དཔལ་སྤྲུལ་གསུང་འབུམ།

དཔལ་སྤྲུལ་གསུང་འབུམ།

གླེགས་བམ་གཉིས་པ།

རྫོགས་ཆེན་དཔལ་སྤྲུལ་རིན་པོ་ཆེ།

Nitartha International

Images scanned by TBRC

ཆོས་ཚུལ་འདི་ཡང་ཉི་ཟླའི་དཀྱིལ་འཁོར་བཞིན། །ཕྱོགས་ཀྱི་ཐ་གྲུ་ཀུན་དུ་གྲགས་གྱུར་ཏེ། །བློ་གྲོས་པདྨོ་རབ་ཏུ་རྒྱས་བྱེད་ཅིང༌། །སངས་རྒྱས་བསྟན་པ་དར་ཞིང་རྒྱས་པར་ཤོག །
—ཀློང་ཆེན་པ།

བཀའ་བསྟན་སྤྱིའི་བཤད་བྱའི་ཡན་ལག

^{[མ་དཔེ་གཟིགས་ན་འདིར་གནོན།]}

[Full Size]

བཀའ་བསྟན་སྤྱིའི་བཤད་བྱའི་ཡན་ལག་བཞུགས་སོ།། །།

― ZP02_Page_002 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱིར་ཆོས་གང་ཞིག་འཆད་པ་ལ་བཤད་བྱའི་ཡན་ལག་བཤད་པ། བཤད་བྱ་དངོས་བཤད་པ་གཉིས་ལས། དང་པོ་བཤད་བྱའི་ཡན་ལག་བཤད་པ་ལ། སློབ་དཔོན་གྱིས་ཇི་ལྟར་འཆད་ཚུལ། སློབ་མས་ཇི་ལྟར་ཉན་ཚུལ། དེ་གཉིས་ཀས་འཆད་ཉན་ཇི་ལྟར་བགྱི་བའི་ཚུལ་ལོ། །དང་པོ་སློབ་དཔོན་རྫོགས་པའི་སངས་རྒྱས་རྣམས་ཀྱིས་ནི་ཆོ་འཕྲུལ་རྣམ་པ་གསུམ་གྱི་སྒོ་ནས་ཆོས་འཆད། དེ་ཡང་སྐུ་རྫུ་འཕྲུལ་གྱི་ཆོ་འཕྲུལ་གྱིས་གདུལ་བྱ་འཁོར་དུ་མ་འདུས་པ་རྣམས་བསྡུས། འདུས་པ་རྣམས་དད་པར་བྱས་ནས། ཐུགས་ཀུན་ཏུ་བརྗོད་པའི་ཆོ་འཕྲུལ་གྱིས། དེ་དག་གི་བློ་དང་དབང་པོ་སྐལ་པའི་རིམ་པ་ཇི་ལྟ་བ་བཞིན་སྟོན་ཏེ། གསུང་རྗེས་སུ་བསྟན་པའི་ཆོ་འཕྲུལ་གྱིས་དེ་དག་རང་རང་གི་སྐལ་བ་དང་མཐུན་པའི་ཆོས་རིགས་དྲུག་རང་རང་གི་སྐད་དུ་གསུང་ཚངས་པའི་དབྱངས་ཀྱིས་སྟོན་པའོ། །སློབ་དཔོན་དགྲ་བཅོམ་པ་རྣམས་ཀྱིས་ནི་དག་པ་གསུམ་གྱི་སྒོ་ནས་འཆད་དེ། དེ་ཡང་ཉན་པ་པོའི་སྣོད་དག་པ་གདུལ་བྱ་འཁོར་དུ་འདུས་པ་དེའི་རྒྱུད་མངོན་ཤེས་ཀྱིས་བརྟགས་ནས་རྒྱུད་དག་པ་ལ་ཆོས་འཆད། འཆད་པ་པོའི་ངག་དག་བརྡབ་རྡིབ་དང་ནོར་འཁྲུལ་མེད་ཅིང་དབྱངས་གསལ་ཡིད་དུ་འོང་བ་ཉོན་མོངས་སྤངས་པའི་ངག་གིས་འཆད། གསུང་རབས་ཀྱི་བརྗོད་བྱ་དག་པ་རང་གི་སློབ་དཔོན་རྫོགས་པའི་སངས་རྒྱས་སོགས་ནས་ཇི་ལྟར་ཐོས་པ་ལྟར། ཚིག་ལ་ལྷག་ཆད་དང་དོན་ལ་ནོར་འཁྲུལ་མེད་པར་མི་བརྗེད་པའི་གཟུངས་ཀྱིས་བཟུང་སྟེ་འཆད། དེ་ཡང་ཉན་ཐོས་ཆེན་པོ་དེ་དག་གིས་ཆོས་འཆད་པ་ན་ཆོ་འཕྲུལ་གསུམ་ལ་བརྟེན་ནས་ཅིའི་ཕྱིར་མི་འཆད་ཅེ་ན། ཉན་ཐོས་རྣམས་ལ་མི་ཤེས་པའི་རྒྱུ་བཞི་

― ZP02_Page_003 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོད་པས་ཆོ་འཕྲུལ་གསུམ་གྱི་སྒོ་ནས་འཆད་མི་ནུས། དེ་ཡང་གནས་ཀྱིས་བསྐལ་བས་མི་ཤེས་པ་མོའུ་གལ་གྱི་བུས། མ་སངས་རྒྱས་ཀྱི་ཞིང་འོད་ཟེར་ཅན་དུ་སྐྱེས་པ་མ་ཤེས་པ་ལྟ་བུ། དུས་ཀྱིས་བསྐལ་བས་མི་ཤེས་པ་ཤཱ་རིའི་བུས་ཁྱིམ་བདག་དཔལ་སྐྱེས་ཀྱི་ཐར་པའི་ས་བོན་མ་ཤེས་པ་ལྟ་བུ། རྒྱུ་ཐུག་མེད་ཀྱི་འབྲས་བུ་ཐུག་མེད་མི་ཤེས་པ། ཇི་སྐད་དུ། རྨ་བྱའི་མདོང་བཀྲ་གཅིག་ལ་ཡང༌། རྒྱུ་ཡི་དབྱེ་བ་ཐ་དད་པ། །དེ་མཁྱེན་པ་ནི་ཀུན་མཁྱེན་ཏེ། །ཀུན་མཁྱེན་ཡེ་ཤེས་མིན་པས་མིན། །ཞེས་པ་ལྟར་རོ། །སངས་རྒྱས་ཀྱི་ཆོས་རབ་ཏུ་མང་པོ་མི་ཤེས་པ། སྟོབས་བཅུ་མི་འཇིགས་བཞི་མ་འདྲེས་བཅོ་བརྒྱད་སོགས་མི་ཤེས་སོ། །སློབ་དཔོན་མཁས་པ་པཎྜི་ཏའི་འཆད་ཚུལ་ལ་ཡང་གཉིས་ཏེ། དཔལ་ན་ལེན་དྲའི་གཙུག་ལག་ཁང་ན་བཞུགས་པའི་པཎྜི་ཏ་རྣམས་ཀྱིས་ནི་བཀའ་ཐམས་ཅད་ཕུན་སུམ་ཚོགས་པ་ལྔ་དང༌། བསྟན་བཅོས་ཐམས་ཅད་རྩིས་འགོ་ཡན་ལག་ལྔའི་སྒོ་ནས་འཆད། །བིཀྲཱ་མ་ཤི་ལའི་གཙུག་ལག་ཁང་ན་བཞུགས་པའི་པཎྜི་ཏ་རྣམས་ཀྱིས་ནི། ཉན་པ་པོ་སྣོད་རུང་དུ་བྱ་བ་དང༌། བསྟན་པའི་བྱུང་ཚུལ་ངེས་པ་གཉིས་ཀྱི་སྒོ་ནས་འཆད། འདིར་དང་པོ་ལྟར་འཆད་པའི་དབང་དུ་བྱས་ན་བསྟན་བཅོས་ཡིད་བཞིན་རིན་པོ་ཆེའི་མཛོད་ལྟ་བུ་ལ་བཀའ་མ་ཡིན་པས་རྩིས་འགོ་ཡན་ལག་ལྔའི་སྒོ་ནས་འཆད་དེ། མཛད་པ་པོ་སུས་མཛད་ཅེ་ན། རབ་ཆོས་ཉིད་ཀྱི་བདེན་པ་མཐོང་བ། འབྲིང་ཡི་དམ་ལྷ་ཡིས་གནང་བ་ཐོབ་པ། ཐ་མ་རིག་པའི་གནས་ལྔ་ལ་མཁས་པ་སྟེ། བསྟན་བཅོས་རྩོམ་པའི་རྒྱུ་གསུམ་ཡོངས་སུ་རྫོགས་པ་ཚང་ཞིང་ཐོས་པ་དང་བསམ་པ་དང་སྒོམ་པའི་ཤེས་

― ZP02_Page_004 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་ལ་བརྟེན་ནས་རང་དང་གཞན་གྱི་གྲུབ་པའི་མཐའ་རྒྱ་མཚོའི་ཕ་རོལ་དུ་སོན་པ་ཀུན་མཁྱེན་ཆོས་ཀྱི་རྒྱལ་པོ་དཔལ་ངག་གི་དབང་ཕྱུག་གིས་མཛད། ལུང་གང་ནས་བཏུས་ན་མདོ་སྡེ་སྣོད་གསུམ་དང་སྔགས་རྒྱུད་སྡེ་བཞི་སོ་སོའི་དགོངས་འགྲེལ་དང་བཅས་པ་ལས་བཏུས། ཕྱོགས་གང་དུ་གཏོགས་ན་སྤྱིར་ཐེག་པ་ཆེ་ཆུང་གཉིས་ལས་ཐེག་པ་ཆེན་པོའི་ཕྱོགས་སུ་གཏོགས། ཐེག་ཆེན་མདོ་སྔགས་གཉིས་ལས་སྔགས་བླ་ན་མེད་པའི་ཕྱོགས་སུ་གཏོགས། དབུ་ནས་ཞབས་སུ་བསྡུས་པའི་དོན་གང་ཡིན་ཞེ་ན། འཁོར་བའི་རང་བཞིན་སྤངས་བྱར་བསྟན་པ་དང༌། མྱ་ངན་ལས་འདས་པའི་རང་བཞིན་བླངས་བྱར་བསྟན་པ་གཉིས་ལ་འདུས། དགོས་ཆེད་སུ་ཞིག་གི་དོན་དུ་མཛད་ན། སྤྱིར་མཐའ་ཡས་པའི་སེམས་ཅན་རྣམ་གྲོལ་གྱི་ལམ་ལ་འགོད་པའི་ཆེད་དང༌། ཁྱད་པར་རྗེས་འཇུག་སྐལ་བཟང་གི་སྐྱེ་བོ་རྣམས་ཀྱིས་འཁོར་འདས་ལ་སྤང་བླང་དུ་ཤེས་ཏེ་ཐོས་བསམ་སྒོམ་གསུམ་ལ་བརྟེན་ནས་ཚེ་ལུས་གཅིག་གིས་མགོན་པོ་རྡོ་རྗེ་འཆང་གི་གོ་འཕང་མངོན་དུ་བྱ་བའི་ཆེད་དུ་མཛད་པའོ། །དེ་ལྟར་རྩིས་འགོ་ཡན་ལག་ལྔའི་སྒོ་ནས་བཤད་པས་ཆོས་ཁུང་མར་ཡིད་ཆེས་པའི་དགོས་པ་ཡོད་དོ། །གཉིས་པ་སློབ་མས་ཇི་ལྟར་ཉན་པའི་ཚུལ་ནི། སྣོད་ཀྱི་སྐྱོན་གསུམ། དྲི་མ་དྲུག །མི་འཛིན་པ་ལྔ་དང་བཅས་པ་སྤངས་ནས་འདུ་ཤེས་བཞི་བརྟེན་ཕ་རོལ་ཏུ་ཕྱིན་པ་དྲུག་དང་ལྡན་པས་ཉན་དགོས་པ་ལས། དང་པོ་སྣོད་ཀྱི་སྐྱོན་གསུམ་ནི། ཇི་སྐད་དུ། རྣ་བ་མི་གཏད་ཁ་སྦུབ་ལྟ་བུའི་སྐྱོན། ཡིད་ལ་མི་འཛིན་ཞབས་རྡོལ་ལྟ་བུའི་སྐྱོན། ཉོན་མོངས་དང་འདྲེས་དུག་ཅན་ལྟ་བུའི་སྐྱོན། ཞེས་སོ། །དེ་གསུམ་སྤངས་པ་ཡང༌། མདོ་ལས། ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག །ཅེས་

― ZP02_Page_005 ―

^{[མ་དཔེ་གཟིགས་ན་འདིར་གནོན།]}

[Full Size]

སོ། །དྲི་མ་དྲུག་ནི། རྣམ་བཤད་རིག་པ་ལས། ང་རྒྱལ་དང་ནི་མ་དད་དང༌། །དོན་དུ་གཉེར་བ་མེད་ཉིད་དང༌། །ཕྱི་རོལ་རྣམ་གཡེང་ནང་དུ་སྡུད། །སྐྱོ་བས་ཉན་པའི་དྲི་མ་ཡིན། །ཞེས་སོ། །མི་འཛིན་པ་ལྔ་ནི། ཚིག་འཛིན་ལ་དོན་མི་འཛིན་པ། དོན་འཛིན་ལ་ཚིག་མི་འཛིན་པ། བརྡ་མ་འཕྲོད་པར་འཛིན་པ། དོན་གོ་ལོག་ཏུ་འཛིན་པ། གོང་འོག་ནོར་ནས་འཛིན་པ་ལྔའོ། །འདུ་ཤེས་བཞི་ནི། ཕལ་པོ་ཆེ་ལས། རིགས་ཀྱི་བུ་ཁྱོད་ཀྱིས་བདག་ཉིད་ལ་ནད་པའི་འདུ་ཤེས་བསྐྱེད་པར་བྱའོ། །ཆོས་ལ་སྨན་གྱི་འདུ་ཤེས༴ དགེ་བའི་བཤེས་གཉེན་ལ་སྨན་པ་མཁས་པའི་འདུ་ཤེས༴ ནན་ཏན་ཉམས་སུ་ལེན་པ་ལ་ནད་ཉེ་བར་འཚོ་བའི་འདུ་ཤེས་བསྐྱེད་པར་བྱའོ། །ཞེས་དང༌། ཕ་རོལ་ཏུ་ཕྱིན་པ་དྲུག་ནི། ཆོས་སྤྱོད་ཐམས་ཅད་ཀྱི་མན་ངག་མངོན་པར་རྟོགས་པའི་རྒྱུད་ལས། མེ་ཏོག་སྟན་སོགས་རབ་འབུལ་ཞིང༌། །ས་ཕྱོགས་སྤྱོད་ལམ་སྡོམ་པ་དང༌། །སྲོག་ཆགས་ཀུན་ལ་འཚེ་མི་བྱ། །བླ་མ་ལ་ནི་གསོལ་བ་འདེབས། །མ་ཡེངས་བླ་མའི་གདམས་ངག་ཉན། །དོགས་སེལ་ཕྱིར་ན་སྐྱོན་ཚིག་འདྲི། །སྒྲོལ་མ་ཡན་ལག་དྲུག་དང་ལྡན། །ཞེས་སོ། །དེ་གཉིས་ཀས་འཆད་ཉན་ཇི་ལྟར་བགྱི་བའི་ཚུལ་ནི། དབྱིག་གཉེན་གྱིས། མདོ་དོན་སྨྲ་བར་འདོད་རྣམས་ལ། །མན་ངག་ཅུང་ཞིག་སྦྱིན་པར་བྱ། །དེ་ལ་མན་ངག་འདི་ཡིན་ཏེ། །དགོས་པ་བསྡུས་པའི་དོན་བཅས་དང༌། །ཚིག་དོན་བཅས་དང་མཚམས་སྦྱོར་བཅས། །བརྒལ་ལན་བཅས་ཏེ་བསྙད་པར་བྱ། །ཞེས་པ་ལྟར། ས་བཅད་རེ་རེ་བཞིན། དེ་ལྟར་བཞག་པའི་དགོས་ཆེད་བསྟན་པ་དགོས་པའི་དོན་དང༌། དེའི་ཚིག་དོན་གྱི་གནད་མདོར་བསྡུས་པ་བསྡུས་པའི་དོན་དང༌། ཚིག་གི་རིམ་པ་རྣམ་དབྱེ་ཕྲད་དང་བཅས་པ་མ་ནོར་བར་འཆད་པ་ཚིག་གི་དོན་དང༌། སྔ་ཕྱི་དང་

― ZP02_Page_006 ―

^{[མ་དཔེ་གཟིགས་ན་འདིར་གནོན།]}

[Full Size]

གོང་འོག་མཚམས་སྦྱོར་བ་མཚམས་སྦྱོར་གྱི་དོན་དང༌། ཕྱི་རོལ་གྱི་རྒོལ་བའམ་དོགས་པས་ཁུངས་ནས་བསུས་ཏེ་བརྒལ་ལན་གྱི་སྒོ་ནས་གཏན་ལ་དབབ་པ་སྟེ། ཆིང་ཆེན་པོ་ལྔའམ། ཡང་ན་དཀྱུས་ཀྱི། ས་གཅོད་པ་སྟག་མོ་མཆོངས་སྟང་ལྟ་བུ། ཚིག་གི་འབྲུ་གནོན་པ་རུས་སྦལ་གྱི་ནུར་འགྲོས་ལྟ་བུ། སྐབས་ཀྱི་དོན་བསྡུ་བ་སེང་གེའི་འགྱིང་ལྟ་བུ་གསུམ་གང་རུང་གི་སྒོ་ནས་འཆད་དོ། །གཉིས་པ་བཤད་བྱ་དངོས་བཤད་པ་ལ། ཐོག་མར་དགེ་བ་ཀླད་ཀྱི་དོན་དང༌། བར་དུ་དགེ་བ་གཞུང་གི་དོན་དང༌། ཐ་མར་དགེ་བ་མཇུག་གི་དོན་དང་གསུམ། དང་པོ་ལ་མཚན་བརྗོད་པ། མཆོད་པར་བརྗོད་པ། རྩོམ་པར་དམ་བཅའ་བ་དང་གསུམ། དང་པོ་མཚན་བརྗོད་པ་ལ། དགོས་པའི་དོན་དང་ཚིག་གི་དོན་གཉིས། དང་པོ་དགོས་པ་ལ། སྤྱིར་ཤེས་བྱའི་ཆོས་ཐམས་ཅད་ལ་མིང་དུ་བཏགས་པའི་དགོས་པ་ནི། ཇི་སྐད་དུ། མིང་དུ་གདགས་པར་མ་མཛད་ན། །འཇིག་རྟེན་ཐམས་ཅད་རྨོངས་པར་འགྱུར། །དེ་བས་མགོན་པོ་ཐབས་མཁས་པས། །ཆོས་རྣམས་མིང་དུ་གདགས་པར་མཛད། །ཅེས་སོ། །བྱེ་བྲག་ཏུ་བསྟན་བཅོས་ལ་མཚན་གསོལ་བའི་དགོས་པ་དབང་པོ་རབ་ཀྱིས་སྨན་པས་ལག་རྩ་བལྟས་པས་ལུས་མགོ་མཇུག་གི་ནད་ཐམས་ཅད་ཤེས་པ་ལྟར་མཚན་དོན་ལ་བརྟེན་ནས་གཞུང་དབུ་ཞབས་ཀྱི་དོན་ཐམས་ཅད་ཁོང་དུ་ཆུད་པའི་དགོས་པ་ཡོད་དོ། །འབྲིང་གིས་དམག་མིས་མདའ་བྱང་ལྟར་ཕྱོགས་གར་གཏོགས་ཤེས་པའི་དགོས་པ་ཡོད། ཐ་མས་སྨན་གྱི་ཁ་བྱང་ལྟར་མིང་དོན་གྱི་འབྲེལ་བ་གོ་སྟེ་གླེགས་བམ་འཚོལ་སླ་བ་སོགས་ཀྱི་དགོས་པ་ཡོད་དོ། །གཉིས་པ་ཚིག་གི་དོན་ལ་གསུམ། མཚན་རྒྱ་སྐད་ལྟར་བཤད་པ། བོད་སྐད་ལྟར་བཤད་པ། སྐད་

― ZP02_Page_007 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པོ་ཤན་སྦྱར་ཏེ་མཚན་གྱི་དོན་བཤད་པའོ། །དང་པོ་རྒྱ་སྐད་ལྟར་བཤད་པའི་དགོས་པ་ནི། སྤྱིར་བསྟན་པ་སྔ་དར་གྱི་རིང་ལ་རྒྱ་གར་འཕགས་པའི་ཡུལ་ནས་པཎ་གྲུབ་ལོ་ཙ་རྣམས་ཀྱིས་བསྒྱུར་བའི་ཆོས་ཀྱི་དབུར་རྒྱ་གར་སྐད་བྱས་པས་ཆོས་ཁུངས་མར་ཡིད་ཆེས་བྱེད་པའི་རྒྱུ་ཡིན་ལ། བོད་ཀྱི་བསྟན་བཅོས་ལ་ཡང་རྒྱ་གར་གྱི་ཆོས་ཁུངས་མ་དེ་དག་གིས་ཁུངས་སུ་བྱས་པ་མཚོན་པ་དང༌། རྩོམ་པ་པོ་སྒྲ་རིག་པ་ལ་མ་རྨོངས་པར་སྟོན་པ་དང༌། མཐར་ཐུགས་སངས་རྒྱས་ནས་ལེགས་སྦྱར་སཾསྐྲི་ཏ་ལྷའི་སྐད་ལ་སོགས་འགྲོ་བ་རང་རང་གི་སྐད་དུ་ཆོས་སྟོན་པའི་རྟེན་འབྲེལ་སྒྲིག་པའི་དགོས་པ་དང་གསུམ་མོ། །གཉིས་པ་ཚིག་གི་དོན་ནི། རྒྱ་གར་སྐད་དུ་སོགས་སོ།། །།

མངོན་པ་མཛོད་ཀྱི་ས་བཅད།

ཁམས་བསྟན་པ།

― ZP02_Page_009 ―

^{[མ་དཔེ་གཟིགས་ན་འདིར་གནོན།]}

[Full Size]

མངོན་པ་མཛོད་ཀྱི་ས་བཅད་བཞུགས་སོ། །

― ZP02_Page_010 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་བཙུན་འཇམ་དཔལ་དབྱངས་ལ་ཕྱག་འཚལ་ལོ། །དེ་ལ་འདིར་བརྗོད་བྱ་གཞི་ལྔ་རྗོད་བྱེད་གནས་བརྒྱད་ཀྱི་སྒོ་ནས་གཏན་ལ་འབེབས་པར་བྱེད་པ་ཆོས་མངོན་པའི་མཛོད་འཆད་པ་ལ། མཚན་གྱི་དོན། འགྱུར་གྱི་ཕྱག །གཞུང་གི་དོན། མཇུག་གི་དོན་ནོ། །དང་པོ་ནི། རྒྱ་གར་སྐད་སོགས། གཉིས་པ་ནི། འཇམ་དཔལ་གཞོན་ནུ། གསུམ་པ་ལ་བསྟན་བཅོས་ལ་འཇུག་པའི་ཡན་ལག །བརྩམ་པའི་བསྟན་བཅོས་ཀྱི་ལུས་དངོས་སོ། །དང་པོ་ལ་མཆོད་བརྗོད་སྔོན་དུ་འགྲོ་བས་རྩོམ་པར་དམ་བཅའ་བ་དང༌། སྤྲོ་བ་སྔོན་དུ་འགྲོ་བས་མཚན་གྱི་དོན་བཤད་པ་དང༌། དགོས་པ་སྔོན་དུ་འགྲོ་བས་སྟོན་པས་གསུངས་པར་བསྒྲུབ་པའོ། །དང་པོ་ནི། གང་ཞིག་ཀུན་ལ་སོགས། གཉིས་པ་ནི། ཆོས་མངོན་མཛོད་ཀྱི་སོགས། གསུམ་པ་ནི། ཆོས་རྣམས་རབ་ཏུ་སོགས། གཉིས་པ་བརྩམ་པའི་

― ZP02_Page_011 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་བཅོས་ཀྱི་ལུས་དངོས་ལ། བརྗོད་བྱ་ངོས་བཟུང་བ་དང༌། དེ་རྒྱས་པར་གཏན་ལ་ཕབ་པའོ། །དང་པོ་ནི། ཟག་བཅས་ཟག་པ་སོགས། གཉིས་པ་ལ་འདུས་མ་བྱས་རྒྱས་པར་བཤད་པ། འདུས་བྱས་རྒྱས་པར་བཤད་པའོ། །དང་པོ་ནི། འདུས་མ་བྱས་རྣམས་སོགས། གཉིས་པ་ལ་གནས་བརྒྱད་ཡོད་པ་ལས། དང་པོ་ཁམས་བསྟན་པའི་གནས་ལ་གསུམ། འདུས་བྱས་ཀྱི་ཕྱོགས་མིང་གི་རྣམ་གྲངས་ཕུང་ཁམས་སྐྱེ་མཆེད་རྒྱས་པར་བཤད་པའོ། །དང་པོ་ནི། འདུས་བྱས་ཆོས་རྣམས་སོགས། གཉིས་པ་ལ་སྤྱིར་འདུས་བྱས་ཀྱི་མིང་གི་རྣམ་གྲངས་དང༌། བྱེ་བྲག་ཟག་བཅས་ཀྱི་མིང་གྲངས་སོ། །དང་པོ་ནི། དེ་དག་ཉིད་དུ་སོགས། གཉིས་པ་ནི། གང་དག་ཟག་བཅས་སོགས། གསུམ་པ་ལ་ཕུང་ཁམས་སྐྱེ་མཆེད་ཀྱི་རང་བཞིན། ཆོས་གཞན་བསྡུ་བའི་ཚུལ།

― ZP02_Page_012 ―

^{[མ་དཔེ་གཟིགས་ན་འདིར་གནོན།]}

[Full Size]

ཁམས་དང་རྣམ་པའི་རབ་དབྱེའོ། །དང་པོ་ལ་ལྔ། དངོས་དང༌། གསུམ་པོ་སོ་སོའི་སྒྲ་དོན་དགོས་པ་དང་བཅས། ཚོར་འདུ་གཉིས་ཕུང་པོ་ལོགས་སུ་འཇོག་པའི་རྒྱུ་མཚན། ཕུང་ཁམས་སྐྱེ་མཆེད་ཀྱི་གོ་རིམ་ངེས་ཚུལ། །སྐྱེ་མཆེད་གཉིས་ཀྱི་ངེས་པའོ། །དང་པོ་ལ་བཞི། གཟུགས་ཕུང་གི་རྣམ་བཞག །ཕུང་པོ་བར་བ་གསུམ་གྱི་རྣམ་བཞག །རྣམ་ཤེས་ཀྱི་ཕུང་པོའི་རྣམ་བཞག །རྫས་ཆོས་ལ་དོགས་པ་གཅོད་པའོ། །དང་པོ་ལ་གཉིས། དངོས་དང་དེ་དག་ཁམས་དང་སྐྱེ་མཆེད་དུ་བྱ་བའོ། །དང་པོ་ལ་གཉིས། མདོར་བསྟན་པ་དང༌། རྒྱས་པར་བཤད་པའོ། །དང་པོ་ནི། གཟུགས་ནི་དབང་པོ་སོགས། གཉིས་པ་ལ་གསུམ། དབང་པོ་ལྔ་མཚན་ཉིད་ཀྱི་སྒོ་ནས་བསྟན། དོན་ལྔ་མཚན་གཞིའི་སྒོ་ནས་བསྟན། རིག་བྱེད་མ་ཡིན་པའི་གཟུགས་བཤད་པའོ། །དང་པོ་ནི། དེ་དག་རྣམས་ཀྱི་སོགས། གཉིས་པ་ནི། གཟུགས་རྣམ་གཉིས་ཏེ་སོགས། གསུམ་པ་ནི། གཡེངས་དང་སེམས་མེད་སོགས། གཉིས་པ་དེ་དག་ཁམས་དང་སྐྱེ་མཆེད་དུ་བྱ་བ་ནི། དབང་དོན་དེ་དག་སོགས། གཉིས་པ་ཕུང་པོ་བར་པ་གསུམ་གྱི་རྣམ་བཞག་ནི། ཚོར་བ་མྱོང་བ་སོགས། གསུམ་པ་རྣམ་ཤེས་ཕུང་པོའི་རྣམ་བཞག་ནི། རྣམ་ཤེས་སོ་སོར་སོགས། བཞི་པ་རྫས་ཆོས་ལ་དོགས་པ་གཅོད་པ་ནི། ཁམས་བདུན་དག་ཏུ་སོགས། གཉིས་པ་གསུམ་པོ་སོ་སོའི་སྒྲ་དོན་དགོས་པ་དང་བཅས་པ་ནི། སྤུང་དང་སྐྱེ་སྒོ་སོགས། གསུམ་པ་ཚོར་འདུ་གཉིས་ཕུང་པོ་ལོགས་

― ZP02_Page_013 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་འཇོག་པའི་རྒྱུ་མཚན་ནི། རྩོད་པའི་རྩ་བར་སོགས། བཞི་པ་ཕུང་ཁམས་སྐྱེ་མཆེད་ཀྱི་གོ་རིམ་ངེས་ཚུལ་ནི། རིམ་ནི་རགས་དང་སོགས། ལྔ་པ་སྐྱེ་མཆེད་གཉིས་ཀྱི་ངེས་པ་ནི། བྱེ་བྲག་དོན་དང་སོགས། གཉིས་པ་ཆོས་བསྡུ་བའི་ཚུལ་ལ་གཉིས། ཆོས་ཀྱི་ཕུང་པོ་བསྡུ་བའི་ཚུལ་དང༌། དེ་གཞན་ལའང་སྦྱར་བའོ། །དང་པོ་ནི། ཆོས་ཀྱི་ཕུང་པོ་སོགས། གཉིས་པ་ནི། དེ་བཞིན་གཞན་ཡང་སོགས། གསུམ་པ་ཁམས་ལ་སོགས་པའི་རབ་དབྱེ་ལ། རྒྱས་པར་རབ་དབྱེ་ཉེར་གཉིས་ཡོད་ཀྱང་བརྗོད་བདེ་བའི་དབང་དུ་བྱས་ན་བརྒྱད་ཡོད་དེ། བསྟན་ཡོད་ལ་སོགས་ལྔ་དང༌། རྟོག་བཅས་དཔྱོད་བཅས་ལ་སོགས་པའི་དབྱེ་བ། དམིགས་བཅས་ལ་སོགས་པ་ལྔ། འབྱུང་བ་གསུམ་གྱི་རབ་དབྱེ། རྫས་དང་ལྡན་པ་སོགས། མཐོང་སྤང་ལ་སོགས་པའི་རབ་དབྱེ། ལྟ་བ་དང་ལྟ་མིན་གྱི་རབས་དབྱེ། གཉིས་ཀྱིས་ཤེས་པར་བྱ་བ་ལ་སོགས་པ་གསུམ་བཤད་པ་དང་བརྒྱད་དོ། །དང་པོ་ནི། བསྟན་ཡོད་འདི་ནི། གཉིས་པ་ནི། རྟོག་དང་དཔྱོད་སོགས། གསུམ་པ་ནི། དམིགས་བཅས་སེམས་ཀྱི་སོགས། བཞི་པ་ནི། རྣམ་པར་སྨིན་ལས་སོགས། ལྔ་པ་ནི། རྫས་དང་ལྷན་གཅིག་སོགས། དྲུག་པ་ནི། བཅུ་ནི་བསྒོམ་པས་སོགས། བདུན་པ་ནི། མིག་དང་ཆོས་ཀྱི་སོགས། བརྒྱད་པ་ནི། གཉིས་ཀྱིས་རྣམ་ཤེས་སོགས། ཆོས་མངོན་པའི་སོགས་མཚན་ཏེ་གནས་དང་པོའོ། །

དབང་པོ་བསྟན་པ།

༈ གཉིས་པ་དབང་པོ་བསྟན་པའི་གནས་ལ་གཉིས། དབང་པོའི་རྣམ་བཞག་དང༌། འདུས་བྱས་ཀྱི་ཆོས་ཀྱི་སྐྱེ་ཚུལ་ལོ། །དང་པོ་ལ་དྲུག །དབང་པོའི་རང་བཞིན། སྐབས་སུ་བབ་པའི་ངོ་བོ། རྣམ་

― ZP02_Page_014 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་རབ་དབྱེ། དབང་པོ་རྙེད་གཏོང༌། དགེ་སྦྱོང་ཚུལ་གྱི་འབྲས་བུ་དབང་པོ་དུས་ཐོབ། དབང་པོའི་ལྡན་ཚུལ་ལོ། །དང་པོ་ལ་དབང་པོའི་བྱེད་ལས། དབང་པོའི་གྲངས་ངེས་སོ། །དང་པོ་ནི། ལྔ་པོ་རྣམས་ནི་སོགས། གཉིས་པ་ནི། སེམས་ཀྱི་རྟེན་དང་སོགས། གཉིས་པ་སྐབས་སུ་བབ་པའི་ངོ་བོ་ལ་གཉིས། ཚོར་བའི་དབང་པོ་ལྔ་བཤད། དབང་པོ་ཐ་མ་གསུམ་བཤད་པའོ། །དང་པོ་ནི། ལུས་ཚོར་སིམ་པ་སོགས། གཉིས་པ་ནི། མཐོང་སྒོམ་སོགས། གསུམ་པ་རྣམ་པའི་རབ་དབྱེ་ལ་བཞི། གྲོགས་ལ། རྒྱུ་འབྲས་ལ། ངོ་བོ་ལ། སྤང་བྱ་ལ་ལྟོས་པའི་རབ་དབྱེའོ། །དང་པོ་ནི། གསུམ་ནི་དྲི་མ་མེད། གཟུགས་ཅན་སྲོག་དང་སོགས། གཉིས་པ་ནི། སྲོག་ནི་རྣམ་སྨིན་སོགས། གསུམ་པ་ནི། ཡིད་དང་ཚོར་གཞན་སོགས། བཞི་པ་ནི། ཡིད་དང་ཚོར་བ་སོགས། བཞི་པ་དབང་པོའི་རྙེད་གཏོང་ལ་རྙེད་ཚུལ་དང༌། གཏོང་ཚུལ་ལོ། །དང་པོ་ནི། འདོད་པར་དང་པོ་སོགས། གཉིས་པ་ནི། གཟུགས་མེད་དག་ཏུ་སོགས། ལྔ་པ་དགེ་སྦྱོང་ཚུལ་གྱི་འབྲས་བུ་དབང་པོ་དུས་ཐོབ་ནི། འབྲས་བུ་ཐ་མ་སོགས། དྲུག་པ་དབང་པོའི་ལྡན་ཚུལ་ལ་ངེས་ལྡན་དང༌། སྲིད་ལྡན་གཉིས། དང་པོ་ནི། བཏང་སྙོམས་དང་ནི་སོགས། གཉིས་པ་ནི། དགེ་མེད་ནང་ན་སོགས། གཉིས་པ་འདུས་ཆོས་སྐྱེ་ཚུལ་ལ། དངོས་དང༌། ཞར་ལ་རྒྱུ་རྐྱེན་འབྲས་བུ་དང་བཅས་པ་བཤད་པའོ། །དང་པོ་ལ་གཟུགས་ཅན་གྱི་

― ZP02_Page_015 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱེ་ཚུལ་དང༌། གཟུགས་ཅན་མ་ཡིན་པའི་སྐྱེ་ཚུལ་ལོ། །དང་པོ་ནི། འདོད་ན་དབང་པོ་སོགས། གཉིས་པ་ལ་བསྟན་བཤད་གཉིས། དང་པོ་ནི། སེམས་དང་སེམས་བྱུང་སོགས། གཉིས་པ་ལ་མཚུངས་ལྡན་གྱི་སྐྱེ་ཚུལ། མཚུངས་ལྡན་མིན་པའི་སྐྱེ་ཚུལ་གཉིས། །དང་པོ་ལ། སྡེ་ཚན་དུ་ངེས་པའི་རབ་དབྱེ། མ་ངེས་པ་དང་བཅས་པའི་མཚུངས་ལྡན། འདྲ་བ་ལྟ་བུའི་ཁྱད་པར། ཐ་དད་ལྟ་བུའི་གཅིག་པ་དང་བཞི། དང་པོ་ལ་བསྟན་བཤད་གཉིས། དང་པོ་ནི། སེམས་བྱུང་རྣམ་ལྔ་སྟེ། ས་མང་སོགས། གཉིས་པ་ལ་སེམས་ཀྱི་ས་མང་དང༌། དགེ་བའི་ས་མང་དང༌། ཉོན་མོངས་ཆེན་པོའི་ས་མང་དང༌། མི་དགེ་བའི་ས་མང་དང༌། ཉོན་མོངས་ཆུང་ངུའི་ས་མང་སྟེ་ལྔ་ལས། དང་པོ་ནི། ཚོར་དང་སེམས་པ་སོགས། གཉིས་པ་ནི། དད་དང་བག་ཡོད་སོགས། གསུམ་པ་ནི། རྨོངས་དང་བག་མེད་སོགས། བཞི་པ་ནི། མི་དགེ་ལ་ནི་སོགས། ལྔ་པ་ནི། ཁྲོ་བ་དང༌། འཁོན་འཛིན་སོགས། གཉིས་པ་སྡེ་ཚན་ཏུ་མ་ངེས་པ་ནི། འདོད་པའི་དགེ་བའི་སོགས། གསུམ་པ་འདྲ་བ་ལྟ་བུའི་ཁྱད་པར། མ་གུས་ངོ་ཚ་སོགས། བཞི་པ་ཐ་དད་ལྟ་བུའི་གཅིག་པ་ནི། །སེམས་དང་ཡིད་དང་སོགས། གཉིས་པ་མཚུངས་ལྡན་མིན་པ་སྐྱེ་ཚུལ་ལ། བསྟན། བཤད། དོན་བསྡུའོ། །དང་པོ་ནི། མི་ལྡན་པ་ཡི་སོགས། གཉིས་པ་ལ་བདུན། ཐོབ་མ་ཐོབ། སྐལ་མཉམ། འདུ་ཤེས་མེད་

― ZP02_Page_016 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དང་སྙོམ་འཇུག་གཉིས། སྲོག །མཚན་ཉིད། རྫོགས་བྱེད་བཤད་པའོ། །དང་པོ་ནི། ཐོབ་པ་རྙེད་དང་སོགས། གཉིས་པ་ནི། སྐལ་མཉམ་སེམས་ཅན་སོགས། གསུམ་པ་ནི། འདུ་ཤེས་མེད་པ་སོགས། བཞི་པ་ལ་འདུ་ཤེས་མེད་པའི་སྙོམ་འཇུག་བཤད་པ། འགོགས་པའི་སྙོམ་འཇུག་བཤད་པ། དེ་གཉིས་ཀྱི་རྟེན་ཐུན་མོང་དུ་བཤད་པའོ། །དང་པོ་ནི། དེ་བཞིན་འདུ་ཤེས་སོགས། གཉིས་པ་ནི་འགོགས་པ་ཞེས་པའང་སོགས། གསུམ་པ་ནི། གཉིས་ཀ་འདོད་དང་སོགས། ལྔ་པ་སྲོག་ནི། སྲོག་ནི་ཚེ་ཡིན་སོགས། དྲུག་པ་མཚན་ཉིད་ནི། མཚན་ཉིད་དག་ནི་སོགས། བདུན་པ་རྫོགས་བྱེད་བཤད་པ་ནི། མིང་གི་ཚོགས་ལ་སོགས། གསུམ་པ་དོན་བསྡུ་ནི། འདོད་དང་གཟུགས་གཏོགས་སོགས། གཉིས་པ་ཞར་བྱུང་རྒྱུ་རྐྱེན་འབྲས་བུ་དང་བཅས་པ་བཤད་པ་ལ། རྒྱུ་འབྲས་བུ་དང་བཅས་པ་བཤད་པ་དང༌། རྐྱེན་བཤད་པའོ། །དང་པོ་ལ་རྒྱུ་བཤད་པ་དང༌། འབྲས་བུ་བཤད་པ། དེ་གཉིས་ཀྱི་ཐུན་མོང་གི་ཆོས་བཤད་པའོ། །དང་པོ་ལ་བསྟན་བཤད་བསྡུ་གསུམ། དང་པོ་ནི། བྱེད་རྒྱུ་ལྷན་གཅིག་སོགས། གཉིས་པ་ལ་དྲུག་ལས། དང་པོ་བྱེད་རྒྱུ་ནི། རང་ལས་གཞན་པ་སོགས། གཉིས་པ་ལྷན་གཅིག་འབྱུང་བའི་རྒྱུ་ལ་གཉིས། མཚན་ཉིད་དང༌། མཚན་གཞིའོ། །དང་པོ་ནི། ལྷན་ཅིག་འབྱུང་གང་སོགས། གཉིས་པ་ལ་གཉིས། སྤྱིར་བསྟན། སེམས་ཀྱི་རྗེས་འཇུག་བྱེ་བྲག་ཏུ་བཤད་པའོ། །དང་པོ་ནི། འབྱུང་བཞིན་སེམས་

― ZP02_Page_017 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་སོགས། གཉིས་པ་ནི། སེམས་ལས་བྱུང་དང་སོགས། གསུམ་པ་སྐལ་མཉམ་གྱི་རྒྱུ་ནི། སྐལ་མཉམ་རྒྱུ་ནི་སོགས། བཞི་པ་མཚུངས་ལྡན་རྒྱུ་ནི། མཚུངས་ལྡན་རྒྱུ་ནི་སོགས། ལྔ་པ་ཀུན་འགྲོའི་རྒྱུ་ནི། ཀུན་འགྲོ་ཞེས་བྱ་སོགས། དྲུག་པ་རྣམ་སྨིན་རྒྱུ་ནི། རྣམ་སྨིན་རྒྱུ་ནི་སོགས། གསུམ་པ་དོན་བསྡུ་ནི། ཀུན་འགྲོ་སྐལ་མཉམ་སོགས། གཉིས་པ་འབྲས་བུ་བཤད་པ་ལ། བསྟན་བཤད་གཉིས། དང་པོ་ནི། འདུས་བྱས་བྲལ་བཅས་སོགས། གཉིས་པ་ལ། འབྲས་བུ་གང་རྒྱུ་གང་གི་ཡིན་པ། སོ་སོའི་མཚན་ཉིད་བཤད་པའོ། །དང་པོ་ནི་རྣམ་སྨིན་འབྲས་བུ་སོགས། གཉིས་པ་ནི། རྣམ་སྨིན་ལུང་དུ་སོགས། གསུམ་པ་དེ་གཉིས་ཐུན་མོང་གི་ཆོས་བཤད་པ་ལ་གཉིས། འབྲས་བུ་འཛིན་འབྱིན་གྱི་དུས། དངོས་པོ་གང་རྒྱུ་དུས་སྐྱེད་པའོ། །དང་པོ་ནི། ལྔ་པོ་ད་ལྟ་སོགས། གཉིས་པ་ནི། ཉོན་མོངས་ཅན་དང་སོགས། གཉིས་པ་རྐྱེན་བཤད་པ་ལ། བསྟན་བཤད་གཉིས། དང་པོ་ནི། རྐྱེན་ནི་བཞི་པོ་སོགས། གཉིས་པ་ལ་བཞི། རྐྱེན་སོ་སོའི་མཚན་ཉིད། རྐྱེན་གང་འབྲས་བུ་དུས་གསུམ་པ་གང་ལ་བྱ་བ་བྱེད། དངོས་གང་རྐྱེན་དུས་བསྐྱེད། དེ་མ་ཐག་པའི་རྐྱེན་རྒྱས་པར་བཤད་པའོ། །དང་པོ་ནི། རྒྱུ་ཞེས་བྱ་བ་སོགས། གཉིས་པ་ནི། རྒྱུ་གཉིས་པོ་དག་སོགས། གསུམ་པ་ནི། བཞི་ཡིས་སེམས་དང་སོགས། བཞི་པ་ལ། སེམས་བཅུ་གཉིས་སུ་དབྱེ་བ་དང༌། ཉི་ཤུར་དབྱེ་བ་དང༌། བཅུ་གཉིས་གང་

― ZP02_Page_018 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་གང་གསར་དུ་རྙེད་དཔྱད་པའོ། །དང་པོ་ལ་དངོས་དང༌། རྐྱེན་དང་རྐྱེན་ཅན་སྦྱར་བའོ། །དང་པོ་ནི། འདོད་ཡིད་དགེ་དང་སོགས། གཉིས་པ་ནི། འདོད་སེམས་དགེ་བ་སོགས། །གཉིས་པ་ཉི་ཤུར་དབྱེ་བ་ནི། བཅུ་གཉིས་དེ་དག་སོགས། །གསུམ་པ་བཅུ་གཉིས་གང་ལས་གང་གསར་དུ་རྙེད་དཔྱད་པ་ནི། ཁམས་གསུམ་པ་ཡི་སོགས། ཆོས་མངོན་པའི་སོགས། མཚན་ཏེ་གནས་གཉིས་པའོ། །

འཇིག་རྟེན་བསྟན་པ།

༈ གསུམ་པ་འཇིག་རྟེན་བསྟན་པའི་གནས་བཤད་པ་ལ་གཉིས། གང་སྐྱེ་བ་སེམས་ཅན་གྱི་འཇིག་རྟེན་དང༌། གང་དུ་སྐྱེ་བ་སྣོད་ཀྱི་འཇིག་རྟེན་ནོ། །དང་པོ་ལ་གསུམ། དབྱེ་བ། ཆོས་ཀྱི་ཁྱད་པར། །རང་བཞིན་རྒྱས་པར་བཤད་པའོ། །དང་པོར་ཁམས་གསུམ་དུ་དབྱེ་བ། འགྲོ་བ་ལྔར་དབྱེ་བའོ། །དང་པོ་ནི། དམྱལ་བ་ཡི་དྭགས་སོགས། གཉིས་པ་ནི། དེར་ནི་དམྱལ་སོགས། གཉིས་པ་ཆོས་ཀྱི་ཁྱད་པར་ལ་བཞི། རྣམ་ཤེས་ཀྱི་གནས་པ་བདུན། སེམས་ཅན་གྱི་གནས་པ་དགུ། རྣམ་ཤེས་གནས་པ་བཞི། བདུན་དང་བཞིའི་བསྡུ་བ་དཔྱད་པའོ། །དང་པོ་ནི། ལུས་དང་འདུ་ཤེས་སོགས། གཉིས་པ་ནི། སྲིད་རྩེ་དང་འདུ་ཤེས་མེད་སོགས། གསུམ་པ་ནི། གནས་པ་དག་ནི་སོགས། བཞི་པ་ནི། བསྡུ་ན་བཞི་སོགས། གསུམ་པ་རང་བཞིན་རྒྱས་པར་བཤད་པ་ལ་གསུམ། དང་པོར་འཇུག་ཚུལ། བར་དུ་གནས་ཚུལ། མཐར་འགྲོ་ཚུལ་ལོ། །དང་པོ་ལ་གཉིས། གང་དུ་འཇུག་པའི་སྐྱེ་གནས། གང་གིས་འཇུག་

― ZP02_Page_019 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་བར་སྲིད་དོ། །དང་པོ་ནི། དེར་ནི་སྒོ་ང་སོགས། གཉིས་པ་ལ་ལྔ། ངོ་བོ་དང༌། སྒྲུབ་བྱེད། ཤ་ཚུགས། ཆོས་ཀྱི་ཁྱད་པར། སྐྱེ་གནས་སུ་འཇུག་ཚུལ་ལོ། །དང་པོ་ནི། འདིར་གང་འཆི་དང་སོགས། གཉིས་པ་ལ་རིག་པ་དང་ལུང་གི་སྒྲུབ་བྱེད་གཉིས། དང་པོ་ནི། འབྲུ་ཡི་རྒྱུན་དང་སོགས། གཉིས་པ་ནི། མགུར་ནས་གསུང་ཕྱིར་སོགས། གསུམ་པ་ནི། དེ་ནི་འཕེན་པ་སོགས། བཞི་པ་ནི། རིགས་མཐུན་ལྷ་མིག་སོགས། ལྔ་པ་ནི། བློ་ནི་ཕྱིན་ཅི་སོགས། གཉིས་པ་བར་དུ་གནས་ཚུལ་ལ་གཉིས། གང་གནས་པ་སེམས་ཅན་གྱི་རྟེན་འབྲེལ། གང་གིས་གནས་པ་ཟས་ཀྱི་རྟེན་འབྲེལ་ལོ། །དང་པོ་ལ་གསུམ། བསྟན། བཤད། བསྡུ་གསུམ། དང་པོ་ནི། བདག་མེད་ཕུང་པོ་སོགས། གཉིས་པ་ལ་གསུམ། གནས་སྐབས་པའི་རྟེན་འབྲེལ། སྐབས་སུ་བབ་པའི་ངོ་བོ། ཡན་ལག་གསུམ་དཔེ་དང་སྦྱར་བའོ། །དང་པོ་ལ་བཞི། རང་བཞིན་བསྡུ་བ་དཔྱད་པ། གྲངས་ངེས་པའི་རྒྱུ་མཚན། འབྱུང་བྱུང་གི་ཁྱད་པར་རོ། །དང་པོ་ལ་གསུམ། དབྱེ་བ། སོ་སོའི་མཚན་ཉིད། དེ་དག་གི་ངེས་པའོ། །དང་པོ་ནི། དེ་ནི་རྟེན་ཅིང་སོགས། གཉིས་པ་ནི། མ་རིག་ཉོན་མོངས་སོགས། གསུམ་པ་ནི། སྔོན་དང་ཕྱི་མཐའ་སོགས། གཉིས་པ་བསྡུ་བ་དཔྱད་པ་ནི། ཉོན་མོངས་གསུམ་མོ་སོགས། གསུམ་པ་གྲངས་ངེས་ནི། ཉོན་མོངས་པ་ལས་སོགས། བཞི་པ་འབྱུང་བྱུང་གི་ཁྱད་པར། འདིར་ནི་འབྱུང་བ་སོགས་

― ZP02_Page_020 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་སྐབས་སུ་བབ་པའི་ངོ་བོ་ལ་བཞི། མ་རིག་པ་བཤད་པ། མིང་བཤད། རེག་པ་བཤད་པ། ཚོར་བ་ཁ་འཕང་དང་བཅས་པ་བཤད་པའོ། །དང་པོ་ནི། རིག་པའི་མི་མཐུན་སོགས། གཉིས་པ་ནི། མིང་ནི་གཟུགས་ཅན་སོགས། གསུམ་པ་ནི། རེག་དྲུག་འདུས་ཏེ་སོགས། བཞི་པ་ནི། དེ་ལས་འབྱུང་བའི་སོགས། གསུམ་པ་ཡན་ལག་གསུམ་དཔེ་དང་སྦྱར་བ་ནི། འདིར་ནི་ཉོན་མོངས་སོགས། གསུམ་པ་དོན་བསྡུ་བ་ནི། སྲིད་པ་བཞི་པོ་སོགས། གཉིས་པ་གང་གིས་གནས་པ་ཟས་ཀྱི་རྟེན་འབྲེལ་ལ། བསྟན་བཤད་གཉིས། དང་པོ་ནི། འགྲོ་བ་ཟས་ཀྱི་སོགས། གཉིས་པ་ལ་གསུམ། ཟས་ཀྱི་རང་བཞིན། ཞར་ལ་བར་སྲིད་ཀྱི་མིང་གི་རྣམ་གྲངས། དེ་དག་གི་ངེས་པའོ། །དང་པོ་ནི། ཁམས་ཀྱི་ཟས་ནི་སོགས། གཉིས་པ་ནི། ཡིད་ལས་བྱུང་དང་སོགས། གསུམ་པ་ནི། འདི་ལ་གནས་དང་ནི། བརྟེན་པ་སོགས། གསུམ་པ་མཐར་འགྲོ་ཚུལ་ནི། ཆད་དང་མཚམས་སྦྱོར་སོགས། གཉིས་པ་གང་དུ་སྐྱེ་བ་སྣོད་ཀྱི་འཇིག་རྟེན་བཤད་པ་ལ་གསུམ། རིམ་པ་དང་ཚད་དངོས། ཞར་ལ་སེམས་ཅན་གྱི་ཚད། ཚད་དེ་ཉིད་བྱེ་བྲག་ཏུ་བཤད་པའོ། །དང་པོ་ལ་གསུམ། རྟེན་བཤད། བརྟེན་པ། བཤད། སེམས་ཅན་གྱི་གནས་བྱེ་བྲག་ཏུ་བཤད་པའོ། །དང་པོ་ལ་གཉིས། རླུང་གི་དཀྱིལ་འཁོར། ཆུ་དང་གསེར་གྱི་དཀྱིལ་འཁོར་བཤད་པའོ། །དང་པོ་ནི། དེ་ལ་སྣོད་ཀྱི་སོགས། གཉིས་པ་ནི། ཆུ་རྔམས་

― ZP02_Page_021 ―

^{[མ་དཔེ་གཟིགས་ན་འདིར་གནོན།]}

[Full Size]

འབུམ་ཕྲག་སོགས། གཉིས་པ་བརྟེན་པ་བཤད་པ་ལ། རི་བཤད། མཚོ་བཤད། གླིང་བཤད་པའོ། །དང་པོ་ནི། དེ་ལ་ལྷུན་པོ་སོགས། གཉིས་པ་ནི། དེ་དག་བར་དུ་སོགས། གསུམ་པ་གླིང་བཤད་པ་ལ། གླིང་གཙོ་བོ། གླིང་ཕྲན། འཛམ་བུ་གླིང་གི་ཆོས་ཀྱི་བྱད་པར་བཤད་པའོ། །དང་པོ་ནི། དེ་ལ་ནི། འཛམ་བུའི་གླིང་སྟེ་སོགས། གཉིས་པ་ནི། དེ་ཡི་བར་གྱི་སོགས། གསུམ་པ་ནི། འདི་ནས་བྱང་དུ་སོགས་གསུམ་པ་སེམས་ཅན་གྱི་གནས་བྱེ་བྲག་ཏུ་བཤད་པ་ལ། དངོས་དང༌། དེ་དག་གི་སྤྲོས་པའོ། །དང་པོ་ལ་ངན་སོང་དང༌། མཐོ་རིས་ཀྱི་གནས་སོ། །དང་པོ་ལ། ཚ་དམྱལ་དང༌། གྲང་དམྱལ་ལོ། །དང་པོ་ནི། འདི་འོག་སྟོང་ཕྲག་སོགས། གཉིས་པ་ནི། ཆུ་བུར་ཅན་སོགས། གཉིས་པ་ནི་མིའི་གནས་བཤད་ཟིན་ནས། ལྷའི་གནས་ལ་ས་དང་འབྲེལ་བ་དང༌། ས་དང་མ་འབྲེལ་པའོ། །དང་པོ་ལ་རྒྱལ་ཆེན་རིགས་བཞི་དང༌། སུམ་ཅུ་རྩ་གསུམ་གྱི་གནས་སོ། །དང་པོ་ལ་གཞལ་མེད་ཁང་ལ་བརྟེན་པ་དང༌། རིལ་བརྟེན་པའོ། །དང་པོ་ནི། ཉི་ཟླ་ལྷུན་པོའི་སོགས། གཉིས་པ་ནི། འདི་ལ་བང་རིམ་སོགས། གཉིས་པ་སུམ་ཅུ་རྩ་གསུམ་ནི། ལྷུན་པོའི་རྩེ་ན་སོགས། གཉིས་པ་ས་དང་མ་འབྲེལ་བ་ནི། དེ་སྟེང་ལྷ་རྣམས་སོགས། གཉིས་པ་དེ་དག་གི་སྤྲོས་པ་ནི། འདོད་པར་སྐྱེ་སོགས། གཉིས་པ་ཞར་ལ་སེམས་ཅན་གྱི་ཚད་ལ། ལུས་ཚད་དང༌། ཚེ་ཚད་གཉིས། དང་པོ་ནི། འཛམ་བུ་གླིང་པ་སོགས།

― ZP02_Page_022 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་ལ་དངོས་དང་ཞར་བྱུང་གཉིས། དང་པོ་ལ། མཐོ་རིས་ཀྱི་ཚེ་ཚད་དང༌། ངན་སོང་གི་ཚེ་ཚད་གཉིས། དང་པོ་ནི། སྒྲ་མི་སྙན་སོགས། གཉིས་པ་ངན་སོང་གི་ཚེ་ཚད་ནི། ཡང་སོས་ལ་སོགས་སོགས། གཉིས་པ་ཞར་བྱུང་ནི། སྒྲ་མི་སྙན་མ་སོགས། གསུམ་པ་ཚད་དེ་ཉིད་བྱེ་བྲག་ཏུ་བཤད་པ་ལ། རྩོམ་པའི་དང་པོ་མདོར་བསྟན། རྒྱས་པར་བཤད་པའོ། །དང་པོ་ནི། གཟུགས་མིང་དུས་མཐའ་སོགས། གཉིས་པ་ལ་ཡུལ་གཟུགས་ཀྱི་ཚད་དང༌། དུས་ཀྱི་ཚད་གཉིས། དང་པོ་ནི། ཕྲ་རབ་རྡུལ་དང་ནི། རྡུལ་ཕྲན་སོགས། གཉིས་པ་ལ། ལོ་བཤད་པ། བསྐལ་པ་བཤད་པའོ། །དང་པོ་ནི། སྐད་ཅིག་མ་བརྒྱ་སོགས། གཉིས་པ་ལ། དངོས་དང༌། ཞར་ལས་བྱུང་བའོ། །དང་པོ་ལ། བསྟན་བཤད་དོ། །དང་པོ་ནི། བསྐལ་པ་རྣམ་པ་སོགས། གཉིས་པ། འཇིག་པ། ཆགས་པ་གནས་པ། བསྐལ་པ་ཆེན་པོའོ། །དང་པོ་ནི། འཇིག་པའི་བསྐལ་པ་སོགས། གཉིས་པ་ནི། ཆགས་པ་དང་པོ་སོགས། གསུམ་པ་ནི། བར་གྱི་བསྐལ་པ་སོགས། བཞི་པ་ནི། དེ་དག་བརྒྱད་ཅུ་སོགས། གཉིས་པ་ཞར་བྱུང་ལ། བསྐལ་ཆེན་གྱི་ཞར་བྱུང༌། འཇིག་བསྐལ་གྱི་ཞར་བྱུང་ངོ༌། །དང་པོ་ལ། སངས་རྒྱས། རང་རྒྱལ། འཁོར་ལོས་བསྒྱུར་རྒྱལ་བྱུང་ཚུལ་ལོ། །དང་པོ་ནི། དེ་གྲངས་མེད་གསུམ་སོགས། གཉིས་པ་ནི། རང་སངས་རྒྱས་སོགས། གསུམ་པ་ནི། འཁོར་ལོས་བསྒྱུར་བ་སོགས། གཉིས་པ་འཇིག་བསྐལ་གྱི་ཞར་བྱུང་ལ། འཇིག་པའི་དབྱེ་བ། ལུས་པའི་རྩེ་མོ། །འཇིག་པའི་གོ་རིམས་སོ། །དང་པོ་ནི། མེ་དང་ཆུ་དང་སོགས། གཉིས་པ་ནི།

― ZP02_Page_023 ―

^{[མ་དཔེ་གཟིགས་ན་འདིར་གནོན།]}

[Full Size]

བསམ་གཏན་གཉིས་སོགས། གསུམ་པ་ནི། མེ་ཡི་བདུན་ནོ་སོགས། ཆོས་མངོན་པའི་སོགས་ལེའུའི་མཚན་ནོ། །

ལས་བསྟན་པ།

༈ བཞི་པ་ལས་བསྟན་པའི་གནས་འཆད་པ་ལ་གཉིས། མཚམས་སྦྱར་བ་དང༌། ལས་དངོས་བཤད་པའོ། །དང་པོ་ནི། ལས་ལས་འཇིག་རྟེན་སོགས། གཉིས་པ་ལ་ལས་ཀྱི་ངོ་བོ། མདོ་ལས་བྱུང་བའི་མིང་གི་རྣམ་གྲངས་སོ། །དང་པོ་ལ་བསྟན་བཤད་དོ། །དང་པོ་ནི། དེ་ནི་སེམས་པ་སོགས། གཉིས་པ་ལ་གསུམ། ལས་ཀྱི་རང་བཞིན། ལས་གསུམ་སྤྱི་ཆོས་ཀྱི་ཁྱད་པར། རྣམ་པར་རིག་བྱེད་མ་ཡིན་པའི་དབྱེ་བའོ། །དང་པོ་ལ། རྣམ་པར་རིག་བྱེད་དང༌། རྣམ་པར་རིག་བྱེད་མ་ཡིན་པའོ། །དང་པོ་ལ་ལུས་ཀྱི་རྣམ་པར་རིག་བྱེད་དང༌། ངག་གི་རྣམ་པར་རིག་བྱེད་དོ། །དང་པོ་ནི། ལུས་རྣམ་རིག་བྱེད། གཉིས་པ་ནི། ངག་རྣམ་རིག་སོགས། གཉིས་པ་རིག་བྱེད་མ་ཡིན་པ་ལ་གསུམ། ལུང་གི་སྒྲུབ་བྱེད། རྒྱུ་འབྱུང་བའི་ཁྱད་པར། ཆོས་ཀྱི་ཁྱད་པར་རོ། །དང་པོ་ནི། རྣམ་གསུམ་དྲི་མེད་སོགས། གཉིས་པ་ནི། འདོད་གཏོགས་རྣམ་རིགས་སོགས། གསུམ་པ་ནི། རྣམ་རིག་བྱེད་མིན་སོགས། གཉིས་པ་ལས་གསུམ་སྤྱི་ཆོས་ཀྱི་ཁྱད་པར་ལ་དངོས་དང༌། ཞར་བྱུང་གཉིས། དང་པོ་ནི། རྣམ་རིག་མིན་ལུང་སོགས་གཉིས་པ་ལ། དགེ་བ་ལ་སོགས་པའི་དབྱེ་བ། ཀུན་སློང་བཤད་པ། ཆོས་ཀྱི་ཁྱད་པར་རོ། །དང་པོ་ནི། གང་ཕྱིར་ཀུན་སློང་སོགས། གཉིས་པ་ནི། ཀུན་སློང་རྣམ་གཉིས་སོགས། གསུམ་པ་ནི། རབ་ཏུ་

― ZP02_Page_024 ―

^{[མ་དཔེ་གཟིགས་ན་འདིར་གནོན།]}

[Full Size]

འཇུག་སོགས། གསུམ་པ་རྣམ་པར་རིག་བྱེད་མ་ཡིན་པའི་དབྱེ་བ་ལ་བསྟན་བཤད་དོ། །དང་པོ་ནི། རྣམ་རིག་མིན་སོགས། གཉིས་པ་ལ་བཞི། སྡོམ་པ། ལྡན་ཚུལ། འཐོབ་གཏོང༌། ལྡན་པའི་གང་ཟག་བཤད་པའོ། །དང་པོ་ལ་བསྟན་བཤད་དོ། །དང་པོ་ནི། སྡོམ་པ་སོ་སོ་སོགས། གཉིས་པ་ལ་སོ་ཐར་གྱི་སྡོམ་པ། བསམ་གཏན་ཟག་མེད་ཀྱི་སྡོམ་པ། ཞར་བྱུང་ངོ༌། །དང་པོ་ལ་དབྱེ་བ། ངོ་བོ། །སྒྲ་དོན། ལྡན་པའི་གང་ཟག་གོ །དང་པོ་ནི། སོ་སོར་ཐར་ཅེས་སོ། །གཉིས་པ་ནི། སྤང་བྱ་ལྔ་བརྒྱད་སོགས། གསུམ་པ་ནི། ཚུལ་ཁྲིམས་དང་ནི་སོགས། བཞི་པ་ནི། སོ་སོར་ཐར་དང་སོགས། གཉིས་པ་བསམ་གཏན་ཟག་མེད་ཀྱི་སྡོམ་པ་ནི། བསམ་གཏན་སྐྱེས་དང་སོགས། གསུམ་པ་ཞར་བྱུང་ནི། ཐ་མ་གཉིས་ནི་སོགས། གཉིས་པ་ལྡན་ཚུལ་ལ་གསུམ། རྣམ་པར་རིག་བྱེད་མ་ཡིན་པའི་ལྡན་ཚུལ། རྣམ་པར་རིག་བྱེད་ཀྱི་ལྡན་ཚུལ། ལྡན་པའི་མུ་བཞི་བཤད་པས་སོ། །དང་པོ་ནི། སོ་སོར་ཐར་གནས་སོགས། གཉིས་པ་ལ་དངོས་དང༌། ཞར་བྱུང༌། དང་པོ་ནི། རྣམ་རིག་བྱེད་མིན་སོགས། གཉིས་པ་ནི། སྡོམ་པ་མིན་དང་སོགས། གསུམ་པ་ལྡན་པའི་མུ་བཞི་བཤད་པ་ནི། བར་མདོར་གནས་སོགས། གསུམ་པ་འཐོབ་གཏོང་ལ། འཐོབ་ཚུལ། གཏོང་ཚུལ་ལོ། །དང་པོ་ལ་སྡོམ་པའི་འཐོབ་ཚུལ། སྡོམ་མིན་གྱི་འཐོབ་ཚུལ། བར་མའི་འཐོབ་ཚུལ་ལོ། །དང་པོ་ལ་ཇི་ལྟར་འཐོབ་པ་དང༌། གང་ལས་འཐོབ་པའོ། །

― ZP02_Page_025 ―

^{[མ་དཔེ་གཟིགས་ན་འདིར་གནོན།]}

[Full Size]

དང་པོ་ལ་བསམ་གཏན་ཟག་མེད་ཀྱི་སྡོམ་པ་འཐོབ་ཚུལ། སོ་ཐར་གྱི་སྡོམ་པ་འཐོབ་ཚུལ་ལོ། །དང་པོ་ནི། བསམ་གཏན་ལས་སྐྱེས་སོགས། གཉིས་པ་ལ། དངོས་དང༌། ཞར་བྱུང་གཉིས། དང་པོ་ནི། སོ་སོ་ཐར་ཅེས་པ། གཞན་གྱི་རྣམ་རིག་སོགས། གཉིས་པ་ལ་གསུམ། །སྡོམ་པ་སྡོམ་མིན་གྱི་དུས་ངེས་པ། བསྙེན་གནས་ཀྱི་སྡོམ་པའི་ཁྱད་པར། དགེ་བསྙེན་གྱི་སྡོམ་པའི་ཁྱད་པར་རོ། །དང་པོ་ནི། ཇི་སྲིད་འཚོ་དང་སོགས། གཉིས་པ་ལ་གསུམ། ལེན་ཐབས། ཡན་ལག་གི་ངེས་པ། རྟེན་གྱི་ངེས་པའོ། །དང་པོ་ནི། དམའ་བར་འདུག་སྨྲས་སོགས། །གཉིས་པ་ནི། ཚུལ་ཁྲིམས་ཡན་ལག་སོགས། གསུམ་པ་ནི། གཞན་ལའང་བསྙེན་སོགས། གསུམ་པ་དགེ་བསྙེན་གྱི་སྡོམ་པའི་ཁྱད་པར་ལ་གསུམ། དངོས་དང༌། སྐྱབས་འགྲོའི་ཡུལ་བྱེ་བྲག་ཏུ་བཤད་པ། ཡན་ལག་གི་ངེས་པའོ། །དང་པོ་ནི། དགེ་བསྙེན་ཉིད་དུ་སོགས། གཉིས་པ་ནི། གང་ཞིག་གསུམ་སོགས། གསུམ་པ་ནི། ལོག་གཡེམ་ཤིན་ཏུ་སོགས། གཉིས་པ་གང་ལས་འཐོབ་པ་ནི། འདོད་གཏོགས་ཐམས་ཅད་སོགས། གཉིས་པ་སྡོམ་མིན་གྱི་འཐོབ་ཚུལ་ནི། སྡོམ་པ་མིན་པ་སོགས། གསུམ་པ་བར་མའི་ཐོབ་ཚུལ་ནི། ལྷག་མའི་རྣམ་རིག་སོགས། གཉིས་པ་གཏོང་ཚུལ་ལ་གསུམ། སྡོམ་པ་གི་སྡོམ་མིན་གྱི། བར་མའི་གཏོང་ཚུལ་ལོ། །དང་པོ་ལ་གཉིས། སོ་ཐར་གྱི་སྡོམ་པའི། བསམ་གཏན་ཟག་མེད་ཀྱི་སྡོམ་པའི་གཏོང་ཚུལ་ལོ། །དང་པོ་ནི། བསླབ་པ་ཕུལ་དང་སོགས།

― ZP02_Page_026 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་ནི། བསམ་གཏན་གཏོགས་པའི་སོགས། གཉིས་པ་སྡོམ་མིན་གྱི་གཏོང་ཚུལ་ནི། སྡོམ་མིན་སྡོམ་པ་སོགས། གསུམ་པ་བར་མའི་གཏོང་ཚུལ་ནི། བར་མ་ཤུགས་བླང་སོགས། བཞི་པ་ལྡན་པའི་གང་ཟག་ནི། ཟ་མ་མ་ནིང༌། གཉིས་པ་མདོ་ལས་བྱུང་བའི་མིང་གི་རྣམས་གྲངས་ལ་བཅོ་ལྔ་ཡོད་པ་ལས། དང་པོ་མཚན་ཉིད་ཀྱི་སྒོ་ནས་དབྱེ་བ་མདོར་བསྟན་པ་ནི། ལས་བདེ་མི་བདེ་སོགས། གཉིས་པ་འབྲས་བུའི་སྒོ་ནས་དབྱེ་བ་ལ་གཉིས། བསྟན་བཤད་དོ། །དང་པོ་ནི། བསོད་ནམས་བསོད་ནམས་སོགས། གཉིས་པ་ལ་བསོད་ནམས་སོགས་བཤད་པ་དང༌། །བདེ་སོགས་བཤད་པའོ། །དང་པོ་ནི། བསོད་ནམས་འདོད་ཁམས་སོགས། གཉིས་པ་ལ་མྱོང་འགྱུར་གསུམ་སོ་སོའི་མཚན་གཞི། མྱོང་གྱུར་གྱི་དབྱེ་བ། ལས་གང་གི་འབྲས་བུ་ཚོར་བ་གང་ཡིན་པའོ། །དང་པོ་ལ་རང་ལུགས་དང་གཞན་ལུགས་སོ། །དང་པོ་ནི། བསམ་གཏན་གསུམ་པའི་སོགས། གཉིས་པ་ནི། འོག་ནའང་བར་མ་སོགས། གཉིས་པ་མྱོང་འགྱུར་གྱི་དབྱེ་བ་ལ་ལྔར་དབྱེ་བ། རྣམ་སྨིན་མྱོང་འགྱུར་བྱེ་བྲག་ཏུ་བཤད་པའོ། །དང་པོ་ནི། ངོ་བོ་ཉིད་དང་སོགས། གཉིས་པ་ལ། སྤྱིར་བསྟན། མྱོང་ངེས་བྱེ་བྲག་ཏུ་བཤད་པའོ། །དང་པོ་ལ། ལས་ཀྱི་དབྱེ་བ། ཁམས་དང་འགྲོ་བ་གང་ན་ལས་འཕེན་བ་དུ་ཡོད་གཉིས། དང་པོ་ནི། དེ་ཡང་ངེས་དང་སོགས། གཉིས་པ་ནི། ཐམས་ཅད་དུ་ནི་སོགས། གཉིས་པ་མྱོང་ངེས་བྱེ་བྲག་ཏུ་བཤད་པ་ནི། ཉོན་མོངས་

― ZP02_Page_027 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་དང་སོགས། གསུམ་པ་ལས་གང་གི་འབྲས་བུ་ཚོར་བ་གང་ཡིན་པ་ལ་དངོས་དང༌། གཡེངས་པའི་སེམས་བྱེ་བྲག་ཏུ་བཤད་པའོ། །དང་པོ་ནི། རྣམ་པར་རྟོག་པ་སོགས། གཉིས་པ་ནི། གཡེང་བའི་སེམས་སོགས། གསུམ་པ་རྒྱུའི་སྒོ་ནས་དབྱེ་བ་ནི། ཡོན་སྐྱོན་སྙིགས་མར་སོགས། བཞི་པ་རྒྱུ་འབྲས་ཀྱི་སྒོ་ནས་དབྱེ་བ་ལ་བསྟན། བཤད་གཉིས། དང་པོ་ནི། དཀར་ནག་ལ་སོགས་སོགས། གཉིས་པ་ནི། མི་དགེ་གཟུགས་དང་སོགས། ལྔ་པ་རྟེན་གྱི་སྒོ་ནས་དབྱེ་བ་ནི། མི་སློབ་ལུས་ངག་སོགས། དྲུག་པ་བྱེད་པའི་སྒོ་ནས་དབྱེ་བ་ནི། ལེགས་སྤྱད་གསུམ་པོ་སོགས། བདུན་པ་ལེགས་སྤྱད་དང་ཉེས་སྤྱད་བཤད་པ་ལ་གསུམ། ལས་ལམ་གྱི་རྣམ་པར་བཞག་པ། ལོག་འཚོ་ལོགས་སུ་སྟོན་པའི་རྒྱུ་མཚན། ལས་གང་འབྲས་བུ་དུ་དང་བཅས་པའོ། །དང་པོ་ལ་བསྟན་བཤད་དོ། །དང་པོ་ནི། ལུས་ཀྱི་ལ་སོགས་སོགས། གཉིས་པ་ལ་བདུན་རིག་བྱེད་དང་རིག་བྱེད་མ་ཡིན་པའི་ངེས་པ། ལས་ལམ་གསུམ་གསུམ་དུ་དབྱེ་བ། མི་དགེ་བའི་ལས་ལམ་བྱེ་བྲག་ཏུ་བཤད་པ། དགེ་རྩ་གཅོད་པ་དང་མཚམས་སྦྱོར་ཚུལ། སེམས་པ་ལས་ལམ་དུ་དང་ལྷན་གཅིག་འབྱུང་བ། ཁམས་དང་འགྲོ་བ་གང་ན་ལས་ལམ་དུ་ཡོད་པ། ལས་ལམ་གྱི་འབྲས་བུའོ། །དང་པོ་ནི། མི་དགེ་དྲུག་ནི་སོགས། གཉིས་པ་ནི། སྦྱོར་བ་རྩ་བ་སོགས། གསུམ་པ་མི་དགེ་བའི་ལས་ལམ་བྱེ་བྲག་ཏུ་བཤད་པ་ལ། མི་དགེ་བའི་ལས་ལམ་གྱི་བྱེད་པ།

― ZP02_Page_028 ―

^{[མ་དཔེ་གཟིགས་ན་འདིར་གནོན།]}

[Full Size]

སོ་སོའི་མཚན་ཉིད། ལས་ལམ་གྱི་སྒྲ་དོན་ནོ། །དང་པོ་ནི། གསོད་དང་གནོད་སེམས་སོགས། གཉིས་པ་སོ་སོའི་མཚན་ཉིད་ལ། རྩ་བ་བཞི། །ཐ་སྙད་བཞི། ཡན་ལག་དྲུག་བཤད་པའོ། །དང་པོ་ནི། སྲོག་གཅོད་པ་ནི་སོགས། གཉིས་པ་ནི། མིག་རྣ་ཡིད་ཀྱི་སོགས། གསུམ་པ་ནི། ཕྲ་མ་ཕ་རོལ་སོགས། གསུམ་པ་ལས་ལམ་གྱི་སྒྲ་དོན་ནི། འདི་ལ། གསུམ་ལམ་བདུན་ནི་སོགས། བཞི་པ་དགེ་རྩ་གཅོད་པ་དང་མཚམས་སྦྱར་ཚུལ་ནི། །མེད་པར་ལྟ་བས་སོགས། ལྔ་པ་སེམས་པ་ལས་ལམ་དུ་དང་ལྷན་ཅིག་འབྱུང་བ་ནི། མི་དགེ་བརྒྱད་ཀྱི་སོགས། དྲུག་པ་ཁམས་དང་འགྲོ་བ་གང་ན་ལས་ལམ་དུ་ཡོད་ནི། དམྱལ་བ་ན་ནི་སོགས། བདུན་པ་ལས་ལམ་གྱི་འབྲས་བུ་ནི། ཐམས་ཅད་བདག་པོ་སོགས། །གཉིས་པ་ལོག་འཚོ་ལོགས་སུ་སྟོན་པའི་རྒྱུ་མཚན་ནི། ལུས་དང་ངག་ལས་སོགས། གསུམ་པ་ལས་གང་འབྲས་བུ་དུ་དང་བཅས་པ་ནི། དྲིར་བཅས་སྤོང་སོགས། བརྒྱད་པ་རིགས་པ་དང་རིགས་པ་མིན་པས་བསྐྱེད་པའི་ལས་ཀྱི་དབྱེ་བ་ནི། རིགས་མིན་བསྐྱེད་པ་སོགས། དགུ་པ་འཕེན་བྱེད་རྫོགས་བྱེད་ཀྱི་དབྱེ་བ་ནི། གཅིག་གིས་སྐྱེ་བ་སོགས། བཅུ་པ་སྒྲིབ་པ་གསུམ་བཤད་པ་ནི། མཚམས་མེད་པ་ཡི་སོགས། བཅུ་གཅིག་པ་མཚམས་མེད་ལྔ་བཤད་པ་ནི། དགེ་འདུན་དབྱེན་ནི་སོགས། བཅུ་གཉིས་པ་ཉེས་པ་ལྔ་བཤད་པ་ནི། མ་དགྲ་བཅོམ་མ་སོགས། བཅུ་གསུམ་པ་བསོད་ནམས་བྱ་བའི་གཞི་གསུམ་བཤད་པ་ནི། གསུམ་པོ་བསོད་

― ZP02_Page_029 ―

^{[མ་དཔེ་གཟིགས་ན་འདིར་གནོན།]}

[Full Size]

ནམས་སོགས། བཅུ་བཞི་པ་ཆ་མཐུན་གསུམ་བཤད་པ་ནི། བསོད་ནམས་མྱ་ངན་སོགས། བཅོ་ལྔ་པ་རིག་པས་རབ་ཏུ་བཅུག་པའི་ལས་ནི། རིག་པས་རབ་ཏུ་སོགས། ཆོས་མངོན་པའི་སོགས་ལེའུའི་མཚན་ནོ། །

ཕྲ་རྒྱས་བསྟན་པ།

༈ ལྔ་པ་ཕྲ་རྒྱས་བསྟན་པའི་གནས་འཆད་པ་ལ་བཞི། མཚམས་སྦྱར་བ། ཕྲ་རྒྱས་དངོས། དེ་སྤོང་བའི་ཚུལ། སྤང་བའི་འབྲས་བུ་ཡོངས་ཤོས་བསྟན་པའོ། །དང་པོ་ནི། སྲིད་པའི་རྩ་བ་སོགས། གཉིས་པ་ལ་བདུན། ཕྲ་རྒྱས་ཀྱི་དབྱེ་བ། རྣམ་པའི་བྱེ་བྲག །སེམས་ཕྲ་རྒྱས་དང་བཅས་པའི་ཚུལ། ཉོན་མོངས་སྐྱེ་ཚུལ། རྣམ་གྲངས། གང་དང་མཚུངས་ལྡན། སྒྲིབ་པ་ལྔ་བཤད་པའོ། །དང་པོ་ལ་གཉིས། དངོས་དང་ཞར་བྱུང་ངོ༌། །དང་པོ་ལ་རྩ་བའི་དབྱེ་བ་དང༌། ཁྱད་པར་གྱི་དབྱེ་བའོ། །དང་པོ་ནི། དྲུག །འདོད་ཆག་དེ་བཞིན་སོགས། གཉིས་པ་ནི། དེ་དག་བཅུ་དང་སོགས། གཉིས་པ་ཞར་བྱུང་ལ་ལྔ། སྤང་བྱ་ངེས་པ། ལྟ་བ་སོ་སོའི་མཚན་ཉིད། ལྟ་བ་ཐ་མ་དང་འབྲེལ་བའི་རྩོད་སྤང༌། ཕྱིན་ཅི་ལོག་གི་རབ་དབྱེ། ང་རྒྱལ་གྱི་དབྱེ་བ་སྤྲོས་པ་དང་བཅས་པའོ། །དང་པོ་ནི། སྲིད་རྩེ་ལས་སྐྱེས་སོགས། གཉིས་པ་ནི། །བདག་དང་བདག་གི་སོགས། གསུམ་པ་ནི། དབང་ཕྱུག་སོགས་རྒྱུར་སོགས། བཞི་པ་ནི། ལྟ་བ་གསུམ་སོགས། ལྔ་པ་ནི། ང་རྒྱལ་བདུན་རྣམ་སོགས། གཉིས་པ་རྣམ་པའི་བྱེ་བྲག་ལ། རྒྱུ་ལ་ལྟོས་པའི་རབ་

― ZP02_Page_030 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱེ། དམིགས་ཡུལ་ལ་ལྟོས་པའི་རབ་དབྱེ། ངོ་བོ་ལ་ལྟོས་པའི་རབ་དབྱེ། དུས་ལ་ལྟོས་པའི་མཚུངས་ལྡན། ཡུལ་ཡུལ་ཅན་གྱི་བྱེ་བྲག་གོ །དང་པོ་ནི། སྡུག་བསྔལ་རྒྱུ་མཐོང་སོགས། གཉིས་པ་ནི། འགོགས་དང་ལམ་མཐོང་སོགས། གསུམ་པ་ལ། དངོས་དང༌། རྩ་བའི་བྱེ་བྲག །དྲི་བ་ལུང་བསྟན་གྱི་ཞར་བྱུང་ངོ༌། །དང་པོ་ནི། གོང་མ་ཐམས་ཅད་སོགས། གཉིས་པ་ནི། འདོད་ན་འདོད་ཆགས་སོགས། གསུམ་པ་ནི། མགོ་གཅིག་དང་ནི་སོགས། བཞི་པ་དུས་ལ་ལྟོས་པའི་མཚུངས་ལྡན་ལ། དངོས་དང༌། ཞར་ལ་དུས་གསུམ་གྱི་རྣམ་པར་བཞག་པ་དཔྱད་པ། སྤངས་པ་དང་བྲལ་བའི་ཁྱད་པར་རོ། །དང་པོ་ནི། འདས་དང་ཉེར་གནས་སོགས། གཉིས་པ་ལ་ཡུལ་དུས་གསུམ་རྫས་སུ་བསྒྲུབ་པ་དང༌། དེ་ལ་རྩོད་པ་དགོད་པ། དེའི་ལན་གདབ་པའོ། །དང་པོ་ནི། དུས་རྣམས་ཀུན་ཏུ་སོགས། གཉིས་པ་ནི། གསུམ་པ་བཟང་སྟེ་སོགས། གསུམ་པ་ནི། ཆོས་ཉིད་དག་ནི་སོགས། གསུམ་པ་སྤངས་བ་དང་བྲལ་བའི་ཁྱད་པར་ནི། སྡུག་བསྔལ་མཐོང་སྤང་སོགས། ལྔ་པ་ཡུལ་ཡུལ་ཅན་གྱི་བྱེ་བྲག་ནི། སྡུག་བསྔལ་རྒྱུ་མཐོང་སོགས། གསུམ་པ་སེམས་ཕྲ་རྒྱས་དང་བཅས་ཚུལ་ནི། ཉོན་མོངས་ཕྲ་རྒྱས་སོགས། བཞི་པ་ཉོན་མོངས་སྐྱེ་ཚུལ་ནི། རྨོངས་ལས་ཐེ་ཚོམ་སོགས། ལྔ་པ་རྣམ་གྲངས་བཤད་པ་ལ། མདོ་ལས་བྱུང་བའི་རྣམ་གྲངས། བསྟན་བཅོས་ལས་བྱུང་བའི་རྣམ་གྲངས་སོ། །དང་པོ་ལ་ཟག་པ། ཆུ་སྤྱོད།

― ZP02_Page_031 ―

^{[མ་དཔེ་གཟིགས་ན་འདིར་གནོན།]}

[Full Size]

ཉེར་ལེན། དེ་དག་གི་ངེས་པའོ། །དང་པོ་ནི། འདོད་ན་གཏི་མུག་སོགས། གཉིས་པ་ནི། ཆུ་བོ་སྦྱོར་བའང་སོགས། གསུམ་པ་ནི། ཇི་སྐད་བཤད་ཉིད་སོགས། བཞི་པ་ནི། གང་ཕྱིར་དེ་དག་སོགས། གཉིས་པ་བསྟན་བཅོས་ལས་བྱུང་བའི་རྣམ་གྲངས་ལ། བསྟན། བཤད་དོ། །དང་པོ་ནི། དེ་དག་ཀུན་ཏུ་སོགས། གཉིས་པ་ལ་ཀུན་སྦྱོར། འཆིང་བ། ཉེ་ཉོན། ཀུན་དཀྲིས་སོ། །དང་པོ་ལ་ཀུན་སྦྱོར་དགུ། འོག་སའི་ཆ་མཐུན་ལྔ། གོང་སའི་ཆ་མཐུན་ལྔའོ། །དང་པོ་ནི། རྫས་དང་མཆོག་སོགས། གཉིས་པ་ནི། ཐ་མའི་ཆ་དང་སོགས། གསུམ་པ་ནི། གོང་མའི་ཆ་དང་སོགས། གཉིས་པ་འཆིང་བ་ནི། ཚོར་བའི་དབང་གིས་སོགས། གསུམ་པ་ཉེ་ཉོན་ནི། ཉོན་མོངས་ལས་གཞན་སོགས། བཞི་པ་ཀུན་དཀྲིས་ལ། དངོས་དང༌། ཞར་བྱུང་ངོ༌། །དང་པོ་ནི། ངོ་ཚ་མེད་དང་སོགས། གཉིས་པ་ལ་དྲི་མ་དྲུག་དང༌། ཆོས་ཀྱི་ཁྱད་པར་གཉིས་ལས། དང་པོ་ནི། གཞན་ཡང་ཉོན་མོངས་སོགས། གཉིས་པ་ནི། དེ་ལས་ངོ་ཚ་སོགས། དྲུག་པ་གང་དང་མཚུངས་པར་ལྡན་པ་ལ། རྣམ་ཤེས་གང་དང་མཚུངས་པར་ལྡན། ཚོར་བ་གང་དང་མཚུངས་པར་ལྡན་པའོ། །དང་པོ་ནི། མཐོང་སྤང་བྱ་གཉིད་སོགས། གཉིས་པ་ནི། བདེ་བ་དག་དང་སོགས། བདུན་པ་སྒྲིབ་པ་ལྔ་བཤད་པ་ནི། ཟས་དང་བྱ་བ་སོགས། གསུམ་པ་དེ་སྤང་ཚུལ་ནི། དམིགས་པ་ཡོངས་སུ་སོགས། བཞི་པ་སྤངས་པའི་

― ZP02_Page_032 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲས་བུ་ཡོངས་ཤེས་བསྟན་པ་ལ། དབྱེ་བ། ལམ་གང་གི་འབྲས་བུ་གང་ཡིན་པ། གྲངས་ངེས། གང་ཟག་གང་ལ་ལྡན། འཐོབ་གཏོང་བཤད་པའོ། །དང་པོ་ནི། ཡོངས་སུ་ཤེས་དགུ་སོགས། གཉིས་པ་ནི། དྲུག་བཟོད་འབྲས། ལྷག་མ་རྣམས་ནི་སོགས། གསུམ་པ་ནི། བྲལ་བའི་ཐོབ་པ་སོགས། བཞི་པ་ནི། གཅིག་མིན་མཐོང་སོགས། ལྔ་པ་ནི། ལ་ལ་གཅིག་གཉིས་སོགས། ཆོས་མངོན་པའི་སོགས་མཚན་ནོ། །

ལམ་དང་གང་ཟག་བསྟན་པ།

༈ དྲུག་པ་ལམ་དང་གང་ཟག་བསྟན་པའི་གནས་བཤད་པ་ལ་བཞི། དམིགས་ཡུལ་འཕགས་པའི་བདེན་པ། བདེན་པ་མངོན་པར་རྟོགས་པའི་རིམ་པ། བདེན་པ་མངོན་རྟོགས་ལ་གནས་པའི་གང་ཟག །མངོན་རྟོགས་ཀྱི་ལམ་བསྟན་པའོ། །དང་པོ་ལ་ལྔ། མཚམས་སྦྱར། ལམ་རང་གི་ངོ་བོ། །བདེན་བཞི་དངོས། འདུ་བྱེད་ཐམས་ཅད་སྡུག་བསྔལ་དུ་བསྒྲུབ། ཞར་ལ་བདེན་པ་གཉིས་བཤད་པའོ། །དང་པོ་ནི། བདེན་པ་མཐོང་དང་སོགས། །གཉིས་པ་ནི། སྒོམ་པའི་ལམ་ནི་སོགས། གསུམ་པ་ནི། བདེན་པ་དག་ནི་སོགས། བཞི་པ་ནི། ཡིད་འོང་ཡིད་དུ་སོགས། ལྔ་པ་ནི། གང་ལ་བཅོམ་དང་སོགས། གཉིས་པ་བདེན་པར་མངོན་པར་རྟོགས་པའི་རིམ་པ་ལ། བསྟན་བཤད་དོ། །དང་པོ་ནི། ཚུལ་གནས་ཐོས་དང་སོགས། གཉིས་པ་ལ་གསུམ། ཤེས་རབ་ཀྱི་རང་བཞིན། རྟེན་སྣོད་དུ་རུང་བའི་ཆོས་ཀྱི་ཁྱད་པར། བསྒོམ་པ་ལ་འཇུག་པའི་ཚུལ་དངོས་སོ། །དང་པོ་ནི། ཐོས་

― ZP02_Page_033 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་ལས་བྱུང་སོགས། གཉིས་པ་ནི། བསྲིང་གཉིས་ལྡན་ཆོ་ག་སོགས། གསུམ་པ་བསྒོམ་པ་ལ་འཇུག་པའི་ཚུལ་དངོས་ལ། ཞི་གནས་དང༌། ལྷག་མཐོང་གཉིས། དང་པོ་ལ། བསྟན། བཤད་དོ། །དང་པོ་ནི། དེ་ལ་འཇུག་པ་སོགས། གཉིས་པ་ལ་མི་སྡུག་པ་བསྒོམ་པ་དང༌། དབུགས་འབྱུང་རྔུབ་བསྒོམ་པའོ། །དང་པོ་ནི། ཀེང་རུས་ཆགས་བཅས་སོགས། །གཉིས་པ་ནི། དབུགས་རྔུབ་དབུགས་འབྱུང་སོགས། གཉིས་པ་ལྷག་མཐོང་ལ། ཚོགས་ལམ། སྦྱོར་ལམ། བདེན་པ་མངོན་པར་རྟོགས་པའི་ལམ་མོ། །དང་པོ་ནི། ཞི་གནས་གྲུབ་པར་སོགས། གཉིས་པ་ལ། སྦྱོར་ལམ་གྱི་རང་བཞིན། ཆོས་ཀྱི་ཁྱད་པར། དོགས་གཅོད་གཞན་བསྟན་པའོ། །དང་པོ་ནི། དེ་ལས་དྲོ་བར་སོགས། གཉིས་པ་ནི། བསྒོམ་བྱུང་མི་ལྕོགས་སོགས། གསུམ་པ་ནི། གཉིས་སློབ་རིགས་ལས་སོགས། གསུམ་པ་བདེན་པ་མངོན་པར་རྟོགས་པའི་ལམ་ནི། འཇིག་རྟེན་པ་ཡི་སོགས། གསུམ་པ་བདེན་པ་མངོན་རྟོགས་ལ་གནས་པའི་གང་ཟག་ལ། དབྱེ་བ་བསྡུས་ཏེ་བསྟན་པ་དང༌། མཇུག་བསྡུ་བའོ། །དང་པོ་ལ་ཆགས་བྲལ་སྔོན་སོང་དང༌། མཐར་གྱིས་པའོ། །དང་པོ་ལ་ཞུགས་གནས་གཉིས། དང་པོ་ནི། དབང་པོ་རྣོ་བརྟུལ་སོགས། གཉིས་པ་ནི། གང་གིས་གང་ལ་སོགས། གཉིས་པ་མཐར་གྱིས་པ་ལ་རྒྱུ་མཚན་དང༌། རྒྱུ་མཚན་ཅན་གྱི་གང་ཟག་གོ །དང་པོ་

― ZP02_Page_034 ―

^{[མ་དཔེ་གཟིགས་ན་འདིར་གནོན།]}

[Full Size]

ནི། ས་དང་ས་ན་སོགས། གཉིས་པ་ལ། རྒྱུན་ཞུགས་ཕྱིར་འོང༌། ཕྱིར་མི་འོང༌། དགྲ་བཅོམ་མོ། །དང་པོ་ནི། འབྲས་གནས་བསྒོམ་སྤང་སོགས། གཉིས་པ་ལ་ཞུགས་གནས་གཉིས། དང་པོ་ནི། གཉིས་པ་ལ་ནི་སོགས། གཉིས་པ་ནི། རྣམ་པ་དྲུག་པ་སོགས། གསུམ་པ་ལ་ཞུགས་གནས་གཉིས། དང་པོ་ནི། གསུམ་པ་ལ་ནི་སོགས། གཉིས་པ་ལ་སྤྱིར་བསྟན་པ། བྱེ་བྲག་ཏུ་བཤད་པའོ། །དང་པོ་ནི། དེ་དགུ་ཟད་པས་སོགས། གཉིས་པ་ལ། དབྱེ་བ། སྤེལ་མ་བསྒོམ་པ། ལུས་མངོན་བྱེད་བཤད་པའོ། །དང་པོ་ལ་དངོས་དང༌། དོན་གྱི་ཁྱད་པར་རོ། །དང་པོ་ནི། དེ་ནི་བར་སྐྱེས་སོགས། གཉིས་པ་ནི། གསུམ་ལ་ཡང་སོགས། གཉིས་པ་སྤེལ་མ་བསྒོམ་པ། དང་པོ་བཞི་པ་སོགས། གསུམ་པ་ལུས་མངོན་བྱེད་ནི། འགོགས་པ་ཐོབ་སོགས། བཞི་པ་དགྲ་བཅོམ་ལ། ཞུགས་པ་དང་གནས་པ་གཉིས། དང་པོ་ནི། སྲིད་རྩེའི་བར་ཆད་སོགས། གཉིས་པ་ལ་དངོས་དང༌། ཞར་ལ་སྤང་བྱ་སྤོང་ཚུལ། ཤེས་པའི་འབྱུང་ཚུལ། དགེ་སྦྱོང་གི་ཚུལ་གྱི་བསྡུ་བ། ཚངས་པའི་འཁོར་ལོ། །དགེ་སྦྱོང་ཚུལ་གྱི་འབྲས་བུ་ཐོབ་ཚུལ། དགྲ་བཅོམ་གྱི་དབྱེ་བའོ། །དང་པོ་ནི། དེ་ཟད་ཐོབ་དང་སོགས། གཉིས་པ་ལ། ལམ་གང་གིས་ས་གང་གི་སྤང་བྱ་སྤོང༌། ས་གང་གིས་ས་གང་གི་སྤང་བྱ་སྤོང༌། ཞར་ལ་འཇིག་རྟེན་པའི་ལམ་གྱི་དམིགས་རྣམ་མོ། །དང་པོ་ནི། འཇིག་རྟེན་འདས་ཀྱིས་སོགས། གཉིས་པ་ནི། ཟག་མེད་མི་ལྕོགས་སོགས།

― ZP02_Page_035 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་པ་ནི། འཇིག་རྟེན་པ་ཡི་སོགས། གསུམ་པ་ཤེས་པའི་འབྱུང་ཚུལ་ནི། གལ་ཏེ་མི་གཡོའི་སོགས། བཞི་པ་དགེ་སྦྱོང་གི་ཚུལ་བསྡུ་བ་ནི། དགེ་སྦྱོང་ཚུལ་ནི་སོགས། ལྔ་པ་ཚངས་པའི་འཁོར་ལོ་ནི། དེ་ཉིད་ཚངས་ཚུལ་སོགས། དྲུག་པ་དགེ་སྦྱོང་ཚུལ་གྱི་འབྲས་བུ་ཐོབ་ཚུལ་ནི། འདོད་པར་གསུམ་ཐོབ་སོགས། བདུན་པ་དགྲ་བཅོམ་གྱི་དབྱེ་བ་ལ། དངོས་དང༌། ཆོས་ཀྱི་ཁྱད་པར། ཉམས་པའི་དབྱེ་བ། དབང་པོ་འཕོ་ཚུལ་བྱེ་བྲག་ཏུ་བཤད་པའོ། །དང་པོ་ནི། དགྲ་བཅོམ་དྲུག་འདོད་སོགས། གཉིས་པ་ནི། ཁ་ཅིག་དང་པོ་ནས་སོགས། གསུམ་པ་ནི། ཐོབ་དང་མ་ཐོབ་སོགས། བཞི་པ་ནི། མི་གཡོ་རྣམ་གྲོལ་སོགས། གཉིས་པ་མཇུག་བསྡུ་བ་ནི། སངས་རྒྱས་གཉིས་དང་སོགས། བཞི་པ་མངོན་རྟོགས་ཀྱི་ལམ་བསྟན་པ་ལ་སྦྱོར་སོགས་བཞི་བཤད་པ། གནས་དང་དབང་པོ་ཐམས་ཅད་པའི་ལམ་བཤད་པ། བྱང་ཆུབ་ཕྱོགས་མཐུན་གྱི་ལམ་བཤད་པའོ། །དང་པོ་ནི། མདོར་ན་ལམ་ནི་སོགས། གཉིས་པ་ནི། བསམ་གཏན་དག་གི་སོགས། གསུམ་པ་ལ་མིང་གི་སྒོ་ནས་དབྱེ་བ། རྫས་ཀྱི་སྒོ་ནས་དབྱེ་བ། སྡེ་ཚན་གྱི་གོ་རིམ། ངོ་བོའི་ཁྱད་པར། ས་གང་གིས་བསྡུས། ཞར་ལ་ཤེས་ནས་དད་པ་ཐོབ་ཚུལ། མི་སློབ་པའི་ཆོས་བྱེ་བྲག་ཏུ་བཤད་པའོ། །དང་པོ་ནི། ཟད་དང་མི་སྐྱེ་སོགས། གཉིས་པ་ནི། རྫས་སུ་བཅུ། དད་དང་བརྩོན་འགྲུས་སོགས། གསུམ་པ་ནི། སྡེ་ཚན་བདུན་

― ZP02_Page_036 ―

^{[མ་དཔེ་གཟིགས་ན་འདིར་གནོན།]}

[Full Size]

ནི་སོགས། བཞི་པ་ནི། བྱང་ཆུབ་ཡན་ལག་སོགས། ལྔ་པ་ནི། བསམ་གཏན་དང་པོ་སོགས། དྲུག་པ་ནི། བདེན་གསུམ་མཐོང་ན་སོགས། བདུན་པ་ལ། དངོས་དང༌། ཞར་ལ་སྤང་བྱ་སྤོང་ཚུལ་གཉིས། དང་པོ་ནི། བཅིང་ཕྱིར་སློབ་པའི་སོགས། གཉིས་པ་ནི། མི་སློབ་སེམས་ནི་སོགས། ཆོས་མངོན་པའི་སོགས། མཚན་ནོ། །

ཡེ་ཤེས་བསྟན་པ།

༈ བདུན་པ་ཡེ་ཤེས་བསྟན་པའི་གནས་ལ་ལྔ། ཤེས་པའི་གཞི། ཤེས་པའི་རང་བཞིན། ཤེས་པའི་ལྡན་པ། ཤེས་པའི་ཐོབ་པ། ཤེས་པས་བསྡུས་པའི་ཡོན་ཏན་ནོ། །དང་པོ་ནི། དྲི་མེད་བཟོད་རྣམས་སོགས། གཉིས་པ་ལ་ལྔ། བསྡུ་བ་ཡུལ་དང་བཅས་པ། དབྱེ་བ་ཁྱད་པར་དང་བཅས་པ། གྲངས་ངེས་གཉེན་པོའི་བྱེ་བྲག་དང་བཅས་པ། རྣམ་པའི་བྱེ་བྲག །ཆོས་ཀྱི་ཁྱད་པར་རོ། །དང་པོ་ནི། ཤེས་པ་ཟག་བཅས་སོགས། གཉིས་པ་ནི། དེ་དག་ཉིད་བདེན་སོགས། གསུམ་པ་ནི། རང་བཞིན་དང་ནི་སོགས། བཞི་པ་ནི། ཆོས་ཤེས་པ་དང་སོགས། ལྔ་པ་ནི། དང་པོ་རྣམ་གསུམ་སོགས། གསུམ་པ་ཤེས་པའི་ལྡན་པ་ནི། ཟག་མེད་སྐད་ཅིག་སོགས། བཞི་པ་ཤེས་པའི་འཐོབ་པ་ལ། ལམ་གང་དུ་ཤེས་པ་དུ་ཐོབ། ས་གང་དུ་ཤེས་པ་དུ་འཐོབ། འཐོབ་པའི་དབྱེ་བའོ། །དང་པོ་ལ་མཐོང་ལམ་དུ་འཐོབ། སྒོམ་ལམ་དུ་འཐོབ། བཤད་པའི་ལྷག་ལ་དུ་འཐོབ་པའོ། །དང་པོ་ནི། མཐོང་བའི་ལན་ལ་སོགས།

― ZP02_Page_037 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་ནི། ཆགས་བཅས་བཅུ་དྲུག་སོགས། །གསུམ་པ་ནི། བཤད་པའི་ལྷག་མ་སོགས། གཉིས་པ་གང་དུ་ཤེས་པ་དུ་འཐོབ་ནི། གང་ལས་ཆགས་བྲལ་སོགས། གསུམ་པ་འཐོབ་པའི་དབྱེ་བ་ནི། རྙེད་དང་བསྟེན་ཞེས་སོགས། ལྔ་པ་ཤེས་པས་བསྡུས་པའི་ཡོན་ཏན་ལ། ཐུན་མོངས་མ་ཡིན་པའི་ཡོན་ཏན་དང༌། ཐུན་མོང་གི་ཡོན་ཏན་ནོ། །དང་པོ་ལ་མདོར་བསྟན། རྒྱས་པར་བཤད་པའོ། །དང་པོ་ནི། སངས་རྒྱས་ཆོས་ནི་སོགས། གཉིས་པ་ལ། སྟོབས་བཤད། མི་འཇིགས་པ་བཤད། དྲན་པ་ཉེར་བཞག་བཤད། །ཐུགས་རྗེ་ཆེན་པོ་སྤྲོས་པ་དང་བཅས་པ་བཤད་པའོ། །དང་པོ་ལ་ཐུགས་ཀྱི་སྟོབས། སྐུའི་སྟོབས་བཤད་པའོ། །དང་པོ་ནི། གནས་དང་གནས་མིན་སོགས། གཉིས་པ་ནི། སྐུ་ལ་སྲེད་མེད་སོགས། གཉིས་པ་མི་འཇིགས་པ་ནི། མི་འཇིགས་པ་ནི་སོགས། གསུམ་པ་དྲན་པ་ཉེར་བཞག་ནི། དྲན་དང་ཤེས་བཞིན་སོགས། བཞི་པ་ཐུགས་རྗེ་ཆེན་པོ་སྤྲོས་པ་དང་བཅས་པ་བཤད་པ་ནི། ཐུགས་རྗེ་ཆེན་པོ་སོགས། གཉིས་པ་ཐུན་མོང་གི་ཡོན་ཏན་ལ། མདོར་བསྟན། རྒྱས་བཤད་དོ། །དང་པོ་ནི། ཆོས་གཞན་སློབ་དང་སོགས། གཉིས་པ་ལ། འཕགས་པ་དང་ཐུན་མོང་པ་དང༌། སྐྱེ་འཕགས་གཉིས་དང་ཐུན་མོང་བའོ། །དང་པོ་ལ་ཉོན་མོངས་མེད་པ། སྨོན་ནས་ཤེས་པ། སོ་སོ་ཡང་དག་པར་རིག་པ་བཞི་བཤད་པ། ཐོབ་

― ZP02_Page_038 ―

^{[མ་དཔེ་གཟིགས་ན་འདིར་གནོན།]}

[Full Size]

ཚུལ་ལོ། །དང་པོ་ནི། ཉོན་མོངས་མེད་དང་སོགས། གཉིས་པ་ནི། སྨོན་ནས་ཤེས་པ་སོགས། གསུམ་པ་ནི། དོན་དང་ངག་ལ་སོགས། བཞི་པ་ནི། མ་ཚང་པར་ནི་སོགས། གཉིས་པ་སྐྱེ་འཕགས་གཉིས་ཀ་དང་ཐུན་མོང་པ་ལ་ལྔ། དབྱེ་བ། ངོ་བོ། །ཆོས་ཀྱི་ཁྱད་པར། མངོན་ཤེས་ཀྱིས་བསྡུས་པའི་ཡོན་ཏན། མངོན་ཤེས་དང་པོ་རྒྱས་པར་བཤད་པའོ། །དང་པོ་ནི། རྫུ་འཕྲུལ་རྣ་བ་སོགས། གཉིས་པ་ནི། མངོན་ཤེས་རྣམ་དྲུག་སོགས། གསུམ་པ་ནི། ལྔ་ནི་བསམ་གཏན་སོགས། བཞི་པ་ལ་རིག་པ་གསུམ་བཤད། ཆོ་འཕྲུལ་གསུམ་བཤད་པའོ། །དང་པོ་ནི། རིག་པ་སྔོན་མཐའ་སོགས། གཉིས་པ་ནི། དང་པོ་གསུམ་པ་སོགས། ལྔ་པ་ལ་རྫུ་འཕྲུལ་གྱི་མངོན་ཤེས་བཤད་པ་དང༌། ལྷའི་མིག་རྣ་བཤད་པ། དོགས་གཅོད་ལྷག་མ་བཤད་པའོ། །དང་པོ་ལ་ངོ་བོ་ཡུལ་བཅས་དང༌། སྤྲུལ་སེམས་བཤད་པ། རྫུ་འཕྲུལ་གྱི་དབྱེ་བའོ། །དང་པོ་ནི། རྫུ་འཕྲུལ་ཏིང་འཛིན་སོགས། གཉིས་པ་ནི། སེམས་དག་གིས། དེ་དག་ཀྱང་ནི་སོགས། གསུམ་པ་ནི། རྫུ་འཕྲུལ་གསང་སྔགས་སོགས། གཉིས་པ་ལྷའི་མིག་རྣ་བཤད་པ་ནི། ལྷ་ཡི་མིག་དང༌། གསུམ་པ་དོགས་གཅོད་ལྷག་མ་བཤད་པ་ནི། གཞན་ཡང་སྐྱེ་བས་སོགས། ཆོས་མངོན་པའི་སོགས། ལེའུའི་མཚན་ནོ། །

སྙོམས་འཇུག་གི་གནས།

༈ བརྒྱད་པ་སྙོམས་འཇུག་གི་གནས་ལ། སྙོམས་འཇུག་དངོས། དེས་བསྡུས་པའི་ཡོན་ཏན་

― ZP02_Page_039 ―

^{[མ་དཔེ་གཟིགས་ན་འདིར་གནོན།]}

[Full Size]

ནོ། །དང་པོ་ལ་དངོས་གཞི་ཉེར་བསྡོགས། ཁྱད་པར་ཅན། ཏིང་ངེ་འཛིན་གྱི་དབྱེ་བ་དང་བཞིའོ། །དང་པོ་ལ་དབྱེ་བ། བསམ་གཏན་གྱི་ཡན་ལག །ཇི་ལྟར་འཐོབ་ཚུལ། གང་ལས་གང་བྱུང་ཚུལ། ཆོས་ཀྱི་ཁྱད་པར་རོ། །དང་པོ་ལ་རྒྱས་པར་དབྱེ་བ། བསྡུ་བ་བསྟན་པའོ། །དང་པོ་ལ་བསམ་གཏན་གྱི་དབྱེ་བ། གཟུགས་མེད་ཀྱི་དབྱེ་བའོ། །དང་པོ་ནི། བསམ་གཏན་དག་ནི་སོགས། གཉིས་པ་ནི། དེ་བཞིན་གཟུགས་མེད་སོགས། གཉིས་པ་བསྡུ་བ་ནི། དེ་ལྟར་སྙོམས་འཇུག་སོགས། གཉིས་པ་བསམ་གཏན་གྱི་ཡན་ལག་ལ། རྒྱུ་སྙོམས་འཇུག་གི་ཡན་ལག་དང༌། འབྲས་བུ་སྐྱེ་བ་ན་ཚོར་བ་དུ་ཡོད་དཔྱད་པའོ། །དང་པོ་ལ་དགེ་བའི་ཡན་ལག་དང༌། ཉོན་མོངས་ཅན་གྱི་ཡན་ལག་དང༌། བཞི་པ་མི་གཡོ་བར་བཞག་པའི་རྒྱུ་མཚན་ནོ། །དང་པོ་ལ་མིང་གི་སྒོ་ནས་དབྱེ་བ། རྫས་ཀྱི་སྒོ་ནས་བསྡུ་བའོ། །དང་པོ་ནི། །དང་པོ་ལ་ལྔ་སོགས། གཉིས་པ་ནི། རྫས་སུ་བཅུ་གཅིག་སོགས། གཉིས་པ་ཉོན་མོངས་ཅན་གྱི་ཡན་ལག་ནི། ཉོན་མོངས་ཅན་ལ་སོགས། གསུམ་པ་བཞི་པ་མི་གཡོ་བར་འཇོག་པའི་རྒྱུ་མཚན་ནི། སྐྱོན་བརྒྱད་ལས་ནི་སོགས། གཉིས་པ་འབྲས་བུ་སྐྱེ་བ་ན་ཚོར་བ་དུ་ཡོད་ནི། སྐྱེ་བའི་བསམ་གཏན་སོགས། གསུམ་པ་ཇི་ལྟར་ཐོབ་ཚུལ་ནི། དེ་དང་མི་ལྡན་སོགས། བཞི་པ་གང་ལས་གང་འབྱུང་བ་ལ། གསུམ་པོ་གང་ལས་གང་བྱུང་བ། དག་པ་བྱེ་བྲག་ཏུ་བཤད་

― ZP02_Page_040 ―

^{[མ་དཔེ་གཟིགས་ན་འདིར་གནོན།]}

[Full Size]

པ། ཐོད་རྒལ་གྱི་སྙོམས་འཇུག་བྱེ་བྲག་ཏུ་བཤད་པའོ། །དང་པོ་ལ་སྙོམས་འཇུག་གི་དབང་དུ་བྱས་པ་དང༌། དེ་ལས་གཞན་པའི་དབང་དུ་བྱས་པའོ། །དང་པོ་ནི། ཟག་པ་མེད་པའི་སོགས། གཉིས་པ་འཆི་འཕོ་དག་ལས་སོགས། གཉིས་པ་དག་པ་བྱེ་བྲག་ཏུ་བཤད་པ་ནི། དག་པ་ཉམས་པའི་སོགས། གསུམ་པ་ཐོད་རྒལ་གྱི་སྙོམས་འཇུག་བྱེ་བྲག་ཏུ་བཤད་པ་ནི། ས་བརྒྱད་རྣམ་གཉིས་སོགས། ལྔ་པ་ཆོས་ཀྱི་ཁྱད་པར་ནི། བསམ་གཏན་གཟུགས་མེད་སོགས། གཉིས་པ་ཉེར་བསྡོགས་ནི། དེ་དག་ལ་ནི། གསུམ་པ་ཁྱད་པར་ཅན་ནི། རྟོག་མེད་བསམ་གཏན་སོགས། བཞི་པ་ཏིང་ངེ་འཛིན་གྱི་དབྱེ་བ་ལ། ཁམས་ཀྱི་སྒོ་ནས་དབྱེ་བ། ལམ་གྱི་སྒོ་ནས་དབྱེ་བ། ལམ་སུན་འབྱིན་པའི་སྒོ་ནས་དབྱེ་བ། བྱེད་པའི་སྒོ་ནས་དབྱེ་བའོ། །དང་པོ་ནི། མན་ཆད་རྟོག་དཔྱོད་སོགས། གཉིས་པ་ནི། མཚན་མེད་ཞི་བའི་སོགས། གསུམ་པ་ནི། སྟོང་ཉིད་སྟོང་ཉིད་སོགས། བཞི་པ་ནི། དགེ་བའི་བསམ་གཏན་སོགས། གཉིས་པ་སྙོམས་འཇུག་གིས་བསྡུས་པའི་ཡོན་ཏན་ལ་ཚད་མེད། རྣམ་ཐར། ཟིལ་གནོན། ཟད་པར། དེ་དག་གི་སྤྲོས་པ་བཤད་པའོ། །དང་པོ་ནི། ཚད་མེད་པ་ནི་སོགས། གཉིས་པ་ནི། རྣམ་པར་ཐར་བརྒྱད་སོགས། གསུམ་པ་ནི། ཟིལ་གྱིས་གནོན་པའི་སོགས། བཞི་པ་ནི། ཟད་པར་བཅུའོ་སོགས། ལྔ་པ་ནི། འགོག་པ་བཤད་ཟིན་སོགས། ཆོས་མངོན་པའི་སོགས། ལེའུའི་མཚན་ནོ། །བཞི་པ་མཇུག་གི་

― ZP02_Page_041 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་ལ། བསྟན་པ་གནས་པའི་ཚད། རང་དགའ་སྤངས་ཤིང་ཁེངས་བ་བསྐྱུང་བ། ཕྱི་རབས་ལ་བག་ཡོད་བྱ་བར་གདམས་པའོ། །དང་པོ་ནི། སྟོན་པའི་དམ་ཆོས་སོགས། གཉིས་པ་ནི། བདག་གི་མངོན་པའི་སོགས། །ཆོས་མངོན་པའི་སོགས། ལེའུའི་མཚན་ནོ། །གསུམ་པ་ནི། སྟོན་པ་འཇིག་རྟེན་སོགས། ཆོས་མངོན་པ་མཛོད་ཀྱི་ཚིག་ལེའུར་བྱས་པ་སློབ་དཔོན་དབྱིག་གཉེན་གྱིས་མཛད་པའི་ས་བཅད་འདི་ནི་རྗེ་དགེ་འདུན་གྲུབ་ཀྱིས་གསུངས་རྒྱུན་ཟིན་བྲིས་སུ་བཀོད་པ་ལ་བཏུས་ཏེ་འཇམ་མགོན་བླ་མ་མཆོག་གིས་འདུས་སྡེ་རིན་པོ་ཆེར་གསུངས་སྐབས་བཀོད་པ་ཇི་ལྟ་བ་བཞིན་ལགས་སོ། །ཆོས་མངོན་རྒྱ་མཚོ་གཏིང་དཔགས་དཀའ་བའི་དོན། །རྒྱ་བོད་མཁས་པ་སྟོང་ལས་ལེགས་བརྒྱུད་པ། །རྣམ་དཔྱོད་མཆོག་གི་ཐུགས་མཛོད་དུ་འཁྱིལ་བ། །འཇམ་མགོན་བླ་མའི་ཞབས་པད་བརྟན་གྱུར་ཅིག །མངྒ་ལམ།། །།

དབུ་མའི་བསྟན་བཅོས་རྩ་བ་ཤེས་རབ་ཀྱི་བསྡུས་དོན་ས་བཅད།

― ZP02_Page_043 ―

^{[མ་དཔེ་གཟིགས་ན་འདིར་གནོན།]}

[Full Size]

དབུ་མའི་བསྟན་བཅོས་རྩ་བ་ཤེས་རབ་ཀྱི་བསྡུས་དོན་ས་བཅད་རབ་ཏུ་གསལ་བ་བཞུགས།། །།

― ZP02_Page_044 ―

^{[མ་དཔེ་གཟིགས་ན་འདིར་གནོན།]}

[Full Size]

འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །དབུ་མ་རྩ་བའི་ཚིག་ལེའུར་བྱས་པ་འདི་འཆད་པར་བྱེད་པ་ལ་བཞི། མཚན་གྱི་དོན། འགྱུར་གྱི་ཕྱག །གཞུང་གི་དོན། མཇུག་གི་དོན་ནོ། །དང་པོ་ནི་རྒྱ་གར་སྐད་སོགས། གཉིས་པ་ནི། འཇམ་དཔལ་སོགས། གསུམ་པ་ལ་གསུམ། སྟོན་པ་ལ་རྟེན་འབྱུང་འཐའ་བྲལ་དུ་གསུངས་པའི་སྒོ་ནས་བསྟོད་པ། རྟེན་འབྱུང་མཐའ་བརྒྱད་དང་བྲལ་བར་འགྲེལ་བའི་ཚུལ། དེ་ལྟར་བསྟན་པའི་བཀའ་དྲིན་རྗེས་སུ་དྲན་པའི་ཕྱག་བྱ་བའོ། །དང་པོ་ནི། གང་གིས་སོགས། གཉིས་པ་ལ་གསུམ། རྟེན་འབྱུང་རང་བཞིན་གྱིས་སྟོང་པར་བསྟན་པ། དེ་ལྟར་རྟོགས་མ་རྟོགས་པ་ལས་འཁོར་བའི་འཇུག་ལྡོག་བྱེད་ལུགས། རྟེན་འབྱུང་རྟོགས་ན་ལྟ་བ་ངན་པ་ལྡོག་ཚུལ་ལོ། །དང་པོ་

― ZP02_Page_045 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་གཉིས། དངོས་ཀྱི་དོན་དང༌། རྩོད་པ་སྤང་བའོ། །དང་པོ་ལ་གཉིས། རྒྱུ་འབྲས། བདག་མེད་གཉིས་མདོར་བསྟན་པ་དང༌། རྒྱས་པར་བཤད་པའོ། །དང་པོ་ལ་གཉིས། རྒྱུ་འབྲས་ཀྱི་བྱ་བྱེད་པ་བརྟགས་ནས་ཆོས་ལ་རང་བཞིན་དགག་པ། འགྲོ་འོང་གི་བྱ་བྱེད་ལ་བརྟེན་ནས་གང་ཟག་ལ་རང་བཞིན་དགག་པའོ། །དང་པོ་ལ་གཉིས་འབྲས་བུ་ལ་སྐྱེ་བའི་རང་བཞིན་དགག་པ། སྐྱེ་བྱེད་ལ་རྐྱེན་གྱི་རང་བཞིན་དགག་པའོ། །དང་པོ་ལ་གཉིས། མཐའ་བཞིའི་སྐྱེ་བ་དགག་པའི་དམ་བཅའ། གཞན་སྐྱེ་དགག་པ་ལ་ལུང་འགལ་སྤང་བའོ། །དང་པོ་ནི། བདག་ལས་སོགས། གཉིས་པ་ལ་གཉིས། ལུང་དང་འགལ་བའི་རྩོད་པ་དགོད་པ། ལུང་དང་འགལ་སྤོང་བའོ། །དང་པོ་ནི། རྐྱེན་

― ZP02_Page_046 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་སོགས། གཉིས་པ་ནི། དངོས་པོ། གཉིས་པ་སྐྱེ་བྱེད། རྐྱེན་གྱི་རང་བཞིན་འགོག་པ་ལ་གསུམ། རྐྱེན་གྱི་རང་བཞིན་ཐུན་མོང་དུ་དགག་པ་དང༌། སོ་སོར་དགག་པ། ཐུན་མོང་དུ་དགག་ཚུལ་གཞན་བསྟན་པའོ། །དང་པོ་ལ་གཉིས། བྱེད་པའི་སྒོ་ནས་རྐྱེན་དུ་རྟོག་པ་དགག་པ་ལས་ཀྱི་སྒོ་ནས་རྐྱེན་དུ་རྟོག་པ་དགག་པའོ། །དང་པོ་ལ་གཉིས། སྐྱེ་བའི་བྱ་བ་བསྒྲུབ་པའི་རྒྱུ་མཚན་གྱིས་རྐྱེན་དུ་རྟོག་པ་དགག་པ། འབྲས་བུ་སྐྱེ་བའི་རྒྱུ་མཚན་གྱིས་རྐྱེན་དུ་རྟོག་པ་དགག་པའོ། །དང་པོ་ནི། བྱ་བ་རྐྱེན་སོགས། གཉིས་པ་ནི། འདི་དག་སོགས། གཉིས་པ་ལས་ཀྱི་སྒོ་ནས་རྐྱེན་དུ་རྟོག་པ་དགག་པ་ནི། མེད་དམ་སོགས། གཉིས་པ་རྐྱེན་སོ་སོར་དགག་པ་ལ་བཞི། རྒྱུ་རྐྱེན་དམིགས་རྐྱེན། དེ་མ་ཐག་རྐྱེན། བདག་རྐྱེན་གྱི་མཚན་ཉིད་དགག་པའོ། །དང་པོ་ནི། གང་ཚེ་སོགས། གཉིས་པ་ནི། ཡོད་པའི་སོགས། གསུམ་པ་ནི། ཆོས་རྣམས་སོགས། བཞི་པ་ནི། དངོས་པོ་སོགས། གསུམ་པ་ཐུན་མོང་དུ་འགོག་ཚུལ་གཞན་བསྟན་པ་ལ་གསུམ། འབྲས་བུ་འབྱུང་བའི་རྒྱུ་མཚན་གྱིས་རྐྱེན་ལ་རང་བཞིན་ཡོད་པ་དགག་པ་འབྲས་བུ་རྐྱེན་ཡིན་མིན་གྱི་རང་བཞིན་ངེས་པ་དགག་པའོ། །དང་པོ་ནི། རྐྱེན་རྣམས་སོགས། གཉིས་པ་ནི། འབྲས་བུ་སོགས་ནས་ཡོད་མིན་ཞེས། གསུམ་པ་ནི། འབྲས་བུ་མེད་པར་ནས། རྐྱེན་མིན་རྐྱེན་དུ་ག་ལ་འགྱུར། །ཞེས་སོ། །རབ་བྱེད་དང་པོའོ། ༈ གཉིས་པ་འགྲོ་འོང་གི་བྱ་བྱེད་ལ་བརྟགས་ནས་གང་ཟག་ལ་རང་བཞིན་གྱིས་གྲུབ་པ་དགག་པ་ལ་གཉིས། རྒྱས་པར་བཤད་པ་དང༌། མཇུག་བསྡུ་བའོ། །དང་པོ་ལ་བཞི། ལས་ལ་བརྟགས་ནས་དགག་པ། བྱེད་པོ་ལ་བརྟེན་ནས་དགག་པ། བྱ་བ་ཡོད་པའི་སྒྲུབ་བྱེད་དགག་

― ZP02_Page_047 ―

^{[མ་དཔེ་གཟིགས་ན་འདིར་གནོན།]}

[Full Size]

པ། བྱ་བ་བརྟགས་ནས་དགག་པའོ། །དང་པོ་ལ་གཉིས་ལམ་གསུམ་ལ་ཐུན་མོང་དུ་བྱ་བ་དགག་པ། བསྒོམ་པ་ལ་བྱ་བ་བྱེ་བྲག་ཏུ་དགག་པའོ། །དང་པོ་ནི། རེ་ཞིག་སོགས་སོགས། གཉིས་པ་ལ་གཉིས་ཕྱོགས་སྔ་མ་དགོད་པ་དང༌། དེ་འགོག་པའི་རིགས་པའོ། །དང་པོ་ནི། གང་ན་གཡོ་སོགས། གཉིས་པ་ལ་གཉིས། ལས་ཚིག་དང་བྱ་ཚིག་གཅིག་དོན་དང་བཅས་ན་ཅིག་ཤོས་དོན་གྱིས་སྟོང་པ། གཉིས་ཀ་དོན་དང་བཅས་ན་ཧ་ཅང་ཐལ་བའོ། །དང་པོ་ནི། བགོམ་ལ་སོགས། གཉིས་པ་ནི། བསྒོམ་ལ་འགྲོ་སོགས། གཉིས་པ་བྱེད་པ་པོ་ལ་བརྟེན་ནས་དགག་པ་ལ་གསུམ། འགྲོ་བ་པོ་འགྲོ་བའི་རྟེན་དུ་ཡོད་པ་དགག་པ། རྣམ་གྲངས་གསུམ་གྱིས་གང་ཟག་ལ་འགྲོ་བ་སྤྱིར་དགག་པ་འགྲོ་བ་པོར་ལ་འགྲོ་བ་བྱེ་བྲག་ཏུ་དགག་པའོ། །དང་པོ་ནི། གལ་ཏེ་འགྲོ་སོགས། གཉིས་པ་ནི། རེ་ཞིག་འགྲོ་སོགས། གསུམ་པ་ནི། གང་ཚེ་འགྲོ་སོགས། གསུམ་པ་བྱ་བ་ཡོད་པའི་སྒྲུབ་བྱེད་དགག་པ་ལ་ལྔ། རྩོམ་པ་པོ་ཡོད་པར་དགག་པ། འགྲོ་བའི་ལམ་ཡོད་པར་དགག་པ། འགྲོ་བའི་གཉེན་པོར་ཡོད་པར་དགག་པ། ཐ་མའི་ལྡོག་པ་ཡོད་པ་དགག་པ། གནས་པའི་སྒྲུབ་བྱེད་དགག་པའོ། །དང་པོ་ནི། སོང་བ་སོགས། གཉིས་པ་ནི། འགྲོ་རྩོམ་སོགས། གསུམ་པ་ནི། རེ་ཞིག་འགྲོ་སོགས། བཞི་པ་ནི། བགོམ་ལ་སོགས། ལྔ་པ་ནི། འགྲོ་བ་དང་སོགས། བཞི་པ་བྱ་བ་ལ་བརྟགས་ནས་དགག་པ་ལ་གཉིས། འགྲོ་བ་པོ་དང་འགྲོ་བ་ལ་གཅིག་དང་ཐ་དད་བརྟགས་ཏེ་དགག་པ། འགྲོ་བ་སོགས་འཇོག་པའི་བྱ་བ་ལ་གཉིས་པོ་ཡོད་མེད་བརྟགས་ནས་

― ZP02_Page_048 ―

^{[མ་དཔེ་གཟིགས་ན་འདིར་གནོན།]}

[Full Size]

དགག་པའོ། །དང་པོ་ནི། འགྲོ་བ་དེ་སོགས། གཉིས་པ་ནི། འགྲོ་བ་སོགས། གཉིས་པ་ལས་དང་བྱེད་པ་པོ་ལ་བྱ་བ་ཐུན་མོངས་དུ་དགག་པ་ནི། འགྲོ་བ་ཡིན་སོགས། གཉིས་པ་མཇུག་བསྡུ་བ་ནི་དེ་ཕྱིར་སོགས། རབ་བྱེད་གཉིས་པའོ། ༈ །གཉིས་པ་བདག་མེད་གཉིས་རྒྱས་པར་བཤད་པ་ལ་ལྔ། ཆོས་དང་གང་ཟག་སོ་སོར་ཕྱེ་སྟེ་བཤད་པ། དངོས་པོ་ཙམ་རང་བཞིན་གྱིས་སྟོང་པར་བསྟན་པ། བདག་མེད་པའི་དེ་ཁོ་ན་ཉིད་ལ་འཇུག་པའི་ཚུལ། དུས་ཀྱི་རང་བཞིན་གྱིས་སྟོང་པར་བསྟན་པ། སྲིད་པའི་རྒྱུན་གྱི་རང་བཞིན་གྱིས་སྟོང་པར་བསྟན་པའོ། །དང་པོ་ལ་གཉིས། ཆོས་ཀྱི་བདག་མེད་བཤད་པ་དང༌། གང་ཟག་གི་བདག་མེད་བཤད་པའོ། །དང་པོ་ལ་གཉིས། ཆོས་གསུམ་བདག་མེད་པར་བཤད་པ་དང༌། དེ་ལས་བདག་ཡོད་པའི་སྒྲུབ་བྱེད་དགག་པའོ། །དང་པོ་ལ་གསུམ། སྐྱེ་མཆེད་ལ་ཆོས་བདག་དགག་པ། ཕུང་པོ་ལ་ཆོས་བདག་དགག་པ། ཁམས་ལ་ཆོས་བདག་དགག་པའོ། །དང་པོ་ལ་གཉིས། ཕྱོགས་སྔ་མ་འགོད་པ་དང༌། དེ་སུན་དབྱུང་བའོ། །དང་པོ་ནི། ལྟ་དང་སོགས། གཉིས་པ་ལ་གཉིས་ལྟ་བའི་ཆོས་གསུམ་རང་བཞིན་གྱིས་གྲུབ་པ་དགག་པ། རིགས་པ་དེ་གཞན་ལ་སྦྱར་བའོ། །དང་པོ་ལ་གཉིས། མི་ལྟ་བའི་བྱེད་པོ་ཡིན་པ་དགག་པ་བདག་གམ་རྣམ་ཤེས་ལྟ་བའི་བྱེད་པ་པོ་ཡིན་པ་དགག་པའོ། །དང་པོ་ལ་གཉིས། རང་ལ་མི་ལྟ་བའི་རྟགས་ཀྱིས་དགག་པ། ལྟ་བའི་བྱ་བ་དང་འབྲེལ་མ་འབྲེལ་བརྟགས་ལ་དགག་པའོ། །དང་པོ་ལ་གསུམ། རྟགས་དགོད་པ་དང༌།

― ZP02_Page_049 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ངེས་པ་སྤང་བ་དོན་བསྡུ་བའོ། །དང་པོ་ནི། ལྟ་དེ་རང་སོགས། གཉིས་པ་ནི། ལྟ་བ་སོགས། གསུམ་པ་ནི། གང་ཚེ་སོགས། གཉིས་པ་ལྟ་བའི་བྱ་བ་དང་འབྲེལ་མ་འབྲེལ་བརྟགས་ལ་དགག་པ་ནི། ལྟ་བ་སོགས། གཉིས་པ་བདག་པོའི་རྣམ་ཤེས་ལྟ་བའི་བྱེད་པ་པོ་ཡིན་པར་དགག་པ་ནི། ལྟ་བ་ཉིད་སོགས། གཉིས་པ་ལྟ་བའི་ལས་དང་བྱ་བ་དགག་པ་ནི། ལྟ་བ་མེད་སོགས། གཉིས་པ་རིགས་པ་དེ་གཞན་ལ་སྦྱར་བ་ནི། ལྟ་བ་སོགས། རབ་བྱེད་གསུམ་པའོ། ༈ །གཉིས་པ་ཕུང་པོ་ལ་ཆོས་བདག་དགག་པ་ལ་གསུམ། གཟུགས་ཕུང་རང་བཞིན་གྱིས་ཡོད་པ་དགག་པ། རིགས་པ་དེ་གཞན་ལ་སྦྱར་བ། རྩོད་པ་དང་འཆད་པའི་ཚེ་ལན་གདབ་ཚུལ་ལོ། །དང་པོ་ལ་གཉིས། དོན་གཞན་དུ་ཡོད་པ་ལ་རྒྱུ་འབྲས་དགག་པ། ཡོད་མེད་དང་འདྲ་མི་འདྲ་ལ་རྒྱུ་འབྲས་དགག་པའོ། །དང་པོ་ནི། གཟུགས་ཀྱི་སོགས། གཉིས་པ་ནི། གཟུགས་ཡོད་ན་སོགས། གཉིས་པ་དེ་གཞན་ལ་སྦྱར་བ་ནི། ཚོར་དང་སོགས། གསུམ་པ་རྩོད་པ་དང་འཆད་པའི་ཚེ་ལན་གདབ་ཚུལ་ནི། སྟོང་པ་ཉིད་སོགས། རབ་བྱེད་བཞི་པའོ། ༈ །གསུམ་པ་ཁམས་ལ་ཆོས་བདག་དགག་པ་ལ་གཉིས། ཁམས་དྲུག་རང་བཞིན་གྱིས་གྲུབ་པ་དགག་པ། ཡོད་མེད་ཀྱི་མཐར་ལྟ་སྨད་པའོ། །དང་པོ་ལ་གཉིས། ནམ་མཁའི་ཁམས་རང་བཞིན་གྱིས་གྲུབ་པ་དགག་པ། རིགས་པ་དེ་ཁམས་ལྷག་མ་ལ་ཡང་སྦྱར་བའོ། །དང་པོ་ལ་གསུམ། ནམ་མཁའི་ཁམས་ལ་མཚན་ཉིད་དགག་པ། དངོས་དང་དངོས་མེད་དུ་གྲུབ་པ་དགག་པ། བཀག་པ་རྣམས་ཀྱི་མཇུག་བསྡུ་བའོ། །དང་པོ་ལ་གསུམ་

― ZP02_Page_050 ―

^{[མ་དཔེ་གཟིགས་ན་འདིར་གནོན།]}

[Full Size]

མཚན་གཞི་དགག་པ། མཚན་ཉིད་དགག་པ། མཇུག་བསྡུ་བའོ། །དང་པོ་ལ་གཉིས། མཚན་ཉིད་འཇུག་པ་དགག་པ། །དེས་མཚན་གཞི་ཁེག་པར་བསྟན་པའོ། །དང་པོ་ལ་གཉིས། སྔ་ཕྱི་ལ་བརྟགས་ནས་མཚན་ཉིད་འཇུག་པ་དགག་པ། མཚན་ཉིད་ཡོད་མེད་ལ་བརྟགས་ནས་མཚན་ཉིད་འཇུག་པ་དགག་པའོ། །དང་པོ་ནི། ནམ་མཁའི་མཚན་ཉིད་སོགས། གཉིས་པ་ནི། མཚན་ཉིད་མེད་སོགས། གཉིས་པ་མཚན་ཉིད་དགག་པ་ནི། མཚན་གཞི་འཐད་སོགས། གསུམ་པ་མཇུག་བསྡུ་བ་ནི། དེ་ཕྱིར་སོགས། གཉིས་པ་དངོས་མེད་གྲུབ་པ་དགག་པ་ལ་གཉིས། དངོས་ཀྱི་དོན་དང༌། རྩོད་པ་སྤང་བའོ། །དང་པོ་ནི། མཚན་གཞི་སོགས། གཉིས་པ་ནི། དངོས་དང་སོགས། གསུམ་པ་བཀག་པ་རྣམས་ཀྱི་མཇུག་བསྡུ་བ་ནི། དེ་ཕྱིར་ནམ་མཁའ་སོགས་ནས་མ་ཡིན་ཞེས། གཉིས་པ་རིགས་པ་དེ་ཁམས་ལྷག་མ་བཞི་ལའང་སྦྱར་བ་ནི། ཁམས་ལྔ་སོགས་ནས་ནམ་མཁའ་མཚུངས་ཞེས་པས་བསྟན། གཉིས་པ་ཡོད་མེད་ཀྱི་མཐར་ལྟ་སྤང་བ་ནི། བློ་ཆུང་མང་སོགས། རབ་དབྱེ་ལྔ་པའོ། ༈ །གཉིས་པ་དེ་ལ་བདག་ཡོད་པའི་སྒྲུབ་བྱེད་དགག་པ་ལ་གསུམ། བརྟེན་པ་ཀུན་ནས་ཉོན་མོངས་ཡོད་པ་དགག་པ་མཚན་ཉིད་སྐྱེ་འཇིག་གནས་པ་ཡོད་པ་དགག་པ། ལས་དང་བྱེད་པ་པོ་ཡོད་པ་དགག་པའོ། །དང་པོ་ལ་གསུམ། འདོད་ཆགས་དང་ཆགས་པ་རང་བཞིན་གྱིས་ཡོད་པ་དགག་པ། བཀག་པ་རྣམས་ཀྱི་མཇུག་བསྡུ་བ། རིགས་པ་དེ་གཞན་ལ་སྦྱར་བའོ། །དང་པོ་ལ་གཉིས། སྔ་ཕྱི་འབྱུང་བ་དགག་པ། ལྷན་ཅིག་ཏུ་འབྱུང་བ་དགག་པའོ། །དང་པོ་ལ་གཉིས།

― ZP02_Page_051 ―

^{[མ་དཔེ་གཟིགས་ན་འདིར་གནོན།]}

[Full Size]

འདོད་ཆགས་ཀྱི་སྔ་རོལ་ན་ཆགས་པ་ཡོད་མེད་དགག་པ། ཆགས་པའི་སྔ་རོལ་ན་འདོད་ཆགས་ཡོད་མེད་དགག་པའོ། །དང་པོ་ནི། གལ་ཏེ་འདོད་སོགས། གཉིས་པ་ནི། ཆགས་པ་སོགས། གཉིས་པ་ལྷན་ཅིག་ཏུ་འབྱུང་བ་དགག་པ་ལ་གཉིས། ལྟོས་པ་མེད་པའི་ལྷན་ཅིག་དགག་པ། གཅིག་ཐ་དད་ལ་ལྷན་ཅིག་དགག་པའོ། །དང་པོ་ནི། འདོད་ཆགས་སོགས། གཉིས་པ་ལ་གཉིས། གཅིག་དང་ཐ་དད་ལ་ལྷན་ཅིག་སྤྱིར་དགག །ཐ་དད་པ་ལྷན་ཅིག་བྱེ་བྲག་ཏུ་དགག་པའོ། །དང་པོ་ནི། གཅིག་ཉིད་སོགས། གཉིས་པ་ལ་གསུམ། ཐ་དད་དུ་མ་གྲུབ་པས་ལྷན་ཅིག་མི་འགྲུབ་པ་ཐ་དད་དུ་འགྲུབ་ན་ལྷན་ཅིག་དགོས་པ་མེད་པ། ཐ་དད་ལྷན་ཅིག་ལ་ལྟོས་ན་ཕན་ཚུན་བརྟེན་པར་བསྟན་པའོ། །དང་པོ་ནི། གལ་ཏེ་སོགས། གཉིས་པ་ནི་གལ་ཏེ་འདོད་སོགས། གསུམ་པ་ནི། ཐ་དད་སོགས། གཉིས་པ་བཀག་པ་རྣམས་ཀྱི་མཇུག་བསྡུ་བ་ནི། དེ་ལྟར་སོགས། གསུམ་པ་རིགས་པ་དེ་གཞན་ལ་སྦྱར་བ་ནི་འདོད་ཆགས་སོགས། རབ་བྱེད་དྲུག་པའོ། ༈ །གཉིས་པ་མཚན་ཉིད་སྐྱེ་གནས་འཇིག་པ་དགག་པ་ལ་གསུམ། ལུས་རང་བཞིན་གྱིས་གྲུབ་པ་དགག་པ། དེས་འདུས་མ་བྱས་རང་བཞིན་གྱིས་གྲུབ་པ་ཁེག་པར་བསྟན་པ། དེ་ལྟར་བཀག་པ་ལ་ལུང་འགལ་སྤང་བའོ། །དང་པོ་ལ་གཉིས། སྤྱིའི་མཚན་ཉིད་དགག་པ། ཁྱད་པར་གྱི་མཚན་ཉིད་དགག་པའོ། །དང་པོ་ལ་གཉིས། མཚན་ཉིད་གསུམ་ཐུན་མོངས་དུ་དགག་པ། སོ་སོར་དགག་པའོ། །དང་པོ་ལ་གསུམ། འདུས་བྱས་ཡིན་མིན་བརྟགས་ནས་དགག་པ།

― ZP02_Page_052 ―

^{[མ་དཔེ་གཟིགས་ན་འདིར་གནོན།]}

[Full Size]

རེ་རེ་བ་ཚོགས་པ་གང་ཡིན་པ་བརྟགས་ནས་དགག་པ། མཚན་གཞི་ཡོད་མེད་བརྟགས་ནས་དགག་པའོ། །དང་པོ་ནི། གལ་ཏེ་སྐྱེ་སོགས། གཉིས་པ་ནི་སྐྱེ་བ་སོགས། གསུམ་པ་ལ་གཉིས། ཐལ་བ་དགོད་པ། སྐྱོན་སྤོང་གྱི་ལན་དགག་པའོ། །དང་པོ་ནི་སྐྱེ་དང་སོགས། གཉིས་པ་ལ་གཉིས། ཐལ་བ་དང་པོའི་སྐྱོན་སྤོང་གི་ལན་དགག་པ། ཐལ་བ་གཉིས་པའི་སྐྱོན་སྤོང་གི་ལན་དགག་པའོ། །དང་པོ་ལ་གཉིས། སྐྱོན་སྤོང་བརྗོད། དེ་དགག་པའོ། །དང་པོ་ནི། སྐྱེ་པའི་སྐྱེ་སོགས་གཉིས་པ་ནི། གལ་ཏེ་ཁྱོད་སོགས། གཉིས་པ་ལ་གཉིས། སྐྱོན་སྤོང་བརྗོད། དེ་དགག་པའོ། །དང་པོ་ནི། ཇི་ལྟར་སོགས། གཉིས་པ་ལ་གཉིས། དཔེ་དགག་པ། དོན་དགག་པའོ། །དང་པོ་ལ་གཉིས། དམ་བཅའ་བ་ལ་གནོད་པ་བརྗོད་པས་དགག་པ་གཏན་ཚིག་ལ་མ་ངེས་པར་བསྟན་པས་དགག་པའོ། །དང་པོ་ནི། མར་མེ་སོགས། གཉིས་པ་ནི། མར་མེ་རང་སོགས། གཉིས་པ་དོན་དགག་པ་ནི། སྐྱེ་བ་སོགས། གཉིས་པ་མཚན་ཉིད་སོ་སོར་དགག་པ་ལ་གསུམ། སྐྱེ་བ་རང་བཞིན་གྱིས་གྲུབ་པར་དགག་པ། གནས་པ་རང་བཞིན་གྱིས་གྲུབ་པ་དགག་པ། འཇིག་པ་རང་བཞིན་གྱིས་གྲུབ་པ་དགག་པའོ། །དང་པོ་ལ་གསུམ། བསྐྱེད་བྱ་ལ་དུས་གསུམ་དུ་དཔྱད་ནས་དགག་པ། ཡོད་མེད་གསུམ་དུ་དཔྱད་ནས་དགག་པ། འགག་བཞིན་ཡིན་མིན་གཉིས་སུ་དཔྱད་ནས་དགག་པའོ། །དང་པོ་ལ་གསུམ། ཐུན་མོངས་དང་བྱེ་བྲག་ཏུ་དགག་པ། བཀག་པ་ལ་རྩོད་པ་སྲང་བ། སྐྱེ་བཞིན་པ་ཁས་བླངས་ནས་ཀྱང་དགག་པའོ། །དང་པོ་ལ་གཉིས། དུས་གསུམ་གྱི་སྐྱེ་བ་ཐུན་མོངས་དུ་དགག་པ། སྐྱེ་བཞིན་པ་ལ་བྱེ་བྲག་ཏུ་དགག་པའོ། །

― ZP02_Page_053 ―

^{[མ་དཔེ་གཟིགས་ན་འདིར་གནོན།]}

[Full Size]

དང་པོ་ནི་སྐྱེས་དང་སོགས། གཉིས་པ་ནི་གང་ཚེ་སོགས། གཉིས་པ་བཀག་པ་ལ་རྩོད་པ་སྤང་བ་ལ་གཉིས། དུས་གསུམ་པའི་སྐྱེ་བའི་བཀག་པ་ལ་རྩོད་པ་སྤང་བ། སྐྱེས་བཞིན་པ་ལ་སྐྱེ་བ་བཀག་པ་ལ་རྩོད་པ་སྤང་བའོ། །དང་པོ་ནི། རྟེན་ཅིང་སོགས། གཉིས་པ་ནི། གལ་ཏེ་དངོས་སོགས། གསུམ་པ་སྐྱེ་བཞིན་པ་ཁས་བླངས་ནས་ཀྱང་དགག་པ་ནི། གལ་ཏེ་སྐྱེ་སོགས། གཉིས་པ་ཡོད་མེད་གསུམ་དུ་དཔྱད་ནས་དགག་པ་ནི། རེ་ཞིག་སོགས། གསུམ་པ་འགག་བཞིན་པ་ཡིན་མིན་གཉིས་སུ་དཔྱད་ནས་དགག་པ་ནི། དངོས་པོ་འགག་པ་སོགས། གཉིས་པ་གནས་པ་རང་བཞིན་གྱིས་གྲུབ་པ་དགག་པ་ལ་གསུམ། ལས་ལ་དུས་གསུམ་དུ་དཔྱད་ནས་དགག་པ། འགག་བཞིན་པ་ཡིན་མིན་ལ་དཔྱད་ནས་དགག་པ། གནས་བྱེད་གཞན་ཡོད་མེད་དཔྱད་ནས་དགག་པའོ། །དང་པོ་ནི། དངོས་པོ་གནས་སོགས། གཉིས་པ་ནི། དངོས་པོ་འགག་སོགས། གསུམ་པ་ནི། གནས་པ་གནས་སོགས། གསུམ་པ་འཇིག་པ་རང་བཞིན་གྱིས་གྲུབ་པ་དགག་པ་ལ་ལྔ། དུས་གསུམ་ལ་བརྟགས་ནས་དགག་པ། གནས་དང་ཡིན་མིན་ལ་བརྟགས་ནས་དགག་པ། གནས་སྐབས་རང་གཞན་ལ་བརྟགས་ནས་དགག་པ། དངོས་པོ་ཡོད་མེད་ལ་བརྟགས་ནས་དགག་པ། འཇིག་བྱེད་ཡོད་མེད་ལ་བརྟགས་ནས་དགག་པའོ། །དང་པོ་ནི། འགག་པོ་སོགས། གཉིས་པ་ནི། རེ་ཞིག་དངོས་པོ་སོགས། གསུམ་པ་ལ་གཉིས། དངོས་ཀྱི་དོན་དང༌། རྩོད་པ་སྤང་པའོ། །དང་པོ་ནི། གནས་སྐབས་སོགས། གཉིས་པ་ནི། གང་ཚེ་སོགས། བཞི་པ་དངོས་པོ་ཡོད་མེད་ལ་བརྟགས་ནས་དགག་པ་ནི། རེ་ཞིག་

― ZP02_Page_054 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས། ལྔ་པ་འཇིག་བྱེད་ཡོད་མེད་ལ་བརྟགས་ནས་དགག་པ་ནི། འགག་པ་རང་སོགས། གཉིས་པ་ཁྱད་པར་གྱི་མཚན་ཉིད་དགག་པ་ནི། སྐྱེ་དང་སོགས། གཉིས་པ་དེས་འདུས་མ་བྱས་རང་བཞིན་གྱིས་གྲུབ་པ་ཡང་ཁེག་པར་བསྟན་པ་ནི། འདུས་བྱས་སོགས། གསུམ་པ་དེ་ལྟར་བཀག་པ་ལུང་དང་འགལ་བ་སྤང་བ་ནི། རྨི་ལམ་སོགས། རབ་བྱེད་བདུན་པའོ། ༈ །གསུམ་པ་ལས་དང་བྱེད་པ་པོ་ཡོད་མེད་དགག་པ་ལ་གསུམ་ལས་དང་པོ་བྱེད་པ་པོ་ངོ་བོ་ཉིད་ཀྱིས་གྲུབ་པ་དགག་པ། ཐ་སྙད་དུ་ལས་དང་བྱེད་པ་པོ་འཇོག་པའི་ཚུལ། །རིགས་པ་དེ་གཞན་ལ་ཡང་སྦྱར་བའོ། །དང་པོ་ལ་གཉིས། ཕྱོགས་མཐུན་བྱ་བྱེད་ངོ་བོ་ཉིད་ཀྱིས་གྲུབ་པ་དགག་པ། ཕྱོགས་མི་མཐུན་གྱི་བྱ་བྱེད་ངོ་བོ་ཉིད་ཀྱིས་གྲུབ་པ་དགག་པའོ། །དང་པོ་ལ་གཉིས་མུ་དང་པོ་གཉིས་ཀྱི་བྱ་བྱེད་དགག་པ། མུ་གསུམ་པའི་བྱ་བྱེད་དགག་པའོ། །དང་པོ་ལ་གཉིས། དམ་བཅའ་བཞག་པ། སྒྲུབ་བྱེད་བསྟན་པའོ། །དང་པོ་ནི། བྱེད་པ་པོ་སོགས། གཉིས་པ་ལ་གཉིས། དམ་བཅའ་དང་པོའི་སྒྲུབ་བྱེད། དམ་བཅའ་གཉིས་པའི་སྒྲུབ་བྱེད་དོ། །དང་པོ་ལ་གཉིས། སུས་ཀྱང་མ་བྱས་པའི་ལས་ཡོད་པར་ཐལ་པའི་དགག་པ། ཅི་ཡང་མི་བྱེད་པའི་བྱེད་པ་ཡོད་པར་ཐལ་བའི་དགག་པའོ། །དང་པོ་ནི། ཡིན་པར་སོགས། གཉིས་པ་མིན་པར་སོགས༌། གཉིས་པ་དམ་བཅའ་གཉིས་པའི་སྒྲུབ་བྱེད་བསྟན་པ་ལ་གཉིས། རྒྱུ་མེད་དུ་ཐལ་བ་དགག་པ། དེ་འདོད་པ་ལ་གནོད་པ་བརྗོད་པའོ། །དང་པོ་ནི། གལ་ཏེ་བྱེད་སོགས། གཉིས་པ་ནི། རྒྱུ་མེད་སོགས། གཉིས་པ་མུ་གསུམ་པའི་བྱ་བྱེད་དགག་པ་ནི། བྱེད་པ་པོར་སོགས། གཉིས་པ་ཕྱོགས་མི་མཐུན་གྱི་བྱ་བྱེད་ངོ་བོ་ཉིད་ཀྱིས་གྲུབ་

― ZP02_Page_055 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དགག་པ་ལ་གཉིས། བྱེད་པ་པོ་རེ་རེས་ལས་ཕྱོགས་མི་མཐུན་པ་རེ་རེ་བྱེད་པ་དགག་པ། ལས་ཕྱོགས་མི་མཐུན་པ་གཉིས་གཉིས་བྱེད་པ་དགག་པའོ། །དང་པོ་ནི། །བྱེད་པ་པོར་སོགས། གཉིས་པ་ནི། བྱེད་པ་པོར་སོགས། གཉིས་པ་ལས་དང་བྱེད་པོ་འཇོག་པའི་ཚུལ་ནི། བྱེད་པ་པོ་སོགས། གསུམ་པ་རིགས་པ་དེ་གཞན་ལའང་སྦྱར་བ་ནི། དེ་བཞིན་སོགས། རབ་བྱེད་བརྒྱད་པའོ། ༈ །གཉིས་པ་གང་ཟག་གི་བདག་མེད་བཤད་པ་ལ་གཉིས། གང་ཟག་རང་བཞིན་གྱིས་གྲུབ་པ་དགག་པ། གང་ཟག་རང་བཞིན་གྱིས་ཡོད་པའི་སྒྲུབ་བྱེད་དགག་པའོ། །དང་པོ་ལ་གཉིས་ཕྱོགས་སྔ་མ་བརྗོད་པ་དང༌། དེ་སུན་དབྱུང་བའོ། །དང་པོ་ནི། ལྟ་དང་སོགས། གཉིས་པ་ལ་གསུམ། ཉེ་བར་ལེན་པ་ངོ་བོ་ཉིད་ཀྱིས་ཡོད་པ་དགག་པ། དེས་ཉེ་བར་བླང་བྱ་མིང་ངོ་བོ་ཉིད་ཀྱིས་ཡོད་པ་ཁེགས་པར་བསྟན་པ། ཉེ་བར་ལེན་པ་ངོ་བོ་ཉིད་ཀྱིས་མེད་པ་ལ་རྩོད་པ་སྤང་བའོ། །དང་པོ་ལ་གསུམ། ལེན་པ་པོ་བླང་བྱ་ཐམས་ཅད་ཀྱི་སྔ་རོལ་ན་ཡོད་པ་དགག་པ། བླང་བྱ་རེ་རེའི་སྔ་རོལ་ན་ཡོད་པ་དགག་པ། བླང་བྱ་ཐམས་ཅད་ཀྱི་སྔ་རོལ་ན་ཡོད་པ་དགག་པའོ། །དང་པོ་ལ་གཉིས། བླང་བྱ་ལས་སྔ་ན་ལེན་པ་པོར་གདགས་པའི་རྒྱུ་མེད་པར་དགག་པ། ལེན་པ་པོའི་སྔོན་བླང་བྱ་ལ་གནས་པའི་རྟེན་མེད་པས་དགག་པའོ། །དང་པོ་ནི། ལྟ་དང་ཉན་དང་སོགས། གཉིས་པ་ནི། ལྟ་བ་ལ་སོགས། གཉིས་པ་བླང་བྱ་རེ་རེའི་སྔ་རོལ་ན་ཡོད་པ་དགག་པ་ལ་གཉིས། ཕྱོགས་སྔ་མ་བརྗོད་པ། དེ་སུན་དབྱུང་བའོ། །དང་པོ་ནི། ལྟ་དང་སོགས། གཉིས་པ་ལ་གསུམ། ཉེ་བར་ལེན་པ་པོ་ངོ་བོ་ཉིད་ཀྱིས་ཡོད་པ་དགག་པ། དེས་ཉེ་བར་ལེན་པ་པོ་ངོ་བོ་ཉིད་ཀྱིས་ཡོད་པ་ཁེགས་པར་བསྟན་པ། ཉེ་བར་ལེན་པ་པོ་ངོ་བོ་ཉིད་ཀྱིས་མེད་པ་ལ་རྩོད་པ་སྤང་བའོ། །དང་པོ་ལ་གསུམ་ལེན་པ་པོ་བླང་བྱ་ཐམས་ཅད་ཀྱི་སྔ་རོལ་ན་ཡོད་པ་དགག་པ། བླང་བྱ་རེ་རེའི་སྔ་རོལ་ན་ཡོད་པ་དགག་

― ZP02_Page_056 ―

^{[མ་དཔེ་གཟིགས་ན་འདིར་གནོན།]}

[Full Size]

པ། བླང་བྱ་ཐམས་ཅད་ཀྱི་སྔ་རོལ་ན་ཡོད་པའི་སྒྲུབ་བྱེད་དགག་པའོ། །དང་པོ་ལ་གཉིས་བླང་བྱ་ལས་སྔ་ན་ལེན་པ་པོར་གདགས་པའི་སྒྱུ་མེད་པས་དགག་པ། ལེན་པ་པོའི་སྔོན་བླང་བྱ་ལ་གནས་པའི་རྟེན་མེད་པས་དགག་པའོ། །དང་པོ་ནི། ལྟ་དང་ཉན་སོགས། གཉིས་པ་ནི། ལྟ་བ་ལ་སོགས། གཉིས་པ་བླང་བྱ་རེ་རེའི་སྔ་རཽལ་ན་ཡོད་པ་དགག་པ་ལ་གཉིས། ཕྱོགས་སྔ་བརྗོད་པ། དེ་སུན་དབྱུང་བའོ། །དང་པོ་ནི། ལྟ་ལ་སོགས། གཉིས་པ་ནི། ལྟ་ལ་སོགས། གསུམ་པ་བླང་བྱ་ཐམས་ཅད་ཀྱི་སྔ་རོལ་ན་ཡོད་པའི་སྒྲུབ་བྱེད་དགག་པ་ནི། ལྟ་དང་སོགས། གཉིས་པ་དེས་ཉེ་བར་བླང་བྱ་ཡང་ངོ་བོས་ཡོད་པ་ཁེགས་པར་བསྟན་པ་ནི། ལྟ་དང་སོགས། གསུམ་པ་ཉེ་བར་ལེན་པ་པོ་ངོ་བོ་ཉིད་ཀྱིས་མེད་པ་རྩོད་པ་སྤང་བ་ནི། གང་ཞིག་སོགས། རབ་བྱེད་དགུ་པའོ། ༈ །གཉིས་པ་གང་ཟག་རང་བཞིན་གྱིས་གྲུབ་པ་ཡོད་པའི་སྒྲུབ་བྱེད་དགག་པ་ལ་གཉིས། །སྒྲུབ་བྱེད་ཀྱིས་དཔེ་དགག་པ་སྒྲུབ་བྱེད་ཀྱི་གཏན་ཚིག་དགག་པའོ། །དང་པོ་ལ་གསུམ་མེ་དང་བུད་ཤིང་ངོ་བོ་ཉིད་ཀྱིས་ཡོད་པར་དགག་པ། རིགས་པ་དེ་གཞན་ལ་ཡང་སྦྱར་བ། བཀག་པའི་དོན་དུ་བལྟ་བ་སྨད་པའོ། །དང་པོ་ལ་གསུམ་སྔར་མ་བཤད་པའི་རིགས་པས་དགག་པ། སྔར་བཤད་པའི་རིགས་པས་དགག་པ། དེ་དག་གི་མཇུག་བསྡུ་བའོ། །དང་པོ་ལ་གཉིས། རང་བཞིན་གཅིག་པ་དགག་པ། རང་བཞིན་ཐ་དད་པ་དགག་པའོ། །དང་པོ་ནི། བུད་ཤིང་སོགས། གཉིས་པ་ལ་གཉིས། རང་བཞིན་ཐ་དད་པའི་སྒྲུབ་བྱ་དགག་པ། རང་བཞིན་ཐ་དད་པའི་སྒྲུབ་བྱེད་དགག་པའོ། །དང་པོ་ལ་གཉིས། རང་བཞིན་གྱིས་ཐ་དད་ན་ཤིང་ལ་མི་ལྟོས་པ་དང༌། རང་བཞིན་གྱིས་ཐ་དད་ན་མེ་ཤིང་དང་མི་འཕྲད་པར་འགྱུར་བའོ། །དང་པོ་ལ་གཉིས། དགག་པ་དངོས་དང༌། མ་ངེས་པ་སྤང་བའོ། །དང་པོ་ལ་གཉིས། ཤིང་མེད་བཞིན་ཏུ་འབྱུང་བ་དང༌། རྟག་ཏུ་འབར་བ་སོགས་སུ་འགྱུར་བའོ། །དང་པོ་ནི། གལ་ཏེ་ཤིང་སོགས། གཉིས་པ་ནི། རྟག་ཏུ་འབར་སོགས། གཉིས་པ་མ་ངེས་པ་སྤང་བ་ནི། དེ་ལ་

― ZP02_Page_057 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས། གཉིས་པ་རང་བཞིན་གྱིས་ཐ་དད་ན་ཤིང་དང་མི་འཕྲད་པར་འགྱུར་བ་ལ་གཉིས། དངོས་ཀྱི་དོན་དང༌། མ་ངེས་པ་སྤང་བའོ། །དང་པོ་ནི། གཞན་ཕྱིར་སོགས། གཉིས་པ་ནི། ཇི་ལྟར་སོགས། གཉིས་པ་རང་བཞིན་ཐ་དད་པའི་སྒྲུབ་བྱེད་དགག་པ་ལ་གཉིས། ལྟོས་པའི་སྒྲུབ་བྱེད་དགག་པ། མངོན་སུམ་དུ་མཐོང་བའི་སྒྲུབ་བྱེད་དགག་པའོ། །དང་པོ་ལ་གསུམ། དུས་གསུམ་དུ་དཔྱད་ནས་ལྟོས་པ་དགག་པ། ལྟོས་ཆོས་ཡོད་མེད་ལ་དཔྱད་ནས་ལྟོས་པ་དགག་པ། ལྟོས་མི་ལྟོས་གཉིས་ཀ་དགག་པའོ། །དང་པོ་ལ་གཉིས། དུས་སྔ་ཕྱི་ལ་དགག་པ། དུས་མཉམ་པ་ལ་ལྟོས་པ་དགག་པའོ། །དང་པོ་ནི། གལ་ཏེ་ཤིང་སོགས། གཉིས་པ་ནི། གལ་ཏེ་དངོས་པོ་གང་སོགས། གཉིས་པ་ལྟོས་ཆོས་ཡོད་མེད་ལ་དཔྱད་ནས་ལྟོས་པ་དགག་པ་ནི། དངོས་པོ་སོགས། གསུམ་པ་ལྟོས་ན་ལྟོས་གཉིས་ཀ་དགག་པ་ནི། ཤིང་མེ་སོགས། གཉིས་པ་མངོན་སུམ་དུ་མཐོང་བའི་སྒྲུབ་བྱེད་དགག་པ་ནི་མེ་ནི་སོགས། གཉིས་པ་སྔར་བཤད་པའི་རིགས་པས་དགག་པ་ནི། དེ་བཞིན་སོགས། གསུམ་པ་དེ་དག་གི་མཇུག་བསྡུ་བ་ནི། ཤིང་ཉིད་སོགས། གཉིས་པ་རིགས་པ་དེ་གཞན་ལ་སྦྱར་བ་ནི། མེ་དང་སོགས། གསུམ་པ་བཀག་པའི་དོན་དུ་བལྟ་བ་སྨད་པ་ནི། གང་དག་སོགས། རབ་བྱེད་བཅུ་པའོ། ༈ །གཉིས་པ་གང་ཟག་རང་བཞིན་གྱིས་ཡོད་པའི་སྒྲུབ་བྱེད་ཀྱི་གཏན་ཚིག་དགག་པ་ལ་གཉིས་སྐྱེ་འཆིའི་བྱ་བ་ཡོད་པའི་གཏན་ཚིག་དགག་པ། བརྟེན་པ་སྡུག་བསྔལ་ཡོད་པའི་གཏན་ཚིག་དགག་པའོ། །དང་པོ་ལ་གཉིས། འཁོར་བ་ལ་ཐོག་མཐའ་བར་གསུམ་གྱི་ཆ་དགག་པ། སྐྱེ་འཆི་བ་རུས་སྔ་ཕྱི་དང་ལྷན་ཅིག་པ་དགག་པའོ། །དང་པོ་ནི། སྔོན་མཐའ་སོགས། གཉིས་པ་ལ་གསུམ།

― ZP02_Page_058 ―

^{[མ་དཔེ་གཟིགས་ན་འདིར་གནོན།]}

[Full Size]

མདོར་བསྟན། །རྒྱས་པར་བཤད། དོན་བསྡུ་བའོ། །དང་པོ་ནི། དེ་ཕྱིར་སོགས། གཉིས་པ་ལ་གཉིས། སྔ་ཕྱི་དགག་པ། དུས་མཉམ་པ་དགག་པའོ། དང་པོ་ལ་གཉིས། སྐྱེ་བསྔ་བ་དགག་པ། རྒ་ཤི་སྔ་བ་དགག་པའོ། །དང་པོ་ནི། གལ་ཏེ་སྐྱེ་སོགས། གཉིས་པ་ནི། གལ་ཏེ་སྐྱེ་སོགས། གཉིས་པ་དུས་མཉམ་པ་དགག་པ་ནི། སྐྱེ་བ་དང་སོགས། གསུམ་པ་དོན་བསྡུ་བ་ནི། གང་ལ་སོགས། གཉིས་པ་རིགས་པ་དེ་གཞན་ལ་སྦྱར་བ་ནི། འཁོར་བ་སོགས། རབ་བྱེད་བཅུ་གཅིག་པའོ། ༈ །གཉིས་པ་བརྟེན་སྡུག་བསྔལ་ཡོད་པའི་གཏན་ཚིག་དགག་པ་ལ་གཉིས། སྡུག་བསྔལ་ངོ་བོ་ཉིད་ཀྱིས་ཡོད་པ་དགག་པ། རིགས་པ་དེ་ཆོས་གཞན་ལ་ཡང་སྦྱར་བའོ། །དང་པོ་ལ་གཉིས། དམ་བཅའ་བཞག་པ། སྒྲུབ་བྱེད་བསྟན་པའོ། །དང་པོ་ནི། ཁ་ཅིག་སོགས། གཉིས་པ་ལ་གཉིས། སྡུག་བསྔལ་རང་གཞན་རེ་རེ་བས་བྱས་པ་དགག་པ། གཉིས་ཀ་ཚོགས་པས་བྱས་པ་དང་རྒྱུ་མེད་དུ་སྨྲ་བ་དགག་པའོ། །དང་པོ་ལ་གཉིས། སྡུག་བསྔལ་ལ་ལྟོས་ཏེ་རང་གཞན་རེ་རེ་བས་བྱས་པ་དགག་པ། གང་ཟག་ལ་ལྟོས་ཏེ་རང་གཞན་རེ་རེ་བས་བྱས་པ་དགག་པ། རང་གཞན་རེ་རེ་བསམ་བྱས་པའི་སྒྲུབ་བྱེད་གཞན་བསྟན་པའོ། ༈ །དང་པོ་ལ་གཉིས་སྡུག་བསྔལ་ལ་ལྟོས་ཏེ་རང་གིས་བྱས་པ། སྡུག་བསྔལ་ལ་ལྟོས་ཏེ་གཞན་གྱིས་བྱས་པ་དགག་པའོ། །དང་པོ་ནི། གལ་ཏེ་སོགས། གཉིས་པ་ནི། གལ་ཏེ་འདི་སོགས། གཉིས་པ་གང་ཟག་ལ་ལྟོས་ཏེ་རེ་རེ་བས་བྱས་པ་དགག་པ་ལ་གཉིས། གང་ཟག་རང་གིས་བྱས་པ་དགག་པ། གང་ཟག་གཞན་གྱིས་བྱས་པ་དགག་པའོ། །དང་པོ་ནི། གལ་ཏེ་གང་སོགས། གསུམ་པ་རང་གཞན་རེ་རེ་བས་བྱས་པའི་སྒྲུབ་བྱེད་གཞན་བསྟན་པ་ནི། རེ་ཞིག་སོགས། གཉིས་པ་གཉིས་ཀ་ཚོགས་པས་བྱས་པ་དང་རྒྱུ་མེད་དུ་སྨྲ་བ་དགག་པ་ནི།

― ZP02_Page_059 ―

^{[མ་དཔེ་གཟིགས་ན་འདིར་གནོན།]}

[Full Size]

གལ་ཏེ་སོགས། གཉིས་པ་རིགས་པ་དེ་ཆོས་གཞན་ལ་སྦྱར་བ་ནི། སྡུག་བསྔལ་སོགས། རབ་བྱེད་བཅུ་གཉིས་པའོ། ༈ །གཉིས་པ་དངོས་པོ་ཙམ་གྱིས་རང་བཞིན་གྱིས་སྟོང་བར་བསྟན་པ་ལ་གཉིས། དངོས་པོ་རང་བཞིན་གྱིས་ཡོད་པ་དགག་པ། རང་བཞིན་གྱིས་ཡོད་པའི་སྒྲུབ་བྱེད་དགག་པའོ། །དང་པོ་ལ་གསུམ། གཞན་ལ་བྲགས་པའི་ལུང་གིས་རང་བཞིན་མེད་པར་བཤད་པ། དེ་ལྟར་བཤད་པའི་མི་འཐད་པའི་རྩོད་པ་སྤང་བ། ལུང་དེའི་དོན་རྣམ་པ་གཞན་དུ་འཆད་པ་དགག་པའོ། །དང་པོ་ནི། བཅོམ་ལྡན་སོགས། གཉིས་པ་ནི། གལ་ཏེ་སོགས། གསུམ་པ་ལ་གཉིས། ལུང་དོན་གཞན་དུ་འཆད་ཚུལ་བསྟན་པ། དེ་ལྟར་འཆད་པའི་སྒྲུབ་བྱེད་དགག་པའོ། །དང་པོ་ནི། དངོས་རྣམས་སོགས། གཉིས་པ་ལ་གཉིས། གཞན་འགྱུར་རང་བཞིན་གྱིས་ཡོད་པའི་སྒྲུབ་བྱེད་དགག་པ། སྟོང་ཉིད་རང་བཞིན་གྱིས་ཡོད་པའི་སྒྲུབ་བྱེད་དགག་པའོ། །དང་པོ་ལ་གཉིས། རང་བཞིན་དང་གཞན་འགྱུར་གཉིས་འགལ་བ་དགག་པ། གཞན་འགྱུར་རང་བཞིན་གྱིས་ཡོད་པ་མི་སྲིད་པ་དགག་པའོ། །དང་པོ་ནི། གལ་ཏེ་སོགས། གཉིས་པ་ནི། དེ་ཉིད་སོགས། གཉིས་པ་སྟོང་ཉིད་རང་བཞིན་གྱིས་ཡོད་པའི་སྒྲུབ་བྱེད་དགག་པ་ལ་གཉིས། དངོས་ཀྱི་དོན་དང༌། དེ་ལ་ལུང་འགལ་སྤང་བའོ། །དང་པོ་ནི། གལ་ཏེ་སོགས། གཉིས་པ་ནི། རྒྱལ་བ་སོགས། རབ་བྱེད་བཅུ་གསུམ་པའོ། ༈ །གཉིས་པ་དངོས་པོ་རང་བཞིན་གྱིས་ཡོད་པའི་སྒྲུབ་བྱེད་དགག་པ་ལ་གསུམ། ཕྲད་པ་རང་བཞིན་གྱིས་ཡོད་པ་དགག་པ་རྒྱུ་རྐྱེན་བདག་གིར་བྱས་པ་རང་བཞིན་གྱིས་ཡོད་པ་དགག་པ། བཅིང་ཐར་རང་བཞིན་གྱིས་ཡོད་པ་དགག་པའོ། །དང་པོ་ལ་གཉིས། དམ་བཅའ་བཞག་པ་དང་སྒྲུབ་བྱེད་བསྟན་པའོ། །དང་པོ་ནི། བལྟ་བྱ་

― ZP02_Page_060 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས། གཉིས་པ་ལ་གཉིས། གཞན་རང་བཞིན་མེད་པས་འཕྲད་པ་དགག་པ། གཅིག་ཐ་དད་དཔྱད་ནས་ཕྲད་པ་དགག་པའོ། །དང་པོ་ལ་གསུམ། སྦྱོར་བ་དགོད་པ། ཚུལ་དེ་གཞན་ལ་སྦྱར་བ། གཏན་ཚིག་སྒྲུབ་པའོ། །དང་པོ་ནི། གཞན་དང་སོགས། གཉིས་པ་ནི། བལྟ་བྱ་སོགས། གསུམ་པ་ལ་གཉིས། རྟག་དགོད་པ། དེ་ལ་སྐྱོན་སྤང་བའོ། །དང་པོ་ནི། གཞན་ནི་སོགས། གཉིས་པ་ལ་གཉིས། མ་ངེས་པའི་སྐྱོན་སྤང་བ་དེ་ནི་སོགས། གཉིས་པ་དེའི་ཕྲད་བཞིན་པ་ལ་སོགས་ཁེགས་པར་བསྟན་པ་ནི། ཕྲད་བཞིན་སོགས། རབ་བྱེད་བཅུ་བཞི་པའོ། ༈ །གཉིས་པ་རྒྱུ་རྐྱེན་བདག་གིར་བྱེད་པ་རང་བཞིན་ཡོད་པ་དགག་པ་ལ་གཉིས། དངོས་པོ་རང་བཞིན་གྱིས་ཡོད་པ་དགག་པ། རང་བཞིན་གྱིས་ཡོད་པར་སྨྲ་བ་ན་མཐར་འཛིན་ལས་མི་འདའ་བར་བསྟན་པའོ། །དང་པོ་ལ་གཉིས། རང་བཞིན་གྱིས་ཡོད་པའི་སྒྲུབ་བྱེད་དགག་པ། རང་བཞིན་གྱིས་ཡོད་པ་ལ་གནོད་བྱེད་བསྟན་པའོ། །དང་པོ་ལ་གསུམ། དངོས་ཀྱི་དོན། དེས་མཐའ་གཞན་གསུམ་ཁེགས་པར་བསྟན་པ། དགག་པའི་དོན་དུ་ལྟ་བ་སྨད་པའོ། །དང་པོ་ལ་གཉིས། རང་བཞིན་ལ་རྒྱུ་རྐྱེན་མི་དགོས་ཤིང་འགལ་བ་བསྟན་པ། རང་ལུགས་ཀྱི་རང་བཞིན་མཚན་ཉིད་བསྟན་པའོ། །དང་པོ་ནི། རང་བཞིན་རྒྱུ་སོགས། གཉིས་པ་ནི། རང་བཞིན་དག་ནི་ས་སོགས། གཉིས་པ་དེས་མཐའ་གཞན་གསུམ་ཁེགས་པར་བསྟན་པ་ནི། རང་བཞིན་སོགས། གསུམ་པ་དགག་པའི་དོན་དུ་ལྟ་བ་སྨད་པ་ནི། གང་དག་སོགས། གཉིས་པ་རང་བཞིན་གྱིས་ཡོད་པ་ལ་གནོད་བྱེད་བསྟན་པ་ལ་གཉིས། ལུང་གི་གནོད་བྱེད་དང༌། རིགས་པའི་གནོད་བྱེད་དོ། །དང་པོ་ནི།

― ZP02_Page_061 ―

^{[མ་དཔེ་གཟིགས་ན་འདིར་གནོན།]}

[Full Size]

བཅོམ་ལྡན་སོགས། གཉིས་པ་ནི། གལ་ཏེ་སོགས། གཉིས་པ་རང་བཞིན་གྱིས་ཡོད་པར་སྨྲ་ན་མཐར་འཛིན་ལས་མི་འདའ་བར་བསྟན་པ་ནི། ཡོད་ཅེས་སོགས། རབ་བྱེད་བཅོ་ལྔ་པའོ། ༈ །གསུམ་པ་བཅིང་ཐར་རང་བཞིན་གྱིས་ཡོད་པ་དགག་པ་ལ་གཉིས། དངོས་ཀྱི་དོན། དེའི་སྒྲུབ་བྱེད་དགག་པའོ། །དང་པོ་ལ་གསུམ། འཁོར་འདས་རང་བཞིན་གྱིས་གྲུབ་པ་དགག་པ། བཅིང་ཐར་རང་བཞིན་གྱིས་གྲུབ་པ་དགག་པ། མྱང་འདས་ཀྱི་དོན་དུ་རྩོམ་པ་དོན་མེད་དུ་ཐལ་བ་སྤང་བའོ། །དང་པོ་ལ་གཉིས། འཁོར་བ་རང་བཞིན་གྱིས་གྲུབ་པ་དགག་པ། མྱང་འདས་རང་བཞིན་གྱིས་གྲུབ་པ་དགག་པའོ། །དང་པོ་ལ་གཉིས། བླང་བྱ་ཕུང་པོ་འཁོར་བ་དགག་པ། ལེན་པ་པོ་སེམས་ཅན་འཁོར་བ་དགག་པའོ། །དང་པོ་ལ་གཉིས། རྟག་པ་འཁོར་བ་དགག་པ། མི་རྟག་པ་འཁོར་བ་དགག་པའོ། །དང་པོ་ནི། གལ་ཏེ་སོགས། གཉིས་པ་ནི། མི་རྟགས་སོགས། གཉིས་པ་ལེན་པ་པོ་སེམས་ཅན་འཁོར་བ་དགག་པ་ལ་གཉིས། ཕུང་པོ་ལས་ཐ་དད་པའི་སེམས་ཅན་འཁོར་བ་དགག་པ། ཕུང་པོ་ལས་དེ་ཉིད་དང་གཞན་དུ་བརྗོད་དུ་མེད་པའི་གང་ཟག་འཁོར་བ་དགག་པའོ། །དང་པོ་ནི། སེམས་ཅན་སོགས། གཉིས་པ་ནི། གལ་ཏེ་སོགས། གཉིས་པ་མྱང་འདས་རང་བཞིན་གྱིས་གྲུབ་པ་དགག་པ་ནི། འདུ་བྱེད་སོགས། གཉིས་པ་བཅིང་ཐར་རང་བཞིན་གྱིས་གྲུབ་པ་དགག་པ་ལ་གཉིས། བཅིང་ཐར་རང་བཞིན་གྱིས་ཡོད་པ་ཐུན་མོང་དུ་དགག་པ། སོ་སོར་དགག་པའོ། །དང་པོ་ནི། སྐྱེ་འཇིག་སོགས། གཉིས་པ་ལ་གཉིས། བཅིང་པ་རང་བཞིན་གྱིས་ཡོད་པ་

― ZP02_Page_062 ―

^{[མ་དཔེ་གཟིགས་ན་འདིར་གནོན།]}

[Full Size]

དགག་པ། ཐར་པ་རང་བཞིན་གྱིས་ཡོད་པ་དགག་པའོ། །དང་པོ་ནི། གལ་ཏེ་སོགས། གཉིས་པ་ནི། རེ་ཞིག་སོགས། གསུམ་པ་མྱང་འདས་ཀྱི་དོན་དུ་རྩོམ་པ་དོན་མེད་དུ་ཐལ་བ་སྤང་བ་ནི། བདག་ནི་སོགས། རབ་བྱེད་བཅུ་དྲུག་པའོ། ༈ །གཉིས་པ་བཅིང་ཐར་རང་བཞིན་གྱིས་གྲུབ་པའི་སྒྲུབ་བྱེད་དགག་པ་ལ་གཉིས། རྩོད་པ་དང༌། ལན་ནོ། །དང་པོ་ལ་གཉིས། དགེ་མི་དགེའི་རྣམ་བཞག །དེ་ལ་རྟག་ཆད་སྤོང་ཚུལ་ལོ། །དང་པོ་ལ་གཉིས་སེམས་ཀྱི་དགེ་མི་དགེའི་རྣམ་བཞག །ལས་ཀྱི་རབ་ཏུ་དབྱེ་བའི་རྣམ་བཞག་གོ །དང་པོ་ནི། བདག་ཉིད་སོགས། །གཉིས་པ་ལ་གཉིས། མདོར་བསྟན་རྒྱས་པར་བཤད་པའོ། །དང་པོ་ནི། དྲང་སྲོང་སོགས། གཉིས་པ་ལ་གཉིས། ལས་གཉིས་པ་ལས་གསུམ་དུ་དབྱེ་བ། ལས་གསུམ་པ་ལས་བདུན་དུ་དབྱེ་བའོ། །དང་པོ་ནི། དེ་ལ་སོགས། གཉིས་པ་ནི། ངག་དང་སོགས། གཉིས་པ་དེ་ལ་རྟག་ཆད་སྤོང་ཚུལ་ལ་གཉིས། རྩོད་པ་དགོད་པ་དེ་སྤོང་བའི་ཚུལ་ལོ། །དང་པོ་ནི། གལ་ཏེ་སོགས། གཉིས་པ་ལ་གཉིས། རྒྱུ་ཁས་བླང་ནས་རྟག་ཆད་སྤོང་བ། ཆུད་མི་ཟ་བ་ཁས་བླང་ནས་རྟག་ཆད་སྤོང་བའོ། །དང་པོ་ལ་གཉིས། རྟག་ཆད་སྤོང་ཚུལ་དངོས། ལས་ལམ་བཅུ་འབྲས་བུ་དང་བཅས་པ་ངོས་གཟུང་བའོ། །དང་པོ་ལ་གཉིས། དཔེ་དགོད་པ། དོན་ལ་སྦྱར་བའོ། །དང་པོ་ནི། མྱུ་གུ་སོགས། གཉིས་པ་ནི། སེམས་ཀྱི་སོགས། གཉིས་པ་ལ་ས་ལམ་

― ZP02_Page_063 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུ་འབྲས་བུ་དང་བཅས་ངོས་བཟུང་བ་ནི། དཀར་པོའི་སོགས། གཉིས་པ་ཆུད་མི་ཟ་བ་ཁས་བླང་ནས་རྟག་ཆད་སྤོང་བ་ལ་གཉིས། སྡེ་བ་གཞན་གྱི་ལན་དགག་པའོ། །དང་པོ་ནི། གལ་ཏེ་སོགས། གཉིས་པ་ལ་གསུམ། མདོར་བསྟན་རྒྱས་བཤད། དོན་བསྡུས་ཏེ་རྟག་ཆད་སྤོང་བའོ། །དང་པོ་ནི་སངས་རྒྱས་སོགས། གཉིས་པ་ལ་བཞི་ཁམས་ཀྱི་དབྱེ་བ་དང་རང་བཞིན་སྤང་བྱ་གང་ཡིན་པ། སྐྱེ་བའི་ཚུལ། འགག་པའི་ཚུལ་ལོ། །དང་པོ་ནི། དེ་ནི་སོགས། གཉིས་པ་ནི་སྤོང་བའི་སོགས། གསུམ་པ་ནི་ཁམས་མཚུངས་སོགས། བཞི་པ་ནི་དེ་ནི་སོགས། གསུམ་པ་དོན་བསྡུས་ཏེ་རྟག་ཆད་སྤོང་བ་ནི། སྟོང་པ་སོགས། གཉིས་པ་ལན་པ་གསུམ། ལས་ལ་རང་བཞིན་མེད་པའི་རྟག་ཆད་མེད་པ། ལས་ལ་རང་བཞིན་ཡོད་པ་དགག་པ། རང་བཞིན་མེད་པས་བྱ་བ་བྱེད་པ་དཔེས་བསྟན་པའོ། །དང་པོ་ནི། གང་ཕྱིར་སོགས། གཉིས་པ་ལ་གཉིས། རང་བཞིན་གྱིས་ཡོད་པ་ལ་གནོད་བྱེད་དགོད་པ། རང་བཞིན་གྱིས་ཡོད་པའི་སྒྲུབ་བྱེད་དགག་པའོ། །དང་པོ་ལ་གཉིས། རྟག་ཅིང་མ་བྱས་པར་ཐལ་བ་རྣམ་སྨིན་ཐུག་མེད་དུ་འབྱིན་པར་ཐལ་པའོ། །དང་པོ་ལ་གཉིས། ཐལ་བ་དངོས་དང༌། དེ་འདོད་པ་ལ་གནོད་པ་བརྗོད་པའོ། །དང་པོ་ནི། གལ་ཏེ་སོགས། གཉིས་པ་ལ་གཉིས། བསྟན་བཅོས་དང་འགལ་པ། འཇིག་རྟེན་གྱིས་གྲགས་པ་དང་འགལ་བའོ། །དང་པོ་ནི། ཅི་སྟེ་སོགས། གཉིས་པ་ནི། ཐ་སྙད་སོགས། གཉིས་པ་རྣམ་སྨིན་ཐུག་མེད་དུ་འབྱིན་པར་ཐལ་བ་ནི། དེ་ནི་སོགས། གཉིས་པ་རང་བཞིན་གྱིས་ཡོད་པའི་སྒྲུབ་བྱེད་དགག་པ་ལ་གསུམ། ལས་རང་བཞིན་གྱིས་ཡོད་པའི་སྒྲུབ་བྱེད་

― ZP02_Page_064 ―

^{[མ་དཔེ་གཟིགས་ན་འདིར་གནོན།]}

[Full Size]

དགག་པ། ལས་དང་ཉོན་མོངས་པ་གཉིས་ཀ་རང་བཞིན་ཡོད་པའི་སྒྲུབ་བྱེད་དགག་པ། ལས་རང་བཞིན་གྱིས་ཡོད་པའི་སྒྲུབ་བྱེད་གཞན་དགག་པའོ། །དང་པོ་ནི། ལས་འདི་སོགས། གཉིས་པ་ནི། ལས་དང་སོགས། གསུམ་པ་ནི། མ་རིག་སོགས། གསུམ་པ་རང་བཞིན་མེད་པའི་བྱ་བ་བྱེད་པ་བསྟན་པ་ནི། ཇི་ལྟར་སོགས། རབ་བྱེད་བཅུ་བདུན་པའོ། ༈ །གསུམ་པ་བདག་མེད་དམ་པའི་དེ་ཁོ་ན་ཉིད་ལ་འཇུག་པའི་ཚུལ་ལ་ལྔ། དེ་ཁོ་ན་ཉིད་ལ་འཇུག་པའི་ཚུལ། དེ་ལ་ལུང་འགལ་སྤང་བ། དེ་ཁོ་ན་ཉིད་ལ་དཀྲི་བའི་རིམ་པ། དེ་ཁོ་ན་ཉིད་ཀྱི་མཚན་ཉིད། དོན་དེ་ངེས་པར་བསྒྲུབ་དགོས་པར་བསྟན་པའོ། །དང་པོ་ལ་གཉིས་དེ་ཁོ་ན་ཉིད་ཀྱི་ལྟ་བ་གཏན་ལ་དབབ་པ། དེ་བསྒོམ་པའི་ཉེས་སྤྱོད་ལྡོག་པའི་རིམ་པའོ། །དང་པོ་ལ་གཉིས། བདག་ངོ་བོ་ཉིད་ཀྱིས་གྲུབ་པ་དགག་པ། དེས་བདག་གི་པ་ངོ་བོ་ཉིད་ཀྱིས་གྲུབ་པ་ཡང་ཁེག་པར་བསྟན་པའོ། །དང་པོ་ལ་གཉིས། བདག་དང་ཕུང་པོ་རང་བཞིན་གཅིག་པ་དགག་པ། བདག་དང་ཕུང་པོ་རང་བཞིན་ཐ་དད་པ་དགག་པའོ། །དང་པོ་ནི། གལ་ཏེ་སོགས། གཉིས་པ་ནི། གལ་ཏེ་སོགས། གཉིས་པ་དེས་བདག་གི་བ་ངོ་བོ་ཉིད་ཀྱིས་གྲུབ་པ་ཁེགས་པར་བསྟན་པ་ནི། བདག་ཉིད་སོགས། གཉིས་པ་དེ་བསྒོམ་པས་ཉེས་སྐྱོན་ལྡོག་པའི་རིམ་པ་ལ་གཉིས། ཉེས་སྐྱོན་ལྡོག་པའི་རིམ་པ་དངོས། ཐར་པ་ཐོབ་པའི་ཚུལ་ལོ། །དང་པོ་ལ་གསུམ། འཇིག་ལྟ་ལྡོག་པའི་ཚུལ། དེ་ལ་རྩོད་པ་སྤོང་བ། ལེན་པ་ཟད་པས་སྐྱེ་བ་ཟད་ཚུལ་ལོ། །དང་པོ་ནི། བདག་དང་སོགས། གཉིས་པ་ནི། ངར་འཛིན་སོགས། གསུམ་པ་ནི།

― ZP02_Page_065 ―

^{[མ་དཔེ་གཟིགས་ན་འདིར་གནོན།]}

[Full Size]

ནང་དང་སོགས། གཉིས་པ་ཐར་བ་ཐོབ་པའི་ཚུལ་ནི། ལས་དང་སོགས། གཉིས་པ་དེ་ལ་ལུང་འགལ་སྤང་བ་ལ་གཉིས། ལུང་དང་འགལ་བ་སྤོང་བ་དངོས། དེ་ཁོ་ནར་དུ་ཡང་བརྗོད་པར་མི་ནུས་པའི་རྒྱུ་མཚན་ནོ། །དང་པོ་ནི། བདག་གི་སོགས། གཉིས་པ་ནི། བརྗོད་པར་སོགས། གསུམ་པ་དེ་ཁོ་ན་ཉིད་ལ་དཀྲི་བའི་རིམ་པ་ནི། ཐམས་ཅད་སོགས་བཞི་པ་དེ་ཁོ་ན་ཉིད་ཀྱི་མཚན་ཉིད་ལ་གཉིས། འཕགས་པ་རྣམས་ཀྱི་དེ་ཁོ་ན་ཉིད་ཀྱི་མཚན་ཉིད། འཇིག་རྟེན་པའི་དེ་ཁོ་ན་ཉིད་ཀྱི་མཚན་ཉིད་དོ། །དང་པོ། །གཞན་ལས་སོགས། གཉིས་པ་ནི་གང་ལ་སོགས། ལྔ་པ་དོན་དེ་ངེས་པར་སྒྲུབ་དགོས་པར་བསྟན་པ་ནི་སངས་རྒྱས་སོགས། རབ་བྱེད་བཅོ་བརྒྱད་པའོ། ༈ །བཞི་པ་དུས་ཀྱི་རང་བཞིན་གྱིས་སྟོང་པར་བསྟན་པ་ལ་གཉིས། དུས་ངོ་བོ་ཉིད་ཀྱིས་གྲུབ་པ་དགག་པ། །དེའི་སྒྲུབ་བྱེད་དགག་པའོ། །དང་པོ་ལ་གཉིས། དུས་གསུམ་རང་བཞིན་གྱིས་ཡོད་པ་སྤྱིར་དགག་པ། རང་གཞན་གྱི་སྡེ་བའི་འདོད་པ་སོ་སོར་དགག་པའོ། །དང་པོ་ལ་གསུམ། འདས་པ་ལ་ལྟོས་མ་ལྟོས་ཀྱི་དུས་གཉིས་རང་བཞིན་གྱིས་གྲུབ་པ་དགག་པ། རིགས་པ་དེ་དུས་གཞན་གཉིས་ལ་སྦྱར་བ། ཆོས་གསུམ་ཚན་ལ་སྦྱར་བའོ། །དང་པོ་ལ་གཉིས། འདས་པ་ལ་ལྟོས་པའི་དུས་རང་བཞིན་གྱིས་གྲུབ་པ་དགག་པ། མ་ལྟོས་པའི་དུས་རང་བཞིན་གྱིས་གྲུབ་པ་དགག་པའོ། །དང་པོ་ནི། ད་ལཏྟར་སོགས་གཉིས་པ་ནི། འདས་པ་སོགས། གཉིས་པ་རིགས་པ་དེ་དུས་གཞན་གཉིས་ལ་སྦྱར་བ་ནི། རིམ་པའི་སོགས། གསུམ་པ་ཆོས་གསུམ་ཚན་ལ་སྦྱར་བ་ནི། མཆོག་དང་སོགས། གཉིས་པ་རང་གཞན་གྱི་སྡེ་བས་འདོད་པ་སོ་སོར་དགག་པ་ལ་གཉིས། གཞན་སྡེའི་

― ZP02_Page_066 ―

^{[མ་དཔེ་གཟིགས་ན་འདིར་གནོན།]}

[Full Size]

འདོད་པའི་དུས་དགག་པ། རང་སྡེའི་དངོས་པོར་སྨྲ་བས་འདོད་པའི་དུས་དགག་པའོ། །དང་པོ་ནི། མི་གནས་སོགས། གཉིས་པ་ནི། གལ་ཏེ་སོགས། རབ་བྱེད་བཅུ་དགུ་བའོ། ༈ །གཉིས་པ་དུས་རང་བཞིན་གྱིས་ཡོད་པའི་སྒྲུབ་བྱེད་དགག་པ་ལ་གཉིས། དུས་འབྲས་བུ་འབྱུང་བའི་ལྷན་ཅིག་བྱེད་རྐྱེན་ཡིན་པ་དགག་པ། དུས་འབྲས་བུ་འབྱུང་འཇུག་གི་རྒྱུ་ཡིན་པ་དགག་པའོ། །དང་པོ་ལ་གསུམ། རྒྱུ་རྐྱེན་གྱི་འཚོགས་པ་ལས་སྐྱེ་བ་དགག་པ། རྒྱུ་ཉིད་ལས་སྐྱེ་བ་དགག་པ། རྒྱུ་རྐྱེན་ཚོགས་པ་ལས་སྐྱེ་བ་འགོག་པའི་རིགས་པ་གཞན་བསྟན་པའོ། །དང་པོ་ལ་གསུམ། ཚོགས་པ་སྔ་མ་ལས་སྐྱེ་བ་དགག་པ། དུས་མཉམ་པའི་ཚོགས་པ་ལས་སྐྱེ་བ་དགག་པ། ཚོགས་པ་ཕྱི་མ་ལས་སྐྱེ་བ་དགག་པའོ། །དང་པོ་ལ་གཉིས། ཚོགས་པ་ལས་དངོས་སུ་སྐྱེ་བ་དགག་པ། ཚོགས་པ་ལས་བརྒྱུད་ནས་སྐྱེ་བ་དགག་པའོ། །དང་པོ་ལ་གཉིས། ཚོགས་པ་ལ་ཡོད་མེད་ཀྱི་སྐྱེ་བ་དགག་པ། ཚོགས་པ་ལ་ཡོད་མེད་ཉིད་དགག་པའོ། །དང་པོ་ནི། གལ་ཏེ་སོགས། གཉིས་པ་ནི། གལ་ཏེ་སོགས། གཉིས་པ་ཚོགས་པ་ལས་བརྒྱུད་ནས་སྐྱེ་བ་དགག་པ་ནི། གལ་ཏེ་རྒྱུ་འབྲས་སོགས། གཉིས་པ་དུས་མཉམ་པའི་ཚོགས་པ་ལས་སྐྱེ་བ་དགག་པ་ནི། གལ་ཏེ་ཚོགས་སོགས། གསུམ་པ་ཚོགས་པ་ཕྱི་མ་ལས་སྐྱེ་བ་དགག་པ་ནི། གལ་ཏེ་སོགས། གཉིས་པ་རྒྱུ་ཉིད་ལས་སྐྱེ་བ་དགག་པ་ལ་གཉིས། རྒྱུ་འབྲས་ངོ་བོ་གཅིག་པའི་ཕྱོགས་དགག་པ། རྒྱུ་འབྲས་ངོ་བོ་ཐ་དད་པའི་ཕྱོགས་དགག་པའོ། །དང་པོ་ནི། གལ་ཏེ་རྒྱུ་སོགས། གཉིས་པ་ལ་གཉིས། རྒྱུ་འབྲས་བུ་སྐྱེ་བའི་བྱ་བ་སྦྱོར་བ་བྱེད་པ་དགག་པ།

― ZP02_Page_067 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུ་ཉིད་རང་བཞིན་གྱིས་ཡོད་པ་དགག་པའོ། །དང་པོ་ལ་བདུན། རྒྱུ་འགགས་པ་དང་གནས་པས་འབྲས་བུ་བསྐྱེད་པ་དགག་པ། རྒྱུ་འབྲས་མཐོང་བ་དང་མ་མཐོང་བར་འབྲས་བུ་བསྐྱེད་པ་དགག་པ། རྒྱུ་འབྲས་ཕྲད་པ་དང་མ་ཕྲད་པར་འབྲས་བུ་བསྐྱེད་པ་དགག་པ། འབྲས་བུ་སྟོང་མི་སྟོང་གི་རྒྱུས་འབྲས་བུ་སྐྱེ་བ་དགག་པ། འབྲས་བུ་སྟོང་མི་སྟོང་རྒྱུས་བསྐྱེད་པ་དགག་པ། རང་བཞིན་གཅིག་དང་ཐ་དད་ཀྱི་རྒྱུས་འབྲས་བུ་སྐྱེད་པ་དགག་པ། འབྲས་བུ་ངོ་བོ་ཉིད་ཀྱིས་ཡོད་མེད་རྒྱུས་བསྐྱེད་བ་དགག་པའོ། །དང་པོ་ནི། འགགས་པ་སོགས། གཉིས་པ་ནི་རྒྱུས་ནི་སོགས། གསུམ་པ་ནི་འབྲས་བུ་སོགས། བཞི་པ་ནི་གལ་ཏེ་སོགས། ལྔ་པ་ནི་འབྲས་བུ་སོགས། དྲུག་པ་ནི་རྒྱུ་དང་འབྲས་བུ་སོགས། བདུན་པ་ནི་འབྲས་བུ་སོགས། གཉིས་པ་རྒྱུ་ཉིད་རང་བཞིན་གྱིས་ཡོད་པ་དགག་པ་ནི། སྐྱེད་པར་བྱེད་སོགས། གསུམ་པ་རྒྱུ་རྐྱེན་ཚོགས་པ་ལས་སྐྱེ་བ་འགོགས་པའི་རིགས་པ་གཞན་བསྟན་པ་ནི། རྒྱུ་རྣམས་སོགས། རབ་བྱེད་ཉི་ཤུ་བའོ། ༈ །གཉིས་པ་དུས་འབྱུང་འཇུག་གི་རྒྱུ་ཡིན་པ་དགག་པ་ལ་གཉིས། སྐྱེ་འཇིག་རང་བཞིན་གྱིས་གྲུབ་པ་དགག་པ། སྐྱེ་འཇིག་རང་བཞིན་གྱིས་གྲུབ་པར་འདོད་ན་རྟག་ཆད་ཀྱི་སྐྱོན་བསྟན་པའོ། །དང་པོ་ལ་གཉིས། འབྱུང་འཇིག་རང་བཞིན་གྱིས་ཡོད་པར་དགག་པ། འབྱུང་འཇིག་རང་བཞིན་གྱིས་ཡོད་པའི་སྒྲུབ་བྱེད་དགག་པ། དང་པོ་ལ་གསུམ། འབྱུང་འཇིག་ལྷན་ཅིག་ཡིན་མིན་བརྟགས་ནས་དགག་པ། འབྱུང་འཇིག་རྟེན་གང་ལ་ཡོད་མེད་བརྟགས་ཏེ་དགག་པ། འབྱུང་འཇིག་གཅིག་དང་ཐ་དད་བརྟགས་ཏེ་དགག་པའོ། །དང་པོ་ལ་གསུམ། དམ་བཅའ་བཞག་པ། སྒྲུབ་བྱེད་བསྟན་པ།

― ZP02_Page_068 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་དག་གི་དོན་བསྡུའོ། །དང་པོ་ནི། འཇིག་པ་སོགས། གཉིས་པ་ལ་གཉིས། འཇིག་པ་འབྱུང་བ་དང་ལྷན་ཅིག་ཡིན་མིན་དགག་པ། འབྱུང་བ་འཇིག་པ་དང་ལྷན་ཅིག་ཡིན་མིན་དགག་པའོ། །དང་པོ་ནི། འཇིག་པ་སོགས། གཉིས་པ་ནི། འབྱུང་བ་སོགས། གསུམ་པ་དེ་དག་གི་དོན་བསྡུ་བ་ནི། གང་དག་སོགས། གཉིས་པ་འབྱུང་འཇིག་རྟེན་གང་ལ་ཡོད་བརྟགས་ཏེ་དགག་པ་ལ་གསུམ། ཟད་མ་ཟད་ཀྱི་རྟེན་ལ་འབྱུང་འཇིག་དགག་པ། དངོས་པོའི་རྟེན་ལ་འབྱུང་འཇིག་དགག་པ། སྟོང་མི་སྟོང་གི་རྟེན་ལ་འབྱུང་འཇིག་དགག་པའོ། །དང་པོ་ནི། ཟད་ལ་སོགས། གཉིས་པ་ནི། དངོས་པོ་སོགས། གསུམ་པ་ནི་སྟོང་ལ་སོགས། གསུམ་པ་འབྱུང་འཇིག་གཅིག་ཐ་དད་བརྟགས་ཏེ་དགག་པ་ནི། འབྱུང་བ་སོགས། གཉིས་པ་འབྱུང་འཇིག་རང་བཞིན་གྱིས་ཡོད་པའི་སྒྲུབ་བྱེད་དགག་པ་ལ་གཉིས། མཐོང་བ་སྒྲུབ་བྱེད་མིན་པ་ཁོའི་སྒྲུབ་བྱེད་བསྟན་པའོ། །དང་པོ་ནི། འབྱུང་བ་སོགས། གཉིས་པ་ལ་གཉིས། འབྱུང་འཇིག་རང་དང་རིགས་མཐུན་མི་མཐུན་ལས་སྐྱེ་བ་དགག་པ། དངོས་པོ་རང་དང་གཞན་ལས་སྐྱེ་བ་དགག་པའོ། །དང་པོ་ནི། དངོས་པོ་སོགས། གཉིས་པ་ནི་དངོས་པོ་སོགས། གཉིས་པ་སྐྱེ་འཇིག་རང་བཞིན་གྱིས་གྲུབ་པར་འདོད་ན་རྟག་ཆད་ཀྱི་སྐྱོན་བསྟན་པ་ལ་གསུམ། དངོས་པོ་རང་བཞིན་གྱིས་ཡོད་པར་ཁས་བླང་ན་རྟག་ཆད་དུ་འགྱུར་ཚུལ། དེ་ལྟར་ཁས་བླང་ནས་སྐྱོན་དེ་སྤོང་བའི་ལན་དགག་པ། དེ་ལྟར་བཀག་པའི་དོན་བསྡུ་བའོ། །དང་པོ་ནི་དངོས་པོ་སོགས། གཉིས་པ་ལ་གཉིས། རང་བཞིན་གྱིས་གྲུབ་པ་ཁས་བླང་ནས་རྟག་ཆད་སྤོང་ཚུལ། དེ་དགག་པའི་ལན་ནོ། །དང་པོ་ནི། དངོས་པོ་སོགས། གཉིས་པ་ལ་གཉིས། རྒྱུན་ཁས་བླང་ནས་ཀྱང་རྟག་ཆད་སྤོང་མི་ནུས་བ་རྒྱུན་ཉིད་རང་བཞིན་གྱིས་མ་གྲུབ་པར་བསྟན་པའོ། །དང་པོ་ནི།

― ZP02_Page_069 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲས་བུ་སོགས། གཉིས་པ་ནི། ཐ་མ་སོགས། གསུམ་པ་དེ་ལྟར་བཀག་པའི་དོན་བསྡུ་བ་ནི་གལ་ཏེ་སོགས། རབ་བྱེད་ཉི་ཤུ་གཅིག་པའོ། ༈ །ལྔ་པ་སྲིད་པའི་རྒྱུན་གྱི་རང་བཞིན་གྱིས་སྟོང་པར་བསྟན་པ་ལ་གཉིས། དེ་བཞིན་གཤེགས་པ་རང་བཞིན་གྱིས་ཡོད་པ་དགག་པ། ཉོན་མོངས་པ་རང་བཞིན་གྱིས་ཡོད་པ་དགག་པའོ། །དང་པོ་ལ་བཞི། དེ་བཞིན་གཤེགས་པ་རང་གི་མཚན་ཉིད་ཀྱིས་གྲུབ་པ་དགག་པ། དེ་ལ་ལོག་ལྟ་གཞན་གྱི་གནས་མེད་པར་བསྟན་པ། ལོག་པར་བཟུང་བའི་ཉེས་དམིགས་བསྟན་པ། རིགས་པ་དེ་གཞན་ལའང་སྦྱར་བའོ། །དང་པོ་ལ་གསུམ། ལེན་པ་པོ་རང་བཞིན་གྱིས་གྲུབ་པ་དགག་པ། བླང་བྱ་རང་བཞིན་གྱིས་གྲུབ་པ་དགག་པ། དེ་གཉིས་ཀའི་མཇུག་བསྡུ་བའོ། །དང་པོ་ལ་གསུམ། དེ་བཞིན་གཤེགས་པ་རྫས་སུ་ཡོད་པ་དགག་པ། ཕུང་པོ་ལ་བརྟེན་ནས་བཏགས་པ་རང་བཞིན་གྱིས་ཡོད་པ་དགག་པ། དེ་རྣམས་ཀྱི་མཇུག་བསྡུ་བའོ། །དང་པོ་ནི། ཕུང་མིན་སོགས། གཉིས་པ་ལ་གཉིས། ཕུང་པོ་ལ་བརྟེན་ནས་བཏགས་པའི་དེ་བཞིན་གཤེགས་པ་རང་བཞིན་གྱིས་ཡོད་པ་དགག་པ། དེ་བཞིན་གཤེགས་པ་དང་ཕུང་པོ་ལེན་པ་པོ་དང་བླང་བྱར་རང་བཞིན་གྱིས་ཡོད་པ་དགག་པའོ། །དང་པོ་ལ་བཞི། ཕུང་པོ་ལ་བརྟེན་ནས་བཏགས་ན་རང་བཞིན་གྱིས་ཡོད་པ་མ་ཡིན་པ། དེ་གཉིས་མི་འགལ་བའི་ལན་དགག་པ། རང་དངོས་མ་གྲུབ་པ་གཞན་དངོས་མ་གྲུབ་པ། དེས་ན་དེ་བཞིན་གཤེགས་པ་རང་བཞིན་གྱིས་མེད་པར་གྲུབ་པའོ། །དང་པོ་ནི། གལ་ཏེ་སོགས། གཉིས་པ་ནི་གང་ཞིག་སོགས། གསུམ་པ་ནི་གལ་ཏེ་སོགས། བཞི་པ་ནི་རང་བཞིན་སོགས། གཉིས་པ་དེ་བཞིན་གཤེགས་པ་དང་ལེན་པ་པོ་དང་བླང་བྱ་རང་བཞིན་གྱིས་ཡོད་པ་དགག་པ་ནི་གལ་ཏེ་སོགས། གསུམ་པ་

― ZP02_Page_070 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་རྣམས་ཀྱི་མཇུག་བསྡུ་བ་ནི་རྣམ་པ་སོགས། གཉིས་པ་བླང་བྱར་རང་བཞིན་གྱིས་གྲུབ་པ་དགག་པ་ནི་གང་ཞིག་སོགས། གསུམ་པ་གཉིས་ཀའི་མཇུག་བསྡུ་བ་ནི་དེ་ལྟར་སོགས། གཉིས་པ་དེ་ལ་ལོག་ལྟ་གཞན་གྱི་གནས་མེད་པར་བསྟན་པ་ནི། སྟོང་ངོ་སོགས། གསུམ་པ་ལོག་ལྟར་བཟུང་བའི་ཉེས་དམིགས་ནི་གང་དག་སོགས། བཞི་པ་རིགས་པ་དེ་གཞན་ལའང་སྦྱར་བ་ནི་དེ་བཞིན་སོགས། རབ་བྱེད་ཉི་ཤུ་གཉིས་པའོ། ༈། གཉིས་པ་ཉོན་མོངས་རང་བཞིན་གྱིས་ཡོད་པ་དགག་པ་ལ་གཉིས། ཉོན་མོངས་རང་བཞིན་གྱིས་ཡོད་པ་དགག་པ། དེའི་སྒྲུབ་བྱེད་དེ་སྤོང་བའི་ཐབས་རང་བཞིན་གྱིས་ཡོད་པ་དགག་པའོ། །དང་པོ་ལ་ལྔ། རྟེན་འབྲེལ་གྱི་རྟགས་ཀྱིས་དགག་པ། རྟེན་རང་བཞིན་གྱིས་མེད་པའི་རྟགས་ཀྱིས་དགག་པ། རྒྱུ་རང་བཞིན་གྱིས་མེད་པའི་རྟགས་ཀྱིས་དགག་པ། དམིགས་པ་རང་བཞིན་གྱིས་མེད་པའི་རྟགས་ཀྱིས་དགག་པ། རྒྱུ་རང་བཞིན་གྱིས་མེད་པའི་རྟགས་གཞན་གྱིས་དགག་པའོ། །དང་པོ་ནི། འདོད་ཆགས་སོགས། གཉིས་པ་ལ་གཉིས། བདག་རྟེན་དུ་མེད་པའི་རྟགས་ཀྱིས་དགག་པ། སེམས་རྟེན་དུ་མེད་པའི་རྟགས་ཀྱིས་དགག་པའོ། །དང་པོ་ནི། བདག་གི་སོགས། གཉིས་པ་ནི། རང་ལུས་སོགས། གསུམ་པ་རྒྱུ་རང་བཞིན་མེད་པའི་རྟགས་ཀྱིས་དགག་པ་ནི་སྡུག་དང་སོགས། བཞི་པ་དམིགས་པ་རང་བཞིན་གྱིས་མེད་པའི་རྟགས་ཀྱིས་དགག་པ་ནི་གཟུགས་སྒྲ་སོགས། ལྔ་པ་རྒྱུ་རང་བཞིན་གྱིས་མེད་པའི་རྟགས་གཞན་གྱིས་དགག་པ་ལ་གཉིས། ཆགས་སྡང་གི་རྒྱུ་རང་བཞིན་གྱིས་གྲུབ་པ་དགག་པ། གཏི་མུག་གི་རྒྱུ་རང་བཞིན་གྱིས་གྲུབ་པ་དགག་པའོ། །དང་པོ་ནི། སྒྱུ་མའི་སོགས། གཉིས་པ་ལ་བཞི། ཕྱིན་ཅི་ལོག་

― ZP02_Page_071 ―

^{[མ་དཔེ་གཟིགས་ན་འདིར་གནོན།]}

[Full Size]

རང་བཞིན་གྱིས་གྲུབ་པ་དགག་པ། ཕྱིན་ཅི་ལོག་དང་ལྡན་པ་རང་བཞིན་གྱིས་གྲུབ་པ་དགག་པ། ཕྱིན་ཅི་ལོག་གི་ཡུལ་ཡོད་མེད་བརྟགས་ལ་དགག་པ། དེ་ལྟར་དགག་པ་དོན་ཆེ་བར་བསྟན་པའོ། །དང་པོ་ལ་གསུམ། རྟག་འཛིན་ཕྱིན་ཅི་ལོག་གི་རྒྱུ་རང་བཞིན་གྱིས་གྲུབ་པ་དགག་པ། མི་རྟག་པར་འཛིན་པ་ཕྱིན་ཅི་མ་ལོག་པ་རང་བཞིན་གྱིས་གྲུབ་པ་དགག་པ། འཛིན་པ་ཙམ་རང་བཞིན་གྱིས་གྲུབ་པ་དགག་པའོ། །དང་པོ་ནི། གལ་ཏེ་སོགས། གཉིས་པ་ནི། གལ་ཏེ་སོགས། གསུམ་པ་ནི། གང་གི་སོགས། གཉིས་པ་ཕྱིན་ཅི་ལོག་དང་ལྡན་པ་རང་བཞིན་གྱིས་གྲུབ་པ་དགག་པ་ལ་གསུམ། ལྡན་ཆོས་རང་བཞིན་གྱིས་མེད་པས་ལྡན་པ་པོ་རང་བཞིན་གྱིས་ཡོད་པ་དགག་པ། ཕྱིན་ཅི་ལོག་གི་རྟེན་རང་བཞིན་གྱིས་གྲུབ་པ་དགག་པ། ཕྱིན་ཅི་ལོག་རང་བཞིན་གྱིས་སྐྱེས་པ་དགག་པའོ། །དང་པོ་ནི། ལོག་པའམ་སོགས། གཉིས་པ་ནི་ཕྱིན་ཅི་སོགས། གསུམ་པ་ནི་ཕྱིན་ཅི་ལོག་གི་ཡུལ་ཡོད་མེད་བརྟགས་ལ་དགག་པ་ནི། གལ་ཏེ་སོགས། བཞི་པ་དེ་ལྟར་དགག་པ་དོན་ཆེ་བར་བསྟན་པ་ནི། དེ་ལྟར་སོགས། གཉིས་པ་དེའི་སྒྲུབ་བྱེད་དེ་སྤོང་བའི་ཐབས་རང་བཞིན་གྱིས་གྲུབ་པ་དགག་པ་ནི་གལ་ཏེ་སོགས། རབ་བྱེད་ཉི་ཤུ་གསུམ་པའོ། ༈ །གཉིས་པ་དེ་ལ་རྩོད་པ་སྤོང་བ་ལ་གཉིས། བདེན་པ་བརྟགས་པ། མྱང་འདས་བརྟགས་པའོ། །དང་པོ་ལ་གཉིས། རྩོད་པ་དང༌། ལན་ནོ། །དང་པོ་ལ་གཉིས། འབྱུང་འཇིག་སོགས་མི་འཐད་པའི་རྩོད་པ། ལས་འབྲས་སོགས་མི་འཐད་པའི་རྩོད་པའོ། །དང་པོ་ལ་གསུམ། བདེན་བཞིའི་བྱ་བྱེད་མི་འཐད་པའི་རྩོད་པ། ཞུགས་པ་འབྲས་གནས་མི་འཐད་པའི་རྩོད་པ། དཀོན་མཆོག་

― ZP02_Page_072 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་མི་འཐད་པའི་རྩོད་པའོ། །དང་པོ་ནི་གལ་ཏེ་སོགས། གཉིས་པ་ནི། དགེ་སོགས། གསུམ་པ་ནི། གལ་ཏེ་སོགས། གཉིས་པ་ལས་འབྲས་སོགས་མི་འཐད་པའི་རྩོད་པ་ནི། དེ་སྐད་སོགས། གཉིས་པ་ལན་ལ་བཞི། གཞན་གྱིས་སྨྲས་པ་རྟེན་འབྱུང་གི་དེ་ཉིད་མ་རྟོགས་པའི་རྩོད་པར་བསྟན་པ། རང་གིས་བཞེད་པ་སྟོང་པ་རྟེན་འབྱུང་གི་དོན་དུ་བསྟན་པ། དེ་ལྟར་མི་འདོད་པ་ལ་རྣམ་བཞག་ཐམས་ཅད་མི་འཐད་པའི་ཚུལ། རྟེན་འབྱུང་གི་དེ་ཉིད་རྟོགས་ན་བདེན་བཞིའི་དེ་ཉིད་མཐོང་བར་འགྱུར་བའོ། །དང་པོ་ལ་གཉིས། གཞན་གྱིས་བཀོད་པའི་སྐྱོན་རང་ལ་མི་འཇུག་པའི་ཚུལ། སྐྱོན་བཀོད་པ་པོ་ཉིད་ལ་སྐྱོན་དེ་འཇུག་པའི་ཚུལ་ལོ། །དང་པོ་ལ་གསུམ། སྐྱོན་བརྗོད་མི་འཇུག་པར་བསྟན་པ་དངོས། སྐྱོན་མེད་པར་མ་ཟད་ཡོན་ཏན་ཡོད་པའི་ཚུལ་ལོ། །དང་པོ་ལ་གཉིས། དོན་གསུམ་མ་རྟོགས་པའི་རྩོད་པ་བསྟན་པ། དེ་ལྟར་རྩོད་པས་བདེན་གཉིས་མ་རྟོགས་པར་བསྟན་པའོ། །དང་པོ་ནི། དེ་ལ་སོགས། གཉིས་པ་ལ་ལྔ། གང་ཞིག་མ་རྟོགས་པའི་བདེན་གཉིས་ཀྱི་ངོ་བོ། །བདེན་གཉིས་མ་ཤེས་ན་གསུང་རབ་གྱི་དེ་ཉིད་མི་ཤེས་པ། བདེན་གཉིས་བསྟན་པའི་དགོས་པ། བདེན་གཉིས་ལོག་པར་བཟུང་བའི་ཉེས་དམིགས། བདེན་གཉིས་རྟོགས་དཀའ་བས་སྟོན་པས་དང་པོར་མ་བསྟན་པའི་ཚུལ་ལོ། །དང་པོ་ནི། སངས་རྒྱས་སོགས། གཉིས་པ་ནི། གང་དག་སོགས། གསུམ་པ་ནི་ཐ་སྙད་སོགས། བཞི་པ་ནི། སྟོང་པ་སོགས། ལྔ་པ་ནི། དེ་ཕྱིར་སོགས། གཉིས་པ་སྐྱོན་བརྗོད་མི་འཇུག་པར་བསྟན་པ་ནི། སྐྱོན་དུ་སོགས།

― ZP02_Page_073 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་པ་སྐྱོན་མེད་པར་མ་ཟད་ཡོན་ཏན་ཡོད་པའི་ཚུལ་ནི་གང་ལ་སོགས། གཉིས་པ་སྐྱོན་འགོད་པ་པོ་ཉིད་ལ་སྐྱོན་དེ་འཇུག་པའི་ཚུལ་ལ་གསུམ། སྐྱོན་འགོད་པ་པོ་ལ་སྐྱོན་དེ་འཇུག་པའི་རྒྱུ་མཚན། དེས་རང་ཉིད་སྐྱོན་གཞན་གྱིས་བཟུང་ཚུལ། སྐྱོན་དེ་རྣམས་གང་ཡིན་གསལ་བར་བསྟན་པའོ། །དང་པོ་ནི། གང་ལ་སོགས། གཉིས་པ་ནི། ཁྱོད་ནི་སོགས། གསུམ་པ་ནི། གལ་ཏེ་སོགས། གཉིས་པ་རང་གི་བཞེད་པ་སྟོང་པའི་དོན་རྟེན་འབྱུང་གི་དོན་དུ་བསྟན་པ་ནི། རྟེན་ཅིང་སོགས། གསུམ་པ་དེ་ལྟར་མི་འདོད་པ་ལ་རྣམ་བཞག་ཐམས་ཅད་མི་འཐད་པའི་ཚུལ་ལ་དྲུག །ཤེས་བྱ་བདེན་པ་བཞི་མི་རུང་བ་བདེན་བཞི་ཤེས་པ་སོགས་དང་འབྲས་བུ་བཞི་མི་རུང་བ། དཀོན་མཆོག་གསུམ་མི་རུང་བ། བྱེད་པ་པོ་དང་ལས་འབྲས་མི་རུང་བ། འཇིག་རྟེན་པའི་ཐ་སྙད་མི་རུང་པ། འཇིག་རྟེན་ལས་འདས་པའི་ཐ་སྙད་མི་རུང་བའོ། །དང་པོ་ནི། གལ་ཏེ་སོགས། གཉིས་པ་ནི། གལ་ཏེ་སོགས། གསུམ་པ་ནི། འབྲས་བུ་སོགས། བཞི་པ་ནི། འགའ་ཡང་སོགས། ལྔ་པ་ནི་རྟེན་ཅིང་སོགས། དྲུག་པ་ནི་གལ་ཏེ་སོགས། བཞི་པ་རྟེན་འབྱུང་གི་དེ་ཉིད་མཐོང་ན་བདེན་བཞིའི་དེ་ཉིད་མཐོང་བར་འགྱུར་བ་ནི་གང་གི་སོགས། རབ་བྱེད་ཉི་ཤུ་བཞི་པའོ། ༈ །གཉིས་པ་མྱང་འདས་བརྟགས་པ་ལ་གཉིས། རྩོད་པ་དང༌། ལན་ནོ། །དང་པོ་ནི། གལ་ཏེ་སོགས། གཉིས་པ་ལ་བཞི། དངོས་པོ་རང་བཞིན་གྱིས་གྲུབ་པའི་ཕྱོགས་ལ་མྱང་འདས་མི་འཐད་པ། རང་གི་ལུགས་ཀྱི་མྱང་འདས་ངོས་བཟུང་བ། དེ་ལས་ཚུལ་གཞན་དུ་སྨྲ་བ་དགག་པ། དེ་ལྟར་བཀག་པ་ལ་ལུང་འགལ་སྤང་བའོ། །དང་པོ་ནི། གལ་ཏེ་སོགས།

― ZP02_Page_074 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་ནི། སྤང་བས་སོགས། གསུམ་པ་ལ་གསུམ། མྱང་འདས་མཐའ་བཞིར་གྲུབ་པ་དགག་པ། མྱང་འདས་ཐུགས་སུ་ཆུད་པ་པོ་མཐའ་བཞིར་མ་གྲུབ་པར་བསྟན་པ། དེས་གྲུབ་པའི་དོན་ནོ། །དང་པོ་ལ་གསུམ། །མྱང་འདས་དངོས་པོར་ཡོད་མེད་སོ་སོ་བའི་མཐར་འདོད་པ་དགག་པ། དེ་གཉིས་ཀའི་མཐར་འདོད་པ་དགག་པ། གཉིས་ཀ་མ་ཡིན་པའི་མཐར་འདོད་པ་དགག་པའོ། །དང་པོ་ལ་བཞི། མྱང་འདས་དངོས་པོའི་མཐར་འདོད་པ་དགག་པ། དངོས་པོར་མེད་པའི་མཐར་འདོད་པ་དགག་པ། མཐའ་གཉིས་སྤང་བའི་མྱང་འདས་གང་ལ་འཇོག་པ། མཐའ་གཉིས་སུ་ལྟ་བ་སྟོན་པ་སྨད་པའི་ཚུལ་ལོ། །དང་པོ་ནི། རེ་ཞིག་སོགས། གཉིས་པ་ནི། གལ་ཏེ་སོགས། གསུམ་པ་ནི། འོང་བ་སོགས། བཞི་པ་ནི། འབྱུང་བ་སོགས། གཉིས་པ་དེ་གཉིས་ཀའི་མཐར་འདོད་པ་དགག་པ་ནི། གལ་ཏེ་སོགས། གསུམ་པ་གཉིས་ཀ་མ་ཡིན་པའི་མཐར་འདོད་པ་དགག་པ་ནི་དངོས་མིན་སོགས། གཉིས་པ་དེ་གཉིས་མྱང་འདས་ཐུགས་སུ་ཆུད་པ་པོ་མཐའ་བཞིར་མ་གྲུབ་པར་བསྟན་པ་ནི། བཅོམ་ལྡན་སོགས། གསུམ་པ་དེས་གྲུབ་པའི་དོན་ལ་གཉིས། སྲིད་ཞི་མཉམ་ཉིད་དུ་གྲུབ་པ། ལུང་མ་བསྟན་གྱི་ལྟ་བ་དགག་པ་གྲུབ་པའོ། །དང་པོ་ནི། འཁོར་བ་སོགས། གཉིས་པ་ནི། གང་འདས་སོགས། བཞི་པ་དེ་ལྟར་བཀག་པའི་ལུང་འགལ་སྤོང་བ་ནི། དམིགས་པ་སོགས། རབ་བྱེད་ཉི་

― ZP02_Page_075 ―

^{[མ་དཔེ་གཟིགས་ན་འདིར་གནོན།]}

[Full Size]

ཤུ་ལྔ་པའོ། ༈ །གཉིས་པ་རྟེན་འབྱུང་རྟོགས་མ་རྟོགས་ལས་འཁོར་བའི་འཇུག་ལྡོག་བྱེད་ལུགས་ལ་གཉིས། ལུགས་འབྱུང་གི་རྟེན་འབྲེལ་དང་ལུགས་ལྡོག་གི་རྟེན་འབྲེལ་ལོ། །དང་པོ་ལ་གཉིས། འཕེན་བྱེད་ཀྱི་རྒྱུ་འབྲས། འགྲུབ་བྱེད་ཀྱི་འབྲས་བུའོ། །དང་པོ་ནི། མ་རིག་སོགས། གཉིས་པ་ནི། ཚོར་བའི་སོགས། གཉིས་པ་ལུགས་ལྡོག་གི་རྟེན་འབྲེལ་ནི། འཁོར་བའི་སོགས། རབ་བྱེད་ཉི་ཤུ་དྲུག་པའོ། ༈ །གསུམ་པ་རྟེན་འབྱུང་རྟོགས་ན་ལྟ་བ་ངན་པ་ལྡོག་ཚུལ་ལ་གཉིས་ལྟ་བ་ངན་པ་བཅུ་དྲུག་ངོས་བཟུང་བ། རྟེན་འབྲེལ་རྟོགས་པ་དེ་ལ་མི་གནས་པའི་ཚུལ་ལོ། །དང་པོ་ནི། འདས་དུས་སོགས། གཉིས་པ་ལ་གཉིས། ཐ་སྙད་དུ་གཟུགས་བརྙན་ལྟ་བུའི་རྟེན་འབྲེལ་གྱི་དབང་དུ་བྱས་ནས་ལྟ་བ་དེ་དག་ལ་གནས་པ་དགག་པ། །དོན་དམ་པར་སྤྲོས་པ་ཐམས་ཅད་ཞི་བས་ལྟ་བ་དེ་དག་ལ་གནས་པ་དགག་པའོ། །དང་པོ་ལ་བཞི། སྔོན་གྱི་མཐའ་ལ་བརྟེན་པའི་ལྟ་བ་བཞི་ཚན་དང་པོ་དགག་པ། དེས་ཕྱི་མའི་མཐའ་ལ་བརྟེན་པའི་བཞི་ཚན་དང་པོ་ཁེགས་པར་བསྟན་པ། སྔོན་གྱི་མཐའ་ལ་བརྟེན་པའི་ལྟ་བ་བཞི་ཚན་གཉིས་པ་དགག་པ། ཕྱི་མའི་མཐའ་ལ་བརྟེན་པའི་ལྟ་བ་བཞི་ཚན་གཉིས་པ་དགག་པའོ། །དང་པོ་ལ་གཉིས། འདས་དུས་བྱུང་མ་བྱུང་དུ་ལྟ་བ་གཉིས་དགག་པ། མཇུག་བསྡུས་ཏེ་ལྟ་བ་གཞན་གཉིས་ཀྱང་མི་འཐད་པར་བསྟན་པའོ། །དང་པོ་

― ZP02_Page_076 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་གཉིས། འདས་དུས་སུ་བྱུང་བར་ལྟ་བ་དགག་པ། འདས་དུས་སུ་མ་བྱུང་བར་ལྟ་བ་དགག་པའོ། །དང་པོ་ལ་གཉིས། དགག་པ་དངོས། བཀག་པའི་མཇུག་བསྡུ་བའོ། །དང་པོ་ནི། འདས་པའི་སོགས། གཉིས་པ་ནི་དེ་ལྟར་སོགས། གཉིས་པ་འདས་དུས་མ་བྱུང་བར་ལྟ་བ་དགག་པ་ནི། འདས་པའི་སོགས། གཉིས་པ་མཇུག་བསྡུས་ཏེ་ལྟ་བ་གཞན་གཉིས་ཀྱང་མི་འཐད་པར་བསྟན་པ་ནི། དེ་ལྟར་སོགས། གཉིས་པ་དེའི་ཕྱི་མའི་མཐའ་ལ་བརྟེན་པའི་ལྟ་བ་བཞི་ཚན་དང་པོ་ཁེགས་པར་བསྟན་པ་ནི། མ་འོང་སོགས། གསུམ་པ་སྔོན་གྱི་མཐའ་ལ་བརྟེན་པའི་ལྟ་བ་བཞི་ཚན་གཉིས་པ་དགག་པ་ལ་གཉིས། རྟག་མི་རྟག་མཐར་ལྟ་བ་དང་པོ་གཉིས་དགག་པ། མཐར་ལྟ་བ་ཕྱི་མ་གཉིས་དགག་པའོ། །དང་པོ་ནི། གལ་ཏེ་ལྟ་སོགས། གཉིས་པ་ནི། གལ་ཏེ་ཕྱོགས་སོགས། བཞི་པ་ཕྱི་མའི་མཐའ་ལ་བརྟེན་པའི་ལྟ་བ་བཞི་ཚན་གཉིས་པ་དགག་པ་ལ་གཉིས་མཐའ་དང་ལྡན་མི་ལྡན་གྱི་མཐའ་ལྟ་བ་དང་པོ་གཉིས་དགག་པ། མཐར་ལྟ་བ་ཕྱི་མ་གཉིས་དགག་པའོ། །དང་པོ་ནི། གལ་ཏེ་སོགས། གཉིས་པ་ནི། གལ་ཏེ་ཕྱོགས་སོགས། གཉིས་པ་དོན་དམ་པར་སྤྲོས་པ་ཐམས་ཅད་ཞི་བས་ལྟ་བ་དེ་དག་གནས་པས་དགག་པ་ནི། ཡང་ན་སོགས། རབ་བྱེད་ཉི་ཤུ་བདུན་པའོ། །གསུམ་པ་དེ་ལྟར་སྟོན་པའི་བཀའ་དྲིན་རྗེས་སུ་དྲན་

― ZP02_Page_077 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་ཕྱག་ནི། གང་གི་སོགས། གསུམ་པ་མཇུག་གི་དོན་ནི། དབུ་མ་རྩ་བའི་སོགས་ནས་རྫོགས་སོ།། །།དགེའོ། །དགེའོ། །དགེའོ།།

ཤེར་ཕྱིན་མངོན་པར་རྟོགས་པའི་རྒྱན་གྱི་བསྡུས་དོན་ས་བཅད།

― ZP02_Page_079 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེར་ཕྱིན་མངོན་པར་རྟོགས་པའི་རྒྱན་གྱི་བསྡུས་དོན་ས་བཅད་བཞུགས་སོ།།

― ZP02_Page_080 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་དང་མགོན་པོ་འཇམ་དཔལ་དབྱངས་ལ་ཕྱག་འཚལ་ལོ། །ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་བསྟན་བཅོས་མངོན་པར་རྟོགས་པའི་རྒྱན་འདི་འཆད་པ་ལ་སྤྱི་དོན་གསུམ་སྟེ། རྗོད་བྱེད་དོན་ལྡན་གྱི་མཚན། བརྗོད་བྱ་དེ་ལྡན་གྱི་གཞུང༌། གང་གིས་བསྒྱུར་བའི་འགྱུར་བྱང་ངོ༌། །དང་པོ་ལ་གསུམ། མཚན་བསྒྱུར། མཚན་བཤད། མཚན་གྱི་དགོས་པའོ། །དང་པོ་ནི། རྒྱ་གར་སོགས། གཉིས་པ་ནི། བོད་སྐད་སོགས། གསུམ་པ་ནི། ཤེས་རབ་ཀྱི་སོགས། ཞར་བྱུང་འགྱུར་ཕྱག་ནི། སངས་རྒྱས་དང་སོགས། གཉིས་པ་གཞུང་དོན་ལ་བསྟན་བཅོས་རྩོམ་པ་ལ་འཇུག་པའི་བྱ་བ་དང༌། བརྩམ་བྱ་བསྟན་བཅོས་ཀྱི་རང་བཞིན་གཉིས་ལས། དང་པོ་ལ་གདུལ་བྱ་དངས་བ་བསྐྱེད་པའི་ཡན་ལག་མཆོད་བརྗོད། རྟོགས་ལྡན་བསྟན་བཅོས་ལ་འཇུག་པའི་ཡན་ལག་དགོས་འབྲེལ་དང་གཉིས་ལས། དང་པོ་ནི། ཉན་

― ZP02_Page_081 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོས་སོགས། གཉིས་པ་དགོས་འབྲེལ་ནི། རྣམ་པ་ཐམས་ཅད་སོགས། གཉིས་པ་བརྩམ་བྱ་གཞུང་གི་རང་བཞིན་ལ་གསུམ། རྒྱས་པ་ལ་དད་པ་ལ་བརྒྱད། འབྲིང་ལ་དད་པ་ལ་དྲུག །བསྡུས་པ་ལ་དད་པ་ལ་གསུམ་དུ་དབྱེ་བའོ། །དང་པོ་ལ་ལུས་རྣམ་པར་བཞག་པ་དང༌། ཡན་ལག་རྒྱས་པར་བཤད་པའོ། །དང་པོ་ལ་ལུས་མདོར་བསྟན་པ་དང༌། རྒྱས་པར་བཤད་པའོ། །དང་པོ་ནི། ཤེས་རབ་ཕ་རོལ་སོགས། གཉིས་པ་རྒྱས་བཤད་ནི། སེམས་བསྐྱེད་སོགས། གཉིས་པ་ཡན་ལག་རྒྱས་པར་བཤད་པ་ལ་གསུམ། ཤེས་བྱ་མཁྱེན་གསུམ། ཉམས་ལེན་སྦྱོར་བཞི། འབྲས་བུ་ཆོས་སྐུའི་ཡན་ལག་རྒྱས་པར་བཤད་པའོ། །དང་པོ་ལ་གསུམ། ཐོབ་བྱ་རྣམ་མཁྱེན། ཐོབ་བྱེད་ལམ་ཤེས། སྤང་བྱ་གཞི་ཤེས་ཀྱི་ཡན་ལག་རྒྱས་པར་བཤད་པའོ། །དང་པོ་རྣམ་མཁྱེན་

― ZP02_Page_082 ―

^{[མ་དཔེ་གཟིགས་ན་འདིར་གནོན།]}

[Full Size]

བཤད་པ་ལའང་བཞི། ལམ་གྱི་རང་བཞིན་སེམས་བསྐྱེད་པ། སེམས་བསྐྱེད་དག་བྱེད་གདམས་ངག་ནོད་པ་གདམས་པའི་འབྲས་བུ་ངེས་འབྱེད་ཡན་ལག །གདམས་པའི་དོན་ཕྱིན་ཅི་མ་ལོག་པར་སྒྲུབ་པའོ། །དང་པོ་སེམས་བསྐྱེད་ལ་མཚན་ཉིད་དང༌། རབ་དབྱེ་གཉིས་ལས། དང་པོ་ལའང་མཚན་ཉིད་དངོས་དང༌། དེ་མདོ་དང་སྦྱར་བའོ། །དང་པོ་ནི། སེམས་བསྐྱེད་པ་ནི་སོགས། གཉིས་པ་ནི། དེ་དང་དེ་ནི་སོགས། གཉིས་པ་རབ་དབྱེ་ནི། དེ་ཡང་ས་གསེར་སོགས། གཉིས་པ་སེམས་བསྐྱེད་དག་བྱེད་གདམས་ངག་ནོང་པ་ལ། གདམས་ངག་སྤྱིར་བསྟན། རྟོགས་དཀའ་བྱེ་བྲག་ཏུ་བཤད་པའོ། །དང་པོ་ནི། སྒྲུབ་དང་བདེན་སོགས། གཉིས་པ་ནི། དབང་པོ་རྟུལ་དང་སོགས། གསུམ་པ་གདམས་པའི་འབྲས་བུ་ངེས་འབྱེད་ཡན་ལག་ལ། །ངོ་བོ་མདོར་བསྟན་ཁྱད་ཆོས་རྒྱས་པར་བཤད་པའོ། །དང་པོ་ནི། དམིགས་པ་དང་ནི་སོགས། གཉིས་པ་རྒྱས་པར་བཤད་པ་ལ་དམིགས་རྣམ་རྒྱུ་གསུམ། ལྡན་ཆོས་རྟོགས། ཡོངས་འཛིན་དགེ་བཤེས་རྒྱས་པར་བཤད་པའོ། །དང་པོ་ནི། དམིགས་པ་མི་རྟག་སོགས། གཉིས་པ་ལྡན་ཆོས་རྟོག་པ་ནི། གཞི་དང་དེ་ཡི་སོགས། གསུམ་པ་ཡོངས་འཛིན་དགེ་བཤེས་ཀྱི་ཁྱད་པར་ནི། སེམས་མི་འགོང་སོགས། གདམ་དོན་ཕྱིན་ཅི་མ་ལོག་པར་བསྒྲུབ་པ་ལ་བཞི། སྒྲུབ་པའི་རྟེན་དམིགས་པ། ཆེད་དུ་བྱ་བ། སྒྲུབ་པ་རང་གི་ངོ་བོའོ། །དང་པོ་ལ་གཉིས། རིགས་ཀྱི་དབྱེ་བ། དེ་ལ་རྩོད་པ་སྤང་བའོ། །དང་

― ZP02_Page_083 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་ནི། རྟོགས་པ་ཡི་ནི་སོགས། གཉིས་པ་རྩོད་སྤང་ནི། ཆོས་ཀྱི་དབྱིངས་སོགས། གཉིས་པ་སྒྲུབ་པའི་དམིགས་པ་ནི། དམིགས་པ་ཆོས་རྣམས་སོགས། གསུམ་པ་ཆེད་དུ་བྱ་བ་ནི། སེམས་ཅན་ཀུན་སོགས། བཞི་པ་བསྒྲུབ་པ་རང་གི་ངོ་བོ་བཤད་པ་ལ་བཞི། བསམ་པས་གོ་བགོ་བའི་སྒྲུབ་པ་གོ་སྒྲུབ། སྦྱོང་བས་དངོས་སུ་འཇུག་པ་འཇུག་སྒྲུབ། ཞུགས་པ་མཐར་ཐུག་བྱེད་པ་ཚོགས་སྒྲུབ། མཐར་ཕྱིན་པའི་སྒྲུབ་པ་ངེས་འབྱུང་སྒྲུབ་པ་དང་བཞི་ལས། དང་པོ་ནི། དེ་དག་སོ་སོར་སོགས། གཉིས་པ་འཇུག་སྒྲུབ་ནི། བསམ་གཏན་གཟུགས་མེད་སོགས། གསུམ་པ་ཚོགས་སྒྲུབ་ལ་སྤྱིར་བསྟན་པ་དང༌། རྟོགས་དཀའ་བྱེ་བྲག་ཏུ་བཤད་པ་གཉིས་ལས། དང་པོ་ནི། བརྩེ་དང་སྦྱིན་ལ་སོགས། གཉིས་པ་རྟོགས་དཀའ་བྱེ་བྲག་ཏུ་བཤད་པ་ལ། སའི་ཚོགས་དང༌། གཉེན་པོའི་ཚོགས་གཉིས། དང་པོ་ལ་དགུ་ལས་ས་དང་པོའི་ཡོངས་སྦྱོང་ནི། ཡོངས་སུ་སྦྱོང་བ་སོགས། ས་གཉིས་པའི་ཡོངས་སྦྱོངས་ནི། ཚུལ་ཁྲིམས་བྱས་པ་སོགས། ས་གསུམ་པའི་ཡོངས་སྦྱོང་ནི། ཐོས་པས་མི་ངོམ་སོགས། ས་བཞི་པའི་ཡོངས་སྦྱོང་ནི། ནགས་གནས་འདོད་ཆུང་སོགས། ས་ལྔ་པའི་ཡོངས་སྦྱོང་ནི། འདྲི་མ་དང་ཁྱིམ་ལ་སོགས། ས་དྲུག་པའི་ཡོང་སྦྱོང་ནི། སྦྱིན་དང་ཚུལ་ཁྲིམས་སོགས། ས་བདུན་པའི་ཡོངས་སྦྱོང་ནི། བདག་དང་སེམས་ཅན་སོགས། ས་བརྒྱད་པའི་ཡོངས་སྦྱོང་ནི། སེམས་ཅན་

― ZP02_Page_084 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་ཡིད་སོགས། ས་དགུ་པའི་ཡོངས་སྦྱོང་དང་བཅུ་བའི་གནས་ཚུལ་ནི། སྨོན་ལམ་དག་ནི་སོགས། གཉིས་པ་གཉེན་པོའི་ཚོགས་ནི། མཐོང་དང་སྒོམ་པའི་སོགས། བཞི་པ་ངེས་འབྱུང་སྒྲུབ་པ་ནི། ཆེད་དུ་བྱ་དང་སོགས། ཤེས་རབ་ཀྱི་སོགས། སྐབས་དང་པོའི་མཚན་ནོ། ༈ །གཉིས་པ་ཐོབ་བྱེད་ལམ་ཤེས་ཀྱི་ཡན་ལག་རྒྱས་པར་བཤད་པ་ལ། ལམ་ཤེས་ཀྱི་ཡན་ལག །ཡན་ལག་ཅན་གྱི་ལམ་ཤེས་གཉིས་ལས། དང་པོ་ནི། ལྷ་རྣམས་རུང་བར་སོགས། གཉིས་པ་ཡན་ལག་ཅན་གྱི་ལམ་ཤེས་ལ། ཉན་ཐོས་དང༌། རང་རྒྱལ་དང༌། བྱང་ཆུབ་སེམས་དཔའི་ལམ་ཤེས་སོ། །དང་པོ་ལའང་ལམ་གྱི་ངོ་བོ་དང༌། དེའི་རྒྱུ་ངེས་ཆ་གཉིས་ལས། དང་པོ་ནི། ལམ་ཤེས་ཉིད་ཀྱི་སོགས། གཉིས་པ་ངེས་འབྱེད་ནི། འཕགས་པ་ཉན་ཐོས་སོགས། གཉིས་པ་རང་རྒྱལ་གྱི་ལམ་ཤེས་པའི་ལམ་ཤེས་ལ་གསུམ། བགྲོད་པ་པོ་རྟེན་གྱི་ཁྱད་པར། བགྲོད་བྱ་ལམ་གྱི་ངོ་བོ། །དེའི་རྒྱུ་ངེས་འབྱེད་ཆ་མཐུན་ནོ། །དང་པོ་ལ་གཉིས། དངོས་དང་དེ་ལ་རྩོད་པ་སྤང་བའོ། །དང་པོ་ནི། རང་བྱུང་བདག་ཉིད་སོགས། གཉིས་པ་ནི། གང་གང་དོན་ནི་སོགས། གཉིས་པ་བགྲོད་བྱ་ལམ་གྱི་ངོ་བོ་ནི། གཟུང་དོན་རྟོག་པ་སོགས། གསུམ་པ་རྒྱུ་ངེས་འབྱེད་ཆ་མཐུན་ནི། བཏང་བའི་ཆོས་ཉིད་སོགས། གསུམ་པ་བྱང་སེམས་ཀྱི་ལམ་ཤེས་པའི་ལམ་ཤེས་ལ་གཉིས། མཐོང་ལམ་དང༌། བསྒོམ་ལམ་མོ། །དང་པོ་ལ་ངོ་བོ་མདོར་བསྟན་པ་དང༌། སྒོམ་ཚུལ་

