྱུང་བཞི་རྡུལ་ཕྲན་དུ་འདུས། གླིང་བཞི་རང་བབས་སུ་ཆགས། རི་རྒྱལ་རི་བོ་ཆེན་པོ་རང་བཞིན་དུ་གྲུབ་སྟེ། ཤར་གྱི་གླིང་གསུམ་ཟླུམ་པོར་བྱུང་བ་ལ། མི་རིགས་ལུས་བོང་ཆེ་བས། ཤར་ལུས་འཕགས་ཀྱི་གླིང་ཞེས་གྲགས་ཏེ། རི་རབ་ཤར་ཕྱོགས་ཤེལ་ལས་གྲུབ་པའི་ཤར་ནམ་མཁའ་དཀར་པོའི་མར་ཞབས་སུ་འདུ། བྱང་གླིང་གསུམ་གྲུ་བཞིར་བྱུང་སྟེ་བདེ་སྐྱིད་ལྷ་ལ་འགྲན། མ་རྨོས་མ་བཏབ་པའི་འབྲས་བཟང་། ཤི་ཚད་ལྷ་ཡུལ་དུ་སྐྱེ།


ZP01_Page_331
[མ་དཔེ་གཟིགས་ན་འདིར་གནོན།]

འཆི་ཚེ་སྒྲ་འབྱུང་བས་སྒྲ་མི་སྙན་ཞེས་བྱ་སྟེ། །རི་རབ་ཀྱི་བྱང་ཕྱོགས་གསེར་ལས་གྲུབ་པའི་བྱང་ནམ་མཁའ་སེར་པོའི་ཁེབ་ཞབས་ལ་གནས། ནུབ་གླིང་གསུམ་ཟླ་གམ་དུ་བྱུང་སྟེ་འདོད་འཇོའི་བ་ལ་ལོངས་སྤྱོད་པས་ནུབ་པ་གླང་སྤྱོད་ཞེས་བྱ་སྟེ། རི་རབ་ནུབ་ཕྱོགས་པདྨ་རཱ་ག་ལས་གྲུབ་པའི་ནུབ་ནམ་མཁའ་དམར་པོའི་ཡུལ་གྲུ་ཞེས་བྱ། ལྷོ་གླིང་གསུམ་སོག་ཀྲུ་བྱུང་སྟེ། འཛམ་གླིང་ལས་ཀྱི་ས་པ་མི་རིགས་སྐད་རིགས་མི་མཐུན། བདེ་སྐྱིད་ཀྱི་རྣམས་གྲངས་མི་འདྲ། །བདེ་སྡུག་གི་ཁོད་མི་སྙོམས། མི་ལ་དྲགས་ཞན་བྱུང་སྟེ། ཡུལ་ཆེན་པོ་དྲུག་ཏུ་གནས་པའི། དབུས་རྒྱ་གར་གྱི་ཡུལ་ཁམས་གོས་རྒྱན་རྟེན་འབྲེལ་ཐམས་ཅད་དཀར་པོ་བྱེད་པས་རྒྱ་དཀར་པོའི་ཐ་སྙད་ཆགས། དབུས་མ་གྷ་དྷ་རྡོ་རྗེའི་གདན་དྲང་སྲོང་ཞོ་འཐུང་གི་རུས་པ་ལས་གྲུབ་པས་རྡོ་རྗེའི་ཆོས་བདུན་གྱི་རང་བཞིན་ཚང་བ། རྡོ་རྗེ་རྒྱ་གྲམ་གྱི་དབྱིབས་སུ་གནས་པའི་ལྟེ་བ་ལ་བྱང་ཆུབ་ཀྱི་ཤིང་སྐྱེས་ཏེ། སྐལ་བཟང་གི་སངས་རྒྱས་སྟོང་གི་བྱང་ཆུབ་བརྙེས་པའི་གནས་སུ་བྱུང་། སྲིད་པ་ཐམས་ཅད་སྟོངས་ཀྱང་ཆགས་འཇིག་མེད་པར་ནམ་མཁའ་ལ་ཟོ་བ་བཏགས་པ་ལྟར་གནས་པས་རྒྱ་གར་རྡོ་རྗེ་གདན་ཞེས་བྱ་སྟེ། ལྷོ་འཛམ་བུ་གླིང་གི་ལྟེ་བ་བྱུང་། དེ་ལས་ཀྱང་བྱང་ནས་བྱང་དུ་བགྲོད་པའི་རི་ནག་པོ་དགུ་ཕྲག་འདས་པའི་ཕ་རོལ་ན་བྱང་ཕྱོགས་ཀྱི་རི་བོ་གངས་ཅན་ཡོད་དེ། སྨན་ཤི་གསོས་ཀྱི་བདུད་རྩི་འཁྲུངས། བཅུད་འཆི་མེད་ཀྱི་རྩི་ཡིས་ཁྱབ། ལྷ་སྲིད་པའི་མེས་པོས་དབྱར་གནས་མཛད། །བརྒྱ་བྱིན་གྱི་གླང་པོ་རབ་བརྟན་གླང་གཡོག་དང་།


ZP01_Page_332
[མ་དཔེ་གཟིགས་ན་འདིར་གནོན།]

བཅས་པ་འཚོ་སྐྱོང་གི་གཟན་ལ་བཀྲམས་པའི་གནས་ན། མཚོ་ཆེན་པོ་མ་དྲོས་པ་ཁ་ཞེང་དཔག་ཚད་ལྔ་བརྒྱ་ཡོད་པའི། ཤར་རྟ་མཆོག་གི་ཁ་ནས་ཆུ་བོ་ཧི་ཏ་དངུལ་གྱི་ཕྱི་མ་འདྲེན་ཞིང་ཆུ་ཕྲན་ལྔ་བརྒྱ་དང་བཅས་ཏེ། མཚོ་མ་དྲོས་པ་ལ་ལན་བདུན་བསྐོར་ཏེ་ཤར་ཀྱི་རྒྱལ་མཚོར་བབས། ལྷོ་གླང་པོ་ཆེའི་ཁ་ནས་གངྒ་གསེར་གྱི་བྱེ་མ་འདྲེན་ཞིང་ལྷོ་ཡི་རྒྱ་མཚོར་བབས། ནུབ་རྨ་བྱའི་ཁ་ནས་སིནྡྷུ་རིན་པོ་ཆེ་སྣ་ཚོགས་ཀྱི་བྱེ་མ་འདྲེན་ཞིང་ནུབ་ཀྱི་རྒྱ་མཚོར་བབས། བྱང་སེང་གེའི་ཁ་ནས་པཀྵུ་རྡོ་རྗེའི་བྱེ་མ་འདྲེན་ཞིང་ཆུ་ཕྲན་ལྔ་བརྒྱ་དང་བཅས་ཏེ་མཚོ་ཆེན་པོ་མ་དྲོས་པ་ལ་ལན་བདུན་གཡས་ཕྱོགས་སུ་བསྐོར་ནས་བྱང་གི་རྒྱ་མཚོར་འབབས་བཞི། ཤར་ལྷོ་འཚམས་ན་ཤིང་འཛམ་བུ་ཏཱི་ཀྴ་ཞེས་བྱ་བ་ཤིང་ཐོག་ཆུ་ནང་དུ་ལྷུང་བ་ལས་འཛམ་བུའི་ཆུ་བོའི་གསེར་ཞེས་ལན་བཅུ་དྲུག་ཏུ་བཞུ་བརྟུལ་བྱས་པའི་གསེར་དང་འདྲ་སྟེ་བཞུ་ཁམས་ཀྱི་རིན་པོ་ཆེའི་རྒྱལ་པོར་གྲུབ་པས་འཛམ་བུའི་གླིང་ཞེས་མིང་དུ་ཆགས། ཤར་རྒྱ་ནག་གི་ཡུལ་ཁམས་ལོངས་སྤྱོད་རྒྱ་ཆེ། གོས་རྒྱན་རྟེན་འབྲེལ་ཐམས་ཅད་ནག་པོ་ལ་རྩིས་སུ་བྱེད་པས་རྒྱ་ནག་པོའི་ཡུལ་ཁམས་སུ་གྲགས། ནུབ་ཕྱོགས་ཨོ་རྒྱན་གྱི་ཡུལ་ན་ཧེ་རུ་ཀ་རང་བྱུང་གི་ལྷ་ཁང་ཨོ་རྒྱན་རྡུམ་ཐལ་ཞེས་བྱ་སྟེ། གསང་སྔགས་རྡོ་རྗེ་ཐེག་པའི་བསྟན་པ་འབྱུང་བའི་གནས་སུ་བསྟན། མ་མོ་དང་མཁའ་འགྲོ་སྟོང་གི་བཞུགས་གནས་སུ་གྱུར་པའི་ཨོ་རྒྱན་མཁའ་འགྲོའི་གླིང་ཞེས་ཀྱང་གྲགས་ཏེ། ཡུལ་ཉེར་བཞིའི་གཙོ་བོར་གྱུར། བྱང་ན་རིགས་ལྡན་སྤྲུལ་པའི་གནས་ཤམ་བྷ་ལ། མི་རིགས་འབུམ་ཕྲག་དྲུག་ཅུ་དང་། སྐད་


ZP01_Page_333
[མ་དཔེ་གཟིགས་ན་འདིར་གནོན།]

རིགས་འབུམ་ཕྲག་དྲུག་ཅུ་རིགས་ལྡན་གཅིག་གི་མངའ་ཞབས་སུ་འདུ། སྤྲུལ་པ་ལྷའི་རྒྱལ་པོས་ལོ་བརྒྱ་བརྒྱ་རེར་ཆོས་སྟོན། དཔལ་དུས་ཀྱི་འཁོར་ལོའི་བསྐྱེད་རྫོགས་ཀྱི་ཉམས་ལན་ལ་བརྩོན་པའི་གྲུབ་པའི་རྣལ་འབྱོར་མང་། བར་བོད་ཁམས་ཀྱི་ཡུལ་གྲུ། རི་གངས་རི་དཀར་པོའི་ཕྲེང་བས་བསྐོར་ཏེ། གངས་ལྡན་ཉི་ཤུ་རྩ་གཅིག་ལྷ་རིགས་དགེ་བསྙེན་དུ་གནས་པས་ཡུལ་ལ་དབང་བྱེད། རི་མཐོ་བསིལ་ལ་དང་པས་མི་རྒྱུད་རིག་པ་བཟང་། ཡུལ་ལ་དགེ་བཅུ་ཚང་པས་ཡོན་ཏན་ཕུན་སུམ་ཚོགས། ཆུ་བོ་དངས་ལ་བསིལ་བས་འདུ་བ་རང་བཞིན་གྱིས་སྙོམས། བསིལ་དྲོད་ཀྱི་སྔོ་སྣ་ཚང་བས་བདུད་རྩིའི་སྦྱོར་སྡེ་འཛོམས་མི་ཐམས་ཅད་ལེགས་ལམ་ལ་དགའ། ཆུ་ཐམས་ཅད་ཤར་ཕྱོགས་སུ་འབབས། རི་ཐམས་ཅད་གངས་དཀར་གྱིས་གཡོག །དུས་བཞིའི་རྣམ་འགྱུར་གསལ། མངའ་ཐང་དང་ལོངས་སྤྱོད་ཆེ། བཟའ་ཤིང་དང་འབྲས་བུ་མང་། ཕྱུགས་ལུག་ལ་རྩྭ་གཟན་མོད། །སྟོད་ལྷ་ཆོས་ཀྱི་ཡུལ་ན་ལྷ་ལྡན་སྤྲུལ་པའི་གཙུག་ལག །ཕོ་བྲང་པོ་ཏ་ལ། ར་ས་འཁྲུལ་སྣང་གི་ལྷ་ཁང་། རིན་པོ་ཆེ་བརྒྱ་དང་རྩ་བརྒྱད་ལས་གྲུབ་པའི་སྟོན་པའི་ཞལ་སྐྱིན་ཇོ་ཤག་རྣམ་གཉིས་བརྗོད་དུ་མེད་པའི་ཆོས་སྟོན་ཅིང་། ཐུབ་པ་དངོས་ཀྱི་རྒྱལ་ཚབས་སུ་བཞུགས། ཕོ་བྲང་དགའ་བཞིའི་འཕྲུལ་སྣང་། གསེར་བརྟུལ་མའི་རྒྱ་ཕིབས་མཇལ་བས་ཀྱང་མི་རྟོག་པའི་ཡེ་ཤེས་རྒྱུད་ལ་སྐྱེ། ལུགས་གསུམ་བསམ་ཡས་ཀྱི་གཙུག་ལག་ཁང་སྟེང་རྒྱ་གར་བར་ལི་ཡུལ་འོག་རྒྱ་ནག་གི་ལུགས་སུ་བཞེངས་ཏེ། བཀའ་སྡེ་


ZP01_Page_334
[མ་དཔེ་གཟིགས་ན་འདིར་གནོན།]

སྣོད་གསུམ་གྱི་བསྟན་པའི་ཆོས། སྒྲུབ་པའི་ལྷ་བརྒྱུད་པའི་བླ་མ་དང་བཅས་པའི་སྐུ་གསུང་ཐུགས་ཀྱི་རྟེན་གསུམ། མཐོང་བས་ཕྱེར་མི་ལྡོག་པའི་ས་ལ་རེགས་པའི་ངོ་མཚར་གྱི་བཀོད་པ་བཀྲ། སྨད་མདོ་ཁམས་ཀྱི་ཡུལ་གྲུ། ཆུ་ཐམས་ཅད་བསིལ་ལ་དངས། ཤིང་ཐམས་ཅད་དྲང་ལ་ལྡེམ། སྤང་ཐམས་ཅད་སྣུམ་ལ་བཀྲ། ཞིང་ཐམས་ཅད་ཕྱུག་ལ་གཤིན། རོང་སྡེ་དང་འབྲོག་སྡེ་འབྲེལ། བཟའ་བཏུང་གི་རྩོལ་སྒྲུབ་སླ། ཨར་ཇག་གི་རྒྱུ་འགྲུལ་ཉུང་། ས་གཞི་ཁ་རྒྱ་ཆེ། ལུང་པ་ཕུ་ཐག་རིང་། ས་དཔྱད་བཟང་དགུ་འཛོམ། ལྷ་ཆོས་གཙུག་ལག་གི་དཔྱད་འཇོམ་བས་དགེ་འདུན་གྱི་སྡེ་ཀུན་དར་རྒྱས་ཆེ། མི་ཆོས་ཕོ་བྲང་གི་ལེགས་དགུ་འཛོམ་པས་རྒྱལ་རབས་སྲིད་ཆུས་བརྟན་ཞིང་མངའ་ཐང་དང་ལོངས་སྤྱོད་རྒྱས། །ཕལ་པ་དུར་མཚེར་འདེབས་ས་ལེགས་པས་མི་ཕྱུགས་ཕར་ལྡན་དུ་འཕེལ། གང་ཡང་ཕུན་སུམ་ཚོགས་པས་ཡུལ་ལ་དགེ་བཅུ་ཚང་བ་སྟེ། སྟོང་སྡེ་སྲིད་པའི་ཆགས་ཚུལ་ཞེས་བྱ། སྤྱིར་གཏམ་གང་ལ་ཡང་རང་ཕྱོགས་ཀྱི་ཡུལ་སྲོལ་དང་མཐུན་པ་བསྟོད་དགོས་དང་སྨད་དགོས་མ་ནོར་བ། དགོས་དོན་གྱི་ས་བཅད་མ་ཤོར་བ། སྔ་ཚིག་དང་ཕྱི་ཚིག་མི་འགལ་བ། བྲེལ་ཉམས་ཀྱི་ཟློས་རྐྱེན་མ་ཤོར་བ། དལ་ཉམས་ཀྱི་བར་སྟོང་མ་ལུས་པ། དལ་ལ་རྒྱུན་རིང་བ། སྒྲ་དག་ལ་ཚིག་གསལ་བ། བར་གྱི་གཅོད་མཚམས་ལེགས་པ་ཞིག་མ་བྱུང་ན། སྐད་ཀྱིས་གདང་འདོན་ཚུལ་དང་དབུགས་ཀྱི་མཚམས་ལེན་ཚུལ་ཙམ་ལའང་མང་པོའི་དབུས་ན་ཁྱད་པར་ཆེ་བ་ཤེས་པར་བྱ་དགོས་ཏེ། བཤད་རྒྱུའི་དངོས་པོ་ལའང་འདིར་ཕྱོགས་མཚོན་


ZP01_Page_335
[མ་དཔེ་གཟིགས་ན་འདིར་གནོན།]

ས་བཅད་ཙམ་དུ་བྲིས་མོད་ཀྱི། སྤྱིར་ལྷ་ཆོས་ཀྱི་གཏམ་ལ་བླ་མས་གསུང་བར་འོས་པ་དང་། ཕལ་བས་ཞུ་བར་འོས་པ་གཉིས་ཡོད། དང་པོ་ལ། སྨིན་བྱེད་དབང་དང་འབྲེལ་བ་དམ་ཚིག་གི་རྣམ་བཤད། གྲོལ་བྱེད་ཀྱི་གདམས་པ་དང་འབྲེལ་བ་ཉམས་ལེན་གྱི་གནད་འགགས། གཉིས་ཀ་ཐུན་མོང་དང་འབྲེལ་བ་བརྒྱུད་པའི་ལོ་རྒྱུས། ཡོན་བདག་གི་ཚོགས་གསོག་དང་འབྲེལ་བ་བསྔོ་བ་དང་ཡོན་བཤད། །ཚོམ་བུ་ཚོགས་སྒྲུབ་དང་འབྲེལ་བ་སྤངས་བླང་གི་ཞལ་བཀོད་དང་ལྔ་ཡོད། ཕལ་པས་ཞུ་བར་འོས་པ་ལའང་ཆོས་ཁྲིམས་ཀྱི་ཞུ་བར་འོས་པ་ཤས་ཆེ་སྟེ་ཁྲིམས་བཅའ་བཀོད་ཀྱི་འཇོག་ཚུལ་བླ་མའི་བཀའ་དང་བསྟུན་ཏེ་ཞུ་བ། ཡོན་འབུལ་བའི་ཡོད་ཚུལ་ཡོན་བདག་གི་འབྱོར་པ་དང་བསྟུན་ཏེ་ཞུ་བ། འཕྲལ་གནས་སྐབས་ཀྱི་ཞུ་བ་ལས་དོན་ཡུལ་སྡེའི་ཁེབ་དང་བསྟུན་ཏེ་ཞུ་བ། །སྐྱིད་མཎྜལ་གྱི་རྣམ་བཤད་ལོ་རྒྱུས་གཞུང་དང་བསྟུན་ཏེ་ཞུ་བ། བསྟོད་ཚོགས་སྒྲུབ་ཀྱི་སྟོང་ཐུན་འཕྲལ་གྱི་ཕུན་ཚོགས་དང་བསྟུན་ཏེ་ཞུ་བ། ཁྲོམ་མི་དམངས་ཀྱི་ཁྲོམ་ལབ་བླ་མའི་ཡོན་ཏན་དང་བསྟུན་ཏེ་ཞུ་བ་སྟེ། དྲུག་ཡོད་ལ། དེ་ལས་ཕྱི་མ་གཅིག་པུ་མ་གཏོག །དགེ་འདུན་གྱི་གྲལ་དུ་ཞུ་འོས་ཡིན་པས། ཕྱག་གི་སྣ་དྲངས། གུས་པའི་ཞེ་ས་དང་བཅས་ཏེ་གྲལ་གཤམས་ནས་འགྲེངས་ནས་ཞུ་འོས་ཡིན་གྱིས། འཕགས་པའི་དགེ་འདུན་ལ་མ་གུས་པའི་རྣམ་འགྱུར་དང་། ཞེ་ས་མེད་པའི་གཏམ་བཤད་ན། ལུས་ངག་གཉིས་ཀའི་ཉེས་བྱས་སུ་འགྱུར་ཏེ། དམ་པའི་སྐྱེས་བུ་གང་ཟག་ས་བཅུ་ཐོབ་


ZP01_Page_336
[མ་དཔེ་གཟིགས་ན་འདིར་གནོན།]

བཞིག་ལས་ཀྱང་། འདུས་པའི་དགེ་འདུན་བཞི་སྡེ་ཞིག་གཉན་པ་ནི། ངེས་པར་ཤེས་དགོས་ཏེ། དཀོན་མཆོག་གསུམ་གྱི་ཕྱི་མ་ཡིན་པའི་ཕྱིར་རོ། །མཚངས་ཅན་གྱི་སྐྱོན་ནས་རྒོལ་བའང་གང་ཟག་ལ་སྨོད་པ་ནི་ཉེས་པ་ཆུང་སྟེ། དགེ་འདུན་ལ་སྨོད་པ་ནི་སྐྱབས་སྡོམ་རྩ་བ་ནས་འཇིག་ལྕེ་ལ་ཐོང་གཤོལ་ལྔ་བརྒྱས་རྨོ་པར་འགྱུར་ཏེ། བསམ་པ་བཟང་པོ་ཁ་ཙམ་དུ་ཟེར་ཀྱང་སྙིང་ལ་གནས་པ་ནི་ཤིན་ཏུ་དཀའ་བས། སྙིང་རྗེས་དྲངས་པའི་ཞེ་སྡང་དེ་ལའང་རྟོག་དཔྱོད་དགོས་ཏེ། བསྐལ་པའི་ཚོགས་བསགས་པ་ཞེ་སྡང་གི་མེས་འཇོམས་པ་རྒྱལ་སྲས་རྣམས་ཀྱིས་གསུངས་པའང་ཤེས་དགོས་པར་མ་ཟད་སྤྱི་ལ་ཁྲིམས་སྲོལ་འཇུག་པའང་ལེགས་ཏེ། རང་ལ་སྐྱབས་སྡོམ་ཡོད་པ་འདི་གལ་ཆེ་བས། རྒྱབ་ལྷ་ཆོས་ལ་གཏད། ཕུག་སངས་རྒྱས་ལ་བཅོལ། བླ་མའི་བཀའ་དང་བསྟུན། གྲྭ་སའི་ཕྱག་བཞེས་དང་འབྲེལ། ཁོག་བསླབ་གསུམ་ལ་བཅས། ཚུལ་ཞེ་ས་དང་བཅས། དོན་སེམས་བསྐྱེད་ཀྱིས་ཟིན་པ་ཞིག་མ་བྱུང་ན་དགེ་འདུན་འདུས་པའི་ཁྲོད་ན་ཕ་མེས་ཀྱི་རབ་རྒྱུད་འཆད་པ། རྒྱལ་ཁྲིམས་ཀྱིས་བསྡིག་མོ་འཐེན་པ། ངག་ཤག་གི་གྱོད་ཚིག་སྨྲ་བ། ང་བཟང་གི་ཆེ་བ་འདོན་པ་རྣམས་ནི། ལྷ་ཁང་དུ་ཁྱི་ཟུག་པ་ཞེས་བྱ། གསེར་སྣོད་དུ་མི་གཙང་གཡོ་བ་ཞེས་བྱ། །བདུད་རྩི་ལ་དུག་འདེབས་པ་ཞེས་བྱ་སྟེ། མཁས་པས་ཁྲེལ་བགད་འཆོར་བ་འདི་ཡིན། བླུན་པོའི་བཟང་སྣ་འཆོར་བ་དེ་འདི་ཡིན། །དཀར་ཕྱོགས་མཆི་མ་འཆོར་བ་འདི་ཡིན། སངས་རྒྱས་ཀྱི་བསྟན་པ་མཐའ་ལ་ཐུགས་པའི་རྟགས་ཡིན། ལྷ་ཤཱཀྱ་


ZP01_Page_337
[མ་དཔེ་གཟིགས་ན་འདིར་གནོན།]

སེང་གེའི་བསྟན་བདུད་རྩིའི་ལྷ་གལ་ན། རིགས་མི་གཙོ། ཡུལ་མི་གཙོ། ལོངས་སྤྱོད་མི་གཙོ། ཟས་གོས་མི་གཙོ། མངའ་ཐང་མི་གཙོ་སྟེ། །འདྲེགས་མཁན་ཉེ་བ་འཁོར་གྱི་རྐང་པ་ལ། ། རྒྱལ་པོ་བཟང་ལྡན་གྱིས་ཀྱང་། ཕྱག་འཚལ་བ་ཡིན་ན། དགེ་འདུན་འདུས་པའི་གྲལ་ན་སུ་ཞིག་ང་རྒྱལ་གྱི་འགྱིང་བ་དེ་ནི་ཚར་བཅད་པར་འོས་སོ། །ཤེས་རྒྱུ་ནི་ཨ་བུ་ཧྲལ་བོས་ཤེས། །མཁོ་རྒྱུ་ནི་བཙན་ཕྱུག་བུ་ལ་མཁོ། །བྲི་ཚོད་ནི་འཁྲུལ་པའི་གཏམ་ལ་མེད། བཙོང་རྒྱུ་ཞིག་ཡོད་ན་ཨ་བུ་འཚེངས། དུས་སྨྱོན་ཞིག་ད་ལེ་རྒྱུག་གཤའ་སྟེ། བཙོང་ཐབས་ནི་མེད་ངེས་ཁ་ལྷ་ཤི། ཨ་ལ་ལ་ཤིན་ཏུ་དགེ་ལེགས་སྩོལ། བཀྲ་ཤིས་ཤོག། །།

ལུགས་ཟུང་ཚོགས་གཏམ་གྱི་ལྷན་ཐབས་རིན་ཆེན་ཕྲ་ཚོམ།


ZP01_Page_339
[མ་དཔེ་གཟིགས་ན་འདིར་གནོན།]

ལུགས་ཟུང་ཚོགས་གཏམ་གྱི་ལྷན་ཐབས་རིན་ཆེན་ཕྲ་ཚོམ་བཞུགས་སོ། །


ZP01_Page_340
[མ་དཔེ་གཟིགས་ན་འདིར་གནོན།]

དེང་བསླབ་གསུམ་བསྟན་པའི་སྒྲོན་མེ། སྐྱབས་མགོན་དམ་པའི་གཙོར་མཛད། འཕགས་ཚོགས་འདུས་པ་རྒྱ་མཚོ་འགྲོ་བ་ལྷ་དང་བཅས་པའི་བསོད་ནམས་ཀྱི་ཞིང་ས་རྨད་དུ་བྱུང་བར་བཞུགས་པ་ནས། གྲལ་མཛེས་པའི་གཏམ་དང་། རྒྱན་མཛེས་པའི་གྲ་རུ་འབོད་པའི་དཔེ་བཞིན། མཁས་པ་དགྱེས་པའི་གཏམ་གྱི་རྣམ་གྲངས་ཅུང་ཟད་ཙམ་དུ་ཞུ་ན། གཏམ་ལ་ཡས་གཏམ་དང་། །མས་གཏམ་གཉིས་སུ་ཡོད་དེ། ཡས་གཏམ་དམ་པ་ཆོས་ནས་གླེང་ན། ཆོས་ཀྱི་ཕུ་ཐག་གང་ལ་ཐུག་པ་སྟོན་པ་སྐུ་གསུམ་གྱི་བྱོན་ཚུལ་ལ་ཐུག །མས་གཏམ་འཇིག་རྟེན་མི་ཆོས་ལྟར་བཤད་ན།


ZP01_Page_341
[མ་དཔེ་གཟིགས་ན་འདིར་གནོན།]

སྟེང་ན་རྗེ་ཡི་གདུང་རབས། འོག་ན་འབངས་ཀྱི་མི་རབས། འཇིག་རྟེན་སྲིད་པའི་ཆགས་ཚུལ་ལ་སོགས་པ་བཤད་ན་རྒྱ་ཆེ། བགྲང་ན་གྲངས་མང་། བཤིག་ན་དོན་ཞིབ་པ་མང་པོ་ཡོད་མོད་དེ། མང་པོ་བཤད་ན་གོ་དཀའ། ལྕི་མོ་གྱོན་ན་འགྲོ་དཀའ་བས་ཉུང་བསྡུས་སུ་གླེང་ན། ཇི་སྐད་དུ། སོགས་ཕུན་སུམ་ཚོགས་པ་ལྔ་དང་སྦྲེལ། འཇུག་ཏུ། ལགས་ཏེ། དེ་ལྟར་ཕུན་སུམ་ཚོགས་པ་ལྔའི་རང་བཞིན་དུ་བཀྲ་ཤིས་ཀྱི་གྲལ་འཛོམ། རྟེན་འབྲེལ་གྱི་དབུ་ཚུགས་པ་ནས། གྲྭ་ས་བསྒྲིག་གིས་འཛིན། བསྒྲིག་ལམ་ཁྲེལ་གྱིས་འཚོ། །ཞེས་པ་ལྟར། ཡར་བླ་མ་དབུ་ཆོས་ནས་གཙོ་མཛད། མར་འདྲེན་པ་


ZP01_Page_342
[མ་དཔེ་གཟིགས་ན་འདིར་གནོན།]

ཐབ་སྐོར་གྱི་མཐའ་བརྟེན་ཁྲིམས་རང་ས་ནས་བསྡམ་ན་གྱོད་མི་འོང་། གཅུས་ཕུར་རྩ་ནས་དམ་ན་སྣེ་མི་འབུད་ཟེར་བའི་དཔེ་བཞིན། རང་ལམ་ནས་གྲྭ་ས་གོང་མའི་ཕྱག་བཞེས། །བླ་མ་དམ་པའི་གསུང་སྲོལ་དང་མཐུན་པའི་དད་ལྡན་དང་བ་འདྲེན་པའི་རྟེན། འབྱོར་ལྡན་བསོད་ནམས་བསགས་པའི་ཞིང་། མཐོང་ན་མི་མཐུན་པ་མེད་པའི་ཕྱི་ཚུལ་སོ་སོར་ཐར་པའི་གཞུང་ལམ་དང་བསྟུན་ནས་སྒོ་གསུམ་དཀྱིལ་འཁོར་གསུམ་གྱི་ཁྱེར་སོ་དང་མ་བྲལ་བ་ལ་གསང་སྔགས་རྡོ་རྗེ་ཐེག་པའི་ཉམས་ལེན་འདུ་བས་སྡོམ་གསུམ་འགལ་བ་མེད་པར་ཉམས་སུ་ལེན་པ་སྟོན་པ་རྡོ་རྗེ་འཆང་གི་བཅས་ཁྲིམས་ཡིན་པས་ཆོས་ཁྲིམས་དར་གྱི་མདུད་པ་འཇམ་ལ་དམ། རྒྱལ་ཁྲིམས་གསེར་གྱི་གཉའ་ཤིང་སྒྲམ་ལ་ལྕི། ཞེས་འདི་ཕྱི་གཉིས་ཀ་ལ་བསམ་ནས་ཆོས་ཀྱི་ཁྲིམས་རང་ས་ནས་དམ་པ་དགོས་ཤིང་། ཆོས་ཁྲིམས་ལས་འགལ་ན་རྒྱལ་ཁྲིམས་ཀྱི་སྟངས་གཅོད་འོང་བའང་རྒྱ་གར་ཆོས་ཁུངས་བཙུན་པའི་ལོ་རྒྱུས་སུ་བཤད་པ་ལྟར་ཡིན་ལ། འཕྲལ་གྱི་སྤང་བླང་བཅའ་ཁྲིམས་ཀྱི་རིམ་པ། འདི་དང་འདི་ལྟ་བུ་ཡོད་པ་རྣམས་ཀྱང་། སླ་ཆོས་དང་བག་ཡོངས་སུ་མི་མཛད་པ་ཞུ་བྱའི་སྙིང་པོ་ཡིན་ཞིང་། སླད་མར་ཡང་། སྤྱིར་གྱི་ཡངས་


ZP01_Page_343
[མ་དཔེ་གཟིགས་ན་འདིར་གནོན།]

པའི་རྒྱལ་ཁམས་མཐའ་དབུས་མེད་པ་ཀུན་དང་། བྱེ་བྲག་བོད་ཁ་བ་ཅན་གྱི་ཡུལ་གྲུ་མ་ལུས་པ་ཐམས་ཅད་བདེ་སྐྱིད་རྫོགས་ལྡན་གསར་བའི་དགའ་བ་བླ་ན་མེད་པས་མི་ངོམས་པར་ལོངས་སུ་སྤྱོད་པའི་རྟེན་འབྲེལ་གྱི་སྒོ་འཕར་བརྒྱ་ཕྲག་ཅིག་ཆར་དུ་འབྱེད་ཅིང་། །སངས་རྒྱས་ཀྱི་བསྟན་པ་སྡེ་དང་རིས་སུ་གཅོད་པར་མེད་པར་ནམ་མཁའི་གར་ཁྱབ་ཏུ་དཀར་འཇམ་ཡུག་གཅིག་ཏུ་བརྡལ་ཞིང་། །བསྟན་འཛིན་གྱི་སྐྱེས་བུ་དམ་པ་རྣམས་ཀྱང་ཞབས་པད་རྡོ་རྗེའི་ཁྲི་ལ་གཡོ་མེད་བསྐལ་པ་རྒྱ་མཚོར་ལེགས་པར་བཀོད་ཅིང་། གཅིག་ཏུ་རྣམ་པར་དཀར་བའི་མཛད་འཕྲིན་གོང་ནས་གོང་འཕེལ་དུ་འགྱུར་ཞིང་། རིག་འཛིན་འདུས་པའི་ཚོམ་བུ་རྣམས་ཀྱང་བརྩེ་གདུང་རྒྱུན་ཆད་མེད་པའི་དམ་ཚིག་ཉམས་པ་མེད་པར་ཚེ་ལུས་གཅིག་གིས་མགོན་པོ་རྡོ་རྗེ་འཆང་བླ་ན་མེད་པའི་གོ་སར་ཚོམ་བུ་གཅིག་ཏུ་མངོན་སངས་རྒྱས་ཤིང་། འབྲེལ་ཐོག་ཐམས་ཅད་རྣམ་མཁྱེན་དམ་པའི་ལམ་ལས་གཞན་དུ་མི་འགྱུར་བའི་རྟེན་འབྲེལ་གྱི་མཐུན་འགྱུར་ཀྱང་ཞུ་བ་ལགས།། ༈ །།བླ་མ་ཆོས་ཁྲིམས་སོགས་ལས་སྣེ་རྣམས་ལ། །དང་པོ་བླ་མ་ནི་དཀྱིལ་འཁོར་ཐམས་ཅད་ཀྱི་མངའ་བདག །དངོས་གྲུབ་


ZP01_Page_344
[མ་དཔེ་གཟིགས་ན་འདིར་གནོན།]

ཐམས་ཅད་ཀྱི་འབྱུང་གནས་ཡིན་པས། །བླ་མ་མེད་པའི་གོང་རོལ་ན། །སྔ་རྒྱས་བྱ་བའི་མིང་ཡང་མེད། །བསྐལ་པ་སྟོང་གི་སངས་རྒྱས་ཀྱང་། །བླ་མ་དག་ལ་བརྟེན་ནས་འབྱུང་། །ཞེས་པ་ལ་སོགས་བརྗོད་པ་ལས་འདས་པའི་ཡོན་ཏན་གྱི་གཏེར་མཛོད་དུ་གྱུར་པ་ཡིན་ལ། བྱེ་བྲག་འདུལ་བ་ལྟར་ན། སུམ་བརྒྱ་པ་ལས། །ཚུལ་ཁྲིམས་ལྡན་ཞིང་འདུལ་བའི་ཆོ་ག་ཤེས། །ནད་པར་སྙིང་བརྩེ་འཁོར་ནི་དག་པ་དང་། །ཆོས་དང་ཟང་ཟིག་ཕན་འདོགས་ཀྱིས་བརྩོན་པ། །དུས་སུ་འདོམ་པ་དེ་དག་བླ་མར་བསྔགས། །ཞེས་པ་ལྟར། བརྟན་མཁས་ཀྱི་ཡོན་ཏན་གཉིས་དང་ལྡན་པ་དང་། བྱང་སེམས་ལྟར་ན། སྡེ་སྣོད་གསུམ་ལ་མཁས་ཤིང་། རྒྱུད་བྱང་ཆུབ་སེམས་ཀྱིས་ངེས་པར་གང་བས་གཞན་སྣང་གདུལ་བར་ནུས་པ་དང་། གསང་སྔགས་ལྟར་ན་དེ་ཉིད་བཅུ་དང་ལྡན་པ་སྟེ། རྡོ་རྗེ་སྙིང་པོ་རྒྱན་གྱི་རྒྱུད་ལས། །ཕྱིར་བཟློག་གཉིས་ཀྱི་ཆོ་ག་དང་། །གསང་བ་ཤེས་རབ་ཡེ་ཤེས་དང་། །ཁ་སྦྱོར་འབྱེད་པའི་ཆོ་ག་དང་། །གཏོར་མ་རྡོ་རྗེའི་བཟླས་པ་དང་། །དྲག་ཤུལ་བསྒྲུབས་པའི་ཆོ་ག་དང་། །རབ་ཏུ་གནས་དང་དཀྱིལ་འཁོར་བསྒྲུབས། །གསང་བའི་དེ་ཉིད་བཅུ་ཡིན་ནོ། །


ZP01_Page_345
[མ་དཔེ་གཟིགས་ན་འདིར་གནོན།]

དཀྱིལ་འཁོར་ཏིང་འཛིན་ཕྱག་རྒྱ་དང་། །སྟངས་སྟབས་འདུག་སྟངས་བཟླས་བརྗོད་དང་། །སྦྱིན་སྲེག་མཆོད་པ་ལས་སྦྱོར་དང་། །སླར་སྡུད་པ་ཡི་རྣམ་པ་ནི། །ཕྱི་ཡི་དེ་ཉིད་བཅུ་ཡིན་ནོ། །ཞེས་པ་ལྟར་རྒྱུད་སྡེ་ཕྱི་ནང་དང་སྦྱར་བའི་དེ་ཉིད་བཅུ་པོ་རྣམས་ཤེས་དགོས་པ་ཡིན་ལ། བྱེ་བྲག་ཏུ་བསྒྲུབ་པ་ཆེན་པོའི་རྡོ་རྗེ་སློབ་དཔོན་ནི་བསྐྱེད་རྫོགས་ལ་བརྟན་པ་ཐོབ་ཅིང་། ལྟ་བ་མ་ནོར་བ་གཞིར་བཞག །དཀྱིལ་འཁོར་བྲི་ཐིག །ཆོ་གའི་ས་བཅད། གང་དང་ཕྱག་རྒྱ། འཆམ་དང་རོལ་མོ་ལ་སོགས་ཕྱག་བཞེས་བསྒྲུབ་འཕྲིན་གྱི་བྱ་བ་ཕྲ་ཞིང་ཕྲ་བ་རྣམས་ཀྱང་མི་མཁྱེན་པ་ཅུང་ཟད་ཀྱང་མེད་ཅིང་། དེ་དག་ཀྱང་བརྡ་དོན་རྟགས་ཀྱི་སྒོ་ནས་རྒྱུད་སྡེའི་དགོངས་པ་དང་སྦྱོར་ཞིང་། །བྱང་ཆུབ་བསྒྲུབ་པའི་ཐབས་སུ་འགྱུར་ཚུལ་ལ་མ་རྨོངས་པས། གཞན་གྱི་ལད་མོ་དང་། མཐོང་བརྒྱུད་ཙམ་ལས་དོན་གྱི་གོ་བ་མ་ལོང་པ་དང་། རང་བཟོ་དང་ཕོ་ཚོད་ཁོ་ནས་བླུན་པོའི་དབུས་ན་ལེགས་ལེགས་ལྟར་བཅོས་པ་ཙམ་མ་ཡིན་པར་གསང་སྔགས་རྡོ་རྗེ་ཐེག་པའི་ཐབས་མཁས་ཀྱི་སྤྱོད་པ་ཇི་སྙེད་པ་ཤེས་ཤིང་རྒྱུད་ལ་སྦྱོར་བ་ཞིག་དགོས་ཏེ། དེ་ཡང་སྔ་འགྱུར་


ZP01_Page_346
[མ་དཔེ་གཟིགས་ན་འདིར་གནོན།]

རྙིང་མ་བ་ལྟར་ན། སྔ་འགྱུར་བཀའ་བབས་ཀྱི་ཆུ་བོ་བཞི་ཞེས་དཀྱུས་བཤད་གཞུང་གི་ཆུ་བོ་འགྲེལ་ཊིཀ་སྟོངས་ཐུན་དང་བཅས་པ། སྨིན་བྱེད་དབང་བཞིའི་ཆུ་བོ་བསྐུར་ཐབས་ངོ་སྤྲོད་དང་བཅས་པ། ཉམས་མྱོང་གདམས་པའི་ཆུ་བོ་དམར་ཁྲིད་གནད་ཡིག་དང་བཅས་པ། ཕྱག་བཞེས་འཕྲིན་བསྒྲུབ་ཀྱི་ཆུ་བོ་བསྟན་བསྲུང་དྲག་སྔགས་དང་བཅས་པ་སྟེ་སྔ་འགྱུར་བཀའ་བབས་ཀྱི་ཆུ་བོ་བཞི་དང་ལྡན་པ་དགོས་ཤིང་། དོན་དུ་མཁས་བཙུན་བཟང་གསུམ། འཆད་རྩོད་རྩོམ་གསུམ། ཐོས་བསམ་སྒོམ་གསུམ་སྟེ་དམ་པའི་ཚུལ་དགུ་དང་ལྡན་པ་ཞིག་དགོས་ལ། ཁྱད་པར་དབང་དང་རབ་གནས་ཀྱི་རྡོ་རྗེ་སློབ་དཔོན་ནི། རང་རྒྱུད་ངེས་པར་སྨིན་པ་ཞིག་དགོས་ཏེ། རང་རྒྱུད་མ་སྨིན་པར་གཞན་བྱིན་གྱིས་རློབས་མི་ནུས་ཤིང་། ཁྱད་པར་བླ་མ་ལ་ནི། སྙིང་རྗེ་དང་ལྟ་དགོངས་ཁོ་ན་གཙོ་ཆེ་བ་ལས། ཚུལ་འཆོས་དང་ཁ་བཤད། ཐོབ་དང་རྣམ་གྲངས། སྐྱེ་སྤྲུལ་གྱི་གྲགས་སྙན། རྟ་དྲེལ་གྱི་འུར་རྒྱག །སྒར་ཆས་ཀྱི་གཟི་བརྗིད། ལྟ་སྟངས་ཀྱི་མཛེས་ཆོས་ལྟ་བུའི་ཤེས་པར་མི་ནུས་པའི་རྣམ་གྲངས་རྒྱས་པ་བསྟན་བཅོས་ཡིད་བཞིན་རིན་པོ་ཆེའི་མཛོད་དུ་རྒྱས་པར་བསྟན་པ་ལྟ་བུས་རྟོགས་པར་བྱ་དགོས་ལ།། །།


ZP01_Page_347
[མ་དཔེ་གཟིགས་ན་འདིར་གནོན།]

ཆོས་ཁྲིམས་ནི། འདུལ་བ་ལས། དགེ་སློང་ལས་བྱེད་པ་ཞེས་སྨྲོས་ལ། དགེ་འདུན་གྱི་བྱ་བ་ལ་དབང་ཞིང་དཀོར་རྫས་ལ་འབག་དགོས་པས། མགོན་པོ་ཀླུ་སྒྲུབ་ཀྱིས། དགེ་བསྐོས་གཙང་སྦྱོར་བ་དང་དམ་བཞག་པ། །གང་ཟག་ལས་བྱེད་རྣམས་སུ་བདག་མ་སྐྱེ། །ཞེས་སྨོན་ལམ་དུའང་མཛད་ལ། དེ་ལས་དགེ་བསྐོས་དམ་བཞག་པ་ཞེས་ཆོས་ཁྲིམས་ཡིན་ཏེ། །དེའང་རང་ཁྲིམས་ལ་གནས་ནས་གཞན་ཁྲིམས་སུ་བཙུད་དགོས་པ་ཡིན་པས། ཆོས་ཀྱི་ཁྲིམས་ནི་སྡོམ་པ་གསུམ་སྟེ། ཕྱི་འདུལ་བའི་བཅས་ཁྲིམས། ནང་བྱང་སེམས་ཀྱི་བསླབ་ཁྲིམས། གསང་བ་རིག་འཛིན་སྔགས་ཀྱི་སྡོམ་ཁྲིམས་དང་གསུམ་ཡིན་ཞིང་། དེ་ཐམས་ཅད་ལ་བཅས་འགལ་གྱི་ཉེས་པ་སྤུ་ཙམ་ཡང་མ་གོས་པ་ནས། གཞན་འགལ་ན་དེ་བསྐུལ་ནས་ཆོས་བཞིན་དུ་དེ་བཤགས་སུ་འཇུག་པ་ཡིན་ལ། དེ་ཡང་ཆོས་བཞིན་དུ་བཤགས་ན་འདགས་པས། ལུས་སྲོག་དང་རྒྱུ་ཐོག་ནས་ཆད་པ་མི་འོང་བས་ཆོས་ཁྲིམས་དར་གྱི་མདུད་པ་ཞེས་འཇམ་པའི་དཔེར་བཞག་ལ། འགལ་ནས་མ་བཤགས་ན་འདི་ཕྱི་གཉིས་ཀར་ཕུང་བས་འདའ་དཀའ་བས་ན་དམ་པའི་དཔེར་ཡང་བཞག་པ་ཡིན་ལ། ཆོས་ཁྲིམས་ལས་འགལ་ཀྱང་འཇིག་རྟེན་ལུགས་ཀྱི་ཉེས་ཆད་


ZP01_Page_348
[མ་དཔེ་གཟིགས་ན་འདིར་གནོན།]

དབབ་པ་ནི། སྟོན་པ་སངས་རྒྱས་ཀྱིས་མ་གནང་སྟེ། ང་ཡི་རྗེས་འཇུག་ཇི་ལྟར་ཞན་ན་ཡང་། །སྐྱེ་བོ་ཕལ་བ་བརྒྱ་ཡིས་དོ་ཟླ་མིན། །ཞེས་གླ་བ་ཤི་ཡང་གླ་རྩི་དང་། གླང་པོ་ཤི་ཡང་གི་ཝཾ་ཡོད་པའི་དཔེ་བཞིན། སངས་རྒྱས་ཀྱི་རྗེས་འཇུག་ཚུལ་ཁྲིམས་རལ་ཀྱང་ད་དུང་ཡོན་ཏན་གྱི་ཆ་འགའ་ཙམ་ཡོད་ངེས་པས་རྒྱལ་པོ་ལ་སོགས་པས་ཆད་པ་གཅད་ན་དེ་ལ་རྩ་ལྟུང་འབྱུང་བར་བཤད་པ་ལྟར་ཡིན་པས། ཆོས་ཀྱི་ཁྲིམས་ཆོས་ཁྲིམས་ཀྱིས་སྡོམ་དགོས་ཤིང་། སྡོམ་རྒྱུའི་ཁྲིམས་ཀྱི་རྣམ་གྲངས་རང་གི་མ་ཤེས་ན་སྡོམ་རྒྱུ་དང་། ཁྲིམས་འཇོག་རྒྱུ་གཉིས་ཀ་མེད་དེ། ལྟུང་བ་འབྱུང་བའི་སྒོ་བཞིའི་དང་པོའང་། མི་ཤེས་པ་ཞེས་ཐོག་མེད་བཞེད་པ་ཡིན། ཞེས་པ་ཡིན་ཕྱིར། འདུས་པ་སྤྱིའི་བྱ་བཞག་བསྒྲིགས་སྲོལ་ཐམས་ཅད་སྡོམ་པ་གསུམ་གྱི་ཁོངས་སུ་མ་འདུས་པ་ཅུང་ཟད་མེད་པས་དེ་དག་ཐམས་ཅད་ཤེས་ཤིང་རང་ཉམས་ལ་སྦྱོར་བ་ཞིག་དགོས།། ༈ །།དབུ་མཛད་ནི། འདུལ་བ་སོགས་ལས་མ་བཤད་ཀྱང་། གསང་སྔགས་ཀྱི་ཚོམ་བུ་ཚོགས་ཀྱི་བསྒྲུབ་པའི་སྐབས་སུ་སྐད་གདངས་ཆེ་ཞིང་ལས་ཁྲིགས་ལ་མཁས་པའི་ཀརྨ་གདངས་ཆེན་ཞེས་འཁོར་ཕུན་སུམ་ཚོགས་པའི་གྲལ་དུ་བཤད་


ZP01_Page_349
[མ་དཔེ་གཟིགས་ན་འདིར་གནོན།]

ལ། དེ་ཡང་གསང་སྔགས་ཀྱི་ཕྲིན་ལས་ཐམས་ཅད་ཆོ་ག་ལ་རག་ལས་ཤིང་། ཆོ་ག་མཛེས་པར་བྱེད་པ་གདངས་དབྱངས། གདངས་དབྱངས་ཁྲིགས་སུ་འཇུག་པ་རོལ་མོ་ལ་ལྟོས་ཤིང་། རྒྱལ་བ་དགྱེས་པར་བྱེད་པ་ལུས་ཀྱི་སྟངས་སྟབས་གར་དང་ཕྱག་རྒྱ། ངག་གི་གྱེར་ཚིག་རྡོ་རྗེའི་གླུ། ཡིད་ཀྱི་ཏིང་ངེ་འཛིན་གསལ་འདེབས་པ་ཆོ་གའི་གཞུང་སྟེ། །ཕྱག་བཞེས་ཕྲིན་ལས་ཀྱི་རྣམ་གྲངས་ཀུན་གྱི་དང་པོ་སྣ་འདྲེན། བར་དུ་ཚུགས་འཛིན། འཇུག་ཏུ་གཅོད་མཚམས་ཤེས་ཤིང་བྱེད་པ་པོ་ཡིན་པས་ན་དབུ་མཛད་དམ་བྱང་འདྲེན་པ་ཞེས་བཤད་པ་ཡིན་ལ།། ༈ །།མཆོད་དཔོན་ལ་ནི། གསང་སྔགས་ཀྱི་རྒྱུད་སྡེ་ནས་ལས་ཀྱི་རྡོ་རྗེ་ཞེས་གསུངས་ཤིང་། དཀྱིལ་འཁོར་གྱི་རྒྱན་དང་ཡོ་བྱད། བྲི་ཐིག་གི་རྣམ་གྲངས་ལ་སོགས་རྡོ་རྗེ་སློབ་དཔོན་གྱི་ཕྱག་ལེན་ཆེ་ཕྲ་ཀུན་གྱི་ཞབས་ཕྱིར་འབྱོར་བ་དགོས་པས་དེ་དག་ཐམས་ཅད་ལ་མཁས་ཤིང་བྱང་ཆུབ་པ་དགོས་ལ། ཁྱད་པར་ནང་གསང་སྔགས་ཀྱི་མཆོད་པ་ཀུན་གྱི་གཙོ་བོ་སྨན་རག་གཏོར་གསུམ་དུ་ངེས་པས་གཏོར་མའི་རྣམ་གྲངས་དུ་མ་དག་ནི་མཛེས་ཤིང་ཡིད་དུ་འོང་ལ་བརྗིད་ཅིང་ལྷུན་ཆགས་པ་རྒྱན་དང་མེ་རི། ཚོན་དང་རི་མོའི་རྣམ་


ZP01_Page_350
[མ་དཔེ་གཟིགས་ན་འདིར་གནོན།]

པ། རྒྱལ་བ་དགྱེས་པ་སྐོངས་ཤིང་དཀྱིལ་འཁོར་མཛེས་པར་བྱེད་པའི་ལག་གི་བཟོ་ལ་མཁས་པ་དང་། ཁྱད་པར་ཆོ་གའི་སྐབས་སུ་ལས་ཀྱི་རྡོ་རྗེས་བགྱི་བར་འོས་པའི་ཕྱག་བཞེས་དུ་མ་ཞིག་བྱུང་བ་རྣམས་ཀྱང་དེ་དང་དེའི་སྐབས་སུ་མ་ནོར་བར་ངེས་པར་ཤེས་པ་དགོས་ལ། འཕྲལ་གྱི་སྤྱོད་ལམ་ཞི་བས་ཤིང་ཚུལ་དང་མཐུན་པ་སོགས་དགོས་ལ།། ༈ །།སྤྱིར་ཚོམ་བུ་ཚོགས་སྒྲུབ་ཀྱི་འཁོར་དུ་འདུས་པ་ཐམས་ཅད་ཀྱང་། ཇི་སྐད་དུ། སྒྱུ་འཕྲུལ་ལས། སྟོན་པ་མཆོད་བརྩོན་རྟོགས་པ་གསལ། །ཏིང་འཛིན་སྔགས་དང་ཕྱག་རྒྱ་རྣམས། །མ་ཉམས་ཤེས་ཤིང་ཡོ་བྱད་ལྡན། །ཞེས་མཚན་ཉིད་དྲུག་ལྡན་དུ་བཤད་པ་ངེས་པར་འཛོམ་དགོས་པ་ལགས་ཤིང་དེ་དག་གི་རྣམ་གྲངས་རྒྱས་པར་ཚིག་ཚོགས་ཉུང་ངུས་ཤེས་པར་མི་ནུས་པས་རེ་ཞིག་དེ་ཙམ་མོ།། །།དགེའོ། །དགེའོ། །དགེའོ།།

མནྜལ་རྣམ་བཤད་ཚོགས་གཉིས་ལམ་བཟང་།


ZP01_Page_351
[མ་དཔེ་གཟིགས་ན་འདིར་གནོན།]

མནྜལ་རྣམ་བཤད་ཚོགས་གཉིས་ལམ་བཟང་བཞུགས་སོ། །


ZP01_Page_352
[མ་དཔེ་གཟིགས་ན་འདིར་གནོན།]

མནྜལ་གྱི་མདོར། །བ་ལྕི་ཆུང་བཅས་སྦྱིན་པ་སྟེ། བྱི་དོར་བྱས་པ་ཚུལ་ཁྲིམས་ཡིན། །སྲོག་ཆག་བསལ་བ་བཟོད་པ་སྟེ། །བརྩོན་འགྲུས་བྱ་བ་བྱེད་ལ་བརྩོན། །བསམ་གཏན་དེར་སེམས་སྐད་ཅིག་མ། །རི་མོ་ལེགས་འབར་ཤེས་རབ་བོ། །ཞེས་གསུངས་པ་ལྟར་རོ། །མནྜལ་ལག་གཡོན་མེ་ཏོག་དང་བཅས་པའི་ཡོ་འཁྱོག་མེད་པར་བཟུང་ལ། གཡས་པས་མནྜལ་ལན་གསུམ་ཕྱི་ཞིང་ཡི་གེ་བརྒྱ་བཟླས་པས་སྒྲིབ་གཉིས་བག་ཆགས་དང་བཅས་པ་དག་པར་བསམ་པ་དང་། མནྜལ་གྱི་གཞི་དེ་ཉིད་རྒྱ་མཚོ་ཆེན་པོ་ཁ་དོག་སྔོ་ལ་ཤིན་ཏུ་དངས་པ་ཞིག་དུ་བསམ། །དེ་ནས་


ZP01_Page_353
[མ་དཔེ་གཟིགས་ན་འདིར་གནོན།]

ལག་པ་གཡས་པའི་མཐེབ་འཛུམ་ཀྱི་བར་དུ་མེ་ཏོག་ཅུང་ཟད་བཟུང་། སོར་མོ་ལྷག་མ་རྣམས་བརྐྱངས་ལ་དྲི་བཟང་དང་བ་བྱུང་གིས་སྦགས་སྟེ། སྙིང་རྗེ་བྱང་སེམས་ཀྱི་རླན་དང་མི་འབྲལ་ཞིང་སྦྱིན་པ་རྣམ་བཞི་ཡོངས་སུ་གཏོང་བའི་བརྡར་མནྜལ་གྱི་མཐའ་སྐོར་ནས་གཡོན་སྐོར་དུ་བྱས་ལ་རིམ་པར་བྱུག་ཅིང་ངག་ཏུ་ཨོཾ་བཛྲ་བྷུ་མི་ཨཱཿཧཱུྃ། གཞི་ཡོངས་སུ་སོགས་ཞེས་བརྗོད་པ་ན། མནྜལ་དེའི་སྟེང་དུ་འབྱུང་བ་རིམ་བརྩེགས་ཀྱི་དཀྱིལ་འཁོར་གྱི་སྟེང་དུ་དབང་ཆེན་གསེར་གྱི་ས་གཞི་རྒྱ་ཁྱོན་ཚད་ལས་འདས་པ་ལམ་གྱིས་གྲུབ་པར་བསམ། ཨོཾ་བཛྲ་རེ་ཁེ་ཨཱཿཧཱུྃ། ཕྱི་ལྕགས་རི་མུ་ཁྱུད་ཀྱིས་


ZP01_Page_354
[མ་དཔེ་གཟིགས་ན་འདིར་གནོན།]

བསྐོར་བ་ཞེས་པ་དང་མཉམ་དུ་སྔར་དྲིའི་ཐིག་ལེ་ཕྱུགས་བཞིན་པའི་ལག་པ་མ་བཏེག་པའི་འཕྲོ་ལས། སྲིན་ལག་གིས་མནྜལ་གྱིས་མཐའ་བསྐོར་ཞིང་། །དབུས་སུ་ཧཱུྃ་ཞེས་བརྗོད་པ་དང་། གཡས་པའི་མཐེབ་འཛུབ་ན་ཡོད་པའི་མེ་ཏོག་དབུས་སུ་བཞག་པས་བགེགས་བསལ་བར་བསམ་པའམ། ཡང་ན་རི་རབ་བསྐྱེད་པའི་ས་བོན་ཡིན་པར་མངོན་ཞིང་ལུགས་གཉིས་གང་འཐད་བརྟག་པར་བྱ། སླར་ཡང་དེ་གའི་སྟེང་དུ་རི་རབ་གླིང་བཞི་གླིང་ཕྲན་རྣམས་འགོད་ཅིང་། ཤར་གླིང་དབྱིབས་ཟླ་གམ་ཆུ་ཤེལ་གྱི་རང་བཞིན། ལྷོར་སོག་ཁ་བཻཌཱུརྱ་རང་བཞིན། ནུབ་ཟླུམ་པོ་པདྨ་རཱ་ག་བྱང་གྲུ་བཞི་གསེར་གྱི་རང་བཞིན་དུ་བསམ་མོ། །ཤར་གླིང་གི་ནང་དུ་རིན་པོ་ཆེའི་རི་བོ་རིན་པོ་ཆེ་སྣ་ཚོགས་ཀྱི་རང་བཞིན་ཅན་རྒྱ་དཔང་ལ་ཚད་བཟུང་མེད་པ། ལྷོ་གླིང་གི་ནང་དུ་དཔག་བསམ་གྱི་ཤིང་རིན་པོ་ཆེ་སྣ་བདུན་གྱི་རང་བཞིན་ཅན་རྩ་སྡོང་ཡལ་འདབས་མེ་ཏོག་འབྲས་བུ་ལ་སོགས་དགོས་འདོད་འབྱུང་བའི་ཡོན་ཏན་གྱིས་དུད་པ། ནུབ་གླིང་གི་ནང་དུ་འདོད་འཇོའི་བ་དམར་སེར་གཟུགས་བཟང་ཞིང་ལྟ་ན་སྡུག་པ་རང་གི་ཡོན་ཏན་དང་ལྡན་པ། བྱང་གླིང་གི་ནང་དུ་མ་རྨོས་པའི་ལོ་ཏོག་རོ་བཅུད་ཕུན་


ZP01_Page_355
[མ་དཔེ་གཟིགས་ན་འདིར་གནོན།]

སུམ་ཚོགས་པའི་འབྱུང་ཁུང་། རིན་པོ་ཆེའི་རི་བོའི་མདུན་དུ་འཛམ་བུའི་ཆུ་བོ་གསེར་སྦྱངས་ལས་གྲུབ་པའི་འཁོར་ལོ་རིན་པོ་ཆེ་རྩིབས་སྟོང་དང་ལྡན་པ་ཉི་མའི་གཟི་བྱིན་འཕྲོག་པ། དཔག་བསམ་ཤི་ཏ་གི་མདུན་དུ་ནོར་བུ་རིན་པོ་ཆེ་བཻཌཱུ་རྱ་ཟུར་བརྒྱད་པ་འོད་ཟེར་གྱིས་དཔག་ཚད་བརྒྱའི་བར་གྱི་ཁོར་ཡུག་ཀུན་གྱི་མུན་པའི་གོ་སྐབས་འཕྲོག་པར་བྱེད་ཅིང་། ཚ་བས་གདུངས་ན་བསིལ་བར་ནུས་པ། གྲང་བས་གདུངས་ན་དྲོ་བར་ནུས་པ་གང་དུ་གནས་ཀྱང་ས་ཕྱོགས་དེའི་སྐྱེ་བོ་ཀུན་གྱི་མི་དགེ་བའི་རྒྱུ་སོགས་མཐའ་དག་སེལ་བར་ནུས་ཤིང་ཡིད་ལ་སྨོན་ཚད་འགྲུབ་པའི་རང་བཞིན་ཅན། འདོད་འཇོའི་བའི་མདུན་དུ་བཙུན་མོ་རིན་པོ་ཆེ་བུད་མེད་ཀྱི་སྐྱོན་ལྔ་དང་བྲལ་ཞིང་། ཡོན་ཏན་བརྒྱད་དང་ལྡན་པ་ཤིན་ཏུ་ཡིད་འཕྲོག་པ། རེག་པ་ཙམ་གྱིས་བདེ་སྟོང་གི་ཡེ་ཤེས་རྩོལ་མེད་དུ་འཆར་བར་ནུས་པ་བྲམ་ཟེའི་བུ་མོ་གཟུགས་ཀྱི་ཉི་མ་ལྟ་བུ། མ་རྨོས་པའི་ལོ་ཏོག་གི་མདུན་དུ་བློན་པོ་རིན་པོ་ཆེ་གཟུགས་བཟང་ཞིང་སྟོབས་ཆེ་བ། རྩལ་དང་ལྡན་ཞིང་ཐམས་ཅད་ལ་དཔྱད་བཟོད་པ། སའི་བདག་པོ་ལ་སྙིང་ཉེ་ཞིང་ངང་གིས་བརླིང་པ་དེད་དཔོན་བཞིན་བཟང་ལྟ་བུ། ལུས་དང་རྔ་ཡབ་གྱི་བར་མཚམས་ཤར་ལྷོར་གླང་པོ་རིན་པོ་ཆེ་ཁ་


ZP01_Page_356
[མ་དཔེ་གཟིགས་ན་འདིར་གནོན།]

དོག་ཐལ་སྐྱ་མཆེ་བ་དྲུག་ལྡན། སྤྱི་གཙུག་དམར་ཞིང་དཔངས་མཐོ་བ་ནོར་བུའི་དཝྲ་བས་གཡོག་པ། གླང་ཆེན་ཕལ་པ་སྟོང་གི་སྟོབས་ཤུགས་མངའ་ཞིང་། གངས་ལྡན་གྱི་ས་འཛིན་ཐང་ལ་ཕབས་པ་ལྟར་དལ་གྱིས་འགྲོ་བ་གླང་ཆེན་ས་སྲུང་ལྟ་བུ། རྔ་ཡབ་དང་ལམ་མཆོག་འགྲོའི་བར་མཚམས་ཀྱི་ལྷོ་ནུབ་ཏུ་རྟ་མཆོག་རིན་པོ་ཆེ་ཁ་དོག་སྔོན་པོ་སྤུ་རྨ་བྱའི་མགྲིན་པ་ལྟར་སྡུག་ལ་ནད་གཅོད་མེད་ཅིང་ཡིད་དུ་འོང་བ། ཞོན་པའི་ཚེ་འཛམ་གླིང་ཉིན་གཅིག་ལ་ལན་གསུམ་བསྐོར་བར་ནུས་པའི་བང་འགྲོས་ཅན་རྟའི་རྒྱལ་པོ་ཅང་ཤེས་བྷ་ལ་ཧ་ལྟ་བུ། གཡོ་ལྡན་དང་གླིང་ཆུང་སྒྲ་མི་སྙན་གྱི་ཟླ་བའི་མཚམས་ཀྱི་ནུབ་བྱང་དུ་དམག་དཔོན་རིན་པོ་ཆེ་སྙིང་སྟོབས་དང་ལྡན་ཞིང་སྒྱུ་རྩལ་དང་གཡུལ་གྱི་བྱ་བ་ལ་མཁས་པས་དཔུང་ཚོགས་ཡན་ལག་བཞི་པའི་འགྲོ་ལྡོག་ལ་གོམས་ཤིང་གོ་ཞུབ་ཀྱིས་སྤྲས་པ། གཟི་བྱིན་བཟོད་པར་དཀའ་བ་རྒྱལ་ཆེན་མིག་མི་བཟང་ལྟ་བུའམ། ལུགས་གཞན་དུ་ཁྱིམ་བདག་རིན་པོ་ཆེ་འབྱུང་བའི་ཚེ་ན། སྐྱེ་བོ་ཐམས་ཅད་རབ་ཏུ་དགའ་བར་བྱེད་པའི་བསོད་ནམས་ཀྱི་མཐུ་ཕུན་སུམ་ཚོགས་པ། གཡོ་སྒྱུ་མེད་ཅིང་ཅི་བྱས་པ་ཤེས་ལ་དྲིན་བཟོ་བ་རྡོ་རྗེ་དང་། རིན་པོ་ཆེ་དང་། མཐོན་ཀ་


ZP01_Page_357
[མ་དཔེ་གཟིགས་ན་འདིར་གནོན།]

དང་། མར་གད་དང་། སུ་ཝརྣ་དང་། སྤུག་ལ་སོགས་པའི་བང་མཛོད་ཀྱིས་ཕྱུག་པ་རྣམ་ཐོས་ཀྱི་བུ་ལྟ་བུའོ། །སྒྲ་མི་སྙན་དང་ལུས་འཕགས་ཀྱི་བར་མཚམས་ཀྱི་བྱང་ཤར་དུ་གཏེར་ཆེན་པོའི་བུམ་པ་དགོས་འདོད་ཀུན་ཚང་རིན་པོ་ཆེའི་འཕྲས་སྤྲས་པ། འཁོར་ལོ་རིན་པོ་ཆེའི་མདུན་དུ་སྒེག་མོ་མ་མཛེས་ཤིང་ལྟ་ན་སྡུག་པ་སྒེག་པའི་རྣམ་འགྱུར་བསམ་གྱིས་མི་ཁྱབ་པར་སྟོན་པ། ནོར་བུ་རིན་པོ་ཆེའི་མདུན་དུ་ཕྲེང་བ་མ་ཕྲེང་བ་འཛིན་ཞིང་བཞིན་ལག་ངོམ་པ། བཙུན་མོ་རིན་པོ་ཆེའི་མདུན་དུ་གླུ་མ་འགྱུར་ཁུག་དང་ལྡན་པའི་གླུ་ལེན་པ། བློན་པོ་རིན་པོ་ཆེའི་མདུན་དུ་གར་མ་རྣམས་འགྱུར་དཔག་གིས་མི་ལང་པའི་གར་རྩེ་བ། མེ་ལྷའི་གླང་པོ་རིན་པོ་ཆེའི་མདུན་དུ་མེ་ཏོག་མ་འགྱུར་ཞིང་མེ་ཏོག་འཆང་བ། སྲིན་པོའི་རྟ་མཆོག་རིན་པོ་ཆེའི་མདུན་དུ་བདུག་སྤོས་མ་བདུག་སྤོས་འཛིན་པ། རླུང་ལྷའི་དམག་དཔོན་རིན་པོ་ཆེའི་མདུན་དུ་སྣང་གསལ་མ་སྣང་བྱེད་ཀྱི་མར་མེ་འཛིན་པ། དབང་ལྡན་གྱི་གཏེར་བུམ་ཆེན་པོའི་མདུན་དུ་དྲི་ཆབ་མ་དུང་ཞལ་འཛིན་པ། སྒེག་མོ་མོའི་མདུན་གྱི་ནམ་མཁའ་ལ་མེ་ཤེལ་ལས་གྲུབ་པའི་ཉེ་མའི་དཀྱིལ་འཁོར་འོད་ཟེར་འབར་བ། གླུ་མའི་མདུན་གྱི་སྟེང་གི་ནམ་མཁའ་ལ་ཆུ་ཤེལ་


ZP01_Page_358
[མ་དཔེ་གཟིགས་ན་འདིར་གནོན།]

ལས་གྲུབ་པའི་ཟླ་བའི་དཀྱིལ་འཁོར་དངས་ཤིང་གསལ་བ། གར་མའི་མདུན་གྱི་ནམ་མཁར་རིན་པོ་ཆེའི་གདུགས་དཀར་པོ་གསེར་གྱི་ཡུ་བ་ཅན། ཕྲེང་བ་མའི་མདུན་གྱི་ནམ་མཁའ་ལ་ཕྱོགས་ལས་རྣམ་པར་རྒྱལ་བའི་རྒྱལ་མཚན་དྲང་ཤིང་ལྡེམས་པ། དེ་དག་གི་དབུས་ཀྱི་བར་མཚམས་རྣམས་སུ་ལྷ་དང་མིའི་དཔལ་འབྱོར་ཕུན་སུམ་ཚོགས་པ་ཐམས་ཅད་ཀྱིས་མ་ཚང་བ་མེད་པའི་ཕྱུར་བུར་བཀའ་ཞིང་། ཤིན་ཏུ་གཙང་ཞིང་ཡིད་དུ་འོང་བའི་རྣམ་པ་ཅན། དེ་ཐམས་ཅད་ཀྱང་རང་རང་ལ་མངའ་བའི་ཡོན་ཏན་ཆ་མཐུན་གྱིས་ལོངས་སྤྱོད་ཉི་ཟེར་ལ་རྡུལ་འཁྲིགས་པའམ། ཁ་ཆར་བུ་ཡུག་འཚུབས་པ་ལྟ་བུར་ལོང་ལོང་དུ་འཕྲོ་ཞིང་། དེ་འདྲ་བའི་རྡུལ་ཕྲ་རབ་རེ་རེའི་ཁོངས་སུ་ཡང་བཤད་མ་ཐག་པའི་མནྜལ། རྡུལ་སྙེད་དུ་འཁྲིགས་ཤིང་སོ་སོའི་སྐྱེ་བོའི་བློས་དཔག་པར་མི་ནུས་ཤིང་མཐའ་གཏུགས་པ་མེད་པའི་བར་དུ་ཏིང་འཛིན་གྱིས་རྣམ་པར་སྤྲུལ་ནས་འབུལ་བ་ནི་ཀུན་བཟང་མཆོད་སྤྲིན་དུ་གྲགས་ལ། །ལུགས་ལ་ལར་བྱང་ཆུབ་སེམས་དཔའ་ཀུན་ཏུ་བཟང་པོ་གཅིག་གི་ཐུགས་ཀ་ནས། འོད་ཟེར་བྱེ་བ་ཐེར་འབུམ་ཁུག་པ་གསུམ་གྱིས་གྲངས་ཀྱིས་ཀྱང་མི་ཆོད་པར་སྤྲོས་པའི་སྣེ་མོར་ཀུན་བཟང་རོ་སྤྲོས་ཏེ་མནྜལ་


ZP01_Page_359
[མ་དཔེ་གཟིགས་ན་འདིར་གནོན།]

འབུལ་བ་པོར་བགྱིས་ནས། དེ་ལྟ་བུ་རེ་རེའི་ལྟེ་བ་ལས་ཀྱང་འོད་ཟེར་དེ་འདྲ་བ་སྤྲོས་ནས། མཁའ་ཁྱབ་ཏུ་ཕུལ་བ་ལ་ཀུན་ཏུ་བཟང་པོའི་མནྜལ་དུ་བཞེད་པའོ།། །།ཨ་བུ་ལྷོད་པོའི་བྲིས་པའོ།། །།

ཆུ་གྲུ་ལུགས་ཀྱི་རྣམ་བཤད།


ZP01_Page_361
[མ་དཔེ་གཟིགས་ན་འདིར་གནོན།]

ཆུ་གྲུ་ལུས་ཀྱི་རྣམ་བཤད་བཞུགས་སོ། །


ZP01_Page_362
[མ་དཔེ་གཟིགས་ན་འདིར་གནོན།]

ཆུ་གྲུ་ལུས་ཀྱི་རྣམ་བཤད་པ། །ཆོས་དང་དོན་སྤོབས་ངེས་པའི་ཚིག །སོ་སོ་ཡང་དག་མཁྱེན་ལྡན་པ། །འཇམ་མགོན་སྙིང་གི་ཉི་མ་ལ། །བཏུད་དེ་འདིར་ནི་བཤད་པར་བྱ། གང་གི་ཚེ་རྒན་པ་དག་བག་ཕེབ་པར་གཞི་རུ་གནས་ཤིང་། །དོན་དང་བྱ་བ་འགའ་ཞིག་གི་ཕྱིར་གཞོན་པ་དག་ཕྱོགས་ཕྱོགས་སུ་སོང་ངོ ། །དེ་དག་སོང་ནས་རང་གི་དོན་དང་བྱ་བ་འགའ་ཞིག་གི་དོན་གང་ཡིན་པ་དེ་སྒྲུབ་ནས་སླར་འོང་བས་རྒན་པ་དག་གིས་དྲིས་པ། ཨ་བུ་དག་ལོ་བརྒྱ་དག་ཅི་ཞིག་ནི་ཐོས། ཅི་ཞིག་ནི་གོ ། བཤད་པར་བྱ་བ་ནི་ཅི་ཞིག་ཡོད། གཞོན་པས་སྨྲས་པ། སྐུ་ཚེ་ལགས། དགུང་ལོ་ལགས། ཐོས་པ་དང་། གོ་བ་དང་། བཤད་པར་བྱ་བ་ནི་ཆུ་གྲུ་ལུས་ཀྱང་མེད་དོ། །རྒན་པས་སྨྲས་པ། །གཞོན་ནུ་ཁྱོད་ཀྱིས་སྨྲས་པ་དེ་དག་གི་དོན་ཁ་ཅིག་ནི་ཁོ་བོས་གོ་ལ། ཁ་ཅིག་ནི་མ་གོ་སྟེ། དེ་ཡང་ཐོས་པ་ཞེས་བྱ་བ་ནི། ཕྱོགས་དང་ཕྱོགས་སུ་གྲགས་པའི་སྐད་ཆ་ཁྱེད་ཀྱི་རྣ་ལམ་ལ་ཐོས་པ་ཅུང་ཟད་ཡོད་དམ་ཞེས་དྲིས་པ་ལ་དེ་མེད་དོ་ཞེས་ཟེར་བ་སྟེ་དེ་ནི་གོའོ། །གོ་བཞེས་པ་ནི་གཞན་དག་གི་བྱ་བ་ཁ་ཅིག་ཐོས་པའམ། མཐོང་བ་ལས་དེ་ནི་དེ་ལྟ་བུ་དག་ཡིན་ནོ་སྙམ་དུ་རང་གི་ཡིད་ལ་ངེས་པར་གྱུར་པ་དག་སྟེ། དེ་ལྟ་བུ་ཡང་མེད་དོ་ཞེས་པ་དེ་ཡང་གོའོ། །འོན་ཀྱང་གཞོན་ནུས་ཆུ་གྲུ་ལུས་ཀྱང་མེད་དོ་ཞེས་པ་ནི་ཁོ་བོས་མ་གོ་ན་འདི་ཇི་ལྟར་ཡིན། འདི་ཇི་ལྟར་ཤེས་པར་བྱ། གཞོན་པ་དག་གིས་སྨྲས་པ། ཐོས་པ་དང་གོ་བ་ཞེས་པའི་དོན་ཉིད་ཀྱིས་མཁྱེན་པ་དེ་ལགས་ན། ཆུ་གྲུ་ལུས་ཀྱང་མེད་དོ། །ཞེས་པ་ནི་དོན་དེ་གསལ་བར་བྱ་བའི་ཁོ་བོས་དཔེ་བསྟན་པ་ཡིན་ནོ། །རྒན་པ་དག་གིས་སྨྲས་པ། གཞོན་ནུ་ཆུ་གྲུ་ལུས་ཞེས་པ་དེའི་


ZP01_Page_363
[མ་དཔེ་གཟིགས་ན་འདིར་གནོན།]

དཔེ་ནི་གང་ཡིན། དོན་ནི་ཇི་ལྟར་ཤེས་པར་བྱ། གཞོན་པས་སྨྲས་པ། ཆུ་གྲུ་ལུས་ཞེས་པ་དེའི་དོན་ཡང་གསུམ། དཔེ་ཡང་གསུམ་སྟེ། འདི་ལྟར་ཆུ་ནི་འཇིག་རྟེན་གྱི་དྲི་མ་དང་སྐོམ་པ་སེལ་བའི་ཕྱིར་རྒྱ་མཚོ་ཆེན་པོ་ནས་འོང་སྟེ་ཕྱོགས་ནས་ཕྱོགས་སུ་འགྲོ་ཞིང་། མཐར་ཆུ་ཐམས་ཅད་ཀྱི་གནས་རྒྱ་མཚོ་ཆེན་པོ་དེར་གཞོལ་ཞིང་བབས་པ་ཡིན་མོད་ཀྱི། ཆུ་དེ་ལ་ནི་ཕྱོགས་དང་ཕྱོགས་ནས་བསྣོན་པ་དང་བྲི་བ་དང་རྙོགས་པ་དང་དྲི་མར་གྱུར་པ་ཅུང་ཟད་མེད་དེ། སྔར་རྒྱ་མཚོ་ནས་ཇི་ལྟར་སོང་བ་ལྟར་ཕྱིས་ཀྱང་རྒྱ་མཚོ་ཆེན་པོར་སླར་འོང་མོད་ཀྱི། ཆུ་བོ་ཆེན་པོ་དག་འགྲོ་བའི་ལམ་དེ་དང་དེ་དག་ཏུ་ནི་གཞན་འགའ་ཞིག་གིས་བཏུང་བ་དང་། བཀྲུ་བ་དང་། བསྐྱུར་བ་ལ་སོགས་པ་བྱེད་པ་ལྟར་ནི་སྣང་ངོ ། །དེ་བཞིན་དུ་ཁོ་བོ་དག་རང་གི་ཁྱིམ་ནས་དོན་དང་བྱ་བ་འགའ་ཞིག་གི་ཕྱིར་ཕྱོགས་དང་ཕྱོགས་སུ་འགྲོ་ཞིང་། །དེ་དང་དེ་དག་ཏུའང་། འགའ་ཞིག་དང་འཕྲད་པ་དང་། གཏམ་བྱ་བ་དང་། དགའ་བར་བྱ་བ་ལ་སོགས་པ་ནི་ཡོད་མོད་ཀྱི། སྔར་མ་ཐོས་པ་དང་། མགོ་བ་དང་། མ་ཤེས་པ་དག་གསར་དུ་གོ་བ་དང་ཐོས་པ་ནི་ཅི་ཡང་མེད་དེ་དཔེར་ན་ཆུ་ཀླུང་དག་བཞིན་ནོ། །ཞེས་པ་སྟེ། འདི་དཔེ་དང་དོན་གཉིས་དང་པོའོ། །ཡང་འདི་ལྟར་གྲུ་ནི་གཞན་དག་སྒྲོལ་བར་བྱ་བའི་ཕྱིར་ཚུ་རོལ་ནས་ཕ་རོལ་དུ་འགྲོ་བ་དེ་ལས་ཀྱང་སླར་འོང་སྟེ་དེ་ལྟར་འགྲོ་བ་དང་ལྡོག་པ་རྒྱུན་ཀྱང་མི་ཆད་ལ། གྲུ་དེས་ནི་རེས་འགའ་ཚོང་བ། རེས་འགའ་མགྲོན་པོ་གཞན། རེས་འགའ་བུད་མེད་དང་། དགེ་སློང་། བླ་མ། བྲམ་ཟེ།


ZP01_Page_364
[མ་དཔེ་གཟིགས་ན་འདིར་གནོན།]

