དཔལ་སྤྲུལ་གསུང་འབུམ།

དཔལ་སྤྲུལ་གསུང་འབུམ།

གླེགས་བམ་བཞི་པ།

རྫོགས་ཆེན་དཔལ་སྤྲུལ་རིན་པོ་ཆེ།

Nitartha International

Images scanned by TBRC

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

ཕྱི་ནང་གི་གྲུབ་མཐའ་དབྱེ་ཚུལ་ས་བོན་བསྡུས་པ།

― ZP04_Page_001 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱི་ནང་གི་གྲུབ་མཐའ་དབྱེ་ཚུལ་ས་བོན་བསྡུས་པ་བཞུགས་སོ། །

― ZP04_Page_002 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་མཁྱེན་པ་ལ་ཕྱག་འཚལ་ལོ། །དེ་ཡང་གྲུབ་པའི་མཐའ་ཐམས་ཅད་ཀྱི་དབྱེ་བ་མདོར་བསྟན་པ་ནི། དབྱེ་གཞི་རང་བཞིན་གྱིས་རྒྱས་པར་དགོད་པ་ལ། དབྱེ་བ་འཇིག་རྟེན་དང་འཇིག་རྟེན་ལས་འདས་པ་གཉིས་ཏེ། དང་པོ་སོར་བཞག་ལྷ་མིའི་ཐེག་པ་ནི། མི་ཡི་ཐེག་པ་མི་ཆོས་གཙང་མ་བཅུ་དྲུག་སྤྱོད་དེ་མཐོ་རིས་དོན་དུ་གཉེར་བའོ། །ལྷ་ཡི་ཐེག་པ་ནི་དགེ་བ་བཅུ་ལ་བླང་དོར་བྱེད་པའོ། །གཉིས་པ་ནི་གསོ་སྦྱོང་ལ་གནས་པར་བྱེད་པའོ། །ཕྱི་རོལ་མུ་སྟེགས་བྱེད་ལ། སྤྱིར་འཇིག་ཚོགས་ལ་ལྟ་བ་སུམ་བརྒྱ་དང་དྲུག་ཅུར་དབྱེ་ནའང༌།

― ZP04_Page_003 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ཡང་བསྡུ་ན་འཇིག་ཚོགས་ཀྱི་རི་ཉི་ཤུའོ། །དེ་ཡང་བསྡུ་ན། རྟག་ལྟ་ཆད་ལྟ་གཉིས་སོ། །རྟག་པར་ལྟ་བ་ནི། མུ་སྟེགས་གྲངས་ཅན་པ་ཡིན་ཏེ་མུ་སྟེགས་པ་ཐམས་ཅད་ཀྱི་རྩ་བའམ་སྤྱི་བའོ། །དེས་ནི་རྡུལ་མུན་སྙིང་སྟོབས་གསུམ་ལམ་དུ་བྱེད་ཅིང༌། དེ་དག་ཆ་མཉམ་པའི་ངོ་བོ་བདག་ཅེས་བྱ་བ། དཀར་བ་སྣུམ་པ། འདྲིལ་བ། ཆེ་བ་མཐེ་བོང་ཆུང་བ་ཡུང་འབྲུ་ཙམ་སེམས་ཅན་ཐམས་ཅད་ཀྱི་སྙིང་ནང་དུ་གཞིག་ཅིང་གཞོམ་དུ་མེད་པར་གནས་པར་འདོད་དོ། །ཕྱི་མ་གྲོལ་བའི་ཚེའང་དེ་མཐོ་རིས་ཀྱི་སྟེང་ན་གདུག་དཀར་པོ་ཀུན་ནས་བསྐོར་བ་ཐར་པ་མདོག་དབྱིབས་

― ZP04_Page_004 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་དུ་འདུག་པའོ། །གཉིས་པ་ཆད་པར་ལྟ་བ་ལ་གཉིས། རྒྱུ་ཆད་པར་ལྟ་བ་དང༌། འབྲས་བུ་ཆད་པར་ལྟ་བའོ། །དང་པོ་རྒྱུ་ཆད་པར་ལྟ་བ་ནི། སྔར་གྱི་སེམས་ད་ལྟའི་འདི་མ་ཡིན་ཏེ། རྒྱུ་འབྱུང་བ་བཞི་ལ་རང་བཞིན་གྱི་གནས་པའི་སེམས་ཡོད་དོ། །དེ་ཉིད་འབྱུང་བ་རང་རང་གི་རྒྱ་ཡིས་འཐིབ་ནས་མི་མངོན་ལ་རྐྱེན་དྲོད་དང་གཤེར་སོགས་དང་འཕྲད་ཚེ་དེ་དག་གི་སེམས་དེ་ལངས་ནས་སེམས་དུ་གྲུབ་པ་ཡིན་ཏེ། རྒྱུ་མཚན་ས་ལ་ལྕི་ཤིང་དང་ཆུ་ལ་འགྲོ་བ་དང་སྒྲ་མེ་ལ་འབར་བ་རླུང་ལ་གཡོ་བ་སོགས་སེམས་ཡིན་ནོ་ཟེར་རོ། །གཉིས་པ་འབྲས་བུ་ཆད་པར་སྨྲ་བ་ནི། ཚེ་སྔ་མ་མེད་པར་མ་ཟད་འབྱུང་བ་བཞི་པོ་དེ་ལ་རྒྱུ་སྐྱེད་པའི་སེམས་ཡང་མེད་དེ་རང་རང་གི་ངོ་བོའི་འབྱུང་བར་འདོད་དོ། །ཚེར་མ་རྣོ་བ། ཉི་མ་ཤར་ནས་འབྱུང་བ། ཆུ་ཐུར་དུ་འབབས་པ། སྲན་མ་ཟླུམ་པ། རྨ་བྱའི་སྒྲོ་མདོག་ལེགས་པ། རྒྱལ་པོའི་བུ་མེ་ལྟ་ན་སྡུག་པ་རྣམས་སུས་ཀྱང་བྱེད་མཁན་མེད་པར་ངོ་བོ་ཉིད་ཀྱིས་བྱུང་བ་ཟེར་རོ། །གཉིས་པ་འཇིག་རྟེན་ལས་འདས་པའི་ཐེག་པ་ལ་གཉིས་སྟེ། ཐེག་དམན་ཉན་རང་དང༌། ཐེག་ཆེན་གཉིས་སོ། །ཐེག་དམན་ལ་གཉིས་ཏེ། ཉན་ཐོས་དང༌། རང་རྒྱལ་ལོ། །ཉན་ཐོས་ལ་གཉིས། །བྱེ་བྲག་སྨྲ་བ་དང༌། མདོ་སྡེ་པའོ། །དང་པོ་བྱེ་བྲག་སྨྲ་བ་ནི། སྟོན་པ་མྱ་ངན་ལས་འདས་པའི་འོག་ཏུ། དགྲ་བཅོམ་པ་ཉེ་

― ZP04_Page_005 ―

^{[མ་དཔེ་གཟིགས་ན་འདིར་གནོན།]}

[Full Size]

སྦས་སོགས་བདུན་བརྒྱས་མངོན་པ་བྱེ་བྲག་བཤད་མཛོད་ཆེན་མོ་ཞེས་བྱ་བའི་བསྟན་བཅོས་བརྩམས་ནས་དེའི་རྗེས་སུ་འཇུག་པ་རྣམས་སོ། །མདོ་སྡེ་པ་ནི། སངས་རྒྱས་ཀྱིས་གསུངས་པའི་མདོ་ཁོ་ན་ལས་བསྟན་བཅོས་ལ་ཚད་མར་མི་འཛིན་པས་མདོ་སྡེ་པ་ཞེས་གྲགས་སོ། །དེ་ལ་བྱེ་བྲག་སྨྲ་བའི་འདོད་པ་ནི། ཀུན་རྫོབ་དང་དོན་དམ་གཉིས་ཀྱི་རྣམ་བཞག །དཔེར་ན་གཡག་རྔ་དང་ནེའུ་སེང་ལྟར་ཤེས་པའི་རྒྱུན་ཚོགས་པ་ལ་ཀུན་རྫོབ་དང་དོན་དམ་པར་རྡུལ་ཕྲན་ཆ་ལྡན་པ་སིལ་བུར་དང་བུམ་ཆུ་ལྟ་བུར་འདོད། །ཤེས་པའི་རྒྱུན་ཀུན་རྫོབ་ད་ལྟའི་སྐད་ཅིག་མ་དོན་དམ་དུ་འདོད་དེ་འདིའི་བདག་མེད་གཉིས་ཀྱི་གང་ཟག་གི་བདག་མེད་རྟོགས་ཀྱང༌། ཆོས་ཀྱི་བདག་མེད་མ་རྟོགས་སོ། །འཇུག་སྒོ་ནི་བདེན་པ་བཞི་ལ་འཇུག་ལྡོག་བྱེད་ཅིང༌། ཁམས་གསུམ་གྱི་མཐོང་བ་དང༌། སྒོམ་པའི་སྤང་བྱ་བཞི་བརྒྱ་དང་བཅུ་བཞི་སྤང་ནས། ཟད་པར་བརྒྱད་དང་མི་སྐྱེ་བའི་ཡེ་ཤེས་དམ་པ་མངོན་ཏུ་བྱས་ནས་གྲོལ་བར་འདོད་དོ། །གཉིས་པ་ཉན་ཐོས་མདོ་སྡེ་བ་ནི། གང་ཟག་གི་བདག་མེད་བྱེ་བྲག་སྨྲ་བ་ལྟར་འདོད་ལ་ཆོས་བདག་ཆ་བཅས་རྡུལ་ཕྲན་ཤེས་བྱའི་གཞི་ལྔའི་ཆོས་ཉིད་རྟོགས་པས་བྱེ་སྨྲ་ལས་འཕགས་སོ། །དེའི་ཀྱང་བདེན་བཞི་ལ་འཇུག་ལྡོག་བྱེད་ཅིང༌། ཉོན་མོངས་ཕྲ་བ་དང་རགས་པ་

― ZP04_Page_006 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱད་བཅུ་རྩ་བརྒྱད་སྤངས་ཏེ་ཡེ་ཤེས་དམ་པ་རྟོགས་པར་འདོད་དོ། །གཉིས་ཀས་ཚོགས་སྦྱོར་མཐོང་བསྒོམ་མི་སློབ་པའི་ལམ་ལྔ་ལ་འབད་རྩོལ་བྱེད་ཅིང༌། དུག་གསུམ་རང་རང་གི་གཉེན་པོ། །འདོད་ཆགས་ལ་མི་གཙང་བའི་རྫས་བརྒྱད་ཀེང་རུས། ཞེ་སྡང་ལ་བྱམས་པ། གཏི་མུག་ལ་རྟེན་འབྲེལ་བཅུ་གཉིས་རྣམས་བསྒོམས་པའོ། །འབྲས་བུ་དགྲ་བཅོམ་སོགས་འབྲས་བུ་བཞི་ལ་ནང་གསེས་ཞུགས་གནས་བརྒྱད་དེ་སྐྱེས་བུ་ཆེན་པོའི་རིམ་པ་བརྒྱད་ཐོབ་པར་བྱེད་པའོ། །གཉིས་པ་ཐེག་དམན་རང་སངས་རྒྱས་ལ་གཉིས་ཏེ། བསེ་རུ་ལྟ་བུ་དང༌། ནེ་ཚོ་ལྟ་བུའོ། །ངེས་ཚིག་ནི། རང་ཉིད་གཅིག་པུ་སངས་རྒྱས་པར་འདོད་དོ། །དང་པོ་བསེ་རུ་ལྟ་བུ་ནི། རང་ཉིད་གཅིག་པུ་གནས་པའི་ཕྱིར་བསེ་རུ་ཞེས་བཏག་སྟེ། དེ་དག་གིས་བདེན་བཞིས་བསྡུས་པའི་ཆོས་ཐམས་ཅད་རྟེན་འབྲེལ་བཅུ་གཉིས་མ་རིག་པ་ནས་རྒ་ཤིའི་བར་ལུགས་འབྱུང་དུ་བསྒོམས་ཏེ། ཁམས་གསུམ་གྱི་ཉོན་མོངས་ཕྲ་རགས་སམ་ཕྲ་རྒྱས་ཐམས་ཅད་སྤོང་བར་འདོད་པའོ། །རྟེན་འབྲེལ་བཅུ་གཉིས་ལུགས་འབྱུང་དུ་བསྒོམ་ཚུལ་མ་རིག་པ་ལས་འདུ་བྱེད་འདུ་བྱེད་ལས་རྣམ་ཤེས་སོགས་ནས་རྒ་ཤིའི་བར་རོ། །ལྟ་བ་ནི་གང་ཟག་གི་བདག་མེད་སྟེང་དུ་ཆོས་ཀྱི་བདག་མེད་ཀྱི་ཕྱེད་གཟུང་བའི་ཡུལ་རྡུལ་ཕྲན་ཆ་བཅས་དང་ཆ་མེད་གཉིས་ཀ་མེད་པར་གཟུང་བ་ལྟར་ངོ་བོ་མེད་ཅིང་

― ZP04_Page_007 ―

^{[མ་དཔེ་གཟིགས་ན་འདིར་གནོན།]}

[Full Size]

མ་སྐྱེས་པ་རྟོགས་པའོ། །གཉིས་པ་ནི་ཚོ་ལྟ་བུ་ནི་མང་པོ་དུས་གཅིག་ཏུ་ཁྱུས་ལྡང་བའོ། །དེས་ཀྱང་བདེན་བཞིའི་བསྡུས་པའི་ཆོས་ཐམས་ཅད་རྟེན་འབྲེལ་བཅུ་གཉིས་ལུགས་ལྡོག་ཏུ་བསྒོམ་ཞིང་དུར་ཁྲོད་དུ་སོང་ནས་རོ་འདི་ཅི་ལས་བྱུང་ཤི་བ་ལས་བྱུང་རྒ་བ་ལས་བྱུང་སོགས་མ་རིག་པ་ལ་ཐུག་གི་བར་དུ་བརྟགས་ཏེ་བསྒོམས་པས་བདག་མེད་སྔར་ལྟར་ཕྱེད་གཉིས་པོ་རྟོགས་ནས་ལམ་ལྔ་བསྒོམ་པས་ཟད་དང་མི་སྐྱེ་བའི་བྱང་ཆུབ་མངོན་ཏུ་བྱེད་དོ། །གཉིས་ཀའི་ལུགས་ཀྱི་བརྡའི་ཆོས་ཙམ་མ་གཏོགས་ཆོས་མངོན་ཏུ་གསུང་བ་མེད་དོ། །གཉིས་པ་ཐེག་པ་ཆེན་པོ་ནི་ཉན་རང་ལས་ཅིའི་ཁྱད་པར་འཕགས་ན་གཞན་ཕན་བྱང་ཆུབ་ཀྱི་སེམས་ཀྱིས་འཕགས་ཏེ། དེ་ལའང༌། སེམས་ཙམ་རྣམ་བདེན་པ་དང་རྣམ་རྫུན་པ་གཉིས་ཡོད་དོ། །རྣམ་བདེན་པས་ནི། དོན་དུ་སྣང་བ་ནང་གི་ཤེས་པ་ཕྱིར་ཤར་བ་ཙམ་འདོད་དོ། །དེ་ལ་དབྱེ་ན་རྣམ་གྲངས་དེ་ཉིད་ལ་ཤེས་པའི་གྲངས་དེ་སྙེད་དུ་འདོད་པ་དང༌། རྣམ་པ་དང་ཤེས་པ་སྒོང་ང་པགས་པ་ལྟར་འདོད་པ་དང༌། རྣམ་པ་དང་ཤེས་པ་གཉིས་སྣ་ཚོགས་གཉིས་མེད་དུ་འདོད་པ་དང་གསུམ་ལས། དང་པོ་སྒྲ་ཐོས་པའི་དུས་ན་སྒྲ་འཛིན་གྱི་ཤེས་པ་གཅིག་པ་སྐྱེ་ཡིས་གཟུགས་ལ་སོགས་པ་འཛིན་པའི་ཤེས་པ་མི་སྐྱེ་བར་འགྱུར། ཡུལ་གང་ལ་འཇུག་པའི་ཤེས་པ་དེ་ལས་གཞན་མི་སྐྱེ་བའི་ཕྱིར་རྣམ་གྲངས་ཇི་སྙེད་པའི་ཤེས་པར་འདོད་དོ། །གཉིས་པ་སྒོང་ང་བཀས་པ་ལྟར་འདོད་པ་ནི་རྣམ་པ་དང་ཤེས་པ་ཡུལ་ཡུལ་

― ZP04_Page_008 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་སེམས་གཅིག་ལ་ཤར་བར་འདོད་དོ། །གསུམ་པ་སྣ་ཚོགས་གཉིས་མེད་དུ་ཕྱིས་ཡུལ་གྱི་རྣམ་པ་སྣ་ཚོགས་སུ་སྣང་ཡང་ནང་འཛིན་བྱེད་ཀྱི་ཤེས་པ་གཅིག་གིས་ཤེས་ཏེ། མཁའ་སྒོ་སྐར་བཞི་ཡོད་པའི་ནང་གི་སྤྲེའུའི་རིབ་རིབ་ལྟ་བའི་ཚེ། སྤྲེའུ་གཅིག་དེ་ལ་མང་པོ་སྣང་བ་ལྟར་སྒོ་ལྔ་ཤེས་པ་གཅིག་གིས་ཡུལ་རིག་པར་འདོད་དོ། །གཉིས་པ་རྣམ་རྫུན་པ་ནི་ཕྱི་དོན་གྱི་རྣམ་པར་ཤེས་པ་འཁྲུལ་པར་སྣང་བའི་བག་ཆགས་རྫུན་པ་ཡིན་གྱི་དེ་འཇལ་བྱེད་ཀྱི་ཤེས་པ་ཡང་རྫུན་པས་ན་གཞལ་བྱའི་ཡུལ་དང་ཤེས་པ་གཉིས་ཀ་འཁྲུལ་སྣང་རྫུན་པའི་རང་བཞིན་ཙམ་དུ་འདོད་དོ། །འདི་ལ་དབྱེ་ན་དྲི་བཅས་དྲི་མེད་པ་གཉིས་ཡོད་དོ། །གཉིས་པ་དབུ་མ་པ་ལ་གཉིས་ཏེ། རང་རྒྱུད་པ་ཐལ་འགྱུར་པའོ། །དང་པོ་རང་རྒྱུད་པས་ནི་འདི་ལྟར་སྣ་ཚོགས་སུ་སྣང་བའི་རྣམ་པ་འཇལ་བྱེད་མེད་པར་གསར་སྣང་མ་ཟད། དོན་དམ་པ་སོ་སོ་རང་རིག་པའི་ཡེ་ཤེས་དེ་ཡང་རང་བཞིན་གྱི་ངོ་བོ་ཉིད་མེད་པའོ། །ཞེས་འདོད་དོ། །འདི་ལ་དབྱེ་ན་སྒྱུ་མ་དོན་དམ་དུ་འདོད་པ་དང༌། རབ་ཏུ་མི་གནས་པ་གཉིས་ལས། །དང་པོ་ནི་ཡུལ་ཡུལ་ཅན་དུ་གྲུབ་ལ། མ་གྲུབ་པའི་རིག་པའི་ཡེ་ཤེས་སྨྲ་བསམ་བརྗོད་མེད་ཙམ་ཞིག་དོན་དམ་པར་སྒྱུ་མའི་ཚུལ་དུ་ཡོད་དོ། །བསྒོམས་པའི་ཡོན་ཏན་གྱིས་ལམ་དང༌། མཐར་ཕྱིན་པའི་འབྲས་བུ་སངས་རྒྱས་ཀྱི་ཡེ་ཤེས་སྒྱུ་མ་ལྟ་བུས་སེམས་ཅན་གྱི་དོན་བྱེད་དོ། །ཡུམ་པར་མ་ལས། ཆོས་ཐམས་ཅད་སྒྱུ་མ་ལྟ་བུ་རྨི་ལམ་ལྟ་བུ་མྱ་ངན་ལས་འདས་པ་ཡང་སྒྱུ་མ་དང་རྨི་ལམ་ལྟ་བུ་མྱ་ངན་

― ZP04_Page_009 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་འདས་པ་ལས་ཆེས་ལྷག་པའི་ཆོས་ཞིག་ཡོད་ན། །དེ་ཡང་རྨི་ལམ་ལྟ་བུ་སྒྱུ་མ་ལྟ་བུའོ། །ཞེས་གསུངས་པའི་ཕྱིར་རོ་ཞེས་སོ། །འདི་ལ་རང་རྒྱུད་འོག་མ་ཞེས་ཟེར་རོ། །གཉིས་པ་རབ་ཏུ་མི་གནས་པ་ནི། དོན་དམ་སྒྱུ་མ་ལྟ་བུ་ཡང་མི་གནས་པ་སྟེ་ཡུལ་དང་རྣམ་པ་མེད་པའི། དེ་མེད་པའི་མྱོང་བ་སོ་སོ་རང་རིག་ཀྱང་མེད་པས་མོ་གཤམ་གྱི་བུ་མེད་པ་ལ་དེ་འཇལ་བྱེད་ཀྱི་ཤེས་པ་བཞིན་ནོ། །ཡུམ་བར་མ་ལས། དོན་དམ་པ་ནི་འཕོ་བ་ཡང་མེད། མྱང་འདས་ཡང་མེད། སྟོང་ཉིད་ཀྱང་མེད་དེ་ཚིག་བླ་དག་ཙམ་ལགས་སོ། །ཞེས་འདོད་དོ། །གཉིས་པ་དབུ་མ་ཐལ་འགྱུར་བ་ནི། །དེ་ལྟར་དོན་དམ་པ་མ་གྲུབ་པ་དང༌། ཀུན་རྫོབ་ཏུ་སྣང་བ་ཙམ་སྒྱུ་མ་གྲུབ་པ་ལ་སོགས་པ་བཀག་ནས། ཡོད་མེད་ཀྱི་མཐའ་ལས་འདས་པའི་རང་བཞིན་ཁས་ལེན་ཐམས་ཅད་དང་བྲལ་བར་འདོད་དོ། །གལ་ཏེ་ངས་གང་དམ་བཅའ་ཡོད། །དེ་ཚེ་ང་ལ་སྐྱོན་དེ་ཡོད། །ང་ལ་དམ་བཅའ་མེད་པས་ན། །ང་ནི་སྐྱོན་མེད་ཁོ་ན་ཡིན་ཞེས་སོ། །ཐེག་ཆེན་གསང་སྔགས་ནི་རྒྱུའི་ཐེག་པ་ལས་ཁྱད་པར་ཅིའི་འཕགས་སྙམ་ན། ཚུལ་གསུམ་སྒྲོན་མེད་ལས། དོན་གཅིག་ན་ཡང་མ་རྨོངས་དང༌། ཐབས་མང་དཀའ་བ་མེད་པ་དང༌། དབང་པོ་རྣོན་པོའི་དབང་བྱས་ནས། །སྔགས་ཀྱི་ཐེག་པ་ཁྱད་པར་འཕགས། །ཞེས་སོ། །སྔགས་ཞེས་པའི་རྒྱུ་མཚན་ནི་ཉོན་མོངས་པ་ལས་སྐྱོབ་པའི་ཐབས་མཆོག་ཏུ་བསྔགས་པའི་ཕྱིར་སྔགས་སོ། །འདི་ལ་དབྱེ་ན་

― ZP04_Page_010 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུད་སྡེ་བཞི་འམ་དྲུག་སོགས་ཡོད་དེ། རྒྱུད་ཞེས་པའི་རྒྱུ་མཚན་ནི། རང་རྒྱུད་ཀྱི་དེ་ཁོ་ན་ཉིད་ཀྱི་དབྱིངས་ཀྱི་འོད་གསལ་འཇལ་བར་བྱེད་པའི་ཕྱིར་རྒྱུད་ཅེས་བྱའོ། །རྒྱུད་སྡེ་བཞི་ནི། བྱ་རྒྱུད། སྤྱོད་རྒྱུད། རྣལ་འབྱོར་རྒྱུད། རྣལ་འབྱོར་བླ་མེད་རྒྱུད་དང་བཞིའོ། །དང་པོ་གསུམ་ནི། རྒྱུད་སྡེ་འོག་མ་གསུམ། ཞེས་ཕྱིའི་རྒྱུད་དོ། །བཞི་པ་ནི་རྒྱུད་སྡེ་གོང་མ་སྟེ་ནང་གི་རྒྱུད་དོ། །རྒྱུད་སྡེ་གོང་མ་ནང་རྒྱུད་དེ་ལ་ཕ་རྒྱུད་དང༌། མ་རྒྱུད། གཉིས་མེད་དུ་ཕྱེ་བས་རྒྱུད་སྡེ་དྲུག་གོ །དེ་ལ་དང་པོ་བྱ་རྒྱུད་ནི། ཕྱིའི་བྱ་བ་གཙང་སྦྲ་ལ་སོགས་པ་སྤྱོད་པའི་ཕྱིར་བྱ་རྒྱུད་དོ། །སྤྱོད་རྒྱུད་ནི་ཕྱིའི་བྱ་བ་བྱ་རྒྱུད་དང་མཚུངས་ཞིང་ནང་གི་ཏིང་འཛིན་རྣལ་འབྱོར་རྒྱུད་དང་མཚུངས་པས་གཉིས་ཀའི་རྒྱུད་དམ་སྤྱོད་རྒྱུད་དོ། །རྣལ་འབྱོར་རྒྱུད་ནི། ནང་གི་ཏིང་ངེ་འཛིན་གཙོ་བོར་བྱེད་པའི་ཕྱིར་རྣལ་འབྱོར་རྒྱུད་ཅེས་བྱའོ། །རྣལ་འབྱོར་བླ་མེད་ནི། རྒྱུད་སྡེ་འོག་མ་གསུམ་ལས་ཁྱད་པར་ཅིའི་ཕྱིར་འཕགས་ཞེ་ན། ཤ་ལྔ་བདུད་རྩི་ལྔ་ལ་སོགས་གཙང་སྨྲེའི་རྟོག་པ་ཐམས་ཅད་བྲལ་ཞིང༌། བདེན་པ་དབྱེར་མེད་ལྷུན་གྲུབ་དག་མཉམ་ཆེན་པོར་ལ་ཟླ་བའོ། །དབྱེ་ན་བསྐྱེད་པ་མ་ཧཱ་ཡོ་ག །ལུང་ཨ་ནུ་ཡོ་ག །གཉིས་མེད་ཨ་ཏི་ཡོ་ག་གསུམ་མོ། །འདི་ཡང་དཔལ་སྤྲུལ་རིན་པོ་ཆེའི་གསུངས་པའོ། །

ཐེག་པ་རིམ་པ་དགུའི་རྣམ་བཞག་གི་ས་བཅད།

― ZP04_Page_011 ―

^{[མ་དཔེ་གཟིགས་ན་འདིར་གནོན།]}

[Full Size]

ཐེག་པ་རིམ་པ་དགུའི་རྣམ་བཞག་གི་ས་བཅད་བཞུགས་སོ།། །།

― ZP04_Page_012 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་བཙུན་འཇམ་དཔལ་དབྱངས་ལ་ཕྱག་འཚལ་ལོ། །འདིར་སྡོམ་གསུམ་རྣམ་པར་ངེས་པའི་བསྟན་བཅོས་ཀྱི་ལེའུ་ཐོག་མར་ཤེས་ཐོབ་ཀྱིས་དམིགས་པར་བྱ་བའི་ཡུལ་སྦྱང་གཞི་ཁམས་དང་བྲལ་འབྲས་མཐར་ཐུག་གི་འབྲས་བུ་ངོས་བཟུང་བའི་སྐབས་སུ་གྲུབ་མཐའི་དབང་གིས་འདོད་ཚུལ་མི་འདྲ་བ་གསུམ་དང༌། རྣམ་གྲོལ་གྱི་ལམ་ཐམས་ཅད་ཐེག་དགུར་འདུ་ཚུལ་བཤད་སྐབས་སུ་ཉན་ཐོས་ལ་སོགས་པའི་ཐེག་པ་དགུ་བོའི་རྣམ་བཞག་རྣམས་འགྲེལ་པས་བསྡུས་ཏེ་བསྟན་པ་ཉིད་ཅུང་ཟད་བཀྲལ་ཏེ་བཤད་ན། རྫོགས་པ་ཆེན་པོ་ཞེས་པ་ནི། རང་གི་ད་ལྟའི་རིག་པ་སྐད་ཅིག་མ་འདི་ཉིད་ཀྱི་ཀློང་དུ་རང་སྣང་གིས་བསྡུས་

― ZP04_Page_013 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཆོས་ཐམས་ཅད་མ་བཙལ་ཡེ་རྫོགས་ཀྱི་ཚུལ་དུ་ཡོད་པས་རྫོགས་པ། དེ་ལྟ་བུའི་སེམས་ཉིད་དེ་ཡང་གནས་ལུགས་རང་གི་ངོ་བོ་སྒྲིབ་པས་གོས་མ་མྱོང་པས་ངོ་བོ་ཡེ་དག་ཡིན་པས་སྤང་བ་ཕུན་སུམ་ཚོགས་པ་དང༌། སེམས་ཉིད་དེ་ཡང་ངོ་བོ་སྟོང་པའི་ཆ་ནས་འགགས་པ་ལ་སོགས་པའི་སྤྲོས་མཐའ་བརྒྱད་ལ་མི་གནས་པའི་ཕྱིར་ཁས་ལེན་ཐམས་ཅད་དང་བྲལ་ཡང་རང་བཞིན་གསལ་བའི་ཆ་ནས་སྟོབས་བཅུ་མི་འཇིགས་པ་བཞི་སོགས་རྒྱལ་བའི་ཡོན་ཏན་ཐམས་ཅད་ངོ་བོ་ཉིད་དུ་ལྷུན་གྱིས་གྲུབ་པའི་ཕྱིར་རྟོགས་པ་ཕུན་སུམ་ཚོགས་པ་དང༌། དེ་གཉིས་ཀྱང་ཕྱོགས་སུ་ལྷུང་བ་ལྟ་བུ་ཡིན་ཏེ། ངོ་བོ་སྟོང་དུས་ཉིད་ནས་རང་བཞིན་མ་

― ZP04_Page_014 ―

^{[མ་དཔེ་གཟིགས་ན་འདིར་གནོན།]}

[Full Size]

འགགས་པའི་ཕྱིར་ལྷུན་གྲུབ་རྟེན་འབྱུང་གི་རྣམ་པ་སྣ་ཚོགས་ཤར་ཡང་དེ་ལྟ་བུ་ཤར་དུས་ཉིད་ནས་ངོ་བོ་སྟོང་ཉིད་ཀ་དག་སྤྲོས་བྲལ་གང་དུའང་མ་གཡོས། མ་འཕོས་པའི་ཕྱིར་ཀ་དག་ལྷུན་གྲུབ་ཟུང་དུ་འཇུག་པའི་རིག་པ་སྐུ་གསུམ་རང་ཆས་འདི་ལ་ལས་བཞི་ལྷུན་གྱིས་གྲུབ་པའི་ཕྱིར་ཕྲིན་ལས་ཕུན་སུམ་ཚོགས་པ་སྟེ། དེ་ལྟར་སྤང་རྟོགས་ཕྲིན་ལས་གསུམ་གྱི་བདག་ཉིད་ཡིན་པས་ན་ཆེན་པོ་ཞེས་བྱའོ། །ཡེ་ཤེས་ལ། ངོ་བོ་སྟོང་པ་རང་བཞིན་གསལ་བ་ཐུགས་རྗེ་ཀུན་ཁྱབ་སྟེ། གཞི་གནས་ཀྱི་ཡེ་ཤེས་གསུམ་དང༌། ཆོས་ཀྱི་དབྱིངས་ཀྱི་ཡེ་ཤེས་སོགས་མཚན་ཉིད་འཛིན་པའི་ཡེ་ཤེས་ལྔ་དང༌། ཇི་ལྟར་ཇི་སྙེད་མཁྱེན་པ་སྟེ་ཡུལ་ལ་འཇུག་པའི་ཡེ་ཤེས་གཉིས་ཏེ། ཡེ་ཤེས་དེ་དག་གི་སྤྱི་གཟུགས་སེམས་ཉིད་ངོ་བོ་ནི་རང་བྱུང་རིག་པའི་ཡེ་ཤེས་ཡིན་པའི་ཕྱིར་ན་དེ་ཉིད་ལ་ཡེ་ཤེས་སྤྱི་གཟུགས་ཞེས་སྨོས་པ་ཡིན་ནོ། །ཚིག་རྐང་དེ་ཉིད་ཀྱིས་གཞི་རྒྱུད་བསྟན་པ་ཡིན་པས། དེ་ཉིད་ལ་ངོས་འཛིན་ཚུལ་གྲུབ་མཐའི་བྱེ་བྲག་གིས་འདོད་པ་མི་འདྲ་བ་ཡོད་དེ། འདི་ལྟར་བསྟན་བཅོས་ཀྱི་བྱེ་བྲག་བཤད་པའི་རྗེས་སུ་སྨྲ་བས་ནི། སྲིད་པ་མིག་ལ་སོགས་དབང་པོ་ལྔ་དང༌། སྲིད་པའི་ཡོ་བྱད་གཟུགས་སོགས་ཡུལ་ལྔ་ལ་མི་ཆགས་པའི་སེམས་བྱུང་ཆོག་ཤེས། གསུམ་ལྡན་ཏེ། དེ་ཡང་ཆོས་གོས་ངན་ངོན་ཙམ་གྱིས། གནས་མལ་ངན་ངོན། འཚོ་བ་ངན་ངོན་ཙམ་གྱིས་ཆོག་ཤེས་པའི་གང་ཟག་དེ་ཉིད་མ་ཆགས་འཕགས་པའི་རིགས་སུ་འདོད་དོ། །བསྟན་བཅོས་ལ་ཚད་མར་

― ZP04_Page_015 ―

^{[མ་དཔེ་གཟིགས་ན་འདིར་གནོན།]}

[Full Size]

མི་བྱེད་པ་མདོ་སྡེའི་རྗེས་སུ་འབྲང་བས་ནི། སེམས་ཅན་ཀུན་གྱི་སེམས་ཀྱི་ས་བོན་ནི་ཟག་མེད་ཀྱི་ཡེ་ཤེས་ཞེས་སངས་རྒྱས་ཉིད་ཀྱི་རིགས་བསྐྱེད་ན་འབྱུང་རུང་གི་ནུས་པ་ཅན་དུ་འདོད་དོ། །ཕྱི་དོན་གྱི་ཆོས་ཐམས་ཅད་ནང་སེམས་ཙམ་དུ་འདོད་པ་དག་གིས་ནི། ཐོག་མ་མེད་པ་ནས་སེམས་ཅན་གྱི་སེམས་རྒྱུད་ལ་བསྐྱེད་མི་དགོས་པར་སངས་རྒྱས་ཀྱི་རིགས་ཀྱི་ནུས་པ་ཆོས་ཉིད་ཀྱིས་ཐོབ་པ་སྟེ། དོན་ལ་གཟུང་འཛིན་གཉིས་སྟོང་གི་ཤེས་པ་རང་རིག་རང་གསལ་ཞེས་པ་ཀུན་གཞིའི་རྣམ་ཤེས་ལ་འདོད་དོ། །དེ་གསུམ་གྱིས་བདེ་གཤེགས་སྙིང་པོར་དུས་བྱས་སུ་འདོད་པའི་ཕྱིར་དངོས་པོར་སྨྲ་བའི་གྲུབ་མཐའ་ཞེས་གྲུབ་མཐའ་མཚན་ཉིད་པ་མ་ཡིན་ནོ། །ལྟ་བ་རྟག་ཆད་ཀྱི་མཐའ་ལ་མི་གནས་པའི་དབུ་མ་པ་ནི། སེམས་ཉིད་དྲི་མ་དངོས་པའི་དེ་བཞིན་ཉིད་བདེ་གཤེགས་སྙིང་པོ་སངས་རྒྱས་ཀྱི་རིགས་སུ་འདོད་པའི་ཕྱིར་གྲུབ་མཐའ་མཚན་ཉིད་པ་ཡིན་ནོ། །ཐེག་ཆེན་དབུ་མའི་ལྟ་བ་དེ་ལས་རབ་ཏུ་བྱེ་བས་གསང་སྔགས་རྒྱུད་སྡེ་དྲུག་གིས་ཀྱང་གཞི་རྒྱུད་སངས་རྒྱས་ཀྱི་རིགས་དེ་ལ་མིང་གི་བཏགས་ཚུལ་མི་འདྲ་བ་དུ་མ་ཡོད་དེ། འདི་ལྟར་བྱ་བའི་རྒྱུད་ཀྱིས་ནི། བདག་གི་དེ་ཁོ་ན་ཉིད་དང༌། སྤྱོད་རྒྱུད་དང་རྣལ་འབྱོར་རྒྱུད་ཀྱིས་ནི། དོན་དམ་མཚན་མ་མེད་པའི་བྱིན་བརླབས་ཀྱིས་ཀུན་རྫོབ་རྡོ་རྗེ་དབྱིངས་ཀྱི་ལྷར་ལྟ་བར་འདོད། མ་ཧཱ་ཡོ་གས་ནི། བདེན་པ་དབྱེར་མེད་ལྷག་པའི་ཆོས་སྐུ་ཆེན་པོ་ཞེས་བཏགས། ཨ་ནུ་ཡོ་གས་ནི། དེ་ལ་དབྱིངས་དང་ཡེ་ཤེས་གཉིས་

― ZP04_Page_016 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་མེད་པའི་སྲས་རྩ་བ་བྱང་ཆུབ་སེམས་ཀྱི་དཀྱིལ་འཁོར་ཞེས་བཏགས། རྫོགས་པ་ཆེན་པོ་ཨ་ཏི་ཡོ་གས་ནི། ངོ་བོ་རང་བཞིན་ཐུགས་རྗེའི་བདག་ཉིད་རིག་པ་སྐུ་གསུམ་རང་ཆས་དེ་ལ་ཀ་དག་དང་ལྷུན་གྲུབ་ཟུང་འཇུག་ཅེས་འདོད་པ་ཡིན་ནོ། །འདིར་གཞི་བདེ་གཤེགས་སྙིང་པོ་འབྲས་བུ་ཉེ་ལེན་གྱི་རྒྱུ་དང༌། ལམ་སྡོམ་པ་གསུམ་གྱི་ཉམས་ལེན་ལྷན་ཅིག་བྱེད་པའི་རྐྱེན་ཏེ། དེ་གཉིས་ཀྱི་འབྲས་བུ་མི་སློབ་ཟུང་འཇུག་གི་ངོ་བོ་སངས་རྒྱས་རྡོ་རྗེ་འཆང་ཆེན་པོ་བྲལ་འབྲས་ཀྱི་ཚུལ་དུ་ཐོབ་པ་ཡིན་ནོ། ༈ །ཡང་རྣམ་གྲོལ་གྱི་ལམ་ཐམས་ཅད་ཐེག་དགུར་བསྡུ་བའི་སྐབས་སུ་སྤྱིར་ཐེག་པ་ཞེས་པ་ཡཱ་ནའི་སྒྲ་ལས་བཞོན་པ་ལ་འཇུག་སྟེ། དེ་ཡང་ས་དང་ལམ་གོང་ནས་གོང་དུ་འདེགས་པར་བྱེད་པ་སྟེ། སྡུད་པ་ལས། ཐེག་པ་འདི་ནི་མཁའ་འདྲ་གཞལ་མེད་ཁང་ཆེན་དེ། །དགའ་སྐྱིད་བདེ་བ་མངོན་པར་འཐོབ་བྱེད་ཐེག་པའི་མཆོག །དེ་གང་ཞོན་ནས་སེམས་ཅན་ཐམས་ཅད་མྱ་ངན་བཟླ། ཞེས་སོ། །དེ་ལ་དབྱེ་བསྡུའི་རྣམ་པ་མང་དུ་ཡོད་ཀྱང་འདིར་སྔ་འགྱུར་རྙིང་མའི་རང་ལུགས་ལྟར་ན། དྲི་མེད་བཤགས་རྒྱུད་ལས། མཚན་ཉིད་སྡེ་སྣོད་གསུམ་པ་ཐེག་པ་གསུམ། ཕྱི་པ་ཐུབ་པའི་རྒྱུད་ལ་ཀྲི་ཡོག་གསུམ། ནང་པ་ཐབས་ཀྱི་རྒྱུད་ལ་ཡོ་ག་གསུམ། ཐེག་པ་རིམ་པ་དགུ་ཡི་དམ་ཚིག་རྣམས། ཞེས་དང༌། སྤྱི་མདོ་ལས། དོན་དམ་ངེས་པའི་ཐེག་པ་ནི། གསུམ་དུ་ངེས་པར་བསྟན་པ་ཡིན། ཀུན་འབྱུང་འདྲེན་དང་དཀའ་ཐུབ་རིགས། དབང་བསྒྱུར་ཐབས་ཀྱི་

― ZP04_Page_017 ―

^{[མ་དཔེ་གཟིགས་ན་འདིར་གནོན།]}

[Full Size]

ཐེག་པའོ། །ཞེས་གསུངས་པ་ལྟར། ཀུན་འབྱུང་འདྲེན་པའི་ཐེག་པ་གསུམ། དཀའ་ཐུབ་རིག་བྱེད་ཀྱི་ཐེག་པ་གསུམ། དབང་བསྒྱུར་ཐབས་ཀྱི་ཐེག་པ་གསུམ་སྟེ་དགུ་སོ་སོར་ས་བཅད་ཀྱི་ཆིང་གསུམ་རེས་བསྡུས་ཏེ། གཞི་ལྟ་བས་གཏན་ལ་འབེབས་ཚུལ་དང་གཅིག །ལམ་བསྒོམ་པས་ཉམས་སུ་ལེན་ཚུལ་དང་གཉིས། །དེའི་འབྲས་བུ་ཇི་ལྟར་ཐོབ་ཚུལ་དང་གསུམ། །དེ་ལ་དང་པོ་ཀུན་འབྱུང་འདྲེན་པའི་ཐེག་པའམ་རྒྱུ་མཚན་ཉིད་ཀྱི་ཐེག་པ་གསུམ་ལས། དང་པོ་ཉན་ཐོས་ཀྱི་ཐེག་པས་གཞི་ལྟ་བས་གཏན་ལ་འབེབས་ཚུལ་ནི། སྤྱིར་ཤེས་བྱའི་ཆོས་ཐམས་ཅད་ཕུང་པོ་ལྔ་ལྟ་བུ་ཞིག་ལ་བསྡུས་ཏེ། དེ་ཉིད་ཀྱི་སྟེང་ནས་གང་ཟག་དང་ཆོས་ཀྱི་བདག་བཙལ་བར་བྱ་སྟེ། དེ་ཡང་གང་ཟག་གི་བདག་ནི་ཕུང་པོ་ལྔ་ཚོགས་ཀྱི་རྒྱུད་ལ་དམིགས་ནས་བདག་གམ་ངར་འཛིན་པ་སྟེ། དེ་ཉིད་ཤེས་རབ་ཀྱིས་བརྟགས་ནས་ཕུང་པོ་ལྔ་དང་གཅིག་གམ་ཐ་དད་པའི་བདག་མེད་པར་རིག་པས་གང་ཟག་གི་བདག་མེད་རྟོགས། ཆོས་ཀྱི་བདག་མེད་རྟོགས་ཚུལ་ནི། ཕུང་པོ་ལྔ་པོ་དེ་ཡང་བེམ་ཤེས་གཉིས་སུ་འདུས་པས་བེམ་པོས་བསྡུས་པའི་ཆོས་ཐམས་ཅད་དེ་དང་དེར་རང་བཞིན་གྱིས་གྲུབ་པར་འདོད་པ་གཟུང་བ་ཆོས་ཀྱི་བདག་དང༌། ཤེས་པས་བསྡུས་པའི་ཆོས་རྣམས་རང་བཞིན་གྱིས་གྲུབ་པར་འཛིན་པ་ཆོས་གྱི་བདག་སྟེ། བདག་གཉིས་པོ་དེ་ཉིད་སོ་སོར་རྟོག་པའི་ཤེས་རབ་ཀྱིས་བརྟགས་ཤིང་དཔྱད་པའི་ཚེ་བེམ་པོའི་ཆོས་ལ་རྡུལ་ཕྲན་ཆ་མེད་

― ZP04_Page_018 ―

^{[མ་དཔེ་གཟིགས་ན་འདིར་གནོན།]}

[Full Size]