― ZP02_Page_085 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་རྣམ་པ་རྒྱས་པར་བཤད་པའོ། །དང་པོ་ནི། བདེན་དང་བདེན་ལ་སོགས། གཉིས་པ་ལ་རྒྱས་པར་བཤད་པ་དང༌། དོན་བསྡུ་བའོ། །དང་པོ་ལ་བཞི་ལས། དང་པོ་སྡུག་བདེན་གྱི་རྣམ་པ་ནི། དེ་བཞིན་ཉིད་དང་སོགས། གཉིས་པ་ཀུན་བདེན་གྱི་རྣམ་པ་བཞི་ནི། མཐའ་མེད་དང་སོགས། གསུམ་པ་འགོགས་པའི་རྣམ་པ་བཞི་ནི། སྟོང་ཉིད་དང་སོགས། བཞི་པ་ལམ་གྱི་རྣམ་པ་བཞི་ནི། མྱ་ངན་འདས་འཛིན་སོགས། གཉིས་པ་དོན་བསྡུ་ནི། ལམ་ཤེས་ཉིད་སོགས། གཉིས་པ་སྒོམ་ལམ་ལ། སྒོམ་ལམ་གྱི་བྱེད་པ་དང༌། སྒོམ་ལམ་དངོས་གཉིས་སོ། །དང་པོ་ནི། ཀུན་ནས་ཞི་དང་སོགས། གཉིས་པ་སྒོམ་ལམ་དངོས་ལ། ཟག་བཅས་སྒོམ་ལམ་དང༌། ཟག་མེད་གཉིས་ལས། དང་པོ་ལ་མོས་པ། བསྔོ་བ་ཡི་རང་གསུམ། དང་པོ་ལ་དངོས་དང་ཕན་ཡོན་གཉིས། དང་པོ་ནི། མོས་པ་རང་གི་སོགས། གཉིས་པ་ཕན་ཡོན་ནི། ཤེས་རབ་ཕ་རོལ་སོགས། གཉིས་པ་བསྔོ་བ་བསྒོམ་ལམ་ནི། ཡོངས་སུ་བསྔོ་བ་སོགས། གསུམ་པ་ཡི་རང་བསྒོམ་ལམ་ནི། ཐབས་དང་མི་དམིགས་སོགས། གཉིས་པ་ཟག་མེད་བསྒོམ་ལམ་ལ། ཡོན་ཏན་མངོན་པར་སྒྲུབ་པ་དང༌། དྲི་མ་རྣམ་པར་དག་པའི་བསྒོམ་ལམ་གཉིས། དང་པོ་ནི། དེ་ཡི་ངོ་བོ་སོགས། གཉིས་པ་རྣམ་དག་སྒོམ་ལམ་ལ། རྒྱུ་དང་རང་བཞིན་གཉིས་ལས། དང་པོ་ནི། སངས་རྒྱས་བསྟེན་དང་སོགས། གཉིས་པ་ལ་རྣམ་དག་སྒོམ་ལམ་

― ZP02_Page_086 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱིར་བསྟན་པ་དང༌། བྱེ་བྲག་ཏུ་བཤད་པ་གཉིས་ལས། དང་པོ་ནི། འབྲས་བུ་དག་པ་སོགས། བྱེ་བྲག་ཏུ་བཤད་པ་ལ། ལམ་གྱི་དབྱེ་བ་དངོས་དང༌། མཐར་ཐུག་ལམ་གྱི་ཁྱད་པར་རོ། །དང་པོ་ནི། ཉོན་མོངས་ཤེས་བྱ་སོགས། གཉིས་པ་ལ་ལམ་གྱི་ཁྱད་པར་དངོས་དང༌། རྩོད་པ་སྤངས་པའོ། །དང་པོ་ནི། ས་དགུ་ལ་ནི་སོགས། གཉིས་པ་ནི། དེ་ལ་ཀླན་སོགས། ཤེས་རབ་ཀྱི་སོགས། སྐབས་གཉིས་པའི་མཚན་ནོ། ༈ གསུམ་པ་སྤང་བྱ་གཞི་ཤེས་ཀྱི་ཡན་ལག་རྒྱས་པར་བཤད་པ་ལ་དྲུག །གཞི་ཤེས་ཀྱི་རང་བཞིན། ཉེ་རིང་དུ་འཇོག་པའི་རྒྱུ་མཚན། སྤང་བྱ་དང་གཉེན་པོའི་རབ་དབྱེ། ཇི་ལྟར་ཉམས་སུ་ལེན་པའི་ཚུལ། དེ་ལྟར་ཉམས་སུ་བླང་བའི་འབྲས་བུ། མཁྱེན་གསུམ་གྱི་མཇུག་བསྡུ་བའོ། །དང་པོ་གཞི་ཤེས་ཀྱི་རང་བཞིན་ནི། ཚུ་རོལ་ཕ་རོལ་སོགས། གཉིས་པ་ཉེ་རིང་དུ་འཇོག་པའི་རྒྱུ་མཚན་ནི། དེ་ནི་མཚན་མ་སོགས། གསུམ་པ་སྤངས་གཉེན་གྱི་རབ་དབྱེ་ལ། གཞི་ལམ་དང་འབྲས་བུ་ལ་མཚན་འཛིན་གྱི་སྤངས་གཉེན། དེ་དག་གི་མཇུག་བསྡུ་བའོ། །དང་པོ་ལ་སྤང་བྱ་དང༌། གཉེན་པོ་གཉིས། དང་པོ་སྤང་བྱ་ནི། གཟུགས་སོགས་ཕུང་པོ་སོགས། གཉིས་པ་གཉེན་པོ་ནི། སྦྱིན་ལ་སོགས་ལ་སོགས། གཉིས་པ་འབྲས་བུ་ལ་མཚན་འཛིན་གྱི་སྤང་གཉེན། ཆགས་པའི་རྒྱུ་མཚན། གཉེན་པོ། རྒྱུ་མཚན་ལས་འཕྲོས་དོན་ནོ། །དང་པོ་ནི། རྒྱལ་ལ་སོགས་ལ་སོགས། གཉིས་པ་རྒྱུ་མཚན་ནི།

― ZP02_Page_087 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་ཀྱི་ལམ་ནི་སོགས། གསུམ་པ་གཉེན་པོ་ནི། ཆོས་རྣམས་རང་བཞིན་སོགས། བཞི་པ་ལ་རྟོགས་དཀའ་བ་དང༌། ཟབ་པའི་རྒྱུ་མཚན་ནོ། །དང་པོ་ནི། མཐོང་བ་ལ་སོགས་སོགས། གཉིས་པ་ནི། གཟུགས་ལ་སོགས་པ་སོགས། གསུམ་པ་དེ་དག་གི་མཇུག་བསྡུ་བ་ནི། དེ་ལྟར་ཀུན་ཤེས་སོགས། བཞི་པ་ཇི་ལྟར་ཉམས་སུ་ལེན་པའི་ཚུལ་ལ། ཉམས་སུ་ལེན་ཚུལ་གྱི་སྦྱོར་བའི་ངོ་བོ་དང༌། དེ་དག་གི་མཉམ་ཉིད་དོ། །དང་པོ་ནི། གཟུགས་སོགས་དེ་མི་སོགས། གཉིས་པ་ནི། གཟུགས་ལ་སོགས་ལ་སོགས། ལམ་དེ་ལྟར་ཉམས་སུ་བླང་བའི་འབྲས་བུ་ལ་མདོར་བསྟན་པ། རྒྱས་པར་བཤད་པ་གཉིས། དང་པོ་ནི། སྡུག་བསྔལ་ལ་སོགས་སོགས། གཉིས་པ་རྒྱས་པར་བཤད་པ་ལ་སོ་སོར་བཤད་པ་དང༌། དོན་བསྡུ་བ་གཉིས། དང་པོ་སྡུག་བདེན་གྱི་རྣམ་པ་བཞི་ནི། གཟུགས་རྟག་ཆད་མ་ཡིན་སོགས། གཉིས་པ་ཀུན་འབྱུང་གི་རྣམ་པ་ནི། མཁའ་འདྲ་ཆགས་པ་སོགས། །གསུམ་པ་འགོགས་བདེན་གྱི་རྣམ་པ་བཞི་ནི། གང་ཕྱིར་འདི་དོན་སོགས། བཞི་པ་ལམ་བདེན་གྱི་རྣམ་པ་བཞི་ནི། ངན་སོང་ཆ་དང་སོགས། དོན་བསྡུ་ནི། ཀུན་ཤེས་ཉིད་སོགས། དྲུག་པ་མཁྱེན་གསུམ་གྱི་མཇུག་བསྡུ་བ་ནི། དེ་ལྟར་འདི་དང་སོགས། ཤེས་རབ་ཀྱི་སོགས། སྐབས་གསུམ་པའི་མཚན་ནོ། ༈ །གཉིས་པ་ཉམས་ལེན་སྦྱོར་བ་བཞིའི་ཡན་ལག་རྒྱས་པར་བཤད་པ་ལ། དབང་དུ་བྱ་བ་དང༌། བརྟན་པ་རྒྱུ་འབྲས་ཀྱི་ཡན་ལག་རྒྱས་

― ZP02_Page_088 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བཤད་པའོ། །དང་པོ་ལ་གཉིས། དབང་དུ་བྱེད་པའི་རྒྱུ་རྣམ་ཀུན་དང༌། དབང་དུ་བྱ་བའི་འབྲས་བུ། རྩེ་མོའི་ཡན་ལག་རྒྱས་པར་བཤད་པའོ། །དང་པོ་རྣམ་ཀུན་ལ་སྦྱོར་བ་ཁྱད་པར་ཅན་རྒྱུད་ལ་བསྐྱེད་པ་དང༌། སྦྱོར་བ་ཁྱད་པར་ཅན་རྒྱུད་ལ་སྐྱེས་པའི་སྒོམ་རིམ་མོ། །དང་པོ་ལ་བཞི། སྦྱོར་བའི་རྣམ་པ། སྦྱོར་བ་པོའི་གང་ཟག །སྦྱོར་བ་རང་གི་ངོ་བོ། །སྦྱོར་བའི་སྔོན་འགྲོའི་ཆོས་སོ། །དང་པོ་རྣམ་པ་ལ་མདོར་བསྟན་རྒྱས་བཤད་གཉིས། དང་པོ་ནི། གཞི་ཤེས་པ་ཡི་སོགས། གཉིས་པ་རྒྱས་བཤད་ལ་གཞི་ཤེས་དང༌། ལམ་ཤེས་དང༌། རྣམ་མཁྱེན་གྱི་རྣམ་པ་རྒྱས་པར་བཤད་པ་དང་གསུམ་ལས་དང་པོ་ནི། མེད་པའི་རྣམ་པ་སོགས། གཉིས་པ་ལམ་ཤེས་ཀྱི་རྣམ་པ་རྒྱས་པར་བཤད་པ་ནི། རྒྱུ་དང་ལམ་དང་སོགས། གསུམ་པ་རྣམ་མཁྱེན་གྱི་རྣམ་པ་ནི། དྲན་པ་ཉེར་བཞག་སོགས། གཉིས་པ་སྦྱོར་བ་པོའི་གང་ཟག་བསྟན་པ་ནི། །སངས་རྒྱས་རྣམས་ལ་སོགས། གསུམ་པ་སྦྱོར་བའི་ངོ་བོ་ནི། གཟུགས་ལ་སོགས་ལ་སོགས། བཞི་པ་སྦྱོར་བའི་སྔོན་འགྲོའི་ཆོས་ལ། ཐོབ་བྱ་ཡོན་ཏན། དོར་བྱ་སྐྱོན། ཤེས་བྱ་མཚན་ཉིད། རྒྱུད་ལ་བསྟེན་བྱ་ཐར་པ་ཆ་མཐུན་ནོ། །དང་པོ་ནི། བདུད་ཀྱི་མཐུ་བཅོམ་སོགས། གཉིས་པ་ནི། སྐྱོན་ནི་བཅུ་ཚན་སོགས། གསུམ་པ་ཤེས་བྱ་མཚན་ཉིད་ལ། ངོ་བོའི་སྒོ་ནས་མདོར་བསྟན། དབྱེ་བའི་སྒོ་ནས་རྒྱས་པར་བཤད་པའོ། །དང་པོ་ནི། གང་གིས་མཚོན་དེ་སོགས།

― ZP02_Page_089 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་དབྱེ་བའི་སྒོ་ནས་རྒྱས་པར་བཤད་པ་ལ། ཤེས་པ། ཁྱད་པར། བྱེད་པ། ངོ་བོ་ཉིད་ཀྱི་མཚན་ཉིད་དོ། །དང་པོ་ལ་གསུམ། གཞི་ཤེས། ལམ་ཤེས། རྣམ་མཁྱེན་གྱི་ཤེས་མཚན་ནོ། །དང་པོ་གཞི་ཤེས་ཀྱི་ཤེས་མཚན་ནི། དེ་བཞིན་གཤེགས་པ་སོགས། གཉིས་པ་ལམ་ཤེས་ཀྱི་ཤེས་མཚན་ནི། སྟོང་ཉིད་མཚན་མ་སོགས། གསུམ་པ་རྣམ་མཁྱེན་གྱི་ཤེས་མཚན་ནི། དེ་ནི་ཉིད་ཀྱི་སོགས། གཉིས་པ་ཁྱད་པར་གྱི་མཚན་ཉིད་ལ། མདོར་བསྟན་པ་དང་རྒྱས་པར་བཤད་པ་གཉིས། དང་པོ་ནི། བསམ་མི་ཁྱབ་སོགས་སོགས། གཉིས་པ་རྒྱས་པར་བཤད་པ་ནི། བསམ་མི་ཁྱབ་དང་སོགས། གསུམ་པ་སྒྲུབ་པའི་བྱེད་པ་ནི། ཕན་དང་བདེ་དང་སོགས། བཞི་པ་ངོ་བོ་ཉིད་ཀྱི་མཚན་ཉིད་ནི། ཉོན་མོངས་རྟགས་དང་སོགས། བཞི་པ་ཐར་པ་ཆ་མཐུན་ལ་ངོ་བོ་དང་དབྱེ་བ་གཉིས། དང་པོ་ནི། མཚན་མེད་རབ་ཏུ་སོགས། གཉིས་པ་དབྱེ་བ་ལ་ངོ་བོ་དང༌། རྒྱུད་ཀྱི་དབྱེ་བ་གཉིས་ལས། དང་པོ་ནི། སངས་རྒྱས་སོགས་དམིགས་སོགས། གཉིས་པ་རྒྱུད་ཀྱི་དབྱེ་བ་ནི། རྫོགས་པའི་བྱང་ཆུབ་སོགས། གཉིས་པ་སྦྱོར་བ་ཁྱད་པར་ཅན་རྒྱུད་ལ་སྐྱེས་པའི་སྒོམ་རིམ་ལ། སྦྱོར་བ་ཁྱད་པར་ཅན་སྐྱེ་བའི་དུས། སྐྱེས་པའི་རྟེན་གྱི་གང་ཟག །གང་ཟག་དེའི་སྒོམ་རིམ་མོ། །དང་པོ་ནི། དྲོ་བ་རྣམས་ཀྱི་སོགས། གཉིས་པ་ལ་སྦྱོར་བ་རྒྱུད་ལ་སྐྱེས་པའི་གང་ཟག་གི་

― ZP02_Page_090 ―

^{[མ་དཔེ་གཟིགས་ན་འདིར་གནོན།]}

[Full Size]

རྟགས་ཡོད་པའི་སྒོ་ནས་མདོར་བསྟན། ཡོད་ཆོས་རྟགས་ཀྱི་ངོ་བོ་རྒྱས་པར་བཤད་པའོ། །དང་པོ་ནི། ངེས་འབྱེད་ཡན་ལག་སོགས། གཉིས་པ་ལ་གསུམ། སྦྱོར་ལམ་པ། མཐོང་ལམ་པ། སྒོམ་ལམ་པ། ཕྱིར་མི་ལྡོག་པའི་རྟགས་སོ། །དང་པོ་ལ་མདོར་བསྟན་རྒྱས་བཤད་གཉིས། དང་པོ་ནི། གཟུགས་ལ་སོགས་ལས་སོགས། གཉིས་པ་ནི། གཟུགས་ལ་སོགས་ལས་སོགས། གཉིས་པ་ཐུན་མོང་ཕྱིར་མི་ལྡོག་པའི་རྟགས་ལ་མདོར་བསྟན་རྒྱས་བཤད་གཉིས། དང་པོ་ནི། མཐོང་བའི་ལམ་ལ་སོགས། གཉིས་པ་རྒྱས་བཤད་ནི། གཟུགས་སོགས་འདུ་ཤེས་སོགས། སྒོམ་ལམ་པ་ཕྱིར་མི་ལྡོག་པའི་རྟགས་བཤད་པ་ལ་ཞར་བྱུང་དང༌། དཀྱུས་མའི་དོན་གཉིས། དང་པོ་ལ་གསུམ། སྒོམ་ལམ་གྱི་ཁྱད་པར། ཁྱད་གཞི་སྒོམ་ལམ། དེའི་རབ་དབྱེའོ། །དང་པོ་ནི། སྒོམ་པའི་ལམ་ནི། སོགས། གཉིས་པ་སྒོམ་ལམ་རང་གི་ངོ་བོ་ནི། ངེས་འབྱེད་ཡན་ལག་སོགས། གསུམ་པ་དབྱེ་བ་ལ་དངོས་དང་དེ་ལ་རྩོད་པ་སྤང་བའོ། །དང་པོ་ནི། དེ་ནི་རྒྱུན་ཆགས་སོགས། གཉིས་པ་རྩོད་སྤང་ལ། གཉེན་པོ་གྲངས་ངེས་དང༌། བྱེད་པ་ལ་རྩོད་པ་སྤང་བའོ། །དང་པོ་ནི། གྲངས་མེད་སོགས། གཉིས་པ་བྱེད་པ་ལ་རྩོད་སྤང་ལ། རྩོད་པ་དང་ལན་གཉིས། དང་པོ་ནི། དངོས་པོ་བརྗོད་དུ་སོགས། གཉིས་པ་ལན་ལ་དངོས་ལན་དང་དེ་ལ་རྩོད་སྤང་གཉིས། དང་པོ་ནི། བྱང་ཆུབ་ཇི་ལྟར་

― ZP02_Page_091 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས། གཉིས་པ་ལ་རྩོད་པ་དང་ལན་གཉིས་དང་པོ་ནི། སེམས་ནི་སྔ་མས་སོགས། གཉིས་པ་ལན་ལ་དངོས་དོན་དང༌། གཞན་ཡང་མཚོན་པའི་ཚུལ་ལོ། །དང་པོ་ནི། མར་མེའི་དཔེ་ཡི་སོགས། གཉིས་པ་ནི། ཟབ་མོའི་ཆོས་ཉིད་སོགས། གཉིས་པ་སྒོམ་ལམ་ཕྱིར་མི་ལྡོག་པའི་རྟགས་ཀྱི་དོན་དཀྱུས་མ་བཤད་པ་ནི། སྐྱེ་བ་དང་ནི་སོགས། གསུམ་པ་སྦྱོར་བ་ཁྱད་པར་ཅན་རྒྱུད་ལ་སྐྱེས་པའི་གང་ཟག་དེའི་སྒོམ་རིམ་ལ། བརྟེན་པ་སངས་རྒྱས་ཐོབ་པར་བྱེད་པ། རྟེན་ཞིང་དག་པར་བྱེད་པ། སངས་རྒྱས་ཀྱི་ཞིང་དེར་དོན་མཛད་པའི་རྒྱུའོ། །དང་པོ་ལ་དངོས་ཀྱིས་དོན་དང་དེ་ལ་ཀླན་ཀ་སྤང་བའོ། །དང་པོ་ནི། ཆོས་རྣམས་རྨི་ལམ་སོགས། གཉིས་པ་ནི། ལས་མེད་ལ་སོགས་སོགས། གཉིས་པ་རྟེན་ཞིང་དག་པར་བྱེད་པ་ནི། སེམས་ཅན་འཇིག་རྟེན་སོགས། གསུམ་པ་ཞིང་དེར་འགྲོ་དོན་མཛད་པའི་རྒྱུ་ཐབས་ལ་མཁས་པ་ནི། ཡུལ་དང་སྦྱོར་བ་སོགས། ཤེས་རབ་སོགས་སྐབས་བཞི་པའི་མཚན་ནོ། །གཉིས་པ་དབང་དུ་བྱ་བའི་འབྲས་བུ་རྩེ་སྦྱོར་གྱི་ཡན་ལག་རྒྱས་པར་བཤད་པ་ལ་བཞི། སྦྱོར་ལམ། མཐོང་ལམ། སྒོམ་ལམ། བར་ཆད་མེད་པའི་རྩེ་མོའོ། །དང་པོ་ལ་བཞི། དྲོད། རྩེ་མོ། །བཟོད་པ། ཆོས་མཆོག་གི་རྩེ་མོའོ། །དང་པོ་ནི། རྨི་ལམ་ན་ཡང་སོགས། གཉིས་པ་ནི། འཛམ་བུ་གླིང་སོགས། གསུམ་པ་ནི། ཀུན་མཁྱེན་ཉིད་གསུམ་

― ZP02_Page_092 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས། བཞི་པ་ནི། གླིང་བཞི་ས་དང་སོགས། གཉིས་པ་མཐོང་ལམ་རྩེ་སྦྱོར་ལ་མི་མཐུན་ཕྱོགས། གཉེན་པོ་གཉིས། དང་པོ་ལ་མདོར་བསྟན་རྒྱས་པར་བཤད་པ་གཉིས། དང་པོ་གཟུང་རྟོག་མདོར་བསྟན་ནི། །འཇུག་པ་དང་ནི་སོགས། གཉིས་པ་འཛིན་རྟོག་མདོར་བསྟན་ནི། སོ་སོའི་སྐྱེ་བོ་སོགས། གཉིས་པ་རྒྱས་བཤད་ལ་གཉིས། དང་པོ་གཟུང་རྟོག་རྒྱས་པར་བཤད་པ་ནི། ངོ་བོ་ཉིད་དང་སོགས། གཉིས་པ་འཛིན་རྟོག་རྒྱས་པར་བཤད་པ་ནི། འཛིན་པ་དང་ནི་སོགས། གཉིས་པ་གཉེན་པོ་བཤད་པ་ལ། ཞར་བྱུང་དང༌། དཀྱུས་མ་གཉིས། དང་པོ་ལ་མཐོང་ལམ་རྩོམ་པའི་གྲོགས། དེའི་འབྲས་བུའོ། །དང་པོ་ནི། བྱང་ཆུབ་ལ་གཞན་སོགས་གཉིས་པ་འབྲས་བུ་ལ་དོན་ལ་གནས་པའི་བྱང་ཆེན་བསྟན། རྟོག་པས་བཏགས་པའི་བྱང་ཚན་དགགས་པའོ། །དང་པོ་ནི། དྲི་མ་ཟད་དང་སོགས། གཉིས་པ་ལ། དངོས་པོར་སྨྲ་བའི་ལུགས་དགག་པ་སྟོང་པར་སྨྲ་བའི་ལུགས་བཞག་པའོ། །དང་པོ་ལ་ཁྱབ་བྱེད་ལ་དམིགས་པ་དང༌། ཁས་བླང་ནང་འགལ་གྱིས་དགག་པ་གཉིས། དང་པོ་ནི། འགོགས་པ་མེད་པའི་སོགས། གཉིས་པ་ཁས་བླང་ནང་འགལ་གྱི་དགག་པ་ནི། གཞན་གྱི་ཆོས་རྣམས་སོགས། གཉིས་པ་སྟོང་པར་སྨྲ་བའི་ལུགས་བཞག་པ་ནི། འདི་ལ་བསལ་བྱ་སོགས། གཉིས་པ་དཀྱུས་མའི་དོན་བཤད་པ་ལ། མཐོང་རྩེ་དངོས་དང༌། དེ་ཇི་ལྟར་སྒོམ་ཚུལ་ལོ། །དང་པོ་ནི། སྦྱིན་པ་ལ་སོགས་སོགས་

― ZP02_Page_093 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་ནི། དེ་ནས་སེང་གེ་སོགས། གསུམ་པ་སྒོམ་ལམ་རྩེ་སྦྱོར་ལ་རྟེན་སྒོམ་ལམ། སྤང་བྱ་རྣམ་རྟོག །བརྟེན་པ་ཡོན་ཏན་ནོ། །དང་པོ་ནི། འགོགས་དང་བཅས་པའི་སོགས། གཉིས་པ་ལ། གཟུངས་རྟོག་འཛིན་རྟོག་གཉིས། དང་པོ་ནི། མདོར་བསྡུས་རྒྱས་དང་སོགས། གཉིས་པ་འཛིན་རྟོག་ནི། སེམས་ཅན་བཏགས་པའི་སོགས། གསུམ་པ་བརྟེན་པ་ཡོན་ཏན་ནི། ཡམ་ནད་འདི་རྣམས་སོགས། བཞི་པ་བར་ཆད་མེད་པའི་རྩེ་མོ་ལ། ངོ་བོ། །རྒྱུ་སྤང་བྱའོ། །དང་པོ་ངོ་བོ་ནི། སྟོང་གསུམ་སྐྱེ་བོ་སོགས། གཉིས་པ་རྒྱུ་ནི། འདི་ཡི་དམིགས་པ་སོགས། གསུམ་པ་སྤང་བྱ་ལོག་རྟོག་ལ་མདོར་བསྟན་དང་རྒྱས་བཤད་གཉིས། དང་པོ་ནི། འདི་ལ་ནི། རབ་ཏུ་སོགས། གཉིས་པ་རྒྱས་བཤད་ནི། དམིགས་པ་འཐད་དང་སོགས། ཤེས་རབ་སོགས། སྐབས་ལྔ་པའི་མཚན་ནོ། །གཉིས་པ་བརྟན་པ་རྒྱུ་འབྲས་ཀྱི་ཡན་ལག་རྒྱས་པར་བཤད་པ་ལ། བརྟན་པའི་རྒྱུ་མཐར་གྱིས་པ་དང༌། བརྟན་པའི་འབྲས་བུ་སྐད་ཅིག་མའི་ཡན་ལག་རྒྱས་པར་བཤད་པའོ། །དང་པོ་བརྟན་པའི་རྒྱུ་མཐར་ཀྱིས་པའི་ཡན་ལག་རྒྱས་པར་བཤད་པ་ནི། སྦྱིན་པ་ཤེས་རབ་སོགས། ཤེས་རབ་སོགས་སྐབས་དྲུག་པའི་མཚན་ནོ། ༈ །གཉིས་པ་བརྟན་པའི་འབྲས་བུ་སྐད་ཅིག་མའི་སྦྱོར་བ་ལ། ཡོན་ཏན་མངོན་དུ་བྱེད་པ་དང༌། ཡུལ་གྱི་རང་བཞིན་རྟོགས་ཚུལ་གྱི་དབང་དུ་བྱས་པའི་སྐད་ཅིག་མ་གཉིས། དང་པོ་ལའང༌། རྣམ་སྨིན་མ་

― ZP02_Page_094 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན་པ་དང༌། རྣམ་སྨིན་གྱི་སྐད་ཅིག་མ་གཉིས་ལས། དང་པོ་རྣམ་སྨིན་མ་ཡིན་པ་ལ་དངོས་ཀྱི་དོན་དང༌། དེ་མཚོན་པའི་དཔེ་གཉིས་ལས། དང་པོ་ནི། སྦྱིན་པ་ལ་སོགས་སོགས། གཉིས་པ་ནི། ཇི་ལྟར་སྐྱེས་བུས་སོགས། གཉིས་པ་རྣམ་སྨིན་གྱི་སྐད་ཅིག་མ་ནི། གང་ཚེ་ཆོས་དཀར་སོགས། གཉིས་པ་ཡུལ་གྱི་རང་བཞིན་རྟོགས་ཚུལ་གྱི་དབང་དུ་བྱས་པའི་སྐད་ཅིག་མ་ལ་མཚན་མ་མེད་པ་དང༌། གཉིས་སུ་མེད་པའི་སྐད་ཅིག་མ་གཉིས་ལས། དང་པོ་ནི། སྦྱིན་པ་ལ་སོགས་སོགས། གཉིས་པ་གཉིས་སུ་མེད་པའི་སྐད་ཅིག་མ་ནི། རྨི་ལམ་དང་ནི་སོགས། ཤེས་རབ་སོགས་སྐབས་བདུན་པའི་མཚན་ནོ། ༈ །གསུམ་པ་ཞུགས་འབྲས་ཆོས་སྐུའི་ཡན་ལག་རྒྱས་པར་བཤད་པ་ལ། སྐུ་དང་མཛད་པ་གཉིས། དང་པོ་ལ་ངོ་བོ་ཉིད་དང༌། ཡེ་ཤེས་ཆོས་སྐུ་དང༌། ལོངས་སྐུ་དང༌། སྤྲུལ་སྐུ་དང་བཞི་ལས། དང་པོ་ནི། ཐུབ་པའི་ངོ་བོ་སོགས། གཉིས་པ་ཡེ་ཤེས་ཆོས་སྐུ་ལ། དངོས་ཀྱི་དོན་དང༌། དེའི་ཁྱད་པར་བཤད་པ། དེ་ལ་རྩོད་པ་སྤང་བའོ། །དང་པོ་ནི། བྱང་ཆུབ་ཕྱོགས་མཐུན་སོགས། གཉིས་པ་དེའི་ཁྱད་པར་བཤད་པ་ལ། ཉོན་མོངས་མེད་པ་དང༌། སྨོན་ནས་ཤེས་པའི་ཁྱད་པར་གཉིས། དང་པོ་ནི། ཉན་ཐོས་ཉོན་མོངས་སོགས། གཉིས་པ་ནི། སངས་རྒྱས་སྨོན་ནས་སོགས། གསུམ་པ་རྩོད་པ་སྤང་བ་ལ། ཆོས་སྐུ་རྟག་པ་དང༌། ཁྱབ་རྟག་གཉིས་ཀའི་རྩོད་པ་སྤང་བའོ། །དང་

― ZP02_Page_095 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་ལ་དངོས་དང༌། དེ་དཔེས་སྒྲུབ་པའོ། །དང་པོ་ནི། རྒྱུ་ནི་ཡོངས་སུ་སོགས། གཉིས་པ་ནི། ལྷ་ཡི་རྒྱལ་པོའི་སོགས། གཉིས་པ་རྟག་ཁྱབ་གཉིས་ཀ་ལ་རྩོད་པ་སྤང་བ་ནི། དེ་ལྟར་མཛད་པ་སོགས་གསུམ་པ་ལོངས་སྐུ་ལ། རང་བཞིན་མདོར་བསྟན་ཡོན་ཏན་རྒྱས་པར་བཤད་པ་གཉིས། དང་པོ་ནི། མཚན་ནི་སུམ་ཅུ་སོགས། གཉིས་པ་ཡོན་ཏན་རྒྱས་པར་བཤད་པ་ལ། མཚན་དང༌། དཔེ་བྱད་གཉིས་ལས། དང་པོ་ལ་དངོས་དང༌། དེ་བསྐྱེད་པའི་རྒྱུ་གཉིས་ལས། དང་པོ་ནི། ཕྱག་ཞབས་འཁོར་ལོའི་སོགས། གཉིས་པ་ནི། འདི་ལ་མཚན་ནི་སོགས། གཉིས་པ་དཔེ་བྱད་ནི། ཐུབ་པའི་སེན་མོ་སོགས། བཞི་པ་སྤྲུལ་སྐུ་བསྟན་པ་ནི། གང་གིས་སྲིད་པ་སོགས། གཉིས་པ་ཕྲིན་ལས་ལ་གསུམ། དུས་ཀྱི་སྒོ་ནས་མདོར་བསྟན། དབྱེ་བའི་སྒོ་ནས་རྒྱས་པར་བཤད། གྲངས་ཀྱི་སྒོ་ནས་མཇུག་བསྡུ་བའོ། །དང་པོ་ནི། དེ་བཞིན་འཁོར་བ་སོགས། གཉིས་པ་དབྱེ་བ་ལ། ལམ་གྱི་རྟེན་དང༌། ལམ་དངོས། དེའི་འབྲས་བུ་ལ་དགོད་པའོ། །དང་པོ་ནི། འགྲོ་རྣམས་ཞི་བའི་སོགས། གཉིས་པ་ནི། བསྡུ་རྣམ་བཞི་ལ་སོགས། གསུམ་པ་འབྲས་བུ་ལ་དགོད་པ་ནི། མྱ་ངན་འདས་ལ་སོགས། གསུམ་པ་གྲངས་ཀྱི་སྒོ་ནས་མཇུག་བསྡུ་བ་ནི། ཆོས་ཀྱི་སྐུ་ཡི་སོགས། ཤེས་རབ་སོགས། སྐབས་བརྒྱད་པའི་མཚན་ནོ། །གཉིས་པ་འབྲིང་ལ་དད་པ་ལ་དྲུག་ཏུ་དབྱེ་བ་ནི། མཚན་ཉིད་དེ་ཡི་སོགས། གསུམ་པ་བསྡུས་པ་ལ་དད་པ་ལ་གསུམ་

― ZP02_Page_096 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་བསྡུ་བ་ནི། ཡུལ་ནི་རྣམ་པ་སོགས། གསུམ་པ་བསྒྱུར་བྱང་ལ། མཛད་བྱང་བསྒྱུར་བྱང་གཉིས་ལས། དང་པོ་ནི། ཤེས་རབ་ཀྱི་ཕ་རོལ་ཏུ་སོགས། རྫོགས་སོ། །གཉིས་པ་ནི། རྒྱ་གར་སོགས། ཕབ་པའོ། །འདིས་ཀྱང་བསྟན་འགྲོ་ལ་མྱུར་དུ་ཕན་ཐོག་པར་གྱུར་ཅིག །

ཐེག་པ་ཆེན་པོའི་བསྟན་བཅོས་རྒྱུད་བླ་མའི་ས་བཅད།

― ZP02_Page_097 ―

^{[མ་དཔེ་གཟིགས་ན་འདིར་གནོན།]}

[Full Size]

ཐེག་པ་ཆེན་པོའི་བསྟན་བཅོས་རྒྱུད་བླ་མའི་ས་བཅད་བཞུགས་སོ།། །།

― ZP02_Page_098 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་མཁྱེན་རྟོན་པ་བཞི་ལྡན་ལ། །སྒོ་གསུམ་གུས་པས་ཕྱག་འཚལ་ལོ། །ཐེག་པ་ཆེན་པོ་རྒྱུད་བླ་མ། །འདི་འཆད་པ་ལ་དོན་རྣམ་བཞི། །དོན་དང་མཐུན་པའི་མཚན་གྱི་དོན། །དོན་ཆེན་སྒྲུབ་པ་སྤྱི་ཡི་ཕྱག །དོན་མཆོག་ལྡན་པའི་བསྟན་བཅོས་དངོས། །དོན་དེ་ལེགས་པར་བསྒྱུར་ཚུལ་ལོ། །དང་པོ་གཉིས་ལ་དབྱེ་བ་མེད། །གསུམ་པ་ཉིད་ལ་དོན་གསུམ་ཏེ། །ལུས་ཉིད་རྣམ་པར་བཞག་དང་གཅིག །ཡན་ལག་རྒྱས་པར་བཤད་དང་གཉིས། །ཡོངས་སུ་རྫོགས་པའི་བྱ་བ་གསུམ། །ལུས་ཉིད་བཞག་ལ་དོན་གསུམ་སྟེ། །སྡོམ་དོན་ལུང་སྦྱོར་གོ་རིམ་ངེས། །གསུམ་པོ་ཚིག་བཅད་རེ་རེའོ། །ཡན་ལག་རྒྱས་པར་བཤད་ལ་གཉིས། །ཐོབ་བྱ་མཆོག་གསུམ་ཡན་ལག་དང༌། །ཐོབ་ཚུལ་གནས་བཞི་རྒྱས་བཤད་དེ། །དང་པོ་མཆོག་གསུམ་བཤད་ལ་གསུམ། །མཆོག་གསུམ་སོ་སོའི་ངོ་བོ་གཅིག །སྐྱབས་

― ZP02_Page_099 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་རྣམ་པར་འཇོག་དང་གཉིས། །ངེས་པའི་ཚིག་གིས་བཤད་དང་གསུམ། །དང་པོ་སོ་སོའི་ངོ་བོར་གསུམ། །སྐྱབས་གནས་མཐར་ཐུག་སངས་རྒྱས་དང༌། །དེས་བསྟན་དམ་པའི་ཆོས་དཀོན་མཆོག །དེ་འཛིན་དགེ་འདུན་ངོ་བོའོ། །དང་པོ་སངས་རྒྱས་ངོ་བོར་གསུམ། །བསྟོད་པའི་སྒོ་ནས་དངོས་པོ་བརྗོད། །གང་ཞིག་ཐོག་སོགས། །དོན་དེ་རྣམ་པར་ཕྱེ་སྟེ་བསྟན། །འདུས་མ་བྱས་སོགས། །དེ་དག་སྦྱར་ཏེ་རྒྱས་བཤད་དོ། །ཐོག་མ་དབུས། །གཉིས་པ་དམ་ཆོས་བཤད་ལ་བཞི། །བསྟོད་པའི་སྒོ་ནས་དངོས་པོ་བརྗོད། །གང་ཞིག་སོགས༴ །དོན་དེ་རྣམ་པར་ཕྱེ་སྟེ་བསྟན། བསམ་མེད། །དེ་དག་བདེན་པ་གཉིས་སུ་བསྡུས། །ཆགས་བྲལ་ཉིད༴ །དེ་རྣམས་སྦྱར་ཏེ་རྒྱུ་མཚན་བཤད། །བརྟགས་མིན༴ །གསུམ་པ་དགེ་འདུན་བཤད་ལ་གསུམ། །བསྟོད་པའི་

― ZP02_Page_100 ―

^{[མ་དཔེ་གཟིགས་ན་འདིར་གནོན།]}

[Full Size]

སྒོ་ནས་དངོས་པོ་བརྗོད། །སེམས་དེ་རང་བཞིན༴ །ཡོན་ཏན་དེ་དག་གཉིས་སུ་བསྡུས། །ཇི་ལྟ༴ །དེ་རྣམས་སྦྱར་ཏེ་རྒྱས་པར་བཤད། །འགྲོ་བ༴ །གཉིས་པ་སྐྱབས་གསུམ་འཇོག་ཚུལ་གསུམ། །དགོས་པ་ལ་ལྟོས་གསུམ་དུ་འཇོག །སྟོན་པ༴ །ཕྱི་མ་གཉིས་པོ་གཏན་སྐྱབས་མིན། །སྤངས་ཕྱིར༴ །དོན་གྱི་སྐབས་གནས་གཏན་ལ་དབབ། །དམ་པའི༴ །ངེས་ཚིག་བཤད་ལ་དབྱེ་བ་མེད། །འབྱུང་བ༴ །ཐོབ་ཚུལ་གནས་བཞི་བཤད་ལ་གསུམ། །ཐུན་མོང་དུ་བསྟན་སོ་སོ་ཡི། །ངོ་བོ་དེ་དག་ཕན་ཡོན་ནོ། །དང་པོ་ཐུན་མོང་དུ་བསྟན་བཞི། །གནས་བཞི་དམ་པའི་ཡུལ་གྱུར་ཚུལ། །དྲི་བཅས༴ །དེ་དག་བསམ་མི་ཁྱབ་པར་བསྟན། །དཀོན་མཆོག༴ །དེ་ཡི་རྒྱུ་མཚན་རྒྱས་པར་བཤད། །དག་དང་༴ །རྒྱུ་དང་རྐྱེན་གྱི་རྣམ་པར་བཞག་རྟོགས་བྱ༴ །གཉིས་པ་སོ་སོའི་ངོ་བོ་བཞི། །རྟོགས་པར་བྱ་བ་ཆོས་དབྱིངས་དོན། །རྟོགས་པའི་ངོ་བོ་བྱང་ཆུབ་དོན། །རྟོགས་པའི་ཡན་ལག་ཡོན་ཏན་དོན། །རྟོགས་པར་བྱེད་པའི་འཕྲིན་ལས་དོན། །རྟོགས་བྱ་ཆོས་དབྱིངས་དོན་ལ་བརྒྱད། །ཆོས་དབྱིངས་ཀུན་ལ་ཁྱབ་ཚུལ་གཅིག་རྫོགས་སངས༴ །ཁྱབ་བྱེད་སྡོམ་གྱིས་མདོར་བསྟན་གཉིས། །ངོ་བོ་རྒྱུ༴ །སྡོམ་དོན་རྒྱས་པར་བཤད་དང་གསུམ། །བཤད་པའི་དོན་བསྡུས་མཚམས་སྦྱར་བཞི། །མཚམས་སྦྱར་བ་ལྟར་དཔེས་བསྟན་ལྔ། །བསྟན་དོན་དད་པས་རྟོགས་ཚུལ་དྲུག །རྟོགས་བྱའི་སྟོང་ཉིད་ངོས་བཟུང་བདུན། །དེ་རྣམས་བཤད་པའི་དགོས་པ་

― ZP02_Page_101 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱད། །གསུམ་པ་སྡོམ་དོན་རྒྱས་བཤད་བརྒྱད། །ངོ་བོ་རྒྱུ་ལས་དག་དོན་གཅིག །འབྲས་བུའི་བྱེད་ལས་གྲུབ་དོན་གཉིས། །ཡོན་ཏན་ཚོགས་དང་ལྡན་དོན་གསུམ། །གང་ཟག་དབྱེ་བའི་འཇུག་དོན་བཞི། །གནས་སྐབས་མིང་ཙམ་དབྱེ་དོན་ལྔ། །མཁའ་ལྟར་ཀུན་ཏུ་འགྲོ་དོན་དྲུག །དུས་རྟག་འགྱུར་བ་མེད་དོན་བདུན། །ཡོན་ཏན་རྣམ་དབྱེར་མེད་དོན་བརྒྱད། །དང་པོ་དག་པའི་དོན་ལ་གཉིས། །དག་བྱ་དག་བྱེད་ཐུན་མོང་བསྟན། །རིན་ཆེན༴ །སོ་སོའི་ངོ་བོ་ཁྱད་པར་བཤད། །འདི་ལ་དག་བྱ་ངོ་བོའི་དོན། །མཐུ་དང་༴ །དག་བྱེད་རྒྱུ་ཡི་དོན་དང་གཉིས། །ཕྱི་མ་དག་བྱེད་འདིར་ཡང་གཉིས། །སྤང་བྱ་སྒྲིབ་པ་བཞི་སྤོང་ཚུལ། །ཆོས་ལ༴ །གཉེན་པོས་རྒྱལ་སྲས་སུ་འགྱུར་ཚུལ། །ཐེག་མཆོག༴ །གཉིས་པ་འབྲས་ལས་འགྲུབ་དོན་གཉིས། །ཐོབ་བྱ་འཐོབ་བྱེད་ཐུན་མོང་བསྟན། །གཙང་བདག༴ །སོ་སོའི་ངོ་བོ་རྒྱས་པར་བཤད། །ཕྱི་མ་འདི་ལ་གཉིས་ཡིན་ཏེ། །ཐོབ་བྱ་འབྲས་བུ་འཐོབ་བྱེད་ལས། །ཐོབ་བྱ་འབྲས་བུའི་དོན་ལ་གསུམ། །སྤང་བྱ་ཕྱིན་ཅི་ལོག་སྤོང་ཚུལ། །འདི་དག༴ །སྤངས་པས་འབྲས་བུ་བཞི་ཐོབ་ཚུལ། །དེ་ནི༴ །ཐོབ་པས་མཐའ་གཉིས་ལས་གྲོལ་ཚུལ། །བདག་སྲེད༴ །ཐོབ་བྱེད་ལས་ཀྱི་དོན་ལ་གཉིས། །དབྱིངས་མེད་སྤོང་ལེན་མི་རྟོག་པ། །གལ་ཏེ༴ །རིགས་ཡོད་སྐྱོན་ཡོན་རྟོགས་པའི་ལས། །སྲིད་དང་༴ །ཡོན་ཏན་ཚོགས་ལྡན་དོན་ལ་གཉིས། །དང་པོ་ཐུན་མོང་དུ་བསྟན་

― ZP02_Page_102 ―

^{[མ་དཔེ་གཟིགས་ན་འདིར་གནོན།]}

[Full Size]

དང༌། །རྒྱ་མཚོ༴ །སོ་སོའི་ངོ་བོ་བཤད་པའོ། །སོ་སོའི་ངོ་བོ་བཤད་འདིར་གཉིས། །རྒྱུ་ཡི་ཡོན་ཏན་ལྡན་པའི་དོན། །ཆོས་སྐུ༴ །འབྲས་བུའི་ཡོན་ཏན་ལྡན་པའི་དོན། །དྲི་མེད༴ །གང་ཟག་དབྱེ་བས་འཇུག་དོན་གཉིས། །གསུམ་གྱིས་འཇུག་པས་གསུངས་པའི་ཚུལ། །སོ་སོའི་སྐྱེ༴ །དེ་རྣམས་རིམ་གྱིས་དག་ཚུལ་ལོ། །སོ་སོ༴ །གནས་སྐབས་མིང་ཙམ་དོན་ལ་གཉིས། །གནས་སྐབས་གསུམ་དུ་མིང་འདོགས་ཚུལ། །མ་དག༴ །གསུམ་གྱི་དོན་དྲུག་བསྡུས་ཚུལ་ལོ། །ངོ་བོ༴ །མཁའ་ལྟར་ཀུན་འགྲོའི་དོན་ལ་གཉིས། །རྟོག་མེད་ཀུན་ལ་ཁྱབ་པའི་ཚུལ། །ཇི་ལྟར། །སྤྱི་མཚན་དབྱེ་བ་མེད་པའི་ཚུལ། །དེ་སྤྱིའི༴ །རྟག་ཏུ་འགྱུར་བ་མེད་དོན་གཉིས། །འགྱུར་མེད་གནས་སྐབས་བསྟན་པ་དང༌། །ཉེས་པ༴ །དེ་ཚུལ་རྒྱས་པར་བཤད་པའོ། །དེ་ཚུལ་རྒྱས་བཤད་འདི་ལ་གསུམ། །མ་དག་གནས་སྐབས་འགྱུར་མེད་དང༌། །མ་དག་དག་པའི་སྐབས་མི་འགྱུར། །ཤིན་ཏུ་རྣམ་དག་སྐབས་མི་འགྱུར། །དང་པོ་ལའང་གཉིས་ཡིན་ཏེ། །མཁའ་བཞིན་འགྱུར་བ་མེད་ཚུལ་དང༌། །དེ་རྣམས་ཁྱད་པར་བཤད་ཚུལ་ལོ། །དང་པོ་ལའང་བསྟན། །ཇི་ལྟར༴ །བཤད་བསྡུ། །རྒྱས་པར་བཤད་པ་དག་ལ་ལྔ། །ཆོས་ཅན་སྐྱེ་འཇིག་སྣང་བའི་ཚུལ། །ཇི་ལྟར༴ །ཆོས་ཉིད་འཇིག་པ་མེད་པའི་ཚུལ། །ཇི་ལྟར༴ །གནས་ལུགས་རྒྱས་པར་བསྟན་ལ་གསུམ། །དཔེ་དང་དོན་དང་དེ་དག་སྦྱར། །ས་ནི༴ །དེ་བཞིན༴ ས་དང་༴

― ZP02_Page_103 ―

^{[མ་དཔེ་གཟིགས་ན་འདིར་གནོན།]}

[Full Size]

གློ་བུར་འཁོར་བར་གྱུར་པའི་ཚུལ། །ཚུལ་བཞིན༴། རང་བཞིན་འགྱུར་བ་མེད་པའི་ཚུལ། །སེམས་ཀྱི༴ །དེ་ལྟར་ལྔ་པོའི་དོན་བསྡུ་བ། །སེམས་ཀྱི༴ །གཉིས་པ་དེ་རྣམས་ཁྱད་པར་གཉིས། །འགྱུར་མེད་སྐྱེ་འཇིག་གིས་དབེན་པ། །ལས་དང༌། །འགྱུར་བ་མེ་གསུམ་དང་མཐུན་ནོ། །དུས་མཐའི༴ །མ་དག་དག་སྐབས་མི་འགྱུར་གཉིས། །སྐྱེ་སོགས་ཀྱིས་མི་འགྱུར་དོན་དངོས། །རྒྱལ་སྲས་ཡོན་ཏན་ངོས་བཟུང་བ། །དོན་དངོས་བསྟན་པ་གཉིས་ཡིན་ཏེ། །མི་འགྱུར་འགྱུར་བར་སྣང་བའི་ཚུལ། །སྐྱེ་འཆི༴ །དེ་དོན་རྒྱས་པར་བཤད་ལ་གཉིས། །སྡུག་བསྔལ་རྐྱེན་གྱིས་འགྱུར་བ་མེད། །འཕགས་པས༴ །སྙིང་རྗེའི་དབང་ལས་འགྱུར་བར་སྣང༌། །ཇི་བཞིན༴ །རྒྱལ་སྲས་ཡོན་ཏན་ངོས་བཟུང་ལྔ། །དང་པོ་སེམས་བསྐྱེད་སྐྱེས་ཡོན་ཏན། །རྒྱལ་སྲས༴ །སྤྱོད་པ་མཆོག་ལ་ཞུགས་ཡོན་ཏན། །དེ་ནི༴ །ཕྱིར་མི་ལྡོག་པ་ཐོབ་ཡོན་ཏན། །བྱ་བ༴ །སྐྱེ་བ་ཐ་མར་གྱུར་ཡོན་ཏན། །སྔོན་གྱི༴ །དེ་ཡི་དོན་གཉིས་གྲུབ་ཁྱད་པར། །བྱང་ཆུབ༴ །ཤིན་ཏུ་རྣམ་པར་དག་པའི་སྐབས། །འགྱུར་བ་མེད་ཚུལ་མདོར་བསྟན་ཅིང༌། །གཞན་འགྱུར༴ །དེ་དོན་རྒྱས་པར་བཤད་ལ་གསུམ། །བསྟན་དང༌། །སྐྱེ་བ༴ །སྦྱར་ཏེ་རྒྱས་བཤད་པས། །དེ་ནི་ཡེ༴ །སྐྱེ་ལ་སོགས་དང་བྲལ་བའི་དོན། །དོན་བསྡུ་སྔ་ཕྱི་མཚམས་སྦྱར་བ། །དེ་ལ༴ རྟག་ལ་སོགས་སུ་འཇོག་པའི་རྒྱུ། །མི་ཟད༴ ཡོན་

― ZP02_Page_104 ―

^{[མ་དཔེ་གཟིགས་ན་འདིར་གནོན།]}

[Full Size]

ཏན་རྣམས་དབྱེར་མེད་དོན་ལ། །མིང་གི་སྒོ་ནས་མདོར་བསྟན་ནས། །གང་ཕྱིར༴ །རྒྱས་པར་བཤད་ལ་རྣམ་པ་གསུམ། །མིང་གི་རྣམ་གྲངས་རྒྱས་པར་བཤད། །དོན་གྱི་ངོ་བོ་རྒྱས་པར་བཤད། །དེ་དག་དཔེ་ཡིས་ངེས་པར་བྱ། །དང་པོ་མིང་གྲངས་རྒྱས་བཤད་གཉིས། །དོན་བཞིའི་དབང་གི་མིང་བཞིར་གསུངས། །མདོར་ན༴ །དེ་རྣམ་དོན་དང་སྦྱར་དེ་བཤད། །སངས་རྒྱས༴ །གཉིས་པ་དོན་གྱི་ངོ་བོ་གཉིས། །གཉིས་སུ་མེད་དོན་རྒྱས་པར་བཤད། །རྣམ་ཀུན༴ །ཐར་པ་མྱང་འདས་རྒྱས་པར་བཤད། །རྣམ་པ༴ །གསུམ་པ་དཔེ་ཡིས་ངེས་བྱ་གཉིས། །རི་མོའི་དཔེ་དང་ཉི་མའི་དཔེ། །རི་མོའི་དཔེ་ཡིས་ངེས་བྱ་བ། །ཇི་ལྟར༴ །ཉི་མའི་དཔེ་ཡིས་ངེས་བྱར་གཉིས། །ཆོས་མཐུན་བཞི་ཡི་ཉི་དང་མཚུངས། །ཤེས་རབ༴ །སངས་རྒྱས་ལས་གཞན་མྱང་འདས་མེད། །དེས་ན༴ །དེ་ཡན་སྡོམ་དོན་རྒྱས་བཤད་རྫོགས། །བཤད་དོན་བསྡུས་ཏེ་མཚམས་སྦྱར་བ། །དེ་ལྟར༴ །མཚམས་སྦྱར་བ་ལྟར་དཔེས་བསྟན་གཉིས། །དྲི་མ་དང་ནི་སྙིང་པོ་གཉིས། །ཐུན་མོང་ཆོས་མཐུན་སྦྱར་བ་དང༌། །སོ་སོའི་ཆོས་མཐུན་སྦྱར་བའོ། །ཐུན་མོང་ཆོས་མཐུན་སྦྱར་ལ་གསུམ། །འགྲོ་ལ་དབྱིངས་ཀྱིས་ཁྱབ་ཚུལ་དང༌། །དེ་ཡིས་དཔེ་དོན་རྒྱས་པར་བཤད། །བསྡུས་ཏེ་ཐོག་མ་མེད་ཚུལ་ལོ། །མདོར་བསྟན༴ །སངས་རྒྱས༴ ས་དང་སྦྱར་བཤད་པ། །དྲི་མ༴ །འགྲོ་ལ་དབྱིངས་ཀྱིས་ཁྱབ་ཚུལ་དང༌། །དེ་ཡི་དཔེ་

― ZP02_Page_105 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་རྒྱས་བཤད་དགུ། །རེ་རེ་ལའང་གསུམ་གསུམ་སྟེ། །པད་ནང་སངས་རྒྱས་དཔེ་དོན་སྦྱར། །ཇི་ལྟར༴ །དེ་བཞིན༴ ཇི་ལྟར༴ །སྦྲང་མ་སྦྲང་རྩིའི་དཔེ་དོན་སྦྱར། །ཇི་ལྟར༴ །དྲང་སྲོང་༴ །ཇི་ལྟར༴ །སྤུན་ལ་སྙིང་པོའི་དཔེ་དོན་སྦྱར། །ཇི་ལྟར༴ །དེ་བཞིན༴ །ཇི་ལྟར༴ །མི་གཙང་ནང་གསེར་དཔེ་དོན་སྦྱར། །ཇི་ལྟར༴ །དེ་བཞིན༴ །ཇི་ལྟར༴ །ས་ལ་གཏེར་ཡོད་དཔེ་དོན་སྦྱར། །ཇི་ལྟར༴ །དེ་བཞིན༴ །ཇི་ལྟར༴ །སྨྱུག་སོགས་འབྲས་ཆུད་དཔེ་དོན་སྦྱར། །ཇི་ལྟར༴ །སེམས་ཅན༴ །ཆུ་དང་༴ །གོས་ཧྲུལ་རྒྱལ་སྐུ་དཔེ་དོན་སྦྱར། །ཇི་ལྟར༴ །ཐོག་མེད༌།ཇི་ལྟར༴ །མངལ་གནས་མི་བདག་དཔེ་དོན་སྦྱར། །ཇི་ལྟར༴ །སྲིད་པར༴ །ཇི་ལྟར༴ །ས་ནང་གསེར་གཟུགས་དཔེ་དོན་སྦྱར། །ཇི་ལྟར༴ །རང་བཞིན༴ །ཇི་ལྟར༴ །བསྡུས་ཏེ་ཐོག་མ་མེད་ཚུལ་ལོ། །པདྨ༴ །དྲི་མ་དང་ནི་སྙིང་པོ་གཉིས། །སོ་སོའི་ཆོས་མཐུན་སྦྱར་ལ་གཉིས། །དྲི་མ་ཁྱད་པར་མཚོན་ཚུལ་དང༌། །རང་བཞིན་ཆོས་དབྱིངས་མཚོན་ཚུལ་ལོ། །དྲི་མ་མཚོན་ཚུལ་ལ་བཞི་སྟེ། །སྒྲིབ་བྱེད་དྲི་མའི་རྣམ་དབྱེ་བ། །ཆགས་དང༌། །དེ་ཡིས་དབྱིངས་ལ་སྒྲིབ་པའི་ཚུལ། །དྲི་འདི་དག༴ །སོ་སོའི་དཔེ་དོན་རྒྱས་པར་བཤད། །ཇི་ལྟར༴ །སླར་ཡང་སྤྱི་ཡི་དོན་བསྡུའོ། །དེ་ལྟར༴ །ཆོས་དབྱིངས་ཁྱད་པར་མཚོན་ཚུལ་གསུམ། །ཆོས་གསུམ་དཔེ་དགུས་མཚོན་མདོར་བསྟན། །རང་བཞིན༴ །དེ་ཡི་དོན་ཉིད་སོ་སོར་ཕྱེ། །འདི་

― ZP02_Page_106 ―

^{[མ་དཔེ་གཟིགས་ན་འདིར་གནོན།]}

[Full Size]

ཡི༴ །ཕྱེ་བའི་ངོ་བོ་རྒྱས་བཤད་དོ། །རྒྱས་བཤད་འདི་ལ་གསུམ་ཡིན་ཏེ། །ཆོས་སྐུ་དེ་བཞིན་ཉིད་དང་ནི། །རིགས་ཀྱི་དཔེ་དོན་རྒྱས་བཤད་དོ། །ཆོས་སྐུའི་དཔེ་དོན་བཤད་ལ་གཉིས། །ཆོས་སྐུའི་རྣམ་དབྱེ་བསྟན་པ་དང༌། །ཆོས་སྐུ༴ །དེ་དག་དཔེ་དང་སྦྱར་བའོ། །འཇིག་རྟེན༴ །དེ་བཞིན་ཉིད་ཀྱི་དཔེ་དོན་སྦྱར། །རང་བཞིན༴ །རིགས་ཀྱི་དཔེ་དོན་བསྟན་ལ་གསུམ། །རིགས་གཉིས་དཔེ་ཡིས་བསྟན་པ་དང༌། །གཏེར་དང༴ །དེ་ལས་སྐུ་གསུམ་ཐོབ་པའི་ཚུལ། །དང་པོའི༴ །དེ་རྣམས་དཔེ་དང་སྦྱར་བའོ། །ངོ་བོ༴ །དེ་ཡན་དཔེས་བསྟན་དོན་སོང་ནས། །བསྟན་དོན་དད་པས་རྟོགས་ཚུལ་དང༌། །རང་བྱུང་༴ །རྟོགས་བྱའི་སྟོང་ཉིད་ངོས་བཟུང་ངོ༌། །འདི་ལ༴ །བཤད་པའི་དགོས་པ་བསྟན་ལ་གཉིས། །དྲིས་དང་ལན་གྱིས་མདོར་བསྟན་དང༌། །དེའི་དོན་རྒྱས་པར་བཤད་པའོ། །མདོར་བསྟན་དེ་ཡང་དྲི་བ་དང༌། །སྤྲིན་དང་༴ །དེ་ཡི་ལན་ཉིད་བསྟན་པའོ། །སེམས་ཞུམ༴ །རྒྱས་པར་བཤད་ལ་གཉིས་ཡིན་ཏེ། །གཞན་དུ་སྟོང་ཉིད་གསུངས་དགོས་པ། །ཡང་དག༴ །རྒྱུད་འདིར་ཆོས་དབྱིངས་གསུངས་ཕན་ཡོན། །ཕན་ཡོན་འདི་ལ་གསུམ་ཡིན་ཏེ། །ཉེས་སྤངས་དོན་དུ་ཆོས་དབྱིངས་གསུངས། །སྔར་ནི༴ །ཉེས་པ་ཇི་ལྟར་འབྱུང་བའི་ཚུལ། །འདི་ལྟར༴ །ཉེས་སྤང་ཕན་དོན་ཐོབ་ཚུལ་ལོ། །འདི་ལྟར༴ །ལེའུ་དང་པོའི་ས་བཅད་རྫོགས། ༈ །ཁམས་དེ་སྒྲིབ་པ་ཀུན་བྲལ་བའི། །རྟོགས་པའི་ངོ་བོ་བྱང་ཆུབ་ལ། །བཤད་བྱ་དོན་གྱི་རྣམ་དབྱེ་

― ZP02_Page_107 ―

^{[མ་དཔེ་གཟིགས་ན་འདིར་གནོན།]}

[Full Size]

དང༌། །དག་ཐོབ༴ །འཆད་ཚུལ་སྡོམ་དུ་བསྡུས་ཏེ་བསྟན། །ངོ་བོ༴ །སྦྱར་དེ་རྒྱས་པར་བཤད་དང་གསུམ། །རྒྱས་བཤད་འདི་ལ་དོན་རྣམ་བདུན། །དག་ཐོབ་ངོ་བོ་རྒྱུ་ཡི་དོན། །དྲི་མ་དང་བྲལ་འབྲས་བུའི་དོན། །རང་གཞན་དོན་གཉིས་ལས་ཀྱི་དོན། །དེའི་བསྟེན་ཡོན་ཏན་ལྡན་པའི་དོན། །སྐུ་གསུམ་དབྱེ་བས་འཇུག་པའི་དོན། །ཇི་སྲིད་དེ་དག་རྟག་པའི་དོན། །ཇི་ལྟ་བ་བཞིན་བསམ་མི་ཁྱབ། །དང་པོ་དག་ཐོབ་མདོར་བསྟན་ཅིང༌། །རང་བཞིན༴ །རྒྱས་པར་བཤད་ལ་གཉིས་ཡིན་ཏེ། །དག་པ་གཉིས་ལྡན་ངོ་བོའི་དོན། །འཐོབ་བྱེད་ཡེ་ཤེས་རྒྱུ་ཡི་དོན། །ངོ་བོའི་དོན་ལ་དངོས༴ །སངས་རྒྱས༴ ཁྱད་པར། །ཁྱད་པར་འདིར་ཡང་གཉིས་ཡིན་ཏེ། །རང་བཞིན་འོད་གསལ་ཁྱད་པར་དང༌། །འོད་གསལ། །གློ་བུར་དྲི་བྲལ་ཁྱད་པར་རོ། །རང་བཞིན༴ །འཐོབ་བྱེད་རྒྱུ་དོན་དབྱེ་བ་མེད། །སྒྲིབ་པ༴ །དྲི་བྲལ་འབྲས་བུའི་དོན་ལ་གཉིས། །དྲི་མེད་དཔེ་ཡིས་མདོར་བསྟན་དང༌། །དྲི་མེད༴ །རྒྱས་པར་བཤད་ལ་གསུམ་ཡིན་ཏེ། །ཡེ་ཤེས་གཉིས་ལས་སྐུ་གཉིས་འབྱུང༌། །ཆུ་མཚོ༴ །དུག་གསུམ་སྤངས་པས་དོན་གཉིས་འགྲུབ། །འདོད་ཆགས༴ །དྲི་མ་དག་པས་སྙིང་པོ་འཐོབ། །མི་མཉམ༴ །གསུམ་པ་རང་གཞན་དོན་ལ་གཉིས། །དོན་གཉིས་འགྲུབ་ཚུལ་མདོར་བསྟན་ནས། །ཟག་པ༴ །རྒྱས་པར་བཤད་ལ་རྣམ་པ་གསུམ། །དོན་གཉིས་འགྲུབ་ཚུལ་སྤྱིར་བསྟན་པ། །མདོར་ན༴ །རང་དོན་ཕུན་ཚོགས་ཁྱད་པར་བཤད།

― ZP02_Page_108 ―

^{[མ་དཔེ་གཟིགས་ན་འདིར་གནོན།]}

[Full Size]

ཉོན་མོངས༴ །གཞན་དོན་ཕུན་ཚོགས་ཁྱད་པར་བཤད། །དྲི་མེད༴ །བཞི་པ་ཡོན་ཏན་ལྡན་དོན་གཉིས། །མིང་གི་རྣམ་གྲངས་མདོར་བསྟན་ནས། །བསམ་མེད༴ །རྒྱས་པར་བཤད་ལ་གཉིས་ཡིན་ཏེ། །གང་ལ་ཡོན་ཏན་ལྡན་ཚུལ་དང༌། །རྣམ་གྲོལ༴ །ལྡན་པའི་ཡོན་ཏན་ངེས་དབྱེའོ། །ཕྱི་མ་འདིར་ཡང་གཉིས་ཡིན་ཏེ། །ཟབ་པའི་རྒྱུ་མཚན་རྒྱས་པར་བཤད། །ཕྱི་མ་རྣམས་ཀྱི་རྒྱུ་མཚན་བཤད། །ཟབ་པ་བཤད་ལ་གསུམ་ཡོད་དེ། །བསམ་མི་ཁྱབ་ཚུལ་སྤྱིར་བསྟན་པ། །ཐམས་ཅད༴ །དེ་ཡི་ཁྱད་པར་རྒྱས་པར་བཤད། །ཕྲ་ཕྱིར༴ ༌།རྒྱུ་མཚན་དཔེ་དང་སྦྱར་བའོ། །གང་ཕྱིར༴ །ཕྱི་མ་རྣམས་ཀྱི་རྒྱུ་མཚན་གསུམ། །དང་པོ་མི་འགྱུར་བའི་ཡོན་ཏན། །སྐྱེ་དང་༴ །གཉིས་པ་སྤངས་རྟོགས་ཀྱི་ཡོན་ཏན། །རབ་ཞི༴ །གསུམ་པ་དག་པའི་ཡོན་ཏན་བསྟན། །དེ་གཟུགས༴ །ལྔ་པ་སྐུ་གསུམ་དབྱེ་བ་ཡི། །འཇུག་པའི་དོན་ལ་གཉིས་ཡིན་ཏེ། །མཚན་ཉིད་རྣམ་གྲངས་མདོར་བསྟན་ནས། །དེ་དོན་རྒྱས་པར་བཤད་པའོ། །རྣམ་གྲངས་མདོར་བསྟན་ལ་ཡང་གསུམ། །ངོ་བོ་ཉིད་སྐུའི་མཚན་ཉིད་དང༌། །ཡོན་ཏན་ཡང་ནི་རྣམ་པ་ལྔ། །ཐོག༴ །ལོངས་སྐུ་ལ་ཡང་ཁྱད་པར་ལྔ། །སྣ་ཚོགས༴ །སྤྲུལ་པའི་སྐུ་ནི་ཆོས་གསུམ་ལྡན། །འཇིག་རྟེན༴ །དེ་དོན་རྒྱས་པར་བཤད་ལ་གསུམ། །དབྱེ་བ་རྣམ་བཞག་དོན་བསྡུའོ། །དང་པོ་ཐུན་མོང་དབྱེ་བ་བསྟན། །རང་བྱུང་༴ །གཉིས་པ་མཚན་ཉིད་རྣམ་

― ZP02_Page_109 ―

^{[མ་དཔེ་གཟིགས་ན་འདིར་གནོན།]}

[Full Size]

བཞག་གསུམ། །ངོ་བོ་ཉིད་སྐུའི་རྣམ་བཞག་གཉིས། །མཚན་ཉིད་ཡོན་ཏན་མདོར་བསྟན་ནས། །དེ་ལ༴ །དེ་དག་རྒྱས་པར་བཤད་ལ་གཉིས། །མཚན་ཉིད་རྒྱས་པར་བཤད་པ་དང༌། །འདུས་མ༴ །ཡོན་ཏན་རྒྱས་པར་བཤད་པའོ། །གཞལ་མེད༴ །ལོངས་སྤྱོད་རྫོགས་སྐུའི་རྣམ་བཞག་གསུམ། །དང་པོ་རྣམ་བཞག་རྒྱས་པར་བཤད། །སྣ་ཚོགས༴ །སླར་ཡང་དེས་དོན་བསྡུས་ཏེ་བསྟན། །བརྗོད་སྟོན༴ །ཁྱད་པར་རྐྱེན་ལས་སྣང་ཚུལ་ལོ། །ཇི་ལྟར༴ །སྤྲུལ་པའི་སྐུ་ཡི་རྣམ་བཞག་གཉིས། །མཆོག་སྤྲུལ་མཛད་པ་བཅུ་གཉིས་སྟོན། །ཐུགས་རྗེ༴ །བྱེད་ལས་གདུལ་བྱ་རིམ་གྱིས་འདྲེན། །རིམ་གྱིས་འདྲེན་ཚུལ་འདི་ལ་གསུམ། །ཕལ་པ་ཐེག་པ་དམན་ལ་འཇུག །མི་རྟག༴ །ཐེག་དམན་ཐེག་ཆེན་གྱིས་སྨིན་ཚུལ། །ཞི་བ༴ །ཐེག་ཆེན་རྣམ་གྲོལ་ལ་སྦྱོར་རོ། །ཐེག་པ༴ །གསུམ་པ་དེ་དག་དོན་བསྡུས་གཉིས། །རྒྱུ་མཚན་དང་སྦྱར་གསུམ་དུ་བསྡུ། །ཟབ་དང༴ །གནས་ཚུལ་དང་སྦྱར་གཉིས་སུ་བསྡུ། །འདིར་ནི༴ །དྲུག་པ་ཇི་སྲིད་རྟག་པའི་དོན། །རྟག་པའི་རྒྱུ་མཚན་མདོར་བསྟན་ནས། །རྒྱུ་མཐའ༴ །རྒྱས་པར་བཤད་ལ་དོན་རྣམ་གསུམ། །གཟུགས་སྐུ་རྟག་པའི་རྒྱུ་མཚན་དང༌། །ལུས་དང་༴ །ཆོས་སྐུ་རྟག་པའི་རྒྱུ་མཚན་དང༌། །འཆི་མེད༴ །དེ་དག་ཉིད་ཀྱི་དོན་བསྡུའོ། །དང་པོ༴ །བདུན་པ་ཇི་ལྟ་བ་བཞིན་དུ། །བསམ་མི་ཁྱབ་

― ZP02_Page_110 ―

^{[མ་དཔེ་གཟིགས་ན་འདིར་གནོན།]}

[Full Size]

ཚུལ་མདོར་བསྟན་ནས། །ངག་ཡུལ༴ །རྒྱས་པར་བཤད་པ་ཉིད་ལ་གསུམ། །རྒྱུ་མཚན་རིམ་པ་ལྟར་བཤད་པ། །བསམ་མེད༴ །སྐུ་གཉིས་དང་སྦྱར་དེ་དོན་བསྡུ། །རྒྱུ་ལྔ༴ །ཡོན་ཏན་བསམ་མི་ཁྱབ་ཚུལ་ལོ། །བླ་མེད༴ །ལེའུ་གཉིས་པའི་ས་བཅད་རྫོགས། ༈ །རྟོགས་པའི་ཡན་ལག་ཡོན་ཏན་སྐབས། །རྣམ་པར་བཤད་ལ་སྤྱི་དོན་གཉིས། །སྐུ་གཉིས་དང་སྦྱར་གྲངས་ཀྱིས་ཕྱེ། །དབྱེ་བའི་ཡོན་ཏན་གཏན་ལ་དབབ། །རྣམ་པར་དབྱེ་བ་ལ་ཡང་གཉིས། །སྐུ་དང་ཡོན་ཏན་ཕྱེ་སྟེ་བསྟན། །རང་དོན༴ །དེ་དག་སོ་སོར་སྦྱར་བའོ། །བདག་ཉི༌།དབྱེ་བའི་ཡོན་ཏན་བཞི་ཡིན་ཏེ། །དཔེ་དོན་སྦྱར་ཏེ་སྡོམ་མདོར་བསྟན། །སྟོབས་ཉིད༴ །སོ་སོའི་རྣམ་བཞག་རྒྱས་པར་བཤད། །དེ་དག་སྟོན་པའི་ལུང་ལས་རྟོགས། །སླར་ཡང་དཔེ་དོན་བསྡུས་ཏེ་བསྟན། །དེ་ཡི་རྒྱས་བཤད་དེར་ཡང་གཉིས། །རང་དོན་དོན་དམ་ཆོས་སྐུ་ལ། །ཡོད་པ་བྲལ་འབྲས་ཡོན་ཏན་དང༌། །གཞན་དོན་ཀུན་རྫོབ་གཟུགས་སྐུ་ལ། །ཡོད་པ་སྨིན་འབྲས་ཡོན་ཏན་ནོ། །དང་པོ་བྲལ་འབྲས་ཡོན་ཏན་གསུམ། །སྟོབས་དང་མི་འཇིགས་མ་འདྲེས་སོ། །དང་པོ་སྟོབས་བཅུ་བཤད་ལ་གཉིས། །མཚོན་བྱ་དོན་གྱི་ངོ་བོ་བསྟན། །གནས་དང་༴ །མཚོན་བྱེད་དཔེ་ཡིས་ངེས་པར་བྱ། །གནས་དང་༴ །གཉིས་པ་མི་འཇིགས་པ་ཡང་གཉིས། །དོན་གྱི་ངོ་བོ་ངོས་བཟུང་བ། །ངོ་བོ་

― ZP02_Page_111 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ནི་བྱེད་ལས་གཉིས། །ཆོས་སྐུ༴ །བདག་གཞན༴ །དེ་ཉིད་དཔེ་ཡིས་ངེས་པར་བྱ། །རི་དྭགས༴ །མ་འདྲེས་བཅོ་བརྒྱད་བསྟན་ལ་གཉིས། །དོན་དངོས་བསྟན་དང་དཔེ་དང་སྦྱར། །དོན་དངོས་བསྟན་པ་ཉིད་ལ་གཉིས། །བཅོ་བརྒྱད་སོ་སོའི་དབྱེ་བ་དང༌། །སླར་བཤད་ལས་དང་ཐོབ་ཚུལ་ལོ། །བཅོ་བརྒྱད་དབྱེ་བ་དེར་ཡང་གཉིས། །ཕྱེ་སྟེ་རྒྱས་པར་བཤད་པ་དང༌། །བསྡུས་ཏེ་གཞན་ཡང་བསྟན་པའོ། །རྒྱས་པར་བཤད་ལ་སྡེ་ཚན་བཞི། །དང་པོ་སྤྱོད་པས་བསྡུས་པ་དྲུག །འཁྲུལ་དང་༴ །གཉིས་པ་རྟོགས་པས་བསྡུས་པ་དྲུག །བདུན་པ༴ །གསུམ་པ་མཛད་པས་བསྡུས་པ་གསུམ། །ལས་རྣམས༴ །བཞི་པ་མཁྱེན་པས་བསྡུས་པ་གསུམ། །དུས་ལ༴ །བསྡུས་ཏེ་གཞན་བསྟན་དབྱེ་བ་མེད། །དེ་ལྟར༴ །ལས་དང་ཐོབ་ཚུལ་ཀྱང་དེ་ལྟར། །འཁྲུལ་དང་༴ །དེ་དག་དཔེ་དང་ལེགས་སྦྱར་རོ། །ས་སོགས༴ །གཉིས་པ་སྨིན་འབྲས་བཤད་ལ་གཉིས། །མཚོན་བྱ་མཚན་གྱི་དབྱེ་བ་བཤད། །ལེགས་གནས༴ །མཚོན་བྱེད་དཔེ་དང་སྦྱར་ཏེ་བསྡུ། །ཇི་ལྟར༴ །དེ་དག་སྟོན་པའི་ལུང་ལས་རྟོགས། །ཡོན་ཏན༴ །སླར་ཡང་བསྟན་ལ་རྣམ་པ་གཉིས། །དཔེ་དོན་མཚུངས་ཆོས་སྤྱིར་བསྟན་པ། །དེ་དག་སྦྱར་ཏེ་སོ་སོར་བཤད། །དེ་ཡང་དང་པོ་སྤྱིར་བསྟན་ནས། །མི་ཕྱེད༴ །སོ་སོར་བསྟན་པ་ལ་ཡང་གཉིས། །བྲལ་འབྲས་ཆོས་སྐུའི་ཡོན་

― ZP02_Page_112 ―

^{[མ་དཔེ་གཟིགས་ན་འདིར་གནོན།]}

[Full Size]

ཏན་དང༌། །སྨིན་འབྲས་གཟུགས་སྐུའི་ཡོན་ཏན་བཤད། །དང་པོ་ལ་ཡང་གཉིས་ཡིན་ཏེ། །ཕྱེ་སྟེ་དཔེ་ཡིས་མཚོན་ཚུལ་དང༌། །བསྡུས་ཏེ་དབྱེ་བ་མེད་ཚུལ་ལོ། །མཚོན་ཚུལ་ལའང་རྣམ་གསུམ་ལས། །སྟོབས་རྣམས་རྡོ་རྗེས་མཚོན་ཚུལ་གཉིས། །དང་པོ་སོ་སོར་མཚོན་ཚུལ་དང༌། །སྟོབས༴ །གཉིས་པ་ཐུན་མོངས་མཚོན་ཚུལ་ལོ། །བརླིངས་དང་༴ །མི་འཇིགས་སེང་གེས་མཚོན་ཚུལ་གཉིས། །མདོར་བསྟན་པ་དང་བཤད་པའོ། །འཇིགས་པ་མེད༴ །ཀུན་མངོན༴ །མ་འདྲེས་ནམ་མཁའི་དཔེས་མཚོན་ནས། །འཇིག་རྟེན༴ །བསྡུས་ཏེ་དབྱེ་བ་མེད་ཚུལ་ལོ། །དེ་དག༴ །སྨིན་འབྲས་གཟུགས་སྐུའི་ཡོན་ཏན་གཉིས། །མཚན་རྣམས་སྐུ་གཉིས་ལ་གནས་ཚུལ། །མཐོང་བ༴ །གཟུགས་སྐུ་ཟླ་བའི་དཔེས་མཚོན་ཚུལ། །དག་ལ༴ །ལེའུ་གསུམ་པའི་ས་བཅད་རྫོགས། ༈ །རྟོགས་བྱེད་ཕྲིན་ལས་དོན་ལ་གཉིས། །ལྷུན་གྲུབ་རྒྱུན་མི་འཆད་པར་བསྟན། །དེ་ཉིད་དཔེ་ཡིས་ངེས་པར་བྱ། །དང་པོ་ལ་ཡང་བསྟན་བཤད་གཉིས། །མདོར་བསྟན་ལ་གཉིས་ལྷུན་གྲུབ་དང༌། །གདུལ་བྱའི༴ །རྒྱུན་མི་འཆད་པ་མདོར་བསྟན་ནོ། །ཡོན་ཏན༴ །རྒྱས་བཤད་ལ་གཉིས་ལྷུན་གྲུབ་བཤད། །གང་གི༴ །རྒྱུན་མི་འཆད་པ་བཤད་ལ་ལྔ། །མིང་གི་དབྱེ་བ་བསྟན་པ་གཅིག །ངེས་འབྱིན༴ །དོན་གྱི་ངོ་བོ་བཤད་པ་གཉིས། །ངེས་པར༴ །དེ་དག་དཔེ་ཡིས་མཚོན་ཚུལ་གསུམ། །གནས་དྲུག༴ །དཔེ་དོན་རྒྱས་

― ZP02_Page_113 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བཤད་པ་བཞི། །ཤེས་ཆུ༴ །བསྡུས་ཏེ་རྒྱུན་མི་འཆད་ཚུལ་ལོ། །གཞན་གྱི༴ །དེ་ཉིད་དཔེ་ཡིས་ངེས་བྱར་བཞི། །སྡོམ་དུ་བསྡུས་ཏེ་དཔེས་དབྱེ་བ། །བརྒྱ་བྱིན༴ །དོན་དང་སྦྱར་ཏེ་སོ་སོར་བཤད། །དགོས་པ་བརྗོད་དེ་སྐབས་དོན་བསྡུ། །སླར་ཡང་བསྡུས་ཏེ་ཁྱད་པར་བཤད། །སོ་སོའི་ངོ་བོ་རྣམ་པ་དགུ། །རྣམ་འཕྲུལ་སྟོན་ཚུལ་དབང་པོའི་དཔེས། །དང་པོར་བསྟན་པ་འདི་ལ་གསུམ། །རྣམ་རྟོག་མེད་ཀྱང་གཞན་དོན་འགྲུབ། །དེ་ཉིད་ལེགས་པར་སྦྱར་ཏེ་བཤད། །བསྡུས་ཏེ་སྐྱེ་འགགས་མེད་ཚུལ་ལོ། །རྟོག་མེད་གཞན་དོན་འགྲུབ་ལ་གཉིས། །མཚོན་བྱེད་དཔེ་དང་མཚོན་དོན་ནོ། །དཔེ་ལ་ཡང་ནི་བཞི་ཡིན་ཏེ། །དག་པའི་ས་བཞིར་གཟུགས་བརྙན་འཆར། །ཇི་ལྟར༴ །དེ་ཡིས་དགེ་བའི་ལས་ལ་སྦྱོར། །དེ་ནས༴ །ལས་དེས་འདོད་པའི་གོ་འཕང་ཐོབ། །དེ་དག༴ །འབད་པ་མེད་པར་དོན་དུ་འགྱུར། །སྣང་བ༴ །མཚོན་བྱའི་དོན་ཉིད་ལའང་བཞི། །དག་པའི་སེམས་ལ་གཟུགས་སྐུ་སྣང༌། །དེ་བཞིན༴ །དེ་ལས་འདོད་པའི་གོ་འཕང་སྒྲུབས། །དེ་མཐོང་༴ །འབད་པ་མེད་ཀྱང་དོན་དུ་འགྱུར། །སྣང་བ༴ །རིམ་གྱིས་མཐར་ཐུག་ཆོས་སྐུ་འཐོབ། །འདི་ནི༴ །དེ་ཉིད་ལེགས་པར་སྦྱར་བཤད་ནས། །ཇི་ལྟར༴ །བསྡུས་ཏེ་སྐྱེ་འགགས་མེད་ཚུལ་ལོ། །ཇི་ལྟར༴ །གཉིས་པ་གདམས་ངག་གསུངས་པའི་ཚུལ། །རྔ་སྒྲའི་དཔེ་ཡིས་ངེས་བྱར་གསུམ། །ལྷ་ཡི་རྔ་ལྟར་དམ་ཆོས་གསུངས། །དཔེ་རྣམས་ལས་

― ZP02_Page_114 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་ཁྱད་པར་འཕགས། །དེ་དག་རྐྱེན་ལས་འཇུག་ཚུལ་ལོ། །གསུང་ཚུལ་རྒྱས་བཤད་དོན་བསྡུས་གཉིས། །དང་པོ་རྒྱས་པར་བཤད་ལ་གསུམ། །རྩོལ་བ་མེད་དང་ལས་ལ་འབྱུང༌། །ཞི་བ་སྒྲུབ་པའི་ཚུལ་གསུམ་དང༌། །ཇི་ལྟར༴ །ཇི་ལྟར༴། འབད་གནས༴ །སླར་ཡང་དཔེ་དག་དོན་བསྡུའོ། །ཇི་ལྟར༴ །དཔེ་ལས་ཁྱད་པར་འཕགས་མདོར་བསྟན། །གང་ཕྱིར༴ །ཁྱད་པར་རྒྱས་པར་བཤད་ལ་གཉིས། །ལྷར་ནི། །དེ་དག་རྐྱེན་ལས་འཇུག་པའོ། །ཇི་ལྟར༴ །གསུམ་པ་མཁྱེན་བརྩེས་ཁྱབ་པའི་ཚུལ། །སྤྲིན་གྱི་དཔེ་ཡིས་ངེས་བྱ་བ། །ལོ་ཏོག་འཕེལ་དང་སྣོད་ལས་འགྱུར། །ལྟོས་མེད་མེ་རྣམས་བཞི་ཆོས་མཐུན། །ལོ་ཏོག་འཕེལ་བའི་ཆོས་མཐུན་གཉིས། །འབད་པ་མེད་ཚུལ་མདོར་བསྟན་པ། །ཇི་ལྟར༴ །རྐྱེན་ལས་འཇུག་ཚུལ་རྒྱས་བཤད་པ། །ཇི་ལྟར༴ །སྣོད་ལས་གྱུར་ཚུལ་ཆོས་མཐུན་གཉིས། །དཔེ་བསྟན་པ་དང་དེ་ཡི་དོན། །ཇི་ལྟར༴ །དེ་བཞིན༴ །ལྟོས་པ་མེད་པའི་ཆོས་མཐུན་གསུམ། །དཔེ་གསུམ་གྱིས་ནི་མདོར་བསྟན་ཅིང༌། །ཐེག་པ༴ །དེ་ཡི་དོན་ཉིད་རྒྱས་པར་བཤད། །དཔྱིད་མཐར༴ །ལྟོས་པ་མེད་པ་འཇུག་ཚུལ་ལོ། །ཐེག་པ༴ །མེ་རྣམས་འཇོམས་པའི་ཆོས་མཐུན་གསུམ། །སྡུག་བསྔལ་མེ་ཚོགས་ཞི་བར་བྱེད། །འཁོར་བའི༴ །ཞི་བྱེད་ཤེས་རབ་རིམ་གྱིས་འབྱུང༌། །ལྷ་ལ༴ །ཤེས་ལྟར་སྤང་ལན་ཉམས་སུ་བླངས། །ནད་ན༴ །བཞི་པ་སྤྲུལ་པ་མཛད་པའི་རྒྱལ། །ཚངས་པའི་དཔེ་ཡིས་ངེས་བྱར་

― ZP02_Page_115 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས། །སྐལ་ལྡན་སྣང་བ་སྟོན་ཚུལ་དང༌། །སྐལ་མེད་སྣང་བ་མེད་ཚུལ་ལོ། །སྣང་བ་སྟོན་པའི་ཚུལ་ལ་གསུམ། །འབད་པ་མེད་དང་ཉེས་པ་སེལ། །སྐལ་བར་སྟོན་པས་མཚུངས་པར་བསྟན། །ཇི་ལྟར༴ །ཇི་ལྟར༴ །སྔོན་གྱི༴ །སྐལ་བ་མེད་ལ་མི་སྣང་ངོ༌། །འཕོ་དང༌། ལྔ་པ་ཡེ་ཤེས་སྤྲོ་བའི་ཚུལ། །ཉི་མའི་དཔེ་ཡིས་ངེས་བྱར་བཞི། །ཕན་གནོད་མི་རྟོག་གཞན་དོན་མཛད། །སྐལ་ལས་རིམ་འཆར་དཔེ་ལས་འཕགས། །ཕན་དང་གནོད་པས་རྟོག་མེད་པ། །ཇི་ལྟར༴ །མི་རྟོག་གཞན་དོན་མཛད་ལ་གསུམ། །རྟོག་པ་མེད་དང་འོད་ཟེར་སྤྲོ། །ཇི་ལྟར༴ །ཆོས་དང་༴ །ཅིག་ཆར་ཤར་ནས་དོན་མཛད་དོ། །གང་ཕྱིར༴ །སྐལ་བས་རིམ་གྱིས་འཆར་ཚུལ་གཉིས། །བསྟན་པ་དང་ནི་བཤད་པ་ཉིད། །རྟག་ཏུ༴ །ཇི་ལྟར༴ །དེས་ལས་ཁྱད་པར་འཕགས་ཚུལ་གཉིས། །འོད་ཟེར་ཁྱད་འཕགས་བྱེད་ལས་འཕགས། །ཞིང་ཀུན༴ །སངས་རྒྱས༴ །དྲུག་པ༌།ཐུགས་ཀྱི་གསང་བ་གཉིས། །ནོར་བུས་དཔེ་ཡིས་ངེས་བྱར་གཉིས། །རེ་འདོད་སྒྲུབ་པས་མཚུངས་པར་བསྟན། །རྙེད་པར་དཀའ་བས་མཚུངས་པར་བསྟན། །རེ་འདོད་སྒྲུབ་པས་མཚུངས་བསྟན་གཉིས། །རྟོག་མེད་འདོད་དགུ་སྒྲུབ་ཚུལ་དང༌། །ཇི་ལྟར༴ །འབད་མེད་རྟག་ཏུ་བཞུགས་ཚུལ་ཏེ། །ཇི་ལྟར༴ །རྙེད་པར་དཀའ་ལ་དབྱེ་བ་མེད། །གང་ཕྱིར༴ །བདུན་པ་གསུང་གི་གསང་བ་མཆོག །བྲག་ཆའི་དཔེ་ཡིས་ངེས་བྱ་བ། །

― ZP02_Page_116 ―

^{[མ་དཔེ་གཟིགས་ན་འདིར་གནོན།]}

[Full Size]

དཔེ་དང་དོན་ནི་གཉིས་ཡིན་ནོ། །ཇི་ལྟར༴ །དེ་བཞིན༴ །བརྒྱད་པ་སྐུ་ཡི་གསང་བ་མཆོག །ནམ་མཁའི་དཔེ་ཡིས་ངེས་པར་ཡང༌། །དཔེ་དང་དོན་གཉིས་ཉིད་ཡིན་ནོ། །ཅུང་ཟད༴ །དེ་བཞིན༴ དགུ་པ་ཐུགས་རྗེ་འཇུག་པའི་ཚུལ། །ས་གཞིའི་ངེས་བྱར་དཔེ་དང་དོན། །ཇི་ལྟར༴ །དེ་བཞིན༴༌༈ །དགོས་བརྗོད་སྐབས་དོན་བསྡུས་ལ་གཉིས། །དགོས་དང་དཔེ་དོན་གྱི་དབྱེ་བ། །དཔེ་ཡིས་མཚོན་ཚུལ་ཁྱད་པར་བཤད། །དགོས་སོགས་དབྱེ་བ་ལའང་བཞི། །དགོས་དང་ཉིང་དགོས་འགྲུབ་པའི་ཚུལ། །འབད་རྩོལ༴ །དཔེ་དང་དོན་དག་བསྡུས་ཏེ་བསྟན། །དམ་བཅའ་ལ་སོགས་དོན་གསུམ་སྦྱར། །འབད་རྩོལ༴ །སྐབས་དོན་འབད་རྩོལ་མེད་ཚུལ་ལོ། །འདིར་ནི༴ །དཔེ་ཡིས་མཚོན་ཚུལ་བཤད་ལ་གཉིས། །དཔེ་ཡིས་དབྱེ་བ་བསྟན་པ་དང༌། །གང་ཞིག༴ །དོན་དང་སྦྱར་ཏེ་བཤད་པའོ། །རིན་ཆེན༴ །སླར་ཡང་བསྡུས་ཏེ་བཤད་ལ་གཉིས། །གཟུགས་སྐུ་སྐྱེ་འཇིག་སྣང་ན་ཡང༌། །ཆོས་སྐུ་སྐྱེ་འཇིག་མེད་ཚུལ་དང༌། །ཆོས་མཐུན་མཚུངས་པར་སྣང་ན་ཡང༌། །མི་མཐུན་ཁྱད་པར་འཕགས་ཚུལ་ལོ། །སྣང་ཡང་སྐྱེ་འཇིག་མེད་ཚུལ་གཉིས། །དབང་པོའི་དཔེ་ཡིས་སྐྱེ་འཇིག་མེད། །དག་པ་༴ །དཔེ་ཀུན་གྱིས་མཚོན་རྒྱུན་མི་འཆད། །དེ་བཞིན༴ །མཚུངས་ཀྱང་ཁྱད་པར་འཕགས་ཚུལ་གཉིས། །མདོར་བསྟན་དང་ནི་བཤད་པའོ། །དཔེ་རྣམས༴ །སངས་རྒྱས༴

― ZP02_Page_117 ―

^{[མ་དཔེ་གཟིགས་ན་འདིར་གནོན།]}

[Full Size]

ལེའུ་བཞི་པའི་ས་བཅད་རྫོགས། ༈ །གནས་བཞིར་མོས་པའི་ཕན་ཡོན་གཉིས། །མཆོག་ཏུ་བསྔགས་པའི་ཚུལ་གྱིས་བསྟན། །དེ་ཉིད་རྣམ་གྲངས་གཞན་གྱིས་བཤད། །བསྔགས་པའི་ཚུལ་གྱིས་བསྟན་ལ་གཉིས། །གནས་བཞིར་རྟོགས་པར་དཀའ་ཚུལ་དང༌། །སངས་རྒྱས༴ །དེ་རྟོགས་ཕན་ཡོན་ཐོབ་ཚུལ་ལོ། །ཕན་ཡོན་ཐོབ་ཚུལ་འདི་ལ་གཉིས། །ཐབས་ཀྱིས་དགེ་བ་གཞན་ལས་འཕགས། །ཤེས་རབ་མཆོག་ཐོབ་རྒྱུ་མཚན་ནོ། །གཞན་ལས་འཕགས་ཚུལ་མདོར་བསྟན་ནས། །བློ་ལྡན༴ །རྒྱས་པར་བཤད་པ་ལ་ནི་གསུམ། །སྦྱིན་པ་མཆོད་ལས་ཁྱད་འཕགས་ཤིང༌། །གང་ཞིག །ཚུལ་ཁྲིམས་ལས་ཀྱང་ཁྱད་འཕགས་ལ། །བློ་ལྡན༴ བསྒོམ་པ་ལས་ཀྱང་ཁྱད་འཕགས་སྟེ། །གང་ཞིག༴ །ཤེས་རབ་མཆོག་ཐོབ་རྒྱུ་མཚན་ནོ། །གང་ཕྱིར༴ །རྣམ་གྲངས་གཞན་གྱིས་བཤད་ལ་གཉིས། །མཐར་ཐུག་ཐོབ་པའི་ཕན་ཡོན་དང༌། །གནས་དང་༴ །ལམ་ལ་འཇུག་པའི་ཕན་ཡོན་ནོ། །ལམ་ལ་འཇུག་པའི་ཕན་ཡོན་གཉིས། །བསམ་པ་བྱང་ཆུབ་སེམས་མཆོག་སྐྱེ། །བསམ་མེད༴ །སྦྱོར་བ་ཕར་ཕྱིན་དྲུག་ལ་འཇུག །ཕྱིན་དྲུག་ལ་འཇུག་འདི་ལ་བཞི། །ཕ་རོལ་ཕྱིན་པ་ཡོངས་སུ་རྫོགས། །དེ་ནི༴ །བསོད་ནམས་བྱ་བའི་དངོས་གསུམ་བྱེད། །སྦྱིན་བྱུང་༴ །སྤང་བྱ་སྒྲིབ་པ་རྣམ་གཉིས་ཀྱི། །འཁོར་གསུམ༴ །གཉེན་པོ་ཤེས་རབ་མཆོག་ཐོབ་

― ZP02_Page_118 ―

^{[མ་དཔེ་གཟིགས་ན་འདིར་གནོན།]}

[Full Size]

བོ། །ཤེས་རབ༴ །མཇུག་ཡོངས་རྫོགས་པའི་བྱ་བ་གཉིས། །བཤད་བྱའི་དོན་ཉིད་རྒྱས་པར་བཤད། །འཆད་པའི་ཚུལ་གྱིས་བསྡུས་ཏེ་བསྟན། །རྒྱས་པར་བཤད་པ་ལ་ཡང་གསུམ། །བསྟན་བཅོས་ཇི་ལྟར་བརྩམ་པའི་ཚུལ། །ཆོས་ལ་གནོད་པ་སྤོང་བའི་ཚུལ། །བརྩམ་པའི་བསོད་ནམས་བསྔོ་བའོ། །བརྩམ་པའི་ཚུལ་ལྔ་སྡོམ་དུ་བཞི། །གང་ལ་བསྟེན་ནས་གང་ཕྱིར་བཤད། །དེ་ལྟར༴ །འཆད་པའི་ཚུལ་གྱིས་བསྟན་པ་དང༌། །ཇི་ལྟར༴ །གང་ཞིག་བཤད་བྱ་བཀའི་ངོ་བོ། །གང་ཞིག༴ །རྒྱུ་མཐུན་གུས་པས་བླང་ཚུལ་ལོ། །གང་ཞིག༴ །ཆོས་ལ་གནོད་པ་སྤངས་ལ་གསུམ། །དག་ཐབས་ངོས་བཟུང་བསྟེན་པར་གདམས། །ཉམས་པའི་རྒྱུ་ངོས་བཟུང་སྟེ་སྤངས། །ཟབ་མོའི་ཆོས་ཉམས་འབྲས་བུ་སྤོངས། །དག་ཐབས་ངོས་བཟུང་བསྟེན་ལ་གཉིས། །རང་བཟོ་སྤོང་དང་ཕྱོགས་ཞེན་སྤོང༌། །གང་ཕྱིར༴ །ཉོན་མོངས༴ །ཉམས་པའི་རྒྱུ་སྤངས་དབྱེ་བ་མེད། །བློ་དམན༴ །ཆོས་ཉམས་འབྲས་བུ་སྤོང་ཚུལ་གཉིས། །ངན་སོང་སྤོང་དང་འཁོར་བ་སྤོང༌། །ཇི་ལྟར༴ །གང་ཞིག༴ །བསོད་ནམས་བསྔོ་ཞིང་འཆད་ཚུལ་བསྡུ། །དཀོན་མཆོག༴ །གང་ལས། །ཕྱི་མ་གཉིས་འདི་ཟླ་རྒྱས་བཞིན། །ཐེག་མཆོག་ངེས་དོན་ཟབ་མོའི་གཏམ། །ཚིག་ཙམ་ཐོས་ཀྱང་སྐལ་ཆེ་ན། །མཁས་པའི་གསུང་གི་རྗེས་འབྲངས་ཏེ། །ལེགས་པར་འཆད་ནུས་སྐལ་པ་བཟང༌། །དེ་སླད་དེ་ཡི་བསྡུས་པའི་དོན། །ཛམ་ཐང་ཆོས་ཀྱི་ཕོ་བྲང་མཆོག །མི་ཕམ་

― ZP02_Page_119 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་པའི་འབབ་སྟེགས་སུ། །འཆད་པའི་ཐུན་བར་དག་ཏུ་བྲིས། །དེ་དགེ་དྲི་མེད་འོད་སྟོང་གིས། །རྨོངས་པའི་རབ་རིབ་ཀུན་བསལ་ནས། །འགྲོ་ཀུན་ངེས་དོན་ཟབ་མོའི་གཏམ། །ཉན་པའི་རྣ་བར་བདུད་རྩིར་གྱུར། །རྟོག་གེ་འཆལ་བའི་དཀྲུག་མ་དང༌། །རྣམ་པར་རྟོག་པའི་རྡུལ་དེང་བའི། །དྲི་མེད་ཆོས་དབྱིངས་ནམ་མཁའི་དཀྱིལ། །བསྟན་པའི་ཉིན་བྱེད་འབར་གྱུར་ཅིག །དགེའོ། །དགེའོ། །དགེའོ།། །།བཀྲ་ཤིས།།

ཐེག་པ་ཆེན་པོའི་བསྟན་བཅོས་མདོ་སྡེའི་རྒྱན་གྱི་ས་བཅད།

― ZP02_Page_121 ―

^{[མ་དཔེ་གཟིགས་ན་འདིར་གནོན།]}

[Full Size]

ཐེག་པ་ཆེན་པོའི་བསྟན་བཅོས་མདོ་སྡེའི་རྒྱན་གྱི་ས་བཅད་བཞུགས་སོ།། །།

― ZP02_Page_122 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་བཙུན་བྱམས་པ་མགོན་པོ་ལ་ཕྱག་འཚལ་ལོ། །དེ་ལ་འདིར་ཐེག་པ་ཆེན་པོའི་མདོ་སྡེའི་རྒྱན་འདི་ཉིད་འཆད་པར་བྱེད་པ་ལ་མཚན་དང༌། མཚན་དེ་ལྡན་གྱི་བསྟན་བཅོས་དངོས་གཉིས་ལས། དང་པོ་ལ་མཚན་དངོས་དང་ཞར་བྱུང་འགྱུར་ཕྱག་གཉིས་ལས་དང་པོ་ནི། རྒྱ་གར་སྐད་སོགས། གཉིས་པ་ནི། སངས་རྒྱས་དང་སོགས། གཉིས་པ་ལ། སློབ་དཔོན་དབྱིག་གཉེན་གྱི་རྣམ་བཤད་རིག་པ་ལས། །མདོ་དོན་སྨྲ་བར་འདོད་རྣམས་ལ། །མན་ངག་ཅུང་ཞིག་སྦྱིན་པར་བྱ། །དགོས་པ་བསྡུས་པའི་དོན་བཅས་དང༌། །ཚིག་དོན་བཅས་དང་མཚམས་སྦྱོར་བཅས། །བརྒལ་ལན་བཅས་ཏེ་བསྙད་པར་བྱ། །ཞེས་གསུངས་པས་བསྟན་བཅོས་རྣམས་ཀྱང་མན་ངག་ལྔ་པོ་འདིའི་སྒོ་ནས་ལེགས་པར་འཆད་དགོས་པར་

― ZP02_Page_123 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ་ཅིང༌། དེ་ཡང་མཚམས་སྦྱོར་དང་བརྒལ་ལན་གཉིས་ཀྱི་དོན་ཕལ་ཆེན་དུ་གསལ་བསྟན་ཞིང༌། འདིར་སྐབས་སུ་བབས་པ་ལ་གསུམ་སྟེ། དགོས་པའི་དོན་དང༌། བསྡུས་པའི་དོན་དང༌། ཚིག་གི་དོན་དང་གསུམ་མོ། །དང་པོ་ལའང་སྤྱི་དོན་དང་གཞུང་དོན་གཉིས་ལས། དང་པོ་ལ་དགོས་འགྲེལ་གྱི་དགོས་པ། སོ་སོའི་ངོ་བོ། །གྲངས་ངེས་པའོ། །གཉིས་པ་ནི། དོན་ཤེས་སོགས། གཉིས་པ་བསྡུས་པའི་དོན་ལ་གསུམ་སྟེ། མཚན་དོན་དང་སྦྱར་ནས་བརྗོད་བྱ་གཏན་ལ་དབབ་པ་དང༌། རྩོད་པ་སྤང་བ་ཕན་ཡོན་བསྟན་པའོ། །དང་པོ་ནི། གསེར་ལས་སོགས། ཚིགས་སུ་བཅད་པ་འདིས་དཔེ་ལྔའི་ཆོས་དེ་དོན་རྣམ་པ་ལྔའི་དབང་དུ་བྱས་ཏེ་སྟོན་ལ་ལྔ་ནི་བསྒྲུབ་པར་བྱ་བ་དང༌། བྱེ་བྲག་ཏུ་ཤེས་པར་བྱ་བ་དང༌། བསམ་

― ZP02_Page_124 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བྱ་བ་དང༌། བསམ་གྱིས་མི་ཁྱབ་པ་དང༌། ཡོངས་སུ་གྲུབ་པར་རྟོགས་པའི་དོན་ནོ། །དེ་ལ་སློབ་དཔོན་ཛྙཱ་ན་ཤྲཱིས་ནི། གང་ལ་བསླབ་པར་བྱ་བའི་ཡུལ། ཇི་ལྟར་སློབ་པའི་ཐབས། དེ་ལྟར་བསླབ་པའི་འབྲས་བུ་དང་གསུམ། དང་པོ་གང་ལ་བསླབ་པར་བྱ་བའི་ཡུལ་དང་སྦྱར་ན། ལུང་ཐེག་ཆེན་བཀར་སྒྲུབ་པ། སེམས་བསྐྱེད་ཀྱི་ཡུལ་ལམ་སྐྱབས་འགྲོ་མཆོག་ཏུ་སྒྲུབ་པ་དང༌། ཉེ་བར་ལེན་པའི་རྒྱུ་ཐེག་པ་ཆེན་པོའི་རིགས་སྒྲུབ་པ་གསུམ་ནི། བསྒྲུབ་པར་བྱ་བའོ། །སེམས་བསྐྱེད་པ། རང་དང་གཞན་གྱི་དོན་ཕུན་སུམ་ཚོགས་པ་སྒྲུབ་པ་གཉིས་ནི་བྱེ་བྲག་ཏུ་ཤེས་པར་བྱ་བའོ། །དེ་ཁོ་ན་ཉིད་ཟབ་པ་ནི་བསམ་པར་བྱ་བའོ། །མངོན་པར་ཤེས་པ་ལ་སོགས་པའི་མཐུ་དང༌། དགའ་བ་དང་དད་པ་ལ་སོགས་པའི་བདག་དང་གཞན་ཡོངས་སུ་སྨིན་པ་ནི། བསམ་གྱིས་མི་ཁྱབ་པའོ། །མངོན་པར་བྱང་ཆུབ་པ་ནི་མཐར་ཐུག་པའི་དོན་ནོ། །གཉིས་པ་ཇི་ལྟར་སློབ་པའི་ཐབས་དང༌། དེ་ལྟར་བསླབ་པའི་འབྲས་བུ་དང་སྦྱར་ན། མོས་པ་དང༌། ཆོས་ཚོལ། ཆོས་བཤད། ཆོས་སྒྲུབ་བཞི་ནི་སྒྲུབ་པར་བྱ་བ། གདམས་ངག་རྗེས་བསྟན་གཉིས་ནི་ཤེས་པར་བྱ་བ། ཐབས་ལྡན་ཕྱིན་དྲུག་བསྡུ་དངོས་བཞི། མཆོད་བརྟེན། ཚད་མེད་བྱང་ཆུབ་ཕྱོགས་མཐུན་རྣམས་ནི། བསམ་པར་བྱ་བ། ངོ་མཚར་ཆེ་བའི་ཡོན་ཏན་ནི་བསམ་གྱིས་མི་ཁྱབ་པའོ། །རྟོགས་པར་བྱ་བ་མཐར་ཐུག་གི་ཡོན་ཏན་ནི། །ཡོངས་སུ་གྲུབ་པའི་དོན་ནོ། །གཉིས་པ་ནི། གཟུགས་རྒྱན་སོགས། གསུམ་པ་ལ་གསུམ། སྨན་གྱི་དཔེས་སྒྲིབ་པ་སྤོང་བའི་ཆེ་བ། རྒྱལ་པོའི་དཔེས་ཡོན་ཏན་ལ་དབང་འབྱོར་བའི་ཆེ་བ། རིན་པོ་ཆེའི་

― ZP02_Page_125 ―

^{[མ་དཔེ་གཟིགས་ན་འདིར་གནོན།]}

[Full Size]

དཔེས་འཕགས་པའི་ནོར་ལ་ལོངས་སྤྱོད་པའི་ཆེ་བ་དང་གསུམ་ལས། དང་པོ་ནི། ཇི་ལྟར་མན་མས་སོགས། གཉིས་པ་ནི། ཆོས་དཀའ་སོགས། གསུམ་པ་ནི། རིན་ཆེན་རིགས་ལྡན་སོགས། ལེའུ་དང་པོའི་ས་བཅད་དོ། ༈ །གསུམ་པ་ཚིག་གི་དོན་ལ་ལེའུ་ཉི་ཤུ་སྟེ། དང་པོ་ཐེག་པ་ཆེན་པོ་བཀའ་སྒྲུབ་པ་ལའང༌། ཐེག་ཆེན་བཀའ་ཡིན་པར་སྒྲུབ་པ་དང༌། མ་ཡིན་པའི་རྒྱུ་མཚན་དགག་པ་གཉིས་ལས་དང་པོ་ལའང་སྒྲུབ་བྱེད་ཀྱི་གཏན་ཚིག་མདོར་བསྟན་པ་དང༌། དེའི་སྒྲུབ་ཚུལ་རྒྱས་པར་བཤད་པ། ཐེག་ཆེན་མཆོག་ཏུ་སྒྲུབ་པ་དང་གསུམ་ལས། དང་པོ་ནི། ཡང་ལུང་སོགས། གཉིས་པ་ལ། མ་ངེས་པ་སྤང་བ་དང༌། མ་གྲུབ་པ་སྤང་བ་གཉིས་དང་པོ་ནི། སངས་རྒྱས་རྣམས་སོགས། གཉིས་པ་ལའང༌། བཀའི་མཚན་ཉིད། མ་གྲུབ་པ་སྤང་བ་དང༌། གཏན་ཚིག་མ་གྲུབ་པ་སྤང་བ་གཉིས། དང་པོ་ནི། རང་གི་སོགས། གཉིས་པ་ནི། རྟོག་གེ་སོགས། གསུམ་པ་སྒྲུབ་བྱ་བླ་ན་མེད་པའི་ཐབས་ནི། རྒྱ་ཆེའི་སོགས། གཉིས་པ་བཀའ་མ་ཡིན་པའི་རྒྱུ་མཚན་བཀག་པ་ལ་བརྒྱད་དེ། དང་པོ་སྐྲག་པའི་ཉེས་མིག་སྒྱུ་དང་བཅས་པ་སྤང་བ་ནི། འགྲོ་བ་སོགས། གཉིས་པ་མི་སྐྲག་པའི་རྒྱུ་བསྟན་པ་ནི། དེ་ལས་གཞན་སོགས། གསུམ་པ་མི་དགག་པ་འགྲུབ་པའི་རྒྱུ་མཚན་བསྟན་པ་ནི། འདི་ན་སོགས། བཞི་པ་གནས་མ་ཡིན་པ་ལ་སྐྲག་མི་དགོས་པར་བསྟན་པ་ནི། བདག་གི་ཤེས་སོགས། ལྔ་པ་མ་མོས་པ་ཉིད་ཀྱིས་ཐེག་ཆེན་སྒྲུབ་པ་ནི། དམན་པར་མོས་

― ZP02_Page_126 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས། དྲུག་པ་མ་ཐོས་པར་སྤོང་བར་མི་རིགས་པར་བསྟན་པ་ནི། ཐོས་རྗེས་སོགས། བདུན་པ་སྤོང་བའི་རྒྱུ་ཚུལ་མིན་ཡིད་བྱེད་དགག་པ་ནི། དོན་སྒྲ་སོགས། བརྒྱད་པ་ཁོང་དུ་མ་ཆུད་པར་སྤོང་བར་མི་རིགས་པར་བསྟན་པ་ནི། ཡིད་ཀྱི་སོགས། ལེའུ་གཉིས་པའི་ས་བཅད་དོ། ༈ །གཉིས་པ་སྐྱབས་སུ་འགྲོ་བ་ལའང༌། སྤྱི་དོན་དང་གཞུང་དོན་གཉིས། དང་པོ་སྐྱབས་འགྲོ་སྤྱིའི་མཚན་ཉིད། སོ་སོའི་རང་བཞིན་བསླབ་བྱ། ཕན་ཡོན་ནོ། །གཉིས་པ་འཇིག་རྟེན་དང་འཇིག་རྟེན་ལས་འདས་པའི་སྐྱབས་འགྲོའོ། །གཉིས་པ་ལའང་ཐེག་དམན་དང་ཐེག་ཆེན་གཉིས་སོ། །གཉིས་པ་གཞུང་གི་དོན་ལ། སྐྱབས་འགྲོའི་ཁྱད་པར་ཁྱད་ཆོས་བཞི་ལྡན་མདོར་བསྡུས་སྡོམས་སུ་བསྡུས་པ། རྩོད་པ་སྤངས་ནས་སྐྱབས་སུ་འགྲོ་བ་ལ་སྤྲོ་བ་བྱ་བར། ཁྱད་པར་རྒྱས་པར་བཤད་པ། སྐྱབས་འགྲོའི་ཆེ་བ་བསྟན་པ། །ཕན་ཡོན་བསྟན་པ་དང་ལྔའོ། །དང་པོ་ནི། ཀུན་ཏུ་སོགས། གཉིས་པ་ནི། གང་ཕྱིར་དང་སོགས། གསུམ་པ་ལའང༌། དམིགས་པ་ཀུན་ཏུ་འགྲོ་བ། ངོ་བོ་ཁས་བླང་བ། འབྲས་བུ་རྟོགས་པའི་མཆོག་ཐོབ་པ། གྲོགས་ཟིལ་གྱིས་གནོན་པའོ། །དང་པོ་ནི། གང་ཞིག་སོགས། གཉིས་པ་ལའང༌། མདོར་བསྟན་པ་དང༌། དཔེའི་སྒོ་ནས་རྒྱས་པར་བཤད་པའོ། །དང་པོ་ནི། གང་ཞིག་དགའ་བ་སོགས། གཉིས་པ་ལའང༌། རྒྱལ་སྲས་གཞོན་ནུའི་དཔེས་བཤད་པ་དང༌། བློན་པོའི་དཔེས་བཤད་པའོ། །དང་པོ་ལའང་གསུམ་སྟེ་དང་པོ་སངས་རྒྱས་ཀྱི་རིགས་བཙུན་པར་རྒྱས་པའི་ཁྱད་པར་ནི། སངས་རྒྱས་སྲས་་

― ZP02_Page_127 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས། གཉིས་པ་ལུས་སེམས་ཀྱི་སྟོབས་ཕུན་སུམ་ཚོགས་པའི་ཁྱད་པར་ནི། སྣ་ཚོགས་མཚན་སོགས། གསུམ་པ་སངས་རྒྱས་ཀྱི་གདུང་མི་བཅད་པའི་ཁྱད་པར་ནི། སངས་རྒྱས་ཀུན་སོགས། གཉིས་པ་བློན་པོའི་དཔེ་ནི། བློན་པོ་སོགས། གསུམ་པ་ནི། བསོད་ནམས་སོགས། བཞི་པ་ནི་བློ་ལྡན་ཉན་ཐོས་སོགས། བཞི་པ་ཆེ་བ་ནི། འདི་ནི་དེ་སོགས། ལྔ་པ་ཕན་ཡོན་ནི། སྐྱབས་སུ་སོགས། ལེའུ་གསུམ་པའི་ས་བཅད། ༈ །གསུམ་པ་རིགས་ཀྱི་ལེའུ་བཤད་པ་ལའང༌། རིགས་ཀྱི་རྣམ་བཞག་མདོར་བསྟན་པ་དང༌། རྒྱས་པར་བཤད་པ་དང༌། རིགས་ཀྱི་ཡོན་ཏན་ནམ་འབྲས་བུ་བཤད་པ་སྟེ་གསུམ་ལས་དང་པོ་ནི། ཡོད་དང་སོགས། གཉིས་པ་ལའང༌། རིགས་དང་ལྡན་པའི་རྣམ་བཞག་བརྒྱད་བཤད་པ་དང༌། རིགས་དང་མི་ལྡན་པའི་དབྱེ་བ་ལྔ། རིགས་ཀྱི་ཆེ་བ་བསྟན་པའོ། །དང་པོ་ལའང་བརྒྱད་དེ་དང་པོ་རིགས་ཡོད་པའི་རྒྱུ་མཚན་བཤད་པ་ནི། ཁམས་རྣམས་སོགས། གཉིས་པ་ཐེག་ཆེན་གྱི་རིགས་མཆོག་ཏུ་བསྒྲུབ་པ་ནི། དེ་དགེ་སོགས། གསུམ་པ་རིགས་ཀྱི་མཚན་ཉིད་ནི། རང་བཞིན་སོགས། བཞི་པ་རིགས་ཡོད་པའི་རྟགས་ནི། སྦྱོར་བའི་སྔོན་སོགས། ལྔ་པ་རིགས་ཀྱི་དབྱེ་བ་ནི། རིགས་ནི་ངེས་སོགས། དྲུག་པ་རིགས་མ་སད་པའི་ཉེས་དམིགས་ནི། ཉོན་མོངས་གོམས་སོགས། བདུན་པ་རིགས་སད་པའི་ཕན་ཡོན་ནི། རིང་མོ་ཞིག་སོགས། བརྒྱད་པ་རིགས་མཚོན་པའི་དཔེ་ལ་གཉིས་ལས། དང་པོ་གསེར་གྱི་དཔེས་མཚོན་པར་བྱ་བ་ནི། གསེར་གྱི་སོགས། གཉིས་པ་རིན་པོ་ཆེའི་དཔེའི་མཚོན་པར་བྱེད་པ་ནི། རིན་ཆེན་ཆོ་འཕྲུལ་སོགས། གཉིས་པ་རིགས་དང་མི་

― ZP02_Page_128 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་པའི་དབྱེ་བ་ལྔ་ནི། ལ་ལ་གཅིག་དུ་སོགས། གསུམ་པ་རིགས་ཀྱི་ཆེ་བ་ནི། བབ་ཅིང་སོགས། གསུམ་པ་འབྲས་བུ་ནི། ཡོན་ཏན་སོགས། ལེའུ་བཞི་བའི་ས་བཅད་དོ། ༈ །བཞི་པ་སེམས་བསྐྱེད་ཀྱི་རང་བཞིན་ལའང༌། སེམས་བསྐྱེད་ཉིད་མདོར་བསྟན་པ་དང༌། རྣམ་བཞག་རྒྱས་པར་བཤད་པ་དང་ཉེས་དམིགས་དང་ཕན་ཡོན་གདམས་པ་དང་གསུམ་ལས་དང་པོ་ནི། སྤྲོ་བ་སོགས། གཉིས་པ་ལའང་ས་འཚམས་ཀྱི་དབྱེ་བ་བཤད་པ། རྣམ་བཞག་གི་སྒོ་ནས་དབྱེ་བ་བཤད་པ་ཕྲ་རགས་ཀྱི་སྒོ་ནས་དབྱེ་བ་བཤད་པ། དཔེ་གྲོགས་ཀྱི་སྒོ་ནས་དབྱེ་བ་བཤད་པའོ། །དང་པོ་ནི། སེམས་བསྐྱེད་སོགས། གཉིས་པ་ནི། དེ་ཡི་རྩ་སོགས། གསུམ་པ་ལའང༌། རགས་པ་བརྡ་ལས་བྱུང་བའི་སེམས་བསྐྱེད་དང་ཕྲ་བ་དོན་དམ་གྱི་སེམས་བསྐྱེད་གཉིས་དང་པོ་ནི། གྲོགས་སྟོབས་སོགས། གཉིས་པ་ལའང༌། ངེས་ཚིག་གི་སྒོ་ནས་མདོར་བསྟན་པ་དང༌། ཡོན་ཏན་གྱི་སྒོ་ནས་རྒྱས་པར་བཤད་པའོ། །དང་པོ་ལའང༌། ངོ་བོ་དང༌། རབ་དགའི་ངེས་ཚིག་བཤད་པ་གཉིས་ལས། དང་པོ་ནི། རྫོགས་པའི་སོགས། གཉིས་པ་ནི། ཆོས་དང་སེམས་ཅན་སོགས། གཉིས་པ་ལའང༌། སེམས་བསྐྱེད་ཀྱི་རྣམ་བཞག་མདོར་བསྟན་པ་དང༌། དེའི་དོན་རྒྱས་པར་བཤད་པའོ། །དང་པོ་ནི། སྐྱེ་བ་སོགས། གཉིས་པ་ལའང༌། སྐྱེ་བའི་ཁྱད་པར། ཐབས་རྒྱ་ཆེ་བའི་ཁྱད་པར། སྤྲོ་བའི་ཁྱད་པར། བསམ་པའི་ཁྱད་པར། ས་ལྷག་མ་ལ་མཁས་པའི་ཁྱད་པར། སྤང་བྱ་ལས་ངེས་པར་འབྱུང་བའི་ཁྱད་པར་ངང་དྲུག་གོ །དང་པོ་ནི། ཆོས་ལ་མོས་སོགས། གཉིས་པ་ནི། སྨོན་ལམ་སོགས། གསུམ་

― ZP02_Page_129 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ནི། དཀའ་བ་སོགས། བཞི་པ་ནི། བྱང་ཆུབ་སོགས། ལྔ་པ་ནི། ས་གཞན་སོགས། དྲུག་པ་ནི། ཇི་ལྟར་སོགས། བཞི་པ་དཔེ་གྲོགས་ཀྱི་དབྱེ་བ་ནི། བསྐྱེད་པ་སོགས། གསུམ་པ་ལའང༌། སེམས་མ་བསྐྱེད་པའི་ཉེས་དམིགས་སྨད་པ། སེམས་བསྐྱེད་པའི་ཕན་ཡོན་བསྟན་པའོ། །དང་པོ་ནི། ཆེར་འོས་སོགས། གཉིས་པ་ལའང༌། སེམས་བསྐྱེད་ཀྱི་བསྔགས་པ་བརྗོད་པ། མི་ཕྱེད་པའི་སྡོམ་པ་ཐོབ་པའི་ཕན་ཡོན། བྱང་ཆུབ་སེམས་དཔའ་ཕྱིར་མི་ལྡོག་པའི་ཕན་ཡོན། སྡུག་བསྔལ་གྱིས་མི་འཇིགས་པར་བསྟན་པའི་ཕན་ཡོན། གཞན་དོན་ཡལ་བར་དོར་བ་སྨད་པ། ལེ་ལོ་སྨད་པར་བསྟན་པའོ། །དང་པོ་ནི། བློ་ལྡན་སོགས། གཉིས་པ་ནི། གང་ཆེ་སོགས། གསུམ་པ་ནི། དཔེ་ཆོས་སོགས། བཞི་པ་ནི། གཞན་དོན་སོགས། ལྔ་པ་ནི། སློབ་དཔོན་སོགས། དྲུག་པ་ནི་མགོ་ལ་སོགས། ལེའུ་ལྔ་པའི་ས་བཅད་དོ། ༈ །ལྟ་བ་ཆེ་བ་གསུམ་ལྡན་གྱི་སྒྲུབ་པའི་མཚན་ཉིད་མདོར་བསྟན་པ་དང༌། སྒྲུབ་པ་ཉམས་སུ་ལེན་ཚུལ་རྒྱས་པར་བཤད་པ། སྒྲུབ་པའི་ཆེ་བ་བསྟན་པའོ། །དང་པོ་ནི། གནས་རྩོམས་སོགས། གཉིས་པ་ལའང༌། རང་གཞན་གྱི་དོན་མཉམས་པ་ཉིད་དུ་སྒྲུབ་ཚུལ། གཞན་དོན་སྒྲུབ་པའི་དབྱེ་བ། སྒྲུབ་པ་དེའི་ཕུན་སུམ་ཚོགས་པ་བསྟན་པ། སྒྲུབ་པ་ཕུན་སུམ་ཚོགས་པ་དེའི་ཁྱད་ཆོས། འཇིག་རྟེན་པ་དང་ཐེག་དམན་ལས་སྒྲུབ་པའི་ཁྱད་པར། སྤྱོད་ཡུལ་ཡོངས་དག་གི་སྨོན་པའི་ཐབས། གཞན་གྱི་ཉེས་པ་བཟོད་པའོ། །དང་པོ་ནི། གཞན་དོན་སོགས། གཉིས་པ་ནི། ཇི་ལྟར་སོགས། གསུམ་པ་ནི། ཐ་ཆད་སོགས། བཞི་པ་

― ZP02_Page_130 ―

^{[མ་དཔེ་གཟིགས་ན་འདིར་གནོན།]}

[Full Size]

ནི་སྐྱེ་བོ་དང་སོགས། ལྔ་པ་ནི། འདོད་ལྡན་སོགས། དྲུག་པ་ནི། རྒྱལ་སྲས་སོགས། བདུན་པ་ནི། རྟག་ཏུ་སོགས། གསུམ་པ་ཆེ་བ་ནི། སྒྲུབ་པ་འདིས་སོགས། ལེའི་དྲུག་པའི་ས་བཅད་དོ། ༈ །དྲུག་པ་མཚན་ཉིད་ལྔ་ལྡན་གྱི་དེ་ཁོ་ན་ཉིད་མདོར་བསྟན་པ་དང༌། དེ་ཁོ་ན་ཉིད་དེ་ལ་འཇུག་ཚུལ་རྒྱས་པར་བཤད་པ་དང༌། གཉེན་པོ་ཡེ་ཤེས་ལ་འཇུག་ཚུལ། དེ་ཁོ་ན་ཉིད་རྟོགས་པའི་ཆེ་བ་དང་བཞིའོ། །དང་པོ་ནི། ཡོད་མིན་སོགས། གཉིས་པ་ལའང༌། བདག་ལྟ་ཕྱིན་ཅི་ལོག་དགགས་པ་དང༌། ཕྱིན་ཅི་ལོག་ཏུ་སྨད་པ་དང༌། གང་ཟག་གི་བདག་མེད་བསྟན་ནས་ཆོས་ཀྱི་བདག་མེད་ལ་འཇུག་ཚུལ། བདག་མེད་ཀྱང་ཞི་བ་རུང་ཚུལ་བསྟན་པའོ། །དང་པོ་ནི། བདག་ཏུ་ལྟ་བ་སོགས། གཉིས་པ་ནི། ཇི་ལྟར་སོགས། གསུམ་པ་ནི། ཆོས་ཀྱི་རང་བཞིན་སོགས། །བཞི་པ་ནི། འདི་ལ་དོན་དམ་སོགས། གསུམ་པ་ལའང་བཞི་སྟེ། དང་པོ་ཚོགས་ལམ་གྱི་ཡེ་ཤེས་བསྟན་པ་ནི། བྱང་ཆུབ་སོགས། གཉིས་པ་སྦྱོར་ལམ་གྱི་ཡེ་ཤེས་བསྟན་པ་ནི། དེ་ཡིས་སོགས། གསུམ་པ་མཐོང་ལམ་གྱི་ཡེ་ཤེས་བསྟན་པ་ནི། དེ་ནས་ཆོས་དབྱིངས་སོགས། བཞི་པ་སྒོམ་ལམ་གྱི་ཡེ་ཤེས་བསྟན་པ་ནི། བློ་དང་ལྡན་པས་མི་རྟོག་སོགས། བཞི་པ་ཆེ་བ་ནི། ཏུབ་པའི་གསུངས་སོགས། ལེའུ་བདུན་པའི་ས་བཅད་དོ། ༈ །བདུན་པ་མཐུའི་རང་བཞིན་བཤད་པ་ལའང༌། རྣམ་བཞག་རྣམ་པ་དྲུག་གི་སྒོ་ནས་རྒྱས་པར་བཤད། དོན་བསྡུས་ཏེ་མཐུའི་ཆེ་བ་བསྟན་པའོ། །དང་པོ་ལ་དྲུག་སྟེ། དང་པོ་ངོ་བོའི་མཚན་ཉིད་རྣམ་པར་དབྱེ་བ་ནི། སྐྱེ་དང་སོགས། གཉིས་པ་རྒྱུའི་དོན་ནོ། །བསམ་གཏན་བཞི་སོགས། གསུམ་པ་འབྲས་བུའི་

― ZP02_Page_131 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་ནི། གང་གིས་འཕགས་སོགས། བཞི་པ་བྱེད་ལས་ཀྱི་དོན་ལའང་དྲུག་སྟེ། དང་པོ་མཐོང་བའི་ལས་ནི། ཆགས་དང་སོགས། གཉིས་པ་སྟོན་པའི་ལས་ནི། དབང་ལྡན་སོགས། གསུམ་པ་འོད་ཟེར་གྱི་ལས་ནི། འོད་ཟེར་སོགས། བཞི་པ་རྣམ་རོལ་གྱི་ལས་ནི། དེ་ནི་སོགས། ལྔ་པ་སྤྲུལ་པའི་ལས་ནི། བཟང་པོ་དང་སོགས། དྲུག་པ་ཞིང་ཁམས་སྦྱོངས་པའི་ལས་ནི། ཡེ་ཤེས་དག་སོགས། ལྔ་པ་ལྡན་པའི་དོན་ནི། འདབ་གཤོགས་སོགས། དྲུག་པ་འཇུག་པའི་རབ་དབྱེ་ནི། མངོན་པར་ཤེས་པ་སོགས། གཉིས་པ་ཆེ་བ་ནི། དེ་ནི་དབང་མཆོག་སོགས། ལེའུ་བརྒྱད་པའི་ས་བཅད་དོ། ༈ །བརྒྱད་པ་ཡོངས་སུ་སྨིན་པ་འདི་ལ་རྒྱལ་སྲས་རང་སྨིན་པའི་ཚུལ་དང༌། གདུལ་བྱ་གཞན་སྨིན་པའི་ཚུལ་དང༌། སྨིན་པ་གཉིས་ཀྱི་མཇུག་བསྡུས་ཏེ་ཆེ་བ་བསྟན་པའོ། །དང་པོ་ལའང་མདོར་བསྟན་པ་དང༌། རྒྱས་པར་བཤད་པ། སྨིན་པ་དགུའི་ཆེ་བ་བརྗོད་པའོ། །དང་པོ་ནི། དགའ་དང་སོགས། གཉིས་པ་ལའང་དགུ་སྟེ། དང་པོ་ཐེག་ཆེན་གྱི་ཆོས་ལ་དགའ་བའི་ཡོངས་སྨིན་ནི། གྲོགས་མཆོག་སོགས། གཉིས་པ་སངས་རྒྱས་ལ་དད་པའི་ཡོངས་སྨིན་ནི། ཡོན་ཏན་སོགས། གསུམ་པ་རབ་ཞི་ནི། ཤིན་ཏུ་སྡོམ་སོགས། བཞི་པ་སྙིང་བརྩེའི་ནི། རང་བཞིན་སྙིང་བརྩེ་སོགས། ལྔ་པ་བཟོད་པའི་ནི། རང་བཞིན་བརྟན་པ་སོགས། དྲུག་པ་ཡིད་གཞུང་ནི། རྣམ་སྨིན་དག་སོགས། བདུན་པ་མཐུ་ཐོབ་པའི་ནི། དགེ་བ་སོགས། བརྒྱད་པ་མི་འཕྲོག་པའི་ནི། ཆོས་བཟང་སོགས། དགུ་པ་སྤོང་བའི་ཡན་ལག་དང་ལྡན་པའི་ཡོངས་སྨིན་ནི། དགེ་བ་སོགས། གསུམ་པ་ཆེ་བ་ནི། དེ་ལྟར་སོགས།

― ZP02_Page_132 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་གདུལ་བྱ་གཞན་སྨིན་པ་ལའང༌། སྨིན་པའི་རང་བཞིན་ནམ་ཚད། སྨིན་པའི་དབྱེ་བ། སྨིན་པའི་ཐབས་དང་གསུམ་ལས། དང་པོ་ནི། ཇི་ལྟར་སོགས། གཉིས་པ་དབྱེ་བ་བརྒྱད་དེ། ལུས་ཅན་སོགས། གསུམ་པ་ལ་གཉིས་ཏེ། དང་པོ་བསམ་པའི་ཐབས་ཀྱིས་སྨིན་པ་ནི། ཇི་ལྟར་རྒྱལ་སྲས་སོགས། གཉིས་པ་སྦྱོར་བ་ཕྱིན་དྲུག་སྨིན་པ་ལ་དྲུག་སྟེ། དང་པོ་སྦྱིན་པ་ནི། བྱང་ཆུབ་སོགས། གཉིས་པ་ཚུལ་ཁྲིམས་ནི། བརྟན་པ་སོགས། གསུམ་པ་བཟོད་པ་ནི། གཞན་གནོད་སོགས། བཞི་པ་བརྩོན་འགྲུས་ནི། རྒྱལ་སྲས་སོགས། ལྔ་པ་བསམ་གཏན་ནི། ཡིད་ཀྱི་སོགས། དྲུག་པ་ཤེས་རབ་ཀྱི་སྒོ་ནས་སེམས་ཅན་སྨིན་པ་ནི། དེ་ཉིད་སོགས། གསུམ་པ་མཇུག་སྡུད་ཀྱི་ཆེ་བ་ནི། དེ་ལྟར་སོགས། ལེའུ་དགུ་པའི་ས་བཅད་དོ། ༈ །དགུ་པ་བྱང་ཆུབ་ཆེན་པོའི་ལེའུ་ལའང༌། བྱང་ཆུབ་ཆེན་པོའི་ངོ་བོ་བཞག་པ་མདོར་བསྟན་པ་དང༌། དེ་ཉིད་རྒྱས་པར་བཤད་པ་དང༌། མཇུག་བསྡུས་ཏེ་སངས་རྒྱས་ཉིད་སྤྲོ་བར་བྱ་བ་དང་གསུམ་ལས། དང་པོ་ལའང༌། ཐམས་ཅད་མཁྱེན་པ་འགྲུབ་པའི་རྒྱུ་བསྟན་པ་དང༌། ངོ་བོ་དཔེ་དང་བཅས་པས་བསྟན་པ་དང༌། དེས་དོན་རྒྱས་པར་བསྟན་པ་དང་གསུམ་ལས། དང་པོ་ནི། དཀའ་སྤྱོད་སོགས། གཉིས་པ་ནི། སྒྲིབ་པ་སོགས། གསུམ་པ་ནི། ངལ་བརྒྱའི་སོགས། གཉིས་པ་ལའང༌། གཉིས་སུ་མེད་པའི་མཚན་ཉིད་མཐུ་དང་བཅས་པ་བཤད་པ། ལུས་ཅན་ཀུན་གྱི། སྐྱབས་བླ་ན་མེད་པ་བསྟན་པ། གནས་ཡོངས་སུ་གྱུར་པ་བསྟན་པ། མཛད་པ་ལྷུན་འགྲུབ་རྒྱུན་མི་འཆད་པར་བསྟན་པ། ཟག་པ་མེད་པའི་དབྱིངས་ཟབ་པ་བསྟན་

― ZP02_Page_133 ―

^{[མ་དཔེ་གཟིགས་ན་འདིར་གནོན།]}

[Full Size]

པ། འབྱོར་བ་རྣམ་པར་དབྱེ་བ་བསྟན་པ། སེམས་ཅན་ཡོངས་སུ་སྨིན་པར་མཛད་པའི་རྒྱུ་བསྟན་པ། ཆོས་ཀྱི་དབྱིངས་རྣམ་པར་དག་པར་བསྟན་པ། སྐུ་དང་ཡེ་ཤེས་ཀྱི་དབྱེ་བ་བསྟན་པ། སངས་རྒྱས་ཐམས་ཅད་གཅིག་ཐ་དད་དུ་གྲོལ་བ། སངས་རྒྱས་ཉིད་ལ་འཇུག་པའི་ཐབས་དང་ཐབས་མིན་བསྟན་པ། སངས་རྒྱས་ཐམས་ཅད་མཛད་པ་གཅིག་པར་བསྟན་པའོ། །དང་པོ་ནི། ཆོས་རྣམས་ཐམས་ཅད་སོགས། གཉིས་པ་ལའང་ལྔ། ཉོན་མོངས་ལས་སྐྱོབས་པ། འཚེ་བ་ལས་སྐྱོབ་པ། སྐྱབས་དེ་དཔེ་མེད་མཆོག་ཏུ་བསྟན་པ། སྐྱབས་བླ་ན་མེད་པའི་རྒྱུ་མཚན། ཡུལ་ཏེ་འགལ་བ་མ་ཡིན་པ་ཇི་སྲིད་ཀྱི་སྐྱབས་སུ་བརྟེན་པའོ། །དང་པོ་ནི། རྟག་ཏུ་སོགས། གཉིས་པ་ནི། འཚེ་བ་སོགས། གསུམ་པ་ནི། སངས་རྒྱས་ཉིད་སོགས། བཞི་པ་ནི། སངས་རྒྱས་ཆོས་སོགས། ལྔ་པ་ནི། འཇིག་རྟེན་སོགས། གསུམ་པ་ལའང༌། གནས་འགྱུར་གྱི་རང་བཞིན་གཉེན་པོ་ཕུན་སུམ་ཚོགས་པ་བསྟན་པ། གནས་འགྱུར་གྱི་ཁྱད་པར་གཞན་ལས་འཕགས་པ། གནས་འགྱུར་དེའི་དབྱེ་བའི་ཕན་ཡོན། སངས་རྒྱས་ཀུན་ཏུ་སོང་བ་ནམ་མཁའི་དཔེས་བསྟན་པ། ཐམས་ཅད་དུ་སོང་ཡང་སྣོད་མིན་ལ་མི་སྣང་བ་སྣོད་ཀྱི་དཔེས་བསྟན་པ། གདུལ་བྱ་ཡོད་ན་སྣང་མེད་ན་མི་སྣང་མེའི་དཔེས་བསྟན་པ་དང་དྲུག་གོ །དང་པོ་ནི། གང་ལ་སོགས། གཉིས་པ་ནི། དེ་བཞིན་གཤེགས་སོགས། གསུམ་པ་ནི། གནས་ལ་སོགས། བཞི་པ་ནི། ཇི་ལྟར་སོགས། ལྔ་པ་ནི། ཇི་ལྟར་ཆུ་སོགས།

― ZP02_Page_134 ―

^{[མ་དཔེ་གཟིགས་ན་འདིར་གནོན།]}

[Full Size]

དྲུག་པ་ནི། ཇི་ལྟར་མེ་སོགས། བཞི་པ་ལ་གཉིས། དང་པོ་ལྷུན་འགྲུབ་བཤད་པ་ནི། ཇི་ལྟར་རྔ་སོགས། གཉིས་པ་རྒྱུན་མི་འཆད་པ་ནི། ཇི་ལྟར་མཁའ་སོགས། ལྔ་པ་ལའང་མཚན་ཉིད་ཟབ་པ། གནས་པ་ཟབ་པ། ཕྲིན་ལས་ཟབ་པ། ཟབ་པ་གསུམ་གྱི་མཇུག་བསྡུ་བ། ཟབ་པ་སངས་རྒྱས་དང་སེམས་ཅན་ཁྱད་མེད་པར་སྙིང་པོའི་དོན་དུ་བསྟན་པའོ། །དང་པོ་ལའང་བཞི་སྟེ། དང་པོ་རྣམ་པར་དག་པའི་མཚན་ཉིད་ཟབ་པ་ནི། སྔ་མ་སོགས། གཉིས་པ་བདག་མཆོག་གི་མཚན་ཉིད་ཟབ་པ་ནི། སྟོང་པ་སོགས། གསུམ་པ་ལུང་དུ་མི་སྟོན་པའི་མཚན་ཉིད་ཟབ་པ་ནི། བདེ་ཕྱིར་སོགས། བཞི་པ་རྣམ་པར་གྲོལ་བའི་མཚན་ཉིད་ཟབ་པ་ནི། ཇི་ལྟར་ལྕགས་སོགས། གཉིས་པ་ནི། ཟག་མེད་སོགས། གསུམ་པ་ལ་བཅུ་སྟེ་དང་པོ་རང་དོན་ཡོན་ཏན་གནས་པའི་ཕྲིན་ལས་ནི། སྟོབས་སོགས། གཉིས་པ་གཞན་དོན་སེམས་ཅན་སྨིན་པའི་ཕྲིན་ལས་ནི། འགྲོ་བའི་སོགས། གསུམ་པ་མཐར་ཐུག་པར་གཤེགས་པའི་ཕྲིན་ལས་ནི། བསོད་ནམས་སོགས། བཞི་པ་ཆོས་སྟོན་པའི་ཕྲིན་ལས་ནི། ཡེ་ཤེས་སོགས། ལྔ་པ་མཛད་པའི་ཕྲིན་ལས་གཅིག་པ་ནི། ཇི་ལྟར་ཉི་མ་སོགས། དྲུག་པ་ཡེ་ཤེས་དུས་གཅིག་ཏུ་འཇུག་པའི་ཕྲིན་ལས་ནི། དཔེར་ན་སོགས། བདུན་པ་རྣམ་པར་མི་རྟོགས་པའི་ཕྲིན་ལས་ནི། ཇི་ལྟར་ཉི་མ་སོགས། བརྒྱད་པ་ཡེ་ཤེས་སྣ་ཚོགས་པའི་ཕྲིན་ལས་ནི། ཉི་མའི་སོགས། དགུ་པ་ཡེ་ཤེས་མི་འཇུག་པ་ནི། ཇི་ལྟར་ཉི་མ་སོགས། བཅུ་པ་ཕྲིན་ལས་ཁྱད་འཕགས་གྲོལ་བའི་ཡེ་ཤེས་ནི། ཇི་ལྟར་མདུད་པའི་སོགས།

― ZP02_Page_135 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི་པ་ནི་དྲི་མེད་སོགས། ལྔ་པ་ནི། དེ་བཞིན་ཉིད་སོགས། དྲུག་པ་འབྱོར་པ་རྣམ་པར་དབྱེ་བ་ལའང་བཞི། འབྱོར་པའི་མཐུ་ཕུན་སུམ་ཚོགས་པ་བསྟན་པ། འབྱོར་བའི་རབ་དབྱེ། འབྱོར་བ་བདུན། མཇུག་བསྡུས་ཏེ་ཆེ་བ་བསྟན་པའོ། །དང་པོ་ནི། ཉན་ཐོས་སོགས། གཉིས་པ་ནི། སངས་རྒྱས་རྣམས་སོགས། གསུམ་པ་ལའང༌། དང་པོ་དབང་པོ་ལྔའི་གཞན་འགྱུར་ནི། དབང་པོ་སོགས། གཉིས་པ་ཡིད་གཞན་དུ་འགྱུར་བ་ནི། ཡིད་ནི་སོགས། གསུམ་པ་དོན་གཞན་དུ་འགྱུར་བ་ནི། དོན་བཅས་སོགས། བཞི་པ་རྣམ་རྟོག་ནི། རྣམ་རྟོག་སོགས། ལྔ་པ་རྟེན་ནི། རྟེན་སོགས། དྲུག་པ་འཁྲིགས་པ་ནི། འཁྲིགས་པ་སོགས། བདུན་པ་ནམ་མཁའི་གནས་འགྱུར་ནི། ནམ་མཁའི་སོགས། བཞི་པ་ནི། དེ་ལྟར་སོགས། བདུན་པ་སེམས་ཅན་ཡོངས་སུ་སྨིན་པས་མཛད་པའི་རྒྱུ་ལ་བདུན་ཏེ། །དང་པོ་སེམས་ཅན་ཡོངས་སུ་སྨིན་པར་མཛད་པའི་རང་བཞིན་ནི། འདི་ན་སོགས། གཉིས་པ་སྨིན་པ་ཡ་མཚན་ཆེ་ལ། ཆེ་བ་མེད་པར་བསྟན་པ་ནི། དེ་ལྟར་སོགས། གསུམ་པ་སྨིན་པའི་ཐབས་མང་པོ་གཅིག་ཆར་དུ་བསྟན་པ་ནི། དེ་བཞིན་སོགས། བཞི་པ་འདུ་མཛད་མི་མངའ་བའི་སྨིན་པ་ནི། སངས་རྒྱས་སོགས། ལྔ་པ་དེའི་དཔེ་བསྟན་པ་ནི། ཇི་ལྟར་སོགས། དྲུག་པ་སྨིན་པ་རྒྱུན་ཆད་མེད་པར་བསྟན་པ་ནི། ཇི་ལྟར་མར་མེ་སོགས། བདུན་པ་ངོམས་པར་མི་མངའ་འཕེལ་བར་མི་འགྱུར་བར་བསྟན་པ་ནི། ཇི་ལྟར་རྒྱ་སོགས། བརྒྱད་པ་ཆོས་ཀྱི་དབྱིངས་བཤད་པ་ལ་དྲུག་སྟེ། དང་པོ་ངོ་བོ་ནི། ཆོས་རྣམས་

― ZP02_Page_136 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས། གཉིས་པ་རྒྱུ་ནི། དེ་བཞིན་སོགས། གསུམ་པ་འབྲས་བུ་ནི། སེམས་ཅན་སོགས། བཞི་པ་ལས་ནི། སྐུ་དང་གསུང་སོགས། །ལྔ་པ་ལྡན་པ་ནི། ཏིང་འཛིན་སོགས། དྲུག་པ་འཇུག་པ་ནི། རང་བཞིན་སོགས། དགུ་པ་ལའང་སྐུ་གསུམ་དང་ཡེ་ཤེས་གཉིས། དང་པོ་ལའང༌། མདོར་བསྟན། རྒྱས་བཤད། གྲངས་ངེས། རྒྱུན་མི་འཆད་པའོ། །དང་པོ་ནི། སངས་རྒྱས་སོགས། གཉིས་པ་ལའང་གསུམ། དང་པོ་ལོངས་སྐུ་ནི། ལོངས་སྤྱོད་སོགས། གཉིས་པ་རང་བཞིན་གྱི་སྐུ་ནི། རང་བཞིན་སོགས། གསུམ་པ་ལ་སྤྲུལ་པའི་སྐུ་དངོས་དང་དེའི་དབྱེ་བ་གཉིས་ལས། དང་པོ་ནི། སངས་རྒྱས་སོགས། དེའི་དབྱེ་བ་ནི། བཟོ་དང་སོགས། གསུམ་པ་ནི། སྐུ་གསུམ་སོགས། བཞི་པ་ནི། དེ་དག་སོགས། གཉིས་པ་ཡེ་ཤེས་ལའང༌། རྟེན་གྱི་སྒོ་ནས་མདོར་བསྟན། སོ་སོའི་རང་བཞིན་རྒྱས་པར་བཤད། །ཡེ་ཤེས་ཀྱི་རྒྱུ་ངོས་བཟུང་བའོ། །དང་པོ་ནི། མེ་ལོང་ཡེ་ཤེས་སོགས། གཉིས་པ་ལ་བཞི་སྟེ། དང་པོ་ནི། མེ་ལོང་ཡེ་ཤེས་སོགས། གཉིས་པ་ནི། མཉམ་ཉིད་སོགས། གསུམ་པ་ནི། སོར་རྟོགས་སོགས། བཞི་པ་ནི། བྱ་བ་གྲུབ་སོགས། གསུམ་པ་ནི། འཛིན་པའི་ཕྱིར་སོགས། བཅུ་པ་ནི། རིགས་ཐ་དད་དང་སོགས། བཅུ་གཅིག་པ་ནི། སངས་རྒྱས་ཉིད་ལ་འཇུག་པའི་ཐབས་དང་ཐབས་མ་ཡིན་པ་ནི། མེད་པར་སོགས། བཅུ་གཉིས་པ་ལའང༌། དཔེ་དང༌། དོན་གཉིས། དང་པོ་ནི། ཀླུང་དག་སོགས། གཉིས་པ་དོན་ནི། སངས་རྒྱས་སོགས། རྩ་བའི་ས་བཅད་གསུམ་པ་ནི། དེ་ལྟར་སོགས། ལེའུ་བཅུ་པའི་ས་བཅད་དོ། ༈ །བཅུ་པ་མོས་པའི་ལེའུ་

― ZP02_Page_137 ―

^{[མ་དཔེ་གཟིགས་ན་འདིར་གནོན།]}

[Full Size]

ལའང༌། མོས་པ་སྤྱིའི་རྣམ་བཞག་བསྟན་པ། ཐེག་ཆེན་གྱི་མོས་པ་བྱེ་བྲག་ཏུ་བཤད་པ། མོས་པའི་འབྲས་བུའམ་ཆེ་བ་བསྟན་པའོ། །དང་པོ་ལའང་མོས་པའི་རབ་དབྱེ། མོས་པའི་བར་ཆད། མོས་པའི་ཕན་ཡོན་དང་གསུམ། དང་པོ་མོས་པའི་རབ་དབྱེ་ཉེར་བདུན་ནི། སྐྱེ་དང་སོགས། གཉིས་པ་བར་ཆད་བཅུ་དྲུག་ནི། ཡིད་ལ་སོགས། གསུམ་པ་ཕན་ཡོན་བཅུ་ནི། བསོད་ནམས་སོགས། གཉིས་པ་ཐེག་ཆེན་གྱི་མོས་པ་བྱེ་བྲག་ཏུ་བཤད་པ་ལའང༌། ཐེག་ཆེན་གྱི་མོས་པ་མཆོག་ཏུ་སྒྲུབ་ནས་མོས་པ་ལེན་དུ་འཇུག་པ་ལ་མདོར་བསྟན། རྒྱས་པར་བཤད་པ། ཞུམ་པ་དགག་པ། མོས་པའི་བསོད་ནམས་ཀྱི་ཁྱད་པར་རོ། །དང་པོ་ནི། འདོད་པ་ཅན་སོགས། གཉིས་པ་ནི། ཇི་ལྟར་ཁྱི་སོགས། གསུམ་པ་ནི། གང་ཕྱིར་སོགས། བཞི་པ་ནི་གཞན་དག་སོགས། རྩ་བའི་ས་བཅད་གསུམ་པ་ནི། དེ་ལྟར་སོགས། ལེའུ་བཅུ་གཅིག་པའི་ས་བཅད་དོ། ༈ །བཅུ་གཅིག་པ་ཆོས་ཚོལ་གྱི་ལེའུ་ལའང༌། ཐེག་ཆེན་གྱི་ཆོས་ཚོལ་ཚུལ། རྙེད་ནས་ཁམས་པ་རྟས་པར་བྱེད་པའི་ལེའུ་རྣམས་ཀྱི་དོན་ཡིད་ལ་བྱེད་ཚུལ། ཆོས་ཚོལ་གྱི་རབ་དབྱེ། ཆོས་ཚོལ་གྱི་ཆེ་བ་བསྟན་པའོ། །དང་པོ་ལའང་བཅོ་ལྔ་སྟེ། དང་པོ་དམིགས་པ་ཚོལ་བ་ལའང་སྤྱིར་བསྟན་པ་དང༌། སོ་སོར་བཤད་པ་གཉིས། དང་པོ་ནི། སྡེ་སྣོད་དང་སོགས། གཉིས་པ་ལ། མདོར་བསྟན་རྒྱས་བཤད་གཉིས། དང་པོ་ནི། མདོ་དང་སོགས། གཉིས་པ་ལ་གསུམ་སྟེ། དང་པོ་མདོ་སྡེའི་དོན་ནི། གནས་རྣམས་སོགས། གཉིས་པ་མངོན་པའི་དོན་ནི། མངོན་དུའི་སོགས། གསུམ་

― ZP02_Page_138 ―

^{[མ་དཔེ་གཟིགས་ན་འདིར་གནོན།]}

[Full Size]

པ་འདུལ་བའི་དོན་ལ་སྦྱོར་བའི་ཡིད་བྱེད་ནི། ལྟུང་དང་སོགས། གཉིས་པ་དམིགས་པ་རྙེད་པའི་ཚོལ་པ་ལ་གཉིས། དང་པོ་ཡུལ་གྱི་རྙེད་ཚུལ་ནི། དམིགས་པ་སོགས། གཉིས་པ་ཡུལ་ཅན་གྱི་ཇི་ལྟར་རྙེད་ཚུལ་ནི། ཡིད་ཀྱི་སོགས། གསུམ་པ་རྙེད་ནས་ཡིད་ལ་བྱེད་པ་ཚོལ་བ་སྦྱོར་བའི་ཡིད་བྱེད་བཅོ་བརྒྱད་ནི། རིགས་གསུམ་སོགས། བཞི་པ་མཉམ་བཞག་ཆོས་ཉིད་ཀྱི་དེ་ཁོ་ན་ཉིད་ཚོལ་བ་ནི། རྟག་ཏུ་སོགས། ལྔ་པ་རྗེས་ཐོབ་དེ་ཁོ་ན་ཉིད་སྒྱུ་མ་ལྟ་བུར་ཡོངས་སུ་ཚོལ་བ་བཅུ་གཅིག་སྟེ། དང་པོ་གཉིས་སྣང་སྒྱུ་མའི་མཚན་ཉིད་བསྟན་པ་ནི། ཇི་ལྟར་སྒྱུ་མ་སོགས། གཉིས་པ་བདེན་གཉིས་སྒྱུ་མ་ལྟ་བུའི་མཚན་ཉིད་ནི། ཇི་ལྟར་དེ་ལ་སོགས། གསུམ་པ་འཁྲུལ་པ་གནས་འགྱུར་ཡོངས་གྲུབ་སྒྱུ་མ་ལྟ་བུའི་མཚན་ཉིད་ནི། དེ་མེད་སོགས། བཞི་པ་ཡོད་དང་མེད་པ་ཁྱད་པར་མེད་པ་སྒྱུ་མའི་དཔེས་བསྟན་པ་ནི། དེ་ཡི་སོགས། ལྔ་པ་དཔེ་ཅན་གྱི་དོན་བསྟན་པ་ནི། དེ་བཞིན་སོགས། དྲུག་པ་མཚན་ཉིད་གསུམ་སྒྱུ་མ་ལྟ་བུར་གྲུབ་པའི་དགོས་པ་བསྟན་པ་ནི། སྒྲོ་འདོགས་སོགས། བདུན་པ་འཁྲུལ་བའི་རྒྱུ་མཚན་དང་སྦྱར་ནས་རྣམ་རིག་ཙམ་དུ་བསྟན་པ་ནི། འཁྲུལ་པའི་སོགས། བརྒྱད་པ་གཟུང་འཛིན་རྣམ་རིག་རང་བཞིན་མེད་པ་དཔེས་དབྱེ་བ་ནི། སྒྱུ་མའི་གླང་པོའི་སོགས། དགུ་པ་སྤང་བྱ་དང་གཉེན་པོ་སྒྱུ་མ་ལྟར་བསྟན་པ་ནི། འཁྲུལ་པའི་སོགས། བཅུ་པ་དེའི་སྤང་བྱ་དང་སྤང་ཚུལ་སྒྱུ་མ་ལྟ་བུར་བསྟན་པ་ནི། སྒྱུ་མའི་རྒྱལ་པོ་སོགས། བཅུ་གཅིག་པ་སྒྱུ་མ་ལ་སོགས་དཔེ་བརྒྱད་ཀྱི་དོན་བསྟན་པ་ནི། སངས་རྒྱས་རྣམས་

― ZP02_Page_139 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས། དྲུག་པ་ཤེས་བྱ་ཡོངས་སུ་ཚོལ་བ་ནི། ཡན་ལག་སོགས། བདུན་པ་ཀུན་ནས་ཉོན་མོངས་ཡོངས་སུ་ཚོལ་བ་ནི། རང་གི་ཁམས་སོགས། བརྒྱད་པ་རྣམ་བྱང་ཡོངས་སུ་ཚོལ་བ་ནི། དམིགས་པའི་སོགས། དགུ་པ་ཆོས་ཐམས་ཅད་རྣམ་པར་རིག་པ་ཙམ་དུ་ཚོལ་བ་ནི། སེམས་ནི་སོགས། བཅུ་པ་མཚན་ཉིད་ཡོངས་སུ་ཚོལ་བ་ལའང༌། མདོར་བསྟན་རྒྱས་བཤད་གཉིས། དང་པོ་ནི། སངས་རྒྱས་སོགས། གཉིས་པ་ལའང་གསུམ་སྟེ། དང་པོ་མཚན་གཞི་ནི། སེམས་ནི་ལྟ་བཅས་སོགས། གཉིས་པ་མཚན་ཉིད་ལ་གསུམ། དང་པོ་ཀུན་བཏགས་ཀྱི་མཚན་ཉིད་ནི། ཇི་ལྟར་སོགས། གཉིས་པ་གཞན་དབང་གི་མཚན་ཉིད་ནི། རྣམ་གསུམ་སོགས། གསུམ་པ་ཡོངས་གྲུབ་ཀྱི་མཚན་ཉིད་ནི། མེད་དང་སོགས། གསུམ་པ་མཚོན་པ་ཡེ་ཤེས་རྣལ་འབྱོར་ས་ལྔ་བཤད་པ་ནི། རྒྱུ་མཐུན་སོགས། བཅུ་གཅིག་པ་རྣམ་པར་གྲོལ་བ་ཡོངས་སུ་ཚོལ་བ་ལ་གཉིས། དང་པོ་རྣམ་པར་གྲོལ་བ་དངོས་ནི། ས་བོན་སོགས། གཉིས་པ་རྣམ་གྲོལ་དེ་ཐོབ་པའི་ཐབས་ལ་མདོར་རྒྱས་གཉིས། དང་པོ་ནི། བློ་དང་ལྡན་སོགས། གཉིས་པ་ལ་གཉིས། དང་པོ་གཉེན་པོ་སྐྱེ་ཚུལ་ནི། ཚོགས་ཀྱི་སོགས། གཉིས་པ་སྤང་བྱ་དགག་ཚུལ་ནི། སེམས་ནི་སོགས། བཅུ་གཉིས་པ་ཆོས་ཐམས་ཅད་ངོ་བོ་ཉིད་མེད་པར་ཚོལ་བ་ནི། རང་དང་སོགས། བཅུ་གསུམ་པ་མི་སྐྱེ་བའི་ཆོས་ལ་བཟོད་པ་ཐོབ་པ་ཚོལ་བ་རྣམ་པ་བརྒྱད་ནི། ཐོག་མ་སོགས། བཅུ་བཞི་པ་ཐེག་པ་གཅིག་ཏུ་ཚོལ་བ་ལ་གསུམ་སྟེ། དང་པོ་དགོངས་གཞི་ནི། ཆོས་དང་སོགས། གཉིས་པ་དགོངས་པ་

― ZP02_Page_140 ―

^{[མ་དཔེ་གཟིགས་ན་འདིར་གནོན།]}

[Full Size]

དངོས་ནི། ཁ་ཅིག་སོགས། གསུམ་པ་ཞར་བྱུང་དབྱེ་བ་ལ་བཞི་སྟེ། དང་པོ་རིགས་མ་ངེས་པའི་དབྱེ་བ་ནི། ཉན་ཐོས་སོགས། གཉིས་པ་སྐྱེ་བ་ལེན་ཚུལ་ནི། དེ་གཉིས་སོགས། གསུམ་པ་ལ་མེ་བགྲོད་ཚུལ་ནི། དེ་གཉིས་ཡང་སོགས། བཞི་པ་འབྲས་བུ་འགྲུབ་ཚུལ་ནི། དོན་བྱས་སོགས། བཅོ་ལྔ་བ་རིགས་པའི་གནས་ལྔ་ཚོལ་བ་ནི། རིགས་པའི་སོགས། རྩ་བའི་ས་བཅད་གཉིས་པ་ལའང༌། ཡིད་ལ་བྱེད་ཚུལ་ལྔ་དང་དོན་བསྡུ་བའོ། །དང་པོ་རིགས་ནས་བྱང་ཆུབ་ཀྱི་ལེའུའི་བར་ཡིད་ལ་བྱེད་ཚུལ་ནི། རྒྱུ་དམིགས་སོགས། གཉིས་པ་ཆོས་ཚོལ་ནས་ཐབས་ལྡན་གྱི་བར་ཡིད་ལ་བྱེད་ཚུལ་ཆོས་ལ་འཇུག་པའི་སྤྱོད་པ་བསྟན་པ་ནི། རབ་དྭངས་སོགས། གསུམ་པ་ཕྱིན་དྲུག་ནས་མཆོད་བརྟེན་ཚད་མེད་བཞི་ཡིད་ལ་བྱེད་པ་དོན་ལ་འཇུག་པའི་སྤྱོད་པ་བསྟན་པ་ནི། སྦྱིན་སོགས། བཞི་པ་བྱང་ཆུབ་ཕྱོགས་མཐུན་གྱི་ལེའུའི་དོན་ཡིད་ལ་བྱེད་ཚུལ་ནི། མ་བྱས་སོགས། ལྔ་པ་ཡོན་ཏན་གྱི་ལེའུ་ཡིད་ལ་བྱེད་ཚུལ་ནི། ངོ་མཚར་སོགས། གཉིས་པ་ནི། ཕ་རོལ་སོགས། རྩ་བའི་ས་བཅད་གསུམ་པ་ལ་སྤྱིར་བསྟན་པ་དང༌། སྤང་བྱ་རྟོག་པའི་དབྱེ་བ་བྱེ་བྲག་ཏུ་བཤད་པ་གཉིས། དང་པོ་ལ་གཉིས་ལས། དང་པོ་ཆོས་ཚོལ་གྱི་དབྱེ་བ་ནི། རྒྱས་དང་སོགས། གཉིས་པ་ཆོས་ཚོལ་གྱི་དགོས་པ་ནི། བརྟན་ཆོས་སོགས། གཉིས་པ་རྣམ་རྟོག་ཚོལ་བའི་དབྱེ་བ་ནི། རྒྱལ་བའི་སོགས། རྩ་བའི་ས་བཅད་བཞི་པ་ནི། དེ་ལྟར་སོགས། ལེའུ་བཅུ་གཉིས་པའི་ས་བཅད་དོ། ༈ །བཅུ་གཉིས་པ་ཆོས་བཤད་པ་ལའང༌། ཆོས་བཤད་

― ZP02_Page_141 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་བསམ་སྦྱོར་ཕུན་སུམ་ཚོགས་པ་བསྟན་པ། བཤད་བྱའི་ཆོས་ཀྱི་རབ་དབྱེ། ཆོས་བཤད་པའི་ཆེ་བའམ་ཕན་ཡོན་བསྟན་པའོ། །དང་པོ་ལ། བསམ་སྦྱོར་གཉིས། དང་པོ་བསམ་པ་ཆོས་ལ་སེར་སྣ་དགགས་པ་ནི། བརྟན་པ་སོགས། གཉིས་པ་སྦྱོར་བ་ལ་གཉིས། དང་པོ་ཆོས་བཤད་པའི་དོན་ཡོད་པ་ནི། གང་ཕྱིར་སོགས། གཉིས་པ་རིམ་པར་མ་བརྒྱུད་ན་དོན་མེད་པ་ཡིན་པར་བསྟན་པ་ནི། དེ་ལྟས་སོགས། གཉིས་པ་ལ་མདོར་བསྟན། རྒྱས་བཤད་གཉིས། དང་པོ་ཆོས་ཀྱི་རབ་དབྱེ་མདོར་བསྟན་པ་ནི། སེམས་དཔའ་སོགས། གཉིས་པ་ལ་བཅུ་གཅིག་སྟེ་དང་པོ་སྟོན་པ་པོའི་གང་ཟག་ཕུན་སུམ་ཚོགས་པ་ནི། རྒྱ་ཆེ་སོགས། གཉིས་པ་ངག་ཕུན་སུམ་ཚོགས་པ་ཡོན་ཏན་དགུ་ལྡན་ནི། སེམས་དཔའ་སོགས། གསུམ་པ་ཚིག་ཕུན་སུམ་ཚོགས་པ་ཡོན་ཏན་བརྒྱད་ལྡན་ནི། རྒྱལ་སྲས་སོགས། བཞི་པ་ཡི་གེ་ཕུན་སུམ་ཚོགས་པ་ཡོན་ཏན་བརྒྱད་ལྡན་ནི། བརྟན་དང་སོགས། ལྔ་པ་སྟོན་པའི་གསུང་བསམ་གྱི་མི་ཁྱབ་པའི་ཆེ་བ་ནི། བདེ་གཤེགས་སོགས། དྲུག་པ་གསུང་གི་ཆེ་བ་ཉེས་པ་བརྒྱད་བྲལ་ནི། ངག་ཚིག་སོགས། བདུན་པ་ཞར་བྱུང་གཏམ་གྱི་ཉེས་པ་བརྒྱད་བསྟན་པ་ནི། ལེ་ལོ་སོགས། བརྒྱད་པ་བཤད་པའི་དོན་ཕུན་སུམ་ཚོགས་པ་ནི། དད་དང་སོགས། དགུ་པ་ལྡེམ་པོར་དགོངས་པ་ཕུན་སུམ་ཚོགས་པ་ནི། གཞུག་པ་སོགས། བཅུ་པ་དགོངས་པ་ཕུན་སུམ་ཚོགས་པ་ནི། མཉམ་པ་སོགས། བཅུ་གཅིག་པ་ཤིན་ཏུ་རྒྱས་པ་ཕན་ཡོན་དང་བཅས་པ་བསྟན་པ་ནི། སངས་རྒྱས་སོགས། གསུམ་པ་ཆེ་བ་ནི།

― ZP02_Page_142 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ལྟར་སོགས། ལེའུ་བཅུ་གསུམ་པའི་ས་བཅད་དོ། ༈ །བཅུ་གསུམ་པ་སྒྲུབ་པའི་ལེའུ་ལའང༌། བསྒྲུབ་པའི་རྣམ་པར་དབྱེ་བ། སྒྲུབ་པ་བག་ཡོད་དུ་བྱ་བ། ཉོན་མོངས་པ་ཁོ་ནས་ཉོན་མོངས་པ་ལས་ངེས་པར་འབྱུང་བ། ཐེག་པ་དམན་པའི་ཡིད་བྱེད་བོར་བ། རང་བཞིན་གྱི་དོན་ལ་སྐྲག་པ་སྤང་བ། ཆགས་པ་ལས་སྐྱེས་པའི་ལྟུང་བ་དགག་པ། ཇི་ལྟར་གང་དུ་སྒྲུབ་པའི་རབ་དབྱེ། འཁོར་གསུམ་ཡོངས་དག་གི་ཆོས་བསྟན་པའི་ཆེ་བའོ། །དང་པོ་ལ་བཞི་སྟེ། དང་པོ་ཚོགས་ལམ་དུ་སྒྲུབ་ཚུལ་ནི། བློ་ལྡན་སོགས། གཉིས་པ་སྦྱོར་ལམ་དུ་སྒྲུབ་པའི་ཚུལ་ནི། དོན་ཤེས་སོགས། གསུམ་པ་མཐོང་ལམ་དུ་སྒྲུབ་པའི་ཚུལ་ནི། སོ་སོའི་སོགས། བཞི་པ་སྒོམ་ལམ་དུ་སྒྲུབ་པའི་ཚུལ་ནི། མཐོང་བས་སོགས། གཉིས་པ་ལ་འཁོར་ལོ་ཆེན་པོ་བཞི་ལས། དང་པོ་མཐུན་པའི་ཡུལ་བསྟན་པ་ནི། བློ་ལྡན་སོགས། གཉིས་པ་དམ་པའི་བཤེས་གཉེན་བརྟེན་པ་ནི། བྱང་ཆུབ་སོགས། གསུམ་པ་ལེགས་པར་སྨོན་པ་ནི། དམིགས་པ་སོགས། བཞི་པ་བདག་ཉིད་ཀྱི་བསོད་ནམས་སྐྱབས་ལ་འདུན་པ་ནི། དགའ་དང་སོགས། གསུམ་པ་ལ་གསུམ་ལས། དང་པོ་ཉོན་མོངས་ཁོ་ནས་ཉོན་མོངས་ཀྱི་ས་ལ་ངེས་པར་འབྱུང་བ་ནི། ཆོས་ཀྱི་སོགས། གཉིས་པ་མ་རིག་པ་དང་ཆོས་དབྱིངས་རང་བཞིན་གཅིག་པར་དགོངས་པ་ནི། ཆོས་ཀྱི་སོགས། གསུམ་པ་དེ་ལས་རྣམ་གྲོལ་འགྱུར་ཚུལ་གྱི་དགོངས་པ་ནི། གང་ཕྱིར་སོགས། བཞི་པ་ནི། སེམས་ཅན་སོགས། ལྔ་པ་ནི། ཆོས་མེད་སོགས། དྲུག་པ་ནི། བྱང་ཆུབ་སོགས། བདུན་

― ZP02_Page_143 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ནི། སྨན་བཟང་སོགས། བརྒྱད་པ་ནི། དེ་ལྟར་སོགས། ལེའུ་བཅུ་བཞི་པའི་ས་བཅད་དོ། ༈ །བཅུ་བཞི་པ་གདམས་ངག་རྗེས་བསྟན་ལ། གདམས་ངག་རྗེས་བསྟན་ཉན་པའི་མོས་པ་རྣམ་པར་འཕེལ་བ། ཚོགས་བསགས་པས་སྒོམ་པ་ལ་སྦྱོར་ཚུལ། གདམ་ངག་རྗེས་བསྟན་ཐོབ་པའི་དུས་ངེས་པར་དབྱེ་བ། ཕན་ཡོན་བསྡུས་ཏེ་བཤད་པ། རྗེས་བསྟན་གདམ་ངག་གི་ངོ་བོ་བཤད་པ། གདམ་ངག་རྗེས་བསྟན་གྱི་འབྲས་བུ་ཆེ་བ་བཤད་པའོ། །དང་པོ་ནི། སྐལ་བ་སོགས། གཉིས་པ་ནི། དེ་བཞིན་སོགས། གསུམ་པ་ལ་ཚོགས་ལམ་སྦྱོར་ལམ། མཐོང་བས་སྒོམ་ལམ། མི་སློབ་པའི་ལམ་དུ་གདམས་ངག་ཐོབ་ཚུལ་དང་ལྔ་ལས། དང་པོ་ཚོགས་ལམ་ལ་ལྔ་སྟེ། དང་པོ་ཆོས་ཀྱི་རྒྱུན་གྱི་ཏིང་ངེ་འཛིན་ཐོབ་པ་ལ་གདམས་ངག་རྙེད་ཚུལ་ནི། དེ་ཚེ་སོགས། གཉིས་པ་དེ་ལས་དམིགས་པའི་སེམས་དྲུག་བསྟན་པ་ནི། དེས་ན་སོགས། གསུམ་པ་ཡིད་ལ་བྱེད་པ་བཅུ་གཅིག་ནི། ཡིད་ཀྱི་སོགས། བཞི་པ་སེམས་གནས་དགུའི་སེམས་གནས་པར་བྱེད་པ་ནི། དམིགས་པ་སོགས། ལྔ་པ་དེ་ལས་རིམ་གྱིས་བསམ་གཏན་ལས་རུང་གི་ཕན་ཡོན་ལ་གཉིས་ལས། དང་པོ་དངོས་གཞི་ཐོབ་པའི་ཕན་ཡོན་ནི། དེ་ནས་སོགས། གཉིས་པ་ཞི་ལྷག་གི་ཕན་ཡོན་ལྔ་ཐོབ་ཚུལ་ནི། དེས་ན་སོགས། གཉིས་པ་སྦྱོར་ལམ་ངེས་འབྱེད་ཆ་མཐུན་ལ་བཞི་ལས། དང་པོ་དྲོད་སྣང་བ་ཐོབ་པའི་ཏིང་ངེ་འཛིན་ནི། དེ་ནས་དེ་ལྟར་སོགས། གཉིས་པ་རྩེ་མོ་སྣང་བ་མཆེད་པའི་ཏིང་ངེ་འཛིན་ནི།

― ZP02_Page_144 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་ཀྱི་སོགས། གསུམ་པ་བཟོད་པ་རྟོག་པ་ཕྱོགས་གཅིག་སྤོང་བའི་ཏིང་ངེ་འཛིན་ནི། ཆོས་ཀྱི་སོགས། བཞི་པ་ཆོས་མཆོག་དེ་ཁོ་ན་ཉིད་ཕྱོགས་གཅིག་ལ་ཞུགས་པའི་དེ་མ་ཐག་པའི་ཏིང་ངེ་འཛིན་ནི། དེ་ཚེ་སོགས། གསུམ་པ་མཐོང་ལམ་ལ་བདུན་ཏེ། དང་པོ་མཐོང་ལམ་གྱི་མཚན་ཉིད་ཁྱད་པར་ལྔ་ལྡན་ནི། དེ་ནས་སོགས། གཉིས་པ་མཉམ་པ་ཉིད་རྟོགས་པའི་མཚུངས་ལྡན་ལྔ་ནི། ཆོས་ཀྱི་སོགས། གསུམ་པ་རྗེས་ཐོབ་ཡེ་ཤེས་ཀྱི་ཁྱད་པར་ནི། དེས་ནི་སོགས། བཞི་པ་དམིགས་པའི་ཁྱད་པར་ནི། མེད་པའི་སོགས། ལྔ་པ་ཡོན་ཏན་ཐོབ་པའི་ཁྱད་པར་ནི། རྒྱལ་སྲས་སོགས། དྲུག་པ་རྨད་དུ་བྱུང་བའི་སྤྱོད་པའི་ཁྱད་པར་ནི། གང་གི་སོགས། བདུན་པ་ངོ་མཚར་ཆེ་ལ་ཆེ་བ་མེད་པར་བསྟན་པ་ནི། རྒྱལ་སྲས་སོགས། བཞི་པ་སྒོམ་ལམ་གདམས་ངག་ཐོབ་ཚུལ་ནི། དེ་ནས་ཕྱེད་སོགས། ལྔ་པ་མི་སློབ་པའི་ལམ་ལ་གདམས་ངག་ཐོབ་ཚུལ་ནི། མཐར་ཐུག་ཕྱེད་སོགས། རྩ་བའི་ས་བཅད་བཞི་པ་ནི། དེ་ལྟར་སོགས། ལྔ་པ་ནི་སངས་རྒྱས་རྣམས་སོགས། དྲུག་པ་ནི། དེ་ནི་སོགས། ལེའུ་བཅོ་ལྔ་པའི་ས་བཅད་དོ། ༈ །བཅོ་ལྔ་པ་ཐབས་དང་ལྡན་པའི་ལས་རྣམ་པར་དབྱི་བ་ལ་གསུམ། དང་པོ་ཀུན་ནས་སློང་བའི་ཐབས་ནི། ཇི་ལྟར་སོགས། གཉིས་པ་ལྟ་བའི་ཐབས་ལ་གཉིས་ཏེ། དང་པོ་བར་ཆད་ལས་ལྡང་བའི་ཐབས་ནི། ཤིན་ཏུ་སོགས། གཉིས་པ་ཐེག་པ་གཞན་དུ་ལྟུང་བ་ལས་སློང་བའི་ཐབས་ནི། ཇི་ལྟར་སོགས། གསུམ་པ་འཁོར་གསུམ་ཡོངས་སུ་དག་

― ZP02_Page_145 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཐབས་ནི། རྟག་ཏུ་སོགས། ལེའུ་བཅུ་དྲུག་པའི་ས་བཅད་དོ། །བཅུ་དྲུག་པ་ལས་གསུམ་ཐབས་ཀྱི་ཟིན་པ་སོང་ནས། ཐམས་ཅད་མཁྱེན་པའི་ཐབས་ལ་ཕ་རོལ་ཏུ་ཕྱིན་པའི་སྤྱོད་པ་སྤྱིར་བཤད་པ་དང༌། གཞན་རྒྱུད་སྨིན་བྱེད་བསྡུལ་བ་བཞི་བཤད་པ། དོན་བསྡུས་ཏེ་ཆེ་བ་བཤད་པའོ། །དང་པོ་ལའང་མདོར་རྒྱས་གཉིས་ལས། དང་པོ་ནི། གྲངས་དང་སོགས། གཉིས་པ་ལ་བཅུ་སྟེ། དང་པོ་གྲངས་ངེས་པ་ལ་དྲུག་སྟེ། དང་པོ་མངོན་མཐོ་དང་ངེས་ལེགས་སྒྲུབ་པའི་དབང་དུ་བྱས་པའི་དྲུག་ཏུ་ངེས་པ་ནི། ལོངས་སྤྱོད་སོགས། གཉིས་པ་དོན་གཉིས་སྒྲུབ་པའི་དབང་དུ་བྱས་ནས་དྲུག་ཏུ་ངེས་པ་ནི། སེམས་ཅན་སོགས། གསུམ་པ་གཞན་དོན་སྒྲུབ་ཐབས་ཀྱི་སྒོ་ནས་དྲུག་ཏུ་ངེས་པ་ནི། མི་འཕོང་སོགས། བཞི་པ་ཐེག་པ་ཆེན་པོར་བསྡུ་བའི་དབང་དུ་བྱས་ནས་དྲུག་ཏུ་ངེས་པ་ནི། ལོངས་སྤྱོད་སོགས། ལྔ་པ་ལམ་ཐམས་ཅད་བསྡུས་པའི་དབང་དུ་བྱས་པ་ནི། ཡུལ་རྣམས་སོགས། དྲུག་པ་བསླབ་པ་གསུམ་ལ་ལྟོས་ནས་དྲུག་ཏུ་ངེས་པ་ནི། བསླབ་གསུམ་སོགས། གཉིས་པ་མཚན་ཉིད་བཤད་པ་ལ་དྲུག་སྟེ། དང་པོ་སྦྱིན་པའི་ཕར་ཕྱིན་གྱི་མཚན་ཉིད་བཞི་ལྡན་ནི། སྦྱིན་པའི་སོགས། གཉིས་པ་ཚུལ་ཁྲིམས་ནི། ཚུལ་ཁྲིམས་སོགས། གསུམ་པ་བཟོད་པ་ནི། བཟོད་པའི་སོགས། བཞི་པ་བརྩོན་འགྲུས་ནི། བརྩོན་འགྲུས་སོགས། ལྔ་པ་བསམ་གཏན་ནི། བསམ་གཏན་སོགས། དྲུག་པ་ཤེས་རབ་ནི། ཤེས་རབ་སོགས། གསུམ་པ་

― ZP02_Page_146 ―

^{[མ་དཔེ་གཟིགས་ན་འདིར་གནོན།]}

[Full Size]

གོ་རིམ་གྱིས་བཞག་པ་ནི། སྔ་མ་ལ་སོགས། བཞི་པ་ངེས་ཚིག་ནི། དབུལ་བ་སོགས། ལྔ་པ་ཡོན་ཏན་ལ་གོམ་པར་བྱ་བ་ནི། ཐམས་ཅད་སོགས། དྲུག་པ་རབ་དབྱེ་ལ་དྲུག་སྟེ། དང་པོ་སྦྱིན་པའི་རབ་དབྱེ་ནི། དོན་རྣམས་སོགས། གཉིས་པ་ཚུལ་ཁྲིམས་ཀྱི་རབ་དབྱེ་ནི། ཡན་ལག་སོགས། གསུམ་པ་བཟོད་པ་ནི། མི་མཇེད་སོགས། བཞི་པ་བརྩོན་འགྲུས་ནི། དགེ་ལ་སོགས། ལྔ་པ་བསམ་གཏན་ནི། སེམས་ནི་སོགས། དྲུག་པ་ཤེས་རབ་ཀྱི་རབ་དབྱེ་ནི། ཤེས་བྱ་སོགས། བདུན་པ་བསྡུ་པ་ནི། དཀར་པོའི་སོགས། བརྒྱད་པ་མི་མཐུན་པའི་ཕྱོགས་ལ་དྲུག་སྟེ། སྦྱིན་པ་ལ་སོགས་པ་དྲུག་ལ། བྱང་ཆུབ་སོགས་དྲུག །དགུ་པ་ཡོན་ཏན་ལ་ཕྱིན་དྲུག་གི་ཡོན་ཏན་སྤྱིར་བཤད་པ། སྦྱིན་བརྩོན་གྱི་ཡོན་ཏན་བྱེ་བྲག་ཏུ་བཤད་པའོ། །དང་པོ་ལ་གསུམ་ལས། རྒྱ་ཆེ་བའི་ཡོན་ཏན་རྣམ་པར་དག་པའི་ཡོན་ཏན། མཆོག་ཏུ་གྱུར་པའི་ཡོན་ཏན་དང་གསུམ། དང་པོ་ལ་དྲུག་སྟེ་དང་པོ་སྦྱིན་པ་སོགས་ལ་རྒྱ་ཆེ་བའི་ཡོན་ཏན་བཞི་ལྡན་ནི། སངས་རྒྱས་སོགས་གསུམ་དང་རྒྱལ་སྲས་སོགས། གསུམ་གྱིས་བསྟན་ནོ། །དེའི་དོན་བསྡུ་ནི། རྒྱ་ཆེ་བ་སོགས། གཉིས་པ་རྣམ་པར་དག་པའི་ཡོན་ཏན་ལ་དྲུག་སྟེ། དང་པོ་སྦྱིན་པ་རྣམ་པར་དག་པའི་ཡོན་ཏན་ནི། སློང་བ་སོགས། གཉིས་པ་ཚུལ་ཁྲིམས་ནི། བརྩེགས་སོགས། གསུམ་པ་བཟོད་པ་ནི། བརྩེ་བ་ལྡན་སོགས། བཞི་པ་བརྩོན་འགྲུས་ནི། གཞན་སོགས། ལྔ་པ་བསམ་གཏན་ནི། གསུམ་གྱིས་སོགས། དྲུག་པ་ཤེས་རབ་རྣམ་པར་དག་པའི་

― ZP02_Page_147 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོན་ཏན་ནི། ཇི་ལྟར་སོགས། གསུམ་པ་མཆོག་ཏུ་གྱུར་པའི་ཡོན་ཏན་བརྒྱད་ལྡན་ལ་དྲུག་ལས། དང་པོ་སྦྱིན་པ་ནི། སྦྱིན་སོགས། གཉིས་པ་ཚུལ་ཁྲིམས་སོགས། གསུམ་པ། བཟོད་པ་སོགས། བཞི་པ་བརྩོན་འགྲུས་སོགས། ལྔ་པ། བསམ་གཏན་སོགས། དྲུག་པ་ཤེས་རབ་མཚོག་ཏུ་གྱུར་པའི་ཡོན་ཏན་ནི། ཤེས་རབ་སོགས། གཉིས་པ་ལའང་གཉིས། དང་པོ་སྦྱིན་པ་ལ་མདོར་རྒྱས་གཉིས། དང་པོ་ནི། བྱང་ཆུབ་སོགས། གཉིས་པ་ནི། སྐྱེ་བོ་སོགས། གཉིས་པ་བརྩོན་འགྲུས་ལ་མདོར་རྒྱས་གཉིས། དང་པོ་ནི། གཙོ་དང་སོགས། གཉིས་པ་ལའང་དྲུག་སྟེ། དང་པོ་གཙོ་བོ་ནི། དགེ་བའི་སོགས། གཉིས་པ་བརྩོན་འགྲུས་ཀྱི་རྒྱུ་ནི། འདི་ལྟར་སོགས། གསུམ་པ་ལས་ཀྱི་དབྱེ་བ་ནི། བརྩོན་འགྲུས་སོགས། བཞི་པ་རྣམ་པར་དབྱེ་བ་ནི། གཞན་སོགས། ལྔ་པ་རྟེན་གྱི་དབྱེ་བ་ནི། ཐེག་པ་སོགས། དྲུག་པ་གཉེན་པོ་ནི། བརྩོན་འགྲུས་སོགས། བཅུ་པ་ཕན་ཚུན་རྣམ་ངེས་ནི། ཕན་ཚུན་སོགས། རྩ་བའི་ས་བཅད་གཉིས་པ་ལ་དྲུག་ལས། དང་པོ་བསྡུ་དངོས་བཞིའི་མཚན་ཉིད་ནི། སྦྱིན་མཚུངས་སོགས། གཉིས་པ་གྲངས་ངེས་པ་ནི། ཕན་པར་སོགས། གསུམ་པ་བྱེད་ལས་ནི། དང་པོས་སོགས། བཞི་པ་དབྱེ་བ་ནི། ཟང་ཟིང་སོགས། ལྔ་པ་ཕན་ཡོན་ནི། འཁོར་སྡུད་སོགས། དྲུག་པ་བསྡུ་པའི་སྨིན་བྱེད་ནི། བསྡུས་དང་སོགས། རྩ་བའི་ས་བཅད་

― ZP02_Page_148 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་པ་དོན་བསྡུས་ཏེ་ཆེ་བ་བསྟན་པ་ནི། དེ་ལྟར་སོགས། ལེའུ་བཅུ་བདུན་པའི་ས་བཅད་དོ། ༈ །བཅུ་བདུན་པ་མཆོད་བསྟེན་ཚད་མེད་ཀྱི་ལེའུ་ལའང༌། སངས་རྒྱས་ལ་མཆོད་པ་དང༌། བཤེས་གཉེན་ལ་བསྟེན་པ་དང༌། ཚད་མེད་པ་བཞི་སྒོམ་ཚུལ་མཇུག་བསྡུས་ཏེ་ཆེ་བ་བསྟན་པའོ། །དང་པོ་ལའང༌། བཞི་སྟེ། དང་པོ་མཆོད་པའི་རྣམ་བཞག་རྒྱས་པར་བཤད་པ་ནི། རབ་དྭངས་སོགས། གཉིས་པ་དེའི་དོན་བསྡུས་ཏེ་བསྟན་པ་ནི། རྒྱུ་མཚན་སོགས། གསུམ་པ་མཆོད་པའི་དབྱེ་བ་ནི། རྒྱུ་དང་སོགས། བཞི་པ་མཆོད་པ་མཆོག་གི་ཁྱད་པར་ནི། རང་གི་སེམས་སོགས། གཉིས་པ་ལའང་བཞི་སྟེ། དང་པོ་དགེ་བའི་བཤེས་གཉེན་བསྟེན་པ་མདོར་བསྟན་པ་ནི། བསྟེན་པ་སོགས། གཉིས་པ་རྒྱས་པར་བཤད་པ་ལའང་བརྒྱད་དེ་དང་པོ་རྟེན་བཤད་པ་ནི། བཤེས་གཉེན་སོགས། གཉིས་པ་གཞི་ནི། བཀུར་སྟི་སོགས། གསུམ་པ་རྒྱུ་མཚན་ནི། དེ་བཞིན་སོགས། བཞི་པ་ཡོངས་སུ་བསྔོ་བ་ནི། དེ་ནི་སོགས། ལྔ་པ་རྒྱུ་ནི། བརྟེན་པ་སོགས། དྲུག་པ་ཡེ་ཤེས་ནི། ཐེག་པ་སོགས། བདུན་པ་ཞིང་ནི། སེམས་ཅན་སོགས། བརྒྱད་པ་གནས་ནི། དེ་ཆོས་སོགས། གསུམ་པ་བཤེས་གཉེན་བསྟེན་པའི་དུས་སོགས་ཀྱི་རབ་དབྱེ་ནི། བློ་དང་སོགས། བཞི་པ་དགེ་བའི་བཤེས་གཉེན་བསྟན་པ་མཆོག་གི་ཁྱད་པར་ནི། རང་གི་སོགས། རྩ་བའི་ས་བཅད་གསུམ་པ་ལ། ཚད་མེད་བཞི་སྤྱིར་བཤད་པ། སྙིང་རྗེ་

― ZP02_Page_149 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེ་བྲག་ཏུ་བཤད་པ་གཉིས། དང་པོ་ལ་བཞི་ལས། དང་པོ་ཚད་མེད་བཞིའི་ཁྱད་ཆོས་བཞི་ལྡན་ནི། བརྟེན་པའི་སོགས། གཉིས་པ་དམིགས་རྣམ་ནི། བརྟན་པ་རྣམས་སོགས། གསུམ་པ་དབྱེ་བ་ལ་བཞི་སྟེ། དང་པོ་མཆོག་དམན་གྱི་དབྱེ་བ་ནི། དེ་དག་སོགས། གཉིས་པ་ཆེ་ཆུང་དམན་མཆོག་གི་སྒོ་ནས་དབྱེ་བ་ནི། མཉམ་བཞག་སོགས། གསུམ་པ་རྒྱུ་འབྲས་རྟག་གསུམ་གྱི་སྒོ་ནས་དབྱེ་བ་ནི། ཚངས་པའི་སོགས། བཞི་པ་སྐྱོན་ཡོན་གྱི་སྒོ་ནས་དབྱེ་བ་ལ་གཉིས། དང་པོ་སྐྱོན་ནི། བྱང་ཆུབ་སོགས། གཉིས་པ་ཡོན་ཏན་ནི། ཉེས་སོགས། བཞི་པ་ཚད་མེད་བཞིའི་ཆེ་བ་ནི། ཇི་ལྟར་སོགས། གཉིས་པ་སྙིང་རྗེས་བྱེ་བྲག་ཏུ་བཤད་པ་ལ་ཉི་ཤུ་རྩ་གཉིས་ཏེ། དང་པོ་སྙིང་རྗེའི་དམིགས་པའི་རབ་དབྱེ་ནི། རབ་འབར་སོགས། གཉིས་པ་འབྲས་བུ་ལྔ་ནི། འཚེ་སྤང་སོགས། གསུམ་པ་སྲིད་ཞིང་མི་གནས་པ་ནི། སྙིང་རྗེ་བློ་སོགས། བཞི་པ་འཁོར་བ་ཡོངས་སུ་ཤེས་པ་ནི། འཇིག་རྟེན་སོགས། ལྔ་པ་སྙིང་རྗེའི་རྒྱུ་མཆོག་དབྱེ་བ་ནི། སྙིང་རྗེའི་བདག་སོགས། དྲུག་པ་ལྗོན་ཤིང་གི་དཔེས་སྙིང་རྗེ་ཆེ་བ་ལའང་གསུམ་སྟེ། དང་པོ་ཆེ་བ་དངོས་ནི། སྙིང་རྗེ་དང་ནི་སོགས། གཉིས་པ་དགགས་ཕྱོགས་བསྟན་པ་ནི། རྩ་བ་སོགས། གསུམ་པ། སྒྲུབ་ཕྱོགས་བསྟན་པ་ནི། སྙིང་རྗེའི་ཆུལ་སོགས། བདུན་པ་ཡོན་ཏན་ནི། སྙིང་རྗེ་ཆེན་པོ་སོགས། བརྒྱད་པ་སྙིང་རྗེ་ཆགས་པ་མེད་པར་བསྟན་པ་ནི། སྙིང་རྗེས་སོགས། དགུ་པ་སྙིང་རྗེ་བྱམས་པས་ཁྱད་པར་དུ་འཕགས་པ་ནི། བྱམས་པས་

― ZP02_Page_150 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས། བཅུ་པ་སྡུག་བསྔལ་དངས་ལེན་གྱིས་སྐྲག་པའི་གནས་ལ་མངོན་པར་དགའ་བ་ནི། བྱང་ཆུབ་སོགས། བཅུ་གཅིག་པ་སྙིང་རྗེའི་སྡུག་བསྔལ་ཅན་བདེ་བ་གཞན་ཟིལ་གྱིས་གནོན་པ་ནི། བརྩེ་བས་བསྐྱེད་སོགས། བཅུ་གཉིས་པ་བརྩེ་བས་སྦྱིན་པའི་ཡོན་ཏན་ནི། བརྟན་པའི་སོགས། བཅུ་གསུམ་པ་སྡུག་བསྔལ་བ་ཁས་བླང་བའི་ཡོན་ཏན་ནི། སེམས་ཅན་དོན་སོགས། བཅུ་བཞི་པ་ཆོས་གསུམ་དང་དེའི་འབྲས་བུ་འཕེལ་བའི་ཡོན་ཏན་ནི། བརྩེ་དང་སོགས། བཅོ་ལྔ་པ་སྦྱིན་པ་ལ་སྤྲོ་བར་བྱ་བ་ནི། སྙིང་རྗེ་སོགས། བཅུ་དྲུག་པ་གཞན་བདེ་བས་བདག་བདེ་བ་ནི། སྙིང་རྗེ་སྡུག་བསྔལ་སོགས། བཅུ་བདུན་པ་བརྩེ་བས་སྦྱིན་པ་ལ་རྟོན་པ་ནི། སྙིང་རྗེ་ཅན་གྱི་སོགས། བཅོ་བརྒྱད་པ་བརྩེ་བས་སྦྱིན་པའི་དབྱེ་བ་ནི། རྒྱལ་སྲས་སོགས། བཅུ་དགུ་པ་བརྩེ་བས་ཉེར་སྤྱོད་ཁྱད་པར་ཅན་ནི། ཇི་ལྟར་སོགས། ཉི་ཤུ་པ་ཕྱིན་དྲུག་སྒྲུབ་པའི་བརྩེ་བ་ནི། བཀའ་དྲིན་སོགས། ཉེར་གཅིག་པ་སྙིང་རྗེའི་རྐྱེན་བཤད་པ་ནི། བདེ་དང་སོགས། ཉེར་གཉིས་པ་ཆེན་པོ་དང་མཆོག་གི་ཁྱད་པར་ནི། བྱང་ཆུབ་སོགས། རྩ་བའི་ས་བཅད་གསུམ་པ་ནི། དེ་ལྟར་སོགས། ལེའུ་བཅོ་བརྒྱད་པའི་ས་བཅད་དོ། ༈ །བཅོ་བརྒྱད་པ་བྱང་ཆུབ་ཕྱོགས་མཐུན་བཤད་པ་ལ། བྱང་ཆུབ་ཕྱོགས་མཐུན་གྱི་ཆོས་ཉིད་རྒྱས་པར་བཤད་པ། བྱེ་བྲག་ཏུ་སྐད་ཅིག་མ་འདུས་བྱས་མི་རྟག་པ་རྒྱ་ཆེར་བཤད་པ་དང༌། ཆོས་ཐམས་ཅད་བདག་མེད་པ།

― ZP02_Page_151 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲུབ་པ་དང༌། དེ་དག་གི་མཇུག་བསྡུ་སྟེ་ཆེ་བ་བསྟན་པའོ། །དང་པོ་ལ་ཉེར་གཅིག་སྟེ། དང་པོ་ངོ་ཚ་ཤེས་པ་ལ་དགུ་ལས། དང་པོ་ངོ་ཚ་ཤེས་པའི་མཚན་ཉིད་བཞི་ལྡན་ནི། ངོ་ཚ་སོགས། གཉིས་པ་ངོ་ཚ་ཡུལ་གྱི་སྒོ་ནས་དབྱེ་བ་ནི། ཕ་རོལ་སོགས། གསུམ་པ་ཆུང་འབྲིང་གི་སྒོ་ནས་དབྱེ་བ་ནི། མཉམ་བཞག་སོགས། བཞི་པ་ངོ་ཚ་མེད་པའི་སྐྱོན་བཤད་པ་ནི། བློ་ལྡན་སོགས། ལྔ་པ་ངོ་ཚ་ཡོད་པའི་ཡོན་ཏན་ནི། རྒྱལ་སྲས་སོགས། དྲུག་པ་ངོ་ཚ་ཤེས་པའི་འབྲས་བུ་ནི། མཁས་པ་སོགས། བདུན་པ་ཕན་ཡོན་དཔེའི་སྒོ་ནས་བསྔགས་པ་ནི། བྱིས་པ་སོགས། བརྒྱད་པ་ངོ་ཚ་ཤེས་པའི་རྟགས་ནི། ཀུན་ལ་སོགས། དགུ་པ་ངོ་ཚ་ཤེས་པ་མཆོག་གི་ཁྱད་པར་ནི། རང་གི་སོགས། གཉིས་པ་བརྟན་པ་བཤད་པ་ལ་མདོར་རྒྱས་གཉིས། དང་པོ་ནི། བྱང་ཆུབ་སོགས། གཉིས་པ་ལ་གསུམ་སྟེ། དང་པོ་མཚན་ཉིད་ནི། བརྩོན་འགྲུས་སོགས། གཉིས་པ་རབ་དབྱེ་ནི། རང་བཞིན་སོགས། གསུམ་པ་མི་འགྱུར་བའི་དོན་ནི། ཕྱི་མ་ལེབ་སོགས། གསུམ་པ་མི་སྐྱོ་བ་བཤད་པ་ལ་བཞི། དང་པོ་གཞི་ནི། བྱང་ཆུབ་སོགས། གཉིས་པ་རྟེན་ནི། ངོ་ཚ་སོགས། གསུམ་པ་ངོ་བོ་ནི། བྱང་ཆུབ་སོགས། བཞི་པ་དེའི་དབྱེ་བ་ནི། བློ་ལྡན་སོགས། བཞི་པ་བསྟན་བཅོས་ཤེས་པ་ནི། བསྟན་པའི་སོགས། ལྔ་པ་འཇིག་རྟེན་ཤེས་པ་ནི། བརྟན་རྣམས་སོགས། དྲུག་པ་རྟོན་པ་བཞི་བཤད་པ་ལ་གསུམ། དང་པོ་ངོ་བོ་ནི། གཙུག་ལག་སོགས། གཉིས་པ་

― ZP02_Page_152 ―

^{[མ་དཔེ་གཟིགས་ན་འདིར་གནོན།]}

[Full Size]

མི་མཐུན་དགགས་ཕྱོགས་བསྟན་པ་ནི། སྒོང་དང་སོགས། གསུམ་པ་སྒྲུབ་ཕྱོགས་བསྟན་པ་ནི། མོས་དང་སོགས། བདུན་པ་སོ་སོ་ཡང་དག་རིགས་པ་བཞི་བཤད་པ་ལ་ལྔ་སྟེ། དང་པོ་སོ་སོ་ཡང་དག་རིགས་པ་བཞིའི་རྣམ་གྲངས་ནི། རྣམ་གྲངས་སོགས། གཉིས་པ་གྲངས་ངེས་ནི། བརྟན་པ་སོགས། གསུམ་པ་དགོས་པ་ནི། ཆོས་ནི་སོགས། བཞི་པ་ངེས་ཚིག་ནི། མཉམ་ཉིད་སོགས། ལྔ་པ་བྱེད་ལས་ནི། ཐེ་ཚོམ་སོགས། བརྒྱད་པ་ལམ་གོང་ནས་གོང་དུ་བགྲོད་ཕྱིར་ཚོགས་གཉིས་བཤད་པ་ལའང་བཞི་ལས། དང་པོ་ཚོགས་གཉིས་གསོགས་ཚུལ་ནི། བྱང་ཆུབ། གཉིས་པ་ངེས་ཚིག་ནི། རྒྱུན་དུ་སོགས། གསུམ་པ་བྱེད་ལས་ནི། བརྟན་པའི་སོགས། བཞི་པ་ཚོགས་གཉིས་ཀྱི་དབྱེ་བ་ནི། འཇུག་དང་སོགས། དགུ་པ་ཚོགས་གཉིས་ཀྱི་རྒྱབ་དཔུང་འཁྱོལ་བ་ཞིག་གི་དྲན་པ་ཉེར་བཞག་སྒོམ་པ་ཁྱད་པར་བཅུའི་ཁྱད་པར་ནི། བློ་ལྡན་སོགས། བཅུ་པ་ཡང་དག་སྤོང་བཞི་བཤད་པ་ལ་གསུམ། དང་པོ་ཡང་དག་སྤོང་བཞི་སྤྱིའི་མཚན་ཉིད་ནི། བརྟན་པ་སོགས། གཉིས་པ་དབྱེ་བ་ནི། འཁོར་བ་སོགས། གསུམ་པ་ཇི་ལྟར་སྒོམ་ཚུལ་ནི། བདུན་པ་སོགས། བཅུ་གཅིག་པ་རྫུ་འཕྲུལ་གྱི་རྐང་བཞིའི་མཚན་ཉིད་བཞི་ལྡན་བཤད་པ་ལ། མདོར་བསྟན་པ་རྒྱས་པར་བཤད་པ་གཉིས། དང་པོ་ནི། བརྟན་པ་སོགས། གཉིས་པ་ལ་བཞི་ལས། དང་པོ་རྟེན་ནི། བསམ་གཏན་སོགས། གཉིས་པ་རབ་དབྱེ་ནི། རབ་ཏུ་སོགས། གསུམ་པ་ཐབས་དང་མངོན་པར་བསྒྲུབ་པ་མདོར་བསྟན་པ་ནི། ཐབས་རྣམས་

― ZP02_Page_153 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི་སོགས། བཞི་པ་དེ་གཉིས་རྒྱས་པར་བཤད་པ་ནི། མངོན་པར་སྒྲུབ་སོགས། བཅུ་གཉིས་པ་དབང་པོ་ལྔ་ལ་གཉིས། དང་པོ་གཞི་ནི། བྱང་ཆུབ་སོགས། གཉིས་པ་ངེས་ཚིག་ནི། དོན་སྒྲུབ་སོགས། བཅུ་གསུམ་པ་སྟོབས་ལྔ་ནི། དད་སོགས། བཅུ་བཞི་པ་བྱང་ཆུབ་ཡན་ལག་བདུན་བཤད་པ་ལ་གསུམ། དང་པོས་མཚམས་ནི། སར་ཞུགས་སོགས། གཉིས་པ་ཡན་ལག་བདུན་རྒྱལ་སྲིད་གྱི་དཔེའི་བསྟན་པ་ནི། ཤེས་བྱ་སོགས། གསུམ་པ་ཡན་ལག་དུ་འགྱུར་ཚུལ་ནི། རང་བཞིན་སོགས། བཅོ་ལྔ་པ་འཕགས་ལམ་ཡན་ལག་བརྒྱད་བཤད་པ་ནི། དེ་ཡི་སོགས། བཅུ་དྲུག་པ་ཞི་ལྷག་བཤད་པ་ལ་གཉིས། དང་པོ་ངོ་བོ་ནི། ཡང་དག་སོགས། གཉིས་པ་ཞི་ལྷག་དེ་ཡོན་ཏན་ཀུན་གྱི་རྗེས་སུ་འགྲོ་བའི་དབྱེ་བ་ནི། དེ་ནི་སོགས། བཅུ་བདུན་པ་ཐབས་ལ་མཁས་པ་ནི། སངས་རྒྱས་སོགས། བཅོ་བརྒྱད་པ་གཟུངས་བཤད་པ་ལ་གཉིས། དང་པོ་གཟུངས་ཀྱི་དབྱེ་བ་ནི། རྣམ་སྨིན་སོགས། གཉིས་པ་གཟུངས་ཀྱི་བྱེད་ལས་ནི། བྱང་ཆུབ་སོགས། བཅུ་དགུ་པ་སྨོན་ལམ་བཤད་པ་ལ་གཉིས། དང་པོ་ངོ་བོ་ནི། བརྟན་པ་སོགས། གཉིས་པ་བྱེད་ལས་ནི། རྣམ་དག་སོགས། ཉི་ཤུ་པ་ཏིང་ངེ་འཛིན་གསུམ་བཤད་པ་ལ་གསུམ་ལས། དང་པོ་ཏིང་ངེ་འཛིན་གྱི་དམིགས་པ་ནི། ཏིང་ངེ་འཛིན་སོགས། གཉིས་པ་བློའི་རྣམ་པ་ནི། རྣམ་པར་སོགས། གསུམ་པ་དགོས་པ་ནི། ཡོངས་སུ་སོགས། ཉེར་གཅིག་པ་ཆོས་ཀྱི་སྡོམ་བཞི་བཤད་

― ZP02_Page_154 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ནི། སེམས་ཅན་སོགས། རྩ་བའི་ས་བཅད་གཉིས་པ་ལའང་གཉིས། དང་པོ་མི་རྟག་པ་སྤྱིར་སྒྲུབ་པ་ནི། མི་རུང་སོགས། གཉིས་པ་ལ་གཉིས། དང་པོ་ནང་གི་འདུས་བྱས་སྐད་ཅིག་མར་སྒྲུབ་བཞི། དང་པོ་ཇེ་བས་སོགས། གཉིས་པ་ཕྱིའི་འདུས་བྱས་སྐད་ཅིག་མར་སྒྲུབ་པ་ནི། འབྱུང་བ་སོགས། རྩ་བའི་ས་བཅད་གསུམ་པ་ཆོས་ཐམས་ཅད་མེད་པར་སྒྲུབ་པ་ལའང་གསུམ་སྟེ། དང་པོ་དམ་བཅའ་བཞག་པ་ནི། གང་ཟག་སོགས། གཉིས་པ་སྒྲུབ་བྱེད་བསྟན་པ་ལ་གཉིས། དང་པོ་གང་ཟག་རྫས་ཡོད་སྤྱིར་དགགས་པ་ནི། མི་དམིགས་སོགས། གཉིས་པ་བརྗོད་དུ་མེད་པའི་བདག་བྱེ་བྲག་ཏུ་དགགས་པ་ནི། གཅིག་དང་སོགས། གསུམ་པ་རྩོད་པ་སྤོང་བ་ནི། ཀུན་ནས་སོགས། རྩ་བའི་ས་བཅད་བཞི་པ་ནི། དེ་ལྟར་སོགས། ལེའུ་བཅུ་དགུ་པའི་ས་བཅད་དོ། ༈ བཅུ་དགུ་པ་ཡོན་ཏན་གྱི་ལེའུ་ལའང༌། སྒྲུབ་པའི་ཡོན་ཏན་དང་བསྔགས་པའི་ཡོན་ཏན་གཉིས། དང་པོ་ལ་ཉེར་གཅིག་སྟེ། དང་པོ། ངོ་མཚར་ཆེ་བ་དང༌། མི་ཆེ་བའི་རྣམ་པར་དབྱེ་བ་ལ་གསུམ་སྟེ། དང་པོ་རྒྱུའི་ངོ་མཚར་ཆེ་བ་ནི། རང་གི་སོགས། གཉིས་པ་འབྲས་བུ་ངོ་མཚར་ཆེ་བ་ནི། དེ་བཞིན་སོགས། གསུམ་པ་ངོ་མཚར་ཆེ་བ་མིན་པ་ནི། འདོད་ཆགས་སོགས། གཉིས་པ་མཉམས་པ་ཉིད་ལ་གཉིས་ཏེ། དང་པོ་སེམས་མཉམ་པ་ཉིད་བསྟན་པ་ནི། ཇི་ལྟར་སོགས། གཉིས་པ་ཕ་རོལ་དུ་ཕྱིན་པ་དྲུག་མཉམས་ཉིད་བསྟན་པ་ནི། དོན་གཉེར་སོགས། གསུམ་པ་སྦྱོར་བ་ཕན་འདོགས་

― ZP02_Page_155 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལ་གཉིས། དང་པོ་ཕན་འདོགས་སྤྱིར་བཤད་པ་ནི། སྣོད་ཉིད་སོགས། གཉིས་པ་ཕན་འདོགས་དཔེ་བདུན་གྱིས་བསྟན་པ་ལ་བདུན་ཏེ། དང་པོ་མ་དང་འདྲ་བ་ལས་ལྔས་ཕན་འདོགས་པ་ནི། གང་དག་སོགས། གཉིས་པ་ཕ་དང་འདྲ་བ་ནི། སེམས་ཅན་སོགས། གསུམ་པ་རྩ་ལག་དང་འདྲ་བ་ནི། གང་དག་སོགས། བཞི་པ་གྲོགས་བཟང་པོ་དང་འདྲ་བ་ནི། ཀུན་ནས་སོགས། ལྔ་པ་བྲན་དང་འདྲ་བ་ནི། གང་དག་སོགས། དྲུག་པ་སློབ་དཔོན་དང་འདྲ་བ་ནི། གང་དག་སོགས། བདུན་པ་མཁན་པོ་དང་འདྲ་བ་ལས་ལྔས་ཕན་འདོགས་པ་ནི། སེམས་ཅན་དོན་སོགས། བཞི་པ་ལན་དུ་ཕན་འདོགས་པ་ནི། ལོངས་སྤྱོད་སོགས། ལྔ་པ་དུས་རྟག་ཏུ་སྨོན་པ་ནི། རྟག་ཏུ་སོགས། དྲུག་པ་སྦྱོར་བ་ཆུད་མི་ཟ་བ་ནི། འཇིགས་སྤང་སོགས། བདུན་པ་ཡང་དག་པའི་སྦྱོར་བ་ནི། རེ་བ་སོགས། བརྒྱད་པ་ཡོངས་སུ་ཉམས་པ་དང་ཁྱད་པར་དག་གི་དབྱེ་བ་ནི། ལོངས་སྤྱོད་སོགས། དགུ་པ་བསྒོམ་པ་བཅོས་མ་དང་བཅོས་མ་མ་ཡིན་པའི་སྦྱོར་བ་ནི། སྤྲུལ་པ་དང་སོགས། བཅུ་པ་འདུལ་བ་རྣམ་པར་དབྱེ་བ་ནི། བློ་ལྡན་སོགས། བཅུ་གཅིག་པ་ལུང་བསྟན་ཐོབ་པ་ནི། གང་ཟག་སོགས། བཅུ་གཉིས་པ་གསེར་འགྱུར་ནི། བློ་ལྡན་སོགས། བཅུ་གསུམ་པ་གདོན་མི་ཟ་བར་བྱ་དགོས་པར་བསྟན་པ་ནི། མཆོད་བསླབ་སོགས། བཅུ་བཞི་པ་དུས་རྟག་ཏུ་བྱ་བ་ནི། འདོད་པའི་སོགས། བཅོ་ལྔ་པ་བདག་ཉིད་གཙོ་བོའི་དངོས་པོ་ནི། ཆོས་སྦྱིན་

― ZP02_Page_156 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས། བཅུ་དྲུག་པ་གདགས་པ་རྣམ་པར་བཞག་པ་ལ་བཞི་ལས། དང་པོ་ཆོས་གདགས་པ་རྣམ་པར་བཞག་པ་ནི། མདོ་སོགས། གཉིས་པ་ཆོས་དེའི་དོན་གདགས་པ་རྣམ་པར་བཞག་པ་ནི། དེ་བཞིན་སོགས། གསུམ་པ་རིགས་པ་གདགས་པ་རྣམ་པར་བཞག་པ་ནི། རིགས་པ་སོགས། བཞི་པ་ཐེག་པའི་གདགས་པ་རྣམ་པར་བཞག་པ་ནི། བསམ་པ་སོགས། བཅུ་བདུན་པ་ཡོངས་སུ་ཚོལ་བ་ནི། མིང་དང་སོགས། བཅོ་བརྒྱད་པ་ཡང་དག་པ་ཇི་ལྟ་བ་བཞིན་དུ་ཤེས་པར་བྱ་བ་ལ་བརྒྱད་ལས། དང་པོ་གཞི་མི་དམིགས་པར་རྟོགས་ཚུལ་ནི། ཐམས་ཅད་སོགས། གཉིས་པ་སྤང་བྱ་བག་ཆགས་གསུམ་སྣང་ཚུལ་ནི། འཆིང་བ་སོགས། གསུམ་པ་དེ་སྤོང་བྱེད་བསྟན་པ་ནི། མདུན་བཞག་སོགས། བཞི་པ་གནས་ངན་ལེན་གྱི་ས་བོན་ཟད་པར་བྱེད་པ་ནི། དེ་བཞིན་སོགས། ལྔ་པ་དབང་འབྱོར་བ་ནི། དེ་བཞིན་སོགས། དྲུག་པ་འཁྲུལ་པ་བསལ་ནས་ཡང་དག་པར་སྣང་ཚུལ་ནི། བྱིས་པ་སོགས། བདུན་པ་གནས་འགྱུར་ནི། དོན་མེད་སོགས། བརྒྱད་པ་བར་ཆད་སྤང་བ་ནི། དོན་ཆེན་སོགས། བཅུ་དགུ་པ་བཤད་པ་ལ་གཉིས། དང་པོ་བཤད་བྱའི་ཆོས་དཔག་མེད་ནི། ཡོངས་སྨིན་སོགས་གཉིས་པ་ཆོས་བཤད་པའི་འབྲས་བུ་ནི། བྱང་ཆུབ་སོགས། ཉི་ཤུ་པ་གང་ལ་ཞུགས་པའི་ཐེག་པ་ཆེན་པོ་ཆེ་བ་བདུན་ལྡན་ནི། དམིགས་པ་སོགས། ཉེར་གཅིག་པ་ཐེག་ཆེན་དེའི་དོན་བསྡུ་བ་ནི། རིགས་དང་སོགས། རྩ་བའི་

― ZP02_Page_157 ―

^{[མ་དཔེ་གཟིགས་ན་འདིར་གནོན།]}

[Full Size]

ས་བཅད་གཉིས་པ་ལ་ལྔ་སྟེ། དང་པོ་སའི་སྒོ་ནས་བྱང་ཆུབ་སེམས་དཔའི་རྣམ་པར་དབྱེ་བ་ནི། གཅིག་ནི་སོགས། གཉིས་པ་བྱང་སེམས་གྱི་མཚན་ཉིད་དབྱེ་བ་ལ་དགུ་ལས། དང་པོ་ཕར་ཕྱིན་དང་མི་འབྲལ་བའི་བྱང་སེམས་ཀྱི་དབྱེ་བ་ནི། འདོད་སོགས། གཉིས་པ་གཞན་དོན་སྤྱོད་པའི་བྱང་སེམས་ནི། ཕན་འདོགས་སོགས། གསུམ་པ་མི་འགྱུར་བ་གནས་པའི་བྱང་སེམས་ནི། རང་གི་སོགས། བཞི་པ་མི་འཁྲུགས་ལྡན་པའི་བྱང་སེམས་གྱི་དབྱེ་བ་ནི། བརྩེ་དང་སོགས། ལྔ་པ་སྡུག་བསྔལ་ཁས་ལེན་པའི་བྱང་སེམས་ནི། སྡུག་བསྔལ་སོགས། དྲུག་པ་ཐེག་ཆེན་གྱི་ཆོས་གཙོ་བོར་བྱེད་པའི་བྱང་སེམས་ནི། ཆོས་ལ་སོགས། བདུན་པ་བག་ཡོད་པའི་བྱང་སེམས་ནི། ལོངས་སྤྱོད་སོགས། བརྒྱད་པ་ངོ་ཚ་ཤེས་པའི་བྱང་སེམས་ནི། མ་གུས་སོགས། དགུ་པ་ཕན་འདོགས་པའི་བྱང་སེམས་ནི། འདི་དང་སོགས། གསུམ་པ་བྱང་སེམས་གྱི་མཚན་གྱི་རྣམ་གྲངས་ནི། བྱང་ཆུབ་སེམས་དཔའ་སོགས། བཞི་པ་རྟོགས་པའི་སྒོ་ནས་བྱང་སེམས་ཀྱི་ངེས་ཚིག་ནི། དེ་ཉིད་སོགས། ལྔ་པ་དུས་སོགས་ཀྱི་རྣམ་པར་དབྱེ་བ་བཅུ་གཅིག་གི་དོན་བསྡུ་བ་ནི། བློ་དང་སོགས། ལེའུ་ཉི་ཤུ་པའི་ས་བཅད་དོ། ༈ །ཉི་ཤུ་པ་མཐར་ཐུག་གི་འབྲས་བུ་བཤད་པ་ལའང༌། གཞུང་དོན་དང༌། མཇུག་ཡོངས་སུ་རྫོགས་པའི་བྱ་བ་བཤད་པ་དང་གཉིས། དང་པོ་ལའང་གནས་སྐབས་ཀྱི་འབྲས་བུ་དང༌། མཐར་ཐུག་གི་འབྲས་བུ་དང༌། འཇུག་བསྡུ་བ་དག་གསུམ་ལས། དང་པོ་ལའང་བདུན་ཏེ། དང་པོ་སྤྱོད་ལམ་ཉམས་སུ་བླང་བའི་རྟགས་ནི། བརྩེ་དང་སོགས། གཉིས་པ་རྒྱུ་དེ་དང་ལྡན་པའི་རྟེན་གྱི་རབ་དབྱེ་ནི། བྱང་ཆུབ་སོགས། གསུམ་པ་དེ་ལ་བརྟེན་ནས་ལྷག་པའི་བསམ་པ་འགྱུར་ཚུལ་ནི། ས་རྣམས་སོགས། བཞི་པ་

― ZP02_Page_158 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ལ་བརྟེན་ནས་སེམས་ཅན་རྗེས་སུ་འཛིན་ཚུལ་ནི། ས་རྣམས་སོགས། ལྔ་པ་དེ་ཕྱིར་སྐྱེ་བ་ལེན་ཚུལ་ནི། བློ་ལྡན་སོགས། དྲུག་པ་ས་བཤད་པ་ལ་མདོ་རྒྱས་གཉིས་ལས། དང་པོ་ནི། མཚན་ཉིད་སོགས། གཉིས་པ་རྒྱས་པར་བཤད་པ་ལ་བརྒྱད་དེ། དང་པོ་ས་སོ་སོའི་མཚན་ཉིད་ནི། སྟོང་པ་སོགས། གཉིས་པ་གང་ཟག་གི་རྣམ་བཞག་ནི། བྱང་ཆུབ་སེམས་དཔའ་སོགས། གསུམ་པ་བསླབ་པའི་ཁྱད་པར་ནི། ཆོས་ཉིད་སོགས། བཞི་པ་ཕུང་པོ་སྦྱོང་ཚུལ་གྱི་ཁྱད་པར་ནི། ཆོས་ཉིད་སོགས། ལྔ་པ་གྲུབ་པའི་ཁྱད་པར་ནི། ས་རྣམས་སོགས། དྲུག་པ་འཐོབ་པའི་རྟགས་ལ་གསུམ། དང་པོ་གྲུབ་པའི་རྟགས་ནི། སྣང་དང་སོགས། གཉིས་ལ་ཕར་ཕྱིན་ཐོབ་པའི་རྟགས་ནི། འདུན་པ་སོགས། གསུམ་པ་ཞི་ལྷག་མཐར་ཕྱིན་པའི་རྟགས་ནི། ས་རྣམས་སོགས། བདུན་པ་ངེས་ཚིག་ལ་གཉིས་ལས། དང་པོ་ས་སོ་སོའི་ངེས་ཚིག་ནི་བྱང་ཆུབ་སོགས། གཉིས་པ་སྤྱིའི་ངེས་ཚིག་ནི། འབྱུང་པོ་སོགས། བརྒྱད་པ་ཐོབ་པའི་ཡོན་ཏན་གྱི་ཁྱད་པར་ནི། ས་ཐོབ་སོགས། བདུན་པ་སྤྱོད་པའི་དོན་བསྡུས་ལུང་དང་སྦྱར་བ་ནི། ལུས་ཅན་སོགས། རྩ་བའི་ས་བཅད་གཉིས་པ་མཐར་ཐུག་གི་འབྲས་བུ་ལ་ཉི་ཤུ་རྩ་གཅིག་སྟེ་དང་པོ་ཚད་མེད་བཞིའི་ཡོན་ཏན་ནི། སེམས་ཅན་རྣམས་སོགས། གཉིས་པ་རྣམ་ཐར། གསུམ་པ་ཟིལ་གནོན། བཞི་པ་ཟད་པར་བཅུའི་ཡོན་ཏན་ནི། ཐུབ་པ་སོགས། ལྔ་པ་ཉོན་མོངས་མེད་པ་ནི། སེམས་ཅན་སོགས། དྲུག་པ་སྨོན་ནས་མཁྱེན་པ་ནི་ལྷུན་གྱིས་སོགས། བདུན་པ་སོ་སོ་སང་དག་རིགས་བཞི་ནི། རྟེན་དང་སོགས། བརྒྱད་པ་མངོན་ཤེས་དྲུག་ནི། གཤེགས་ནས་སོགས། དགུ་པ་མཚན་དཔེའི་ཡོན་ཏན་ནི། ལུས་ཅན་སོགས། བཅུ་པ་ཡོངས་སུ་དག་པའི་ཡོན་ཏན་བཞི་ནི། ལེན་དང་སོགས། བཅུ་གཅིག་པ་སྟོབས་བཅུའི་ཡོན་ཏན་ནི།

― ZP02_Page_159 ―

^{[མ་དཔེ་གཟིགས་ན་འདིར་གནོན།]}

[Full Size]

ཐབས་དང་སོགས། བཅུ་གཉིས་པ་མི་འཇིགས་པ་བཞིའི་ཡོན་ཏན་ནི། རང་གཞན་སོགས། བཅུ་གསུམ་པ་བསྲུང་བ་མེད་པ་གསུམ་ནི། བསྲུང་མེད་སོགས། བཅུ་བཞི་པ་དྲན་པ་ཉེར་བཞག་གསུམ་ནི། ཀུན་ནས་སོགས། བཅོ་ལྔ་པ་བག་ཆགས་ཡང་དག་པ་ཅོམ་པ་ནི། ཀུན་མཁྱེན་སོགས། བཅུ་དྲུག་པ་བསྙེལ་བ་མི་མངའ་བའི་ཡོན་ཏན་ནི། སེམས་ཅན་སོགས། བཅུ་བདུན་པ་སྐྱེ་ལ་ཐུགས་རྗེ་ཆེན་པོ་ནི། འཇིག་རྟེན་སོགས། བཅོ་བརྒྱད་པ་མ་འདྲེས་བཅོ་བརྒྱད་ཀྱི་ཡོན་ཏན་ནི། སྤྱོད་པ་སོགས། བཅུ་དགུ་པ་ཐམས་ཅད་མཁྱེན་པའི་ཡོན་ཏན་ནི། སྐུ་གསུམ་སོགས། ཉི་ཤུ་པ་ཕ་རོལ་ཏུ་ཕྱིན་པ་ཡོངས་སུ་དག་པའི་ཡོན་ཏན་ནི། འཛིན་པ་སོགས། ཉེར་གཅིག་པ་སངས་རྒྱས་ཀྱི་ཡོན་ཏན་ནི། དམ་པ་སོགས། རྩ་བའི་ས་བཅད་གསུམ་པ་མཇུག་བསྡུ་བ་ནི། ཐེག་མཆོག་སོགས། གཉིས་པ་མཇུག་ཡོངས་སུ་རྫོགས་པའི་བྱ་བ་ལའང༌། གང་གི་མཛད་པའི་མཛད་བྱང༌། ལོ་ཙཱ་བའི་འགྱུར་བྱང་དང༌། སྔ་འགྱུར་གྱི་འགྱུར་ལ་ཕྱིས་འགྱུར་བཅོས་ལེགས་པར་བྱས་ཏེ་འཆད་ཉན་གྱིས་གཏན་ལ་ཕབ་པའོ།། །།དང་པོ་ནི། ཐེག་པ་ཆེན་པོ་སོགས། གཉིས་པ་ནི། རྒྱ་གར་སོགས། གསུམ་པ་ནི། སླད་ཀྱི་སོགས། ས་བཅད་འདི་དཔལ་སྤྲུལ་རིན་པོ་ཆེའི་གསུང་རྒྱུན་རྒྱ་རོང་སྤྲུལ་སྐུས་ཟིན་བྲིས་སུ་བྲིས་པ་ལགས། །

སྡོམ་གསུམ་རྣམ་པར་ངེས་པའི་རྩ་བའི་ས་བཅད།

― ZP02_Page_161 ―

^{[མ་དཔེ་གཟིགས་ན་འདིར་གནོན།]}

[Full Size]

སྡོམ་གསུམ་རྣམ་པར་ངེས་པའི་རྩ་བའི་ས་བཅད་བཞུགས་སོ།། །།

― ZP02_Page_162 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་དང་དབྱེར་མེད་པ་འཇམ་དཔལ་གཞོན་ནུ་གྱུར་པ་ལ་ཕྱག་འཚལ་ལོ། །དེ་ལ་འདིར་སྡོམ་པ་གསུམ་རྣམ་པར་ངེས་པའི་བསྟན་བཅོས་འདི་འཆད་པར་བྱེད་པ་ལ། ཐོག་མར་དགེ་བ་ཀླད་ཀྱི་དོན་དང༌། བར་དུ་དགེ་བ་གཞུང་གི་དོན། ཐ་མར་དགེ་བ་མཇུག་གི་དོན་ཏེ་གསུམ་ལས། དང་པོ་ལའང་མཚན་སྨོས་པ་དང༌། མཆོད་པར་བརྗོད་པ། བརྩམས་པར་དམ་བཅའ་བ་སྟེ་གསུམ་གྱི་དང་པོ་ནི། རང་བཞིན་རྫོགས་པ༴༌།སོགས་ཀྱིས་བསྟན། གཉིས་པ་ལའང་གཉིས། སྤྱིར་སྡོམ་པ་གསུམ་གྱི་བཀའ་དྲིན་ནོད་པའི་བླ་མ་ལ་ཕྱག་འཚལ་བ་ནི། ན་མོ་གུ་ར་ཝེ་ཞེས་པས་བསྟན། བྱེ་བྲག་ཏུ་ཨོ་རྒྱན་པདྨ་ལ་ཕྱག་འཚལ་བ་ནི། དཔལ་ལྡན་ཚོགས༴༌།གསུམ་པ་བརྩམས་པར་དམ་བཅའ་བ་ནི། འགྲོ་བློའི་དྲི་མ༴ དེ་ཡན་གྱིས་དང་པོ་ཐོག་མར་

― ZP02_Page_163 ―

^{[མ་དཔེ་གཟིགས་ན་འདིར་གནོན།]}

[Full Size]

དགེ་བ་སོང་ནས། གཉིས་པ་བར་དུ་དགེ་བ་གཞུང་གི་དོན་ལ་ལྔ་སྟེ། ལེའུ་དང་པོ་སྡོམ་གསུམ་སྤྱིའི་བཤད་གཞི་རིམ་པར་ཕྱེ་བ། ལེའུ་གཉིས་པ་འདུལ་བ་སོ་ཐར་གྱི་རིམ་པ་ཕྱེ་བ། ལེའུ་གསུམ་པ་བྱང་ཆུབ་སེམས་དཔའི་སེམས་བསྐྱེད་ཀྱི་བསླབ་བྱ། ལེའུ་བཞི་པ་གསང་སྔགས་རིག་འཛིན་སྡོམ་པའི་རིམ་པ་ཕྱེ་བ། ལེའུ་ལྔ་པ་དེ་གསུམ་གང་ཟག་གཅིག་གི་རྒྱུད་ལ་འགལ་མེད་དུ་ཉམས་སུ་ལེན་ཚུལ་ཏེ་ལྔ་ལས། དང་པོ་ལའང་ཐོབ་བྱ་མཐར་ཐུག་གི་འབྲས་བུ་ངོས་བཟུང་བ། ཐོབ་བྱེད་བགྲོད་པ་གཅིག་པའི་ལམ་མདོར་བསྟན། ལམ་སྟེགས་ཀྱི་ཐེག་པའི་དབྱེ་བསྡུ་བཤད། སོ་བྱང་གཉིས་སྔགས་སྡོམ་གྱི་ཡན་ལག་ཏུ་འགྱུར་ཚུལ། ལེའུ་འོག་མ་གསུམ་གྱི་སྡོམ་ཚིག་བཤད་པ་རྣམས་ལས། དང་པོ་ནི། རྫོགས་པ་ཆེན་པོ༴ གཉིས་པ་ནི། ཟབ་

― ZP02_Page_164 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས༴༌།གསུམ་པ་ནི། ཇི་སྲིད་སེམས་ཀྱི༴ བཞི་པ་ལ་གསུམ་སྟེ། རིགས་ཅན་གསུམ་སྔགས་ཀྱི་ལམ་ཞུགས་ཡོད་པར་བསྒྲུབ་པ། བསམ་པའི་དབྱེ་བས་འཇུག་ཚུལ་གྱི་དབྱེ་བསྡུ་བཤད་པ། སྐབས་འདིར་གཏན་ལ་དབབ་བྱའི་དོན་ངོས་བཟུང་བ་སྟེ་གསུམ་ལས། དང་པོ་ནི། ཉན་རང་བྱང་སེམས༴ གཉིས་པ་ནི། བསམ་པའི་དབྱེ་བས༴ གསུམ་པ་ནི། འདིར་ནི་དབང་པོ༴ ལྔ་བ་ལེའུ་འོག་མ་གསུམ་གྱི་སྡོམ་ནི། སྡོམ་གསུམ་སོ་སོར༴ དེ་ཡན་གྱི་ལེའུ་དང་པོ་སོང་ནས། ༈ །ལེའུ་གཉིས་པ་ལའང་ཁོག་དབུབ་གླེང་གཞི། མ་ཐོབ་པར་ཐོབ་པར་བྱེད་པའི་ཚུལ། ཐོབ་པ་མི་ཉམས་པར་བསྲུང་བའི་ཐབས། ཉམས་ནག་སོ་ཚུལ་ཏེ་བཞི་ལས་དང་པོ་ལའང༌། སྟོན་པས་འདུལ་བའི་དམ་ཆོས་ཇི་ལྟར་གསུངས་ཚུལ། རྗེས་འཇུག་གིས་བཀའ་བསྡུ་མཛད་ནས་བསྟན་པ་བསྐྱང་ཚུལ། ཐོབ་བྱ་སྡོམ་པའི་ངོ་བོ། །དེའི་དབྱེ་བ་བཤད་པ་སྟེ་བཞི་ལས། དང་པོ་ནི། གླེང་གཞི། ཕྱེད། གཉིས་པ་ནི། འོད་སྲུང་སོགས༴ ཕྱེད་ལ། གསུམ་པ་ནི། ངོ་བོ་ངེས་འབྱུང་༴ བཞི་པ་ནི། དབྱེ་བ༴ གཉིས་པ་ལའང་བསྟན་བཤད་གཉིས་ལས། དང་པོ་ནི། དང་པོ་སྡོམ་པ། ཕྱེད། གཉིས་པ་ལའང་སྔོན་ཆོག་དང་ད་ཆོག་གཉིས་ལས་སྔོན་ཆོག་ནི། སྔོན་གྱི་ཆོག་སོགས། ཕྱེད། ད་ཆོ་ག་ལའང་དངོས་དང་སྡོམ་པའི་ཐོབ་མཚམས་ངོས་བཟུང་བ་སྟེ་གཉིས་ལས། དང་པོ་ནི། ད་ལྟའི་ཆོ་ག་སོགས། ཕྱེད། གཉིས་པ་ནི། ཐོབ་

― ZP02_Page_165 ―

^{[མ་དཔེ་གཟིགས་ན་འདིར་གནོན།]}

[Full Size]

མཚམས་བརྗོད་པ་སོགས། དེས་གཉིས་པ་སོགས་གསུམ་པ་ལའང་བསྟན་བཤད་གཉིས་ལས། དང་པོ་ནི་བར་དུ་ཐོབ་པ་སོགས། གཉིས་པ་ལའང་བསྲུང་བྱའི་རྣམ་གྲངས་བཤད་པ། སྡོམ་པ་སྐྱེ་བའི་རྟེན་བཤད་པ་སྟེ་གཉིས་ལས། དང་པོ་ལའང་སྐྱབས་འགྲོའི༴ བསྙེན་གནས་ཀྱི༴ དགེ་བསྙེན་གྱི༴ དགེ་ཚུལ་གྱི༴ དགེ་སློང་གི་སྡོམ་པ་བཤད་པ་སྟེ་ལྔ་ལས། དང་པོ་ཡོན་ཏན་ཐམས་ཅད་ཀྱི་གཞི་རྟེན་སྐྱབས་འགྲོའི་བསླབ་བྱ་བཤད་པ་ལ་ཐུན་མིན་དང་ཐུན་མོངས་གཉིས་ལས། དང་པོ་ནི། བསླབ་བྱ་སྐྱབས་འགྲོ་སོགས། གཉིས་པ་ནི། སྲོག་དང་སོགས། གཉིས་པ་ནི། རྩ་བཞི་སྤོང་བ་སོགས། གསུམ་པ་ནི། གསོད་རྐུ་སོགས། བཞི་པ་ལ་དགེ་ཚུལ་གྱི་སྡོམ་པ་དངོས་དང༌། ཞར་བྱུང་དུ་དགེ་སློབ་མའི་སྡོམ་པ་སྟེ་གཉིས་ལས། དང་པོ་ནི། སྲོག་གཅོད་རྐུ་དང་སོགས། གཉིས་པ་ནི། དགེ་སློས་སོགས། ལྔ་པ་ལའང་སྤང་བའི་བསླབ་བྱ། སྒྲུབ་པའི་བསླབ་བྱ། རུང་མཐུན་བསྡུས་ཏེ་བསྟན་པ་སྟེ་གསུམ་ལས། དང་པོ་ལའང༌། དགེ་སློང་དང་ཞར་བྱུང་དགེ་སློང་མའི་བསླབ་བྱ་གཉིས་ལས། དང་པོ་ལ་བསྟན་བཤད་གཉིས་ལས། དང་པོ་ནི། དགེ་སློང་སོགས། གཉིས་པ་ལའང་ལྟུང་བ་སྡེ་ལྔ་སྟེ། ཕམ་པ། ལྷག་མ། ལྟུང་བྱེད། སོར་བཤགས༴ཉེས་བྱས་ཀྱི་སྡེ་ཚན་རྣམས་ལས། དང་པོ་ནི། སྡོམ་པའི་རྩ་བ་སོགས།

― ZP02_Page_166 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་ནི་དགེ་འདུན་ལྷག་མ་སོགས། གསུམ་པ་ལའང༌། གཉིས་ཏེ། དངོས་པོ་སྤང་ནས་བཤགས་དགོས་པ་སྤང་ལྟུང༌། ཆད་ལས་ལ་མི་ལྟོས་པའི་འབའ་ཞིག་པ་དང་གཉིས་ལས། དང་པོ་ནི། སྤང་བའི་ལྟུང་བྱེད་སོགས། གཉིས་པ་ནི། ལྟུང་བྱེད་འབའ་སོགས། བཞི་པ་ནི། སོ་སོར་བཤགས་བྱའི་སོགས། ལྔ་པ་ནི། ཉེས་བྱས་བརྒྱ་སོགས། གཉིས་པ་དགེ་སློང་མའི་བསླབ་བྱ་ནི། དགེ་སློང་མ་ལ་སོགས། དེས་སྤང་བྱའི་བསླབ་བྱ་སོང་ནས། བསྒྲུབ་པའི་བསླབ་བྱ་ནི། བསྒྲུབ་པའི་བསླབ་བྱ་སོགས། རུང་མཐུན་བཤད་པ་ནི། མདོར་ན་ཡེ་ནས་སོགས། དེ་ཡན་གྱིས་དང་པོ་བསླབ་བྱའི་རྣམ་གྲངས་སོང༌། གཉིས་པ་སྡོམ་པའི་རྟེན་བཤད་པ་ནི། སྐྱེ་བའི་རྟེན་སོགས། བཞི་པ་ཉམས་ན་གསོ་ཚུལ་ལའང་བསྟན་བཤད་གཉིས་ཀྱི་དང་པོ་ནི། ཐ་མར་ཉམས་ན་སོགས། གཉིས་པ་རྒྱས་བཤད་ལའང་སྡོམ་པའི་གཏོང་མཚམས་བཤད་པ། ལྟུང་བ་དང་ལྟུང་མེད་ཀྱི་རྣམ་བཞག །ཕྱིར་བཅོས་དངོས༴ ཚུལ་བཞིན་བསྲུང་བའི་ཕན་ཡོན་རྣམས་ལས། དང་པོ་ནི། གཏོང་བ་བསླབ་པ་སོགས། གཉིས་པ་ནི། དང་པོའི་ལས་ཅན་སོགས། གསུམ་པ་ནི། འཆབ་པ་མེད་ན་སོགས། བཞི་པ་ནི། ཕན་ཡོན་སོགས། དེ་ཡན་གྱིས་ལེའུ་གཉིས་པ་སོང་ནས། ༈ །ལེའུ་གསུམ་པ་བྱང་ཆུབ་སེམས་དཔའི་སེམས་བསྐྱེད་ཀྱི་བསླབ་བྱ་བཤད་པ་ལའང་ཁོག་དབུབ་གླེང་གཞི།

― ZP02_Page_167 ―

^{[མ་དཔེ་གཟིགས་ན་འདིར་གནོན།]}

[Full Size]

སྡོམ་པ་མ་ཐོབ་པ་ཐོབ་བྱེད། ཐོབ་པ་མི་ཉམས་པར་བསྲུང་ཐབས། ཐ་མ་ཉམས་ན་གསོ་ཚུལ་ཏེ་བཞི་ལས། དང་པོ་ལའང་སྟོན་པས་ཕ་རོལ་ཏུ་ཕྱིན་པའི་སྡེ་སྣོད་ཇི་ལྟར་གསུངས་ཚུལ། རྗེས་འཇུག་གིས་བཀའ་བསྡུ་མཛད་ནས་ཇི་ལྟར་བསྐྱང་ཚུལ། ཐོབ་བྱ་སྡོམ་པའི་ངོ་བོ། །དེའི་དབྱེ་བ་སྟེ་བཞི་ལས། དང་པོ་ནི། བསྐལ་བཟང་འགྲོ་བའི་སོགས། གཉིས་པ་ནི། འཇམ་དབྱངས་བཀའ་བསྡུས་སོགས། གསུམ་པ་ནི། ངོ་བོ་བྱམས་སོགས། བཞི་པ་ལའང་དབྱེ་བསྡུ་གཉིས་ལས། དང་པོ་ལའང་གཅིག་ནས་དྲུག་ཚན་གྱི་བར་དབྱེ་བ་དང༌། ས་མཚམས་ཀྱི་དབྱེ་བ་སྟེ་གཉིས་ལས། དང་པོ་ནི། དབྱེ་བ་ཀླུ་སྒྲུབ་སོགས། གཉིས་པ་ནི། ས་གསེར་ཟླ་བ་སོགས། གཉིས་པ་བསྡུ་བ་ནི། ཀུན་ཀྱང་བསྡུ་ན་སོགས། གཉིས་པ་སྡོམ་པ་མ་ཐོབ་པ་ཐོབ་བྱེད་བཤད་པ་ལའང་བསྟན་བཤད་གཉིས་ལས་དང་པོ་ནི། དང་པོ་སྡོམ་པ་སོགས། གཉིས་པ་རྒྱས་བཤད་ལའང་ཀུན་རྫོབ་སེམས་བསྐྱེད་ཆོ་ག་ལ་བརྟེན་ནས་བླང་ཚུལ་དང༌། དོན་དམ་སེམས་བསྐྱེད་ཆོ་ག་ལ་མ་ལྟོས་པར་ཐོབ་ཚུལ་གཉིས་ལས། དང་པོ་ལའང༌། སེམས་བསྐྱེད་ཀྱི་ཆོ་ག་དངོས་དང༌། སྡོམ་པའི་ཐོབ་མཚམས་ངོས་བཟུང་བ་སྟེ་གཉིས་ཀྱི་དང་པོ་ལའང་ཀླུ་སྒྲུབ་ཀྱི་ལུགས་དང་ཐོགས་མེད་ཀྱི་ལུགས་གཉིས་ལས། དང་པོ་ནི། ལེན་ཚུལ་སྡོམ་གནས་སོགས་ཕྱེད། གཉིས་པ་ནི། ཐོགས་མེད་བཞེད་པ་སོགས་ཕྱེད། གཉིས་པ་སྡོམ་པའི་