རྐུན་པོ། །ཤན་པ་ལ་སོགས་པ་བསྒྲལ་ཏེ་འགྲོ་ཡང་། གྲུ་དེ་སླར་འོང་བའི་ཚེ་ན་ནི་སྔར་ཅི་འདྲ་བ་དེ་འདྲ་བ་ལས། བྲི་བ་ཡང་མེད། གང་བ་ཡང་མེད་དོ། །འགའ་ཞིག་གི་བཟང་པོའམ་ངན་པར་བྱ་བ་བྱས་པ་ཡང་མེད་ལ་སྔར་ཅི་འདྲ་བ་དེ་བཞིན་དུ་ཡོད་མོད་ཀྱི་གྲུ་དེ་ད་དུང་ཀྱང་ཡང་ནས་ཡང་དུ་ཚུ་རོལ་ནས་ཕ་རོལ་དང་ཕ་རོལ་ནས་ཚུ་རོལ་དུ་འགྲོ་ཡང་དགོས་སོ། །དེ་བཞིན་ཏུ་ཁོ་བོ་ཡང་རང་གི་ཁྱིམ་ནས་ཀྱང་ཁྱིམ་གཞན་ཏུ་འགྲོ་དེ་ནས་ཀྱང་སླར་རང་གི་ཁྱིམ་དུ་འོང་སྟེ་གཞི་དེ་ལྟ་བུ་ཡང་ནས་ཡང་དུ་འགྲོ་ཞིང་ལྡོག་པར་བྱེད་པ་ལ་སོགས་པ་དེའི་ཚེ་རེས་འགའ་སྐྱེས་པ་དང་། རེས་འགའ་བུད་མེད་དང་། རེས་འགའ་བྱིས་པ་དང་འཕྲད་པ་དང་། མཐོང་བ་དག་ཡོད་མོད་ཀྱི་དེ་དག་ལས་བདག་གིས་ཅུང་ཟད་སྔར་མ་གོ་བའམ། མ་ཐོས་པ། གསར་དུ་གོ་པ་དང་ཐོས་པ་ནི་ཅུང་ཟད་ཀྱང་མེད་དོ། །དཔེར་ན་གྲུ་དང་འདྲ་ཞིང་ད་དུང་ཡང་ནས་ཡང་དུ་ཁོ་བོ་འགྲོ་ཡང་དགོས་ཏེ། འདི་དཔེ་དང་དོན་ཡང་གཉིས་པའོ། །ཡང་དེ་དག་གི་ལུས་ནི་ཆུ་ལས་སྒྲོལ་བར་བྱ་བའི་ཕྱིར་གྲུ་ནང་དུ་འཇུག་ཀྱང་། གྲུ་ནང་ནས་སླར་ཡང་འབྱུང་ཀྱང་གྲུ་ནང་དེ་ནས་ནི་མི་དེའི་རྙེད་པའམ་ཐོབ་པར་གྱུར་བའང་ཅུང་ཟད་ཀྱང་མེད་པ་ལ། གྲུ་དེར་མི་དེའི་ལུས་པར་འགྱུར་པའམ་བཞག་པར་གྱུར་བ་ཅུང་ཟད་ཀྱང་མེད་དེ་གྲུ་ཡང་སྔར་བཞིན། མི་ཡང་སྔར་བཞིན་འཇུག་ཅིང་འབྱུང་མོད་ཀྱི་མི་དེ་གྲུར་འཇུག་པ་ལ་དོན་ཅུང་ཟད་ཀྱང་མེད་པའང་མིན་ནོ། །དཔེ་དེ་བཞིན་དུ་ཁོ་བོ་ཡང་རང་གི་ཁྱིམ་ནས་གཞན་དུ་འཇུག་ཅིང་འབྱུང་མོད་ཀྱིས་སྐད་མ་གོ་བའམ་མ་ཐོས་པ་གསར་དུ་བཤད་པར་བྱ་བ་ནི་ཅུང་ཟད་ཀྱང་མེད་དེ་


ZP01_Page_365
[མ་དཔེ་གཟིགས་ན་འདིར་གནོན།]

རང་གི་དོན་མ་གྲུབ་པ་ཡང་མིན་ནོ། །དེའི་ཕྱིར་གྲུར་འཇུག་པའི་ལུས་ཀྱི་དཔེ་སྟེ། འདི་ཡང་དཔེ་དང་དོན་གསུམ་པའོ། དེ་ལ་ཆུ་ནི་གཞི་ཡིན་ལ། གྲུ་ནི་ཆུ་ལ་འཇུག །ལུས་ནི་གྲུར་འཇུག་པའི་ཕྱིར། ཆུ་ལ་གྲུ་གནས། གྲུར་ནི་ལུས་གནས་པས་དེ་དག་གི་སྔ་ཕྱི་རྟེན་དང་བརྟེན་པའི་གོ་རིམ་གྱི་དབང་གིས་ཀྱང་ཆུ་གྲུ་ལུས་ཞེས་དཔེ་གསུམ་པོ་རིམ་བཞིན་ཏུ་བཞག་པ་ཡིན་ནོ། །ཡང་ཁོ་བོ་ནི་འདི་ལྟར་ཕྱོགས་གཞན་དང་གཞན་གྱི་མི་ཞིག་ན་པ་དང་ཤི་བར་གྱུར་པ་དེ་དང་དེ་དག་གི་སྐུ་རིམ་མམ་དགེ་རྩའི་ཕྱིར་ཡང་ནས་ཡང་དུ་དགེ་འདུན་གྱི་ཚོགས་སུ་འགྲོ་སྟེ་དེར་ནི་ཁོ་བོས་བཟླས་པ་དང་། ཀློག་པ་དང་། སྒོམ་ཕལ་སོགས་པ་གཞན་ལ་ཕན་པ་འགའ་ཞིག་གི་ཕྱིར་ཞུགས་པ་ཡིན་ལ། རེས་འགའ་ནི་རང་གི་དོན་ཕྲན་བུ་དག་གི་ཕྱིར་ཡང་འགྲོ་ཞིང་འོང་བ་དེ་དག་གི་ཕྱིར་ཡང་དཔེ་གསུམ་དུ་རིམ་པ་བཞིན་བཞག་པ་སྟེ། དེ་ཡོན་བདག་གི་སྐུ་རིམ་ཀྱི་ཕྱིར་འགྲོ་བ་ནི་ཆུ་ཀླུང་གི་དཔེ་དང་འབྲེལ་ཏེ། ཆུ་ཀླུང་གིས་འགྲོ་བ་དག་གི་དྲི་མ་དང་སྐོམ་པ་སེལ་ཞིང་ཕན་པ་དུ་མ་བྱེད་དེ་སྲོག་གནས་པར་བྱེད་ཅིང་མཐར་རྒྱ་མཚོ་ཆེན་པོར་འཇུག་པ་བཞིན་ཏུ་ནད་ཀྱི་དྲི་མ་སེལ་ཞིང་། གདོན་གྱི་གནོད་པ་སྐོམ་པའི་ཟུག་རྔུ་ལྟ་བུ་མེད་པར་བྱེད་ལ་སྨན་གྱི་མཐུ་བསྐྱེད་པ་ལ་སོགས་ཕན་པ་དུ་མ་བྱེད་ཅིང་ཐོག་ཡུན་རིང་དུ་གནས་པར་བྱེད་དེ་བྱ་བ་དེ་དག་མཇུག་བསྔོ་བས་རྒྱས་འདེབས་པའི་ཕྱིར་རྣམ་པ་ཐམས་ཅད་མཁྱེན་པའི་རྒྱ་མཚོར་འབབ་པ་དེའི་ཕྱིར་ན་ཆུའི་དཔེ་དང་འབྲེལ་ལོ། །ཤི་བ་དག་གནས་སྦོར་བའི་ཕྱིར་འགྲོག་ནི་གྲུའི་དཔེ་དང་འབྲེལ་ཏེ། མགྲོན་པོ་དག་ནི་ཚུ་རོལ་གྱི་གནས་ནས་ཕ་རོལ་གྱི་གནས་


ZP01_Page_366
[མ་དཔེ་གཟིགས་ན་འདིར་གནོན།]

སུ་འགྲོ་འདོད་པ་ཡིན་ལ། དེའི་ལམ་བར་དུ་ཆུ་ཀླུང་ཆེན་པོ་དག་གིས་བཅད་པའི་ཕྱིར། རང་སྟོབས་ཀྱིས་འགྲོ་མི་ནུས་ཏེ། །ཁོ་བོ་ལ་སོགས་འཕགས་པའི་དགེ་འདུན་དང་དམ་པའི་ཆོས་ཀྱི་གྲུ་བོ་ཆེ་ལ་བསྟེན་ན་བར་དོའི་རྣམ་ཤེས་ཆུ་ནང་གི་མི་ལྟར་བསྒྱུར་སླ་བ་དེ་ཐར་པའི་སྐམ་སར་འཁོད་པའི་ཕྱིར་འདི་ནི་གྲུའི་དཔེ་དང་འདྲའོ། །གནས་སྐབས་ཀྱི་དོན་ཕྲ་མོ་དག་གི་ཕྱིར་འགྲོ་བ་ལུས་ཀྱི་དཔེ་དང་འབྲེལ་ཏེ། ལུས་ནི་ཆུའི་དོན་དུའང་གྲུར་འཇུག་པ་མིན། གྲུའི་དོན་དུའང་མ་ཡིན། །གཞན་སུའི་དོན་དུའང་མ་ཡིན་ཏེ་ལུས་ནི་རང་ཉིད་དང་རང་ལ་བརྟེན་པའི་ཞྭ་གོས་ཙམ་ཆུ་ལས་སྒྲོལ་བ་འབའ་ཞིག་གི་ཕྱིར་འཇུག་པ་དེ་དང་འདྲ་བར་ཁོ་བོ་ཡང་གནས་སྐབས་ཀྱི་དོན་ཕྲན་བུ་དག་གི་ཕྱིར་འགྲོ་བའི་ཚེ་རང་དང་རང་ལ་བརྟེན་པའི་གྲོགས་ཁྱེད་ཅག་གི་བྱ་བ་ཅུང་ཟད་དེའི་ཕྱིར་འགྲོ་བར་ཟད་ཀྱིས། དེ་ལས་གཞན་པའི་དོན་གང་ཡང་མེད་པའི་ཕྱིར་ན་ལུས་ཀྱི་དཔེ་དང་འདྲའོ། །དཔེ་གསུམ་པོ་དེ་དག་གི་སྐབས་སུ་རང་གི་དོན་དང་དོན་གང་ཡིན་པ་དེ་དང་དེ་དག་ནི་ཡོད་ལ་དེ་ལས་གཞན་པའི་དོན་གོ་བའམ་ཐོས་པའམ། བཤད་པར་བྱ་བ་ནི་ཅུང་ཟད་ཀྱང་མེད་པ་དེ་བཞིན་དུ་ཁོ་བོ་ལ་རང་ཉིད་གང་གི་དོན་དུ་ཕྱིན་པའི་དོན་དེ་དང་དེ་དག་ནི་ཡོད་ལ། དེ་ལས་གཞན་པའི་གོ་བའམ། ཐོས་པའམ། བཤད་པར་བྱ་བ་ནི་ཅུང་ཟད་ཀྱང་མེད་དེ་དེའི་ཕྱིར་ཁོ་བོས་ཆུ་གྲུ་ལུས་ཞེས་པའི་དཔེ་དོན་གསུམ་པོ་འདི་བཞག་པ་ཡིན་ནོ། །ཆུ་གྲུ་ལུས་ཀྱི་དོན་འདི་བྲི་ན་ཡང་། །ཚོང་ཁང་ཇི་སྙེད་ཤོག་བུ་ཟད་འགྱུར་ཞིང་། །མཁན་པོ་ཇི་སྙེད་སྣག་ཚ་ཟད་འགྱུར་གྱི། །ཁོ་བོའི་བློ་གྲོས་ཟད་པར་མི་འགྱུར་ཏེ། །ཆུ་གྲུ་ལུས་ཀྱི་དོན་ཀྱང་


ZP01_Page_367
[མ་དཔེ་གཟིགས་ན་འདིར་གནོན།]

མི་ཟད་དོ། །རྒན་པོ་དག་གིས་སླར་སྨྲས་པ། ཨོཾ་མ་ཎི་པདྨེ་ཧཱུྃ། རྟག་ཏུ་སྡུག་བསྔལ་ལ་སྤྱོད་པའི། །འགྲོ་བ་དྲུག་ལ་སྤྱན་རས་ཀྱིས། །རྟག་ཏུ་གཟིགས་པའི་ཐུགས་རྗེ་ཅན། །མགོན་པོ་དེ་ལ་གུས་པས་འདུད། །འདི་ན་རྒྱུད་འགྲེལ་རྩོམ་པ་འགས། །རྒྱུད་ཚིག་རྣལ་མ་རྩ་བཞིན་པོར། །དོན་མེད་ས་ཡི་མཐའ་རྒྱུན་སྦྱར། །དེ་ལ་ཚིག་རྒྱན་ཀྱང་ཡང་སྦྱར། །ཆུ་གྲུ་ལུས་གསུམ་གནས་སྐབས་འགལ། །རྒྱུད་དང་མཐུན་པར་འགྲེལ་པ་རྩོམ། །རྒྱུ་མཚན་བཟུང་ན་ཆུ་གྲུ་ལུས། །ཚིག་བཀྲལ་རྒྱུད་དང་བསྟན་བཅོས་སོགས། །དབང་པོ་ལུང་གི་སྦྱོར་མེད་ལ། །ཚིག་གཉོག་ནགས་འགྲོས་སུ་བཀོད་ནས། །འགྲེལ་པའི་ཕུང་པོ་ཞིག་རྩོམ་པ། །དཔྱད་ན་རྩ་འགྲེལ་མ་འབྲེལ་བའི། །འགལ་འདུ་དུ་མ་ཞིག་མཆིས་ཀྱང་། །རེ་ཞིག་རྒོལ་བ་མི་བྱེད་ཀྱང་། །སླར་ཡང་བཞེད་ན་སྤྲོས་པས་ཆོག །ཅེས་སོ། །ཡང་དེའི་ལན་ནི། །སྤྱིར་ན་འཆད་རྩོད་རྩོམ་པ་གསུམ། །དགོན་སྡེའི་མགོ་འཛིན་བྱེད་པ་ལ། །མེད་ཐབས་མེད་པ་དེ་ལགས་པས། །ཁྱེད་ཀྱང་རྩོད་པའི་འབྱམས་ཡིག་འདི། །རྩོམ་པར་བྱེད་པ་ལགས་མོད་ཀྱི། །ཆུ་གྲུ་ལུས་ཀྱི་རྣམ་བཤད་འདི། །དགོན་སྟོད་མཁས་པ་མང་ལ་གྲགས། །གཞུང་བཤད་དགེ་བའི་དཔལ་བ་ཁོང་། །བསྒོམ་པའི་བློ་གྲོས་གཏིང་ན་གསལ། །དཔེར་ན་བུམ་ནང་མར་མེ་འདྲ། ཁོ་ཐག་ནང་ནས་ཆོད་དེ་མཆི། །ནམ་ཕུག་རྒོལ་བས་མི་བརྫི་བའི། །གདེངས་ཤིག་སེམས་ལ་མ་ཐོབ་པར། །མ་བརྟགས་ཅ་ཅོར་གསུང་མི་སྲིད། །


ZP01_Page_368
[མ་དཔེ་གཟིགས་ན་འདིར་གནོན།]

འགྲེལ་བྱེད་དཔལ་གྱི་དགེ་བ་དེ། །གཞུང་བརྒྱ་འབྱེད་པའི་རྣམ་དཔྱོད་ཡོད། །ཚིག་བརྒྱ་སྨྲ་བའི་སྤོབས་པ་ཡོད། །སྔ་རྒོལ་བྱས་ན་དམ་བཅའ་བརྟན། །རང་འདོད་བསྒྲུབ་པའི་བློ་གྲོས་ཡོད། །ཕྱི་རྒོལ་བྱས་ན་རྩོད་རིགས་རྣོ། །གཞན་འདོད་བཤིགས་པའི་རྣམ་རིག་ཡོད། །རིག་ལམ་མེ་དཔུང་འབར་བ་འདྲ། །གང་ཡང་ཁོང་གི་གྲོགས་སུ་འགྲོ། །གནས་བརྟན་བློ་གྲོས་བཟང་པོ་དེ། །བློ་གསལ་སྟོང་གི་སློབ་དཔོན་ཡིན། །མཁས་མང་འདུ་པའི་འདུ་ས་ཡིན། །དཔེ་ཡང་ཁོང་གི་ཟུང་ནས་འབྱུང་། །འདི་ལ་རྒོལ་དུ་ཅིས་ཀྱང་དཀའ། །འབྲུ་དྲུག་མ་ཎི་པདྨ་འདི། །ཆོས་ཀྱི་སྙིང་པོ་ཡིན་པ་སྐད། །དར་བ་བོད་ཡུལ་ཡོངས་ལ་དར། །ཤེས་པ་རྒད་མོ་རྣམས་ཀྱང་ཤེས། །འདོན་པ་སྤྲང་པོ་རྣམས་ཀྱང་འདོན། །བྲི་བ་བྱིས་པ་རྣམས་ཀྱང་བྲི། །མཁས་པས་བསྟན་བཅོས་རྩོམ་པ་ལ། །མ་ཎིའི་འགྲོས་སྒོ་ཡོད་རབ་མེད། །རྩ་བ་ཚིག་འབྲུ་གསུམ་པོ་དེ། །སྔོན་ཆད་སྙན་ནས་སྙན་དུ་བརྒྱུད། །འགྲེལ་བྱེད་ཁོང་གི་མ་གཏོགས་པ། །དཔེ་ལ་འཁོད་པ་མ་བྱུང་སྐད། །དེ་ལ་ས་མཐའ་མེད་པ་འདི། །སྒྲུབ་བྱ་ཡིན་ཀྱི་སྒྲུབ་བྱེད་མིན། །རྩ་བ་རྒྱུད་དུ་ཁྱེད་བཞིད་ཅིང་། །ཆུ་གྲུ་ལུས་གསུམ་སྐབས་དུ་མར། །འབྲེལ་བ་ཞལ་གྱིས་བཞེས་ལགས་ན། །འགལ་ན་སྒྲུབ་དུ་མི་ནུས་ཏེ། །འབྲེལ་བའི་ཕྱིར་ན་རྒྱུད་དོ་ཞེས། །བཀའ་བསྟན་ཡོངས་ལ་རླུང་ལྟར་གྲགས། །ལུང་གི་དག་བྱེད་རིག་པ་ནི། །མཁས་མང་མདུན་སར་གྲགས་ལགས་ན། །རིག་པ་ལས་ལྷག་ལུང་མི་


ZP01_Page_369
[མ་དཔེ་གཟིགས་ན་འདིར་གནོན།]

དགོས། །དགོས་ཀྱང་ཁོང་ལ་ཡོད་དེ་མཆི། །ཚིག་བྱས་ནག་འགྲོས་བཀོད་པ་དེ། །བཀའ་བསྟན་འགྲེལ་བྱེད་སྤྱི་ཡི་སྲོལ། །ཕྱག་ལེན་ཐབས་སུ་སྤྲད་པ་ཞིག །རྙིང་བོན་ཆོ་ག་འགའ་ཞིག་ལ། །ཡོད་པར་སྲིད་ཀྱིས་གཞན་ཏུ་མིན། །ད་དུང་འགལ་འདུ་མང་པོ་ཞིག །སྤྲོ་རྒྱུ་ཡོད་ན་ཅིས་ཀྱང་སྤྲོས། །མེད་ན་རྩོད་རྒྱུ་བློ་མེད་གྱིས།། །།དགེའོ།། །དགེའ།། །དགེའོ།།

དབེན་པའི་གཏམ་ལྷའི་རྔ་སྒྲ།


ZP01_Page_371
[མ་དཔེ་གཟིགས་ན་འདིར་གནོན།]

དབེན་པའི་གཏམ་ལྷའི་རྔ་སྒྲ་ཞེས་བྱ་བ་བཞུགས་སོ། །


ZP01_Page_372
[མ་དཔེ་གཟིགས་ན་འདིར་གནོན།]

ན་མོ་གུ་རུ་ལོ་ཀཱི་ཤཱ་ར་ཡ། མཐའ་ཡས་འགྲོ་ལ་བརྩེ་བ་ལྷུར་ལེན་པའི། །མཁྱེན་དང་ནུས་པ་དཔག་དཀའི་མཛད་པ་ཅན། །རིགས་གསུམ་སེམས་དབང་རྒྱལ་བ་ཐམས་ཅད་ཀྱི། །རྒྱལ་ཚབ་སེམས་དཔར་གྱུར་ལ་ཕྱག་འཚལ་ལོ། །གང་ལ་བརྟེན་ན་དུས་ཀུན་མི་བསླུ་བ། །འདུལ་བ་མདོ་སྡེ་མངོན་པ་རིན་པོ་ཆེ། །བསླབ་གསུམ་ཡོངས་རྫོགས་མཚུངས་མེད་བླ་མའི་དཀའ། །མན་ངག་བདུད་རྩིའི་སྙིང་ཁུ་དེས་ཀྱང་སྐྱོངས། །སྐལ་བཟང་གང་ཞིག་ཞི་བའི་ལམ་དགྱེས་པ། །དེ་འདྲའི་ཡིད་ལ་སྤྲོ་དགའ་བསྐྱེད་པའི་ཕྱིར། །དབེན་པའི་གཏམ་འདི་ལྷ་ཡི་རྔ་སྒྲ་བཞིན། །སྒྲོགས་པར་བགྱི་ཡིས་དེ་དོན་ཡོད་བགྱིད་རིགས། །ཀྱེ་ཧོ་འཁོར་བ་སྒྱུ་མའི་གྲོང་ཁྱེར་ན། །མེད་བཞིན་


ZP01_Page_373
[མ་དཔེ་གཟིགས་ན་འདིར་གནོན།]

སྣང་བ་ལས་ཀྱི་ཚོང་ཟོང་གིས། །སྡུག་བསྔལ་གསུམ་གྱི་མཛོད་ཁང་བསགས་པ་ལ། །མ་རིག་སེམས་ཅན་བུང་བ་བཞིན་དུ་འཁོར། །སྲིད་པའི་འགྲོ་བ་ཞིང་རྡུལ་ལས་མང་ཡང་། །བདེ་བའི་རྣམ་འགྱུར་ཉིན་སྐར་ལས་དཀོན་ན། །འགྲོ་བའི་གནས་འདིར་སུ་ཞིག་མི་སྐྱོ་སྟེ། །བདེ་གཤེགས་ཆོས་ལ་རབ་དགའ་ཅིས་མི་སྐྱེ། །སྙིགས་མའི་སྐྱེ་བོ་ཤིན་ཏུ་བསྟེན་དཀའ་བ། །སྲིན་པོ་བཞིན་དུ་ཁྲོ་བའི་ངང་ཚུལ་ཅན། །གང་དང་འགྲོགས་ན་ཉོན་མོངས་ཚོགས་འཕེལ་བ། །དུས་ངན་གྲོགས་ཀྱིས་སུ་ཞིག་སྐྱོ་མི་འགྱུར། །བསགས་ཤིང་བསགས་པའི་ལོངས་སྤྱོད་སྦྲང་རྩི་བཞིན། །རང་གིས་མི་སྤྱོད་ཆོས་ཕྱིར་ལྟ་ཅི་སྟེ། །འཆི་བའི་ཚེ་ན་ཞེན་པའི་ལྕགས་སྒྲོག་གིས། །རང་རྒྱུད་


ZP01_Page_374
[མ་དཔེ་གཟིགས་ན་འདིར་གནོན།]

འཆིང་བའི་རྒྱུ་དེ་ཁོ་ནར་ཟད། །ཕུན་སུམ་ཚོགས་ཤིང་དྲེགས་པའི་སྙན་པ་ཀུན། །གཡེང་བའི་ངང་དུ་གསོན་པའི་ཚེ་སྤངས་ནས། །འཆི་བའི་ཚེ་ན་གདུང་བ་སྐྱེ་འགྱུར་བའི། །གནས་འདི་བསམ་ན་འབྱོར་པས་ཅི་ཞིག་བྱ། །སྲིད་གསུམ་བདག་པོ་བསྐལ་བརྒྱར་བྱས་ན་ཡང་། །འདོད་པའི་ཡུལ་འདིས་ངོམས་པ་ལྟ་ཅི་སྟེ། །མྱང་བཞིན་མྱང་བཞིན་སླར་ཡང་སྲེད་པ་འཕེལ། །ཇི་ཙམ་སྲེད་བཞིན་སྲིད་པའི་རྒྱུ་རུ་ངེས། །ལོངས་སྤྱོད་བདེ་ཡང་འབྲས་བུ་སྡུག་བསྔལ་ཏེ། །སྲིད་པའི་འཕྲལ་བདེ་ངན་སོང་ཁོ་ནའི་རྒྱུ། །ངེས་པར་བརྟགས་ན་འཁོར་བའི་གནས་རིས་འདིར། །ཁབ་རྩེ་ཙམ་གྱི་བདེ་བ་ཡོད་མི་སྲིད། །དྲེགས་ལྡན་སྟོང་གི་སྤྱི་བོའི་ལ་ཐོད་ཀྱིས། །མངོན་པར་འདུད་བྱས་སྙེམས་པ་འཆང་རྣམས་ཀྱང་། །བྲན་གྱི་ཐ་མར་མཆི་བའི་སྐབས་ཡོད་ན། །ཁེངས་དང་རྒྱགས་པས་བདག་ལ་ཅི་ཞིག་བྱ། །སྙིགས་མའི་མཐའ་འདིར་ཐུབ་པའི་བསྟན་པ་ཡང་། །གཟུགས་བརྙན་ཙམ་གྱིས་ཚེ་འདིའི་ཆེ་ཐབས་བགྱིད། །ལུང་རྟོགས་གནས་ལ་བརྩོན་པ་མི་འོང་གིས། །རང་རྒྱུད་བསླབ་གསུམ་བསྟན་པའི་སྙིང་པོར་ཟུངས། །རང་གི་བློ་རྩེ་ཆོས་ལ་སྒྲིལ་བ་ན། །རང་དང་མཐུན་པ་སུ་ཡང་ཡོད་དཀའ་བས། །རང་སེམས་གཙང་མ་རང་གི་དབང་བྱས་ཏེ། །ཐམས་ཅད་མགུ་བའི་བློ་རྒྱ་བསྐྱུངས་ན་ལེགས། །རྒྱལ་བ་སྟོང་གིས་གདུལ་བར་མ་ནུས་པའི། །དུས་ངན་


ZP01_Page_375
[མ་དཔེ་གཟིགས་ན་འདིར་གནོན།]

འགྲོ་ལ་སོ་སྐྱེ་བདག་ལྟས་ཅི། །དེ་སླད་གཞན་དོན་སྨོན་པའི་ཡུལ་བགྱིས་ནས། །འཕགས་པའི་ལམ་ལ་བདག་ཉིད་གཉེར་བར་རིགས། །རྣམ་གཡེང་འཁྲུལ་པ་སྤྱོད་བཞིན་སླར་ལ་འཕེལ། །བདག་གི་ཚེ་ནི་རང་བཞིན་རྒྱུན་དུ་འཛད། །ཡེངས་མ་ལམ་ལ་འཆི་བའི་དགྲས་གཏུགས་ན། །དེ་ལས་བསླུས་པ་བདག་ལ་ཇི་ལྟར་ཡོད། །གདུལ་བར་དཀའ་བའི་སེམས་ནི་གདུལ་ནུས་ན། །མཁས་པའི་ལག་རྗེས་དེ་ལས་གཞན་མེད་དེ། །གྲུབ་པའི་རྟགས་ཀྱང་དེ་ལས་ལྷག་པ་མེད། །བཙུན་པའི་ཚུལ་ཡང་འདི་ཙམ་ཁོ་ནར་ཟད། །བཅོས་ཤིང་བཅོས་པའི་ཕྱི་ཚུལ་མཛེས་མཛེས་ལྟས། །གཞན་དག་མགུ་ནས་བསྔགས་པ་སྨྲ་ན་ཡང་། །རང་གི་སེམས་ལ་ཆོས་བརྒྱད་མ་སྤངས་ན། །སོ་སྐྱེའི་རྒྱུད་འདི་འཆིང་བྱེད་མང་བ་ཡིན། །དུས་ངན་གྲོགས་ཀྱི་སྣང་བ་མགུ་ཙམ་ན། །ཅིས་ཀྱང་རང་རྒྱུད་ཆོས་ལས་རིང་བའི་རྟགས། །རྙེད་དང་བཀུར་སྟིའི་སྒོ་འཕར་ཕྱེ་ཙམ་ན། །ངན་འགྲོའི་ཁང་སྒོར་བདག་ཉིད་སླེབས་པ་ལགས། །རྨོངས་པས་བྱིས་པ་སྨིག་རྒྱུས་རི་དྭགས་བཞིན། །སྲིད་འབྱོར་ཕྲ་མོས་བསླུས་པ་འདི་མཐོང་ནས། །མཁས་པའི་རང་བཞིན་ཞེན་པའི་སྒྲོག་དྲལ་ཏེ། །དབེན་པའི་གནས་སུ་སྒྲུབ་ལ་བརྩོན་པར་རིགས། །ཐུབ་པས་བསྔགས་པ་དབེན་པའི་རི་ཁྲོད་དུ། །རྒྱལ་དང་རྒྱལ་སྲས་སྲང་སྲོང་ཆེ་རྣམས་བརྟེན། །ཡོན་ཏན་ཀུན་གྱི་


ZP01_Page_376
[མ་དཔེ་གཟིགས་ན་འདིར་གནོན།]

འབྱུང་གནས་རིན་པོ་ཆེ། །གནས་འདི་བརྟེན་ལ་ཐར་ལམ་ཉེ་བ་ཡིན། །མཐོ་བའི་ངོ་སྲུང་དམའ་བའི་སྐྱོང་བྲན་དང་། མཉམ་པའི་ཆགས་སྡང་དག་གིས་འཆིང་བ་མེད། །རང་ཉིད་གཅིག་པུ་ངེས་འབྱུང་འོད་དཀར་ཅན། །དབེན་པའི་མལ་ན་ཟླ་བ་བཞིན་དུ་མཛེས། །ཆགས་མེད་མཁའ་ལ་ཉི་མའི་དཀྱིལ་འཁོར་བཞིན། །དབེན་པའི་གནས་ན་མང་ཐོས་འོད་སྟོང་ཅན། །མི་སྣང་ལྷ་བརྒྱའི་སྐར་ཚོགས་མཛེས་བསྐོར་ཀྱང་། །གཡེངས་པའི་རྒྱུ་མིན་དམ་ཆོས་སྤྱོད་པའི་གྲོགས། །རྨོངས་པའི་སྐྱེ་བོས་མཐོང་བ་སྤངས་བ་ན། །འཕགས་པ་མཆོག་གིས་གཟིགས་པ་ལྷུར་མཛད་དེ། །རྒྱལ་དང་རྒྱལ་སྲས་སེམས་དཔའ་ཆེ་རྣམས་ཀྱིས། །སྲས་དང་སྤུན་དགོངས་བདག་གི་བཤེས་སུ་བགྱིད། །འདོད་པའི་ཡུལ་ལ་དུག་ལྟར་བྱོལ་ཙམ་ན། །དམ་ཆོས་སྨན་མཆོག་བདག་གིས་རྙེད་འགྱུར་ཏེ། །འཆི་བ་མེད་པ་ལྷ་ཡུལ་བདུད་རྩི་ལས། །ལྷག་པའི་རོ་བདའ་སྙིང་ལ་བདུད་རྩིར་འགྱུར། །འདུ་འཛིའི་དགྲ་ལས་རྒྱངས་རིང་འབྲོས་པ་ན། །ལྷག་པའི་ཏིང་འཛིན་བདག་གིས་རྙེད་འགྱུར་ཏེ། །མངོན་ཤེས་རྒྱལ་སྲིད་ལག་རྩེར་སྦྱིན་ནུས་པའི། །ཡོན་ཏན་འཁོར་འདབ་རྣམ་པར་རྒྱས་པར་འགྱུར། །ཆོས་སྤྱོད་དགེ་བ་ལྷག་པར་འཕེལ་ན་ཡང་། །དབེན་པའི་གནས་སུ་རློམ་པ་མི་སྐྱེ་སྟེ། །འགྲན་ཟླའི་གནས་དང་ངོམ་པའི་ཡུལ་མེད་ལ། །སྲས་བཅས་རྒྱལ་བ་


ZP01_Page_377
[མ་དཔེ་གཟིགས་ན་འདིར་གནོན།]

བདག་གི་དབང་དུ་འགྱུར། །ལེ་ལོས་བཅོམ་བྱས་བག་མེད་ལུས་ན་ཡང་། །ཆགས་སྡང་ཉོན་མོངས་དབེན་པར་འཕེལ་མིན་ཏེ། །རང་གི་རྒྱུད་ལ་བརྟགས་པ་ལྷུར་ལེན་ལས། །གཞན་ལ་བསྟེན་ནས་ཁྲོ་དང་ཞེན་དུ་མེད། །རྣམ་གཡེང་ལས་དང་འདུ་འཛིའི་གྲོགས་མང་དང་། །ཆགས་སྡང་ཡུལ་ལས་རིང་དུ་སོང་དེས་ན། །དབེན་པའི་གནས་སུ་དམ་ཆོས་ཁོ་ན་ལས། །བདག་ལ་བསམ་པར་བྱ་བ་ཅི་ཞིག་ཡོད། །ངེས་འབྱུང་བློ་དང་སྙིང་རྗེའི་སེམས་སྟོབས་དང་། །མོས་གུས་དད་པས་མཆི་མ་སློང་ནུས་པ། །དབེན་པའི་གནས་འདིར་ཤུགས་ཀྱིས་སྐྱེ་འགྱུར་ཏེ། །བསྒྲིམ་པ་མེད་པར་ཏིང་འཛིན་ལ་གནས་འགྱུར། །གང་ལ་བརྟེན་ན་གནས་སྐབས་མཐར་ཐུག་ཏུ། །ཕུང་བར་འགྱུར་བ་ཁྱིམ་དང་སྡིག་གྲོགས་དང་། །འདོད་པའི་ཡུལ་བཅས་ངེས་པར་ཐག་བསྲིང་བས། །ཉོན་མོངས་ཚོགས་ཀུན་ཤུགས་ཀྱིས་བྲི་བར་འགྱུར། །སྣ་ཚོགས་བྲག་རིའི་བ་གམ་མཛེས་པ་ནི། །ཡིད་འོང་བདེ་བའི་ངལ་སྟེགས་སྟོང་སྦྱིན་པ། །ཐུབ་བསྟན་རིན་ཆེན་ཐར་པའི་སྟེགས་བཞིན་དུ། །སྐལ་བཟང་སྐྱེ་བོའི་བསྟི་གནས་ཁོ་ན་ཡིན། །ཡལ་འདབ་དུད་པའི་འཁྲི་ཤིང་གཡོ་བཞི་ཚེད། །མགྲིན་སྙན་གླུ་ཡིས་ངེས་འབྱུང་བསྐྱེད་པའི་གཏམ། །ཡང་ཡང་སྒྲོགས་མཁས་ལྷ་ཡི་བྱ་ཚོགས་འདྲས། །སུམ་རྩེན་རྒྱལ་རྔའི་ཁེངས་པ་བཅོམ་མམ་སྙམ། །དཀར་དམར་ཚོན་


ZP01_Page_378
[མ་དཔེ་གཟིགས་ན་འདིར་གནོན།]

བརྒྱའི་ལང་ཚོ་བཀྲག་འབར་བའི། །དྲི་བཟང་དབྱིབས་མཛེས་མེ་ཏོག་ཚོམ་བུའི་ཚོགས། །ཐབས་མཁས་སེམས་དཔའི་བསོད་ནམས་ཉེར་སྤྱད་དུ། །རྒྱལ་བའི་མདུན་སར་ཆས་ལ་རིངས་བ་བཞིན། །ནང་དུ་རྐང་དྲུག་སྙན་པའི་གླུ་སྒྲ་ཅན། །པདྨའི་ཚལ་བུ་རབ་དགས་ལེགས་འཇུག་པ། །ཐུབ་བསྟན་སྐྱོན་མེད་པདྨའི་སྐྱེད་ཚལ་དུ། །ཐོས་བསམ་སྒོམ་པར་འཇུག་ལ་བསྐུལ་བ་བཞིན། །བདུད་རྩིའི་ཟིལ་མངར་མྱང་ཞིང་མྱང་ནས་སླར། །མྱོས་པའི་འཕུར་ལྡིང་བར་སྣང་ལ་སྤྱོད་པ། །བསམ་དང་སྒོམ་པའི་དམ་ཆོས་རོ་མྱོང་ནས། །ཞེན་མེད་སྤྱོད་པའི་བརྡ་སྟོན་མ་ཡིན་ནམ། །དྭངས་པའི་མཁའ་དབྱིངས་ཉི་ཟླའི་འོད་སྣང་ཅན། །ལྷུན་གྲུབ་ཐིག་ལེའི་མཛེས་པ་སྟོང་ངོམ་པ། །འོག་མིན་སྣང་བའི་མཛེས་བཀྲགས་ཕྲོག་ནས་སླར། །བདག་སྐལ་ཟོངས་སུ་འདི་ན་བཀྲམ་པ་བཞིན། །མཐིང་ཞུན་རྒྱ་མཚོ་མཛེས་པ་ལ་འགོང་བ། །སྒྲིབ་བྲལ་ལྷ་ལམ་སྟོང་པའི་རང་མདངས་ཅན། །གདོད་མའི་གཞི་ཀློང་གཉུག་མ་བས་མཚོན་ཞེས། །གསང་ལམ་ངོ་སྤྲོད་གསང་དོནབདག་ལ་འདོམས། །ལྷུང་ལྷུང་འབབ་པ་ཕུ་ཆུ་སྙན་པའི་སྒྲ། །རྒྱུན་རིང་བརྩོན་པས་རྣམ་མཁྱེན་རྒྱ་མཚོ་རུ། །སྙོགས་པར་བགྱི་ཞེས་གདམས་ངག་འདི་འདོམས་ཏེ། །ཞི་བསིལ་བདུད་རྩིའི་དཔལ་ཡང་ལྷག་པར་སྦྱིན། །དཔག་བསམ་དཔལ་མོའི་དྲེགས་པ་གཞོམ་པ་ལ། །ཆས་པ་


ZP01_Page_379
[མ་དཔེ་གཟིགས་ན་འདིར་གནོན།]

མིན་ནམ་འབྲས་ལྡན་རྩ་བའི་རོ། །དཀའ་ཐུབ་ཟས་འདིས་ངོམས་པར་གང་གྱུར་དེས། །དབང་པོའི་དཔལ་འབྱོར་ལན་སྟོང་ཟིལ་གྱིས་མནན། །བྱིང་བ་བསང་དང་འབྱམས་པའི་རྣམ་རྟོག་གཅོད། །བརྟུལ་ཞུགས་རོལ་པས་ཉམས་དབྱངས་ཟང་མ་ཡང་། །དབེན་པའི་གནས་སུ་གབ་སྐྱིལ་མི་དགོས་ཏེ། །བྱུང་རྒྱལ་ཉམས་ཀྱིས་སྒེགས་པས་དགྱེས་པར་འགྱུར། །ཟང་ཐལ་རིག་པའི་རོལ་རྩལ་སྦྱངས་པའི་ཡུལ། །འཁོར་འདས་སྤྱོད་པའི་བག་ཉལ་སློད་པ་ལ། །རང་ཉམས་བག་ཡངས་དགྱེས་པའི་རྩེད་འཇོ་སྟོང་། །འགོག་པ་མེད་པའི་ཡ་མཚན་རྣམ་པར་འབར། །སྣང་བའི་ཡུལ་དང་ཞེན་པའི་རྡོས་བཅས་ལུས། །སྒྱུ་མར་སྦྱོང་བའི་ཏིང་འཛིན་ལ་འཇུག་པའི། །སྒྱུ་མའི་རྣལ་འབྱོར་ཧཱུྃ་སྒྲའི་རྒྱང་གླུ་ཅན། །སྒྱུ་མའི་ཡུལ་ན་བག་ཡངས་ཁོ་ནར་སྤྱོད། །ཟངས་མ་ཐལ་དུ་རིག་པའི་རྣམ་རོལ་བཞིན། །ཆོས་ཅན་སྣང་བ་དུམ་བུར་གཞིག་པའི་མཚོན། །དྲག་པོའི་ཧཱུྃ་སྒྲས་གནམ་ས་འགེངས་པ་ཡང་། །དབེན་པའི་གནས་སུ་དོགས་པ་མེད་པར་སྒྲོགས། །མིག་སྟོང་ལྡན་པའི་ལག་ཉལ་ལ་འགྲན་པའི། །རྡོ་རྗེའི་ལུས་མཆོག་རྡོ་རྗེར་བཞེངས་པ་ཡང་། །སྐུ་གསུམ་ཡེ་ཤེས་རང་ལ་མཚོན་བགྱིད་ཀྱིས། །སྣོད་མིན་སྣང་བའི་གོ་སྐབས་འདིར་ཡོད་མིན། །རྣལ་མའི་གཤིས་སུ་རྣལ་འབྱོར་མནལ་བའི་མལ། །དབེན་


ZP01_Page_380
[མ་དཔེ་གཟིགས་ན་འདིར་གནོན།]

པའི་གནས་སུ་རིང་ནས་བཤམས་པ་བཞིན། །སྤོང་བའི་བསམ་གཏན་མགྲོན་དུ་པོས་ནས་སླང་། །ཡིད་ཀྱི་གྲོགས་སུ་བཀོལ་བ་མ་ཡིན་ནམ། །ཐོས་སྒྲོགས་ཞི་བའི་ཏིང་འཛིན་འགུགས་པའི་རྫས། །ཆོས་བདུན་མི་གཡོ་མཉམ་པའི་སྐྱིལ་ཀྲུང་དང་། །སེམས་དཔའི་གཟིགས་སྟངས་ཁྲོ་བོ་རོལ་པའི་སྟབས། །དགྱེས་པའི་གད་མོས་དབེན་པར་དགྱེས་རྣམས་དགྱེས། །གངས་རི་འཛིན་པ་གདོང་ལྔའི་དབང་པོ་བཞིན། །མི་ཞུམ་མི་སྐྲག་འཁོར་འདས་ཟིལ་གནོན་པར། །ཆོས་ཀྱི་དབྱིངས་ལ་བལྟ་བ་མི་གཡེལ་བ། །དབེན་པའི་གནས་སུ་མི་ཡི་སེང་གེ་ཡིན། །རྣམ་རྟོག་རི་དྭགས་ཟོས་པའི་ང་རོ་ཡིས། །ཐེག་དམན་ཝ་སྐྱེས་གླད་པ་འགེམ་སྤྱོད་པ། །མངོན་སུམ་གཡུ་རལ་རྒྱས་པའི་ཆེ་རྟགས་ཅན། །རྣམ་གཡེང་གྲོང་དུ་འབྱམས་པ་ཇི་ལྟར་འོས། །དབྱིངས་སྣང་ཡེ་ཤེས་རྩལ་ལ་རོལ་པའི་ཉམས། །ལྷུན་གྲུབ་སྣང་བས་དྲེགས་པའི་ཤ་ཚུགས་ཅན། །གཟུང་འཛིན་ཡན་ལག་བསྐུམ་པའི་གཉིས་འཐུང་དབང་། །དབེན་པའི་གནས་སུ་ཡང་དག་རྟོགས་པས་དགྱེས། །ཤེས་རབ་རིག་པ་རང་བྱུང་སྒྲོན་མའི་གདངས། །རང་སྣང་ལོངས་སྤྱོད་རྫོགས་པའི་འཇའ་རིས་ལ། །རྒྱང་ཞག་ཟུར་གྱིས་རོལ་པའི་གཟིགས་སྟངས་ཅན། །རྣམ་རྟོག་སྤྲོས་པས་དབེན་པའི་གནས་དེར་དགྱེས། །བདེ་དྲོད་ཡེ་ཤེས་འབར་བའི་ལུས་དབེན་དང་། །


ZP01_Page_381
[མ་དཔེ་གཟིགས་ན་འདིར་གནོན།]

བརྗོད་བྲལ་ངག་དབེན་རྫོགས་པའི་དྲང་སྲོང་དབང་། །སྒྲོན་དྲུག་སེམས་ཀྱི་དབེན་པ་ལ་དགྱེས་པའི། །སྣང་བཞིའི་རྩེད་འཇོ་འདི་རོལ་མ་ཡིན་ནམ། །མ་དག་བག་ཆགས་ཐུར་མ་སེལ་བའི་གནད། །ཟིམ་བུར་ཐུགས་རྗེའི་གཟིགས་པ་ལྷུར་ལེན་པའི། །མངོན་ཤེས་སྤྲུལ་སྐུའི་སྤྱན་གྱིས་གཟིགས་པ་ཅན། །དབེན་པའི་གནས་སུ་ལྷ་ཡི་དྲང་སྲོང་བཞིན། །ཐུབ་པ་མཆོག་དང་ཐུབ་པའི་སྲས་རྣམས་དང་། །གྲུབ་པ་རྣམས་ཀྱིས་ལེགས་པར་བསྟེན་གྱུར་པ། །དབེན་པ་ཡིད་འོང་ལྷ་ཡི་དགའ་ཚལ་ལས། །ལྷ་ཡི་གནས་འདིར་སུ་ཞིག་སྤྲོ་མི་འགྱུར། །གནས་འདིར་གནས་ན་སྲེད་པས་ཡིད་འབྱུང་ཞིང་། །འཁོར་བར་མི་སྐྱོ་ཞི་བའི་བསམ་གཏན་ཅན། །སྨོན་པའི་སྟོབས་ཀྱི་དོན་གཉིས་ཟུང་དུ་འཇུག །འཁོར་བ་དོང་སྤྲུག་སེམས་ཀྱིས་འགྲོ་དོན་ནི། །རྣམ་ཐར་དབྱིངས་སུ་སྤྲོས་པ་ཞི་བའི་བློ། །ཡེ་ཤེས་ངང་ལ་རང་སྣང་སྲིད་པའི་མཚང་། །རང་སར་ཞིག་ཚེ་འཁོར་བ་སྟོངས་ཞེས་གྲགས། །ཟང་ཐལ་རིག་པ་བློ་ཡིས་མི་ཐུག་པ། །ཆོས་སྐུའི་གཤིས་འདི་ཡེ་ནས་གནས་པ་སྟེ། །མ་བཅོས་མ་བསྒྱུར་རང་གི་ངང་བཞག་ན། །གདོད་མའི་གཞི་ཀློང་རང་བཞིན་གསལ་བ་ཡིན། །རྒྱ་ཡན་བར་མེད་རྡོ་རྗེ་སྙིང་པོའི་ཀློང་། །མཉམ་པའི་དབྱིངས་སུ་ལྟ་སྒོམ་སྤྱོད་པ་མེད། །ས་ལམ་རྩོལ་སྒྲུབ་བྱིས་པའི་རྩེད་མོར་ཟད། །རང་བཞག་རིག་པ་རྡོ་རྗེ་སེམས་དཔའ་


ZP01_Page_382
[མ་དཔེ་གཟིགས་ན་འདིར་གནོན།]

ལ། །རང་བཟོས་བཅོས་ན་འཁྲུལ་པའི་ལམ་དུ་ལྷུང་། །རིག་པའི་ཡེ་ཤེས་སྤྲོས་པ་དབེན་པ་ནི། །དབེན་པ་ཀུན་གྱི་སྙིང་པོ་མཆོག་ལགས་ཏེ། །དབེན་པ་འདིར་དགྱེས་བསྐལ་བ་བཟང་པོ་ནི། །གྲོང་ན་གནས་ཀྱང་ཤིན་ཏུ་དབེན་པར་སྤྱོད། །བློ་གཏད་སྙིམས་བྱེད་གདོན་གྱིས་བཅིང་བ་ན། །མ་འཁྲུལ་སེམས་ཉིད་འཁྲུལ་པའི་གཡང་ལ་སྐྱུར། །གཏད་མེད་ངང་དུ་འཛིན་མེད་གནས་པ་ན། །ཆོས་སྐུའི་ཀློང་དུ་འཁོར་འདས་རང་སར་གྲོལ། །སྣ་ཚོགས་ཐབས་ཀྱིས་བསྒྲུབ་པའི་བསམ་གཏན་ནི། །འདུས་བྱས་ཉིད་ཕྱིར་རྐྱེན་གྱིས་ངེས་པར་བསླུ། །རྩོལ་མེད་རང་བཞག་ཆོས་སྐུའི་དགོངས་པ་ནི། །འདུས་མ་བྱས་ཀློང་རྐྱེན་ངན་གྲོགས་སུ་འཆར། །འདིའོ་སྙམ་པའི་ཆེད་འཛིན་འཆིང་བའི་སྒྲོག །ཡིན་ནོ་སྙམ་པའི་ངེས་ཤེས་འཁྲུལ་པའི་རྒྱུ། །བསྒྲུབས་སོ་སྙམ་པའི་བྱ་རྩོལ་བྱིས་པའི་བློ། །ཐམས་ཅད་ཆམ་གྱིས་བསྐྱུར་ན་ཆོས་ཉིད་ཡིན། །སྟོང་དང་མི་སྟོང་ལས་འདས་སྟོང་ཆེན་ཏེ། །མཐོང་དང་མི་མཐོང་མ་ཡིན་ལྟ་བའི་གནད། །སྒོམ་དང་མི་སྒོམ་འཆིང་བྱེད་ཆད་པ་ན། །ཇི་ལྟར་སྤྱོད་ཀྱང་སྒྱུ་མའི་རོལ་པ་ཙམ། །རིམ་དང་རིམ་མིན་ཐེག་པའི་རྣམ་གྲངས་དང་། །བདེན་དང་མི་བདེན་གྲུབ་མཐའི་ཞེ་འདོད་ཀུན། །དྲི་ཟའི་གྲོང་ཁྱེར་བཟང་ངན་རྩོད་པ་འདྲ། །གཏད་མེད་རྟོགས་ན་སྤྲུལ་མདུད་བཞིན་དུ་འཇིག །ཟང་ཐལ་རིག་པ་བར་མེད་མཉམ་པའི་ཀློང་། །


ZP01_Page_383
[མ་དཔེ་གཟིགས་ན་འདིར་གནོན།]

རིག་རྩལ་རྟོག་པ་ཆུ་རླབས་བཞིན་གཡོ་ཡང་། །འཛིན་པའི་སྲོག་བྲལ་ཤི་བའི་སྤྲུལ་བཞིན་དུ། །རྣལ་འབྱོར་ལྡན་པས་འདོད་དགུར་སྤྱོད་པར་འགྱུར། །ཆོས་ཉིད་གཞི་བཞག་རིག་པ་རང་མལ་ལ། །སྒོམ་པའི་མན་ངག་རྒྱ་མཚོ་ཅོག་བཞག་ཡོད། །རིག་རྩལ་གཞི་བཞེངས་ཆོས་ཉིད་རོལ་པ་ལ། །སྤྱོད་པའི་མན་ངག་སྣང་བ་དབང་བསྒྱུར་ཡོད། །ཆགས་སྡང་རྟོག་པའི་བྲག་གཡང་མཐོན་པོ་དང་། །རྣམ་རྟོག་འཁྲུལ་པའི་ནགས་ཚལ་གཟིང་བ་འདི། །རང་གྲོལ་སྤྱོད་པའི་མཁའ་ལྡིང་རྒྱལ་པོ་དང་། །རིག་སྟོང་རི་དྭགས་རྩེད་འཇོར་རོལ་པའི་གནས། །འདི་ཡིན་སྙམ་པའི་ངེས་ཤེས་མ་ཟད་ན། །ཇི་ལྟར་བསྒོམས་ཀྱང་འཁྲུལ་པའི་ལམ་ཡིན་ཏེ། །ཐམས་ཅད་མཐོང་ནས་བློ་གཏད་སྟོར་བ་ན། །བགྲོད་པའི་ས་ལམ་ད་གདོད་ཇི་ལྟར་རྙེད། །ཇི་ལྟར་བྱས་ཀྱང་དེ་ལྟར་གྲོལ་བའི་ལམ། །གང་ལྟར་བསྒོམས་ཀྱང་གཉུག་མ་ཆོས་སྐུའི་ཀློང་། །བྱིས་པའི་རྩེད་མོ་བཟང་ངན་མདོ་དོན་གཅིག །ཆེད་འཛིན་མེད་ན་བློ་བདེ་རྒྱུན་མི་ཆད། །འདུས་བྱས་ཆོས་ཀུན་སྐད་ཅིག་སྐད་ཅིག་སྟེ། །སྐད་ཅིག་སྣང་བས་སེམས་ལ་ཕན་གནོད་ཅི། །ལེགས་ཉེས་ཆུ་རིས་ཆུ་ལ་ཐོབ་ཤོར་མེད། །ཞེ་འདོད་མེད་ན་ཆོས་བརྒྱད་ངང་གིས་འཇིག །རང་གི་ངང་འདི་ཡིན་གྱིས་ཅི་ཞིག་ཚོལ། །རང་བཞག་ཆོས་སྐུ་ཡིན་གྱིས་གང་


ZP01_Page_384
[མ་དཔེ་གཟིགས་ན་འདིར་གནོན།]

ཞིག་སྒྲུབས། །རྩོལ་སྒྲུབ་འཆིང་བ་ཡིན་པར་སུས་ཤེས་པ། །སྣ་ཚོགས་གྲུབ་མཐའི་སྒྲོག་ལས་གྲོལ་བར་འགྱུར། །ཕྱར་མེད་ཆོས་སྐུའི་ངང་དུ་གནས་ནས་སླར། །སྲིད་པའི་རྡུལ་དྲན་བགྲང་དུ་མི་ཁོམ་གྱིས། །རང་བཞག་ཡངས་པ་ཆེན་པོའི་བདེ་ཀློང་འདིར། །ཞེ་འདོད་གྲུབ་མཐའི་བཤད་ཡམ་སྤངས་ན་ལེགས། །འགའ་ཞིག་བསྟན་བཅོས་བརྩོམ་ཞིང་འགའ་ཞིག་འཆད། །ལ་ལ་རྩོད་པའི་འཁོར་ལོས་གཡེངས་གྱུར་མོད། །བརྟགས་ན་ཐམས་ཅད་བདེན་ཏེ་ཐམས་ཅད་རྫུན། །བདེན་རྫུན་གནས་སྐབས་སྣང་བས་ཅི་ཞིག་བྱ། །རང་འདོད་གྲུབ་མཐའ་བསྒྲུབས་ཀྱང་འགྲུབ་དུས་མེད། །ཐམས་ཅད་བདེན་གྱིས་དགག་སྒྲུབ་དགོས་པ་མེད། །གཞན་གཞུང་བརྒལ་བརྟགས་སྨིག་རྒྱུའི་ཆུ་དང་འདྲ། །གནོད་མེད་ཆུ་ལ་རགས་གྱིས་ཅི་བྱར་ཡོད་ཡོད། །སྣང་བའི་རང་བཞིན་བདེན་ནམ་རྫུན་ཀྱང་རུང་། །སེམས་ཀྱི་རང་བཞིན་ཡོད་དམ་མེད་ཀྱང་རུང་། །འཁྲུལ་པའི་རང་བཞིན་སྟོང་རུང་མི་སྟོང་རུང་། །འདི་རང་ལགས་ཀྱི་དཔྱད་དུ་ཅི་ཞིག་ཡོད། །རྟོག་དཔྱོད་ཁོ་ནས་སྔར་ཡང་འཁྲུལ་ལགས་ན། །ད་དུང་དཔྱད་ན་སླར་ཡང་འཁྲུལ་འགྱུར་གྱིས། །རྟོག་མེད་ངང་དུ་འཛིན་མེད་ཉལ་བ་ན། །ལྷུན་གྲུབ་གཞི་ལ་གཡོ་བ་ཡེ་ནས་མེད། །འཕགས་དང་སོ་སྐྱེས་སྔ་མ་བརྒྱ་དག་གིས། །རང་གི་གྲུབ་


ZP01_Page_385
[མ་དཔེ་གཟིགས་ན་འདིར་གནོན།]

མཐའ་རྣམ་པར་བཞག་གྱུར་ཀྱང་། །བྱིས་པའི་བློ་ལ་འགལ་འདུ་ཁོ་ནར་སྣང་། །དུ་དུང་བཞག་ཀྱང་དེ་འདྲ་ཁོ་ནར་ཟད། །གང་ལྟར་བྱས་ཀྱང་འགལ་འདུ་སྤང་བའི་བཤེས། །ཇི་ལྟར་སྨྲ་ཡང་གནས་སྐབས་བདེན་ཤེས་ན། །མཐར་ཐུག་དོན་ལ་ཡིན་དང་མིན་པ་མེད། །རང་འདོད་སྤང་ནས་རང་བཞག་སོས་རེ་དལ། །འཁོར་བའི་བྱ་བྱེད་འཁྲུལ་པ་སྤངས་པ་ན། །མྱ་ངན་འདས་པ་ད་གདོད་སྒྲུབ་ཏུ་ཅི། །ཡེ་སངས་རྒྱས་པའི་རང་བཞིན་དེ་ཤེས་ན། །ཡང་སངས་རྒྱས་པའི་ཞེ་འདོད་ཇི་ལྟར་སྐྱེ། །ལམ་དང་འབྲས་བུ་ལྟ་དང་སྤྱོད་པ་དང་། །ཆོས་དང་ཆོས་མིན་ཐམས་ཅད་གཞི་མཉམ་སྟེ། །སྤང་བླང་རྩོལ་མེད་རྟོག་བྲལ་དགོངས་པའི་ཀློང་། །བྱ་རྩོལ་འཛིན་ཞེན་རང་སར་དག་པ་དགོས། །ད་ནི་མི་སྨྲ་གཏམ་ལ་བདེན་རྫུན་མེད། །ད་ནི་མི་དཔྱོད་ཆོས་ལ་ཡིན་མིན་མེད། །ཐམས་ཅད་རོ་མཉམ་བདེན་ནམ་མི་བདེན་རུང་། །གང་བྱུང་བྱུང་དུ་བྱུང་རྒྱལ་སྨྲས་པར་ཟད། །བརྟགས་ཤིང་བརྟགས་ཤིང་ཐམས་ཅད་རྫུན་པ་སྟེ། །བསྒྲུབས་ཤིང་བསྒྲུབས་ཤིང་ཆོས་ལ་གཏད་སོ་མེད། །ཅི་ཙམ་སྨྲས་ཀྱང་བརྗོད་པ་མི་ཟད་དེ། །བརྗོད་མེད་རྟོགས་ན་བརྗོད་པ་ཀུན་གྱི་རྒྱུ། །རང་བཞིན་དེ་ཤེས་ཁོ་བོ་མ་ལགས་ཏེ། །ཀུན་མཁྱེན་


ZP01_Page_386
[མ་དཔེ་གཟིགས་ན་འདིར་གནོན།]

མ་དཔེ་ལས་རྒྱབ་ཤོག་ནོར་འདུག


ZP01_Page_387
[མ་དཔེ་གཟིགས་ན་འདིར་གནོན།]

སྟེ། །ཐམས་ཅད་རྒྱལ་བའི་གོ་འཕང་ཐོབ་གྱུར་ཅིག །བདག་ཀྱང་སྐྱེ་དང་སྐྱེ་བར་དད་པའི་ནོར། །མི་འབྲལ་ཡིད་ཆེས་གཅིག་གིས་འཁོར་ཡུག་ནས། །ཟུམ་པའི་ཐལ་མོ་སྦྱོར་བའི་སྐལ་བཟང་གིས། །རྗེ་བཙུན་བླ་མའི་ཞབས་རྡུལ་རེག་གྱུར་ཅིག །དགེའོ།། །།

འབུལ་ཡིག་ལེའུ་ཚན་དང་སྤྲིང་ཡིག


ZP01_Page_389
[མ་དཔེ་གཟིགས་ན་འདིར་གནོན།]

འབུལ་ཡིག་ལེའུ་ཚན་དང་སྤྲིང་ཡིག་བཞུགས་སོ།། །།


ZP01_Page_390
[མ་དཔེ་གཟིགས་ན་འདིར་གནོན།]

ཤེས་རབ་མཆོག་གི་སྣང་བ་ཡིས། །རྨོངས་པའི་མུན་པ་རབ་བསལ་ནས། །ཐར་པའི་ལམ་བཟང་སྟོན་མཛད་པ། །བླ་མེད་བླ་མ་རྒྱལ་གྱུར་ཅིག །ཡང་དག་ཡེ་ཤེས་སྒྱུ་མའི་རྟེན་འབྲེལ་ལས། །མཚན་དཔེའི་རི་མོ་བཀྲ་བ་གཟུགས་ཀྱི་སྐུ། །སྲིད་པའི་གདུང་བ་སེལ་བའི་འོད་དཀར་ཅན། །བསོད་ནམས་བྱེ་བའི་འབྱུང་གནས་གང་དྲུང་དུ། །སོར་བཅུའི་པདྨོ་འཛུམ་པའི་རྣམ་འགྱུར་ལས། །དད་བརྒྱའི་ཀུ་མུད་དགོད་པའི་དཔལ་རྟོགས་པའི། །དགེ་མཚན་གསར་དུ་ངོམ་དང་ཆབ་གཅིག་པར། །ཞུ་མཆིད་རྒྱུ་སྐར་ལྷ་མོའི་མགྲིན་གླུ་སྒྲོགས། །གཅིག་དང་དུ་མའི་མཐའ་ལ་གནས་མིན་པའི། །རྒྱལ་བའི་ཡེ་ཤེས་གཅིག་གི་ཆོ་འཕྲུལ་ལས། །འགྲོ་ཁམས་མོས་པའི་བྱེ་བྲག་ཅི་སྙེད་དུ། །རྣམ་རོལ་སྤྲུལ་པའི་ཟླ་བ་བགྲངས་ཡས་འཆར། །གང་ཡང་རང་བཞིན་མེད་པར་རོ་གཅིག་པས། །ངང་ཚུལ་ཅིར་ཡང་འཆར་བ་ཆོས་ཉིད་ཕྱིར། །སྟོང་དང་རྟེན་འབྲེལ་འགལ་བ་མེད་ཚུལ་ལས། །སྲིད་དང་ཞི་བའི་ཆོས་ཁམས་གང་ཞིག་གདའ། །དེ་ཕྱིར་ཆོས་ཉིད་དག་པའི་ཆོས་སྐུ་ལས། །རྟེན་འབྱུང་ཡེ་ཤེས་འཁོར་ལོའི་སྒྱུ་འཕྲུལ་སྤྲིན། །སིནྡྷུའི་དྭངས་མཚོར་སྨིན་པ་མཚོ་སྐྱེས་རྗེ། །སྙིགས་འགྲོའི་མགོན་དུ་གྱུར་པ་ཁྱོད་མིན་ནམ། །སྣང་བའི་བདེན་ཞེན་ཟད་པའི་རིག་ངོ་ན། །རྙེད་བཀུར་མཚན་མར་འཛིན་


ZP01_Page_391
[མ་དཔེ་གཟིགས་ན་འདིར་གནོན།]

པའི་བློ་ཟད་ཀྱང་། །སྙིང་རྗེའི་རྩ་བ་བརྟན་པའི་བྱང་སེམས་ཀྱིས། །ཕང་ཕུང་སྲིད་པའི་གདུང་སེལ་ལྷག་པར་རྒྱས། །གང་གི་བྱིན་རླབས་ཐུགས་རྗེའི་གྲིབ་བསིལ་དུ། །བསྟི་བའི་ངལ་བསོ་ཐོབ་པའི་སྐལ་བཟང་ཡང་། །མཐོ་རིས་ཡོན་ཏན་དུ་མའི་དགའ་བ་ལས། །རོལ་པའི་དཔལ་འབྱོར་གསར་དུ་བསྐྱེད་མིན་ནམ། །དེ་སླད་བརྩེ་བའི་མ་ལ་བུས་པོས་བཞིན། །རབ་དགའི་མིག་དཀྱུས་གཡོ་དང་ཆབ་གཅིག་པར། །དངོས་འབྱོར་མཆོད་པའི་མེ་ཏོག་ཆུང་ངུ་ཡང་། །ཞུམ་མེད་སྟོབས་པའི་ཚུལ་ལ་སྤྲོ་བ་འཕེལ། །གང་ཞིག་དུས་གསུམ་གྱི་རྒྱལ་བ་ཐམས་ཅད་ཀྱི་ཕྲིན་ལས་གཅིག་ཏུ་བསྡུས་པའི་བདག་ཉིད་དཔལ་མགོན་གྱི་སློབ་དཔོན་པདྨ་འབྱུང་གནས་ཉིད་གདུལ་དཀའ་སྙིགས་མའི་འགྲོ་ངོར་སླར་ཡང་སྤྲུལ་པའི་རོལ་གར་གཉིས་པར་བསྟན་པ། ཟབ་མོ་གཏེར་གྱི་འཁོར་ལོས་བསྒྱུར་བ་ཆེན་པོ་གང་ཉིད་སྔོན་སྨོན་ལམ་ཟབ་མོའི་རྟེན་འབྲེལ་དང་། ཐུགས་བསྐྱེད་བླ་ན་མེད་པའི་མཚམས་སྦྱོར་ལས། །མདོ་ཁམས་སའི་ལྟེ་བ། རུ་དམ་འཛིན་མའི་ལྗོངས་འདིར། ཞབས་ཀྱི་འཁོར་ལོ་ལེགས་པར་བཀོད་དེ། །ཁོ་བོ་ཅག་གང་དུ་བསྟི་བའི་གཙུག་ལག་ཁང་ཆེན་པོ་འདིར་ཡང་། །བཀྲ་ཤིས་པའི་དགེ་མཚན་བརྒྱ་ཕྲག་གི་བྱེད་པོ། །ཞལ་དཀྱིལ་ཟླ་བ་གང་པའི་ལང་ཚོ།


ZP01_Page_392
[མ་དཔེ་གཟིགས་ན་འདིར་གནོན།]

སྐལ་བཟང་མིག་གི་བདུད་རྩིར་སྣང་བར་མཛད་ནས། །སྨིན་གྲོལ་ཟབ་མོའི་དགའ་སྟོན་གྱིས་རིགས་མཆོག་རྡོ་རྗེ་འཆང་གི་རྒྱལ་སར་དབང་བསྐུར་བ་དང་། མཐོང་ཐོས་དྲན་རེག་གིས་འབྲེལ་པའི་སྐལ་མེད་ཐར་བའི་ས་བོན་འདེབས་པ་དང་། རྟེན་འབྲེལ་ཟབ་མོའི་ཚོགས་སྣོད་བཅུད་དགེ་ལེགས་སུ་བྱེད་པའི་ཐབས་མཁས་ངོམ་པ་སོགས་གང་ལ་གང་འདུལ་གྱི་མཛད་པ་དཔགས་དཀའ་བའི་ཐུགས་རྗེ་གཞལ་དུ་མེད་པའི་བཀའ་དྲིན་གྱིས་སྐྱོང་བར་མཛད་པའི་སྐུ་དྲིན་ནམ་མཁའི་མཐའ་བཞིན་གཞལ་བར་ནུས་པ་མ་ཡིན་མོད་ཀྱིས། །རང་བློས་བྱས་ཤིང་དྲིན་བཟོའི་སྲོལ་ཀ་མི་ནུབ་པའི་བརྡ་ཙམ་དུ་ཐོག་མར་བཀྲ་ཤིས་ལྷ་གོས་ཟླ་བའི་མདངས་ཅན་བཀྲ་ཤིས་པའི་རི་མོ་བཀྲ་བ་སོགས། བརྒྱ་ཕྲག་གསུམ་གྱི་འབུལ་ལམ་ཞུ་ཞིང་། དེ་ལྟར་དངོས་འབྱོར་ཟང་ཟིང་གི་མཆོད་པ་ཕྲ་མོའི་མཚོན་པའི་རྟེན་དུ་བྱས་ཏེ་ཡིད་སྤྲུལ་ཀུན་ཏུ་བཟང་པོའི་མཆོད་སྤྲིན་གྱི་རྗེས་སུ་སློབ་པའི་མོས་འདུན་རྣམ་པར་དག་པ་དང་བཅས་དགེ་ཚོགས་བྱང་ཆེན་དུ་བསྔོ་བའི་ཚིགས་སུ་བཅད་པའི་དབྱངས་ལ་འཁོར་གསུམ་བདེན་ཞེན་དག་པའི་ཟག་མེད་ཐུགས་ཀྱི་དགོངས་པས་རྗེས་སུ་དགོངས་ཤིང་། ཚངས་དབྱངས་གསུང་གི་བརྗོད་པའི་མཐུན་གྱུར་ཀྱང་བཀའ་དྲིན་དུ་ཞུ་ལགས། །གང་ཞིག་བྱང་ཆེན་རྒྱ་


ZP01_Page_393
[མ་དཔེ་གཟིགས་ན་འདིར་གནོན།]

མཚོར་རོ་གཅིག་པའི། །སེམས་མཆོག་སྙིང་རྗེས་ཤུགས་ཀྱིས་སྲིད་འགྲོ་སྤྱིའི། །རྣམ་མཁྱེན་ཡེ་ཤེས་རྒྱ་མཚོའི་ཚོང་ཟོང་དུ། །སྦྱར་ལ་ཡིད་འོང་འབྲས་བུ་ཅིས་མི་སྨོན། །གནས་སྐབས་བྱང་ཆུབ་སྤྱོད་པ་བླ་ན་མེད། །ཀུན་བཟང་འཇམ་དཔལ་དཔའ་བོའི་རྗེས་སློབ་པའི། །ཐབས་ཚུལ་ནམ་མཁའི་ཕྱོགས་དུས་ལ་འགྲན་ལ། །མིང་ལ་བརྩོན་པའི་ཁུར་དུ་ཐོབ་པར་སྨོན། །དེ་འབྲས་མ་རྒན་འགྲོ་བའི་དགའ་སྟོན་དུ། །གྱུར་ནས་སྲིད་པའི་དུཿཁ་ཀུན་ཞི་ཞིང་། །ལམ་དང་ལམ་གྱི་སྟེགས་ལ་བདེར་འཛེགས་པའི། །བགྲོད་པ་ནོར་བུས་ཐེམ་སྐས་རྟེན་གྱུར་ཅིག །ཁྱད་པར་སྙིགས་མའི་སྐྱབས་མགོན་ཨོ་རྒྱན་རྗེ། །ཕྲིན་ལས་ནམ་མཁའི་མཐས་ཀྱང་གཞལ་དཀའ་བར། །གསལ་བྱེད་སྤྲུལ་པའི་རོལ་གར་འབུམ་ཕྲག་འབུམ། །མཐོང་བའི་སྐལ་བཟང་དགའ་བ་རྟག་འཆར་ཤོག །གང་ལ་མཆོག་གི་མཛད་པ་མཆོག་གྱུར་བ། །གང་ཡང་བདེ་ཆེན་བདེ་བར་སྡོམ་པའི་མགོན། །གང་དུ་གདུལ་བྱའི་གླིང་བཞིར་གླེང་གྱུར་བ། །གང་གི་ཞབས་པད་བསྐལ་བརྒྱའི་བསྐལ་མཐའ་བརྟན། །ཞལ་མཇལ་གསུང་གི་བདུད་རྩི་ལེགས་བཏབ་པའི། །བདག་ཅག་ལྟོས་བཅས་སློབ་མའི་འཁོར་ཚོགས་ཀྱང་། །སྨིན་གྲོལ་ལམ་གྱི་སྦྱངས་བརྩོན་མི་དམན་ཞིང་། །ཀུན་


ZP01_Page_394
[མ་དཔེ་གཟིགས་ན་འདིར་གནོན།]

ཤེས་མཐོང་སྒོམ་འབྲས་བུ་དར་གྱུར་ཅིག །ས་ཕྱོགས་འདིས་མཚོན་ཡངས་པའི་རྒྱལ་ཁམས་ཀུན། །སྙིགས་མའི་རྒུད་པ་མིང་གི་མཐར་བྱས་ཏེ། །རྫོགས་ལྡན་གསར་དུ་མཐོང་བའི་ངོ་མཚར་གྱིས། །སྣོད་བཅུད་གསུམ་རྩེན་གནས་ལ་འགྲན་པར་སྨོན། །སྨོན་འོས་ལེགས་ལམ་སྟོང་གི་རྒྱུད་གཅིག་ཏུ། །ཟབ་གཏེར་བདུད་རྩི་གསར་བའི་རྒྱུན་བཟང་པོར། །བཤད་སྒྲུབ་སྦུ་ཕྲེང་བྱེ་བའི་གར་རོལ་བ། །སྲིད་པའི་མཐའ་རྒྱ་འགེབ་ལ་རྒྱལ་གྱུར་ཅིག །རྙིང་བསྟན་ལྷ་ལམ་ཡངས་པའི་དོ་ར་ན། །བཀའ་གཏེར་ཉི་ཟླའི་བགྲོད་པ་ཕྱོགས་མཐུན་པའི། །དགེ་ལེགས་ངེས་པ་ལྔ་ལྡན་ཞིང་བཞིན་དུ། །འཛམ་གླིང་ཡངས་པའི་ཁམས་ཀུན་འགེངས་གྱུར་ཅིག །སྔོན་བྱོན་ཆོས་རྒྱལ་ཡབ་སྲས་ཐུགས་བསྐྱེད་རྒྱུན། །ཕྱིས་འབྱུང་གདུལ་བྱ་འདུལ་བའི་ཐབས་མང་པོར། །གེགས་མེད་རྟེན་འབྲེལ་སྒོ་འཕར་བརྒྱ་ཕྱེ་ཞིང་། །བསྟན་འགྲོའི་ལེགས་ལམ་སྣང་བ་རྒྱས་པར་སྨོན། །བཀྲ་ཤིས་གང་ཞིག་སྲིད་དང་ཞི་བའི་གདུང་སེལ་བ། །རིན་ཆེན་སེམས་དང་གཉིས་སུ་དབྱེ་བ་མེད་གྱུར་གང་། །དམིགས་བྲལ་ཆོས་ཉིད་མངོན་སུམ་གཟིགས་པའི་དགེ་བ་དེས། །ས་གསུམ་ཡང་དག་ཡེ་ཤེས་སྣང་བ་འབར་གྱུར་ཅིག །གཏེར་ཆེན་མཆོག་གྱུར་བདེ་ཆེན་གླིང་པ་རུ་དམ་ཨོ་རྒྱན་བསམ་གཏན་ཆོས་གླིང་དུ་ཕེབས་སྐབས་རྫོགས་ཆེན་བླ་བྲང་གི་འབུལ་


ZP01_Page_395
[མ་དཔེ་གཟིགས་ན་འདིར་གནོན།]

ཡིག་དཔལ་སྤྲུལ་པས་སོ།། ༈ །།རྒྱལ་ཀུན་ཡེ་ཤེས་ཐུགས་རྗེ་ཕྲིན་ལས་ཁམས། །གདུལ་བྱའི་སྣང་དོར་མཚན་དཔེའི་སྐུར་སྣང་བ། །རྡུལ་སྙེད་སྤྲུལ་པའི་གར་རོལ་ཨོ་རྒྱན་རྗེ། །ཐུགས་སྲས་རྗེ་འབངས་བརྒྱུད་བཅས་རྒྱལ་གྱུར་ཅིག །གང་ཐུགས་ཡེ་ཤེས་གཅིག་གི་རྣམ་རོལ་ལས། །འགྲོ་ཁམས་མོས་པའི་བྱེ་བྲག་ཇི་སྙེད་པར། །གདུལ་བྱེད་སྟོན་པའི་རྣམ་གྲངས་བརྗོད་འདས་ལ། །དད་བརྒྱའི་གུས་ཕྱག་གློག་གི་གར་བཞིན་རྩེན། །ཁྱད་པར་སྙིགས་འགྲོའི་གདུལ་དཀའི་རྒྱུད་ཐ་བར། །ལམ་བཟང་བདུད་རྩིའི་རླན་སྦྱིན་ཟབ་གཏེར་ཆོས། །སྦས་པའི་རྒྱ་བཀྲོལ་ཐང་མར་བརྡལ་མཛད་པའི། །བཀའ་དྲིན་ནམ་མཁའི་མཐས་ཀྱང་གཞལ་དཀའ་ཤེས། །ལྷག་པར་ཐུགས་རྗེ་མཆོག་གིས་སྤྱན་རས་གཟིགས། །མཆོག་དམན་སྐལ་པར་འཇུག་པའི་ཕྲིན་ལས་རྒྱུན། །རང་རྒྱུད་བསོད་ནམས་ཟོང་གིས་ཁུག་པའི་རིན། །སྟོང་ཆེན་གསེར་གྱིས་བཀའ་ཡང་ཆུང་མཐར་ངེས། དེ་ལྟ་ནའང་འཕགས་ཆེན་དམ་པའི་ཐུགས། །མ་ལ་བུ་བཞིན་གདུལ་འགྲོར་རྗེས་བརྩེ་བས། །ཆོས་བརྒྱད་ཟང་ཟིང་འདོད་པ་བྱེད་པའི་གཤིས། །དམ་པའི་སྐུ་དྲིན་དྲན་ནས་མཇལ་བློ་སྐྱེས། །སྐྲ་རྩེས་བླང་བའི་ཆུ་ཐིག་རྒྱ་མཚོར་བཞིན། །དགེ་ཚོགས་ཆོས་དབྱིངས་དག་པའི་ཀློང་སྟོབས་པའི། །ཐུགས་བསྐྱེད་མཁའ་ཁྱོན་འགེངས་


ZP01_Page_396
[མ་དཔེ་གཟིགས་ན་འདིར་གནོན།]

བའི་ཆ་ཤས་སུ། །དངོས་འབྱོར་མཆོད་པའི་རྡུལ་ཕྲན་གཤིབ་ལ་བྲེལ། ཞེས་ཤིས་བརྗོད་ཕྱག་དང་མཆོད་པའི་ཚིགས་སུ་བཅད་པ་ཅུང་ཟད་ཀྱིས་མདུན་བསུས་ཏེ། སྐབས་སུ་བབས་པའི་ཞུ་གསོལ། དེང་བླ་ན་མེད་པའི་ཐུགས་བསྐྱེད་མཆོག་གི་སྐྱ་རེངས་ཀྱི་སྣང་བས་མངོན་པར་དྲངས་པའི་གཟུགས་སྐུ་རྟ་ལྗང་གི་དཀྱིལ་འཁོར་ཨོ་རྒྱན་སངས་རྒྱས་གཉིས་པའི་རྒྱལ་ཚབ་མཆོག་གི་ཕྲིན་ལས་ཀྱི་ཁུར་ཆེན་པོ་བསྣམས་ཏེ། ཟབ་མོ་གཏེར་གྱི་འཁོར་ལོས་ཐུབ་བསྟན་གླིང་བཞིའི་ཁྱོན་ལ་དབང་བསྒྱུར་ནས་སྐལ་བཟང་རྗེས་སུ་འཛིན་པའི་རྟེན་འབྲེལ་གྱི་སྒོ་འཕར་བརྒྱ་ཕྲག་ཅིག་ཆར་དུ་འབྱེད་པའི་ཕྲིན་ལས་བླ་ན་མེད་པ་ལས། རང་རྒྱུད་སྐལ་པའི་དཔལ་དུ་ཐུགས་རྗེས་ཆར་རྒྱུན་ལྷག་པར་བབས་པའི་སྐུ་དྲིན་གསོ་བྱེད། དངོས་འབྱོར་མཎྜལ་གྱི་མཆོད་པ་ཕྲན་བུ་སྤྲོ་བ་ལ། ཐོག་མར་སོགས་ཞུ་ཞིང་། གང་ཞིག་གསེར་དང་བོང་བ་མཉམ་གཟིགས་པའི། །སྤྱན་སྔར་དངོས་རྫས་མཆོད་པ་མཉེས་བྱེད་དུ། །འོས་པ་མིན་ཀྱང་བདག་ལྟའི་མདུད་པའི་རྒྱ། །ལྷོད་བར་རེ་བའི་ཐབས་ལ་དགའ་བ་སྐྱེས། །ལུས་དང་ལོངས་སྤྱོད་དུས་གསུམ་དགེ་བའི་རྒྱུན། །ཡིད་སྤྲུལ་རང་བློས་གང་དཔོགས་མཆོད་པའི་སྤྲིན། །ཀུན་ཏུ་བཟང་པོའི་རྣམ་རོལ་རྗེས་སློབ་པའི། །ཚུལ་ལ་འཇུག་པའི་རྣམ་རྟོག་ཟད་པར་གྱུར། །གཡོ་བའི་ཀུན་རྟོག་རླབས་ཀྱིས་དཀྲུགས་ཡིད་མཚོར། །ཉེས་སྤྱོད་རྙོགས་མ་བཀྲུ་བའི་ཀེ་ཏ་ཀ །སྟོབས་