ཙམ་ལས་རང་བཞིན་མེད་པར་རྟོགས་པ་དང༌། ཤེས་པའི་ཆོས་ལ་སྐྱེས་བུ་སྟོབས་དང་ལྡན་པའི་སེ་གོལ་ཞིག་གཏོགས་པའི་ཡུན་ཆ་དྲུག་ཅུར་པ་གོས་པའི་ཆ་གཅིག་གི་ཚེ་དུས་མཐའི་སྐད་ཅིག་མ་ཙམ་ལས་རང་བཞིན་མེད་པར་རྟོགས་པ་ནི་ཉན་ཐོས་ཀྱི་ལྟ་བ་གཏན་ལ་འབེབས་ཚུལ་ཡིན་ནོ། །ལམ་བསྒོམ་པས་ཉམས་སུ་ལེན་ཚུལ་ལ། ཀུན་སློང༌། འཇུག་སྒོ། ཞུགས་ནས་ཇི་ལྟར་སྒོམ་པའི་རིམ་པ་དང་གསུམ་ལས། དང་པོ་ཀུན་སློང་ནི། འཁོར་བ་མཐའ་དག་སྡུག་བསྔལ་གྱི་རང་བཞིན་དུ་ཤེས་ནས། དེ་ལས་རང་གཅིག་པུ་ཐར་འདོད་ངེས་འབྱུང་གི་བསམ་པ་སྐྱེས་བུ་འབྲིང་གི་ལམ་ཡིན་ནོ། །གཉིས་པ་འཇུག་སྒོ་ནི། ཀུན་སློང་དེ་དང་ལྡན་པར་སོ་སོར་ཐར་པ་རིགས་བདུན་ནམ་བརྒྱད་པོ་གང་རུང་གི་སྡོམ་པས་རང་རྒྱུད་ལེགས་པར་བསྡམ་པ་ཡིན་ནོ། །གསུམ་པ་ཞུགས་ནས་ཇི་ལྟར་སྒོམ་པའི་རིམ་པ་ནི། བསམ་གཏན་སྒོམ་པའི་མཐུན་རྐྱེན་རྣམས་ཚང་བར་བྱེད། འཇོག་པ་ལ་སོགས་སེམས་གནས་དགུའི་སྤོངས་འགལ་མཐུན་སྒྲུབ་ཀྱི་ཞི་གནས་རྩེ་གཅིག་སྒོམ་པ་དེ་ལ་ཞི་གནས་ཀྱི་གསོ་སྦྱོང་ཟེར་རོ། །བདེན་བཞི་རྣམ་པ་བཅུ་དྲུག་གིས་ལྷག་མཐོང་རྣམ་པར་མི་རྟོག་པའི་ཤེས་རབ་སྐྱེད་དེ་ཞི་ལྷག་གཉིས་སྒོམ་པ་ཡིན་ནོ། །དེའི་འབྲས་བུ་ཇི་ལྟར་ཐོབ་ཚུལ་ནི། དེ་ལྟར་ལམ་ཞི་ལྷག་གཉིས་བསྒོམ་པས་ཁམས་གསུམ་གྱི་ཉོན་མོངས་པ་མཐའ་དག་སྤང་རིམ་དང་བསྟུན་ཏེ་འབྲས་བུ་རྒྱུན་དུ་ཞུགས་

― ZP04_Page_019 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དང༌། ལན་ཅིག་ཕྱིར་འོང་བ། ཕྱིར་མི་འོང་བ། དགྲ་བཅོམ་པ་སྟེ་སྐྱེས་བུ་ཟུང་བཞི་པོ་གང་རུང་ཐོབ་པ་ཡིན་ནོ། །གཉིས་པ་རང་རྒྱལ་གྱི་ཐེག་པས་གཞི་ལྟ་བ་གཏན་ལ་འབེབས་ཚུལ་ནི། སྔར་གྱི་ཉན་ཐོས་ཀྱི་ལྟ་བ་དེ་ལ་གཞིར་བྱས་ནས། གཟུང་ཡུལ་རྡུལ་ཕྲན་ཆ་མེད་ཤར་ལྷོ་ནུབ་བྱང་གི་ཕྱོགས་ཆ་གཞལ་ཏེ་རང་བཞིན་མེད་པར་གཏན་ལ་ཕབ་སྟེ་ཤེས་པ་སྐད་ཅིག་ལ། དོན་དམ་དུ་འདོད་པ་ཡིན་ནོ། །ལམ་བསྒོམ་པས་ཉམས་སུ་ལེན་ཚུལ་ལ། ཀུན་སློང་དང་འཇུག་སྒོ་སོགས་ཉན་ཐོས་དང་འདྲ་བ་ལས། རང་རྒྱལ་གྱི་ཐུན་མོངས་མ་ཡིན་པའི་ལམ་རྟེན་འབྲེལ་ཡན་ལག་བཅུ་གཉིས་ལུགས་ལྡོག་ཏུ་བསྒོམས་ནས་སྲིད་པའི་རྩ་བ་མ་རིག་པ་ཉིད་བདག་མེད་རྟོགས་པའི་ཤེས་རབ་ཀྱིས་སྤངས་ནས། འབྲས་བུ་རང་རྒྱལ་དགྲ་བཅོམ་བསེ་རུའམ་ནེ་ཙོ་ལྟ་བུ་ཐོབ་པ་ཡིན་ནོ། །དེ་གཉིས་གྲུབ་མཐའི་དབང་དུ་བྱས་ན་ཉན་ཐོས་ཀྱི་ཐེག་པ་དེ་ལ་ནང་གསེས་སུ་བྱེ་བྲག་སྨྲ་བ་དང༌། མདོ་སྡེ་བ་གཉིས་སུ་ཕྱེ་བ་ཡིན་གྱི་རང་རྒྱལ་གྱི་ཐེག་པ་དང་མདོ་སྡེ་པའི་གྲུབ་མཐའ་གཉིས་ཕྱོགས་མཚུངས་ཙམ་ལས་གཅིག་ནི་མ་ཡིན་ནོ། །དེ་ཡང་ཉན་ཐོས་དབང་རྣོན་མདོ་སྡེ་པའི་གྲུབ་མཐའ་འཛིན་པ་དེ་ལ་ལུང་གི་རྗེས་འབྲང་དང༌། རིག་པའི་རྗེས་འབྲང་གཉིས་ཡོད་པ་ལས། རིག་པའི་རྗེས་འབྲང་བ་ཁ་ཅིག་གིས་སངས་རྒྱས་ཀྱི་བསྟན་པའི་སྒོར་ཞུགས་ནས། ལྷག་པ་ཚུལ་ཁྲིམས་ཀྱི་བསླབ་པས་རྒྱུད་ལེགས་

― ZP04_Page_020 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བསྡམས་ཀྱང༌། གཞན་དག་ལ་ཆོས་སྟོན་པ་སོགས་ཀྱིས་བྲེལ་ཏེ་ཞི་ལྷག་གི་རྣལ་འབྱོར་ཇི་བཞིན་པར་སྒོམ་མ་ནུས་པས། འབྲས་བུ་བཞི་པོ་གང་ཡང་མ་ཐོབ་པས་སྐྱེ་བ་ཕྱི་མར་སངས་རྒྱས་དང་ཆོས་ཀྱི་སྒྲོན་མས་སྟོང་པའི་མུན་བསྐལ་གྱི་འཇིག་རྟེན་དུ་སྐྱེས་ནས་ལམ་རྟེན་འབྲེལ་ཟབ་མོ་ཇི་ལྟ་བ་བསྒོམ་པས་འབྲས་བུ་རང་རྒྱལ་དགྲ་བཅོམ་པ་ཐོབ་སྟེ་གཞན་ལ་སྒྲ་མེད་པར་ལུས་ཀྱི་རྣམ་རིག་གིས་ཆོས་སྟོན་པར་སྨོན་ལམ་བཏབ་སྟེ་གཤེགས་པ་རྣམ་ཡིན་ནོ། །འོ་ན་རང་རྒྱལ་ཞེས་པ་སངས་རྒྱས་མ་བྱོན་པའི་མུན་བསྐལ་མ་གཏོགས་སྒྲོན་མའི་བསྐལ་པ་ལ་མི་འབྱུང་བ་ན་ད་ལྟ་སངས་རྒྱས་ཀྱི་བསྟན་པ་འདིར་རང་རྒྱལ་གྱི་ཐེག་པ་བསྟན་པས་ཅི་བྱ་ཞེ་ན། བྱང་ཆུབ་སེམས་དཔའ་རྣམས་ཀྱི་ལམ་ཤེས་ཀྱི་རྣམ་པ་ཡོངས་སུ་རྟོགས་པ་ལ་སོགས་པའི་ཕྱིར་སྨྲས་པ་ཡིན་ནོ། །གསུམ་པ་བྱང་ཆུབ་སེམས་དཔའི་ཐེག་པ་ལ་དབྱེ་ན་སེམས་ཙམ་དང་དབུ་མ་པ་གཉིས་ལས། དང་པོ་སེམས་ཙམ་པས་གཞི་ལྟ་བ་གཏན་ལ་འབེབས་ཚུལ་ནི། མདོ་སྡེ་པས་ཤེས་པ་སྐད་ཅིག་མ་དོན་དམ་དུ་འདོད་པ་དུས་ཀྱི་ཆས་གཞལ་ནས་རང་བཞིན་མེད་པར་གཏན་ལ་འབེབས་ཤིང༌། དེར་མ་ཟད་ཀྱི་ཕྱི་དོན་ཕྱི་རོལ་ཏུ་ཡོད་པར་ཁས་མི་ལེན་ཅིང་ནང་སེམས་ཙམ་དུ་འདོད་པ་སྟེ། དེ་ཡང་གཟུང་འཛིན་གཉིས་སྟོང་གི་ཤེས་པ་རང་རིག་རང་གསལ་ཀུན་གཞིའི་རྣམ་ཤེས་ལ་འདོད་དོ། །གཞན་འཇུག་སྒོ་ལ་སོགས་པ་ཕལ་ཆེ་རང་བུམ་པ་དང་མཐུན་པས་འདིར་མ་སྨྲས་སོ། །

― ZP04_Page_021 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་དབུ་མ་པ་ལྟར་ན། །གཞི་ལྟ་བས་གཏན་ལ་འབེལ་ཚུལ་ནི། རྩ་ཤེས་ལས། རྟེན་ཅིང་འབྲེལ་འབྱུང་མ་གཏོགས་པའི། །ཆོས་འགའ་ཡོད་པ་མ་ཡིན་ནོ། །དེ་ཕྱིར་སྟོང་ཉིད་མ་གཏོགས་པའི། །ཆོས་འགའ་ཡོད་པ་མ་ཡིན་ནོ། །ཞེས་པས། ཀུན་རྫོབ་སྣང་བའི་ཆོས་སོ་ཅོག་ཐམས་ཅད་སྣང་བ་ཙམ་ཉིད་ནས་རང་བཞིན་མ་གྲུབ་པའི་ཕྱིར་རྟེན་འབྲེལ་དུ་རྟོགས་ཤིང༌། རྟེན་འབྲེལ་སྣང་བའི་ཆོས་ཐམས་ཅད་ནང་སེམས་སུ་ཡང་མ་གྲུབ་ཅིང༌། སེམས་ལས་གཞན་ཕྱི་རོལ་ཏུ་ཡང་རང་བཞིན་གྱིས་གྲུབ་པའི་དངོས་པོ་རྡུལ་ཕྲ་རབ་ཙམ་ཡང་མེད་པའི་སྟོང་ཉིད་སྤྲོས་པའི་མཐའ་བརྒྱད་དང་བྲལ་བ་སྟེ། བདེན་པ་དབྱེར་མེད་པའི་སྟོང་ཉིད་ཁས་ལེན་ཐམས་ཅད་དང་བྲལ་བར་གཏན་ལ་འབེབས་པ་ཡིན་ནོ། །ལམ་སྒོམ་པས་ཉམས་སུ་ལེན་ཚུལ་ལ། །ཀུན་སློང་ནི་མ་རྒན་སེམས་ཅན་ཐམས་ཅད་རྫོགས་པའི་སངས་རྒྱས་ཀྱི་གོ་འཕང་ལ་འགོད་འདོད་ཀྱི་བསམ་པས། །འཇུག་སྒོ་ཟབ་མོ་ལྟ་བའི་ལུགས་སྲོལ་དང༌། རྒྱ་ཆེན་སྤྱོད་པའི་ལུས་གསོལ་གཉིས་གང་རུང་གི་ཆོ་ག་ལ་བརྟེན་ནས་སྨོན་འཇུག་བྱང་ཆུབ་སེམས་ཀྱི་སྡོམ་པས་རྒྱུད་བསྡམས་ནས། བླང་བྱའི་བསླབ་བྱ་ཚད་མེད་པ་བཞི་དང་ཕ་རོལ་ཏུ་ཕྱིན་པ་དྲུག་ལ་ཚུལ་བཞིན་དུ་སློབ་པ་ཡིན་ནོ། །ལམ་བསྒོམ་པས་ཉམས་སུ་ལེན་ཚུལ་ནི། སློབ་པའི་ལམ་བཞི་རྒྱུ་ལམ་བདེན་བྱང་ཆོས་སོ་བདུན་རིམ་པར་བསྒོམས་པས་འཕགས་ལམ་རྣམས་བསྒྲོད་དོ། །དེའི་འབྲས་

― ZP04_Page_022 ―

^{[མ་དཔེ་གཟིགས་ན་འདིར་གནོན།]}

[Full Size]

བུ་མཐར་ཐུག་ས་མི་སློབ་པའི་སངས་རྒྱས་ཀྱི་ས་ཇི་ལྟར་ཐོབ་ཚུལ་ནི། མི་སློབ་པའི་ཡེ་ཤེས་ཆོས་སྐུའི་ཡོན་ཏན་ཟག་མེད་ཀྱི་ཆོས་སྡེ་ཚན་ཉེར་གཅིག་དང༌། ལོངས་སྐུའི་ཡོན་ཏན་མཚན་དང་དཔེ་བྱད། སྤྲུལ་སྐུའི་ཕྲིན་ལས་ཉེར་བདུན་བཅས་བསྟན་བཅོས་མངོན་པར་རྟོགས་པའི་རྒྱན་ལས་ཇི་སྐད་བཤད་པ་བཞིན་ཐོབ་པ་ཡིན་ནོ། །དཔེ་རྒྱུ་མཚན་ཉིད་ཀྱི་ཐེག་པ་གསུམ་སོང་ནས། ༈ གཉིས་པ་དཀའ་ཐུབ་རིག་བྱེད་ཀྱི་ཐེག་པའམ་སྔགས་ཀྱི་རྒྱུད་གསུམ་ལས། དང་པོ་བྱ་རྒྱུད་ཀྱི་ཐེག་པས་གཞི་ལྟ་བས་གཏན་ལ་འབེབས་ཚུལ་ནི། །གོང་དུ་བཤད་པའི་ཟབ་མོ་དབུ་མའི་ལྟ་བ་དེ་གཞིར་བཞག་ལ་ཁྱད་པར་ནི་རང་གི་སེམས་ཉིད་སྟོང་གསལ་གྱི་ཡེ་ཤེས་ཡོད་མེད་སྣང་སྟོང་གི་མཐའ་བཞི་དང་བྲལ་བའི་ཆོས་ཉིད་དུ་རྟོགས་པའི་ཀུན་རྫོབ་ཡོངས་སུ་དག་པའི་ལྷའི་མཚན་ཉིད་དུ་ལྟ་བ་མ་གཏོགས་མ་དག་པའི་དངོས་པོ་ཉིད་ཀྱི་རང་བཞིན་ཡེ་ནས་དག་པའི་ལྷ་ཡིན་པར་མི་བལྟའོ། །གཉིས་པ་ལམ་བསྒོམས་པས་ཉམས་སུ་ལེན་ཚུལ་ལ། ཀུན་སློང་ནི། སྔགས་ཕྱི་པ་གསུམ་ཀས་རང་གཞན་གཉིས་ཀའི་ཕན་བདེ་རིམ་པར་མི་ཚེ་བདུན་དང་ལྔ་དང་གསུམ་ནས་ཐོབ་པར་འདོད་པའོ། །འཇུག་སྒོ་ནི། དབང་སུམ་གྱི་ཆུའི་དབང་དང་རིགས་གང་ཡིན་གྱི་དམ་ཚིག་ཕྱག་རྒྱའི་ཅོད་པཎ་གྱི་དབང་མཐའ་རྟེན་དང་བཅས་པ་བསྐུར་པའོ། །དེ་ལྟར་ཞུགས་ནས་ལམ་སྒོམ་ཚུལ་ལ། སྤྱིར་བྱ་རྒྱུད་ཙམ་པོ་བ་རྣམས་

― ZP04_Page_023 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་ནི་བདག་ཉིད་ལྷར་བསྐྱེད་པ་མེད་ལ། ཁྱད་པར་བ་རྣམས་སུ་བདག་ཉིད་ལྷར་བསྐྱེད་པ་བཤད་པས། དེ་ཇི་ལྟར་བསྒོམ་པའི་ཚུལ་ལ་དེ་ཁོ་ན་ཉིད་བཞི་ལས། །དང་པོ་བདག་གི་དེ་ཁོ་ན་ཉིད་ནི། གོང་དུ་གཞི་ལྟ་བས་གཏན་ལ་འབེབས་ཚུལ་གྱི་སྐབས་སུ་བཤད་ཟིན་པའོ། །གཉིས་པ་ལྷའི་དེ་ཁོ་ན་ཉིད་ནི། སངས་རྒྱས་གསང་བས། སྟོང་པ་ཡི་གེ་སྒྲ་གཟུགས་དང༌། ཕྱག་རྒྱ་མཚན་མ་ལྷ་དྲུག་གོ །ཞེས་གསུངས་པའི་དང་པོ་སྟོང་པའི་ལྷ་ནི། རྒྱུད་འདིའི་ལྟ་བ་སྟེ་བདག་གི་དེ་ཁོ་ན་ཉིད་མཐའ་བཞི་དང་བྲལ་བའོ། །གཉིས་པ་ཡི་གེའི་ལྷ་ནི་སྟོང་ཉིད་དེ་ཀུན་རྫོབ་ཟླ་དཀྱིལ་གྱི་རྣམ་པར་བསྒྱུར་ནས་བསྒོམ་པའོ། །གསུམ་པ་སྒྲའི་ལྷ་ནི་ཟླ་དཀྱིལ་དེའི་སྟེང་དུ་བཟླ་བྱའི་སྔགས་གཟུགས་རང་སྒྲ་སྒྲོགས་པ་དགོད་པའོ། །བཞི་པ་གཟུགས་ཀྱི་ལྷ་ནི་ཟླ་དཀྱིལ་སྔགས་ཕྲེང་དང་བཅས་པ་ལས་འོད་ཟེར་སྤྲོ་བསྡུས་སངས་རྒྱས་ཀྱི་མཛད་པ་བསྒྲུབས་ཏེ་ཟླ་བ་སྔགས་དང་བཅས་པ་ཡོངས་སུ་གྱུར་པ་ལས་རིག་གསུམ་གྱི་ལྷ་དེ་དང་དེའི་གཟུགས་སུ་བསྒོམ་པའོ། །ལྔ་པ་ཕྱག་རྒྱའི་ལྷ་ནི་དེ་ལ་རིགས་གང་ཡིན་གྱི་ལྷ་དེའི་དམ་རྒྱས་འདེབས་པའོ། །དྲུག་པ་མཚན་མའི་ལྷ་ནི་སྤྱོད་ལམ་ཀུན་ཏུ་ལྷ་དེའི་མཚན་མ་མི་འབྲལ་བའོ། །དེ་ནས་རང་གི་མདུན་དུ་ཡང་དག་སྨོན་ལམ་གྱི་སྟོབས་ལས་བྱུང་བའི་ཡང་དག་པའི་ཞིང་ཁམས་ཕོ་བྲང་པ་བདག་

― ZP04_Page_024 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིད་ལྷར་བསྐྱེད་པ་ལ་མི་བསྟིམ་ཞིང་དབྱིངས་ནས་སྤྱན་དྲངས་པ་དེ་ཕོ་བྲང་དུ་བཞུགས་པ་ཙམ་མ་གཏོགས་མདུན་དུ་བསྐྱེད་པའི་ཆོག་མེད་དོ། །བཟླས་བརྗོད་ཀྱི་དེ་ཁོ་ན་ཉིད་ནི། བསམ་གཏན་ཕྱི་མ་ལས། སྒྲ་དང་སེམས་དང་གཞི་ལ་གཞོལ། ཞེས་པས། གཞི་ནི། བདག་མདུན་ལྷར་གསལ་བ། སེམས་ནི་དེ་དག་གི་ཐུགས་ཀར་ཟླ་དཀྱིལ་བསམ་པ། །སྒྲ་ནི་དེའི་སྟེང་དུ་སྔགས་ཕྲེང་རང་སྒྲ་སྒྲོགས་པར་བསམ་ནས་བཟླས་པ་ཚུལ་བཞིན་དུ་བྱའོ། །བསམ་གཏན་གྱི་དེ་ཁོ་ན་ཉིད་ནི། བསམ་གཏན་ཕྱི་མ་ལས། གསང་སྔགས་མེད་གནས་དངོས་གྲུབ་སྟེར། སྒྲར་གནས་རྣལ་འབྱོར་སྟེར་བར་དྲན། སྒྲ་མཐས་ཐར་བསྟེར་པར་བྱེད། ཅེས་པས། མེར་གནས་ནི། རང་ཉིད་ལྷར་གསལ་པའི་སྙིང་ཁར་མེ་འབར་བའི་ནང་དུ་ཟླ་བ་ལ་སྔགས་ཕྲེང་བཀོད་ནས་བསྒོམས་པ་ནི། ལས་བཞི་འགྲུབ་པའི་གཞིའོ། །སྒྲར་གནས་ནི། དེ་ལས་སྔགས་ཀྱི་ཡི་གེ་རྣམས་རང་སྒྲ་སྒྲོགས་པར་བསམ་པས། རྣལ་འབྱོར་ཉེས་པ་ཞི་གནས་སྐྱེ་བར་བྱེད་དོ། །དེ་ལྟར་ནང་གི་སྒོམ་པ་དང་ཕྱིའི་སྤྱོད་པ་ཁྲུས་དང་གཙང་སྦྲ་ལ་གཙོ་བོར་སྤྱོད་པས། འབྲས་བུ་ནི། གནས་སྐབས་སུ་འདོད་པའི་རིག་འཛིན་འགྲུབ་ཅིང༌། མཐར་ཐུག་རྟེན་དེ་ལ་སྔགས་ཀྱི་ཕྱིན་དྲུག་སྤྱང་པས། སྐུའི་རིགས་རྣམ་པར་སྣང་མཛད། གསུང་གི་རིགས་འོད་དཔག་མེད། ཐུགས་ཀྱི་རིགས་རྡོ་རྗེ་མི་བསྐྱོད་པ་སྟེ་རིགས་གསུམ་རྡོ་རྗེ་འཛིན་པའི་རིག་འཛིན་གྲུབ་ནས་མི་ཚེ་བདུན་

― ZP04_Page_025 ―

^{[མ་དཔེ་གཟིགས་ན་འདིར་གནོན།]}

[Full Size]

ན་ཐོབ་པར་འདོད་དེ། ཧེ་རུ་ཀ་གལ་པོ་ལས། མི་ཚེ་བདུན་ན་སངས་རྒྱས་པ། རིག་གསུམ་མགོན་པོས་འགྲོ་བ་འདུལ། །ཞེས་སོ། །གཉིས་པ་སྤྱོད་རྒྱུད་ཀྱི་ཐེག་པས་གཞི་ལྟ་བ་གཏན་ལ་འབེབས་ཚུལ་རྣལ་འབྱོར་རྒྱུད་དང་ཕྱིའི་སྤྱོད་པ་ཁྲུས་སོགས་གཙང་སྤྲ་ལ་གནས་པ་བྱ་རྒྱུད་དང་མཐུན་པའི་ཕྱིར་གཉིས་ཀའི་རྒྱུད་ཅེས་བྱ་སྟེ། ལྟ་རིམ་ལས། གཉིས་ཀའི་རྒྱུད་ཀྱི་འདོད་པ་ནི། ལྟ་སྤྱོད་གོང་འོག་རྗེས་སུ་འགྲོ་ཞེས་སོ། །ལམ་བསྒོམ་པས་ཉམས་སུ་ལེན་ཚུལ་ལ། འཇུག་སྒོ་ནི། སྔར་གྱི་ཆུ་དང་ཅོད་པཎ་གྱི་སྟེང་དུ་རྡོ་རྗེ་དྲིལ་བུ་མིང་དབང་རྗེས་གནང་དང་བཅས་ཏེ་བསྐུར་པའོ། །དེ་ལྟར་ཞུགས་ནས་ལམ་བསྒོམ་པས་ཉམས་སུ་ལེན་ཚུལ། ནང་འཇུག་ལ་མཚན་བཅས་དང་མཚན་མེད་ཀྱི་རྣལ་འབྱོར་གཉིས་ལས། དང་པོ་མཚན་བཅས་རྣལ་འབྱོར་སྒོམ་པའི་རིམ་པ་ལས། ཕྱི་ནང་གི་ཡན་ལག་བཞི་པ་གཉིས་སུ་ཡོད་ཀྱང་འདིར་རེ་ཞིག་ཕྱིའི་ཡན་ལག་བཞི་ལྟར་བཤད་ན། རྣམ་སྣང་མངོན་བྱང་ལས། ཡི་གེ་དང་ནི་ཡི་གེ་སྦྱར། དེ་བཞིན་གཞི་ལ་གཞི་གྱུར་ཉིད། ཤིན་ཏུ་བསྡོམས་པའི་ཡིད་ལས་ནི། བཟླས་བརྗོད་འབུམ་ཕྲག་གཅིག་བྱའོ། །ཞེས་པ་ལྟར་བདག་གནས་བསྲུང་བ་སོགས་སྔོན་དུ་འགྲོ་བས་གཞིའི་ཡན་ལག་དང་པོ་བདག་ཉིད་བསྐྱེད་པའི་སྔོན་དུ་འགྲོ་བའི་ཡི་གེ་དོན་དམ་བྱང་ཆུབ་ཀྱི་སེམས་སྟོང་ཉིད་ཀྱི་སྣང་ཆ་ཀུན་རྫོབ་ཟླ་དཀྱིལ་གྱི་རྣམ་པར་བསྒོམ་པ་དང༌། ཡི་གེ་

― ZP04_Page_026 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་ཟླ་བའི་སྟེང་དུ་བཟླ་བྱའི་སྔགས་རང་སྒྲ་སྒྲོགས་པར་བསྒོམ། དེ་ཐམས་ཅད་ཡོངས་སུ་གྱུར་བ་ལས་གཞིའི་ཡན་ལག་དང་པོ་བདག་ཉིད་རྣམ་པར་སྣང་མཛད་ཆེན་པོ་ལ་སོགས་པའི་ལྷར་བསྐྱེད། སྔགས་དང་ཕྱག་རྒྱས་བྱིན་གྱིས་རླབས། དེ་ནས་གཞི་གཉིས་པ་རང་གི་མདུན་དུ་རང་འདྲ་བའི་དེ་བཞིན་གཤེགས་པ་བསྒོམ་ལ་ཐུགས་ཀར་ཟླ་དཀྱིལ་ལ་བཟླ་བྱའི་སྔགས་ཕྲེང་བཀོད་ནས་བཟླས་པ་ཚུལ་བཞིན་དུ་བྱེད་པ་ཏེ་དེ་ལྟར་ཡན་ལག་བཞི་ལ་གཞོལ་བ་ཡིན་ནོ། །གཉིས་པ་མཚན་མེད་ཀྱི་རྣལ་འབྱོར་ནི། ཕུང་སོགས་ཆོས་ཐམས་ཅད་རྣམ་པར་དཔྱད་དེ་འཇུག་གནས་ལྡང་གསུམ་གྱི་ཁྱད་པར་དུ་བྱས་པའི་དོན་དམ་བྱང་ཆུབ་ཀྱི་སེམས་བསྒོམ་པར་བྱའོ། །གཉིས་པ་སྦྱོར་བའི་སྤྱོད་པ་ལ་ཕྱི་ནང་གཉིས་ལས། དང་པོ་ཕྱིའི་ཡན་ལག་བཞི་ལ་གཞོལ་བའི་བཟླས་བརྗོད་བྱ་ཚུལ་ནི། གོང་ལྟར་བདག་མདུན་ལྷར་བསྐྱེད་པ་གཞིའི་ཡན་ལག་དང་པོ་དང༌། གཉིས་པ་མདུན་བསྐྱེད་ཡེ་ཤེས་པའི་ཐུགས་ཀར་ཟླ་དཀྱིལ་བསྒོམ་པ་བྱང་ཆུབ་སེམས་ཀྱི་ཡན་ལག །དེ་ལ་སྔགས་ཕྲེང་བཀོད་པ་སྒྲའི་ཡན་ལག་སྟེ་བཞི་དང་ལྡན་ཏེ་མཚན་དུས་གྲངས་ཀྱི་བསྙེན་པ་བྱའོ། །གཉིས་པ་ནང་གི་ཡན་ལག་བཞི་ནི། རང་ཉིད་ལྷར་གསལ་བའི་ཐུགས་ཀར་ཟླ་བ་ཁོང་སྟོང་གི་ནང་དུ་ཡེ་ཤེས་སེམས་དཔའ་བསྒོམ་པ་ནི་གཞིའི་ཡན་ལག་དང་པོའོ། །གཉིས་པ་དེའི་ཐུགས་ཀར་ཟླ་དཀྱིལ་སྔགས་ཕྲེང་བཀོད་དེ་བཟླས་པ་

― ZP04_Page_027 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་དོ། །གསུམ་པ་གྲུབ་པའི་སྤྱོད་པ་དེའི་འབྲས་བུ་ཇི་ལྟར་ཐོབ་ཚུལ་ནི། གནས་སྐབས་ཐུན་མོང་གི་དངོས་གྲུབ་དང༌། མཐར་ཐུག་མི་ཚེ་ལྔ་ན་རིགས་གསུམ་དང་དེའི་སྟེང་དུ་རིན་པོ་ཆེའི་རིགས་བསྣན་པའི་རིགས་བཞི་རྡོ་རྗེ་འཛིན་པའི་གོ་འཕང་མངོན་དུ་བྱེད་པ་ཡིན་ནོ། །གལ་པོ་ལས། རིགས་བཞི་རྡོ་རྗེ་འཆང་བར་གནས་ཞེས་དང༌། ཀུན་བྱེད་ལས་གཉིས་སུ་མེད་ལ་མི་ཚེ་ལྔར་སྒྲིབ་གྲོལ། །ཞེས་སོ། ༈ གསུམ་པ་རྣལ་འབྱོར་རྒྱུད་ཀྱི་ཐེག་པས་གཞི་ལྟ་བ་གཏན་ལ་འབེབས་ཚུལ་ནི། དོན་དམ་པར་ཆོས་ཐམས་ཅད་སྤྲོས་པའི་མཚན་མ་མེད་པའི་ཆོས་ཉིད་རྟོགས་པའི་ཡེ་ཤེས་ཀྱི་བྱིན་རླབས་ཀུན་རྫོབ་རྡོ་རྗེ་དབྱིངས་ཀྱི་ལྷར་བལྟ་བ་ཡིན་ནོ། །ལམ་བསྒོམ་པ་ཉམས་སུ་ལེན་ཚུལ་ལ། འཇུག་སྒོ་ནི་ཆུ་དབང་སོགས་སློབ་མའི་དབང་ལྔ་དང༌། ཕྱིར་མི་ལྡོག་པའི་དམ་ཚིག་གསུམ་བཟུང་བ་སོགས་སློབ་དཔོན་གྱི་དབང་དྲུག་སྟེ་བཅུ་གཅིག་གོ །དེ་ལྟར་ཞུགས་ནས་ལམ་གྱི་སྒོམ་རིམ་ལ། ཐབས་ཤེས་ཀྱི་རྣལ་འབྱོར་གཉིས་ལས། དང་པོ་ཐབས་ཀྱི་རྣལ་འབྱོར་ལ། མངོན་བྱང་ལྔ་དང་ཆོ་འཕྲུལ་བཞི་སྟེ་གཉིས་ལས། དང་པོ་མངོན་བྱང་ལྔ་ནི། ཧེ་རུ་ཀ་གལ་པོ་ལས། མི་རྟོག་ཟླ་བ་རྡོ་རྗེ་གཟུགས། སྤྲོ་བསྡུ་སྒོམ་པས་སྐུ་རུ་གསལ། ཞེས་པ་ལྟར་དང་པོ་ཆོས་ཐམས་ཅད་རྣམ་པར་མི་རྟོག་པའི་སྟོང་ཉིད་བསྒོམ་པ་དང༌། སྟོང་ཉིད་ཀྱི་སྣང་ཆ་ཟླ་བ་ཚེས་གཅིག་ལྟ་བུ་དང་

― ZP04_Page_028 ―

^{[མ་དཔེ་གཟིགས་ན་འདིར་གནོན།]}

[Full Size]

ཉ་བ་ལྟ་བུ་བསྒོམ་པ་དང༌། དེའི་སྟེང་དུ་རྡོ་རྗེ་རྩེ་ལྔ་པའི་ཕྱག་མཚན་བསྒོམ། དེ་ལས་འོད་ཟེར་སྤྲོ་བསྡུ་བྱས་ཡོངས་སུ་གྱུར་པ་ལས་བདག་ཉིད་མི་བསྐྱོད་པ་ལ་སོགས་བསྒོམ་བྱའི་ལྷ་གང་ཡིན་གྱི་སྐུད་གྱུར་པ་སྟེ། གལ་པོའི་མཆན་འགྲེལ་ལས། སྒོམ་པ་ནི་མངོན་བྱང་ལྔ་དང་ཆོ་འཕྲུལ་བཞི་བསྒོམ་པའོ། །དང་པོ་རྣམ་པར་མི་རྟོག་པ་བསྒོམ་པ་ནི། །གཟུགས་སྐུ་མངོན་པར་བྱང་ཆུབ་པའོ། །ཟླ་བ་ཚེས་གཅིག་པ་ལྟ་བུའི་རང་སེམས་རིག་པ་མངོན་པར་བྱང་ཆུབ་པ་དང༌། ཟླ་བ་ཉ་བ་ལྟ་བུ་སེམས་བསྐྱེད་མངོན་པར་བྱང་ཆུབ་པ་གཉིས་ནི་ཟླ་བ་ལ་མངོན་པར་བྱང་ཆུབ་པའོ། །ཟླ་བའི་སྟེང་དུ་རྡོ་རྗེ་རྩེ་ལྔ་པ་བསྒོམ་པ་ནི་ཆོས་སྐུ་ལ་མངོན་པར་བྱང་ཆུབ་པའོ། །འོད་ཟེར་སྤྲོ་བསྡུས་སྒྲིབ་སྦྱོང་དངོས་གྲུབ་བསྐུལ་བ་ནི་བསྟན་པར་བྱ་བའི་མངོན་བྱང་ངོ༌། །དེ་ལྟར་སྐུར་གྱུར་བ་ནི་ཕྱག་རྒྱ་ལ་མངོན་པར་བྱང་ཆུབ་པའོ། །ཞེས་དང༌། གཉིས་པ་ཆོ་འཕྲུལ་བཞི་ནི། གལ་པོ་ལས། ཏིང་འཛིན་བྱིན་བརླབས་དབང་བསྐུར་མཆོག །ཅེས་པ་ལྟར་ཏིང་ངེ་འཛིན་གྱི་ཆོ་འཕྲུལ་ནི། དབུས་སུ་རྣམ་པར་སྣང་མཛད། ཤར་དུ་མི་བསྐྱོད་པ། ལྷོར་རིན་འབྱུང༌། ནུབ་ཏུ་སྣང་མཐའ། བྱང་དུ་དོན་གྲུབ་རང་རང་གི་རིགས་ཀྱི་སེམས་དཔའ་བཞི་བཞིས་བསྐོར་བར་བསྒོམ་པའོ། །བྱིན་གྱིས་བརླབས་པའི་ཆོ་འཕྲུལ་ནི། བསྒོམ་པའི་ལྷ་དེ་དག་རང་རང་གི་རིགས་ཀྱིས་བྱིན་གྱིས་བརླབས་པའོ། །དབང་

― ZP04_Page_029 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐུར་བའི་ཆོ་འཕྲུལ་རང་རིགས་ཀྱི་དབང་གང་ཡིན་གྱི་སྐུ་དང་ཡེ་ཤེས་གཟུངས་དང་ཏིང་ངེ་འཛིན་དང་ལྡན་པར་དབང་བསྐུར་བའོ། །མཆོད་པའི་ཆོ་འཕྲུལ་ནི། དེ་དག་ལ་ཕྱག་དང་མཆོད་པ་བསྟོད་པ་བྱ་བ་རྣམས་སོ། །དེ་ལྟར་བདག་ལྷར་བསྐྱེད་པ་ལ་ཡེ་ཤེས་པ་དགུག་ཅིང་མཆོད་བསྟོད་བཟླས་པ་སོགས་ཀྱི་མཐར་ཡེ་ཤེས་པ་གཤེགས་སུ་གསོལ་བའི་ཐབས་ཀྱི་རྣལ་འབྱོར་ཞེས་བྱའོ། །ལར་རྣལ་འབྱོར་རྒྱུད་ཀྱི་སྐབས་འདིར་བྱ་སྤྱོད་ལྟར་ལྷ་ཡེ་ཤེས་པ་བདག་ལ་མི་བསྟིམ་པར་མདུན་དུ་བཞུགས་སུ་གསོལ་བ་ལྟ་བུ་མ་ཡིན་ཏེ། རྡོ་རྗེ་འབྱུང་བ་ལས། གཉིས་སུ་མེད་པའི་ཆོས་དབྱིངས་དང༌། བླ་མེད་དངོས་གྲུབ་དམ་པ་བླངས། ཞེས་སོ། །གཉིས་པ་ཤེས་རབ་ཀྱི་རྣལ་འབྱོར་ནི། དོན་དམ་མཚན་མ་མེད་པའི་ཡེ་ཤེས་དང༌། །ཀུན་རྫོབ་རྡོ་རྗེ་དབྱིངས་ཀྱི་ལྷ་སྣང་གཉིས་ཀ་གཉིས་སུ་མེད་པའི་ཡེ་ཤེས་ཀྱི་ངང་ལ་མཉམ་པར་འཇོག་པ་ཡིན་ནོ། །དེ་ཉིད་ཀྱི་འབྲས་བུ་ཇི་ལྟར་ཐོབ་ཚུལ་ནི། འཇིག་རྟེན་པའི་དངོས་གྲུབ་མཁའ་ལ་སྤྱོད་པའི་རིག་འཛིན་དང༌། འཇིག་རྟེན་ལས་འདས་པའི་དངོས་གྲུབ་མི་ཚེ་གསུམ་ན་སྔར་གྱི་རིགས་བཞིའི་སྟེང་དུ་དོན་གྲུབ་ཕྲིན་ལས་ཀྱི་རིགས་བསྣན་པས་རིགས་ལྔ་སྟུག་པོ་བཀོད་པར་འཚང་རྒྱ་བར་འདོད་དེ། ཀུན་བྱེད་ལས། ཡོ་ག་སྟུག་པོ་བཀོད་འདོད་པས། །མི་ཚེ་གསུམ་ན་གྲོལ་བར་འདོད།

― ZP04_Page_030 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་གསུངས་སོ། །དེ་ཡང་སྔགས་ཕྱི་བ་གསུམ་གྱི་སྐབས་འདིར་བསྒོམ་བྱ་དང༌། ཐོབ་བྱའི་ལྷ་རིག་གསུམ་ལ་སོགས་པར་གསུངས་པ་ནི། རིགས་ཐམས་ཅད་དེ་དག་ཏུ་བསྡུས་པའི་དབང་དུ་བྱས་པ་མ་གཏོགས་པའི་ལྷ་གཞན། ཡོད་པར་མི་བལྟའོ། །མ་ཟད་དེ་དག་གི་བསྒོམ་བྱ་ལ་སྔགས་ནང་བལྟར་བསྐྱེད་རྫོགས་ཀྱི་ཐ་སྙད་མེད་དོ། །དེའི་དོད་དུ་མཚན་བཅས་དང་མཚན་མེད་ཟེར་བའམ། ཡང་ན་བྱ་སྤྱོད་གཉིས་སུ་མཚན་བཅས་མཚན་མེད་དང༌། རྣལ་འབྱོར་རྒྱུད་དུ་ཐབས་དང་ཤེས་རབ་ཀྱི་རྣལ་འབྱོར་ཞེས་ལོ་ཆེན་རིན་པོ་ཆེའི་བཞེད་དོ། །དེས་དགའ་ཐུབ་རིག་བྱེད་ཀྱི་ཐེག་པ་གསུམ་པ་བཤད་ཟིན་ནོ། ༈ གསུམ་པ་དབང་བསྒྱུར་ཐབས་ཀྱི་ཐེག་པ་ལས། སྔགས་ནང་བ་གསུམ་བཤད་པ་ལ་གསུམ། དང་པོ་སྐུའི་རྒྱུད་མ་ཧཱ་ཡོ་གའི་ཐེག་པས་གཞི་ལྟ་བ་གཏན་ལ་འབེབས་ཚུལ་ནི། ཇི་སྐད་དུ་སློབ་དཔོན་སངས་རྒྱས་གསང་བས། གཞི་དང་གཏན་ཚིག་གྲུབ་པའི་དོན། ཞེས་གསུངས་པ་ལྟར། གཞལ་བྱའི་གཞི་དང༌། འཇལ་བྱེད་ཀྱི་གཏན་ཚིག་དང༌། གྲུབ་པའི་མཐའ་སྟེ་གསུམ་ཡོད་པ་ལས། དང་པོ་ནི། འཁོར་འདས་གཉིས་སུ་ཞེན་པའི་བློ་སྒྲོ་བཏགས་ཀྱི་ཞེན་སྣང་དང་བཅས་པ་འདི་ཉིད་གཞལ་བྱ་ཡིན་ཏེ། ལམ་རྣམ་བཀོད་ལས། བརྟགས་པའི་སྤྱོད་ཡུལ་གཉིས་ལ་གཞལ། ཞེས་དང༌། ལམ་རིམ་ལས། འཁོར་འདས་དངོས་པོའི་ཞེན་སྣང་བརྟགས། ཞེས་སོ། །གཉིས་པ་འཇལ་བྱེད་ཀྱི་གཏན་ཚིགས་ལ་རྣམ་

― ZP04_Page_031 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་མང་དུ་ཡོད་ཀྱང་འདིར་རྟོགས་པ་བཞིའི་གཏན་ཚིག་ལ་བརྟེན་ནས་གནས་ལུགས་ཇི་ལྟར་གཏན་ལ་འབེལ་ཚུལ་ནི། རིམ་པ་ལྟར་འཁོར་འདས་གཤིས་སུ་གཅིག་པའི་གཏན་ཚིག་ལ་བརྟེན་ནས་ཆོས་ཐམས་ཅད་རང་བཞིན་སྐྱེ་མེད་དུ་གཏན་ལ་ཕབ། ཡིག་འབྲུའི་ཚུལ་གྱིས་གཏན་ཚིག་ལ་བརྟེན་ནས་རོལ་པ་འགགས་མེད་དུ་གཏན་ལ་ཕབ། བྱིན་གྱིས་རླབས་པའི་གཏན་ཚིག་ལ་བརྟེན་ནས་ངོ་བོ་དབྱེར་མེད་དུ་གཏན་ལ་ཕབ། མངོན་སུམ་པའི་གཏན་ཚིག་ལ་བརྟེན་ནས་མཚན་ཉིད་བློ་བྲལ་དུ་གཏན་ལ་ཕབས་ཤིང༌། དེ་ཡང་གཏན་ཚིག་སྔ་མ་སྔ་མས་གཏན་ལ་ཕབ་ཟིན་པ་དེ་ཕྱི་མ་ཕྱི་མས་གཞལ་བྱར་བྱེད་དགོས་པ་ཡིན་གསུངས། གསུམ་པ་གྲུབ་མཐའ་ནི། དེ་ལྟར་གཞལ་བྱ་ཞེན་བློ་དང་བཅས་པ་འཇལ་བྱེད་གཏན་ཚིག་བཞིས་གཞལ་པས་ཆོས་ཐམས་ཅད་གནས་ལུགས་རང་གི་སེམས་ཉིད་བདེ་གཤེགས་སྙིང་པོ་ཉིད་ལྷག་པའི་ཀུན་རྫོབ་བདེན་པ་དང་ལྷག་པའི་དོན་དམ་བདེན་པ་སྟེ་ལྷག་པའི་བདེན་པ་དབྱེར་མེད་བློས་སྤྱོད་ཡུལ་དང་བྲལ་བའི་བདག་ཉིད་དུ་གཏན་ལ་ཕེབས་པ་ལ་གྲུབ་མཐའ་ཞེས་བྱའོ། །དེ་ལ་མདོ་སྔགས་ཀྱི་ལྟ་བ་ལ་ཁྱད་པར་མི་འབྱེད་པ་གསར་མའི་ལུགས་ཡིན་ལ། སྔ་འགྱུར་རྙིང་མའི་རང་ལུགས་ལ་ནི་མདོ་སྔགས་ཀྱི་ལྟ་བ་ལ་ཁྱད་པར་འབྱེད་པ་ཡིན་ཏེ། འདི་ལྟར་ལྟ་བའི་རྣམ་གྲངས་ལ། ཆོས་ཅན་ལྟ་བའི་ལྟ་བ། ཆོས་ཉིད་ལྟ་བའི་ལྟ་བ། རང་རིག་ལྟ་བའི་ལྟ་བ་སྟེ་གསུམ་