― ZP02_Page_168 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོབ་མཚམས་ངོས་བཟུང་བ་ནི། ཐོབ་མཚམས་སོགས། གཉིས་པ་དོན་དམ་སེམས་བསྐྱེད་ཆོ་གར་མ་ལྟོས་པར་བསྐྱེད་ཚུལ་ནི། དོན་དམ་སེམས་བསྐྱེད་སོགས། གསུམ་པ་ཐོབ་པ་མི་ཉམས་པ་བསྲུང་ཐབས་བཤད་པ་ལའང་བསྟན་བཤད་གཉིས་ལས། དང་པོ་ནི། བར་དུ་མི་ཉམས་སོགས་ཕྱེད། གཉིས་པ་རྒྱས་བཤད་ལའང༌། བསྲུང་བྱ་སྡོམ་པའི་རྣམ་གྲངས། སྲུང་བྱེད་ཀྱི་ཐབས། སྡོམ་པ་སྐྱེ་བའི་རྟེན་བཤད་པའོ། །དང་པོ་ལའང་ཉེས་སྤྱོད་སྡོམ་པའི༴༌།དགེ་བ་ཆོས་སྡུད་ཀྱི༴ སེམས་ཅན་དོན་བྱེད་ཀྱི་ཚུལ་ཁྲིམས་དང་གསུམ་ལས། དང་པོ་ལའང་ཀླུ་སྒྲུབ་ཀྱི་ལུགས་དང༌། ཐོགས་མེད་ཀྱི་ལུགས་གཉིས་ཀྱི་དང་པོ་ལའང༌། རྩ་བའི་ལྟུང་བ་བཤད་པ། ཡན་ལག་གི་ཉེས་བྱས་གཞན་དུ་ཞལ་འཕང་བའོ། །དང་པོ་ལའང་རྒྱལ་པོ་ལ། བློན་པོ་ལ། ཕལ་པ་ལ་འབྱུང་ཉེ་བ། དེ་དག་གི་དོན་བསྡུ་སྟེ་བཞི་ལས། དང་པོ་ནི། དཀོན་མཆོག་སོགས་ཕྱེད། གཉིས་པ་ནི་གྲོང་ལྗོངས་གྲོང་ཁྱེར་སོགས། གསུམ་པ་ནི། མ་སྦྱངས་སྟོང་ཉིད་སོགས། བཞི་པ་ནི། དེ་དེར་འབྱུང་ཉེ་སོགས། གཉིས་པ་ཡན་ལག་གི་ཉེས་བྱས་ནི། ཡན་ལག་ཉེས་བྱས་སོགས། གཉིས་པ་ཐོགས་མེད་ཀྱི་ལུགས་ལའང༌། རྩ་ལྟུང་དང༌། ཡན་ལག་གི་ཉེས་བྱས་གཞན་ཏུ་ཞལ་འཕང་བ་དང་གཉིས། དང་པོ་ལ་སྨོན་སེམས་ཀྱི་བསླབ་བྱ། འཇུག་སེམས་ཀྱི་བསླབ་བྱ་བཤད་པ་གཉིས་ལས། དང་པོ་ནི། ཐོགས་མེད་ཀྱི་སོགས།

― ZP02_Page_169 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་ནི། རྙེད་བཀུར་ལྷག་ཞེན་སོགས། གཉིས་པ་ནི། ཉེས་བྱས་ཕྲ་བ་སོགས། གཉིས་པ་དགེ་བ་ཆོས་སྡུད་ཀྱི་ཚུལ་ཁྲིམས་བཤད་པ་ལའང་བསྟན་བཤད་གཉིས་ལས། དང་པོ་ནི། དགེ་བ་ཆོས་སྡུད་སོགས། དེ་ལ་སྤྱིར་ཐུན་མོང་གི་རང་བཞིན། མཚན་ཉིད། སྒྲ་དོན། གྲངས་ངེས། གོ་རིམ། བསྒྲུབ་ཚུལ། ཕན་ཡོན་ཏེ་བདུན་གྱིས་སོ། །གཉིས་པ་རྒྱས་བཤད་ལའང་ཕ་རོལ་ཏུ་ཕྱིན་པ་དྲུག་རེ་རེ་ལའང༌། ངོ་བོ། །སྒྲ་དོན། དབྱེ་བ། བསྒྲུབ་ཚུལ་ཏེ་བཞི་རེའི་སྒོ་ནས་བསྟན་ཏེ། དབུལ་བ་སེལ་ཕྱིར་སོགས། གསུམ་པ་སེམས་ཅན་དོན་བྱེད་ཀྱི་ཚུལ་ཁྲིམས་བཤད་པ་ནི། སེམས་ཅན་དོན་བྱེད་སོགས། གཉིས་པ་སྡོམ་པ་སྲུང་བྱེད་ཀྱི་ཐབས་བཤད་པ་ལའང་ཡང་དག་སྤོང་བཞིའི་བརྩོན་འགྲུས་ཀྱི་སྒོ་ནས་བསྲུང་བ། དྲན་ཤེས་བག་ཡོད་ཀྱི་སྒོ་ནས་བསྲུང་བ། སྤྱོད་ལམ་ཐམས་ཅད་དུ་དགེ་བས་དུས་འདའ་བའི་སྒོ་ནས་བསྲུང་བ། བསླབ་པ་ཐམས་ཅད་བསྡུ་བའི་སྒོ་ནས་བསྲུང་བ་རྣམས་ལས། དང་པོ་ནི། མཐུན་ཕྱོགས་ཀུན་སློབ་སོགས། གཉིས་པ་ནི། རྟག་ཏུ་དྲན་དང་སོགས། གསུམ་པ་ནི། འགྲོ་འདུག་ཟ་ཉལ་སོགས། བཞི་པ་ལའང་མཁས་པའི་བཞེད་པ་ཟློས་པ༴ རང་གི་བཞེད་པ་འགོད་པ་གཉིས་ལས། དང་པོ་ནི། མཁྱེན་རབ་དབང་ཕྱུག་སོགས། གཉིས་པ་ནི། འདིར་ནི་ཕན་དང་༴༌།བཞི་པ་སྡོམ་པ་སྐྱེ་བའི་རྟེན་བཤད་པ་ནི། སྐྱེ་བའི་རྟེན་ནི་སོགས།

― ZP02_Page_170 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི་པ་ཉམས་ན་ཕྱིར་བཅོས་ཚུལ་ལའང་བསྟན་བཤད་གཉིས་ལས། དང་པོ་ནི། ཐ་མར་ཉམས་ན་སོགས། གཉིས་པ་རྒྱས་བཤད་ལའང་ལྟུང་བ་དང་ལྟུང་མིན་གྱི་རྣམ་བཞག །ཕྱིར་བཅོས་དངོས། སྡོམ་པ་ཚུལ་བཞིན་བསྲུང་བའི་ཕན་ཡོན་བཤད་པ་རྣམས་ལས། དང་པོ་ནི། གང་གིས་རིགས་དང་སོགས། གཉིས་པ་ལའང༌། ཀླུ་སྒྲུབ་དང་ཐོགས་མེད་ཀྱི་སྲོལ་གཉིས་ལས། དང་པོ་ནི། ཐུན་འདས་ཉམས་ན་སོགས། གཉིས་པ་ནི། སྨོན་པའི་སེམས་ནི་སོགས། གསུམ་པ་སྡོམ་པ་ཚུལ་བཞིན་བསྲུང་བའི་ཕན་ཡོན་ལའང་བསོད་ནམས་རྒྱུན་ཆགས་སུ་འབྱུང་བའི། མིང་དོན་གནས་འགྱུར་བའི༴ བླ་མེད་བྱང་ཆུབ་ཀྱི་གོ་འཕང་ཐོབ་པའི་ཕན་ཡོན་རྣམས་ལས། དང་པོ་ནི། འདི་འདྲའི་བྱང་ཆུབ་སོགས་ཕྱེད། གཉིས་པ་ནི། རྒྱལ་བའི་སྲས་སུ་འགྱུར། ཞེས་པས་བསྟན་ཏོ། །གསུམ་པ་ནི། གྲངས་མེད་གསུམ་བདུན་སོ་གསུམ་བྱང་ཆུབ་ཐོབ། །ཅེས་པས་བསྟན་ཏེ། དེ་ཡན་གྱིས་ལེའུ་གསུམ་པ་སོང་ནས། ༈ ལེའུ་བཞི་པ་གསང་སྔགས་རིག་འཛིན་སྡོམ་པའི་རིམ་པར་ཕྱེ་བ་ལའང་ཁོག་དབུབ་གླེང་གཞི། སྡོམ་པ་མ་ཐོབ་པ་ཐོབ་བྱེད། ཐོབ་པ་མི་ཉམས་པར་བསྲུང་ཚུལ། ཉམས་ན་གསོ་ཚུལ་བཤད་པ་སྟེ་བཞི་ལས། དང་པོ་ལའང་སྟོན་པས་གསང་སྔགས་ཀྱི་རྒྱུད་སྡེ་ཇི་ལྟར་གསུངས་ཚུལ། རྗེས་འཇུག་གི་བཀའ་བསྡུ་མཛད་ནས་བསྟན་པ་བསྐྱངས་ཚུལ། སྡོམ་པའི་

― ZP02_Page_171 ―

^{[མ་དཔེ་གཟིགས་ན་འདིར་གནོན།]}

[Full Size]

ངོ་བོ། །སྡོམ་པ་དབྱེ་བ་རྣམས་ལས་དང་པོ་ལའང་སྟོན་པ་ལོངས་སྐུའི་འོག་མིན་ཆེན་པོར༴ མི་མཇེད་སྤྲུལ་སྐུའི་ཞིང་དུ་མཆོག་གི་སྤྲུལ་པས་ཇི་ལྟར་གསུངས་ཚུལ་ཏེ་གཉིས་ཀྱི་དང་པོ་ནི། ཀུན་བཟང་རྡོ་རྗེ་འཆང་སོགས། གཉིས་པ་ནི། ཕྱིས་ནས་འབྲས་སྤུངས་སོགས། གཉིས་པ་ཕྱག་རྡོར་དང་ནི་སོགས། གསུམ་པ་ནི། ངོ་བོ་སྒོ་གསུམ་སོགས། བཞི་པ་ནི། དབྱེ་བ་བྱ་སྤྱོད་སོགས། གཉིས་པ་ལའང་བསྟན་བཤད་གཉིས་ལས། དང་པོ་ནི། དང་པོ་མ་ཐོབ་སོགས། གཉིས་པ་ལའང་དབང་བསྐུར་བ་དངོས། སྡོམ་པའི་ཐོབ་མཚམས་ངོས་བཟུང་བ། མཇུག་སྤང་བླང་གི་གནས་ལ་གདམས་པ་སྟེ་གསུམ་ལས། དང་པོ་ནི། རྡུལ་མཚོན་དང་ནི་སོགས། གཉིས་པ་ནི། དང་པོ་གནས་གསུམ་སོགས་ཕྱེད། གསུམ་པ་ནི། དེ་ཡི་རྗེས་སོགས། གསུམ་པ་ལའང་བསྲུང་བྱའི་རྣམ་གྲངས༴ བསླབ་པ་ཐམས་ཅད་བསྡུས་ཏེ་བསྟན་པ། སྡོམ་པ་སྐྱེ་བའི་རྟེན་བཤད་པ་རྣམས་ལས། དང་པོ་ལའང་བསྟན་བཤད་གཉིས་ལས། དང་པོ་ནི། བར་དུ་མི་ཉམས་སོགས། གཉིས་པ་ལའང་བརྟུལ་ཞུགས་ཉེར་ལྔ༴ རིག་ལྔའི་སྡོམ་པ། རྩ་ལྟུང་བཅུ་བཞི། ཡན་ལག་སྦོམ་པོ་བརྒྱད། རྫོགས་པ་ཆེན་པོའི་ལུགས་བཤད་པ་སྟེ་ལྔ་ལས། དང་པོ་ནི། ཐོག་མའི་བརྟུལ་ཞུགས་སོགས། གཉིས་པ་ལའང་ཐུན་མོང་རིགས་ལྔའི༴ ཁྱད་པར་རིགས་ལྔའི་སྡོམ་པ་གཉིས་ཀྱི་དང་པོ་ནི། ཐུན་

― ZP02_Page_172 ―

^{[མ་དཔེ་གཟིགས་ན་འདིར་གནོན།]}

[Full Size]

མོང་གྱུར་པ་སོགས། གཉིས་པ་ནི། ཁྱད་པར་སྲོག་གཅོད་སོགས། གསུམ་པ་ལའང་བསྟན་བཤད་གཉིས་ཀྱི་དང་པོ་ནི། རྩ་བའི་ལྟུང་བ་སོགས། གཉིས་པ་ལའང་སློབ་དཔོན་སྨད་པའི༴ བདེ་གཤེགས་བཀའ་འདས་ཀྱི༴ མཆེད་ལ་ཁྲོ་བའི༴ བྱམས་པ་གཏོང་བའི༴ སེམས་བསྐྱེད་བཏང་བའི༴ གྲུབ་མཐའ་སྨོད་པའི༴ གསང་བ་སྒྲོག་པའི༴ ཕུང་པོར་སྨད་པའི༴ ཆོས་ལ་ཐེ་ཚོམ་པའི༴ ཞིང་བཅུ་མི་བསྒྲལ་བའི༴ ཆོས་ལ་མཚན་མས་གཞལ་བའི༴ སེམས་སུན་འབྱིན་པའི། དམ་ཚིག་གི་རྫས་མི་བསྟེན་པའི༴ བུད་མེད་ལ་སྨོད་པའི་ལྟུང་བ་རྣམས་བཤད་པ་ནི། སློབ་དཔོན་རྣམ་གསུམ་སོགས། བཞི་པ་ལའང་སྦོམ་པོ་བརྒྱད་བཤད་པ། འཆད་ཚུལ་གཞན་རྣམ་གྲངས་སུ་འཕྲོས་པ་གཉིས་ལས། དང་པོ་ལའང་བསྟན་བཤད་གཉིས་ཀྱི་དང་པོ་ནི། ད་ནི་ཡན་ལག་སོགས། གཉིས་པ་ནི། དབང་དང་དམ་ཚིག་སོགས། གཉིས་པ་འཆད་ཚུལ་གཞན་ནི་བསྙེན་སོགས། ལྔ་པ་ལའང་བསྟན་བཤད་གཉིས་ལས། དང་པོ་ནི། ཁྱད་པར་སྔ་འགྱུར་སོགས། གཉིས་པ་ལའང་རྩ་བའི་ལྟུང་བ། ཡན་ལག་གི་དམ་ཚིག་བཤད་པ་སྟེ་གཉིས་ཀྱི་དང་པོ་ནི། རྩ་བ་བླ་མའི་སོགས། གཉིས་པ་ལའང་སྤྱད་བྱ་སྤྱོད་པའི་དམ་ཚིག་བཅོ་ལྔ། ཤེས་བྱ་ལྟ་བའི་དམ་ཚིག་ལྔ། བསྒྲུབ་བྱ་སྒོམ་པའི་དམ་ཚིག་ལྔ་ལས། དང་པོ་ནི། ཡན་ལག་དམ་ཚིག་སོགས། གཉིས་པ་ནི། ཕུང་ལྔ་འབྱུང་ལྔ་སོགས།

― ZP02_Page_173 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་པ་ནི། དེ་བཞིན་གཤེགས་སོགས། གཉིས་པ་བསླབ་པ་ཐམས་ཅད་བསྡུས་ཏེ་བསྟན་པ་ནི། དེ་སོགས་དམ་ཚིག་སོགས། གཉིས་པ་ནི། སྐྱེ་བའི་རྟེན་ནི་སོགས། བཞི་པ་ཉམས་ན་གསོ་ཚུལ་ལའང་བསྟན་བཤད་གཉིས་ཀྱི་དང་པོ་ནི། ཐ་མར་ཉམས་ན་སོགས། གཉིས་པ་ལའང་ལྟུང་བ་ལྟུང་མེད་ཀྱི་རྣམ་བཞག །ཕྱིར་བཅོས་དངོས་བཤད་པ། ཕྱིར་མ་བཅོས་པའི་ཉེས་དམིགས༴ ཚུལ་བཞིན་བསྲུང་བའི་ཕན་ཡོན་བཤད་པ་རྣམས་ལས་དང་པོ་ལའང་ལྟུང་བ་འབྱུང་བའི་སྒོ་བཞི་འམ་རྒྱུ་དྲུག་གཉེན་པོ་དང་བཅས་པ། ལྟུང་བའི་ཡན་ལག་བརྩི་ཚུལ། དུས་འདས་ཀྱིས་ས་མཚམས་བཤད་པ་རྣམས་ལས། དང་པོ་ནི། ལྟུང་མཚམས་མི་ཤེས་སོགས། གཉིས་པ་ནི། ཀུན་ལ་གུས་བསྐྱེད་སོགས། གསུམ་པ་ནི། དེ་ལྟར་ཉིན་མཚན་སོགས། གཉིས་པ་ལའང་དབང་བཞི་ལ་ལྟོས་པའི་ཕྱིར་བཅོས། དུས་འདས་ལ་ལྟོས་པའི་ཕྱིར་བཅོས། སྙིང་པོ་རྒྱན་ལས་བཤད་པའི་ཕྱིར་བཅོས། ཡོ་ག་གསུམ་གྱི་རྣལ་འབྱོར་སྤྱི་ཁྲུས་ཀྱི་གསོ་བ་སྟེ་བཞི་ལས་དང་པོ་ནི། དབང་བདུན་ཐོབ་ལ་སོགས། གཉིས་པ་ནི། འགལ་ན་སོགས། གསུམ་པ་ནི། སྙིང་པོ་རྒྱན་ལས་སོགས། བཞི་པ་ནི། གླང་ཆེན་རབ་འབོག་སོགས། དེ་ཡན་གྱིས་གཉིས་པ་ཕྱིར་བཅོས་དངོས་སོགས། གསུམ་པ་ནི། མ་བཤགས་ཚེ་འདིར་སོགས། བཞི་པ་ནི། མ་ཉམས་རིང་མཐའ་སོགས།

― ZP02_Page_174 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ཡན་གྱིས་ལེའུ་བཞི་པ་གསང་སྔགས་རིག་འཛིན་སྡོམ་པའི་རིམ་པར་ཕྱེ་བ་སོང་ནས། ༈ ལེའུ་ལྔ་པ་དེ་གསུམ་གང་ཟག་གཅིག་གི་རྒྱུད་ལ་འགལ་མེད་དུ་ཉམས་སུ་ལེན་ཚུལ་ལའང་བསྟན་བཤད་བསྡུ་གསུམ་ལས། དང་པོ་སྡོམ་པའི་ཁྱད་ཆོས་དྲུག་གི་སྒོ་ནས་མདོར་བསྟན་པ་ནི། དེ་ལྟའི་སོགས། གཉིས་པ་སོ་སོའི་རང་བཞིན་རྒྱས་པར་བཤད་པ་ལའང་དྲུག་གི་དང་པོ་རང་ལྡོག་མ་འདྲེས་ནི། དེ་ཡང་སོགས། གཉིས་པ་དགག་དགོས་ཡོངས་རྫོགས་ནི། དགག་བྱ་ཉོན་མོངས་སོགས། གསུམ་པ་ངོ་བོ་གནས་འགྱུར་ནི། སོ་ཐར་ཀུན་སློང་སོགས། བཞི་པ་ཡོན་ཏན་ཡར་ལྡན་ནི། འཇིག་རྟེན་རྣལ་འབྱོར་སོགས། ལྔ་པ་གནད་ཀྱིས་མི་འགལ་བ་ནི། འདུ་ཤེས་གསུམ་གྱིས་སོགས། དྲུག་པ་དུས་སྐབས་གང་གཙོར་སྤྱོད་པ་ནི། སྡིག་ཏོ་མི་དགེ་སོགས། གསུམ་པ་དོན་བསྡུས་ཏེ་ཉམས་སུ་ལེན་ཚུལ་གདམས་པ་ནི། ཡོན་ཏན་གཞི་རྟེན་སོགས། དེ་ཡན་གྱིས་ལེའུ་ལྔ་པ་དེ་གསུམ་གང་ཟག་གཅིག་གི་རྒྱུད་ལ་འགལ་མེད་དུ་ཉམས་སུ་ལེན་ཚུལ་བཤད་པ་སོང་སྟེ། དེ་ལྟར་ན་གཉིས་པ་བར་དུ་དགེ་བ་གཞུང་གི་དོན་བཤད་པ་སོང་ནས་ཐ་མར་དགེ་བ་མཇུག་གི་དོན་བཤད་པ་ལ། བསྟན་བཅོས་བརྩམ་པའི་རྒྱུ་སྙིང་རྗེ། བརྩམ་དགོས་པའི་རྒྱུ་མཚན། ཇི་ལྟར་བརྩམ་པའི་ཚུལ། དེས་ཐོབ་དགེ་བ་བསྔོ་བ། བསྟན་བཅོས་ཇི་ལྟར་བརྩམས་པའི་མཛད་བྱང་སྟེ་ལྔ་ལས་དང་པོ་ནི། དེང་སང་སོགས། གཉིས་པ་ནི། མདོ་སྔགས་སོགས། གསུམ་པ་ནི། འདི་ནི་མཁས་གྲུབ་སོགས། བཞི་པ་ནི། དགེ་འདིས་ཀུན་བཟང་གོ་

― ZP02_Page_175 ―

^{[མ་དཔེ་གཟིགས་ན་འདིར་གནོན།]}

[Full Size]

འཕང་མྱུར་ཐོབ་ཤོག །ཅེས་པས་བསྟན། ལྔ་པ་བསྟན་བཅོས་ཇི་ལྟར་བརྩམས་པའི་མཛད་བྱང་ནི། ཞེས་སྡོམ་གསུམ་རྣམ་སོགས། ཀྱིས་བསྟན། དེ་ཡན་གྱིས་ཐ་མར་དགེ་བ་མཇུག་གི་དོན་བཤད་པ་གྲུབ་བོ། ༈ སྨྲས་པ། རྒྱལ་བ་རྣམས་དང་རྒྱལ་བའི་སྲས་ཀུན་གྱི། །མཁྱེན་བརྩེ་ནུས་པའི་ཡོན་ཏན་ཇི་སྙེད་དང༌། །འཆད་རྩོད་བརྩམས་པའི་སྤོབ་པ་མ་ལུས་པ། །རྣམ་དཔྱོད་དོན་གཉེར་བློ་ལ་འཇུག་པར་ཤོག །ཅེས་སྡོམ་གསུམ་རྣམ་པར་ངེས་པའི་ས་བཅད་རྩ་བའི་ཚིག་ཟིན་དང་མཐུན་པར་བྱས་པ་འདི་ཡང༌། རྗེ་བླ་མའི་སྐུ་གསུང་ཐུགས་ཀྱི་སྲས་མཆོག་བདེ་ཆེན་རིག་པའི་རལ་གྲིའི་ཐུགས་གསོས་སུ་དཔལ་དགེང་འབོད་པས་འཕྲལ་དུ་བྲིས་པ་དགེ་ཞིང་བཀྲ་ཤིས་པར་གྱུར་ཅིག། །།སརྦ་མངྒ་ལཾ།། །།

སྙིང་འབྲེལ།

― ZP02_Page_177 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ཡང་ན་རྒྱུད་ལུང་གི་ཕྲེང་བ་ལས། རྒྱལ་བ་རྣམས་ནི་འཇིག་རྟེན་བྱོན་པའི་ཚེ། །དེ་ཡིས་གསུངས་པའི་ལུང་ཆེན་རྣམས་ལ་ནི། །ཕྱི་རོལ་རྒོལ་བ་ངན་པའང་འབྱུང་སྲིད་ཀྱིས། །དང་པོར་སྲིད་པ་ཆོས་ཀྱི་ལོ་རྒྱུས་སྨོས། །ཞེས་གསུངས་པ་ལྟར། རྒྱུད་ཀྱི་རྒྱལ་པོ་འདི་ཉིད་ཀྱི་ལོ་རྒྱུས་ཅུང་ཟད་བརྗོད་པའི་དབང་དུ་བྱས་ན། དང་པོ་སྟོན་པས་གསུངས་ཚུལ་དང༌། །དེ་ལས་ཇི་ལྟར་བརྒྱུད་ཚུལ་དང་གཉིས་ལས། །དང་པོ་ནི་འདི་ལ་བཞེད་ཚུལ་མི་འདྲ་བ་འགལ་ཞིག་སྣང་སྟེ། སློབ་དཔོན་ཉི་འོད་སེང་གེས་ནི། །འོག་མིན་དུ་ལོངས་སྤྱོད་རྫོགས་པའི་སྐུས་གསང་སྔགས་ཀྱི་ཆོས་གསུངས་པའི་ཚེ། །དེ་དང་དུས་མཚུངས་པར་མི་ཡུལ་དུ་མཆོག་གི་སྤྲུལ་སྐུས་རྡོ་རྗེ་གདན་དུ་སངས་རྒྱས་ཚུལ་མ་བསྟན་པའི་གོང་དུ་གསུངས་པ་ཡིན་ནོ། །ཞེས་གསུངས་ཏེ། ཉི་འོད་སེང་གེའི་རྒྱ་ཆེར་འགྲེལ་དུ་དེ་ལྟར་བཤད། ཡང་སློབ་དཔོན་སྒེག་པ་རྡོ་རྗེས་ནི། མཆོག་གི་སྤྲུལ་སྐུས་མི་ཡུལ་དུ་ཐུན་མོང་གི་ཐེག་པ་བཤད་པ་དང་དུས་མཚུངས་པར་སྟོན་པས་འོག་མིན་དུ་གསུངས་པར་བཞེད་དེ། དེས་མཛད་པའི་འགྲེལ་བ་སྤར་ཁབ་ཏུ་དེ་ལྟར་བཤད་པའི་ཕྱིར། དོན་ལ་དེ་གཉིས་ཀྱང་དགོངས་པའི་གནད་གཅིག་པས་འགལ་བ་མེད་ཀྱང༌། སྔོན་གྱི་ཟུར་པ་རྣམས་ཀྱིས་སྤར་ཁབ་ཀྱི་ལུགས་ལྟར་མཛད་པས་འདིར་ཡང་རེ་ཞིག་སྤར་ཁར་ཀྱི་ལུགས་ལྟར་བཞེད་པ་ཡིན། དོན་ལ་དེ་གཉིས་འགལ་མེད་དུ་འཆད་ཐུབ་སྟེ།

― ZP02_Page_178 ―

^{[མ་དཔེ་གཟིགས་ན་འདིར་གནོན།]}

[Full Size]

གདུལ་བྱའི་མཐོང་སྣང་གི་དབང་གིས་རྒྱུད་གཞུང་གཅིག་ལ་གླེང་གཞི་བཤད་ཚུལ་ཐ་དད་པ་གཞན་ལས་ཀྱང་འབྱུང་སྟེ། འཇམ་དཔལ་སྒྱུ་འཕྲུལ་དྲྭ་བའི་བཤད་རྒྱུད་ལས། གླེང་གཞི་རྣམ་པ་གསུམ་ཡིན་ཏེ། །འོག་མིན་གནས་དང་རི་རབ་རྩེ། །འཛམ་བུ་གླིང་དུ་གྲགས་པ་ཡིན། །བྱང་ཆུབ་སེམས་དཔའ་ལྷ་རྣམས་དང༌། །མི་རྣམས་ཀྱི་ནི་དོན་དུ་གསུངས། །སྟོན་པ་ཡང་ནི་རྣམ་གསུམ་སྟེ། །སངས་རྒྱས་རྡོ་རྗེ་འཆང་ཆེན་དང༌། །སྤྲུལ་སྐུ་འཁོར་ལོས་སྒྱུར་བ་དང༌། ། ཐུབ་པ་ཉིད་ཀྱིས་གསུངས། །དུས་ནི་གདུལ་བྱ་འདུལ་བའི་དུས། །འཁོར་རྣམས་འདུས་པའི་དུས་དེར་གསུངས། །ཞེས་གསུངས་པའི་ཕྱིར་རོ། །གཉིས་པ་དེ་ལས་ཇི་ལྟར་བརྒྱུད་ཚུལ་ནི། །བཤད་རྒྱུད་རྒྱ་མཚོ་ལས། །རྒྱལ་བ་སེམས་དཔའ་རྣལ་འབྱོར་པ། །དགོངས་པ་རིག་པ་རྣ་བར་བརྒྱུད། །ཅེས་གསུངས་པས། རྒྱལ་བ་དགོངས་བརྒྱུད། རིག་འཛིན་བརྡ་བརྒྱུད། གང་ཟག་སྙན་བརྒྱུད་དང་གསུམ་ལས། དང་པོ་ནི། རྒྱལ་བ་ཀུན་ཏུ་བཟང་པོས་འོག་མིན་ཆེན་པོའི་གནས་སུ་ཉིད་ལས་མི་གཞན་པའི་འཁོར་རྒྱལ་བ་རིགས་ལྔ་ལ་ཆོས་འོད་གསལ་བའི་དགོངས་པ་ཟང་ཐལ་དུ་གསུངས་པ་ནི་རྒྱལ་བ་དགོངས་པས་བརྒྱུད་པ། རིག་འཛིན་བརྡའི་བརྒྱུད་པ་ནི། རྒྱལ་བ་རིགས་ལྔས་རྒྱལ་སྲས་སེམས་དཔའ་སོགས་ལ་བརྗོད་མེད་རིག་པའི་གསུངས་དབྱངས་ཀྱི་བརྡས་གོ་བར་མཛད་པ་ནི་རིག་འཛིན་བརྡ་བརྒྱུད། གང་ཟག་

― ZP02_Page_179 ―

^{[མ་དཔེ་གཟིགས་ན་འདིར་གནོན།]}

[Full Size]

སྙན་ཁུང་དུ་བརྒྱུད་པ་ནི། རྒྱལ་སྲས་སེམས་དཔའི་འཁོར་རྣམས་ཀྱི་ནང་ནས་རིགས་གསུམ་གྱི་གདུལ་བྱ་རང་རང་གི་སྐལ་བ་དང་མཐུན་པར་བསྟན་པ་ནི། འཇམ་དཔལ་གྱིས་ལྷ་ཡི་གནས་སུ་ལྷ་གྲགས་ལྡན་མཆོག་སྐྱོང་ལ་བཤད་དེ་ལྷའི་རིག་འཛིན་རྣམས་ལ་དར་བར་བྱས། སྤྱན་རས་གཟིགས་ཀྱིས་ཀླུའི་གནས་སུ་ཀླུ་རྒྱལ་མགྲིན་པ་ནག་པོ་ལ་བཤད་དེ་དར་བར་བྱས། ཕྱག་ན་རྡོ་རྗེས་གནོད་སྦྱིན་གྱི་གནས་སུ་གནོད་སྦྱིན་ཀུན་ཏུ་བཟང་པོ་ལ་བཤད་དེ་དར་བར་བྱས་པ་ནི་གང་ཟག་སྙན་ཁུང་དུ་བརྒྱུད་པའོ། །དེའི་དུས་སུ་སྟོན་པས་ལས་ཅན་གྱི་གདུལ་བྱ་དག་པ་ལ་གསང་སྔགས་རྡོ་རྗེ་ཐེག་པ་གསུངས་ནས་ལྷ་ཀླུ་མིའི་འཇིག་རྟེན་དུ་གསང་ཐབས་ཀྱིས་སྤྱོད་པ་ལས། གསང་སྔགས་ཀྱི་སྒྲ་ཡོངས་སུ་མ་གྲགས་ཏེ། འདི་ལ་དགོངས་ནས་དགོངས་འདུས་སུ། །ངེས་པའི་ཐེག་པ་ཡོངས་མ་གསུངས། །ཞེས་སོ། །དེས་ན་རེ་ཞིག་རྡོ་རྗེ་ཐེག་པས་འདུལ་བའི་དུས་ལ་མ་བབ་པར་གཟིགས་ནས། རིགས་ཅན་ལྔ་དང་རྒྱལ་པོ་ཟླ་བཟང་སོགས་ལ་གསུངས་ཏེ། འཇིག་རྟེན་ན་གསང་སྔགས་ཀྱི་སྒྲ་ཡོངས་སུ་གྲགས་པའི་ཕྱིས་འབྱུང་བར་ལུང་བསྟན་ཏེ། སྡོམ་འབྱུང་གི་རྒྱུད་ཕྱི་མ་ལས། ང་ནི་འདི་ནས་མི་སྣང་ནས། རིགས་ཅན་ལྔ་ནི། ལྷ་གྲགས་ལྡན་མཆོག་སྐྱོང༌། ཀླུ་རྒྱལ་འཇོག་པོ། །གནོད་སྦྱིན་སྐར་མདའ་གདོང༌། སྲིན་པོ་བློ་གྲོས་ཐབས་ལྡན། མིའི་རིག་འཛིན་ལི་ཙའི་

― ZP02_Page_180 ―

^{[མ་དཔེ་གཟིགས་ན་འདིར་གནོན།]}

[Full Size]

དྲི་མེད་གྲགས་པའོ། །མཆན། ལོ་ནི་བརྒྱད་དང་བཅུ་གཉིས་ན། །ལྷ་གནས་གསུམ་དུ་གྲགས་པ་ཡི། །བསྟན་པའི་སྙིང་པོ་དམ་པ་ཞིག །འཛམ་གླིང་ཤར་གྱི་ཕྱོགས་མཚམས་ཀྱི། །རྒྱལ་པོ་ཛཿཞེས་བྱ་བ་ལ། །བསོད་ནམས་ཆེན་པོའི་མཐུས་སྣང་བའི། །གསང་བའི་བདག་པོས་སྣང་བར་འགྱུར། །ཞེས་གསུངས་པ་དང་མཐུན་པར་སྟོན་པ་མྱ་ངན་ལས་འདས་ནས་ལོ་ཉི་ཤུ་རྩ་བརྒྱད་འདས་པ་ན་དམ་པའི་རིགས་ཅན་དྲ་མ་ལྔ་དད་དུ་ཡང་དག་འཇོག་པ་ལ་གནས་པ་རང་རང་གི་མངོན་པར་ཤེས་པས་མཁྱེན་ཏེ་རི་མ་ལ་ཡ་གནམ་ལྕགས་ཡོད་པའི་རྩེར་རྫུ་འཕྲུལ་གྱི་བྱ་བས་འདུས་ནས་ཕྱོགས་བཅུའི་སངས་རྒྱས་ཐམས་ཅད་ཡིད་ལ་བྱས་ཏེ། ཀྱེ་མ་ཀྱེ་ཧུད་ཀྱེ་མ་ཀློང༌། །སྟོན་པ་སྒྲོན་མེའི་འོད་ནུབ་ན། །འཇིག་རྟེན་མུན་པ་གང་གིས་སེལ། །ཞེས་སོགས་གདུང་ཚིག་ཉེར་གསུམ་བཏོན་པས། །སྟོན་པ་རིགས་དྲུག་པ་ཀུན་ཏུ་བཟང་པོ་ཉིད་གསང་བའི་བདག་པོ་ཕྱག་ན་རྡོ་རྗེའི་རྣམ་པར་བསྟན་ནས། སྔར་འོག་མིན་དུ་གསུངས་པ་ཉིད་སླར་ཡང་བཟླས་ཏེ་གསུང་བར་དགོངས་ཏེ། ཇི་སྐད་དུ། སེམས་ཀྱི་དཀྱིལ་འཁོར་མེ་ལོང་བཞིན། །བསྟན་པ་དེ་ལྟར་བདག་གིས་ཀྱང༌། །ཐོག་མ་ཐ་མ་མེད་པ་རུ། །བདག་གིས་དམ་བཅའ་མི་འདོར་བས། །བསྐུལ་བའི་དོན་ནི་གང་བྱུང་བ། །བདག་ཀྱང་དེ་བཞིན་ཆོ་འཕྲུལ་སྣང༌། །ཞེས་རྨད་དུ་བྱུང་བའི་ཆོ་འཕྲུལ་གྱིས་རིམ་ལ་ཡའི་རྩེར་གཤེགས་ཏེ། རིགས་ཅན་དྲ་མ་ལྔ་

― ZP02_Page_181 ―

^{[མ་དཔེ་གཟིགས་ན་འདིར་གནོན།]}

[Full Size]

དང་རིག་འཛིན་ཕལ་མོ་ཆེའི་འཁོར་གྱི་དབུས་སུ་གསང་བདག་ཕྱག་ན་རྡོ་རྗེའི་སྐུའི་རྣམ་པར་བསྟན་ནས། སྔོན་འོག་མིན་དང་དགའ་ལྡན་དང༌། སུམ་ཅུ་རྩ་གསུམ་གྱི་གནས་རྣམས་སུ་གྲགས་པའི་གསང་བའི་ཐེག་པ་ཉིད་སྟོན་པར་མཛད་ཅིང༌། དེ་རྣམས་སྲིན་པོ་བློ་གྲོས་ཐབས་ལྡན་གྱིས་གསེར་གྱི་གླེགས་བམ་ལ་་ཞུན་མས་བྲིས་ནས་དགོངས་པའི་རྩལ་བདུན་གྱིས་ནམ་མཁའ་ལ་སྦས་སོ། །དེའི་ཚེ་དེའི་བྱིན་རླབས་ཀྱིས་ས་ཧོ་རའི་རྒྱལ་པོ་ཛཿལ་རྨིས་ལྟས་ངོ་མཚར་པ་བདུན་བྱུང་སྟེ། ཇི་སྐད་དུ། སྐུ་གསུང་ཐུགས་རྟགས་ཐིམ་པ་དང༌། །རིན་ཆེན་གླེགས་བམ་བབས་པ་དང༌། །ཆོས་ཀྱི་འགྲོ་བ་བྱས་པ་དང༌། །ཀུན་གྱིས་དམ་པར་བསྒྲགས་པ་དང༌། མཆོད་པ་ཆེན་པོ་བྱས་པ་དང༌། །རིན་ཆེན་ཆར་དུ་བབས་པ་དང༌། །སངས་རྒྱས་ས་ལ་ལུང་བསྟན་པའོ། །ཞེས་པའི་རྨི་ལྟས་དང་མཐུན་པར་རྒྱུད་སྡེའི་གླེགས་བམ་རྣམས་མི་ཡུལ་དུ་དངོས་སུ་བབས་ཏེ། ཀྲི་ཡའི་རྒྱུད་རྣམས་ཝཱ་ར་ཎ་སིའི་ཡུལ་དུ་བབས། ཨུ་པ་ཡའི་རྒྱུད་རྣམས་རི་བོ་བྱ་རྐང་ཅན་དང་བསིལ་བའི་ཚལ་དུ་བབས། ཡོ་གའི་རྒྱུད་རྣམས་དུར་ཁྲོད་མེ་རི་འབར་བའི་རྩེ་མོར་བབས། མ་ཧཱ་ཡོ་གའི་རྒྱུད་རྣམས་ས་ཧོ་རའི་ཡུལ་དུ་རྒྱལ་པོ་ཆེན་པོ་ཛཿཡི་ཁང་སྟེང་དུ་ཏནྟྲ་ཆེན་པོ་སྡེ་བཅོ་བརྒྱད་ཀྱི་ཆར་བབས། ཨ་ནུ་ཡོ་གའི་རྒྱུད་རྣམས་སིངྒ་ལ་ཡི་གླིང་དུ་གླེགས་བམ་དང་བཅས་ཏེ་བབས། ཨ་ཏི་ཡོ་གའི་རྒྱུད་རྣམས་ནི་ནུབ་ཕྱོགས་ཨཽ་ཌི་ཡ་ནའི་ཡུལ་དུ་སློབ་དཔོན་

― ZP02_Page_182 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་པོ་དགའ་རབ་རྡོ་རྗེས་དཔལ་རྡོ་རྗེ་སེམས་དཔའ་ལ་དངོས་སུ་གསན་ནས་གླེགས་བམ་ལ་བཀོད་པར་མཛད་དོ། །དེ་ལྟར་ཏནྟྲ་ཆེན་པོ་སྡེ་བཅོ་བརྒྱད་པོ། །རྒྱལ་པོ་ཛས་སློབ་དཔོན་ཀུ་ཀུ་རཱ་ཛ་ལ། དེས་ཨིནྟྲ་བྷུ་ཏི་ལ། དེས་སིང་ཧ་རཱ་ཛ་ལ། དེས་ཨུ་པ་རཱ་ཛ་ལ། དེས་སྲས་མོ་གོ་མ་དེ་བ་ལ། དེས་སྒེག་པ་རྡོ་རྗེ་དང་སངས་རྒྱས་གསང་བ་གཉིས་ལ། དེ་གཉིས་ཀྱིས་པཎ་ཆེན་བི་མ་མི་ཏྲ་ལ། དེ་ལ་ལོ་ཙཱ་བ་རྨ་རིན་ཆེན་མཆོག་དང་གཉགས་ཛྙཱ་ན་ཀུ་མཱ་ར་གཉིས་ལ། །རྨ་རིན་ཆེན་མཆོག་གིས་གཙུག་རུ་རིན་ཆེན་གཞོན་ནུ་དང་གྱེ་རེ་མཆོག་སྐྱོང་གཉིས་ལ། དེ་གཉིས་ཀས་དར་རྗེ་དཔལ་གྱི་གྲགས་པ་དང་ཞང་རྒྱལ་བའི་ཡོན་ཏན་གཉིས་ལ་བཤད། ཞང་གིས་གནུབས་སངས་རྒྱས་ཡེ་ཤེས་ལ་བཤད་པ་སྟེ་བཀའ་སྲོལ་གཅིག་གོ །ཡང་སློབ་དཔོན་པདྨ་དང་བི་མ་ལ་གཉིས་ཀས་གཉགས་ཛྙཱ་ན་ཀུ་མཱ་ར་ལ། དེས་སོག་པོ་དཔལ་གྱི་ཡེ་ཤེས་ལ། དེས་གནུབས་ཆེན་ལ་བཤད་པས་བཀའ་སྲོལ་གཅིག་གོ །ཡང་རྨ་གཉགས་ཐུན་མོང་གི་སློབ་མ་ཁུ་བྱང་ཆུབ་འོད་ནས་མཁས་པ་གཙུག་གྱེར་རྣམ་གཉིས་ལ་བརྒྱུད་དེ་གནུབས་ལ་བཤད་པས་བཀའ་སྲོལ་གཅིག་གོ །དེ་ལྟར་གནུབས་ལ་བརྒྱུད་པའི་བཀའ་སྲོལ་གྱི་ཆུ་བོ་ཐམས་ཅད་འདུས་ཤིང༌། དེ་ལ་ཐུགས་ཟིན་གྱི་སྲས་བཞི། སོ་ཡེ་ཤེས་དབང་ཕྱུག །སྤ་གོར་བླེ་ཆེན་འཕགས་པ། དན་ཡོན་ཏན་མཆོག །སྲུ་ལེགས་པའི་སྒྲོན་མེ་བཞིའོ། །མཆན། སྲས་ཀྱི་དམ་པ་གཅིག་དང་སྲས་

― ZP02_Page_183 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་དམ་པ་གཅིག་ནི་གནུབས་ཡོན་ཏན་རྒྱ་མཚོའོ། །མཆན། ལྔ་འབྱུང་བར་གྲགས། དེ་ནས་རིམ་པར་བརྒྱུད་པའི་མཐར། ཉང་ཡེ་ཤེས་འབྱུང་གནས་ཀྱིས་ལྷ་རྗེ་ཟུར་པོ་ཆེ་་འབྱུང་གནས་ལ་བཤད། དེ་ལ་སློབ་མ་རྩེ་མོ་བཞི། རྩེ་ལྐོག་ལྔ། སྒོམ་ཆེན་བརྒྱ་རྩ་བརྒྱད་ལ་སོགས་པ་བྱུང༌། ཟུར་་འབྱུང་གནས་གྱིས་ཟུར་ཆུང་ཤེས་རབ་གྲགས་པ་ལ། དེ་ལ་སློབ་མ་ཀ་བ་བཞི། གདུང་མ་བརྒྱད། ལྕམ་བཅུ་དྲུག །དྲལ་་རྩེ་མོ་བཞི་ནི། མི་ཉག་འབྱུང་གྲགས། ཞང་འགོས་ཆུང་བ། བཟང་སྒོམ་ཤེར་རྒྱལ། ལྷ་རྗེ་ཟུར་ཆུང་བ་ཤེས་རབ་གྲགས་པ་རྣམས་སོ། མཆན། མ་སུམ་ཅུ་སོ་གཉིས། ཀ་བ་བཞི་ནི། རྫོགས་ཆེན་གྱི་ཀ་བ་སྐྱེ་སྟོན་་ཡེ། མདོའི་ཀ་བ་ཡང་ཁྱད་བླ་མ། སྒྱུ་འཕྲུལ་གྱི་ཀ་བ་གླན་་བཟང་པོ། །ཕྲིན་སྒྲུབས་ཀྱི་ཀར་མདའ་ཏིག་ཆོས་ཤཱཀ་གོ །མཆན། ཡུས་པོ་ཆེ་མི་གཉིས་ལ་སོགས་པ་བྱུང་བར་གྲགས། ཟུར་ཆུང་གིས། སྲས་གསང་བདག་སྒྲོ་ཕུག་པ་་སེང་གེ་ལ། དེ་ནས་ཟུར་གྱི་རིགས་ལས་རིམ་པར་བརྒྱུད་པའི་མཐར། ཟུར་ཆེན་བཀྲ་ཤིས་ཀུན་དགའ། །དེས་སྨྱོས་སྟོན་གསང་བདག་ཕྲིན་ལས་ལྷུན་གྲུབ་ལ་སྩལ། དེས་གཏེར་ཆེན་ཆོས་ཀྱི་རྒྱལ་པོ་གཏེར་བདག་གླིང་པ་ལ། དེས་མཁན་ཆེན་་ཤྲཱི་ལ། དེས་མདོ་སྔགས་ལུང་རིགས་རབ་འབྱམས་སྨྲ་བའི་དབང་ཕྱུག་ཨོ་རྒྱན་ཆོས་གྲགས། དེས་མདོ་རྒྱུད་རྒྱ་མཚོའི་དབང་ཕྱུག་ཨོ་རྒྱན་

― ZP02_Page_184 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྲིན་ལས་བསྟན་འཛིན། དེས་རིགས་བརྒྱའི་ཁྱབ་བདག་བཀའ་དྲིན་གསུམ་ལྡན་དོན་གྱི་སླད་དུ་མཚན་ནས་སྨོས་ན་དཔལ་ཆོས་ཀྱི་རྡོ་རྗེ་འགྱུར་མེད་ཀུན་བཟང་གྲུབ་པའི་དབང་ཕྱུག །སྦས་པའི་གྲུབ་ཐོབ་རྟ་མཆོག་དབང་གི་རྣམ་པར་རོལ་པ་པདྨ་གར་དབང་ཕྲིན་ལས་རྣམ་རྒྱལ། དེ་ཉིད་ཀྱི་བཀའ་དྲིན་ལས་བདག བཙུན་པ། འགྱུར་མེད་ཚེ་དབང་མཆོག་གྲུབ་ངེས་དོན་བསྟན་འཕེལ་ལ་བརྒྱུད་པ་སྟེ། དེ་ལ་འདིར། བཤད་བྱ་དམ་པའི་ཆོས་ངོས་བཟུང་བ་དང༌། འཆད་བྱེད་ཀྱི་ཆོས་ངོས་བཟུང་བ་དང༌། ཇི་ལྟ་ན་འཆད་པའི་ཚུལ་དང་གསུམ་ལས། དང་པོ་བཤད་བྱ་དམ་པའི་ཆོས་ངོས་བཟུང་བ་ནི། མ་ཧཱ་ཡོ་གའི་ཐེག་པ་ལ། ཏནྟྲ་ཆེན་པོ་སྡེ་བཅོ་བརྒྱད་ཡོད་པ་ལས། འདིའི་གྲངས་ལ་བཞེད་པ་མང་ཡང༌། རང་ལུགས་གཏེར་ཆེན་བླ་མའི་དགོངས་པ་ལ། སྐུ་གསུང་ཐུགས་ཡོན་ཏན་ཕྲིན་ལས་ལྔའི་གཞི་དང་རྩ་བར་གྱུར་བའི་རྒྱུད་སྡེ་ལྔ། སྒྲུབ་པ་ལག་ལེན་དུ་སྟོན་པ་རོལ་པའི་རྒྱུད་སྡེ་ལྔ། ཧེ་རུ་ཀ་རོལ་པའི་རྒྱུད། རྟ་མཆོག་རོལ་བའི་རྒྱུད། སྙིང་རྗེ་རོལ་བའི་རྒྱུད། བདུད་རྩི་རོལ་པའི་རྒྱུད། ཕུར་པ་བཅུ་གཉིས་པ་འབྱུང་བའི་རྒྱུད། མཆན། སྤྱོད་པ་ཡན་ལག་ཏུ་འགྲོ་བའི་སྐུའི་རྒྱུད་སངས་རྒྱས་མཉམ་སྦྱོར། གསུང་གི་རྒྱུད་ཟླ་གསང་ཐིག་ལེ། ཐུགས་ཀྱི་རྒྱུད་གསང་བ་འདུས་པ། ཡོན་ཏན་གྱི་རྒྱུད་དཔལ་མཆོག་དང་པོ། །ཕྲིན་ལས་ཀྱི་རྒྱུད་ཀརྨ་མཱ་ལེ་དང་ལྔའོ། །མཆན། རྒྱུད་སྡེ་ལྔ། རི་བོ་བརྩེགས་པ། ཡེ་ཤེས་རྔམ་གློག །དམ་ཚིག་བཀོད་པ།

― ZP02_Page_185 ―

^{[མ་དཔེ་གཟིགས་ན་འདིར་གནོན།]}

[Full Size]

ཏིང་འཛིན་རྩེ་གཅིག །གླང་ཆེན་རབ་འབོག་གི་རྒྱུད་དང་ལྔའོ། །མཆན། མ་ཚང་བ་ཁ་སྐོང་བར་བྱེད་པ་རྒྱུད་ཕྱི་མ་ལྟ་བུ་གཉིས་དེ་ཐམས་ཅད་ཀྱི་བསྡུས་དོན་སྤྱི་རྒྱུད་སྒྱུ་འཕྲུལ་དཝྲ་བའི་རྒྱུད། མཆན་བུ། ལྟ་བུའི་རྒྱུད་སྡེ་ཆེན་པོ་གཅིག་དང་བཅོ་བརྒྱད་དོ། །དེའི་ཕྱི་མ་ཐམས་ཅད་ཀྱི་བསྡུས་དོན་ལྟ་བུའི་རྒྱུད་སྡེ་ནི། རྡོ་རྗེ་སེམས་དཔའ་སྒྱུ་འཕྲུལ་དྲ་བ། དཀྱིལ་འཁོར་གྱི་ལམ་ལ་འཇུག་པའི་ཡན་ལག་ཏུ་གྱུར་པ་རྣམ་སྣང་སྒྱུ་དྲྭ་དང༌། དངོས་གྲུབ་སྒྲུབ་པའི་ཆ་རྐྱེན་ཆོ་གའི་ཡན་ལག་ཏུ་གྱུར་པ་འཕགས་པ་ཐབས་ཀྱི་ཞགས་པ་པདྨོའི་ཕྲེང་བའི་དོན་བསྡུས་པ། མཆན། གསང་བ་སྙིང་པོ་དེ་ཁོ་ན་ཉིད་ངེས་པའི་རྒྱུད་ཀྱི་རྒྱལ་པོ་ཆེན་པོ་འདི་ཉིད་ཡིན་ལ། དེ་ནི་བཤད་བྱ་དམ་པའི་ཆོས་ངོས་བཟུང་བ་དེ་ཡིན། གཉིས་པ་འཆད་བྱེད་ཀྱི་ཆོས་ངོས་བཟུང་བ་ནི། ལུང་རིག་མན་ངག་གསུམ་གྱིས་འཆད་ལ། དེ་ཡི་དང་པོ་ནི། བཤད་རྒྱུད་སྡེ་བཞི་དང༌། སྒྱུ་འཕྲུལ་སྡེ་བརྒྱད་ཅེས་འབྱུང་བའི། སྡེ་བརྒྱད་ནི། འཁོར་འདས་ཀྱི་ཆོས་ཐམས་ཅད་རང་སྣང་དབྱེར་མེད་དུ་སྟོན་པ། རྒྱུད་དང་རྡོ་རྗེ་སེམས་དཔའ་སྒྱུ་འཕྲུལ་དྲྭ་བ། ལས་ཚོགས་རྒྱས་པར་སྟོན་པ་རྣམ་སྣང་སྒྱུ་འཕྲུལ་དྲྭ་བ། སྡེ་སྣོད་ཡོངས་ལ་ཁྱབ་པར་སྟོན་པ་འཇམ་དཔལ་སྒྱུ་འཕྲུལ་དྲྭ་བ། དཀྱིལ་འཁོར་རྒྱས་པར་སྟོན་པ་སྒྱུ་འཕྲུལ་བརྒྱད་པ། ཕྲིན་ལས་རྒྱས་པར་སྟོན་པ་བཞི་བཅུ་པ། དབང་གཙོ་བོར་སྟོན་པ་བླ་མ། ཡོན་ཏན་མཐར་ཕྱིན་པ་སྟོན་པ་བརྒྱད་བཅུ་པ། དམ་ཚིག་མཆོག་ཏུ་སྟོན་

― ZP02_Page_186 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཡན་ལག་དང་བརྒྱད་དོ།། ༈ །།འཆད་བྱེད་ཀྱི་ཆོས་དངོས་ནི། རྒྱུད་སྡེ་འདི་ཡི་བཤད་བྱའི་གཙོ་བོ་ཐབས་ལམ་གྲོལ་ལམ་གཉིས་ལས། གྲོལ་ལམ་རིམ་གྱིས་དང་གཅིག་ཅར་དུ་སྟོན་པ་ཡེ་ཤེས་སྙིང་པོ་དང་རྡོ་རྗེ་མེ་ལོང༌། ཐབས་ལམ་རིམ་གྱིས་དང་གཅིག་ཅར་དུ་སྟོན་པ་སྒྱུ་འཕྲུལ་རྒྱ་མཚོ་དང༌། ཐལ་པ་སྟེ། བཤད་རྒྱུད་སྡེ་བཞིའི་ལུང་ཚད་མའོ། །དེ་དག་གི་དགོངས་འགྲེལ་རྒྱ་བོད་ཀྱི་མཁས་གྲུབ་རྣམས་ཀྱིས་མཛད་པ་མན་ངག་ཚད་མ། དེ་གཉིས་དང་རྗེས་སུ་འབྲེལ་བའི་རིག་པ་ཚད་མ། དེ་གསུམ་གྱིས་གཏན་ལ་ཕབ་པས་རྒྱུད་དོན་རྟོགས་པར་འགྱུར་ཏེ། རྡོ་རྗེ་མེ་ལོང་ལས། ལུང་དང་རྒྱ་གར་གྱི་རྩ་བའི་ཁོག་གཞུང་དང༌། སྒེག་པ་རྡོ་རྗེའི་སྤར་ཁབ་དང༌། སངས་རྒྱས་གསང་བའི་ལམ་རིམ་ལ་སོགས་པའོ། །བོད་ཀྱི་ཀློང་ཆེན་པའི་ཕྱོགས་བཅུ་མུན་སེལ་དང༌། རོང་ཟོམ་པའི་དཀོན་མཆོག་འགྲེལ་དང༌། གཡུང་སྟོན་པའི་གཡུང་འགྲེལ་རྒྱན་གྱི་མེ་ཏོག་དང༌། སྨན་ལུང་པའི་སྙིང་ཐིག་ཊི་ཀ༌།ཀཿཐོག་པ་དམ་གཙང་བྱམས་གསུམ་གྱི་སྙིང་གི་ཊི་ཀ་སོགས་སོ། །རིག་པ་མན་ངག་གི །ཚད་མ་དག་གིས་གང་གཞལ་བའི། །ཤེས་བྱ་ཁོང་དུ་ཆུད་པར་འགྱུར། །ཞེས་སོ། །ཞར་བྱུང་དུ། རྒྱུད་ལུང་མན་ངག་གསུམ་གྱི་མཚན་ཉིད་ལ། རྒྱུད་ཀྱི་མཚན་ཉིད་ནི། འབྲེལ་ཞིང་རྒྱུན་ཆགས་པས་དངོས་གྲུབ་བསྒྲུབ་པའི་ཡན་ལག་ཐམས་ཅད་ཚང་པ་ཕུན་སུམ་ཚོགས་པ་ལྔ་དང༌། སྟོན་པ། གནས། དུས།

― ZP02_Page_187 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར། ཆོས་ཕུན་སུམ་ཚོགས་པའོ། །མཆན། ལྡན་པའོ། །རྡོ་རྗེ་རྩེ་མོ་ལས། འབྲེལ་དང་མ་ཚང་མེད་ཕྱིར་དང༌། །ཕུན་སུམ་ཚོགས་པས་རྒྱུད་ཅེས་བྱ། །ཞེས་སོ། །ལུང་གི་མཚན་ཉིད་ནི། མདོ་རྒྱུད་ནས་ཚིག་དུམ་བུར་ཕྱུང་ཞིང་ཡིད་ཆེས་སུ་བྱེད་པའོ། །ལུང་ནི་ཡིད་ཆེས་ཚིག་ཡིན་ཏེ། ཉེས་པ་ཟད་པ་རྫུན་གྱི་ཚིག །སྨྲ་བར་མི་འགྱུར་རྒྱུ་མེད་ཕྱིར། །ཉེས་ཟད་ལུང་དུ་ཤེས་པར་བྱ། །མན་ངག་གི་མཚན་ཉིད་ནི། ཚེགས་ཆུང་ངུས་དོན་དཔག་ཏུ་མེད་པ་རྟོགས་སླ་བའི་ཐབས་སུ་གྱུར་པའོ། །རྒྱུད་ལས། ཚེགས་ཆུང་དོན་ཆེ་ཐབས་དཔག་མེད། །བྱ་སླ་དཔག་དཀའ་མན་ངག་གོ །ཞེས་སོ། །ཇི་ལྟར་འཆད་པའི་ཚུལ་ལ་འཆད་ཚུལ་མང་དུ་ཡོད་དེ།། ༈ །།མ་ཧཱ་ཡོ་ག་སྤྱི་ཡི་འཆད་ཚུལ་དང་ཟུར་ལུགས་ཀྱི་འཆད་ཚུལ་སོགས་ཡོད་པ་ལས། དང་པོ་ནི། ཧེ་རུ་ཀ་གལ་པོའི་རྒྱུད་ལས། མ་ཧཱ་ཡོ་གའི་རྒྱན་བདུན་ཡང༌། །གླེང་བསླང་བ་དང་སངས་རྒྱས་ཚུལ། །རྒྱས་བཤད་མཐའ་དང་བཤད་པའི་ཚུལ། །དབྱེ་བའི་རྣམ་པ་གང་ཟག་སྣོད། །བདེན་པའི་དགོངས་པ་ཤེས་པར་བྱ། །ཞེས་གསུངས་པ་ལྟར་རྒྱན་བདུན་གྱི་སྒོ་ནས་འཆད་དེ། །རྒྱན་དང་པོ་ནི། དྲི་བ་དྲི་ལན་གྱི་སྒོ་ནས་འཆད་པ་སྟེ། གལ་པོ་ལས། རྒྱུད་འདིའི་མིང་ནི་ཅི་ཞིག་བྱ། །རྒྱུད་འདི་སུ་ཡི་དོན་དུ་མཛད། །ཅེས་སོགས་

― ZP02_Page_188 ―

^{[མ་དཔེ་གཟིགས་ན་འདིར་གནོན།]}

[Full Size]

གསུངས་པ་ལྟར་ཡིན། རྒྱན་གཉིས་པ་ནི། གལ་པོ་ལས། སངས་རྒྱས་པ་ཡི་ཚུལ་བཞི་སྟེ། །རྒྱུད་དང་གླེང་གཞི་ངེས་ཚིག་རྒྱུ། །ཞེས་གསུངས་པ་ལྟར་ཚུལ་བཞིའི་སྒོ་ནས་འཆད་དེ། བཅོམ་ལྡན་འདས་ཐུབ་པའི་དབང་པོ་ནི། ཚུལ་བཞིའི་སྒོ་ནས་སངས་རྒྱས་པར་འཇིག་རྟེན་དུ་གྲགས་ཏེ། མིའི་རིགས་རྒྱུད་དུ་འཁྲུངས་པས་རྒྱུད་ཀྱི་ཚུལ་དང༌། དེ་ལ་ཁྱིམ་ནས་ཁྱིམ་མེད་པར་རབ་ཏུ་བྱུང་བས་གླེང་གཞིའི་ཚུལ་དང༌། རབ་ཏུ་བྱུང་ནས་ཀྱང་འདུལ་སྡོམ་བསྲུང་བར་ངེས་པས་ངེས་ཚིག་གི་ཚུལ་དང༌། དེ་ལྟར་བསྲུངས་ནས་ལམ་ལ་བསླབ་པས་རྣམ་གྲོལ་ཐོབ་པའི་རྒྱུ་ཡིན་པའི་ཕྱིར་རྒྱུའི་ཚུལ་ཏེ། ཚུལ་བཞིའི་སྒོ་ནས་འཆད་པར་བཞེད་པའོ། །རྒྱན་གསུམ་པ་ནི། གལ་པོ་ལས། རྒྱས་བཤད་མཐའ་ནི་རྣམ་པ་དྲུག །དྲང་དོན་ངེས་དོན་དགོངས་པ་བཤད། །དགོངས་མིན་སྒྲ་ནི་ཇི་བཞིན་པ། །ཇི་བཞིན་མ་ཡིན་ཉིད་དུ་བཤད་ཅེས་གསུངས་པ་ལྟར། དྲང་ངེས་གཉིས། དགོངས་མིན་གཉིས། སྒྲ་ཇི་བཞིན་པ་དང༌། ཇི་བཞིན་མ་ཡིན་པ་གཉིས་ཏེ། ཚིག་དོན་འདི་དྲུག་ལས་མི་འདའ་བས་ན་མཐའ་དྲུག་ཅེས་བཤད་པའི་ཕྱིར་གསུངས། རྒྱན་བཞི་པ་ནི། གལ་པོ་ལས། ཚིག་སྤྱི་སྦས་དང་མཐར་ཐུག་ཡིན། ཞེས་གསུངས་པ་ལྟར་བཞི་ལས། ཚིག་གི་དོན་ནི་ཡི་གེའི་འབྲུ་བསྣོན་མཚམས་གཞོལ་བའི་བཤད་པ་སྒྲ་ཚད་གྱི་གཞུང་དང་མཐུན་པར་འཆད་པའོ། །སྤྱི་དོན་

― ZP02_Page_189 ―

^{[མ་དཔེ་གཟིགས་ན་འདིར་གནོན།]}

[Full Size]

ནི། སྔགས་ལམ་བདེ་ཞིང་མྱུར་པ་ལ་མི་ཞུགས་པར། མདོ་ལམ་བུལ་ཞིང་དཀའ་ཐུབ་ཀྱི་ལམ་ལ་ཞུགས་པར་འགྱོད་ན། དེ་དག་ཀྱང་འདིའི་ལམ་སྟེགས་ཡིན་ཚུལ་དུ་འཆད་པ་དང༌། ཡང་སྔགས་ལམ་གཙང་རྨེ་མེད་པ་ཁྱི་ཕག་ལྟ་བུ་དང་སྦྱོར་སྒྲོལ་སོགས། འཚེ་བ་ཆོས་སུ་སྨྲ་བས་མུ་སྟེགས་ཀྱི་ཆོས་སྙམ་དུ་འགྱོད་ན། མདོ་ལམ་དུའང་གཙང་རྨེར་ཞེན་འཛིན་མ་སྤངས་ན། མཉམ་ཉིད་ཀྱི་དོན་མི་མཐོང་བ་དང༌། དགེ་སེམས་ཀྱི་སྤྱོད་པ་འཛིན་པ་ལ་ཞུགས་ན། གང་ཡང་བསོད་ནམས་ཀྱི་ཚོགས་སུ་གསུངས་ཏེ། མི་ནག་མདུང་ཐུང་ཅན་བསད་པ་དང༌། དེད་དཔོན་གྱི་བུ་མོར་བགྲོད་པ་སོགས་བསོད་ནམས་འཕེལ་བའི་རྒྱུར་སོང་ཚུལ་འཆད་པའོ། །སྦས་དོན་ནི་བསྐྱེད་རིམ་ལས་རྒྱ་སོགས་དང་རྫོགས་རིམ་རྩ་རླུང་ཐིག་ལེའི་བྱེད་བཅིངས་སོགས་སྦས་དོན་དུ་འཆད་པའོ། །མཐར་ཐུག་གི་དོན་ནི། །དོན་དམ་འོད་གསལ་གྱི་དགོངས་པ་དང༌། བདེན་གཉིས་ཟུང་འཇུག་གི་གནས་ལུགས་མཐར་ཐུགས་ཡིན་ཚུལ་འཆད་པའོ། །རྒྱན་ལྔ་པ་ནི། ཉན་བཤད་དབྱེ་བས་རྣམ་པ་གཉིས། །ཚོགས་དང་སློབ་མ་དག་ཏུ་འདོད། །ཅེས་གསུངས་པ་ལྟར། ཚོགས་བཤད་ནི་སྒྲ་ཇི་བཞིན་པ་དང༌། ཐེག་པ་ཐུན་མོང་གི་སྤྱི་དོན་འཆད་པ་དང༌། སློབ་བཤད་ནི་སྒྲ་ཇི་བཞིན་མ་ཡིན་པ་དང༌། ངེས་དོན་མཐར་ཐུག་གི་དོན་འཆད་པར་བྱེད་པའོ། །རྒྱན་དྲུག་པ་ནི། གལ་པོ་ལས། སྣོད་ཀྱི་གང་ཟག་རྣམས་

― ZP02_Page_190 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལྔ། ཨུཏྤལ་པདྨ་དཀར་དམར་དང༌། །ཙནྡན་རིན་པོ་ཆེ་ཡི་དཔེ། །ཞེས་གསུངས་པ་ལྟར། ཨུཏྤལ་ལྟ་བུའི་གང་ཟག་དང༌། །པདྨ་དཀར་དམར་ལྟ་བུ་དང༌། །ཙནྡན་ལྟ་བུ་དང༌། རིན་པོ་ཆེ་ལྟ་བུའི་གང་ཟག་ལྔའི་སྣོད་ལ་བརྟགས་ནས་འཆད་པར་བྱེད་པའོ། །རྒྱན་བདུན་པ་ནི། གལ་པོ་ལས། བདེན་པའི་དགོངས་པ་རྣམ་པ་གཉིས། །ཀུན་རྫོབ་དོན་དམ་བཤད་པར་གྱིས། །ཞེས་གསུངས་པ་ལྟར་སྔ་མ་དྲུག་ལ་བརྟེན་ནས་རྒྱུད་དོན་བདེན་པ་གཉིས་སུ་བསྡུས་ཏེ་འཆད་པར་བྱེད་པའོ། །དེ་ལྟར་རྒྱན་བདུན་གྱི་འཆད་ཚུལ་འདི་ནི་རྒྱུད་འདི་ཡི་འཆད་ཐབས་ཀྱི་བཀའ་སྲོལ་མ་ཡིན་ཀྱང་མ་ཧཱ་ཡོ་ག་སྤྱིའི་འཆད་ཐབས་ཡིན་གསུངས། གཉིས་པ་སྔ་རབས་པ་རྣམས་ཀྱི་འཆད་ཚུལ་ནི། མདའ་ལྟར་རྩེ་མོ་ནས་བཟུང་སྟེ་འཆད་པ་ཞེས་བྱ་བ་མཚན་ཉིད་ཀྱི་ནང་དུ་ཆོས་ཐམས་ཅད་གཞི་ལམ་འབྲས་གསུམ་དུ་བསྡུས་ནས་འཆད་པ་དང༌། མདུང་ལྟར་རྐེད་པ་ནས་བཟུང་སྟེ་འཆད་པ་ཞེས་བྱ་བ་ལེའུ་ལྔ་པའི་ནང་དུ་ཆོས་ཐམས་ཅད་མཚན་ཉིད་གསུམ་དུ་དྲིལ་ནས་འཆད་པ་དང༌། རལ་གྲི་ལྟར་ཡུ་བ་ནས་བཟུང་སྟེ་འཆད་པ་ཞེས་བྱ་བ་ལེའུ་ཐ་མར་ཆོས་ཐམས་ཅད་སྣང་བ་བཞིར་བསྡུས་ནས་འཆད་པ་ཡིན་གསུངས། གསུམ་པ་བཀའ་སྡེ་ཟུར་པའི་བཤད། རྒྱུ་ཤེས་པའི་མཚན་ཉིད་ལྟ་བ། རྐྱེན་འཇུག་པའི་མཚན་ཉིད་ཏིང་ངེ་འཛིན། ལམ་གྱུར་གྱི་འབྲས་བུ་རིག་འཛིན་བཞི་དང་གསུམ་མོ། སྲོལ་ནི། ཆོས་ལྔའི་སྒོ་ནས་འཆད་དེ། རང་བཞིན་དངོས་པོའི་གང་

― ZP02_Page_191 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་ཚུལ། མ་རྟོགས་འཁྲུལ་པའི་སྣང་ཚུལ། ཐམས་ཅད་མཁྱེན་པས་གཟིགས་ཚུལ། བརྩེ་བའི་ཐུགས་རྗེ་སྐྱེས་ཚུལ། འགྲོ་དོན་ཇི་ལྟར་བྱེད་ཚུལ་དང་ལྔའི་སྒོ་ནས་འཆད་གསུངས་སོ།།

ཡོན་ཏན་མཛོད་ཀྱི་འཆད་ཐབས་ཡིད་ཀྱི་མེ་ལོང་།

― ZP02_Page_193 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོན་ཏན་མཛོད་ཀྱི་འཆད་ཐབས་ཡིད་ཀྱི་མེ་ལོང་བཞུགས།།

― ZP02_Page_194 ―

^{[མ་དཔེ་གཟིགས་ན་འདིར་གནོན།]}

[Full Size]

ཉན་པོ་སྣོད་དུ་རུང་བའི་ཆོས་ལ། མཛད་པ་པོ་སློབ་དཔོན་གྱི་ཆེ་བ། དེའི་མཛད་པའི་ཆོས་ཀྱི་ཆེ་བ། ཆེ་བ་དེ་ལྟ་བུ་དང་ལྡན་པའི་ཆོས་བཤད་ཅིང་ཉན་པའི་ཚུལ་དང་གསུམ་ལས། དང་པོ་ནི། བདེ་བར་གཤེགས་པའི་བསྟན་པ་ལ་གུས་པས་ལེགས་པར་འཛིན་པ། ཐོས་བསམ་རྟོག་གེའི་ཤེས་རབ་ཀྱིས་སྦྱང་བརྩོན་མ་མཛད་ཀྱང་ཆོས་ཉིད་ཇི་ལྟ་བའི་ཡེ་ཤེས་དོན་དམ་པའི་གནས་ལུགས་རྫོགས་པ་ཆེན་པོ་ཆོས་ཉིད་མངོན་སུམ་དུ་གཟིགས་པའི་རྩལ་ལས་ཆོས་ཅན་ཤེས་བྱའི་གནས་ཚུལ་ཇི་སྙེད་མཁྱེན་པའི་ཡེ་ཤེས་བསྒོམ་བྱུང་གི་ཤེས་རབ་ཀློང་རྡོལ་ཏེ་ཆོས་རབ་ཏུ་རྣམ་པར་འབྱེད་པའི་ཤེས་རབ་ལ་མངའ་དབང་འབྱོར་ཞིང༌། རྗེས་ཐོབ་སྙིང་རྗེ་ཆེན་པོས་རང་གཞན་གྱི་དོན་ལ་བརྩོན་པའི་གོ་ཆ་བགོས་པ་རྫོགས་ཆེན་པོ་རང་བྱུང་རྡོ་རྗེའམ་རིག་འཛིན་འཇིགས་མེད་གླིང་པ་ཞེས་བྱའོ། །ཆོས་ནི་ཐེག་པ་མཐའ་དག་གི་སོགས་ཐེག་པ་ཆེན་པོའི་མན་ངག་གི་བསྟན་བཅོས་ཡོན་ཏན་རིན་པོ་ཆེའི་མཛོད་ཅེས་བྱ་བ་ཡིན་ནོ། །ཆིངས་ཆེན་པོ་ལྔ་ལས། དང་པོ་དགོས་པ་ནི། ཡོན་ཏན་རིན་པོ་ཆེའི་མཛོད་ལེའུ་བཅུ་གསུམ་གྱི་བདག་ཉིད་ཉེ་བར་བཀོད་པ་ལས། སྐལ་པ་དང་ལྡན་པའི་གང་ཟག་གིས་ཐོས་པ་དང་བསམ་

― ZP02_Page_195 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དང་བསྒོམ་པས་བདེ་བླག་ཏུ་རྟོགས་ཏེ་ཞུགས་པས། གནས་སྐབས་དང་མཐར་ཐུག་གི་དོན་གཉིས་འགྲུབ་པའི་ཐབས་དམ་པར་གྱུར་པ་ནི་འདིའི་དགོས་པའོ། །བསྡུས་པའི་དོན་ནི། ལམ་ལ་འཇུག་པའི་རྒྱུ་དང༌། ལམ་དངོས་དང༌། མཐར་ཐུག་གི་འབྲས་བུ་གསུམ་དུ་འདུ་ཞིང༌། ཚིག་གི་དོན་ནི། གཞུང་རྒྱ་ཆེར་བཤད་པའི་སྐབས་བཞིན་ལ། སྔ་ཕྱི་འབྲེལ་བའི་མཚམས་སྦྱོར་ནི། ལེའུ་དང་པོས་དལ་འབྱོར་གྱི་རང་བཞིན་རྙེད་པར་དཀའ་བའི་རྒྱུ་མཚན་བཤད་དེ་ཆོས་ལ་འཇུག་པའི་རྒྱུ་བྱེད་ཅིང༌། ལེའུ་གཉིས་པས་དེ་ལྟ་བུའི་དལ་འབྱོར་དེ་ཡང་མི་རྟག་པའི་རང་བཞིན་དུ་བསྟན་པས་ཆོས་ལ་མྱུར་དུ་འཇུག་ཅིང་བརྩོན་འགྲུས་ཀྱི་ཕྱི་བཤོལ་དུ་མི་ལུས། ལེའུ་གསུམ་པས་དེ་ལྟར་མི་རྟག་པར་གྱུར་ནས་ཀྱང་སྲིད་པ་ཕྱི་མར་དཀར་ནག་གི་ལས་འབའ་ཞིག་གི་རྗེས་སུ་འབྲང་དགོས་པའི་ལས་འབྲས་ཀྱི་འདོར་ལེན་བཤད། དེ་ལྟར་དགེ་སྡིག་གི་འབྲས་བུ་རིགས་དྲུག་གི་གནས་ཡིན་པས་ལེའུ་བཞི་པས་འཁོར་བའི་སྡུག་བསྔལ་བསྟན། དེ་ལྟར་འཁོར་བ་སྡུག་བསྔལ་དུ་ཤེས་ནས་དེ་སྤོངས་པའི་ཐབས་དམ་པའི་ཆོས་ལ་འཇུག་པའི་སྒོ་འཁོར་ལོ་ཆེན་པོ་བཞིའི་ཚོམ་ལེའུ་ལྔ་པས་བཤད། དེ་ལྟར་འཁོར་ལོ་ཆེན་པོ་བཞིའི་

― ZP02_Page_196 ―

^{[མ་དཔེ་གཟིགས་ན་འདིར་གནོན།]}

[Full Size]

རང་བཞིན་ངེས་པར་ཚང་བའི་སྐྱེས་བུ་དེ་བསྟན་པ་ལ་འཇུག་པའི་གཞི་རྟེན་སྐྱབས་འགྲོ་ཡིན་པས་ལེའུ་དྲུག་པས་སྟོན། སྐྱབས་སུ་སོང་ནས་ཐེག་པ་ཆེན་པོའི་ལམ་ལ་འཇུག་པའི་ཐོག་མར་ཚད་མེད་བཞིའི་རང་བཞིན་ལེའུ་བདུན་པས་སྟོན། དེ་ལྟར་ཚད་མེད་བཞིས་བློ་སྦྱངས་བས་བྱང་ཆུབ་ཀྱི་སེམས་རང་ཤུགས་ཀྱིས་སྐྱེ་ཞིང་རྒྱུད་ལས་སུ་རུང་བར་བྱས་ནས་སེམས་བསྐྱེད་པ་དངོས་ལེའུ་བརྒྱད་པས་སྟོན། དེ་ལྟར་སེམས་བསྐྱེད་ནས་དེའང་བསླབ་བྱ་ལེགས་པར་བསླབ་པ་ལ་བརྟེན་ནས་མི་ཉམས་པར་བཟུང་དགོས་པས་ལེའུ་དགུ་པ་སྨོན་འཇུག་གི་བསླབ་བྱ་སྟོན། དེ་ལྟར་སེམས་བསྐྱེད་པའི་གང་ཟག་དེ་ངང་གིས་བློ་ཆེན་པོར་གྱུར་པས་ཆོས་ཟབ་མོའི་སྣོད་རུང་དུ་བྱས་ནས་ལམ་བདེ་མྱུར་དང་ལྡན་པས་གསང་སྔགས་རྡོ་རྗེ་ཐེག་པའི་ལམ་དུ་འཇུག་རུང་བ་ཡིན་པས་དེ་སྟོན་ཕྱིར་ལེའུ་བཅུ་པས་གསང་སྔགས་སྤྱིའི་རང་བཞིན་དང༌། བཅུ་གཅིག་པ་དང་བཅུ་གཉིས་པས་རྫོགས་པ་ཆེན་པོའི་གཞི་ལམ་གྱི་རྣམ་བཞག་ལེགས་པར་གཏན་ལ་ཕབས་ཏེ་དབང་རྣོན་ཚེ་གཅིག་གིས་གྲོལ་བའི་ལམ་བཟང་རྫོགས་པར་བསྟན་ནས་ལེའུ་བཅུ་གསུམ་པས་དེ་ལྟར་ལམ་མཐར་ཕྱིན་པའི་འབྲས་བུ་མཐར་ཐུག་པ་ལེགས་པར་བསྟན་པ་ཡིན་ནོ། །བརྒལ་ལན་གྱི་

― ZP02_Page_197 ―

^{[མ་དཔེ་གཟིགས་ན་འདིར་གནོན།]}

[Full Size]

སྒོ་ནས་བཤད་པ་ནི་གཞུང་རྒྱ་ཆེར་བཀྲོལ་སྐབས་ཉིད་དུ་ཕྱོགས་སྔ་མའི་རྩོད་པའི་རིགས་སུ་གཏོགས་པ་རྣམས་ལུང་རིག་གཏན་ཚིགས་ཀྱི་སྒོ་ནས་ལེགས་པར་སྤངས་ཏེ་འཆད་པར་འགྱུར་བ་ལས་ཤེས་པར་འགྱུར་རོ། །དཔལ་སྤྲུལ་གྱིས་གསུངས་སོ།། ༄༅། །མན་ངག་གི་བསྟན་བཅོས་ཡོན་ཏན་མཛོད་ཀྱི་བསྡུས་དོན་བསྡུས་པ་ཨུཏྤལ་གཞོན་ནུའི་ཕྲེང་བ་བཞུགས་སོ། །སྤྱིར་ཆོས་གང་ཞིག་འཆད་པ་ལ་བཤད་བྱའི་ཡན་ལག་བཤད་པ་དང༌། བཤད་བྱ་དངོས་བཤད་པ་གཉིས། དང་པོ་ལའང་བཤད་ཐབས་ཀྱི་ཚུལ་བསམ་པ། ཇི་ལྟར་བཤད་ཅིང་ཉན་པའི་ཚུལ། བཤད་ཅིང་ཉན་པའི་ཕན་ཡོན་བསྟན་པ་དང་གསུམ་ལས། དང་པོ་ལའང་སངས་རྒྱས་ཀྱིས། ཉན་ཐོས་དགྲ་བཅོམ་པས། མཁས་པ་པཎྜི་ཏས་ཆོས་འཆད་ཚུལ་གསུམ། སངས་རྒྱས་ཀྱིས་ཆོ་འཕྲུལ་གསུམ་གྱིས། ཉན་ཐོས་ཀྱིས་དག་པ་གསུམ་གྱིས། པཎྜི་ཏས་འཆད་ཚུལ་ལ་དཔལ་ན་ལེནྟྲའི་གཙུག་ལག་གི་པཎྜི་ཏ་རྣམས་ནི་བཀའ་ཐམས་ཅད་ཕུན་སུམ་ཚོགས་པ་ལྔ་དང༌། བསྟན་བཅོས་ཐམས་ཅད་རྩིས་མགོ་ཡན་ལག་ལྔས་འཆད། བི་ཀྲ་མ་ཤི་ལའི་པཎྜི་

― ZP02_Page_198 ―

^{[མ་དཔེ་གཟིགས་ན་འདིར་གནོན།]}

[Full Size]

ཏ་རྣམས་ཉན་པ་པོ་སྣོད་དུ་རུང་བར་བྱེད་པ་དང༌། བསྟན་པའི་རྣམ་བཞགས་ངེས་པ་གཉིས་ཀྱིས་འཆད། ཉན་པ་པ་སྣོད་དུ་རུང་བའི་ཆོས་ལ་གསུམ། བསྟན་པའི་རྣམ་བཞག་ངེས་པ་ལ་གསུམ་གྱི་སྒོ་ནས་འཆད། གཉིས་པ་ཇི་ལྟར་བཤད་ཅིང་ཉན་པའི་ཚུལ་ལ། འཆད་པ་པོའི་སློབ་དཔོན། ཉན་པ་པོའི་སློབ་མ། ཐུན་མོང་དུ་བྱ་བའི་རང་བཞིན་ནོ། །གསུམ་པ་བཤད་ཅིང་ཉན་པའི་ཚུལ་བསྟན་པ་གཞུང་བཞིན་ནོ། །བཤད་བྱ་དངོས་བཤད་པ་ལ། སྐབས་དོན་བྱེ་བྲག་ཏུ་བཤད་པ་དང༌། གཞུང་དོན་རྒྱས་པར་བཤད་པ་གཉིས། དང་པོ་ལ་ཆིངས་ཆེན་པོ་ལྔ་དང་དགོས་འགྲེལ་ཡན་ལག་བཞི་བཤད་པ་གཉིས། གཉིས་པ་གཞུང་དོན་རྒྱས་པར་བཤད་པ་ལ་ཀླད་ཀྱི་དོན། གཞུང་གི་དོན། མཇུག་གི་དོན་གསུམ། དང་པོ་ལ་མཚན་བཤད་པ། ཕྱག་འཚལ་བ། མཆོད་པར་བརྗོད་པ། རྩོམ་པར་དམ་བཅའ་བ་རྣམས་སོ། །གཞུང་དོན་ལེའུ་བཅུ་གསུམ། མཇུག་དོན་ལ་བསྟན་བཅོས་རྩོམ་པའི་རྒྱུ། ཉེས་པ་མཐོལ་བཤགས། རྗེས་འཇུག་སྤྲོ་བ་བསྐྱེད་པ། དགེ་རྩ་ཡོངས་སུ་བསྔོ་བ་དང་གསུམ་གྱིས་ཚང་ངོ༌། །དགེའོ། །ཆོས་རྗེ་དཔལ་སྤྲུལ་རིན་པོ་ཆེའི་ཀུན་བཟང་ཐེག་མཆོག་རྡོ་རྗེར་གསུངས་པའི་སྐབས་སུ་མཛད་པའོ།། །།

ཡོན་ཏན་མཛོད་ཀྱི་ས་བཅད།

― ZP02_Page_199 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོན་ཏན་རིན་པོ་ཆེའི་མཛོད་ཀྱི་སྤྱི་དོན་ས་བཅད་རྒྱས་བསྡུས་མཚམས་པ་འབྲིང་པོ་ལྟར་བྱས་པ་བཞུགས་སོ། །

― ZP02_Page_200 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་དང་རྗེ་བཙུན་འཇམ་དཔལ་དབྱངས་ལ་ཕྱག་འཚལ་ལོ། །ཆོས་ཐམས་ཅད་གཞུང་ལམ་གཅིག་ཏུ་སྟོན་པ་བསྟན་བཅོས་ཡོན་ཏན་རིན་པོ་ཆེའི་མཛོད་འདི་ཉིད་འཆད་པར་བྱེད་པ་ལ། ཐོག་མར་དགེ་བ་ཀླད་ཀྱི་དོན། བར་དུ་དགེ་བ་གཞུང་གི་དོན། ཐ་མར་དགེ་བ་མཇུག་གི་དོན་དང་གསུམ། དང་པོ་ཐོག་མར་དགེ་བ་ཀླད་ཀྱི་དོན་ལ། མཚན་བརྗོད་པ། མཆོད་པར་བརྗོད་པ། རྩོམ་པར་དམ་བཅའ་བ་དང་གསུམ་ལས། དང་པོ། །མཚན་བརྗོད་པ་ལ། མཚན་རྒྱ་སྐད་ལྟར་སྨོས་པ། མཚན་བོད་སྐད་ལྟར་སྨོས་པ་དང་གཉིས་ལས། དང་པོ་ནི། རྒྱ་གར་སྐད་དུ། གུ་ཎ་ཀོ་ཥ་སོགས་ཀྱིས་བསྟན། གཉིས་པ་ནི། བོད་སྐད་དུ། ཡོན་ཏན་རིན་པོ་ཆེའི་མཛོད་སོགས་ཀྱིས་བསྟན། གཉིས་པ་མཆོད་པར་བརྗོད་པ་ལ་གཉིས། དཀོན་མཆོག་གསུམ་ལ་ཕྱག་འཚལ་ལོ། །ཞེས་པས་

― ZP02_Page_201 ―

^{[མ་དཔེ་གཟིགས་ན་འདིར་གནོན།]}

[Full Size]

མཚན་སྨོས་པའི་སྒོ་ནས་བསྡུས་ཏེ་མཆོད་པར་བརྗོད། རིན་ཆེན་སོགས་ཤོ་ལོ་ཀ་གཅིག་གིས་ཡོན་ཏན་དྲན་པའི་སྒོ་ནས་རྒྱས་པར་མཆོད་པར་བརྗོད་པ་དང་གཉིས་སོ། །གསུམ་པ་རྩོམ་པར་དམ་བཅའ་བ་ལ་ཡང་གཉིས། བློ་མཆོག་སོགས་ཤོ་ལོ་ཀ་གཅིག་གིས་དམ་པའི་ཆོས་འཛིན་པའི་ཕན་ཡོན་ལ་བསམ་ནས་རྩོམ་པར་དམ་བཅའ་བ། ཐོག་མ་སོགས་ཤོ་ལོ་ཀ་གཅིག་གིས་དམ་པའི་ཆོས་མི་འཛིན་པའི་ཉེས་དམིགས་ལ་བསམ་ནས་རྩོམ་པར་དམ་བཅའ་བ་དང་གཉིས་སོ། །བར་དུ་དགེ་བ་གཞུང་གི་དོན་ལ། གཞུང་དོན་ལེའུ་བཅུ་གསུམ་ཡོད་པ་མདོར་བསྡུ་ན། ཆོས་ལ་བློ་འཇུག་པའི་རྒྱུད་ལ་འབྱོར་རྙེད་པར་དཀའ་བ་བཤད་པ། བརྩོན་འགྲུས་ཀྱི་ལྕགས་འདེབས་པའི་དོན་དུ་ཚེ་མི་རྟག་པ་སྒོམ་པ་བཤད་པ། ཉམས་སུ་བླང་བྱ་སྐྱེས་བུ་གསུམ་གྱི་ལམ་རིམ་རྒྱ་ཆེར་བཤད་པ་

― ZP02_Page_202 ―

^{[མ་དཔེ་གཟིགས་ན་འདིར་གནོན།]}

[Full Size]

དང་གསུམ། དང་པོ་ཆོས་ལ་བློ་འཇུག་པའི་རྒྱུད་ལ་འབྱོར་རྙེད་པར་དཀའ་བསྒོམ་པའི་ལེའུ་ལ། མི་ལུས་རྣམ་པར་དབྱེ་བ། འགལ་ཟླ་མི་ཁོམས་པ་བརྒྱད་བཤད་པ། དལ་འབྱོར་གྱི་རང་བཞིན་ངོས་བཟུང་བ་དང༌། རྙེད་པར་དཀའ་པའི་རྒྱུ་མཚན་བཤད་པ། གདམས་ངག་བརྗོད་པས་མཇུག་བསྡུ་བ་དང་ལྔ། དང་པོ་མི་ལུས་རྣམ་པར་དབྱེ་བ། རིང་ནས་བཤེས་སོགས་ཤོ་ལོ་ཀ་གཅིག །གཉིས་པ་འགལ་ཟླ་མི་ཁོམས་པ་བརྒྱད་བཤད་པ་ལ་གསུམ། དང་པོ། བསམ་བརླག་སོགས་ཤོ་ལོ་ཀས་མདོར་བསྟན། གཉིས་པ་རྒྱས་པར་བཤད་པ་ལ་གཉིས། མི་མ་ཡིན་པའི་མི་ཁོམ་པ་བཞི་བཤད་པ། མིར་གྱུར་པའི་མི་ཁོམ་པ་བཞི་བཤད་པ་དང་གཉིས། དང་པོ་མི་མ་ཡིན་པའི་མི་ཁོམ་པ་བཤད་པ་ལ། ཐང་ཅིག་སོགས་ཀྱིས་དམྱལ་བ། རྣག་ཁྲག་སོགས་ཀྱིས་ཡི་དྭགས་དུད་འགྲོ་སོགས་ཀྱིས་དུད་འགྲོ། འཚོ་བའི་སོགས་ཀྱིས་ལྷ་ཚེ་རིང་པོ་བཤད་པའོ། །གཉིས་པ་མིར་གྱུར་བའི་མི་ཁོམས་པ་བཞི་བཤད་པ་ལ། རྐང་པ་སོགས་ཀླ་ཀློ། དབང་པོའི་སོགས་ལྐུག་པ། སྐྱེ་བའི་སོགས་ལོག་ལྟ་ཅན། ཐུབ་པ་སོགས་ཀྱིས་མུན་པའི་བསྐལ་པ་བསྟན་པའོ། །གསུམ་པ། སྡིག་སྡུག་སོགས་ཤོ་ལོ་ཀས་མཇུག་བསྡུ་པའོ། །གསུམ་པ་དལ་འབྱོར་གྱི་རང་བཞིན་ངོས་བཟུང་བ་ལ། ཡུལ་དབུས་སོགས་ཤོ་ལོ་ཀས་རང་འབྱོར། རྒྱལ་བ་སོགས་ཤོ་ལོ་ཀས་གཞན་འབྱོར། གང་ཕྱིར་སོགས་ཤོ་ལོ་ཀས་གཉིས་ཀ་བསྡོམ་སྟེ་བསྟན་པའོ། །བཞི་པ་རྙེད་

― ZP02_Page_203 ―

^{[མ་དཔེ་གཟིགས་ན་འདིར་གནོན།]}

[Full Size]

པར་དཀའ་བའི་རྒྱུ་མཚན་བཤད་པ་ལ། ཅི་ཕྱིར་སོགས་རྐང་པ་གཅིག་གིས་དཔེ་དང༌། ལྷག་མ་གསུམ་གྱིས་གྲངས་ཀྱི་སྒོ་ནས་རྙེད་པར་དཀའ་བའི་རྒྱུ་མཚན་བཤད་པ། དེ་ཕྱིར་སོགས་གདམ་ངག་བརྗོད་པས་མཇུག་བསྡུ་བའོ། །ལེའུ་དང་པོའི་ས་བཅད་དོ། ༈ །དོན་གཉིས་པ་བརྩོན་འགྲུས་ཀྱི་ལྕགས་འདེབས་པ་ཚེ་མི་རྟག་པ་བསྒོམ་པའི་ལེའུ་ལ། ཕྱི་སྣོད་དང་བཅས་པའི་འཇིག་རྟེན་ལ་བསམ་ནས་མི་རྟག་པ་སྒོམ་པ་དང༌། བྱེ་བྲག་བཅུད་ཀྱི་འགྲོ་བ་མི་རྟག་པར་བསྒོམ་པ་གཉིས། དང་པོ་ནི། སྲིད་པ་སོགས་རྐང་པ་བཞི། གཉིས་པ་ལ་བཞི། དང་པོ་དམ་པའི་སྐྱེས་བུ་ལ་བསམ་སྟེ་མི་རྟག་པ་སྒོམ་པ་ནི། ལྷ་མིའི་སོགས་རྐང་པ་བཞི། གཉིས་པ་སྐྱེ་དགུའི་བདག་པོ་ལ་བསམ་སྟེ་མི་རྟག་བསྒོམ་པ་བསམ་གཏན་སོགས་རྐང་པ་བཞི། གསུམ་པ་འཆི་བའི་རང་བཞིན་ལ་བསམ་སྟེ་མི་རྟག་པ་སྒོམ་པ། མཐོ་རིས་སོགས་རྐང་པ་བཞི། བཞི་པ་དཔེ་དོན་སྣ་ཚོགས་ལ་བསམ་སྟེ་མི་རྟག་པ་སྒོམ་པ་ལ་བཞི། དང་པོ་མི་རྟག་པ་བག་ལ་ཉལ་མངོན་དུ་སྟོན་པ། སོས་ཀའི་སོགས་རྐང་པ་བཞི། གཉིས་པ་ཚེ་འགྲོ་བའི་དལ་མྱུར་གྱི་དཔེ་བཤད་པ། སྐྱེས་བུས་སོགས་རྐང་པ་བཞི། གསུམ་པ་འཁོར་བ་འཇིག་པའི་འཁྲུལ་འཁོར་ཆེན་པོ་བཞི་སྟོན་པ། དར་ལ་སོགས་རྐང་པ་བཞི། བཞི་པ་འཆི་བའི་གནས་ཚུལ་ལ་བསམ་པ། གང་ཚེ་སོགས་ཤོ་ལོ་ཀ་གསུམ། ལེའུ་གཉིས་པ་སོང༌། ༈

― ZP02_Page_204 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་གསུམ་པ་ཉམས་སུ་བླང་བྱ་སྐྱེས་བུ་གསུམ་གྱི་ལམ་རིམ་རྒྱ་ཆེར་བཤད་པ་ལ། སྐྱེས་བུ་ཆུང་ངུ་དང་ཐུན་མོང་བའི་ལམ་དུ་རྒྱུ་འབྲས་ཀྱི་སྤང་བླང་བཤད་པ། སྐྱེས་བུ་འབྲིང་དང་ཐུན་མོང་བའི་ལམ་དུ་བདེན་པ་བཞི་ལ་འཇུག་ལྡོག་བྱེད་པ། སྐྱེས་བུ་ཆེན་པོའི་ཐུན་མོང་མ་ཡིན་པའི་ལམ་དུ་བྱང་ཆུབ་ཀྱི་སེམས་རྣམ་པ་གཉིས་བསྒོམ་པ་དང་གསུམ། དང་པོ་སྐྱེས་བུ་ཆུང་ངུ་དང་ཐུན་མོང་པའི་ལམ་རྒྱུ་འབྲས་ཀྱི་སྤང་བླང་བྱེད་པའི་ལེའུ་ལ་སྐྱེས་བུ་ཆུང་ངུའི་ལམ་དངོས་བཤད་པ་དང༌། དེ་ཉིད་ཐབས་ཤེས་ཀྱིས་ཟིན་པས་ཇི་ལྟར་ཉམས་སུ་བླང་ཚུལ་བཤད་པ་དང་གཉིས། དང་པོ་སྐྱེས་བུ་ཆུང་ངུའི་ལམ་དངོས་བཤད་པ་ལ། ལས་འབྲས་ཀྱི་རང་བཞིན་སྤྱིར་བཤད་པ་དང༌། དགེ་བ་དང་སྡིག་པའི་ལས་བྱེ་བྲག་ཏུ་བཤད་པ་གཉིས། དང་པོ་ལས་འབྲས་ཀྱི་རང་བཞིན་སྤྱིར་བཤད་པ་ལ་བདུན་ལས། དང་པོ་ལས་འབྲས་ཆུད་མི་ཟ་བར་བསྟན་པ་ནི། དེ་ལྟར་སོགས་ཤོ་ལོ་ཀ་གསུམ། གཉིས་པ་ལས་འབྲས་མཐུ་ཆེ་བར་བསྟན་པ། བསོད་ནམས་སོགས་ཤོ་ལོ་ཀ་གསུམ། གསུམ་པ་ལས་འབྲས་གཞན་ལ་མི་འཕོ་བར་བསྟན་པ། གང་ཕྱིར་སོགས་ཤོ་ལོ་ཀ་གཅིག །བཞི་པ་འཇིག་རྟེན་པའི་ཆོས་བརྒྱད་དང་བཅུ་གསུམ་བཤད་པ། རྙེད་པ་སོགས་ཤོ་ལོ་ཀ་གསུམ། ལྔ་པ་ལས་འབྲས་འཕེལ་ཆེ་བར་བཤད་པ། འཁོར་བར་སོགས་ཤོ་ལོ་ཀ་གཉིས། དྲུག་པ་ལས་དཀར་ནག་དང་ལྕི་ཡང་གི་ཁྱད་པར་བཤད་པ་གང་ལ་སོགས་ཤོ་ལོ་ཀ་

― ZP02_Page_205 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ། བདུན་པ་ལས་ཀྱི་འཆར་གཞི་བཤད་པ། ཀུན་གྱི་སོགས་ཤོ་ལོ་ཀ་གཅིག། གཉིས་པ་དགེ་སྡིག་གི་ལས་རྒྱས་པར་བཤད་པ་ལ། མི་དགེ་བ་བཤད་པ་དང༌། དགེ་བ་བཤད་པ་གཉིས། དང་པོ་མི་དགེ་བ་བཤད་པ་ལ་གཉིས། དོ་ཟླ་མེད་པ་དཀོན་མཆོག་ལ་བརྟེན་པའི་ལས་བཤད་པ་དང༌། དེ་ལས་གཞན་པའི་ལས་བཤད་པ་གཉིས། དང་པོ། ཇི་ལྟར་སོགས་ཤོ་ལོ་ཀ་གཅིག་གཉིས་པ་ལ་སེམས་དང་སེམས་བྱུང་གི་ལས་སྤྱིར་བསྟན་པ། སྤང་བྱའི་རྒྱུ་འབྲས་བྱེ་བྲག་ཏུ་བཤད་པ། སྐབས་ཀྱི་འཇུག་བསྡུ་བ་དང་གསུམ། དང་པོ། །དེ་ལས་སོགས་རྐང་པ་གསུམ། གཉིས་པ་ལ། རྒྱུ་བཤད་པ། འབྲས་བུ་བཤད་པ་གཉིས། དང་པོ། །རྒྱུ་བཤད་པ་ལ། བསྟན་བཤད་གཉིས། དང་པོ་མདོར་བསྟན་པ། ལུས་ངག་སོགས་རྐང་པ་གཉིས། གཉིས་པ་རྒྱས་པར་བཤད་པ་ལ་གསུམ། ལུས་ཀྱི་སོགས་ཚིག་བཅད་གཉིས་ཀྱིས་ལུས་ཀྱི་ལས། ངག་གི་སོགས་ཚིག་བཅད་གཉིས་ཀྱིས་ངག་གི་ལས། ཡིད་ཀྱི་སོགས་རྐང་པ་བདུན་གྱིས་ཡིད་ཀྱི་ལས་བསྟན་པའོ། །གཉིས་པ་འབྲས་བུ་བཤད་པ་ལ། མདོར་བསྟན་པ་དང༌། རྒྱས་པར་བཤད་པ་གཉིས། དང་པོ། ཀུན་ལ་སོགས་རྐང་པ་གཉིས། གཉིས་པ་རྒྱས་པར་བཤད་པ་ལ་བཞི། དང་པོ་རྣམ་སྨིན་གྱི་འབྲས་བུ། རྣམ་སྨིན་སོགས་རྐང་པ་གསུམ། གཉིས་པ་

― ZP02_Page_206 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུ་མཐུན་གྱི་འབྲས་བུ་ལ། རྒྱུ་མཐུན་སོགས་རྐང་པ་གཉིས་ཀྱི་བྱེད་པ་རྒྱུ་མཐུན། མྱོང་བ་སོགས་ཚིགས་བཅད་གསུམ་གྱིས་མྱོང་བ་རྒྱུ་མཐུན། གསུམ་པ་དབང་གི་འབྲས་བུ། དབང་གི་སོགས་ཚིགས་བཅད་བདུན་དང་རྐང་པ་གསུམ། བཞི་པ་སྐྱེས་བུ་བྱེད་པའི་འབྲས་བུ། སྐྱེས་བུ་སོགས་རྐང་པ་གཉིས། གསུམ་པ་སྐབས་ཀྱི་མཇུག་བསྡུ་བ། འདི་ལྟར་སོགས་ཚིགས་བཅད་གཅིག །གཉིས་པ་དགེ་བའི་ལས་བཤད་པ་ལ། དགེ་བའི་ལམ་དངོས་བཤད་པ་དང༌། སྐྱེས་བུ་ཆུང་ངུའི་ལམ་གྱི་དོན་བསྡུ་བ་གཉིས། དང་པོ། །དེ་ཕྱིར་སོགས་ཚིགས་བཅད་གཅིག །གཉིས་པ་དེ་བསྙེན་སོགས་ཚིགས་བཅད་གཅིག །རྩ་བའི་ས་བཅད་གཉིས་པ་དེ་ཉིད་ཐབས་ཤེས་ཀྱིས་ཟིན་པས་ཇི་ལྟར་ཉམས་སུ་བླང་ཚུལ་བཤད་པ་ལ་གཉིས། ཐར་པ་སོགས་རྐང་པ་གསུམ་གྱིས་ཐར་པ་ཆ་མཐུན་སྤྱིར་བཤད། དེ་ཡང་སོགས་རྐང་པ་དགུས་ཐེག་ཆེན་ཐར་པ་ཆ་མཐུན་བྱེ་བྲག་ཏུ་བཤད་པའོ། །ལེའུ་གསུམ་པ་སོང༌། ༈ །གཉིས་པ་སྐྱེས་བུ་འབྲིང་དང་ཐུན་མོང་བའི་ལམ་དུ་བདེན་པ་བཞི་ལ་བླང་དོར་བྱེད་པ་འཁོར་བའི་སྡུག་བསྔལ་གཙོ་བོར་སྟོན་པའི་ལེའུ་ལ། སྐྱེས་བུ་འབྲིང་པོའི་ལམ་དངོས་བཤད་པ་དང༌། དེ་ཉིད་སྐྱེ་མེད་དུ་ཤེས་པས་དོན་བསྡུ་བ་གཉིས། དང་པོ་སྐྱེས་བུ་འབྲིང་གི་ལམ་དངོས་བཤད་པ་ལ། བདེན་པ་བཞི་བཤད་པ་དང༌། རྟེན་འབྲེལ་ཡན་ལག་བཅུ་གཉིས་བཤད་པ་གཉིས། དང་པོ་བདེན་པ་བཞི་བཤད་

― ZP02_Page_207 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལ། མདོར་བསྟན་པ་དང༌། རྒྱས་པར་བཤད་པ་གཉིས། དང་པོ། །མངོན་མཐོའི་སོགས་ཚིགས་བཅད་གཅིག །གཉིས་པ་རྒྱས་པར་བཤད་པ་ལ། སྡུག་བསྔལ་གྱི་བདེན་པ་རྒྱས་པར་བཤད་པ་དང༌། བདེན་པ་ལྷག་མ་གསུམ་རྒྱས་པར་བཤད་པ་གཉིས། དང་པོ། །སྡུག་བསྔལ་གྱི་བདེན་པ་རྒྱས་པར་བཤད་པ་ལ། འཁོར་བ་སྤྱིའི་སྡུག་བསྔལ་བསྟན་པ་དང༌། རིགས་དྲུག་སོ་སོའི་སྡུག་བསྔལ་བསྟན་པ་གཉིས། དང་པོ་འཁོར་བ་སྤྱིའི་སྡུག་བསྔལ་བསྟན་པ་ལ་བཞི། དང་པོ་སྡུག་བསྔལ་གྱི་རང་བཞིན་ཁྱབ་ཆེ་བ། དེ་ལས་སོགས་རྐང་པ་བཞི། གཉིས་པ་སྡུག་བསྔལ་ཉེ་བར་ལེན་པའི་རྐྱེན་བཤད་པ། ཕུང་ཀྲོལ་སོགས་ཚིགས་བཅད་བཞི། གསུམ་པ་སྡུག་བསྔལ་གྱི་གནོད་པ་མཐུ་ཆེ་བར་བཤད་པ། སྲིད་པའི་སོགས་རྐང་པ་བཞི། བཞི་པ་སྡུག་བསྔལ་གྱི་རྣམ་གྲངས་ཡུན་རིང་བར་སྟོན་པ། བདག་ལ་སོགས་ཚིགས་བཅད་གསུམ། གཉིས་པ་རིགས་དྲུག་སོ་སོའི་སྡུག་བསྔལ་བཤད་པ་ལ། ངན་སོང་གི་སྡུག་བསྔལ་བཤད་པ་དང༌། མཐོ་རིས་ཀྱི་སྡུག་བསྔལ་བཤད་པ་གཉིས། དང་པོ་ངན་སོང་གི་སྡུག་བསྔལ་བཤད་པ་ལ་བཞི། དང་པོ་ཚ་དམྱལ་བརྒྱད་ཀྱི་སྡུག་བསྔལ། ཁྱད་པར་སོགས་རྐང་པ་བཅུ་གཅིག །གཉིས་པ་ཉེ་འཁོར་ལྷག་པ་བཅུ་དྲུག །སྡུག་བསྔལ་སོགས་

― ZP02_Page_208 ―

^{[མ་དཔེ་གཟིགས་ན་འདིར་གནོན།]}

[Full Size]

ཚིགས་བཅད་གཉིས། གསུམ་པ་གྲང་དམྱལ་བརྒྱད་བཤད་པ། བུ་ཡུག་སོགས་རྐང་པ་བཅུ། བཞི་པ་ཉི་ཚེ་བ་བཤད་པ། འགལ་དུམ་སོགས་ཚིགས་བཅད་གཅིག །ལྔ་པ་སྐབས་ཀྱི་དོན་བསྡུ་བ། དེ་ཕྱིར་སོགས་རྐང་པ་བཞི། ཡི་དྭགས་དང་དུད་འགྲོ་གཉིས་ཀྱི་སྡུག་བསྔལ་ལེའུ་དང་པོར་རྒྱས་པར་བཤད་པས་འདིར་མ་བསྟན་ཀྱང་འགྲེལ་པར་བཤེས་སྤྲིང་ནས་ཁ་བསྐང་པ་ལྟར་བཤད་ན། དང་པོ་ཡི་དྭགས་ལ་བཞི། སྤྱི་མཐུན་གྱི་སྒྲིབ་པ་ཅན། ཡི་དྭགས་སོགས་རྐང་པ་བཅུ། ཟས་སྐོམ་གྱི་སྒྲིབ་པ་ཅན། ཁ་ཅིག་སོགས་རྐང་པ་དྲུག །ཕྱིའི་སྒྲིབ་པ་ཅན། ཡི་དྭགས་སོགས་རྐང་པ་དྲུག་དེ་དག་གི་ཚེ་ཚད། བར་ཆད་སོགས་ཤོ་ལོ་ཀ་གཅིག །གཉིས་པ་དུད་འགྲོ་ལ་གཉིས། སྤྱིར་བཤད་པ། དུད་འགྲོའི་སོགས་རྐང་པ་བཞི། བྱེ་བྲག་ཏུ་དབྱེ་བ། ཁ་ཅིག་སོགས་རྐང་པ་བཞིའོ། །གཉིས་པ་མཐོ་རིས་གསུམ་གྱི་སྡུག་བསྔལ་བཤད་པ་ལ། ལྷའི་སྡུག་བསྔལ། ལྷ་མ་ཡིན་གྱི་སྡུག་བསྔལ། མིའི་སྡུག་བསྔལ་བཤད་པ་དང་གསུམ། དང་པོ་ལྷའི་སྡུག་བསྔལ་བཤད་པ་ལ་གཉིས། གཟུགས་མེད་སོགས་ཚིགས་བཅད་གཅིག་གིས་ཁམས་གོང་མའི་འཕོ་བའི་སྡུག་བསྔལ། ཚངས་དང་སོགས་ཚིགས་བཅད་ལྔས་འདོད་ལྷའི་འཕོ་ལྟུང་གི་སྡུག་བསྔལ་བཤད་པའོ། །གཉིས་པ་ལྷ་མིན་གྱི་སྡུག་བསྔལ། ལྷ་ཡི་སོགས་རྐང་པ་བཞི། གསུམ་པ་མིའི་སྡུག་བསྔལ་ལ། རྩ་བའི་སྡུག་བསྔལ་གསུམ་བཤད་པ་དང༌། ཡན་ལག་གི་སྡུག་བསྔལ་བརྒྱད་བཤད་

― ZP02_Page_209 ―

^{[མ་དཔེ་གཟིགས་ན་འདིར་གནོན།]}

[Full Size]

པ་གཉིས། དང་པོ་རྩ་བའི་སྡུག་བསྔལ་ལ་གསུམ། འཚོ་བ་སོགས་རྐང་པ་བཞིས་སྡུག་བསྔལ་གྱི་སྡུག་བསྔལ། མངོན་མཐོའི་སོགས་རྐང་པ་བཞིས་འགྱུར་པའི་སྡུག་བསྔལ། རྐང་པའི་སོགས་བཞིས་འདུ་བྱེད་ཀྱི་སྡུག་བསྔལ་བསྟན་པའོ། །གཉིས་པ་ཡན་ལག་གི་སྡུག་བསྔལ་ལ་གཉིས། དང་པོ། དེ་ལྟར་སོགས་རྐང་པ་བརྒྱད་ཀྱིས་མདོར་བསྟན། གཉིས་པ་རྒྱས་པར་བཤད་པ་ལ་བདུན། དང་པོ། སྐྱེ་བའི་སྡུག་བསྔལ། ཤིན་ཏུ་སོགས། རྐང་པ་ཉེར་གཅིག །གཉིས་པ་རྒ་བའི་སྡུག་བསྔལ། རྒ་བའི་སོགས་རྐང་པ་བརྒྱད། གསུམ་པ་ན་བའི་སྡུག་བསྔལ། རང་བཞིན་སོགས་རྐང་པ་བཞི། བཞི་པ་འཆི་བའི་སྡུག་བསྔལ། སྲིད་པ་སོགས་རྐང་པ་བཞི། ལྔ་པ་དགྲ་སྡང་བ་དང་འཕྲད་པའི་སྡུག་བསྔལ། མི་སྡུག་སོགས་རྐང་པ་བཞི། དྲུག་པ་གཉེན་བྱམས་པ་དང་བྲལ་བའི་སྡུག་བསྔལ། བྱམས་སྡུག་སོགས་རྐང་པ་བཞི། བདུན་པ་འདོད་དང་མི་འདོད་ལོག་པར་འབྱུང་བའི་སྡུག་བསྔལ། འདོད་པས་སོགས་རྐང་པ་བཞི། གཉིས་པ་བདེན་པ་ལྷག་མ་གསུམ་བཤད་པ་ལ་གསུམ། དང་པོ། གཟུགས་ལ་སོགས་རྐང་པ་བརྒྱད་ཀྱིས་ཀུན་འབྱུང་གི་བདེན་པ། གཉིས་པ། དེ་ལྟར་སོགས་རྐང་པ་གཉིས་ཀྱིས་ལམ་བདེན། གསུམ་པ། འགོགས་པ་སོགས་རྐང་པ་གཉིས་ཀྱིས་འགོགས་བདེན་བསྟན་པའོ། །གཉིས་པ་རྟེན་འབྲེལ་ཡན་ལག་བཅུ་གཉིས་བཤད་པ།

― ZP02_Page_210 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་ཆོས་སོགས་རྐང་པ་བཅུ་གཉིས། རྩ་བའི་གཉིས་པ་དེ་ཉིད་སྐྱེ་མེད་དུ་ཤེས་པས་དོན་བསྡུ་བ། དེ་ལྟར་སོགས་རྐང་པ་བཞིའོ། །ལེའུ་བཞི་པའི་ས་བཅད་དོ། ༈ །གསུམ་པ་སྐྱེས་བུ་ཆེན་པོའི་ཐུན་མོང་མ་ཡིན་པའི་ལམ་དུ་བྱང་ཆུབ་ཀྱི་སེམས་རྣམ་པ་གཉིས་བསྒོམ་པ་ལ། ལམ་སྟེགས་སྔོན་འགྲོའི་ཆོས་བཤད་པ། ལམ་གྱི་རྟེན་གཞི་བཤད་པ། ལམ་དངོས་བཤད་པ་དང་གསུམ། དང་པོ་ལམ་སྟེགས་སྔོན་འགྲོའི་ཆོས་འཁོར་ལོ་ཆེན་པོ་བཞི་བཤད་པའི་ལེའུ་ལ། མདོར་བསྟན་པ་དང༌། རྒྱས་པར་བཤད་པ་གཉིས། དང་པོ། ཡུལ་ནི་སོགས་རྐང་པ་བཞི། གཉིས་པ་རྒྱས་པར་བཤད་པ་ལ། མཐུན་པར་གྱུར་པའི་ཡུལ། སྐྱེས་བུ་དམ་པ་བསྟེན་པ། བདག་ཉིད་ལེགས་པར་སྨོན་པ། བསོད་ནམས་ཀྱི་སྐྱབས་ལ་འདུན་པ་དང་བཞི། དང་པོ་མཐུན་པའི་ཡུལ་ལ། ཡུལ་དངོས་བཤད་པ་དང༌། ཞར་བྱུང་འཚོ་བ་བཤད་པ་གཉིས། དང་པོ། ཚོགས་ཀྱི་སོགས་ཤོ་ལོ་ཀ་དྲུག །གཉིས་པ་ནི། སྟོན་པས་སོགས་རྐང་པ་བཅུ། གཉིས་པ་སྐྱེས་བུ་དམ་པ་བསྟེན་པ་ལ་གཉིས། དང་པོ། བསླབ་པ་སོགས་རྐང་པ་དྲུག་གིས་མདོར་བསྟན། གཉིས་པ་རྒྱས་པར་བཤད་པ་ལ། མཚན་ཉིད་བཤད་པ། བསྟེན་ཚུལ་བཤད་པ། བསྟེན་པའི་ཕན་ཡོན་བཤད་པ་གསུམ། དང་པོ་མཚན་ཉིད་བཤད་པ་ལ། བླ་མའི་མཚན་ཉིད་དང༌། སློབ་མའི་མཚན་ཉིད་གཉིས། དང་པོ་བླ་མའི་མཚན་

― ZP02_Page_211 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིད་ལ། བསྟེན་བྱའི་མཚན་ཉིད་བཤད་པ། སྤངས་བྱའི་མཚན་ཉིད་བཤད། དམ་པའི་ཡོན་ཏན་རྗེས་སུ་དྲན་པ་དང་གསུམ། དང་པོ་བསྟེན་བྱའི་མཚན་ཉིད་བཤད་པ་ལ་གཉིས། དང་པོ་དམ་པའི་སོགས་རྐང་པ་བརྒྱད་ཀྱིས་ཐེག་པ་སྤྱིའི་བླ་མ། གཉིས་པ་ཁྱད་པར་སོགས་རྐང་པ་དགུས་ཁྱད་པར་མན་ངག་གི་བླ་མ་བསྟན་པའོ། །གཉིས་པ་སྤངས་བྱའི་མཚན་ཉིད་བཤད་པ་ལ་ལྔ། དང་པོ་བྲམ་ཟེ་སོགས་རྐང་པ་བཞིས་ཤིང་གི་རང་ཐག་ལྟ་བུ། གཉིས་པ། སོ་སོའི་སོགས་རྐང་པ་བཞིས་ཁྲོན་པའི་ལག་འགྲོ་ལྟ་བུ། གསུམ་པ། ཐོས་པ་སོགས་རྐང་པ་བཞིས་སྨྱོན་པའི་ལམ་མཁན་ལྟ་བུ། བཞི་པ། ཁྱད་པར་སོགས་རྐང་པ་བཞིས་ལོང་བའི་དེད་དཔོན་ལྟ་བུ། ལྔ་པ། དེ་ཕྱིར་སོགས་རྐང་པ་བཞིས་དེ་དག་སྤང་དགོས་པའི་རྒྱུ་མཚན་བསྟན་པའོ། །གསུམ་པ་དམ་པའི་ཡོན་ཏན་རྗེས་སུ་དྲན་པ་ལ་གཉིས། དང་པོ། མཐའ་དག་སོགས་ཚིགས་བཅད་དྲུག་གིས་ཁྱད་པར་འཕགས་པའི་དཔེ་བཅུ་གཉིས་ཀྱི་སྒོ་ནས་དྲན་པ། གཉིས་པ། ནད་པས་སོགས་རྐང་པ་བཞིས་འདུ་ཤེས་ཉི་ཤུའི་སྒོ་ནས་དྲན་པའོ། །གཉིས་པ། སློབ་མའི་མཚན་ཉིད་ལ། ངན་པའི་མཚན་ཉིད་དང༌། བཟང་པོའི་མཚན་ཉིད་གཉིས། དང་པོ་སློབ་མ་ངན་པའི་མཚན་ཉིད་ལ་དྲུག །དང་པོ། དེ་ལ་སོགས་རྐང་པ་བཞིས་བཅོས་མ་ཁ་དད་ཅན། གཉིས་པ། དང་པོ་སོགས་རྐང་པ་བཞིས་་

― ZP02_Page_212 ―

^{[མ་དཔེ་གཟིགས་ན་འདིར་གནོན།]}

[Full Size]

གཤིས་ངན་ལོག་སྲེད་ཅན། གསུམ་པ། དམ་པའི་སོགས་རྐང་པ་བཞིས་མི་བརྟན་འགྱུར་ལྡོག་ཅན། བཞི་པ། མི་གཞི་སོགས་རྐང་པ་བཞིས་ལོག་པའི་འདུ་ཤེས་བཞི་ལྡན། ལྔ་པ། བློ་སྣ་སོགས་རྐང་པ་བཞིས་བློ་མང་མདོ་དོན་སྟོར་བ། དྲུག་པ་ཡང་དག་སོགས་རྐང་པ་བཞིས་བཟང་ངན་བརྟགས་དགོས་པར་བསྟན་པ། གཉིས་པ་སློབ་མ་བཟང་པོའི་མཚན་ཉིད་ལ་གཉིས། དང་པོ་གོ་ཆ་སོགས་རྐང་པ་བཞིས་རབ་མཆོག་དད་པས་གྲོལ་བ། གཉིས་པ་དད་དང་སོགས་རྐང་པ་གསུམ་གྱིས་ཆེ་གུས་དུལ་ལྡན་གྱི་སློབ་མ་བསྟན་པའོ། །གཉིས་པ་སྐྱེས་བུ་དམ་པ་བསྟེན་ཚུལ་བཤད་པ་ལ། བསྟེན་ཚུལ་དངོས་བཤད་པ་དང༌། ཞར་བྱུང་སྡིག་གྲོགས་ཀྱི་མཚན་ཉིད་བཤད་པ་གཉིས། དང་པོ་བསྟེན་ཚུལ་དངོས་བཤད་པ་ལ་བརྒྱད། དང་པོ་བླ་མ་སོགས་རྐང་པ་དགུས་གུས་པའི་དཔེ་བརྒྱད་ཀྱིས་བསྟེན་པ། གཉིས་པ་འབྱོར་བ་སོགས་རྐང་པ་བཞིས་ཞབས་ཏོག་རྣམ་པ་གསུམ་གྱིས་བརྟེན་པ། གསུམ་པ་མཛད་སྤྱོད་སོགས་རྐང་པ་བཅུ་གསུམ་གྱིས་ཅི་མཛད་ལེགས་མཐོང་གི་སྒོ་ནས་བསྟེན་པ། བཞི་པ་བླ་མ་སོགས་ཚིགས་བཅད་བཞིས་འཕྲལ་གྱི་སྤྱོད་ལམ་ཞིབ་པས་བསྟེན་པ། ལྔ་པ་རྫིང་བུ་སོགས་རྐང་པ་ལྔས་ཡོན་ཏན་གྱི་རོ་མྱོང་བ། དྲུག་པ་འཇུག་པ་སོགས་རྐང་པ་ལྔས་སྤྱོད་པ་དོན་མཐུན་པ། བདུན་པ་ཅི་ཕྱིར་སོགས་རྐང་པ་དགུས་དེ་དག་གི་འཐད་པ་བསོད་པ། བརྒྱད་པ་དང་པོ་སོགས་རྐང་པ་བཞིས་

― ZP02_Page_213 ―

^{[མ་དཔེ་གཟིགས་ན་འདིར་གནོན།]}

[Full Size]

སྐབས་ཀྱི་དོན་བསྡུ་བ་དང་བརྒྱད་དོ། །གཉིས་པ་ཞར་བྱུང་སྡིག་གྲོགས་ཀྱི་མཚན་ཉིད་བཤད་པ། གང་ཚེ་སོགས་རྐང་པ་བདུན། གསུམ་པ་བླ་མ་བསྟེན་པའི་ཕན་ཡོན། དེ་ཕྱིར་སོགས་རྐང་པ་བཅུ་གཅིག་གསུམ་པ་བདག་ཉིད་ལེགས་པར་སྨོན་པ་ལ་གསུམ། དང་པོ། དམ་ཆོས་སོགས་རྐང་པ་བདུན་གྱིས་ལེགས་སྨོན་ངོས་བཟུང༌། གཉིས་པ། ཆོས་སྒོར་སོགས་རྐང་པ་ལྔས་ལེགས་སྨོན་བཤིག་པའི་རྙོགས་མ་བཤད་པ། གསུམ་པ། ཐད་ཀ་སོག་རྐང་པ་ལྔས་ལེགས་སྨོན་གྲུབ་པའི་རྟགས་བཤད་པའོ། །བཞི་པ་བསོད་ནམས་སྐྱབས་འདུན་བཤད་པ་ལ་མཐོ་རིས་སོགས་རྐང་པ་བཞིས་བསོད་ནམས་ལ་གུས་པའི་མངོན་རྟགས། མ་བསྒོམ་སོགས་རྐང་པ་བཞིས་དེའི་མི་མཐུན་ཕྱོགས། གང་ཕྱིར་སོགས་རྐང་པ་བཞིས། དེའི་མཐུན་ཕྱོགས་བཤད་པ་དང་བཞིའོ། །ལེའུ་ལྔ་པའི་ས་བཅད་དོ། ༈ །སྤྱི་དོན་གཉིས་པ་ལམ་གྱི་རྟེན་གཞི་སྐྱབས་སུ་འགྲོ་བ་བཤད་པའི་ལེའུ་ལ་སྐྱབས་སུ་འགྲོ་དགོས་པའི་རྒྱུ་མཚན་བཤད་པ་དང༌། སྐྱབས་སུ་འགྲོ་བ་དངོས་བཤད་པ་གཉིས། དང་པོ་སྐྱབས་སུ་འགྲོ་དགོས་པའི་རྒྱུ་མཚན། འཇིགས་པ་སོགས་རྐང་པ་བཞི། གཉིས་པ་སྐྱབས་འགྲོ་དངོས་བཤད་པ་ལ། སྐྱབས་འགྲོའི་རྒྱུ་དད་པ་བཤད་པ། སྐྱབས་ཡུལ་ངོས་བཟུང་བ། སྐྱབས་འགྲོའི་དབྱེ་བ་བཤད་པ། སྐྱབས་སུ་འགྲོ་ཚུལ་བཤད་པ། སྐྱབས་འགྲོའི་ཕན་ཡོན་བཤད་པ། བསླབ་བྱ་བཤད་པ་དང་

― ZP02_Page_214 ―

^{[མ་དཔེ་གཟིགས་ན་འདིར་གནོན།]}

[Full Size]

དྲུག །དང་པོ་ཐར་བར་སོགས་རྐང་པ་བརྒྱད་ཀྱིས་དད་པ་སྐྱེ་ཚུལ། གཉིས་པ་དད་པའི་དབྱེ་བ། དེ་ལ་སོགས་རྐང་པ་བཞི། གསུམ་པ་དད་པའི་རྒྱུ་བཤད་པ་ལ། དད་པ་སྐྱེ་བའི་རྒྱུ་བཞི་སྤྱིར་བསྟན། དཀོན་མཆོག་རྗེས་སུ་དྲན་པ་རྒྱས་པར་བཤད་པ་གཉིས། དང་པོ། དད་པ་སོགས་རྐང་པ་བཞིས་བསྟན། གཉིས་པ་དཀོན་མཆོག་གི་ཡོན་ཏན་རྗེས་སུ་དྲན་པ་རྒྱས་པར་བཤད་པ་ལ་གསུམ། དང་པོ། ཐུབ་པ་སོགས་རྐང་པ་བདུན་གྱིས་སངས་རྒྱས་ཀྱི་ཡོན་ཏན། གཉིས་པ། ཆོས་ནི་སོགས་རྐང་པ་བཅུ་བདུན་གྱིས་ཆོས་ཀྱི་ཡོན་ཏན། གསུམ་པ་དགེ་འདུན་སོགས་རྐང་པ་བཞིས། དགེ་འདུན་གྱི་ཡོན་ཏན་ནོ། །གཉིས་པ་སྐྱབས་ཡུལ་ངོས་བཟུང་བ། ལམ་དང་སོགས་རྐང་པ་བཞི། གསུམ་པ་སྐྱབས་འགྲོའི་དབྱེ་བ་ལ་གཉིས། དང་པོ། དེ་ལ་སོགས་རྐང་པ་དྲུག་གིས་རྒྱུ་འབྲས་ཀྱི་དབྱེ་བ། གཉིས་པ་ཉི་ཚེ་སོགས་རྐང་པ་བཅུས་ཀུན་སློང་གི་དབྱེ་བ་བསྟན། བཞི་པ་སྐྱབས་སུ་འགྲོ་ཚུལ་ལ་གཉིས། དང་པོ། །ལམ་དུས་སོགས་རྐང་པ་བཞིས་ཚོགས་ཞིང་མངོན་དུ་བྱ་བ། གཉིས་པ་འདི་ན་སོགས་རྐང་པ་བདུན་གྱིས་སྐྱབས་སུ་འགྲོ་ཚུལ་དངོས། ལྔ་པ་ཕན་ཡོན་ལ་གཉིས། ཇི་ལྟར་སོགས་རྐང་པ་དགུས་རྒྱུའི་སྐྱབས་འགྲོའི་ཕན་ཡོན། འབྲས་བུ་སོགས་རྐང་པ་བཞིས། འབྲས་བུའི་སྐྱབས་འགྲོའི་ཕན་ཡོན། དྲུག་པ་བསླབ་བྱ་ལ་ལྔ། དང་པོ། བསླབ་བྱ་སོགས་རྐང་པ་བཅོ་ལྔས་བསླབ་བྱ་དངོས། གཉིས་པ། རྒྱུ་ཡི་སོགས་རྐང་པ་བཞིས།

― ZP02_Page_215 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱབས་འགྲོ་གཏོང་མཚམས། གསུམ་པ། ལས་ཀྱི་སོགས་རྐང་པ་བཞིས། གཏོང་བའི་རྒྱུ། བཞི་པ། འདི་ན་སོགས་རྐང་པ་བཞིས། དེའི་གཉེན་པོ། ལྔ་པ། རྨི་ལམ་སོགས་རྐང་པ་བཞིས་བསླབ་པ་བསྲུང་བའི་ཕན་ཡོན་བཤད་པའོ། །ལེའུ་དྲུག་པའི་ས་བཅད་དོ། ༈ །གསུམ་པ་སྐྱེས་བུ་ཆེན་པོའི་ལམ་དངོས་བྱང་ཆུབ་ཀྱི་སེམས་གཉིས་བསྒོམ་པ་བཤད་པ་ལ། ལམ་གྱི་གཞུང་ཤིང་རྒྱུ་མཚན་ཉིད་ཀྱི་ཐེག་པ་ལྟར་བཤད་པ་ལམ་གྱི་སྦས་དོན་གསང་སྔགས་རྡོ་རྗེ་ཐེག་པ་ལྟར་བཤད་པ། ལམ་གྱི་ཉེ་ལམ་རང་བཞིན་རྫོགས་པ་ཆེན་པོ་ལྟར་བཤད་པ་དང་གསུམ། དང་པོ། ལམ་གྱི་གཞུང་ཤིང་རྒྱུ་མཚན་ཉིད་ཀྱི་ཐེག་པ་ལྟར་བཤད་པ་ལ། བློ་སྦྱོང་པ་ཚད་མེད་བཞིའི་ལེའུ། དམ་བཅའ་བ་བྱང་ཆུབ་ཀྱི་སེམས་ཡོངས་སུ་བཟུང་བའི་ལེའུ། བསླབ་བྱ་སློབ་པ་སྨོན་འཇུག་བསླབ་བྱའི་ལེའུ་དང་གསུམ། དང་པོ་བློ་སྦྱོང་བ་ཚད་མེད་བཞི་བཤད་པ་ལ། ཐེག་ཆེན་ལམ་གྱི་སྤྱི་སྡོམ་བཤད་པ་དང༌། ཚད་མེད་བཞི་དངོས་བཤད་པ་གཉིས། དང་པོ། །ཐེག་དམན་སོགས་རྐང་པ་བཅུ་གཉིས་ཀྱིས་བསྟན། གཉིས་པ་ཚད་མེད་བཞི་དངོས་བཤད་པ་ལ་ལྔ། དང་པོ། བྱམས་པ་སོགས་རྐང་པ་བཅུ་བདུན་གྱིས་ཚད་མེད་བཞིའི་དམིགས་པ། གཉིས་པ། འདོད་པའི་སོགས་རྐང་པ་བཞིས། གོལ་ས། གསུམ་པ། འདི་ན་སོགས་རྐང་པ་དྲུག་གིས་ཚད་མེད་ཁྱད་པར་ཅན། བཞི་པ། སྒོམ་ཚུལ་སོགས་རྐང་པ་བཅུས་

― ZP02_Page_216 ―

^{[མ་དཔེ་གཟིགས་ན་འདིར་གནོན།]}

[Full Size]

སྒོམ་ཚུལ། ལྔ་པ། དེ་ལྟར་སོགས་ཚིགས་བཅད་བདུན་དང་རྐང་པ་གཅིག་གིས་ཕན་ཡོན། ལེའུ་བདུན་པའི་ས་བཅད་དོ། ༈ །གཉིས་པ་དམ་བཅའ་བ་བྱང་ཆུབ་ཀྱི་སེམས་ཡོངས་སུ་བཟུང་བའི་ལེའུ་ལ། མདོར་བསྟན་པ་དང༌། རྒྱས་པར་བཤད་པ་གཉིས། དང་པོ་མདོར་བསྟན་པ། རྙེད་པ་སོགས་ཤོ་ལོ་ཀ་གཅིག །གཉིས་པ་རྒྱས་པར་བཤད་པ་ལ། བྱང་ཆུབ་སེམས་ཀྱི་ཕན་ཡོན་བཤད་པ་དང༌། བྱང་ཆུབ་སེམས་ཀྱི་ངོ་བོ་ངོས་བཟུང་བ། བྱང་ཆུབ་སེམས་ཀྱི་དབྱེ་བ་བཤད་པ། བྱང་ཆུབ་ཀྱི་སེམས་ཇི་ལྟར་བསྐྱེད་པའི་ཚུལ་བཤད་པ་དང་བཞི། དང་པོ་བྱང་ཆུབ་སེམས་ཀྱི་ཕན་ཡོན་བཤད་པ་ལ་གསུམ། དང་པོ་མིང་དོན་གནས་འགྱུར་བའི་ཕན་ཡོན། སྡིག་སྡུག་སོགས་རྐང་པ་བཞི། གཉིས་པ་དགེ་འབྲས་འཕེལ་ཆེ་བའི་ཕན་ཡོན་ལས་ཉོན་སོགས་རྐང་པ་བརྒྱད། གསུམ་པ་འཁོར་བའི་མཚོ་ལས་འདོན་པའི་ཕན་ཡོན། ལས་ཉོན་སོགས་རྐང་པ་བཞི། གཉིས་པ་ངོ་བོ་ངོས་བཟུང་བ་ལ་གཉིས། དང་པོ་བྱང་ཆུབ་སེམས་ཀྱི་ངོ་བོ་སྤྱིར་བསྟན་པ། གང་ལ་སོགས་རྐང་པ་བཞི། གཉིས་པ་སྨོན་འཇུག་གི་ངོ་བོ་བྱེ་བྲག་ཏུ་བཤད་པ། དེ་ཡང་སོགས་རྐང་པ་བརྒྱད། གསུམ་པ་དབྱེ་བ་བཤད་པ་ལ་གསུམ། དང་པོ་གནས་སྐབས་དང་གྲོགས་ཀྱི་དབྱེ་བ། དབྱེ་བའི་སོགས་རྐང་པ་བཅུ། གཉིས་པ་ཕན་ཡོན་གྱི་དབྱེ་བ། གང་ཞིག་སོགས་རྐང་པ་བཅོ་ལྔ། གསུམ་པ་བློ་སྟོབས་ཀྱི་དབྱེ་བ། བསྐལ་པ་

― ZP02_Page_217 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་རྐང་པ་ལྔ། བཞི་པ་སེམས་བསྐྱེད་ཚུལ་བཤད་པ་ལ། སེམས་བསྐྱེད་སྐྱེ་བའི་རྒྱུ། རྟེན་གྱི་གང་ཟག །ཆོ་ག་དངོས་བཤད་པ་དང་གསུམ། དང་པོ་སྐྱེ་བའི་རྒྱུ། ཇི་ལྟར་སོགས་རྐང་པ་ལྔ། གཉིས་པ་རྟེན་གྱི་གང་ཟག །རྟེན་གྱི་སོགས་རྐང་པ་ལྔ། གསུམ་པ་ཆོ་ག་དངོས་བཤད་པ་ལ། སྦྱོར་བ། དངོས་གཞི། རྗེས་དང་གསུམ། དང་པོ་སྦྱོར་བ་ལ། བློ་བཅོས་པ་དང༌། ཚོགས་བསགས་པ་གཉིས། དང་པོ་བློ་བཅོས་པ། རྒྱུ་ནི་སོགས་རྐང་པ་བདུན། གཉིས་པ་ཚོགས་བསགས་པ་ལ་སྔོན་འགྲོ་སྟ་གོན་དུ་བྱ་བ། བསོད་ནམས་ཀྱི་ཞིང་སྤྱན་དྲངས་པ། ཚོགས་བསགས་པ་དངོས་དང་གསུམ། དང་པོ་སྔོན་འགྲོ། སྐྱང་ནུལ་སོགས་རྐང་པ་བཞི། གཉིས་པ་བསོད་ནམས་ཀྱི་ཞིང་སྤྱན་འདྲེན་པ་ལ་བཞི། དང་པོ། དམ་ཚིགས་སོགས་རྐང་པ་བརྒྱད་ཀྱིས་སྤྱན་དྲངས་པ་དངོས། གཉིས་པ། ལས་ཀྱི་སོགས་རྐང་པ་བརྒྱད་ཀྱིས་ཁྲུས་གསོལ། གསུམ་པ། ཉེ་རེག་སོགས་ཤོ་ལོ་ཀ་ལྔས་གོས་རྒྱན་བྱུག་པ་སོགས་ཕུལ་པ། བཞི་པ། བཏང་སྙོམ་སོགས་རྐང་པ་བཞིས། བཞུགས་སུ་གསོལ་བའོ། །གསུམ་པ་ཚོགས་བསགས་པ་དངོས་ལ། གུས་པའི་རྣམ་འགྱུར་བཤད་པ། ཡན་ལག་བདུན་པ་ཕུལ་བ། ལུས་བྲན་དུ་དབུལ་བ་དང་གསུམ། དང་པོ་གུས་པའི་རྣམ་འགྱུར་ལ། བབ་བཅོལ་སོགས་རྐང་པ་བཞིས། ལུས་གུས་པའི་རྣམ་འགྱུར། རིགས་དང་སོགས་རྐང་པ་

― ZP02_Page_218 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིས་ཡིད་གུས་པའི་རྣམ་འགྱུར་གཉིས་སོ། །གཉིས་པ་ཡན་ལག་བདུན་པ་འབུལ་བ། ཟླ་གཞོན་སོགས་ཤོ་ལོ་ཀ་བདུན་གྱིས་རིམ་པ་ལྟར་རོ། །གསུམ་པ་ལུས་བྲན་དུ་དབུལ་བ། ཆོག་ཤེས་སོགས་རྐང་པ་བརྒྱད་ཀྱིས། ལུས་དབུལ་བ་དངོས་དང༌། དེས་ནི་སོགས་རྐང་པ་བཞིས། དེ་དག་གི་དོན་བསྡུ་བའོ། །གཉིས་པ་དངོས་གཞི་ལ་གསུམ། དང་པོ་བླང་ཡུལ་དབང་པོར་བྱ་བ། ཉེས་པ་སོགས་རྐང་པ་བཞི། གཉིས་པ་ཆོ་ག་དངོས་བརྗོད་པ། མོས་པ་སོགས་རྐང་པ་ཉེར་ལྔ། གསུམ་པ་སྡོམ་པའི་ཐོབ་མཚམས་འདུན་པའི་སོགས་རྐང་པ་བཞི། གསུམ་པ་རྗེས་ཀྱི་ཆོ་ག་ལ་གཉིས། དང་པོ་རང་གི་སེམས་གཟེངས་བསྟོད་པ། སྔོན་ཆད་སོགས་ཚིགས་བཅད་གཉིས། གཉིས་པ་གཞན་དགའ་བ་སྒོམ་དུ་གཞུགས་པ། སྲིད་གསུམ་སོགས་ཤོ་ལོ་ཀ་གཉིས་སོ། །ལེའུ་བརྒྱད་པའི་ས་བཅད་དོ། ༈ །གསུམ་པ་བསླབ་པ་བཟུང་བ་སྨོན་འཇུག་བསླབ་བྱའི་ལེའུ་བཤད་པ་ལ་གཉིས། བསླབ་བྱ་བསྲུང་ཐབས་བཤད་པ་དང༌། བསླབ་བྱ་དངོས་བཤད་པ་གཉིས་སོ། །དང་པོ་བསླབ་བྱ་བསྲུང་ཐབས་ལ། སྔོན་ཆད་སོགས་ཤོ་ལོ་ཀ་བདུན། གཉིས་པ་བསླབ་བྱ་དངོས་བཤད་པ་ལ། སྤང་བའི་བསླབ་བྱ་བཤད་པ་དང༌། སྒྲུབ་པའི་བསླབ་བྱ་བཤད་པ་ལ་གཉིས་སོ། །དང་པོ་སྤང་བའི་བསླབ་བྱ་ནི། དེ་ལ་སོགས་ཚིགས་བཅད་གསུམ། གཉིས་པ་སྒྲུབ་པའི་བསླབ་བྱ་བཤད་པ་ལ་སྨོན་པའི་

― ZP02_Page_219 ―

^{[མ་དཔེ་གཟིགས་ན་འདིར་གནོན།]}

[Full Size]

བསླབ་བྱ་བཤད་པ་དང༌། འཇུག་པའི་བསླབ་བྱ་བཤད་པ་ལ་གཉིས། དང་པོ་སྨོན་པའི་བསླབ་བྱ་བཤད་པ་ལ་བཞི། དང་པོ་བདེ་སྡུག་གཏོང་ལེན་བཤད་པ། བདག་བདེ་སོགས་ཤོ་ལོ་ཀ་བཞི། གཉིས་པ་སྨོན་པའི་རྒྱུ་འབྲས་བཤད་པ། སྨོན་པའི་སོགས་ཤོ་ལོ་ཀ་ལྔ། གསུམ་པ་དཀར་ནག་ཆོས་བརྒྱད་བཤད་པ། སྨོན་སེམས་སོགས་རྐང་པ་བཅོ་ལྔ། བཞི་པ་འདུ་ཤེས་བཞི་བཤད་པ། བརྟེན་བྱའི་སོགས་རྐང་པ་ལྔ། གཉིས་པ་འཇུག་པའི་བསླབ་བྱ་བཤད་པ་ལ། མདོར་བསྟན་པ་དང༌། རྒྱས་པར་བཤད་པ། མཇུག་བསྡུ་བ་དང་གསུམ། དང་པོ་མདོར་བསྟན་པ། འཇུག་པའི་སོགས་རྐང་པ་བཞི། གཉིས་པ་རྒྱས་པར་བཤད་པ་ལ། སྒྲུབ་པ་པོའི་བློ་སྟོབས་ཀྱི་དབྱེ་བ་བཤད་པ་དང༌། བསྒྲུབ་བྱ་ཕ་རོལ་ཏུ་ཕྱིན་པ་བཤད་པ་གཉིས། དང་པོ། བློ་སྟོབས་སོགས་རྐང་པ་དགུ། གཉིས་པ་བསྒྲུབ་བྱ་ཕ་རོལ་ཏུ་ཕྱིན་པ་བཤད་པ་ལ། སྦྱིན་པ། ཚུལ་ཁྲིམས། བཟོད་པ། བརྩོན་འགྲུས། བསམ་གཏན། ཤེས་རབ་ཀྱི་ཕ་རོལ་ཏུ་ཕྱིན་པ་བཤད་པ་དང་དྲུག །དང་པོ་སྦྱིན་པ་བཤད་པ་ལ། མདོར་བསྟན་པ་དང༌། རྒྱས་པར་བཤད་པ་གཉིས། དང་པོ་མདོར་བསྟན་པ། སྦྱིན་པ་སོགས་རྐང་པ་གཉིས། གཉིས་པ་རྒྱས་པར་བཤད་པ་ལ་གསུམ། ཟང་ཟིང་གི་སྦྱིན་པ། ཟང་ཟིང་སོགས་ཚིག་བཅད་གསུམ། གཉིས་པ་མི་འཇིགས་པའི་སྦྱིན་པ་

― ZP02_Page_220 ―

^{[མ་དཔེ་གཟིགས་ན་འདིར་གནོན།]}

[Full Size]

ཞར་བྱུང་དང་བཅས་པ། མི་འཇིགས་སོགས་རྐང་པ་དགུ། གསུམ་པ་ཆོས་ཀྱི་སྦྱིན་པ། ཆོས་ཀྱི་སོགས་རྐང་པ་བདུན། གཉིས་པ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་བཤད་པ་ལ། མདོར་བསྟན་པ་དང༌། རྒྱས་པར་བཤད་པ་གཉིས། དང་པོ་མདོར་བསྟན་པ། ཚུལ་ཁྲིམས་སོགས་རྐང་པ་དྲུག །གཉིས་པ་རྒྱས་པར་བཤད་པ་ལ། ཉེས་སྤྱོད་སྡོམ་པའི་ཚུལ་ཁྲིམས། དགེ་བ་ཆོས་སྡུད་ཀྱི་ཚུལ་ཁྲིམས། སེམས་ཅན་དོན་བྱེད་ཀྱི་ཚུལ་ཁྲིམས་དང་གསུམ། དང་པོ། ཉེས་སྤྱོད་སྡོམ་པའི་ཚུལ་ཁྲིམས་བཤད་པ་ལ་ཉེས་སྤྱོད་སྡོམ་པ་དངོས་བཤད་པ་དང༌། སྡོམ་པ་གསུམ་ལྡན་གྱི་མཐའ་དཔྱད་པ་གཉིས། དང་པོ་ཐེག་པ་གོང་འོག་གི་སྡོམ་པའི་ཁྱད་པར་བཤད་པ་དང༌། ཐེག་ཆེན་ཉེས་སྤྱོད་སྡོམ་པ་དངོས་བཤད་པ་གཉིས། དང་པོ། ནང་གསེས་སོགས་རྐང་པ་ཉེར་གཉིས། གཉིས་པ་ལ་སྤྱིར་བསྟན་པ་དང༌། བྱེ་བྲག་ཏུ་དབྱེ་བ་གཉིས། དང་པོ་སྤྱིར་བསྟན་པ་ནི། དང་པོའི་སོགས་རྐང་པ་བཅུ། གཉིས་པ་བྱེ་བྲག་ཏུ་བཤད་པ་ལ། མདོར་བསྟན་པ་དང༌། རྒྱས་པར་བཤད་པ་གཉིས། དང་པོ་མདོར་བསྟན་པ། གང་ཞིག་སོགས་རྐང་པ་དྲུག །གཉིས་པ་རྒྱས་པར་བཤད་པ་ལ་གཉིས། དང་པོ་ཁྱིམ་པའི་བསླབ་བྱ་བཤད་པ། དབྱེ་ན་སོགས་རྐང་པ་བཅུ་བཞི། གཉིས་པ་རབ་བྱུང་གི་བསླབ་བྱ་བཤད་པ། དགེ་ཚུལ་སོགས་རྐང་པ་ཞེ་གཅིག །གཉིས་པ་སྡོམ་པ་གསུམ་

― ZP02_Page_221 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་དུ་བསྲུང་ཚུལ་གྱི་མཐའ་དཔྱད་པ་ལ་གསུམ། དང་པོ་རང་བཞེད་རྒྱས་པར་བཞག་པ། མྱ་ངན་སོགས་རྐང་པ་ཉེར་དགུ། གཉིས་པ་བཞེད་སྲོལ་གཞན་གྱི་གནད་བསྡུ་ཚུལ། གྲུབ་པའི་སོགས་རྐང་པ་བཅོ་བརྒྱད། གསུམ་པ་གང་ཟག་གི་རྒྱུད་ཚོད་དང་སྦྱར་ནས་ཉམས་སུ་ལེན་ཚུལ་གྱིས་མཇུག་བསྡུ་བ། ལུས་ངག་སོགས་རྐང་པ་ཉེར་གཅིག །གཉིས་པ་དགེ་བ་ཆོས་སྡུད་ཀྱི་ཚུལ་ཁྲིམས། ཕ་རོལ་སོགས་རྐང་པ་བཅུ་དྲུག །གསུམ་པ་སེམས་ཅན་དོན་བྱེད་ཀྱི་ཚུལ་ཁྲིམས། ཐབས་ལ་སོགས་རྐང་པ་བཅུ་གཉིས། གསུམ་པ་བཟོད་པའི་ཕ་རོལ་ཏུ་ཕྱིན་པ་ལ་གསུམ། དང་པོ་བཟོད་པ་གསུམ་གྱི་རང་བཞིན་སྤྱིར་བསྟན་པ། འདི་ན་སོགས་རྐང་པ་བཞི། གཉིས་པ་གནོད་བྱེད་ལ་ཇི་མི་སྙམ་པའི་བཟོད་པ་བྱེ་བྲག་ཏུ་བཤད་པ། ཡིད་ནི་སོགས་ཚིགས་བཅད་དྲུག །གསུམ་པ་སྐབས་ཀྱི་མཇུག་བསྡུ་བ། གང་ཕྱིར་སོགས་རྐང་པ་བཞི། བཞི་པ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་གཉིས། དང་པོ་མདོར་བསྟན་པ། དུས་ལས་སོགས་རྐང་པ་བཞི། གཉིས་པ་རྒྱས་པར་བཤད་པ་ལ་གཉིས། དང་པོ་བརྩོན་འགྲུས་ཀྱི་མི་མཐུན་ཕྱོགས། བྱ་བ་སོགས་རྐང་པ་བཞི། གཉིས་པ་བརྩོན་འགྲུས་དངོས་བཤད་པ། བདུད་བཞི་སོགས་ཚིགས་བཅད་གསུམ། ལྔ་པ་བསམ་གཏན་གྱི་ཕ་རོལ་ཏུ་ཕྱིན་པ་བཤད་པ་ལ། བསམ་གཏན་འགྲུབ་པའི་རྒྱུ་ཚོགས་བཤད་པ་དང༌། བསམ་གཏན་དངོས་

― ZP02_Page_222 ―

^{[མ་དཔེ་གཟིགས་ན་འདིར་གནོན།]}

[Full Size]

བཤད་པ་གཉིས། དང་པོ་བསམ་གཏན་འགྲུབ་པའི་རྒྱུ་ཚོགས་བཤད་པ་ལ་ལྔ། དང་པོ་ནགས་ཚལ་གྱི་གནས་ལ་བསྔགས་པ། ནགས་ཚལ་སོགས་ཚིགས་བཅད་གཉིས། གཉིས་པ་ལོངས་སྤྱོད་ལ་ཆགས་པ་སྤང་བ། དེ་རུ་སོགས་ཚིགས་བཅད་གསུམ། གསུམ་པ་གྲོགས་ངན་ལ་ཆགས་པ་སྤོང་བ། སོ་སོའི་སོགས་ཚིགས་བཅད་གསུམ། བཞི་པ་ཡུལ་ལ་ཆགས་པ་སྤང་བ། ཡུལ་ནི་སོགས་ཚིགས་བཅད་གཉིས། ལྔ་པ་དབེན་པའི་ཡོན་ཏན་དྲན་པ། བས་མཐའ་སོགས་ཚིགས་བཅད་གསུམ། གཉིས་པ་བསམ་གཏན་དངོས་བཤད་པ་ལ་གསུམ། དང་པོ་བསམ་གཏན་སྤྱིའི་ངོ་བོ། །གང་དུ་སོགས་རྐང་པ་བཅུ་གཅིག །གཉིས་པ་བསམ་གཏན་གྱི་དབྱེ་བ། དབྱེ་ན་སོགས་ཤོ་ལོ་ཀ་ལྔ། གསུམ་པ་ལམ་གྱི་ཡོན་ཏན་བསྐྱེད་པའི་བསམ་གཏན་བསྟན་པ། ཡོན་ཏན་སོགས་རྐང་པ་དྲུག །དྲུག་པ་ཤེས་རབ་ཀྱི་ཕ་རོལ་ཏུ་ཕྱིན་པ་བཤད་པ་ལ། ཤེས་རབ་གསུམ་གྱི་རང་བཞིན་སྤྱིར་བསྟན་པ་དང༌། ཐོས་བསམ་བསྒོམ་པའི་ཤེས་རབ་བྱེ་བྲག་ཏུ་བཤད་པ་གཉིས། །དང་པོ། ལྷག་པ་སོགས་རྐང་པ་དགུ། གཉིས་པ་ཐོས་བསམ་བསྒོམ་པའི་ཤེས་རབ་བྱེ་བྲག་ཏུ་བཤད་པ་ལ། ཐོས་པའི་ཤེས་རབ། བསམ་པའི་ཤེས་རབ། སྒོམ་པའི་ཤེས་རབ་དང་གསུམ། དང་པོ་ཐོས་པའི་ཤེས་རབ་ལ། ཐོས་པ་གཙོ་ཆེ་བའི་རྒྱུ་མཚན་དང༌། ཐོས་པ་དངོས་བཤད་པ་གཉིས། དང་པོ། དེ་ཡང་སོགས་་

― ZP02_Page_223 ―

^{[མ་དཔེ་གཟིགས་ན་འདིར་གནོན།]}

[Full Size]

རྐང་པ་བཞི། གཉིས་པ་ཐོས་པ་དངོས་བཤད་པ་ལ། འཇལ་བྱེད་རིན་ཆེན་ལྡེ་མིག་གི་རྣམ་བཞག་དང༌། གཞལ་བྱ་དམ་ཆོས་མཛོད་ཀྱི་རྣམ་བཞག་གཉིས། དང་པོ་ལ་མདོར་བསྟན་པ་དང༌། རྒྱས་པར་བཤད་པ་གཉིས། དང་པོ་མདོར་བསྟན་པ། གཞལ་བྱའི་སོགས་རྐང་པ་གཉིས། གཉིས་པ་རྒྱས་པར་བཤད་པ་ལ། དྲང་ངེས་ཀྱི་ཁྱད་པར་དང༌། དགོངས་ལྡེམ་གྱི་ཁྱད་པར་བཤད་པ་ལ་གཉིས། དང་པོ། དྲང་ངེས་ཀྱི་ཁྱད་པར། ཆོས་རྣམས་སོགས་རྐང་པ་དྲུག །གཉིས་པ་དགོངས་ལྡེམ་གྱི་ཁྱད་པར་བཤད་པ་ལ་གསུམ། དང་པོ་དགོངས་པ་བཞི་བཤད་པ། དེ་དག་སོགས་རྐང་པ་བཅུ་གཅིག །གཉིས་པ་ལྡེམ་དགོངས་བཞི་བཤད་པ། ལྡེམ་པོར་སོགས་རྐང་པ་ཉེར་དྲུག །གསུམ་པ་དེ་གཉིས་ཀྱི་ཁྱད་པར་བཤད་པ། མདོར་ན་སོགས་རྐང་པ་ལྔ། གཉིས་པ་གཞལ་བྱ་དམ་ཆོས་མཛོད་ཀྱི་རྣམ་བཞག་བཤད་པ་ལ་གསུམ། བདེན་གཉིས་ཀྱི་རང་བཞིན་སྤྱིར་བཤད་པ། གྲུབ་མཐའི་འདོད་གཞུང་བྱེ་བྲག་ཏུ་བཤད་པ། སྐབས་ཀྱི་མཇུག་བསྡུ་བ་དང་གསུམ། དང་པོ་བདེན་གཉིས་ཀྱི་རང་བཞིན་སྤྱིར་བསྟན་པ་ལ་གཉིས། གཞལ་བྱའི་སོགས་རྐང་པ་བཞིས། མདོར་བསྟན་ཀུན་རྫོབ་སོགས་རྐང་པ་ཉེར་གཅིག་གིས་རྒྱས་པར་བཤད་པའོ། །གཉིས་པ་གྲུབ་མཐའི་འདོད་གཞུང་བྱེ་བྲག་ཏུ་བཤད་པ་ལ་བཞི། དང་པོ་རེ་ཞིག་སོགས་རྐང་པ་བཞིས་བྱེ་བྲག་སྨྲ་བ། གཉིས་པ། དོན་བྱེད་སོགས་རྐང་པ་

― ZP02_Page_224 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིས་མདོ་སྡེབ། གསུམ་པ། གཟུང་འཛིན་སོགས་རྐང་པ་བཞིས་སེམས་ཙམ་པ། བཞི་པ་དབུ་མ་པ་ལ་གསུམ། ཇི་ལྟར་སོགས་བཞིས་རང་རྒྱུད་པ་དང༌། འདི་ལྟར་སོགས་བཅུས་ཐལ་འགྱུར་བ། རང་རང་སོགས་རྐང་པ་དྲུག་གིས་དེ་དག་གི་དོན་བསྡུ་བའོ། །གསུམ་པ་སྐབས་ཀྱི་མཇུག་བསྡུ་བ་འདིར་གང་སོགས་རྐང་པ་དགུའོ། །གཉིས་པ་བསམ་པའི་ཤེས་རབ་ལ། མདོར་བསྟན་པ་དང༌། རྒྱས་པར་བཤད་པ་གཉིས། དང་པོ་གང་ཞིག་སོགས་རྐང་པ་བཞི། གཉིས་པ་རྒྱས་པར་བཤད་པ་ལ་གསུམ། དང་པོ། སྣང་སྲིད་སོགས་རྐང་པ་ཉེར་གཉིས་ཀྱིས་གཤིས་ཀྱི་རྟེན་འབྲེལ། གཉིས་པ་སྣང་ཡུལ་སོགས་ཚིགས་བཅད་གཉིས་ཀྱིས་འཁོར་པའི་རྟེན་འབྲེལ། གསུམ་པ་མྱང་འདས་སོགས་ཚིགས་བཅད་གསུམ་ཀྱིས་མྱང་འདས་རྟེན་འབྲེལ་ལོ། །གསུམ་པ་སྒོམ་པའི་ཤེས་རབ་ལ། མདོར་བསྟན་པ་དང༌། རྒྱས་པར་བཤད་པ་གཉིས། དང་པོ། །དེ་ལྟར་སོགས་ཤོ་ལོ་ཀ་གཅིག །གཉིས་པ་ལ་གསུམ། དང་པོ། །བསྒོམ་པའི་ཤེས་རབ་དངོས་བཤད་པ། ནམ་མཁའ་སོགས་རྐང་པ་བཅོ་བརྒྱད། གཉིས་པ་ལམ་བགྲོད་ཚུལ་བཤད་པ། གང་དུ་སོགས་རྐང་པ་བཅུ་གཉིས། གསུམ་པ་འབྲས་བུ་ཐོབ་ཚུལ་བཤད་པ། མཉམ་པར་སོགས་རྐང་པ་བཞི། བཞི་པ་ཕྱིན་དྲུག་གི་དོན་བསྡུ་བ། འདི་ལྟར་སོགས་རྐང་པ་བཞིའོ། །ལེའུ་དགུ་པའི་ས་བཅད་དོ། ༈ །གཉིས་པ་

― ZP02_Page_225 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་གྱི་སྦས་དོན་གསང་སྔགས་རྡོ་རྗེ་ཐེག་པ་ལྟར་བཤད་པ་ལ་གསུམ། མདོ་སྔགས་ལམ་གྱི་ཁྱད་པར་བཤད་པ། གསང་སྔགས་རྒྱུད་སྡེའི་དབྱེ་བ་བཤད་པ། བླ་ན་མེད་པའི་ཐེག་པ་བྱེ་བྲག་ཏུ་བཤད་པའོ། །དང་པོ་མདོ་སྔགས་ལམ་གྱི་ཁྱད་པར་བཤད་པ། བྱང་ཆུབ་སོགས་ཚིག་བཅད་གཉིས། །གཉིས་པ་གསང་སྔགས་རྒྱུད་སྡེའི་དབྱེ་བ་བཤད་པ་ལ་གསུམ། སྤྱིར་རྒྱུད་སྡེ་བཞིར་དབྱེ་བ། དེ་ལས་ཕྱི་རྒྱུད་བཤད་པ། ནང་རྒྱུད་བཤད་པའོ། །དང་པོ་རྒྱུད་སྡེ་བཞིར་དབྱེ་བ། དུས་ལ་སོགས་རྐང་པ་དྲུག །གཉིས་པ་ཕྱི་རྒྱུད་སྡེ་གསུམ་བཤད་པ་ལ་གཉིས། དང་པོ་སྤྱིར་བཤད་པ། དང་པོ་སོགས་རྐང་པ་དྲུག །གཉིས་པ་བྱེ་བྲག་ཏུ་བཤད་པ་ལ་བཞི། དང་པོ་བྱ་སྤྱོད་ཀྱི་ཁྱད་པར། དབྱེ་བ་སོགས་རྐང་པ་གསུམ། གཉིས་པ་བྱ་རྒྱུད་བཤད་པ། བྱ་བའི་སོགས་རྐང་པ་ལྔ། གསུམ་པ་སྤྱོད་རྒྱུད་བཤད་པ། བྱ་བའི་སོགས་རྐང་པ་བཞི། བཞི་པ་རྣལ་འབྱོར་རྒྱུད་བཤད་པ་ནི། རྣལ་འབྱོར་སོགས་ཚིགས་བཅད་གཉིས། གསུམ་པ་ནང་རྒྱུད་བཤད་པ་ལ་གསུམ། དང་པོ་སྤྱིར་བཤད་པ། བླ་ན་སོགས་རྐང་པ་ལྔ། གཉིས་པ་བྱེ་བྲག་ཏུ་བཤད་པ། རྣལ་འབྱོར་སོགས་རྐང་པ་དྲུག །གསུམ་པ་བླ་ན་མེད་པའི་རྒྱུད་སྡེ་བྱེ་བྲག་ཏུ་བཤད་པ་ལ་གཉིས། ལམ་གྱི་སྤྱི་ཆིངས་མདོར་བསྟན་པ་དང༌། ཉམས་ལེན་གྱི་ལམ་དངོས་རྒྱས་པར་བཤད་པ་གཉིས། དང་པོ་ལམ་གྱི་སྤྱི་

― ZP02_Page_226 ―

^{[མ་དཔེ་གཟིགས་ན་འདིར་གནོན།]}

[Full Size]

ཆིངས། ཀུན་གྱི་སོགས་རྐང་པ་བཞི། གཉིས་པ་ཉམས་ལེན་གྱི་ལམ་དངོས་བཤད་པ་ལ། ཀུན་གཞི་རྒྱུ་རྒྱུད་དུ་ལྟ་སྒོམ་སྤྱོད་འབྲས་བཞི་ཉམས་སུ་བླང་བ། ལམ་ཐབས་རྒྱུད་དུ་སྨིན་གྲོལ་ཡན་ལག་དང་བཅས་པ་ཉམས་སུ་བླང་བ་གཉིས། དང་པོ། རང་བཞིན་སོགས་རྐང་པ་བཞི། གཉིས་པ་ལ། མདོར་བསྟན་པ་དང་རྒྱས་པར་བཤད་པ་གཉིས། དང་པོ་མདོར་བསྟན་པ། འཇུག་པའི་སོགས་རྐང་པ་བཞི། གཉིས་པ་རྒྱས་པར་བཤད་པ་ལ་གསུམ་སྨིན་བྱེད་ཀྱི་དབང༌། གྲོལ་བྱེད་ཀྱི་བསྐྱེད་རྫོགས། མཐུན་པའི་གྲོགས་དམ་ཚིག་རྒྱས་པར་བཤད་པ་གསུམ། དང་པོ། །སྨིན་བྱེད་དབང་བསྐུར་བ་བཤད་པ་ལ་གསུམ། དབང་ཐོབ་དགོས་པའི་རྒྱུ་མཚན། སློབ་དཔོན་དང་སློབ་མའི་མཚན་ཉིད། དབང་བསྐུར་བ་དངོས་སོ། །དང་པོ་དབང་ཐོབ་དགོས་པའི་རྒྱུ་མཚན། དང་པོ་སོགས་རྐང་པ་བདུན། གཉིས་པ་སློབ་དཔོན་དང་སློབ་མའི་མཚན་ཉིད། དབང་བསྐུར་སོགས་རྐང་པ་བརྒྱད། གསུམ་པ་དབང་བསྐུར་བ་དངོས་བཤད་པ་ལ། དབང་གི་ཡན་ལག་བཤད་པ། བསྙེན་པ་སོགས་རྐང་པ་ལྔ། གཉིས་པ་དབང་དངོས་གཞི་བཤད་པ་ལ། དབང་སྤྱིའི་རྣམ་བཞག་མདོར་བསྟན་པ་དང༌། དབང་བཞིའི་ངོ་བོ་བྱེ་བྲག་ཏུ་བཤད་པའོ། །དང་པོ་དབང་སྤྱིའི་རྣམ་པར་བཞག་པ། མདོར་བསྟན་པ་ལ་གསུམ། དང་པོ་རྒྱུད་སྡེ་སོ་སོའི་དབང་གི་དབྱེ་བ་བཤད་པ། རྒྱུད་སྡེ་སོགས་རྐང་པ་

― ZP02_Page_227 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུ། གཉིས་པ་དབང་ཐོབ་པའི་རྒྱུ་རྐྱེན་བཤད་པ། གཞི་དང་སོགས་རྐང་པ་དགུ། གསུམ་པ་དབང་གི་གྲངས་ངེས་བཤད་པ། གཉེན་པོ་སོགས་རྐང་པ་ལྔ། གཉིས་པ་དབང་གི་ངོ་བོ་བྱེ་བྲག་ཏུ་བརྗོད་པ་ལ་བཞི། དང་པོ་དབང་བཞི་རྒྱས་པར་བཤད་པ། འདོད་པའི་སོགས་རྐང་པ་གསུམ་གྱིས་མདོར་བསྟན། དེ་སོགས་རྐང་པ་བཅུ་གཅིག་གིས་བུམ་དབང༌། བྷ་གའི་སོགས་རྐང་པ་བརྒྱད་ཀྱིས་གསང་དབང༌། གདན་གསུམ་སོགས་རྐང་པ་དགུས་ཤེར་དབང༌། བྱང་ཆུབ་སོགས་རྐང་པ་བརྒྱད་ཀྱིས་ཚིག་དབང་བསྟན་ནོ། །གཉིས་པ་དབང་གི་སྒྲ་དོན། སྒྲ་དོན་སོགས་རྐང་པ་བཅུ། གསུམ་པ་རྒྱུ་ལམ་འབྲས་བུའི་དབང་བསྟན་པ། དབང་ཐོབ་སོགས་རྐང་པ་གསུམ་མོ། །གཉིས་པ་གྲོལ་བྱེད་བསྐྱེད་རྫོགས་ཀྱི་ལམ་བཤད་པ་ལ། མདོར་བསྟན་པ་དང༌། རྒྱས་པར་བཤད་པ་གཉིས། དང་པོ་མདོར་བསྟན་པ། གཉིས་པ་སོགས་རྐང་པ་གཅིག །གཉིས་པ་རྒྱས་པར་བཤད་པ་ལ། བསྐྱེད་རིམ་བཤད་པ་དང༌། རྫོགས་རིམ་བཤད་པ་གཉིས། དང་པོ་བསྐྱེད་རིམ་བཤད་པ་ལ། མདོར་བསྟན་པ་དང༌། རྒྱས་པར་བཤད་པ་གཉིས། དང་པོ་མདོར་བསྟན་པ། དང་པོ་སོགས་རྐང་པ་གཉིས། གཉིས་པ་རྒྱས་པར་བཤད་པ་ལ་དག་རྫོགས་སྨིན་གསུམ་སྤྱིར་བཤད་པ། སྐྱེ་གནས་བཞིའི་བག་ཆགས་སྦྱོང་ཚུལ་རྒྱས་པར་བཤད་པ། བསྐྱེད་གཞི་ཏིང་འཛིན་རྣམ་

― ZP02_Page_228 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་སྒོམ་པ། ས་ལམ་རིམ་པར་བགྲོད་ཚུལ་བཤད་པ་དང་བཞི། དང་པོ་དག་རྫོགས་སྨིན་གསུམ་གྱི་གོ་བ་སྤྱིར་བཤད་པ་ནི། བསྐྱེད་ཚུལ་སོགས་རྐང་པ་དྲུག །གཉིས་པ་སྐྱེ་གནས་བཞིའི་བག་ཆགས་སྦྱོང་ཚུལ་བཤད་པ་ལ་ལྔ། སྒོང་སྐྱེས་སྦྱོང་བ། མངལ་སྐྱེས་སྦྱོང་བ། དྲོད་གཤེར་སྐྱེས་སྦྱོང་བ། རྫུས་སྐྱེས་སྦྱོང་བ། སྐྱེ་གནས་བཞིའི་མཇུག་བསྡུ་བ་དང་ལྔ། དང་པོ་སྒོང་སྐྱེས་སྦྱོང་བ་ལ་གཉིས། ཇི་ལྟར་སོགས་རྐང་པ་བཅོ་བརྒྱད་ཀྱིས་རྒྱས་པ། བསྡུ་ན་སོགས་རྐང་པ་བཞིས་བསྡུས་པའོ། །གཉིས་པ་མངལ་སྐྱེས་སྦྱོང་བ་ལ་གསུམ། དང་པོ་མངོན་བྱང་བཞི་བསྐྱེད། མངལ་སྐྱེས་སོགས་རྐང་པ་བཅུ། གཉིས་པ་རྡོ་རྗེའི་ཆོ་ག་གསུམ་བསྐྱེད། ཕྱག་རྒྱ་སོགས་རྐང་པ་གསུམ། གསུམ་པ་མངོན་བྱང་ལྔ་བསྐྱེད་ལ་གཉིས། བར་མ་སོགས་རྐང་པ་ལྔས་གཞི་འབྲས་ལྟོ་སྦྱར་ཏེ་སྤྱིར་བཤད། མངོན་བྱང་སོགས་ཤོ་ལོ་ཀ་དྲུག་གིས་མངོན་བྱང་ལྔ་བྱེ་བྲག་ཏུ་བཤད་པའོ། །གསུམ་པ་དྲོད་གཤེར་སྐྱེས་སྦྱོང་བ། དྲོད་གཤེར་སོགས་རྐང་པ་བཞི། བཞི་པ་རྫུས་སྐྱེས་སྦྱོང་བ། རྫུས་ཏེ་སོགས་རྐང་པ་གཉིས། ལྔ་པ་སྐྱེ་གནས་བཞིའི་འཇུག་བསྡུ་བ། སྒོམ་ཚུལ་སོགས་རྐང་པ་བཞི། གསུམ་པ་བསྐྱེད་གཞི་ཏིང་འཛིན་རྣམ་གསུམ་སྒོམ་པ། ཀུན་ཀྱང་སོགས་ཚིགས་བཅད་གཉིས། བཞི་པ་ས་ལམ་བསྒྲོད་ཚུལ། སྔགས་སུ་སོགས་རྐང་པ་དགུ། གཉིས་པ་རྫོགས་རིམ་ལ།

― ZP02_Page_229 ―

^{[མ་དཔེ་གཟིགས་ན་འདིར་གནོན།]}

[Full Size]

མདོར་བསྟན་པ་དང༌། རྒྱས་པར་བཤད་པ་གཉིས། དང་པོ་མདོར་བསྟན་པ། གཉིས་པ་སོགས་རྐང་པ་བཅུ། གཉིས་པ་རྒྱས་པར་བཤད་པ་ལ། སྣང་བཅས་ཀྱི་རྫོགས་རིམ་བཤད་པ་དང༌། སྣང་མེད་ཀྱི་རྫོགས་རིམ་བཤད་པ་གཉིས། དང་པོ་སྣང་བཅས་ཀྱི་རྫོགས་རིམ་བཤད་པ་ལ། རྡོ་རྗེ་ལུས་ཀྱི་གནས་ལུགས་བཤད་པ་དང༌། རྫོགས་རིམ་དངོས་བཤད་པ་གཉིས། དང་པོ་རྡོ་རྗེ་ལུས་ཀྱི་གནས་ལུགས་བཤད་པ་ལ། རྒྱུད་སྡེ་སྤྱིའི་ལུགས་བཤད་པ་དང༌། སྒྱུ་འཕྲུལ་གསང་ཐིག་གི་ལུགས་བཤད་པ་གཉིས། དང་པོ་རྒྱུད་སྡེ་སྤྱིའི་ལུགས་བཤད་པ་ལ། མདོར་བསྟན་པ་དང༌། རྒྱས་པར་བཤད་པ་སྐབས་བསྡུ་བ་དང་གསུམ། དང་པོ་མདོར་བསྟན་པ། དང་པོའི་སོགས་རྐང་པ་གསུམ། གཉིས་པ་རྒྱས་པར་བཤད་པ་ལ་གསུམ། དང་པོ་གནས་པ་རྩ་བཤད་པ་ལ། མ་ཡི་སོགས་ཚིགས་བཅད་གསུམ་གྱིས་རྩ་གཙོ་བོ་གསུམ་བསྟན། རིམ་བཞིན་སོགས་རྐང་པ་སོ་གཅིག་གིས་རྩ་འཁོར་གྱི་རྣམ་གྲངས་བཤད། གཉིས་པ་གཡོ་བ་རླུང་བཤད་པ། གཡོ་བ་སོགས་ཤོ་ལོ་ཀ་གསུམ་གྱིས་ཕྱིའི་རླུང༌། ནང་གི་སོགས་རྐང་པ་བདུན་གྱིས་ནང་གི་རླུང༌། གསང་བའི་སོགས་རྐང་པ་གཉིས་ཀྱིས་གསང་བའི་རླུང་ངོ༌། །གསུམ་པ་བཀོད་པ་བྱང་ཆུབ་སེམས་བཤད་པ། གསུམ་པ་སོགས་རྐང་པ་དགུ། གསུམ་པ་སྐབས་བསྡུ་བ། མདོར་ན་སོགས་རྐང་པ་དགུ། གཉིས་པ་སྒྱུ་

― ZP02_Page_230 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྲུལ་གསང་ཐིག་གི་ལུགས་བཤད་པ། ཁྱད་པར་སོགས་རྐང་པ་སོ་གཅིག །གཉིས་པ་རྫོགས་པའི་རིམ་པ་དངོས་བཤད་པ་ལ་གཉིས། དང་པོ་རང་ལུས་ཐབས་ལྡན་བསྟན་པ། དེ་ལྟར་སོགས་རྐང་པ་དྲུག །གཉིས་པ་གཞན་ལུས་ཐབས་ལྡན་བཤད་པ། རྩ་ཐིག་སོགས་རྐང་པ་གསུམ། གཉིས་པ་སྣང་མེད་ཀྱི་རྫོགས་རིམ་བཤད་པ། གཉིས་པ་སོགས་རྐང་པ་བདུན། གསུམ་པ་མཇུག་བསྡུ་བ། བསྐྱེད་རིམ་སོགས་རྐང་པ་བདུན། གསུམ་པ་ཡན་ལག་དམ་ཚིག་བཤད་པ་ལ། མདོར་བསྟན་པ་དང༌། རྒྱས་པར་བཤད་པ་གཉིས། དང་པོ་མདོར་བསྟན་པ། གསུམ་པ་སོགས་རྐང་པ་བཞི། གཉིས་པ་རྒྱས་པར་བཤད་པ་ལ། དམ་ཚིག་གི་རྣམ་གྲངས་བཤད་པ། ཉམས་ན་ཕྱིར་བཅོས་བཤད་པ། ཉམས་པའི་ཉེས་དམིགས་བཤད་པ། བསྲུང་བའི་ཕན་ཡོན་བཤད་པའོ། །དང་པོ། དམ་ཚིག་གི་རྣམ་གྲངས་བཤད་པ་ལ། བླ་མེད་སྤྱིའི་སྡོམ་པ་བཤད་པ། མདོ་སྒྱུ་སེམས་གསུམ་གྱི་ཁྱད་པར་བཤད་པ། བརྟུལ་ཞུགས་ཉེར་ལྔ་དང་རིགས་ལྔའི་སྡོམ་པ་བཤད་པ་དང་གསུམ། དང་པོ་བླ་མེད་སྤྱིའི་སྡོམ་པ་བཤད་པ་ལ་དྲུག །དང་པོ་དམ་སྡོམ་གྱི་ཁྱད་པར་བཤད་པ། དེ་ལ་སོགས་རྐང་པ་བཞི། གཉིས་པ་རྟེན་གྱི་གང་ཟག །ཀུན་གྱི་སོགས་རྐང་པ་དྲུག །གསུམ་པ་ལྟུང་བའི་ཡན་ལག །བྱང་ཆུབ་སོགས་རྐང་པ་བཅུ་གཅིག །བཞི་པ་བསྲུང་བྱེད་ཀྱི་ཐབས། དེ་ཡི་སོགས་རྐང་པ་བཅོ་བརྒྱད། ལྔ་པ་བསྲུང་བྱ་དངོས་བཤད་པ་ལ་

― ZP02_Page_231 ―

^{[མ་དཔེ་གཟིགས་ན་འདིར་གནོན།]}

[Full Size]

རྩ་ལྟུང་བཅུ་བཞི་བཤད་པ་དང༌། ཡན་ལག་སྦོམ་པོ་བཤད་པ་གཉིས། དང་པོ་རྩ་ལྟུང་བཅུ་བཞི་བཤད་པ་ལ། ཐོག་མ་སོགས་རྐང་པ་གཉིས་ཀྱིས་མདོར་བསྟན། དེ་ནས་རིམ་བཞིན། བླ་མ་སྨོད་པའི་རྩ་ལྟུང་ལ་ལྔ། བདེ་གཤེགས་བཀའ་འདས་ལ་བཞི། མཆེད་ལ་འཁུ་བར་བཞི། བྱམས་པ་འདོར་བར་ལྔ། བྱང་སེམས་སྤོང་བར་བཞི། གྲུབ་མཐའ་སྨོད་པ་ལ་བཞི། གསང་སྒྲོགས་ལ་དྲུག །ཕུང་པོ་སྨོད་པ་ལ་བཞི། ཆོས་ལ་ཐེ་ཚོམ་ཟ་བར་བཞི། གདུག་ལ་བྱམས་པར་བཞི། ཆོས་ལ་ཚད་མས་གཞལ་བར་བཞི། དད་སུན་འབྱིན་པར་བཞི། དམ་རྫས་མི་བརྟེན་པར་བཞི། བུད་མེད་སྨོད་པར་བཞིའོ། །ཡན་ལག་སྦོམ་པོ་བཤད་པ་ལ། དང་པོ། །ཀླུ་སྒྲུབ་ཀྱི་ལུགས། བཅུ་བཞིའི་སོགས་རྐང་པ་གསུམ་གྱིས་མདོར་བསྟན་ནས་ལྷག་མ་རྐང་པ་གཉིས་རེས་བཤད་དོ། །དེ་ནས་ཀླུ་སྒྲུབ་སོགས་རྐང་པ་བརྒྱད་ཀྱིས་སྦོམ་པོའི་རྣམ་གྲངས་དང༌། ཡང་འདི་ལྟར་སོགས་རྐང་པ་དྲུག་གིས་རྩ་ལྟུང་གོང་མའི་ཁུངས་དང་དེ་ལས་གཞན་པའི་རྩ་ལྟུང་སོགས་བཤད་དོ། །དྲུག་པ་ཉམས་ན་བཅོས་ཐབས་བཤད་པ། རྣལ་འབྱོར་སོགས་ཚིགས་བཅད་དྲུག །གཉིས་པ་མདོ་སྒྱུ་སེམས་གསུམ་གྱི་རང་ལུགས་བཤད་པ་ལ་གསུམ། དང་པོ་སྤྱི་མདོ་དགོངས་འདུས་ཀྱི་ལུགས། སྤྱི་མདོར་སོགས་རྐང་པ་གསུམ། གཉིས་པ་སྒྱུ་འཕྲུལ་གྱི་ལུགས། སྒྱུ་འཕྲུལ་སོགས་རྐང་པ་བཅུ་དགུ། གསུམ་པ་སེམས་

― ZP02_Page_232 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་ཀྱི་དམ་ཚིག་ལ་བསྲུང་དུ་མེད་པ་དང་ཡོད་པ་གཉིས། དང་པོ། །སེམས་ཀྱི་སོགས་རྐང་པ་ལྔ། གཉིས་པ། ལམ་ཞུགས་སོགས་རྐང་པ་བཅུ་གཉིས་ཀྱིས་རྩ་བ་དང༌། ཐབས་ཀྱི་སོགས་ཤོ་ལོ་ཀ་གསུམ་གྱིས་ཡན་ལག་གི་དམ་ཚིག་བཤད་དོ། །གསུམ་པ་བརྟུལ་ཞུགས་ཉེར་ལྔ་དང་རིགས་ལྔའི་སྡོམ་པ་བཤད་པ། དེ་བཞིན་སོགས་རྐང་པ་ལྔ་བཅུ། གཉིས་པ་ཉམས་ན་ཕྱིར་བཅོས་བཤད་པ་ལ་གསུམ། ཉམས་ན་སོགས་རྐང་པ་བརྒྱད་ཀྱིས་གསོ་སླ་བའི་རྒྱུ་མཚན། བླ་མ་སོགས་རྐང་པ་ལྔས། སྐུ་གསུང་ཐུགས་ཀྱི་ཕྱིར་བཅོས། དྲུག་ཆ་སོགས་རྐང་པ་དགུས། ཐུན་འདས་ཀྱི་ཕྱིར་བཅོས། གཞན་ཡང་སོགས་དེ་ལས་གཞན་པའི་ཕྱིར་བཅོས་ཀྱི་རྣམ་གྲངས་སོ། །གསུམ་པ་ཉམས་པའི་ཉེས་དམིགས། མ་བཤགས་སོགས་རྐང་པ་གཉིས། བཞི་པ་བསྲུང་བའི་ཕན་ཡོན། དམ་ཚིག་སོགས་རྐང་པ་དྲུག་གོ །ལེའུ་བཅུ་པའི་ས་བཅད་དོ། ༈ །དོན་གསུམ་པ་ལམ་ཀྱི་ཉེ་ལམ་རང་བཞིན་རྫོགས་པ་ཆེན་པོ་ལྟར་བཤད་པ་ལ། གཞི་གཏན་ལ་དབབ་པ། ལམ་ཉམས་སུ་བླང་བ། འབྲས་བུ་ལྷུན་གྲུབ་ཆེན་པོ་བཤད་པའོ། །དང་པོ་གཞི་གཏན་ལ་དབབ་པ་ལ། མདོར་བསྟན་པ་དང༌། རྒྱས་པར་བཤད་པ་གཉིས། དང་པོ་མདོར་བསྟན་པ། རྒྱལ་བའི་སོགས་རྐང་པ་བརྒྱས་གཉིས་པ་རྒྱས་པར་བཤད་པ་ལ་གསུམ། འཁོར་བ་མྱང་འདས་ཀྱི་སྤྱི་གཞི་བཤད་པ། ཀུན་ཏུ་བཟང་པོའི་གྲོལ་ཚུལ་བཤད་པ་མ་དག་སེམས་ཅན་གྱི་འཁྲུལ་ཚུལ་བཤད་པ་དང༌།

― ZP02_Page_233 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ། དང་པོ་འཁོར་འདས་ཀྱི་སྤྱི་གཞི་བཤད་པ་ལ། གཞི་བཤད་པ་དང༌། གཞི་སྣང་བཤད་པ་གཉིས། དང་པོ་གཞི་བཤད་པ་ལ་གསུམ། དང་པོ་གཞིའི་བཞུགས་ཚུལ་སྤྱིར་བཤད་པ། འདིར་ནི་སོགས་རྐང་པ་བརྒྱད། གཉིས་པ་གྲུབ་མཐའི་འདོད་གཞུང་བྱེ་བྲག་ཏུ་བཤད་པ། རེ་ཞིག་སོགས་རྐང་པ་བརྒྱད། གསུམ་པ་སྐྱོན་མེད་རང་གཞུང་གི་གཞི་རྒྱས་པར་བཤད་པ། འདི་ནི་སོགས་རྐང་པ་ཉི་ཤུ། གཉིས་པ་གཞི་སྣང་བཤད་པ། དེ་ཉིད་སོགས་རྐང་པ་བཅུ་གསུམ། གཉིས་པ་ཀུན་ཏུ་བཟང་པོའི་གྲོལ་ཚུལ་བཤད་པ་ལ་གསུམ། དང་པོ་ཆོས་སྐུའི་དབྱིངས་སུ་གྲོལ་ཚུལ། དེ་ཚེ་སོགས་རྐང་པ་བཅུ། གཉིས་པ་ལོངས་སྐུའི་ཞིང་ཁམས་བཀོད་ཚུལ། གང་ཚེ་སོགས་རྐང་པ་བཞི། གསུམ་པ་སྤྲུལ་སྐུའི་འགྲོ་དོན་མཛད་ཚུལ། དག་པ་སོགས་ཚིགས་བཅད་གསུམ། གཉིས་པ་མ་དག་པའི་སེམས་ཅན་གྱི་འཁྲུལ་ཚུལ་བཤད་པ་ལ་གསུམ། དང་པོ་འཁྲུལ་པའི་རྒྱུ་རྐྱེན་བཤད་པ། དེ་ཉིད་སོགས་རྐང་པ་བཅུ་བཞི། གཉིས་པ་འཁྲུལ་བའི་སྣང་ལུགས། འདི་ལྟར་སོགས་ཚིགས་བཅད་གསུམ། གསུམ་པ་སྣང་སེམས་ཀྱི་དབྱེ་བ་བཤད་པ། དེ་ལྟར་སོགས་ཚིགས་བཅད་བཞིའོ། །ལེའུ་བཅུ་གཅིག་པའི་ས་བཅད་དོ། ༈ །དོན་གཉིས་པ་ཉམས་སུ་བླང་ཚུལ་བཤད་པ་ལ། མདོར་བསྟན་པ་དང༌། རྒྱས་པར་བཤད་པ། སྐབས་བསྡུ་བ་དང་

― ZP02_Page_234 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ། དང་པོ་མདོར་བསྟན་པ། གང་ཞིག་སོགས་ཚིགས་བཅད་གཉིས། གཉིས་པ་རྒྱས་པར་བཤད་པ་ལ། ལམ་གྱི་ཁྱད་པར་བཤད་པ་དང༌། ལམ་དངོས་བཤད་པ་གཉིས། དང་པོ་ལམ་གྱི་ཁྱད་པར་བཤད་པ་ལ་གཉིས། དང་པོ་གཞན་ལས་འཕགས་པའི་ཁྱད་པར། རྩོད་པ་སོགས་ཚིགས་བཅད་གསུམ། གཉིས་པ་ནང་གསེས་སྡེ་གསུམ་གྱི་ཁྱད་པར། གང་ལ་སོགས་རྐང་པ་བཞི། གཉིས་པ་ལམ་དངོས་བཤད་པ་ལ་གསུམ། གྲོལ་ལུགས་ཀྱི་གདེང་བཤད་པ། ཤན་འབྱེད་ཀྱི་འཕྱོང་བཤད་པ། ཉམས་ལེན་གྱི་གནད་བཤད་པ་དང་གསུམ། དང་པོ་གྲོལ་ལུགས་ཀྱི་གདེང་བཤད་པ། ཀུན་ཀྱང་སོགས་ཚིགས་བཅད་གཉིས། གཉིས་པ་ཤན་འབྱེད་ཀྱི་འཕྱོང་བཤད་པ་ལ་བཅུ། དང་པོ། གང་དག་སོགས་ཚིགས་བཅད་གསུམ་གྱིས་སེམས་རིག་དོན་གྱི་ཤན་འབྱེད། གཉིས་པ། དེ་བཞིན་སོགས་རྐང་པ་བཞིས་གནས་པ་ངོ་བོའི་ཤན་འབྱེད། གསུམ་པ། རིག་པ་སོགས་རྐང་པ་བཞིས་འཕྲོ་བ་རྩལ་གྱི་ཤན་འབྱེད། བཞི་པ། རིག་པས་སོགས་རྐང་པ་བཅུ་གཅིག་གིས་གྲོལ་ཚུལ་གནད་ཀྱི་ཤན་འབྱེད། ལྔ་པ། དེ་བཞིན་སོགས་རྐང་པ་བཞིས་ཀུན་གཞི་ཆོས་སྐུའི་ཤན་འབྱེད། དྲུག་པ། གཞི་དེ་སོགས་རྐང་པ་བཞིས་འཁྲུལ་གྲོལ་སྐབས་ཀྱི་ཤན་འབྱེད། བདུན་པ། ཐོག་མའི་སོགས་རྐང་པ་བཞིས་གཞི་འབྲས་ལྷུན་གྲུབ་ཀྱི་ཤན་འབྱེད། བརྒྱད་པ།

― ZP02_Page_235 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་བཞིན་སོགས་རྐང་པ་བརྒྱད་ཀྱིས་ལམ་འབྲས་ཀ་དག་གི་ཤན་འབྱེད། དགུ་པ། དེ་བཞིན་སོགས་རྐང་པ་བཞིས་བར་དོ་ལྷ་ཡི་ཤན་འབྱེད། བཅུ་པ། ཁྱད་པར་སོགས་རྐང་པ་བཞིས་དབུགས་འབྱིན་ཞིང་གི་ཤན་འབྱེད་དོ། །གསུམ་པ། ཉམས་ལེན་གྱི་གནད་བཤད་པ་ལ། རིག་པ་རང་སྣང་གི་བློ་ཅན་གྱི་ཉམས་ལེན་བཤད་པ་དང༌། སྣང་བ་ཡུལ་གྱི་བློ་ཅན་གྱི་ཉམས་ལེན་བཤད་པ་གཉིས། དང་པོ་རིག་པ་རང་སྣང་གི་བློ་ཅན་གྱི་ཉམས་ལེན་བཤད་པ་ལ། ཀ་དག་ཁྲེག་ཆོད་ཀྱི་ལམ་བཤད་པ་དང༌། ལྷུན་གྲུབ་ཐོད་རྒལ་གྱི་ཁྱད་ཆོས་བཤད་པ་གཉིས། དང་པོ་ཀ་དག་ཁྲེག་ཆོད་ཀྱི་ལམ་བཤད་པ་ལ་བཞི། དང་པོ་དེ་ཕྱིར་སོགས་རྐང་པ་བདུན་གྱིས་ལྟ་བ། གཉིས་པ་དེ་ལ་སོགས་རྐང་པ་བཞིས་བསྒོམ་པ། གསུམ་པ། ཕྱི་རོལ་སོགས་རྐང་པ་བཞིས་སྤྱོད་པ། བཞི་པ། དེ་ལས་སོགས་རྐང་པ་བཞིས་འབྲས་བུའོ། །གཉིས་པ་ལྷུན་གྲུབ་ཐོད་རྒལ་གྱི་ཁྱད་པར་བཤད་པ། ཁྱད་པར་སོགས་ཤོ་ལོ་ཀ་གསུམ། གཉིས་པ་སྣང་བ་ཡུལ་གྱི་བློ་ཅན་གྱི་ཉམས་ལེན་བཤད་པ་ལ་གཉིས། མཉམ་བཞག་ཞི་ལྷག་གི་སྐྱོང་ཚུལ་དང༌། རྣམ་རྟོག་ལམ་དུ་འཁྱེར་ཚུལ་ལོ། །དང་པོ་མཉམ་བཞག་ཞི་ལྷག་གི་སྐྱོང་ཚུལ་ལ། དེ་ལྟར་སོགས་རྐང་པ་བདུན་གྱིས་མདོར་བསྟན། དང་པོའི་སོགས་བཅུ་གཅིག་གིས་རྒྱས་པར་བཤད། མདོར་ན་སོགས་རྐང་པ་བཅུས་ཞི་ལྷག་ཟུང་འབྲེལ་གྱིས་དོན་

― ZP02_Page_236 ―

^{[མ་དཔེ་གཟིགས་ན་འདིར་གནོན།]}

[Full Size]

བསྡུ་བའོ། །གཉིས་པ་རྣམ་རྟོག་ལམ་དུ་འཁྱེར་ཚུལ། ཐབས་ཀྱི་སོགས་ཚིགས་བཅད་གསུམ། རྩ་བའི་གསུམ་པ་སྐབས་བསྡུ་བ། མདོར་ན་སོགས་རྐང་པ་བཅུ་གསུམ་མོ། །ལེའུ་བཅུ་གཉིས་པའི་ས་བཅད་དོ། ༈ །དོན་གསུམ་པ་འབྲས་བུ་ལྷུན་གྲུབ་ཆེན་པོའི་གོ་འཕང་བཤད་པ་ལ། འབྲས་བུ་གཞན་ལས་མ་བྱུང་བར་བསྟན་པ་དང༌། སྐུ་ལྔའི་རང་བཞིན་རྒྱས་པར་བཤད་པ་གཉིས། དང་པོ། །དེ་ལྟར་སོགས་རྐང་པ་དགུ། གཉིས་པ་སྐུའི་ལྔའི་རང་བཞིན་རྒྱས་པར་བཤད་པ་ལ་དབྱིངས་ནང་གསལ་གྱི་སྐུ་གསུམ་བཤད་པ་དང༌། ཡེ་ཤེས་ཕྱིར་གསལ་གྱི་སྐུ་གཉིས་བཤད་པ་གཉིས། དང་པོ་དབྱིངས་ཀྱི་སྐུ་གསུམ་བཤད་པ་ལ། སྐུ་གསུམ་སོ་སོར་བཤད་པ་དང༌། ཆོས་ཉིད་ངོས་ནས་དབྱེ་གསལ་མེད་པར་བཤད་པ་གཉིས། དང་པོ་གསུམ་སོ་སོར་བཤད་པ་ལ་གསུམ། དང་པོ་མི་འགྱུར་རྡོ་རྗེའི་སྐུ་བཤད་པ། གློ་བུར་སོགས་རྐང་པ་བདུན། གཉིས་པ་མངོན་པར་བྱང་ཆུབ་བསྟན་པ། རྣམ་པ་སོགས་རྐང་པ་བཞི། གསུམ་པ་ཞི་བ་ཆོས་སྐུ་བཤད་པ། ཤེས་བྱའི་སོགས་རྐང་པ་དྲུག །གཉིས་པ་ཆོས་ཉིད་ཀྱི་ངོས་ནས་དབྱེ་བ་མེད་པར་བཤད་པ་ལ་གཉིས། དང་པོ་བློའི་ཡུལ་ལས་འདས་པར་བསྟན་པ། སོ་སོར་སོགས་རྐང་པ་བརྒྱད། གཉིས་པ་ཆོས་ཀྱི་དབྱིངས་སུ་བཞུགས་ཚུལ་བཤད་པ། འདྲེན་པ་སོགས་རྐང་པ་ལྔ། གཉིས་པ་ཡེ་ཤེས་ཕྱིར་གསལ་གྱི་སྐུ་གཉིས་བཤད་པ་ལ་ལོངས་སྐུ་བཤད་པ་དང༌།

― ZP02_Page_237 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲུལ་སྐུ་བཤད་པ་གཉིས། དང་པོ་ལོངས་སྐུ་བཤད་པ་ལ། གཞི་འབྲས་དབྱེར་མེད་ཀྱི་ལོངས་སྐུ་བཤད་པ་དང༌། འབྲས་བུ་ལྷུན་གྱིས་གྲུབ་པའི་ལོངས་སྐུ་བཤད་པ་གཉིས། དང་པོ་གཞི་འབྲས་དབྱེར་མེད་ཀྱི་ལོངས་སྐུ་ལ་མདོར་བསྟན་པ་དང༌། རྒྱས་པར་བཤད་པ་གཉིས། དང་པོ་མདོར་བསྟན་པ། མཁྱེན་ཆ་སོགས་རྐང་པ་ལྔ། གཉིས་པ་རྒྱས་པར་བཤད་པ་ལ་ལྔ། དང་པོ་གནས་ནི་སོགས་རྐང་པ་བཅུ་བདུན་གྱི་གནས། གཉིས་པ་དུས་གསུམ་སོགས་རྐང་པ་གཅིག་གིས་དུས། གསུམ་པ། འཕོ་འགྱུར་སོགས་རྐང་པ་ལྔས་སྟོན་པ། བཞི་པ། རང་ལས་སོགས་རྐང་པ་གཉིས་ཀྱིས་འཁོར། ལྔ་པ། རང་བཞིན་སོགས་རྐང་པ་གཉིས་ཀྱིས་ཆོས་སོ། །གཉིས་པ་འབྲས་བུ་ལྷུན་གྱིས་གྲུབ་པའི་ལོངས་སྐུ་བཤད་པ་ལ་གསུམ། དང་པོ་སྟེང་ཁང་ཞི་བའི་དཀྱིལ་འཁོར་བཤད་པ། སྟེང་ཁང་སོགས་རྐང་པ་བཅུ་གསུམ། གཉིས་པ་འོག་ཁང་ཁྲོ་བོའི་དཀྱིལ་འཁོར་བཤད་པ། འོག་ཁང་སོགས་ཤོ་ལོ་ཀ་བཅུ་དང་རྐང་པ་གསུམ། གསུམ་པ་དེ་གཉིས་ཀའི་དོན་བསྡུ་བ། ཆོས་སྐུའི་སོགས་རྐང་པ་བཅོ་བརྒྱད། གཉིས་པ་སྤྲུལ་སྐུ་བཤད་པ་ལ། རང་བཞིན་སྤྲུལ་པ། འགྲོ་འདུལ་སྤྲུལ་པ། སྣ་ཚོགས་སྤྲུལ་པ་དང་གསུམ། དང་པོ་རང་བཞིན་སྤྲུལ་པ་བཤད་པ་ལ། བགྲངས་པའི་རང་བཞིན་སྤྲུལ་པ་བཤད་པ་དང༌། གནས་པའི་རང་བཞིན་སྤྲུལ་པ་བཤད་པ་གཉིས། དང་པོ་བགྲངས་པའི་རང་བཞིན་སྤྲུལ་པ་བཤད་པ་ལ། མདོར་བསྟན་པ་དང༌། རྒྱས་པར་བཤད་པ།

― ZP02_Page_238 ―

^{[མ་དཔེ་གཟིགས་ན་འདིར་གནོན།]}

[Full Size]

མཇུག་བསྡུ་བ་དང་གསུམ། དང་པོ་མདོར་བསྟན་པ། དེ་ཉིད་སོགས་རྐང་པ་བདུན། གཉིས་པ་རྒྱས་པར་བཤད་པ་ལ་དྲུག །དང་པོ། །དབུས་ན་སོགས་རྐང་པ་གསུམ་གྱིས་གནས། གཉིས་པ། གཟུགས་ཀྱི་སོགས་རྐང་པ་གསུམ་གྱིས་སྟོན་པ། གསུམ་པ། ཡེ་ཤེས་སོགས་རྐང་པ་བཅུ་གཉིས་ཀྱིས་ཡེ་ཤེས། བཞི་པ། འཁོར་ནི་སོགས་རྐང་པ་དྲུག་གིས་འཁོར། ལྔ་པ། དུས་ནི་སོགས་རྐང་པ་ལྔས་དུས། དྲུག་པ། གདུལ་བྱའི་སོགས་རྐང་པ་དྲུག་གིས་སྦྱང་བྱ་བསྟན་པའོ། །གསུམ་པ་མཇུག་བསྡུ་བ། ཞིང་འདིར་སོགས་རྐང་པ་དྲུག་གོ །གཉིས་པ་གནས་པའི་རང་བཞིན་སྤྲུལ་པ་བཤད་པ་ལ་གཉིས། རང་བཞིན་སྤྲུལ་པ་དངོས་བཤད་པ་དང༌། ཞར་བྱུང་འོག་མིན་མཁའ་སྤྱོད་ཀྱི་གནས་བཤད་པ་གཉིས། དང་པོ་ལ་གཉིས། དང་པོ་ཕྱོགས་བཅུའི་སྤྲུལ་པའི་ཞིང་མདོར་བསྟན་པ། ཁྱད་པར་སོགས་རྐང་པ་དགུ། གཉིས་པ་རྣམ་གྲོལ་དབུགས་ཆེན་འབྱིན་པ་ལྔ་རྒྱས་པར་བཤད་པ། ཁྱད་པར་སོགས་ཤོ་ལོ་ཀ་བཅུ་གཅིག །གཉིས་པ་ཞར་བྱུང་འོག་མིན་མཁའ་སྤྱོད་ཀྱི་གནས་བཤད་པ། གཞན་དུ་སོགས་རྐང་པ་བཅུ་བཞི། གཉིས་པ་འགྲོ་འདུལ་སྤྲུལ་པ་བཤད་པ་ལ། དང་པོ་འགྲོ་འདུལ་སྤྲུལ་པ་དངོས་བཤད་པ། དེ་ཉིད་སོགས་ཚིགས་བཅད་བརྒྱད་དང་རྐང་པ་གཉིས། གཉིས་པ་དེ་ལས་ཡང་སྤྲུལ་གྱི་རྣམ་གྲངས་བཤད་པ། དེ་ལས་སོགས་རྐང་པ་བཅུ་བདུན། གསུམ་པ་དེ་ཉིད་སྒྱུ་མ་ལྟར་སྣང་ཚུལ་བཤད་པ། གང་ཞིག་

― ZP02_Page_239 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་རྐང་པ་བཅུ། གསུམ་པ་སྣ་ཚོགས་སྤྲུལ་པ་བཤད་པ་ལ། སྣ་ཚོགས་སྤྲུལ་པ་དངོས་བཤད་པ་དང༌། གཟུགས་སྐུའི་སྣང་བ་བསྡུ་ཚུལ་གྱིས་མཇུག་བསྡུ་བ་གཉིས། དང་པོ་སྣ་ཚོགས་སྤྲུལ་པ་དངོས་བཤད་པ་ལ། དེ་ཉིད་སོགས་རྐང་པ་བརྒྱད་ཀྱིས་བེམ་པོ་ལྟར་སྣང་བའི་སྤྲུལ་སྐུ་དང༌། སྐྱེ་བ་སོགས་རྐང་པ་བདུན་གྱིས། སྐྱེ་བ་སྤྲུལ་སྐུ། གཉིས་པ་གཟུགས་སྐུའི་སྣང་བ་བསྡུ་ཚུལ་བཤད་པ་ལ། གལ་ཏེ་སོགས་རྐང་པ་དྲུག་གིས་སྤྲུལ་སྐུ་ལོངས་སྐུར་ཐིམ་ཚུལ། དེ་ཡང་སོགས་རྐང་པ་བདུན་གྱིས། ལོངས་སྐུ་ཆོས་སྐུར་ཐིམ་ཚུལ། འདིར་ནི་སོགས་རྐང་པ་བདུན་གྱིས། ཆོས་སྐུ་དབྱིངས་སུ་འཁྱིལ་ཚུལ་བསྟན་པའོ། །ལེའུ་བཅུ་གསུམ་པའི་ས་བཅད་དོ། །དེ་ཡན་གྱིས་བར་དུ་དགེ་བ་གཞུང་གི་དོན་ཚང་ངོ༌། ༈ །སྤྱི་དོན་གསུམ་པ་ཐ་མར་དགེ་བ་མཇུག་གི་དོན་བཤད་པ་ལ་གསུམ། དང་པོ། བསྟན་བཅོས་རྩོམ་པའི་རྒྱུ། བདག་རྒྱུད་སོགས་ཚིགས་བཅད་གསུམ། གཉིས་པ་དེས་ཐོབ་དགེ་བ་བསྔོ་བ། དགེ་བ་སོགས་ཤོ་ལོ་ཀ་བཞི། གསུམ་པ་མཇུག་མཛད་བྱང་བརྗོད་པ། ཡོན་ཏན་རིན་པོ་ཆེའི་སོགས་ཀྱིས་ཡོངས་སུ་རྫོགས་སོ། །སྤྱི་དོན་ས་བཅད་དཀྱུས་ཀྱིས་ཁོག་ཕུབ་ནས། ཚིག་དོན་མ་འཁྲུལ་འབྲུ་རྣམས་ཆོམ་པར་བཤད། བསྡུས་དོན་མ་ནོར་གནད་དུ་དྲིལ་ཤེས་པའི། འཆད་པའི་ཚུལ་དེ་མཁས་པའི་རིང་ལུགས་ཡིན། གཞུང་དོན་ཚིག་ལས་དོན་གྱི་རྣམ་གྲངས་ཀུན། མ་ཉམས་མེ་ལོང་གཟུགས་བཞིན་འཛིན་ཤེས་ན། ཐོས་དོན་བསམ་པར་འཆར་བའི་སྔོན་འགྲོ་སྟེ། དེ་ཕྱིར་ཀུན་

― ZP02_Page_240 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་འདི་ལ་ནན་ཏན་མཛོད། ཡོན་ཏན་རིན་པོ་ཆེའི་མཛོད་ཀྱི་བསྡུས་དོན་འབྲིང་པོ་ལྟར་བྱས་པ་འདི་ཡང༌། མཁས་པ་ཤྲཱི་ལྷོད་པོས་ཤ་ར་བ་ཞག་ཁྲ་ལྷ་རྩའི་རི་ཁྲོད་དུ་འཆད་པའི་སྐབས་དང་བསྟུན་ཏེ་བྲིས་པ་དགེ་བར་གྱུར་ཅིག །དགེའོ། །དགེའོ། །དགེའོ།།

ཡོན་ཏན་མཛོད་ཀྱི་བསྡུས་དོན་འབྱེད་འགྲེལ་མེ་ཏོག་གི་ཕྲེང་བ།

― ZP02_Page_241 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོན་ཏན་རིན་པོ་ཆེའི་མཛོད་ཀྱི་བསྡུས་དོན་འབྱེད་འགྲེལ་མེ་ཏོག་གི་ཕྲེང་བ་ཞེས་བྱ་བ་བཞུགས་སོ།།

― ZP02_Page_242 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོན་ཏན་རིན་པོ་ཆེའི་མཛོད་ཀྱི་བསྡུས་དོན་མེ་ཏོག་གི་ཕྲེང་བ་ཞེས་བྱ་བ། ཀུན་མཁྱེན་ཡབ་སྲས་བརྒྱུད་པ་དང་བཅས་པ་ལ་ཕྱག་འཚལ་ལོ། །ཆོས་ཐམས་ཅད་གཞུང་ལམ་གཅིག་ཏུ་སྟོན་པ་བསྟན་པ་ཡོངས་སུ་རྫོགས་པའི་བསྟན་བཅོས་ཆེན་པོ་འདི་འཆད་པར་བྱེད་པ་ལ་བཤད་ཐབས་ཀྱི་ཡན་ལག་ངེས་པ་རྣམས་སོང་ནས། བཤད་བྱ་དངོས་བཤད་པ་ལ། ཐོག་མར་དགེ་བ་ཀླད་ཀྱི་དོན། བར་དུ་དགེ་བ་གཞུང་གི་དོན། ཐ་མར་དགེ་བ་ཀླད་ཀྱི་དོན། བར་དུ་དགེ་བ་གཞུང་གི་དོན། ཐ་མར་དགེ་བ་འཇུག་གི་དོན་ནོ། །ཐོག་མར་དགེ་བ་ཀླད་ཀྱི་དོན་ལ། མཚན་བརྗོད་པ། མཆོད་པར་བརྗོད་པ། རྩོམ་པར་དམ་

― ZP02_Page_243 ―

^{[མ་དཔེ་གཟིགས་ན་འདིར་གནོན།]}

[Full Size]

བཅའ་བའོ། །དང་པོ་མཚན་བརྗོད་པ་ལ། མཚན་རྒྱ་གར་གྱི་སྐད་ལྟར་སྨོས་པ། མཚན་བོད་སྐད་ལྟར་སྨོས་པ་གཉིས། དང་པོ་ནི། རྒྱ་གར། གུ་ཎ། གཉིས་པ་ནི། བོད་སྐད། ཡོན་ཏན། མཆོད་པར་བརྗོད་པ་ལ། མཚན་ཙམ་བསྡུས་ཏེ་དྲན་པའི་སྒོ་ནས་ཕྱག་བྱ་བ་དང༌། ཡོན་ཏན་དྲན་པའི་སྒོ་ནས་རྒྱས་པར་འདུད་པའོ། །དང་པོ་ནི། དཀོན་མཆོག་གསུམ་ལ་ཕྱག་འཚལ་ལོ། །གཉིས་པ་ནི་རིན་ཆེན་སོགས་ཤོ་ལོ་ཀ་གཅིག་གོ །གསུམ་པ་བརྩམ་པར་དམ་བཅའ་བ་ལ། དམ་པའི་ཆོས་འཛིན་པའི་ཕན་ཡོན་ལ་བསམ་སྟེ་བརྩམ་པར་དམ་བཅའ་བ་དང༌།

― ZP02_Page_244 ―

^{[མ་དཔེ་གཟིགས་ན་འདིར་གནོན།]}

[Full Size]

མི་འཛིན་པའི་ཉེས་དམིགས་ལ་བསམ་སྟེ་བརྩམ་པར་དམ་བཅའ་བ་གཉིས་ཤོ་ལོ་ཀ་རེ་རེ་སྟེ། བློ་མཆོག་ཅེས་པ་དང༌། ཐོག་མ་ཞེས་པ་ནས་སོ། །གཉིས་པ་བར་དུ་དགེ་བ་གཞུང་གི་དོན་འཆད་པ་ལ་གཞུང་དོན་ལེའུ་བཅུ་གསུམ་སྐྱེས་བུ་གསུམ་གྱི་ལམ་རིམ་དང་སྦྱར་ནས་འཆད་པ་ལས། དང་པོ་སྐྱེས་བུ་ཆུང་ངུ་དང་ཐུན་མོང་གི་ལམ་དུ་ལས་དགེ་སྡིག་གི་སྤང་བླངས་བསམ་པ་ལ། དང་པོ་ཆོས་ལ་བློ་འཇུག་པའི་རྒྱུ་དལ་འབྱོར་རྙེད་དཀའ་བ་ལ་བསམ་པ། བརྩོན་འགྲུས་ཀྱི་ལྕགས་འདེབས་པའི་ཆེད་དུ་ཚེ་མི་རྟག་པའི་རང་བཞིན་བསམ་པ། འཕྲལ་དང་ཡུན་གྱི་བདེ་བ་སྒྲུབ་པའི་ཆེད་དུ་ལས་འབྲས་ཀྱི་སྤང་བླངས་བསམ་པ་སྟེ་ལེའུ་གསུམ། གཉིས་པ་སྐྱེས་བུ་འབྲིང་པོ་དང་ཐུན་མོང་གི་ལམ་དུ་བདེན་པ་བཞིའི་འཇུག་ལྡོག་ལ་བསམ་པ་ལེའུ་གཅིག །གསུམ་པ་སྐྱེས་བུ་ཆེན་པོའི་ཐུན་མོངས་མ་ཡིན་པའི་ལམ་དུ་བྱང་ཆུབ་ཀྱི་སེམས་གཉིས་བསྒོམ་པ་ལ། ལམ་གྱི་སྔོན་འགྲོ་དང༌། ལམ་གྱི་དངོས་གཞི་གཉིས། དང་པོ་ལམ་གྱི་སྔོན་འགྲོ་ལ། ལམ་གྱི་རྟེན་འབྲེལ་བསྒྲིགས་པ་འཁོར་ལོ་ཆེན་པོ་བཞིའི་ཚོམས་ལེའུ་གཅིག །ལམ་གྱི་རྟེན་གཞི་བཅའ་བ་སྐྱབས་སུ་འགྲོ་བའི་ཚོམས་ལེའུ་གཅིག །གཉིས་པ་ལམ་གྱི་དངོས་གཞི་ལ།

― ZP02_Page_245 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་གྱི་གཞུང་ཤིང་རྒྱུ་མཚན་ཉིད་ཀྱི་ཐེག་པ་ལྟར་ཉམས་སུ་བླངས་པ། ལམ་གྱི་སྦས་དོན་འབྲས་བུ་གསང་སྔགས་རྡོ་རྗེ་ཐེག་པ་ལྟར་ཉམས་སུ་བླང་བ། ལམ་གྱི་ཉེ་ལམ་རང་བཞིན་རྫོགས་པ་ཆེན་པོ་ལྟར་ཉམས་སུ་བླང་བ་དང་གསུམ་ལས། དང་པོ་ལམ་གྱི་གཞུང་ཤིང་རྒྱུ་མཚན་ཉིད་ཀྱི་ཐེག་པ་ལྟར་ཉམས་སུ་བླང་བ་ལ། བློ་སྦྱང་བ་ཚད་མེད་བཞིའི་ལེའུ། དམ་བཅའ་བ་བྱང་ཆུབ་ཀྱི་སེམས་གཟུང་བའི་ལེའུ། བསླབ་བྱ་སློབ་པའི་ལེའུ་སྟེ་གསུམ། ལམ་གྱི་སྦས་དོན་འབྲས་བུ་རྡོ་རྗེ་ཐེག་པ་ལྟར་ཉམས་སུ་བླང་བ་ལ། རིག་པ་འཛིན་པའི་སྡེ་སྣོད་བསྟན་པའི་ལེའུ་གཅིག །ལམ་གྱི་ཉེ་ལམ་རང་བཞིན་རྫོགས་པ་ཆེན་པོ་ལྟར་ཉམས་སུ་བླངས་པ་ལ། གཞི་ལམ་འབྲས་བུའི་ལེའུ་གསུམ་རྣམས་ཡོད་པ་ལས། དང་པོ་སྐྱེས་བུ་ཆུང་ངུ་དང་ཐུན་མོང་གི་ལམ་དུ་ཆོས་ལ་བློ་འཇུག་པའི་རྒྱུ་དལ་འབྱོར་རྙེད་པར་དཀའ་བ་བསམ་པའི་ལེའུ་ལ། མི་ལུས་རྙེད་པར་དཀའ་བ་མདོར་བསྟན། དལ་འབྱོར་གྱི་རང་བཞིན་རྒྱས་པར་བཤད། གདམས་ངག་བརྗོད་པས་མཇུག་བསྡུ་བ་དང་གསུམ། དང་པོ་མདོར་བསྟན་རིང་ནས་སོགས་ཤོ་ལོ་ཀ་གཅིག །གཉིས་པ་དལ་འབྱོར་གྱི་རང་བཞིན་རྒྱས་པར་བཤད་པ་ལ།

― ZP02_Page_246 ―

^{[མ་དཔེ་གཟིགས་ན་འདིར་གནོན།]}

[Full Size]

དགགས་ཕྱོགས་ནས་མི་ཁོམས་བརྒྱད་བཤད་པ་ལ། བསྟན་བཤད་བསྡུ་གསུམ་ལས། དང་པོ། བསམ། ངན། མཐའ། སངས། ཞེས་པས་མདོར་བསྟན། གཉིས་པ་རྒྱས་པར་བཤད་པ་ལ། ཐང༌། མཚོན། སྲོག །ད། ཞེས་པས་དམྱལ་བ། རྣག་ཡིད་ཆུ་ནད་སྒྲིབ་ཀྱིས་ཡི་དྭགས། དུད་རྔོན་བཀོལ་གནས་ཀྱི་དུད་འགྲོ། འཚོ་སྐྱོ་ཐོས་འཆིས་ལྷ་ཚེ་རིང་པོ། རྐང་དེ་དམ་བླང་གི་ཀླ་ཀློ། དབང་འཕགས་བྲག་བརྡས་དབང་པོ་མ་ཚང༌། སྐྱེ་རྣམ་སངས་ལོག་གིས་ལོག་ལྟ་ཅན། ཐུབ་གཅོང་ལྡང་ཉམ་གྱིས་མུན་པའི་བསྐལ་བར་བཤད་པའོ། །གསུམ་པ་མཇུག་བསྡུ་བ་སྡིག་ངལ་ཆོས་བསམ་ཞེས་པའི་རྐང་པ་བཞིས་སོ། །གཉིས་པ་སྒྲུབ་ཕྱོགས་ནས་འབྱོར་བའི་ཆོས་བཅུ་བཤད་པ་ལ། ཡུལ་ཡན་ལས་མིར་གྱིས་རང་འབྱོར། རྒྱལ་ཆོས་ནུབ་དམ་གྱིས་གཞན་འབྱོར། གང་གཞན་གཉིས་དལ་གྱིས་དལ་འབྱོར་བཅོ་བརྒྱད་བཤད་པའོ། །གསུམ་པ་རྙེད་དཀའ་བའི་རྒྱུ་མཚན་བཤད་པ། ཅི་གྲངས་སྐར་དམྱལ་ཞེས་པས་དང་པོས་དཔེ། ལྷག་མས་གྲངས་ཀྱི་སྒོ་ནས་རྙེད་དཀའ་བའི་རྒྱུ་མཚན་བསྟན། དོན་གསུམ་པ་མཇུག་བསྡུ་བ། དེ་སྡུག་ཆོས་མཉན་ཞེས་པས་བསྟན་ནོ། །ཡོན་ཏན་དལ་འབྱོར་ཞེས་པས་ལེའུའི་མཚན་བསྟན་པའོ།། །།

བརྩོན་འགྲུས་ཀྱི་ལྕགས་འདེབས་པ་ཚེ་མི་རྟག་པའི་རང་བཞིན་ལ་བསམ་པ།

― ZP02_Page_247 ―

^{[མ་དཔེ་གཟིགས་ན་འདིར་གནོན།]}

[Full Size]

༈ གཉིས་པ་བརྩོན་འགྲུས་ཀྱི་ལྕགས་འདེབས་པ་ཚེ་མི་རྟག་པའི་རང་བཞིན་ལ་བསམ་པ་ལ། སྤྱིར་སྣོད་དང་བཅས་པའི་འགྲོ་བ་མི་རྟག་པར་སྟོན་པ་དང༌། སྒོས་ནང་བཅུད་ཀྱི་འགྲོ་བ་མི་རྟག་པར་སྟོན་པ་གཉིས། དང་པོ། སྲིད་ངོ་འཇིག་ཆད་ཅེས་པས་བསྟན། གཉིས་པ་ལ་དམ་པའི་སྐྱེས་བུ་ལ་བསམ་སྟེ་མི་རྟག་པ་བསྒོམ་པ། སྐྱེ་རྒུའི་བདག་པོ་ལ་བསམ་སྟེ་མི་རྟག་པ། འཆི་བའི་རང་བཞིན་ལ་བསམ་སྟེ་མི་རྟག །དཔེ་དོན་སྣ་ཚོགས་ལ་བསམ་སྟེ་མི་རྟག་པ་བསྒོམ་པ་དང་བཞི་ལས། ལྷ་རྟག་གཞོམ་ཞིའི་དང་པོ། བསམ་དོན་ཚངས་འཆིའི་གཉིས་པ། མཐོ་སྐྱེས་བགྱིད་དོན་གྱིས་གསུམ་པ་བསྟན། བཞི་པ་ལ་སོས་སྟོན་ཉིན་གནས་ཀྱིས་མི་རྟག་པ་བག་ལ་ཉལ་མངོན་སུམ་དུ་སྟོན། སྐྱེས་དེ་དེ་ཀུན་གྱིས་ཚེ་འགྲོ་བའི་དལ་མྱུར་གྱི་དཔེ། དར་འདུ་ཕུན་འཆིས་ཁྱད་པར་འཁོར་བ་འཇིགས་པའི་འཁྲུལ་འཁོར་ཆེན་པོ་བཞི། གང་སྐྱབས་འཚོ་སྨན་གྱིས་འཆི་བ་ལ་སུས་ཀྱང་མི་སྟོངས་པ། བསྐྱོད་དབུགས་ཉེ་བཤོལ་གྱིས་བཤོལ་དུ་མེད་པ། དེ་འཆི་མཛེས་ལས་ཀྱིས་འཆི་བའི་རང་བཞིན་སྟོན་པ་དང་དྲུག་གོ །ཡོན་ཏན་མི་རྟག་པའི་ལེའུའི་མཚན་བསྟན་པའོ།། །།

འཕྲལ་དང་ཡུན་གྱི་བདེ་བ་སྒྲུབ་པའི་ཆེད་དུ་ལས་འབྲས་ཀྱི་རང་བཞིན་ལ་བསམ་པ།

― ZP02_Page_248 ―

^{[མ་དཔེ་གཟིགས་ན་འདིར་གནོན།]}

[Full Size]

༈ གསུམ་པ་འཕྲལ་དང་ཡུན་གྱི་བདེ་བ་སྒྲུབ་པའི་ཆེད་དུ་ལས་འབྲས་ཀྱི་རང་བཞིན་ལ་བསམ་པ་ལ། ཐམས་ཅད་ལས་ཀྱིས་བྱས་པ་མདོར་བསྟན་པ། ལས་འབྲས་ཀྱི་རང་བཞིན་རྒྱས་པར་བཤད་པ་གཉིས་ལས། དང་པོ། དེ་གོ་དགེ་ཀུན་གྱིས་བསྟན། གཉིས་པ་རྒྱས་པར་བཤད་པ་ལ། ལས་འབྲས་ཀྱི་རང་བཞིན་སྤྱིར་བསྟན་པ། དགེ་སྡིག་གི་ལས་བྱེ་བྲག་ཏུ་བཤད་པ་གཉིས། དང་པོ་ལ། ལས་སྤྱིའི་རང་བཞིན་བསྟན་པ། ཐར་ལམ་ལ་སྒྲིབ་པའི་ལས་གཞན་བསྟན་པ། ལས་ཀྱི་ཁྱད་པར་བསྟན་པ་དང་གསུམ། དང་པོ་ལས་སྤྱིའི་རང་བཞིན་བསྟན་པ་ལ་ལྔ་སྟེ། གང་ཞིང་སྐྱེ་ལས་ཀྱིས་ལས་སྣ་ཚོགས་པ། ས་གྲིབ་གཟུགས་ཚོགས་ཀྱིས་ལས་ཆུད་མི་ཟ་བ། བསོད་མཐོ་རྣམ་ལས་ཀྱིས་མི་དགེ་བ་དང༌། མནར་དགེ་གཡུལ་དམ་གྱིས་དགེ་བའི་ལས་མཐུ་ཆེ་བ། ལ་ལ་ལ་སྡིག་གིས་འཁོར་བར་མི་དགེ་བ་དབང་བཙན་པ། གང་ཡུལ་སྡིག་རྣམ་གྱིས་ལས་བགོ་བྱར་མེད་པར་བསྟན་ནོ། །གཉིས་པ་ཐར་ལམ་ལ་སྒྲིབ་པའི་ལས་གཞན་བསྟན་པ་ལ། རྙེད་སྙན་གང་བྱིས་ཀྱིས་འཇིག་རྟེན་

― ZP02_Page_249 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཆོས་བརྒྱད། རིགས་སྙོམས་མངོན་དཀའ། བ་རྐམ་ཟིལ་གཞན་གནོད་ཀྱིས་འཇིག་རྟེན་པའི་ཆོས་བཅུ་གསུམ་བསྟན། གསུམ་པ་ལས་ཀྱི་ཁྱད་པར་བསྟན་པ་ལ་གསུམ། འཁོར་ས་སྦོམ་སྲན་གྱིས་ལས་འཕེལ་བའི་ཁྱད་པར་དང༌། གང་ཨ་ཡལ་དགེས་དེའི་དཔེ། གང་དཀར་ལས་སྦྱོར་གྱིས་ལས་དཀར་ནག་གིས་ཁྱད་པར་དང༌། རྩ་རྩ་བསམ་དགེས་དེའི་དཔེ། འདི་ཡོན་རྣམ་ཉེས་ལྕི་ཡང་གི་ཁྱད་པར་བསྟན་པའོ། །དགེ་སྡིག་གི་ལས་བྱེ་བྲག་ཏུ་བཤད་པ་ལ། ལས་ཀྱི་རྟེན་གཞི་བཤད་པ་དང༌། ལས་དངོས་བཤད་པ་གཉིས། དང་པོ་ཀུན་དེ་ཀུན་ཉོན་ཞེས་པས་བསྟན། གཉིས་པ་ལས་དངོས་བཤད་པ་ལ། མི་དགེ་བ་བཤད་པ། དགེ་བ་བཤད་པ་གཉིས། དང་པོ་ལ། དོ་ཟླ་མེད་པ་དཀོན་མཆོག་ལ་བརྟེན་པ་བཤད་པ། དེ་ལས་གཞན་པའི་ལས་ཀྱི་རྣམ་གྲངས་བསྟན་པ་གཉིས། དང་པོ་ཇི་གཉེན་དཀོན་སྡིག་གིས་བསྟན། གཉིས་པ་རྒྱུ་བཤད་པ་དང་འབྲས་བུ་བཤད་པ་གཉིས། དང་པོ་རྒྱུ་བཤད་པ་ལ། དེ་རང་མཐའ་ལུས་སྤང་གིས་མདོར་བསྟན། རྒྱས་པར་བཤད་པ་ལ། ལུས་ལོག་འདུ་ཕྱོགས་ཀྱིས་སྲོག་གཅོད། མ་ཕྱོགས་ཀྱིས་མ་བྱིན་ལེན།

― ZP02_Page_250 ―

^{[མ་དཔེ་གཟིགས་ན་འདིར་གནོན།]}

[Full Size]

འདོད་ཕྱོགས་ཀྱིས་འདོད་ལོག་སྟེ་ལུས་ཀྱི་ལས་གསུམ། ངག་ཕྱོགས་ཀྱིས་རྫུན། ཕྲ་ཕྱོགས་ཀྱིས་ཕྲ་མ། ངག་ཕྱོགས་ཀྱིས་ངག་ཀྱལ། ཚིག་ཕྱོགས་ཀྱིས་ཚིག་རྩུབ་སྟེ་ངག་གི་བཞི། ཡིད་གཞན་ཕྱོགས་ཀྱིས་བརྣབ་སེམས། གནོད་ཕྱོགས་ཀྱིས་གནོད་སེམས། ལོག་ཕྱོགས་ཀྱིས་ལོག་ལྟ་སྟེ་ཡིད་ཀྱི་ལས་གསུམ་མོ། །གཉིས་པ་འབྲས་བུ་བཤད་པ་ལ། བསྟན་བཤད་བསྡུ་གསུམ་ལས། ཀུན་རྣམ་ཀྱིས་མདོར་བསྟན། རྒྱས་པར་བཤད་པ་ལ། རྣམ་སྨིན་གྱི་འབྲས་བུ། རྒྱུ་མཐུན་གྱི་འབྲས་བུ། དབང་གི་འབྲས་བུ། སྐྱེས་བུ་བྱེད་པའི་འབྲས་བུ་དང་བཞི། དང་པོ་རྣམ་སྨིན་གྱི་འབྲས་བུ་རྣམ་ཀུན་འབྲིང་གིས་བསྟན། རྒྱུ་མཐུན་པའི་འབྲས་བུ། རྒྱུ་ཞེས་པའི་རྐང་པ་གཅིག་གིས་མདོར་བསྟན། བྱེད་ཅེས་པའི་རྐང་པ་གཅིག་གིས་བྱེད་པ་རྒྱུ་མཐུན། མྱོང་རིམ་གྱིས་མྱོང་བ་རྒྱུ་མཐུན་མདོར་བསྟན། འཚོ་ཡོ་ཁྱིམ་གྱིས་ལུས་ཀྱི། བསྐུར་འཁོར་ཚིག་མིས་ངག་གི །ཆོག་གནོད་ལྟས་ཡིད་ཀྱི་ལས་ཀྱི་མྱོང་བ་རྒྱུ་མཐུན་བསྟན་པའོ། །དབང་གི་འབྲས་བུ། དབང་ཞེས་པའི་རྐང་པས་མདོར་བསྟན། སྲོག་ས་ལོ་སྲོག་གིས་སྲོག་གཅོད། མ་

― ZP02_Page_251 ―

^{[མ་དཔེ་གཟིགས་ན་འདིར་གནོན།]}

[Full Size]

བཟའ་སད་མུས་མ་བྱིན་ལེན། ལོག་དྲི་མི་ཡུལ་གྱིས་ལོག་གཡེམས། རྫུན་གཞན་གྱིས་རྫུན། ཕྲ་བགྲོད་ཀྱིས་ཕྲ་མ། བརྗོད་སྡོང་ཚྭ་ཡིད་ཀྱིས་ཚིག་རྩུབ། བཀྱལ་དུས་ཀྱིས་བཀྱལ་ཀ༌།བརྣབ་གནས་ཀྱིས་བརྣབ་སེམས། གནོད་ཆོམ་ལོ་རང་གིས་གནོད་སེམས། ལོག་འབྱོར་མེ་སྐྱབས་ཀྱིས་ལོག་ལྟའི་དབང་འབྲས་བསྟན། སྐྱེས་མང་གིས་སྐྱེས་བུ་བྱེད་པའི་འབྲས་བུ་བསྟན་ནོ། །འདི་འཁོར་ཉེར་བཟོད་ཀྱིས་དེ་དག་གིས་དོན་བསྡུ་བའོ། །གཉིས་པ་དགེ་བའི་ལས་བཤད་པ་ལ། བསོད་ནམས་ཆ་མཐུན་གྱི་དགེ་བ་བཤད་པ་དང༌། ཐར་པ་ཆ་མཐུན་གྱི་དགེ་བ་བཤད་པ་གཉིས། དང་པོ་ལ་དེ་མཐོ་མི་དགེས་དགེ་བའི་ལས་བཅུ་ངོས་བཟུང༌། དེ་བདེ་ངན་བླང་གིས་བླང་དོར་གྱི་གནས་བསྟན་པའོ། །གཉིས་པ་ལ། ཐར་དགེ་ཚོགས་ཀྱིས་ཐར་པ་ཆ་མཐུན་སྤྱིར་བསྟན། དེ་ཐབས་སྲིད་ཐེབས་གྲུབ་ཀྱིས་ཐེག་ཆེན་ཐར་པ་ཆ་མཐུན་བྱེ་བྲག་ཏུ་བཤད་པ། ལམ་དམིགས་སྒྲིབ་དག་གིས་དག་པའི་རྒྱུ་འབྲས་བསྟན། ཡོན་ཏན་ལས་རྒྱུ་འབྲས་ཞེས་པས་ལེའུའི་མཚན་བསྟན་པའོ།། །།

སྐྱེས་བུ་འབྲིང་དང་ཐུན་མོང་བའི་ལམ་དུ་བདེན་བཞི་སྤང་བླངས་བགྱི་བའི་ལེའུ།

― ZP02_Page_252 ―

^{[མ་དཔེ་གཟིགས་ན་འདིར་གནོན།]}

[Full Size]

༈ གསུམ་པ་སྐྱེས་བུ་འབྲིང་དང་ཐུན་མོང་བའི་ལམ་དུ་བདེན་བཞི་སྤང་བླངས་བགྱི་བའི་ལེའུ་ལ་གསུམ། བདེན་པ་བཞིའི་རང་བཞིན་མདོར་བསྟན་པ། སྡུག་བདེན་གཙོ་བོར་གྱུར་བའི་བདེན་བཞི་རྒྱས་པར་བཤད་པ། མཐར་ཐུག་སྐྱེ་མེད་ཀྱི་ལམ་ལ་སྤྱོད་དགོས་པར་གདམས་ནས་འཇུག་བསྡུ་བའོ། །དང་པོ་ནི། མངོན་རེ་བཏང་འཕགས་ཞེས་པས་བསྟན། གཉིས་པ་རྒྱས་པར་བཤད་པ་ལ། བདེན་བཞི་དངོས་བཤད་པ་དང༌། བདེན་བཞི་འཇུག་ལྡོག་གི་གཞི་རྟེན་འབྲེལ་བཅུ་གཉིས་བཤད་པ་གཉིས། དང་པོ་ལ། སྡུག་བསྔལ་གྱི་བདེན་པ་བཤད་པ་དང༌། བདེན་པ་ལྷག་མ་གསུམ་བཤད་པ་གཉིས། དང་པོ་སྡུག་བསྔལ་གསུམ་གྱི་རང་བཞིན་མདོར་བསྟན། སྡུག་བསྔལ་གྱི་རྣམ་གྲངས་རྒྱས་པར་བཤད་པ་གཉིས། དང་པོ། དེ་གནས་སྡུག་དམ་ཞེས་པས་བསྟན། གཉིས་པ་རྣམ་གྲངས་རྒྱས་པར་བཤད་པ་ལ། འཁོར་བ་སྤྱིའི་སྡུག་བསྔལ་བསྟན་པ། འགྲོ་བ་སོ་སོའི་སྡུག་བསྔལ་བསྟན་པ་གཉིས། དང་པོ་ལ། བདེ་བ་སྒྲུབ་པ་སྡུག་བསྔལ་གྱི་རྒྱུར་བསྟན་པ། སྡུག་བསྔལ་གྱི་རྣམ་པ་དངོས་བཤད་པ་གཉིས། དང་པོ་ལ་གསུམ། ཕུང་མ་ཕན་ཐར་གྱིས་ཡུལ་དང་ཡུལ་ཅན་དུ་འགྲེལ་ཚུལ། བདེ་གཏི་མཚོན་གནོད་ཀྱིས་སྤྱིར་འདོད་པའི་ཡུལ་གྱིས་བསླུ་བ། མར་

― ZP02_Page_253 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲ་རི་འདོད་ཀྱིས་བྱེ་བྲག་འདོད་པའི་ཡུལ་ལྔས་བསླུ་བ་བསྟན་ནོ། །གཉིས་པ་སྡུག་བསྔལ་གྱི་རྣམ་པ་དངོས་བཤད་པ་ལ་བཞི། སྲིད་ཁྲོ་མི་སྡུག་གིས་འཁོར་བའི་སྡུག་བསྔལ་མཐུ་ཆེ་བ། བདག་བསམ་དགྲ་ཕན་གྱིས། དགྲ་གཉེན་མ་ངེས་པས་ཕན་གནོད་འཆོལ་བར། རྡུལ་སྲོག་མགོ་སྤུངས་ཀྱིས་ལུས་ཡང་ཡང་འདོར་བའི་ཉེས་དམིགས། དམྱལ་ཡི་ཀུན་ཕྱོགས་ཀྱིས་ཚེ་རབ་བརྒྱུད་མར་སྡུག་བསྔལ་གྱིས་གདུང་བ་བསྟན་པའོ། །གཉིས་པ་འགྲོ་བ་སོ་སོའི་སྡུག་བསྔལ་བསྟན་པ་ལ། དམྱལ་བའི་སྡུག་བསྔལ་བསྟན་པ། ལྷའི༴ ལྷ་མ་ཡིན་གྱི༴ མིའི་སྡུག་བསྔལ་བསྟན་པ་དང་བཞི། དང་པོ་དམྱལ་བའི་སྡུག་བསྔལ་བཤད་པ་ལ། ཚ་དམྱལ་བཤད་པ། ཉེ་འཁོར༴ གྲང་དམྱལ༴ ཉི་ཚེ༴ དེ་དག་གི་དོན་བསྡུ་བ་དང་ལྔ། དང་པོ་ཚ་དམྱལ་བཤད་པ། ཁྱད་ཕན་ཐིག་བསྡུས། དུ་འབོད་ཚ་རབ། ལུས་ཁྲོ་ལྕགས་ཞེས་པས་བསྟན། གཉིས་པ་ཉེ་འཁོར། སྡུག་ཉེ་རོ་ཆུས་ལྷག་པ་བཅུ་དྲུག་དང༌། མཛའ་ཚེར་འབར་འཁྱུད་ཀྱིས་ཤལ་མ་རི་བསྟན། གསུམ་པ་གྲང་དམྱལ། བུ་བཅིང་རླུང་གྲང་གིས་གྲང་དམྱལ་སྤྱི། ཆུ་ཨ་ཨུད་པད་བརྒྱད་སྲོག་

― ZP02_Page_254 ―

^{[མ་དཔེ་གཟིགས་ན་འདིར་གནོན།]}

[Full Size]

གིས་བྱེ་བྲག་བསྟན། བཞི་པ་ཉེ་འཁོར་འགལ་སྒོ་སྣ་ཉེ་ཞེས་པས་བསྟན་ནོ། །ལྔ་པ་དོན་བསྡུ་དེ་རྦ་ལྷ་བརྟན་ཞེས་པས་བསྟན་ནོ། །གཉིས་པ་ལྷའི་སྡུག་བསྔལ་བསྟན་པ་ལ། ཁམས་གོང་མའི་སྡུག་བསྔལ་བཤད་པ་དང༌། འདོད་ལྷའི་སྡུག་བསྔལ་བཤད་པ་གཉིས། དང་པོ་གཟུགས་ཟད་གཟུགས་འོག་ཞེས་པས་བསྟན། གཉིས་པ་ལ་ལྔ། ཚངས་སྤྲིན་སྐབས་འཐུང་གིས་རྒྱུ་ཟད་པས་འབྲས་བུ་འཛད་པར་བསྟན། མནན་ལྷ་རྐང་ལྕགས་ཀྱིས་ལྷའི་གཙོ་བོ་རྣམས་ཀྱང་འཕོ་ལྟུང་གི་གནས་ལས་མ་འདས་པར་བསྟན། མཐོ་རེག་གཞལ་སྤང་གིས་ལྷ་གཞན་འཕོ་ལྟུང་གི་སྡུག་བསྔལ། གོས་རྡུལ་ཉེ་འཆིས་འཆི་འཕོ་བའི་ལྟས་ལྔ། གཉའ་ག་དྲུག་སླན་ལོང་གིས་གནས་སྐབས་འགྱུར་བའི་ཚུལ་བསྟན་པའོ། །གསུམ་པ་ལྷ་མིན་གྱི་སྡུག་བསྔལ་ལྷ་དགྲ་དཔུང་མགོ་ཞེས་པས་བསྟན། བཞི་པ་མིའི་སྡུག་བསྔལ་ལ། རྩ་བའི་སྡུག་བསྔལ་གསུམ་བཤད་པ། སྡུག་བསྔལ་གྱི་རྣམ་གྲངས་གཞན་བསྟན་པ་གཉིས། དང་པོ་ལ་གསུམ། མཚོ་མི་སྡུག་མཛེས་སྡུག་བསྔལ་གྱི་སྡུག་བསྔལ། མངོན་འདོད་བཟའ་མིག་གིས་འགྱུར་བའི༴ རྐང་ངལ་དེ་གཡང་གིས་འདུ་བྱེད་ཀྱི་སྡུག་

― ZP02_Page_255 ―

^{[མ་དཔེ་གཟིགས་ན་འདིར་གནོན།]}

[Full Size]

བསྔལ་བསྟན། གཉིས་པ་སྡུག་བསྔལ་གྱི་རྣམ་གྲངས་གཞན་བསྟན་པ་ལ་བསྟན་བཤད་གཉིས། དང་པོ། དེ་སྐྱེ་སྨོན་སྡུག །འདོད་ཉེར་རྣམ་མིས་མདོར་བསྟན། གཉིས་པ་རྒྱས་པར་བཤད་པ་ལ། སྐྱེ་བའི་སྡུག་བསྔལ། རྒ་བའི༴ ན་བའི༴ འཆི་བའི། མི་སྡུག་པ་དང་འཕྲད་པའི༴ སྡུག་པ་དང་བྲལ་བའི༴ འདོད་དང་མི་འདོད་ལོག་པར་འབྱུང་བའི་སྡུག་བསྔལ་དང་བདུན། དང་པོ། སྐྱེ་བའི་སྡུག་བསྔལ་ལ་ལྔ། ཤིན་ཀུན་མངལ་མ་ཞེས་པས་འཇུག་དུས་ཀྱི་སྡུག་བསྔལ། མེར་རུས་གནས་དབང་གིས་ལུས་གྲུབ་དུས་ཀྱི། བདུན་བརྟས་མ་རྣམ་གྱིས་བརྟས་དུས་ཀྱི། བཙའ་བཟོད་སྡུག་མ་གཅིག་གིས་བཏཟ་འདུས་ཀྱི། མངལ་སྲན་སྔོན་རེག་གིས་བཙས་རྗེས་ཀྱི་སྡུག་བསྔལ་ལོ། །གཉིས་པ་རྒ་བའི་སྡུག་བསྔལ་ལ། རྒ་ཉམས་བསྐྱོད་འགྲོས་ལུས་རྒས་པའི་སྡུག་བསྔལ། དབང་ཡུལ་ཚ་འདུས་ཀྱིས་སེམས་རྨོངས་པའི་སྡུག་བསྔལ་བསྟན་པའོ། །གསུམ་པ་ན་བའི་སྡུག་བསྔལ་རང་རྙོག་ཕུང་འཚོས་བསྟན། བཞི་པ་འཆི་བའི་སྡུག་བསྔལ་སྲིད་ཐུག་རྣམ་ལོངས་ཀྱིས་བསྟན། ལྔ་པ་དགྲ་མི་སྡུག་པ་དང་འཕྲད་པའི་སྡུག་བསྔལ་མི་

― ZP02_Page_256 ―

^{[མ་དཔེ་གཟིགས་ན་འདིར་གནོན།]}

[Full Size]

ཕོ་བདེ་དབུགས་ཀྱིས་བསྟན། དྲུག་པ་གཉེན་བྱ་མས་པ་དང་བྲལ་བའི་སྡུག་བསྔལ། བྱམས་གདུང་ནོར་ལམ་གྱིས་བསྟན། བདུན་པ་འདོད་དང་མི་འདོད་ལོག་པར་འབྱུང་བ། འདོད་བཀྲེས་གཞན་སྡུག་ཅེས་པས་བསྟན་ནོ། །དོན་གཉིས་པ་བདེན་པ་ལྷག་མ་གསུམ་བསྟན་པ་ལ། གཟུགས་འདུ་ཕྱིན་སྡུག་གིས་འཁོར་བའི་རྒྱུ་འབྲས་སྤྱིར་བསྟན། ཕུང་ཀུན་ཀུན་ཀུན་གྱིས་ཀུན་འབྱུང་སྤོང་བ་བྱེ་བྲག་ཏུ་བསྟན། དེ་བདེན་ཞེས་པས་ལམ་རྒྱུད་ལ་བརྟེན་པ། འགོག་ཐར་ཞེས་པས་འགོག་པ་མངོན་དུ་བྱ་བ་བསྟན་ནོ། །གཉིས་པ་བདེན་བཞི་འཇུག་ལྡོག་གི་གཞི་རྟེན་འབྲེལ་བཅུ་གཉིས་བཤད་པ་ལ་གཉིས། རྟེན་དེ་དེ་དེ་དེ་དེ་སྐྱེ་མྱ་ཕུང་གིས་ལུགས་འབྱུང༌། སྐྱེ་རྟེན་རྒྱལ་གྱིས་ལུགས་ལྡོག་བསྟན། མཐར་ཐུག་སྐྱེ་མེད་རྟོགས་བྱར་གདམས་པས་འཇུག་བསྡུ་བ། དེ་མཐོ་ཀུན་སྐྱེ་ཞེས་པས་བསྟན། ཡོན་ཏན། འཁོར་བ་ཞེས་པས་ལེའུའི་མཚན་བསྟན་པའོ།། །།