ZP01_Page_397
[མ་དཔེ་གཟིགས་ན་འདིར་གནོན།]

བཞིའི་ཡན་ལག་རྫོགས་པའི་ཀུན་སློང་འཕུལ། །དག་བྱེད་གངྒའི་རྒྱུན་བཟང་གཉིས་པར་ཆས། །སྲས་བཅས་རྒྱལ་བའི་ཕྲིན་ལས་དཔག་དཀའི་ཁུར། །ཐུགས་བསྐྱེད་དཔུང་བ་གཅིག་གིས་བཏེགས་པའི་རྗེས། །ཡི་རང་མེ་ཏོག་སིལ་མ་འགམ་པ་ལ། །ལྷ་ཡུལ་ནམ་མཁའི་དྲི་བཞོན་ཁེངས་པ་འཕྲོག། ཟབ་དོན་མཁའ་འགྲོའི་ཞལ་ཆབ་བཞུས་པའི་གསེར། །ཐབས་མཆོག་རྩིབ་སྟོང་བཀྲ་བའི་བཤད་སྒྲུབ་འགྲོས། །སྐལ་ལྡན་ཡིད་མཁར་ཐོགས་པ་མེད་རྒྱུ་བས། །ཀུན་སྦྱོར་འཆིང་བ་གཅོད་ལ་རྟག་ཏུ་རེ། །དབང་བཅུའི་དབང་གིས་ཆེས་ཕྱུག་ཨོ་རྒྱན་རྗེའི། །རྒྱལ་ཚབ་རྒྱལ་བར་མཉམ་པའི་འཚོ་གཞེས་རྒྱུན། །བསྐལ་བརྒྱའི་བསྐལ་མཐར་བསྲིང་བའི་ངོ་མཚར་ལ། །དད་གསུམ་དད་ཕྱག་དང་བཅས་ལན་བརྒྱར་གསོལ། །དེ་དགེ་དྲི་མེད་ཟླ་བའི་མདངས་འཕྲོག་པ། །འཁོར་གསུམ་ར་རི་ཕྱིས་བའི་དཀར་ཕྱོགས་ཆ། །ཀུན་མཁྱེན་ཡེ་ཤེས་ཕུང་པོར་ཡོངས་རྫོགས་ནས། །སྲིད་པའི་སྣང་བྱེད་གཅིག་པུར་འབར་གྱུར་ཅིག །གནས་སྐབས་སུ་ཡང་སྲིད་པའི་འགྲོ་རྒྱུད་ཁམས། །བདེ་དགེ་དཔལ་བརྒྱས་ཆེས་ཆེར་གང་བའི་རླབས། །ཐུབ་བསྟན་ལྗོན་པའི་རྐང་གིས་ལྷབ་ལྷུབ་ཏུ། །བརྒྱན་པའི་རྒྱ་མཚན་མཐོ་རིས་རྒྱལ་གྱུར་སྨོན། །བཅུ་དྲུག་དགའ་བས་བཞུས་པའི་བདེ་ཆེན་གསེར། །གླིང་བཞིའི་མཁའ་མཐར་མཐོ་བའི་ཏོག་བཟང་དུ། །སྤྲས་ལས་


ZP01_Page_398
[མ་དཔེ་གཟིགས་ན་འདིར་གནོན།]

ཟབ་གཏེར་འོད་བརྒྱའི་དཔལ་འབར་བ། །དར་རྒྱས་རྟག་བརྟན་རྡོ་རྗེའི་ཁམས་སུ་གྱུར། །བཀྲ་ཤིས་སྙིང་གི་ཉིན་བྱེད་འོད་པོ་ཆེ། །སྲིད་ཁམས་མ་རིག་མུན་པ་སེལ་བའི་འོད། །ཡང་དག་ཡེ་ཤེས་སྣང་བས་འཛམ་གླིང་ཁྱོན། །ངོ་མཚར་དགེ་ལེགས་མཆོག་གིས་ཁྱབ་གྱུར་ཅིག །ཅེས་པ་འབུལ་ཡིག་འདི་གཏེར་ཆེན་རིན་པོ་ཆེ་གླིང་སྤྲུལ་ཚང་གིས་གདན་འདྲེན་སྐབས་སུ་དཔལ་སྤྲུལ་རིན་པོ་ཆེས་ལྗགས་རྩོམ་མོ།། ༈ །།རྡོ་བླ་སྤྲུལ་སྐུ་ཚང་ལ་བླ་མ་རོག་གྲ་མ་དཔལ་དགེའི་མདུན་ནས་རྩ་རླུང་ཞུ་བསྐུལ་རྩེད་མོའི་ཚུལ་དུ་ཞུ་གསུངས་པ། །བླ་སྤྲུལ་དབོན་བཅས་ཞབས་དྲུང་དུ། །སྡེ་མཐའི་རྒན་མོས་རུ་ཆུས་བཞིན། །བས་མཐའི་རྒན་པོས་གུས་ཞུ་བ། ཀློང་ཆེན་སྙིང་ཐིག་རྩ་རླུང་འདི། །དར་རུས་ཧ་ཅང་དར་ཆེ་སྟེ། །རས་པ་བྲ་རས་ས་སྟེང་ཁྱབ། །ད་ནི་ཧ་ཅང་དཀོན་ཆེ་སྟེ། །བླ་རྒན་དཔལ་དགེ་མ་གཏོགས་པ། །བརྒྱུད་འཛིན་གཅིག་བྱང་བོད་ན་མེད། །ད་ནི་རྒྱུད་པ་ཆད་ལ་ཐུགས། །ཨི་ཐུག་མི་ཐུག་ཐུགས་བསམ་གཞིག །རྡོ་གསེར་དགོན་པ་ཐམས་ཅད་ན། །ཆོས་ཐུན་གསུམ་པོ་ཆག་པ་མེད། །ཨ་བུ་ཚང་ལ་གཅིག་ལས་མེད། །ད་ནི་གྲྭ་པ་ཐམས་ཅད་པོ། །རྩ་རླུང་རྫོགས་ཆེན་ཞུ་ཕྱིར་ཏུ། །དཔལ་སྤྲུལ་ཡུལ་འཆོར་རེ་ས་རེད། །མ་ཤོར་གསུམ་ལ་རྡོག་པ་གཏོད། །བསྟན་པ་རྒྱས་པའི་བཀྲ་ཤིས་ཤོག། ༈ །།རྣམ་རྟོག་སྤན་སྤུའི་དམག་ཚོགས་ལང་བ་ན། །ཁ་བོ་ཆེ་བའི་རྫོགས་ཆེན་དཔའ་བོ་ཡང་། །གར་སོང་མེད་པར་ཆ་མེད་ཡུལ་དུ་བྲོས། །ཟང་ཐལ་


ZP01_Page_399
[མ་དཔེ་གཟིགས་ན་འདིར་གནོན།]

རིག་པའི་མདུང་ཐུང་རྣོན་པོ་ཡང་། །གཡུགས་ལོང་མ་བྱུང་མདུང་ཡུ་ཆག་ལ་ལྟོས། །སྒོམ་ཆེན་མཉམ་པར་བཞག་པའི་གདན་འོག་ནས། །རྣམ་རྟོག་སྤན་སྤུའི་བྱི་ལོང་འབུར་བ་ན། །སྡོད་དུ་མ་ཚུགས་འཕར་འདར་ལིང་ལིང་ལངས། །ཆགས་སྡང་འཁྲུགས་ལོང་རླུང་ཚུབ་ལངས་བ་ན། །ཆོས་དབྱིངས་མཛོད་ཀྱང་ནུས་པ་མེད་པར་གཏོར། །ད་ནི་ཅི་ཡང་བྱེད་ཐབས་མི་འདུག་པས། །སྤྱོད་འཇུག་བཟོད་ལེའི་ཁྲབ་སྒོག་འཐོར་བོ་དེ། །གྱོན་མོས་མེད་ཀྱང་མི་གྱོན་ཁ་མེད་ཡིན། ཇི་སྐད་དུ། །ས་སྟེང་འདི་དག་ཀོས་གཡོག་ཏུ། །དེ་སྙེད་ཀོ་བས་ག་ལ་ལང་། །དེ་བཞིན་ཕྱི་རོལ་དངོས་པོ་ཡང་། །བདག་གིས་ཕྱིར་བཟློག་མི་ལང་གིས། །རང་གི་སེམས་འདི་ཕྱིར་བཟློག་བྱའི། །གཞན་རྣམས་བཟློག་ཀོ་ཅི་ཞིག་དགོས། །ཞེས་དང་། །དེ་བས་ངལ་བས་མ་བསྒྲུབ་པས། །ཁྱིམ་དུ་གཏེར་ནི་བྱུང་བ་ལྟར། །བྱང་ཆུབ་སྤྱོད་པའི་གྲོགས་གྱུར་བའི། །བདག་གི་དགྲ་ལ་དགའ་བར་བྱ། །ཞེས་སོ། །འདི་ན་སྒོམ་ཆེན་མང་པོ་ཞིག །གཉེན་པོའི་གོ་མཚོན་མང་ཡོད་ཀྱང་། །ཁོང་ཁྲོའི་འཐབ་ཡུལ་མ་རྙེད་ནས། །ཞི་གནས་ངང་ལ་གཉིད་དུ་ལོག །བསོད་ནམས་ཅན་གྱི་གང་ཟག་ལ། །ཆགས་སྡང་རྐུན་པོ་འཇབ་པ་དེ། །གཉེན་པོའི་གོ་ཆ་སྲ་མི་སྲ། །ལྟ་བསྒོམ་རལ་གྲི་རྣོ་མི་རྣོ། །རྣལ་འབྱོར་དཔའ་སྙིང་ཡོད་མེད་བལྟ། ཨོ་ཧོ་ཧོ། །གང་ཚེ་རང་ཡིད་ཆགས་པ་དང་། །ཁྲོ་བར་འདོད་


ZP01_Page_400
[མ་དཔེ་གཟིགས་ན་འདིར་གནོན།]

པའི་སེམས་བྱུང་ངམ། །སྨྲ་བར་འདོད་པའི་སེམས་བྱུང་ན། །དེ་ཚེ་ཤིང་བཞིན་བཞུགས་སུ་གསོལ། བཛྲ་སམ་ཡ་ཏི་ཥྛ་ལྷན། །རིག་འཛིན་འཇིགས་མེད་གླིང་པའི་ཞལ་ནས། །ཆེ་དགུ་དུ་མའི་སྙིང་ལ་གནས་བཅས་ནས། །མཛད་སྤྱོད་ལོག་པར་བསྒྱུར་དང་ཆབ་གཅིག་པར། །ནད་མཚོན་མུ་གེའི་སྣ་འདྲེན་བྱེད་པ་ཡི། རྒྱལ་འགོང་སོགས། །ཞེས་སོ། །དེ་ཡང་། རྔ་ལ་རྔ་ཡི་དབྱུ་གུ་དང་། །རོལ་མོ་ཀུན་ལ་ཁ་ཡ་བཞིན། །གྲོགས་མེད་གཅིག་པུར་གནས་པ་ལ། །གཏམ་དང་སྨྲ་བརྗོད་འབྱུང་མི་སྲིད། །དེ་ཕྱིར་བླ་མ་གྲྭ་པ་དང་། །དབུ་ཆོས་དཔོན་གཟུ་ལ་སོགས་པའི། །ཁ་སེམས་གཉིས་པོ་འདྲེས་དཀྲུགས་ནས། །འཁྲུགས་ལོངས་བཤད་གཏམ་འཐབ་རྩོད་སློང་། །དེ་ལས་ནད་མཚོན་མུ་གེ་སོགས། །འཇིག་རྟེན་མི་བདེ་ཐམས་ཅད་འབྱུང་། །དེ་དག་ཀུན་གྱི་རྩ་བ་ནི། །གཅིག་པུར་སྡོད་དུ་མ་ཚུག་པའི། །རྣམ་རྟོག་ངན་པ་གཅིག་ལ་ཐུག །དེའི་ཕྱིར་མི་བློ་འདྲེས་བརྒུལ་བའི། །རྣམ་རྟོག་འཕྲོ་འདུ་མང་པོ་འདི། །རྫོགས་པ་ཆེ་དང་བཟོད་པ་དང་། །ཐ་ན་སྡུག་བསྲན་མུག་བསྲན་ཡན། །ཐབས་ཚུལ་གང་དང་གང་དྲག་གིས། །ཡང་དག་ལམ་དུ་སློང་ནུས་ན། །དེ་ཚེ་བདུད་ཀྱི་གཡུལ་ལས་རྒྱལ། །ཕྱིན་ཆད་ལྷ་ཆོས་ཅི་སྤྱོད་ཀྱང་། །བར་ཆད་མེད་ཅིང་ལམ་དུ་འགྲོ། །བདུད་དབང་རྣམ་རྟོག་ངན་པ་འདི། །ལམ་དུ་མ་སློང་རྗེས་འབྲང་ན། །བླ་མའི་ཐུགས་དཀྲུགས་མཆེད་གྲོགས་ཀྱི། །


ZP01_Page_401
[མ་དཔེ་གཟིགས་ན་འདིར་གནོན།]

ལྕགས་དཀྲུགས་ཐར་པ་ནག་པོ་བཞིན། །ཕྱིན་ཆད་ཆོས་ཀྱི་སྐལ་པ་ཆད། །དེ་ཕྱིར་རྟོག་ངན་ཅི་སྐྱེས་ཀྱང་། །སྤང་བླངས་མི་བྱ་རང་སོར་ཀློང་། །ཀུན་བཟང་སྨོན་ལམ་བཏོན་ན་གོ །དྲན་པས་ཟིན་པའི་རྣམ་རྟོག་གས། །ལས་མི་གསོགས་ཞེས་བླ་མས་གསུངས། །དེ་ཕྱིར་ཁོང་ནས་སྐྱེས་ཙམ་གྱི། །རྟོག་ངན་ཅི་ཙམ་འཕྲོ་ན་ཡང་། །དེ་ཡིས་ངན་འགྲོར་འཕེན་མི་ནུས། །གཉེན་པོ་ལྡན་པའི་རྣལ་འབྱོར་ལ། །རྟོག་ངན་ཅི་ཙམ་སྐྱེས་ན་ཡང་། །ཤར་གྲོལ་ངང་དུ་གློད་ཤེས་ན། །གྲོལ་ལུགས་བཞི་ཡི་ལྟད་མོ་དང་། །རྣམ་གྲོལ་འབྲས་བུའི་སྟོན་མོ་ཡོད། །ལྟད་མོ་སྟོན་མོ་ལ་རོལ་ནས། །མཁའ་འགྲོས་ལུང་བསྟན་གནས་མཆོག་ཏུ། །སྡོད་པའི་མི་དེ་སྐལ་བ་བཟང་། །ཞེས་པ་འདི་ཁྲོམ་ཟ་ཀུན་བཟང་བསྟན་འཛིན་ཁྲ་མ་ལུང་རི་ཁྲོད་ལ་སྡོད་སྐབས་རྣམ་རྟོག་གི་རྐྱེན་མང་གཡོས་ཚེ། །སྐྱབས་རྗེ་དཔལ་སྤྲུལ་པས་སྤྲིང་པ་ཡིན་ནོ།། ༈ །།རྫ་རྒྱལ་རྒྱབ་རི་རྨ་རྒྱལ་མདུན་རི་ཅན། །བླ་མ་མཁའ་འགྲོས་ལུང་བསྟན་གནས་མཆོག་ཏུ། །རྩེ་གཅིག་སྒྲུབ་ལ་བརྩོན་པར་མི་ནུས་པར། །སྔར་རྙེད་བརླག་དོགས་ཕྱིའི་རྙེད་མེད་དོགས་སྐྲག །སྟོང་འུར་གཏམ་ལ་ཉན་ནས་ཤིན་ཏུ་སྐྲག །རི་བོང་ཅལ་འགྲོགས་དགོན་པ་གཤེགས་སུ་གསོལ། །རེ་དོགས་རྟ་ལ་ཆི་བ་ནས་གཤེགས་སུ་གསོལ། །ཞེན་ཆགས་སྒྲོག་


ZP01_Page_402
[མ་དཔེ་གཟིགས་ན་འདིར་གནོན།]

གིས་བཅིང་ནས་གཤེགས་སུ་གསོལ། །ལྷག་ལྷོག་འཛད་མེད་བཀལ་ནས་གཤེགས་སུ་གསོལ། །ཆབ་ཆོབ་གཡག་རྒྱབ་ནོན་ནས་གཤེགས་སུ་གསོལ། །རྟ་ཆད་གཡག་ཆད་སྐྱོང་ཞིང་གཤེགས་སུ་གསོལ། །སྨིན་དྲུག་རྔ་ཚུབ་ནང་འདིར་གཤེགས་སུ་གསོལ། བཛྲ་ས་མ་ཛཿ །ཞེས་པ་འདི་རྫ་རྒྱལ་དགོན་པ་ཁྲ་མ་ལུང་ནས་ཕྱིར་ཁྲི་འགབ་མར་སྤོ་སྐབས་ཞལ་རྩེད་ཚུལ་དུ་སྤྲེང་བའི་ཡི་གེ་དཔལ་སྤྲུལ་བས་མཛད་དོ། །དལ་འབྱོར་དང་ལྡན་པའི་བླ་སེར་དཔོན་ཁག་རྣམས་ཀྱི་གཙོས་པའི་མགོ་ལོག་ཁ་གསུམ། རྡོ་སྙི་གསེར་གསུམ། །ཡུལ་འབྲོག་སྤྱིའི་ཡིད་ལ་ངེས་རྒྱུར། །སྤྱིར་ད་ལྟའི་དུས་འདིར་མི་བློ་འདྲེས་བསྒྱུར། །ནད་མཚོན་མུ་གེའི་བསྐལ་བ་དང་། །བླ་མ་ཆོས་ཡོད། དཔོན་པོ་ཁྲིམ་ཡོད་དགོན་སྡེ་གྲྭ་ཚང་ཐམས་ཅད་མེད་པར་སོང་། ཁྲམ་པ་རྐུན་མ། མནའ་ཟན་གཡོ་ཅན་ཐམས་ཅད་མགོ་འཕང་མཐོ། །སངས་རྒྱས་ཀྱི་བསྟན་པ་ནུབ་ལ་ཐུག །བསྟན་པ་ཉམས་པས་འགྲོ་བའི་བདེ་སྐྱིད་ཐམས་ཅད་ཟད། །རྒྱལ་ཁམས་མི་བདེ་ལང་ངེ་སོང་བའི་སྐབས་འདིར་བསམ་པ་བཟང་པོས་ཆོས་བཞིན་སྤྱོད་པ་རེ་གཉིས་ཡོད་ཀྱང་ཕན་པ་ཆུང་། །བདག་དཔལ་དགེ་སྤྲུལ་སྐུ་ཡང་རྒྱལ་ཁམས་སྤྱི་ལ་ཕན་པའི་བསམ་པ་བཟང་པོ་ཡོད་ཀྱང་བྱ་ཐབས་བྲལ། སྔ་སོར་རྒྱུ་འབྲས་ཀྱི་ཆོས་བཤད་ཕྲན་བུ་བྱས་པའི་དོན་དགོས་ཇག་ཁྲིམས་བཤས་ཁྲིམས།


ZP01_Page_403
[མ་དཔེ་གཟིགས་ན་འདིར་གནོན།]

སྡིག་བཅད་སོགས་གང་བྱས་དེ་སྔ་ཕན་ཚིག་ཐོག་དོན་གནས་བྱུང་བ་བསམ་པ་དགའ། ད་ལོ་མི་བློ་འདྲེས་བསྒྱུར་གྱི་བྱ་བས་རང་གཞན་གཉིས་ཕུང་གི་ལས་ངན་ཚབས་ཆེན་བསགས། །ད་དུང་ཀྱང་དམག་ཆེན་ཡོ་ལང་བྱས་ནས་བླ་མ་ཞེ་རྫོགས་གཙོས་འདི་ཕྱོགས་ཐམས་ཅད་མེད་པ་བྱེད་རྒྱུ་རེད་ཟེར་བའི་སྟོང་སྐད་འུར་སྒྲ་ཆེ་ཡང་། །བདེན་ཐབས་ག་ལ་ཡོད། ཚིག་པ་གཡག་ལ་ཟོས། ལོངས་ལྕགས་རྟ་ལ་རྒྱབ་པའི་དཔེ་བཞིན་ཉག་རོང་གི་དམག་ལ་སྐྲག་ནས་དོན་མེད་ཀྱི་སྡེ་དགོན་མང་པོ་བརླག་པས། །ཉག་སྐེད་ལ་སྤུ་ཙམ་ཡང་མི་ཐུབ་པར་མ་ཟད། །སྡེ་འཐོར་ཐམས་ཅད་ཁོ་ངང་གིས་བསྡུས་ཏེ་ཕན་པའི་གྲོགས་སུ་སོང་། རྒྱལ་ཁམས་སྤྲང་པོས་གང་། མིག་གིས་མཐོང་མི་དགོས། རྣ་བས་ཐོས་ཀྱང་མཆི་མ་འཆོར་པའི་བྱེད་ངན་དེ་འདྲ། དཔོན་ཁག་སོགས་བསམ་ཡོད་རྣམས་ནས་དྲན་ཐབས་དང་བྱེད་ཐབས་ག་ལ་ཡོད་ཀྱང་། ཁྲམ་པ་སྡེ་བཤིག་རྣམས་ཀྱི་ཟ་འདོད་རྫུན་ཁྲམ་གྱི་ལས་ཀ་ལ་ནམ་ཕུག་ཐུབ་བ་ཞིག་མེད་ངེས་ཡིན། ད་དུང་ཀྱང་དེ་འདྲའི་བྱེད་ངན་མུ་མཐུད་དེ་དགོན་སྡེ་གྲྭ་ཚང་གཏོར་བ་དང་སྡེ་གླིང་གི་སྡེ་བ་བརླག་པ་སོགས་ཚབ་ཆེན་བྱས་ན། མགོ་ལོག་གི་ཡུལ་ཁམས་སོགས་ཐམས་ཅད་དུ་འདི་ཕྱི་གཉིས་ཀར་ཕུང་ཞིང་། འཕྲལ་དུ་མཐུ་རྟགས་ཆོ་འཕྲུལ་སོགས་མ་བྱུང་ཀྱང་། ཕུགས་སུ་བསོད་


ZP01_Page_404
[མ་དཔེ་གཟིགས་ན་འདིར་གནོན།]

ནམས་ཐམས་ཅད་ཟད། ཁ་རྗེ་དབང་ཐང་ཐམས་ཅད་ཉི་མ་ནུབ་པ་ལྟར་འགྱུར་བར་མ་ཟད། སང་ཕོད་གནང་ཕོད་ཙམ་ད་ལོའི་རྫ་ཆུ་ཁ་བལྟ་བུ་ཞིག་འོང་ངེས་ཡིན་འདུག་པས་དེ་ལུགས་ཤེས་པར་གྱིས་ལ། རབ་རྐུན་རྒྱ་ཇག་ཁྲིམས་བྱས་ནས་རང་སཱའི་སྟེང་ནས་རང་སྒོ་བསྲུང་རྒྱུ་བྱུང་ན་དང་། དེ་ལྟར་མ་ནུས་ཀྱང་དགོན་པ་ལྷ་སྡེ་མི་བརླག་རྒྱུའི་བཅའ་ཁྲིམས་ཕྱི་མཐའ་ཐུག་པ་རེ་རང་ཤོག་སོ་སོའི་བླ་སེར་དཔོན་ཁག་རྣམས་ནས་བྱེད་ཐུབ་པ་ཅི་ནས་གལ་ཆེ་བས་ཤེས་པར་གྱིས་ལ་ཁོ་བོ་བསམ་བཟང་གི་ཁ་ལ་ཉན་ན་ཕྱིན་ཆད་ཀྱང་རང་རེ་བླ་སློབ་ཀྱི་འབྲེལ་བ་མི་ཆད་པར་མ་ཟད། ཚེ་འདི་དང་ཕྱི་མ་ཀུན་ཏུ་དགེ་ཞིང་། རྒྱལ་ཁམས་བདེ་སྐྱིད་ལ་སྤྱོད་པའི་སྨོན་ལམ་སྙིང་ཐག་པ་ནས་བྱེད་པས་ངེས་པར་གྱིས། ཞེས་རང་འདོད་མེད་པའི་ཡི་གེ་གླིང་ཚང་ཕོ་བྲང་གི་ཉེ་གམ་ནས་རྫོགས་ཆེན་དཔལ་དགེ་སྤྲུལ་སྐུས་སྤྲིང་བ་དགེ་ཞིང་བཀྲ་ཤིས་པར་གྱུར་ཅིག །ཀུན་ནེ་ཕུར་ལི་སོགས་ལ་ཕུལ་འབྲས། ཇི་སྐད་དུ། །འཁོར་གྱི་དཀྱིལ་འཁོར་རྣམས་སུ་ཡང་། །བྱང་ཆུབ་སེམས་དཔའ་མང་པོ་དག །རང་གི་ལེགས་པས་ས་སྟེང་དག །བརྒྱན་པར་མཛད་ཅིང་བཞུགས་གྱུར་ཅིག ༈ །ཞེས་པ་ལྟར་རྩ་བའི་བླ་མ་རིན་པོ་ཆེ་ཞལ་བཞུགས་དུས་རྒྱལ་ཁམས་སྤྱི་དང་ཡུལ་ཕྱོགས་འདི་དག་ཏུ་ཆར་ཆུ་དུས་སུ་འབབས། ལོ་ཕྱུག་རྟག་ཏུ་ལེགས། ནད་ཡམས་མུ་གེ་དམགས་འཁྲུགས་སོགས་མེད་པར་ཐམས་ཅད་བདེ་སྐྱིད་ཀྱི་དཔལ་ལ་སྤྱོད་ཞིང་།


ZP01_Page_405
[མ་དཔེ་གཟིགས་ན་འདིར་གནོན།]

གནས་པ་ལ། ད་ལྟ་ཆེ་དགུར་རློམ་པ་ཀུན་གྱི་སྙིང་ལ་རྒྱལ་འགོང་གིས་གནས་མལ་བཅས་ཤིང་ཅུང་ཟད་དབང་ཡོད་དུ་གྱུར་པ་རྣམས་ཀྱང་དེ་མ་ཐག་ཏུ་རྒྱལ་འགོང་གིས་དབང་དུ་བྱས་ནས་རྒྱལ་ཁམས་མི་བདེ་བའི་ཐབས་ལ་འབད། །དེའི་མཐུས་ད་ནི་དབྱར་ཟླ་བ་གསུམ་ལ་བསིལ་དྲོད་སྙོམས་པ་དང་མེ་ཏོག་བཀྲ་བ་སོགས་ཅུང་ཟད་སྐྱིད་པར་སྣང་བ་ཙམ་ཡོད་པ་དེ་ཡང་ཐབས་སྣ་ཚོགས་ཀྱིས་མེད་པར་བྱེད། དེ་བཙན་བདུད་དང་རྒྱལ་འགོང་གིས་གྲོགས་བྱས་པའི་མཐུ་དང་ཆར་གཅོད་སོགས་བྱེད་མཁན་རྣམས་ནུས་པ་ཆེ། ཆོས་བཞིན་དུ་བསྲུང་སྐྱོབ་རིམ་གྲོ་རྒྱལ་ཁམས་བདེ་ཐབས་སོགས་བྱེད་མཁན་རྣམས་ནུས་པ་ཆུང་ཞིང་སྐྱེ་བོས་འཕྱ་སྨོད་ཀྱི་གཞིར་གྱུར་བ། འདི་དག་ལ་སོམ་ལ་གར་འགྲོ་རྒྱུ་ཡིན་ན་མྱུར་དུ་སོང་། མིན་ན་དབྱར་ངོ་ཞག་གྲངས་ཆ་ཤས་འདི་དགུན་དཔྱིད་ལྟ་བུ་ཞིག་ཏུ་བསྒྱུར་དུ་མ་འཇུག་པར། འབྱུང་བའི་འཕོ་འགྱུར་དུས་བཞིའི་རྒྱལ་མོ་ལ་བྱེད་དུ་ཆུག །ཁ་དྲོ་ལོ་བརྒྱ། སྐུ་ཚེ་རིང་། རྩ་བའི་བླ་མ་ཡིད་བཞིན་ནོར་བུ་དེའི་ཞབས་དྲུང་ནས་བླ་བཙོང་ཡུལ་འབྲོག་ཀུན་ལ་གནོད་ཚབས་ཆེ་ཞིང་། ཉ་སྦལ་ལྕང་གསུམ་ཡན་ཆད་ཁ་ལ་དོགས་པའི་སྡིག་ལས་ཚབས་པོ་ཆེ་དེ་འདྲ་མ་བྱེད་སྐུ་ཚེ་རིང་། གཞེ་ཉིན་ལོ་ཡང་སེར་མོ་ཁ་ཤས་འགོ་ལོག་ཏུ་འགྲོ་དགོས་ཟེར་ནས་དབྱར་གྱི་ཆར་ཆུ་ཐན་པར་བསྒྱུར། ད་ལོ་ཡང་དེ་ལྟར་མཛད་ན་རྒྱལ་ཁམས་ཀུན་


ZP01_Page_406
[མ་དཔེ་གཟིགས་ན་འདིར་གནོན།]

ལ་གནོད་ཚབས་དེ་བས་ཆེ་བ་མི་འདུག་པས་དགོངས་མཛོད། ལར་ཡུལ་གང་ན་དགོན་གནས་ཁང་བ་ཕུག་པ་རུ་བའི་འགྲོ་སྡོད་སོགས་རང་རང་གི་བྱ་བ་ཕྲན་བུ་ཞིག་གི་དོན་དུ་དབྱར་གྱི་ཆར་ཆུ་ཐན་པར་བསྒྱུར་བ་ལོད་བཞིན་དེ་ལྟ་མཛད་ན་རྒྱལ་ཁམས་ཀུན་ལ་གནོད་ཚབ་དེ་བས་ཆེ་བ་མི་འདུག་པས་ཀུན་གྱིས་དགོངས་མཛོད།

སྡེབས་སྦྱོར་གྱི་མན་ངག་རིན་ཆེན་ཕྲེང་བ།


ZP01_Page_407
[མ་དཔེ་གཟིགས་ན་འདིར་གནོན།]

སྡེབ་སྦྱོར་གྱི་མན་ངག་རིན་ཆེན་ཕྲེང་བ་ཞེས་བྱ་བ་བཞུགས་སོ། །


ZP01_Page_408
[མ་དཔེ་གཟིགས་ན་འདིར་གནོན།]

རྒྱ་གར་སྐད་དུ། ཙྪིནྡྷོ་པ་དེ་ཤ །བོད་སྐད་དུ། སྡེབ་སྦྱོར་གྱི་མན་ངག །ཐུབ་པ་ཡེ་ཤེས་ཉི་མ་ནི། །དམ་ཆོས་སྣང་བ་འབར་མངའ་བས། །ནང་གི་མ་རིག་མུན་འཇོམས་པ། །ནང་གི་ཉིན་མོར་བྱེད་དེར་འདུད། །རྗོད་བྱེད་ཕུན་སུམ་ཚོགས་པའི་ངག །བརྗོད་བྱའི་དོན་དང་ལྡན་པ་གང་། །རྐང་པར་བཅད་པ་ཚིགས་བཅད་དེ། །དེ་ཡང་རྐང་བཞི་ཉིད་དུ་ངེས། །ཚིགས་བཅད་རྐང་བཞི་དེ་ཡང་ནི། ། ཛ་ཏཱི་རྣམ་གཉིས་དབྱེ། །ཡི་གེ་བགྲང་བ་་ཡིན། །ཕྱི་མོར་བགྲང་བ་ཛ་ཏཱིར་འགྱུར། །ཚིགས་སུ་བཅད་པའི་སྡེབ་སྦྱོར་ལ། ། ཛ་ཏཱི་གཉིས་ལས། ཡི་གེ་བགྲང་བ་་མཚན་ཉིད། །ཕྱི་མོ་བགྲང་བ་ཛ་ཏཱིའི་མཚན་ཉིད། དབྱངས་ལྕི་ཡང་གང་ཡིན་ཀྱང་ཡི་གེ་རེ་རེར་བྱས་ནས་་


ZP01_Page_409
[མ་དཔེ་གཟིགས་ན་འདིར་གནོན།]

དབྱངས་ཀྱི་ཡི་གེ་བགྲང་བ་ཡི་གེ་བགྲང་བའི་མཚན་ཉིད། དབྱངས་ཡང་བ་ཕྱི་མོ་གཅིག་དང་། ལྕི་བ་ཕྱི་མོ་གཉིས་སུ་ཕྱེས་ན། ཕྱི་མོ་བགྲང་བ་ཛ་ཏཱའི་མཚན་ཉིད། ཕ་རོལ་ན་དབྱངས་གསལ་བྱེད་བརྩེགས་མ་དང་ང་རོ་དང་རྣམ་བཅད་སོགས་མེད་པའི་དབྱངས་ཐུང་དུ་ཡང་བའི་མཚན་ཉིད། །ཕ་རོལ་ན་གསལ་བྱེད་བརྩེགས་མ་དང་ང་རོ་དང་རྣམ་བཅད་སོགས་མེད་པའི་དབྱངས་ཐུང་ངུ་ཡང་བའི་མཚན་ཉིད། ཕ་རོལ་ན་གསལ་བྱེད་བརྩེགས་མ་དང་ང་རོ་དང་རྣམ་བཅད་དང་ཐྐ་ཉྤ་རྣམས་ཡོད་པའི་དབྱངས་ཐུང་དུ་དང་རིང་པོ་རྣམས་ལྕི་བའི་མཚན་ཉིད། །རྐང་པ་བཞི་པོ་དང་མཉམ་པ་མཉམ་པའི་་མཚན་ཉིད། དང་པོ་དང་གསུམ་པ་མཚུངས་ཤིང་གཉིས་པ་དང་བཞི་པ་མཚུངས་པ་ཕྱེད་མཉམ་གྱི་་མཚན་ཉིད། རྐང་པ་བཞི་པོ་མི་མཚུངས་པ་མི་མཉམ་པའི་་མཚན་ཉིད། སྐབས་སུ་


ZP01_Page_410
[མ་དཔེ་གཟིགས་ན་འདིར་གནོན།]

ཡང་གསུམ་རེའམ་རེ་རེ་ལ་ཚོགས་སུ་བྱས་པ་རྣམས། བྷ་ཐོག་ལྕི་བ་ཛ་དབུས་ལྕི། །ས་མཐའ་ལྕི་བ་མ་ཀུན་ལྕི། །ཡ་ཐོག་ཡང་བ་ར་དབུས་ཡང་། །ཏ་མཐའ་ཡང་བ་ན་ཀུན་ཡང་། །ཡང་པ་ལ་སྟེ་ལྕི་བ་ག་ཡང་སྡོད་ཀ་སྟེ་ལྕི་སྡོད་ཝ། །ཞེས་པ་རྣམས་ཡིན་ལ། གང་དུ་ངལ་གསོ་ས་དེར་སྐད་དོད་རེའི་མཚམས་རྫོགས་པ་ཞིག་ངེས་པར་བྱས་ནས་ངལ་བསོའི་རྟགས་བྱ་བ་ཡིན་ལ། དེ་ལ་བྷའི་མཐར་ངལ་བསོས་ན་བྷུ་དང་། ཛའི་མཐར་ངལ་བསོས་ན་ཛུ་སོགས་ཀྱིས་བསྟན་ཡོད་པའི་ཕྱིར། བྷ་སོགས་ཨུད་ལ་དེ་ལྡན་ནོ། །ཞེས་བཤད། མཉམ་པའི་་ལ་རིན་འབྱུང་གཞུང་ལས་ཡི་གེ་དྲུག་པ་ཡན་ཆད་ལས་མ་བཤད་ཀྱང་ཡི་གེ་གཅིག་པ་སོགས་ཀྱི་དཔེར་བརྗོད་ངོ་མཚར་རྟོགས་བྱེད་ཀྱི་སྐབས་སུ་འབྱུང་བས་མི་བཞེད་པ་ནི་མ་ཡིན་ལ། དེ་དག་གི་ནང་གསེས་རེ་ཟུང་གཞུང་གིས་དངོས་སུ་མ་བསྟན་པས་མཚོན་པས་སྤྱིར་རྣམ་གྲངས་དུ་ཡོད་སོགས་ནི་རོ་མཚན་རྟོགས་བྱེད་ཀྱི་སྦྱོར་བས་ཤེས་པར་བྱའོ། །མི་མཉམ་དང་ཕྱེད་མཉམ་སོགས་ལ་ནང་གསེས་ཀྱི་དབྱེ་བ་གཞུང་གིས་བསྟན་པ་རྣམས་མ་ཡིན་པ་རེ་ཟུང་ཡོད་སྲིད་ཀྱང་ངོ་མཚར་རྟོགས་བྱེད་ཀྱི་སྦྱོར་བ་དང་པོ་ན་ས་མི་འཇུག་པས་བྲ་སྟཱ་ར་སྤེལ་མ་དང་ནཥྟ་བ་རྟགས་པ་སོགས་མེད་ལ་ཛ་ཏཱི་རྣམས་ཀྱང་དེ་དང་འདྲའོ། །ཛ་ཏཱིའི་སྐབས་སུ་ཡང་བ་ཕྱི་མོ་རེ་རེ་དང་། ལྕི་བ་ཕྱི་མོ་གཉིས་རེ་བྱས་ནས་ཚིགས་སུ་བཅད་པ་་


ZP01_Page_411
[མ་དཔེ་གཟིགས་ན་འདིར་གནོན།]

ལ་་སྐབས་བྷ་ཞེས་བརྡའ་བྱས་པས་ཐོག་མ་ལྕི་བ་དང་། །ཛ་ཞེས་བརྡའ་བྱས་པ་དབུས་ལྕི་བ་དང་། ས་ཞེས་བརྡའ་བྱས་པ་མཐའ་ལྕི་བ་སྟེ་ཡང་བ་གཉིས་དང་ལྕི་བ་གཅིག་ཚོགས་པ་དེ་བཞིན་དུ་ལྕི་བ་གཉིས་ཚོགས་པ། །ཡང་བ་བཞི་ཚོགས་པ་དེ་རྣམས་གང་ཡིན་ཀྱང་ཕྱི་མོ་བཞི་རེར་འདྲ་བས། ཙ་ཏུར་གྱི་མིང་ཐོག་བཟུང་ནས་ཙ་ཞེས་བྱ་སྟེ་ཙ་ཚོགས་ལྔ་ལས་ཡང་བ་བཞི་ཚོགས་པ་ལ་ནི་ཙ་ཞེས་པར་མ་ཟད་རེས་འགའ་ཁ་ཞེས་ཀྱང་བརྗོད་དོ། །དེ་བཞིན་དུ་ཡང་བ་གཅིག་ནི། ཕྱི་མོ་གཅིག་པ་སྟེ་ཨེ་ཀའི་མིང་མཐའ་ནས་བཟུང་ཀ་ཞེས་བྱ། ཡང་བ་གཉིས་དང་ལྕི་བ་གཅིག་ནི་ཕྱི་མོ་གཉིས་པ་སྟེ་དྭིའི་མིང་ཐོག་བཟུང་ནས་ད་ཞེས་བྱ། །དེ་ལྟར་ཚོགས་སུ་བཅད་ནས་གཞུང་དང་མཐུན་པར་བསྒྲིགས་ལ་ངལ་བསོ་ལ་སོགས་པའང་སྐབས་དང་སྦྱར། ངོ་མཚར་བའི་སྦྱོར་བ་རྣམ་གྲངས་བདུན་ཡོད་པ་ལས། །དང་པོ་དྲུག་མཉམ་པའི་་རྣམས་ལ་རྟོགས་བྱེད་དང་། ཕྱི་མ་གཅིག ཛཱ་ཏི་ཐམས་ཅད་ལ་རྟོགས་བྱེད་དུ་འགྱུར་བ་ལས། དང་པོ་དྲུག་ལས་དང་པོའི་པྲ་སྟཱ་ར་ནི། དང་པོ་ཐམས་ཅད་ལྕི། །ལྕི་གཙོའི་འོག་ཡང་ཕྱི་རྣམས་འདྲ། །སྔ་མར་ལྕི་འདི་་ར། །ཇི་སྲིད་ཐམས་ཅད་ཡང་དེ་སྲིད། །དམར་སེར་ཅན་གྱི་་རའོ། །ཞེས་པ་འདི་གཞན་ལུགས་བཀོད་པ་སྟེ། དང་པོ་ཐམས་ཅད་ལྕི་བ་དང་།


ZP01_Page_412
[མ་དཔེ་གཟིགས་ན་འདིར་གནོན།]

དེ་ནས་ལྕི་བ་གཙོ་བོ་སྟེ་དང་པོ་དེའི་འོག་ཏུ་ཡང་བ་དང་། ཕྱི་མ་རྣམས་སྔ་མ་འདྲ་བ་དང་། དེ་ནས་སྔ་མར་ལྕི་བས། དེ་ནས་ཡང་པ་དང་གཞན་རྣམས་འདྲ་བ་སོགས། རིམ་པར་འདྲ་བ་སོགས་ཇི་སྲིད་་ར་ཐམས་ཅད་ཡང་བར་མ་གྱུར་པ་དེ་སྲིད་དུ་བྲི་བར་བྱ་སྟེ་ཤིན་ཏུ་རྟོགས་དཀའ་བཤད་ཅིང་དེང་སང་འདི་ལ་་ར་འོག་མ་འགོད་ཚུལ་དང་འདྲ་བ་ཞིག་ལས་མ་བཤད་ཡང་། བརྟགས་ན་དམར་སེར་ཅན་གྱི་སྡེབ་སྦྱོར་ལ་ངོ་མཚར་བའི་སྦྱོར་བ་རྣམས་མ་བཤད་པར་ཁྱད་ཆོས་ཀྱི་སྐབས་སུ་བཤད་ཅིང་སྐབས་འདིར་ཡང་ར་དང་ཡང་བའི་བྱ་བ་གཉིས་ལ་དམར་སེར་ཅན་གྱི་ལུགས་བཤད་ནས་གཞན་མ་བསྟན་པས་ཡང་བའི་རྣམ་གྲངས་ཙམ་ལས་བརྟགས་ནས་་ར་བཀོད་ན་ཡང་བའི་བྱ་བ་མ་གཏོགས་ངོ་མཚར་བའི་སྦྱོར་བ་གཞན་མི་འཇུག་ཅིང་རྟོགས་དཀའ་བ་ཞིག་ཡོད་འདུག་པ་འདི་ཡིན་ནམ་སྙམ་སྟེ་ད་དུང་བརྟགས་པར་བྱའོ། །སྟེང་ལྕི་འོག་ཡང་ར་ལ་ཕྲེང་། །ཉིས་འགྱུར་རིང་པོ་སྡེབ་སྦྱོར་སོ་སོ་སྟེ། །ལྕི་དང་ཡང་བའི་ཉིས་འགྱུར་ཚོགས་རྣམས་ཀྱིས། །རིམ་པ་བཞིན་དུ་རེ་རེ་སྤེལ་བར་བྱ། །ཞེས་པ་འདི་ཤཱནྟི་པའི་པྲ་སྟཱ་སྟེ། སྟེང་ལྕི་འོག་ཡང་བ་ནི་ཡི་གེ་གཅིག་པའི་སྡེབ་སྦྱོར་ཡིན་ལ། དེ་ནས་ཡི་གེ་གཉིས་པ་ལ་ལྕི་གཉིས་དང་ཡང་བ་གཉིས། །ཡི་གེ་གསུམ་པ་ལ་ལྕི་བ་བཞི་དང་ཡང་བ་བཞི་སོགས་ཉིས་འགྱུར་ཉིས་འགྱུར་གྱིས་རིང་པོར་བྱ་ཞིང་། །མ་རྫོགས་པར་སྤེལ་བ་ཡིན། འདིའི་


ZP01_Page_413
[མ་དཔེ་གཟིགས་ན་འདིར་གནོན།]

འགོད་ཚུལ་ཡི་གེ་དྲུག་པའི་སྡེབ་སྦྱོར་ལྟ་བུ་ལ་མཚོན་ནས་འདིར་བརྗོད་ན། གཅིག་གཉིས་བཞི་བརྒྱད་བཅུ་དྲུག་སོ་གཉིས་ཡི་གེའི་གྲངས་བར་ཉིས་འགྱུར ། ཨཱངྐིའི་གྲངས་མཉམ་ལྕི་ཡང་ཐུར་དུ་སྤེལ། །ཐམས་ཅད་ཡང་གྱུར་་རྫོགས་པའི་ཚད། །གཉིས་པ་ནཥྟ་བརྟགས་པ་ནི། །འདི་འདྲ་འདི་ལྟ་ཞེས་བྱ་ཅི། །དེ་བཀོད་འབྲས་ལ་འདབ་མ་བྱ། །མི་མཉམ་གཅིག་བཅས་འདབ་མ་ལྕི། །འདིར་མཉམ་ཡང་འབྲས་ནཥྟའོ། །ཞེས་པ་སྟེ། དཔེར་ན་ཡི་གེ་དྲུག་པའི་ནང་གསེས་བཅུ་གསུམ་པའི་ལྕི་ཡང་འགོད་ཚུལ་ཇི་ལྟར་ཡིན་ཞེས་བརྟགས་པ་ལ། འདིར་མི་མཉམ་པའི་་ཡིན་པས་འདི་འདྲ་བའི་གྲངས་བཅུ་གསུམ་འདི་ལྟ་བུ་མི་མཉམ་པ་ཡིན་པས་དང་པོར་ལྕི་བ་གཅིག །དེ་ལ་གཅིག་བསྣན་ནས་འདབ་མར་བྱ་བ་སྟེ་ཕྱེད་དུ་བཅད་པས་བདུན་བྱུང་བ་མི་མཉམ་པ་ཡིན་པས་ལྕི་བ་གཅིག་བྲི། དེ་ལ་གཅིག་བསྣན་པ་ཕྱེད་དུ་བཅད་པས་བཞི་བྱུང་བ་མཉམ་པར་འདུག་པས་ཡང་བ་གཅིག་བྲི། དེ་ལ་སྣོན་མི་དགོས་པར་ཕྱེད་དུ་བཅད་པས་མཉམ་པས་ཡང་བ་གཅིག་བྲི། གཉིས་ཕྱེད་དུ་བཅད་པ་གཅིག་ཡིན་པ་མི་མཉམ་པས་ལྕི་བ་གཅིག་བྲི། །དེ་ལ་གཅིག་བསྣན་པས་གཉིས་ཡིན་ལ། དེ་ཕྱེད་དུ་བཅད་པས་གཅིག་བྱུང་བ་མི་མཉམ་པས་ལྕི་བ་བྲི་སྟེ། །དེ་ལྟར་ན་༢༢་༢༢འདི་ལྟ་བུའི་་ར་བྱུང་བ་ནི་འབྲས་བུ་ཡིན་ཏེ་ནཥྟའོ། །གང་བརྟག་འདོད་པའི་


ZP01_Page_414
[མ་དཔེ་གཟིགས་ན་འདིར་གནོན།]

གྲངས་དེ་ཉིད་གཉིས་ཀྱིས་ཡི་གེའི་གྲངས་བར་བགོ །ལྷག་མ་བྱུང་ན་ནོར་ལ་བསྣན། ལྷག་བཅས་ཡང་ལ་ལྷག་མེད་ལྕི། །གསུམ་པ་་ནི། འདི་ནི་དུ་པ་ཡིན་ཞེས་འདིར་སོགས་ཏེ། དང་པོ་ཡི་གེ་དྲུག་པའི་དབུས་པྲ་ལྟ་བུ་ལ་འདི་་ར་དུ་པ་ཡིན་ཞེས་འདྲི་ན། ལྕི་ཡང་འདི་ལྟར་བཀོད་ནས་སྟེང་དུ་གཅིག་གཉིས་བཞི་བརྒྱད་སོགས་ཉིས་འགྱུར་གྱི་ཨཱངྐ་སྔར་ལྟར་བཀོད་ནས་ཡང་བ་དུ་ཡོད་ཀྱི་སྟེང་གི་ཨཱངྐ་རྣམས་བསྡོམས་པས་དེ་ལ་གཅིག་སྣོན་པ་སྟེ། འདིར་ཡང་བ་གཉིས་ཀྱི་སྟེང་གི་བཞི་དང་བརྒྱད་བསྡོམས་ནས་གཅིག་བསྣན་པས་བཅུ་གསུམ་བྱུང་བ་ལྟ་བུའོ། །ལྕི་ཡང་རིམ་པར་བཀོད། །སྟེང་དུ་གཅིག་གཉིས་བཞི་སོགས་བྲི། །ལྕི་སྟེང་ཀུན་དོར་ཡང་སྟེང་བསྡོམས། །དེ་ལ་གཅིག་བསྣན་དེ་ཡི་གྲངས། །བཞི་པ་ཡང་བའི་བྱ་བ་ལ་གཉིས་ལས་དང་པོ་དམར་སེར་ཅན་གྱི་ཡང་བའི་བྱ་བ་ནི། གཟུགས་བཀོད་ཡི་གེའི་གྲངས་ཀྱིས་བསླང་བ་སོགས་ཏེ་ཡི་གེ་བཞི་པ་ལྟ་བུ་ལ་མཚོན་ན། དང་པོ་གཟུགས་གཅིག་བཀོད་ནས་དེའི་འོག་ཏུ་ཡི་གེའི་གྲངས་ཀྱི་གཟུགས་བསླང་བ་སྟེ་སྟེང་ནས་སྟེང་དུ་བརྩེགས་མར་གཟུགས་བཞི་བྲིས་པས་གཅིག་ཡིག་ལྔ་བྱུང་། དེའི་གཅིག་ཡིག་སྟེང་མ་ལ་གཅིག་པོ་དོར་ཞེས་ལོངས་པའི་མཚན་མ་བྱ། དེ་ནས་རིམ་པས་མས་ནས་ཡར་རང་རང་མ་བསུབས་པར་གོང་མ་གོང་མར་བསྣན་པས་བཞི་ལོངས་པ་ལ་མཚན་མ་བྱས་པས་འདི་ལྟ་བུ་ཞིག་


ZP01_Page_415
[མ་དཔེ་གཟིགས་ན་འདིར་གནོན།]

འབྱུང་། དེ་ནས་ཡང་མ་ལོངས་པ་རྣམས་རང་གནས་མདོར་བར་གོང་མ་གོང་མར་བསྲེས་པས་དྲུག་ལངས་ཏེ་མཚན་མ་བྱ། དེ་ནས་འོག་གི་གཅིག་མ་བསུབ་པར་གཅིག་དང་གསུམ་བསྲེས་བཞི་བྱས་པས། བཞི་ལོང་བ་ལ་མཚན་མ་བྱས་པའི་ཡི་གེ་བཞི་པའི་སྡེབ་སྦྱོར་འདི་ལ་ཡང་བ་མེད་པ་གཅིག །གཅིག་ཡང་བ་བཞི། གཉིས་ཡང་བ་དྲུག །གསུམ་ཡང་བ་བཞི། །བཞི་ཀ་ཡང་བ་གཅིག་ཡོད་པར་རྟོགས་སོ། །ཡི་གེའི་གྲངས་ཀྱི་གཟུགས་བརྩེགས་ལ། །སྟེང་དུ་གཅིག་བྲི་དོར་རྟགས་བྱ། །འོག་མ་ལ་གནས་མ་དོར་བར། །གོང་མ་གོང་མར་རིམ་བཞིན་བསྲེ། །ལོངས་རྣམས་རིམ་དོར་མ་ལོངས་བསྐྱེད། །ཡང་མེད་ལ་སོགས་སྟེང་ནས་རིམ། །གཉིས་པ་་པའི་ཡང་བའི་བྱ་བ་ནི། གཟུགས་ནི་དང་པོར་མ་བྱས་ཀྱང་། །སོགས་ཏེ་ཡི་གེའི་གྲངས་ཀྱི་གཟུགས་བསླང་བ་མ་བྱས་ཀྱང་རུང་ལ་གཅིག་ཡིག་གཅིག་བྲིས་པའི་འོག་ཏུ་གཅིག་གཉིས་གསུམ་བཞི་སོགས་སྟེང་ནས་སྟེང་དུ་བརྩེགས་མར་བྲིས་ལ་སྟེང་མ་ལོངས་པའི་མཚན་མ་བྱ། ལྷག་མ་རྣམས་བསྲེ་ཚུལ་སྔ་མ་ལྟར་བྱས་ཀྱང་འཐུས། ཡང་ན་གཅིག་ཡིག་གཉིས་བྲིས་པའི་ཡི་གེ་གཅིག་པའི་སྡེབ་སྦྱོར། དེ་གཉིས་ཀྱི་བར་དུ་གཉིས་ཡིག་བྲིས་པ་ཡི་གེ་གཉིས་པའི་སྡེབ་སྦྱོར། དེ་གཉིས་སྟེང་དུ་གསུམ་བྲིས་ནས་འོག་མ་གཅིག་དང་གཉིས་བསྲེས་གསུམ་བྱས་པ་ཡི་གེ་གསུམ་པའི་སྡེབ་སྦྱོར། །ཡང་


ZP01_Page_416
[མ་དཔེ་གཟིགས་ན་འདིར་གནོན།]

དེའི་སྟེང་དུ་བཞི་བྲིས་ནས་འོག་མ་རྣམས་གསུམ་དང་གསུམ་བསྲེས་དྲུག །གཅིག་དང་གསུམ་བསྲེས་བཞི་བྱས་པ་ཡི་གེ་བཞི་པའི་སྡེབ་སྦྱོར་སོགས་སོ། །ཡི་གེའི་གྲངས་བརྩེགས་སྟེང་དུ་གཟུགས། །གཟུགས་དང་གྲངས་ལོངས་ལྷག་མ་རྣམས། །རང་འོག་རིམ་བསྲེས་ལོངས་རྣམས་དོར། །ཡང་ན་ཡི་གེ་གཅིག་པ་ནས། །རིམ་བྲི་རང་གྲངས་སྟེང་དུ་བྲི། །རང་འོག་རྣམས་བརྒྱན་ལོངས་ཚེ་དོར། །ལྔ་པ་གྲངས་བརྟགས་པ་ནི། རྣམས་ཀྱི་གྲངས་ནི་གཟུགས། །ཟུང་གིས་ཡི་གེའི་གྲངས་སུ་བསྒྱུར། ། ཡི་ཨཱངྐའི་མཐའ། །ཉིས་འགྱུར་ཡང་བའི་བྱ་བ་བསྡུ། །ཞེས་པ་སྟེ། འདི་ལ་རྟོགས་བྱེད་གསུམ་ལས། དང་པོ་གཟུགས་ཡིག་ཞིག་བྲིས་ལ། དེ་གཉིས་ཀྱི་ལན་ཡི་གེའི་གྲངས་སུ་བསྒྱུར་བ་སྟེ། ཡི་གེ་གཅིག་པ་ལ་ལན་གཅིག །གཉིས་པ་ལ་གཉིས། །གསུམ་པ་ལ་གསུམ་སོགས་བསྒྱུར་བ་སྟེ་རྟོགས་བྱེད་གཅིག །གཉིས་པ་་སྐབས་སུ་གཅིག་གཉིས་བཞི་བརྒྱད་སོགས་རིམ་པར་བྲིས་པའི་ཨཱངྐི་རྗེས་མ་ཉིས་འགྱུར་དུ་བྱས་པ་སྟེ། དཔེར་ན་ཡི་གེ་བཞི་པ་ལ་མཐའི་ཨཱངྐི་བརྒྱད་ཉིས་འགྱུར་དུ་བྱས་པས་བཅུ་དྲུག་འབྱུང་བ་ལྟ་བུའོ། །གསུམ་པ་ཡང་བར་བྱ་བའི་སྐབས་ཀྱི་ཡང་མེད་ལ་སོགས་པའི་གྲངས་རྣམས་བསྡུས་པ་སྟེ་ཡི་གེ་བཞི་པ་ལ་གཅིག་བཞི་དྲུག་བཞི་གཅིག་རྣམས་བསྲེས་པས་བཅུ་དྲུག་འབྱུང་བ་ལྟ་བུའོ། །ཡི་གེ་ལྕི་ཡང་ཕྱི་མོ་རྣམས་ཀྱི་གྲངས་རྟོགས་བྱེད་ནི།


ZP01_Page_417
[མ་དཔེ་གཟིགས་ན་འདིར་གནོན།]

དང་པོ་སྤྱིར་རྣམ་གྲངས་དུ་ཡོད་པ་ཡི་གེའི་གྲངས་ཀྱིས་བསྒྱུར་བ་ཡི་གེ་སྟེ། དཔེར་ན་ཡི་གེ་བཞི་བཞི་པ་ལ་རྣམ་གྲངས་བཅུ་དྲུག་ཉིད་ཡི་གེ་བཞིས་བསྒྱུར་བས་དྲུག་ཅུ་རྩ་བཞི་འབྱུང་བ་ལྟ་བུ། །གཉིས་པ་ཡི་གེའི་གྲངས་དེ་ཉིད་གཉིས་ཀྱིས་བགོས་པས་ལྕི་ཡང་རེ་རེའི་གྲངས་ཏེ་དཔེར་ན་ཡི་གེ་བཞི་པ་ལ་ཡིག་གྲངས་དྲུག་ཅུ་རྩ་བཞི། །དེ་ཉིད་གཉིས་ཀྱིས་བགོས་པས་སུམ་ཅུ་རྩ་གཉིས་འབྱུང་བ། ཡང་བ་སོ་གཉིས་དང་ལྕི་བ་སོ་གཉིས་རེ་ཡོད་པ་ལྟ་བུའོ། །གསུམ་པ་ཡི་གེའི་རྣམ་གྲངས་དང་ལྕི་ཡང་གི་གྲངས་གཉིས་ཀ་བསྡོམས་པ་ཕྱི་མོའི་གྲངས་ཏེ་དཔེར་ན་དྲུག་ཅུ་རྩ་བཞི་དང་སུམ་ཅུ་རྩ་གཉིས་བསྡོམས་པས་དགུ་བཅུ་རྩ་དྲུག་འབྱུང་བ་ལྟ་བུའོ། །དྲུག་པ་ཨ་དྷྭ་ནི་པྲ་སྟཱ་ར་བཀོད་པའི་ཕྲེད་དང་འོག་ཏུ་ཆུ་ཞིང་ཇི་ཙམ་ཡོད་བརྟག་པ་སྟེ་འཕྲེད་དུ་ཅི་ཙམ་ཡོད་བརྟག་པ་ལ་ཡི་གེའི་གྲངས་གཉིས་ཀྱིས་བསྒྱུར་ཏེ་གཅིག་འཕྲི་བ་དཔེར་ན་ཡི་གེ་བཞི་པ་ལ་བཞི་གཉིས་ཀྱིས་བསྒྱུར་བས་བརྒྱད་བྱུང་བ་ལ་གཅིག་འཕྲི་བས་བདུན་བྱུང་བ་ལྟ་བུའོ། །འོག་ཏུ་་དུ་ཡོད་གཉིས་ཀྱིས་བསྒྱུར་ནས་གཅིག་ཕྲི་བ་དཔེར་ན་་བཅུ་དྲུག་ཉིད་གཉིས་ཀྱིས་བསྒྱུར་ནས་གཅིག་ཕྲི་བས་སོ་གཅིག་འབྱུང་བ་ལྟ་བུའོ། །དེ་ཡན་ཆད་དྲུག་ནི་་རྣམས་ལ་རྟོགས་བྱེད་ཡིན་ལ་ཕྱི་མ་་དང་ཛ་ཏཱི་ཐམས་ཅད་ལ་རྟོགས་བྱེད་དུ་འགྱུར་བ་ནི་གཅིག་སྟེ། འདི་ལ་ལྕི་བ་རྟོགས་བྱེད་ཡང་བ་རྟོགས་བྱེད་ཡི་གེ་རྟོགས་བྱེད་ཕྱི་མོ་རྟོགས་བྱེད་དང་བཞིའི་


ZP01_Page_418
[མ་དཔེ་གཟིགས་ན་འདིར་གནོན།]

རེ་རེ་ལ་ཡང་གསུམ་རེ་སྟེ། དང་པོ་ལྕི་བ་རྟོགས་བྱེད་གསུམ་ནི། དཔེར་ན་ཡི་གེ་དྲུག་པའི་དབུས་ཕྲ་ལྟ་བུ་ལ་ཤློ་ཀ་གཅིག་ལ་ཡི་གེ་ཉེར་བཞི། །ཡང་བ་བརྒྱད། ཕྱི་མོ་བཞི་བཅུ་ཡོད་པ་ལས་ཡང་བ་བརྒྱད་ཀྱིས་ཡི་གེ་ལ་ཕྲི་བའི་ལྷག་མ་ལྕི་བ་དང་། ཡང་ན་ཕྱི་མོ་བཞི་བཅུའི་ནང་ནས་ཡང་བ་བརྒྱད་དོར་ལྷག་སོ་གཉིས་འབྱུང་བ་གཉིས་ཀྱིས་བགོས་པའི་ནོར་དང་། ཡང་ན་ཕྱི་མོ་བཞི་བཅུའི་ནང་ནས་ཡི་གེ་ཉེར་བཞི་ཕྲི་ལྷག་གསུམ་ཀ་བཅུ་དྲུག་རེ་འབྱུང་བས་ན་ལྕི་བའི་གྲངས་ཡིན་ཏེ་ལྕི་བ་རྟོགས་བྱེད་གསུམ། ཡང་བ་རྟོགས་བྱེད་གསུམ་ནི། །ལྕི་བ་ཉིས་འགྱུར་སོགས་ཏེ། ལྕི་བ་ཉིས་འགྱུར་དུ་བྱས་པ་སོ་གཉིས་ཀྱིས་ཕྱི་མོ་བཞི་བཅུ་ལ་ཕྲི་ལྷག་བརྒྱད། ཡི་གེ་ཉེར་བཞི་ཉིས་འགྱུར་ཞེ་བརྒྱད་ལ་ཕྱི་མོ་བཞི་བཅུ་ཕྲི་ལྷག་ཀྱང་བརྒྱད། ཡི་གེ་ཉེར་བཞི་ལ་ལྕི་བ་བཅུ་དྲུག་གིས་ཕྲི་ལྷག་ཀྱང་བརྒྱད་ཡིན་པ་སྟེ། ཡང་བ་རྟོགས་བྱེད་གསུམ། ལྕི་བ་དྲུག་དང་ཡང་བ་བརྒྱད་སྡོམས་པ་ཉེར་བཞི་དང་། ཕྱི་མོ་བཞི་བཅུ་ལས་ལྕི་བ་བཅུ་དྲུག་ཕྲི་ལྷག་ཀྱང་ཉེར་བཞི། ཕྱི་མོ་བཞི་བཅུ་དང་ཡང་བ་བརྒྱད་བསྡོམས་ཏེ་ཕྱེད་དུ་བཅད་པ་ཡང་ཉེར་བཞི་སྟེ་ཡི་གེ་རྟོགས་བྱེད་གསུམ། ལྕི་བ་ཉིས་འགྱུར་སོ་གཉིས་ལ་ཡང་བ་བརྒྱད་བསྲེས་པས་བཞི་བཅུ་དང་ཡི་གེ་ཉིས་འགྱུར་ཞེ་བརྒྱད་ལས་ཡང་བ་བརྒྱད་དོར་ལྷག་ཀྱང་བཞི་བཅུ། ཡི་གེ་ཉེར་བཞི་ལ་ལྕི་བ་བཅུ་དྲུག་བསྲེས་པ་ཡང་བཞི་བཅུ་སྟེ་ཕྱི་མོ་རྟོགས་བྱེད་གསུམ་


ZP01_Page_419
[མ་དཔེ་གཟིགས་ན་འདིར་གནོན།]

མོ། །དེ་ལྟར་ངོ་མཚར་བའི་སྦྱོར་བ་དག་གིས་ལེགས་པར་བརྟགས་ནས་སྡེབ་སྦྱོར་གྱི་ཁ་བྱང་རྒྱས་པར་འདེབས་པ་དཔེར་ན་དབུས་ཕྲ་ལྟ་བུ་ལ་མཚོན་ན། སྡེབ་སྦྱོར་མཉམ་པའི་་ཡི་གེ་དྲུག་པ་ལ་སྤྱིར་རྣམ་གྲངས་དྲུག་ཅུ་རྩ་བཞི། ཡི་གེ་སུམ་བརྒྱ་དང་བརྒྱད་ཅུ་རྩ་བཞི། ལྕི་ཡང་སོ་སོར་བརྒྱ་གོ་གཉིས་རེ། ཕྱི་མོ་ལྔ་བརྒྱ་དང་བདུན་ཅུ་རྩ་དྲུག །ཨ་དྷཱ་ཕྲེད་དུ་བཅུ་གཅིག །འོག་ཏུ་བརྒྱ་ཉེར་བདུན་འགྲོ་བས་ནང་གསེས་ཡང་བ་མེད་པ་གཅིག །གཅིག་ཡང་བ་དྲུག །གཉིས་ཡང་བ་བཅོ་ལྔ། །གསུམ་ཡང་བ་ཉི་ཤུ། བཞི་ཡང་བ་བཅོ་ལྔ། ལྔ་ཡང་བ་དྲུག །ཐམས་ཅད་ཡང་བ་གཅིག་རྣམས་ཡོད་པ་ལས་བྱེ་བྲག་རྣམ་གྲངས་བཅུ་གསུམ་པ་གཉིས་ཡང་པའི་མཚམས་ནས་ཟིན་ཅིང་། ཤློཀ་གཅིག་ལ་ལྕིབ་བཅུ་དྲུག །ཡང་བ་བརྒྱད། ཡི་གེ་ཉི་ཤུ་རྩ་བཞི། ཕྱི་མོ་བཞི་བཅུ་ཡོད་པ་དབུས་ཕྲ་ཞེས་བྱ་བའི་་རས་མཛེས་པར་སྤྲས་པའམ། དེ་ལས་ཅུང་ཟད་བསྡུས་ན་ཡང་བའི་རྣམ་གྲངས་དོར་བ་དང་། དེ་ལས་ཀྱང་བསྡུས་ན། སྡེབ་སྦྱོར་རྐང་བཞི་མཉམ་པའི་་ཡི་གེ་དྲུག་པ་དབྱངས་སྒྲོགས་ལ་སྤྱིར་རྣམ་གྲངས་དྲུག་ཅུ་རྩ་བཞི་ཡོད་པ་ལས་བྱེ་བྲག་བཅུ་གསུམ་པ་དབུས་ཕྲའི་པྲ་སྟཱ་རའོ་ཞེས་པ་ལྟ་བུ་ཅི་རིགས་འགོད་པར་བྱའོ། །ཡང་ཡི་གེ་བཅུ་གཅིག་པའི་སྐབས་སུ་ཉེར་བསྐྱེད་བརྟག་པའི་ཚིགས་སུ་བཅད་པ། ཉེར་བསྐྱེད་ཉེ་བར་བརྟག་པའི་ཕྱིར། །གཅིག་


ZP01_Page_420
[མ་དཔེ་གཟིགས་ན་འདིར་གནོན།]

གཉིས་བཞི་བརྒྱད་ཨཱངྐིའི་འོག །ཨི་ཡིག་བཞི་བྲིས་དེ་འོག་ཏུ། །ཨང་གྲངས་དང་མཚུངས་ཨི་དང་ཨུ། །མཐའ་དག་ཨུ་ཡིག་གྱུར་བར་སྤེལ། །ཨི་ཡིག་ཨིནྡྲ་བཛྲ་སྟེ། །ཨུ་ཡིག་ཨུ་མིནྡྲ་བཛྲ། །བར་རྣམས་ཉེར་བསྐྱེད་བཅུ་བཞིའོ། །ཤུ་བྷཾ། དཔལ་སྤྲུལ་པས་སོ།།

རྩིས་གཞུང་ཉིན་བྱེད་སྣང་བའི་འདས་ལོ་ངེས་པ་གསར་སྤོས་དགེ་ལེགས་སྣང་བའི་ཉི་མ།


ZP01_Page_421
[མ་དཔེ་གཟིགས་ན་འདིར་གནོན།]

རྩིས་གཞུང་ཉིན་བྱེད་སྣང་བའི་འདས་ལོ་ངེས་པ་གསར་སྤོས་དགེ་ལེགས་སྣང་བའི་ཉི་མ་ཞེས་བྱ་བ་བཞུགས་སོ། །


ZP01_Page_422
[མ་དཔེ་གཟིགས་ན་འདིར་གནོན།]

དཔལ་དུས་ཀྱི་འཁོར་ལོ་ལ་ཕྱག་འཚལ་ལོ། །ཁྱབ་བདག་དུས་ཀྱི་འཁོར་ལོ་སྣ་ཚོགས་ཡུམ། །དཔའ་བོ་རྣལ་འབྱོར་མ་ཚོགས་དཀྱིལ་འཁོར་ལྷ།


ZP01_Page_423
[མ་དཔེ་གཟིགས་ན་འདིར་གནོན།]

ཆོས་རྒྱལ་རིགས་ལྡན་བརྒྱུད་པའི་དགེ་ལེགས་ཀྱིས། །བསྟན་པ་རིན་ཆེན་ཉི་མ་གསལ་གྱུར་ཅིག།


ZP01_Page_424
[མ་དཔེ་གཟིགས་ན་འདིར་གནོན།]

དགེ་ལེགས་མཆོག་གི་འབྱུང་གནས་རྫོགས་སངས་རྒྱས། །དག་གསལ་གཉེན་པོའི་ཉི་མ་དམ་པའི་ཆོས། །ལུང་རྟོགས་ཡོན་ཏན་གཏེར་མཛོད་འཕགས་ཚོགས་སྡེ། །རིན་ཆེན་དཀོན་མཆོག་གསུམ་ལ་མགོས་ཕྱག་འཚལ། །ཕྱག་བྱ་བ། སྐར་རྩིས་རི་མོའི་ལམ་འདིར་འཇུག་འདོད་ཕལ། །མང་བསགས་འདས་ལོའི་ཁུར་གྱིས་དུབ་པ་ལས། །ངེས་པ་གསར་དུ་སྤོས་པའི་དགེ་ལེགས་ཀྱིས། །ངལ་གསོའི་ཉི་མ་འཆར་གྱིས་དགའ་བར་བྱོས། ༈ །དེ་ཡང་དངོས་པོ་ངེས་བསྟན། རྣམ་གྲངས་མདོར་བསྡུ་ན། །བྱེད་པ་གྲུབ་པའི་ཡན་ལག་ལྔ། །ལོ་བདག་ཟླ་འཕོ་སྒྲ་གཅན་དང་། །གཟའ་ལྔའི་ཉིན་ཞག་དལ་མྱུར་ལས། །ཁྱིམ་ཚེས་དེས་མཚོན་དུ་བ་དང་། །ཉི་ཟླར་སྒྲ་གཅན་འཇུག་པའི་ཚུལ། །རྩིས་ཕྲན་འགའ་དང་མགྱོགས་རྩིས་སྐོར། །རིམ་པ་བཞིན་དུ་བསྟན་པར་བྱ། ༈ དང་པོ་བྱེད་པའི་ཡན་ལག་ལྔ། །རབ་བྱུང་བཅོ་ལྔ་པའི་ནང་གི །རྣམ་གནོན་ལྕགས་འབྲུག་ལ་སོགས་པ། །འདས་ལོ་དག་པ་ཉི་མས་བསྒྱུར། །ནག་པ་ལ་སོགས་འདས་ཟླ་བསྲེ། །གནས་གཉིས་འོག་མ་ལག་པས་བསྒྱུར། །དུས་མེ་བསྲེས་ལ་མདའ་རོས་དབོ། །རྙེད་པ་སྟེང་བྱིན་ཟླ་དག་གོ།། ༈ །།ཟླ་དག་གནས་གསུམ་རིམ་པ་བཞིན། །གཟུགས་དང་གཟུགས་མེ་མཁའ་མདས་བསྒྱུར། །དུས་དང་རྒྱལ་བ་ནམ་མཁའ་བྱིན། །མཁའ་རོ་མཁའ་རོ་ཐུབ་པ་ཡིས། །གོང་དུ་སྒྲིལ་ལྷག་གཟའ་དྷུའོ།། ༈ །།ཟླ་དག་གནས་གཉིས་སྟེང་མ་མིག །འོག་མ་


ZP01_Page_425
[མ་དཔེ་གཟིགས་ན་འདིར་གནོན།]

གཟུགས་ཀྱིས་བསྒྱུར་བ་ལ། །མེ་མིག་དང་ནི་མཁའ་མཚོ་བྱིན། །དུས་ཉི་ཀླུ་ལག་གིས་སྒྲིལ་ལྷག །རིལ་བོ་དང་ནི་དེའི་ཆ་ཤས།། ༈ །།ཟླ་དག་གནས་ལྔ་སྟེང་རིམ་བཞིན། །མིག་ཕྱོགས་ཀླུ་དབང་མིག་ཕྱོགས་བསྒྱུར། །དུས་མིག་གཟུགས་མཚོ་མི་མིག་དང་། །ནམ་མཁའ་དང་ནི་བྲོ་བ་བྱིན། །འདོད་དུས་མཁའ་རོ་མཁའ་རོ་དང་། །འཁོར་ལོས་སྒྲིལ་ལྷག་ཉི་དྷྲུའོ།། ༈ །།སྔ་དྷྲུར་རང་རང་སྒྱུར་བྱེད་བྱིན། །ཕྱི་མ་ཕྱི་མའི་དྷྲ་ཨུབ་འཆར།། ༈ །།གཟའ་ངྷྲུར་བུ་ག་མདའི་ཆུ་ཚོད་དང་། །སྲང་མེ་དབུགས་མཚོ་ཉི་དྷྲུ་ལ། །ཆུ་ཚོད་རིག་བྱེད་སྲང་གཟུགས་མིག །དབུགས་འབྱུང་འདོད་ཆར་བུ་ག་རྣམས། །གང་བརྩིའི་ཆོས་ཀྱིས་བསྒྱུར་ལ་བྱིན། །གཟའ་ཉི་བར་པའོ་རྣམ་དག་ཆེད། །ཟླ་རྐང་ཉི་མའི་རྐང་ཆོག་སོགས། །ཞག་རེའི་ངེས་པ་བརྩི་ཚུལ་རྣམས། །འཆད་འགྱུར་གྲུབ་མཐའ་ཇི་བཞིན་ལ། །སྒོས་ཆོས་དབུགས་ཀྱི་ཆ་ཤས་དག །འདོད་པས་བརྗོས་དེ་བྱ་བ་ཉིད། །གཉིས་པ་རྩ་རྒྱུད་རྗེས་འབྲང་ནས། །རྣམ་དག་གྲུབ་པའི་ལྔ་བསྡུས་བཤད། །རབ་ཚེས་རྣམ་གནོན་ལ་སོགས་པ། །འདས་ལོ་ཉིས་བསྒྱུར་ནག་པ་སོགས། །འདས་ཟླ་བསྲེས་ལ་གནས་གཉིས་ཀྱི། །འོག་མ་མིག་བསྒྱུར་སོ་ཡིས་བརྒྱན། །མདའ་རོས་རྙེད་ནོར་སྟེང་མར་བསྲེ། །ཚེས་ཟླ་རྣམ་པར་དག་པ་སྟེ། །ལྷག་མས་ཟླ་བཤོལ་ལོངས་པའི་མཚམས། །སྟོན་ཅིང་སྒང་དབུགས་ལྡོག་གཉིས་སོགས། །དུས་གཟེང་


ZP01_Page_426
[མ་དཔེ་གཟིགས་ན་འདིར་གནོན།]

བརྟགས་པའི་གཞིར་ཡང་བཟུང་།། ༈ །།ཟླ་དག་གནས་ལྔ་སྟེང་རིམ་བཞིན། །གཟུགས་དང་གཟུགས་མེ་མཁའ་མདའ་ཐིག །མཁའ་ཀླུ་ཆུ་བོས་བསྒྱུར་བ་ལ། །བྲོ་བ་ཟླ་མཚོ་རི་མེ་དང་། །མེ་དང་འབྱུང་མཁའ་རྒྱ་མཚོ་བྱིན། །རི་མཁའ་རི་དང་དུས་མཁའ་རོ། །མཁའ་རོ་རི་དོར་གཟའ་དྷྲུའོ།། ༈ །།ཟླ་དག་གནས་གཉིས་སྟེང་མ་མིག །འོག་མ་གཟུགས་ཀྱིས་བསྒྱུར་བ་ལ། །སྟེང་འོག་མེ་མིག་དུས་ལག་བསྲེ། །དུས་ཉི་ཀླུ་ལག་གིས་སྒྲིལ་ལྷག །ཚོགས་དང་དེ་ཡི་ཆ་ཤས་སོ།། ༈ །།ཟླ་དག་གནས་ལྔ་མིག་དང་ཕྱོགས། །ཀླུ་དབང་གཟུགས་དང་རི་ཟླ་ཡིས། །རིམ་བསྒྱུར་དེ་ཉིད་མདའ་འབྱུང་དང་། །གཟུགས་མེ་ལག་དང་མཚོ་བྱིན་ལ། །རི་རོ་དུས་དང་མཁའ་རོ་དང་། །མཁའ་རོས་རིམ་སྒྲིལ་འཁོར་ལོ་ཡིས། །དོར་ལྷག་ཉི་མའི་དྷྲུ་བ་ཀ། ༈ །།གཞན་ཡང་རི་མོའི་རྣམ་གྲངས་ལ། །ཟླ་དག་གནས་གཉིས་སྟེང་མ་གཟུགས། །འོག་མ་གཟུགས་མཁའ་ཐིག་མེས་བསྒྱུར། །སྟེང་མར་དུས་དང་འོག་མ་ལ། །ཆུ་བོ་མིག་བུག་མེ་བྱིན་པར། །དུས་མདའ་དུས་མདས་རྙེད་པའི་ནོར། །སྟེང་བྱིན་རིས་དོར་ལྷག་གཟའ་གནས། །འོག་མ་མཁའ་རོ་མཁའ་རོ་དང་། །དུས་དང་རི་མཁའ་རིས་བསྒྱུར་བར། །དུས་མདའ་དུས་མདས་རིམ་ཐོབ་ནོར། །སྔར་གྱི་འོག་བཀོད་གཟའ་དྷྲུའོ།། ༈ །།ཟླ་དག་མེ་དབང་ལག་པས་བསྒྱུར། །དེ་ལ་རྒྱལ་བ་བུག་མིག་བྱིན། །ཀླུ་ལག་འབྱུང་མེས་ཐོད་ལ་དོར། །ལྷག་མ་དུས་ཉིས་ཐོབ་པའི་ནོར། །


ZP01_Page_427
[མ་དཔེ་གཟིགས་ན་འདིར་གནོན།]