― ZP04_Page_032 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་ཡོད་པ་ལས། ཆོས་ཉིད་ལྟ་བའི་ངོས་ནས་མདོ་སྔགས་ཀྱི་ལྟ་བ་ལ་ཁྱད་པར་མེད་དེ། སྔགས་ཀྱི་ལྟ་བའི་ཡང་ངོ་བོ་སྟོང་པའི་ཆ་ནས་སྤྲོས་པའི་མཚན་མ་ཐམས་ཅད་དང་བྲལ་བའི་སྟོང་ཉིད་དམིགས་བསམ་བརྗོད་པ་ལས་འདས་པའི་ཕྱིར། །རྩ་རྒྱུད་ལས་གཅིག་དང་དུ་མ་བྲལ་བ་ཡི། །མཐའ་དང་དབུས་མེད་དེ་བཞིན་ཉིད། །སངས་རྒྱས་ཀྱིས་ཀྱང་མི་གཟིགས་ཏེ། །རང་བྱུང་ཡེ་ཤེས་གནས་མེད་སྣང༌། །ཞེས་སོ། །རྒྱུ་མཚན་དེ་ལྟ་བུ་ལ་དགོངས་ནས། ས་སྐྱ་པཎྜི་ཏས་ཀྱང༌། ཕ་རོལ་ཕྱིན་པའི་སྤྲོས་བྲལ་ལས། ལྷག་པའི་ལྟ་བ་ཡོད་གྱུར་ན། ལྟ་དེ་སྤྲོས་པ་ཅན་དུ་འགྱུར། །ཞེས་གསུངས་སོ། །ཆོས་ཅན་ཀུན་རྫོབ་ལྟ་བའི་ངོས་ནས་མདོ་སྔགས་ཀྱི་ལྟ་བ་ལ་ཁྱད་པར་ཡོད་པར་ཡིན་ཏེ། རྒྱུ་མཚན་ཉིད་ཀྱི་ཐེག་པའི་བླ་མེད་ཟབ་མོ་དབུ་མའི་ཐེག་པ་ལས་ཀུན་རྫོབ་རྟེན་འབྱུང་དུ་སྣང་བའི་ཆོས་འདི་དག་སྒྱུ་མ་དང་རྨི་ལམ་གྱི་སྣང་བ་ལྟར་རང་བཞིན་བདེན་པར་མ་གྲུབ་པ་ཙམ་དུ་བལྟ་བ་ལས། །དག་པ་ལྷའི་དཀྱིལ་འཁོར་ཆེན་པོར་ལྟ་བར་མ་བཤད་ཀྱང་ཐབས་ཀྱི་ཐེག་པ་ཆེན་པོའི་སྔགས་བླ་མེད་ཀྱི་སྐབས་འདི་རུ་ནི། སྣོད་བཅུད་ཀྱིས་བསྡུས་པའི་ཆོས་འདི་དག་རང་བཞིན་ལྷ་དང་ལྷ་མོའི་ཚུལ་དུ་རང་ཆས་བཞུགས་པར་བལྟ་སྟེ། གསང་སྙིང་ལས། །རྡོ་རྗེ་ཕུང་པོའི་ཡན་ལག་ནི། །རྫོགས་པའི་སངས་རྒྱས་ལྔ་རུ་གྲོལ། །སྐྱེ་མཆེད་ཁམས་རྣམས་མང་པོ་ཀུན། །བྱང་ཆུབ་སེམས་དཔའི་དཀྱིལ་འཁོར་ཉིད། །ས་ཆུ་སྤྱན་དང་མ་མཱ་ཀི། །མེ་རླུང་

― ZP04_Page_033 ―

^{[མ་དཔེ་གཟིགས་ན་འདིར་གནོན།]}

[Full Size]

གོས་དཀར་དམ་ཚིག་སྒྲོལ། །ནམ་མཁའ་དབྱིངས་ཀྱི་དབང་ཕྱུག་མ། །སྲིད་གསུམ་ཡེ་ནས་སངས་རྒྱས་ཞིང༌། །ཐམས་ཅད་མ་ལུས་ཆོས་སོ་ཅོག །སངས་རྒྱས་ཉིད་ལས་གཞན་མ་ཡིན། ཞེས་དང༌། བརྟགས་གཉིས་ལས། སེམས་ཅན་རྣམས་ནི་སངས་རྒྱས་ཏེ། །འོན་ཀྱང་གློ་བུར་དྲི་མས་བསྒྲིབས། དེ་བསལ་ན་ནི་སངས་རྒྱས་དངོས། ཞེས་དང༌། རྨད་བྱུང་རྒྱལ་པོའི་རྒྱུད་ལས། །བདག་དང་མཐའ་ཡས་སེམས་ཅན་རྣམས། །ཡེ་ནས་སངས་རྒྱས་ཡིན་པ་ལ། །ཡིན་པར་ཤེས་པའི་བདག་ཉིད་དུ། །བྱང་ཆུབ་མཆོག་ཏུ་སེམས་བསྐྱེད་དོ། །ཞེས་སོ། །དེ་ལྟར་རྟེན་ཆོས་ཀུན་རྫོབ་ཀྱི་ངོས་ནས་སྔགས་ཀྱི་ལྟ་བ་མདོ་ལས་འཕགས་པའི་རྒྱུ་མཚན་གྱིས། དེ་ཉིད་ཀྱིས་སྣང་གཞི་སྟོང་ཉིད་ཀྱང་སྤྲོས་བྲལ་ཡིན་པ་འདྲ་ཡང༌། །འདིར་དོན་དམ་དཀོར་བདུན་ངོ་བོ་ཉིད་ལྷུན་གྱིས་གྲུབ་པའི་རྣམ་ཀུན་མཆོག་ལྡན་གྱི་སྟོང་ཉིད་ལ་འདོད་པ་ཡིན་ཏེ། ལམ་རིམ་ལས། །བླ་མེད་ཐེག་པའི་ནང་ནས་ནི། །དོན་དམ་དུ་ནི་དབྱེར་མེད་ལ། །ཀུན་རྫོབ་ཏུ་ནི་ཐམས་ཅད་ལ། །དག་དང་མ་དག་གཉིས་ཀར་འཛིན། །ཐབས་ཀྱི་ལྟ་སྤྱོད་ཆེན་པོ་ནི། །རྣམ་པར་བྱང་དང་སྡུག་བསྔལ་དག །ཀུན་རྫོབ་ཏུ་ཡང་དབྱེར་མེད་ལ། ལྟ་བ་མཐོ་དམན་དེ་ཙམ་མོ། །ཞེས་གསུངས་སོ། །གཉིས་པ་ལམ་བསྒོམ་པ་ཉམས་སུ་ལེན་ཚུལ་ལ། ཀུན་སློང་ནི་སྔགས་ནང་པ་གསུམ་མཚུངས་པར་ཚེ་

― ZP04_Page_034 ―

^{[མ་དཔེ་གཟིགས་ན་འདིར་གནོན།]}

[Full Size]

ལུས་འདི་ཉིད་ལ། རང་གཞན་གྱི་ཕན་བདེ་རླབས་པོ་ཆེ་སྒྲུབ་པའི་ཕྱིར་འབྲས་བུ་རྡོ་རྗེ་འཆང་གི་གོ་འཕང་ཐོབ་པར་འདོད་པའོ། །འཇུག་སྒོ་ནི། རྒྱུད་ཕྱི་མ་ལས། སློབ་དཔོན་གསང་བ་ཤེས་རབ་དབང༌། དེ་མ་ཐག་པ་བཞི་པ་སྟེ། ཞེས་གསུངས་པ་ལྟར། བུམ་སོགས་དབང་བཞི་དང༌། ཡང་ན་བུམ་དབང་ལ་འཕན་ནུས་གཉིས་སུ་ཕྱེ་བས་ལྔར་འགྱུར་བའོ། །དེ་ཡང་ཕྱི་ཕན་པའི་དབང་བཅུ། ནང་ནུས་པའི་དབང་ལྔ། །གསང་བ་ཟབ་མོའི་དབང་གསུམ་སྟེ། དེ་དག་ལེགས་པར་ཐོབ་པས་རང་རྒྱུད་སྨིན་པར་བྱེད་པ་ཡིན་ནོ། །དེ་ལྟར་ཞུགས་ནས་ལམ་གྱི་རིམ་པ་ཉམས་སུ་ལེན་ཚུལ་ལ། རྒྱལ་པོ་ཨིནྡྲ་བྷུ་ཏིས་རིམ་གཉིས་ལས། སངས་རྒྱས་རྣམས་ཀྱི་ཆོས་བསྟན་པ། །རིམ་པ་གཉིས་ལ་ཡང་དག་གནས། །བསྐྱེད་པ་ཡི་ནི་རིམ་པ་དང༌། །རྫོགས་པ་ཡི་ནི་རིམ་པའོ། །ཞེས་གསུངས་པ་ལྟར། ཀུན་བཏགས་བསྐྱེད་པའི་རིམ་པའི་རྣལ་འབྱོར་དང༌། ཡོངས་གྲུབ་རྫོགས་པའི་རིམ་པའི་རྣལ་འབྱོར་ཏེ་ལམ་རིམ་པ་གཉིས་སུ་ཡོད་པ་ལས། དང་པོ་བསྐྱེད་པ་ནི་སྐྱེ་བའི་བག་ཆགས་དག་བྱེད་ཐ་མལ་སྣང་ཞེན་མཚན་རྟོག་ལྷའི་རང་བཞིན་དུ་འགོགས་པའི་ཐབས་ཏེ། །ཡོན་ཏན་མཛོད་ལས། བསྐྱེད་རིམ་གྱིས་ནི་སྣང་བའི་བདེན་ཞེན་འགོག །ཅེས་གསུངས་སོ། །སྐྱེ་བ་དེ་ཡང་ཡ་ཀི་སྲིད་རྩེ་ནས་མ་ཀི་མནར་མེད་ཀྱི་བར་ན་གནས་པའི་འགྲོ་བ་འདི་དག་སྐྱེ་གནས་རྣམ་པ་བཞི་གང་རུང་གིས་བསྡུས་པའི་ཕྱིར། །དེ་སྦྱོང་བྱེད་ཀྱི་བསྐྱེད་རིམ་ཡང་བཞིར་གསུངས་ཏེ། །ཇི་སྐད་དུ་

― ZP04_Page_035 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་སྒྱུ་འཕྲུལ་དྲྭ་བ་ལས། སྐྱེ་གནས་བཞི་པོ་དག་བྱའི་ཕྱིར། །བསྐྱེད་པའང་དེ་བཞིན་རྣམ་པ་བཞི། །སྤྲོས་བཅས་སྤྲོས་དང་སྤྲོས་པ་མེད། །ཤིན་ཏུ་སྤྲོས་པ་མེད་བཞིའོ། །ཞེས་གསུངས་པ་ལྟར། །བཞི་ལས། དང་པོ། །ལས་དང་པོ་བའི་གང་ཟག་དབང་པོ་ཐ་མའི་བསྒོམ་བྱ་སྒོང་སྐྱེས་ཀྱི་བག་ཆགས་དག་བྱེད་སྤྲོས་ཅན་རྣམ་རྒྱས་པ་ཆེན་པོའི་བསྐྱེད་རིམ་ནི། རྒྱུའི་ཧེ་རུ་ཀ་ལས། འབྲས་བུའི་རྡོ་རྗེ་འཛིན་པའི་རྣམ་པར་བཞེངས་པ་བདག་སྲས་གཞན་སྲས་ཀྱི་སྒོ་ནས་བསྐྱེད་པ་སྟེ། སྒྲུབ་སྡེ་བཀའ་བརྒྱད་བདེར་འདུས་ལྟ་བུ་དང༌། རྒྱུད་སྡེར་ལྟར་ན་རྒྱུ་འཕྲུལ་ཁྲོ་བོ་ལྟ་བུ་ཡི། དེ་ཡང་སྔ་མས་ཁ་དག་སྲས་ཡན་ལག་ལྔ་དང༌། གཞན་སྲས་ཡན་ལག་བརྒྱད་ཀྱི་སྒོ་ནས་བསྐྱེད་པ་དང༌། ཕྱི་མ་ལྟར་ན་སྔ་ཕྱི་གཉིས་ཀ་བསྐྱེད་བྱེད་རྡོ་རྗེའི་ཆོ་ག་གསུམ་ཡིན་ནོ། །ཅུང་ཟད་བརྟན་པ་ཐོབ་པའི་གང་ཟག་དང༌། དབང་པོ་འབྲིང་གིས་མངལ་སྐྱེས་ཀྱི་བག་ཆགས་དག་བྱེད་སྤྲོས་པའམ་རྒྱས་པའི་བསྐྱེད་རིམ་ལས། ཕ་རྒྱུད་ལྟར་རྡོ་རྗེའི་ཆོ་ག་གསུམ་གྱིས་བསྐྱེད་པ་དང༌། མ་རྒྱུད་ལྟར་མངོན་བྱང་བཞིའམ་ལྔའི་བསྒོ་ནས་བསྐྱེད་པ་སྟེ། དེ་དག་གི་གཙོ་བོ་མ་ཧཱ་ཡོ་གའི་སྒོམ་ཚུལ་གྱི་བསྐྱེད་རིམ་སྟེ། །ཀུན་མཁྱེན་ཆེན་པོའི་དགོངས་པ་དེ་ལ་ལྷ་སྐུ་ཞལ་ཕྱག་དང་བཅས་སྤྲུལ་པའི་བསྐྱེད་རིམ་ཞེས་བསྐྱེད་རིམ་མཚན་ཉིད་པ་ཡིན་ནོ། །བརྟན་པ་ཐོབ་པའི་གང་ཟག་དང་དབང་པོ་རབ་ཀྱི་བསྒོམ་བྱ་དྲོད་གཤེར་སྐྱེས་ཀྱི་བག་ཆགས་དག་བྱེད་ཨ་ནུའི་སྒོམ་ཚུལ། སྤྲོས་མེད་འབྲིང་གི་བསྐྱེད་རིམ་སྙིང་པོའམ་བསྐྱེད་སྔགས་བརྗོད་པ་ཙམ་

― ZP04_Page_036 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་རྟེན་དང་བརྟེན་པའི་དཀྱིལ་འཁོར་མ་ལུས་པ་བསྐྱེད་པ་དེ་ལ། ཡུལ་སྣང་བདེན་མེད་དུ་ཤེས་པ་སྒྱུ་མའི་བསྐྱེད་རིམ་ཞེས་བྱའོ། །ཏིང་ངེ་འཛིན་ཤིན་ཏུ་གོམས་པའི་གང་ཟག་དང་དབང་པོ་ཡང་རབས་ཀྱིས་བསྒོམ་བྱ། བརྫུས་སྐྱེས་ཀྱི་བག་ཆགས་དག་པར་བྱེད་པ་ལ། ཨ་ཏིའི་བསྒོམ་ཚུལ་བསྐྱེད་རིམ་ཤིན་ཏུ་སྤྲོས་མེད་དམ་བསྡུས་པའི་བསྐྱེད་རིམ་སྐད་ཅིག་དྲན་རྫོགས་སུ་བསྒོམ་པ་དེ་ལ་ལྷུན་གྲུབ་སྣང་སྟོང་དུ་ཤར་བ་ཟབ་མོའི་བསྐྱེད་རིམ་ཞེས་བྱའོ། །དེ་ཡང་སེམས་ཉིད་ངལ་བསོ་ལས། དེ་ལྟར་བསྒོམ་ཚུལ་རྣམ་ལ་བཞི་པོ་སོང་ནས་དཀྲོང་བསྐྱེད་བྱ། ཞེས་སོ། །དེ་དག་ཇི་ལྟར་ཉམས་སུ་ལེན་ཚུལ་ལ། སྔ་འགྱུར་རྙིང་མ་རིང་ལུགས་ལྟར་ན་རྒྱུ་མཚན་ཉིད་ཀྱི་ཐེག་པ་ལམ་རིམ་གྱིས་སྔོན་འགྲོའི་རྐང་ཚུགས་པར་བྱས་ཏེ། རྒྱུའི་དབང་ཟབ་མོས་རང་རྒྱུད་ལེགས་པར་སྨིན་ཅིང༌། དེ་དང་འབྲེལ་བར་ཀུན་གཞིའི་རྒྱུ་རྒྱུད་ཇི་ལྟ་བར་རྟོགས་པའི་ལྟ་བ་འཁོར་འདས་དབྱེར་མེད་དུ་རྟོགས་ཤིང་གཞི་དམ་ཚིག་རྣམ་པར་དག་པ་ལ་གནས་པའི་གང་ཟག་གིས་ཏིང་ངེ་འཛིན་རྣམ་པ་གསུམ་གྱིས་བསྐྱེད་རིམ་གྱི་ཁོག་ཕུབ། ཇི་ལྟར་བསྐྱེད་པའི་ངོ་བོར་དག་རྫོགས་སྨིན་གསུམ་ཚངས་པར་བྱ། དེ་ལྟར་བསྐྱེད་ཟིན་པ་དེ་འང་སྲོག་སྡོམ་གཟེར་བཞིའི་མན་ངག་གིས་རྒྱས་ཐེབ་པ་ཞིག་ནི་བསྐྱེད་རིམ་གྱི་གནད་གལ་པོ་ཆེ་ཡིན་ནོ། །དེ་ལ་ཡང་ལམ་ངེས་རྫོགས་སུ་བྱ་བ་དང༌། མོས་སྒོམ་དུ་བྱ་བ་སྟེ་གཉིས་སུ་ཡོད་པ་ལས། ངེས་རྫོགས་ཚེ་འདིར་གསང་ཆེན་རྡོ་རྗེ་ཐེག་པའི་ལམ་ནས་དངོས་གྲུབ་རྣམ་གཉིས་དོན་དུ་གཉེར་བ་ཞིག་ཡིན་ན་ནི།

― ZP04_Page_037 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་ངེས་རྫོགས་སུ་བསྒོམ་པ་ལ་ནན་ཏན་དུ་བརྩོན་དགོས་པའི་ཕྱིར་དེ་དག་གི་རྣམ་བཞག་རྒྱས་པར་རྟོགས་འདོད་ན་དཔལ་ལྡན་སྒྱུ་འཕྲུལ་དྲྭ་བ་དང་བསྐྱེད་རིམ་འོག་མིན་བསྒྲོད་པའི་ཐེམ་སྐས་སོགས་ལ་ཡི་དམ་དུ་བྱའོ། །གཉིས་པ་རྫོགས་རིམ་ནི། འཆི་བའི་རིམ་པའི་བག་ཆགས་དག་བྱེད་དང༌། གྱ་ནོམ་ལྷར་ཞེན་གྱི་མཚན་རྟོག་གཉིས་སུ་མེད་པའི་ཡེ་ཤེས་སུ་སྡོམ་པ་སྟེ། ཇི་སྐད་དུ། རྫོགས་རིམ་གྱིས་ནི་སྒྱུ་མའི་ཞེན་འཛིན་སྤོངས། ཞེས་སོ། །དེ་ལ་དབྱེ་ན་མཚན་བཅས་དང་མཚན་མེད་ཀྱི་རྫོགས་རིམ་གཉིས་ལས། དང་པོ་ལའང་དབེན་གསུམ་སོགས་ཕ་རྒྱུད་ཀྱི་རིམ་ལྔ་དང༌། གཏུམ་མོ་སོགས་མ་རྒྱུད་ཀྱི་ཆོས་དྲུག་སོར་སྡུད་སོགས་གཉིས་མེད་རྒྱུད་ཀྱི་སྦྱོར་དྲུག་སོགས་རྣམ་བཞག་མང་དུ་ཡོད་ཀྱང་དོན་ལ་བསྐྱེད་རིམ་ལ་བརྟན་པ་ཐོབ་ནས་རྡོ་རྗེའི་ལུས་ལ་གནད་དུ་བསྣུན་ཏེ་རྩ་ཐིག་རླུང་གསུམ་ལས་སུ་རུང་བ་ལ་བརྟེན་ནས་སྟོང་བཞིས་དྲངས་པའི་འོད་གསལ་དང༌། དགའ་བཞིས་དྲངས་པའི་ལྷན་སྐྱེས་ཡེ་ཤེས་གང་རུང་མངོན་སུམ་དུ་རྟོགས་པ་ནི་རྫོགས་རིམ་གྱིས་མཐིལ་ཡིན་ནོ། །གསུམ་པ་དེའི་འབྲས་བུ་ནི། ཐུན་མོང་གྲུབ་པ་བརྒྱད་སོགས་དང༌། མཆོག་གི་དངོས་གྲུབ་གནས་སྐབས་ལམ་གྱུར་གྱི་འབྲས་བུ་རིག་འཛིན་བཞི་དང༌། མཐར་ཐུག་ལམ་མཐར་ཕྱིན་པའི་འབྲས་བུ་ཟུང་འཇུག་རྡོ་རྗེ་འཆང་གི་གོ་འཕང་སྐུ་ལྔ་ལ་སོགས་པའི་འབྲས་ཆོས་ཉེར་ལྔའི་བདག་ཉིད་ལ་དབང་བསྒྱུར་ཏེ་འཁོར་བ་ཇི་སྲིད་ཀྱི་བར་དུ་འགྲོ་བའི་དོན་རྟགས་ཁྱབ་ལྷུན་གྲུབ་ཆེན་པོར་མཛད་པ་ཡིན་ནོ། །

― ZP04_Page_038 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་གསུང་རྒྱུད་ལུང་ཨ་ནུ་ཡོ་གས་གཞི་ལྟ་བས་གཏན་ལ་འབེབས་ཚུལ་ནི། དགོངས་འདུས་ལས། ཐམས་ཅད་བདག་ཉིད་རོ་གཅིག་པས། ཡེ་ནས་སངས་རྒྱས་བདེ་ཆེན་ཉིད། སྐྱེ་འགགས་མེད་པའི་སྙིང་པོ་ཡིས། བྱ་བྱེད་མེད་པའི་དཀྱིལ་འཁོར་གསུམ། །ཡེ་ནས་གྲུབ་ཟིན་ལྷུན་གྱིས་གྲུབ། །ཅེས་པའི་སྤྱི་དོན་གསལ་སྒྲོན་ལས། །དེ་ཡང་དཀྱིལ་འཁོར་རྣམ་པ་གསུམ་གང་ཞེ་ན། སྣང་སྲིད་འཁོར་འདས་ཀྱིས་བསྡུས་པའི་ཆོས་ཐམས་ཅད་སེམས་ཀྱི་རོལ་རྩལ་དུ་འདུས་ཤིང༌། སེམས་སྐྱེ་མེད་སྤྲོས་པ་དང་བྲལ་བ་ནི་ཀུན་ཏུ་བཟང་མོའི་མཁའ་ཀློང་རྣམ་པར་དག་པ་ཡེ་ཇི་བཞིན་པའི་དཀྱིལ་འཁོར་དང༌། དེ་ཉིད་ཐམས་ཅད་དུ་མ་འགགས་པའི་རང་སྣང་རིས་མེད་ཀུན་ཁྱབ་དུ་ཤར་བ་ནི་ཀུན་ཏུ་བཟང་པོ་རང་བྱུང་ཡེ་ཤེས་ལྷུན་གྱིས་གྲུབ་པའི་དཀྱིལ་འཁོར་ཡིན་ལ། དེ་གཉིས་ཀྱང་ངོ་བོ་ཐ་མི་དད་པ་ཟུང་འཇུག་ཏུ་གནས་པ་ནི། དབྱིངས་དང་ཡེ་ཤེས་གཉིས་སུ་མེད་པའི་སྲས་བདེ་བ་ཆེན་པོ་རྩ་བ་བྱང་ཆུབ་སེམས་ཀྱི་དཀྱིལ་འཁོར་ཞེས་སོ། །དེ་ལྟར་ཆོས་ཐམས་ཅད་ཀྱི་གཤིས་ལུགས་དཀྱིལ་འཁོར་གསུམ་དུ་གནས་པ་ཉིད་རྟོག་དཔྱོད་ཀྱི་རྗེས་སུ་འཇུག་པའི་ལྟ་བས་གཏན་ལ་ཕེབ་པ་དེ་ཡང་ཆོས་ཅན་ཤེས་བྱའི་དོན་ལ་ཤེས་བྱའི་རིག་པའི་གཏན་ཚིག་རྣམས་ཀྱིས་སོ་སོར་བརྟགས་པས་ཆོས་ཐམས་ཅད་ཀྱི་གནས་ལུགས་དཀྱིལ་འཁོར་གསུམ་ཇི་ལྟ་བར་གཏན་ལ་ཕེབ་སྟེ་རྟོགས་པར་བྱ་བ་ཡིན་ནོ། ༈ གཉིས་པ་ལམ་བསྒོམ་པས་ཉམས་སུ་ལེན་ཚུལ་ལ། འཇུག་སྒོ་ནི།

― ZP04_Page_039 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་འདུས་ལས། །ཕྱིའི་དབང་དང་ནང་གི་དབང༌། སྒྲུབ་པའི་དབང་དང་གསང་བའི་དབང༌། བཅུ་དང་བཅུ་གཅིག་བཅུ་གསུམ་དང༌། རྣམ་པ་གཉིས་ཀྱིས་རྫོགས་པར་འགྱུར། ཞེས་པས་ཕྱི་དབང་རྒྱུད་ཀྱི་ཆུ་བོ་ལ་དབང་བཅུ་དང༌། ནང་དབང་འབྱུང་བའི་ཆུ་བོ་ལ་བཅུ་གཅིག །སྒྲུབ་དབང་གྲགས་པའི་ཆུ་བོ་ལ་བཅུ་གསུམ། གསང་དབང་རྫོགས་པའི་ཆུ་བོ་ལ་གཉིས་ཏེ་དབང་མཆོག་སུམ་ཅུ་རྩ་དྲུག་བསྐུར་ཏེ་རྒྱུད་སྨིན་པར་བྱེད་པའོ། །གཉིས་པ་ལམ་གྱི་རིམ་པ་ཉམས་སུ་ལེན་ཚུལ་ལ། དོན་གྱི་རྗེས་སུ་འཇུག་པ་རྣམ་པར་མི་རྟོག་པའི་ཏིང་ངེ་འཛིན་ནི། ཆོས་ཉིད་སྙིང་པོ་ཇི་བཞིན་པའི་ངང་ལ་མཉམ་པར་འཇོག་པ་ཡིན་ནོ། །ཡི་གེའི་རྗེས་སུ་འཇུག་པ་མཚན་བཅས་ལྷའི་ཏིང་འཛིན་སྒོམ་པ་ནི། གོང་ལྟར་བསྐྱེད་སྔགས་བརྗོད་པ་ཙམ་གྱིས་རྟེན་དང་བརྟེན་པའི་འཁོར་ལོར་སྒོམ་པ་སྟེ་ཚོགས་ཆེན་འདུས་པ་ལྟ་བུའོ། །དེ་དག་ཀྱང་འགྲེལ་བ་ལུང་བསྟན་མ་ལས། དེ་རིན་འཇུག་པ་རྣམ་གསུམ་སྟེ། རྟོག་དཔྱོད་དོན་དང་ཡིག་རྗེས་འཇུག །ཅེས་སོ། །རྫོགས་རིམ་སྟེང་འོག་གི་སྒོ་ལ་བརྟེན་ནས་བདེ་སྟོང་གི་ཡེ་ཤེས་བསྐྱེད་པ་སྟེ་ལམ་རིམ་པ་གཉིས་བསྒོམ་པས་ས་དང་པོ་འགྱུར་བ་མ་ངེས་པའི་ས་དང༌། གཉིས་པ་བསྟན་པ་གཞི་ལ་མ་ངེས་པའི་ས་དང༌། གསུམ་པ་གལ་ཆེན་སྦྱོང་བ་མ་ངེས་པའི་ས་དང༌། བཞི་པ་བསླབ་པ་རྒྱུན་གྱི་ས་དང༌། ལྔ་པ་བསོད་ནམས་ཀྱི་རྟེན་ལ་མ་ངེས་པའི་ས་དང༌། དྲུག་པ་བརྟེན་པའི་ཁྱད་པར་དུ་

― ZP04_Page_040 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོ་བ་ལ་མ་ངེས་པའི་ས་དང༌། བདུན་པ་དམིགས་པའི་འབྲས་བུ་སྐྱེ་བ་ལ་མ་ངེས་པའི་ས་དང༌། བརྒྱད་པ་གནས་པ་མི་འགྱུར་བ་ལ་མ་ངེས་པའི༴་དགུ་པ་བརྡལ་བ་ཆོས་ཉིད་ལ་མ་ངེས༴་བཅུ་པ་རྫོགས་པ་ཅིར་ཆིབས་ཀྱིས་ཏེ་བཅུ་ལས། དང་པོ་གཉིས་ཚོགས་ལམ་འདུན་པ་སེམས་པའི་རྣལ་འབྱོར་གྱིས་བསྡུས། གསུམ་པ་བཞི་པ་ལྔ་པ་གསུམ་སྦྱོར་ལམ་རིག་ཆེན་འབྱིན་པའི་རྣལ་འབྱོར༴་དྲུག་པ་མཐོང་ལམ་དབུགས་ཆེན་འབྱིན་པའི༴་བདུན་པ་སྒོམ་ལམ་ལུང་ཆེན་ཐོབ་པའི༴་བརྒྱད་པ་དགུ་པ་བཅུ་པ་གསུམ་མཐར་ལམ་རྩལ་ཆེན་རྫོགས་པའི་རྣལ་འབྱོར་གྱིས་བསྡུས་པའི་སློབ་ལམ་རྣམས་མཐར་ཕྱིན་ཏོ། །གསུམ་པ་འབྲས་བུ་ཐོབ་ཚུལ་ནི། མི་སློབ་པའི་ལམ་འབྲས་བུ་ཀུན་ཏུ་བཟང་པོའི་གོ་འཕང་ཐོབ་པ་ཡིན་ནོ། །དེ་ཡང་ས་བཅུ་པོ་དེ་དག་འདུན་པ་སྐྱེ་བ་ལ་སོགས་པའི་སྐབས་བཅུར་སྤངས་བྱ་རྐྱེན་གྱུར་ལས་ཀྱི་བག་ཆགས་ཕྲ་རགས་ལ་སོགས་པ་བཅུ་པོ་འདི། གཉེན་པོ་གཡོ་བ་བྱང་ཆུབ་ཀྱི་སེམས་སོགས་བཅུ་པོས་སྤོངས་པའི་དཔེ་སྐར་མར་རབ་རིབ་ལ་སོགས་པ་བཅུ་དང་སྦྱོར་ཚུལ་ཡོད་པས་དེ་དག་གི་རྣམ་བཞག་ལྗོན་ཤིང་གི་རྣམ་བཞག་གི་ལེའུ་དང༌། རྩ་རྒྱུད་ཀུན་འདུས་ཀྱི་ལེའུ་གཉིས་པ་ལ་སོགས་པས་ཤེས་པར་བྱའོ།། ༈ གསུམ་པ་བསྐྱེད་རྫོགས་གཉིས་སུ་མེད་པའི་ཡེ་ཤེས་གཙོ་བོར་སྟོན་པ་ཐུགས་རྒྱུད་རྫོགས་པ་ཆེན་པོ་ཨ་ཏི་ཡོ་གས་གཞི་ལྟ་བས་གཏན་ལ་འབེབས་ཚུལ་ནི། གང་དུ་བཤད་པའི་ཀུན་གཞི་རྒྱུ་རྒྱུད་ངོ་འཕྲོད་པའི་ལྟ་བ་དེ་

― ZP04_Page_041 ―

^{[མ་དཔེ་གཟིགས་ན་འདིར་གནོན།]}

[Full Size]

གཞིར་བཞག་ལ། ཁྱད་པར་གྱི་ཆོས་ནི། ཨ་ནུ་མན་ཆད་ཀྱི་ཐེག་པ་བརྒྱད་པོས་སེམས་ལམ་དུ་བྱེད་པ་ཡིན་ལ། རྫོགས་ཆེན་གྱི་སྐབས་འདིར་ནི་སེམས་རིག་པ་གཉིས་ཀྱི་ཤན་འབྱེད་དེ་སེམས་ལས་འདས་པའི་རིག་པ་སྐད་ཅིག་མ་འདི་ཀའི་ངོ་བོ་སྟོང་པ་ཆོས་སྐུ། གསལ་བ་ལོངས་སྐུ། ཐུགས་རྗེ་ཀུན་ཁྱབ་རིག་པ་སྤྲུལ་སྐུ་གསུམ་གྱི་རང་ཞལ་ཡོན་ཏན་མཛོད་ཀྱི་ལེའུ་བཅུ་གཉིས་པར་གསུངས་བ་བཞིན། མཆན། ལ་གཉིས་སུ་མེད་པར་བལྟ་བ་ཡིན་ནོ། །དེ་ཡང་རིག་འཛིན་འཇིགས་མེད་གླིང་བས། གང་དག་སེམས་ལས་འདས་པའི་རིག་པ་ནི། རང་བཞིན་རྫོགས་པ་ཆེན་པོའི་ཁྱད་ཆོས་ཡིན། །ཞེས་སོ། །གཉིས་པ་ལམ་བསྒོམ་པ་ཉམས་སུ་ལེན་ཚུལ་ལ། འཇུག་སྒོ་ནི། དབང་བཞི་བརྩལ་དུ་བཏོན་ཏེ་རིག་པའི་རྩལ་དབང་བཞི་སྟེ། རྫོགས་པ་རང་བྱུང་ལས། །སྤྲོས་བཅས་སྤྲོས་པ་མེད་པ་དང༌། །ཤིན་ཏུ་སྤྲོས་མེད་རབ་སྤྲོས་མེད། །དབང་བཞི་རྣམ་པ་བཞི་ཡིས་ཀྱང༌། །སྐལ་པར་ལྡན་པ་སྨིན་པར་བྱས། །ཞེས་སོ། །ཞུགས་ནས་ལམ་གྱི་རིམ་པ་ཉམས་སུ་ལེན་ཚུལ་ལ། ལེ་ལོ་ཅན་འབད་མེད་དུ་གྲོལ་བ་ཀ་དག་ཁྲེག་ཆོད་ཀྱི་ལམ་དང༌། བརྩོན་འགྲུས་ཅན་འབད་བཅས་སུ་གྲོལ་བ་ལྷུན་གྲུབ་ཐོད་སྒལ་གྱི་ལམ་ཏེ་གཉིས་ལ་གོམས་པར་བྱ་བ་ཡིན་ནོ། །གསུམ་པ་དེའི་འབྲས་བུ་ཇི་ལྟར་ཐོབ་ཚུལ་ནི། གང་ཟག་དབང་པོ་ཡང་རབ་དང་བརྩོན་འགྲུས་མཆོག་ཏུ་གྱུར་བ་ཡིན་ནོ་ལུས་ཁམས་སྐྱེ་གནས་ཀྱི་ཟག་པ་ཐམས་ཅད་ཟད་དེ་ལུས་མ་བོར་བར་སངས་རྒྱས་ཏེ་འཕོ་མེད་རྡོ་རྗེའི་སྐུ་

― ZP04_Page_042 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲུབ་པ་སྟེ་ཨོ་རྒྱན་སངས་རྒྱས་གཉིས་པ་ལྟ་བུ་ཡིན་ནོ། །དེ་ཙམ་མ་བྱུང་ཡང་མེ་དཔུང་དང་མཁའ་འགྲོའི་འཆི་ལུགས་སོགས་ཀྱིས་ལུས་འོད་ལུས་སུ་དེངས་པ་སོགས་གང་ལྟར་ཡང་ཟུང་འཇུག་རྡོ་རྗེ་འཆང་གི་གོ་འཕང་ལ་དབང་བསྒྱུར་པ་ཡིན་ནོ། །དེ་ལྟར་ཐེག་དགུའི་རྣམ་བཞག་གིས་བཅད་འཇོག་ཚུལ་འདི་ནི་འགྲེལ་བ་རང་གི་བབ་དང་བསྟུན་པ་ཙམ་ལས་དངོས་གནས་ནི་མ་ཡིན་ནོ། །དེས་ན་བཀའ་བརྒྱད་པ་དེར་འདུས་ཀྱིས་བཅད་ཙམ་གྱི་ཆིངས་ལས་ཇི་ལྟར་གསང་བ་ལྟར་ཐེག་དགུའི་འཇུག་སྒོ་ལྟ་བ་ལ་སོགས་པའི་ས་བཅད་ཀྱི་ཆིངས་སུ་གསུང་པ་གསང་བདག་ཞལ་ལུང་གི་སྔོན་འགྲོ་སྤྱིའི་རྣམ་བཞག་འཆད་པའི་སྐབས་སུ་ཇི་ལྟར་བྱུང་བ་བཞིན་དུ་ཤེས་པར་བྱ་བ་ཤིན་ཏུ་ལེགས་སོ།། །དགེའོ། །དགེའོ།།

སྡོམ་གསུམ་རྣམ་ངེས་ལས་བྱང་སེམས་ལེའུའི་ཉེས་སྤྱོད་སྡོམ་པའི་ཚུལ་ཁྲིམས་ཡན་གྱི་འབྲུ་འགྲེལ།

― ZP04_Page_043 ―

^{[མ་དཔེ་གཟིགས་ན་འདིར་གནོན།]}

[Full Size]

སྡོམ་གསུམ་རྣམ་ངེས་ལས་བྱང་སེམས་ལེའུའི་ཉེས་སྤྱོད་སྡོམ་པའི་ཚུལ་ཁྲིམས་ཡན་གྱི་འབྲུ་འབྲེལ་བཞུགས། །

― ZP04_Page_044 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་པ་བྱང་ཆུབ་སེམས་དཔའི་སྡེ་སྣོད་ཀྱི་བསྟན་བཅོས་འདི་ལ། དང་པོ་ཁོག་ཕུབ་གླེང་གཞི་བཤད་པ། སྡོམ་པ་མ་ཐོབ་པ་ཐོབ་པར་བྱེད་པ་དང༌། ཐོབ་པ་མི་ཉམས་པར་བསྲུང་བའི་ཚུལ་དང༌། ཉམས་ན་ཕྱིར་བཅོས་པའི་ཐབས་གསུམ་མོ། །གླེང་གཞི་ལ་ཡང༌། སྟོན་པ་སངས་རྒྱས་ཀྱིས་གསུངས་ཚུལ་དང༌། རྗེས་འཇུག་གིས་སྤེལ་ཚུལ་དང༌། སྡོམ་པའི་ངོ་བོ། །དབྱེ་བ་སྟེ་བཞིའོ། །དང་པོ་ནི། བསྐལ་བཟང་འགྲོ་བའི་སོགས་རྐང་པ་གསུམ་གྱི་དོན་ནི། བསྐལ་བཟང་ཞེས་པ་གནས་དང་དུས་གྱི་བསྐལ་པ་སོགས་ཡོད་ཀྱང་འདིར་དུས་ཀྱི་བསྐལ་པ་སྣོད་བཅུད་ཀྱི་ཆགས་གནས་འཇིག་སྟོང་བཞིའི་རེ་རེ་ལ་བར་གྱི་བསྐལ་པ་ཉི་ཤུ་སྟེ་བར་བསྐལ་

― ZP04_Page_045 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱད་ཅུ་ལ་བསྐལ་ཆེན་གཅིག་སྟེ། བསྐལ་ཆེན་ལ་སྒྲོན་བསྐལ་དང་མུན་བསྐལ་གཉིས་སུ་ཡོད་པ་ལས། སྔོན་གཙང་མ་རིས་ཀྱི་ལྷ་རྣམས་ཀྱིས་བལྟས་པས་སྟོང་གསུམ་འདི་ཡང་སྟོང་སྟེ་ཆུ་ཆེན་པོ་གཅིག་གི་འཁོར་ཡུག་ཏུ་གྱུར་ཚེ་མེ་ཏོག་སྟོང་སྐྱེས་པ་མཐོང་བས་ན་དེའི་ཚེ་ལྷ་རྣམས་ཀྱི་བསྐལ་པ་བཟང་པོའོ་ཞེས་བཏགས་སོ། །འགྲོ་བ་ནི་རིགས་དྲུག་གི་སེམས་ཅན་ནོ། །འདྲེན་པ་ནི། དེ་དག་སོ་སོའི་སྡུག་བསྔལ་ལས་འདྲེན་པས་ན་འདྲེན་པ། ཐུབ་པ་ནི་སོ་སོའི་སྐྱེ་བོས་ལུས་ངག་གི་མི་དགེ་བ་རྣམས་ཤུགས་ཀྱི་ཐུབ་པའི་གོ་ཆ་ལ་བསྟེན། སངས་རྒྱས་ཀྱི་སྐུ་གསུང་ཐུགས་ཀྱི་ཉེས་སྤྱོད་ལས་བསྲུང་མི་དགོས་ཞིང་ཐུབ་པའོ། །ཆེན་པོ་ནི་ཕྱི་རོལ་ལྷའི་དྲང་

― ZP04_Page_046 ―

^{[མ་དཔེ་གཟིགས་ན་འདིར་གནོན།]}

[Full Size]

སྲོང་ཐུབ་པ་ལྟ་བུ་ལས་ཆེས་ལྷག་པས་ན་ཆེན་པོ་དེ་ཉིད་ཡིན་ཞེས་སྟོན་པ་ཕུན་སུམ་ཚོགས་པའོ། །དེས་བཀའ་དང་པོ་བདེན་བཞིའི་ཆོས་ཀྱི་འཁོར་ལོ་བསྐོར་ནས། །བར་པ་མཚན་ཉིད་མེད་པའི་ཆོས་འཁོར་ནི། བྱ་རྒོད་ཕུང་པོ་དང་ཡངས་པ་ཅན་སུམ་ཅུ་རྩ་གསུམ་སོགས་ཀྱི་གནས་ཕུན་སུམ་ཚོགས་པ་བསྟན། དེ་ཡང་འཁོར་ལྷ་ཀླུ་དྲི་ཟ་མི་སོགས་བྱང་ཆུབ་སེམས་དཔའི་རིགས་ཅན་གྱི་འཁོར་མ་ངེས་པ་རྣམས་ཀྱི་འཁོར་ཕུན་སུམ་ཚོགས་པ་བསྟན། ཤིན་ཏུ་རྒྱས་པའི་སྡེ་སྣོད་ཅེས་པ་ནི། ཟབ་པ་རྒྱ་ཆེ་བ་བཀའ་བར་པ་སྣང་སྲིད་འཁོར་འདས་ཀྱིས་བསྡུས་པའི་ཆོས་ཐམས་ཅད་རང་བཞིན་མ་གྲུབ་པ་སྟོང་ཉིད་དུ་གཏན་ལ་ཕབ་པ་དང༌། བཀའ་ཐ་མ་ཆོས་ཐམས་ཅད་ཀུན་བཏགས་གཞན་དབང་ཡོངས་གྲུབ་གསུམ་གྱི་སྒོ་ནས་གཏན་ལ་ཕབ་པའོ། །དཔག་ཡས་ནི། སོ་སྐྱེས་རྣམས་ཀྱི་བློས་དཔག་ཡུལ་ལས་འདས་པའོ། །དཔེར་ན་བརྒྱ་བྱིན་ལྷའི་གླང་པོ་རབ་བསྟན་གྱིས་ཁུར་བར་འོས་པའི་སྣགས་ཚ་རི་ལ་ཆོས་ཀྱི་ཕུང་པོ་རེ་རེ་བྲིས་པ་དེ་འདྲའི་ཆོས་ཕུང་བཞི་སྟོང་སོགས་གསུངས་པའོ། །གཉིས་པ་ནི། འཇམ་དབྱངས་བཀའ་བསྡུས་སོགས་རྐང་པ་ལྔའི་དོན་ནི། སངས་རྒྱས་ཐུབ་པ་ཆེན་པོའི་གསུང་རབ་ཀྱི་ཆོས་ཐམས་ཅད་རྒྱལ་སྲས་འཕགས་པ་འཇམ་དཔལ་གྱི་ཐུགས་ཀྱི་གོང་བུར་བཟུར་སྟེ། དེ་ཡང་མཐོང་ལམ་རབ་དགའི་ས་

― ZP04_Page_047 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་གནས་པ་མགོན་པོ་ཀླུ་བསྒྲུབ་ཀྱིས་གསུངས་པའི་དབུ་མ་རིགས་ཚོགས་དྲུག་སོགས་ཀྱི་སྒོ་ནས་གཏན་ལ་ཕབ་པའོ། །དེ་དག་རྒྱལ་སྲས་ཞི་བ་ལྷ་དང༌། སློབ་དཔོན་ལེགས་ལྡན་འབྱེད་སངས་རྒྱས་བསྐྱངས་སོགས་ཀྱིས་རབ་ཏུ་སྤེལ་བ་ནི་ཟབ་མོ་ལྟ་བའི་ལུགས་སོ། །བྱང་ཆུབ་སེམས་དཔའ་བྱམས་པས་བཀའ་ཡི་བསྡུ་བ་མཛད་དེ་དགའ་ལྡན་དུ་བྱམས་པའི་ཆོས་སྡེ་ལྔ་སོགས་ཀྱི་སྒོ་ནས་གསུངས་པ་དེ་དག་ཐོག་མེད་དང་དབྱིག་གཉེན་སྐུ་མཆེད་སོགས་ཀྱིས་བཀྲལ་ཏེ་འཛམ་བུ་གླིང་དུ་དར་རྒྱས་སུ་མཛད། དེ་ཡང་ལྷ་ཅིག་དཱི་པམ་ཀ་རའི་བཀའ་དྲིན་གྱི་སྤེལ་བ་ནི་རྒྱ་ཆེན་སྤྱོད་པའི་སྲོལ་ཡིན་ནོ། །རྒྱལ་བའི་དབང་པོ་འཆི་མེད་མཚོ་སྐྱེས་རྡོ་རྗེ་པདྨ་འབྱུང་གནས་ཆེན་པོའི་རིང་ལུགས་ཀྱང་སློབ་དཔོན་ཀླུ་སྒྲུབ་དང་མཐུན་ནོ། །གསུམ་པ་ནི། ངོ་བོ་བྱམས་དང་སྙིང་རྗེས་སོགས་རྐང་པ་གསུམ་གྱི་དོན་ནི། དེ་ཡང་བྱང་ཆུབ་ཀྱི་སེམས་རིན་པོ་ཆེ་བླ་ན་མེད་པ་འདི་དག་བསྐྱེད་པའི་སྡོམ་པའི་ངོ་བོ་ནི། སེམས་ཅན་ཐམས་ཅད་བདེ་བ་དང་ལྡན་འདོད་པའི་བྱམས་པ། སྡུག་བསྔལ་དང་བྲལ་འདོད་ཀྱི་སྙིང་རྗེ་ནི་བྱང་སྡོམ་གྱི་རྟེན་མེད་དུ་མི་རུང་བ་ཡིན་པས་སྡོམ་པའི་ངོ་བོ་བྱམས་དང་སྙིང་རྗེས་རྒྱུད་རབ་ཏུ་རླན་པར་བྱས་ནས། ཐེག་པ་ཆེ་ཆུང་སེམས་བསྐྱེད་ཀྱི་ཁྱད་པར་ཀྱིས་དབྱེ་བས་ན། འདིར་སྙིང་རྗེས་ཞི་བའི་