སྤྱི་དོན་གསུམ་པ་སྐྱེས་བུ་ཆེན་པོའི་ཐུན་མོང་མ་ཡིན་པའི་ལམ་དུ་བྱང་ཆུབ་སེམས་གཉིས་བསྒོམ་པ།

༈ སྤྱི་དོན་གསུམ་པ་སྐྱེས་བུ་ཆེན་པོའི་ཐུན་མོང་མ་ཡིན་པའི་ལམ་དུ་བྱང་ཆུབ་སེམས་གཉིས་བསྒོམ་པ་ལ། སྔོན་འགྲོ་དང༌། དངོས་གཞི་གཉིས། སྔོན་འགྲོ་ལ་ལམ་གྱི་རྟེན་འབྲེལ་བསྒྲིགས་པ་དང༌། རྟེན་གཞི་འཆའ་

― ZP02_Page_257 ―

^{[མ་དཔེ་གཟིགས་ན་འདིར་གནོན།]}

[Full Size]

བ་གཉིས། རྟེན་འབྲེལ་བསྒྲིགས་པ་འཁོར་ལོ་ཆེན་པོ་བཞིའི་ལེའུ་ལ། མདོར་བསྟན་པ་དང༌། རྒྱས་པར་བཤད་པ་དང༌། དོན་བསྡུ་བ་དང་གསུམ། དང་པོ་ཡུལ་སྐྱེས་ལེགས་འཁོར་ཞེས་པས་བསྟན། གཉིས་པ་རྒྱས་པར་བཤད་པ་ལ། མཐུན་པར་གྱུར་བའི་ཡུལ་བཤད་པ། སྐྱེས་བུ་དམ་པ་ལ་བརྟེན་པ༴ ལེགས་པར་སྨོན་པ། བསོད་ནམས་ཀྱི་སྐྱབས་ལ་འདུན་པ་བཤད་པ་བཞི། དང་པོ་མཐུན་པའི་ཡུལ་བཤད་པ་ལ། གནས་གྲོགས་ཀྱི་ཁྱད་པར་བཤད་པ་དང༌། འཚོ་བའི་ཁྱད་པར་བཤད་པ་གཉིས། དང་པོ་ལ་གང་ལ་བརྟེན་པ་ཡུལ་གྱི་ཁྱད་པར་དང༌། གང་གིས་བརྟེན་པ་གང་ཟག་གི་ཁྱད་པར་བསྟན་པ་གཉིས། དང་པོ་ལ་བཞི། ཚོགས་ཡུལ་དེ་རྙེད་ཀྱིས་ཚོགས་ཀྱི་ཉེས་དམིགས། རི་བབ་གཞི་ཕྲག་གིས་དབེན་པའི་ཡོན་ཏན། ཡིད་འགྲོ་སྡིག་ཕུན་གྱིས་ཆོས་དང་འགལ་བའི་གནས་གྲོགས། བསྐྱོད་འདྲིས་གསར་སྐྱེས་ཆོས་དང་མཐུན་པའི་གནས་གྲོགས་བསྟན་པ་དང་བཞི། གཉིས་པ་གང་གིས་བརྟེན་པ་གང་ཟག་གི་ཁྱད་པར་བསྟན་པ་ལ། སེམས་བརྗོད་འགྲོ་ཀུན་གྱིས་མཉམ་ཉིད་རྟོགས་ན་བླངས་དོར་མེད་པ་བསྟན། སྐྱེས་བསམ་བརྟུལ་ཡུལ་གྱིས་དེ་ལས་གཞན་

― ZP02_Page_258 ―

^{[མ་དཔེ་གཟིགས་ན་འདིར་གནོན།]}

[Full Size]

པ་གནས་གྲོགས་ལ་ལྟོས་པར་བསྟན་པའོ། །གཉིས་པ་འཚོ་བའི་ཁྱད་པར་བཤད་པ་ལ། སྟོན་བདག་སློང་མཐུན་གྱིས་ཡང་དག་པའི་འཚོ་བ་བཤད། འཚོ་རྙེད་ཐོབ་དྲང་གིས་ལོག་པའི་འཚོ་བ་བཤད་པའོ། །དོན་གཉིས་པ་སྐྱེས་བུ་དམ་པ་ལ་བརྟེན་པ་ལ། རྒྱུ་མཚན་མདོར་བསྟན་པ། རང་བཞིན་རྒྱས་པར་བཤད་པ་གཉིས། དང་པོ་དེ་གྲོགས་བསླབ་སྐྱེས་ཞེས་པས་སྐྱེས་བུ་དམ་པ་བརྟེན་པ་དངོས། ཇི་རྣམ་ཡལ་གང་གིས་དེའི་དཔེ་བསྟན། གཉིས་པ་རྒྱས་པར་བཤད་པ་ལ། ཇི་ལྟར་བརྟེན་པ་དང༌། བརྟེན་པའི་ཕན་ཡོན་གཉིས། ཇི་ལྟར་བརྟེན་པ་ལ། དང་པོ་བརྟགས་པ། བར་དུ་བརྟེན་པ། ཐ་མར་དགོངས་སྤྱོད་བསླབ་པ། དེའི་འཇུག་བསྡུ་བ་དང་བཞི། དང་པོ་བརྟགས་པ་ལ། བླ་མ་བརྟགས་པ་དངོས་དང༌། ཞར་བྱུང་སློབ་མ་བརྟགས་པ་གཉིས། དང་པོ་བླ་མ་བརྟགས་པ་ལ། བརྟགས་ནས་སྤངས་བླང་བྱ་བ་དང༌། དམ་པའི་ཡོན་ཏན་དྲན་པར་བྱ་བ་གཉིས། དང་པོ་ལ། བརྟགས་པ་དངོས་དང༌། བརྟགས་དགོས་པའི་རྒྱུ་མཚན་གཉིས། བརྟགས་པ་དངོས་ལ། བསྟེན་བྱ་བཤད་པ་དང༌། སྤངས་བྱ་བཤད་པ་གཉིས། བསྟེན་བྱ་

― ZP02_Page_259 ―

^{[མ་དཔེ་གཟིགས་ན་འདིར་གནོན།]}

[Full Size]

བཤད་པ་ལ། དམ་སྙིགས་སྡོམ་ཐོས། སྡེ་སྤངས་བསྡུ་སྐལ་ཞེས་པས་ཐུན་མོང་དུ་བསྟེན་འོས་དང༌། ཁྱད་དབང་གཞི་བསྙེན། སྙིང་བྱ་སྐྱོ་ཐབས་དེ་ཡིས་ཁྱད་པར་མན་ངག་གི་བླ་མ་བསྟན། སྤངས་བྱ་བཤད་པ་ལ་བཞི། བྲམ་བསྟི་ཐོས་ཤིང་གིས་ཤིང་གི་རང་ཐག་ལྟ་བུ། སོ་བླུན་རྙེད་ཁྲོན་གྱིས་ཁྲོན་པའི་ལག་འགྲོ་ལྟ་བུ། ཐོས་རྒྱུད་བྱམས་སྨྱོན་གྱིས་སྨྱོན་པའི་ལམ་མཁན་ལྟ་བུ། ཁྱད་བྱར་ལོང་ཟོལ་གྱིས་ལོང་བའི་དེད་དཔོན་བསྟན་པ་དང་བཞི། བརྟགས་དགོས་པའི་རྒྱུ་མཚན། དེ་དང་དལ་ཤིང་གིས་བསྟན། དམ་པའི་ཡོན་ཏན་དྲན་པར་བྱ་བ་ལ་ལྔ། མཐའ་སངས་གདུལ་དངོས་ཀྱིས་རྒྱལ་བའི་རྣམ་འཕྲུལ་དུ་ཤེས་ནས། དྲང་ངེས་དགོངས་ཐེས་ཐབས་ལ་མཁས་པའི་ཁྱད་པར་ཤེས་ནས། སྲིད་ལམ་ལས་མ་ཐེག་ཕན་ཆོས་ཀུན། ཀུན་ཆེ་འཕོ་འཁྲུག་ཞེས་པས་ཁྱད་པར་འཕགས་པའི་དཔེ་བཅུ་གཉིས་དང་བསྟུན་ནས། དེ་གནོད་ཟོལ་མངོན་གྱིས་ཡོན་ཏན་ཀུན་གྱི་འབྱུང་གནས་སུ་ཤེས་ནས། ནད་འཇིགས་གྲུ་ཉོན་གྱིས་འཇིགས་ཀུན་སྒྲོལ་བའི་སྐྱབས་སུ་ཤེས་ནས་ཡོན་ཏན་དྲན་ནོ། །ཞར་བྱུང་སློབ་མ་བརྟགས་པ་ལ། སྣོད་དང་མི་ལྡན་པའི་མཚན་ཉིད་བཤད་པ་འཇུག་པ་གསུམ་གྱི་

― ZP02_Page_260 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱེ་བ་བསྟན་པ། སྣོད་དང་ལྡན་པའི་ཁྱད་པར་བཤད་པ་གསུམ། དང་པོ་ལ་ལྔ། དེ་སྣོད་ཟད་བཅོས་ཀྱིས་བསླུ་བྲིད་ཚེ་འདི་གཉེར་གདང་བར་ཐ་ལས་ཀྱིས་གཤིས་ངན་ལས་མཐའ་ལོག་པ། དམ་ལུལ་དབེན་རླུང་གིས་མི་བརྟན་འགྱུར་ལྡོག་ཆེ་བ། མི་བླ་དམ་རྔོན་གྱིས་ལོག་པའི་འདུ་ཤེས་བཞི་ལྡན། བློ་གདམས་སྣ་གསར་གྱིས་བློ་མང་གནད་དོན་སྟོར་བ་བསྟན་པའོ། །འཇུག་པ་གསུམ་གྱི་དབྱེ་བ་བསྟན་པ། ཡང་ལྟར་གཉིས་གསུམ་ཞེས་རྐང་པ་བཞི། སྣོད་དང་ལྡན་པའི་ཁྱད་པར་བཤད་པ་ལ། གོ་ལུས་ཅི་སྐྱེས་ཞེས་པས་རབ་མཆོག་དད་པས་གྲོལ་བ། དད་སྡོམ་ཁོང་ཞེས་པས་ཆེ་གུས་དུལ་ལྡན་གྱི་སློབ་མ་བསྟན། བར་དུ་བླ་མ་ཇི་ལྟར་བསྟེན་པ་ལ། བླ་མ་དངོས་ཇི་ལྟར་བསྟེན་པ་དང༌། བླ་མའི་འཁོར་དང་སྤུན་གྲོགས་ཇི་ལྟར་བསྟེན་པ་གཉིས། ༈ །དང་པོ་བླ་མ་དངོས་ཇི་ལྟར་བསྟེན་པ་ལ། ཡིད་གུས་པའི་སྒོ་ནས་བསྟེན་པ་དང༌། སྤྱོད་ལམ་ཞིབ་པའི་སྒོ་ནས་བསྟེན་པ་གཉིས། ༈ །དང་པོ་ལ་གུས་པའི་དཔེ་བརྒྱད་དང་བསྟུན་པ། ཞབས་ཏོག་རྣམ་པ་གསུམ་སྒྲུབ་པ། ཅི་མཛད་ལེགས་པར་མཐོང་བ་དང་གསུམ། ༈ །དང་པོ་ནི། བླ་བཀའ་གྲུ་ཟམས་བཟོ་བཀའ་

― ZP02_Page_261 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཚུལ་བསྟན་པའོ། །བཞི་པ་བསོད་ནམས་ཀྱི་སྐྱབས་ལ་འདུན་པ་བསྟན་པ་ལ་ལྔ། མཐོ་དལ་ཏིང་སྔོན་གྱིས་བསོད་ནམས་བསགས་པའི་ཡོན་ཏན། མ་རྒྱགས་རྣམ་ཆགས་ཀྱིས་བསོད་ནམས་མ་བསགས་པའི་སྐྱོན། གང་རྣམ་ཤེས་བསོད་ཀྱིས་བསོད་ནམས་བསགས་དགོས་པའི་རྒྱུ་མཚན། ཆོས་ཟབ་གདུང་སྙིང་ལམ་གྱིས་བསོད་ནམས་བསགས་པའི་བསམ་པ། དེ་ཆུ་མི་ལམ་གྱིས་བསོད་ནམས་བསགས་པའི་སྦྱོར་བ་བསྟན། འཁོར་ལོ་བཞིའི་དོན་བསྡུ་བ་འདི་ཞེས་པའི་རྐང་པ་གཅིག །ཡོན་ཏན་འཁོར་ལོ་ཞེས་པས་ལེའུའི་མཚན་བསྟན་པའོ།། །།

ལམ་གྱི་རྟེན་གཞི་བཅའ་བ་སྐྱབས་སུ་འགྲོ་བའི་ལེའུ།

༈ གཉིས་པ་ལམ་གྱི་རྟེན་གཞི་བཅའ་བ་སྐྱབས་སུ་འགྲོ་བའི་ལེའུ་ལ། སྐྱབས་འགྲོའི་རང་བཞིན་མདོར་བསྟན་པ་དང༌། རྒྱས་པར་བཤད་པ་གཉིས། དང་པོ། འཇིགས་སྐྱབས་དཀོན་བསྟན་ཞེས་པའི། རྐང་པ་བཞིའི་དང་པོས་རྒྱུ་གཉིས་པ་དང་གསུམ་པས་ཡུལ་བཞི་པས་སྐྱབས་སུ་འགྲོ་ཚུལ་མདོར་བསྟན། གཉིས་པ་རྒྱས་པར་བཤད་པ་ལ། སྐྱབས་འགྲོའི་འཇུག་སྒོ་བསྟན་པ་དང༌། སྐྱབས་འགྲོ་དངོས་བསྟན་པ་གཉིས། དང་པོ། སྐྱབས་འགྲོའི་འཇུག་སྒོ་དད་པ་བརྟེན་པ་ལ། དད་པའི་ངོ་བོ། །

― ZP02_Page_262 ―

^{[མ་དཔེ་གཟིགས་ན་འདིར་གནོན།]}

[Full Size]

དད་པའི་དབྱེ་བ། དད་པའི་རྒྱུ་བསྟན་པ་དང་གསུམ། དང་པོ་ངོ་བོ་ལ། ཐར་རྟེན་སྐྱབས་སྟོན་གྱིས་ཡོན་ཏན་ཤེས་པའི་དད་པའི༴ ཆོས་སྐྱེས་སྟོན་མོད་ཀྱིས་མོས་གུས་ཀྱི་དད་པའི་ངོ་བོ་བསྟན་པ་གཉིས། གཉིས་པ་དབྱེ་བ་དེ་དེ་རྣམ་སྲོག་ཅེས་པས་བསྟན། གསུམ་པ་རྒྱུ་ལ་རྒྱུ་བཞི་སྤྱིར་བསྟན་པ། རྒྱུ་གསུམ་པ་བྱེ་བྲག་ཏུ་བཤད་པ་གཉིས། དང་པོ། དད་དམ་དཀོན་སྙིང་ཞེས་པས་བསྟན། གཉིས་པ་རྒྱུ་གསུམ་པ་བྱེ་བྲག་ཏུ་བཤད་པ་ལ། སངས་རྒྱས་རྗེས་སུ་དྲན་པ། ཆོས༴ དགེ་འདུན༴ གསུམ། དང་པོ། ཐུབ་སྤངས་སྤྱན་སྟོབས། མ་རྣམ་ཞེས་པས་བསྟན། གཉིས་པ་ལ། ཆོས་བརྗོད་བྱ་བདེན་གྱིས་བདེན་གཉིས་ཀྱི་ཆོས་སྤྱིར་བསྟན། བརྗོད་ལུང་གཉེན་ཐབས་གླེགས་ཀྱིས་ལུང་གི་ཆོས་བསྟན། རྟོགས་རིམ་འཕགས་བསྐྱེད་ཀྱིས་ལམ་དང༌། སློབ་རྒྱུ་རྡོ་གང་གིས་ས་སྟེ། རྟོགས་པའི་ཆོས་བསྟན་པ་ལ་གསུམ། གསུམ་པ་དགེ་ཉན་ལ་རང་གིས་བསྟན། དོན་གཉིས་པ་སྐྱབས་འགྲོ་དངོས་བསྟན་པ་ལ། སྐྱབས་ཡུལ། དབྱེ་བ། འགྲོ་ཚུལ། བྱེད་ལས། བསླབ་བྱ། ཕན་ཡོན་དང་དྲུག །དང་པོ། སྐྱབས་ཡུལ་ལམ་ཆོས་གྲོགས་དཀོན་ཞེས་

― ZP02_Page_263 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དྲེགས་བླ་ཞེས་པས་བསྟན། གཉིས་པ་འབྱོར་ཞབས་མཐའ་མཉེས་ཞེས་པས་བསྟན། གསུམ་པ་ཅི་མཛད་ལེགས་པར་མཐོང་བ་ལ་གསུམ། མཛད་འཕགས་གདོལ་ཉམས་ཀྱིས་གྲུབ་པའི་མཛད་སྤྱོད་དྲན་ནས། རང་འཁྲུལ་སྟེ་དགེ་སྟོན་ལེགས་ཀྱིས་ལོག་ལྟའི་ཉེས་དམིགས་དྲན་ནས། གལ་བདག་དུས་ཅང་གིས་ཐབས་མཁས་ཀྱི་དགོངས་གཞི་ཤེས་ནས་ཅི་མཛད་ལེགས་པར་མཐོང་བའོ། །གཉིས་པ་སྤྱོད་ལམ་ཞི་བའི་སྒོ་ནས་བསྟེན་པ་ལ་གསུམ། བླ་བཞུགས་གཤེགས་སྟན་གྱིས་མཛད་སྤྱོད་དུས་དང་བསྟུན་པའི་སྤྱོད་ལམ། སྒོ་རྫུན་གུས་སྤངས་ཀྱིས་རྒྱུན་དུ་དྲུང་ན་གནས་པའི་སྤྱོད་ལམ། བླ་བཤེས་བག་ལྷག་གིས་སྡིག་པའི་གྲོགས་པོ་སྤང་བའི་སྤྱོད་ལམ་བསྟན་པའོ། །བླ་མའི་འཁོར་དང་སྤུན་གྲོགས་ཇི་ལྟར་བརྟེན་པ། འགྲོགས་འཇུག་བཟོད་བླ་ཞེས་པས་བསྟན་ནོ། །གསུམ་པ་ཐ་མར་དགོངས་སྤྱོད་བསླབ་པ་ལ། ཡོན་ཏན་གྱི་རོ་མྱང་བ། སྤྱོད་པ་དོན་མཐུན་པ། དགོངས་པ་དབྱེར་མེད་དུ་བྱ་བ་གསུམ། རྫིང་བུང་རྟག་སྐྱོ་དད་ཅེས་པས་བསྟན། གཉིས་པ་འཇུག་དམག་ངམ་ངག་ངལ་ཞེས་པས་བསྟན། གསུམ་པ་ལ། ཅི་བླ་བསྐྱེད་མདོས་བསྐྱེད་རྫོགས་ཟུང་དུ་འཇུག་པའི་དགོངས་

― ZP02_Page_264 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དབྱེར་མེད་དུ་བྱ་བ་སྒྲུབ་ཕྱོགས་ནས་བསྟན། རྨོངས་དངོས་གནས་སྒྲུབ་མོས་ཀྱིས་མོས་གུས་དཀར་པོ་གཅིག་ཐུབ་ལ་བརྟེན་ནས་ཐུགས་ཡིད་དབྱེར་མེད་དུ་བྱ་བ་དགག་ཕྱོགས་ནས་བསྟན་པའོ། །བཞི་པ་དེ་དག་གི་དོན་བསྡུ་བ་དང་བར་ཐ་སྐྱེས་ཀྱིས་བསྟན་ནོ། །དོན་གཉིས་པ་ལ་བརྟེན་པའི་ཕན་ཡོན་ལ། ཞར་བྱུང་སྡིག་གྲོགས་བརྟེན་པའི་ཉེས་པ་དང༌། དམ་པ་བསྟེན་པའི་ཕན་ཡོན་བསྟན་པ་དངོས་གཉིས། དང་པོ་ལ། གང་བསམ་གཡོ་དམ་ཇིས་སྡིག་གྲོགས་ཀྱི་མཚན་ཉིད། དགེ་བསྟེན་གྱིས་དེ་ལ་བརྟེན་པའི་ཉེས་དམིགས་བསྟན། གཉིས་པ་ལ། དེ་བདེ་རྒྱལ་མངོན་གྱིས་དགེ་བའི་བཤེས་གྲོགས་ལ་བརྟེན་པའི་ཕན་ཡོན་སྤྱིར་བསྟན། ཚོགས་ས་རྣལ་ཐུགས་ཀྱིས་བླ་མའི་རྣལ་འབྱོར་ལ་བརྟེན་ནས་ཚོགས་གཉིས་རྫོགས་པ་བྱེ་བྲག་ཏུ་བཤད། ཚོགས་བསྐལ་བསྐྱེད་སྐད་ཀྱིས་བསྐྱེད་རྫོགས་གཞན་ལས་བླ་མ་བསྒོམ་པ་མཆོག་ཏུ་བསྟན་པ་དང་གསུམ་མོ། །གསུམ་པ་ལེགས་སྨོན་བཤད་པ་ལ་གསུམ་དམ་རྒྱུད་སྟོན་ཐབས། ངེས་འཁོར་བཟང་གིས་ལེགས་སྨོན་ངོས་བཟུང༌། ཆོས་ཀུན་ཆོས་ཆོས་ལེགས་ཀྱིས་ལེགས་སྨོན་གྱི་མི་མཐུན་ཕྱོགས་བསྟན། ཐད་གཉེན་ཤིང་སྣང་རྣམ་གྱིས་ལེགས་སྨོན་གྲུབ་

― ZP02_Page_265 ―

^{[མ་དཔེ་གཟིགས་ན་འདིར་གནོན།]}

[Full Size]

པས་བསྟན། གཉིས་པ་དབྱེ་བ་ལ་རྒྱུ་འབྲས་ཀྱི་དབྱེ་བ་དང༌། ཀུན་སློང་གི་དབྱེ་བ་གཉིས། དང་པོ་རྒྱུ་འབྲས་ཀྱི་དབྱེ་བ་ལ། དེ་དམད་རྡོས་ངོ་བོའི་དབྱེ་བ་དང༌། རྒྱུ་སྔགས་ཞེས་པས་ཡུལ་གྱི་དབྱེ་བ་བསྟན། གཉིས་པ་ཀུན་སློང་གི་དབྱེ་བ་ལ་གསུམ། ཉི་ཀུན་ངན་གྱིས་ཆུང་བ། འབྲིང་གནས་ཉན་གྱིས་འབྲིང༌། ཆེན་འཁོར་བྱང་བྲལ་གྱིས་ཆེན་པོ་བསྟན་པའོ། །གསུམ་པ་སྐྱབས་སུ་འགྲོ་ཚུལ་ལ་གསུམ། ལམ་ཁམས་པ་མཐའ་བྱས་སྐྱབས་ཡུལ་གྱི་ཡོན་ཏན་དྲན། འདི་རྒྱུད་འཁོར་སྐྱབས་ཀྱིས་སྐྱབས་གནས་གཞན་མེད་པར་བློ་ཐག་བཅད། འཇིགས་གཞན་དཀོན་གྱིས་ཀུན་སློང་མངོན་དུ་བྱས་ནས་སྐྱབས་སུ་འགྲོ་བའོ། །བཞི་པ་སྐྱབས་འགྲོའི་བྱེད་ལས་ལ་གསུམ། ཇི་དཀོན་པ་ནམ་གྱི་སྐྱབས་འགྲོའི་ཡོན་ཏན་སྤྱིར་བསྟན། ནང་སྡིག་ངན་ཕུན་བསོད་ཀྱིས་རྒྱུའི་སྐྱབས་འགྲོའི་བྱེད་ལས། འབྲས་རྣམ་གནས་ཡེས་འབྲས་བུའི་སྐྱབས་འགྲོའི་བྱེད་ལས་བསྟན། ལྔ་པ་བསླབ་བྱ་ལ། བསླབ་བྱ་དངོས་དང༌། གཏོར་འཚམས་བཤད་པ་གཉིས། བསླབ་བྱ་དངོས་ལ་རྒྱུའི་བསླབ་བྱ་དང༌། འབྲས་བུའི་བསླབ་བྱ་གཉིས། དང་པོ། རྒྱུའི་བསླབ་བྱ་ལ། བསླབ་མངའ་སྲོག་དེ་དམ་གྱིས་སྐྱབས་འགྲོ་མི་སྤང་བ། དེ་སྐྱབས་འཁོར་གཞན་གྱིས་དགག་པའི་བསླབ་བྱ། དཀོན་ཉིན་གྱིས་བསྒྲུབ་པའི་བསླབ་བྱ་བསྟན་པ་སྟེ་གསུམ། གཉིས་པ་འབྲས་བུའི་བསླབ་བྱ་བ། འབྲས་བྲལ་སྐྱོབས་འདས་བཞིའི་དང་པོ་གསུམ་གྱིས་བསླབ་བྱ་དང་བཞི་པས་གཏོང་མཚམས་བསྟན་ཏོ། །གཉིས་

― ZP02_Page_266 ―

^{[མ་དཔེ་གཟིགས་ན་འདིར་གནོན།]}

[Full Size]

པ་རྒྱུའི་སྐྱབས་འགྲོའི་གཏོང་མཚམས་བཤད་པ་ལ། རྒྱུ་འགྲོས་གཏོང་མཚམས་དངོས་དང༌། བསླབ་རྨས་དམན་པར་ལྟུང་བ། ལས་ཚིག་བསླུ་ཡིས་དམན་པར་ལྟུང་བའི་རྒྱུ། འདི་ཡན་དཀོན་ངེས་གྱིས་དེའི་གཉེན་པོ་བསྟན་ཏོ། །དྲུག་པ་ཕན་ཡོན་ནི། རྨི་བག་ཚེ་ལུས་ཀྱིས་བསྟན་ཏོ། །ཡོན་ཏན་སྐྱབས་སུས་ལེའུའི་མཚན་བསྟན་པའོ། །དོན་གཉིས་པ་ལམ་གྱི་དངོས་གཞི་ལ། ལམ་གྱི་གཞུང་ཤིར་སྦས་དོན་ཉེ་ལམ་གསུམ་རྒྱུ་འབྲས་རང་བཞིན་གྱི་ཐེག་པ་གསུམ་དང་སྦྱར་ནས་ཉམས་སུ་བླངས་པ་ལས་དང་པོ་ལམ་གྱི་གཞུང་ཤིང་རྒྱུ་མཚན་ཉིད་ཀྱི་ཐེག་པ་ལྟར་ཉམས་སུ་བླངས་པ་ལ། བློ་སྦྱང་བ། དམ་བཅའ་བ། བསླབ་བྱ་སློབ་པ་སྟེ་གསུམ། དང་པོ་བློ་སྦྱང་བ་ཚད་མེད་བཞིའི་ལེའུ་ལ། ཐེག་ཆེན་ལམ་གྱི་མདོ་དོན་སྟོང་ཉིད་སྙིང་རྗེའི་སྙིང་པོ་ཅན་མདོར་བསྟན་པ། ཐབས་སྙིང་རྗེ་ཆེན་པོའི་ཕྱོགས་རྒྱས་པར་བསྟན་པ། ཕན་པའི་གདམས་ངག་བརྗོད་པས་མཇུག་བསྡུ་བ་དང་གསུམ། དང་པོ་མདོར་བསྟན་ནི། ཐེག་རིགས་སྟོང་ཐེག་ཅེས་པས་བསྟན། །གཉིས་པ་རྒྱས་པར་བཤད་པ་ལ། ཚད་མེད་བཞི་བསྒོམ་པའི་རྒྱུ་མཚན་བཤད་པ་དང༌། ཚད་མེད་བཞི་དངོས་བཤད་པ་དང་གཉིས། དང་པོ་ལ། སྦྱིན་པོ་རྣམ་ཐེབས་ཀྱིས་ཐབས་ཤེས་ཁྱད་པར་ཅན་ཐེག་ཆེན་གྱི་ལམ་དུ་བསྟན། གང་ཤེས་སྦྱོར་སྨོན་གྱིས་ཚད་མེད་བཞི་དེའི་རྒྱུར་བསྟན་པའོ། །གཉིས་པ་ཚད་མེད་བཞི་དངོས་བསྟན་པ་ལ། ཚད་མེད་ཀྱི་དམིགས་རྣམ་བཤད་པ། ཚངས་གནས་བཞི་བཤད་པ། ཚད་

― ZP02_Page_267 ―

^{[མ་དཔེ་གཟིགས་ན་འདིར་གནོན།]}

[Full Size]

མིད་ཁྱད་པར་ཅན་བཤད་པ། རྩལ་སྦྱོང་དང་གེགས་སེལ་བཤད་པ། དེ་ལྟར་བསྒོམ་པའི་འབྲས་བུ་བཤད་པ་དང་ལྔ། དང་པོ་དམིགས་རྣམ་བཤད་པ་ལ། བྱམས་སྡུག་ལུས་གཞན་གྱིས་བྱམས་པ། སྙིང་བཟོད་འགྲོ་མཐས་སྙིང་རྗེ། དགའ་སྤྲོ་རང་ཕྱིན་གྱིས་དགའ་བ། བཏང་ཕྱོགས་དགྲ་ཕན་གྱིས་བཏང་སྙོམས། རྣམ་ཞེས་པའི་རྐང་པ་གཅིག་གིས་དམིགས་བཅས་དམིགས་མེད་བསྟན་པ་དང་ལྔ། གཉིས་པ་འདོད་འཐར་ཕྱོགས་ཞེས་པས་ཚངས་གནས་བསྟན། གསུམ་པ། འདི་དམིགས་སྣང་རྣམ་བྱང་ཁྱད་ཀྱིས་ཚད་མེད་ཁྱད་པར་ཅན། བཞི་པ་བསྒོམ་དམིགས་ཀྱིས་རྩལ་སྦྱོང༌། འོ་ན་ཉེས་བྱམས་པ། དེ་སྙིང་གིས་བཏང་བསྙོམས། སྙིང་དགས་སྙིང་རྗེ། དགའ་བྱམས་ཀྱིས་དགའ་བའི་གེགས་བསལ་བའོ། །ལྔ་པ་དེ་ལྟར་བསྒོམ་པའི་འབྲས་བུ་ལ། ཐུན་མོང་བ་དང་ཁྱད་པར་ཅན་གཉིས། དང་པོ། ཐུན་མོང་བ་ལ། དེ་འདོད་ཀྱིས་རྣམ་སྨིན། རྒྱུ་མིས་རྒྱུ་མཐུན། དབང་ཞེས་པས་དབང༌། བྱེད་དོན་ཞེས་པས་སྐྱེས་བུ་བྱེད་པ་བསྟན། གཉིས་པ་ཁྱད་པར་ཅན་ལ། བྱམས་ཞེ་བྱམས་མེས་བྱམས་པ། སྙིང་བདག་འདོད་སོར་གྱིས་སྙིང་རྗེ། དགའ་

― ZP02_Page_268 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱོར་བསམ་བྱས་དགའ་བ། བཏང་བ་རྨོངས་ངོས་བཏང་སྙོམས་གྱིས་འབྲས་བུ་ཁྱད་པར་ཅན་བཤད་དེ་རྒྱུའི་དེ་དག་གི་དོན་བསྡུ་བའོ། །གསུམ་པ་གདམས་ངག་བརྗོད་པས་མཇུག་བསྡུ་བ། ལམ་སྟོང་ཐར་རྙོགས་ཞེས་པས་བསྟན། ཡོན་ཏན་ཚད་མེད་ཅེས་པས་ལེའུའི་མཚན་བསྟན་པའོ།། །།

དམ་བཅའ་བ་བྱང་ཆུབ་ཀྱི་སེམས་བཟུང་བའི་ལེའུ།

༈ །།གཉིས་པ་དམ་བཅའ་བ་བྱང་ཆུབ་ཀྱི་སེམས་བཟུང་བའི་ལེའུ་ལ། སྨོན་འཇུག་གི་སེམས་མདོར་བསྟན་པ། སེམས་དེ་བཟུང་བར་རྒྱས་པར་བསྟན་པ་གཉིས་ལས་དང་པོ། རྙེད་ཚད་སྨོན་ཞི་ཞེས་པས་བསྟན། །གཉིས་པ་རྒྱས་པར་བཤད་པ་ལ། བྱང་ཆུབ་སེམས་ཀྱི་མཚན་ཉིད་སྤྱིར་བསྟན་པ་དང༌། སེམས་བསྐྱེད་པའི་ཆོག་དངོས་གཉིས། དང་པོ་ལ་བྱང་ཆུབ་སེམས་ཀྱི་ཕན་ཡོན་བསྟན་པ། བྱང་ཆུབ་ཀྱི་སེམས་ཀྱི་ངོ་བོ་ངོས་བཟུང་བ། བྱང་ཆུབ་སེམས་ཀྱི་དབྱེ་བ་བཤད་པ་གསུམ། དང་པོ་ཕན་ཡོན་བསྟན་པ་ལ། སྡིག་བྱང་མིང་འཇིག་གིས་སྔ་མ་གསུམ་གྱིས་མིང་དང་ཕྱི་མས་དོན་ཏེ་མིང་དོན་གནས་འགྱུར་བའི་ཕན་ཡོན། ལས་གཏུམ་སྐབས་ཆུས་སེམས་བསྐྱེད་ཀྱིས་མ་ཟིན་པ་མི་འཕེལ་ཚུལ་དཔས་དགེ་བྱང་འབྲས་ཀྱིས་ཟིན་པ་འཕེལ་བ་སྟེ། དགེ་འབྲས་འཕེལ་ཆེ་བའི་ཕན་ཡོན། ལས་འཁོར་

― ZP02_Page_269 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་གདོན་གྱིས་འཁོར་བ་ནས་ངེས་པར་འབྱིན་པའི་ཕན་ཡོན། གཉིས་པ་བྱང་ཆུབ་སེམས་ཀྱི་ངོ་བོ་ངོས་བཟུང་བ་ལ། གང་བཀྲེས་སེམས་གོམ་ཀྱིས་དོན་གཉིས་དང་ལྡན་པའི་བྱང་ཆུབ་ཀྱི་སེམས་དངོས་ངོས་བཟུང༌། དེ་བསླབ་བདག་བསླབ་བྱམས་ཀྱིས་སྨོན་པ་དང་སྨོན་པའི་བསླབ་བྱ་ངོས་བཟུང༌། རྒྱུ་ངོ་སྤྲོད་ཀྱིས་འཇུག་པ་དང་འཇུག་པའི་བསླབ་བྱ་ངོས་བཟུང་བ་དང་གསུམ་མོ། །གསུམ་པ་དབྱེ་བ་ལ། དབྱེ་སྒོ་རྣམ་གྲངས་བསྟན་པ་དང༌། སྨོན་འཇུག་གི་ཡོན་ཏན་གྱི་དབྱེ་བ་བསྟན་པ། བློ་སྟོབས་ཆེན་པོའི་ཚོགས་བཟླུམ་པའི་ཁྱད་པར་དང་གསུམ། དང་པོ་ལ་དབྱེ་ཞེས་པས་གཉིས་ཚན། བསླབ་ཀྱིས་གསུམ་ཚན། ཁྱད་དང་དག་སངས་ཀྱིས་བཞི་ཚན། དེ་ཞེས་པས་ལྔ་ཚན། ཕ་ཞེས་པས་དྲུག་ཚན། ས་ཞེས་པས་ཉེར་གཉིས། བསམ་ཞེས་པས་དེ་དག་གི་དོན་བསྡུ་བ་དང་བདུན། གཉིས་པ་སྨོན་འཇུག་གི་ཡོན་ཏན་གྱི་དབྱེ་བ་ལ། གང་རྟག་སློང་དེས་དཔེ། བསྔགས་ཕན་ངན་བདེས་སྨོན་པའི་ཡོན་ཏན། ཁྱད་དངོས་གང་འགྲོའི་འཇུག་པ་དངོས་དང༌། དེ་བསོད་སྤྱོད་བསྐལ་གྱིས་དེའི་ཡོན་ཏན་བསྟན། གསུམ་པ་བློ་སྟོབས་ཆེན་པོའི་ཚོགས་བཟླུམ་པ་བྱུག་བགྲོད་བློ་གྲངས་

― ZP02_Page_270 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་བསྟན། །སེམས་བསྐྱེད་པའི་ཆོ་ག་དངོས་ལ། སྔོན་འགྲོས་གཞི་བཟུང་བ། དངོས་གཞི་དམ་བཅའ་བ། མཇུག་དགའ་བ་སྒོམ་པ་གསུམ། དང་པོ་ལ། སྟོབས་གསུམ་སྤྱིར་བསྟན་པ། སྐྱེ་བའི་རྟེན་བསྟན་པ། སེམས་བསྐྱེད་སྐྱེ་བའི་རྒྱུ་རྐྱེན་བསྟན་པ། སྦྱོར་བའི་སྟོབས་བྱེ་བྲག་ཏུ་བསྟན་པའོ། །དང་པོ་སྟོབས་གསུམ་སྤྱིར་བསྟན་པ། ཇི་སེམས་སྟོབས་སྙིང་བསམ་ཞེས་པས་བསྟན། གཉིས་པ་རྟེན་གྱི་གང་ཟག །རྟེན་སོ་དཀོན་རྗེས་ཚོགས་ཀྱིས་བསྟན། གསུམ་པ་རྒྱུ་རྐྱེན་ལ་རྒྱུ་ཞེས་པས་སློབ་མ། རྐྱེན་ཡིད་བྱང་གིས་སློབ་དཔོན། ཐོག་རྒྱན་བྱང་གིས་གདམས་ངག་བསྟན། བཞི་པ་སྦྱོར་བའི་སྟོབས་བྱེ་བྲག་ཏུ་བཤད་པ་ལ། ཚོགས་བསགས་པའི་ཞིང་སྤྱན་དྲངས་པ་དང༌། དེ་ལ་ཚོགས་བསགས་པ་གཉིས། དང་པོ་ལ། དམ་ཚིག་གི་རྟེན་དགྲམས་པ། ཡེ་ཤེས་པ་སྤྱན་དྲངས་པ་གཉིས། དང་པོ་སྐྱང་གུར་དཀོན་མཆོད་དམ་ཀྱིས་བསྟན། གཉིས་པ་སྤྱན་དྲངས་པ་ལ། སྤྱན་དྲངས་པ། ཁྲུས་གསོལ་བ། བཞུགས་སུ་གསོལ་བ་གསུམ། དང་པོ་སྤྱན་དྲངས་པ་ལ། ཡེ་མཛའ་རྒྱལ་གྱིས་མོས་གུས་ཀྱི་གདུང་བ་བསྐྱེད། གང་མགོན་ཇི་བཅོམ་གྱིས་སྤྱན་

― ZP02_Page_271 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲེན་གྱི་ཚིག་བརྗོད་པ་གཉིས། གཉིས་པ་ཁྲུས་གསོལ་བ་ལ། ཁྲུས་གསོལ་བ་དངོས་དང༌། གོས་རྒྱན་དབུལ་བ་གཉིས། ཁྲུས་གསོལ་བ་དངོས་ལ། ལས་ཁྲུས་ཤེལ་གཡུས་ཁྲུས་ཁང་བསྐྱེད། བདེ་སྤོས་ཁྲུས་གླུས་ཁྲུས་གསོལ་བ། ཉེ་དྲིལ་གྱིས་བསྐུ་མཉེ་ཕྱི་གསུམ་ཕུལ། གོས་རྒྱན་དབུལ་བ་ལ། གོས་རྒྱན་དབུལ་བ་དངོས་དང༌། དྲིའི་བྱུག་པ་དབུལ་བ་གཉིས། དང་པོ་ལ། འབུལ་རྒྱུ་འབུལ་ཡུལ་གཉིས། འབུལ་རྒྱུ་ལ། ཁ་ཐག་དཔག་ལྕིད་དྲིས་གོས། རིན་གདུས་རྒྱན། འབུལ་ཡུལ་ལ། འདོད་བཀྲེན་གྱིས་སངས་རྒྱས། འཇིག་ངན་སེམས་ཆོས་དྲིས་བྱང་ཆུབ་སེམས་དཔའ་བསྟན། བྱུག་པ་དབུལ་བ་སྟོང་འཁྱུད་བསོད་གསེར་གྱིས་བསྟན། གསུམ་པ་བཞུགས་སུ་གསོལ་བ། བཏང་བྱམས་སྙིང་དགས་བསྟན། གསུམ་པ་ཚོགས་བསགས་པ་དངོས་ལ། དད་པའི་རྣམ་འགྱུར་བསྟན་པ། ཚོགས་བསགས་པ་དངོས། དེའི་དོན་བསྡུ་དང་གསུམ། དང་པོ། དད་པའི་རྣམ་འགྱུར་བསྟན་པ་ལ། བབ་སྙིང་མེ་གས་ལུས་གུས་པའི་རྣམ་འགྱུར་དང༌། རིགས་ཡོན་དང་སྐྱོས་ཡིད་གུས་པའི་རྣམ་འགྱུར་བསྟན། གཉིས་པ་ཚོགས་བསགས་པ་དངོས་ལ་བརྒྱད།

― ZP02_Page_272 ―

^{[མ་དཔེ་གཟིགས་ན་འདིར་གནོན།]}

[Full Size]

ཟླ་རྨ་ལང་ཤིན་གྱིས་ཕྱག་འཚལ་བ། བཏོང་དེས་བླ་ཀུན་གྱིས་མཆོད་པ་འབུལ་བ། མུ་དགེ་སྲིད་སྟོབས་ཀྱིས་སྡིག་པ་བཤགས་པ། སྦྱོར་བསམ་རྣམ་བརྟུལ་གྱིས་རྗེས་སུ་ཡི་རང་བ། ཐར་རྣམ་གདུལ་རྩིབས་ཀྱིས་ཆོས་ཀྱི་འཁོར་ལོ་བསྐོར་བར་བསྐུལ་བ། རྒྱལ་འགྲོ་མྱ་དངོས་ཀྱིས་མྱ་ངན་ལས་མི་འདའ་བར་གསོལ་བ་འདེབས་པ། བདག་སྲིད་བྱང་འདིས་དགེ་བ་བྱང་ཆུབ་ཏུ་བསྔོ་བ། ཆོ་ག་སྐྱེས་ཚིག་བདག་གིས་ལུས་དབུལ་བ། དཀོན་གྲིབ་རྣམ་ཁྲོས་འབངས་སུ་དམ་བཅའ་བའོ། །གསུམ་པ་དེ་དག་གི་དོན་བསྡུ་བ་དེས་ཕྱི་བསོད་སེམས་ཀྱིས་བསྟན། དོན་གཉིས་པ་དངོས་གཞི་དམ་བཅའ་བ་ལ། དམ་བཅའ་བའི་ཡུལ། ཇི་ལྟར་དམ་བཅའ་བ། སྡོམ་པའི་ཐོབ་འཚམས་བསྟན་པ་དང་གསུམ། དང་པོ་ཡུལ་ལ། ཉེས་རིམས་གསོ་སྨན་གྱིས་ཡུལ་གཞན་དུ་མ་ཡིན་པའི་ཁྱད་ཆོས་དང༌། མོས་སེམས་ཐེག་ཚོགས་ཀྱིས་ཡུལ་དངོས་བསྟན། གཉིས་པ་ཇི་ལྟར་དམ་བཅའ་བ་ལ། སྐྱབས་དགོངས་རྒྱལ་བསླབ་ཀྱིས་སྨོན་འཇུག་སྤྱིར་དམ་བཅའ་བ། ཉོན་ཤེས་ཉན་གྱིས་མ་བསྒྲལ་བ་བསྒྲལ་བ། གཉིས་ཚངས་སློབ་སེམས་ཀྱིས་མ་གྲོལ་བ་དགྲོལ་བར། ཤིན་དབུགས་དབུགས་ཀྱིས་དབུགས་མ་ཕྱིན་པ་རྣམས་

― ZP02_Page_273 ―

^{[མ་དཔེ་གཟིགས་ན་འདིར་གནོན།]}

[Full Size]

དབུགས་འབྱིན་པར། མདོར་འཁོར་མིས་ཡོངས་སུ་མྱ་ངན་ལས་མ་འདས་པ་རྣམས་ཡོངས་སུ་མྱ་ངན་ལས་བཟླ་བར་དམ་བཅའ་བ་བསྟན། དགོད་སྔོན་གྱིས་ཆོ་གའི་བརྗོད་པ་གཞན་ལ་ཁ་འཕང་བ། རྟག་བྱང་གིས་ཡང་དང་ཡང་དུ་སྡོམ་པ་བླངས་པར་བསྟན་པ་དང་བདུན་ནོ། །གསུམ་པ་སྡོམ་པའི་ཐོབ་མཚམས་ངོས་བཟུང་བ་འདུན་བརྗོད་གསུམ་རྒྱས་བསྟན། དོན་གསུམ་པ་འཇུག་དགའ་བསྒོམ་པ་ལ་བཞི། སྔོན་རང་རིན་བདག་གིས་ད་རེས་ཀྱི་སྲིད་པ་དོན་ལྡན་དུ་གྱུར་པའི་སྒོ་ནས། རིགས་ལྷག་རྒྱལ་བྱང་གིས་རྒྱལ་བ་ཀུན་གྱི་སྲས་སུ་གྱུར་པའི་སྒོ་ནས། སྲིད་རྨོངས་བྱང་དགས་གཞན་རྗེས་སུ་ཡི་རང་སྒོམ་དུ་གཞུག་པའི་སྒོ་ནས། འཆི་དབུལ་སྲིད་བདག་གིས་འགྲོ་བའི་ཉེར་འཚོ་བླ་མེད་དུ་གྱུར་པའི་སྒོ་ནས་དགའ་བ་བསྒོམ་པའོ། །ཡོན་ཏན་བྱང་ཆུབ་ཀྱིས་ལེའུའི་མཚན་བསྟན་པའོ།། །།

རྗེས་བསླབ་བྱ་སློབ་པའི་ལེའུ།

༈ དོན་གསུམ་པ་རྗེས་བསླབ་བྱ་སློབ་པའི་ལེའུ་ལ། བསྲུང་བྱེད་ཐབས་ཀྱི་ཡན་ལག་བསྟན་པ་དང༌། བསྲུང་བྱ་དངོས་བཤད་པ་གཉིས། དང་པོ་བསྲུང་བྱེད་བསྟན་པ་ལ། བག་ཡོད་བསྟན་པ་དང༌། བསྲུང་ཐབས་ཀྱི་རྣམ་གྲངས་བསྟན་པ་གཉིས། དང་པོ་བག་ཡོད་བསྟན་པ་ལ། ཉམས་པའི་

― ZP02_Page_274 ―

^{[མ་དཔེ་གཟིགས་ན་འདིར་གནོན།]}

[Full Size]

ཉེས་པས་འཇིགས་ནས་བག་བྱ་བ་དང༌། ཉོན་མོངས་པའི་གཡུལ་གྱིས་འཇིགས་ནས་བག་བྱ་བའོ། །དང་པོ་ལ་གསུམ། སྔོན་དམ་རྒྱལ་གདོན་གྱིས་བླངས་དོར་གྱི་གནས་བླ་ན་མེད་དུ་བསྒྲུབ་པ། བཏང་མུ་དེ་བཤིག་གིས་དེས་ན་ངེས་པར་གཏོང་མི་རུང་བ་བསྟན་པ། ལྟུང་འཁོར་ས་བསླབ་ཀྱིས་རྩ་ལྟུང་གི་གནས་ལ་བག་བྱ་བའོ། །གཉིས་པ་ཉོན་མོངས་པའི་གཡུལ་གྱིས་འཇིགས་ནས་བག་བྱ་བ་ལ་གསུམ། གང་ཁྲོས་མདའ་དོན་གྱིས་འཁོར་བར་དོན་མེད་ཀྱི་གཡུལ་དུ་བསྲན་བཟོད་པའི་ཚུལ་བསམ། རྣམ་ཉོན་འཁོན་བསླབ་ཀྱིས་ཉོན་མོངས་པའི་གཡུལ་དུ་བསླབ་པའི་གོ་ཆ་འདོར་བའི་ཉེས་པ་བསམ། འདི་བདག་མཐའ་སྒྲོལ་གྱིས་རང་མ་གྲོལ་བར་གཞན་སྒྲོལ་མི་ནུས་པར་བསམ་པའོ། །གཉིས་པ་བསྲུང་ཐབས་ཀྱི་རྣམ་གྲངས་བག་བྱང་མི་སྤེལ་གྱིས་བསྟན་ནོ། །དོན་གཉིས་པ་བསྲུང་བྱ་དངོས་བསྟན་པ་ལ། ལྟུང་བའི་རབ་དབྱེ་བཤད་པ་དང༌། བསླབ་བྱའི་རྣམ་གྲངས་བཤད་པ་གཉིས། དང་པོ་ལ། ལྟུང་བ་བཤད་པ་དང༌། ཕྱིར་བཅོས་བཤད་པ་གཉིས། ལྟུང་བ་བཤད་པ་ལ། དེ་དཀོན་གྱིས་རྒྱལ་པོ། གྲོང་ཞེས་པས་བློན་པོ། བློ་ཕལ་གྱིས་ཕལ་ཕལ་འབྱུང་ཉེ་བའི་ལྟུང་བ་བསྟན། ཕྱིར་བཅོས་བཤད་པ་ལ།

― ZP02_Page_275 ―

^{[མ་དཔེ་གཟིགས་ན་འདིར་གནོན།]}

[Full Size]

མདོར་དེས་ལྟུང་བ་ཆུང་ངུ་རྣམས་ཀྱི་ཕྱིར་བཅོས། རྟེན་སྤོང་གིས་ལྟུང་བ་ཆེན་པོ་གསུམ། ཐུན་སྐྱ་བོས་ཀྱིས་དེའི་ཕྱིར་བཅོས་བསྟན། གཉིས་པ་བསླབ་བྱ་བསྟན་པ་ལ། སྨོན་པའི་བསླབ་བྱ་བཤད་པ་དང༌། འཇུག་པའི་བསླབ་བྱ་བཤད་པ་གཉིས། དང་པོ་སྨོན་པའི་བསླབ་བྱ་བཤད་པ་ལ། བྱང་ཆུབ་ཀྱི་སེམས་སྤེལ་བའི་ཐབས་སུ་བདེ་སྡུག་གཏོང་ལེན་ལ་བསླབ་པ། སེམས་འབྱོར་བའི་ཐབས་སུ་བྱས་ཤེས་དྲིན་གཟོ་ལ་བསླབ་པ། སེམས་མི་བརྗེད་པའི་ཐབས་སུ་དཀར་ནག་གི་ཆོས་ལ་བླང་དོར་བྱ་བ། སེམས་མི་ཉམས་ཤིང་བརྟན་པའི་ཆེད་དུ་འདུ་ཤེས་བཞི་བསྟན་པའོ། །དང་པོ། བྱང་ཆུབ་ཀྱི་སེམས་སྤེལ་བའི་ཐབས་སུ་བདེ་སྡུག་གཏོང་ལེན་བྱ་བ། བདག་གཞན་གཏོང་བྱང་ཞེས་པས་བསྟན། སེམས་འབྱོང་བའི་ཐབས་སུ་བྱས་ཤེས་དྲིན་གཟོ་ལ་བསླབ་པ། སྨོན་བྱས་བྱམས་སྐྱེས་བསྒོམ་དགོས་པའི་འཐད་པ། བཙས་མ་མི་ནུས་ལུས་ཀྱི་བྱམས་པས་བསྐྱང་ཚུལ། བུ་སྡིག་དྲིན་དེས་སེམས་ཀྱི་བྱམས་པས་བསྐྱང་ཚུལ། ས་བྱས་བཟའ་དེས་བྱས་པ་མི་བཟོ་བའི་ཉེས་པ་དང་གང་ལ་བསྒོམ་པའི་ཡུལ། མ་དྲན་བྱས་སྐྱེས་ཀྱིས་དྲིན་དུ་བཟོ་བའི་ཡོན་ཏན་བསྟན་པ་དང་ལྔའོ། །སེམས་མི་བརྗེད་པའི་

― ZP02_Page_276 ―

^{[མ་དཔེ་གཟིགས་ན་འདིར་གནོན།]}

[Full Size]

ཐབས་སུ་དཀར་ནག་གི་ཆོས་བརྒྱད་ལ་བླང་དོར་བྱ་བ་ལ་བཞི། སྨོན་སྒྲ་ནག་གིས་ནག་པོའི་ཆོས་བཞི་སྤང་དགོས་པར་བསྟན། མཆོད་ཐེ་དམ་གཡོས་ནག་ཆོས་བཞི་ངོས་བཟུང༌། ཆོས་འགྱོད་དེས་དེ་བཞི་གང་རུང་གིས་སྨོན་སེམས་འཆོར་བ་བསྟན། གཉེན་སྲོག་རྒྱལ་གཡོ་འཐས་གཉེན་པོ་དཀར་ཆོས་བཞི་བསྟན་ནོ། །སེམས་མི་ཉམས་ཤིང་བརྟན་པའི་ཐབས་སུ་འདུ་ཤེས་བཞི་བསྟན་པ། བརྟན་དགེ་དེས་དེ་སེམས་ཀྱིས་བསྟན་ཞིང་འདི་ཞེས་པས་སྨོན་པའི་བསླབ་བྱ་སྤྱིའི་འཇུག་བསྡུས་སོ། །གཉིས་པ་འཇུག་པའི་བསླབ་བྱ་ལ། བསྒྲུབ་བྱ་ཚོགས་གཉིས་ཀྱི་ངོས་ནས་ཕྱིན་དྲུག་གི་དབྱེ་བ་བསྟན་པ། སྒྲུབ་བྱེད་གང་ཟག་གི་ངོས་ནས་བློ་ཁྱད་གསུམ་གྱིས་མྱུར་བུལ་སྟོན་པ། ཕ་རོལ་ཏུ་ཕྱིན་པ་དྲུག་གི་རང་བཞིན་རྒྱས་པར་བསྟན་པ། སྐབས་ཀྱི་མཇུག་བསྡུ་བའོ། །དང་པོ་འཇུག་དང་ཕྱི་གཉིས་ཐབས་ཞེས་པས་བསྟན། གཉིས་པ། བློ་རང་རྒྱལ་རང༌། གྲུ་འགྲོ་སྐྱོང་བརྟུལ་འབྲིང་ཞེས་པས་བསྟན། གསུམ་པ་ཕྱིན་དྲུག་གི་རང་བཞིན་རྒྱས་པར་བསྟན་པ་ལ། སྦྱིན་པ་བཤད་པ། ཚུལ་ཁྲིམས་བཤད་པ། བཟོད་པ་བཤད་པ། བརྩོན་འགྲུས་བཤད་པ། བསམ་གཏན་བཤད་པ། ཤེས་རབ་

― ZP02_Page_277 ―

^{[མ་དཔེ་གཟིགས་ན་འདིར་གནོན།]}

[Full Size]

བཤད་པའོ། །དང་པོ་སྦྱིན་པ་བཤད་པ་ལ། སྦྱིན་པ་གསུམ་མདོར་བསྟན་པ། ཟང་ཟིང་གི་སྦྱིན་པ་བསྟན་པ། མི་འཇིགས་པའི་སྦྱིན་པ་བསྟན་པ། ཆོས་ཀྱི་སྦྱིན་པ་བསྟན་པ་དང་བཞི། དང་པོ། སྦྱིན་དབྱེ་ཞེས་པས་བསྟན། གཉིས་པ་ལ་གསུམ། ཟང་གཏོང་གཏོང་གླང་གིས་གཏོང་བ། གཏོང་ཁྱིམ་བྱས་གཏོང་བ་ཆེན་པོ་དང་ཤིན་ཏུ་གཏོང་བ། འདི་སེར་གཅིག་ཡང་བརྐམ་གྱིས་རིམ་པར་སློབ་ཚུལ་བསྟན། མི་འཇིགས་པའི་སྦྱིན་པ་ལ་གསུམ། མི་འཇིགས་ཀྱིས་མི་འཇིགས་པའི་སྦྱིན་པ་དངོས་བསྟན། མི་རྣམ་སྙིང་ལུས་ཀྱིས་སྦྱིན་པ་གཉིས་ཀྱི་དམིགས་བསལ་བསྟན། ཁ་གནས་ཞེན་གྱིས་སྦྱིན་པ་གཉིས་ཀྱི་ཁྱད་པར་བསྟན་པའོ། །ཆོས་ཀྱི་སྦྱིན་པ་ལ་གཉིས། ཆོས་མོས་རང་བྱམས་དཀར་གྱིས་མོས་སྤྱོད་པའི་ཆོས་སྦྱིན་དང༌། རང་རང་གིས་ཐོབ་པའི་ཆོས་སྦྱིན་བསྟན་ནོ། །གཉིས་པ་ཚུལ་ཁྲིམས་བཤད་པ་ལ། ངོ་བོ་སོགས་མདོར་བསྟན། རང་བཞིན་རྒྱས་པར་བཤད་པ་གཉིས། དང་པོ་ཚུལ་དབྱེ་སེམས་སྒོ་བ་གཞན་ཞེས་པས་བསྟན། གཉིས་པ་རྒྱས་པར་བཤད་པ་ལ་གསུམ། ཉེས་སྤྱོད་སྡོམ་པའི་ཚུལ་ཁྲིམས། དགེ་བ་ཆོས་སྡུད་ཀྱི་ཚུལ་ཁྲིམས། སེམས་

― ZP02_Page_278 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་དོན་བྱེད་ཀྱི་ཚུལ་ཁྲིམས་གསུམ། དང་པོ་ཉེས་སྤྱོད་སྡོམ་པ་ལ། སོ་ཐར་དང་བྱང་སྡོམ་གྱི་ཁྱད་པར་བཤད་པ། ཐེག་ཆེན་སོ་ཐར་དངོས་བཤད་པ། སྡོམ་གསུམ་གང་ཟག་གཅིག་གི་རྒྱུད་ལ་གནས་ཚུལ་སྟོན་པ་དང་གསུམ། དང་པོ། སོ་བྱང་གི་ཁྱད་པར་བསྟན་པ་ལ། ཁྱད་པར་བཞི་བསྟན་པ། ཐེག་ཆེན་གྱི་དམིགས་བསལ་བསྟན་པ། ཐེག་ཆེན་གྱི་ལྟུང་བ་བསྟན་པའོ། །དང་པོ་ནང་ཁྱད་སོ་བྱང་སོ་བྱང་ཞེས་པས་བསྟན། གཉིས་པ་ཐེག་ཆེན་གྱི་དམིགས་བསལ་བསྟན་པ་ལ། ཁྱད་གཞན་བྱང་ལུས་ཀྱིས་གང་གནང་བ། གཞན་རང་གནས་ཀྱིས་ཇི་ལྟར་གནང་བ། སེམས་བྲམ་རྣམ་གྱིས་དོན་ལ་དགེ་བ་ཡིན་པར་བསྟན། རྒྱུ་ཡིད་ཀྱིས་མ་གནང་བ་བསྟན་པའོ། །གསུམ་པ་ཐེག་ཆེན་གྱི་ལྟུང་བ་དེ་རང་གཞན་སྟོང་ཞེས་པས་བསྟན།། །།

ཐེག་ཆེན་སོ་ཐར་དངོས་བཤད་པ།

༈ གཉིས་པ་ཐེག་ཆེན་སོ་ཐར་དངོས་བཤད་པ་ལ། བསྟན་བཤད་བསྡུ་གསུམ། དང་པོ་མདོར་བསྟན་པ་ལ་གསུམ། རབ་ཁྱད་བྱང་སོ་སྦྱང་བསམ་གྱིས་ཁྱིམ་པ་དང་རབ་བྱུང་གི་ཁྱད་པར་བསྟན། གང་དགེ་སྨོན་གྱིས་ཁྱིམ་པའི་སྡོམ་པ་མདོར་བསྟན། རབ་དགེ་སྨོན་གྱིས་རབ་ཏུ་བྱུང་བའི་སྡོམ་པ་མདོར་བསྟན། གཉིས་པ་

― ZP02_Page_279 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས་པར་བཤད་པ་ལ། ཁྱིམ་པའི་ཕྱོགས་བཤད་པ་དང༌། རབ་ཏུ་བྱུང་བའི་ཕྱོགས་བཤད་པ་གཉིས། དང་པོ་ཁྱིམ་པའི་ཕྱོགས་ལ་བཞི། དབྱེ་ཞེས་པ་དགེ་བསྙེན་མདོར་བསྟན། སྣ་དེ་དེ་དེ་ཡོངས་ཀྱིས་ཡོངས་རྫོགས་དགེ་བསྙེན་ཡན་ལག་བཅས་པ། རྩ་ཚངས་ཀྱིས་ཚངས་སྤྱོད་དགེ་བསྙེན་དངོས་དང༌། རབ་གསེར་གར་ཡན་བསྲུ་ཙན་གྱིས་ཚངས་སྤྱོད་གོ་མི་བསྟན། གཉིས་པ་རབ་ཏུ་བྱུང་བའི་ཕྱོགས་ལ་མ་རྫོགས་པ་དང་རྫོགས་པ་གཉིས། དང་པོ་བརྫོགས་པ་ལ། དགེ་མི་གར་ཕྱི་བསླབ་གྱིས་དགེ་ཚུལ། དགེ་རེག་གཉེན་ལོས་དགེ་སློབ་མ་བསྟན། གཉིས་པ་རྫོགས་པ་ལ་བཞི། དགག་པའི་བསླབ་བྱ། བསྒྲུབ་པའི་བསླབ་བྱ། དུས་དྲན་བརྟེན་པ་རྗེས་མཐུན་བརྩི་བའོ། །དང་པོ་དགག་པའི་བསླབ་བྱ་ལ་བཞི། དགེ་ལྷག་ལྟུང་སོར་ཉིས་ཀྱིས་དགེ་སློང་གི་བསླབ་བྱ། དགེ་སོ་ཉིས་ཀྱིས་དགེ་སློང་མ། ཕམ་ཕྱིན་འཆབ་ཀྱིས་གསོར་ཡོད་མེད། བསྲུང་ལྟུང་ལྟུང་མིས་བསླབ་བྱ་ཤེས་དགོས་པའི་རྒྱུ་མཚན། གཉིས་པ་བསྒྲུབ་པའི་བསླབ་བྱ་བསྒྲུབ་ཅེས་པའི་རྐང་པ་གཅིག་གིས་བསྟན། གསུམ་པ་དུས་དྲན་བརྟེན་པ། འདི་མིས་མདོར་བསྟན། དུས་སྒྲ་དེ་རུང་ཀོ་སྲོག་རིན་

― ZP02_Page_280 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་ཀྱིས་རྒྱས་པར་བཤད་པ། བཞི་པ་རྗེས་མཐུན་རྩི་བ་གནང་ཞེས་པའི་རྐང་པས་བསྟན་ནོ། །གསུམ་པ་ཐེག་ཆེན་སོ་ཐར་གྱི་མཇུག་བསྡུ་བ། ཐ་མས་གནས་སྡེ་སྟོན་བསླབ་ཀྱིས་བསྟན་ནོ། །གསུམ་པ་སྡོམ་གསུམ་གང་ཟག་གཅིག་གི་རྒྱུད་ལ་གནས་ཚུལ་ལ། སྡོམ་གསུམ་ངོས་བཟུང་བ། གནས་ཚུལ་རྒྱས་པར་བསྟན་པ་གཉིས། དང་པོ་མྱ་གཞན་དབང་གསུམ་ཞེས་པས་བསྟན། གཉིས་པ་རྒྱས་པར་བསྟན་པ་ལ། གནས་ཚུལ་དངོས་བཤད་པ། གྲུབ་མཐའི་འདོད་གཞུང་དགོད་པ། གནད་ཀྱི་འཇོག་སོ་བཤད་པ་དང་གསུམ། དང་པོ་ལ་རང་བཞིན་མདོར་བསྟན་པ་དང༌། དཔེའི་སྒོ་ནས་གསལ་བར་བསྟན་པ་གཉིས། དང་པོ་ལ་བཞི། རོ་གང་ཞེས་པས་ངོ་བོ་གནས་འགྱུར་དང་རང་ལྡོག་མ་འདྲེས། ནང་སྔོན་གྱིས་ཡོན་ཏན་ཡར་ལྡན། འོག་གནོད་ཀྱིས་དགག་དགོས་ཡོངས་རྫོགས། གང་གནང་གིས་གནད་ཀྱིས་མི་འགལ་བར་བསྟན་ནོ། །གཉིས་པ་དཔེའི་སྒོ་ནས་གསལ་བར་བསྟན་པ་ལ་ལྔ། འདི་བྱང་འགྱུར་གྱིས་དཔེ་རང་གི་ངོ་བོ། །སྤྱོད་གཞི་དགེ་ཐབས་ཀྱིས་གནད་ཀྱིས་མི་འགལ་བ། སྣང་སྤྱད་འདུས་ངོ་བོ་གནས་འགྱུར། སོ་དགེ་ཡིས་ཡོན་ཏན་ཡར་ལྡན་

― ZP02_Page_281 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་གསལ་བར་བསྟན་ནས། བསླབ་ཅེས་པས་གཞན་པ་འགྲེལ་ཤེས་པར་བསྟན་ནོ། །གཉིས་པ་གྲུབ་མཐའི་འདོད་གཞུང་དགོད་པ་ལ་བཞི། འོན་ངོ་གནད་ཀྱིས་སྡོམ་པའི་ཆོས་དྲུག་སྤྱིར་བསྟན། གྲུབ་གནས་གཅིག་གསུམ། གཏོང་དོང་ཉི་རང་གིས་གྲུབ་མཐའི་འདོད་གཞུང་སོ་སོར་བཤད། དེ་ཚེ་བསྲུང་གནས་སྤྱིར་གྱིས་དོན་འགྱུར་གྱི་ངོས་ནས་འགལ་མེད་དུ་བསྒྲུབ། གླེང་སོ་རང་གོང་ལྟུང་གིས་སྡོམ་རྫས་གནས་འགྱུར་དུ་བསྲུང་བ་ལ་འོག་མའི་ཕྱིར་བཅོས་མེད་པར་བསྟན་པའོ། །གསུམ་པ་གནད་ཀྱི་འཇོག་འཚམས་བཤད་པ་ལ། གནས་འགྱུར་མ་ཐོབ་པའི་ས་འཚམས། ཐོབ་པའི་ས་འཚམས། མོས་སྤྱོད་ཀྱི་སྡོམ་གསུམ་བསྲུང་ཚུལ། དེའི་འཐད་པ་དགོད་པའོ། །དང་པོ་ལ་གཉིས་ལུས་སྤོང་བསྒྱུར་གྱིས་མེད་པའི་རྒྱུ་མཚན་དང༌། ཐེག་གནས་ཀྱིས་གནས་འགྱུར་མེད་པར་བསྟན། གཉིས་པ་ལ་གཉིས། སྡོམ་འདུ་དེ་བཅས་རང་གིས་གནས་འགྱུར་ཡོད་པའི་རྒྱུ་མཚན་དང༌། ཐོག་ངོས་གནས་འགྱུར་ཡོད་པར་བསྟན། གསུམ་པ་མོས་སྤྱོད་ཀྱིས་སྡོམ་གསུམ་བསྲུང་ཚུལ་གཞི་མོས་གནས་ལྡན་ཉམས་ཀྱིས་བསྟན། བཞི་པ་དེའི་འཐད་པ། ཅི་དགེ་གནང་གང་གིས་བསྟན་

― ZP02_Page_282 ―

^{[མ་དཔེ་གཟིགས་ན་འདིར་གནོན།]}

[Full Size]

ནོ། །གཉིས་པ་དགེ་བ་ཆོས་སྡུད་ཀྱི་ཚུལ་ཁྲིམས་ལ་བསྟན་བཤད་གཉིས། དང་པོ་ཕན་ཡོན་སྐྱེས་ཚུལ་གྱིས་མདོར་བསྟན། གཉིས་པ་རྒྱས་པར་བཤད་པ་ལ་གཉིས། བྱམས་གང་དེ་གཞན། ལྷག་སེམས་དངོས་པས་ཕྱིན་དྲུག་གི་ཚུལ་གོ་ཆས་སྒྲུབ་པ་བཤད། སྤྱོད་སྤྱོད་གོམས་རྩོལ་གྱིས་སྤྱོད་ཡུལ་ཡོངས་སུ་དག་པའི་དགེ་ཚོགས་བསྟན་པའོ། །གསུམ་པ་སེམས་ཅན་དོན་བྱེད་པ་ལ་གསུམ། ཐབས་སེམས་སྦྱིན་དགེས་དོན་བྱེད་དངོས། གང་རང་རང་རང་གིས་དེའི་ས་འཚམས། གཞན་བཅས་ཡོད་བདག་གིས་དེའི་དམིགས་བསལ་བསྟན་ནོ། །གསུམ་པ་བཟོད་པའི་ཕར་ཕྱིན་ལ། བཟོད་པ་གསུམ་སྤྱིར་བསྟན། གནོད་བྱེད་ལ་ཇི་མི་སྙམ་པའི་བཟོད་པ་བྱེ་བྲག་ཏུ་བཤད། བཟོད་པ་གསུམ་དོན་ཆེ་བར་བསྟན་ནས་མཇུག་བསྡུ་བའོ། །དང་པོ། འདི་ཆོས་དཀའ་ཟབ་ཀྱིས་བཟོད་པ་གསུམ་སྤྱིར་བསྟན། གཉིས་པ་གནོད་བྱེད་ལ་ཇི་མི་སྙམ་པའི་བཟོད་པ་བྱེ་བྲག་ཏུ་བཤད་པ་ལ་དྲུག །ཡིད་སྡིག་ཐར་ནམ་གྱིས་ཁྲོ་བ་མ་སྐྱེས་པར་མི་བསྐྱེད་པར་བསྟན། གནོད་གདུལ་འཁོན་བཟོད་ཀྱིས་ཁོང་ཁྲོ་སྐྱེས་པ་རྒྱུན་གཅོད་པ། རེག་སྐྱེས་དེ་ཕན་གྱིས་ཁྲོ་བའི་རྒྱུ་ལ་བརྟག་པ། འདི་

― ZP02_Page_283 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་བདག་རང་གིས་བརྟགས་ན་རང་ལས་བྱུང་བར། བརྟགས་གང་བྱང་དེས་ལེགས་པར་བརྟགས་ན་དགེ་བའི་བཤེས་སུ་ཤེས་པར། ཉིན་མཚན་རྣམ་མཁས་ཤིན་ཏུ་བརྟག་ན་རང་བཞིན་མེད་པར་བསྟན་པའོ། །གསུམ་པ་དོན་བསྡུ་བ་གང་སྦྱིན་ཕྱི་འདོད་ཀྱིས་བསྟན་ནོ། །བཞི་པ་བརྩོན་འགྲུས་བཤད་པ་ལ། ངོ་བོ་མདོར་བསྟན་རང་བཞིན་རྒྱས་པར་བཤད་པ་གཉིས། དང་པོ་ནི། དུས་ར་བསྐྱེད་ལེས་བསྟན། གཉིས་པ་བརྩོན་འགྲུས་ཀྱི་རང་བཞིན་རྒྱས་པར་བཤད་པ་ལ་བཞི། བྱ་སྒྱིད་བདག་དེས་བརྩོན་འགྲུས་ཀྱི་མི་མཐུན་ཕྱོགས་ལེ་ལོ་གསུམ་བསྟན། བདུད་ས་མི་བརྩོན་གྱིས་བརྩོན་འགྲུས་ཀྱི་དབྱེ་བ་བསྟན། བདག་མྱུར་གཏུགས་རྣམ་ཀྱིས་བྱ་བ་ངན་ཞེན་གྱི་ལེ་ལོའི་གཉེན་པོ་བསྟན། ལེ་དལ་རྣམ་གཡོས་ལེ་ལོ་གཞན་གཉིས་ཀྱི་གཉེན་པོ་བསྟན་པའོ། །ལྔ་པ་བསམ་གཏན་གྱི་ཕ་རོལ་ཏུ་ཕྱིན་པ་ལ། བསམ་གཏན་འགྲུབ་པའི་རྒྱུ་བསྟན་པ་དང༌། བསམ་གཏན་དངོས་བསྟན་པ་གཉིས། དང་པོ་བསམ་གཏན་འགྲུབ་པའི་རྒྱུ་ལ་ཕྱི་ཡོ་བྱད་ལ་ཆགས་པ་གཅོད་པ། ནང་སེམས་ཅན་ལ་ཆགས་པ་གཅོད་པ། འདོད་པའི་ཡུལ་ལྔ་ལ་ཆགས་པ་གཅོད་པ་དང་གསུམ།

― ZP02_Page_284 ―

^{[མ་དཔེ་གཟིགས་ན་འདིར་གནོན།]}

[Full Size]

དང་པོ། ཕྱི་ཡོ་བྱད་ལ་ཆགས་པ་གཅོད་པ་ལ། དབེན་པའི་ཡོ་བྱད་ལ་དགའ་བ་བསྐྱེད་པ་དང༌། འཁོར་བའི་ཡོ་བྱད་ལ་ཞེན་པ་སྤོང་བ་གཉིས། དང་པོ་དབེན་པའི་ཡོ་བྱད་ལ་དགའ་བ་བསྐྱེད་པ་ལ་གཉིས། ནགས་ངང་བལྟ་རྟས་གནས་དང་བྲག་རིའི་ཡོ་བྱད་ལ་དགའ་བ་བསྐྱེད་པ། དགའ་ཤིང་དོགས་འཁོར་གྱིས་ནགས་ཚལ་གྱི་ཡོ་བྱད་ལ་དགའ་བ་བསྐྱེད་པ་བསྟན། གཉིས་པ་འཁོར་བའི་ཡོ་བྱད་ལ་ཞེན་པ་གཅོད་པ་ལ་གསུམ། དེ་ལོངས་ཚེ་འགྱུར་གྱིས་ཚེ་འདིའི་སྡུག་བསྔལ་གྱི་རྒྱུར་བསྟན། ཕུང་གསོགས་ཁེང་ངན་གྱིས་ཚེ་ཕྱི་མའི་སྡུག་བསྔལ་གྱི་རྒྱུར་བསྟན། གཡོ་ནོར་ཡོ་ཆོག་གིས་ཚེ་འདི་ཕྱི་ཀུན་ཏུ་སྡུག་བསྔལ་གྱི་རྒྱུར་བསྟན་པའོ། །གཉིས་པ་ནང་སེམས་ཅན་ལ་ཆགས་པ་གཅོད་པ་ལ་གསུམ། སོ་བྱིས་བདག་ཉོན་གྱིས་ཉོན་མོངས་པའི་གྲོགས་བྱེད་པའི་ཉེས་དམིགས། དཔལ་བྱས་འཁོན་སྦྲེས་ཚེ་འདིའི་གནོད་པ་སྟེར་བའི་ཉེས་དམིགས། ཆུ་སྤྲུལ་མེ་བྱིས་ཀྱིས་ཕྱི་མའི་གནོད་པ་སྦྱིན་པའི་ཉེས་དམིགས་སོ། །གསུམ་པ་འདོད་པའི་ཡུལ་ལ་ཆགས་པ་གཅོད་པ་ལ་ཡུལ་གྱི་ཉེས་པ་བསྟན་པ་དང༌། དབེན་པའི་ཡོན་ཏན་བསྟན་པ་གཉིས། དང་པོ་ལ་གཉིས། ཡུལ་སྤྱད་ཚེ་གསང་གིས་

― ZP02_Page_285 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུལ་གྱི་ཉེས་པ་བསྟན། གང་བསླུ་ཕུང་ཞིས་དེ་ལས་བསྲིང་བར་གདམས་པའོ། །གཉིས་པ་དབེན་པའི་ཡོན་ཏན་བསྟན་པ་ལ་གསུམ། བས་ཚོང་དཔྱ་བྱས་མི་མཐུན་ཕྱོགས་མེད་པར་བསྟན། ཆུ་བྲག་ལྗོན་ནམ་གྱིས་མཐུན་པའི་རྐྱེན་འཛོམས་པར་བསྟན། དེ་འཕོ་རང་གོམས་ཀྱིས་ཉོན་མོངས་མེད་པའི་ཕན་ཡོན་བསྟན་པའོ། །གཉིས་པ་བསམ་གཏན་དངོས་བསྟན་པ་ལ་གསུམ། བསམ་གཏན་མདོར་བསྟན། ངོ་བོ་ངོས་བཟུང༌། དབྱེ་བ་རྒྱས་པར་བཤད་པའོ། །དང་པོ་མདོར་བསྟན་པ་གང་ལྷག་ཅེས་པས་བསྟན། གཉིས་པ་ངོ་བོ་ངོས་བཟུང་བ་ལ། རྟེན་རྣམ་གཅིག་གིས་བསྒོམ་ཚུལ། དམིགས་ཡིད་སྤྲོས་སྣང་གིས་བསམ་གཏན་གྱི་ངོ་བོ། །ཤེས་ངོས་ངོ་བོ་གཅིག་པའི་མཉམ་རྗེས་བསྟན་པ་དང་གསུམ། དབྱེ་བ་རྒྱས་པར་བཤད་པ་ལ། དབྱེ་སྒོའི་རྣམ་གྲངས་མདོར་བསྟན། དབྱེ་བའི་རང་བཞིན་རྒྱས་པར་བཤད་པ་གཉིས། དང་པོ་དབྱེ་དེ་རྟོག་དེས་བསྟན། གཉིས་པ་ལ་བཞི། ལམ་བསམ་ལམ་ཐར་དང་ཟག་གིས་བསམ་གཏན་གསུམ་གྱི་དབྱེ་བ་རྒྱས་པར་བཤད། ཀུན་རྒྱུ་རྣམ་བྱེད་འབྲས་ཀྱིས་རྒྱུ་འབྲས་ཀྱི་དབྱེ་བ་རྒྱས་

― ZP02_Page_286 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བཤད། བསམ་དངོས་ལྷག་སྔ་འཕགས་ཀྱིས་བསམ་གཏན་བཞིའི་དབྱེ་བ་རྒྱས་པར་བཤད་ཡོན་སྙིང་ཏིང་བློ་མ་ཉམས་ས་ཡོན་ཏན་བསྐྱེད་པའི་བསམ་གཏན་བཤད་པའོ། །དྲུག་པ་ཤེས་རབ་ཀྱི་ཕ་རོལ་ཏུ་ཕྱིན་པ་ལ། ཤེས་རབ་ཀྱི་ངོ་བོ་ངོས་བཟུང་བ། སྒྲུབ་ཚུལ་གྱི་གོ་རིམ་བསྟན་པ། ཤེས་རབ་གསུམ་རྒྱས་པར་བཤད་པའོ། །དང་པོ་ངོ་བོ་ངོས་བཟུང་བ་ལ་གཉིས། ལྷག་ཏིང་དངོས་ཐོས་ཤེས་ཀྱིས་ཤེས་རབ་གསུམ་གྱི་ངོ་བོ་ངོས་བཟུང༌། ཉོན་སྲིད་སྦྱིན་ཁྱད་ཀྱིས་དེའི་ཡོན་ཏན་བསྟན་པའོ། །གཉིས་པ་སྒྲུབ་ཚུལ་གྱི་གོ་རིམས་དེ་ཐོས་བསམ་ཐོས་ཞེས་པས་བསྟན། གསུམ་པ་ཤེས་རབ་གསུམ་རྒྱས་པར་བཤད་པ་ལ། ཐོས་པའི་ཤེས་རབ་བསྟན་པ། བསམ་པའི་ཤེས་རབ་བསྟན་པ། བསྒོམ་པའི་ཤེས་རབ་བསྟན་པ་དང་གསུམ། དང་པོ། ཐོས་པའི་ཤེས་རབ་བསྟན་པ་ལ། འཇལ་བྱེད་རིན་ཆེན་ལྡེའུ་མིག་གི་རྣམ་བཞག་བསྟན་པ་དང༌། གཞལ་བྱ་དམ་ཆོས་མཛོད་ཀྱི་རྣམ་བཞག་བསྟན་པ་གཉིས། དང་པོ་ལ། མདོར་བསྟན་པ་དང༌། རྒྱས་པར་བཤད་པ་གཉིས། དང་པོ་མདོར་བསྟན་གཞལ་དྲང་ཞེས་པས་བསྟན། གཉིས་པ་རྒྱས་པར་བཤད་པ་ལ། དྲང་ངེས་གཉིས་བཤད་པ། དགོངས་ལྡེམ་གཉིས་བཤད་

― ZP02_Page_287 ―

^{[མ་དཔེ་གཟིགས་ན་འདིར་གནོན།]}

[Full Size]

པ། དགོངས་ལྡེམ་གྱིས་ཁྱད་པར་བཤད་པ་གསུམ། དང་པོ་ལ་གསུམ། ཆོས་རྣམ་གྱིས་ངེས་དོན། ཆོས་རིག་གིས་དྲང་དོན། གཉིས་ཤེས་ཀྱིས་དེའི་དོན་བསྡུས་བསྟན། གཉིས་པ་དགོངས་ལྡེམ་གཉིས་བཤད་པ་ལ་གསུམ། དེ་གཉིས་བཤད་པའི་དགོས་པ། དགོས་པ་ཅན། ལྡེམ་པོར་དགོངས་པའོ། །དང་པོ། དེ་དོན་ཞེས་པས་བསྟན། གཉིས་པ་ལ་གཉིས། དགོངས་ཅུང་གདུལ་གཅིག་བཅས་ཀྱིས་དགོངས་གཞི་སྤྱིར་བསྟན། མཉམ་དོན་དུས་གང་གིས་དགོངས་གཞི་བྱེ་བྲག་ཏུ་བསྟན་པའོ། །གསུམ་པ་ལྡེམ་དགོངས་བཤད་པ་ལ་ལྔ། ལྡེམ་བློ་དེ་རྣམ་ཚིག་གིས་ལྡེམ་དགོངས་སྤྱིར་བསྟན། དབྱེ་གཞུགས་སྟོང་གཟུགས་སྣང་གིས་ཞུགས་པ། མཚན་ཤེས་གཞན། དང་གཉིས་གསུམ་ཆོས་ཀྱིས་མཚན་ཉིད། གཉེན་སྐུ་སངས་ཚོགས་ཀྱིས་གཉེན་པོ། བསྒྱུར་ཕ་རྒྱལ་སྲེད་རྣལ་གྱིས་བསྒྱུར་བ་ལྡེམ་དགོངས་བསྟན་པའོ། །གསུམ་པ་དགོངས་ལྡེམ་གྱི་ཁྱད་པར་མདོར་དགོངས་ཡིན་ལྡེམ་ལྟོས་ཀྱིས་བསྟན་པའོ། །གཉིས་པ་གཞལ་བྱད་མ་ཆོས་མཛོད་ཀྱི་རྣམ་བཞག་བསྟན་པ་ལ། བདེན་གཉིས་ཀྱི་རང་བཞིན་མདོར་བསྟན་པ། གྲུབ་མཐའི་འདོད་

― ZP02_Page_288 ―

^{[མ་དཔེ་གཟིགས་ན་འདིར་གནོན།]}

[Full Size]

གཞུང་སོ་སོར་དགོད་པ། ངེས་པའི་དོན་བྱེ་བྲག་ཏུ་བཤད་པའོ། །བདེན་གཉིས་ཀྱི་རང་བཞིན་མདོར་བསྟན་ལ་དྲུག །གཞལ་བརྒྱད་འཇིག་བདེན་གྱིས་བདེན་པ་གཉིས་ངོས་བཟུང༌། ཀུན་འཁྲུལ་སྣང་ཡང་གིས་ཀུན་རྫོབ་ཀྱི་བདེན་པ། དོན་དོན་འཁོར་ངོ་རྟོགས་ཀྱིས་དོན་དམ་པའི་བདེན་པ། བདེན་རྫིང་སྣང་རང་གིས་བདེན་གཉིས་ཟུང་དུ་འཇུག་པ། ཡུལ་གཟུགས་དེ་འཁྲུལ་གྱིས་སྣང་བ་སྒྱུ་མའི་དཔེ་བརྒྱད་དུ། མཐར་དོན་གཅིག་བློས་དོན་དམ་བློས་ཡུལ་ལས་འདས་པར་བསྟན་པའོ། །གཉིས་པ་གྲུབ་མཐའི་འདོད་གཞུང་སོ་སོར་དགོད་པ་ལ། ཐེག་དམན་པས། ཐེག་ཆེན་པས་དེ་གཉིས་ཀྱི་དོན་བསྡུ་བ་དང་གསུམ། དང་པོ། ཐེག་དམན་པ་ལ་གཉིས། རེ་ཤེས་དངོས་རྡུལ་གྱིས་བྱེ་བྲག་སྨྲ་བ། དོན་དོན་དེ་མདོས་མདོ་སྡེ་བ་བསྟན་པའོ། །གཉིས་པ། ཐེག་ཆེན་པ་ལ་གསུམ། གཟུང་ཀུན་གཉིས་འདོད་ཀྱིས་སེམས་ཙམ། ཇི་གྲུབ་དོན་འདོད་ཀྱིས་རང་རྒྱུད། འདི་སྟོང་བཏགས་སྣང༌། གཞན་དེ་དེ་ཀླུས་ཐལ་འགྱུར་དངོས་དང༌། འདིར་བརྩད་རང་གྲུབ་ཀྱིས་དེའི་ཡོན་ཏན་བསྟན་པའོ། །གསུམ་པ་དོན་བསྡུ་བ་དེ་མཚན་ཐོས་ཉོན་གྱིས་བསྟན་ནོ། །གསུམ་པ་ངེས་པའི་དོན་བྱེ་བྲག་ཏུ་བཤད་པ་ལ་གཉིས། འདིར་སྨྲ་བློ་བཏགས་ཀྱིས་

― ZP02_Page_289 ―

^{[མ་དཔེ་གཟིགས་ན་འདིར་གནོན།]}

[Full Size]

བདེན་གཉིས་དབྱེར་མེད་པར་བསྟན། བཞག་འདས་པ་ལྟར་སྟོང་བློས་དེ་རྟོགས་ཚུལ་བསྟན་པའོ། །དོན་གཉིས་པ་བསམ་པའི་ཤེས་རབ་ལ་བསྟན་བཤད་གཉིས། དང་པོ་གང་ཆོས་གང་ཡང་གི་མདོར་བསྟན། གཉིས་པ་རྒྱས་པར་བཤད་པ་ལ། གཤིས་རྟེན་འབྲེལ། འཁོར་བའི་རྟེན་འབྲེལ། མྱང་འདས་རྟན་འབྲེལ་གསུམ། དང་པོ་གཤིས་རྟེན་འབྲེལ་ལ་དྲུག །སྣང་གང་གང་གཤིས་ཀྱིས་གཤིས་ལུགས་མདོར་བསྟན། ཆོས་སྣང་སྤྲོས་དབུས་དེ་ཉིད་དབུ་མའི་རང་བཞིན་དུ་བསྟན། ངག་དོན་ཀུན་རྟོག་གིས་མ་རྟོགས་པ་ལ་མཐའ་བཞིར་སྣང་བ་བསྟན། ཡོད་དབུས་ཇི་འདོད་ཀྱིས་དེ་ལས་གྲུབ་མཐའ་ངན་པའི་འཆིང་ཞེན་བྱུང་བར་བསྟན། འདི་སྐྱེ་དོན་རྟག་གིས་རྟོགས་ན་སྤྲོས་པའི་མཐའ་བརྒྱད་དང་བྲལ་བར་བསྟན། སྤྲོས་རང་བསམ་གྱིས་དེ་ཉིད་བསམ་བྱུང་ཤེས་རབ་ཀྱི་རྟོགས་བྱར་བསྟན་པའོ། །གཉིས་པ་འཁོར་བའི་རྟེན་འབྲེལ་ལ་གཉིས། སྣང་རི་འདུས་འཁོར་གྱིས་ཕྱིའི་རྟེན་འབྲེལ། མ་དེ་རྒ་ནང་གིས་ནང་གི་རྟེན་འབྲེལ་བསྟན་པའོ། །གསུམ་པ་མྱང་འདས་རྟེན་འབྲེལ་ལ་གསུམ། མྱང་ལམ་གྱིས་མདོར་བསྟན། ལམ་ལུགས་རྩ་རིག་འདུ་ལུགས་ཀྱིས་

― ZP02_Page_290 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་རྟེན་འབྲེལ། དེ་མཚན་སྡུག་འགོག་གིས་འབྲས་བུ་རྟེན་འབྲེལ་བསྟན་པའོ། །གསུམ་པ་བསྒོམ་པའི་ཤེས་རབ་ལ་བསྟན་བཤད་གཉིས། དང་པོ། དེ་བསམ་རང་བསྒོམ་ཀྱིས་མདོར་བསྟན། གཉིས་པ་རྒྱས་པར་བཤད་པ་ལ། མཉམ་བཞག་གི་གནས་ལུགས་བསྟན་པ། ལམ་བསྟན་པ། འབྲས་བུ་བསྟན་པའོ། །དང་པོ་མཉམ་བཞག་གི་གནས་ལུགས་བསྟན་པ་ལ་བཞི། ནམ་བསྒོམ་དེ་ཚོགས་ཀྱིས་ཕུང་ལྔ་བྲལ་བའི་མཉམ་བཞག །མེད་ཤེས་ཅང་སྐུས་རྟོག་དཔྱོད་བྲལ་བའི་ཡེ་ཤེས། རང་ཡང་བལྟ་ངང་གིས་བསལ་བཞག་བྲལ་བའི་ཆོས་ཉིད། དེ་ཡིད་ཤེས་ཐབས་ཤེས་བཅིངས་ཀྱིས་བློ་དང་བྲལ་བའི་ཤེས་རབ་བསྟན་པའོ། །གཉིས་པ་ལམ་བསྟེན་པ་ལ་བཞི་གང་རྒྱུད་ཀྱིས་ཚོགས་ལམ། །སྦྱོར་མཉམ་གྱིས་སྦྱོར་ལམ། མཐོང་ཟུང་རབ་ཆོས་ཀྱིས་མཐོང་ལམ། དེ་ས་རྡོ་ཤེས་ཀྱིས་བསྒོམ་ལམ་དང་མི་སློབ་ལམ་བསྟན་པའོ། །གསུམ་པ་འབྲས་བུ་བསྟན་པ་མཉམ་རྒྱལ་སྟོབས་མཐའ་ཞེས་པས་བསྟན། བཞི་པ་སྐབས་ཀྱི་མཇུག་བསྡུ་བར་འདི་རྒྱལ་ལྟ་ཤིན་གྱིས་བསྟན། ཡོན་ཏན་སྨོན་འཇུག་གི་ལེའུའི་མཚན་བསྟན་པའོ།། །།

ལམ་གྱི་སྦས་དོན་གསང་སྔགས་རྡོ་རྗེའི་ཐེག་པ་ལྟར་ཉམས་སུ་བླངས་པ།

― ZP02_Page_291 ―

^{[མ་དཔེ་གཟིགས་ན་འདིར་གནོན།]}

[Full Size]

༈ །།དོན་གཉིས་པ་ལམ་གྱི་སྦས་དོན་གསང་སྔགས་རྡོ་རྗེའི་ཐེག་པ་ལྟར་ཉམས་སུ་བླངས་པ་ལ་གཉིས། རྒྱུད་སྡེའི་རྣམ་གྲངས་སྤྱིར་བསྟན་པ་དང༌། བླ་ན་མེད་པའི་རྒྱུད་བྱེ་བྲག་ཏུ་བཤད་པའོ། །དང་པོ་རྒྱུད་སྡེའི་རྣམ་གྲངས་སྤྱིར་བསྟན་པ་ལ། ངེས་ཚིག་གི་སྒོ་ནས་རྒྱུ་ལས་འཕགས་པའི་ཁྱད་པར་བཤད་པ། ངོ་བོའི་སྒོ་ནས་རྒྱུད་གསུམ་གྱི་རྣམ་གྲངས་མདོར་བསྟན་པ། དབྱེ་བའི་སྒོ་ནས་རྒྱུད་སྡེ་བཞིའི་རྣམ་གྲངས་མདོར་བསྟན་པ། རྒྱས་བཤད་ཀྱི་སྒོ་ནས་རྒྱུད་སྡེ་བཞི་སོ་སོར་བསྟན་པ་དང་བཞི་ལས། བྱང་འབྲས་ཐབས་སྡེས་དང་པོ། རྒྱུན་རིན་དཀའ་དབང་གིས་གཉིས་པ། དུས་གཉིས་རིགས་རྒྱལ་དབང་ཆོས་ཀྱིས་གསུམ་པ་བསྟན། བཞི་པ་རྒྱས་བཤད་ཀྱི་སྒོ་ནས་རྒྱུད་སྡེ་བཞི་སོ་སོར་བསྟན་པ་ལ། ཕྱི་ཐུབ་པ་རྒྱུད་ཀྱི་ཐེག་པ་བཤད་པ་དང༌། ནང་བླ་ན་མེད་པའི་རྒྱུད་སྡེ་བཤད་པ་གཉིས། དང་པོ་ལ། མདོར་བསྟན་པ་དང༌། རྒྱས་པར་བཤད་པ་གཉིས། དང་པོ། དང་ཐུབ་གཙང་རྩོད་ཀུན་ཤ་ཞེས་པས་མདོར་བསྟན། གཉིས་པ་རྒྱས་པར་བཤད་པ་ལ། བྱ་སྤྱོད་བཤད་པ་དང༌། རྣལ་འབྱོར་བཤད་པ་གཉིས། དང་པོ་ལ་གསུམ། དབྱེ་སེམས་བྱས་བྱ་སྤྱོད་ཐུན་མོང་དུ་བསྟན། བྱ་བདག་

― ZP02_Page_292 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཕྱི་མཆོག་གིས་བྱ་རྒྱུད། བྱ་ཆ་རང་ཡེས་སྤྱོད་རྒྱུད་བསྟན་པའོ། །གཉིས་པ་རྣལ་འབྱོར་རྒྱུད་བཤད་པ་ལ་གཉིས། རྣལ་བཀོད་བསྟན་ཐབས་ཀྱིས་བླ་མེད་དང་མི་མཚུངས་པའི་ཁྱད་པར། རྣལ་ཡེ་དམ་བཟླས་ཀྱིས་རྣལ་འབྱོར་རྒྱུད་རང་ལམ་བསྟན་པའོ། །གཉིས་པ་ནང་བླ་ན་མེད་པའི་རྒྱུད་སྡེ་བཤད་པ་ལ་བསྟན་བཤད་གཉིས། བླ་བསྐྱེད་ཕ་ལྷ་གཙང་གིས་མདོར་བསྟན། གཉིས་པ་རྒྱས་པར་བཤད་པ་ལ་གསུམ། རྣལ་བསྐྱེད་ཀྱིས་ཕ་རྒྱུད། རྗེས་རྫོགས་ཀྱིས་མ་རྒྱུད། ཤིན་གཅིག་གིས་གཉིས་སུ་མེད་པའི་རྒྱུད་སྡེ་བསྟན་པའོ། །དོན་གཉིས་པ་བླ་ན་མེད་པའི་རྒྱུད་བྱེ་བྲག་ཏུ་བཤད་པ་ལ། ལམ་གྱི་སྤྱི་ཆིངས་མདོར་བསྟན་པ་དང༌། ལམ་གྱི་ཉམས་ལེན་རྒྱས་པར་བསྟན་པ་གཉིས། དང་པོ་ལ་གཉིས། ཀུན་ཕུང་ལས་ཡོན་གྱིས་ལམ་གྱི་བསྒྲུབ་གཞི་ངོས་བཟུང༌། རང་ལྟ་སྤྱོད་གཞིས་ལམ་ལ་ཇི་ལྟར་དཀྲི་བའི་ཚུལ་བསྟན་པའོ། །གཉིས་པ་ལམ་གྱི་ཉམས་ལེན་རྒྱས་པར་བསྟན་པ་ལ། བསྟན་བཤད་གཉིས། དང་པོ་འཇུག་གྲོལ་མཐུན་སྔགས་ཀྱིས་མདོར་བསྟན། གཉིས་པ་རྒྱས་པར་བཤད་པ་ལ། འཇུག་སྒོ་སྨིན་བྱེད་ཀྱི་དབང་བསྟན་པ། གྲོལ་བྱེད་བསྐྱེད་རྫོགས།

― ZP02_Page_293 ―

^{[མ་དཔེ་གཟིགས་ན་འདིར་གནོན།]}

[Full Size]

རིམ་པ་གཉིས་བསྟན་པ། མཐུན་པའི་གྲོགས་དམ་ཚིག་བསྟན་པ་དང་གསུམ། དང་པོ། སྨིན་བྱེད་ཀྱི་དབང་བཤད་པ་ལ། དབང་བསྐུར་འགྲུབ་པའི་རྒྱུ་ཚོགས་བཤད་པ། རྒྱུ་དེ་ལྡན་ལ་དབང་བསྐུར་བ་དངོས་བཤད་པ་གཉིས། དང་པོ་ལ་དབང་མ་ཐོབ་པའི་ཉེས་དམིགས། ཐོབ་པའི་ཕན་ཡོན། སློབ་དཔོན་དང་སློབ་མའི་མཚན་ཉིད། ཆོ་གའི་ཡན་ལག་བཤད་པ་དང་བཞི་ལས། དང་བྱེ་འཆད་ཀྱིས་དང་པོ། དབང་དཀྱིལ་གཙང་ངེས་ཀྱིས་གཉིས་པ་བསྟན། གསུམ་པ་སློབ་དཔོན་དང་སློབ་མའི་མཚན་ཉིད་ལ་གསུམ། དབང་བསྟི་སྙིང་དབང་གིས་སློབ་དཔོན་ངན་པའི་སྐྱོན། ཕྱི་རིག་གིས་མཚན་ཉིད་དང་ལྡན་པ། དད་བརྟགས་ཀྱིས་སློབ་མའི་མཚན་ཉིད་བསྟན། བཞི་པ་ཆོ་གའི་ཡན་ལག་བསྙེན་སྟ་མངོན་བཞི་ཆོ་ཞེས་པས་བསྟན། གཉིས་པ་དབང་བསྐུར་བ་དངོས་བཤད་པ་ལ། དབང་སྤྱིའི་རྣམ་པར་བཞག་པ་མདོར་བསྟན་པ་དང༌། དབང་བཞིའི་ངོ་བོ་བྱེ་བྲག་ཏུ་བརྗོད་པའོ། །དང་པོ་གསང་སྔགས་ཕྱི་རྒྱུད་སྡེ་གསུམ་གྱི་དབང་གི་རྣམ་པར་བཞག་པ་དང༌། ནང་རྒྱུད་བླ་ན་མེད་པའི་དབང་གི་རྣམ་པར་བཞག་པ་གཉིས། རྒྱུད་བྱ་སྤྱོད་རྣལ་གསང་གིས་དང་པོ། བླ་

― ZP02_Page_294 ―

^{[མ་དཔེ་གཟིགས་ན་འདིར་གནོན།]}

[Full Size]

ཐེག་སྤྲོས་སྤྱིར་སས་གཉིས་པ་བསྟན། གཉིས་པ་དབང་བཞིའི་ངོ་བོ་བྱེ་བྲག་ཏུ་བཤད་པ་ལ། སྐྱེད་བྱེད་འགྲུབ་པའི་རྒྱུ་སྤྱིར་བསྟན་པ། གྲངས་ངེས་པའི་སྒོ་ནས་བྱེ་བྲག་ཏུ་བཤད་པ། དབང་གི་སྒྲ་དོན་བཤད་པ། རྒྱུ་ལམ་འབྲས་བུའི་དབང་བསྟན་པ། དབང་དང་སྡོམ་པའི་ཐོབ་མཚམས་ངོས་བཟུང་བ་དང་ལྔ། དང་པོ་སྐྱེད་བྱེད་འགྲུབ་པའི་རྒྱུ་སྤྱིར་བསྟན་པ་ལ་གསུམ། གཞི་གདོད་རང་ལྷན་གྱིས་རྒྱུ་གཉིས། སྣོད་ལྟ་ནུས་རྟེན་གྱིས་རྐྱེན་གཞི། རྒྱུ་ཞེས་པས་དེ་གཉིས་ཀྱི་དོན་བསྡུ་བ་བསྟན་ནོ། །གཉིས་པ་གྲངས་ངེས་པའི་སྒོ་ནས་བྱེ་བྲག་ཏུ་བཤད་པ་ལ། དབང་བཞིའི་རྟེན་མདོར་བསྟན་པ། དག་བྱ་དག་བྱེད་ཀྱི་ངེས་པ་རྒྱས་པར་བཤད་པ་གཉིས། དང་པོ། གཉེན་ལུས་རྩྭ་དེ་ཁམས་ཞེས་པས་བསྟན། གཉིས་པ་ལ་བསྟན་བཤད་གཉིས་འདོད་ཀུན་དག་གིས་མདོར་བསྟན། གཉིས་པ་རྒྱས་པར་བཤད་པ་ལ་བཞི། བུམ་དབང༌། གསང་དབང༌། ཤེར་དབང༌། ཚིག་དབང༌། །དང་པོ་བུམ་དབང་ལ་གསུམ། དང་གཞན་རྡུལ་གྱིས་དཀྱིལ་འཁོར་དང་དབང༌། བསྐུར་སྣོད་གདན་སྣང་གྲུབ་འདས་དག་བྱ་དང་ལམ། རྩ་མཁས་འབྲས་བུ་བསྟན་པའོ། །གཉིས་པ་གསང་དབང་ལ་གསུམ། བྷ་ཞེས་པས་

― ZP02_Page_295 ―

^{[མ་དཔེ་གཟིགས་ན་འདིར་གནོན།]}

[Full Size]

དཀྱིལ་འཁོར་དང་དབང༌། དགོད་ངག་གཏུམ་རང་འདས་དག་བྱ་དང་ལམ། ཡི་ཡན་གྱིས་འབྲས་བུ་བསྟན་པའོ། །གསུམ་པ་ཤེར་དབང་ལ་གསུམ། གདན་གསང་གིས་དཀྱིལ་འཁོར་དང་དབང༌། ལག་ཡིད་དགའ་གྲུབ་འདས་དག་བྱ་དང་ལམ། སྙིང་མཁས་འབྲས་བུ་བསྟན་པའོ། །བཞི་པ་ཚིག་དབང་ལ་གསུམ། བྱང་གསུམ་གྱིས་དཀྱིལ་འཁོར་དང་དབང༌། འཐབ་སྒོ་སྟོང་གྲུབ་འདས་དག་བྱ་དང་ལམ། འབྲས་ཞེས་པས་འབྲས་བུ་བསྟན་པའོ། །གསུམ་པ་དབང་གི་སྒྲ་དོན་སྒྲ་གློ་སྐལ་ཞེས་པས་བསྟན། བཞི་པ་རྒྱུ་ལམ་འབྲས་བུའི་དབང་དབང་རྟེན་སློབ་རང་རྒྱུ་རང་གིས་བསྟན། བཞི་པ་དབང་དང་སྡོམ་པའི་ཐོབ་མཚམས་ངོས་བཟུང་བ་ལ། དབང་དབང་ཞིང་སྒྲིབ་ཅེས་དང་པོ་སྡོམ་པའི་ཐོབ་མཚམས་དང༌། ལྷག་མ་གསུམ་གྱིས་དབང་གི་ཐོབ་མཚམས་བསྟན། དོན་གཉིས་པ་གྲོལ་བྱེད་བསྐྱེད་རྫོགས་རིམ་པ་གཉིས་བསྟན་པ་ལ། བསྐྱེད་རིམ་བཤད་པ། རྫོགས་རིམ་བཤད་པ། མཇུག་བསྡུ་བ་དང་གསུམ། དང་པོ་བསྐྱེད་རིམ་བཤད་པ་ལ། བསྐྱེད་རིམ་གྱི་ལམ་དངོས་བཤད་པ་དང༌། ལམ་གྱུར་གྱི་འབྲས་བུ་རིག་འཛིན་འགྲུབ་ཚུལ་བཤད་པ་གཉིས། དང་པོ། ལམ་དངོས་བཤད་པ་ལ། བསྟན་བཤད་གཉིས། དང་པོ། གཉིས་དང་བག་གིས་མདོར་བསྟན། གཉིས་པ་རྒྱས་པར་བཤད་པ་ལ། དག་རྫོགས་སྨིན་གསུམ་གྱི་ངེས་པ་སྤྱིར་བསྟན་པ་སྐྱེ་

― ZP02_Page_296 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་བཞིའི་བག་ཆགས་སྦྱོང་ཚུལ་བཤད་པ། བསྐྱེད་གཞི་ཏིང་འཛིན་རྣམ་གསུམ་བསྟན་པ་དང་གསུམ། དང་པོ། བསྐྱེད་སྲིད་མྱ་ལྷག་ཉིས་འགྲོས་བསྟན། གཉིས་པ་སྐྱེ་གནས་བཞིའི་བག་ཆགས་སྦྱོངས་ཚུལ་བྱེ་བྲག་ཏུ་བཤད་པ་ལ། སྒོང་སྐྱེས་མངལ་སྐྱེས་དྲོད་གཤེར་སྐྱེས་རྫུས་སྐྱེས། སྒོམ་ཚུལ་བཞིའི་སྡོམ་སྟོན་པ་དང་ལྔ། དང་པོ་སྒོང་སྐྱེས་སྦྱོང་བའི་བསྐྱེད་རིམ་ལ་བཞི། ཇི་བདག་གིས་མདོར་བསྟན། བདག་ས་ཕྱོགས་སེམས་གཉིས་མཁས་བདག་སྲས། གཞན་སྒོ་གཅོད། ཡབ་ཡུམ་ཀུན་སྙོམས་རྟོག་ཕྱག་གིས་གཞན་སྲས། བསྡུ་མདུན་གཉིས་དཀྱིལ་གྱིས་བསྒོམ་ཚུལ་བསྡུས་པ་སྟོན་པའོ། །གཉིས་པ་མངལ་སྐྱེས་སྦྱོང་བའི་བསྐྱེད་རིམ་ལ། མངོན་བྱང་བཞི་བསྐྱེད། རྡོ་རྗེའི་ཆོ་ག་གསུམ་བསྐྱེད། མངོན་བྱང་ལྔ་བསྐྱེད་དང་གསུམ། དང་པོ་མངལ་དང་འཆི་དྲི་ལྷ་ཁུ་ས་ལྟར་ཁྱབ་ལྷ་ཞེས་པས་བསྟན། གཉིས་པ། ཕྱག་ཐུགས་རྡོས་བསྟན། གསུམ་པ་མངོན་བྱང་ལྔ་བསྐྱེད་ལ་བདུན། བར་མངལ་ལྷུམ་ཟླ་བཅེས་སྐྱེ་སྲིད་སྤྲུལ་སྐུ་དང་སྦྱར་བའི་ལམ་སྤྱིར་བསྟན། མངོན་མངལ་སྒོང་གིས་མངོན་བྱང་དང་པོའི་ལམ་དང་དག་བྱ། །དེ་མངལ་སྒོང་གིས་

― ZP02_Page_297 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པའི་ལམ་དང་དག་བྱ། མངོན་ཁུ་སྐྱེས་གསུམ་པའི་ལམ་དང་དག་བྱ། མངོན་ཁུ་དྲོད་རྫུས་པར་གྱིས་བཞི་པའི་ལམ་དང་དག་བྱ། །མངོན་སྐྱེ་རག་འཁོར་གྱིས་ལྔ་པའི་ལམ་དང་དག་བྱ། །ཁམས་གནས་མྱ་རྒྱུ་ཁུ་རྣམ་གྱིས། མངོན་བྱང་ལྔ་ཀའི་རྫོགས་སྨིན་གཉིས་བསྟན་ནོ། །གསུམ་པ་དྲོད་གཤེར་སྦྱོང་བ་དྲོད་རྣམ་ལྷ་ཕྱག་གིས་བསྟན། བཞི་པ་རྫུས་སྐྱེས་སྦྱོང་བ་བརྫུས་མིང་གིས་བསྟན། ལྔ་པ་བསྒོམ་ཚུལ་གྱི་སྡོམ་སྒོམ་སྒོང་རིམ་ཤིན་གྱིས་བསྟན། གསུམ་པ། བསྐྱེད་གཞིའི་ཏིང་འཛིན་རྣམ་གསུམ་བསྟན་པ་ལ་གསུམ། ཀུན་སྤྲོས་ཀུན་ཤར་གྱིས་ཏིང་འཛིན་གསུམ་དངོས་བསྟན། སྣང་ཟབ་ཀྱིས་དེ་ཉིད་ཐབས་ཤེས་འབྲེལ་བའི་ལམ་མཆོག་ཏུ་བསྟན། །དེ་མུས་དེ་དང་བྲལ་བའི་བསྐྱེད་རིམ་ཆོས་འདི་བའི་ལམ་མ་ཡིན་པར་བསྟན་པའོ། །གཉིས་པ་ལམ་གྱུར་གྱི་འབྲས་བུ་རིག་འཛིན་གྲུབ་ཚུལ་བསྟན་པ་ལ། སྔགས་ཕྱག་ཞེས་པས་ཐོབ་བྱ་མཆོག་གི་དངོས་གྲུབ། ཤིན་སྣང་དེས་ཐོབ་བྱེད་ལམ་ཚོགས་གཉིས། ཚོགས་ལམ་ཐེམ་སྐུས་ལམ་རིག་པ་འཛིན་པ་བསྟན་པ་གསུམ་མོ། །གཉིས་པ་རྫོགས་རིམ་ལ། ཡོ་ག་གསུམ་

― ZP02_Page_298 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་རྫོགས་རིམ་མདོར་བསྟན། སྣང་བཅས་སྣང་མེད་ཀྱི་རྫོགས་རིམ་རྒྱས་པར་བཤད་པ་གཉིས། དང་པོ་ལ་བཞི། གཉིས་ཕ་རྣམ་གྱིས་ཕ་རྒྱུད་ཀྱི་རྫོགས་རིམ། མ་ཡེ་གཞན་གྱིས་མ་རྒྱུད་ཀྱི་རྫོགས་རིམ། གཉིས་ཐིག་གིས་གཉིས་མེད་རྒྱུད་ཀྱི་རྫོགས་རིམ། སྔ་ཕྱིས་སྣང་བཅས་དང་སྣང་མེད་ཀྱི་ཁྱད་པར་བཤད་པའོ། །གཉིས་པ་སྣང་བཅས་སྣང་མེད་ཀྱི་རྫོགས་རིམ་རྒྱས་པར་བཤད་པ་ལ། སྣང་བཅས་བཤད་པ་དང༌། སྣང་མེད་བཤད་པ་གཉིས། དང་པོ་སྣང་བཅས་བཤད་པ་ལ། གང་ལ་གནད་དུ་བསྣུན་བ་རྩ་རླུང་ཐིག་ལེའི་ཁམས་བཤད་པ་དང༌། ཇི་ལྟར་གནད་དུ་བསྣུན་པ་རྫོགས་རིམ་ལམ་གྱི་མདོ་ཆིང་བཤད་པ་གཉིས། དང་པོ་རྩ་རླུང་ཐིག་ལེའི་ཁམས་བཤད་པ་ལ་བསྟན་བཤད་གཉིས། དང་པོ། དང་གཡོ་གསུམ་གྱིས་མདོར་བསྟན། གཉིས་པ་རྒྱས་པར་བཤད་པ་ལ། རྩ་རླུང་ཐིག་ལེའི་ཁམས་སྤྱིར་བསྟན་པ་དང༌། སྒྱུ་འཕྲུལ་དྲྭ་བའི་ལུགས་བྱེ་བྲག་ཏུ་བཤད་པ་གཉིས། དང་པོ་སྤྱིར་བསྟན་པ་ལ། རྩ་བཤད་པ། རླུང་བཤད་པ། ཐིག་ལེ་བཤད་པ། དེ་ལ་གནད་དུ་བསྣུན་པའི་ལམ་བགྲོད་ཚུལ་བཤད་པ་དང་བཞི། དང་པོ་རྩ་བཤད་པ་ལ། རྩ་དང་འཁོར་ལོའི་དབྱེ་བ་སྤྱིར་བསྟན་པ།

― ZP02_Page_299 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་འཁོར་གྱི་ལུགས་བསྟན་པ། སྒྱུ་འཕྲུལ་གྱི་ལུགས་བསྟན་པའོ། །དང་པོ་རྩ་འཁོར་ལོའི་དབྱེ་བ་སྤྱིར་བསྟན་པ་ལ་བཞི། མ་མིག་དེ་རྩས་རྩ་གསུམ་གནས་ཚུལ། ཕྱི་གསང་ཡི་ཚངས་ཀྱིས་ཡི་གེ་གསུམ་དབུ་མའི་མཚན་ཉིད། གཡས་བུད་དབུ་མདུད་ཀྱིས་རྩ་མདུད། རིམ་ཕྱིན་ཕྲིས་རྩ་འཁོར་བཤད་པའོ། །གཉིས་པ་དུས་འཁོར་གྱི་ལུགས་བཤད་པ་ལ། གནས་ཚུལ་བཤད་པ་དང༌། འགགས་ཚུལ་བཤད་པ་གཉིས། དང་པོ་གནས་ཚུལ་ལ། ལྟེ་བརྒྱད་སྤྱི་བདུན་ནམ་གྱིས་རྟེན་འཁོར་ལོ། །འཁོར་འཕོ་དེས་བརྟེན་པ་རྟེན་འབྲེལ་དང་དུས་སྦྱོར་བཤད་པ་གཉིས། གཉིས་པ་འགགས་ཚུལ་ལ་གཉིས། ཁམས་གསང་རླུང་འགགས་ཀྱིས་ཁམས་དང་རླུང་གིས་འཕོ་བ་གཅིག་འགགས་ཚུལ། རིམ་རླུངས་ཐིག་མངོན་གྱིས་དེས་མཚོན་ནས་འཕོ་རླུང་ལྷག་མ་འགགས་ཚུལ་བསྟན་པའོ། །གསུམ་པ་སྒྱུ་འཕྲུལ་ལུགས་བཤད་པ་ལ། འཁོར་ལོ་དྲུག་པ་དང་གཉིས་པ་གཉིས། དང་པོ། འཁོར་ལོ་དྲུག་པ་ལ་གསུམ། དེ་སྦྱང་གིས་སྦྱང་གཞི། སྦྱོང་ཕས་སྦྱོང་བྱེད། ཐ་བསམ་གྱིས་སྦྱང་འབྲས་བསྟན་པའོ། །གཉིས་པ་འཁོར་ལོ་གཉིས་པ་ལ་གཉིས། དེ་སྤྱི་ལྷས་རྩ་འཁོར་

― ZP02_Page_300 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་རྣམ་གྲངས་དང༌། ཐབས་འདོད་ཀྱིས་ལམ་གྱི་རྣམ་གྲངས་བསྟན་པའོ། །གཉིས་པ་རླུང་བཤད་པ་ལ། ཕྱིའི་རླུང༌། ནང་གི་རླུང༌། གསང་བའི་རླུང་བཤད་པ་གསུམ། དང་པོ། ཕྱིའི་རླུང་ལ་བཞི། གཡོ་ཆེ་ཉིས་འབྱུང་ཆེན་གྱི་རླུང༌། ཆུང་གྲངས་ཀྱིས་འབྱུང་ཆུང་གི་རླུང༌། རྩ་ཁྱབ་བྱེད་ལུས་འགྲོས་རྩ་བའི་རླུང་ལྔ། དེ་མོས་ཕོ་མོ་མ་ནིང་གི་རླུང་གསུམ་བསྟན་ནོ། །གཉིས་པ་ནང་གི་རླུང་ལ་གཉིས། ནང་ཕུང་དུག་རྒྱུས་འབྱུང་ལྔའི་རླུང་གི་བྱེད་ལས། ཁྱད་ཟད་ཏིང་གིས་དྷཱུ་ཏིར་ཚུད་པའི་ཡོན་ཏན་བསྟན། གསུམ་པ་གསང་བའི་རླུང་གསང་རགས་ཞེས་པས་བསྟན་ནོ། །གསུམ་པ་ཐིག་ལེ་བཤད་པ་ལ། རོ་རྐྱང་གི་ཐིག་ལེ་བཤད་པ་དང༌། དེ་ལས་མཆེད་པ་གཞན་བསྟན་པའོ། །དང་པོ་ལ་གཉིས། གསུམ་རོ་རྐྱང་གིས་ནང་དུ་ཁམས་འབབ་ཚུལ་དང༌། ཕོ་མདུད་ཀྱིས་ཕྱིར་མི་འཛགས་པའི་རྒྱུ་མཚན་བསྟན་པའོ། །གཉིས་པ་ལ་གཉིས། དེ་རྩས་ཁམས་གནས་ཚུལ་དང༌། དཔའ་འཁྲིལ་གྱིས་ཐུག་འཕྲད་གྱི་བདེ་བསྐྱེད་ཚུལ་ལོ། །བཞི་པ་དེ་གནད་དུ་སྣུན་པས་ལམ་བགྲོད་ཚུལ་བསྟན་པ་ལ་གསུམ། མདོར་གཡོ་བྱང་གིས་རྟེན་དང་བརྟེན་པར་འབྲེལ་ཚུལ། འཁོར་སྲོག་དབུས་རྩ་མདུད་གྲོལ་ཚུལ། རླུང་

― ZP02_Page_301 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲས་པས་ལམ་བགྲོད་ཚུལ་བསྟན་པའོ། །གཉིས་པ་སྒྱུ་འཕྲུལ་དྲྭ་བའི་ལུགས་བྱེ་བྲག་ཏུ་བསྟན་པ་ལ། གང་ལ་གནད་དུ་སྣུན་པའི་རྟེན་བཤད་པ། དེ་ལ་གནད་དུ་སྣུན་པའི་འབྲས་བུ་བཤད་པ། དེ་དག་གི་དོན་བསྡུ་བ་དང་གསུམ། དང་པོ་ལ་རགས་པ་རྩ་དང་ཡི་གེ་བཤད་པ། ཕྲ་བ་མི་ཤིག་པའི་ཐིག་ལེ་བཤད་པ་གཉིས། དང་པོ་རགས་པ་རྩ་དང་ཡི་གེ་བཤད་པ་ལ་བཞི། ཁྱད་སྣོད་དུས་འཐས་གནས་རྡོ་རྗེ་ཕུང་པོའི་གྲོང་ཁྱེར་བསྟན། སྙིང་རྩས་རྟེན་དྭངས་མའི་རྩ་བརྒྱད་བསྟན། དབུས་མདུན་རྒྱབ་གཡོན་གྱིས་བརྟན་པ་འཁོར་འདས་ཀྱི་འཆར་གཞི་བསྟན། སོ་སྦྱང་སྐུས་སྦྱང་བྱ་སྦྱོང་བྱེད་ཀྱི་ཡི་གེ་བསྟན་པའོ། །གཉིས་པ་ཕྲ་བ་མི་ཤིག་པའི་ཐིག་ལེ་བསྟན་པ་ལ་གཉིས། ཀུན་རྟ་རྡུལ་ཁས་རྟེན་དྭངས་མའི་ཐིག་ལེ་བསྟན། རང་ཀུན་གྱིས་བརྟེན་པ་སྐུ་དང་ཡེ་ཤེས་བསྟན་པའོ། །གཉིས་པ་དེ་ལ་གནད་དུ་སྣུན་པའི་ལམ་འབྲས་བཤད་པ་ལ་གཉིས། གང་མྱ་སྣང་རོས་ལམ་ཚོགས་གཉིས་རྫོགས་ཚུལ། འོག་གཞན་ནམ་དེས་འབྲས་བུ་སྐུ་གཉིས་ཐོབ་ཚུལ་བསྟན། གསུམ་པ་དེ་དག་གི་དོན་བསྡུ་བ། འཁོར་ཉམས་འགྱུར་ཏིལ་གྱིས་བསྟན་ནོ། །གཉིས་པ་ཇི་ལྟར་གནད་དུ་སྣུན་པ་རྫོགས་རིམ་ལམ་གྱི་མདོ་ཆིངས་

― ZP02_Page_302 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་པ་ལ་གསུམ། འདི་གདོད་ཀྱིས་མཚམས་སྦྱར། གཏུམ་འོད་སྐྱེས་རག་གིས་རང་ལུས་ཐབས་ལྡན། རྩ་བདེ་ཀུན་གྱིས་གཞན་ལུས་ཐབས་ལྡན་བསྟན་པའོ། །གཉིས་པ་སྣང་མེད་ཀྱི་རྫོགས་རིམ། གཉིས་རྣམ་དག་འོད། ཐིག་སྟོང་ཡེ་ཞེས་པས་བསྟན། དོན་གསུམ་པ་བསྐྱེད་རྫོགས་ཀྱི་དོན་བསྡུ་བ་བསྐྱེད་རྫོགས་བདེ་ཟབ་བླ་དབང་ཉེ་ཞེས་པས་བསྟན་ནོ། །གསུམ་པ་མཐུན་པའི་གྲོགས་དམ་ཚིག་བསྟན་པ་ལ། དམ་ཚིག་གི་ངོ་བོ་མདོར་བསྟན་པ། བསྲུང་ཐབས་ཀྱི་རྣམ་གྲངས་རྒྱས་པར་བཤད་པ། ཕན་ཡོན་བརྗོད་པས་མཇུག་བསྡུ་བ་དང་གསུམ། དང་པོ་མདོར་བསྟན་གསུམ་སྔགས་ཐབས་རྨ་ཞེས་པས་བསྟན། གཉིས་པ་རྒྱས་པར་བཤད་པ་ལ། སྔགས་སྤྱིའི་དམ་ཚིག་བཤད་པ། ཁྱད་པར་མདོ་སྒྱུ་སེམས་གསུམ་གྱི་ལུགས་བཤད་པ། བརྟུལ་ཞུགས་ཉེར་ལྔ་དང་རིགས་ལྔའི་སྡོམ་པ་བཤད་པའོ། །དང་པོ་སྔགས་སྤྱིའི་དམ་ཚིག་བཤད་པ་ལ། དམ་སྡོམ་གྱི་ཁྱད་པར་བཤད་པ། ལྟུང་བའི་སྣོད་བཤད་པ། ཀུན་དཀྲིས་ཀྱི་རྣམ་གྲངས་བཤད་པ། བསྲུང་ཐབས་གཞན་བསྟན་པ། རྩ་ལྟུང་བཅུ་བཞི་བཤད་པ། སྦོམ་པོ་བརྒྱད་བཤད་པ། རྩ་ལྟུང་གི་རྣམ་གྲངས་བཤད་པ། ཉེས་པའི་ཕྱིར་བཅོས་བཤད་པ་དང་བརྒྱད།

― ZP02_Page_303 ―

^{[མ་དཔེ་གཟིགས་ན་འདིར་གནོན།]}

[Full Size]

དང་པོ་དམ་སྡོམ་གྱི་ཁྱད་པར། དེ་དམ་སྡོམ་ངོ་དེ་དམ་ཞེས་པས་བསྟན། གཉིས་པ་ལྟུང་བའི་སྣོད་བཤད་པ་ལ་གཉིས། ཀུན་སྨྱོ་མིས་ལྟུང་བའི་སྣོད་མ་ཡིན་པ་དང༌། སྔགས་ཤེས་ལྟུང་གིས་ལྟུང་བའི་སྣོད་དངོས་བསྟན་པའོ། །གསུམ་པ་ཀུན་དཀྲིས་ཀྱི་དབྱེ་བ་ལ་གསུམ། བྱང་ཀུན་བྱེད་རང་གཞན་གྱིས་ཀུན་དཀྲིས་ཀྱི་ངོ་བོ། །ཆོས་གཏུགས་ཀུན་གྱིས་ཀུན་དཀྲིས་ཚང་བ། དུས་ཆོས་བྱས་ཀུན་དཀྲིས་མ་ཚང་བ་བསྟན། བཞི་པ་བསྲུང་ཐབས་གཞན་བསྟན་པ་ལ་དྲུག །དེ་ཡིད་ཀྱིས་བསྲུང་ཐབས་བསྟན། ཉིན་ཆ་ཉེས་ཀྱིས་དུས་དྲུག་ཏུ་བསྔོ་བགྲང་བྱ་ཚུལ་བསྟན། གོས་གོས་ཀྱིས་བསྔོ་བགྲང་བྱས་ནས་ཇི་ལྟར་བྱ་བ། སྔོན་ཕྱིན་གོས་ཀྱིས་ཕྱིན་ཆད་སྡོམ་སེམས་བསྟེན་པ། གང་སྡོ་ཁས་དྲུག་ཆ་གཅིག་གི་བསྔོ་བ་གྲངས་ཉམས་ན་ཅིར་འགྱུར་བ། དྲུག་ཞག་ཕྱི་སྦོམ་གྱིས་ཞག་གཅིག་གི་བསྔོ་བགྲངས་ཉམས་ན་ཇི་འགྱུར་བ། ཡན་ཞེས་པས་ཡན་ལག་གི་དམ་ཚིག་ལའང་བསྔོ་བགྲངས་དགོས་པར་བསྟན་པའོ། །ལྔ་པ་རྩ་ལྟུང་བཅུ་བཞི་བསྟན་པ་ལ་བསྟན་བཤད་གཉིས། དང་པོ། ཐོག་རྩ་ཞེས་པས་མདོར་བསྟན། གཉིས་པ་རྒྱས་པར་བཤད་པ་ལ། དང་སྔགས་ལམ་ཆོས་དེས་རྩ་ལྟུང་དང་པོ།

― ZP02_Page_304 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་དེ་དེ་ཡུལ་གྱིས་གཉིས་པ། གསུམ་པ་སྐུར་མཐའ་ཡིན་གྱིས་གསུམ་པ། བཞི་མཐོང་དེ་གཏོང་གཞན་གྱིས་བཞི་པ། ལྔ་སྤངས་ཀུན་གནང་གིས་ལྔ་པ། དྲུག་དཔྱས་ལས་རྗེས་དྲུག་པ། བདུན་པ་འདུལ་གསང་དམིགས་གསང་གིས་བདུན་པ། བརྒྱད་དེ་སྡུག་བརྙས་ཀྱིས་བརྒྱད་པ། དགུ་སངས་སེམས་ཐེས་དགུ་པ། བཅུ་བསྟན་མངོན་འདྲིས་ཀྱིས་བཅུ་པ། བཅུ་ཆོས་ཕུང་སྐྱེས་བཅུ་གཅིག་པ། བཅུ་དང་ཀུན་འདུན་གྱིས་བཅུ་གཉིས་པ། བཅུ་བལྟས་སྔགས་མས་བཅུ་གསུམ་པ། བཅུ་མ་འབྱུང་དབང་གིས་བཅུ་བཞི་པ་བསྟན་པའོ། །དྲུག་པ་སྦོམ་པོ་བརྒྱད་བཤད་པ་ལ་བསྟན་བཤད་གཉིས། དང་པོ། བཅུ་ཕམ་གེགས་ཀྱིས་མདོར་བསྟན། གཉིས་པ་རྒྱས་པར་བཤད་པ་ལ། དབང་ཐས་དང་པོ། མཚན་ཆོས་གཉིས་པ། དབང་སྐུས་གསུམ་པ། ཚོགས་བབ་ཀྱིས་བཞི་པ། སྣོད་དེས་ལྔ་པ། སྔགས་ཉན་གྱིས་དྲུག་པ། སྔགས་རྡོས་བདུན་པ། དབང་ཐེས་བརྒྱད་པ། ཀླུ་ལག་བསྙེན་རབ། ཚོགས་སོ་བདག་གསུངས་ཀྱིས་སྦོམ་པོའི་རྣམ་གྲངས་བསྟན་པའོ། །བདུན་པ་རྩ་ལྟུང་གི་རྣམ་གྲངས་བསྟན་པ། འདི་རྩ་ཀུན་གཞན་བཅུ་སྤྱི་ཞེས་པས་བསྟན། བརྒྱད་པ་ཕྱིར་བཅོས་བཤད་པ་ལ་ལྔ། རྣལ་རྟག་

― ZP02_Page_305 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་སངས་ཀྱིས་བསྲུང་ཉམས་ཀྱི་ཡོན་སྐྱོན་བསྟན། དེ་ཕྱིར་གྱིས་དེས་ན་ཕྱིར་བཅོས་ལ་འབད་དགོས་པར་བསྟན། ཁྱད་བླ་དབང་ཉེས་རྩ་ལྟུང་དང་པོའི་ཕྱིར་བཅོས་དང༌། དེ་བླ་ཕྱག་སྨྲོས། འགལ་འཆབ་འཆབ་ཉེས། ཡུལ་ཆོས་ཅེས་ཞེས་པས་རྩ་ལྟུང་གཞན་གྱི་ཕྱིར་བཅོས་བསྟན། གལ་གོང་སྟོབས་བཅུས་ལྟུང་བ་བྱིན་རླབས་བསྟན་པའོ། །གཉིས་པ་ཁྱད་པར་མདོ་སྒྱུ་སེམས་གསུམ་གྱི་ལུགས་བཤད་པ་ལ། བསྟན་བཤད་གཉིས། དང་པོ་ཁྱད་ཅེས་པས་མདོར་བསྟན། གཉིས་པ་རྒྱས་པར་བཤད་པ་ལ། སྤྱི་མདོའི་ལུགས་བཤད་པ། སྒྱུ་འཕྲུལ་གྱི་ལུགས་བཤད་པ། སེམས་ཕྱོགས་ཀྱི་ལུགས་བཤད་པ་གསུམ། དང་པོ། སྤྱི་མདོའི་ལུགས་སྤྱི་བསྲུང་ཤེས་ཞེས་པས་བསྟན། གཉིས་པ་སྒྱུ་འཕྲུལ་གྱི་ལུགས་བཤད་པ་ལ་རྩ་བ་དང༌། ཡན་ལག་གཉིས། རྩ་བའི་དམ་ཚིག་བཤད་པ་ལ་གཉིས། རྒྱུ་ཡན་ཞེས་པས་མདོར་བསྟན། རྡོ་སྔགས་ཡང་གསང་གི་རྒྱས་པར་བཤད་པའོ། །ཡན་ལག་གི་དམ་ཚིག་བཤད་པ་ལ་བཞི། ཡན་ཞེས་པས་མདོར་བསྟན། དང་རང་ཐབས་ཡེས་མི་སྤང་བ། གཉིས་བླང་རིགས་དངོས་མཁའ་སངས་ཀྱིས་མི་དོར་བ། ཆ་ཉིས་དབྱེ་

― ZP02_Page_306 ―

^{[མ་དཔེ་གཟིགས་ན་འདིར་གནོན།]}

[Full Size]

བསྡུ་བསྟན་པའོ། །གསུམ་པ། སེམས་ཕྱོགས་ཀྱི་དམ་ཚིག་བསྟན་པ་ལ། བསྲུང་དུ་མེད་པ་དང༌། ཡོད་པ་གཉིས། དང་པོ། བསྲུང་དུ་མེད་པ། སེམས་ཕྱལ་བསྲུང་ངོ་ཡས་བསྟན། གཉིས་པ་སྲུང་དུ་ཡོད་པ་ལ་བསྟན་བཤད་གཉིས། དང་པོ། ལམ་ཉམས་དམ་ཞེས་པས་མདོར་བསྟན། གཉིས་པ་རྒྱས་པར་བཤད་པ་ལ། རྩ་བ་དང་ཡན་ལག་གི་དམ་ཚིག་གཉིས། དང་པོ། རྩ་བའི་དམ་ཚིག་ལ་གསུམ། རྩ་ཕྱི་སྲོག་པ་བླས་སྐུ། གསུང་ཆོས་བླས་གསུང༌། ཐུགས་སྤྱོད་བླས་ཐུགས་ཀྱི་དམ་ཚིག་བསྟན། གཉིས་པ་ཡན་ལག་གི་དམ་ཚིག་ལ་བསྟན་བཤད་གཉིས། ཐབས་ཞེས་པས་མདོར་བསྟན། གཉིས་པ་རྒྱས་པར་བཤད་པ་ལ། ཏན་སྤྱད་ཀྱིས་སྤྱད་བྱ། འདོད་མིས་མི་སྤངས། དྲི་དང་གིས་དང་བླངས། ཕུང་ཤེས་ཀྱིས་ཤེས་བྱ། རྡོ་བསྒྲུབ་ཀྱིས་བསྒྲུབ་བྱ། འདི་ཞེས་པས་སྔ་མའི་མཇུག་བསྡུས་ནས་ཕྱི་མ་མཚམས་སྦྱར་བའོ། །གསུམ་པ་བརྟུལ་ཞུགས་ཉེར་ལྔ་དང༌། རིགས་ལྔའི་སྡོམ་པ་བཤད་པ་ལ་གཉིས། དང་པོ། དེ་ཞེས་པས་བརྟུལ་ཞུགས་ཉེར་ལྔ་བསྟན། གཉིས་པ་རིགས་ལྔའི་སྡོམ་པ་ལ་བསྟན་བཤད་གཉིས། དང་པོ། གསང་སྔོན་

― ZP02_Page_307 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱིས་མདོར་བསྟན། གཉིས་པ་རྒྱས་པར་བཤད་པ་ལ། ཐུན་མོངས་པ། ཁྱད་པར་བ། ཐུན་མོང་གི་ཡན་ལག་གཞན་བསྟན་པ། །ཁྱད་པར་བའི་དམིགས་བསལ་བཤད་པའོ། །དང་པོ། ཐུན་མོང་བ་སངས་མི་རིན་སྣང་དོན་གྱིས་བསྟན། གཉིས་པ་ཁྱད་པར་པ་ལ་བསྟན་བཤད་གཉིས། དང་པོ། ཁྱད་ཅེས་པས་མདོར་བསྟན། གཉིས་པ་རྒྱས་པར་བཤད་པ་ལ། རྡོ་ཞིང་གིས་སྲོག་གཅོད། རིན་མཚན་རྫོགས་ཀྱིས་མ་བྱིན་ལེན། པད་སྟོང་ལས་ཀྱིས་ལོག་གཡེམ། ལས་ཞེས་པས་རྫུན་ཚིག །འཁོར་འདོད་ཀྱིས་ཡུལ་ཀུན་བརྟེན་པ་བསྟན། གསུམ་པ་ཐུན་མོང་བའི་ཡན་ལག་གཞན་བསྟན་པ། དེ་མ་ལྷ་ཕྱག་སྨད་གསང་བཞོན་མཚོན། མཚན་མཆོད་དེ་ཕྱག་ཅེས་པས་བསྟན། བཞི་པ་ཁྱད་པར་བའི་དམིགས་བསལ། ཁྱད་དངོས་རྣམ་འདོར་སྦས་ཀྱིས་བསྟན་ནོ། །གཉིས་པ་ཉམས་པ་ཕྱིར་བཅོས་བཤད་པ་ལ། སྡོམ་པ་སྐྱེ་བའི་རྟེན་བཤད་པ། ལྟུང་བའི་རྒྱུ་དྲུག་བཤད་པ། དེའི་གཉེན་པོ་བཤད་པ། ཕྱིར་བཅོས་དངོས་བཤད་པ། ཉམས་པའི་ཉེས་དམིགས་བཤད་པ་དང་ལྔ། དང་པོ་སྡོམ་པ་སྐྱེ་བའི་རྟེན། ཉིན་སྔགས་གསང་ཞེས་པས་བསྟན།

― ZP02_Page_308 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་ལྟུང་བའི་རྒྱུ་དྲུག་ལྟུང་བག་ལྟུང་བརྗེད་བསྣན་ཞེས་པས་བསྟན། གསུམ་པ་དེའི་གཉེན་པོ་དེ་ལོང་བསྲུང་སྤང་ཞེས་པས་བསྟན། བཞི་པ་ཕྱིར་བཅོས་དངོས་བཤད་པ་ལ་ལྔ། བཅོས་སུ་ཡོད་པའི་རྒྱུ་མཚན་བཤད་པ། ཉེས་པའི་ངོ་བོ་ལ་ལྟོས་ནས་གསོ་ཐབས་བསྟན་པ། དུས་ཀྱི་ཁྱད་པར་ལ་ལྟོས་ནས་གསོ་ཐབས་བསྟན་པ། གསོ་ཐབས་ཀྱི་རྣམ་གྲངས་བསྟན་པ། ན་རཀ་དོང་སྤྲུགས་ཀྱི་བཤགས་པ་བསྟན་པའོ། །དང་པོ། བཅོས་སུ་ཡོད་པའི་རྒྱུ་མཚན་ལ། ཉམས་ཉན་ལན་གསོས་ཉན་ཐོས་ཀྱི་སྡོམ་ཁྲིམས་གསོར་མེད་ཚུལ། བྱང་གཞན་གྱིས་བྱང་སྡོམ་གསོ་དཀའ་ཚུལ། གསང་རང་གིས་སྔགས་སྡོམ་གསོ་སླ་ཚུལ་བསྟན་པ་དང་གསུམ། གཉིས་པ་ཉེས་པའི་ངོ་བོ་ལ་ལྟོས་ནས་གསོ་ཐབས་བསྟན་པ་བླ་གསུང་བསྒོམ་ཐུགས་གཅིག་གིས་བསྟན། གསུམ་པ། དུས་ཀྱི་ཁྱད་པར་ལ་ལྟོས་ནས་གསོ་ཐབས་བསྟན་པ་ལ་གཉིས། དྲུག་འགལ་ཞག་གསོ་ལོས་གསོ་རུང་མི་རུང་གི་མཚམས་བསྟན། འགལ་འདས་རལ་རྡོས་གསོ་རུང་བའི་གསོ་ཚུལ་བསྟན། བཞི་པ་གསོ་ཐབས་ཀྱི་རྣམ་གྲངས་བསྟན་པ་ལ། གཞན་བསྐྱེད་ཐིག་དྲལ། ཚོགས་སྲོག་མཎྜལ་ལས་བསྟན། ལྔ་པ་ན་རཀ་

― ZP02_Page_309 ―

^{[མ་དཔེ་གཟིགས་ན་འདིར་གནོན།]}

[Full Size]

དོང་སྤྲུགས་ཀྱི་བཤགས་པ་ཁྱད་དམིགས་ཞེས་པས་བསྟན། ལྔ་པ་ཉམས་པའི་ཉེས་པ་མདོ་ཞེས་པས་བསྟན། དོན་གསུམ་པ་ཕན་ཡོན་བརྗོད་པས་མཇུག་བསྡུ་བ་ལ་གཉིས། དམ་མྱུར་གྲུབ་དབང་གིས་ལམ་གྱི་ཡོན་ཏན། མཆོག་སྐུས་འབྲས་བུའི་ཡོན་ཏན་བསྟན། ཡོན་ཏན། རིག་པ་ཞེས་པས་ལེའུའི་མཚན་བསྟན་པའོ།། །།

༈ སྤྱི་དོན་གསུམ་པ་ཉེ་ལམ་རྫོགས་པ་ཆེན་པོ་ལྟར་ཉམས་སུ་བླངས་པ་ལ་གསུམ། གཞིའི་གཞུག་ཚུལ་བསྟན་པ། རང་བཞིན་རྫོགས་པ་ཆེན་པོ་ལྟར་ལམ་ཐུན་མོང་མ་ཡིན་པ་བསྟན་པ། མཐར་ཕྱིན་འབྲས་བུ་སྐུ་དང་ཡེ་ཤེས་བསྟན་པ་གསུམ། དང་པོ། གཞིའི་གནས་ལུགས་བསྟན་པ་དེ་ལ། རྫོགས་པ་ཆེན་པོའི་ཡིན་ལུགས་མདོར་བསྟན། གཞིའི་གནས་ལུགས་རྒྱས་པར་བཤད་པ། གཉིས་སུ་མེད་པར་དོན་བསྡུ་བའོ། །དང་པོ་མདོར་བསྟན་པ་ལ་གཉིས། རྒྱལ་བསྟན་སེམས་རང་གིས། རྫོགས་པ་ཆེན་པོའི་མཚན་གཞི་ངོས་བཟུང༌། གང་མཐའ་སྡོམ་ཀུན་གྱིས་ལམ་གཞན་དེ་རྟོགས་བྱེད་ཀྱི་ཐབས་སུ་བསྟན་ནོ། །གཉིས་པ་གཞིའི་གནས་ལུགས་རྒྱས་པར་བཤད་པ་ལ། འཁོར་འདས་ཀྱི་སྤྱི་གཞི་བཤད་པ། རྟོགས་པས་གྲོལ་ཚུལ་བཤད་པ།

― ZP02_Page_310 ―

^{[མ་དཔེ་གཟིགས་ན་འདིར་གནོན།]}

[Full Size]

མ་རྟོགས་པས་འཁྲུལ་ཚུལ་བཤད་པ་དང་གསུམ། དང་པོ། འཁོར་འདས་ཀྱི་སྤྱི་གཞི་བཤད་པ་ལ། གཞི་བཤད་པ། གཞི་སྣང་བཤད་པ་གཉིས། གཞི་བཤད་པ་ལ། གཞིའི་གནས་ལུགས་སྤྱིར་བསྟན་པ། གྲུབ་མཐའི་འདོད་གཞུང་བཀོད་པ། སྐྱོན་མེད་རང་གཞུང་གི་འདོད་པ་བཀོད་པ་དང་གསུམ། དང་པོ། གཞིའི་གནས་ལུགས་སྤྱིར་བསྟན་པ་ལ་གཉིས། འདི་དབྱིངས་འཁོར་ངོས་གཞི་རང་གི་གནས་ལུགས་དང༌། དེ་མ་གཉིད་གང་གིས་གཞི་ལས་མ་གཡོས་པའི་གཞི་སྣང་གི་གནས་ལུགས་བཤད། གྲུབ་མཐའི་འདོད་གཞུང་བཀོད་པ་ལ་གཉིས། རེ་ཀ་ཅིར་སྣས་འདོད་པ་བདུན་སོ་སོར་བཀོད། ངོ་སོ་ཁོང་རང་གིས་དེ་དག་ཀྱང་ཕྱོགས་རེ་ལ་བརྟགས་པའི་དཔེ་བསྟན་ནོ། །གསུམ་པ་སྐྱོན་མེད་རང་གཞུང་གི་འདོད་པ་བཀོད་པ་ལ་ལྔ། འདིར་ཡོན་དངོས་གཏིང་གིས་སྐྱོན་མེད་རང་གཞུང་གི་གཞི་ཀ་དག་ལྷུན་གྲུབ་ཟུང་འཇུག་བསྟན། གཞི་གཉིད་ངོ་ལྷུན་གྱིས་དེ་ཉིད་ཀྱི་ངོས་ནས་སྣང་སྟོང་འགལ་མེད་དུ་བསྟན། ཇི་གཏིང་དེ་ལྷུན་གྱིས་གཏིང་གསལ་གཞོན་ནུ་བུམ་པའི་གནས་ལུགས། ངོ་སྣང་གཞི་མཚན་གྱིས་དེ་ཉིད་ཕྱིར་གསལ་དུ་མི་འཆར་བར། དེ་གཅིག་སྟོང་རྐྱེན་ཀྱིས་འཁོར་འདས་གཉིས་སུ་མ་གྲུབ་པར་སྟོན་པའོ། །གཉིས་

― ZP02_Page_311 ―

^{[མ་དཔེ་གཟིགས་ན་འདིར་གནོན།]}

[Full Size]

པ་གཞི་སྣང་བཤད་པ་ལ་བཞི། དེ་རླུང་ནང་གཞིས་རང་བཞིན་གྱི་ནང་གདངས་ཡུལ་དུ་སྣང་ཚུལ། གང་དཔྱོད་ལྟོས་ཀྱིས་ཐུགས་རྗེའི་རིག་རྩལ་ཡུལ་ཅན་དུ་ཤར་ཚུལ། སྤྲིན་ལྷུན་གྱིས་ཡུལ་དང་ཡུལ་ཅན་དུ་འཛོམས་པའི་ལྷུན་གྲུབ་སྒོ་བརྒྱད་ཀྱི་སྣང་ཚུལ། འདི་ཐེག་དམན་དྲིས་བཀའི་དགོངས་པ་འགྲེལ་བའི་ཤིང་རྟའི་སྲོལ་འབྱེད་བསྟན་པའོ། །དོན་གཉིས་པ་རྟོགས་པས་གྲོལ་ཚུལ་བཤད་པ་ལ་ལྔ། །དེ་དང་སྣང་རིག་གཞི་སྐད་ཕྱེད་གཞན་སྐུ་སྐད་ཀྱིས་ཆོས་སྐུའི་དགོངས་པ་གྲོལ་ཚུལ། གང་རྣམ་ལོངས་དེས་ལོངས་སྐུའི་སྣང་བ་བཀོད་ཚུལ། དག་མ་སྣང་འཁོར་གྱིས་སྤྲུལ་སྐུའི་རྣམ་རོལ་བསྟན་ཚུལ། ཟག་མངའ་ཞིང་སངས་ཀྱིས་ཞིང་ཁམས་ཀྱི་སྣང་ཚུལ། དེ་གདུལ་ནོར་རྩོལ་གྱིས་འཕྲིན་ལས་ཀྱི་འགྲོ་དོན་འབྱུང་ཚུལ་བསྟན་ནོ། །གསུམ་པ་མ་རྟོགས་པའི་འཁྲུལ་ཚུལ་ལ། འཁྲུལ་ཚུལ་དངོས་བཤད་པ་དང༌། གཟུང་འཛིན་གྱི་དབྱེ་བ་བཤད་པ་གཉིས། མ་རྟོགས་པ་འཁྲུལ་ཚུལ་བཤད་པ་ལ། འཁྲུལ་པའི་རྒྱུ་རྐྱེན་བཤད་པ། ཡུལ་ཅན་གྱི་ཞེན་ཚུལ་བཤད་པ། ཡུལ་གྱི་སྣང་ཚུལ་བཤད་པའོ། །དང་པོ། འཁྲུལ་བའི་རྒྱུ་རྐྱེན་བཤད་པ་ལ་གསུམ། དེ་ཐོག་གཞི་གློ་དེ་མིང་གིས་འཁྲུལ་

― ZP02_Page_312 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུ་མ་རིག་གསུམ། མ་གཞི་དེ་དེ་གསུམ་གྱིས་འཁྲུལ་པའི་རྐྱེན་བཞི། ཚོགས་ཉོན་རྟེན་གྱིས་དེ་ལས་འཁྲུལ་ཚུལ་བཤད་དོ། །གཉིས་པ་ཡུལ་ཅན་གྱི་འཁྲུལ་ཚུལ་བཤད་པ་ལ་གཉིས། འདི་མེད་ཡོད་དཔྱོད་ཀྱིས་ཡུལ་ཅན་ཚོགས་དྲུག་ཏུ་ཤར་ཚུལ། རྣམ་རབ་ངོ་བདག་གིས་དེས་བདག་ཏུ་ཞེན་ཚུལ་བསྟན། གསུམ་པ་ཡུལ་གྱི་སྣང་ཚུལ། སྲིད་ལ་ཀུན་བག་གིས་བསྟན། གཉིས་པ་གཟུང་འཛིན་གྱི་དབྱེ་བ་ལ་གསུམ། དེ་བཞིན་རྟེན་བཞིན་གྱིས་ཡུལ་དང་ཡུལ་ཅན་གྱི་དབྱེ་བ། མེད་ཐག་ཤེས་རྗེས་ཀྱིས་གཟུང་བ་དང་འཛིན་པའི་དབྱེ་བ། གལ་འཛིན་སྣང་སྣང་གིས་སྣང་བ་དང་ཡུལ་གྱི་དབྱེ་བའོ། །གསུམ་པ་གཉིས་སུ་མེད་པར་དོན་བསྡུ་བ། གང་སྲིད་མེད་ཀུན་ཞེས་པས་བསྟན། ཡོན་ཏན་གཞིའི་བཞུགས་ཚུལ་ཞེས་པ་ལེའུའི་མཚན་བསྟན་པའོ།། །།

དོན་གཉིས་པ་རང་བཞིན་རྫོགས་པ་ཆེན་པོའི་ལམ་ལ་ཐུན་མོང་མ་ཡིན་པ་བསྟན་པ།

༈ དོན་གཉིས་པ་རང་བཞིན་རྫོགས་པ་ཆེན་པོའི་ལམ་ལ་ཐུན་མོང་མ་ཡིན་པ་བསྟན་པ་ལ་གསུམ། ལམ་གྱི་ངོ་བོ་མདོར་བསྟན། ལམ་གྱི་མཚན་ཉིད་རྒྱས་པར་བཤད། གདམས་ངག་བརྗོད་པས་འཇུག་བསྡུ་བ་དང་གསུམ། དང་པོ་ལམ་གྱི་མདོར་བསྟན་པ། གང་དཀྲི་ཤེས་ལམ་ཞེས་པས་བསྟན།

― ZP02_Page_313 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་ལམ་གྱི་མཚན་ཉིད་རྒྱས་པར་བཤད་པ་ལ། རྟོགས་དང་མ་རྟོགས་པའི་བློ་རིམ་བཤད་པ། ཇི་བཞིན་རྟོགས་པའི་ལམ་དངོས་བཤད་པའོ། །དང་པོ། རྟོགས་དང་མ་རྟོགས་པའི་བློ་རིམ་བཤད་པ་ལ་ལྔ། འདི་སྟོང་མཐའ་ངོས་གཞལ་བྱ་རྫོགས་པ་ཆེན་པོའི་གནས་ལུགས་བསྟན། རྩོད་བརྟགས་དོན་སོས་དེ་ཉིད་རྟོག་གེའི་བློ་དང་འགལ་བར་བསྟན། དངོས་ས་རྟོག་གདོད་ཀྱིས་དེས་ན་རྟོག་གེ་གཉིས་ཀྱི་མི་རྟོགས་པར་བསྟན་ནོ། །ཤེས་སྟོང་རིག་འདུས་རྟོགས་པའི་གྲུབ་མཐའ་སྤྱིར་བསྟན། གང་སེམས་ཀློང་མན་གྱིས་བློ་རིམ་གསུམ་གྱི་གཞལ་ཚུལ་བསྟན་པའོ། །གཉིས་པ་ཇི་བཞིན་རྟོགས་པའི་ལམ་དངོས་བཤད་པ་ལ། གྲོལ་ལུགས་ཀྱི་གདེང་ལྔ་བཤད་པ། ཤན་འབྱེད་ཀྱི་འཕྱོངས་བཅུ་གཉིས་བཤད་པ། །ཉམས་ལེན་གྱི་གནད་དུ་འགག་བསྡོམ་པའོ། །དང་པོ། གྲོལ་ལུགས་ཀྱི་གདེར་ལྔ་བཤད་པ་ལ་གཉིས། ཀུན་གང་གཞིས་གྲོལ་ལུགས་ཀྱི་རང་བཞིན་མདོར་བསྟན། བྱས་རང་གཅེར་གཅིག་གིས་གྲོལ་ཚུལ་ལྔ་བྱེ་བྲག་ཏུ་བཤད་པའོ། །གཉིས་པ་ཤན་འབྱེད་ཀྱི་འཕྱོངས་བཅུ་གཉིས་བཤད་པ་ལ། གང་རང་རྟོགས་མ་རྣམ་གྱིས་སེམས་རིག་ངོ་བོའི་ཤན་འབྱེད། རྟོགས་རིག་སེམས་

― ZP02_Page_314 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་གནས་པ་རང་ངོའི་ཤན་འབྱེད། རིག་སེམས་དངོས་ཡུལ་གྱིས་སྣང་བ་ཡུལ་གྱི་ཤན་འབྱེད། དེ་བསམ་སེམས་ཏིང་གིས་བསམ་གཏན་དོན་གྱི་ཤན་འབྱེད། རིག་ཟིལ་སེམས་རྣམ་གྱིས་འཕྲོ་བ་རྩལ་གྱི་ཤན་འབྱེད་བསྟན། གྲོལ་ཚུལ་གནད་ཀྱི་ཤན་འབྱེད་ལ་གཉིས། རིག་སེམས་ཡུལ་ཉོན་དེ་ངེས་ཀྱིས་གྲོལ་ལུགས་དངོས། ཁྱད་ཉན་སྔགས་ཀློང་རིག་གིས་དེས་ན་གྲོལ་ལུགས་གཞན་ལས་འཕགས་པར་བསྟན་པའོ། །དེ་དབྱིངས་ཀུན་གྲུབ་ཀྱིས་ཀུན་གཞི་ཆོས་སྐུའི་ཤན་འབྱེད། གཞི་གཉིད་འཁྲུལ་གྲོལ་གྱིས་འཁྲུལ་གྲོལ་སྐབས་ཀྱི་ཤན་འབྱེད། ཐོག་མཐར་རྫས་བྱེད་ཀྱིས་གཞི་འབྲས་ལྷུན་གྲུབ་ཀྱི། དེ་ད་རྒྱ་གྲོལ་རྣམ་ལམ་འགྲོགས་བསླད་ཀྱིས་ལམ་འབྲས་ཀ་དག་གི །དེ་རྟོག་ལྷ་ཤར་གྱིས་བར་དོ་ལྷའི། ཁྱད་མ་ཐོག་རང་གིས་དབུགས་འབྱིན་ཞིང་གི་ཁྱད་པར་བསྟན་པའོ། །གསུམ་པ་ཉམས་ལེན་གྱི་གནད་དུ་འགག་བསྡོམ་པ་ལ། རིག་པ་རང་སྣང་གི་བློ་ཅན་གྱི་འཇུག་རིམ། སྣང་བ་ཡུལ་གྱི་བློ་ཅན་འཇུག་རིམ། དབང་པོའི་རིམ་པ་གསུམ་སྐྱེལ་སོ་གཅིག་ཏུ་བྱ་བ། ལམ་ལྔའི་གནད་དུ་དོན་བསྡུ་བའོ། །དང་པོ་རིག་པ་རང་སྣང་གི་བློ་ཅན་གྱི་འཇུག་རིམ་ལ། ལེ་ལོ་ཅན་འབད་མེད་དུ་གྲོལ་བ་ཀ་དག་ཁྲེགས་ཆོད་ཀྱི་ལམ་དང༌། བརྩོན་

― ZP02_Page_315 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲུས་ཅན་འབད་བཅས་སུ་གྲོལ་བ་ལྷུན་གྲུབ་ཐོད་རྒལ་གྱི་ལམ་གཉིས། དང་པོ་ཁྲེགས་ཆོད་ལ་ལྔ། དེ་ཞེས་པས་མཚམས་སྦྱར། གདོད་སྟོང་མཚན་སྨོན་གྱིས་ལྟ་བའི་མན་ངག །རིག་པ་དེ་མ་རང་མས་བསྒོམ་པའི་མན་ངག །ཕྱི་བྱེད་གཞི་སྐྱེས་ཀྱིས་སྤྱོད་པའི་མན་ངག །དེ་ཀློག་མཐའ་ཡིད་ཀྱིས་འབྲས་བུའི་མན་ངག་གོ །གཉིས་པ་ལྷུན་གྲུབ་ཐོད་རྒལ་གྱི་ལམ་ལ་ཁྲེགས་ཆོད་ལས་འཕགས་པའི་ཁྱད་པར་དང༌། ལམ་གཞན་ལས་འཕགས་པའི་ཁྱད་པར་གཉིས། དང་པོ་ལ་གསུམ། ཁྱད་རིག་གིས་མངོན་སུམ་གོལ་ས་སྤང་བའི་ཁྱད་པར། ཕྱི་རྡོས་ཡེས་ཕྱི་འབྱུང་རྡོས་བཅས་སྤངས་པའི་ཁྱད་པར། མངོན་རྡུལ་འཕོ་གཞན་གྱིས་ནད་འབྱུང་འཕོ་ཆེན་འགྲུབ་པའི་ཁྱད་པར་རོ། །གཉིས་པ་ལམ་གཞན་ལས་འཕགས་པའི་ཁྱད་པར། དེ་ལྟ་མཚན་གྱིས་བསྟན་ནོ། །གཉིས་པ་སྣང་བ་ཡུལ་གྱི་བློ་ཅན་གྱི་འཇུག་རིམ་ལ། བསྟན་བཤད་གཉིས། དང་པོ། མདོར་བསྟན་པ་ལ་གཉིས། དེ་ཆོས་བློ་ཐ་དད་གིས་སྣང་བ་ཡུལ་གྱི་བློ་ཅན་དུ་འཇོག་བྱེད་བསྟན། ཞི་སོའི་དེའི་ལམ་བསྟན་པའོ། །གཉིས་པ་རྒྱས་པར་བཤད་པ་ལ། ཞི་ལྷག་ངོ་བོ་གཅིག་པ་དང༌། སོ་སོ་པའི་འཁྲིད་ཚུལ་

― ZP02_Page_316 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས། དང་པོ། ཞི་ལྷག་ངོ་བོ་གཅིག་པའི་འཁྲིད་ཚུལ་ལ། དངས་གསལ་གཉིས་ཞེས་པས་བསྟན། གཉིས་པ་ཞི་ལྷག་སོ་སོ་བའི་འཁྲིད་ཚུལ་ལ་གསུམ། གཉིས་ཤེས་ཞེས་པས་མདོར་བསྟན། ཤེས་ཐོས་དེས་ཤེས་རབ་ལས་བྱུང་བ། མན་སེམས་དེས་མན་ངག་ལས་བྱུང་བར་བསྟན་ནོ། །གསུམ་པ་དབང་རིམ་གསུམ་སྐྱེལ་སོ་མཐུན་པར་བྱ་བ་ལ། དབང་རིམ་གསུམ་གྱི་དབྱེ་བ་བཤད་པ་དང༌། ཐུན་མོང་གི་ཉམས་ལེན་བཤད་པ་གཉིས། དང་པོ་ལ་གསུམ། མདོར་བཟང་གིས་རབ། འབྲིང་བཟང་གིས་འབྲིང༌། ཐ་གང་ཡེ་མཐར་སེམས་སྣང་གིས་ཐ་མ་བསྟན། གཉིས་པ་ཐུན་མོང་གི་ཉམས་ལེན་ལ་གསུམ། ཐབས་དགག་རྗེས་ལྷ་དབང་གིས་རྟོག་པ་ལམ་དུ་ཁྱེར་ཚུལ། རྟོག་མེ་སྣང་རྣམ་གཟུང་གིས་མཉམ་བཞག་གི་ངོ་བོ་སྐྱོང་ཚུལ། སོ་ཡེས་ས་ལམ་གཅིག་ཆར་དུ་རྫོགས་ཚུལ་བསྟན་ནོ། །བཞི་པ་ལམ་ལྔའི་གནད་དུ་དོན་བསྡུ་བ་ལ་གཉིས། མདོར་རིག་འོད་ཁྲེགས་ཐོད་ཀྱིས་ལམ་ལྔ་དངོས་དང༌། འདི་ཐུན་གྱིས་དེའི་དོན་བསྡུ་དང་ཕྱི་མར་འཚམས་སྦྱར་བའོ། །གསུམ་པ་གདམས་ངག་བརྗོད་པས་མཇུག་བསྡུ་བ། མ་མཐའ་ལས་དེ་བསྐྱེད་མྱ་ཞེས་པས་བསྟན། ཡོན་ཏན་རང་བཞིན་ཞེས་པས་ལེའུའི་མཚན་བསྟན་པའོ།། །།

མཐར་ཕྱིན་འབྲས་བུ་སྐུ་དང་ཡེ་ཤེས་བསྟན་པ།

― ZP02_Page_317 ―

^{[མ་དཔེ་གཟིགས་ན་འདིར་གནོན།]}

[Full Size]

༈ གསུམ་པ་མཐར་ཕྱིན་འབྲས་བུ་སྐུ་དང་ཡེ་ཤེས་བསྟན་པ་ལ་གཉིས། འབྲས་བུ་རང་བཞིན་མདོར་བསྟན་པ་དང༌། རྒྱས་པར་བཤད་པའོ། །དང་པོ་མདོར་བསྟན་པ། དེ་མཐར་གཞན་སེམས་ཞེས་པས་བསྟན། གཉིས་པ་རྒྱས་པར་བཤད་པ་ལ། མཐར་ཐུག་གི་གྲོལ་ས་བསྟན་པ། དབྱིངས་ནང་གསལ་གྱི་སྐུ་གསུམ་བཤད་པ། ཡེ་ཤེས་ཕྱི་གསལ་གྱི་སྐུ་གཉིས་བཤད་པ། སྐུ་དང་ཕྲིན་ལས་དབྱིངས་སུ་ཐིམ་པར་བསྟན་པ་དང་བཞི། དང་པོ་མཐར་ཐུག་གི་གྲོལ་ས་བསྟན་པ། གང་བདག་ཚོགས་རྣམ་སྒྲིབ་ཀྱིས་བསྟན། གཉིས་པ་དབྱིངས་ནང་གསལ་གྱི་སྐུ་གསུམ་བཤད་པ་ལ་བཞི། གློ་དག་གདོད་ཉ་སྟོང་ཀུན་དབྱིངས་ཀྱིས་མི་འགྱུར་རྡོ་རྗེ། རྣམ་སྟོབས་སྣང་ཆས་མངོན་པར་བྱང་ཆུབ་སྐུ། ཤེས་ཤེས་སོ་ཐིམ། མཁྱེན་ཤིན་གང་གིས་ཞི་བ་ཆོས་སྐུ་བསྟན་ནོ། །གཉིས་པ་སྐུ་གསུམ་གྱི་དོན་བསྡུ་བ་ལ་གསུམ། སོ་གཅིག་དངོས་གོས་ཀྱིས་སྤྲོས་པའི་ཡུལ་ལས་འདས་པར་བསྟན། ངག་རྟོག་བློ་ལས་ས་བཅུའི་དབང་ཕྱུག་གི་ཡང་སྤྱོད་ཡུལ་མིན་པར་བསྟན། འདྲེན་ཟབ་དུས་རྣམ་རང་གིས་རྒྱལ་བའི་སྤྱོད་ཡུལ་དུ་

― ZP02_Page_318 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་པའོ། །གཉིས་པ་ཡེ་ཤེས་ཕྱིར་གསལ་གྱི་སྐུ་གཉིས་བཤད་པ་ལ། ལོངས་སྐུ་བཤད་པ། སྤྲུལ་སྐུ་བཤད་པ་གཉིས། དང་པོ་ལོངས་སྐུ་བཤད་པ་ལ་གཞི་འབྲས་དབྱེར་མེད་ཀྱི་ལོངས་སྐུ་བཤད་པ་དང༌། འབྲས་བུ་ལྷུན་གྱིས་གྲུབ་པའི་ལོངས་སྐུ་བཤད་པ། ལོངས་སྐུ་གཉིས་ཀྱི་དོན་བསྡུ་བ་དང་གསུམ། དང་པོ་གཞི་འབྲས་དབྱེར་མེད་ཀྱི་ལོངས་སྐུ་ལ་བསྟན་བཤད་གཉིས། དང་པོ་མཁྱེན་ཐུགས་གནས་ངེས་མཚན་གྱིས་མདོར་བསྟན། གཉིས་པ་རྒྱས་པར་བཤད་པ་ལ། གནས་དུས་སྟོན་པ་འཁོར་ཆོས་དང་ལྔ། དང་པོ་གནས་ལ་བཞི། གནས་ཡེ་མཁའ་མནན་གྱིས་ཞིང་ཁམས། གཞལ་རྟ་ཕ་སྣམ་བདེས་གཞལ་མེད་ཁང་པ། རྔ་བླ་ཆུ་གྲངས་ཀྱིས་རྒྱན་དང་བཀོད་པའི་ཁྱད་པར། རྟེན་བརྟེན་འཕྲོག་ཤང་གིས་གདན་ཁྲི་བསྟན་པའོ། །གཉིས་པ་དུས་དུས་ཞེས་པའི་རྐང་པ་གཅིག་གིས་བསྟན། གསུམ་པ་སྟོན་པ་འཕོ་རྣམ་འོད་རང་ཁས་བསྟན། བཞི་པ་འཁོར་རང་སྒོས་བསྟན། ལྔ་པ་ཆོས་རང་སྒྲས་བསྟན་ནོ། །གཉིས་པ་འབྲས་བུ་ལྷུན་གྱིས་གྲུབ་པའི་ལོངས་སྐུ་བསྟན་པ་ལ། སྟེང་ཁང་ཞི་བ་དང༌། འོག་ཁང་ཁྲོ་བོའི་དཀྱིལ་འཁོར་བསྟན་པ་གཉིས། དང་པོ་ལ་དྲུག་སྟེང་དབང་གི་མདོར་བསྟན། དམ་ཀུན་

― ZP02_Page_319 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་ལོངས་སྐུའི་སྣང་གཞི། འགྲོ་རིགས་ཀྱིས་སྤྲུལ་པའི་རྣམ་རོལ། རང་གཙོས་ལོངས་སྐུ་དངོས། ཕུང་གདན་གྱིས་དེ་དང་དེ་དག་བྱ། འདི་བླ་ཇིས་གཞི་གནས་དང་རྣམ་གྲངས་མཚུངས་པར་བསྟན་པའོ། །གཉིས་པ་འོག་ཁང་ཁྲོ་བོའི་དཀྱིལ་འཁོར་བསྟན་པ་ལ། རང་སྣང་ལོངས་སྐུའི་ཁྲོ་བོ་དང༌། གཞན་སྣང་གདུལ་བྱ་བསྟན་པའི་འཁོར་གཉིས། དང་པོ་ལ། གནས། གཙོ་བོ། །འཁོར། དོན་བསྡུ་བསྟན་པ་དང་གཞི། དང་པོ། གནས་ལ་གཉིས། འོག་འབར་སྒོ་རྟས་ཕོ་བྲང༌། རྡོ་ཐབས་ཉི་འཇིགས་གཏུམ། བརྗིད་ཞེ་དྲེག་གིས་གདན་ཁྲི་བསྟན། གཉིས་པ་གཙོ་བོ་བསྟན་པ་ལ་གསུམ། འཁོར་ཆེ་ཉི་ཞབས་ཞིས་ཡབ། གནམ་རྩ་ལྷག་ཡབ་ཀྱིས་ཡུམ། སྲིད་བཅོམས་དབུས་སྐུའི་ཆེ་བ་བསྟན། གསུམ་པ་འཁོར་བསྟན་པ་ལ་གསུམ། དབང་གློ་རྣམ་དཀྱིལ་གྱིས་དཀྱིལ་འཁོར་དང་པོ་ན་བཞུགས་པ། གཉིས་གསུམ་གྱིས་ཁྱམས་གཉིས་པ་དང་གསུམ་པ་ན་བཞུགས་པ། ཀུན་འབར་གྱིས་སྒོ་གསུམ་ཀའི་སྒོ་མ་དང་འཁོར་སྤྱིའི་ཁྲོ་ཚུལ་བསྟན་ནོ། །བཞི་པ་དོན་བསྡུ་བ། འདི་གཞི་ཞེས་པས་བསྟན། གཉིས་པ་གཞན་སྣང་གི་འཁོར་བསྟན་པ་ལ་གཉིས། བཞི་ལྔ་དྲུག་བདུན་བརྒྱད་དགུས་འཁོར་དངོས་

― ZP02_Page_320 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན། ལོག་བགེགས་དེས་དེ་ཉིད་གཞན་སྣང་དུ་བསྟན་པའོ། །གསུམ་པ་ལོངས་སྐུ་གཉིས་ཀྱི་དོན་བསྡུ་བ་ལ་བཞི། ཆོས་ཕུན་གང་སངས་རོལ་གྱིས་གཙོ་འཁོར་དགོངས་པ་དབྱེར་མེད་དུ་བསྟན། ཀུན་གསུང་རང་གཅིག་གིས་ཕན་ཚུལ་གཟིགས་ཚུལ་བསྟན། དུས་བླ་དག་མཐོང་འགལ་གྱིས་གཞན་དུ་མི་སྣང་བར་བསྟན། འདས་ངེས་བཞུགས་གཙོས་སངས་རྒྱས་ཀྱི་རང་སྣང་ཉག་གཅིག་ཏུ་བསྟན་པའོ། །གཉིས་པ་སྤྲུལ་སྐུ་བཤད་པ་ལ། རང་བཞིན་སྤྲུལ་པ། འགྲོ་འདུལ་སྤྲུལ་པ། སྣ་ཚོགས་སྤྲུལ་པ་བཤད་པ་གསུམ། དང་པོ་རང་བཞིན་སྤྲུལ་པ་ལ། བགྲངས་པའི་རང་བཞིན་སྤྲུལ་པ། གནས་པའི་རང་བཞིན་སྤྲུལ་པ། འོག་མིན་མཁའ་སྤྱོད་ཀྱི་གནས་བཤད་པ་དང་གསུམ། དང་པོ་བགྲངས་པའི་རང་བཞིན་སྤྲུལ་པ་ལ་བསྟན་བཤད་བསྡུ་གསུམ། དེ་འདུལ་རང་སྣས་སྤྲུལ་སྐུ་གསུམ་མདོར་བསྟན་ནས་རང་བཞིན་སྤྲུལ་པ་མཚམས་སྦྱར། གཉིས་པ་རྒྱས་པར་བཤད་པ་ལ་བདུན། གནས། སྟོན་པ། ཡེ་ཤེས། འཁོར་དུས། སྦྱང་བྱའི་ཁྱད་པར། ཕྱེད་སྤྲུལ་དུ་གདགས་པའི་འཐད་པའོ། །དང་པོ་གནས་རྒྱལ་དབྱིངས་འཕོས་ཀྱིས་སྤྱིར་བསྟན། དབུས་ལྷོ་བྱང་གིས་བྱེ་བྲག་ཏུ་བསྟན། གཉིས་པ་སྟོན་པ་གཟུགས་མཚན་གྱིས་གཙོ་བོ་རིགས་ལྔ་དང༌།

― ZP02_Page_321 ―

^{[མ་དཔེ་གཟིགས་ན་འདིར་གནོན།]}

[Full Size]

ཞི་ཡེ་བཞིས་རིགས་ཆུང་གི་རིགས་ལྔ་བསྟན། གསུམ་པ་ཡེ་ཤེས་ལ་ལྔ། ཆོས་ནམ་གྱིས་ཆོས་དབྱིངས། མེ་མངོན་གྱིས་མེ་ལོང༌། མཉམ་སྲིད་ཀྱིས་མཉམ་ཉིད། སོར་ཆོས་ཀྱི་སོར་རྟོགས། བྱ་ཆགས་ཀྱིས་བྱ་གྲུབ་བསྟན་ནོ། །བཞི་པ་འཁོར་ལ་གཉིས། འཁོར་སྐུ་བྱད་ཀྱིས་སྟོན་པས་ཆོས་སྟོན་ཚུལ་དང༌། དབྱང་སྦྱངས་ཀྱིས་འཁོར་གྱིས་སྒྲིབ་པ་སྦྱངས་ཚུལ་ལོ། །ལྔ་པ་དུས་ལ་གསུམ། དུས་ཞེས་པས་སུ་ཞིག་གི་ཆེད་དུ། འཇིག་མི་སྟོན་ཞེས་པས་ཅི་ཞིག་གི་ཆེད་དུ། འཆི་ཞེས་པས་དེ་ཕྱིར་རྟག་པར་བསྟན་པའོ། །དྲུག་པ་སྦྱོང་བྱའི་ཁྱད་པར་ལ་གསུམ། གདུལ་ཞེས་པས་སྦྱང་བྱ། གང་སྟོན་གྱིས་སྦྱོང་བྱེད། གནས་མཐོང་རིམ་གྱིས་སྦྱང་འབྲས་བསྟན་པའོ། །བདུན་པ་ཕྱེད་སྤྲུལ་དུ་གདགས་པའི་འཐད་པ་ལ་གཉིས། ཞིང་གཞན་དེ་འཁོར་བསྡུས་ཀྱིས་འཐད་པ་དངོས་དང༌། ཉི་ཞེས་པས་དེའི་ཁུངས་བསྟན་ནོ། །གཉིས་པ་གནས་པའི་རང་བཞིན་སྤྲུལ་པ་ལ། གང་ལ་སྣང་བ་དང༌། གང་སྣང་བ་གཉིས། དང་པོ་ལ་གསུམ། ཁྱད་རང་མཆོག་གིས་དང་པོ་རིག་པ་རྩལ་གྱི་དབང་ཐོབ་བ། ཉིན་མཚན་གྱིས་བར་དུ་ཉིན་མཚན་གྱི་རྣལ་འབྱོར་ལ་གོམས་པ། རྟོགས་ཆོས་སས་

― ZP02_Page_322 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམ་ས་ཐོབ་དང་སྐལ་པ་མཚུངས་པར་བསྟན་པའོ། །གཉིས་པ་གང་ལ་སྣང་བ་ལ་གཉིས། ཕྱོགས་བཅུ་སྤྲུལ་པའི་ཞིང་མདོར་བསྟན། རྣམ་གྲོལ་དབུགས་ཆེན་འབྱིན་པ་ལྔ་རྒྱས་པར་བཤད་པའོ། །དང་པོ་གཞི་ཞེས་པའི་རྐང་པ་གཅིག་གིས་བསྟན། གཉིས་པ་རྣམ་གྲོལ་དབུགས་ཆེན་འབྱིན་པ་ལྔ་རྒྱས་པར་བསྟན་པ་ལ། འོག་ཞི་བའི་ཞིང་ཁམས་དང༌། སྟེང་ཁྲོ་བོའི་ཞིང་ཁམས་གཉིས། དང་པོ། འོག་ཞི་བའི་ཞིང་ཁམས་བསྟན་པ་ལ། གནས་དང་ལོངས་སྤྱོད་བསྟན་པ་གཉིས། དང་པོ་གནས་བསྟན་པ་ལ། གཞལ་ཡས་ཁང་བསྟན་པ་དང༌། ཞིང་ཁམས་ཀྱི་རྒྱན་བསྟན་པ་གཉིས། དང་པོ་ལ་གཉིས། ཁྱད་ཤར་པད་སྒོས་གཞལ་ཡས་ཁང་དངོས་དང༌། ཟུར་གཡེར་རྣམ་ཕྱོགས་ཀྱིས་དེའི་རྒྱན་བསྟན། གཉིས་པ་ཞིང་ཁམས་ཀྱི་རྒྱན་བསྟན་པ་ལ་གཉིས། ཕྱི་ཏཱ་ཞེས་པས་རྟེན་ལྗོན་པའི་ཚལ་དང༌། ཤང་ནེ་རི་ལྷ་གསེར། གཡུ་དུང་སྙན་ཞེས་པས་བརྟེན་པ་ལྷའི་བྱ་ཚོགས་བསྟན་པའོ། །གཉིས་པ་ལོངས་སྤྱོད་བསྟན་པ་ལ་གསུམ། དེ་ཉོན་སྤྱང་ཅེས་པས་ཆུ་ཀླུང་གི་ལོངས་སྤྱོད། ཡིད་སུམ་ཕྱིས་ལོངས་སྤྱོད་ཀྱི་རྣམ་གྲངས་གཞན། ཞིང་དུས་ཞེས་པས་ཆོས་ཀྱི་ལོངས་སྤྱོད་བསྟན་ནོ། །གཉིས་པ་སྟེང་ཕྱོགས་ཁྲོ་བོའི་་

― ZP02_Page_323 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་ཁམས་བསྟན་པ་ལ་གང་སྣང་བ་ཞིང་གི་རྣམ་པ་དང༌། གང་ལ་སྣང་བ་འཁོར་གྱི་རྣམ་པའོ། །དང་པོ་ལ་གསུམ། ཀུན་དུར་གྱིས་གནས། སྟོན་ལག་མཁས་འཁོར། འབྲས་ཞེས་པས་ཆོས་བསྟན་ཏོ། །གཉིས་པ་གང་ལ་སྣང་བ་ལ། པད་ཀུན་བུས་ལུས་ཀྱི་རྣམ་པ་དང༌། རྣམ་ཡིད་མ་དེས་སེམས་ཀྱི་རྣམ་པ་བསྟན་ནོ། །གསུམ་པ་རང་བཞིན་སྤྲུལ་པར་གདགས་པའི་འཐད་པ་བསྟན་ནས་དོན་བསྡུ་བ་ལ་གཉིས། སྟོན་རང་སྤྲུལ་གྱིས་འཐད་པ་དངོས་དང༌། རང་རིག་གིས་དེའི་ཁུངས་བསྟན་ནོ། །གསུམ་པ་འོག་མིན་མཁའ་སྤྱོད་ཀྱི་གནས་བསྟན་པ་ལ་གསུམ། གཞན་ས་དབང་ཡུལ་ལས་དཔའ་བོ་མཁའ་འགྲོའི་ཞིང་སུ་བསྟན། སྐལ་ལམ་རྡོ་སྔགས་ཀྱིས་སྐལ་ལྡན་གྱི་ཡུལ་ཡིན་པར་བསྟན། འདི་བསྐྱེད་གསང་རྟོག་རིས་ཀྱིས་སྐལ་མེད་ཀྱི་ཡུལ་མ་ཡིན་པར་བསྟན་པའོ། །གཉིས་པ་འགྲོ་འདུལ་སྤྲུལ་པ་ལ། གདུལ་བ་བཞིའི་རང་བཞིན་བསྟན་པ། འདུལ་བྱེད་ཀྱི་ཡེ་ཤེས་བསྟན་པ། གདུལ་བྱར་སྣང་ཚུལ་བསྟན་པ་དང་གསུམ། དང་པོ་ལ། གང་གིས་འདུལ་བ་བསྟན་པ་དང༌། ཇི་ལྟར་འདུལ་བ་བསྟན་པ་གཉིས། དང་པོ་གང་གིས་འདུལ་བ་བསྟན་པ་ལ་གཉིས། དེ་ཡི་འཇིག་གིས་ལོངས་

― ZP02_Page_324 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུའི་ངང་ལས་སྤྲུལ་ཚུལ་དང༌། གནས་རང་འདུལ་གྱིས་སྤྲུལ་པ་རང་གི་ངོ་བོ་བསྟན་པའོ། །གཉིས་པ་ཇི་ལྟར་འདུལ་བ་ལ་བསྟན་བཤད་བསྡུ་གསུམ། དང་པོ། ཕྱོགས་སྟོང་གདུལ་གྱིས་མདོར་བསྟན། གཉིས་པ་རྒྱས་པར་བཤད་པ་ལ་བཞི། དེ་སྐུས་རྐུ་བསོད་ནམས་ཆེན་པོས་འདུལ་བ། གསུང་གང་ཉོན་ཆོས། གསུང་མ་རྣམ་གྱིས་གསུང་ཐེག་པ་སྣ་ཚོགས་པས་འདུལ་བ། ཐུགས་དུས་རང་གཞན་རྫུ་མངོན་གྱིས་ཐུགས་མངོན་པར་ཤེས་པས་འདུལ་བ། ཕྲིན་ཀུན་ཀུན་གྱིས་ཕྲིན་ལས་བསམ་གྱིས་མི་ཁྱབ་པས་འདུལ་བ་བསྟན་ནོ། །གསུམ་པ་གདུལ་བ་བཞིའི་དོན་བསྡུ་སྐུ་ཕྲིན་ཞེས་པས་བསྟན། གཉིས་པ་འདུལ་བྱེད་ཀྱི་ཡེ་ཤེས་བསྟན་པ་ལ་གཉིས། དེ་ཆོས་ཆོས་ཀྱིས་ཡེ་ཤེས་གཉིས་ཀྱི་དབྱེ་བ་དང༌། ཡེ་ཉེས་དེའི་བྱེད་ལས་བསྟན། གསུམ་པ་གདུལ་བྱར་སྣང་ཚུལ་བསྟན་པ་ལ་གསུམ། གང་ལ་གང་འདུལ་སྣང་ཚུལ། མ་ངེས་ལྔ་ལྡན་དུ་སྣང་ཚུལ། སྒྱུ་མ་ལྟ་བུར་སྣང་ཚུལ་ལོ། །དང་པོ་གང་ལ་གང་འདུལ་དུ་སྣང་ཚུལ་བསྟན་པ་ལ་གསུམ། དེ་འགྲོས་གང་ལ་སྣང་བ་བསྟན། ལྷ་མི་དེས་མཐོ་རིས་འདུལ་བྱེད་བསྟན། བྱ་སེང་མདོར་འདུལ་སེམས་ཀྱིས་ངན་སོང་འདུལ་བྱེད་བསྟན་ནོ། །གཉིས་པ་མ་ངེས་ལྔ་ལྡན་

― ZP02_Page_325 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་སྣང་ཚུལ་ལ། འདི་ལས་གནས་ཀྱིས་གནས། རང་ཞེས་པས་སྟོན་པ། ཆོས་ཞེས་པས་ཆོས། དུས་ཀྱིས་དུས། མ་ཞེས་པས་འཁོར་མ་ངེས་པར་བསྟན་པའོ། །གསུམ་པ་སྒྱུ་མ་ལྟ་བུར་སྣང་ཚུལ་བསྟན་པ་ལ། གང་རྨི་ངོ་བདག་ཟབ་ཀྱིས་མདོ་ལས་གསུང་ཚུལ་དང༌། འཁོར་སྣང་སྤྲུལ་མཇིས་རྒྱུན་མི་འཆད་པར་བསྟན་པའོ། །གསུམ་པ་སྣ་ཚོགས་སྤྲུལ་པ་ལ། སེམས་མེད་ལྟར་སྣང་བ། སེམས་ཅན་ལྟར་སྣང་བ། དེ་གཉིས་ཇི་ལྟར་སྣང་བའོ། །དང་པོ་སེམས་མེད་ལྟར་སྣང་བ་ལ་གཉིས། དེ་རང་འབུར་གྱིས་བསོད་ནམས་གྱི་ཞིང་ལྟར་སྣང་བ་དང༌། གན་མྱ་པད་གྲུ་སེམས་ཀྱིས་ལོངས་སྤྱོད་ཀྱི་ཡོ་བྱད་ལྟར་སྣང་བ་བསྟན། གཉིས་པ་སེམས་ཅན་ལྟར་སྣང་བ་སྐྱེ་ནད་སྲིན་མིས་བསྟན། གསུམ་པ་དེ་གཉིས་ཇི་ལྟར་སྣང་བ་སྤྲུལ་རྟོག་དོན་གྱིས་བསྟན་ནོ། །དོན་བཞི་པ་སྐུ་དང་ཕྲིན་ལས་དབྱིངས་སུ་ཐིམ་པར་བསྟན་པ་ལ་བཞི། གང་གདུལ་ཇི་སྤྲུལ་གདུལ་རང་གིས་སྤྲུལ་སྐུ་ལོངས་སྐུར་ཐིམ་ཚུལ། དེ་གཅིག་ནང་ལོངས་ཀྱིས་ལོངས་སྐུ་ཆོས་སྐུ་ཆེན་པོར་ཐིམ་ཚུལ། ཡེ་དབུ་བུ་ཞི་འདིར་ཕྲ་ཐིམ་གྱིས་ཐིམ་ནས་དབྱིངས་སུ་བཞུགས་ཚུལ། གང་འགགས་ཤིན་འབྲས་ཀྱིས་དོན་གཉིས་ལྷུན་གྱིས་གྲུབ་པའོ། །ཡོན་ཏན་མཐར་ཕྱིན་གྱིས་ལེའུའི་མཚན་བསྟན་པའོ།། །།

ཐ་མ་དགེ་བ་མཇུག་གི་དོན།

― ZP02_Page_326 ―

^{[མ་དཔེ་གཟིགས་ན་འདིར་གནོན།]}

[Full Size]

༈ དོན་གསུམ་པ་ཐ་མར་དགེ་བ་མཇུག་གི་དོན་ལ། དེ་ལྟར་རྩམ་པའི་དགེ་བ་བསྔོ་བ། གང་གིས་བརྩམ་པའི་བརྩམ་བྱང་གཉིས། དང་པོ་བསྔོ་བ་ལ། བསྔོ་རྒྱུའི་དགེ་རྩ་བསྟན་པ་དང༌། བསྔོ་བ་དངོས་གཉིས། དང་པོ་བསྔོ་རྒྱུའི་དགེ་རྩ་བསྟན་པ་ལ། བདག་འཇིག་ཞལ་ལམ་གྱིས་བསྟན་བཅོས་བརྩམ་པའི་རྒྱུ་ཕུན་སུམ་ཚོགས་པ་བསྟན། དེ་བླ་ཐོས་རང་གིས་གཅོམ་བསྐྱུང་སྟེ་མཐོལ་བཤགས་མཛད། ཆོས་མཉམ་ཇི་ཡང་གིས་གཟེངས་བསྟོད་དེ་རྗེས་འཇུག་ལ་གདམས་པའོ། །གཉིས་པ་བསྔོ་བ་དངོས་ལ་གསུམ། དགེ་རྒྱལ་སྒྲིབ་བྱང་གིས་མཐར་ཐུག་རྫོགས་བྱང་དུ་བསྔོས། ནགས་དུས་དྲང་སྙིང༌། སྤྲུལ་སྐྱོ་ཅ་དབང་གིས་གནས་སྐབས་དབེན་པར་བསྔོས། ལྟ་སྤྱོད་ནམ་རླབས་ཀྱིས་ལྟ་སྤྱོད་ཕུན་ཚོགས་སུ་བསྔོ་བའོ། །གཉིས་པ་བརྩམ་བྱང་ལ་བཞི། བརྩམ་བྱ་བསྟན་བཅོས། བསྐུལ་བ་པོ་སློབ་མ། མཛད་པ་པོ་སློབ་དཔོན། གང་དུ་བརྩམ་པའི་གནས་དང་བཞི། ཡོན་ཏན། ལ་སྟོད། སངས་རྒྱས། དཔལ་ལྡན་ཞེས་པ་རྣམས་རིམ་པ་ལྟར་རོ།། །།དེ་ལྟར་ཆོས་ཚུལ་ཤིན་ཏུ་རྨད་བྱུང་བ། །ལམ་དང་འབྲས་བུ་ཡོན་ཏན་དུ་མའི་མཛོད། །གདུལ་བྱའི་ཞིང་སར་སྐུ་

― ZP02_Page_327 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིའི་འབྲས་བསྐྱེད་པ། །རབ་དགའ་སྦྱིན་པའི་ཞི་བསིལ་ཆར་བ་ཡིན། །བསྟན་པ་ཡོངས་རྫོགས་ཀུན་མཁྱེན་རྒྱུད་པའི་གཞུངས། །ཚིག་གཅིག་ཐོས་ཀྱང་ཐར་པའི་ལམ་འགྲོ་ཞིང༌། །དོན་ཀུན་རྟོགས་ན་ཚེ་གཅིག་འཚང་རྒྱ་བའི། །གཞུང་བཟང་འདི་འདྲ་སྔོན་མེད་རིན་པོ་ཆེ། །ཐུབ་པ་ཉི་མ་རྒྱལ་བས་གང་བསྟན་པའི། །ཆོས་ཚུལ་དྲི་མེད་ཤིན་ཏུ་མཐའ་ཡས་པ། །མ་ལུས་གཞུང་ལམ་གཅིག་ཏུ་སྟོན་པའི་མཛོད། །བསྟན་བཅོས་འདི་འདྲ་རྙེད་པར་དཀའ་བ་རྙེད། །སྐལ་བཟང་གྲོགས་དག་རབ་དགའི་ཤུགས་བསྐྱེད་ལ། །དད་དང་བརྩོན་འགྲུས་ཤེས་རབ་དྲན་སེམས་ཀྱིས། །ཉན་འཆད་བསྒོམ་ལ་འབད་པར་མཛོད་ཅིག་དང༌། །དོན་གཉིས་ལྷུན་གྱིས་གྲུབ་པ་འདིར་འབྱུང་ངེས། །དེ་སླད་ཁོ་བོ་འཆད་རྩོད་རྩོམ་པའོ། །དབང་བ་མིན་ཡང་བརྒྱུད་པ་རིན་པོ་ཆེར། །མོས་བློས་བྱིན་ལས་གཞུང་དོན་མེ་ཏོག་གི །ཕྲེང་བཞིན་བསྡེ་བ་འདི་སྤྱི་བོའི་བླངས་པར་རིགས། །དགེ་བ་དེ་ཡིས་མ་ལུས་འགྲོ་བ་ཀུན། །རྒྱལ་བའི་རིང་ལུགས་རྙོགས་མེད་འདིར་ཞུགས་ནས། །བྱང་ཆུབ་སྤྱོད་པ་ཡིད་འོང་མཐར་བགྱིས་ཏེ། །རྒྱལ་བས་གང་གཟིགས་རྒྱལ་བ་ཉིད་གྱུར་ཅིག །བདག་ཀྱང་དེང་ནས་ནམ་མཁའ་ཇི་སྲིད་དུ། །

― ZP02_Page_328 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་བའི་སྲས་པོ་ཤེས་དང་བརྩེ་བའི་བློ། །རྒྱས་པར་གྱུར་ནས་སྲས་བཅས་རྒྱལ་བའི་གཞུང༌། །བཟུང་ནས་འགྲོ་ལ་སྦྱིན་པ་པོར་གྱུར་ཅིག། །ཡོན་ཏན་རིན་པོ་ཆེའི་མཛོད་ཀྱི་བསྡུས་དོན་མེ་ཏོག་གི་ཕྲེང་བ་ཞེས་བྱ་བ། སྐལ་བཟང་གི་གྲོགས་པོ་ཆོས་དོན་གཉེར་པ་དུ་མས་བསྐུལ་ནས། བརྒྱུད་པ་རིན་པོ་ཆེར་གསོལ་བ་འདེབས་པའི་མོས་ལྡན་ཨ་བུ་ཧྲལ་པོས་དམར་ཕྱོགས་ཀྱི་མཁའ་འགྲོ་འདུ་བའི་ཚེས་ལ་དགེ་བའི་ལྟས་དང་བཅས་གྲུབ་པར་བགྱིས་པའོ།། །།དགེའོ།། །།དགེའོ།། །།དགེའོ།། །།སརྦ་དཱ་མངྒ་ལཾ།། །།

སེམས་ཉིད་ངལ་བསོའི་བསྡུས་དོན་པད་མ་དཀར་པོའི་ཟིལ་མངར།

― ZP02_Page_329 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་ཉིད་ངལ་བསོའི་བསྡུས་དོན་པད་མ་དཀར་པོའི་ཟིལ་མངར་བཞུགས་སོ།། །།

― ZP02_Page_330 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །ཆོས་ཐམས་ཅད་གཞུང་ལམ་གཅིག་ཏུ་སྟོན་པ་རྫོགས་པ་ཆེན་པོ་སེམས་ཉིད་ངལ་གསོ་འདི་ཉིད་འཆད་པར་བྱེད་པ་ལ། ཀླད་ཀྱི་དོན་བསྟན་བཅོས་རྩོམ་པ་ལ་འཇུག་པའི་ཚུལ་བརྗོད། གཞུང་གི་དོན་དངོས་རྒྱ་ཆེར་བཤད། མཐར་ཕྱིན་པ་མཇུག་གི་དོན་བསྟན་པ་དང་གསུམ་ལས། དང་པོ་ཀླད་ཀྱི་དོན་ལ་གསུམ། མཚན་དོན། ཕྱག་གི་དོན། བརྩམ་པར་དམ་བཅའ་བའོ། །དང་པོ་མཚན་གྱི་དོན་ལ། མཚན་བསྒྱུར་བ་རྒྱ་གར༴ མ་ཧཱ། མཚན་བཤད་པ་རྫོགས་པ་ཆེན་པོ། །གང་ལ་མཚན་དུ་གསོལ་ན་དོན་ལ་མཚན་དུ་གསོལ་བའོ། །

― ZP02_Page_331 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་ཕྱག་གི་དོན་ལ་གཉིས། དང་པོ་མདོར་བསྟན་པ། དཔལ་ཀུན་ཏུ༴ གཉིས་པ་རྒྱས་པར་བཤད་པ། གདོད་མའི༴ གཉིས་པ་བརྩམ་པར་དམ་བཅའ་བ། འོད་གསལ༴ ཤོ་ལོ་ཀ༴ གཉིས་པ་གཞུང་གི་དོན་དངོས་རྒྱ་ཆེར་བཤད་པ་ལ་ལེའུ་བཅུ་གསུམ་ལས། དང་པོ་དལ་འབྱོར་རྙེད་དཀའ་བསམ་པའི་ལེའུ་ལ་གསུམ་སྟེ། ལེའུ་ལ་འཇུག་པ་རྒྱུའི་དོན། ལེའུ་དངོས་ཀྱི་དོན། ལེའུ་རྫོགས་པ་མཇུག་གི་དོན་བསྟན་པའོ། །དང་པོ་གྲོགས་དག༴ གཉིས་པ་ལ་ལྔ་སྟེ། དལ་འབྱོར་གྱི་དབྱེ་བ། དེ་ཐོབ་དུས་ཆོས་ལ་འབད་དགོས་པའི་རྒྱུ་མཚན། དབྱེ་བའི་གནས་གཞན།

― ZP02_Page_332 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་ལ་ངེས་པས་དལ་འབྱོར་དོན་ཡོད་པར་གདམས་པ། སྤྲོ་དགའ་བསྐྱེད་ནས་དལ་འབྱོར་སྙིང་པོ་ལོན་པར་གདམས་པའོ། །དང་པོ་ནི་དལ་དང་༴ གཉིས་པ་ལ་བདུན་ཏེ། དང་པོ། །ད་རེས་ཆོས་ལམ་འབད་ན་འཁོར་བ་མཐའ་མེད་དུ་འཁྱམས་པ་ལ་བསམ་ནས་ཀྱང་ཆོས་ལ་འབད་དགོས་པ། གལ་ཏེ༴ གཉིས་པ་རང་དབང་ཡོད་དུས་ཐར་བའི་ལམ་སྣ་ཟིན་དགོས་པས་ཀྱང་ཆོས་ལ་འབད་དགོས་པ། དེ་བས། གསུམ་པ་དུས་སྐབས་འཛོམ་པའི་གྲུ་པོ་རྙེད་དཀའ་བས་ཀྱང་ཆོས་ལ་འབད་པ། འཁོར་བའི༴ བཞི་པ་ཀུན་རྟོག་མཐའ་དག་ཞི་བར་བྱ་བའི་ཕྱིར་ཡང་ཆོས་ལ་འབད་པ། དེ་བས། ལྔ་པ་མ་འབད་ན་ཡུན་དུ་གདུང་བས་ཀྱང་ཆོས་ལ་འབད་པ། གང་ལ༴ དྲུག་པ་སངས་རྒྱས་ཀྱི་ཆོས་ཟབ་མོ་འགྲུབ་སླ་བས་ཀྱང་ཆོས་ལ་འབད་པ། དཔལ་ལྡན༴ བདུན་པ་རྙེད་དཀའ་བ་དཔེས་བསྟན་པས་ཀྱང་ཆོས་ལ་འབད་པ། ཇི་ལྟར། དོན་གསུམ་པ་དབྱེ་བའི་གནས་གཞན་བསྟན་པ་ལ་གསུམ་སྟེ། མདོར་བསྟན་རྒྱས་པར་བཤད་དོན་བསྡུ་བའོ། །དང་པོ། །འདི་ལྟར༴ གཉིས་པ་རྒྱས་བཤད་ལ་གསུམ། དང་པོ་མི་ལུས་ཕལ་པ། རིམ་བཞིན། གཉིས་པ་མི་ལུས་ཁྱད་པར་ཅན། བསྟན་པ། གསུམ་པ་མི་ལུས་རིན་པོ་ཆེ། རབ་མཆོག །གསུམ་པ་དོན་བསྡུ་བ་ལ་གཉིས། དང་པོ་ཆོས་སྒྲུབ་པར་གདམས་པ་དེ་ཕྱིར༴ གཉིས་པ་དེའི་ཕན་ཡོན་

― ZP02_Page_333 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་པ། རིང་པོར༴ དོན་བཞི་པ་ཆོས་ལ་ངེས་པའི་དལ་འབྱོར་དོན་ཡོད་པར་གདམས་པ་ལ་གཉིས། དང་པོ་མ་འབད་ན་བློ་གྲོས་བླུན་པས་ཀྱང་ཆོས་ལ་ངེས་པ། གང་ཞིག༴ གཉིས་པ་ལུས་སེམས་རྟེན་འབྲེལ་གྱི་ཚོགས་དོན་ལ་བསམ་སྟེ་ཆོས་ལ་ངེས་པ། ཆོས་ཀྱང་༴ དོན་ལྔ་པ་སྤྲོ་དགའ་བསྐྱེད་ནས་དལ་འབྱོར་སྙིང་པོ་ལེན་ཚུལ་ལ་གདམས་པ་ལ་ལྔ། དང་པོ་དལ་འབྱོར་རྙེད་དཀའ་བསམ་མ་བསམ་གྱི་སྐྱོན་ཡོད་ལ་གདམས་ནས་སྤྲོ་དགའ་བསྐྱེད་པ། འཆིང་བས༴ གཉིས་པ་འདི་ཕྱིའི་ལེགས་དགུ་དལ་འབྱོར་སྙིང་པོར་བྱས་པ་ལས་བྱུང་བའི་སྤྲོ་དགའ་བསྐྱེད་པ། འདིར་ནི༴ གསུམ་པ་སངས་རྒྱས་གང་ལས་འབྱུང་བའི་རྟེན་ཡང་དལ་འབྱོར་ཡིན་པས་སྤྲོ་དགའ་བསྐྱེད་པ། ལྷར་བཅས༴ བཞི་པ་ལམ་དང་མངོན་པར་རྟོགས་པའི་རྟེན་ཡང་དལ་འབྱོར་ཡིན་པས་སྤྲོ་དགའ་བསྐྱེད་པ། རྣམ་པར༴ ལྔ་པ་དགའ་བ་ཁྱད་པར་ཅན་གྱི་བློས་དལ་འབྱོར་རྙེད་པ་ལ་སྤྲོ་དགའ་བསྐྱེད་པ། ཇི་ལྟར༴ དོན་གསུམ་པ་ལེའུ་རྫོགས་པ་མཇུག་གི་དོན་བསྟན་པ་ལ་གཉིས། དང་པོ་སྐབས་ཀྱི་དགེ་བ་བསྔོ་བ། དེ་ལྟར་དགེ་ལེགས༴ ལེའུའི་མཚན་བཤད་པ། རྫོགས་པ་ཆེན་པོ་ལེའུ་དང་པོའི་བསྡུས་དོན་ཚང་ངོ༌། །

ཚེ་མི་རྟག་པ་བསམ་པའི་ལེའུ།

༈ །གཉིས་པ་ཚེ་མི་རྟག་པ་བསམ་པའི་ལེའུ་ལ་གསུམ་སྟེ། ལེའུ་ལ་འཇུག་པ་རྒྱུའི་དོན། ལེའུ་དངོས་ཀྱི་དོན། ལེའུ་རྫོགས་པ་

― ZP02_Page_334 ―

^{[མ་དཔེ་གཟིགས་ན་འདིར་གནོན།]}

[Full Size]

འཇུག་གི་དོན་ནོ། །དང་པོ་ནི། དེ་ལྟར༴ གཉིས་པ་ལེའུ་དངོས་ཀྱི་དོན་ལ་བདུན། གང་མི་རྟག་པ་ཕུང་པོའི་རང་བཞིན་ལ་བསམ་སྟེ་ཆོས་ལ་བསྐུལ་བ། དུས་རིང་བའི་རྒྱུ་མཚན་དཔྱད་དེ་ཆོས་ལ། དུས་ཉེ་བར་སྣ་ཚོགས་ཀྱི་རྐྱེན་ལ་བསམ་སྟེ་ཆོས་ལ། སྔ་ཕྱི་ད་ལྟའི་རང་བཞིན་ལ་བསམ༴འཇིག་ངེས་རྐྱེན་གྱི་གཏན་ཚིག་ངེས་པས་ཆོས་ལ། རང་གཞན་རྟག་འཛིན་སྐྱོར་ཤེས་འཕེལ་བས། མི་རྟག་བསྒོམ་ཚུལ་ཕན་ཡོན་ཅན་དང་བཅས་པས་ཆོས་ལ་བསྐུལ་བར་གདམས་པའོ། །དང་པོ་གང་མི་རྟག་པ་ཕུང་པོའི་རང་བཞིན་ལ་བསམ་སྟེ་ཆོས་ལ་བསྐུལ་བ། སྡུག་བསྔལ༴ གཉིས་པ་དུས་རིང་བའི་རྒྱུ་མཚན་དཔྱད་པ་ལ་བཞི་སྟེ། དང་པོ་ཚེ་བསྐལ་བར་ཐུབ་པའི་ལྷ་ཆེན་པོ་རྣམས་ཀྱང་མི་རྟག་པ། ས་གསུམ༴ གཉིས་པ་ཁམས་གསུམ་སྤྱི་བཙན་གྱི་སྐྱེ་དགུ་རྣམས་ཀྱང་༴ ཚེ་འདི༴ གསུམ་པ་སྣོད་བཅུད་བརྟན་གཡོའི་འཇིག་རྟེན༴ སྣོད་བཅུད༴ བཞི་པ་སྔོན་རབས་འབྱོན་པའི་འཕགས་པ། རྣམས་ཀྱང་མི་རྟག་པ་ལ་བསམ་སྟེ་ཆོས་ལ་བསྐུལ་བ། འཇིག་རྟེན༴ གསུམ་པ་དུས་ཉེ་བའི་རྐྱེན་བསམ་པ་ལ་བཞི། དང་པོ་གཅིག་ཏུ་ངེས་པ་མེད་པས་མི་རྟག་པ། དེ་ཕྱིར༴༌།གཉིས་པ་གྲོང་ཁྱེར་རྙིང་པ་བཞིན་དུ་མི་རྟག་པ། འབྱུང་བཞི༴ གསུམ་པ་རླུང་ནང་གི་མར་མེ་བཞིན་དུ༴ ཇི་ལྟར༴ བཞི་པ་ཐམས་ཅད་བོར་ནས་འགྲོ་བས་མི་རྟག་པ། འཁོར་དང་༴ བཞི་པ་སྔ་ཕྱི་ད་ལྟའི་

― ZP02_Page_335 ―

^{[མ་དཔེ་གཟིགས་ན་འདིར་གནོན།]}

[Full Size]

རང་བཞིན་བསམ་པ་ལ་གཉིས། དང་པོ་སྔོན་རབས་འདས་པའི་ཚུལ་ལ་དཔགས་ཏེ་མི་རྟག་པ་བསམ་པ། འདི་ལྟར༴ གཉིས་པ་ད་ལྟ་འཕོ་འགྱུར་མི་རྟག་པའི་ཚུལ་ལ་བསམ་པ། ས་གསུམ༴ ལྔ་པ་འཇིག་ངེས་རྐྱེན་གྱི་གཏན་ཚིགས་ངེས་པ་ལ་གཉིས། དང་པོ་ཉིན་མཚན་སྐད་ཅིག་ཐང་ཅིག་འགྱུར་བས་མི་རྟག་པ། འཚེ་བ༴ གཉིས་པ་འཆི་རྐྱེན་མ་ངེས་སྣ་ཚོགས་ཡོད་པས་མི་རྟག་པ། ཟག་བཅས༴ དྲུག་པ་རང་གཞན་རྟག་འཛིན་སྐྱོ་ཤེས་འཕེལ་བས་ཆོས་ལ་བསྐུལ་བ་ལ་གསུམ། དང་པོ་འཆི་བ་མ་དྲན་ཚེ་འདིས་བསླུས་པ་ལ་སྐྱོ་བ། འདིར་ནི། གཉིས་པ་འཆི་བ་མ་དྲན་འཁོར་བར་འཆིང་བ་ལ་སྐྱོ་བ། གང་ཕྱིར༴ གསུམ་པ་འཆི་བ་མ་དྲན་མཁས་བླུན་བར་གསུམ་ལ་སྐྱོབ། ཀྱེ་མ༴ བདུན་པ་མི་རྟག་སྒོམ་ཚུལ་ཕན་ཡོན་དང་བཅས་པ་ལ་གཉིས། དང་པོ་མི་རྟག་པ་སྒོམ་ཚུལ་ནི། འདིར་ནི༴ གཉིས་པ་དེའི་ཕན་ཡོན་ནི། དེས་ནི༴ དོན་གསུམ་པ་ལེའུ་རྫོགས་པ་མཇུག་གི་དོན་ལ་གཉིས། དང་པོ་སྐབས་ཀྱི་དགེ་བ་བསྔོ་བ། དེ་ལྟར༴ གཉིས་པ་ལེའུའི་མཚན། རྫོགས་པ་ཆེན་པོ༴ ལེའུ་གཉིས་པའི་ས་བཅད་དོ། །

འཁོར་བ་སྡུག་བསྔལ་བསམ་པའི་ལེའུ།

༈ གསུམ་པ་འཁོར་བ་སྡུག་བསྔལ་བསམ་པའི་ལེའུ་ལ་གསུམ་སྟེ། ལེའུ་ལ་འཇུག་པ་རྒྱུའི་དོན། ལེའུ་དངོས་ཀྱི་དོན། ལེའུ་རྫོགས་པ་མཇུག་གི་དོན་ནོ། །དང་པོ་ནི། དེ་ལྟར༴ གཉིས་པ་ལ་བཞི། རང་གཞན་མངོན་

― ZP02_Page_336 ―

^{[མ་དཔེ་གཟིགས་ན་འདིར་གནོན།]}

[Full Size]

པར་སྐྱོ་བས་འཁོར་བ་སྡུག་བསྔལ་དུ་བསམ་ལ། སྡུག་བསྔལ་སེམས་ཀྱི་འཁྲུལ་སྣང་རྟེན་གཞི་དང་བཅས་པ་ལ། འགྲོ་དྲུག་འཁོར་བའི་སྡུག་བསྔལ་སྣ་ཚོགས་ལ༴ ཐམས་ཅད་རང་ལ་ཐུག་པས་རང་ལས་རང་གིས་སྤྱོད་པ་ལ་བསམ་པའོ། །དང་པོ་ལ་བདུན། དང་པོ་སྡུག་བསྔལ་བརྒྱུད་མས་མནར་བས་འཁོར་བ་ལ་སྐྱོ་བ། ཇི་ལྟར༴ གཉིས་པ་སྤང་བླང་གནས་ལ་རྨོངས་པའི་འཁོར་བ་པ་ལ། བདེ་ཐོབ། གསུམ་པ་འཁྲུལ་སྣང་མཐོ་དམན་དུ་བརྒྱུད་པས་འཁོར༴ ལྷ་དང་༴ བཞི་པ་དགྲ་གཉེན་ངེས་མེད་དུ་བྱས་པས། ཆོར་བས༴ ལྔ་པ་ལུས་དང་ལས་སྣང་མང་བས༴ འདི་ལྟར༴ དྲུག་པ་བདེ་སྡུག་སྣ་ཚོགས་མྱོང་བས༴ བྱོལ་སོང་༴ བདུན་པ་ཤིན་ཏུ་འགྱུར་ཞིང་འཕོ་བས། ཚེ་འདིར༴ གཉིས་པ་སྡུག་བསྔལ་སེམས་ཀྱི་འཁྲུལ་སྣང་རྟེན་གཞི་དང་བཅས་པ་ལ་གསུམ། དང་པོ་རྟེན་སྒོ་གསུམ་གྱི་དབྱེ་བ་ངེས་པ། ལུས་ངག༴ གཉིས་པ་བརྟེན་པ་ཚོགས་བརྒྱད་ཀྱི་དབྱེ་བ། ཀུན་གཞི༴ གསུམ་པ་ཀུན་གཞི་ལ་བག་ཆགས་སྦྱོང་ཚུལ་གྱི་དབྱེ་བ་ངེས་པ། སེམས་ཉིད༴ གསུམ་པ་འགྲོ་དྲུག་འཁོར་བའི་སྡུག་བསྔལ་སྣ་ཚོགས་ལ་བསམ་པ་ལ་གསུམ། རང་སྣང་འཁོར་བའི་སྡུག་བསྔལ་སྤྱིར་བཤད་པ། འགྲོ་དྲུག་སོ་སོའི་སྡུག་བསྔལ་བྱེ་བྲག་ཏུ་བསྟན་པ།

― ZP02_Page_337 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་བར་དགའ་བའི་སྐྱེ་བོ་རྟག་ཏུ་སྡུག་བསྔལ་བར་བསྟན་པའོ། །དང་པོ་ནི། ཨེ་མ༴ གཉིས་པ་འགྲོ་དྲུག་སོ་སོའི་སྡུག་བསྔལ་ལ་དྲུག །དམྱལ་བ། ཡི་དྭགས། དུད་འགྲོ། །མི། ལྷ་མིན། ལྷའི་སྡུག་བསྔལ་ལོ། །དང་པོ་དམྱལ་བ་ལ། ཚ་དམྱལ། ཉི་ཚེ་ཉེ་འཁོར། གྲང་དམྱལ་དང་གསུམ་ལས། དང་པོ་ཚ་དམྱལ་ལ་གཉིས། སྡུག་བསྔལ་སོ་སོར་བསྟན་པ་དང༌། ཐུན་མོང་དུ་བཤད་པའོ། །དང་པོ་ལ་བརྒྱད་ཀྱི་དང་པོ་ཡང་སོས་ལའང་གཉིས་ཏེ། དང་པོ་སྡུག་བསྔལ། ཡང་སོས༴ གཉིས་པ་ཚེ་ཚད། ཚེ་ཚད༴ གཉིས་པ་ཐིག་ནག་ནི། ཐིག་ནག༴ གསུམ་པ་བསྡུས་འཇོམས་ནི། བསྡུས་འཇོམས༴ བཞི་པ་ངུ་འབོད་ནི། ངུ་འབོད༴ ལྔ་པ་ངུ་འབོད་ཆེན་པོ་ནི། འབོད་སྒྲོགས། དྲུག་པ་ཚ་བ་ནི། ཚ་བ༴ བདུན་པ་རབ་ཏུ་ཚ་བ་ནི། རབ་ཏུ༴ བརྒྱད་པ་མནར་མེད་ནི། མནར་མེད༴ གཉིས་པ་ཚ་དམྱལ་གྱི་སྡུག་བསྔལ་ཐུན་མོང་དུ་བསྟན་པ་ནི། དགོང་དུ༴ གཉིས་པ་ཉི་ཚེ་ཉེ་འཁོར་ལ་གཉིས་ནི། ཉི་ཚེ་བ་དང༌། ཉེ་འཁོར་བའོ། །དང་པོ་ལ་གཉིས་སྡུག་བསྔལ་བསྟན་པ། ཉི་ཚེ༴ གཉིས་པ་ལོག་རྟོག་དགག་པ། གཞན་དག༴ གཉིས་པ་ཉེ་འཁོར་ལ་གསུམ། མདོར་བསྟན། རྒྱས་པར་བཤད།

― ZP02_Page_338 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་བསྡུ་བའོ། །དང་པོ་ནི། ཉེ་འཁོར༴ གཉིས་པ་རྒྱས་པར་བཤད་པ་ལ་དྲུག །དང་པོ་མེ་མ་མུར་གྱི་འོབ་ནི། མནར་མེད༴ གཉིས་པ་རོ་མྱགས་ཀྱི་འདམ། ཡང་ནི༴ གསུམ་པ་སྤུ་གྲིའི་ཐང༌། སླར་ཡང་༴ བཞི་པ་རལ་གྲིའི་ནགས། ནགས་འདབས༴ ལྔ་པ་ཤལ་མ་རི། དེ་འདས༴ དྲུག་པ་ཐལ་ཚན་གྱི་ཆུ་བོ་རབ་མེད། ཡང་ནི༴ གསུམ་པ་དོན་བསྡུ་བ། དེ་ལྟའི༴ གསུམ་པ་གྲངས་དམྱལ་ལ་གསུམ། དང་པོ་སྡུག་བསྔལ་དངོས། གྲང་བས༴ གཉིས་པ་ཚེ་ཚད། ཚེ་ཡི༴ གསུམ་པ་དེ་དག་ལས་འདའ་བར་གདམས་པ། སེམས་ལྡན༴ གསུམ་པ་ཡི་དྭགས་ལ་གསུམ། དང་པོ་བྱིང་ན་གནས་པ། ཡི་དྭགས༴ གཉིས་པ་མཁའ་ལ་རྒྱུ་བ། མཁའ་ལ༴ གསུམ་པ་དེ་དག་ལས་འདའ་བར་བསྟན་པ། དེ་ལྟའི༴ གསུམ་པ་དུད་འགྲོའི་སྡུག་བསྔལ་བསམ་པ་ལ་གཉིས། དང་པོ་སྡུག་བསྔལ་དངོས། དུད་འགྲོ༴ གཉིས་པ་དེ་ལས་འདའ་བར་གདམས་པ། འདི་དག༴ བཞི་པ་མིའི་སྡུག་བསྔལ་བསམ་པ་ལ་གསུམ། སྡུག་བསྔལ་ཉིད་གསུམ་བརྒྱད་ཀྱི་ངོ་བོ་སྤྱིར་བསྟན། རྣམ་པ་བརྒྱད་ཀྱི་དབྱེ་བ་བྱེ་བྲག་ཏུ་བཤད། དེ་ལས་འདའ་བར་གདམས་པའོ། །དང་པོ་ནི། མི་རྣམས་ལ་ཡང་༴ གཉིས་པ་རྣམ་པ་བརྒྱད་ཀྱི་དབྱེ་བ་ལ་བརྒྱད། དང་པོ་སྐྱེ་བའི་སྡུག་བསྔལ། མ་རིག༴

― ZP02_Page_339 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་རྒས་པའི་སྡུག་བསྔལ། རྒས་པའི། གསུམ་པ་ན་བའི༴ ན་བའི༴ བཞི་པ་འཆི་བའི༴ འཆི་བའི༴ ལྔ་པ་མི་སྡུག་པ་དང་འཕྲད་པའི་སྡུག་བསྔལ། མི་སྡུག༴ དྲུག་པ་སྡུག་པ་དང་བྲལ་བའི་སྡུག་བསྔལ། བྱམས་ཤིང་༴ བདུན་པ་འདོད་པས་ཕོངས་པའི༴ འདོད་པ༴ བརྒྱད་པ་ཉེར་ལེན་ཕུང་པོའི་སྡུག་བསྔལ། གཟུགས་ཚོར༴ གསུམ་པ་དེ་ལས་འདའ་བར་གདམས་པ། དེ་ལྟར༴ ལྔ་པ་ལྷ་མིན་ལ་གཉིས། དང་པོ་སྡུག་བསྔལ་དངོས། ལྷ་མིན༴ གཉིས་པ་ཆུ་བོ་དེ་ལས་འདའ་བར་གདམས་པ། དེ་བས༴ དྲུག་པ་ལྷའི་སྡུག་བསྔལ་བསམ་པ་ལ་གཉིས། དང་པོ་འདོད་ལྷའི་སྡུག་བསྔལ་བསྟན་པ། འདོད་ལྷའི༴ གཉིས་པ་ཁམས་གོང་མ་གཉིས་ཀྱི་སྡུག་བསྔལ། ཚངས་རིས༴ གསུམ་པ་འཁོར་བར་དགའ་བའི་སྐྱེ་བོ་རྟག་ཏུ་སྡུག་བསྔལ་བར་བསྟན་པ་ནི། འཁོར་བའི༴ བཞི་པ་ཐམས་ཅད་རང་ལ་ཐུགས་རང་ལས་རང་གིས་སྤྱོད་པར་བསྟན་པ་ལ་ལྔ། དང་པོ་ཐར་པ་རང་ལ་རག་ལས་པས་རང་གིས་བརྩོན་པར་བསྟན་པ། འདི་ལྟར༴ གཉིས་པ་རང་གི་ལས་སྨིན་པ་ལ་གཞན་གྱིས་དགག་དཀའ་བར་བསྟན་པ། གྲངས་མེད༴ གསུམ་པ་རྒྱལ་བའི་ཐུགས་རྗེས་འདྲེན་པའང་རང་གི་ལས་སུ་བསྟན་པ། འཁོར་བའི༴ བཞི་པ་རང་གི་ལས་སུམ་

― ZP02_Page_340 ―

^{[མ་དཔེ་གཟིགས་ན་འདིར་གནོན།]}

[Full Size]

རྟོགས་པའི་སྐྱེ་བོ་ལ་སྐྱོ་བར་བསྟན་པ། དེ་ལྟའི༴ ལྔ་པ་ལས་ངན་འཁོར་བའི་བག་ཆགས་སྦྱང་དགོས་པར་བསྟན་པ། འཁོར་བ༴ དོན་གསུམ་པ་ལེའུ་རྫོགས་པ་མཇུག་གི་དོན་ལ་གཉིས། དང་པོ་སྐབས་ཀྱི་དགེ་བ་བསྔོ་བ། དེ་ལྟར༴ གཉིས་པ་ལེའུའི་མཚན། རྫོགས་པ༴ ལེའུ་གསུམ་པའི་ས་བཅད་ཚང་ངོ༌། །

ལས་རྒྱུ་འབྲས་བསམ་པའི་ལེའུ།

༈ བཞི་པ་ལས་རྒྱུ་འབྲས་བསམ་པའི་ལེའུ་ལ་གསུམ་སྟེ། ལེའུ་ལ་འཇུག་པ་རྒྱུའི་དོན། ལེའུ་དངོས་ཀྱི་དོན། ལེའུ་རྫོགས་པ་མཇུག་གི་དོན་ནོ། །དང་པོ་ནི། དེ་ལྟར༴ གཉིས་པ་ལ་གསུམ་སྟེ། སྲིད་པ་སྒྲུབ་པའི་ལས་དང༌། ཞི་བར་སྦྱོར་བའི་ལས། དེ་གཉིས་ཀྱི་གནས་སྐབས་གཞན་བསྟན་པའོ། །དང་པོ་ལ་གསུམ་སྟེ། ལས་ཀྱི་ངོ་བོ་མདོར་བསྟན། དེའི་རྟེན་གཞི་བྱེ་བྲག་ཏུ་བཤད། རྟེན་ཆོས་ལས་ཀྱི་རབ་ཏུ་དབྱེ་བའོ། །དང་པོ་མདོར་བསྟན་ནི། འཁོར་བར༴ གཉིས་པ་རྟེན་གཞི་བྱེ་བྲག་ཏུ་བཤད་པ་ལ་བཅུ་གཉིས། དང་པོ་ཀུན་གཞི་དང་ཚོགས་བརྒྱད་ཀྱི་ངོ་བོ་སྤྱིར་བསྟན་པ། དེ་ཡི༴ གཉིས་པ་དེ་ལ་ལས་སོགས་པ་དང་བརྟེན་ཚུལ་བྱེ་བྲག་ཏུ་བསྟན་པ། དེ་ཡང་༴ གསུམ་པ་ཚོགས་བརྒྱད་ཀུན་གཞི་དང་བཅས་པའི་རང་དུས་ངོས་བཟུང་བ། ཤེས་པ། བཞི་པ་དེ་གོམ་པས་ཁམས་གསུམ་གྱི་འཁྲུལ་སྣང་འགྲུབ་ཚུལ་འདི་དག༴ ལྔ་པ་ཁམས་གསུམ་སོ་སོའི་སར་

― ZP02_Page_341 ―

^{[མ་དཔེ་གཟིགས་ན་འདིར་གནོན།]}

[Full Size]

གང་གཙོ་ངོས་གཟུང་བ། དེ་ཡང་༴ དྲུག་པ་འདོད་པར་ཉིན་མཚན་ངེས་པའི་ཤེས་པ་ངོས་གཟུང་བ། འདི་ལྟར༴ བདུན་པ་གཟུགས་ཁམས་རང་སའི་ཤེས་པ་ངོས་གཟུང་བ། གཟུགས་སུ༴ བརྒྱད་པ་གཟུགས་མེད་རང་སའི་ཤེས་པ་ངོས་གཟུང་བ། གཟུགས་མེད། དགུ་པ་ཁམས་གོང་མའི་སེམས་ལས་གྲོལ་དགོས་པར་གདམས་པ། དེ་ལྟར༴ བཅུ་པ་འདོད་པར་ལས་ཁྱད་པར་ཅན་གྱི་བསགས་སྦྱངས་དགོས་པར་གདམས་པ། འདོད་པའི༴ བཅུ་གཅིག་པ་འདོད་པར་ཉིན་དུས་ཀྱི་ཤེས་པའི་ཆ་དབྱེ་བ། ཉིན་དུས༴ བཅུ་གཉིས་པ་འདོད་པར་ཉིན་མཚན་གྱི་ཤེས་པ་ལ་ངོ་བོ་གཅིག་པའི་གནས་སྐབས་བསམ་པ། གཉིས་སུ༴ གསུམ་པ་རྟེན་ཆོས་ལས་ཀྱི་རབ་ཏུ་དབྱེ་བ་ལ་གསུམ། རྩ་བའི་ལས་མདོར་བསྟན། དེའི་བསྐྱེད་པའི་ལས་དངོས་རྒྱས་པར་བཤད། སྐབས་ཀྱི་དོན་བསྡུ་བའོ། །དང་པོ་རྩ་བའི་ལས་ནི། རྟེན་ཆོས༴ གཉིས་པ་དེས་བསྐྱེད་པའི་ལས་ལ་གཉིས། མི་དགེ་བ་བཅུ་དང༌། དགེ་བ་བཅུའོ། །དང་པོ་མི་དགེ་བ་བཅུ་ལ་གཉིས་ཏེ། རང་བཞིན་དང་འབྲས་བུའོ། །རང་བཞིན་ལ་གཉིས་ཏེ། མདོར་བསྟན་པ་དང༌། རྒྱས་པར་བཤད་པའོ། །དང་པོ་མདོར་བསྟན་ནི། འཁོར་བར༴ གཉིས་པ་རྒྱས་པར་བཤད་པ་ལ་གསུམ། དང་པོ་

― ZP02_Page_342 ―

^{[མ་དཔེ་གཟིགས་ན་འདིར་གནོན།]}

[Full Size]

ལུས་ཀྱི་ལས་གསུམ། སྲོག་གཅོད༴ གཉིས་པ་ངག་གི་ལས་བཞི། རྫུན་ཚིག༴ གསུམ་པ་ཡིད་ཀྱི་ལས་གསུམ། བརྣབ་སེམས༴ གཉིས་པ་འབྲས་བུ་ལ་གསུམ། མདོར་བསྟན། རྒྱས་པར་བཤད། དོན་བསྡུ་བའོ། །དང་པོ་མདོར་བསྟན་ནི། ཡུལ་དང༌། གཉིས་པ་ལ་ལྔ། དང་པོ་རྣམ་སྨིན་གྱི་འབྲས་བུ། ལས་བཅུ། གཉིས་པ་བྱེད་པ་རྒྱུ་མཐུན། རྒྱུ་མཐུན༴ གསུམ་པ་མྱོང་བ་རྒྱུ་མཐུན། མཐོ་རིས༴ བཞི་པ་དབང་འབྲས། དབང་གི༴ ལྔ་པ་སྐྱེས་བུ་བྱེད་འབྲས། སྐྱེས་བུ། གསུམ་པ་དོན་བསྡུ་བ། མདོར་བསྟན༴ གཉིས་པ་དགེ་བ་བཅུའི་ལས་ལ་གཉིས། དང་པོ་ངོ་བོ་སྤྱིར་བསྟན་པ། མཐོ་རིས༴ གཉིས་པ་འབྲས་བུ་བྱེ་བྲག་ཏུ་བསྟན་པ། ཆུང་ངུས༴ གསུམ་པ་སྐབས་ཀྱི་དོན་བསྡུ་བ། དེ་ལྟར༴ གཉིས་པ་ཞི་བར་སྦྱོར་བའི་ལས་ལ་གསུམ། ལས་ཀྱི་ངོ་བོ་སྤྱིར་བསྟན་པ། དེའི་རྟེན་གཞི་བྱེ་བྲག་ཏུ་བཤད། རྟེན་ཆོས་ལས་ཀྱི་དབྱེ་བ་ངེས་པའོ། །དང་པོ་ལས་ཀྱི་ངོ་བོ་ལ་གཉིས། དང་པོ་ངོ་བོ་དངོས་བསྟན་པ། ཐར་པའི༴ གཉིས་པ་དེ་ཉིད་སྒྲུབ་ཚུལ་བསྟན་པ། དེ་ཡང་༴ གཉིས་པ་རྟེན་གཞི་ནི། ཐར་བ༴ གསུམ་པ་རྟེན་ཆོས་ལས་ཀྱི་དབྱེ་བ་ལ་གསུམ། ཐར་བ་ཆ་མཐུན་

― ZP02_Page_343 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་རྩ་བའི་ལས། དེའི་བསྐྱེད་པ་ཡན་ལག་གི་ལས། ལས་ཀྱི་འབྲས་བུ་བསྟན་པའོ། །དང་པོ་རྩ་བའི་ལས་ནི། རིགས་དེ༴ གཉིས་པ་དེའི་བསྐྱེད་པ་ཡན་ལག་གི་ལས་ལ་གཉིས། དང་པོ་ཟུང་འབྲེལ་ཁྱད་པར་ཅན་གྱི་ལས་བསྟན་པ། འཇིག་རྟེན༴ གཉིས་པ་ལས་སུ་བརྟགས་པའི་ངེས་ཚིག་བཤད་པ། དེ་ཡང་༴ གསུམ་པ་འབྲས་བུ་ལ་གཉིས། འབྲས་བུ་བཞིའི་རང་བཞིན་སྤྱིར་བསྟན་པ་དང་སྦྱིན་སོགས་ཁྱད་པར་ཅན་གྱི་འབྲས་བུ་བྱེ་བྲག་ཏུ་བསྟན་པའོ། །དང་པོ་ལ་མདོར་བསྟན་པ་དང༌། རྒྱས་པར་བཤད་པ་གཉིས། དང་པོ་མདོར་བསྟན་ནི། ལམ་ཞུགས༴ གཉིས་པ་རྒྱས་བཤད་ལ་བཞི། དང་པོ་རྣམ་སྨིན་གྱི་འབྲས་བུ་ནི། དེ་དག༴གཉིས་པ་རྒྱུ་མཐུན་གྱི་འབྲས་བུ་ནི། རྒྱུ་མཐུན༴ གསུམ་པ་དབང་གི་འབྲས་བུ། དབང་གིས༴ བཞི་པ་བྱེད་པའི་འབྲས་བུ། སྐྱེས་བུ། གཉིས་པ་སྦྱིན་སོགས་ཁྱད་པར་ཅན་གྱི་འབྲས་བུ་ལ་གཉིས། དང་པོ་སྦྱིན་སོགས་དྲུག་གི་འབྲས་བུ། གཞན་ཡང་༴ གཉིས་པ་བྱམས་སོགས་བཞིའི་འབྲས་བུ། བྱམས་པས། དོན་གསུམ་པ་དེ་གཉིས་ཀྱི་གནས་སྐབས་གཞན་བསྟན་པ་ལ་གསུམ། ལས་རྒྱུ་འབྲས་ཀྱི་རང་བཞིན་བསྟན་པ། ཚུལ་གཞན་གྱི་ལོག་རྟོག་དགག་པ། ཡང་དག་པའི་རྒྱུ་འབྲས་བསྒྲུབ་པའོ། །དང་པོ་རྒྱུ་འབྲས་ཀྱི་རང་བཞིན་ལ་གསུམ་དང་པོ་ལས་འབྲས་ཀྱི་ངོ་བོ་རྟེན་འབྲེལ་དུ་བསྟན་པ་

― ZP02_Page_344 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ལྟར༴ གཉིས་པ་ལས་འབྲས་ཀྱི་སྣང་ཚུལ་སྒྱུ་མར་བསྟན་པ། གདོད་ནས༴ གསུམ་པ་ལས་འབྲས་ཀྱི་རང་བཞིན་སྣང་ལ་རང་བཞིན་མེད་པར་བསྟན་པ། ལས་རྣམས༴ གཉིས་པ་ཚུལ་གཞན་གྱི་ལོག་རྟོག་དགག་པ་ལ་བཞི། དང་པོ་ཚུལ་གཞན་གྱི་རང་བཞིན་བརྗོད་པ། གང་ཞིག༴༌།གཉིས་པ་དེ་དག་གི་ཁས་བླང་དགོད་པ། རྒྱུ་འབྲས༴ གསུམ་པ་བཞད་གད་ཀྱི་གནས་སུ་བསྟན་པ། ཆད་པ༴ བཞི་པ་ཚར་བཅད་ཀྱི་རིག་པ་དགོད་པ། ནམ་མཁའ༴ གསུམ་པ་ཡང་དག་པའི་རྒྱུ་འབྲས་བསྒྲུབ་པ་ལ་གཉིས། དང་པོ་རྟེན་འབྲེལ་སྒྱུ་མའི་ལས་རྣམ་པར་བཞག་པ། ཡང་དག༴ གཉིས་པ་དགེ་སྡིག་བླང་དོར་དུ་བྱ་བའི་མཆོག་ཐར་པའི་ལས་སྒྲུབ་པར་གདམ་པ། འདིར་ནི༴ དོན་གསུམ་པ་ལེའུ་རྫོགས་པ་མཇུག་གི་དོན་ལ་གཉིས། དང་པོ་སྐབས་ཀྱི་དགེ་བ་བསྔོ་བ། དེ་ལྟར༴ གཉིས་པ་ལེའུའི་མཚན། རྫོགས་པ༴ ལེའུ་བཞི་པའི་བསྡུས་དོན་ཚང་ངོ༌། །

དགེ་བའི་བཤེས་གཉེན་བསྟེན་པའི་ལེའུ།

༈ །ལྔ་པ་དགེ་བའི་བཤེས་གཉེན་བརྟེན་པའི་ལེའུ་ལ་གསུམ་སྟེ། ལེའུ་ལ་འཇུག་པ་རྒྱུའི་དོན། ལེའུ་དངོས་ཀྱི་དོན། ལེའུ་རྫོགས་པ་མཇུག་གི་དོན་ནོ། །དང་པོ་ནི། དེ་ལྟར༴ གཉིས་པ་ལེའུ་དངོས་ལ་བདུན། གང་ལ་བརྟེན་པ་བླ་མའི་རང་བཞིན། གང་གིས་བརྟེན་པ་སློབ་མའི་ཁྱད་པར། ཇི་ལྟར་བརྟེན་ཚུལ་ཐབས་ཀྱི་ཡན་ལག །འགལ་ཟླ་སྡིག་པའི་རྩ་ལག་སྤང་བ། མཐུན་རྐྱེན་དགེ་བའི་རྩ་བ་བསྟན་པ། ལམ་ཟབ་བླ་མའི་རྣལ་འབྱོར་བསྟན་པ། རྟག་ཏུ་དགེ་བའི་བཤེས་གཉེན་བསྟེན་པར་གདམ་པའོ། །དང་པོ་ལ་ལྔ། ལེགས་དགུའི་འབྱུང་གནས་

― ZP02_Page_345 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་པ་བསྟན་པ། བརྟེན་པ་བཟང་ངན་གྱི་ལེགས་ཉེས་བསམ་པ། བཤེས་གཉེན་དམ་པའི་མཚན་ཉིད་བསྟན་པ། དེ་ཡི་ཡོན་ཏན་རླབས་ཆེན་བསམ་པ། དམ་པ་བསྟེན་པའི་མན་ངག་སྦྱིན་པའོ། །དང་པོ་ནི། དུས་གསུམ༴ གཉིས་པ་ནི། ཇི་ལྟར༴ གསུམ་པ་བཤེས་གཉེན་དམ་པའི་མཚན་ཉིད་ལ་གསུམ། དང་པོ་བཤེས་གཉེན་སྤྱིའི་མཚན་ཉིད། དམ་པ༴ གཉིས་པ་ཁྱད་པར་གྱི་མཚན་ཉིད། ཞི་སྐུ༴ གསུམ་པ་གསང་སྔགས་བླ་མའི་མཚན་ཉིད། ཁྱད་པར། བཞི་པ་ཡོན་ཏན་བསམ་པ་ལ་ལྔ། དང་པོ་མཐའ་ཡས་ཡོན་ཏན་ལྷུན་གྱིས་གྲུབ་པའི་ཡོན་ཏན། གང་གི༴ ཚད་མེད་ཡོན་ཏན་གཞན་དུ་མེད་པའི༴ དགོང་ཀློང་༴ ས་ཆེན་འགྲོ་བའི་རྟེན་དུ་གྱུར་པའི། དེ་འདྲའི༴ རྒྱལ་བ་ཀུན་དང་སྐལ་བ་མཉམ་པའི༴ དཀོན་མཆོག༴ བྱིན་རླབས་ཕན་བདེའི་སྤྲིན་ཚོགས་མངའ་བའི་ཡོན་ཏན། དེ་དག༴ ལྔ་པ་དམ་པ་བསྟེན་པའི་མན་ངག་ལ་གཉིས། དང་པོ་མདོར་བསྟན་པ། ཇི་ལྟར༴ གཉིས་པ་རྒྱས་པར་བཤད་པ། བླ་མ༴ གཉིས་པ་གང་གིས་བརྟེན་པ་སློབ་མའི་ཁྱད་པར་ལ་གསུམ། དང་པོ་སློབ་མ་ངན་པའི་རང་བཞིན་སྤང་བ། གཞན་དུ༴ གཉིས་པ་ངན་པའི་ཀུན་སྤྱོད་སྤང་བ། ལ་ལས༴ གསུམ་པ་སློབ་མ་བཟང་པོའི་རང་བཞིན་བསྟན་པ།

― ZP02_Page_346 ―

^{[མ་དཔེ་གཟིགས་ན་འདིར་གནོན།]}

[Full Size]

སྐལ་བཟང་༴ གསུམ་པ་ཇི་ལྟར་བསྟེན་པ་ཐབས་ཀྱི་ཡན་ལག་ལ་གསུམ། སྤང་བྱ་སྤོང་བའི་ཐབས། བླང་བྱ་བསྟེན་པའི་ཐབས། དེ་གྲུབ་པའི་འབྲས་བུ་བསྟན་པའོ། །དང་པོ་སྤང་བྱ་ལ་དྲུག །དང་པོ་བླ་མའི་ཉེས་སྐྱོན་བརྟགས་པ་སྤང་བ། རྟག་ཏུ༴ གཉིས་པ་བླ་མའི་ཐུགས་དང་འགལ་བ་སྤང་བ། བླ་མ༴ གསུམ་པ་ལུས་ཀྱི་མ་གུས་པ། བླ་མའི་སྤྱན༴ བཞི་པ་ངག་གིས༴ བབ་བཅོལ༴ ལྔ་པ་ཡིད་ཀྱིས༴ བླ་མའི་རྫས༴ དྲུག་པ་བླ་མ་རང་སྣང་ལོག་པ་སྤང་བ། གལ་ཏེ༴ གཉིས་པ་བླང་བྱ་བསྟེན་ཐབས་ལ་བཞི། དང་པོ་ལུས་ངག་མདང་གསལ་གྱིས་མཉེས་པ། བླ་མ་མཐོང་༴ གཉིས་པ་རང་སེམས་རྣམ་དག་གིས༴ རྟག་ཏུ༴ གསུམ་པ་བསྙེན་བཀུར་ཞབས་ཏོག་གིས༴ རང་ལ༴ བཞི་པ་རང་ཕྱོགས་འགྱུར་མེད་ཀྱིས་མཉེས་པ། གཞན་གྱི༴ གསུམ་པ་དེས་འགྲུབ་པའི་འབྲས་བུ༴ དེ་རྣམས༴ བཞི་པ་འགལ་ཟླ་སྡིག་པའི་རྩ་ལག་སྤང་བ་ལ་གསུམ། དང་པོ་སྡིག་པའི་བཤེས་གཉེན་སྤང་བ། དེ་ལྟར༴ གཉིས་པ་སྡིག་པའི་གྲོགས་པོ་སྤང་བ། སྡིག་པའི༴ གསུམ་པ་བཤེས་དང་གྲོགས་ངན་སྤང་བའི་ཕན་ཡོན། སྡིག་པའི༴ ལྔ་པ་མཐུན་རྐྱེན་དགེ་བའི་རྩ་ལག་བརྟེན་པ་ལ་གསུམ། དང་པོ་དགེ་གྲོགས་བསྟེན་པར་འོས་པ། དགེ་བའི་གྲོགས་པོ༴ གཉིས་པ་དེའི་ཕན་ཡོན་ལ་བསྔགས་པ། དགེ་

― ZP02_Page_347 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་བཤེས༴ གསུམ་པ་ཡོན་ཏན་གཞན་ཡང་བསྟན་པ། དེ་ཡིས༴ དྲུག་པ་ལམ་ཟབ་བླ་མའི་རྣལ་འབྱོར་བསྟན་པ་ལ་གསུམ། རྒྱུན་དུ་བསྒོམ་པ་ལས་ཚོགས་དང་བཅས་པ། བར་ཆད་བཟློག་པ་དམིགས་གནད་དང་བཅས་པ། ཐབས་དེས་གྲུབ་པ་ཕན་ཡོན་དང་བཅས་པའོ། །དང་པོ་རྒྱུན་དུ་བསྒོམ་པ་ལས་ཚོགས་དང་བཅས་པ་ལ་གསུམ། སྒོམ་ཚུལ། ལས་ཚོགས། ཆ་རྐྱེན་ནོ། །དང་པོ་སྒོམ་ཚུལ་ལ་གཉིས། དང་པོ་བསྐྱེད་པ་སྐུའི་ལམ་ཁྱེར། ཇི་ལྟར༴ གཉིས་པ་གྲགས་སྟོང་གསུང་གི་ལམ་ཁྱེར། མཚན་ཉིད་དེ༴ གཉིས་པ་ལས་ཚོགས་ལ་བཞི། དང་པོ་ཞི་བ༴ གདོན༴ གཉིས་པ་རྒྱས་པ་ཚེ་དཔལ༴ གསུམ་པ་དབང་དབང་༴ ་བཞི་པ་དྲག་པོ། བགེགས་དང༌། ཆ་རྐྱེན་ལ་གསུམ་དང་པོ་མགྲོན་བསམ་པ། སྔགས་བཟླས༴ གཉིས་པ་རྫོགས་རིམ་གྱི་རྣལ་འབྱོར། རྗེས་རྣམས༴ གཉིས་པ་ཕན་ཡོན་གྱི་རང་བཞིན་སོ་སོའི༴ གཉིས་པ་བར་ཆད་བཟློག་པ་བླ་མའི་རྣལ་འབྱོར་ལ་ལྔ། དང་པོ་མགྲོན་བསམ་པ། ཁྱད་པར༴ གཉིས་པ་མཆོད་རྫས་སྤྲུལ་པ། རང་སེམས། གསུམ་པ་མཆོད་པ་འབུལ་ཞིང་དངོས་གྲུབ་བླང་བ། རང་སེམས༴ བཞི་པ་རྒྱས་གདབ་བྱ་བ། རྗེས་ལ༴ ལྔ་པ་ཕན་ཡོན་བསྟན་པ། འདིས་ནི༴ གསུམ་པ་ཐབས་དེས་གྲུབ་པའི་ཕན་ཡོན། གང་གིས༴ བདུན་པ་རྟག་ཏུ་དགེ་བའི་བཤེས་གཉེན་