རིལ་པོའོ་དེ་ལྷག་ཆ་ཤས་ཡིན། ༈ །ཟླ་དག་མདའ་རོས་བསྒྱུར་བ་ལ། །ལག་ཐུབ་རི་བྱིན་ཆུ་མཁའ་ཀླུས། །ཐོབ་པ་དོར་ལྷག་གནས་གཉིས་ཀྱི། །སྟེང་མ་མིག་བསྒྱུར་འོག་མ་ལ། །རི་རེས་ཐོབ་པ་སྟེང་མར་བསྲེ། །སྟེང་མ་མཁའ་རོས་བགོས་ཐོབ་པ། །སྐར་མའོ་ལྷག་མ་ཆུ་ཚོད་ཡིན། །འོག་མའི་གནས་དེ་མཁའ་རོ་དང་། །དུས་བསྒྱུར་རིམ་ཐོབ་སྲང་དབུགས་ཏེ། །ལྷག་མ་རང་ཆ་ཉི་དྷྲུའོ།། ༈ །།འདི་དག་བཻ་ཌཱུར་དཀར་པོ་ལས། །མི་རྗེ་སངས་རྒྱས་རྒྱ་མཚོ་ཡི། །རྣམ་དཔྱོད་འཕྲུལ་ལས་ལེགས་འོང་པའི། །ངོ་མཚར་དྷྲུ་བ་བཞིན་བྱེད་ན། །ཟླ་དག་མཁའ་ཐིག་རི་བུག་བརྒྱན། །རི་དབང་དུས་ཀླུས་བསྒྱུར་བ་ལ། །མིག་བུག་མདའ་རྩ་མེས་ཐོབ་པ། །དོར་ལ་ལྷག་མ་རི་ཡིས་བསྒྱུར། །མིག་བུག་མདའ་རྩ་མེས་ཐོབ་པ། །གཟའ་ཡིན་ལྷག་མ་མཁའ་རོས་བསྒྱུར། །བགོད་བྱེད་ཀྱིས་ཐོབ་དབྱུག་བུ་སྟེ། །སླར་ཡང་མཁའ་རོས་བསྒྱུར་བ་ལ། །བགོད་བྱེད་ཐོབ་པ་སྲང་ཡིན་ལ། །དུས་བསྒྱུར་བགོད་བྱེད་ཐོབ་པ་དབུགས། །རི་མཁའ་རིས་བསྒྱུར་བགོད་བྱེད་ཀྱིས། །ཐོབ་པ་ཆ་སྟེ་གཟའ་དྷྲུ་དག། ༈ །།རིལ་ཆར་ཟླ་བ་དག་པ་ལ། །ཀླུ་ལག་མཚོ་མེས་བརྒྱན་པར་བྱ། །མེ་དབང་ལག་པས་བསྒྱུར་བ་ལ། །ཀླུ་ལག་འབྱུང་མེས་ཐོབ་པ་དོར། །སླར་ཡང་ནོར་ལག་གིས་བསྒྱུར་ལ། །ཀླུ་ལག་འབྱུང་མེས་ཐོབ་པ་དེ། །རིལ་པོའོ་ལྷག་མ་དུས་ཉིས་བསྒྱུར། །ཀླུ་ལག་འབྱུང་མེས་ཐོབ་པ་དེ། །ཆ་ཤས་ཡིན་ནོ་


ZP01_Page_428
[མ་དཔེ་གཟིགས་ན་འདིར་གནོན།]

ལྷག་མེད་འཆར། ༈ །ཉི་དྷྲུའི་དོན་དུ་ཟླ་དག་ལ། །དུས་བུག་མཚམས་མིག་བྱིན་པ་དེ། །མདའ་རོས་བསྒྱུར་ལ་ཆུ་མཁའ་ཀླུས། །དོར་ལྷག་འཁོར་ལོས་བསྒྱུར་བ་ལ། །ཆུ་མཁའ་ཀླུས་ཐོབ་སྐར་གནས་ཏེ། །ལྷག་མ་མཁའ་རོས་བསྒྱུར་བ་ལ། །ཆུ་མཁའ་ཀླུས་ཐོབ་དབྱུག་གུ་སྟེ། །ཡང་ལྷག་མཁའ་རོས་བསྒྱུར་བ་ལ། །བགོད་བྱེད་ཀྱིས་ཐོབ་ཆུ་སྲང་སྟེ། །ལྷག་མ་དུས་བསྒྱུར་བགོད་བྱེད་ཐོབ། །དབུགས་སོ་སླར་ལྷག་རི་རོ་ཡིས། །བསྒྱུར་ལ་བགོད་བྱེད་ཀྱིས་ཐོབ་པ། །ཆ་སྟེ་ལྷག་མེད་རྣམ་དག་འབྱུང་། །སྔ་མའི་དྷྲུ་ཝར་རང་རང་གི །སྒྱུར་བྱེད་བྱིན་ལ་འཁོར་ལོས་སྒྲིལ། །ཕྱི་མ་ཕྱི་མའི་དྷྲུ་ཝ་འཆར། །ཉིན་རེའི་རྩིས་ལ་འཇུག་པའི་ཕྱིར། །གཟའ་དྷྲུར་བུག་མདའི་ཆུ་ཚོད་དང་། །སྲང་མེ་དབུགས་མཚོ་ཆ་མི་བདག །ཉི་དྷྲུར་ཆུ་ཚོད་རིག་བྱེད་དང་། །གཟུགས་མིག་སྲང་ལ་དབུགས་འབྱུང་བ། །མེ་མཚོའི་ཆ་རྣམས་གང་བརྩི་ཡི། །ཚེས་གྲངས་ཀྱིས་བསྒྱུར་སོ་སོར་བྱིན། །དེ་ཡིས་གཟའ་ཉི་བར་པ་འགྲུབ། །རིལ་པོར་ཚེས་བསྲེ་ཆུ་ཟླས་བགོ །ཐོབ་པ་གཟུགས་མེ་མི་མཉམ་ཞིང་། །མིག་མཚོ་ཐིག་ལེ་མཉམ་པ་ཡིན། །ལྷག་མས་ཟླ་བའི་རྐང་པ་བཟུང་། །མདའ་དབང་འབྱུང་མཚོ་མི་མིག་གཟུགས། །སྔ་རྐང་དེ་ཡིན་ཕྱི་རྐང་ལྡོག །དེ་ཡང་སྔ་རྐང་ཟོས་ཟིན་དང་། །ཕྱི་རྐང་ཟ་རྒྱུ་སྡོམ་བྱ་སྟེ། །སྟོང་ལ་སྟོང་པ་རྣམ་པར་དག །གཟུགས་དང་འདོད་པར་འབྱུང་བ་སྟེ། །མིག་དང་ཉི་མ་དག་ལ་ཕྱོགས། །


ZP01_Page_429
[མ་དཔེ་གཟིགས་ན་འདིར་གནོན།]

མེ་དང་དྲག་པོར་ཚེས་ཞེས་བྱ། །ཕྱོགས་དང་ཆུ་གཏེར་བུ་ག་གཟུགས། །མདའ་དང་བུ་གར་ལག་པ་མིག །དུས་དང་ནོར་ལ་རྒྱལ་བ་སྟེ། །ཐུབ་པ་ལ་ནི་དེ་ཉིད་སྡོམ། །རྐང་འཛིན་ཕྱིས་ལ་རྐང་བསྡོམས་བྲི། །རྐང་བཟུང་མདུན་མས་ཆ་ཤས་བསྒྱུར། །མ་ཟིན་རྐང་པ་དང་པོ་དང་། །མཁའ་རོ་དུས་དང་རི་མཁའ་རིས། །བསྒྱུར་ལ་དུས་ཉིས་རིམ་ཐོབ་ནོར། །རྒྱུ་བའི་ཆུ་ཚོད་ཆུ་སྲང་དང་། །དབུགས་དང་ཆ་སྟེ་རྐང་སྡོམས་ལ། །སྔ་རྐང་དུས་སུ་དེ་བྱིན་ཞིང་། །ཕྱི་རྐང་རིམ་ཕབ་དེ་ཡིས་སྦྱར། །ཚོགས་དེ་གཟའ་བར་ལོངས་སྤྱོད་དུ། །ནོར་མཉམ་བསྣན་ལ་མི་མཉམ་ཕྲི། །དེ་ཡིས་གཟའ་ཕྱེད་དག་པར་འགྱུར། ༈ །གལ་ཏེ་ཟླ་རྐང་ཞིབ་བརྩིས་ཀྱིས། །འཚོལ་ན་རྐང་བསྡོམས་གྲུབ་པའི་རྗེས། །ཆ་ཤས་དྷྲུ་བ་མཁའ་མེ་ཡིས། །བསྒྱུར་ལ་གང་བརྩིའི་ཚེས་གྲངས་བསྲེ། །དེ་ཉིད་རྐང་བཟུང་མདུན་མས་བསྒྱུར། །མཁའ་ཀླུ་རི་མེས་རྙེད་པའི་ནོར། །རྒྱུ་བའི་དབྱུག་གོ་ལྷག་མ་རྣམས། །མཁའ་རོ་དུས་དང་རི་སོགས་སམ། །དཀྱིལ་འཁོར་གྱི་ནི་མཁའ་སྐྱོན་ཆ། །གཟུགས་མིག་གིས་བསྒྱུར་རིམ་ཐོབ་ཚོགས། །སྔ་རྐང་ལ་བསྲེ་ཕྱི་རྐང་དུ། །དམན་པ་གཟའ་བར་ལོངས་སྤྱོད་དུ། །ནོར་མཉམ་བསྣན་ལ་མི་མཉམ་ཕྲི། །དེ་དང་ཉི་ཆ་ཕྱེད་མཉམ་ཆེད། །གཟའ་ཡི་ཆ་ཤས་རི་རོས་བསྒྱུར། །རི་མཁའ་རིའམ་གཟུགས་མིག་གིས། །རྙེད་པ་སྟེང་བཀོད་གནས་དྲུག་བྱ། ༈ །དེ་ནས་གཟའ་ཉི་


ZP01_Page_430
[མ་དཔེ་གཟིགས་ན་འདིར་གནོན།]

རྣམ་དག་ཆེད། །ཉི་བར་གནས་གཉིས་གཅིག་ལ་ནི། །སྐར་དྲུག་ཆུ་ཚོད་ཞེ་ལྔས་སྦྱང་། །མ་ལྡངས་འཁོར་ལོ་བསྣན་ལ་སྦྱང་། །སྦྱངས་ཤུལ་འཁོར་ཕྱེད་ལྷག་ན་དོར། །ལྷག་མའི་སྐར་མ་མཁའ་རོས་བསྒྱུར། །ཆུ་ཚོད་བཅུག་ལ་མདའ་ཡོན་ཟླས། །བགོས་ཐོབ་ནོར་གྱིས་ཉི་རྐང་བཟུང་། །དུས་མཚོ་ཟླ་བ་སྔ་རྐང་སྟེ། །ཕྱི་རྐང་དེ་ལྡོག་རྐང་གནས་དྲུག །སྔ་ཕྱི་ཟོས་དང་མ་ཟོས་སྡོམ། །སྟོང་ལ་སྟོང་པ་རྣམ་པར་དག །གཟུགས་དང་དབང་པོར་བྲོ་བ་སྟེ། །མིག་དང་ཆུ་བོ་དག་ལ་ཕྱོགས། །མེ་ལ་དྲག་པོ་སྡོམ་པར་བྱ། །རྐང་འཛིན་ཕྱིས་ལ་རྐང་བསྡོམ་བྲི། །རྐང་བཟུང་མདུན་མས་ལྷག་རྣམས་བསྒྱུར། །མ་ཟིན་རྐང་པ་དང་པོས་བསྒྱུར། །རང་འཁོར་སྒྲིལ་ལ་མདའ་ཡོན་ཟླས། །ཐོབ་པའི་ཡང་དག་རྒྱུ་ཆུ་ཚོད། །ལྷག་རྣམས་མཁའ་རོ་དུས་རི་རོས། །རིམ་བསྒྱུར་རང་རང་ཆ་རྣམས་བཅུག །མདའ་ཡོན་ཟླས་ཐོབ་རྒྱུ་བ་ཡི། །ཆུ་སྲང་དབུགས་དང་ཆ་ཤས་ཡིན། །སྔ་རྐང་ཆུ་ཚོད་གཉིས་པོ་བསྲེ། །ཕྱི་རྐང་རྒྱུ་བས་སྦྱངས་ལྷག་རྣམས། །གཟའ་ཉི་ཕྱེད་དག་ལོངས་སྤྱོད་དུ། །འཁོར་ཕྱེད་དོར་བསྣན་མ་དོར་ཕྲི། །དེ་ཡིས་གཟའ་ཉི་དག་པར་འགྱུར། ༈ །རེས་གཟའ་གང་ཤར་ཉིན་ཞག་རེར། །སྤྱོད་པས་ད་ནངས་ནམ་ལངས་དུས། །སླེབས་ནས་སང་གི་ནམ་ལངས་འཕོ། །ལོངས་སྤྱོད་གནས་སུ་གང་ཤར་བ། །ནམ་ལངས་ནས་བརྩམས་ཟད་པའི་ཚེ། །དེ་རིང་ཚེས་རྫོགས་ཕྱི་མ་འཇུག །གཟའ་


ZP01_Page_431
[མ་དཔེ་གཟིགས་ན་འདིར་གནོན།]

གཅིག་ལན་གཉིས་བསྡབས་གྱུར་ན། །ཆུ་ཚོད་མང་བའི་ཚེས་དེ་ཆད། །མཆོངས་ན་ཆུ་ཚོད་ཉུང་བ་ལྷག །དོན་དུ་ཚེས་ལ་ཆད་ལྷག་མེད། །དེ་ལྟར་སྣང་བའི་རྒྱུ་མཚན་ནི། །ཉིན་ཚེས་བསྟུན་ནས་བརྩི་ཕྱིར་ཏེ། །ཉིན་ཞག་གཅིག་གིས་ཚེས་ཞག་ནི། །རིལ་པོ་གཅིག་དང་སྔ་ཕྱི་ཡི། །ངོ་མཐོང་རིལ་པོ་ཆད་ཅེས་བཏགས། །ཚེས་ཞག་གཅིག་གིས་ཉིན་ཞག་ནི། །གསུམ་མཐོང་དེ་ལས་རིལ་པོ་དང་། །འགྲོགས་པའི་ཚེས་དེ་ལྷག་པར་བཏགས། །དེས་ན་རྐང་པའི་འཕེལ་འགྲིབ་ལས། །བྱུང་བའི་ཚེས་ལྷག་ཁ་འགྲིག་སྟེ། །དེ་ནས་ཆད་པ་མང་བ་ནི། །ཉིན་ཚེས་ཞག་མི་ཐུབ་ཀྱི་ཆ། །ཉི་མའི་ལོངས་སྤྱོད་རང་ཉིད་ཀྱིས། །སྐར་གནས་དེ་སྟེང་སླེབས་པ་ནས། །བརྩམས་ཏེ་རགས་པར་དེ་ཉིན་གྱི། །ཚེས་ལོངས་རྫོགས་པར་སྤྱོད་པའི་གྲངས། །དེ་ནས་ཟླ་བའི་སྐར་མའི་ཆེད། །ཉི་དག་གནས་གཉིས་གཅིག་ཤོསལ། །ཆུ་ཚོད་མཚོ་དབང་ཚེས་བསྒྱུར་དང་། །མཁའ་རོར་ལོངས་ཕུད་སྐར་གནས་སུ། །བཀོད་པ་ཐུན་མིན་རྟག་ལོངས་བྱིན། །རང་འཁོར་སྒྲིལ་ལྷག་ཆོས་འཁྱུད་ཅེས། །རགས་པར་དེ་རིང་ཚེས་ཟད་པར། །སྤྱད་པའི་ཟླ་སྐར་རྣམ་དག་ཡིན། །དེ་ལ་གཟའ་ཡི་ལོངས་སྤྱོད་ཀྱིས། །སྦྱངས་ལྷག་རེས་འགྲོགས་ཟླ་སྐར་ཏེ། །སྐར་མ་དེ་སྟེང་ཟླ་བ་ཡིས། །སྔ་མའི་ཞག་ལ་སྤྱད་ཟིན་འཆར། །དེ་ཡིས་མཁའ་རོར་ཕྲི་བའི་ལྷག །ནམ་ལངས་ནས་བརྩམས་


ZP01_Page_432
[མ་དཔེ་གཟིགས་ན་འདིར་གནོན།]

དེ་ཡུན་སྡོད། །དེ་ཟད་ཕྱི་མའི་སྐར་སྟེང་སླེབ། །ཉི་དག་རེས་བགྲོགས་ཟླ་སྐར་དག །བསྲེས་ནས་སྟེང་སྒྲིལ་འཁོར་ལོས་དོར། །སྦྱོར་བའི་རི་མོ་རྣམ་པར་དག །སྦྱོར་བ་དུས་ཀྱི་ལྷ་ཡིན་པས། །ཚེས་རེར་དབང་བྱེད་ཚུལ་དུ་འཆར། །ལོངས་སྤྱོད་གང་ཤར་ད་ནང་གི །ནམ་ལངས་ཕན་ཆད་འདས་ཟིན་ཡིན། །ཚེས་གྲངས་མིག་བསྒྱུར་གཟུགས་ཀྱིས་ཕྲི། །ཐུབ་པས་དོར་ལྷག་ཕྱི་བྱེད་ཡིན། །སྔ་བྱེད་དེ་ཡི་ཤུགས་ལས་རྟོགས། །དེ་ཡང་རྐང་པར་བཅས་པ་ཡི། །གང་བརྩིའི་ཚེས་ལོང་དེ་དང་ནི། །ཕྱེད་མར་གཏུབས་པའི་ཆ་རེ་ནི། །བྱེད་པ་རེ་ཡི་ལོངས་སྤྱོད་དེ། །བརྟགས་ཐབས་ཚེས་ལོངས་སྔ་མ་ཡིས། །མཁའ་རོའི་སྟེང་ནས་པྲི་བའི་ལྷག །ཉིན་ཞག་སྔ་མར་འདས་ཟིན་ཡིན། །ལྷག་དང་ད་ལྟའི་ཚེས་ལོངས་གཉིས། །བསྲེས་ལ་མིག་གིས་བགོས་ཐོབ་ནོར། །དུས་དེའི་བྱེད་པའི་ལོངས་སྤྱོད་དེ། །སྔ་ཆར་སྔ་མའི་ཚེས་ལོངས་དག །རྫོགས་པ་དེ་ཡི་ཡུན་དུ་སྤྱོད། །ཕྱི་ཆར་ཚད་དེ་རྫོགས་པ་ནས། །བྱེད་པ་འཆར་བར་ཤེས་པར་བྱ། །གསུམ་པ་བྱེད་པའི་ལོ་བདག་ནི། །རྣམ་གནོན་ལ་སོགས་འདས་པའི་ལོར། །བསེ་རུ་འདོད་པ་བྱིན་པ་དེ། །གནས་གཉིས་སྟེང་མ་མཁའ་མཁའ་ཆུས། །བསྒྱུར་ལ་འོག་མའི་ཚོགས་ཀྱིས་ཕྲི། །རི་ཟླ་མེས་ཐོབ་གཟའ་གནས་བཞག །ལྷག་མ་མཁའ་རོ་མཁའ་རོ་རོས། །རིམ་བསྒྱུར་ཐོབ་པའི་ནོར་བརྩེགས་འོག །ལྷག་མ་བཞག་པ་ཆ་ཡི་གནས། །གཟའ་དབྱུག


ZP01_Page_433
[མ་དཔེ་གཟིགས་ན་འདིར་གནོན།]

གནས་སུ་གཉིས་སུམ་ཅུ། །བྱིན་ལ་འཁོར་སྒྲིལ་བྱེད་པ་ཡི། །ལོ་འཕོ་དཀྱུས་མ་རྣམ་པར་དག །ཡང་ན་རབ་ཚེས་རྣམ་གནོན་སོགས། །འདས་ལོ་གནས་ལྔར་བཞག་ནས་ཀྱང་། །གཟུགས་ཚེས་གཟུགས་མེ་རི་བོང་ཅན། །གཟུགས་ཉིས་བསྒྱུར་ལ་སྟེང་རིམ་བཞིན། །དུས་དང་མེ་མིག་དྲག་པོ་གཟུགས། །བསེ་རུ་བྱིན་ལ་མས་ནས་ཡར། །ཉི་ཟླ་ཡོན་ཏན་དུས་མཁའ་རོ། །མཁའ་རོ་ཐུབ་པས་དོར་བའི་ལྷག །ལོ་འཕོ་འགྲུབ་པ་གོང་དང་འདྲ། །ལོ་འཕོ་དེ་སྟེང་གཟའ་གནས་མིག །དབྱུག་གུར་བུག་གཟུགས་བསྣན་པ་ཡིས། །སྐྱོན་བྲལ་བྱེད་པ་ལོ་འཕོ་ཡིན། །ལོ་འཕོའི་ངེས་པ་སྔ་མའི་སྟེང་། གཟུགས་ཚེས་གཟུགས་མེ་གཟུགས་ཟླ་ཉི། །བྱིན་ལ་རང་འཁོར་བསྒྲིལ་པ་ཡིས། །ཕྱི་མ་ཕྱི་མའི་ལོ་འཕོ་འཆར། །བཞི་པ་ཟླ་བའི་འཕོ་བ་བཤད། །བྱེད་ལོའི་གཟའ་དབྱུག་གནས་གཉིས་པོ། །བཅུ་གཉིས་བཀོད་ལ་རིམ་པ་བཞིན། །ལུག་ལ་གཟའ་གཟུགས་རི་འབྱུང་དབྱུག །གླང་ལ་མཚོ་དང་མེ་དབང་པོ། །འཁྲིགས་པར་ཟླ་བ་རི་གཟུགས་ཏེ། །ཀརྚར་རྒྱ་མཚོ་ཡོན་ཏན་མདའ། །སེང་གེར་བསེ་རུ་དང་ལག་མིག །བུ་མོར་རྒྱ་མཚོ་རྒྱལ་བའོ། །སྲང་དུ་རོ་དང་གཟུགས་འབྱུང་བ། །སྡིག་པར་ཟླ་བ་དང་རི་མཚོ། །གཞུར་ནི་མེ་དང་དུས་གཟུགས་སོ། །ཆུ་སྲིན་རྒྱ་མཚོ་རི་བོ་མེ། །བུམ་པ་དུས་དང་ཆུ་གཏེར་ཏེ། །ཉ་ལ་ཐིག་ལེ་མིག་འབྱུང་རྣམས། །བྱིན་ལ་མཁའ་རོ་རིས་དོར་ལྷག །ཁྱིམ་རྣམས་


ZP01_Page_434
[མ་དཔེ་གཟིགས་ན་འདིར་གནོན།]

སོ་སོར་སླེབས་མཚམས་གཟའ། །རགས་པ་རྟོགས་པའི་མན་ངག་ཡིན། ༈ །ལྔ་པ་སྒྲ་གཅན་ངེས་པ་ནི། །རྣམ་གནོན་ལ་སོགས་འདས་པའི་ལོར། །བསྒྲུབས་པའི་བྱེད་གྲུབ་གང་འདོད་ཀྱི། །ཟླ་དག་དུས་མཚམས་ཀྱིས་བརྒྱན་པ། །ཕྱོགས་ཞག་ཟླ་བའི་ངེས་པ་གསུམ། །གང་འདོད་གཞིར་བཀོད་དང་པོའི་ཆེད། །མིག་བསྒྱུར་ཉར་གཟུགས་སྟོང་མིག་བྱིན། །མཁའ་དུས་ཆུ་བོས་ཐོབ་པ་དོར། །ལྷག་མ་སྐར་མ་མཁའ་རོ་དང་། །མཁའ་རོ་དུས་དང་མེ་མིག་གིས། །བསྒྱུར་ལ་མཁའ་དུས་ཆུ་བོ་ཡིས། །རིམ་ཐོབ་སྒྲ་གཅན་རྩ་བ་སྟེ། །དེ་ཡིས་འཁོར་ལོ་སྦྱངས་ལྷག་གདོང་། །གདོང་ལ་འཁོར་ཕྱེད་བསྲེས་པ་མཇུག །ཟླ་བ་ཕྱེད་པའི་སྒྲ་གཅན་ནོ། །གཉིས་པ་ཚོགས་དེ་མཁའ་མེས་བསྒྱུར། །ཚེས་བསྲེས་མཁའ་མཁའབུག་རོས་དོར། །ལྷག་མ་སྐར་མས་བསྒྱུར་བ་སོགས། །རྩ་གདོང་མཇུག་གི་ཆོ་ག་རྣམས། །སྔར་བཞིན་བྱས་པས་སྒྲ་གཅན་ནི། ཚེས་གླངས་གང་ལ་འཕོས་པ་རྟོགས། ༈ །གསུམ་པ་མཁའ་མཁའ་མེ་ལག་དོང་ལྷག །སྐར་མས་བསྒྱུར་སོགས་སྔར་ཇི་བཞིན། །བྱས་པས་ཟླ་རེའི་སྒྲ་གཅན་རྟོགས། །དེ་དག་རྣམས་ཀྱི་དབུགས་ལྷག་ནི། །མཁའ་མིག་དགོས་ཐོབ་ཆར་བཞག་པས། །རི་མོའི་མདོ་དོན་འདྲ་བ་ཡིན། །གཞན་ཡང་སྒྲུབ་ཚུལ་མི་འདྲའི་ཁྱད། །ཟླ་དག་རྩིས་འབྲོས་བརྒྱན་པ་དེ། །ཕྱོགས་ཞག་ཟླ་བ་གང་འདོད་ཀྱི། །དཀྱིལ་འཁོར་སོ་སོས་དོར་བའི་བར། །གོང་བཞིན་བྱས་པའི་


ZP01_Page_435
[མ་དཔེ་གཟིགས་ན་འདིར་གནོན།]

ལྷག་མ་དེ། །གཟུགས་ཀླུས་བསྒྱུར་ལ་མེ་མིག་གིས། །ཐོབ་ནོར་མཁའ་རོས་བགོས་ཐོབ་པ། །སྐར་མའོ་ལྷག་མ་ཆུ་ཚོད་དེ། །འོག་གི་ལྷག་མ་མཁའ་རོས་བསྒྱུར། །མེ་མིག་བགོས་ཐོབ་ཆུ་སྲང་སྟེ། །རོས་བསྒྱུར་ཐོབ་པ་དབུགས་ཀྱི་ཆ། །ལྷག་མ་རང་ཆར་བཞག་པ་ནི། །རྩ་བ་ཡིན་ཏེ་གདོང་མཇུག་གཉིས། །གོང་ལྟར་བྱས་པས་འགྲུབ་པ་ཡིན། །དེ་ལྟར་ཕྱོགས་ཞག་ཟླ་བ་ཡི། །ངེས་པ་དེ་སྟེང་རང་རང་གི །རྟག་ལོངས་རྩ་བ་ལ་བསྣན་ཞིང་། །གདོང་མཇུག་གཉིས་ལ་ཕྲི་བ་ཡིས། །ཕྱི་མ་ཕྱི་མའི་ངེས་པ་འཆར། །དེ་ལ་རང་རང་རྟག་ལོངས་ནི། །མེ་དབྱུག་གཟུགས་མེའི་སྲང་དབུགས་གཟུགས། །བུག་གཟུགས་ཆ་སྟེ་ཕྱོགས་ལོངས་ཡིན། །ཆུ་སྲང་མ་ནུ་ཆ་ཤས་ཉི། །སྒྲ་གཅན་ཞག་གི་རྟག་ལོངས་ཡིན། །དབྱུག་རི་སྲང་མིག་དབུགས་ཡོན་ཏན། །ཆ་ཤས་ཚེས་རྣམས་ཟླ་ལོངས་སོ། །དྲུག་པ་ལེགས་ལྡན་གཟའ་ལྔ་པོ། །ཉིན་ཞག་དག་ལ་སྤྱོད་ཚུལ་འཆད། །གྲུབ་མཐའི་ཟླ་དག་མཁའ་མེ་ཡིས། །བསྒྱུར་ལ་གང་བརྩིའི་ཚེས་གྲངས་བསྲེ། །གནས་གསུམ་བར་འོག་བུག་གཟུགས་དང་། །མེ་མིག་ཆུ་གཏེར་གྱིས་བརྒྱན་ལ། །འོག་མར་རི་མཁའ་རིས་ཐོབ་ནོར། །བར་བྱིན་དེ་ལ་ཆུ་རོ་ཡིས། །ཐོབ་པའི་ནོར་གྱིས་སྟེང་མ་ལ། །སྦྱངས་ལྷག་སྤྱིར་བཏང་མི་གསལ་ཞག །གསལ་བའི་དོན་དུ་གནས་གཉིས་བཀོད། །གཅིག་ལ་དུས་


ZP01_Page_436
[མ་དཔེ་གཟིགས་ན་འདིར་གནོན།]

བྱིན་རིས་དོར་ལྷག །རེས་ཀྱི་གཟའ་དང་མཐུན་ནམ་བརྟག །མཐུན་ན་དག་མོད་མ་མཐུན་ཚེ། །ཉུང་ན་གཅིག་བྱིན་མང་ན་ཕྲི། །དེ་ལྟར་མཐུན་བྱས་གསལ་ཞག་ཡིན། །སྒོས་ཞག་དོན་དུ་སྤྱི་ཞག་དེ། །ཚར་དྲུག་བཀོད་ལ་རིམ་པ་བཞིན། །བཀྲ་ཤིས་དོན་དུ་འབྱུང་རི་གཟུགས། །ཕུར་བུར་འབྱུང་མེ་གཟུགས་མཚོ་དང་། །སྤེན་པར་གཟུགས་དུས་མཚམས་ཕྱོགས་བསྣན། །ལྷག་པའི་ཆེད་དུ་བརྒྱས་བསྒྱུར་ལ། །ཆུ་དབང་མེ་མཚོ་བ་སངས་ལ། །བཅུས་བསྒྱུར་མཁའ་དབང་རི་ཟླས་བརྒྱན། །ཉི་མར་མིག་ཀླུ་མེ་སྐྱོན་གྱིས། །བསྒྱུར་ལ་ཆུ་གཏེར་རྩ་འཁོར་ལོ། །འབྱུང་བ་མཚོ་དུས་བརྒྱན་པར་བྱ། །དེ་ལ་རང་རང་དཀྱིལ་འཁོར་གྱིས། །དོར་བར་བྱའོ་དཀྱིལ་འཁོར་ནི། །བཀྲ་ཤིས་ལ་ནི་རི་ཀླུ་རོ། །ཕུར་བུའི་སོ་མེ་རྒྱ་མཚོ་སྟེ། །སྤེན་པའི་དུས་མཚམས་རི་ཕྱོགས་སོ། །ལྷག་པའི་རི་བུག་རི་ཀླུ་དང་། །དཀར་པོར་རི་རྒྱལ་མིག་ཉི་མར། །མདའ་མཁའ་མཚོ་ཡིད་རི་མཚམས་ཀྱིས། །དོར་ལྷག་སོ་སོའི་སྒོས་ཞག་གོ །རང་རང་སྒོས་ཀྱི་ཉིན་ཞག་དེ། །སྐར་མ་མཁའ་རོ་མཁའ་རོ་དུས། །རང་ཆ་སོ་སོས་བསྒྱུར་བ་ལ། །རིམ་བཞིན་རང་རང་དཀྱིལ་འཁོར་གྱིས། །རྙེད་ནོར་བརྩེགས་པ་ཚར་དྲུག་ལས། །དང་པོ་ལྔ་པོ་གོ་རིམ་བཞིན། །དྲག་གསུམ་དལ་བར་ཞི་གཉིས་ཀྱི། །རྐང་འཛིན་བར་པ་སོ་སོ་སྟེ། །དྲུག་པ་དྲག་གསུམ་རྐང་འཛིན་དང་། །ཞི་གཉིས་དལ་བར་ཐུན་མོང་འགྱུར། །དེ་ལ་རང་རང་


ZP01_Page_437
[མ་དཔེ་གཟིགས་ན་འདིར་གནོན།]

ཆ་ཤས་ནི། །དམར་པོའི་སུམ་ཆ་བུག་མིག་ལག །ལྷ་ཡི་བླ་མའི་བཅུ་གཉིས་ཆ། །གཟུགས་དུས་མེའོ་སྤེན་པ་ཡི། །གཉིས་ཆ་མེ་ཀླུ་མེ་འབྱུང་སྟེ། །ལྷག་པའི་རི་བུག་རི་ཀླུ་དང་། །དཀར་པོའི་སུམ་ཆ་བུག་མཚོ་ཐུབ། །ཉི་མའི་འབྱུང་བ་ཆུ་གཏེར་ཆ། །བུག་མཁའ་མིག་བུག་ཡིད་ཡིན་ནོ། །དེ་ནས་དལ་དག་བསྒྲུབ་པའི་ཆེད། །དྲག་གསུམ་རང་རང་དལ་བར་དང་། །ཞི་གཉིས་ཉིན་ཞག་ཉི་བར་དག །གནས་གཉིས་བཀོད་པའི་ཕྱོགས་གཅིག་ལ། །རང་རང་སྐྱེས་ཁྱིམ་སྦྱང་བར་བྱ། །བཀྲ་ཤིས་སྐར་བུག་མཁའ་མེའི་དབྱུག །མི་བདག་ཕྱེད་བཅས་ཟླ་བའི་བུ། །བླ་མར་རྒྱུ་སྐར་ཉི་མ་སྟེ། །པ་ཝ་སངས་ལ་སྐར་མ་དྲུག །སྤེན་པར་སྐར་མ་བཅོ་བརྒྱད་དོར། །མ་ལྡངས་འཁོར་ལོ་བསྣན་ལ་སྦྱང་། །སྦྱང་ཤུལ་འཁོར་ཕྱེད་ལྷག་ན་དོར། །ལྷག་མའི་སྐར་མ་མཁའ་རོས་བསྒྱུར། །ཆུ་ཚོད་བཅུག་ལ་མདའ་ཡོན་ཟླས། །བགོས་ཐོབ་ནོར་གྱིས་དལ་རྐང་འཛིན། ༈ །གཟུང་བྱའི་ཐ་དད་རྐང་པ་ནི། །ལུས་དམར་དེ་ཉིད་ཉེས་པ་རི། །ཟླ་སྐྱེས་ཕྱོགས་རི་རྩེ་མོ་ཅན། །སྒྲ་མཁན་བདེ་བྱེད་སྲིན་པོ་མེ། །དཀར་པོའི་མདའ་ཆུ་རི་བོང་ཅན། །དལ་འགྲོས་ལག་མིག་ཚེས་མཚམས་ཏེ། །སྔ་རྐང་དེ་ཡིན་ཕྱི་རྐང་ལྡོག །སྔ་ཕྱི་ཟོས་དང་མ་ཟོས་སྡོམ། །རྐང་བཟུང་མདུན་མས་ལྷག་རྣམས་བསྒྱུར། །མ་ཟིན་རྐང་པ་དང་པོས་བསྒྱུར། །མ་ཟིན་རྐང་པ་དང་པོས་བསྒྱུར། །མདའ་ཡོན་ཟླས་ཐོབ་ཡང་དག་རྒྱུའི། །ཆུ་ཚོད་ཡིན་དེ་ལྷག་མཁའ་རོ། །དུས་དང་


ZP01_Page_438
[མ་དཔེ་གཟིགས་ན་འདིར་གནོན།]

རང་ཆ་སོ་སོ་ཡིས། །བསྒྱུར་བཅུག་ཐོབ་པ་སྲང་དབུགས་ཆ། །སྔ་རྐང་ཆུ་ཚོད་གཉིས་བསྲེ་ཞིང་། །ཕྱི་རྐང་ཕབ་ལ་རྒྱུ་བས་སྦྱང་། །དེ་དག་དལ་བར་ཅིག་ཤོས་ལ། །འཁོར་ཕྱེད་དོར་བསྣན་མ་དོར་ཕྲི། །དེ་ཡི་དལ་བ་དག་པར་འགྱུར། ༈ །མྱུར་བའི་ལས་ཀྱི་ཆོ་ག་ནི། །རང་རང་དལ་དག་གནས་གཉིས་བཀོད། །དྲག་གཟའི་དལ་དག་གནས་གཅིག་གིས། །ཉི་མ་བར་མ་ལ་སྦྱང་ཞིང་། །ཞི་གཟའ་གཉིས་ཀྱི་དལ་དག་གིས། །རང་རང་རྐང་འཛིན་ལོངས་སྤྱོད་སྦྱང་། །མ་ལྡང་འཁོར་ལོ་བསྣན་ལ་སྦྱང་། །སྦྱང་ཤུལ་འཁོར་ཕྱེད་ལྷག་ན་དོར། །ལྷག་མའི་སྐར་མས་མྱུང་རྐང་འཛིན། །མ་དོར་རིམ་པ་ལུགས་འབྱུང་དང་། །དོར་ན་རིམ་མིན་ལུགས་ལྡོག་ཏུ། །བཟུང་ལ་འཛིན་བྱེད་སྐར་མ་དབྱི། །རིམ་མིན་རྐང་འཛིན་དག་པ་ལ། །སྐར་གནས་སྟོང་ཤིང་ཆུ་ཚོད་དུ། །མཁའ་མེར་ལོངས་པ་ནས་བཟུང་སྟེ། །རིམ་མིན་ཇི་སྲིད་མ་རྫོགས་པར། །རྐང་འཛིན་དབྱུག་གུར་སླ་ཐབས་སུ། །མཁའ་མེ་བསྣན་ནས་འཛིན་པ་གཅེས། ༈ །བཟུང་བྱའི་ཐ་དད་རྐང་པ་ནི། །བཀྲ་ཤིས་རྒྱལ་བ་མེ་མིག་གསུམ། །གཟུགས་མིག་རྣམ་གཉིས་སྐྱོན་ཚེས་དྲག །མེའོ་རྩ་བར་དབང་ཕྱུག་དང་། །ཀླུ་མེ་མཁའ་ནོར་མེ་དབང་པོ། །ཟླ་སྐྱེས་མི་བདག་རྒྱལ་པོ་ཚེས། །ཡིད་འདོད་དྲག་པོ་རི་འབྱུང་མཁའ། །རྩ་བར་རྒྱ་མཚོ་དབང་ཕྱུག་དང་། །མཁའ་མིག་ནོར་ལག་ཆུ་མེའོ། །སྒྲ་མཁན་ཕྱོགས་ཕྱོགས་བུ་ག་ཀླུ། །དུས་རོ་མིག་གཟུགས་རྩ་


ZP01_Page_439
[མ་དཔེ་གཟིགས་ན་འདིར་གནོན།]

བར་མེ། །བྲོ་བ་བུ་ག་དྲག་པོ་དང་། །ཆ་ཤས་ཅན་དང་ཐབ་པའོ། །སྙན་ངག་མཁན་གྱི་དེ་ཉིད་གསུམ། །རྒྱལ་བ་གཉིས་དང་ལག་མིག་གཉིས། །སྐྱོན་ཚེས་ཀླུ་དང་རྩ་བར་རོ། །མཁའ་མེ་སྲིན་བུག་མེ་རིའོ། །དལ་འགྲོའི་དུས་འབྱུང་དབང་པོ་ཆུ། །རིག་བྱེད་ལག་པ་མིག་དང་མཁའ། །རྩ་བར་མཚེ་མ་སྡེ་བ་དབང་། །དུས་དང་གདེངས་ཅན་ཡོན་ཏན་ནོ། །སྔ་ཕྱི་ཟོས་དང་མ་ཟོས་སྡོམ། །རྐང་བཟུང་མདུན་མས་ལྷག་རྣམས་བསྒྱུར། །མ་ཟིན་རྐང་པ་དང་པོས་བསྒྱུར། །རང་འཁོར་སྒྲིལ་ལ་མཁའ་རོ་ཡིས། །ཐོབ་པ་ཡང་དག་རྒྱུའི་དུས་ཚོད། །ལྷག་མ་སྲང་དབུགས་ཆའི་དོན་དུ། །མཁའ་རོ་དུས་དང་ཤེད་སྙོམས་ཆས། །བསྒྱུར་བཅུག་མཁའ་རོས་རིམ་ཐོབ་བརྩེགས། །རིམ་པའི་ཕྱི་རྐང་ཐ་མ་དང་། །རིམ་མིན་སྔ་རྐང་དང་པོ་ལ། །རྐང་སྔོན་ཕོག་ཚེ་མཁའ་མེས་བགོ །ཁྱད་པར་ལྷག་སྤེན་རྐང་སྔོན་དེ། །ཐིག་ལ་བབ་ཚེ་བསྒྱུར་བྱའི་ལྷག །ཕྱིས་པས་རྒྱུ་བའི་རྐང་ལོངས་མེད། །སྔ་རྐང་ཆུ་ཚོད་གཉིས་པོ་བསྲེ། །ཕྱི་རྐང་ཕབ་ལ་རྒྱུ་བས་སྤྱང་། །ལོངས་ན་སྐར་གནས་ཕུད་པ་རྣམས། །རང་རང་དལ་དག་ཅིག་ཤོས་ལ། །འཁོར་ཕྱེད་དོར་ཕྲི་མ་དོར་བྱིན། །དབྲི་བྱ་ཉུང་ན་འཁོར་བསྣན་སྦྱངས། །ཡང་ན་ལྡོག་སྟེ་སྦྱང་བ་ཡིས། །ལུགས་འབྱུང་ལུགས་ལྡོག་རི་མོ་འཆར། ༈ །རིམ་པའི་སྔ་རྐང་མྱུར་འགྲོས་ཤར། །རིམ་པའི་ཕྱི་རྐང་དལ་འགྲོས་ལྷོ། །རིམ་མིན་སྔ་རྐང་འཁྱོག་འགྲོས་ནུབ། །རིམ་


ZP01_Page_440
[མ་དཔེ་གཟིགས་ན་འདིར་གནོན།]

མིན་ཕྱི་རྐང་འབྱུང་འགྲོས་བྱང་། །དེ་ལྟར་འགྲོས་བཞི་ལྡན་པ་སྟེ། །གཟའ་ལྔ་མཚུངས་པར་ཉི་མ་ལ། །ནུབ་རྗེས་རང་རང་དལ་བ་ལས། །མྱུར་བའི་འགྲོས་བཞི་བརྩམས་པའི་མཐར། །དལ་དག་ལ་གནས་ཉི་མར་ནུབ། །སླར་ཡང་རིམ་པ་གཞན་མེད་པས། །སྔར་ལྟར་འགྲོས་བཞི་རྩོམས་པ་ཡིན། ༈ །གཞན་ཡང་རི་མོའི་རྣམ་གྲངས་ལ། །གཟའ་ལྔའི་རང་རང་སྒོས་ཞག་རྣམས། །གནས་ལྗར་བཀོད་དེ་དྲག་གསུམ་ལ། །སོ་སོའི་ཉིན་ཞག་རྟག་ལོངས་དང་། །ཞི་གཉིས་བརྒྱ་ཆ་བཅུ་ཆ་ཡི། །ཉིན་ལོངས་ཀྱིས་བསྒྱུར་རང་འཁོར་སྒྲིལ། །དྲག་གསུམ་དལ་བར་ཞི་གཉིས་ཀྱི། །མྱུར་བར་འགྲུབ་བོ་ཐུན་མོང་ཆེད། ༈ །སྤྱི་ཞག་འཕྲོ་ཡི་རེ་བཞི་ཆ། །རི་མཁའ་རིས་བསྒྱུར་རང་ཆ་གཞུག །དེ་ཡང་མདའ་དུས་མིག་དབང་བསྒྱུར། །བུག་མཁའ་མིག་བུག་ཡིད་ཀྱིས་བགོ །ཐོབ་པ་དབུགས་ཡིན་ལྷག་མ་ཆ། །དེ་ཉིད་ཚེས་ཞག་ཉི་བར་གྱི། །ཆ་ཤས་འཁོར་ལོ་ལག་མིག་གིས། །བསྒྱུར་བ་བུག་སོགས་ཆ་ལ་བསྲེ། །དེ་ལ་བུག་སོགས་རང་འཁོར་གྱིས། །བསྒྲིལ་བས་ཉིན་ཞག་ཉི་བར་འགྲུབ། ༈ །བདུན་པ་ཁྱིམ་ཚེས་ལ་སྤྱོད་པའི། །གཟའ་ལྔའི་དལ་མྱུར་རྣམ་དག་ཏུ། །སྒྱུར་བྱེད་སོ་སོའི་རྐང་ཆོག་རྣམས། །ཉིན་ཞག་དང་མཚུངས་དེས་མཚོན་པའི། །འདི་ནི་སྒོ་ཆོས་ཁྱིམ་ཚེས་ཀྱི། །དལ་མྱུར་བར་པ་སྒྲུབ་ཚུལ་བཤད། །ཐོག་མར་ཁྱིམ་ཞག་གཟའ་ལྔའི་ཆེད། །རབ་ཚེས་རྣམ་གནོན་ལ་


ZP01_Page_441
[མ་དཔེ་གཟིགས་ན་འདིར་གནོན།]

སོགས་པ། །ལོ་དག་གནས་དྲུག་ཚར་ལྔ་བཀོད། །དེ་ཉིད་གཟའ་ལྔ་སོ་སོ་ཡི། །ལོ་ཡི་ངེས་པས་བསྒྱུར་བར་བྱ། །དེ་ལ་ལོ་ཡི་ངེས་པ་ནི། །དམར་པོའི་ཡིད་དང་གཟུགས་ལག་པ། །མཁའ་མིག་ཟླ་བ་ཆུ་རོ་དང་། །རི་བོ་གཟུགས་བུག་ཡོན་ཏན་ནོ། །ལྷག་པའི་ཆུ་བོ་དུས་འབྱུང་མེ། །མེ་དང་རོ་ཆུ་ཡོན་ཏན་དུས། །རྩེ་མོ་མཚོ་ཀླུ་ཐུབ་པའོ། །བླ་མ་མིག་དང་མི་བདག་དང་། །འབྱུང་མེ་རིག་བྱེད་ནོར་རི་མཚམས། །རྒྱ་མཚོ་དབང་འབྱུང་བྲོ་བའོ། །དཀར་པོའི་རྒྱལ་པོ་མེ་ཕུང་པོ། །འཁོར་ལོ་ཡོན་ཏན་བུག་མིག་མཚོ། །དུས་མཁའ་རིག་བྱེད་ལག་པའོ། །དལ་འགྲོའི་ནམ་མཁའ་ཆུ་ཕུང་པོ། །ཐུབ་པ་མདའ་དང་ཆུ་གཏེར་དང་། །ལག་པ་གདེངས་ཅན་ཀླུ་རྒྱ་མཚོ། །ནམ་མཁའ་ནོར་ལྷ་ཉི་མའོ། །དེ་རྣམས་ཀྱིས་བསྒྱུར་རྩིས་འཕྲོ་ནི། །བཀྲ་ཤིས་ཐུབ་པ་དང་དུས་མིག །འདོད་པ་ཟུང་དང་མེ་ཉི་མ། །རི་མཚོ་ཐུབ་དབང་བྱིན་པར་བྱ། །ལྷག་པར་རི་ཟླ་དང་མེ་མཚོ། །མེ་མིག་ལག་དང་ཆ་གོང་མར། །རི་ཀླུ་གདེང་ཅན་བྲོ་བ་དང་། །འོག་མར་མེ་ཀླུ་མེ་དབང་བསྲེ། །སྒྲ་མཁན་དེ་ཉིད་གཟུགས་དབང་པོ། །བུག་མེ་མཁའ་དང་མེ་རི་མཚོ། །བུ་ག་དུས་མཚོ་དྲང་སྲོང་བསྲེ། །དཀར་པོར་ལག་མིག་ཆུ་མཚོ་དང་། །རི་གཟུགས་ཟླ་བ་བརྩེ་བགྲོད་ཐུབ། །རྒྱལ་བ་འཇིག་རྟེན་གཤིན་རྗེ་བསྲེ། །སྤེན་པར་དུས་མིག་དང་དུས་མཚོ། །ནམ་མཁའ་མིག་དང་ཡོན་ཏན་དང་། །བྲོ་བ་རྩེ་མོ་


ZP01_Page_442
[མ་དཔེ་གཟིགས་ན་འདིར་གནོན།]

ལག་པ་དང་། །དེ་ཉིད་མཁའ་མཚོས་བརྒྱན་པ་ལ། །སོ་སོའི་འཁོར་ལོས་སྟེང་དུ་སྒྲིལ། །དེ་ཡང་ཕུར་བུས་ཆ་གོང་མ། །ལག་མིག་ཐུབ་པའོ་གཟའ་གཞན་རྣམས། །ཉིན་ཞག་དང་འདྲ་ཐམས་ཅད་ཀྱི། །འོག་མ་གཟུགས་བུག་གཟུགས་བུག་ཡིན། །དེ་ཡི་ལུག་གི་ཁྱིམ་ཟླ་ཡི། །དྲག་གསུམ་དལ་དྷྲུ་ཞི་གཉིས་ཀྱི། །རྐང་འཛིན་དྷྲུ་བ་རྣམ་པར་དག །སྔ་དྷྲུར་ཟླ་གཅིག་ངེས་པ་རྣམས། །རིམ་བརྩེགས་ཉ་ཁྱིམ་བར་དུ་སྤེལ། ༈ །དེ་ལ་ཟླ་གཅིག་ངེས་པ་ནི། །བཀྲ་ཤིས་གཟུགས་དྲག་དུས་མཚོ་ཆུ། །རྒྱལ་བ་དུས་ཚེས་རྒྱ་མཚོའོ། །ལྷག པའི་བུ་ག་མཁའ་མིག་སོ། །ཕུང་པོ་དུས་ཉི་རི་བོ་དང་། །དབང་པོ་གཟུགས་མཁའ་བྲོ་བའོ། །ཕུར་བུའི་མཁའ་དྲག་ལག་མིག་དབང་། །གདེངས་ཅན་ཕུང་པོ་བྲོ་བ་དང་། །ནོར་ལྷ་དྲང་སྲོང་མཁའ་མིག་གོ །དཀར་པོའི་མེ་དང་བུག་ཡོན་ཏན། །སྐར་མ་བསེ་རུ་རི་བུག་དབང་། །བྲོ་བ་བུ་ག་རི་མཚོའོ། །ཉི་བུའི་མཁའ་ཆུ་རིག་བྱེད་མེ། །སྡེ་པ་མིག་བུག་དབྱིག་ཆུ་བོ། །མཚོ་མེ་ལག་པ་དུས་རྣམས་སོ། །ཡང་ན་འདས་ལོ་ཉི་མས་བསྒྱུར། །འདས་པའི་ཁྱིམ་ཟླ་བསྲེས་པའི་ཚོགས། །རང་རང་ཟླ་གཅིག་ངེས་པས་བསྒྱུར། །རྩིས་འཕྲོ་བསྲེས་ལ་རང་འཁོར་སྒྲིལ། །སོ་སོའི་ཁྱིམ་ཟླའི་དྷྲུ་བ་འཆར། ༈ །དེ་ནས་ཞི་དྲག་དལ་མྱུར་དྷྲུ། །ཐུན་མོང་ཁྱིམ་ཞག་ཉི་དྷྲུ་ནི། །ཁྱིམ་ཟླ་སྔ་མའི་རྫོགས་ཚད་གང་། །ཕྱི་མ་ཕྱི་མའི་ཉི་དྷྲུ་སྟེ། །དེ་ཡང་འཁོར་ལོ་


ZP01_Page_443
[མ་དཔེ་གཟིགས་ན་འདིར་གནོན།]

རྫོགས་པ་ནི། །ལུག་གི་ཁྱིམ་ཟླའི་དྷྲུ་བ་ཡིན། །དེ་སྟེང་སྐར་མིག་དབྱུག་གུར་ཚེས། །རིམ་བརྩེགས་བྱིན་ལ་ཉའི་བར་སྤེལ། །དེ་ནས་ཁྱིམ་གྱི་ཟླ་ཞག་དག། གར་ཡོད་བརྟག་ཕྱིར་འདས་ཟླ་ནས། །གཅིག་ཕབ་འོག་ཏུ་རི་རོ་ཆར། །བྱས་ལ་རང་རང་ཟླ་བཤོལ་འཕྲོས། །སྦྱངས་ལྷག་མཁའ་མེས་བསྒྱུར་བ་ལ། །གང་བརྩིའི་ཚེས་གྲངས་མདའ་རོ་ཡིས། །བསྒྱུར་བ་བསྲེས་ལ་རི་རོས་བགོ །རྙེད་པ་ཞག་ཡིན་ལྷག་མ་དེ། །མཁའ་རོ་མཁའ་རོ་དུས་རི་རོས། །རིམ་བསྒྱུར་རི་རོས་ཐོབ་པ་བརྩེགས། །ཞག་ལ་མཁའ་མེས་ཐོབ་པའི་ནོར། །སྟེང་བསྲེས་དེ་ཡང་ཉི་མེས་དོར། །རིམ་བཞིན་སྟེང་ནས་འདས་ཁྱིམ་དང་། །འདས་ཞག་དབྱུག་སྲང་དབུགས་ཆ་སྟོན། །དེ་ཚེ་ཚོད་ཟིན་པར་པའི་ཆེད། །གཟའ་ལྔ་ཉི་མར་བཅས་པ་ཡི། །རང་ཁྱིམ་ཟླ་བའི་དྷྲུ་བ་ལ། །བརྩི་བྱའི་ངོ་ཐོག་ཞག་གྲངས་ཀྱི། །རང་རང་རྟག་ལོངས་བསྒྱུར་ལ་བྱིན། །གཟའ་ལྔའི་དལ་མྱུར་བར་བ་འགྲུབ། །དེ་ལ་རང་རང་རྟག་ལོངས་ནི། །བཀྲ་ཤིས་མཁའ་ཟུང་མེ་མིག་རྩེ། ཐུབ་རི་ཆུ་རོ་འདོད་པའོ། །ལྷག་པའི་མཁའ་སྐྱོན་གཟུགས་མཚོ་མཁའ། །ལག་མིག་བགྲོད་པ་དབང་པོ་དང་། །དུས་བུག་དྲང་སྲོང་ཆུ་གཏེར་རོ། །སྒྲ་མཁན་མཁའ་མཁའ་ལག་མིག་མཚོ། །གཟུགས་མེ་ཆུ་དང་མིག་ཀླུ་དུས། །དཀར་པོར་མཁའ་རི་སྐྱོན་དབང་པོ། །རིག་བྱེད་སྡེ་བ་ཡོན་ཏན་དང་། །བུག་མཚོ་ཆུ་བོ་རྒྱ་མཚོའོ། །དལ་འགྲོར་མཁའ་


ZP01_Page_444
[མ་དཔེ་གཟིགས་ན་འདིར་གནོན།]

མཁའ་བུ་ག་མཁའ། །ཐུབ་པ་གདེངས་ཅན་གཟུགས་དབང་པོ། །དུས་མཚོ་ནམ་མཁའ་ལག་པའོ། །ཉི་མར་མཁའ་མཚོ་མཁའ་མེའོ། ༈ །དེ་ནས་ཚེས་ཞག་གཟའ་ལྔའི་ཆེད། །སྔར་གྱི་གྲུབ་མཐའི་ཟླ་དག་དེ། །གནས་དྲུག་ཚར་ལྔ་བཀོད་པ་ལས། །དམར་པོར་གཟུགས་བུག་ཀླུ་མེ་མཁའ། །ཆུ་རི་གཟུགས་དང་ཀླུ་རིས་བསྒྱུར། །བྲོ་བོ་གཟུགས་འབྱུང་དུས་དབང་པོ། །མིག་དང་ནོར་ལྷ་བགྲོད་པ་ལག །ནམ་མཁའ་དྲག་པོས་བརྒྱན་པར་བྱ། །ལྷག་པར་བུག་མེ་ཀླུ་མཚོ་དབང་། །མིག་འབྱུང་རི་ཀླུ་བུག་རོས་བསྒྱུར། །མྱོས་བྱེད་རྒྱལ་པོ་སྲིན་པོ་དང་། །འབྱུང་བ་མེ་མཁའ་དབང་པོ་དུས། །ནོར་ལྷ་ཐུབ་པ་རིག་བྱེད་བྱིན། །སྒྲ་མཁན་མཁའ་དྲག་མིག་དང་མེ། །མེ་མིག་མཚོ་དང་བུག་མེས་བསྒྱུར། །དེ་ཉིད་དུས་མཚོ་ཉི་མ་དང་། །དབང་པོ་བསེ་རུ་གཉིས་སྐྱེས་དང་། །འབྱུང་བ་དབང་པོས་བརྒྱན་པར་བྱ། །པ་སངས་མེ་སོ་མཚོ་འབྱུང་གཟུགས། །དུས་འབྱུང་ཡོན་ཏན་མ་རིས་བསྒྱུར། །མཁའ་མིག་རྩ་འབྱུང་གདེངས་ཅེན་ལག །མིག་དང་དྲག་པོ་བྲོ་བ་དང་། །འཇིག་རྟེན་སྲིན་པོ་ཡོན་ཏན་བྱིན། །དལ་འགྲོར་མཁའ་མཚོ་དུས་མིག་མེ། །མིག་མཁའ་ཐུབ་མེ་རི་དྲག་པོས། །བསྒྱུར་ལ་དུས་མིག་རིག་བྱེད་མཚོ། །སྲིན་པོ་དང་ནི་འོད་དཀར་ཅན། །ནམ་མཁའ་གཤིན་རྗེ་འཁོར་ལོ་དང་། །འབྱུང་བ་རྒྱལ་པོས་བརྒྱན་པར་བྱ། །ལྔ་ཀ་འོག་མ་རི་མཁའ་རིའི། །ཆའོ་གོང་མ་ཁྱིམ་ཞག་དང་། །འདྲ་


ZP01_Page_445
[མ་དཔེ་གཟིགས་ན་འདིར་གནོན།]

བར་བྱས་ལ་རང་འཁོར་སྒྲིལ། །དེ་ཡིས་སོ་སོའི་དྷྲུ་བ་ཀ །སྔ་ངྷྲུར་རང་རང་སྒྱུར་བྱེད་བྱིན། །ཕྱི་མ་ཕྱི་མའི་དྷྲུ་བ་འཆར། ༈ །དེ་ནས་སོ་སོའི་དྷུ་བ་ལ། །བཀྲ་ཤིས་མཁའ་མིག་བུག་གཟུགས་ཟླ། །མེ་ཡིད་རྒྱ་མཚོ་མ་ནུའོ། །སྔོ་སངས་མཁའ་སྐྱོན་རི་བོ་མེ། །དུས་མེ་མཁའ་ཐུབ་མེ་རིའོ། །བླ་མར་མཁའ་མཁའ་ལག་མིག་ཐིག །དབང་རི་མེ་དང་མིག་ཐུབ་པའོ། །དཀར་པོར་མཁའ་རི་དབང་པོ་མཚོ། །དུས་མེ་རོ་དང་མཚམས་མིག་གོ །ཉི་བུར་མཁའ་མཁའ་གདེངས་ཅན་དབང་། །ཀླུ་མེ་རི་གཟུགས་མི་བདག་ལག །ལྟར་རང་རང་རྟག་ལོངས་རྣམས། །གང་བརྩིའི་ཚེས་བསྒྱུར་སོ་སོར་བྱིན། །དེ་ཡིས་དྲག་གསུམ་དལ་བར་དང་། །ཞི་གཉིས་རྐང་འཛིན་བར་པ་འགྲུབ། །ཐུན་མོང་དལ་མྱུར་ཉི་བར་ནི། །གྲུབ་པའི་ལྔ་བསྡུས་ནང་བཞིན་བྱ། ༈ །བརྒྱད་པ་དུ་མཇུག་རི་མོ་ནི། །རབ་ཚེས་རྣམ་གནོན་འདས་པའི་ལོར། །བྱས་པའི་བྱེད་པའི་ཟླ་དག་ལ། རྩེ་མོ་མེ་བྱིན་མདའ་རེས་བསྒོ། །ལྷག་མེད་གྱུར་ཚེ་དུ་བ་མཐོང་། །རྙེད་པ་འཕར་ཏེ་མི་མཉམ་ན། །ཐོ་རངས་ཤར་གྱི་ཕྱོགས་སུ་བརྟག །རྙེད་པ་འཕར་ཏེ་མཉམ་པ་ན། །སྲོད་ལ་ནུབ་ཀྱི་ཕྱོགས་སུ་བརྟག །འདི་ལ་རྒྱུན་བཅས་ལོངས་སྤྱོད་དག །གསུངས་ཀྱང་འདིར་ནི་མ་བྲིས་སོ། །ཤེས་པར་འདོད་ན་གཞུང་དུ་ལྟོས། ༈ །དགུ་བ་ཉི་མ་ཟླ་བ་ལ། །སྒྲ་གཅན་འཇུག་པ་བཤད་པར་བྱ། །སྤྱིར་ནི་དཀར་ནག་ཚིགས་མཚམས་དང་། །ཁྱད་


ZP01_Page_446
[མ་དཔེ་གཟིགས་ན་འདིར་གནོན།]

པར་ཟླ་བ་སྔར་བཟུང་གིས། ཟླ་གཟུགས་བདེ་ཤིང་ཉི་མ་ཡི། །དུས་ཚིགས་གསུམ་འདས་ཁྱིམ་ཟླ་ནི། །ལུག་འཁྲིགས་ལ་སོགས་མི་མཉམ་པའི། །སྟོང་ལ་རྟེན་འབྲེལ་རེག་པའི་དབུས། །ཉི་རྐང་ཞུགས་པས་འཛིན་པར་གསུངས། ༈ །དེ་ཡང་སྒྲ་གཅན་སྐར་གནས་སུ། །ནམ་མཁའ་དབྱུག་གུར་གཟུགས་མེ་དང་། །སྲང་དུ་གཟུགས་ཆུ་དབུགས་རྒྱ་མཚོ། །མེ་མིག་ཆའི་གནས་མཁའ་ཟླ་རྣམས། །རྩ་བར་བྱིན་ཞིང་གདོང་མཇུག་ལ། །ཕྲི་བ་བསླུ་མེད་བརྟག་པའི་གཟེར། །དེ་ཕྱིར་ཉི་ཟླའི་ལོངས་སྤྱོད་དང་། །སྒྲ་གཅན་ནུར་བྱིན་གདོང་མཇུག་དག །གང་ཉེ་དེ་དང་བསྟུན་པར་བྱ། །དེ་ལ་ཐོག་མར་ཟླ་འཛིན་ནི། །བཅོ་ལྔའི་གྲུབ་མཐའི་ཚེ་ཁྱུད་ཀྱི། །ཟླ་སྐར་དང་ནི་གདོང་མཇུག་གཉིས། །གང་ཉེ་མང་ལ་ཉུང་གིས་སྦྱངས། །ལྷག་མ་སྐར་ཐིག་ཆུ་ཚོད་དུ། །མཁའ་འབྱུང་མན་ཆད་ངེས་པར་འཛིན། །ཆེ་ཆུང་སྦྱངས་ལྷག་ཆུ་ཚོད་ལ། །འབྱུང་བས་ཐོབ་ནོར་ཐིག་ལེ་ནས། །བཞི་ཡི་བར་ལ་རིལ་པོར་སྒྲིབ། །ལྔ་ཤར་དྲུག་ཆ་མ་གཏོགས་སྒྲིབ། །དྲུག་ལ་སུམ་གཉིས་རི་ལ་ཕྱེད། །ཀླུ་ལ་སུམ་ཆ་དགུ་དྲུག་ཆ། །བཅུ་ཐོབ་བརྒྱད་ཆ་ཙམ་ཞིག་སྒྲིབ། ༈ །སྒྲིབ་ཡུན་ཟླ་བ་བཅུ་དྲུག་ཚད། །གསུངས་ཕྱིར་གདོང་གིས་རིལ་འཛིན་ཚེ། །ཆུ་ཚོད་མི་བདག་མཇུག་འཛིན་ཚེས། །ཕྱེད་འཛིན་གདོང་ཀླུ་མཇུག་འཛིན་རི། །དེ་སོགས་རིག་པས་དཔྱད་དེ་སྨྲ། །ཕྱོགས་ནི་ཟླ་བས་གདོང་སྦྱངས་སམ། །དུས་མེས་ཟླ་བར་སྦྱངས་


ZP01_Page_447
[མ་དཔེ་གཟིགས་ན་འདིར་གནོན།]

པའི་ཚེ། །ནམ་ཕྱེད་དབང་ལྡན་ནས་འཛིན་ཞིང་། །ནམ་སྟོད་བྱང་ཉེ་ནམ་སྨད་ལ། །དབང་ལྡན་ཤར་ཉེའི་ཕྱོགས་ནས་འཛིན། །གདོང་གིས་ཟླའམ་ཟླ་བས་མཇུག །སྦྱངས་ཚེ་ནམ་ཕྱེད་ཤར་ལྷོ་དང་། །སྲོད་དུས་ཤར་ཉེ་ཐོ་རངས་དུས། །ཤར་ལྷོ་ཤར་ཉེའི་ཕྱོགས་ནས་འཛིན། །མཉམ་ན་ནམ་ཕྱེད་ཤར་དྲང་པོ། །སྲོད་ལ་དབང་ལྡན་ཐོ་རངས་ལ། །ཤར་ལྷོར་ཉེ་བའི་ཤར་ནས་འཛིན། །དུས་ནི་དཀར་ནག་ཚིགས་མཚམས་ཏེ། །གྲུབ་མཐའི་ཟླ་རྐང་ཞིབ་བཙལ་གྱིས། །བསྒྲུབས་པའི་ཚེས་ཀྱི་ལོངས་སྤྱོད་གྲངས། །ཟད་ཚེ་ཚེས་འཕོ་ཟླ་བ་འཛིན། །ཁྱད་པར་གནད་ཀྱི་ལག་ལེན་ནི། །ཚེས་ལོངས་སྔ་མས་མཁའ་རོ་ལ། །ཕྲི་ལྷག་ད་ལྟའི་ཚེས་ལོངས་དང་། །བསྲེས་པའི་ལོངས་སྤྱོད་གང་ཡིན་དེར། །ཆུ་རོ་ཤར་ན་དབྱུག་གུར་དབང་། །མེ་རོར་ཆུ་དབྱུག་མཁའ་མེའི་སྲང་། །མིག་དུས་ཤར་ན་དབྱུག་གུར་མཚོ། །གཟུགས་དུས་མེ་དབྱུག་སྲང་མཁའ་མེ། །མཁའ་རོར་ཆུ་ཚོད་རྩ་མོ་ཅན། །བུག་འབྱུང་མིག་དབྱུག་མཁའ་མེ་སྲང་། །ཀླུ་དབང་ལ་ནི་དབྱུག་གུར་ལག །རི་དབང་གཟུགས་དབྱུག་སྲང་མཁའ་མེ། །དུས་འབྱུང་དབྱུག་གུར་འོད་དཀར་ཅན། །དབང་འབྱུང་མཁའ་དབྱུག་སྲང་མཁའ་མེ། །མཚོ་དབང་ཤར་ཚེ་ནམ་མཁའ་རྣམས། །སྦྱིན་པ་ཟད་དུས་འཛིན་པར་ངེས། །ཁ་དོག་རིལ་པོར་སྒྲིབ་པ་ན། །གདོང་ལ་དམར་ནག་མཇུག་དམར་སྐྱ། །འཛིན་


ZP01_Page_448
[མ་དཔེ་གཟིགས་ན་འདིར་གནོན།]

ཆ་ཆུང་ན་ནག་པོ་དང་། །རིལ་འཛིན་ལ་ནི་དམར་པོ་སྣང་། །སྐར་མ་མགོ་ལག་སྟེང་བཟུང་ན། །ནམ་མཁའི་མདོག་ཏུ་སྣང་ཞེས་གསུངས། །དེ་ནས་ཉི་འཛིན་བརྟག་པའི་ཕྱིར། །གྲུབ་མཐའི་ནམ་སྟོང་ཉི་དག་ནི། །གནས་གཉིས་བཀོད་པའི་ཕྱོགས་གཅིག་ལ། །སྔར་གྱི་སྒྲ་གཅན་བུལ་བ་བསྲེ། །གཅིག་དང་གདོང་མཇུག་དང་ཉེ་གཉིས། །ཉུང་གིས་མང་ལ་སྦྱང་བར་བྱ། །གདོང་གིས་ཉི་མར་སྦྱང་བའི་ཚེ། །སྐར་གནས་སྟོང་ཤིང་ཆུ་ཚོད་དུ། །མཁའ་འབྱུང་མན་ཆད་ངེས་པར་འཛིན། །གལ་ཏེ་ཉི་མས་གདོང་སྦྱངས་ལྷག །ཆུ་ཚོད་ལྔ་མན་འཛིན་ཟེར་ཀྱང་། །གདོང་ལ་གོ་ལོག་འཛིན་མི་སྲིད། །མཇུག་མས་ཉི་མར་སྦྱངས་བ་ན། །སྐར་ཐིག་ཆུ་ཚོད་ཀླུ་མན་ཆད། །གོ་ལོག་ཡིན་ཀྱང་འཛིན་པ་སྲིད། །ཉི་མས་མཇུག་མར་སྦྱངས་པའི་ཚེ། །སྐར་མ་སྟོང་ཤིང་ཆུ་ཚོད་དུ། །མཁའ་མཚོ་མན་ཆད་ངེས་པར་འཛིན། །མདོར་ན་མཇུག་འཛིན་མ་ངེས་ཀྱང་། །གདོང་འཛིན་ཉི་མ་མང་བ་དགོས། །དེ་ཕྱིར་ཕན་ཚུན་སྦྱངས་ལྷག་དེས། །སྔར་གྱི་ཉི་བུལ་བསྲེས་དེ་ལ། །གདོང་འཛིན་སྦྱང་ཞིང་མཇུག་འཛིན་བསྣན། །རང་འཁོར་སྒྲིལ་ལ་འཁོར་ཕྱེད་དོར། །གནས་ཀུན་སྟོང་ན་ངེས་པར་འཛིན། །གཞན་ཡང་གོང་མའི་མགྱོགས་རྩིས་དང་། །བསྟུན་ན་བགྲོད་གཉིས་མཐར་ཉེ་ཚེ། །འཆང་ཀ་ནུབ་ཀར་ཉེ་བ་དང་། །དཔྱིད་མཉམ་ཕྱེད་གོང་ཡན་ཆད་དང་། །སྟོན་མཉམ་ཕྱེད་འོག་མན་ཆད་ལ། །འཛིན་པའི་རི་མོ་


ZP01_Page_449
[མ་དཔེ་གཟིགས་ན་འདིར་གནོན།]

ཤར་ན་ངེས། །པར་རྣམས་རིགས་པས་དཔྱད་ཅེས་གསུངས། །ཆེ་ཆུང་ཕན་ཚུན་སྦྱངས་ལྷག་ལ། །གདོང་འཛིན་ཉེར་གཉིས་ཉེར་གསུམ་དང་། །མཇུག་འཛིན་བཅུ་དགུ་ཉི་ཤུ་ཙམ། །བྱང་ཚེ་རིལ་པོར་སྒྲིབ་པ་སྟེ། །དེ་ལས་ཆེའམ་ཆུང་ཡང་རུང་། །རིམ་པ་ཇི་བཞིན་འཛིན་ཆ་ཆུང་། །དེ་ཕྱིར་རིག་པས་དཔྱད་དེ་སྨྲ། །ཡུན་ནི་ཆ་རེས་ཆུ་ཚོད་རེ། །ཡིན་ཕྱིར་ཕྱེད་འཛིན་ཆུ་ཚོད་དྲུག །རིལ་འཛིན་ཆུ་ཚོད་ཉི་མ་སྟེ། །དེ་ཡི་བར་གནས་འགྲེ་བར་བྱ། །ཕྱོགས་ནི་གདོང་དང་དུས་མེ་ཡིས། །ཉི་མར་སྦྱངས་ཚེ་ཉི་ཕྱེད་དུས། །ལྷོ་ནུབ་སྔ་དྲོ་ལྷོར་ཉེ་དང་། །ཕྱི་དྲོ་ནུབ་ཉེའི་ཕྱོགས་ནས་ཏེ། །གལ་ཏེ་ཉི་མས་དུས་མེ་ལ། །སྦྱངས་ཚེ་ཉི་ཕྱེད་ལ་ནུབ་བྱང་། །སྔ་དྲོ་བྱང་ཉེ་ཕྱི་དྲོའི་དུས། །ནུབ་ལ་ཉེ་བའི་ཕྱོགས་ནས་འཛིན། །དུས་ནི་ནམ་ལངས་ནས་བཟུང་སྟེ། །གྲུབ་མཐའི་ཚེས་ལོངས་ཟད་ཚེ་འཛིན། །དེ་ཡང་ཟླ་རྐང་ཞིབ་རྩིས་དང་། །བགྲོད་པའི་འཕེལ་འགྲིབ་ནུར་སྟེར་མཚམས། །ཟླ་བར་བཤད་བཞིན་འདིར་ཡང་དྲན། །ཁ་དོག་མཇུག་དམར་གདོང་དམར་ནག །ཆུང་འཛིན་སྔོ་ནག་རིལ་འཛིན་དམར། །ཕྱེད་འཛིན་ལ་ནི་དམར་ནག་སྟེ། །མགོ་ལག་སྟེང་བཟུང་སྔོ་སྐྱར་སྣང་། །གཞན་ཡང་ཚེས་ཀྱི་ཆད་ལྷག་དང་། །ཤར་ནུབ་རི་བོའི་མཐོ་དམའ་དང་། །ཉིན་མཚན་རིང་ཐུང་ལ་སོགས་པ། །སྒྲིན་པོའི་བློ་ཡིས་བརྟག་པ་གཅེས། །ཞར་བྱུང་དགེ་བའི་འགྱུར་ཆད་ནི། །ཇོ་བོས་མཛད་པར་གྲགས་པ་


ZP01_Page_450
[མ་དཔེ་གཟིགས་ན་འདིར་གནོན།]

ལས། །ཉ་སྟོང་ཚེས་བརྒྱད་བརྒྱ་འགྱུར་དང་། །ཟླ་འཛིན་སྟོང་དང་ཉི་འཛིན་ཁྲི། །དུས་ཆེན་བཞི་ལ་འབུམ་འགྱུར་བཞེད། །མྱང་འདས་སིལ་བུར་དུས་ཆེན་བཞིར། །ས་ཡ་ཕྲག་བརྒྱའི་འགྱུར་དུ་གསུངས། །འཇམ་དཔལ་རྩ་བའི་རྒྱུད་ལས་ནི། །ཉ་སྟོང་ཚེས་བརྒྱད་བྱེ་བ་དང་། །ཟླ་བཟུང་བྱེ་བ་བདུན་འགྱུར་ཏེ། །ཉི་བཟུང་བྱེ་བ་འབུམ་ཞེས་གསུངས། ༈ །བཅུ་པ་རྩིས་ཕྲན་འགའ་ཞིག་གི །རི་མོའི་བྱ་བ་བརྗོད་པར་བྱ། །རྣམ་གནོན་ལ་སོགས་འདས་པའི་ལོ། །རྩེ་མོས་བསྒྱུར་ལ་གནས་གཉིས་བཞག །སྟེང་ཟླ་འོག་མར་རྒྱ་མཚོས་བརྒྱན། །རི་ཡིས་ཐོབ་ནོར་སོ་སོར་དོར། །སྟེང་རྒྱལ་འོག་མ་བློན་པོ་སྟེ། །མཚོ་ཡིས་ཕྲིའམ་མེ་བྱིན་པས། །ཕྱི་མ་ཕྱི་མའི་རྒྱལ་བློན་འཆར། །བྱེད་པའི་ཀར་མྱང་རྩིས་ནི། །གཤིན་རྗེ་ནམ་མཁའ་ཉེས་པ་ལ། །རྣམ་གནོན་ལ་སོགས་འདས་ལོ་བསྲེ། །དེ་ནི་ཤ་ཀའི་ལོ་རུ་གྲགས། །དེ་ཉིད་རྩེ་མོ་ཅན་གྱིས་བསྒྱུར། །ཐུབ་པས་བགོས་ནོར་ཟུར་དུ་བཞག །ལྷག་མ་མིག་བསྒྱུར་འབྱུང་བ་བསྲེ། །ནོར་ལ་དེ་ལྟར་དགུ་ཡི་བར། །མེས་བསྒྱུར་རིས་བགོས་ལྷག་མ་རྣམས། །མིག་བསྒྱུར་འབྱུང་བསྲེས་རིམ་བཞག་པས། །ཆར་འབྲུ་རྩ་བསིལ་རླུང་དང་དྲོད། །སྐྱེ་རྒུ་འཕེལ་ཟད་རྒྱལ་པོ་འཁྲུག། །བཅུ་བདུན་མང་མཐའ་ལྔ་ཉུང་མཐའ། །བཅུ་གཅིག་པར་ཡིན་མང་ཉུང་དང་། །སྦྱར་ཏེ་གང་ཉེའི་ལུང་བསྟན་བྱ། །ཤ་ཀ་དྲག་སྦྱང་ཆུ་བོས་དོར། །ལྷག་མ་གཅིག་


ZP01_Page_451
[མ་དཔེ་གཟིགས་ན་འདིར་གནོན།]

གཉིས་གསུམ་དང་ཐིག །བྱུང་ཚེ་རིམ་བཞིན་ཆར་མི་འབབ། །ལ་ལར་འབེབས་དང་ཁྱབ་པར་འབེབས། །ཆར་ཆེན་ཆུ་ཐོག་འབབ་ཅེས་སྟོན། །ནཻ་པཱ་ལ་ཡི་མན་ངག་ཡིན། ༈ །བཅུ་གཅིག་མགྱོགས་རྩིས་སྐོར་རྣམས་ལ། །བྱེད་པར་གང་བརྩིའི་ནག་ཟླ་ཡི། །ཉི་དྷྲུའམ་བཤོལ་རྗེས་དབོ་དྷྲུ་ལ། །གང་བབས་ཉི་ཚེས་རྟག་ལོངས་བྱིན། །ཞག་གཅིག་ལོངས་སྤྱོད་མ་ལོངས་ཙམ། །ཤར་བ་ལོ་དེའི་ཉི་རགས་ཡིན། །དེ་དང་ཞག་ཁྱད་མ་ཞུགས་པའི། །གཟའ་ཚེས་རྟག་ལོངས་གཟའ་དྷྲུ་ལ། །བྱིན་པས་གཟའ་ཡི་རགས་པ་འཆར། །ཡང་ཉི་དྷྲུར་རང་ཉིད་ལས། །ཅུང་ཟད་གྲངས་ཉུང་ཉི་ཚེས་ཀྱིས། །ཡུལ་ལོངས་ཀྱིས་སྦྱངས་ཉི་རགས་ཏེ། །གཟའ་ལའང་ཤེད་སྙོམས་སྔར་ལྟར་བཙལ། ༈ །གྲུབ་པར་འདས་ཟླ་མ་བསྲེས་པའི། །ཟླ་བཤོལ་རྩིས་འཕྲོ་མཁའ་མེས་བསྒྱུར། །མདའ་རོས་ཐོབ་ནོར་གང་ཡིན་དེ། །ཉིན་ཞག་ཉི་རགས་ཟིན་པའི་ཞག །ལྷག་མ་བྱུང་ཚེ་ནོར་ལ་གཅིག །བྱེན་པ་ཚེས་ཞག་ཉི་མ་ཡི། །རགས་པ་ཟིན་པའི་ཚེས་གྲངས་ཏེ། །གང་ཟིན་ཉི་ལོང་ཉི་དྷྲུར་བསྣན། །ཉི་རགས་ཡིན་ཏེ་ཤེད་སྙོམས་ཀྱི། །གཟའ་ཡི་རགས་པ་སྔར་ལྟར་བསྒྲུབ། །སྔར་ལོའི་རགས་པ་རྣམ་དག་ལ། །བྱེད་པར་གཟུགས་དྲག་མཁའ་མཚོ་ལག །ཐིག་རྣམས་གཟར་བྱིན་ཉི་མ་ཡི། །སྲང་ནས་རི་གཟུགས་ཆ་ཤས་ནས། །མིག་ཕྲི་ཕྱི་མའི་རགས་པ་འཆར། །གྲུབ་པར་གཟུགས་


ZP01_Page_452
[མ་དཔེ་གཟིགས་ན་འདིར་གནོན།]