― ZP04_Page_048 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་ལ་མི་གནས་པར་མཁའ་ཁྱབ་ཀྱི་སེམས་ཅན་ཐམས་ཅད་ཀྱི་དོན་དུ་བདག་གིས་ཕ་རོལ་ཏུ་ཕྱིན་པ་དྲུག་ལ་སོགས་པ་སྤྱོད་དོ་སྙམ་པ་ནི་སྙིང་རྗེས་གཞན་དོན་ལ་དམིགས་པའོ། །ཤེས་རབ་ཀྱིས་སྲིད་པ་མཐོ་དམན་གྱི་ཟག་བཅས་འཁོར་བའི་བདེ་བ་ཐམས་ཅད་སྤང་ནས་ཡང་དག་རྫོགས་པའི་སངས་རྒྱས་ཀྱི་གོ་འཕང་བླ་ན་མེད་པ་ཟག་མེད་ཀྱི་བདེ་བ་དམ་པ་ནི་མཁའ་ཁྱབ་ཀྱི་འགྲོ་བ་རྣམས་ཀྱིས་ཐོབ་པར་བྱ་སྙམ་པ་ནི་ཤེས་རབ་ཀྱི་རྫོགས་བྱང་ལ་དམིགས་པའོ། །དེ་ལྟར་གོང་གི་སྲིད་ཞིའི་བདེ་བའི་བློ་གཉིས་དང་བྲལ་བའི་སྒོ་ནས་སྒོ་གསུམ་གྱི་མི་དགེ་བ་བཅུ་སོགས་སྤོང་བར་བྱ་བ་ནི་བྱང་སྡོམ་གྱི་ངོ་བོའོ། །བཞི་པ་ནི། །དབྱེ་བ་ཀླུ་སྒྲུབ་ཐོག་མེད་སོགས་རྐང་པ་བཅུ་གཅིག་གི་དོན་ནི། །བྱེ་བྲག་ཏུ་དབྱེ་ན། ཟབ་མོ་ལྟ་བ་དང་རྒྱ་ཆེན་སྤྱོད་པ་གཉིས་རེ་རེ་ལ་ཡང་སེམས་བསྐྱེད་ཚུལ་གཅིག་ནས་དྲུག་གི་བར་གཉིས་ཀར་འདོད་དོ། །དང་པོ་མཐའ་གཉིས་དང་བྲལ་བའི་སྟོང་ཉིད་སྙིང་རྗེའི་སྙིང་པོ་ཅན་དུ་འདུ་བ་ལ་ལྟོས་ནས་སེམས་བསྐྱེད་པ་གཅིག་གོ །གཉིས་པ་ངོ་བོའི་སྒོ་ནས་དབྱེ་ན། བསོད་ནམས་དང་ཡེ་ཤེས་ཀྱི་ཚོགས་གཉིས་རགས་པ་བརྡའི་ཆོ་གར་བརྟེན་པ་ཀུན་རྫོབ་སེམས་བསྐྱེད། མཐོང་ལམ་ཕྲ་བ་ཆོས་ཉིད་དོན་དམ་སེམས་བསྐྱེད་གཉིས་སོ། །གསུམ་པ་གྲོགས་ཀྱི་སྒོ་ནས་དབྱེ་ན་ལྷག་

― ZP04_Page_049 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཚུལ་ཁྲིམས་དང༌། ཏིང་ངེ་འཛིན་དང༌། ཤེས་རབ་ཀྱི་བསླབ་པ་གསུམ་མོ། །བཞི་པ་གནས་སྐབས་ཀྱི་སྒོ་ནས་དབྱེ་ན། ཚོགས་སྦྱོར་གཉིས་སུ་མོས་པ་ལམ་བྱེད་ཀྱི་སེམས་བསྐྱེད་རབ་ཏུ་རྒྱས་པ་རྣམ་པར་སྨིན་པའི་སེམས་བསྐྱེད། །མི་སློབ་པའི་སར་སངས་རྒྱས་ཀྱི་ཐུགས་བསྐྱེད་སྒྲིབ་པ་ཀུན་དང་བྲལ་བའི་སེམས་བསྐྱེད་དང་བཞིའོ། །ལྔ་ནི་ལམ་ལྔ་ནི་གནས་སྐབས་ལ་ལྟོས་ཏེ་སེམས་བསྐྱེད་པ་དང༌། དྲུག་ནི་གྲོགས་ལ་ལྟོས་ནས་སེམས་བསྐྱེད་དང་དྲུག་གོ། དེ་ལ་ཚོགས་ལམ་ན་ལས་དང་པོ་པའི་སེམས་བསྐྱེད། སྦྱོར་ལམ་ན་ཡོངས་སུ་སྦྱང་བ་བྱས་པའི། མཐོང་ལམ་ན་ཆོས་མཐོང་བའི། །བསྒོམ་ལམ་ན་སྒྲིབ་པ་དང་བྲལ་བའི། སངས་རྒྱས་ཀྱི་ས་ན་བསམ་གྱིས་མི་ཁྱབ་པའི་སེམས་བསྐྱེད་དང་ལྔའོ། །བྱང་ཆུབ་ཀྱི་སེམས་རིན་པོ་ཆེ་བསྐྱེད་པ་ལ་ངོ་བོ་ཐ་དད་དུ་འགྲང་དུ་མེད་མོད་ཀྱང་གྲོགས་སོགས་ཀྱི་སྒོ་ནས་རྣམ་པ་ཉེར་གཉིས་སུ་དབྱེ་སྟེ། དེ་ཡང་ས་གསེར་ཟླ་བ་མེ་སོགས། འདིར་ཡུམ་རྒྱས་འབྲིང་བསྡུས་གསུམ་གྱི་དགོངས་དོན་སྦས་པ་མངོན་དུ་ཕྱུར་བ་མངོན་རྟོགས་རྒྱན་གྱི་རྗེས་སུ་འབྲང་སྟེ་འཆད་

― ZP04_Page_050 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལ། ས་གསེར་ཟླ་བ་མེ་སོགས་ཉེར་གཉིས་ནི། ས་མཚམས་ཀྱིས་དབྱེ་བ་བཅུའི་བར་དུའོ། །ཞེས་པའི་དོན་ནི། དེ་དག་ཐམས་ཅད་རེ་རེ་ལ་ཡང་དཔེ་དང༌། གྲོགས་དང༌། ཆོས་མཐུན་གསུམ་གྱི་སྒོ་ནས་བཀྲལ་བ་ནི། །དེ་ཡང་བྱང་ཆུབ་སེམས་དཔའ་ཚོགས་ལམ་གྱི་དུས་ན་རང་གཞན་སེམས་ཅན་ཐམས་ཅད་རྫོགས་པའི་སངས་རྒྱས་ཀྱི་གོ་འཕང་མངོན་དུ་བྱེད་པ་ལ་འདུན་པ་ས་ལྟ་བུ། །གཞན་དོན་དུ་བསམ་པ་འགྱུར་བ་མེད་པ་གསེར་ལྟ་བུ། ལྷག་པའི་བསམ་པ་རྣམ་པར་དག་པ་ཟླ་བ་ཚེས་པ་ལྟ་བུའི་ཡོན་ཏན་གོང་དུ་འཕེལ་བ་གསུམ་མོ། །སྦྱོར་ལམ་གྱི་དུས་ན་གཞན་གྱི་དོན་དུ་ཕ་རོལ་དུ་ཕྱིན་པ་དྲུག་ལ་སྦྱོར་བ་བརྩམས་པས་བྱང་ཆུབ་ཕྱོགས་ཀྱི་མི་མཐུན་པའི་ཕྱོགས་འཇོམས་པ་མེ་ལྟ་བུ། མཐོང་ལམ་གྱི་དུས་ན་ཆོས་ཉིད་རྣམ་པར་མི་རྟོག་པའི་ཡེ་ཤེས་མངོན་དུ་གྱུར་ཏེ་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་ནས་སེར་སྣའི་སྒྲིབ་པ་དང་རྣམ་པར་བྲལ་བ་གཏོང་བ་དང་ཆེན་པོར་གཏོང་བ་དང་ཤིན་ཏུ་གཏོང་བ་ལ་དབང་འབྱོར་ཏེ་སྦྱིན་པ་མི་ཟད་གཏེར་ལྟ་བུའོ། །སྒོམ་ལམ་ལ་དགུ་ལས་སྒོམ་ལམ་ཆུང་ངུའི་ཆུང་ངུས་གཉིས་པ་དྲི་མ་མེད་པའི་སྐབས་སུ་ཡོན་ཏན་གྱི་འབྱུང་གནས་ཚུལ་ཁྲིམས་ཀྱི་ཕུང་པོ་ཡོངས་སུ་རྫོགས་ཏེ་དཔེར་ན་རིན་པོ་ཆེ་དགོས་འདོད་ཐམས་ཅད་འབྱུང་བ་ལྟ་བུའོ། །

― ZP04_Page_051 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུང་ངུའི་འབྲིང་པོ་ས་གསུམ་པ་འོད་བྱེད་པའི་དུས་ན་མི་མཐུན་པའི་ཕྱོགས་ཀྱི་ས་མི་འཁྲུགས་པའི་བཟོད་པའི་ཕུང་པོ་རྫོགས་ཏེ་རྒྱ་མཚོ་ལྟ་བུའོ། །ཆུང་ངུའི་ཆེན་པོ་ས་བཞི་པ་འོད་འཕྲོ་བའི་དུས་ན་གཞན་དོན་དུ་འཇུག་པའི་བརྩོན་འགྲུས་ཀྱི་ཕུང་པོ་ཡོངས་སུ་རྫོགས་ཏེ་ཤིན་ཏུ་བྱ་དཀའ་དང་དུ་ལེན་པ་ལ་ཐོགས་པ་མེད་པའི་བརྩོན་འགྲུས་རྡོ་རྗེ་ལྟ་བུའོ། །སྒོམ་ལམ་འབྲིང་པོའི་ཆུང་ངུའི་དུས་ན་ས་ལྔ་པ་སྦྱངས་དཀའ་བའི་སྐབས་སུ་མཚན་མའི་རྣམ་རྟོག་གིས་མི་གཡོ་བས་བསམ་གཏན་གྱི་ཕུང་པོ་ཡོངས་སུ་རྫོགས་ཏེ་རང་དོན་དུ་ཏིང་ངེ་འཛིན་ལས་གཡོ་བ་མེད་བཞིན་དུ་གཞན་དོན་རླབས་པོ་ཆེ་བྱེད་པ་ལ་སྐྱོ་ངལ་མེད་པ་རི་བོ་ལྟ་བུའོ། །འབྲིང་པོའི་འབྲིང་པོའི་སྐབས་ས་དྲུག་པ་མངོན་དུ་གྱུར་པ་ཐོབ་པའི་དུས་ནི་གང་ལ་ཡང་མ་རྨོངས་པ་ཤེས་རབ་ཀྱི་ཕུང་པོ་ཡོངས་སུ་རྫོགས་ཏེ་རྣམ་པར་མི་རྟོག་བཞིན་དུ་སེམས་ཅན་གྱི་ཁམས་སུ་ཉོན་མོངས་པའི་ནད་ཐམས་ཅད་ཞི་བར་བྱེད་པའི་སྨན་གྱི་སྡོང་པོ་ནི་རྟོག་པ་མེད་བཞིན་དུ་ལུས་ཅན་གྱི་ནད་འཇོམས་པས་དཔེར་ན་ཤེས་རབ་སྨན་ལྟ་བུའོ། །འབྲིང་པོའི་ཆེན་པོའི་སྐབས་ས་བདུན་པ་རིང་དུ་སོར་བ་ཐོབ་པའི་དུས་ན་སེམས་ཅན་ཐམས་ཅད་གང་ལ་གང་འདུལ་དུ་བྱེད་པ་ལམ་རྨོངས་པས་ཐབས་ཀྱི་ཕ་རོལ་ཏུ་

― ZP04_Page_052 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱིན་པ་ཡོངས་སུ་རྫོགས་ཏེ་ཐབས་མཁས་པ་ནི་དགེ་བའི་བཤེས་གཉེན་ལྟ་བུའོ། །འདི་མན་ཆད་ནི་སྒོ་ལྔའི་རྣམ་ཤེས་བྱ་བ་གྲུབ་པའི་ཡེ་ཤེས་སུ་མ་གྱུར་པས་ན་གཞན་ངོའི་མ་དག་པ་སྣང་བ་དང་ལྡན་པས་ན་མ་དག་ས་བདུན་ནོ། །འདི་ཡན་ཆད་དག་པ་ས་གསུམ་ལས་སྒོམ་ལམ་ཆེན་པོའི་ཆུང་ངུའི་སྐབས་སུ་ས་བརྒྱད་པ་མི་གཡོ་བའི་དུས་ན་སྨོན་ལམ་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས་ཏེ་གཞན་དོན་འབད་མེད་དུ་དགོས་འདོད་ཐམས་ཅད་འབྱུང་བ་བཞིན་དུ་སྨོན་ལམ་འགྲུབ་པས་ན་ཡིད་བཞིན་ནོར་བུ་ལྟ་བུའོ། །ཆེན་པོའི་འབྲིང་པོའི་སྐབས་ས་དགུ་པ་ལེགས་པའི་བློ་གྲོས་ཀྱི་དུས་ན་སྟོབས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་ཏེ་སྟོབས་སུ་གྱུར་པ་གདུལ་བྱའི་འགྲོ་བ་རྣམས་ཀྱི་རྒྱུད་སྨིན་པར་བྱེད་པ་ནི་ཉི་མས་ལོ་ཏོག་ལྟ་བུའོ། །ཆེན་པའི་ཆེན་པོའི་སྐབས་ས་བཅུ་པ་ཆོས་ཀྱི་སྤྲིན་ཐོབ་པའི་དུས་ན་ཡེ་ཤེས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་ཏེ་གདུལ་བྱའི་འགྲོ་ཀུན་སྨིན་བྱེད་ཀྱི་གླུ་དབྱངས་གྱིས་གང་ལ་གང་འཚམས་སུ་ཆོས་ཡིད་དུ་འོང་བ་སྟོན་པས་ན་ཀླུ་ལྟ་བུ་འོ། །འདི་ས་བཅུའི་རྒྱུན་མཐའི་བྱང་ཆུབ་སེམས་དཔའི་ས་ཡིན་པས་དགའ་ལྡན་གྱི་གནས་སོགས་སུ་ཆོས་སྟོན་པ་དང་གདུལ་བྱའི་ཞིང་དུ་སངས་རྒྱས་ཀྱི་མཛད་པ་བཅུ་གཉིས་ཀྱི་སྒོ་ནས་གདུལ་བྱ་འདྲེན་

― ZP04_Page_053 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང༌། མཉམ་གཞག་ངོས་ན་རྫོགས་པའི་སངས་རྒྱས་རྣམས་དང་མི་འདྲ་སྟེ་ཤེས་སྒྲིབ་ཕྲ་མོ་བག་ལ་ཉལ་ཡོད་པ་དེ་གཉེན་པོ་རྡོ་རྗེ་ལྟ་བུའི་ཏིང་ངེ་འཛིན་གྱིས་བཅོམ་ནས་སྐད་ཅིག་གཉིས་པར་མངོན་པར་སངས་རྒྱས་སོ། །བརྒྱ་བྱིན་ལྷའི་གླང་པོ་རབ་བརྟན་གྱི་དཔེ་སོགས། སྒོམ་ལམ་ཆེན་པོ་གསུམ་ལ་ཐུན་མོང་དུ་རྫུ་འཕྲུལ་དང༌། ལྷའི་མིག་དང༌། རྣ་བ་དང༌། གཞན་སེམས་ཤེས་པ་དང༌། སྔོན་གནས་རྗེས་སུ་དྲན་པ་དང་ལྔ་ལ་དབང་འབྱོར་ཏེ་གདུལ་བྱའི་འགྲོ་བ་རྣམས་གང་ལ་གང་དགོས་སུ་འདྲེན་པ་རང་དབང་བསྒྱུར་བ་རྒྱལ་པོ་ཆེན་པོ་ལྟ་བུ་དང༌། ཚོགས་གཉིས་ཀྱི་ཡོན་ཏན་རབ་ཏུ་རྒྱས་པ་དགོས་འདོད་ཀུན་འབྱུང་ཞིང་འདོད་དགུར་སྒྲུབ་པ་རྒྱལ་པོའི་མཛོད་ལྟ་བུ། བྱང་ཆུབ་སེམས་དཔའ་རྣམས་ཀྱི་སློབ་པའི་ལམ་བྱང་ཕྱོགས་སོ་བདུན་ནི་དུས་གསུམ་གྱི་རྒྱལ་བ་སྲས་བཅས་ཐམས་ཅད་གཤེགས་ཤིང་རྗེས་སུ་གཤེགས་པའི་ལམ་ཡང་དག་པ་ཡིན་པས་ན་ལམ་པོ་ཆེ་ལྟ་བུ། སེམས་ཅན་ཐམས་ཅད་རྣམ་པ་ཐམས་ཅད་མཁྱེན་པའི་གོ་འཕང་ལ་བགྲོད་ནུས་པ་སྲིད་ཞིའི་མཐའ་གཉིས་དང་བྲལ་བ་ཞི་ལྷག་བཞོན་པ་བཟང་པོ་ལྟ་བུའོ། །དེ་ཡང་ཆོས་ཐམས་ཅད་ཀྱི་ཚིག་དོན་མི་བརྗེད་པའི་གཟུང་ཐོབ་པ་དང༌། གཞན་ལ་འཆད་པའི་བློ་ཐོགས་མེད་དུ་སྤོབས་

― ZP04_Page_054 ―

^{[མ་དཔེ་གཟིགས་ན་འདིར་གནོན།]}

[Full Size]

པ་རྒྱས་པ་ལ་མི་ཟད་པར་དབང་འབྱོར་བ་དཔེར་ན་མཚོ་ཆེན་པོ་ལ་ཆུ་ཕྲན་འདུ་བ་མི་ཚུད་པ་དང་གཞན་གང་དུའང་ཕྲི་བ་མེད་པས་ན་བཀོད་མའི་ཆུ་ལྟ་བུའོ། །ཡང་ས་བཅུའི་རྒྱུན་མཐའ་ཆོས་སྤྲིན་གྱི་ངོ་སྐལ་དུ་ཡང་གདུལ་བྱའི་འགྲོ་བ་འདྲེན་པའི་རྟོག་པ་མེད་བཞིན་དུ་བྲག་ཆ་ལྟ་བུའི་དམ་པའི་ཆོས་ཀྱི་དགའ་སྟོན་གྱི་གདུལ་བྱ་སྨིན་པར་མཛད་པ་ནི་སྒྲ་སྙན་ལྟ་བུའོ། །རྣམ་པ་ཐམས་ཅད་མཁྱེན་པའི་གོ་འཕང་ལ་འགོད་བར་བྱེད་པ་བགྲོད་པ་གཅིག་པུའི་ལམ་རང་གི་ངང་གིས་འབྱུང་སྟེ་རྩོལ་སྒྲུབ་མི་དགོས་པ་རྒྱ་མཚོ་ཆེན་པོར་ཆུ་ཕྲན་འབབས་པ་ལྟ་བུའོ། །རང་དོན་ཆོས་སྐུའི་དགོངས་པ་མངོན་དུ་མཛད་དེ་གདུལ་བྱའི་འགྲོ་བ་ལ་དམ་པའི་ཆོས་ཀྱི་ཆར་འབེབས་པས་ན་སྤྲིན་ལྟ་བུའོ། །དེ་ལྟར་གྲོགས་སོགས་ལ་བརྟེན་ནས་བྱང་ཆུབ་ཀྱི་སེམས་རིན་པོ་ཆེ་བསྐྱེད་ཚུལ་རྣམ་པ་ཉེར་གཉིས་པོ་རེ་རེ་ལའང་སྨོན་འཇུག་གཉིས་རེ་འདུ་བ་ཀུན་མཁྱེན་ཀློང་ཆེན་པས་བཞེད་དོ། །དེ་ཐམས་ཅད་བསྡུ་ན་ཡང་སྨོན་འཇུག་གཉིས་དེར་འདུ་སྟེ། བསམ་པ་སྨོན་པ་རྣམ་པར་དག་པ་དང༌། འཇུག་པ་སྦྱོར་བ་ཕ་རོལ་ཏུ་ཕྱིན་པ་དྲུག་སོགས་རྩོམ་པའོ། །གཉིས་པ་མདོ་སྡེ་རྒྱན་གྱི་རྗེས་སུ་འབྲང་སྟེ་རྒྱལ་སྲས་ཐོག་མེད་ཀྱིས་བཞེད་པ་ལྟར་ན། མི་ཟད་པ་བརྒྱད་ཅུའོ། །དང་པོ། །དེ་ཡང་

― ZP04_Page_055 ―

^{[མ་དཔེ་གཟིགས་ན་འདིར་གནོན།]}

[Full Size]

ས་གསེར་ཟླ་བ་མེ་སོགས་ཀྱི་དོན་ནི། བྱང་ཆུབ་སེམས་དཔའ་རྣམས་ནི། སེམས་ཅན་ཐམས་ཅད་ཀྱི་དོན་དུ་རྫོགས་པའི་སངས་རྒྱས་ཀྱི་གོ་འཕང་ཐོབ་འདོད་ཀྱི་སེམས་བསྐྱེད་ཀྱི་འདུན་པ་མི་ཟད་པ་ས་ལྟ་བུ། བསམ་པ་མི་ཟད་པ་གསེར་ལྟ་བུ། ལྷག་བསམ་མི་ཟད་ཟླ་བ་ལྟ་བུ་སྟེ་ཚོགས་ལམ་མོ། །སྦྱོར་བ་ཕ་རོལ་ཏུ་ཕྱིན་པ་དྲུག་མི་ཟད་པ་མེ་ལྟ་བུ་སྦྱོར་ལམ་མོ། །མི་ཟད་པའི་སྦྱིན་པ་གཏེར་ལྟ་བུའོ། །མི་ཟད་པའི་ཚུལ་ཁྲིམས་རིན་ཆེན་འབྱུང་གནས་ལྟ་བུའོ། །མི་ཟད་པའི་བཟོད་པ་མཚོ། བྱང་ཆུབ་ཀྱི་སེམས་མི་ཟད་པའི་བརྩོན་འགྲུས་རྡོ་རྗེ༴་བསམ་གཏན་རི༴་ཤེས་རབ་སྨན༴་བྱམས་པ་སྙིང་རྗེ་དགའ་བ་བཏང་སྙོམས་ཏེ་ཚད་མེད་བཞི་བཤེས་གཉེན༴་བསྡུ་དངོས་བཞི་མི་ཟད་པ་ཡིད་བཞིན་ནོར་བུ༴་མངོན་ཤེས་དྲུག་མི་ཟད་པ་ཉི་མ༴་ཆོས་དང་དོན་དང་ངེས་ཚིག་སྤོངས་པ་སྟེ་སོ་སོ་ཡང་དག་མི་ཟད་པ་གླུ༴་གང་ཟག་ལ་མི་རྟེན་ཆོས་ལ་རྟོན་པ། ཀུན་རྫོབ་ལ་མི་རྟོན་དོན་དམ་ལ༴་རྣམ་ཤེས་ལ་མི་རྟོན་ཡེ་ཤེས་ལ༴་དྲང་དོན་ལ་མི་རྟོན་ངེས་དོན་ལ་རྟོན་པ་ཏེ་རྟོན་པ་བཞི་མི་ཟད་པ་རྒྱལ་པོ་ལྟ་བུ། ཚོགས་གཉིས་མི་ཟད་པ་མཛོད༴་བྱང་ཕྱོགས་མི་ཟད་པ་ལམ་པོ་ཆེ༴་ཞི་ལྷག་མི་ཟད་པ་བཞོན་པ༴་གཟུང་སྤོབ་མི་ཟད་པ་ཆུ་བོ༴་ཆོས་ཀྱི་སྡོམ་ལྟ་བ་བཀའ་

― ZP04_Page_056 ―

^{[མ་དཔེ་གཟིགས་ན་འདིར་གནོན།]}

[Full Size]

རྟགས་ཀྱི་ཕྱག་རྒྱ་བཞི་ནི། འདུས་བྱས་ཐམས་ཅད་མི་རྟག་པ། ཟག་པ་དང་བཅས་པ་སྡུག་བསྔལ་བ། ཆོས་ཐམས་ཅད་སྟོང་ཞིང་བདག་མེད་པ། མྱ་ངན་ལས་འདས་པ་ཞི་བ་སྟེ་སྒྲ་སྙན་ལྟ་བུ། བགྲོད་ལམ་མི་ཟད་པ་ཆུ་བོ་ལྟ་བུ། བྱང་སེམས་ཐབས་ལ་མཁས་པ་རྣམས་ཀྱིས་ཆོས་སྐུའི་ངང་དུ་གཡོ་མེད་དུ་དགའ་ལྡན་སོགས་སུ་ཆོས་གསུངས་པ་མི་ཟད་པ་སྤྲིན་ལྟ་བུ་སྟེ། བློ་གྲོས་མི་ཟད་པའི་མདོ་ལས་གསུངས་པ། མི་ཟད་པ་བརྒྱད་ཅུའོ། །གཉིས་པ་མ་ཐོབ་པ་ཐོབ་པར་བྱེད་པ་ལ་གསུམ་ལས། དང་པོ་བྱང་ཆུབ་སེམས་དཔའི་སྡོམ་པ་ལེན་པའི་ཡུལ། ལེན་པ་པོའི་སློབ་མའི་མཚན་ཉིད། ཇི་ལྟར་བླང་བའི་ཚུལ་དང་གསུམ་ལས། དང་པོ་ནི། དང་པོ་སྡོམ་པ་མ་ཐོབ་པ་སོགས་རྐང་པ་གསུམ་གྱིས་བསྟན། ཡུལ་དགེ་བའི་བཤེས་གཉེན་བྱང་ཆུབ་སེམས་ཀྱི་ཐུགས་རྒྱུད་སྨིན་པར་བྱེད་པ་སྨྲ་མཁས་པ་དང་ལྡན་པ་ཚུལ་ཁྲིམས་ཀྱིས་རྒྱུད་དུལ་བ། །ཞི་གནས་ཀྱིས་ཐུགས་ཞི་བ། ཤེས་རབ་ཀྱིས་ཆོས་ཐམས་ཅད་ཀྱི་གནས་ལུགས་རྟོགས་པས་ཉེ་བར་ཞི་བ་སྟེ་བླ་མའི་མཚན་ཉིད་དང༌། གང་ཟག་ཐེག་པ་ཆེན་པོའི་རིགས་དང་སྣོད་དུ་གྱུར་པའི་གུས་ལྡན་གྱི་སློབ་མ་བཟང་པོ་སྟེ་གཉིས་སོ། །དེ་ཡང་ཐོག་མར་བྱང་ཆུབ་སེམས་དཔའི་སྡོམ་པ་ལེན་ཚུལ་ལ་ཡང་གདམས་ངག་ཁྱད་པར་ཅན་སོགས་བཞི་སྟེ་དང་པོ་ཁམས་

― ZP04_Page_057 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་འཁོར་བའི་གནས་ཀྱི་སྡུག་བསྔལ་ཐམས་ཅད་མཐོང་སྟེ་མྱང་འདས་བྱང་ཆུབ་ཀྱི་སྙིང་པོ་ཐོབ་པར་འདོད་པའི་ཕྱིར། ཁམས་གསུམ་གྱི་སྲིད་པའི་གནས་ཐམས་ཅད་སྡུག་བསྔལ་གྱི་ཕུང་པོ་ཆེན་པོར་མཐོང་སྟེ་སྐྱོ་བ་རབ་ཏུ་སྐྱེས་ནས་ངེས་འབྱུང་སྐྱེ་བ་དང༌། རང་གི་སར་དེ་ལྟ་བུའི་སྡུག་བསྔལ་ཉམས་སུ་མྱོང་དགོས་པས་དོགས་ཏེ་ཐར་པ་བསྒྲུབ་པ་མ་ཡིན་པར། སྡུག་བསྔལ་ལ་སྤྱོད་པའི་འགྲོ་བ་དེ་དག་རང་གི་ཕ་མར་གྱུར་པའི་དྲིན་མི་གཟོ་བར་རང་ཉིད་གཅིག་པུ་ཞི་བདེར་འདོད་པ་ནི་ཤིན་ཏུ་བླུན་ཅིང་དེ་ལས་མ་རབ་མེད་པས་ན་ནམ་མཁའི་གར་ཁྱབ་ཀྱི་འགྲོ་བ་རྣམས་བློས་མི་འདོར་བ་དང༌། སྲིད་ཞི་གཉིས་ཀྱི་མཐའ་སྤང་བ་བྱང་ཆུབ་ཀྱི་ལམ་རིན་པོ་ཆེ་ནི་དུས་གསུམ་གྱི་རྒྱལ་བ་སྲས་དང་བཅས་པའི་སློབ་པའི་ལམ་མཆོག་ཏུ་གྱུར་པ་འདི་ཉིད་ཀྱི་ཡོན་ཏན་ནི་ས་བཅུའི་བྱང་སེམས་ཀྱིས་བསྐལ་པར་བགྲང་ཀྱང་གཞལ་བར་མི་ནུས་པའི་ཡོན་ཏན་ཤེས་པའོ། །རྟེན་ཁྱད་པར་ཅན་སངས་རྒྱས་སྐུ་བཞི་ཡེ་ཤེས་ལྔའི་བདག་ཉིད་དང༌། ལུང་དང་རྟོགས་པའི་ཆོས་གཉིས་དང༌། ས་བཅུའི་བདག་ཉིད་ཀྱི་བྱང་ཆུབ་སེམས་དཔའི་དགེ་འདུན་ཏེ་མཆོག་གསུམ་ལ་བརྟེན་ནས་སྐྱེས་བུ་ཆེན་པོའི་བློས་ཇི་སྲིད་བྱང་ཆུབ་སྙིང་པོར་མཆིས་ཀྱི་བར་དུ་སྐྱབས་སུ་འགྲོ་བ་དང༌། ཡུལ་ཁྱད་པར་ཅན་

― ZP04_Page_058 ―

^{[མ་དཔེ་གཟིགས་ན་འདིར་གནོན།]}

[Full Size]

དགེ་བའི་བཤེས་གཉེན་ལ་མཎྜལ་འབུལ་བ། ཐབས་ཁྱད་པར་ཅན་ཡན་ལག་བདུན་གྱི་ཚོགས་བསགས་པ་སྟེ་སྦྱོར་བ་སྔོན་འགྲོའི་གདམས་ངག་བཞིའོ། །གཉིས་པ་དངོས་གཞི་ལ་ཡང་སྡོམ་པ་ལེན་ཚུལ། ཡན་ལག་བདུན་མཐར་སོགས་ཀྱི་དོན་ནི་སེམས་ཅན་ཐམས་ཅད་སངས་རྒྱས་ཀྱི་གོ་འཕང་ཐོབ་ན་ཅི་མ་རུང་སྙམ་པའི་བློ་རབ་ཏུ་སྦྱང་སྟེ། ཚད་མེད་བཞི་སོགས་ཐབས་དུ་མའི་སྒོ་ནས་བྱང་ཆུབ་ཀྱི་སེམས་རིན་པོ་ཆེ་ངང་གིས་མ་སྐྱེས་བར་དུ་འབད་པར་བྱའོ། །ལེན་ཚུལ་ནི་ཀླུ་སྒྲུབ་ལུགས་ཀྱི་སྨོན་འཇུག་སྟབས་གཅིག་ཏུ་བཞེད་པ་ལ། །ཐོག་མར་རགས་པ་བརྡའི་ཆོ་གར་བརྟེན་ནས་ཀུན་རྫོབ་སེམས་བསྐྱེད་དམ་སྡོམ་ཆོག་དངོས་ནི། ཇི་ལྟར་སྔོན་གྱི་བདེ་གཤེགས་སོགས་ཤླཽ་ཀ་གཅིག་གིས་སྨོན་འཇུག་གི་སྡོམ་པ་བླང་བ་ལྟར། བདག་ཀྱང་འགྲོ་ལ་ཕན་དོན་དུ་སོགས་ཀྱིས་སྨོན་འཇུག་གི་སྡོམ་པ་ལེན། །དེ་ཡང་སྡོམ་པ་ཐོབ་མཚམས་ནི་ལན་གསུམ་གྱི་ཐ་མའོ། །ཇི་ལྟར་སྔོན་གྱི་བདེ་བར་གཤེགས་པ་དེ་རྣམས་ཀྱི་སྨོན་པ་བྱང་ཆུབ་ཀྱི་ཐུགས་རིན་པོ་ཆེ་རྣམས་ནི་ཡང་དག་པར་བསྐྱེད་པ་དང༌། འཇུག་པ་བྱང་ཆུབ་སེམས་དཔའི་ལམ་གྱི་བསླབ་པ་ལ། རིམ་པ་བཞིན་དུ་བསླབ་པར་མཛད་པ་དེ་ལྟར། བདག་གིས་ཀྱང་འགྲོ་བ་སེམས་ཅན་ཐམས་ཅད་ལ་ཕན་པར་འདོད་པ་

― ZP04_Page_059 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་དུ་གཉེར་བ་ཡིན་པའི་ཕྱིར་དུ། སྨོན་པ་བྱང་ཆུབ་ཀྱི་སེམས་རིན་པོ་ཆེ་ནི་བསྐྱེད་ཅིང༌། འཇུག་པ་བྱང་ཆུབ་སེམས་དཔའི་བསླབ་པ་དེ་རྣམས་ལ་རིམ་པ་བཞིན་དུ་ངེས་པར་ཡང་དག་པར་བསླབ་པར་བགྱིའོ། ༈ །གསུམ་པ་མཇུག་རང་གཞན་དགའ་བ་བསྒོམ་པ་ནི། དེང་དུས་བདག་ཚེ་འབྲས་བུ་ཡོད་སོགས་པ་ཀྱིས་རང་དགའ་བ་བསྒོམ་པ་ནི། དེང་དུས་ནས་བདག་གི་ཚེ་འཁོར་བ་ཐོག་མ་མེད་པ་ནས་ད་ལྟའི་བར་དུ་བྱང་ཆུབ་ཀྱི་སེམས་རིན་པོ་ཆེ་བསྐྱེད་པའི་སྣོད་དུ་མ་གྱུར་ཏེ་ལུས་དེ་ཉིད་ལ་འབྲས་བུ་མེད་ཀྱང༌། །ད་ལྟའི་དུས་ན་བྱང་ཆུབ་ཀྱི་སེམས་རིན་པོ་ཆེ་འདི་རྙེད་པས་འབྲས་བུ་ཡོད་དོ། །བདག་དེ་རིང་སངས་རྒྱས་རྣམས་ཀྱི་སྲས་སུ་གྱུར། བྱང་ཆུབ་སེམས་དཔའི་སྤུན་ཟླར་གྱུར། ཉན་ཐོས་རྣམས་ཀྱི་བླ་མར་གྱུར་པ་དེ་ཡང་འགྲོ་བ་ལྷ་དང་ཀླུ་དང་གནོད་སྦྱིན་སྟོབས་པོ་ཆེ་རྣམས་ཀྱི་ཕྱག་བྱ་བའི་འོས་སུ་གྱུར་ཏེ་རྒྱལ་བའི་སྲས་ཀྱི་མིང་གི་ཅོད་པཎ་གདགས་འོས་སུ་གྱུར་ཏོ། །གཉིས་པ་གཞན་དགའ་བ་སྒོམ་པ་ནི། བདག་གི་དེ་རིང་སོགས་ད་ནི་བདག་གི་འགྲོ་བ་སེམས་ཅན་ཐམས་ཅད་རྣམ་མཁྱེན་བླ་ན་མེད་པ་རྫོགས་པའི་སངས་རྒྱས་ཀྱི་གོ་འཕང་ལ་འགོད་དོ་ཞེས་དམ་བཅས་ཏེ་ཕྱོགས་བཅུའི་

― ZP04_Page_060 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་སྲས་ཐམས་ཅད་དབང་པོར་བཞག་ནས་མཁའ་ཁྱབ་ཀྱི་འགྲོ་བ་ཐམས་ཅད་གནས་སྐབས་དང་མཐར་ཐུག་གི་བདེ་བ་དམ་པ་འཕྱིན་པའི་མགྲོན་དུ་འབོད་པ་ཡིན་པས་དགའ་བ་སྒོམས་ཤིག་ཅེས་པའོ། ༈ །བྱང་ཆུབ་ཀྱི་སེམས་རིན་པོ་ཆེ་འདི་ཉིད་ཀྱི་ཕན་ཡོན་ནི་གཞན་ལས་ཁྱད་པར་འཕགས་ཏེ། དེ་ཡང་གང་ཟག་ཞིག་ངེས་པར་ངན་སོང་དུ་སྐྱེ་བ་གདོན་མི་ཟ་བ་ཞིག་གི་བྱང་ཆུབ་ཀྱི་སེམས་རིན་པོ་ཆེ་འདི་བསྐྱེད་པའི་འབྲས་བུ་ངན་འགྲོར་སྐྱེ་བའི་རྒྱུ་ཟིལ་གྱིས་གནོན་པ་ནི་ཉི་མའི་འོད་ཀྱིས་སྐར་མ་མི་སྣང་བ་ལྟ་བུ། མ་ངེས་པའི་སྡིག་པ་དྲུང་ནས་འབྱིན་པ་ལ་ཡང་དུས་མཐའི་མེས་བསྲེགས་པ་བཞིན་འཇོམས་པའོ། །དེ་ཡང་བྱང་ཆུབ་སེམས་སྐྱེས་གྱུར་ན་སྐད་ཅིག་གིས། དེ་བཞིན་དུ་བྱང་སེམས་ཀྱི་མི་མཐུན་ཕྱོགས་ཁོང་ཁྲོ་སྟེ་སྡིག་པ་སྟོབས་ཆེ་བས་སྤོང་བར་བྱའོ། །དེ་ལྟར་བྱང་སེམས་ཀྱིས་མ་ཟིན་པའི་དགེ་བའི་རྩ་བ་ནི་ཆུ་ཤིང་གི་སྡོང་པོ་ལྟ་བུའོ། །སེམས་བསྐྱེད་ཀྱིས་ཟིན་པའི་དགེ་བའི་རྩ་བ་ནི་ཟད་པ་མེད་པར་འབྲས་བུ་འབྱིན་ནོ། །ཁྱད་པར་ནི། སྨོན་པ་སེམས་བསྐྱེད་ཀྱིས་ཕར་ཕྱིན་དྲུག་སོགས་སློབ་པ་ལ་གནས་སྐབས་དང་མཐར་ཐུག་གི་འབྲས་བུ་མི་ཟད་པ་བཟའ་ཤིང་གི་སྡོང་པོ་ལྟ་བུའོ། །འཇུག་སེམས་ཀྱིས་ཟིན་པའི་གང་ཟག་གི་བསོད་ནམས་

― ZP04_Page_061 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུན་ཆགས་པས་ལམ་ཕར་ཕྱིན་སོགས་མ་བསླབ་ཀྱང་འགྲོ་འཆགས་ཉལ་འདུག་གཉིད་ཀྱི་ལོག་པ་སོགས་ཀྱི་དུས་ན་ཡང་བསོད་ནམས་ཀྱི་ཚོགས་གོང་ནས་གོང་དུ་འཕེལ་བར་བྱེད་པའོ། །དེ་ཡང་བྱང་ཆུབ་སེམས་དཔའ་ལ་སྲས་ཟེར་བ་ནི་རྫོགས་པའི་སངས་རྒྱས་ཀྱི་གདུང་འཚོབ་བ་དང༌། དམ་པའི་ཆོས་ཀྱི་མཛོད་འཛིན་པ། གདུལ་བྱའི་ལྷག་མའི་འགྲོ་བ་རྣམས་སྐྱོང་ནུས་པས་སོ། །གཉིས་པ་ཐོག་མེད་ཀྱི་བཞེད་པ་ནི། སྨོན་སེམས་ལེན་པ་སོགས་ཀྱི་དོན་ནི། སྨོན་སེམས་ཀྱི་སྡོམ་པ་ལེན་པ་ལ། ཐོག་མར་སོ་ཐར་མི་དགོས་ཀྱང་སྨོན་པ་སེམས་བསྐྱེད་ཀྱི་སྡོམ་པ་བླངས་ཏེ་བྱང་ཆུབ་ཀྱི་ལམ་ལ་བློ་རབ་ཏུ་སྦྱངས་ཏེ་གོམས་པར་བྱས་ནས། འཇུག་པ་སེམས་བསྐྱེད་ཀྱི་སྔོན་དུ་སོ་ཐར་རིགས་བདུན་གང་རུང་སྔོན་དུ་སོང་སྟེ། འཇུག་སེམས་ལེན་པ་དེ་ཡང༌། བྱང་ཆུབ་ཀྱི་སྣོད་དུ་གྱུར་ཏམ་མ་གྱུར་ཞེས་བར་ཆད་རྣམས་དྲི་བར་བྱས་ལ་བསླབ་པ་རྣམས་ཁས་ལེན་སོགས་ཀྱི་སྒོ་ནས་སྨོན་འཇུག་སོ་སོར་ལེན་ནོ། །བླ་མ་དགེ་བའི་བཤེས་གཉེན་གྱི་དྲུང་མིན་ཀྱང་རྒྱལ་བའི་རྟེན་གྱི་དྲུང་དུ་སྡོམ་པ་ལེན་པ་ཀླུ་ཐོག་གཉིས་ཀའི་སྲོལ་མཐུན་ནོ། །ཐོབ་མཚམས་གོང་ལྟར་རོ། །གཉིས་པ་དོན་དམ་

― ZP04_Page_062 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་བསྐྱེད་ནི། མཐོང་ལམ་རྣམ་པར་མི་རྟོག་པའི་ཡེ་ཤེས་ཡིན་ནོ། །ཚོགས་སྦྱོར་གཉིས་ཀྱི་དུས་ན་དོན་དམ་སེམས་བསྐྱེད་དངོས་གནས་པ་མེད་དེ། དེ་ཡང་མདོ་ལམ་དུ། སྤང་སྐོང་ཕྱག་རྒྱ་ལས། བླ་ན་མེད་པའི་དོན་དམ་པའི་སེམས་བསྐྱེད་དོ་ཞེས་ཟེར་ན། དེ་ནི་དམ་བཅའ་ལྟ་བུའོ། །སྔགས་ལམ་དུ་ཡང་ཆོ་གར་བརྟེན་པ་དོན་དམ་སེམས་བསྐྱེད་ལེན་པ་ཡོད་དོ་ཞེ་ན། །དེ་ནི་དོན་དམ་པའི་སེམས་བསྐྱེད་མ་ཡིན་ཏེ་མཐར་ཐུག་དོན་དམ་པའི་སེམས་བསྐྱེད་སྐྱེ་བའི་རྟེན་འབྲེལ་བསྒྲིགས་པ་ཡིན་ནོ། །མདོར་ན་ཀུན་རྫོབ་སེམས་བསྐྱེད་ནི་ཆོ་ག་ལ་བརྟེན་པའོ། །དོན་དམ་སེམས་བསྐྱེད་ནི་སྒོམ་སྟོབས་ལས་སྐྱེ་བའོ། །བར་དུ་སྡོམ་པ་མི་ཉམས་པ་བསྲུང་བའི་ཚུལ་ལ། དེ་ཡང་ཐོབ་པ་ཙམ་གྱིས་མི་ཆོག་ཉམས་སུ་ལེན་པའི་བསླབ་བྱ་སྙིང་པོའོ། །དེ་ཡང་བྱང་ཆུབ་སེམས་ཀྱི་མི་མཐུན་པའི་ཕྱོགས་རྩ་ལྟུང་བཅོ་བརྒྱད་དང་ཉེས་བྱས་བརྒྱད་ཅུ་སྟེ་སྡེ་གཉིས་སོ། །དེ་ལ་ཟབ་མོ་ལྟ་རྒྱུད་དང་རྒྱ་ཆེན་སྤྱོད་རྒྱུད་ཀྱི་སྲོལ་གཉིས་ལས། འདིར་ཟབ་མོ་ལྟ་རྒྱུད་དུ་ནམ་མཁའི་སྙིང་པོའི་མདོའི་རྗེས་སུ་འབྲང་སྟེ་ཀླུ་སྒྲུབ་རྒྱལ་སྲས་ཞི་བ་ལྷ་རྗེས་འབྲང་དང་བཅས་པའི་ཕྱག་བཞེས་ལྟར་ན། རྩ་ལྟུང་བཅོ་བརྒྱད་ནི། བར་དུ་མི་ཉམས་བསྲུང་བའི་སོགས་ཤྭ་ལོ་ཀ་ལྔ་