― ZP02_Page_348 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་པར་གདམ་པ་ལ་གཉིས། དང་པོ་ཕན་བདེའི་འབྱུང་གནས་བཤེས་གཉེན་བསྟེན་པར་གདམ་པ། དཔལ་ལྡན༴ གཉིས་པ་སྐྱོ་དུབ་སྤང་སྟེ་བསྟེན་པར་གདམ་པ། ཐོག་མེད༴ དོན་གསུམ་པ་ལེའུ་རྫོགས་པ་མཇུག་གི་དོན་ལ་གཉིས། དང་པོ་སྐབས་ཀྱི་དགེ་བ་བསྔོ་བ། དེ་ལྟར༴ གཉིས་པ་ལེའུའི་མཚན། རྫོགས་པ། ལེའུ་ལྔ་པའི་བསྡུས་དོན་ཚང་ངོ༌། །

སྐྱབས་སུ་འགྲོ་བའི་ལེའུ།

༈ །དྲུག་པ་སྐྱབས་སུ་འགྲོ་བའི་ལེའུ་ལ་གསུམ་སྟེ། ལེའུ་ལ་འཇུག་པ་རྒྱུའི་དོན། ལེའུ་དངོས་ཀྱི་དོན། ལེའུ་རྫོགས་པ་མཇུག་གི་དོན། དང་པོ་ནི། དེ་ལྟར༴ གཉིས་པ་ལ་བཞི་སྟེ། གང་གིས་སྐྱབས་སུ་འགྲོ་བའི་གང་ཟག །གང་ལ་སྐྱབས་སུ་འགྲོ་བའི་ཡུལ། ཇི་ལྟར་སྐྱབས་སུ་སོང་བའི་བསླབ་བྱ། སྐྱབས་འགྲོ་རྒྱུད་ལ་བརྟེན་པའི་ཕན་ཡོན་ནོ། །དང་པོ་ལ་གཉིས་དང་པོ་སྐྱེས་བུ་གསུམ་གྱི་དབྱེ་བ་བསྟན་པ། ལམ་རྣམས༴༌།གཉིས་པ་བློ་རིགས་གསུམ་གྱི་དུས་ཚིག་ངོས་བཟུང་བ། དུས་ཀྱང་༴གཉིས་པ་གང་ལ་སྐྱབས་སུ་འགྲོ་བའི་ཡུལ་ལ་གཉིས། ཡུལ་གྱི་དབྱེ་བ་སྤྱིར་བསྟན་པ། མཆོག་གསུམ་བྱེ་བྲག་སོ་སོར་བཤད་པའོ། །དང་པོ་ནི། ཡུལ་རྣམས༴ གཉིས་པ་མཆོག་གསུམ་བྱེ་བྲག་ཏུ་བཤད་པ་ལ་གསུམ། སངས་རྒྱས་དང་ཆོས་བསྟན། ལུང་དང་རྟོགས་པའི་ཆོས་བྱེ་བྲག་ཏུ་བཤད། དགེ་འདུན་དཀོན་མཆོག་གི་གནས་བསྟན་པའོ། །དང་པོ་

― ZP02_Page_349 ―

^{[མ་དཔེ་གཟིགས་ན་འདིར་གནོན།]}

[Full Size]

ནི། རྒྱུ་ཡི༴ གཉིས་པ་ལུང་དང་རྟོགས་པའི་ཆོས་བྱེ་བྲག་ཏུ་བཤད་པ་ལ་གཉིས། ལུང་དང༌། རྟོགས་པའི་ཆོས་སོ། །དང་པོ་ལུང་ལ་གཉིས། དང་པོ་ཕྱིའི་ལུང་གི་ཆོས་ནི། དེ་ཡང་༴ གཉིས་པ་ནང་ལུང་གི་ཆོས་ནི། རྒྱུད་ནི༴ གཉིས་པ་རྟོགས་པའི་ཆོས་ལ་བཞི། དང་པོ་དབྱེ་བ་སྤྱིར་བསྟན་པ། རྟོགས་པའི༴ གཉིས་པ་ལམ་རྟོགས་པའི་ཆོས་བྱེ་བྲག་ཏུ་བཤད་པ། དེ་ཡང་༴ གསུམ་པ་འབྲས་བུ་རྟོགས་པའི་ཆོས་ཁྱད་པར་དུ་བཤད་པ། སློབ་པའི༴ བཞི་པ་དེ་དག་གི་དོན་བསྡུ་བ། ཚོགས་སྦྱོར། གསུམ་པ་དགེ་འདུན་དཀོན་མཆོག་གི་གནས་བསྟན་པ། དགེ་འདུན༴ གསུམ་པ་ཇི་ལྟར་སྐྱབས་སུ་འགྲོ་ཚུལ་ལ་གཉིས། རྒྱུའི་སྐྱབས་སུ་འགྲོ་ཚུལ་དང༌། འབྲས་བུའི་སྐྱབས་སུ་འགྲོ་ཚུལ་ལོ། །དང་པོ་རྒྱུའི་སྐྱབས་འགྲོ་ལ་གསུམ། དང་པོ་རྒྱུའི་སྐྱབས་ཡུལ་བསམ་པ། འདི་དག༴ གཉིས་པ་དེ་ལ་སྐྱབས་སུ་འགྲོ་བ། རྣམ་པ༴ གསུམ་པ་དེའི་ཕན་ཡོན། དགྱེས་ཤིང༌། གཉིས་པ་འབྲས་བུའི་སྐྱབས་འགྲོ་ལ་གསུམ། དང་པོ་སྐྱབས་ཡུལ་ངོས་གཟུང་བ། མཐར་ཐུག༴ གཉིས་པ་དེ་ལ་སྐྱབས་འགྲོ་བྱེད་ཚུལ། དེ་ཡི༴ གསུམ་པ་དེའི་ཕན་ཡོན་བསྔགས་པ། དེས་ནི། བཞི་པ་དེ་ལྟར་སྐྱབས་སུ་སོང་བའི་བསླབ་བྱ་བསྟན་པ་ལ་གསུམ། རྒྱུའི་བསླབ་བྱ། འབྲས་བུའི་བསླབ་བྱ།

― ZP02_Page_350 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུན་མོང་དུ་གདམ་པའོ། །དང་པོ་རྒྱུའི་བསླབ་བྱ་ལ་བཞི། དང་པོ་སྤྱིར་བསྟན་པ། བསླབ་བྱ༴ གཉིས་པ་དམིགས་ཀྱིས་བསལ་བ། བླ་མར། གསུམ་པ་ཆ་ཤས་ཀྱི་དབྱེ་བ། སངས་རྒྱས༴ བཞི་བ་དོན་བསྡུ་བ། དེ་དག༴ གཉིས་པ་འབྲས་བུའི་བསླབ་བྱ་ནི་འབྲས་བུའི༴ གསུམ་པ་ཐུན་མོང་དུ་གདམས་པ། གཏོང་རྒྱུ༴ ལྔ་པ་སྐྱབས་འགྲོའི་ཕན་ཡོན་ལ་བདུན། དང་པོ་རྟག་ཏུ་ཕན་བདེས་སྐྱོབས་པའི་ཕན་ཡོན། སྐྱབས་གཞན༴ གཉིས་པ་ཐར་པའི་ལོ་ཏོག་འཕེལ་བའི༴ དེ་ནས༴ གསུམ་པ་ཡོན་ཏན་རླབས་ཆེན་འགྲུབ་པའི༴ ཆོས་ཚུལ༴ བཞི་པ་མཐར་ཐུག་བྱང་ཆུབ་ཐོབ་པའི་ཕན་ཡོན། འགྲོ་ཀུན༴ ལྔ་པ་བསོད་ནམས་ཚད་མེད་པ་འགྲུབ་པའི༴ སྐྱབས་སོང་༴ དྲུག་པ་ལེགས་དགུའི་ཡོན་ཏན་འཕེལ་བའི༴ ལེགས་པའི༴ བདུན་པ་དོན་གཉིས་ལྷུན་གྱིས་གྲུབ་པའི་ཕན་ཡོན་བསྔགས་པ། ཉེས་སྤོང་༴ དོན་གསུམ་པ་ལའུ་རྫོགས་པ་མཇུག་གི་དོན་ལ་གཉིས། དང་པོ་སྐབས་ཀྱི་དགེ་བ་བསྔོ་བ། དེ་ལྟར༴ གཉིས་པ་ལེའུའི་མཚན། རྫོགས་པ༴ ལེའུ་དྲུག་པའི་བསྡུས་དོན་ཚང་ངོ༌། །

ཚད་མེད་པ་བཞིའི་ལེའུ།

༈ བདུན་པ་ཚད་མེད་པ་བཞིའི་ལེའུ་ལ་གསུམ་སྟེ། ལེའུ་ལ་འཇུག་པ་རྒྱུའི་དོན། ལེའུ་དངོས་ཀྱི་དོན། ལེའུ་རྫོགས་པ་མཇུག་གི་དོན་ནོ། །དང་པོ་ནི། དེ་ལྟར༴ གཉིས་པ་ལ་བཞི། ཚད་མེད་དང་ཚངས་གནས་ཀྱི་ཁྱད་

― ZP02_Page_351 ―

^{[མ་དཔེ་གཟིགས་ན་འདིར་གནོན།]}

[Full Size]

པར། ཚད་མེད་པ་བཞིའི་བསྒོམ་ཚུལ། སྒོམ་པ་དག་གི་འབྲས་བུ། ཐར་ལམ་ངེས་པའི་གཞུང་ལམ་བསྟན་པའོ། །དང་པོ་ལ་བཞི། དང་པོ་རྒྱུ་དང་བྱེད་ལས་ཀྱི་ཁྱད་པར། དེ་ཡང་༴ གཉིས་པ་ངོ་བོ་དམིགས་པ་ཡུལ་གྱི་ཁྱད་པར། དམིགས་ཡུལ༴ གསུམ་པ་གནས་བཞི་ངེས་པའི་ཁྱད་པར། སྔ་མ༴ བཞི་པ་ཐར་ལམ་སྙིང་པོའི་ཁྱད་པར། འདི་ནི༴ གཉིས་པ་སྒོམ་ཚུལ་ལ་གསུམ། གོ་དོན་ངེས་པས་སྤྱིར་བསྟན་པ། གོ་རིམ་ངེས་པས་བྱེ་བྲག་ཏུ་བཤད་པ། རྩལ་སྦྱང་ངེས་པས་དོན་བསྡུ་བའོ། །དང་པོ་གོ་དོན་ངེས་པ་ལ་གསུམ། དང་པོ་ཚད་མེད་བཞིའི་དམིགས་ཡུལ། བདེ་བ༴ གཉིས་པ་རང་རང་གི་བློའི་རྣམ་པ་བསྟན་པ། རྣམ་པ༴ གསུམ་པ་ཐོག་མར་འཇུག་པའི་གོ་རིམ། སྒོམ་ཚུལ། གཉིས་པ་གོ་རིམ་ངེས་པས་བྱེ་བྲག་ཏུ་བཤད་པ་ལ་བཞི། བཏང་སྙོམས། བྱམས་པ། སྙིང་རྗེ། དགའ་བ་བསྒོམ་པའི་ཚུལ་ལོ། །དང་པོ་བཏང་སྙོམས་སྒོམ་པ་ལ་བཅུ་གཉིས། དང་པོ་ཆགས་སྡང་གི་སེམས་ལ་རྔན་བགྲང་བ། དེ་ཡང་༴ གཉིས་པ་ཆགས་

― ZP02_Page_352 ―

^{[མ་དཔེ་གཟིགས་ན་འདིར་གནོན།]}

[Full Size]

སྡང་མི་རིགས་པ་གྲོས་གདབ་པ། ཐོག་མཐའ༴ གསུམ་པ་ཆགས་སྡང་མི་འཐད་པའི་རིགས་པ་དགོད་པ། གཉན་འདིས༴ བཞི་པ་ཆགས་སྡང་མེད་པའི་བཏང་སྙོམས་ལ་སྦྱང་པ། དེ་བས༴ ལྔ་པ་རྨོངས་པ་མེད་པའི་བཏང་སྙོམས་ལ་དགོད་པ། བར་མའི༴ དྲུག་པ་སྙིང་རྗེ་ཆེན་པོའི་བཏང་སྙོམས་ལ་སྦྱང་བ། ཐམས་ཅད༴ བདུན་པ་ཉོན་མོངས་ཞི་བའི་བཏང་སྙོམས་སྒོམ་པ། ཀྱེ་མ༴ བརྒྱད་པ་ཇི་ལྟར་སྒོམ་ཚུལ་དངོས། །ཅེས་བསམ༴ དགུ་པ་སྒོམ་པའི་རྟགས་དང་ཚད་བཟུང་བ། འབྱོངས་པའི༴ བཅུ་པ་དམིགས་པ་མེད་པའི་བཏང་སྙོམས་ལ་བློ་སྦྱར། རྗེས་ལ༴ བཅུ་གཅིག་པ་དེའི་ཚད། འབྱོངས་པའི༴ བཅུ་གཉིས་པ་བཏང་སྙོམས་སྒོམ་པའི་འབྲས་བུ། འབྲས་བུ༴ གཉིས་པ་བྱམས་པ་སྒོམ་ཚུལ་ལ་ལྔ། དང་པོ་བྱམས་པ་སྒོམ་པ་གདམས་པ། དེ་ལྟར༴ གཉིས་པ་ཇི་ལྟར་སྒོམ་ཚུལ། བྱམས་པའི༴ གསུམ་པ་སྒོམ་པའི་རྟགས་ཚད། རྟགས་ནི༴ བཞི་པ་དམིགས་པ་མེད་པའི་བྱམས་པ། དེ་རྗེས༴ ལྔ་པ་བྱམས་པའི་འབྲས་བུ་བརྗོད་པ། འབྲས་བུ༴ གསུམ་པ་སྙིང་རྗེ་སྒོམ་ཚུལ་ལ་ལྔ། དང་པོ་སྙིང་རྗེ་སྒོམ་པར་གདམས་པ་བྱམས་པས༴ གཉིས་པ་སྒོམ་ཚུལ་དངོས་བསྟན་པ་ལ། སྙིང་རྗེ་བསྐྱེད་པ། དེ་ཡང༴ ངེས་པ་དགོད་པ། དེ་ལས༴

― ZP02_Page_353 ―

^{[མ་དཔེ་གཟིགས་ན་འདིར་གནོན།]}

[Full Size]

རང་བཞིན་བསམ་པ། དེ་བས༴ གསུམ་པ་སྒོམ་པའི་རྟགས་ཚད། འགྲོ་བའི༴ བཞི་པ་དམིགས་པ་མེད་པའི་སྙིང་རྗེ། དམིགས་མེད། ལྔ་པ་སྙིང་རྗེ་སྒོམ་པའི་འབྲས་བུ། འབྲས་བུ། བཞི་པ་དགའ་བ་སྒོམ་པ་ལ་དྲུག་ལས། དང་པོ་དགའ་བ་སྒོམ་པར་གདམས་པ། དེ་ལྟར༴ གཉིས་པ་སྒོམ་པ་དངོས་ཀྱི་རིམ་པ། དེ་ཡང་༴ གསུམ་པ་འབྱོངས་པའི་ཚད། རྟགས་སུ༴ བཞི་པ་དམིགས་པ་མེད་པའི་དགའ་བ། དེ་རྗེས༴ ལྔ་པ་དེའི་སྒོམ་ཚད། ལུས་ངག༴ དྲུག་པ་དགའ་བ་སྒོམ་པའི་འབྲས་བུ། འབྲས་བུ༴ གསུམ་པ་རྩལ་སྦྱང་ངེས་པའི་དོན་བསྡུ་བ་ལ་བདུན། དང་པོ་ཆ་ཤས་ནས་བསླབ་ཚུལ། དེ་ལྟར༴ གཉིས་པ་བྱམས་པའི་གེགས་སྙིང་རྗེས་འགོག་ཚུལ། བྱམས་སྒོམ༴ གསུམ་པ་སྙིང་རྗེའི་གེགས་དགའ་བས་འགོག་པ། སྙིང་རྗེ༴ བཞི་པ་དགའ་བའི་གེགས་བཏང་སྙོམས་ཀྱིས་འགོག་པ་དགའ་བ༴ ལྔ་པ་བཏང་སྙོམས་ཀྱི་གེགས་བྱམས་པས་འགོག་པ། བཏང་སྙོམས༴ དྲུག་པ་སྤེལ་མ་སྒོམ་ཚུལ། སྒོམ་པ༴ བདུན་པ་དེ་ལྟར་སྒོམ་པའི་ཡོན་ཏན། དེ་ཡིས༴ གསུམ་པ་སྒོམ་པ་དག་པའི་འབྲས་བུ་ལ་གཉིས། ཐུན་མོངས་ཀྱི་འབྲས་བུ་སྤྱིར་བསྟན་པ། མཆོག་གི་འབྲས་བུ་བྱེ་བྲག་ཏུ་བཤད་པ་གཉིས་སོ། །

― ZP02_Page_354 ―

^{[མ་དཔེ་གཟིགས་ན་འདིར་གནོན།]}

[Full Size]

དང་པོ་ཐུན་མོང་གི་འབྲས་བུ་ལ་བཞི། དང་པོ་རྣམ་སྨིན་གྱི་འབྲས་བུ། དེ་ལྟར༴ གཉིས་པ་རྒྱུ་མཐུན་གྱི་འབྲས་བུ། རྒྱུ་མཐུན༴ གསུམ་པ་བདག་པོའི་འབྲས་བུ། དབང་གི༴ བཞི་པ་བྱེད་པའི་འབྲས་བུ། བྱེད་པས༴ གཉིས་པ་མཆོག་གི་འབྲས་བུ་ལ་བཞི། དང་པོ་བྱམས་པའི་འབྲས་བུ། བྱམས་པས། གཉིས་པ་སྙིང་རྗེའི་འབྲས་བུ། སྙིང་རྗེས༴ གསུམ་པ་དགའ་བའི་འབྲས་བུ། དགའ་བས༴ བཞི་པ་བཏང་སྙོམས་ཀྱི་འབྲས་བུ། བཏང་སྙོམས༴ བཞི་པ་ཐར་ལམ་ངེས་པའི་གཞུང་ལམ་དུ་བསྟན་པ་ལ་བཞི། དང་པོ་ཚད་མེད་བཞི་པོ་རྒྱལ་བས་བསྔགས་པ། དེ་ལྟར༴ གཉིས་པ་ཚད་མེད་ཡོད་མེད་ཀྱིས་ཐར་ལམ་ཡིན་མིན་དུ་བསྟན་པ། དེ་དག༴ རྒྱུ་འབྲས་གཞུང་ལམ་གཅིག་པས་ཚད་མེད་བཞིར་བསྟན་ཚུལ། རྒྱུ་ཡི༴ མདོ་རྒྱུད་མཐུན་པར་དབྱིངས་ཀྱི་དྲི་མ་སྦྱོང་བྱེད་དུ་སྒོམ་ཚུལ། གཞན་ཡང་༴ གསུམ་པ་ལེའུ་རྫོགས་པ་མཇུག་གི་དོན་ལ་གཉིས། དང་པོ་སྐབས་ཀྱི་དགེ་བ་བསྔོ་བ། དེ་ལྟར༴ གཉིས་པ་ལེའུའི་མཚན་རྫོགས་པ༴ ལེའུ་བདུན་པའི་ས་བཅད་ཚང་ངོ༌། །

བྱང་ཆུབ་མཆོག་ཏུ་སེམས་བསྐྱེད་པའི་ལེའུ།

༈ བརྒྱད་པ་བྱང་ཆུབ་མཆོག་ཏུ་སེམས་བསྐྱེད་པའི་ལེའུ་ལ་གསུམ། ལེའུ་ལ་འཇུག་པ་རྒྱུའི་དོན། ལེའུ་དངོས་ཀྱི་དོན། ལེའུ་རྫོགས་

― ZP02_Page_355 ―

^{[མ་དཔེ་གཟིགས་ན་འདིར་གནོན།]}

[Full Size]

པ་མཇུག་གི་དོན་ནོ། །དང་པོ་ནི། དེ་ལྟར༴གཉིས་པ་ལ་གསུམ། སེམས་བསྐྱེད་ཀྱི་ཕན་ཡོན། ཇི་ལྟར་བསྐྱེད་པའི་ཚུལ། སེམས་བསྐྱེད་ཀྱི་བསླབ་བྱ་བསྟན་པའོ། །དང་པོ་ཕན་ཡོན་ལ་དྲུག །དང་པོ་འཁོར་བ་ལས་ངེས་པར་འབྱིན་པའི་ཕན་ཡོན། དེ་ཡང་༴ གཉིས་པ་དགེ་ཚོགས་ཐེག་ཆེན་དུ་འགྱུར་བའི༴ གང་ལ༴ གསུམ་པ་དགེ་རྩ་མི་ཟད་འཕེལ་བའི༴ དགེ་གཞན༴ བཞི་པ་དགེ་རྩ་བསྟན་ཞིང་ཐར་ལམ་སྙིང་པོ་བྱེད་པའི༴ ཀུན་གྱི༴ ལྔ་པ་བསམ་དགུའི་རེ་བ་འགྲུབ་པའི༴ དེ་ནི༴ དྲུག་པ་སངས་རྒྱས་ཀྱི་ཆོས་ཐམས་ཅད་ཀྱི་གཞིར་གྱུར་པའི་ཕན་ཡོན། བསམ་ཡས༴ གཉིས་པ་ཇི་ལྟར་བསྐྱེད་པའི་ཚུལ་ལ་གཉིས། སེམས་བསྐྱེད་ཀྱི་རང་བཞིན་ཤེས་པར་བྱ་བ། ཤེས་ནས་ཇི་ལྟར་བསྐྱེད་པའི་ཚུལ་ལོ། །དང་པོ་རང་བཞིན་ཤེས་པར་བྱ་བ་ལ་བདུན། དང་པོ་སེམས་བསྐྱེད་ཀྱི་མཚན་ཉིད། སེམས་བསྐྱེད༴ གཉིས་པ་སྨོན་འཇུག་གི་རང་བཞིན། སྨོན་པ། གསུམ་པ་སྨོན་པའི་ཕན་ཡོན། གང་གིས༴ བཞི་པ་དེའི་འཐད་པ། འགྲོ་བའི༴ ལྔ་པ་འཇུག་པའི་ཕན་ཡོན། དེ་བས༴ དྲུག་པ་གཞན་གྱི་ལོག་རྟོག་དགག་པ། དེ་ཕྱིར༴ བདུན་པ་སྤྲོ་དགའ་མཆོག་ཏུ་བསྐྱེད་པ། འདི་ནི༴ གཉིས་པ་ཤེས་ནས་ཇི་ལྟར་བསྐྱེད་པའི་ཚུལ་ལ་གསུམ། སྦྱོར་བ། དངོས་གཞི་མཇུག་གོ །དང་པོ་སྦྱོར་བ་ལ་

― ZP02_Page_356 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི། དང་པོ་རྟེན་དགེ་བའི་བཤེས་གཉེན། དེ་ཡང་༴ གཉིས་པ་དེས་བློ་བཅོས་པའི་རིམ་པ། སྐྱོན་བྲལ༴ གསུམ་པ་གནས་དང་བཀོད་པ་བཤམས་པ། གནས་གཙང་༴ བཞི་པ་སྔོན་འགྲོ་ཡན་ལག་བདུན་བསྟན་པའོ། །འདི་ལ་གསུམ། བསོད་ནམས་ཀྱི་ཞིང་བསམ་པ། ཡན་ལག་བདུན་པ་དངོས་བྱ་བ། དེའི་འཐད་པ་དགོད་པའོ། །དང་པོ་ལ་གསུམ། དང་པོ་དམིགས་པའི་རྟེན་བསམ་པ། ནམ་མཁའི༴ གཉིས་པ་དེའི་འཐད་པ་འགོད་པ། འདི་ནི༴ གསུམ་པ་བཀུར་སྟི་རིམ་གྲོ་བྱ་བ། དེ་ནས༴ གཉིས་པ་ཡན་ལག་བདུན་པ་དངོས་ལ་བདུན། དང་པོ་ཕྱག་འཚལ་བའི་ཡན་ལག་ལ་གཉིས། དང་པོ་འཚལ་ཚུལ་དངོས། ཡིད་འོང་༴གཉིས་པ་དེའི་ཕན་ཡོན། ས་འདི༴ གཉིས་པ་མཆོད་པའི་ཡན་ལག་ལ་གཉིས། མདོར་བསྟན་པ་རྒྱས་བཤད་དོ། །དང་པོ་མདོར་བསྟན་ནི། དངོས་སུ༴ གཉིས་པ་རྒྱས་བཤད་ལ་དངོས་འབྱོར་དང་ཡིད་སྤྲུལ་གཉིས། དང་པོ་དངོས་འབྱོར་ནི། མེ་ཏོག༴ གཉིས་པ་ཡིད་སྤྲུལ་ལ་ཐུན་མོང་དང་ཁྱད་པར་གཉིས། དང་པོ་ཐུན་མོང་ལ་བདུན། དང་པོ་གཞལ་ཡས་ཁང་རོལ་མོའི་སྤྲིན་ཅན་གྱིས་མཆོད་པ། ལྷ་སོགས༴ གཉིས་པ་ཉེ་འཁོར་ཀུན་ནས་དགའ་བའི་མཆོད་པ། རིན་ཆེན། གསུམ་པ་པདྨོ་རིན་ཆེན་མཛེས་པའི་མཆོད་པ། འདབ་སྟོང་༴ བཞི་པ་ཚལ་སོགས་

― ZP02_Page_357 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་ནས་དགེ་བའི་མཆོད་པ། ཙནྡན༴ ལྔ་པ་ཉི་ཟླ་རིན་ཆེན་བཀོད་པའི་མཆོད་པ། སྟོན་ཀའི༴ དྲུག་པ་ཞིང་ཁམས་རྒྱ་མཚོའི་རྡུལ་གྱི་མཆོད་པ། འཁོར་ཡུག༴ བདུན་པ་རྒྱལ་སྲིད་རིན་པོ་ཆེའི་མཆོད་པ། བུམ་བཟང་༴ གཉིས་པ་ཁྱད་པར་གྱི་མཆོད་པ་ལ་གསུམ། དང་པོ་ཏིང་འཛིན་རྒྱལ་པོའི་མཆོད་སྤྲིན་མདོར་བསྟན། ཏིང་འཛིན༴ གཉིས་པ་ཕྱི་མཆོད་ཡིད་བཞིན་སྤྲིན་གྱི་རང་བཞིན་རྒྱས་པར་བཤད་པ། མེ་ཏོག༴ གསུམ་པ་ནང་མཆོད་ཡེ་ཤེས་རྒྱ་མཚོའི་རོལ་པ་ཀུན་ནས་སྤྲོ་བ། འཇུག་པའི༴ གསུམ་པ་སྡིག་པ་བཤགས་པའི་ཡན་ལག །ཐོག་མེད༴ བཞི་པ་རྗེས་སུ་ཡི་རང་བ། འགྲོ་བའི༴ ལྔ་པ་ཆོས་ཀྱི་འཁོར་ལོ་བསྐོར་བར་བསྐུལ་བ། མ་ལུས༴ དྲུག་པ་མྱ་ངན་ལས་མི་འདའ་བར་གསོལ་བ། དེང་ནས༴ བདུན་པ་བསྔོ་བའི་ཡན་ལག །དགེ་བ༴ གསུམ་པ་ཡན་ལག་བདུན་གྱི་འཐད་པ་འགོད་པ་ལ་གཉིས། དང་པོ་སྤང་བྱ་གེགས་ཀྱི་དྲི་མ་འབྱོང་བས་བྱང་ཆུབ་གྱི་སེམས་བསྐྱེད་སླ་བའི་འཐད་པ། ཇི་ལྟར༴ གཉིས་པ་བླང་བྱ་དགེ་བའི་དཔུང་ཚོགས་བསྐྱེད་པས་སེམས་བསྐྱེད་སྐྱེ་སླ་བའི་འཐད་པ། འདི་ནི༴ གཉིས་པ་དངོས་གཞིའི་ཆོ་ག་ནི། དེ་ནས་སངས་རྒྱས༴ གསུམ་པ་མཇུག་ལ་གསུམ། དང་པོ་དུས་གཞན་དུ་སེམས་བསྐྱེད་བཟུང་བའི་རིམ་པ། དེ་ལྟར༴

― ZP02_Page_358 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་ལན་གསུམ་བརྗོད་པའི་འཐད་པ། བརྗོད་པ༴ གསུམ་པ་སྤྲོ་དགའ་བསྐྱེད་པ། དེང་ནས༴ དོན་གསུམ་པ་སེམས་བསྐྱེད་ཀྱི་བསླབ་བྱ་བསྟན་པ་ལ་གཉིས། བསླབ་མདོའི་གནས་སྤྱིར་བསྟན་པ་དང་སྤྱོད་པ་རླབས་པོ་ཆེའི་གནས་བྱེ་བྲག་ཏུ་བཤད་པའོ། །དང་པོ་བསླབ་མདོའི་གནས་སྤྱིར་བསྟན་པ་ལ་ལྔ། དང་པོ་བསླབ་གཞི་བྱང་ཆུབ་ཀྱི་སེམས་ལ་གདམས་པ། ད་ནི༴ གཉིས་པ་སྨོན་འཇུག་བློའི་སྦྱོང་ཚུལ་བསྟན་པ། འགྲོ་བའི༴ གསུམ་པ་དྲན་ཤེས་བག་ཡོད་ཀྱི་གནས་ལ་གདམས་པ། རྟག་ཏུ༴ བཞི་པ་བསྲུང་བྱ་བསླབ་མདོའི་རབ་ཏུ་དབྱེ་བ། བྱང་ཆུབ༴ ལྔ་པ་སྤང་བླང་ངེས་པའི་གནས་གཞན་བསྟན་པ་ལ་གསུམ། ཆོས་བཞི་ངེས་པའི་བླང་དོར་བསམ་པ། གཞན་དོན་ངེས་པའི་བླང་དོར། གང་དག་ངེས་པའི་དབྱེ་བ་བསམ་པའོ། །དང་པོ་ཆོས་བཞི་ངེས་པའི་བླང་དོར་ལ་གསུམ། དང་པོ་ཆོས་བཞི་བླང་དོར་མདོར་བསྟན་པ། མདོར་ན༴ གཉིས་པ་ནག་པོའི་ཆོས་བཞི་རྒྱས་པར་བཤད་པ། མཆོད་འོས༴ གསུམ་པ་དཀར་པོའི་ཆོས་བཞི་རབ་ཏུ་དབྱེ་བ། དམ་པ༴ གཉིས་པ་གཞན་དོན་ངེས་པའི་བླང་དོར་བསམ་པ། རང་དོན༴ གསུམ་པ་གང་ཟག་ངེས་པའི་དབྱེ་བ་བསམ་པ། རྒྱལ་སྲས༴ གཉིས་པ་སྤྱོད་པ་རླབས་པོ་ཆེའི་གནས་བྱེ་བྲག་ཏུ་བཤད་པ་ལ་གསུམ། མདོར་བསྟན། རྒྱས་པར་བཤད། དོན་བསྡུ་

― ZP02_Page_359 ―

^{[མ་དཔེ་གཟིགས་ན་འདིར་གནོན།]}

[Full Size]

བའོ། །དང་པོ་མདོར་བསྟན། རྒྱལ་སྲས་རྣམས་ཀྱིས༴ གཉིས་པ་རྒྱས་པར་བཤད་པ་ལ་དྲུག་ལས། དང་པོ་སྦྱིན་པའི་ཕ་རོལ་ཏུ་ཕྱིན་པ་ནི། འགྲོ་བ༴ གཉིས་པ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་གསུམ། དང་པོ་བསླབ་གསུམ་སྤྱིར་བསྟན་པ། ལྷག་པའི༴ གཉིས་པ་ཚུལ་ཁྲིམས་གསུམ་བསྟན་པ། སྡོམ་དང་༴ གསུམ་པ་བསྲུང་བྱ་ངེས་པར་གཟུང་བ། ཁྱིམ་པས༴ གསུམ་པ་བཟོད་པ་ལ་བདུན། དང་པོ་བཟོད་པ་གསུམ་གྱི་དབྱེ་བ། ཕྱི་ནང༌། གཉིས་པ་བཟོད་པ་སྒོམ་པའི་འཐད་པ། ཞེ་སྡང༌། གསུམ་པ་རང་སེམས་འདུལ་བའི་རྒྱུ་མཚན། གནོད་པའི༴ བཞི་པ་ཡུལ་ལ་བཟོད་པའི་རིགས་པ་བརྗོད་པ། གནོད་ལ༴ ལྔ་པ་རང་གིས་ཉེས་པའི་རྒྱུ་མཚན་བསམ་པ། གཞན་ཡང་༴ དྲུག་པ་སེམས་ལེགས་པའི་གློད་ཐབས་བསྟན་པ། མི་འདོད༴ བདུན་པ་ཆོས་ཀྱི་དོན་གྱི་བཟོད་པ་བཤད་པ། བརྟགས༴ བཞི་པ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་བཞི། དང་པོ་བརྩོན་འགྲུས་བསྐྱེད་པའི་འཐད་པ་འགོད་པ། གང་ལ༴ གཉིས་པ་དེའི་མི་མཐུན་པའི་ཕྱོགས་བསྟན་པ། དེ་ཡི༴ གསུམ་པ་དེའི་གཉེན་པོ་བརྩོན་འགྲུས་ཀྱི་ཡོན་ཏན་བསྔགས་པ། བརྩོན་འགྲུས༴ བཞི་པ་བརྩོན་འགྲུས་དངོས་ཀྱི་བརྩམས་ཚུལ་བསྟན་པ། དེ་ཡང་༴ ལྔ་པ་བསམ་གཏན་གྱི་ཕ་

― ZP02_Page_360 ―

^{[མ་དཔེ་གཟིགས་ན་འདིར་གནོན།]}

[Full Size]

རོལ་ཏུ་ཕྱིན་པ་ལ་བཅུ་གཅིག །དང་པོ་འགྱུར་ཞིང་མི་རྟག་པའི་རང་བཞིན་བསམ་ནས་བསམ་གཏན་ལ་བསྐུལ་བ། བསམ་གཏན༴ གཉིས་པ་འདོད་པ་རྣམས་ཀྱི་ཉེས་དམིགས་བསམ་ནས། འདོད་པ༴ གསུམ་པ་ཡོ་བྱད་བསྙུངས་པའི་ཕན་ཡོན་ལ་བསམ་ནས། ལུས་རྨ༴ བཞི་པ་བཤེས་དང་འགྲོགས་པའི་ཉེས་པ་བསམ་ནས། བཤེས་དང་༴ ལྔ་པ་འདུ་འཛིས་བསླུ་བའི་རྒྱུ་མཚན་བསམ་ནས༴ ཇི་སྲིད༴ དྲུག་པ་གཅིག་པུར་འགྲོ་བའི་རང་བཞིན་བསམ་ནས༴ ཇི་སྲིད༴ བདུན་པ་ནགས་ཁྲོད་དབེན་པའི་ཡོན་ཏན་བསམ། ནགས་ནི༴ བརྒྱད་པ་དེའི་གནས་ཀྱི་བཀོད་པ་བསམ། སྤོས་དང་༴ དགུ་པ་མི་རྟག་སྐྱོ་བའི་རང་བཞིན་བསམ༴ དུར་ཁྲོད༴ བཅུ་པ་ནགས་ཚལ་བསྔགས་པའི་ཕན་ཡོན་བསམ༴ དེ་འདྲའི༴ བཅུ་གཅིག་པ་བསམ་གཏན་སྒོམ་ཚུལ་དངོས་ལ་གདམས་པ། དེར་ནི༴ དྲུག་པ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གསུམ། དང་པོ་ཤེས་རབ་གསུམ་གྱི་རང་བཞིན་ལ་གདམས་པ། ཤེས་རབ༴ གཉིས་པ་ཤེས་རབ་རང་གི་ངོ་བོ་བསྟན་པ། སྣང་འདི༴ གསུམ་པ་ཤེས་རབ་དགོས་པའི་རྒྱུ་མཚན་བཤད་པ། ཤེས་རབ༴ གསུམ་པ་ཕ་རོལ་ཏུ་ཕྱིན་པ་དྲུག་གི་དོན་བསྡུ་བ། ཕ་རོལ༴ དོན་གསུམ་པ་ལེའུ་རྫོགས་པ་མཇུག་གི་དོན་ལ་གཉིས། དང་པོ་སྐབས་ཀྱི་དགེ་

― ZP02_Page_361 ―

^{[མ་དཔེ་གཟིགས་ན་འདིར་གནོན།]}

[Full Size]

བ་བསྔོ་བ། དེ་ལྟར༴ གཉིས་པ་ལེའུའི་མཚན། རྫོགས་པར་ལེའུ་བརྒྱད་པའི་བསྡུས་དོན་ཚང་ངོ༌། །

བསྐྱེད་རྫོགས་ཟུང་འཇུག་ཆེན་པའི་ལེའུ།

༈ དགུ་པ་བསྐྱེད་རྫོགས་ཟུང་འཇུག་ཆེན་པོའི་ལེའུ་ལ་གསུམ་སྟེ། ལེའུ་ལ་འཇུག་པ་རྒྱུའི་དོན། ལེའུ་དངོས་ཀྱི་དོན། ལེའུ་རྫོགས་པ་མཇུག་གི་དོན་ནོ། །དང་པོ་ལེའུ་ལ་འཇུག་པ་རྒྱུའི་དོན་ནི། །དེ་ལྟར༴ གཉིས་པ་ལེའུ་དངོས་ཀྱི་དོན་ལ་གཉིས། གསང་སྔགས་ཀྱི་གོ་དོན་སྤྱིར་བསྟན་པ་དང༌། སྒྱུ་འཕྲུལ་དྲ་བ་བྱེ་བྲག་ཏུ་བཤད་པའོ། །དང་པོ་ལ་གསུམ་སྟེ། རྒྱུད་སྡེའི་གནས་སྤྱིར་བསྟན་པ། བསྐྱེད་རྫོགས་ཀྱི་གནས་བྱེ་བྲག་ཏུ་བསྟན་པ། སྐབས་ཀྱི་དོན་བསྡུ་བའོ། །དང་པོ་རྒྱུད་སྡེའི་གནས་སྤྱིར་བསྟན་པ་ལ་གསུམ། དང་པོ་སྔགས་ཀྱི་ཐེག་པའི་འཕགས་ཚུལ་བཤད་པ། དེ་ཡང་༴ གཉིས་པ་སྡེ་ཚན་བཞིར་ངེས་པའི་རྒྱུ་མཚན་དགོད་པ། དུས་དང་༴ གསུམ་པ་གསང་སྔགས་ཕྱི་ནང་གི་ཁྱད་པར་བཤད་པའོ། །གསུམ་པ་འདི་ལ་གཉིས། སྤྱིའི་ཁྱད་པར་དང༌། བྱེ་བྲག་གི་ཁྱད་པར་རོ། །དང་པོ་སྤྱིའི་ཁྱད་པར་ལ་གཉིས། གསང་སྔགས་ཕྱི་བ་དང༌། ནང་པའི་ཁྱད་པར་རོ། །དང་པོ་ཕྱི་རྒྱུད་ཀྱི་ཁྱད་པར་ལ་གཉིས། དང་པོ་དབྱེ་བ་མདོར་བསྟན་པ་ནི། དེ་ཡང་༴ གཉིས་པ་ཁྱད་པར་རྒྱས་པར་བརྗོད་པ། དེ་དག༴ གཉིས་པ་ནང་རྒྱུད་གསུམ་གྱི་ཁྱད་པར། རྣལ་འབྱོར༴གཉིས་

― ZP02_Page_362 ―

^{[མ་དཔེ་གཟིགས་ན་འདིར་གནོན།]}

[Full Size]

་པ་བྱེ་བྲག་གི་ཁྱད་པར་ལ་གཉིས། ཐུབ་པ་རྒྱུད་གསུམ་དང༌། ནང་པ་རྒྱུད་གསུམ་གྱི་ཁྱད་པར་རོ། །དང་པོ་ཐུབ་པ་རྒྱུད་གསུམ་ནང་ཚན་གྱི་ཁྱད་པར་ནི། བྱ་བས༴ གཉིས་པ་ནང་པ་རྒྱུད་གསུམ་གྱི་ཁྱད་པར་ལ་གཉིས། དང་པོ་སོ་སོའི་ངོ་བོའི་ཁྱད་པར། མ་ཧཱས༴ གཉིས་པ་རྣམ་དག་ཤེས་པའི་ཁྱད་པར། བདག་དང་༴ གཉིས་པ་བསྐྱེད་རྫོགས་ཀྱི་གནས་བྱེ་བྲག་ཏུ་བཤད་པ་ལ་གསུམ། ཐབས་བསྐྱེད་རིམ་གྱི་སྒོམ་ཚུལ་དབྱེ་བ་དང༌། ཤེས་རབ་རྫོགས་རིམ་གྱི་སྒོམ་ཚུལ་དབྱེ་བ། དེ་གཉིས་ཀྱི་དགོས་པ་བསྟན་པའོ། །དང་པོ་བསྐྱེད་རིམ་སྒོམ་ཚུལ་ལ་ལྔ། དང་པོ་སྒོང་སྐྱེས་ཀྱི་བག་ཆགས་སྦྱང་བ་རྒྱས་པ་ཆེན་པོའི་བསྐྱེད་རིམ་སྒོམ་ཚུལ། དེ་ཡང་༴ གཉིས་པ་མངལ་སྐྱེས་ཀྱི་བག་ཆགས་སྦྱོང་བ་རྒྱས་པའི་བསྐྱེད་རིམ་བསྒོམ་ཚུལ། མངལ་སྐྱེས༴ གསུམ་པ་དྲོད་གཤེར་སྐྱེས་ཀྱི་བག་ཆགས་སྦྱོང་བ་འབྲིང་གི༴ དྲོད་གཤེར༴ བཞི་པ་རྫུས་སྐྱེས་ཀྱི་བག་ཆགས་སྦྱོང་བ་བསྡུས་པའི༴ བསྡུས་ཏེ༴ ལྔ་པ་སྒོམ་ཚུལ་བཞིའི་རྣམ་གྲངས་བསམ་པ། དེ་ལྟར༴ གཉིས་པ་ཤེས་རབ་རྫོགས་རིམ་གྱི་སྒོམ་ཚུལ་དབྱེ་བ་ལ་གཉིས། དང་པོ་རྫོགས་རིམ་གྱི་རང་བཞིན་བསྟན་པ། རྫོགས་རིམ༴ གཉིས་པ་སྒོམ་པ་བརྟན་པའི་འཆར་ཚུལ། ཕྱིས་

― ZP02_Page_363 ―

^{[མ་དཔེ་གཟིགས་ན་འདིར་གནོན།]}

[Full Size]

ནས༴ གསུམ་པ་བསྐྱེད་རྫོགས་གཉིས་ཀྱི་དགོས་པ་བསྟན་པ། བསྐྱེད་རིམ༴ གསུམ་པ་སྐབས་ཀྱི་དོན་བསྡུ་བ་ལ་གསུམ། དང་པོ་གསང་སྔགས་ཐེག་པར་འཇུག་པར་གདམས་པ། འདི་ནི༴ གཉིས་པ་ལམ་བཞིར་དབང་དང་བྱིན་རླབས་བསྟན་པ། དེ་ཡང་༴ གསུམ་པ་ནང་པ་དབང་གིས་སྨིན་པར་བསྟན་པ། ཁྱད་པར༴ དོན་གཉིས་པ་སྒྱུ་འཕྲུལ་དྲྭ་བའི་ཚུལ་བསྒོམ་པ་ལ་གསུམ། སྨིན་བྱེད་དབང་གི་རིམ་པ་སྤྱིར་གདམས། གྲོལ་བྱེད་བསྐྱེད་རྫོགས་ཀྱི་རིམ་པ་བྱེ་བྲག་ཏུ་གདམ་པ། གནས་སྐབས་སྒྲུབ་ཚུལ་ངེས་པས་དོན་བསྡུ་བའོ། །དང་པོ་སྨིན་བྱེད་ནི། འདིར་ནི༴ གཉིས་པ་གྲོལ་བྱེད་ལ་གསུམ། བསྐྱེད་པ་སྐུའི་རྣལ་འབྱོར། བཟླས་བརྗོད་གསུང་གི་རྣལ་འབྱོར། དྲན་རིག་ཐུགས་ཀྱི་རྣལ་འབྱོར་རོ། །དང་པོ་བསྐྱེད་པ་སྐུའི་རྣལ་འབྱོར་ལ་གཉིས། ཁྲོ་བཅུའི་སྲུང་འཁོར་གྱི་མཚམས་བཅད་པ་དང༌། དེའི་དབུས་སུ་རྡོ་རྗེ་དབྱིངས་ཀྱི་དཀྱིལ་འཁོར་ཇི་ལྟར་བསྒོམ་ཚུལ་ལོ། །དང་པོ་ནི། བདེ་བའི༴ གཉིས་པ་རྡོ་རྗེ་དབྱིངས་ཀྱི་དཀྱིལ་འཁོར་བསྒོམ་ཚུལ་ལ་གསུམ། དང་པོ་རྟེན་གཞལ་ཡས་ཁང་གདན་དང་བཅས་པ་བསྐྱེད་པ། ཀུན་ཏུ༴ གཉིས་པ་བརྟེན་པ་ལྷའི་དཀྱིལ་འཁོར་དམ་ཚིག་སེམས་དཔའ་གསལ་འདེབས་པ་ནི། རིགས་ལྔ༴ གསུམ་པ་

― ZP02_Page_364 ―

^{[མ་དཔེ་གཟིགས་ན་འདིར་གནོན།]}

[Full Size]

རང་བྱུང་ཡེ་ཤེས་མཚོན་བྱེད་ཡེ་ཤེས་སེམས་དཔས་བྱིན་གྱིས་བརླབ་པའི་ཚུལ། གཙོ་བོའི༴ གཉིས་པ་བཟླས་བརྗོད་གསུང་གི་རྣལ་འབྱོར་ནི། ཡི་གེ༴ གསུམ་པ་དྲན་རིག་ཐུགས་ཀྱི་རྣལ་འབྱོར་ལ་གསུམ་དང་པོ་ཐམས་ཅད་དཀྱིལ་འཁོར་གསུམ་གྱི་རང་བཞིན་གཉིས་མེད་མཉམ་པར་བསྟན་པ། རང་སེམས༴ གཉིས་པ་བློའི་རིམ་པ་དང་སྦྱར་ཏེ་རྫོགས་རིམ་སྒོམ་ཚུལ་བསྟན་པ། རྗེས་ལ༴ གསུམ་པ་ཐུན་མཚམས་སྤྱོད་ལམ་གྱི་རྣལ་འབྱོར་བསྟན་པ། སྤྱོད་ལམ༴ གསུམ་པ་གནས་སྐབས་སྒྲུབ་ཚུལ་ངེས་པས་དོན་བསྡུ་བ་ལ་གསུམ། དང་པོ་རྩ་བ་དམ་ཚིག་བསྟན་པ། རྩ་བ༴ གཉིས་པ་གྲོགས་ཚོགས་མཆོད་སོགས་བསྟན་པ། ཉ་དང་༴ གསུམ་པ་ཟབ་དོན་སྙིང་པོ་བསྟན་པ། རླུང་སེམས༴ དོན་གསུམ་པ་ལེའུ་རྫོགས་པ་མཇུག་གི་དོན་ལ་གཉིས། དང་པོ་སྐབས་ཀྱི་དགེ་བ་བསྔོ་བ། དེ་ལྟར༴ གཉིས་པ་ལེའུའི་མཚན། རྫོགས་པ༴ ལེའུ་དགུ་པའི་བསྡུས་དོན་ཚང་ངོ༌། །

གནས་ལུགས་གཞིའི་རང་བཞིན་མཐའ་བྲལ་རྫོགས་པ་ཆེན་པོ་དོན་གྱི་ལེའུ།

༈ བཅུ་པ་གནས་ལུགས་གཞིའི་རང་བཞིན་མཐའ་བྲལ་རྫོགས་པ་ཆེན་པོ་དོན་གྱི་ལེའུ་ལ་གསུམ་སྟེ། ལེའུ་ལ་འཇུག་པ་རྒྱུའི་དོན། ལེའུ་དངོས་ཀྱི་དོན། ལེའུ་རྫོགས་པ་མཇུག་གི་དོན་ནོ། །དང་པོ་ནི། དེ་ལྟར༴ གཉིས་པ་ལེའུ་དངོས་ཀྱི་དོན་ལ་གསུམ། གནས་ལུགས་དོན་གྱི་རང་བཞིན་མདོར་བསྟན་པ། གཉིས་མེད་མཐའ་བྲལ་ཆེན་པོའི་ངོ་

― ZP02_Page_365 ―

^{[མ་དཔེ་གཟིགས་ན་འདིར་གནོན།]}

[Full Size]

བོ་རྒྱས་པར་བཤད་པ། གཟུང་འཛིན་ཡེ་སྟོང་རྩ་བྲལ་དུ་དོན་བསྡུ་བའོ། །དང་པོ་གནས་ལུགས་དོན་གྱི་རང་བཞིན་མདོར་བསྟན་ནི། དེ་ཡང་༴ གཉིས་པ་གཉིས་མེད་མཐའ་བྲལ་ཆེན་པོའི་ངོ་བོ་རྒྱས་པར་བཤད་པ་ལ་གཉིས། ཕྱི་ཡུལ་སྣང་སྐྱེ་མེད་སྟོང་པའི་གཟུགས་བརྙན་དུ་ཐག་བཅད་པ། ནང་འཛིན་རྟོག་སྟོང་ཉིད་རྩ་བྲལ་དུ་ལ་བཟླ་བའོ། །དང་པོ་ཕྱི་ཡུལ་སྣང་བ་སྐྱེ་མེད་སྟོང་པའི་གཟུགས་བརྙན་དུ་ཐག་བཅད་པ་ལ་དྲུག །དང་པོ་ཡུལ་སྣང་སྟོང་པའི་རང་གཟུགས་སུ་བསྟན་པ། འདི་ལྟར༴ གཉིས་པ་དེ་ཉིད་སེམས་དང་གཞན་དངོས་སུ་མ་གྲུབ་པ། དེར་ནི༴ གསུམ་པ་སྣང་དུས་མཐའ་བྲལ་བརྗོད་མེད་དུ་བསྟན་པ། མ་བརྟགས༴ བཞི་པ་སྐྱེ་སོགས་སྐྱེ་མེད་སྒྱུ་མ་ལྟར་བསྟན་པ། སྒྱུ་མའི༴ ལྔ་པ་ཡུལ་སྣང་སེམས་ཀྱི་བག་ཆགས་སུ་བསྟན་པ། ཁྱད་པར༴ དྲུག་པ་འཁྲུལ་སྣང་གཞི་མེད་རྩ་བྲལ་དུ་སྦྱང་བར་བསྟན་པ། དེ་ཡིས༴ གཉིས་པ་ནང་འཛིན་རྟོག་སྟོང་ཉིད་རྩ་བྲལ་དུ་ལ་བཟླ་བ་ལ་དོན་བཅོ་ལྔ་སྟེ། དང་པོ་སེམས་ཀྱི་རྩ་བ་བཅད་པའི་འཐད་པ་འགོད་པ། སྣང་བའི༴ གཉིས་པ་གཞི་མེད་སྟོང་པ་ཆེན་པོར་བསྟན་པ། སེམས་ནི༴ གསུམ་པ་དུས་གསུམ་དུས་མེད་ཆེན་པོར༴ འགགས་པ༴ བཞི་པ་སྔ་ཕྱི་རིས་མེད༴ དགག་སྒྲུབ༴ ལྔ་པ་གདོད་ནས་རྣམ་དག༴

― ZP02_Page_366 ―

^{[མ་དཔེ་གཟིགས་ན་འདིར་གནོན།]}

[Full Size]

ཡེ་ནས༴ དྲུག་པ་བརྟགས་དཔྱད་གཉིས་མེད༴ བརྟགས་པས༴ བདུན་པ་གྲུབ་མཐའི་ཡུལ་འདས༴ རྟོག་གེ༴ བརྒྱད་པ་བློ་བྲལ་བརྗོད་མེད༴ འདིར་ནི༴ དགུ་པ་བློས་བཏགས་དོན་མེད༴ ཇི་ལྟར༴ བཅུ་པ་དམིགས་འཛིན་འཆིང་ཞེན་ཆེན་པོར༴ གང་ཡང་༴ བཅུ་གཅིག་པ་འཛིན་མེད་གནས་ལུགས༴ གདོད་ནས༴ བཅུ་གཉིས་པ་ཤར་གྲོལ་ཆོས་སྐུའི་རོལ་པར་བསྟན་པ། གཞི་ནས༴ བཅུ་གསུམ་པ་གང་ཤར་གཞི་མེད་ཆེན་པོར་བསྟན་པ། གང་དུ༴ བཞི་པ་དེ་ཉིད་རྟོགས་པའི་ཚུལ་ཆེན་བསྟན་པ། མཁའ་བཞིན༴ བཅོ་ལྔ་བཀློང་གྱུར་རྟོགས་པའི་རྩལ་ཆེན་བསྟན་པ། དེ་ཉིད༴གསུམ་པ་གཟུང་འཛིན་ཡེ་སྟོང་རྩ་བྲལ་དུ་དོན་བསྡུ་བ་ལ་བཅུ་གསུམ། དང་པོ་ཡུལ་སྣང་རང་བཞིན་སྟོང་པར་བསྟན་པ། ཀྱེ་ཧོ༴ གཉིས་པ་སེམས་ཉིད་གཞི་མེད་རྩ་བྲལ་དུ་བསྟན་པ། དེ་ཉིད༴ གསུམ་པ་གཉིས་མེད་རིས་མེད་སྟོང་པར་བསྟན་པ། ཡུལ་སེམས༴ བཞི་པ་ཡུལ་སེམས་གཏད་མེད་ཕྱོགས་བྲལ་དུ་བསྟན་པ། ཡུལ་ལ༴ ལྔ་པ་ཐམས་ཅད་མཉམ་ཉིད་གཞི་རྫོགས་སུ༴ འདི་ལྟར༴ དྲུག་པ་ཕྱི་ནང་ཆོས་ཉིད་ཀུན་བཟང་དུ༴ སྣང་སྲིད༴ བདུན་པ་དབྱིངས་གཅིག་གདོད་ནས་མཁའ་མཉམ་དུ་བསྟན་པ། སྣང་དང་༴ བརྒྱད་པ་གཟུང་འཛིན་འབྲེལ་མེད་སྒྲོ་བཏགས་སུ་

― ZP02_Page_367 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་པ། བློ་ཡིས༴ དགུ་པ་ཡུལ་སེམས་འབྲེལ་མེད་སྟོང་པར༴ ཇི་ལྟར༴ བཅུ་པ་གཞི་གྲོལ་ཡང་མཉམ་དབྱིངས་གཅིག་ཏུ་བསྟན་པ། ཡུལ་རྣམས༴ བཅུ་གཅིག་པ་ཆོས་རྣམས་དབྱིངས་གཅིག་སྟོང་མཉམ་དུ༴ འཁོར་འདས༴ བཅུ་གཉིས་པ་ཐམས་ཅད་གཉིས་མེད་རང་བཞག་ཏུ༴ སྣ་ཚོགས༴ བཅུ་གསུམ་པ་རིག་སྟོང་རྣམ་ཡན་ཆོས་སྐུར༴ གཏད་མེད༴ དོན་གསུམ་པ་ལེའུ་རྫོགས་པ་མཇུག་གི་དོན་ལ་གཉིས། དང་པོ་སྐབས་ཀྱི་དགེ་བ་བསྔོ་བ། དེ་ལྟར༴ གཉིས་པ་ལེའུའི་མཚན་རྫོགས་པ་ཆེན་པོའི་ལེའུ་ཅུ་པའི་བསྡུས་དོན་ཚང་ངོ༌། །

རང་བཞིན་ལམ་གྱི་སྒོམ་ཚུལ་བསམ་གཏན་དྲི་མ་མེད་པའི་ལེའུ།

༈ བཅུ་གཅིག་པ་རང་བཞིན་ལམ་གྱི་སྒོམ་ཚུལ་བསམ་གཏན་དྲི་མ་མེད་པའི་ལེའུ་ལ་གསུམ། དང་པོ་ལེའུ་ལ་འཇུག་པ་རྒྱུའི་དོན། ལེའུ་དངོས་ཀྱི་དོན། ལེའུ་རྫོགས་པ་འཇུག་གི་དོན་ནོ། །དང་པོ་ནི། དེ་ལྟར༴ གཉིས་པ་ལེའུ་དངོས་ཀྱི་དོན་ལ་གསུམ། དབང་པོ་གསུམ་གྱི་རིམ་པ་མདོར་བསྟན། འབྲིང་དང་ཐ་མའི་རིམ་པ་རྒྱས་པར་བཤད། ས་དང་ལམ་གྱི་རིམ་པས་དོན་བསྡུ་བའོ། །དང་པོ་དབང་པོ་གསུམ་གྱི་རིམ་པ་མདོར་བསྟན་པ་ལ་གསུམ། དབང་པོ་རབ་ཀྱི་རིམ་པ། འབྲིང་དང་ཐ་མའི་རིམ་པ། དབང་པོ་གསུམ་གྱི་དོན་བསྡུ་བའོ། །དང་པོ་དབང་པོ་རབ་ལ་གཉིས། དང་པོ་

― ZP02_Page_368 ―

^{[མ་དཔེ་གཟིགས་ན་འདིར་གནོན།]}

[Full Size]

རྟོགས་པ་ཆུ་བོ་རྒྱུན་གྱི་རྣལ་འབྱོར་བསྟན་པ། དེ་ཡང་༴ གཉིས་པ་ཀློང་གྱུར་རྟོགས་པའི་གདེང་ཚད་བསྟན་པ། ཐུན་འཚམས༴ འབྲིང་དང་ཐ་མའི་རིམ་པ་ལ་གསུམ། དང་པོ་ཆེད་དུ་རྩོལ་བས་སྒོམ་པའི་འཐད་པ་དགོད་པ། འབྲིང་དང་༴ མ་བསྒོམ་འཁོར་བར་འཁྱམས་པས་སྒོམ་དགོས་པའི་རྒྱུ་མཚན༴ ཁྱད་པར༴ གསུམ་པ་ཞི་གནས་ལྷག་མཐོང་ཟུང་དུ་འབྲེལ་བའི་དགོས་ཆེད་བསྟན་པ། ཞི་གནས༴ གསུམ་པ་དབང་པོ་གསུམ་གྱི་དོན་བསྡུ་བ་ནི། དེས་ན༴ དོན་གཉིས་པ་འབྲིང་དང་ཐ་མའི་རིམ་པ་རྒྱས་པར་བཤད་པ་ལ་གསུམ། དབང་པོ་འབྲིང་གི་སྒོམ་ཚུལ། ཐ་མའི་སྒོམ་ཚུལ། སྒོམ་པ་ཐོབ་པའི་ཏིང་ངེ་འཛིན་གྱི་དབྱེ་བའོ། །དང་པོ་འབྲིང་གི་སྒོམ་ཚུལ་ལ་གསུམ། རྣམ་པར་མི་རྟོག་པའི་ཡེ་ཤེས་སྒོམ་པར་གདམས་པ། དེའི་དོན་ལ་ཇི་ལྟར་སྒོམ་པ་དངོས་བསྟན་པ། ཡེ་ཤེས་བཞིའི་འཆར་ཚུལ་བསྟན་པའོ། །དང་པོ་རྣམ་པར་མི་རྟོག་པའི་ཡེ་ཤེས་སྒོམ་པར་གདམས་པ་ལ་ལྔ། དང་པོ་མཉམ་པར་འཇོག་པའི་འཐད་པ་དགོད་པ། ད་ནི༴ གཉིས་པ་མཐའ་བྲལ་སྒོམ་པའི་མན་ངག་བསྟན་པ། ལུས་ནི༴ གསུམ་པ་དེ་ལས་སྐྱེས་པའི་ཉམས་མྱོང་བསྟན་པ། དེ་ཚེ༴ བཞི་པ་དེ་ཚེ་རྟོགས་པའི་འཁྲུངས་ཚུལ་བསྟན་པ། སྣང་དང༌། ལྔ་པ་དེ་ཉིད་དོན་ལ་

― ZP02_Page_369 ―

^{[མ་དཔེ་གཟིགས་ན་འདིར་གནོན།]}

[Full Size]

སྒོམ་པར་གདམས་པ། འདི་ནི༴ གཉིས་པ་དེའི་དོན་ལ་ཇི་ལྟར་སྒོམ་པ་དངོས་བསྟན་པ་ལ་དགུ། དང་པོ་སྟོང་གསལ་མཁའ་ལྟར་དག་པའི་སྒོམ་ཚུལ། སེམས་ཉིད༴ གཉིས་པ་དངས་གསལ་རྒྱ་མཚོ་ལྟ་བུའི༴ དངས་ཤིང་༴ གསུམ་པ་ནམ་མཁའ་སྤྲིན་དེངས་ལྟ་བུའི༴ སྟོང་ཞིང་༴ བཞི་པ་མི་གཡོ་རི་རྒྱལ་ལྟ་བུའི༴ བརྟན་ཞིང་༴ ལྔ་པ་གསལ་དག་མེ་ལོང་དག་ཅིང་༴ དྲུག་པ་སྟོང་གསལ་འཇའ་ཚོན༴ ཡེ་གྲོལ༴ བདུན་པ་མ་ཡེངས་མདའ་མཁན༴ གཞན་དུ༴ བརྒྱད་པ་བློ་བདེ་ལས་ཟིན༴ ཐག་ཆོད༴ དགུ་པ་ཞི་ལྷག་ཟུང་དུ་འབྲེལ་བའི་སྒྲུབ་བྱེད་བསྟན་པ། འདི་ནི༴ གསུམ་པ་ཡེ་ཤེས་བཞིའི་འཆར་ཚུལ་ངེས་པ་ལ་བཞི། དང་པོ་སྣང་བའི་ཡེ་ཤེས་ལ་གཉིས། དང་པོ་ཡེ་ཤེས་དངོས། དེ་ཚེ་ཟབ་ཞི༴ གཉིས་པ་དེའི་ཡོན་ཏན། དེ་ཉིད༴ གཉིས་པ་མཆེད་པའི་ཡེ་ཤེས་ལའང་གཉིས། དང་པོ་ཡེ་ཤེས་དངོས། དེ་ནས༴ གཉིས་པ་ཡོན་ཏན་བརྗོད་པ། དེ་ཚེ༴ གསུམ་པ་ཐོབ་པའི་ཡེ་ཤེས། དེ་ནས༴ བཞི་པ་ཉེ་བར་ཐོབ་པའི་ཡེ་ཤེས་ལ་གཉིས། དང་པོ་ཉམ་རྟག །དེ་ལས་ཆེས༴ གཉིས་པ་ཡེ་ཤེས་དངོས། རྩ་ཁམས༴ གཉིས་པ་ཐ་མའི་སྒོམ་ཚུལ་ལ་གསུམ། ཞི་ལྷག་གི་གནས་ལ་སྤྱིར་གདམས། སོ་སོའི་རིམ་པ་བྱེ་བྲག་ཏུ་བཤད་པ། ཟུང་འཇུག་གི་

― ZP02_Page_370 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱད་པར་ངོས་བཟུང་བའོ། །དང་པོ་ཞི་ལྷག་གི་གནས་སྤྱིར་གདམས་པ་ནི། དབང་པོ༴ གཉིས་པ་སོ་སོའི་རིམ་པ་ལ་གཉིས། ཞི་གནས་དང་ལྷག་མཐོང་ངོ༌། །དང་པོ་ཞི་གནས་ལ་གསུམ། དང་པོ་སྦྱོར་བ་དང་པོའི་ཏིང་ངེ་འཛིན་གྱིས་ལུས་སེམས་ཁོད་མཉམ་པ། ཐོག་མར༴ གཉིས་པ་ཡོངས་སུ་བཟུང་བའི་ཏིང་ངེ་འཛིན་གྱིས་མཉམ་པར་བཞག་པ། དེ་ནས༴ ཡོངས་སུ་རྫོགས་པའི་ཏིང་ངེ་འཛིན་གྱིས་དབང་བསྒྱུར་བ། དེ་ལྟར༴ གཉིས་པ་ལྷག་མཐོང་ལ་གཉིས་ཏེ། ཕྱི་གཟུང་བ་རང་བཞིན་མེད་པར་བརྟགས་པ་དང༌། ནང་འཛིན་པ་རང་བཞིན་མེད་པར་བསམ་པའོ། །དང་པོ་གཟུང་བ་རང་བཞིན་མེད་པར་བརྟགས་པ་ལ་གཉིས། དང་པོ་གཟུང་ཡུལ་སྣང་སྟོང་རྩ་བྲལ་དུ་བསྟན་པ། དེ་ནས༴ གཉིས་པ་དེའི་ངང་ལ་འཛིན་མེད་དུ་མཉམ་པར་བཞག་པ་ཐམས་ཅད། གཉིས་པ་འཛིན་པ་རང་བཞིན་མེད་པར་བསམ་པ་ལ་བཞི། དང་པོ་སེམས་དང་སེམས་བྱུང་རང་ངོ་བརྟགས་པ། དེ་ནས༴ གཉིས་པ་སྟོང་པར་རྟོགས་པས་རྩ་བ་བཅད་པ། སེམས་ནི༴ གསུམ་པ་དེའི་ངང་ལ་སྒོམ་ཚུལ་བསྟན་པ། དེ་ཚེ༴ བཞི་པ་དེ་ལྟར་བསྒོམ་པའི་དགོས་པ་བརྗོད་པ། དེ་ཡི༴ གསུམ་པ་ཟུང་འཇུག་གི་ཁྱད་པར་ངོས་གཟུང་བ་ལ་གསུམ། ཟུང་འཇུག་དོན་གྱི་སྒོམ་ཚུལ། འོད་གསལ་རྟོགས་པའི་འཆར་ཚུལ།

― ZP02_Page_371 ―

^{[མ་དཔེ་གཟིགས་ན་འདིར་གནོན།]}

[Full Size]

ཞི་ལྷག་ངེས་པའི་རང་བཞིན་ནོ། །དང་པོ་ནི་ཟུང་འཇུག་དོན་གྱི་སྒོམ་ཚུལ་ལ་གསུམ། དང་པོ་གནས་ལུགས་དོན་གྱི་ཟུང་འཇུག །དེ་ནས༴ གཉིས་པ་གཉིས་མེད་བློའི་སྒོམ་ཚུལ། གཉིས་སུ༴ གསུམ་པ་དྲོད་རྟགས་ཡོན་ཏན་གྱི་སྐྱེ་ཚུལ། དེ་ཡིས༴ གཉིས་པ་འོད་གསལ་ལ་གསུམ། དང་པོ་སེམས་ཉིད་གཞིའི་འོད་གསལ། དེ་ཚེ༴ གཉིས་པ་དེ་ཉིད་བློའི་རྟོགས་ཚུལ། གཟུང་ཡུལ༴ གསུམ་པ་གནས་ལུགས་དང་དུ་ཕྱིན་ཚུལ། འཛིན་མེད༴ གསུམ་པ་ཞི་ལྷག་ངེས་པའི་རང་བཞིན་ལ་གསུམ། དང་པོ་ངོ་བོ་ངེས་པའི་གྲུབ་ཚུལ། གནས་པས༴ གཉིས་པ་རང་བཞིན་ངེས་པའི་སྒོམ་ཚུལ་ལྷག་མཐོང་༴ གསུམ་པ་གནས་ལུགས་ངེས་པའི་སྐྱེས་ཚུལ། གང་ཚེ༴ དོན་གསུམ་པ་བསྒོམ་པས་ཐོབ་པ་ཏིང་ངེ་འཛིན་གྱི་རང་བཞིན་ལ་གསུམ། སེམས་ཉིད་ཡོན་ཏན་གྱི་འཆར་གཞི་མདོར་བསྟན། དེ་ལས་ཤར་བའི་ཡོན་ཏན་དངོས་རྒྱས་པར་བཤད། ཞི་ལྷག་ངེས་པས་དོན་བསྡུ་བའོ། །དང་པོ་ནི། རང་བཞིན༴ གཉིས་པ་ལ་གཉིས། སྙོམ་འཇུག་དགུའི་སྒོམ་ཚུལ་དང༌། ཏིང་ངེ་འཛིན་གྱི་ཐོབ་ཚུལ་ལོ། །དང་པོ་སྙོམ་དགུའི་སྒོམ་ཚུལ་ལ་གསུམ། དང་པོ་བསམ་གཏན་བཞིའི་སྒོམ་ཚུལ། རང་ས༴ གཉིས་པ་ལྷག་མ་ལྔའི་སྒོམ་ཚུལ། དེ་ལས༴ གསུམ་པ་མངོན་ཤེས་རྫུ་འཕྲུལ་

― ZP02_Page_372 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོབ་ཚུལ། དེ་ལྟར༴ གཉིས་པ་ཏིང་ངེ་འཛིན་གྱི་ཐོབ་ཚུལ། དེ་ཚེ༴ གསུམ་པ་ཞི་ལྷག་ངེས་པས་དོན་བསྡུ་བ། ལྷག་མཐོང༴ དོན་གསུམ་པས་དང་ལམ་གྱི་ཡོན་ཏན་ལ་དྲུག་ལས། དང་པོ་ཚོགས་ལམ་ལ་གསུམ། དང་པོ་ཆུང་ངུ་༴ ལམ་ལྔའི༴ གཉིས་པ་འབྲིང༌། འབྲིང་དུ༴ གསུམ་པ་ཆེན་པོ། །ཆེན་པོར༴ གཉིས་པ་སྦྱོར་ལམ། སྦྱོར་ལམ༴ གསུམ་པ་མཐོང་ལམ། མཐོང་བའི༴ བཞི་པ་སྒོམ་ལམ་སྒོམ་ལམ༴ ལྔ་པ་མི་སློབ་པའི་ལམ། དེ་ལྟར༴ དྲུག་པ་ས་ལམ་བགྲོད་པའི་ངེས་བཟུང༌། འདི་ལྟར༴ ལེའུ་རྫོགས་པ་མཇུག་གི་དོན་ལ་གཉིས། དང་པོ་སྐབས་ཀྱི་དགེ་བ་བསྔོ་བ། དེ་ལྟར༴ གཉིས་པ་ལེའུའི་མཚན། རྫོགས་པ༴ ལེའུ་བཅུ་གཅིག་པའི་བསྡུས་དོན་ཚང་ངོ༌། །

བསྒྲུབ་ཚུལ་ཐབས་ལ་མཁས་པའི་ལེའུ།

༈ བཅུ་གཉིས་བསྒྲུབ་ཚུལ་ཐབས་ལ་མཁས་པའི་ལེའུ་ལ་གསུམ་སྟེ། ལེའུ་ལ་འཇུག་པ་རྒྱུའི་དོན། ལེའུ་དངོས་ཀྱི་དོན། ལེའུ་རྫོགས་པ་མཇུག་གི་དོན་ནོ། །དང་པོ་ནི། དེ་ལྟར༴ གཉིས་པ་ལེའུ་དངོས་ཀྱི་དོན་ལ་གཉིས། སྒྲུབ་ཚུལ་གསུམ་གྱི་ངོ་བོ་མདོར་བསྟན་པ་དང༌། དབྱེ་བ་རྒྱས་པར་བཤད་པའོ། །དང་པོ་ནི། གང་གིས༴ གཉིས་པ་རྒྱས་པར་བཤད་པ་ལ་གསུམ། གང་གིས་སྒྲུབ་པའི་གང་ཟག །ཇི་ལྟར་སྒྲུབ་པའི་ཐབས། གང་སྒྲུབ་པའི་ངོ་བོ་བསྟན་པའོ། །དང་པོ་གང་གིས་སྒྲུབ་པའི་གང་

― ZP02_Page_373 ―

^{[མ་དཔེ་གཟིགས་ན་འདིར་གནོན།]}

[Full Size]

ཟག་ལ་ལྔ། དང་པོ་བསྲིང་བ་གཉིས་ལྡན་གྱིས་འགྲུབ་པ། གང་གིས༴ གཉིས་པ་རང་རྒྱུད་དག་པས༴ དད་ལྡན༴ གསུམ་པ་རང་སེམས་དང་པས། ལུས་སེམས༴ བཞི་པ་ངང་གིས་དབེན་པས༴ གྲོང་དང་༴ ལྔ་པ་ངེས་པར་འབྱུང་བས་འགྲུབ་པ། ཚེ་འདིའི༴ གཉིས་པ་ཇི་ལྟར་སྒྲུབ་པའི་ཐབས་ལ་བཞི། ཞི་ལྷག་སྒྲུབ་ཚུལ་གྱི་གོ་དོན་སྤྱིར་བཞག །ཞི་གནས་གྲུབ་པའི་ཐབས་བྱེ་བྲག་ཏུ་བསྟན། ལྷག་མཐོང་སྒྲུབ་པའི་ཐབས་རྒྱ་ཆེར་བཤད། ཟུང་འཇུག་སྒྲུབ་པའི་ཐབས་རབ་ཏུ་དབྱེ་བའོ། །དང་པོ་ཞི་ལྷག་སྒྲུབ་ཚུལ་གྱི་གོ་དོན་ལ་གསུམ། དང་པོ་བསམ་གཏན་གྱི་སྒྲིབ་པ་ལྔ་སྤང་བར་གདམས་པ། ཇི་ལྟར་སྒྲུབ༴ གཉིས་པ་དེའི་གཉེན་པོ་བསྟེན་པར་གདམས་པ། དེ་ལྟར༴ གསུམ་པ་ཟུང་འབྲེལ་སྒྲུབ་པའི་གཉེན་པོར་བསྟན་པ། ཞི་གནས༴ གཉིས་པ་ཞི་གནས་སྒྲུབ་པ་ལ་བཞི་སྟེ། དང་པོ་དལ་ལ་མ་ཡེངས་པ་ཐབས་ཀྱི་མཆོག་ཏུ་བསྟན་པ། ཞི་གནས༴ གཉིས་པ་དམིགས་རྟེན་ཡུལ་གྱི་བྱེ་བྲག་བསྟན་པ། དེ་ཡང་༴ གསུམ་པ་རྣམ་པ་བློའི་འཇོག་ཚུལ་བསྟན་པ། དམིགས་ཡུལ༴ བཞི་པ་རྩལ་སྦྱོང་བོགས་ཀྱི་འབྱིན་ཚུལ་བསྟན་པ། དེ་ཡིས༴ གསུམ་པ་ལྷག་མཐོང་སྒྲུབ་པ་ལ་གསུམ། དང་པོ་གསལ་དང་ཕྱེད་ལ་མ་ཡེང་པ་ཐབས་ཀྱི་མཆོག་ཏུ་བསྟན་པ། ལྷག་མཐོང་༴

― ZP02_Page_374 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་དམིགས་རྣམ་ངེས་པའི་སྒོམ་ཚུལ་བསྟན་པ། དེ་ཡང་༴ གསུམ་པ་རྩལ་སྦྱོང་བོགས་ཀྱི་འབྱིན་ཚུལ་བསྟན་པ། སྟེངས་ན༴ གཉིས་པ་ཟུང་འཇུག་སྒྲུབ་པའི་ཐབས་ལ་ལྔ། དང་པོ་ཕྱམ་བརྡལ་འཛིན་མེད་ཐབས་ཀྱི་མཆོག་ཏུ་བསྟན་པ། ཟུང་འཇུག༴ གཉིས་པ་དམིགས་རྣམ་ངེས་པའི་སྒོམ་ཚུལ་བསྟན་པ། ཇི་ལྟར༴ གསུམ་པ་གེགས་ཀྱི་དྲི་མ་སེལ་ཐབས། སྟེངས་ན༴ བཞི་པ་བོགས་འབྱིན་གནད་ཀྱི་མན་ངག །བོགས་འབྱིན༴ ལྔ་པ་རྩལ་སྦྱོང་ཟབ་དོན་སྙིང་པོ། །ཕྱི་རོལ༴ གསུམ་པ་གང་སྒྲུབ་པའི་ངོ་བོ་བསྟན་པ་ལ་བརྒྱད། ངོ་བོ་བརྗོད་བྲལ་དོན་གྱི་ངོ་བོ་བསྟན་པ། གཉིས་མེད༴ གཉིས་པ་སྣ་ཚོགས་དུ་མ་རོ་གཅིག་ཏུ༴ ཇི་ལྟར་གཟུགས༴ གསུམ་པ་འཆར་ཚུལ་ངང་དང་སྐྱེ་མེད་དུ༴ ཇི་ལྟར་སྤྲིན༴ བཞི་པ་ཉམ་རྟགས་རོལ་པའི་རྩལ་སྣང་དུ༴ ཇི་ལྟར་ཆུ་བོ༴ ལྔ་པ་འཁོར་འདས་རིག་པའི་རང་སྣང་དུ༴ ཇི་ལྟར་སྒྱུ་མ༴ དྲུག་པ་ཆོས་རྣམས་ཡེ་གྲོལ་དབྱེར་མེད་དུ༴ ཇི་ལྟར་ཕྱོགས༴ བདུན་པ་སྣང་སེམས་སྒྱུ་མ་གཉིས་མེད་དུ༴ ཇི་ལྟར་སྣ་ཚོགས༴ བརྒྱད་པ་རིག་སྟོང་ཆོས་དབྱིངས་ཁྱབ་བརྡལ་དུ༴ ཇི་ལྟར་ཚོགས་པ༴ དོན་གསུམ་པ་ལེའུ་རྫོགས་པ་མཇུག་གི་དོན་ལ་གཉིས། དང་པོ་སྐབས་ཀྱི་དགེ་བ་བསྔོ་བ། དེ་ལྟར༴

― ZP02_Page_375 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་ལེའུའི་མཚན་བཤད་པ། རྫོགས་པ་ཆེན་པོ༴ ལེའུ་བཅུ་གཉིས་པའི་ས་བཅད་ཚང་ངོ༌། །

འབྲས་བུ་ལྷུན་གྲུབ་ཆེན་པོའི་ལེའུ།

༈ བཅུ་གསུམ་པ་འབྲས་བུ་ལྷུན་གྲུབ་ཆེན་པོའི་ལེའུ་ལ་གསུམ་སྟེ། ལེའུ་ལ་འཇུག་པ་རྒྱུའི་དོན། ལེའུ་དངོས་ཀྱི་དོན། ལེའུ་རྫོགས་པ་མཇུག་གི་དོན་ནོ། །དང་པོ་ནི། དེ་ལྟར༴ གཉིས་པ་ལེའུ་དངོས་ཀྱི་དོན་ལ་གསུམ། ཞི་བ་བྱང་ཆུབ་བརྙེས་ཚུལ་སྤྱིར་བསྟན། སྐུ་ལྔ་ལྷུན་གྲུབ་ཀྱི་རང་བཞིན་བྱེ་བྲག་ཏུ་བཤད། ནང་དབྱིངས་རྣམ་དག་གི་འཆར་གཞིའི་དོན་བསྡུ་བའོ། །དང་པོ་ཞི་བ་བྱང་ཆུབ་བརྙེས་ཚུལ་ལ་གཉིས། དང་པོ་དག་པ་གཉིས་ལྡན་ཆོས་དབྱིངས་བརྙེས་ཚུལ། སེམས་དང་༴ གཉིས་བཞི་བ་ནང་དབྱིངས་ལས་རྟག་ཏུ་མི་གཡོ་བར་བསྟན་པ། ཤིན་ཏུ༴ གཉིས་པ་སྐུ་ལྔ་ལྷུན་གྲུབ་ཀྱི་རང་བཞིན་བྱེ་བྲག་ཏུ་བཤད་པ་ལ་གསུམ། སྣང་དབྱིངས་སྐུ་གསུམ་གྱི་རང་བཞིན་མདོར་བསྟན་པ། རང་སྣང་ལོངས་སྐུའི་ཞིང་ཁམས་རྒྱས་པར་བཤད་པ། ཕྱིར་སྣང་སྤྲུལ་སྐུའི་རབ་དབྱེ་རྒྱ་ཆེར་བཤད་པའོ། །དང་པོ་ལ་གཉིས། རྣམ་དབྱེ་སྤྱིར་བསྟན་པ་དང༌། དབྱིངས་ལས་གཞན་དུ་མི་སྣང་བར་བསྟན་པའོ། །དང་པོ་རྣམ་དབྱེ་སྤྱིར་བསྟན་པ་ལ་གསུམ། དང་པོ་མི་འགྱུར་རྡོ་རྗེའི་སྐུ་ནི། ཆོས་ཉིད༴ གཉིས་པ་མངོན་པར་བྱང་ཆུབ་པའི་སྐུ་ནི། རང་བཞིན༴ གསུམ་པ་ཞི་བ་

― ZP02_Page_376 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་སྐུ་ནི། ཤེས་བྱའི༴ གཉིས་པ་དབྱིངས་ལས་གཞན་དུ་མི་སྣང་བར་བསྟན་པ་ལ་གསུམ། དང་པོ་རྒྱལ་བ་ཁོ་ནའི་སྤྱོད་ཡུལ་དུ་བསྟན་པ། འདི་དག༴ གཉིས་པ་གཟིགས་སྣང་ཀུན་ལས་འདས་པར་བསྟན་པ། ཆོས་དབྱིངས༴ གསུམ་པ་གནས་ལུགས་རྫོགས་རིམ་མཐར་ཐུག་བསྟན་པ། འདི་ནི༴ གཉིས་པ་རང་སྣང་ལོངས་སྐུའི་ཞིང་ཁམས་བཤད་པ་ལ་གསུམ། དང་པོ་ཕུན་སུམ་ཚོགས་པ་ལྔའི་ངོ་བོ་མདོར་བསྟན། དེའི་རང་བཞིན་རྒྱས་པར་བཤད། སྐབས་དོན་ངེས་པར་དོན་བསྡུ་བའོ། །དང་པོ་མདོར་བསྟན་ནི། དེ་ཉིད༴ གཉིས་པ་རྒྱས་པར་བཤད་པ་ལ་ལྔ། གནས། དུས༴ སྟོན་པ༴ ཆོས་འཁོར་ཕུན་སུམ་ཚོགས་པའོ། །དང་པོ་གནས་ལ་གསུམ། དང་པོ་ཞིང་དང་གཞལ་ཡས་ཁང་གི་སྣང་ཚུལ། གནས་ནི༴ གཉིས་པ་རྒྱན་དང་བཀོད་པའི་ཁྱད་པར། འཕན་གདུགས༴ གསུམ་པ་གདན་ཁྲིའི་རང་བཞིན། ཀུན་གྱི་ནང་ན༴ གཉིས་པ་དུས་ཕུན་སུམ་ཚོགས་པ་ནི། དུས་ནི༴ གསུམ་པ་སྟོན་པ་ཕུན་སུམ་ཚོགས་པ་ནི། སྟོན་པ༴ བཞི་པ་ཆོས་ཕུན་སུམ་ཚོགས་པ་ནི། ཆོས་ནི༴ ལྔ་པ་འཁོར་ཕུན་སུམ་ཚོགས་པ་ལ་གཉིས། དང་པོ་ཞི་བའི་འཁོར་ནི༴། འཁོར་ནི༴ གཉིས་པ་ཁྲོ་བོའི་འཁོར་ནི། ཁྲོ་བོ༴ གསུམ་པ་དོན་བསྡུ་བ་ལ་བཞི། དང་པོ་དཀྱིལ་འཁོར་གཞན་ཡང་ཚུལ་འདིས་དཔག་པ། གཞན་ཡང་༴ གཉིས་

― ZP02_Page_377 ―

^{[མ་དཔེ་གཟིགས་ན་འདིར་གནོན།]}

[Full Size]

པ་བདེ་གཤེགས་ལོངས་སྐུའི་སྣང་བར་བསྟན་པ། དེ་ལྟར༴ གསུམ་པ་གདུལ་བྱའི་སྣང་ཡུལ་མིན་པར་བསྟན་པ། དེ་ལྟར༴ བཞི་པ་དུས་གསུམ་རྒྱལ་བའི་རང་སྣང་དུ་བསྟན་པ། རང་སྣང་༴ གསུམ་པ་ཕྱིར་སྣང་སྤྲུལ་སྐུའི་རབ་ཏུ་དབྱེ་བ་ལ་གཉིས། དང་པོ་མདོར་བསྟན་ནི། དེ་ཉིད༴ གཉིས་པ་རྒྱས་པར་བཤད་པ་ལ་གསུམ། རང་བཞིན་སྤྲུལ་སྐུ། འགྲོ་འདུལ་སྤྲུལ་སྐུ། སྣ་ཚོགས་སྤྲུལ་སྐུའོ། །དང་པོ་ནི་རང་བཞིན་སྤྲུལ་སྐུ་ལ་གསུམ། འདུལ་བྱེད་སྟོན་པའི་རང་བཞིན་སྤྱིར་བསྟན། འཁོར་དུས་རིགས་ལྔའི་རང་བཞིན་བྱེ་བྲག་ཏུ་བཤད། གནས་སྐབས་ངེས་པའི་རང་བཞིན་དོན་བསྡུ་བའོ། །དང་པོ་འདུལ་བྱེད་སྟོན་པའི་རང་བཞིན་ལ་གཉིས། རྟེན་སྐུའི་སྣང་ཚུལ་དང༌། བརྟེན་པ་ཡེ་ཤེས་ཀྱི་གནས་ཚུལ་ལོ། །དང་པོ་སྐུའི་སྣང་ཚུལ་ནི། དེ་ཡང༴གཉིས་པ་ཡེ་ཤེས་ཀྱི་གནས་ཚུལ་ལ་གཉིས། དང་པོ་མདོར་བསྟན་པ་ནི། དེ་ཡང་༴ གཉིས་པ་རྒྱས་པར་བཤད་པ་ལ་ལྔ། དང་པོ་ཆོས་ཀྱི་དབྱིངས་ཀྱི་ཡེ་ཤེས། ཆོས་དབྱིངས༴ གཉིས་པ་མེ་ལོང་ཡེ་ཤེས། མེ་ལོང་༴ གསུམ་པ་མཉམ་ཉིད་ཡེ་ཤེས། མཉམ་ཉིད༴ བཞི་པ་སོ་སོར་རྟོགས་པའི་ཡེ་ཤེས། ཀུན་རྟོགས༴ ལྔ་པ་བྱ་གྲུབ་ཡེ་ཤེས། བྱ་གྲུབ། གཉིས་པ་འཁོར་དུས་

― ZP02_Page_378 ―

^{[མ་དཔེ་གཟིགས་ན་འདིར་གནོན།]}

[Full Size]

རིགས་ལྔའི་རང་བཞིན་ལ་བདུན། དང་པོ་འཁོར་གྱི་སྒྲིབ་པ་སྦྱོང་ཚུལ། གདུལ་བྱའི༴ གཉིས་པ་རྟག་ཏུ་གཞན་དོན་མཛད་ཚུལ། དུས་ནི༴ གསུམ་པ་རིགས་ལྔར་འཐད་པའི་རང་བཞིན། དེ་ལྟར༴ བཞི་བདེའི་ཁྱད་པར་སྣང་ཚུལ། དེ་བཞིན༴ ལྔ་པ་ཕྱེད་སྣང་སྤྲུལ་སྐུའི་ངེས་ཚིག །དེ་ལྟར༴ དྲུག་པ་ཞིང་ཁམས་དེའི་སྣང་ཚུལ། ཞིང་དེ། བདུན་པ་མཁའ་སྤྱོད་ཚུལ་འདིར་བསྡུ་ཚུལ། དེ་བཞིན༴ གཉིས་པ་འགྲོ་འདུལ་སྤྲུལ་སྐུ་ལ་གསུམ། འགྲོ་འདུལ་སྤྲུལ་པའི་རང་བཞིན་བསྟན་པ། དེ་ལ་བརྟེན་པའི་ཡེ་ཤེས་བསྟན་པ། དེ་ཉིད་ངེས་པའི་རྒྱུ་མཚན་བསྟན་པའོ། །དང་པོ་འགྲོ་འདུལ་སྤྲུལ་པའི་རང་བཞིན་བསྟན་པ་ལ་གསུམ། དང་པོ་ཐུབ་པ་དྲུག་གི་རང་བཞིན་བསྟན་པ། དེ་ཉིད༴ གཉིས་པ་རེ་རེའང་དཔག་མེད་མཐའ་ཡས་པར་བསྟན་པ། དེ་ཡང་༴ གསུམ་པ་དེའི་རྒྱུ་མཚན་འཐད་པ་འགོད་པ། མི་ལའང་༴ གཉིས་པ་དེ་ལ་བརྟེན་པའི་ཡེ་ཤེས་ལ་གཉིས། དང་པོ་ཡེ་ཤེས་ཀྱི་ངོ་བོ་བསྟན་པ། དེ་ལྟར༴ གཉིས་པ་ཡེ་ཤེས་གཉིས་ཀྱི་དབྱེ་བ་བསྟན་པ། ཇི་ལྟའི༴ གསུམ་པ་དེ་ཉིད་ངེས་པའི་རྒྱུ་མཚན་བསྟན་པ་ལ་གསུམ། དང་པོ་མ་དག་གདུལ་བྱའི་སྟོན་པར་བསྟན་པ། འདི་ནི༴ གཉིས་པ་འགྲོ་སེམས་མཐུན་པའི་ལས་སྣང་དུ་བསྟན་པ། དེ་ལྟར༴ གསུམ་པ་ཐུགས་རྗེ་སྤྲུལ་པའི་བྱིན་བརླབས་བསྟན་པ། འདི་ནི༴ གསུམ་པ་སྣ་ཚོགས་སྤྲུལ་སྐུ་ལ་གཉིས། དང་པོ་སྤྲུལ་སྐུའི་སྣང་ཚུལ། དེ་ཉིད༴ གཉིས་པ་འགྲོ་དོན་

― ZP02_Page_379 ―

^{[མ་དཔེ་གཟིགས་ན་འདིར་གནོན།]}

[Full Size]

མཛད་ཚུལ། གནས་སྐབས༴ དོན་གསུམ་པ་དབྱིངས་རྣམ་དག་གི་འཆར་གཞི་དོན་བསྡུ་བ། གདུལ་བྱ༴ གསུམ་པ་ལེའུ་རྫོགས་པ་མཇུག་གི་དོན་ལ་གཉིས། དང་པོ་སྐབས་ཀྱི་དགེ་བ་བསྔོ་བ། དེ་ལྟར༴ གཉིས་པ་ལེའུའི་མཚན། རྫོགས་པ་ཆེན་པོ༴ ལེའུ་བཅུ་གསུམ་པའི་བསྡུས་དོན་ཚང་ངོ༌། །

[Full Size]

༈ བཟང་སྤྱོད་སྨོན་ལམ་ས་བཅད་ནི། བསམ་པ་རྒྱ་ཆེ་བྱང་ཆུབ་སེམས་མི་བརྗེད། །ཆགས་མེད་ཕན་འདོགས་གོ་ཆ་ཆེན་པོ་བགོས། །གྲོགས་བཟང་དགེ་བའི་བཤེས་འགྲོགས་བདེ་གཤེགས་བལྟ། །མཛོད་བརྙེས་འཇུག་གནང་སྟོབས་ལྡན་གཉེན་པོ་བཟང༌། །ཕྲིན་ལས་རྒྱ་ཆེ་རྒྱལ་དང་དེ་སྲས་ཀྱི། །རྗེས་སློབ་སྨོན་པའི་དོན་ཀུན་བསྡུ་ནུས་ཤོག །དཔལ་སྤྲུལ་པས་སོ། །

དམ་པའི་རིགས་ཅན་དྲྭ་མ་ལྔའི་གསུངས་པའི་སྤྱི་བཤགས།

༈ དམ་པའི་རིགས་ཅན་དྲྭ་མ་ལྔའི་གསུངས་པའི་སྤྱི་བཤགས། དུས་གསུམ་བདེ་གཤེགས་མ་འདི་འཆད་པར་བྱེད་པ་ལ། བཤགས་ཡུལ་མངོན་དུ་བྱ་བ་དང༌། བཤགས་པ་དངོས་བཤད་པ་གཉིས་ལས། དང་པོ་ནི། དུས་གསུམ་བདེ་གཤེགས་སོགས་ཚིགས་རྐང་གཉིས། གཉིས་པ་ལ། རིག་འཛིན་གཙོ་བོ་རྣམས་ཀྱིས་བཤགས་པ་དང༌། འཁོར་ཕལ་བ་རྣམས་ཀྱིས་བཤགས་པ་སྟེ་གཉིས་ལས། དང་པོ་ལ། སྤྱིའི་དོན་དང༌། བྱེ་བྲག་གི་དོན་གཉིས་ལས། དང་པོ་ལ། རྟེན་གཞི་བྱང་ཆུབ་ཀྱི་སེམས་བཤད་པ། བསྒྲུབ་བྱ་མཐར་ཐུག་གི་འབྲས་བུ་བཤད་པ། བསྲུང་བྱ་དམ་ཚིག་གི་རྣམ་གྲངས་བཤད་པ། དམ་ཚིག་ཉམས་པའི་ཉེས་དམིགས་བཤད་པ་དང་བཞི་ལས། དང་པོ་

― ZP02_Page_385 ―

^{[མ་དཔེ་གཟིགས་ན་འདིར་གནོན།]}

[Full Size]

ནི། དང་པོ་བྱང་ཆུབ་སོགས་རྐང་པ་གཅིག །གཉིས་པ་ནི། བསྒྲུབ་པའི་རིག་འཛིན་སོགས་རྐང་པ་གཅིག །གསུམ་པ་ནི། སྐུ་གསུང་ཐུགས་སོགས་རྐང་པ་གསུམ། བཞི་པ་ནི། དམ་བཅའ་བཀའ་སོགས་རྐང་པ་གཉིས། གཉིས་པ་བྱེ་བྲག་ཏུ་བཤད་པ་ལ། རྩ་བའི་དམ་ཚིག་དང་ཡན་ལག་གི་དམ་ཚིག་གཉིས་ལས། དང་པོ་ལའང༌། སྐུའི་དམ་ཚིག་བཤད་པ། གསུང་གི་དམ་ཚིག་བཤད་པ། ཐུགས་ཀྱི་དམ་ཚིག་བཤད་པ་དང་གསུམ་ལས། དང་པོ་ནི། འདོད་ཆགས་ཞེ་སྡང་སོགས་རྐང་པ་བདུན། གཉིས་པ་ནི། ཡི་དམ་ལྷ་ཡི་སོགས་རྐང་པ་དྲུག །གསུམ་པ་ནི། རྡོ་རྗེ་སློབ་དཔོན་སོགས་རྐང་པ་ལྔ། །གཉིས་པ་ཡན་ལག་གི་དམ་ཚིག་ལ། དངོས་དང༌། བསྒྲུབ་པ་ཁྱད་པར་གྱི་དམ་ཚིག་དང༌། དོན་བསྡུ་བ་དང་གསུམ་ལས། དང་པོ་ནི། ཆོས་རྣམས་མཉམ་པར་སོགས་རྐང་པ་གཉིས། གཉིས་པ་ནི། ལེ་ལོ་སྙོམ་ལས་སོགས་རྐང་པ་གཉིས། གསུམ་པ་ནི། ལུས་ངག་ཡིད་གསུམ་སོགས་རྐང་པ་གཉིས། གཉིས་པ་འཁོར་ཕལ་པ་རྣམས་ཀྱི་བཤགས་པ་ནི། རྗེ་བཙུན་བླ་མ་རྣམས་ཀྱི་སོགས་སོ།། །།

ཤེས་རབ་ཁྲི་བའི་བསྡུས་དོན།

༈ ཁྲི་བ་ལས། ཤྭ་ར་དྭ་ཏིའི་བུ། ཤེས་རབ་ཀྱི་ཕ་རོལ་ཏུ་ཕྱིན་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱ་བ་ནི་འདི་ལྟ་སྟེ།

― ZP02_Page_386 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་ཐམས་ཅད་ལ་མངོན་པར་ཞེན་པ་མེད་པ་ཡིན་ནོ། །ཤཱ་ར་དྭ་ཏིའི་བུ། བྱང་ཆུབ་སེམས་དཔའ་མངོན་པར་ཞེན་པ་མེད་པ་རྣམས་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་ཕ་རོལ་དུ་སོན་པ་ཡིན་ཞིང༌། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་ཡང་གྱུར་ཏོ། །གཟུགས་ནས་དཔེ་བྱད་བར་གྱི་ཆོས་ཐམས་ཅད། །ཐ་དད་ཀུན་རྫོབ་དུ་མཐོང་དོན་དམ་མིན། །དོན་དམ་ཞེན་མེད་སྒྱུ་མ་རྨི་ལམ་བཞིན། །ལྟ་བ་ཡོངས་འཛིན་སེམས་རྣམས་རྨོངས་པ་ཞེན། །ཆོས་རྣམས་མིང་ཙམ་དེ་ཡོངས་གྲུབ་པ་མེད། །དེར་དམིགས་མཚན་འཛིན་རྟོག་དཔྱོད་ཞེན་གཉིས་ཡིན། །ཆོས་སུ་བཏགས་ཙམ་དེ་ལ་སྐྱེ་འགགས་མེད། །མིང་དེ་ཕྱི་ནང་བར་ན་མི་གནས་སོ། །བཏགས་ཙམ་རྟོགས་ན་ཆོས་སུ་ཞེན་པ་མེད། །མིང་དུ་བས་ན་ཡོད་མེད་མངོན་རྟོགས་མེད། །དངོས་དང་དངོས་མེད་གཉིས་མཐོང་གྲོལ་མ་ལགས། །ཅི་ཕྱིར་གཟུགས་སོགས་མ་མཆིས་མི་དམིགས་ཕྱིར། །ཉོན་མོངས་མཚན་མ་གཅིག་ལ་གཟུགས་སྒྲ་སོགས། །ཉོན་མོངས་གང་ཡིན་དེ་ནི་རྣམ་མི་གྲོལ། །དེ་ལྟར་མ་ཞེན་ཤེས་རབ་དེ་ལགས་སོ། །རབ་ཀྱི་རྩལ་གྱིས་རྣམ་པར་གནོན་པས་ཞུས་པ་ལས། །ཡེ་ཤེས་ནི་ཡུལ་མེད་པའོ། །གལ་ཏེ་ཡེ་ཤེས་ལ་ཡུལ་

― ZP02_Page_387 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོད་དུ་ཟིན་ན་མི་ཤེས་འགྱུར་རོ། །ཞེས་ཤེས་རབ་ཁྲི་བའི་བསྡུས་དོན་དང་བཅས་པ་འདི་དཔལ་སྤྲུལ་པས་སོ།། །།

ཐེག་ཆེན་མན་ངག་གི་བསྟན་བཅོས་ངལ་གསོ་སྐོར་གསུམ་འཆད་ཐབས།

༈ ཐེག་ཆེན་མན་ངག་གི་བསྟན་བཅོས་ངལ་གསོ་སྐོར་གསུམ་འཆད་ཐབས་ནི། ཨོཾ་སྭ་སྟི་སིདྡྷི། ལེགས་པའི་ཡོན་ཏན་དུ་མས་རབ་བརྒྱན་ཞིང༌། ཕན་བདེའི་ཏིང་འཛིན་འགྲོ་བ་ཡོངས་ལ་ཁྱབ། །བདེ་གཤེགས་ཆོས་དང་འཕགས་པའི་དགེ་འདུན་ལ། །བདག་གཞན་དུས་རྣམས་ཀུན་ཏུ་ཕྱག་འཚལ་ལོ། །སྲིད་ལམ་དུབ་པ་དག་གི་མགྲོན་པོ་རྣམས། །གདུང་སེལ་ཞི་བ་ཕན་བདེའི་སྙིང་པོ་ཅན། །དམ་ཆོས་རིན་ཆེན་ངལ་གསོ་སྐོར་གསུམ་ལ། །ཐོག་མར་འཇུག་པའི་བཤད་ཐབས་ཡན་ལག་སྤྲོ། །དེ་ལ་བདེ་བར་གཤེགས་པའི་བཀའ་རབ་འབྱམས་ཀུན་གྱི་སྙིང་པོའི་དོན་གང་ཟག་གིས་ཇི་ལྟར་ཉམས་སུ་བླང་བའི་རིམ་པ་ཕྱོགས་གཅིག་ཏུ་བསྡེབ་པ། ཐེག་པ་ཆེན་པོའི་མན་ངག་གི་བསྟན་བཅོས་ངལ་གསོ་སྐོར་གསུམ་ཞེས་བྱ་བ་རྒྱ་ཆེར་བཤད་པ་ལ་གཉིས་ལས། གཞུང་བཤད་པ་ལ་འཇུག་པ་སྤྱིའི་དོན། བཤད་བྱ་གཞུང་གི་དོན་རྒྱ་ཆེར་བཤད་པའོ། །དང་པོ་ལ་གཉིས་སྟེ། ཆོས་འབྱུང་བའི་ཚུལ་སྤྱིར་བཤད་པ་དང༌། སྐབས་ཀྱི་དོན་བྱེ་བྲག་ཏུ་བཤད་པའོ། །དང་པོ་ལ་གསུམ། རྒྱུ་མཚན་ཉིད་

― ZP02_Page_388 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་ཐེག་པ། འབྲས་བུ་སྔགས་ཀྱི་ཐེག་པ། དེ་དག་ལ་བཤད་ཅིང་ཉན་པའི་ཚུལ་ལོ། །དང་པོ་རྒྱུ་མཚན་ཉིད་ཀྱི་ཐེག་པ་བྱུང་བའི་ཚུལ་ལ་གསུམ་ཏེ། དང་པོ་སངས་རྒྱས་ཀྱི་བྱོན་ཚུལ། བར་དུ་བཀའི་བསྡུས་ཚུལ། ཐ་མར་བསྟན་བཅོས་ཀྱི་མཛད་ཚུལ་ལོ། །དང་པོ་ལ་འདོད་ལུགས་སྤྱིར་བསྟན་པ་དང༌། མཛད་པ་བྱེ་བྲག་ཏུ་བཤད་པ་གཉིས། དང་པོ་ལ་ཐེག་པ་ཆེ་ཆུང་གི་འདོད་ལུགས་གཉིས་ཐེག་ཆེན་ལའང་ཐུན་མོང་དང་ཐུན་མོང་མ་ཡིན་པ་གཉིས་སོ། །གཉིས་པ་མཛད་པ་བྱེ་བྲག་ཏུ་བཤད་པ་ལ་བཅུ་གཉིས། དང་པོ་དགའ་ལྡན་ནས་འཕོ་བ། གཉིས་པ་ལྷུམས་སུ་ཞུགས་པ། གསུམ་པ་བལྟམས་པ། བཞི་པ་བཟོའི་གནས་ལ་མཁས་པ། ལྔ་པ་བཙུན་མོའི་འཁོར་གྱིས་རོལ་པ། དྲུག་པ་ངེས་པར་འབྱུང་བ། བདུན་པ་དཀའ་བ་སྤྱད་པ། བརྒྱད་པ་བྱང་ཆུབ་སྙིང་པོར་གཤེགས་པ། དགུ་པ་བདུད་སྡེ་བཅོམ་པ། བཅུ་པ་མངོན་པར་བྱང་ཆུབ་པ། བཅུ་གཅིག་པ་ཆོས་ཀྱི་འཁོར་ལོ་བསྐོར་བ། ཐ་མ་མྱ་ངན་ལས་འདས་པའི་མཛད་པ་སྟེ་བཅུ་གཉིས་སོ། །གཉིས་པ་བཀའི་བསྡུས་ཚུལ་ལ། དང་པོ་གཉིས་པ། གསུམ་པ་གསུམ། དེ་རེ་རེ་ལའང༌། དུས་དང་འདུས་པ་གནས་དང་ནི། །གསོལ་འདེབས་དངོས་པོ་སྦྱིན་བདག་དང༌། །དགོས་པ་བསལ་བྱ་བསྡུས་

― ZP02_Page_389 ―

^{[མ་དཔེ་གཟིགས་ན་འདིར་གནོན།]}

[Full Size]

ཚུལ་གཙོ། །རྣམ་པ་དགུར་ནི་མཁས་རྣམས་བཞེད། །ཅེས་སོ། །གསུམ་པ་བསྟན་བཅོས་ཇི་ལྟར་མཛད་པའི་ཚུལ་ལ། སློབ་དཔོན་གྱི་མཚན་ཉིད། བསྟན་བཅོས་ཀྱི་རང་བཞིན། ཇི་ལྟར་མཛད་པའི་ཚུལ་དང་གསུམ་ལས། དང་པོ་ལ་རབ་འབྲིང་ཐ་མ་གསུམ། གཉིས་པ་ལ་མཚན་ཉིད་གསུམ་དང་འཆོས་སྐྱོབས་ཀྱི་ཡོན་ཏན་གཉིས་དང་ལྡན་པ། གསུམ་པ་ལ་ཐེག་པ་ཆེ་ཆུང་གི་སློབ་དཔོན་སོ་སོས་མཛད་པ་རྣམས་སོ། །དོན་གཉིས་པ་འབྲས་བུ་གསང་སྔགས་ཀྱི་ཐེག་པ་བཤད་པ་ལ་གཉིས་ཏེ། གསར་མ་དང༌། རྙིང་མའོ། །དང་པོ་ལ་གསང་སྔགས་གསར་མའི་ལུགས་ལ་གསུམ་སྟེ། གསུང་པ་པོ་སྟོན་པའི་བྱོན་ཚུལ། དེས་གསུངས་པ་སྔགས་ཀྱི་རང་བཞིན། ཤེས་བྱེད་རྒྱུད་སྡེའི་རྣམ་གྲངས་སོ། །དང་པོ་ལའང་བྱ་སྤྱོད་རྣལ་འབྱོར་བླ་ན་མེད་པའི་འདོད་ཚུལ་བཞི། བླ་མེད་ལའང་འདོད་ཚུལ་མི་འདྲ་བ་གསུམ་མོ། །གཉིས་པ་དེས་གསུངས་པ་སྔགས་ཀྱི་རང་བཞིན་ལ། ཁྱད་པར་གྱི་འཕགས་ཚུལ། འབྲས་བུར་བཞག་ཚུལ། བཞིར་དབྱེ་ཚུལ་དང་གསུམ་མོ། །དང་པོ་ཁྱད་པར་འཕགས་ཚུལ་ལ། དོན་གཅིག་ན་ཡང་མ་རྨོངས་དང༌། །ཐབས་མང་དཀའ་བ་མེད་པ་དང༌། །དབང་པོ་རྣོན་པོའི་དབང་བྱས་ཏེ། །སྔགས་ཀྱི་ཐེག་པ་ཁྱད་པར་

― ZP02_Page_390 ―

^{[མ་དཔེ་གཟིགས་ན་འདིར་གནོན།]}

[Full Size]

འཕགས། །ཞེས་པ་ལྟར་བཞིའི། །དང་པོ་ལ། ཟབ་པ་དང་རྒྱ་ཆེ་བའི་གནས་ལ་མ་རྨོངས་པ་གཉིས་སོ། །གཉིས་པ་འབྲས་བུར་བཞག་ཚུལ་ལ་གསུམ། དུས་མྱུར་བ་ལ་ལྟོས་ནས། ཐབས་མཆོག་ཏུ་གྱུར་པས་ཀྱང༌། འབྲས་བུ་དང་འདྲ་བ་ལམ་དུ་བྱེད་པས་ཕྱིས་འབྲས་བུའི་ཐེག་པར་བཞག་པའོ། །གསུམ་པ་རྒྱུད་སྡེ་བཞིར་དབྱེ་ཚུལ་ངེས་པ་ལྔ་ལས། མི་རིགས་བཞི་ལ་དགོངས་ནས་ཀྱང༌། གང་ཟག་གིས་བློ་རིགས་བཞི་ལ་དགོངས་ནས་ཀྱང༌། །འོད་དང་བདུད་རྩི། རྫུ་འཕྲུལ་དང་ཚེ། དུས་ལ་ལྟོས་ནས་ཀྱང༌། སྦྱང་གཞི་འདོད་ཆགས་ཀྱི་འཇུག་ཚུལ་བཞི་སྦྱོང་བ་ལ་དགོངས་ནས་ཀྱང༌། ལྷ་བཞིའི་རྗེས་སུ་འཇུག་པ་ཕྱིན་ཅི་ལོག་བཞི་འདུལ་བ་ལ་དགོངས་ནས་ཀྱང་བཞིར་གསུངས་པའོ། །གསུམ་པ་ཤེས་བྱེད་རྒྱུད་སྡེའི་རྣམ་གྲངས་ལ། བྱ་སྤྱོད་རྣལ་འབྱོར་བླ་མེད་བཞི་ལས། བྱ་རྒྱུད་ལྟར་ན་སྤྱི་ལྟར་བཅིང་བ། བྱེ་བྲག་དུ་སྐུ་གསུང་ཐུགས་ལྟར་བཅིང་བ། བྱུང་ཚུལ་ལྟར་བཅིང་བའི་རྒྱུད་ཀྱི་དབྱེ་བ་རྣམས་སོ། །སྤྱོད་རྒྱུད་ལ་རྩ་རྒྱུད་དང་བཤད་རྒྱུད་ཀྱི་དབྱེ་བས་རྣལ་འབྱོར་གྱི་རྒྱུད་ལས། རྩ་རྒྱུད། བཤད་རྒྱུད། འཕྲོས་པ་ཆ་མཐུན་གྱི་རྒྱུད་དང་གསུམ། བླ་མེད་ལ། ཕ་རྒྱུད། མ་རྒྱུད་གཉིས་སོ། །དོན་

― ZP02_Page_391 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་གསང་སྔགས་རྙིང་མའི་རྣམ་པར་བཞག་པ་ལ་གསུམ་སྟེ། གསུང་བ་པོ་སྟོན་པའི་བྱོན་ཚུལ། དེས་གསུངས་པ་སྔགས་ཀྱི་རང་བཞིན། ཤེས་བྱེད་རྒྱུད་སྡེའི་རྣམ་གྲངས་སོ། །དང་པོ་གསུང་བ་པོ་སྟོན་པའི་བྱོན་ཚུལ་ལ། ཐུན་མོང་བ་ཁ་ཅིག་གི་འདོད་ཚུལ། ཐུན་མོང་མ་ཡིན་པ་ཁ་ཅིག་གི་འདོད་ཚུལ། སྟོན་པ་སྐུ་གསུམ་གྱི་རྣམ་བཞག་གོ །གཉིས་པ་དེས་གསུངས་པའི་སྔགས་ཀྱི་རང་བཞིན་ལ། གསུངས་ཚུལ་གསུམ་གྱི་དབྱེ་བ་སྤྱིར་དབྱེ་བ། རིམ་དགུ་ངེས་པས་བྱེ་བྲག་ཏུ་དབྱེ་བ། ཕྱི་ནང་བཤད་པས་འགགས་བསྡུ་བ་དང་གསུམ་ལས། དང་པོ་ལ་དབང་པོའི་རིམ་པ་དང་སྦྱར་ཏེ་གསུངས་པ། སྙིང་པོའི་དོན་རྣམས་བསྡུས་ཏེ་གསུངས་པ་དང༌། དུས་གསུམ་སྤྱི་དང་བྱེ་བྲག་གི་གཉེན་པོར་གསུངས་པ་དང་གསུམ་མོ། །གཉིས་པ་རིམ་དགུའི་ངེས་པས་བྱེ་བྲག་ཏུ་དབྱེ་བ་ལ། ཆུང་འབྲིང་ཆེ་གསུམ། རེ་རེ་ལའང་གསུམ་གསུམ་མོ། །གསུམ་པ་ཕྱི་ནང་བཤད་པས་འགགས་བསྡུ་བ་ལ། མདོར་བསྟན་པ་དང༌། རྒྱས་པར་བཤད་པ་གཉིས། མདོར་བསྟན་ལ་ཕྱི་རྒྱུད་གསུམ། ནང་རྒྱུད་གསུམ་དང་དྲུག །རྒྱས་བཤད་ལ་དྲུག་པོ་རེ་རེར་འང་གཞི་ལྟ་བ་གཏན་ལ་དབབ་ཚུལ་དང༌། ལམ་ཇི་ལྟར་ཉམས་སུ་བླང་ཚུལ་གྱི་དབྱེ་བ་གཉིས་རེ་རེའོ། །གསུམ་པ་ཤེས་བྱེད་རྒྱུད་སྡེའི་རྣམ་གྲང་དགོད་པ་ལ་དྲུག་ལས། ཀྲི་ཡ། ཨུ་པ། ཡོ་ག༌།མ་ཧཱ། ཨ་ནུ། ཨ་ཏི་དང་དྲུག་གོ །སྤྱི་དོན་གསུམ་པ་དེ་དག་ལ་བཤད་ཅིང་

― ZP02_Page_392 ―

^{[མ་དཔེ་གཟིགས་ན་འདིར་གནོན།]}

[Full Size]

ཉན་པའི་ཚུལ་ལ། བཤད་ཐབས་ཀྱི་ཚུལ་བསམ་པ། ཇི་ལྟར་བཤད་ཅིང་ཉན་པའི་ཚུལ། བཤད་ཅིང་ཉན་པའི་ཕན་ཡོན་བསྟན་པ་དང་གསུམ་ལས། དང་པོ་ལའང་སངས་རྒྱས་ཀྱི་ཆོས་གསུངས་པའི་ཚུལ། དགྲ་བཅོམ་པས་ཆོས་གསུངས་པའི་ཚུལ། པཎྜི་ཏས་ཆོས་གསུངས་པའི་ཚུལ་དང་གསུམ་ལས། དང་པོ་སངས་རྒྱས་ཀྱིས་ཆོ་འཕྲུལ་གསུམ་ལ་བརྟེན་ནས་འཆད། དགྲ་བཅོམ་པས་དག་པ་གསུམ་ལ་བརྟེན་ནས་འཆད། པཎྜི་ཏས་ཆོས་གསུངས་པའི་ཚུལ་ལ་གཉིས་ལས། དཔལ་ན་ལེན་དྲའི་པཎྜིཏས་འཆད་ཚུལ་དང༌། བཱི་ཀྲ་མ་ལ་ཤཱི་ལའི་པཎྜི་ཏས་འཆད་ཚུལ་གཉིས་ལས། དང་པོ་ལ་བཀའ་ཡིན་ན་ཕུན་སུམ་ཚོགས་པ་ལྔ་དང༌། བསྟན་བཅོས་ཡིན་ན་རྩིས་མགོ་ཡན་ལག་ལྔའི་སྒོ་ནས་འཆད། དང་པོ་བཀའ་ཐམས་ཅད་ཕུན་སུམ་ཚོགས་པ་ལྔའི་སྒོ་ནས་འཆད་པ་ལ། ལོངས་སྤྱོད་རྫོགས་པའི་ཞིང་དང༌། སྤྲུལ་པའི་གནས་ཀྱི་ཕུན་སུམ་ཚོགས་པ་ལྔ། ཆོས་འཁོར་གསུམ་ལ་ལྟོས་ནས་གསུམ་མོ། །རྩིས་མགོ་ཡན་ལག་ལྔ་ནི། མཛད་པ་པོ་གང་གིས་མཛད་པ། ལུང་གང་ནས་བཏུས་པ། ཕྱོགས་གང་དུ་གཏོགས་པ། དགོས་ཆེད་སུའི་དོན་དུ་མཛད་པ། དབུ་ཞབས་བསྡུས་པའི་དོན་དུ་བསྟན་པ་དང་ལྔའོ། །བཱི་ཀྲ་མ་ལ་ཤཱི་ལའི་གཙུག་

― ZP02_Page_393 ―

^{[མ་དཔེ་གཟིགས་ན་འདིར་གནོན།]}

[Full Size]

ལག་ཁང་ན་བཞུགས་པའི་པཎྜི་ཏས་ཆོས་གསུངས་པའི་ཚུལ་ལ། ཉན་པ་པོ་སྣོད་དུ་རུང་བར་བྱེད་པ་དང༌། བསྟན་པའི་རྣམ་བཞག་ངེས་པ་གཉིས་ཀྱིས་འཆད། ཉན་པ་པོ་སྣོད་རུང་དུ་བྱ་བའི་ཆོས་ལ། མཛད་པ་པོ་སློབ་དཔོན་གྱི་ཆེ་བ་དང༌། དེས་མཛད་པའི་ཆོས་ཀྱི་ཆེ་བ། ཆེ་བ་དེ་ལྟ་བུ་དང་ལྡན་པའི་ཆོས་དེ་བཤད་ཅིང་ཉན་པའི་ཚུལ་དང་གསུམ་མོ། །བསྟན་པའི་རྣམ་བཞག་ངེས་པ་ལ། དང་པོ་སྟོན་པས་འཁོར་ལོ་གསུམ་ཇི་ལྟར་གསུངས་པའི་ཚུལ། བར་དུ་དགྲ་བཅོམ་པ་རྣམས་ཀྱིས་ཇི་ལྟར་བསྡུས་པའི་ཚུལ། ཐ་མར་བསྟན་བཅོས་མཁན་པོ་རྣམས་ཀྱིས་བསྟན་བཅོས་ཇི་ལྟར་མཛད་པའི་ཚུལ་དང་གསུམ་གྱིས་འཆད་དེ་གོང་དུ་བཤད་པ་བཞིན་ནོ། །གཉིས་པ་ཇི་ལྟར་བཤད་ཅིང་ཉན་པའི་ཚུལ་ལ་གསུམ་སྟེ། འཆད་པ་པོ་སློབ་དཔོན་གྱི་རང་བཞིན། ཉན་པ་པོ་སློབ་མའི་རང་བཞིན། ཐུན་མོང་དུ་བྱ་བའི་རང་བཞིན་ནོ། །འཆད་པ་པོ་སློབ་དཔོན་གྱི་རང་བཞིན་ནི་ཡོན་ཏན་བཅུ་དང་ལྡན་པ། ཉན་པ་པོ་སློབ་མའི་རང་བཞིན་ནི། དད་འདུན་བརྩོན་འགྲུས་གསུམ་སོགས་ལྡན་པ་སྤྱི་དང༌། བྱེ་བྲག་ཏུ་སྣོད་ཀྱི་སྐྱོན་གསུམ་དྲི་མ་དྲུག་སྤངས་པ་ཀུན་སློང་ཁྱད་པར་ཅན་དང་ལྡན་པའོ། །གསུམ་པ་ཐུན་

― ZP02_Page_394 ―

^{[མ་དཔེ་གཟིགས་ན་འདིར་གནོན།]}

[Full Size]

མོང་དུ་བྱ་བའི་རང་བཞིན་ལ། སྦྱོར་དངོས་རྗེས་གསུམ་དང༌། དེ་ལྟར་བཤད་ཅིང་ཉན་པ་ལ་ཕར་ཕྱིན་དྲུག་ཚང་ཚུལ་ལོ། །གསུམ་པ་བཤད་ཅིང་ཉན་པའི་ཕན་ཡོན་བསྟན་པ་ལ། བཤད་པའི་ཕན་ཡོན་དྲུག་དང༌། ཉན་པའི་ཕན་ཡོན་བརྒྱད་ལ་སོགས་པའོ། །དེ་དག་གིས་ཆོས་བྱད་པའི་ཚུལ་སྤྱིར་བཤད་པ་གཏན་ལ་ཕབ་ནས། སྤྱི་དོན་གཉིས་པ་སྐབས་ཀྱི་དོན་བྱེ་བྲག་ཏུ་བཤད་པ་ལ་གཉིས་ཏེ། སྤྱི་ཆིངས་ལྔས་འབྲེལ་དགོད་པ་དང༌། དགོས་འབྲེལ་ཡན་ལག་བཞིའི་གཏན་ལ་དབབ་པར་བྱ་བའོ། །དང་པོ་ལ། རྣམ་བཤད་རིག་པ་ལས། མདོ་དོན་སྨྲ་བར་འདོད་རྣམས་ལ། །མན་ངག་ཅུང་ཞིག་སྦྱིན་པར་བྱ། །དེ་ལ་མན་ངག་འདི་ཡིན་ཏེ། །དགོས་པ་བསྡུས་པའི་དོན་བཅས་དང༌། །བརྒལ་ལན་བཅས་དང་མཚམས་སྦྱོར་བཅས། །ཚིག་དོན་བཅས་ཏེ་བསྙད་པར་བྱ། །ཞེས་པ་ལྟར་ལྔའོ། །གཉིས་པ་དགོས་འབྲེལ་ཡན་ལག་བཞིས་གཏན་ལ་དབབ་པ་ལ་གསུམ་སྟེ། སྤྱིར་ངག་ཙམ་ལ་ཡོད་པའི་དགོས་འབྲེལ་ཡན་ལག་བཞི་དཔེར་དགོང༌། དགོས་འབྲེལ་ངག་ལ་ཡོད་པའི་དགོས་འབྲེལ་ཡན་ལག་བཞིས་བསྟན་ལ་བཅོས་ལ་འཇུག་པའི་རྒྱུ་བརྗོད། བསྟན་བཅོས་ལུས་ལ་ཡོད་པའི་དགོས་འབྲེལ་ཡན་ལག་བཞིས་གཞི་

― ZP02_Page_395 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་འབྲས་བུའི་དོན་གཏན་ལ་དབབ་པའོ། །སྤྱི་དོན་གཉིས་པ་བཤད་བྱ་གཞུང་གི་དོན་དངོས་རྒྱ་ཆེར་བསྟན་པའི་ས་བཅད་ནི་གཞན་དུ་ཤེས་སོ། །འདི་དག་གི་ཚེ་དོན་གྱི་འབྲེལ་དགོད་པ་རྣམས་སྦལ་པའི་འཕར་སྟངས་དང༌། ཚིག་གི་འབྲུ་གཞོམ་པ་རུས་སྦལ་གྱི་ནུར་འགྲོས་དང༌། སྐབས་ཀྱིས་དོན་བསྡུས་པ་གླང་ཆེན་གྱི་འགྱིང་ལྟ་བུ་དང་གསུམ་གྱིས་བཅིངས་ནས་བཤད་པ་ནི་འཆད་པའི་མན་ངག་མེ་ཏོག་གི་ཕྲེང་བ་ལྟ་བུ་སྦྱིན་པའོ། །དེ་ལྟར་བཤད་ཐབས་ཡན་ལག་ངེས་པའི་དོན། །ཟབ་ཅིང་རྒྱ་ཆེ་དོན་གསལ་ཡིད་དུ་འོང༌། །ཐེག་མཆོག་དམ་པ་རབ་ཏུ་མཛེས་བྱེད་པ། །མེ་ཏོག་ཕྲེང་བ་མ་རྙིང་གསལ་བར་སྤེལ། །དགེ་བ་འདི་ཡིས་བདག་དང་འགྲོ་བ་ཀུན། །དམ་ཆོས་རིན་ཆེན་ཤིང་རྟ་མཆོག་ཞུགས་ཏེ། །འཁོར་བའི་མྱ་ངན་ཐང་ལས་རབ་བརྒལ་ནས། །ཐར་པའི་གྲོང་དུ་དགའ་སྟོན་འཕེལ་བར་ཤོག །བདེ་གཤེགས་བསྟན་པ་དར་ཞིང་རྒྱས་པར་ཤོག །བཤེས་གཉེན་མཆོག་རྣམས་སྐུ་ཚེ་རིང་བར་ཤོག །དམ་ཆོས་མཆོག་འདིས་གཞན་དོན་མཐའ་ཡས་ཤོག །ཕྱོགས་དུས་ཀུན་ཏུ་བཀྲ་ཤིས་བདེ་ལེགས་ཤོག །ཅེས་གསང་བ་ཡི་གེ་དྲུག་པའི་དགའ་ཚལ་དུ་གཞུང་ལས་བཏུས་ཏེ་དཀོད་པའི་ཡི་གེ་པ་ནི་སྡོམ་བརྩོན་རིག་འཛིན་རྒྱ་མཚོའོ། །དགེའོ།

― ZP02_Page_396 ―

^{[མ་དཔེ་གཟིགས་ན་འདིར་གནོན།]}

[Full Size]

གང་གི་རང་བཞིན་སྤྲོས་པ་ཀུན་བྲལ་གཉུག་མའི་གཤིས། །སྤངས་དང་རྟོགས་པའི་ཡོན་ཏན་ཆ་རྫོགས་ལམ་མཐར་ཕྱིན། །མཁྱེན་བརྩེའི་ཉི་མ་གདུལ་བྱའི་དཔྱིད་གྱུར་ཐུགས་རྗེའི་བདག །ཐུབ་པ་བདུད་བཞིའི་གཡུལ་ལས་རྒྱལ་དེས་རིང་དུ་སྐྱོངས། །རྒྱལ་བསྟན་རིན་ཆེན་ལུང་དང་རྟོགས་པའི་མཛོད། །གང་ཐུགས་དཔལ་བེར་ཡོངས་སུ་འཁྱིལ་པ་ལས། །བཤད་དང་སྒྲུབ་པའི་རླབས་ཕྲེང་ཆེར་གཡོ་བས། །སྲིད་ཞིའི་ལེགས་ལམ་སྤེལ་མཛད་བླ་མར་འདུད། །ཡིད་འོང་སྨོན་པ་གཅིག་གིས་ཕྱོགས་དུས་ཀྱི། །རྒྱལ་བའི་སྲས་སུ་བསྐྱེད་པའི་དེ་མ་ཐག །གཞན་ཕན་ཁུར་ཆེན་མཐའ་ཡས་འགྲོ་མང་གི །ཐར་ལམ་སྒྲོན་མེར་ངེས་དེ་དམ་པའི་གཤིས། །གང་གི་ཐུགས་བསྐྱེད་ལྷག་བསམ་སྟོན་ཟླ་ལྟར། །དཀར་བ་ཁོ་ན་སྲིད་པའི་ཚྭ་གདུང་གིས། །དུབ་པའི་ལུས་ཅན་སྙིང་ལ་བསིལ་སྦྱིན་པའི། །སེམས་མཆོག་ག་བུར་ཐིག་པ་འབུམ་དུ་འཛགས། །ཡིད་འོང་རྒྱལ་སྲས་སྤྱོད་པ་རྨད་བྱུང་གིས། །ཚེ་རབས་ཕྲེང་བར་སྦྱང་བའི་ལེགས་མཛད་གསེར། །རྣམ་དཔྱོད་བི་ཤྭ་ཀརྨས་བརྡར་བའི་རྒྱན། །ཐུབ་བསྟན་མཛེས་པའི་རྒྱན་གཅིག་ཁོ་ནར་ངེས། །བསྐལ་མང་བསླབ་གསུམ་དཀའ་ཐུབ་་བཟུང་བཟུང་བས། །ལུང་རྟོགས་གངས་་

― ZP02_Page_397 ―

^{[མ་དཔེ་གཟིགས་ན་འདིར་གནོན།]}

[Full Size]

རིའི་སྲས་མོ་འཁྱུད་འཁྱུད་དེས། །བདེ་ཆེན་སྙིང་པོའི་ཉམས་བརྒྱ་རྒྱས་རྒྱས་པའི། །སྔོན་མེད་བདེ་འབྱུང་དབང་པོར་ངེས་མིན་ནམ། །ཐུགས་བསྐྱེད་རལ་ཚོགས་སྡུག་པོར་འཛིང་པའི་ཁྱོན། །རྒྱལ་བསྟན་གངྒཱའི་ལྷ་མོ་རོལ་གནས་སུ། །སྔོན་མེད་བྱེད་པོས་བྱས་སམ་རྡུལ་སྙེད་ཀྱི། །རྒྱལ་བའི་ཕྲིན་ལས་མཛད་པ་ཆ་མ་འཚལ། །རྒྱལ་བསྟན་ལང་ཚོ་གསར་བའི་སྐེད་མེད་ལ། །ཉམས་ལེན་རོལ་སྒེག་ངོམ་པ་སྔོན་མང་ཡང༌། །སྙིགས་མའི་རྒུད་པས་བགྲེས་པ་ད་ལྟའི་དུས། །བཤད་སྒྲུབ་རྩེ་དགའ་སྦྱིན་པ་མགོན་ཁྱོད་ཙམ། །འཇིག་རྟེན་སངས་རྒྱས་བྱོན་ཞིང་གྲགས་སྙན་རྔ། །ལྡིར་བའི་དོན་འབྲས་གཞི་གསུམ་ཕྱག་བཞེས་ཀྱི། །འབྲེལ་བའི་བསླབ་པ་གསུམ་ལྡན་འདུས་སྡེ་ཙམ། །ལྷ་མའི་མཆོད་སྡོང་བསྐྲུན་ལས་གཞན་ཡོད་མིན། །ཆོས་འདུལ་མེ་ཏོག་སྐྱེད་ཚལ་གསར་པའི་གཟི། །མ་རྙིང་ཡུལ་དང་དུས་ཀྱི་མཐར་བསྐྱེད་པའི། །བསྟན་པའི་བཞུགས་སུ་བྱོན་པའི་སངས་རྒྱས་ཞིག །སྲིད་ན་མགོན་པོ་འདི་ལས་གཞན་སུ་ཞིག །སྦས་ཚུལ་སྔགས་སྤྱོད་ཟབ་མོའི་ཉམས་ལེན་གྱིས། །རང་རྒྱུད་ལྐོག་ཏུ་འདུལ་བ་ཡོད་མཆི་ཡང༌། །བསླབ་གསུམ་འབྲས་བཟང་དར་བའི་དཔག་བསམ་ཤིང༌། །སྙིགས་འགྲོའི་བགོ་སྐལ་བསྐྱེད་

― ZP02_Page_398 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དཀའ་བའི་གནས། །སྔོན་བྱོན་དམ་པའི་མིང་དང་རིགས་རུས་ཀྱི། །དབང་བསྐུར་གསེར་རྒྱན་འཛིན་པའི་ཆེ་འགྱིང་འགྲོས། །ངོམས་ཡང་རྨོངས་པའི་ཤ་ཚུགས་མ་བཏང་ཕལ། །ལོག་འཚོའི་སྣ་ཞག་སྐྱོང་དང་འདི་མི་འདྲ། །དམ་པའི་ཚུལ་དགུས་བཤེས་པའི་མཛད་བཟང་གསེར། །བསླང་མེད་རང་ཚུགས་བཟང་པོ་དེས་བསྔགས་ལས། །སྔོན་བྱོན་སྐྱེས་རབ་ཕྲེང་བའི་ལེགས་བྱས་ཀྱི། །ངོ་བསྟོད་ལྷན་པ་འདེབས་པ་གཅམ་བུ་ཙམ། །དང་པོ་བཤེས་གཉེན་མཆོག་བརྟེན་ཐོས་པ་བཙལ། །བར་དུ་ཐོས་དོན་བསམ་དང་བསམ་དོན་སྒོམ། །ཐ་མ་གྲུབ་འབྲས་བསྟན་འགྲོའི་དཔལ་གྱུར་པའི། །ལམ་དེ་དམ་པ་མཆོག་འདིའི་རྣམ་ཐར་ཡིན། །དེ་ཕྱིར་ཐོས་པ་རྒྱ་མཚོའི་མཛོད་བསགས་པའི། །དམ་པའི་རྣམ་ཐར་ཇི་ལྟར་བསྐྱང་པའི་ཚུལ། །རྗེས་འཇུག་ཆོས་ཀྱི་ཁུངས་དང་སྐལ་བཟང་གཞན། །ཡི་རང་དད་སྤྲོའི་ཕུལ་དུ་སྤྲོ་བར་འོས། །མཁས་གྲུབ་གདེང་ཅན་རོལ་གནས་དམ་ཆོས་མཛོད། །ཐོས་བརྩོན་རྔ་ཡབ་རྩེ་མོའི་མ་བླང་སྟེ། །སྙོམས་ལས་གཉིད་དུ་ཡུར་བའི་སྐལ་དམན་ཅན། །བདག་དང་བདག་འདྲ་འགྱོད་དང་ངོ་ཚའི་གསོས། །དེ་ལྟ་ནའང་དད་གསུམ་མེ་ཏོག་ཕྲེང༌། །སྤྱི་བོའི་རྒྱན་དུ་འཛིན་པའི་རྣམ་དཔྱོད་བཅས།

― ZP02_Page_399 ―

^{[མ་དཔེ་གཟིགས་ན་འདིར་གནོན།]}

[Full Size]

བཀའ་གཏེར་ཆོས་ཚུལ་རྒྱ་མཚོ་འཐུང་བའི་ཧུབ། །བགྲངས་པའི་ངལ་བ་དོན་ཡོད་ཡིན་པར་ངེས། །ཞེས་ཤིས་བརྗོད་ཕྱག་བྱ་དངོས་པོ་ངེས་པར་བསྟན་པའི་ཚིག་གིས་བརྗོད་པའི་ལམ་ཡངས་པོར་བྱས་ནས་འདིར་གང་གླེང་པར་བྱ་བ་ནི། སྤྱིར་གངས་རིའི་ཕྲེང་བས་བསྐོར་བའི་ལྗོངས་འདིར་ཆོས་ཀྱི་རྒྱལ་པོ་མེས་དཔོན་གསུམ་དང་མཁན་སློབ་ཉི་ཟླ་ཟུང་གཅིག་ལ་སོགས་བསྟན་པའི་གསལ་བྱེད་ཆེན་པོ་རིམ་པར་བྱོན་པ་དག་གིས་བཀའ་དྲིན་ལས། རྒྱལ་བསྟན་རིན་པོ་ཆེ་ལུང་དང་རྟོགས་པའི་བདག་ཉིད་ཅན་སྐྱེ་དགུའི་བསོད་ནམས་ཀྱི་ཞིང་དུ་མངོན་པར་འབར་ཞིང་བཞུགས་པ་ལ། སྔོན་གྱི་དུས་སུ་ཐོས་བསམ་སྒོམ་པའི་ནན་ཏན་དར་དྲག་པའི་སྒོ་ནས་རྒྱལ་བསྟན་མ་ཚང་བ་མེད་པ་རང་རྒྱུད་ལ་འཛིན་པའི་མཛད་པ་བཟང་པོས་རྒྱལ་བ་དགྱེས་པའི་ལམ་མཆོག་མངོན་དུ་མཛད་པ་དུ་མ་ཞིག་བྱོན་པ་ཡིན་མོད་ཀྱང༌། སྙིགས་མ་ལས་ཀྱང་ཆེས་སྙིགས་མར་གྱུར་པ་དེང་སང་གི་དུས་འདིར་རྒྱལ་བའི་བསྟན་པ་ཅི་ཡིན་ཙམ་ཡང་མི་ཤེས་པའི་བསྟན་འཛིན་དུ་རློམ་པ་མང་དག་ཅིག །འདུན་ཕུག་ཚེ་འདིའི་ཆེད་དུ་གཏད་དེ་ཕྱོགས་ཞེན་ཆགས་སྡང་གི་འཁོར་ལོ་དལ་མེད་དུ་བསྐོར་བས། བཤད་སྒྲུབ་འཁོར་ལོ་གཉིས་ཀྱི་མཛད་

― ZP02_Page_400 ―

^{[མ་དཔེ་གཟིགས་ན་འདིར་གནོན།]}

[Full Size]

བཟང་མིང་གི་ལྷག་མ་ཙམ་དུ་གྱུར་པའི་སྐབས་སུ་རིང་ནས་གོམས་པའི་ཐུགས་བསྐྱེད་ཀྱི་མཛད་བཟང་དུས་སུ་སྨིན་ཏེ་ཐོག་མཐའ་བར་གྱི་མཛད་པ་མཐའ་དག་སྔོན་བྱོན་དམ་པའི་རྣམ་ཐར་གྱི་རྗེས་སུ་སྙེགས་ངེས་པའི་སྒོ་ནས་རྒྱལ་བསྟན་རིན་པོ་ཆེ་འབའ་ཞིག་ཐུགས་ལ་བཅིང་བའི་རྣམ་དཔྱོད་ཁྱད་པར་འཕགས་པ། རྒྱལ་བའི་སྲས་པོ་གཞན་ཕན་མཐའ་ཡས་ཞེས་གྲགས་པའི་གསུམ་ལྡན་རྡོ་རྗེ་འཛིན་པ་ཆེན་པོ་དེ་ཉིད་ཀྱིས་གསར་རྙིང་བཀའ་གཏེར་གྱི་ཆོས་ཚུལ་དུ་མ་ཞིག་ལ་གསན་བསམ་ཇི་ལྟར་མཛད་པའི་རྣམ་ཐར་གསན་ཡིག་གི་ཚུལ་དུ་འགོད་པ་ལ། བསྟན་པར་འཇུག་པའི་སྒོ་སོ་བྱང་གི་སྡོམ་རྒྱུན། ཞུགས་ནས་ཐོས་བསམ་བྱ་བ་མདོ་སྔགས་ཀྱི་གཞུང་ལུགས་དང་གཉིས། དང་པོ་སོ་ཐར་གྱི་སྡོམ་རྒྱུན་ནི་མཁན་རིན་པོ་པདྨ་བཀྲ་ཤིས་དཔལ་བཟང་པོ་དེའི་རུ་དམ་ཨོ་རྒྱན་བསམ་གཏན་ཆོས་གླིང་གི་གཙུག་ལག་ཁང་དུ་ལས་སློབ་དང་གསང་སྟོན་སོགས་དད་པའི་དགེ་འདུན་གྲངས་ངེས་དང་བཅས་ཡོངས་སུ་རྫོགས་པ་དགེ་སློང་གི་དངོས་པོར་བསྒྲུབ་སྟེ་ཐུབ་བསྟན་པདྨ་རྒྱས་པའི་ཉིན་བྱེད་དཔལ་བཟང་པོ་ཞེས་མཚན་གྱི་ཅོད་པཎ་དཔྱད་པར་མཛད་དོ། །གཉིས་པ་བྱང་སེམས་ཀྱི་སྡོམ་རྒྱུན་ལ་ཟབ་མོ་ལྟ་བ། རྒྱ་ཆེན་སྤྱོད་པ། ཟབ་ཅིང་རྒྱ་ཆེའི་བརྒྱུད་པ་དང་གསུམ་

― ZP02_Page_401 ―

^{[མ་དཔེ་གཟིགས་ན་འདིར་གནོན།]}

[Full Size]

ལས། དང་པོ་ནི་སོགས། རིག་འཛིན་གཏེར་བདག་གླིང་པ་དེའི་སྲས་འགྱུར་མེད་འོད་གསལ་སོགས། བྱང་སེམས་ཀུན་བཟང་གཞན་ཕན། རྗེ་དེ་ཉིད་ཀྱིས་བྱང་ཆུབ་སེམས་ཀྱི་བརྒྱུད་པ་འཛིན་པའི་སློབ་མའི་མཆོག་ཏུ་གསུང་གིས་དབུགས་དབྱུང་ཞིང་གཞན་ཕན་མཐའ་ཡས་འོད་ཟེར་དུ་མཚན་གྱི་མངའ་གསོལ་བར་མཛད་དོ། །ཡང་ན་སོགས། བྱང་སེམས་པདྨ་མངྒ་རྗེ་དེ་ཉིད་ཀྱིས་རྒྱལ་སྲས་གཞན་ཕན་མཐའ་ཡས་ལའོ། །གཉིས་པ་ཞུགས་ནས་ཐོས་བསམ་བྱ་བ་མདོ་སྔགས་ཀྱི་གཞུང་ལུགས་ལ། རྒྱུ་མཚན་ཉིད་ཀྱི་ཐིག་པ་འབྲས་བུ་སྔགས་ཀྱི་ཐེག་པ་དེ་དག་ཀུན་གྱི་རྩ་བར་གྱུར་པ་ཐུབ་པ་ཆེན་པོའི་བཀའ་འགྱུར་རོ་ཅོག་དང་གསུམ། དང་པོ་རྒྱུ་མཚན་ཉིད་ཀྱི་ཐེག་པ་ལ་རྒྱ་གར་མཁས་པའི་བསྟན་བཅོས་དུ་མ་ཞིག་བཞུགས་པ་ལས་ད་ལྟ་ལུང་རྒྱུན་ཡོད་པ་ཕལ་མོ་ཆེ་ཞིག་གསན་པ་ལས། མཚན་ཐོ་དང་བརྒྱུད་པ་གཉིས་ལས། དང་པོ་ནི། སོགས། །དགེའོ། །

― ZP02_Page_402 ―

^{[མ་དཔེ་གཟིགས་ན་འདིར་གནོན།]}

[Full Size]

― ZP02_Page_403 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་དང་དབྱེར་མ་མཆིས་པའི་རྡོ་རྗེ་འཛིན་པའི་ཚོགས་རྣམས་ལ་ཕྱག་འཚལ་ཞིང་སྐྱབས་སུ་མཆིའོ། །བྱིན་གྱིས་རླབས་པར་མཛད་དུ་གསོལ། །དེ་ལ་འདིར་སྨོན་ལམ་ཐམས་ཅད་ཀྱི་རྒྱལ་པོ་རྡོ་རྗེའི་ཚིག་གི་རྒྱ་མདུད་འདི་འཆད་པ་ལ། བསྔོ་བའི་དབང་པོ་གསོལ་བ། བསྔོ་རྒྱུའི་དགེ་རྩ་བསྟན་པ་བསྔོ་བ་དངོས་བཤད་པ་དང་གསུམ་ལས་དང་པོ་ནི། ཧྲཱི་བླ་མ་ཡི་དམ༴ གཉིས་པ་ནི། དེང་འདིར་བརྩོན༴ གསུམ་པ་བསྔོ་བ་དངོས་ལ། རང་དོན་དུ་འབྲས་བུ་དང༌། ལམ་གྱི་ཆེད་དུ་བསྔོ་བ། གཞན་དོན་དུ་བསྟན་པ་དང་འགྲོ་བའི་ཆེད་དུ་བསྔོ་བ་གཉིས་ལས། དང་པོ་ལ་མཐར་ཐུག་འབྲས་བུའི་ཆེད་དུ་བསྔོ་བ་དང༌། གནས་སྐབས་ལམ་གྱི་ཆེད་དུ་བསྔོ་བ་གཉིས་ལས། དང་པོ་ནི། བླ་མེད་བྱང་ཆུབ༴ གཉིས་པ་གནས་སྐབས་ལམ་གྱི་ཆེད་དུ་བསྔོ་བ་ལ། ལམ་གྱི་རྟེན་ལུས་ཕུན་སུམ་ཚོགས་པར་སྨོན་པ་དང༌། ལམ་དངོས་ཉམས་སུ་ལེན་པར་སྨོན་པ་དང༌། ལམ་གྱི་བྱེད་ལས་འགྲུབ་པར་སྨོན་པ་དང༌། ལམ་གྱི་མཐུན་རྐྱེན་ཚང་བར་སྨོན་པ་སྟེ་བཞི་ལས། དང་པོ་ནི། དེ་ནས་བྱང་ཆུབ༴ གཉིས་པ་ལ་ལམ་སྤྱིའི་ཆེད་དུ་སྨོན་པ་དང༌། ལམ་བྱེ་བྲག་གི་ཆེད་དུ་སྨོན་པ་གཉིས་ལས། དང་པོ་ནི། དབང་གིས་སྨིན་ཅིང༌། གཉིས་པ་ལ། རྒྱུད་སྒྱུ་འཕྲུལ་

― ZP02_Page_404 ―

^{[མ་དཔེ་གཟིགས་ན་འདིར་གནོན།]}

[Full Size]

དྲ་བའི་ཉམས་ལེན་ལ་སྨོན་པ། ལུང་ན་རག་དོང་སྤྲུག་གི་ཉམས་ལེན་ལ་སྨོན་པ། མན་ངག་རྫོགས་པ་ཆེན་པོའི་ཉམས་ལེན་ལ་སྨོན་པ་དང་གསུམ། དང་པོ་ལ་བཞི་སྟེ་སྣང་བ་སྐུའི་དཀྱིལ་འཁོར། ཅིར་སྣང་༴ སྒྲར་གྲགས་གསུང་གི་དཀྱིལ་འཁོར་གྲགས་པ༴ དྲན་རྟོག་ཐུགས་ཀྱི༴ སེམས་ཀྱི༴ ཐམས་ཅད་བདེ་ཆེན་གྱི་རོལ་བ༴ བདེ་ཆེན༴ གཉིས་པ་ལའང་བཞི་སྟེ། སྒྲིབ་པ་ཡེ་དག་གི་བཤགས་པ། ཉམས་ཆགས༴ ཡོན་ཏན་ཡེ་ལྡན་གྱི་བསྐང་བ། ཕྱི་ནང༌། རྒྱུད་ཉོན་མོངས་རང་གྲོལ། གང་ཤར། འབྲས་བུ་ངན་སོང་དོང་སྤྲུགས་ངན་སོང༌། གསུམ་པ་ལའང་བཞི་སྟེ། ཐིག་ལེ་རང་གནས་ཀྱི་ལྟ་བ་ཐིག་ལེ། བསྲུང་དུ་མེད་པའི་དམ་ཚིག །དམ་ཚིག །འདུ་འབྲལ་མེད་པའི་ཉམས་ལེན། ཁྱབ་བརྡལ། སྤངས་ཐོབ་མེད་པའི་འབྲས་བུ། རྫོགས་པ། གསུམ་པ་ལམ་གྱི་བྱེད་ལས་འགྲུབ་པར་སྨོན་པ་ནི། བརྒྱུད་པ༴ བཞི་པ་ལམ་གྱི་མཐུན་རྐྱེན་ཚང་བར་སྨོན་པ་ནི། ཞི་ཁྲོ༴༌།གཉིས་པ་བསྟན་པ་དང་འགྲོ་བའི་ཆེད་དུ་སྨོན་པ་དང་བསྔོ་བ་ནི། རྒྱལ་བའི་བསྟན་པ་སོགས། །དགེའོ། །དཔལ་སྤྲུལ་མཛད་པའོ།། །།

― ZP02_Page_405 ―

^{[མ་དཔེ་གཟིགས་ན་འདིར་གནོན།]}

[Full Size]

མཁས་གྲུབ་ཀརྨ་ཆགས་མེད་ཀྱིས་མཛད་པའི་རྣམ་དག་བདེ་ཆེན་ཞིང་གི་སྨོན་ལམ་འདི་ལ་དོན་གསུམ་སྟེ། མདོ་ལས་གསུངས་པ་ལྟར། བདེ་བ་ཅན་དུ་སྐྱེ་བའི་རྒྱུ་བཞི་ལ་སྨོན་པ། མཚན་བཟུང་བའི་བྱིན་རླབས་ཚེ་འདིར་འབྱུང་བར་གསོལ་བ་འདེབས་པ། སྨོན་ལམ་འགྲུབ་པའི་རྒྱུ་བདེན་ཚིག་གཟུངས་སྔགས་དང་བཅས་བརྗོད་པའོ། །དང་པོ་ལ་བཞི། ཞིང་ཁམས་ཀྱི་བཀོད་པ་ཡང་ཡང་ཡིད་ལ་བྱེད་པ། དགེ་བའི་རྩ་བ་དཔག་ཏུ་མེད་པ་སྒོ་དུ་མ་ནས་བསགས་པ། བྱང་ཆུབ་མཆོག་ཏུ་སེམས་བསྐྱེད་པ་དང༌། དགེ་བའི་རྩ་བ་དེ་རྣམས་བདེ་བ་ཅན་དུ་སྐྱེ་བའི་རྒྱུར་བསྔོ་ཞིང་སྨོན་ལམ་འདེབས་པའོ། །དང་པོ་ནི། ཨེ་མ་ཧོ་ནས། སེར་ལྟེམ་མེ། རྒྱུ་གཉིས་པ་ལ་ཕྱག་འཚལ་བ། མཆོད་པ་འབུལ་བ། སྡིག་པ་བཤགས་པ། རྗེས་སུ་ཡི་རང་བ། ཆོས་འཁོར་བསྐོར་བར་བསྐུལ་བ། མྱ་ངན་ལས་མི་འདའ་བར་གསོལ་བ་འདེབས་པའོ། །དང་པོ་ཕྱག་འཚལ་བ་ལ། ཀུན་སློང་གི་ཁྱད་པར། མཚན་གྱི་རྣམ་གྲངས་ཀྱི་སྒོ་ནས་ཕྱག་འཚལ་བ། མཚན་ཐོས་པའི་ཕན་ཡོན་གྱི་སྒོ་ནས་ཕྱག་འཚལ་བ་དང་གསུམ་ལས། དང་པོ་ནི། མོས་གུས་ཕྱག་ལ་སོགས། གཉིས་པ་ལ། ཆོས་སྐུ་འོད་དཔག་མེད། ཀུན་མཁྱེན་འོད་དཔག་མེད་

― ZP02_Page_406 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲེན་པ་འོད་དཔག་མེད། རྒྱལ་བ་ཚེ་དཔག་མེད་དང་བཞིའོ། །གསུམ་པ་ལ་གསུམ། དང་པོ་མཚན་ཐོས་ནས་ཐལ་མོ་སྦྱར་བའི་ཕན་ཡོན། སྟོང་གསུམ། བྱང་ཆུབ་ལས་ཕྱིར་མི་ལྡོག་པའི་གང་ཞིག །ཕན་ཡོན་གཞན་གསུམ་ཐོབ་པ། སངས་རྒྱས། གཉིས་པ་མཆོད་པ་ལ། དངོས་འབྱོར། བདག་གི །ཡིད་སྤྲུལ། ཡིད་སྤྲུལ་བཀྲ་ཤིས། གདོད་ནས་གྲུབ་པའི་མཆོད་པ། གདོད་ནས་གྲུབ་པ། གསུམ་པ་བཤགས་པ་ལ། སྟོབས་བཞི་ལས། དང་པོ་གཉེན་པོའི་སྟོབས། ཉེས་པའི་རྣམ་གྲངས་བརྗོད་ནས་བཤགས་པ་ལ། ཀུན་སློང་དང་དུས་ཀྱི་ཁྱད་པར། རྣམ་གྲངས་བརྗོད་པ་དངོས་སོ། །དང་པོ་ནི། ཕ་མས། རྣམ་གྲངས་བརྗོད་པ་དངོས་ལ། ངོ་ཤེས་པ་དང་མི་ཤེས་པའི་ཁ་ན་མ་ཐོ་བ་གཉིས་སོ། །རེ་རེ་ལ་རང་བཞིན་དང༌། བཅས་པ་གཉིས་ཏེ་བཞི་ལས། དང་པོ་རང་བཞིན་གྱི་ཉེས་པ། ངོ་ཤེས་པ་ལ་གཉིས། མི་དགེ་བ་བཅུ་སྤྱིར་བཤགས་པ་དང༌། ཉེས་པ་ལྕི་བ་རྣམས་བྱེ་བྲག་ཏུ་བཤགས་པའོ། །དང་པོ་ལ་གསུམ། ལུས་ཀྱི་ལས་གསུམ། སྲོག་གཅོད། ངག་གི་ལས་བཞི། རྫུན་དང༌། ཡིད་ཀྱི་ལས་གསུམ། བརྣབས་སེམས། གཉིས་པ་ལ་ལྔ། དང་པོ། མཚམས་མེད་པ་ལྔའམ། གཉིས་པ་དེ་དང་ཉེ་བ་ལྔ། དགེ་སློང༌།

― ZP02_Page_407 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་པ་ཆོས་སྤངས་ལ། དཀོན་མཆོག །བཞི་པ་བྱང་སེམས་ལ་སྐུར་བ་འདེབས་པ། ཁམས་གསུམ། ལྔ་པ་ལོག་ལྟ་ལ། དགེ་བའི། གཉིས་པ་བཅས་ལྟུང་ངོ་ཤེས་པ་ལ་གསུམ། དང་པོ་སོ་ཐར་གྱི་བསླབ་པ། ཕམ་པ། གཉིས་པ་བྱང་སེམས་ཀྱི་བསླབ་པ། ནག་པོའི། གསུམ་པ་གསང་སྔགས་ཀྱི་བསླབ་པ། རྩ་ལྟུང༌། གསུམ་པ་ངོ་མ་ཤེས་པའི་རང་བཞིན་གྱི་ཉེས་པ། མི་ཚངས། བཞི་པ་ངོ་མ་ཤེས་པའི་བཅས་ལྟུང༌། སྐྱབས་སྡོམ། གཉིས་པ་རྣམ་པར་སུན་འབྱིན་པའི་སྟོབས། འགྱོད་པ། གསུམ་པ་སོར་ཆུད་པའི་སྟོབས། ཕྱིན་ཆད། བཞི་པ་རྟེན་གྱི་སྟོབས། བདེར་གཤེགས། བཞི་པ་རྗེས་སུ་ཡི་རང་བ་ལ་གཉིས། དང་པོ་ཕན་ཡོན་དྲན་པ། གཞན་གྱི། གཉིས་པ་ཡི་རང་དངོས་ལ་གསུམ་དང་པོ། སྐྱེ་འཕགས་དགེ་བ་སྤྱི་ལ་ཡི་རང་བ། དེ་ཕྱིར། གཉིས་པ་ཐེག་ཆེན་གྱི་དགེ་བ་ལ་ཡི་རང་བ། བླ་མེད། གསུམ་པ་ཐུན་མོང་གི་དགེ་བཅུ་ལ་ཡི་རང་བ། གཞན་གྱིས། ལྔ་པ་ཆོས་འཁོར་བསྐོར་བར་བསྐུལ་བ། ཕྱོགས་བཅུའི། དྲུག་པ་མྱ་ངན་ལས་མི་འདའ་བར་གསོལ་བ་འདེབས་པ། སངས་རྒྱས། རྒྱུ་གསུམ་པ་བྱང་ཆུབ་མཆོག་ཏུ་དགེ་བ་བསྔོ་བ་དང་ཆབ་

― ZP02_Page_408 ―

^{[མ་དཔེ་གཟིགས་ན་འདིར་གནོན།]}

[Full Size]

གཅིག་སྟོན་ཏེ། དེ་ལ་གཉིས། མཐར་ཐུག་བྱང་ཆུབ་ཏུ་སྨོན་པ། འདིས་མཚོན། གནས་སྐབས་རྒྱལ་སྲས་ཀྱི་སྤྱོད་པ་ལ་སྨོན་པ། དེ་ཡིས། དེ་ལྟར་རྒྱུ་དང་པོ་གསུམ་སོང་ནས་དགེ་བའི་རྩ་བ་དེ་རྣམས། བདེ་བ་ཅན་དུ་སྐྱེ་བའི་རྒྱུར་བསྔོ་ཞིང་སྨོན་ལམ་འདེབས་པ་ལ་གསུམ། ཚེ་འདིར་འོད་དཔག་མེད་མཇལ་བའི་དབང་དུ་བྱས་པའི་སྨོན་ལམ། ཤི་འཕོས་ནས་བདེ་བ་ཅན་དུ་སྐྱེ་བའི་དབང་དུ་བྱས་པའི་སྨོན་ལམ། ཞིང་ཁམས་ཀྱི་བཀོད་པ་ཡིད་ལ་བྱས་ནས་སྨོན་ལམ་འདེབས་པ་དང་གསུམ་གྱི་དང་པོ། བདག་དང་བདག་ལ་ནས་བཟུང༌། ལམ་སྟོན་ལམ་སྣ་འདྲེན་པར་བཅས་པའི་བར། གཉིས་པ་ཤི་འཕོས་ནས་བདེ་བ་ཅན་དུ་སྐྱེ་བའི་སྨོན་ལམ་ལ་གཉིས། དང་པོ་ཁམས་གསུམ་འཁོར་བའི་ཞེན་ཆགས་བཅད་པ་ནི། ངན་སོང་སྡུག་བསྔལ་ནས། ཕྱི་ལྟས་མེད་པར་འབྲོས་པར་ཤོག །གཉིས་པ་བདེ་བ་ཅན་དུ་སྐྱེ་ཚུལ་གྱི་དབང་དུ་བྱས་པའི་སྨོན་ལམ་ནི། ཆགས་ཞེན་འཁྲི་བ་ནས། ཐོག་པ་མེད་པར་ཤོག །རྩ་བའི་ས་བཅད་གསུམ་པ། ཞིང་ཁམས་བཀོད་པ་ཡིད་ལ་བྱེད་པའི་སྨོན་ལམ་ལ། དང་པོ་ཞིང་ཁམས་སྤྱི་ཡི་ཡོན་ཏན་ཡིད་ལ་བྱེད་པའི་སྨོན་ལམ། སངས་རྒྱས་བྱེ་བ་ཁྲག་ཁྲིག་སོགས། གཉིས་པ་ས་གཞིའི་ཡོན་ཏན་ཡིད་ལ་བྱེད་པའི་སྨོན་ལམ། རིན་ཆེན་

― ZP02_Page_409 ―

^{[མ་དཔེ་གཟིགས་ན་འདིར་གནོན།]}

[Full Size]

ས་གཞི། གསུམ་པ་ཤིང་གི་ཡོན་ཏན། རིན་ཆེན་དུ་མ། བཞི་པ་ཆུ་དང་པདྨའི་ཡོན་ཏན། སྤོས་ཆུའི་ཆུ་ཀླུང༌། ལྔ་པ་བཅུད་ཀྱི་ཡོན་ཏན་ཡིད་ལ་བྱེད་པའི་སྨོན་ལམ་ནི། མི་ཁོམ་བརྒྱད་ནས་བཟུང༌། ཞིང་དེར་སྐྱེ་བར་ཤོག །བདུན་པ་ཞིང་གི་གཙོ་བོའི་ཡོན་ཏན། ཞིང་དེར་རྫོགས་པའི་སངས་རྒྱས་སོགས། གཉིས་པ་མཚན་བཟུང་བའི་བྱིན་རླབས་ཚེ་འདིར་འབྱུང་བར་གསོལ་བ་འདེབས་པ། ཆོས་སྐུ་སྣང་བ་མཐའ་ཡས་སོགས། གསུམ་པ་ལ་གཉིས། དང་པོ། བདེན་ཚིག་བརྗོད་པ། སངས་རྒྱས། གཉིས་པ་གཟུངས་སྔགས་ལ་གཉིས། དང་པོ་སྨོན་ལམ་གྲུབ་པའི་གཟུངས། ཏདྱ་ཐཱ། གཉིས་པ་ཕྱག་གི་འགྱུར་སྔགས། ན་མོ་མཉྫུ་ཤྲི་ཡེ། དེ་ལྟར་བདེ་བ་ཅན་གྱི་སྨོན་ལམ་ས་བཅད་ཅུང་ཟད་རྒྱས་པར་བྱས་པ་འདི་ཡང༌། འཇིགས་མེད་འོད་ཟེར་གྱིས་བསྐུལ་བ་མ་ལྡོག་པར་་དགེ་ཚུལ་དགེ་བའི་འབྱུང་གནས་ཀྱིས་དཀར་ཆུང་རྒོད་ཚང་གི་རི་ཁྲོད་དུ་སྦྱར་བའི་ཡི་གེ་པ་ནི་མཁྱེན་དཔྱོད་རྣམ་པར་ཡངས་པ་ཐུབ་བསྟན་ལུང་རྟོགས་འཕེལ་རྒྱས་དཔལ་བཟང་པོས་བགྱིས་པ་འདིས་ཀྱང༌། འགྲོ་ཀུན་བདེ་བ་ཅན་དུ་སྐྱེ་བའི་རྒྱུར་གྱུར་ཅིག །མངྒ་ལཾ། །

གཞི་བཅུ་བདུན་གྱི་ཟིན་བྲིས།

― ZP02_Page_411 ―

^{[མ་དཔེ་གཟིགས་ན་འདིར་གནོན།]}

[Full Size]

གཞི་བཅུ་བདུན་གྱི་ཟིན་བྲིས་བཞུགས་སོ། །

― ZP02_Page_412 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་མ་ཧཱ་མུ་ན་ཡེ། ཐུགས་རྗེ་མཆོག་གི་སྤྲིན་དཀར་གཡོ་བ་ལས། །ཆོས་འདུལ་རྒྱ་ཆེན་སྙིང་པོའི་གྲུ་ཆར་གྱིས། །རིང་ནས་ཐ་བའི་རྒྱུད་མཁྲེགས་རླན་མཛད་པ། །ཐུབ་དབང་སྲས་བཅས་སྤྱི་བོའི་གཙུག་གིས་མཆོད། །གང་ཞིག་སྲིད་བདེས་འཕྲལ་སྣང་མེའོ་བ་ལྟར། །མཐོང་ནས་ཤིན་ཏུ་ཞི་བའི་ལམ་གཉེར་ཏེ། །ལེགས་གསུང་ཁྲིམས་ཀྱི་རང་རྒྱུད་སྡོམ་བགྱིད་ལ། །བཅུ་བདུན་བླང་བྱའི་རྣམ་གྲངས་བསྡུས་ཏེ་གླེང༌། །ཞེས་བརྗོད་ནས་སོ་སོར་ཐར་བའི་བསླབ་པའི་གནས་དག་ལས་བླང་བར་བྱ་བའི་བསླབ་བྱ་གཞི་བཅུ་བདུན་གྱི་དབྱེ་བ་ཅུང་ཟད་ཟིན་ཐོར་དགོད་པ་ལ་དང་པོ་སྡོམ་ནི། རབ་

― ZP02_Page_413 ―

^{[མ་དཔེ་གཟིགས་ན་འདིར་གནོན།]}

[Full Size]

བྱུང་གསོ་སྤྱོའི་གཞི་དང་ནི། །དགགས་དབྱེ་དབྱར་དང་ཀོ་ལྤགས་གཞི། །སྨོན་དང་གོས་དང་སྲ་བརྐྱང་དང༌། །ཀཽ་ཤཱམ་བཱི་དང་ལས་ཀྱི་གཞི། །དམར་སེར་ཅན་དང་གང་ཟག་དང༌། །སྤོ་དང་གསོ་སྦྱོང་བཞག་པ་དང༌། །གནས་མལ་དང་ནི་རྩོད་པ་དང༌། །དགེ་འདུན་དབྱེན་རྣམས་བསྡུས་པ་ཡིན། །ཞེས་པ་སྟེ་དང་པོ། །རབ་བྱུང་གི་གཞི་ནི། སྡོམ་པ་མ་ཐོབ་པ་ཐོབ་པར་བྱེད་པའི་ཆོ་ག་དག་སྟེ། དེ་ཡང་འཇིག་རྟེན་ན་ཡང་དག་པར་རྫོགས་པའི་སངས་རྒྱས་་ཐུབ་པ་མཁན་པོ་དང་སློབ་དཔོན་ལ་བརྟེན་པ་མེད་པར་རང་བྱུང་དུ་བསྙེན་པར་རྫོགས་ནས་མངོན་པར་བྱང་ཆུབ་པའི་གོ་འཕང་

― ZP02_Page_414 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་ན་མེད་པ་བརྙེས་ཏེ་ཝ་ར་ཎ་སིར་འཁོར་ལྔ་སྡེ་བཟང་པོ་ལྷ་བརྒྱད་ཁྲི་དང་བཅས་པ་ལ་བདེན་པ་བཞི་བཟླས་ཏེ་བསྟན་པས་ཆོས་ཀྱི་འཁོར་ལོ་ཐོག་མར་བསྐོར་བའི་ཚེ་ཀུན་ཤེས་ཀཽཎྜི་ཎ་ལ་སོགས་འཁོར་ལྔ་སྡེ་རྣམས་ཆོས་ཀྱི་མིག་དྲི་མ་མེད་པ་ཐོབ་ནས་ཡེ་ཤེས་ཁོང་དུ་ཆུད་པའི་དགེ་སློང་དུ་གྱུར་ལ། དེས་ཚེ་ཉེ་བའི་ལྔ་སྡེ་དང༌། གྲོང་པའི་ཁྱེའུ་ལྔ་བཅུ་དང༌། རལ་པ་ཅན་སྟོང་ལ་སོགས་པ་ཡང་རབ་ཏུ་བྱུང་སྟེ་བྲམ་ཟེའི་ཁྱེའུ་ཉེ་རྒྱལ་དང་པང་ན་སྐྱེས་གཉིས་ཀྱང་ཚུར་ཤོག་གི་རབ་ཏུ་འབྱིན་པར་མཛད་ཅིང་དགེ་སློང་དག་གི་དྲུང་དུ་རབ་ཏུ་འབྱུང་བར་འོང་བ་དག་ཀྱང་བཅོམ་ལྡན་འདས་ཀྱི་སྤྱན་སྔར་ཁྲིད་དེ་ཚུར་ཤོག་གི་རབ་བྱུང་གནང་བ་སྟེ་དེ་ཡང༌། དེ་བཞིན་གཤེགས་པས་ཚུར་ཤོག་བཀའ་སྩལ་པས། སྐྲ་བྱི་སྣམ་སྦྱར་གྱོན་པའི་ལུས་ལྡན་ཞིང༌། །མོད་ལ་དབང་པོ་རབ་ཞིར་གནས་གྱུར་ཏེ། །སངས་རྒྱས་དགོངས་པའི་ལུས་གཟུགས་བཀབ་པར་གྱུར། །ཞེས་པ་ལྟར་ཡིན་ལ་རེ་ཞིག་གི་ཚེ་དགེ་སློང་ཞིག་གི་གན་དུ་རབ་ཏུ་འབྱུང་བར་འདོད་པ་ཞིག་འོང་བ་ན། བཅོམ་ལྡན་འདས་ཀྱི་སྤྱན་སྔར་དགེ་སློང་དེས་ཁྲིད་དེ་འོང་བས་ལམ་ནས་ཤི་བ་དེའི་དགེ་སློང་གི་དངོས་པོར་གྱུར་བའི་བར་ཆད་དུ་འགྱུར་བའི་སྐབས་དེ་

― ZP02_Page_415 ―

^{[མ་དཔེ་གཟིགས་ན་འདིར་གནོན།]}

[Full Size]

དགོངས་ནས་གསོལ་བཞིའི་ལས་ཀྱིས་ཅིག་ཆར་རབ་ཏུ་འབྱུང་བ་གནང་སྟེ། དེ་ཡང་དགེ་འདུན་ཐམས་ཅད་འདུས་ནས་རབ་ཏུ་འབྱུང་བར་འདོད་པ་དེས་རྒན་རིམ་ལ་ཕྱག་འཚལ་ཏེ་ཐལ་མོ་སྦྱར་ནས་ཙོག་ཙོག་པོར་འདུག་སྟེ་རབ་ཏུ་འབྱུང་བ་དང་བསྙེན་པར་རྫོགས་པར་གསོལ། དེའི་འོག་ཏུ་དགེ་སློང་གཅིག་གིས་གསོལ་བ་དང་ལས་སུ་བྱ་བ་ལན་གསུམ་གྱི་རབ་ཏུ་བྱུང་བ་ཡིན་ལ་དེའི་ཚེ་དེ་ལྟར་རབ་ཏུ་བྱུང་བ་དག་མཁན་པོ་དང་སློབ་དཔོན་མེད་པའི་མ་བསྡམ་པར་གྲོང་ཏུ་རྒྱུ་བ་མཐོང་ནས་མུ་སྟེག་ཅན་དག་འཕྱ་བར་བྱེད་པ་ལས་བཅོམ་ལྡན་འདས་ཀྱིས་མཁན་པོ་དང་སློབ་དཔོན་ལ་བརྟེན་ཏེ་རབ་ཏུ་བྱུང་བའི་ཚུལ་གནང་སྟེ་དེ་དག་ནི་ད་ལྟའི་འདུལ་བའི་ལས་ཆོག་དག་ལས་ཇི་ལྟར་བཤད་པ་བཞིན་རབ་ཏུ་བྱུང་ནས་མཁན་པོ་དེའི་དྲུང་དུ་ཉེ་བར་གནས་ནས་བསླབ་པའི་གཞི་མཐའ་དག་ལ་ཡོངས་སུ་སྦྱངས་བར་བྱ་བ་ཡིན་ཏེ་དེ་ལྟ་བུས་མཁན་པོ་ཡང་རབ་ཏུ་འབྱུང་ནས་ལོ་བཅུ་ལོན་པ། ཚུལ་ཁྲིམས་དང་ཐོས་པ་དང་ལྡན་པ། སྡེ་སྣོད་གསུམ་ལ་མཁས་ཤིང་གཞན་རྗེས་སུ་འཛིན་པ་ལ་མཁས་པ་དག་ཡིན་ཞིང་གང་རབ་ཏུ་འབྱུང་བའང་བར་ཆད་ཀྱི་ཆོས་ཐམས་ཅད་ལས་གྲོལ་ཞིང་མཁན་པོའི་ཅི་གསུང་བསྒྲུབ་པའོ།། །།

གསོ་སྦྱོངས།

― ZP02_Page_416 ―

^{[མ་དཔེ་གཟིགས་ན་འདིར་གནོན།]}

[Full Size]

༈ གསོ་སྦྱོངས་ནི། བསླབ་པ་ཡོངས་སྦྱོང་གི་གཞི་གསུམ་གྱི་ནང་ཚན་དུ་གྱུར་པ་སྟེ་རྒྱལ་པོའི་ཁབ་འོད་མའི་ཚལ་དུ་དགེ་བསྙེན་མང་པོའི་ཞུས་པ་ལ་གནང༌། དེ་ལའང་ཞི་གནས་དང་མཐུན་པའི་གསོ་སྦྱོངས་གཉིས་ལས་དང་པོ་ནི། དགེ་སློང་སྤོངས་པའི་ཞལ་ཏ་བ་བསྐོས་ཏེ་དེ་ཉིད་ཀྱི་གཎྜིའི་སྒྲས་སྤོངས་པ་ལས་སློང་བ་དང་གཙུག་ལག་ཁང་བྱི་དོར་བྱེད་པ་ལ་སོགས་པ་དང་བཅས་པའི་དགེ་སློང་རྣམས་སྤོངས་ཁང་དུ་འདོད་ཆགས་ཀྱི་གཉེན་པོར་མི་གཙང་བ་བསྒོམ་པ་ལ་སོགས་དང་ཞི་གནས་ཀྱི་ཏིང་ངེ་འཛིན་སྒྲུབ་པའོ། །གཉིས་པ་ལའང༌། བཅུ་བཞི་པ་དང༌། བཅོ་ལྔ་པ་དང༌། བཀྲ་ཤིས་པའི། གནོད་པ་དབྱུང་བའི། བསྡུམ་པའི་གསོ་སྦྱོངས་དང་ལྔའོ། །དང་པོ་གཉིས་ནི་དུས་ནམ་དུ་ཡང་ཟླ་བ་ཕྱེད་ཕྱེད་ནས་དགེ་འདུན་ཀྱི་གསོ་སྦྱོངས་བྱེད་པ་སྟེ་བཅོ་ལྔ་པ་གསུམ་རེའི་མཚམས་སུ་བཅུ་བཞི་པ་རེ་རེ་སྟེ་རེས་མོས་སུ་འབྱུང་ངོ༌། །གསུམ་པ་ནི་དགའ་སྟོན་དང་རབ་གནས་ལྟ་བུའི་ཚེ་དང༌། བཞི་པ་ནི་བསྟན་པ་ལ་གནོད་པ་སུན་འབྱིན་པ་དང༌། ལྔ་པ་ནི་དགེ་འདུན་གྱི་དབྱེན་བྱུང་བའི་ཚེ་ནའོ། །གང་ལྟར་ཡང་གསོལ་བ་དང་གཉིས་ཀྱི་ལས་ཀྱིས་གནས་ལ་བློ་མཐུན་པ་དང༌།

― ZP02_Page_417 ―

^{[མ་དཔེ་གཟིགས་ན་འདིར་གནོན།]}

[Full Size]

མཚམས་གཅད་པ་དང་བཅས་པའི་དགེ་སློང་སོགས་དགེ་འདུན་འདུས་ཏེ་གསོ་སྦྱོངས་སྔ་མ་ཚུན་དུ་རང་ལ་ལྟུང་བ་བྱུང་བ་གང་དྲན་དགེ་སློང་སུ་ཡང་རུང་བ་ལ་ཆོས་བཞིན་དུ་བཤགས་ཤིང་ལྟུང་བ་མ་དག་པ་དང་ཡིད་གཉིས་ཟ་བར་གྱུར་ན་དགེ་སློང་སྡེ་སྣོད་འཛིན་པ་ལ་དྲིས་ནས་ཕྱིར་བཅོས་བྱ་བ་རྣམས་གྲུབ་ནས། གསོལ་བཞི་སྔོན་དུ་འགྲོ་བའི་དགེ་སློང་གནས་བརྟན་གྱིས་སོ་སོར་ཐར་བའི་མདོ་འདོན་པ་ལ་སོགས་པའོ།། །།

དགགས་དབྱེ།

༈ དགགས་དབྱེ་ནི། གླེང་གཞི་མཉན་ཡོད་དུ་ལྗོངས་ཞིག་དུ་དབྱར་གནས་པའི་དགེ་སློང་མང་པོ་ལ་བརྟེན་ཏེ་བཅས་སོ། །དེ་ནི་དབྱར་གནས་ཚར་ནས་བྱ་བ་སྟེ་གཙུག་ལག་ཁང་ཕྱག་དར་དང་ཆག་ཆག་བྱ་བ་སོགས་དང་ཉི་མ་འདི་སྙེད་ནས་དགེ་འདུན་གྱི་དགགས་དབྱེ་བྱེད་པར་འགྱུར་རོ་ཞེས་སྤྱོད་ཡུལ་གྱི་གྲོང་དུ་གོ་བར་བྱ་བ་སྔོན་དུ་སོང་ནས། དགགས་དབྱེ་བྱེད་པའི་དགེ་སློང་བསྐོ་སྟེ་དེ་དང་པོ་རང་ཉིད་ལ་སྤྲོ་བ་དྲི་དེ་ནས་གསོལ་བ་དར་གཉིས་ཀྱི་ལས་ཀྱིས་བསྐོ་བར་བྱ་ཞིང་བསྐོས་པའི་དགེ་སློང་གིས་འཇགས་མ་བྲིམ་པ་བྱས་ནས་དགེ་སློང་གནས་བརྟན་གྱིས་དགེ་འདུན་གྱི་དགགས་དབྱེ་བྱེད་པར་གསོལ་བ་འབའ་ཞིག་པ་དང་དེ་ནས་

― ZP02_Page_418 ―

^{[མ་དཔེ་གཟིགས་ན་འདིར་གནོན།]}

[Full Size]

རང་ཉིད་ཀྱི་མཐོང་ཐོས་དོགས་གསུམ་གྱི་དགགས་དབྱེ་བརྗོད་ཅིང་གཞོན་རིམ་ཀྱི་མཐའི་བར་དུ་བྱ་དེ་ནས་དགགས་དབྱེ་བྱེད་པའི་དགེ་སློང་རང་གིས་བྱ། དེ་ནས་དགེ་སློང་མ་དང་དགེ་སློང་མ་དགེ་ཚུལ་ཕ་མའི་བར་གྱི་དགགས་དབྱེ་གྲུབ་ནས་དགགས་དབྱེ་བྱེད་པའི་དགེ་སློང་གིས་དགེ་འདུན་གྱི་དགགས་དབྱེ་མཛད་ལགས་སོ། །ཞེས་བརྗོད་ཅིང་ཐམས་ཅད་ཀྱིས་དགགས་དབྱེ་ལེགས་པར་མཛད་ཟིན་ཏོ་སོགས་བརྗོད། ལྟུང་བ་དྲན་ན་ཆོས་བཞིན་ཕྱིར་བཅོས་བྱ་བ་རྣམས་ཏེ་དབྱར་གྱི་ཚེ་དེར་བྱུང་བའི་འགལ་ལྟུང་ཕྱིར་བཅོས་པའི་བྱ་བ་སྟེ་དེ་གྲུབ་འཕྲལ་དབྱར་གྱི་རྙེད་པ་རྣམས་ལེགས་པར་བགོ་བར་བྱེད་པ་སོགས་སོ།། །།

དབྱར་གནས།

༈ དབྱར་གནས་ནི། མཉན་ཡོད་དུ་དགེ་སློང་རྣམས་དབྱར་ལྗོངས་རྒྱུ་བ་ལ་ཕྱི་རོལ་བ་རྣམས་འཕྱ་བ་བསལ་བའི་ཕྱིར་བཅས་ཏེ། དེ་ནི་དབྱར་ཟླ་འབྲིང་པོའི་ཚེས་བཅོ་ལྔ་ལ་གཙུག་ལག་ཁང་ཆག་ཆག་བྱ་བ་ལ་སོགས་སྔོན་དུ་སོང་ནས་གསོལ་བ་དང་གཉིས་ཀྱི་ལས་ཀྱིས་དགེ་སློང་གནས་མལ་གྱི་ཞལ་ཏ་བ་བསྐོས་ཏེ་དེས་ཚུལ་ཤིང་བྲིམ་ནས་གནས་མལ་སྟོབ་པ་དང་ཟླ་བ་ཕྱེད་ཅིང་གནས་མལ་ལ་བརྟགས་པར་བྱ་བ་དང་དགེ་འདུན་ཚོགས་ནས་སྦྱིན་བདག་ཞལ་ཏ་བ་སྤྱོད་

― ZP02_Page_419 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུལ་གྱི་གྲོང་སོགས་ཀྱང་གོ་བར་བྱ་ཞིང་དགེ་སློང་རྣམས་ཀྱང་ན་བའི་གཡོག་དང་ཆོས་སོགས་ཀྱི་སྐྱབས་ཡོད་པར་ཤེས་ན་དབྱར་གནས་པར་དམ་བཅའོ། །དེ་དམ་བཅས་ནས་དགོས་པ་ཆེན་པོའི་ཕྱིར་ཞག་བདུན་བྱིན་གྱིས་རླབས་ཏེ་འགྲོ་བ་ཙམ་མ་གཏོགས་པ་མཚམས་གྱི་ཕྱི་རོལ་དུ་ཡང་མི་འགྲོ་བས་གནས་པར་བྱ་བ་སོགས་སོ།། །།

[Full Size]

ཁས་བླང་བ་དང༌། མངོན་སུམ་དུ་གྱུར་བ་བྱེད་ནས་དེ་ནས་གསོལ་བ་དང་བཞིའི་ལས་ཀྱིས་བསྡིག་པའི་ལས་བྱས་ནས། དེས་རབ་ཏུ་དབྱུང་བར་མི་བྱ། བསྙེན་པར་རྫོགས་པར་མི་བྱ། གནས་མི་སྦྱིན། དགེ་ཚུལ་གཞགས་པར་མི་བྱ། དགེ་སློང་མ་ལ་གདམ་པར་མི་བྱ། དགེ་སློང་གཞན་ལ་ཚུལ་ཁྲིམས་ཉམས་པ་དང༌། ལྟ་བ་དང་སྤྱོད་པ་དང༌། འཚོ་བ་རྣམས་ཉམས་པ་གླེང་བར་མི་བྱ། དྲན་པར་མི་བྱ། གདམས་ངག་སྦྱིན་པར་མི་བྱ། གསོ་སྦྱོངས་མ་ཡིན། དགགས་དབྱེ་མ་ཡིན། གསོལ་བ་དང་གཉིས་པ་དང༌། གསོལ་བ་དང་བཞིའི་ལས་ཀྱང་མི་བྱའོ། །དེ་འགྱོད་པས་ཕྱིས་ནས་བསླང་བར་གསོལ་ཞིང་ཉེས་པ་དེ་དག་གཏོང་ན་ནི་དགེ་འདུན་གྱི་གསོལ་བཞིའི་ལས་ཀྱིས་བསླང་བར་བྱའོ། །དེ་བཞིན་དུ་དགེ་འདུན་ལྷག་མའི་ལྟུང་བ་བྱུང་ཞིང་དེ་སྤོ་བ་སོགས་བགྱིས་ཀྱང་ཡང་ནས་ཡང་དུ་ལྷག་མའི་ལྟུང་བ་འབྱིན་པ་ནི་སྨད་པའི་ལས་བྱའོ། །དགེ་སློང་ཁྱིམ་པ་སུན་འབྱིན་པའི་ལས་དག་བྱེད་པ་ནི་བསྐྲད་པའི་ལས་བྱའོ། །ཁྱིམ་བདག་ལ་བརྙས་ཐབས་བྱེད་པ་ནི་ཕྱིར་འགྱེད་པའི་ལས་སོ། །ལྟུང་བ་བྱུང་བ་མ་མཐོང་ངོ་ཞེས་སྨྲ་བ་དང་སྡིག་པའི་ལྟ་བར་

― ZP02_Page_426 ―

^{[མ་དཔེ་གཟིགས་ན་འདིར་གནོན།]}

[Full Size]

སོང་བ་ནི་གནས་ནས་དབྱུང་བའི་ལས་བྱའོ། །དགེ་འདུན་ལྷག་མའི་ལྟུང་བ་བྱུང་ནས་བཅབ་བར་བྱེད་པ་ནི་ཟླ་བ་ཕྱེད་ཀྱི་སྤོ་བ་སྦྱིན་པ་སྟེ་དེ་དག་ཀྱང་གླེང་བ་སོགས་དང༌། གསོལ་བཞིའི་ལས་དང་ཕྱིས་བསླང་བ་སོགས་ཆོ་ག་འདྲ་སྟེ་ཁྱིམ་བདག་ལ་བརྙས་ཐབ་བྱེད་པ་ནི་ཕྱིས་ཁྱིམ་བདག་ལ་བཟོད་པར་གསོལ་དུ་གཞུག་གོ། །།

གང་ཟག་གི་གཞི།

༈ གང་ཟག་གི་གཞི་ནི། འཆར་ཀ་ལ་སོགས་མང་པོ་ལ་བརྟེན་ནས་བཅས་ཏེ་དེ་ཡང་དགེ་འདུན་ལྷག་མའི་ལྟུང་བ་བྱུང་ནས་ཟླ་བ་ཕྱེད་བཅབ་པ་ལ་ནི་ཟླ་བ་ཕྱེད་ཀྱི་སྤོ་བ་སྦྱིན་པ་དང༌། མ་བཅབ་པ་དེ་ལ་ཞག་དྲུག་གི་མགུ་བར་བྱ་བ་སྦྱིན་པ་དང༌། ཡང་གང་ཟག་གང་ཞིག་ལྷག་མའི་ལྟུང་བ་གཉིས་བྱུང་བ་དེ་གཉིས་སུ་མ་ཤེས་ཏེ་ཟླ་བ་གཉིས་ལོན་ནས་ཤེས་པ་དང༌། ཟླ་བ་གཉིས་བཅབ་ཏེ་གཅིག་ནི་དགེ་སློང་རྣམས་ལ་སྨྲས། གཅིག་ནི་མ་སྨྲས་པ་དང་དགེ་འདུན་གྱི་དེར་ཟླ་བ་གཉིས་ཀྱི་སྤོ་བ་བྱིན་ཏེ། དེ་སྤོ་བ་བགྱིད་བཞིན་པ་ལས་དེས་དགེ་འདུན་གྱི་ནང་དུ་མ་སྨྲས་པའི་ལྟུང་བ་གང་ཡིན་པ་དེ་ཡང་ཤེས་ན་དེ་ལ་ཡང་ཟླ་བ་གཉིས་ཀྱི་སྤོ་བ་སྦྱིན་ནོ། །དེ་བཞིན་དུ་ཟླ་བ་གཅིག་ཏུ་བཅབ་པ་ལ་ནི་ཟླ་བ་གཅིག་གི་སྤོ་བ་སྦྱིན་ནོ། །དེ་ལ་བསླབ་པ་ཉམས་པ་ཕྱིར་བཅོས་ཀྱི་རྣམ་གྲངས་མི་འདྲ་བ་མང་པོ་ཞིག་གོ།

སྤོ་བའི་གཞི།

― ZP02_Page_427 ―

^{[མ་དཔེ་གཟིགས་ན་འདིར་གནོན།]}

[Full Size]

༈ སྤོ་བའི་གཞི་ནི། དགེ་སློང་གང་ཞིག་དགེ་འདུན་ལྷག་མའི་ལྟུང་བ་རྣམས་ཕྱིར་བཅོས་ཀྱི་ཆོ་ག་སྟེ་མཉན་ཡོད་དུ་དགེ་སློང་མང་པོ་ལྷག་མའི་ལྟུང་བ་བྱུང་བས་འགྱོད་དེ་བབས་པ་ལ་བརྟེན་ནས་བཅས་ཏེ་དེ་ཡང་ལྷག་མའི་ལྟུང་བ་བྱུང་ནས་ཟླ་བ་ཕྱེད་བཅབ་ན་ཟླ་ཕྱེད་ཀྱི་སྤོ་བ་སྦྱིན་པ་དང༌། ཟླ་བ་གཅིག་བཅབ་ན་ཟླ་བ་གཅིག་གི་སྤོ་བ་སྦྱིན་པ་དང༌། མ་བཅབ་ན་ཞག་དྲུག་གི་མགུ་བ་སྦྱིན་པ་སོགས་གསང་སྔགས་ཀྱི་གཞིར་ཤེས་པར་བྱས་ནས་སྤོ་བ་དངོས་ནི་འདི་ལྟར་དགེ་སློང་གི་དགེ་འདུན་ཡོངས་སུ་དག་པ་བཞི་ཡན་ཆད་ཀྱི་ཚོགས་བསྡུས་ནས་དེའི་དྲུང་དུ་དང་པོ་རང་ཉིད་ཀྱི་སྤོ་བསྩལ་བར་གསོལ། དེ་ནས་དགེ་སློང་གཞན་ཞིག་གིས་གསོལ་བཞིའི་ལས་ཀྱིས་སྤོ་བའི་ཆོ་ག་བྱ་སྟེ་དེ་ལྟར་བྱིན་པའི་དགེ་སློང་དེས་ཀྱང་དགེ་སློང་གཞན་གྱི་ཕྱག་དང་ལྡང་བ་ལ་སོགས་ཞེས་བདག་གིར་མི་བྱ། སྟན་གཅིག་ཏུ་འདུག་པ་དང༌། དགེ་སློང་གཞན་གྱི་སྟན་དང་མཉམས་པ་ལ་ཡང་མི་འདུག་སྟེ། སྟན་དམའ་བར་འདུག་པ་དང༌། བསོད་སྙོམས་ཀྱི་ཕྱིར་གཞན་ཀྱི་ཁྱིམ་དུ་མི་འགྲོ་ཞིང་འགྲོ་ན་ཡང་ཕྱི་བཞིན་འབྲང་བའི་དགེ་སྦྱོང་གི་ཚུལ་དུ་བྱའོ། །དེས་གཞན་རབ་ཏུ་བྱུང་བ་ལ་སོགས་ཀྱང་མི་བྱ་གཞན་གྱི་སྐྱོན་

― ZP02_Page_428 ―

^{[མ་དཔེ་གཟིགས་ན་འདིར་གནོན།]}

[Full Size]

གླེང་བར་མི་བྱ་ཅི་ནས་ཀྱང་དགེ་སློང་གཞན་རྣམས་ལ་ཞེ་ས་དང་བཀུར་སྟི་དང་རིམ་གྲོ་དང་མངག་གཞུགས་སོགས་ཅི་ལྟར་འཚམ་པ་བྱེད་ཅིང་གནས་པའོ།། །།

གསོ་སྦྱོངས་གཞག་པའི་གཞི།

༈ གསོ་སྦྱོངས་གཞག་པའི་གཞི་ནི། གང་ན་དགེ་སློང་གི་དགེ་འདུན་ཡོངས་སུ་དག་ནས་དགེ་འདུན་གྱི་གནས་བརྟན་གྱིས་སོ་སོར་ཐར་པའི་མདོ་འདོན་པར་བྱ་བ་ལས་དེས་དགེ་སློང་གི་འཁོར་མ་དག་པ་མཐོང་ན་དེ་ལ་ལྐོག་ཏུ་གླེང་བར་བྱ་ཞིང་མི་དྲན་ནོ་ཟེར་ན་དྲན་པར་བྱ་ཞིང་དྲན་ནས་ཆོས་བཞིན་དུ་ཕྱིར་བཅོས་བགྱིད་ན་ལེགས་པར་གསོ་སྦྱོངས་བྱ་ཞིང་གལ་ཏེ་ཁྲོ་བར་བགྱིད་ན་དེ་ལ་སྐབས་འབྱེད་དུ་བཅུག་འོན་ཀྱང་གཞན་དུ་སྒྱུར་བར་བྱེད་ན་མི་སྨྲ་བར་གཞུག་གོ །དེས་ཀྱང་མ་བཏུབ་ན་གསོ་སྦྱོངས་དང་དགགས་དབྱེ་གཞག་པར་བྱའོ། །དེ་ཡང་ཚུལ་ཁྲིམས་དང་ལྟ་བ་ཉམས་པ་དང༌། བསླབ་པ་སྤོང་བ་ལ་སོགས་པའི་ཉེས་པ་དགེ་སློང་དེར་ཡོད་བཞིན་དུ་དེ་གླེང་བ་ན་ཁྲོ་བ་དང༌། གཞན་དུ་སྒྱུར་བ་ལ་སོགས་བྱེད་ནས་གསོ་སྦྱོངས་གཞག་པ་བྱས་ན་ནི་ཆོས་བཞིན་དུ་གསོ་སྦྱོངས་གཞག་པ་བྱས་པ་ཡིན་གྱི་དགེ་སློང་དེ་ཉེས་པ་བྱས་པ་མེད་བཞིན་དུ་གླེང་ཞིང་གསོ་སྦྱོངས་གཞག་པ་བྱས་ན་ནི་ཆོས་མ་ཡིན་པར་གསོ་སྦྱོངས་གཞག་པ་བྱས་པ་ཡིན་ནོ།། །།

གནས་མལ་གྱི་གཞི།

༈ གནས་མལ་གྱི་གཞི་ནི། ཝཱ་རཱ་ཎ་སཱིར་ལྔ་སྡེ་ལ་ཁྱིམ་བདག་དགེ་བཟང་ཀྱི་ཆེད་དུ་གནང་སྟེ། དེ་ཡང་དགེ་འདུན་གྱི་གཙུག་

― ZP02_Page_429 ―

^{[མ་དཔེ་གཟིགས་ན་འདིར་གནོན།]}

[Full Size]

ལག་བརྩིགས་པ་སྟེ། དེ་ཡང་དབུས་སུ་དྲི་གཙང་ཁང་དང༌། དེའི་གཡས་གཡོན་དུ་གནས་ཁང་གཉིས་བྱ་ལ། དེ་བཞིན་གནས་ཁང་དགུ་ལ་སོགས་པ་བྱའོ། །དེ་ཡང་དགེ་སློང་གི་གཙུག་ལག་ཁང་ནི་ལྔ་རྩེག །དྲི་གཙང་ཁང་ནི་བདུན་རྩེག །སྒོ་ཁང་སྟེང་གི་བསིལ་ཁང་ཡང་བདུན་རྩེག་ཏུ་བྱ་ལ། དགེ་སློང་མའི་གཙུག་ལག་ཁང་ནི་སུམ་རྩེག །དྲི་གཙང་ཁང་ནི་ལྔ་རྩེག་སྒོ་ཁང་གི་སྟེང་གི་བསིལ་ཁང་ཡང་ལྔ་རྩེག་ཏུ་བྱའོ། །དེ་ནས་གནས་མལ་འབོག་པའི་དགེ་སློང་དག་བསྐོ་ཞིང་དེས་ཀྱང་རྒན་རིམ་བཞིན་གྱི་གནས་ཁང་བསྐོ་བར་བྱ་སྟེ། དེ་དག་གིས་ཀྱང་ཆག་ཆག་དང་ཕྱག་དར་བྱེད་པ་ལ་སོགས་པས་ལེགས་པར་སྤྱད་དོ། །གལ་ཏེ་གནས་ཁང་མང་ཤིང་དགེ་སློང་ཉུང་བར་གྱུར་ན་ནི་དགེ་སློང་རེ་རེ་ལ་གནས་ཁང་མང་པོ་དག་ཕོག་སྟེ་དེ་དག་ཁ་ཅིག་ཏུ་ནི་སྔ་གྲོ། ཁ་ཅིག་ཏུ་ནི་ཕྱི་དྲོ་ལ་སོགས་པ་གནས་ཤིང་ཕྱག་དར་སོགས་བགྱིད་ལ་དགེ་སློང་མང་ཤིང་གནས་ཁང་ཉུང་བར་གྱུར་ན་ནི་རེ་རེ་ཡང་བགོ་བར་བྱ་ལ་དེ་ལ་སོགས་པའོ།། །།

རྩོད་པའི་གཞི།

༈ རྩོད་པའི་གཞི་ནི། སེངྒ་ལའི་རྒྱལ་པོའི་བུ་མོས་མུ་ཏིག་བྲེ་གསུམ་སངས་རྒྱས་དང་ཆོས་དང་དགེ་འདུན་ལ་སྐྱེས་སུ་ཕུལ་བ་དེའི་ཚེ་བཅོམ་ལྡན་

― ZP02_Page_430 ―

^{[མ་དཔེ་གཟིགས་ན་འདིར་གནོན།]}

[Full Size]

འདས་ཀྱིས་ཆོས་ཀྱི་སྐལ་པ་ནི་ཆོས་སྨྲ་བའི་དགེ་འདུན་རྣམས་ལ་དབང་བར་གསུང་ན་དགེ་སློང་འདུལ་བ་འཛིན་པ་དང༌། མདོ་སྡེ་འཛིན་པ་དང་མ་མོ་འཛིན་པ་རྣམས་མ་དུམ་སྟེ་རྒྱ་ཆེར་རྩོད་པ་དང་ལྗོངས་ཤིག་ཏུ་དབྱར་གནས་པའི་དགེ་འདུན་མང་པོ་ལ་བཅས་ཏེ། དེ་ཡང་དགེ་སློང་དག་ཕན་ཚུན་རྩོད་པ་ན་རྩོད་པ་དེའི་ནང་ན་མེད་ཅིང་བསླབ་པ་ཡོངས་སུ་དག་ལ་ཚུལ་ཁྲིམས་དང་ལྡན་པའི་དགེ་སློང་ཞིག་ལ་རྩོད་པ་དེ་སེལ་དུ་གཞུག་གོ །དེས་སེལ་མ་ནུས་ན་དགེ་འདུན་གྱི་སེལ་བར་བྱ་ཞིང་དེས་ཀྱང་མ་ནུས་ན་སྤྲོ་བ་དྲི་བ་དང་གསོལ་བ་དང་གཉིས་ཀྱི་ལས་ཀྱིས་དགེ་སློང་གསལ་བ་བཅུ་འམ་བཅུ་གཉིས་བསྐོ་བར་བྱ་ལ་དེ་དག་གིས་རྩོད་པ་དེ་ཞི་བར་བྱ་ལ་དེ་དག་གིས་ཀྱང་ཞི་བར་བྱ་མ་ནུས་ན་གསལ་བ་བས་ཀྱང་གསལ་བ་བརྒྱད་དམ་དགུ་བསྐོས་ནས་རྩོད་པ་དེ་ཞི་བར་བྱའོ། །དེས་ཀྱང་ཞི་མ་ནུས་ན་དགེ་འདུན་གྱི་རྩོད་པ་སྦེད་པའི་དགེ་སློང་བསྐོ་སྟེ་ངེས་ཀྱང་དགེ་འདུན་གྱི་གནས་བརྟན་དག་ལ་གཏད་དེ་དེས་ཞི་བར་བྱ་མ་ནུས་ན་དགེ་སློང་སྡེ་སྣོད་གསུམ་པ་དག་ལ་གཏད་དོ། །དེ་དག་གིས་ཀྱང་མ་ནུས་ན་ཕྱོགས་གཞན་ན་གནས་པའི་དགེ་སློང་གནས་བརྟན་དང་སྡེ་སྣོད་གསུམ་པ་ལ་གཏད་ཅིང་དེ་དག་གིས་ཀྱང་རྩོད་པ་བྱེད་པའི་དགེ་སློང་གིས་ཞེ་ས་དང་བཀུར་སྟི་བྱེད་ཀྱང་དང་དུ་

― ZP02_Page_431 ―

^{[མ་དཔེ་གཟིགས་ན་འདིར་གནོན།]}

[Full Size]

མི་བླང་ཤིང་ཆོས་ཀྱང་མི་སྟོན་གདམས་ངག་ཀྱང་མི་འབོག་ལ་རྩོད་པ་དག་མ་བྱེད་ཅིག་ཅེས་ཡང་དང་ཡང་དུ་བསྒོ་བར་བྱ་ཞིང་དེ་དག་གིས་ཀྱང་ཞི་བར་བྱེད་མ་ནུས་ན་ཚུལ་ཤིང་མང་པོ་བྲིམ་པའི་ཞི་བར་བྱེད་པ་སོགས་སོ།། །།

དབྱེན་གྱི་གཞི།

༈ དབྱེན་གྱི་གཞི་ནི། རྒྱལ་པོའི་ཁབ་ཏུ་ལྷ་སྦྱིན་དང་དེའི་གྲོགས་བྱེད་པའི་དགེ་སློང་བཞིས་དགེ་འདུན་གྱི་དབྱེན་བྱེད་པར་རྩོམ་པ་ན་བཅས་ཏེ། དེ་ཡང་དགེ་འདུན་གྱིས་དང་པོར་དབྱེན་བགྱིད་པའི་དགེ་སློང་དེ་ལ་དགེ་འདུན་མ་དབྱེ་ཞིག་ཅེས་བཞམ་ཏེ་བསྒོ་བར་བྱ་ཞིང་དེས་ཀྱང་མ་བཏུབ་ན་གསོལ་བ་དང་བཞིའི་ལས་ཀྱིས་བཞམ་ཏེ་བསྒོའོ། །གྲོགས་བྱེད་པ་རྣམས་ལ་ཡང་དགེ་འདུན་འབྱེད་པའི་གྲོགས་མ་བྱེད་ཅིག་ཅེས་བསྒོ་ཞིང་དེས་ཀྱང་མ་བཏུབ་ན་གསོལ་བཞིའི་ལས་ཀྱིས་བསྒོ་བར་བྱའོ། །ཞེས་གསུངས་པ་རྣམས་ཏེ་དགེ་འདུན་གྱི་དབྱེན་ནི་སངས་རྒྱས་མི་བཞུགས་པ་ན་མི་འབྱུང་ངོ། །དེས་ནི་དགེ་འདུན་གྱི་སོ་སོར་ཐར་བའི་གཞི་བཅུ་བདུན་པོ་དག་ཚང་བ་ཡིན་ཏེ་དེ་ལས་ཁང་པ་དང་གོས་རྣམས་ཀྱི་ཚད་ནི་ཅི་ཞེ་ན། གནས་ཁང་ནི་སྲིད་དུ་བདེ་བར་གཤེགས་པའི་མཐོས་མཐོ་བཅུ་གཉིས་ཞིང་དུ་བདུན་ཏེ་ཕལ་པའི་ཁྲུས་སྲིད་དུ་བཅོ་བརྒྱད་དང་ཞིང་དུ་ཕྱེད་བཅུ་གཅིག་

― ZP02_Page_432 ―

^{[མ་དཔེ་གཟིགས་ན་འདིར་གནོན།]}

[Full Size]

པའོ། །སྣམ་སྦྱར་ནི་གསུམ་སྟེ། ཚེ་ཚད་ནི་སྲིད་དུ་ཁྲུ་ལྔ་དང་ཞིང་དུ་གསུམ་མོ། །འབྲིང་ཚད་ནི་དེ་ལས་ཅུང་ཟད་ཆུང་བ་དང༌། ཆུང་ཚད་ནི་ཞིང་དུ་ཁྲུ་ཕྱེད་གསུམ་དང་སྲིད་དུ་ཕྱེད་ལྔ་པ་སྟེ་དེ་ལ་སྣམ་ཕྲན་གྱི་གྲངས་ནི། དགུ་པ་དང་བཅུ་གཅིག་པ་དང༌། བཅུ་གསུམ་པ་ཆུང་སྐོར་གསུམ་དང༌། བཅོ་ལྔ་པ་དང༌། བཅུ་བདུན་པ་དང༌། བཅུ་དགུ་པ་སྟེ་འབྲིང་སྐོར་གསུམ་དང༌། ཉེར་གཅིག་པ་དང༌། ཉེར་གསུམ་པ་དང༌། ཉེར་ལྔ་པ་སྟེ་ཆེ་སྐོར་གསུམ་གྱི་དགུ་པོ་གང་བྱས་ཀྱང་རུང་ལ་དེ་ཡང་སྣམ་ཕྲན་གྱི་ཚད་སྔ་མ་གསུམ་ཕྱེད་གསུམ་དང༌། བར་བ་གསུམ་ཕྱེད་བཞི། ཕྱི་མ་གསུམ་ཕྱེད་ལྔ་པའོ། །བླ་གོས་ནི་ཚད་སྣམ་སྦྱར་དང་འདྲ་ལ་རྡུལ་གཟན་དང་དེས་གཟན་ཀྱང་ཚད་དེ་དང་འདྲ། མཐང་གོས་སྲིད་དུ་ཁྲུ་ལྔའམ་བཞི། ཞིང་དུ་དོའོ། །གདིང་བ་ནི་སྲིད་དུ་ཁྲུ་གསུམ་ཞིང་དུ་ཁྲུ་དོ་དང་སོར་དྲུག་གོ །དེ་ལ་སྲིད་དུ་ཁྲུ་གང་བསྲིང་ཀྱང་འགལ་བ་ནི་མེད་དོ། །གཡན་དག་པ་ནི་སྲིད་དུ་ཁྲུ་དྲུག །ཞིང་དུ་ཁྲུ་གསུམ་མོ། །རས་ཆེན་ནི་སྲིད་དུ་ཁྲུ་དགུ་ཞིང་དུ་ཁྲུ་གསུམ་དང་སོར་བཅོ་བརྒྱད་དོ། །ཤམ་ཐབ་དང་དེས་གཟན་ནི་མཐང་གོས་དང་འདྲ་བའོ།། །།

གཞི་བཅུ་བདུན་པོའི་ངེས་ཚིག

― ZP02_Page_433 ―

^{[མ་དཔེ་གཟིགས་ན་འདིར་གནོན།]}

[Full Size]

༈ གཞི་བཅུ་བདུན་པོའི་ངེས་ཚིག་ནི། ཁྱིམ་དང་འཁོར་བ་ལས་རབ་ཏུ་འབྱུང་བས་ན་རབ་བྱུང༌། བསླབ་པ་ཉམས་པ་གསོ་ཞིང་ཉེས་པ་སྦྱོང་བ་གསོ་སྦྱོང༌། དབྱར་ཟླ་བ་གསུམ་དུ་དགགས་པ་བྱས་པའི་བསླབ་པ་ལ་སྐབས་ཕྱེ་བས་དགགས་དབྱེ། དབྱར་ཟླ་བ་གསུམ་གནས་གཅིག་ཏུ་གནས་པས་དབྱར་གནས། ཀོ་བ་དང་ལྤགས་པའི་གདན་གོས་རུང་མི་རུང་བསྟན་པ་ཀོ་ལྤགས། བཀྲེས་སྐོམ་དང་ནད་ལ་སྨན་དུ་གྱུར་པའི་བཟའ་བཏུང་གི་བྱེ་བྲག་རུང་བ་དང་མི་རུང་བ་བསྟན་པ་སྨན་གྱི་གཞི། གོས་ཀྱི་བྱེ་བྲག་མཚན་མས་གདབ་པ་དང་ཁ་དོག་སོགས་སྟོན་པ་གོས། ཆོས་གོས་ཀྱི་གཞིར་སྤང་ལེབ་ལྟར་བཏིང་བ་སྲ་བརྐྱང༌། ཀཽ་་དགེ་སློང་མང་པོ་ལ་བཅས་པས་ཀཽ༌། དགེ་འདུན་གྱི་ལས་གཙོ་བོ་དག་སྟོན་པ་ལས་ཀྱི། དམར་སེར་ཅན་གྱི་དགེ་སློང་མང་པོ་ལ་བཅས་པ་དམར་སེར་ཅན། གང་ཟག་རེ་རེ་ལ་ལྟུང་བ་བཅབ་པ་དང་མ་བཅབ་པའི་བྱེ་བྲག་སྟོན་པ་གང་ཟག །དེ་དག་ལ་ཟླ་ཕྱེད་སོགས་ཀྱི་སྤོ་བ་སྦྱིན་པ་སྤོ། ཉེས་པ་དུ་མ་ལ་བརྟེན་དེ་གསོ་སྦྱོངས་བཞག་པར་བྱ་བ་གསོ་སྦྱོངས་བཞག །གནས་ཁང་པ་དང་མལ་ཁྲི་སྟན་སོགས་ཀྱི་བྱེ་བྲག་སྟོན་པ་གནས་མལ། དགེ་འདུན་གྱི་རྩོད་པ་ཕལ་ཞི་བར་བྱ་བ་

― ZP02_Page_434 ―

^{[མ་དཔེ་གཟིགས་ན་འདིར་གནོན།]}

[Full Size]

རྩོད་པ། དགེ་འདུན་ལྟ་བ་དང་སྟོན་པ་ཐ་དད་དུ་གྱུར་སྟེ་ཆ་གཉིས་སུ་ཕྱེ་བ་བསྡུམ་པ་དབྱེན་གྱི་གཞིའོ།། །།ལེགས་གསུང་འདུལ་བ་བསྟན་པའི་གཞི་ཡིན་ཀྱང༌། །སྙིགས་མའི་རྒུད་པས་བཀབ་པའི་རབ་བྱུང་ཁྱུད། །ཡང་དག་ཕྱག་བཞེས་མཐོང་ཐོས་སྤངས་དེས་ཕྱིར། །སྔ་འགྱུར་གཞུང་གི་དགོངས་པ་ལ་དཔྱད་ནས། །ཆག་བཞག་ཙམ་དུ་དཔལ་སྤྲུལ་སྨྱོ་རོམ་བྲིས། །ནོར་འཁྲུལ་གྱུར་ན་མཁས་པས་བཅོས་འཚལ་ཞིང༌། །འཕྱ་བར་མི་བྱ་སྙིགས་མའི་གདོན་ལ་རྟོགས། །མངྒ་ལཾ།།

་

བསྒྲུབ་པའི་བསླབ་བྱ་གཞི་བཅུ་བདུན་བཤད་པ།

― ZP02_Page_435 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒྲུབ་པའི་བསླབ་བྱ་གཞི་བཅུ་བདུན་བཤད་པ་བཞུགས་སོ།། །།

― ZP02_Page_436 ―

^{[མ་དཔེ་གཟིགས་ན་འདིར་གནོན།]}

[Full Size]

ལུང་ལས། རབ་བྱུང་གསོ་སྦྱོང་གཞི་དང་ནི། །དགག་དབྱེ་དབྱར་དང་ཀོ་ལྤགས་དང༌། །སྨན་དང་གོས་དང་སྲ་བརྐྱང་དང༌། །ཀོ་ཤཾ་བྷི་དང་ལས་ཀྱི་གཞི། །དམར་སེར་ཅན་དང་གང་ཟག་དང༌། །སྤོ་དང་གསོ་སྦྱོང་བཞག་པ་དང༌། །གནས་མལ་དང་ནི་རྩོད་པ་དང༌། །དགེ་འདུན་དབྱེན་རྣམས་བསྡུས་པ་ཡིན། །ཞེས་སོ། །དང་པོ། མ་ཐོབ་པ་ཐོབ་པར་བྱེད་པའི་གཞི། བར་དུ་ཐོབ་པ་མི་ཉམས་པར་བསྲུང་བའི་གཞི། ཐ་མ་ཉམས་པ་ཕྱིར་བཅོས་ཀྱི་གཞི། ཐོབ་བྱེད་བསྲུང་ཐབ་ཕྱིར་བཅོས་ཐམས་ཅད་ལ་ཁྱབ་པ་ལས་ཀྱི་གཞི་དང་བཞི། དང་པོ་མ་ཐོབ་པ་ཐོབ་པར་བྱེད་པ་རབ་བྱུང་གི་གཞི་གཅིག །བར་དུ་ཐོབ་པ་མི་ཉམས་པར་བསྲུང་བའི་གཞི་ལ། བསླབ་པ་ཡོངས་སྦྱོངས་ཀྱི་གཞི་གསུམ། བདེ་བར་གནས་པའི་རྐྱེན་གྱི་གཞི་

― ZP02_Page_437 ―

^{[མ་དཔེ་གཟིགས་ན་འདིར་གནོན།]}

[Full Size]

ལྔ། དང་པོ་བསླབ་པ་ཡོངས་སྦྱོང་ཀྱི་གཞི་ལ། གསོ་སྦྱོང༌། དབྱར་གནས། དགག་དབྱེ་གསུམ། དང་པོ་གསོ་སྦྱོང་ལ་ཞི་གནས་ཀྱི་གསོ་སྦྱོང་དང༌། མཐུན་པའི་གསོ་སྦྱོང་གཉིས། ཞི་གནས་ལ། འདོད་སེམས་རག་པ་ཞི་བྱེད། ཁམས་གོང་མའི་བསམ་གཟུགས། ཐར་པའི་ལམ་བྱང་ཕྱོགས་དང་གསུམ་ལས། དང་པོ་འདོད་སེམས་རག་པ་ཞི་བྱེད་ལ། འདོད་ཆགས་ཀྱི་གཉེན་པོ་མི་སྡུག་པ། ཞེ་སྡང་གི་གཉེན་པོ་བྱམས་པ། གཏི་མུག་གི་གཉེན་པོ་རྟེན་འབྲེལ། རྣམ་རྟོག་གི་གཉེན་པོ་དབུགས་འབྱིན་འཇུག་དྲན་པའི་སྒོམ་ཚུལ་ལོ། །གཉིས་པ་ཁམས་གོང་མའི་བསམ་གཟུགས་ལ། བསམ་གཏན་བཞི། གཟུགས་མེད་བཞི། གསུམ་པ་ཐར་པའི་ལམ་བྱང་ཕྱོགས་ལ། བྱང་ཆོས་སོ་བདུན་ནོ། །གཉིས་པ་མཐུན་

― ZP02_Page_438 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་གསོ་སྦྱོང་ལ། དུས་ངེས་པ་དང་མ་ངེས་པ་གཉིས། ངེས་པ་ལ་བཅུ་བཞི་པ་དང་བཅོ་ལྔ་པ་གཉིས། མ་ངེས་པ་ལ། བཀྲ་ཤིས་པ་དང༌། གནོད་པ་བཟློག་པ། དགེ་འདུན་བསྡུམ་པའི་གསོ་སྦྱོང་དང་གསུམ། གཉིས་པ་དབྱར་གནས་ལ་ཕན་ཡོན་དང༌། དབྱར་གནས་དངོས་གཉིས། ཕན་ཡོན་ནི། འཕྱ་དང་སྲོག་ཆགས་གནོད་སྤོང་དང༌། ལུས་སྲོག་གནོད་སྤོང་རལ་གྲུམ་འཆོས། དོན་བྱ་ཉུང་དང་ཐོས་སོགས་འཕེལ། དགག་དབྱེ་སྲ་བརྐྱང་འབྱུང་བའོ། །གཉིས་པ། དངོས་ལ་ནང་ཁྲིམས་དང༌། དབྱར་སྔ་མ་ཕྱི་མ་གསུམ། གསུམ་པ་དགག་དབྱེ་ལ། དུས་ངེས་པ་དང༌། མ་ངེས་པ་གཉིས། དང་པོ་ལ། ལྟུང་བའི་དང༌། རྫས་ཀྱི་དགག་དབྱེ་གཉིས། མ་ངེས་པ་གློ་བུར་དགག་དབྱེ་དགོས་པའི་རྐྱེན་བྱུང་བ་ལྟ་བུའོ། །དེ་ཡན་གྱི་བསླབ་པ་ཡོངས་སྦྱོང་གསུམ་བཤད་གྲུབ། གཉིས་པ་བདེ་བར་གནས་པའི་རྐྱེན་གྱི་གཞི་ལྔ་ནི། སྨན་གྱི་གཞི། གོས་ཀྱི་གཞི། གནས་མལ་གྱི་གཞི་དང་གསུམ་ལས། དང་པོ་སྨན་གྱི་གཞི་ལ། སྨན་དངོས་དང་ཞར་བྱུང་རུང་ཁང་གཉིས་ལས། དང་པོ་ལ་དུས་རུང་དང༌། ཐུན་ཚོད། ཞག་བདུན། འཚོ་བཅད་ཀྱི་སྨན་དང་བཞིའོ། །དུས་རུང་ལ་བཟའ་བ་ལྔ་དང་བཅའ་བ་ལྔ་སྟེ། དེ་ཡང༌། སྣ་ཚོགས་འབྲས་ཆེན་ཟན་དང་ཤ༌།ཕྱེ་དང་ཁུར་བ་བཟའ་བ་ལྔ། །རྩ་བ་སྡོང་བུ་མེ་ཏོག་འབྲས། །ལོ་མ་ཡང་ནི་བཅའ་བ་ལྔ། །ཞེས་སོ། །ཐུན་ཚོད་ཀྱི་སྨན་ནི། བཏུང་བ་མཚན་ཉིད་ལྔ་ལྡན་ཆུས་བཏབ་པ། ཚགས་ཀྱིས་

― ZP02_Page_439 ―

^{[མ་དཔེ་གཟིགས་ན་འདིར་གནོན།]}

[Full Size]

བཙག་པ་བཞིན་སྣང་བ་ཤིན་ཏུ་སླ་བ། འདམ་བུ་ཉག་མའི་ཁ་དོག་ལྟར་སྣང་བ་ལྔ། ཞག་བདུན་པ་ནི། ཞུན་མར། བུར་མ། ཧག་དང༌། ཞག་ལ་སོགས་པའོ། །འཚོ་བཅང་ནི། །ཇི་སྲིད་འཚོའི་བར་དུའོ། །རུང་ཁང་ལ། གསར་བ་དང༌། རྙིང་པ་དང༌། བ་གླང་གི་སླས་ལྟ་བུའོ། །གཉིས་པ་གོས་ཀྱི་གཞི་ལ། ཡོད་བྱད་དང་འབྲེལ་བའི་གོས། བག་ཡང་དང་འབྲེལ་བའི་སྲ་བརྐྱང༌། དམིགས་བསལ་དང་འབྲེལ་པའི་ཀོ་ལྤགས་གསུམ་དུ་ཕྱེ་བས་ལྔའོ། །དང་པོ་ལ། འཚོ་བའི་ཡོད་བྱད། མཁོ་བའི་ཡོད་བྱད། ལྷག་པའི་ཡོད་བྱད་དང་གསུམ། གཉིས་པ་དབྱར་གནས་ཀྱི་རྗེས་སུ་སྲ་བརྐྱང་བག་ཡང་གི་ཕྱིར་འབྱུང་བའོ། །གསུམ་པ་ཀོ་ལྤགས་ལ། ཡུལ་དབུས་དང༌། མཐའ་འཁོབ་ཀྱི་ཁྱད་པར་རོ། །གསུམ་པ་གནས་མལ་གྱི་གཞི་ལ། གནས་ཁང་བརྩིག་པ། མལ་སྟན་ལ་སྤྱོད་པ། ཞར་བྱུང་ཕྱག་བྱ་ཚུལ་ལོ། །དང་པོ་ཁང་པ་གཞུང་ནས་བཤད་པ་བཞིན། མལ་སྟན་སྤྱོད་ཚུལ། མི་སློབ་པ་ཡིས་བདག་པོར་སྤྱོད། །སློབ་པ་བྱིན་པར་སྤྱོད་པ་སྟེ། །བསམ་གཏན་ཀློག་དང་ལྡན་པ་ལ། །རྗེས་གནང་སྤྱོད་པས་ཉེས་པ་མེད། །ལྷག་མ་ལེ་ལོའི་བཅོམ་པ་ཡི། །བདག་ཉིད་རྣམས་ནི་བུ་ལོན་བཞིན། །ཚུལ་འཆལ་རྣམས་ལ་ནམ་དུ་ཡང༌། །གཙུག་ལག་ཁང་དང་ཉེར་སྤྱད་བཀག །ཞེས་སོ། །ཕྱག་བྱ་ཚུལ་ལ། ཁྱིམ་པ་རྣམས་རབ་བྱུང་ལ། རབ་བྱུང་རྣམས་བསྙེན་པར་རྫོགས་པ། བསྙེན་པར་རྫོགས་པས་རྒན་པ་ལ། ཐམས་ཅད་ཀྱིས་རྫོགས་པའི་སངས་རྒྱས་ལ་ཕྱག་བྱའོ། །

― ZP02_Page_440 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་པ་ཐ་མ་ཉམས་པ་ཕྱིར་བཅོས་ཀྱི་གཞི་ལ། ལྟུང་བ་ཕྱིར་བཅོས་ལས། རྩོད་པ་ཕྱིར་བཅོས་གཉིས་ལས། དང་པོ་ལྟུང་བ་ཕྱིར་བཅོས་ལ། དམང་སེར་ཅན་ཕྱིར་བཅོས་ཀྱི་གཞི། སྤོ་བ་སྤྱོད་པས་གཞན་ན་གནས་པའི་གཞི། གང་ཟག་དུས་དང་དུས་མིན་བསྡུས་པའི་གཞི། གདམས་ངག་གསོ་སྦྱོང་བཞག་པའི་གཞི་དང་བཞི། དང་པོ་དམར་སེར་ཅན་ལ། སྤྲོ་བ་མཐོལ་བཤགས་དང༌། མི་སྤྲོ་བ་ནན་བརྟུལ་གྱི་ཕྱིར་བཅོས་གཉིས་ལས། དང་པོ་མཐོང་སྡོམ་ཐབ་མ་ལེགས་སོ། །མི་སྤྲོ་བ་ནན་བརྟུལ་ལ། བསྡིག་དམད། བསྐྲད་པ། ཕྱིར་འབྱེད། གནས་དབྱུང་དང་ལྔ་ལས། དང་པོ་བཞི་ལ་དབྱེ་བ་མེད། ལྔ་པ་གནས་དབྱུང་ལ། མ་མཐོང་བ། ཕྱིར་མི་འཆོས་པ། སྡིག་ལྟ་ཅན། འཐབ་ཀྲོལ་བྱེད་པ། མཐབ་ཀྲོལ་གྱི་རྒྱུ་སྒྲུབ་པ། དགེ་སློང་མ་ལ་འདྲིས་ཤིང་གནས་པ། ཆོས་རྣམ་པར་གཏན་ལ་དབབས་པས་ཞི་བར་མ་གྱུར་པ་དང་བདུན་ཏེ། དེ་རྣམས་གནས་ནས་དབྱུང་ངོ། །གཉིས་པ་སྤོ་སྤྱོད་ཀྱི་གཞི་ལ། སྤོ་བ་དང༌། མགུ་བ་དེ་གཉིས་ཀྱི་ཀུན་སྤྱོད་དང་དབྱུང་བའོ། །དང་པོ་སྤོབ་ལ། སྤོབ། གཞི་ནས་སྤོ་བ། གཞི་ནས་བསླང་སྟེ་སྤོ་བའོ། །གཉིས་པ་མགུ་བ་ལ། མགུ་བ། གཞི་ནས་མགུ་བ། གཞི་ནས་བསླང་སྟེ་མགུ་བ་དང་གསུམ། གསུམ་པ་དེ་གཉིས་ཀྱི་ཀུན་སྤྱོད་ལ། བཀུར་སྟི་མི་ལེན་པ། མཉམ་པོར་མི་སྤྱོད་པ། ལས་མི་བྱེད་པ། ཚོགས་སུ་མི་གནས་པ་ཐ་མར་དབང་བ་དང་ལྔའོ། །བཞི་པ་དབྱུང་བ་ལ་དབྱེ་བ་མེད། གང་

― ZP02_Page_441 ―

^{[མ་དཔེ་གཟིགས་ན་འདིར་གནོན།]}

[Full Size]

ཟག་གི་གཞི་ལ། བཅབ་པ་དང༌། མ་ཤེས་པ་དང༌། བབས་པ་ཚད་མེད་ལས་ཀྱི་སྡེ་ཚན་ལྔ། མང་པོའི་བཅོས་པ་དང་དྲུག་གོ །གདམས་ངག་གསོ་དགག་བཞག་པའི་གཞི་ལ། གཞི་བཅས་ཆོས་དང༌། གཞི་མེད་པར་གླེང་བ། གཞི་གཞན་གྱི་གླེང་བ། གཞི་བཤགས་ཟིན་གྱིས་གླེང་བ། ཆོས་མ་ཡིན་པ། དེ་དག་གང་ལས་བྱུང་བའི་དགེ་འདུན་ནོ། །གཉིས་པ་རྩོད་པ་ཕྱིར་བཅོས་ལ། རྩོད་པའི་གཞི། ཀཽ་ཤམ་བྷི་ལས་བྱེ་བའི་གཞི། དགེ་འདུན་དབྱེན་གྱི་གཞི་དང་གསུམ། དང་པོ་རྩོད་པའི་གཞི་ལ། དངོས་དང༌། ཞི་བྱེད་གཉིས། དང་པོ་ལ། འགྱེད་ཕྱིར། མི་གདམ་ཕྱིར། ལྟུང་ཕྱིར། བྱ་ཕྱིར་དང་བཞི། ཞི་བྱེད་ནི། མངོན་སུམ་དྲན་པ་མ་མྱོས་དང༌། དེ་བཞིན་གང་མང་ངོ་བོ་ཉིད། རྩྭ་རྣམས་བཀྲམ་པ་ལྟ་བུ་དང༌། ཁས་བླང་པར་ནི་བྱ་བའོ། །ཞེས་སོ། །དེ་ཡང་འགྱེད་ཕྱིར་ལ། མངོན་སུམ་དང༌། གང་མང་གཉིས་ལས། དང་པོ་མངོན་སུམ་ལ། སྔ་མ་སྔ་མས་མ་ཞི་ན། །ཕྱི་མ་ཕྱི་མས་ཞི་བར་བྱེད་པ་སྟེ། དེ་ཡང་བརྒྱད་ལས། རྒོལ་དང་གཟུ་དང་དགེ་འདུན་གཞི་བོ་དང༌། གསལ་བ་དང་ནི་གསལ་བའི་གསལ་བ་དང༌། དགེ་འདུན་གཞན་དང་སྡེ་སྣོད་འཛིན་པ་དང༌། གནས་བསྟན་མཐུ་དང་ལྡན་པས་བྱ་ཕྱིར་རོ། །གང་མང་ནི། དེས་མ་ཞིན། ཚུལ་ཤིང་བྲིམ་སྟེ། གང་མང་གི་ཕྱོགས་སུའོ། །གདམ་ཕྱིར་ལ། མངོན་སུམ། དྲན་པ། མ་མྱོས་གསུམ་ལས། དང་པོ་ལྟུང་

― ZP02_Page_442 ―

^{[མ་དཔེ་གཟིགས་ན་འདིར་གནོན།]}

[Full Size]

བ་གླེང་དུ་ཡོད་པ་ལ་སྔར་བཞིན་མངོན་སུམ་བརྒྱད། མེད་པ་ལ་བཞི། གཞི་མེད་པར། གཞི་གཞན་གྱི། ཕྱིར་བཟློག་པ། མྱོས་པས་བྱས་པ་གླེང་བ་དང་བཞི་ལས། དང་པོ་གསུམ་ལ། འདི་ལ་ཉེས་པ་མེད་དོ་ཞེས་གསོལ་བཞིའི་ལས་ཀྱི་དྲན་པ། བཞི་པ་མ་མྱོས་པའི་དུས་སུ་ཉེས་པ་མ་བྱས་པས་ལྟུང་བ་མེད་དོ། །ལྟུང་ཕྱིར་ལ། ངོ་བོ་ཉིད། ཁས་བླང༌། མངོན་སུམ། རྩྭ་བཀྲམ་བཞི་ལས། དང་པོ་ནི། ཉེས་པ་རང་གི་ངོ་བོ་མི་ཤེས་པ་ཚོལ་བ། རང་གི་ངོ་བོ་ཤེས་པ་ལའང་གཉིས་ཀྱིས། གླེང་བྱ་གླེང་བྱེད་ཁོ་ན་ལས་མ་འཕྲོས་ན་ཁས་བླང༌། འཕྲོས་པ་ལའང་གཉིས་ལས། གང་ཟག་ཉི་ཚེ་བ་དང༌། དགེ་འདུན་མཐའ་དག་དང་འབྲེལ་བའོ། །དང་པོ་ལ། མངོན་སུམ། ཕྱི་མ་ལ། རྩྭ་བཀྲམ་པ་ལྟར་ཕན་ཚུན་འདུད་དེ་ཐམས་ཅད་བློ་རྩེ་མཐུན་པས་ཞི་བར་བྱེད་དོ། །བྱ་ཕྱིར་ལ། དགེ་འདུན་ལས་ལ་མཐུན་པས་དངོས་སུ་ཞི་བ་དང༌། བརྒྱུད་ནས་ཞི་བྱེད་བདུན་པོ་ཐམས་ཅད་འཇུག་པའོ། །ཀཽ་ཤམ་བྷི་ལ། རྒྱུ་སྤང་བ། གཉེན་པོ་བརྟེན་པ་གཉིས་སོ། །དབྱེན་གྱི་གཞི་ལ། མཚན་ཉིད། ཉེས་དམིགས། ཞི་བྱེད་དོ། །ཐམས་ཅད་ལ་ཁྱབ་པ་ལས་ཀྱི་གཞི་ལ། ལས་བརྒྱ་རྩ་གཅིག་པའོ། །སེམས་ཅན་དུ་གཏོགས་པ་དང་མི་གཏོགས་པ་ལ་བྱ་བའོ། །གཏོགས་པ་ལ་བསྙེན་པར་རྫོགས་པ་དང༌། མ་རྫོགས་པ་ལ་བྱ་བ་གཉིས། ཐམས་ཅད་ལ་ཡང༌། ཆོས་དང༌། ཆོས་མ་ཡིན་པ་དང་མཐུན་པ་དང༌། མི་མཐུན་པའི་བྱ་བ་སྟེ། སྔ་མ་བསྒྲུབ་བྱ་དང༌། ཕྱི་

― ZP02_Page_443 ―

^{[མ་དཔེ་གཟིགས་ན་འདིར་གནོན།]}

[Full Size]

མ་གཉིས་སྤང་བྱའོ། །དགེའོ། །གསུངས་རྒྱུན་ཟིན་བྲིས་ཞིག་ཡིན་པ་འདྲ། བཀྲ་ཤིས་པར་ཤོག། །།

སྡོམ་པ་གསུམ་གྱི་གནད་འགགས་བསྡུས་པའི་སྨོན་ཚིག

༈ དཔལ་ལྡན་བླ་མ་དམ་པ་རྣམས་ལ་ཕྱག་འཚལ་ལོ། །རྒྱལ་བའི་དབང་པོ་ཕྱག་ན་པད་མོ་ལྔ་པ་ཆེན་པོའི་ཞལ་ནས་སྡོམ་པ་གསུམ་གྱི་གནད་འགགས་བསྡུས་པའི་སྨོན་ཚིག་ཤོ་ལོ་ཀ་ཞིག་གསུང་བ་འདིའི་དོན་ཅུང་ཟད་འཆད་ན། སོ་ཐར་བྱང་སེམས་སྔགས་དང་གསུམ་ལས། དང་པོ་ནི། རྨད་བྱུང་རྣམ་ཐར་གཙང་མའི་ཁྲིམས་དང་ལྡན། །ཞེས་གསུངས་ཏེ། དེ་ཡང༌། ངོ་མཚར་རྨད་དུ་བྱུང་ཞིང་འཇིག་རྟེན་ན་རྙེད་པར་དཀའ་བའི་ཡོན་ཏན་གཞལ་དུ་མེད་པའི་བདག་ཉིད་སྟོན་པ་བཅོམ་ལྡན་འདས་དང༌། དེའི་རྗེས་འཇུག་འཕགས་པ་དགྲ་བཅོམ་པ་རྣམས་ཡིན་ལ། དེ་དག་གི་རྣམ་པར་ཐར་པ་ནི་སྐུ་གསུང་ཐུགས་ཉེས་པའི་ཀུན་སྤྱོད་ཀྱིས་ཅུང་ཟད་ཀྱང་གོས་པ་མེད་པ་འཁོར་བའི་སྐྱོན་ཐམས་ཅད་ལས་རྣམ་པར་གྲོལ་བས་ཤིན་ཏུ་གཙང་བ་ཡིན་ལ་དེ་དག་གི་རྗེས་སུ་སློབ་པ་ནི་སོ་ཐར་གྱི་འདུལ་ཁྲིམས་ཉིད་ཡིན་ཏེ། སྡོམ་ཆོག་ལས་ཀྱང༌། སེང་གེ་་རྒྱལ་པོ་གཙོ་བོ་དེ་རབ་དུ་བྱུང་བའི་རྗེས་སུ་སློབ་བོ། །རྗེས་སུ་སྒྲུབ་བོ། །རྗེས་སུ་བགྱིད་དོ། །ཞེས་དང༌། ཇི་ལྟར་སྔོན་གྱི་དགྲ་བཅོམ་པ་རྣམས་ཀྱིས་སྲོག་གཅོད་པ་སྤངས་ཏེ་ཞེས་སོགས་སྨོས་པ་ལྟར་ཡིན་ལ། དེ་ལྟ་བུའི་འདུལ་ཁྲིམས་དེ་ལ་སྤངས་བླང་གི་གནས་དུ་མ་ཞིག་གསུངས་ཀྱང༌། དོན་བསྡུ་ན་ལུས་ངག་ལས་སྐྱེས་པའི་མི་དགེ་བ་བདུན་སྤོངས་པ་ལ་དོན་གྱིས་འདུ་ཞིང༌།

― ZP02_Page_444 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ཡང་ངེས་འབྱུང་གི་བསམ་པ་རྣམ་པར་དག་པས་མ་ཟིན་ན། འཇིགས་སྐྱོབས་དང་ལེགས་སྨོན་ཙམ་ནི་སོ་ཐར་གྱི་གཟུགས་བརྙན་ཡིན་པས་སྡོམ་པའི་ངོ་བོ་ངེས་འབྱུང་གི་བློ་འདི་གནད་ཆེའོ། །གཉིས་པ་ནི། རླབས་ཆེན་རྒྱལ་སྲས་སྤྱོད་པའི་སྙིང་སྟོབས་ཆེ། ཞེས་གསུངས་ཏེ། ཉན་ཐོས་དང་རང་རྒྱལ་འཕགས་པའི་སར་བཞུགས་པ་རྣམས་ཀྱང༌། གནས་སྐབས་རང་དོན་ཙམ་དོན་གཉེར་གྱི་བློ་གཙོ་བོར་མཛད་པས་མཛད་པ་རླབས་ཆུང་བ་ཡིན་ལ། དེ་ལས་ལྡོག་སྟེ་སངས་རྒྱས་དང་བྱང་ཆུབ་སེམས་དཔའ་རྣམས་ནི་གཞན་དོན་ཁོ་ན་ལྷུར་ལེན་ཅིང༌། དེ་ཡང་འཁོར་བ་ཇི་སྲིད་དུ་འགྲོ་དོན་རྒྱུན་མི་འཆད་པས་ཡུན་རིང་བ་དང༌། ནམ་མཁས་ཁྱབ་ཚད་ཀྱི་སེམས་ཅན་ལ་དམིགས་པས་རྒྱ་ཆེ་བ་དང༌། དེ་དག་ཀུན་ཀྱང་རྣམ་པ་ཐམས་ཅད་མཁྱེན་པའི་གོ་འཕང་ལ་འགོད་པའི་དོན་ཆེ་བ་དང༌། སློབ་པ་ལམ་གྱི་གནས་སྐབས་སུ་ཡང་དབུ་གཏོང་བ་ལ་སོགས་བྱ་དཀའ་བའི་གནས་ལ་སྙིང་སྟོབས་ཀྱི་གོ་ཆ་བཞེས་ནས་གཞན་ལ་ཕན་པ་ཡོན་ལྷུར་ལེན་པས་ན་མཛད་པ་རླབས་ཆེ་བ་ཡིན་ཏེ། དེ་ལྟ་བུའི་གནས་ལ་སློབ་པ་ནི་བྱང་ཆུབ་སེམས་དཔའ་འམ་རྒྱལ་བའི་སྲས་པོ་ཞེས་བྱ་སྟེ། དེ་ཡང་ཉན་ཐོས་རང་རྒྱལ་རྣམས་ཀྱང་སངས་རྒྱས་ཀྱི་གསུང་ལས་སྐྱེས་པའི་རྒྱལ་བའི་སྲས་ཙམ་ཡིན་མོད་ཀྱང༌། རྒྱལ་བའི་སྲས་དངོས་ནི་བྱང་ཆུབ་སེམས་དཔའ་རྣམས་ཡིན་ཏེ་འདིས་ནི་སངས་རྒྱས་ཀྱི་གདུང་མི་གཅོད་ཅིང་དམ་པའི་ཆོས་ཀྱི་མཛོད་འཛིན་པ་དང༌། འཁོར་

― ZP02_Page_445 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་སེམས་ཅན་ལ་ཕན་འདོགས་པ་ཉིད་ཀྱི་ཕྱིར་ན་རྒྱལ་བའི་མཛད་པའི་ཁུར་བསྣམ་པ་ཡིན་ལ། བྱང་སྡོམ་གྱི་ངོ་བོ་ནི་གཞན་ཕན་ཡིན་ཏེ། དེ་ཡང་སྙིང་རྗེའི་གཞན་དོན་དང༌། ཤེས་རབ་ཀྱིས་རྫོགས་བྱང་ལ་དམིགས་པ་གཉིས་ཀ་མེད་ན་བྱང་སེམས་མཚན་ཉིད་པར་མི་འགྱུར། གནས་སྐབས་ཀྱི་སྙིང་རྗེ་དང༌། རང་དོན་དུ་རྫོགས་བྱང་ལ་དམིགས་པ་ནི་ཐེག་དམན་གྱི་གཞུང་ནའང་ཡོད་པས། དེས་ན་གཞན་དོན་དུ་སངས་རྒྱས་ཐོབ་འདོད་ཀྱི་བློ་དེ་སྨོན་སེམས་དང༌། དེའི་ཕྱིར་དགེ་བའི་ཚོགས་རླབས་པོ་ཆེ་སྒྲུབ་པའི་དམ་བཅའ་ནི་འཇུག་སེམས་ཡིན་པའི་དབྱེ་བ་མང་པོ་དག་ཀྱང་གཉིས་པོ་འདིར་འདུས་སོ། །གསུམ་པ་ནི། བདེ་སྟོང་མཆོག་གི་རིམ་གཉིས་རྣལ་འབྱོར་སྤྱོད། །ཅེས་གསུངས་ཏེ། དེ་ཡང༌། མཆོག་ཏུ་མི་འགྱུར་བའི་བདེ་བ་ཆེན་པོ་རྣམ་ཀུན་མཆོག་ལྡན་གྱི་སྟོང་པ་ཉིད་དང་དབྱེར་མི་ཕྱེད་པ་ནི་ཟུང་འཇུག་ཨེ་ཝཾ་གྱི་སྡོམ་པ་ཞེས་བྱ་སྟེ། ཇི་སྐད་དུ། སངས་རྒྱས་ཀུན་གྱི་སྡོམ་པ་ནི། ཨེ་ཝཾ་རྣམ་པར་རབ་ཏུ་གནས། །ཞེས་པ་ལྟར། ཨེ་དབྱིངས་སྟོང་པ་ཉིད་དང༌། ཝཾ་ཡིག་བདེ་བ་ཆེན་པོའི་ཡེ་ཤེས་དབྱེར་མི་བྱེད་པ་ནི་སྔགས་སྡོམས་ཀྱི་ངོ་བོ་ཡང་ཡིན་ལ་ལྟ་བའང་ཡིན་པས་ལྟ་བ་དེ་ངོ་སྤྲད་ནས། བསྒོམ་པས་ཉམས་སུ་ལེན་པའི་སྐབས་སུ།། །།བསྐྱེད་རིམ་ལ་བརྟེན་ནས་ཐ་མལ་སྣང་ཞེན་གྱི་མཚན་རྟོག་སྡོམ་པ་དང༌། རྫོགས་རིམ་ལ་བརྟེན་ནས་གྱ་ནོམ་ལྷར་ཞེན་གྱི་མཚན་རྟོག་སྡོམ་པ་ནི་སྔགས་སྡོམ་གྱི་དངོས་གཞི་ཡིན་ཏེ།

― ZP02_Page_446 ―

^{[མ་དཔེ་གཟིགས་ན་འདིར་གནོན།]}

[Full Size]

མདོར་ན་ཡིད་མཚན་རྟོག་སྡོམ་པ་འདིར་སྔགས་སྡོམ་གྱི་གནད་འདུས་ཤིང༌། གནད་འདི་དང་ལྡན་ན་ལུས་ངག་གི་སྤྱོད་པ་ལ་བླང་དོར་དུ་བྱ་བ་ཅི་ཡང་མེད་དེ་གང་ལྟར་བྱས་ཀྱང་སྡོམ་པ་གསུམ་དང་འགལ་མི་སྲིད་དོ། །དེས་ན། སོ་ཐར་གྱི་ངོ་བོ་ངེས་འབྱུང༌། །བྱང་སྡོམ་གྱི་ངོ་བོ་གཞན་ཕན། །སྔགས་སྡོམ་གྱི་ངོ་བོ་དག་སྣང་སྟེ་གནད་འདི་གསུམ་དང་ལྡན་པའི། བློ་བཟང་རྒྱལ་བའི་བསྟན་ལ་མཇལ་བར་ཤོག །ཅེས་སྨོན་པ་ཡིན་ནོ། །སྡོམ་གསུམ་མིག་ལྟར་བསྲུང་བའི་དམ་པ་དེས། །སྡོམ་གསུམ་བསྡུས་དོན་བྲིས་ཞེས་བཀའ་སྩལ་བཞིན། །སྡོམ་གསུམ་ཚིག་ཏུ་ལུས་པའི་ཁ་བཤད་མཁན། །སྡོམ་གསུམ་རྒྱུད་ལ་མི་གནས་ཨ་བུའི་བྲིས། །དགེའོ།། །།