དྲག་གཟུགས་མཚོ་ཆུ། །རོ་མིག་ཀླུ་རི་རྩེ་མོ་རྣམས། །གཟའ་རགས་ལ་བྱིན་ཉི་རགས་ནས། །མཁའ་མིག་སྲང་དང་མཁའ་རོའི་ཆས། །ཕྲི་བའི་ཕྱི་མའི་རགས་པ་འཆར། །ཉི་རགས་སྟོང་པའི་ཕྱི་ལོའི་དུས། །གཟའ་ཉིའི་རྟག་ལོངས་བསྣན་པ་ལ། །དབྲི་བསྣན་བྱེད་པ་ཁྱད་པར་ཡིན། ༈ །བྱེད་གྲུབ་གང་བྱེད་ཉི་རགས་དེ། །མདའ་ཡོན་ཟླ་བས་ཆ་ཤས་བར། །རིམ་བསྒོས་ཉི་རྐང་ཟླ་འབྲས་ཏེ། །གནས་གཉིས་བཀོད་ལ་དུས་དང་མཚོས། །བསྒྱུར་བས་རྐང་འབྲས་གསུམ་པོ་འགྲུབ། །གཟའ་ཉིའི་རགས་པ་སྟེང་འོག་ཏུ། །གསུམ་གསུམ་དྲུག་བཀོད་དབྲི་སྣོན་ཆེད། །ཁྱིམ་མིང་གཉིས་རེའི་ཁ་བྱང་གདགས། །ལུག་དང་བུ་མོར་ཟླ་བའི་འབྲས། །དབྲི་ཞིང་ཉ་དང་སྲང་ལ་བྱིན། །གླང་སེང་གཉིས་ལ་མཚོའི་འབྲས་བུས། །སྦྱང་ཞིང་བུམ་སྡིག་གཉིས་ལ་བརྒྱན། །འཁྲིག་པ་ཀརྜར་དུས་དམན་ཞིང་། །ཆུ་སྲིན་གཞུ་ལ་བྱིན་པར་བྱ། །དེ་ཡིས་ཁྱིམ་དྲུག་སྤྱི་ནོར་དག ༈ །དེ་ནས་རེའུ་མིག་འཛིན་ཚུལ་ནི། །འདས་ཟླ་གང་ཡིན་མཁའ་མེས་བསྒྱུར། །གང་བརྩིའི་ཚེས་གྲངས་བྱིན་པ་ལ། །ཉི་རགས་ཟིན་པའི་ཞག་གིས་ཕྲི། །མ་ལྡང་གཟུགས་རི་མེ་བསྣན་སྦྱང་། །ལྷག་མས་བསྐལ་ལིའི་བྱ་ར་བཟུང་། །ཡང་ན་རེའུ་མིག་བྱ་རའི་དོད། །ཉི་བར་བཀོད་ལ་འཛིན་འདོད་ན། །གང་བརྩིའི་དུས་དེའི་ཉི་བར་ལ། །ཉི་རགས་ཀྱིས་ཕྲི་ལྷག་མས་བཟུང་། །དེ་ལྟར་ཟིན་པའི་རེའུ་མིག་གི །གཟའ་ཉི་


ZP01_Page_453
[མ་དཔེ་གཟིགས་ན་འདིར་གནོན།]

གཡས་གཡོན་བཀོད་པ་ལ། །ཁ་བྱང་བཞིན་དུ་རང་རང་གི །ཁྱིམ་མཐུན་གཟའ་ཉིའི་སྤྱི་ནོར་བྱིན། །ཁྱད་པར་ཉི་རགས་ཟིན་པ་ཡི། །ཞག་གྲངས་བར་དུ་སྔ་ལོ་ཡི། །ཆོ་གས་འཛིན་དང་སྤྱི་ནོར་སྟེར། །དེ་ཡི་གཟའ་ཕྱེད་ཉི་མ་དག །གྲུབ་པར་དབུས་གནས་རེའུ་མིག་ལ། །གང་ཟིན་ཁྱིམ་དྲུག་སྤྱི་ནོར་དང་། །ནང་མཐུན་རང་གི་སྤྱི་ནོར་ཉིད། །བྱིན་པས་དོན་གྱི་ཁྱིམ་འཕོ་སྟོན། ༈ །ཆ་ཤས་དྷྲུ་བ་དང་མཐུན་པའི། །བྱ་རས་ཆ་ཤས་རེའུ་མིག་བཟུང་། །རིལ་པོར་ཚེས་བསྲེས་ཆུ་ཟླས་བགོ །ནོར་གྱིས་སྣོན་འབྲིད་མཚན་མ་དང་། ལྷག་མས་རེའུ་མིག་བཅུ་བཞི་པོའི། །བྱ་ར་ཆ་དང་ནང་མཐུན་བཟུང་། །གང་ཟིན་གཟའ་བར་ལོངས་སྤྱོད་དུ། །ནོར་མཉམ་བསྣན་ལ་མི་མཉམ་ཕྲི། །དེ་ཡིས་གཟའ་ཉི་རྣམ་པར་དག །ཉི་མ་དག་པར་ཟླ་ཚེས་ཀྱི། །ཐུན་མིན་རྟག་ལོངས་རེའུ་མིག་བྱིན། །ཚེས་ལོངས་ཀྱིས་སྦྱངས་རེས་འགྲོགས་དག ༈ །ཉི་ཟླ་གཉིས་བསྲེས་སྦྱོར་བ་དང་། །བྱེད་པ་ཚེས་གྲངས་རེའུ་མིག་འཛིན། ༈ །གྲུབ་མཐའི་རེའུ་མིག་རྒྱས་པ་ནི། །འཛིན་ན་རབ་ཚེས་རྣམ་གནོན་གྱི། །ཟླ་དག་མཁའ་མེས་བསྒྱུར་བ་ལ། །གང་བརྩིའི་ཚེས་གྲངས་བསྲེས་པ་ལ། །དུས་བུག་བྲོ་བ་མེ་ཡིས་བརྒྱན། །ཆུ་མིག་ཀླུ་མཚོས་ཐོབ་པའི་ནོར། །གནས་དྲུག་རིམ་བཞིན་མིག་གཟུགས་མེ། །དུས་དང་གཟུགས་དྲག་མཁའ་རྩེ་མེས། །བསྒྱུར་ལ་གཟུགས་དང་ཟླ་བ་རྩེ། །གཟུགས་


ZP01_Page_454
[མ་དཔེ་གཟིགས་ན་འདིར་གནོན།]

མེ་ཡོན་ཏན་མིག་དུས་དང་། །འབྱུང་བ་ནོར་ལྷ་བསེ་རུ་ཡིས། །བྱིན་ལ་འཁོར་ལོས་སྒྲིལ་བ་ཡིས། །ལོ་གྲངས་འདོད་པའི་བར་རེ་ཡི། །གཟའ་རགས་རྣམ་དག་གྲུབ་པ་ཡིན། །ཡང་ན་ཉི་རགས་སྟོང་པའི་ལོའི། །གཟའ་རགས་གོང་བཞིན་བསྒྲུབས་པས་འགྲུབ། །སྔར་གྱི་ཆུ་མིག་ཀླུ་མཚོ་ཡིས། །བགོས་པའི་ལྷག་མས་རེའུ་མིག་བཟུང་། །དེ་འོག་གནས་གསུམ་དབུས་གཡོན་གྱིས། །དོན་ཁྱིམ་དང་ནི་ཉི་དག་སྟོན། །གཡེས་པར་སྔར་བཙལ་གཟའ་རགས་བྱིན། །དེ་སྟེང་རིལ་ཆའི་རེའུ་མིག་ནི། །འཛིན་སོགས་ལྷག་མ་སྔར་བཞིན་ནོ།། ༈ །།གཟའ་ལྔའི་མགྱོགས་རྩིས་ནག་ཟླ་ཡི། །བཅོ་ལྔའི་སྤྱི་ཞག་སྔར་ལྟར་བསྒྲུབ། །དེ་ཡི་ཞག་གནས་ཆུ་རོ་དང་། །རི་མཁའ་རི་ཡི་ལྷག་གསུམ་གར། །བཅོ་ལྔ་རེ་བྱིན་ཉ་དང་སྟོང་། །རེས་མོས་སྤེལ་ལ་སྟེང་འོག་བཀོད། །གལ་ཏེ་ཆུ་རོའི་ཐོབ་ནོར་གྱིས། །སྟེང་ནས་ཕྲི་ཚེ་སྤྱི་ཞག་དེ། །མི་ནོར་མཚན་མར་མཚལ་གྱིས་བྲི། །ནག་ཟླའི་ཉ་ཡི་སྤྱི་ཞག་ལ། །གཟའ་ལྔ་ཉི་མ་དང་བཅས་པའི། །སོ་སོའི་ནག་ཉའི་སྒོས་ཞག་རྣམས། །གོང་དུ་བཤད་པ་ཇི་བཞིན་བསྒྲུབ། །ཁྱད་པར་ཉི་མའི་སྒོས་ཞག་དེ། །སླར་ཡང་མིག་ཀླུ་མེ་སྐྱོན་གྱིས། །ཐོབ་པ་སྒོས་ཞག་གནས་སུ་བཀོད། །དེ་རྣམས་དབོ་ཟླའི་སྟོང་གི་བར། །བཅོ་ལྔ་རེ་དང་སྤྱི་ཡི་ཞག །མཚལ་གྱིས་བྲིས་པར་བཅུ་བཞི་ཉིད། །བྱིན་ལ་སྤེལ་ལོ་ཞི་གཉིས་ལ། །ཚེས་


ZP01_Page_455
[མ་དཔེ་གཟིགས་ན་འདིར་གནོན།]

དང་ཡིད་གཉིས་བརྒྱ་དང་བཅུས། །བསྒྱུར་ནས་སྟེར་བ་ཁྱད་པར་ཡིན། ༈ །ཉི་རགས་ཆེད་དུ་ཉི་མའི་ཞག །མིག་ཀླུ་མེ་སྐྱོན་གྱིས་དོར་བའི། །ལྷག་དེ་དུས་མེས་བསྒྱུར་བ་ལ། །བུག་མཁའ་མིག་ཟུག་ཡིད་ཀྱིས་བགོ །ཐོབ་པ་ཆུ་ཚོད་ལྷག་མཁའ་རོ། །དུས་ཀྱིས་བསྒྱུར་ལ་རིམ་ཐོབ་ནོར། །ཆུ་སྲང་དབུགས་ཏེ་ལྷག་ངང་ཆ། །སྔ་ལོའི་རགས་པ་རྣམ་དག་ལ། །གཟུགས་དབྱུག་སྲང་ཉི་དབུགས་ནམ་མཁའ། །ཆ་ཤས་ཉི་མ་ཐུབ་རི་ཟླས། །ཕྲི་བས་ཕྱི་ལོའི་རགས་པ་འཆར། །མ་ལྡང་རྟག་ལོངས་བསྣན་ལ་སྦྱང་། །དེ་ནས་ཉི་རགས་མདའ་ཡོན་ཟླས། །རིམ་པར་ཕྱེ་བའི་རྙེད་ནོར་གང་། །ཞི་གཉིས་དལ་རྐང་གསུམ་པོ་ཡིས། །བསྒྱུར་བ་རང་རང་རྐང་འབྲས་ཡིན། །ཉི་རགས་གནས་དྲུག་ཚན་པ་གཉིས། །བཀོད་ལ་སོ་སོའི་རྐང་འབྲས་གསུམ། །སྔ་མར་བྱིན་ཞིང་ཕྱི་མར་འཕྲོག །ནོར་དང་བུ་ལོན་ཁ་བྱང་གདགས། །དེ་ཡིས་ཞི་གཉིས་སྤྱི་ནོར་དག །དེ་ནས་རེའུ་མིག་འཛིན་ཚུལ་ནི། །གཟའ་ལྔའི་དལ་དག་མྱུར་བར་རྣམས། །རྒྱས་པར་བྱ་ར་གང་མཐུན་པའི། །རང་རང་སྒོས་ཞག་སོ་སོས་བཟུང་། །གལ་ཏེ་རེའུ་མིག་བསྡུས་པ་ལ། །བརྟེན་ན་དྲག་གསུམ་དལ་དག་གི །རེའུ་མིག་འཛིན་ཚེ་བྱར་ཡིས། །མ་ཟིན་ཅུང་ཟད་ཉུང་བ་བཟུང་། །ཀ་ཐོ་དང་བསྟུན་ཞག་རྩིས་ཀྱི། །མང་ཁྱད་གྲངས་མཚུངས་བསྒྱུར་ལ་བྱིན། །ཞི་གཉིས་སྒོས་ཞག་བརྒྱ་དང་བཅུས། །


ZP01_Page_456
[མ་དཔེ་གཟིགས་ན་འདིར་གནོན།]

ཐོབ་པས་རྐང་པའི་རེའུ་མིག་དང་། །ལྷག་མའི་སྤྱི་ནོར་རེའུ་མིག་བཟུང་། །བསྲེས་པས་སོ་སོའི་མྱུར་བར་འགྲུབ། །གང་ཟིན་དྲག་གསུམ་མྱུར་བར་ལ། །ཉི་རགས་སྟེང་ཞིང་ཞི་གཉིས་ཀྱི། །དལ་བའི་སྟེང་དུ་རེའུ་མིག་གི །ཁ་བྱང་དང་མཐུན་སྤྱི་ནོར་རྣམས། །ནོར་དང་བུ་ལོན་མ་འདྲེས་པར། །བྱིན་པས་ཞི་གཉིས་དལ་བ་དག །སྔ་ལོའི་ཆོ་གས་བཟུང་བའི་ཚེ། །སྔ་ལོའི་རང་དང་སྤྱི་ནོར་བྱིན། །དེ་ཡིས་གཟའ་ལྔ་ཉིན་ཞག་ལ། །སྤྱོད་པའི་དལ་བ་དག་པ་དང་། །མྱུར་བའི་རྐང་འཛིན་བར་པ་འགྲུབ། ༈ །མྱུར་རྐང་རེའུ་མིག་འཛིན་ཚུལ་བཤད། །རང་རང་དལ་དག་ཚར་གཉིས་བཀོད། །དྲག་གསུམ་དལ་དག་གནས་གཅིག་གིས། །ཉི་མ་བར་པ་ལ་སྦྱང་ཞིང་། །ཞི་གཟའ་གཉིས་ཀྱི་དལ་དག་གིས། །རང་རང་རྐང་འཛིན་ལོངས་སྤྱོད་སྦྱང་། །མ་ལྡང་འཁོར་ལོ་བསྣན་ལ་སྦྱང་། །སྦྱངས་ཤུལ་འཁོར་ཕྱེད་ལྷག་ན་དོར། །ཆུ་སྲང་གནས་སུ་སུམ་ཅུ་ལས། །ལྷག་ན་དབྱུག་པར་གཅིག་བྱིན་བྱ། །སྐར་གནས་མཁའ་རོས་བསྒྱུར་དབྱུག་བཅུག །དེ་ཡིས་མྱུར་རྐང་རེའུ་མིག་ལས། །མ་དོར་རིམ་པ་ལུགས་འབྱུང་དང་། །དོར་ན་རིམ་མིན་ལུགས་ལྡོག་འཛིན། །གང་ཟིན་དལ་དག་གཅིག་ཤོས་ལ། །རིམ་པ་བསྣན་ལ་རིམ་མིན་ཕྲི། །དེ་ཡི་མྱུར་བ་རྣམ་པར་དག །རིམ་པའི་སྔ་རྐང་མྱུར་འགྲོས་ཤར། །རིམ་པའི་ཕྱི་རྐང་དལ་འགྲོས་ལྷོ། །རིམ་མིན་སྔ་རྐང་འཁྱོག་འགྲོས་ནུབ། །རིམ་མིན་ཕྱི་


ZP01_Page_457
[མ་དཔེ་གཟིགས་ན་འདིར་གནོན།]

རྐང་འབྱུང་འགྲོས་བྱང་། །འགྲོས་བཞི་སོ་སོའི་ཁ་བྱང་གདགས། ༈ །ཉིན་ཞག་གཟའ་ལྔའི་ཐུན་མོང་གི །ཁྱད་པར་རེའུ་མིག་འཛིན་ཚུལ་ནི། །སྤྱི་ཞག་བསྒྲུབས་པའི་བར་འོག་གི །ཆུ་རོ་རི་མཁའ་རིའི་ལྷག་མས། །སོ་སོའི་རེའུ་མིག་བྱ་རས་བཟུང་། །གྲུབ་རྩིས་ཚེས་ཞག་ཉི་པར་གྱི། །ཆ་ཤས་གྱིས་ཀྱང་རི་རོའི་ཆའི། །རེའུ་མིག་བཟུང་ལ་གཅིག་ཏུ་བསྲེ། །དེ་ཉིད་གྲུབ་རྩིས་ཉི་བརྒྱི། །ཆ་ཤས་དོར་བའི་སྟེང་དུ་བསྣན། །དེ་ཡིས་ཉིན་ཞག་ཉི་བར་འགྲུབ། ༈ །གཞན་དུ་ཁྱིམ་ཚེས་གཟའ་ལྔ་དང་། །བྱེད་ལོ་རྒྱལ་བློན་ལ་སོགས་པ། །རེའུ་མིག་འཛིན་ཚུལ་མང་གསུངས་ཀྱང་། །འགའ་ཞིག་མང་ཆེས་དཔེ་དཀོན་ཞིང་། །འགའ་ཞིག་སླ་བས་མི་དགོས་ཕྱིར། །རེ་ཞིག་འདིར་ནི་དེ་ཙམ་མོ།། ༈ །།ཞར་བྱུང་མགྱོགས་རྩིས་ལ་བརྟེན་ནས། །ལྀ་ཐུ་སྦྱོར་དཀྲོལ་ལ་དགོས་པའི། །ཉེར་མཁོ་འགའ་ཞིག་བྲི་བར་བྱ། ༈ །ཁྱིམ་ཟླ་རེ་ལ་ཞག་སུམ་ཅུ། །དེ་ལས་ཁྱིམ་ཞག་བརྒྱད་པ་དང་། །ཉེར་གསུམ་པ་དང་སུམ་ཅུ་རྣམས། །རང་རང་སྒང་དང་ཕྱི་མ་ཡི། །དབུགས་ཐོབ་ཉི་རྐང་འཕོ་མཚམས་དང་། །ཁྱད་པར་འཁྲིག་གཞུའི་ཞག་ལྔ་པས། །དབྱར་དགུན་ཉི་མ་ལྡོག་ཚིགས་སྟོན། །ཀུན་ཀྱང་རང་རང་ཁྱིམ་ཞག་གི །དུས་ལོངས་རྫོགས་པའི་ཚད་དང་བསྟུན། ༈ །དེ་རྣམས་རི་མོས་གཏན་འབེབས་ན། །དབུགས་ཐོབ་ཟླ་བ་སྔ་མ་དང་། །ཁྱིམ་སྒང་གང་བརྩི་ལྡོག་གཉིས་ལ། །འདས་


ZP01_Page_458
[མ་དཔེ་གཟིགས་ན་འདིར་གནོན།]

ཟླ་གཉིས་དང་བརྒྱད་བསྲེས་པའི། །ཟླ་བཤོལ་འཕྲོ་རྣམས་མཁའ་མེས་བསྒྱུར། །དེ་རྣམས་དབུགས་ཐོབ་གཟུགས་མཚོ་ཆོས། །སྒང་ལ་རོ་མེ་འབྱུང་བ་དང་། །ཁྱིམ་སླེབས་ལ་ནི་ནམ་མཁའ་བྱིན། །ལྡོག་གཉིས་ཉིན་སྣང་འབྱུང་ཡོན་མེ། །བཻཌཱུར་ལུགས་ལ་བུག་དུས་མཚོ། །རང་ལུགས་ཉི་ལྡོག་མཚོ་མེ་གཟུགས། །བསྲེས་ལ་མདའ་རོས་ཐོབ་ནོར་གྱིས། །རང་རང་ཟིན་པའི་ཚེས་གྲངས་སྟོན། །ནོར་ལ་མཁའ་མེ་ལོད་ན་དོར། །དེ་ཚེ་ཕྱི་དྷྲུས་བསྒྲུབ་གཞི་བྱ། །མདའ་རོས་བགོས་ལྷག་གང་བྱུང་དེས། །རེ་ལྔ་ཆ་ཡི་རེའུ་མིག་གམ། །ཡང་ན་ལྷག་དེ་ལྔས་བགོས་པའི། །ནོར་གྱིས་བཅུ་གསུམ་ཆ་དང་ནི། །ལྷག་གིས་ལྔ་ཆའི་རེའུ་མིག །གཟུང་ལ་གནས་མཚུངས་བསྲེས་པ་དེ། །རང་རང་གང་ཟིན་ཚེས་དེ་ཡི། །གཟའ་ཉི་བར་པའི་སྟེང་བསྣན་པས། །སོ་སོའི་ཡུལ་དུས་ཚད་རྣམས་འཆར། །གཞན་ཡང་རི་ཥི་འཆར་བའི་དུས། །ཁྲུམས་ཟླའི་དབུགས་ཐོབ་ཀྱིས་སྟོན་ཅིང་། །ཕག་ཞག་བལྟ་ན་སྣོན་ཟླའི་འཕྲོ། །མཁའ་མེས་བསྒྱུར་ལ་བུག་མེ་དྲག །བསྲེས་ལ་བགོ་སོགས་སྔར་བཞིན་ནོ།། ༈ །།ཉི་མ་སྤར་སྨེ་ལ་སོགས་པ། །རགས་པ་གཏན་ལེའི་ནང་བཞིན་ལ། །ཞིབ་པར་བཻ་དཀར་ནས་གསུངས་པའི། །མེར་རྒན་གསེར་རྩིས་བཞིན་བྲི་ན། །རབ་བྱུང་བཅོ་ལྔ་པའི་ནང་གི །རྣམ་གནོན་འདས་ལོ་ཉི་མས་བསྒྱུར། །དཔྱིད་ར་ཧོར་ཟླ་དང་པོ་སོགས། །འདས་ཟླ་བསྲེས་ལ་གནས་གཉིས་བཞག །འོག་མ་


ZP01_Page_459
[མ་དཔེ་གཟིགས་ན་འདིར་གནོན།]

མིག་བསྒྱུར་ཐིག་མཚོ་བྱིན། །མདའ་རོས་ཐོས་པ་སྟེང་དུ་འཕང་། །ཟླ་བ་རྣམ་པར་དག་པའོ། །ཟླ་བ་དག་པ་མཁའ་མེས་བསྒྱུར། །གང་བརྩེའི་ཚེས་བསྲེས་གནས་གསུམ་བཞག །བར་དུ་མེ་མིག་འོག་མ་ལ། །མེ་དུས་རྩེ་བྱིན་རི་མཁའ་རིས། །རྙེད་པ་བར་བྱིན་ཆུ་རོས་ཕྱེ། །ལྷག་མ་ཐིག་ཤར་ཟླ་བ་ཆུང་། །ཐོབ་པའི་ནོར་གྱིས་སྟེང་སྦྱངས་པ། །འདས་པའི་ཞག་མ་སྤྱི་དྷྲུ་སྟེ། །དེ་ཉིད་གནས་ལྔ་བཀོད་པ་ལ། །དང་པོ་མཚོ་བསྲེས་ཐུབ་པས་དོར། །ལྷག་དེས་རེས་གཟའ་གང་ཡིན་ཤེས། །གཉིས་པར་གཟུགས་བསྲེས་ཉི་མས་བགོ །ལྷག་དེས་ཉི་མའི་ངོས་འཛིན་དེ། །འབྲུག་ནས་མགོ་བཟུང་བརྩི་བ་གཅེས། །ཐིག་ལེ་ཤར་བ་ཡོས་ལ་བཞེད། །གསུམ་པ་དབང་བསྲེས་ཕྱོགས་ཀྱིས་བགོ །གཅིག་གཉིས་མེ་ལ་གསུམ་བཞི་ས། །ལྔ་དྲུག་ལྕགས་ལ་བདུན་བརྒྱད་ཆུ། །དགུ་དང་ཐིག་ལེ་ཤིང་ཁམས་ཡིན། །གནས་བཞིར་མཚོས་བརྒྱན་བུ་གས་བགོ །ལྷག་མས་ཕྱོགས་སྦྱངས་ལྷག་མེད་ན། །སླར་ཡང་བུ་གས་སྦྱང་བར་བྱ། །ལྷག་མ་ཉི་མའི་སྨེ་བ་ཡིན། །ལྔ་པའི་གནས་ལ་འབྱུང་བ་བསྣན། །ཀླུ་བགོས་ལྷག་ནི་སྤར་ཁ་སྟེ། །གཅིག་འབྱུང་ལི་ལ་གཉིས་པ་ཁོན། །དེས་གས་རིམ་གྱིས་རྟོགས་པར་བྱ། ༈ །དེ་ལྟར་འཕྲལ་ཡུན་དགེ་ལེགས་གཞིར་གྱུར་བའི། །སྐར་ནག་རྩིས་གཞུང་རྒྱ་མཚོ་ཆེན་པོ་ལས། །ཉེར་མཁོ་རི་མོའི་བྱ་བ་ཉུང་ཤས་ཤིག །སྤྲིན་མཐོང་ཉི་མ་བཞིན་དུ་གསལ་བར་བྱས། །དེ་


ZP01_Page_460
[མ་དཔེ་གཟིགས་ན་འདིར་གནོན།]

དགེ་རྒྱལ་དང་རྒྱལ་སྲས་རྗེས་བསླབ་སྟེ། །ངེས་ལེགས་བྱང་ཆུབ་མཆོག་གི་ས་བོན་དུ། །ཉི་ལྟར་ཉེ་རིང་མེད་པར་བསྔོས་དེས་མཐུས། །མ་རྣམས་ཀུན་མཁྱེན་གོ་འཕང་ཐོབ་པར་ཤོག་༢ །བདག་ཀྱང་སྒོ་གསུམ་དགེ་བའི་ལམ་ཞུགས་ཏེ། །ལེགས་ལམ་དམ་ཆོས་སྤྱོད་པས་དུས་འདའ་ཞིང་། །གནས་ལྔ་རིག་པའི་ཤེས་རབ་ཉི་མ་ཡིས། །བློ་གྲོས་པདྨོའི་འདབ་རྒྱ་གྲོལ་གྱུར་ཅིག་༣་གནས་སྐབས་སུ་ཡང་འགྲོ་ཀུན་བདེ་སྐྱིད་ཀྱི། །ལོངས་སྤྱོད་རྫོགས་ལྡན་དཔལ་གྱིས་འབྱོར་བ་དང་། །ཡང་དག་དམ་པའི་ཆོས་ལ་ཀུན་དད་པས། །འཕྲལ་ཕུག་དགེ་ལེགས་ཉི་མ་གསལ་གྱུར་ཅིག་༤ །ཅེས་པ་འདི་ཡང་བཙུན་ཆུང་དགེ་ལེགས་ཉི་མར་འབོད་པའི་སློབ་གསར་པ་དེ་ཉིད་ཀྱིས་བཅོམ་ལྡན་འདས་ཀྱི་དུས་ཀྱི་འཁོར་ལོའི་རྩ་རྒྱུད་གསུངས་པའི་དུས་ཆེན་རྣམ་གནོན་ལྕགས་འབྲུག་འདས་ལོར་བྱས་ཤིང་། ས་ཡོས་ནག་ཉར་རི་མོའི་བྱ་བ་རྣམས་རྫོགས་ཏེ། ཡི་གེར་འགོད་པའི་དབུ་བཙུགས་ནས། སློབ་དཔོན་མཁས་པའི་དབང་པོའི་དྲུང་ནས་ཐོག་མཐའི་ཚིགས་བཅད་དང་བསླབ་སྟོན་རྣམས་ཞུས་ཏེ་ལེགས་པར་བྲིས་བ་ཤིན་ཏུ་དགེ་ཞིང་བཀྲ་ཤིས་པར་གྱུར་ཅིག །ཤུ་བྷཾ།།

རྩིས་གཞུང་ཉིན་བྱེད་སྣང་བའི་ལག་ལེན་བུ་ཡིག་ངོ་མཚར་ཕྲེང་བ།


ZP01_Page_461
[མ་དཔེ་གཟིགས་ན་འདིར་གནོན།]

རྩིས་གཞུང་ཉིན་བྱེད་སྣང་བའི་ལག་ལེན་བུ་ཡིག་ངོ་མཚར་ཕྲེང་བ་ཞེས་བྱ་བ་བཞུགས་སོ། །


ZP01_Page_462
[མ་དཔེ་གཟིགས་ན་འདིར་གནོན།]

ཨོཾ་སྭ་སྟི། །དྲི་མེད་རྒྱལ་བའི་བསྟན་པ་དང་། །དེ་འཛིན་བླ་མ་དམ་པ་ལ། །གུས་པས་ཕྱག་འཚལ་རྒྱུད་འགྲེལ་ལས། །ཆོས་རྒྱལ་རིགས་ལྡན་བྱོན་པའི་རབས། །རིམ་པར་ངེས་བསྟན་སྲོག་ཤིང་པ། །བརྟེན་ནས་གནས་སྐབས་ལག་རྩིས་པར། །ཉེར་མཁོའི་རྟེན་རྩིས་རྣམ་གྲངས་འགའ། །རི་མོས་བདེ་བླག་རྩི་ཐབས་བཤད། །འབྱུང་རི་རོ་མིག་ལོ་ཚོགས་ལ། །རབ་བྱུང་བཅུ་གཉིས་པའི་ནང་གི །ཤིང་རྟ་ལ་སོགས་འདས་པ་བསྲེ། །སྟོན་མཆོག་དམ་པ་ས་ལུག་གི །ཆུ་སྟོད་ཟླ་བའི་བཅོ་ལྔ་ལ། ལྷུམས་སུ་ཞུགས་པ་ཕྱིན་གྱི་ལོ། །དགའ་ལྡན་གྱི་གནས་ནས་ལྷའི་བུ་དམ་པ་ཏོག་དཀར་པོ་ཉིད་གླང་པོ་ཐལ་དཀར་མཆེ་བ་དྲུག་ལྡན་དུ་སྤྲུལ་ནས། དེ་ལ་གཟུགས་སྦྱངས་ལྕགས་སྤྲེའུ་ཡི། །ས་གའི་ཚེས་བདུན་བལྟམས་ནས་ལོ། །ལུམ་བུ་ནིའི་ཚལ་དུ་ཡུམ་


ZP01_Page_463
[མ་དཔེ་གཟིགས་ན་འདིར་གནོན།]

སྒྱུ་འཕྲུལ་ཆེན་མོའི་རྩིབས་མ་གཡས་པའི་གོ་བར་ནས། །ཀླུ་ལག་གིས་སྦྱངས་ས་བྱི་ལ། །ཁབ་སྤངས་མཆོད་རྟེན་རྣམ་དག་གི་དྲུང་དུ། རབ་ཏུ་བྱུང་བའི་ལོ། །ཆུ་བོ་ནཻ་རཉྫ་ནའི་འགྲམ་དུ་ལོ་དྲུག་དཀའ་བ་སྤྱད་པ། རོས་ཕྲི་ཤིང་རྟས་གའི་ཉའི། །ཐོ་རངས་རྡོ་རྗེ་གདན་བྱང་ཆུབ་ཤིང་དྲུང་དུ་སྲོད་ལ་བདུད་བཏུལ་ནས་རྫོགས་སངས་རྒྱས་པ་དང་། །ལོ་དེའི་ཆུ་སྟོད་ཚེས་བཞི་ནས། །ཡུལ་ཝ་ར་ཎ་སི་དྲང་སྲོང་ལྷུང་བ་རི་དྭགས་ཀྱི་ནགས་སུ་འཁོར་ལྔ་སྡེ་བཟང་པོ་དང་ལྷ་བརྒྱད་ཁྲིལ། །ཆོས་འཁོར་ཐོག་མར་བསྐོར་བའི་ལོ། །དེ་ལས་དུས་མཚོ་དམན་པའི་ལྷག །ལྕགས་འདྲུག་ནག་ཉར་རྩ་བའི་རྒྱུད། ལྷོ་ཕྱོགས་རྒྱ་མཚོའི་འགྲམ་དུ་དཔལ་ལྡན་འབྲུས་སྤུར་སྤུང་གི་མཆོད་རྟེན་དྲུང་དུ་ཟླ་བཟང་སོགས་ལ་དུས་འཁོར། ལེགས་བསྟན་ཕྱི་ཟླ་ས་གའི་ཉར། །རྩ་མཆོག་གྲོང་དུ་མྱ་ངན་ལས་འདས་རྫོགས་པའི་སངས་རྒྱས་མྱ་ངན་ལས་འདས་


ZP01_Page_464
[མ་དཔེ་གཟིགས་ན་འདིར་གནོན།]

པའི་ཚེ་དགྲ་བཅོམ་པ་ཁྲི་བརྒྱད་སྟོང་། ཤྭ་རིའི་བུ་དང་མཉམ་དུ་དགྲ་བཅོམ་པ་བརྒྱད་ཁྲི། །མཽ་གལ་གྱི་བུ་དང་མཉམ་དུ་དགྲ་བཅོམ་པ་བདུན་ཁྲི་མྱ་ངན་ལས་འདས་པས། འཁོར་དགྲ་བཅོམ་པར་ཆེར་ཟད་ཅིང་། སློང་རྣམས་སྡེ་སྣོད་གསུམ་མི་འདོན་པས། ལྷ་རྣམས་ཀྱིས་ཤཱཀྱ་ཐུབ་པའི་བསྟན་པ་ནི་མེ་ཤི་བའི་དུ་བ་བཞིན་གྱུར་ཏོ་ཞེས་འཕྱ་བ་བསལ་བའི་ཕྱིར་ཨ་སུ་རའི་བྲག་ཕུག་ཏུ་དགྲ་བཅོམ་པ་ལྔ་བརྒྱ་འདུས་ནས། དབྱར་འབྲིང་ཟླར། །ཀུན་དགའ་བོས་མདོ་སྡེ། ཉེ་བ་འཁོར་གྱིས་འདུལ་བ། འོད་སྲུང་ཆེན་པོས་མངོན་པ་བསྡུ་བ་མཛད། །བཀའ་བསྡུ་དང་པོ་བྱས་ནས་ལོ། །གཟུགས་ཕྲི་ལྕགས་སྤྲེའུ་བྱང་ཤམྦྷ་ལའི་ཆོས་རྒྱལ་བདུད་གྱི་དང་པོ། །ཟླ་བཟང་གིས། །རྩ་རྒྱུད་བསྡུས་ཤིང་འགྲེལ་པས་བཀྲལ། སླར་ཡང་མིག་སྦྱངས་ཆུ་ལུག་ལ། །གཞལ་མེད་ཁང་ཀཱ་ལ་པའི་གྲོང་དུ་དུས་འཁོར་གྱི་བློ་བསླངས། བཞེངས་གཤེགས་པའི་ལོ། དེ་ལས་གཟུགས་དམན་ཤིང་སྤྲེལ་ལ། །ཆོས་རྒྱལ་གཉིས་པ་ལྷ་དབང་སྟོན་པར་ཕེབས་པ་དང་། །ཨོ་རྒྱན་སློབ་དཔོན་པདྨ་འབྱུང་། །སྲིན་དྷུའི་མཚོ་གླིང་བལྟམས་ནས་ལོ། །མཚོ་མིག་ཕྲི་ལྷག་སྤྲེའུའི་ལོར། །རིགས་ཅན་ལྔ་སངས་རྒྱས་མྱ་ངན་ལས་འདས་ནས་ལོ་ཉེར་བརྒྱད་ན་ལྷ་གྲགས་ལྡན་མཆོག་སྐྱོང་། གནོད་སྦྱིན་སྐར་མདའ་གདོང་། སྲིན་པོ་བློ་གྲོས་ཐབས་ལྡན། །ཀླུ་རྒྱལ་འཇོག་བོ། མི་ལི་ཙ་བི་དྲི་མེད་གྲགས་པ་ལྔ་ནང་དུ་ཡང་དག་འཇོག་ལས་བཞེངས་ཏེ་རང་རང་གི་རྫུ་འཕྲུལ་གྱིས་རི་མལ་ཡི་གནམ་ལྕགས་ཡོད་པའི་རྩེར་འདུས་ཏེ། ཀྱེ་མ་ཀྱི་ཧུད་ཀྱེ་མ་ཀློང་། །སྟོན་པ་སྒྲོན་མེའི་འོད་ནུབ་ན། །འཇིག་རྟེན་མུན་པ་གང་གིས་སེལ། །ཞེས་པ་ལ་སོགས་པའི་གདུང་ཚིག་ཉེར་གསུམ་བཏོན་པས། །


ZP01_Page_465
[མ་དཔེ་གཟིགས་ན་འདིར་གནོན།]

གསང་བའི་བདག་པོ་ཕྱག་ན་རྡོ་རྗེ་དངོས་སུ་བྱོན་ནས་གསང་སྔགས་ཀྱི་རྒྱུད་སྡེ་ཐམས་ཅད་གསུངས་པ་སྲིན་པོ་བློ་གྲོས་ཐབས་ལྡན་གྱིས་བཻ་ཌཱུརྻའི་གླེགས་བུ་ལ་གསེར་ཞུན་མས་ཡི་གེར་བྲིས་པ་ནམ་མཁའི་དབྱིངས་སུ་གཏེར་དུ་སྦས་པ་ཉིད་རྒྱལ་པོ་ཛཿའི་ཁང་སྟེང་དུ་གླེགས་བམ་གྱི་ཆར་བབ་པའོ། ལ་གསང་བདག་གིས། །ཆོས་འཁོར་བསྐོར་ཞིང་རྒྱལ་པོ་ཛར། །གསང་སྔགས་གླེགས་བམ་བབས་ནས་ལོ། ༣༧༡༡་མིག་ཐུབ་སྦྱངས་པའི་ལྕགས་སྤྲེལ་ལ། །ཁ་བ་ཅན་དུ་མཚོ་བྲི་ནས། །དེ་དུས་བོད་ཡུལ་འདི་མཚོ་ཡིན། སཱ་ལའི་ནགས་ཚལ་ཆགས་ནས་ལོ། ༢༦༥༩། དེ་ནས་པའི་བྱིན་རླབས་ཀྱིས། །མཚོ་སྦྱངས་ཤིང་བྱི་ལ། །ཆོས་རྒྱལ་གསུམ་པ་གཟི་བརྗིད་ཅན་གྱིས་ཆོས་བསྟན་ལོ། ༢༦༥༥། བྲོ་བ་སྦྱངས་ལྷག་ལྕགས་རྟ་ལ། །རྒྱ་གར་གྱི་ཡུལ་དབུས་སུ་ཡངས་པ་ཅན་གྱི་དགེ་སློང་རྣམས་ཀྱིས་མི་རུང་བའི་བཞི་བཅུ་བསྒྲགས་པའི་ཚེ། །དགྲ་བཅོམ་པ་གྲགས་པ་ལ་སོགས་པའི་བདུན་བརྒྱས་ཚར་བཅད་ནས་སྡེ་སྣོད་གསུམ་ཚར་གཅིག་སྟོན་པའོ་བཀའ་བསྡུ་བར་པ་བྱས་ནས་ལོ། ༢༦༤༩། ཆུ་བུག་སྦྱངས་ལྷག་ཤིང་འབྲུག་ལོར། །ཆོས་རྒྱལ་བཞི་པ་ཟླ་བའི་བྱིན་ཕེབས་མཁའ་མཁའ་གཟུགས། །ཕྲི་ལྷག་ཤིང་སྤྲེལ་ཆོས་རྒྱལ་ལྔ་པ་ལྷའི་དབང་ཕྱུག །ཁྲིར་ཕེབས་དེ་ནས་གཟུགས་མཚོ་དམན། །ཤིང་གླང་རྫོགས་པ་ཆེན་པོའི་བསྟན་པའི་བདག་པོ་དགའ་རབ་རྡོ་རྗེ་འཁྲུངས། ༢༤༡༤། དེ་ལས་འབྱུང་དབང་ཕྲི་བའི་ལྷག །ཟབ་མོ་དབུ་མའི་ཤིང་རྟའི་སྲོལ་འབྱེད་ལྕགས་སྤྲེལ་འཕགས་པ་ཀླུ་སྒྲུབ་འཁྲུངས། ༢༣༥༩་བསྟན་པའི་གཏད་རབས་བདུན་ནི། །འོད་སྲུང་། །ཀུན་དགའ་


ZP01_Page_466
[མ་དཔེ་གཟིགས་ན་འདིར་གནོན།]

བོ། ཤ་ནའི་གོས་ཅན། ཉེར་སྦས། དྷི་དྷི་ཀཾ །ནག་པོ། ལེགས་མཐོང་དང་བདུན་ནོ། །འཛམ་གླིང་མཛེས་པར་བྱེད་པའི་རྒྱན་དྲུག་མཆོག་གཉིས་ལས། མཆོག་གཉིས་ནི། །དཔལ་མགོན་འཕགས་པ་ཀླུ་སྒྲུབ་དང་། འཕགས་པ་ཐོགས་མེད་གཉིས་སོ། །རྒྱན་དྲུག་ནི། །ཆོས་འདུལ་བའི་གཞུང་འབྱེད་པ་པོ་ཡོན་ཏན་འོད། དེའི་འགྲེལ་པ་མཛད་པ་ཤཱཀྱ་འོད། ཚད་མའི་གཞུང་འབྱེད་ཕྱོགས་ཀྱི་གླང་པོ། དེའི་འགྲེལ་པ་མཛད་པ་ཆོས་ཀྱི་གྲགས་པ། སྔར་བཤད་པའི་འཕགས་པ་ཀླུ་སྒྲུབ་ཟབ་མོ་དབུ་མའི་གཞུང་འབྱེད་པ་པོ་དང་དེའི་འགྲེལ་པ་མཛད་པ་པོ་ཨཱརྱ་དེ་ཝ། སློབ་དཔོན་ཐོགས་མེད་རྒྱ་ཆེན་སྤྱོད་པའི་སྲོལ་འབྱེད་པ་དང་དེའི་འགྲེལ་པ་མཛད་པ་པོ་དབྱིག་གཉེན་ཏེ་འགྲེལ་བྱེད་ཕྱི་མ་གཉིས་རྒྱན་དྲུག་གི་ནང་དུ་བརྩིའོ། །ཆུ་གཏེར་གྱིས་སྦྱངས་ཤིང་བྱི་དང་། །དེ་ནས་བརྒྱ་བརྒྱ་སྦྱངས་པ་ཡི། །ཤིང་འབྲུག་ཤིང་སྤྲེལ་རིམ་པ་ལྟར། །ཆོས་རྒྱལ་དྲུག་པ་སྣ་ཚོགས་གཟུགས་དང་ལྷའི་དབང་ལྡན། ཆོས་རྒྱལ་བདུན་པ། ཤམྦྷ་ལའི་རིགས་ལྡན་ཉེར་ལྔའི་དང་པོ་གྲགས་པ་རྣམས་ཀྱིས་ཆོས་བསྟན་ཅིག །སླར་ཡང་བརྒྱ་སྦྱངས་ཤིང་བྱི་ལ། གྲགས་པས་རྒྱུད་བསྡུས་རིགས་ལྡན་གཉིས་པ་སྲས་པད་དཀར། །ཁྲིར་འཁོད་འགྲེལ་ཆེན་བརྩམས་ནས་ལོ། ༢༠༥༥་མཁའ་འབྱུང་ཕྲི་བའི་ཤིང་སྟག་ལ། །བོད་ཀྱི་རྒྱལ་པོ་ཐོག་མ་ཡིན། །གཉའ་ཁྲི་བཙན་པོ་བོད་རྗེར་བྱོན། །ཐིག་དབང་སྦྱངས་ལྷག་ཤིང་འབྲུག་ལ། །རིགས་ལྡན་གསུམ་པ་བཟང་པོ་ཁྲིར་ཕེབས་ཕྱིན་གྱི་ལོ། །རོ་བུག་སྦྱངས་པའི་ལྕགས་འབྲུག་ལ། །རྒྱ་ཆེན་སྤྱོད་པའི་ཤིང་རྟའི་སྲོལ་འབྱེད་འཕགས་


ZP01_Page_467
[མ་དཔེ་གཟིགས་ན་འདིར་གནོན།]

པ་ཐོགས་མེད་འཁྲུངས་ནས་ལོ། ༡༨༥༩། དེ་ནས་མཚོ་དང་བརྒྱ་ལན་གསུམ། །རིམ་སྦྱངས་ཤིང་གི་སྤྲེལ་བྱི་འབྲུག །སྤྲེལ་ལོ་རྣམས་ལ་རིམ་པ་ལྟར། །རིགས་ལྡན་བཞི་པ་རྣམ་རྒྱལ་ལྔ་པ་བཤེས་བཟང་དྲུག་པ་རིན་ཆེན་ཕྱག །རིགས་ལྡན་བདུན་པ་ཁྱབ་འཇུག་སྦས་རྣམས་ཁྲིར་ཕེབས་ལོ། ༡༥༥༥། མཁའ་དབང་སྦྱངས་ལྷག་ཤིང་ཁྱི་ལ། །གཉའ་ཁྲི་ནས་རྒྱལ་རབས་ཉེར་བདུན་འདས་པ་ན་ལྷ་ཐོ་ཐོ་རི་གཉན་བཙན་འཁྲུངས། ༡༥༠༥། བོད་ཁ་བ་ཅན་གྱི་རྒྱལ་ཁབ་ཏུ་འཕགས་པ་ཀུན་ཏུ་བཟང་པོའི་སྤྲུལ་པ་ལྷ་ཐོ་ཐོ་རི་གཉན་བཙན་གྱི་རིང་ལ་ཕོ་བྲང་ཡུམ་བུ་བླ་མཁར་གྱི་སྟེང་དུ། །མདོ་སྡེ་ཟ་མ་ཏོག །དབང་སྐོང་ཕྱག་བརྒྱ་དང་། བསྐོལ་ཕོར་བཀའ་རྟགས་ཀྱི་ཕྱག་རྒྱ་སླང་ཙམ་སོགས་བབས་ཏེ་དམ་པ་ཆོས་ཀྱི་དབུ་བརྙེས། ཐིག་དབང་སྦྱངས་པའི་ཤིང་བྱི་ལ། །རིགས་ལྡན་བརྒྱད་པ་ཉི་མ་གྲགས་པ་ཁྲིར་ཕེབས་ལོ། ༡༤༥༥། བུག་སྦྱངས་ཆུ་བྱར་ཡུམ་བུ་ཡི། །མཁར་སྟེང་ཚི་ནྡ་མ་ཎི་སོགས། །བབས་ཏེ་ཆོས་ཀྱི་དབུ་བརྙེས་ལོ། ༡༤༤༦མཁའ་རོ་ཕྲི་ལྷག་ཆུ་བྱ་ལ། །ཐོ་རི་གཉན་བཙན་གཤེགས་ནས་ལོ། ༡༣༨༦ །གཟུགས་མེས་སྦྱངས་པའི་ཤིང་འབྲུག་ལ། །རིགས་ལྡན་དགུ་པ་ཤིན་ཏུ་བཟང་པོ་ཁྲིར་ཕེབས་ལོ། ༡༣༥༥། ཐིག་ཀླུ་དམན་ལྷག་ཤིང་བྱི་ལ། །སྲོང་བཙན་སྒམ་པོའི་ཡབ་གནམ་རི་སྲོང་བཙན་འཁྲུངས་ནས་ལོ། ༡༢༧༥མི་བདག་སྦྱངས་པའི་ལྕགས་འབྲུག་གིས། །འབྲས་དུས་ལྔ་བརྒྱ་ཕྲག་གསུམ་རྫོགས། ༡༢༥༩། སྤྱིར་སངས་རྒྱས་ཀྱི་བསྟན་པ་ལྔ་བརྒྱ་ཕྲག་བཅུ་ལས། དང་པོ་འབྲས་དུས་


ZP01_Page_468
[མ་དཔེ་གཟིགས་ན་འདིར་གནོན།]

གསུམ་ལ་དགྲ་བཅོམ་ཕྱིར་མི་འོང་ཕྱིར་འོང་རྒྱུན་ཞུགས་ཏེ། འབྲས་བུ་བཞི་ཐོབ་པ་མང་། གཉིས་པ་སྒྲུབ་པའི་དུས་གསུམ་ལ་ཚུལ་ཁྲིམས་ཏིང་ངེ་འཛིན་ཤེས་རབ་སྟེ་བསླབ་གསུམ་སྒྲུབ་པ་ཤས་ཆེ། གསུམ་པ་ལུང་གི་དུས་གསུམ་ལ་འདུལ་བ་མདོ་སྡེ་མངོན་པ་སྟེ། སྡེ་སྣོད་གསུམ་ལ་འཆད་ཉན་བྱེད་པ་མང་། །བཞི་པ་ལྔ་བརྒྱ་ཕྲག་བཅུ་པ་ལ་བཤད་སྒྲུབ་གཉིས་ཀ་མེད་པའི་རྟགས་ཙམ་འཛིན་པའོ། །རིག་བྱེད་སྦྱངས་པའི་ཤིང་སྤྲེལ་ལ། །རིགས་ལྡན་བཅུ་པ། །རྒྱ་མཚོ་རྣམ་རྒྱལ་ཁྲིར་འཁོད་ཅིང་། །མ་གར་ཀླ་ཀློ་ཞུགས་པ་དང་། །ཕྱི་རོལ་བྱེད་པའི་རྩིས་མགོ་གཟུགས། ༡༢༥༥། དེ་ལ་ལྔས་སྦྱངས་ས་གླང་ལ། །ཆོས་རྒྱལ་སྲོང་བཙན་སྒམ་པོ་བལྟམས། ༡༢༥༠་ཐོ་རི་གཉན་བཙན་ནས་རྒྱལ་རབས་ལྔ་པ་སྤྱན་རས་གཟིགས་དངོས་བོད་ཀྱི་རྒྱལ་པོར་བྱོན་པ་ཆོས་རྒྱལ་སྲོང་བཙན་སྒམ་པོའི་སྐུ་རིང་ལ། །འཇམ་དཔལ་དབྱངས་ཀྱི་སྤྲུལ་པ་ཐུ་མི་སམྦྷོ་ཊས་བོད་ཡི་གེ་མེད་པ་ལ་ཡི་གེའི་སྲོལ་བཏོད། །རྒྱ་གར་གྱི་པཎྜི་ཏ་ལྷ་རིག་པའི་སེང་གེ་ལས་སྒྲ་དང་ཡི་གེའི་རིག་པ་བསླབ། མདོ་སྡེ་ཟ་མ་ཏོག་སོགས་བོད་སྐད་དུ་བསྒྱུར། །ཕྱག་རྡོར་གྱི་སྤྲུལ་པ་བློན་པོ་མགར་དམ་པས་བློ་ཐབས་སྣ་ཚོགས་ཀྱིས་རྒྱལ་པོའི་བཙུན་མོ་རྗེ་བཙུན་སྒྲོལ་མའི་སྤྲུལ་པ་རྒྱ་ཟ་ཀོང་ཇོ་དང་། ལྷ་མོ་ཁྲོ་གཉེར་ཅན་གྱི་སྤྲུལ་པ་བལ་ཟ་ཁྲི་བཙུན་གཉིས་སྤྱན་དྲངས་པའི་བརྫོངས་སུ་ཇོ་ཤཱཀ་རྣམ་གཉིས་བོད་དུ་ཕེབས། རྒྱལ་པོས་རས་འཕྲུལ་སྣང་གི་གཙུག་ལག་ཁང་དང་། མཐའ་འདུལ་ཡང་འདུལ་གྱི་གཙུག་ལག་ཁང་བརྒྱ་རྩ་བརྒྱད་བཞེངས། ལས་དང་སྐལ་པ་ལྡན་པ་རྣམས་ལ་ཐུགས་རྗེ་ཆེན་པོའི་གདམས་སྐོར་དང་ཞལ་གདམས་མང་དུ་གསུངས་ཏེ་དམ་པ་ཆོས་ཀྱི་སྲོལ་བཏོད། ལག་མིག་ཕྲི་ལྷག་ལྕགས་ཕག་


ZP01_Page_469
[མ་དཔེ་གཟིགས་ན་འདིར་གནོན།]

ལ། །ར་ས་འཕྲུལ་སྣང་བཏབ་ནས་ལོ། ༡༢ངག་གཟུགས་ཚེས་སྦྱངས་པའི་ཆུ་རྟ་ལ། །མངའ་བདག་ཁྲི་སྲོང་ལྡེའུ་བཙན་འཁྲུངས། ༡༠༧༧ །དེ་ནས་རྒྱལ་རབས་ལྔ་པ་འཇམ་དཔལ་གྱི་སྤྲུལ་པ་ཁྲི་སྲོང་ལྡེའུ་བཙན་གྱིས་སློབ་དཔོན་པདྨ་འབྱུང་གནས་དང་། མཁན་པོ་བོདྷི་སྟྭ་སོགས་པཎྜི་ཏ་བརྒྱ་རྩ་བརྒྱད་གདན་དྲངས། སྐུ་རྟེན་དུ་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་བཞེངས། །གསུང་རྟེན་དུ་དམ་པའི་ཆོས་བཀའ་བསྟན་བཅོས་ཐམས་ཅད་བོད་དུ་བསྒྱུར། །ཐུགས་རྟེན་དུ་དགེ་འདུན་གྱི་སྡེ་བཙུགས་ཏེ་བསྟན་པ་དར་རྒྱས་སུ་མཛད་པའོ། །ཆུ་གཏེར་གྱིས་སྦྱངས་མེ་ཁྱི་ལ། །རིགས་ལྡན་བཅུ་གཅིག་པ་རྒྱལ་དཀའ་ཁྲིར་ཕེབས་རང་ལུགས་ཀྱི། །བྱེད་པའི་རྩིས་མགོ་གཙུགས་ནས་ལོ། ༡༠༧༣། དུས་གཟུགས་སྦྱངས་པའི་ཆུ་སྟག་ལ། །ཨོ་རྒྱན་སློབ་དཔོན་པདྨ་འབྱུང་། །གངས་ཅན་ལྗོངས་འདིར་ཕེབས་པ་དང་། །བསམ་ཡས་བཏབ་པ་ཕྱིན་གྱི་ལོ། ༡༠༥༧ །དེ་ལ་ཆུ་སྦྱངས་མེ་རྟ་ལ། །རབ་གནས་མངའ་གསོལ་མཛད་ནས་ལོ། ༡༠༥༣ །གཟུགས་སྦྱངས་མེ་ལུག་སད་མི་བདུན། བོད་ཀྱི་མི་རབ་འབྱུང་ཨེ་ཐུབ་སད་པའ་ཕྱིར། བཻ་རོ་སོགས་བདུན་རབ་ཏུ་བྱུང་། རབ་ཏུ་བྱུང་བ་ཕྱིན་གྱི་ལོ། ༡༠༥༢ །རི་གཟུགས་ཕྲི་བ་ལི་ཤིང་བྱི་ལ། །གནུབས་ཆེན་སངས་རྒྱས་ཡེ་ཤེས་མི་ཡུལ་དུ་ལོ་བརྒྱ་བཞུགས། འཁྲུངས། ༡༠༣༥ །སློབ་དཔོན་ཆེན་པོས་མཆིམས་ཕུའི་བྲག་དམར་ཀེའུ་ཚང་དུ་ལས་ཅན་སྙིང་གི་བུ་དགུ་ལ་སྒྲུབ་པ་བཀའ་བརྒྱད་ཀྱི་དབང་བསྐུར་བའི་ཚེ། །གསེར་སྲང་རེའི་མེ་ཏོག་དཀྱིལ་འཁོར་དུ་དོར་བས། སངས་རྒྱས་ཡེ་ཤེས་ཀྱི་མེ་ཏོག་ལྷོ་འཇམ་དཔལ་སྐུ་ཡི་དཀྱིལ་


ZP01_Page_470
[མ་དཔེ་གཟིགས་ན་འདིར་གནོན།]

འཁོར་དུ་བཅས། ངན་ལམ་རྒྱལ་བ་མཆོག་དབྱངས་ཀྱི་མེ་ཏོག་ནུབ་རྟ་མགྲིན་ལ། མཁར་ཆེན་བཟའ་མཚོ་རྒྱལ་གྱི་མེ་ཏོག་བྱང་ཕུར་བ། གནུབས་ནམ་མཁའི་སྙིང་པོའི་མེ་ཏོག་ཤར་ཡང་དག་ལ། འབྲོག་མི་དཔལ་གྱི་ཡེ་ཤེས་ཀྱི་མེ་ཏོག་ཤར་ལྷོ་མ་མོ་རྦོད་གཏོང་ལ། །གཉགས་ཆེན་ཛྙཱ་ན་ཀུ་མ་རའི་མེ་ཏོག་ལྷོ་ནུབ་བདུད་རྩི་ཡོན་ཏན་ལ་བབས། རླངས་ཆེན་དཔལ་གྱི་སེང་གེའི་མེ་ཏོག་ནུབ་བྱང་འཇིག་རྟེན་མཆོད་བསྟོད་ལ། བ་གོར་བཻ་རོ་ཙ་ནའི་མེ་ཏོག་བྱང་ཤར་དམོད་པ་དྲག་སྔགས་ལ། མངའ་བདག་ཆོས་རྒྱལ་ཆེན་པོའི་མེ་ཏོག་དབུས་ཆེ་མཆོག་ལ་བབས་ཏེ་སོ་སོའི་སྒོ་ནས་གྲུབ་པ་ཐོབ་པའོ།། ༈ །།སྤྱིར་གསང་སྔགས་རྙིང་མའི་བསྟན་པ་དང་པོ་གནུབས་ལ་བབ། །བར་དུ་སོ་ལ་བབ། ཐ་མ་ཟུར་ལ་བབ། སོ་ཟུར་གནུབས་གསུམ་སྔགས་པའི་རྒྱལ་པོར་གྲགས་པ་ལས། །དང་པོ་གནུབས་ཆེན་སངས་རྒྱས་ཡེ་ཤེས་ནི། ཨོ་རྒྱན་པདྨ་འབྱུང་གནས། པཎ་ཆེན་བི་མ་མི་ཏྲ། བལ་པོ་བ་སུ་དྷར་སོགས་རྒྱ་བལ་གྱི་མཁས་པ་མང་པོ་དང་། གཉགས་ཆེན་ཆེན་ཛྙཱན་ཀུ་མ་སོགས་བོད་ཀྱི་མཁས་པ་མང་པོའི་གདམས་ངག་མངའ། །འཇམ་དཔལ་གཤིན་རྗེའི་སྒོ་ནས་གྲུབ་པ་ཐོབ་སྟེ། གཉགས་ཀྱི་གྲོང་ཁྱེར་བདུན་ཅུ་སོགས་ཚར་བཅད་རྒྱ་གར་རྡོ་རྗེ་གདན་དུ་ནམ་མཁའ་ནས་རྡོ་རྗེ་རྩེ་དགུ་པ་ཞིག་ཕྱག་ཏུ་བབ་སྟེ་ཕྱག་ན་རྡོ་རྗེ་དངོས་སུ་གྱུར་པ་སོགས་འགྲན་ཟླ་བྲལ་བའི་མཁས་གྲུབ་ཆེན་པོ་ཡིན། དེའི་སྲས་ཀྱི་ཐུ་པོ་ས་གསུམ་བརྙེས་པ། ཁུ་ལུང་པ་ཡོན་ཏན་རྒྱ་མཚོ་སོགས་ལས་བརྒྱུད་དེ་སོའི་སྔགས་འཆང་རྣམས་ལ་བབས་ཤིང་དེ་དག་ལས་བརྒྱུད་དེ་ཟུར་ཆེན་ཤཱཀྱ་འབྱུང་གནས། །ཟུང་ཆུང་ཤེས་རབ་གྲགས་པ། གསང་བདག་སྒྲོ་ཕུག་པ་ཆེན་པོ་ཤཱཀྱ་སེང་གེ་སྟེ་ཟུར་མེས་དཔོན་རྣམ་གསུམ་


ZP01_Page_471
[མ་དཔེ་གཟིགས་ན་འདིར་གནོན།]

ནས་བཟུང་ཟུར་བྱམས་པ་སེང་གེའི་བར་དུ་རྙིང་མ་མདོ་སྒྱུ་སེམས་གསུམ་གྱི་བསྟན་པའི་བདག་པོ་ཡིན་ནོ། །ལག་མིག་སྦྱངས་པའི་མེ་ཁྱི་ལ། །མངའ་བདག་ཁྲི་རལ་འཁྲུངས་ནས་ལོ། ༡༠༡༣། མངའ་བདག་ཁྲི་སྲོང་གི་སྲས་མུ་ཏིག་བཙན་པོ་ལ་སྲས་གཙང་མ་དར་མ་ལྷ་རྗེ་ལྷུན་གྲུབ་རལ་བ་ཅན་དང་ལྔ་ཡོད་པའི་ཆུང་བ་ཕྱག་རྡོར་གྱི་སྤྲུལ་པའོ། །ཕྱོགས་སྦྱངས་མེ་སྤྲེལ་ཨོ་རྒྱན་རྗེ། །རྔ་ཡབ་གླིང་དུ་གཤེགས་ནས་ལོ། ༡༠༠༣། རྒྱལ་པོ་སྦྱངས་པའི་ཆུ་བྱི་ལ། །བསྟན་པའི་ཉི་མ་བླ་ཆེན་འཁྲུངས། ༩༨༧། བུག་སྦྱངས་ལྕགས་བྱར་གླང་དར་མས། །བསྟན་པ་བསྣུབས་པ་ཕྱིན་གྱི་ལོ། ༩༧༨། ཟུང་དབང་གིས་ཕྲི་ཆུ་གླང་ལོ། །བསྟན་པ་ཕྱི་དར་ཐོག་མར་ངེས། ༩༢༦། ཇོ་བོ་དབཱི་པཾ་ཀར་འདི་ཟ་ཧོར་རྒྱལ་པོ་དགེ་བ་དཔལ་གྱི་སྲས་ཡིན། ཟབ་མོ་ལྟ་བརྒྱུད་རྒྱ་ཆེན་སྤྱོད་རྒྱུད་ཉམས་ལེན་བྱིན་རླབས་ཀྱི་བརྒྱུད་པ་གསུམ་གྱི་གདམས་ངག་ཐམས་ཅད་རྫོགས། །ལྷ་བླ་མ་ཡེ་ཤེས་འོད་ཀྱི་ཞལ་ཆེམས་བཞིན་དབོན་ཞི་བ་འོད་ཀྱིས་ལོ་ཙཱ་བ་མང་པོ་སྔ་ཕྱིར་བཏང་ནས་དཀའ་བ་ཆེན་པོས་བོད་དུ་སྤྱན་དྲངས་ནས། བྱང་ཆུབ་སེམས་ཀྱི་བསྟན་པ་སྤེལ་ཞིང་ཁྱད་པར་དུ་རྗེ་བཙུན་སྒྲོལ་མའི་ལུང་བསྟན་བཞིན་འགྲོམ་སྟོན་པ་རྒྱལ་བའི་འབྱུང་གནས་སྲས་ཀྱི་ཐུ་བོར་གྱུར་ཏེ་དེ་ལ་ཆོས་ཐམས་ཅད་བུམ་པ་གང་བྱོས་ཚུལ་དུ་གཏད། འབྲོམ་སྟོན་གྱིས་རྭ་སྒྲེང་དཔལ་གྱི་དགོན་པ་བཏབ། དེ་ལ་སྲས་སྐུ་མཆེད་གསུམ་སོགས་ཇོ་བོ་ཡབ་སྲས་ཀྱི་སློབ་བརྒྱུད་རྣམས་ལ་བཀའ་གདམས་པ། ཞེས་གསར་མའི་གྲུབ་མཐར་ཆེ་ཤོས་ཤིག་ཡིན། ད་ལྟ་དགེ་ལུགས་པ་རྣམས་རྗེ་བློ་བཟང་གྲགས་པ་མན་ལ་བཀའ་གདམས་གསར་མ་དང་། དེ་


ZP01_Page_472
[མ་དཔེ་གཟིགས་ན་འདིར་གནོན།]

ཡན་ལ་བཀའ་གདམས་རྙིང་མ་ཞེས་ཟེར་རོ། འབྱུང་བས་སྦྱངས་པའི་ས་རྟ་ལ། །ལོ་ཆེན་རིན་ཆེན་བཟང་པོ་འཁྲུངས། ༩༢༡། བསྟན་པ་ཕྱི་དར་གསར་མའི་ལོ་ཙཱ་བ་ཐམས་ཅད་ཀྱི་ཐོག་མ། དེ་ལ་ཚེས་སྦྱངས་ཆུ་བྱ་དེ། །ཕྱི་དང་ཐོག་མར་བུ་སྟོན་བཞེད། ༩༠༦ །དེ་ལ་ལྔས་སྦྱངས་ས་སྟག་དེ། །ཕྱི་དར་ཐོག་མར་འབྲོམ་སྟོན་བཞེད། །རྒྱ་གར་གྱི་པཎ་ཆེན་ནཱ་རོ་པའི་ལྕམ་ནི་གུ་མའི་སློབ་མ་ཤངས་པ་བཀའ་བརྒྱུད་ཀྱི་བསྟན་པའི་བདག་པོ་ཡིན་ཁྱུང་པོའི་རྣལ་འབྱོར་འཁྲུངས་ལོ་ཡིན། ༩༡༡ །དེ་ལ་མཚོས་དམན་ཆུ་རྟ་ལ། །ཇོ་བོ་དཱི་པཾ་ཀ་ར་འཁྲུངས། ༨༩༧། ལག་མིག་སྦྱངས་པའི་ཤིང་འབྲུག་ལ། །འབྲོམ་སྟོན་རྒྱལ་བའི་འབྱུང་གནས་འཁྲུངས། ༨༧༥། དེ་ལ་ཀླུས་སྦྱངས་ཆུ་བྱི་ལ། །མངའ་བདག་མར་པ་ལོ་ཙཱ་དང་། །འདི་རྒྱ་གར་དུ་བྱོན་ནས་པཎ་ཆེན་ནཱ་རོ་པའི་ཐུགས་སྲས་སུ་གྱུར་ཏེ། གསང་སྔགས་ཀྱི་རྒྱུད་སྡེ་ཐམས་ཅད་གསན། མངའ་བདག་མཻ་ཏྲི་པ་ལ་གྲུབ་ཐོབས་ར་ཧ་ནས་བརྒྱུད་པའི་ཕྱག་རྒྱ་ཆེན་པོའི་གདམས་ངག་གསན། །བོད་དུ་བྱོན་ནས་བསྟན་པ་བསྐྱངས་པས་རྔོག་ཆོས་སྐུ་རྡོ་རྗེ། མཚུར་སྟོན་དབང་ངེ ། གཙང་རོང་གི་མེས་སྟོན་ཚོན་པོ་རྗེ་བཙུན་མི་ལ་རས་པ་སྟེ་ཐུགས་སྲས་ཀ་བ་བཞི་ལས་རྗེ་བཙུན་མི་ལི་སློབ་མ་མཉམ་མེད་དྭགས་པོ་རིན་པོ་ཆེ་དང་པོ་རྒྱ་ལྕགས་རི་བ་སོགས་ལས་བཀའ་གདམས་གསན། ཕྱི་ནས་རྗེ་བཙུན་མི་ལ་ལས་ཕྱག་ཆེན་དང་ཆོས་དྲུག་སོགས་གསན་ནས་བཀའ་ཕྱག་ཆུ་བོ་གཅིག་འདྲེས་ཟེར། འདི་རྣམས་ཀྱི་བརྒྱུད་པ་ལ་བཀའ་བརྒྱུད་ཟེར་རོ། །དེ་ཡང་གསར་མའི་གྲུབ་མཐའ་ཆེ་ཤོས་ཤིག་ཡིན། གྲྭ་པ་མངོན་ཤེས་རྒྱུད་བཞིའི་གཏེར་སྟོན་འཁྲུངས་


ZP01_Page_473
[མ་དཔེ་གཟིགས་ན་འདིར་གནོན།]

ནས་ལོ། ༨༦༧། མིག་སྦྱངས་ཤིང་སྟག་ཟུར་ཚུང་བལྟམས། ༨༦༥། དེ་ལ་འདོད་སྦྱངས་མེ་ཡོས་ནི། །རབ་བྱུང་དང་པོའི་ཐོག་མ་སྟེ། །རིགས་ལྡན་བཅུ་གཉིས་པ་ཉི་མ་ཁྲིར་ཕེབས་ཤིང་། །དུས་འཁོར་རྒྱུད་འགྲེལ་འཕགས་བོད་ཕེབས་པའི་ལོ། ༨༥༢ །སླར་ཡང་འདོད་སྦྱངས་ལྕགས་འབྲུག་ལ། །མི་ལ་བཞད་པ་རྡོ་རྗེ་འཁྲུངས། ༨༣༩ །དེ་ལ་ཉི་སྦྱངས་ཆུ་འབྲུག་ལ། །འཛེང་སྒོམ་དྷརྨ་བོ་དྷི་འཁྲུངས། ༨༢༧། ལྔ་ཕྲི་མེ་བྱར་འབྲོམ་སྟོན་པའི་གདན་ས་རྭ་སྒྲེང་བཏབ། ༨༢༢ །མིག་སྦྱངས་ས་ཕག་རྔོག་ལོ་འཁྲུངས། ༨༢༠ །དེ་བ་མ་ནུ་ཕྲི་བ་ཡི། །ཆུ་མོ་གླང་ལ་གསང་ཕུ་དང་། །རྔོག་ལོའི་གདན་ས། ཀློང་སྡེའི་བརྒྱུད་པ་ཞིག་ཡིན། དཔལ་ལྡན་ས་སྐྱ་བཏབ་ནས་ལོ། ༨༠༦ །དེ་ལ་གཟུགས་སྦྱངས་ཤིང་སྟག་ལ། །ཟུར་ཆུང་བའི་སྲས་གསང་བདག སེང་གེ་འཁྲུངས། ༨༠༥ །ལྔས་སྦྱངས་ས་མོ་ལུག་གི་ལོ། །དྭགས་པོ་ཟླ་འོད་གཞོན་ནུ་འཁྲུངས། ༨༠༠ །མི་ལའི་སློབ་མ། གདེངས་ཀས་སྦྱངས་པའི་མེ་ཡོས་དེ། །རབ་བྱུང་གཉིས་པའི་ཐོག་མ་ཡིན། ༧༩༢ །སློབ་དཔོན་ཆེན་པོའི་སློབ་མ་འཁོན་ཀླུ་དབང་བསྲུང་བ། དེའི་ཚ་རྒྱུད་ལ་འཁོན་རོག་ཤེས་རབ་ཚུལ་ཁྲིམས་ཡན་རྙིང་མ་པ་ཡིན། དེའི་སྲས་འཁོན་དཀོན་མཆོག་རྒྱལ་པོས་འབྲོག་མི་ལོ་ཙཱའི་སློབ་མ་ཞང་དཀོན་པ་ལས་ལམ་འབྲས་གསན། དེ་ཕྱིན་ཆད་གསར་མ་བར་གྱུར། དཀོན་མཆོག་རྒྱལ་པོའི་སྲས་ས་ཆེན་ཀུན་དགའ་སྙིང་པོ། དེའི་སྲས་བསོད་ནམས་རྩེ་མོ་དང་། རྗེ་བཙུན་གྲགས་པ་རྒྱལ་མཚན། ས་ཆེན་ཡོངས་རྫོགས་དགེ་བསྙེན་


ZP01_Page_474
[མ་དཔེ་གཟིགས་ན་འདིར་གནོན།]

དང་། སྲས་གཉིས་ཚངས་སྤྱོད་དགེ་བསྙེན་མཛད་པས་འདི་གསུམ་ལས་སྐྱའི་དཀར་པོ་རྣམ་གསུམ་ཟེར། རྗེ་བཙུན་གྲགས་པའི་ཚ་བོ་འཇམ་དབྱངས་ས་སྐྱ་པཎ་ཆེན། དེའི་སྐུ་མཆེད་ཟངས་ཚ་བསོད་ནམས་རྒྱལ་མཚན། །དེའི་སྲས་འགྲོ་མགོན་ཆོས་རྒྱལ་འཕགས་པ་དང་འདི་རྣམ་གཉིས་དགེ་སློང་ཡིན་པས་དམར་པོ་རྣམ་གཉིས་ཟེར། འདི་ལྔ་ལ་ས་སྐྱའི་རྗེ་བཙུན་གོང་མ་ལྔ་ཟེར། འདི་དག་ལས་བརྒྱུད་པ་རྣམས་ལ་དཔལ་ལྡན་ས་སྐྱ་པ་ཞེས་ཟེར་རོ། །བོད་ཀྱི་གསར་མའི་གྲུབ་མཐའ་ཆེ་ཤོས་ཤིག་ཡིན། མཚོས་སྦྱངས་ལྕགས་ལུག་བྱ་འདུལ་བལྟམས། ༧༨༨ །ལོ་དེར་དམ་པ་དིང་རིར་ཕེབས། །འདི་ཡི་བརྒྱུད་པ་ལ་ཞི་བྱེད་པ་ཞེས་སྔོན་གསར་མའི་གྲུབ་མཐའ་ཞིག་ཏུ་བརྩི་ཡང་ད་ལྟ་འདིའི་བརྒྱུད་པ་འཛིན་པའི་གྲུབ་མཐའ་འཛིན་པ་ལོགས་སུ་མེད། གཟུགས་སྦྱངས་ཆུ་སྤྲེལ་ས་ཆེན་འཁྲུངས། ༧༨༧ །ས་སྐྱ་གོང་མ་ལྔའི་དང་པོ། དེ་ནས་མིག་སྦྱངས་ཤིང་ཁྱི་ལ། །ལྕེ་སྟོན་རྒྱ་ནག་འཁྲུངས་ནས་ལོ། ༧༨༥ །གསང་བདག་སྒྲོ་ཕུག་པའི་སློབ་མ། ཡོན་ཏན་གྱིས་སྦྱངས་མེ་གླང་ལ། །ཞང་སྟོན་བཀྲ་ཤིས་རྡོ་རྗེ་འཁྲུངས། ༧༨༢ །རྫོགས་ཆེན་མན་ངག་སྡེའི་སྙིང་ཐིག་གི་བརྒྱུད་པ་པཎ་ཆེན་བི་མ་མི་ཏྲ། །གནས་བརྟན་ལྡང་མ་ལྷུན་རྒྱལ། ལྕེ་བཙུན་སེང་གེ་དབང་ཕྱུག །དེའི་སློབ་མ་ཞང་སྟོན། དེ་ལ་ཁྱིམ་སྦྱངས་ས་གླང་ལ། །ཆ་བ་ཆོས་ཀྱི་སེང་གེ་འཁྲུངས་ཤིང་རྔོག་ལོ་གཤེགས། ༧༧༠ །བསེ་རུས་སྦྱངས་པའི་ལྕགས་སྟག་ལ། །ཕག་གྲུ་དུས་མཁྱེན་རྣམ་གཉིས་འཁྲུངས། ༧༦༩་དྭགས་པོའི་སློབ་མ་ཁམས་པ་མི་གསུམ་གྱི་ནང་ཚན། །འདོད་སྦྱངས་ཆུ་ཡོས་ཞང་གཡུ་བྲག །དྭགས་པོའི་སློབ་མ། །བལྟམས་༧༥༦


ZP01_Page_475
[མ་དཔེ་གཟིགས་ན་འདིར་གནོན།]

ཤིང་གཟུགས་དམན་ཤིང་འབྲུག་ལ། །རྙིང་མའི་གཏེར་སྟོན་མཆོག་གཉིས་ཀྱི་དང་པོ་ཉང་རལ་ཉི་མ་འོད་ཟེར་འཁྲུངས། ༧༥༥ །ལག་ཕྲི་མེ་རྟར་དབུས་ཞིག་དང་། །ལྷ་རྗེ་ཡོན་ཏན་སྲས་གཉིས་འཁྲུངས། ༧༥༣ །རྙིང་མ་བ་གཉིས། ཟླ་བས་དམན་པའི་མེ་ལུག་ལ། །པཎ་ཆེན་ཤཱཀྱ་ཤྲཱི་དང་། །རྒྱ་གར་ཁ་ཆེའི་པཎ་ཆེན་ཡིན་ཏེ། ད་ལྟ་བོད་ན་འདུལ་བའི་སྡོམ་རྒྱུན་གཉིས་ཡོད་པའི་གཅིག་འདི་ཡིན། །ཏེ་ནེ་བལྟམས་ཤིང་ཤམྦྷ་ལའི། །སིང་ཁྲིར་བཅུ་གསུམ་པ་སྣ་ཚོགས་གཟུགས་ཕེབས་ལོ། ༧༥༢ །གཟུགས་ཕྲིས་སྤྲེལ་གླིང་རས་པ། །འཁྲུངས་ཤིང་༧༥༡་རྡོ་རྗེ་འཆང་ཆེན་ཏཻ་ལོ་ནཱ་རོ་དང་། །མར་པ་མི་ལ་ཆོས་རྗེ་སྒམ་པོ་པ། །ཆེ་བཞི་ཆུང་བཞི་བརྒྱུད་པར་བཅས་པ་ཡི། །བཀའ་བརྒྱུད་བླ་མ་རྣམས་ལ་ཕྱག་འཚལ་ལོ། །ཞེས་པ་ལྟར་མར་མི་དྭགས་གསུམ་གྱི་བརྒྱུད་པ་ལ། ཀརྨ་བཀའ་བརྒྱུད། འབྲུག་པ་བཀའ་བརྒྱུད། འབྲི་གུང་བཀའ་བརྒྱུད། ཚལ་པ་བཀའ་བརྒྱུད། །སྟག་ལུང་བཀའ་བརྒྱུད་སོགས་མང་ཞིག་ཡོད་པ་ལས། ཀརྨ་བཀའ་བརྒྱུད་ནི་དྭགས་པོའི་སློབ་མ་ཁམས་པ་མི་གསུམ་ལས། རྗེ་དུས་གསུམ་མཁྱེན་པ། དེའི་སྤྲུལ་སྐུ་ཀརྨ་པཀྴི། དེའི་སྤྲུལ་སྐུ་རང་བྱུང་རྡོ་རྗེའི་སྐྱེ་བ་སྔ་ཕྱི་གཉིས་ཀྱི་བར་དུ་མངལ་གྱི་དྲི་མས་མ་གོས་པ། རྒྱལ་བ་ཤཱཀྱ་ཐུབ་པ་དང་མཉམ་པར་གྲགས། །དེའི་སྤྲུལ་སྐུ་ཀརྨ་པ་རོལ་པའི་རྡོ་རྗེ། །ལྔ་པ་དེ་བཞིན་གཤེགས་པ། །དྲུག་པ་མཐོང་བ་དོན་ལྡན། བདུན་པ་ཅོས་གྲགས་རྒྱ་མཚོ། །བརྒྱད་པ་མི་བསྐྱོད་རྡོ་རྗེ། །འདི་ཡན་ལ་ཀརྨ་རབ་བརྒྱད་དུ་གྲགས་ཤིང་། །དེའི་སྐུ་ཕྲེང་རིམ་པར་བྱོན་པ་རྣམས་ད་ལྟའི་བར་དུ་མཚུར་ཕུ་ན་བཞུགས་པ་རྣམས་ཡིན། །


ZP01_Page_476
[མ་དཔེ་གཟིགས་ན་འདིར་གནོན།]