― ZP04_Page_063 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ཚིག་རྐང་གཅིག་གིས་སྟོན་ཏེ། ཐོག་མར་བྱང་ཆུབ་སེམས་དཔའི་ཚུལ་ཁྲིམས་རྣམ་པ་གསུམ་སྟེ། ཉེས་སྡོམ་ཆོས་སྡུད་སེམས་ཅན་དོན་བྱེད་དོ། །ངོ་བོ་ཚུལ་ཁྲིམས་གཅིག ༈ ལྡོག་ཆའི་གསུམ་གྱི་ཐ་སྙད་དབྱེ། སེམས་ཅན་གྱི་དོན་དུ་རང་རྒྱུད་ལ་བཅས་ལྟུང་དང་ཉེས་ལྟུང་གཉིས་སྡོམ་སྟེ་དགེ་བ་ཐམས་ཅད་རང་རྒྱུད་ལ་སྡུད་པ་སྟེ་གསུམ་ཀར་ཚང་བའོ། །དབྱེ་ན་ཉེས་སྤྱོད་སྡོམ་པ་ལ། རྒྱལ་བློན་ཕལ་གསུམ་ལས་རྫས་བཅུ་བཞིའོ། །དཀོན་མཆོག་དཀོར་འཕྲོག་པ་ཆོས་སྤོང་བ། ཚུལ་ཁྲིམས་དང་ལྡན་པ་དང་འཆལ་བའི་དགེ་སློང་ལ་ཁྲིམས་ཆད་དང་བསླབ་འབེབས་མཚམས་མེད་དང་ལོག་ལྟ་སྟེ་རྒྱལ་པོའི་ལྔ། དཀོར་འཕྲོག་སོགས་བཞི་དང་ཁྱིམ་གཅིག་པ་གྲོང་དང༌། མི་རིགས་བཞི་ཡོད་པ་ལྗོང་དང༌། བཟོ་སྣ་བཅོ་བརྒྱད་དང་ལྡན་པ་གྲོང་ཁྱེར་དང༌། ཚོང་སྣ་འགའ་འདུ་བ་གྲོང་རྡལ་དང༌། ཙམ་པ་ཀ་ལྟ་བུའི་ཡུལ་ཆེན་པོ་ཡུལ་འཁོར་ཏེ་དེ་དག་ལ་དམག་དཔོན་བྱེད་ནས་འཇོམས་པ་གསོད་པ་ཁང་ཁྱིམ་གཏོར་བ་རྣམས་བློན་པོའི་ལྔ། །བློ་མ་སྦྱང་པ་ལ་སྟོང་ཉིད་བསྟན་པས་ཐེ་ཚོམ་བྱས་ཏེ་ཉན་རང་གི་སར་སྨོན་པ། གང་ཟག་རྫོགས་བྱང་བསྐྱེད་པའི་བློ་ཐེག་དམན་དུ་འཇུག་པར་བྱེད་པ། སོ་ཐར་གྱི་ཐེག་པ་སྤངས་ཏེ་ཐེག་ཆེན་སློབ་པ།

― ZP04_Page_064 ―

^{[མ་དཔེ་གཟིགས་ན་འདིར་གནོན།]}

[Full Size]

ཉན་རང་གི་ཐེག་པས་དུག་གསུམ་མི་ཟློག་པར་འཛིན་ཅིང་བཤད་པ། ཕྲག་དོག་གིས་རང་བསྟོད་གཞན་སྨོད་བྱེད་པ། ཟང་ཟིང་རྙེད་པ་དང་མལ་སྟན་གྱི་བཀུར་སྟིའི་ཆེད་དུ་རང་ཉིད་ཡོན་ཏན་དང་ལྡན་ནོ་ཞེས་མིའི་ཆོས་བླ་མའི་རྫུན་གྱི་བདག་འཚོང་བ་དང༌། ཡུལ་གྱི་རྒྱལ་པོ་ལྟ་བུ་ལ་ཆོས་འདིར་ཞུགས་པའི་དགེ་སློང་གཉིས་ལ་ཕྲ་མ་བཏབ་སྟེ་འགྲས་པ་བྱས། དགེ་སློང་དེ་ལ་ཁྱོད་ཀྱི་རྒྱལ་པོ་དེ་ལ་སུག་འབུལ་མ་བྱིན་ན་ཁྱོད་གསོད་དོ་ཞེས་སྨྲས་ཤིང་དེའི་དཀོན་མཆོག་གི་དཀོར་ལྟ་བུ་ཞིག་བརྐུས་ཏེ་དེ་ལ་བྱིན་པ་དང༌། སྤོང་བ་བསམ་གཏན་ལ་ཞུགས་པའི་ཡོ་བྱད་རྣམས། ཀློག་པ་ཐོས་བསམ་པ་རྣམས་ལ་བྱིན་པ་དང༌། བསམ་གཏན་པའི་ཏིང་ངེ་འཛིན་ལ་བར་ཆད་བྱེད་པའི་ཁྲིམས་ངན་པ་བཅས་པ་སོགས་ཏེ་རྩ་ལྟུང་བརྒྱད་པོ་ལས་དང་པོའམ་ཕལ་པ་ལ་ངེས་སོ། །དེ་དག་རྒྱལ་པོ་ལྟ་བུ་ལ་རང་དང་ཉེ་བའི་དབང་དུ་བྱས་པ་ཙམ་མ་གཏོགས་རྒྱལ་བློན་དམང་ཕལ་སོགས་ཀུན་ལ་རྩ་ལྟུང་དེ་དག་འབྱུང་ངེས་པའི་ཀུན་གྱིས་དེ་ལྟར་བསླབ་བྱ་ལ་བསྔོ་བ་གྲང་བྱ་དགོས་སོ། །ཡང་སྨོན་འཇུག་གི་སེམས་བློས་བཏང་སྟེ་ཉན་རང་གི་བསམ་པ་སྐྱེས་ན་རྩ་ལྟུང་གཉིས་ཏེ། དེ་ཡང་རྒྱལ་སྲས་བྱང་ཆུབ་སེམས་དཔའི་ལམ་ལ་སློབ་པར་དམ་བཅའ་བའི་སྐབས་རྒྱལ་བ་སྲས་བཅས་དཔང་པོར་བཞག །ནམ་མཁས་

― ZP04_Page_065 ―

^{[མ་དཔེ་གཟིགས་ན་འདིར་གནོན།]}

[Full Size]

གར་ཁྱབ་ཀྱི་འགྲོ་བ་རྣམས་གནས་སྐབས་དང་མཐར་ཐུག་གི་བདེ་བ་དམ་པ་སྦྱིན་པར་ཁས་བླང་བས་དམ་བཅའ་ཉམས་པའི་རྩ་ལྟུང་ཉི་ཤུའོ། །གསང་ཆེན་ཐབས་མཁས་ཀྱི་མདོ་ལྟར་དང༌། དོན་དུ་ནི་ཕྱིན་དྲུག་སོགས་གང་ལ་ཡང་མི་སློབ་ན་ཡང་བསླབ་པ་སྤོང་བའི་རྩ་ལྟུང་འབྱུང་བ་དཀོན་མཆོག་བརྩེགས་པ་ལས་བཤད་པའོ། །ཀུན་བསྡོམ་པས་རྩ་ལྟུང་ཉི་ཤུའོ། །ཉེས་བྱས་ཀྱི་སྡེ་ལ། ཡན་ལག་གི་ཉེས་བྱས་བརྒྱད་ཅུ་སྟེ་བསླབ་བཏུས་ལས། བདེ་སྡུག་ཡལ་བར་འདོར་བ་ཉེར་བཞི། བསྒྲུབ་པ་ཡལ་བར་འདོར་བ་བཅུ་དྲུག །དེ་གཉིས་ལས་དབྱེ་བའི་བརྒྱད་ཅུའོ། །གཉིས་པ་རྒྱ་ཆེན་སྤྱོད་རྒྱུད་རྒྱལ་སྲས་ཐོག་མེད་ཀྱི་ལུགས་ལ་སྨོན་པའི་བསླབ་བྱ་དང༌། འཇུག་པའི་བསླབ་བྱ་གཉིས་སོ། །དང་པོ་སྨོན་པའི་བསླབ་བྱ་ལ་ལྔ་སྟེ། སྨོན་སེམས་མི་འཆོར་བའི་ཆེད་དུ་སེམས་ཅན་བློས་མི་གཏོང་བ། བྱང་སེམས་མི་ཉམས་པའི་ཆེད་དུ་ཕན་ཡོན་དྲན་པ། བྱང་ཆུབ་སེམས་ཀྱི་སྟོབས་བསྐྱེད་པ་ཚོགས་གཉིས་གསོགས་པ། བྱང་ཆུབ་ཀྱི་སེམས་བསྐྱེད་ཕྱིར་རྒྱུད་སྦྱངས་བ་དང༌། བྱང་སེམས་མི་བརྗེད་པ་དཀར་ནག་གི་ཆོས་བརྒྱད་ལ་བླང་དོར་བྱེད་པ་སྟེ་ལྔའོ། །དེ་ལ་དང་པོ་སེམས་ཅན་བློས་མི་གཏོང་པ་ནི། གང་ཟག་གཅིག་ལྟ་བུ་ལ་ཁྱོད་ལ་ངས་ཕན་མི་བཏགས།

― ZP04_Page_066 ―

^{[མ་དཔེ་གཟིགས་ན་འདིར་གནོན།]}

[Full Size]

གནོད་པ་ལས་མི་སྐྱབས་ཞེས་བློས་བཏང་ན་ནམ་མཁས་ཁྱབ་པའི་འགྲོ་བ་ཐམས་ཅད་བློས་འདོར་བ་དང་ཁྱད་པར་མེད་ལ་སྨོན་པ་སེམས་བསྐྱེད་ཀྱི་སྡོམ་པ་རྩ་བ་ནས་ཆད་དོ། །ཤིང་ཁྲེས་ཀྱི་ཆུན་པོའི་ཆིངས་མདུད་གྲོལ་བ་བཞིན་ནོ། །དེའི་ཕྱིར་ན་སེམས་ཅན་བློས་མི་གཏོང་བར་གནོད་ལན་དུ་ཕན་བསྒྲུབ་པ་ལ་འབད་དོ། །གཉིས་པ་བྱང་ཆུབ་སེམས་ཀྱི་ཕན་ཡོན་དྲན་པ་ལ། ཕྱོགས་བཅུའི་འཇིག་རྟེན་གྱི་ཁམས་མུ་མེད་པ་ན་བཞུགས་པའི་སངས་རྒྱས་ཐམས་ཅད་དང་ས་ཆེན་པོ་ལ་གནས་པའི་བྱང་ཆུབ་སེམས་དཔའ་དེ་དག་ཐམས་ཅད་བྱང་ཆུབ་ཀྱི་སེམས་རིན་པོ་ཆེ་བསྐྱེད་པ་ཉག་གཅིག་མ་གཏོགས་པའི་ལམ་མེད་དོ། །དེའི་ཕྱིར་ན་བྱང་ཆུབ་ཏུ་སེམས་བསྐྱེད་པའི་ཡོན་ཏན་ནི། བྱང་ཆུབ་སེམས་དཔའ་བྱམས་པས་གཞོན་ནུ་ནོར་བཟང་ལ་དཔེ་ཉིས་བརྒྱ་དང་ལྔ་བཅུས་བསྟན་པ་ལྟར་རོ། །གསུམ་པ་ཚོགས་བསགས་པ་ལ་གཉིས་ཏེ། དམིགས་བཅས་བསོད་ནམས་ཀྱི་ཚོགས་དང་དམིགས་མེད་ཡེ་ཤེས་ཀྱི་ཚོགས་གཉིས་སོ། །དམིགས་བཅས་བསོད་ནམས་ཀྱི་ཚོགས་དཔེར་ན་སྦྱིན་པ་ལྟ་བུ་ལ། གང་སྦྱིན་པ་པོས་ཆེ་ཕྲ་ཇི་སྙེད་སྦྱིན་ཀྱང་བྱང་ཆུབ་སེམས་ཀྱིས་ཟིན་བཞིན་པ་ན་བསོད་ནམས་ཀྱི་ཚོགས་སོ། །དེ་ཐམས་ཅད་དམིགས་པ་མེད་པའི་ཤེས་རབ་ཀྱིས་ཟིན་པས་ཡེ་ཤེས་ཀྱི་ཚོགས་རྫོགས་་

― ZP04_Page_067 ―

^{[མ་དཔེ་གཟིགས་ན་འདིར་གནོན།]}

[Full Size]

པའོ། །སེམས་བསྐྱེད་ཀྱིས་ཟིན་པའི་ཚོགས་གཉིས་ཀྱི་ཕན་ཡོན་ནི། གསང་ཆེན་ཐབས་ལ་མཁས་པའི་མདོ་སོགས་ལས་ཤེས་སོ། །བཞི་པ་བྱང་ཆུབ་སེམས་ཀྱིས་རྒྱུད་སྦྱངས་པ་ལ་གསུམ་སྟེ། བྱང་ཆུབ་ཀྱི་སེམས་བསྐྱེད་པའི་རྒྱུ་ལ་བསླབ་པ་དང༌། བྱང་ཆུབ་ཀྱི་སེམས་དངོས་ལ་བསླབ་པ་དང༌། མཇུག་བྱང་ཆུབ་ཀྱི་སེམས་འཕེལ་བ་བདག་གཞན་བརྗེ་བ་བསླབ་པ་སྟེ་གསུམ། དང་པོ་རྒྱུ་ལ་བསླབ་པ་ནི། བྱམས་པ་དང་སྙིང་རྗེ་ལ་ཡང༌། སེམས་ཅན་ལ་དམིགས་པ་དང༌། ཆོས་ལ་དམིགས་པ་དང༌། དམིགས་པ་མེད་པའི་སྙིང་རྗེ་སྟེ་གསུམ་ཚངས་དགོས། ཐོག་མར་ལས་དང་པོ་པ་སྔོན་ནས་བློ་མ་སྦྱངས་པས་ན་འགྲོ་བ་རིས་མེད་ལ་བྱམས་སྙིང་རྗེ་སྐྱེ་དཀའ་བས། དང་པོ་རང་དགའ་བའི་ཕའམ་མ་མཛའ་བཤེས་ལྟ་བུ། དེ་ནས་བར་པའི་སེམས་ཅན། ཐ་མ་རང་ལ་གནོད་པར་བྱེད་པའི་དགྲ་ལ་སོགས་ལ་རིམ་བཞིན་བློ་སྦྱངས་ཏེ་གོམས་སུ་འཇུག་ནས་དེ་དག་ཐམས་ཅད་བདེ་བ་དང་ལྡན། སྡུག་བསྔལ་དང་བྲལ་ན་ཅི་མ་རུང་སྙམ་པའི་བློ་ངམ་ངམ་ཤུགས་ཀྱིས་སྐྱེས་མིག་མཆི་མམ་འཁྲུག་བར་དུ་སྒོམ་པ་དེ་ཉིད་ཀྱི་ངང་དུ་ཏིང་ངེ་འཛིན་ལ་རྒྱུན་བསྐྱང༌། དེ་རྣམ་པར་མི་རྟོག་པ་ནི་བྱམས་པའི་ཏིང་ངེ་

― ZP04_Page_068 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན་དང༌། བྱམས་པའི་ཏིང་ངེ་འཛིན་གྱི་ཡོན་ཏན་ནི། རྒྱལ་པོ་བྱམས་པའི་སྟོབས་ལྟ་བུའི་གཏམ་སོགས། །རྗེས་ཐོབ་ཀྱི་དུས་ན་བདེ་སྡུག་གཏོང་ལེན་གྱི་སེམས་བསྐྱེད་སོགས་ལ་བསླབ་པར་བྱས་ལ་དགེ་བ་རྫོགས་བྱང་དུ་བསྔོ། །གཉིས་པ་བྱང་ཆུབ་ཀྱི་སེམས་དངོས་ལ་བསླབ་པ་ནི། ཉིན་ལན་གསུམ་མཚན་ལན་གསུམ་དུ་བྱང་ཆུབ་སེམས་དཔའི་རྩ་ལྟུང་ལ་བསྔོ་བགྲང་བྱས་ཏེ་རྩ་ལྟུང་བྱུང་བ་རྣམས་བཤགས་ཏེ། སྔོན་འགྲོ་སྐྱབས་སུ་འགྲོ་བ་དང་མཎྜལ་ཡན་ལག་བདུན་པ་སོགས་གྲུབ་རྗེས་བྱང་སྡོམ་ལེན། རང་གཞན་དགའ་བ་བསྒོམ་ལ་བསྔོ་སྨོན་བྱ། གཉིད་འགྱོད་རྟོག་དཔྱོད་བཞི་ཡང་བྱང་ཆུབ་སེམས་དཔའི་ལམ་ལ་བློ་བཅོས། །གསུམ་པ་མཇུག་ཏུ་སེམས་བསྐྱེད་འཕེལ་བའི་ཕྱིར་བདེ་སྡུག་གཏོང་ལེན་སོགས་ལ་འབད་དོ། །ལྔ་པ་བྱང་སེམས་མི་བརྗེད་པའི་རྒྱུལ་ཡང༌། བྱང་ཆུབ་ཀྱི་སེམས་རིན་པོ་ཆེ་སྐྱེ་བ་ནས་སྐྱེ་བ་གཞན་དུ་བརྗེད་པ་ནག་པོའི་ཆོས་བཞི་ཡིན་པས་དེ་ལས་ལྡོག་སྟེ་སྐྱེ་བ་ནས་སྐྱེ་བ་ཐམས་ཅད་དུ་བྱང་ཆུབ་ཀྱི་སེམས་མི་བརྗེད་པའི་རྒྱུ་དཀར་པོའི་ཆོས་བཞི་བརྟེན་པར་བྱའོ། །མཆོད་པར་འོས་པའི་བླ་མ་དང་བྱང་སེམས་རྫུན་གྱིས་བསླུ་བ། བྱང་ཆུབ་ཀྱི་ལམ་ལ་བགྲོད་པའི་གང་ཟག་འགྱོད་པ་མེད་པའི་གནས་ལ་མི་སྙན་

― ZP04_Page_069 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་འགྱོད་པ་བསྐྱེད་པ། འགྲོ་བའི་དོན་ལ་བརྩོན་པའི་བྱང་ཆུབ་སེམས་དཔའ་རྣམས་ལ་སླུར་འདེབས་བྱེད་པ། སེམས་ཅན་ཕ་རོལ་པོ་གཞན་རྣམས་མགོ་གཡོག་ལྟ་བུའི་གཡོ་དང་སྒྱུ་མའི་གནོད་པར་བྱེད་པ་སྤོངས་ཏེ། དེ་ལས་ལྡོག་པའི་དཀར་པོའི་ཆོས་བཞིར་འབད་པས་བྱང་ཆུབ་ཀྱི་སེམས་མི་བརྗེད་པ་སྟེ་སྨོན་པའི་བསླབ་བྱའོ། །གཉིས་པ་འཇུག་པའི་བསླབ་བྱ་ལ་གཉིས་ཏེ། རྩ་ལྟུང་བཞི་ཉེས་བྱས་ཞེ་དྲུག་གོ །དང་པོ་ནི། རང་ཉིད་རྙེད་བཀུར་གྱི་བསམ་པས་ལྷག་པར་བློ་ཞེན་ཏེ་བདག་རང་བསྟོད་གཞན་སྨོད་པའི་རྩ་བའི་ལྟུང་བའོ། །སེར་སྣས་བསླང་སྟེ་སྦྱིན་ཡུལ་རྣམས་ལ་ཟང་ཟིང་ནོར་སོགས་མི་སྟེར་བ་དང་ཆོས་ཀྱི་སྦྱིན་ཡུལ་ལ་ཆོས་མི་སྟོན་པའོ། །ཞེ་སྡང་གིས་བསླང་བའི་ཁྲོ་བས་གཞན་ལ་འཚེ་སྟེ་རྡེག་སྤྱོད་སོགས་དང༌། ཁྲོ་བའི་ཡུལ་ཕ་རོལ་པོས་ཤད་ཀྱིས་སྦྱངས་ཏེ་ཁྱོད་ལ་འདི་ལྟ་བུའི་ཉེས་པ་བདག་གིས་བྱས་ཀྱང་ཁྱོད་ལ་མ་གནོད་ལྟ་བུའི་ཚིག་སྨས་ཀྱང་དེ་ལ་ཁྲོ་བ་མི་ཟློག་པར་སླར་ཡང་ཁྲོ་བ་དང་གཉིས་སོ། །ཐེག་ཆེན་གྱི་ཆོས་ལ་གཞན་གྱིས་གཏི་མུག་གི་དབང་གི་བྱ་བའི་གཡམ་ལ་བཞག་ནས་ཆོས་སྤོང་བ་དང༌། རང་ཉིད་ཀྱི་རྒྱུད་ཀྱི་མི་དགེ་བའི་ཆ་ཐམས་ཅད་སྦས་ཏེ་དེ་ཉིད་འདྲ་སྣང་གི་ཆོས་

― ZP04_Page_070 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟར་བློས་མོས་པས་བཅོས་ཏེ་ཆོས་ལོག་སྟོན་པ་དང་བཞི། དེ་ཐམས་ཅད་ཀུན་སློང་ལ་ལྟོས་ནས་བཞི་སྟེ། བྱ་བའི་ངོས་ནས་བརྒྱད་དུ་བརྩི་བའོ། །དེ་ལ་འདིར་གོང་གི་རྩ་ལྟུང་བཅོ་བརྒྱད་བཞག་པ་ཀླུ་སྒྲུབ་ལུགས་ལ། བྱང་ཆུབ་བཟང་པོའི་རྩ་ལྟུང་བཅོ་བརྒྱད་མེད་དེ་བཏགས་པ་ཙམ་མོ། །སློབ་དཔོན་ཨ་བྱ་ཀ་རས་རྩ་ལྟུང་བཅོ་བརྒྱད་དང༌། བཞི་པོ་ཀུན་རྩ་ལྟུང་དངོས་གནས་པར་བཞེད། རྒྱལ་སྲས་ཞི་བ་ལྷས་རྩ་ལྟུང་གཉིས་པོ་ཀུན་བསྲུང་དགོས་པར་བཞེད་ལ། སྔར་ཀླུ་སྒྲུབ་ལུགས་ཀྱི་རྩ་ལྟུང་ཉི་ཤུའི་ཁར་སེར་སྣས་ཟང་ཟིང་མི་སྟེར་བ་དང༌། ཁྲོ་བས་ཤད་སྦྱང་མི་ལེན་པ་དམ་ཆོས་འདྲ་སྣང་གིས་སྟོན་པ་ཆོས་ལྟར་བཅོས་པ་སྟེ་གསུམ་བསྣན་པའི་ཉེར་གསུམ་དུ་འདོད་དོ། །སྔ་འགྱུར་རིང་ལུགས་ཀྱང་ཕྱི་མ་ལྟར་བཞེད་པ་ཡིན། །དེ་དག་གི་འཇུག་པའི་བསླབ་བྱ་རྩ་ལྟུང་བཞིའོ། །ཡན་ལག་གི་ཉེས་བྱས་ཕྲ་བ་ཞེ་དྲུག་ནི་སྡོམ་པ་ཉི་ཤུ་པ་སོགས་ལས་ཤེས། བཀྲ་ཤིས།

འབྲས་བུ་སྐུ་བཞིའི་རྣམ་བཤད་དང་སེམས་བསྐྱེད་བསླབ་བྱ་བདེ་སྨོན་བཅས་པའི་ཟིན་བྲིས།

― ZP04_Page_071 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲས་བུ་སྐུ་བཞིའི་རྣམ་བཤད་དང་སེམས་བསྐྱེད་བསླབ་བྱ་བདེ་སྨོན་བཅས་པའི་ཟིན་བྲིས་བཞུགས་སོ།། །།

― ZP04_Page_072 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲས་བུ་ལ་བཞི་ལས། དང་པོ་མཚན་གཞི་ནི་སྐུ་གསུམ་ཡེ་ཤེས་ལྔ་དང་བཅས་པ་གང་ཞིག་ལ་ཐེག་ཆེན་མི་སློབ་པའི་ལམ་གྱི་ཐ་སྙད་བྱར་རུང་དུ་མཚོན་ཏེ། ཐེག་ཆེན་གྱི་སྤངས་རྟོགས་མཐར་ཕྱིན་པའི་དགེ་བ་ཡིན་པས་སོ། །གཉིས་པ་འབྲས་བུ་ནི་ཆོས་སྐུ་སངས་རྒྱས་ཀྱི་མི་སློབ་པའི་ཆོས་བཅུ། ཟག་པ་མེད་པའི་ཕུང་པོ་ལྔ། དམིགས་པ་མེད་པའི་ཕར་ཕྱིན་དྲུག་གོ །གསུམ་པ་དབྱེ་བ་ནི་རྟེན་སྐུ། བརྟེན་པ་ཡེ་ཤེས། མཛད་པ་ཕྲིན་ལས་གསུམ་མོ། །དང་པོ་ལའང་གསུམ་ལས་ཆོས་སྐུ་ནི། དབྱིངས་དང་ཡེ་ཤེས་སུ་མི་ཕྱེད་པར་རང་བཞིན་གྱིས་ཟུང་དུ་འཇུག་ཅིང་དྲི་མ་མཐའ་དག་དང་བྲལ་བའི་རྣམ་པར་བྱང་བ་ཆེན་པོའི་ཁམས་ནམ་མཁའ་ལྟ་བུ་སྟེ། འཕགས་པ་འཇིག་རྟེན་ལས་འདས་པའི་ལེའུ་ལས། སངས་རྒྱས་རྣམས་ནི་ཆོས་ཀྱི་སྐུ། རྣམ་དག་ནམ་མཁའ་ལྟ་བུ་ཡིན། །ཞེས་སོ། །རྡོ་རྗེ་ཕྲེང་བ་ལས། འདི་ནི་དོན་དམ་བདེན་པ་སྟེ། །སྣང་བ་མེད་ཅིང་མཚན་མ་མེད། །དོན་དམ་བདེན་པ་ཞེས་ཀྱང་བྱ། །སངས་རྒྱས་ཀུན་གྱི་བཞུགས་གནས་ཡིན། །ཞེས་སོ། །དབྱེ་ན་གཉིས་ཏེ་ངོ་བོ་ཉིད་སྐུ་དང་རྟོགས་པ་ཡེ་ཤེས་ཀྱི་ཆོས་སྐུའོ། །དང་པོ་མངོན་རྟོགས་རྒྱན་ལས། །ཐུབ་པའི་ངོ་བོ་ཉིད་སྐུ་ནི། །ཟག་པ་མེད་པའི་ཆོས་གང་དག །ཐོབ་འགྱུར་རྣམ་ཀུན་རྣམ་དག་པ། །དེ་དག་རང་བཞིན་མཚན་ཉིད་ཅན་ཞེས་པས། །དབྱིངས་དག་མཉམ་ཆེན་པོ་ནམ་མཁའ་བཞིན་དུ་རྣམ་པར་མི་རྟོག་ཀྱང་སྐུ་རྣམས་ཀྱི་ཆོས་ཉིད་བྱེད་པའི་ཆ་ནས་ངོ་བོ་ཉིད་སྐུ་ཞེས།

― ZP04_Page_073 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ་ལ། ཡེ་ཤེས་སྤངས་རྟོགས་མཐར་ཕྱིན་པ་རིགས་པའི་ངོ་བོ་སྟེ་མཚན་ཉིད་ཉི་ཤུ་རྩ་གཅིག་གི་རྟོགས་པ་ཡེ་ཤེས་ཆོས་སྐུའི་ཆ་ཡིན་ཏེ། རྒྱལ་བའི་ཡེ་ཤེས་དབྱིངས་རིག་མཐར་ཐུག་པ་གང་ཟག་གིས་མངོན་དུ་གྱུར་པའོ། །གཉིས་པོ་ངོ་བོ་ཉིད་དབྱིངས་ནམ་མཁའ་ལྟར་གདངས་བྱེད་པའི་ངང་ན་རྟོགས་པ་ཡེ་ཤེས་ཀྱི་ཆོས་སྐུ་ཉི་མ་གློ་བུར་གྱི་སྒྲིབ་པ་སྤྲིན་དངས་པ་ལྟར་སྣང་བའི་ཚུལ། ཉི་མཁའ་བཞིན་ཏེ་ཡེ་ཤེས་དང༌། །སྤངས་རྟོགས་གཉིས་ཀྱི་མཚན་ཉིད་དེ། །འོད་གསལ་བྱས་མིན་དབྱེར་མེད་པར། འཇུག་ཅན་གང་གའི་ཀླུང་གི་ནི། །རྡུལ་ལས་འདས་པའི་སངས་རྒྱས་ཀྱི། །ཆོས་རྣམས་ཀུན་དང་ལྡན་པ་ཉིད། །ཅེས་སོ། །དེའི་ངང་ལས་ཁམས་ཀྱི་ཡེ་ཤེས་མངོན་དུ་གྱུར་པའི་རིག་ཆ་ལྡོག་པའི་ཆོས་སུམ་ཅུ་རྩ་བདུན་ལ་སོགས་པ་ནི། བྱང་ཆུབ་ཕྱོགས་མཐུན་ཚད་མེད་དང༌། རྣམ་པར་ཐར་དང་མཐར་གྱིས་ནི། །སྙོམ་འཇུག་དགུ་ཡི་བདག་ཉིད་དང༌། །ཟད་པར་བཅུ་ཡི་བདག་ཉིད་དང༌། །ཟིལ་གྱིས་ནོན་པའི་སྐྱེ་མཆེད་ནི། །རབ་ཏུ་དབྱེ་བས་རྣམ་བརྒྱད་དང༌། །ཉོན་མོངས་མེད་དང་སྨོན་མཁྱེན་དང༌། །མངོན་ཤེས་སོ་སོ་ཡང་དག་རིག །རྣམ་པ་ཐམས་ཅད་དག་བཞི་དང༌། །དབང་བཅུ་དང་ནི་སྟོབས་བཅུ་དང༌། །མི་འཇིགས་པ་ནི་བཞི་དག་དང༌། །བསྲུང་བ་མེད་པ་རྣམ་གསུམ་དང༌། །དྲན་པ་ཉེར་བཞག་རྣམ་གསུམ་དང༌། །བསྙེལ་བ་མི་མངའི་ཆོས་ཉིད་དང༌། །བག་ཆགས་ཡང་དག་བཅོམ་པ་དང༌། །སྐྱེ་ལ་

― ZP04_Page_074 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་རྗེ་ཆེན་པོ་དང༌། །ཐུབ་པ་ཁོ་ནའི་མ་འདྲེས་ཆོས། །བཅོ་བརྒྱད་བཤད་པ་གང་ཡིན་དང༌། །རྣམ་པ་ཐམས་ཅད་མཁྱེན་ཉིད་དང༌། །ཆོས་ཀྱི་སྐུ་ཞེས་བརྗོད་པ་ཡིན། ཞེས་སོ། །དེ་ལྟ་བུའི་ཆོས་སྐུ་ནི་བསམ་གྱིས་མི་ཁྱབ་པའི་རང་བཞིན་ཡིན་པས་བག་ཆགས་དང་བཅས་པའི་ཉེས་པའི་ཆ་རྣམས་ཀུན་རྣམ་པར་སྤངས་ཤིང༌། རྟོག་པ་མེད་པའི་ཆོས་ཉིད་མཉམ་པར་བཞག་པའི་ཤེས་རབ་ཀྱིས་མཐོང་བ་སྟེ། ཐོག་མ་དབུས་མཐའ་མེད་ཅིང་རྣམ་དབྱེར་མེད། གཉིས་མེད་གསུམ་བྲལ་དྲི་མེད་རྣམ་རྟོག་མེད། ཆོས་དབྱིངས་རང་བཞིན་གང་ཡིན་དེ་རྟོགས་པ། མཉམ་པར་བཞག་པའི་རྣལ་འབྱོར་པ་ཡིས་མཐོང༌། གཞལ་མེད་གངྒའི་བྱེ་མ་ལས་འདས་པ། བསམ་མེད་མཉམ་མེད་ཡོན་ཏན་ཉིད་དང་ལྡན། དེ་བཞིན་གཤེགས་པའི་དྲི་མེད་དབྱིངས་དེ་ནི། བག་ཆགས་བཅས་པའི་ཉེས་ཀུན་སྤངས་པའོ། །ཞེས་སོ། །ལོངས་སྤྱོད་རྫོགས་པའི་སྐུ་ནི། འཁོར་བའི་ཆ་འདུས་བྱས་རྣམ་པར་ཤེས་པའི་ཚོགས་བརྒྱད་ཀུན་གཞི་དང་བཅས་པ་དབྱིངས་སུ་ནུབ་པའི་སྟོབས་ཀྱི་ཆ་ནས་བཞག་པའི་གནས་ལུགས་ཀྱི་སྣང་ཆའི་ཡོན་ཏན་མཐའ་དག་རྫོགས་པ་ནི་ངེས་པ་ལྔ་དང་ལྡན་པར་ཡོད་དེ། གནས་ངེས་པ་འོག་མིན་སྟུག་པོ་བཀོད་པར། འཁོར་ངེས་པ་ས་བཅུའི་སེམས་དཔའ་འབའ་ཞིག་ལ། ཆོས་ངེས་པ་ཐེག་པ་ཆེན་པོ། །སྟོན་པ་ངེས་པ་རྣམ་པར་སྣང་མཛད་ལ་སོགས་རིགས་ལྔའི་སངས་རྒྱས། དུས་ངེས་པ་རྟག་པ་རྒྱུན་གྱི་འཁོར་ལོར་བཞུགས་

― ZP04_Page_075 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང༌། ཐ་མལ་འདུས་བྱས་ཀྱི་དངོས་པོ་ལྟར་རགས་པ་ཐེར་ཟུག་གི་རྣམ་པ་ཡང་མ་ཡིན། རང་བཞིན་གྱིས་སྟོང་པ་ལྟར་སྣང་མི་ནུས་པའང་མ་ཡིན། འདོད་དགུ་འབྱུང་བ་ནོར་བུ་དང༌། སྣང་ཡང་ངོ་བོ་མེད་པས་འཇའ་ཚོན་ལྟར། རིག་པའི་ཡེ་ཤེས་འདུས་མ་བྱས་སུ་གནས་པའི་ཚུལ། མགོན་པོ་བྱམས་པས། སྣ་ཚོགས་དམ་ཆོས་འོད་ཟེར་མངའ་བའི་སྐུ། །འགྲོ་བའི་རྣམ་རོལ་དོན་གྲུབ་ལ་བརྩོན་པ། །མཛད་པ་ཡིད་བཞིན་ནོར་བུའི་རྒྱལ་བཞིན་ཏེ། །སྣ་ཚོགས་དངོས་དང་དེ་ཡི་རང་བཞིན་མིན། །ཞེས་སོ། །དེའང་སངས་རྒྱས་རྣམས་ཐོག་མ་མངོན་པར་བྱང་ཆུབ་པའི་གནས་ཁམས་གསུམ་ལས་འདས་པའི་གནས་སྟུག་པོ་བཀོད་པ་སྟེ། དེ་ཕྱོགས་གཤེད་ན་ཡོད་པར་བརྗོད་ཅིང་བསམ་པར་མི་ནུས་ཏེ། རླུང་དབུ་མ་ཞུགས་པའི་ཚེ་སྟོང་གཟུགས་ཀྱི་སྣང་བ་མཐོང་བ་དེ་ད་ལྟ་འདི་ན་ཡོད་དོ་ཞེས་ཕྱོགས་དང་རིས་ཀྱི་ཆད་པ་མ་ཡིན་པ་ལྟར། གང་དུ་ཁམས་ཀྱི་སྒྲིབ་པ་མཐའ་དག་སྤངས་ནས་དབྱིངས་དང་ཡེ་ཤེས་རོ་གཅིག་ཏུ་འདྲེས་པ་དེ་ན་ཡོད་སྟེ། རྒྱན་སྟུག་པོ་བཀོད་པའི་མདོ་ལས། །གཟུགས་མེད་འདོད་དང་གཟུགས་ཁམས་དང༌། །འདུ་ཤེས་མེད་པ་དེ་བཞིན་ཏེ། །ཁམས་ལས་འདས་སོ་སངས་རྒྱས་དང༌། །བཞུགས་སོ་སྟུག་པོའི་དཀྱིལ་འཁོར་ན། །ཞེས་པས་ཁམས་གསུམ་ལས་འདས་པར་བསྟན་ཀྱང་དེ་ཡང་ཤེས་ངོས་ན་འཛིན་པ་དང་མིང་དུ་བཏགས་པ་ཡོད་ཀྱི་གནས་ཐ་དད་པ་གསུམ་ལས་འདས་པའི་

― ZP04_Page_076 ―

^{[མ་དཔེ་གཟིགས་ན་འདིར་གནོན།]}

[Full Size]

ཚུལ། ཆོས་ཀྱི་དབྱིངས་སུ་བསྟོད་པ་ལས། །དབང་ཕྱུག་ཆེན་པོའི་གནས་མཆོག་དང༌། །འོག་མིན་དེ་ཉིད་རྣམ་མཛེས་པ། །ཐ་དད་གསུམ་པོ་གཅིག་ཉིད་དུ། །འདྲེས་པར་གྱུར་ལ་བདག་སྨྲའོ། །ཞེས་དང༌། ཐེག་བསྡུས་ལས། བདག་ཏུ་འཛིན་པ་མེད་པའི་ཕྱིར། །གནས་ལ་ཐ་དད་ཡོད་མ་ཡིན། །སྔོན་གྱི་རྗེས་སུ་འབྲངས་བས་ན། །དེ་ལ་གདགས་པས་ཐ་དད་འབྱེད། །ཅེས་སོ། །དེ་ལྟ་ནའང་བདག་ཅག་གི་སྟོན་པ་་ཐུབ་པ་ནི་ཐོག་མ་མེད་པའི་དུས་ཉིད་ནས་བཤད་མ་ཐག་པའི་འོག་མིན་དེ་ཉིད་དུ་སངས་རྒྱས་སུ་ཟིན་ཀྱང་སེམས་ཅན་གྱི་དོན་མཛད་པའི་ཕྱིར་འདི་མི་མཇེད་དུ་ཆགས་ནས་སེམས་ཅན་སོ་སོའི་སྣང་བ་དང་མོས་པའི་ངོ་བོ་ཐོག་མར་གཟུགས་ཁམས་ཀྱི་འོག་མིན་དུ་སངས་རྒྱས་ནས་ལྷ་རྣམས་བསྡུ་བར་མཛད་ནས་སླད་མར་འཛམ་བུའི་གླིང་གི་རྡོ་རྗེ་གདན་དུ་སངས་རྒྱས་པའི་ཚུལ་བསྟན་པ་ཉིད་ཏེ། ཟླ་གསང་ཐིག་ལེར། འདོད་པའི་ཁམས་དང་གཟུགས་མེད་དང༌། །སངས་རྒྱས་མངོན་པར་སངས་མི་རྒྱས། །གཟུགས་ཀྱི་ཁམས་ཀྱི་འོག་མིན་དུ། །འདོད་ཆགས་བྲལ་ཁྱོད་དེར་སངས་རྒྱས། །ཞེས་སོ། །གཟུགས་ཀྱི་ཁམས་དེ་ཡང་ཤིན་ཏུ་མཐོང་བ་མན་ཆད་ལས་ཐལ་བས་ཕ་རོལ་གྱི་འོག་མིན་ནི། ལང་ཀར་གཤེགས་པའི་དགོངས་པ་སྟེ། གཙང་མའི་གནས་དག་སྤང་ནས་སུ། །འོག་མིན་ཞེས་བྱའི་ཉམས་དགའ་བར། །ཡང་དག་སངས་རྒྱས་དེར་སངས་རྒྱས། །སྤྲུལ་པ་པོ་ཞིག་འདིར་སངས་རྒྱས།

― ZP04_Page_077 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་སོ། །དེ་ལྟ་བུའི་རྟེན་གཞལ་ཡས་ཁང་གི་བརྟེན་པ་རིགས་ལྔའི་སངས་རྒྱས་རྣམས་ནི་མཚན་སུམ་ཅུ་རྩ་གཉིས་དང༌། དཔེ་བྱད་བརྒྱད་ཅུའི་ངོ་བོ་ཉིད་བྱང་ཆུབ་སེམས་དཔའ་ས་བཅུ་པ་རྣམས་དང་ཐབས་གཅིག་ཏུ་ཐེག་པ་ཆེན་པོའི་ཆོས་ཀྱི་ལོངས་སྤྱོད་ཉེ་བར་སྤྱོད་པས་ལོངས་སྤྱོད་རྫོགས་པའི་སྐུ་ཞེས་བྱ་སྟེ། མངོན་རྟོགས་རྒྱན་ལས། །མཚན་ནི་སུམ་ཅུ་རྩ་གཉིས་དང༌། །དཔེ་བྱད་བརྒྱད་ཅུའི་བདག་ཉིད་ནི། །ཐེག་ཆེན་ཉེ་བར་ལོངས་སྤྱོད་ཕྱིར། །ཐུབ་པའི་ལོངས་སྤྱོད་རྫོགས་སྐུར་བཞེད། །ཅེས་སོ། །དུས་ངེས་པའི་རྒྱུ་མཚན་ནི་ལོངས་སྐུ་དེ་ཉིད་ཆོས་སྐུ་དང་དབྱེར་མེད་ངོ་བོ་ཉིད་གཅིག་ལ་བསམ་གྱིས་མི་ཁྱབ་ཅིང་འཕོ་འགྱུར་མེད་པ་དང༌། ལྷུན་གྱི་གྲུབ་ཅིང་འདུས་མ་བྱས་པ་ཉིད་དང༌། གདུལ་བྱའི་བསོད་ནམས་ཚད་མེད་པ་ལས་འཁོར་བ་ཇི་སྲིད་དུ་རང་སྣང་བས་རྟག་པ་སྟེ། རྒྱུད་བླ་མར། ཆོས་ཀྱི་དབང་ཕྱུག་འཆི་བའི་བདུད་བཅོམ་དང༌། །ངོ་བོ་མེད་ཕྱིར་འཇིག་རྟེན་མགོན་ཁྱོད་རྟག །ཅེས་དང༌། འཇུག་པ་ལས། ཞི་སྐུ་དཔག་བསམ་ཤིང་ལྟར་གསལ་གྱུར་པས། །ཡིད་བཞིན་ནོར་བུ་ཇི་ལྟར་རྣམ་མི་རྟོག །འགྲོ་གྲོལ་བར་དུ་འཇིག་རྟེན་འབྱོར་སླད་རྟག །འདི་ནི་སྤྲོས་དང་བྲལ་ལ་སྣང་བ་ཡིན། ཞེས་སོ། །སྤྲུལ་པའི་སྐུ་ནི། །མངོན་རྟོགས་རྒྱན་ལས། གང་གིས་སྲིད་པ་ཇི་སྲིད་པར། །འགྲོ་ལ་ཕན་པ་སྣ་ཚོགས་དག །མཉམ་དུ་མཛད་པའི་སྐུ་དེ་ནི། །ཐུབ་པའི་སྤྲུལ་སྐུ་རྒྱུན་མི་འཆད། །ཅེས་སོ། །གཉིས་པ་བརྟེན་པ་ཡེ་ཤེས་ནི། །ཆོས་དབྱིངས་ཡེ་

― ZP04_Page_078 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས། །མེ་ལོང་ཡེ་ཤེས། མཉམ་ཉིད་ཡེ་ཤེས། སོར་རྟོགས་ཡེ་ཤེས། བྱ་གྲུབ་ཡེ་ཤེས་དང་ལྔའོ། །གསུམ་པ་མཛེས་པ་ཕྲིན་ལས་ནི། སྔ་མ་ལས། དེ་བཞིན་འཁོར་བ་ཇི་སྲིད་འདིའི། །ལས་ནི་རྒྱུན་མི་འཆད་པར་འདོད། །ཅེས་སོ།། ༈ །མདོར་ན། ནམ་མཁས་ཁྱབ་ཚད་ཀྱི་སེམས་ཅན་ཐམས་ཅད་ཀྱི་དོན་དུ་རྣམ་མཁྱེན་བླ་ན་མེད་པའི་བྱང་ཆུབ་ཀྱི་གོ་འཕང་རིན་པོ་ཆེ་ལ་དད་པ་དང་འདུན་པ་དང་དོན་གཉེར་གྱི་བློ་དང་གསུམ་པོ་དེ་དུས་དང་རྣམ་པ་ཐམས་ཅད་དུ་མི་བརྗེད་པ་ནི་སྨོན་པ་སེམས་བསྐྱེད་ཀྱི་ངོ་བོའོ། །རྒྱལ་པོ་ལ་གདམས་པའི་མདོ་ལས། རྒྱལ་པོ་ཆེན་པོ་ཁྱོད་ཀྱིས་དུས་ཐམས་ཅད་དུ་འགྲོ་ཡང་རུང་འཆགས་ཀྱང་རུང་ཟ་ཡང་རུང་ཉལ་ཡང་རུང༌། སེམས་ཅན་ཐམས་ཅད་ཀྱི་དོན་དུ་རྫོགས་པའི་བྱང་ཆུབ་ཀྱི་གོ་འཕང་ཐོབ་འདོད་ལ་དད་པ་དང་འདུན་པ་དང་དོན་དུ་གཉེར་བ་སོགས་གསུངས་པ་ལྟར་རོ། །སེམས་ཅན་ཐམས་ཅད་རྣམ་མཁྱེན་བྱང་ཆུབ་ཀྱི་ས་ལ་འགོད་པའི་ཆེད་དུ་འཇུག་པ་བྱང་ཆུབ་ཀྱི་བསླབ་བྱ་ལམ་ཕ་རོལ་ཏུ་ཕྱིན་པ་དྲུག་ལ་ནན་ཏན་དུ་བྱ་བའི་བློ་དེ་ནི་འཇུག་པ་སེམས་བསྐྱེད་ཀྱི་ངོ་བོ། །དེ་བཞིན་དུ་རང་གི་ལུས་ལོངས་སྤྱོད་དུས་གསུམ་གྱི་དགེ་ཚོགས་དང་བཅས་པ་དུས་དང་རྣམ་པ་ཐམས་ཅད་དུ་གཏོང་སེམས་དང་མ་བྲལ་བ་ནི་སྦྱིན་པའི་ངོ་བོ། །དེ་ལྟར་རྫོགས་པའི་བྱང་ཆུབ་མ་ཐོབ་ཀྱི་བར་དུ་བྱང་ཆུབ་སེམས་ཀྱི་མི་མཐུན་པའི་ཕྱོགས་ཀྱི་ཉེས་སྤྱོད་ཐམས་ཅད་སྤོང་བར་སེམས་པ་ནི་ཚུལ་ཁྲིམས་ཀྱི་ངོ་བོ་སྟེ་ཀུན་ལ་འགྲོའོ། །