རང་བཞིན་རྫོགས་པ་ཆེན་པོའི་ལམ།

༈ །རང་བཞིན་རྫོགས་པ་ཆེན་པོའི་ལམ་ལ་གསུམ་ལས། དང་པོ་ཕྱི་སེམས་སྡེ་ནི། བསྐྱེད་པ་མ་ཧཱ་ཡོ་གའི་སྐབས་སུ། རིམ་པ་བཞི་པའི་དོན་གྱི་འོད་གསལ། རྫོགས་པ་ཨ་ནུ་ཡོ་གའི་སྐབས་སུ་བདེ་སྟོང་ལྷན་ཅིག་སྐྱེས་པའི་ཡེ་ཤེས་གང་ཡིན་པ་དེ་ནི་ངོ་བོ་ཨ་ཏི་ཡོ་ག་རྡོ་རྗེ་སྙིང་པོའི་སྐབས་སུ་ཡེ་གྲོལ་ཀ་དག་གི་ལྟ་བ་ཞེས་བྱ་སྟེ། སྦྱང་བ་སྔོན་སོང་གི་དབང་པོ་རབ་ཏུ་གྱུར་པ་ལ། ལྟ་དགོངས་མཁྱེན་པ་དང་ལྡན་པའི་བླ་མ་རྡོ་རྗེ་སློབ་དཔོན་གྱིས་ཚིག་དབང་གི་སྐབས་སུ་ཚིག་གི་ངོ་སྤྲད་པ་ཉིད་ཡིན་ཏེ། དེའི་དོན་བཤད་ན། གཤིས་ཡེ་ནས་དག་པས་ཡེ་དག །འཁོར་འདས་སྤངས་བླང་དུ་མི་འབྱེད་པས་རོ་མཉམ། རྟོགས་བྱ་དེ་ལས་ལྷག་པ་མེད་པས་ཆེན་པོ། ཆོས་ཐམས་ཅད་ཀྱི་ཆོས་ཉིད་ཡིན་པས་ཉིད། སྟོང་ཆ་

― ZP02_Page_447 ―

^{[མ་དཔེ་གཟིགས་ན་འདིར་གནོན།]}

[Full Size]

ཀ་དག་གི་ངོས་ནས་གང་དུ་གྲུབ་པ་མེད་པས་ཡོད་མིན། སྣང་ཆ་ལྷུན་གྲུབ་ཀྱི་ངོས་ནས་འཁོར་འདས་ཀྱི་འཆར་གཞི་བྱེད་པས་མེད་མིན། དེས་ན་མ་དག་འཁྲུལ་བའི་གནས་སུ་འཁྲུལ་བཞིན་པའི་གཞི་ཡེ་གྲོལ་ཀ་དག་གི་དགོངས་པ་རང་གནས་ཆོས་སྐུའི་ཡེ་ཤེས་འགྲོ་ཀུན་ལ་གནས་པ་མེད་པ་མ་ཡིན། མ་དག་འཁོར་བའི་གནས་སུ་འཁྲུལ་བཞིན་པའི་སྐབས་སུའང་ཆོས་ཉིད་སངས་རྒྱས་སུ་གནས་པས་འཁོར་འདས་གཉིས་མེད་ཟུང་འཇུག་ཆེན་པོར་གནས། དམིགས་བསམ་སྤྲོས་པ་ལས་འདས་པས་རྟག་པ་མ་ཡིན། སོ་སོ་རང་རིག་གི་ཡེ་ཤེས་ཀྱི་སྤྱོད་ཡུལ་ཡིན་པས་ཆད་པ་མ་ཡིན། མིང་ཐམས་ཅད་སྒྲོ་འདོགས་ཡིན་པས་སྨྲ་བའི་ཡུལ་ལས་འདས། རྟོག་པ་ཐམས་ཅད་འཁྲུལ་བ་ཡིན་པས་བསམ་པའི་ཡུལ་ལས་འདས། ཚིག་ཐམས་ཅད་དངོས་པོར་མེད་པས་བརྗོད་པའི་ཡུལ་ལས་འདས། ཡེ་ནས་རང་བཞིན་གྱིས་གནས་པས་རང་གནས། ཐོག་མ་མེད་པའི་དུས་ནས་གནས་པས་ཡེ་གནས། སྣང་སྲིད་ཆོས་སྐུར་རྫོགས་པས་རྫོགས་པ། ཐེག་པ་ཐམས་ཅད་ཀྱི་རྩེ་རྒྱལ་ཡིན་པས་ཆེན་པོ། མཐའ་བརྒྱད་ཀྱི་སྤྲོས་པ་དང་བྲལ་བས་ཀུན་མིན། སྣང་སྟོང་ཕྱོགས་རེ་ཙམ་ནས་གཞལ་ན་འཁོར་འདས་རང་སར་བདེན་པས་ཐམས་ཅད་ཡིན། དོན་དམ་དཔྱོད་བྱེད་ཀྱི་བློ་ཡིས་གཞལ་ན་དྲན་བསམ་བརྗོད་པ་ལས་འདས། རྣལ་མ་ཆོས་ཉིད་ཀྱི་ངོས་ནས་གང་སྒྲུབ་ཀྱི་གྲུབ་མཐའ་ཐམས་ཅད་མིང་ཙམ་བཏགས་པ་ཙམ་ཡིན་པས་དོན་ལ་མི་རེག །ཇི་ལྟར་སྣང་བཞིན་པའི་འཁྲུལ་སྣང་འདི་ཡང་

― ZP02_Page_448 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྱུ་མ་དང་རྨི་ལམ་ལྟར་ཤར་བས་ཝལ་ལེ་བ་དགག་སྒྲུབ་དང་བྲལ། སྙིང་པོའི་ཚིག་གིས་མ་བསྐྱེད་པར་ལྷ་སྔགས་ལྷུན་གྲུབ་དུ་གནས་གང་དུ་ཇི་ལྟར་བརྟགས་ཀྱང་བསམ་བརྗོད་ཐམས་ཅད་དང་བྲལ་བའི་གནས་ལུགས་གཞོན་ནུ་མ་ལ་པྲ་ཕབ་པ་ལྟར་སོ་སོ་རང་གི་རིག་པའི་ཡེ་ཤེས་ཀྱི་མཐོང་མེད་ཀྱི་ཚུལ་དུ་མཐོང་བའོ། །གཉིས་པ་ནང་ཀློང་སྡེ་ནི། ཁྱད་པར་འོད་གསལ་རྡོ་རྗེ་སྙིང་པོ་ཡེ་ཇི་བཞིན་པའི་དོན་དམ་སྟོན་པ་ལ་བཞི། ལྟ་བ་ངོ་སྤྲོད་པ། སྒོམ་པ་ངང་ལ་བཞགས་པ། སྤྱོད་པ་རང་གྲོལ་དུ་གཏོང་བ། འབྲས་བུ་མངོན་དུ་གྱུར་པའོ། །དང་པོ་ནི། ད་ལྟ་ངང་བབས་ཀྱི་ཤེས་པ་ཕྱིར་མི་སྤྲོ་བར་ནང་དུ་བཟུང༌། རང་བཞིན་རང་བབས་ཀྱི་ངང་དུ་ལྷོད་ཀྱི་གློད་དེ་བཞགས་པས་མིང་འདོགས་དཔྱོད་པ་ཐམས་ཅད་དང་བྲལ་བར་འཆར་བ་དེ་གཉུག་མའི་ཡེ་ཤེས་རྫོགས་པ་ཆེན་པོ་ཡིན་པས་བློས་བྱས་ཐ་སྙད་ཀྱིས་སྟོང་བས་ཕན་མ་བཏགས་པ་གནས་ལུགས་རང་བཞགས་པ་དེ་ཉིད་ལྟ་བའོ། །གཉིས་པ་ནི། དེ་ལྟར་གཅེར་མཐོང་རང་གྲོལ་དུ་ཤེས་པའི་ངང་དེ་ཉིད་མ་ཤོར་བར་སྐྱོང་བ་ནི་སོ་མ། རང་དངས་རྒྱ་དངས་བ་ལྟ་བུའི་ཡེ་ཤེས་ལ་འཇོག་པ་ནི་རང་བཞག་པ། དེ་ལས་རྩལ་སྣང་བར་འཕྲོ་ཡང་གཉེན་པོས་བཅོས་བསྒྱུར་མི་བྱེད་པ་ནི་མ་བཅོས། རང་བབས་ཀྱི་རྩལ་ལས་གང་ཤར་གཤིས་སུ་གྲོལ་ནས་གཉུག་མའི་ངང་དེ་ཉིད་དུ་གནས་པ་ནི་རང་ག་མ། ཡིན་ལུགས་རྗེན་པར་འཇོག་པས་ཐ་མལ་གྱི་ཤེས་པ་དེ་ཉིད་རང་གྲོལ་དུ་གནས་པའི་རྒྱུན་བསྐྱང་ནས་རྒྱལ་བའི་གོ་འཕང་ཐོབ་ཅིང་ས་ལམ་ཆིག་ཆོད་དུ་འགྱུར་

― ZP02_Page_449 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ནི་སྒོམ་པའོ། །གསུམ་པ་ནི། དེ་ལྟར་རང་གནས་རང་བཞག་གི་སྒོམ་པ་སྐྱོང་བའི་ཚེ། དགགས་སྒྲུབ་དང་ཆགས་སྡང་གི་རྣམ་རྟོག་ཤར་ན། དེ་ཉིད་རང་གྲོལ་དུ་གཏོང་བ་ལ་གྲོལ་ལུགས་ཀྱི་གནད་དྲུག་སྟེ། རང་གྲོལ་གཉེན་པོ་མེད་པའི་གནད་ཀྱིས། སྦྲུལ་གྱི་མདུད་པ་ལྟར་གྲོལ་བས་གཞན་གྱིས་བཅོས་མི་དགོས། ཡེ་གྲོལ་བསྐྱར་གཞི་མེད་པའི་གནད་ནམ་མཁའི་འདུད་པ་ལྟར་གྲོལ་བས་གདོད་མའི་ངང་ལ་གནས། ཅེར་གྲོལ་ངོ་བོ་མེད་པའི་གནད་ངོ་ཤེས་ཀྱི་མི་དང་འཕྲད་པ་ལྟར་གྲོལ་བས་བདེན་པའི་སྒྲོ་འདོགས་ཀྱིས་སྟོང༌། རང་གྲོལ་གཉེན་པོ་མེད་པའི་གནད་ཁང་སྟོང་དུ་རྐུན་མ་ཞུགས་པ་ལྟར་གྲོལ་བས་རང་བཞག་ལ་ཐོབ་ཤོར་མེད། འགྱུ་གྲོལ་རང་སར་དག་པའི་གནད་ཆུ་ལ་རི་མོ་བྲིས་པ་ལྟར་གྲོལ་བས་ཤེས་པ་སྐད་ཅིག་མའི་རྒྱུན་མི་མཐུད། ཤར་གྲོལ་དུས་མཉམ་ཡིན་པའི་གནད་ཆུ་ལ་རལ་གྲི་བསྣུན་པ་ལྟར་གྲོལ་བས་རྟོག་པ་སྔ་ཕྱི་ཁྱད་མེད་པ་ནི་སྤྱོད་པ། བཞི་པ་ནི། དེ་ལྟར་ལྟ་བ་མ་བཅོས་པར་རྟོགས། སྒོམ་པ་རང་བབས་སུ་བཞག །སྤྱོད་པ་རང་བབས་སུ་ལྷོད་པའི་གནས་སྐབས་ན། འབྲས་བུ་ཀ་དག་གི་ཀློང་དུ་གྲོལ་ཏེ། ངོ་བོ་སྟོང་པ་ཆོས་སྐུ། རང་བཞིན་གསལ་བ་ལོངས་སྐུ། ཐུགས་རྗེ་ཀུན་ཁྱབ་སྤྲུལ་པའི་སྐུ། སྐུ་གསུམ་རང་གནས་ཀྱི་ཡེ་ཤེས་མངོན་ཏུ་གྱུར་ནས། གང་ཟག་མིའི་ལུས་ལ་དགོངས་པ་སངས་རྒྱས་སུ་རྟོགས་པ་ནི་འབྲས་བུའོ། །གསུམ་པ་མན་ངག་སྡེ་ནི། ཤེས་རབ་རང་བྱུང་གི་སྒྲོན་མ་སྤྲོས་བྲལ་གཉུག་མའི་ཡེ་ཤེས་ཀ་དག་ཁྲེགས་ཆོད་ཀྱི་དགོངས་པ་རིག་

― ZP02_Page_450 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོང་ཟང་ཐལ་དུ་རྟོགས་པ་དེའི་དབྱིངས་ནས་འོད་གསལ་གྱི་སྣང་བ་དཔག་ཏུ་མེད་པ་འཆར་བའི་སྐབས་སུ་རྒྱང་ཞག་ཆུའི་སྒྲོན་མ་འོད་རྩ་དར་དཀར་གྱི་སྐུད་པ་ལྟ་བུས་རིག་གདངས་འཆར་བའི་སྒོ་ཕྱེ་ནས། དག་པ་དབྱིངས་ཀྱི་སྒྲོན་མ་འོད་ལྔ་འཇའ་ཚོན་གྱི་སྣང་བས་ཞིང་ཁམས་དང་གཞལ་ཡས་ཀྱི་རྒྱན་བཀྲམ་སྟེ། ཐིག་ལེ་སྟོང་པའི་སྒྲོན་མ་འོད་ཁྱིམ་ཟླུམ་པོའི་རྣམ་པ་ལས་ཞི་ཁྲོའི་དཀྱིལ་འཁོར་དུ་འཆར་བ་སྟེ། དེ་ཡང་དང་པོ་ཆོས་ཉིད་མངོན་སུམ་གྱི་སྐབས་སུ་རྒྱུ་ཡིས་མ་བསྐྱེད་པའི་འོད་ལྔ་འཇའ་ཚོན་གྱི་སྣང་བ་དབྱིངས་སུ་ཤར་ནས། བར་དུ་ཉམས་གོང་འཕེལ་སྐབས་སུ་དེ་ཉིད་ཆེར་མཆེད་དེ། རིག་པ་ཚད་ཕེབས་ཀྱི་ཚེ་རྐྱེན་གྱིས་མ་བསྐྱེད་པའི་སྣང་ཉམས་རིགས་ལྔ་ཡབ་ཡུམ་ཟུང་འཇུག་ཏུ་འབྲེལ་བའི་ཚོམ་བུའི་དཀྱིལ་འཁོར་དུ་གྲུབ། ཐ་མ་ཆོས་ཉིད་ཟད་པའི་སྐབས་སུ་ལྟ་བའི་གནས་དག་སྟེ་རིག་གདངས་ཚད་ཕེབས་ཀྱི་སྣང་ཆ་དབྱིངས་སུ་བསྡུས་ནས། དབྱིངས་རིག་དབྱེར་མེད་དུ་འདྲེས། ཤེས་ཉམས་ཡིད་དཔྱོད་དང་བྲལ་བས་ཆོས་ཉིད་སྣང་ཉམས་དབང་པོས་མངོན་སུམ་མཐོང་བ་འོད་གསལ་ཐོད་རྒལ་གྱི་ཉམས་ལེན་མཐར་ཕྱིན་པར་སྨོན་པའོ། །རྗེས་དེ་དག་གི་དོན་བསྡུ་བ་ནི། ཀ་དག་ཁྲེག་ཆོད་ཀྱི་ལྟ་བས་སྲིད་ཁུང་བདག་འཛིན་གྱི་རྩ་བ་བཅད་དེ་རང་གནས་ཆོས་ཉིད་ཀྱི་གདར་ཤ་བཅད། ལྷུན་གྲུབ་ཐོད་རྒལ་གྱི་སྒོམ་པས་སྐུ་གསུམ་རྩལ་རྫོགས་ནས། འབྲས་བུ་གྲོལ་སའི་ཀ་དག་གདོད་མའི་གཞི་རྣམ་པར་དག་པའི་ཆོས་ཉིད་དང་ངོ་བོ་དབྱེར་མེད་པ་གདོད་མའི་སངས་རྒྱས་ཀུན་ཏུ་བཟང་

― ZP02_Page_451 ―

^{[མ་དཔེ་གཟིགས་ན་འདིར་གནོན།]}

[Full Size]

པོའི་དགོངས་པ་འཁོར་འདས་དབྱེར་མེད་ཐིག་ལེ་ཉག་གཅིག་ཏུ་སྣང་བ་དེ་ལས་སྤྲོས་པའི་ཚེ་ན་སྐུ་གསུམ་དག་པའི་ཞིང་ཁམས་སྣོད་བཅུད་དང་བཅས་པ་མ་འདྲེས་པར་སྣང་ཞིང༌། བསྡུས་ཚེ་སྟོང་ཉིད་སྙིང་རྗེ་དབྱེར་མེད་པའི་རང་བཞིན་ཡེ་ཤེས་ཆོས་ཀྱི་སྐུའི་བདག་ཉིད་སྤྲོས་བྲལ་ཐིག་ལེ་ཉག་གཅིག་གི་ཡུལ་གཡོ་བ་མེད་པར་སྨོན་པའོ། །བཀྲ་ཤིས་པར་ཤོག། །།

ངོ་སྤྲོད་གནད་ཀྱི་མེ་བཙའ།

༈ ངོ་སྤྲོད་གནད་ཀྱི་མེ་བཙའ་བཞུགས། །དུས་དང་རྣམ་པ་ཐམས་ཅད་དུ་བཟང་ངན་གྱི་རྟོག་ཚོགས་གང་ཤར་གྱི་ངོ་བོ་ལ་ཕར་བལྟས་པས་སྟོང་ཞིང་སྟོང་པ་ཉིད་དོ་སྙམ་པའི་བློ་དེ་ཉིད་ལས་མ་འདས་པའི་ངང་གིས་ཡུལ་སྟོང་པ་འཁོར་ཡུག་གི་རང་གཞིན་ཅན་འདྲའི་སྟོང་ཆ་ཆེན་པོ་སྟོང་པའི་ཕྱོགས་ནས་སྣང་བ་གཏད་མེད་རྒྱ་ཡན་ལྷུག་པ་འདྲ་བ་ཞིག་ནམ་ཡང་འདུག་པའི་དུས་སྐབས་སུ་དེ་ཡི་ངང་དུ་མཉམ་བཞག་བྱེད་པ་དེ་ལ་དགོས་པ་ཅི་ཡང་མི་འདུག་སྟེ། སྟོང་ཆ་དེ་ཉིད་ཡོད་ཀྱང་ཆོག་སྟེ་མེད་ཀྱང་ཆོག །དོན་ལ་སྒོམ་པ་ཁ་ཕྱིར་བལྟས་སུ་ཤོར་བའི་སྟོབས་ཀྱིས་ཡུལ་སྟོང་ཕྱོགས་སུ་སྣང་བ་ཙམ་རེ་འདྲའོ། །མདོར་ན་ཁ་ཕྱི་རུ་རྣམ་རྟོག་གི་ཆ་ལ་མི་བལྟ། ཁ་ནང་དུ་ངོ་བོ་རང་རིག་གི་གཤིས་སུ་ལྟོས་ལ་ཡང་ནས་ཡང་དུ་རིག་པ་ཧུར་ཕྱུང་བ་ནི་གནད་ཆེའོ། །ལྟ་སྒོམ་ལ་ཉམས་ལེན་གནད་དུ་དེ་ལྟར་བྱས་ནས་རིག་གདངས་གསལ་བའི་མདངས་ལ་ངར་བའི་ཆ་དང་བཅས་པའི་གཤིས་དེར་རྣམ་རྟོག་འཆར་དུ་མེད་པས་བཟང་ངན་གྱི་རྟོག་པ་ལ་རིས་སུ་ཕྱེ་རྒྱུ་མེད་པ་དེའོ། །དེ་སྟོང་ངོ་བསམ་རྒྱུ་སྤུ་ཙམ་མེད་དེ་སྤང་

― ZP02_Page_452 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་བེ་ཕུར་བཏབ་པ་བཞིན་དུ་ལྷན་ནེར་སྡོད་ཚུགས་པ་ཞིག་བྱུང་བར་གྱུར་ན་དེ་ནི་གནད་ཆེ་སྟེ། ཤེས་རིག་རང་ཚུགས་ཟིན་པ་མཆོག་ཏུ་ལྷག །ཅེས་གསུངས་པས། དེ་ལྟར་དུ་ངོ་བོ་རང་ཚུགས་སྐྱོང་བའི་མུ་བྱས་པས་མི་ཆོག་པ་ནི་ནམ་ཡང་ལོས་ཡོད་དེ། དེས་མི་ཆོག་ན་ནི་ངས་ཅང་མི་ཤེས་སོ། །ལར་ལམ་བསླབ་པ་གསུམ་པོ་ཇི་བཞིན་དུ་གོ་དགོས། དེ་ཡང་གོ་བ་ཙམ་གྱིས་མི་ཆོག་སྟེ་གནད་དུ་ཐེང་དགོས། གནད་དུ་མ་ཐེང་པའི་ཆོས་ཐོས་བསམ་སྒོམ་གསུམ་གྱིས་ཅི་བྱེད་དོན་མེད་དོ། །སྡོམ་པ་དེ་ཡང་མདོ་དོན་ནི། ཉེས་སྤྱོད་སྡོམ་པའི་ཚུལ་ཁྲིམས་རྣམ་པར་དག་པས་རང་རྒྱུད་དོན་ཡོད་དུ་སྡོམ་པར་བྱ་བ་གལ་ཆེ་ཆེ། ནང་པ་སངས་རྒྱས་ཀྱི་བསྟན་པའི་སྒོར་ཞུགས་པའི་རྩ་བའི་དོན་དམ་གང་ཡིན་པ་དེ་ནི་ལེགས་པར་ངོ་ཤེས་དགོས། ངོ་མ་ཤེས་ན་རྒྱལ་བའི་རྗེས་འཇུག་ནི་མིན་པས། དེ་ཤེས་ནས་དོན་གྱི་རྩ་བ་དེ་ཉམས་སུ་ལེན་པར་བྱ་དགོས་ངེས། རྣལ་འབྱོར་རང་བཅའ་བ་རྔ་རང་ལྕགས་ཟེར་བའི་དཔེ་དོན་ལྟར་ཡིན་པ་ནི་ལོས་གོ །དེ་གོ་ནས་བཟུང་སྟེ་དགྲ་འདུལ་གཉེན་སྐྱོང་སོགས་འཇིག་རྟེན་འཁོར་བའི་བྱ་བྱེད་ཕལ་ཆེར་ཐམས་ཅད་རྣལ་འབྱོར་པའི་ཐུགས་དམ་མིན་ཏེ་ཉམས་ལེན་གྱི་རྩ་བ་མ་ཡིན་མོད། རྣལ་འབྱོར་པའི་ཉམས་ལེན་ཐུགས་དམ་གྱི་རྩ་བ་གང་ལ་མཛད་ན་རྒྱལ་བའི་བསྟན་པ་རིན་པོ་ཆེ་ལམ་བསླབ་པ་གསུམ་སྟེ་ལུང་རྟོགས་ཀྱི་ཆོས་རྣམས་ཉམས་ལེན་ཞིབ་ཏུ་མཛད་དགོས། དེ་ཡང་སངས་རྒྱས་ཀྱི་རྗེས་འཇུག་ཡིན་པ་ལ་ཡིན་པའི་རྟགས་ཡོད་དགོས་པས། གྲུབ་ཐོབ་གོང་མའི་ཉམས་མགུར་

― ZP02_Page_453 ―

^{[མ་དཔེ་གཟིགས་ན་འདིར་གནོན།]}

[Full Size]

དང་རྣམ་ཐར་སོགས་ལ་བལྟས་ཏེ། ལེགས་པར་དེའི་རྗེས་སུ་སྙོགས་པ་ནི་དོན་གྱི་གལ་ཆེའོ། །ཞེས་དཔལ་སྤྲུལ་པས་སོ།། ༈ །བླ་མ་ལ་ཕྱག་འཚལ་ལོ། །བསམ་གྱིས་མི་ཁྱབ་རྫོགས་པ་ཆེན་པོའི་དོན། །ཡེ་གྲོལ་རང་བཞིན་རྗེན་པར་སྟོན་མཛད་པའི། །ཀུན་མཁྱེན་ཡབ་སྲས་བརྒྱུད་པ་བཅས་རྣམས་དང༌། །དཔལ་མགོན་བླ་མའི་ཞབས་ལ་ཕྱག་འཚལ་ལོ། །སྐྱོན་ཡོན་གྲུབ་བསལ་སྤང་བླང་ལས་འདས་པའི། །ད་ལྟའི་ཤེས་པ་རང་བབ་ལྷུག་པ་ནི། །བཅོས་ཤིང་བསྒྱུར་མེད་རིག་པའི་ཡེ་ཤེས་ཏེ། །ངང་དེར་གནས་ན་ལྟ་བསྒོམ་ཟུང་དུ་འཇུག །བསྒོམ་པ་ཤེས་ཀྱང་གྲོལ་བར་མ་ཤེས་ན། །བསམ་གཏན་ལྷ་དང་འདྲ་བར་གསུངས་པས་ན། །རྟོགས་པའི་གདེངས་ཚད་གྲོལ་ཐོག་བཟུང་བ་གཅེས། །མི་གནས་སེམས་འཛིན་གནས་ཆའི་བསམ་གཏན་གྱིས། །གནས་སྐབས་ཉོན་མོངས་མགོ་བོ་ནོན་གྱུར་ཀྱང༌། །རང་གྲོལ་རྟོགས་པའི་གནད་གསང་མ་ཤེས་ན། །རྐྱེན་དང་འཕྲད་ཚེ་རྟོག་པའི་དུག་རོ་སྡང༌། །རང་ཤར་རང་གྲོལ་རྟོགས་པའི་གནད་ཤེས་ན། །སྤང་བླང་རྣམ་རྟོག་ཆུ་ཡི་རི་མོ་བཞིན། །འཕྲལ་ལ་སྐྱེ་ཡང་ཚུགས་མི་ཐུབ་པར་འཇིག །སྐྱེས་གྲོལ་དུས་མཉམ་རང་ཚུག་མི་ཐུབ་པའི། །ངན་རྟོག་སྐྱེས་ཀྱང་ལས་ངན་མི་གསོག་སྟེ། །སྐད་ཅིག་རྟོག་པས་སུ་ལ་ཕན་གནོད་ཡོད། །རང་སར་གྲོལ་བའི་གནད་དང་མི་ལྡན་ན། །འོག་འགྱུའི་རྣམ་རྟོག་ཉོན་མོངས་རྒྱུན་འབྱམས་ལ། །རང་ངོ་ཤེས་ཙམ་དྲན་པས་ཟིན་ན་ཡང༌། །བཟང་ངན་

― ZP02_Page_454 ―

^{[མ་དཔེ་གཟིགས་ན་འདིར་གནོན།]}

[Full Size]

རྟོག་པས་རེ་དོགས་བསྐྱེད་པ་ཡིས། །འདུ་བྱེད་ལས་བསགས་འཁོར་བའི་རྒྱུ་རུ་འགྱུར། །དེ་ཕྱིར་སེམས་གནས་ཉམས་མྱོང་སྟོང་ལས་ཀྱང༌། །རང་གྲོལ་རིག་པའི་སྐད་ཅིག་གཅིག་ལྷག་པས། །ཡེ་གྲོལ་རང་གྲོལ་ཤར་གྲོལ་ཅེར་གྲོལ་སོགས། །ལྟ་བསྒོམ་སྤྱོད་པའི་གནད་ཀུན་གཅིག་ཡིན་ཕྱིར། །རང་གྲོལ་རྟོགས་པའི་གནད་ལ་གོམས་པར་མཛོད། །གནད་འདི་ཤེས་ན་ལྟ་བསྒོམ་གཞན་མི་དགོས། །བཟང་རྟོགས་ཐམས་ཅད་ཞེན་མེད་རྒྱན་དུ་འཆར། །དགེ་བར་བརྩོན་ཡང་མཆོག་འཛིན་རློམ་སེམས་མེད། །ངན་རྟོག་ཐམས་ཅད་སྤྲུལ་མདུད་བཞིན་ཏུ་འཇིག །དུག་ལྔ་སྐྱེས་ཀྱང་སྐད་ཅིག་རང་སར་གྲོལ། །བར་མའི་རྟོག་ཚོགས་རང་བཞག་རིག་པའི་ཀློང༌། །རང་ཤར་རང་གྲོལ་མཁའ་ལ་བྱ་རྗེས་འདྲ། །འཁོར་བའི་རྩ་བ་འཁྲུལ་པའི་རྣམ་པར་རྟོག །རྣམ་རྟོག་ལམ་ཁྱེར་གྲོལ་བའི་གདེངས་ལྡན་ན། །འཁོར་བ་མྱང་འདས་དབྱིངས་སུ་གྲོལ་ཞེས་བྱ། །གྲོལ་ཚད་གདེང་གིས་རྐྱེན་ངན་ལམ་སློང་བའི། །གནད་འདི་མེད་ན་ཁ་ལྟ་སྟོང་སྐད་ཀྱིས། །གོ་ཡུལ་རྟོགས་པའི་ཁ་བོ་སྨྲ་ན་ཡང༌། །རང་གཤིས་ངན་པའི་རང་མཚང་ལྷུག་པར་སྟོན། །དུག་ལྔའི་ཨ་འཐས་ཐ་མར་པ་ལས་ཐུ། །དེ་འདྲ་གང་ཡིན་གྲོལ་ཚད་མི་ཤེས་སྐྱོན། །དེ་ཕྱིར་ལྟ་བསྒོམ་སྤྱོད་པའི་གནད་འགགས་དོན། །གྲོལ་ལུགས་རྟོགས་པའི་གདེངས་ཚད་འདིར་ཐུག་པས། །རྐྱེན་དང་སྲེས་ནས་རྟོགས་པའི་ལམ་ཁྱེར་གཅེས། །དེ་སྐད་རང་གི་རྒྱུད་ལ་ཡོད་མིན་ཡང༌། །ཀུན་མཁྱེན་བླ་མ་སངས་རྒྱས་སྐུ་དངོས་དེའི། །གསུང་ལ་བརྟེན་ནས་འཁྲུལ་མེད་བྲིས་

― ZP02_Page_455 ―

^{[མ་དཔེ་གཟིགས་ན་འདིར་གནོན།]}

[Full Size]

པ་འདི། །ཉམས་ལེན་གནད་འགགས་ཡིན་གྱིས་ཐུགས་ལ་ཆོངས། །སརྦ་མངྒ་ལཾ།། །། ༈ རིམ་རྩོལ་སྤྲོས་པས་མ་ཡིན་ཇི་བཞིན་ཉིད། །སྐད་ཅིག་རང་ངོ་མཐོང་བས་གདོད་མའི་གཞིར། །ལྷུན་རྫོགས་རྒྱལ་ཐབས་ཁྲི་ལས་མི་གཡོ་བའི། །མི་འགྱུར་མཆོག་གི་ཉེ་ལམ་གཟིགས་ཁྱོད་རྒྱལ། །སྔགས་རིག་གྲུབ་བརྙེས་བརྒྱུད་པའི་ལྷ་གྲལ་ནས། །གསང་ཆེན་བདུད་རྩིའི་མྱོས་པའི་ཉམས་ལེན་ལྟོའི། །ཆོས་བརྒྱད་འགོ་ལྤགས་ལྷོད་པའི་དལ་བག་ཅན། །སྔ་འགྱུར་བསྟན་པའི་མལ་ན་བརྗིད་པ་ཉིད། །གནས་དབེན་སྤོས་ཀྱི་རི་ལ་བག་ཕབ་ཅིང༌། །ཡང་དག་རྟོགས་པའི་མྱོས་བུམ་མཐོ་བའི་ཁུར། །ངེས་འཛིན་བྱ་བྲལ་ས་སྲུང་དབང་པོ་ལ། །བསྟོད་བསྔགས་གསེར་གྱི་དྲྭ་བས་བརྒྱན་པར་འོས། །གང་ན་བཤད་བསྒྲུབ་གསེར་གྱི་འཁོར་ལོ་ཡིས། །ཕྲིན་ལས་རྩིབས་སྟོང་གཡོ་བས་མདུན་བཏེགས་སྟེང༌། །བཀའ་བབས་ཐེག་པའི་རྒྱལ་སྲིད་བདུན་ལྡན་གྱིས། །མི་གཏོང་གང་ཁྱོད་ཡང་དག་འཁོར་ལོའི་བསྒྱུར། །གང་གི་གསང་གསུམ་ཕྲིན་ལས་འོད་སྟོང་གཟི། །ཉེས་ཕྱོགས་ལྷ་མིན་ཁ་ཕྲུས་མ་རེག་པར། །ལེགས་ལམ་རླུང་གི་ཤིང་རྟས་བཏེགས་འགྲོས་གཏམ། །འདི་རུ་རྣ་བའི་བདུད་རྩི་གཅིག་ཏུ་ཆས། །གཞན་ཕན་བདུད་རྩིའི་ཟིལ་དངར་འབུམ་ཕྲག་ཐིག །མཐའ་ཡས་སྐལ་བཟང་སྐྱེ་བོའི་གདུང་གཞིལ་སྨན། །གཅིག་ཏུ་ངེས་པའི་ངང་ཚུལ་དེ་ཤེས་ནས། །སྙིང་གི་ཀུནྡ་མི་དགོད་ཡོངས་མ་མཆིས། །འདི་ན་འདི་སྣང་སྲིད་པའི་སྒྱུ་མ་ལ། །

― ZP02_Page_456 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་གཡེང་རྣམ་པར་འཁྲུལ་པའི་བྷུ་སུ་ཀུ། །ལེགས་ལམ་ལེགས་པར་སྤྱོད་པའི་སྐབས་ཕྲ་ཡང༌། །ལྔ་ཕུང་ལྔ་པའི་ལམ་དུ་མ་གྱེས་ཙམ། །ཀྱེ་མ་ལྷུན་གྲུབ་འོད་གསལ་དབྱིངས་ཀྱི་གཞི། །འཕོ་མེད་ཀུན་བཟང་དགོངས་པའི་ལྷ་ལམ་དུ། །གཅེན་གྱུར་རིམ་གཉིས་གཤོག་ལྡན་ཁྱུ་གཤེགས་ཏེ། །ནུ་སྡུག་དཔལ་སྤྲུལ་སྨྱོན་པ་འཁོར་མཚོར་ལུས། །རྟག་འཛིན་ཤེ་མོང་རྒྱས་པའི་ཁུར་ལྕིད་ཀྱིས། །མི་སྤང་འཕྲལ་སྣང་ཞེན་པའི་མི་ལུས་འདི། །ཉེ་ལམ་ཐེག་རྩེའི་འཕུར་འགྲོས་སྦྱང་དཀའ་ཡང༌། །ངེས་འབྱུང་རྐང་གིས་གོམ་འདེགས་སྤང་དེ་འགྱོད། །ད་གདོད་ཡིད་ཀྱི་འཁྲི་ཤིང་འཁྱོགས་པོའི་རྩེར། །དད་གསུམ་འདབ་མ་གཡོ་བའི་པུཥྤ་ཀས། །ཉམས་ལེན་སྙིང་པོའི་སྦྲང་རྩིའི་རོ་མངར་བཅུད། །འཛིན་འདོད་རྟེན་འབྲེལ་སྨོན་པ་སྙིང་ལ་བཅང༌། །འོན་ཀྱང་ལེགས་སྨོན་ཆབ་ཀྱིས་མ་དྲན་པའི། །འཁྲུལ་སྣང་ཚ་ཟེར་རྣོན་པོའི་རེག་བྱ་འདིས། །སྙིང་གི་ཐ་རྒོད་བསྲེག་པའི་བྱེ་ཚན་ལ། །ཆོས་མཐུན་ངེས་པའི་འབྲས་བུ་མི་སྨིན་དོག །དེ་སྐད་འཕྲོས་འོས་གཏམ་གྱི་གླེང་སློང་ཚིག །རང་ཚུལ་ངེས་པའི་ཞུ་འཕྲིན་ཙམ་ལགས་ཏེ། །ད་དུང་ཁྱེད་ཕྱོགས་བཏུད་པའི་སོར་བཅུའི་འདབ། །དད་འདུན་སྙིང་དུ་ཟླུམ་སྟེ་ཆེད་མོས་དོན། དེང་སྐུ་རིན་པོ་ཆེ་གསུང་གི་དབེན་གནས་མཆིམས་ཕུའི་ཡང་དབེན་ཆེན་པོར་སྒྲུབ་པ་ནན་ཏན་གྱི་འཁོར་ལོ་སྒྲུབ་བརྒྱུད་བསྟན་པའི་སྲོག་རྩ་སྦོམ་པོར་བཅས་ཏེ། སླར་ཡང་སྨིན་གྲོལ་བདུད་རྩིའི་སྒོ་འབར་བརྒྱ་ཕྲག་ཏུ་ཕྱེ་བའི་རིག་འཛིན་འདུ་བའི་གླིང་

― ZP02_Page_457 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་རྒྱལ་བའི་བཀའ་འཁོར་ལོ་གསུམ་གྱི་འཆད་ཉན་དྲི་མ་མེད་པའི་ཁུར་བཞེས་པ་ནི་བསྟན་པའི་སྤྱི་རྒྱ་ལ་སྨན་ཞིང༌། ངོས་ཅག་ལྟོས་བཅས་ཀྱི་རྣ་བའི་བདུད་རྩི་གཅིག་ཏུ་ངེས་པས་བཀའ་དྲིན་བླ་ན་མེད་པར་འཁུམས་ཤིང༌། དྲེགས་ལྡན་ཆེ་དགུའི་རལ་ཀླུང་ལ་བརྫི་བའི་མི་ཆོས་ཀྱི་གོ་ས་མཐོ་བ་ཙམ་ནི་བརྒྱུད་པ་རིན་པོ་ཆེ་འདིའི་ཕྱག་སྲོལ་དུ་ཐུགས་རྩེ་གཏོད་པའི་སྨོན་ཡུལ་དུ་མི་མཛད་པ་མཁྱེན་བཞིན་ལགས་ཤིང༌། ཅོར་ཆུང་མགོ་ཡང་གི་སྐྱེ་བོའི་ཁ་སྨོན་ལ་རྒྱུ་མཚན་གང་ཡང་མེད་པས། ཉིད་རིན་པོ་ཆེ་སྙོམས་ཆུང་ཀུ་སུ་ལུའི་སྤྱོད་པ་ཁོ་ནས་ཡབ་མེས་ཀྱི་སྲོལ་བཟུང་བ་ལ་རྗེས་སུ་ཡི་རང་བགྱིད་པ་ནི་ཁོ་བོ་ཙམ་དུ་བས་ལགས། འདི་ཕྱོགས་ནའང་ཆོས་བརྒྱད་ཀྱི་མགོ་བསྐོར་དང༌། འདི་སྣང་གི་འགྲོ་དོན་ལ་མོས་པ་སྙིང་པོར་བྱེད་པ་ཙམ་ལས། ཡང་དག་པའི་བཤད་སྒྲུབ་ཀྱི་བྱ་བརླབས་ཆེན་པོ་ལ་ཟླ་དུས་མང་པོར་ཁོམ་པ་ནི་སུ་ཡང་མེད་ཕྱིར་ཁ་ཙམ་གྱི་སྐད་ཆ་སྙིང་ནས་འོང་བའི་ངེས་པ་མེད་པས། ད་དུང་ཡང་རིན་པོ་ཆེའི་དགོངས་པ་སྔ་མུ་ལས་མི་གཡོ་བས། ཨོ་རྒྱན་ཆེན་པོའི་སྒྲུབ་གནས་གང་ཡང་རུང་བར་སྒྲུབ་པའི་རྒྱལ་མཚན་བཙུགས་ནས་བརྒྱུད་པ་རིན་པོ་ཆེའི་ཕ་ཆོས་ཟིན་པ་དང༌། རྗེས་འཇུག་གི་སྐྱེ་བོའི་མིག་སྲོལ་ལེགས་ཤིང༌། སྙོམས་ལས་མཁན་བདག་ལྟ་བུ་དགའ་

― ZP02_Page_458 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་གར་སྙིང་དབུས་སུ་རྩེ་ཞིང༌། གང་གི་རྗེས་སུ་སློབ་པའི་བརྩོན་པའི་གོ་ཆ་མི་འདོར་བར་དངོས་མཇལ་གྱི་དགའ་སྟོན་ལ་སྤྱོད་པའི་གསོལ་བ་འདེབས་པ་ལགས་ཤིང༌། གལ་སྲིད་ཤར་ཕྱོགས་ཀྱི་ཉི་མ་འཆར་དུ་བྱུང་ན་ཉི་ཐིག་གར་ཡོད་དུ་ཉི་གཟིགས་གཟོད་ཕེབས་དང་ཆོག་པ་དེ་ཚུལ་དགོངས་ཀློང་རིན་པོ་ཆེར་བསྟི་འཇགས་ཞུ་ཞིང༌། སླད་མར་ཡང་ཚིགས་སུ་བཅད་དེ་གསོལ་བ། །གང་རི་ཐོད་དཀར་རིན་ཆེན་སྙིང་པོའི་མགུར། །མངོན་སུམ་འོད་གསལ་དགོངས་པ་མི་གཡོ་བའི། །དྲི་མེད་འོད་ཟེར་སངས་རྒྱས་གཉིས་པ་དེ། །བཀའ་བབས་བརྒྱུད་པའི་ཁྲི་འཕང་དཔང་མཐོ་བ། །གང་ལ་མཆིས་ཏེ་ཆོས་བརྒྱད་མལ་འོག་ཏུ། །ཉལ་མིན་པ་ཆོས་སྙིང་ཐིག་ཡིད་བཞིན་ནོར། །སྙིང་བཅིང་དབེན་པའི་གནས་སུ་གསང་ཆེན་གྱི། །ཉམས་ལེན་ཁོ་ནར་གཞོལ་བ་ཁྱད་ཆོས་ཡིན། །ཀློང་ཆེན་དགོངས་པའི་ཡང་བཅུད་བདུད་རྩིའི་དྭངས། །འཆི་མེད་ཉོན་མོངས་གདུང་སེལ་ལེགས་བཤད་རྒྱུན། །ཐུགས་ཀྱི་དཔལ་བེར་སིམ་པའི་མྱོས་མིག་ཟུར། །འདི་སྣང་དགའ་བའི་དོ་རར་གཡོ་བ་མེད། །དེང་དུས་སྙིགས་མའི་བྱ་སྤྱོད་ཤུགས་དྲག་པོས། །སྙིང་ལ་དགོངས་མལ་བཏབ་པའི་སྟོན་ཆེན་གཟུགས། །སྡིག་སྤྱོད་མི་ཆེན་སྐྱེ་བོའི་ངོ་འཛིན་ཙམ། །གཅིག་ཏུ་འབད་པས་སྒྲུབ་ལ་སུ་ཡིད་གཏོད། །སྨོན་འཇུག་བྱང་ཆུབ་

― ZP02_Page_459 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་ཀྱི་ཕྲིན་ལས་སྟོབས། །མིག་ཡེལ་སྙིང་སྟོབས་ཆེར་སྤྱོད་རྒྱལ་བའི་སྲས། །བདེ་བའི་རྡོ་རྗེ་སྙིང་གི་མ་ཎི་ཀ༌།བསྟན་འགྲོའི་ཉི་མ་དེ་ཡང་གུང་ལ་བསྟོད། །དེས་ན་བརྒྱུད་པ་རིན་ཆེན་བསྟན་པའི་སྲོག །ཡབ་མེས་གོང་མའི་ཕ་ཆུས་དམ་པའི་སྲིད། །བཤད་སྒྲུབ་འཁོར་ལོ་གཉིས་ཀྱི་སྐྱོངས་པའི་ཁུར། །ཁྱོད་གཅིག་ཁོ་ནར་བབས་ཀྱི་གཞན་ལ་མིན། །དེ་སླད་ལྟོས་བཅས་རེ་བའི་དཔལ་སྐོང་ཞིང༌། །སྒྲུབ་བརྒྱུད་བསྟན་པའི་ཕྱག་བཞེས་རྒྱུན་བསྐྱང་སྟེ། །མཆོག་ཏུ་མི་འགྱུར་རྡོ་རྗེའི་ཆོས་བདུན་ཀློང༌། །ཞབས་པད་བསྐལ་བརྒྱར་བརྟན་པའི་བཀྲ་ཤིས་ཤོག། །།རྟེན་ལྷ་རེག་བཅས་དཔལ་སྤྲུལ་པས་གུས་པས་ཕུལ་བ་ལགས། །དགེའོ།། །

ཐེག་ཆེན་གསོ་སྦྱོང་གི་སྡོམ་པ་ལེན་པ།

― ZP02_Page_461 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་ལ་ཕྱག་འཚལ་ལོ། །འོ་དེ་རིང་གི་སྐབས་སུ་ཐེག་པ་ཆེན་པོའི་གསོ་སྦྱོང་གི་སྡོམ་པ་ལེན་པ་ནི། སྐྱབས་སེམས་མཎྜལ་སོགས་སྔོན་དུ་འགྲོ་བས་དགོངས་གསོལ་སོང་རྗེས། ཇི་ལྟར་སྔོན་གྱི་སོགས་ཀྱི་འབྲུ་འགྲེལ་ཅུང་ཟད་བཤད་ན། ཇི་ལྟར་ན་དུས་སྔོན་གྱི་དེ་བཞིན་གཤེགས་པ་ཆོས་ཉིད་དེ་བཞིན་ཉིད་དང་རྗེས་སུ་མཐུན་པར་གཤེགས་པས་ན་དེ་བཞིན་གཤེགས་པ། ལས་ཉོན་གྱི་དགྲ་ཐམས་ཅད་བཅོམ་པས་ན་དགྲ་བཅོམ་པ། ཆོས་ཐམས་ཅད་ཕྱིན་ཅི་མ་ལོག་པར་ཡང་དག་པར་མཁྱེན་ཅིང༌། མ་རིག་པའི་གཉིད་ལས་སངས་པ་དང༌། ཤེས་བྱ་ཐམས་ཅད་ལ་ཐོག་པ་མེད་པའི་ཡེ་ཤེས་རྒྱས་པས་སངས་རྒྱས་ཏེ། སྔོན་སྲིན་མོའི་གླིང་དུ་འཁྱམས་པའི་དེད་དཔོན་སེངྒེ་སོགས་ཚོང་པ་ལྔ་བརྒྱ་ཚེའི་དུས་བྱེད་དུ་ཉེ་བ་ན་རྟ་ཅང་ཤེས་སྤྲིན་གྱི་ཤུག་ཅན་གྱིས་སྲོག་གི་འཇིགས་པ་ལས་བསྐྱབས་ཏེ་འཛམ་བུའི་གླིང་དུ་ཕྱིན་པ་ལྟར་སྟོན་པས་གནང་བའི་ཡན་ལག་བརྒྱད་ཀྱི་ཚུལ་ཁྲིམས་སོགས་བསླབ་པ་སྣ་གཅིག་བསྲུང་བ་ཡན་ཆད་འཁོར་བའི་སྲིན་གླིང་ནས་ཐར་པའི་གྲོང་དུ་ཕྱིན་པས་ན་རྟ་ཅང་ཤེས་ལྟ་བུ། བརྒྱ་བྱིན་གྱི་གླང་ཆེན་ས་ལ་རབ་བརྟན་མགོ་བོ་སུམ་ཅུ་རྩ་གསུམ་པ། དེས་སྣ་ལྕགས་དེ་སྙེད་ཀྱིས་གནམ་ལྕགས་ཀྱི་རལ་གྲི་འཁོར་

― ZP02_Page_462 ―

^{[མ་དཔེ་གཟིགས་ན་འདིར་གནོན།]}

[Full Size]

ལོ་རི་བོ་སོགས་འཕེན་པས་ལྷ་མིན་གྱི་གཡུལ་ངོ་བཟློག་པ་ལྟར། སངས་རྒྱས་བཅོམ་ལྡན་འདས་ཀྱིས་འཁོར་བའི་གཡུལ་དང་བདུད་ཀྱི་དཔུང་རྣམས་ཕམ་པར་མཛད་པས་གླང་པོ་ཆེན་པོ། རང་དོན་བྱང་ཆུབ་སྒྲུབ་པའི་བྱ་བ་ཆེན་པོ་བྱས་ཤིང༌། དེ་ཡང་བྱེད་པ་ཕ་རོལ་ཏུ་ཕྱིན་པ་དྲུག་གི་སྒོ་ནས་བྱས་ལ། སྡུག་བསྔལ་གྱི་ཁུར་མ་ལུས་པ་བོར་ཞིང༌། དང་པོ་གཞན་དོན་དུ་ཐུགས་བསྐྱེད་དེ་བསྐལ་པ་མང་པོར་ཚོགས་བསགས་ཀྱང་འབྲས་བུ་རང་གི་དོན་སྤང་རྟོགས་མཐར་ཕྱིན་པ་སངས་རྒྱས་ཀྱི་གོ་འཕང་རྗེས་སུ་ཐོབ་པ། སྲིད་པ་འདིར་རྣམ་པ་ཀུན་ཏུ་སྦྱོར་བའི་སྲེད་ལེན་མ་རིག་པ་དང་བཅས་པ་གཏན་ནས་ཟད་པ། བསླུ་བ་མེད་པ་ཡང་དག་པའི་བཀའ་དང༌། ངོ་བོ་ཡེ་ནས་རྣམ་པར་དག་ཅིང་གློ་བུར་སྒྲིབ་གཉིས་ཀྱི་དྲི་མ་ལས་ལེགས་པར་རྣམ་པར་གྲོལ་བའི་ཐུགས་དང༌། མ་རིག་པའི་འཆིང་བ་ལས་ལེགས་པར་གྲོལ་ཞིང་ཤེས་བྱ་ཐམས་ཅད་མཁྱེན་པའི་ཤེས་རབ་ཅན་རྒྱལ་བ་དེ་དག་གིས། སེམས་ཅན་ཉི་ཚེ་ཙམ་མ་ཡིན་པར་མཐའ་ཡས་པའི་སེམས་ཅན་ཐམས་ཅད་ཀྱི་དོན་དང༌། དེ་ཡང་གནས་སྐབས་སུ་ཕན་པ་དང་མཐར་ཐུག་གི་གྲོལ་བ་ཐོབ་པའི་ཕྱིར་དང༌། གནས་སྐབས་ཀྱི་ཕན་པ་ལ་བཀྲེས་ཤིང་སྐོམ་པས་གདུང་བའི་མུ་གེ་དང༌། རླུང་མཁྲིས་བད་ཀན་སོགས་ཀྱི་ནད་

― ZP02_Page_463 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་པར་བྱ་བའི་ཕྱིར་དང༌། མཐར་ཐུག་གི་གྲོལ་བ་ལ་ཡང་རིགས་ཅན་གསུམ་གྱི་ཁམས་དབང་བསམ་པའི་དབྱེ་བས་ཐེག་པ་རང་རང་གི་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་ཡོངས་སུ་རྫོགས་ཏེ་མྱ་ངན་ལས་འདས་པའི་གོ་འཕང་ཐོབ་པར་བྱ་བའི་ཕྱིར་དང༌། མཐར་ཐུག་ཉན་རང་གི་བྱང་ཆུབ་ལས་དྲངས་ཏེ་རིགས་ཅན་གསུམ་གྱི་གདུལ་བྱ་མཐའ་དག་བླ་ན་མེད་པའི་བྱང་ཆུབ་ཆེན་པོའི་གོ་འཕང་མངོན་དུ་ཐོབ་པར་བྱེད་པའི་ཕྱིར་གསོ་སྦྱོང་ཡང་དག་པར་མཛད་པ་དེ་བཞིན་དུ་བདག་མིང་འདི་ཞེས་བགྱི་བས་ཀྱང་ཀུན་སློང་དེ་ལྟ་བུའི་སྒོ་ནས་དགེ་ཚོགས་གསོ་ཞིང་ཉེས་ལྟུང་སྦྱོང་བར་བྱེད་པ་གསོ་སྦྱོང་གི་སྡོམ་པ་བླངས་ཏེ་སང་ཉི་མ་མ་ཤར་གྱི་བར་དུ། ཇི་ལྟར་སྔོན་གྱི་དགྲ་བཅོམ་པ་རྣམས་ཀྱིས་སྲོག་གཅོད་སོགས་ཉེས་སྤྱོད་མཐའ་དག་རྟག་ཏུ་སྤངས་པ་ལྟར། ཡན་ལག་བརྒྱད་ཀྱི་བསྲུང་བྱ་རྣམས་ཤེས་བཞིན་དུ་བསྲུང་བར་བྱའོ་སྙམ་པའི་ཚིག་རྗེས་དོན་དྲན་དུ་མཛོད་ཅིག །དགེའོ། ༈ །ཚེ་རབས་ཀུན་ཏུ་མགོན་པོ་འཇམ་དཔལ་དབྱངས། །རིགས་ཀྱི་བདག་པོར་ཐོབ་ནས་འགྲོ་ཀུན་ལ། །བྱང་ཆུབ་སྤྱོད་པའི་ལམ་བཟང་གསལ་མཛད་པ། །རྒྱལ་སྲས་ཞི་བ་ལྷ་ལ་ཕྱག་འཚལ་ལོ། །མཉམ་མེད་

― ZP02_Page_464 ―

^{[མ་དཔེ་གཟིགས་ན་འདིར་གནོན།]}

[Full Size]

གཙུག་གི་རྒྱན་གཅིག་ཀཿདམ་པ། །ཀུན་ཏུ་འོད་ཀྱི་ས་བརྙེས་གཙང་སྟོན་པ། །ཐམས་ཅད་མཁྱེན་དངོས་དཔལ་ལྡན་བྱམས་པ་འབུམ། །བསྟན་པའི་འབྱུང་གནས་གསུམ་ལ་གསོལ་བ་འདེབས། །ཡོངས་རྫོགས་བསྟན་པའི་མངའ་བདག་བསོད་ནམས་འབུམ། །བསྐྱེད་རྫོགས་དགོངས་པ་མཐར་ཕྱིན་ཡེ་ཤེས་འབུམ། །གསད་གསོའི་བརྟུལ་ཞུགས་གྲུབ་པ་བྱང་ཆུབ་དཔལ། །བསྟན་པའི་སྒྲོན་མེ་གསུམ་ལ་གསོལ་བ་འདེབས། །ཞེས་ཀཿཐོག་སྐུ་འབུམ་དུ་བཞུགས་པའི་མཆོད་རྟེན་དྲུང་ནས་ཞབས་བསྐོར་མཛད་ཚེ་དཔལ་སྤྲུལ་རིན་པོ་ཆེས་གསུངས་པའོ།། །།

ལྷ་ཁང་ཡོངས་བསྔོ།

༈ ལྷ་ཁང་ཡོངས་བསྔོ་བཞུགས། །དེ་མཐུས་རྒྱལ་བའི་གོ་འཕང་མངོན་བྱས་ནས། །འབད་དང་རྩོལ་བ་མེད་པའི་ཕྲིན་ལས་ཀྱིས། །ཁམས་གསུམ་འཁོར་བའི་རྒྱ་མཚོ་སྟོང་གྱུར་ཏེ། །ཀུན་ཀྱང་རྡོ་རྗེ་འཛིན་པའི་ས་ཐོབ་ཤོག །གནས་སྐབས་སུའང་ལེགས་བྱས་མཆོག་འདིའི་མཐུས། །རྒྱལ་ཁམས་ཀུན་ཏུ་ནད་མུག་འཁྲུག་རྩོད་མེད། །ཆར་ཆུ་དུས་འབེབས་ལོ་ཕྱུག་རྟག་ཏུ་ལེགས། །མངོན་མཐོའི་ཡོན་ཏན་མཆོག་གིས་འབྱོར་གྱུར་ཅིག །རྟེན་མཆོག་འདི་དག་གང་གིས་མཐོང་བ་དང༌། །ཐོས་དང་དྲན་དང་ཕྱག་མཆོད་བཀུར་སྟི་བགྱིས། །ཐ་ན་རླུང་ཙམ་གྱིས་རེག་འགྲོ་བ་ཀུན། །གནས་སྐབས་མཐར་

― ZP02_Page_465 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུག་དོན་གཉིས་ལྷུན་གྲུབ་ཤོག །འདི་བཞེངས་ཚེ་ན་ལུས་ངག་ཡིད་གསུམ་གྱིས། །འབྲེལ་བ་ཐོགས་པའི་རྟ་ཕྱུག་དུད་འགྲོ་ཡན། །ཞོར་ལ་ཤི་བའི་སྲོག་ཆགས་ཕྲ་མོ་ཚུན། །ཀུན་ཀྱང་ཐར་པའི་ས་བོན་ཐེབས་གྱུར་ཅིག །གཙུག་ལག་ཁང་ནི་ཆོས་བཞིན་ལེགས་བསྒྲུབ་པའི། །བསླབ་བའི་གནས་ཀུན་འབད་མེད་ལོབ་རྐྱེན་ཞིང༌། །བསྒྲུབ་པའི་ལས་ཀུན་ཐོགས་པ་མེད་པར་འགྲུབ། །མཆོག་ཐུན་དངོས་གྲུབ་དཔལ་ལ་སྤྱོད་གྱུར་ཅིག །ཆོས་དང་ཟང་ཟིང་ལོངས་སྤྱོད་རྒྱ་ཆེ་ཞིང༌། །དལ་བའི་རྟེན་མཆོག་ལེགས་པར་འཚོ་ནུས་པའི། །མཐའ་གཉིས་སྤངས་པའི་ཟས་གོས་གནས་མལ་ལ། །བརྟེན་ནས་ཐར་ལམ་བྱང་ཆུབ་སྒྲུབ་གྱུར་ཅིག །འདུས་པའི་སྡེ་ཀུན་ཐོས་བསམ་བསྒོམ་གསུམ་གྱི། །མཛད་བཟང་ཡར་ངོའི་ཟླ་ལྟར་གོང་འཕེལ་ནས། །རྒྱལ་བ་དགྱེས་པའི་ལམ་མཆོག་སྲིད་མཐར་ཡང༌། །མི་ཉམས་བཤད་དང་སྒྲུབ་པས་འཛིན་གྱུར་ཅིག །བསྟན་ལ་དགའ་བའི་དཀར་ཕྱོགས་ལྷ་ཀུན་དང༌། །མཐུ་ཆེན་དམ་ཅན་དྲེགས་པའི་ཚོགས་རྣམས་ཀྱིས། །རྟག་ཏུ་གཡེལ་མེད་མེལ་ཚེས་ལེགས་བསྲུང་ཞིང༌། །ཕུན་སུམ་ཚོགས་པའི་དཔལ་ཀུན་སྡུད་གྱུར་ཅིག །བསྟན་ལ་སྡང་དང་བསྟན་འཛིན་ལ་འཁུ་དང༌། །དགེ་

― ZP02_Page_466 ―

^{[མ་དཔེ་གཟིགས་ན་འདིར་གནོན།]}

[Full Size]

འདུན་འདུས་པའི་ཞལ་དུ་འདུ་བའི་སྒོ། །རྐུ་དང་འཕྲོག་པའི་མ་རུང་ལས་ཅན་ལ། །མངོན་སྤྱོད་དམོད་པའི་རྣོ་དཔལ་འབར་གྱུར་ཅིག །མཐར་ཐུག་དཀར་ནག་ལས་ཀྱིས་འབྲེལ་ཚད་ཀུན། །ཡང་དག་ཐར་པའི་ལམ་གྱི་སྣོད་གྱུར་ནས། །ཀུན་ཀྱང་ཐེག་གསུམ་ལམ་གྱི་ངེས་འབྱུང་ལ། །བརྟེན་ནས་འཁོར་བའི་རྒྱ་མཚོ་སྟོང་གྱུར་ཅིག །འདི་ན་བཤད་སྒྲུབ་རྒྱལ་བསྟན་གནས་བཞིན་དུ། །བསྟན་སྲུང་ཚོགས་ཀྱིས་མེལ་ཚེ་གཡེལ་གྱུར་ན། །རྒྱལ་བའི་བཀའ་དང་རྡོ་རྗེའི་དམ་འགལ་བའི། །བཀའ་ཆད་དྲེགས་སྡེའི་སྙིང་ལ་འབབ་པར་ངེས། །དེ་སླད་མ་གཟའ་རྡོར་སོགས་སྲུང་མའི་ཚོགས། །ཇི་སྙེད་གཙུག་ལག་ཁང་འདིར་རྟག་བཞུགས་ནས། །ལེགས་སྤེལ་ཉེས་སྐྱོབས་འགལ་བྱེད་ཆམས་ལ་ཕོབས། །ཕྲིན་ལས་རྣོ་དཔལ་འཕྲལ་དུ་མངོན་སུམ་མཛོད། །ཅེས་གཙུག་ལག་ཁང་ཆེན་བཞེངས་སྐབས་ཀྱི་ཞལ་འདེབས་ཇི་ལྟར་བྱུང་ཐོའི་མཇུག་སྨོན་ཚིག་ཉུང་ངུ་འདིའང་ཐེག་གསུམ་ཆོས་གྲྭས་བཟུང་བའི་དབེན་གནས། ཤྲཱི་སེང་ནས་དཔལ་སྤྲུལ་པས་བྲིས་པ་དགེ་ཞིང་བཀྲ་ཤིས་པར་གྱུར་ཅིག །དགེའོ།། ༈ སྐྱབས་འགྲོ་ནི། སངས་རྒྱས་ཆོས་དང་ཚོགས་སོགས་ལན་གསུམ། སེམས་བསྐྱེད་ནི། སེམས་ཅན་ཐམས་ཅད་བདེ་བ་སོགས་ལན་གསུམ། ཨོཾ་སྭ་

― ZP02_Page_467 ―

^{[མ་དཔེ་གཟིགས་ན་འདིར་གནོན།]}

[Full Size]

བྷ་ཝ་སོགས། སྟོང་པའི་ངང་ལས་པདྨ་ཟླ་བའི་སྟེང༌། །རང་སེམས་དྷཱིཿལས་བདག་ཉིད་འཇམ་དཔལ་དབྱངས། །དམར་སེར་ཕྱག་གཉིས་རལ་གྲི་པུ་སྟི་བསྣམས། །རིན་རྒྱན་དར་གོས་ཀྱིས་སྤྲས་རྡོར་དཀྱིལ་་བཞུགས། །ཐུགས་ཀར་ཟླ་སྟེང་དྷཱིཿམཐར་སྔགས་ཕྲེང་ལས། །འོད་འཕྲོས་སྒྲིབ་གསལ་ཤེས་རབ་སྣང་བ་རྒྱས། །ཨོཾ་ཨ་ར་པ་ཙ་ན་དྷཱིཿསོགས་ཅི་ནུས་བཟླས། མཚན་བརྗོད་འདོན་ཞིང་དགེ་བ་བསྔོ། །བརྩེ་ལྡན་ཁྱེད་ཀྱི་མཁྱེན་རབ་སོགས་ཀྱིས་གསོལ་བ་གདབ། ཤྲཱི་མིང་གིས་བྲིས་པའོ། ༈ དཔལ་རྡོ་རྗེ་སེམས་དཔའ་ལ་བསྟོད་པ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །གངས་ཀྱི་རི་བོ་ལྟ་བུར་རབ་དཀར་སྐུ། །ཕུན་སུམ་ཚོགས་པ་ཆོས་སུ་སྒྲོགས་པའི་གསུངས། །ཟབ་ཡངས་མཁྱེན་གཉིས་རང་བཞིན་ནམ་མཁའི་ཐུགས། །བཅོམ་ལྡན་སེམས་དཔའ་ཁྱོད་ལ་ཕྱག་འཚལ་ལོ། །བསྐལ་པར་བསགས་པའི་ལས་ངན་སྒྲིབ་པའང༌། །གང་མཚན་སྐད་ཅིག་དྲན་པས་འཇོམས་མཛད་པ། །མགོན་པོ་ཁྱོད་འདྲ་གཞན་ནམ་མཆིས་པས། །ཡང་ནས་ཡང་དུ་དད་པས་ཕྱག་འཚལ་ལོ། །རིགས་བརྒྱ་རིགས་ལྔ་རིགས་གསུམ་དཀྱིལ་འཁོར་ལྷ། །རིགས་བདག་དྲུག་པ་ཁྱེད་ལས་གཞན་མེད་དོ། །གསང་མཛོད་བཀའ་རྣམས་

― ZP02_Page_468 ―

^{[མ་དཔེ་གཟིགས་ན་འདིར་གནོན།]}

[Full Size]

བསྡུ་མཛད་དེ་ཡང་ཁྱེད། །རྒྱལ་ཀུན་ཡོངས་འདུས་ཁྱེད་ལ་ཕྱག །ཆ་ཡིས་ཡོངས་གང་ཟླ་བའི་དཀྱིལ་འཁོར་དང༌། །ཉེས་པའི་སྐྱོན་སྤངས་པད་དཀར་འདབ་བརྒྱད་ལ། །སྲིད་ཞིར་མི་གནས་རྫོགས་པའི་སྐྱིལ་ཀྲུང་ཅན། །ནོར་བུའི་ཞབས་གདུབ་འཛིན་ལ༴༌།སྣ་ཚོགས་དར་གོས་དབང་པོའི་གཞུ་བཞིན་མཛེས། །རིན་ཆེན་རྒྱན་མང་དོ་ཤལ་འཕྱང་འཕྲུལ་གཡོ། །སྣང་སྟོང་དབྱེར་མེད་རྡོར་དྲིལ་ཕྱག་རྒྱ་ཅན། །རིགས་ལྔའི་དབང་བསྐུར་རྫོགས་ལ༴༌།བདེ་ཆེན་ཡེ་ཤེས་ཁ་སྦྱོར་ཐིག་ལེའི་སྐུ། །དགྱེས་སྤྲིན་བདུད་རྩི་ཨ་བྷི་ཥིཉྩའི་ཆུས། །རྣམ་དག་དབང་ལྔའི་བདུད་རྩི་སྦྱིན་མཛད་པ། །གཉིས་མེད་སྙེ་བར་རོལ་ལ་ཕྱག་འཚལ་ལོ། །རིག་པའི་རང་བཞིན་སྙིང་པོ་སྔགས་ཀྱི་གནད། །འོག་མིན་གནས་སུ་གང་གིས་བཀའ་སྩལ་ཞིང༌། །བཟླས་དང་དྲན་པས་ཉམ་ཆགས་ཀུན་སྦྱོངས་པའི། །ཡང་སྙིང་ཡི་གེ་བརྒྱ་ལ་ཕྱག་འཚལ་ལོ། །མཚན་ནས་འབོད་དང་ཐུགས་དམ་གནད་བསྐུལ་བ། །རིགས་ལྔའི་རང་བཞིན་སྙིང་པོ་ཡང་སྙིང་སྟེ། །རྒྱུ་རྐྱེན་བཟླས་དང་སྔགས་གསུམ་ཡོངས་སུ་རྫོགས། །མདོར་བསྡུས་ཡི་གེ་དྲུག་ལ་ཕྱག་འཚལ་ལོ། །གདུལ་དཀའ་མ་རུང་ཡོངས་སུ་འཇོམས་པ་དང༌། །མཆོག་གི་དངོས་གྲུབ་མཆོག་ཏུ་སྦྱིན་མཛད་ལྷ། །གར་དགུའི་རྣམ་རོལ་མགོན་པོ་རྡོ་རྗེ་སེམས། །ཧེ་རུ་ཀཿདཔལ་ཉིད་ལ་ཕྱག་འཚལ་ལོ། །གསང་བའི་མཛོད་འཛིན་ས་བཅུའི་དབང་

― ZP02_Page_469 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱུག་ཚུལ། །རྡོ་རྗེ་གཏུམ་པོ་བགེགས་ཀྱི་དགྲ་གཅིག་པུར། །རིགས་ལྔའི་རང་བཞིན་མཁའ་ལྡིང་འཕྲོ་འདུ་ཅན། །གཏི་མུག་ཀླུ་གཤེད་ཁྱོད་ལ་ཕྱག་འཚལ་ལོ། །ལྷ་ཡི་ལྷ་མཆོག་བཅོམ་ལྡན་རྡོ་རྗེ་སེམས། །སྐྱབས་ཀྱི་མཆོག་ཏུ་མགོན་པོ་ཁྱེད་བཟུང་ནས། །ཡང་ནས་ཡང་དུ་སྐུ་གསུང་ཐུགས་དྲན་ན། །བྱིན་གྱིས་རློབས་ཤིག་སེམས་དཔའ་རྡོ་རྗེ་ཆོས། །ཨོཾ་བཛྲ་ས་ཏྭ་ཧཱུྃ། །དཔལ་སྤྲུལ་པས་སོ། །དགེའོ། །དགེའོ། །དགེའོ། །

གསོ་སྦྱོང་།

― ZP02_Page_471 ―

^{[མ་དཔེ་གཟིགས་ན་འདིར་གནོན།]}

[Full Size]

འོ། །ནམ་མཁའ་དང་མཉམ་པའི་སེམས་ཅན་ཐམས་ཅད་རྣམ་མཁྱེན་བླ་ན་མེད་པ་ཡང་དག་པར་རྫོགས་པའི་སངས་རྒྱས་ཀྱི་གོ་འཕང་ཐོབ་པར་བྱ། དེའི་ཆེད་དུ་ཐེག་པ་ཆེན་པོའི་གསོ་སྦྱོང་བླང་ནས་བསྲུང་བར་བྱ་སྙམ་པའི་བྱང་ཆུབ་མཆོག་ཏུ་སེམས་བསྐྱེད་པ་དང་བཅས་ཏེ་གསན་འཚལ། དེ་ཡང་དུས་ཁྲིམས་ཡན་ལག་བརྒྱད་པའི་སྡོམ་པ་བསྲུང་བ་ནི་ཐེག་དམན་གྱི་དུས་ན། བསྙེན་གནས་ཡན་ལག་བརྒྱད་པའི་སྡོམ་པ་ཞེས་ཁྱིམ་པས་དུས་སུ་བསྲུང་བྱ་དང༌། དེ་ཉིད་ཐེག་ཆེན་ཏུ་བྱང་ཆུབ་ཀྱི་སེམས་གྱིས་ཟིན་པའི་སྒོ་ནས་ཉམས་སུ་བླང་ན་ཉེས་སྤྱོད་སྡོམ་པའི་ཚུལ་ཁྲིམས་སུ་འགྱུར་ཞིང༌། འདིར་འཕགས་པ་སྤྱན་རས་གཟིགས་ཀྱི་བསྐྱེད་རིམ་ལྷའི་རྣལ་འབྱོར་དང་འབྲེལ་བར་ཉམས་སུ་བླང་ན་གསང་སྔགས་བྱ་བའི་རྒྱུད་ཀྱི་དཀའ་ཐུབ་དང་སྡོམ་པའི་ཡན་ལག་ཏུ་འགྱུར་བ་ཡིན། དེ་ཡང་སྔོན་གྱི་རྒྱལ་བ་སྲས་དང་བཅས་པ་རྣམས་ཀྱི་མཛད་པའི་ཚུལ་གང་ཡིན་པ། དེ་ཉིད་རང་རྒྱུད་ལ་ཁྲིམས་སུ་བཅའ་ཞིང༌། དེ་ལས་མི་འདའ་བར་སྡོམ་པས་ཚུལ་ཁྲིམས་སམ་སྡོམ་པ་ཞེས་གྲགས་པ་ཡིན་པས་ཇི་ལྟར་སྔོན་གྱི་ཞེས་པ་ལ་སོགས་རིམ་བཞིན་འབྲུ་འགྲེལ་ཅུང་ཟད་སྨོས་ན། དེ་ཡང་རྫོགས་པའི་སངས་རྒྱས་རྣམས་ནི་ཆོས་ཉིད་དེ་བཞིན་ཉིད་དང་རྗེས་སུ་མཐུན་པར་གཤེགས་པས་ན་དེ་བཞིན་གཤེགས་པ། བདུད་བཞིའི་དགྲ་དང་ཕྲལ་བས་ན་དགྲ་བཅོམ་པ། སྤང་རྟོགས་ཀྱི་ཡོན་ཏན་ཡང་དག་པར་རྫོགས་ཤིང་མ་རིག་

― ZP02_Page_472 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་གཉིད་འཐུགས་ལྟ་བུ་སངས་ལ་ཤེས་བྱའི་ཆོས་ཐམས་ཅད་ལ་བློ་གྲོས་རྒྱས་པས་ན་ཡང་དག་པར་རྫོགས་པའི་སངས་རྒྱས། དཔེར་ན་འཁོར་ལོས་སྒྱུར་བའི་རྒྱལ་པོའི་རྟ་ཅང་ཤེས་དེ་དག་ནི་དགྲའི་གཡུལ་ལ་སོགས་པར་འཇུག་པ་ན་གང་ན་གནོད་པ་མེད་པ་ནས་འཇུག་རང་སྲོག་ཡལ་བར་དོར་ཏེ་རྒྱལ་པོ་དེ་ཉིད་བསྲུང་བ་བཞིན་ཏུ། སེམས་ཅན་ཐམས་ཅད་ལ་ཐར་བ་དང་ཐམས་ཅད་མཁྱེན་པའི་ལམ་མ་ནོར་བ་སྟོན་ཅིང་གཞན་དོན་ཁོ་ན་ལྷུར་མཛད་པས་ན་རྟ་ཅང་ཤེས་ལྟ་བུ། ནམ་མཁའ་དང་མཉམ་པའི་སེམས་ཅན་ཐམས་ཅད་ལ་མ་བཅོལ་བཞིན་ཏུ་ཕན་འདོག་པའི་ཐུགས་རྗེ་ཆེན་པོའི་ཁུར་བསྣམས་ཤིང་ཐེག་པ་ཆེན་པོ་བླ་ན་མེད་པའི་དོན་སྟོན་པས་ན་གླང་པོ་ཆེན་པོ། །རང་དོན་མཐར་ཕྱིན་པས་ན་བྱ་བ་བྱས་ཤིང༌། གཞན་དོན་ལྷུར་ལེན་པས་ན་བྱེད་པ་བྱེད་པ། ལས་ཉོན་གྱི་སྒྲིབ་པ་སྤང་བས་ན་ཁུར་བོར་བ། མྱ་ངན་ལས་འདས་པའི་གོ་འཕང་བརྙེས་པས་ན་རང་གི་དོན་རྗེས་སུ་ཐོབ་པ། འཁོར་བའི་གནས་ལས་མི་ཐར་བར་བྱེད་པ་ལྟ་ངན་དང་ཉོན་མོང་པ་ལས་ཐམས་ཅད་ཟད་པས་ན་སྲིད་པ་ཀུན་ཏུ་སྦྱོར་བ་ཡོངས་སུ་ཟད་པ། ཐོག་མཐའ་བར་དུ་དགེ་བའི་ཆོས་སྟོན་པས་ན། ཡང་དག་པའི་བཀའ། སྲིད་པའི་འཆིང་བ་ཐམས་ཅད་བཅད་པས་ན་ལེགས་པར་རྣམ་པར་གྲོལ་བའི་ཐུགས། རྣམ་པ་ཐམས་ཅད་མཁྱེན་པའི་ཡེ་ཤེས་མངའ་བས་ན་ལེགས་པར་རྣམ་པར་གྲོལ་བའི་ཤེས་རབ་ཅན། དེ་དག་གིས་

― ZP02_Page_473 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་པས་ནི་གང་གིས་རྗེས་སུ་སློབ་པའི་དེ་བཞིན་གཤེགས་པའི་ཡོན་ཏན་བསྟན། དེའི་རྗེས་སུ་ཇི་ལྟར་སློབ་པའི་ཀུན་སློང་བྱང་ཆུབ་ཀྱི་སེམས་བསྟན་པར་བཞེད་ཅིང་རང་དོན་ཡལ་བར་དར་བས་ན་སེམས་ཅན་ཐམས་ཅད་ཀྱི་དོན་གྱི་ཕྱིར་དང༌། གནས་སྐབས་མངོན་མཐོ་ལ་འགོད་པས་ན་ཕན་པར་བྱ་བའི་ཕྱིར་དང༌། མཐར་ཐུག་ངེས་ལེགས་ལ་འགོད་པས་ན་གྲོལ་བར་བྱ་བའི་ཕྱིར་དང༌། སེར་སྣའི་ལས་འབྲས་སྦྱངས་པས་ན་མུ་གེ་མེད་པར་བྱ་བའི་ཕྱིར་དང༌། ཞེ་སྡང་གི་རྒྱུ་འབྲས་སྦྱངས་པས་ན་ནད་མེད་པར་བྱ་བའི་ཕྱིར་དང༌། ལམ་བྱང་ཆུབ་ཀྱི་ཕྱོགས་ཀྱི་ཆོས་རྣམས་ཡོངས་སུ་རྫོགས་པར་བྱ་བའི་ཕྱིར་དང༌། འབྲས་བུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ངེས་པར་རྟོགས་པར་བྱ་བའི་ཕྱིར་དང༌། ཇི་སྐད་དུ། ཨོ་རྒྱན་སངས་རྒྱས་གཉིས་པའི་ཞལ་ནས། །དགེ་བ་མཐའ་དག་ཡང་དག་གསོ་བ་དང༌། །སྡིག་པ་མ་ལུས་རྣམ་པར་སྦྱོངས་པ་སྟེ། །དགེ་གསོས་ཕྱིར་དང་སྡིག་པ་རྣམ་སྦྱོངས་ཕྱིར། །དེ་བཞིན་གཤེགས་པས་གསོ་སྦྱོང་བཀའ་སྩལ་ཏོ། །ཞེས་གསུངས་པ་ལྟར་གསོ་སྦྱོང་གི་སྡོམ་པ་ཇི་ལྟར་བླང་ཤིང་བསྲུང་བ་དེ་ལྟར་དུ་བདག་གིས་ཀྱང་སེམས་ཅན་ཐམས་ཅད་ཀྱི་དོན་དང་ཕན་པ་དང་གྲོལ་བ་ལ་སོགས་པ་དགོས་པ་དེ་དག་གི་ཕྱིར་དུས་ད་ལྟ་ནས་བཟུང་སྟེ་སངས་ཉི་མ་མ་ཤར་གྱི་བར་དུ་ཡན་ལག་བརྒྱད་པའི་སྡོམ་པ་བླངས་ནས་མ་ཉམས་པར་ཚུལ་བཞིན་ཏུ་བསྲུང་བར་བགྱིའོ་་

― ZP02_Page_474 ―

^{[མ་དཔེ་གཟིགས་ན་འདིར་གནོན།]}

[Full Size]

སྙམ་པས་འདི་བཞིན་རྗེས་ཟློས་མཛོད། ཇི་ལྟར་སྔོན་གྱི་སོགས་དེ་ཡང་དུས་ཁྲིམས་ཡན་ལག་བརྒྱད་པའི་སྡོམ་པ་ཞེས་བྱ་བ་ལ་ཚུལ་ཁྲིམས་ཀྱི་ཡན་ལག་བཞི། བག་ཡོད་ཀྱི་ཡན་ལག་གཅིག །བརྟུལ་ཞུགས་ཀྱི་ཡན་ལག་གསུམ་རྣམས་ཡོད་པ་ལས། དང་པོ་རང་རྒྱུད་ཀྱི་ཉེས་སྤྱོད་རྣམས་སྡོམ་པར་བྱེད་པ་ཚུལ་ཁྲིམས་ཀྱི་ཡན་ལག་བཞི་ནི་སྡོམ་པ་ཐམས་ཅད་ཀྱི་རྩ་བ་ཡིན་པས་ན་རྩ་བ་བཞི་ཞེས་གྲགས་ཏེ། དེ་ཡང་མིའི་འགྲོ་བ་ལྟ་ཅི་ཐ་ན་སྲོག་ཆགས་སུ་གཏོགས་པ་ཤིག་སྲོ་ཡན་ཆད་ཀྱི་སྲོག་མི་གཅོད་པ་དང་གཅིག །གཞན་གྱིས་བདག་ཏུ་བཟུང་བའི་རྒྱུ་རྫས་ཆེན་པོ་ལྟ་ཅི་སྨོས་ཐ་ན་ཁབ་རྐུད་པ་ཟས་ཁམ་གཅིག་ཀྱང་མ་བྱིན་པ་མི་ལེན་པ་དང་གཉིས། ཕོ་མོ་གཉིས་སྤྲད་དེ་འཁྲིག་པའི་བདེ་བ་དོན་ཏུ་གཉེར་བ་ལྟ་ཅི་སྨོས་ཆགས་སེམས་ཀྱིས་ཕན་ཚུན་ལྟ་བ་ཙམ་ཡང་མི་བྱེད་པ་ནི་མི་ཚངས་སྤྱོད་སྤངས་པ་དང་གསུམ། རང་ལ་ས་ལམ་གྱི་ཡོན་ཏན་མེད་ཀྱང་ཡོན་ཏན་ཡོད་པར་རྫུས་པའི་མི་ཆོས་བླ་མའི་རྫུན་ཆེན་པོ་ལྟ་ཅི། ཐ་ན་ཀུ་རེ་དང་རྩེད་མོའི་ཕྱིར་ཡང་གཞན་བསླུ་བར་བྱེད་པའི་རྫུན་མི་སྨྲ་བ་སྟེ་བཞི་ཡིན། བག་ཡོད་ཀྱི་ཡན་ལག་གཅིག་ནི། ཆང་སྤོངས་བ་ཡིན་ཏེ། འདི་མ་སྤང་ན་རང་རྒྱུད་བག་མེད་པར་འགྱུར་ཞིང་ཆང་གིས་མྱོས་ནས་བླང་དོར་གྱི་གནས་ཐམས་ཅད་མི་ཤེས་ཤིང་རང་ཉིད་ཀྱིས་སྡོམ་པ་བླང་བ་ཡང་བརྗེད་ནས་མི་དགེ་བ་སྤྱོད་པས་སྡོམ་པ་གང་ཡང་བསྲུང་མི་ནུས་པས་ན་གྲོ་ནས་སོགས་འབྲུའི་ཆང་དང་སྦྲང་དང་མེ་ཏོག་སོགས་གཞན་ཕབ་དང་སྦྱར་བ་

― ZP02_Page_475 ―

^{[མ་དཔེ་གཟིགས་ན་འདིར་གནོན།]}

[Full Size]

བཅོས་པའི་ཆང་དང༌། གཞན་ཡང་ཤིང་ཏོག་དང་རྩ་བ་ལ་སོགས་མྱོས་པར་བྱེད་པའི་བཟའ་བཏུང་ཐམས་ཅད་སྤངས་དགོས་པ་དེ་ཡིན། བརྟུལ་ཞུགས་ཀྱི་ཡན་ལག་གསུམ་ནི། རང་ཉིད་སྡོམ་ལྡན་ཡིན་པའི་དྲན་པ་གསོ་བའི་ཆེད་དུ་ཁྱིམ་ན་གནས་པས་ཇི་ལྟར་སྤྱོད་པའི་སྤྱོད་པ་དེ་དག་བརྟུལ་ནས། རྒྱལ་སྲས་ཀྱི་མཛད་སྤྱོད་བཟང་པོའི་རྗེས་སུ་ཞུགས་པས་བརྟུལ་ཞུགས་ཏེ། འཕྱོར་སྒེགས་དང༌། མཛེས་ཆོས་ཀྱི་བསམ་པས་ག་བུར་དང་ཙནྡན་སོགས་དྲི་ཞིམ་པོ་ལུས་ལ་བཀུ་བ། མེ་ཏོག་དང་རིན་པོ་ཆེ་ལ་སོགས་པའི་ཕྲེང་བས་ལུས་ལ་བརྒྱན་པར་བྱེད་པ། དེ་མ་ཡིན་པའི་རྣ་ཆ་དང་གདུ་བུ་ལ་སོགས་སྤངས་པ་ནི། རྒྱན་གྱི་རིགས་གསུམ། རྩེད་མོ་དང་བཞད་གད་གྱི་ཆེད་དུ་ལུས་ཀྱི་ཡན་ལག་གཡོ་བ་དང༌། ངག་གི་གཏམ་སྣ་ཚོགས་སྨྲ་བ་སོགས་སྤོང་བ་ནི། གར་གྱི་རྣམ་པ་རྩེ་བ་དང༌། དེ་བཞིན་འགྱུར་ཁུག་དང་འདེགས་འཇོག་དང་ལྡན་པའི་ངག་གིས་གླུ་ལེན་པ། པི་ཝཾ་དང་གླིང་བུ་སོགས་རོལ་མོ་འབུད་དཀྲོལ་བྱེད་པ་རྣམས་སྤོང་པ་རྩེད་མོའི་རིགས་བྱེད་གསུམ། དུས་མ་ཡིན་པ་ཉི་མ་ཡོལ་ཕན་ཆད་སྐོམ་པའི་གདུང་བ་སེལ་བའི་ཆུ་དང་ཇ་སོགས་བཏུང་བ་ལས་བཀྲེས་པ་སེལ་བར་བྱེད་པའི་ཟན་དང་ཆན་ཡོས་ཤིང་ཏོག་ལ་སོགས་བཟའ་བཅའ་རྣམས་ལོངས་མི་སྤྱད། གྲུ་གང་ལས་ལྷག་པའི་ཁྲི་སྟན་མཐོན་པོ། །རང་བཞིན་ཕལ་པར་མི་འོས་པའི་དར་གོས་དང་སྟག་

― ZP02_Page_476 ―

^{[མ་དཔེ་གཟིགས་ན་འདིར་གནོན།]}

[Full Size]

གཟིག་གི་སྟན་སོགས་ཁྲི་སྟན་ཆེན་པོ་ལ་མི་འདུག་པ་རྣམས་ལས། གར་སོགས་རྩེད་མོའི་རིགས་གསུམ་དང༌། །ཕྲེང་སོགས་རྒྱན་གྱི་རིགས་གསུམ་པོ་གཅིག་ཏུ་བརྩིས་པའི་བརྟུལ་ཞུགས་ཀྱི་ཡན་ལག་གསུམ་སྟེ། ཡན་ལག་བརྒྱད་པོ་འདི་ཇི་སྲིད་སངས་ཉི་མ་མ་ཤར་གྱི་བར་དུ་མི་ཉམས་པར་བསྲུངས་པར་བགྱིའོ། །སྙམ་པས་འདིའི་རྗེས་ཟློས་མཛོད། དེང་ནས་སྲོག་གཅོད་སོགས༴ དེ་ལྟ་བུའི་ཚུལ་ཁྲིམས་དེ་ཉིད་མཐར་ཕྱིན་པར་བྱ་བའི་ཆེད་དུ་འཕགས་པ་དོན་ཡོད་ཞགས་པའི་ཕ་རོལ་ཏུ་ཕྱིན་པ་དྲུག་གི་སྙིང་པོའི་གཟུངས་ལས་བྱུང་བ་ཚུལ་ཁྲིམས་རྣམ་དག་གི་གཟུངས་འདི་བཟླས་པས་དུས་གསུམ་གྱི་རྒྱལ་བ་སྲས་དང་བཅས་པའི་ཚུལ་ཁྲིམས་ཀྱི་ཕུང་པོ་ཐམས་ཅད་རང་རྒྱུད་ལ་རྫོགས་པར་བྱེད་པ་དང༌། སྔོན་ཆད་ཚུལ་ཁྲིམས་འཆལ་བའི་ཉེས་པ་ཐམས་ཅད་དག་པར་བྱེད་ཅིང་ཕྱིན་ཆད་མི་ཉམས་པར་བྱེད་པ་སོགས་ཕན་ཡོན་དུ་མ་དང་ལྡན་པའི་སྔགས་འདི་འདིའི་རྗེས་ཟློས་མཛོད། ཨོཾ་ཨ་མོ་གྷ་སོགས་དང་དེ་ནས་སྔོན་བྱང་ཆུབ་སེམས་དཔའ་བྱམས་པས་བྱང་ཆུབ་ཀྱི་སྤྱོད་པ་སྤྱད་པའི་ཚེ་ཉིན་ལན་གསུམ་མཚན་ལན་གསུམ་དུ་བསམ་པ་དྲག་པོའི་སྨོན་ལམ་བཏབ་པ་ལ་བརྟེན་ནས་ལམ་བདེ་བ་དང་འཇུག་པ་བདེ་བ་བསྐལ་པ་མང་པོའི་ཚོགས་རྫོགས་པར་མཛད་པ་བྱམས་པའི་སྨོན་ལམ་ལས་བྱུང་བའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་པའི་སྨོན་ལམ་འདིའི་རྗེས་ཟློས་མཛོད། ཁྲིམས་ཀྱི་ཚུལ་ཁྲིམས་སོགས་དང༌། དཔལ་མགོན་འཕགས་པ་ཀླུ་སྒྲུབ་ཀྱི་ཞལ་ནས། །གསོ་སྦྱོང་འདོད་

― ZP02_Page_477 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱོད་ལྷ་ལུས་ཡིད་འོང་པ། །སྐྱེས་པ་བུད་མེད་རྣམས་ལ་རྩོལ་བར་བགྱིད། །ཅེས་གསུངས་པ་ལྟར་སྔོན་བཅོམ་ལྡན་འདས་ཞལ་བཞུགས་པའི་སྐབས་རང་དོན་ཡིད་བྱེད་དང་བཅས་པས་བསྙེན་གནས་ལན་རེ་བསྲུང་བ་རྣམས་ཀྱང་སུམ་བཅུ་རྩ་གསུམ་གྱི་ལྷ་ཡུལ་དུ་སྐྱེས་ཤིང༌། བསྙེན་གནས་ཅུང་ཟད་ཉམས་པ་རྣམས་ཀྱང་རྒྱལ་ཆེན་རིགས་བཞིའི་ལྷ་གནས་སུ་སྐྱེ་བས་ཕན་ཡོན་དཔག་ཏུ་མེད་པར་གསུངས་ཤིང༌། དེ་ལས་ཀྱང་ཁྱད་པར་དུ་ཟླ་བ་སྒྲོན་མེའི་མདོ་ལས། །གང་ཞིག་སྐལ་པ་བསམ་གྱིས་མི་ཁྱབ་པར། །རྒྱལ་བ་བྱེ་བ་མང་ལ་མཆོད་བྱས་ལས། །གང་ཞིག་དམ་ཆོས་རབ་ཏུ་འཇིག་པ་དང༌། །བདེ་གཤེགས་བསྟན་པ་འགག་པར་གྱུརྤཱི་ཚེ། །ཉིན་མཚན་དུ་ནི་བསླབ་པ་གཅིག་སྤྱོད་པ། །དེ་ནི་དེ་བས་བསོད་ནམས་འཕགས་པར་གསུངས། །ཞེས་པ་ལྟར་སྔོན་བསྟན་པ་རྒྱས་པའི་ཚེ་ཡུན་རིང་པོར་སྡོམ་པ་བསྲུང་པ་ལས་ད་ལྟ་སངས་རྒྱས་ཀྱི་བསྟན་པ་མཐར་ཐུག་པའི་སྐབས་འདིར་ཉིན་མཚན་གཅིག་ཏུ་སྡོམ་པ་སྣ་གཅིག་བསྲུང་བ་ཕན་ཡོན་ཆེ་ཞིང༌། དེ་ཡང་བྱང་ཆུབ་ཀྱི་སེམས་ཀྱིས་ཟིན་པའི་སྡོམ་པའི་ཕན་ཡོན་ནམ་མཁའ་ལྟར་ཚད་གཟུང་མེད་ཅིང་རྫོགས་པའི་སངས་རྒྱས་ཀྱི་གོ་འཕང་ཐོབ་པར་འགྱུར་ལ། ཁྱད་པར་ད་རེས་ཀྱི་སྐབས་སུ་གསང་སྔགས་རྡོ་རྗེ་ཐེག་པའི་ལྷ་དང་སྔགས་ཀྱི་རྣལ་འབྱོར་ཟབ་མོ་དང་འགྲེལ་པར་ཉམས་སུ་བླང་པས་ཚེ་འདིར་རིག་འཛིན་གྱི་གྲལ་དུ་འཁོད་ཅིང༌། ཇི་ཙམ་འགོར་ཡང་མི་ཚེ་བཅུ་དྲུག་ལས་མི་འགྱང་བར་

― ZP02_Page_478 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་རྒྱ་ཆེན་པོ་མཆོག་གི་དངོས་གྲུབ་ཐོབ་པར་བྱེད་པ་ཡིན་པས་དགའ་བ་བསྒོམ་ཞིང་དེ་ལྟ་བུའི་དགེ་བ་དེ་ཡང་མཇུག་བསྔོ་བས་རྒྱས་མ་ཐེབ་ན་ཁོང་ཁྲོ་སོགས་རྐྱེན་འགའ་ཞིག་གིས་ཟད་པར་འགྱུར་བ་ཡིན་པས་དེས་ན་དགེ་རྩ་བྱང་ཆུབ་ཆེན་པོར་བསྔོ་བ་འདིའི་རྗེས་ཟློས་མཛོད། །བསོད་ནམས་འདི་ཡི་སོགས་བསྔོ་བས་མཐའ་བརྒྱན་པར་བྱའོ། ༈ །བར་དོའི་ངོ་སྤྲོད་བསྡུས་པ་བཞུགས་སོ། །སྤྱིར་ལུས་ཅན་རྣམས་འཆི་བའི་ཚེ་དང་པོ་རགས་པའི་ཐིམ་རིམ་ཉི་ཤུ་ནི། །གཟུགས་ཀྱི་ཕུང་པོ་ཐིམ་པས་ཡན་ལག་ཐམས་ཅད་ཕྲ་བ་དང༌། ལུས་ཀྱི་ཉམས་ཞན་ཅིང་ནུས་པ་མེད་པར་འགྱུར། མེ་ལོང་ལྟ་བུའི་ཡེ་ཤེས་ཐིམ་པས་སེམས་མི་གསལ་ཞིང་རབ་རིབ་ཏུ་འགྱུར། སའི་ཁམས་ཐིམ་པས་ལུས་ཐམས་ཅད་སྐམ་པར་འགྱུར། མིག་གི་དབང་པོ་ཐིམ་པས་མིག་མི་གསལ་བར་འགྱུར་ཞིང་ཟླུམ་པར་འགྱུར། །ཡུལ་གཟུགས་ཐིམ་པས་ལུས་ཀྱི་མདངས་མེད་ཅིང་ཉམས་པར་འགྱུར། ཡང་ཚོར་བའི་ཕུང་པོ་ཐིམ་པས་ཚོར་བ་ཉམས་སུ་མི་མྱོང༌། མཉམ་ཉིད་ཡེ་ཤེས་ཐིམ་པས་ཚོར་བ་གསུམ་དྲན་པར་མི་འགྱུར། ཆུའི་ཁམས་ཐིམ་པས་རང་ལུས་ཀྱི་མཆུ་དང་རྡུལ་དང་གཅིན་དང་ཁུ་ཁྲག་སོགས་སྐམ་པར་འགྱུར། རྣ་བའི་དབང་པོ་ཐིམ་པས་ཕྱི་ནང་གི་སྒྲ་མི་ཐོས། ཡུལ་སྒྲ་ཐིམ་པས་རང་ལུས་ཀྱི་སྒྲ་མི་ཐོས། ཡང་འདུ་ཤེས་ཀྱི་ཕུང་པོ་ཐིམ་པས་རྐང་གཉིས་ལ་སོགས་པའི་སེམས་ཅན་རྣམས་མི་དྲན། །སོ་སོར་རྟོགས་པའི་ཡེ་ཤེས་ཐིམ་པས་ཕ་མ་བུ་སྲིང་ལ་སོགས་པའི་མིང་མི་དྲན། མེའི་ཁམས་ཐིམ་པས་ཟས་མི་འཇུ། སྣའི་དབང་པོ་ཐིམ་པས་སྟེང་རླུང་དལ་གྱིས་འགྲོ། །ཡུལ་གྱི་དྲི་ཐིམ་པས་རང་གི་ལུས་ལ་དྲི་མི་བྲོའོ། །ཡང་འདུ་བྱེད་ཀྱི་ཕུང་པོ་ཐིམ་པས་ལུས་ཀྱི་བྱ་བ་ཐམས་ཅད་ལ་འཇུག་པར་མི་འགྱུར། བྱ་བ་གྲུབ་པའི་ཡེ་ཤེས་ཐིམ་པས་འཇིག་རྟེན་

― ZP02_Page_479 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་བྱ་བ་དང་དགོས་པ་མི་དྲན། རླུང་གི་ཁམས་ཐིམ་པས་རླུང་བཅུ་གནས་ནས་འཕོ། །ལྕེའི་དབང་པོ་ཐིམ་པས་ལྕེ་སྦོམ་ཞིང་ཐུང་ལ་རྩ་བ་སྔོན་པོར་འགྲོ། །ཡུལ་གྱི་རོ་ཐིམ་པས་རོ་དྲུག་ཉམས་སུ་མི་མྱོང་ངོ༌། །དེ་ལྟར་རགས་པ་ཉི་ཤུ་ཐིམ་ནས། །ཕྲ་བ་ནང་གི་འབྱུང་བའི་ཐིམ་ལུགས་ནི། །ས་ཆུ་ལ་ཐིམ་པས་ལུས་བསྒུལ་བསྐྱོད་མི་ནུས་ཤིང་ཟུང་མི་ཐུབ། ལུས་ས་ལ་བྱིང་བ་སྙམས་བྱེད། ནང་རྟགས་རྨིག་རྒྱུ་ལྟ་བུ་སྔོ་མེར་མེར་བ་དང༌། ཆར་ཟིམ་དང་ཆུ་གཡོ་བའི་རྣམ་པ་ལྟ་བུ་འབྱུང༌། ཆུ་མེ་ལ་ཐིམ་པས། ཁ་སྣ་སྐམ་ཞིང་ལྕེ་སྐན་ཕུག་ཏུ་འགྲོ། །ནང་རྟགས་སུ་དུ་བ་འཕྱུར་བ་ལྟ་བུ་དང༌། དུ་ཐང་ཆགས་པ་ལྟ་བུ་འབྱུང༌། མེ་རླུང་ལ་ཐིམ་པས་ལུས་ཀྱི་དྲོད་མཐའ་ནས་སྡུད་ཅིང་ཕོ་བའི་མེ་དྲོད་ཉམས། ནང་རྟགས་སུ་སྲིན་བུ་མེ་ཁྱེར་ལྟ་བུ་དམར་ཙག་ཙག་དང༌། དམར་ཕྲམ་ཕྲོམ་འབྱུང༌། རླུང་རྣམ་ཤེས་ལ་ཐིམ་པས། དབུགས་ཕྱིར་རིང་དུ་རྒྱུ་ཞིང་ནང་དུ་སྡུད་མི་ཤེས་པར་རགས་པའི་རྒྱུ་བ་ཆད། ནང་རྟགས་སུ་མར་མེ་འབར་བའི་སྣང་བ་དང༌། སྒྲོན་མེའི་ཕྲེང་བ་བསྒྲིགས་པ་ལྟ་བུ་འབྱུང༌། རྣམ་ཤེས་ནམ་མཁའ་ལ་ཐིམ་པས་ནང་རྟགས་སུ་ཤེས་པ་དངས་པ་དང༌། ཕྱི་རྟགས་སུ་སྤྲིན་མེད་པའི་ནམ་མཁའ་ལྟ་བུ་འབྱུང༌། དེ་ནས་ནམ་མཁའ་འོད་གསལ་ལ་ཐིམ་པས། སྣང་བཞི་རིམ་གྱིས་འཆར་ཏེ། དང་པོ་སྤྱི་བོ་ནས་ཕ་ལས་ཐོབ་པའི་ཐིག་ལེ་དཀར་ཆ་དེ་ཉིད་ཐུར་དུ་བབས་

― ZP02_Page_480 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་སྙིང་ཀར་སོན་པ་ན་སྣང་བ་ཞེས་བྱ་སྟེ། ཕྱི་རྟགས་སུ་སྣང་བ་ཐམས་ཅད་སྤྲིན་བྲལ་གྱི་ནམ་མཁའ་གཡའ་དག་པ་ལ་ཟླ་འོད་ཀྱིས་ཁྱབ་པ་ལྟ་བུ་དཀར་ལམ་བ་འབྱུང༌། ནང་རྟགས་སུ་གཟུང་བའི་རྣམ་རྟོག་རགས་པས་སྟོང་པའི་ཤེས་པའི་རང་གདངས་གསལ་བར་སྣང་བ་འཆར། གཉིས་པ་དབུ་མའི་མས་སྣའི་ཁམས་དམར་ཆ་དངས་མ་གྱེན་དུ་སོང་པས་སྣང་བའི་ཡེ་ཤེས་འཆར་པ་ལ་ཐིམ། ཕྱི་རྟགས་སུ་སྤྲིན་མེད་པའི་ནམ་མཁའ་ཉི་འོད་ཀྱིས་ཁྱབ་པ་ལྟ་བུ་དམར་ལམ་པ་འཆར། ནང་རྟགས་སུ་འཛིན་པའི་རྣམ་རྟོག་རགས་པའི་ཆོས་སྟོང་པའི་སེམས་ཤིན་ཏུ་གསལ་བར་སྣང་བ་འཆར། གསུམ་པ་དངས་མ་དཀར་དམར་སྙིང་གར་ཕྲད་པའི་དུས་སུ་མཆེད་པའི་ཡེ་ཤེས་ཐོབ་པ་ལ་ཐིམ་པས། ཕྱི་རྟགས་སུ་ནམ་མཁའ་ལ་མུན་ནག་གིས་ཁྱབ་པ་ལྟར་ནག་ཐིབས་ཀྱིས་འགྲོ་བའི་ནག་ལམ་དང༌། ནང་རྟགས་སུ་ཤིན་ཏུ་ཕྲ་བའི་གཟུང་འཛིན་གྱི་རྟོག་པའི་ཆོས་ཆེར་སྟོང་པ་སྣང་ཆའི་སྟེང་དུ་ཐ་དད་པའི་མཚན་མ་ཐམས་ཅད་ནུབ་པས་སེམས་འགགས་པ་ལ་ཕྱོགས་པ་སྣང་བ་ཐོབ་པའི་ཡེ་ཤེས་འཆར། བཞི་པ་དེ་ནས་སྙིང་གའི་རྩ་དར་དཀར་གྱི་སྐུད་པ་འདྲ་བའི་ནང་གི་ཁྲག་དབུགས་ཀྱི་དངས་མ་ཐིག་ལེ་ཨ་ཧི་སོགས་རྫོགས་པར་ཐིམ་པས་འཆི་ཁའི་གཞི་དུས་ཀྱི་འོད་གསལ་འཆར་སྟེ། ཕྱི་རྟགས་སུ་སྤྲིན་དང་བྲལ་བའི་ནམ་མཁའ་གཡའ་དག་པ་ལྟ་བུ་དང་སྟོང་གསལ་མཐའ་དབུས་མེད་པའི་སྣང་བ་དང༌། ནང་རྟགས་སུ་རྣམ་པར་མི་རྟོག་པ་ལྷན་ཅིག་སྐྱེས་པ་ཤིན་ཏུ་སྤྲོས་པ་དང་བྲལ་བའི་ཡེ་

― ZP02_Page_481 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་ལ་གནས་པ་སྟེ་འདི་ངོས་ཟིན་ནས་ད་ལྟའི་ཉམས་ལེན་གྱི་ངང་དུ་བཞག་ན་འོད་གསལ་མ་བུ་འདྲེས་ཏེ་བར་དོ་དང་པོ་ལ་གྲོལ་བ་ཡིན་ནོ། །འདི་ནི་སྟོང་པའི་འོད་གསལ་རྒྱུད་སྡེ་སྤྱི་དང་མཐུན་པར་བཤད་པ་ཡིན་ལ་འདིའི་སྐབས་སུ་སྣང་བའི་འོད་གསལ་ལྷ་སྐུ་དང༌། ཐིག་ལེ་ལ་སོགས་པ་འཆར་ཚུལ་རྫོགས་ཆེན་གྱི་རྒྱུད་སྡེ་རྣམས་ནས་བཤད་པ་ཡོད་ཀྱང་ཇི་ལྟ་བར་གྲོལ་བ་ལོང་ཡོད་དུ་འཆར་དཀར་བར་སྣང་ངོ། །དེ་ནས་སྣང་གསུམ་ཐིམ་པའི་འོད་གསལ་དེ་ལས་སླར་ཡང་རིམ་གྱིས་མཆེད་དེ་སྲིད་པ་བར་དོའི་ལུས་སུ་འགྲུབ་པ་ནི། བར་དོར་ཅི་ཙམ་གནས་པའི་ཕྱེད་སྔ་མ་ལ་ཚེ་སྔ་མའི་གཟུགས་དང༌། ཕྱི་མ་ལ་ཕྱི་མ་གང་དུ་སྐྱེ་འགྱུར་གྱི་གཟུགས་ཀྱི་རྣམ་པ་ཅན་དབང་པོ་ཐམས་ཅད་ཚང་ཞིང༌། མའི་མངལ་མ་གཏོགས་པར་རྫུ་འཕྲུལ་གྱིས་ཐོག་མེད་དུ་རྒྱུ་བ་བར་དོ་རིགས་མཐུན་པ་རྣམས་དང་ལྷའི་མིག་དག་པ་ཐོབ་པ་རྣམས་མ་གཏོགས་གཞན་གྱིས་མི་མཐོང་བ། དཔེར་ན་རྨི་ལམ་གྱི་ལུས་ལྟ་བུར་སྐད་ཅིག་ལ་སྐྱེས་ནས་སྣང་བའང་མ་ཡིན་མུན་པའང་མ་ཡིན་པའི་སྣང་མུན་འོད་ཀྱི་བར་དོ་ཞེས་བྱ། འདིའི་སྐབས་སུ་ཤི་བ་ངོ་ཤེས་དཀའ་བས། ནམ་མཁར་བལྟས་ན་ཉི་ཟླ་མི་མཐོང་བ་དང༌། ས་ལ་རྐང་རྗེས་དང༌། གྲིབ་མ་མེད་པ་སོགས་བར་དོ་ཡིན་པའི་རྟགས་སུ་བཤད། འདིའི་ཚེ་ལས་དག་མ་དག་གི་སྣང་བ་བཟང་ངན་སྣ་ཚོགས་དང༌། ཁྱད་པར་

― ZP02_Page_482 ―

^{[མ་དཔེ་གཟིགས་ན་འདིར་གནོན།]}

[Full Size]

འཇིགས་པའི་སྒྲ་བཞི་ཞེས་པ་ས་རླུང་ལས་རི་ཉིལ་བ་ལྟ་བུའི་སྒྲ། ཆུ་རླུང་ལས་རྒྱ་མཚོའི་རླབས་འཆོལ་བའི་སྒྲ། །མེ་རླུང་ལས་ནགས་ལ་མེ་མཆེད་པའི་སྒྲ། རླུང་གི་རླུང་ལས་འབྲུག་སྒྲ་སྟོང་དུས་གཅིག་ཏུ་ལྡིར་བའི་སྒྲ། ཉམ་ང་བའི་གཡང་ས་གསུམ་ནི། དུག་གསུམ་གྱི་རང་གཟུགས་གཡང་ས་དཀར་དམར་ནག་གསུམ་མཐོང་ནས། དེར་ལྟུང་བ་ན་མངལ་དུ་ཆུད་པ་སོགས་འབྱུང༌། འདི་དག་གི་ཚེ་སྐྱེ་གནས་ཚོལ་བ་དང༌། གནས་ལུས་ལ་སྲེད་པ་སོགས་རྒྱུན་མར་འབྱུང་བ་ཡིན་ཞིང༌། འོད་ཀྱི་འཁོར་ལོ་དང༌། ས་ཕུག་དང༌། གང་སྟོང་དང༌། དུད་འགྲོ་ཕོ་མོ་དང༌། མི་ཕོ་མོ་ལ་སོགས་པ་མངལ་སྒོ་དང་སྐྱེ་གནས་ཀྱི་སྣང་བ་མི་འདྲ་བ་སྣ་ཚོགས་འཆར་བ་ཡིན་ནོ། །དེ་དག་གི་ཚེ་ཉམས་ལེན་གྱི་གནད་ནི། དང་པོ་འཆི་ངེས་པར་བློ་ཐག་ཆོད་པའི་ཚེ་ཚེ་འདིའི་ཞེན་པ་དང་འབྲེལ་བ་ཐམས་ཅད་བཅད། དམ་ཚིག་ཉམས་ཆགས་དང་སྡིག་ལྟུང་སོགས་ལ་སྙིང་ཐག་པ་ནས་བཤག་པ་བྱ། རང་བྱས་ཀྱི་སྡིག་པ་དྲན་ནས་འགྱོད་པ་དང༌། འཆི་བ་ལ་འཇིགས་སྐྲག །ཚེ་འདིའི་ཞེན་པ་སོགས་སྐད་ཅིག་ཙམ་ཡང་མི་བྱ་བར། དགའ་ཡལ་ལེ། སྤྲོས་དང༌། ད་རེས་འཆི་བ་འོད་གསལ་ངོས་ཟིན་པར་བྱ་བའམ་མིན་ཀྱང་བར་དོར་འོག་མིན་མཁའ་སྤྱོད་ཀྱི་གནས་སམ་ཟངས་མདོག་དཔལ་རི། བདེ་བ་ཅན་ལ་སོགས་པར་ངེས་པར་འགྲོ་ཆོག་པས་རེ་དགའ། དག་པའི་ཞིང་ཁམས་དེ་དག་ཏུ་འགྲོ་བར་བྱའོ་སྙམས་པའི་འདུན་པ་དྲག་པོ་མ་བརྗེད་པར་བྱ།

― ZP02_Page_483 ―

^{[མ་དཔེ་གཟིགས་ན་འདིར་གནོན།]}

[Full Size]

ད་ལྟའི་རང་རྒྱུད་ཀྱི་ཉམས་ལེན་གང་གསལ་དེ་གའི་ངང་དུ་བློ་ལྷོད་ཀྱིས་བཞག་ནས་ཚེའི་འདུ་བྱེད་གཏོང་བ་ལས། ད་ལྟ་གོམ་འདྲིས་མེད་པའི་མན་ངག་གཞན་དེའི་ཚེ་ཉམས་སུ་མི་ལོན་པས་ད་ལྟ་རང་གི་ཉམས་ལེན་གང་གསལ་བ་དེའི་ངང་དུ་འཇོག་པ་དང༌། ཟངས་མདོག་དཔལ་རི་སོགས་དག་པའི་ཞིང་དུ་འགྲོ་སྙམས་པའི་འདུན་པ་གཉིས་པོ་འདི་ལས་ལྷག་པ་མེད་དོ། །ཁྱད་པར་རང་ཉིད་གང་ལ་འདུན་པ་གཏད་པའི་དག་པའི་ཞིང་ཁམས་དེར་འགྲོ་བར་བྱའོ་སྙམས་པའི་འདུན་པ་ཡང་དང་ཡང་དུ་ཡིད་ལ་བྱ་བ་ནི་གནད་ཁྱད་པར་ཅན་ཡིན་པས་ད་ལྟའནག་ཉིན་མཚན་རྒྱུན་དུ་ཡིད་ལ་མི་འབྲལ་བར་ཤེས་པར་གནད་གལ་པོ་ཆེ་ཡིན་ནོ།། ༈ །།ཐེག་ཆེན་ལམ་གྱི་རྩ་བ་དམ་པ་གསུམ་ཡིན་ཏེ། དེ་གང་ཞེ་ན་འདི་ལྟར། དང་པོ་དགེ་བ་ཐབས་ཀྱིས་ཟིན་པའི་སེམས་བསྐྱེད། དངོས་གཞིའི་དགེ་བ་རྐྱེན་གྱིས་མི་བཤིག་པའི་དམིགས་མེད། མཇུག་དགེ་བ་གོང་འཕེལ་དུ་འགྲོ་བའི་བསྔོ་བ་རྣམས་ནི་དམ་པ་གསུམ་ཡིན་ལ། དང་པོ་སྦྱོར་བ་སེམས་བསྐྱེད་དམ་པ་ནི། འདི་ལྟར་ནམ་མཁའ་དང་མཉམ་པའི་སེམས་ཅན་ཐམས་ཅད་ཡེ་ཐོག་མའི་དུས་ནས་ད་ལྟའི་བར་དུ་རང་གི་ཕ་མར་མ་གྱུར་པ་ནི་གཅིག་ཀྱང་མེད། ཕ་མར་གྱུར་པའི་དུས་སུ་ད་ལྟའི་ཕ་མ་བཞིན་དུ་ཟས་ཀྱི་ཕུད་བྱིན། གོས་ཀྱི་བརྩེས་གཡོག །ཤིན་ཏུ་བྱམས་པའི་བསམ་སྦྱོར་གྱིས་བསྐྱེད་བསྲེངས་པའི་དྲིན་ཆེན་ཤ་སྟག་ཡིན་མོད། དེ་དག་ཐམས་ཅད་ཀྱིས་འདོད་པ་བདེ་བ་རེ་འདོད་ཀྱང་བདེ་བའི་རྒྱུ་དགེ་བ་བཅུ་པོ་བསྒྲུབ་མི་ཤེས།

― ZP02_Page_484 ―

^{[མ་དཔེ་གཟིགས་ན་འདིར་གནོན།]}

[Full Size]

སྡུག་བསྔལ་མི་འདོད་ཀྱང་སྡུག་བསྔལ་གྱི་རྒྱུ་མི་དགེ་བ་བཅུ་པོ་འཆོལ་ཉོག་ཏུ་སྤྱོད་ནས་ལམ་ལོག་མགོ་རྨོངས་ལོང་བ་ཐང་དཀྱིལ་དུ་འཁྱམས་པ་ལྟ་བུའི་སྐྱབས་མེད་མགོན་མེད་དུ་གྱུར་པའི་སེམས་ཅན་འདི་རྣམས་སྙིང་རེ་རྗེ། འདི་དག་ཐམས་ཅད་རྣམས་མཁྱེན་རྫོགས་པའི་སངས་རྒྱས་ཀྱི་གོ་འཕང་ཐོབ་པའི་ཆེད་དུ་བདག་གིས་དམ་པའི་ཆོས་འདི་ཉན་ནས་ཉམས་སུ་བླང་བར་བགྱིའོ། །སྙམ་པ་ཐེག་པ་ཐུན་མོང་གི་སེམས་བསྐྱེད་ཡིན། གསང་སྔགས་རྡོ་རྗེ་ཐེག་པའི་ཁྱད་པར་ནི་བདག་དང་མཐའ་ཡས་པའི་སེམས་ཅན་ཐམས་ཅད་ཡེ་ནས་སངས་རྒྱས་པའི་རང་བཞིན་ཡིན་ཀྱང༌། རང་ངོ་མ་ཤེས་པས་འཁྲུལ་པས་འཁོར་བའི་ལམ་ལ་ཁ་འཁྱམས་པ་འདི་དག་ཐམས་ཅད་ལ་རང་གནས་གྱི་ཡེ་ཤེས་ངོ་སྤྲད་ནས་ཚེ་ལུས་གཅིག་གིས་རྡོ་རྗེ་འཆང་གི་གོ་འཕང་ཐོབ་པའི་ཕྱིར་བདག་གིས་བསྐྱེད་རྫོགས་ཟབ་མོ་སོགས་ལ་བསླབ་པར་བྱའོ་སྙམ་དུ་སེམས་བསྐྱེད། །དངོས་གཞི་དམིགས་མེད་དམ་པ་ནི་སྣོད་བཅུད་དག་མཉམ་ཆེན་པོའི་རང་བཞིན་དུ་ཡེ་ནས་གནས་པ་དེ་ཡིན་པ་ལྟར་གསལ་བཏབ་ནས་ཆོས་བྱེད་པ་པོ་བདག་དང་བྱ་རྒྱུའི་ཆོས་བྱ་བ་དང་བཅས་པ་དམིགས་མེད་ཕྱམ་གདལ་དུ་ཐག་ཆོད་ན་དེ་ཡིན། དེ་མིན་ན་དེ་དང་རྗེས་སུ་མཐུན་པ་རང་གིས་སྔར་བླ་མའི་དྲིན་གྱིས་རྟོགས་པའི་ལྟ་དོན་ཇི་ལྟ་བུ་ཞིག་ཡིན་ཀྱང༌། དེའི་དང་ནས་རྣམ་རྟོག་གྱ་གྱུའི་དབང་དུ་མི་གཏོང་བར་དགེ་སྦྱོར་ལ་འབད་པར་བྱའོ། །རྗེས་སུ་བསྔོ་བ་དམ་པ་ནི། བདག་གཞན་སེམས་ཅན་ཐམས་ཅད་ཀྱི་

― ZP02_Page_485 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་གསུམ་གྱི་བསགས་པའི་དགེ་ཚོགས་ཐམས་ཅད་གཅིག་ཏུ་བསྡུས་ཤིང་བཟླུམ་ཏེ་བསྡོམ་ནས་འདས་མ་འོང་ད་ལྟའི་སངས་རྒྱས་རྣམས་ཀྱི་སེམས་ཅན་གྱི་དོན་དུ་བསྔོ་བ་ཇི་ལྟར་མཛད་པ་བཞིན་དུ་བདག་གིས་ཀྱང་ཡོངས་སུ་བསྔོ་བར་བགྱི་སྙམ་པ་ནི་སངས་རྒྱས་ཀྱི་རྗེས་སུ་བསྔོས་པ་ཡིན། འཇམ་དཔལ་དཔའ་བོ་དང་སྤྱན་རས་གཟིགས་སོགས་རྒྱལ་སྲས་རྣམས་ཀྱི་བསྔོ་བ་ལྟར་བསྔོས་ན་བྱང་སེམས་རྣམས་ཀྱི་རྗེས་སུ་བསྙོགས་ཏེ་བསྔོས་པ་ཡིན། གང་ལྟར་ན་སེམས་ཅན་རྣམས་ལ་དགེ་རྩ་བསྔོས་པའི་མཐུས་རྫོགས་པའི་སངས་རྒྱས་ཀྱི་གོ་འཕང་ཐོབ་པར་དམིགས་ཏེ་བསྔོ་བ་ཤེས་པར་བྱའོ། །མདོར་ན་དགེ་སྦྱོར་ཐམས་ཅད་ཀྱི་ཐོག་མར་དོན་གཉིས་ལྡན་པའི་སེམས་བསྐྱེད། དངོས་གཞི་བྱ་བྱེད་ལས་གསུམ་གྱི་དམིགས་པ་དང་བྲལ་བ། རྗེས་སངས་རྒྱས་དང་སེམས་དཔའ་རྣམས་ཀྱི་རྗེས་སུ་བསྙེགས་ཏེ་བསྔོས་ན་དམ་པ་གསུམ་གྱིས་ཟིན་པའི་དགེ་བ་ཐར་བ་དང་ཆ་མཐུན་པ་ལགས།། ༈ སྤྱིར་དགེ་བ་གང་བྱེད་ཐམས་ཅད་དམ་པ་གསུམ་གྱིས་ཟིན་པ་གལ་ཆེ་སྟེ། དང་པོ་དགེ་བ་གང་བྱེད་ལ་ཐབས་ཀྱིས་ཟིན་པ་སྦྱོར་བ་སེམས་བསྐྱེད། དགེ་བ་རྐྱེན་གྱིས་མི་བཤིག་པར་བྱེད་པ་དངོས་གཞི་དམིགས་མེད། དགེ་བ་གོང་འཕེལ་དུ་འགྲོ་བ་མཇུག་བསྔོ་བའོ། །དང་པོ་སེམས་བསྐྱེད་ནི། སེམས་ཅན་ཐམས་ཅད་ཀྱི་དོན་དུ་རྫོགས་པའི་སངས་རྒྱས་ཀྱི་གོ་འཕང་ཐོབ་པར་བྱ། དེའི་ཆེད་དུ་དགེ་བ་སྒྲུབ་སྙམ་པ་དེ་ཡིན། སེམས་བསྐྱེད་འདི་ལ་སེམས་ཅན་གྱི་དོན་དུ་སྙམས་པ་དང༌། རྫོགས་

― ZP02_Page_486 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་སངས་རྒྱས་ཀྱི་གོ་འཕང་ཐོབ་པར་བྱ་སྙམ་པ་དེ་གཉིས་ཚང་དགོས། འདི་གཉིས་མ་ཚང་ན་བྱམས་དང་སྙིང་རྗེ་ཙམ་གྱིས་སེམས་བསྐྱེད་ཀྱི་གོ་མི་ཆོད། དངོས་གཞི་དམིགས་མེད་ནི། ཕྱག་རྫོགས་ཀྱི་ཉམས་ལེན་ཤེས་མཁན་ཡིན་ན་རང་རང་གི་ཉམས་ལེན་སྐྱོང་བ་དེས་འཐུས། མཇུག་བསྔོ་བ་ནི། རྒྱལ་བ་སྲས་དང་བཅས་པས་ཇི་ལྟར་བསྔོས་པ་དེ་ལྟར་བསྔོ་སྙམ་པ་དེ་འཁོར་གསུམ་ཡང་དག་གི་བསྔོ་བ་རྗེས་མཐུན་པ་ཡིན་པས་དེ་ལས་ལྷག་པ་མེད། དུས་རྒྱུན་གསོལ་བ་འདེབས་པའི་ཡུལ་བླ་མ་སངས་རྒྱས་ཀུན་འདུས། དཀོན་མཆོག་ཀུན་འདུས་ཀྱི་ངོ་བོ་ཡིན་པས་འདི་གཅིག་པུ་ལ་གསོལ་བ་བཏབ་པས་འཐུས། དེ་ཡང་བླ་མའི་ཐུགས་རིག་པའི་ཡེ་ཤེས་སྣང་སྟོང་དབྱེར་མེད་དེ་ཡེ་སངས་རྒྱས་པའི་ཡེ་ཤེས་ཡིན་པས། སངས་རྒྱས་སྐུ་གསུམ་འདི་ལ་འདུས། བླ་མའི་ཐུགས་རྒྱུད་ན་བཞུགས་པའི་ཐོས་བསམ་སྒོམ་གསུམ་གྱི་ཡོན་ཏན་རྣམས་ཆོས་ཡིན་ཏེ། ཐོས་བསམ་ལུང་དང་སྒོམ་པ་རྟོགས་པ་གཙོ་ཆེ། བླ་མའི་ཐུགས་ཡེ་ཤེས་དང་ཐུགས་རྒྱུད་ཀྱི་ཡོན་ཏན་གཉིས་དབྱེར་མི་ཕྱེད་པའི་ཆ་ནི་དགེ་འདུན་ཡིན་ཏེ། ཚོགས་རྣམས་ཀྱི་མཆོག་ཡིན་པའི་ཕྱིར་རོ། །དེས་ན་སངས་རྒྱས་ལ་གསོལ་བ་བཏབ་ཀྱང་འདི་དང་འདྲ་ཞིང་བླ་མ་ཡང་དེར་འདུ། བླ་མ་དང་སངས་རྒྱས་གཉིས་གནས་སྐབས་གདུལ་བྱ་ལ་སྣང་ཚུལ་གྱི་ཁྱད་པར་ལས་ངོ་བོ་གཅིག་སྟེ། ཚེས་གསུམ་གྱི་ཟླ་བ་དང་བཅོ་ལྔའི་ཟླ་བ་བཞིན་ནོ། །ཡི་དམ་དང་མཁའ་འགྲོ་སོགས་ཀྱང་འདི་གཉིས་ལ་

― ZP02_Page_487 ―

^{[མ་དཔེ་གཟིགས་ན་འདིར་གནོན།]}

[Full Size]

མ་འདུས་པ་མེད་དོ། །ཤེར་ཕྱིན་གྱི་དོན་ནི། མི་གནས་པའི་གནས་པ་ནི་ཕྱི་ཡུལ་གྱི་བཟང་ངན་གཉིས་ཀྱི་ཞེན་པ་བཅད། མི་སྦྱོར་བའི་སྦྱོར་བ་ནི། མི་བསམ། མི་ཡེང་མི་སྒོམ། རང་བབ་འདུག་པའོ།། །།དགེའོ།། །།དགེའོ།། །།དགེའོ།།

ཟབ་མོ་ལྟ་བའི་བརྒྱུད་པ་ཐེག་ཆེན་དབུ་མའི་ལུགས་ཀྱི་སེམས་བསྐྱེད་འབོགས་ཆོག

― ZP02_Page_489 ―

^{[མ་དཔེ་གཟིགས་ན་འདིར་གནོན།]}

[Full Size]

ཟབ་མོ་ལྟ་བའི་བརྒྱུད་པ་ཐེག་ཆེན་དབུ་མའི་ལུགས་ཀྱི་སེམས་བསྐྱེད་འབོགས་ཆོག་བཞུགས་སོ།། །།

― ZP02_Page_490 ―

^{[མ་དཔེ་གཟིགས་ན་འདིར་གནོན།]}

[Full Size]

དབུ་མ་ལུགས་ཀྱི་སེམས་བསྐྱེད་གཞན་ལ་འབོགས་པའི་ཆོ་ག་ལ། དང་པོ་བླ་མ་རང་ཉིད་ཀྱིས་སེམས་བསྐྱེད་རྒྱས་བསྡུས་གང་རིགས་ཀྱི་སྒོ་ནས་བླངས། དེ་ནས་ཆོས་ཀྱི་ཁྲི་ལ་བཞུགས་ནས། འོ་ན་དུས་གསུམ་གྱི་རྒྱལ་བ་ཐམས་ཅད་གཤེགས་ཤིང་རྗེས་སུ་གཤེགས་པའི་ལམ་པོ་ཆེ་ལྟ་བུ། རྒྱལ་སྲས་བྱང་ཆུབ་སེམས་དཔའ་རྣམས་ཀྱི་བགྲོད་པ་གཅིག་པའི་ལམ། སྲིད་ཞིའི་ལེགས་ཚོགས་ཐམས་ཅད་ཀྱི་རྩ་བ། རིན་ཆེན་བྱང་ཆུབ་ཀྱི་སེམས་ལེགས་པར་བསྐྱེད་ནས་རང་རྒྱུད་ལ་འཛིན་པར་བྱེད་པ་ལ། སྦྱོར་བ་དངོས་གཞི་རྗེས་དང་གསུམ་དུ་ཡོད་པ་ལས། དང་པོ་སྦྱོར་བ་དེ་ཡང་༌། ཁྱད་པར་ཅན་བཞི་ཡོད་པ་ལས།

― ZP02_Page_491 ―

^{[མ་དཔེ་གཟིགས་ན་འདིར་གནོན།]}

[Full Size]

དང་པོ་ཡུལ་ཁྱད་པར་ཅན་སློབ་དཔོན་ལ་མཎྜལ་ཕུལ་ནས་གསོལ་བ་འདེབས་དགོས་པས་དང་པོ། །དགེ་བའི་བཤེས་གཉེན་ལ་སངས་རྒྱས་དངོས་ཀྱི་འདུ་ཤེས་བསྐྱེད་ནས་ཡིད་ཆེས་ཀྱི་དད་པ། བྱང་ཆུབ་ཀྱི་སེམས་ལ་ཡིད་བཞིན་གྱི་ནོར་བུ་ལས་ཀྱང་ལྷག་པའི་བསམ་པས་དོན་གཉེར་གྱི་འདུན་པ་དྲག་པོ་བསྐྱེད་དེ། མཎྜལ་འབུལ་བར་ཞུ། དེས་མཎྜལ་ཕུལ་བའི་རིམ་པ་སོང་ནས། གཉིས་པ་གསོལ་བ་འདེབས་པ་འདིའི་རྗེས་ཟློས་མཛོད། །ངན་འགྲོ་རྣམས་ནི་བཟློག་སོགས། །བྱང་ཆུབ་སེམས་མཆོག་སྩལ་དུ་གསོལ། །ལན་གསུམ། དེས་གསོལ་བ་འདེབས་པ་སོང་ནས། གཉིས་པ་གདམས་ངག་ཁྱད་པར་་

― ZP02_Page_492 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་སྲིད་པའི་མཐའ་ལ་སྐྱོ་བ་བསྐྱེད། ཞི་བའི་མཐའ་ལ་ཞེན་པ་དགག །མཐའ་གཉིས་ལ་མི་གནས་པའི་བྱང་ཆུབ་སེམས་ཀྱི་བསྔགས་པ་བརྗོད་པ་གསུམ་གྱིས་སློབ་མའི་རྒྱུད་སྣོད་རུང་དུ་སྒྲུབ་དགོས་པ་ལས། གདམས་ངག་དེ་དག་གི་དོན། སྤྱོད་འཇུག་ལེའུ་དང་པོ་འདིར་འདུས་པར་གདའ་བས། དེ་བཞིན་ཏུ་འཆད་པར་བྱེད་པ་ལ། སེམས་བསྐྱེད་སྤྱིའི་ཕན་ཡོན། སྨོན་འཇུག་སོ་སོའི་ཕན་ཡོན། སེམས་བསྐྱེད་རྒྱུད་ལྡན་གྱི་གང་ཟག་གི་ཆེ་བ་དང་གསུམ་དུ་ཡོད་པ་ལས། དང་པོ་སེམས་བསྐྱེད་སྤྱིའི་ཕན་ཡོན་དེ་ལ་ཡང་༌། སེམས་བསྐྱེད་ཀྱི་རྟེན་ཁྱད་པར་ཅན་ཐོབ་པ་ལ་བསམ་ནས། །དོན་གཉེར་གྱི་བློ་བསྐྱེད་པ་དང་༌། ཕན་ཡོན་དངོས་གཉིས་ལས། དང་པོ་སེམས་བསྐྱེད་ཀྱི་རྟེན་ཁྱད་པར་ཅན་བསམ་པ་ལ་ཡང་ལུས་ཀྱི་རྟེན་ཁྱད་པར་ཅན་བསམ་པ་དང་༌། སེམས་ཀྱི་རྟེན་ཁྱད་པར་ཅན་བསམ་པ་གཉིས་ཀྱི། དང་པོ་ནི་དལ་འབྱོར་འདི་ནི་སོགས༴ གཉིས་པ་སེམས་ཀྱི་རྟེན་ནི། ཇི་ལྟར་མཚན་མོ་སོགས༴ སེམས་བསྐྱེད་སྤྱིའི་ཕན་ཡོན་དངོས་ནི། དེ་ལྟའི་དགེ་བ་སོགས༴ སྨོན་འཇུག་སོ་སོའི་ཕན་ཡོན་ནི། བྱང་ཆུབ་སེམས་དེ་སོགས༴ སེམས་བསྐྱེད་རྒྱུད་ལྡན་གྱི་གང་ཟག་གི་ཆེ་བ་ནི་ཕན་བཏགས་ལན་གདོན་སོགས་ནས་སྐྱབས་སུ་མཆིའི་བར། དོན་ཚངས་བ་བླ་མས་གསུངས་གྲུབ་ནས། དེས་གདམས་ངག་ཁྱད་པར་ཅན་གྱིས་བློ་སྦྱངས་པ་སོང་ནས། གསུམ་པ་ཐབས་ཁྱད་པར་ཅན་ཡན་ལག་བདུན་གྱིས་ཚོགས་བསགས་

― ZP02_Page_493 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལ། དངོས་འབྱོར་ཡིད་སྤྲུལ་ལ་སོགས་པའི་མཆོད་པ་འབུལ་བ། ལུས་ཞིང་གི་རྡུལ་སྙེད་དུ་སྤྲུལ་ནས་ཕྱག་འཚལ་བ། སྡིག་ལྟུང་གཉེན་པོ་སྟོབས་བཞིའི་སྒོ་ནས་བཤགས་པ། སྐྱེས་བུ་གསུམ་གྱི་དགེ་རྩ་ལ་རྗེས་སུ་ཡི་རང་བ། རྒྱལ་བ་རྣམས་ལ་ཆོས་ཀྱི་འཁོར་ལོ་བསྐོར་བར་བསྐུལ་བ། མྱ་ངན་ལས་མི་འདའ་བར་བཞུགས་པར་གསོལ་བ་འདེབས་པ། སྙིང་རྗེ་བསྒོམ་པ་དང་སྟབས་གཅིག་དགེ་རྩ་ཐམས་ཅད་སེམས་ཅན་སྡུག་བསྔལ་ཅན་རྣམས་ཀྱི་དོན་དུ་བསྔོ་བ་དང་བདུན་ལས། དང་པོ་མཆོད་པ་ལ་ཡང་༌། དངོས་འབྱོར་གྱི་མཆོད་པ། ཡིད་སྤྲུལ་གྱི༴ སྨོན་ལམ་སྟོབས་ཀྱི༴ བླ་ན་མེད་པའི༴ བསྟོད་པ་དབྱངས་ཀྱིས་མཆོད་པ་དང་ལྔ་ལས། ཐོག་མར་མཆོད་པའི་མཎྜལ་ཞིག་ཕུལ། དངོས་འབྱོར་གྱི་མཆོད་པ་ལ་ཡང་༌། བདག་པོས་བཟུང་བའི་མཆོད་པ། བདག་པོས་མ་བཟུང་བའི་མཆོད་པ། ལུས་འབུལ་བའི་མཆོད་པ་དང་གསུམ། དང་པོ་བདག་པོས་བཟུང་བའི་མཆོད་པ་ནི། དངོས་སུ་ཅི་འབྱོར་གྱི་མཆོད་པ་བཤམས་ཤིང་བཀོད་པ་འདི་དག་དམིགས་རྟེན་ཙམ་དུ་བྱས་ནས། རང་གི་ལུས་ལོངས་སྤྱོད་ཚེ་བསོད་ནམས། ཁ་རྗེ་དབང་ཐང་གཉེན་ཉེ་འབྲེལ་དུས་གསུམ་གྱི་དགེ་རྩ་དང་བཅས་པ་ལ་ཆགས་ཞེན་གྱི་འཁྲི་བ་ཐམས་ཅད་བཅད་ནས་དག་པ་གསུམ་ལྡན་དུ་འབུལ་བ་ཡིན་ཏེ། དེ་ཡང་༌། རིན་ཆེན་སེམས་དེ་སོགས༴ ལེགས་པར་མཆོད་ཀྱི་བར། ཞེས་གསུངས་པའི་དོན། ད་རེས་ཀྱི་སྐབས་སུ། རིན་ཆེན་བྱང་ཆུབ་

― ZP02_Page_494 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་སེམས་རང་རྒྱུད་ལ་སྐྱེ་བར་བྱ་བའི་ཕྱིར་དུ་མཆོད་པ་འབུལ་བ་ཡིན་པས། དེ་ལྟ་བུའི་བསམ་ལས་ཟིན་ན་བསམ་པ་དག །འབུལ་བའི་ཡུལ་དེ་བཞིན་གཤེགས་པ་སངས་རྒྱས་རྣམས་དང་༌། དམ་པའི་ཆོས་དཀོན་མཆོག་དྲི་མ་མེད་པ་དང་༌། སངས་རྒྱས་ཀྱི་སྲས་ཡོན་ཏན་རྒྱ་མཚོའི་བདག་ཉིད་ཅན་གྱི་འཕགས་པའི་དགེ་འདུན་ཏེ། སྐྱབས་གནས་དཀོན་གསུམ་ལ་འབུལ་བ་ཡིན་པས་ཞིང་དག །ལེགས་པར་མཆོད་ཅེས་པས་ཅི་འབྱོར་གྱི་མཆོད་པ་བཤམས་པ་འདི་དག་ཀྱང་༌། གཞན་ལས་འཕྲོག་པ་དང་བརྐུས་པ་དང་༌། གཡོ་སྒྱུས་བསྒྲུབ་པ་སོགས་མ་ཡིན་ཞིང་༌། སེར་སྣ་མེད་པར་དད་པས་ཕུལ་བ་ཡིན་པས་དངོས་པོ་དག་པ་གསུམ་གྱི་སྒོ་ནས་ལེགས་པར་འབུལ་བར་བགྱིའོ་སྙམ་པས་འདིའི་རྗེས་ཟློས་མཛོད། རིན་ཆེན་སེམས་དེ་སོགས༴འདི་མན་གྱི་མཆོད་པ་ཐམས་ཅད་བླ་མས་དམིགས་པ་ཕོག་ནས་རྗེས་ཟློས་བྱ། གཉིས་པ་བདག་པོའི་མ་བཟུང་བའི་མཆོད་པ་ནི་མེ་ཏོག་འབྲས་བུ་སོགས། ཉིད་ཀྱི་མཐུས་བཞེས་ཤིག །གསུམ་པ་ལུས་འབུལ་བའི་མཆོད་པ་ནི། རྒྱལ་དང་དེ་སྲས་སོགས༴ མི་བགྱིད་དོ། ༈ །མཆོད་པའི་རྣམ་གྲངས་གཉིས་པ་ཡིད་སྤྲུལ་གྱི་མཆོད་པ་ལ་བརྒྱད་ལས་བླ་མས་ཁྲུས་ཁང་གི་དམིགས་པ་ཕོགས་ནས། དང་པོ་ཁྲུས་དང་སྐུ་ཕྱི་སོགས་ཀྱི་མཆོད་པ། བྱིང་འདྲེན་པས་བསྐུལ་ཏེ་ཁྲུས་ཀྱི་ཁང་པ་སོགས་ཐམས་ཅད་ཀྱིས་ཐུན་

― ZP02_Page_495 ―

^{[མ་དཔེ་གཟིགས་ན་འདིར་གནོན།]}

[Full Size]

མོང་དུ་གསུང་མཛད་པས་འཐུས་པར་གདའ་བས་དེ་བཞིན་དུ་མཛད་པར་ཞུ། གཉིས་པ་དྲི་བཟང་གི་བྱུག་པ་འབུལ་བ་ནི། སྟོང་གསུམ་ཀུན་ཏུ་སོགས༴ གསུམ་པ་མེ་ཏོག་གི་མཆོད་པ། ཐུབ་དབང་མཆོད་གནས་སོགས༴ བཞི་བ་བདུག་སྤོས་ཀྱིས་མཆོད་པ་སྤོས་མཆོག་ཡིད་འཕྲོགས་སོགས༴ ལྔ་པ་ཞལ་ཟས་ཀྱི་མཆོད་པ་ཞལ་ཟས་བཟའ་བཏུང་སོགས༴ དྲུག་པ་མར་མེའི་མཆོད་པ། གསེར་གྱི་པད་མ་སོགས༴ བདུན་པ་ས་གཞི་དང་གཞལ་མེད་ཁང་གི་མཆོད་པ། ས་གཞི་བལྟར་བ་སོགས༴ བརྒྱད་པ་རིན་པོ་ཆེའི་གདུགས་ཀྱི་མཆོད་པ། རིན་ཆེན་གདུགས་མཛེས་སོགས༴ དེས་ཡིད་སྤྲུལ་གྱི་མཆོད་པའི་རྣམས་གྲངས་བརྒྱད་པོ་དེ་སོང་ནས། གསུམ་པ་སྨོན་ལམ་སྟོབས་ཀྱི་མཆོད་པ། དེ་ལས་གཞན་ཡང་སོགས། བཞི་པ་བླ་ན་མེད་པའི་མཆོད་པ། ཇི་ལྟར་འཇམ་དབྱངས་སོགས༴ ལྔ་པ་བསྟོད་པ་དབྱངས་ཀྱི་མཆོད་པ་ཡོན་ཏན་རྒྱ་མཚོ་སོགས༴ དེས་ཡན་ལག་བདུན་གྱི་དང་པོ་མཆོད་པ་འབུལ་བའི་ཡན་ལག་དེ་སོང་ནས། གཉིས་པ་ཕྱག་འཚལ་བའི་ཡན་ལག་ནི། རྡུལ་ཅིག་གི་སྟེང་ན་རྡུལ་སྙེད་ཀྱི་སངས་རྒྱས་བཞུགས་པ་ཡིད་ཀྱིས་མངོན་སུམ་དུ་བྱས་ནས། དེ་དག་གི་སྤྱན་སྔར་རང་གི་ལུས་རྡུལ་སྙེད་དུ་སྤྲུལ་ནས་སེམས་ཅན་ཐམས་ཅད་དང་བྱ་བྱེད་ཐུན་མོང་དུ་གྱུར་ཏེ་ཕྱག་འཚལ་བའི་མོས་པ་དང་བསྒྲགས། ཕྱག་

― ZP02_Page_496 ―

^{[མ་དཔེ་གཟིགས་ན་འདིར་གནོན།]}

[Full Size]

འཚལ་བའི་ཚིག་འདི་དག་གི་རྗེས་ཟློས་མཛོད། དུས་གསུམ་བཞུགས་པའི་སོགས༴ དེས་ཡན་ལག་གཉིས་པ་ཕྱག་འཚལ་བའི་ཡན་ལག་དེ་སོང་ནས། འདིར་རྟེན་ཁྱད་པར་ཅན་དཀོན་མཆོག་གསུམ་ལ་སྐྱབས་སུ་འགྲོ་བ་ཡོད་ཀྱང་འོག་ནས་འབྱུང་བས་འདིར་མི་དགོས་ལ། གསུམ་པ་སྡིག་པ་བཤགས་པའི་ཡན་ལག་འདིར་བཤགས་ཡུལ་མངོན་དུ་བྱ་བ། སྡིག་ལྟུང་སྤྱིར་བཤགས་པ། གཉེན་པོ་སྟོབས་བཞིས་སྒོ་ནས་བཤགས་པའི་དོན་རྣམས་བླ་མས་གསུངས། སྔར་བྱས་ཀྱི་ལས་ལ་འགྱོད་པ་སུན་འབྱིན་པའི་སྟོབས། སྙིང་ཐག་པ་ནས་དཀོན་མཆོག་གསུམ་ལ་སྐྱབས་སུ་འགྲོ་བ་རྟེན་གྱི་སྟོབས། ལུས་ཀྱི་ཕྱག་འཚལ་ངག་གིས་བཤགས་ཚིག་བརྗོད། ཡིད་ཀྱིས་གདུངས་ཤུགས་དྲག་པོ་བསྐྱེད་པ་གཉེན་པོ་ཀུན་སྤྱོད་ཀྱི་སྟོབས། ཕྱིན་ཆད་སྲོག་ལ་བབ་ཀྱང་མི་བགྱིད་སྙམ་པ་སོར་ཆུད་པའི་སྟོབས་ཏེ། གཉེན་པོ་སྟོབས་བཞིའི་དག་པ་དྲན་པའི་སྒོ་ནས་ལྟུང་བཤགས་ཚར་གསུམ་དང་༌། སྤྱི་བཤགས་ཚར་གཅིག་བཅས་ལྷན་དུ་འདོན་པར་ཞུ། ༈ །བཞི་པ་རྗེས་སུ་ཡི་རང་བའི་ཡན་ལག་གི་དོན་བླ་མས་གསུངས་ནས། རྗེས་ཟློས་བྱ། སེམས་ཅན་ཀུན་གྱིས་སོགས། རྗེས་ཟློས་བྱ་བ་ཡན་ལག་འོག་མ་རྣམས་ལ་འདྲེས། ལྔ་པ་ཆོས་འཁོར་བསྐོར་བར་བསྐུལ་བའི་ཡན་ལག་ནི། ཕྱོགས་རྣམ་ཀུན་གྱི་སོགས༴ དྲུག་པ་མྱ་ངན་ལས་མི་འདའ་བར་གསོལ་བ་འདེབས་པ་ནི། རྒྱལ་བ་མྱ་ངན་སོགས༴ བདུན་པ་སྙིང་རྗེ་བསྒོམ་པ་དང་སྟབས་གཅིག་དགེ་རྩ་ཐམས་ཅད་སེམས་ཅན་

― ZP02_Page_497 ―

^{[མ་དཔེ་གཟིགས་ན་འདིར་གནོན།]}

[Full Size]

སྡུག་བསྔལ་ཅན་རྣམས་ཀྱི་དོན་དུ་བསྔོ་བ་ནི། དེ་ལྟར་འདི་དག་སོགས༴ དེ་ཡན་ཆད་གྱིས་ཐབས་ཁྱད་པར་ཅན་ཡན་ལག་བདུན་གྱིས་ཚོགས་བསགས་པ་སོང་༌། དེ་ལྟར་ན་དེ་ཡན་ཆད་ཀྱིས་སྤྱོད་པའི་ཆོས་སོང་ནས། དངོས་གཞི་ལ་བློ་སྦྱོང་བ་དང་དམ་བཅའ་བ་གཉིས་ཀྱི་དང་པོ་བློ་སྦྱངས་བ་ནི། གཞུང་གཞན་ནས་ཚད་མེད་བཞིས་བློ་སྦྱངས་པ་འབྱུང་ཡང་༌། འདིར་བདག་འཛིན་བཙན་ཐབས་སུ་གཅོད་པའི་ཐབས་བདག་ཏུ་འཛིན་པའི་གཞི་ལུས་ལོངས་སྤྱོད་དུས་གསུམ་གྱི་དགེ་བ་ཐམས་ཅད་གཞན་སེམས་ཅན་རྣམས་ལ་ཕངས་པ་མེད་པར་བཏང་བར་བགྱིའོ་སྙམ་པ་འདིའི་རྗེས་ཟློས་མཛོད། ལུས་དང་དེ་བཞིན་སོགས༴ ལན་གསུམ། དེས་འཐད་པ་དགོད་པ་ལུས་བྱེ་བྲག་ཏུ་གཏོང་བ་གཉིས་ཀྱི་དོན་བླ་མས་གསུང་ནས་བློ་སྦྱང་གི་འབྲས་བུ་སེམས་ཅན་ལ་བསྔོ་བའི་དམིགས་པ་ཕོག །དེ་ལྟ་བུའི་བསམ་པ་དང་ལྡན་པའི་ངང་ནས་འདིའི་རྗེས་ཟློས་མཛོད། བདག་ནི་མགོན་མེད་རྣམས་སོགས༴ སྒྱུར་ཡང་ཤོག་པར་བྱ། དེས་བློ་སྦྱང་བ་སོང་ནས། དངོས་གཞི་དམ་བཅའ་བ་ལ། འདི་སྐབས་དགོངས་སུ་གསོལ་བ་གསུམ་སྔོན་དུ་འགྲོ་དགོས་པས། ཕྱོགས་བཅུ་ན་བཞུགས་པའི་སངས་རྒྱས་བཅོམ་ལྡན་འདས་ཐམས་ཅད་དང་ས་བཅུ་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་དང་བླ་མ་རྡོ་རྗེ་འཛིན་པ་ཆེན་པོ་རྣམས་བདག་ལ་དགོངས་སུ་གསོལ། ལན་གཅིག །

― ZP02_Page_498 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ནས་སྐྱབས་འགྲོ་དང་སེམས་བསྐྱེད་ཀྱི་དམིགས་པ་རྒྱས་པར་ཕོག་པ་དང་ཁོ་བོས་སེ་གོར་གཏོགས་པ་དང་མཉམ་དུ་ཁྱེད་རང་གི་རྒྱུད་ལ་སྡོམ་བསྐྱེས་བྱུང་སྙམ་པའི་སྒོ་ནས། བྱང་ཆུབ་སྙིང་པོ་སོགས༴ ཇི་ལྟར་སྔོན་གྱི་སོགས༴ སྦྲེལ་ནས་ལན་གསུམ་བརྗོད། དེས་ཁྱེད་རང་གི་རྒྱུད་ལ་སྡོམ་པ་ཐོབ་པ་ཡིན་ནོ་ཞེས་བརྡའ་སྦྱར། དེ་ཡན་གྱི་དངོས་གཞི་དམ་བཅའ་བ་སོང་ནས། རྗེས་རང་དགའ་བ་བསྒོམ་པའི་ཁྲིད་བླ་མས་གསུངས་ནས་དེང་དུས་སོགས་རྗེས་ཟློས་བྱ། དེ་ནས་གཞན་དགའ་བ་བསྒོམ་དུ་བཞུགས་པའི་དམིགས་པ་ཕོག་ནས་བདག་གི་དེ་རིང་སོགས་རྗེས་ཟློས་བྱའོ། །དེ་ལྟར་བྱང་ཆུབ་ཀྱི་སེམས་རིན་པོ་ཆེ་རང་རྒྱུད་ལ་ལེགས་པར་ཐོབ་པའི་བཀའ་དྲིན་བཏང་རག་གི་ཆེད་དུ་མཎྜལ་འབུལ་བར་ཞུ། དེ་ནས་བླ་མ་དང་སློབ་དཔོན་ཀྱི་བཀའ་དྲིན་དྲན་པའི་སྒོ་ནས་ཕྱག་འཚལ་བ་དང་བསྦྲགས་ཏེ་འདི་བཞིན་རྗེས་ཟློས་ཀྱིས། གང་གི་དྲིན་སོགས། ལན་གསུམ། དེ་ནས་ལྷན་དུ། བྱང་ཆུབ་སེམས་མཆོག་སོགས་དང་༌། བསྔོ་བའི་ལེའུ་བཟང་སྤྱོད་སོགས༴ བསྔོ་བ་སྨོན་ལམ་གྱིས་མཐའ་བརྒྱན་པར་བྱའོ།། །།

སྐྱབས་སེམས་ཀྱི་ཁྲིད་བསྡུས་སངས་རྒྱས་ཆོས་ཚོགས་མའི་འགྲེལ་པ།

― ZP02_Page_499 ―

^{[མ་དཔེ་གཟིགས་ན་འདིར་གནོན།]}

[Full Size]

ཉེར་མཁོ་སྣ་ཚོགས་ཀྱི་སྐོར་ལས། སྐྱབས་སེམས་ཀྱི་ཁྲིད་བསྡུས་སངས་རྒྱས་ཆོས་ཚོགས་མའི་འགྲེལ་པ་བཞུགས་སོ།།

― ZP02_Page_500 ―

^{[མ་དཔེ་གཟིགས་ན་འདིར་གནོན།]}

[Full Size]

ཐར་པའི་ལམ་ཐམས་ཅད་ཀྱི་གཞི་མ། སྡོམ་པ་ཐམས་ཅད་ཀྱི་རྟེན། ཡོན་ཏན་ཐམས་ཅད་ཀྱི་འབྱུང་གནས། ཕྱི་པ་དང་ནང་པའི་ཁྱད་པར་འབྱེད་པ། དཀོན་མཆོག་གསུམ་ལ་སྐྱབས་སུ་འགྲོ་བ་དང༌། རྫོགས་པའི་སངས་རྒྱས་ཀྱི་གོ་འཕང་བསྒྲུབ་པའི་གཞི་མ། སྲིད་ཞིའི་ལེགས་ཚོགས་ཐམས་ཅད་ཀྱི་འབྱུང་གནས་བྱང་ཆུབ་མཆོག་ཏུ་སེམས་བསྐྱེད་པ་དང་གཉིས་པོ་འདི་འཆད་པར་བྱེད་པ་ལ། སྐྱབས་སུ་འགྲོ་བ་དང༌། སེམས་བསྐྱེད་པ་གཉིས་ཡོད། དང་པོ། སྐྱབས་སུ་འགྲོ་བ་ལ། སྐྱབས་སུ་འགྲོ་བའི་ཡུལ། དུས་མཚམས། སྐྱབས་སུ་འགྲོ་བ་དངོས་དང་གསུམ། དང་པོ་ལ་ཡུལ་ནི། སྟོན་པ་བླ་ན་མེད་པ་རྫོགས་པའི་སངས་རྒྱས། སྐྱོབ་པ་བླ་ན་མེད་པ་དམ་པའི་ཆོས། འདྲེན་པ་བླ་ན་མེད་པ་ཚོགས་ཀྱི་མཆོག་འཕགས་པའི་དགེ་འདུན་དང་གསུམ་ཡོད། དང་པོ་སངས་རྒྱས་ནི། སྐུ་བཞི་ཡེ་ཤེས་ལྔ་དང་ལྡན་པ་སྟེ།

― ZP02_Page_501 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་བཞི་ནི། ཆོས་ཉིད་སྒྲིབ་པ་ཐམས་ཅད་དང་བྲལ་བ་ངོ་བོ་ཉིད་ཀྱི་སྐུ། ཡེ་ཤེས་མཁྱེན་ཆ་མ་འགགས་པ་ཆོས་སྐུ། མཚན་དང་དཔེ་བྱད་ཀྱིས་བརྒྱན་པའི་རང་སྣང་གི་གཟུགས་སྐུ་ལོངས་སྐུ། གང་འདུལ་གྱི་གདུལ་བྱ་ལ་སྣང་བ་སྤྲུལ་སྐུ་དང་བཞི། ཡེ་ཤེས་ལྔ་ནི། དབྱིངས་ངོ་བོ་ཉིད་ཀྱིས་དག་པ་ཆོས་དབྱིངས་ཡེ་ཤེས། ཡེ་ཤེས་ཀྱི་གསལ་ཆ་མ་འགགས་པ་མེ་ལོང་ཡེ་ཤེས། ཉེ་རིང་ཆགས་སྡང་མེད་པ་མཉམ་ཉིད་ཡེ་ཤེས། ཤེས་བྱ་མ་འདྲེས་པར་མཁྱེན་པ་སོར་རྟོགས་ཡེ་ཤེས། གཞན་དོན་འབད་མེད་དུ་འགྲུབ་པ་བྱ་གྲུབ་ཡེ་ཤེས་དང་ལྔའོ། །ཆོས་ནི་ལུང་དང་རྟོགས་པའི་བདག་ཉིད་དེ། །ལུང་གི་ཆོས་ལ་སྡེ་སྣོད་གསུམ། རང་རྒྱུད་ཀྱི་ཉོན་མོངས་པ་འདུལ་བ་འདུལ་བའི་སྡེ་སྣོད། ཚིག་མདོར་བསྡུས་ཤིང་དོན་སྡེ་ཚན་དུ་བཅད་པ་མདོ་སྡེའི་སྡེ་སྣོད། ཡིན་ལུགས་མངོན་དུ་རྟོགས་པའི་ཤེས་

― ZP02_Page_502 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་སྐྱེད་པ་མངོན་པའི་སྡེ་སྣོད་དང་གསུམ། རྟོགས་པའི་ཆོས་ནི། འདུལ་བའི་སྡེ་སྣོད་གྱི་བརྗོད་བྱ་ལྷག་པ་ཚུལ་ཁྲིམས་ཀྱི་བསླབ་པ། མདོ་སྡེའི་སྡེ་སྣོད་ཀྱི་བརྗོད་བྱ་ལྷག་པའི་ཏིང་ངེ་འཛིན་གྱི་བསླབ་པ། མངོན་པའི་སྡེ་སྣོད་ཀྱི་བརྗོད་བྱ་ལྷག་པ་ཤེས་རབ་ཀྱི་བསླབ་པ། དེ་གསུམ་ཉམས་སུ་བླང་པས་ལམ་ལྔ་ས་བཅུའི་སྤངས་རྟོགས་རྒྱུད་ལ་སྐྱེས་པའི་སྤངས་བ་ཕུན་ཚོགས་འགོགས་བདེན་དང་རྟོགས་པ་ཕུན་ཚོགས་ལམ་བདེན་ཏེ་བདེན་པ་གཉིས་སོ། །དགེ་འདུན་ནི་བྱང་ཆུབ་སེམས་དཔའ་ཕྱིར་མི་ལྡོག་པའི་དགེ་འདུན་ཏེ། ཤེས་རབ་ཀྱིས་སྟོང་ཉིད་མངོན་སུམ་དུ་རྟོགས་པས་འཁོར་བར་མི་ལྡོག་ཅིང་སྙིང་རྗེས་འགྲོ་ལ་བུ་གཅིག་ལྟར་བརྩེ་བས་ཞི་བའི་མཐར་མི་ལྟུང་བར་ས་བཅུ་ན་བཞུགས་པའི་བྱང་ཆུབ་སེམས་དཔའ་རྣམས་སོ། །གཉིས་པ་སྐྱབས་འགྲོའི་དུས་མཚམས་ནི། བྱང་ཆུབ་བར་དུ་ཞེས་པ། འདིའི་སྐབས་སུ་ཐེག་ཆེན་གྱི་སྐྱབས་འགྲོ་ཁྱད་པར་གསུམ་ལྡན་ཏེ། ཡུལ་གྱི་ཁྱད་པར་ཐེག་དམན་རྣམས། རྐང་གཉིས་རྣམས་ཀྱི་མཆོག་སངས་རྒྱས་ཞེས་མཆོག་གི་སྤྲུལ་སྐུ་་ཐུབ་པ་ལས། ཆོས་སྐུ་དང་ལོངས་སྐུ་མི་བཞེད། སྤྲུལ་སྐུ་དེའང་འདས་ནས་འགྲོ་དོན་རྒྱུན་ཆད་པར་འདོད། ཞི་བ་འདོད་ཆགས་དང་བྲལ་བ་རྣམས་ཀྱི་མཆོག །ཆོས་ཞེས་འགོགས་བདེན་མྱ་ངན་ལས་འདས་པ་ཁོ་ན་ཆོས་དཀོན་མཆོག་ཏུ་འདོད། ཚོགས་རྣམས་ཀྱི་མཆོག་དགེ་འདུན། ཉན་རང་གི་འཕགས་པ་རྒྱུན་ཞུགས། ལན་གཅིག་ཕྱིར་འོང༌། ཕྱིར་མི་འོང༌། དགྲ་བཅོམ་པ་རྣམས་བཞེད། ཐེག་ཆེན་ལ་གོང་

― ZP02_Page_503 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་བཤད་པ་ལྟར་ཡིན། དུས་ཀྱི་ཁྱད་པར་ཐེག་དམན་པ་རྣམས་གནས་སྐབས་ཇི་སྲིད་འཚོ་དང༌། མཐར་ཐུག་ཉན་རང་གི་འབྲས་བུ་ཐོབ་པའི་བར་དུ་འགྲོ། བསམ་པའི་ཁྱད་པར་ཐེག་དམན་པ་རྣམས་རང་ཉིད་འཁོར་བའི་སྡུག་བསྔལ་ཐམས་ཅད་ལས་ཐར་འདོད་ཀྱི་ངེས་འབྱུང་གི་བསམ་པས་སྐྱབས་སུ་འགྲོ། ཐེག་ཆེན་པ་རྣམས་སེམས་ཅན་ཐམས་ཅད་སངས་རྒྱས་ཐོབ་འདོད་སེམས་བསྐྱེད་ཀྱིས་སྐྱབས་སུ་འགྲོ་བའོ། །གསུམ་པ་སྐྱབས་སུ་འགྲོ་བ་དངོས་ནི། བདག་ནི་སྐྱབས་སུ་མཆི། ཞེས་གསུངས་པ་ཉམས་སུ་ལེན་པའི་ཚེ། རྡུལ་གཅིག་གི་སྟེང་ན་རྡུལ་སྙེད་ཀྱི་སངས་རྒྱས་སྲས་བྱང་ཆུབ་སེམས་དཔའི་ཚོགས་ཀྱིས་བསྐོར་བ་བཞུགས་ཤིང་དེ་ལྟར་ཆོས་ཀྱི་དབྱིངས་ཀྱི་མཐར་ཐུག་པར་རྒྱལ་བ་སྲས་དང་བཅས་པའི་ཐུགས་རྒྱུད་ན་ལུང་དང་རྟོགས་པའི་དམ་པའི་ཆོས་ཀྱ་ཨིས་གང་ཞིང་བཞུགས་པ་ཐམས་ཅད་ཀྱང༌། ཐུགས་མཁྱེན་བརྩེ་ནུས་གསུམ་གྱི་ཡོན་ཏན་ཆེན་པོས་བདག་དང་སེམས་ཅན་ཐམས་ཅད་ལ་རྗེས་སུ་བརྩེ་ཞིང་འདྲེན་པའི་དེད་དཔོན་ཆེན་པོ་གཅིག་ཏུ་གཞུགས་པའི་སྤྱན་སྔར་རང་གཞན་སེམས་ཅན་ཐམས་ཅད་ཐལ་མོ་སྦྱར་ཏེ། དུས་འདི་ནས་བཟུང་སྟེ་ཇི་སྲིད་བྱང་ཆུབ་སྙིང་པོ་མ་ཐོབ་ཀྱི་བར་དུ་སྐྱབས་གནས་དཀོན་མཆོག་གསུམ་པོ་ཁྱེད་ལ་བརྟེན། ཁྱེད་ལ་འབུལ། ཁྱེད་ཅིག་སྒྲུབ། ཁྱེད་ལས་གཞན་དུ་སྐྱབས་དང་རེ་ས་མེད་དོ་སྙམ་དུ་ཅི་མཛད་ཁྱེད་ཤེས་བློ་གཏད་ཅིང་བསྐྱུར་གྱིས་སྐྱབས་སུ་འགྲོ་བར་བྱའོ། །ཞར་བྱུང་སྐྱབས་འགྲོའི་བསླབ་བྱ་ལ། སོ་སོའི་བསླབ་བྱ་དྲུག །ཐུན་མོང་ལྔའོ། །དང་པོ་སོ་སོའི་བསླབ་བྱ་ལ་སྤང་བྱ་གསུམ་དང༌། བསྒྲུབ་བྱ་གསུམ། དང་པོ་སྤང་བྱ་གསུམ་ནི།

― ZP02_Page_504 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་རྒྱས་ལ་སྐྱབས་སུ་སོང་ནས་འཁོར་བར་འཁོར་བའི་ལྷ་ལ་ཕྱག་མི་འཚལ། ཆོས་ལ་སྐྱབས་སུ་སོང་ནས་སེམས་ཅན་ལ་གནོད་འཚེ་མི་བྱེད། དགེ་འདུན་ལ་སྐྱབས་སུ་སོང་ནས་གྲོགས་མུ་སྟེགས་ཅན་དང་མི་འགྲོགས། བསྒྲུབ་བྱ་གསུམ་ནི། སངས་རྒྱས་ཀྱི་བཀའ་བཞིན་སྒྲུབ་ཅིང་མི་བརྗེད་པར་དད་གུས་བྱ། ཐ་ན་སྐུ་རྟེན་ཆག་དུམ་ཡན་ཆད་ལ་གུས་པར་བྱ། དམ་པའི་ཆོས་ཐོས་བསམ་སྒོམ་གསུམ་ལ་འབད། ཆོས་ཀྱི་རྟེན་ཡི་གེའི་རིས་མོ་ཡན་ཆད་ལ་གུས་པར་བྱ། དགེ་འདུན་སངས་རྒྱས་ཀྱི་རྗེས་འཇུག་རྣམས་ལ་དད་གུས་བྱ། དགེ་བའི་གྲོག་དང་འགྲོགས། ཐ་ན་ན་བཟའ་སེར་པོ་ཙམ་ལ་ཡང་གུས་པར་བྱའོ། །ཐུན་མོང་པ་ལྔ་ནི། སྲོག་ལ་བབ་ཀྱང་དཀོན་མཆོག་གསུམ་མི་སྤང༌། དགོས་གལ་ཆེ་ཡང་ཐབས་གཞན་མི་ཚོལ། དུས་མཆོད་མི་བཅག་རང་གཞན་སྐྱབས་འགྲོར་འགོད། གར་འགྲོའི་ཕྱོགས་ཀྱི་སངས་རྒྱས་ལ་ཕྱག་འཚལ་བའོ། །གཉིས་པ་སེམས་བསྐྱེད་ནི། སྤྱིར་སེམས་བསྐྱེད་ལ་ཀུན་རྫོབ་སེམས་བསྐྱེད་དང༌། དོན་དམ་སེམས་བསྐྱེད་གཉིས་ཡོད། ཀུན་རྫོབ་སེམས་བསྐྱེད་ནི། གཞན་དོན་དུ་རྫོགས་བྱང་དོན་གཉེར་གྱི་བློ་ཡིན། དོན་དམ་སེམས་བསྐྱེད་ནི། སྟོང་ཉིད་མངོན་སུམ་དུ་རྟོགས་པའི་ཡེ་ཤེས་ཡིན། ཀུན་རྫོབ་སེམས་བསྐྱེད་དེ་ལ་དབྱེ་ན། འགྲོ་བར་འདོད་པ་ལྟ་བུ་སྨོན་པ་སེམས་བསྐྱེད་དང༌། འགྲོ་བ་དངོས་ལྟ་བུ་འཇུག་པ་སེམས་བསྐྱེད་གཉིས་ཡིན། གཉིས་ཀ་སེམས་བསྐྱེད་ཆོ་ག་ལ་བརྟེན་ནས་སྐྱེ་བས། རགས་པ་བརྡ་ལས་བྱུང་བའི་སེམས་བསྐྱེད་ཅེས་

― ZP02_Page_505 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ། དོན་དམ་སེམས་བསྐྱེད་ལམ་བསྒོམ་པའི་སྟོབས་ཀྱིས་སྐྱེ་དགོས་པས། ཕྲ་བ་ཆོས་ཉིད་ཀྱིས་ཐོབ་པའི་སེམས་བསྐྱེད་ཅེས་བྱ། ཀུན་རྫོབ་སེམས་བསྐྱེད་དེ་ཡང་དོན་གཉིས་སམ་ཟུར་གཉིས་དང་ལྡན་པ་སྟེ། སྙིང་རྗེས་སེམས་ཅན་ལ་དམིགས་པ་དང༌། ཤེས་རབ་ཀྱིས་རྫོགས་བྱང་ལ་དམིགས་པ་གཉིས་ཡིན། ཟུར་གཉིས་པོ་འདི་མ་ཚད་ན་ཐེག་ཆེན་སེམས་བསྐྱེད་དུ་མི་འགྲོ་བས་འདི་གཉིས་ཚང་དགོས་པའོ། །དེ་ལས་སྐབས་འདིར་སྨོན་སེམས་ཙམ་བསྐྱེད་པ་ལ་གཉིས། རྒྱུ་བསོད་ནམས་ལ་དམིགས་པ་དང༌། འབྲས་བུ་རྫོགས་བྱང་ལ་སྨོན་པའོ། །དང་པོ་ནི། བདག་གིས་སྦྱིན་སོགས་ཞེས་གསུངས་པས། དགེ་བའི་རྩ་བ་ཐམས་ཅད་བསྡུ་ན་བསོད་ནམས་བྱ་བའི་གཞི་གསུམ་ལ་འདུ་སྟེ། སྦྱིན་པ་ལས་བྱུང་བའི་བསོད་ནམས་བྱ་བའི་དངོས་པོ་དང༌། ཚུལ་ཁྲིམས་ལས་བྱུང་བའི་བསོད་ནམས་བྱ་བའི་དངོས་པོ་དང༌། བསྒོམ་པ་ལས་བྱུང་བའི་བསོད་ནམས་བྱ་བའི་དངོས་པོ་དང་གསུམ། དེ་དག་ལ་དབྱེ་ན་ཕར་ཕྱིན་དྲུག་ལས། དང་པོ་གཉིས་རང་མིང་གིས་བསྟན་པ་དང༌། བཟོད་པ་བསམ་གཏན་ཤེས་རབ་གསུམ་བསྒོམ་པ་ལས་བྱུང་བའི་བསོད་ནམས་བྱ་བའི་དངོས་པོ་ཡིན་ལ། བརྩོན་འགྲུས་ཀུན་གྱི་གྲོགས་སོ། །ཕར་ཕྱིན་དྲུག་པོ་དེ་དག་ཀྱང་སེམས་ལ་བརྟེན་པ་ཡིན་ཏེ། སོ་སོར་གཏོང་སེམས་སྦྱིན་པ། སྤོངས་སེམས་ཚུལ་ཁྲིམས། མི་འཁྲུགས་པའི་སེམས་བཟོད་པ། སྤྲོ་སེམས་བརྩོན་འགྲུས་

― ZP02_Page_506 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཡེངས་པ་བསམ་གཏན། ཆོས་རབ་ཏུ་འབྱེད་པའི་སེམས་ཤེས་རབ་བོ། །གཉིས་པ་འབྲས་བུ་རྫོགས་བྱང་དུ་སྨོན་པ་ནི། འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ཅེས་གསུངས། འདི་ཉིད་དོན་གཉིས་སམ་ཟུར་གཉིས་དང་ལྡན་པའི་སེམས་བསྐྱེད་དངོས་ཡིན་ཏེ། འགྲོ་ལ་ཕན་ཕྱིར་ཞེས་པ་གང་གི་ཆེད་དུ་བྱ་བའི་སྙིང་རྗེས་སེམས་ཅན་ལ་དམིགས་པའི་སེམས་པ་ཡིན་ལ། སངས་རྒྱས་འགྲུབ་པར་ཤོག །ཅེས་པ་གང་ཆེད་དུ་བྱ་བ་ཤེས་རབ་ཀྱི་རྫོགས་བྱང་ལ་དམིགས་པའི་འདུན་པའོ། །དེས་ན་བདག་གིས་དགེ་བའི་རྩ་བ་འདི་དག་ལ་བརྟེན་ནས། འགྲོ་བ་ནམ་མཁའ་དང་མཉམ་པའི་སེམས་ཅན་ཐམས་ཅད་ཀྱི་དོན་དུ་སངས་རྒྱས་ཐོབ་པར་ཤོག་ཅིག་ཅེས་སྨོན་སེམས་ཡིན་ནོ། །ཞར་བྱུང་སྨོན་སེམས་དེའི་བསླབ་བྱ་ནི་ལྔ་སྟེ། སེམས་ཅན་བློས་མི་བཏང་བ། རྒྱུན་དུ་སེམས་བསྐྱེད་ཀྱི་ཕན་ཡོན་དྲན་པས་ཚོགས་བསགས་པའི་ཐབས་ལ་འབད་པ། བྱང་ཆུབ་ཀྱི་སེམས་སྦྱང་བ་ལ་བརྩོན་པ། དཀར་ནག་ཆོས་བརྒྱད་ལ་བླང་དོར་བྱ་བའོ། །སེམས་ཅན་གཅིག་ཙམ་བློས་བཏང་ན་སྨོན་སེམས་རྩ་བ་ནས་གཏོང་འགྲོ་བས་སེམས་ཅན་ཐམས་ཅད་ལ་ཕན་འདོད་ཀྱི་བསམ་པ་བྱའོ། །ཕན་ཡོན་དྲན་ན་སྤྲོ་བ་སྐྱེ་བས་སེམས་བསྐྱེད་ལ་བརྩོན་པར་འགྱུར་བས་རྒྱུན་དུ་སེམས་བསྐྱེད་ཀྱི་ཕན་ཡོན་དྲན་པར་བྱའོ། །ཚོགས་བསགས་ན་སེམས་བསྐྱེད་ཀྱི་སྟོབས་བསྐྱེད་པས་ཡན་ལག་བདུན་པ་སོགས་ཐབས་དུ་མས་ཚོགས་བསག་གོ །སེམས་སྦྱངས་པ་ལ་གསུམ། རྒྱུ་ལ་སྦྱང་བ་ཚད་མེད་བཞི་

― ZP02_Page_507 ―

^{[མ་དཔེ་གཟིགས་ན་འདིར་གནོན།]}

[Full Size]

སྒོམ་པ། །སེམས་དངོས་སྦྱང་བ་ཉིན་ལན་གསུམ། མཚན་ལན་གསུམ་དུ་སེམས་བསྐྱེད་བླང་བ། བསླབ་བྱ་ལ་སྦྱང་བ། བདག་གཞན་མཉམ་པ། བརྗེ་བ། བདག་པས་གཞན་གཅེས་གསུམ་སྒོམ་པའོ། །དང་པོ་ཚད་མེད་བཞི་ནི། སེམས་ཅན་བདེ་བ་དང་མི་ལྡན་པ་བདེ་བ་དང་ལྡན་འདོད་བྱམས་པ། སྡུག་བསྔལ་དང་ལྡན་པ་སྡུག་བསྔལ་དང་བྲལ་འདོད་སྙིང་རྗེ། སྡུག་བསྔལ་མེད་པའི་བདེ་བ་དང་ལྡན་པ་དེ་དང་མི་འབྲལ་བར་འདོད་པ་དགའ་བ། ཉེ་རིང་ཆགས་སྡང་ཅན་ཆགས་སྡང་ཞི་འདོད་བཏང་སྙོམ་མོ། །སེམས་དངོས་སྦྱང་བ་ནི། སྔ་དྲོ་ཉིན་གུང་ཕྱི་དྲོ་སྲོད་དང་ནམ་གུང་ཐོ་རེངས་ཏེ་དུས་དྲུག་ཏུ་ཆོ་ག་རྒྱས་བསྡུས་གང་རུང་གིས་སེམས་བསྐྱེད་བླང་བའོ། །བདག་གཞན་མཉམ་པ་ནི། བདེ་བ་བསྒྲུབ་འདོད་དང་སྡུག་བསྔལ་ཞི་འདོད་ལ་བདག་གཞན་མཉམ་པ་དང༌། བརྗེ་བ་ནི། བདག་གི་བདེ་བ་སེམས་ཅན་ལ་སྦྱིན་ཞིང་སེམས་ཅན་སྡུག་བསྔལ་རང་གིས་བླང༌། བདག་པས་གཞན་གཅེས་པ་ནི། རང་དོན་ཡལ་བར་བོར་ནས་གཞན་དོན་སྒྲུབ་པའོ། །དཀར་ནག་ཆོས་བརྒྱད་ལ་བསྒྲུབ་བྱ་དཀར་ཆོས་བཞི་སྤང་བྱ་ནག་ཆོས་བཞི་ལས། ནག་ཆོས་བཞི་ནི། མཆོད་འོས་བསླུ་བ་དང༌། འགྱོད་མེད་ལ་འགྱོད་པ་སྐྱེད་པ། དམ་པར་སྐུར་འདེབས། འགྲོ་ལ་གཡོ་སྒྱུ་བྱེད་པ་དང་བཞིའོ། །གཉེན་པོ་དཀར་ཆོས་བཞི་ནི། སྲོག་ལ་བབ་ཀྱང་ཤེས་བཞིན་རྫུན་མི་སྨྲ་བ། ཐམས་ཅད་བྱང་ཆུབ་ཀྱི་ལམ་ལ་འགོད་པ་རྒྱལ་སྲས་རྣམས་ལ་སྟོན་པ་བཞིན་གུས་པ། སེམས་ཅན་ཀུན་ལ་དྲང་པོའི་

― ZP02_Page_508 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིད་གྱིས་གནས་པ་རྣམས་ལ་བརྩོན་ན་ཚེ་རབ་ཐམས་ཅད་དུ་བྱང་ཆུབ་ཀྱི་སེམས་མི་བརྗེད་ཅིང་ས་དང་ལམ་གྱི་ཡོན་ཏན་ཐམས་ཅད་གོང་ནས་གོང་དུ་ཟླ་བ་ཡར་གྱི་ངོ་ལྟར་འཕེལ་ཞིང་རྒྱས་པར་འགྱུར་རོ།། །།དགེའོ།། །།

བྱང་ཆུབ་སེམས་དཔའི་བསླབ་བྱ་བསྡུས་པ།

― ZP02_Page_509 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་ཆུབ་སེམས་དཔའི་བསླབ་བྱ་བསྡུས་པ་བཞུགས་སོ།། །།

― ZP02_Page_510 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་ཆུབ་སེམས་དཔའི་བསླབ་བྱ་མདོར་བསྡུས་བཞུགས། ཨོཾ། ཡང་དག་པའི་བཤེས་གཉེན་ཐམས་ཅད་དང་རྗེ་བཙུན་འཇམ་དཔལ་དབྱངས་ལ་ཕྱག་འཚལ་ལོ། །འདིར་རྒྱལ་བའི་སྲས་པོ་རྣམས་ཀྱི་བསླབ་བྱའི་ལག་ལེན་ལ་སྤྱིར་སྤྱོད་འཇུག་ལས། །རྒྱལ་སྲས་རྣམས་ཀྱིས་མི་སློབ་པའི། །དངོས་དེ་གང་ཡང་ཡོད་མ་ཡིན། །དེ་ལྟར་གནས་པའི་མཁས་པ་ལ། །བསོད་ནམས་མི་འགྱུར་གང་ཡང་མེད། །ཅེས་པ་ལྟར། བྱང་ཆུབ་སེམས་དཔའ་ཆེན་པོ་རྣམས་ཀྱི་མཛད་སྤྱོད་ལ་མུ་དང་མཐའ་དང༌། ཚད་གཟུང་དུ་མེད་ཅིང༌། རྣམ་པར་ཐར་པ་མཐའ་ཡས་པའི་བདག་ཉིད་ཅན་ལགས་ན་ཡང༌། འདིར་

― ZP02_Page_511 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱུད་པའི་མན་ངག་དང་བླ་མ་རྣམས་ཀྱི་ཞལ་ནས་ཐོས་པ་བཞིན་སོ་སྐྱེས་བྱང་ཆུབ་ཏུ་སྨོན་ལམ་བཏབ་ཅིང༌། འཇུག་པའི་སྤྱོད་པ་ལ་སློབ་པར་འདོད་པ་རྣམས་ཀྱི་ཉམས་ལེན་གྱི་འགགས་མདོར་བསྡུས་པ་ནི་རྣམ་པ་གསུམ་སྟེ། ཉེས་སྤྱོད་སྡོམ་པའི་ཚུལ་ཁྲིམས་དང༌། དགེ་བ་ཆོས་སྡུད་ཀྱི་ཚུལ་ཁྲིམས་དང༌། སེམས་ཅན་དོན་བྱེད་ཀྱི་ཚུལ་ཁྲིམས་སོ། །དང་པོ་ཉེས་སྤྱོད་སྡོམ་པའི་ཚུལ་ཁྲིམས་ནི། རྩ་བ་དང་ཡན་ལག་གི་ལྟུང་བ་རྣམས་སྤང་བར་བྱ་བ་འདི་ལ་རྒྱལ་སྲས་ཞི་བ་ལྷའི་རྗེས་སུ་འབྲང་བ་རྩ་བའི་ལྟུང་བ་བཅོ་བརྒྱད་སྤངས་དགོས་ཏེ། སྐུ་གཟུགས་དང་མཆོད་རྟེན་ལ་སོགས་པའི་ཡོ་བྱད་དང་མཆོད་

― ZP02_Page_512 ―

^{[མ་དཔེ་གཟིགས་ན་འདིར་གནོན།]}

[Full Size]

རྫས་ནི་སངས་རྒྱས་ཀྱི་དཀོར། །གླེག་བམ་དང་ཡི་གེའི་ཡོ་བྱད་མཆོད་རྫས་སོགས་དང་ཆོས་འཆད་པ་པོའི་ཡོ་བྱད་སོགས་ཆོས་ཀྱི་དཀོར། །དགེ་སློང༌། དགེ་ཚུལ། དགེ་བསྙེན་སོགས་བཞི་ཡན་ཆད་ཐུན་མོངས་ལ་དབང་བའི་ཡོ་བྱད་དང་འབུལ་བ་སོགས་དགེ་འདུན་གྱི་དཀོར་ཡིན། དཀོན་མཆོག་གསུམ་གྱི་དཀོར་ལས་དངོས་པོ་ཕྲ་མོ་ཁབ་ཙམ་ཡན་ཆད་མ་བྱིན་པར་བླང་ན་དཀོན་མཆོག་གི་དཀོར་འཕྲོག་པ་ཞེས་བྱ་བ་རྩ་ལྟུང་དང་པོ་ཡིན། རྒྱལ་བའི་བཀའ་ཡང་དག་པའི་མདོ་སོགས་ལ་འདི་རྒྱལ་བའི་བཀའ་མ་ཡིན་ཞེས་སྐུར་བ་བཏབ་ན་ཆོས་སྤོང་བའི་ལས་ཞེས་བྱ་བ་རྩ་ལྟུང་གཉིས་པའོ། །རབ་དུ་བྱུང་བ་ཚུལ་ཁྲིམས་དང་ལྡན་པའམ་ཚུལ་ཁྲིམས་འཆལ་བ་ཡང་འདྲ་སྟེ། དེ་ལ་ཆད་པས་གཅོད་པ་དང་བརྩོན་རར་འཇུག་པ་དང༌། ངུར་སྨིག་གི་ན་བཟའ་འཕྲོག་པ་དང༌། ཁྱིམ་པར་འབེབས་པ་སོགས་བྱེད་ན་རྩ་ལྟུང་གསུམ་པའོ། །མཚམས་མེད་ལྔའི་ལས་གང་བྱས་ཀྱང་རྩ་ལྟུང་བཞི་པ་ལས་རྒྱུ་འབྲས་མི་བདེན་སྙམ་པའི་ལོག་ལྟ་སྐྱེས་ན་རྩ་ལྟུང་ལྔ་པའོ། །གྲོང་ལ་སོགས་པའི་གནས་བཤིག་པར་བྱེད་པ་རྩ་ལྟུང་དྲུག་པ་དང༌། །དང་པོ་ལས་རྒྱུ་འབྲས་དང་སེམས་བསྐྱེད་སོགས་ཀྱིས་བློ་སྦྱང་མ་བྱས་པ་ལ་སྟོང་པ་ཉིད་ཀྱི་དོན་སྟོན་ན་རྩ་ལྟུང་བདུན་པ། རྫོགས་པའི་བྱང་ཆུབ་ཏུ་སེམས་བསྐྱེད་པ་སྤང་དུ་བཅུག་ནས་ཐེག་དམན་ཉན་རང་གི་ལམ་ལ་སློབ་ཏུ་བཅུག་ན་རྩ་ལྟུང་བརྒྱད་པ། སོ་ཐར་ལ་དགའ་བའི་རིགས་

― ZP02_Page_513 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་ལ་སོ་ཐར་སྤང་དུ་བཅུག་ན་རྩ་ལྟུང་དགུ་པ་ཡིན། ཉན་རང་གི་ཐེག་པ་ལ་འདོད་ཆགས་སོགས་ཉོན་མོང་པ་རྣམས་རྩ་བ་ནས་སྤོང་བའི་ནུས་པ་མེད་པར་རང་གིས་འཛིན་ཞིང༌། གཞན་ལའང་དེ་ལྟར་སྟོན་ན་རྩ་ལྟུང་བཅུ་པའོ། །ཕྲག་དོག་གི་དབང་གིས་བདག་ལ་བསྟོད་པའམ་གཞན་ལ་སྨོད་ན་རྩ་ལྟུང་བཅུ་གཅིག་པའོ། །རྙེད་པ་དང་བཀུར་སྟིའི་ཕྱིར་དུ་རང་གི་སྟོང་ཉིད་ཀྱི་དོན་མ་རྟོགས་ཀྱང༌། ངས་སྟོང་ཉིད་རྟོགས་སོ་ཞེས་མི་ཆོས་བླ་མའི་རྫུན་སྨྲ་ན་རྩ་ལྟུང་བཅུ་གཉིས་པའོ། །དགེ་སློང་གཞན་ལ་ཆད་པ་གཅོད་དུ་འཇུག་པ་དང༌། དེ་བསྡིག་ནས་དེ་ལས་ལྐོག་ཟན་སོགས་ལེན་ན་རྩ་ལྟུང་བཅུ་གསུམ་པའོ། །དགེ་སློང་བསམ་གཏན་སྒོམ་པ་ལ་བསམ་གཏན་ལ་གནོད་པའི་ལས་བྱེད་པ་དང༌། དེའི་རྙེད་པ་སོགས་ཕྱོགས་གཞན་དུ་སྒྱུར་ན་རྩ་ལྟུང་བཅུ་བཞི་པའོ། །གཞན་དོན་དུ་རྫོགས་པའི་བྱང་ཆུབ་ཀྱི་གོ་འཕང་ཐོབ་འདོད་ཀྱི་བློ་དེ་སྨོན་སེམས་ཡིན་པས་དེ་བཏང་ན་རྩ་ལྟུང་བཅོ་ལྔ་པའོ། །འདོད་ཆགས་དང་སེར་སྣའི་ཀུན་སློང་གིས་ཆོས་དང་ནོར་སློང་བ་ལ་མི་སྦྱིན་ན་རྩ་ལྟུང་བཅུ་དྲུག་པའོ། །རང་དང་འཁོན་ཡོད་པའི་གང་ཟག་གཞན་གྱིས་ཚུར་ཚིག་གིས་བཅོས་ནས་བཤགས་པ་བྱེད་ཀྱང་ད་དུང་དེ་ལ་ཁྲོ་བ་མི་འདོར་བ་དང་གཞན་ལ་ཁྲོས་པས་བརྡུང་བརྡེག་བྱེད་ན་རྩ་ལྟུང་བཅུ་བདུན་པའོ། །གཏི་མུག་གི་ཀུན་སློང་གིས་ཆོས་མ་ཡིན་པ་ཆོས་ལྟར་དུ་བཅོས་ནས་སྟོན་ན་རྩ་

― ZP02_Page_514 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟུང་བཅོ་བརྒྱད་པ་ཡིན་ནོ། །ཡན་ལག་གི་ཉེས་བྱས་བརྒྱད་ཅུ་ཡོད་ཀྱང་མདོར་བསྡུ་ན་རང་གཞན་གྱི་ཕན་པ་དེ་སྒྲུབ་པའི་ཐབས་གང་ཡིན་ཐམས་ཅད་ལྷུར་ལེན་པ་ལ་མ་འདུས་པ་མེད་དོ། །དོན་གཉིས་པ་དགེ་བ་ཆོས་སྡུད་ཀྱི་ཚུལ་ཁྲིམས་ལ་སྨོན་པ་བྱང་ཆུབ་སེམས་ཀྱི་བསླབ་བྱ་དང༌། འཇུག་པ་བྱང་ཆུབ་སེམས་ཀྱི་བསླབ་བྱ་གཉིས། དང་པོ་ལ་ལྔ་ལས། དང་པོ་སྨོན་སེམས་མི་འཆོར་བའི་ཐབས་སུ་སེམས་ཅན་བློས་མི་གཏོང་བ་ནི་སེམས་ཅན་སུ་ཡང་རུང་བས་རང་གི་སེམས་སུན་ཕྱུང་བ་ལ་བརྟེན་ནས་ད་ཕྱིན་ཆད་དམ་འདི་ལ་གནོད་པ་སེལ་ནུས་པའི་དུས་བྱུང་ཀྱང་མི་སེལ། ཕན་ཐོག་པའི་དུས་བྱུང་ཀྱང་ཕན་མི་འདོགས་སྙམ་དུ་སེམས་ཅན་གཅིག་བློས་བཏང་ན་སེམས་ཅན་ཐམས་ཅད་བློས་བཏང་པ་དང་འདྲ་བས་དེ་སྤང་ནས་སེམས་ཅན་ཐམས་ཅད་སྙིང་རྗེ་ཆེན་པོའི་བློས་བཟུང་སྟེ་དངོས་སུ་ཕན་ཅི་ཐོགས་སུ་གདབ། ནམ་ཡང་ཕན་འདོགས་པའི་སྨོན་ལམ་འདེབས་པ་སོགས་བྱའོ། །གཉིས་པ་སྨོན་སེམས་མི་ཉམས་པའི་ཐབས་སུ་བྱང་ཆུབ་སེམས་ཀྱི་ཕན་ཡོན་དྲན་པ་ནི། བྱང་ཆུབ་ཀྱི་སེམས་ནི་རྒྱལ་བ་སྲས་བཅས་ཀྱི་གཤེགས་ཤུལ། ཕན་བདེ་ཐམས་ཅད་ཀྱི་འབྱུང་གནས་ཡིན་པས། བྱང་ཆུབ་སེམས་ཀྱི་ཕན་ཡོན་ཚད་མེད་པའི་ཚུལ་སངས་རྒྱས་ཕལ་པོ་ཆེར། བྱང་ཆུབ་སེམས་དཔའ་ནོར་བཟང་གི་དགེ་བའི་བཤེས་གཉེན་བརྟེན་པའི་ལེའུ་ལས་བྱང་ཆུབ་སེམས་དཔའ་

― ZP02_Page_515 ―

^{[མ་དཔེ་གཟིགས་ན་འདིར་གནོན།]}

[Full Size]

བྱམས་པས་དཔེ་ཉིས་བརྒྱ་དང་སུམ་ཅུས་བསྟན་པ་དང༌། སྤྱོད་འཇུག་ལེའུ་དང་པོ་དང༌། གཞན་ཡང་བཀའ་དང་བསྟན་བཅོས་དུ་མ་ནས་བྱང་ཆུབ་སེམས་ཀྱི་ཕན་ཡོན་བསྟན་པ་རྣམས་ལ་བལྟ་ཞིང་བློ་ལ་ངེས་པར་བྱས་ནས་རྒྱུན་ཏུ་དྲན་པ་དང༌། བསྡུ་ན། །ངན་འགྲོ་རྣམས་ནི་བཟློག་བགྱིད་ཅིང༌། །མཐོ་རིས་ལམ་ནི་རབ་སྟོན་ལ། །རྒ་ཤི་མེད་པར་འདྲེན་བགྱིད་པའི། །བྱང་ཆུབ་སེམས་ལ་ཕྱག་འཚལ་ལོ། །ཞེས་པ་ཙམ་ནམ་དྲན་དྲན་དུ་འདོན་ཞིང་དེའི་དོན་བསམ་མོ། །གསུམ་པ་བྱང་ཆུབ་སེམས་ཀྱི་སྟོབས་བསྐྱེད་པའི་ཆེད་དུ་ཚོགས་བསགས་པ་ནི། བྱང་ཆུབ་ཀྱི་སེམས་ཀྱི་ཟིན་པའི་སྒོ་ནས་སྦྱིན་སོགས་བསོད་ནམས་ཀྱི་ཚོགས་དང་འཁོར་གསུམ་རྣམ་པར་མི་རྟོག་པ་ཤེས་རབ་ཀྱི་ཚོགས་སྟེ་ཚོགས་གཉིས་ཟུང་འབྲེལ་དུ་བསླབ་པ་ལ་འབད་ཅིང་བྱང་ཆུབ་སེམས་དཔའ་རྣམས་ཀྱི་ཐབས་ལ་མཁས་པས་ཟིན་ན་ཚོགས་ཆེན་པོ་བསགས་པ་ལ་དངོས་པོ་རྒྱ་ཆེན་པོ་དང་བརྩོན་འགྲུས་ཡུན་རིང་བ་མི་དགོས་པར། སྐད་ཅིག་རེ་རེས་ཀྱང་བསྐལ་བ་མང་པོའི་ཚོགས་རྫོགས་པའི་ཚུལ་རྣམས་ཀྱང་ཤེས་པར་བྱའོ། །བཞི་པ་བྱང་ཆུབ་ཀྱི་སེམས་གོང་ནས་གོང་དུ་འཕེལ་བའི་ཆེད་དུ་སེམས་སྦྱངས་པར་བརྩོན་པ་ལ་གསུམ། བྱང་ཆུབ་སེམས་ཀྱི་རྒྱུ་ལ་སྦྱངས་བ་བྱམས་སྙིང་རྗེ་སྒོམ་པ་ནི། དང་པོ་སེམས་ཅན་བདེ་བ་དང་མི་ལྡན་པ་ཞིག་དངོས་སུ་མཐོང་བའམ་བློ་ཡུལ་དུ་བླངས་ཏེ།

― ZP02_Page_516 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ལ་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག་སྙམ་པའི་བློ་དྭང་དྭང་བ་ཡང་དང་ཡང་དུ་བསྐྱེད་ཅིང་དེ་ལ་སེམས་རྩེ་གཅིག་ཏུ་འཛིན་པ་ནི་བྱམས་པ། སེམས་ཅན་སྡུག་བསྔལ་གྱིས་ཉམས་ཐག་པ་ཞིག་དངོས་སུ་མཐོང་བའམ་བློ་ཡུལ་དུ་བླང་ནས་དེ་ལ་སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་བར་གྱུར་ཅིག་སྙམ་དུ་སྔར་ལྟར་བསྒོམ་པ་སྙིང་རྗེ་ཡིན་ལ། འདི་གཉིས་ཀ་ཡང་དང་པོ་རང་གི་མ་ལྟ་བུ་གང་ལ་སྒོམ་སླ་བ་ལ་བསྒོམ་ནས། རིམ་གྱིས་རང་གི་དགྲའི་བར་དུ་བསྒོམ་མཐར་ནམ་མཁའི་མཐའ་ཁྱབ་ཀྱི་སེམས་ཅན་ཐམས་ཅད་ལ་བསྒོམ་ཞིང་མཇུག་བསྔོ་བ་བྱ་བ་ནི་ཕན་ཡོན་ཚད་མེད་ཅིང་བྱང་ཆུབ་ཀྱི་སེམས་རྒྱུད་ལ་སྐྱེ་བའི་རྒྱུ་ཡིན་ནོ། །གཉིས་པ་སེམས་དངོས་ལ་སྦྱང་བ་ནི། ཉིན་ལན་གསུམ་མཚན་ལན་གསུམ་དུ་ཡན་ལག་བདུན་པ་སྔོན་དུ་འགྲོ་བས་བྱང་ཆུབ་སྙིང་པོར་མཆིས་ཀྱི་བར་སོགས་སྐྱབས་འགྲོ་དང༌། ཇི་ལྟར་སྔོན་གྱི་སོགས་བྱང་སྡོམ་ལེན་ཆོག་གིས་སྡོམ་པ་ཡང་དང་ཡང་དུ་བླང་ཞིང་རང་གཞན་དགའ་བ་སྒོམ་པ་སོགས་བྱའོ། །གསུམ་པ་བྱང་ཆུབ་སེམས་ཀྱི་བསླབ་བྱ་ལ་སྦྱང་བ་ནི་བདག་གཞན་མཉམ་པ་བརྗེ་བ། བདག་པས་གཞན་གཅེས་པ་བསྒོམ་པ་རྣམས་ལ་བློ་སྦྱོང༌། ལྔ་པ་ཚེ་རབས་ཐམས་ཅད་དུ་བྱང་ཆུབ་ཀྱི་སེམས་མི་བརྗེད་པའི་ཐབས་སུ་དཀར་ནག་གི་ཆོས་བརྒྱད་ལ་བླང་དོར་བྱ་བ་ནི་དཀར་པོའི་ཆོས་བཞི་ཉམས་སུ་བླང་ཞིང་ནག་པོའི་ཆོས་བཞི་སྤང་བར་བྱ་བ་ལས་སྤང་བྱ་ནག་པོའི་

― ZP02_Page_517 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་བཞི་ནི། བླ་མ་སོགས་མཆོད་པར་འོས་ལ་རྫུན་གྱིས་བསླུ་བ་དང༌། འགྱོད་པའི་གནས་མ་ཡིན་པ་བྱང་ཆུབ་ཏུ་སེམས་བསྐྱེད་པ་ལ་འགྱོད་པ་བསྐྱེད་པ་དང༌། དམ་པ་བྱང་ཆུབ་སེམས་དཔའ་རྣམས་ལ་སྐུར་བ་འདེབས་པ་དང༌། འགྲོ་བ་གཞན་ལ་གཡོ་དང་སྒྱུས་སྤྱོད་པའོ། །བླང་བྱ་དཀར་པོའི་ཆོས་བཞི་ནི། སྲོག་ལ་བབས་ཀྱང་ཤེས་བཞིན་དུ་རྫུན་མི་སྨྲ་བ་དང༌། དུས་རྟག་ཏུ་བྱང་ཆུབ་སེམས་ཀྱི་ཕན་ཡོན་དང་བསྔགས་པ་བརྗོད་ཅིང་སེམས་ཅན་རྣམས་ཐེག་པ་ཆེན་པོ་ལ་འགོད་པ་དང༌། རྒྱལ་སྲས་བྱང་ཆུབ་སེམས་དཔའ་རྣམས་ལ་སྟོན་པ་རྫོགས་པའི་སངས་རྒྱས་དངོས་དང་འདྲ་བར་གུས་ཤིང་ཡོན་ཏན་གྱི་བསྔགས་པ་བརྗོད་པ་དང༌། སེམས་ཅན་ཐམས་ཅད་ལ་གཡོ་སྒྱུ་མེད་པར་ལྷག་པའི་བསམ་པས་གནས་པའོ། །འཇུག་པའི་བསླབ་བྱ་ཕ་རོལ་ཏུ་ཕྱིན་པ་དྲུག་ལ་སྤྱོད་པ་ནི། ནོར་དང་ཆོས་དང་མི་འཇིགས་པའི་སྦྱིན་པ་གསུམ་གཏོང་བ་ནི་སྦྱིན་པའི་ཕ་རོལ་ཏུ་ཕྱིན་པ། ཚུལ་ཁྲིམས་རྣམ་པ་གསུམ་བསྲུང་བ་ནི་ཚུལ་ཁྲིམས་ཀྱི་ཕར་ཕྱིན། སྡུག་བསྔལ་ཁོང་ཁྲོ་ཟབ་མོ་གསུམ་བཟོད་པ་ནི་བཟོད་པའི་ཕར་ཕྱིན། གོ་ཆ་སྦྱོར་བ་ཆོག་པར་མི་འཛིན་པའི་བརྩོན་འགྲུས་གསུམ་རྩོམ་པ་ནི་བརྩོན་འགྲུས་ཀྱི་ཕར་ཕྱིན། བྱིས་པ་ཉེར་སྤྱོད་དོན་རབ་འབྱེད་པ། དེ་བཞིན་གཤེགས་དགའི་བསམ་གཏན་གསུམ་སྒོམ་པ་ནི་བསམ་གཏན་གྱི་ཕར་ཕྱིན། ཐོས་བསམ་

― ZP02_Page_518 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒོམ་པའི་ཤེས་རབ་གསུམ་ལ་བསླབ་པ་ནི་ཤེས་རབ་ཀྱི་ཕར་ཕྱིན་ཏེ། དེ་དག་ཀྱང་རྩ་བ་སེམས་གཙོ་ཆེ་བས། སེམས་ཐོག་ནས་སྦྱོང་བ་ལ་འབད་དགོས། དང་པོ་སྦྱིན་པའི་ཕ་རོལ་ཏུ་ཕྱིན་པ་ནི་རང་གི་ཡོ་བྱད་ཐམས་ཅད་སེམས་ཅན་ལ་སྦྱིན་འདོད་ཀྱི་གཏོང་སེམས་ལ་འདུས་ཏེ་དེ་ལྟ་བུའི་གཏོང་སེམས་ཡོད་ན་སྦྱིན་པའི་ཕར་ཕྱིན་ཡིན་གྱིས། སེམས་ཅན་ཐམས་ཅད་ཀྱི་དབུལ་བ་བོར་བ་མི་དགོས་ཏེ་སྤྱོད་འཇུག་ལས། གལ་ཏེ་འགྲོ་བ་དབུལ་བོར་བས། སྦྱིན་པའི་ཕ་རོལ་ཕྱིན་ཡིན་ན། ད་དུང་འགྲོ་བཀྲེན་ཡོད་ན་སྔོན། སྐྱོབས་པ་ཇི་ལྟར་ཕ་རོལ་ཕྱིན། བདོག་པ་ཐམས་ཅད་འབྲས་བཅས་ཏེ། སྐྱེ་བོ་ཀུན་ལ་གཏོང་སེམས་ཀྱིས། སྦྱིན་པའི་ཕ་རོལ་ཕྱིན་གསུངས་ཏེ། དེ་ལྟས་དེ་ནི་སེམས་ཉིད་དོ། །ཞེས་སོ། །ཚུལ་ཁྲིམས་ཀྱང་རང་གི་སྤོང་བའི་སེམས་ཐོབ་པ་དེ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡིན་ཏེ་དཔེར་ན། རང་གི་ངོས་ནས་སེམས་ཅན་གྱི་སྲོག་མི་གཅོད་སྙམ་པའི་སྤོངས་སེམས་དེ་ཚུལ་ཁྲིམས་ཡིན་གྱིས། བསད་བྱའི་སེམས་ཅན་དེ་དག་ངེས་པར་སུས་ཀྱང་གསོད་པར་མི་འགྱུར་བའི་གནས་སྐབས་ཐོབ་པ་ནི་མི་དགོས་ཏེ་སྔ་མ་ལས། ཉ་ལ་སོགས་པ་གང་ཞིག་ཏུ། །དེ་དག་གསོད་མི་འགྱུར་བར་བསྐྲད། །སྤང་བའི་སེམས་ཉིད་ཐོབ་པ་ལས། །ཚུལ་ཁྲིམས་ཕ་རོལ་ཕྱིན་པར་བཤད། །ཅེས་སོ། །བཟོད་པ་ཡང༌། རང་གི་སེམས་ཀྱི་ཁྲོ་བ་ཐུལ་ན་དེ་ལས་ལྷག་པ་མེད་དོ། །ཕྱི་རོལ་

― ZP02_Page_519 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་སེམས་ཅན་མི་བསྲུན་བ་ནི། ནམ་མཁའ་ལྟར་ཚད་མེད་པས་དེ་དག་ཐམས་ཅད་གཞོམ་པར་ག་ལ་ལང་སྟེ། རང་གི་སེམས་ཁོ་ན་བཏུལ་བས་དགྲ་དེ་དག་ཐམས་ཅད་ཐུལ་བ། དཔེར་ན་རྐང་པ་ལ་ཚེར་མ་བསྲུང་བའི་དོན་དུ་ས་སྟེང་ཐམས་ཅད་ཀོ་བས་གཡོག་དགོས་ན་ཤིན་ཏུ་དཀའ་ཡང༌། རང་གི་རྐང་མཐིལ་ཀོ་བས་གཡོག་པས་ས་སྟེང་ཐམས་ཅད་གཡོག་པ་དང་ཁྱད་མེད་པ་ལྟ་བུ་སྟེ། སྤྱོད་འཇུག་ལས། །སེམས་ཅན་མི་བསྲུན་ནམ་མཁའ་བཞིན། །དེ་དག་གཞོམ་གྱིས་ཡོངས་མི་ལང༌། །ཁྲོ་བའི་སེམས་འདི་གཅིག་བཅོམ་ན། །དགྲ་དེ་ཐམས་ཅད་ཆོམས་དང་འདྲ། །དེ་བཞིན་ཕྱི་རོལ་དངོས་པོ་ཡང༌། །བདག་གིས་ཕྱིར་བཟློག་མི་ལང་གིས། །བདག་གི་སེམས་འདི་ཕྱིར་བཟློག་བྱའི། །གཞན་རྣམས་བཟློག་གོ་ཅི་ཞིག་དགོས། །ས་སྟེང་འདི་དག་ཀོས་གཡོག་ཏུ། །དེ་སྙེད་ཀོ་བས་ག་ལ་ལང༌། །ལྷམ་མཐིལ་ཙམ་གྱི་ཀོ་བས་ནི། །ས་སྟེང་ཐམས་ཅད་གཡོགས་དང་འདྲ། །ཞེས་སོ། །བརྩོན་འགྲུས་ཀྱི་ཕར་ཕྱིན་ཡང་སེམས་དགེ་བའི་བརྩོན་འགྲུས་ཁོ་ན་གལ་ཆེ་སྟེ། ལུས་ངག་གི་བརྩོན་འགྲུས་ཡུན་རིང་དུ་འབད་ཀྱང་ཐོབ་མི་ནུས་པའི་ཚངས་པའི་གོ་འཕང་ལྟ་བུ་ཡང་བྱམས་པའི་སེམས་སྐད་ཅིག་མ་ཞིག་སྐྱེས་པས་འཐོབ་པ་ཡིན། དེ་ལས་སེམས་གསལ་གཅིག་བསྐྱེད་འབྲས་བུ་གང༌། ཚངས་ལ་སོགས་པ་ཡིན་པ་ལྟར། ལུས་ངག་བཅས་པའི་འབྲས་བུ་ཡང༌། སྤྱོད་པ་ཞན་པས་དེ་ལྟ་མིན། །ཞེས་སོ།།

― ZP02_Page_520 ―

^{[མ་དཔེ་གཟིགས་ན་འདིར་གནོན།]}

[Full Size]

བསམ་གཏན་གྱི་ཕར་ཕྱིན་ནི་ངེས་པར་སེམས་ཁོ་ན་ལ་བརྟེན་པར་ཡིན་པའི་ཕྱིར་སེམས་གཞན་དུ་མི་གཡེང་བ་ནི་བསམ་གཏན་གྱི་ངོ་བོ་ཡིན་ཏེ་སྔ་མ་ལས། །བཟླས་བརྗོད་དང་ནི་དཀའ་ཐུབ་ཀུན། །ཡུན་རིང་དུས་སུ་སྤྱད་བྱས་ཀྱང༌། །སེམས་གཞན་གཡེངས་པས་བྱས་པ་ནི། །དེ་ཉིད་རིག་པས་དོན་མེད་གསུངས། །ཞེས་སོ། །ཤེས་རབ་ཀྱང་སེམས་ཀྱི་གསང་བ་སེམས་རང་བཞིན་གྱི་འོད་གསལ་བའི་གནད་མ་ཤེས་ན་ཆོས་དང་པོ་ཤེས་ཀྱང་མི་གྲོལ་ཏེ་དེ་ལས། །གང་གིས་ཆོས་ཀྱི་གཙོ་བོ་མཆོག །སེམས་གྱི་གསང་འདི་མ་ཤེས་ན། །བདེ་ཐོབ་སྡུག་བསྔལ་གཞོམ་འདོད་ཀྱང༌། །དེ་དག་དོན་མེད་གྱི་ནར་འཁྱམས། །ཞེས་སོ། །དེས་ན་ཕ་རོལ་ཏུ་ཕྱིན་པ་ཐམས་ཅད་ལ་དེ་ལྟར་སྦྱངས་པ་ནི་འཇུག་པའི་བསླབ་བྱ་ཡིན་ནོ། །གསུམ་པ་སེམས་ཅན་དོན་བྱེད་ཀྱི་ཚུལ་ཁྲིམས་ནི་བསྡུ་བསཱི་དངོས་པོ་བཞི་སྟེ། དང་པོ་སྦྱིན་པ་ནི་ཕར་ཕྱིན་དྲུག་གི་ནང་ཚན་གྱི་སྦྱིན་པ་དང་མཚུངས་ལ། ཕ་རོལ་ཏུ་ཕྱིན་པ་དྲུག་པོ་དེ་གཞན་ལ་སྟོན་པ་ནི་སྙན་སྨྲ། ཕྱིན་དྲུག་ཉམས་སུ་ལེན་དུ་འཇུག་པ་ནི་དོན་སྤྱོད། རང་ཉིད་ཀྱང་དེ་དང་རྗེས་སུ་མཐུན་པར་སྤྱོད་ཅིང༌། དེ་ལ་ཕྱིན་དྲུག་སྒྲུབ་པའི་གྲོགས་བྱེད་པ་ནི་དོན་མཐུན་ཡིན་ཏེ་མདོ་སྡེ་རྒྱན་ལས། སྦྱིན་མཚུངས་དེ་སྟོན་ལེན་འཇུག་དང༌། བདག་ཉིད་རྗེས་སུ་འཇུག་རྣམས་ཀྱིས་སྙན་པར་སྨྲ་དང་དོན་སྤྱོད་དང༌། དོན་མཐུན་ཉིད་དུ་འདོད་པ་ཡིན། །ཞེས་སོ། །དེ་ལྟར་ཚུལ་ཁྲིམས་

― ZP02_Page_521 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་པ་གསུམ་པོ་དེ་ཡང་ཚོགས་ལམ་པས་ཉེས་སྤྱོད་སྡོམ་པ། སྦྱོར་ལམ་པས་དགེ་བ་ཆོས་སྡུད། མཐོང་ལམ་ཡན་ཆད་དུ་སེམས་ཅན་དོན་བྱེད་ཀྱི་ཚུལ་ཁྲིམས་ལ་གཙོ་བོར་བསླབ་དགོས་པ་ཡིན་ནོ། །དེ་ལྟ་བུའི་ཚུལ་ཁྲིམས་རྣམ་པ་གསུམ་པོ་དེ་ཉིད་སྲུང་བྱེད་ཀྱི་ཐབས་ནི། དྲན་པ་དང༌། ཤེས་བཞིན་དང༌། བག་ཡོད་པ་གསུམ་གྱིས་བསྲུང་དགོས་པ་ལས། དང་པོ་ནི་ཚུལ་ཁྲིམས་རྣམ་པ་གསུམ་དང་འབྲེལ་བའི་བྱང་ཆུབ་སེམས་དཔའི་བསླབ་བྱའི་གནས་ཐམས་ཅད་དགེ་བའི་བཤེས་གཉེན་ལས་ཉན་པ་དང་མདོ་སྡེ་དག་ལ་བལྟ་བས་རང་གིས་ངོ་ཤེས་པར་བྱས་ནས་དེ་ཉིད་མི་བརྗེད་པར་བློ་ལ་དམ་དུ་འཛིན་ཅིང༌། བསླབ་བྱའི་གནས་འདི་དང་འདི་ལྟ་བུ་ནི་བྱང་ཆུབ་སེམས་དཔའ་རྣམས་ཀྱིས་ཉམས་སུ་བླང་བར་བྱ་བ་ཡིན་པས་བདག་གིས་ཀྱང་ཉམས་སུ་བླང་དགོས་སོ་སྙམ་དུ་མི་བརྗེད་པར་བྱ་བ་ནི་དྲན་པ་ཡིན། གཉིས་པ་ནི། དུས་དང་གནས་སྐབས་ཐམས་ཅད་དུ་རང་གིས་རང་ལ་བརྟགས་ཤིང༌། ལུས་ངག་ཡིད་གསུམ་གྱི་བྱ་བ་ཐམས་ཅད་ལ་ཤེས་བཞིན་སྔོན་དུ་བཏང་སྟེ། ད་ལྟ་ནི་ང་འདི་ལྟ་བུ་ང་འདི་ལྟ་བུ་བསམ་མོ། །འདི་ལྟ་བུ་སྨྲའོ། །འདི་ལྟ་བུ་བྱེད་དོ་སྙམ་དུ་ཡང་ནས་ཡང་དུ་བརྟགས་ནས་རྒྱལ་བའི་སྲས་ཀྱི་བསླབ་བྱ་དང་འགལ་པའི་སྒོ་གསུམ་གྱི་བྱེད་སྤྱོད་ཐམས་ཅད་སྤངས་ཤིང༌། བསྒྲུབ་བྱ་ཐམས་ཅད་ཉམས་སུ་ལེན་དགོས་པ་ཡིན་ཏེ། སྤྱོད་འཇུག་ལས།

― ZP02_Page_522 ―

^{[མ་དཔེ་གཟིགས་ན་འདིར་གནོན།]}

[Full Size]

ལུས་དང་སེམས་ཀྱི་གནས་སྐབས་ལ། །ཡང་དང་ཡང་དུ་བརྟགས་བྱ་བ། །དེ་ཉིད་ཁོ་ན་མདོར་ན་ནི། །ཤེས་བཞིན་སྲུང་བའི་མཚན་ཉིད་དོ། །ཞེས་སོ། །གསུམ་པ་ནི་དེ་ལྟར་དྲན་ཤེས་དང་ལྡན་པས་དུས་རྟག་ཏུ། ཉེས་སྤྱོད་མི་དགེ་བའི་ཕྱོགས་ཐམས་ཅད་ལ་འཛེམས་པ་ལྷུར་ལེན་ཞིང༌། རང་རྒྱུད་ཀྱི་ཉོན་མོངས་པའི་གཉེན་པོ་བརྟེན་ཏེ་སེམས་ཀྱི་རྣམ་རྟོག་སྐད་ཅིག་མ་ཡན་ཆད་དགེ་བའི་ལམ་དུ་བསྒྱུར་བ་ལ་འབད་དགོས་སོ། །དེས་ན་དྲན་ཤེས་བག་ཡོད་གསུམ་ནི་བསླབ་པ་ཐམས་ཅད་གྱི་མདོ་འགག་གལ་པོ་ཆེ་ཡིན་ཏེ། སྤྱོད་འཇུག་ལས། །བདག་གི་རྙེད་དང་བཀུར་སྟི་དང༌། །ལུས་དང་འཚོ་བ་མེད་སླ་ཞིང༌། །དགེ་བ་གཞན་ཡང་ཉམས་བླ་ཡིས། །སེམས་ནི་ནམ་ཡང་ཉམས་མི་བྱ། །སེམས་བསྲུང་འདོད་པ་རྣམས་ལ་ནི། །དྲན་པ་དང་ནི་ཤེས་བཞིན་དག །ཐམས་ཅད་འབད་པས་སྲུངས་ཤིག་ཅེས། །བདག་ནི་དེ་ལྟར་ཐལ་མོ་སྦྱོར་ཞེས་དང༌། །བཤེས་སྤྲིང་ལས། །བག་ཡོད་བདུད་རྩིའི་གནས་ཏེ་བག་མེད་པ། །འཆི་བའི་གནས་སུ་ཐུབ་པས་བཀའ་སྩལ་ཏེ། །དེ་བས་ཁྱོད་ཀྱིས་དགེ་ཆོས་སྤེལ་སླད་དུ། །གུས་པས་རྟག་ཏུ་བག་དང་ལྡན་པར་མཛོད། །ཅེས་སོ། །དེ་ལྟར་དྲན་ཤེས་བག་ཡོད་དང་ལྡན་པའི་སྒོ་ནས་བྱང་ཆུབ་སེམས་དཔའི་བསླབ་པ་ཐམས་ཅད་བསླབ་དགོས་ཀྱི་གཞན་དུ། རང་གིས་བླ་མ་དགེ་བའི་བཤེས་གཉེན་གྱི་དྲུང་དུ་ཕྱོགས་བཅུའི་རྒྱལ་བ་

― ZP02_Page_523 ―

^{[མ་དཔེ་གཟིགས་ན་འདིར་གནོན།]}

[Full Size]

སྲས་དང་བཅས་པ་ཐམས་ཅད་དབང་དུ་བཞག་ནས་བྱང་ཆུབ་ཏུ་སེམས་བསྐྱེད་པ་བླང་ཏེ་བསླབ་བྱ་ལ་མི་སློབ་ན་ནི། རྒྱལ་བ་སྲས་བཅས་དེ་དག་ཀྱང་བསླུས་པར་གྱུར་ལ་ཁམས་གསུམ་གྱི་སེམས་ཅན་ཐམས་ཅད་ཀྱང་བསླུས་པར་གྱུར་བའི་ཉེས་པ་ཚད་མེད་པ་ཡོད་པས་བྱང་ཆུབ་སེམས་དཔའི་སྤྱོད་པ་རླབས་པོ་ཆེ་ལ་སྒྱིད་ལུག་དང་ཞུམ་པ་སྤངས་ནས་ཅི་ནུས་པ་ཐམས་ཅད་ཉམས་སུ་བླང་ཤིང༌། མི་ནུས་པ་རྣམས་སྨོན་པའི་ཡུལ་ཏུ་བྱ་དགོས་པ་ཡིན་ནོ། །དེ་ལྟར་འབད་པ་དང་བརྩོན་པས་ཉམས་སུ་བླང་ཀྱང༌། མི་ཤེས་པ་དང༌། མ་གུས་པ་དང༌། བག་མེད་པ་དང༌། ཉོན་མོངས་པ་མང་བ་སྟེ། ལྟུང་བ་འབྱུང་བའི་རྒྱུ་བཞིའི་དབང་གིས་ཉེས་པ་བྱུང་ན་ཡང་དེ་མ་ཐག་བཤགས་པས་རྩིས་ཟིན་བྱ་དགོས་པ་ལས། དབང་པོ་རབ་རྣམས་ནི་ཀུན་རྫོབ་ཙམ་དུ་རྒྱལ་བ་སྲས་བཅས་ཀྱི་སྤྱན་སྔར། མཐོ་བཤགས་ཀྱི་འདུན་པ་བྱེད་ཅིང༌། ཉེས་ལྟུང་རང་བཞིན་མེད་པའི་དོན་ལ་མཉམ་པར་བཞག །འབྲིང་རྣམས་ནི་རིགས་སྔགས་དང་གསང་སྔགས་ཀྱི་ལྷ་འཕགས་པ་ནམ་མཁའི་སྙིང་པོ་སོགས་ལ་གསོལ་བ་བཏབ་སྟེ་ལྟུང་བ་ལས་ལྡང༌། ཐ་མ་རྣམས་ནི་ཉེས་པ་གང་བྱུང་བྱང་ཆུབ་སེམས་དཔའི་ཚོགས་སུ་ཞུ་ཞིང་གཉེན་པོ་སྟོབས་བཞི་ཚངས་པའི་བཤགས་པ་སྡོམ་ལ་འབད་པས་སོར་ཆུད་པར་འགྱུར་རོ། །རྒྱལ་དང་རྒྱལ་སྲས་རྣམས་ཀྱི་གཤེགས་པའི་ཤུལ། །བྱང་ཆུབ་སེམས་དཔའི་སྤྱོད་

― ZP02_Page_524 ―

^{[མ་དཔེ་གཟིགས་ན་འདིར་གནོན།]}

[Full Size]

པ་རྨད་བྱུང་བ། །སོ་སྐྱེས་དག་གིས་འདོམ་པར་སླ་མིན་ཡང༌། །བླ་མས་གསུང་བཞིན་སྙིང་པོར་དྲིལ་ནས་བཀོད། །དགེ་བ་འདི་ཡིས་བདག་དང་འགྲོ་བ་ཀུན། །རྣམ་ཐར་རྒྱ་མཚོ་ཕ་མཐའ་མེད་གྱུར་པའི། །རྒྱལ་སྲས་སྤྱོད་པའི་འཇུག་ངོགས་ཡིད་འོང་འདི། །ཤེས་ནས་ཉམས་ལེན་སྟོན་པ་ཉིད་གྱུར་ཅིག །ཅེས་བྱང་ཆུབ་དམ་པའི་ལམ་བཟང་དོན་ཏུ་གཉེར་བ་འཆི་མེད་རྡོ་རྗེ་ནས་བྱང་ཆུབ་སེམས་དཔའ་དགེ་བའི་བཤེས་གཉེན་བཀྲ་ཤིས་དོན་འགྲུབ་ཀྱི་དྲུང་ནས་བྱང་ཆུབ་ཏུ་སེམས་བསྐྱེད་དེ་འདིར་བསླབ་བྱའི་གནས་དྲི་བ་ལ་ཆེད་དུ་འོང་བའི་ངོར་ཟབ་མོ་ལྟ་བ་རྒྱ་ཆེན་སྤྱོད་པ། ཟབ་ཅིང་རྒྱ་ཆེའི་རྒྱུད་པ་གསུམ་འདུས་ཀྱི་མན་ངག་གི་སྙིང་པོ་དྲིལ་ནས་བྱང་ཆུབ་ཏུ་སྨོན་ལམ་ཙམ་བཏབ་ཀྱང་འཇུག་སྤྱོད་རླབས་པོ་ཆེ་ལེ་ལོས་བཅོམ་པ་ཨ་བུ་ཧྲལ་པོས་བྲིས་པ་དགེའོ། །

དཀོན་མཆོག་བསྡུས་པའི་སྡོམ་བྱང་།

༈ །དཀོན་མཆོག་བསྡུས་པའི་སྡོམ་བྱང་བཞུགས་སོ། །བླ་མ་ལ་ཕྱག་འཚལ་ལོ། །སངས་རྒྱས་ཆོས་དང་དགེ་འདུན་དཀོན་མཆོག་གསུམ། །སངས་རྒྱས་རྟེན་དང་བརྟེན་ཆོས་མཛད་བཟང་གིས། །སྐུ་དང་ཡེ་ཤེས་ཡོན་ཏན་ཕྲིན་ལས་སོ། །སྐུ་ལ་གཉིས་གསུམ་ལྔ་སྟེ་རིམ་པ་བཞིན། །ཆོས་སྐུ་གཟུགས་སྐུ་གཟུགས་སྐུར་ལོངས་སྤྲུལ་གཉིས། །མངོན་བྱང་མི་འགྱུར་ཞི་བ་ཆོས་སྐུ་གསུམ། །བསྡུས་དང་གཅིག་དབྱེ་གཉིས་དབྱེ་ཤེས་པར་བྱ། །ཡེ་ཤེས་གསུམ་ལྔ་གཉིས་ཡིན་རིམ་བཞིན་ཏུ། །ངོ་བོ་རང་བཞིན་

― ZP02_Page_525 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་རྗེ་ཆོས་ཀྱི་དབྱིངས། །མེ་ལོང་མཉམ་ཉིད་སོར་རྟོགས་བྱ་བ་གྲུབ། །ཇི་ལྟ་ཇི་སྙེད་སྐུ་གསུམ་རིམ་གྱིས་སོ། །ཡོན་ཏན་སྟོབས་དང་མི་འཇིགས་མ་འདྲེས་མཚན། །བཅུ་བཞི་བཅོ་བརྒྱད་སོ་གཉིས་བསྡོམ་རེ་བཞི། །སོ་གཉིས་པ་རེ་ཆོས་སྐུ་གཟུགས་སྐུའི་ཡིན། །ཕྲིན་ལས་ཞི་རྒྱས་དབང་དྲག་མཆོག་ལྔའོ། །ཆོས་ལ་རྗོད་བྱེད་བརྗོད་པ་ལུང་རྟོགས་གཉིས། །ལུང་ལ་གསུམ་དང་བཅུ་གཉིས་བཞིར་ཕྱེ་ན། །བརྒྱད་ཁྲི་བཞི་སྟོང་ཡིན་ཏེ་རིམ་པ་ལྟར། །འདུལ་བ་མདོ་སྡེ་མངོན་པ་སྡེ་སྣོད་གསུམ། །གླིང་གཞི་རྟོགས་བརྗོད་སྔོན་བྱུང་སྐྱེས་པ་རབ། །མདོ་སྡེ་དབྱངས་བསྙད་ལུང་བསྟན་ཚིགས་སུ་བཅད། །རྨད་བྱུང་ཤིན་ཏུ་རྒྱས་པ་ཆེད་དུ་བརྗོད། །གཏན་ལ་དབབས་པ་བཞི་བདུན་གཅིག་རིམ་བཞིན། །ཐེག་པ་ཆེ་ཆུང་སྡེ་སྣོད་གསུམ་པོ་ཡིན། །གསུམ་ལ་བཞི་བསྣན་བཞི་དང་བདུན་ཡིན་ཏེ། །ཉི་ཁྲི་ཆིག་སྟོང་རེ་དབྱེ་རྒྱས་པའོ། །རྟོགས་པས་ལམ་བྱང་ཕྱོགས་ཕ་རོལ་ཕྱིན། །བཅུ་གཅིག་ལྔ་དང་སོ་བདུན་དྲུག་ཡིན་ནོ། །རབ་དགའ་དྲི་མེད་འོད་བྱེད་འོད་འཕྲོ་བ། །སྦྱང་དཀའ་མངོན་གྱུར་རིང་སོང་མི་གཡོ་བ། །ལེགས་པའི་བློ་གྲོས་ཆོས་སྤྲིན་ཀུན་ཏུ་འོད། །ཚོགས་སྦྱོར་མཐོང་སྒོམ་མི་སློབ་ལམ་ལྔ་ཡིན། །བྱང་ཕྱོགས་དྲན་པ་ཉེར་བཞག་ཡན་ལག་སྤོངས། །རྫུ་འཕྲུལ་རྐང་པ་དབང་པོ་སྟོབས་དང་ནི། །བྱང་ཆུབ་འཕགས་ལམ་ཡན་ལག་བཞི་བཞི་བཞི། །ལྔ་ལྔ་

― ZP02_Page_526 ―

^{[མ་དཔེ་གཟིགས་ན་འདིར་གནོན།]}

[Full Size]

བདུན་བརྒྱད་རིམ་པ་བཞིན་དུ་སྟེ། །ལུས་ཚོར་སེམས་ཆོས་དྲན་པ་ཉེ་བར་བཞག །དགེ་དང་མི་དགེ་བསྐྱེད་སྤེལ་མི་བསྐྱེད་སྤོང༌། །འདུན་པ་བརྩོན་འགྲུས་སེམས་དཔྱོད་ཏིང་ངེ་འཛིན། །དད་བརྩོན་དྲན་པ་ཏིང་འཛིན་ཤེས་དབང་སྟོབས། །དྲན་དང་ཆོས་རབ་རྣམ་འབྱེད་བརྩོན་འགྲུས་དགའ། །ཤིན་ཏུ་སྦྱང་བ་ཏིང་འཛིན་བཏང་སྙོམས་ཏེ། །ཡན་ལག་ལྟ་རྟོགས་ངག་དང་ལས་མཐའ་འཚོ། །རྩོལ་དྲན་ཏིང་འཛིན་བརྒྱད་ནི་འཕགས་པའི་ལམ། །སྦྱིན་ཚུལ་བཟོད་བརྩོན་བསམ་གཏན་ཤེས་རབ་ཐབས། །སྟོབས་དང་སྨོན་ལམ་ཡེ་ཤེས་ཕ་རོལ་ཕྱིན། །ས་མེད་གཉིས་དང་ས་གཅིག་དགུ་གཅིག་ལམ། །བྱང་ཕྱོགས་བཅུ་གཉིས་བཅུ་བདུན་བརྒྱད་ལམ་བཞིར། །ས་དང་ཕར་ཕྱིན་རེ་རེ་སྦྱང་ཤེས་བྱ། །དགེ་འདུན་ཉན་རང་བྱང་སེམས་རྣམ་པ་གསུམ། །སོ་སྐྱེས་འཕགས་པ་ཚོགས་སྦྱོར་མཐོང་ལམ་ཡན། །རྒྱུན་ཞུགས་ཕྱིར་འོང་མི་འོང་དགྲ་བཅོམ་པ། །ནེ་ཚོ་བསེ་རུ་ལྟ་བུ་གནས་པ་གཉིས། །སེམས་བསྐྱེད་ས་ལ་གནས་དང་སྤྱོད་པ་ཞུགས། །རྒྱལ་ཚབ་སྐྱེས་བུ་བཞི་གཉིས་བཞི་རིམ་བཞིན། །ཉན་རང་བྱང་ཆུབ་སེམས་དཔའི་འཕགས་པ་སྟེ། །ཐོས་པ་རྒྱ་མཚོའི་མཛོད་ཁང་བྱེ་བ་ཡིན། །

བདེན་བཞིའི་སྐོར།

༈ །བདེན་བཞིའི་སྐོར་མཚན་གཞི་ལ། །སྡུག་བསྔལ་གྱི་བདེན་པ་ནི། །སྲིད་པར་སྐྱེ་བ་དང་སྐྱེ་བའི་གནས་སོ། །ཀུན་འབྱུང་གི་བདེན་པ་ནི། ༈ །ཉོན་མོངས་པས་ཀུན་ནས་བསླང་བའི་ལས་སོ། །འགོག་པ་ནི་མཚན་ཉིད་ཀྱིས་དང༌། ཟབ་པ་དང༌། བརྡའ་དང༌།

― ZP02_Page_527 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་དམ་པ་དང༌། རྫོགས་པ་དང༌། མ་རྫོགས་པ་དང༌། རྒྱན་ཅན་དང༌། རྒྱན་མེད་དང༌། ལྷག་བཅས་དང༌། ལྷག་མེད་དང༌། ཁྱད་པར་འཕགས་པའོ། །མཚན་ཉིད་ལ་གང་གིས་གང་དུ། གང་ཞིག །འགོགས་པ་སྟེ། ལམ་དང༌། དེ་བཞིན་ཉིད་དང༌། ཉོན་མོངས་པའོ། །ལམ་ནི་སྡུག་བསྔལ་ཤེས་པར་བྱ། །ཀུན་འབྱུང་སྤོངས། །འགོག་པ་མངོན་ཏུ་བྱ་བ། ལམ་རྒྱུད་ལ་བརྟེན་པའམ། ཡང་ན་ཚོགས་ལམ། སྦྱོར་ལམ། མཐོང་ལམ། བསྒོམ་ལམ། མི་སློབ་པའི་ལམ་དང་ལྔའོ། །བདེན་པ་བཞིའི་མཚན་ཉིད་ནི། མི་རྟག་སྡུག་བསྔལ་སྟོང་པ། བདག་མེད་དེ་སྡུག་བདེན་གྱི་བཞི། རྒྱུ། ཀུན་འབྱུང༌། རབ་སྐྱེ། རྐྱེན་ཏེ་ཀུན་འབྱུང་གི་བཞི། འགོགས་པ་དང༌། ཞི་བ། གྱ་ནོམ་པ། ངེས་པར་འབྱུང་བ་སྟེ་འགོག་པའི་བཞི། ལམ། རིགས་པ། སྒྲུབ་པ། ངེས་པར་འབྱིན་པ་སྟེ་ལམ་གྱི་བཞིའོ། །ངེས་ཚིག་ནི། བསྟན་པ་དང་མི་མཐུན་པ་མེད་པ་དང༌། དེ་ལྟར་ཤེས་ན་མི་བསླུ་བས་ན་བདེན་པའོ། །དེ་ཡང་འཕགས་པས་ཇི་ལྟ་བ་བཞིན་གཟིགས་པས་ན་འཕགས་པའི་བདེན་པའོ། །ཕུང་པོ་ལྔའི་མཚན་ཉིད་ཀུན་བཏུས་ལྟར། །གཟུགས་སུ་རུང་བ་གཟུགས་ཀྱི་མཚན་ཉིད། །ཉམས་སུ་མྱོང་བ་ཚོར་བའི་མཚན་ཉིད། །འདུ་ཤེས་པ་འདུ་ཤེས་ཀྱི་མཚན་ཉིད། །འདུ་བར་བྱེད་པ་འདུ་བྱེད་ཀྱི་མཚན་ཉིད། །རྣམ་པ་ཤེས་པ་རྣམ་ཤེས་ཀྱི་མཚན་ཉིད་དོ། །རྣམ་པར་

― ZP02_Page_528 ―

^{[མ་དཔེ་གཟིགས་ན་འདིར་གནོན།]}

[Full Size]

བཞག་པ་ལ། གཟུགས་ལ། རྒྱུའི་གཟུགས། ས་ཆུ་མེ་རླུང་བཞི། རྒྱུར་བྱས་པའི་གཟུགས་ལ། དབང་པོ་ལྔ་དང་དོན་ལྔ། རྣམ་པ་རིགས་བྱེད་མ་ཡིན་པའོ། །དེ་དག་རིམ་བཞིན། སྲ་བ། གཤེར་བ། ཚ་བ། གཡོ་བ་ནི་འབྱུང་བའོ། །འབྱུང་བ་ཆེན་པོ་བཞི་རྒྱུར་བྱས་པའི་མིག་གི་རྣམ་ཤེས་ཀྱི་རྟེན་དངས་པ་མིག་དབང༌། གཞན་བཞི་ཡང་དེ་དང་འདྲ་བའོ། །འབྱུང་བ་ཆེན་པོ་བཞི་རྒྱུར་བྱས་ལ། མིག་གི་ཡུལ་དུ་གྱུར་པ་གཟུགས། །གཞན་དེ་དང་འདྲ། རྣམ་རིག་མིན་པ་མངོན་པ་མཛོད་ལས། རྣམ་རིག་མིན་རྣམ་གསུམ་ཞེས་བྱ། །སྡོམ་དང་སྡོམ་པ་མིན་དང་གཞན། །སྡོམ་པ་སོ་སོ་ཐར་ཞེས་བྱ། །དེ་བཞིན་ཟག་མེད་བསམ་གཏན་སྐྱེས། །ཞེས་སོ། །མིག་ཡུལ་གྱི་གཟུགས་ལ་དབྱིབས་དང་ཁ་དོག་གཉིས། །སྒྲ་ལ་སྙན་དང་མི་སྙན་པར་མའོ། །ཟིན་མ་ཟིན་གཉིས་ཀའོ། །དྲི་ལ་ཞིམ་མི་ཞིམ། །བཏང་སྙོམ་པའོ། །ལྷན་སྐྱེས་དང་སྦྱར་བྱུང་ལས་གྱུར་བའོ། །རོ་ལ་མངར་སྐྱུར་ཚ་བ་ལན་ཚྭ་ཁ་བ་བསྐ་བའོ། །རེག་བྱ་འཇམ་རྩུབ་ལྕི་ཡང་གྲང་དྲོ། །བཀྲེས་སྐོམ་སོགས་སོ། །ཚོར་བ་ལ་ཚོར་བ་དྲུག །ཡིད་ཚོར་ལུས་ཚོར་གཉིས། འདུ་ཤེས་ལ་མཚན་མ་དང་བཅས་པ་དང༌། མཚན་མ་མེད་པའམ། རྐྱ་ཆུང་བ། རྒྱ་ཆེ་བ། ཚད་མེད་པའོ། །འདུ་བྱེད་ལ་མཚུངས་ལྡན། ལྡན་མིན་འདུ་བྱེད་གཉིས། དང་པོ་ལ་ཀུན་འགྲོ་ལྔ། ཡུལ་ངེས་ལྔ། དགེ་བ་བཅུ་གཅིག །རྩ་ཉོན་དྲུག །ཉེ་ཉོན་ཉི་ཤུ།

― ZP02_Page_529 ―

^{[མ་དཔེ་གཟིགས་ན་འདིར་གནོན།]}

[Full Size]

གཞན་འགྱུར་བཞིའོ། །ལྡན་མིན་ནི་འཐོབས་པ་སྙོམ་འཇུག་རྣམ་གཉིས་འདུ་ཤེས་མེད། སྲོག་དང་རིས་མཐུན་སྐྱེ་རྒ་གནས་མི་རྟག །མིང་ཚིག་ཡི་གེ་སོ་སོ་སྐྱེ་བོ་འཇུག །སོ་སོར་ངེས་པ་འབྱོར་འབྲེལ་མགྱོགས་གོ་རིམ། །དུས་ཡུལ་གྲངས་ཚོགས་ལྡན་མིན་ཉེར་གསུམ་མོ། །རྣམ་ཤེས་དྲུག་སྟེ། མིག་དབང་ལ་བརྟེན་ཏེ་གཟུགས་ལ་དམིགས་ནས་མིག་གི་རྣམ་ཤེས་སོགས་སོ། །འདུ་བྱེད་ཀྱིས་འཕེལ་བ་དང་འགྲིབ་པ་རྙེད་པ་འཐོབ་པ། ཞི་བའི་བསམ་པ་སྔོན་དུ་བཏང་ནས། སྲིད་རྩེའི་སེམས་ལ་བརྟེན་ནས་སེམས་དང་སེམས་བྱུང་བརྟེན་པ་མིན་པ་རྣམས་དང་བརྟེན་པ་གཉིས་འགོག་པ་འགོག་སྙོམ། འབྱུང་བའི་བསམ་པ་སྔོན་དུ་བཏང་ནས་འབྲས་བུ་ཆོས་སེམས་ལ་བརྟེན་ནས་སེམས་དང་སེམས་བྱུང་བརྟེན་པ་མིན་པ་རྣམས་འགོག་པ་འདུ་ཤེས་མེད་པའི་སྙོམ་འཇུག །འདུ་ཤེས་མེད་པའི་གནས་སུ་སྐྱེས་ན་སེམས་དང་སེམས་བྱུང་བརྟེན་པ་མིན་པ་རྣམས་འགགས་པ་འདུ་ཤེས་མེད། རིས་མཐུན་པར་གནས་པའི་ཡུན་ཚད་ངེས་པ་ཚེའམ་སྲོག །རིས་མཐུན་ལུས་འདྲ་བ་རིས་མཐུན། འདུ་བྱེད་མ་འོང་པ་འབྱུང་བ་སྐྱེ་བ། འདུ་བྱེད་འགྱུར་བ་རྒ་བ། མི་འཇིག་པ་གནས་པ། འདུ་བྱེད་འཇིག་པ་མི་རྟག་པ། དོན་གྱི་ངོ་བོ་སྟོན་པ་མིང༌། དོན་གྱི་ཁྱད་པར་སྟོན་པ་ཚིག །དེ་གཉིས་ཀའི་ཡི་གེ། འཕགས་པའི་ཆོས་མ་ཐོབ་པ་སོ་སོའི་སྐྱེ་བོ། །རྒྱུ་འབྲས་རྒྱུན་མི་ཆད་པ་འཇུག་

― ZP02_Page_530 ―

^{[མ་དཔེ་གཟིགས་ན་འདིར་གནོན།]}

[Full Size]

པ། རྒྱུ་འབྲས་ཐ་དད་པ་སོ་སོར་ངེས་པ། རྒྱུ་འབྲས་རྗེས་སུ་མཐུན་པ་འབྱོར་འབྲེལ། རྒྱུ་འབྲས་མྱུར་དུ་འབྱིན་བ་མགྱོགས་པ། རྒྱུ་འབྲས་རེ་རེ་ནས་འབྱུང་བ་གོ་རིམ། རྒྱུ་འབྲས་རྒྱུན་དུ་འབྱུང་བ་དུས། ཤར་སོགས་ན་རྒྱུ་འབྲས་ཡོད་པ་ཡུལ། རྒྱུ་འབྲས་དུ་མ་གྲངས་རྒྱུ་འབྲས་རྐྱེན་ཚོགས་པ་ཚོགས་པའོ། །

རྟེན་འབྲེལ།

༈ འདིའི་སྐབས་སུ་རྟེན་འབྲེལ་གྱི་དོན་ཅུང་ཟད་བཤད་པ་ལ། རྟེན་འབྲེལ་གྱི་མཚན་ཉིད། ཡན་ལག་རྣམ་པར་དབྱེ་བ། ཡན་ལག་བསྡུ་བ། ཡན་ལག་རྐྱེན་དུ་བཞག་པ། ཡན་ལག་གི་བྱེད་ལས། །ཡན་ལག་ཉོན་མོངས་སུ་བཞག་པ། ཚེ་དུལ་རྫོགས་པ་ལུགས་འབྱུང་ལྡོག་བཤད་པ། དེའི་བདེན་བཞིར་འཇུག་བཟློག་གི་གཞིར་བསྟན་པ། རྟེན་འབྲེལ་གྱིས་རང་བཞིན་ཟབ་པར་བསྟན་པའོ། །དང་པོ་མཚན་ཉིད་ནི། འདི་ཡོད་པས་འདི་འབྱུང༌། འདི་སྐྱེས་པས་འདི་སྐྱེ་སྟེ། འདི་ལྟ་སྟེ་མ་རིག་པའི་རྐྱེན་གྱིས་འདུ་བྱེད་ཅེས་སོགས། གསུངས་པས་མི་གཡོ་བའི་རྒྱུ་ལས་བྱུང་བ་དང༌། །མི་རྟག་པའི་རྒྱུ་ལས་བྱུང་བ་དང༌། །ནུས་པའི་རྒྱུ་ལས་བྱུང་བའོ། །ཡན་ལག་རྣམ་པར་དབྱེ་བ་ནི། །དེ་ཁོ་ན་ཉིད་དང་འབྲས་བུ་རྣམ་པར་སྨིན་པ་ལ་རྨོངས་པ་མ་རིག་པ། བསོད་ནམས་དང་བསོད་ནམས་མ་ཡིན་པ་མི་གཡོ་བ་འདུ་བྱེད། རྒྱུ་དུས་དང་འབྲས་དུས་ཀྱི་རྣམ་ཤེས། མིང་བཞི་དང་གཟུགས་མིང་གཟུགས། མིག་གི་དབང་པོ་སོགས་སྐྱེ་མཆེད་དྲུག །མིག་གི་འདུས་ཏེ་

― ZP02_Page_531 ―

^{[མ་དཔེ་གཟིགས་ན་འདིར་གནོན།]}

[Full Size]