ཕག་གྲུའི་སློབ་མ་འགྲོ་མགོན་གླིང་རྗེ་རས་པ། དེའི་སློབ་མ་གཙང་བ་རྒྱ་རས་པ། དེའི་སློབ་མ་ལོ་རས་དབང་ཕྱུག་རྡོ་རྗེ། །འདི་དག་གིས་སློབ་བརྒྱུད་ལ་དཔལ་ལྡན་འབྲུག་པ་བཀའ་བརྒྱུད་དུ་གྲགས་ཤིང་། སྔོན་མི་ཕྱེད་འབྲུག་པ། འབྲུག་ཕྱེད་སྤྲང་པོ། སྤྲང་ཕྱེད་གྲུབ་ཐོབ་ཏུ་གྲགས་ཤིང་། འབྲུག་པའི་བསྟན་པ་བྱ་རྒོད་པོའི་ཉིན་ལམ་བཅོ་བརྒྱད་དུ་ཁྱབ་པར་གྲགས་སོ།། ༈ །།ཡང་ཕག་གྲུའི་སློབ་མ་འབྲི་གོང་སྐྱོབ་པ་འཇིག་རྟེན་མགོན་པོ། དེའི་སློབ་བརྒྱུད་རྣམས་འབྲི་གོང་བཀའ་བརྒྱུད་དུ་གྲགས། ཞང་གཡུ་གྲགས་འགྲོ་བའི་མགོན་པོ་ཞེས་པ་མཉམ་མེད་དྭགས་པོའི་སློབ་མ་ཡིན། །དེའི་བརྒྱུད་པ་ལ་ཚལ་བ་བཀའ་བརྒྱུད་དུ་གྲགས། ཕག་གྲུའི་སློབ་མ་གཟིམ་གཡོག་སྟག་ལུང་པའི་བརྒྱུད་པ་རྣམས་ལ་སྟག་ལུང་བཀའ་བརྒྱུད་དུ་གྲགས་སོ། །ཡིད་སྦྱངས་ཆུ་ཁྱིལ། །ས་སྐྱ་གོང་མ་གཉིས་པ་སློབ་དཔོན་བསོད་ནམས་རྩེ་མོ་དང་། །ཕག་གྲུའི་སློབ་མ་སྟག་ལུང་བཀའ་བརྒྱུད་ཐོག་མ། །སྟག་ལུང་ཐང་པ་འཁྲུངས་ནས་ལོ། ༧༣༧ །དེ་ལ་གཟུགས་དམན་ཆུ་ཕག་ལ། །འབྲི་གོང་འཇིག་རྟེན་གསུམ་མགོན་འཁྲུངས། ༧༣༦ །ཕག་གྲུའི་སློབ་མ་འགྲི་གོང་བཀའ་བརྒྱུད་ཀྱི་ཐོག་མ། །ཆུས་སྦྱངས་རབ་བྱུང་གསུམ་པ་ཡི། །མེ་ཡོས་རྗེ་བཙུན་གྲགས་རྒྱལ་འཁྲུངས། ༧༣༢ །ས་སྐྱའི་གོང་མ་གསུམ་པ། །དེ་ལ་མིག་སྦྱངས་ས་སྤྲུལ་ལ། །རྙིང་མ་བ་ཞིག་པོ་བདུད་རྩི་འཁྲུངས་ལོ་ཡིན། ༧༣༠ །དེ་ཡི་སྟེང་ནས་བུ་གས་སྦྱངས། །ས་སྟག་རྫོགས་ཆེན་བརྒྱུད་པ་ཞང་སྟོན་ཀྱི་སྲས་མཁས་པ་ཉི་འབུམ་འཁྲུངས། ༧༢༡ །རྩེ་མོས་སྦྱངས་པའི་ལྕགས་སྤྲུལ་ལ། །འགྲོ་མགོན་གཙང་པ་རྒྱ་རས་འཁྲུངས། ༧༡༨་གླིང་རས་སློབ་མ་ཡིན།


ZP01_Page_477
[མ་དཔེ་གཟིགས་ན་འདིར་གནོན།]

འབྱུང་བས་སྦྱངས་པའི་མེ་ཁྱི་ལ། །རོག་གི་མཁས་པ་ཤེར་འོད་འཁྲུངས། ༧༡༣ །རྙིང་མ་པ། སླར་ཡང་ལྔས་སྦྱངས་ལྕགས་ཡོས་ལ། །ཞིག་པོ་ཉི་མ་སེང་གེ་འཁྲུངས། ༧༡༨་རྙིང་མ་བ་ཡིན། དྲག་པོས་ཕྲི་བའི་ཆུ་སྟག་ལ། །ས་སྐྱ་གོང་མ་བཞི་པ་ས་སྐྱ་པཎ་ཆེན་འཁྲུངས་ནས་ལོ། ༦༩༧། དེ་ལ་ཐུབ་སྦྱངས་ས་བྱ་ལ། །རྒོད་ཚངས་མགོན་པོ་རྡོ་རྗེ་འཁྲུངས། ༦༩༠། ཕག་གྲུའི་སློབ་མ། སླར་ཡང་བདུན་སྦྱངས་མེ་འབྲུག་ལ། །རྫོགས་ཆེན་སྙིང་ཐིག་གི་བརྒྱུད་པ་མཁས་པ་ཉི་འབུམ་གྱི་སློབ་མ་གུ་རུ་ཇོ་འབེར་བལྟམས་ནས་ལོ། །ཕྱོགས་སྦྱང་མེ་སྟག་པཀྴི་འཁྲུངས། ༦༧༣ །ཀརྨ་པ་གཉིས་པ། དེ་ལ་གཟུགས་ཕྲི་མེ་ཡོས་དེ། །རབ་བྱུང་བཞི་པའི་ཐོག་མ་ཡིན། ༦༧༢་འབྱུང་བ་དང་སྐྱངས་པའི་ཆུ་སྤྲེལ་ལ། །གཏེར་སྟོན་མཆོག་གཉིས་པ་གུ་རུ་ཆོས་ཀྱི་དབང་ཕྱུག་བལྟམས། ༦༦༧ །རིག་བྱེད་ཕྲི་བའི་མེ་བྱི་ལ། །སྙེ་མདོ་ཐམས་ཅད་མཁྱེན་པ་འཁྲུངས། ༦༦༣་གསར་མ་པ། བུ་གས་སྦྱབས་པའི་ཤིང་བྱ་ལ། །བྱང་རྡོར་གཉིས་ཀྱི་ཆོས་སྡེ་བཙུགས། ༦༥༤ །དེ་ལས་མིག་སྦྱངས་མེ་ཕག་ལ། །བཅུ་བཞི་པ་རིགས་ལྡན་ཟླ་འོད་སྟོན་པར་ཕེབས། ༦༥༢ །ནོར་ལྷ་སྦྱངས་པའི་ཤིང་ལུག་ལ། །འགྲོ་མགོན་ཆོས་རྒྱལ་འཕགས་པ་འཁྲུངས། ༦༤༤ །ས་སྐྱའི་གོང་མ་ལྔ་པའོ། །དེ་ལས་གཟུགས་ཕྲི་མེ་སྦྲེལ་ལ། །སྐལ་ལྡན་ཡང་ཀླུང་སྤྲུལ་སྐུ་འཁྲུངས། ༦༤༣ །རྩེ་མོས་སྦྱངས་པའི་ས་ཕག་ལ། །གྲུབ་ཐོབ་མན་ལུང་གུ་རུ་འཁྲུངས། དེའི་སློབ་མ། ༦༤༠ །རིག་བྱེད་སྦྱངས་པའི་ཆུ་ཡོས་ལ། །གྲུབ་


ZP01_Page_478
[མ་དཔེ་གཟིགས་ན་འདིར་གནོན།]

ཆེན་མེ་ལོང་རྡོ་རྗེ་དང་། །རྫོགས་ཆེན་སྙིང་ཐིག་གི་བརྒྱུད་པ་གུ་རུ་ཇོ་འབེར་གྱི་སློབ་མ་འཁྲུལ་ཞིག་སེང་གེ་རྒྱབ་པ། ཀུན་སྤངས་ཐུགས་རྗེ་ཇོ་ནང་པའི་བླ་བརྒྱུད་གོང་མ་ཞིག་བརྩོན་འགྲུས་བལྟམས། ༦༣༦ །ཕྱོགས་སྦྱང་ཆུ་གླང་ས་སྐྱ་པས། །བོད་ཁམས་ཡོངས་ལ་ཁ་ལོ་བསྒྱུར། ༦༢༦ །ཆོས་རྗེ་ས་སྐྱ་པཎ་ཆེན་གྱི་སྐུ་རིང་ལ། རྒྱ་ནག་གི་རྒྱལ་ས་ཧོར་གྱིས་ཕྲོགས་ནས། ཧོར་རྒྱལ་པོའི་དམག་དཔོན་དོར་རྟ་ནག་པོས་གཙོ་བྱས་ཧོར་དམག་བོད་དུ་འོངས་ནས། མཐོང་ཚད་བསད་ན་བྲོས་ཚད་སྐྲག །ཅེས་པའི་ལུང་བུད་དེས་བོད་དུ་བཙན་པོའི་མཁར་ཐམས་ཅད་བཤིགས། སྐྱེས་པའི་མི་ཐམས་ཅད་བསད་པའི་སྐབས་ཤིག་ན་ཧོར་རྒྱལ་པོ་ལ་ཆོས་ཀྱི་བསམ་པ་སྐྱེས་ཏེ། ས་སྐྱ་པཎ་ཆེན་གདན་དྲངས་ཡང་ཆོས་མ་ཞུས་པར་ལོ་མང་དུ་འགོར་བས་ས་པཎ་ཧོར་ཡུལ་དུ་སྐུ་གཤེགས། རྒྱལ་པོ་དེའི་སྲས་སེ་ཆེན་རྒྱལ་པོས་ཆོས་རྒྱལ་འཕགས་པ་གདན་དྲངས། དབང་ལན་གསུམ་ཞུས་པའི་དབང་ཡོན་དུ་དང་པོ་བོད་ཁྲི་སྐོར་བཅུ་གཉིས་ཕུལ། བར་པ་ལ་བོད་ཆོལ་ཁ་གསུམ་ཞེས་པ་དབུས་གཙང་དམ་པ་ཆོས་ཀྱི་ཆོལ་ཁ། མདོ་སྟོད་མགོ་ནག་མི་ཡི་ཆོལ་ཁ། མདོ་སྨད་གྱི་ལིང་རྟའི་ཆོལ་ཁ་སྟེ་གསུམ་ཕུལ། རྗེས་མ་ལ་རྒྱ་ཡི་མི་ཡུལ་ཆེན་པོ་ཡན་ཆད་ཕུལ་བས། ས་སྐྱའི་དཔོན་ཆེན་བསྐོས་ཏེ། བོད་ཁ་བ་ཅན་གྱི་རྒྱལ་ཁམས་ལ་དཔལ་ལྡན་ས་སྐྱ་པས་དབང་མཛད་པ་ཡིན་ནོ། །མྱོས་བྱེད་སྦྱངས་པའི་མེ་སྟག་ལ། །རིག་འཛིན་ཀུ་མ་རཱ་ཛ་འཁྲུངས། ༦༡༣ །མེ་ལོང་རྡོ་རྗེའི་སློབ་མ། དེ་ལ་བསེ་རུས་སྦྱངས་པ་ཡི། །མེ་ཡོས་རབ་བྱུང་ལྔ་པར་སླེབས། ༦༡༢


ZP01_Page_479
[མ་དཔེ་གཟིགས་ན་འདིར་གནོན།]

བུག་སྦྱངས་མེ་ཁྱི་དབང་ལོ་འཁྲུངས། ༦༠༣ །སྙན་ངག་སོགས་རིགས་གནས་སྐོར་ལ་བཀའ་དྲིན་ཆེ་བའི་ལོ་ཙཱ་བ། རི་སྦྱངས་ཆུ་ལག་ཟུར་བྱམས་སེང་། །རྙེད་མའི་ཟུར་པའི་བརྒྱུད་པ་སྒྲོལ་ཆེན་བསམ་འགྲུབ་རྡོ་རྗེ་དང་གཡུང་སྟོན་རྡོ་རྗེ་དཔལ་བཟང་གཉིས་ཀྱི་བླ་མ་ཡིན། ༤༩༦ །འཁྲུངས་ཤིང་གཟུགས་ཕྲི་ཤིང་སྤྲེལ་ལ། །ཀུན་མཁྱེན་རང་བྱུང་རྡོ་རྗེ་དང་། །ཀརྨ་པ་གསུམ་པ། གཡུང་སྟོན་རྡོ་རྗེ་དཔལ་གོང་གི་བླ་མ་འདི་གཉིས་ཀྱི་སློབ་མ་བཀའ་རྙིང་ཐུན་མོང་གི་བླ་མ་ཡིན། གཉིས་བལྟམས། །དེ་ནས་དུས་སྦྱངས་ལྕགས་སྟག་ལ། །ཐམས་ཅད་མཁྱེན་པ་བུ་སྟོན་འཁྲུངས། ༥༨༩ །གསར་མ་སྤྱིའི་ཡོངས་གྲགས་ཀྱི་མཁས་པ་ཆེན་པོ། ལག་པས་དམན་པའི་ཆུ་འབྲུག་ལ། །ཀུན་མཁྱེན་ཤེས་རབ་རྒྱལ་མཚན་འཁྲུངས། ༥༨༧ །དབུ་མ་གཞན་སྟོང་གི་སྲོལ་འབྱེད་ཇོ་ནང་བའི་བསྟན་པའི་བདག་པོ་ཡིན། གཡུ་མོ་མི་བསྐྱོད་རྡོ་རྗེ་ཞེས་པའི་གསར་མའི་གྲུབ་ཐོབ་ཞིག་བྱོན་པའི་སློབ་རྒྱུད་ལ། ཀུན་སྤངས་ཐུགས་རྗེ་བརྩོན་འགྲུས། །བླ་མ་ཡོན་ཏན་དཔལ་གཉིས་ཀྱི་དྲུང་ནས་ཀུན་མཁྱེན་དོལ་པོ་པ་ཤེས་རབ་རྒྱལ་མཚན་གྱིས་གསར་རྙིང་གི་ཆོས་མང་པོ་གསན། །ཁྱད་པར་དུ་དུས་འཁོར་གྱི་སྒོ་ནས་གྲུབ་པ་ཐོབ། རིགས་ལྡན་པདྨ་དཀར་པོ་དང་སློབ་དཔོན་པདྨ་འབྱུང་གནས། ཆོས་རྒྱལ་སྲོང་བཙན་སྒམ་པོ་རྣམས་ཀྱི་སྤྲུལ་པར་ཞལ་གྱིས་བཞེས། མདོ་དོན་མཐར་ཐུག་གཞན་སྟོང་དབུ་མ་དང་། རྒྱུད་དོན་མཐར་ཐུག་རྡོ་རྗེའི་རྣལ་འབྱོར་ཞེས་པ་དུས་འཁོར་གྱི་རྫོགས་རིམ་ཡིན་ལ། །འདི་དག་གི་སྒོ་ནས་བསྟན་པ་བསྐྱང་བའི་བརྒྱུད་འཛིན་རྣམས་ལ་ཇོ་ནང་པ་ཞེས་གསར་མའི་གྲུབ་མཐའ་


ZP01_Page_480
[མ་དཔེ་གཟིགས་ན་འདིར་གནོན།]

གཅིག་ཡིན་ཀྱང་། བསྟན་པ་ཉམས་ཉེས་ཆེ་བས་ད་ལྟ་ཤར་ཛམ་ཐང་སོགས་ཁ་ཤས་ལས་མི་བཞུགས། །སླར་ཡང་མིག་སྦྱངས་ཤིང་རྟ་ལ། །སྒྲོལ་ཆེན་བསམ་འགྲུབ་རྡོ་རྗེ་འཁྲུངས། ༥༨༥ །རྙིང་མ་པ་ཡིན། གཟུགས་སྦྱངས་ཤིང་ལུག་ཐོགས་མེད་དང་། ༥༨༤་བོད་ཀྱི་དངུལ་ཆུ་ཐོགས་མེད། རི་སྦྱངས་ཆུ་སྟག་བྱང་རྩེ་བལྟམས། །༥༧༧ །ལོ་ཆེན་བྱང་ཆུབ་རྩེ་མོ། དེ་ལ་རོས་སྦྱངས་ས་སྤྲེལ་ལ། །ཀུན་མཁྱེན་དྲི་མེད་འོད་ཟེར་འཁྲུངས། ༥༧༦ །རྫོགས་ཆེན་བརྒྱུད་པ་ཀུ་མ་རཱ་ཛའི་སློབ་མ་ཡིན། རིག་བྱེད་སྦྱངས་པའི་ཆུ་བྱི་ལ། །དཔལ་ལྡན་བླ་མ་དམ་པ་འཁྲུངས། ༥༦༧ །ཆོས་རྒྱལ་འཕགས་པའི་ཚ་བོ་བླ་མ་བདག་ཉིད་ཆེན་པོ་བཟང་པོ་དཔལ་གྱི་སྲས་ཡིན་ནོ། །ཆོས་སྦྱངས་རབ་བྱུང་དྲུག་པ་ཡི། །ཐོག་མའི་མེ་མོ་ཡོས་དེ་ལ། །རིགས་ལྡན་མཐའ་ཡས་སེང་ཁྲིར་རིགས་ལྡན་བཅོ་ལྔ་པ་ཕེབས། ༥༥༢ །བུག་གཟུགས་སྦྱངས་པའི་མེ་ཁྱི་ལ། །རྡོ་རྗེ་གླིང་པ་འཁྲུངས་ནས་ལོ། ༥༣༣ །གཏེར་སྟོན་གླིང་པ་བརྒྱད་ཀྱི་ནང་ཚན་བཻ་རོའི་སྐྱེ་མཐའ་ཡིན། །དེ་ལས་མིག་སྦྱངས་ས་བྱི་ལ། །ཀུན་མཁྱེན་གཡག་པོ་འཁྲུངས་ནས་ལོ། ༥༣༡ །དཔལ་ལྡན་ས་སྐྱའི་བསྟན་འཛིན་གྱི་གཙོ་བོ་བཞི། མདོ་ཕྱོགས་ཀྱི་བསྟན་འཛིན་གྱི་གཙོ་བོ་གཡག་རོང་གཉིས། །སྔགས་ཕྱོགས་ཀྱི་བསྟན་འཛིན་གྱི་གཙོ་བོ་ངོར་རྫོང་གཉིས་སུ་གྲགས་པ་ལས། ཀུན་མཁྱེན་གཡག་པོ་ཞེས་པ་ནི། མཁས་པ་ཆེན་པོ་ཡིན་ཞིང་། སློབ་རྒྱུད་ཀྱང་ཡོད་ཚོད་འདུག་སྟེ་ད་ལྟ་དགོན་པ་སོགས་ཡོད་པ་མ་ཐོས་སོ། །གཟུགས་སྦྱངས་ས་གླང་ཕག་གྲུ་ཡི། ཏཱ་སིས་བོད་ཁམས་ཁ་ལོ་བསྒྱུར། །ས་སྐྱའི་བླ་མ་


ZP01_Page_481
[མ་དཔེ་གཟིགས་ན་འདིར་གནོན།]

བསོད་ནམས་རྒྱལ་མཚན་གྱི་རྗེས་སུ་ས་སྐྱའི་སྐུ་ངོ་རྣམས་ནང་མི་འདུམ་པ་སོགས་ཀྱི་རྐྱེན་དང་། ཁྱད་པར་པདྨ་བཀའ་ཐང་ལས། ཡར་ཀླུང་མཐིལ་དུ་རྣམ་སྨིན་བསྐྱེད་རྒྱལ་འབྱུང་ཞེས་དང་། ས་ནང་གྲུབ་ནས་ཕག་གིས་ས་སློག་འཇིག་༔ཅེས་པ་ལྟར་ལུང་བསྟན་དུས་ལ་བབས་པས། ཡར་ཀླུང་རྩིས་ཐང་གི་དཔོན་པོ་སྡེ་སྲིད་ཕག་མོ་གྲུ་པའམ། ཏཱའི་སི་ཏུ་བྱང་ཆུབ་རྒྱལ་མཚན་ཞེས་པས་ཐབས་སྣ་ཚོགས་ཀྱིས་བོད་དབུས་གཙང་ཀུན་ལ་དབང་བསྒྱུར་ཞིང་། རྒྱ་ནག་ཕོ་བྲང་ནས་ཀྱང་བདག་རྐྱེན་ཆེན་པོ་གནང་ནས་ཕྱིས་སུ་གཙང་པ་རྒྱལ་པོ་ཡན་ཆད་དུ་འདིའི་བརྒྱུད་པས་བོད་ཀྱི་རྒྱལ་པོ་བྱས། འདི་རྣམས་ལྷ་རིགས་རླངས་ཀྱི་གདུང་བརྒྱུད་ཡིན། དེ་ལས་གཟུགས་དམན་ལྕགས་སྟག་ལ། །སྒྲོལ་ཆེན་བསམ་འགྲུབ་རྡོ་རྗེའི་སྲས་སྒྲོལ་ཆེན་སངས་རྒྱས་རིན་ཆེན་འཁྲུངས། ༥༢༩་དེ་ལ་རི་སྦྱངས་མེ་བྱ་ལ། །འཇམ་མགོན་བློ་བཟང་གྲགས་པ་འཁྲུངས། ༥༢༢ །འདིའི་རྗེས་འཇུག་རྣམས་ལ་དགེ་ལུགས་པའི་མིང་གིས་དགའ་ལྡན་པའམ་ཞྭ་སེར་པ་ཞེས་ཟེར་ཏེ། གསར་མའི་གྲུབ་མཐའ་ཆེ་ཤོས་ཤིག་ཡིན། དེ་ལས་ཕྱོགས་སྦྱངས་མེ་ལུག་ལ། །རོང་སྟོན་ཤཱཀྱ་རྒྱལ་མཚན་འཁྲུངས། ༥༡༢ །རོང་སྟོན་ཤེས་བྱ་ཀུན་གཟིགས་ཀྱིས་ན་ལེནྡྲའི་དགོན་པ་བཏབ། བར་སྐབས་སུ་ཚོགས་པ་སྟོང་ཕྲག་མང་པོ་འདུ་ཞིང་ས་སྐྱ་པའི་མཚན་ཉིད་ཀྱི་གྲས་ཆེ་ཤོས་ཡིན། བྲོ་བ་ཕྲི་བའི་ཆུ་གླང་ལ། །པཎ་ཆེན་འཇིགས་མེད་གྲགས་པ་འཁྲུངས། ༥༠༦ །བུ་ག་སྦྱངས་པའི་ཆུ་ཁྱི་ལ། །ངོར་ཆེན་ཀུན་དགའ་བཟང་པོ་དང་། །དོར་ཆེན་ཀུན་དགའ་བཟང་པོས་ངོར་ཨེ་ཝཾ་ཆོས་ལྡན་གྱི་དགོན་


ZP01_Page_482
[མ་དཔེ་གཟིགས་ན་འདིར་གནོན།]

པ་བཏབ་ཅིང་། འདིའི་དགོན་པའི་མཁན་ཁག་བཞི་པོ། ཐར་རྩེ། ཀླུ་སྡིངས། ཕན་ཁང་། ཁང་སར་བཞི་ཡིན། རྫོང་པ་ཀུན་དགའ་རྒྱལ་མཚན་འཁྲུངས། ༤༩༧ །རྫོང་པ་ཀུན་དགའ་རྣམ་རྒྱལ་ཞེས་སོགས་མཁས་གྲུབ་མང་དུ་བྱོན་ཀྱང་མཐུ་འགྲས་འགའ་ཞིག་གི་རྐྱེན་གྱིས་ད་ལྟ་དགོན་པ་སོགས་མེད། མིག་གིས་ཕྲི་བའི་ཤིང་བྱི་ལ། །པཎ་ཆེན་ནགས་ཀྱི་རིན་ཆེན་འཁྲུངས། ༤༩༥ །དེ་ལས་གཟུགས་དམན་ཤིང་གླང་ལ། །གྲུབ་ཆེན་ཐང་སྟོང་རྒྱལ་པོ་འཁྲུངས། ༤༩༤ །རྙིང་མ་པ་བྱང་གཏེར་གྱི་བརྒྱུད་འཛིན་ཞིག་ཡིན། ལག་པ་སྦྱངས་པའི་མེ་ཡོས་དེ། །རབ་བྱུང་བདུན་པའི་དང་པོ་ཡིན། ༤༩༢ །རིག་བྱེད་ཕྲི་ལྷག་ལྕགས་ལུག་ལ། །པཎ་ཆེན་དགེ་འདུན་གྲུབ་པ་འཁྲུངས། ༤༨༨ །རྗེ་གཙོང་ཁ་བའི་སློབ་མའི་གཙོ་བོ་རྒྱལ་བ་སྐུ་ཕྲེང་ཐོག་མ་ཡིན། དེ་ལས་གཅིག་དམན་ཆུ་སྤྲེལ་ལ། །འགོས་ལོ་གཞོན་ནུ་དཔལ་བ་འཁྲུངས། ༤༨༧ །འདི་གསར་རྙིང་རིས་མེད་ཀྱི་མཁས་པ་ཆེན་པོ་ཡིན་ཞིང་གཙོ་བོ་བཀའ་བརྒྱུད་པར་གཏོགས། གདེངས་ཀས་སྦྱངས་པའི་ལྕགས་འབྲུག་ལ། །པཎ་ཆེན་བསོད་ནམས་རྒྱལ་མཚན་འཁྲུངས། ༤༧༩ །རྩེ་མོས་སྦྱངས་པའི་ཆུ་ལུག་ལ། །རཏྣ་གླིང་པ་འཁྲུངས་ནས་ལོ། ༤༧༦ །རྙིང་མའི་གཏེར་སྟོན་ཡིན། དེ་ལས་དུས་སྦྱངས་ས་གླང་ལ། །ལྷ་ལྡན་སྨོན་ལམ་ཆེན་མོ་བཙུག །བློ་བཟང་གྲགས་པས། རི་བོ་དགའ་ལྡན་ཆོས་གྲྭ་བཏབ། ༤༧༠ །ཡོན་ཏན་གྱིས་སྦྱངས་ཆུ་འབྲུག་ལ། །བྱམས་ཆེན་རབ་འབྱམས་འཁྲུངས་ནས་ལོ། ༤༦༧ །རྗེ་གཙོང་ཁ་པའི་སློབ་མ། །བཞི་སྦྱངས་མེ་སྤྲེལ་


ZP01_Page_483
[མ་དཔེ་གཟིགས་ན་འདིར་གནོན།]

འབྲས་སྤུངས་དང་། ༤༦༢ །མེ་སྦྱངས་ས་ཕག་སེ་ར་བཏབ། ༤༦༣ །དགེ་ལུགས་པ་ཡིན། འབྱུང་བ་སྦྱངས་པའི་ཤིང་འབྲུག་ལ། །ལོ་ཆེན་བསོད་ནམས་རྒྱལ་མཚན་འཁྲུངས། ༤༥༥ །རྩེ་མོས་སྦྱངས་པའི་མེ་ལུག་ལ། །རིགས་ལྡན་ས་སྐྱོང་བཅུ་དྲུག་པ་སེང་ཁྲིར་ཕེབས། ༤༥༢ །ཟླ་བས་ཕྲི་བའི་ས་སྤྲེལ་ལ། །པཎ་ཆེན་ཤཱཀྱ་མཆོག་ལྡན་འཁྲུངས། ༤༥༡ །གསེར་མདོག་ཅན་ཞེས་པ་ས་སྐྱ་པ་བཏགས་ཙམ་ཡིན། །གཟུགས་ཕྲིས་ས་བྱར་གོ་རམས་པ། །ས་སྐྱའི་མཁས་པ་ཆེན་པོ། །བལྟམས་ཤིང་ངོར་གྱི་ཆོས་སྡེ་བཏབ། ༩༥༠ །རྩེ་མོས་སྦྱངས་པའི་ཆུ་བྱི་ལ། །ས་སྐྱ་པ་ཐུབ་སྟོན་ཀུན་དགའ་རྣམ་རྒྱལ་འཁྲུངས། ༤༤༧ །དེ་ལས་བུག་སྦྱངས་ལྕགས་བྱ་ལ། །ལོ་ཆེན་ཆོས་སྐྱོང་བཟང་པོ་འཁྲུངས། ༤༣༨ །ཞྭ་ལུ་ལོ་ཙཱ་བ། རོ་སྦྱངས་རབ་བྱུང་བརྒྱད་པའི་མགོར། །བཀྲ་ཤིས་ལྷུན་པོའི་སྡེ་བཏབ་ཅིང་། །པཎ་ཆེན་དགེ་འདུན་གྲུབ་ཀྱི་ས་བཏབ་པས། ད་ལྟ་ཡོངས་སུ་གྲགས་པའི་གཙང་བཀྲ་ཤིས་ལྷུན་པོ། །ཕུག་པ་ལྷུན་གྲུབ་རྒྱ་མཚོས་པད་དཀར་ཞལ་ལུང་བརྩམས་པའི་ལོ། ༤༣༢ །མིག་སྦྱངས་སྦྲུལ་སྐྱེད་ཚལ་བཏབ། ༤༣༠་ས་སྐྱ་པའི་མཁས་པ་ཆེན་པོ་འཇམ་དབྱངས་ཀུན་དགའ་ཆོས་བཟང་གི་གདན་ས་འབྲུས་ཡུལ་སྐྱེད་ཚལ་ཞེས་ད་ལྟ་ས་སྐྱ་པའི་མཚན་ཉིད་ཀྱི་གྲྭ་ས་ཆེ་ཤོས་ཡིན། །གཟུགས་ཕྲི་ལྕགས་རྟར་པད་གླིང་འཁྲུངས། ༤༢༩ །རྙིང་མའི་གཏེར་སྟོན། རྩེ་མོས་སྦྱངས་པའི་ཆུ་བྱ་ལ། །སྤྱན་སྔ་ཆོས་ཀྱི་གྲགས་པ་འབྲི་གོང་དུ་འཁྲུངས། ༤༢༦ །རབ་བྱུང་བརྒྱད་པའི་ཐོག་


ZP01_Page_484
[མ་དཔེ་གཟིགས་ན་འདིར་གནོན།]

མར་གྲྭ་ཕུག་པ་ལྷུན་གྲུབ་རྒྱ་མཚོ། གྲྭ་ཆུང་ཡོན་ཏན་རྒྱ་མཚོ། མཁས་གྲུབ་ནོར་བཟང་རྒྱ་མཚོ་སྟེ། རྒྱ་མཚོ་རྣམ་གསུམ་དུ་གྲགས་པས་སྐར་རྩིས་ཀྱི་བསྟན་བཅོས་པདྨ་དཀར་པོའི་ཞལ་ལུང་བརྩམས་ཤིང་། ཁྱད་པར་མཁས་གྲུབ་ནོར་བཟང་རྒྱ་མཚོས་ལྷན་ཐབས་བུ་ཡིག་སྐོར་མཛད་ཅིང་། །དེ་ཕྱིན་ཆད་ཕུག་ལུགས་ཀྱི་རྩིས་ཞེས་བཻ་དཀར་དང་ཉིན་སྣང་གཉིས་སོགས་ཕལ་ཆེར་གྱི་ཁུངས་སུ་བྱེད་པ་ཡིན། དྲག་པོ་སྦྱངས་པའི་ཤིང་སྤྲེལ་ལ། རྡོ་རྗེ་གདན་གྱི་ཆོས་གྲྭ་བཏབ། ༤༡༥ །གོང་དཀར་རྡོ་རྗེ་གདན་ཞེས་ས་སྐྱའི་དགོན་པ་ཆེ་ཤོས་ཡིན། ཉི་མས་སྦྱངས་པའི་མེ་སྤྲེལ་ལ། །པཎ་ཆེན་དགེ་འདུན་རྒྱ་མཚོ་བལྟམས། ༤༠༣ །དགེ་འདུན་གྲུབ་ཀྱི་སྤྲུལ་སྐུ་རྒྱལ་བ་གཉིས་པ། སྐྱོན་སྤྱངས་ཤིང་སྟག་ཚར་ཆེན་དང་། །ས་སྐྱའི་བདག་ཆེན་བློ་གྲོས་རྒྱལ་མཚན་གྱི་སློབ་མ་ལམ་འབྲས་སློབ་བཤད་ཀྱི་བརྒྱུད་པ་འཛིན་པའི་གཙོ་བོ་ཀུན་སྤངས་རྡོ་རིང་པ་ཆེན་པོ་ཞེས་བསམ་གྱིས་མི་ཁྱབ་པའི་མཁས་གྲུབ་ཆེན་པོ་དེ་ཉིད་ཀྱི་སློབ་མ་ཚར་ཆེན་བློ་གསལ་རྒྱ་མཚོ་ཞེས་མཁས་ཤིང་གྲུབ་པ་བརྙེས་པ་ཞིག་བྱོན། །དེའི་སློབ་བརྒྱུད་འཇམ་དབྱངས་མཁྱེན་བརྩེའི་དབང་པོ་སོགས་རིམ་པར་བྱོན་པ་ལ། ས་སྐྱའི་ཚར་ལུགས་པ་ཞེས་ཟེར་རོ། །སྣ་ཚོགས་རང་གྲོལ་འཁྲུངས་ནས་ལོ། ༣༨༥ །རྙིང་མ་པ། འདོད་སྦྱངས་རབ་དགུ་ཤར་པ་ཡི། །མེ་ཡོས་ཀུན་དགའ་འགྲོལ་མཆོག་དང་། །ཇོ་ནང་པ། མི་བསྐྱོད་རྡོ་རྗེ་འཁྲུངས་ནས་ལོ། ༣༧༢ ཀརྨ་པ་བརྒྱད་པ། མཁའ་མིག་གིས་དམན་མེ་ཕག་ལ། །རིགས་ལྡན་བཅུ་བདུན་པ་དཔལ་སྐྱོང་ཁྲིར་ཕེབས་ཤིང་། །འབྲུག་པ་པདྨ་


ZP01_Page_485
[མ་དཔེ་གཟིགས་ན་འདིར་གནོན།]

དཀར་པོ་ཁྲུངས། ༣༥༢ །ད་ལྟ་འབྲུག་ཐམས་ཅད་མཁྱེན་པ་ཞེས་གྲགས་པ་འདི་འབྲུག་པའི་སྐུ་ཕྲེང་དང་པོ་ཡིན། བུག་སྦྱངས་མེ་སྤྲེལ་བསྟན་འཛིན་གྲགས། ༣༤༣ །སྨིན་གླིང་སྐུ་མཆེད་ཀྱི་ཡབ་མེས་གོང་མ་ཞིག་ཡིན་གཟུགས་ཕྲི་མེ་བྱར་དར་གླིང་བཏབ། ༣༤༢ །འདིའི་དགོན་པ་དར་རྒྱས་ཆོས་གླིང་། དུས་སྦྱངས་ཆུ་ཡོས་ཐམས་ཅད་མཁྱེན། །བསོད་ནམས་རྒྱ་མཚོ་འཁྲུངས་ནས་ལོ། ༣༣༦ །རྒྱལ་བ་གསུམ་པ། དེ་ལས་ཆུ་མིག་སྦྱངས་པ་ཡི། །རབ་བཅུའི་མེ་ཡོས་ཤར་བ་ཡིན། ༣༡༢ །བུ་ག་སྦྱངས་པའི་མེ་བྱི་ལ། །སྨྱོས་སྟོན་བསྟན་འཛིན་བཟང་པོ་འཁྲུངས། ༣༠༣ །བསྟན་འཛིན་གྲགས་པའི་སྲས། འདོད་པ་སྦྱངས་པའི་ས་གླང་ལ། །རྒྱལ་བ་ཡོན་ཏན་རྒྱ་མཚོ་འཁྲུངས། ༢༩༠ །རྒྱལ་བ་བཞི་པ། བུ་ག་སྦྱངས་པའི་ས་ཁྱི་ལ། །གསུང་སྤྲུལ་ཚུལ་ཁྲིམས་རྡོ་རྗེ་འཁྲུངས། ༢༨༡ །གཏེར་སྟོན་པདྨ་གླིང་པའི་གསུང་གི་སྤྲུལ་པ། མེ་གཟུགས་སྦྱངས་པའི་ལྕགས་ཕག་ལ། །གསང་བདག་ཕྲིན་ལས་ལྷུན་གྲུབ་འཁྲུངས། ༣༦༨ །གཏེར་ཆེན་གྱི་ཡབ་བསྟན་འཛིན་བཟང་པོའི་སྲས་སྨིན་གླིང་གཏེར་ཆེན་སྐུ་མཆེད་ཀྱི་སྤུན་ཡིན། དེ་ལས་དུས་སྦྱངས་མེ་སྤྲུལ་ལ། །རྒྱལ་མཆོག་ལྔ་པ་ཐམས་ཅད་མཁྱེན། །རྒྱལ་དབང་ལྔ་པ། ངག་དབང་བློ་བཟང་རྒྱ་མཚོ་འཁྲུངས། ༢༦༢ །ཕྱོགས་སྦྱངས་རབ་དྲག་མེ་ཡོས་ལ། །རིགས་ལྡན་བཅོ་བརྒྱད་པ་སེང་གེ་སྟོན་པར་ཕེབས། ༢༥༢་རིག་བྱེད་གཟུགས་སྦྱངས་ལྕགས་སྤྲུལ་ལ། །རིག་འཛིན་པདྨ་ཕྲིན་ལས་དང་། །རིག་འཛིན་


ZP01_Page_486
[མ་དཔེ་གཟིགས་ན་འདིར་གནོན།]

ངག་གི་དབང་པོའི་སྤྲུལ་སྐུ་རྡོ་རྗེ་བྲག་ཞབས་དྲུང་རིན་པོ་ཆེ། ཐུགས་སྲས་བསྟན་འཛིན་འགྱུར་མེད་འཁྲུངས། ༢༣༨ །པད་གླིང་ཐུགས་སྤྲུལ། ༈ །འདི་སྐབས་གཙང་བ་སྡེ་སྲིད་ཅེས་ཤིན་ཏུ་དབང་ཆེ་བ་ཞིག་བྱུང་སྟེ། ཀརྨ་པ་དང་། ཇོ་ནང་པའི་སྦྱིན་བདག་གི་གཙོ་བོ་གྱུར། དགེ་ལུགས་པའི་ཕྱོགས་ལ་ཤིན་ཏུ་སྡང་ཞིང་། ཁྱད་པར་ས་ཐག་ཉེ་བས་བཀྲ་ཤིས་ལྷུན་པོ་ལ་གནོད་ཚབ་ཆེ། །རྒྱལ་དབང་ལྔ་པའི་ཡབ་ཀྱང་བཙོན་དུ་བཟུང་ནས་བཙོན་ཞབས་སུ་ཤི། །སེ་འབྲས་དགེ་གསུམ་ཆོས་ལུགས་བསྒྱུར་བ་སོགས་གནོད་པ་སྣ་ཚོགས་བྱེད་སྐབས་སྐྱི་ཤོད་སྡེ་པ་བསོད་ནམས་རབ་བརྟན་ཞེས་རྒྱལ་བ་གོང་མའི་ཕྱག་མཛོད་ཞིག་ཡོད་པ་དེས་སོག་དམག་བསྐུལ་ནས་སོག་པོའི་དཔོན་ཁག་གོ་ཤྲཱི་བསྟན་འཛིན་ཆོས་རྒྱལ་གྱིས་དམག་གིས་གཙང་པ་རྒྱལ་པོ་བཅོམ། ཀརྨ་པས་ཀོང་དམག་ཕུད་ནས་གཙང་པ་རྒྱལ་པོ་ལ་གསུང་ཤོག་བསྐུར་བའི་ནང་ན། སེ་འབྲས་དགེ་གསུམ་ཤིག་རྒྱལ་བ་དང་པཎ་ཆེན་གཉིས་བཟང་བཙོན་གྱིས་ལ་ཁྲིད་ཤོག་ཟེར་བ་ཡོད་པའི་ཡིག་ཁྱེར་སོག་པོས་བཟུང་། སོག་པོའི་རྒྱལ་པོ་ཁྲོས་ནས་མིག་གིས་མཐོང་བར་བཀའ་བརྒྱུད་པ་འཇོག་རེ་ཞེས་མནའ་བསྐྱལ། སོག་དམག་གིས་སྟོད་མངའ་རིས་ཡུལ་མན་ཆད་དབང་དུ་བསྡུས་ཏེ། རྒྱལ་དབང་ལྔ་པ་ཆེན་པོ་ལ་ཕུལ་ཏེ། དེ་ཕྱིན་ཆད་གཞུང་དགའ་ལྡན་ཕོ་བྲང་གིས་བོད་ཀྱི་རྒྱལ་པོ་བྱེད་པ་འདི་བྱུང་ངོ ། །དེའི་དུས་ཁམས་གླང་ཐང་སྒྲོལ་མའི་ཕྱོགས་སུ་བེ་རུ་དོན་གྲུབ་ཅེས་བོན་པོའི་སྦྱིན་བདག་གི་རྒྱལ་པོ་ཞིག་བྱུང་། །དེས་ས་དགེ་རྙིང་གསུམ་གྱི་བླ་མ་མང་པོ་བཙོན་དུ་བཟུང་ནས་བསྟན་པ་ཀུན་ལ་གནོད་ཚབ་ཆེ་བའང་སོག་པོའི་རྒྱལ་པོ་འདིས་དམག་གིས་བརླགས་པ་ལ།


ZP01_Page_487
[མ་དཔེ་གཟིགས་ན་འདིར་གནོན།]

ད་ལྟ་སོག་པོ་རྟ་ཁྲབ་ཅན་ཟེར་བ་དེ་ཡིན་ནོ། །གོ་ཤྲཱིའི་དཔུང་གིས་བོད་ཁམས་ཀུན། །དབང་བསྡུས་གཟུགས་ཕྲི་ཆུ་རྟ་ལ། །གོང་ས་ལྔ་པ་ཆེན་པོར་ཕུལ། ༢༣༧ །དེ་ལ་མཚོས་སྦྱངས་མེ་ཁྱི་ལ། །གཏེར་ཆེན་ཆོས་ཀྱི་རྒྱལ་པོ་འཁྲུངས། ༢༣༣་སྨིན་གླིང་གཏེར་ཆེན། ལག་པས་ཕྲི་བའི་ས་བྱི་ལ། །རྒྱལ་སྲས་བསྟན་པའི་ཉི་མ་འཁྲུངས། ༢༣༡ །གཏེར་ཆེན་གྱི་སྐུ་མཆེད་ཡིན། མ་ནུས་སྦྱངས་པའི་ཆུ་སྟག་ལ། །པཎ་ཆེན་ཆོས་ཀྱི་རྒྱལ་མཚན་དང་། །གཙང་པཎ་ཆེན། གསང་བདག་ཕྲིན་ལས་ལྷུན་གྲུབ་གཤེགས། ༢༡༧ །དེ་ལས་གཟུགས་ཕྲི་ཆུ་ཡོས་ལ། །པཎ་ཆེན་མཆོག་གི་སྤྲུལ་སྐུ་དང་། །བསྟན་འཛིན་གཞན་ཕན་དབང་པོ་འཁྲུངས། ༢༡༦ །རྙིང་མ་པ་ཡིན། །རི་སྦྱངས་ལྕགས་ཁྱི་སྨིན་གྲོལ་གླིང་། ༩༠༩ །བཙུགས་ཤིང་དུས་སྦྱངས་མེ་འབྲུག་ལ། །བཞུགས་གནས་གཙུག་ལག་ཁང་ཆེན་བཏབ། ༢༠༣ །མེ་སྦྱངས་ས་ལུག་ལྷ་སྲས་ཉིད། །སླར་ཡང་བོད་རྗེར་བྱོན་པའི་ལོ། ༩༠༠ །སྡེ་སྲིད་སངས་རྒྱས་རྒྱ་མཚོ་བོད་རྒྱལ་པོ་བསྐོས། གཟུགས་ཕྲི་ལྕགས་སྤྲེལ་རྗེ་བླ་མས། །སྨིན་གླིང་གཏེར་ཆེན། ཤ་འུག་ཟབ་གཏེར་བཞེས་པའི་ལོ། ༡༩༩ །ཐུགས་རྗེ་ཆེན་པོ་བདེ་གཤེགས་ཀུན་འདུས་ཀྱི་ཆོས་སྐོར། གཟུགས་སྦྱངས་ལྕགས་བྱར་རྩིས་ཀྱི་གཞུངས། །ཉིན་བྱེད་སྣང་བ་བརྩམས་ནས་ལོ། ༡༩༨ །དེ་ནས་གཟུགས་ཕྲི་ཆུ་ཁྱི་ལ། །རྒྱལ་མཆོག་ལྔ་པ་གཤེགས་པའི་ལོ། ༡༩༧ །མཚོ་སྦྱངས་མེ་སྟག་རྒྱལ་བའི་སྲས། །པདྨ་འགྱུར་མེད་རྒྱ་མཚོ་འཁྲུངས། ༡༩༣་སྨིན་


ZP01_Page_488
[མ་དཔེ་གཟིགས་ན་འདིར་གནོན།]

གླིང་གཏེར་ཆེན་གྱི་སྲས་ཆེ་བ། གཟུགས་སྦྱངས་རབ་ཉི་མེ་ཡོས་ལ། །བཻཌཱུར་དཀར་པོའི་རྩིས་མགོ་གཟུགས། ༡༩༢ །རྒྱ་མཚོ་སྦྱངས་པའི་ལྕགས་ལུག་ལ། །སྐུ་འབུམ་མཐོང་གྲོལ་ཆེན་པོ་བཞེངས། །སྨིན་གླིང་དུ་མཆོད་རྟེན་ཞིག་བཞེངས་པའོ། །འགྱུར་མེད་ཡིད་བཞིན་ལེགས་གྲུབ་འཁྲུངས། ༡༨༨ །སྨིན་གླིང་རྒྱལ་སྲས། རྩེ་མོས་སྦྱངས་པའི་ཤིང་ཁྱི་ལ། །ལྷ་ལྡན་ཚོགས་མཆོད་ཆེན་མོ་བཙུགས། ༡༨༥ །རྒྱལ་དབང་ལྔ་པའི་འདས་མཆོད། །ཉི་མས་སྦྱངས་པའི་མེ་ཁྱི་ལ། །བསྟན་འཛིན་གྱིང་གིར་རྒྱལ་པོ་ཡིས། །བོད་ཁམས་ཡོངས་ལ་ཁ་ལོ་བསྒྱུར། ༡༧༣ །དེ་ལ་གདེངས་ཅན་སྦྱངས་པ་ཡིས། །ཤིང་རྟ་འདི་ཡི་སྟེང་སླེབས་ཏེ། །ཉིན་བྱེད་སྣང་བའི་འདས་ལོའི་གྲངས། ༢༦༥ །བསྟུང་ནས་དབྲི་བསྣན་གྱིས་བཅོས་པའི། །ལོ་ཡིན་རིམ་རྩིས་མ་ཁམས་ན། །རབ་བྱུང་སྐོར་རེའི་མཚམས་བཟུང་ནས། །མཆོངས་ཏེ་མཁའ་རོས་སྦྱངས་པ་ཡིས། །ཚེགས་མེད་བདེ་བླག་རྟོགས་པར་འགྱུར། །དཔལ་སྤྲུལ་པས་སོ།། །དགེའོ།། །།

རྩིས་སྐར་ནག་ཟུང་འཇུག་གི་ལྀ་ཐུའི་རྣམ་བཤད་གོ་ལའི་རྣ་རྒྱན།


ZP01_Page_489
[མ་དཔེ་གཟིགས་ན་འདིར་གནོན།]

རྩིས་སྐར་ནག་ཟུང་འཇུག་གི་ལྀ་ཐུའི་རྣམ་བཤད་གོ་ལའི་རྣ་རྒྱན་ཅེས་བྱ་བ་བཞུགས་སོ། །


ZP01_Page_490
[མ་དཔེ་གཟིགས་ན་འདིར་གནོན།]

མཆོག་གི་ཡེ་ཤེས་རྣམ་པར་སྡང་བའི་གཟིས། །ནང་གི་མུན་པ་སྟུག་པོ་སྙིལ་མཛད་པ།


ZP01_Page_491
[མ་དཔེ་གཟིགས་ན་འདིར་གནོན།]

འཇམ་དཔལ་རྡོ་རྗེ་སྙིང་གི་ཉིན་མོར་བྱེད། །རིགས་བདག་གཅིག་པུས་རྣམ་གྲོལ་བར་དུ་སྐྱོངས།


ZP01_Page_492
[མ་དཔེ་གཟིགས་ན་འདིར་གནོན།]

འཕོ་མེད་མཆོག་ཏུ་མི་འགྱུར་གཉུག་མའི་ཁམས། །ཡོངས་དག་གང་ཞིག་ཤེས་པ་དེ་གཅིག་པུས། །སྲིད་པ་གཉིས་མཐར་སྨིན་བྱེད་རྡོ་རྗེའི་དུས། །རང་བཞིན་འཁོར་ལོ་རྟག་པས་ཤིས་གྱུར་ཅིག །འཇིགས་བྲལ་གཤིས་ཀྱིས་བདུད་སྡེའི་སྙིང་རབ་དགའ། །མེད་བགྱིད་བྱང་ཆེན་རྒྱལ་བའི་ས་བོན་གྱིས། །སྐལ་བཟང་རྒྱལ་རིགས་མྱུ་གུ་བསྐྱེད་བསྲིང་བའི། །བྱེད་པོ་མཚུངས་མེད་བླ་མར་ཕྱག་བགྱིའོ། །རྒྱལ་བ་ཐུབ་པ་ཕུལ་བྱུང་ཉི་མའི་བཀའ། །གང་ཡང་སྐལ་མཆོག་བློ་མུན་གཞིལ་བགྱིད་མོད། །ཕྱི་ནང་གཞན་གསུམ་གཉུག་མའི་ཏི་ལ་ཀར། །ཡུད་ཀྱིས་གྲོལ་བ་ཐེག་རྩེ་གཅིག་ལས་མིན། །སྟོན་དང་བསྟན་པ་སྡུད་པོ་དེ་ཁོ་ན། །སྒྱུ་མའི་ཡེ་ཤེས་གཅིག་གི་གར་རོལ་ཏེ། །བཀྲོལ་དང་བཤད་སྒྲུབ་བགྱི་བས་རྒྱུན་འཛིན་པའི། །ཆོས་རྒྱལ་རིགས་ལྡན་ཚོགས་ལ་ལྷག་པར་དང་། །བསྲུབ་པ་རྒྱ་མཚོའི་བཅུད་ཐིག་རི་བོང་ཅན། །ཟུར་ཕུད་ནོར་བུའི་རྒྱན་དུ་བཅིངས་པའི་མོད། །མི་བཟད་ནག་པོ་བརྩེགས་པའི་དཔལ་གསོད་པ། །མིག་མི་འཛུམ་གར་གངས་རིའི་ལྷ་དེས་སྐྱོངས། །བསྟན་རྫིང་འགྲོ་བའི་ཞིང་ལ་གང་ཡུར་མ། །སྨིན་གྲོལ་བདུད་རྩིའི་ཝ་ཆེན་ཆོས་ཀྱི་སྤྱན། །འཕགས་བོད་ལོ་པཎ་ཞབས་རེག་རྡུལ་གཙང་ཡང་། །དད་གསུམ་གཙུག་གི་རྒྱན་དུ་བཻ་ཌཱུར་བཞིན། །དོ་ཤལ་ཡིད་འོང་དྲི་མ་མེད་འོད་སྣང་། །སྙིང་ལ་མུ་ཏིག་དོག་པ་བཞིན་བཟུང་ནས། །ཕུལ་བྱུང་གྲུབ་པའི་འཛུམ་དཀར་གྱིས་


ZP01_Page_493
[མ་དཔེ་གཟིགས་ན་འདིར་གནོན།]

རོལ་བ། །རྒྱ་མཚོ་རྣམ་གསུམ་རྒྱལ་བའི་བ་དན་མཐོ། །དུས་སྙིགས་དུཿཁ་དྲུང་འཕྱིན་དུ་ཧ་ར། །ཟླར་རློམ་རྒོལ་ཟླའི་ཟླ་སྟོད་ཟླ་བ་ནག །ཁྱད་བཅས་མཁས་པའི་ཁྱུ་མཆོག་ཁྱུང་ནག་པ། །རྩིས་རིག་གཙུག་ལག་གཙུག་གི་རྒྱན་གསུམ་རྒྱལ། །སྲིད་འབྱོར་སྒྱུ་མའི་རྒྱལ་ཐབས་ཀྱིས་ཇི་སྙེམ། །མཁྱེན་པས་འཕགས་པའི་བློ་ནུས་འདར་བགྱིད་པ། །སངས་རྒྱས་རྒྱ་མཚོ་གངས་ལྗོངས་ལྔ་རིག་མིག །གཅིག་བུར་དམ་བཅའི་བདག་མགྲིན་གཟེངས་སུ་མཐོ། །བློ་གཏེར་འདབ་བརྒྱ་ཡོངས་གྲོལ་ངག་ལ་དབང་། །ཆེས་ཐོབ་ཤེས་བྱའི་ཆོས་ལ་མཁྱེན་པའི་དཔལ། །རྣམ་མཁྱེན་རྒྱ་མཚོ་ལས་བྱུང་ཇི་ལྟ་བུའི། །ཚུལ་ངེས་ཟླ་ཟེར་རེག་བཞིན་ལག་པདྨོ། །མཐོ་རིས་འཛིན་པའི་རྣ་རྒྱན་ལེགས་བཤད་དབྱིག །གཞུང་བརྒྱ་ཐིག་ལེར་སྡུད་པའི་ཨ་དརྴ། །སྐལ་བཟང་བློ་མིག་སྤྱོད་ཡུལ་འདིའི་བྱེད་པོ། །བཞུགས་ཤིག་སྙིང་གི་གའུར་མཁྱེན་བརྩེའི་ལྷ། །སྔོན་བྱོན་མཁས་གྲུབ་བྱེ་བའི་ཨ་ག་སྟྱའི། །གཞུང་བཟང་བདུད་རྩིའི་ཞལ་སྐྱུང་གངྒའི་རྒྱུན། །བདག་བློའི་གདུང་བསིལ་སྦྱིན་པའི་སློབ་དཔོན་དུ། །ཕེབས་འདི་མངོན་འདོད་ཅན་མིན་སྐལ་བ་བཟང་། །ཕྱི་རུ་སྣང་དང་མི་སྣང་ཕྱེད་སྣང་བའི། །སྲིད་པ་རྨི་ལམ་གྲོང་ཁྱེར་ཉམས་དགའ་བདེར། །སྐྱོངས་དང་མ་ཡིན་རྟེན་དང་བརྟན་པའི་ཆོས། །རྟེན་ཅིང་འབྲེལ་འབྱུང་ནང་གི་རང་རྩལ་ཉིད། །ནང་དུ་འབྱུང་ལྔ་ཡེ་ཤེས་རྡོ་རྗེའི་ཁམས། །


ZP01_Page_494
[མ་དཔེ་གཟིགས་ན་འདིར་གནོན།]

དག་དང་མ་དག་ལ་དག་དག་པའི་རྒྱུད། །གཞི་འབྲས་ཉམས་སྣང་རྩ་རླུང་ཐིག་ལེའི་གནད། །ཡིན་མ་དག་ཆེན་གཞན་གྱི་བཀོད་པར་རྫོགས། །གཞན་ཏུ་ཡོངས་གྲོལ་གདོད་མའི་ཧེ་རུ་ཀ །སྣང་དང་སྟོང་དང་སྣང་སྟོང་ཟུང་དུ་འཇུག །ལྷུན་གྲུབ་ཐིག་ལེ་འོད་ལྔའི་བཀོད་རྔོགས་པ། །གཞིར་བཞེངས་ནང་དང་ཕྱི་ཡི་ཆོས་ཉིད་ཡིན། །ཕྱི་ནང་གཞན་གསུམ་དབྱེར་མེད་དེ་ཁོ་ན། །གཅིག་མིན་ཐ་དད་མ་ཡིན་གདོད་ནས་ཏེ། །བདེན་གཉིས་ཕྱོགས་སུ་ལྟུང་བའི་གཡོན་ཅན་ལ། །ཤེས་བྱའི་སྤྱི་ཁོག་ཁྲོལ་བ་ཇི་ལྟར་ཡོད། །མཉམ་པ་ཆེན་པོའི་གཤིས་ལ་གང་ཡང་གྲོགས། །སྒྱུ་མའི་རྣམ་རོལ་ཤེས་ན་སུ་ཡང་བདེན། །ཕྱི་ནང་རྟེན་འབྲེལ་འདིར་མཁས་གནས་ཀུན་གཅིག །བྱང་ཆུབ་སྤྱོད་ལ་ལམ་མིན་ཅི་ཞིག་ཡོད། །དེ་སླད་གནས་སྐབས་བླང་དང་དོར་བྱའི་མིག །མཐར་ནི་བདེན་གཉིས་དོན་ལ་སྦྱོར་བའི་གནད། །རིམ་བཀོད་རི་མོའི་རྣམ་འགྱུར་བརྒྱ་ཕྲག་གིས། །ཡིད་འོད་བློ་སྣང་སྦྱིན་གྱིས་དེང་གཟིགས་ཤིག །བསྐལ་པ་གང་ཞིག་སྒྲོན་མེ་རུ། །འགྱུར་བའི་ཁྱད་པར་སྟོན་པ་དང་། །བསྟན་པ་བྱོན་ལ་རག་ལས་ཕྱིར། །བསྟན་རྩིས་རྣམ་གཞག་ཅུང་ཞིག་བསྟན། །སྤྱིར་ནི་མདོ་དང་རྒྱུད་ལུང་གཉིས། །དང་པོའི་ཕྱོགས་ལ་བསྐལ་བཟང་དང་། །འདུལ་ལུང་ཕྲན་ཚེགས་ལོ་སྟོང་གནས། །སྙིང་རྗེ་པདྨ་དཀར་པོ་དང་། །ཟླ་བའི་སྙིང་པོས་ཞུས་པའི་མདོར། །ཉིས་སྟོང་རྡོ་རྗེ་གཅོད་པའི་འགྲེལ། །ལྔ་


ZP01_Page_495
[མ་དཔེ་གཟིགས་ན་འདིར་གནོན།]

བརྒྱ་ཕྲག་ལྔར་བཤད་པ་དང་། །འབུམ་ཊིག་ལས་ནི་ལྔ་སྟོང་གསུངས། །དེ་ལ་དང་པོའི་དགོངས་པ་ནི། །གྲོལ་བ་ཐོབ་པ་ཤས་ཆེར་དགོངས། །གཉིས་པ་འབྲས་བུ་ལ་ཞུགས་དང་། །ལུང་ལ་སློབ་པའི་དབང་དུ་མཛད། །གསུམ་པ་ཕལ་ཆེར་ལྟ་བ་དང་། །སྒྲུབ་པ་མཐུན་དགོངས་བླ་མ་བཞེད། །འདིར་ནི་འབུམ་ཊིཀ་དབྱིག་གཉེན་ཞབས། །མཐུན་པའི་ལྔ་སྟོང་ཕྱེད་ཕྱེད་དུ། །བཅད་པའི་ལྔ་བརྒྱ་ཕྲག་བཅུ་ལས། །སྐྱེ་དགུའི་བདག་མོ་ལ་སོགས་པའི། །བུད་མེད་རབ་ཏུ་བྱུང་བའི་ཕྱིར། །ལྔ་བརྒྱ་ཐ་མ་རྟགས་ཙམ་འཛིན། །དེ་ལ་དང་པོ་འབྲས་བུའི་དུས། །ལྔ་བརྒྱ་ཕྲག་གསུམ་དང་པོ་ལ། །དགྲ་བཅོམ་པ་དང་ཕྱིར་མི་འོད། །མང་ལ་ཕྱིར་འོང་དག་ཀྱང་ཡོད། །གཉིས་པ་ཕྱིར་མི་འོང་མང་ཞིང་། །ཕྱིར་འོང་དག་ཀྱང་ཡོད་པའོ། །གསུམ་པ་རྒྱུན་ཞུགས་མང་གཞན་ཉུང་། །ལུང་གི་དུས་གསུམ་དང་པོ་ལ། །མངོན་པ་གཉིས་པར་མདོ་སྡེ་དང་། །གསུམ་པར་འདུལ་བ་འཛིན་པ་མང་། །སྒྲུབ་པའི་གསུམ་གྱི་དང་པོ་ལ། །ཚུལ་ཁྲིམས་གཉིས་པར་སེམས་དང་ནི། །གསུམ་པར་ཤེས་རབ་གཙོ་བོར་སྒྲུབ། །གཞན་དུ་ལུང་དང་སྒྲུབ་པ་གཉིས། །སྔ་ཕྱི་བརྗེ་བ་གྲགས་ཆེ་ཡང་། །སྒྲུབ་དུས་སྐྱོ་ཤས་ཆེ་ལྡན་ཞིང་། །ཐར་བར་འདུན་པ་ཙམ་མང་བས། །ལུགས་འདི་འཐད་པར་ཀུན་མཁྱེན་བཞེད། །དེ་ཡང་སྟོན་པ་ལྷུམས་ཞུགས་ལོ། །མེ་མོ་ཡོས་ལ་


ZP01_Page_496
[མ་དཔེ་གཟིགས་ན་འདིར་གནོན།]

ངོས་བཟུང་ནས། །མེ་མོ་ཕག་ལ་མྱང་འདས་ཚུལ། །མངའ་རིའི་རྒྱལ་པོ་ཡོན་མཆོད་ཀྱི། །འདུན་སར་བཤེས་གཉེན་ཀུན་འཇོམས་ནས། །བརྩིས་པའི་རྣམ་གཞག་གཞན་པ་དང་། །བྷང་ག་ལ་ཡི་པཎྜི་ཏས། །བྱི་ལོ་དབྱར་འབྲིང་ལྷུམས་ཞུགས་ནས། །སྤྲེལ་ལོ་སྟོན་འབྲིང་ཚེས་བཅོ་ལྔར། །མྱང་འདས་བཤད་པའི་ལུགས་ལ་སོགས། །རྣམ་གྲངས་ཤིན་ཏུ་མི་མཐུན་ཏེ། །ལུགས་འདིར་རྟོག་དཔྱོད་ཞུགས་པ་ཡི། །དཔྱོད་ལྡན་མང་པོས་དུས་གཟེར་གྱི། །གནས་དང་གསུང་རབ་མདོ་བསྟུན་ལ། །གང་འདི་ཡིན་ནོ་གྲགས་པའི་ཕྱིར། །དོན་འགྲུབ་ས་ལུག་ཆུ་སྟོད་ཟླའི། །བཅོ་ལྔར་ལྷུམས་ཞུགས་ཕྱིན་གྱི་ལོ། །དེ་ལ་གཟུགས་ཁྲི་ལྕགས་སྤྲེལ་ལ། །ལུམ་བའི་ཚལ་དུ་བདག་ཅག་གི །སྟོན་པ་མཆོག་གི་སྤྲུལ་སྐུར་བཞེངས། །ཀླུ་ལག་གིས་དམན་ས་བྱི་ལ། །རབ་བྱུང་དྲང་སྲོང་རྒྱལ་མཚན་བཟུང་། །དུས་ཕྱི་རྒྱལ་བ་ཤིང་ཕོ་རྟར། །རྡོ་རྗེ་གདན་དུ་མངོན་བྱང་ཆུབ། །སྒྲ་གཅན་ཟིན་དང་དགའ་པོའང་བཙས། །གང་ནས་བདུན་ཕྲག་བདུན་གྱི་མཐར། །ཆུ་སྟོད་ཟླ་བའི་ཚེས་བཞི་ལ། །ཝཱ་ར་ཎ་སཱིར་ལྔ་སྡེ་ལ། །བདེན་བཞིའི་ཆོས་འཁོར་བསྐོར་བའི་ལོ། །གཟུགས་མིག་ཕྲི་བའི་ཤིང་ཡོས་ལ། །མུ་སྟེགས་བྱེད་ཀྱི་སྟོན་པ་དྲུག །ཆོ་འཕྲུལ་ཆེན་པོའི་མཛད་པས་བཏུལ། །དེ་ལ་དེ་ཉིད་ཕྲི་བ་ཡི། །དཔའ་བོ་ལྕགས་འབྲུག་ནག་པའི་ཉར། །དཔལ་ལྡན་འབྲས་སྤུངས་མཆོད་རྟེན་


ZP01_Page_497
[མ་དཔེ་གཟིགས་ན་འདིར་གནོན།]

ཆེར། །དུས་འཁོར་གསུངས་དང་ལོ་དེ་ཡི། །ས་གའི་ཉ་ཡི་གུང་ཐུན་ལ། །རྩ་མཆོག་དྲུང་དུ་མྱ་ངན་འདས། །མཆོག་ཟུང་དགྲ་བཅོམ་མང་པོའང་ཞི། །གནས་ཚད་འདས་ལོའི་ཐོག་མར་འཁྲུད། །གཟུགས་དམན་ཁྱུ་མཆོག་ལྕགས་སྤྲུལ་ལ། །མ་སྐྱེས་དགྲ་ཡིས་ཡོན་སྦྱར་ནས། །བཀའ་བསྡུ་དང་པོ་བྱས་པ་དང་། །ཆོས་རྒྱལ་ཟླ་བ་བཟང་པོ་ཡིས། །རྩ་རྒྱུད་བསྡུས་ཤིང་འགྲེལ་པས་བཀྲལ། །ཟུང་ཁྲི་ཉི་མ་ཆུ་ལུག་ལ། །ཟླ་བཟང་ལོངས་སྤྱོད་རྫོགས་སྐུར་བཞེངས། །གཟུགས་དམན་ཉི་སྒྲོལ་ཤིང་སྤྲེལ་ལ། །ཨོ་རྒྱན་སངས་རྒྱས་གཉིས་པ་འཁྲུངས། །ལྷ་དབང་ཉིད་ཀྱང་སྟོན་པར་བྱོན། །རྒྱལ་བས་སྦྱང་བའི་ས་སྤྲེལ་ལ། །དམ་པའི་རིགས་ཅན་དྲ་མ་ལྔར། །གསང་འཛིན་དཔའ་ངོས་ཆོས་འཁོར་བསྐོར། །ཨིནྡྲ་བོ་དྷི་བར་པ་ལ། །ཏནྟྲའི་གླེགས་བམ་བབ་ནས་ལོ། །མི་བདག་གིས་སྦྱང་ཤིང་བྱི་ལ། །རི་བོ་རྩེ་ལྔར་འཇམ་དཔལ་འཁྲུངས། །དབང་འབྱུང་གིས་སྦྱངས་ལུག་ལོར། །བསྡུ་བ་གཉིས་ཀའི་སྦྱིན་བདག་ནི། །རྒྱལ་པོ་མྱ་ངན་མེད་པ་བྱུང་། །དུས་མཚོ་མིག་སྦྱང་ཤིང་གླང་ལོར། །ཐེག་མཆོག་སྟོན་པ་དགའ་རབ་འཁྲུངས། །འདི་དུས་འབྲས་བུའི་བསྟན་པའི་སྒང་། །བསྡུ་བ་གསུམ་པའི་དུས་ཙམ་ན། །ཐེག་པ་ཆེན་པོའི་ཆོས་དར་ཡང་། །རྩོད་པ་ཅན་དུ་བགྱིད་པའི་སྐབས། །གྲུབ་ཆེན་ས་ར་ཧ་པ་བྱོན། །གོང་མར་དབང་འབྱུང་གིས་སྦྱངས་པའི། །དྲག་པོ་ལྕགས་སྤྲེལ་


ZP01_Page_498
[མ་དཔེ་གཟིགས་ན་འདིར་གནོན།]

ཀླུ་སྒྲུབ་འཁྲུངས། །ཆུ་མཁའ་མིག་སྦྱང་ཤིང་སྤྲེལ་ལོར། །རིགས་ལྡན་གྲགས་པས་བསྡུས་རྒྱུད་བསྟན། །བུག་མཁར་རོས་ཕྲི་ཆུ་སྤྲུལ་ལོར། །ཕོ་བྲང་ཡུམ་བུ་བླ་མཁར་དུ། །ཐོ་རི་གཉན་བཙན་དོན་དགུའི་སྟེར། །གཉན་པ་གསང་བ་བབས་ནས་ལོ། །ཐོ་རི་གཉན་དང་འཕགས་ཡུལ་གྱི། །སློབ་དཔོན་དབྱིག་གཉེན་ཐོག་མཉམ་པས། །ཀླུ་སྒྲུབ་འབྱོན་ནས་དབྱིག་གཉེན་བར། །ལོ་གྲངས་བརྒྱད་བརྒྱ་ཐལ་བའི་ཁོང་། །ཀླུ་སྒྲུབ་སློབ་མ་ཤ་བ་རི། །འཕགས་པ་ལྷ་དང་དཔའ་བོའི་ཞབས། །ཐོགས་མེད་རིམ་པར་བྱོན་པ་ཡིན། །རྣལ་འབྱོར་བླ་ན་མེད་པ་ནི། །མངོན་མཚན་ཉིད་དུ་མི་སྤྱོད་ཀྱང་། །གྲུབ་ཐོབ་གྲགས་པ་ཆེ་བ་རྣམས། །ས་ར་ཧ་པ་བྱོན་པ་ནས། །ཐོགས་མེད་ཡན་ལ་རིམ་པར་བྱོན། །བོད་དུ་དམ་ཆོས་དབུ་བརྙེས་དེའི། །ལོ་ལ་རི་ཀླུ་མིག་སྦྱངས་པའི། །ལྕགས་འབྲུག་འབྲས་བུའི་དུས་གསུམ་རྫོགས། །ལུང་གི་དུས་ཀྱི་ཐོག་མར་སླེབ། །མཚོས་སྦྱངས་ཤིང་སྤྲེལ་བདེ་འབྱུང་གི །ཁྲི་ལ་རྒྱ་མཚོ་རྣམ་རྒྱལ་བཞུགས། །མ་གར་མུ་སྟེགས་བྱེད་བ་ཞུགས། །མེ་མཁའ་རྒྱ་མཚོའི་ཐོག་མ་ཡིན། །འབྱུང་བས་སྦྱངས་པའི་ས་གླང་ལ། །ཆོས་རྒྱལ་སྲོང་བཙན་སྒམ་པོ་འཁྲུངས། །འདི་དང་འཕགས་ཡུལ་སྨྲ་བའི་ཉི། །ཆོས་ཀྱི་གྲགས་པ་ཐོག་མཉམ་པས། །ཐོ་ཐོ་རི་ནས་སྲོང་བཙན་བར། །དབྱིག་གཉེན་སློབ་མ་ཕྱོགས་ཀྱི་གླང་། །སངས་རྒྱས་བསྐྱང་དང་ལེགས་ལྡན་འབྱེད། །


ZP01_Page_499
[མ་དཔེ་གཟིགས་ན་འདིར་གནོན།]

གཉིས་ཀར་དབུ་མ་ངོ་བོ་ཉིད། །མེད་པར་སྨྲ་བའི་གཞུང་བཙུགས་ཤིང་། །ཤིང་རྟའི་ལམ་སྲོལ་གཉིས་སུ་ཕྱེས། །དེ་ནས་ཙནྡྲ་གོ་མི་དང་། །ཟླ་བ་གྲགས་པ་ཞི་བའི་ལྷ། །དཔལ་ལྡན་ཆོས་ཀྱི་གྲགས་པ་ཡན། །རིམ་པར་བྱོན་པའི་རགས་རྩིས་ལ། །བསླུ་བ་མེད་པ་འཕགས་ཡུལ་དུ། །རྒྱན་དྲུག་གམ་ནི་མཆོག་བརྒྱད་པོ། །ཀླུ་སྒྲུབ་མན་ནས་སྲོང་བཙན་ཡན། །བྱོན་པའི་རྣམ་བཞག་ཤེས་པར་བྱ། །སྲོང་བཙན་འཁྲུངས་པའི་ས་གླང་ལ། །རྒྱལ་བས་ཕྲི་བའི་ཆུ་གླང་ལ། །ལྷ་ལྡན་སྤྲུལ་པའི་གཙུག་ལག་བཏབ། །དེ་ལ་ཐུབ་པ་རིས་སྦྱངས་པའི། །ལྕགས་རྟར་ཁྲི་སྲོང་ལྡེའུ་བཙན་བལྟམ། །བུག་གཟུགས་ཀྱིས་དམན་ས་མོ་གླང་། །དུས་གསུམ་མཁྱེན་པ་པདྨ་འབྱུང་། །བོད་དུ་སྤྱན་དྲངས་བྱོན་པའི་ལོར། །མིག་དམན་ལྕགས་ཡོས་བསམ་ཡས་བཏབ། །རི་མེས་སྦྱང་བའི་ས་འབྲུག་ལ། །མངའ་བདག་ཁྲི་སྲོང་ལྡེའུ་བཙན་གཤེགས། །མི་བདག་གིས་དམན་ཤིང་སྤྲེལ་ལ། །སློབ་དཔོན་ཆེན་པོ་སྲིན་ཡུལ་གཤེགས། །ལག་པས་སྦྱངས་པའི་མེ་ཁྱི་ལ། །བྱེད་པའི་རྩིས་མགོ་ཐོག་མར་ཟུག །མཁའ་རོས་སྦྱང་བའི་མེ་ཁྱི་ལ། །དབོན་སྲས་རལ་པ་ཅན་དེ་འཁྲུངས། །འབྱུང་མེས་དམན་པའི་ལྕགས་བྱ་ལ། །དར་མས་བསྟན་པ་བསྣུབས་པའི་ལོ། །བསེ་རུས་དམན་པའི་ཆུ་ཁྱི་ལ། །དཔལ་གྱི་རྡོ་རྗེས་གླང་དར་བསྒྲལ། །དུས་རིས་སྤྱང་བའི་ས་


ZP01_Page_500
[མ་དཔེ་གཟིགས་ན་འདིར་གནོན།]

སྟག་དེ། །ཕྱི་དར་ཐོག་མར་བཙན་པའི་ལུགས། །བསྟན་པ་སྔ་དར་ཕྱི་དར་གྱི། །བར་སྐབས་སྨྲྀ་ཏི་བོད་བྱོན་ཡང་། །ལོ་ཙཱ་མ་རྙེད་ཁམས་སུ་འཁྱམས། །དེ་མ་ཐག་པའི་སྐྱེ་བ་ནི། །སྔོན་གྱི་ལས་སད་པཎྜི་ཏ། །རོང་པ་ཆོས་ཀྱི་བཟང་པོ་དང་། །ཇོ་བོ་བྱོན་པ་ཐོག་མཉམ་པའི། །དེ་ཡི་སྔ་ཕྱི་ཅི་རིགས་པར། །ལྷ་རྗེ་ཟུར་པོ་ཆེ་ཆུང་དང་། །དམ་པ་སངས་རྒྱས་མར་མེ་མི་འཕྲོག །ལ་སོགས་མཁས་དང་གྲུབ་པ་མཆོག །མང་ཞིག་བྱོན་པའི་དུས་ཡིན་ཡང་། །འདུལ་བའི་བསྟན་པ་སྲངས་ཞན་པས། །དཱི་པཾ་ཀར་སྤྱན་དྲངས་ཤིང་། །ཕྱིས་ནས་ཁ་ཆེའི་བསོད་སྙོམས་པའི། །སྡོམ་རྒྱུན་རྣམ་དག་སྤེལ་བའི་དུས། །ལ་སོགས་གཞན་དུ་ཤེས་བྱ་སྟེ། །གཏན་ཚིགས་ཉིད་ནི་གཏན་ཚིགས་དང་། །བསྟུན་པ་ལས་གཞན་མངོན་ཤེས་ཀྱི། །དཔྱད་པའི་གནས་སུ་མ་གྱུར་ན། །དེ་དག་ལ་ཡང་ལོ་ཚིགས་དང་། །ཁམས་ལ་འགལ་བ་སྣ་ཚོགས་འདུ། །དེ་ཕྱིར་གྲགས་པ་བསྟན་པའི་རྗེས། །བསྐྱར་བློས་བྱ་བ་འཇིག་རྟེན་ན། །ཡོངས་སུ་གྲགས་པ་ཉིད་དང་བསྟུན། །འོན་ཀྱང་བསྟན་རྩིས་དོན་པོ་ནི། །བསྟན་པའི་གནས་ཚད་བརྟགས་པ་ནི། །གཙོ་བོར་ངེས་ཕྱིར་ཕྱི་དར་གྱི། །ཐོག་མ་ས་ཕོ་སྟག་གི་ལོ། །ཀླུ་མཚོས་དམན་པའི་མེ་སྟག་ལ། །མེ་མཁའ་རྒྱ་མཚོའི་འདས་ལོ་རྫོགས། །དེ་ལ་གཟུགས་དམན་མེ་ཡོས་ལ། །དུས་འཁོར་བོད་དུ་གདན་དྲངས་ཤིང་། །རབ་བྱུང་ཐོག་མའི་བགྲངས་གཞི་


ZP01_Page_501
[མ་དཔེ་གཟིགས་ན་འདིར་གནོན།]

ཡིན། །མེ་བུག་ཕྲི་བའི་ལྕགས་བྱི་ལ། །མངོན་པའི་དུས་རྫོགས་མདོ་སྡེ་ཡི། །ཐོག་མ་ཉིད་དུ་རིག་པར་བྱ། །དེ་ལ་མཁའ་མཁའ་འབྱུང་བ་ཡིས། །དམན་པ་ལྕགས་སྤྲེལ་མདོ་སྡེའི་དུས། །རྫོགས་ཤིང་འདུལ་བའི་མགོ་ཚུགས་ནས། །ད་ལྟའི་རབ་ཡིད་ས་ཁྱི་འདི། །ཡན་ལ་འདུལ་བའི་རང་ཆ་ནས། །ཉིས་བརྒྱ་དང་ནི་བཅོ་བརྒྱད་འདས། །ལྷག་མ་ཉིས་བརྒྱ་གྱ་གཉིས་པོ། །རབ་བྱུང་བཅུ་དགུ་པའི་ནང་གི །རྣམ་གནོན་ལྕགས་འབྲུག་ཤར་ཚེ་རྫོགས། །དེ་ནས་བསྒྲུབ་པའི་གསུམ་པོ་ལ། །ལྔ་བརྒྱ་ཕྲག་གསུམ་སྦྱངས་པའི་མཐར། །རྟགས་ཙམ་འཛིན་པའི་ཐོག་མར་སླེབ། །རྟགས་ནི་བསྟན་པར་མི་ཐེའོ། །ཕྱིན་ཆད་བསྟན་པ་རྣལ་མ་ཡི། །ལྷག་མ་ཅི་ཙམ་ཡོད་ཅེ་ན། །སྟོང་དང་བདུན་བརྒྱ་གྱ་གཉིས་ཡོད། །འོན་ཀྱང་བསྟན་པའི་དར་ནུབ་ལ། །གཞིག་ན་སྔོན་གྱི་མཁན་པོ་ཡིས། །བཤད་པའི་བསྟན་རྩིས་རྣམས་ལ་ཡང་། །ཀླན་ཀ་རུད་བ་མ་ཡིན་ནོ། །དེ་ཕྱིར་སྐྱེས་བུ་ཤེས་ལྡན་རྣམས། །བསྟན་པ་རིང་བོར་མི་གནས་པར། །ནུབ་པའི་ཆོས་ལ་ལེགས་བསམ་ནས། །སྐྱོ་ཤས་བསྐྱེད་ལ་དམ་ཆོས་མཛོད། །རྒྱུད་དང་ཟབ་མོའི་མདོ་སྡེ་ལས། །གསུངས་པའི་བསྟན་པའི་གནས་ཚད་ནི། །ངེས་པའི་དོན་ཕྱིར་རབ་བྱུང་གི །རྟགས་དང་ཆོ་གས་མི་མཚོན་པས། །དེ་དག་འདིར་ནི་མ་བརྗོད་དེ། །ཐེག་པ་མཆོག་དང་གྲུབ་པའི་མཐའ། །རིན་ཆེན་མཛོད་དོན་ཁོང་


ZP01_Page_502
[མ་དཔེ་གཟིགས་ན་འདིར་གནོན།]

ཆུད་པའི། །སྐྱེས་བུ་དེ་ནི་བློ་གསལ་ཡིན། །དེ་ལྟར་དོན་བཟང་འཛམ་བུའི་གསེར། །ཕུལ་བྱུང་རྗོད་བྱེད་ཕྲས་མཛེས་པ། །ལེགས་བཤད་གོ་ལའི་རྣ་རྒྱན་གྱི། །བསྟན་རྩིས་ཇི་བཞིན་བཀོད་བྱས་ནས། །སླར་ཡང་ཉེར་མཁོ་མུ་ཏིག་གི །དོག་པ་ཡིད་འོང་ལྟ་བུའི་ངག །ཚིག་གི་སྲད་བུས་ལེགས་སྤྲེལ་ནས། །འདོར་བྱེད་གྲངས་ཀྱི་ཆུན་འཕྱང་བྱ། །དཔལ་ལྡན་གཉིས་སུ་མེད་པའི་རྒྱུད། །ཟུང་འཇུག་དུས་ཀྱི་འཁོར་ལོ་ལས། །དུས་བཞིའི་རིམ་པ་ཆེ་ཆུང་གཉིས། །བཤད་པའི་ཆེ་བ་གྲུབ་རྩིས་སུ། །རྣམ་དག་གཏན་ལ་ཕབས་པ་ལྟར། །སྔོ་ཆད་འདས་དང་སླར་འབྱུང་འགྱུར། །བགྲང་བྱ་རྣམ་གྲངས་ཡང་དག་པ། །གཉིས་བསྡོམ་དུས་བཞི་ཆེན་མོའི་ཚད། །སྟོང་འཇུག་གནས་པའི་ལོ་ཚོགས་ཡིན། །ཆུང་ངུ་རྒྱུད་ཀྱི་བསྟན་རྩིས་ཏེ། །བསྟན་པ་སྔ་དར་ཕྱི་དར་གཉིས། །གཉིས་ཀ་དུས་བཞི་ངེས་པ་ལས། །སྔ་དར་ཐོག་མ་ལྷ་དང་མིའི། །སྟོན་པས་རྩ་རྒྱུད་བསྟན་ནས་ལོ། །འདས་ལ་མ་འོང་ལོ་འདིའི་མཚམས། །རིགས་ལྡན་དྲག་པོ་འཁོར་ལོ་ཡིས། །ཀླ་ཀློར་བཅད་ནས་ཕྱི་དར་གྱི། །དབུ་བཟུང་བསྟན་པ་འདི་སྙེད་གནས། །བསྡམས་པའི་ལྷོ་ཡི་དུམ་བུར་འདིར། །དུས་འཁོར་བསྟན་པ་གནས་ཚད་དེ། །དེང་སང་བསྟན་པ་སྔ་དར་གྱི། །རྫོགས་ལྡན་སུམ་ལྡན་གཉིས་ལྡན་དང་། །རྩོད་པའི་དུས་ཀྱི་ལོ་གྲངས་འདས། །རྩོད་དུས་ལྷག་མ་འདི་སྙེད་དོ། །སྟོན་