― ZP04_Page_079 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་ཕ་རོལ་ཏུ་ཕྱིན་པ་དྲུག་ལ་དབྱེ་བ་མང་དུ་བཤད་ཀྱང་བསྡུ་ན་ཚུལ་ཁྲིམས་གསུམ་ལ་འདུས། འདི་བསྲུང་བྱེད་ཀྱི་ཐབས་དྲན་ཤེས་བག་ཡོད་གསུམ་ལ་འདུས། བག་ཡོད་ནི་སྤང་བླང་གི་གནས་ལ་གཟོབ་པ་ལྷུར་ལེན་པ་ནི་བག་ཡོད་དེ། དགེ་བའི་འབྲས་བུ་གནས་སྐབས་ལྷ་མའི་གོ་འཕང་དང༌། མཐར་ཐུག་སངས་རྒྱས་གྱི་གོ་འཕང་ཐོབ་པའི་རྒྱུ་ཕྲ་ཞིང་ཕྲ་བ་ནས་བསྒྲུབ་པར་བྱ་བ་ལས་བརྙས་པར་མི་བྱ། །སྡིག་པ་མི་དགེ་བའི་ལས་གནས་སྐབས་ཚེ་འདི་དང་མཐར་ཐུག་ཚེ་ཕྱི་མ་ལ་སྡུག་བསྔལ་བསམ་གྱིས་མི་ཁྱབ་པ་བསྐྱེད་པར་འགྱུར་བའི་སྡིག་པ་ཕྲ་ཞིང་ཕྲ་བ་ནས་སྤང་བ་གལ་ཆེ། དེ་ནི་བག་ཡོད་དོ། །དྲན་པ་སྟོད་ཕུར་ལྟ་བུ་ཡིན་ཏེ། དགེ་བའི་ཕན་ཡོན་སྡིག་པའི་ཉེས་དམིགས་སོགས་སྤང་བླང་གི་གནས་དང༌། ཆོས་ཀྱི་ཚིག་དོན་སོགས་མི་བརྗེད་པར་ཡིད་ལ་ཐད་ཀ་ཐད་ཀ་ནས་དྲན་པའོ། །ཤེས་བཞིན་བྱ་ར་བ་ལྟ་བུ་ཡིན་པས། དུས་རྒྱུན་དུ་རང་གི་ལུས་ངག་ཡིད་གསུམ་གྱི་གནས་སྐབས་ལ་བརྟགས་ཤིང་དཔྱད་ནས། །ལུས་འགྲོ་འདུག་ངག་སྨྲ་བརྗོད་སེམས་ཀྱི་རྣམ་རྟོག་ཀུན་ལ་བརྟགས་ནས་ཅི་བྱེད་ཅིང་འདུག །ཅི་བཤད་པར་འདུག །ཅི་བསམ་ནས་འདུག་བསམ་སྟེ་ལུས་ངག་ཡིད་གསུམ་གྱི་དགེ་བ་ཞིག་ཡིན་ན། དགའ་བ་བསྒོམ་ན་གོང་འཕེལ་དུ་འགྲོ། མི་དགེ་བ་ཞིག་ཡིན་ན་སེམས་ཐོག་ནས་སྤོངས་པའི་གཉེན་པོ་བརྟེན་དགོས་སོ། །ཟིན་བྲིས་གནང་བ་ཞིག་ལགས་སྙམ། །

― ZP04_Page_080 ―

^{[མ་དཔེ་གཟིགས་ན་འདིར་གནོན།]}

[Full Size]

བདེ་བ་ཅན་དུ་སྐྱེ་བའི་སྨོན་ལམ་ཞིང་མཆོག་སྒོ་འབྱེད་འདི་ལ། དང་པོ་ཕུལ་བྱུང་མཛད་པ་སོགས་ཀྱི་དོན། མགོན་པོ་འོད་དཔག་མེད་ཀྱི་སྔོན་སངས་རྒྱས་འཇིག་རྟེན་དབང་ཕྱུག་རྒྱལ་པོའི་དྲུང་དུ་ཐུགས་བསྐྱེད་ནས་སྨོན་ལམ་བཏབ་པ་དང༌། བསྐལ་པ་གངྒཱའི་ཀླུང་གི་བྱེ་མ་སྙེད་གཉིས་ཀྱི་བར་དུ་ཚོགས་བསགས་པ་སོགས་མཆོད་བརྗོད་ཤློ་ཀའི་ཚིགས་དང་འབྲེལ་བར་ཕྱག་འཚལ་བ་དང་སྐྱབས་གནས་གཅིག་ཆོག་ཏུ་འཛིན་པའི་སྒོ་ནས་བརྗོད་པ་དང༌། སྔོན་རྗེ་བདག་ཉིད་ཆེན་པོ་ནས་ཐུགས་བསྐྱེད་ཇི་ལྟར་མཛད་པ་ལྟར་བདག་ཅག་གིས་ཀྱང་བརྩེ་བའི་སྙིང་རྗེ་ཆེན་པོ་དང༌། བྱང་ཆུབ་ཀྱི་སེམས་ཀྱི་ཀུན་སློང་རྣམས་མཁན་པོས་གསུངས་བཤད་རྒྱས་པ་གནང་ནས་ཚིགས་བཅད་གཉིས་པོ་སྐྱབས་འགྲོ་དང་སེམས་བསྐྱེད་ཀྱི་ཚུལ་དུ་བརྗོད། དེ་ནས་གཞུང་ན་ཡོད་པ་ལྟར་བདེ་བ་ཅན་གྱི་ཞིང་དུ་སྨོན་ལམ་གདབ་དགོས་ཚུལ་དང་སྐྱེ་བའི་རྒྱུ་བཞི་པོ་སོགས། མཁན་པོས་གསུངས་ནས། རྒྱུ་བཞི་པོ་མཐར་ཆགས་སུ་ཐུན་གཅིག་གི་ཉམས་ལེན་དུ་དྲིལ་ནས་བྱ་བ་ལ། དང་པོ་ཞིང་དང་སྟོན་པའི་ཡོན་ཏན་དྲན་ནས་དེ་ལ་ཡིད་གཏོད་པ་ལ། ཞིང་ཁམས་ཀྱི་བསྟོད་པ་རྒྱས་བསྡུས་ཅི་རིག་མཁན་པོས་གསུངས་ནས་བྱིང་འདྲེན་པས་བསྐུལ་ཏེ། མི་མཇེད་ཞིང་གི་སོགས་གནས་སྐབས་ཀུན་ཏུ་ཁྱོད་ཀྱི་འགྲོ་ཀུན་སྐྱོངས་ཀྱི་བར། བཅད་ལྷུག་སྤེལ་མ་གདངས་སྙན་པོའི་སྒོ་ནས་ཚོགས་མང་གི་གསུངས་འཕྲལ། རྒྱུ་གཉིས་པ་དགེ་བའི་རྩ་བ་མང་པོ་དཔག་ཏུ་མེད་པ་བསྐྱེད་པ་ཚོགས་བསགས་ཡན་

― ZP04_Page_081 ―

^{[མ་དཔེ་གཟིགས་ན་འདིར་གནོན།]}

[Full Size]

ལག་བདུན་ཏུ་བསྡུས་ནས་བྱ་བའི་སྔོན་ཚོགས་ཀྱི་ཞིང་དང་སྨོན་ལམ་འགྲུབ་པའི་དབང་པོ་སྤྱན་འདྲེན་པ། བླང་དོར་གནས་རྣམས་སོགས་ནས། འདིར་གཤེགས་ཤིག་གི་བར་གསུངས། དེ་ནས་ཡན་ལག་བདུན་པ་རྒྱས་པར་ནི་སྤྱོད་འཇུག་དང་བཟང་སྤྱོད་ཡན་ལག་བདུན་པ་སྤེལ་མའམ་བསྡུ་ན་བཟང་སྤྱོད་ལྟར། ཡན་ལག་རེ་རེ་བཞིན་མཁན་པོས་གསུངས་བཤད་དང་བཅས་རིམ་བཞིན་བྱས་འཕྲལ། རྒྱུ་གསུམ་པ་བྱང་ཏུ་སེམས་བསྐྱེད་པ་བྱང་ཆུབ་སྙིང་པོ་སོགས་ཀྱི་སྐྱབས་འགྲོ་རྩོམ་བྱེད་དུ་བྱས་ཏེ་སྤྱོད་འཇུག་ལྟར་དམ་བཅའ་དང་རྗེས་དགའ་བ་བསྒོམ་པའི་སྒོ་ནས་སེམས་བསྐྱེད། རྒྱུ་བཞི་པ་དགེ་བའི་རྩ་བ་རྣམས། བདེ་བ་ཅན་དུ་སྐྱེ་བའི་རྒྱུར་བསྔོ་བ། སྨོན་ལམ་གྱི་ཚིག་དོན་ཡིད་ལ་དྲན་པའི་སྒོ་ནས་འདུན་པ་དྲག་པོ་བསྐྱེད་དགོས་ཚུལ་མཁན་པོས་གསུངས་ནས་ཚོགས་མང་གིས། བདག་དང་གཞན་གྱི་སོགས་ནས་བདེ་སྨོན་རྐྱང་པ་མ་དག་ཞིང་གི་འགྲོ་བ་འདྲེན་པར་ཤོག་པར་དང༌། དེ་མན་གྱི་སྨོན་ལམ་རྣམས་རྒྱས་པར་ཞིང་མཆོག་སྒོ་འབྱེད་དམ་ཕུལ་བྱུང་མ་གང་རུང་གི་ཚིགས་བཅད་ལྷུག་རྫོགས་པའམ་བསྡུ་ན་ཇི་སྲིད་ཐུབ་མཆོག་མ་ཙམ་བྱས་རྗེས་སུ་བཟང་སྤྱོད་སོགས་སྨོན་ལམ་རྣམས་དལ་ཁོམས་དང༌། བསྟུན་ནས་བྱ་ལ་འདི་ལྟ་བུ་སྔ་ཆོག་ཕྱི་ཆོག་གཉིས་བྱས་ན་སྙམ་ཁོ་བོས་བློ་བཟོ་ལྟ་བུ་ཡིན་ཀྱང་ཞིབ་པར་སྙིང་ནས་ཐུགས་དཔྱད་གནང་བ་ཞུ་ཞུ། སེར་ཤུལ་དགོན་ལྟ་རམ་བར་ཨ་ནུ་བཀའ་དྲིན་ཅན་གྱིས་བསྐུར་བ་ལགས་སོ།། །།

― ZP04_Page_082 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་སྭ་སྟི། རྣམ་དག་ཚུལ་ཁྲིམས་ཕུང་པོས་མཛེས་པའི་སྐུ། །ཏིང་འཛིན་ཤེས་རབ་ཡོན་ཏན་དཔལ་གྱི་བརྗིད། །མཐའ་ཡས་འགྲོ་བའི་ཕན་བདེའི་གཞིར་གྱུར་པ། །ཐུབ་དབང་སྲས་བཅས་གུས་པའི་གཙུག་གིས་མཆོད། །ཤིན་ཏུ་དཔག་དཀའ་རྒྱལ་བ་ཀུན་གྱི་ཡུམ། །དགོངས་དོན་འཁྲུལ་མེད་གསལ་བར་འབྱེད་པའི་རྒྱན། །བཞི་པའི་སྐབས་ཀྱི་སྤྱི་དོན་ལེགས་བཤད་གཏམ། །འཆད་ཉན་ཉམས་སུ་ལེན་པའི་ཆ་རྐྱེན་དུ། །བཟོ་རིག་འཕྲུལ་གྱི་རྣམ་དཔྱོད་ལས་ཐོན་པ། །གཅིག་ལ་དུ་མར་འཆར་བའི་ཕྱི་མོའི་པར། །བློ་གྲོས་བཟང་པོས་ཐུབ་བསྟན་པདྨོའི་ཚལ། །རྒྱས་མཛད་དམ་པའི་ཐུགས་བསྐྱེད་མཐུ་ཡིས་བསྐྲུན། །གང་གི་བཀའ་བཞིན་བརྩོན་པ་ལྷུར་ལེན་པ། །ཉེ་བར་གནས་པར་བློ་བཟང་ཆོས་ཉིད་དང༌། །བརྐོས་མཁན་མཁས་པ་བུ་ལྷ་ཕ་བུར་བཅས། །བསམ་དང་སྦྱོར་བའི་ལེགས་བྱས་ཕྱོགས་གཅིག་སྤུངས། །དེ་དགེ་དྲི་མེད་ཟླ་བ་འབུམ་གྱི་ཞུན། །གཅིག་ཏུ་འཁྱིལ་ལྟར་རྣམ་པར་དཀར་བའི་མཐུས། །ལུང་དང་རྟོགས་པའི་རྒྱལ་བསྟན་དཔག་བསམ་ལྗོན། །བཤད་དང་སྒྲུབ་པའི་ཁོ་ལག་ཡོངས་རྫོགས་ཤོག །རྣམ་དཀར་ལས་འདིར་འབྲེལ་བ་ཐོགས་པའི་གཙོས། །འགྲོ་བ་མ་ལུས་འོད་སྣང་མཐའ་ཡས་ཀྱིས། །རྒྱལ་བའི་དཀྱིལ་འཁོར་མཛེས་ཤིང་ཉམས་དགའ་བར། །པདྨའི་སྦུབ་ལས་ལུས་མཆོག་འཛིན་གྱུར་ཅིག །མིག་ནས་མི་སྦྱོར་རྒྱལ་ཡུམ་དགོངས་པའི་མཁའ། །ཡུལ་དང་

― ZP04_Page_083 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུལ་ཅན་གཉིས་སྣང་རྡུལ་བྲལ་བ། །སྦྱོར་བཞིའི་མངོན་རྟོགས་དྲི་མེད་མཐར་བྱས་ཏེ། །ཆོས་སྐུའི་རྒྱལ་སར་ཀུན་ཀྱང་གནས་གྱུར་ཅིག །རྒྱལ་བའི་རྗེས་འཇུག་དགེ་འདུན་འདུས་པའི་སྡེ། །གང་ན་མཆིས་ཀུན་བསླབ་པ་རིན་པོ་ཆེ། །རྣམ་པ་གསུམ་གྱི་མཛད་བཟང་གོང་འཕེལ་མཐུས། །སྲིད་ཞིའི་ལེགས་ཚོགས་རྒྱས་པའི་བཀྲ་ཤིས་ཤོག །ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་བསྟན་བཅོས་མངོན་པར་རྟོགས་པའི་རྒྱན་གྱི་འགྲེལ་བ་རྗེ་བཙུན་ཆོས་གྱི་རྒྱ་མཚོ་དཔལ་བཟང་པོས་མཛོད་པའི་སྐབས་བཞི་བའི་སྤྱི་དོན་འདི་གྲྭ་ཚངས་རིན་པོ་ཆེར་དཔེ་རྒྱུན་དཀོན་པ་ལ་ཕན་པར་དགོངས་ནས་གཞུང་ལུགས་རབ་འབྱམས་སྨྲ་བའི་མཁས་དབང་བློ་བཟང་ཐུབ་བསྟན་གྱིས་ཐུགས་བསྐྱེད་དག་པས་སྤར་དུ་སྒྲུབ་སྐབས་སྤར་བྱང་ཉུང་ངུ་ཞིག་གྱིས་ཞེས་བཀའ་གནད་ལྟར་ཆོས་སྨྲ་བའི་གཟུགས་ཙམ་འཛིན་པ་དཔལ་དགེ་ཨ་བུར་འབོད་པས་ཐེག་ཆེན་དར་རྒྱས་གླིང་གི་ཆོས་གྲྭར་བྲིས་པ་དགེ་ཞིང་བཀྲ་ཤིས་པར་གྱུར་ཅིག། །།དགེའོ། །དགེའོ། །དགེའོ།། །། ༈ ཚ་བླའི་མགྲིན་པའི་དཀོར་མཛོད་གསར་དུ་རྡོལ། །འབྲོག་བླའི་མགྲིན་པའི་རྩ་འདབས་རྒ་བས་རྒོག །རྡོལ་ལས་མི་ལེན་རྒོག་ལས་ཚོལ་བ་འགལ། །རྒན་པོ་རྒས་ཆེས་འཆད་རྩོད་རྩོམ་གསུམ་བརྗེད། །ཧ་ཅང་བཙིར་ན་སྟུག་པ་འཆོར་ཉེ་ཡང༌། །དབུ་བླའི་བཀའ་ལ་སྐྲག་ཆེས་ཅུང་ཟད་བྲི། །སངས་རྒྱས་དང་

― ZP04_Page_084 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །ཟབ་དང་རྒྱ་ཆེ་ཐེག་པ་མཆོག་གཞུང་ལས། །ཟབ་མོ་ལྟ་བའི་དོན་མཆོག་སྟོན་པའི་བཀའ། །ཤེས་རབ་ཕར་ཕྱིན་རྡོ་རྗེ་གཅོད་པ་དང༌། རྒྱ་ཆེན་སྤྱོད་པའི་གནད་ཀུན་ཡོངས་བསྡུས་པ། །སེམས་དཔའི་བསྟན་བཅོས་རྒྱལ་སྲས་སྤྱོད་འཇུག་གཞུང༌། །བཀའ་བསྟན་ཀུན་གྱི་གཙོར་གྱུར་རྣམ་གཉིས་ཀྱི། །དཔེ་བརྒྱའི་ཕྱི་མོར་གྱུར་པའི་སྤར་འདི་དག །དམ་པ་མཆོག་གྱུར་་མཚན་ཅན་གྱིས། །ཐུགས་བསྐྱེད་རྣམ་དག་མཁའ་ལྟར་དྭངས་བས་བསྒྲུབས། །དགེ་དེས་རྒྱལ་བསྟན་དར་ཞིང་རྒྱས་པ་དང༌། །ཁྱད་པར་ཡུན་རིང་དྲིན་གྱིས་ལེགས་སྐྱོང་བའི། །ཕ་མ་དུད་འགྲོའི་སྐྱེ་གནས་ལས་ཐར་ཏེ། །ལྷ་མིའི་རྟེན་ལས་རྣམ་གྲོལ་མཆོག་ཐོབ་ཤོག །དགེའོ།། །།

སྡོམ་པ་གསུམ་གྱི་གནད་བསྡུས།

― ZP04_Page_085 ―

^{[མ་དཔེ་གཟིགས་ན་འདིར་གནོན།]}

[Full Size]

སྡོམ་པ་གསུམ་གྱི་གནད་བསྡུས་པ་ཞེས་བྱ་བ་བཞུགས་སོ།། །།

― ZP04_Page_086 ―

^{[མ་དཔེ་གཟིགས་ན་འདིར་གནོན།]}

[Full Size]

།ཐུགས་རྗེ་ཆེན་པོ་དང་ལྡན་པའི་བླ་མ་རྣམས་ལ་ཕྱག་འཚལ་ལོ། །དེ་ལ་སྤྱིར་རྒྱལ་བས་ཆོས་སྒོ་དང་ཐེག་པའི་རྣམ་གྲངས་བསམ་གྱིས་མི་ཁྱབ་པ་གསུངས་པ་ཐམས་ཅད་ཀྱང་བསྡུ་ན་ཐེག་པ་ཆེ་ཆུང་གཉིས་སུ་འདུ། ཐེག་ཆེན་ལ་མདོ་སྔགས་གཉིས་སུ་དབྱེ་བས་ཉམས་ལེན་གྱི་གནད་ཐམས་ཅད་སྡོམ་པ་གསུམ་ལ་འདུ། །སྡོམ་པ་གསུམ་པོ་བསྡུ་ན་འདི་ལྟ་སྟེ། སོ་ཐར་གྱི་ངོ་བོ་ངེས་འབྱུང་ཡིན། །བྱང་སེམས་ངོ་བོ་གཞན་ཕན་ཡིན། །གསང་སྔགས་ངོ་བོ་དག་སྣང་ཡིན། །གསུམ་པོ་རང་སེམས་འདུལ་ལ་འདུ། །འདི་ལ་བཞི། ཕྱི་སོ་ཐར། ནང་བྱང་སེམས། གསང་བ་གསང་སྔགས། སྡོམ་གསུམ་འགལ་མེད་དུ་ཉམས་སུ་ལེན་ཚུལ་ལོ། །དང་པོ་ཕྱི་སོ་ཐར་གྱི་སྡོམ་པ་ནི། སོ་ཐར་གྱི་ངོ་བོ་ངེས་འབྱུང་ཡིན། །ཞེས་བྱ་སྟེ། འདི་ལ་བསྡམ་བྱ། །སྡོམ་བྱེད་གཉིས། དང་པོ་བསྡམ་བྱ་ནི། ད་ལྟ་རང་རེ་རྣམས་ཀྱི་རྒྱུད་ལ་ཚེ་ཕྱི་མ་ཕན་ཆད་ཀྱི་ཐར་པ་བྱང་ཆུབ་སྒྲུབས་པའི་ཆེད་མ་ཡིན་པར། འཇིག་རྟེན་ཚེ་འདི་ཙམ་ལ་ཞེན་ནས་བདེ་སྐྱིད་སྙན་གསུམ་མམ། །ལྟོ་གོས་གཏམ་གསུམ་དོན་དུ་གཉེར་བའི་བློ་འདི་བསྡམ་བྱ་ཡིན། འདི་དག་གི་རྩ་བ་ཚེ་འདིར་ཞེན་པ་ཡིན། །དེའི་རྩ་བ་བདག་འཛིན་ཡིན།

― ZP04_Page_087 ―

^{[མ་དཔེ་གཟིགས་ན་འདིར་གནོན།]}

[Full Size]

འདི་དག་ལའང༌། བདེ་འདོད་དང༌། སྐྱིད་འདོད་ལས། སྙན་འདོད་སྤངས་དཀའ། ལྟོ་གོས་ལས་གཏམ་སྤངས་དཀའ་བ་ཡིན། དེ་ཇི་ལྟར་ཡིན་ཞེ་ན། འཇིག་རྟེན་པ་རྣམས་གསོད་པར་ཤེས། གསོད་པ་པོས་མདུན་ན་སྒུག་བཞིན་དུ་གཡུལ་ངོར་ནན་གྱིས་འཇུག་པ་དེ་བདེ་སྐྱིད་སྤངས་ནས་སྙན་པ་སྒྲུབ་པ་ཡིན། རང་ཤི་ཤུལ་གྱི་གཏམ་སྙན་པོ་དེའི་ཆེད་དུ་རང་གི་སྲོག་ཀྱང་ཡལ་བར་འདོར་བ་དེ་འཁྲུལ་ཚབས་ཆེ། །ཡང་ཆོས་པ་རྣམས་ལྟོ་གོས་ལ་གྱོང་བསྐུར་ནས་དཀའ་སྤྱད་དང་སྙིང་རུས་ཀྱིས་ཆོས་བྱས་ཀྱང༌། དེ་ཆོས་པ་བཟང་པོ་ཞིག་ཡིན་ཞེས་གཞན་གྱིས་གླེང་ན་དགའ་ཞིང༌། དེའི་ཆེད་དུ་དགེ་སྦྱོར་གྱི་བྱས་ཡུས་འདྲེན་པ་དེ་ལྟོ་གོས་བློས་ཐོང་གཏམ་བློས་མཐོང་བ་ཡིན། །ལུས་ཀྱི་གསོས་སུ་མེད་ཐབས་མེད་ཅིང་ངེས་པར་ལྟོ་གོས་གཉིས་བློས་བཏང་ནས་གཏམ་སྟོང་པ་ཞིག་སྒྲུབ་པ་དེ་ཡང་འཁྲུལ་ཚབས་ཆེ། དེས་ན་རང་རེ་ཐམས་ཅད་ལ་ཆོས་འཇིག་རྟེན་གང་གི་ཐད་ནས་ཀྱང་མི་མདུན་ནས་ངོ་མི་ཚ་བ་ཞིག་བྱེད་དགོས་སྙམས་པ་དེ་གཏམ་དང་སྙན་པ་སྒྲུབ་པ་ཡིན་པས་དེ་སྤངས་བྱ་ཐམས་ཅད་ཀྱི་གཙོ་བོ་ཡིན། །དེ་ལྟར་བདག་འཛིན་དང་ཚེ་འདིའི་ཞེན་པ་གཉིས་པོ་འདི་འཇིག་རྟེན་པའམ་འཁོར་བ་སྒྲུབ་པའི་ཀུན་

― ZP04_Page_088 ―

^{[མ་དཔེ་གཟིགས་ན་འདིར་གནོན།]}

[Full Size]

སློང་ཐམས་ཅད་ཀྱི་རྩ་བ་ཡིན། ཀུན་སློང་དེ་ལ་གཞི་བྱས་ནས། ད་ག་རེ་ཆོས་དང་འཇིག་རྟེན་གང་སྒྲུབ་ཀྱང་རྒྱུ་རྫས་དང་ལོངས་སྤྱོད་ཞིག་མེད་པའི་ཐབས་མི་འདུག །ཆོས་བྱེད་ཀྱང་ལྟོ་གོས་གནས་མལ་དང་བཅས་པ་ཕུན་སུམ་ཚོགས་པ་ཞིག་མེད་ན་སྒྲུབ་པར་མི་ནུས་པར་འདུག །འཇིག་རྟེན་གྱི་བྱ་བ་བདེ་སྐྱིད་སྙན་གསུམ་ཐམས་ཅད་ཀྱི་རྩ་བ་ནི་ལོངས་སྤྱོད་ཁོ་ན་ཡིན་པར་འདུག །ལོངས་སྤྱོད་དེ་ཡང་མི་ཚེ་འཁྱོང་ངེས་ཤིག་མེད་ན་ཕྲན་ཚེག་ཙམ་རེས་ནམ་ཕུག་མི་འཁྱོང་བར་འདུག་སྙམ་པ་དེ་ཀུན་སློང་ངན་པ་གཉིས་པ་ཡིན། ད་ལོངས་སྤྱོད་དེ་འཚོལ་བའི་ཐབས་ཅི་ལྟར་བྱས་ན་དྲག་སྙམ་པའི་ཚེ། །ཁ་ཅིག་གི་བསམ་པ་ལ་གཞན་རང་དང་མཉམ་པ་འདི་དང་འདི་ལྟ་བུ་ཞིག་གིས་ཀྱང་ཚོངས་དང་སོ་ནམ་འབད་རྩོལ་གྱི་སྒོ་ནས་ལོངས་སྤྱོད་སྒྲུབ་པར་འདུག །ངས་ཀྱང་འདི་ལྟ་བུ་ཞིག་བྱས་ན། ལས་ཀ་དང་འབད་རྩོལ་གྱི་བརྩོན་འགྲུས་ནི་ནུས། མ་ནུས་ཀྱང་ཅི་ནུས་མི་བྱེད་པའི་ཐབས་མི་འདུག །ཚོང་དང་གཡོ་སྒྱུའི་སྐོར་འགོ་ནི་ཤེས། མ་ཤེས་ཀྱང་ཅི་ཤེས་མི་བྱེད་པའི་ཐབས་མི་འདུག །དཔེར་ན་ཐབས་འདི་དག་ལ་ངེས་པར་འབད་པར་བྱའོ་སྙམ་པའམ། །ཡང་ཁ་ཅིག་གིས། །གཞན་འདི་དང་འདི་ལྟ་བུ་དག

― ZP04_Page_089 ―

^{[མ་དཔེ་གཟིགས་ན་འདིར་གནོན།]}

[Full Size]

མིས་བཀུར་བ། རང་སྐྱིད་པ། དཀོར་དད་རྙེད་པ་ཆེ་བ་འདི་ལྟ་བུ་འདུག །ངས་ཀྱང་འདི་འདྲ་བ་ཞིག་བྱས་ན། ང་རང་ཚུལ་ནི་བཟང༌། དགེ་སྦྱོར་དང་མཚམས་སྒྲུབ་ཕྲན་བུ་རེ་ནི་ནུས། བུད་མེད་ལ་འདོད་པ་ནི་ཆུང༌། དཔེར་ན་བླ་མའམ་མིན་ཀྱང་དགེ་རྒན་བཟང་པོ་ཞིག་གི་གོ་ས་འོང་ངེས་སྙམ་པ་འདི་དག་ཀུན་སློང་ངན་པ་གསུམ་པ་ཡིན། དེ་གཉིས་ལས་སྔ་མས་ནི་ཆོས་ཀྱི་བྱ་བ་དགེ་སྦྱོར་དང་ཉམས་ལེན་ཐམས་ཅད་བློས་བཏང༌། ལས་ཀ་དང་འབད་རྩོལ་གྱིས་དུས་འདའ། ཚོང་རྩིས་དང་གཡོ་སྒྱུའི་འཁོར་ལོ་བསྐོར། དོན་མང་པ། བྱ་བ་མང་བ། འདུ་འཛི་དང་འབྲེལ་འདྲེས་མང་བ། །རྒྱལ་ཁམས་ཀྱི་གཙོ་བོ་ཐམས་ཅད་ལ་ངོ་འཛིན་དང་མཐུན་འཇུག་དགོས་པ། ཇ་ཕོར་གང་ཡང་དལ་གྱིས་འཐུང་བའི་ལོངས་མེད་པ། ཉིན་དང་མཚན་དུ་དོན་མེད་པའི་རྣམ་གཡེངས་དང་བསམ་མནོ་ལ་ཡེངས་ཏེ་རང་གིས་རང་སྟོར་བ། རང་སྐྱིད་དམ་མི་སྐྱིད། བྱ་བྱེད་འདི་དག་ལ་སྙིང་པོ་འདུག་གམ་མི་འདུག་སྙམ་པའི་བློ་ཙམ་ཡང་སྐྱེ་རྒྱུ་མེད། །ཐ་ན་རང་གི་གོས་ལེགས་པར་བགོས་ནས་སྐ་རགས་དམ་པོར་བཅིང་བ་ལའང་བློ་མ་ཞུགས་པར་གང་བྱུང་རྟོགས་ལྡན་ལྟ་བུ་ཞིག་བྱས་ནས་གནགས་

― ZP04_Page_090 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱུགས་ཀྱི་སྐྱོངས་བྲན། ཉེ་ཚོངས་ཀྱི་འཕེལ་སྐྱེད། བཟའ་ཚང་གི་མགོ་འཛིན། ཉེ་འབྲེལ་གྱི་མཐུན་འཇུག །སྡེ་དཔོན་གྱི་ངོ་འཛིན་ཁོ་ནས་དུས་འདའ་ཞིང༌། རང་གིས་རང་བརླག་རང་གིས་རང་ཕུང༌། རང་ལ་བདེ་དུས་དང་དལ་ཁོམས་སྔ་དྲོ་གཅིག་ཙམ་ཡང་མེད་པ་ཞིག་རང་གིས་ཁུར་དུ་བླང་བ་དེ་དག་ལོངས་སྤྱོད་ཅུང་ཟད་རེ་འབྱོར་པའམ་མ་འབྱོར་བ་གང་ལྟར་གྱུར་ཀྱང་དེའི་ཚེ་འདི་སྙམ་དུ་ད་ང་ལ་ཅི་ལྟར་བྱས་ཀྱང་གཞན་གྱི་དད་འདུན་དང་བཀུར་བཟོས་ནི་མེད། དཀོར་དང་དད་ཟས་ནི་མ་ཟོས། ངས་ཅི་ལྟར་བྱས་ཀྱང་མི་ཁ་ཆུང་སྙམ་ནས། ཁྱིམ་པའི་བྱ་བ་ཐམས་ཅད་དང་དུ་བླང་མི་དགེ་བ་སྣ་གཅིག་ལའང་མི་འཛེམས་པར་ཁྱིམ་པ་གཞན་ལས་ཀྱང་ལོད་པ་ཁྲེལ་མེད་ལིང་ལ་ཤོར་བ་ཆོས་ཀྱི་སྐལ་བ་ཆད་པ། ངན་སོང་གི་གཏིང་རྡོ་བྱེད་པ་འདི་ཕྱི་གཉིས་ཀར་སྡུག་པ། སྡུག་དང་སྐྱིད་དུ་ནོར་བ་དེ་འབྱུང༌། ཕྱི་མ་དེས་ལྟར་སྣང་ཆོས་པ་ལྟར་བཅོས་རང་གིས་རང་བཙོན་དུ་བཟུང༌། སེམས་ཡན་པར་བཏང་ནས་སྤྱོད་ལམ་གྱིས་ཚུལ་འཆོས་བྱེད། འཁྲུལ་བ་རང་རྒྱུད་དུ་བཞག་ནས་ལུས་ངག་གི་དགེ་སྦྱོར་ལ་བཙོན། ཡེ་ཤེས་ཀྱི་ལྷ་སྤངས་ནས་ནོར་ལྷ་དང་གཞི་བདག་སྒྲུབ། བྱམས་པ་དང་སྙིང་རྗེ་སྤངས་ནས་རང་

― ZP04_Page_091 ―

^{[མ་དཔེ་གཟིགས་ན་འདིར་གནོན།]}

[Full Size]

འདོད་གཙོ་བོར་འཛིན། །འཁྲུལ་རྟོག་ཕྱོགས་མེད་དུ་བཏང་ནས་སྒོ་དྲུང་དུ་མཚམས་ཐོ་བརྩེགས། རང་རྒྱུད་ལ་ལུང་རྟོགས་ཀྱི་ཡོན་ཏན་སྣ་གཅིག་མེད་པར་ལོ་མཚམས་དང་ཟླ་མཚམས་ཀྱི་ཁ་གྲངས་འདྲེན། །ཟས་ཁམ་གཅིག་ཙམ་ལའང་གཏོང་སེམས་མེད་པར་ཤ་ཁྱེར་ཁྲག་ཁྱེར་གྱི་ལུས་སྦྱིན་གཏོང༌། ཏིང་ཤག་སིལ་སིལ་དང་རྔ་ཆུར་ཏིང་ཏིང་ལ་སྐྱབས་བཅོལ། ཟ་ཆོག་རྙེད་རྩོལ་སྒྲུབ་པའི་དཔེ་ཆ་དང་མཆོད་ཆས་སྒྲུབ་བཞིན་འཚམས་བྱེད་པ་སྐད་ཟེར། མིའི་མཐོང་སར་བླ་མའམ་དགེ་སློང་མ་རེད་ཀྱིས་དོགས་ནས་ཚུལ་འཆོས་བྱེད། རང་ཁྱིམ་ལྐོག་ཏུ་རྣམ་གཡེངས་དང་ལས་ཀས་དུས་འདའ། ལྷ་བསྙེན་ལམ་དུ་འདྲེན། འཕྲེང་བ་ཚོགས་སུ་བགྲང༌། དགེ་སྦྱོར་ཐམས་ཅད་དམ་ཆོས་ཁོ་ན་བྱེད། དེ་འདྲ་དེ་ལོ་ཤས་སོང་ནས་བླ་མ་དགེ་རྒན་གྱི་གྲལ་དུ་ཚུད། དད་ཟས་གཤིན་དཀོར་ཆར་པ་ལྟར་འབབ། ཞིམ་ཟས་དང་མངར་ཆུ། བཀུར་སྟི་དང་ཞེ་ས། ཡོན་བདག་གི་དད་འདུན། གྲ་ཚང་གི་བཀུར་བཟོས་སོགས་བྱུང་བ་དེའི་ཚེ་རང་རྒྱུད་ལ་མི་བརྟགས་པར་དོན་མེད་པའི་ང་རྒྱལ་ཞིག་ལང༌། རྫོགས་པའི་སངས་རྒྱས་བྱོན་ཀྱང་དད་པ་དང་གུས་པ་མེད། མཆེད་གྲོགས་ལ་སྐྱོན་རྟོགས་བྱེད།

― ZP04_Page_092 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོན་བདག་ལ་མགུ་འཁང་མང༌། རང་ཟས་ཀྱིས་མི་ཚིམ། །རང་ཁྱིམ་དུ་མི་ཟུང༌། མི་དགོས་དགུ་དགོས་པ། འདོད་པ་དང་ཁོང་ཁྲོ་རྭ་ལྟར་གཟེངས། ཆགས་སྡང་མེ་ལྟར་འབར། ངོ་བསྲུང་དང་མཐུན་འཇུག་མང༌། ཁྱིམ་པ་དང་ཡོན་བདག་གི་སེམས་བསྲུང༌། གྲྭ་བ་གྲོང་མཆེད་ཀྱི་སྙིང་བསྲེག །རྒྱུ་འབྲས་ཡལ་བར་བོར། །ད་ངས་ཇི་ལྟར་བྱས་ཀྱང་ཆོག་སྙམ་ནས་གཉིད་དང་བག་མེད། ཐོ་ཅོ་དང་རྩིང་སྤྱོད། ཟོག་དང་ཚུལ་འཆོས་ཀྱིས་དུས་འདའ་བ། རྒྱལ་འགོང་དང་འབྱུང་པོས་བདག་ཏུ་བཟུང་བ། རང་གི་ལྷར་མཐོང་བ། དོན་དུ་འདྲེར་གྱུར་པ། བསྟན་པའི་ལམ་དང་འགལ་བ། ཆོས་དང་རང་རྒྱུད་འཛོལ་བ། ཤི་མ་ཐག་ཏུ་ཉི་ཚེ་བའི་དམྱལ་བར་སྐྱེ་བ་དེ་འབྱུང༌། ལམ་ངན་པ་དེ་གཉིས་ཀའི་རྩ་བ་ཚེ་འདི་དོན་དུ་གཉེར་བའི་བློ་ཡིན་པས་དེ་ཁོ་ན་བསྡམ་བྱ་ཡིན། འཇིག་རྟེན་ཚེ་འདིར་སྒྲུབ་པ་ཐམས་ཅད་ལམ་ངན་པ་དེ་གཉིས་ལ་འདུས་པས་དེ་གཉིས་སྤངས་བྱ་ཡིན། གཉིས་པ་སྡོམ་བྱེད་ནི། མཐོ་སྲིད་པའི་རྩེ་མོ་མན་ཆད། དམའ་ན་རཀ་དམྱལ་བ་ཡན་ཆད། ཁམས་གསུམ་པོ་འདི་གང་དུ་སྐྱེས་ཀྱང༌། སྡུག་བསྔལ་གྱི་རང་བཞིན་སྡུག་བསྔལ་གྱི་ཡོ་ལང་སྡུག་བསྔལ་གྱི་འཁྲུལ་འཁོར། མེའི་འོབས་

― ZP04_Page_093 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟ་བུ། སྲིན་མོའི་གླིང་ལྟ་བུ། སྤུ་གྲིའི་སོ་ལྟ་བུ། མི་གཙང་བའི་ཁང་པ་ལྟ་བུ་བདེ་བའི་གོ་སྐབས་སྤུ་རྩེ་ཙམ་ཡང་མེད་པ། འབད་པ་ཐམས་ཅད་དོན་མེད། བྱས་པ་ཐམས་ཅད་སྡུག་བསྔལ། གང་ལའང་སྙིང་པོ་ཏིལ་འབྲུ་ཙམ་ཡང་མི་འདུག་པས་འཇིག་རྟེན་ཚེ་འདིའི་བྱ་བ་ཐམས་ཅད་ཀྱིས་ཅི་བྱ། ད་རེས་དལ་འབྱོར་གྱི་མི་ལུས་ཐོབ། མཚན་ལྡན་གྱི་བླ་མ་མཇལ། དམ་པའི་ཆོས་སྒྲུབ་ཏུ་ཡོད་པའི་སྐབས་འདིར་འཁོར་བ་སྡུག་བསྔལ་གྱི་རྒྱ་མཚོ་འདི་ནས་ཐར་ཐབས་ཤིག་ཅི་ནས་ཀྱང་བྱེད་དགོས་སྙམ་པའི་བློ་གཏིང་ནས་སྐྱེས་པ་ཞིག་ཡོད་ན་འདི་ཁོ་ན་སོ་ཐར་གྱི་སྡོམ་པ་ཡིན། འདུལ་བ་ལུང་སྡེ་བཞི། ཁྲིམས་ཉིས་བརྒྱ་ལྔ་བཅུ། ཉན་ཐོས་དང་རང་སངས་རྒྱས་ཀྱི་གཞུང་ལུགས་དང་སྡེ་སྣོད་ཐམས་ཅད་ཀྱི་དོན་འདི་གཅིག་པུ་ལ་འདུས། འདི་ལམ་ཐམས་ཅད་ཀྱི་རྨིས་རྡོ། ཆོས་ཐམས་ཅད་ཀྱི་རྩ་བ། ཐེག་པ་ཐམས་ཅད་ཀྱི་གཞི་མ་ཡིན་པས་ཚེ་འདི་བློས་གཏོང་ནུས་པའི་ངེས་འབྱུང་གཤའ་མ་ཞིག་རྒྱུད་ལ་སྐྱེས་པའི་ཚེ་ཐར་པའི་ལམ་གྱི་སྣེ་མོ་ཟིན་པ་ཡིན་པས་འདི་རྒྱུད་ལ་ཅི་སྐྱེ་བྱ་ཞིང༌། མ་སྐྱེས་ན་སྤྱིར་འཁོར་བའི་སྡུག་བསྔལ་དང་བྱེ་བྲག་རང་གཞན་གྱི་བྱ་སྤྱོད་ཐམས་ཅད་མི་རྟག་པ་དང་སྡུག་བསྔལ་གྱི་

― ZP04_Page_094 ―

^{[མ་དཔེ་གཟིགས་ན་འདིར་གནོན།]}

[Full Size]

རང་བཞིན་དུ་གྱུར་པ་ལ་ཡང་དང་ཡང་དུ་བརྟགས་ནས་བརྩོན་འགྲུས་དྲག་པོ་རང་རྒྱུད་ལ་བསྐྱེད་དགོས་པ་ཡིན་ནོ། །ཐོག་མར་དགེ་བ་སོ་ཐར་གྱི་སྡོམ་པའི་སྐབས་སོ། །གཉིས་པ་ནང་བྱང་ཆུབ་སེམས་ཀྱི་བསླབ་བྱ་ནི། བྱང་སེམས་ཀྱི་ངོ་བོ་གཞན་ཕན་ཡིན། ཞེས་བྱ་སྟེ། འདི་ལའང་བསྡམ་བྱ་དང་སྡོམ་བྱེད་གཉིས། དང་པོ་བསྡམ་བྱ་ནི། རང་དོན་ཡིད་བྱེད་ཀྱི་བློ་ཡིན། །དེ་ཡང་རང་བདེ་འདོད་སྐྱིད་འདོད་སྙན་འདོད་སོགས་ཚེ་འདིའི་ཞེན་པ་སྔར་དང་འདྲ། ངེས་ལེགས་ཐར་པའི་འབྲས་བུའང་རང་གཅིག་པུའི་ཆེད་དུ་མ་ཡིན་པར་སེམས་ཅན་ཐམས་ཅད་ཀྱི་དོན་དུ་སྙམ་པ་ཞིག་མེད་ན་ཐེག་དམན་དུ་གོལ་བས་གོང་མ་དང་མི་འདྲ་བའི་ཁྱད་པར་དེ་ཡིན། དེ་ལ་རང་བདེ་འདོད་རྩ་བ་ནས་ཟད་པ་ཞིག་དགོས་ཀྱང༌། དེ་ས་དང་པོ་ནས་བདག་གཞན་མཉམ་པ་ཉིད་དུ་མ་རྟོགས་པར་མི་འོང་བས་ད་ལྟ་བློ་རིམ་གྱིས་སྦྱང་དགོས།། །།

ཡོན་ཏན་རིན་པོ་ཆེའི་མཛོད་ཀྱི་དཀའ་འགྲེལ་ཉིན་བྱེད་སྣང་བ།

― ZP04_Page_095 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོན་ཏན་རིན་པོ་ཆེའི་མཛོད་ཀྱི་དཀའ་འགྲེལ་ཉིན་བྱེད་སྣང་བ་ཞེས་བྱ་བ་བཞུགས་སོ། །

― ZP04_Page_096 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་ཛྙཱ་ན་ས་ཏྭཱ་ཡ། །ཡེ་ཤེས་ཡེ་ཤེས་འབྱུང་གནས་ཆེ། །ཡེ་ཤེས་ལྡན་པ་ཡོད་མེད་ཤེས། །ཚོགས་གཉིས་ཚོགས་ནི་བསགས་པ་པོ། །འཇམ་དཔལ་ཡེ་ཤེས་སེམས་དཔར་འདུད། །ཆོས་ཐམས་ཅད་གཞུང་ལམ་གཅིག་ཏུ་སྟོན་པའི་བསྟན་བཅོས་ཡོན་ཏན་རིན་པོ་ཆེའི་མཛོད་འཆན་པར་བྱེད་པ་ལ། བཤད་བྱའི་ཡན་ལག་བཤད་པ་དང༌། བཤད་བྱ་དངོས་བཤད་པ་གཉིས། དང་པོ་བཤད་བྱའི་ཡན་ལག་བཤད་པ་ལ། །སློབ་དཔོན་གྱིས་ཇི་ལྟར་འཆད་ཚུལ། །སློབ་མས་ཇི་ལྟར་ཉན་ཚུལ། །དེ་གཉིས་ཀས་འཆད་ཉན་ཇི་ལྟར་བགྱི་བའི་ཚུལ་དང་གསུམ། །དང་པོ་སློབ་དཔོན་གྱིས་ཇི་ལྟར་འཆད་ཚུལ་ལ་གསུམ་སྟེ། །སློབ་དཔོན་སངས་རྒྱས་ཀྱིས་ཆོས་ཇི་ལྟར་འཆད་ཚུལ། །སློབ་དཔོན་དགྲ་བཅོམ་

― ZP04_Page_097 ―

^{[མ་དཔེ་གཟིགས་ན་འདིར་གནོན།]}

[Full Size]