རེག་པ་སོགས་རེག་པ་དྲུག །མིག་གི་འདུས་ཏེ་རེག་པའི་རྐྱེན་གྱིས་ཚོར་བ་སོགས་ཚོར་བ་དྲུག །ཁམས་གསུམ་གྱི་ཡུལ་ལ་སྲེད་པ། སྲེད་པའི་ཡུལ་དང་དུ་ལེན་པ། དེ་ཉེར་ལེན་ལས་ཀྱི་སྲིད་པ། དེའི་དབང་གིས་སྐྱེ་བ་དེ་ཉིད་རྒ་བ་དང་ཤི་བ། མྱ་ངན་སྨྲེ་སྔགས་འདོན་པ་སྡུག་བསྔལ་བ་ཡིད་མི་བདེ་བ་སོགས་སོ། །ཡན་ལག་བསྡུ་བ་ལ། འཕེན་བྱེད་དང་འཕང་བ། འགྲུབ་བྱེད་དང་གྲུབ་པའོ། །རྐྱེན་དུ་བཞག་པ། བགགས་དང་ཤུགས་དང༌། ཡིད་ལ་བྱེད་པ་ཀྱང་ལྷག་པ་རེ། རྒྱུ་དང་དེ་མ་ཐག་ལ་དམིགས་པ། འགོག་པའི་རྐྱེན་ནོ། །ཡན་ལག་གི་བྱེད་ལས་སྔ་མ་སྔ་མས་ཕྱི་མ་སྐྱེ་བའོ། །ཡན་ལག་ཉོན་མོངས་པར་བསྡུ་ན། །དང་པོ་བརྒྱད་པ་དགུ་ཉོན་མོངས། །གཉིས་དང་བཅུ་པ་ལས་ཡིན་ཏེ། །ལྷག་མ་རྣམས་ནི་སྡུག་བསྔལ་འོ། །ཞེས་སོ། །ཚེ་དུ་ལ་རྫོགས་ན་འགོར་ན་སྐྱེ་བ་གསུམ་དང༌། མྱུར་བ་སྐྱེ་བ་གཉིས་ཀྱིས་རྫོགས་པའོ། །ལུགས་འབྱུང་ལུགས་ལྡོག་ལ། ཀུན་ཉོན་ཕྱོགས་ཀྱི་རྟེན་འབྲེལ་ལ་ལུགས་འབྱུང་དང༌། རྣམ་བྱང་ཕྱོགས་ཀྱི་རྟེན་འབྲེལ་ལ་ལུགས་ལྡོག་གམ་ཡང་ན་དེ་གཉིས་རེ་རེ་ལ་ལུགས་འབྱུང་ལྡོག་གཉིས་རེ་སྟེ་བཞིའོ། །བདེན་བཞི་དང་སྦྱར་བ་མ་རིག་པ་ཀུན་འབྱུང༌། མ་རིག་འགགས་པ། མ་རིག་འགོག་པར་འགྲོ་བའི་ལམ་སོགས་སམ་ཡང་ན་སྐྱེ་རིམ་ཀུན་ཉོན་ཕྱོགས་ཀྱི་ལུགས་འབྱུང་ཀུན་འབྱུང་དང༌། ལུགས་ལྡོག་སྡུག་བསྔལ་མཚོན། འགགས་རིམ་རྣམ་

― ZP02_Page_532 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་ཕྱོགས་ཀྱི་ལུགས་འབྱུང་ལམ་དང༌། ལུགས་ལྡོག་འགོག་པའོ། །རྟེན་འབྲེལ་གྱི་རང་བཞིན་ཟབ་པར་བསྟན་པ་ནི། མགོན་པོ་ཀླུས། །རྟེན་ཅིང་འབྲེལ་འབྱུང་མ་གཏོགས་པའི། །ཆོས་འགའ་ཡོད་པ་མ་ཡིན་ནོ། །དེ་ཕྱིར་སྟོང་ཉིད་མ་གཏོགས་པའི། །ཆོས་འགའ་ཡོད་པ་མ་ཡིན་ནོ། །ཞེས་སོ། །

རྟོགས་པའི་ཆོས།

༈ །རྟོགས་པའི་ཆོས་ནི། བྱང་ཕྱོགས་སོ་བདུན་བཤད་པ་ལ་བདུན། དང་པོ་ལ་རྟོགས་པའི་ལམ། རྩོལ་བ་ལས་བྱུང་བའི་ལམ། ཏིང་ངེ་འཛིན་སྦྱོང་བའི་ལམ། མངོན་པར་རྟོགས་པ་ལ་སྦྱོར་བའི་ལམ། མངོན་པར་རྟོགས་པ་ལ་འབྲེལ་བའི་ལམ། མངོན་པར་རྟོགས་པའི་ལམ། རྣམ་དག་ངེས་འབྱིན་གྱི་ལམ་མོ། །རེ་རེ་ལའང་ལྔ་ལྔ་སྟེ། དམིགས་པ། ངོ་བོ། །གྲོགས། བསྒོམ་པ། འབྲས་བུའོ། །དང་པོ་དྲན་པ་ཉེར་བཞག་ལ་བཞིའོ། །དམིགས་པ་ཡུལ་ལུས་ཚོར་སེམས་ཆོས་བཞི། དེ་ལའང༌། དམིགས་པ་ཕྱིའི་ལུས་ནང་གི་ལུས། །ཕྱི་ནང་གི་ལུས་སོགས་གསུམ་སྟེ། །བདག་གི་གནས་དང་ལོངས་སྤྱོད་དངོས་པོ་ཀུན་ཉོན། རྣམ་བྱང་གི་དངོས་པོའོ། །ངོ་བོ་དྲན་པ་དང་ཤེས་རབ། གྲོགས་ནི་དེ་དང་མཚུངས་པར་ལྡན་པའི་སེམས་སེམས་བྱུང་རྣམས་སོ། །བསྒོམ་པ་ནི་ཉན་རང་དང་བསྟུན་ན་རྣམ་རྟོག་གིས་གཟུགས་བརྙན་གྱི་ལུས་དང་རང་གི་ལུས་མཉམ་པར་ལྟ་བ་དང༌། ལྷག་མ་གསུམ་སྡུག་བསྔལ་མི་རྟག་བཏག་

― ZP02_Page_533 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་བསྒོམ་པའོ། །ཐེག་ཆེན་དུ་དམ་པ་གསུམ་མོ། །འབྲས་བུ་ནི་ཕྱིན་ཅི་ལོག་བཞི་སྤོངས་པ་དང༌། བདེན་བཞི་ལ་འཇུག་པ་དང༌། ལུས་སོགས་དང་བྲལ་བའོ། །ཅིའི་ཕྱིར་དྲན་པ་ཉེར་བཞག་ཞེ་ན། བྱེ་སྨྲ་ལྟར་ན་དྲན་པའི་ཡུལ་ལ་ཤེས་རབ་འཇོག་པ་དང༌། ཐེག་ཆེན་ལྟར་ན་ཤེས་རབ་ཀྱི་ཡུལ་ལ་དྲན་པ་འཇོག་པའོ། །གཉིས་པ་ཡང་དག་སྤོང་བཞི་ལ། །དམིགས་པ་མི་མཐུན་ཕྱོགས་དང་གཉེན་པོ་སྐྱེས་པ་དང་མ་སྐྱེས་པའོ། །ངོ་བོ་བརྩོན་འགྲུས། གྲོགས་འདྲ། བསྒོམ་པ་ནི། འདུན་པ་བསྐྱེད། འབད། བརྩོན་འགྲུས་བརྩོམ། སེམས་རབ་ཏུ་འཛིན། སེམས་རབ་ཏུ་འཇོག་པའོ། །འབྲས་བུ་མི་མཐུན་ཕྱོགས་ཉམས་པ་དང༌། གཉེན་པོའི་ཕྱོགས་ཐོབ་པ་དང་འཕེལ་བའོ། །ཅིའི་ཕྱིར་ཡང་དག་སྤོང་བ་བཞི་བྱ་ན་ཕྱོགས་གཅིག་གི་མིང་ངོ༌། །གསུམ་པ་རྫུ་འཕྲུལ་གྱི་རྐང་པ་ལ་དམིགས་པ་ཏིང་ངེ་འཛིན་གྱིས་མངོན་ཏུ་བྱ་བའི་ཡུལ་ལོ། །ངོ་བོ་ཏིང་ངེ་འཛིན། གྲོགས་ནི་འདུན་བརྩོན་སེམས་དཔྱོད་བཞི་དང་མཚུངས་པར་སོགས་འདྲ། བསྒོམས་པ་ཉེས་པ་ལྔ་སྤོངས་འདུ་བྱེད་བརྒྱད་བརྟེན་པ་སྟེ། ཉེས་པ་ལྔ་ནི། ལེ་ལོ་དང་ནི་གདམས་ངག་རྣམས། བརྗེད་དང་བྱིང་དང་རྒོད་པ་དང༌། འདུ་མི་བྱེད་དང་འདུ་བྱེད་དོ། །འདུ་བྱེད་བརྒྱད་ནི་འདུན་པ་བརྩོན་འགྲུས་དད་པ་ཤིན་སྦྱངས། དྲན་པ། ཤེས་བཞིན། སེམས་པ། བཏང་སྙོམས་སོ། །

― ZP02_Page_534 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲས་བུ་མངོན་དུ་བྱེད་འདོད་པ་གྲུབ་པའོ། །ཅིའི་ཕྱིར་ན་རྫུ་འཕྲུལ་སོགས་ཡོན་ཏན་གྱི་རྩ་བའོ། །དབང་པོ་ལྔ་ལ། དམིགས་པ་ནི། བདེན་བཞི། ངོ་བོ་ནི་དད་སོགས། གྲོགས་འདྲ། བསྒོམ་པ་ནི་ཡིད་ཆེས། སྤྲོ་སེམས་དམིགས་པ་མི་བརྗེད། སེམས་རྩེ་གཅིག་ཏུ་གནས། རྣམ་པར་འབྱེད་པའོ། །འབྲས་བུ་ནི། བདེན་བཞི་མྱུར་དུ་རྟོགས་པ་དང༌། སྦྱོར་བཞི་འགྲུབ་པའོ། །ཅིའི་ཕྱིར་ན་དབང་པོ་ལྔ་ཞེས་ཞེ་ན། རྣམ་བྱང་བསྐྱེད་པ་ལ་དབང་བའོ། །སྟོབས་ལ་གཞན་དབང་པོ་དང་འདྲ་ཞིང༌། །ཅིའི་ཕྱིར་ན་སྟོབས་ལྔ་ཞེས་ཞེ་ན། །མི་མཐུན་ཕྱོགས་ཀྱིས་མི་རྫི་བའོ། །བྱང་ཆུབ་ཡན་ལག་གི་དམིགས་པ་བདེན་བཞི། ངོ་བོ་དྲན་སོགས། རང་བཞིན་ཡན་ལག་གནས་ཡན་ལག །ཕན་ཡོན་ངེས་འབྱུང་ཡན་ལག་དང༌། །རྣམ་གསུམ་ཉོན་མོངས་མེད་ཡན་ལག །ཅེས་སོ། །གྲོགས་འདྲ། བསྒོམ་པ་ནི། དབེན་པ་དང༌། འདོད་ཆགས་དང་བུལ་བ་དང༌། འགོག་པ་དང༌། སྤོང་བ་ལ་གནས་པའོ། །འབྲས་བུ་ནི། མཐོང་སྤོང་སྤོངས་པའོ། །ཅིའི་ཕྱིར་དེ་སྐད་བྱ་ཞེ་ན་མཐོང་ལམ་བྱང་ཆུབ་ཀྱི་ཡན་ལག་དུ་གྱུར་བའོ། །འཕགས་པའི་ལམ་གྱི་ཡན་ལག་བརྒྱད་ཀྱི་དམིགས་པ་བདེན་བཞིའོ། །ངོ་བོ་ལྟ་སོགས། །ཡོངས་སུ་གཅོད་དང་གོ་འབྱེད་དང༌། །རྣམ་གསུམ་གཞན་ཡིད་ཆེས་པར་བྱེད། །ལྷག་མ་གཉེན་པོའི་ཡན་ལག་གོ །གྲོགས་འདྲ། བསྒོམ་པ་

― ZP02_Page_535 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་ཆུབ་ཡན་ལག་དང་འདྲ། འབྲས་བུ་ཡོངས་སུ་གཅོད་པ་སོགས་སོ། །ཅིའི་ཕྱིར་ན་འཕགས་པའི་ལམ་ཡིན་པས་སོ། །

རིག་གྲོལ་བརྒྱད།

༈ རིགས་གྲོལ་བརྒྱད་ནི་རིགས་པའི་ཡོན་ཏན། ཇི་ལྟ་བ་རིག་པ། ཇི་སྙེད་པ་རིག་པ། ནང་ཡེ་ཤེས་རིགས་པ་གསུམ། གྲོལ་བའི་ཡོན་ཏན། ཆགས་སྒྲིབ་ལས་གྲོལ་བ་ཐོགས་སྒྲིབ་ལས་གྲོལ་བ་དམན་སྒྲིབ་ལས་གྲོལ་བ་གསུམ། དབྱེ་གཞི་གཉིས་དང་བརྒྱད་དོ། །ཉན་རང་ལ། སྐྱེས་བུ་ཟུང་བཞི་བཤད་པའི་དང་པོ་རྒྱུན་ཞུགས་ལ་གསུམ། སྤོང་བའི་ཁྱད་པར་མཐོང་སྤང༌། ཀུན་སྦྱོར་ལྟ་བའི་གསུམ་སྤང་བའོ། །འཛིན་པའི་ཐེ་ཚོམ། །རྟོགས་པའི་ཁྱད་པར་ལམ་རྗེས་ཤེས་ལ་གནས་པ། སྐྱེ་བ་འཛིན་པའི་ཁྱད་པར་རིགས་ནས་རིགས་སྐྱེ་དང༌། འཕགས་པ་བདུན་པ་གཉིས་སོ། །ལན་ཅིག་ཕྱིར་འོང་ལ། སྤོང་བའི་ཁྱད་པར་བསྒོམ་སྤང་དྲུག་པ་ནས་བརྒྱད་པའི་བར་སྤང་བའོ། །རྟོགས་པའི་ཁྱད་པར་སྔར་འདྲ་བའི་སྟེང་སྤོང་བྱ་དེའི་གཉེན་པོ་ཐོབ་པ། སྐྱེ་བ་འཛིན་པའི་ཁྱད་པར་འདོད་པར་ལན་གཅིག་སྐྱེ་བ་ལེན་ནོ། །ཕྱིར་མི་འོང་ལ། སྤང་བའི་ཁྱད་པར་འདོད་པའི་བསྒོམ་སྤང་དགུ་པ་ནས་སྲིད་རྩེའི་བསྒོམ་སྤང་བརྒྱད་པ་མན་ཆད་སྤང་བ་ལ། །འཇིགས་ལྟ་ཚུལ་ཁྲིམས་ལས། ཐ་མའི་ཆ་ཅན་གྱི་ཀུན་སྦྱོར་སྤངས་པའོ། །རྟོགས་པའི་ཁྱད་པར་སྔར་འདྲ་བའི་སྟེང་དུ་

― ZP02_Page_536 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱེ་བ་འཛིན་པའི་ཁྱད་པར་འདོད་པར་སླར་མི་སྐྱེ། དབྱེ་ན་གཟུགས་སུ་ཉེར་འགྲོ། །གཟུགས་མེད་ཉེར་འགྲོ། །མཐོང་ཆོས་ཞི། ལུས་མངོན་བྱེད་བཞིའོ། །དགྲ་བཅོམ་ལ་སྤང་བའི་ཁྱད་པར་ཁམས་གསུམ་གྱི་སྒོམ་སྤང་ཡོངས་རྫོགས་སྤངས་པས་གོང་མའི་ཆ་ཅན་གྱི་ཀུན་སྦྱོར་ལྔ་སྤངས་པའོ། །རྟོགས་པའི་ཁྱད་པར་དེ་དག་གི་གཉེན་པོ་ཐོབ་པ་དང༌། དབྱེ་ན་ཤེས་རབ་ཀྱི་ཆ་ལས་རྣམ་གྲོལ་དང༌། གཉིས་ཀའི་ཆ་ལས་རྣམ་གྲོལ་གཉིས་སོ། །ཡང་ན། གཟུགས་ཀྱི་འདོད་ཆགས། གཟུགས་མེད། སྒོད་པ། ང་རྒྱལ། མ་རིག་པ། དབང་པོ་བརྟུལ་པོ་དང་རྣོན་པོ་གཉིས་བརྟུལ་པོ་ལ་ཉམས་པའི་ཆོས་ཅན། གསོད་པའི་ཆོས་ཅན། རྗེས་སུ་སྲུང་བའི་ཆོས་ཅན། གནས་པ་ལས་མི་བསྐྱོད་པའི། རྟོགས་པའི་འོས་སུ་གྱུར་པ་དང་ལྔའོ། །དབང་རྣོན་མི་གཡོ་བའི་ཆོས་ཅན་ཅིག་གོ། །།

ཐོད་རྒལ།

༈ ཐོད་རྒལ་བ་ནི། མཐོང་ལམ་གྱི་སྔོན་དུ་འདོད་པའི་བསྒོམ་སྤངས་དྲུག་མན་སྤངས་པ་མཐོང་ལམ་ཐོབ་ཚེ་ཕྱིར་འོང་དང༌། དགུ་པ་ཡན་ཅི་རིགས་པ་སྤངས་པ་འདི་ལ་རྒྱུན་ཞུགས་དགྲ་བཅོམ་གི་ཉེས་པ་བར་མ་གཉིས་མེད་དོ། །རིགས་ནས་རིགས་སྐྱེས་འདོད་པའི་བསྒོམ་སྤང་ལྔ་མན་དང་འདོད་པའི་གནོད་སེམས་སྤངས་པའོ། །རྗེས་མས་སྒོམ་སྤངས་མ་སྤངས་པའི་སྐྱེ་བ་བདུན་ལེན། ལན་གཅིག་ཕྱིར་འོང་བ། བསྒོམ་སྤང་དྲུག་ཡན་བརྒྱད་

― ZP02_Page_537 ―

^{[མ་དཔེ་གཟིགས་ན་འདིར་གནོན།]}

[Full Size]

མན་སྤངས་པའོ། །རྗེས་མས་སྒོམ་སྤངས་ཕྱིར་མི་འོང་ལམ་དགུ་ནས། སྲིད་རྩེའི་སྒོམ་སྤང་བརྒྱད་པ་མན་ཆད་སྤང་བའོ། །དགུ་པ་སྤངས་ཚེ་དགྲ་བཅོམ་མོ། །འཇིག་རྟེན་དང་འཇིག་རྟེན་ལས་འདས་པའི་བསྒོམས་སྤང་གི་ཁྱད་པར་ནི། ཤེས་རབ་གྱིས་ཟིན་མ་ཟིན་པའི་ཁྱད་པར་རོ། །

བསམ་གཟུགས།

༈ བསམ་གཟུགས་ཅུང་ཟད་བཤད་པ་ལ་བརྒྱད། སྙོམས་པར་འཇུག་པ་བསམ་གཏན་གྱི་ཡན་ལག །གཟུགས་མེད་ཀྱི་དམིགས་རྣམ། ཉོན་མོངས་པ། རྣམ་པར་བྱང་བ། ཟག་མེད་ཀྱི་རྟེན། ཚད་མིང་གི་རྣམ་གྲངས་སོ། །དང་པོ་སྙོམ་པར་འཇུག་པ་ནི། ཡིད་བྱེད་བདུན་ཏེ། མཚན་ཉིད་རབ་ཏུ་རིག་པ། མོས་པ་ལས་བྱུང་བ། རབ་ཏུ་དབེན་པ། དགའ་བ་སྡུད་པ། དཔྱོད་པ། སྦྱོར་བའི་མཐའ། སྦྱོར་བའི་མཐའི་འབྲས་བུ་ཡིད་ལ་བྱེད་པའོ། །གཉིས་པ་བསམ་གཏན་གྱི་ཡན་ལག །དང་པོ་ལ་རྟོག་དཔྱོད། དགའ་བདེ། ཏིང་འཛིན་ལྔ། གཉིས་པ་ལ། རབ་དང་དགའ་བདེ་ཏིང་འཛིན་བཞི། གསུམ་པ་ལ་བཏང་བསྙོམ། བདེ་བ། དྲན། ཤེས། ཏིང་འཛིན་ལྔ། བཞི་པ་ལ། དྲན་པ། འདུ་བྱེད་བཏང་སྙོམ། ཚོར་བ་བཏང་སྙོམ། ཏིང་འཛིན་དང་བཞིའོ། །གསུམ་པ་གཟུགས་མེད་ཀྱི་དམིགས་རྣམ། དང་པོ་རེག་ཐོག་གི་རྣམ་པ་དང་བྲལ་བའི་ནམ་མཁའ་ལྟ་བུར་དམིགས། གཉིས་པ་ནམ་མཁའི་འདུ་ཤེས་ནུབ་ནས་

― ZP02_Page_538 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་ཤེས་ཙམ་ལ་དམིགས། གསུམ་པ་ཅི་ཡང་མེད་པ། བཞི་པ་འདུ་ཤེས་རགས་པ་ཡོད་པ་མིན་ཞིང༌། ཕྲ་བ་མེད་པ་མིན་པས་འདུ་ཤེས་མེད་མིན་ནོ། །བཞི་པ་ཉོན་མོངས་པ་ནི། སྲེད་ལྟ་ང་རྒྱལ་མ་རིག་པའོ། །ལྔ་པ་རྣམ་པར་བྱང་བའམ། དག་པ་ལ་གསུམ། ཉམ་པ་གནས་པ། ཁྱད་པར། ངེས་འབྱེད་ཆ་མཐུན་བཞིའོ། །

ཟག་མེད་ཀྱི་བསམ་གཏན།

༈ དྲུག་པ་ཟག་མེད་ཀྱི་བསམ་གཏན་ནི། མངོན་པ་འོག་མ་ལྟར་ན་སྲིད་རྩེ་མ་གཏོགས་བདུན། དང་པོའི་དངོས་གཞི་ཙམ་པོ་ཉེར་ལྡོག་དང་དགུ། གོང་མ་ལྟར་ན། བསམ་གཏན་ས་དྲུག་གཟུགས་མེད་བཞི་སྟེ་དགུའམ་བཅུའོ། །བསམ་གཏན་ས་དྲུག་ནི། དང་པོའི་ཉེར་ལྡོག །དངོས་གཞི་ཙམ་ཁྱད་གཉིས། ལྷག་མ་གསུམ་དང་དྲུག་གོ །ཚད་ནི་འདི་དག་རབ་འབྲིང་ཐ་མར་སྒོམ་པས་བསམ་གཟུགས་ཀྱི་གནས་རྣམས་སུ་སྐྱེ་བའོ། །མིང་གི་རྣམས་གྲངས་ནི་བྱང་ཆུབ་སེམས་དཔའ་རྣམས་ཀྱི་བསམ་གཏན་དང་པོ་ལ་གཏོང་བའི་ཏིང་འཛིན་ཇི་སྙེད་ཀྱི་མིང་ཡང་ཉན་རང་རྣམས་ཀྱིས་མི་ཤེས་པའོ། །དེ་ཡང་ཉན་ཐོས་རྣམས་ནི་ཞི་གནས་ཤེས་ཆེ་ཞིང༌། ལྷག་མཐོང་ཤེས་ཆུང་བས་མཁྱེན་པ་རྒྱ་ཆུང་ལ་བྱང་སེམས་རྣམས་ལྷག་མཐོང་ཤེས་ཆེ་བས་འབྲིང་

― ZP02_Page_539 ―

^{[མ་དཔེ་གཟིགས་ན་འདིར་གནོན།]}

[Full Size]

དང༌། རྫོགས་པའི་སངས་རྒྱས་རྣམས་ཞི་ལྷག་ཆ་མཉམ་པས་རྣམ་པ་ཐམས་ཅད་མཁྱེན་པའི་ཡེ་ཤེས་ཕྱོགས་མེད་དུ་རྒྱས་པའོ།། །།ཨོ་རྒྱན་འཇིགས་མེད་ཆོས་ཀྱི་དབང་པོས་བྲིས་པའོ།། །།

ངོ་སྤྲོད་གནད་ཀྱི་མེ་བཙའ།

― ZP02_Page_541 ―

^{[མ་དཔེ་གཟིགས་ན་འདིར་གནོན།]}

[Full Size]

བསླབ་པ་ཀུན་ལས་བཏུས་པའི་ཚིག་ལེའུར་བྱས་པའི་མཆན་འགྲེལ་བཞུགས་སོ། །

― ZP02_Page_542 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་ལ་ཕྱག་འཚལ་ལོ། །བསླབ་པ་ཀུན་ལས་བཏུས་པ་འདི་ལ་བཞི། མཚན་གྱི་དོན། འགྱུར་གྱི་ཕྱག །གཞུང་གི་དོན། གང་གིས་མཛད་པའོ། །དང་པོ་ནི། །རྒྱ་གར་སྐད་དུ། ཤིཀྵ་ས་མུཙྪ་ཀ་རི་ཀ །བོད་སྐད་དུ། བསླབ་པ་ཀུན་ལས་བཏུས་པའི་ཚིག་ལེའུར་བྱས་པ། གཉིས་པ་ནི། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །གསུམ་པ་གཞུང་དོན་ལ་གཉིས། བྱང་ཆུབ་ཀྱི་སེམས་བསྐྱེད་པ་དང༌། བསླབ་བྱ་ལ་སློབ་པའོ། །དང་པོ་ནི། སེམས་ཅན་ལ་དམིགས་པའི་སྙིང་རྗེ་དང༌། དཀོན་མཆོག་ལ་ཡིད་ཆེས་ཀྱི་དད་པ། རྫོགས་བྱང་དོན་གཉེར་གྱི་འདུན་པ་གསུམ་རྒྱུར་བྱས་ནས་སེམས་བསྐྱེད་བརྟན་པོར་བཟུང་བ་སྟེ། འདི་

― ZP02_Page_543 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟར་བདག་དང་གཞན་དག་ཀྱང༌། །འཇིགས་དང་སྡུག་བསྔལ་མི་འདོད་པར། །བདག་དང་བྱེ་བྲག་ཅི་ཡོད་ན། །གང་དེ་བསྲུང་ལ་གཞན་མི་བསྲུང༌། །སྡུག་བསྔལ་མཐར་འབྱིན་འདོད་པ་དང༌། །བདེ་བའི་མཐར་ཡང་འགྲོ་འདོད་པས། །དད་པའི་རྩ་བ་བརྟན་བྱ་སྟེ། །བྱང་ཆུབ་ལ་ཡང་བློ་བརྟན་བྱ། །གཉིས་པ་ལ་གཉིས། རྣམ་གྲངས་རྒྱས་པ་ལ་སློབ་པ་དང༌། གནད་དོན་བསྡུས་ཏེ་སློབ་པའོ། །དང་པོ་ནི། ཐེག་པ་ཆེན་པོའི་མདོ་སྡེ་རྣམས་ལ་བལྟས་ཏེ་གཞུང་དོན་ཇི་ལྟ་བ་བཞིན་ངེས་པར་བྱས་ནས། དེ་དག་ལས་བྱུང་བ་བཞིན་སློབ་པ་སྟེ། བྱང་ཆུབ་སེམས་པའི་སྡོམ་པ་ནི། །རྒྱས་པར་ཐེག་པ་ཆེ་

― ZP02_Page_544 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་འབྱུང༌། །ཞེས་དང༌། སྤྱོད་འཇུག་ལས་ཀྱང༌། རྒྱལ་སྲས་རྣམས་ཀྱིས་མི་བསླབ་པའི། །དངོས་དེ་གང་ནའང་ཡོད་མ་ཡིན། །ཞེས་གསུངས་པ་ལྟར་སློབ་པའོ། །གཉིས་པ་ནི། བསླབ་བཏུས་ལས། དེ་ལྟར་རྒྱ་ཆེར་གསུངས་པས་བདག་ལྟ་བུའི་བློ་ཞན་པས་བྱང་ཆུབ་སེམས་དཔའི་སྡོམ་པ་ཤེས་པར་དཀའ་བས་ན། དེ་ལ་ཇི་ལྟར་བྱ་བའི་རིགས་གང་ཞེ་ན། གང་གིས་ལྟུང་བར་མི་འགྱུར་བའི། །གནད་ཀྱི་གནས་རྣམས་འདིར་རིག་བྱ། །ཞེས་བྱང་སེམས་ཀྱི་སྡོམ་པ་བསྡུས་ནས་བཞིར་བསྟན་ཏེ། བདག་གི་ལུས་དང་ལོངས་སྤྱོད་དང༌། །དགེ་བ་དུས་གསུམ་སྐྱེས་པ་རྣམས། །སེམས་ཅན་ཀུན་ལ་བཏང་བ་དང༌། །དེ་བསྲུང་དག་པ་སྤེལ་བའོ། །ཞེས་ཏེ། བདག་གིས་ལུས་ཏེ་ཕུང་པོ་ལྔ་དང་དེ་གནས་པའི་རྒྱུར་གྱུར་པའི་ཉེར་མཁོ་ལོངས་སྤྱོད་དང༌། དུས་གསུམ་གྱི་དགེ་བ་རྣམས་སེམས་ཅན་ལ་ལྟོས་མེད་དུ་བཏང་བ་ནི་སྦྱིན་པའོ། །དེ་ལྟར་བྱིན་པ་དེ་དག་ཀྱང་སེམས་ཅན་ལ་ལོངས་སྤྱོད་དུ་འོང་བར་བྱ་བའི་ཕྱིར་བསྲུང་དགོས་ཏེ། སེམས་ཅན་རྣམས་ཀྱི་ལོངས་སྤྱོད་ཕྱིར། །ལུས་ལ་སོགས་པ་སྦྱིན་པར་བྱ། །མ་བསྲུངས་ལོངས་སྤྱོད་ག་ལས་འོང༌། །གང་མི་སྤྱོད་པས་ཅི་ཞིག་སྦྱིན། །དེ་བས་སེམས་ཅན་ལོངས་སྤྱོད་ཕྱིར། །ལུས་ལ་སོགས་པ་བསྲུང་བར་བྱ། །ཞེས་པས་སྤྱིར་བསྲུང་བའི་ཐབས་བཤེས་གཉེན་ལ་བསྟེན་ཅིང༌།

― ZP02_Page_545 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་པའི་ཆོས་ཡོངས་སུ་འཛིན་པ་སྟེ། །དགེ་བའི་བཤེས་གཉེན་མི་བཏང་ཞིང༌། །མདོ་སྡེ་དག་ལ་རྟག་བལྟ་བས། །ལུས་ལ་སོགས་པ་བསྲུང་བར་བྱ། །ཞེས་སོ། །དེ་ལ་དབྱེ་ན་གསུམ་ལས་ལུས་བསྲུང་བ་ནི། །དེ་ལ་ལུས་བསྲུང་གང་ཞེ་ན། །གནོད་པར་འགྱུར་བ་སྤང་བ་སྟེ། །ཞེས་ཏེ་ལུས་ལ་ཚེ་འདི་དང་ཕྱི་མར་འགྱུར་བའི་གནོད་པ་སྤང་བའི་ཕྱིར་ཆོས་དང་ཆོས་སྨྲ་བ་ལ་སོགས་པ་བསྲུང་བ་གསུམ་དང༌། རྩ་བའི་ལྟུང་བ་དང་མི་དགེ་བ་བཅུ་དང་ཆོས་སྤོང་གི་ལས་ལ་སོགས་པ་སྤང་བ་དེ་རྣམས་སྤང་བའི་ཐབས་གཞན་དོན་དུ་མི་འགྱུར་བའི་བྱེད་པ་སྤོང་བ་སྟེ། དེ་ཀུན་གང་གིས་འཐོབ་ཅེ་ན། །འབྲས་བུ་མེད་པའི་བྱེད་སྤངས་པས། །ཞེས་སོ། །དེ་རྣམས་འགྲུབ་པའི་ཐབས་ནི་དྲན་པ་ཡིན་ལ། དེ་གུས་པ་ལས་འབྱུང༌། དེ་ཤེས་བཞིན་ལས་འབྱུང༌། དེ་ཞི་གནས་ལས་འབྱུང་སྟེ། དེའང་རྟག་ཏུ་དྲན་པས་འགྲུབ། །དྲན་པ་ཤིན་ཏུ་གུས་ལས་འབྱུང༌། །གུས་ནི་ཞི་བའི་ཆེ་བ་ཉིད། །ཤེས་པར་གྱུར་ནས་རྟུན་པ་བསྐྱེད། །མཉམ་བཞག་ཡང་དག་ཇི་བཞིན་དུ། །ཤེས་པར་འགྱུར་ཞེས་ཐུབ་པས་གསུངས། །ཞེས་སོ། །ཞི་གནས་ཀྱང་དྲན་ཤེས་བཞིན་གྱིས་ཕྱི་རོལ་གྱི་གཡོ་བ་ལྡོག་པས་འགྲུབ་ལ། དེ་ལྟ་བུའི་སྒོ་ནས་སེམས་ཅན་ལ་འདུན་པའི་སྤྱོད་པ་བྱ་སྟེ། དེ་ལྟར་མ་ཡིན་ན་གཞན་བྱང་སེམས་ལམ་དད་པས་དམྱལ་

― ZP02_Page_546 ―

^{[མ་དཔེ་གཟིགས་ན་འདིར་གནོན།]}

[Full Size]

བར་འགྲོ་བའི་ཕྱིར་ཏེ། ཕྱི་རོལ་གཡོ་བ་བཟློག་པ་ཡིས། །སེམས་ནི་ཞི་ལས་མི་གཡོ་ཞིང༌། །ཀུན་ཏུ་མི་རྒོད་འཇོམས་པ་དང༌། །དྲན་ཞིང་མཉེན་པར་སྨྲ་བ་ཡིས། །སྐལ་ཅན་སྐྱེ་བོ་འདུན་པར་འགྱུར། །བཟུང་བར་འོས་པའང་སྐྱེ་བར་འགྱུར། །འདི་ནི་བཟུང་འོས་མ་ཡིན་ན། །འཇིག་རྟེན་རྒྱལ་བའི་མྱུ་གུ་བརྙེས། །ཐལ་བས་གཡོགས་པའི་མེ་བཞིན་དུ། །སེམས་ཅན་དམྱལ་ལ་སོགས་པར་བསྲེགས། །དེ་ཕྱིར་རྒྱལ་བས་སྡོམ་པའི་མདོར། །གང་གིས་སེམས་ཅན་མ་དད་གྱུར། །དེ་ནི་བསྒྲིམས་ཏེ་རྣམ་སྤང་ཞེས། །དཀོན་མཆོག་སྤྲིན་ལས་བཀའ་སྩལ་ཏོ། །ཞེས་སོ། །དེ་ལྟར་སེམས་ཅན་ཐམས་ཅད་མ་རུང་བར་འགྱུར་བ་ལས་བསྲུང་བའི་དོན་དུ་བདག་བསྲུང་ཞིང་གཏན་དུ་ན་བའི་རྐྱེན་གྱིས་སྨན་དང་གོས་དང་གསང་སྔགས་ཀྱི་ཆོ་གས་ལུས་བསྲུང་སྟེ། འདི་ནི་བདག་ལུས་བསྲུང་བ་སྟེ། །སྨན་དང་གོས་ལ་སོགས་བཅས་པས། །བདག་ལ་སྲེད་པས་ལོངས་སྤྱད་ན། །ཉོན་མོངས་བཅས་པའི་ལྟུང་བར་འགྱུར། །ཞེས་སོ། །དེ་ལུས་བསྲུང་བའོ། །ལོངས་སྤྱོད་ལ་ལོངས་སྤྱོད་རྣམ་དགེ་བའི་ལས་བྱེད་ཅིང་ཚོད་ཟིན་པར་བྱེད་པ་ནི་ལོངས་སྤྱོད་བསྲུང་བ་སྟེ། ལེགས་སྤྱད་དགེ་ལ་བརྩམ་པར་བྱ། །དེ་ལྟར་བསླབ་པའི་གཞི་འདི་ལས། །དེ་ཡི་ལོངས་སྤྱོད་བསྲུང་མི་དཀའ། །ཞེས་སོ། །

― ZP02_Page_547 ―

^{[མ་དཔེ་གཟིགས་ན་འདིར་གནོན།]}

[Full Size]

དགེ་བའི་འབྲས་བུ་རང་དོན་དུ་སྨིན་པར་འདོད་པ་དང་འགྱོད་པ་དང་རློམ་སེམས་ཀྱིས་སྒྲོགས་པ་དང༌། རྙེད་བཀུར་ལ་ཆགས་པ་དང་ང་རྒྱལ་དང་བྱང་སེམས་ལ་མ་དད་པ་དང༌། ཆོས་ལ་ཐེ་ཚོམ་ཟ་བ་རྣམས་སྤང་ནས་བླ་མེད་བྱང་ཆུབ་ཏུ་བསྔོ་བ་ནི་དགེ་བ་བསྲུང་བ་སྟེ། རང་དོན་རྣམ་སྨིན་སྲེད་སྤངས་པས། །དགེ་བ་ཀུན་ཏུ་བསྲུང་བར་འགྱུར། །འགྱོད་པར་ཡང་ནི་མི་བྱ་སྟེ། །བྱས་པར་གྱུར་ཀྱང་བསྒྲག་མི་བྱ། །རྙེད་དང་བཀུར་སྟིའི་འཇིགས་བྱ་ཞིང༌། །ཁེངས་པ་རྟག་ཏུ་སྤང་བར་བྱ། །བྱང་ཆུབ་སེམས་དཔའ་དད་བྱ་ཞིང༌། །ཆོས་ལ་ཡིད་གཉིས་སྤང་བར་བྱ། །ཞེས་ཏེ། ལོངས་སྤྱོད་བསོད་ནམས་བསྲུང་བའོ། །དེ་ནས་ལུས་ངག་ལ་སེམས་ཅན་ལ་ཕན་པ་མ་དག་ན་མི་ཕན་པས་སྦྱང་དགོས་ཏེ། ལུས་ནི་རྣམ་པར་སྦྱང་བྱས་ན། །ཕན་པའི་ལོངས་སྤྱོད་འགྱུར་བ་སྟེ། །འབྲས་ཆེན་ལེགས་པར་ཚོས་པ་དང༌། །ཟེགས་མེད་ལུས་ཅན་ཕན་པ་འདྲ། །ཇི་ལྟར་ལོ་ཏོག་བཙས་ཁོབས་ན། །ནད་ཀྱིས་ཞུམ་ཞིང་རྒྱས་མི་འགྱུར། །དེ་ལྟར་སངས་རྒྱས་མྱུ་གུ་ཡང༌། །ཉོན་མོངས་ཁོབས་ན་རྒྱས་མི་འགྱུར། །ཞེས་སོ། །དེ་ནས་ལུས་དག་པར་བྱ་བའི་ཕྱིར་སྟོབས་བཞིའི་སྒོ་ནས་སྡིག་པ་སྦྱང་བ་དང༌། སྐྱོ་བས་སྟོན་མི་ནུས་པའི་གཉེན་པོ་བཟོད་པ་དང༌། ཐོས་པ་ཆུད་མི་ཟ་བའི་ཐབས་སུ་བརྩོན་འགྲུས་དང༌། ཐོས་ཀྱང་འདྲེས་མར་གནས་པའི་

― ZP02_Page_548 ―

^{[མ་དཔེ་གཟིགས་ན་འདིར་གནོན།]}

[Full Size]

གཉེན་པོར་དགོན་པ་བསྟེན་པ་དང༌། དེར་རྣམ་གཡེང་སྤངས་ནས་མཉམས་པར་བཞག་སྟེ་འདོད་ཆགས་ཀྱི་གཉེན་པོར་མི་སྡུག་པ་དང༌། ཞེ་སྡང་གི་གཉེན་པོ་བྱམས་པ། གཏི་མུག་གི་གཉེན་པོར་རྟེན་འབྲེལ་བསྒོམས་པས་ཉོན་མོངས་སྦྱང་བ་སྟེ། དེ་རྣམས་ཀྱིས་སེམས་ཡོངས་སུ་སྦྱང་བའོ། །སེམས་ལས་སུ་རུང་ནས་དྲན་པ་ཉེ་བར་བཞག་པ་བསྒོམས། དེས་སེམས་ལས་སུ་གྱུར་ནས་སྟོང་ཉིད་བསྒོམ་སྟེ་དེ་རྣམས་ལུས་ཡོངས་སུ་དག་པ་སྟེ། ལུས་ཀྱི་དག་པ་གང་ཞེ་ན། །སྡིག་དང་ཉོན་མོངས་རྣམས་སྦྱང་ཡིན། །རྫོགས་སངས་རྒྱས་ཀྱི་གསུང་ཚུལ་དུ། །འབད་པ་མེད་ན་ངན་འགྲོར་འགྲོ། །བཟོད་བྱ་ཐོས་པ་བཙལ་བར་བྱ། །དེ་ནས་ནགས་སུ་གནས་པར་བྱ། །མཉམ་པར་བཞག་པ་བརྩོན་བྱ་ཞིང༌། །མི་སྡུག་ལ་སོགས་བསྒོམ་པར་བྱ། །ཞེས་སོ། །ལོག་འཚོ་སྤངས་པ་དང་དགེ་བ་ཐབས་ཤེས་ཟུང་འབྲེལ་དུ་བསྐྱེད་པས་ལོངས་སྤྱོད་དང་བསོད་ནམས་དག་སྟེ། ཡང་དག་འཚོ་བ་སྦྱངས་པ་ཡིས། །ལོངས་སྤྱོད་དག་པར་ཤེས་པར་བྱ། །སྟོང་ཉིད་སྙིང་རྗེའི་སྙིང་པོ་ཅན། །བསྐྱེད་པས་བསོད་ནམས་དག་པར་འགྱུར། །ཞེས་སོ། །དེ་ལྟར་གསུམ་པོ་དག་པར་བྱས་ཀྱང་མ་སྤེལ་ན་འདོད་པ་རྫོགས་པར་མི་ནུས་པས་སྤེལ་དགོས་སྟེ། བཟུང་བར་བྱ་བ་རབ་མང་ལ། །འདི་ནི་ཉུང་ན་འདིས་ཅི་བྱ། །ཤིན་ཏུ་ངོམས་པ་བསྐྱེད་མ་ཡིན། །དེ་ཕྱིར་འདི་ནི་

― ZP02_Page_549 ―

^{[མ་དཔེ་གཟིགས་ན་འདིར་གནོན།]}

[Full Size]

འཕེལ་བར་བྱ། །ཞེས་སོ། །དེ་ལ་སྟོབས་དང་བརྩོན་འགྲུས་བསྐྱེད་པ་ནི་ལུས་འཕེལ་བ་སྟེ། དེ་ལ་ལུས་འཕེལ་གང་ཞེ་ན། །ལེ་ལོ་མེད་དང་སྟོབས་བསྐྱེད་ཡིན། །ཞེས་སོ། །ཐབས་ཤེས་ཟུང་འབྲེལ་གྱིས་སྦྱིན་པ་བཏང་བ་ནི་ལོངས་སྤྱོད་སྤེལ་བ་སྟེ། སྟོང་ཉིད་སྙིང་རྗེའི་སྙིང་པོ་ཅན། །སྦྱིན་པས་ལོངས་སྤྱོད་འཕེལ་བར་འགྱུར། །ཞེས་སོ། །དེ་ནས་བརྩོན་པ་དང་བརྟན་པ་དང་སྙིང་རྗེ་གསུམ་གཅིག་གིས་གཅིག་བརྟེན་པས་དགེ་བ་སྤེལ་བའི་ཆེད་དུ་ནན་ཏན་བྱ་སྟེ། ཡན་ལག་བདུན་པ་དང་དེའི་ཕན་ཡོན་དང༌། དད་གུས་ང་རྒྱལ་མེད་པའི་བརྩོན་འགྲུས་བཞིའམ། དད་སོགས་དབང་པོ་ལྔ་དང་བྱམས་སོགས་དང་དཀོན་མཆོག་རྗེས་སུ་དྲན་པ་དང༌། འཕྲལ་གྱི་བྱ་བ་ཅི་བྱེད་སེམས་ཅན་གྱི་དོན་དུ་བྱེད་པ་དང༌། རྙེད་བཀུར་ལ་མི་ལྟ་བར་ཆོས་སྟོན་པ་དང༌། བྱང་ཆུབ་སེམས་ཀྱིས་བཟུང་ནས་བྱང་ཆུབ་ཏུ་བསྔོ་བ་རྣམས་དགེ་བ་སྤེལ་བ་སྟེ། བརྩོན་དང་བསམ་པ་བརྟན་པར་ཡང༌། །དང་པོར་ནན་ཏན་བྱས་ནས་སུ། །སྙིང་རྗེ་མདུན་དུ་བཞག་ནས་ནི། །དགེ་བ་སྤེལ་ལ་ནན་ཏན་བྱ། །བཟང་པོར་སྤྱོད་པའི་ཆོ་ག་བཞིན། །ཕྱག་འཚལ་ལ་སོགས་གུས་པར་བྱ། །དད་པ་ལ་སོགས་རྟག་ཏུ་བསྒོམ། །བྱམས་དང་སངས་རྒྱས་སོགས་དྲན་བྱ། །དུས་རྣམས་ཀུན་ཏུ་སེམས་ཅན་དོན། །ཆོས་ཀྱི་སྦྱིན་པ་ཟང་ཟིང་མེད། །བྱང་ཆུབ་སེམས་ནི་མདོར་བསྡུ་ན། །བསོད་

― ZP02_Page_550 ―

^{[མ་དཔེ་གཟིགས་ན་འདིར་གནོན།]}

[Full Size]

ནམས་འཕེལ་བའི་རྒྱུ་ཡིན་ནོ། །ཞེས་སོ། །བསླབ་པ་དེ་རྣམས་འགྲུབ་པའི་ཐབས་ནི་ཡང་དག་པར་སྤོང་བ་གཉིས་པས་བསྲུང་དང་པོས་དག་ཕྱི་མ་གཉིས་ཀྱིས་སྤེལ་བ་དེ་རྣམས་ཀྱང་བག་ཡོད་དྲན་ཤེས་བཞིན་དང་མ་བྲལ་བས་འགྲུབ་པར་བྱེད་དེ། །འགྲུབ་པ་ཡང་དག་སྤོང་རྣམས་ཏེ། །བག་ཡོད་པ་དང་མ་བྲལ་ཞིང༌། །དྲན་པ་དང་ནི་ཤེས་བཞིན་དུ། །ཚུལ་བཞིན་དུ་ནི་སེམས་པས་སོ། །ཞེས་སོ། །གཞན་ཡང་བདག་གཞན་མཉམ་པའམ་བརྗེ་བ་ནི་བྱང་ཆུབ་ཀྱི་སེམས་བརྟན་པ་འགྲུབ་པར་བྱེད་པའི་ཐབས་སོ། །བཞི་པ་ནི། བསླབ་པ་ཀུན་ལས་བཏུས་པའི་ཚིག་ལེའུར་བྱས་པ་མཁན་པོ་ཞི་བ་ལྷས་མཛད་པ་རྫོགས་སོ། །དགེའོ། །

སྤྱོད་འཇུག་སྒོམ་རིམ་རབ་གསལ་ཉི་མ།

― ZP02_Page_551 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་ཆུབ་སེམས་དཔའི་སྤྱོད་པ་ལ་འཇུག་པའི་སྒོམ་རིམ་རབ་གསལ་ཉི་མ་ཞེས་བྱ་བ་བཞུགས་སོ།།

― ZP02_Page_552 ―

^{[མ་དཔེ་གཟིགས་ན་འདིར་གནོན།]}

[Full Size]

བདེར་གཤེགས་ཆོས་ཀྱི་སྐུ་མངའ་སྲས་བཅས་དང༌། །ཕྱག་འོས་ཀུན་ལའང་གུས་པར་ཕྱག་འཚལ་ཏེ། །བདེ་གཤེགས་སྲས་ཀྱི་སྡོམ་ལ་འཇུག་པ་ནི། །ལུང་བཞིན་མདོར་བསྡུས་ནས་ནི་བརྗོད་པར་བྱ། །དེ་ལ་བཞི། གང་འཇུག་པ་པོ་རྟེན་གྱི་གང་ཟག །གང་གིས་འཇུག་པའི་བསམ་པ། ཚུལ་ཇི་ལྟར་འཇུག་པའི་སྦྱོར་བ། དེ་ལྟར་ཞུགས་པའི་འབྲས་བུའོ། །དང་པོ་རྟེན་གྱི་གང་ཟག་ནི་དལ་འབྱོར་ཐོབ་ཅིང་དད་དང་སྙིང་རྗེ་ལྡན་པའོ། །གཉིས་པ་བསམ་པ་སེམས་བསྐྱེད་པ་འདི་ལ་སྨོན་འཇུག་གཉིས། དང་པོ་ནི། སེམས་བསྐྱེད་པ་ནི་གཞན་དོན་ཕྱིར། །ཡང་དག་རྫོགས་པའི་བྱང་ཆུབ་འདོད། །ཅེས་གསུངས་པས་གཞན་དོན་དུ་སངས་རྒྱས་ཐོབ་འདོད་ཀྱི་བསམ་པ། གཉིས་པ་འཇུག་པ་ནི། རྒྱལ་བའི་སྲས་ཀྱི་བསླབ་བྱ་ལ་སློབ་པར་དམ་བཅའ་བ། དེ་ལྟ་བུའི་སེམས་བསྐྱེད་དེ་རང་རྒྱུད་ལ་བཟུང་བར་བྱ་བ་ལ་བླ་མ་ལས་ལེན་ན་དབུ་སེམས་

― ZP02_Page_553 ―

^{[མ་དཔེ་གཟིགས་ན་འདིར་གནོན།]}

[Full Size]

གང་རུང་གི་ཆོ་ག་ལྟར་བྱ། འདིར་སྡོམ་པ་རང་ཉིད་ཀྱིས་བླང་བའི་ཚུལ་ལ་སྦྱོར་དངོས་རྗེས་གསུམ། དང་པོ་སྦྱོར་བ་ལ་གསུམ། ཕན་ཡོན་གྱི་བྲོད་པ་བསྐྱེད་པ་སྤྱོད་འཇུག་ལེའུ་དང་པོ་ལྟར་བྱ། ཚོགས་བསགས་པ་ཡན་ལག་བདུན་པ་བྱ་བའི་དང་པོ་ཚོགས་ཞིང་རྒྱལ་བ་སྲས་བཅས་མངོན་སུམ་དུ་བཞུགས་པའི་སྤྱན་སྔར་རང་གཞན་སེམས་ཅན་ཐམས་ཅད་ལྷན་གཅིག་ཏུ་རྒྱལ་བ་སྲས་བཅས་ཀྱི་ཡོན་ཏན་རྗེས་སུ་དྲན་པ་དང་བཅས་ཡན་ལག་བདུན་པ་འབུལ་བར་བསམ་ལ། དང་པོ་མཆོད་པའི་ཡན་ལག །མེ་ཏོག་བདུག་སྤོས་མར་མེ་ཆུ་གཙང་གི་ཡོན་ཆབ་བཟའ་བཏུང་སྣ་ཚོགས་པའི་ཞལ་ཟས་ལ་སོགས་ཅི་འབྱོར་བའི་མཆོད་པ་དངོས་སུ་བཤམས། རིན་པོ་ཆེའི་རི་བོ་ཡིད་དུ་འོང་བའི་ནགས་ཚལ། དབེན་ཞིང་ཉམས་དགའ་བའི་ས་ཕྱོགས་སོགས་ཕྱོགས་བཅུའི་འཇིག་རྟེན་ན་ཡོད་པ་རྣམས་བློས་བླང་ནས་འབུལ་བ་བདག་པོས་

― ZP02_Page_554 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོངས་སུ་མ་བཟུང་བའི་མཆོད་པ་གཉིས་པོ་རིན་ཆེན་སེམས་དེ་སོགས་ཀྱིས་འབུལ། རྒྱལ་དང་དེ་སྲས་སོགས་ཀྱིས་རང་གི་སྒོ་གསུམ་བྲན་དུ་འབུལ་བའི་མཆོད་པ། ཁྲུས་ཀྱི་ཁང་པ་སོགས་ཀྱིས་ཡིད་ཀྱི་སྤྲུལ་པའི་མཆོད་པ། དེ་ལས་གཞན་ཡང་སོགས་ཀྱིས་སྨོན་ལམ་སྟོབས་ཀྱི་མཆོད་པ། ཇི་ལྟར་འཇམ་དབྱངས་སོགས་ཀྱིས་བླ་ན་མེད་པའི་མཆོད་པ། ཡོན་ཏན་རྒྱ་མཚོ་སོགས་ཀྱིས་བསྟོད་པ་དབྱངས་ཀྱི་མཆོད་པ། དུས་གསུམ་བཞུགས་སོགས་ཀྱིས་གུས་པ་ཕྱག་གི་མཆོད་པ་དང་བརྒྱད་པོ་ཚིག་རྗེས་དོན་དྲན་སྙིང་ཐག་པ་ནས་བྱ། དེ་དག་ཀྱང་ཞིང་དག་པ་དཀོན་མཆོག་གསུམ་གྱི་སྤྱན་སྔར། དངོས་པོ་དག་པ་སྡིག་པ་དང་མ་འདྲེས་ཤིང་སེར་སྣས་མ་བཅིང་པ། བསམ་པ་དག་པ་ལན་དང་རྣམ་སྨིན་ལ་རེ་བ་མེད་པའི་སེམས་ཀྱིས་འབུལ་བའོ། །གཉིས་པ་སྐྱབས་སུ་འགྲོ་བ། ཡུལ་ཁྱད་པར་ཅན་ཐེག་ཆེན་ཐུན་མོང་མ་ཡིན་པའི་དཀོན་མཆོག་གསུམ་ལ། བསམ་པ་ཁྱད་པར་ཅན་སེམས་ཅན་ཐམས་ཅད་ཀྱི་དོན་དུ། དུས་རྫོགས་པའི་བྱང་ཆུབ་མ་ཐོབ་བར་དུ་སྐྱབས་སུ་འགྲོ་སྙམས་པས་བྱང་ཆུབ་སྙིང་པོ་སོགས་ལན་གསུམ་བྱ། གསུམ་པ་སྡིག་པ་བཤགས་པ་ཕྱོགས་རྣམས་སོགས་ཀྱིས་བཤགས་ཡུལ་ལ་མཁྱེན་པར་གསོལ་ཏེ་སྔར་བྱས་ཀྱི་སྡིག་པ་ལ་ཁོང་དུ་དུག་སོང་བ་ལྟ་བུ། རྟེན་དཀོན་མཆོག་གསུམ་ལ་དུག་ནད་གསོ་བའི་སྨན་པ་ལྟ་བུ། གཉེན་པོ་དམ་པའི་ཆོས་ལ་སྨན་ལྟ་བུ། ཕྱིན་ཆད་མི་བྱེད་པའི་སྡོམ་སེམས་ལ་ལུས་ཟུང་གསོ་བའི་བཅུད་ལེན་བདུད་རྩི་ལྟ་བུའི་འདུ་ཤེས་དང་བཞི་བསྐྱེད་ནས། ཐོག་མ་མེད་ལྡན་སོགས་ཀྱིས་སུན་འབྱིན་པའི་སྟོབས། དེ་བས་རྒྱལ་

― ZP02_Page_555 ―

^{[མ་དཔེ་གཟིགས་ན་འདིར་གནོན།]}

[Full Size]

བ་སོགས་རྟེན་གྱི་སྟོབས། ཐ་མལ་ནད་ཀྱིས་སོགས་ཀྱིས་གཉེན་པོ་ཀུན་སྤྱོད་ཀྱི་སྟོབས། འདི་ནི་བཟང་པོ་ཞེས་རྐང་པ་གཉིས་ཀྱིས་སྡོམ་པའི་སྟོབས་རྣམས་སྙིང་ཐག་པ་ནས་བྱའོ། །བཞི་པ་རྗེས་སུ་ཡི་རང་བ་འཇིག་རྟེན་དང་འཇིག་རྟེན་ལས་འདས་པའི་དགེ་རྩ་འབྲས་བུ་དང་བཅས་པ་ཀུན་ལ་སྙིང་ཐག་པ་ནས་དགའ་ཞིང་རྗེས་སུ་ཡི་རང་བ་དང་བཅས། སེམས་ཅན་ཀུན་གྱི་སོགས། ལྔ་པ་ཆོས་ཀྱི་འཁོར་ལོ་བསྐོར་བར་བསྐུལ་བ་དང༌། དྲུག་པ་མྱ་ངན་ལས་མི་འདའ་བར་གསོལ་བ་འདེབས་པ། བདུན་པ་བསྔོ་བ་རྣམས་ཕྱོགས་རྣམས་སོགས་ཀྱི་ཚིག་དོན་དྲན་པར་བྱ། དེ་ནས་བློ་སྦྱངས་པ་ལུས་དང་དེ་བཞིན་སོགས་ཀྱིས་རང་གི་ལུས་ལོངས་སྤྱོད་དུས་གསུམ་བསགས་པའི་དགེ་བ་དང་བཅས་པ་སེམས་ཅན་གྱི་དོན་བསྒྲུབ་པའི་ཕྱིར་དུ་ཕངས་པ་མེད་པར་བསྔོས་ཏེ་གནས་སྐབས་དང་མཐར་ཐུག་ཀུན་ཏུ་འགྲོ་བའི་ཉེར་འཚོ་བླ་ན་མེད་པའི་རྒྱུ་སྙིང་ཐག་པ་ནས་སྨོན་པ་ལ་བློ་སྦྱངས། གཉིས་པ་དངོས་གཞི་དགོངས་གསལ་སྔོན་དུ་འགྲོ་བས་ཇི་ལྟར་སྔོན་གྱི་སོགས་ལན་གསུམ་གྱིས་སྨོན་འཇུག་སྟབས་གཅིག་ཏུ་བླང༌། གསུམ་པ་མཇུག་ལ། དེང་དུ་བདག་སོགས་ཀྱི་རང་དགའ་བ་བསྒོམ། བདག་གི་དེ་རིང་སོགས་ཀྱིས་གཞན་དགའ་བ་སྒོམ་ཏུ་གཞུགས། དེ་དག་གི་རྗེས་སུ་བྱང་ཆུབ་སེམས་མཆོག་སོགས་ཀྱིས་སྨོན་ལམ་ཀྱང་བྱའོ། །དེས་བསམ་པ་བྱང་ཆུབ་ཀྱི་སེམས་རང་རྒྱུད་ལ་བཟུང་བ་དེ་སོང༌། གསུམ་པ་ཚུལ་ཇི་ལྟར་འཇུག་པའི་སྦྱོར་བ་ལ་ཉམས་ལེན་ཕ་རོལ་ཏུ་ཕྱིན་པ་དྲུག་ཏུ་འདུ་བས་དེ་དག་གི་ངོ་བོ་རིམ་པ་བཞིན། ཁྱད་ཆོས་བཞི་དང་ལྡན་པའི་གཏོང་སེམས། སྤོངས་

― ZP02_Page_556 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས། མི་འཁྲུག་པའི་སེམས། སྤྲོ་བའི་སེམས། མི་གཡེང་བའི་སེམས། ཆོས་རབ་ཏུ་རྣམ་པར་འབྱེད་པ་རྣམས་ཡིན། ཁྱད་ཆོས་བཞི་ནི། སྦྱིན་པ་མི་མཐུན་ཕྱོགས་ཉམས་དང༌། །རྣམ་པར་མི་རྟོག་ཡེ་ཤེས་ལྡན། །འདོད་པ་ཐམས་ཅད་ཡོངས་རྫོགས་བྱེད། །སེམས་ཅན་ཡོངས་སྨིན་བྱེད་རྣམ་གསུམ། །ཞེས་གསུངས། མི་མཐུན་པའི་ཕྱོགས་ནི་རིམ་པ་བཞིན་སེར་སྣ། ཚུལ་འཆལ། ཁོང་ཁྲོ། ལེ་ལོ། །རྣམ་གཡེང༌། ཤེས་འཆལ་དྲུག །སེམས་ཅན་གྱི་འདོད་པ་ཡོངས་སུ་རྫོགས་ཚུལ་ནི། སྦྱིན་པས་ལོངས་སྤྱོད་སོགས་སྦྱིན། ཚུལ་ཁྲིམས་ཀྱིས་ཡིད་དངས་པར་བྱེད། །བཟོད་པས་གནོད་པ་དང་དུ་ལེན། །བརྩོན་འགྲུས་ཀྱིས་དགོས་པའི་གྲོགས་བྱེད། །བསམ་གཏན་གྱིས་རྫུ་འཕྲུལ་དང་མངོན་ཤེས་ཀྱིས་འདུན་པར་བྱེད། །ཤེས་རབ་ཀྱིས་བླང་དོར་གྱི་གནས་སྟོན་པར་བྱེད། དེ་དག་གིས་འདོད་པ་ཡོངས་སུ་རྫོགས་པར་བྱས་ཏེ་དངོས་སམ་བརྒྱུད་ནས་ཉན་ཐོས་རང་རྒྱལ་རྫོགས་པའི་བྱང་ཆུབ་གསུམ་གང་རུང་ལ་འགོད་པ་སེམས་ཅན་ཡོངས་སྨིན་བྱེད་པ་ཡིན། དེ་ལྟ་བུའི་ཕ་རོལ་ཏུ་ཕྱིན་པ་དེ་དག་ཀྱང་སེམས་སྦྱོང་བའི་སྤྱོད་པ་ལ་འདུ་བའི་ཚུལ། དང་པོ་སྦྱིན་པ་ནི་རང་གི་ལུས་ལོངས་སྤྱོད་དུས་གསུམ་ཀྱི་དགེ་བའི་རྩ་བ་དང་བཅས་པ་ཐམས་ཅད་མ་བཏང་བའི་ཉེས་དམིགས། བཏང་བའི་ཕན་ཡོན། གཏོང་དགོས་པའི་རྒྱུ་མཚན་སོགས་ལ་བསམ་ནས་སྙིང་ཐག་པ་ནས་གཏོང་སེམས་སྦྱོང་བ་དེ་ཡིན། གཉིས་པ་ཚུལ་ཁྲིམས་ལ་སྲུང་བྱེད་ཐབས་དང༌། དེས་ཇི་ལྟར་བསྲུང་ཚུལ་གཉིས། དང་པོ་སྲུང་བྱེད་ཀྱི་ཐབས་

― ZP02_Page_557 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་འཇུག་ལྡོག་གི་གནས་ལ་གཟོབ་པའི་བག་ཡོད། བླང་དོར་མི་བརྗེད་པའི་དྲན་པ། སྒོ་གསུམ་གྱི་གནས་སྐབས་ལ་བརྟགས་པའི་ཤེས་བཞིན་དང་གསུམ། གཉིས་པ་དེས་ཇི་ལྟར་སྲུང་ཚུལ། དང་པོ་དྲན་པས་བླང་དོར་མི་བརྗེད་པར་བྱས་ཏེ་ཤེས་བཞིན་གྱིས་རང་གི་ལུས་ངག་ཡིད་གསུམ་གྱི་གནས་སྐབས་ལ་བརྟགས་ནས་བསྒྲུབ་བྱ་དགེ་བའི་ཕྱོགས་དང་དུ་མི་ལེན་པ་དང༌། སྤང་བྱ་མི་དགེ་བ་ལ་འཇུག་འདོད་ཀྱི་བསམ་པ་ནམ་སྐྱེས་ངོ་ཤེས་པར་བྱ། དེའི་ཚེ་བག་ཡོད་ཀྱིས་དགེ་བའི་ཕན་ཡོན་དྲན་ནས་དང་དུ་བླང་ཞིང༌། ཉེས་སྤྱོད་མི་དགེ་བའི་ཕྱོགས་ཀྱི་ཉེས་དམིགས་དྲན་ནས་སྤང་བར་བྱ་བ་ལ་བསླབ། དེ་དག་གི་རྒྱུ་ཡང་ལས་འབྲས་ལ་ཡིད་ཆེས་པ་ཡིན་པས་རྒྱལ་བའི་བཀའ་འཁྲུལ་བ་མེད་པའི་རྗེས་སུ་འབྲང་སྟེ་ཡིད་ཆེས་བསྐྱེད། དེ་ནས་མི་དགེ་བ་བྱས་ན་ངན་སོང་དུ་འགྲོ་ངེས། ངན་སོང་དུ་སྐྱེས་ན་སྡུག་བསྔལ་འདི་ལྟ་བུ་ཡོད་པས། གཞན་དོན་ལྟ་ཅི་རང་དོན་ཡང་མི་འགྲུབ་སྙམ་དུ་འཁོར་བའི་སྡུག་བསྔལ་དྲན་པ་འདི་སྙིང་ནས་རྒྱུད་ལ་སྐྱེ་ངེས་བྱ། བསྲུང་བྱ་རྣམ་གྲངས་མང་ཡང་སྨོན་སེམས་ཀྱི་མི་མཐུན་ཕྱོགས་སེམས་ཅན་བློས་བཏང་བ། ཉན་རང་གི་སར་སེམས་བསྐྱེད་པ། །ནག་པོའི་ཆོས་བཞི་སྤང་པ་གསུམ་གཙོ་བོར་སྲུང༌། །ནག་པོའི་ཆོས་བཞི་ནི། མཆོད་འོས་བསླུ་དང་འགྱོད་མེད་འགྱོད་པ་བསྐྱེད། །དམ་པར་སྐུར་འདེབས་འགྲོ་ལ་གཡོ་སྒྱུས་སྤྱོད། །ནག་པོའི་ཆོས་བཞི་སྤངས་ཤིང་ལྡོག་པ་ནི། །དཀར་པོའི་ཆོས་བཞི་ཡིན་པས་ཀུན་ཏུ་སྤྱད།

― ZP02_Page_558 ―

^{[མ་དཔེ་གཟིགས་ན་འདིར་གནོན།]}

[Full Size]

ཅེས་གསུངས། མཐུན་ཕྱོགས་འབྲས་བུ་རྫོགས་པའི་བྱང་ཆུབ་དང་དེའི་རྒྱུ་བྱང་ཆུབ་ཀྱི་སྤྱོད་པ་ལ་སྙིང་ཐག་པ་ནས་མོས་པ། གཞན་གྱི་དགེ་བ་གང་བྱེད་ཀུན་ལ་སྙིང་ནས་སྤྲོ་བས་ཡི་རང༌། དེ་དག་གི་དགེ་རྩ་གཞན་དོན་རྫོགས་བྱང་དུ་བསྔོ་བ་སྟེ། ཐེག་ཆེན་གྱི་བསྒོམ་ལམ་གསུམ་པོ་འདི་ཁོ་ན་ཉམས་སུ་བླངས། འཇུག་སྡོམ་གྱི་མི་ཐུན་ཕྱོགས་སྤྱིར་གཞན་གནོད་གཞིར་བཅས་སྤོངས་པ་དང༌། ཁྱད་པར་ཉེས་དམིགས་ཆེ་ཤོས། དཀོན་མཆོག་གི་དཀོར་ཕྲོག་པ། བྱང་སེམས་ལ་སྐུར་བ་འདེབས་པ། ཆོས་སྤོང་གི་ལས་བྱེད་པ་སོགས་སྲོག་དང་བསྡོས་ཏེ་བསྲུང༌། མཐུན་ཕྱོགས་དགེ་རྩ་ཕྲ་མོ་ཚུན་ཆད་ཁྱད་དུ་མི་གསོད་པར་དམ་པ་གསུམ་གྱིས་ཟིན་པར་ཉམས་སུ་བླང་བར་བྱའོ། །གསུམ་པ་བཟོད་པའི་ཕ་རོལ་ཕྱིན་པ་ལ། བཟོད་པའི་ཡུལ་བདག་ལ་བརྙས་པ་བྱེད་པ་དང༌། ཚིག་རྩུབ་སྨྲ་བ། ལྐོག་ཏུ་མི་སྙན་སྨྲ་བ། སྡུག་བསྔལ་བྱེད་པ་དང་བཞི། བདག་གི་བླ་མ་དང་མཛའ་བཤེས་སོགས་ལ་དེ་ལྟར་བཞི་བྱེད་པ་དང༌། བདག་གི་དགྲ་དང་མི་མཐུན་པའི་ཕྱོགས་ལ་བདེ་བ་བྱེད་པ། རྙེད་བཀུར་བྱེད་པ། བསྟོད་པ། སྙན་པར་སྨྲ་བ་བཞི་སྟེ་མི་འདོད་པ་བཅུ་གཉིས། དེ་དག་ལས་ལྡོག་པ་འདོད་པ་བཅུ་གཉིས་ཀྱི་གེགས་བྱེད་པ་སྟེ་བཟོད་པའི་ཡུལ་ཉི་ཤུ་རྩ་བཞིའོ། །དེ་དག་རེ་རེ་བཞིན་ཡང་རྒྱུ་མཚན་དང་རྒྱུ་དེ་དག་ལས་བྱུང་བའི་སྡུག་བསྔལ་གྱིས་མི་སྐྱོ་བ་སྡུག་བསྔལ་དང་ལེན། བྱེད་པ་པོ་གང་ཟག་ལ་མི་ཁྲོ་བ་གནོད་བྱེད་ལ་ཅི་མི་སྙམ་པ་

― ZP02_Page_559 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོང་ཉིད་ཟབ་མོའི་དོན་ལ་བློ་འཇོག་པ་དང་གསུམ་གསུམ་གྱིས་བཟོད་པར་བྱེད་པའི་ནང་ཚན་བཟོད་པའི་རྣམ་གྲངས་བདུན་ཅུ་རྩ་གཉིས་ལ་གོམ་པར་བྱེད་པའོ། །དེ་ཡང་རྒྱུ་མཚན་གསུམ་གྱིས་སྡུག་བསྔལ་དང་དུ་ལེན་ཏེ། སྡུག་བསྔལ་ལ་བརྟེན་ནས་བདག་གི་སྡིག་པ་འཛད་པས་སྡུག་བསྔལ་སྡིག་པའི་ཕྱག་མར་ཤེས་ནས་དང་དུ་བླང༌། སྡུག་བསྔལ་ལ་བརྟེན་ནས་འཁོར་བ་ལ་ངེས་འབྱུང་སེམས་ཅན་ལ་སྙིང་རྗེ། དགེ་སྡིག་ལ་བླང་དོར་སོགས་སྐྱེ་བས་སྡུག་བསྔལ་དགེ་བའི་བསྐུལ་མར་ཤེས་ནས་དང་དུ་བླང༌། སྡུག་བསྔལ་གྱིས་ང་རྒྱལ་གྱི་མགོ་གནོན། ཕྲག་དོག་གི་ཟུར་བཅོམ་འདོད་ཆགས་ཀྱི་དཔལ་འཇོམས། དངོས་གྲུབ་ཀྱི་སྣ་འདྲེན་པས་སྡུག་བསྔལ་སེམས་ཀྱི་རྒྱན་ཏུ་ཤེས་ནས་དང་དུ་བླང༌། རྒྱུ་མཚན་གསུམ་གྱིས་གནོད་བྱེད་ལ་ཅི་མི་སྙམ་པའི་བཟོད་པ་སྒོམ་སྟེ། སེམས་ཅན་རྨོང་པ་ཉོན་མོངས་ཀྱིས་དབང་དུ་གྱུར་ནས་རང་ལའང་གནོད་པ་བྱེད་ན་གཞན་ལ་ལྟ་ཅི་སྨོས་སྙམ་དུ་གནོད་བྱེད་སྙིང་རྗེའི་ཡུལ་དུ་བལྟས་ནས་བཟོད་པར་བྱ། དེའང་རང་གི་སྔོན་བྱས་ཀྱི་ལས་དང་འཕྲལ་གྱི་སྤྱོད་ལམ་མི་བཟོབ་པས་བདག་ལ་གནོད་བྱེད་རྣམས་བྱུང་བ་ཡིན་སྙམ་དུ་ལེ་ལེན་ཐམས་ཅད་རང་ལ་བདའ་ཞིང་བཟོད་པ་སྒོམ། དགྲ་ལ་བརྟེན་ནས་བདག་གི་བཟོད་པའི་ཚོགས་རྫོགས་ཤིང་བྱང་ཆུབ་སྤྱོད་པའི་གྲོགས་སུ་འགྱུར་བས་ཕན་འདོགས་པའི་བཤེས་སུ་བསམ་ནས་བཟོད་པར་བྱའོ། །རྒྱུ་མཚན་གསུམ་གྱིས་ཆོས་ཟབ་མོ་ལ་

― ZP02_Page_560 ―

^{[མ་དཔེ་གཟིགས་ན་འདིར་གནོན།]}

[Full Size]

ངེས་པར་བསམ་ནས་བཟོད་པ་སྒོམ་སྟེ། དོན་དམ་སྟོང་ཉིད་སྤྲོས་བྲལ་ལ་བསམ་ན་གནོད་བྱ་གནོད་བྱེད་རང་བཞིན་མེད་པ་ལ་བསམ་ནས་བཟོད་པ་སྒོམ། ཀུན་རྫོབ་རྟེན་འབྲེལ་སྒྱུ་མ་ལ་བསམ་ན་ཐམས་ཅད་རྐྱེན་གྱིས་བསྐུལ་བས་གནོད་བྱེད་དང་སྡུག་བསྔལ་རང་དབང་མེད་པ་ལ་བསམ་ནས་བཟོད་པ་སྒོམ། ཟུང་འཇུག་རང་གི་སེམས་ཉིད་ལ་བསམ་ན་ཁོང་ཁྲོ་གཞི་མེད་རྩ་བྲལ་དུ་དག་པ་ལ་བསམ་ནས་བཟོད་པ་སྒོམ་པར་བྱའོ། །བཞི་པ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ། མི་མཐུན་ཕྱོགས་ལེ་ལོ་གསུམ་སྤང་བ། མཐུན་ཕྱོགས་སྟོབས་དྲུག་བསྐྱེད་པ་གཉིས་ལས། དང་པོ་ནི་མི་རྟག་པའི་ལྕགས་ཀྱིས་བསྐུལ་ཏེ་སྦྱོར་བ་མེད་པའི་ལེ་ལོ་སྤང༌། དམ་པའི་ཆོས་ཀྱི་དགའ་བ་ལ་བསམ་ནས་བྱ་བ་ངན་ཞེན་གྱི་ལེ་ལོ་སྤང༌། རང་གི་སེམས་གཟིང་བསྟོད་དེ་སྒྱིད་ལུག་གི་ལེ་ལོ་སྤང་ངོ༌། །གཉིས་པ་སྟོབས་དྲུག་ནི། དགེ་བའི་ཕན་ཡོན་དང་སྡིག་པའི་ཉེས་དམིགས་ལ་བསམ་ནས་ཆོས་ལ་མོས་པ་བསྐྱེད་པ་སྦྱོར་བ་མོས་པའི་དཔུང༌། སྙིང་སྟོབས་ཀྱི་དམ་བཅའ་བརྟན་པོས་བརྩམ་པའི་དགེ་རྩ་མཐར་དབྱུང་བ་དངོས་གཞི་བརྟན་པའི་དཔུང༌། འདི་ལ་གསུམ། འཇིག་རྟེན་ན་ཉི་མ་ཤར་བ་ལ་དཔེ་བྱས་ཏེ། བར་ཆད་གཞན་དབང་དུ་མི་གཏོང་བར་རྐྱེན་གྱིས་བརྫི་བ་མེད་པ་དང༌། ཉི་མ་གཅིག་པུར་རྒྱུ་བ་ལ་དཔེར་བྱས་ཏེ་བདག་ཉིད་གཅིག་པུ་གཞན་ལ་མི་ལྟོས་པར་བདུད་སྡེ་ཕམ་པར་བྱས་ནས་རྫོགས་པའི་བྱང་ཆུབ་བསྒྲུབ་པ་དང༌། ཉི་མ་ཀུན་ལ་སྣང་བ་ལྟར་བྱང་ཆུབ་སེམས་དཔའི་ཡེ་ཤེས་སྙིང་

― ZP02_Page_561 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་སྨོན་པ་གསུམ་གྱིས་རང་ཉིད་འགྲོ་བའི་ཉེར་འཚོར་བྱིན་གྱིས་བརླབ་སྟེ་མཁའ་མཉམ་གྱི་འགྲོ་དོན་དང་དུ་བླང་བ་དང་གསུམ་ལས་ཀྱི་ང་རྒྱལ། བདག་ཉིད་མཆོག་ཏུ་བལྟས་ཏེ་ལྟུང་བ་ཕྲ་རག་གིས་མ་གོས་པར་བྱ་བ་ནུས་པའི་ང་རྒྱལ། ཉོན་མོངས་རྣམས་དམན་པར་བལྟས་ཏེ་མི་མཐུན་ཕྱོགས་ཁྱད་དུ་གསོད་པ་ཉོན་མོངས་པའི་ང་རྒྱལ་དང་གསུམ་མོ། །རང་གི་ལེགས་བྱས་དགེ་རྩ་སྒྲུབ་པ་ལ་མཆོག་ཏུ་དགའ་བར་བསམ་ནས་རྣམ་སྨིན་ལ་རེ་བ་མེད་པར་སྤྲོ་བ་དང་དུ་བླང་བ་ཁྱད་པར་དགའ་བའི་དཔུང༌། རང་ཉིད་སྟོབས་ཉམས་པ་དང་ཧ་ཅང་སྐྱོ་བར་གྱུར་པ་ན་སླར་བྱའི་དོན་དུ་རེ་ཞིག་དོར་བ་གེགས་སེལ་དོར་བའི་དཔུང༌། དྲན་པ་དང་ཤེས་བཞིན་གྱི་སྒོ་ནས་ཉོན་མོངས་འཇོམས་པའི་བྱ་བ་ལྷུར་བླང་ནས་སྤང་བྱ་འཇོམས་པ་ལྷུར་ལེན་གྱི་སྟོབས། རང་གི་སྒོ་གསུམ་ལ་དབང་བསྒྱུར་ཏེ་བག་ཡོད་ཀྱི་གཏམ་དྲན་པས་བསླབ་བྱ་ཀུན་ལ་རང་དབང་གིས་སློབ་པ་དབང་བསྒྱུར་གྱི་སྟོབས་དང་སྟོབས་དྲུག་གོ །ལྔ་པ་བསམ་གཏན་གྱི་ཕ་རོལ་ཏུ་ཕྱིན་པ་ལ་བསམ་གཏན་གྱི་མི་མཐུན་ཕྱོགས་སྤངས་པ་དང༌། ཞི་གནས་ཀྱི་དམིགས་པ་ཡིད་ལ་བྱ་བ་གཉིས། དང་པོ་མི་མཐུན་ཕྱོགས་སྤང་བ་ལ་གཉིས། འཇིག་རྟེན་སྤང་བ་དང༌། རྣམ་རྟོག་དོར་བ་གཉིས། དང་པོ་འཇིག་རྟེན་སྤང་བ་ནི། རང་གི་ཕ་མ། གཉེན་བཤེས། འཁོར་གཡོག་ལ་སོགས་ནང་སེམས་ཅན་གྱི་ཚོགས་ལ་ཆགས་ནས་དེ་དག་གི་དབང་དུ་གྱུར་ན་རང་གི་སེམས་རྩེ་གཅིག་ཏུ་མཉམ་པར་འཇོག་པར་མི་འགྱུར་བས་དེ་དག་དང་འབྲེལ་

― ZP02_Page_562 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲིས་འདུ་འཛི་ཐམས་ཅད་སྤངས་ཏེ་དགོན་པ་དབེན་པ་ལ་སོགས་པར་རང་ཉིད་གཅིག་པུར་གནས། དེར་ཡང་རྙེད་པ་དང་བཀུར་སྟི། བསྟོད་པ་དང་སྙན་གྲགས། འཕྲལ་དགོས་ཀྱི་ཡོ་བྱད་སོགས་ལ་ཆགས་ནས་དེ་དག་དོན་དུ་གཉེར་ན་ཡང་དག་པའི་ལམ་ལ་བར་དུ་གཅོད་པས་ཐམས་ཅད་ལ་རེ་དོགས་བཅད་དེ་གང་བྱུང་དེས་ཆོག་ལ་བསླབ། གཉིས་པ་རྣམ་རྟོག་དོར་བ་ནི། ལུས་དབེན་པར་གནས་ཤིང་ཧ་ཅང་ཡོ་བྱད་སོགས་དོན་དུ་མི་གཉེར་ཡང་སེམས་འདོད་པའི་དབང་དུ་གྱུར་ན་བསམ་གཏན་རྣལ་མ་རྒྱུད་ལ་མི་སྐྱེ་ཞིང་སེམས་མཉམ་པར་འཇོག་མི་ནུས་པས་དེ་དག་སྤང་དགོས། ཁྱད་པར་གོང་མའི་ཏིང་ངེ་འཛིན་ཁྱད་པར་ཅན་ཐོབ་པ་ལ་འདོད་པའི་འདོད་ཆགས་ལ་བློ་ལོག་པ་འདི་གལ་ཆེ་བས་རྒྱུ་བསྒྲུབ་པར་དཀའ་བ། །ངོ་བོ་མི་གཙང་བ་ཡིན་པ། འབྲས་བུ་གནོད་པ་མང་བ་ལ་སོགས་ལ་བསམ་ནས་ཡུལ་བུད་མེད་ཀྱི་སྲེད་པ་ལས་བློ་ལོག་ངེས་བྱ། གཞན་ཡང་ཆོས་བརྒྱད་ཚེ་འདི་སྒྲུབ་པའི་རྣམ་རྟོག་ཐམས་ཅད་དགྲ་ལྟར་བལྟས་ཏེ་ཞེ་འདོད་ངན་པའི་རྟོག་ངན་ཇི་ཙམ་སྐྱེས་ཀྱང་དེ་དག་གི་ཉེས་དམིགས་ཡུན་རིང་དུ་བསམ་ནས་རང་ལ་རང་གི་ཁྲེལ་བཏབ་སྟེ་སྙིང་ཐག་པ་ནས་སྤང་བར་བྱའོ། །གཉིས་པ་དངོས་གཞི་བསམ་གཏན་བསྒོམ་པ་ལ། སྒོམ་ཚུལ་མང་ཡང་འདིར་བྱང་ཆུབ་ཀྱི་སེམས་བསྒོམ་པ་ལ་གཉིས། བདག་གཞན་མཉམ་པ་བསྒོམ་པ་དང༌། བདག་གཞན་བརྗེ་བ་བསྒོམ་པ་གཉིས། དང་པོ་ནི། བདག་དང་སེམས་ཅན་ཐམས་ཅད་བདེ་བ་འདོད་མཉམ་དུ་གཅིག་སྡུག་བསྔལ་མི་འདོད་

― ZP02_Page_563 ―

^{[མ་དཔེ་གཟིགས་ན་འདིར་གནོན།]}

[Full Size]

མཉམ་པ་ལ་བདག་གཅིག་པུ་བསྲུང་ཞིང་གཞན་མི་བསྲུང་བ་ནི་རིགས་པ་མ་ཡིན་པས་བདག་གཞན་མཉམ་པར་སྒོམ་དགོས་ཏེ། བདག་དང་གཞན་དུ་མཉམ་པ་ནི། །དང་པོ་ཉིད་དུ་འབད་དེ་བསྒོམ། །བདེ་དང་སྡུག་བསྔལ་མཉམ་པས་ན། །ཐམས་ཅད་བདག་བཞིན་བསྲུང་བར་བྱ། །ཞེས་གསུངས་པ་ལྟར་ཐོག་མར་བདག་གཞན་མཉམ་པའི་བྱང་ཆུབ་སེམས་བསྒོམ་མོ། །དེའི་ཚུལ་འདི་ལྟར་དགོས་ཏེ། ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་བདག་གི་ཕ་མ་གཉེན་ཚོར་མ་གྱུར་པ་གང་ཡང་མེད་དེ། སློབ་དཔོན་ཀླུ་སྒྲུབ་ཀྱིས། །མ་ཡི་གྲངས་མཐའ་རྒྱ་ཤུགས་ཚིག་གུ་ཙམ། རིལ་བུར་དྲིལ་ཀྱང་ས་ཡིས་ལང་མ་ཡིན། །ཞེས་གསུངས་པ་ལ་སོགས་པའི་ལུང་དང་རིགས་པས་སེམས་ཅན་ཐམས་ཅད་རང་གི་ཉེ་དུར་ཐག་བཅད་ལ། དེ་ནས་བཟུང་བདག་ལ་བདེ་བ་སྐྱེས་པ་ན་སེམས་ཅན་ཐམས་ཅད་བདག་གི་བདེ་བ་དང་བདེ་བའི་རྒྱུ་འདི་ལྟ་བུ་དང་ལྡན་པར་གྱུར་ཅིག་ཅེས་ཞེ་ཐག་པ་ནས་བསྒོམ། ཡང་བདག་ལ་སྡུག་བསྔལ་ཞིག་སྐྱེས་པ་ན་བདག་དང་སེམས་ཅན་ཐམས་ཅད་སྡུག་བསྔལ་དང་སྡུག་བསྔལ་གྱི་རྒྱུ་འདི་ལྟ་བུ་དང་བྲལ་བར་གྱུར་ཅིག་སྙམ་དུ་སྙིང་གི་ཁོང་རུས་པའི་གཏིང་ནས་བསྒོམ། དེའི་ཚེ་བསམ་པ་ལ་གེགས་འདི་ལྟ་བུ་སྐྱེ་སྲིད་དེ། བདག་གི་སྡུག་བསྔལ་སེལ་བ་གཞན་ལ་མི་རེ། གཞན་གྱིས་སྡུག་བསྔལ་བསལ་བ་དག་གིས་མི་འགྲུབ་སྙམ་པ་ཉན་ཐོས་ཀྱི་བློ་སྐྱེ་ན། སྤྱོད་འཇུག་ལས། །མ་འོངས་པ་ཡི་སྡུག་བསྔལ་ཡང༌། །གནོད་མི་བྱེད་

― ZP02_Page_564 ―

^{[མ་དཔེ་གཟིགས་ན་འདིར་གནོན།]}

[Full Size]

ན་ཇི་ལྟར་བསྲུང༌། །ཞེས་གསུངས་པ་ལྟར་རང་ཉིད་ཀྱིས་ནང་པར་ཕན་ཆད་ཀྱི་ནད་མེད་པ་དང་ཟས་གོས་ལ་སོགས་ཐོབ་པའི་འབད་པ་ཇི་སྟེ་བྱེད། བདག་སྐད་ཅིག་གིས་འགགས་ནས་དེ་ཕན་ཆད་གཞན་དུ་འགྱུར་བའི་ཕྱིར་རོ། །དེ་ལ་འདི་སྙམ་དུ་མ་རིག་པའི་བག་ཆགས་ཀྱིས་ནང་པར་ཕན་ཆད་ཀྱང་བདག་ཡིན་ནོ་སྙམ་ན་འཁྲུལ་ཏེ། སྤྱོད་འཇུག་ལས། །བདག་གིས་དེ་ནི་མྱོང་སྙམ་པའི། །རྣམ་པར་རྟོག་པ་ལོག་པ་སྟེ། །འདི་ལྟར་སྐྱེ་བའང་གཞན་ཉིད་ལ། །འཆི་བ་ཡང་ནི་གཞན་ཞིག་ཡིན། །ཞེས་གསུངས་པ་ལྟར་རོ། །དཔེར་ན་བླུན་པོ་དག་འབབ་ཆུ་འདིས་ན་ནིང་ངའི་གོས་ཁྱེར་རོ་སྙམ་པ་དང་ནང་པར་ཆུ་འདི་བརྒལ་ལོ་སྙམ་དུ་སེམས་མོད་ཀྱང༌། ན་ནིང་གོས་ཁྱེར་བའི་ཆུ་དེ་ཡང་གཞན་ཡིན་ལ། ནང་པར་བརྒལ་བའི་ཆུ་དེ་ཡང་གཞན་ཡིན་ནོ། །དེ་བཞིན་དུ་འདས་པའི་སེམས་ཀྱང་བདག་མ་ཡིན་ལ། མ་འོངས་པའི་སེམས་ཀྱང་བདག་མ་ཡིན་པར་གཞན་ཡིན་ནོ། །དེ་ལ་འདི་སྙམ་དུ་མ་འོང་པའི་སེམས་ད་ལྟར་གྱི་བདག་མ་ཡིན་ཡང་བདག་གི་སེམས་ཀྱི་རྒྱུན་ཡིན་ནོ་སྙམ་པའི་སེམས་ཀྱིས་རང་དོན་སྒྲུབ་པོ་ཞེ་ན། སེམས་ཅན་གཞན་བདག་མ་ཡིན་ཡང་བདག་གི་སེམས་ཅན་ཡིན་ནོ་སྙམ་པའི་འདུ་ཤེས་ཀྱིས་གཞན་གྱི་དོན་ལ་འཇུག་པར་བྱའོ། །གལ་ཏེ་མགོ་གང་གི་ཁབ་སྦུག་སྙམས་པའི་ཚུལ་གྱིས་རང་རང་གི་དོན་ལ་འབད་ཀྱིས། ཕན་ཚུན་གཅིག་གི་དོན་གཅིག་གིས་བསྒྲུབ་མི་ནུས་སོ་སྙམས་ན། སྤྱོད་འཇུག་

― ZP02_Page_565 ―

^{[མ་དཔེ་གཟིགས་ན་འདིར་གནོན།]}

[Full Size]

ལས། །རྐང་པའི་སྡུག་བསྔལ་ལག་པས་མིན། །ཞེས་གསུངས་པ་ཡང་རྐང་པ་ལ་ཚེར་མ་ཟུག་པ་ཡང་ལག་པས་ཅི་སྟེ་འདོན། དེ་བཞིན་དུ་མིག་ཏུ་རྡུལ་སོང་བ་ལག་པས་དང༌། བུ་ཚའི་དོན་ཕ་མ་དང༌། ཁར་ཟས་འཛུད་པ་ལག་པ་ལ་སོགས་པ་ཡང་རང་རང་གི་དོན་བྱེད་དགོས་པར་འགྱུར་ཏེ་ཧ་ཅང་ཐལ་ལོ། །མདོར་ན་ཕན་ཚུན་གཅིག་གིས་གཅིག་གི་དོན་མ་བྱས་པར་རང་རང་གི་དོན་བསྒྲུབ་དགོས་ན་འགྲུབ་པ་ཤིན་ཏུ་དཀའོ། །དེས་ན་དེ་ལྟར་ཤེས་པར་བྱས་ལ་སེམས་ཅན་གྱི་དོན་ལ་འཇུག་པར་བྱའོ། །གཉིས་པ་བདག་གཞན་བརྗེ་བ་བྱང་ཆུབ་ཀྱི་སེམས་བསྒོམ་པ་ཡང༌། སྤྱོད་འཇུག་ལས། །བདག་བདེ་གཞན་གྱི་སྡུག་བསྔལ་དག །ཡང་དག་བརྗེ་བར་མ་བྱས་ན། །སངས་རྒྱས་ཉིད་དུ་མི་འགྲུབ་ཅིང༌། །འཁོར་བ་ན་ཡང་བདེ་བ་མེད། །ཅེས་གསུངས་པ་ལྟར་བདག་གི་བདེ་བ་སེམས་ཅན་ལ་སྦྱིན། སེམས་ཅན་གྱི་སྡུག་བསྔལ་བདག་གིས་བླང་ངོ༌། །དེའི་དམིགས་པ་ཡང༌། །དམན་སོགས་བདག་ཏུ་བྱས་པ་དང༌། །གཞན་ཉིད་དུ་ནི་བདག་བྱས་ནས། །རྣམ་རྟོག་མེད་པའི་སེམས་ཀྱིས་སུ། །ཕྲག་དོག་འགྲན་སེམས་ང་རྒྱལ་བསྒོམ། །ཞེས་གསུངས་པའི་དོན་ནི། རང་ལས་དམའ་བའི་གནས་སུ་དགྲ་བཞག །དགྲ་འམ་གཞན་མཐོན་པོའི་གནས་སུ་རང་བཞག་ལ་རང་མཐོ་བ་དེ་ལ་དགྲ་དམའ་བ་དེས་ཕྲག་དོག་སྒོམ་དུ་གཞུག །བསྒོམ་དེ་ཚར་བ་ན་འདི་ལྟ་བུའི་བསྒོམ་པའི་བསམ་པ་འབྱུང་སྟེ། རང་མཐོན་པོར་བསྒོམ།

― ZP02_Page_566 ―

^{[མ་དཔེ་གཟིགས་ན་འདིར་གནོན།]}

[Full Size]

གཞན་དམའ་བར་བསྒོམ་པ་དེས་རང་ལ་ཕྲག་དོག་བྱས་པར་བསྒོམ་པ་ལ་ཡང་འདི་ལྟ་བུའི་སྡུག་བསྔལ་འབྱུང་ན་གཞན་ལ་ཕྲག་དོག་བྱེད་པ་ག་ལ་འཐད་ཅེས་ཕྲག་དོག་རང་ཞི་བར་འགྱུར་རོ། །དེ་བཞིན་དུ་བདག་དང་མཉམ་པ་ལ་བལྟས་ནས་འགྲན་སེམས་སྒོམ་པ་ཡང་བདག་དང་མཉམ་པའི་དགྲའི་གནས་སུ་རང་ཉིད་བཞག་རང་གི་གནས་སུ་དགྲ་དེ་བཞག་ལ་དགྲ་དེས་ཕྱོགས་མཐའ་དག་གི་སྒོ་ནས་བདག་ལ་འགྲན་པར་བསྒོམ་མོ། །བསྒོམ་དེ་གྲོལ་ན་འདི་ལྟ་བུའི་བསམ་པ་འབྱུང་སྟེ། རང་དགྲར་བསྒོམ་ནས་གཞན་གྱིས་གནོད་པ་དང་འགྲན་སེམས་བྱས་པར་བསྒོམ་པ་ལ་ཡང་འདི་ལྟ་བུའི་སྡུག་བསྔལ་འབྱུང་ན། གཞན་ལ་གནོད་པ་དང་འགྲན་སེམས་བྱར་ག་ལ་རུང་སྙམ་ནས་འགྲན་སེམས་རང་ཞིར་འགྱུར་རོ། །ཡང་དེ་བཞིན་ང་རྒྱལ་བསྒོམ་པ་ཡང་རང་བས་དམའ་བའི་གནས་སུ་བདག་ཉིད་བཞག །རང་གི་གནས་སུ་རང་བས་དམའ་དེ་བཞག་ལ་གཞན་མཐོ་བ་དེས་རང་དམའ་བ་དེ་ལ་རིགས་དང་ཡོན་ཏན་ལ་སོགས་པའི་སྒོ་ནས་ང་རྒྱལ་བྱེད་དུ་གཞུགས། བསྒོམ་དེ་ཚར་བ་ན་བདག་ལ་གཞན་གྱིས་ང་རྒྱལ་བསྒོམ་པ་ན་འདི་ལྟ་བུའི་སྡུག་བསྔལ་འབྱུང་ན་དེའི་ཕྱིར་བདག་གི་གཞན་ལ་ང་རྒྱལ་བྱར་ག་ལ་རུང་སྙམ་དུ་ང་རྒྱལ་ངོ་བོ་ཉིད་ཀྱིས་ཞི་བར་འགྱུར་རོ། །འདི་དག་གི་དོན་ཞིབ་ཏུ་སྤྱོད་འཇུག་ནས་ཇི་ལྟར་འབྱུང་བ་བཞིན་ཉམས་སུ་བླང་བར་བྱའོ། །དེ་ཙམ་བསྒོམ་པར་མི་ནུས་པས་བསྡུས་ཏེ་བསྒོམ་པར་འདོད་ན། རིན་

― ZP02_Page_567 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་ཕྲེང་བ་ལས། བདག་ལ་དེ་དག་སྡིག་སྨིན་ཞིང༌། །བདག་བདེ་མ་ལུས་དེར་སྨིན་ཤོག །ཇི་སྲིད་སེམས་ཅན་འགའ་ཞིག་ཀྱང༌། །གང་དུ་མ་གྲོལ་དེ་སྲིད་དུ། །དེ་ཕྱིར་བླ་ན་མེད་པ་ཡི། །བྱང་ཆུབ་ཐོབ་ཀྱང་གནས་གྱུར་ཅིག །དེ་སྐད་བརྗོད་པའི་བསོད་ནམས་འདི། །གལ་ཏེ་དེ་ནི་གཟུགས་ཅན་འགྱུར། །གངྒའི་བྱེ་མ་སྙེད་ཀྱིས་ནི། །འཇིག་རྟེན་ཁམས་སུ་ཤོང་མི་འགྱུར། །འདི་ནི་བཅོམ་ལྡན་འདས་ཀྱིས་གསུངས། །གཏན་ཚིག་ཀྱང་ནི་འདི་ལ་སྣང༌། །ཞེས་བྱ་བ་དང༌། སྤྱོད་འཇུག་ལས། །འགྲོ་བའི་སྡུག་བསྔལ་གང་ཅི་ཡང་རུང༌། །དེ་ཀུན་བདག་ལ་སྨིན་གྱུར་ཅིག །བྱང་ཆུབ་སེམས་དཔའི་དགེ་བ་ཡིས། །འགྲོ་བ་བདེ་ལ་སྤྱོད་པར་ཤོག །ཅེས་བྱ་བའི་དོན་སྒོམ་ཞིང་ངག་ཏུའང་བརྗོད་པར་བྱའོ། །དེ་ལྟར་བདག་གཞན་མཉམ་བརྗེ་སྒོམ་ཚུལ་ནི། འཇམས་དབྱངས་ས་པཎ་གྱི་གསུང་ལས་བྱུང་བ་ལྟར་བཀོད་པ་ཡིན་ལ། འགྲེལ་པ་རྣམས་ལས་འདི་དང་སྒོམ་ཚུལ་ཅུང་མི་འདྲ་ཙམ་སྣང་ཡང་རང་གི་བློ་ལ་གང་བདེ་ལྟར་བསྒོམས་པར་བྱའོ། །དྲུག་པ་ཤེས་རབ་ཀྱི་ཕ་རོལ་ཏུ་ཕྱིན་པ་ལ། ཤེས་རབ་ཀྱི་ངོ་བོ་ངོས་བཟུང་བ་དེ་ཡུལ་བདག་མེད་ལ་འཇུག་པའོ། །དང་པོ་ཤེས་རབ་ཀྱི་ངོ་བོ་ནི། མཉམ་བཞག་གི་དུས་སུ་ཆོས་ཐམས་ཅད་སྟོང་ཉིད་དུ་ཤེས་པ་དང༌། རྗེས་ཐོབ་ཏུ་སྒྱུ་མ་དང་རྨི་ལམ་ལྟར་བདེན་མེད་དུ་ཤེས་པ་ཉིད་ཤེས་རབ་ཀྱི་ངོ་བོ་ཡིན་ནོ། །གཉིས་པ་དེ་ཡུལ་བདག་མེད་ལ་འཇུག་པ་ནི།

― ZP02_Page_568 ―

^{[མ་དཔེ་གཟིགས་ན་འདིར་གནོན།]}

[Full Size]

གང་ཟག་གི་བདག་མེད་དང༌། ཆོས་ཀྱི་བདག་མེད་བསྒོམ་པའོ། །དང་པོ་ནི་རྨོངས་པ་རྣམས་ལས་བསོག་པ་པོ་དང་འབྲས་བུ་མྱོང་བ་པོ་བདག་གམ་གང་ཟག་གམ་སྐྱེས་བུའམ་སེམས་ཅན་ལ་སོགས་པར་གདགས་པའི་གཞི་དེ་ཀ་ལུས་ངག་ཡིད་གསུམ་དང་གཅིག་པ་ཡིན་ནམ། ཐ་དད་པ་ཞིག་ཡིན་ནམ། བེམ་པོ་ཞིག་ཡིན་ནམ། ཤེས་པ་ཞིག་ཡིན་ནམ། རྟག་པ་ཞིག་ཡིན་ནམ། མི་རྟག་པ་ཞིག་ཡིན་ནམ་སྙམ་པ་ལ་སོགས་རིགས་པ་དུ་མས་བརྟགས་ཤིང་དཔྱད་པ་བློ་འཁྲུལ་པའི་དབང་གིས་བདག་མེད་ལ་བདག་དང༌། གཞན་མེད་ལ་གཞན་དུ་བཟུང་བ་མ་གཏོགས་དོན་རང་ངོས་ནས་གྲུབ་པའི་བདག་གམ་སེམས་ཅན་ཅུང་ཟད་ཀྱང་མེད་པར་ཐག་བཅད་དོ། །གཉིས་པ་ཆོས་ཀྱི་བདག་མེད་སྒོམ་པ་དྲན་པ་ཉེ་བར་བཞག་པ་བཞི་ལས། དང་པོ་ལུས་དྲན་པ་ཉེ་བར་བཞག་པ་ནི། འདི་ལྟར་སྣང་སྲིད་འཁོར་འདས་ཀྱིས་བསྡུས་པའི་ཆོས་ཐམས་ཅད་ཀྱང་རང་གི་སེམས་ལ་སྣང་ཞིང་སེམས་ཀྱིས་བཏགས་པ་མ་གཏོགས་ཅུང་ཟད་ཀྱང་མེད་ལ། སེམས་དེ་ཉིད་ཀྱང་ལུས་ལ་བརྟེན། ལུས་ཀྱི་དབང་དུ་གྱུར་པ་ཡིན་པས་ན་ལུས་ལ་བརྟགས་པར་བྱ་སྟེ་ལུས་ཞེས་བྱ་བ་དེ་ཡན་ལག་ཚོགས་པ་འདི་དག་དང་གཅིག་གམ་ཐ་དད་ངམ་ལུས་དེ་དང་པོ་གང་ནས་བྱུང་བ་ཡིན། བར་དུ་ད་ལྟ་གར་གནས། མཐར་གར་འགྲོ་སོགས་བརྟགས་ལ་ལུས་རང་བཞིན་མེད་པའི་དོན་ལ་མཉམ་པར་བཞག །ཡང་ལུས་ལ་ཞེན་པ་སྐྱེས་ན་རང་གཞན་གྱི་ལུས་མི་གཙང་བ་སྒྱུ་མ་ལྟ་བུ་སོགས་སུ་བསྒོམ་ལ་ལུས་ཀྱི་ཞེན་པ་སྤང་

― ZP02_Page_569 ―

^{[མ་དཔེ་གཟིགས་ན་འདིར་གནོན།]}

[Full Size]

ངོ༌། །གཉིས་པ་ཚོར་བ་དྲན་པ་ཉེ་བར་བཞག་པ་ནི། ཚོར་བ་བདེ་སྡུག་འདི་དག་ནི་སྲེད་ལེན་སོགས་ཉོན་མོངས་པ་ཐམས་ཅད་ཀྱི་རྩ་བ་ཡིན་པས་སེམས་དང་གཅིག་གམ་ཐ་དད་ལ་སོགས་པ་ལ་བརྟགས་ལ་ཚོར་བ་རང་བཞིན་མེད་པའི་དོན་སྒོམ་ཞིང་གཞན་ཚོར་བ་ཐམས་ཅད་སྡུག་བསྔལ་དང་སྙིང་པོ་མེད་པ་ལ་སོགས་པར་སྒོམ་པར་བྱའོ། །གསུམ་པ་སེམས་དྲན་པ་ཉེ་བར་བཞག་པ་ནི། ཚོགས་དྲུག་གིས་བསྡུས་པའི་སེམས་རྣམ་པར་ཤེས་པའི་རིགས་རྒྱུན་འདི་ཉིད་སྔ་ཕྱི་དང་བཟང་ངན་ལ་སོགས་པ་དུ་མར་སྣང་བ་འདི་རྣམས་གཅིག་པ་ཞིག་ཡིན་ནམ། ཐ་དད་པ་ཞིག་ཡིན་ནམ། དགའ་དང་མི་དགའ། དད་དང་མ་དད། ཆོས་དང་ཆོས་མིན། དགའ་སྡུག་ཆགས་སྡང་ལ་སོགས་པར་སྣང་བའི་སེམས་འདི་དག་གཅིག་ཡིན་ནམ། ཐ་དད་པ་ཞིག་ཡིན་ལ་སོགས་པར་བརྟགས། གཅིག་ཡིན་ན་སེམས་གཅིག་ལ་དགའ་སྡུག་དང་ཆགས་སྡང་ལ་སོགས་དུ་མར་སྣང་བའི་རྒྱུ་ཅི་ཡིན་བརྟགས། དེ་དག་གནས་སྐབས་རྐྱེན་གྱི་དབང་གིས་བྱུང་བ་ཡིན་སྙམ་ན། རྐྱེན་ཅུང་ཟད་ཀྱིས་ཀྱང་མ་བསྒྱུར་ཞིང་ཡུལ་གང་དང་མ་འཕྲད་པའི་སེམས་རང་གི་ངོ་བོ་ཇི་ལྟ་བུ་ཞིག །དེ་ཡོད་པ་ཞིག་གམ། མེད་པ་ཞིག་གམ། རྟག་པ་ཞིག་གམ། མི་རྟག་པ་ཞིག་སྙམ་པ་ལ་སོགས་པ་དུ་མས་ཡང་དང་ཡང་དུ་བརྟགས་ལ་སེམས་གཞི་མེད་རྩ་བྲལ་དུ་གཏན་ལ་ཕབ་པོ། །བཞི་པ་ཆོས་དྲན་པ་ཉེ་བར་བཞག་པ་ནི། དེ་ལྟར་ལུས་ཚོར་སེམས་གསུམ་ལས་གཞན་པའི་འདུ་ཤེས་དང་འདུ་བྱེད་་

― ZP02_Page_570 ―

^{[མ་དཔེ་གཟིགས་ན་འདིར་གནོན།]}

[Full Size]

འདུས་མ་བྱས་གསུམ་ཀྱིས་བསྡུས་པའི་ཆོས་ཐམས་ཅད་ཀྱང་རྒྱུ་རྐྱེན་རྟེན་འབྲེལ་ལས་སྐྱེས་པའི་ཕྱིར་ན་རང་བཞིན་བདེན་པར་མ་གྲུབ་པའི་སྟོང་ཉིད་སྤྲོས་པའི་མཐའ་ཐམས་ཅད་དང་བྲལ་བར་གཏན་ལ་ཕབ་ནས་ཀུན་རྫོབ་སྒྱུ་མ་རྨི་ལམ་ལྟ་བུའི་རོལ་པས་ཆགས་བདུན་སྤང་བའི་སྤྱོད་པ་རྒྱ་མཚོ་ལ་བསླབ་ཅིང༌། དོན་དམ་པར་ཆོས་ཐམས་ཅད་རང་བཞིན་གྱིས་གྲུབ་པ་རྡུལ་ཙམ་ཡང་མེད་པར་ཤེས་པས་གང་ལ་ཡང་ཞེན་པ་མེད་པར་ཉམས་སུ་བླང་ངོ༌། །འགྲོ་བའི་སྡུག་བསྔལ་སྨན་གཅིག་པུ། །བདེ་བ་ཐམས་ཅད་འབྱུང་བའི་གནས། །བསྟན་པ་རྙེད་དང་བཀུར་སྟི་དང༌། །བཅས་ཏེ་ཡུན་རིང་གནས་གྱུར་ཅིག །ཅེས་པ་འདིའང་ཨ་བུ་ཧྲལ་པོས་སྨྲས་སོ། །དགེའོ། །བཀྲ་ཤིས། །

རྒྱལ་བའི་སྲས་ཀྱི་བསླབ་བྱ་མདོར་བསྡུས།

― ZP02_Page_571 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་བའི་སྲས་ཀྱི་བསླབ་བྱ་མདོར་བསྡུས་ཉམས་ལེན་སྙིང་པོ་བཞུགས། །

― ZP02_Page_572 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་ཀུན་ཡབ་གཅིག་རྒྱལ་སྲས་གཞོན་ནུའི་ཚུལ། །སྙིང་རྗེའི་མངའ་བདག་མཁྱེན་རབ་རལ་གྲི་ཅན། །ཕུལ་བྱུང་ནུས་པས་བདུད་སྡེ་ཚར་གཅོད་པ། །རིགས་གསུམ་དབྱེར་མེད་འཇམ་དཔལ་དཔའ་བོས་སྐྱོངས། །རྒྱལ་བ་ཀུན་གྱི་བགྲོད་པ་གཅིག་པུའི་ལམ། །རྒྱལ་སྲས་རྣམས་ཀྱིས་བསླབ་པར་བྱ་བའི་གནས། །མ་ལུས་འགྲོ་བའི་ཕན་བདེའི་རྒྱུ་གཅིག་པུ། །བྱང་ཆུབ་སེམས་ཀྱི་བསླབ་པ་མདོར་བསྡུ་ན། །བརྒྱུད་པའི་ཁུངས་དང་ཕན་ཡོན་ངོ་བོ་དང༌། །ངེས་ཚིག་དབྱེ་བ་ཇི་ལྟར་བླང་བའི་ཚུལ། །བསླབ་བྱ་དངོས་དང་རྣམ་པ་བདུན་ཡིན་ནོ། །དང་པོ་བརྒྱུད་པའི་ཁུངས་ཀྱི་ཆེ་བ་ནི། །སྟོན་པ་མཉམ་མེད་ཐུབ་པའི་དབང་པོ་དེས། ། ཐུབ་པ་ཆེན་པོར་ཐུགས་བསྐྱེད་

― ZP02_Page_573 ―

^{[མ་དཔེ་གཟིགས་ན་འདིར་གནོན།]}

[Full Size]

ནས། །བསྐལ་པ་གྲངས་མེད་གསུམ་དུ་ཚོགས་བསགས་ཏེ། །སངས་རྒྱས་བྱེ་བ་མང་ལ་བསྙེན་བཀུར་ནས། །ཚོགས་རྫོགས་ཞིང་འབྱོངས་གདུལ་བྱ་སྨིན་པའི་མཐར། །སྙིགས་མ་ལྔ་བདོ་ཚེ་ལོ་བརྒྱ་པའི་དུས། །མི་མཇེད་འཛམ་གླིང་རྡོ་རྗེ་གདན་དབུས་སུ། །སྨོན་ལམ་སྟོབས་ཀྱིས་མངོན་པར་རྫོགས་སངས་རྒྱས། །རིགས་ཅན་གསུམ་གྱི་གདུལ་བྱ་རྗེས་སུ་བཟུང༌། །ཆོས་ཀྱི་འཁོར་ལོ་རིམ་པ་གསུམ་དུ་བསྐོར། །རྒྱལ་སྲས་གྲངས་མེད་ལུང་བསྟན་བྱང་ཆུབ་བཀོད། །བསྟན་པའི་རྒྱུན་བཞག་རྒྱལ་ཚབ་ལུང་ཡང་བསྟན། །ས་བཅུའི་དབང་ཕྱུག་སེམས་དཔའ་མཆེད་གཉིས་ལ། །བསྟན་པ་གཏད་ནས་མྱ་ངན་འདའ་ཚུལ་བསྟན། །སྲས་ཀྱི་ཐུ་བོ་

― ZP02_Page_574 ―

^{[མ་དཔེ་གཟིགས་ན་འདིར་གནོན།]}

[Full Size]

འཇམ་དཔལ་གཞོན་ནུ་ཡིས། །རྒྱལ་བས་ལུང་བསྟན་འཕགས་པ་ཀླུ་སྒྲུབ་དང༌། །རྒྱལ་སྲས་མཚུངས་མེད་ཞི་བ་ལྷ་རྗེས་བཟུང༌། །ས་བཅུའི་དབང་ཕྱུག་རྒྱལ་ཚབ་མི་ཕམ་པས། །ཐོགས་མེད་རྗེས་བཟུང་བྱམས་ཆོས་སྡེ་ལྔ་བཤད། །དེ་སླད་བརྒྱུད་པའི་བཀའ་སྲོལ་གསུམ་ཡིན་ཏེ། །ལམ་ཟབ་ལྟ་བ་རྒྱ་ཆེན་སྤྱོད་པའི་སྲོལ། །ཟབ་ཅིང་རྒྱ་ཆེ་རྣམ་གསུམ་རིམ་པ་ལྟར། །ལྟ་བ་དབུ་མ་སྤྱོད་པ་ཕར་ཕྱིན་དྲུག །ས་ལམ་ཏིང་འཛིན་དྲོད་ཚད་གཙོ་བོ་རུ། །རང་རང་གཞུང་གིས་སྟོན་ཕྱིར་དེ་ལྟར་རོ། །དེ་ལྟར་བརྒྱུད་གསུམ་མན་ངག་བདུད་རྩིའི་ཀླུང༌། །རྒྱ་བོད་མཁས་པ་སྟོང་ལས་ལེགས་འོང་བ། །གང་ཐུགས་བུམ་པ་བཟང་པོར་ལེགས་བསྐྱིལ་ནས། །བསྐལ་བཟང་འགྲོ་ལ་རྩོལ་མཁས་རྒྱལ་བའི་སྲས། །ཐུབ་པས་ལུང་བསྟན་ཀུན་མཁྱེན་ཆོས་རྗེ་ཡིན། །དེ་ལས་རིང་བརྒྱུད་སྙན་ནས་སྙན་དུ་དང༌། །ཉེ་བརྒྱུད་དགོངས་པའི་གཏད་རྒྱ་ཐོབ་གྱུར་པ། །བསྟན་པའི་མངའ་བདག་གཏེར་ཆེན་རྣམ་གཉིས་ནས། །རིམ་བརྒྱུད་རྩ་བའི་བླ་མའི་བར་དུའོ། །གཉིས་པ་བྱང་ཆུབ་སེམས་ཀྱི་ཕན་ཡོན་ནི། །རྒྱས་པར་དབྱེ་ན་གྲངས་ལས་འདས་ན་ཡང༌། །མདོ་རུ་བསྡུ་ན་རྣམ་པ་ལྔ་ཡིན་ཏེ། །མིང་དོན་གནས་འགྱུར་མི་དགེའི་གཉེན་པོ་བྱེད། །དགེ་འབྲས་གོང་འཕེལ་ངན་སོང་སྒོ་འཕར་གཅོད། །

― ZP02_Page_575 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་མཁྱེན་རྫོགས་པའི་སངས་རྒྱས་ཐོབ་པའོ། །དང་པོ་གང་ཟག་འཁོར་བའི་སེམས་ཅན་ཞིག །རྒྱལ་བའི་སྲས་ཞེས་མིང་གི་ཅོད་པན་ཐོབ། །འཁོར་བའི་བཙོན་རར་ཉོན་མོངས་འཆིང་བས་བཅིང༌། །བདག་བལྟས་བསྲུང་བའི་ཉམ་ཐག་བཙོན་བུ་དེ། །བྱང་ཆུབ་སེམས་བསྐྱེད་མོད་ལ་སྐད་ཅིག་གིས། །ལྷར་བཅས་འགྲོ་བའི་ཕྱག་གི་ཡུལ་དུ་གྱུར། །གཉིས་པ་ངེས་པའི་སྡིག་པ་ཟིལ་གནོན་ཞིང༌། །མ་ངེས་སྡིག་ལྟུང་ཕྲ་མོ་དྲུང་འབྱིན་པ། །སྐར་མའི་ཚོགས་ལ་ཉི་མའི་དཀྱིལ་འཁོར་དང༌། །རྩ་སྦུར་ཕྲ་ལ་དུས་མཐའི་མེ་བཞིན་ནོ། །གསུམ་པ་སྨོན་པ་བྱང་ཆུབ་སེམས་བསྐྱེད་ལས། །དགེ་འབྲས་འཕེལ་ཆེ་བཟའ་ཤིང་སྡོང་པོ་བཞིན། །བྱང་ཆུབ་བར་དུ་མངོན་མཐོའི་འབྲས་བཟང་དང༌། །མཐར་ཐུག་བསོད་ནམས་མཐའ་ཡས་རྒྱལ་བར་འགྱུར། །འཇུག་སེམས་བསྐྱེད་པས་བསོད་ནམས་དམ་པའི་རྒྱུ། །གོང་འཕེལ་འཇུག་པ་ཐོབ་ལ་མ་ཉམས་པའི། །སེམས་དཔའ་ཆེན་པོ་བག་མེད་གཉིད་ལོག་ཀྱང༌། །ཚོགས་གཉིས་གོང་འཕེལ་བརྩོན་ལྡན་གཞན་ལས་ལྷག །བཞི་པ་བསམ་པ་བཟང་ལྡན་རྒྱལ་བའི་སྲས། །རྣམ་སྨིན་ངན་འགྲོར་འཕེན་པའི་ཀུན་སློང་རྒྱུན། །གཅོད་ཕྱིར་བདེ་ནས་བདེ་བའི་ལམ་འགྲོ་ཡང༌། །གནས་སྐབས་དྲན་པ་ཉམས་དང་བག་མེད་

― ZP02_Page_576 ―

^{[མ་དཔེ་གཟིགས་ན་འདིར་གནོན།]}

[Full Size]

པའི། །དབང་ཕྱིར་གནས་ངན་མཆི་ཡང་བྱང་སེམས་ཀྱི། །རིགས་སད་ཐར་འགྱུར་མཛའ་བོའི་བུ་མོ་བཞིན། །ལྔ་པ་བྱོན་དང་བཞུགས་དང་འབྱུང་འགྱུར་གྱི། །རྒྱལ་བ་ཀུན་དང་རྒྱལ་བའི་སྲས་པོ་ཀུན། །བགྲོད་པ་གཅིག་པའི་ལམ་ཆེན་འདི་ཡིན་ཏེ། །ལམ་མཆོག་འདི་དང་བྲལ་ལ་ཀུན་མཁྱེན་མེད། །དེས་ན་རང་བཞིན་གནས་རིགས་རྒྱལ་བའི་ཁམས། །བྱང་ཆུབ་སེམས་ཀྱི་རྒྱས་འགྱུར་དང་འགྲོགས་པ། །ཆུ་ལུད་དྲོད་གཤེར་འཛོམ་པའི་ས་བོན་བཞིན། །གོང་འཕེལ་རྒྱལ་བའི་ལོ་ཏོག་ཕུན་ཚོགས་འགྱུར། །གསུམ་པ་ངོ་བོ་ཟུར་གཉིས་ལྡན་པ་སྟེ། །ཤེས་རབ་སྟོབས་ཀྱིས་རྫོགས་པའི་བྱང་ཆུབ་དང༌། །སྙིང་རྗེའི་མཐུ་ཡིས་མཐའ་ཡས་འགྲོ་ཁམས་ལ། །དམིགས་ལྡན་གཞན་ཕྱིར་སངས་རྒྱས་ཐོབ་འདོད་བློས། །སྨོན་དང་འཇུག་པའི་བདག་ཉིད་འགྲོ་འདོད་དང༌། །འགྲོ་བ་དངོས་ལྟར་རྣམ་པར་དབྱེ་བའོ། །བཞི་པ་ངེས་ཚིག་རྫོགས་པའི་བྱང་ཆུབ་ཕྱིར། །བྱ་དཀའི་གནས་དང་བསྐལ་ཡུན་འགྲོ་མང་མཐའ། །མི་སྐྱོའི་སེམས་སྟོབས་གོ་ཆ་མཆོག་བགོས་པའི། །དཔའ་བོ་འདི་མཚུངས་སྲིད་ན་གཞན་མེད་ཕྱིར། །ལྔ་པ་དབྱེ་བའི་གནས་ལ་དབྱེ་སྒོ་བདུན། །གཅིག་ཏུ་སྟོང་ཉིད་སྙིང་རྗེའི་སྙིང་པོ་ཅན། །གཉིས་སུ་ཚོགས་གཉིས་

― ZP02_Page_577 ―

^{[མ་དཔེ་གཟིགས་ན་འདིར་གནོན།]}

[Full Size]

བདེན་གཉིས་སྨོན་དང་འཇུག །གསུམ་དུ་ཚུལ་ཁྲིམས་ཏིང་འཛིན་ཤེས་རབ་བསླབ། །བཞི་རུ་ཚོགས་སྦྱོར་ལམ་དང་མ་དག་ས། །དག་ས་སངས་རྒྱས་ས་ན་གོ་རིམ་བཞིན། །མོས་སྤྱོད་ལྷག་བསམ་རྣམ་དག་རྣམ་པར་སྨིན། །ཐུགས་རྗེ་ཆེན་པོ་སྒྲིབ་ཀུན་སྤངས་པའོ། །ལྔ་རུ་ལམ་ལྔར་ལས་དང་པོ་དང་ནི། །ཡོངས་སུ་སྦྱང་བྱས་ཆོས་མཐོང་རྣམ་པར་གྲོལ། །བསམ་གྱིས་མི་ཁྱབ་པ་ཡི་སེམས་བསྐྱེད་རིམས། །དྲུག་ཏུ་ཕྱིན་དྲུག་ལ་ལྟོས་སེམས་བསྐྱེད་དྲུག །བདུན་པ་ས་མཚམས་དབྱེ་བ་ཉི་ཤུ་གཉིས། རེ་རེའང་དཔེ་གྲོགས་ཆོས་མཐུན་གསུམ་གསུམ་མོ། །དྲུག་པ་ལེན་ཚུལ་དགེ་བའི་བཤེས་ལས་དང༌། །རང་གི་སྟོབས་ཀྱིས་སྲས་བཅས་རྒྱལ་ལས་སོ། །དང་པོ་སྔོན་འགྲོ་དངོས་གཞི་རྗེས་དང་གསུམ། །སྔོན་འགྲོ་ཁྱད་པར་བཞི་དང་ལྡན་པ་སྟེ། །དང་པོ་ལེན་ཡུལ་བཤེས་གཉེན་ཁྱད་པར་ཅན། །དེ་ལ་མཎྜལ་ཕུལ་ཞིང་གསོལ་བ་གདབ། །གཉིས་པ་བློ་སྦྱོང་གདམས་ངག་ཁྱད་པར་ཅན། །སྲིད་མཐར་སྐྱོ་བསྐྱེད་ཞི་མཐར་ཞེན་པ་དགག །མཐའ་གཉིས་སྤངས་པའི་ལམ་ལ་བསྔགས་པ་བརྗོད། །གསུམ་པ་སྐྱེ་རྒྱུ་ཐབས་ལམ་ཁྱད་པར་ཅན། །ཡན་ལག་བདུན་གྱིས་ཚོགས་གཉིས་རྒྱ་ཆེན་བསགས། །བཞི་པ་སྡོམ་རྩ་རྟེན་མཆོག་ཁྱད་པར་ཅན། །ཡུལ་དང་དུས་མཚམས་གང་

― ZP02_Page_578 ―

^{[མ་དཔེ་གཟིགས་ན་འདིར་གནོན།]}

[Full Size]

གི་ཆེད་ཡིན་པ། །ཐུན་མིན་གསུམ་ལྡན་སྐྱབས་འགྲོས་གཞི་བཟུང་ངོ༌། །གཉིས་པ་དངོས་གཞི་དགོངས་སུ་གསོལ་བ་གསུམ། །སྔོན་འགྲོ་སྨོན་དང་འཇུག་པ་སྟབ་གཅིག་བླང༌། །གསུམ་པ་མཇུག་ཏུ་བདག་གཞན་དགའ་བ་བསྒོམ། །རང་གིས་བླང་ཚུལ་རྒྱལ་བ་སྲས་དང་བཅས། །ཐོགས་མེད་མཁྱེན་ལྡན་མཐའ་ཡས་འགྲོ་ལ་དགོངས། །ཡུལ་དེར་ཡན་ལག་བདུན་བྱ་སྡོམ་པ་བླང༌། །དགའ་བ་སྒོམ་ཞིང་སྨོན་ལམ་གདབ་པའོ། །བདུན་པ་བསླབ་བྱ་བསྲུང་ཐབས་སྲུང་བྱ་གཉིས། །སྲུང་ཐབས་དྲན་པ་དང་ནི་ཤེས་བཞིན་གཉིས། །འདི་མེད་བསླབ་གསུམ་བསྲུང་བར་འདོད་པ་དེ། །གོ་མཚོན་མེད་པའི་དཔའ་བོ་གཡུལ་འཇུག་འདྲ། །ངན་འགྲོའི་གཡང་སར་རང་སྲོག་བརླག་པར་ཟད། །དང་པོ་དྲན་པ་ཐོས་བསམ་བསྒོམ་པའི་ཆོས། །མི་བརྗེད་རང་གི་རྒྱུད་དང་འདྲིས་བྱ་ཞིང༌། །ཁྱད་པར་བསླབ་བྱའི་གནས་ཀུན་ལེགས་བསླབས་ཏེ། །ཡང་ཡང་བསྔོ་བགྲང་བྱ་ཞིང་དྲན་གསོའོ། །གཉིས་པ་ཤེས་བཞིན་སྤྱོད་ལམ་དུས་ཀུན་ཏུ། །བདག་གི་ཅི་བྱས་སེམས་འདི་དགེ་འམ་མིན། །རྒྱལ་བའི་སྲས་ཀྱི་སྤྱོད་ལས་མ་ཉམས་སམ། །ཡང་དང་ཡང་བརྟག་རང་རྒྱུད་བྱ་ར་བྱ། །གཉིས་པ་བསྲུང་བྱ་སྡོམ་སྡུད་དོན་བྱེད་གསུམ། །དང་པོ་ཉེས་སྤྱོད་སྡོམ་པའི་ཚུལ་ཁྲིམས་ནི། །རྩ་ལྟུང་བསྲུང་

― ZP02_Page_579 ―

^{[མ་དཔེ་གཟིགས་ན་འདིར་གནོན།]}

[Full Size]

དང་དེ་ཡི་ཡན་ལག་གོ །རྩ་ལྟུང་གཅིག་བཞི་བཅོ་བརྒྱད་རིམ་པ་ལྟར། །ཐབས་ལ་མཁས་དང་བྱང་ཆུབ་སེམས་དཔའི་ས། །ནམ་མཁའི་སྙིང་པོའི་མདོ་ཡི་རྗེས་སུ་འབྲང༌། །དང་པོ་སྨོན་སེམས་མི་གཏོང་བསྲུང་བ་སྟེ། །མཐའ་ཡས་འགྲོ་བ་སངས་རྒྱས་ཉིད་ཐོབ་ཕྱིར། །བདག་གི་དགེ་ཚོགས་བསྒྲུབ་ཅིང་མི་དགེ་སྤོང༌། །སྙམ་པ་མི་བརྗེད་དམ་པ་གསུམ་འབྲེལ་བར། །དགེ་ཚོགས་གང་འགྲུབ་སྒྲུབ་ལས་གཞན་ཡོད་མིན། །དོན་འདི་བསླབ་པ་ཀུན་གྱི་སྡོམ་གཅིག་སྟེ། །ཤེས་སླ་དོན་འདུས་གནད་ཟབ་ཕུལ་དུ་བྱུང༌། །མཚུངས་བྲལ་དྲིན་ཆེན་བླ་མའི་མན་ངག་ལས། །དོན་འདི་ཁོ་ན་རྩལ་དུ་བཏོན་ནས་གསུངས། །གཉིས་པ་སེར་སྣ་འདོད་ཆགས་ཁོང་ཁྲོ་དང༌། །གཏི་མུག་ཀུན་སློང་བཞི་ཡིས་རིམ་པ་བཞིན། །ཆོས་ནོར་མི་སྟེར་བདག་བསྟོད་གཞན་ལ་སྨོད། །བརྡེག་བཙོག་བྱེད་དང་ཤད་སྦྱང་ལེན་མི་བྱེད། །ཡང་དག་ཆོས་སྤོངས་ཆོས་མིན་སྟོན་པའོ། །གསུམ་པ་རྒྱལ་བློན་ཕལ་ལ་འབྱུང་ཉེ་བའི། །ལྟུང་བའི་རྣམ་གྲངས་ལྔ་ལྔ་བརྒྱད་རིམ་བཞིན། །དང་པོ་དཀོན་མཆོག་དཀོར་འཕྲོག་ཆོས་སྤོང་ལས། །ཚུལ་ལྡན་ཚུལ་འཆལ་ཁྲིམས་གཅོད་བསླབ་འདེབས་སོགས། །མཚམས་མེད་ལས་བྱེད་ལོག་ལྟ་ལྔ་ཡིན་

― ZP02_Page_580 ―

^{[མ་དཔེ་གཟིགས་ན་འདིར་གནོན།]}

[Full Size]

ནོ། །གཉིས་པ་སྔ་མ་ལྔ་ལས་ལོག་ལྟ་ཕྲི། །དེ་ཚབ་གྲོང་ལྗོང་གྲོང་ཁྱེར་གྲོང་བརྡལ་དང༌། །ཡུལ་འཁོར་འཇོམས་པ་གཅིག་བརྩིས་བསྣན་པའོ། །གསུམ་པ་བློ་མ་སྦྱང་ལ་སྟོང་ཉིད་སྟོན། །རྫོགས་པའི་བྱང་ཆུབ་ཕྱིར་བཟློག་ཐེག་དམན་བཅུག །སོ་སོར་ཐར་པ་སྤངས་ནས་སེམས་བསྐྱེད་སློབ། །ཉན་རང་ཐེག་པར་རང་འབྲས་མེད་པར་འཛིན། །རྙེད་བཀུར་རྒྱུ་ཡིས་བདག་བསྟོད་གཞན་ལ་སྨོད། །རང་གི་ཟབ་དོན་མ་རྟོགས་རྟོགས་རྫུན་བྱེད། །དགེ་སློང་ཆད་པས་གཅོད་འཇུག་སུག་འབུལ་ལེན། །སྤང་བའི་ལོངས་སྤྱོད་ཁ་ཏོན་པ་ལ་སྦྱིན། །དེ་ལྟར་རྩ་ལྟུང་ཚུལ་རྣམས་ལེགས་བསྲུང་ཤིང༌། །ཉམས་ན་བཅོས་ཚུལ་རབ་འབྲིང་ཐ་མ་གསུམ། །རབ་ཀྱིས་སྟོང་ཉིད་ལྟ་བའི་ངང་ལ་བཤགས། །སྡིག་ལྟུང་རང་བཞིན་མེད་ཤེས་འགྱོད་ཚངས་མཆོག །འབྲིང་གིས་རིག་སྔགས་ལྷ་ལ་གསོལ་བ་གདབ། །དེ་ཡང་ཉིན་མོ་གསོ་སྦྱོང་སྡོམ་པ་བླང༌། །བྱང་ཆུབ་སེམས་དཔའ་ནམ་མཁའི་སྙིང་པོ་ལ། །གཅིག་ཏུ་མོས་པའི་གསོལ་འདེབས་རྒྱུད་བསྐུལ་འབད། །ཐོ་རངས་བདག་གི་ལྟུང་བ་སྦྱང་བའི་ཕྱིར། །རྨི་ལམ་སྤྲུལ་པ་སྟོན་ཞེས་གསོལ་བཏབ་ཉལ། །བྱང་སེམས་སྤྲུལ་པས་ལྟུང་ལས་ལྡང་བར་བྱེད། །དེ་ལྟར་མ་བྱུང་སྐྱ་རེངས་འཆར་བའི་དུས། །སྐྱ་རེངས་

― ZP02_Page_581 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྲིན་གསོལ་སྔར་བཞིན་བཤགས་པས་དག །ཐ་མས་གཉེན་པོ་སྟོབས་བཞི་ཚང་བ་ཡི། །ཕུང་པོ་གསུམ་པ་ལ་སོགས་འགྱོད་བཤགས་བྱ། །དངོས་སུ་བྱང་སེམས་དགེ་འདུན་ཚོགས་པའི་དབུས། །ནོངས་པ་བསྒྲགས་ནས་མཐོལ་བཤགས་སྒོ་ནས་བཤགས། །གང་ཡང་སྡོམ་པ་གསར་དུ་བླང་བར་བྱ། །གཉིས་པ་དེ་ཡི་ཡན་ལག་དུས་ཀུན་ཏུ། །རང་དང་གཞན་ལ་འཕྲལ་ཡུན་གནོད་པའི་ལས། །མ་ལུས་སྙིང་ནས་བརྟགས་ཏེ་སྤངས་བར་བྱ། །གཉིས་པ་དགེ་བ་ཆོས་སྡུད་ཚུལ་ཁྲིམས་ལ། །སྨོན་འཇུག་གཉིས་ལས་སྨོན་པའི་བསླབ་བྱ་ལྔ། །དང་པོ་སེམས་ཅན་བློས་མི་བཏང་བ་ནི། །འགྲོ་བའི་རིགས་གཏོགས་གང་ཡང་རུང་གཅིག་ལ། །གནོད་པ་སྤོང་དང་ཕན་འདོགས་ནུས་པའི་སྐབས། །བྱུང་ཡང་མི་བྱེད་སྙམ་དུ་དམ་བཅའ་བའི། །བློ་སྐྱེས་སྨོན་སེམས་རྩད་ནས་གཏོང་འགྱུར་ཕྱིར། །གནས་སྐབས་ཁྲོ་བའི་དབང་དུ་གྱུར་ན་ཡང༌། །ཕུགས་སུ་བསམ་པ་བཟང་པོའི་སྨོན་ལམ་གདབ། །སེམས་ཅན་ཀུན་དོན་བསྒྲུབ་སྙམ་འབྲལ་མི་བྱ། །གཉིས་པ་སེམས་བསྐྱེད་ཕན་ཡོན་དྲན་པ་ནི། །རྒྱས་པར་ཕལ་པོ་ཆེ་ལས་འབྱུང་བ་དང༌། །འབྲིང་དུ་སྤྱོད་འཇུག་ལེའུ་དང་པོའི་དོན། །མདོར་བསྡུས་བྱམས་སྨོན་ལས་བྱུང་ཚིགས་

― ZP02_Page_582 ―

^{[མ་དཔེ་གཟིགས་ན་འདིར་གནོན།]}

[Full Size]

བཅད་སོགས། །ཤེས་བྱས་ཡང་དང་ཡང་དུ་དེ་དོན་བསམ། །མདོར་ན་སྲིད་ཞིའི་བདེ་ལེགས་ཇི་སྙེད་པ། །བྱང་ཆུབ་སེམས་ཀྱི་མཐུ་ལས་བྱུང་བའི་ཚུལ། །དུས་ཀུན་མི་བརྗེད་དྲན་པས་ངེས་ཤེས་བསྐྱེད། །གསུམ་པ་བྱང་ཆུབ་སེམས་ཀྱི་སྟོབས་བསྐྱེད་པ། །ཕྱག་མཆོད་ལ་སོགས་ཡན་ལག་བདུན་པ་དང༌། །ཆོས་སྤྱོད་བཅུ་སོགས་དམིགས་མེད་ལྟ་བའི་རྩིས། །ཟིན་པའི་བསོད་ནམས་ཡེ་ཤེས་ཚོགས་གཉིས་བསགས། །བཞི་པ་སེམས་སྦྱོང་པ་ལ་རྣམ་པ་གསུམ། །རྒྱུ་ལ་སྦྱོང་བ་ཚད་མེད་རྣམ་བཞི་སྟེ། །དང་པོ་དམིགས་ཡུལ་བདེ་འདོད་སྡུག་བསྔལ་ཅན། །བདེ་ལྡན་ཆགས་སྡང་ཅན་བཞིར་རིམ་པ་བཞིན། །ལྡན་འདོད་བྲལ་འདོད་མི་འབྲལ་ཞི་འདོད་པའི། །སེམས་ཅན་ཆོས་དམིགས་དམིགས་པ་མེད་པ་བསྒོམ། །སེམས་དངོས་སྦྱོང་བ་ཉིན་མཚན་དུས་དྲུག་གི །ཉིན་རེ་བཞིན་དུ་བྱང་སྡོམ་ལེན་པ་ཡིན། །ཆོ་ག་རྒྱས་བསྡུས་གང་ཡང་རུང་བ་ཡིས། །མི་ཆགས་བྱང་ཆུབ་སེམས་སྡོམ་བསྐྱར་ཞིང་བླང༌། །བསླབ་བྱ་ལ་སྦྱང་བདག་གཞན་མཉམ་པ་དང༌། །བརྗེ་བ་བདག་པས་གཞན་གཅེས་བསྒོམ་པ་གསུམ། །དང་པོ་བདག་དང་འགྲོ་ཀུན་བློ་མཐུན་པར། །བདེ་འདོད་སྡུག་བསྔལ་མི་འདོད་མཚུངས་པ་ལ། །

― ZP02_Page_583 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་བཞིན་གཞན་ལ་མི་སེམས་ཚུལ་མིན་གྱིས། །དེས་ན་བདག་དང་འགྲོ་ཀུན་མཚུངས་པ་རུ། །ཕན་པ་བསྒྲུབ་ཅིང་གནོད་པ་སྤོངས་ལ་བརྩོན། །གཉིས་པ་བདག་གི་བདེ་དགེ་ཇི་སྙེད་པ། །གོས་ཕུད་བཞིན་དུ་འགྲོ་ཀུན་ལ་སྦྱིན་ཞིང༌། །འགྲོ་བའི་སྡིག་སྡུག་བདག་གིས་ལེན་པ་སོགས། །བདག་གཞན་གོ་ས་སྤོས་ལ་ཡང་ཡང་བསྒོམ། །གསུམ་པ་རང་དོན་བསྒྲུབ་བློ་ཀུན་སྤང་ནས། །དངོས་སུ་ལུས་དང་སྲོག་དང་ལོངས་སྤྱོད་ཀྱིས། །འགྲོ་བའི་ཉེར་འཚོ་མ་ལུས་བསྒྲུབ་བྱ་ཞིང༌། །བྱ་དཀའ་རྒྱལ་སྲས་སྤྱོད་ལ་སློབ་པའོ། །ལྔ་པ་སྐྱེ་དང་ཚེ་རབས་ཐམས་ཅད་དུ། །མི་བརྗེད་བྱང་ཆུབ་སེམས་མཆོག་དྲན་པའི་རྒྱུ། །དཀར་ནག་ཆོས་བརྒྱད་བླང་དོར་བྱ་བ་སྟེ། །མཆོད་འོས་བསླུ་དང་འགྱོད་མེད་འགྱོད་པ་བསྐྱེད། །དམ་པར་སྐུར་འདེབས་འགྲོ་ལ་གཡོ་རྒྱུ་སྤྱོད། །ནག་ཆོས་བཞི་སྤངས་ཤེས་བཞིན་རྫུན་མི་སྨྲ། །འགྲོ་ཀུན་ཐེག་ཆེན་ལ་གཞུག་རྒྱལ་སྲས་གུས། །ཀུན་ལ་རྒྱུ་དྲང་གཡོ་མེད་ངེས་པར་བསླབ། །གཉིས་པ་འཇུག་པའི་བསླབ་བྱ་ཕར་ཕྱིན་དྲུག །སྦྱིན་ཚུལ་བཟོད་བརྩོན་བསམ་གཏན་ཤེས་རབ་སྟེ། །ངོ་བོ་ཁྱད་ཆོས་བཞི་ལྡན་དག་པའི་ཚོགས། །བསྒྲུབ་ཚུལ་བཞི་བསྒྲུབ་ཆགས་པ་བདུན་པོ་སྤོངས། །དམ་པ་གསུམ་གྱིས་ཟིན་པར་

― ZP02_Page_584 ―

^{[མ་དཔེ་གཟིགས་ན་འདིར་གནོན།]}

[Full Size]

ཉམས་སུ་བླང༌། །ཁྱད་ཆོས་མི་མཐུན་ཕྱོགས་ཉམས་མི་རྟོགས་ལྡན། །འདོད་པ་ཀུན་རྫོགས་ཐེག་གསུམ་ལམ་ལ་འགོད། །ཡོན་ཏན་རྒྱ་ཆེ་བ་དང་ཟང་ཟིང་མེད། །དོན་ཆེ་བ་དང་མི་ཟད་པ་བཞིར་ལྡན། །ཆགས་པ་མི་མཐུན་ཕྱི་བཤོལ་ཆོག་པར་འཛིན། །ལན་དང་རྣམ་སྨིན་མི་མཐུན་ཕྲ་མོ་དང༌། །རྣམ་པར་གཡེང་ལ་ཆགས་པ་སྤང་བྱ་ཞིང༌། །སྦྱོར་བ་སེམས་བསྐྱེད་དངོས་གཞི་དམིགས་པ་མེད། །བསྔོ་བས་རྒྱས་ཐེབས་དམ་པ་གསུམ་ལྡན་བྱ། །གསུམ་པ་སེམས་ཅན་དོན་བྱེད་ཚུལ་ཁྲིམས་ལ། །དབྱེ་བ་མང་ཡང་བསྡུ་ན་བསྡུ་དངོས་བཞི། །སྦྱིན་པས་འཁོར་བསྡུས་དམ་ཆོས་སྙན་པར་བཤད། །དོན་སྤྱོད་སྒྲུབ་གཞུག་དོན་མཐུན་རང་གིས་སློབ། །དེ་ལྟར་བརྩོན་པས་ཉམས་སུ་བླང་བྱས་ན། །གནས་སྐབས་ཕན་བདེ་ཀུན་འདུ་གནོད་སྡུག་སྤོངས། །ལམ་ལྔ་ས་བཅུའི་སྤངས་རྟོགས་མངོན་བྱས་ནས། །མཐར་ཐུག་རྣམ་མཁྱེན་རྫོགས་པའི་སངས་རྒྱས་ཐོབ། །རྒྱལ་བའི་སྲས་ཀྱི་སྤྱོད་པ་རྒྱ་མཚོའི་མཐའ། །ནམ་མཁའི་མཐའ་དང་སེམས་ཅན་མཐའ་ཡས་པའི། །བློ་མཐའི་རྗེས་འགྲོ་ཚད་བཟུང་མི་འོས་ཀྱང༌། །དང་པོའི་ལས་ཅན་གང་ལ་བསླབ་པའི་གནས། །གལ་འགགས་ཆེ་རྣམས་འདི་རུ་ཅུང་ཟད་བསྟན། །

― ZP02_Page_585 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་དགེ་དྲི་མེད་ཟླ་བ་ལྟར་དཀར་བས། །མ་ལུས་འགྲོ་རྒྱུད་ཐེག་མཆོག་སྣོད་རུང་ཞིང༌། །རྒྱལ་བའི་ལམ་ལ་བརྩོན་པ་མཐར་བྱས་ནས། །སྐྱེ་དགུའི་འདྲེན་པ་རྒྱལ་བའི་དབང་པོར་ཤོག །བདག་ཀྱང་དེང་ནས་སྐྱེ་དང་ཚེ་རབས་སུ། །མཚུངས་མེད་དྲིན་ཆེན་བླ་མའི་བཀའ་འཁོར་དུ། །སྐྱེས་ནས་ཆོས་ཀྱི་བདུད་རྩིར་ལོངས་སྤྱོད་ཅིང༌། །ཐོས་བསམ་སྒོམ་པའི་དགའ་བས་འདའ་གྱུར་ཅིག །རྒྱལ་བའི་སྲས་ཀྱི་བསླབ་བྱ་མདོར་བསྡུས་པ། ཐེག་པ་མཆོག་ལ་སློབ་པར་འདོད་པའི་སྐལ་བཟང་མཆེད་ཀྱི་བཞེད་བཞིན་རྨོངས་པ་ཨ་བུ་ལྷོད་པོས་འཕྲལ་དུ་བྲིས་པ་དགེའོ།། །།མངྒ་ལམ།། །།

མདོ་སྡེ་རྒྱན་གྱི་དོན་བསྡུས་འཕགས་པའི་དགོངས་རྒྱན།

― ZP02_Page_587 ―

^{[མ་དཔེ་གཟིགས་ན་འདིར་གནོན།]}

[Full Size]

མདོ་སྡེ་རྒྱན་གྱི་དོན་བསྡུས་འཕགས་པའི་དགོངས་རྒྱན་བཞུགས་སོ།། །།

― ZP02_Page_588 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱ་གར་སྐད་དུ། སཱུ་ཏྲ་ལམ་ཀ་ར༌། བོད་སྐད་དུ། མདོ་སྡེ་རྒྱན་གྱི་དོན་བསྡུས་པ། འཕགས་པ་བྱམས་པ་ལ་ཕྱག་འཚལ་ལོ། །མ་བཤད་པའི་སྐྱོན་དང༌། བཤད་པའི་སྐྱོན་དང༌། ཕྱིན་ཅི་ལོག་ཏུ་བཤད་པའི་སྐྱོན་གསུམ་དང་བྲལ་བར་བཤད་པར་བྱའོ། །དེ་ནི་སྟོན་པ་དང༌། སྟོན་པའི་ཚིག་དང༌། བསྟན་པར་བྱ་བའི་ཆོས་དང༌། བསྟན་པར་བྱ་བའི་ཐབས་བླ་ན་མེད་པའོ། །དང་པོ་ལ་སྟོན་པའི་དབྱེ་བ་དང༌། སེར་སྣ་འགགས་པ་དང༌། ཆོས་བསྟན་པ་དོན་ཡོད་པ་དང་གསུམ་མོ། །རྒྱལ་སྲས་ཚིག་ནི་མི་ཞན་དང༌། ཞེས་བྱ་བ་ལ་སོགས་པ་ཚིག་བརྒྱད་ཀྱིས་སྟོན་པའི་ཚིག་གོ །རྒྱལ་བ་བྱམས་པས་བཤད་པའི་མདོ་སྡེ་རྒྱན་བསྟན་པར་བྱ་བའི་ཆོས་ནི་གཅིག་

― ZP02_Page_589 ―

^{[མ་དཔེ་གཟིགས་ན་འདིར་གནོན།]}

[Full Size]

སྟེ། ཉེས་པ་བརྒྱད་ཀྱི་གཉེན་པོ་ཐེག་པ་མཆོག་གོ །དེ་བསྟན་པར་བྱ་བའི་ཐབས་བླ་ན་མེད་པ་ལ་གཉིས་ཏེ། ཟབ་པ་དང༌། རྒྱ་ཆེ་བའོ། །དེ་ཡང་རྣམ་པ་གསུམ་དང་ལྡན་པའི་དབང་དུ་བྱས་ནས་བཤད་དེ། སྒྲ་ནི་ངེས་པར་རྟོག་པའི་དབང་དུ་བྱས་ནས་བཤད་པ་དང༌། སྒྲུབ་པ་ཉམས་སུ་ལེན་པའི་དབང་དུ་བྱས་ནས་བཤད་པ་དང༌། བྱང་ཆུབ་སེམས་རིགས་དང་ལྡན་པའི་དབང་དུ་བྱས་ཏེ་བཤད་པའོ། །དེ་ཡང་སྡེ་སྣོད་གསུམ་དུ་བསྡུས་ནས་རྣམ་པ་བཞིའི་སྒོ་ནས་བཤད་པ་ཡིན་ནོ། །དེ་ལྟར་གཞུང་གི་དོན་བསྡུ་ན་རྣམ་པ་ལྔ་ཡིན་ཏེ། བསྒྲུབ་པར་བྱ་བ་དང༌། བྱེ་བྲག་ཏུ་ཤེས་པར་བྱ་བ་དང༌། བསམ་པར་བྱ་བ་དང༌། བསམ་གྱིས་མི་ཁྱབ་པ་དང༌། ཡོངས་

― ZP02_Page_590 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་གྲུབ་པ་མཐར་ཐུག་པའི་དོན་ཏོ། །མིང་རྒྱུ་མཚན་ལ་སོགས་པ་ལྔ་ནི་མི་བཞག་སྟེ། གཞུང་ནས་བརྗོད་བྱར་མ་བཞག་པ་དང༌། འབྱོར་བའི་ཚུལ་བླ་ན་མེད་པ་མ་ཡིན་པའི་ཕྱིར་རོ། །འོ་ན་གང་ཞེ་ན། འབྱོར་བའི་དོན་ཚུལ་བླ་མེད་གྱུར་པ་ལྔ་ཡི་བདག་ཉིད་སྟོན་པར་བྱེད། །ཅེས་གོང་མ་དང་སྦྱར་བ་དང༌། འོག་མ་དང་སྦྱར་བ་གཉིས་བྱམས་པའི་དགོངས་པ་ཡིན་ལ། གོང་མ་དང་སྦྱར་བ་ནི་རྒྱུད་བླ་མ་བརྒྱུད་པ་ལས་ཤེས་ཏེ། དེ་དབྱིག་གཉེན་གྱིས་འོག་མ་དང་སྦྱར་བའི་བཤད་པ་འདི་ཡིན་ཏེ། གང་ལ་བསླབ་པར་བྱ་བའི་ཡུལ་ཐེག་པ་ཆེན་པོ་བཀར་བསྒྲུབ་པ་དང༌། སེམས་བསྐྱེད་ཀྱི་ཡུལ་སྐྱབས་འགྲོ་མཆོག་ཏུ་བསྒྲུབ་པ་དང༌། ཉེ་བར་ལེན་པའི་རྒྱུ་ཐེག་པ་ཆེན་པོའི་རིགས་བསྒྲུབ་པ་བསྟན་ཏེ་བསྒྲུབ་པར་བྱ་བ་གསུམ་དུ་བསྡུས་པ་ཡིན་ནོ། །བྱེ་བྲག་ཏུ་ཤེས་པར་བྱ་བ་ནི་གཉིས་ཏེ། སེམས་བསྐྱེད་དང༌། རང་དང་གཞན་གྱི་དོན་ཕུན་སུམ་ཚོགས་པ་བྱེ་བྲག་ཏུ་ཤེས་པར་བྱའོ། །བསམ་པར་བྱ་བ་ནི་གཉིས་ཏེ། ཟབ་པ་དེ་ཁོ་ན་ཉིད་དང༌། རྒྱ་ཆེ་བའི་ཐབས་ལ་མཁས་པའི་དེ་ཁོ་ནའོ། །བསམ་གྱིས་མི་ཁྱབ་པ་ལ་གཉིས་ཏེ། མངོན་པར་ཤེས་པ་ལ་སོགས་པའི་མཐུ་བསམ་གྱིས་མི་ཁྱབ་པ་དང༌། དགའ་བ་དང་དད་པ་ལ་སོགས་པ་བདག་དང་གཞན་ཡོངས་སུ་སྨིན་པ་བསམ་གྱིས་མི་ཁྱབ་པའོ། །ཡོངས་སུ་གྲུབ་པའི་དོན་ནི་གཅིག་སྟེ། མངོན་པར་བྱང་ཆུབ་པར་མཐར་ཐུག་པ་ཉིད་དོ། །འདི་ནི་ཇི་ལྟར་ཤེས་པར་

― ZP02_Page_591 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ་བ་གང་ཡིན་ཞེ་ན། སྒྲུབ་པའི་སྐབས་ཞེས་སྨོས་པའི་ཕྱིར། །མཐར་ཡང་ཉེས་པ་ཀུན་གྱི་དྲི་མེད་པ། །རྣམ་པ་ཐམས་ཅད་མཁྱེན་ཉིད་འཐོབ། །རིན་ཆེན་སྣོད་ནི་བྱེ་བ་ལྟར། །སངས་རྒྱས་ཉིད་ནི་ཡང་དག་བསྟན། །ཞེས་འབྱུང་བའི་ཕྱིར་རོ། །དེ་ཉིད་ཀྱི་ཕྱིར་ན། སྡོམ་དང་པོ་སོགས་ནས་བྱང་ཆུབ་པོ་ཞེས་ཚིགས་སུ་བཅད་ནས་གང་ལ་བསླབ་པར་བྱ་བའི་ཡུལ་ཡོངས་སུ་རྫོགས་པའི་དོན་བསྟན་པའོ། །དེ་ལ་ཇི་ལྟར་བསླབ་པར་བྱ་ཞེ་ན། མོས་པ་སོགས་ནས་བསྟན་པ་ཡིན། །ཞེས་བྱ་བ་གསུངས་ཏེ། མགོན་པོ་ནས་ཆུ་བོའི་འགྲོས་ལྟ་བུའི་བཤད་པ་འདི་ཡིན་ཏེ། ཐོག་མར་ཐེག་པ་ཆེན་པོ་མཆོག་ཏུ་གྲུབ་པ་ལས་བརྩོམ་ནས་མོས་པ་འབྱུང་ངོ༌། །མོས་པ་ལས་ཆོས་ཚོལ་བ་འབྱུང་ངོ༌། །དེ་སྟོན་པར་བྱེད་པ་དགེ་བའི་བཤེས་གཉེན་ལ་རག་ལས་པས་ཆོས་སྟོན་པའོ། །དེ་ནས་སྒྲུབ་པ་ནན་ཏན་དུ་བྱ་བ་ཡིན། བསྒྲུབ་པའི་སྐབས་ཞེས་རང་མིང་ནས་སྨོས་པའི་ཕྱིར་བསྒྲུབ་པར་བྱ་བའི་དོན་ཡིན་ནོ། །བྱེ་བྲག་ཏུ་ཤེས་པར་བྱ་བ་ནི། ཡང་དག་པར་གདམ་ངག་དང་རྗེས་སུ་བསྟན་པ་ཡིན་ནོ། །བསམ་པར་བྱ་བ་དེ་ཁོ་ན་ཉིད་ཟབ་པ་དང༌། རྒྱ་ཆེ་བའི་ཐབས་ལ་མཁས་པའི་སྐབས་སོ། །ཐབས་ཀྱང་རྣམ་པ་གསུམ་སྟེ། བསྡུ་བའི་དངོས་པོ་བཞི་དང་ཐབས་དང་ལྡན་པའི་ཕ་རོལ་ཏུ་ཕྱིན་པ་དྲུག་དང༌། ཚད་མེད་པ་བཞིས་བསྡུས་པས་དཀོན་མཆོག་མཆོད་པ་ལ་སོགས་པ་བསྟན་པ་དང༌། ལས་གྱིས་བསྡུས་པས་བྱང་ཆུབ་ཀྱི་

― ZP02_Page_592 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་མཐུན་ཆོས་བསྟན་པའོ། །བསམ་གྱིས་མི་ཁྱབ་པ་ནི་ཡོན་ཏན་གྱི་སྐབས་སོ། །ཡོངས་སུ་གྲུབ་པ་རྟོགས་པའི་དོན་སོ་སོར་རང་གི་རིག་པར་བྱ་བ་ནི་མཐར་ཐུག་པའི་སྐབས་ཡིན་ཏེ། དེ་ལྟར་ན་བསྟན་བཅོས་ཀྱི་ལུས་ཡོངས་སུ་རྫོགས་པ་མདོར་བཞག་པ་དང༌། དཔེ་ལྔས་མཚོན་ནས་བཀོད་པ་འོག་མ་དང་མ་སྦྱར་བ་ཡིན་ནོ། །གོང་མ་དང་སྦྱར་བ་རྟོགས་པ་བརྒྱུད་དེ་འོངས་པ་འདི་ཡིན་ཏེ། ཐེག་པ་ཆེན་པོ་འབྱོར་བའི་དོན་ཚུལ་བླ་ན་མེད་པ་ལྔ་སྟེ་གང་ཞེ་ན། རིགས་མཆོག་དང་ལྡན་པའི་གང་ཟག་དོན་ཤེས་པར་ནུས་པ་ལ་ཕྱིན་ཅི་མ་ལོག་པར་དོན་སྟོན་པ་དང༌། སྟོན་པའི་ཚིག་དྲི་མ་མེད་པ་བསྟན་པ་དང༌། འགྲོ་བ་ལྔ་པོ་སྡུག་བསྔལ་ལས་བསྒྲལ་ཆེད་ཡིན་པ་དང༌། དེའི་རྒྱུ་སྙིང་རྗེ་ཆེན་པོ་དང་ལྡན་པའི་བདག་ཉིད་དང༌། བསྟན་པར་བྱ་བའི་ཆོས་ཐེག་པ་ཆེན་པོ་གྱུར་པའོ། །དེ་ལྔ་ནི་ཚིག་བཅད་དང་པོའི་དོན་ཏེ། དཔེ་ལྔས་མཚོན་པའི་དོན་ལྔ་སྟེ། མདོར་བསྟན་པའོ། །དེ་ལྔའི་རྒྱས་པར་བཤད་པ་འདི་ཡིན་ཏེ། དོན་ཤེས་ཀྱི་རྒྱས་བཤད་ནི་དམིགས་པར་བྱ་བའི་ཡུལ་ཐེག་པ་ཆེན་པོའི་རྒྱུ་འབྲས་བུ་དང་བཅས་པའི་བྱང་ཆུབ་ཀྱི་སྐབས་ཀྱི་བར་རོ། །དོན་སྟོན་གྱི་རྒྱས་བཤད་ནི་ཐེག་པ་ཆེན་པོ་ལ་མོས་པ་ཆོས་ཚོལ་བ་ཇི་ལྟ་བ་བཞིན་དུ་སྟོན་པའི་སྐབས་སོ། །རབ་ཏུ་བྱེད་པ་དག་དང༌། ཚིག་རྣམས་དྲི་མེད་ཀྱི་རྒྱས་བཤད་ནི། རྒྱལ་སྲས་ཚིག་ནི་མི་ཞེན་པ་ནས་ཡན་ལག་དྲུག་ཅུ་བསམ་གྱིས་མི་ཁྱབ་ཀྱི་བར་རོ། །སྡུག་བསྔལ་བསྒྲལ་ཕྱིར་གྱི་རྒྱས་

― ZP02_Page_593 ―

^{[མ་དཔེ་གཟིགས་ན་འདིར་གནོན།]}

[Full Size]

བཤད་ནི། སྒྲུབ་པའི་སྐབས་ནས་ཚད་མེད་པ་རྣམ་པར་དབྱེ་བའི་འགྲོ་ལ་སྙིང་རྗེའི་ཕྱིར་ཏེ། དེ་ཡི་བདག་ཉིད་ཀྱི་རྒྱས་བཤད་ནི། རྣམ་པར་དབྱེ་བ་ལས་བརྩམས་ཡན་ཆད་དོ། །ཐེག་མཆོག་བསྟན་པའི་རྣམ་པ་ཆོས་ཀྱི་རྒྱས་བཤད་ནི། ངོ་ཚ་རྣམ་པར་དབྱེ་བ་ནས་བཟུང་སྟེ། མཐར་ཐུག་པའི་སངས་རྒྱས་ཀྱི་སའི་མཚན་ཉིད་རྫོགས་ཀྱི་བར་གྱིས་སོ། །དེ་ལྟར་ལུས་རྣམ་པར་བཞག་ནས། དེ་ལྟར་ལུས་རྣམ་པར་བཞག་པ་དང༌། ཡན་ལག་རྒྱས་པར་བཤད་པའི་ཚུལ་གཉིས་སུ་བཤད་པས་མདོ་སྡེའི་དོན་བཤད་པ་ཡིན་ལ། ཚིག་བཅད་གཉིས་པས་རྒྱས་བཤད་དེ། ཐེག་པ་ཆེན་པོའི་ཆོས་ནི་དགའ་བ་བསྐྱེད་པའི་མདོ་སྡེའི་རྒྱན་ཅེས་བྱ་བ་ཡིན་ནོ། །གལ་ཏེ་ལུས་ཅན་དགའ་བ་བསྐྱེད་པའི་རྒྱན་ཡིན་ན། འདི་ལ་དྲི་བ་ལྔ་འབྱུང་སྟེ། དྲི་བ་དང་པོ་ནི་ཐེག་པ་ཆེན་པོ་འདི་བཀའ་གྲུབ་ན་བཅོམ་ལྡན་འདས་ལས་ཁྱད་པར་འཕགས་པའི་སྒྲ་དང་དོན་ཅི་ཞིག་བྱམས་པས་བོགས་ཕྱུང་དུ་ཡོད་ནས་དགའ་བ་བསྐྱེད་པར་བྱ་ཅེ་ན། ལན་དུ་གཟུགས་རྒྱན་རང་བཞིན་ཡོན་ཏན་ལྡན་པ་མེ་ལོང་ནང་སོང་ལ་སོགས་པའོ། །དྲི་བ་གཉིས་པ་ནི་ཐེག་པ་ཆེན་པོ་ལས་འགའ་ཞིག་གི་ཚེ་རྣམ་པར་འཚེ་བ་བཤད་པ་དང༌། གང་ཡང་མེད་པ་ཉིད་དུ་སྟོན་པའི་ཕྱིར་དགའ་བ་བསྐྱེད་པ་མ་ཡིན་ནོ་ཞེ་ན། ལན་དུ་ཇི་ལྟར་མན་མས་ན་རབ་དཀུ་ལ་མན་ཆད་སྨྲས་སོ། །དྲི་བ་གསུམ་པ་ནི་ཐེག་པ་ཆེན་པོ་ལས་བསྐལ་པ་དཔག་ཏུ་མེད་པར་དཀའ་བ་སྤྱད་པ་སྣ་ཚོགས་འབྱུང་

― ZP02_Page_594 ―

^{[མ་དཔེ་གཟིགས་ན་འདིར་གནོན།]}

[Full Size]

བས་དེའི་ཕྱིར་དགའ་བ་བསྐྱེད་པ་མ་ཡིན་ནོ་ཞེ་ན། ལན་དུ། ཆེས་དཀའ་རྒྱ་ཆེན་ཞེས་བྱ་བ་སྨྲས་སོ། །དྲི་བ་བཞི་པ་ནི། རྟོག་པ་ནི་རང་ལ་ཕན་པ་ཚོལ་བ་ཡིན་ན། འདི་ལས་ནི་གཞན་ལ་ཕན་པའི་ཕྱིར་དང་རང་ལ་སྡུག་བསྔལ་བསྐྱེད་པས་དགའ་བ་བསྐྱེད་པ་མ་ཡིན་ནོ་ཞེ་ན། ལན་དུ། རིན་ཆེན་རིགས་ལྡན་རིན་ཐང་མེད་ལ་སོགས་པའོ། །དྲི་བ་ལྔ་པ་ནི་ཐུན་མོང་དུ་གྲགས་པའི་སྡུད་པ་པོ་མེད་པའི་ཕྱིར་དང༌། བདག་ཅག་ལ་གྲགས་པ་ཁོ་ན་ཐེག་པ་ཆེན་པོ་ཡིན་ཏེ། ཐེག་པ་ཆེན་པོ་བཀའ་མ་ཡིན་ཞེ་ན། ལན་དུ། སྔར་ལུང་མ་བསྟན་ལྷན་ཅིག་བྱུང་མན་ཆད་སྨྲས་སོ། །མདོར་བཞག་པ་འཕྲོས་སོ། །བསྟན་བཅོས་རྣམ་བཞག་གཞན་ཡང་ཚིག་དང་པོ་གཉིས་ཀྱིས་བསྟན་བཅོས་ཀྱི་མཚན་བཤད་པ་དང༌། དེ་ལས་འཕྲོས་པས་ལེའུ་དང་པོའི་མདོར་བཞག་བསྟན་ལས་སྐྱབས་འགྲོ་བསྟན་པས་རྒྱས་བཤད་བསྟན། ཉེར་ལེན་གྱི་རྒྱུ་རིགས་དང་རྐྱེན་སེམས་བསྐྱེད་ནས་འབྲས་བུ་མཐར་ཐུག་གི་བར་གྱིས་ཤིན་ཏུ་རྒྱས་པར་བསྟན་ཏོ། །རྒྱལ་བ་བྱམས་པས་མཛད་པའི་བསྟན་བཅོས་མདོ་སྡེའི་རྒྱན་གྱི་ཐོག་མར་མཚན་བཤད་པའི་སྒོ་ནས་ལུས་རྣམ་པར་བཞག་པ་ལ་གསུམ་སྟེ། བྱེད་པ་དང༌། བྱ་བ་དང༌། དགོས་པའོ། །བྱེད་པ་ལ་རྣམ་པར་དབྱེ་བ་བདུན་ཏེ། བྱེད་པ་པོ་དང༌། བྱེད་པའི་ལས་དང༌། བྱེད་པ་དང༌། བྱེད་པ་པོའི་ཆེད་དང༌། རྒྱུའི་དོན་དང༌། འབྲེལ་བའི་དོན་དང༌། གནས་ཀྱི་དོན་ནོ། །བྱ་བ་ལ་ལྔ་སྟེ། བསྒྲུབ་པར་བྱ་བ་དང༌།

― ZP02_Page_595 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེ་བྲག་ཏུ་ཤེས་པར་བྱ་བ་དང༌། བསམ་པར་བྱ་བ་དང༌། བསམ་གྱིས་མི་ཁྱབ་པ་དང༌། ཡོངས་སུ་གྲུབ་པ་རྟོགས་པའི་དོན་སོ་སོ་རང་གི་རིག་པར་བྱ་བ་བྱང་ཆུབ་ཀྱི་ཕྱོགས་དང་མཐུན་པ་ཉིད་དོ། །དེ་ཐེག་པ་ཆེན་པོ་མདོ་སྡེའི་རྒྱན་འདིས་རིམ་པ་བཞིན་རྣམ་པར་བཀྲོལ་བས་མཁས་པ་དགའ་བ་བསྐྱེད་པའི་ཕྱིར་རྒྱན་དུ་བཞག་གོ །ཆོས་དེ་རང་བཞིན་གྱི་རྒྱན་དང་ལྡན་ན་བསྟན་བཅོས་འདིས་རྒྱན་དུ་བྱས་པ་ཅི་ཡོད་ཅེ་ན། གཟུགས་རྒྱན་རང་བཞིན་ལ་སོགས་པ་སྨོས་སོ། །དགོས་པ་ནི། ཕན་ཡོན་རྣམ་པ་གསུམ་སྟེ། སྒྲིབ་པ་སྤོང་བ་དང༌། །འབྱོར་བའི་རྒྱུ་དང༌། འཕགས་པའི་ནོར་ལ་སྤྱོད་པའི་རྒྱུའོ། །ཁ་ཅིག་འདི་སྐད་དུ། འདི་བཀའ་མ་ཡིན་ན་ཕན་ཡོན་ལྟ་སྨོས་ཀྱང་ཅི་དགོས་སྙམ་པ་ལ། ཐེག་པ་ཆེན་པོ་སངས་རྒྱས་ཀྱི་བཀའ་ཉིད་དུ་བསྒྲུབ་པར་བྱ་བ་ཡིན་ཏེ། གཏན་ཚིག་དང་བསྒྲུབ་བྱ་བླ་ན་མེད་པའི་ཐབས་སུ་གྲུབ་པ་དང༌། དེ་ལ་སྐྲག་པའི་ཉེས་དམིགས་རྒྱུ་དང་བཅས་པ་དང༌། སྐྲག་པར་མི་བྱ་བའི་གཏན་ཚིག་དང༌། དགག་པ་མི་འགྲུབ་པའི་རྒྱུ་མཚན་དང༌། གནས་མ་ཡིན་པ་ལ་སྐྲག་མི་དགོས་པ་དང༌། མ་མོས་པ་ཉིད་ཀྱིས་གྲུབ་པ་དང༌། རང་གི་མ་མོས་པ་སྤང་པར་མི་རིགས་པ་དང༌། སྤོང་བའི་རྒྱུ་ཚུལ་བཞིན་མ་ཡིན་ཡིད་བྱེད་དགག་པ་དང༌། ཁོངས་སུ་མ་ཆུད་པས་སྤང་བར་མི་རིགས་པ་སྟེ་བཅུའོ། །དེ་ལ་སྔར་ལུང་མ་བསྟན་པས་གཏན་ཚིག་བདུན་མདོར་བསྟན། འགའ་

― ZP02_Page_596 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིག་རྒྱས་བཤད་ཟེར་ཡང་རུང༌། སྔར་ལུང་མ་བསྟན་པས་སྒྲུབ་པ་དང་མ་ངེས་པ་སྤང་བ་དང༌། སྤྱོད་ཡུལ་མ་ཡིན་སྒྲུབ་པར་བྱེད་པ་སྟེ་གསུམ་མོ། །ཐེག་པ་ཆེན་པོར་གྲུབ་པའི་དཀོན་མཆོག་ལ་སྐྱབས་སུ་འགྲོ་བར་མོས་པ་བསྒྲུབ་པར་བྱ་བ་ལ་སྐྱབས་འགྲོའི་ཁྱད་པར་སྡོམ་དུ་བསྟན་པ། སྐྱབས་སུ་འགྲོ་བ་ལ་སྤྲོ་བ་བྱ་བ། ཁྱད་པར་རྒྱས་པར་བཤད་པ། སྐྱབས་སུ་འགྲོ་བའི་དོན་བརྗོད་པ། སྐྱབས་སུ་འགྲོ་བའི་ཕན་ཡོན་ནོ། །ཁྱད་པར་རྒྱས་པར་བཤད་པ་ལ། །ཀུན་ཏུ་འགྲོ་བ། ཁས་ལེན་པ། རྟོགས་པ། ཟིལ་གནོན་རྒྱས་བཤད་དོ། །ཁས་ལེན་ལ། སྤྱིའི་ཁྱད་པར། སངས་རྒྱས་ཀྱི་སྲས་སུ་འགྱུར་བའི་ཁྱད་པར། ལུས་ལ་སོགས་པའི་ཡོན་ཏན་གྱི་ཁྱད་པར། སངས་རྒྱས་ཀྱི་གདུང་རྒྱུན་མི་གཅོད་པའི་ཁྱད་པར། བློན་པོ་ཆེན་པོ་ལྟ་བུའི་ཁྱད་པར་རོ། །དེའི་ཉེ་བར་ལེན་པའི་རྒྱུ་བསྒྲུབ་པར་བྱ་བའི་རིགས་ལ། རིགས་ཡོད་པ། མེད་པ། རིགས་ཀྱི་ཁྱད་པར་ར་མ་ཛཱ་ནས་དབྱེ་བ་ཟེར་ཕན་ཡོན། འབྲས་བུ་ཁྱད་པར་དུ་འཕགས་པའོ། །ཡོད་པ་བསྟན་བཤད་དོ། །གཉིས་པ་བྱེ་བྲག་ཏུ་ཤེས་པར་བྱ་བ་ལ། བསམ་པ་སེམས་བསྐྱེད་དང༌། སྦྱོར་བ་རང་གཞན་གྱི་དོན་སྒྲུབ་པ་གཉིས་ལས། དང་པོ་ལྷན་ཅིག་བྱེད་རྐྱེན་སེམས་བསྐྱེད་ལ་མཚན་ཉིད་དང༌། སྐྱོན་ཡོན་གྱི་དབྱེ་བ། ལམ་རྒྱུད་ལ་མངོན་པར་རྟོགས་པའི་དབྱེ་བ། རྣམ་པར་བཞག་པའི་བརྡར་བཏགས་ཀྱི། དོན་དམ་གྱི། དེའི་དབྱེ་བ། སེམས་མ་

― ZP02_Page_597 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐྱེད་པ་སྨད་པ། སེམས་བསྐྱེད་པ་བསྔགས་པ། མི་ཕྱེད་པའི་སྡོམ་པ་ཐོབ་པ། སེམས་མི་ལྡོག་པར་བསྟན་པ། སྡུག་བསྔལ་གྱིས་མི་འཇིགས་པ། སེམས་ཅན་ཡལ་བར་འདོར་བ་དགག་པ། ལེ་ལོ་སྨད་པར་རིགས་པའོ། །བསྡུ་ན་མཚན་ཉིད་དང་དབྱེ་བའོ། །དོན་དམ་གྱི་དབྱེ་བ་ལ། དོན་དམ་གྱི་མཚན་ཉིད། རབ་དགའི་རྒྱུ་མཚན། དོན་དམ་གྱི་རྣམ་བཞག་བསྟན་བཤད་དོ། །གཉིས་པ་བསྒྲུབ་པ་ལ། མཚན་ཉིད་དང༌། རང་གཞན་གྱི་དོན་ཁྱད་པར་མེད་པར་བསྟན་པའོ། །སྒྲུབ་པའི་མཚན་ཉིད། གཞན་དོན་ཁྱད་པར་དུ་བྱ་བ། གཞན་དོན་སྒྲུབ་པའི་དབྱེ་བ། སྒྲུབ་པ་ཕུན་སུམ་ཚོགས་པ། སྒྲུབ་པའི་ཁྱད་པར་དང༌། སྤྱོད་ཡུལ་བསྔོ་བ་དང༌། གཞན་གྱི་ཉེས་པ་བཟོད་པ་དང༌། སྒྲུབ་པའི་ཆེ་བ་ཉིད་དོ། །བསམ་པར་བྱ་བ་དེ་ཁོ་ན་ཉིད་ལ། ཡུལ་དོན་དམ་པའི་བདེན་པ། ཡུལ་ཅན་ཡེ་ཤེས་ཆེན་པོ་གཉིས་ལས། དང་པོ་ལ་མཚན་ཉིད། བདག་ལྟ་ཕྱིན་ཅི་ལོག་འགག་པ། ཕྱིན་ཅི་ལོག་སྨད་པ། བདག་མེད་ཀྱང་ཞི་བར་རུང་བའོ། །གཉིས་པ་ལ་ཚོགས་ལས། སྦྱོར་ལམ། མཐོང་ལམ། དེ་ཇི་ལྟར་རྟོགས་ཚུལ། བསྒོམ་ལམ། དོན་དམ་པའི་ཡེ་ཤེས་ཀྱི་ཆེ་བའོ། །བཞི་པ་བསམ་གྱིས་མི་ཁྱབ་པ་ལ། རྒྱལ་སྲས་བྱང་ཆུབ་སེམས་དཔའི་མཐུ་དང་ཡོངས་སྨིན་གཉིས་ལས། དང་པོ་ལ། ངོ་བོ་རྒྱུ་འབྲས་ལས་ལྡན་འཇུག་པ། ཆེ་བའི་ཡོན་ཏན་

― ZP02_Page_598 ―

^{[མ་དཔེ་གཟིགས་ན་འདིར་གནོན།]}

[Full Size]

ནོ། །ལས་ལ་མཐོང་སྟོན་འོད་ཟེར་རྣམ་རོལ་སྤྲུལ་པ་ཞིང་དག །ཡོངས་སུ་སྨིན་པ་ལ་གཉིས་ཏེ། བདག་དང་གཞན་ནོ། །དང་པོ་ལ། བསྟན་བཤད་བསྡུས་གསུམ་མོ། །གཞན་སྨིན་ལ། སྨིན་པའི་རང་བཞིན། སྨིན་པའི་རབ་དབྱེ། ཕན་བདེའི་བསམ་པ། སྨིན་པའི་སྦྱོར་བ་དྲུག་གིས་བསྒྲུབ་པ། སྨིན་པའི་མཇུག་བསྡུ་བའོ། །ལྔ་པ་ཡོངས་སུ་འགྲུབ་པ་རྟོགས་པའི་དོན་སོ་སོ་རང་གིས་རིག་པར་བྱ་བ་བྱང་ཆུབ་ཀྱི་ཕྱོགས་དང་མཐུན་པའི་ངོ་བོ་ཉིད་བཤད་པ་ལ། བསྟན་བཤད་གཉིས། །དང་པོ་ལ་གསུམ་སྟེ། ཐམས་ཅད་མཁྱེན་པ་ཉིད་ཡང་དག་པ་གྲུབ་པའི་རྒྱུ་དང༌། ངོ་བོ་ཉིད་དང་དཔེའོ། །གཉིས་པ་རྒྱས་བཤད་ལ། སངས་རྒྱས་ཉིད་གཉིས་སུ་མེད་པའི་མཚན་ཉིད་མཐུ་དང་བཅས་པ་བཤད་པ། སྐྱབས་གནས་བླ་ན་མེད་པ་དང༌། དེའི་བཤད་པ། དེའི་གནས་ཡོངས་སུ་གྱུར་བ། མཛད་པ་ལྷུན་གྱིས་གྲུབ་པ། རྒྱུན་མི་འཆད་པ་དང༌། ཟག་པ་མེད་པའི་དབྱིངས་ཟབ་པ་དང༌། འབྱོར་བུ་རྣམ་པར་དབྱེ་བ་དང༌། སེམས་ཅན་ཡོངས་སུ་སྨིན་པར་མཛད་པའི་རྒྱུ་དང༌། ཆོས་ཀྱི་དབྱིངས་རྣམ་པར་དག་པ་དང༌། སྐུ་གསུམ་དང་ཡེ་ཤེས་རྣམ་པར་དབྱེ་བ། སངས་རྒྱས་ཐམས་ཅད་གཅིག་པ་དང་ཐ་དད་པ་ལས་གྲོལ་བ་དང༌། སངས་རྒྱས་ཉིད་ལ་འཇུག་པའི་ཐབས་དང༌། ཕན་ཚུན་མཛད་པ་གཅིག་པ་དང༌། སངས་རྒྱས་ཉིད་ལ་སྤྲོ་བར་བྱ་བའོ། །སྐྱབས་བླ་ན་མེད་པ་ལ།

― ZP02_Page_599 ―

^{[མ་དཔེ་གཟིགས་ན་འདིར་གནོན།]}

[Full Size]

ཉོན་མོངས་དང་འཚེ་བ་ལས་སྐྱོབས་པ། འཆི་བ་ལ་སོགས་པ་ལས་སྐྱོབས་པ། དེ་གཉིས་བཤད་པ། སྐྱབས་བླ་ན་མེད་པའི་རྒྱུ་མཚན། ཡུལ་དུས་རྣམ་པར་རྫོགས་པའོ། །གནས་ཡོངས་སུ་གྱུར་པ་ལ། གཉེན་པོ་ཕུན་སུམ་ཚོགས་པ། གཞན་ལས་ཁྱད་པར་དུ་འཕགས་པ། ཡོན་ཏན་གྱི་དབྱེ་བ། དཔེ་རྣམ་པ་གསུམ་ལས། དང་པོ་སངས་རྒྱས་ཀུན་ཏུ་སོང་བར་བསྟན་པ། །གཉིས་པ་ཐམས་ཅད་དུ་སོང་ཡང་སྣོད་མིན་ལ་མི་སྣང་བར་བསྟན་པ་གཉིས་སུ་འདུ། ཟག་མེད་ཀྱི་དབྱིངས་ཟབ་པ་ལ། མཚན་ཉིད། གནས་པ། ཕྲིན་ལས་ཟབ་པ། ཟབ་མོ་བསྟན་པར་དཀའ་བ། ཟབ་པ་དང་སེམས་ཅན་སངས་རྒྱས་ལ་ཁྱད་མེད་པར་བསྟན་པའོ། །དང་པོ་རྣམ་པར་དག་པའི་མཚན་ཉིད་ཟབ་པ། བདག་མཆོག་གི་མཚན་ཉིད་ཟབ་པ། ལུང་མ་བསྟན་པའི་ཚུལ་གྱིས་ཟབ་པ། རྣམ་པར་གྲོལ་བའི་མཚན་ཉིད་ཟབ་པའོ། །འཕྲིན་ལས་ཟབ་པ་ལ། ཡོན་ཏན་གནས་དང་སེམས་ཅན་སྨིན་མཛད་ལ། མཐར་ཐུག་གཤེགས་དང་ཆོས་སྟོན་ཕྲིན་ལས་དང༌། མཛད་པ་གཅིག་དང་ཡེ་ཤེས་དུས་གཅིག་འཇུག །རྣམ་པར་མི་རྟོག་ཡེ་ཤེས་སྣ་ཚོགས་དང༌། ཡེ་ཤེས་མི་འཇུག་ཡེ་ཤེས་ཁྱད་པར་འཕགས། ཞེས་སོ། །འབྱོར་བ་རྣམ་པར་དབྱེ་བ་ལ། མཐུ་ཕུལ་དུ་བྱུང་བ། རྣམ་པའི་རབ་ཏུ་དབྱེ་བ་དང༌། གཞན་དུ་གྱུར་བའི་འབྱོར་བའི་རབ་ཏུ་དབྱེ་བའོ། །སེམས་ཅན་ཡོངས་

― ZP02_Page_600 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་སྨིན་པར་མཛད་པའི་རྒྱུ་ལ་བདུན་ཏེ། ཇི་ལྟར་སྨིན་པར་མཛད་པ་དང༌། ཡ་མཚན་ཆེ་བ་ཉིད་དང༌། སྨིན་པའི་ཐབས་མང་བ་དང༌། ལྷུན་གྱིས་གྲུབ་ཅིང་འདུ་བྱེད་པ་དང་བྲམ་པ་དང༌། དེའི་དཔེ་དང༌། གཅིག་ནས་གཅིག་ཏུ་སྨིན་པ་དང༌། ངོམ་པ་དང་འཕེལ་བ་མེད་པར་བསྟན་པའོ། །ཆོས་དབྱིངས་རྣམ་པར་དག་པ་ལ། ངོ་བོ་རྒྱུ་འབྲས་ལས་ལྡན་འཇུག་པའོ། །སྐུ་གསུམ་ལ། མདོར་བསྟན་རྒྱས་བཤད་གྲངས་ངེས་སོ། །ཡེ་ཤེས་ལ་བསྟན་བཤད་དེ་དག་ཐོབ་པའི་རྒྱུའོ། །དེས་གང་ལ་བསླབ་པར་བྱ་བའི་ཡུལ་སྒྲུབ་པར་བྱ་བ་སོགས་ལྔ་སོང་ངོ༌། །གཉིས་པ་དེ་ལས་ཇི་ལྟར་བསླབ་པའི་ཚུལ་ལ་ཡང་ལྔ་ཡོད་པའི་རྣམ་པ་དང་པོ་ཐེག་ཆེན་བཀར་སྒྲུབ་དང་འཕྲེང་བའི་མོས་པའི་ལེའུ་ལ། མོས་པའི་རྣམ་པ་རབ་དབྱེ། བར་དུ་གཅོད་པ། ཕན་ཡོན། ཐེག་པ་ཆེན་པོ་མོས་པ་ལེན་དུ་གཞུགས་པ། ཞུམ་པ་དགག་པ། མོས་པའི་བསོད་ནམས་ཀྱི་ཁྱད་པར། མོས་པའི་འབྲས་བུའོ། །མོས་ནས་ཆོས་ཚོལ་བའི་ཕྱིར། ཆོས་ཚོལ་པའི་ལེའུ་ལ། དམིགས་པ་ཡོངས་སུ་ཚོལ་ཏེ་རྙེད་པ་དང༌། ཡིད་ལ་བྱེད་པ་དང༌། ཆོས་ཀྱི་དེ་ཁོ་ན་ཉིད་དང༌། དེ་ཁོ་ན་ཉིད་སྒྱུ་མ་ལྟ་བུར་ཡོངས་སུ་ཚོལ་བ་དང༌། ཤེས་བྱ་ཡོངས་སུ་ཚོལ་བ་དང༌། ཀུན་ནས་ཉོན་མོངས་པ་དང་རྣམ་པར་བྱང་བ་ཡོངས་སུ་ཚོལ་བ་དང༌། རྣམ་པར་རིག་པ་ཙམ་དང༌། མཚན་ཉིད་དང་རྣམ་པར་གྲོལ་བ་དང༌། ངོ་བོ་ཉིད་མེད་པ་དང༌། མི་སྐྱེ་བའི་ཆོས་ལ་བཟོད་

― ZP02_Page_601 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དང༌། ཐེག་པ་གཅིག་པ་ཉིད་དང༌། རིག་པའི་གནས་དང༌། ཁམས་བརྟས་པ་ཉིད་དང༌། ཆོས་ཚོལ་བའི་རབ་ཏུ་དབྱེ་བ། རྒྱུ་ཉིད་དུ་དང༌། སྤང་བྱ་རྣམ་པར་རྟོགས་པ་ཡོངས་སུ་ཚོལ་བ་དང༌། མཇུག་བསྡུ་བ་ཕན་ཡོན་དང་བཅས་པའོ། །དེ་ཁོ་ན་ཉིད་སྒྱུ་མ་ལྟ་བུར་ཡོངས་སུ་ཚོལ་བ་ལ། སྒྱུ་མའི་མཚན་ཉིད་དང༌། དུས་གཅིག་ཏུ་རྟོགས་པར་སྤྱོད་པ་དང༌། ཐར་པའི་དཔེ་དང༌། དཔེ་དང་སྦྱར་བ་དང༌། དགོས་པ་དང༌། རྒྱུ་མཚན་དང་སྦྱར་བ་དང༌། དཔེའི་དབྱེ་བ་དང༌། མི་མཐུན་པ་དང་གཉེན་པོའི་དབྱེ་བ། སྤང་བའི་ཚུལ་དང་སྒྱུ་མ་ལ་སོགས་པ་དཔེ་བརྒྱད་ཀྱི་དོན་བསྟན་པའོ། །ཆོས་ཚོལ་ནས་གཞན་ལ་སྟོན་པའི་ཕྱིར་དེ་ལ། ཆོས་ལ་སེར་སྣ་དགག་པ། ཆོས་དོན་མེད་པ་མ་ཡིན་པ། སྟོན་པའི་རྣམ་པར་དབྱེ་བ་དང༌། སྟོན་པ་ཕུན་སུམ་ཚོགས་པ་དང༌། ངག་ཕུན་སུམ་ཚོགས་པ་དང༌། ཚིག་ཕུན་སུམ་ཚོགས་པ་དང༌། ཡི་གེ་ཕུན་སུམ་ཚོགས་པ་དང༌། སྟོན་པའི་ཆེ་བའི་བདག་ཉིད་དང༌། དོན་ཕུན་སུམ་ཚོགས་པ་དང༌། ལྡེམ་པོར་དགོངས་པ་དང༌། དགོངས་པ་རྣམ་པར་དབྱེ་བ་དང༌། ཤིན་ཏུ་རྒྱས་པ་བསྡུས་པ་ཕན་ཡོན་དང་བཅས་པ་བསྟན་པ། ཆོས་བསྟན་པའི་ཕན་ཡོན་ནོ། །དེ་ལྟར་ལུང་གི་ཆོས་བཀར་བསྒྲུབ། དེ་ལ་མོས་ཚོལ་བཤད་ནས། དེ་ཙམ་གྱིས་བརྩོན་པ་མི་འདོར་བར་བསྒྲུབ་དགོས་པས་དེའི་འོག་ཏུ་སྒྲུབ་པའི་ལེའུ་ལ། སྒྲུབ་པ་རྣམ་པར་དབྱེ་བ། སྒྲུབ་པ་ལ་བག་ཡོད་དུ་བྱ་བ་དང༌། ཉོན་མོངས་ཁོ་ནས་

― ZP02_Page_602 ―

^{[མ་དཔེ་གཟིགས་ན་འདིར་གནོན།]}

[Full Size]

ཉོན་མོངས་པ་ལས་ངེས་པར་འབྱུང་བ་དང༌། ཐེག་པ་དམན་པ་ཡིད་ལ་བྱེད་པ་སྤངས་བ་དང༌། རང་བཞིན་གྱིས་དབུ་མ་ལ་སྐྲག་པ་སྤང་བ། ཆགས་པ་ལས་སྐྱེས་པའི་ལྟུང་བ་དགག་པ། ཇི་ལྟར་གང་དུ་སྒྲུབ་པ་དང༌། སྒྲུབ་པའི་འཁོར་གསུམ་ཡོངས་སུ་དག་པའོ། །བྱེ་བྲག་ཏུ་ཤེས་པར་བྱ་བ་སེམས་བསྐྱེད་དེ་གོང་ནས་གོང་ཏུ་འཕེལ་ཞིང་མི་ཉམས་པའི་ཐབས་གདམས་ངག་ཡིན་པའི་ཕྱིར་གདམས་ངག་རྗེས་སུ་བསྟན་པའི་ལེའུ་ལ། མོས་པ་རྣམ་པར་འཕེལ་བ། ཚོགས་བསགས་པ་ལ་སོགས་པ་དང༌། ཆོས་ཀྱི་རྒྱུན་གྱི་ཏིང་ངེ་འཛིན་ཐོབ་པ་ལས་གདམས་ངག་རྙེད་པ་དང༌། དེ་ལ་དམིགས་པའི་སེམས་དྲུག་བསྟན་པ་དང༌། ཡིད་ལ་བྱེད་པ་བཅུ་གཅིག་བསྟན་པ་དང༌། ཞི་གནས་ཀྱི་སེམས་དགུ་བསྟན་པ་དང༌། བསམ་གཏན་ལས་སུ་རུང་བའི་ཡོན་ཏན་དང་བཅས་པ་ཐོབ་པ་དང༌། ངེས་པར་འབྱེད་པའི་ཆ་དང་མཐུན་པ་དང༌། མཐོང་ལམ་དང༌། དེའི་མཚན་ཉིད་རྣམ་པར་བཞག་པ་དང༌། ཆེ་བའི་བདག་ཉིད་དང༌། བསྒོམ་པའི་ལམ་དང༌། གདམས་ངག་གི་ཆེ་བའི་བདག་ཉིད་བསྟན་པའོ། །བསམ་པར་བྱ་བ་བྱང་ཆུབ་སེམས་དཔའ་རྣམས་ཀྱི་མོས་པས་སྤྱོད་པའི་ས་ལ་གཙོ་བོར་དེ་ཁོ་ན་ཉིད་ཡིན་པས་སྔར་བཤད་ཅིང༌། རིགས་ལ་གནས་ནས་ཐབས་རྒྱ་ཆེ་བ་རྣམས་ལ་གོམ་ནས་གཞན་དོན་དུ་གཟུགས་ཀྱི་སྐུ་སྒྲུབ་པའི་ཕྱིར་བསམ་པར་བྱ་བ་ལ། དགེ་བའི་ལས་ཐམས་ཅད་དང་འབྲེལ་བ་ཐབས་དང་ལྡན་པའི་སྤྱོད་པ་སྤྱིར་བཤད་པ་དང༌། ཀུན་ནས་སློང་བའི་ལྡང་བའི་འཁོར་་

― ZP02_Page_603 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་ཡོངས་སུ་དག་པའི་ཐབས་སོ། །བསྡུ་དངོས་བཞི་དང་འབྲེལ་བའི་ཕྱིན་དྲུག་བཤད་པ། ཚད་མེད་པ་དང་འབྲེལ་བའི་མཆོད་པ་དང༌། བསྟན་པ་བཤད་པ་དང༌། ལམ་དང་འབྲེལ་བའི་བྱང་ཆུབ་ཕྱོགས་ཀྱི་ཆོས་མང་པོ་བཤད་པའོ། །དང་པོ་ལ་ཀུན་ནས་སློང་བའི༴ ལྡང་བའི༴ འཁོར་གསུམ་ཡོངས་སུ་དག་པའི་ཐབས་སོ། །གཉིས་པ་ཕྱིན་དྲུག་སྤྱིར་བསྟན་པ། སྦྱིན་བརྩོན་བྱེ་བྲག་ཏུ་བཤད་པའོ། །དང་པོ་བསྟན་བཤད་དོ། །དང་པོ་ནི་དེ་ཡང་གྲངས་དང་དེའི་ཕྱོགས་སོགས་བཅུའོ། །བཤད་པའི་ཡོན་ཏན་ལ། ཁྱད་པར་འཕགས་པའི་ཡོན་ཏན། སངས་རྒྱས་སྲས་རྣམས་སློང་དང་སོགས་ནས། ཡོན་ཏན་བཞིར་ནི་ཤེས་པར་བྱ། །ཞེས་པའི་བར་རོ། །རྣམ་པར་དག་པའི་ཡོན་ཏན་སློང་བ་མཐོང་བ་སོགས་ནས་མཚུངས་པ་མེད་ཀྱི་བར་རོ། །མཆོག་གི་ཡོན་ཏན་ནི་སྦྱིན་བརྟེན་སོགས་ནས་མཆོག་ཏུ་འདོད་ཀྱི་བར་རོ། །སྦྱིན་བརྩོན་བྱེ་བྲག་ཏུ་བཤད་པའི། དང་པོ་སྦྱིན་པ་ནི། བྱང་ཆུབ་སེམས་དཔའི་སོགས་ནས། བྱང་ཆུབ་སེམས་ལས་གཞན་མིན་གྱི་བར་རོ། །བརྩོན་འགྲུས་བྱེ་བྲག་ཏུ་བཤད་པ་ལ་བསྟན་བཤད་དོ། །གཙོ་དང་སོགས་ནས་ཐོས་ནས་ཕམ་པ་མེད་གྱི་བར་རོ། །གཉིས་པ་བསྡུ་དངོས་བཞི་ལ། ངོ་བོ་དང༌། བྱེད་པ་དང༌། ལས་དང༌། གྲངས་ངེས་དང༌། རབ་དབྱེ་དང༌། ཕན་ཡོན་ནོ། །གཉིས་པ་ཚད་མེད་པ་བཞི་དང་འབྲེལ་བའི་མཆོད་པ་དང་བསྟེན་པ་བསྟན་པ། དེ་དག་གི་མཇུག་བསྡུ་བ་ལས། དང་པོ་མཆོད་

― ZP02_Page_604 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལ། མཆོད་པའི་རྣམ་བཞག་རྒྱས་པར་བཤད་པ། དེའི་དོན་བསྡུས་ཏེ་བསྟན་པ། མཆོད་པའི་དབྱེ་བ། མཆོད་པ་མཆོག་གོ །བསྟེན་པ་ལ་བསྟན་བཤད། བསྟེན་པའི་རབ་དབྱེ། བསྟེན་པ་མཆོག་གོ །གསུམ་པ་ཚད་མེད་པ་ལ། ཚད་མེད་བཞིར་སྤྱིར་བཤད་པ་དང༌། སྙིང་རྗེ་བྱེ་བྲག་ཏུ་བཤད་པའོ། །མཚན་ཉིད་དང༌། དམིགས་པའི་ཁྱད་པར། དམིགས་པ་མེད་པའི་ཁྱད་པར་རོ། །དམན་ལྷག་གི་དབྱེ་བ་འབྲས་བུ་དབྱེ་བའོ། །ཚངས་པའི་གནས་པ་སོགས། སྐྱོན་ཡོན་གྱི་དབྱེ་བའོ། །སྙིང་རྗེ་རྣམ་པར་དབྱེ་བའོ། །སྙིང་རྗེ་རྣམ་པར་དབྱེ་བ་ལ། དམིགས་པའི་རབ་ཏུ་དབྱེ་བ་དང༌། འབྲས་དེ་དག་གི་གཡོ་དང་མི་གཡོ་སོགས། རྒྱུ་འབྲས་རྟགས་གསུམ་ཟེར། བུ་ལྔ་དང༌། སྲིད་ཞིར་མི་གནས་པ་དང༌། འཁོར་བ་ཡོངས་སུ་ཤེས་པ་དང༌། སྙིང་རྗེའི་རྣམ་པར་དབྱེ་བ། ལྗོན་ཤིང་གི་དཔེ་དང༌། ཕན་ཡོན་དང༌། སྙིང་རྗེ་ཆགས་པ་དང་བྲལ་བ་དང༌། སྙིང་རྗེས་བྱམས་པས་ཁྱད་པར་དུ་འཕགས་པ། སྐྲག་པ་དང་དགའ་བའི་རྒྱུ་མཚན་དང༌། སྙིང་རྗེའི་སྡུག་བསྔལ་གྱིས་བདེ་བ་ཟིལ་གྱིས་གནོན་པ་དང༌། སྙིང་རྗེས་སྦྱིན་པའི་ཕན་ཡོན། སྡུག་བསྔལ་ཁས་ལེན་པ་དང༌། རྣམ་པ་གསུམ་པོ་དང་དེའི་འབྲས་བུ་འཕེལ་བ་དང༌། སྦྱིན་པ་ལ་སྤྲོ་བ་བསྐྱེད་པ་དང༌། གཞན་བདེ་བས་བདག་བདེ་བ་ཉམས་སུ་མྱོང་བ་དང༌། སྦྱིན་པ་ལ་རྗེས་སུ་སྟོན་པ་དང༌། བརྩེ་བས་སྦྱིན་པ་ཁྱད་པར་དུ་འཕགས་

― ZP02_Page_605 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དང༌། ཉེ་བར་སྤྱད་པས་ཁྱད་པར་གྱིས་དགའ་བ་དང༌། ཕ་རོལ་ཏུ་ཕྱིན་པ་ཉེ་བར་བསྒྲུབ་པ་དང༌། སྙིང་རྗེའི་རྐྱེན་རྣམ་པ་བཞི་དང༌། སྙིང་རྗེ་ཆེན་པོ་མཆོག་གི་རྣམ་པར་དབྱེ་བའོ། །བཞི་པ་ལམ་དང་འབྲེལ་བའི་བྱང་ཆུབ་ཀྱི་ཕྱོགས་ལ། ངོ་ཚའི་རྣམ་པར་དབྱེ་བ་དང༌། བསྟན་པ་དང༌། མི་སྐྱོ་བ་དང༌། བརྟན་བཅོས་ཤེས་པ་དང༌། འཇིག་རྟེན་ཤེས་པ་དང༌། རྟེན་པ་དང༌། སོ་སོ་ཡང་དག་པར་རིག་པ་དང༌། ཚོགས་གཉིས་དང༌། དྲན་པ་ཉེ་བར་བཞག་པ་དང༌། ཡང་དག་པར་སྤོང་བ་དང༌། རྫུ་འཕྲུལ་གྱི་རྐང་པ་དང༌། དབང་པོ་དང༌། སྟོབས་དང༌། བྱང་ཆུབ་ཀྱི་ཡན་ལག །འཕགས་པའི་ལམ་དང༌། ཞི་གནས་དང༌། ལྷག་མཐོང་དང༌། ཐབས་ལ་མཁས་པ་དང༌། གཟུངས་དང༌། སྨོན་ལམ་དང༌། ཏིང་ངེ་འཛིན་དང༌། ཆོས་ཀྱི་སྡོམ་དང༌། དེའི་སྐད་ཅིག་མ་དང༌། བདག་མེད་པ་དང༌། ངོ་ཚ་ལ་སོགས་པའི་ལས་མདོར་བསྡུས་ཏེ་བསྟན་པའོ། །བརྟན་པ་ལ། མཚན་ཉིད་མདོར་བསྟན། མིང་གི་རྣམ་གྲངས། མིང་དེ་སྒྲུབ་པ་དང་བཅས་པ་དང༌། དབྱེ་བ་དང༌། མི་འགྱུར་བར་བསྟན་པའོ། །མི་སྐྱོ་ལ། གཞི་རྟེན་ངོ་བོ་དབྱེ་བར་འདོད། ཚོགས་ལ། མཚན་ཉིད་དང༌། ངེས་ཚིག་བྱེད་ལས་དབྱེ་བའོ། །བཞི་པ་བསམ་གྱིས་མི་ཁྱབ་པ་རྒྱལ་སྲས་བྱང་ཆུབ་སེམས་དཔའ་རྣམས་ཀྱི་ཡོན་ཏན་གྱི་ལེའུ་ལ། སྒྲུབ་པའི་ཡོན་ཏན། རབ་ཏུ་བསྔགས་

― ZP02_Page_606 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཡོན་ཏན་གཉིས་ལས། དང་པོ་ལ། ངོ་མཚར་ཆེ་བ་དང་མི་ཆེ་བ་རྣམ་པར་དབྱེ་བ་དང༌། སེམས་མཉམ་པ་ཉིད་དང༌། ཕན་འདོགས་པ་རྣམ་པར་དབྱེ་བ་དང༌། ལན་དུ་ཕན་འདོགས་པ་དང༌། སྨོན་པ་དང༌། སྦྱོར་བ་ཆུད་མི་ཟ་བ་དང༌། ཡང་དག་པའི་སྦྱོར་བ་དང༌། ཡོངས་སུ་ཉམས་པ་དང༌། ཁྱད་པར་ཅན་གྱི་ཆོས་རྣམ་པར་དབྱེ་བ་དང༌། བཅོས་མ་དང་བཅོས་མ་མ་ཡིན་པའི་ཡོན་ཏན་དང༌། འདུལ་བ་རྣམ་པར་དབྱེ་བ་དང༌། ལུང་བསྟན་པ་དང༌། ངེས་པར་འགྱུར་བ་དང༌། གདོན་མི་ཟ་བར་བྱ་དགོས་པ་དང༌། རྟག་པར་བྱ་བ་དང༌། གཙོ་བོའི་དངོས་པོ་དང༌། གདགས་པ་རྣམ་པར་བཞག་པ་དང༌། ཡོངས་སུ་ཚོལ་བ་དང༌། ཡང་དག་མངོན་སུམ་མངོན་སུམ་མིན། དངོས་དང་གསང་སྟེ། དུས་རིང་བོ་ཐུང་ངུ་རྫོགས་པའི་བྱང་ཆུབ་ལུང་སྟོན་པ། པ་ཇི་ལྟ་བ་བཞིན་དུ་ཤེས་པའོ། །དཔག་ཏུ་མེད་པ་དང༌། བཤད་པའི་འབྲས་བུ་དང༌། ཐེག་པ་ཆེན་པོ་དང༌། དེའི་འབྲས་བུའོ། །སྒྲུབ་པའི་ཡོན་ཏན་སོང༌། རབ་ཏུ་བསྔགས་པའི་ཡོན་ཏན་ལ། བྱང་ཆུབ་སེམས་དཔའི་རྣམ་པར་དབྱེ་བ་དང༌། དེའི་མཚན་གྱི་རྣམ་པར་དབྱེ་བའོ། །ཡོངས་སུ་གྲུབ་པ་མཐར་ཐུགས་པའི་དོན་ལ། རྟགས་དང་ཕྱོགས་དང་ལྷག་པའི་བསམ་པ་དང༌། སྐྱེ་བ་དང༌། གནས་པ་དང༌། ས་རྣམ་པར་དབྱེ་བ་དང༌། བསྟན་བཤད་པས། མཚན་ཉིད་གང་ཟག་བསླབ་པ་དང་སོགས་སོ། །རྟགས་ལ་ཞུགས་པའི་རྟགས་དང༌།

― ZP02_Page_607 ―

^{[མ་དཔེ་གཟིགས་ན་འདིར་གནོན།]}

[Full Size]

ཕ་རོལ་ཏུ་ཕྱིན་པའི་རྟགས་དང༌། དེའི་ཕན་ཡོན་ནོ། །སྤྱོད་པ་དང༌། སངས་རྒྱས་ཀྱི་ཡོན་ཏན་རྣམ་པར་དབྱེ་བའོ། །དེ་ཡང་བསྡུ་ན་གཉིས་ཏེ། རྒྱུའི་ཁྱད་པར་དང༌། ངོ་བོའི་སྒོ་ནས་སོ། །ད་རྒྱུ་ལ་དྲུག་སྟེ། རྟགས་ཕྱོགས་བསམ་པ་ཡོངས་འཛིན་སྐྱེ་བ་སའི་སྒོ་ནས་སོ། །ངོ་བོའི་སྒོ་ནས་བཅོ་བརྒྱད་དེ། །ཚད་མེད། རྣམ་ཐར་སོགས་དང༌། ཉོན་མོངས་མེད་པ་དང༌། སྨོན་གནས་མཁྱེན་པ། སོ་སོ་ཡང་དག་པར་རིག་པ་དང༌། མངོན་པར་ཤེས་པ་དང༌། མཚན་དང༌། དཔེ་བྱད་དང༌། ཡོངས་སུ་དག་པ་དང༌། སྟོབས་དང༌། མི་འཇིགས་པ་དང༌། བསྲུང་མེད་དྲན་པ་ཉེར་གནས་དང༌། བག་ཆགས་བཅོམ་པ་དང༌། བསྙེལ་བ་མི་མངའ་དང༌། ཐུགས་རྗེ་ཆེན་པོ་དང༌། མ་འདྲེས་པའི་ཡོན་ཏན་དང༌། ཐམས་ཅད་མཁྱེན་པའི་ཡོན་དང༌། ཕ་རོལ་ཏུ་ཕྱིན་པ་རྫོགས་པ་དང༌། སངས་རྒྱས་ཀྱི་མཚན་ཉིད་རྣམ་པར་དབྱེ་བའོ། །སྨྲས་པ། རྒྱལ་སྲས་རྒྱུ་སྐར་དབུས་ན་ཉི་ཟླ་བཞིན། ཟླ་བྲལ་སྟོན་པའི་རྒྱལ་ཚབས་མ་ཕམ་རྗེའི། །ཐེག་ཆེན་མདོ་སྡེའི་རྒྱན་གྱི་བསྡུས་པའི་དོན། །མཁས་པ་ཛྙཱ་ན་ཤྲི་ཡིས་རྣ་རྒྱན་ལྟར། །བྲི་བསྣན་ཅུང་ཟད་བྱས་འདི་མཚུངས་མེད་པའི། །བཤེས་གཉེན་དམ་པའི་གསུངས་ལ་བརྟེན་པ་ལས། །རང་བཟོས་སྦྱར་བའི་ཡན་ལག་སྤངས་པའང༌། །བདག་བློ་པད་རྩ་ལྟ་བུར་ཆེས་ཕྲ་བས། །མ་རྟོགས་པ་དང་ལོག་པར་རྟོགས་པ་སོགས། །མཆིས་ཚེ་ཐོག་མེད་སྡིག་དང་ཆབ་གཅིག་པར། །རྒྱལ་བ་སྲས་དང་བཅས་པ་རྣམས་ལ་ནི། །

― ZP02_Page_608 ―

^{[མ་དཔེ་གཟིགས་ན་འདིར་གནོན།]}

[Full Size]

གནོང་འགྱོད་དྲག་པོས་རབ་ཏུ་བཤགས་པར་བྱ། །གལ་ཏེ་ལེགས་བྱས་འབྲས་བུ་དགུང་ཟླའི་འོད། །རབ་དཀར་གང་དེས་མ་རྣམས་མ་རིག་པའི། །མུན་པ་ཆེན་པོ་བསལ་ནས་ཡེ་ཤེས་ཀྱི། །རང་བཞིན་བྱམས་པའི་གོ་འཕང་འཐོབ་ཕྱིར་བསྔོ། །བདག་ཀྱང་འདི་ནས་བྱང་ཆུབ་མ་ཐོབ་བར། །དམ་པ་རྣམས་དང་ནམ་ཡང་འབྲལ་མེད་པར། །དམ་ཆོས་ཚུལ་བཞིན་བསྒྲུབ་པའི་ལུས་ཐོབ་སྟེ། །རྒྱལ་བསྟན་རིན་ཆེན་འཛིན་པའི་མཆོག་ཐོབ་ཤོག། །།དགེའོ།། །།

སེམས་ཅན་དོན་བྱེད་བརྟགས་པ་དགུའི་ཟིན་བྲིས།

― ZP02_Page_609 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་ཅན་དོན་བྱེད་བརྟགས་པ་དགུའི་ཟིན་བྲིས་བཞུགས་སོ།། །།

― ZP02_Page_610 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་ཆུབ་སེམས་དཔའི་སེམས་ཅན་གྱི་དོན་བྱེད་ཚུལ་ནི། །གང་ཞིག་བྱང་ཆུབ་སེམས་དཔའ་གཅིག་གི་བྱང་ཆུབ་སེམས་དཔའི་ཚུལ་ཁྲིམས་ཀྱི་སྡོམ་པ་ཡང་དག་པར་བླངས་པ་དག་ལ་དངོས་སམ་བརྒྱུད་ནས་སེམས་ཅན་གྱི་དོན་བྱ་བ་མ་གཏོགས་པའི་ལས་གཞན་མེད་དེ་དེ་ཡང་སེམས་ཅན་གྱི་དོན་ལ་མཁས་པར་མ་གྱུར་ན། བྱས་ཚད་སེམས་ཅན་གྱི་དོན་དུ་མི་འགྱུར་ཞིང་སླར་དངོས་སམ་བརྒྱུད་ནས་གནོད་པའི་རྒྱུར་འགྱུར་བའང་སྲིད་ཕས། བརྟགས་པ་རྣམ་པ་དགུ་ལ་བརྟགས་ཅིང་སེམས་ཅན་གྱི་དོན་བྱ་སྟེ། དེ་ལ་དང་པོ་བདག་གཞན་གཉིས་ལ་བརྟགས་པ་ནི། དངོས་སམ་བརྒྱུད་ནས་བདག་གཞན་གཉིས་ཀའི་དོན་དུ་འགྱུར་ཞིང་ཕན་པར་འདུག་ན་ཅི་ཡང་བྱ། བདག་གཞན་གཉིས་ཀའི་དོན་དུ་མི་འགྱུར་ཞིང་གནོད་པར་འདུག་ན་ཅི་ཡང་མི་བྱ། བདག་གི་དོན་དུ་འགྱུར་ལ་གཞི་དེས་སེམས་ཅན་གཞན་ལ་གནོད་པར་འདུག་ན་མི་བྱ། བདག་ལ་གནོད་ལ་གཞན་ལ་ཕན་ན་སྐབས་དང་སྦྱར་ཏེ། ལས་དང་པོ་པའི་དུས་ན་བདག་ལ་གནོད་པ་གཙོ་བོར་བསྲུང་སྟེ། །དཔེར་ན་སྨན་གྱི་ལྗོན་ཤིང་གི་མྱུ་གུ་དང་འདྲ་བས་བདག་ལ་གནོད་པ་བསྲུང་བ་ཉིད་སེམས་ཅན་གྱི་དོན་གྱི་རྩ་བ་ཡིན་པས་སོ། །མོས་པ་སྤྱོད་པའི་དུས་ན་ཁེབས་རྩི། ས་ཐོབ་ཡན་ལ་གཞན་དོན་འབའ་

― ZP02_Page_611 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིག་གཙོ་བོར་བྱའོ། །དེ་ཡང་ཕན་གནོད་ཆེ་ཆུང་ལ་བརྟག་པར་བྱ་སྟེ། དངོས་སམ་བརྒྱུད་ནས་སེམས་ཅན་ལ་ཕན་པ་ཚབས་ཆེ་ཞིང་བདག་ལ་གནོད་ཚབས་ཆུང་ན་སེམས་ཅན་གྱི་དོན་བྱ། སེམས་ཅན་ལ་ཕན་ཚབས་ཆུང་ཞིང་བདག་ལ་གནོད་ཚབས་ཆེན་མི་བྱ། ཕན་གནོད་ཆེ་ཆུང་མཉམ་པར་འདུག་ན་སྐབས་དང་སྦྱར་ཏེ། ལས་དང་པོ་པའི་དུས་ན་བདག་ལ་གནོད་པ་གཙོ་བོར་བསྲུང༌། མོས་པ་སྤྱོད་པ་ཡན་ཆད་དུ་གཞན་ཕན་གཙོ་བོར་བསྒྲུབ་བོ། །སེམས་ཅན་མཐོ་དམན་བརྟག་པ་ནི། དུད་འགྲོ་ལྟ་བུའི་སེམས་ཅན་དམན་པའི་དོན་དུ་འགྱུར་ལ། མི་ལ་སོགས་པའི་སེམས་ཅན་མཐོ་བ་ལ་གནོད་ན་དམན་པའི་དོན་མི་བྱ། མི་ལྟ་བུའི་དོན་དུ་འགྱུར་ན་དུད་འགྲོ་འགའ་ཞིག་ལ་གནོད་ཀྱང་མིའི་དོན་བྱའོ། །མི་ཐ་མལ་པ་དང་ཆོས་མཛད་གཉིས་ཀྱང་གོང་བཞིན་ནོ། །ཆོས་པར་མཉམ་ན་ཡང་ཉན་ཐོས་ལྟ་བུ་དང་བྱང་ཆུབ་སེམས་དཔའ་གཉིས་ཀྱང་གོང་བཞིན་འདྲའོ། །སེམས་ཅན་མང་ཉུང་གཉིས་ལ་བརྟག་པ་ནི། སེམས་ཅན་མང་པོ་ལ་ཕན་ཅིང་ཉུང་ངུ་ལ་གནོད་པར་འདུག་ན་མང་པོའི་དོན་བྱ། མང་བ་ལ་གནོད་ན་ཉུང་ངུ་ལ་ཕན་ཡང་མི་བྱ། མང་ཉུང་ཕན་གནོད་མཉམ་པར་འདུག་ན་གནོད་པ་བསྲུང་བའི་ཐབས་ལ་

― ZP02_Page_612 ―

^{[མ་དཔེ་གཟིགས་ན་འདིར་གནོན།]}

[Full Size]

མཁས་པ་བསྟན་པ་བརྟེན་པའི་སྒོ་ནས་ཕན་པ་སྒྲུབ་པོ། །ཚེ་འདི་ཕྱི་གཉིས་ལ་བརྟག་པ་ནི། ཚེ་འདི་ཕྱི་གཉིས་ཀའི་དོན་དུ་འགྱུར་ན་གཞན་དོན་རབ་ཏུ་བྱ། གཉིས་ཀའི་དོན་དུ་མི་འགྱུར་ན་ཡེ་མི་བྱ། ཚེ་འདི་ལ་ཕན་ཡང་ཕྱི་མར་གནོད་ན་མི་བྱ། ཚེ་འདིར་གནོད་ཀྱང་ཕྱི་མ་ལ་ཕན་ན་ཚེ་འདིའི་གནོད་པ་སྐྱོབས་པའི་ཐབས་ལ་མཁས་པས་ཕྱི་མའི་དོན་བྱའོ། །སྡོམ་པ་དང་མི་དགེ་བ་བརྟག་པ་ནི། བདག་ཉིད་སྡོམ་པའི་ཚུལ་ཁྲིམས་ལ་གནས་པ་ཡིན་ཡང༌། སེམས་ཅན་འགའ་ཞིག་གི་དོན་དུ་བདག་གི་མི་དགེ་བ་འབའ་ཞིག་སྤྱད་པས་ཕན་ཡོན་ཆེན་པོར་འགྱུར་ན་གཞན་དོན་དུ་མི་དགེ་བ་བཅུ་ཀ་སྤྱད་པར་གནང་ཞིང་སྒྲུབ་པའི་བསླབ་བྱ་ཡིན་པས་བྱ་ཞིང༌། གང་ཞིག་ཉན་ཐོས་དང་རང་རྒྱལ་དང་བྱང་ཆུབ་སེམས་དཔའ་མང་པོ་ཟང་ཟིང་ཅུང་ཟད་ཙམ་གྱི་ཕྱིར་བསད་པར་སེམས་པ་ལ་སོགས་པ་མཚམས་མེད་པའི་ལས་མང་པོ་བྱེད་པར་སེམས་པ་དག་མཐོང་ན་བདག་རྣམ་པར་སྨིན་པ་ལ་འཛེམ་བཞིན་དུ། དེ་ལ་སྙིང་བརྩེ་བའི་སེམས་ཀྱིས་སྲོག་ཆགས་དེ་བསད་ཀྱང་ཉེས་པར་མི་འགྱུར་ཞིང་སླར་བསོད་ནམས་མང་པོ་འཕེལ་བར་འགྱུར་རོ། །ཡང་བྱང་ཆུབ་སེམས་དཔའ་གཅིག་ལ་ནུས་པ་ཡོད་ན་ཆོམ་རྐུན་ལ་སོགས་པ་དགེ་འདུན་དང་མཆོད་རྟེན་གྱི་དཀོར་

― ZP02_Page_613 ―

^{[མ་དཔེ་གཟིགས་ན་འདིར་གནོན།]}

[Full Size]

མང་པོ་འཕྲོག་པ་དག་མཐོང་ན་དེ་ལ་བརྩེ་བའི་སེམས་ཀྱིས་ནོར་རྣམས་སླར་འཕྲོག་སྟེ་དགེ་འདུན་དང་མཆོད་རྟེན་ལ་རང་སར་གཏད་པར་བྱའོ། །དེ་ལྟར་བྱང་ཆུབ་སེམས་དཔས་མ་བྱིན་པར་བླངས་ཀྱང་ཉེས་པར༴ ཡང་བྱང་ཆུབ་སེམས་དཔའ་ཁྱིམ་པའི་བུད་མེད་ཁྱིམ་ཐབས་མེད་པ་འཁྲིག་པའི་འདོད་ཆགས་ཀྱིས་རབ་ཏུ་གཟིར་བ་ལ་སྙིང་རྗེ་བས་འཁྲིག་པའི་ཆོས་བརྟེན་ཏེ་དགེ་བ་ལ་འཛུད་པར་བྱ་བ་དང༌། ཡང་སེམས་ཅན་མང་པོའི་སྲོག་ཐར་བར་བྱ་བའམ། བཅིང་པ་དང་ཡན་ལག་གཅོད་པ་སོགས་ལས་ཐར་བའི་ཐབས་སུ་འགྱུར་ན་རྫུན་ཚིག་སྣ་ཚོགས་སྨྲས་པ་དང༌། ཡང་སེམས་ཅན་གང་དག་མི་དགེ་བའི་བཤེས་གཉེན་དང་སྡིག་གྲོགས་ཀྱིས་ཟིན་པ་ལ་སྙིང་བརྩེ་བས་ཕྲ་མ་སྨྲ་ཞིང་དབྱེན་བྱས་ཏེ་དབྱེ་བ་དང༌། ཡང་སེམས་ཅན་ལམ་ལོག་པར་ཞུགས་ཤིང་སྤྱོད་ངན་བྱེད་པ་དག་ལ་ཞི་བའི་ཚིག་གིས་མ་བཟློག་ན། དེ་ལ་སྙིང་བརྩེ་བས་ཚིག་རྩུབ་པོ་དྲག་ཏུ་སྨྲ་ཞིང་དམའ་དབབ་པར་བྱ་བ་དང༌། ཡང་སེམས་ཅན་གང་དག་མྱ་ངན་གྱིས་ཡིད་གདུང་པའམ། གླུ་གར་དང་རོལ་མོའི་སྒྲ་དང་བྲེ་མོའི་གཏམ་སོགས་ལ་དགའ་བ་སྙིང་བརྩེ་བས་གླུ་གར་རོལ་མོ་སྣ་ཚོགས་དང་ཀུ་རེ་བྲེ་མོ་ངག་འཁྱལ་པ་སྣ་ཚོགས་པས་དགའ་བར་བྱས་ཏེ་དགེ་བ་ལ་དྲང་བར་བྱ་བ་དང་

― ZP02_Page_614 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིད་ཀྱི་མི་དགེ་བ་གསུམ་པོ་གནང་བའི་གོ་སྐབས་མེད་ཟེར་ཏེ། དེ་གསུམ་ཡང་གཞན་དོན་དུ་སྒྲུབ་པའི་བསླབ་བྱར་འགྱུར་ཏེ། སེམས་ཅན་བཀྲེན་ཞིང་ཕོངས་པ་དག་མཐོང་ནས། རང་ལ་སྦྱིན་པའི་ཡོ་བྱད་མེད་ཅིང༌། འབྱོར་ལྡན་སེར་སྣ་ཅན་མཐོང་ན་སྙིང་བརྩེ་བས་སེར་སྣ་ཅན་འདིའི་ཟས་ནོར་ཐབས་སྣ་ཚོགས་ཀྱི་སྒོ་ནས་བླངས་ལ་ཕོངས་པ་དག་ལ་བྱིན་ན་སྙམ་པའི་འདུན་པས་གཞན་གྱི་ཟས་ནོར་ལ་རློམ་སེམས་བྱེད་པ་དང༌། སེམས་ཅན་གང་དག་བླ་མ་དགེ་འདུན་ལ་སོགས་པ་དཀོན་མཆོག་གསུམ་གྱི་དགྲར་གྱུར་པའི་མ་རུང་པ་དག་ལ་སྙིང་བརྩེ་བས་དེ་ལ་ལུས་དང་སྲོག་ལ་གནོད་སེམས་དྲག་པོས་སྒོ་ནས་མངོན་སྤྱོད་ཀྱི་ལས་བྱས་པ་དང༌། སེམས་ཅན་གང་དག་ལོག་པའི་ལྟ་སྤྱོད་ལ་མོས་ཤིང་འདུན་པ་དག་ལ་སྙིང་བརྩེ་བས་དེའི་དོན་དུ་རེ་ཞིག་ལོག་པའི་ལྟ་སྤྱོད་བསྟན་ཏེ་བདག་གི་དབང་དུ་བྱས་ནས་ཡང་དག་པའི་ལྟ་བ་ལ་ཁ་དྲང་པའི་དོན་དུ་ལོག་ལྟ་བསྟན་པ་དང་བཅུ་པོ་དེ་དག་གིས་ཉེས་པར་མི་འགྱུར་ཞིང་སླར་བསོད་ནམས་མང་དུ་འཕེལ་བར་འགྱུར་ཏེ། སྡོམ་པ་ཉི་ཤུ་པ་ལས། སྙིང་བརྩེར་ལྡན་ལ་མི་དགེ་མེད། །ཅེས་སོ། །གལ་ཏེ་དེ་ལྟར་མི་དགེ་བ་གཞི་དེས་སླར་རྩོད་པའི་རྒྱུར་འགྱུར་བའམ། དགེ་འདུན་འཁྲུག་པར་འགྱུར་བའམ། སེམས་ཅན་དད་པ་ཅན་མང་

― ZP02_Page_615 ―

^{[མ་དཔེ་གཟིགས་ན་འདིར་གནོན།]}

[Full Size]

པོའི་དད་སུན་འབྱིན་ཅིང་ལོག་ལྟ་སྐྱེ་བའམ། བདག་ཉིད་ལས་དང་པོ་པ་ཡིན་པས་མི་བྱའོ། །སྦྱིན་པའི་འབྱོར་རྒུད་བརྟག་པ་ལ་བཞི་ལས། དང་པོ་ཟང་ཟིང་གི་སྦྱིན་པའི་འབྱོར་རྒུད་ལ་བརྟག་པ་ནི། སེམས་ཅན་ཕོངས་པ་དག་མཐོང་ན། བདག་ལ་ཟང་ཟིང་གི་སྦྱིན་རྒྱུ་ཡོད་ཅིང་སྦྱིན་པས་བདག་ལ་མི་གནོད་ཅིང་གཞན་ལ་ཕན་ཐོགས་པར་འདུག་ན་ཕོངས་པ་དག་ལ་ཟང་ཟིང་གི་འབྱོར་པ་ཅི་ཡོད་པ་སྦྱིན་པར་བྱེད་ལ། མི་དགེ་བའི་སེམས་བཟློག་ཅིང་དགེ་བ་ལ་གཟུད་པར་བྱའོ། །གལ་ཏེ་ཟང་ཟིང་གི་སྦྱིན་པ་བྱིན་པས་བདག་གི་ལུས་དང་སྲོག་དང༌། ཐོས་བསམ་སྒོམ་གསུམ་གྱི་བར་ཆད་འགྱུར་ཞིང་གཞན་ལ་ཕན་ཐོགས་ཆུང་ན་མི་སྦྱིན་ཏེ། ཟང་ཟིང་ཅུང་ཟད་ཙམ་ཅིག་བྱིན་ལ་འཛུམ་པའི་བཞིན་དང་འཇམ་པའི་ངག་གིས་གོ་བར་བྱས། གཞན་དུ་ཁ་བསྟན་ནོ། །ཟང་ཟིང་གི་སྦྱིན་པས་བདག་ལ་གནོད་པ་དང་གཞན་ལ་ཕན་པ་མཉམ་པོར་འདུག་པའམ། གཞན་དུ་ཁ་བསྟན་ས་མེད་ན་ཅི་རིགས་བགོ་བཤའ་བྱས་ནས་སྦྱིན་ནོ། །དེ་ཡང་ཟང་ཟིང་གི་སྦྱིན་པའི་སྐབས་སུ་འདི་ལྟར་ཤེས་པར་བྱ་སྟེ། བྱང་ཆུབ་སེམས་དཔའ་རབ་ཏུ་བྱུང་བས་ནི། བདོག་པའི་དངོས་པོ་ཐམས་ཅད་སྤངས་ཏེ། སྦྱིན་རྒྱུ་མེད་པར་གཙོ་བོར་བྱའོ། །

― ZP02_Page_616 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་ཆུབ་སེམས་དཔའ་ཁྱིམ་པས་སྦྱིན་པ་གཙོ་བོར་བྱའོ། །ཡང་རབ་ཏུ་བྱུང་བ་ལ་དགོན་པ་བས་སྦྱིན་པ་ལ་གཙོ་བོར་མི་བྱ་ཞིང༌། གྲོང་དུ་རྒྱུ་བདག་གིས་ལྷུང་བཟེད་དུ་གང་བྱུང་བ་དེ་དག་ཕོངས་པ་རྣམས་དང་ཐུན་མོང་དུ་ལོངས་སྤྱད་བྱའོ། །གཉིས་པ་ལུས་ཀྱི་སྦྱིན་པའི་འབྱོར་རྒུད་བརྟག་པ་ནི། བྱང་ཆུབ་སེམས་དཔའ་སོ་སོའི་སྐྱེ་བོ་ལ་ལུས་སློང་བ་བྱུང་ན་སྦྱིན་པའི་སྐབས་མ་ཡིན་པས། །དེས་ལུས་དངོས་སུ་བཏང་ན་བདུད་ཀྱི་ལས་སུ་འགྱུར་བས་ལུས་དངོས་སུ་མི་སྦྱིན་ནོ། །བསམ་པའི་སྒོ་ནས་སེམས་ཅན་ལ་ལུས་སྤྱི་དང་བྱེ་བྲག་ཏུ་སྦྱིན་པར་བྱའོ། །ས་ཐོབ་ནས་ལུས་དངོས་སུ་བྱིན་པས་སེམས་ཅན་གྱི་དོན་ཆེན་པོར་འགྱུར་བས་སྦྱིན་པར་བྱའོ། །ལུས་ཀྱི་ཡན་ལག་དང་ཤ་ཁྲག་སོགས་གང་འདོད་སྦྱིན། ཕྱིན་ཆད་ཀྱང་སྨོན་ལམ་གྱི་སྟོབས་ཀྱིས་ཤ་ཟ་བའི་སེམས་ཅན་གྱི་དོན་དུ་གླང་པོ་ཆེ་དང༌། ཉ་ཆེན་པོ་ལ་སོགས་པའི་ལུས་ཡང་དང་ཡང་དུ་བཤད་ཅིང་བླང་སྟེ། ཤ་ཁྲག་གི་དོན་བྱེད་ན་བྱང་ཆུབ་སེམས་དཔའི་ཤ་ཟོས་པ་དེ་དག་ཀྱང་སྨོན་ལམ་གྱི་མཐོ་རིས་དང་ཐར་བའི་རྒྱུར་འགྱུར་བའོ། །གསུམ་པ་ཆོས་ཀྱི་འབྱོར་རྒུད་ལ་བརྟག་པ་ནི། བྱང་ཆུབ་སེམས་དཔའི་བསམ་གཏན་གྱི་བར་ཆད་དུ་མི་འགྱུར་ཞིང་ཆོས་འདོད་པའི་གང་

― ZP02_Page_617 ―

^{[མ་དཔེ་གཟིགས་ན་འདིར་གནོན།]}

[Full Size]

ཟག་སྐལ་པ་དང་ལྡན་པ་ལ་ནི་ཙམ་འདོད་པ་བཞིན་བཤད་པར་བྱའོ། །བདག་གི་བསམ་གཏན་གྱི་བར་ཆད་དུ་འགྱུར་ཞིང་ཆོས་འདོད་པའི་གང་ཟག་སྐལ་པ་དང་མི་ལྡན་ན་མི་བྱའོ། །བདག་གི་བསམ་གཏན་ལ་ཅུང་ཟད་གནོད་ཀྱང་ཆོས་འདོད་པའི་གང་ཟག་སྐལ་པ་དང་ལྡན་ན་བྱའོ། །བདག་གི་བར་ཆད་དུ་མི་འགྱུར་ཡང་ཆོས་འདོད་པའི་གང་ཟག་ལོག་སྲེད་ཅན་ཐོ་འཚམས་པའི་མུ་སྟེགས་བྱེད་ཆོས་རྐུ་བ་ལ་མི་བྱའོ། །བདག་གི་མི་ཤེས་པས་ཆོས་འདོད་པ་ལ་རྙེད་པ་དང་བཀུར་སྟི་ལ་བལྟས་ནས་ཤེས་རྫུན་གྱིས་རང་བཟོ་དང་གཟུ་ལུམས་བྱས་ན་ཉེས་དམིགས་དཔག་ཏུ་མེད་པར་གསུངས་པས་མི་བྱའོ། །བདག་གིས་ཤེས་བཞིན་དུ་སེར་སྣ་དང༌། སྙོམས་ལས་ཀྱིས་ཡལ་བར་མི་འདོར་ཏེ་ཆོས་བསྟན་པར་བྱའོ། །སྦྱིན་པ་རྣམས་ཀྱི་ནང་ན་ཆོས་ཀྱི་སྦྱིན་པ་མཆོག་ཅེས་གསུངས་སོ། །བཞི་པ་མི་འཇིགས་པའི་སྦྱིན་པའི་འབྱོར་རྒུད་ལ་བརྟག་པ་ནི། བྱང་ཆུབ་སེམས་དཔའ་ལ་སེམས་ཅན་ཉེན་པའི་སྐྱབས་མགོན་བྱ་བའི་ནུས་པ་ཡོད་ན་བྱ། མེད་ན་མི་བྱ། ནུས་པ་ཡོད་ན་གཞི་དེས་བདག་ལ་གནོད་པ་འབྱུང་ན་མི་བྱ། ནུས་པ་ཆུང་ཡང་རང་གཞན་ལ་གནོད་པ་མེད་ན་སེམས་ཅན་ཉན་པ་དག་གི་སྐྱབས་མགོན་ལ་སོགས་པ་ནུས་ཚད་་

― ZP02_Page_618 ―

^{[མ་དཔེ་གཟིགས་ན་འདིར་གནོན།]}

[Full Size]

བྱའོ། །དེ་ཡང་སེམས་ཅན་མོས་པ་ཐ་དད་པ་བརྟག་པ་ནི། སྤྱིར་སེམས་ཅན་གྱི་རིགས་དང་དབང་པོ་དང་བསམ་པའི་མོས་པ་བསམ་གྱིས་མི་ཁྱབ་ཀྱང༌། མདོར་བསྡུ་ན་རིགས་བརྒྱད་དུ་འདུ་སྟེ། མཐོ་རིས་དང་ཐར་པའི་རྒྱུ་དང་འབྲས་བུ་ལ་དད་ཅིང་མོས་པ་མེད་པའི་སྐལ་བ་ཆད་པའི་རིགས་དང༌། ལྷ་མིའི་བདེ་འབྱོར་རྒྱུ་དང་འབྲས་བུ་ལ་མོས་པའི་རིགས་དང༌། ཉན་ཐོས་ཀྱི་ལམ་དང་འབྲས་བུ་ལ༴ རང་རྒྱལ་གྱི་ལམ་དང་༴ བྱང་ཆུབ་སེམས་དཔའི་ཐེག་པའི་ལམ་དང་འབྲས་བུ་ལ༴ ཐེག་པ་ཆེན་པོ་གསང་སྔགས་ཀྱི་ལམ་དང་འབྲས་བུ༴ ཟབ་པ་སྙིང་པོའི་དོན་ཅིག་ཆར་ལ་མོས་པའི་རིགས་དང༌། རིགས་ཕྱོགས་གཅིག་ཏུ་གང་དུ་ཡང་མ་ངེས་པ་རྐྱེན་ཁ་བའི་རིགས་སོ། །དེ་ལྟར་རིགས་བརྒྱད་པོ་དེ་དག་ལ་བརྟགས་ཏེ། དེའི་ནང་ནས་རིགས་ཆད་པ་དང༌། རིགས་མ་ངེས་པ་གཉིས་མ་གཏོགས་པ་གཞན་དྲུག་པོ་ལ་རང་རང་གི་མོས་པ་དང་བསྟུན་ཏེ་བློ་དང་འཚམས་པའི་ཆོས་དང་ཟང་ཟིང་གི་སྒོ་ནས་དོན་བྱ་སྟེ། དེ་ཡང་ལམ་འོག་མ་ནས་གོང་མར་རིམ་གྱིས་དྲང་བར་བྱའོ། །ལམ་གོང་མ་ནས་འོག་མར་སྦྱར་བར་མི་བྱའོ། །རྒྱུད་དང་མི་འཚམས་པའི་ཆོས་བསྟན་པར་མི་བྱའོ། །རིགས་མ་ངེས་

― ZP02_Page_619 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་དག་ནི་ཐེག་པ་ཆེན་པོ་ལ་རིམ་གྱིས་གཟུང་བར་བྱའོ། །ལམ་དམན་པ་ལ་གཟུང་བར་མི་བྱའོ། །རིགས་ཆད་པ་ལ་ཡང་ཡལ་བར་མི་འདོར་ཏེ། །ཟང་ཟིང་གི་སྦྱིན་པའི་སྒོ་ནས་ལས་འབྲེལ་བཞག་ཅིང་མ་འོངས་པ་ན་དཀོན་མཆོག་གསུམ་གྱི་གདུལ་བྱར་སྐྱེ་བར་གྱུར་ཅིག་པའི་སྨོན་ལམ་བཏབ་ལ་འབྲེལ་བ་བཞག་པར་བྱའོ། །གཞན་ཡང་ཟང་ཟིང་གི་སྦྱིན་པའི་སྒོ་ནས་སེམས་ཅན་མོས་པ་ཐ་དད་ཀྱི་ཚོད་རིག་པར་བྱ་སྟེ། གང་ཟག་གི་རིགས་བརྟགས་ཤིང་ཁ་ཟས་ལ་སོགས་པའི་ཆེ་ཆུང་དང༌། མང་ཉུང་དང་གཙང་སྨེ་དང༌། རུང་མི་རུང་དང་ཕན་གནོད་རྣམས་གང་འོས་ཀྱིས་སེམས་ཅན་གྱི་དོན་བྱ་སྟེ། སློབ་དཔོན་ཞི་བ་ལྷས། འདི་ལྟར་སྦྱིན་པའི་དུས་དག་ཏུ། །ཐམས་ཅད་དུ་ནི་ཚོད་རིགས་བྱ། །ཞེས་གསུངས་སོ། །དེ་བས་ན་བྱང་ཆུབ་སེམས་དཔའ་མངོན་པར་ཤེས་པ་དང་ལྡན་པའམ། ཡང་ན་ཆོས་ཀྱི་ཤེས་རབ་ཀྱི་སྤྱན་དང་ལྡན་པ་དག་གིས་སེམས་ཅན་མོས་པ་དག་གིས་སེམས་མོས་པ་ཐ་དད་ལ་བརྟག་ཤིང་དེ་དག་དང་སྒོ་བསྟུན་ལ་ཆོས་དང་ཟང་ཟིང་ལ་སོགས་པའི་སྒོ་སྣ་ཚོགས་ཀྱིས་སེམས་ཅན་གྱི་དོན་བྱའོ། །རང་གི་ཆོས་ཀྱི་འབྱོར་རྒུད་ལ་བརྟག་པ་ནི། མདོར་ན་བདག་གིས་

― ZP02_Page_620 ―

^{[མ་དཔེ་གཟིགས་ན་འདིར་གནོན།]}

[Full Size]

དངོས་སུ་སེམས་ཅན་གྱི་དོན་བྱས་པས་བརྒྱུད་ནས་སེམས་ཅན་དཔག་ཏུ་མེད་པའི་དོན་འབྱུང་བའི་རྒྱུ་ཐོས་བསམ་སྒོམ་གསུམ་གྱི་བར་ཆད་དུ་མི་འགྱུར་ན་དངོས་སུ་ཡང་སེམས་ཅན་གྱི་དོན་ནུས་ཚད་བྱ། བདག་གི་དངོས་སུ་སེམས་ཅན་འགའ་ཞིག་གི་དོན་བྱས་པས་མ་འོངས་པ་ན་སེམས་ཅན་དཔག་ཏུ་མེད་པའི་དོན་བྱེད་ནུས་པའི་ལམ་ཐོས་བསམ་སྒོམ་གསུམ་གྱི་བར་ཆད་དུ་འགྱུར་ན་མི་བྱ། དེ་ཡང་དངོས་སུ་སེམས་ཅན་ལ་ཕན་ཐོགས་ཆེ་ཆུང་དང་བདག་གི་ཐོས་བསམ་སྒོམ་གསུམ་གནོད་པ་ཆེ་ཆུང་ལ་བརྟགས་ཏེ་ཁེབས་བརྩི་བར་བྱའོ། །མཉམ་པོར་འདུག་ན་གཙོ་བོར་གཞན་དོན་བྱའོ། །ཆུང་ངུའི་ཕྱིར་ན་ཆེ་མི་བཏང༌། གཙོ་ཆེར་གཞན་གྱི་དོན་བསམ་མོ། །ཞེས་སོ། །དེ་ལྟར་བརྟག་པ་རྣམ་པ་དགུའི་ལས་ཀྱི་མཐའ་དེ་དག་བྱ་བའི་ཆ་གང་ཡིན་པ་རྣམས་བྱ་ཞིང༌། མི་བྱ་བའི་ཆ་གང་ཡིན་པ་རྣམས་སྤངས་ན། བྱང་ཆུབ་སེམས་དཔའ་ལ་ལྟུང་བ་མེད་ཅིང་ཕན་ཡོན་དང་ལྡན་པའོ། །གལ་ཏེ་བྱ་བའི་ཆ་མ་བྱས་ཤིང་མི་བྱ་བའི་ཆ་བྱས་ན་ཉེས་ལྟུང་དང་བཅས་པའོ། །དེ་ཡང་སེམས་ཅན་གྱི་དོན་ཆེན་པོ་བསྒྲུབ་པའི་ཕྱིར། རང་གི་དོན་ཕྲ་མོ་དང༌། བཅས་པའི་ཁ་ན་མ་ཐོ་བ་འགའ་ཞིག་བཏང་སྙོམས་སུ་བཞག་ནས་སེམས་ཅན་

― ZP02_Page_621 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་དོན་བྱེད་པ་ནི་ལྟུང་བའི་གཟུགས་བརྙན་ཞེས་བྱ་སྟེ་བླུན་པོས་བལྟས་ན་བཅས་པའི་ལྟུང་བ་འགའ་ཞིག་གིས་ཕོག་པ་འདྲ་ཡང་རང་གི་ངོ་བོ་ལ་ཉེས་ལྟུང་གཏན་ནས་མེད་པ་ཡིན་ནོ། །ཡང་སེམས་ཅན་གྱི་དོན་ཆེན་པོ་མཐོང་ཡང་རང་དོན་ཕྲ་མོ་དང༌། བཅས་པ་ཕྲ་མོ་ལ་འཛེམ་ནས་སེམས་ཅན་གྱི་དོན་ཡལ་བར་འདོར་བ་ནི་ལྟུང་བ་མེད་པའི་གཟུགས་བརྙན་ཞེས་བྱ་སྟེ། །བླུན་པོས་བལྟས་ན་ལྟུང་བ་མེད་པ་འདྲ་ཡང་རང་གི་ངོ་བོ་ལ་ལྟུང་བ་དང་བཅས་པའོ། །དེ་ལྟར་ལྟུང་བ་དང་ལྟུང་མེད་ཀྱི་གཟུགས་བརྙན་གཉིས་སྤངས་ལ། ལྟུང་མེད་དང་ལྟུང་བའི་གཟུགས་བརྙན་གཉིས་ལ་བསླབ་པར་བྱའོ། །དེ་དག་ནི་སེམས་ཅན་དོན་བྱེད་ཀྱི་ཚུལ་ཁྲིམས་ལ་བསླབ་ཚུལ་ལོ། །དེ་ཡང་ཚུལ་ཁྲིམས་གསུམ་པོ་ངོ་བོ་གཅིག་ལ་ལྡོག་པ་ཐ་དད་ཡིན་ཏེ། །བྱང་ཆུབ་སེམས་དཔའི་ཚུལ་ཁྲིམས་གསུམ་ཀ་སེམས་ཅན་གྱི་དོན་ལ་དམིགས་པའི་ཤེས་པ་ཙམ་དུ་ངོ་བོ་གཅིག་ལ། གོ་རིམ་གྱིས་ལྡོག་པ་ཐ་དད་པ་ནི་སྡོམ་པའི་ཚུལ་ཁྲིམས་ན་སེམས་ཅན་གྱི་ཕྱིར་རང་གི་དོན་བསྒྲུབ་པའོ། །དགེ་བ་ཆོས་སྡུད་ནི་རང་གཞན་གཉིས་ཀའི་དོན་བསྒྲུབ་པའོ། །སེམས་ཅན་དོན་བྱེད་ནི་གཞན་དོན་བསྒྲུབ་པའོ། །སྡོམ་པའི་ཚུལ་ཁྲིམས་ནི་ལས་དང་པོ་པས་