ZP01_Page_503
[མ་དཔེ་གཟིགས་ན་འདིར་གནོན།]

པས་རྩ་རྒྱུད་བསྟན་པའི་ལོ། །དེ་ནས་གསུམ་འདས་ཆུ་ལུག་ལ། །ཟླ་བཟང་ལོངས་སྤྱོད་རྫོགས་སྐུར་བཞེངས། །དེ་ནས་ལོ་གྲངས་བརྒྱ་ཕྲག་རེར། །ཆོས་རྒྱལ་དྲུག་གིས་ཀཻ་ལ་ཤར། །རྩ་རྒྱུད་བསྟན་ཏེ་རིམ་པར་བྱོན། །ལྷ་ཡི་དབང་པོ་གཟི་བརྗིད་ཅན། །ཟླ་བས་བྱིན་དང་ལྷའི་དབང་ཕྱུག །སྣ་ཚོགས་གཟུགས་དང་ལྷའི་དབང་ལྡན། །རིམ་བཞིན་རྒྱལ་སར་ཕེབས་ནས་ལོ། །དེ་ནས་ཤིང་ཕོ་སྤྲེའུའི་ལོ། །འཇམ་དཔལ་སྤྲུལ་པ་རིགས་ལྡན་གྲགས། །རྒྱལ་སར་བྱོན་ནས་བསྡུས་རྒྱུད་བསྟན། །དེ་འདས་མིག་དམར་ཤིང་བྱིའི་ལོ། །སྤྱན་རས་གཟིགས་སྤྲུལ་པདྨ་དཀར། །རྒྱལ་སར་ཕེབས་ནས་བསྡུས་རྒྱུད་ཀྱི། །འགྲེལ་ཆེན་དྲི་མ་མེད་པའི་འོད། །ཚིགས་བཅད་སྟོང་ཕྲག་བཅུ་གཉིས་བརྩམས། །ལོ་བརྒྱར་བཞུགས་རྗེས་རིམ་པ་བཞིན། །གཤིན་རྗེ་མཐར་བྱེད་བཟང་པོ་དང་། །ས་སྙིང་སྤྲུལ་པ་རྣམ་པར་རྒྱལ། །རྨུག་བྱེད་སྤྲུལ་པ་བཤེས་གཉེན་བཟང་། །སྒྲིབ་སེལ་སྤྲུལ་པ་རིན་ཆེན་ཕྱག །ཁེངས་བྱེད་སྤྲུལ་པ་ཁྱབ་འཇུག་སྤས། །ནམ་སྙིང་སྤྲུལ་པ་ཉི་མ་གྲགས། །བགེགས་དགྲའི་སྤྲུལ་པ་ཤིན་ཏུ་བཟང་། །རིམ་བཞིན་རྒྱལ་སར་ཕེབས་ནས་ལོ། །ཤིང་སྤྲེལ་ཕྱག་ན་རྡོ་རྗེ་ཡི། །སྤྲུལ་པ་རྒྱ་མཚོ་རྣམ་པར་རྒྱལ། །ཁྲིར་ཕེབས་བརྒྱ་དང་གྱ་གཉིས་བཞུགས། །དེ་སྲས་གཤིན་རྗེ་མཐར་བྱེད་ཀྱི། །རྣམ་རོལ་རྒྱལ་དཀའ་ཁྲིར་ཕེབས་ནས། །ལོ་གྲངས་ཉིས་བརྒྱ་ཉེར་གཅིག་བཞུགས། ཡབ་


ZP01_Page_504
[མ་དཔེ་གཟིགས་ན་འདིར་གནོན།]

སྲས་གཉིས་ཀྱི་སྐུ་ཚེའི་ཚད། །བསྡམ་ལ་མེ་མཁའ་རྒྱ་མཚོར་གྲགས། །དེ་འོག་རབ་བྱུང་མེ་ཡོས་ལ། །དུས་འཁོར་གངས་ཅན་ལྗོངས་སུ་ཕེབས། །ས་སྙིང་སྤྲུལ་པ་ཉི་མ་ཡིས། །ཤམ་བྷ་ལ་ཡི་རྒྱལ་སྲིད་བཟུང་། །ལོ་བརྒྱ་བཞུགས་རྗེས་རིམ་པ་བཞིན། །རྨུག་བྱེད་སྤྲུལ་པ་སྣ་ཚོགས་གཟུགས། །སྒྲིབ་སེལ་སྤྲུལ་པ་ཟླ་བའི་འོད། །ཁེངས་བྱེད་སྤྲུལ་པ་མཐའ་ཡས་དང་། །ནམ་སྙིང་སྤྲུལ་པ་ས་སྐྱོང་བ། །བགེགས་དགྲའི་སྤྲུལ་པ་དཔལ་སྐྱོངས་དང་། །ཕྱག་རྡོར་སྤྲུལ་པས་སེང་གེ་ཉིད། །གཤིན་རྗེ་མཐར་བྱེད་རྣམ་པར་གནོན། །ས་སྙིང་སྤྲུལ་པ་སྟོབས་པོ་ཆེ། །ཁྲིར་ཕེབས་ཕྱིན་གྱི་ལོ་གྲངས་ཡིན། །ད་གཟོད་ལོ་གྲངས་འདི་དག་ནས། །རིམས་བཞིན་རྨུག་བྱེད་མ་འགགས་པ། །སྒྲིབ་པ་རྣམ་སེལ་མིའི་སེང་གེ། །མཁའ་སྙིང་སྤྲུལ་པ་དབང་ཕྱུག་ཆེ། །བགེགས་དགྲའི་སྤྲུལ་པ་མཐའ་ཡས་དང་། །ཕྱག་རྡོར་དྲག་པོ་འཁོར་ལོ་ཅན། །ཁྲིར་ཕེབས་རིགས་ལྡན་ཕྱི་མ་འདིས། །དགུང་གྲངས་གོ་བདུན་ཐོག་ཕེབས་ནས། །འཛམ་བུའི་གླིང་འདིར་ཀླ་ཀློའི་དཔུང་། །བཅོམ་ནས་སླར་ཡང་རྫོགས་ལྡན་འཆར། །རབ་བྱུང་ཐོག་མའི་བགྲང་གཞི་ནི། །དུས་འཁོར་བོད་དུ་ཕེབས་ནས་ཏེ། །རབ་བྱུང་བརྒྱད་པའི་ཐོག་མ་རུ། །མཁས་ཀུན་རྩེ་མོ་ཕུག་པ་བས། །པདྨ་དཀར་པོའི་ཞལ་ལུང་བརྩམས། །དེ་ནས་རབ་བྱུང་བཅུ་གཅིག་པའི། །བློ་ངན་ལྕགས་མོ་བྱ་ཡི་ལོར། །ལྔ་རིག་གནས་ལ་འཕགས་པ་ལྟའི། །


ZP01_Page_505
[མ་དཔེ་གཟིགས་ན་འདིར་གནོན།]

མཁྱེན་མངའ་ཆོས་དཔལ་རྒྱ་མཚོའི་སྡེས། །ཕུག་ལུགས་རྩིས་ཀྱི་བཅུད་བསྡུས་པའི། །ལེགས་བཤད་ཉིན་བྱེད་སྣང་བ་བརྩམས། །རབ་བྱུང་བཅུ་གཉིས་ཐོག་མ་རུ། །སྤྱན་རས་གཟིགས་དབང་སྙིང་རྗེའི་ལྷའི། །རྣམ་རོལ་རྒྱལ་པོ་པཎྜི་ཏ། །ལྷ་ཅིག་སངས་རྒྱས་རྒྱ་མཚོ་ཡིས། །པད་དཀར་ཞལ་ལུང་མ་བུའི་དོན། །མ་ཉམས་རྩིས་སྐོར་གཙོར་བཏོན་པའི། །ཚིག་ཙམ་མ་ཡིན་སྔོན་མེད་ཀྱི། །ལེགས་བཤད་བཻ་ཌཱུར་དཀར་པོ་བརྩམས། །རྒྱལ་བ་ཤིང་རྟ་ཉིན་སྣང་གི །རྩིས་འགོ་གསར་སྤོས་དཔྱད་གསུམ་གྱི། །གཞུ་བཏུལ་རང་བཞིན་དག་པའི་གསེར། །ཟོལ་མེད་ཆེ་བ་ངོམས་ཕྱིར་བྱས། །ཡོངས་འཛིན་ཆུ་བྱིར་ངེས་ལེགས་པས། །མཚུར་ཕུག་རྩིས་ཀྱི་གནད་བསྡུས་པའི། །རྩིས་གཞུང་ཉེར་མཁོ་བུམ་བཟང་གི །རྩིས་འགོ་བཟུང་བ་ཕྱིན་གྱི་ལོ། །རབ་བྱུང་འདོད་པའི་ཆུ་ཡོས་ལ། །མཁྱེན་པའི་གཏེར་མཛོད་མཁྱེན་བརྩེའི་ལྷས། །ནམ་མཁའ་བརྟགས་པ་སྐར་མའི་གཏམ། །སྒོམ་བྱུང་ཤེས་རབ་རྩལ་གྱིས་བརྩམས། །དེ་ལྟར་བྱུང་དང་འབྱུང་འགྱུར་ལོ། །རྣམ་གྲངས་རི་མོའི་ལམ་ནས་དྲངས། །ཉམས་འགྱུར་ཤོག་བུའི་དོ་ར་ན། །ངོམ་ལ་ཨང་གཟུགས་སྨིན་མའི་འཕྱོར། །འབྲུ་ཚུགས་སྐད་མེད་ལྡེམ་བས་ཅན། །དོན་བཟང་ནུ་མའི་ཁུར་ལྕི་བས། །ནོན་ལ་ངལ་བ་མི་སེམས་པར། །བློ་གསལ་ཡིད་ལ་ཟློས་གར་རྩེ། ༈ །དུས་གསུམ་


ZP01_Page_506
[མ་དཔེ་གཟིགས་ན་འདིར་གནོན།]

བདེན་པའི་དངོས་པོ་མ་ཡིན་ཀྱང་། །ཡིད་ཀྱི་མེ་ལོང་ཕྱིས་པའི་དྭངས་ཤེལ་ལ། །འདས་དང་མ་འོངས་སྣང་བ་འབུམ་བགྲག་པའི། །རྩིས་གཞི་བར་པར་འོས་པ་ད་ལྟའི་ལོ། །སུམ་རྩེན་མེ་ཏོག་རྒྱས་པའི་སྐྱེད་ཚལ་ལ། །འཁུ་ལྡན་སྐལ་བཟང་ཐུབ་པས་དགེ་བྱས་པས། །མཁས་དང་མཁས་འོས་སྐྱེ་བོ་མང་བརྟེན་པའི། །ལེགས་སྦྱར་ལྷ་ཡི་སྐད་དུ་བི་ལམ་བྷི། །གསེར་ཞུན་ལོང་ཚེས་བྲིས་པ་འཇམ་པའི་ལྷས། །བསྐྱངས་བྱས་རྩིས་རིགས་མ་དྲོས་འཁྱིལ་པའི་འཇིང་། །རྒྱ་ནག་སྨྲ་བའི་དབང་པོས་ཞུ་ཟུལ་གླེང་། །ཚེག་སྒྲ་ཏོག་ཡར་དུས་མཐའི་མེས་བཟུང་བའི། །འཇིགས་འོས་རྡོ་རྗེ་གདེངས་པས་ཡིད་སྲུབ་མགོ །འགེམ་མཛད་འཁོར་ལོ་སྡོམ་འགྲེལ་སེམས་དཔའ་ཆེའི། །རྗེས་འབྲང་མཁས་པའི་ངག་ན་རྣམ་པར་འཕྱང་། །གློག་ཕྲེང་གངས་རིའི་རྭ་བར་དཀྲིས་པའི་འཛུམ། །མཆེ་བཟང་ནོར་གྱི་སྲུང་མར་ནོར་འཛིན་མས། །སྣ་ཚོགས་དབྱིག་བརྒྱའི་བང་མཛོད་ལྕི་བཞིན་དུ། །དབང་ཐང་སྐལ་བར་མཛད་བྱས་ས་ཕོ་ཁྱི། །དེ་སྲོག་གཞན་གྱིས་མ་ཡིན་གསེར་ལྡན་མས། །ཡིད་འོང་གླིང་བཞི་ཕྲ་ཚོམ་བཟུང་བྱས་ན། །བརྗིད་བག་རི་དབང་ལྷུན་པོའི་སྲ་བརྟན་ལ། །བརྟེན་གྱུར་རླུང་ལྷའི་བང་ན་རྣམ་པར་གནོན། །གནས་དང་ཆགས་བྱུང་སྲིད་པའི་ཀ་རྐཊ་ས། །དེ་འདུས་མཆིན་པའི་རྩ་ལས་ལེགས་བསྐྱེད་པའི། །འབིགས་བྱེད་ཚེར་མ་རྣམ་འཛིན་གསེར་ཞུན་མདངས། །བྱུ་རུའི་འབྲས་བཟང་


ZP01_Page_507
[མ་དཔེ་གཟིགས་ན་འདིར་གནོན།]

སྨིན་འོས་སྐྱེར་བའི་ཤིང་། །དབྱིག་འཛིན་ཕྲག་པ་དོག་པས་གེགས་བྱས་པས། །སྲོག་དབང་སྐལ་བས་དབུལ་གྱུར་འབྱུང་བ་གཞག །ཁྲོས་སམ་སྐྱེངས་པ་ཅི་ཆ་ཁ་ཡན་དུ། །བྲོས་ངེས་མིང་ཙམ་བརྟགས་ན་ཐེ་ཇི་ཚོམས། །མི་ཟད་རྣོ་རྒྱུན་འབབས་པའི་སྲ་རྡུལ་གྱིས། །ཐོགས་མེད་གང་ཡང་གཅོད་བྱེད་ལྕགས་ཀྱི་ཀླུང་། །སྒྱུ་རྩལ་རྩེད་མོས་གཡེངས་པའི་རྣམ་འགྱུར་བརྒྱ། །ངོམས་མཁས་ཡལ་གའི་རི་དྭགས་དེ་ལ་བརྟེན། །གླིང་དབུས་རྟ་གདོང་བྱིན་ཟའི་དགུ་དཔལ་གྱིས། །ནལ་མའི་ཁྱིམ་ཤིང་མེ་བདུན་བསྐལ་བས་གདུང་། །ལྷ་བརྒྱད་བཀྲ་ཤིས་རླུང་གིས་བཏེག་པ་ལས། ལྷོ་མེ་གྱོད་ཀྱི་དུ་བ་རྣམ་བཞི་འཚུབ། །ས་ན་དཔལ་གྱི་ཉིན་བྱེད་དྲུག་འབར་ལས། །རྣམ་ལྡན་མྱ་ངན་སྡུག་གི་མཚོས་ནོན་ཞིང་། །གནམ་ཐེག་ནམ་དུ་ཡལ་བའི་རྟེན་འབྲེལ་གྱིས། །རྒུར་པོའི་མཚོ་ཆུང་གསེར་གྱི་མེ་ཏོག་ལྔ། །གནམ་སའི་བུ་ཆེན་མཐིང་གི་ཐིག་ལེས་མཛེས། །གསེར་ཞུན་བྱུགས་པའི་མཛེས་པའི་བཞིན་རས་ཅན། །མ་རྒད་ལང་ཚོ་ཕྲོག་པའི་ལ་ཐོད་ཀྱིས། །ངོམས་མིན་ཟླ་བ་བཏགས་པའི་སྐ་རགས་དང་། །བྱུ་རུའི་ཐིག་ཕྲེང་འཛིན་པ་བཞི་ལྡན་ལོ། །བརྡའ་བཤད་སྟག་རྣ་ཆེན་མོར་བཅུ་གཉིས་ལོའི། །འབྲས་བུ་གཏན་ལ་ཕབ་པའི་བཅུ་གཅིག་པར། །ས་བདག་བློན་གནས་སྔ་ཐན་ཕྱི་ཞོད་ཆེ། །ལོ་ལེགས་གྲོ་ནས་རྒྱལ་ལ་སོ་ཟར་ཕམ། །ཇུ་ཙེ་འབྲིང་སྐྱེ་འཁོན་མང་ར་གནག་ངན། །ནུབ་བྱང་


ZP01_Page_508
[མ་དཔེ་གཟིགས་ན་འདིར་གནོན།]

འཁྲུགས་ལ་ལོ་ཕུང་ལེགས་ཞེས་གསུང་། །སྟག་རྣ་ཆུང་བའི་དྲུག་ཅུའི་ལོ་འབྲས་ལས། །ས་ཁྱི་ས་བདག་མིར་གནོད་སྔ་ཐན་དང་། །ནང་འཁྲུགས་འོང་གསུང་མདོ་སྡེ་གསང་བ་ལས། །རྣམ་བྱང་ས་ཁྱི་གནགས་འབྲིང་དཀར་མོ་ཤི། །ས་རླུང་ཆེ་ལ་སད་འབྱུང་འཁྲུགས་ཡམས་དང་། །ནད་འོང་དཀར་ཤི་རྒྱལ་ཁྲིམས་ཉམས་ཞེས་གསུང་། །དྲང་སྲོང་ཆེན་པོ་བླ་མས་བཤད་པ་ལས། །སྐྱེ་བོའི་ནོར་རྣམས་རྒྱལ་འཕྲོག་ཆོམ་རྐུན་མོད། །ནོར་འབྲུ་རིན་ཐང་འབྲིང་ཙམ་འཇལ་ལེན་བྱེད། །ཞེས་གསུངས་དུས་བསྟན་མེ་ལོང་ལོ་བཤད་ནས། །རྣམ་འཕྱང་ལོ་ཕྱུག་གཉིས་ཀ་ངན་ཞེས་གསུང་། ༈ །གྲུབ་པའི་ལོ་གཟའ་བདུད་རྩིའི་འོད་དཀར་ཅན། །ལེགས་བྲིས་ལམ་ལས་འོང་བའི་མཁའི་གླང་པོས། །བསིལ་སྦྱིན་བདུད་རྩིའི་ཆར་པ་ཆེར་འབེབས་ཤིང་། །འཛིན་མའི་བཞིན་རས་བཀྲུས་པའི་དགེ་མཚན་གྱིས། །འབྲས་བུ་ཁུར་ལྕིས་དུད་པའི་རྩི་ཤིང་ལོ། །གཡུར་ཟ་རྐང་གཉིས་དགའ་བའི་དགའ་སྟོན་བྱེད། །རྩི་ཐོག་བཅུད་བརྒྱས་རྒྱག་པའི་འདོད་འཇོའི་སྡེ། །ཡིད་འོང་འོ་འཛིན་རྒྱས་པའི་བང་མཛོད་ནས། །དུས་གསུམ་གཏན་པ་མེད་པའི་སྦྱིན་སྒོ་དབྱེ། །རབ་དགའ་མཐོ་རིས་གཉིས་པའི་སྐྱེད་ཚལ་ན། །རྣམ་བདུན་འགྱུར་བ་ངེས་པའི་གླུ་ལེན་ཞིང་། །སིལ་ཁྲོལ་དཀྲོལ་དང་འབུད་དང་ཕང་འཛིན་གྱི། །རྣ་བའི་བདུད་རྩི་བསྒྲུབས་ཤིང་རྗེ་རིགས་འབྱོར། །ལོ་སྐར་ལྷ་ཡུལ་ལྷ་མོ་འཚོ་བ་སྐྱེས།


ZP01_Page_509
[མ་དཔེ་གཟིགས་ན་འདིར་གནོན།]

མུ་ཏིག་དོག་པ་འཐོར་ལྟའི་ཆར་འབེབས་ཤིང་། །བྱང་གླིང་ས་ལུའི་ཁེངས་པ་ཉམས་བྱེད་པའི། །རོ་བརྒྱ་རྒྱས་པའི་འབྲས་ཚོགས་སྙེ་མའི་རྒྱན། །སྲིད་པའི་ཁྲོ་རྒྱུན་ཆད་ལྟ་གཅིག་ལ་གཅིག །མཛའ་གཅུག་དར་གྱིས་སྤྲེལ་བའི་གཡར་དམ་ལ། །གཅོས་མིན་སྙིང་གི་མདུད་པ་བྱས་པའི་རྒྱ། །འཛིན་པའི་དགའ་བདེ་སྤྱོད་ལ་ངོམས་པ་མེད། །བྱེད་པའི་ལོ་བདག་དྲང་སྲོང་མཐོ་རིས་ཐོབ། །འབྱོར་ལྡན་མཆོད་སྦྱིན་དག་པའི་འབྲས་སྐྱེད་ཅིང་། །བསྡགས་འོས་ཡོན་ཏན་ཕུང་པོའི་སྒྲ་གསངས་ཀྱིས། །སྤྲིན་སྒྲའི་དྲེགས་པ་རྒོལ་བའི་ལེགས་བྱས་ལ། །སུམ་རྩེན་རབ་དགའ་རྒྱས་པས་འཇིག་རྟེན་སྐྱོངས། །འཚོ་བྱེད་རྩི་ཤིང་བཅུད་རྒྱས་རྒྱས་པའི་དཔལ། །གསོ་བྱ་རྐང་བཞི་རྒྱག་པའི་མངའ་ཐང་བྱེད། །ཤེས་བྱ་རིག་ལམ་སྟོང་གི་སྣང་བ་ལ། །ཤེས་ལྡན་སྐལ་བཟང་བུང་བས་རྩི་བཞིན་རོལ། །དབུས་སྨེ་དགུ་དམར་གདུག་པའི་མེ་དཔུང་གིས། །རྒྱལ་རེགས་དྲེགས་པས་རྒྱགས་དང་རྒན་བྱིས་གདུང་། །འབྲས་བཟང་ལང་ཚོའི་གཡུར་བའི་སྙེ་ཕུང་ལ། །བཙའ་དམར་མཚམས་སྤྲིན་རྐུན་པོས་འཇབ་བུ་བྱེད། །རི་སྲས་ལྷ་མོས་འཁྱུད་པ་འབུམ་བྱིན་པས། །བདེ་བའི་རོལ་མོས་ཡང་དང་ཡང་དགྱེས་བ། །འཛུམ་མིག་ཟུར་གྱིས་དམར་བ་ལྷ་ཆེན་པོའི། །གསང་གཏམ་སྭ་རོ་དྷ་ཡི་ལེགས་བཤད་ལས། །སྤྱི་ནས་གནམ་གྱི་བདུད་རྩིས་དབང་བསྐུར་ཞིང་། །


ZP01_Page_510
[མ་དཔེ་གཟིགས་ན་འདིར་གནོན།]

ལྷོ་བྱང་དབུས་ཀྱི་སྐྱེ་བོའི་དོ་ཀེར་གྱིས། །བཏུད་བྱས་དྲེགས་པའི་ཞབས་རྡུལ་བརྟེན་འོས་པ། །གདོད་ལྔའི་ཁྱི་འཕངས་ཡངས་པའི་འཁོར་ལོའི་འབྲས། །བདུད་རྩིའི་འོད་འཛིན་སྣོན་གྱིས་ཟླ་བའི་དུས། །དབུས་ཕྱོགས་ས་ལ་དབང་བྱས་སྐྱེ་བོའི་ལྷ། །མངའ་ཐང་ཡར་ཟླ་འགྲན་ལ་དེ་ཁྲོས་ལྟའི། །རྒྱལ་ཕྲན་མཛའ་བ་མིན་པའི་གླེང་གཞི་སློང་། །གདུག་བྱེད་གཤིན་རྗེའི་གནས་པ་འཛིན་པའི་ཕྱོགས། །ཉེས་ཙམ་བགྱི་བ་མང་འགྲོགས་མཁས་པའི་གཏམ། །ལེགས་བཤད་གཟུགས་སུ་གྲུབ་པ་པུསྟ་ཀས། །བཏང་བྱས་ཐ་སྐར་ཅན་བར་མཛའ་མི་སྟེར། །མཐུན་པ་ཆོས་ཀྱི་བྱིན་པའི་དེ་མ་ཐག །དབྱིག་མཆོག་ཕྲག་པ་དོག་ལྟར་བུམ་བརྒྱ་སྐྱེས། །དེ་ན་མཛོད་བརྒྱའི་སྙིང་པོ་བགྱིད་མིན་ཞེས། །ཁྲོ་ལྡན་དབུས་ནུབ་དུམ་བུར་སོང་བ་བཞིན། །ལུགས་གཉིས་ལམ་མཐུན་ངེས་བགྱིད་ལྷ་མིའི་ཆོས། །སྔར་ཞིག་མཛའ་བར་མ་བྱས་དེ་སྐྱེངས་ལྟའི། །ལྷག་པར་དེ་ན་འཕེལ་དེ་ལྷོའི་དུམ་བུར། །ཆུ་ཤེལ་དབང་པོ་རྒྱལ་གྱིས་ཉ་ཚེ་ཡིན། །འཛུལ་མིག་རི་དྭགས་ལྟ་བུའི་ཟུར་གཡོས་པས། །ལང་ཚོའི་མེ་ཏོག་འབུལ་ལ་གཙང་མའི་ཟླར། །དབུས་སྐྱེས་རྒྱལ་རིགས་དྲེགས་པའི་ཁྲི་དྲུང་ན། །སྨིན་ལེགས་སྟོང་གི་འདུ་བ་རྒྱུན་མི་འཆད། །དུག་ཐག་འོད་བརྒྱ་རྣོན་པོའི་ཚ་དཔལ་ལ། །གདུང་བསིལ་སྐྱོབ་པ་སྦྱིན་པའི་གྲིབ་མ་ཅན། །ཕྱོགས་གསུམ་ས་སྐྱོང་འགྱིང་བའི་སྤྱི་བོ་རུ། །བརྟེན་འོས་གདུགས་ཀྱི་འཁོར་ལོ་


ZP01_Page_511
[མ་དཔེ་གཟིགས་ན་འདིར་གནོན།]

བརྟགས་པའི་གཏམ། །བསོད་ནམས་བཅུད་བརྒྱའི་རྒྱས་པའི་མངའ་ཐང་ཅན། །གང་ཡང་རྟག་པ་མིན་པ་ལྟ་ཅི་སྟེ། །གསལ་ལྡན་དྲང་སྲོང་གིས་བཟུང་དབུས་དང་ནུབ། །བདེ་སྐྱིད་དཔལ་མོའི་མེ་ཏོག་ཁྱད་པར་དར། ༈ །སྡེ་བཞིའི་ལང་ཚོ་དར་བབས་དགེ་བ་བཅུས། །དཔུང་པས་ས་ཆེན་ལེགས་སྐྱོངས་མིའི་ཚངས་པས། །བརྟེན་བྱས་རྒྱལ་པོའི་ཕོ་བྲང་ལྷུན་གྲུབ་སྟེང་། །དབུས་བྱས་རུ་སྦལ་འཁོར་ལོ་བརྟགས་པའི་འབྲས། །སྒྲིབ་བྲལ་ལྷ་ལམ་དྭངས་པའི་མཐིང་འོད་དང་། །འགྲོགས་ལྡན་ཉིན་མོར་བྱེད་པའི་འོད་རྣོན་གྱིས། །ཡང་ཡང་འཛིན་མའི་གཞི་ལ་རེག་བྱས་པས། །སྤྲིན་ཆར་སྨོན་པའི་འོས་གྱུར་ཡུལ་གྱི་དབུས། །འཆི་མེད་འབྱོར་དགུ་ས་ལ་འོངས་སམ་ཅི། །རྫོགས་ལྡན་དཔལ་སྤྱོད་སྐྱེ་དགུའི་འདི་སུ་ཞིག །གང་ཡང་ལེགས་བྱས་འབྲས་བུ་དེངས་བྱས་ཞེས། །ཕུན་ཚོགས་དཔལ་བརྒྱ་ངེས་པར་བཟུང་བ་ལྷོ། །གཏམ་ལ་གོམས་པའི་འབྲས་བཟང་ཉམ་ཆུང་ལས། །མགྲིན་པར་རོ་བདེ་སྦྱིན་པ་ཕྲ་གྱུར་བ། །སྐེམ་པའི་ལུས་ལྡན་རུས་ཚུགས་ངོམ་བཙུན་པ། །དུས་ཀྱིས་དཀའ་ཐུབ་བྱིན་པ་ལ་གནས་ནུབ། །གཏུམ་ལྡན་མེ་རྫས་སྦྱོར་བའི་སྒྲ་གདངས་དང་། །འཇིགས་རུང་དུད་སྤྲིན་ལ་གནས་ཐོག་མདར་བཅས། །བསྲུང་འཇོམས་གོ་མཚོན་སྟོང་གི་འོད་སྔོན་ཅན། །དབའ་གཏུམ་རལ་ཁ་འཁྲིགས་པ་དབང་ལྡན་ཕྱོགས། ༈ །


ZP01_Page_512
[མ་དཔེ་གཟིགས་ན་འདིར་གནོན།]

གཏུམ་པོས་བལྟ་བ་འཐབ་པ་སྤངས་པ་ལས། །གང་དུ་གནས་བྱས་ལྗོངས་དང་ཡུལ་གང་ཟག །གང་ཡང་འཇོམས་པ་མཐོང་བ་མ་ཡིན་པས། །ལེགས་བརྟགས་ཕན་ཚུན་ཆེན་པོའི་འཁོར་ལོ་དགེ། ༈ །དེ་ལྟར་འགྲོ་འོང་སྤྱིར་གཙོ་བརྗོད་པའི་འོས། །དཀར་ནག་རྩིས་རིག་རྒྱ་མཚོ་བསྲུབ་པའི་སྐྱེས། །སྙན་ངག་ཚིག་གི་མཛེས་བྱས་ནོར་བུའི་རྒྱན། །བློ་གསལ་རྣ་བའི་རྒྱན་དུ་དཔྱང་བ་ཡིན། །ཞག་གསུམ་ཕྲ་བའི་གནས་ལ་མ་འདྲེས་པར། །སྤྱོད་པའི་དྲང་སྲོང་བདུན་དང་རྒྱུ་བའི་ལྷ། །འཇིག་རྟེན་བདེ་སྡུག་སྦྱིན་པའི་སྐབས་འབྲས་ཅན། །སྤང་བླང་གནས་སུ་འོས་པ་དུ་མ་ཞིག །མིག་སྨན་རྡུལ་ཁམས་འཛིན་པའི་གཎྜིའི་ངོས། །སྲིད་པའི་གཟུགས་བརྒྱ་མཐོང་བའི་རྣམ་འགྱུར་ལ། །བྲི་སྣུབ་མཛུབ་མོས་རིགས་པ་འབུམ་བྱིན་པའི། །གྲུབ་འབྲས་རི་མོའི་རྣམ་པ་བལྟ་འོས་པ། །མཚམས་སྤྲིན་ཞུན་གྱི་བྲིས་ལྟའི་རེ་ཁ་ན། །སྟང་ཟིལ་རི་མོ་བཀོད་པའི་ཚོམ་བུ་ཅན། །སུམ་ཅུའི་སྡེ་ཚན་ཚིགས་སུ་བཅད་པའི་གཟུགས། །སྐལ་བཟང་མཐོང་བའི་ཡུལ་དུ་དག་གདོང་བཀྲམ། །སྲིད་དང་ཞི་བ་གཉིས་སུ་མེད་པའི་དངོས། །སྒྱུ་མའི་ཡེ་ཤེས་མཐོང་བ་དག་པའི་སྤྱན། །མཚན་རྟོག་རི་མོ་ནུབ་པ་ཡོད་ཀྱི་བར། །ཀུན་རྫོབ་རྟེན་འབྲེལ་གནད་འདི་བསླུ་བ་མེད། །དེ་སླད་སྔོན་བྱོན་མཁས་དབང་བང་བརྟེན་པ། །རྣམ་མང་རིག་ལམ་བདུད་རྩིའི་འཛུམ་དཀར་ཅན། །རྨོངས་པའི་མུན་སྟུག་གཞིལ་ལ་


ZP01_Page_513
[མ་དཔེ་གཟིགས་ན་འདིར་གནོན།]

དཔའ་བའི་རོ། །སྐལ་བཟང་ཀུནྡས་བཏུང་འོས་ཅི་ཕྱིར་མིན། །བློ་གྲོས་ལང་ཚོ་དར་བའི་རྣམ་དཔྱོད་མིག །མཁས་པའི་རྗེས་སུ་གཡེངས་བ་ཡོད་སྲིད་ན། །ཤེས་འོས་འཛུམ་ཟེར་གཡོ་བའི་སྨིན་ལེགས་འདིས། །མཁས་ཚུལ་རྩེ་དགའི་རོལ་སྒེགས་སྦྱིན་པ་ཡིན། ༈ །དེ་ལྟར་ཡང་དག་ལེགས་ལམ་མ་སྨད་པ། །རྣམ་དཔྱོད་བློ་ཡི་སྣང་བས་མཛེས་བྱས་ལས། །གང་ཡང་རྣམ་པར་དཀར་བའི་ལེགས་བྱས་ཀུན། །ཞི་བ་དམ་པའི་གནས་སུ་ཡོངས་བསྔོ་བགྱི། ༡ །དེ་མཐུས་ཕུལ་བྱུང་སྒྲིབ་པའི་ཆ་བྲལ་བ། །གདོད་ནས་ཡོངས་གྲོལ་སྒྲིབ་གསུམ་བྲལ་བའི་ཁམས། །སྲིད་སྲོག་གཉུག་མར་ཐིམ་གྱུར་སྤྲོས་ཚོགས་རྒྱུན། །ཚད་ལྡན་གདོད་མའི་མགོན་པོ་མཆོག་བརྙེས་ཤོག་༢ །དེ་སྲིད་དུ་ཡང་བྱང་ཆུབ་སྤྱོད་མཆོག་གི །ལེགས་བྱས་རྒྱུས་བྱང་བདེ་ནས་བདེ་བའི་ལམ། །རྣམ་གྲོལ་གོ་སར་རིང་བ་མིན་པ་ཅན། །ལུས་ཅན་ཡིད་ལ་མཛའ་བ་ཡོད་གྱུར་ཅིག་༣ །སྐལ་མཆོག་གང་དག་བདུད་རྩིར་བསྒྲུབས་པའི་ཆུས། །ངོམས་བྱས་དག་པའི་སྣང་བ་འབའ་ཞིག་ལ། །བསླབ་ལྡན་རང་གི་བརྩོན་པ་མཐར་བགྱིས་ནས། །རབ་དཀར་རུས་པའི་དུམ་བུས་མཛེས་པར་སྨོན། ༤ །མཆོག་གསུང་རྨད་བྱུང་ཐེག་ཀུན་རྩེ་མོའི་ཆོས། །གང་ལ་མཉམ་གཞག་བརྟན་པའི་དཔལ་རྙེད་ནས། །ཐར་ལམ་གཞན་དུ་རེ་བའི་སྐབས་སྤངས་པ། །རྒྱལ་བའི་ཉེ་ལམ་སྣང་བ་བརྟན་གྱུར་ཅིག་༥ །མཚན་དཔེའི་རི་མོ་


ZP01_Page_514
[མ་དཔེ་གཟིགས་ན་འདིར་གནོན།]

སྟོང་གི་སྣང་བ་དང་། །དཔག་ཡས་ངོ་མཚར་རྨད་བྱུང་མཛད་པའི་སྒོ། །ལེགས་གསུངས་ཐེག་གསུམ་བདུད་རྩིའི་མཛོད་ཁང་ཅན། །འགོག་མེད་ས་གསུམ་འགྲོ་བས་མཐོང་གྱུར་ཅིག་༦ །ཅི་འདི་ཉིན་བྱེད་སྟོང་གི་སྣང་བའམ། །སྐལ་བཟང་ཐར་ལམ་སྒྲོན་མ་བཞི་པའི་ཆོས། །ནང་གི་རྨོངས་མུན་གཞི་ལ་འདི་འོད་སྟོང་མིན། །དྲི་མེད་རྒྱལ་བསྟན་སྣང་བ་བཀྲག་གྱུར་ཅིག་༧ །ཅིག་ཆར་སྲིད་གསུམ་འགེངས་པ་བྱམས་བརྩེའི་འོད། །སྤྲིན་བྲལ་ཟླ་བ་སྟོང་གིས་མཚོན་མིན་པ། །མཚུངས་མེད་བླ་མའི་ཞབས་པད་ལྷར་བཅས་འགྲོའི། །ཕྱག་འོས་མི་ཤིགས་ཁྲི་ལ་བསྐལ་བར་བརྟན། ༨ །གཞིག་དཀའ་རྡོ་རྗེའི་དམ་བཅའ་སྙིང་ཁོ་ནར། །གཅིག་ཏུ་ཡང་དག་བྲིས་པའི་བརྟན་མཐོང་ནས། །ལྷན་སྐྱེས་སྒྲིབ་སྟོང་བྲོས་པ་བཞིན་བྱེད་པ། །མཐུན་པས་སྐལ་བཟང་ཚོམ་བུ་རབ་དགར་སྨོན། ༩ །དྲི་མེད་ཡང་དག་བསམ་པ་སྔོན་འགྲོ་བའི། །ལེགས་བྱས་དགེ་བཅུའི་སྤྱོད་བཟང་ཞི་བའི་སྒོ། །དཀར་ཕྱོགས་ཡིད་ལ་ཀུན་དགའ་བསྐྱེད་པ་ཅན། །ལུས་ཅན་ལམ་འདིས་གྲོལ་བ་འཛིན་གྱུར་ཅིག་༡༠ །གང་དང་མཛའ་བ་ཡིད་ལ་རིང་འཁྱུད་པའི། །ཀུན་རྨོངས་བག་ཆགས་སྟུག་པོ་ཉམས་བྱེད་པ། །ལྔ་རིགས་ལམ་འདིས་སྐལ་བཟང་དུ་མ་ཞིག །དགའ་བྱེད་བརྩོན་པར་བགྱིད་པའང་ཡོད་པར་སྨོན། ༡༡ །གང་གི་ཞབས་ཀྱི་རྡུལ་གཙང་རེག་བྱས་གླིང་། །འོག་མིན་ཡེ་ཤེས་སྣང་བ་བཞིན་བྱེད་པ། །སྔོན་བྱོན་འཕགས་བོད་མཁས་གྲུབ་བྱེ་བ་


ZP01_Page_515
[མ་དཔེ་གཟིགས་ན་འདིར་གནོན།]

ལྟའི། །མཆོག་བརྙེས་འཛིན་མའི་རྒྱན་མང་འབྱོན་པར་སྨོན། ༡༢ །རབ་དཀར་བསོད་ནམས་བསྐྱེད་པ་མ་ཡིན་ཞིང་། །ཡིད་ནི་ཞི་བར་མོས་པ་སྤང་བ་ལས། །རྨོངས་དང་བསྲེགས་གྲང་བཀྲེན་པའི་གདུག་པ་ཅན། །ངན་འགྲོའི་མིང་ཙམ་སྲིད་ན་ཡོད་མ་གྱུར། ༡༣ །གང་དཔལ་མཛེས་པ་རྒྱས་པའི་འོད་ཕྲེང་མཐའ། །ཡན་ལག་མཁའ་མཐའི་ཁྱོན་གྱིས་རྫོགས་དཀའ་བ། །ལེགས་བྲིས་གྲོང་གི་དཔལ་བརྒྱ་རྒྱས་པ་ཡང་། །སྨིན་གྲོལ་ཆོས་ཀྱི་འབྱོར་པས་མཛེས་བྱེད་སྨོན། ༡༤ །བརྟན་སྣོད་གཡོ་བར་བགྱིད་པའི་སྒྲ་བརྒྱ་དང་། །ལྷན་ཅིག་དམ་བཅའ་བཞི་ལྡན་རྡོ་རྗེའི་མཚོན། །འཕེལ་ལ་སྲོག་གི་འབེན་བགྱིད་དཱ་ནུའི་བུ། །རང་འབྱོར་འཇོམས་པའི་གདུག་སེམས་གཏོང་གྱུར་ཅིག་༡༥ །རྨོས་བཏབ་ངལ་བརྒྱས་བསྐྱེད་མིན་བཟའ་བ་དང་། །དཔག་བསམ་ཡལ་འདབ་འཇམ་པའི་ལྷ་གསོ་ལ། །ལོངས་སྤྱོད་རང་འོད་སྣང་བས་ལེགས་འཚོ་བ། །གླིང་དྲུག་རབ་དགའ་སྲིད་མཐར་ཉམས་མ་གྱུར། ༡༦ །རྫོགས་ལྡན་མགྲོན་དུ་འོང་བའི་དགེ་མཚན་གྱིས། །རབ་དགའ་སྙིང་ལ་སྐྱེས་པ་གང་ཡིན་པ། །གཉིས་པ་སྲིད་འདིར་གཞན་གྱིས་མིན་པ་ཅན། །བདེ་དཔལ་དེ་འདྲའི་འཛམ་གླིང་ཤིས་གྱུར་ཅིག་༡༧ །མ་བསྡུས་མཛེས་གུར་པ་ཁྲིགས་པའི་ཆུ་ཁུར་ཅན། །མ་བསྒུལ་ཞི་བའི་ཆར་ཟིམ་མཐུན་པའི་དུས། །འབབ་པས་ནོར་འཛིན་ལྷ་མོའི་བཞིན་བཀྲུ་བའི། །སྲིད་པའི་སྒེགས་ཆོས་ཉམས་པ་ཉིད་


ZP01_Page_516
[མ་དཔེ་གཟིགས་ན་འདིར་གནོན།]

མ་གྱུར། ༡༨ །རབ་སྙན་དབྱར་རྔའི་སྒྲ་དང་མི་མཛའ་བའི། །རབ་དཀར་ཀཻ་ལ་ཤ་རྡུལ་ཟད་དཀའ་བ། །རབ་ལྷུང་རྐང་བཞི་འཚོ་བའི་གཤེད་ཁོ་ནར། །རབ་ངེས་གནམ་སའི་སྐྱེས་རྒྱུན་གཅོད་གྱུར་ཅིག་༡༩ །རྡུལ་ཁམས་མཁའ་ལ་བཏེགས་པའི་ཚོགས་དཀྲིག་པས། །གནམ་སའི་བར་ལག་སྤྲེལ་བའི་འཇིགས་གཟུགས་ལ། །བརྟག་ན་ནམ་མཁའི་གོ་སྐབས་སྲིད་པ་འདིར། །ཡོད་དམ་མ་ཡིན་ནེམ་ནུར་གཞིག་དཀའ་བ། །དུས་མིན་རླུང་པོའི་རྒྱུ་བ་གཅོད་གྱུར་ཅིག་༢༠ །སྒྲ་བརྒྱའི་གློག་མེས་བཞུས་པའི་རྡོ་རྗེའི་ཞུན། །འཕེན་ལ་མཁའ་ལམ་འཛེགས་པའི་ཞོར་ཁོ་ནར། །ཁེངས་ལྡན་སྙེ་མར་ཕྲག་པ་དོག་གཏོར་བ། །མི་བཟད་སེར་བའི་འབྱུང་ཁུངས་སྟོང་གྱུར་ཅིག་༢༡ །ནོར་འཛིན་བཞིན་རས་བཀྲུས་པའི་དེ་མ་ཐག །ལྷ་ལམ་གཅེར་བུར་རྒྱུ་ལ་གདུང་བསྐྱེད་བློས། །མ་རུངས་གྲང་ལྷག་གཏུམ་པོས་འདེབས་བགྱིད་པའི། །འབྲུ་འཇོམས་འཁྱགས་སད་གདུག་པ་མིང་ཙམ་ཤོག་༢༢ །སྤྱི་མཐུན་ལེགས་བྱས་རྒྱུས་བྱུགས་སྲིད་པའི་མ། །ཕན་བརྩོན་རྟ་ལྗང་དབང་ཞེས་ངེས་པར་བརྫུན། །སྔོ་ལྗང་ལང་ཚོ་གསར་ལྡན་མྱུ་གུའི་རླན། །གདུང་བགྱིད་དུས་ཀྱི་ཐན་པ་ཞི་གྱུར་ཅིག་༢༣ །ཡིད་འོང་ཆར་སྤྲིན་སྤྱུགས་པའི་ཁའི་ཟེག་མ། །འཐུང་ལས་དུད་པ་འཛིན་པའི་སྙེ་ཕུང་ནི། །བརྒྱ་ཕྲག་འབྲས་བཟང་སྐྱུགས་པའི་སྟོན་མོ་ཡིས། །ཞིང་པའི་ཡིད་ལ་ཀུན་དགའ་འཛིན་གྱུར་ཅིག་༢༤ །ཆོས་གཅིག་བཀོད་པའི་ཏིང་ངེ་འཛིན།


ZP01_Page_517
[མ་དཔེ་གཟིགས་ན་འདིར་གནོན།]

རྩི་ཐོག་བཅུད་རྒྱས་གསོས་པའི་རྐང་བཞིའི་ཁྱུ། །ལུས་སྟོབས་ལང་ཚོ་རྒྱས་པའི་ཁེངས་དྲེགས་ཀྱིས། །མི་གཏོང་རྒྱལ་རིགས་མཁས་པའི་གྲལ་འཁོར་བཞིན། །ལས་དབང་འོས་པའི་ཞོ་ཤས་འཚེ་གྱུར་ཅིག༢༥། མཐུན་པ་ངག་དོན་བཞིན་སྒྲ་གཅིག་པ། །ཆོས་ཀྱིས་སྐྱོངས་པའི་རྒྱལ་ཐབས་ལ། །རྒྱས་བྱེད་དཔུང་ཚོགས་བཞི་ཡིས་ཅི་བགྱི་སྟེ། །ལས་འདི་དགེ་བཅུའི་ལམ་གྱིས་ཡོངས་རྫོགས་པ། །མངའ་ཐང་སྲིད་པའི་ཁྱོན་འདིས་རྫོགས་མ་གྱུར། ༢༦ །མངོན་གྱུར་འགོགས་པ། གང་ལ་མཐོ་རིས་མི་ཞེས་ནམ་དུ་ཡང་། །ཐུབ་པའི་ལེགས་བཤད་ཤེས་རྣམས་མི་བརྗོད་དེ། །བརྐུ་འཕྲོག་གཡུལ་གྱི་བགྱི་བས་ངན་འགྲོའི་ལམ། །མངོན་བྱས་རྐང་གཉིས་གདུག་པ་སྲིད་མིན་སྨོན། ༢༧ །སྲིད་པའི་གྲོང་རྒྱུའི་འགོགས་པ། ཁྱེར་རྨོང་མུན་ཁོར་ཡུག་ཅན། །སྒྲོལ་བྱེད་ཐར་ལམ་སྒྲོན་མེ་ལ་དགའ་བས། །ལེགས་བྱས་ཡལ་གམ་འཛིན་པ་ལྷུར་ལེན་པ། །གང་མཆིས་ཐུགས་ཀྱི་བཞེད་དོན་ཡོངས་རྫོགས་ཤོག་༢༨ །མ་བསྡུས་ཤིང་བསྡུས་པའི་གཟུགས་ཅན། ཀུན་ཉོན་སྲིད་པ་འཇོམས་པའི་ཡེ་ཤེས་མེས། །ཀུན་རྟོག་ཚང་ཚིང་བསྲེགས་པའི་འོད་སྣང་དཔལ། །ཀུན་གཟིགས་མཁྱེན་པའི་འབྱོར་པ་མཐའ་ཡས་པས། །ཀུན་ནས་རབ་དགའ་རྫོགས་པ་མཐོང་གྱུར་ཅིག ༢༩ ཐོག་མའི་ཟུང་ལྡན། བློ་གྲོས་པདྨ་གཟུགས་ཅན་གྱི་གཟུགས་ཅན། གཞོན་ནུའི་ལང་ཚོ་ལ། །ཤེས་གསུམ་ཉིན་བྱེད་སྒེགས་མོས་འཛུམ་བྱིན་པས། །མཁས་ཚུལ་


ZP01_Page_518
[མ་དཔེ་གཟིགས་ན་འདིར་གནོན།]

ཀཽ་སར་མཛེས་གཟུགས་རབ་ངོམས་པ། །སྐལ་བཟང་རྐང་དྲུག་རོལ་པའི་གཞིར་གྱུར་ཅིག་༣༠ །ཚེ་རིང་ལེགས་བྲིས་སྐྱེད་ཚལ་མི་འགྲམ་ཞིང་། །མིག་སྟོང་དབང་པོའི་བཞོན་པར་མ་གྱུར་པའི། །སྐྱེས་སྦྱངས་བློ་གྲོས་འཕེལ་བའི་ས་སྲུང་བུས། །ཀུན་རྨོངས་ལྷ་མིན་གཡུལ་ངོ་གཞོམ་གྱུར་ཅིག་༣༡ །ཚེ་རིག་བདུད་རྩིའི་འགལ་བའི་གཟུགས་ཅན། རོ་བདའ་ཨ་རུའི་ཤིང་། །རྗེས་སྦྱངས་ཐོས་བརྩོན་འབྲས་བུ་གཡུར་ཟ་བའི། །རིག་ལམ་འབྲས་བུ་རིགས་མང་དུད་པའི་རྩེར། །ནང་དོན་རྣམ་པར་རྒྱལ་འབྲས་རྟག་མཛེས་སྨོན། ༣༢ །བསྡུས་པའི་གཟུགས་ཅན། །ཕུལ་བྱུང་ཀཻ་ལ་ཤ་དཔལ་མཛེས་པ་ལ། །བཻ་ཌཱུར་ཐོར་ཚུགས་བཀོད་བྱས་གང་མཚུངས་པ། །འཇམ་དཔལ་དཔའ་བོའི་རྗེས་འཛིན་མཚུངས་མེད་ལྷས། །ཚེ་རབས་ཕྲེང་མང་བདག་ཀྱང་སླར་སྐྱོངས་ཤོག་༣༣ །སྐར་ནག་རྩིས་རྨད་བྱུང་དཔེ། རིགས་ཟུང་སྦྱོར་ལོའི་སྤངས་བླང་། །རྗོད་བྱེད་སྒྲ་དོན་སྙན་ཚིག་རྒྱན་མཛེས་ཅན། །མངོན་བརྗོད་སྒྲ་བཟོ་སྡེབ་སྦྱོར་ཆས་མཛེས་འདིས། །ཕྱོགས་འདིར་བློ་གསལ་ཡིད་དབང་འཕྲོག་གྱུར་ཅིག་༣༤ །དགོངས་པ་ཅན། མཆོག་ཏུ་ཞི་བ་གཉུག་མའི་ཡེ་ཤེས་དེ་ཁོ་ན། །རྟག་བརྟན་འགྱུར་མེད་བདེ་བ་ཆེན་པོར་ལྷུན་གྱིས་གྲུབ། །འཆིང་དང་གྲོལ་བ་གཉིས་ལ་མ་ཡིན་མཉམ་པ་ཉིད། །ཟུང་འཇུག་ཏིང་འཛིན་མཐར་ཐུག་གང་དེས་ཤིས་གྱུར་ཅིག་༣༥ །ཤིས་བརྗོད། །དཔལ་སྤྲུལ་པས་སོ།། །།

ཡུལ་དུས་ལོངས་སྤྱོད་བསྒྲིགས་ཐབས་ཀྱི་མན་ངག


ZP01_Page_519
[མ་དཔེ་གཟིགས་ན་འདིར་གནོན།]

ཡུལ་དུས་ལོངས་སྤྱོད་བསྒྲིགས་ཐབས་ཀྱི་མན་ངག་བཞུགས་སོ། །ན་མ་སྟྲི་ཀུ་ལ་ནཱ་ཐ་ཡ། །གསང་དོན་ཟླ་བ་ཐུགས་ཀྱི་རྡོ་རྗེ་འཛིན། །གསང་རྒྱུད་གྲགས་པ་འཇམ་པའི་དབྱངས་ཀྱིས་སྒྲོགས། །མིག་མི་འཛུམ་སྐུ་པདྨ་དཀར་པོའི་ཕྱག །རིགས་གསུམ་སེམས་དཔའ་རིགས་ཀྱི་བདག་པོ་མཛོད། །རྒྱལ་སྲས་འཁོར་བཅས་རྒྱལ་བ་བསམ་མི་ཁྱབ། །མཁའ་འགྲོའི་ཚོགས་བཅས་དཀྱིལ་འཁོར་འཁོར་ལོའི་བདག །སློབ་མའི་ཚོགས་བཅས་མཁས་པའི་བརྒྱུད་པ་ལ། །གུས་པས་ཚུལ་བཅས་ཀུན་ཏུ་ཕྱག་འཚལ་ལོ། །ཉུང་ངུའི་ཚིག་ལ་མཁས་པས་སྦས་པའི་གཏེར། །བརྒྱུད་པས་བཏབ་པའི་བཀའ་རྒྱ་མ་ཉམས་པ། །སྐལ་བས་སྤྱོད་པའི་བརྒྱུད་ལྡན་མེད་མཐོང་ནས། །བརྩེ་བས་དབྱེ་ལ་ཆོས་བདག་གནང་བ་སྩོལ། །སེམས་དཔའི་རྣམ་རོལ་སྤྲུལ་པའི་གཟའ་ཆེན་བརྒྱད། །གང་ལ་རོལ་པ་ཡུལ་དུས་སེམས་མ་ཡི། །ལོངས་སྤྱོད་དབྱེ་བ་ལྷུག་པར་དགྲོལ་བ་ལ། །རགས་དང་ཞིབ་པའི་དབྱེ་བ་རྣམ་པ་གཉིས། །ཡུལ་ལས་དུས་དང་དུས་ལས་ཡུལ་ཉིད་དོ། །དང་པོ་ལ་བརྒྱད་ཀུན་ལ་གསུམ་གསུམ་སྟེ། །ཀུན་སྣང་ཉིན་སྐུ་ཕྱེད་སྣང་ཟླ་ཚེས་གསུང་། །མི་སྣང་ཁྱིམ་ཐུགས་རྡོ་རྗེ་གསུམ་གྱི་ནི། །དཀྱིལ་འཁོར་གསུམ་དང་ལོངས་སྤྱོད་གསུམ་ཉིད་དོ། །སྐུ་དཀྱིལ་སྐུ་གསུང་ཐུགས་ཡོན་ཕྲིན་ལས་གནས། །གསུང་ལ་དེ་བཞིན་ཐུགས་ལ་གཅིག་ཉིད་དེ། །ཀུན་གྱི་རྟེན་གཞི་སྐུ་ཡི་དཀྱིལ་འཁོར་གཙོ། །


ZP01_Page_520
[མ་དཔེ་གཟིགས་ན་འདིར་གནོན།]

ལོངས་སྤྱོད་རྣམ་གསུམ་དེ་དང་མཐུན་པར་སྤྱོད། །ཉིན་བྱེད་སྐུ་ཡི་སྐུ་དཀྱིལ་གསུང་དབྱངས་ཀྱིས། །བསྒྱུར་ལ་གསུང་བཅུག་དགའ་མའི་ལོངས་སྤྱོད་དབྱེ། །ལྷག་གྱུར་ཐུགས་དང་ཡོན་ཏན་རིམ་སྔར་ལྟར། །ཕྲིན་ལས་སྣ་ཚོགས་ཐུབ་མཁའ་དྲང་སྲོང་ངོ། །སྐུ་ཡི་ལོངས་སྤྱོད་རྣམ་གཉིས་ཕྲིན་ལས་བར། །གསུང་གི་དུས་ལོངས་ཕྲིན་ལས་གཉིས་སུ་དབྱེ། །ཐུགས་ཀྱི་ལོངས་སྤྱོད་ཕྲིན་ལས་གཉིས་བར་ཏེ། །དུས་ལས་ཡུལ་ཐོབ་རྣམ་བཞི་མཐུན་ཉིད་དོ། །བསྒྱུར་གཞི་རིམ་བཏོན་ཡོན་ཏན་གཅིག་ཉིད་ལས། །ཕྲིན་ལས་རྣམ་གྲངས་ཡུལ་དང་མཐུན་པར་དབྱེ། །བསྡུ་ཚེ་སྐུ་སྟོང་གསུང་མཐུན་ཐུགས་ཆ་ལྷག །བསྡུས་ལ་འོག་ཆ་འབྱུང་བས་བསྒྱུར་བར་བྱའོ། །ཟླ་བའི་སྐུ་དཀྱིལ་གནས་གཉིས་ལས་སྔར་ལྟར། །འབྲས་ཆ་དུས་དུས་རི་ཀླུ་མིག་ཉིའོ། །ལོངས་སྤྱོད་སྐུ་གསུང་སྔར་འདྲ་ཐུགས་ཡུལ་ལ། །ཕྲིན་ལས་གཉིས་པ་སྟེང་ཕྱོགས་གསར་དུ་སྟེ། །བསྡུ་ཚེས་གསུང་ཐུགས་ཀླུ་མེ་རི་གཟུགས་དབྱེ། །གཟའ་ལྔ་སྐུ་དཀྱིལ་ལས་བཏོན་ཞི་དྲག་གསུམ། །ཕྲིན་ལས་དབྱིངས་བསྡུས་ལྷག་སྤེན་ཕྲིན་ལས་ལ། །རང་ཆ་དགའ་མའི་ལོངས་སྤྱོད་ཡང་ཆར་བཅས། །གསུང་ལ་དུས་ཀྱི་སེམས་མར་ཕྲིན་ལས་བསྣན། །ཐུགས་ཀྱི་དུས་སེམས་སྟེང་ཆ་འདོད་པས་བསྣུན། །འོག་མ་མདས་བཅད་སྟེང་མར་ནོར་དུ་གྱུར། །གཟུགས་སོགས་ཀྱིས་དབྱེ་རང་ཆག་སར་དུའོ། །བསྡུ་ཚེ་གསུང་ཐུགས་གསར་བྱུང་ཀུན་


ZP01_Page_521
[མ་དཔེ་གཟིགས་ན་འདིར་གནོན།]

བསྡུས་ལ། །ཐུགས་ཀྱི་སྟེང་མ་འདོད་བཅད་འོག་མདས་བསྣུན། །བསྡུ་དང་གསར་འདོན་སྤྱི་དང་ཀུན་མཐུན་ནོ། །དབུ་མའི་སྐུ་དཀྱིལ་རིམ་དབྱེ་ཕྲིན་ལས་ནི། །རྩེ་མོ་མིག་དང་ཐུབ་མཁའ་རི་བོང་ཡིན། །ལོངས་སྤྱོད་གསུང་དུས་ཆ་འཕར་ཐུགས་གཉིས་ཀར། །ཆ་རེ་གསར་བསྣན་གཉིས་ཀ་གསུམ་པའོ། །ཞིབ་པ་ལ་ཡང་རགས་དང་ཞིབ་པ་གཉིས། །རགས་པ་སྐུ་ཡི་རྟག་ལོངས་མཁའ་རོས་ཕྱེ། །དེ་སོགས་བསྒྱུར་གཞིའི་རིམ་པ་སྔར་འདྲ་བ། །དུས་ཀྱིས་བསྣུན་པ་ཡུལ་གྱི་སེམས་མའོ། །ཞིབ་པ་རྐང་བཅས་ཞག་རེའི་ལོངས་སྤྱོད་དེ། །གཟའ་རྣམས་རེ་ལ་དལ་བ་དག་པ་དུས། །ལྔ་པོའམ་དལ་རེར་མྱུར་བ་ཀླུ་ལག་སྟེ། །ཀུན་ཀྱང་རྟག་ལོངས་མདའ་ཡོན་ཟླས་ཕྱེ་ནོར། །རྐང་བསྒྱུར་བྱིན་ཕྲོག་དལ་བ་དག་པ་དང་། །དེ་ཡིས་ཉི་སྦྱངས་ལྷག་མ་རྐང་རིལ་སྐབས། །མཁའ་རོ་ཕྱེད་སྐབས་མཁའ་མེས་བགོས་པའི་ནོར། །རྐང་བསྒྱུར་བྱིན་ཕྲོག་མྱུར་བ་དག་པའོ། །དེ་ལས་གཞི་བཏོན་འདས་བསྒྱུར་བསྲེས་འདས་བསྣན། །འབྱུང་བསྒྱུར་ཀུན་བསྲེས་དེ་རིང་ལ་ཕྲི་བ། །གང་ཡང་དུས་དེའི་ཡུལ་ལོངས་རྣམ་དག་གོ །དེ་ལྟར་བརྒྱུད་པའི་མཁས་པས་སྦས་པའི་ནོར། །ཁ་བྱང་ཙམ་ཞིག་ཉིན་བྱེད་སྣང་བར་བསྟན། །ཞལ་ཤེས་མན་ངག་རེ་ཞིག་སྟོར་ན་ཡང་། །འདིར་ནི་བློ་གྲོས་གཏེར་སྒོ་གསར་དུ་དབྱེ། །མཆོག་གསུམ་ཐུགས་རྗེ་རིགས་གསུམ་བྱིན་མཐུ་ལས། །མཁས་པས་རྒྱས་བཏབ་


ZP01_Page_522
[མ་དཔེ་གཟིགས་ན་འདིར་གནོན།]

གཏེར་སྒོ་དབྱེ་བ་ལ། བདག་བློའི་རྣམ་དཔྱོད་གཏེར་སྟོན་རྒྱལ་པོ་ཡིས། །སྐལ་བཟང་ཚོགས་ལ་ངོ་མཚར་དེང་སྟོན་ནོ། །བཟོད་པར་མཛོད་ཅིག་རྡོ་རྗེའི་ཕོ་ཉ་མོ། །མཁའ་འགྲོའི་ཚོགས་བཅས་ལེགས་ཉེས་སྟངས་འཛིན་རྣམས། བརྩེ་བའི་ཐུགས་ཀྱིས་བདག་གི་གྲོགས་མཛོད་ལ། །བློ་གསར་ཀུན་གྱི་བློ་གྲོས་མཆོག་ཏུ་སྤེལ། །དེ་སྐད་མཁས་པ་ཨ་བུ་རྒྱལ་པོ་ལ། །རྩིས་རིགས་སློབ་པ་མདོ་སྔགས་རྒྱ་མཚོ་ཡིས། །ནན་གྱིས་བསྐུལ་ནས་ཡི་གེའི་རིས་སུ་བྱས། །དགེ་བ་དེ་མཐུས་འགྲོ་རྣམས་ཀུན་མཁྱེན་ཤོག །དགེའོ། །དགེའོ། །དགེའ།།

དུས་གཟེར་རྩིས་ཀྱི་ལག་ལེན་མདོར་བསྡུས།


ZP01_Page_523
[མ་དཔེ་གཟིགས་ན་འདིར་གནོན།]

དུས་གཟེར་རྩིས་ཀྱི་ལག་ལེན་མདོར་བསྡུས་བཞུགས་སོ། །


ZP01_Page_524
[མ་དཔེ་གཟིགས་ན་འདིར་གནོན།]

ན་མ་ཤྲཱི་ཀ་ལ་ཙཀྲ་ཡེ། གཉིས་སུ་མེད་དབྱིངས་བདེ་བ་ཆེ། །ཟུང་འཇུག་རྡོ་རྗེ་འདུས་མ་བྱས། །ལྷུན་གྲུབ་དབྱིངས་ཀྱི་ཧེ་རུ་ཀ །གཟུགས་སྐུ་དུས་ཀྱི་འཁོར་ལོས་སྐྱོངས། །གང་ཞིག་ཤེས་ནས་མི་བསླུ་བའི། །རྟེན་འབྲེལ་ཟབ་མོ་དེ་ཁོ་ན། །འཆར་བཟོད་རྙོགས་མེད་བློའི་མེ་ལོང་། །བློ་གསལ་སྣང་བ་འཆར་གྱུར་ཅིག །མཁའ་ལ་གོ་ལའི་དཀྱིལ་འཁོར་དང་། །ས་ལ་དུས་བཞིའི་འཁོར་ཚུལ་འགྲོས། །བསླུ་མེད་རི་མོས་གཏན་འབེབས་པ། །སྐར་མའི་རྩིས་ཞེས་གྲགས་པ་ལས། །གཉིས་པའི་རྣམ་གྲངས་མདོར་བསྡུས་བཤད། །རི་མོ་ཀུན་གྱི་གཞིར་གྱུར་པ། །རབ་བྱུང་བཅུ་བཞི་པའི་ནང་གི །ལྕགས་སྟག །འགྱུར་ལ་སོགས་འདས་པའི་ལོར། །ཉི་མས་བསྒྱུར་ལ་ནག་པ་སོགས། །འདས་ཟླ་བསྲེས་ལ་གནས་གཉིས་བཞག །འོག་མ་མིག་བསྒྱུར་ལག་པ་བསྲེ། །མདའ་རོས་ཐོབ་པ་སྟེང་བསྲེས་


ZP01_Page_525
[མ་དཔེ་གཟིགས་ན་འདིར་གནོན།]

པའི། །ཟླ་བ་དག་དང་ལྷག་རྩིས་འཕྲོ། ༈ །ཟླ་དག་གནས་ལྔ་སྟེང་ནས་རིམ། །གཟུགས་དང་གཟུགས་མེ་མཁའ་མདའ་ཐིག །མཁའ་ཀླུ་ཆུ་བོས་བསྒྱུར་བ་ལ། །གཟུགས་ཉི་མེ་མིག་ལག་པ་མིག །ཕྲི་ལ་རི་མཁའ་རི་དང་དུས། །མཁའ་རོ་མཁའ་རོ་ཐུབ་པས་དྲིལ། །གཟའ་ཡི་དྷྲུ་ཝ་རྣམ་པར་དག །ཟླ་དག་གནས་གཉིས་སྟེང་མ་མིག །འོག་མ་གཟུགས་ཀྱིས་བསྒྱུར་བ་ལ། །སྟེང་འོག་འདོད་དང་ཀླུ་ནོར་དམན། །དུས་ཉི་ཀླུ་ལག་གིས་བསྒྲིལ་ལྷག །རིལ་པོ་དང་ནི་ཆ་ཤས་སོ། །ཟླ་དག་གནས་ལྔ་མིག་དང་ཕྱོགས། །ཀླུ་དབང་གཟུགས་དང་རི་ཟླས་བསྒྱུར། །མཁའ་མཚོ་གཟུགས་ཆུ་སྟོང་། །རི་རོ་དུས་དང་མཁའ་རོ་དང་། །མཁའ་རོ་འཁོར་ལོས་དྲིལ་བ་ཡིས། །ཉི་མའི་དྷྲུ་བ་རྣམ་པར་དག ༈ །དེ་ནས་དུས་གཟེར་དངོས་གཞིའི་ཆེད། །དབུགས་ཐོབ་ཟླ་བ་སྔོན་འདས་དང་། །ཁྱིམ་


ZP01_Page_526
[མ་དཔེ་གཟིགས་ན་འདིར་གནོན།]

སྒང་རྩི་བྱ་གང་ཡིན་པ། །དབྱར་ཉི་འདས་ཟླ་གཉིས་དང་ནི། །དགུན་ཉིར་བརྒྱད་བསྲེས་རྩིས་འཕྲོ་རྣམས། །མཁའ་མེས་བསྒྱུར་ལ་དབུགས་ཐོབ་ཆེད། །གཟུགས་མཚོ་ཚེས་བྱིན་ཁྱིམ་སླེབ་ཐིག །སྒང་ལ་དུས་མེ་དབང་པོ་དང་། །ལྡོག་གཉིས་ཉིན་སྣང་འབྱུང་ཡོན་མེ། །བཻ་ཌཱུར་ལུགས་ལ་དབུགས་དུས་མཚོ། །རང་ལུགས་ཉི་ལྡོག་མཚོ་མེ་གཟུགས། །བསྲེས་ལ་མདའ་རོས་ཐོབ་ནོར་གྱིས། །རང་རང་ཟིན་པའི་ཚེས་གྲངས་སྟོན། །ནོར་ལ་མཁའ་མེ་ལྷག་ན་དོར། །དེ་ཚེ་ཟླ་བ་ཕྱི་མ་ཡི། །གཟའ་ཉིའི་དྷྲུ་བའི་བསྒྲུབ་གཞི་བྱ། །ཚེས་མཐུན་རྟགས་ལོང་དྷྲུ་ཝར་བྱིན། སྔར་གྱི་མཁའ་མེའི་ལྷག་མ་ཡིས། །རེ་ལྔ་ཆ་ཡི་རེ་མིག་གམ། །ཡང་ན་ལྷག་དེ་ལྔས་བསྒོས་པའི། །ནོར་གྱིས་བཅུ་གསུམ་ཆ་དང་ནི། །ལྷག་མས་ལྔ་ཆའི་རེའུ་མིག་གཟུང་། །སོ་སོར་བསྲེས་པས་ཚད་རྣམས་འཆར། །རི་ཥི་ཁྲུམ་ཟླའི་དབུགས་ཐོབ་གྱིས། །སྟོན་ལ་ཕག་ཞགས་སྣོན་ཟླའི་འཕྲོ། །མཁའ་མེས་བསྒྱུར་ལ་བུག་མེ་དྲག །བསྲེས་ལ་བགོ་སོགས་སྔར་བཞིན་བྱ། །ཞིབ་རྩིས་རྐང་ལོངས་ཆོ་ག་སོགས། །བྱེད་འདོད་གོ་ལའི་རྣ་རྒྱན་ལྟོས། །གལ་ཏེ་རེ་མིག་མ་འཛོམ་ན། །གཟའ་ལ་མཁའ་སྟོང་མཚོ་མདའ་མེ། །རི་རོ་ཉི་མར་ཐིག་མཁའ་མཚོ། །སྟོང་པ་ཉི་མ་སྔ་མ་ཡི། །མཁའ་མེས་ལྷག་ཆས་བསྒྱུར་བསྲེས་པའི། །ཚད་སོགས་སྔ་མ་ཇི་བཞིན་འཆར། །ཞར་བྱུང་སྨིན་དྲུག་ནམ་བོར་དང་། །བྱ་སྐད་བརྟགས་


ZP01_Page_527
[མ་དཔེ་གཟིགས་ན་འདིར་གནོན།]

པར་བཤོལ་ཡོད་དབོ། །རྒྱུན་དུ་ནག་པ་ཟླ་བ་ཡི། །རྩིས་འཕྲོ་མཁའ་མེས་བསྒྱུར་བ་ལ། །སྨིན་དྲུག་སྔ་བོར་རྩེ་མོ་མེ། །ཕྱི་བོར་གྲོ་བ་མེ་དབང་པོ། །ཁུ་བྱུག་སྔ་གྲགས་མིག་རི་ཕྱོགས། །ཕྱི་གྲགས་མེ་རི་ཉི་མ་བསྲེས། །མདའ་རོས་བགོ་སོགས་སྔར་བཞིན་བྱ། །རང་རང་ཚ་ཁྲ་ངེས་པར་འཆར།། ༈ །།རྩིས་འབྲས་ཐོར་བུ་སྤང་བླང་འདོད་པའི་སྙེ་མ་ཞེས་བྱ་བ་བཞུགས་སོ། །ཐོག་མར་ཚེས་ཀྱི་ས་བདག་ནི། །བཟང་ངན་བྱེ་བྲག་བཤད་པར་བྱ། །ངམ་ཤིང་དགེ་བཤེས་ཆེ་འདོན་དང་། །ཁྲི་རྩིག་བཤད་གསར་དམག་ལས་སྤངས། །དབུལ་ལག་མཁར་ལས་ཐོག་འཛུག་དང་། །བཤད་གསར་རྟེན་བཞེངས་རབ་ཏུ་གནས། །ངག་མ་བུ་འབོག་སྒྱེད་པུ་འཛུག །ལྟད་སྟོན་ཐོག་འབུབ་དར་ཕྱར་བ། །ནོར་ཕྱུག་ཕྱིར་གཏོང་བང་མཛོད་འབྱེད། །རོ་འདོན་ཞིང་འདེབས་ལ་སོགས་པ། །གསོན་གཤིན་ལས་རྣམས་ངན་པས་འཛེམ། །སྒྲིབ་ན་རེས་གཟའི་མདོག་དར་ཕྱར། །ལག་པའི་གཟུགས་བཅོས་རུས་སྦལ་གྱི། །ཁོག་བཅུག་ལྔ་སེར་སྟེང་དུ་མནན། །གཟའ་རྒོད་འབྱུང་བ་ཟས་ཚོལ་དུས། །བག་མ་གཏོང་ལེན་རོ་དྲངས་བ། །བུ་བཙས་ནད་ཐབ་དྲག་ལས་ངན། །ཟླ་ནག་དྲག་ལས་སྤྱིར་བཟང་ཞིང་། །དེ་མིན་གསོན་གཤིན་ལས་ཀུན་འཛེམ། །སྒྲིབ་ན་ཉམས་མེད་དར་དཀར་ཕྱར། །མར་དཀར་གསུར་གཏོང་ཆུ་གཏོར་དང་། །ཕྱོགས་བཞིར་ས་གཏོར་གཡག་ལུག་མགོ །དཀར་པོ་དར་སྣས་


ZP01_Page_528
[མ་དཔེ་གཟིགས་ན་འདིར་གནོན།]

བརྒྱན་པས་སྒྲིབ། །ཉི་ནག་ངན་བྱེད་དྲག་ལས་བཟང་། །དེ་མིན་སྤྱིར་ངན་ནག་ཆེན་ལ། །དར་དཀར་ཕྱར་ཞིང་གསུར་དུད་གཏོང་། །ནག་ཆུང་ཟན་ལ་ལྷོ་སྟག་གཟུགས། །ནུབ་རྟ་བྱང་ལུག་ཤར་དུ་ཁྱི། །འཆོས་ཏེ་ཉི་མ་གར་གནས་གཟུགས། །གནམ་ཁྱི་ལ་ནི་རོ་གཏོང་བ། །ཆུང་དུར་མཁར་ལས་ཁྲོམ་ཤིང་དམག །འབྲེལ་འཇལ་ལྟང་སྟོན་འཕོ་སྐྱས་སོགས། །ལས་ཀུན་ངན་ཞིང་ཁྱད་པར་དུ། །བག་མ་གཏོང་ལེན་འཛེམ་པར་བྱ། ༈ །བར་གནམ་ཧལ་ཁྱི་ལས་སྤྱིར་ངན། །ཧལ་ཁྱི་ཟས་ཚོལ་ཁྱི་ལེན་དང་། །མཁར་ལས་བག་སྐྱས་ལྟད་སྟོན་དམག །རོ་གཤིན་ལས་འཛེམ་འབྲུ་སྣའི་ཁྱི། །ཕྱོགས་དེར་བསྟན་ཞིང་བར་ཁྱི་ཡང་། །དེ་ལྟར་བྱ་ལ་གནམ་ཁྱི་ནི། །སྦྱོར་དང་ཟས་ཚོལ་གང་ལ་ཡང་། །སྤྱང་ཀུའི་ཐོད་པས་སྒྲབ་པར་བྱ། །པི་ལིང་འཕར་མ་ཕར་རྒོལ་བའི། །དྲག་པོའི་ལས་ཀུན་བསྡོངས་ན་ཐེབ། །ཞི་ལས་ཀུན་ངན་དེ་སྒྲིབ་ན། །ཟན་སྲང་བཅུ་གསུམ་ར་གྲོད་བཅུག །བཤོལ་ལྕགས་རྙིང་པ་གཅིག་དང་བསྡོངས། །བྱང་གོང་གཡན་པ་སྔོན་པོས་མནན། །པི་ལིང་ཁྱི་ལུད་དུད་པས་སྒྲིབ། །ཀི་ཀིང་མཁར་ལས་ལྟད་སྟོན་ཤིང་། །གཤིན་ལས་བག་མ་བུ་བཙས་དང་། །དམག་དང་བུ་ལོན་འཇལ་ལེན་ངན། །སྒྲིབ་ན་ཀུ་ཤ་རྨ་བྱའི་མདོངས། །ལ་ཆ་བལ་གྲི་རེ་བས་དྲིལ། །ཚེས་ལ་གནས་པའི་ཕྱོགས་སུ་གཟུགས། །གཟའ་བདུན་གཟེན་ཚོལ་ཕོ་ཉ་འགྱེད། །ལྟད་སྟོན་ཤིད་བག་མཁར་


ZP01_Page_529
[མ་དཔེ་གཟིགས་ན་འདིར་གནོན།]

ལས་སྐྱས། །ཁྱེའུ་དགའ་སྟོན་མཁར་ལས་དང་། །བྱིས་པ་སྒོར་ཁྲིད་རོ་འདྲེན་ངན། །གཟའ་ཡུམ་ཀློགས་ཤིང་ཆུ་གཏོར་གཏོང་། །གང་ཡིན་རེས་གཟའི་ཨུར་ནོན་བྱ། །ཕུང་ཟོར་རོ་དུར་ཕུང་སར་འགྲོ། །དབང་སྒྲུབ་ཆོས་འཆད་མཁར་ལས་སོགས། །གསོན་གཤིན་བྱ་བ་ཕལ་ཆེར་འཛེམ། །སྒྲིབས་ན་ཟོར་བ་རྨ་བྱའི་སྒྲོ། །དབྱུག་རྩེར་བསྡམ་པ་ཁ་ཕྱིར་བསྟན། ༈ །རཱ་ཧུ་དྲག་ལས་མ་གཏོགས་ངན། །སྒྲིབ་ན་ཕྱག་རྡོར་སྐུ་བརྙན་ཕྱར། །དྲ་ཆེན་རྒྱུ་དུས་བག་མ་དང་། །སྟོན་མོ་དམག་རོ་བསྒུལ་བསྐྱོད་སྤངས། །གནམ་སྦྱོར་གཟའ་གསར་མཉམ་སྦྱོར་དང་། །རོ་དུར་བག་མའི་ལས་རྣམས་འཛེམ། །ལྷ་དགུ་འཚོགས་སར་ཟོར་གཏད་དང་། །རོ་དང་བག་མ་ལ་སོགས་འཛེམ། །ལྷ་ལྔ་འཚོགས་པར་གསོན་གཤིན་ལས། །ཁྲོམ་གྱི་འདུ་ཚོགས་སྤང་བར་བྱ། །ཟོར་གཏད་ཁྲམ་སེལ་དྲག་ལས་བཟང་། །ཚེས་ནག་བྱ་བ་སྤྱི་ལ་བྱོལ། །ཚེས་གཉན་གསོན་གཤིན་བྱ་བ་ཟློས། །ཞག་ངན་འདུ་བྱས་བྱ་བའི་རིགས། །ཁྱད་པར་ནོར་རྫས་མི་གཏོང་ངོ ། །སྤྱིར་ན་ཉི་ཚེས་དུས་ཚོད་ལ། །དབང་བའི་དྲག་པོའི་ས་བདག་རྣམས། །དགེ་ལས་གསོན་གཤིན་བྱ་བ་འཛེམ། །ཧོར་ཟླ་གསུམ་པ་ནག་པའི་ཟླ། །དཔྱིད་ཐ་ལུག་ཁྱིམ་འབྲུག་གི་ཟླ། །ལྔ་ནུབ་དགུ་ཤར་བུམ་སྟོང་ཤར། །ཧོར་ཟླ་བཞི་པ་ས་ག་ཟླ། །དབྱར་ར་གླང་ཁྱིམ་སྤྲུལ་ཟླ་བ། །ལྔ་དགུ་བྱང་གནས་བུམ་སྟོང་ལྷོ། །ཧོར་ཟླ་ལྔ་པ་སྣོན་ཟླ་བ། །