པས་ཆོས་ཇི་ལྟར་འཆད་ཚུལ། །སློབ་དཔོན་མཁས་པ་པཎྜི་ཏས་ཆོས་ཇི་ལྟར་འཆད་པའི་ཚུལ་ལོ། །དང་པོ་སློབ་དཔོན་སངས་རྒྱས་ཀྱིས་ཆོ་འཕྲུལ་གསུམ་ལ་བརྟེན་ནས་འཆད་དེ། །དེ་ཡང་སྐུ་རྫུ་འཕྲུལ་གྱི་ཆོ་འཕྲུལ། །སྨིན་མཚམས་ཀྱི་མཛོད་སྤུ་ནས་འོད་ཟེར་སྤྲོ་བ་སོགས་ཀྱིས་གདུལ་བྱ་འཁོར་དུ་མ་འདུས་པ་བསྡུས་ནས། །ལྗགས་ཀྱི་དབང་པོས་སྟོང་གསུམ་ཁེབས་པར་མཛད་པ་སོགས་ཀྱིས་གདུལ་བྱ་འཁོར་དུ་འདུས་པ་རྣམས་ཡིད་ཆེས་པར་མཛད། །ཐུགས་ཀུན་ཏུ་བརྗོད་པའི་ཆོ་འཕྲུལ་གྱིས་གདུལ་བྱ་འཁོར་དུ་འདུས་པ་དེ་དག་གི་བློ་དང་དབང་པོ་བག་ལ་ཉལ་བ་ཐམས་ཅད་མཁྱེན་པར་མཛད་ནས། །གསུང་རྗེས་སུ་བསྟན་པའི་ཆོ་འཕྲུལ་གྱིས་འགྲོ་བ་

― ZP04_Page_098 ―

^{[མ་དཔེ་གཟིགས་ན་འདིར་གནོན།]}

[Full Size]

རང་རང་གི་སྐད་དང་མཐུན་པའི་གསུང་ཚངས་དབྱངས་ཡན་ལག་དྲུག་ཅུ་དང་ལྡན་པའི་སྒོ་ནས་གང་ལ་གང་གིས་འདུལ་བའི་ཆོས་དེ་དང་དེ་འཆད་པའོ། །གཉིས་པ་སློབ་དཔོན་དགྲ་བཅོམ་པས། །དག་པ་གསུམ་ལ་བརྟེན་ནས་འཆད་དེ་ཉན་པ་པོའི་སྣོད་དག་པ། །གཞན་སེམས་ཤེས་པའི་མངོན་ཤེས་ཀྱིས་གདུལ་བྱ་དེའི་རྒྱུད་བརྟགས་ནས་རྒྱུད་སྣོད་རུང་དུ་གྱུར་ན་ཆོས་འཆད་པའོ། །འཆད་པ་པོའི་ངག་དག་པ་ཆགས་སོགས་ཉོན་མོངས་པའི་སྒྲིབ་པ་ལས་གྲོལ་བའི་ངག་ཚིག་དྲི་མ་མེད་པ་བརྡ་དག་སྙན་པའི་དབྱངས་ཀྱིས་འཆད། །གསུང་རབ་ཀྱི་བརྗོད་བྱ་དག་པ་ནི་རང་ཉིད་ཀྱི་ཡོངས་འཛིན་རྫོགས་པའི་སངས་རྒྱས་ལ་སོགས་པའི་ཞལ་ནས་ཇི་ལྟར་གསུངས་པ་ལྟར། །མི་བརྗེད་པའི་གཟུངས་ཀྱིས་བཟུང་སྟེ། ཚིག་ལ་ལྷག་ཆད་དང༌། །དོན་ལ་ནོར་འཁྲུལ་མེད་པར་འཆད་པའོ། །འོ་ན་ཉན་ཐོས་དགྲ་བཅོམ་པ་དེ་དག་གིས་ཆོ་འཕྲུལ་རྣམ་པ་གསུམ་ལ་བརྟེན་ནས་ཅིའི་ཕྱིར་ཆོས་མི་འཆད་ཅེ་ན། དེ་དག་ལ་མི་ཤེས་པའི་རྒྱུ་བཞི་ཡོད་པས་ཆོ་འཕྲུལ་གསུམ་ལ་བརྟེན་ནས་འཆད་མི་ནུས་ཏེ། གནས་ཀྱིས་བསྐལ་པས་མི་ཤེས་པ་འཕགས་པ་མོངྒལ་གྱི་བུ་ཆེན་པོས་རང་གི་མ་སངས་རྒྱས་ཀྱི་ཞིང་འོད་ཟེར་ཅན་དུ་སྐྱེས་པ་མ་ཤེས་པ་ལྟ་བུ། །དུས་ཀྱི་བསྐལ་པས་མི་ཤེས་པ་ཁྱིམ་བདག་དཔལ་སྐྱེས་ཀྱི་ཐར་པའི་ས་བོན་འཕགས་པ་ཤཱ་རིའི་བུས་མ་ཤེས་པ་

― ZP04_Page_099 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟ་བུ། རྒྱུ་ཐུག་མེད་ཀྱི་འབྲས་བུ་ཐུག་མེད་མི་ཤེས་པ། ཇི་སྐད་དུ། རྨ་བྱའི་མདོངས་བཀྲ་གཅིག་ལ་ཡང༌། རྒྱུ་ཡི་དབྱེ་བ་ཐ་དད་པ། དེ་མཁྱེན་པ་ནི་ཀུན་མཁྱེན་ཏེ། ཀུན་མཁྱེན་ཡེ་ཤེས་མིན་པས་མིན། །ཞེས་སོ། །སངས་རྒྱས་ཀྱི་ཆོས་རབ་ཏུ་མང་པོ་མི་ཤེས་ཏེ། མི་འཇིགས་པ་བཞི་དང༌། མ་འདྲེས་པ་སོགས་མེད་པའོ། །སློབ་དཔོན་མཁས་པ་པཎྜི་ཏས་ཆོས་འཆད་ཚུལ་ལ་གཉིས། ཆོས་ཀྱི་འབྱུང་གནས་རྒྱ་གར་འཕགས་པའི་ཡུལ་ན་གཙུག་ལག་ཁང་ཆེན་པོ་གཉིས་ཡོད་པའི། དཔལ་ན་ལེནྡྲའི་གཙུག་ལག་ཁང་ན་བཞུགས་པའི་པཎྜི་ཏ་རྣམས་ཀྱིས་ནི། བཀའ་ཐམས་ཅད་ཕུན་སུམ་ཚོགས་པ་ལྔ་དང༌། བསྟན་བཅོས་ཐམས་ཅད་རྩིས་མགོ་ཡན་ལག་ལྔའི་སྒོ་ནས་འཆད། བི་ཀྲ་མ་ཤཱི་ལའི་གཙུག་ལག་ཁང་ན་བཞུགས་པའི་པཎྜི་ཏ་རྣམས་ཀྱིས། ཉན་པ་པོ་སྣོད་རུང་དུ་བྱ་བ་དང༌། བསྟན་པའི་རྣམ་གཞག་ངེས་པ་གཉིས་ཀྱི་སྒོ་ནས་འཆད། དེ་གཉིས་ལས་སྔ་མའི་རྗེས་སུ་འབྲངས་ནས་འཆད་དོ། །སྐབས་འདིར་བསྟན་བཅོས་ཡོན་ཏན་རིན་པོ་ཆེའི་མཛོད་ཉིད་རྩིས་མགོ་ཡན་ལག་ལྔའི་སྒོ་ནས་འཆད་པ་ལ། མཛད་པ་པོ་སུས་མཛད། ལུང་གང་ནས་བཏུས། ཕྱོགས་གང་དུ་གཏོགས། དབུ་ནས་ཞབས་སུ་བསྡུས་པའི་དོན་གང་ཡིན། དགོས་ཆེད་སུ་ཞིག་གི་དོན་དུ་མཛད་ཅེ་ན། དང་པོ་མཛད་པ་པོ་ནི། རང་བཞིན་རྫོགས་པ་ཆེན་པོ་གནས་ལུགས་བྱ་རྩོལ་་

― ZP04_Page_100 ―

^{[མ་དཔེ་གཟིགས་ན་འདིར་གནོན།]}

[Full Size]

དང་བྲལ་བའི་ཀློང་དུ་ཆོས་ཉིད་ཀྱི་བདེན་པ་མངོན་སུམ་དུ་གཟིགས་པས། དཀྱིལ་འཁོར་རྒྱ་མཚོའི་བདག་ཉིད་ཁྱབ་བདག་རྡོ་རྗེ་འཆང་དང་གཉིས་མེད་དུ་བཞུགས་ཤིང༌། རིག་རྩལ་སོ་སོར་རྟོག་པའི་ཡེ་ཤེས་སུ་འབར་བས་རིག་པའི་གནས་ཆེན་ལྔ་སོགས་ཤེས་བྱའི་ཆོས་ཐམས་ཅད་མ་བསླབ་པར་མཁྱེན་པའི་ཀློང་བརྡོལ་ཏེ་བསྟན་བཅོས་རྩོམ་པའི་རྒྱུ་གསུམ་ལེགས་པར་ཚང་ཞིང༌། ཁྱད་པར་མཆིམས་ཕུ་ནགས་ཀྱི་དུར་ཁྲོད་དུ་ལོ་གསུམ་སྙིང་པོའི་སྒྲུབ་པ་ལ་གཞོལ་པའི་ཚེ། ཀུན་མཁྱེན་ཆོས་ཀྱི་རྒྱལ་པོ་དྲི་མེད་འོད་ཟེར་དཔལ་ངག་གི་དབང་ཕྱུག་གིས་ཡེ་ཤེས་ཀྱི་སྐུས་རྗེས་སུ་བཟུང་ནས་སྐུ་གསུང་ཐུགས་ཀྱིས་བྱིན་གྱིས་བརླབས་ཏེ། དགོངས་པ་དབྱེར་མེད་དུ་གྱུར་ནས་བསྟན་པའི་མངའ་བདག་ཆེན་པོར་བཞུགས་པ་རིག་འཛིན་འཇིགས་མེད་གླིང་པའམ་པདྨ་དབང་ཆེན་ཡེ་ཤེས་རོལ་པའི་རྡོ་རྗེས་མཛད། ལུང་གང་ལས་བཏུས་ན། སངས་རྒྱས་ཀྱི་ཆོས་གསུངས་རབ་སྡེ་སྣོད་གསུམ་རྒྱུད་སྡེ་བཞི་དགོངས་འགྲེལ་དང་བཅས་པ་ལས་བཏུས། །ཕྱོགས་གང་དུ་གཏོགས་ན། སྤྱིར་ཐེག་པ་ཆེ་ཆུང་གཉིས་ལས་ཆེན་པོའི་ཕྱོགས་སུ་གཏོགས། ཐེག་ཆེན་མདོ་སྔགས་གཉིས་ལས་སྔགས་ཕྱོགས་གསང་སྔགས་ཕྱི་ནང་གཉིས་ལས་ནང་རྒྱུད་བླ་ན་མེད་པའི་ཕྱོགས་སུ་གཙོ་བོར་གཏོགས་སོ། །དབུ་ནས་ཞབས་སུ་བསྡུས་པའི་དོན་གང་ཡིན་ཞེ་ན། སྐྱེས་བུ་གསུམ་གྱི་ལམ་གྱི་རིམ་པ་ཐམས་ཅད་རང་བཞིན་རྫོགས་པ་

― ZP04_Page_101 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་པོའི་ལམ་སྟེགས་སུ་བཀྲལ་ཏེ་བློ་རབ་འབྲིང་ཐ་གསུམ་མཐར་ཐུག་གི་ལམ་དུ་སྐྱེལ་སོ་མཐུན་པར་བྱས་པའོ། །དགོས་ཆེད་སུ་ཞིག་གི་དོན་དུ་མཛད་ཅེ་ན། སྔར་བཤད་པ་ལྟར་ཀུན་མཁྱེན་ཆོས་ཀྱི་རྒྱལ་པོའི་ཞལ་མཇལ་བའི་ཚེ་དཔེ་ཆ་བམ་པོ་ཞིག་གཏད་དེ་འདིར་ཤིང་རྟ་ཆེན་པོ་ནག་པ་པའི་ཚུལ་དུ་ཡོད་པ་ཐམས་ཅད་གསལ་བར་ཡོད་པ་ཡིན་ཞེས་བསྟན་བཅོས་རྩོམ་པའི་གནང་བ་བྱིན་པ་བཞིན། ཤིང་རྟ་ཆེན་པོར་རྒྱས་པར་མ་བཀྲལ་བའི་སོ་ཐར་དང་སྔགས་ཐུན་མོང་བའི་སྐོར་རྣམས་རྩལ་དུ་བཏོན་ནས་བཤད་དེ་ཕྱི་རབས་རྗེས་འཇུག་གི་གང་ཟག་རྣམས་ཀྱིས་བསྟན་པ་ཐམས་ཅད་འགལ་མེད་དུ་རྟོགས་པ་དང༌། རྒྱལ་བའི་གཞུང་ལ་མ་ནོར་བ་གང་ཟག་གཅིག་འཚང་རྒྱ་བའི་ལམ་དུ་བསྡུས་ནས་ཉམས་སུ་ལེན་ཤེས་པའི་དོན་དུ་མཛད་པ་སྟེ། དེ་ལྟར་རྩིས་མགོ་ཡན་ལག་ལྔས་གཏན་ལ་ཕབ་པས་ཉན་པ་པོ་ཡིད་ཆེས་ཐོབ་ནས་ཆོས་ཀྱི་སྣོད་རུང་དུ་འགྱུར་བའི་དགོས་པ་ཡོད་པའོ། །གཉིས་པ་སློབ་མས་ཇི་ལྟར་ཉན་པའི་ཚུལ་ལ། ཀུན་སློང་དང་ཀུན་སྤྱོད་གཉིས། དང་པོ་ཀུན་སློང་བསམ་པ་བཟང་པོ་བྱང་ཆུབ་ཀྱི་སེམས་ཀྱིས་ཟིན་པར་བྱ་བ་སྟེ། འདི་ལྟར་འཁོར་བ་ན་གནས་པའི་སེམས་ཅན་ཐམས་ཅད་ཐོག་མ་མེད་པའི་དུས་ནས་ཕ་མར་མ་གྱུར་པ་མེད་ལ་ཕ་མར་གྱུར་པའི་དུས་སུ་ད་ལྟའི་ཕ་མ་བཞིན་དུ་དྲིན་ཆེན་པོས་བསྐྱངས་ཏེ་ཟས་ཀྱི་ཕུད་བྱིན། གོས་ཀྱི་རྩེ་གཡོགས། ཤིན་ཏུ་

― ZP04_Page_102 ―

^{[མ་དཔེ་གཟིགས་ན་འདིར་གནོན།]}

[Full Size]

བྱམས་པས་སྐྱེད་བསྲིངས་པའི་དྲིན་ཅན་ཤ་སྟག་ཡིན་ལ། དྲི་ཅན་དེ་དག་ཐམས་ཅད་འདོད་པ་བདེ་བ་འདོད་ཀྱང་བདེ་བའི་རྒྱུ་ཆོས་དགེ་བ་ལ་སྤྱོད་མི་ཤེས་པར། སྡུག་བསྔལ་གྱི་རྒྱུ་མི་དགེ་བ་ཁོ་ན་དང་དུ་བླངས་ཏེ། ཞེ་འདོད་དང་ལག་ལེན་ཕྱིན་ཅི་ལོག་ཏུ་གྱུར་ནས། ལམ་ལོག་མགོ་རྨོངས་སུ་གྱུར། །ལོང་བ་ཐང་དཀྱིལ་དུ་ལུས་པ་ལྟ་བུའི་སེམས་ཅན་འདི་རྣམས་སྙིང་རེ་རྗེ། བདག་ད་རེས་དལ་འབྱོར་གྱི་མི་ལུས་ཐོབ་མཚན་ལྡན་གྱི་བླ་མ་མཇལ་ཡང་དག་པའི་ཆོས་ལ་སྤྱོད་དུ་ཡོད་པ་འདི་སྐལ་བ་བཟང་པས། ལེ་ལོ་དང་ཕྱི་བཤོལ་གྱི་དབང་དུ་མི་གཏོང་བར། དམ་པའི་ཆོས་ཟབ་མོ་འདི་ལྟ་བུ་ཉན་ནས་ཉམས་སུ་བླངས་ཏེ་མ་རྒན་སེམས་ཅན་ཐམས་ཅད་རིགས་དྲུག་སོ་སོའི་ལས་སྣང་སྡུག་བསྔལ་བག་ཆགས་ཐམས་ཅད་དང་བྲལ་ནས་རྣམ་མཁྱེན་རྫོགས་པའི་སངས་རྒྱས་ཀྱི་གོ་འཕང་ཐོབ་པར་བྱའོ་སྙམ་དུ་སེམས་བསྐྱེད་པ་ནི་གལ་ཆེ་བའི་གནད་དམ་པའོ། །གཉིས་པ་ཀུན་སྤྱོད་ལ། སྤང་བྱའི་ཀུན་སྤྱོད་དང༌། བླང་བྱའི་ཀུན་སྤྱོད་གཉིས། དང་པོ་སྤང་བྱའི་ཀུན་སྤྱོད་ལ། སྣོད་ཀྱི་སྐྱོན་གསུམ། དྲི་མ་དྲུག །མི་འཛིན་པ་ལྔ་དང་བཅས་པ་སྤངས་དགོས་ཏེ། །དང་པོ་སྣོད་ཀྱི་སྐྱོན་གསུམ་ནི། རྣ་བ་མི་གཏད་ཁ་སྦུབ་ལྟ་བུའི་སྐྱོན། ཡིད་ལ་མི་འཛིན་ཞབས་རྡོལ་ལྟ་བུའི་སྐྱོན། ཉོན་མོངས་དང་འདྲེས་དུག་ཅན་ལྟ་བུའི་སྐྱོན། ཞེས་སོ། །དྲི་མ་དྲུག་ནི་རྣམ་བཤད་རིག་པ་ལས། ང་རྒྱལ་དང་ནི་མ་དད་དང༌།

― ZP04_Page_103 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་དུ་གཉེར་བ་མེད་ཉིད་དང༌། །ཕྱི་རོལ་རྣམ་གཡེངས་ནང་དུ་སྡུད། །སྐྱོ་བས་ཉན་པ་དྲི་མ་ཡིན། །ཞེས་པ་ལྟར། །ཆོས་འཆད་པ་པོ་བླ་མ་ལས་ཀྱང་ང་མཁས་བསམ་པའི་ང་རྒྱལ། །ཆོས་དང་བླ་མའི་སྐྱོན་ལ་རྟོག་པའི་མ་དད་པ། །ཆོས་ཐོབ་ཀྱང་རུང་ལ་མ་ཐོབ་ཀྱང་རུང་སྙམ་པ་དོན་གཉེར་མེད་པ། སེམས་ཕྱི་རོལ་ཚོགས་དྲུག་གི་ཡུལ་ལ་གཡེངས་པ། །སེམས་དབང་ནང་དུ་སྡུད་ཆེས་པས་གཉིད་དང་རྨུགས་པར་འཆོར་བ། །ཆོས་ཐུན་རིང་དྲགས་པ་སོགས་ཀྱིས་སེམས་སྐྱོ་སུན་གྱི་དབང་དུ་སོང་བ་རྣམས་སྤང་ངོ༌། མི་འཛིན་པ་ལྔ་ནི། ཚིག་འཛིན་ལ་དོན་མི་འཛིན་པ། །དོན་འཛིན་ལ་ཚིག་མི་འཛིན་པ། །བརྡའ་མ་འཕྲོད་པར་འཛིན༌། གོང་འོག་ནོར་ནས་འཛིན་པ། དོན་གོ་ལོག་ཏུ་འཛིན་པ་རྣམས་སྤང་ངོ༌། །གཉིས་པ་བླང་བྱའི་ཀུན་སྤྱོད་ལ། །འདུ་ཤེས་བཞི་བསྟེན་པ། ཕ་རོལ་ཏུ་ཕྱིན་པ་དྲུག་དང་ལྡན་པ། །སྤྱོད་ལམ་གཞན་བསྟན་པའོ། །དང་པོ་འདུ་ཤེས་བཞི་བརྟེན་པ་ནི། སྡོང་པོ་བཀོད་པ་ལས། རིགས་ཀྱི་བུ་ཁྱོད་ཀྱིས་བདག་ཉིད་ལ་ནད་པའི་འདུ་ཤེས་བསྐྱེད་པར་བྱའོ། །ཆོས་ལ་སྨན་གྱི་འདུ་ཤེས་བསྐྱེད་པར་བྱའོ། །ནན་ཏན་ཉམས་སུ་ལེན་པ་ལ་ནད་ཉེ་བར་འཚོ་བའི་འདུ་ཤེས་བསྐྱེད་པར་བྱའོ། །དགེ་བའི་བཤེས་གཉེན་ལ་སྨན་པ་མཁས་པའི་འདུ་ཤེས་བསྐྱེད་པར་བྱའོ། །ཞེས་སོ། །ཕ་རོལ་ཏུ་ཕྱིན་པ་དྲུག་ནི། ཆོས་སྤྱོད་ཐམས་ཅད་ཀྱི་མན་ངག་མངོན་པར་རྟོགས་པའི་རྒྱུད་ལས། མེ་ཏོག་

― ZP04_Page_104 ―

^{[མ་དཔེ་གཟིགས་ན་འདིར་གནོན།]}

[Full Size]

སྟན་སོགས་རབ་འབུལ་ཞིང༌། །ས་ཕྱོགས་སྤྱོད་ལམ་སྡོམ་པ་དང༌། །སྲོག་ཆགས་ཀུན་ལ་འཚེ་མི་བྱེད། །བླ་མ་ལ་ནི་གསོལ་བ་འདེབས། མ་ཡེངས་བླ་མའི་གདམས་ངག་ཉན། དོགས་སེལ་ཕྱིར་ན་སྐྱོན་ཚིག་འདྲི། །སྒྲོལ་མ་ཡན་ལག་དྲུག་དང་ལྡན། ཞེས་སོ། །སྤྱོད་ལམ་གཞན་བསྟན་པ་ནི། །མི་དད་པ་ལ་ཆོས་མི་བཤད། །མི་ན་བཞིན་དུ་མགོ་དཀྲིས་དང༌། །གདུགས་དང་མཁར་བ་མཚོན་ཐོགས་དང༌། །མགོ་བོ་གཡོགས་པ་དག་ལ་མིན། །ཞེས་པ་ལ་སོགས་པའོ། །གསུམ་པ་དཔོན་སློབ་དེ་གཉིས་ཀྱིས་འཆད་ཉན་ཇི་ལྟར་བགྱི་བའི་ཚུལ་ལ། ཆིངས་ཆེན་པོ་ལྔའམ་གསུམ་གྱིས་བཅིངས་ནས་འཆད་དེ། དང་པོ་ཆིངས་ཆེན་པོ་ལྔ་ནི། རྣམ་བཤད་རིགས་པ་ལས། མདོ་དོན་སྨྲ་བར་འདོད་རྣམས་ལ། །མན་ངག་ཅུང་ཞིག་སྦྱིན་པར་བྱ། །དེ་ལ་མན་ངག་འདི་ཡིན་ཏེ། །དགོས་པ་བསྡུས་པའི་དོན་བཅས་དང༌། ཚིག་དོན་བཅས་དང་མཚམས་སྦྱོར་བཅས། བརྒལ་ལན་བཅས་ཏེ་བསྙད་པར་བྱ། ཞེས་སོ། །གཉིས་པ་ཆིངས་གསུམ་ནི། །དཀྱུས་ཀྱི་ས་གཅོད་པ་སྟག་མོའི་མཆོང་སྟབས་ལྟ་བུ། ཚིག་གི་འབྲུ་གནོན་པ་རུས་སྦལ་གྱི་ནུར་འགྲོས་ལྟ་བུ། སྐབས་ཀྱི་མཇུག་བསྡུ་བ་སེངྒེའི་འགྱིང་ལྟ་བུའོ། །གཉིས་པ་བཤད་བྱ་དངོས་བཤད་པ་ལ། ཐོག་མར་དགེ་བ་ཀླད་ཀྱི་དོན། བར་དུ་དགེ་བ་གཞུང་གི་དོན། ཐ་མར་དགེ་བ་མཇུག་གི་དོན་དང་གསུམ། དང་པོ་ཐོག་

― ZP04_Page_105 ―

^{[མ་དཔེ་གཟིགས་ན་འདིར་གནོན།]}

[Full Size]

མར་དགེ་བ་ཀླད་ཀྱི་དོན་ལ། མཚན་བརྗོད་པ། མཆོད་པར་བརྗོད་པ། རྩོམ་པར་དམ་བཅའ་བ་དང་གསུམ། །དང་པོ་མཚན་དོན་ཆིངས་ཆེན་པོ་ལྔའི་སྒོ་ནས་འཆད་པ་ལ། དང་པོ་དགོས་པའི་དོན་ནི། དབང་པོ་རབ་རྣམས་མཚན་དོན་ཤེས་པས་གཞུང་དོན་ཡོངས་རྫོགས་གཏན་ལ་ཕེབས་པ་དང༌། འབྲིང་རྣམས་ཐེག་པ་ཆེ་ཆུང་གང་གི་ཕྱོགས་སུ་གཏོགས་ཤེས་པ་དང༌། ཐ་ནའང་མིང་དོན་གྱི་འབྲེལ་པ་ཤེས་ནས་གླེགས་བམ་འཚོལ་སླ་བ་སོགས་ཀྱི་དགོས་པ་ཡོད་དེ། ཇི་སྐད་དུ། མིང་དུ་གདགས་པར་མ་མཛད་ན། །འཇིག་རྟེན་ཐམས་ཅད་རྨོངས་པར་འགྱུར། །དེ་བས་མགོན་པོ་ཐབས་མཁས་པས། །ཆོས་རྣམས་མིང་དུ་གདགས་པར་མཛད། །ཅེས་སོ། །གཉིས་པ་མཚམས་སྦྱོར་གྱི་དོན་ནི། སྤྱིར་ཆོས་ཐམས་ཅད་གང་དང་གང་འཆད་ཀྱང་ཐོག་མར་ཀླད་དོན་ནས་འཆད་དགོས་ལ། དེ་ཡང་དང་པོར་མཚན་སྨོས་པ་འབྱུང་བ་ཡིན་ལ། མཚན་དེ་ཡང༌། ཆོས་ལ་ཡིད་ཆེས་སྐྱེ། སྐད་ལ་བག་ཆགས་འཇོག །རྒྱུད་ལ་བྱིན་རླབས་འབྱུང་བ་སྟེ་དགོས་པ་གསུམ་དང་ལྡན་པའི་ཕྱིར་སྐད་གཉིས་ཤན་སྦྱར་ནས་བཤད་པའི་དང་པོར་མཚན་རྒྱ་གར་སྐད་ལྟར་སྨོས་པ་ནི་རྒྱ་གར་ཞེས་པ་ལྟ་བུ། གསུམ་པ་ཚིག་གི་དོན་ནི། སྐྱེས་བུ་གསུམ་གྱི་ལམ་གྱི་རིམ་པ་ཐམས་ཅད་མ་ནོར་བར་ཉམས་སུ་བླངས་བའི་ལམ་དང་འབྲས་བུའི་ཡོན་ཏན་ཐམས་ཅད་ནི་ཡོན་ཏན། དེ་ཉམས་སུ་བླངས་པ་ལས་དོན་གཉིས་ཀྱི་འདོད་པ་ཐམས་ཅད་འབྱུང་བས་ན་

― ZP04_Page_106 ―

^{[མ་དཔེ་གཟིགས་ན་འདིར་གནོན།]}

[Full Size]

རིན་པོ་ཆེ། དེ་ལྟ་བུའི་བརྗོད་བྱ་ཕུན་སུམ་ཚོགས་པའི་ཚིག་དང་དོན་གྱི་མཛོད་ཡིན་པས་ན་མཛོད། རང་རྒྱུད་ལ་ལེགས་བྱས་དགེ་བའི་ལོ་ཏོག་བསྐྱེད་པར་འདོད་པའི་སྐལ་བ་བཟང་པོའི་གང་ཟག་ཐམས་ཅད་དགའ་བར་བྱེད་པའི་ཆར་པ་ལྟ་བུ་ཡིན་པས་དགའ་བའི་ཆར་ཞེས་བྱའོ། །བཞི་པ་བསྡུས་དོན་གྱི་དབང་དུ་བྱས་ན་ཡོན་ཏན་རིན་པོ་ཆེའི་མཛོད་ཅེས་བྱ་བ་སྟེ། ལམ་དང་འབྲས་བུའི་ཡོན་ཏན་ཐམས་ཅད་གང་ལས་འབྱུང་བའི་མཛོད་ལྟ་བུར་གྱུར་པའོ། །ལྔ་པ་བརྒལ་ལན་གྱི་དོན་ནི། དེ་ལ་ཁ་ཅིག་ན་རེ། དགའ་བའི་ཆར་ཞེས་བྱ་བ་མི་འཐད་དེ། ཆར་ཡིན་ན་དགའ་བར་བྱེད་པ་ཡིན་པས་མ་ཁྱབ་སྟེ། དམྱལ་བར་མེ་མདག་དང༌། ཀླུ་དང་ཡི་དྭགས་སོགས་ལ་བྱེ་ཚན་གྱི་ཆར་སོགས་འབེབས་པའི་ཕྱིར་ཟེར་ན། འདི་དཔེ་ལ་མཚན་དུ་གསོལ་བའི་དབང་དུ་བྱས་ཏེ་གང་དག་དགའ་བ་སྐྱེད་པའི་མཐོ་རིས་ལྷ་དང་མིའི་ཡུལ་གྱི་ཆར་པ་དག་དཔེར་བྱེད་ཀྱི་ངན་སོང་གི་ཆར་པ་དཔེར་བྱེད་པ་མ་ཡིན་པས་རྩོད་པ་དེ་ལ་སྙིང་པོ་མེད་དོ། །གཉིས་པ་མཆོད་པར་བརྗོད་པ་ལ་མཚན་སྨོས་པའི་སྒོ་ནས་བསྡུས་ཏེ་མཆོད་པར་བརྗོད་པ་དང༌། ཡོན་ཏན་དྲན་པའི་སྒོ་ནས་རྒྱས་པར་མཆོད་པར་བརྗོད་པ་དང་གཉིས། དང་པོ་མཚན་སྨོས་པའི་སྒོ་ནས་བསྡུས་ཏེ་མཆོད་པར་བརྗོད་པའི་སྐབས་སུ། དང་པོ་སངས་རྒྱས་ལ། ངོ་བོ། ངེས་ཚིག །དབྱེ་བ། སྒྲ་དོན་ནོ། །དང་པོ་སྤངས་རྟོགས་ཀྱི་ཡོན་ཏན་མཐར་

― ZP04_Page_107 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱིན་པ་སངས་རྒྱས་ཀྱི་ངོ་བོ། ངེས་ཚིག་མ་རིག་པའི་གཉིད་འཐུག་པོ་ལས་སངས་ཤིང་ཤེས་བྱའི་ཆོས་ཐམས་ཅད་ལ་བློ་གྲོས་ཀྱི་པདྨོ་རྣམ་པར་རྒྱས་པས་ན་སངས་རྒྱས་ཞེས་བྱའོ། །དབྱེ་ན་རྟེན་སྐུ་བརྟེན་པ་ཡེ་ཤེས། མཛད་པ་ཕྲིན་ལས་སོ། །སྒྲ་དོན་བུདྡྷ་ཁོང་དུ་ཆུད་པ་ལའོ། །ཞེས་པས་ཤེས་བྱ་ཐམས་ཅད་མཁྱེན་ཅིང་ཁོང་དུ་ཆུབ་པས་ན་སངས་རྒྱས་སོ། །གཉིས་པ་ཆོས་ལའང་སྔ་མ་ལྟར་བཞི་ལས། །ཉོན་ཤེས་ཀྱི་སྒྲིབ་པ་གང་རུང་སྤངས་པའམ་སྤོང་བྱེད་ཀྱི་ཐབས་སུ་གྱུར་པ་ཆོས་ཀྱི་ངོ་བོ། །ངེས་ཚིག་ནི་ནད་ལ་སྨན་གཏོང་བ་ལྟར་རང་རྒྱུད་ཀྱི་ཉོན་མོངས་པ་འཆོས་པས་ན་ཆོས་སོ། །དབྱེ་ན། ལུང་དང་རྟོགས་པའི་ཆོས་སམ་འགོག་ལམ་གྱི་བདེན་པ་གཉིས་སོ། །སྒྲ་དོན༌། ཞེས་པའི་སྒྲ་ལས་དྲངས་ན། འཛིན་པ་སྟེ་འཁོར་བ་དང་ངན་སོང་གི་ལམ་དུ་མི་འཛིན་ཅིང་ཡང་དག་པའི་ལམ་དུ་འཛིན་པས་ན་ཆོས་སོ། །གསུམ་པ། དགེ་འདུན་ལའང་བཞི་སྟེ། རིག་གྲོལ་གྱི་ཡོན་ཏན་གཉིས་དང་ལྡན་པ་དགེ་འདུན་གྱི་ངོ་བོ། ངེས་ཚིག་ཡང་དག་པ་དགེ་བའི་ལམ་དང་རང་རྒྱུད་མི་ཕྱེད་པར་འདུན་པས་ན་དགེ་འདུན་ནོ། །དབྱེ་ན། ཐེག་དམན་ཉན་རང་གི་དགེ་འདུན་དང༌། ཐེག་ཆེན་བྱང་ཆུབ་སེམས་དཔའི་དགེ་འདུན་ནོ། །སྒྲ་དོན་ནི། སངྒ་ཞེས་པའི་སྒྲ་ལས་དྲངས་ན་འདུས་པ་སྟེ། འགྲོ་བ་ལྷ་དང་བཅས་པའི་ལམ་ལས་མི་ཕྱེད་པས་ན་དགེ་འདུན་ནོ། །དཀོན་མཆོག་

― ZP04_Page_108 ―

^{[མ་དཔེ་གཟིགས་ན་འདིར་གནོན།]}

[Full Size]

ཅེས་པའི་སྒྲ་དོན་ནི། རྒྱུད་བླ་མ་ལས། འབྱུང་བ་དཀོན་ཕྱིར་དྲི་མེད་ཕྱིར། །མཐུ་ལྡན་ཉིད་དང་འཇིག་རྟེན་གྱི། །རྒྱན་གྱུར་ཉིད་དང་མཆོག་ཉིད་ཕྱིར། །འགྱུར་བ་མེད་ཕྱིར་དཀོན་མཆོག་ཉིད། །ཅེས་གསུངས་ཏེ་འཇིག་རྟེན་དུ་སངས་རྒྱས་འབྱོན་པ་དང༌། དེས་ཆོས་གསུངས་པ་དང༌། དེ་ཉམས་སུ་ལེན་པའི་དགེ་འདུན་རྣམས་ནི་འཇིག་རྟེན་ན་ཨུ་དུམྦ་རའི་མེ་ཏོག་ལྟར་དཀོན་པ་དང༌། མི་མཐུན་པའི་ཉེས་ཚོགས་ཀྱི་དྲི་མ་མེད་པ་དང༌། སྒྲིབ་གཉིས་དང་བདུད་བཞི་སོགས་བཅོམ་པའི་མཐུ་དང་ལྡན་པ་དང༌། གནས་སྐབས་དང་མཐར་ཐུག་གི་ཕུན་སུམ་ཚོགས་པ་ཐམས་ཅད་བསྐྱེད་པའི་རྒྱུ་ཡིན་པས་འཇིག་རྟེན་གྱི་རྒྱན་ཏུ་གྱུར་པ་དང༌། འགྲོ་བ་ལྷ་དང་བཅས་པའི་མགོན་དུ་བཞུགས་ཤིང༌། སྲིད་ཞིའི་ཁམས་ན་འགྲན་ཟླ་དང་བྲལ་བས་ན་མཆོག་ཉིད་དང༌། གནས་སྐབས་སུ་ཀུན་ཏུ་ཡོན་ཏན་གྱི་རང་བཞིན་ཉམས་པ་མེད་ཅིང་ཐུགས་རྗེ་རྒྱུན་ཆད་མེད་པས་ན་འགྱུར་བ་མེད་པ་སྟེ་དཀོན་མཆོག་ཅེས་བྱའོ། །གསུམ་པ་རྩོམ་པར་དམ་བཅའ་བ་ནི། དམ་པའི་ཆོས་མི་འཛིན་པའི་ཕན་ཡོན་ལ་བསམས་ཏེ་རྩོམ་པར་དམ་བཅའ་བ་དང༌། དམ་པའི་ཆོས་མི་འཛིན་པའི་ཉེས་དམིགས་ལ་བསམས་ཏེ་རྩོམ་པར་དམ་བཅའ་བ་གཉིས་སོ། །སྐབས་འདིར་དགོས་འབྲེལ་ཡན་ལག་བཞི་འཆད་པའི་སྲོལ་ལྟར་ན། སྤྱིར་ངག་ཙམ་ལ་ཡོད་པའི་དགོས་འབྲེལ་དང༌། དགོས་འབྲེལ་ངག་

― ZP04_Page_109 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཡོད་པའི་དགོས་འབྲེལ། བསྟན་བཅོས་ལུས་ལ་ཡོད་པའི་དགོས་འབྲེལ་རྣམས་ཡོད་ཀྱང༌། དོན་བསྟན་བཅོས་ལུས་ལ་ཡོད་པའི་དགོས་འབྲེལ་ཡིན་པས་སྐྱེས་བུ་གསུམ་གྱི་ལམ་རིམ་གྱི་ཉམས་ལེན་རྣམས་ནི་བརྗོད་བྱ། དེ་ལྟ་བུའི་བརྗོད་བྱ་དང་ལྡན་པའི་བསྟན་བཅོས་འདི་ཐོས་བསམ་གྱིས་གཏན་ལ་ཕབ་ནས་ཐར་པར་འགྲོ་བའི་ལམ་མ་ནོར་བར་ཤེས་པ་ནི་དགོས་པ། །དེ་ལྟར་ཤེས་ནས་ཉམས་སུ་བླངས་པས་མཐར་ཐུག་གི་འབྲས་བུ་གྲུབ་པ་ནི་ཉིང་དགོས། དེ་གསུམ་གཅིག་ལ་གཅིག་བརྟེན་གྱིས་འབྲེལ་བར་གྲུབ་པ་ནི་འབྲེལ་པའོ། །གཉིས་པ་བར་དུ་དགེ་བ་གཞུང་གི་དོན་ལ། །གཞུང་དོན་ལེའུ་བཅུ་གསུམ་ཡོད་པའི། ལེའུ་དང་པོ་དལ་འབྱོར་རྙེད་དཀའི་སྐབས་སུ། འདུ་ཤེས་མེད་པའི་ལྷ་ཞེས་པ་ནི་འདུ་ཤེས་མེད་པའི་སྙོམས་འཇུག་བསྒོམས་པའི་འབྲས་བུ་སྟེ། སེམས་རྟོག་མེད་ཀུན་གཞིའི་སྟེང་དུ་ཚོགས་དྲུག་གི་ཤེས་པ་བཀག་ནས་སྒོམ་པ་གོམས་པ་སྟེ། འདི་དང་འགོག་པའི་སྙོམས་འཇུག་གི་ཁྱད་པར། འདིར་ཉོན་ཡིད་མ་བཀག་ལ་འགོག་པར་ཉོན་ཡིད་འགོག་པ་དང༌། འདི་ལ་སོ་སོའི་སྐྱེ་བོ་རྣམས་འཇུག་ཅིང་འཕགས་པ་རྣམས་མི་འཇུག་ལ་འགོག་པར་འཕགས་པ་རྣམས་འཇུག་གི་སོ་སྐྱེ་རྣམས་མི་འཇུག་གོ །ཡང་འདུ་ཤེས་མེད་པ་ནི་ཕྱི་རོལ་པ་རྣམས་ཐར་པའི་ལམ་དུ་འཁྲུལ་ནས་སྒོམ་ཞིང༌། འགོག་པ་ལ་ཉན་རང་འཕགས་པ་

― ZP04_Page_110 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་མཐོང་ཆོས་སུ་བདེ་བར་གནས་ཀྱི་ཕྱིར་སྙོམས་པར་འཇུག་ལ། བྱང་སེམས་འཕགས་པ་རྣམས་ཏིང་ངེ་འཛིན་ལ་རྩལ་སྦྱང་བའི་ཕྱིར་སྙོམས་པར་འཇུག་གོ །དེ་ལྟ་བུའི་སྙོམས་འཇུག་དེ་གོམས་པས་ཤི་མ་ཐག་ཏུ་འདུ་ཤེས་མེད་པའི་ལྷར་སྐྱེས་པ་ཡིན་ཏེ། ལྷ་དེའི་གནས་བསམ་གཏན་བཞི་པའི་ལྷ་གནས་འབྲས་བུ་ཆེ་བའི་གནས་ན་གྲོང་ལས་དགོན་པའི་ཚུལ་དུ་ཡོད་པར་བཤད་དོ། །དེ་ལས་གཞན་པའི་ལྷ་གནས་རྣམས་སུ་ནི་ཉན་རང་འཕགས་པ་རྣམས་ཀྱང་སྐྱེ་བ་འཛིན་པས་ན་མི་ཁོམས་པའི་གནས་མིན་ནོ། །ལེའུ་གཉིས་པ་ཆེ་མི་རྟག་པའི་སྐབས་སྲིད་པ་བརྟན་གཡོ་ཆགས་གནས་འཇིག་སྟོང་སོགས་ཀྱི་དོན། །དང་པོ་ཕྱི་སྣོད་ཀྱི་འཇིག་རྟེན་མས་ནས་ཡར་ཆགས། ནང་བཅུད་ཀྱི་སེམས་ཅན་གཟུགས་ཁམས་ཀྱི་ལྷ་གནས་ནས་བཟུང་ཡས་ནས་མར་ཆགས་ཏེ་སྣོད་ཆགས་པ་ལ་བར་བསྐལ་གཅིག་དང༌། བཅུད་ཆགས་པ་ལ་བར་བསྐལ་བཅུ་དགུ་སྟེ་ཉི་ཤུ་ཡོད། གཉིས་པ་གནས་པའི་བསྐལ་པ་དང་པོ་ཚེ་ལོ་དཔག་མེད་ནས་བཅུ་པའི་བར་འགྲིབ་པ་ལ་ཐོག་རིང་མོ་བཅུ་པ་ནས་བརྒྱད་ཁྲིའི་བར་ཡར་འཕེལ་པ་དང༌། བརྒྱད་ཁྲི་ནས་བཅུ་པའི་བར་མར་འགྲིབ་པའི་འཕེལ་འགྲིབ་ཕྲུགས་རེ་ལ་བར་གྱི་ཁུག་པ་གཅིག་ཏུ་བརྩིས་པའི་བར་ཁུག་བཅོ་བརྒྱད་རྫོགས་རྗེས་བཅུ་པ་ནས་དཔག་མེད་ཀྱི་བར་ཡར་འཕེལ་བ་ལ་མ་ཐོག་རིང་མོ་བར་བསྐལ་གཅིག་སྟེ་བསྡོམས་པར་བསྐལ་ཉི་

― ZP04_Page_111 ―

^{[མ་དཔེ་གཟིགས་ན་འདིར་གནོན།]}

[Full Size]

ཤུའོ། །དེ་བཞིན་དུ་འཇིག་པ་ལ་བར་བསྐལ་ཉི་ཤུ། ཞིག་ནས་སྟོངས་ཏེ་ནམ་མཁའ་གཅིག་གི་རང་བཞིན་བར་བསྐལ་ཉི་ཤུར་གནས་པ་རྣམས་བསྡོམས་པས་བར་བསྐལ་བརྒྱད་ཅུ་ནི་བསྐལ་ཆེན་གཅིག་གོ །འཇིག་པའི་ཚེ་དམྱལ་བའི་གནས་སུ་སེམས་ཅན་གསར་དུ་མི་སྐྱེ་བ་ནས་མགོ་བརྩམས་ཏེ་འདོད་ལྷ་དང་མི་རྣམས་འོད་གསལ་གྱི་ལྷར་སྐྱེས་པའི་བར་བར་བསྐལ་བཅུ་དགུ། །། དེ་ནས་སྣོད་འཇིག་པའི་ཚེ་ཉི་མ་བདུན་ཤར་བས་དང་པོས་རྩི་ཤིང་དང་ནགས་ཚལ་ཐམས་ཅད་བསྲེགས། །གཉིས་ཀྱིས་ལྟེང་ཀ་དང་ཆུ་ཀླུང་ཐམས་ཅད་སྐེམ། །གསུམ་གྱིས་ཆུ་ཀླུང་ཆེན་པོ་ཐམས་ཅད་སྐེམ། །བཞི་པས་མཚོ་ཆེན་པོ་མ་དྲོས་པ་སྐེམ། །ལྔ་པས་རྒྱ་མཚོ་དཔག་ཚད་བརྒྱ་ནས་རིམ་གྱིས་ཆུ་ཐིགས་གཅིག་ཀྱང་མ་ལུས་པར་སྐེམ། དྲུག་གིས་ས་ཆེན་པོ་གངས་རི་དང་བཅས་པ་ཐམས་ཅད་བསྲེག །བདུན་གྱིས་རི་གླིང་གསེར་གྱི་ས་གཞིའི་བར་དུ་བསྲེག་གོ །དེ་ལྟ་བུའི་མེ་ལྕེ་གྱེན་དུ་འབར་བས་ཚངས་པའི་གཞལ་མེད་ཁང་སྟོང་པ་རྣམས་བསྲེགས་ཤིང་མེ་ལྕེ་ཐུར་དུ་འཁྱིལ་བས་མནར་མེད་ཀྱི་ས་གཞིའི་བར་བསྲེགས་ཏེ། བསྲེགས་པའི་བསྐལ་པ་ཆེན་པོ་མེས་འཇིག་པ་ཞེས་བྱའོ། །དེ་ནས་སྟོངས་ཏེ་ཐམས་ཅད་ནམ་མཁའ་གཅིག་གི་རང་བཞིན་དུ་གྱུར་ནས་བར་བསྐལ་ཉི་ཤུར་གནས་ཤིང་དེ་ནས་ཡང་སྔར་ལྟར་ཆགས་པའི་བསྐལ་པ་དང་གནས་པ་དང་ཡང་མེས་