― ZP02_Page_622 ―

^{[མ་དཔེ་གཟིགས་ན་འདིར་གནོན།]}

[Full Size]

གཙོ་བོར་བྱའོ། །དགེ་བ་ཆོས་སྡུད་ནི་མོས་པ་སྤྱོད་པས་གཙོ་བོར་བྱའོ། །སེམས་ཅན་དོན་བྱེད་ནི་ས་ཐོབ་པས་གཙོ་བོར་བྱའོ། །ཡང་ཚུལ་ཁྲིམས་དང་པོས་རང་གཞན་གྱི་དོན་ལ་སྒྲིབ་པའི་སྤང་བྱ་མི་མཐུན་པ་མཐའ་དག་སྤོང་བའོ། །གཉིས་པས་རང་གཞན་གྱི་དོན་ཕུན་སུམ་ཚོགས་པར་བྱེད་པའི་ཡོན་ཏན་རྫོགས་པར་བྱེད་པའོ། །གསུམ་པས་མཛད་པ་ཕྲིན་ལས་ཀྱི་རྫོགས་བྱ་མཐའ་དག་རྫོགས་པར་བྱེད་པའོ། །ཚུལ་ཁྲིམས་གསུམ་པོ་དེ་ལ་གྲོགས་བདག་མེད་རྟོགས་པའི་ཤེས་རབ་མེད་ན་སེམས་ཅན་གྱི་ཁམས་ལ་ཟད་པ་མེད་པས་དུས་རིང་བ་དང༌། འདས་པའི་སངས་རྒྱས་རྣམས་ཀྱིས་ཀྱང་བསྒྲལ་བར་མ་ནུས་པ་དང༌། སེམས་ཅན་བྱ་བྱེད་ངན་པས་ཕན་བཏགས་པའི་ལན་དུ་གནོད་པ་སྐྱེལ་དུ་ཡོད་པའི་དབང་གིས་སེམས་ཅན་གྱི་དོན་གྱིས་སུན་ནས་ཉན་རང་གི་སེམས་སྐྱེ་ཉེན་ཆེ་ལ། བདག་མེད་རྟོགས་པའི་ཤེས་རབ་ཀྱིས་དོན་དམ་པར་ཆོས་ཐམས་ཅད་དངོས་མེད་ནམ་མཁའ་ལྟར་ཤེས་ན་སྐྱོ་སུན་མི་འབྱུང་ངོ༌། །དགེ་བའི་ལས་ཐམས་ཅད་ཚོགས་གཉིས་སུ་བསྡུས་པའི་ཕྱིར་དགེ་བ་ཆོས་སྡུད་དོ། །ལྷག་པའི་བསམ་པ་ཕུན་སུམ་ཚོགས་པའི་བྱང་ཆུབ་ཀྱི་སེམས་ཞེས་བྱ་བ་ནི་བདག་གཞན་གཉིས་ཀ་བདེ་བ་འདོད་སྡུག་བསྔལ་མི་འདོད་པར་མཉམ་པར་རྟོགས་

― ZP02_Page_623 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་སྒོ་ནས་བདག་རྨོངས་པའི་སེམས་ཅན་གཞན་གཅེས་པར་འཛིན་པའོ། །སྡོམ་པ་གསུམ་པོའི་གནས་ཚུལ་ནི་ངོ་བོའི་དབང་དུ་བྱས་ན་མངོན་གྱུར་དང་བག་ཉལ་རེས་འཇོག་གི་ཚུལ་དུ་གནས། གང་ཟག་གི་དབང་དུ་བྱས་ན་ལས་དང་པོ་པ་ལ་སྡོམ་པ་གསུམ་ཀ་ངེས་དོན་གྱི་ཚུལ་དུ་གནས། མོས་པ་སྤྱོད་པ་ལ་སོ་སོར་ཐར་པ་དྲང་དོན་གཉིས་པོ་ངེས་དོན་གྱི་ཚུལ་དུ་གནས། ས་ཐོབ་པ་ལ་སྡོམ་པ་གསུམ་པོ་དྲང་དོན་གྱི་ཚུལ་དུ་གནས་ཏེ། ངེས་དོན་དུ་སྡོམ་བྱ་མེད་པས་སོ། །དུས་ཀྱི་དབང་དུ་བྱས་ན་སོ་སོར་ཐར་པ་ཇི་སྲིད་འཚོའི་བར་དང༌། གཉིས་པོ་བྱང་ཆུབ་མ་ཐོབ་བར་དུ་གནས་སོ། །དོན་དམ་པར་སེམས་ཅན་རང་རྒྱུད་པ་འཁོར་བ་ན་འཁྱམས་རྒྱུ་ཞིག་མེད། ཀུན་རྫོབ་སྒྱུ་མ་ཙམ་དུ་གློ་བུར་གྱི་ལས་དང་ཉོན་མོངས་པ་སྒྱུ་མ་ཙམ་གྱིས་སེམས་ཅན་བློ་རྟོག་སྒྱུ་མ་ཙམ་འདི། ཁྲིད་ནས་འཁོར་བའི་སྡུག་བསྔལ་སྒྱུ་མ་ཙམ་ཞིག་ཉམས་སུ་མྱོང་བ་སྐྱེས་བུ་གཉིད་ཀྱིས་ནོན་པའི་རྨི་ལམ་གྱི་ཡུལ་སེམས་བཞིན་ནོ། །སྦྱིན་པ་ལ་སོགས་པའི་ལས་གང་ལ་སྤྱོད་པ་དེ་ཉིད་སྟོང་པ་ཉིད་དང་སྙིང་རྗེ་གཉིས་ཀྱིས་ཟིན་ན་རྣམ་མཁྱེན་གྱི་རྒྱུའམ་ལམ་དུ་འགྱུར་རོ། །དེ་ཡང་དང་པོ་བྱང་ཆུབ་སེམས་དཔའ་བླ་ན་མེད་པའི་ཆོས་གསུམ་གྱི་སྒོ་ནས་སྦྱིན་པ་ལ་སོགས་རྣམ་མཁྱེན་གྱི་ལམ་བསྒྲུབ་པར་བྱ་

― ZP02_Page_624 ―

^{[མ་དཔེ་གཟིགས་ན་འདིར་གནོན།]}

[Full Size]

སྟེ། སེམས་བསྐྱེད་བླ་ན་མེད་པས་སྣ་དྲངས། སྨོན་ལམ་བླ་ན་མེད་པས་མཇུག་བསྡུ། ཤེས་རབ་བླ་ན་མེད་པས་རྒྱས་གདབ་པའོ། །དང་པོ་ནི་སེམས་ཅན་ཐམས་ཅད་ཀྱི་དོན་དུ་བདག་གི་བླ་ན་མེད་པའི་སངས་རྒྱས་མྱུར་དུ་ཐོབ་ནས་སེམས་ཅན་གྱི་དོན་བྱེད་པར་འདོད་པས་དེའི་རྒྱུད་ལ་འཇུག་པའི་སེམས་བརྟན་པོ་གཅིག་གོ །གཉིས་པ་ནི་བསོད་ནམས་འདི་ཡིས་ཐམས་ཅད་གཟིགས་པ་ཉིད་སོགས་ཀྱིས་དོན་ལྟ་བུའོ། །གསུམ་པ་འཁོར་གསུམ་མི་དམིགས་པས་ཟིན་ཅིང་རྒྱས་ཐེབས་པའོ།། །།

ཐེག་ཆེན་ལྟ་ཁྲིད་བདེན་གཉིས་རབ་ཏུ་གསལ་བ།

― ZP02_Page_625 ―

^{[མ་དཔེ་གཟིགས་ན་འདིར་གནོན།]}

[Full Size]

ཐེག་ཆེན་ལྟ་ཁྲིད་བདེན་གཉིས་རབ་ཏུ་གསལ་བ་ཞེས་བྱ་བ་བཞུགས་སོ།།

― ZP02_Page_626 ―

^{[མ་དཔེ་གཟིགས་ན་འདིར་གནོན།]}

[Full Size]

ཐར་འདོད་རྣམས་ཀྱིས་རྟོགས་པར་བྱ་བའི་ཆོས་དང༌། ཉམས་སུ་བླང་བའི་ཆོས་གཉིས། དང་པོ་ལའང་ཤེས་བྱ་སྤྱིའི་གནས་ལུགས་དང༌། ཤེས་པ་རང་གི་གནས་ལུགས་གཉིས། དང་པོ་ལའང་ཀུན་རྫོབ་དང་དོན་དམ་གཉིས་ལས། དང་པོ་ནི། སྤྱིར་དམྱལ་བ་མནར་མེད་པ་ནས་ས་བཅུའི་རྗེས་ཐོབ་མན་ཆད་ཀྱི་སྣང་བ་ཐམས་ཅད་ཀུན་རྫོབ་ཡིན། དེ་ལའང་ལོག་པའི་ཀུན་རྫོབ་དང་ཡང་དག་གཉིས་ལས། ལས་དང་པོ་པ་མན་ཆད་ལ་སྣང་ཚད་ལོག་པའི་ཀུན་རྫོབ། མོས་པ་སྤྱོད་པ་རྣམས་ལ་རྟོགས་པའི་རྩིས་ཟིན་པའི་དུས་ན་སྣང་བ་ཐམས་ཅད་ཡང་དག་ཀུན་རྫོབ། མ་ཟིན་དུས་ན་ལོག་རྫོབ་ཡིན། ས་ཐོབ་ནས་ཡིད་ལ་སྣང་ཚད་ཡང་དག་ཀུན་རྫོབ་ཡིན། སྣང་ཙམ་མ་འགགས་པས་ཀུན་རྫོབ་ཡིན་ལ་དེ་ཉིད་རྫུན་པར་མངོན་སུམ་གྱིས་གཟིགས་པས་སོ། །ས་དང་པོ་ནས་ས་བཅུའི་བར་གྱི་སྣང་བ་དེ་དག་ཀྱང་སྔར་དངོས་འཛིན་ལ་ཡུན་རིང་པོར་གོམས་པའི་བག་ཆགས་མ་སྤང་པས་བསྐྱེད་པ་སྟེ་གླ་རྩིའི་སྣོད་ཀྱི་དྲི་དང་འདྲ། བག་ཆགས་རྩད་ནས་སྤངས་པའི་སངས་རྒྱས་ལ་སྣང་བ་གང་ཡང་མེད་དེ་དོན་དམ་པར་སྤྲོས་བྲལ་འབའ་ཞིག་ཏུ་གནས་སོ། །ཐ་མལ་གྱི་སྣོད་བཅུད་ལ་དངོས་པོར་ཞེན་པ་ནི་ལོག་རྫོབ་ཡིན། དེའི་གཉེན་པོར་དག་པའི་ལྷ་དང་གཞལ་ཡས་ཁང་སྒྱུ་མ་ལྟ་བུར༌།

― ZP02_Page_627 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒྱུར་ནས་སྒོམ་པ་སོགས་ཡང་དག་ཀུན་རྫོབ་ཡིན། གཉིས་པ་དོན་དམ་པའི་ངོ་བོ་ནི་ཆོས་ཀྱི་དབྱིངས་སྤྲོས་པ་དང་བྲལ་བ་ཡིན། དེའི་ངོ་བོ་ལ་དབྱེར་མེད་ཀྱང༌། དེ་ཉིད་མངོན་དུ་གྱུར་མ་གྱུར་གྱི་ལྡོག་པ་ནས་དབྱེ་ན། རང་བཞིན་གཤིས་ཀྱི་དང༌། དེ་ཉིད་རྟོགས་པ་མངོན་གྱུར་གྱི་འམ། ཡང་ན་ཐོས་བསམ་གྱི་སྒྲོ་འདོག་ཆོད་པའི་དང༌། རྣལ་འབྱོར་པས་ཉམས་སུ་མྱོང་བའམ། སོ་སྐྱེས་དོན་སྤྱི་རྗེས་དཔག་གི་དང༌། འཕགས་པས་རང་རིག་མངོན་སུམ་གྱི་དོན་དམ་པ་སྟེ། དེ་ཡང་རྣམ་གྲངས་ཀྱི་དང༌། རྣམ་གྲངས་མ་ཡིན་པའི་དོན་དམ་ཞེས་གསུངས་སོ། །བདེན་པ་གཉིས་པོ་དེ་ལ་སྣང་ལུགས་གསུམ་ཡོད་དེ། སྣང་བ་རང་རྒྱུད་པར་སྣང་ཞིང་ཞེན་པ་དང་བཅས་པ་ནི་སོ་སོའི་སྐྱེ་བོའི་ས་སྟེ། དེ་ལ་ལོག་པའི་ཀུན་རྫོབ་ཟེར། སྣང་བ་རྫུན་པར་རྟོགས་ཤིང་ཞེན་པ་མེད་པ་འཕགས་པའི་ས་སྟེ་དེ་ལ་ཡང་དག་པའི་ཀུན་རྫོབ་ཅེས་བྱ། སྣང་བ་དང་མི་སྣང་བ་གང་ཡང་མེད་ཅིང་ཞེན་མི་ཞེན་གྱི་རྩིས་གདབ་དང་བྲལ་བ་སངས་རྒྱས་ཀྱིས་སྟེ། དེ་ཀ་ལ་དོན་དམ་ཞེས་བྱའོ། །དེ་ཡང་དང་པོ་ལ་སྣང་ཞེན་གཉིས་ཀ་ཡོད། །བར་མ་ལ་སྣང་ཙམ་ལས་ཞེན་པ་མེད། །ཕྱི་མ་ལ་སྣང་ཞེན་གཉིས་ཀ་མེད་དོ། །དེ་གསུམ་ཡང་ལོག་པའི་ཤེས་པ་དང༌། །ཀུན་རྫོབ་ཤེས་པའི་

― ZP02_Page_628 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་པ་དང༌། །དོན་དམ་ཤེས་པའི་ཤེས་པའོ། །སོ་སོའི་སྐྱེ་བོའི་ཀུན་རྫོབ་ཤེས་པའི་ཤེས་རབ་ནི་བརྟག་དཔྱད་ལ་རགས་ལས་སོ། །འཕགས་པས་ནི་མངོན་སུམ་པའོ། །དོན་དམ་པའི་ཆོས་ཀྱི་དབྱིངས་ལ་ཤེས་མི་ཤེས་ཀྱི་ཐ་སྙད་མེད་ཀྱང༌། དེ་ཉིད་ཁོང་དུ་ཆུད་པ་ལ་ཤེས་པའམ་རྟོགས་པ་སོགས་སུ་བཏགས་སོ། །མཐར་ཐུག་བདེན་གཉིས་དབྱེར་མེད་དུ་རྟོགས་པར་བྱ་བ་ནི། ཀུན་རྫོབ་ཅེས་ཡོད་ཡོད་པོ་དང༌། དོན་དམ་གྱིས་ཞེས་མེད་མེད་པོར་བརྟགས་པ་དབུ་མའི་ལྟ་བར་མི་འགྱུར་ཏེ། ཡང་དག་ཀུན་རྫོབ་རྣལ་མ་གཅིག་རྟོགས་པའི་དུས་རང་ནས་ཡོད་མེད་རྟག་ཆད་ཀྱི་མཐའ་ཐམས་ཅད་དང་བྲལ་བ་བདེན་པ་གཉིས་དབྱེར་མེད་དུ་འདྲེན་པ་ཡིན་ཏེ། ཡུམ་ལས། ཀུན་རྫོབ་ཀྱི་དེ་ཁོ་ན་ཉིད་གང་ཡིན་པ་དེ་ཉིད་དོན་དམ་པའི་དེ་ཁོ་ན་ཉིད་དོ། །ཞེས་སོ། །བདེན་པ་གཉིས་སུ་དབྱེ་བའང༌། རེ་ཞིག་ཤེས་ངོ་གཉིས་ལ་ལྟོས་ནས་རྟོགས་སླ་བའི་ཆེད་དུ་བཏགས་པ་ཙམ་སྟེ། དེ་ཡང་འཁྲུལ་པའི་ཤེས་ངོ་ལ་དངོས་པོ་སྣ་ཚོགས་སུ་སྣང་བ་ཀུན་རྫོབ་ཏུ་བཏགས། འཁྲུལ་པ་ཟད་པའི་ཤེས་ངོ་ལ་རྡུལ་ཙམ་ཡང་མེད་ཅིང་མེད་པ་རང་ཡང་མི་དམིགས་པས་དོན་དམ་ཞེས་བཏགས་པ་ཡིན་ཏེ། གང་ཚེ་དངོས་དང་དངོས་མེད་དག །བློ་ཡི་མདུན་ན་མི་གནས་པ། །དེ་ཚེ་རྣམ་པ་གཞན་མེད་པས། །དམིགས་པ་མེད་

― ZP02_Page_629 ―

^{[མ་དཔེ་གཟིགས་ན་འདིར་གནོན།]}

[Full Size]

པར་རབ་ཏུ་ཞི། །ཞེས་སོ། །དོན་ལ་ཤེས་བྱའི་གཤིས་མཐར་ཐུག་ཆོས་ཀྱི་དབྱིངས་སྤྲོས་བྲལ་ཆེན་པོ་ལ་བདེན་པ་གཉིས་སུ་དབྱེ་བའི་གདགས་གཞི་མ་གྲུབ་པས་དབྱེ་རུ་མེད། མཐར་ཕྱིན་པའི་སངས་རྒྱས་ཀྱི་དགོངས་པ་ལའང་བདེན་པ་གཉིས་སུ་དབྱེ་རྒྱུ་མེད། ད་ལྟར་གྱི་འཁྲུལ་སྣང་འདི་ལ་ཡང་བདེན་པ་གཉིས་ཐ་དད་དུ་མ་གྲུབ་སྟེ། སྣང་སྟོང་དབྱེར་མེད་རིག་སྟོང་དབྱེར་མེད་དུ་གནས་ཤིང༌། དེ་ལྟར་རྟོགས་པའམ་ཁོང་དུ་ཆུད་པ་དེ་ཉིད་སངས་རྒྱས་ཀྱི་དགོངས་པ་ཆོས་ཉིད་གཉིས་སུ་མེད་པའི་ཡེ་ཤེས་ཡིན་ཏེ། བདེན་གཉིས་སོ་སོའི་ཆ་ཡང་དག་པར་ཤེས་ཤིང་དེ་གཉིས་དབྱེར་མེད་དུ་འདྲེས་པར་གྱུར་པ་ལ་ཟུང་འཇུག་གཉིས་སུ་མེད་པའི་ཡེ་ཤེས་དང་མི་གནས་པའི་མྱ་ངན་ལས་འདས་པ་སོགས་སུ་བཏགས་སོ། །དེ་ལྟར་ཡུལ་ཤེས་བྱ་སྤྱིའི་གནས་ལུགས་རྟོགས་ཀྱང༌། ཡུལ་ཅན་ཤེས་པ་རང་གི་གནས་ལུགས་མ་རྟོགས་ན། ཆོས་ཐམས་ཅད་ཤེས་བྱའི་ཡུལ་དུ་ལུས་ནས་ཉོན་མོངས་པའི་གཉེན་པོར་མི་འགྲོ་སྟེ་རྟོགས་པ་དེ་ཉིད་ལ་སླར་ང་རྒྱལ་དང་རློམ་སེམས་སྐྱེ་ཞིང༌། གང་ཟག་གི་བདག་རགས་སུ་འགྲོ་བས། ཤེས་བྱ་ཤེས་མཁན་གྱི་བློའམ་སེམས་སམ། ཡིད་དམ་རྣམ་ཤེས་ཁོ་རང་གི་གནས་ལུགས་རྟོགས་དགོས། དེ་ལ་གཉིས་ཏེ། རེ་ཞིག་བདེན་པ་

― ZP02_Page_630 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་སུ་རྟོགས་པར་བྱ་བ་དང༌། མཐར་ཐུག་བདེན་པ་དབྱེར་མེད་དུ་རྟོགས་པར་བྱ་བའོ། །དང་པོ་ནི། ཤེས་བྱ་སྤྱིའི་གནས་ལུགས་ཀུན་རྫོབ་སྣང་ལ་རང་བཞིན་མེད་པར་སྒྱུ་མ་ལྟ་བུར་རྟོགས། དོན་དམ་པར་ཡོད་མེད་ཅིར་ཡང་མ་གྲུབ་པ་ནམ་མཁའ་ལྟ་བུར་རྟོགས། མཐར་ཐུག་བདེན་པ་གཉིས་དབྱེར་མེད་ཆོས་ཀྱི་དབྱིངས་མུ་མཐའི་སྤྲོས་པ་ཐམས་ཅད་བྲལ་བའི་དབུ་མ་ཆེན་པོར་རྟོགས་པའི་བློའམ་ཤེས་པ་དེ་ཉིད་ཀུན་རྫོབ་ཡིན་ཏེ། ཞི་བ་ལྷས། དོན་དམ་བློ་ཡི་སྤྱོད་ཡུལ་མིན། །བློ་ནི་ཀུན་རྫོབ་ཡིན་པར་འདོད། །ཅེས་སོ། །དེ་ལྟར་རྟོགས་པའི་བློ་གང་ཡོད་པ་དེ་ལ་ང་རྒྱལ་དང་རློམ་སེམས་ཡོད་ཅིང༌། ང་རྒྱལ་དང་རློམ་སེམས་ནི་བདུད་ཀྱི་ལས་ཡིན་པས་དེ་ཉིད་ལོག་ཤེས་སུ་འགྲོ་སྟེ། སངས་རྒྱས་ཀྱི་ཡུལ་བསམ་གྱིས་མི་ཁྱབ་པ་བསྟན་པའི་མདོ་ལས། ཐོབ་པ་ཞེས་བྱ་བ་ནི་གཡོ་བ་ཉིད་དོ། །མངོན་པར་རྟོགས་པ་ཞེས་བྱ་བ་ནི་རློམ་སེམས་པ་ཉིད་དོ། །གཡོ་བ་དང་རློམ་སེམས་གང་ཡིན་པ་དེ་ནི་བདུད་ཀྱི་ལས་སོ། །ལྷག་པའི་ང་རྒྱལ་ཅན་དག་ནི་བདག་གིས་ཐོབ་བོ། །བདག་གིས་མངོན་པར་རྟོགས་སོ་ཞེས་རྣམ་པར་རྟོག་པར་འགྱུར་རོ། །ཞེས་གསུངས་སོ། །རྟོགས་པའི་བློ་ནི་ཀུན་རྫོབ་ཀྱི་རང་བཞིན་དོན་དམ་པ་ཡིན་ཏེ། རྟོགས་པའི་བློའམ། སེམས་སམ་ཤེས་པ་དེ་ཉིད་རང་

― ZP02_Page_631 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་བལྟས་པས་དངོས་པོ་ཅིར་ཡང་མ་གྲུབ་སྟེ། ཡེ་ནས་ཡོད་མེད་ཀྱིས་སྟོང༌། སྐྱེ་འགགས་ཀྱིས་སྟོང༌། འགྲོ་འོང་གིས་སྟོང༌། རྟག་ཆད་ཀྱིས་སྟོང༌། དུས་གསུམ་གྱིས་སྟོང་པས་ན་ཆོས་ཉིད་དོན་དམ་པ་ཞེས་བྱ་སྟེ། འོད་སྲུང་གིས་ཞུས་པའི་མདོ་ལས། སེམས་ནི་ནང་ནའང་མེད་དེ་ཕྱི་རོལ་ནའང་མེད། །གཉིས་ཀ་མེད་པར་མི་དམིགས་སོ། །ཞེས་དང༌། བྱམས་ཞུས་ལས། སེམས་ནི་དབྱིབས་མེད་པ། ཁ་དོག་མེད་པ། གནས་མེད་པ། ནམ་མཁའ་ལྟ་བུའོ། །ཞེས་གསུངས་སོ། །སེམས་ཀྱི་གནས་ལུགས་མཐར་ཐུགས་བདེན་པ་གཉིས་དབྱེར་མེད་དུ་གནས་ཏེ། སེམས་ཉིད་གཅིག་ལ་བདེན་པ་གཉིས་སུ་བཏགས་པ་དེ་ཡང་རེ་ཞིག་མིང་ཙམ་བརྡ་ཙམ། བརྟགས་པ་ཙམ་དུ་ཟད་དོ། །གཞི་ཆོས་ཀྱི་དབྱིངས་ལ་སེམས་མེད་པས་བདེན་པ་གཉིས་ཀྱི་གདགས་གཞི་མ་གྲུབ། འབྲས་བུ་སངས་རྒྱས་ཀྱི་དགོངས་པ་ལ་སེམས་མེད་པས་བདེན་པ་གཉིས་ཀྱི་གདགས་སུ་མེད། འཁྲུལ་པའི་སེམས་ཅན་གྱི་སེམས་ཉིད་གསལ་སྟོང་འདི་ལ་ཡང་ངོས་བཟུང་མེད་དེ། རིག་པ་གསལ་སྟོང་དུ་གནས་པས་བདེན་པ་གཉིས་དབྱེར་མེད་དུ་རྟོགས་པར་བྱའོ། །བདེན་གཉིས་དབྱེར་མེད་ཀྱི་དོན་དེ་ཡང་བདེན་པ་གཉིས་ཀྱི་མཚན་ཉིད་ཤེས་པ་ལ་བརྟེན་ནས་རྟོགས་

― ZP02_Page_632 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་དགོས་པ་ཡོད་པས་གཉིས་སུ་དབྱེ་བའོ། །དེ་ལྟར་ཤེས་བྱའི་གནས་ལུགས་སྤྲོས་བྲལ་དང་གནས་ལུགས་སྤྲོས་བྲལ་གཉིས་དབྱེར་མེད་རོ་གཅིག་ཏུ་འདྲེས་ཏེ་དེའི་ཆོས་དང་གང་ཟག་གིས་སྟོང་ཙམ་ན་ཕྱི་ནང་གི་ཆོས་ཐམས་ཅད་ཡོད་མེད་རྟག་ཆད་ཀྱི་སྤྲོས་པ་ཐམས་ཅད་དང་བྲལ་ནས་འདུས་མ་བྱས་ཀྱི་ནམ་མཁའ་ལྟ་བུ་མཐོང་བྱ་མཐོང་བྱེད་མེད། རྟོགས་བྱ་རྟོགས་བྱེད་མེད་པའི་ཚུལ་གྱིས་རྟོགས་ཤིང་མཐོང་བ་ནི་ཕྱིན་ཅི་མ་ལོག་པའི་རྟོགས་པ་ཡིན་ནོ། །ད་ནི་ཉམས་སུ་བླངས་པའི་ཆོས་བསྟན་པ་ལ་གཉིས་ལས། དབང་པོ་རྣོན་པོས་ཅིག་ཆར་དུ་ཉམས་སུ་བླང་བ་ནི། སྔོན་ཚོགས་གཉིས་བསགས་པའི་རྒྱུ་ཅན། ཟབ་མོའི་ལས་འཕྲོ་དང་སྐལ་བར་ལྡན་པའི་ལས་ཅན་དག་ལ་བདེན་པ་གཉིས་ཀྱི་གདམས་པ་བསྟན་པ་ཙམ་གྱིས་རྟོགས་པ་འཆར་བས། རྟོགས་པའི་ངང་དེ་ཉིད་ལ་བསྐྱངས་པས་ཆོག་གོ །དེ་ཡང་མཉམ་བཞག་ལ་ཤེས་པ་དང་ཤེས་བྱ་གཉིས་ཀས་སྟོང་ཞིང་བདག་མེད་པ། བདེན་པ་གཉིས་ཀྱི་སྤྲོས་པ་དང་བྲལ་བ་ནམ་མཁའ་ལྟ་བུའི་ངང་ལ་སྒོམ། དེ་ལྟར་སྒོམ་པའི་དུས་ན་རྣམ་རྟོག་ངན་པ་གཅིག་ཕར་བསལ་རྒྱུ་མེད། སེམས་བཟང་པོ་གཅིག་ལ་བློ་གཏད་དུ་མེད་དེ། བྱམས་མགོན་གྱིས། འདི་ལ་བསལ་བྱ་ཅི་ཡང་མེད། །བཞག་པར་བྱ་བ་ཅུང་ཟད་མེད། །ཡང་དག་ཉིད་ལ་ཡང་དག་བལྟ། །ཡང་

― ZP02_Page_633 ―

^{[མ་དཔེ་གཟིགས་ན་འདིར་གནོན།]}

[Full Size]

དག་མཐོང་ན་རྣམ་པར་གྲོལ། །ཞེས་གསུངས་སོ། །རྗེས་ལ་ཇི་ལྟར་སྣང་བ་ཐམས་ཅད་སྣང་ལ་རང་བཞིན་མེད་པ། བདེན་གཉིས་ཟུང་འཇུག་རྨི་ལམ་ལྟ་བུའི་ངང་དུ་བསྐྱངས། དེ་མ་རྟོགས་པའི་སེམས་ཅན་རྨི་ལམ་སྒྱུ་མ་ལྟ་བུ་རྣམས་ལ་བྱམས་པ་དང་སྙིང་རྗེ་བྱང་ཆུབ་ཀྱི་སེམས་སྒྱུ་མ་ཙམ་གྱིས་སེམས་ཅན་གྱི་དོན་དུ་ཚོགས་གཉིས་སྒྱུ་མ་ཙམ་གསོག་ཅིང༌། སེམས་ཅན་གྱི་དོན་དུ་སྨོན་ལམ་རྒྱ་ཆེན་པོ་གདབ་པར་བྱའོ། །དབང་རྟུལ་རྣམས་ཀྱིས་ནི་བློ་ལྡོག་བཞི་པོ་ནས་བཟུང་སྟེ་རིམ་གྱིས་གོམས་པར་བྱ་དགོས་ཏེ། དེ་ལྟར་མ་བྱས་ན་ཟབ་མོའི་རྟོགས་པ་དོན་སྤྱིའི་རྣམ་པ་ཙམ་ལས་མི་སྐྱེའོ། །ཇི་ལྟར་དྲན་སྣང་ཐམས་ཅད་ཀུན་རྫོབ་ཡིན། དེ་ཡི་རང་བཞིན་རྟོགས་པ་དོན་དམ་མོ། །དེ་ལྟར་རྟོགས་པའི་བློ་དེ་ཀུན་རྫོབ་ལ། །བློ་ལ་རང་བཞིན་མེད་པ་དོན་དམ་མོ། །བདེན་གཉིས་བརྗོད་པའི་སྒྲ་དེ་ཀུན་རྫོབ་ལ། །སྒྲ་ལ་རང་བཞིན་མེད་པ་དོན་དམ་མོ། །དེ་དག་གཉིས་མེད་བདེན་གཉིས་ཟུང་འཇུག་སྟེ། །ཤེས་བྱའི་གཤིས་དང་སངས་རྒྱས་དགོངས་པ་ལ། །བདེན་གཉིས་ཟུང་འཇུག་དག་ཀྱང་མི་དམིགས་པས། །ཆོས་ཀྱི་དབྱིངས་ཉིད་སྤྲོས་དང་བྲལ་ཞེས་བྱ། །དེ་ལ་གང་ཟག་ཆོས་ཀྱི་བདག་མ་གྲུབ། །དེ་ལྟར་རྟོགས་པ་གང་དེ་ལྟ་བ་ཡིན། །དེ་ཡི་ངང་ལ་གནས་པ་སྒོམ་པ་ཡིན། །སྙིང་རྗེས་གཞན་དོན་ཚོགས་གསོགས་

― ZP02_Page_634 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱོད་པ་ཡིན། །གཟུང་འཛིན་དབྱིངས་སུ་ཡལ་བ་འབྲས་བུ་ཡིན། །ཡེ་ཤེས་ཕྱོགས་མེད་ཁྱབ་པ་ཡོན་ཏན་ཡིན། །འགྲོ་དོན་ཤུགས་ལ་འགྲུབ་པ་ཕྲིན་ལས་ཡིན། །མིང་དང་བརྡའ་ལ་དོན་དུ་མ་འཛིན་པར། །མིང་ཚིག་བརྡའ་ཡིས་མཚོན་པའི་དོན་ལ་སེམས། །ཞེས་གསུངས་སོ། །སྣང་མཁན་གྱི་སེམས་ཉིད་རང་བཞིན་མེད་པས་དེར་བཏགས་པའི་བདག་མེད། སེམས་ཅན་མེད། གང་ཟག་མེད། བྱེད་པ་པོ་མེད། ཅེས་སོགས། མེད་ཅེས་བྱ་བ་འདི་ཡོད་པར་མ་གྲུབ་པའི་ཐ་ཚིག་གོ །ཡོད་པར་མ་གྲུབ་པའི་ཕྱིར་མེད་པར་ཡང་མ་གྲུབ་པས་མེད་ཅེས་བྱ་བ་འདི་ཡོད་མེད་གང་དུའང་མ་གྲུབ་པའི་ཚིག་བླ་དགས་སོ།། ༈ ཡུལ་རྣམ་པར་རིག་པའི་རྣམ་པར་ཤེས་པ་འདི་ནི་དབང་པོ་ལ་མི་བརྟེན། ཡུལ་རྣམས་ལས་ཀྱང་མ་འོང༌། བར་གྱི་དབུས་ནའང་མི་གནས། ནང་ནའང་མེད། ཕྱི་རོལ་ནའང་མེད། དེ་བྱུང་བའི་ཚེ་གང་ནས་ཀྱང་མ་འོང་སྟེ། འགགས་པའི་ཚེ་གང་དུའང་མི་འགྲོ། །དེ་འབྱུང་བའང་སྟོང་འཇིག་ན་ཡང་སྟོང་སོགས་གསུངས་སོ། །མདོ་ལས། ཡང་དག་པར་མཐོང་བ་དེ་ལ་ནི་ཆོས་གང་ཡང་སྣང་བར་མི་འགྱུར་ཏེ། ཞེས་སོགས་གསུངས་སོ། །ཡུམ་ལས། ཡིད་ལ་བྱེད་པ་དེ་ནི་འདོད་པའི་ཁམས་དང༌། གཟུགས་གྱི་ཁམས་དང༌། གཟུགས་མེད་པའི་ཁམས་སུ་འདྲེ་བར་འགྱུར་ལ། ཡིད་ལ་མི་

― ZP02_Page_635 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་པ་ནི་གང་དུ་ཡང་འདྲེ་བར་མི་འགྱུར་རོ། །ཞེས་དང༌། མདོ་ལས། གང་གི་ཚེ་ཅི་ལ་ཡང་མི་སྤྱོད་ན། །དེ་ཡི་ཕྱིར་རྣལ་འབྱོར་སྤྱོད་པ་ཞེས་བྱའོ། །ཞེས་དང༌། དེས་ན་ཐ་མལ་པ་ཆོས་མེད་ཀྱི་ངང་ལ་སྐྱོང་བ་ནི་ཆོས་ཀྱི་མཆོག་ཡིན་ཏེ། མདོ་ལས། དེ་ལ་ཆོས་ཀྱི་མཆོག་གང་ཞེ་ན། གང་ལ་ཆོས་ཀྱི་འདུ་ཤེས་མེད་པའོ། །ཞེས་སོ། །ཡུམ་ལས། བྱང་ཆུབ་དམིགས་སུ་མེད་པའི་ཕྱིར་བྱང་ཆུབ་ཅེས་བྱ་བ་འདི་ནི་མིང་ཙམ་དུ་ཟད་དོ། །སངས་རྒྱས་དམིགས་སུ་མེད་པ་ནི་མིང་ཙམ་དུ་ཟད་དོ། །ཞེས་སོ། ༈ །ཆོས་ཐམས་ཅད་ཀྱི་གནས་ལུགས་ནམ་མཁའ་ལྟ་བུར་རྣམ་ཤེས་དང་ཡེ་ཤེས་ཀྱི་ཡུལ་དུ་བྱར་མེད་པར་རྟོགས་པ་དེ་ལྟ་བ་ཡིན། དེའི་ངང་ལ་མི་གནས་པའི་ཚུལ་གྱིས་གནས་པ་དེ་སྒོམ་པ་ཡིན། རྗེས་ལ་སེམས་ཅན་སྒྱུ་མ་ཙམ་གྱི་དོན་དུ་བསོད་ནམས་ཀྱི་ཚོགས་སྒྱུ་མ་ལྟ་བུར་གསོག་པ་ནི་སྤྱོད་པ་ཡིན། སྒྱུ་མ་ཙམ་གྱི་བློ་སྣང་ཡང་དབྱིངས་སུ་ཡལ་བ་ནི་མཐར་ཕྱིན་པའི་འབྲས་བུ་ཡིན་ནོ། ༈ །ཆོས་དབྱིངས་སྤྲོས་བྲལ་སྨྲ་བསམ་བརྗོད་ལས་འདས། །ཤེས་བྱའི་ཡུལ་ལ་ཤེས་པ་རང་ཡང་མེད། །མེད་བཞིན་དེ་ཉིད་ལྟ་སྒོམ་བྱེད་པ་ནི། །ནམ་མཁའ་ནམ་མཁའ་ལྟ་སྒོམ་བྱེད་པ་ཟད། ༈ །ཡང་དག་དོན་ལ་སེམས་མེད་སྣང་བ་མེད། །མེད་པའང་མེད་པས་ཡོད་མེད་རྩིས་

― ZP02_Page_636 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་འདས། ༈ །སྟོང་ཉིད་ཟབ་མོའི་དོན་ལ་མི་སྐྲག་ཅིང་རབ་ཏུ་གནས་པ་དགའ་ཞིང་མོས་པའི་གང་ཟག་དེ་སྔོན་ཡང་ཐོས་ཤིང་སྦྱངས་པའི་སྐལ་ལྡན་མྱུར་དུ་བྱང་ཆུབ་ཐོབ་པའི་རྟགས་ཡིན་པར་བཤད་དོ། ༈ །ཆོས་ཉིད་མཁའ་འདྲ་བསམ་དུ་མེད་པའི་དབྱིངས། །དེ་རྟོགས་ཡེ་ཤེས་བརྗོད་དུ་མེད་པའི་ངང༌། །རྩིས་མེད་བྱ་བྲལ་གཉུག་མ་མཉམ་པ་ཉིད། །འདི་ནི་དུས་གསུམ་རྒྱལ་བའི་དགོངས་པ་ཡིན། །དོན་དམ་ཆོས་ཉིད་མོ་གཤམ་བུ་འདྲ་ལ། །མི་མངོན་མི་བསམ་ཐ་མལ་གཉུག་མའི་ངང༌། །ཀུན་རྫོབ་ཆོས་ཅན་ཟུང་འཇུག་སྒྱུ་མ་རྣམས། །མི་ལེན་མི་འདོར་ཞིན་མེད་ལོངས་སྤྱོད་པ། །རྒྱལ་བའི་དགོངས་པ་ཉམས་སུ་ལེན་པ་ཡིན། །ཇི་སྲིད་སེམས་ལ་དབང་ཐོབ་མ་གྱུར་བར། །བདོག་པའི་ལོངས་སྤྱོད་ཀུན་ལ་ཆགས་མེད་ཅིང༌། །རི་དྭགས་བཞིན་དུ་ནགས་ཁྲོད་བསྟེན་པ་ནི། །ཕྱིར་མི་ལྡོག་པའི་ལམ་ལ་གནས་པ་ཡིན། །མཐུན་དང་མི་མཐུན་ཕྱི་ནང་རྐྱེན་རྣམས་ལ། །དགའ་དང་མི་དགའ་ཆགས་སྡང་ཐོགས་མེད་ཅིང༌། །གང་ཡང་ལམ་གྱི་གྲོགས་སུ་ཆེ་བ་ནི། །སྐྱེ་མེད་ཆོས་ལ་བརྟན་པ་ཐོབ་པ་ཡིན། །སེམས་ཉིད་མཁའ་ལྟར་རྟོགས་པའི་ཤེས་རབ་དང༌། །སྒྱུ་མའི་སེམས་ཅན་མི་སྤོང་སྙིང་རྗེ་གཉིས། །ཟུང་དུ་འབྲེལ་བའི་ལྟ་སྤྱོད་མཚུངས་ལྡན་པ། །མི་གནས་ཡེ་ཤེས་ཆེན་པོ་མྱུར་ཐོབ་འགྱུར། ༈ མྱང་འདས་

― ZP02_Page_637 ―

^{[མ་དཔེ་གཟིགས་ན་འདིར་གནོན།]}

[Full Size]

ལས། སྟོང་པ་བྱ་བ་ནི་སྟོང་པ་དང་མི་སྟོང་པ་གཉིས་ཀ་མི་མཐོང་བའོ། །སྟོང་པའི་རང་གདངས་ཅིར་ཡང་སྣང་ཞིང༌། སྣང་དུས་ཉིད་ནས་སྟོང་པས་སྣང་སྟོང་ཟུང་འཇུག །དེ་ཀ་རང་གིས་ཁ་ནང་དུ་ཕྱོགས་ཏེ་རིག་པར་བྱ་བ་ལས་གཞན་མ་ཡིན་པ་སོ་སོ་རང་རིག་ཡེ་ཤེས་སྤྱོད་ཡུལ་པ་ཞེས་སོ། །མ་ཅིག་གིས། གང་ཡང་ཡིད་ལ་མ་བྱས་ན། །གོལ་སར་འབྱུང་བ་ག་ལ་ཡོད། །འདུ་ཤེས་རྣམ་པར་བཤིགས་ལ་ཞོག །ཅེས་དང༌། སེམས་ལ་གཉིས་སུ་མ་མཆིས་པས། །བལྟ་རྒྱུ་མེད་པའི་ཚུལ་དུ་བལྟ། །བལྟས་པས་རང་གི་སེམས་མི་མཐོང༌། །མཐོང་བས་སེམས་ཉིད་དོན་མི་རིག །དེ་བས་བལྟ་བར་བྱ་བ་ནི། །རྡུལ་ཙམ་ཡོད་པ་མ་ཡིན་ནོ། །ཞེས་སོ། །སེམས་ཉིད་སྟོང་གསལ་དམིགས་མེད་གཤིས་ཀྱི་གནས་ལུགས་ཡང་དག་པའོ། །རིག་པ་སྤྲོས་བྲལ་ངོས་བཟུང་མེད་པ་དེ་ཀ་འཆར་སྒོ་མ་འགགས་པའི་རྩལ་སྣང་སྒྱུ་མ་ལྟ་བུར་ཤར་བས་མཉམ་བཞག་དང་རྗེས་ཐོབ་དབྱེར་མེད་དམ་ཟུང་འཇུག་གསལ་སྟོང་འཛིན་མེད་ཀྱི་ངང་དུ་ལ་ཟློ་བར་བྱས་ཏེ་ཉམས་སུ་བླང་ངོ༌། །ཞེས་སོ། །

བདུད་ཀྱི་རྒྱུ་བརྟགས་ཏེ་སྤོང་ཚུལ་མན་ངག་བདུད་ལས་རྣམ་རྒྱལ།

― ZP02_Page_639 ―

^{[མ་དཔེ་གཟིགས་ན་འདིར་གནོན།]}

[Full Size]

བདུད་ཀྱི་རྒྱུ་བརྟགས་ཏེ་སྤོང་ཚུལ་གྱི་མན་ངག་བདུད་ལས་རྣམ་རྒྱལ་ཞེས་བྱ་བ་བཞུགས་སོ།། །།

― ZP02_Page_640 ―

^{[མ་དཔེ་གཟིགས་ན་འདིར་གནོན།]}

[Full Size]

བདུད་ཀྱི་ཚོགས་ལས་རྒྱལ་གྱུར་ཅིག །འགྲོ་བ་སྐྱོབས་པའི་སྐྱབས་གཅིག་པོ། །སྐྱབས་གསུམ་འདུ་འབྲལ་མེད་པ་ཡི། །རྒྱལ་བ་སྲས་དང་བཅས་ལ་འདུད། །བཅོམ་ལྡན་སྐྱེ་བོའི་དོན་ཆེད་དུ། །བཀའ་ལུང་མན་ངག་ལས་བྱུང་བའི། །བདུད་བརྟག་མན་ངག་མདོར་བསྡུས་བྲི། །སྤྱིར་རྟེན་གྱི་གང་ཟག་སངས་རྒྱས་ཀྱི་གོ་འཕང་སྒྲུབ་པའི་བརྩོན་འགྲུས་ཅན་ལ་ལམ་བརྟན་པ་མ་ཐོབ་བར་དུ་བསྒྲུབ་པ་ལ་བར་དུ་གཅོད་པའི་བདུད་ཀྱི་བྱེ་བྲག་བསམ་གྱིས་མི་ཁྱབ་པ་ཡོད་ཀྱང༌། མདོར་བསྡུ་ན། སྤྱིའི་བདུད་དང་བྱེ་བྲག་གི་བདུད་དོ། །དང་པོ་ལ་བཞི་ལས། བདག་འཛིན་གྱིས་བསྐྱེད་པའི་ཉོན་

― ZP02_Page_641 ―

^{[མ་དཔེ་གཟིགས་ན་འདིར་གནོན།]}

[Full Size]

མོངས་ཕྲ་རགས་དུ་མས་ལོག་ལམ་དུ་ཁྲིད་ཅིང་ཐར་ལམ་ལ་བར་དུ་གཅོད་པ་ནི་ཉོན་མོངས་པའི་བདུད་དོ། །ཟག་བཅས་ཀྱི་ཕུང་པོ་ལྔ་ལ་བདག་ཏུ་བཟུང་བས་འཁོར་བའི་སྡུག་བསྔལ་ལ་སྦྱོར་ཞིང་ཟག་མེད་ཀྱི་ལམ་གྱི་གེགས་བྱེད་པ་ནི་ཕུང་པོའི་བདུད་དོ། །ལམ་མཐར་ཕྱིན་ལོང་མེད་པར་དུས་དང་དུས་མ་ཡིན་པར་ཚེ་སྲོག་འཕྲོག་པ་འཆི་བདག་གི་བདུད་དོ། །ལྷའི་བདུད་འདོད་ཁམས་ཀྱི་བདག་པོ་དགའ་རབ་དབང་ཕྱུག་བཙུན་མོ་དང་འཁོར་དང་ཡང་འཁོར་བདུད་ཀྱི་རིགས་ལྷ་འཁོར་དཔག་མེད་ཡོད་པ་དེ་དག་གི་ལས་ནི་བདུད་སྡིག་ཅན་ཆུང་མ་དང་བཅས་པའི་སྨིན་མཚམས་ནས་དྲེགས་པར་བྱེད་པ་ལ་

― ZP02_Page_642 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་པ་མེ་ཏོག་གི་མདའ་ལྔ་འཕང་པས་གང་ལ་ཕོག་པ་དེའི་ཉོན་མོངས་ལྔ་ཤས་གང་ཆེ་བ་དེ་ཉིད་རབ་ཏུ་འབར་བར་གྱུར་ཏེ། དེའི་དབང་དུ་སོང་བས་བྱང་ཆུབ་ཀྱི་ལམ་ལས་ཉམས་པར་འགྱུར་རོ། །དེའི་འཁོར་འཇིག་རྟེན་སྐྱོང་བ་བཞི་ནི། འཐབ་པར་བྱེད་པའི་བདུད་ཀྱིས་ནི་ལམ་བསྒྲུབ་པ་རྣམས་གཞན་དང་འཐབ་རྩོད་འགྱེད་པའི་སྐྱོན་དུ་མ་འབྱུང་བར་བྱེད། གཡེང་བར་བྱེད་པའི་བདུད་ཀྱིས་གཡེང་བ་དང་འདུ་འཛི་ཉེ་བར་སྒྲུབ་ཅིང་ཐོས་བསམ་སྒོམ་པའི་དུས་ཀུན་ཏུ་གཉིད་དང་རྨུག་པ་འཕེལ་བར་བྱེད། ལྷག་པར་རབ་ཏུ་ཆགས་པར་བྱེད་པའི་བདུད་ཀྱིས་ནི་ཕལ་ཆེར་ཁྱིམ་པ་རྣམས་ལ་བར་དུ་གཅོད་དོ། །སྦྱིན་པ་བྱེད་དུས་ཟས་ནོར་འདི་དག་བདག་ཉིད་དང་བུ་སྨད་ལ་དགོས་སྙམ་དུ་སེམས་ཤིང་རང་གི་ཤ་གཅོད་པ་ཙམ་དུ་མི་ཕོད་པའི་འདུ་ཤེས་ཉེ་བར་སྐྱེ་བར་བྱེད་དོ། །འདུ་ཤེས་ལོག་པར་སྒྱུར་བའི་བདུད་ཀྱིས་ནི་ཕལ་ཆེར་རབ་བྱུང་རྣམས་ལ་འཚེ་སྟེ། རབ་ཏུ་བྱུང་བར་འདོད་པའི་ཚེ། འཁྲིག་པའི་བདེ་བ་དང༌། བཟའ་བཏུང་ཉེ་དུ་གླུ་གར་སོགས་དྲན་ཞིང་དེ་རྣམས་ལ་ཆགས་པ་དང༌། རང་གི་ཉེ་དུ་སོགས་ཀྱིས་འབྲིད་སྡིག་སྣ་ཚོགས་ཀྱིས་བཤོལ་དུ་འཇུག་པ་དང༌། རབ་ཏུ་བྱུང་ཟིན་པ་དག་ལ་་

― ZP02_Page_643 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང༌། འཁྲིག་པའི་བདེ་བ་དང༌། སྔོན་གྱི་བརྩེ་རོགས་རྣམས་དང༌། ཚོང་དང་ཞིང་ལས་བཟོ་དང་སྨན་དཔྱད་རྣམས་ཡིད་ལ་དྲན་ཅིང༌། ཟང་ཟིང་ཉེ་བར་སྒྲུབ་འདོད་པ་དང༌། རྨི་ལམ་དུ་ཡང་བུད་མེད་དུ་སྤྲུལ་ནས་ཆགས་པ་སློང་ཞིང་ཁམས་ཉམས་པར་བྱེད་པ་སོགས་ཐབས་དུ་མས་ཚངས་སྤྱོད་འབེབས་པའམ་དྲི་མ་ཅན་དུ་བྱེད་དོ། །གཞན་ཡང་བདུད་བཞི་པོ་དེས་བསྐུལ་ནས་ཀླུ་དང་གནོད་སྦྱིན་མ་རུངས་པ་དག་གིས་ཆོས་དང་ལྡན་པ་རྣམས་ཀྱི་སྲོག་འཕྲོག་པ་དང་ལུས་ལ་ན་ཚ་གཏོང་བར་བྱེད། བདུད་རིགས་ཀྱི་ཡི་དྭགས་སུམ་ཅུ་རྩ་དྲུག་གིས། བསམ་གཏན་པ་རྣམས་ལ་གཟུགས་མི་སྡུག་པ་དང་སྒྲ་མི་སྙན་པ་དུ་མས་འཇིགས་པར་བྱེད་པ་དང༌། སངས་རྒྱས་ཀྱི་སྐུ་མཚན་དཔེས་སྤྲས་པ་སོགས་ཀྱང་བསྟན་ནས། ང་རྒྱལ་དང༌། རློམ་སེམས་བསྐྱེད་ནས་བར་དུ་གཅོད་དོ། །དེ་ལྟར་ཆོས་བྱེད་རྣམས་ལ་བདུད་ཀྱིས་སྡང་བའི་དོན་ཡང༌། དཔེར་ན་མི་ཞིག་རང་གི་རྗེ་དཔོན་ལ་ངོ་ལོག་པར་བྱས་ན། རྒྱལ་པོ་དེས་དེ་ལ་ཐབས་དུ་མས་རྒོལ་བ་ལྟར། སྐལ་ལྡན་གྱི་གང་ཟག་འཁོར་བར་བློ་ལོག་ཅིང༌། དཀོན་མཆོག་ལ་དད་པ་སྐྱེས་ནས་ཐོས་བསམ་སྒོམ་གསུམ་ལ་བརྩོན་པར་བྱེད་པ་ལ། བདུད་

― ZP02_Page_644 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་འདི་ནི་བདག་ཅག་གི་སྤྱོད་ཡུལ་ལས་འདས་ནས་སངས་རྒྱས་བཅོམ་ལྡན་འདས་ཀྱི་སྤྱོད་ཡུལ་དུ་གྱུར་ཏེ་སེམས་ཅན་ཐམས་ཅད་ཀྱང་བདུད་ཀྱི་ཡུལ་ལས་འདས་པར་འགྱུར་རོ་སྙམ་དུ་ཡིད་མི་བདེ་ཞིང་ཅི་ནས་ཀྱང་བར་གཅོད་བྱེད་དོ། །ཡང་དཔེར་ན་དགྲའི་བུ་རྣམས་རིག་དྲུང་པ་ཞིག་མཐོང་ན་དོགས་པ་སྐྱེ་ཞིང་དེ་ཉིད་ཆེར་མ་སྨིན་པར་མེད་པའི་ཐབས་ལ་བརྩོན་པ་ལྟར་སྐྱེས་བུ་དད་བརྩོན་བློ་གྲོས་ལྷག་བསམ་ལྡན་པ་དག་ལ་བདུད་རིགས་རྣམས་ཀྱིས་སོ་སོ་སྐྱེ་བོའི་རྒྱུད་ལ་བྱང་ཆུབ་ཀྱི་སེམས་སྐྱེས་པར་གྱུར་པ་ན། བདུད་རིགས་རྣམས་ཀྱིས་འཚེ་བ་དུ་མ་འབྱུང་ངོ༌། །དེ་ལྟར་དམ་ཆོས་སྒྲུབ་པ་ལ་བདུད་ཀྱིས་ཀྱང་བར་ཆད་དུ་མ་ལ་བརྩོན་ཞིང༌། ཕྱོགས་བཅུའི་སངས་རྒྱས་རྣམས་ཀྱིས་ཀྱང་དེ་ཉིད་བར་ཆད་ལས་འགྲོལ་བར་བརྩོན་འགྲུས་མཛད་ཚུལ་མདོ་སྡུད་ལ་སོགས་སུ་གསལ་ལོ། །དེ་ཡང་ཆོས་སྒྲུབ་པའི་གང་ཟག་དེས་ཆོས་ལ་བརྩོན་འགྲུས་ཆེ་འབྲིང་ཆུང་གསུམ་ཇི་ལྟར་བྱས་པ་དེ་དང་མཐུན་པར་བདུད་ཀྱིས་ཀྱང་བར་དུ་གཅོད་པའི་བརྩོན་འགྲུས་ལ་གྲིམ་གློད་དེ་བཞིན་བྱེད་དེ། འཇམ་དཔལ་

― ZP02_Page_645 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་པར་རོལ་པའི་མདོ་ལས། ལྷའི་བུས་སྨྲས་པ། འཇམ་དཔལ་བྱང་ཆུབ་སེམས་དཔའ་རྣམས་ཀྱིས་བདུད་རྩི་ལས་འབྱུང་བར་རིག་པར་བྱ། འཇམ་དཔལ་གྱིས་སྨྲས་པ། ལྷའི་བུ་བྱང་ཆུབ་སེམས་དཔའ་རྣམས་ཀྱི་བདུད་ཀྱི་ལས་ནི་བརྩོན་འགྲུས་ལས་འབྱུང་བར་རིག་པར་བྱའོ། །དེ་ཅིའི་ཕྱིར་ཞེ་ན། མི་བརྩོན་པ་ལ་ནི་བདུད་ཀྱིས་ཅི་ཞིག་བྱ་སྟེ། དེ་ཉིད་བདུད་ཡིན་པའི་ཕྱིར་རོ། །ཞེས་གསུངས་སོ། །དེས་ན་རྟེན་གྱི་གང་ཟག་སྔོན་བསོད་ནམས་བསགས་མ་བསགས་དང༌། བཤེས་གཉེན་དམ་པས་ཟིན་མ་ཟིན་དང༌། ཤེས་རབ་ཆེ་ཆུང༌། སྙིང་སྟོབས་ཆེ་ཆུང༌། གདམས་ངག་ཆེ་ཆུང༌། བློ་བརྟན་མི་བརྟན་སོགས་ཀྱི་བྱེ་བྲག་གིས་བདུད་ཀྱི་དབང་དུ་འགྲོ་བ་དང་མི་འགྲོ་བ་སྣ་ཚོགས་འབྱུང་གི །བདུད་ཀྱི་རྩོལ་བ་ནི་ངེས་པར་འབྱུང་བར་བརྟག་ཅིང་སྤང་པ་གཅེས་སོ། །སྤྱིའི་བདུད་བཞི་དེ་དག་སྤོང་ཐབས་ཀྱི་གཉེན་པོ་འོག་ནས་སྟོན། གཉིས་པ་བྱེ་བྲག་གི་བདུད་ལ་ཕྱི་ནང་གསང་བ་གསུམ། དང་པོ་ཕྱིའི་བདུད་ལ་དྲུག་སྟེ། དགྲ་གཉེན་ཆགས་སྡང་གི་བདུད་ནི། དང་པོ་ཆོས་སྒོར་འཇུག་པའི་ཚེ། དགྲ་སྡང་བས་གཙེས་པའམ། གཉེན་བྱམས་

― ZP02_Page_646 ―

^{[མ་དཔེ་གཟིགས་ན་འདིར་གནོན།]}

[Full Size]

པས་བརྩེ་གདུང་གིས་བཤོལ་བཏབས་ཏེ་ཆོས་གེགས་བྱེད་པའོ། །དེ་ལ་དད་པ་བརྟན་པོ་གལ་ཆེ། འབྱུང་པོ་ལོག་འདྲེན་གྱི་བདུད་ནི་ཆོས་ལམ་དུ་ཞུགས་ནས་བརྩོན་འགྲུས་བྱེད་པའི་ཚེ། བདུད་རིགས་ཀྱི་ཡི་དྭགས་བསེན་མོ་པེ་དཀར་ལ་སོགས་པ་མ་བཟོད་ནས་གནོད་པ་སྐྱེལ་དུ་འོང་སྟེ། ཆོས་པའི་ཤེས་པ་མི་བདེ་ཞིང་བློ་ཆོས་སུ་བཀོལ་མི་བཏུབ་པ་བྱེད། ལུས་ལ་ན་ཚ་གཏོང༌། སྲོག་འཕྲོག །འཚོ་བ་ལ་དགྲ་རྐུན་གཏོང༌། གལ་ཏེ་རང་གིས་མཚུགས་ན་གནས་དེའི་གཞི་བདག་ལ། མི་མ་ཡིན་ཆེན་པོ་གཞན་དང་དབྱེན་གཅུག་ནས་གནོད་པ་སྐྱེལ་དུ་འོང༌། དེ་ལ་བྱམས་སྙིང་རྗེ་བསྒོམ་གཞི་བདག་ལ་རྒྱུན་གཏོར་བཏང༌། ཡི་དམ་ཁྲོ་བོ་གང་རུང་གི་བསྒོམ་བཟླས་བྱ་བ་གལ་ཆེ། གཞན་ཡང་ཕྱི་རོལ་གྱི་འབྱུང་པོ་དེས་བསྒྲུབ་པ་པོ་དེའི་སློབ་དཔོན་དང༌། ཡོན་བདག་གྲོགས་པོའི་བར་དུ་དབྱེན་བྱེད་ཅིང༌། འདུ་ཤེས་ལོག་པར་བསྒྱུར་ཞིང་ཐུགས་རྗེ་དང་མོས་པ་མེད་པར་བྱེད། གཞན་ཡང་འཇིག་རྟེན་གྱི་གྲགས་པ་ངན་པ་དང༌། མ་ཉེས་པའི་ཁ་ཡོགས་ལ་སོགས་པས་ཡིད་མི་བདེ་བར་བྱེད་དོ། །དེ་ལ་ནི་དད་པ་བརྟན་པོས་རང་གི་སྒོ་གསུམ་ཟུངས་ཐུབ་པར་བྱ། བདུད་དུ་ཤེས་པས་

― ZP02_Page_647 ―

^{[མ་དཔེ་གཟིགས་ན་འདིར་གནོན།]}

[Full Size]

བཟོད་པ་གནད་དུ་ཆེ། དཔོན་གྲོགས་བདུད་ཁྱེར་གྱི་བདུད་ནི། སློབ་དཔོན་ངན་པ་བདུད་ཀྱིས་ཁྱེར་བ་དང་འཕྲད་པ་དང༌། གྲོགས་ངན་པ་དང་འགྲོགས་པའི་རྐྱེན་གྱིས་བསྒྲུབ་པའི་བཀའ་ཐུབ་ཉམས་པར་བྱེད་ཅིང་ཆོས་མིན་ལ་སྦྱོར་བས། དེ་འདྲའི་དཔོན་གྲོགས་ཐབས་ཀྱིས་སྤངས་ཏེ་དམ་པ་བསྟེན་པར་བྱའོ། །བསོད་ནམས་འདུ་འཛིའི་བདུད་ནི། སྒྲུབ་པ་པོ་ལ་འཇིག་རྟེན་གྱི་མི་ནོར་ལ་སོགས་པའི་བསོད་ནམས་བྱུང་བས་དེའི་འདུ་འཛིའི་སེམས་རྣམ་པར་གཡེང་ཞིང་སྒྲུབ་པའི་བརྩོན་འགྲུས་ཉམས་པར་འགྱུར་བས། བརྟན་པ་མ་ཐོབ་བར་དུ་འདུ་འཛིའི་གནས་ཐམས་ཅད་རྒྱང་སྲིང་བར་བྱའོ། །ཟས་ནོར་འཛིན་ཆགས་ཀྱི་བདུད་ནི། ཆོས་བྱེད་རྣམས་ཀྱི་བསམ་པ་ལ་སྒྲུབ་པ་བྱེད་པ་ལ་འཚོ་བའི་ཡོ་བྱད་ངན་པས་མི་ཆོག་སྟེ། ཕུན་སུམ་ཚོགས་པ་གཅིག་དགོས་འདུག་སྙམ་ནས་ཟས་ནོར་འཚོལ་ཐབས་དང་སྐྱེད་འཕེལ་སོགས་བྱས་པས་འདོད་པ་འཕེལ་ཏེ་མི་ཚེ་གྲབས་སུ་ཟད་ནས་ཆོས་མེད་དུ་འཆི་བ་འབྱུང་བས་འཚོ་བའི་ཡོ་བྱད་ངན་ངོན་ཙམ་གྱིས་ཆོག་ཤེས་བྱས་ཏེ་བསྒྲུབ་པ་བྱའོ། །ཤེས་གཉེན་ཡོན་ཏན་གྱི་བདུད་ནི། སྨན་སྔགས། རྟེན་འབྲེལ། བྱིན་རླབས།

― ZP02_Page_648 ―

^{[མ་དཔེ་གཟིགས་ན་འདིར་གནོན།]}

[Full Size]

ལག་བཟོ་སོགས་ཡོན་ཏན་གྱིས་རང་དབང་མེད་པར་ཁྲིད་ནས་འདུ་འཛི་སྐྱེད་ཅིང་ཐོས་བསམ་སྒོམ་གསུམ་གྱི་བར་ཆད་བྱེད་པས། སེམས་ལ་བརྟན་པ་མ་ཐོབ་བར་དུ་ཡོན་ཏན་ནུས་མཐུ་ཐམས་ཅད་རུས་སྦལ་གྱི་ཡན་ལག་བཞིན་དུ་སྦ་བར་བྱའོ། །དེ་རྣམས་ཀྱི་ཕྱི་རོལ་རྐྱེན་གྱིས་ལམ་གྱི་བར་ཆད་དུ་འོང་བས་བརྟགས་ཏེ་སྤང་བར་བྱའོ། །ནང་གི་བདུད་ལའང་དྲུག་སྟེ། ང་བདག་རྩ་བའི་བདུད་ནི་མ་རིག་པ་སྟེ། ང་མེད་ངར་འཛིན། བདག་མེད་བདག་འཛིན་གྱི་བདུད་འདི་ལས་འཁོར་བའི་སྡུག་བསྔལ་ཐམས་ཅད་འབྱུང་བས། བདག་མེད་ཀྱི་དོན་ལ་ཐོས་བསམ་སྒོམ་གསུམ་འབད། ཉོན་མོངས་དུག་རྒྱས་ཀྱི་བདུད་ནི། དུག་ལྔ་གཉེན་པོས་མ་ཟིན་པར་ཁ་ཡན་དུ་ཤོར་བས་དགེ་རྩ་ཐམས་ཅད་འཇོམས་ཤིང༌། མི་དགེ་བ་མང་པོ་འཕེལ་བས་འཁོར་བ་དང་ངན་སོང་ལ་སྦྱོར་བས་ཉོན་མོངས་ཐམས་ཅད་གཉེན་པོས་ཟིན་པར་བྱའོ། །རྣམ་རྟོག་ཁུ་འཁྲིག་གི་བདུད་ནི། །རང་ལ་གཅེས་པར་འཛིན་པ་སྟེ། །དེའི་རྐྱེན་གྱིས་རེ་དོགས་དགག་སྒྲུབ་སྣ་ཚོགས་སློང་ཞིང་ཕྱི་རོལ་གྱི་བདུད་གཡོ་བས། ལུས་སྲོག་གཅེས་འཛིན་འདོར་བར་བྱའོ། །བཏང་སྙོམས་ལེ་ལོའི་བདུད་ནི། དྲན་ཤེས་ཉམས་ནས་རྣམ་གཡེང་འདུ་འཛིའི་གཏམ་ལབ་ལ་སོགས་

― ZP02_Page_649 ―

^{[མ་དཔེ་གཟིགས་ན་འདིར་གནོན།]}

[Full Size]

འཇིག་རྟེན་གྱི་བྱ་བ་ངན་པ་རྩད་མཆོད་པ་དང༌། གལ་ཆུང་སྒྱིད་ལུགས་སྙོམས་ལས་གཉིད་རྨུག་སོགས་ཀྱིས་དུས་དོན་མེད་དུ་འདས་ཤིང་དལ་འབྱོར་ཆུད་ཟོས་སུ་འགྱུར་བས་རྟག་ཏུ་དྲན་ཤེས་བརྟེན་ནས་བརྩོན་པ་མི་འདོར་བ་གནད་ཆེའོ། །ཐེ་ཚོམ་ཡིད་གཉིས་ཀྱི་བདུད་ནི། ལྟ་སྤྱོད་ལ་ངེས་པ་མ་རྙེད་པ་སྟེ། སེམས་སུམ་མདོར་ལུས་ནས་གང་ཡང་བྱེད་ངོ་མི་ཤེས་པ་དང་ཤེས་པ་ཕར་འཚུབ་ཚུར་འཚུབ་ཏུ་ཤོར་ནས་ཡི་དམ་གྱི་སྤང་ལེན་དུ་མ་བྱས་པས་དངོས་གྲུབ་མི་ཐོབ་པས་གང་བྱེད་བླ་མ་ལ་དྲི་བ་དང༌། བླ་མ་དམ་པའི་རྣམ་ཐར་ལ་བསླབ་བོ། །གཉིས་འཛིན་འཁྲུལ་པའི་བདུད་ནི། དངོས་པོར་འཛིན་པ་སྟེ། ཕྱི་ནང་གི་ཆོས་ཐམས་ཅད་ཡུལ་སེམས་ཐ་དད་རང་རྒྱུད་དུ་ཤོར། བདེན་གཉིས་ཐ་དད་དུ་ཤོར་ནས་ལམ་ཐམས་ཅད་མཁྱེན་པའི་རྒྱུར་མི་འགྲོ་བས། གཉིས་མེད་དོན་ལ་ལྟ་སྒོམ་བྱ་བ་གནད་དོ། །དེ་དག་ནི་ནང་རང་གི་ལས་ངན་གྱིས་སེམས་རྒྱུད་འཁྲུགས་པས་ལམ་གྱི་གེགས་བྱེད་པ་སྟེ་བརྟགས་ཤིང་སྤང་ངོ༌། །གསང་བའི་བདུད་ལའང་དྲུག་སྟེ། ཞི་འདོད་ཕྱོགས་རིས་ཀྱི་བདུད་ནི། རང་གི་ལྟ་ཕུགས་དང་གྲུབ་མཐའ་ལ་ཞེན་ནས་དེར་འདོད་པས་གྲུབ་མཐའ་གཞན་དང་ཕྱོགས་རིས་སུ་ཆད་པའོ། །འཛིན་པ་

― ZP02_Page_650 ―

^{[མ་དཔེ་གཟིགས་ན་འདིར་གནོན།]}

[Full Size]

ང་རྒྱལ་གྱི་བདུད་ནི། ཤེས་བྱའི་ལྟ་བ་སྟོང་པ་ཉིད་ཁོ་ནར་འཛིན་ཅིང་ཟབ་མོའི་དོན་ངས་རྟོགས་སོ་སྙམ་ནས་ང་རྒྱལ་དང་རློམ་སེམས་སུ་བྱེད་པས་ཆོས་དང་གང་ཟག་གཞན་ཁྱད་དུ་གསོད་པ་དང་བརྙས་པར་བྱེད་པའོ། །ཕྱོགས་མེད་ཕྱལ་བའི་བདུད་ནི། ཁ་ལྟ་ཕྱོགས་མེད་དུ་སྨྲ་ཞིང་དོན་ལ་ཉམས་མྱོང་མེད་པས་ཁ་སྟོང་ཕྱལ་པར་སོང་བས་སྤྱོད་པ་འཇིག་རྟེན་པ་དང་ཁྱད་པར་མེད་པའོ། །གྲུབ་རྟགས་རེ་རློམས་ཀྱི་བདུད་ནི། ཐུན་མོང་གི་གྲུབ་རྟགས་རེ་ཞིང་འདོད་པས་ཡི་དམ་ལྷའི་ཞལ་མ་མཐོང་ན་མཐོང་བརྫུན། མངོན་ཤེས་མེད་པར་ཡོད་བརྫུན། ཉམས་རྟོགས་མེད་པ་ལ་ཡོད་བརྫུན་འདེབས་པ་དང༌། གྲུབ་རྟགས་ཕྲ་མོ་ལ་མཚན་མར་འཛིན་ཅིང་དེས་རློམ་སེམས་སྐྱེ་བའོ། །དད་པ་བློས་བརྡུམས་ཀྱི་བདུད་ནི། ནང་གི་ཤེས་རྒྱུད་མ་གྲོལ་བར་སྒོམ་ཚུགས་འཛིན་སྔ་བ་གཅིག་ལ་དགའ་ཞིང་ཐོས་པ་ལ་མི་དགའ་བའོ། །སྙིང་རྗེ་ལམ་ནོར་གྱི་བདུད་ནི། རང་ལ་ནུས་པ་མེད་བཞིན་དུ་ལས་དང་པོ་པས་སྙིང་རྗེའི་འགྲོ་དོན་བྱེད་ཅིང་མཉམ་གཞག་ལ་དོན་དུ་མི་བྱེད་པའོ། །ཡར་འགྲོ་དོན་སྔོན་ལ་བྱས་ནས་ཉམས་ལེན་རྗེས་ནས་བྱེད་པ་དེའོ། །གཞན་ཡང་རྣལ་འབྱོར་སྒྲུབ་པ་པོ་ལ་གསང་བའི་བདུད་དྲུག་འབྱུང་སྟེ། སྦྱིན་པ་གཡེང་བའི་བདུད་ནི། བསམ་གཏན་སྒོམ་པའི་ཚེ།

― ZP02_Page_651 ―

^{[མ་དཔེ་གཟིགས་ན་འདིར་གནོན།]}

[Full Size]

གཞན་ལ་ཆོས་བཤད་དང༌། ཟང་ཟིང་འགྱེད་པའི་བྱ་བས་སེམས་གཡེང་ཤིང་བསམ་གཏན་གྱི་བར་ཆད་བྱེད་པའོ། །ཚུལ་ཁྲིམས་དཀའ་སྤྱད་ཀྱི་བདུད་ནི། དབེན་པར་བསམ་གཏན་སྐྱོང་བའི་ཚེ། ཁ་ཟས་དང་སྤྱོད་ལམ་ཧ་ཅང་དམ་ཆེན་ཏིང་ངེ་འཛིན་མི་སྐྱེ་ལ། ན་ཚ་བྱུང་བའི་ཚེ་གནང་བཀག་གི་དུས་ཚོད་མ་ཤེས་ཤིང་འབྱུང་བ་སྙོམ་པའི་ཁ་ཟས་སྤངས་པས་ལུས་སྲོག་གི་བར་ཆད་དུ་འགྱུར་བའོ། །བཟོད་པ་སྲན་ཚུགས་ཀྱི་བདུད་ནི། ལུས་ལ་འགལ་སྦྱོར་ཆེ་བས་ནད་ཞུགས་པ། ན་ཚ་བྱུང་བའི་ཚེ་སྨན་དཔྱད་སོགས་གཉེན་པོ་མ་བརྟེན་པར་ཚུགས་པས་ལུས་སྲོག་གི་བར་ཆད་བྱེད་པའོ། །བརྩོན་འགྲུས་ཐང་ཆད་ཀྱི་བདུད་ནི། སྦྱོར་བ་ཧ་ཅང་གྲིམ་ཆེ་བས་ཁམས་ཀྱིས་མ་ཐུབ་པ་དང་བློ་སུན་ནས་ཕྱིར་ལོག་པར་འགྱུར་བའོ། །བསམ་གཏན་མངོན་ཞེན་གྱི་བདུད་ནི། སེམས་གནས་པ་ཙམ་ལ་དོན་དམ་དུ་བཟུང་ནས་བློ་གྲོལ་བར་བྱེད་པའི་རྒྱུ་ཟབ་མོའི་ཐོས་བསམ་ལ་མི་འབད་པའོ། །ཤེས་རབ་དུག་རྒྱས་ཀྱི་བདུད་ནི། ཐོས་བསམ་སྒོམ་གསུམ་གྱི་ཤེས་རབ་གསུམ་གྱིས་ང་རྒྱལ་སོགས་པའི་ཉོན་མོངས་པ་འཕེལ་བའོ། །དེའི་གཉེན་པོ་བླ་མ་མཁས་པ་བསྟེན་ཅིང་ཐོས་བསམ་

― ZP02_Page_652 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་འབད་དོ། །དེ་རྣམས་ནི་སྨན་མ་ཞུ་བ་ནད་དུ་སོང་བ་ལྟར། ལམ་གྱི་གེགས་བྱེད་པས་གསང་བའི་བདུད་དེ་བརྟགས་ཤིང་སྤངས་སོ། །མདོར་ན་རྣལ་འབྱོར་པའི་ཤེས་རྒྱུད་ལ་གནོད་ཅིང་གྲོལ་དུ་མི་བཅུག་པ་དེ་ཐམས་ཅད་བདུད་དུ་ཤེས་པར་བྱས་ལ་སྤང་བར་བྱའོ། །ད་ནི་བདུད་དེ་དག་འཇུག་པའི་རྒྱུ་བསྟན་པ་ནི། ལམ་ལ་བརྩོན་འགྲུས་མ་རྩོམས་ན་བདུད་འཇུག་པའི་རྒྱུ། ཤེས་རབ་ཆུང་ན་བདུད་དངོས་ཡིན་གསུང༌། ཉོན་མོངས་ཆེ་ན་བདུད་འཇུག་པའི་རྒྱུ། རྣམ་རྟོག་ཆེ་ན་བདུད་ཀྱི་གཡབ་མོ། །བློ་སྣ་མང་ན་བདུད་འཇུག་པའི༴ བླ་མ་དམ་པས་མ་ཟིན་ན༴ སྐྱེལ་མ་མེད་དང་འདྲ། གདམས་ངག་མི་ཟབ་ན༴ གྲོགས་ངན་པ་དང་འགྲོགས་ན༴ འཛིན་ཆགས་ཆེ་ན༴ འཁྲིགས་པའི་འདོད་ཆགས་ཤས་ཆེ་བ་བདུད་ཀྱིས་ཟིན་པ། ཤ་ཆང་གི་སྲེད་པ་ཆེ་ན༴ བློ་ཡང་ཞིང་རྩོལ་ཆུང་ན༴ བདུད་ཀྱིས་འཁྱེར། འདུ་ཤེས་ཆུང་ཞིང་བཅོས་སུ་མི་བཏུབ་ན༴ ཁེངས་ཤིང་ང་རྒྱལ་ཆེ་ན༴ ལས་དང་པོ་པ་གཅིག་ཏུ་དབེན་པ་ལ་དགའ་ན༴ ཚོང་དུས་གྲོང་ཁྱེར་ཆེན་པོ་དང་ཉེ་བར་གནས་ན༴ སྡེ་པ་དང་གང་ཟག་མི་མཐུན་པའི་སར་གནས་ན༴ ཉམས་འོག་ཏུ་མི་ཚུད་པའི་དམ་བཅའ་མང་ན༴ མན་ངག་མེད་པའི་སྡུག་སྲན་གྱི་བྱང་ཆུབ་སྒྲུབ་ན༴ བདུད་ཀྱིས་འཁྱེར། བློ་མི་བརྟན་ཞིང་དམ་བཅའ་ལ་ཆེད་དུ་མི་གཉེར་ན་

― ZP02_Page_653 ―

^{[མ་དཔེ་གཟིགས་ན་འདིར་གནོན།]}

[Full Size]

རྨི་ལམ་ལ་ཆེད་དུ་འཛིན་ན། བདུད་ཀྱིས་བསླུས་པ། རྟགས་དང་མཚན་མ་ལ་དགའ་ན། རྐྱེན་འགའ་ཞིག་གིས་ཤེས་པ་སྒྱིད་ལུགས་ཤིང་འཕང་ཤེ་བ། རང་གཞན་གྱི་རྐྱེན་གྱིས་རྣལ་འབྱོར་པ་ཡིད་མི་བདེ་ཞིང་མྱ་ངན་གྱིས་གཟིར་ན་བདུད་འཇུག་པའི་རྒྱུ་ཡིན་པས་དེ་རྣམས་བརྟགས་ཤིང་སྤང་བར་བྱའོ། །བདུད་ཀྱི་ལས་དང་སྤྱོད་ཡུལ་ནི། མཚན་ཉིད་དང་མི་ལྡན་པའི་སློབ་མ་བརྟེན་ན་བདུད་ཀྱི་ལས། སྐལ་པ་དང་མི་ལྡན་པའི་སློབ་མ་བརྟེན་ན་བདུད་ཀྱི་ལས། སློབ་དཔོན་དང་སློབ་མ་ལྟ་སྤྱོད་མི་མཐུན་པར་འགྲོགས་པ༴ ལམ་དུ་མི་འགྲོ་བའི་ཐོས་བསམ་ལ་དཀའ་བ་སྤྱོད་པ༴༌།གནད་དུ་མི་འགྲོ་བའི་བརྩོན་འགྲུས་དྲག་པོ༴ ཁེ་གྲགས་དང་འགྲོགས་པ༴ ང་རྒྱལ་གྱིས་འཁོར་སྡུད་ཅིང་ཆོས་འཆད་པ། རང་ལ་ཡོན་ཏན་མེད་ཀྱང་གཞན་གྱི་སློབ་དཔོན་བྱེད་པ། སེམས་ལ་དད་གུས་མེད་པས་དཀོན་མཆོག་གསུམ་དང་འགྲོགས་པ། ཤེས་ལོང་མེད་པར་འཆད་ལ་དགའ་བ༴ སྒྲུབ་ལོང་མེད་པར་དངོས་གྲུབ་འདོད་པ༴ འཚོ་བའི་ཆེད་དུ་སྨན་སྔགས་རྟེན་འབྲེལ་ལ་སོགས་བྱེད་པ། ཆོས་པ་ཚོང་དང་ལོག་འཚོས་འཚོ་བ། ལོག་འཚོ་ལྔས་འཚོ་བ༴ སློབ་འཁོར་ཟང་ཟིང་ལ་དགའ་ཞིང་རྒྱུ་ལེན་པ༴ སེམས་ལ་གནོད་པའི་ཡུལ་ངན་མི་སྤོང་ཞིང་བརྟེན་པ་

― ZP02_Page_654 ―

^{[མ་དཔེ་གཟིགས་ན་འདིར་གནོན།]}

[Full Size]

འཇིག་རྟེན་གྱི་རོལ་རྩེད་ལ་དགའ་ཞིང་འདུན་པ༴ འདུ་འཛི་དང་གཡེང་བའི་གསེབ་ཏུ་འཇུག་པ༴ ཁེང་དྲེགས་དང་ང་རྒྱལ་སྐྱེ་བའི་རྒྱུ་བརྟེན་པ༴ རྟ་དང་གོས་བཟང་སོགས༴ བག་མེད་ཤེས་བཞིན་མ་ཡིན་པར་སྤྱོད་པ༴ བུད་མེད་དང་ཤ་ཆང་གཉིད་ལ་བག་མེད་སྤྱོད་པ༴ གང་ཡང་འཇིག་རྟེན་ཆོས་བརྒྱད་ཀྱིས་ཀུན་ནས་བསླང་བ༴ བྱ་བྱེད་མང་པོ། །འགྲོ་འདུག་མང་པོ། །སྨྲ་བ་མང་པོ། །བློ་སྣ་མང་པོ་རྣམས་བདུད་ཀྱི་ལས་མདོར་ན་ཆོས་དང་མི་མཐུན་པའི་སྤྱོད་པ་ཐམས་ཅད་བདུད་ཀྱི་ལས་དང་བདུད་ཀྱི་སྤྱོད་ཡུལ་དུ་ཤེས་པར་བྱས་ལ་ཡོངས་སུ་སྤང་བར་བྱའོ། །བདུད་ཀྱིས་བྱིན་གྱིས་རླབས་པའི་རྟགས་ནི་གཉིས་ཏེ། དང་པོ་ཐུན་མོང་གི་རྟགས་ནི། བདག་རྒྱུད་ཀྱི་ཉོན་མོངས་པ་དུག་ལྔ་སྔར་བས་ཆེར་འབར་ཞིང༌། དེའི་ཀུན་སློང་གི་རྐྱེན་མང་ན་བདུད་ཀྱིས་བྱིན་གྱིས་རླབས་པའི་རྟགས་ཡིན། རྐྱེན་མེད་པར་ཁམས་ཀྱི་ནུས་པ་ཟད་ཅིང་ཏིང་ངེ་འཛིན་ཤོར་ན༴ ན་ཚ་སྡུག་བསྔལ་ལ་སོགས་པ་གློ་བུར་གྱི་རྐྱེན་མང་ན༴ དྲན་པ་ཉམས་ཤིང་གཏི་མུག་ཆེར་འཐིབས་ན༴ དོན་མེད་དུ་ཡིད་མི་བདེ་ཞིང་སེམས་མི་དགའ་ན༴ ཤི་བར་འདོད་ནས་ལྕེབ་པའི་སྦྱོར་བ་སོགས་བྱེད་ན༴

― ZP02_Page_655 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་ལ་མ་བབས་པར་རང་ལུས་ཀྱི་ཤ་ཁྲག་དང་ཡན་ལག་སོགས་གཞན་ལ་གཏོང་ན༴ རང་གི་ལུས་ཀྱིས་སྐྱོ་ཞིང་ལུས་ལ་བརྙས་པར་བྱེད་པ་དང་ལུས་ཀྱི་ཤ་དང་ཡན་ལག་ལ་སོགས་པ་དོན་མེད་དུ་གཅོད་ཅིང་ལུས་ལ་བརྔན་སྣ་ཚོགས་བྱེད་ན༴ བྱང་ཆུབ་ཀྱི་སེམས་ཉམས་ཤིང་ཆོས་ཕྱིར་སྡུག་བསྔལ་ཅི་ཡང་མི་བཟོད་ན༴ ལོག་ལྟ་ཆེར་སྐྱེ་ཞིང་ལོག་སྤྱོད་བྱེད་སྙིང་འདོད་ན༴ ཆོས་ལ་ཡིད་མི་ཆེས་ཤིང་ཐེ་ཚོམ་ཟ་ན༴ འཇིག་རྟེན་གྱི་ཕུན་སུམ་ཚོགས་པ་ལ་ཡིད་སྨོན་སྐྱེ་ན༴ ཕྱིའི་ལོངས་སྤྱོད་དང་ནང་གི་སེམས་ཅན་ལ་འདོད་ཆགས་ཆེར་འབར་ན༴ ལུས་ངག་གི་སྤྱོད་ལམ་མཐོ་དམན་སྣ་ཚོགས་པ་དང་ཁྲེལ་དང་ངོ་ཚ་མེད་ཅིང་གཅེར་བུར་བྱེད་ན་བདུད་?ྱི༴ ངང་ཐུང་ཞིང་ཚིག་པ་ཕྱོགས་མེད་དུ་ཟ་ན༴ ལྟོ་གོས་ཀྱི་འདུན་པ་ཆེར་སོང་བ་དང་འཁྲིག་པའི་འདོད་ཆགས་ཆེར་འབར་བ་དང་ཐ་ན་རྨི་ལམ་དུ་ཡང་དེ་དག་གི་འདུན་པ་དང་མི་འབྲལ་ན༴ ཚོང་དང་ཞིང་ལས་དང་ལོག་འཚོ་ལྔའི་སྦྱོར་བ་བྱེད་པ་ལ་སྤྲོ་ཞིང་དགེ་སྦྱོར་ལ་བློ་མི་འཇུག་ཅིང་ལེ་ལོ་དང་སྙོམ་ལས་ལ་དགའ་ན༴ དགེ་སྦྱོར་ལ་ངང་གིས་བཅུག་ཀྱང་བློ་བགོལ་དུ་མི་བཏུབ་པ་དང་དགེ་སྦྱོར་ལ་ནམ་ཞུགས་པ་དེའི་ཚེ་ཕྱི་ནང་གི་

― ZP02_Page_656 ―

^{[མ་དཔེ་གཟིགས་ན་འདིར་གནོན།]}

[Full Size]

འགལ་རྐྱེན་མང་ན༴ ཐོས་བསམ་སྒོམ་གསུམ་གྱིས་བློ་སུན་པ་དང་འགལ་རྐྱེན་བག་ཙམ་གྱིས་སྒྱིད་ལུག་ན༴ རྨི་ལམ་བཟང་ཐལ་ངན་ཐལ་མཐོ་དམན་སྣ་ཚོགས་བྱུང་ན༴ སྡོད་སྙིང་མི་འདོད་འགྲོ་སྙིང་འདོད་པ་དང་དུག་ལྔ་པོ་རེ་རེ་ཞི་དུས་རེ་རེ་སླེབ་པས་བར་མེད་དུ་སྐྱེ་བ་དང༌། ཕྲག་དོག་དང་ང་རྒྱལ་ཆེ་བ་དང་སེར་སྣ་དང་འདོད་ཆགས་ལྷག་པར་ཆེན༴ བདག་ལ་བསྟོད་ཅིང་གཞན་ལ་སྨོད་ན༴ དཀོན་མཆོག་གསུམ་ལ་བཟང་ངན་དང་ཕྱོགས་རིས་སུ་བཅད་ནས་སྐུར་པ་འདེབས་པ་དང༌། བླ་མ་དམ་པ་རྣམས་ལ་དད་གུས་ཤོར་ཅིང་སྐྱོན་བརྗོད་པ་དང་གང་ཟག་དམ་པ་རྣམས་ལ་སྐུར་པ་འདེབས་པ་དང༌། ཁྱད་པར་དུ་དུར་སྨིག་ཅན་རྣམས་ལ་སྡང་ན༴ འདུ་འཛི་གཡེང་བ་རྩེ་འཇོ་རོལ་མོ་སོགས་ལ་དགའ་བ་དང་བསམ་སྒོམ་མི་འདོད་ཅིང་ཆོས་འཆད་འདོད་པ་དང༌། སྔགས་འདེབས་པ་དང༌། གྲོང་ཆོག་བྱེད་འདོད་ན་ཆོས་ཉན་པ་དང་ཁ་ཐོན་འཛིན་ཀློག་བྱེད་དུས་རྟག་པར་གཉིད་འདོད་ན༴ མཚན་མོ་འཇིགས་ཤིང་སྔངས་པ་དང༌། སྙིང་ཆུ་ཞིང་སྤྲུག་པ་དང༌། ལུས་ཀྱི་གཟི་མདངས་ཉམས་ན༴ མ་ཉེས་པའི་ཁ་ཡོགས་དང་གྲགས་པ་ངན་པ་དོན་མེད་དུ་མི་རྣམས་ཀྱིས་སྡང་བ། གྲོགས་པོ་དང་

― ZP02_Page_657 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོན་བདག་སློབ་འཁོར་སྙིང་དང་འདྲ་བ་རྣམས་དང་དོན་མེད་དུ་འབྲལ་བ་ལ་སོགས་པ་ནི་བདུད་ཀྱིས་བྱིན་གྱིས་བརླབས་པའི་རྟགས་སོ། །ཐུན་མོང་མ་ཡིན་པའི་རྟགས་ནི། རྣལ་འབྱོར་པས་ལམ་ལ་བརྩོན་འགྲུས་ཆེར་བརྩམས་པའི་ཚེ་བདུད་ཀྱིས་འདི་ལྟར་བྱིན་གྱིས་རློབས་ཏེ། ཡི་དམ་ལྷའི་ཞལ་མངོན་སུམ་དུ་མཐོང་བ་དང༌། སངས་རྒྱས་དང་བྱང་ཆུབ་སེམས་དཔའི་ཞལ་དངོས་སུ་མཐོང་བ་དང༌། མངོན་སུམ་མམ་སྒྲས་བདག་ལ་སངས་རྒྱས་པར་ལུང་སྟོན་པ་དང༌། སྐྱེ་བ་ཁྱད་པར་ཅན་དུ་ལུང་སྟོན་པ་དང༌། ཆོས་ཤོད་ཅིག་ཅེས་ལུང་སྟོན་པ་དང༌། རྨི་ལམ་རྣོན་པོ་དང་མངོན་ཤེས་ཕྲ་མོ་འབྱུང་བ་དང༌། སེམས་ཅན་ལ་སྙིང་རྗེ་མི་བཟོད་པ་འབྱུང་ཞིང་མཆི་མ་འབྱུང་བ་དང༌། ཕྱི་ནང་གི་ཆོས་ཐམས་ཅད་ལ་ཤེས་རབ་ཐོགས་པ་མེད་པ་འབྱུང་བ་དང༌། ནམ་མཁའ་ལ་གསེར་གྱི་མེ་ཏོག་ཡི་གེ་བཀོད་པ་ལ་སོགས་པ་མཐོང་ཞིང་ཤེས་པ། སྐྱེ་བོ་མང་པོ་འདུ་ཞིང་ཟང་ཟིང་གི་རྙེད་པ་ཆར་ལྟར་འབབ་པ་དང༌། ཀླུའི་བུ་མོས་མེ་ཏོག་གི་ཕྲེང་བ་དང་རོལ་མོས་བདག་ལ་མཆོད་པ་བྱེད་པ་དང༌། རེས་འགའ་ཤ་ཟ་དང་སྲིན་པོ་དང་གནོད་སྦྱིན་ལ་སོགས་པ་འཇིགས་པའི་ཆ་བྱད་ཅན་ལག་ན་མཚོན་ཆ་སྣ་ཚོགས་

― ZP02_Page_658 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོགས་པས་བདག་ལ་བསྡིག་ཤིང་བརྡེག་པ་དང༌། རེས་འགའ་བདག་གི་ལས་བྱེད་པར་ཁས་ལེན་པ་དང༌། རེས་འགའ་བདག་གི་ཕ་མའམ་སློབ་དཔོན་ལ་སོགས་པའི་ཆ་བྱད་དུ་བྱས་ཏེ་བྱང་ཆུབ་ཀྱི་སེམས་བསྒྱུར་ཞིང་ཐེ་ཚོམ་སྐྱེད་པར་བྱེད་པ་དང༌། རང་ལུས་ལས་འོད་འབྱུང་བ་དང༌། མཚན་མོ་ཕྱི་རོལ་ཐམས་ཅད་འོད་ཀྱིས་ཁེངས་པ་དང༌། རང་ལུས་རྩིག་པ་སོགས་ལ་ཐོགས་མེད་དུ་འགྲོ་བ་དང༌། ཆུ་ལ་མི་བྱིང་བ། མེས་མི་འཚིག་པ། ནམ་མཁར་འགྲོ་བ། ཕྱོགས་བཅུའི་སངས་རྒྱས་ཐམས་ཅད་ཀྱི་སྐུ་སྟོན་ཅིང་ཕྱག་གཡས་པ་གསེར་གྱི་ཁ་དོག་ཅན་བརྐྱང་ནས་བདག་གི་སྤྱི་བོར་འཇོག་པ་དང༌། ཕྱོགས་བཅུའི་སངས་རྒྱས་བྱང་སེམས་རྣམས་ཀྱིས་རང་རང་གི་ཞིང་ནས་ཆོས་སྟོན་པ་མཐོང་བ་དང༌། སྤྲུལ་པ་འགྱེད་པ་མཐོང་བ་དང༌། ལམ་རྒྱུད་དྲུག་གི་སེམས་ཅན་ཐམས་ཅད་ཀྱི་སྣང་ཚུལ་མཐོང་བ་དང༌། སེམས་ཅན་ཐམས་ཅད་ཀྱི་སྐད་ཐམས་ཅད་ཤེས་ཤིང༌། རང་སྐད་ཀྱིས་ཆོས་སྟོན་ནུས་པ་དང༌། རང་གི་ཚེ་སྔ་ཕྱི་དྲན་ཅིང་གསལ་བ་དང༌། ད་ནི་བདག་གིས་གཞན་དོན་ཐོགས་པ་མེད་པར་ནུས་སོ་སྙམ་པ་དང༌། ཕྱོགས་གར་སོང་དུ་སྐྱེ་བོ་ཐམས་ཅད་དབང་དུ་འདུ་བ་དང༌། ནད་པའི་དྲུང་

― ZP02_Page_659 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་ཕྱིན་པའམ། སྔགས་བཟླས་པ་ཙམ་མམ། བདེན་པ་བདར་བ་ཙམ་གྱིས་ནད་གདོན་ཞི་བ་དང༌། ཐུན་མོང་གི་འདོད་པ་ཐམས་ཅད་ཡིད་ལ་བསམ་པ་ཙམ་གྱིས་འགྲུབ་ཅིང༌། སྨོན་ལམ་ཅི་བཏབ་འགྲུབ་པ་ལ་སོགས་པར་བྱིན་གྱིས་རློབས་ཅིང་བདག་རྒྱུད་ལ་ང་རྒྱལ་དང་རློམ་སེམས་བསྐྱེད་ནས་བར་དུ་གཅོད་ལ། རེས་འགའ་ཐེ་ཚོམ་དང་ཡིད་གཉིས་བསྐྱེད་ནས་བར་ཆད་བྱེད་དོ། །དེ་སྐད་དུ་མདོ་ལས། བདུད་ཀྱིས་བྱིན་གྱིས་རློབ་པ་ནི། ལ་ལ་ལ་མངོན་སུམ། ལ་ལ་ལ་བརྒྱུད་པས། ཁ་ཅིག་ལ་འཇམ་པོས། ཁ་ཅིག་ལ་དྲག་པོས་བྱིན་གྱིས་བརློབ་ཅིང་ཅི་ནས་ཀྱང་རྣལ་འབྱོར་པ་དང་ཆོས་པའི་སེམས་བསྒྱུར་ཞིང་བྱང་ཆུབ་ཀྱི་སེམས་ཉམས་པར་བྱེད་དོ། །ཞེས་སོ། །དེ་ཡང་སྔར་བཤད་པའི་ཐུན་མོང་གི་རྟགས་དེ་དག་ཤེས་སླ་ཡང༌། ཐུན་མོང་མ་ཡིན་པའི་རྟགས་འདི་ནི་ལམ་རྟགས་དང་དབྱེ་དཀའ་བས་འདི་ལྟར་ཤེས་པར་བྱ་སྟེ། རང་རྒྱུད་ཀྱི་ལོག་རྟོག་ཀུན་ནས་གྲོལ་ཞིང༌། མཉམ་ཉིད་ཀྱི་རྟོགས་པ་རྒྱུན་ཇེ་རིང་ལ་སོང༌། ཉོན་མོངས་པ་མཐའ་དག་ཇེ་ཆུང་ཇེ་ཞིར་སོང༌། འཇིག་རྟེན་ཆོས་བརྒྱད་མགོ་སྙོམས་པས་རྟག་ཏུ་ཤེས་པ་ཉམས་དགའ། དབང་པོ་མདངས་དང་ལྡན། ནང་གི་རྒྱུད་དངས་ཤིང་ཏིང་འཛིན་བཟང་པོ་དུས་སུ་འབྱུང་ལ། དེ་ལ་ང་རྒྱལ་དང་ཐེ་ཚོམ་

― ZP02_Page_660 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིད་གཉིས་ཅི་ཡང་མེད་པར། ཆོས་ཐམས་ཅད་རྨི་ལམ་ལ་སོགས་པའི་སྒྱུ་མའི་དཔེ་བརྒྱད་ལྟ་བུར་རྟོགས་ཤིང་རྗེས་བཟང་ན་ཡང་དག་པའི་རྟགས་ཡིན། དེ་དག་ལ་མི་ལྡན་ཞིང་རྗེས་ངན་ན་བདུད་ཀྱིས་བྱིན་གྱིས་རླབས་པའི་རྟགས་སོ། །རྗེས་ལ་ཉམ་ང་བ་དང་སྙིང་མི་དགའ་ཞིང་བློ་བཀོལ་དུ་མི་འདོད་པ་དང་ང་རྒྱལ་ལ་སོགས་པའི་ཉོན་མོངས་པ་ཆེར་སོང་བ་ལ་སོགས། མདོར་ན་ཚོགས་ལམ་ཆེན་པོའི་ཏིང་ངེ་འཛིན་ཐོབ་པའི་རྟགས་ནས་བཟུང་སྟེ་ས་བཅུའི་རྟོགས་པ་སྐྱེས་པའི་རྟགས་མན་ཆད་བྱུང་ཡང༌། དེ་དག་གི་མཚན་ཉིད་མ་ཤེས་ཏེ་དངོས་པོ་དང་མཚན་མར་འཛིན་ཅིང༌། སེམས་ལ་དགའ་མི་དགའ་དང་བཅས་པས་རེ་དོགས་དང་ང་རྒྱལ་དང་རློམ་སེམས་སུ་གྱུར་ན་བདུད་ཀྱི་བྱིན་གྱིས་བརླབས་པའི་རྟགས་སོ། །བློའི་ཡུལ་ཅི་ཤར་ཅི་བྱུང་ཡང་སེམས་ཆོས་ཉིད་ལས་མི་གཡོ་ཞིང༌། དེ་དག་གི་མཚན་ཉིད་ཡོངས་སུ་ཤེས་ན་ཡང་དག་པའི་རྟགས་སོ། །ད་ནི་བདུད་དེ་དག་ཞི་བར་བྱ་བའི་ཐབས་བསྟན་པ་ལ་དྲུག་སྟེ། དང་པོ་ཆོས་ཉིད་སྟོང་པ་ཉིད་ཀྱི་ཏིང་ངེ་འཛིན་གྱིས་ཞི་བར་བྱ་བ་ནི། སྤྱིར་བདུད་ཐམས་ཅད་ཀྱི་རྩ་བར་མེད་ལ་ངར་འཛིན་པའི་སེམས་རིག་རིག་ཏུར་ཏུར་པོ་འདི་ཡིན་ཏེ། སྤྱོད་འཇུག་ལས། འཇིག་རྟེན་

― ZP02_Page_661 ―

^{[མ་དཔེ་གཟིགས་ན་འདིར་གནོན།]}

[Full Size]

དག་ན་འཚེ་བ་གང་ཡོད་དང༌། །འཇིགས་དང་སྡུག་བསྔལ་ཇི་སྙེད་ཡོད་གྱུར་པ། །དེ་ཀུན་བདག་ཏུ་འཛིན་པ་ལས་བྱུང་ན། །འདྲེ་ཆེན་དེས་ཀོ་བདག་ལ་ཅི་ཞིག་བྱ། །ཞེས་པ་དང༌། བདུད་ནི་རང་གི་སེམས་ཡིན་ཏེ། །རང་སེམས་ནམ་མཁའ་དག་པར་བྱ། །ཞེས་དང༌། རང་གི་སེམས་ནི་བདུད་ཅེས་བྱ། །རང་གི་སེམས་ནི་བགེགས་ཡིན་ནོ། །ཞེས་སོ། །དེས་ན་བར་དུ་བཅད་བྱའི་བདག་དང་གཅོད་བྱེད་ཀྱི་བདུད་དང༌། བར་གཅོད་དངོས་དང་གསུམ་ཀ་རང་གི་སེམས་ཀྱི་རྣམ་རྟོག་ཡིན། རྣམ་རྟོག་དེ་ཡང་མེད་སྣང་སྒྱུ་མ་ལྟ་བུ་ཡིན། སྒྱུ་མ་ལ་རང་བཞིན་གང་ཡང་མེད་པས་ཡེ་ནས་སྟོང་པ་ཉིད་ཡིན་ལ། དེས་ན་བར་དུ་བཅད་བྱ་དང༌། གཅོད་བྱེད་དང༌། བར་གཅོད་དངོས་གསུམ་ཀ་རང་གི་རྣམ་རྟོག་ཏུ་རོ་གཅིག །དེ་ཡང་སྒྱུ་མ་ལྟ་བུར་རོ་གཅིག །དེ་ཡང་ཆོས་ཉིད་སྟོང་པར་རོ་གཅིག་པས། ཆོས་ཉིད་ལས་མ་གཏོགས་པའི་བདུད་ཅིག་ལོག་ནས་སྤང་དུ་མེད་ལ། བདུད་ལས་མ་གཏོགས་པའི་ཆོས་ཉིད་གཅིག་ལོག་ནས་བཙལ་དུ་མེད་དོ། །བདུད་ཆོས་ཉིད་ཀྱི་རྒྱན་དང༌། སྤྲུལ་པ་དང༌། རྟགས་སུ་ཤར་ཏེ། དབྱིངས་ནས་ཤར། དབྱིངས་ན་གནས། དབྱིངས་སུ་ནུབ་པ་

― ZP02_Page_662 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་རེ་དོགས་དང་སྤང་བླང་ལ་སོགས་པའི་གཉིས་འཛིན་གྱི་རྒྱུ་མ་རྙེད། རིག་པ་འཛིན་མེད་རྩ་བྲལ་དུ་སོང་བ་ལ་བདུད་དང་བདུད་ཀྱི་རིགས་ཀྱིས་བར་དུ་བཅད་བྱ་མེད་པར་རིག་པར་བྱའོ། །དེ་ལྟ་བུའི་རྣལ་འབྱོར་པ་རྟོགས་པ་དང་ལྡན་པ་ལ་བདུད་ཀྱིས་གླགས་དང་སྐབས་རྙེད་པར་མི་འགྱུར་ཏེ། སྡུད་པ་ལས། གང་ཚེ་མཁས་པ་དེ་དག་བསམ་པ་རབ་ལྡན་པས། །ཉིན་མཚན་ཤེས་རབ་ཕ་རོལ་ཕྱིན་པ་མཆོག་དོན་ལྟ། །དེ་ཚེ་ལུས་སེམས་དག་ནི་མཁའ་འགྲོ་བྱ་བཞིན་རྒྱུ། །ནག་པོའི་རྩ་ལག་རྣམས་ཀྱིས་གླགས་རྙེད་ག་ལ་འགྱུར། །ཅེས་དང༌། ཡང༌། ཤེས་རབ་ཕ་རོལ་ཕྱིན་པ་གང་ལ་མགོན་སྤྱོད་པ། །དེ་ལ་དུག་དང་མཚོན་དང་མེ་དང་ཆུས་མི་ཚུགས། །བདུད་དང་བདུད་ཀྱི་ཕྱོགས་ཀྱིས་གླགས་ཀྱང་རྙེད་མི་འགྱུར། །ཅེས་དང༌། ཡུམ་ལས། སྟོང་པ་ཉིད་ཀྱིས་སྟོང་པ་ཉིད་ལ་གླགས་མི་རྙེད་དོ། །མཚན་མ་མེད་པས་མཚན་མ་མེད་པ་ལ༴ སྨོན་པ་མེད་པས་སྨོན་པ༴ ཞེས་དང༌། སྟོང་པ་ཉིད་ནི་སྒོམ་བྱས་ན། འཆི་བདག་གིས་ཀྱང་མི་ཚུག་སྟེ། །བདུད་རྣམས་བྱེ་བ་དག་གིས་ཀྱང༌། །གནོད་པར་འགྱུར་བ་ག་ལ་སྲིད། །ཅེས་དང༌། གནོད་པའི་མཚན་མ་ཅི་བྱུང་ཡང༌། །ཆོས་ཉིད་སྟོང་པའི་ངང་གནས་ན། །

― ZP02_Page_663 ―

^{[མ་དཔེ་གཟིགས་ན་འདིར་གནོན།]}

[Full Size]

ཁམས་གསུམ་སེམས་ཅན་དགྲར་ལངས་ཀྱང༌། །གནོད་པ་གང་གིས་ཚུགས་མི་འགྱུར། །ཅེས་པ་ལ་སོགས་པ་གསུངས་སོ། །གཉིས་པ་བྱམས་སྙིང་རྗེ་བྱང་ཆུབ་ཀྱི་སེམས་ཀྱིས་ཞི་བར་བྱ་བ་ནི། སྤྱིར་སེམས་ཅན་ཐམས་ཅད་ལ་བྱམས་པ་དང་སྙིང་རྗེ་རྒྱུན་མ་ཆད་པར་སྒོམ་ཞིང༌། རྒྱུད་ལ་སྐྱེས་ན་ཕ་རོལ་གྱི་གནོད་པ་དང་འཚེ་བ་དག་གིས་མི་ཚུགས་ཤིང་རང་སར་ཞི་བར་འགྱུར་ལ། ཁྱད་པར་དུ་བདུད་ལ་བྱམས་སྙིང་རྗེ་ཞེ་ཐག་པ་ནས་སྐྱེས་ན་བདུད་རང་བཞིན་གྱིས་ཞི་བར་འགྱུར། དཔེར་ན་འཇིག་རྟེན་ན་ཕན་བཏགས་པའི་ལན་དུ་གནོད་པ་སྐྱེལ་བ་ཤིན་ཏུ་དཀའ་ལ། གནོད་ལན་དུ་ཕན་འདོགས་པའང་ཤིན་ཏུ་དཀའ་བ་དེ་བཞིན་དུ་བདག་ལ་གནོད་པ་སྐྱལ་བའི་བདུད་ལ། ལན་དུ་ཕན་འདོགས་པའི་བློ་བཅོས་མ་མ་ཡིན་པ་སྐྱེས་ན་བདུད་དང་བདུད་ཀྱི་ཕྱོགས་ཐམས་ཅད་ཀྱི་གནོད་སེམས་དང་ནུས་མཐུ་ཐམས་ཅད་སྐྱེངས་ཤིང་རབ་ཏུ་ཞི་ནས་ཕྱིར་ལྡོག་པར་འགྱུར་ཏེ། རྡོ་རྗེ་བཀོད་པ་ལས། བར་དུ་གཅོད་པའི་བདུད་རྣམས་ཀྱང༌། །གཉེན་པོ་བྱང་ཆུབ་སེམས་མཆོག་གིས། །ཞི་བ་ཆེན་པོའི་ངང་དུ་ལྡོག །ཅེས་དང༌། རྒྱ་ཆེར་རོལ་པ་ལས་ཀྱང༌། བཅོམ་ལྡན་འདས་ལ་བདུད་ཀྱི་དམག་བྱེ་བ་དུང་ཕྱུར་གྱིས་མཚོན་ཆའི་ཆར་ཕབ་

― ZP02_Page_664 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཚེ། བཅོམ་ལྡན་འདས་ཀྱིས་བྱམས་པ་ཆེན་པོའི་ཏིང་ངེ་འཛིན་ལ་བཞུགས་པས་མཚོན་ཆའི་ཆར་ཐམས་ཅད་མེ་ཏོག་གི་ཆར་དུ་འགྱུར་ཏོ། །རྒྱོབ་སོད་ལ་སོགས་པའི་སྒྲ་ཐམས་ཅད་སངས་རྒྱས་ཀྱི་སྒྲ་དང་ཆོས་ཀྱི་སྒྲ་དང་དགེ་འདུན་གྱི་སྒྲར་འགྱུར་ཏེ། བདུད་ཀྱི་དམག་དཔུང་ཐམས་ཅད་སྐྱིངས་བཞིན་དུ་རང་གི་གནས་སུ་དེངས་སོ། །ཞེས་གསུངས་སོ། །གསུམ་པ་མོས་གུས་དང་སྔགས་དང་རྟེན་འབྲེལ་ཟབ་མོས་ཞི་བར་བྱ་བ་ནི། གཙོ་བོར་བླ་མ་ལ་སངས་རྒྱས་སུ་ལྟ་ཞིང་མོས་གུས་ཀྱི་གདུང་བ་བར་མ་ཆད་ན་བདུད་ཀྱིས་མི་ཚུགས་ཏེ། ལམ་ཟབ་མོ་བར་ཆད་མེད་པ་བླ་མའི་མོས་གུས་ཡིན་པར་གསུངས་སོ། །དཀོན་མཆོག་གསུམ་ལ་མོས་གུས་དང་མཆོད་པ་རྒྱུན་མ་ཆད་ན་བདུད་ཀྱིས་མི་ཚུག་སྟེ། དཀོན་མཆོག་གསུམ་གྱི་བྱིན་གྱིས་བརློབ་པས་སོ། །ལུས་ངག་ཡིད་གསུམ་དཀྱིལ་འཁོར་གསུམ་དང་མི་འབྲལ་ཞིང༌། གསང་སྔགས་ཀྱི་བཟླས་པ་ཚད་དུ་ཕྱིན་ན། བདུད་རིགས་ཀྱི་ཡི་དྭགས་ཀྱིས་མི་ཚུག་སྟེ། རིག་པ་མཆོག་གི་རྒྱུད་ལས། བགེགས་ཀྱི་བསོད་ནམས་མ་ལུས་ཟད་པར་བྱེད། །བགེགས་དང་བྲལ་བས་བསོད་ནམས་རྣམ་པར་འཕེལ། །དེ་ཕྱིར་གསང་སྔགས་བཟླས་ལ་བརྩོན་པར་བྱ། །ཞེས་སོ། །གཞན་ཡང་སྨན་གྱི་སྦྱོར་བ་

― ZP02_Page_665 ―

^{[མ་དཔེ་གཟིགས་ན་འདིར་གནོན།]}

[Full Size]

དང༌། ཀླུ་གྲུབ་ཀྱིས་ནག་པོ་དགུ་སྦྱོར་དང༌། དབྱུག་པ་དང༌། མ་རྒྱུད་ནས་བྱུང་བའི་དབྱུག་པ་རྒྱན་འཁོར་སོགས། དུད་པའི་སྦྱོར་བ། བསྲུང་བའི་འཁོར་ལོ། །སོ་སོར་འབྲང་མ་སོགས། བླ་མ་དང་གྲོགས་མཆེད་ཀྱི། སྔགས་མདུད་ལ་སོགས་པའི་རྟེན་འབྲེལ་ཟབ་མོ་ལ་བརྟེན་ན་ཡང༌། བདུད་ཀྱི་རིགས་ཀྱིས་མི་ཚུགས་ཤིང་ཕྱིར་འབྲོས་པར་འགྱུར་རོ། །བཞི་པ་བསོད་ནམས་ལས་ཁྱད་པར་ཅན་གྱིས་ཞི་བར་བྱ་བ་ནི། མདོ་རྒྱུད་ཟབ་མོ་འབྲི་ཀློག་བྱ་བ། སྐུ་གཟུགས་དང་མཆོད་རྟེན་བཞེངས་པ། ཚ་ཚྭ་འདེབས་པ། དཀོན་མཆོག་གི་མཆོད་པ། དགེ་འདུན་གྱི་བསྙེན་བཀུར། གཏོར་མ། སྦྱིན་སྲེག །ཉེའུ་འདོན་པ། ལམ་འཕྲང་བཅོས་པ་ལ་སོགས་པ་བསོད་ནམས་བསགས་པ་ལ་འབད་པས་བར་ཆོད་ཐམས་ཅད་འཕྲལ་དུ་ཞི་བར་འགྱུར་ལ། དེ་ཞི་ནས་བསོད་ནམས་ཆེར་འཕེལ་བས་བསོད་ནམས་མ་ཡིན་པའི་རྒྱུ་ཐམས་ཅད་ཞི་བར་འགྱུར་རོ། །ལྔ་པ་དད་པ་བརྟན་པོས་ཞི་བར་བྱ་བ་ནི། རྣལ་འབྱོར་པ་ལ་ཕྱིའི་དགྲ་སྡང་བ་དང༌། གཉེན་བྱམས་པ་དང༌། གྲོགས་ངན་པ་དང༌། བླ་མ་ངན་པ་ལ་སོགས་པའི་རྐྱེན་གྱིས་ཐོས་བསམ་སྒོམ་གསུམ་ལ་བར་ཆོད་འགལ་རྐྱེན་བྱེད་པ་དང༌། ནང་གི་ཉོན་མོངས་པ་དང་འཇིག་རྟེན་ཆོས་བརྒྱད་ལ་སོགས་པའི་འགལ་རྐྱེན་ཅི་བྱུང་

― ZP02_Page_666 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང༌། དེ་དག་བདུད་དུ་ཤེས་པར་བྱས་ལ། དེའི་ཚེ་མི་རྟག་འཆི་བ་རྗེས་དྲན་སྒོམ་ཞིང་འཁོར་བ་དང་ངན་སོང་གསུམ་གྱི་སྡུག་བསྔལ་བསམ། གོ་ཆ་དང་སྙིང་སྟོབས་ཆེན་པོ་བསྐྱེད་དེ་ཕྱིའི་རྐྱེན་རྣམས་ཀྱིས་བཀྲི་བར་མི་ཚུགས་པའི་དད་པ་བརྟན་པོ་དང་ལྡན་ཞིང༌། ནང་གི་ཚེ་འདིའི་ཞེན་པའི་དབང་དུ་མི་འགྲོ་བའི་ཕྱིར་མི་ལྡོག་པའི་བརྩོན་འགྲུས་དྲག་པོ་བརྩམ་པར་བྱ་སྟེ། དད་བརྩོན་གཉིས་དང་ལྡན་པ་ལ་བར་དུ་གཅོད་པས་མི་ཚུག་སྟེ། མདོ་ལས། དཔེར་ན་ཆུ་བོ་ཆེན་པོ་གྱེན་ལ་བཟློག་པར་དཀའ་བ་དེ་བཞིན་དུ། བྱང་ཆུབ་སེམས་དཔའ་བློ་གྲོས་དང་ལྡན་ཞིང་དད་པ་བརྟན་པོ་དང་ཕྱིར་མི་ལྡོག་པའི་བརྩོན་འགྲུས་དང་ལྡན་པའི་སྙིང་སྟོབས་ཅན་དག་ལ་ནི་བདུད་དང་བདུད་ཀྱི་རིགས་ཀྱིས་ལམ་ལས་བཟློག་ཅིང་བར་དུ་གཅོད་པར་དཀའ་འོ། །ཞེས་གསུངས་སོ། །དྲུག་པ་རྣལ་འབྱོར་པའི་སེམས་བཅོས་པས་ཞི་བར་བྱ་བ་ནི། སྤྱིར་ཕྱི་ནང་གི་བདུད་ཐམས་ཅད་རང་གི་མངོན་དུ་རྒྱུ་བའི་ཉོན་མོངས་པ་དང༌། འཁུ་འཁྲིག་གི་རྣམ་པར་རྟོག་པ་དང༌། འཇིག་རྟེན་པའི་ཆོས་བརྒྱད་ལས་འབྱུང་སྟེ། རྡོ་རྗེ་བཀོད་པ་ལས། རྣལ་འབྱོར་ངེས་པར་སྤྱོད་པ་ལས། །བར་དུ་གཅོད་པའི་བདུད་ལྔ་འབྱུང༌། །རྣམ་རྟོག་འཁྲིག་པའི་བདུད་ཉིད་དང༌། །དེ་བཞིན་བཏང་

― ZP02_Page_667 ―

^{[མ་དཔེ་གཟིགས་ན་འདིར་གནོན།]}

[Full Size]

སྙོམས་ལེ་ལོའི་བདུད། །ལོངས་སྤྱོད་འདོད་ཆགས་གཡེང་བའི་བདུད། །ཚིག་རྩུབ་མཚོན་ཆ་རྣོན་པོའི་བདུད། །ཁྲོ་གཏུམ་ངང་ཐུང་འཁྲུལ་པའི་བདུད། །རྣལ་འབྱོར་པ་ཡི་བདུད་ལྔ་པོ། །ཡང་དག་དོན་ལ་སྒྲིབ་པ་སྟེ། །ཞེས་དང༌། སྡུད་པ་ལས། བདག་བསྟོད་གཞན་ལ་སྨོད་པའི་བྱང་ཆུབ་སེམས་དཔའ་དེ། །བདུད་ཀྱིས་ཡོངས་སུ་བསླད་ཅིང་བློ་ཆུང་རིག་པར་བྱ། །ཞེས་དང༌། ཡང༌། སྡང་ཞིང་བཟོད་དང་བྲལ་ལ་བྱང་ཆུབ་ག་ལ་ཡོད། །དེ་ཚེ་བདུད་རྣམས་ཕྱོགས་དང་བཅས་ཏེ་དགའ་བར་འགྱུར། །ཅེས་དང༌། གཅིག་པུར་དོན་ཉིད་མི་སེམས་ཤིང༌། །གདུལ་དཀའི་སེམས་ནི་མི་འདུལ་བར། །འཁོར་མང་ནང་དུ་ཆོས་འཆད་པ། །ཁེ་གྲགས་གཡེང་བ་བདུད་ཀྱི་ལས། །ཞེས་དང༌། འཕགས་པ་ནམ་མཁའ་མཛོད་ཀྱིས་ཞུས་པའི་མདོ་ལས། དཔེར་ན་བུ་ག་ནས་རླུང་འཇུག་པ་དེ་བཞིན་དུ་རྣལ་འབྱོར་པའི་སེམས་གང་དང་གང་ན་སྐྱོན་ཡོད་པ་དེ་དང་དེ་ལ་བདུད་འཇུག་ཅིང་གླག་རྙེད་དོ། །དེ་བས་ན་བྱང་ཆུབ་སེམས་དཔའི་སེམས་ལ་ཉོན་མོངས་པ་ལ་སོགས་པའི་སྐྱོན་མེད་པར་བྱའོ། །སེམས་ལ་སྐྱོན་མེད་པ་ནི་འདི་ཡིན་ཏེ། འདི་ལྟར་རྣམ་པ་ཐམས་ཅད་ཀྱི་མཆོག་དང་ལྡན་པའི་སྟོང་པ་ཉིད་ཡོངས་སུ་རྫོགས་པར་བྱའོ། །

― ZP02_Page_668 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་གསུངས་སོ། །དེ་བས་ན་རྣལ་འབྱོར་པ་སྤྱོད་ལམ་རྣམ་བཞི་དུས་དང་གནས་སྐབས་ཐམས་ཅད་དུ་རང་གི་སེམས་རྒྱུད་ལ་ལྟ་ཞིང་རྟག་ཏུ་དྲན་པ་དང་ཤེས་བཞིན་བརྟེན་ཏེ། འདོད་ཆགས་ཀྱི་སེམས་དང༌། ཞེ་སྡང་གི་སེམས་དང༌། གཏི་མུག་གི༴ ང་རྒྱལ་གྱི༴ ཕྲག་དོག་གི་སེམས་ལ་སོགས་པ་ཉོན་མོངས་པ་མཐའ་དག་གི་སེམས་ཀྱིས་གནས་པར་མི་བྱའོ། །གཅེས་པར་འཛིན་པའི་སེམས་དང༌། ཁུ་འཕྲིག་དང་ཡང་བ་དང༌། འཇིགས་པའི་སེམས་དང༌། དགའ་མི་དགའི་སེམས་དང༌། ཐེ་ཚོམ་དང་ཡིད་གཉིས་ཀྱི་སེམས་དང༌། རེ་བ་དང་དོགས་པའི་སེམས་ལ་སོགས་པ་རྣལ་འབྱོར་རྟོག་པ་མཐའ་དག་གི་སེམས་ཀྱིས་གནས་པར་མི་བྱའོ། །རྙེད་པ་དང་བཀུར་སྟི་ལ་དགའ་བ་དང༌། དེ་མེད་ན་མི་དགའ་བ་དང༌། བདེ་ཞིང་སྐྱིད་ན་དགའ། སྡུག་ན་མི་དགའ་བ་དང༌། བསྟོད་ན་དགའ་སྨད་ན་མི་དགའ་བ་དང༌། སྙན་པ་དང་གྲགས་ན་དགའ། མི་སྙན་ཅིང་མ་གྲགས་ན་མི་དགའ་བ་ལ་སོགས་པའི་འཇིག་རྟེན་ཆོས་བརྒྱད་ཀྱིས་གནས་པར་མི་བྱའོ། །མདོར་ན་ཆོས་ཐམས་ཅད་དངོས་པོ་དང་མཚན་མར་ཞེན་པས་ང་དང་ང་ཡིར་འཛིན་པ་ཐམས་ཅད་རབ་ཏུ་སྤང་སྟེ། འདི་ལྟར་ཆོས་ཐམས་ཅད་སྟོང་པ་ཉིད་དུ་ཤེས་པའི་ཚུལ་གྱིས་གནས་

― ZP02_Page_669 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བྱའོ། །མཚན་མ་མེད་པའི་ཚུལ་གྱིས་གནས༴ སྨོན་པ་མེད་པའི་ཚུལ་གྱིས༴ བྱམས་དང་སྙིང་རྗེའི་བྱང་ཆུབ་ཀྱི་སེམས་ཀྱིས༴ ཆོས་ཐམས་ཅད་མཉམ་པ་ཉིད་ཀྱི་སེམས་ཀྱིས། ཆོས་ཐམས་ཅད་རྨི་ལམ་དང་སྒྱུ་མ་ནམ་མཁའ་ལྟ་བུའི་སེམས༴ ཆོས་ཐམས་ཅད་མི་རྟག་ཅིང་མི་བརྟན་ལ་ཐེར་ཟུག་མ་ཡིན་པར་འགྱུར་བའི་ཆོས་ཅན་གྱི་སེམས་ཀྱིས༴ རྟག་ཏུ་ཞི་བའི་སེམས་ཀྱིས༴ དུལ་བའི་སེམས་ཀྱིས༴ དྲང་པོའི་སེམས་ཀྱིས༴ དྲན་པ་དང་ལྡན་པའི་སེམས་ཀྱིས༴ ཤེས་བཞིན་དང་ལྡན་པའི་སེམས་ཀྱིས༴ བག་དང་ལྡན་པའི་སེམས་ཀྱིས༴ དེ་ལྟར་གནས་པས་རང་གི་སེམས་རྒྱུད་དག་ཅིང་སྐྱོན་མེད་ན་ཕྱི་ནང་གི་བདུད་ཀྱིས་གླགས་དང་སྐབས་རྙེད་པར་མི་འགྱུར་ཏེ། སྡུད་པ་ལས། འགྲོ་འཆག་ཉལ་དང་འདུག་པར་ཤེས་བཞིན་རབ་ཏུ་ལྡན། །གཉའ་ཤིང་གང་ཙམ་ལྟ་ཞིང་འགྲོ་ལ་སེམས་འཁྲུལ་མེད། །གཙང་ཞིང་གཙང་མའི་གོས་འཆང་གསུམ་པོ་དབེན་ཞིང་དག །རྙེད་འདོད་མ་ཡིན་ཁྱུ་མཆོག་རྟག་ཏུ་ཆོས་འདོད་པ། །བདུད་ཀྱི་ཡུལ་ལས་འདས་ཤིང་གཞན་གྱི་དྲིང་མི་འཇོག །ཅེས་དང༌། ཡང༌། རྒྱུ་རྣམ་བཞི་ཡིས་བྱང་ཆུབ་མཁས་སྟོབས་ལྡན། །བདུད་བཞིས་ཐུབ་པར་དཀའ་ཞིང་བསྐྱོད་པར་མི་ནུས་ཏེ། །སྟོང་

― ZP02_Page_670 ―

^{[མ་དཔེ་གཟིགས་ན་འདིར་གནོན།]}

[Full Size]

པར་ཤེས་ཤིང་སེམས་ཅན་ཡོངས་སུ་མི་གཏོང་དང༌། །ཇི་སྐད་སྨྲས་བཞིན་བྱེད་དང་བདེ་གཤེགས་བྱིན་རླབས་ཅན། །ཅེས་སོ། །འཕགས་པ་དཀོན་མཆོག་བརྩེགས་པ་ལས། །ཆོས་བཞི་དང་ལྡན་ན་འདུལ་བར་བྱེད་དོ། །བཞི་གང་ཞེ་ན། གཞན་གྱི་རྙེད་པ་ལ་ཕྲག་དོག་མི་བྱེད་པ་དང༌། །ཕྲ་མའི་ཚིག་ཡོངས་སུ་སྤངས་པ་དང༌། །སྐྱེ་བོ་མང་པོ་དགེ་བའི་རྩ་བ་ཡོངས་སུ་འཛིན་དུ་འཇུག་པ་དང༌། །སྒྲིབ་པ་མེད་པའི་བྱམས་པ་སྒོམ་པའོ། །ཞེས་པ་དང༌། དཔེར་ན་ནོར་མེད་པ་ལ་རྐུན་མ་མི་ཡོང་ངོ༌། །ཁུར་མེད་པ་ལ་དགྲ་མི་ཡོང་ངོ༌། །དེ་བཞིན་དུ་རྣམ་རྟོག་མེད་པ་ལ་བདུད་མི་འཇུག་གོ །ཞེས་པ་དང༌། དྲན་དང་ཤེས་བཞིན་རྟག་བརྟེན་ན། །ལོག་རྟོག་མཚན་མས་ཉེ་མི་ནུས། །ཞེས་གསུངས་སོ། །དེ་ལྟར་བདུད་བཟློག་པའི་ཐབས་ལ་མཁས་པའི་གང་ཟག་ལ་ཕྱི་ནང་གི་བདུད་ཐམས་ཅད་ལམ་གྱི་གྲོགས་སུ་འབྱུང་སྟེ། བརྩོན་འགྲུས་ཀྱི་བསྐུལ་མ། རྟོགས་པའི་ནང་བྱ་ན། དངོས་གྲུབ་ཀྱི་མཚམས་སྦྱོར། ཉམས་མྱོང་གི་བོགས་འདོན་གྱི་རྐྱེན་ཡིན་པས། བདུད་སངས་རྒྱས་ཀྱི་སྤྲུལ་པ། བསྟན་པའི་ཆ་རྐྱེན་ཡིན་ཏེ། དུས་གསུམ་གྱི་སངས་རྒྱས་ཐམས་ཅད་ཀྱིས་བདུད་དང་མུ་སྟེགས་ཐམས་ཅད་མགོ་སྨད་ཅིང་རྩད་ནས་མ་བསྒྲལ་བའི་

― ZP02_Page_671 ―

^{[མ་དཔེ་གཟིགས་ན་འདིར་གནོན།]}

[Full Size]

དགོངས་པ་དེ་ཡིན་ནོ། །དད་བརྩོན་ལྡན་པའི་གང་ཟག་ལ། །ཕྱི་ནང་གསང་བའི་བདུད་རྣམས་ཀྱིས། །བར་གཅོད་ཆེ་ཆུང་འབྱུང་མོད་ཀྱང༌། །བདུད་བརྟགས་མན་ངག་འདི་ཡོད་ན། །སྔོན་གྱི་རྣམ་སྨིན་མ་གཏོགས་པ། །བདུད་ཀྱི་དབང་དུ་འགྲོ་མི་འགྱུར། །གོ་ཆ་སྙིང་སྟོབས་ལྡན་གྱུར་ཅིང༌། །བླ་མ་དམ་པས་ཟིན་གྱུར་ན། །བདུད་ཀྱིས་བར་ཆོད་ཅི་བྱུང་ཡང༌། །དད་བརྩོན་བསྐུལ་མའི་ལྕགས་འདེབས་ཡིན། །འཁོར་བར་ཞེན་པ་གཏིང་ལོག་ཅིང༌། །ཤེས་རབ་ཆེ་ཞིང་ཐོས་མང་ན། །བདུད་ཀྱི་བར་ཆོད་ཐམས་ཅད་ནི། །རྣལ་འབྱོར་ལམ་གྱི་གྲོགས་སུ་ཆེ། །དོན་དམ་གཤིས་ཀྱི་གནས་ལུགས་རྟོགས། །ཆོས་ཅན་དྲན་སྣང་མཚན་ཉིད་ཤེས། །རྣལ་འབྱོར་དེ་ལ་ཅི་བྱུང་ཡང༌། །རྟོགས་པ་ཉམས་ཀྱི་གསལ་འདེབས་ཡིན། །མཉམ་ཉིད་དོན་ལ་སེམས་བརྟེན་པ། །ཆགས་མེད་རྩིས་མེད་ངང་སྤྱོད་ན། །རྐྱེན་ངན་ཅི་བྱུང་ཅི་ཤར་ཡང༌། །རྣལ་འབྱོར་རིག་པའི་རྒྱན་དུ་ཆེ། །བླ་མ་དམ་པས་མ་ཟིན་དང༌། །བློ་ངན་ཐོས་ཆུང་མན་ངག་མེད། །སྔོན་ལས་ངན་པས་འདས་པ་རྣམས། །དད་བརྩོན་ལྡན་ཡང་བདུད་ཀྱིས་འཁྱེར། །དེ་བས་དད་དང་བརྩོན་པ་ཡིས། །སེམས་ལ་བརྟན་པ་མ་ཐོབ་བར། །རྟག་ཏུ་བླ་མ་དམ་པ་བསྟེན། །དེ་མེད་གདམས་ངག་ཕྱོགས་མེད་བསྟེན། །

― ZP02_Page_672 ―

^{[མ་དཔེ་གཟིགས་ན་འདིར་གནོན།]}

[Full Size]

གཅིག་ཏུ་བདུད་བརྟགས་མན་ངག་གཅེས། །ཆོས་རྣམས་སྟོང་པར་རྟོགས་པ་དང༌། །སེམས་ཅན་སྙིང་རྗེ་མི་སྤོང་དང༌། །ཁས་བླང་ཡིད་དམ་བརྟན་པ་དང༌། །བླ་མ་དཀོན་མཆོག་མོས་གུས་དང༌། །བཞི་པོ་དེ་དག་སུ་ལྡན་པ། །བདུད་ལས་རྣམ་པར་རྒྱལ་བ་ཡིན། །ལར་དོན་དམ་གཤིས་ཀྱི་གནས་ལུགས་ལ། །བདུད་ཅེས་བྱ་བའི་མིང་ཡང་མེད། །འཇིག་རྟེན་ཀུན་རྫོབ་བདུད་རྣམས་ནི། །གང་ཟག་འཁྲུལ་པའི་བློས་བརྟགས་ཡིན། །དོན་དམ་རྟོགས་པའི་རྣལ་འབྱོར་ལ། །ཀུན་རྫོབ་གདོན་བགེགས་གྲོགས་སུ་ཆེ། །བདུད་བགེགས་རིག་པའི་ལྟ་ཡུལ་ཡིན། །བདུད་བགེགས་མེད་ན་ལྟ་ཡུལ་མེད། །བདུད་བགེགས་སེམས་ཀྱི་སྒོམ་ཡུལ་ཡིན། །བདུད་བགེགས་མེད་ན་སྒོམ་ཡུལ་མེད། །བདུད་བགེགས་སེམས་ཀྱི་སྤྱོད་ཡུལ་ཡིན། །བདུད་བགེགས་མེད་ན་སྤྱོད་རྒྱུ་མེད། །བདུད་བགེགས་སེམས་ཀྱི་བསྐུལ་མ་ཡིན། །བདུད་བགེགས་མེད་ན་བསྐུལ་མ་མེད། །བདུད་བགེགས་ཉམས་ཀྱི་བོགས་འདོན་ཡིན། །བདུད་བགེགས་མེད་ན་བོགས་མི་ཐོན། །བར་ཆོད་དངོས་གྲུབ་མཚམས་སྦྱོར་ཡིན། །བར་ཆོད་མེད་ན་དངོས་གྲུབ་མེད། །སྡུག་བསྔལ་བདེ་བའི་ལམ་པ་ཡིན། །སྡུག་བསྔལ་མེད་ན་་

― ZP02_Page_673 ―

^{[མ་དཔེ་གཟིགས་ན་འདིར་གནོན།]}

[Full Size]

བདེ་བ་མེད། །ཉོན་མོངས་ཡེ་ཤེས་ངོ་བོ་ཉིད། །ཉོན་མོངས་མེད་ན་ཡེ་ཤེས་མེད། །རྣམ་རྟོག་ཆོས་ཉིད་མེ་ལོང་ཡིན། །རྣམ་རྟོག་མེད་ན་ཆོས་ཉིད་མེད། །ཤེས་རིག་ལྡན་པའི་རྣལ་འབྱོར་ལ། །ཡོན་ཏན་མིན་པ་གང་ཡང་མེད། །རྐྱེན་ངན་ཐམས་ཅད་གྲོགས་ཀྱི་མཆོག །ཅི་བྱས་ཅི་བྱུང་ལེགས་པའི་ལམ། །མན་ངག་རིན་པོ་ཆེ་སྤུངས་པ་ལས་བདུད་བརྟགས་ཏེ་སྤོང་ཚུལ་གྱི་ལེའུ་ལས་དོན་བསྡུས་ཏེ་ཚིག་སྣ་ཅུང་ཟད་རེ་བསྡུས་ནས་ཟིན་ཐུན་དུ་སྤེལ་བའོ།། །།མངྒ་ལམ།། །།

ཐེག་ཆེན་མདོ་སྡེ་མཐོང་བའི་ཕན་ཡོན་ཚིགས་སུ་བཅད་པ།

― ZP02_Page_675 ―

^{[མ་དཔེ་གཟིགས་ན་འདིར་གནོན།]}

[Full Size]

ཐེག་ཆེན་མདོ་སྡེ་མཐོང་བའི་ཕན་ཡོན་ཚིགས་སུ་བཅད་པ་བཞུགས་སོ།།

― ZP02_Page_676 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་མཉྫུ་ཤྲི་ཡེ། བདེ་གཤེགས་མི་ཡི་སེང་གེ་མཚུངས་པ་མེད། །ཐུབ་པ་སྲས་བཅས་ཡོན་ཏན་རྒྱ་མཚོ་ལ། །ཀུན་ནས་དྭང་སླད་གུས་པས་སྤྱིས་འདུད་དེ། །ཐུབ་ཚུལ་ཆོས་མཆོག་ལུང་རྟོགས་ལ་ཡང་ངོ༌། །བསྐལ་པ་བྱེ་བ་གཞལ་དུ་མི་སྤྱོད་པ། །དེ་ཡི་ཚད་ནི་ནམ་ཡང་མེད་པ་རུ། །ཐུབ་པའི་མཁྱེན་པ་བདུད་རྩིའི་ཆོས་མཆོག་ནི། །ཐར་ལམ་དབྱིག་ཏུ་སྐྱེ་དགུའི་སྒྲོན་མར་བྱོན། །ཐུབ་པ་མི་འགྱུར་ཆོས་ཀྱང་དེ་བཞིན་ཏེ། །འདི་ལ་འཕེལ་མེད་འགྲིབ་པ་ཡོང་ཡེ་མེད། །བློ་ཆེན་རྣམས་ལ་རྒྱུན་མི་འཆད་པའི་ཆོས། །ཐུབ་པས་རྟག་ཏུ་ཚངས་པའི་དབྱངས་ཀྱིས་འདོམས། །བདེ་གཤེགས་སྐྱེ་དང་མངོན་འབྱུང་བྱང་ཆུབ་ཅིང༌། །བདུད་རྩིའི་སྒོ་དབྱེ་མྱ་ངན་འདས་སྣང་བ། །

― ZP02_Page_677 ―

^{[མ་དཔེ་གཟིགས་ན་འདིར་གནོན།]}

[Full Size]

ཉི་ཚེ་བློ་གྲོས་སྐལ་བའི་སྤྱོད་ཡུལ་སྟེ། །དོན་དམ་གཟིགས་པའི་ཐབས་ཀྱི་མཛད་སྤྱོད་ལགས། །བསྐལ་པ་མང་པོའི་ཚོགས་གཉིས་རྒྱ་ཆེན་པོ། །མ་ཉམས་མ་གོད་བྱང་ཆུབ་ཆེར་བསྔོས་པའི། །རྒྱུ་ལས་མ་ཡིན་ཡང་དག་ཐེག་ཆེན་གྱི། །མདོ་སྡེ་མཆོག་ཐོས་སྐལ་བ་ཇི་ལྟར་ཡོད། །བྱེ་བ་ཕྲག་བརྒྱའི་ཞིང་མང་གཞལ་དཀའི་འགྲོ། །བདེ་གཤེགས་ཆོས་ཀྱི་སྒྲོན་མེ་མ་མཆིས་པའི། །མུན་ནས་མུན་པར་ཁོམ་པ་མེད་འཁོར་བ། །ཡང་དག་ཆོས་ལ་མོས་པ་དམན་ལས་བྱུང༌། །བསོད་ནམས་ལེགས་བསགས་དལ་བ་རིན་པོ་ཆེ། །འབྱོར་བའི་ཁྱད་པར་ལག་ཏུ་ལོན་དུས་འདིར། །བདེ་གཤེགས་ཆོས་ལ་བརྩོན་པ་མ་བསྐྱེད་ན། །སྣང་ནས་མུན་པར་ཡོངས་

― ZP02_Page_678 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོ་སྨྲེ་སྔགས་གནས། །གཅིག་ཏུ་བརྩོན་པ་ཐུབ་པའི་བསྟན་པ་ལ། །ཀློག་དང་སྤོང་བ་རབ་ཏུ་བྱུང་བའི་ལམ། །ལེ་ལོས་བཅོམ་བྱས་ཚུལ་ཁྲིམས་ལྡན་ན་ཡང༌། །བུ་ལོན་དཀོར་ཟ་ཁྱད་པར་ཐོབ་པས་སྤང༌། །ཇི་སྙེད་སྦྱིན་དང་བདེ་གཤེགས་མཆོད་བྱས་དང༌། །ཚུལ་གནས་བཟོད་ལྡན་བརྩོན་པས་བསྒོམ་པ་ལ། །བསྐལ་བརྒྱར་བརྩོན་ལས་ཐེག་ཆེན་མདོ་ཟབ་མོའི། །ཚིགས་བཅད་གཅིག་བཟུང་བསོད་ནམས་འཕགས་པར་གསུངས། །སྐྱོད་པ་མཆོག་དེས་སྔོན་ཆད་བསྐལ་མང་དུ། །ལུས་དང་སྲོག་ཀྱང་ཡལ་བར་བཏང་མཛད་ནས། །ཚིགས་བཅད་རེ་ཡང་བརྩོན་པ་བརྒྱ་དག་བཅས། །དམ་ཆོས་མཛོད་འདི་རིང་ནས་བསགས་པ་ལགས། །འབར་བའི་མེ་ཕྲེང་ལུས་ལ་གཏམས་པ་དང༌། །མེ་དོང་མཆོང་དང་ལྟགས་ཀྱི་གཟེར་སྟོང་གདབ། །དབྱིལ་ཐུབ་པར་རྐང་པ་ཟད་ཕྱིན་ནས། །ཐུབ་པས་ཆོས་མཆོག་དེ་ལྟར་བཙལ་བར་མཛད། །བརྩོན་པ་དེ་ཡང་དུས་ཡུན་ཐུང་ངུས་མིན། །བགྲང་དུ་མི་སྤྱོད་བསྐལ་པ་ཟད་པར་ཡང༌། །རྒྱུན་མི་འཆད་པའི་སྙིང་སྟོབས་བརྒྱ་དག་བཅས། །ཐུབ་པའི་ཆོས་མཛོད་ད་གདོད་བརྙེས་པར་གྱུར། །དམ་ཆོས་མཛོད་འདི་རིང་ནས་བསགས་བསགས་པ། །སྙིགས་མའི་མཐའ་འདིར་མགོན་པོ་དེས་དབྱེ་སྟེ། །

― ZP02_Page_679 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུབ་པ་སྟོང་གིས་སྤངས་པའི་ཉམ་ཐག་ལ། །སྲས་སུ་བཟུང་ནས་བརྩེ་བས་གདམས་ངག་མཛད། །ཡུན་རིང་སྦྱངས་པའི་སེམས་དཔའ་བློ་ཆེན་ལ། །ཐུབ་པའི་དམ་ཆོས་རྟག་ཏུ་སྣང་མོད་ཀྱི། །ཁ་ན་མ་ཐོ་སྡིག་པ་སྟོང་དག་གིས། །འཕངས་པ་བདག་ཅག་མགོན་པོ་གཅིག་འདིས་བཟུང༌། །བདེ་གཤེགས་སྨོན་ལམ་དབང་བའི་དབང་དེ་ལས། །མཚམས་མེད་འགྲོ་བ་བདག་སོགས་དམ་ཆོས་མཆོག །བདུད་རྩིའི་ཟེར་འདིས་རེག་པར་བྱས་གྱུར་ན། །བདག་སྐལ་བསོད་ནམས་ཇི་ལྟར་ཡིན་པར་འགྱུར། །སྙིང་སྟོབས་མི་མཚུངས་པདྨ་དཀར་པོ་ལྟའི། །སེམས་དཔའ་མཆོག་དེའི་སྨོན་པས་མ་བཟུང་ན། །སྙིགས་མའི་མཐའ་འདིར་མུན་སྨག་སྟུག་ཁེབས་འགྲོ། །ངན་འགྲོའི་སྒོ་རུ་དམིགས་བུས་སྤང་བར་ཟད། །རྒྱལ་བ་དགྲ་ཐུལ་ཐུགས་རྗེའི་མངའ་བདག་དེས། །དེ་ལྟར་བརྩོན་པས་བདུད་རྩིའི་སྒོ་དབྱེ་ཡང༌། །ཐེག་ཆེན་མདོ་སྡེ་མཐོང་ལ་མི་བརྩོན་ན། །དམྱལ་བ་ཁོ་ནར་བདག་གིས་འགྲོ་བར་ངེས། །བློ་གྲོས་དམན་པ་ཉོན་མོངས་སྟོང་དག་གིས། །དཀྲུགས་པའི་ཡིད་ལ་ཆོས་འཛིན་མེད་མཁྱེན་ནས། །བསྟན་པའི་མཐར་ཡང་ཡི་གེའི་གཟུགས་དག་གིས། །ཐུབ་པ་བཞུགས་ཞེས་སྐྱོབ་པའི་ཞལ་གྱིས་བཞེས། །མདོ་སྡེ་རིན་ཆེན་འདི་ནི་དེང་དུ་ཡང༌། །ཐུབ་པའི་

― ZP02_Page_680 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་སྐུ་མཆོག་དང་དབྱེར་མེད་པར། །ཉན་འཆད་ཀློག་དང་འཛིན་ལ་དགྱེས་བཞུགས་ན། །སྐལ་བཟང་གྲོགས་དག་འདི་ལ་གུས་བརྩོན་རིགས། །ཕན་མཛད་ཐུགས་རྗེས་རིང་ནས་དགོངས་པ་ཅན། །མགོན་པོ་མཆོག་འདིར་རང་གི་དོན་ཉིད་དུ། །བྱས་པ་གཟོ་བའི་སྙིང་སྟོབས་མི་སྐྱེད་ན། །མ་རབས་དེ་འདྲ་རྗེས་འཇུག་ཇི་ལྟར་ཡིན། །མགོན་པོ་སྐྱོབ་དེས་སྤངས་རྟོགས་མཐར་བྱས་ན། །དེ་ལ་སུས་ཅི་ཕན་པ་བགྱིད་ཡོད་དེ། །རང་གཞན་དོན་ཕྱིར་མདོ་སྡེ་མཆོག་དག་ལ། །ཉན་འཆད་འཛིན་བརྩོན་ཐུབ་ལ་བྱས་པ་གཟོ། །ཡང་དང་ཡང་དུ་ངན་འགྲོར་སོར་འགྲོ་བའི། །ཉམ་ཐག་བདག་ཅག་སེམས་དཔའ་མཆོག་དག་དང༌། །སྐལ་པ་མཉམ་པར་ཐེག་ཆེན་ཐོས་ནུས་པ། ། སྲས་དེའི་ཐུགས་བསྐྱེད་སྟོབས་ཀྱིས་བསྐྲུན། །སྐྱོབ་པ་གཞན་དང་ཞིང་གཞན་དེར་སྟོན་ཆོས། །ཉན་ཙམ་དབང་འདིའང་བདེ་གཤེགས་མཐུ་ལས་ཏེ། ། སེང་གེའི་སྨོན་པས་མ་བཟུང་ན། །དམ་ཆོས་སྒྲ་ཡང་བསྐལ་བརྒྱར་ཟོས་ནུས་མེད། །མགོན་པོ་མཆོག་དེའི་མཚན་དཔེ་མཚུངས་མེད་ཞལ། །ཉི་མ་བཞིན་དུ་སྲིད་ན་ལྷང་ངེ་བ། །མཐོང་བའི་སྐལ་བས་བདག་ཅག་དགུས་ལགས་ཀྱང༌། །དམ་ཆོས་འོད་སྣང་ད་དུང་ནུབ་པ་མེད། །བདེ་གཤེགས་ཆོས་ལ་བརྩོན་པ་མ་བསྐྱེད་ན། །བསྟན་པ་རིན་ཆེན་

― ZP02_Page_681 ―

^{[མ་དཔེ་གཟིགས་ན་འདིར་གནོན།]}

[Full Size]

ད་ནི་ནུབ་ལ་ཉེ། །འགྲོ་བའི་དམིགས་བུ་ད་ནི་སྟོར་ལ་ཉེ། །སྲིད་པའི་སྣང་བྱེད་དུ་ནི་ཉམས་ལ་ཉེ། །ངན་སོང་འགྲོ་བ་ཤིན་ཏུ་བཟོད་དཀའ་བའི། །གནས་དེར་སོང་ན་ཕན་མཛད་བསྟན་པ་འདིའི། །མཚན་ཐོས་ལ་ཡང་རྙེད་པ་མ་ལགས་ན། །ཡང་དག་མདོ་སྡེ་མཐོང་བར་ཇི་ལྟར་དབང༌། །སྐལ་བཟང་གྲོགས་དག་བརྩོན་པའི་སྟོབས་བསྐྱེད་ལ། །ཐུབ་པའི་མདོ་སྡེ་ཉན་དང་ཀློག་པ་དང༌། །དོན་སེམས་པ་ལ་སྒྲིམ་པར་བྱོས་ཤིག་དང༌། །ཞི་བའི་ལམ་བཟང་ཁྱེད་ལ་མཛའ་བར་འགྱུར། །ཡང་དག་བཤེས་བྲལ་བསྟན་པ་བདུད་སྡེས་དཀྲུགས། །སྣ་ཚོགས་ཚུལ་བརྒྱས་འཁྲུལ་པ་བསྐྱེད་དུས་འདིར། །ཡིད་ཆེས་གཅིག་པུ་བདེ་གཤེགས་རྒྱལ་བའི་བཀའ། །ཐུབ་པའི་མདོ་སྡེ་ནམ་ཡང་འཁྲུལ་པ་མེད། །རྟོག་གེས་རྩོད་མེད་ཞེ་འདོད་འཐེན་འཁྱེར་མེད། །ཕྱིས་བློས་བསླད་མེད་ཐུབ་པའི་མདོ་སྡེ་ནི། །བྱིན་རླབས་ཉི་མ་སྙིང་ལ་འོད་སྣང་སྦྱིན། །ཚིག་གཅིག་ཐོས་ཀྱང་བསྐལ་མང་སྡིག་སྒྲིབ་སྤྱོད། །ཡིད་བཞིན་ནོར་མཆོག་འདི་ངོ་ཤེས་བྱོས་ལ། །རྩོད་མེད་ཆོས་འདི་ཡས་བར་མ་འདོར་དང༌། །སྐྱེ་དང་སྐྱེ་བར་པདྨོའི་སྟན་གནས་པས། །བདེ་གཤེགས་ཆོས་ཉན་སྐལ་བ་ཡོན་པ་ཡིན། །གསུང་གི་མཛད་པ་བདེ་གཤེགས་མཛད་རྣམས་ལས། །གཙོ་བོར་

― ZP02_Page_682 ―

^{[མ་དཔེ་གཟིགས་ན་འདིར་གནོན།]}

[Full Size]

གསུངས་ན་ཐུབ་གསུང་རིན་པོ་ཆེ། །འདི་ལས་གཞན་ན་སངས་རྒྱས་ཀྱང་མེད་ཀྱིས། །གུས་པས་མཇལ་ན་བདེ་གཤེགས་མཐོང་བ་ཡིན། །ཐུབ་པ་དེ་རྗེས་འཇུག་པར་རློམ་བཞིན་དུ། །ཕན་མཛད་དེ་ཡི་དྲིན་ཡང་མི་ཤེས་པར། །རྐང་འཁྱམས་རྒྱལ་བུ་དམན་འདྲར་ཉམ་ཐག་པ། །ཡང་དག་མདོ་སྡེ་མ་མཐོང་སྐྱོན་ལས་ཡིན། །ཆོས་ལས་བྱུང་བའི་དད་པའི་མཐུ་མེད་པས། །སྐྱབས་གསུམ་སྒྲ་ཙམ་ཚིག་ཏུ་བརྗོད་ན་ཡང༌། །ཡང་དག་སངས་རྒྱས་རྗེས་སུ་དྲན་མེད་པ། །དེ་འདྲ་མདོ་སྡེ་མ་མཐོང་སྐྱོན་ལས་ཡིན། །གང་ལ་གཏོང་དང་ཚུལ་ཁྲིམས་ཐོས་ལ་སོགས། །ཐུབ་པའི་བསླབ་ལ་གུས་པ་མེད་སྐྱེས་པས། །བག་མེད་གཡེངས་ནས་ངན་སོང་གཅོང་རོང་དུ། །ལྷུང་ཞིང་འཁྱམས་པ་མདོ་སྡེ་མ་མཐོང་སྐྱོན། །གོ་ཡུལ་ཙམ་དུ་རྟེན་འབྱུང་རྒྱུ་འབྲས་ཆོས། །ཡོད་པར་ཐོས་ཀྱང་ལག་ལེན་རྒྱབ་འགལ་བས། །རྨོངས་བཞིན་འཆི་ཞིང་རྨོངས་བཞིན་སྐྱེ་འགྱུར་བ། །ཐུབ་པའི་མདོ་སྡེ་མ་མཐོང་སྐྱོན་ལས་ཡིན། །བརྩོན་པས་དུས་རིང་ངལ་བ་ཆོས་ཕྱོགས་སུ། །བྱས་པར་རློམ་ཡང་ཐབས་ལ་མཁས་མེད་པས། །རྐྱེན་གྱིས་བཅོམ་ནས་ངན་འགྲོར་འཁྱམས་འགྱུར་བ། །ཐེག་ཆེན་མདོ་སྡེ་མ་མཐོང་སྐྱོན་ལམ་ཡིན། །བསྟན་པ་རིན་ཆེན་འདི་ཡི་ཁྱད་ཆོས་ཀྱང༌། །ཤེས་པ་མེད་ན་ཉམས་སུ་

― ZP02_Page_683 ―

^{[མ་དཔེ་གཟིགས་ན་འདིར་གནོན།]}

[Full Size]

ཇི་ལྟར་ལེན། །ནོར་བུ་བཟུང་ནས་སློང་ལ་འཇུག་འདྲ་བ། །ཡང་དག་མདོ་སྡེ་མ་མཐོང་སྐྱོན་ལས་ཡིན། །ཡང་དག་དམ་ཆོས་བདུད་རྩིའི་རོ་བདའ་བ། །མྱང་བའི་ཐོས་དང་བསམ་དང་སྒོམ་སྤངས་ནས། །བྲན་ཁོལ་བཞིན་ཏུ་འབྲས་མེད་ལས་བརྩོན་པ། །ཡང་དག་མདོ་སྡེ་མ་མཐོང་སྐྱོན་ལས་ཡིན། །འདི་ན་ངུར་སྨྲིག་ཐར་བའི་རྒྱལ་མཚན་གྱིས། །དཀྲིས་པས་མཛེས་ཀྱང་མདོ་སྡེ་མི་ཤེས་པས། །གསེར་སྣོད་ཡིད་འོང་ངན་སྐྱུགས་བཀང་འདྲ་བ། །དེ་ལས་ཕུང་བར་གྱུར་པ་ཅི་ཞིག་ཡོད། །སྒྲུབ་དང་བརྩོན་པས་ཉམས་སུ་མ་ལོན་ཀྱང༌། །མཆོག་ཏུ་གུས་ལྡན་ཐེག་ཆེན་མདོ་སྡེ་ཡི། །ཚིག་གཅིག་ཐོས་ནས་དད་བཞིན་ཤི་ན་ཡང༌། །ངན་སོང་འགྲོ་གནས་སྤོང་ཞེས་རྒྱལ་བས་གསུངས། །ཐུབ་པའི་བསྟན་འདིར་མཇལ་བའི་དོན་གོ་ལ། །ཡང་དག་སངས་རྒྱས་ཆོས་དང་དགེ་འདུན་ལ། །ཤེས་ནས་དད་པ་ཐོབ་པ་ཡོད་དགོས་ཀྱི། །དེ་སླད་མདོ་སྡེ་བལྟ་ལ་བརྩོན་པར་གྱིས། །སྐྱོབ་པ་མཆོག་དང་དེ་གསུང་རིན་པོ་ཆེ། །རྒྱལ་སྲས་རྣམས་ཀྱི་སྐུ་དྲིན་མི་དྲན་ཞིང༌། །མཆོག་གསུམ་དམ་པའི་ཆེ་བ་མི་ཤེས་ན། །དམ་ཆོས་སྒྲུབ་རློམ་མཁས་པས་བཞད་གད་གནས། །ཐེག་པ་དམན་ལས་དགྲ་བཅོམ་འབྲས་ཐོབ་ལས། །ཐེག་མཆོག་ཆོས་ཐོས་ལོག་པར་ལྟ་ལྡན་པས། །དམྱལ་བར་ལྷུང་དེས་སེམས་དཔའ་ཆེ་དགྱེས་ན། །གུས་ལྡན་

― ZP02_Page_684 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་ཞིག་འདི་མཉན་བརྩོན་མི་བགྱིད། །སངས་རྒྱས་ཡུལ་དང་སེམས་དཔའ་ཆེ་རྣམས་ཀྱི། །དཔག་དཀའི་མཛད་བཟང་ཕ་མཐའ་མེད་གྱུར་པ། །ཐོས་ནས་དད་པའི་བ་སྤུ་ལྡང་འགྱུར་ཞིང༌། །དེ་འདྲ་དེ་ཡང་བསོད་ནམས་ཕ་མཐའ་མེད། །རྒྱལ་སྲས་རྣམས་ཀྱི་ཆེ་བའི་བདག་ཉིད་དང༌། །ཕན་པར་མཛད་པའི་ཐབས་མཁས་མ་ཐོས་ན། །ཐེག་མཆོག་ལམ་འདིར་སུ་ཞིག་དགའ་འགྱུར་ཏེ། །སེམས་སྟོབས་གོ་ཆ་ཇི་ལྟར་བགོ་བར་འགྱུར། །ཡོན་ཏན་མཆོག་གིས་ཀུན་ཏུ་གང་ཆེན་མཚོ། །ཐུབ་པའི་ཐེག་མཆོག་བདུད་རྩིའི་གཏེར་འདྲ་བའི། །མདོ་སྡེ་མཆོག་མཐོང་ཡོན་ཏན་མཐའ་ཀླས་པ། །རྡོ་རྗེའི་ལྕེས་ཀྱང་འཆད་པར་སླ་བ་མེད། །སྐལ་པ་བཟང་རྣམས་དགའ་བར་འགྱུར་སྙམ་ནས། །ཕྱོགས་ཙམ་སྨྲས་མོད་ཡོན་ཏན་རྒྱ་མཚོ་ལས། །སྐྲ་རྩེས་བླངས་ཙམ་ད་དུང་སྤོབས་བགྱིད་ཀྱིས། །རབ་དགའ་བསྐྱེད་ལ་དེ་དོན་ཡོད་པར་བྱོས། །བསྟན་པ་རིན་ཆེན་སྐྱེ་དགུའི་ལེགས་བྱས་གཞི། །ཡང་དག་དོན་ཆེན་མ་སྨན་མཚུངས་མེད་པར། །ཤེས་ནས་ཆོས་ལ་རབ་གུས་སྐྱེ་འགྱུར་བ། །ཡང་དག་མདོ་སྡེ་མཐོང་བའི་ཡོན་ཏན་ཡིན། །དུས་གསུམ་གཟིགས་པའི་སྟོན་པ་ཐུགས་རྗེ་ཅན། །ཡོན་ཏན་མཆོག་གིས་གང་དང་མི་མཚུངས་པའི། །ཁྱད་ཆོས་ཤེས་ནས་སངས་རྒྱས་རྗེས་དྲན་པ། །རྩོལ་མེད་སྐྱེ་བ་མདོ་སྡེ་མཐོང་ལས་འབྱུང༌། །ཐུབ་པས་

― ZP02_Page_685 ―

^{[མ་དཔེ་གཟིགས་ན་འདིར་གནོན།]}

[Full Size]

ལེགས་གསུངས་རྣམ་གྲེལ་མཆོག་གི་གཞི། །ཚིག་གཅིག་ཐོས་ཀྱང་འཁོར་བ་ཕྱིར་སྙིལ་བའི། །ཡང་དག་ཆོས་ཀྱི་ཡོན་ཏན་རྗེས་དྲན་པ། །དེ་འདྲ་དེ་ཡང་མདོ་སྡེ་མཐོང་ལས་འབྱུང༌། །མཐོ་རིས་བདེ་རྒྱུ་གཏོང་དང་ཚུལ་ཁྲིམས་དང༌། །འབྲས་བུ་ཡིད་འོང་ལྷ་ཡུལ་འབྱོར་བདེ་དག །རྗེས་དྲན་ངན་འགྲོ་སྤང་བའི་བརྩོན་པ་ཡང༌། །ཡང་དག་མདོ་སྡེ་མ་མཐོང་ཇི་ལྟར་སྐྱེ། །ཉན་རང་རྒྱལ་སྲས་འཕགས་པ་ཆེ་རྣམས་ཀྱི། །སྤངས་དང་རྟོགས་པའི་ཡོན་ཏན་ཕུལ་བྱུང་བའི། །རྣམ་གྲངས་ཤེས་ནས་དད་པ་ཐོབ་པ་ཡང༌། །ཡང་དག་མདོ་སྡེ་མཐོང་བའི་ཡོན་ཏན་ཡིན། །སེམས་དཔའ་ཆེ་རྣམས་གཟུངས་སྤོབས་ཡེ་ཤེས་དང༌། །རྫུ་འཕྲུལ་མཆོག་སོགས་ཉན་ཐོས་རང་རྒྱལ་ལས། །ལྷག་པར་འཕགས་ཤེས་གུས་པ་སྐྱེ་བ་ཡང༌། །ཡང་དག་མདོ་སྡེ་མཐོང་བའི་ཡོན་ཏན་ཡིན། །བསམ་གྱིས་མི་ཁྱབ་རྣམ་པར་ཐར་པ་དང༌། །རྒྱལ་སྲས་རྣམས་ཀྱི་ཆེ་བའི་བདག་ཉིད་མཆོག །ནམ་མཁའ་བཞིན་དུ་ཚད་བཟུང་མེད་གྱུར་བའི། །གནས་ལ་མོས་པ་མདོ་སྡེ་མཐོང་ལས་འབྱུང༌། །བསྟན་པ་འདིར་ཞུགས་ཚུལ་ཁྲིམས་འཆལ་པའམ། །ལེ་ལོས་བཅོམ་ཡང་ལྕགས་ཀྱུས་ཉ་བཞིན་དུ། །རྣམ་གྲོལ་སྐལ་པས་གཏོང་བ་མེད་ཤེས་ནས། །རྒྱལ་བཞིན་གུས་པ་མདོ་སྡེ་མཐོང་ལས་འབྱུང༌། །བློ་གྲོས་དམན་དང་ཀུན་སྤྱོད་འཁྲུལ་ལ་སོགས། །

― ZP02_Page_686 ―

^{[མ་དཔེ་གཟིགས་ན་འདིར་གནོན།]}

[Full Size]

དམན་པའི་གཟུགས་སུ་སེམས་དཔའ་མཆོག་རྣམས་ཀྱང༌། །སྤྲུལ་པར་ཤེས་ནས་འགྲོ་བ་སུ་ལ་ཡང༌། །བརྙས་པ་མེད་པ་མདོ་སྡེ་མཐོང་ལས་འབྱུང༌། །སློང་དང་གནོད་བྱེད་དཀའ་བའི་ལས་སྦྱིན་པ། །བདག་གི་ཕ་རོལ་ཕྱིན་པའི་བཤེས་ཡིན་པར། །ཤེས་ནས་དྲིན་དུ་གཟོ་བའི་བློ་སྐྱེ་བ། །ཐེག་ཆེན་མདོ་སྡེ་མ་མཐོང་ཇི་ལྟར་ཡོད། །ཚུལ་གནས་བསམ་དང་ཤེས་རབ་བདག་སྤྱོད་ཀྱང༌། །ངོམས་པར་མི་འགྱུར་ཁེངས་པར་མི་འགྱུར་ཏེ། །མངོན་པའི་ང་རྒྱལ་ཀུན་ཏུ་སྤོང་འགྱུར་བ། །ཡང་དག་མདོ་སྡེ་མཐོང་བའི་ཡོན་ཏན་ཡིན། །སྡིག་ཅན་བདུད་ཀྱང་རྒྱལ་བའི་སྲས་ཡིན་ཏེ། །སེམས་དཔའ་མཆོག་གི་ཐབས་མཁས་ཟླ་མེད་པས། །སེམས་ཅན་འདུལ་ཕྱིར་སྲིད་ན་བདུད་མེད་པར། །ཤེས་ནས་དགའ་སྐྱེད་མདོ་སྡེ་མཐོང་ལས་འབྱུང༌། །བདུད་དང་བར་གཅོད་མི་འདོད་ལྟར་སྣང་བ། །ཆུ་ལ་ཆར་བཞིན་རྒྱལ་སྲས་སྤྱོད་པ་ཡི། །གྲོགས་སུ་ཤེས་ནས་འཁྲུགས་པར་མི་འགྱུར་ཞིང༌། །དགེ་ཚོགས་འཕེལ་བ་མདོ་སྡེ་མཐོང་ལམ་འབྱུང༌། །རྡོ་ལ་ཆུ་བཞིན་ཉམས་སུ་བླང་བའི་ཆོས། །རྒྱུད་ལ་མི་འགྲོངས་རང་གཤིས་གདུལ་དཀའ་བ། །ཤིང་ལ་ཆར་བཞིན་ངེས་འབྱུང་སྙིང་རྗེ་ཡི། །ཤུགས་ཀྱིས་བརླན་པ་མདོ་སྡེ་མཐོང་ལས་འབྱུང༌། །ཆོས་སྒོ་གཅིག་དང་སྤྱོད་པའི་སྒོ་གཅིག་དང༌། །ལམ་གཅིག་གིས་ནི་ཆོག་ཤེས་དམན་པའི་བློ། །ཡང་དག་སྤངས་ནས་ཐོས་པས་མི་ངོམས་ཤིང༌། །ཀུན་མཁྱེན་

― ZP02_Page_687 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲུབ་པ་མདོ་སྡེ་མཐོང་ལས་འབྱུང༌། །སེམས་ཅན་གྲངས་དང་བསྐལ་པའི་ཡུན་དག་གིས། །མི་འཇིགས་མི་སྐྱོ་མཐའ་ཀླས་འགྲོ་བའི་ཕྱིར། །ཡང་དག་སྨོན་པ་འཇམ་དཔལ་དཔའ་བོའི་རྗེས། །སློབ་པར་ནུས་པ་མདོ་སྡེ་མཐོང་ལས་འབྱུང༌། །འབྱོར་ལ་མི་རློམ་དམན་ལ་མི་བརྙས་ཤིང༌། །ཕུན་ཚོགས་གང་ལའང་མཚར་དུ་མི་བརྩི་བའི། །བློ་རྒྱ་ཆེན་པོ་རྒྱལ་སྲས་སྤྱོད་མཆོག་ནི། །ཡང་དག་མདོ་སྡེ་མ་མཐོང་སྐྱེ་མི་འགྱུར། །དམན་ལ་མོས་དང་ཅུང་ཟད་ཆོག་པར་འཛིན། །བྱིས་པའི་བློ་འདྲ་ཞུམ་པའི་རྒྱ་དྲལ་ནས། །རྒྱལ་པོ་ལྟ་བུ་སེམས་སྟོབས་ཆེན་པོའི་བློ། །ཐལ་ལེར་འབྱུང་བ་མདོ་སྡེ་མཐོང་ལས་འབྱུང༌། །རང་གི་ཀུན་སྤྱོད་ཁྲོན་པའི་སྦལ་བ་ལྟའི། །ཁེངས་པ་སྤངས་ནས་རྒྱལ་དང་རྒྱལ་སྲས་ཀྱི། །རླབས་ཆེན་མཛད་པ་རྒྱ་མཚོ་ཆེ་འདྲ་ལ། །དགའ་བ་སྐྱེ་བ་མདོ་སྡེ་མཐོང་ལས་འབྱུང༌། །བསམ་གཏན་ཏིང་འཛིན་དགའ་བ་མཆོག་སྐྱེས་ཀྱང༌། །སྲེད་པར་མི་འགྱུར་ཆགས་སྡང་རྨོངས་པའི་བློ། །བཟློག་དཀའ་སྐྱེས་ཀྱང་ཞུམ་པར་མི་འགྱུར་བ། །ཡང་དག་མདོ་སྡེ་མཐོང་བའི་ཡོན་ཏན་ཡིན། །སྲིད་ཞིའི་བདེ་ལེགས་བདེ་གཤེགས་ཆོས་ལས་ཏེ། །ཆོས་མཆོག་བདུད་རྩི་ཆོས་སྒོར་བརྟེན་ཤེས་ནས། །ཚིགས་གཅིག་འཆད་དང་དོན་གཅིག་འགྲོལ་ལ་ཡང༌། །རྒྱལ་ལྟར་གུམ་པ་མདོ་སྡེ་མཐོང་ལས་འབྱུང༌། །མྱ་ངན་

― ZP02_Page_688 ―

^{[མ་དཔེ་གཟིགས་ན་འདིར་གནོན།]}

[Full Size]

མི་འདའ་རྒྱལ་བ་རྟགད་ཞུགས་པ། །རང་སྐལ་དབང་ཙམ་ཡང་དག་མཇལ་དེ་ཕྱིར། །དགེ་བའི་བཤེས་གཉེན་སངས་རྒྱས་དངོས་ཡིན་ཞེས། །རྒྱུ་མཚན་ཤེས་པ་མདོ་སྡེ་མཐོང་ལས་འབྱུང༌། །རྒྱལ་རྣམས་ཆོས་སྐུར་དབྱེ་བ་མེད་དེ་སླད། །གཅིག་ལ་མཆོད་བྱས་ཀུན་ལ་ཡིན་ཤེས་ནས། །རྡུལ་སྙེད་རྒྱལ་བ་ཇི་སྙེད་ཟད་པར་ཡང༌། །མཆོད་པར་ནུས་པ་མདོ་སྡེ་མཐོང་ལས་འབྱུང༌། །བདེ་གཤེགས་མཁྱེན་པ་ཐོགས་པ་མི་མངའ་བའི། །དྲུང་ན་འདུག་ཤེས་རྒྱལ་བ་མངོན་སུམ་ལྟའི། །བསོད་ནམས་ཞིང་དུ་ཡིད་ཆེས་མི་དམན་པ། །དེ་འདྲ་དེ་ཡང་མདོ་སྡེ་མཐོང་ལས་འབྱུང༌། །དྭང་བའི་ཡིད་ཀྱིས་མེ་ཏོག་གཅིག་འཐོར་ཡང༌། །འབྲས་བུ་མི་བསླུ་བདེ་གཤེགས་ཐུགས་ཀྱིས་མཁྱེན། །ཡོངས་བསྔོའི་སྟོབས་ཀྱིས་ཕ་མཐའ་མེད་བགྱིད་པའི། །ཐབས་མཁས་ཤེས་པ་མདོ་སྡེ་མཐོང་ལས་འབྱུང༌། །དངོས་པོ་ཆེ་བས་སྦྱིན་པ་ཆེ་མིན་ཏེ། །གཏོང་སེམས་གོམས་པ་ཕ་རོལ་ཕྱིན་ཡིན་ཞེས། །དབུལ་པོར་གྱུར་ཀྱང་གཏན་པ་མ་མཆིས་པའི། །མཆོད་སྦྱིན་ནུས་པ་མདོ་སྡེ་མཐོང་ལས་འབྱུང༌། །སེམས་ཅན་རྣམས་ཀྱང་རྒྱལ་བའི་ཆོས་ཅན་ཏེ། །རྒྱལ་བར་ཕུལ་ཀྱང་སེམས་ཅན་ལ་བསྔོ་ན། །སྦྱིན་པའི་ཞིང་དུ་འཁོར་འདས་མཉམ་ཤེས་ནས། །ཀུན་ལ་སྙོམས་པ་མདོ་སྡེ་མཐོང་བས་འབྱུང༌། །ལན་དང་རྣམ་སྨིན་འབྲས་བུར་རེ་བཅས་པའི། །གཏོང་བ་གོམས་ཀྱང་དག་པར་མིན་ཤེས་ནས། །འཁོར་གསུམ་མི་རྟོག་འབྲས་བུར་སྨོན་བྲལ་བས། །

― ZP02_Page_689 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱིན་བདག་པ་མདོ་སྡེ་མཐོང་ལས་འབྱུང༌། །སྐད་ཅིག་བསགས་པའི་སྡིག་དང་ལྟུང་བས་ཀྱང༌། །བསྐལ་པར་ངན་འགྲོར་འཁྱམས་ལ་ཡིད་ཆེས་ནས། །ཕྲ་མོའི་ཉེས་ལའང་འཛེམས་པར་བགྱིད་པའི་བློ། །ཤུགས་ཀྱིས་སྐྱེ་བ་མདོ་སྡེ་མཐོང་ལས་འབྱུང༌། །གནང་བཀག་བསྒྲུབ་བཅས་སྣ་ཚོགས་སྤྱོད་པའི་སྒོ། །ཇི་ལྟར་བསྟན་ཡང་དོན་དུ་མཐུན་ཤེས་ནས། །གང་ལྟར་སྤྱོད་ཀྱང་ལྟུང་བས་མི་གོས་པའི། །ཐབས་མཁས་ཤེས་པ་མདོ་སྡེ་མཐོང་ལས་འབྱུང༌། །བག་མེད་དབང་ཕྱིར་ཉོན་མོངས་གཞན་དབང་ཕྱིར། །རྩ་བའི་ལྟུང་བ་གལ་ཏེ་བྱུང་ན་ཡང༌། །སེམས་ཅན་རྣམས་དང་སྤྱོད་པ་མཐུན་སྒྲུབ་པའི། །ཕན་པའི་གྲོགས་ཤེས་མདོ་སྡེ་མཐོང་ལས་འབྱུང༌། །འཁྲུལ་པའི་དབང་གིས་ལན་འགའ་ཉམས་ན་ཡང༌། །ཡང་དང་ཡང་དུ་ལྟུང་བ་མི་སྐྱེད་དེ། །ལྟུང་དང་ལྟུང་མིན་རྣམ་དབྱེ་ཤེས་པའི་བློས། །ཚུལ་བཞིན་ཡིད་བྱེད་མདོ་སྡེ་མཐོང་ལས་འབྱུང༌། །བཅས་འགལ་བཅོས་དང་རང་བཞིན་སྡིག་པ་བཤགས། །སྣ་ཚོགས་ཚུལ་གྱིས་ལྟུང་བ་ལས་ལྡང་བའི། །གཉེན་པོའི་སྒོ་མང་ཐབས་ཀྱིས་མི་རྡུགས་པ། །ཡང་དག་མདོ་སྡེ་མཐོང་ལ་ངེས་པར་ཡོད། །ཉམས་པའི་ཉེས་ལས་བཅབ་པའི་ལྕི་ཤེས་ནས། །རང་སྐྱོན་མི་སྤོང་ཉེས་ལ་ཉེས་ཤེས་པས། །ཁ་ན་མ་ཐོ་ཆེ་ཡང་སྲབ་འགྱུར་བ། །ཡང་དག་མདོ་མཐོང་དེ་ལ་ངེས་པར་

― ZP02_Page_690 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོད། །རྒྱུན་ཏུ་སྤྱོད་དང་ངོ་ཚ་ཁྲེལ་མེད་བློས། །ཉེས་ལ་མཆོག་འཛིན་མ་བརྟགས་སྐྱེ་བོའི་སྐྱོན། །ཐེག་ཆེན་མདོ་མཐོང་རྩད་ནས་གཅོད་འགྱུར་ཕྱིར། །ཀུན་དཀྲིས་ཚངས་པའི་ཕམ་པ་འབྱུང་མི་སྲིད། །བརྩོན་པའི་ཁྱད་པར་གཞན་གྱིས་མི་མཐོང་ཡང༌། །བློ་སྟོབས་ཆེན་པོས་བསྐལ་པའི་ཚོགས་འདུམས་པའི། །ཐབས་མཁས་དེ་ཤེས་བག་ཡངས་དགེ་འཕེལ་བ། །ཐེག་མཆོག་མདོ་སྡེ་མཐོང་བའི་ཡོན་ཏན་ཡིན། །དགེ་རྩ་ཆུང་ཡང་བསམ་གྱིས་མི་ཁྱབ་པར། །སྒྱུར་བའི་ཡོངས་བསྔོ་ཐམས་ཅད་མཁྱེན་པའི་བློས། །ཕལ་བའི་དགེ་ཆེན་ཉི་མས་མེ་ཁྱེར་བཞིན། །ཟིལ་གྱིས་གནོན་པ་མདོ་སྡེ་མཐོང་ལས་འབྱུང༌། །གང་གཞན་བསྐལ་མང་བསྒྲུབ་དཀའི་བསོད་ནམས་ཚོགས། །སེམས་དཔའ་རྣམས་ཀྱིས་རྩེད་མོའི་ཞོར་དུ་ཡང༌། །བསྒྲུབ་ནུས་ཐབས་མཁས་མདོ་སྡེ་མཐོང་ལས་ཏེ། །ཐུབ་པའི་མདོ་སྡེ་མ་མཐོང་བ་ལ་མེད། །ཐབས་ཀྱིས་ཕྱིན་དྲུག་སྤྱོད་པ་གཅིག་ལ་ཡང༌། །སྡུད་པའི་ཚུལ་ཤེས་གཅིག་ཀྱང་རྣམ་དྲུག་ཏུ། །དབྱེ་བའི་ཉམས་ལེན་སྐད་ཅིག་རེ་རེར་ཡང༌། །ཕྱིན་དྲུག་སྤྱོད་ཤེས་མདོ་སྡེ་མཐོང་ལ་ཡོད། །ཟ་ཉལ་འགྲོ་སོགས་གནས་སྐབས་བྱ་བ་ཡང༌། །དགེ་བའི་ཕྱོགས་སུ་འགྱུར་རྩིའི་གསེར་བཞིན་དུ། །བསྒྱུར་བའི་ཐབས་ཀྱིས་སྤྱོད་ཡུལ་ཡོངས་དག་པ། །ཡང་དག་ཐེག་ཆེན་མདོ་མཐོང་ཡོན་ཏན་ཡིན། །སྡོམ་བརྩོན་རང་བཞིན་

― ZP02_Page_691 ―

^{[མ་དཔེ་གཟིགས་ན་འདིར་གནོན།]}

[Full Size]

དགེ་བ་དེ་ཀུན་ཀྱང༌། །རང་གི་ཆེད་མིན་སེམས་ཅན་འབའ་ཞིག་ཕྱིར། །བརྩོན་པ་དེ་ལས་གཞན་དོན་གང་ཡོད་ཅེས། །ཡང་དག་ཤེས་པ་མདོ་སྡེ་མཐོང་ལ་ཡོད། །ཕན་པར་བརྩོན་ཀྱང་དེ་ལ་ཆེད་འཛིན་ཞིང༌། །རློམ་པ་སྐྱེས་ཏེ་རྙེད་དང་བཀུར་སྟི་དང༌། །འབྲས་བུར་རེ་ཞིང་བདག་ཉིད་ཁྲེངས་འགྱུར་བ། །གཞན་དོན་མིན་ཞེས་མདོ་སྡེ་མཐོང་རྣམས་ཤེས། །དབུལ་ཞིང་རྨོངས་དང་གདོལ་པ་དམན་པ་ཡིས། །བདག་ལ་བྲན་ལྟར་དཀའ་བའི་ལས་བཅོལ་ཡང༌། །དེ་ཡི་བྲན་དུ་བདག་ཀྱང་ཁས་ལེན་པས། །དེ་སེམས་བསྲུང་བ་མདོ་སྡེ་མཐོང་ལ་ཡོད། །ཕུན་སུམ་ཚོགས་དང་དྲེགས་ཤིང་རྒྱགས་པ་ཡང༌། །ཐབས་མཁས་གཏམ་དང་སྤྱོད་པས་ཟིལ་གནོན་ཅིང༌། །བདག་གི་བྲན་བཞིན་རྣམ་པར་བཏུལ་ནས་སུ། །དགེ་ལ་འགོད་ནུས་མདོ་སྡེ་མཐོང་ལ་ཡོད། །ཆོས་དང་ཆོས་མིན་བཟོ་དང་ལས་ལ་སྤྱོད། །སྣ་ཚོགས་འགྲོ་མང་བདག་དང་སྤྱོད་མཐུན་ཞེས། །སེམས་དཔའ་མཆིག་དེ་བདག་གི་གྲོགས་ཁོ་ནར། །ཀུན་གྱིས་ཤེས་པ་མདོ་སྡེ་མཐོང་ལ་ཡོད། །བྱ་བ་ཀུན་ལ་ཆེད་ཆེར་མི་འཛིན་པར། །ཀུན་དང་བསྟུན་ནས་དེ་དང་མཐུན་སྤྱོད་པས། །རང་ཡང་མི་འཆིང་གཞན་ཡང་བཀྲི་ནུས་པའི། །ཐབས་མཁས་དེ་འདྲ་མདོ་སྡེ་མཐོང་ལ་ཡོད། །ཟུར་ཙམ་འགྲོགས་དང་གཏམ་ཙམ་འབྲེལ་ལ་ཡང༌། །དགེ་བའི་བློ་གྲོས་ཐབས་ཀྱིས་མཛའ་བགྱིད་ཀྱང༌། །དེས་ཆོས་བཤད་སྙམ་གཞན་

― ZP02_Page_692 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་མི་ཤེས་པའི། །ཐབས་ལ་མཁས་པ་མདོ་སྡེ་མཐོང་ལ་ཡོད། །ཕྱིན་ཅི་ལོག་ལྟར་གལ་ཏེ་སྨྲ་ན་ཡང༌། །དེ་ཡི་རྒྱུད་ལ་སྤོབས་པ་མཆོག་སྐྱེད་པའི། །འབེལ་བའི་གཏམ་གྱི་གླེང་གཞིར་གྱུར་པ་ཡི། །ལེགས་བཤད་རོ་བདའ་མདོ་སྡེ་མཐོང་ལ་ཡོད། །དགེ་བའི་ལས་ལ་དགའ་བ་ཆེར་བསྐྱེད་པས། །དེ་ཡི་བློ་གྲོས་ཀུན་གྱི་གྲོགས་གྱུར་ཏེ། །དོན་མཐུན་སྤྱོད་པས་ཕ་རོལ་རྗེས་འཛིན་ཞིང༌། །རང་གི་ཚོགས་འཕེལ་མདོ་སྡེ་མཐོང་ལ་ཡོད། །མཆོག་འཛིན་ཁྲིམས་ཀྱིས་རང་རྒྱུད་མི་ཐུལ་ན། །གཞན་དོན་ཅི་ཞེས་སྨན་ལོག་དུག་གྱུར་ལྟའི། །ཉེས་པ་སྤངས་ནས་འཁོར་གསུམ་ཡོངས་དག་པའི། །ཚུལ་ཁྲིམས་རྣམ་དག་མདོ་སྡེ་མཐོང་ལ་ཡོད། །ཁེངས་པས་དྲེགས་འགའ་རྩེད་མོའི་ཆེད་ཕྱིར་དུ། །ཉེས་པ་མེད་པར་བདག་གི་མགོ་གཅོད་ཀྱང༌། །ཕན་པའི་སེམས་ཀྱིས་དེ་ལ་བརྩེ་བགྱིད་བློ། །ཐེག་ཆེན་མདོ་མཐོང་སྐལ་བཟང་དེ་ལ་ཡོད། །སྲིད་གསུམ་སྡུག་བསྔལ་བདག་གིས་ཁུང་གྱུར་ཀྱང༌། །མི་སྐྱོ་མི་འཁྲུགས་རྒྱུ་འདིས་སེམས་ཅན་གཅིག །སྐད་ཅིག་བདེ་ཡང་བདག་གིས་བཟོད་སྙམ་པའི། །བློ་མཆོག་དེ་ཡང་མདོ་སྡེ་མཐོང་ལ་ཡོད། །ཟབ་མོའི་ཆོས་མཆོག་ཤིན་ཏུ་བརྟག་དཀའ་བ། །རྒྱལ་བའི་སྤྱོད་ཡུལ་དོན་དམ་ངེས་པའི་ཆོས། །ཐོས་ནས་དད་པའི་བ་སྤུ་ལྡང་འགྱུར་བའི། །སྐལ་བཟང་དེ་འདྲ་མདོ་སྡེ་མཐོང་ལ་ཡོད། །སྡང་དང་སྡུག་བསྔལ་རང་བཞིན་སྟོང་པ་སྟེ། །ནམ་མཁའི་ཁམས་ལ་སྒྱུ་མའི་མཚོན་གྱིས་

― ZP02_Page_693 ―

^{[མ་དཔེ་གཟིགས་ན་འདིར་གནོན།]}

[Full Size]

ཅི། །རྩོལ་བ་མེད་པར་བདག་གཞན་བློ་འཇིག་པ། །ཡང་དག་ཐེག་ཆེན་མདོ་སྡེ་མཐོང་ལ་ཡོད། །སྦྱོར་བ་དམན་དང་གོམས་པ་ཐུགས་ཆུང་བས། །གནོད་དང་དཀའ་བས་འཁྲུགས་པའི་སེམས་སྐྱེས་ཀྱང༌། །རྒྱལ་སྲས་སྤྱོད་དྲན་མྱུར་དུ་སྤོང་འགྱུར་བ། །ཡང་དག་ཐེག་ཆེན་མདོ་སྡེ་མཐོང་ལ་ཡོད། །བསྐལ་མང་ཚོགས་གཉིས་མ་དྲོས་མཚོ་ཆེན་བཞིན། །མི་གོད་མི་ཉམས་བྱམས་པས་ལེགས་བསྲུང་བ། །ཁོང་ཁྲོའི་རྟ་གདོང་རྣམ་པར་མི་མཛའ་བའི། །ཐེག་ཆེན་མདོ་མཐོང་སྐལ་པ་བཟང་པོ་ལགས། །འཁོར་གསུམ་གཡེང་བས་བཟོད་པའི་སྲན་བཙུགས་ཀྱང༌། །ཉེས་པའི་རྩ་བ་གཏིང་ནས་མི་འབྱིན་ཏེ། །རྨོངས་པ་མེད་པས་ཟད་པ་མེད་ཚུལ་དུ། །བཟོད་པ་རྣམ་དག་མདོ་སྡེ་མཐོང་ལ་ཡོད། །གསོག་དང་བསྲུང་བས་ལོངས་སྤྱོད་མི་འཕེལ་ཏེ། །འབད་པའི་སྒོ་བརྒྱས་ཕུན་ཚོགས་རྙེད་པ་མེད། །ཚེ་འདིའི་དོན་བརྩོན་སྙིང་པོ་མེད་ཤེས་ནས། །བྱ་བ་ཉུང་བ་མདོ་སྡེ་མཐོང་ལ་ཡོད། །ཕྱི་ཚུལ་བཅོས་པས་སེམས་དག་མི་འགྱུར་ཏེ། །སྣ་ཚོགས་ཚུལ་འཆོས་སྒྱུ་མའི་འཕྲུལ་དང་འདྲ། །རང་བཞིན་ཤེས་རྣམས་རབ་དགའ་མི་སྐྱེ་ཞེས། །བག་ཡངས་མ་གནས་པ་མདོ་སྡེ་མཐོང་ལ་ཡོད། །འཇིག་རྟེན་ཆོས་ལ་ལེ་ལོར་གང་གྱུར་པ། །སེམས་དཔའ་མཆོག་རྣམས་བརྩོན་པའི་མཐར་ཐུག་སྟེ། །འདུ་འཛི་ཉུང་ཞིང་འབྲེལ་དང་འདྲིས་ཉུང་བའི། །དབེན་པ་དེ་འདྲ་མདོ་སྡེ་མཐོང་ལ་ཡོད། །ཁྱིམ་དང་

― ZP02_Page_694 ―

^{[མ་དཔེ་གཟིགས་ན་འདིར་གནོན།]}

[Full Size]

གོས་སོགས་བཅོས་ཀྱིས་མི་ལྡང་སྟེ། །འདུས་བྱས་ཉིད་ཕྱིར་ཡང་དང་ཡང་དུ་འཛད། །འཕགས་པའི་རིགས་སུ་ཆོག་ཤེས་ནོར་ལྡན་པས། །འཛད་མེད་ཡོན་ཏན་མདོ་སྡེ་མཐོང་ལ་ཡོད། །བྱ་བྱེད་རྣམ་གྲངས་ཆུ་ཡི་གཉེར་མ་འདྲ། །རེ་རེ་སོང་ཚེ་རེ་རེ་སྐྱེ་འགྱུར་ལ། །ཐམས་ཅད་བཞག་ན་ཅིས་ཀྱང་མི་ཕོངས་པས། །སོས་དལ་དང་གནས་མདོ་སྡེ་མཐོང་ལ་ཡོད། །ངེས་པར་བསྒྲུབ་འོས་བྱང་ཆུབ་སྤྱོད་པའི་ལམ། །ད་ལྟ་ཉིད་དུ་བརྩོན་པ་མ་བསྐྱེད་ན། །འདི་འདྲའི་དལ་བ་ཡང་ཡང་རྙེད་དཀའ་ཞེས། །གདམ་ངག་འདི་ཡང་མདོ་སྡེ་མཐོང་ལ་ཡོད། །སྐྱེས་པར་གང་གྱུར་འཆི་བའི་ཆོས་ཅན་ཕྱིར། །འཆི་བདག་བདུད་འདི་ནམ་འོང་མི་ཤེས་ཀྱི། །ལ་འུར་བརྩོན་ལས་ཕྱི་བཤོལ་ལོང་མེད་ཅེས། །གདམས་ངག་འདི་ཡང་མདོ་སྡེ་མཐོང་ལ་ཡོད། །སྡུག་བསྔལ་རྒྱ་ཆེ་འཁོར་བ་མུ་མཐའ་མེད། །སེམས་ཅན་རྣམ་གྲངས་ཞིང་རྡུལ་ལས་མང་བ། །རྣམ་གྲོལ་འགོད་པའི་ཁུར་བླང་བརྩོན་བགྱིད་ཅེས། །མ་སྨད་སྙིང་སྟོབས་མདོ་སྡེ་མཐོང་ལ་ཡོད། །བདེ་དང་སྡུག་བསྔལ་བསླུ་མེད་ལས་ཀྱིས་བྱས། །དཀར་པོའི་ས་བོན་ཆུང་ཡང་རྒྱ་ཆེན་པོར། །འཕེལ་བའི་རྒྱུ་འདིར་སུ་ཞིག་མི་བརྩོན་ཞེས། །དགེ་རྩས་མི་ངོམས་མདོ་སྡེ་མཐོང་ལ་ཡོད། །བྱོན་དང་འབྱོན་འགྱུར་བཞུགས་པའི་རྒྱལ་བ་རྣམས། །སོ་སྐྱེའི་ས་ནས་མ་གཤེགས་མི་སྲིད་ན། །བདག་ཀྱང་དེ་ལྟར་བརྩོན་པའི་སྟོབས་བསྐྱེད་ཅིག །

― ZP02_Page_695 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་གཟེངས་བསྟོད་པ་མདོ་སྡེ་མཐོང་ལ་ཡོད། །དམྱལ་བའི་མེ་ཡིས་ཡང་དང་ཡང་བཙོས་པའི། །སྐྱེ་བོ་བརྒྱས་ཀྱང་བྱང་ཆུབ་མཆོག་རྙེད་ན། །བདག་ལྟ་མིར་གྱུར་ཅི་སླད་མི་བརྩོན་ཞེས། །ཡང་དག་ཤེས་པ་མདོ་སྡེ་མཐོང་ལ་ཡོད། །བདག་ཀྱང་བདེ་གཤེགས་ཆོས་ཀྱི་སྐལ་ཅན་ཏེ། །དོན་དམ་དབྱིངས་སུ་བདག་དང་སངས་རྒྱས་མཉམ། །གློ་བུར་སྒྲིབ་གཉིས་སྦྱོང་བར་ཅི་དཀའ་ཞེས། །སླ་པར་སེམས་པ་མདོ་སྡེ་མཐོང་ལ་ཡོད། །རྒྱལ་དང་རྒྱལ་སྲས་ཐེག་ཆེན་ལམ་འདིས་གཤེགས། །བདག་ཀྱང་ལམ་མཆོག་འདི་ལ་བརྩོན་བགྱིད་ན། །ལམ་གཅིག་འགྲོ་ལ་ཁྱད་པར་ཅི་ཡོད་ཅེས། །སྤོབས་པ་སྐྱེ་བ་མདོ་སྡེ་མཐོང་ལ་ཡོད། །དགའ་བས་བསྒྲུབ་ན་གང་ཡང་འགྲུབ་འགྱུར་ན། །གྲངས་མེད་འགྲོ་བ་བྱང་ཆུབ་མཆོག་འགོད་པའི། །བརྩོན་པའི་མཐུ་ཡང་བདག་གིས་ལོས་བསྐྱེད་ཅེས། །གོ་ཆ་བགོ་བ་མདོ་སྡེ་མཐོང་ལ་ཡོད། །ཡོན་ཏན་ཁྱད་པར་རང་གིས་མ་ཐོབ་ཀྱང༌། །ཞུམ་པ་མེད་པར་སེམས་དཔའ་ཆེ་རྣམས་དང༌། །སྙོམས་པའི་བློ་གྲོས་གཞན་ཕྱིར་སྐྱེ་འགྱུར་བའི། །སྐལ་པ་ཆེན་པོ་མདོ་སྡེ་མཐོང་ལ་ཡོད། །བསྐལ་མང་ཡུན་ཀྱང་སྐད་ཅིག་གཅིག་ཙམ་ལས། །རིང་བར་མི་སེམས་འགྲོ་བའི་སྡུག་བསྔལ་མཐར། །ནམ་ཞིག་འགྱུར་ཞེས་དེ་ལ་སྡོད་བགྱིད་པའི། །བློ་གྲོས་རྨད་བྱུང་མདོ་སྡེ་མཐོང་ལ་ཡོད། །བདེན་པས་བརྩོན་པ་རྒྱལ་བའི་

― ZP02_Page_696 ―

^{[མ་དཔེ་གཟིགས་ན་འདིར་གནོན།]}

[Full Size]

སྲས་ཀྱིས་མིན། །རང་བཞིན་མེད་པ་སྒྱུ་མའི་རྣམ་རོལ་དུ། །ཡང་དག་ཡེ་ཤེས་ཐོགས་པ་མེད་འཇུག་པའི། །བརྩོན་འགྲུས་རྣམ་དག་མདོ་སྡེ་མཐོང་ལ་ཡོད། །སྙིང་པོ་མེད་པའི་ནོར་གྱིས་ཅི་ཞིག་བགྱི། །སྙིང་པོར་མི་འགྱུར་ལུས་ཀྱིས་ཅི་ཞིག་བགྱི། །བྱིས་པའི་རང་བཞིན་གྲོགས་ཀྱིས་ཅི་བགྱི་ཞེས། །ཞེན་པ་སྤོང་བ་མདོ་སྡེ་མཐོང་ལ་ཡོད། །འཁོར་བའི་བཙོན་དོང་ཁྱིམ་གྱིས་དགོས་པ་མེད། །འཆིང་བའི་ལྕགས་སྒྲོགས་ལོངས་སྤྱོད་དགོས་པ་མེད། །བྱ་བྱེད་བྲེལ་དོའི་དགོས་པ་ཅི་ཡོད་ཅེས། །འདོད་པ་ཆུང་བ་མདོ་སྡེ་མཐོང་ལ་ཡོད། །གྲུ་དང་འདྲ་བའི་ལུས་འདི་བརྟན་པའི་སླད། །མཐའ་གཉིས་སྤངས་པའི་ཟས་གོས་དེ་དགོས་ཀྱི། །འབད་པས་བཙལ་བའི་རྙེད་མང་དགྲ་ཡིན་ཞེས། །ཆོག་ཤེས་སྐྱེ་བ་མདོ་སྡེ་མཐོང་ལ་ཡོད། །ཐར་པའི་ལམ་དུ་འགོད་པར་མ་ནུས་མང༌། །བྲན་དང་འཁོར་གཡོག་བདག་གི་འཆིང་བ་སྟེ། །འབྲེལ་དང་འདྲིས་མང་བདག་ལ་ཅི་བྱ་ཞེས། །འདུ་འཛི་སྤོང་བ་མདོ་སྡེ་མཐོང་ལ་ཡོད། །བསྐལ་མང་བདེ་གཤེགས་མཆོད་པས་མཉེས་བྱས་ལས། །གང་སླད་གོམ་བདུན་བོར་བ་དོན་ཆེ་ཞེས། །རྒྱལ་བས་བསྔགས་པའི་དབེན་པའི་གནས་མཆོག་ལ། །རབ་དགའ་སྐྱེ་བ་མདོ་སྡེ་མཐོང་ལ་ཡོད། །དྲང་སྲོང་ཆེན་པོ་ཐུབ་པ་སྲས་བཅས་ཀྱང༌། །དབེན་པའི་གནས་ལ་དགྱིས་པ་ལྷུར་ལེན་ན། །གནས་འདིར་བརྩོན་པ་ནམ་ཞིག་བདག་བསྐྱེད་ཅེས། །དེ་སླད་བརྩོན་པ་མདོ་

― ZP02_Page_697 ―

^{[མ་དཔེ་གཟིགས་ན་འདིར་གནོན།]}

[Full Size]

སྡེ་མཐོང་ལ་ཡོན། །བསམ་གཏན་བདེ་བས་སེམས་ལ་བརླན་གྱུར་ཀྱང༌། །འདོད་པའི་གནས་འདི་འདོར་བ་མ་ཡིན་ཏེ། །ངན་སོང་དུ་ཡང་སྐྱེད་ཚལ་བཞིན་འཇུག་པ། །ཤིན་ཏུ་བྱ་དཀའ་མདོ་སྡེ་མཐོང་ལ་ཡོད། །བསམ་གཏན་སྟོབས་ཀྱིས་ཕྲ་མོའི་མངོན་ཤེས་དང༌། །ཡོན་ཏན་ཐོབ་ཀྱང་དེ་ཡིས་མི་ཁེངས་ཏེ། །གནས་སྐབས་རྫུ་འཕྲུལ་སྙིང་པོ་མེད་ཤེས་ནས། །རློམ་པ་མེད་པ་མདོ་སྡེ་མཐོང་ལ་ཡོད། །ཆོས་རྣམས་ཐམས་ཅད་རང་བཞིན་མཉམ་པ་ཉིད། །རྣམ་པར་སྤྲོས་པ་སྒྱུ་མའི་ངང་ཚུལ་དུ། །ཤེས་ནས་ལྟ་སྤྱོད་དབྱེ་བ་མེད་གྱུར་པའི། །ཏིང་འཛིན་རྒྱལ་པོ་མདོ་སྡེ་མཐོང་ལ་ཡོད། །སྣ་ཚོགས་སྣང་ཀུན་རང་བཞིན་སྟོང་པ་སྟེ། །བདེན་པར་མ་གྲུབ་སྒྱུ་མ་ལྟ་བུ་ཉིད། །རྫུན་སྣང་འཁྲུལ་པར་ཤེས་ཀྱང་འགྲོ་བའི་དོན། །མི་འདོར་ཏིང་འཛིན་མདོ་སྡེ་མཐོང་ལ་ཡོད། །ཐབས་ལ་མཁས་པའི་སྤྱོད་པ་དུ་མ་དང༌། །བདུད་སྡེས་མི་ཚུགས་དཔའ་བར་འགྲོ་བ་ཡིས། །གྲངས་མེད་ཚོགས་ཀྱང་ཡུད་ལ་ཟླུམ་པ་ཡི། །ཐབས་མཁས་ཏིང་འཛིན་མདོ་སྡེ་མཐོང་ལ་ཡོད། །ད་ལྟར་བཞུགས་པའི་སངས་རྒྱས་མངོན་སུམ་པའི། །མཚན་དཔེའི་ཞལ་བཟང་ཡིད་ཀྱི་སྤྱོད་ཡུལ་དུ། །མོས་པའི་སྟོབས་ཀྱིས་རང་དབང་བགྱིད་པ་ཡི། །ཏིང་འཛིན་རྣམ་འཕྲུལ་མདོ་སྡེ་མཐོང་ལ་ཡོད། །གཉིས་འཛིན་སྣང་བ་རབ་ཏུ་ཞི་བ་དང༌། །

― ZP02_Page_698 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་དམ་རང་བཞིན་རྣམ་པར་ངེས་པ་ཡི། །ཆོ་འཕྲུལ་སྣ་ཚོགས་སྒྱུ་མའི་རོལ་པ་ལྟའི། །ཏིང་འཛིན་ཡང་དག་མདོ་སྡེ་མཐོང་ལ་ཡོད། །རྒྱལ་སྲས་རྣམས་ཀྱི་བསམ་གྱིས་མི་ཁྱབ་པའི། །རྣམ་ཐར་རྣམ་འཕྲུལ་སྟོང་གི་སྒོ་དབྱེ་བ། །སྣ་ཚོགས་ཏིང་འཛིན་ཞིང་གི་རྡུལ་སྙེད་ཀྱང༌། །ཐེག་ཆེན་མདོ་མཐོང་སེམས་དཔའ་ཆེ་ལ་ཡོད། །རྒྱལ་བ་རྣམས་དང་རྒྱལ་བའི་སྲས་རྣམས་ལས། །ཉན་རང་དམན་པའི་སྤྱོད་ཡུལ་མ་གྱུར་པའི། །ཟབ་མོའི་ཏིང་འཛིན་དཔག་དཀའ་སྟོང་དག་གིས། །ཐེག་ཆེན་མདོ་མཐོང་སེམས་དཔའ་ཆེ་རྣམས་དགྱེས། །དེ་ལྟའི་ཏིང་འཛིན་རང་གི་སྤྱོད་ཡུལ་དུ། །གྲུབ་པ་མེད་ཀྱང་དེ་འདྲའི་ཚུལ་ཐོས་ཕྱིར། །སྲིན་པའི་བསམ་གཏན་ཉོན་མོངས་རྙོགས་བཅས་པས། །མི་ངོམས་ཡོན་ཏན་མདོ་སྡེ་མཐོང་ལ་ཡོད། །བསམ་གྱིས་མི་ཁྱབ་སེམས་དཔའ་ཆེ་རྣམས་ཀྱི། །ཏིང་འཛིན་ཡུལ་ལ་མོས་པར་བགྱིད་དེ་སླད། །མངོན་པའི་ང་རྒྱལ་རྩད་ནས་གཅོད་འགྱུར་བའི། །ཡང་དག་ལྟ་བ་མདོ་སྡེ་མཐོང་ལ་ཡོད། །བདག་ཏུ་མ་ཞེན་ཆོས་སུ་ཞེན་པ་མེད། །སྟོང་པའི་དབྱིངས་སུ་མཉམ་པ་ཉིད་ཤེས་ནས། །མཐའ་དང་བྲལ་བ་དབུ་མའི་ལམ་གཉེར་བའི། །བསམ་གཏན་རྣམ་དག་མདོ་སྡེ་མཐོང་ལ་ཡོད། །སྣང་བའི་ཆོས་ཀུན་རང་བཞིན་སྟོང་པ་སྟེ། །སྟོང་པའི་ཕྱིར་ན་རྟེན་འབྲེལ་སྒྱུ་མར་སྣང༌། །སྣང་སྟོང་དབྱེར་

― ZP02_Page_699 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་ཐེག་པ་ཆེན་པོའི་ཚུལ། །ཇི་བཞིན་ཤེས་པ་མདོ་སྡེ་མཐོང་ལ་ཡོད། །སྐྱེས་པའི་རྟགས་ཀྱིས་སྐྱེ་བ་མེད་འགྲུབ་པས། །སྐྱེ་དང་སྐྱེ་མེད་འགལ་བ་མེད་མཐོང་ཞིང༌། །སྐྱེས་ཙམ་ཉིད་ནས་སྐྱེ་བ་མེད་པ་ཡི། །མཚན་མ་མེད་ཤེས་མདོ་སྡེ་མཐོང་ལ་ཡོད། །གཟུགས་བརྙན་སྤྲུལ་པ་སྒྱུ་མ་ཆུ་ཟླ་བཞིན། །རྐྱེན་གྱིས་བཅོས་ཤིང་ཚོགས་པའི་དབང་གིས་སྣང༌། །རང་གི་ངོ་བོ་ཆོས་ཀུན་ལ་མེད་པའི། །སྟོང་པ་ཉིད་ཤེས་མདོ་སྡེ་མཐོང་ལ་ཡོད། །རང་བཞིན་གྱིས་གྲུབ་ཡོད་དང་མེད་པ་ཡི། །འབྲས་དེ་རྒྱུ་ཡིས་བསྐྱེད་པར་ནུས་མིན་ཕྱིར། །རྒྱུ་འབྲས་རྟེན་འབྲེལ་བཏགས་པ་ཙམ་ཉིད་ཅེས། །སྨོན་པ་མེད་ཤེས་མདོ་སྡེ་མཐོང་ལ་ཡོད། །རྣམ་ཐར་སྒོ་གསུམ་འདུས་མ་བྱས་པའི་དབྱིངས། །སྤྲོས་པས་མི་ཤིགས་ལྟ་བ་ཀུན་འཇིག་པ། །ཞི་བའི་དབྱིངས་དེ་ཁས་ལེན་ཐམས་ཅད་དང༌། །བྲལ་བར་ཤེས་པ་མདོ་སྡེ་མཐོང་ལ་ཡོད། །སྟོང་ཞེས་སྨྲ་ཡང་སྟོང་པ་གཞན་དུ་འཛིན། །གསོར་མི་རུང་བའི་ལྟ་བ་ལ་ཞེན་པའི། །ཞེ་འདོད་ངན་པ་གཞི་ནས་སྤོང་འགྱུར་བའི། །སྣང་སྟོང་ཟུང་འཇུག་མདོ་སྡེ་མཐོང་ལ་ཡོད། །སྡུག་བསྔལ་ལས་གཞན་སྟོང་པ་ཉིད་མེད་ཅིང༌། །སྟོང་པ་མ་ཡིན་འཁོར་བར་

― ZP02_Page_700 ―

^{[མ་དཔེ་གཟིགས་ན་འདིར་གནོན།]}

[Full Size]

མྱང་འདས་མེད། །དེ་ཕྱིར་གཟུགས་ནས་རྣམ་མཁྱེན་བར་གྱི་ཆོས། །སྟོང་ཉིད་ཡིན་ཤེས་མདོ་སྡེ་མཐོང་ལ་ཡོད། །གང་ལ་ཞེན་དང་གང་གིས་བཅིངས་པ་ཡི། །སྡུག་ཀུན་ཆོས་འདི་སྟོང་པར་མ་རྟགས་ན། །འདི་ལས་གཞན་ཏུ་སྟོང་པ་ཉིད་རློམ་པ། །འཆིད་པར་ཤེས་པ་མདོ་སྡེ་མཐོང་ལ་ཡོད། །ཆོས་ཀུན་རང་བཞིན་སྟོང་ཉིད་འདི་ལས་གཞན། །མྱ་ངན་འདས་ཞེས་ཐོབ་བྱ་གཞན་མེད་པས། །འཁོར་དང་འདས་དངོས་ཐ་དད་མ་ཡིན་ཞེས། །ཚུལ་གཅིག་ལྟ་བ་མདོ་སྡེ་མཐོང་ལ་ཡོད། །རྟོགས་བྱའི་སྟོང་དང་གང་གིས་རྟོགས་པའི་བློ། །ཐ་དད་རྟོག་ན་གཉིས་མེད་ལམ་ལས་རིང༌། །དེ་ཉིད་ཕྱིར་ན་ཡུལ་ལ་མི་གནས་ཤིང༌། །བློ་ཡིས་མི་སྦྱོར་མདོ་སྡེ་མཐོང་ལ་ཡོད། །གཞི་དང་ལམ་དང་ཤེས་བྱའི་རྣམ་པ་ཀུན། །ནམ་མཁའ་ལྟ་བུར་ཐམས་ཅད་རོ་མཉམ་པས། །མཁའ་ལ་མཁའ་ཡིས་རྣལ་འབྱོར་བྱར་མེད་པར། །ཤེས་ནས་མི་སྦྱོར་མདོ་སྡེ་མཐོང་ལ་ཡོད། །མི་སྦྱོར་བ་དེ་རྣལ་འབྱོར་མཆོག་ཡིན་པར། །ཤེས་ན་ཐོབ་པ་མེད་པ་ཐོབ་པའི་མཆོག །གང་ཡང་མ་མཐོང་ཡང་དག་ལྟ་བའི་ལམ། །རྩོལ་བ་ཟད་པ་མདོ་སྡེ་མཐོང་ལ་ཡོད། །ཤེས་བྱའི་ཆོས་ལ་ཅུང་ཟད་མི་འཛིན་ན། །བདེ་བར་གཤེགས་པའི་དམ་པའི་ཆོས་འཛིན་ཏེ། །ཚིག་དང་དོན་ཞེས་རྣམ་གྲངས་ལ་འཆོལ་ན། །ཆོས་འཛིན་མིན་ཞེས་

― ZP02_Page_701 ―

^{[མ་དཔེ་གཟིགས་ན་འདིར་གནོན།]}

[Full Size]

མདོ་སྡེ་མཐོང་རྣམས་ཤེས། །མཚམས་མེད་ལྔ་དང་འཇིག་ཚོགས་ལྟ་བ་ཡང༌། །བདེ་བར་གཤེགས་པའི་ཡེ་ཤེས་ཆོས་སྐུའི་གདུང༌། །ཆད་པའི་སྟོང་ཉིད་དེ་ལྟར་མིན་ཤེས་ནས། །ཞི་ལ་མི་སྲེད་མདོ་སྡེ་མཐོང་ལ་ཡོད། །ཞི་ལ་ཡོན་ཏན་སྲིད་ལ་སྐྱོན་ཉིད་དུ། །ལྟ་བས་ཐ་དད་འཛིན་པ་མ་ཡིན་པར། །སྲིད་དང་ཞི་བ་མཉམ་པ་ཉིད་ཤེས་ཤིང༌། །ཐབས་ལ་མཁས་པ་མདོ་སྡེ་མཐོང་ལ་ཡོད། །གཅིག་གི་རང་བཞིན་ཀུན་གྱི་རང་བཞིན་ཏེ། །དུས་གསུམ་ཐ་དད་བློ་ཡིས་བཏགས་པ་ཙམ། །ཆོས་གཅིག་མངོན་བྱས་ཆོས་ཀུན་མངོན་བྱེད་པའི། །སྐད་ཅིག་ཅིག་ཤེས་མདོ་སྡེ་མཐོང་ལ་ཡོད། །གཉིས་མེད་ཡེ་ཤེས་བདེ་བར་གཤེགས་པའི་ཐུགས། །སྤྲོས་པ་ཀུན་ཟད་མཉམ་རྗེས་དབྱེ་བ་མེད། །དོན་དམ་རང་བཞིན་ཤེས་རབ་ཕར་ཕྱིན་དངོས། །དེ་ཡི་རྒྱུ་མཐུན་མདོ་སྡེ་ཐོས་ཉིད་ཡིན། །ཐེག་གསུམ་ལམ་གྱིས་བགྲོད་བྱའི་མཐར་ཐུག་པ། །དཀོན་མཆོག་ཡོངས་རྫོགས་ཐུབ་པའི་ཆོས་ཀྱི་སྐུ། །གཟུང་འཛིན་གཉིས་མེད་ཤེས་རབ་ཕ་རོལ་ཕྱིན། །མཐར་ཐུག་སྐྱབས་ཤེས་མདོ་སྡེ་མཐོང་ལ་ཡོད། །ཐམས་ཅད་མཁྱེན་པའི་ཡེ་ཤེས་བརྙེས་པ་ན། །ཐེག་གསུམ་ལམ་གྱི་ཆོས་འཁོར་ལེགས་སྐོར་ཞིང༌། །དེ་ཚེ་སློབ་མ་དུལ་བའི་ཚོགས་འདུ་བའི། །

― ZP02_Page_702 ―

^{[མ་དཔེ་གཟིགས་ན་འདིར་གནོན།]}

[Full Size]

དཀོན་མཆོག་རྟེན་འབྲེལ་མདོ་སྡེ་མཐོང་རྣམས་ཤེས། །གཞན་རྒྱུད་དཀོན་མཆོག་ཐུགས་རྗེའི་ཟེར་འཕྲོས་པས། །རང་རྒྱུད་དཀོན་མཆོག་སྐུ་གསུམ་དཔལ་བརྙེས་ཚེ། །རང་གཞན་རྒྱུད་མེད་མཁའ་འདི་དཀོན་མཆོག་གླིང༌། །མངོན་དུ་བྱེད་ཅེས་མདོ་སྡེ་མཐོང་རྣམས་ཤེས། །ད་ལྟའི་དཀོན་མཆོག་བྱེད་པ་རྐྱེན་གྱི་ཁམས། །མ་འོངས་དཀོན་མཆོག་བྱ་བ་རྒྱུ་ཡི་ཁམས། །དེ་ཕྱིར་འགྲོ་ཀུན་བདེ་གཤེགས་ཁམས་ཅན་ཞེས། །སྙིང་པོའི་མདོ་མཐོང་སེམས་དཔའ་མཆོག་རྣམས་ཤེས། །བདེ་གཤེགས་ཁམས་འདི་བསམ་གྱིས་མི་ཁྱབ་སྟེ། །དག་དང་མ་དག་དབྱེ་བ་མེད་འཇུག་པ། །རྒྱལ་བའི་ཡུལ་འདི་རྟོག་གེས་མ་ཡིན་ཞེས། །ཟབ་མོའི་མདོ་མཐོང་དད་པ་ཁོ་ནས་འཇུག །ལམ་གྱི་ལམ་མཆོག་ཤེས་རབ་རྣམ་པ་གསུམ། །ཐོས་དང་བསམ་འབྲས་བསྒོམ་པའི་ཤེས་རབ་སྟེ། །བསྒོམ་པས་རྟོགས་བྱ་དྲི་མེད་ཡེ་ཤེས་ཁམས། །གནས་འདིར་མོས་པ་མདོ་སྡེ་མཐོང་ལ་ཡོད། །དྲི་མེད་ཡེ་ཤེས་བདེ་གཤེགས་ཁམས་མེད་ན། །སངས་རྒྱས་ཐུགས་རྗེ་འཇུག་པའི་ཡུལ་ཙམ་ཡང༌། །ཡོད་པ་མིན་ན་མཐར་ཐུག་འབྲས་བུ་མཆོག །ཇི་ལྟར་འཐོབ་ཅེས་མདོ་སྡེ་མཐོང་རྣམས་ཤེས། །བདེ་གཤེགས་ཐུགས་རྗེས་མཐའ་ཡས་འགྲོ་རྒྱུད་ལ། །སངས་རྒྱས་ཡེ་ཤེས་རྗེས་སུ་ཞུགས་གཟིགས་ཏེ། །དེ་མདོན་

― ZP02_Page_703 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ་ཕྱིར་ཆོས་འཁོར་ལེགས་བསྒོར་ཞེས། །བླ་མར་གུས་པ་མདོ་སྡེ་མཐོང་ལ་ཡོད། །ཤིན་ཏུ་རྣམ་དག་དྲི་མེད་ཆོས་ཀྱི་དབྱིངས། །ཐུབ་པའི་ཆོས་སྐུ་མཐའ་ཡས་འགྲོ་ཁམས་ལ། །པདྨའི་སྦུབས་བཞུགས་སྤྲུལ་པའི་སངས་རྒྱས་བཞིན། །ཡོད་པར་ཤེས་པ་མདོ་སྡེ་མཐོང་ལ་ཡོད། །གཞི་ལམ་འབྲས་བུའི་ཁམས་ཀྱི་དེ་བཞིན་ཉིད། །རིན་ཆེན་གསེར་ལྟར་འགྱུར་བ་མེད་པའི་ཆོས། །ཉོན་མོངས་རྟོག་པའི་སྐྱོན་གྱིས་གོས་མིན་ཞེས། །ཡང་དག་ཤེས་པ་མདོ་སྡེ་མཐོང་ལ་ཡོད། །སྙིང་རྗེ་ཆེན་པོ་རྒྱལ་བ་ཀུན་གྱི་རིགས། །རིན་ཆེན་གཉེར་དང་འབྲས་བུ་ཅན་ཤིང་བཞིན། །མངོན་བྱས་ཡོན་ཏན་གོང་ནས་གོང་འཕེལ་བའི། །རིགས་དེ་སད་པ་མདོ་སྡེ་མཐོང་ལ་ཡོད། །ཁམས་ཀྱི་རང་བཞིན་སྒྲིབ་པའི་དྲིས་སྤངས་པ། །བདེ་གཤེགས་བྱང་ཆུབ་འབྲས་བུའི་མཐར་ཐུག་ཉིད། །སྒྲིབ་མ་མྱོང་ཡང་དྲི་མས་དག་གྱུར་ཕྱིར། །བསམ་གྱིས་མི་ཁྱབ་མདོ་སྡེ་མཐོང་རྣམས་ཤེས། །རྟོགས་པའི་ཡེ་ཤེས་གསར་དུ་ཐོབ་མིན་ཏེ། །སྤྲིན་དང་བྲལ་བའི་ཉི་བཞིན་གསལ་གྱུར་པ། །སྐུ་གསུམ་བདག་ཉིད་རྟག་པ་ཆེན་པོའི་དོན། །ཇི་བཞིན་མཐོང་བ་མདོ་སྡེ་མཐོང་ལ་ཡོད། །བྲལ་སྨིན་ཡོན་ཏན་རྣམ་པ་ཐམས་ཅད་པ། །ཚད་མེད་བསམ་གྱིས་མི་ཁྱབ་རྣམ་པར་དག །གང་ཚེ་མངོན་བྱས་འབྲལ་མི་ཤེས་པའི་

― ZP02_Page_704 ―

^{[མ་དཔེ་གཟིགས་ན་འདིར་གནོན།]}

[Full Size]

ཁམས། །ཇི་བཞིན་མཐོང་བ་མདོ་སྡེ་མཐོང་ལ་ཡོད། །འདུ་ཤེས་འཆིང་བས་སྔོན་ཆད་བཅིངས་གྱུར་བའི། །ཡང་དག་ཡེ་ཤེས་འཆིང་བ་ཆད་པ་ན། །སྟོབས་སོགས་མཁྱེན་པ་ཐོགས་པ་མེད་འཇུག་ཅིང༌། །མཚན་དཔེའི་གཟུགས་སྐུ་འགྲོ་ལ་སྟོན་ནུས་པའི། །རྒྱལ་བའི་གོ་འཕང་མདོ་སྡེ་མཐོང་རྣམས་འཐོབ། །ཡིད་བཞིན་ནོར་ལྟར་འབད་མེད་འགྲོ་བའི་དོན། །རྒྱལ་བའི་ཕྲིན་ལས་རྟག་ཁྱབ་ལྷུན་འགྲུབ་ཏུ། །གདུལ་བྱའི་སྐལ་བཞིན་ཐོགས་པ་མེད་འཇུག་པའི། །གནས་དེར་མི་རྨོངས་མདོ་སྡེ་མཐོང་ལ་ཡོད། །མཁའ་ལས་ཉི་མའི་འོད་ཟེར་རྣམ་མང་པོ། །རྟག་ཏུ་འདྲེས་པའི་ཚུལ་གྱིས་འཇུག་པ་བཞིན། །དུས་གསུམ་རྒྱལ་བའི་ཕྲིན་ལས་འགྲོ་རྒྱུད་ལ། །དབྱེར་མེད་འཇུག་ཤེས་མདོ་སྡེ་མཐོང་ལ་ཡོད། །གདུལ་བྱའི་སེམས་ཀྱི་རྣམས་གྲངས་ཇི་སྙེད་པ། །འདུལ་བའི་ཐབས་མང་དེ་སྙེད་བསྟན་གྱུར་ཀྱང༌། །མཐར་ཐུག་ཐེག་པ་ཆེན་པོའི་ལམ་མཆོག་ཏུ། །འཇུག་པའི་ཚུལ་ཤེས་མདོ་སྡེ་མཐོང་ལ་ཡོད། །ཉན་ཐོས་རང་རྒྱལ་སོ་སོའི་བགྲོད་པའི་ལམ། །ཀུན་ཀྱང་གནས་སྐབས་ལམ་གྱི་ངལ་གསོ་ཙམ། །མཐར་ཐུག་འབྲས་བུ་ཐེག་པ་གཅིག་ཉིད་དུ། །འཆང་བར་ནུས་

― ZP02_Page_705 ―

^{[མ་དཔེ་གཟིགས་ན་འདིར་གནོན།]}

[Full Size]

པ་མདོ་སྡེ་མཐོང་ལ་ཡོད། །ཟག་མེད་ལས་ཀྱིས་འཕངས་པའི་སྐྱེ་སོགས་ཀྱིས། །མི་རྟག་རང་བཞིན་མྱ་ངན་འདས་བཏགས་པ། །གཙང་བདག་བདེ་དང་རྟག་པའི་མཐར་ཐུག་པའི། །འབྲས་མཆོག་མིན་ཞེས་མདོ་སྡེ་མཐོང་རྣམས་ཤེས། །འཛམ་གླིང་ཆུ་ཀླུང་ཇི་སྙེད་འབབས་པ་ཡང༌། །རྒྱ་མཚོ་ཆེན་པོར་རོ་གཅིག་གྱུར་པ་བཞིན། །རྒྱལ་བའི་ཕྲིན་ལས་ཇི་སྙེད་མཐར་ཐུག་ཏུ། །རྣམ་མཁྱེན་རོ་གཅིག་མདོ་སྡེ་མཐོང་རྣམས་ཤེས། །རྟག་དང་མི་རྟག་སྟོང་དང་མི་སྟོང་སོགས། །ཕྱོགས་རེའི་འཆད་ཚུལ་ཚིག་གི་མདུད་པ་ལ། །ལྟ་བའི་ཞེ་འདོད་རྣམ་པར་ཐོགས་གྱུར་པའི། །གཡོ་སྒྱུའི་འཁྱོགས་བཤད་མདོ་སྡེ་མཐོང་ལ་མེད། །ཞེ་འདོད་གཅིག་ལ་བཀའ་ལུང་ཀུན་སྤུངས་ནས། །འགལ་འདུ་སྡེབ་པའི་ངལ་བརྒྱ་མ་དགོས་པར། །ལེགས་པར་བཤད་པའི་ཚིག་གི་ལམ་ཡངས་པ། །མདོ་དོན་མཐོང་བའི་རྒྱལ་སྲས་རྣམས་ལ་ཡོད། །ཤེས་བྱའི་ཆོས་ལ་བདེན་པ་ཡོད་མིན་ན། །བཤད་པའི་ཆེས་ལ་གྲུབ་མཐའ་ཅི་ཞིག་དགོས། །གྲུབ་མཐའ་ཐམས་ཅད་བློ་ཡིས་བཏགས་པ་སྟེ། །སྐབས་རེའི་དོན་དུ་མདོ་སྡེ་མཐོང་རྣམས་ཤེས། །ལམ་གྱི་ཆོས་ཀུན་གཟིངས་དང་འདྲ་བ་སྟེ། །མཐར་ཐུག་དོན་ལ་དོར་བྱར་ཤེས་གྱུར་ན། །ལམ་དང་ལམ་མིན་བློ་ཡི་རི་མོ་རུ། །ཁྱད་པར་མེད་ཤེས་མདོ་སྡེ་མཐོང་ལ་

― ZP02_Page_706 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོད། །འབྲས་བུ་མཆོག་ཅེས་གཉེར་བྱ་གཞན་མེད་དེ། །སེམས་ཀྱི་རང་བཞིན་རྣམ་པར་མི་རྟོག་པ། །གནས་སྐབས་གསུམ་དུ་མིང་ཙམ་འགྱུར་བ་རུ། །ཤེས་ནས་ཞེན་མེད་མདོ་སྡེ་མཐོང་ལ་ཡོད། །ཇི་ལྟར་མཁའ་ལ་འབྱུང་བཞིའི་གཡོ་བ་བཞིན། །ཕུང་ཁམས་སྐྱེ་མཆེད་སེམས་ཀྱི་དག་པ་ལ། །བརྟེན་ཀྱང་དེ་ལ་དེ་ཡི་རང་བཞིན་མེད། །དེ་ལྟར་སྟོང་ཤེས་མདོ་སྡེ་མཐོང་ལ་ཡོད། །རྣམ་པར་མི་རྟོག་སེམས་ཀྱི་དེ་བཞིན་ཉིད། །སྟོང་པ་ཉིད་ཅེས་རྒྱལ་བས་འདིར་བསྔགས་ཏེ། །དེ་ལས་གཞན་དུ་སྟོང་ལས་སེམས་གཡེངས་པས། །དོན་མཐོང་མིན་ཞེས་མདོ་སྡེ་མཐོང་རྣམས་ཤེས། །ཕུང་པོའི་མཚན་ཉིད་དབྱིངས་འདིས་སྤངས་ཤེས་ན། །དེ་ལས་གཞན་དུ་ཕུང་པོའི་སྟོང་པས་ཅི། །བཏགས་པས་སྟོང་པ་མཐར་ཐུག་དོན་མིན་ཞེས། །སྙིང་པོའི་དོན་གྱི་མདོ་སྡེ་མཐོང་རྣམས་ཤེས། །ཆོས་དབྱིངས་རང་བཞིན་རྣམ་པར་མི་རྟོག་སེམས། །བདེ་གཤེགས་སྙིང་པོ་རྒྱལ་བའི་ཁམས་དགེ་བ། །བློ་བུར་དྲི་མས་གཤིས་ལ་མ་གོས་པའི། །བསམ་མི་ཁྱབ་ཚུལ་མདོ་སྡེ་མཐོང་རྣམས་ཤེས། །དེ་ལྟར་ཡང་དག་ཤེས་པ་མང་སྐྱེས་ན། །ཤེས་ནས་དད་པ་མང་དུ་སྐྱེ་འགྱུར་ཏེ། །དད་པས་འཕངས་པ་དཔགས་ཆེན་མདའ་བཞིན་དུ། །གཅིག་ནས་གཅིག་བརྒྱུད་རྣམ་མཁྱེན་གླིང་དུ་འགྲོ། །མདོ་སྡེ་མ་མཐོང་གཞུང་མང་ཐོས་ན་ཡང༌། །ཕྱོགས་རེར་

― ZP02_Page_707 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེན་ནས་འགལ་འདུའི་གཡངས་ལ་ལྷུང༌། །མན་ངག་ཐོབ་ཀྱང་ཡིད་ཆེས་མི་སྐྱེ་སྟེ། །རང་ཚུགས་མི་ཐུབ་ཐེ་ཚོམ་སྒྲོག་མི་ཆོད། །དེ་ཕྱིར་ཆོས་རྣམས་ཀུན་གྱི་དབང་པོའི་ལུང༌། །ཡིད་ཆེས་རྒྱལ་བའི་མདོ་སྡེ་ཁོ་ན་ལ། །ཐོས་བསམ་བསྒོམ་པའི་སྒོ་ནས་འཇུག་ནུས་ན། །དལ་འབྱོར་རིན་ཆེན་རྙེད་པ་དོན་དང་བཅས། །ཀྱེ་ཧོ་གྲོགས་དག་ལེགས་པར་སོམས་མཛོད་དང༌། །རང་ཅག་འཁོར་བའི་གནས་འདིར་ཡུན་རིང་ཡང༌། །དྲི་མེད་རྒྱལ་བསྟན་མཇལ་བ་དྲེས་ཙམ། །ད་རེས་སྟོང་ལོག་བྱས་ན་མདོ་དོན་སྟོར། །དམ་པའི་མགོན་གྱི་ཐུགས་རྗེ་མཆོག་གིས་བཟུང༌། །རྒྱལ་བའི་གསུང་རབ་མདོ་སྡེ་མང་དུ་ཐོས། །རང་གིས་བརྟགས་ན་ཅུང་ཟད་ཤེས་དུས་འདིར། །ཅོལ་ཆུང་མ་བྱེད་སེམས་ལ་ཞུ་དག་གྱིས། །སེམས་འདི་ཆོས་ཀྱིས་དག་པར་མ་ནུས་ན། །རྒྱལ་བའི་བསྟན་དང་མཇལ་ཡང་ཅི་ཞིག་བྱ། །ཐེག་ཆེན་མདོ་སྡེ་མཐོང་ཡང་ཅི་ཞིག་བྱ། །ཐོས་བསམ་གཟུགས་བརྙན་དེས་ཀྱང་ཅི་ཞིག་བྱ། །ཀྱི་ཧུད་བཀའ་ལུང་ལོག་པར་དྲང་ད་རེ། །ཀྱི་ཧུད་བཀའ་ལ་ཕྱོགས་རིས་བྱེད་ད་རེ། །ཀྱི་ཧུད་ཐོས་པ་བདུད་དུ་ལྡང་ད་རེ། །ཀྱི་ཧུད་བསམ་པ་དུག་ཏུ་འགྱུར་ཏ་རེ། །དད་པ་ཁོ་ནས་དོན་དུ་གཉེར་ཅིག་ཀྱེ། །མོས་གུས་ཁོ་ནས་གསོལ་བ་ཐོབ་ཅིག་ཀྱེ། །ཡིད་ཆེས་ཁོ་ནས་དཔའ་གདེངས་སྐྱེད་ཅིག་ཀྱེ། །ཉམས་ལེན་ཁོ་ན་སྙིང་པོར་ཟུངས་ཤིས་ཀྱེ། །གཞན་སྐྱོན་

― ZP02_Page_708 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲོ་འདོགས་མདོ་སྡེས་གཅོད་མི་དགོས། །རང་སྐྱོན་ཐམས་ཅད་ཐེང་ལ་བུད་ཀྱི་བར། །མདོ་སྡེ་ལྟོས་ལ་སེམས་ཀྱི་ཟུག་རྔུ་སོལ། །ཟུག་རྔུ་ཟད་ན་སངས་རྒྱས་ལོགས་ན་མེད། །གྲུབ་མཐའི་ཁ་འཛིན་མདོ་སྡེས་བྱེད་མི་དགོས། །རྒྱལ་བའི་དགོངས་པ་ཇི་བཞིན་ལོན་གྱི་བར། །མདོ་སྡེ་ལྟོས་ལ་ཕྱོགས་རེའི་ཞེ་འདོད་ཆོད། །ཞེ་འདོད་ཟད་ན་གྲུབ་མཐའ་ལོགས་ན་མེད། །འཆད་པའི་ལུང་སྦྱོར་མདོ་སྡེས་བྱེད་མི་དགོས། །བརྗོད་མེད་དོན་དེ་ཇི་བཞིན་རྟོགས་ཀྱི་བར། །མདོ་སྡེ་ལྟོས་ལ་བརྗོད་པའི་སྒྲོ་འདོགས་ཤིག །སྒྲོ་འདོགས་ཟད་ན་བཀའ་ལུང་ལོགས་ན་མེད། །རྩོད་པའི་བདེན་དཔར་མདོ་སྡེས་བྱེད་མི་དགོས། །རྩོད་མེད་དགོངས་པ་མངོན་དུ་གྱུར་གྱི་བར། །མདོ་སྡེ་ལྟོས་ལ་རྩོད་པའི་འགལ་འདུ་ཆོམས། །འགལ་འདུ་ཞིག་ན་ཆོས་ཉིད་ལོགས་ན་མེད། །རྩོམ་པའི་རྒྱབ་སྐྱོར་མདོ་སྡེས་བྱེད་མི་དགོས། །བརྩམ་པའི་ཆོས་ཀུན་རོ་གཅིག་རྟོགས་ཀྱི་བར། །མདོ་སྡེ་ལྟོས་ལ་ཐ་དད་གཉིས་འཛིན་ཕྲེལ། །གཉིས་འཛིན་ཟད་ན་མཐར་ཐུག་དེ་ལས་མེད། །རྒྱལ་བ་ཉི་མ་བདེ་གཤེགས་སྐུ་དྲིན་ཅན། །མཚུངས་མེད་དེ་གསུང་དམ་ཆོས་རིན་པོ་ཆེ། །ཆོས་མཆོག་མཛོད་འཛིན་རྒྱལ་བའི་རྗེས་འཇུག་སྟེ། །འདི་གསུམ་ཁོ་ན་གཏན་གྱི་སྐྱབས་མཆོག་ཉིད། །སྐྱབས་མཆོག་རིན་ཆེན་ཐུགས་རྗེ་མཚུངས་པ་མེད། །ཐུགས་རྗེ་མཆོག་གིས་སྐལ་མེད་བདག་ལ་དགོངས། །ལས་ངན་བདག་དང་

― ZP02_Page_709 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་གི་མ་རྒན་འགྲོ། །ཚེ་རབས་ཀུན་ཏུ་འབངས་སུ་གཟུང་དུ་གསོལ། །དེང་ནས་བདག་ཀྱང་སྐྱེ་དང་ཚེ་རབས་སུ། །ཐུབ་པའི་མདོ་སྡེ་མཆོག་དང་མི་འབྲལ་ཞིང༌། །དེ་དོན་སྒྲུབ་པ་ཉམས་ལེན་སྙིང་པོར་བྱེད། །རྒྱལ་བའི་དགོངས་པ་ཇི་བཞིན་ལོན་པར་ཤོག །དེ་ལྟར་རྟོགས་ནས་མཐའ་ཀླས་འགྲོ་བ་ལ། །རྒྱལ་བའི་ལམ་བཟང་སྐྱོ་བ་མེད་སྟོན་ཅིང༌། །ཟང་ཟིང་མེད་པའི་ཆོས་ཀྱི་སྣང་བ་ཡིས། །སྲིད་ན་རྒྱལ་བསྟན་ཉི་བཞིན་འབར་གྱུར་ཅིག །གཏམ་འདི་ཐོས་ཚད་ཐུབ་པའི་མདོ་སྡེ་ལ། །འགྱུར་ལྡོག་མེད་པའི་དད་པའི་གཟིངས་བཅས་ཏེ། །ཐོས་བརྩོན་བསྒྲུབ་པའི་དར་ཆེན་རབ་གཡོ་བས། །རྣམ་མཁྱེན་རྒྱ་མཚོར་དོགས་མེད་འཇུག་གྱུར་ཅིག །བདག་གི་མགོན་གཅིག་དགེ་བའི་བཤེས་གཉེན་རྣམས། །ཞི་བར་གཤེགས་རྣམས་དགོངས་པ་ཡོངས་རྫོགས་ཤིང༌། །ད་ལྟ་བཞུགས་རྣམས་བཞེད་པའི་དོན་གྲུབ་སྟེ། །དགྱེས་པའི་ཞལ་བཟང་རྟག་ཏུ་མཇལ་གྱུར་ཅིག །གནས་འདིའི་བདག་དང་ཡུལ་འདིའི་གཞི་བདག་རྣམས། །ཁོང་ཁྲོའི་གདུག་རྩུབ་སྡུག་བསྔལ་གནོད་ཞི་སྟེ། །ཚེ་རིང་གཟི་ཆེ་འཁོར་མང་ལོངས་སྤྱོད་འཕེལ། །མཐར་ཐུག་རྣམ་མཁྱེན་གོ་འཕང་ཐོབ་གྱུར་ཅིག །ཆོས་བཞིན་མཛད་པའི་ཆོས་ཀྱི་སྤུན་རྣམས་ཀྱང༌། །ཐོས་པས་རྒྱུད་གྲོལ་མདོ་རྒྱུད་གདམས་པར་ཤར། །ཆོས་སྤོང་ལས་མེད་བཤད་སྒྲུབ་ཟུང་དུ་འབྲེལ། །རྒྱལ་བསྟན་

― ZP02_Page_710 ―

^{[མ་དཔེ་གཟིགས་ན་འདིར་གནོན།]}

[Full Size]

རིན་ཆེན་སྙིང་ལ་འཛིན་གྱུར་ཅིག །སྲིད་དང་ཞི་བའི་ལེགས་ཚོགས་ཀུན་གྱི་རྒྱུ། །མཚུངས་མེད་ཐུབ་པའི་བསྟན་པ་རིན་པོ་ཆེ། །ནམ་མཁའ་བཞིན་དུ་འགྱུར་བ་མི་དམིགས་ཤིང༌། །ཕྱོགས་མཐས་གཏུགས་པ་དེ་སྲིད་རྒྱས་གྱུར་ཅིག །ཐེག་ཆེན་མདོ་སྡེ་མཐོང་བའི་ཕན་ཡོན་ཚིགས་སུ་བཅད་པ་རང་ཉིད་ཀྱི་མོས་གུས་ཀྱི་གསོས་དང༌། མཆེད་གྲོགས་འགའ་ཞིག་གིས་ཀྱང་བསྐུལ་བ་ལ་བརྟེན་ནས་གྲུབ་པའི་གནས་མཆོག་ཚེ་རིང་ཕུག་ཏུ་ཁྱི་རྒན་ཨ་བུས་རྫོགས་པར་བྱས་པ་དགེ་ཞིང་བཀྲ་ཤིས། །དགེའོ།། །།

ཐེག་ཆེན་ཨ་ཏིའི་མན་ངག་གནས་ལུགས་གསལ་སྟོན།

― ZP02_Page_711 ―

^{[མ་དཔེ་གཟིགས་ན་འདིར་གནོན།]}

[Full Size]

ཐེག་མཆོག་ཨ་ཏིའི་མན་ངག་གནས་ལུགས་གསལ་སྟོན་བཞུགས་སོ། །བླ་མ་དམ་པ་རྣམས་ལ་ཕྱག་འཚལ་ལོ། །གང་ཟག་དབང་པོ་རབ་འབྲིང་ཐ་མའི་རིམ་པ་གསུམ་སོ་སོ་བས་རང་བཞིན་རྫོགས་པ་ཆེན་པོའི་གནས་ལུགས་སྐྱོང་ཚུལ་ནི། དང་པོ་སེམས་འཆོལ་གྱི་རིམ་པས་གདར་ཤ་ལེགས་པར་བཅད་ཅིས་བརྗོད་མེད་ཀྱི་དོན་ངོ་ལེགས་པར་འཕྲོད་པ་གཞིར་བཞག་ནས། སྐྱོང་ཚུལ་དངོས་ནི། དབང་པོ་རབ་ཀྱིས་སེམས་ཁོ་རང་གནས་རུང་སེམས་ཡིན། འགྱུ་རུང་སེམས་ཡིན། སེམས་སྟོང་པར་ཐག་ཆོད་ཕྱིན་ཆད་ནས། གནས་འགྱུ་གཉིས་ལ་ཁྱད་པར་ཅི་ཡང་མེད་པས། རྣམ་རྟོག་གང་ཤར་གང་སྣང་ཐམས་ཅད་ཡེ་ཤེས་ཀྱི་རོལ་པ་རྒྱལ་བའི་དགོངས་པ་ཟབ་མོ་སྟོང་པ་ཉིད་ཡིན། དེ་ལ་བཅོས་སླད་གང་ཡང་མ་བྱེད་པར་དེ་ཁའི་ངང་ལ་ཞོག །གནས་སྐབས་སུ་རྣམ་རྟོག་རང་ག་མར་འདུག་ནའང༌། ངམ་ངམ་ཤུགས་ཀྱིས་གྲོལ་ཡོད་པས་ཏིང་འཛིན་ཁོ་ན་ཡིན། ཆོས་སྐུ་ཡིན། རང་བྱུང་གི་ཡེ་ཤེས་ཡིན། ཕྱག་རྒྱ་ཆེན་པོ་ཡིན། ཤེས་རབ་ཀྱི་ཕ་རོལ་ཏུ་ཕྱིན་པ་ཡིན། དཔེ་ཐག་པ་མེས་ཚིག་པ་དང་འདྲ། དེས་འཆིང་མི་ནུས། ཁོ་རང་གི་ངོ་བོ་སྟོང་པ་ཡིན། རྣམ་རྟོག་ལྔར་སྣང་བ་དེ་སྟོང་པའི་གདངས་ཤར་བ་ཡིན། རྣམ་རྟོག་དང་སྟོང་པ་ལ་ཁྱད་པར་མི་འདུག་པས། ཨོ་འདི་ན་མ་དཔེ་མ་ཚངས་འདུག