ZP01_Page_530
[མ་དཔེ་གཟིགས་ན་འདིར་གནོན།]

དབྱར་འབྲིང་འཁྲིགས་ཁྱིམ་རྟ་ཟླ་བ། །ལྔ་ཤར་དགུ་ནུབ་བུམ་སྟོང་ནུབ། །ཧོར་ཟླ་དྲུག་པ་ཆུ་སྟོད་ཟླ། །དབྱར་ཐ་ཀརྚ་ལུག་གི་ཟླ། །ལྔ་དགུ་ལྷོ་གནས་བུམ་སྟོང་བྱང་། །ཧོར་ཟླ་བདུན་པ་གྲོ་བཞིན་ཟླ། །སྟོན་ར་སེང་ཁྱིམ་སྤྲེལ་ཟླ་བ། །ལྔ་ནུབ་དགུ་ཤར་བུམ་སྟོང་ཤར། །ཧོར་ཟླ་བརྒྱད་པ་ཁྲུམ་ཟླ་བ། །སྟོན་འབྲིང་བུ་མོ་བྱ་ཡི་ཟླ། །ལྔ་དགུ་བྱང་གནས་བུམ་སྟོང་ལྷོ། །ཧོར་ཟླ་དགུ་པ་དབྱུག་གུ་ཟླ། །སྟོན་ཐ་སྲང་ཁྱིམ་ཁྱིའི་ཟླ་བ། །ལྔ་ཤར་དགུ་ནུབ་བུམ་སྟོང་ནུབ། །ཧོར་ཟླ་བཅུ་པ་སྨིན་དྲུག་ཟླ། །དགུན་ར་སྡིག་ཁྱིམ་ཕག་ཟླ་བ། །ལྔ་དགུ་ལྷོ་གནས་བུམ་སྟོང་བྱང་། །ཧོར་ཟླ་བཅུ་གཅིག་མགོ་ཟླ་བ། །དགུན་འབྲིང་གཞུ་ཁྱིམ་བྱི་བའི་ཟླ། །ལྔ་ནུབ་དགུ་ཤར་བུམ་སྟོང་ཤར། །ཧོར་ཟླ་བཅུ་གཉིས་རྒྱལ་ཟླ་བ། །དགུན་ཐ་ཆུ་སྲིན་གླང་ཟླ་བ། །ལྔ་དགུ་བྱང་གནས་བུམ་སྟོང་ལྷོ། །ཧོར་ཟླ་དང་པོ་མཆུ་ཟླ་བ། །དཔྱིད་ར་བུམ་ཁྱིམ་སྟག་གི་ཟླ། །ལྔ་ཤར་དགུ་ནུབ་བུམ་སྟོང་ནུབ། ཧོར་ཟླ་གཉིས་པ་དབོ་ཟླ་བ། །དཔྱིད་འབྲིང་ཉ་ཁྱིམ་ཡོས་བུ་ཟླ། །ལྔ་དགུ་ལྷོ་གནས་བུམ་སྟོང་བྱང་། །དེ་ལྟར་ཟླ་བ་བཅུ་གཉིས་ལས། །ཧོར་ཟླ་གསུམ་པ་ནག་ཟླ་ཉིད། །ལོ་འགོར་དུས་ཀྱི་འཁོར་ལོ་བཞེད། །ལོ་གཅིག་ཟླ་བ་བཅུ་གཉིས་པོར། །ཞག་ནི་སུམ་བརྒྱ་དྲུག་ཅུ་སྟེ། །དེ་དག་རེ་རེར་གཟའ་སྐར་མ། །ཚེས་དང་སྦྱོར་བ་བྱེད་པ་སྟེ། །རིམ་པ་ལྔ་རུ་གནས་པ་ལས། །དང་པོ་རེས་གཟའ་བདུན་པོ་ནི། །ཉི་མ་ལྷའི་གཟའ་


ZP01_Page_531
[མ་དཔེ་གཟིགས་ན་འདིར་གནོན།]

སྐྱེས་རྒྱལ་བླ། །ཞི་བ་དམར་སྐྱ་མེ་ཡི་ཁམས། །ཟླ་བ་ཀླུ་གཟའ་བུད་མེད་བླ། །རྗེས་རིགས་དཀར་སེར་ཆུ་ཁམས་ཞི། །མིག་དམར་ལྷ་མིན་དམག་དཔོན་བླ། །རྒྱལ་རིགས་དམར་ནག་དྲག་པོ་མེ། །ལྷག་པ་གནོད་སྦྱིན་མ་ནིང་བླ། །དམངས་རིགས་སྔོ་ལྗང་ཞི་བ་ཆུ། །ཕུར་བུ་བྱང་སེམས་བནྡེའི་བླ། །བྲམ་ཟེ་གསེར་མདོག་ཞི་དྲག་རླུང་། །པ་སངས་རྒྱལ་བློན་གཅན་གཟན་བླ། །བྲམ་ཟེ་སྣ་ཚོགས་ཞི་བ་ས། །སྤེན་པ་དབུལ་བྲན་བྱིས་པའི་བླ། །དྲག་པོ་དམངས་རིགས་མུན་མདོག་ས། །དེ་ལྟར་གཟའ་བདུན་གང་ཚེས་དར། །དེ་ཡི་བུ་དར་མ་ཞུད་ཅིང་། །དགྲ་གྱོད་གྲོགས་ནི་གུད་པ་སྟེ། །དར་བ་རབ་ལ་ཞུད་པ་འབྲིང་། །གྱོད་གུད་དག་ལ་ལས་ཀུན་ཤོལ། །རང་རང་བླ་གཟའ་དར་བའི་དུས། །བྱ་བ་ཅིར་ཡང་རང་ཉིད་རྒྱལ། །ཉི་ཟླ་ཕུར་བུ་གསུམ་གྱི་དུས། །འཐབ་སོགས་གང་ཕྱི་མ་དེ་རྒྱལ། །དམར་སྤེན་སངས་གསུམ་གང་སྔ་རྒྱལ། །གཟའ་བདུན་གང་ལ་རེས་ཡོད་ཀྱང་། །གྲོགས་ཕྱོགས་དོན་གྲུབ་ནོར་དང་འཕྲད། མ་ཕྱོགས་གཏམ་སྙན་ཐོས་པའི་ས། །རང་ཕྱོགས་ཁ་སྨྲས་མྱ་ངན་འོང་། །བུ་ཕྱོགས་བྱེ་བྲལ་སྟོར་བརླག་འོང་། །དགྲ་ཕྱོགས་རྩོད་དང་འཐབ་པའི་རྒྱུ། །ཉི་མ་དར་ཡང་ཤིད་མི་བྱ། །ཟླ་བ་ཧོམ་མིན་དམར་པོ་ལ། །གྲི་མི་འདུལ་ཞིང་ལྷག་པ་ལ། །དུར་སྤང་ཕུར་པུར་ཟོར་མི་གདབ། །པ་སངས་དར་ཡང་ཕྱུགས་མི་བསྐྱལ། །སྤེན་པ་དར་ཡང་


ZP01_Page_532
[མ་དཔེ་གཟིགས་ན་འདིར་གནོན།]

ནོར་མི་གཏོང་། །དེ་ནས་སྐར་མའི་དོན་བསྡུས་བཤད། །བྲ་ཉེ་དམེ་སྐར་ར་ཡི་བླ། །སྨིན་དྲུག་ཟློས་སྐར་བུད་མེད་བླ། །སྣར་མ་གཡང་སྐར་ནོར་ཕྱུགས་བླ། །མགོ་ནི་དམེ་སྐར་བཙན་པོའི་བླ། །ལག་ནི་དགྲ་སྐར་གཤིན་པོའི་བླ། །ནབ་སོ་གཡང་སྐར་ལུག་གི་བླ། །རྒྱལ་ནི་འགྲུབ་སྐར་ལུག་གི་བླ། །སྐག་ནི་མགྲོན་སྐར་ཁྱི་གཅན་བླ། །མཆུ་ནི་དགྲ་སྐར་ཕྱུགས་ཇག་བླ། །གྲེ་ནི་དམེ་སྐར་ཇག་པའི་བླ། །དབོ་ནི་དགྲ་སྐར་ལུག་གི་བླ། །མེ་བཞི་གཤིན་སྐར་ལུག་གི་བླ། ནག་པ་ཟློས་སྐར་གནག་རའི་བླ། །ས་རི་དགྲ་སྐར་གནག་གི་བླ། །ས་ག་གྲུབ་སྐར་ཞིང་གི་བླ། ལྷ་མཚམས་ཟློས་སྐར་བནྡེའི་བླ། །སྣོན་ནི་མགྲོན་སྐར་ར་ཡི་བླ། སྣུབ་ནི་དམེ་སྐར་དམང་གི་བླ། །ཆུ་སྟོད་གཡང་སྐར་ཟས་ཀྱི་བླ། །ཆུ་སྨད་གྲུབ་སྐར་འབྲུ་ཡི་བླ། །གྲོ་བཞིན་མགྲོན་སྐར་བོན་པོའི་བླ། །བྱི་བཞིན་གཤིན་སྐར་བོན་པོའི་བླ། །མོན་གྲེ་མགྲོན་སྐར་རྟ་བོང་བླ། །མོན་གྲུ་གཡང་སྐར་རྟ་བོང་བླ། །ཁྲུམས་སྟོད་གཤིན་སྐར་བནྡེའི་བླ། །ཁྲུམས་སྨད་གཤིན་སྐར་གཤིན་གྱི་བླ། །ནམ་གྲུ་གྲུབ་སྐར་རྩིས་པའི་བླ། །ཐ་སྐར་དགྲ་སྐར་རྐུན་པོའི་བླ། །དེ་ལྟར་རྒྱུ་སྐར་ཉེར་བརྒྱད་པོ། །གྲོ་བཞིན་བྱི་བཞིན་སྐར་ཁུང་གཅིག །བརྩིས་པའི་ཉི་ཤུ་རྩ་བདུན་ཏེ། །ཉ་སྐར་དར་ལ་སྟོང་སྐར་གྱོད། །གཞན་རྣམས་གུད་པ་ཞེས་བྱའོ། །ཡང་ན་ཤིང་ཁམས་ཉ་བ་ལ། །ཤར་དཀར་དར་ལ་ལྷོ་བྱང་གུད། །ནུབ་སྐར་གྱོད་སོགས་བཤད་པར་སྣང་།


ZP01_Page_533
[མ་དཔེ་གཟིགས་ན་འདིར་གནོན།]

རྒྱ་ནག་ལུགས་ཀྱི་སྐར་མའི་ཁམས། །སྨིན་དྲུག་རྒྱལ་བར་ཤར་སྐར་ཤིང་། །མཆུ་ནས་ས་རི་ལྷོ་སྐར་མེ། །ལྷ་མཚམས་ནས་དྲུག་ནུབ་སྐར་ལྕགས། །མོན་གྲེ་དབྱུག་པར་བྱང་སྐར་ཆུ། །མཚམས་བཞིར་ས་རུ་བཤད་པ་ཡིན། །དེ་ནས་ཚེས་འབྲས་སྤྱིར་བཤད་པ། །ཚེས་གཅིག་ལ་ནི་དོན་ཀུན་འགྲུབ། །ཚེས་གཉིས་ལ་ནི་སྟོན་ཆེན་ཐོབ། །ཚེས་གསུམ་བྱ་བ་གང་བརྩམ་དགེ །བཞི་ལ་འགྲུབ་བམ་མི་འགྲུབ་འགྱུར། །ཚེས་ལྔ་ལ་ནི་ཁེ་བཅས་འགྱུར། །དྲུག་ལ་དོན་གཉེར་བཙོན་ཏུ་འཆི། །བདུན་ལ་གང་འདོད་འགྲུབ་པར་འགྱུར། །བརྒྱད་ལ་འཇིགས་པ་འབྱུང་འགྱུར་ཏེ། །དགུ་ལ་མགྲོན་པོ་འཆི་བར་འགྱུར། །བཅུ་ལ་ལྟས་བཟང་མདུན་དུ་འགྲོ། །བཅུ་གཅིག་སྡོམ་པ་འབོག་པ་བཟང་། །བཅུ་གཉིས་བཟང་པོ་བླུན་པར་འགྲོ། །བཅུ་གསུམ་སྟོབས་ཆེན་ལྡན་པར་འགྱུར། །བཅུ་བཞི་ལ་ནི་ཆོམ་པོ་འབྱུང་། །བཅོ་ལྔ་བ་ལ་བགྲོད་པ་སྤངས། །མར་ངོ་ལ་ཡང་དེ་ཉིད་སྦྱར། །དེ་ནས་སྦྱོར་བའི་འབྲས་བུ་ནི། །མཛའ་བོ་ཚེ་ལྡན་སྐལ་བཟང་དང་། །བཟང་པོ་ལས་བཟང་འཛིན་པ་དང་། །འཕེལ་བ་ངེས་པ་དགའ་བ་དང་། །དངོས་གྲུབ་མཆོག་ཅན་ཞི་བ་གྲུབ། །བསྒྲུབ་བྱ་དགེ་བ་དཀར་པོ་དང་། །ཚངས་པ་དབང་པོ་ཅི་བྱེད་བཟང་། །སེལ་བ་ཤིན་སྐྲངས་ཟུག་རྔུ་དང་། །སྐྲངས་དང་ཀུན་འཇོམས་རྡོ་རྗེ་དང་། །ཤིན་ལྟུང་ཡོངས་འཇོམས་འཁོན་འཛིན་རྣམས། །དགེ་བའི་ལས་ལ་ཤིན་ཏུ་ངན། །འཛིན་པ་


ZP01_Page_534
[མ་དཔེ་གཟིགས་ན་འདིར་གནོན།]

མཆོག་ཅན་ཚངས་པ་རྣམས། །བཏང་སྙོམས་པ་རུ་གསུངས་པའང་ཡོད། །ཟུག་རྔུ་ཆུ་ཚོད་ལྔ་ངན་ནོ། །ཀུན་འཇོམས་རྡོ་རྗེ་ཆུ་ཆོད་དགུ། །སྐྲངས་དང་ཤིན་སྐྲངས་ཆུ་ཚོད་དྲུག །ཤིན་ལྟུང་ཡོངས་འཇོམས་འཁོན་འཛིན་རྣམས། །ཆུ་ཚོད་གསུམ་ངན་སེལ་བ་གསུམ། །ཡུན་ལ་ངན་པར་བཤད་པ་ཡིན། །དེ་ནས་བྱེད་པའི་འབྲས་བུ་ནི། །བདུན་པ་བིཥྟི་མ་གཏོགས་པ། །གང་ཡང་དགེ་ཞིང་འཇམ་པ་སྟེ། བིཥྟི་ལ་ནི་དྲག་ལས་དང་། །མནན་བསྲེགས་དུས་སྦྱོར་ལ་སོགས་བྱ། །དགེ་ལས་སྤྱི་དང་ཁྱད་པར་དུ། །གཏར་བསྲེགས་ལས་ལ་ཤིན་ཏུ་འཛེམ། །དེ་ནས་རྒྱལ་བའི་བྱིན་རླབས་པའི། །དུས་ཆེན་རིམ་པ་འདི་ལྟ་སྟེ། །རྒྱལ་ཟླའི་ཚེས་བརྒྱད་བཅོ་ལྔའི་བར། །བྱང་ཆུབ་ཤིང་དྲུང་བཞུགས་པའི་དུས། །མཆུ་ཟླའི་ཡར་ངོ་ཆོ་འཕྲུལ་ཆེ། །ས་ག་ཟླ་ཉར་མངོན་བྱང་ཆུབ། །ཆུ་སྟོད་ཚེས་བཞི་ཆོས་འཁོར་དུས། །ཐ་སྐར་ཉ་ལ་ལྷ་གནས་བྱོན། །དབོ་ཟླའི་བརྒྱད་ཡན་ལྷུམས་སུ་ཞུགས། །ནག་ཉར་དུས་འཁོར་རྩ་རྒྱུད་གསུངས། །སྨིན་དྲུག་ཚེས་བརྒྱད་མྱ་ངན་འདས། །ཆོས་རྣམས་མོས་པའི་བྱེ་བྲག་ཕྱིར། །དགེ་སྡིག་འགྱུར་ཁྱད་ཆེ་བ་ཡིན། །ལོ་ཡི་ཕྱོགས་གཙང་བསྟན་པ་ནི། །བྱི་བ་བྱང་ཤར་གླང་ནུབ་སྟོད། །ལྷོ་སྟོད་གཉིས་གཙང་སྟག་ནུབ་སྨད། །ཡོས་བུ་བྱང་ཤར་འབྲུག་ལྷོ་སྨད། །ནུབ་སྟོད་སྤྲུལ་ལ་བྱང་སྨད་གཙང་། །རྟ་ལ་ལྷོ་ནུབ་ལུག་ནུབ་སྨད། །བྱང་སྟོད་སྤྲེལ་ལ་ཤར་སྟོད་གཙང་། །བྱ་ལ་བྱང་


ZP01_Page_535
[མ་དཔེ་གཟིགས་ན་འདིར་གནོན།]

ཤར་ཁྱི་ཤར་ལྷོ། །སྟོད་གཉིས་གཙང་ཞིང་ཕག་ལ་ནི། །ལྷོ་སྨད་གཙང་བར་ཤེས་པར་བྱ། །དེ་ནས་ཟླ་བའི་ཕྱོགས་བཤད་པ། །བྱི་བར་ཤར་སྟོད་ལྷོ་སྨད་གཙང་། །ནུབ་སྨད་བྱང་སྨད་ཤར་ལྷོར་གཙང་། །གླང་ལ་ཤར་ལྷོ་བྱང་སྨད་ལྷོ། །སྟག་ལ་ལྷོ་དང་ལྷོ་ནུབ་དང་། །ནུབ་དང་བྱང་གི་སྨད་གཉིས་གཙང་། །ཡོས་ལ་སྨད་བཞི་ཤར་ལྷོ་གཙང་། །འབྲུག་ལ་ཤར་སྟོད་ལྷོ་ནུབ་སྨད། །བྱང་གཙང་སྦྲུལ་ལ་ལ་བྱང་བྱང་ཤར། །ཤར་དང་ནུབ་ཀྱི་སྨད་གཉིས་གཙང་། །རྟ་ལ་ཤར་ནུབ་བྱང་གསུམ་དང་། །ལྷོ་ནུབ་སྟོད་དང་བཅས་པ་གཙང་། །ལུག་ལ་ཤར་དང་ལྷོ་སྟོད་དང་། །ནུབ་བྱང་སྨད་གཙང་སྤྲེལ་ལ་ཤར། །ཤར་ལྷོ་ལྷོ་སྨད་བྱང་སྨད་གཙང་། །བྱ་ལ་ཤར་སྨད་ལྷོ་ནུབ་སྨད། །བྱང་སྟོད་ནུབ་བྱང་གཙང་བ་སྟེ། །ཁྱི་ལ་ཤར་སྨད་ནུབ་སྟོད་གཙང་། །བྱང་སྨད་ལྷོ་དང་བཅས་པ་གཙང་། །ཕག་ཟླར་ཤར་སྨད་ལྷོ་ནུབ་དང་། །ནུབ་སྨད་བཅས་གཙང་དེ་ལས་གཞན། །ལོ་ཟླའི་ས་བདག་གནས་པའི་ཕྱོགས། །ཡིན་ཕྱིར་རོ་བག་སྣ་གཏད་སྤངས། །ཇི་སྲིད་གཉིས་འཛིན་འཁྲུལ་པའི་ཆ། །དབྱིངས་སུ་ནུབ་པར་གྱུར་གྱི་བར། །ཀུན་རྫོབ་རྟེན་ཅིང་འབྲེལ་འབྱུང་གི །བསླུ་མེད་གནད་ལ་བསླབ་པ་གཅེས། །བདེན་མེད་ཡིན་ནོ་སྐད་པ་ཡི། །ཕོ་རུས་གཟིངས་པའི་རྣལ་འབྱོར་ཡང་། །བཟང་ངན་རྐྱེན་དང་འཕྲད་པའི་ཚེ། །སྲང་མདའ་བཞིན་དུ་དགའ་སྡུག་བྱེད། །དེ་བཞིན་དྲངས་དོན་རྒྱལ་བའི་བཀའ། །འབྲེལ་མེད་སྐུར་པ་མི་འདེབས་འཚལ། །དེ་སྐད་པདྨ་མཆོག་ལྡན་གྱིས། །ལེགས་དྲིས་དགེ་བ་འགྲོ་ལ་བསྔོ།། །།

ལྀའུ་ཐུའི་མགོ་རྒྱན་དཔྱོད་ལྡན་མཁས་པའི་ཡིད་འཕྲོག་བློ་གསལ་སྙིང་གི་མུན་སེལ་སྔོན་མེད་ལེགས་བཤད་ཟླ་བའི་འོད་སྣང་།


ZP01_Page_537
[མ་དཔེ་གཟིགས་ན་འདིར་གནོན།]

ལྀའུ་ཐུའི་མགོ་རྒྱན་དཔྱོད་ལྡན་མཁས་པའི་ཡིད་འཕྲོག་བློ་གསལ་སྙིང་གི་མུན་སེལ་སྔོན་མེད་ལེགས་བཤད་ཟླ་བའི་འོད་སྣང་ཞེས་བྱ་བ་བཞུགས་སོ། །


ZP01_Page_538
[མ་དཔེ་གཟིགས་ན་འདིར་གནོན།]

ན་མ་ཤྲཱི་ཀ་ལ་ཙཀྲ་ཡི། ཤེས་དང་ཤེས་བྱ་འཁོར་དང་མྱ་ངན་འདས། །དབྱེར་མེད་བདེ་ཆེན་ཟུང་འཇུག་གཉུག་མའི་ཀློང་། །རོ་གཅིག་སྡོམ་མཛད་ཁྱབ་བདག་དང་པོའི་མགོན། །དཔལ་ལྡན་དུས་ཀྱི་འཁོར་ལོའི་ཤིས་པས་སྐྱོངས། །ཐུགས་བསྐྱེད་སྨོན་པའི་འཁྲི་ཤིང་སྙིགས་འགྲོའི་ལྗོན། །འཁྱོག་པོར་རིང་ནས་འཁྱུད་བ་བཏང་དཀའ་བས། །རྩོད་ལྡན་མུན་པའི་སྨག་ལ་མཆོག་གསུམ་གྱི། །འོད་སྣང་འགོད་མཛད་ཤཱཀྱ་སེང་གེ་རྒྱལ། །རྒྱལ་ཀུན་ཡེ་ཤེས་རྡུལ་ཆ་བསགས་པའི་ལྷུན། །གཟུགས་སྐུའི་བང་རིམ་བཀྲ་བའི་བ་གམ་ནས། །མཁྱེན་རབ་རལ་སྐོར་གཡོ་བས་སྒྲིབ་གཉིས་ཀྱི། །ཆད་མེད་མགོ་འབུམ་གཅོད་དེ་བདག་གི་སྐྱབས། །རྗེས་ཆགས་རྙིང་རྗེའི་རླན་འཛིན་མཁའི་གླང་པོ། །ཟླ་ཞུན་དཀར་མདངས་བསྐུས་པའི་ཞུན་ཁོ་ན། །མཚན་དཔེའི་རི་མོར་སྣང་བའི་ངོ་མཚར་ཅན། །མིག་མི་འཛུམ་པ་སྙིང་གི་པད་མཚོར་རོལ། །གསང་དོན་བདུད་རྩིས་མྱོས་པའི་དམར་ཟླུམ་སྤྱན། །ལོག་འདྲེན་སྙིང་ལ་འཁྱོགས་པོར་གཟིར་བའི་བརྗིད། །ལུས་མེད་སྡེར་བཅས་སྙིང་གི་བརྣག་དཀའ་བའི། །གསང་བའི་བདག་པོ་ཡིད་ལ་འབྲལ་ཐབས་མེད། །གཞན་ཡང་དུས་གསུམ་འགྱུར་བ་ཇི་སྙེད་དུ། །ནོར་འཛིན་བུ་མོས་ཕྲག་པས་གང་བཟུང་བའི། །ཕྱག་འོས་ཡོན་ཏན་ཕུང་པོ་མཐའ་ཡས་ལ། །གཅམ་མིན་སྒོ་གསུམ་དད་ཕྱག་ལན་བརྒྱར་བརྩེགས། །དེ་ལྟར་


ZP01_Page_539
[མ་དཔེ་གཟིགས་ན་འདིར་གནོན།]

ལེགས་བཤད་རྒྱབ་དབུང་ཚིག་གི་ལམ། །ཡངས་པོར་བྱེད་པའི་ཤིས་ཕྱག་ཚིགས་བཅད་ཕྲེང་། །སྔོན་རབས་མཁས་པའི་ལུགས་བཟང་གཞུང་བསྲངས་ཏེ། །སྐབས་བབས་གཏམ་གྱི་བརྗོད་དོན་གང་ཞེ་ན། །བསྐལ་མང་ལེགས་བྱས་ཚོགས་གཉིས་མཛོད་གང་ཞིང་། །མཁྱེན་བརྩེའི་འོད་སྣང་ཤེས་བྱའི་ཕ་མཐར་བརྡལ། །ས་གསུམ་འགྲོ་རྒྱུད་བདུད་རྩིའི་ཆོས་ཆར་གྱིས། །བརླན་མཛད་ཟླ་མེད་ཐུབ་མཆོག་སྟོན་གང་གིས། །རྟ་གདོང་མེ་ལྕེས་བསྲོས་པའི་མཚོ་གླིང་ལྗོང་། །འབྲས་དཀར་ལྷུན་པོའི་རྒྱུས་བསྐྲུན་ཆོས་སྐུའི་རྟེན། །བྱང་ཆུབ་ཡན་ལག་མཚོན་པའི་དཀྱིལ་འཁོར་རྒྱ། །ཡངས་དོག་མཐའ་ལས་འདས་པའི་གནས་གང་དུ། །སྟོན་མཆོག་མཛད་པའི་ཉིན་བྱེད་རྫོགས་ཉེ་ཞིང་། །སྐར་བདག་མེ་ཟླའི་དགའ་མའི་དཔལ་གྱིས་གང་། །དགའ་སྟོན་སོས་ཀྱི་དང་པོ་གསར་དུ་ངོམས། །སྐལ་མཆོག་འདུས་པའི་གྲལ་འགྲིགས་གང་གི་ཚེ། །གཏུམ་གཟུགས་གནོད་སྦྱིན་བདག་པོའི་བཞིན་བསྐུང་ནས། །རྗེས་བརྩེའི་མི་གཟུགས་ལྷུམས་སུ་སླར་ཞུགས་པ། །ཙནྡྲའི་མཚན་གྱི་བསྔགས་འོས་མི་བདག་དང་། །སྐལ་མཐུན་དབང་རྣོན་སར་གནས་འཁོར་གང་ལ། །བྱིས་བློར་སོ་སོར་སྣང་བའི་ཕྱི་ནང་གཞན། །ཟུང་འཇུག་གཉུག་མའི་ངོ་བོར་རོ་གཅིག་པས། །ངེས་དོན་སྙིང་པོ་ལེགས་སྟོན་ཐེག་རྩེའི་ཆོས། །དགོངས་ཟབ་རྡོ་རྗེའི་ཐེག་པ་བགྲོ་བར་མཛད། །དེ་ལྟར་ཕུན་ཚོགས་ལྔ་ལྡན་


ZP01_Page_540
[མ་དཔེ་གཟིགས་ན་འདིར་གནོན།]

རྒྱལ་མཚན་དཔུང་། །སྲིད་ཁམས་ཁྱོན་དུ་བགྲེང་བའི་རྨད་བྱུང་གཟུགས། །བློ་གསལ་བློ་ཡི་མེ་ལོང་ཁྱོན་ཆུང་ངུའི། །ཐོས་བརྩོན་དྭངས་ལ་གང་སྣང་དང་པོའི་གཏམ། །བསྡུ་བཞིའི་ཕྲིན་ལས་མཐར་ཕྱིན་ཐུབ་དབང་གི །མཛད་མཆོག་འབྲས་རྒྱུན་ཁུར་ལྕི་ཆོས་ཉིད་ཕྱིར། །བྱང་ཕྱོགས་ཆ་བསགས་གྲོང་གི་ཆོས་ཀྱི་ཁྲིར། །མཚན་གྲངས་ཚེས་རྒྱལ་རིགས་ལྡན་རིམ་པར་བྱོན། །ཁྱད་པར་སྣ་ཚོགས་རིགས་དང་བཀའ་རྒྱ་ཆེ། །རྡོ་རྗེའི་རིགས་གཅིག་བསྡུས་རྒྱུད་ལེའུ་ལྔར། །སྡུད་མཛད་མི་བདག་གྲགས་པའི་གསུང་གི་མདུད། །པད་དཀར་འདབ་བརྒྱ་བཞེད་པའི་འོད་ཀྱིས་བཀྲོལ། །འཕགས་ཆེན་ཟམ་མ་ཆད་པའི་བཤད་སྒྲུབ་ཀྱི། །དཔུང་ཤུགས་བཙན་པོས་བསྐྱངས་པའི་ལུང་རྟོགས་བསྟན། །གངས་ལྗོང་ཤར་རིའི་ཕྲག་པར་ཕེབ་པའི་དཔལ། །ལོ་པཎ་ཆོས་སྤྱན་ལྡན་མང་དྲིན་གྱིས་གྲུབ། །དགོངས་ཟབ་རྣམ་པར་འགྲེལ་པའི་བཤད་ཚོགས་གཏམ། །ཁྲོན་རྫིང་ཆུ་ཀླུང་ཚོགས་བཞིན་རྣམ་མང་པོ། །ཉེས་བྱེད་རྙོགས་མ་བགྲུང་བའི་ཀེ་ཏ་ཀ །རྒྱ་མཚོ་རྣམ་གསུམ་རྣམ་དཔྱོད་རྩལ་ལས་འཁྲུངས། །རྒྱ་ཆེའི་རིགས་ལམ་སྟོང་གིས་གྲུབ་པའི་གཞུང་། ལག་ལེན་གནད་དུ་དྲིལ་བའི་མན་ངག་བཅུང་། །བཻ་ཌཱུར་དཀར་པོའི་དོ་ཤལ་ཉིན་བྱེད་བཞིན། །སྣང་འདི་ད་ལྟའི་བློ་གསལ་སྤྱི་ཡི་མིག །གུས་རྟག་བརྩོན་པའི་ཤུགས་ཡུན་ཁ་ལོ་རྟ། །མཉམ་དང་མི་མཉམ་གྱུར་པ་བདག་ལྟ་ཡང་། །སྐྱེས་ཐོབ་ཤེས་རབ་ཉི་


ZP01_Page_541
[མ་དཔེ་གཟིགས་ན་འདིར་གནོན།]

གཞོན་འོད་རྣོན་གཟིས། །ལམ་འདིའི་ཕྱོགས་འགའ་བློ་ལ་སྣང་བར་གྱུར། །དེ་འབྲས་ཀུན་ཕན་ཟླ་བའི་དཀྱིལ་འཁོར་བཞིན། །གྱུར་ནས་མཁའ་ལ་སྒང་གཤོང་འཁོར་ལོའི་འགྲོས། །ས་སྟེང་ལེགས་ཉེས་སྦྱིན་པའི་བླང་དོར་འབྲས། །སྟོན་བྱེད་མ་ནོར་རི་མོའི་ལམ་དུ་འགོད། །གཟའ་བརྒྱད་དབྱུག་གུའི་རྩེ་མོར་ལྷན་ཅིག་ཚོགས། །ཞག་གསུམ་སྣ་མཉམ་སྟོང་ཆེན་ལ་ཚོགས་ལས། །སྔོན་ཆད་རྩིས་གཞི་མ་བརྩིས་སྣོན་བཏབ་སྟེ། །ཟླ་དང་ཟླ་བཤོལ་འཕྲོ་གྲངས་གཏན་ལ་ཕབ། །ཉིན་བྱེད་རླུང་འགྲོས་གླིང་བཞིའི་མཁར་འཁོར་ཡུན། །བསིལ་བྱེད་གང་སྟོང་མངའ་ཟླའི་ཆ་དང་གཉིས། །གང་བའི་རྩིས་ལྷག་ཀུན་དོར་ད་ལྟ་བའི། །བར་ཁྱད་གནས་དྲུག་མཆོད་རྟེན་བཞིན་དུ་བརྩེགས། །འགྲོས་བཞིས་རྩེ་འཇོ་རོལ་པའི་འོད་དཀར་ཅན། །འཕེལ་འགྲིབ་ཚུལ་གྱིས་རྒྱུ་བའི་བགྲོད་བྱེད་ཆ། །མ་ནུ་ཟུང་དུ་ཟློས་པའི་རྒྱུ་སྐར་གྲངས། །རྫོགས་དང་དུམ་བུའི་ངེས་པ་གཉིས་སུ་ཕྱེ། །བཅུ་གཉིས་ར་ཤིའི་ཡུལ་གྱི་དབྱུག་སྲང་དབུག །མྱུར་བུལ་རྟ་བདུན་འགྲོས་ཀྱིས་ཇི་ལྟར་སྤྱོད། །རྟགས་དང་རྐང་ལོང་རགས་དང་ཞིབ་ཚུལ་གྱི། །གཏན་ཕབ་རི་མོའི་སྣང་བཅིར་ཡང་བཀྲ། །དེ་ལྟར་རྣམ་བཞིའི་གཞི་ལས་ལེགས་རྩིས་པའི། །ཞག་གསུམ་སྦྱོར་བྱེད་དང་བཅས་ལྔར་བསྡུས་པའི། །ཡུལ་དུས་བདག་པོའི་ལྷ་ཡིས་ཕན་གནོད་འབྲས། །མཁའ་རོ་རྩེ་མོའི་གྲངས་ཀྱི་རེ་མིག


ZP01_Page_542
[མ་དཔེ་གཟིགས་ན་འདིར་གནོན།]

སྤེལ། །དེ་ལས་འཕྲོས་པའི་ཡན་ལག་མང་དག་དང་། །ཐོག་མར་གཏམ་གྱི་སྦྱོར་བ་ཇི་སྙེད་བཅས། །ལོ་གཅིག་ངེས་པ་རྣམ་གསལ་ལིའུ་ཐུ། །སྐབས་དོན་སྙིང་པོར་དྲིལ་ནས་འདི་རུ་བཀོད། །དགེའོ།། ༈ །།ཕྱི་རུ་སྣང་དང་མི་སྣང་ཕྱེད་སྣང་བའི། །སྲིད་པ་རྨི་ལམ་གྲོང་ཁྱེར་ཉམས་དགར་བདེ། །སྐྱོང་དང་མ་ཡིན་རྟེན་དང་བརྟེན་པའི་ཆོས། །རྟེན་ཅིང་འབྲེལ་འབྱུང་ནང་གི་རང་རྩལ་ཉིད། །ནང་དུ་འབྱུང་ལྔ་ཡེ་ཤེས་རྡོ་རྗེའི་ཁམས། །དག་དང་མ་དག་མ་དག་པ་ཡི་རྒྱུ། །གཞི་འབྲས་ལམ་སྣང་རྩ་རླུང་ཐིག་ལེའི་གནད། །ཡེ་ནས་དག་ཆེན་གཞན་གྱི་བཀོད་པར་རྫོགས། །གཞན་དུ་ཡོངས་གྲོལ་གདོད་མའི་ཧེ་རུ་ཀ །སྣང་དང་སྟོང་དང་སྣང་སྟོང་ཟུང་དུ་འཇུག །ལྷུན་འགྲུབ་ཐིག་ལེ་འོད་ལྔའི་བཀོད་རྫོགས་པ། །གཞིར་བཞེངས་ནང་དང་ཕྱི་ཡི་ཆོས་ཉིད་ཡིན། །ཕྱི་ནང་གཞན་གསུམ་དབྱེར་མེད་དེ་ཁོ་ན། །གཅིག་མིན་ཐ་དད་མ་ཡིན་གདོད་ནས་ཏེ། །བདེན་གཉིས་ཕྱོགས་སུ་ལྷུང་བའི་གཡོན་ཅན་ལ། །ཤེས་བྱའི་སྤྱི་ཁོག་ཁྲོལ་བ་ཇི་ལྟར་ཡོད། །མཉམ་པ་ཆེན་པོའི་གཤིས་ལ་གང་ཡང་གྲོགས། །སྒྱུ་མའི་རྣམ་རོལ་ཤེས་ན་སུ་ཡང་བདེན། །ཕྱི་ནང་རྟེན་འགྲེལ་འདིར་མཁས་གནད་དོན་གཅིག་བྱང་ཆུབ་སྤྱོད་ལ་ལམ་མིན་ཇི་ཞིག་ཡོད། །དེ་སླད་གནས་སྐབས་བླངས་དང་དོར་བྱའི་མིག །


ZP01_Page_543
[མ་དཔེ་གཟིགས་ན་འདིར་གནོན།]

མཐར་ནི་བདེན་གཉིས་དོན་ལ་སྐྱོར་བའི་གནད། །རིམ་བཀོད་རེ་མིག་རྣམ་འགྱུར་བརྒྱ་ཕྲག་གི །ཡིད་འོང་བློ་སྣང་སྦྱིན་གྱིས་དེར་གཟིགས་ཤིག །དཔལ་སྤྲུལ་པས་སོ། །དགེའོ།། །།

རིགས་བརྒྱའི་ཁྱབ་བདག་མཚུངས་བྲལ་རྩ་བའི་བླ་མ་འཇིགས་མེད་རྒྱལ་བའི་མྱུ་གུ་གང་གི་གསང་གསུམ་ཡོན་ཏན་གྱི་ཕུང་པོར་སྙན་ངག་བྱ་དཀའི་རྒྱན་ལས་བརྩམ་སྟེ་བསྔགས་པ།


ZP01_Page_545
[མ་དཔེ་གཟིགས་ན་འདིར་གནོན།]

རིགས་བརྒྱའི་ཁྱབ་བདག་མཚུངས་བྲལ་རྩ་བའི་བླ་མ་འཇིགས་མེད་རྒྱལ་བའི་མྱུ་གུ་གང་གི་གསང་གསུམ་ཡོན་ཏན་གྱི་ཕུང་པོར་སྙན་ངག་བྱ་དཀའི་རྒྱན་ལས་བརྩམ་སྟེ་བསྔགས་པ།


ZP01_Page_546
[མ་དཔེ་གཟིགས་ན་འདིར་གནོན།]

རྣམ་དག་འགྱུར་བ་མེད་པའི་དབྱིངས་ཞི་བ། །སྤྲོས་པའི་མཚན་མ་ངེས་པར་ཡོད་མིན་པ། །ཡེ་ཤེས་གང་ལ་རྟག་ཏུ་རོལ་དགྱེས་པ། །བླ་མ་མཉམ་མེད་སྲིད་ན་རྒྱལ་གྱུར་ཅིག །


ZP01_Page_547
[མ་དཔེ་གཟིགས་ན་འདིར་གནོན།]

མཆོག་གི་ཡེ་ཤེས་རྣམ་པར་དག་པའི་སྤྱན། །སྲིད་དང་ཞི་བ་མཉམ་པ་ཉིད་གཟིགས་པ། །རྒྱལ་བ་རྣམས་ཀྱི་ཐུགས་ཀྱི་གསང་བ་སྟེ། །འདི་ནི་སྤྲོས་དང་བྲལ་བས་རྣམ་པར་ཞི། ༡ །གང་ལ་ཉེར་ལེན་སྲིད་པའི་རྒྱུན་ཟད་ཀྱང་། །ཡེ་ཤེས་ཐུགས་རྗེའི་སྣང་བ་འབྱམས་ཀླས་པ། །འགོགས་མེད་ཆུ་ཟླའི་གར་བཞིན་བགྲང་ཡས་པར། །འཆར་མོད་དག་ཆེན་དབྱིངས་སུ་རྒྱལ་ཀུན་གཅིག༢། ལམ་མཆོག་ཡོངས་རྫོགས་ཐེག་ཆེན་སྣང་བ་ཡིས། །སྙིགས་འགྲོའི་དམིགས་བུ་བགྱིད་ལ་དགྱེས་པའི་ཞལ། །སྐལ་དམན་བློ་ངོར་སྣང་རུང་གང་ཟག་མིའི། །ཚུལ་བཟུང་དགེ་བའི་བཤེས་ལས་གཞན་སུ་ཞིག་༣ །འདི་ན་གཞི་དབྱིངས་སྣང་བ་རྨད་པོ་ཆེ། །སྲིད་པའི་མངལ་རྒྱས་འཐུམ་པའི་སྣང་ཞེན་སྒྲིབ། །ཐུགས་བསྐྱེད་ཐུར་མས་བསལ་ལ་མི་སྐྱོ་བའི། །བཀའ་དྲིན་སྲིད་པའི་མཐར་ཡང་ཇི་ལྟར་གཞལ། ༤ །ཐོག་མར་ལོག་སྲེད་


ZP01_Page_548
[མ་དཔེ་གཟིགས་ན་འདིར་གནོན།]

འཁོར་བའི་འཆིང་བ་བཅད། །བར་དུ་ཞི་དགའ་ཐེག་དམན་གཡང་ལས་བསྐྱབ། །མཐར་ཐུག་ཐེག་མཆོག་ལམ་བཅུད་ཆར་དུ་བསྙིལ། །ཐུགས་རྗེ་རྒྱལ་བ་ལས་ཀྱང་ལྷག་པར་ངེས། ༥ །ལམ་མཆོག་བྱང་ཆུབ་སེམས་དང་བྲལ་བའི་ལམ། །ལམ་དེ་རྒྱལ་བ་དགྱེས་པའི་ལམ་མིན་ཞེས། །སྙིགས་དུས་འདི་ན་རྒྱལ་དང་རྒྱལ་སྲས་ཀྱི། །ལམ་མཆོག་འདི་འདོམས་རྒྱལ་བ་དངོས་མིན་ནམ། ༦ །ངེས་འབྱུང་བྱང་ཆུབ་སེམས་མཆོག་ཆོས་ཀྱི་བཅུད། །བྲལ་བའི་གདམས་ཕྲན་སྤྲེའུའི་ཟློས་གར་གྱིས། །བློ་ཆུང་འདི་སྣང་གཉེར་བའི་མིག་འབྲིད་པའི། །དམ་པར་རློམ་དེ་བླུན་པོའི་རྩེད་གྲོགས་ཙམ། ༧ །དེ་སླད་རིགས་ཅན་གསུམ་གྱི་གདུལ་བྱའི་རྒྱུད། །ངེས་འབྱུང་ཐབས་ཀྱིས་བཏུལ་བའི་ཞིང་ས་ལ། །སྨོན་འཇུག་སེམས་ཀྱི་ས་བོན་ལེགས་འདེབས་ཉིད། །སངས་རྒྱས་དངོས་བྱོན་ཁོ་བོའི་བླ་མ་ཙམ། ༨ །བསྔགས་འོས་ཡོན་ཏན་བྱེ་བའི་མཛོད་རྒྱས་པའི། །ལེགས་ལམ་ནོར་བུའི་གླིང་མཆོག་འདི་མཐོང་ནས། །སྙན་ཚིག་གླུ་ཡིས་ཁེངས་པའི་མགྲིན་ལྡན་པ། །སུ་ཞིག་དོན་མཐུན་བསྟོད་པའི་ངག་མི་སྤྲོ། ༩ །གྲངས་མེད་ཞིང་བཞུགས་རྒྱལ་དང་སེམས་དཔའི་ཚོགས། །རྣམ་དག་ལམ་མཆོག་སྤྱོད་ལ་དགྱེས་ལྡན་པས། །བདེན་ངག་བདུད་རྩིའི་བསྟོད་བཀུར་ལྷུར་ལེན་ན། །དོན་རྫོགས་སོ་སྐྱེའི་ཚིག་ལ་ཇི་ཞིག་གནས། ༡༠ །འོན་ཀྱང་སྙན་ཚིག་རིག་པའི་ཆུ་གཏེར་ལས། །རང་བློའི་སྐྲ་རྩེས་བླང་བའི་ཐིག་པ་འདི། །ཆུད་དུ་མི་གསན་སྙིང་པོར་བགྱིད་པའི་བློས། །བྱ་དཀའི་ལམ་དུ་དགོད་ལ་དེང་གཟིགས་ཤིག་༡༡ །


ZP01_Page_549
[མ་དཔེ་གཟིགས་ན་འདིར་གནོན།]

རྣམ་གྲོལ་པད་ཚལ་མཛེས་གཞིའི་ལམ་བདེན། །བདེ་སྟོང་དགའ་མ་ལ་བརྟེན་དཔེའི་ཐབས་གསང་། །སྟོང་ཆེན་མི་འགྱུར་མཉམ་པ་ཆེན་པོའི་བློ། །བློ་ལས་འདས་དབྱིངས་ཆོས་རྣམས་ཀུན་རང་མཚན། །ཡོངས་དག་ཡེ་ཤེས་ཀུན་མཐོང་རིམ་པ་གཉིས། །སྟོང་བཞིའི་ལམ་བཟང་མངོན་བྱས་གྲུབ་དབང་རྒྱལ། །མཚན་ཉིད་མི་འཛིན་སྤྲོས་པའི་ཡུལ་ལས་འདས། །འདས་ལམ་རྟོགས་པ་མཆོག་གཟིག་བླ་མ་རྒྱལ། །གང་ཐུགས་བུམ་པར་རྣམ་གྲོལ་བཅུད་བརྒྱའི་རོ། །ཟུང་འཇུག་བདེ་ཀློང་མཆོག་གི་བདུད་རྩིར་བསྐྱིལ། །དག་ཆེན་དབྱིངས་སུ་ཆོས་ཀུན་མཉམ་པར་ལྟ། །ལྟ་བའི་རྒྱལ་པོ་དམིགས་གཏད་མེད་འགྱུར་དབྱིངས། །འཁོར་འདས་མཉམ་པའི་དབྱིངས་ན་ཀུན་རོ་གཅིག །འཇུག་དེ་གསང་མཆོག་བདུད་རྩིར་མྱོང་ལས་ལགས། །དབྱིངས་རིག འོད་གཟིགས་དབང་པོས་མངོན་གསལ་བ། །བ་ལྟར་བླུན་ཀྱང་ཇི་བཞིན་རང་ངོ་སྤྲོད། །སྨིན་ལམ་ཡོངས་རྫོགས་དབང་བཞིའི་རྗེས་མཐུན་ལྟ། །ཏིང་འཛིན་དགའ་བས་ངོམ་ལས་གྲུབ་པའི་མཐར། །དམིགས་གཏུད་མཚན་མའི་ཆོས་རྣམས་ལ་མ་ཞེན། །ཞེན་མེད་དབྱིངས་སུ་ཉམས་ལེན་ལྷུག་པར་སྐྱོངས་


ZP01_Page_550
[མ་དཔེ་གཟིགས་ན་འདིར་གནོན།]

ཞིང་དང་མཛད་པ་སྲིད་པའི་མཐར་ཁྱབ་དགའ། །དགའ་བ་ཇི་བཞིན་ལམ་དུས་སྨིན་ལམ་མཐུ། །ཡེ་ཤེས་ཚོགས་ཆེན་ལྷོད་མེད་ཡོངས་རྫོགས་མཐར། །སྐྱོན་མེད་ཡོན་ཏན་དཔལ་བརྙེས་གོ་འཕང་རྙེད། །མཐུ་ལྡན་མངོན་བྱས་ཀུན་བཟང་སྤྱོད་མཆོག་འཛིན། །འཛིན་མེད་རྟོགས་མཆོག གཞལ་བྱས་མཚོན་དཀའི་དབྱིངས། །བཟང་ངན་སྤོང་ལེན་ཉོན་མོངས་དུག་འདྲ་བ། །བ་མོར་ཉི་བཞིན་འགྱུར་རྩིའི་གསེར་བཞིན་དུ། །དབྱིངས་དེ་མངོན་སུམ་ཉིད་གཟིགས་བླ་མ་གང་། །གང་གི་ཡོན་ཏན་བརྗོད་པ་མཐར་ཕྱིན་མཛད། །བགྱིད་འདིས་ཉམས་ལེན་ཐབས་མཆོག་ཁྱོད་གང་རྩོལ། །འཚོ་བའི་ཚེ་འདིར་བདུད་བཞིའི་བདུད་བརྙེས་ཉིད། །བརྗོད་པ་བྱ་དཀའི་རྒྱན་མཛེས་དོན་ལ་འབྱོར། །བདེ་བར་མཁས་པས་བཀྲལ་བའི་རིག་ལམ་མཆོག །ཚུལ་མཐུན་སྙན་ངག་བྱ་དཀའི་རྒྱན་འདི་དག །དག་ཆེན་རྒྱལ་སྲས་བླ་མའི་མཛད་སྤྱོད་དོན། །ལོག་མེད་སྙན་ཚིག་ཕྲེང་མཛེས་གང་འཛིན་དཔལ། །ཕན་བདེའི་སྙེ་མ་གཡུར་དུ་ཟ་བར་སྨོན། །དོན་བཟང་ལམ་བརྒྱད་ཕན་བཞིང་སྦྱར་འདི་ཡང་། །ཡང་དག་རྣམ་མཁྱེན་མཆོག་སླད་འགྲོ་ཀུན་དོན་


ZP01_Page_551
[མ་དཔེ་གཟིགས་ན་འདིར་གནོན།]

ཐབས་གྲོལ་གོམ་པའི་དབང་གིས་ཆེས་གསལ་བའི། །འཛིན་མེད་རྟོགས་པའི་དབང་ཕྱུག་ཁྱོད་དུ་ངེས། །སྐྱོངས་སྒོམ་བྲལ་བའི་ཆོས་ཉིད་མུ་མཐའ་མེད། །མེད་བློ་མི་སྣང་ཡོད་མེད་མཐའ་ལས་གྲོལ། །མཆོག་གསང་གསང་ཆེན་ཐེག་པའི་རྒྱུད་སྡེའི་མཛོད། །མཛོད་དཔལ་དཔལ་ཡོན་འཛིན་པའི་མྱུར་ལམ་ཆོས། །རྟོགས་པའི་ཡེ་ཤེས་ད་ལྟ་མངོན་བྱས་མཆོག །མཆོག་ཏུ་གོང་བགྲོད་ས་ལམ་མཐའ་རུ་ཕྱིན། །ཆོས་མཆོག་མཆོག་གི་འབྲས་བཟང་རབ་སྨིན་རྒྱས། །རྒྱས་འཛིན་འཛིན་པ་དག་པའི་ལང་ཚོ་དར། །ཕྱིན་དྲུག་སྤྱོད་བཟང་འདིར་འདུས་མངོན་སུམ་གཟིགས། །གཟིགས་འཕེལ་རིག་གདངས་དག་པའི་ཞིང་ལྟར་ཤར། །མཆོག་གྱུར་མན་ངག་ཟབ་མོའི་དྲོད་འཛིན་མཆོག །མཆོག་བརྙེས་མཛོད་གསུམ་རྣམ་པ་སྤྱོད་སྒྲུབ་མཆོག །སྒྲུབ་མེད་འབྲས་བུ་ལྷུན་གྱིས་གྲུབ་པའི་དཔལ། །དཔལ་ལྡན་ཡོངས་དག་རྣམ་པ་སྒོམ་ལམ་མཆོག །མཆོག་གཟིགས་ལས་བཞི་རབ་འབྱམས་སྒྲུབ་མཁས་མཆོག །མཆོག་ལྡན་རྫོགས་རྒྱུན་ཆུ་བཞིའི་དབང་ཐོབ་མཆོག །མཆོག་ཏུ་མི་འགྱུར་མཐར་ཐུག་འབྲས་བུའི་དཔལ། །དཔལ་ལྡན་ཡོངས་དག་རྣམ་པ་སྒོམ་རིམ་རྫོགས། །


ZP01_Page_552
[མ་དཔེ་གཟིགས་ན་འདིར་གནོན།]

འགྲོ་བར་སྙོམས་པའི་བཏང་སྙོམས་མཆོག་དགོངས་དཔལ། །དཔལ་ལྡན་ཐུགས་རྗེའི་སྙིང་ལ་ཁམས་གསུམ་འགྲོ། །སྐྱོན་མེད་ཏིང་འཛིན་ཡང་དག་འཕགས་ལམ་མཆོག །མཆོག་ལམ་འཕགས་པ་དགྱེས་ལྡན་དག་ངག་བདེན། །འགྲོ་འོང་བྲལ་བ་སྒྱུ་མའི་བཏང་སྙོམས་དཔལ། །དཔལ་ལྡན་ཐུགས་རྗེའི་སྙིང་ལ་འགྲོ་གསུམ་ཁམས། །ཡང་དག་དྲན་པ་མི་ཉམས་འཕགས་ལམ་མཆོག །མཆོག་ལམ་འཕགས་བློ་འཛིན་མེད་སྐྱོན་མཐའ་ལས། །ཁམས་དབང་མོས་པའི་བྱེ་བྲག་ཀུན་སྙོམས་གཟིགས། །གཟིགས་གནས་ཡུལ་གྱི་བདེན་ཞེན་ཀུན་ལས་གྲོལ། །རྣམ་གྲོལ་ཐབས་ཀྱི་ཕར་ཕྱིན་འགྲོ་ཕན་ལམ། །ལམ་པན་ཉེས་ལྟུང་དུག་ཀྱང་སྨན་ལྟར་སྤྱོད། །གྲོལ་ལམ་མི་འགྱུར་ཀུན་རྟོག་ཆ་སྤང་མཆོག །མཆོག་ཏུ་རྒྱུད་ལ་བསྟེན་ལས་མངོན་དུ་མཛད། །རྒྱལ་སྲས་སྟོབས་མཆོག་ཁམས་གསུམ་འགྲོ་ལས་འཕགས། །འཕགས་ཀྱང་འགྲོ་བ་ཀུན་གྱི་བྲན་བཞིན་དགོངས། །མཛད་པ་གཉིས་འཛིན་ཡོངས་ཞི་ལམ་རྒྱ་ཆེན། །ཆེན་པོར་གྲགས་མཆོག་འཕགས་པ་ཀུན་བརྟེན་ཞིང་། །རྣམ་དག་སྨོན་ལམ་སྐྱོན་མེད་ཕ་རོལ་ཕྱིན། །སྤངས་རྟོགས་དཔལ་སྦྱིན་སྲིད་ན་ནོར་བུ་བཞིན། །


ZP01_Page_553
[མ་དཔེ་གཟིགས་ན་འདིར་གནོན།]

བསྐྱེད་རིམ་གཟུགས་ཀྱི་ལང་ཚོ་ཡོངས་རྫོགས་པའི། །དབང་ཐོབ་ལས་བཞིར་རོལ་པའི་ཟུར་མིག་མདས། །དབྱིངས་རིག་ཐིག་ལེ་བརྟན་ལ་མངའ་བརྙེས་གཟིགས། །གཟིགས་ཕེབས་སྣང་བ་རྒྱ་ཆེར་འཕེལ་མཆོག་ཐོབ་སྐལ་བཟང་སྙིང་གི །།་འཛུམ་དཀར་ཡོངས་འཛིན་མཁས་གཉེར་གཏད་དབང་བཞིའི་རྒྱུན་་ཀྱང་དེ་སླད་འབེབས་ཐོབ་པ་གསུམ་གྱི་གཟེར་ཐེབ་ཟད་པའི་གདེངས་གདེངས་གྱུར་ཚད་བརྙེས་སྣང་སེམས་གཅིག ཏུ་འདྲེས་ཞི་བས་འདུལ་ལ་མི་དབང་ཞིང་བཅུ་ལ་འཆོལ་སྤྱོད་བདུད་བཞིའི་ཁྲག གིས་དམར་བའི་ཚེམས་རྟོགས་པའི་རྣལ་འབྱོར་ཆོས་ཉིད་རང་དབང་བསྒྱུར་བསྒྱུར་དཀའ་འཁྲུལ་གདེངས་འོད་ལྔའི་ཞིང་དུ་ཤར་ངོམས་འོས་དྲག ཤུལ་ཚིག གི །།་སྔགས་རྒྱུད་དོན་མི་གཡེལ་འབྲས་བུའི་དགའ་མཆོག འགོད་པ་བཞིན་ཤར་གྲོལ་དུས་མཉམ་ཆོས་སྐུའི་རྒྱལ་སར་དབང་དབང་བཅུའི་འབྲས་བུ་རིག་པའི་ཐིག ལེར་རྫོགས་ལྷན་སྐྱེས་སྦྱིན་བྱེད་དགའ་བཞིར་འཁྱིལ་པའི་མཚོའི་ལམ་བཟང་རྦ་རླབས་ཡེ་ཤེས་རོལ་པའི་མཐར་མཉམ་ཉིད་བདེ་ཀློང་སྲིད་པ་འདི་ཇི་སྲིད་སྲིད་འགྲོའི་དོན་མཛད་དག དབྱིངས་སྐུ་གསུམ་འདུས་


ZP01_Page_554
[མ་དཔེ་གཟིགས་ན་འདིར་གནོན།]

སྤྱོད་ཀྱང་མ་ཞེན་འཕགས་པ་ཀུན་ལམ་ཆེན། །ཆེན་པོ་དེ་ལས་རྣམ་མཁྱེན་གོ་འཕང་མཆོག །ཚུལ་ཁྲིམས་ཉེས་ཟད་དག་པའི་མཆོག་གྱུར་བ། །བྲལ་སྨིན་ཡོན་ཏན་དཔལ་ལ་མཆོག་ཏུ་སྤྱོད། །མཆོག་གི་ས་དེར་སྡུག་བདེན་སྤངས་པའི་ཐུགས། །ཐུགས་རྗེ་ཆེན་པོས་ཀུན་ལ་སྙོམས་པར་མཛད། །བཟོད་པ་རྣམ་ཐར་སྒོ་གསུམ་མཉམ་པའི་མཐར། །རྟོགས་པ་ལགས་ཀྱང་སྨྲ་ངན་ལྷག་པར་འཇོམས། །མཛད་པ་རྒྱ་མཚོ་སྡུག་བསྔལ་འགྲོ་ལ་དགོངས། །དགོངས་པ་མངོན་འབྱུང་དབུ་མའི་ལམ་ལ་གནས། །བརྩོན་འགྲུས་མཆོག་གི་རྣམ་དབྱེ་ཕ་མཐར་ཕྱིན། །དེ་སླད་ཐབས་མཁས་སྤྱོད་ལ་ཁྱེད་མི་ཞུམ། །གནས་པ་མི་གཡོ་ཡང་དག་ཤེས་རབ་མཆོག །མཆོག་གི་སྤངས་རྟོགས་རྒྱལ་བ་དངོས་དང་མཉམ། །བསམ་གཏན་མ་ཞེན་སྲིད་པའི་འགྲོ་ལས་འཕགས། །འཕགས་བཞིན་འགྲོ་བའི་དོན་ལ་ལྷག་པར་དགྱེས། །མཉམ་མེད་བླ་མ་ཡེ་ཤེས་གཟིགས་མཆོག་མངའ། །མངའ་བདག་ཁྱོད་ནི་རྣམ་པ་ཐམས་ཅད་འགྲོ། །ཤེས་རབ་སྨན་གྱི་ཤིང་བཞིན་ཀུན་ཕན་ལམ། །ལམ་ཕན་བསྐལ་བའི་ཚོགས་ཀྱང་ཡུད་ལ་སྤྱོད། །


ZP01_Page_555
[མ་དཔེ་གཟིགས་ན་འདིར་གནོན།]

རྟོགས་མཆོག་མངོན་གྱུར་ནོར་བུའི་གྲོང་ཁྱེར་རྒྱ། །ཟབ་དོན་འོབ་ལས་རྣམ་མཆོད་ཡེ་གྲོལ་བརྙེས། །འདུས་མ་བྱས་པའི་རྩལ་ལས་རང་བཞིན་སྣང་། །སྣང་བློའི་མོས་ངོར་འགག་པ་མེད་པར་ཤར། །དོན་བཟང་དབྱིངས་གཟིགས་བླ་མའི་ཡོན་ཏན་སྡེ། །མཆོག་ཏུ་བྱ་དཀའ་སྙན་ངག རྒྱན་རང་མཛེས། །པད་མ་ཀུན་བཟང་མཚུངས་མེད་བླ་མ་མཆོག །མཆོག་གི་ཡོན་ཏན་ཆ་ཙམ་བརྗོད་པ་འདིས། །དོན་བཟང་མུ་ཏིག་དོག་པ་འདིའི་ཕྲེང་རྒྱུད། །གསང་ཆེན་ལམ་མཐར་ཕྱིན་ཕྱིར་བྱས་པར་ཤེས། །འདུས་མ་བྱས་དབྱིངས་སྲིད་པའི་འགྲོ་ཀུན་སྤྱོད། །སྤྱོད་པ་མཚུངས་མེད་འཇམ་པའི་དབྱངས་བཞིན་སྨོན། །ཕྱོགས་ནས་སྟོན་པའི་རང་བཞིན་བརྒྱད་རྣམས་བཀོད། །ཟུར་ནས་དབང་བཞིའི་ལམ་བཟང་རྣམ་པར་གསལ། །གྲུ་བཞི་འོད་གསལ་སྣང་བ་བཞི་དབང་ལྡན་ཕྱོགས། །ཀུན་ལྟ་སྒོམ་སྤྱོད་འབྲས་རྣམས་ཀྱིས་མཛེས། །ཀུན་ནས་སྙན་པའི་ཚིག་བཞིན་དོན་རྣམས་མཛེས། །ཅི་ནས་དགའ་བཞིའི་དོན་བཟང་ལྷག་པར་སྟོན། །སྣང་བཞི་རབ་གསལ་སྨྲ་བ་གཞུང་དོན་རྫོགས། །དོན་ཀུན་ལམ་སྒོམ་གྲུབ་འབྲས་བཅུད་ཀྱིས་བརྗིད། །


ZP01_Page_556
[མ་དཔེ་གཟིགས་ན་འདིར་གནོན།]

དང་པོ་མགོ་ནས་མཇུག་པར་རྫོགས་པར་ཀློག །ཟུར་བཞིར་འཕགས་པའི་བདེན་བཞི་ཉམས་མེད་ཡོད། །ཕྱོགས་བཞིར་ཡང་དག་འཕགས་ལམ་བརྒྱད་དངོས་ཡོད། །གཞུང་དོན་ཕར་ཕྱིན་བཅུ་སོགས་ཁྱད་ཆོས་ཡོད། །དམར་པོ་མཐའ་ནས་དཀྱིལ་བར་ལེགས་པར་ཐོན། །ཕྱོགས་བཞིར་ཚངས་པའི་གནས་བཞི་ནུབ་མེད་ཡོད། །མཚམས་ཀུན་རྣམ་དག་བཞི་ལམ་བསྡུ་དངོས་ལྡན། །ཚིག་དོན་མཐར་ཕྱིན་རྒྱན་རྫོགས་མཛེས་ཆོས་ལྡན། །སྲིད་ལ་མི་འཇིགས་སྲིད་པའི་འགྲོ་ལ་ཕན། །ཕན་པར་མཛད་ཀྱང་ཞེན་མེད་སྤྱོད་པའི་མཐའ། །སྦྱིན་སོགས་ཐབས་ཀྱི་མཛད་པ་རྒྱ་མཚོ་ཡང་། །རྟོག་བཅས་ཞེན་དོར་མི་སྤོང་ཀུན་ཏུ་སྙན། །མཐའ་ལ་མི་གནས་རྒྱལ་བའི་ལམ་བཞིན་མཛད། །མཛད་བཟང་བྱང་ཆེན་མྱུ་གུ་དཔག་ཡས་རྒྱལ། །སྤྱོད་པ་ཞེན་མེད་འཁོར་གསུམ་ཡོངས་སུ་དག །པ་ར་མི་ཏ་རྣམ་དྲུག་རྫོགས་པར་སྤྱོད། །གང་ལ་མ་ཆགས་ཀུན་ལ་བུ་བཞིན་བྱམས། །བྱམས་ཆེན་ཐུགས་ཀྱིས་འགྲོ་ཕན་ལས་ལ་སྤྱོད། །སྦྱིན་པ་མི་ཟད་འགྲོ་ལ་བུ་བཞིན་ལྟ། །ཀུན་ལ་ཆ་སྙོམ་དེ་ཕྱིར་ཀུན་ལ་ཕན། །


ZP01_Page_557
[མ་དཔེ་གཟིགས་ན་འདིར་གནོན།]

སྲིད་(ཚིག་བཅད་འོག་མ་བཞིའི་མདོར་བསྟན།)ཞི་གཉིས་ཀྱི་དམིགས་འཛིན་དབྱིངས་ཞི་ཞིང་། །དེ་སྙེད་ཡེ་ཤེས་ཆེ་བརྙེས་དགེ་ལེགས་གཏེར། །དུས་གསུམ་ཀུན་ཏུ་མཐུ་ནུས་ཕུལ་ཐུགས། །ཡོངས་ཐོབ་མགོན་པོ་མཆོག་ཁྱོད་བློ་མཆོར་སྐྱོངས། ༡ །མི་(དོན་གཉིས་ལྷུན་གྱིས་གྲུབ་པར་བསྔགས་པ་ཨི་ངེས་པ།)ཤིག་ཡིད་འཛིན་དཔྱིད་ཐིག་རིམ་གཉིས་ཀྱིས། །སྨིན་ཟིན་སྙིང་ཐིག་ཁྲིད་ཀྱིས་བླིང་འདིའི་མི། །ཞི་དབྱིངས་ཇི་བཞིན་ཉིད་གཟིགས་མིག་སྦྱིན་ཕྱིར། །སྲིད་འདི་ཉི་བཞིན་བགྱིད་འདི་ཉིད་གཅིག་ཡིན། ༢ །ཞེན་མེད་མཁྱེན་བརྩེ་(མཆོག་གི་དངོས་གྲུབ་ཐོབ་པར་བསྔགས་པ་ཨེ་ངེས་པ།)ཡེ་ཤེས་ཆེ་བརྙེས་ཏེ། །སྐྱེ་མེད་ངེས་ཤེས་བྱེ་སྙེད་དེ་ཚེ་སྐྱེས། །དཔེ་མེད་དགེ་ལེགས་གཏེར་ཆེན་དེར་རྙེད་དེ། །སྲིད་མེད་བདེ་ཆེན་རེ་དེར་བཀྱེ་ཞེས་འཛེར། ༣ །རྒྱུད་གསུམ་ཚུལ་མཐུན་ལུགས་ཀུན་ཐུགས་སུ་ཆུད།(རྩ་བརྒྱུད་དོན།) །ཡུལ་གསུམ་སྒྱུ་ལུས་སྤྲུལ་སྐུ་(བསྐྱེད་རིམ་དང་སྒྱུ་ལུས་)གཟུགས་སུ་གྲུབ། །དུས་གསུམ་ཀུན་ཏུ་ཕུལ་བྱུང་སྐུ་གསུང་(དབེན་གསུམ་)ཐུགས། །སྐུ་གསུམ་རྒྱུ་རུ་ལྷུན་(འོད་གསལ་དང་ཟུང་འཇུག་)གྲུབ་ཟུང་དུ་འཇུག ༤ །རྟོགས་མཆོག་(ལྟ་སྒོམ་སྤྱོད་གསུམ་གྱི་སྒོ་ནས་བསྔགས་པ་ཨོ་ངེས་པ།)ཡོངས་རྟོགས་དགོངས་ཀློང་བློ་སྐྱོན་གྲོལ། །སྒོམ་མཆོག་བློ་སྒོམ་དངོས་པོ་ཡོངས་གྲོལ་སོང་། །སྤྱོད་མཆོག་ལོངས་སྤྱོད་ཆོས་ཕྱོགས་གཏོང་ཕོད་ཐོབ། །སྟོན་མཆོག་ལམ་སྟོན་དངོས་བྱོན་མགོན་པོ་ཁྱོད། ༥ །ཡང་(སྟོང་ཉིད་སྙིང་རྗེ་འབྲེལ་བར་བསྔགས་པ་ཨ་ངེས་པ།)དག་ལྟ་བ་རྟག་ཆད་མཐའ་


ZP01_Page_558
[མ་དཔེ་གཟིགས་ན་འདིར་གནོན།]

དང་བྲལ། །ཕན་མཛད་སྐལ་དམན་རྣམས་ལ་མ་ལྟར་བྱམས། །རྣམ་དག་ས་ལམ་མཐར་མཛད་བག་ཆགས་སྤངས། །མཐའ་ཡས་དཔལ་ལ་མངའ་མཛད་བླ་མ་གང་། ༦ །སྲིད་དེའི་ཆུ་པར་དཔེར་མཁྱེན་བློ་རྟོག་བྲལ། །ཞི་དབྱིངས་རྒྱུད་དུ་ཞེན་མེད་འགྲོ་དོན་མཛད། །ཇི་སྲིད་རྒྱུད་དུ་ཐེག་ཆེན་ཆོས་མཆོག་འཆད། །འདི་ཕྱི་ཀུན་ཏུ་རྗེ་ཁྱེད་བསྟོད་འོས་ལགས། ༧ །རྗེ་བཙུན་མཁས་གྲུབ་མཆོག་བསྟེན་རྒྱུད་ཀུན་ཐོས། །ཡང་དང་ཡང་དུ་དོན་གྱི་ཆོས་བཞིན་བསམ། །སྲིད་ཞི་གཉིས་མཐར་མི་གནས་པར་བསྔགས་པ། ལམ་གྱི་ཀུན་སྤྱོད་གསང་ཆེན་རྫོགས་པར་བསྒོམ། །དེ་སླད་བགྲོད་ལམ་ཡང་དང་ཡང་། །ཐོས་ཀུན་རྒྱུད་བརྟེན་མཆོག་གྲུབ་མཁས་བཙུན་རྗེ། ༩ །གང་མཁས་བཙུན་བཟང་གསུམ་དང་ལྡན་པར་བསྔགས་པ་ལུགས་ལྡོག །ཞབས་རྡུལ་གཙང་རེགས་གཞིར་དེ་མ་ཐག །དད་གསུམ་དཔྲལ་བས་གཏུགས་ལ་དབང་བྱས་ལས། །རྣམ་མང་ཡོན་ཏན་རྒྱ་མཚོའི་མཇིང་ཟབ་མོར། །སྙན་ཚིག་སྒྲ་རྩེས་སློང་ལ་སྤོབ་པ་སྐྱེས། ༡༠ །དེ་ཕྱིར་ཚིག་རྒྱན་མེ་ལོང་གསར་པའི་དངོས། །དོན་བཟང་ལང་ཚོའི་འཛུམ་བཞིན་འབུམ་འཛིན་པའི། །དབྱངས་ཅན་ངག་གི་སྒྱུ་འཕྲུལ་འགྱུར་བ་བརྒྱར། །ངོམ་འདི་བློ་གྲོས་གཞོན་ནུའི་རྩེད་འཇོར་བྱས། ༡༡ །འདི་དགེ་དྲི་མེད་སྲིད་པའི་


ZP01_Page_559
[མ་དཔེ་གཟིགས་ན་འདིར་གནོན།]

འགྲོར་ཐུན་མོང་། །བྱས་ནས་འཁོར་གསུམ་དམིགས་པའི་རྡུལ་སྦྱོངས་སླད། །གུར་གུམ་རི་མོས་བྲིས་འདྲའི་མཚན་དཔེ་ཅན། །འཇམ་དཔལ་གཞོན་ནུའི་ཡོངས་བསྔོ་དྲན་པར་བྱས། ༡༢ །འཁྱུད་པར་མཛོད་ཅིག་རྗེ་བཙུན་མཁྱེན་པའི་གཏེར། །ཡིད་ཀྱི་ཚལ་འདིར་དད་གསུམ་སྦྲང་རྩིའི་རོ། །གཞིབ་བཞིན་ཤེས་རབ་འབུམ་གྱི་གླུ་ལེན་པས། །སྲིད་པ་མཐར་གྱུར་དེ་སྲིད་བརྟན་དུ་གསོལ། ༡༣ །ཞེས་རིགས་བརྒྱའི་ཁྱབ་བདག་མཚུངས་བྲལ་རྩ་བའི་བླ་མ་འཇིགས་མེད་རྒྱལ་བའི་མྱུ་གུ་གང་གི་གསང་གསུམ་ཡོན་ཏན་གྱི་ཕུང་པོར་སྙན་ངག་བྱ་དཀའི་རྐྱེན་ལས་བརྩམ་སྟེ་ཅུང་ཟད་བསྔགས་པ་འདི་ཡང་དམ་པ་གང་གི་ཐུགས་རྗེའི་དཔལ་གྱི་བདུད་རྩིས་ལེགས་པར་འཚོ་བ་ཨོ་རྒྱན་འཇིགས་མེད་ཆོས་ཀྱི་དབང་པོ་ཞེས་མིང་དུ་འབོད་པས་བྲིས་པ་འདིས་ཀྱང་ཕྱོགས་དུས་ཀུན་ཏུ་དགེ་ལེགས་ཀྱི་སྣང་བ་ཡར་ངོའི་ཟླ་བ་ལྟར་གྱུར་ཅིག །དགེའོ། །དགེའོ། །དགེའོ།།


ZP01_Page_561
[མ་དཔེ་གཟིགས་ན་འདིར་གནོན།]

སེམས་ཅན་གཞན་གྱི་ རང་གི་ གཞན་གྱི་ རང་གི་ གཞན་གྱི་ ལུས་ལ་བརྟེན་ནས་བྱུང་བའི་ སེམས་ལ་བརྟེན་ནས་བྱུང་བའི་ སྡུག་བསྔལ་ཆེན་པོའི་གཉེན་པོར་ཆུང་ངུ་བསྐྱེད་པར་མི་བྱེད་པ་ ཡིད་ནི་བདེ་བ་ཆེན་པོའི་གཉེན་པོར་ཆུང་ངུ་བསྐྱེད་པར་མི་བྱེད་པ་ བདེ་བ་དང་ཡིད་བདེ་བ་ལ་ སྡུག་བསྔལ་དང་ཡིད་མི་བདེ་བས་ ཚེ་འདིའི་ ཕྱི་མའི་ ཚེ་འདི་ཡི་ ཕྱི་མའི་ ད་ལྟ་བ་ མ་འོང་པ་ ད་ལྟ་བ་ མ་འོང་པ་ བདེ་བ་ཆེན་པོའི་ཕྱིར་ཆུང་ངུ་ཉམས་པར་མི་བྱེད་པ་ ཡིད་བདེ་བ་ཆེན་པོའི་ཕྱིར་ཆུང་ངུ་ཉམས་པར་མི་བྱེད་པ་ བསྐྱེད་པར་ནུས་བཞིན་དུ་བསྐྱེད་པར་མི་བྱེད་ཅིང་ ཞི་བར་ནུས་བཞིན་དུ་ཞི་བར་མི་བྱེད་ཅིང་ རང་གི་ གཞན་གྱི་ རང་གི་ གཞན་གྱི་ དེའི་ཆེད་དུ་སྒོ་གསུམ་མི་བརྩོན་པ་ ཕན་པའི་རྒྱུ་རྐྱེན་མི་ཚོལ་བ་ གཉེན་པོའི་ཕྱོགས་ལ་མི་འབད་པ་ འདིར་བཞི་བཅུ་པོ་རེ་རེ་ལའང་རེ་ཞིག་ཡལ་བར་འདོར་པ་དང་། གཏན་དུ་ཡལ་བར་འདོར་བ་གཉིས་བསྡོམས་པས་བརྒྱད་ཅུ་འབྱུང་བར་འགྱུར་རོ། །

རྐང་འབམ་བཅོས་ཐབས།


ZP01_Page_563
[མ་དཔེ་གཟིགས་ན་འདིར་གནོན།]

རྐང་འབམ་བཅོས་ཐབས། དང་པོ་གསེར་ཐང་བཅོ་བརྒྱད་དང་། ནོར་བུ་བདུན་ཐང་གཉིས་གང་མང་འཐུང་དགོས་སྨན་ཨ་ཀར་སོ་ལྔ་ཐོག་མཐའ་བར་གསུམ་ཀུན་ཏུ་འཕྲོད། འབམ་སྨན་དང་པོ་ནད་སྨད་དུ་འབེབས་པའི་དུས་སུ་གླང་ཆེན་བཅོ་བརྒྱད་ཉི་མ་ཁ་ཡར་གཏོང་དགོས། སྨད་དུ་བབ་ན་སྟོད་ཀྱི་ནད་ཐམས་ཅད་ཞི་ཞིང་རྐང་པ་སྒྱིད་ཁུག་ཁ་དབྱེ་རྒྱུ་མེད་པ་ཞ་ཡག་ཐུབ་ན་རབ་ཞག་ཉེར་གཅིག །ཐ་ན་ཡང་ཞག་བདུན་ཡན་ཆད་ཅིག་ལ། ལ་བཅོས་མི་གཏོང་བར་སྡོད་དགོས། །དེ་ནས་ལ་ཕུག་རྙེད་ན་ལ་ཕུག་ཆུ་ནང་དུ་ལེགས་པར་བཀྲུས། །ལ་བརྡར་ལ་བདར་ནས། རས་དཀར་ཅུང་ཟད་རྐང་ངན་ཞིག་གི་ནང་དུ་བླུགས་ཏེ་ཆབ་སྐོལ་ཚ་མོ་དཀར་ཡོལ་ཕྱེད་ཙམ་ཞིག་གི་ནང་དུ་རས་དང་བཅས་པ་ཤན་ཏེ་བཙག་ནས་ཁུ་བ་དབྱུང་། །ཁུ་བ་དེ་ནང་འདེབས་སྨན་བཏབ་ནས་ཞག་གཅིག་བསྙལ། །ཕྱིར་ནང་། ནང་དེམ་རྒྱབ་འཐུང་རྒྱུ་ཡིན། །བང་ཐོག་སྐྱེས་པ་ཡིན་ན་ཆུ་ནང་བཀྲུས་ནས་ཞིབ་མོར་གཏུབ་སྟེ་རླང་པ་མ་ཤོར་བར་བཙོས་ཏེ། ཚོས་འཕྲལ་ནང་དུ་ཤ་སོགས་བཏབ་ནས་འཐུང་རྒྱུ་ཡིན། འབམ་བབ་ནས་སྟོད་ནད་ཞི་སྟེ་རྐང་པ་ཞ་མ་ཐུབ་བར་སྤྱོད་ལམ་གཡས་གཡོན་དུ་མི་སྔས་པ་དང་། མཚན་མོ་ཡང་གློ་ཕབ་ནས་མི་ཉལ་བཙོག་བུར་སྡོད་ན་རབ། མིན་ན་སྔས་མཐོན་པོ་ལ་རྒྱབ་བརྟེན་ཏེ་གནས་པ་དང་། དུས་རྒྱུན་དུ་ལག་པས་ལས་ཀ་


ZP01_Page_564
[མ་དཔེ་གཟིགས་ན་འདིར་གནོན།]

སོགས་མི་བྱེད་པ་དང་། ལུས་སྟོད་སྒུལ་བསྐྱོད་དགོས་པའི་བྱ་བ་རྣམས་གཏན་ནས་སྤངས་པའི་སྤྱོད་ལམ་འདི་ཤིན་ཏུ་གལ་ཆེ། ལ་ཕུག་ནང་འདེབས་སྨན། ཁང་ཕུག་དང་། ཆུ་རུག་གཉིས་ཀྱི་ཕྱེ་ཡིན་ནམ་སྙམ་ཡང་ཞིབ་པར་ཁོ་བོའི་བློ་ལ་མི་ཤེས་འདུག་པས་ཞིབ་པར་ལྷན་ཐབས་ལེའུ་བརྒྱ་དང་གཅིག་པ་དང་སྡེ་མིག་སོགས་སུ་བལྟ་བར་བྱ། འདི་བླུན་པོའི་གོ་བ་དེར་འཕྲལ་དུ་དཔལ་སྤྲུལ་པས་གསུང་བ་ཡིན་ལེགས་སོ།། །།དགེའོ།། །།