― ZP04_Page_112 ―

^{[མ་དཔེ་གཟིགས་ན་འདིར་གནོན།]}

[Full Size]

འཇིག་པའི་བསྐལ་པ་རྣམས་སྔར་ལྟར་འབྱུང་ལ་དེ་ལྟར་བསྐལ་པ་ཆེན་པོ་བདུན་མེས་འཇིག་པའི་རྗེས་སུ་བསྐལ་པ་གཅིག་ཆགས་བདེ་ཆུས་འཇིག་སྟེ། དེའི་ཚེ་བསམ་གཏན་གཉིས་པའི་ལྷ་གནས་སུ་སྤྲིན་ཆུའི་སྙིང་པོ་ཅན་འཁྲིགས་པ་ལས་ཆར་བབས་ཏེ། སྟོང་གསུམ་ཐམས་ཅད་ལན་ཚྭ་ཆུར་ཞུ་བ་ལྟར་འཇིག་གོ །དེ་ལྟར་མེས་འཇིག་བདུན་རེའི་མཚམས་སུ་ཆུས་འཇིག་རེ་བྱུང་ནས་ཆུས་འཇིག་བདུན་མེས་འཇིག་བཞི་བཅུ་ཞེ་དགུ་རྫོགས་མཚམས་སུ་རླུང་གིས་སྐོར་གཅིག་འཇིག་སྟེ་འོག་གཞི་རླུང་གི་དཀྱིལ་འཁོར་གྱེན་དུ་འཁྲུགས་ནས་བསམ་གཏན་གསུམ་པའི་གནས་མན་ཆད་ཐལ་བ་རླུང་གིས་གཏོར་བ་ལྟར་འཇིག་པ་ཡིན་ཏེ། །མཛོད་ལས། མེ་ཡིས་བདུན་ནོ་ཆུ་ཡིས་གཅིག །མཐར་ནི་རླུང་གིས་གཏོར་བ། ཅེས་སོ། །ལེའུ་གསུམ་པ་ལས་རྒྱུ་འབྲས་ཀྱི་སྐབས་སུ་འཇིག་རྟེན་པའི་ཆོས་བཅུ་གསུམ་ལས་དང་པོ། །རིགས་གཟུགས་དབང་ཐང་ལ་སོགས་འཕང་བསྟོད་ཅེས་པ་རྒྱགས་པ་ལྔ་སྟེ། །རྒྱལ་རིགས་དང་བྲམ་ཟེའི་རིགས་ལ་སོགས་རིགས། །ཆེ་བ་དང་མཛེས་པ་ལ་སོགས་གཟུགས། །ལུགས་གཉིས་ཀྱི་རྣམ་གཞག་མང་པོ་ཤེས་པའི་ཐོས་པ། །དར་ལ་བབ་པའི་ལང་ཚོ། །སྡེ་རིས་དང་བྲན་གཡོག་ལ་སོགས་ལ་དབང་སྒྱུར་བའི་དབང་ཐང་སྟེ་རྒྱགས་པ་ལྔ། །སྙོམ་ལས་དང་དྲུག །ཆོས་ཉིད་ཀྱི་དོན་མ་རྟོགས་བཞིན་དུ་

― ZP04_Page_113 ―

^{[མ་དཔེ་གཟིགས་ན་འདིར་གནོན།]}

[Full Size]

རྟོགས་པར་རློམ་པའི་མངོན་པའི་ང་རྒྱལ་དང་བདུན། །དཀའ་ཐུབ་དཔལ་ལ་སྡང་བའི་སྲིན་པོ་ཆགས་སྡང་གཉིས་དང་དགུ། །རང་ལ་ཡོད་པའི་ཟས་ནོར་དང་ལོངས་སྤྱོད་ལ་སོགས་ཀྱི་རོ་ལ་ཡང་ཡང་མྱོང་བའི་བརྐམ་པ་དང་བཅུ། །གཞན་གྱི་ཟས་ནོར་སོགས་ལ་བརྣབ་སེམས་སྐྱེ་བའི་ཆགས་པ་དང་བཅུ་གཅིག །རང་ལ་ཡོན་ཏན་མེད་ཀྱང་ཡོད་པ་ལྟར་ཚུལ་འཆོས་པའི་གཡོ་དང་བཅུ་གཉིས། སྐྱོན་ཡོད་ཀྱང་མེད་པ་ལྟར་སྒྲིབ་པའི་སྒྱུ་དང་བཅུ་གསུམ་མོ། །དགེ་བ་བཅུ་ནི་སྲོག་གཅོད་པ་སོགས་མི་དགེ་བ་བཅུ་སྤོང་བའི་སེམས་བརྟན་པ་དེ་ལས་ལོགས་ན་མེད་ཀྱང༌། ཁྱད་པར་ཅན་གྱི་དབང་དུ་བྱས་ན། །སྲོག་གཅོད་སྤངས་ནས་སྲོག་བསྐྱབ། །མ་བྱིན་ལེན་པ་སྤངས་ནས་སྦྱིན་པ་གཏོང༌། འདོད་ལོག་སྤངས་ནས་ཚུལ་ཁྲིམས་བསྲུང༌། །རྫུན་སྤངས་ནས་བདེན་པར་སྨྲ། །ཕྲ་མ་སྤངས་ནས་འཁོན་པ་ཟླུམས། །ཚིག་རྩུབ་སྤངས་ནས་སྙན་པར་སྨྲ། །ངག་འཁྱལ་སྤངས་ནས་ཁ་ཏོན་ལ་བརྩོན། །བརྣབ་སེམས་སྤངས་ནས་གཏོང་སེམས་འཆང༌། །གནོད་སེམས་སྤངས་ནས་ཕན་སེམས་འཆང༌། །ལོག་ལྟ་སྤངས་ནས་ཡང་དག་པའི་ལྟ་བ་ལ་གནས་པའོ། །ལེའུ་བཞི་པའི་སྐབས་སུ། །བདེན་བཞི་བཤད་པ་ལ། །ངོ་བོ། རྣམ་པ། སྒྲ་དོན། གོ་རིམ་དང་བཞི། དང་པོ་བདེན་བཞི་རང་རང་གི་ངོ་བོ་ནི། སྡུག་བསྔལ་ནི་འཁོར་བའི་སྣོད་བཅུད་གཉིས་པོ་

― ZP04_Page_114 ―

^{[མ་དཔེ་གཟིགས་ན་འདིར་གནོན།]}

[Full Size]

འདི་ཐམས་ཅད་ཡིན། ཀུན་འབྱུང་ནི་ལས་དང་ཉོན་མོངས་པ་གཉིས་ཡིན་ཏེ། ལས་ནི་འཁོར་བར་འཕེན་བྱེད་དགེ་བ་དང་མི་དགེ་བ་སོགས་ཡིན། ཉོན་མོངས་པ་ནི་ལས་དེ་ཀུན་ནས་སློང་བའི་ཉོན་མོངས་པ་ཆགས་སྡང་རྨོངས་གསུམ་ཡིན། འགོག་པ་ནི། སྡུག་བསྔལ་དང་ཀུན་འབྱུང་གཉིས་པོ་དེ་ལམ་གྱི་མཐུས་སྤང་བའི་ཆ་དེ་དང༌། སྤང་གཞི་ཆོས་ཉིད་དེ་བཞིན་ཉིད་དང་གཉིས་ཀ་ཡིན། ལམ་ནི་ཁ་ཅིག་མཐོང་སྒོམ་གཉིས་ཁོ་ན་ལ་འདོད་ཀྱང་གཙོ་ཕལ་ཙམ་ལས་ལམ་ལྔ་ཡོངས་རྫོགས་ཡིན། དེ་དག་གི་རྣམ་པ་བཅུ་དྲུག་སྟེ། སྐད་ཅིག་གཅིག་གིས་སྐྱེ་འགག་བྱེད་པས་མི་རྟག་པ། གང་ཅི་ཚོར་ཡང་རུང་སྡུག་བསྔལ་ལས་མ་འདས་པས་སྡུག་བསྔལ་བ། ང་ཡི་བའི་དངོས་པོ་རྣམས་ལ་བདག་པོ་མེད་པས་སྟོང་པ། གང་ཟག་གི་གདགས་གཞི་མེད་པས་བདག་མེད་པ་སྟེ་སྡུག་བསྔལ་གྱི་རྣམ་པ་བཞི། འཁོར་བའི་སྡུག་བསྔལ་ཐམས་ཅད་འབྱུང་བས་ཀུན་འབྱུང༌། སྡུག་བསྔལ་ཐམས་ཅད་ཀྱི་རྩ་བར་གྱུར་པས་རྒྱུ། །སྡུག་བསྔལ་དྲག་པོ་འཕྲལ་དུ་སྐྱེས་པས་རབ་སྐྱེ། སྡུག་བསྔལ་ཉམས་སུ་མྱོང་བའི་མཚམས་སྦྱོར་བའི་རྐྱེན་དང་བཞི་སྟེ་ཀུན་འབྱུང་གི་རྣམ་པ། མ་འོངས་པའི་སྡུག་བསྔལ་དང་ཀུན་འབྱུང་གི་རྒྱུན་འགོག་པས་འགོག་པ། འཁྲུལ་བའི་ཉོན་མོངས་པ་ཐམས་ཅད་ཞི་བས་ཞི་བ། ཕུན་སུམ་ཚོགས་པ་མཆོག་གི་ཆོས་ཡིན་པས་གྱ་ནོམ་པ། སླར་མི་ལྡོག་པར་འཁོར་བ་ལས་

― ZP04_Page_115 ―

^{[མ་དཔེ་གཟིགས་ན་འདིར་གནོན།]}

[Full Size]

ངེས་པར་ཐར་བས་ངེས་པར་འབྱུང་བ་དང་བཞི་སྟེ། འགོག་པའི་རྣམ་པ། གོང་ནས་གོང་དུ་བགྲོད་པར་བྱ་བས་ལམ། ཉོན་མོངས་པའི་གཉེན་པོ་བྱེད་པས་རིགས་པ། སེམས་ཕྱིན་ཅི་མ་ལོག་པར་བསྒྲུབས་པས་སྒྲུབ་པ། གཏན་དུ་ཐར་པ་མྱ་ངན་འདས་ཀྱི་གནས་སུ་ཁྲིད་པས་ངེས་པར་འབྱིན་པ་དང་བཞི་ནི་ལམ་གྱི་རྣམ་པའོ། །སྒྲ་དོན་ནི། བསྟན་པ་དང་མི་མཐུན་པ་མེད་པས་ན་བདེན་པའོ། །ཞེས་གསུངས་པས་བདེན་པ་བཞིའི་མཚན་ཉིད་འདི་ལྟར་ཡིན་ནོ་ཞེས་སངས་རྒྱས་ཀྱིས་བསྟན་པའི་དོན་ཇི་ལྟ་བ་བཞིན་ཡུལ་བདེན་བཞི་རང་རང་གི་ངོས་ནས་མི་མཐུན་པ་མེད་པས་ན་ཡུལ་གྱི་ངོས་ནས་བདེན་པ་དང༌། བདེན་བཞིའི་མཚན་ཉིད་ཇི་ལྟར་བསྟན་པ་དེ་ལྟར་ཤེས་ན་ཤེས་པའི་བློ་དེ་ཡང་མ་ནོར་པ་ཡིན་པས་ན་ཡུལ་ཅན་གྱི་ངོས་ནས་བདེན་པའོ། །དེ་ཡང་བདེན་བཞི་རང་རང་གི་མཚན་ཉིད་ཇི་ལྟར་གནས་པ་དེ་འཕགས་པ་རྣམས་ཁོ་ནས་མཁྱེན་པས་ན་འཕགས་པའི་བདེན་པར་བཞག་ལ། སོ་སྐྱེ་རྣམས་ལ་སྡུག་བསྔལ་ཀུན་འབྱུང་སོགས་རང་ལ་ཡོད་ཀྱང་དེ་དག་གི་མཚན་ཉིད་ཇི་ལྟ་བ་བཞིན་མི་ཤེས་པས་ཕྱིན་ཅི་ལོག་ཏུ་འཛིན་པས་ན་དེ་དག་གི་བདེན་པར་མ་བཞག་གོ །བཞི་པ་གོ་རིམ་ནི། ལམ་མངོན་པར་རྟོགས་པའི་གོ་རིམ་དང་སྦྱར་ནས་བཞག་སྟེ། རྒྱུད་བླ་མ་ལས། ནད་ནི་ཤེས་བྱ་ནད་ཀྱི་རྒྱུ་ནི་སྤང་བྱ་ལ། །བདེར་གནས་ཐོབ་ཕྱིར་སྨན་ནི་བསྟེན་པར་བྱ་བ་ལྟར། །

― ZP04_Page_116 ―

^{[མ་དཔེ་གཟིགས་ན་འདིར་གནོན།]}

[Full Size]

སྡུག་བསྔལ་རྒྱུ་དང་དེ་འགོག་པ་དང་དེ་བཞིན་ལམ། ཤེས་བྱ་སྤང་བྱ་རིག་པར་བྱ་ཞིང་བསྟེན་པར་བྱ། ཞེས་པ་ལྟར་དང་པོ་སྡུག་བསྔལ་ཤེས་པར་བྱས་ནས་འཁོར་བ་ལ་ངེས་འབྱུང་བསྐྱེད། དེ་ནས་སྡུག་བསྔལ་གྱི་རྒྱུ་ཀུན་འབྱུང་སྤངས་ཏེ་འགོག་པ་མངོན་དུ་བྱ་བར་འདོད་པས་ལམ་རྒྱུད་ལ་བསྟེན་པའི་གོ་རིམ་དང་སྦྱར་ནས་དེ་ལྟར་བཞག་སྟེ། །དེ་ཡང་འཁོར་བའི་རྒྱུ་ཀུན་འབྱུང་ཡིན་ལ་དེའི་འབྲས་བུ་སྡུག་བདེན་ཡིན་པས་དེ་གཉིས་ཀུན་ནས་ཉོན་མོངས་པའི་ཕྱོགས་དང༌། མྱ་ངན་ལས་འདས་པའི་རྒྱུ་ལམ་བདེན་དང༌། འབྲས་བུ་འགོག་བདེན་ཏེ་དེ་གཉིས་རྣམ་པར་བྱང་བའི་ཕྱོགས་སོ། །ཡང་དམྱལ་བའི་སྡུག་བསྔལ་གྱི་སྐབས་སུ་ཚེ་ཚད་བཤད་པ་ནི། །འདོད་ལྷའི་ཚེ་དང་ཉིན་ཞག་མཉམ། ཞེས་པས་མི་ལོ་ལྔ་བཅུ་ལྷ་རྒྱལ་ཆེན་རིགས་བཞིའི་ཞག་གཅིག་ཏུ་བརྩིས་པའི་ལྷའི་རང་ལོ་ལྔ་བརྒྱ་དེ་དམྱལ་བ་ཡང་སོས་ཀྱི་ཞག་གཅིག་ཏུ་བརྩིས་པའི་རང་ལོ་ལྔ་བརྒྱ་ཐུབ་པོ། །དེ་བཞིན་ཏུ་མི་ལོ་བརྒྱ། ཉིས་བརྒྱ། བཞི་བརྒྱ། བརྒྱད་བརྒྱ། སྟོང་དྲུག་བརྒྱ་རྣམས་ལྷ་སུམ་ཅུ་རྩ་གསུམ། འཐབ་བྲལ། དགའ་ལྡན། །འཕྲུལ་དགའ། གཞན་འཕྲུལ་དབང་བྱེད་རྣམས་ཀྱི། ཞག་གཅིག་ཏུ་བརྩིས་པའི་རང་ལོ་སྟོང༌། ཉིས་སྟོང༌། བཞི་སྟོང༌། བརྒྱད་སྟོང༌། ཁྲི་དྲུག་སྟོང་རྣམས། དམྱལ་བ་ཐིག་ནག །བསྡུས་འཇོམས། ངུ་འབོད། ངུ་འབོད་ཆེན་པོ། །

― ZP04_Page_117 ―

^{[མ་དཔེ་གཟིགས་ན་འདིར་གནོན།]}

[Full Size]

ཚ་བ་རྣམས་ཀྱི་ཞག་རེར་བརྩིས་པའི་རང་ལོ་སྟོང༌། ཉིས་སྟོང༌། བཞི་སྟོང༌། བརྒྱད་སྟོང༌། ཁྲི་དྲུག་སྟོང་རྣམས་ཐུབ་ཅིང༌། རབ་ཏུ་ཚ་བས་བར་བསྐལ་ཕྱེད་དང༌། མནར་མེད་པས་བར་བསྐལ་གཅིག་ཐུབ་པོ། །གྲང་དམྱལ་གྱི་ཚེ་ཚད་ནི། ཡུལ་ཀོ་ས་ལའི་ཏིལ་ཁལ་ཉི་ཤུ་ཤོང་བའི་ཏིལ་སྦྱངས་ནས་ལོ་བརྒྱ་རེ་ལ་ཏིལ་ཉག་རེ་ཕྱུངས་བས་ཟད་པ་ན་ཆུ་བུར་ཅན་གྱི་ཚེ་ཚད་རྫོགས་པ་ཡིན་ལ་ལྷག་མ་རྣམས་ཉི་ཤུའི་འགྱུར་རོ། །ཉེ་འཁོར་ལྷག་པ་བཅུ་དྲུག་ནི། མདགས་མེའི་འོབས། རོ་མྱགས་ཀྱི་འདམ། རལ་གྲིའི་ནགས། ཆུ་བོ་རབ་མེད་དང་བཞི་པོ་ཤར་ན་བཞི། ལྷོ་ན་བཞི། ནུབ་ན་བཞི། བྱང་ན་བཞི་ཡོད་པས་ཉེ་འཁོར་ལྷག་པ་བཅུ་དྲུག་གོ། ཤལ་མ་ལི་ཤར་ལྷོ་ན་གཅིག །དེ་བཞིན་ལྷོ་ནུབ། ནུབ་བྱང༌། བྱང་ཤར་རྣམས་ནའང་རེ་རེ་ཡོད་པས་བཞི་ཡོད་ལ། དེ་བཞིན་དུ་སྤུ་གྲིའི་ཐང་གཞུང་འགའ་རེར་བཤད་པ་ལྟར་ཡོད་ཀྱང༌། རལ་གྲིའི་ནགས། སྤུ་གྲིའི་ཐང༌། ཤལ་མ་རི་དང་གསུམ་མཚོན་ཆའི་རིགས་ཡིན་པས་གཅིག་ཏུ་བསྡུས་ནས་ཏེ་འཁོར་བཅུ་དྲུག་ཏུ་བཞག་གོ །ཡི་དྭགས་ཀྱི་ཚེ་ཚད་ནི་སྤྱིར་མི་ཡི་ཟླ་བ་ཡི་དྭགས་ཀྱི་ཞག་གཅིག་ཏུ་བརྩིས་པས་རང་ལོ་ལྔ་བརྒྱ་ཐུབ་སྟེ་བྱེ་བྲག་ངེས་པ་མེད་དོ། །ཡང་ལྷའི་འཆི་ལྟས་ལྔ་ནི། བཤེས་སྤྲིང་ལས། །སྟན་ལ་མི་དགའ་མེ་ཏོག་ཕྲེང་རྙིང་དང༌། །གོས་ལ་དྲི་མ་ཆགས་དང་ལུས་

― ZP04_Page_118 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ནི། སྔོན་ཆད་མེད་པའི་རྡུལ་འབྱུང་ཞེས་བྱ་བ། །མཐོ་རིས་འཆི་འཕོ་སྦྲོན་བྱེད་སྔ་ལྟས་ལྔ། །ཞེས་སོ། །སྡུག་བསྔལ་དང་ཀུན་འབྱུང་གཉིས་ཀར་གཏོགས་པའི་ཕུང་པོ་ལྔ་བཤད་པ་ལ། མཚན་ཉིད་དང་དབྱེ་བ་གཉིས། །དང་པོ་མཚན་ཉིད་ནི་གཟུགས་སུ་རུང་བ་གཟུགས་ཀྱི་མཚན་ཉིད། ཉམས་སུ་མྱོང་བ་ཚོར་བའི་མཚན་ཉིད། །མཚན་མར་འཛིན་པ་འདུ་ཤེས་ཀྱི་མཚན་ཉིད། ཕུང་པོ་བཞི་ལ་མངོན་པར་ཞེན་པའི་རྒྱུ་རྐྱེན་གྱིས་འདུ་བྱེད་པ་འདུ་བྱེད་ཀྱི་མཚན་ཉིད། ཡུལ་དོན་རིག་པ་རྣམ་ཤེས་ཀྱི་མཚན་ཉིད་དོ། །གཉིས་པ་དབྱེ་བ་ནི། གཟུགས་ལ་དབྱེ་ན། རྒྱུ་གཟུགས་ས་ཆུ་མེ་རླུང་བཞི། འབྲས་གཟུགས་དབང་པོ་ལྔ་དང་ཡུལ་ལྔ་རྣམ་པར་རིག་བྱེད་མ་ཡིན་པའི་གཟུགས་དང་བཅུ་གཅིག་ལས་གཞན་རྣམས་གོ་སླ་ལ། །རྣམ་པར་རིག་བྱེད་མ་ཡིན་པ་ནི། མཛོད་ལས། །རྣམ་རིག་མིན་རྣམ་གསུམ་ཞེས་བྱ། །སྡོམ་དང་སྡོམ་པ་མིན་དང་གཞན། ཞེས་པ་ལྟར་དགེ་བ་དམ་བཅས་པ་སྡོམ་པ། མི་དགེ་བ་དམ་བཅས་པ་སྡོམ་མིན། དམ་བཅས་པ་མེད་པའི་དགེ་བ་དང་མི་དགེ་བ་རྣམས་པར་མ་སྟེ། དེ་དག་ཀྱང་ལུས་ངག་འབྱུང་བ་ཆེན་པོ་རྣམས་ལས་སྐྱེས་པ། སེམས་མེད་པ་དང་ཡེངས་པའི་གནས་སྐབས་རྣམས་སུའང་རྟག་ཏུ་རྗེས་སུ་འབྲང་བ་སྟེ་འདི་བྱེ་བྲག་སྨ་བ་ཁོ་ན་འདོད་ཀྱི་མདོ་སྡེ་པ་ཡན་ཆད་རྣམ་པར་རིག་བྱེད་མ་

― ZP04_Page_119 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན་པ་གཟུགས་མི་འདོད་དོ། །ཚོར་བ་ནི་བདེ་སྡུག་བར་མ་གསུམ་མོ། །འདུ་ཤེས་ནི་རྒྱ་ཆེ་ཆུང་བར་མ་གསུམ་མོ། །འདུ་བྱེད་ནི། ལྡན་པའི་འདུ་བྱེད་སེམས་བྱུང་ལྔ་བཅུ་རྩ་གཅིག་ལས་ཚོར་བ་དང་འདུ་ཤེས་གཉིས་མ་གཏོགས་འདུ་བྱེད་ཞེ་དགུའོ། །ལྡན་མིན་འདུ་བྱེད་ཉེར་གསུམ་ཡོད་དོ། །སེམས་བྱུང་ལྔ་བཅུ་རྩ་གཅིག་ནི། །ཚོར་འདུ་སེམས་པ་རེག་ཡིད་བྱེད། །འདི་དག་ཀུན་འགྲོ་ལྔ་ཡིན་ནོ། །འདུན་མོས་དྲན་ཏིང་ཤེས་རབ་སྟེ། །ཡུལ་ནི་སོ་སོར་ངེས་པ་ལྔ། །དད་དང་ངོ་ཚ་ཤེས་ཁྲེལ་ཡོད། །མ་ཆགས་མི་སྡང་གཏི་མུག་མེད། །བརྩོན་འགྲུས་ཤིན་སྦྱངས་བག་ཡོད་པ། །བཏང་སྙོམས་རྣམ་པར་མི་འཚེ་བ། །འདི་དག་དགེ་བ་བཅུ་གཅིག་གོ །འདོད་ཆགས་ཁོང་ཁྲོ་ང་རྒྱལ་དང༌། །མ་རིག་ཐེ་ཚོམ་ལྟ་བ་སྟེ། །རྩ་བའི་ཉོན་མོངས་དྲུག་ཡིན་ནོ། །ཁྲོ་བ་འཁོན་འཛིན་འཆབ་དང་འཚིག །ཕྲག་དོག་སེར་སྣ་གཡོ་སྒྱུ་རྒྱགས། །རྣམ་འཚེ་ངོ་ཚ་ཁྲེལ་མེད་རྨུགས། །རྒོད་བ་མ་དད་ལེ་ལོ་དང༌། །བག་མེད་བརྗེད་ངས་རྣམ་པར་གཡེངས། །ཤེས་བཞིན་མ་ཡིན་ཉེ་ཉི་ཤུ། །གཉིས་འགྱོད་རྟོག་དཔྱོད་གཞན་འགྱུར་བཞི། །ཞེས་སོ། །དེ་ཐམས་ཅད་ཀྱང་སེམས་ལས་རྫས་ཐ་དད་ཅིང༌། རྟེན་དང༌། དམིགས་པ་དང༌། རྣམ་པ་དང༌། དུས་དང༌། རྫས་ཏེ་མཚུངས་པ་ལྔའི་སྒོ་ནས་མཚུངས་པ་ཡིན་ནོ། །དེ་གཉིས་ཀྱང་རྟེན་དབང་པོ་གཅིག་ལ་

― ZP04_Page_120 ―

^{[མ་དཔེ་གཟིགས་ན་འདིར་གནོན།]}

[Full Size]

བརྟོན་པ་དང༌། ཡུལ་གཅིག་ལ་དམིགས་པ་དང་གཉིས་ཀས་ཀྱང་རྣམ་པ་གཅིག་འཛིན་པ་དང༌། དུས་གཅིག་ཏུ་སྐྱེ་བ་དང༌། རྫས་རེ་རེ་བར་མཉམ་པའོ། །དེ་དག་ཀྱང་སེམས་གཅིག་གི་འཁོར་ན་སེམས་བྱུང་མང་དུ་ཡོད་པའི་གཙོ་འཁོར་ཕན་ཚུན་མཚུངས་པ་ལྔས་མཚུངས་པས་ན་མཚུངས་ལྡན་ཞེས་བྱའོ། །རྣམ་པར་ཤེས་པའི་ཕུང་པོ་ནི། ཉན་ཐོས་རྣམས་དང་དབུ་མ་པ་ཕལ་ཆེར་ལྟར་ན་ཚོགས་དྲུག་དང༌། སེམས་ཙམ་པ་དང་དབུ་མ་པ་ཁ་ཅིག་དང་གསང་སྔགས་པ་རྣམས་ལྟར་ན་ཉོན་ཡིད་དང་ཀུན་གཞི་གཉིས་བསྣན་ནས་ཚོགས་བརྒྱད་དུ་འདོད་དེ། དེ་ལ་ཚོགས་དྲུག་ནི། མིག་གི་རྣམ་ཤེས། རྣ་བའི་རྣམ་ཤེས། སྣའི་རྣམ་ཤེས། ལུས་ཀྱི་རྣམ་ཤེས་དང་ལྔ་ནི་སྒོ་ལྔའི་རྣམ་ཤེས་ཡིན་ལ། དེའི་སྟེང་དུ་ཡུལ་རྣམས་ལ་དེ་དང་དེར་འཛིན་པ་ནི་ཡིད་ཀྱི་རྣམ་ཤེས་ཏེ་དྲུག་གོ །ཉོན་ཡིད་ནི་ཁ་ནང་བལྟས་ཀུན་གཞི་ལ་དམིགས་ནས་དུས་རྟག་ཏུ་ངའོ་སྙམ་དུ་བདག་གི་རྣམ་པར་རློམ་སེམས་པ་སྟེ་འཕགས་པའི་མཉམ་གཞག་གི་དུས་མིན་པར་སོ་སྐྱེའི་སར་ནམ་ཡང་མི་འགག་པའོ། །ཀུན་གཞིའི་རྣམ་ཤེས་ནི་ཤེས་ཙམ་གསལ་རིག་ཏུ་གནས་པ་མི་གསལ་བ་སྣོད་བཅུད་རྒྱ་ཆེན་པོ་ལ་དམིགས་པའོ། །དེ་ལྟ་བུའི་ཉེར་ལེན་གྱི་ཕུང་པོ་ལྔ་ནི་ཚེ་ཕྱི་མའི་སྡུག་བསྔལ་གྱི་རྒྱུ་བྱེད་པའི་ཆ་ནས་ཀུན་འབྱུང་དང༌། སྔ་མའི་ལས་ཀྱིས་བསྐྱེད་པའི་ཆ་ནས་

― ZP04_Page_121 ―

^{[མ་དཔེ་གཟིགས་ན་འདིར་གནོན།]}

[Full Size]

སྡུག་བསྔལ་གྱི་བདེན་པའི་མཚན་གཞི་ཡིན་ཏེ། ཟག་བཅས་རྒྱུ་འགྱུར་བའི་ཕུང་པོ་ལྔ་ཀུན་འབྱུང་དང་ཟག་བཅས་འབྲས་བུར་གྱུར་པའི་ཕུང་པོ་ལྔ་སྡུག་བསྔལ་ཞེས་བྱའོ། །དེས་ན་ཀུན་འབྱུང་ལ་སྡུག་བསྔལ་གྱིས་ཁྱབ་ཀྱང་སྡུག་བསྔལ་ལ་ཀུན་འབྱུང་གིས་མ་ཁྱབ་སྟེ་སྣོད་ཀྱི་འཇིག་རྟེན་ལ་སོགས་པའོ། །ཞེས་འཆད་དོ། །ཡང་བདེན་པ་བཞི་པོ་དེས་ཤེས་བྱའི་ཆོས་ཐམས་ཅད་བསྡུས་སམ་ཞེ་ན། མ་བསྡུས་ཏེ། ནམ་མཁའ་དང་སོ་སོར་བརྟག་མིན་གྱི་འགོག་པ་སོགས་འགག་ཞིག་མ་བསྡུས་ཞེས་བཞེད་ལ། འཕགས་པའི་ལམ་གྱི་མངོན་རྟོགས་ཐམས་ཅད་བདེན་པ་བཞིས་བསྡུས་སམ་ཞེ་ན་བསྡུས་པར་འདོད་དགོས་པ་ཡིན་ནོ། །དེས་ན་བདེན་བཞིའི་ནང་ཚན་གྱི་འགོག་པ་ནི་སོ་སོར་བརྟག་འགོག་ཁོ་ན་ཡིན་པས། བརྟག་མིན་འགོག་པ་དང༌། འགོག་པའི་སྙོམས་འཇུག་འགོག་བདེན་དུ་མི་གཏོགས་པ་ཤེས་དགོས་སོ། །རྟེན་འབྲེལ་ཡན་ལག་བཅུ་གཉིས་བཤད་པ་ལ། དགོས་པ། སོ་སོའི་ངོ་བོ། རྣམ་གཞག །ཚེ་དུ་ལ་རྫོགས། སྒོམ་ཚུལ་ལོ། །དང་པོ་ནི། འཁོར་འདས་ཀྱི་ཆོས་ཐམས་ཅད་རྟེན་འབྲེལ་སྒྱུ་མའི་སྣང་བ་ཙམ་དུ་ཤེས་ནས་ལྟ་བ་ངན་པ་ལ་མི་འཇུག་ཅིང་མཐར་ཐུག་མྱ་ངན་ལས་འདས་པའི་དགོས་པ་ཡོད་དོ། །དེ་ཡང་མདོ་ལས། འདི་ཡོད་པས་འདི་འབྱུང༌། འདི་སྐྱེས་པས་འདི་སྐྱེ་སྟེ། འདི་ལྟ་སྟེ། །

― ZP04_Page_122 ―

^{[མ་དཔེ་གཟིགས་ན་འདིར་གནོན།]}

[Full Size]

མ་རིག་པའི་རྐྱེན་གྱིས་འདུ་བྱེད་ཅེས་པ་ལ་སོགས་གསུངས་ཏེ། འདི་ཡོད་པས་འདི་འབྱུང་ཞེས་གསུངས་པས་ཆོས་ཐམས་ཅད་རྒྱུ་ཡོད་པ་ཁོ་ན་ལས་སྐྱེ་བར་བསྟན་པས་རྒྱུ་མེད་ལས་སྐྱེ་བར་འདོད་པ་འགོག །འདི་སྐྱེས་པས་འདི་སྐྱེ་ཞེས་གསུངས་པས། རྒྱུ་དེ་ཡང་རྐྱེན་ལས་སྐྱེ་བར་བསྟན་པས་རྒྱུ་རྟག་པ་ལས་སྐྱེ་བར་འདོད་པ་འགོག །འདི་ལྟ་སྟེ། མ་རིག་པའི་རྐྱེན་གྱིས་འདུ་བྱེད་སོགས་གསུངས་པས་བློ་ཡི་གཡོ་བ་སྔོན་དུ་བཏང་བས་དབང་ཕྱུག་ལ་སོགས་པའི་རྒྱུ་ལས་བྱུང་བར་འདོད་པ་འགོག་གོ །གཉིས་པ་སོ་སོའི་ངོ་བོ་ནི། མ་རིག་པ་ནི་བདེན་བཞི་དང༌། ལས་རྒྱུ་འབྲས་ཀྱི་རང་བཞིན་ལ་རྨོངས་ནས་བདག་ཏུ་འཛིན་པའོ། །འདུ་བྱེད་ནི་དེ་ལྟར་བདག་ཏུ་བཟུང་བས་བདག་ལ་ཆགས་པའི་དབང་གིས་ལས་དགེ་བ་བསོད་ནམས་ཆ་མཐུན་དང༌། མི་དགེ་བ་དང༌། ཁམས་གོང་མར་སྐྱེ་བའི་རྒྱུ་མི་གཡོ་བའི་ལས་གསུམ་གསོག་པའོ། །རྣམ་ཤེས་ནི་ལས་དེས་འཕངས་པས་རྣམ་པར་ཤེས་པ་ཕྱི་མའི་གནས་སུ་འཕེན་པ་སྟེ་འདི་ལ་ལས་གསོག་དུས་ཀྱི་རྣམ་ཤེས་ལ་རྒྱུ་དུས་ཀྱི་རྣམ་ཤེས་དང༌། འབྲས་བུ་མྱོང་དུས་ཀྱི་རྣམ་ཤེས་ལ་འབྲས་དུས་ཀྱི་རྣམ་ཤེས་ཏེ་གཉིས་ཡོད། །མིང་གཟུགས་ནི་རྣམ་པར་ཤེས་པ་མའི་མངལ་ལ་སོགས་པར་ཞུགས་ནས་ཕུང་པོ་རིམ་གྱིས་འགྲུབ་པའི་གནས་སྐབས་ཏེ་ཚོར་བ་འདུ་ཤེས་འདུ་བྱེད་རྣམ་ཤེས་ཏེ་མིང་བཞི་དང་གཟུགས་སོ། །སྐྱེ་

― ZP04_Page_123 ―

^{[མ་དཔེ་གཟིགས་ན་འདིར་གནོན།]}

[Full Size]

མཆེད་ནི་མིག་རྣ་བ་སྣ་ལྕེ་ལུས་ཡིད་དེ་ནང་གི་སྐྱེ་མཆེད་དྲུག་གོ །རེག་པ་ནི་ཕྱིའི་ཡུལ་ནང་གི་རྣམ་ཤེས་བར་དབང་པོ་གསུམ་འདུས་ནས་ཡུལ་གཅོད་པའོ། །ཚོར་བ་ནི། དེ་ལྟར་ཡུལ་དང་དུ་བླངས་པས་ཚོར་བ་བདེ་སྡུག་བར་མ་གསུམ་སྐྱེས་པའོ། །སྲེད་པ་ནི། དེའི་ཚེ་ཚོར་བ་བདེ་བ་ལ་དང་དུ་ལེན་འདོད་ཀྱི་སྲེད་པ། སྡུག་བསྔལ་ལ་སྤོང་འདོད་ཀྱི་སྲེད་པ་སྐྱེས་པའོ། །ལེན་པ་ནི་སྲེད་པ་སྐྱེས་པས་འདོད་པའི་ཡུལ་དང་དུ་ལེན་པའི་ཕྱིར་རྒྱུག་པའོ། །སྲིད་པ་ནི། སྲེད་ལེན་གྱིས་གསོས་པས་ཚེ་ཕྱི་མ་འགྲུབ་ངེས་ཀྱི་ལས་གྲུབ་པའོ། །སྐྱེ་བ་ནི། ལས་དེའི་རྒྱུས་ཡང་ཕྱི་མའི་གནས་རིས་སུ་སྐྱེ་བའོ། །རྒ་ཤི་ནི། སྐྱེ་བའི་གནས་སྐབས་ནས་བརྩམས་ཏེ་འཆི་བའི་བར་རྒ་བ་དང༌། དེ་ནས་འཆི་བ་ནི་ཤི་བའོ། །འདི་གཉིས་ཡན་ལག་གཅིག་ཏུ་བཞག་པ་ནི་མ་རྒས་པར་འཆི་བའང་ཡོད་པས་ཐམས་ཅད་ལ་རིམ་གྱིས་འབྱུང་བར་མ་ངེས་པའོ། །གཞན་མི་འདོད་པ་བྱུང་ནས་ཡིད་གདུང་བ་མྱ་ངན་དང༌། མྱ་ངན་དེ་ལས་སྐྱེས་པ་ངག་གིས་བརྗོད་པ་སྨྲེ་སྔགས་དང༌། ལུས་ལ་སྡུག་བསྔལ་འབྱུང་བ་སྡུག་བསྔལ་དང༌། །སེམས་ལ་སྡུག་བསྔལ་སྐྱེས་པས་ཡིད་མི་བདེ་བ་དང༌། ཕན་ཚུན་མི་མཐུན་པར་རྩོད་པས་འཁྲུགས་པ་ལ་སོགས་པའང་ཐམས་ཅད་ལ་འབྱུང་བར་མ་ངེས་པས་ཡན་ལག་ཏུ་མ་བཞག་ལ་སྐྱོ་བ་བསྐྱེད་པའི་ཕྱིར་རྒ་ཤིའི་

― ZP04_Page_124 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་དུ་གསུངས་སོ། །གསུམ་པ་རྣམ་པར་གཞག་པ་ལ་བཞི། དང་པོ་ནི། སྔོན་གྱི་མཐའ་མི་ཤེས་པ་དང༌། ཕྱི་མའི་མཐའ་མི་ཤེས་པ་དང༌། ད་ལྟར་བྱུང་བ་མི་ཤེས་པ་སྟེ་རྨོངས་པ་གསུམ་བཟློག་པའི་དོན་དུ་རྟེན་འབྲེལ་ཡན་ལག་བཅུ་གཉིས་སུ་བཞག་སྟེ། མ་རིག་འདུ་བྱེད་གཉིས་སྐྱེ་བ་སྔོན་མའི་སྐབས་དང༌། སྐྱེ་བ་རྒ་ཤི་གཉིས་ཕྱི་མའི་སྐབས་དང༌། བར་གྱི་བརྒྱད་ད་ལྟའི་སྐབས་ཏེ་དེ་གསུམ་ལ་རྨོངས་པ་བཟློག་གོ །གཉིས་པ་ལམ་གསུམ་དུ་རྣམ་པར་བཞག་ན། །དང་པོ་བརྒྱད་པ་དགུ་ཉོན་མོངས། གཉིས་དང་བཅུ་པ་ལས་ཡིན་ཏེ། ལྷག་མ་རྣམས་ནི་སྡུག་བསྔལ་ལོ། །ཞེས་གསུངས་པ་ལྟར་ཉོན་མོངས་པའི་ལམ་གསུམ། ལས་ཀྱི་ལམ་གཉིས། སྡུག་བསྔལ་གྱི་ལམ་བདུན་ནོ། །གསུམ་པ་སྐྱེ་བ་འགྲུབ་པའི་རྒྱུ་འབྲས་ཀྱི་དབང་དུ་བཞག་ན། ལས་གཉིས་ཉོན་མོངས་གསུམ་དང་ལྔ་རྒྱུ་དུས་ཀྱི་རྣམ་ཤེས་དང་དྲུག་ནི་རྒྱུ་ཡིན་ལ། མིང་གཟུགས་སོགས་སྡུག་བསྔལ་དྲུག་འབྲས་དུས་ཀྱི་རྣམ་ཤེས་དང་བདུན་ནི་འབྲས་བུའོ། །ཡང་ན་རྣམ་ཤེས་རྒྱུར་བ་གྲངས་ནས་རྒྱུ་དྲུག་དང་འབྲས་བུ་དྲུག་ཅེས་ཀྱང་ཟེར་རོ། །འདི་དག་སྔ་མ་སྔ་མ་ལས་ཕྱི་མ་ཕྱི་མ་སྐྱེ་བས་ཐམས་ཅད་ལ་རྒྱུ་འབྲས་གཉིས་ཀའི་ཆ་ཡོད་ཀྱང༌། འདིར་སྐྱེ་བ་འགྲུབ་པའི་རྒྱུ་འབྲས་ཀྱི་དབང་དུ་བྱས་སོ། །བཞི་པ་འཕེན་བྱེད་སོགས་ཀྱི་སྒོ་ནས་བཞག་ན། མ་རིག་པ་བདག་འཛིན་མཚུངས་

― ZP04_Page_125 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་དང་བཅས་པས་ཀུན་ནས་བསླངས་ཏེ་ལས་བསགས་པས་སྐྱེ་བ་ཕྱི་མར་འཕེན་པས་ན་འཕེན་བྱེད་ཡིན་ལ། རྣམ་ཤེས་ལ་རྒྱུ་དུས་ཀྱི་རྣམ་ཤེས་འཕེན་བྱེད་དང༌། འབྲས་དུས་ཀྱི་རྣམ་ཤེས་འཕང་བ་ཡིན་ནོ། །འབྲས་དུས་ཀྱི་རྣམ་ཤེས་དེ་དང་བཅས་པ་ཚོར་བ་ཡན་ལྔ། ལས་དེས་འཕངས་པའི་འབྲས་བུ་ཡིན་པས་འཕངས་པའོ། །སྲེད་ལེན་སྲིད་པ་གསུམ་ནི་སྐྱེ་བ་ཕྱི་མ་འགྲུབ་བྱེད་དང༌། སྐྱེ་བ་རྒ་ཤི་གཉིས་ནི་གྲུབ་པ་སྟེ། འཕེན་བྱེད་གཉིས། འཕང་པ་ལྔ། འགྲུབ་བྱེད་གསུམ། གྲུབ་པ་གཉིས་སོ། །ཚེ་དུ་ལ་རྫོགས་ནི། རིང་བའི་དབང་དུ་བྱས་ན་ཚེ་གསུམ་ལ་རྫོགས་ཏེ། འཕེན་བྱེད་གཉིས་ཚེ་གཅིག །འཕང་བ་ལྔ་དང་འགྲུབ་བྱེད་གསུམ་དང་བརྒྱད་ཚེ་གཅིག །གྲུབ་པ་གཉིས་ཚེ་གཅིག་གོ །དེ་ལྟར་ན་སྐྱེ་བ་རེ་རེའི་སྐབས་སུ་ཡང་མ་རིག་པའི་སྒོ་ནས་ལས་གསོག་པ་ནི་ཕྱི་མའི་སྐྱེ་བ་འཕེན་བྱེད་ཡིན་པས་རྟེན་འབྲེལ་གཞན་གྱི་མགོ་ཡིན་ལ། སྔ་མའི་འཕེན་བྱེད་ཀྱིས་ད་ལྟའི་མིང་གཟུགས་སོགས་ལྔ་པོ་འདི་འཕངས་པ་ནི་རྟེན་འབྲེལ་གཞན་གྱི་རྐེད་པ་ཡིན། །ཡང་ཚེ་རབས་སྔ་མའི་སྔ་མ་དེའི་ལས་ཀྱིས་སྔ་མ་དེ་འཕངས་ནས། སྐབས་དེའི་འགྲུབ་བྱེད་ཀྱིས་ད་ལྟའི་སྐྱེ་ཤི་འདི་གཉིས་གྲུབ་པ་ནི་རྟེན་འབྲེལ་གཞན་གྱི་མཇུག་ཡིན་པས་དེ་ལྟར་ཐོག་མ་མེད་པ་ནས་འཁོར་རོ། །ཡང་ན་ཉེ་བའི་དབང་དུ་བྱས་ན་ཚེ་གཉིས་ལ་རྫོགས་པར་འདོད་དེ། འཕེན་

― ZP04_Page_126 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་གཉིས་ཀྱིས་ལས་བསགས་པ་དེ་ཉིད་སྲེད་ལེན་གྱིས་གསོས་བཏབ་པས་སྐྱེ་བ་ཕྱི་མ་འགྲུབ་ངེས་སུ་བྱས་པ་ནི་སྲིད་པ་ཡིན་པས་རྒྱུ་དུས་ཀྱི་རྣམ་ཤེས་དང་བཅས་པ་དྲུག་ཚེ་གཅིག་ལ་རྫོགས་ལ་རྒྱུ་དེས་ཕྱི་མའི་གནས་སུ་སྐྱེས་ནས་མིང་གཟུགས་སོགས་བཞི་རིམ་པས་འགྲུབ་ནས་ཤི་ནས་འབྲས་བུ་དྲུག་ཚེ་གཅིག་ལ་རྫོགས་པའོ། །དེ་ཡང་འཕེན་བྱེད་ཀྱི་ལས་ཡོད་ཀྱང་འཆི་ཀ་ཚུན་སྲེད་ལེན་གྱིས་གསོས་མ་བཏབ་ན་སྐྱེ་བ་ཕྱི་མ་མི་འགྲུབ་པས་འཕེན་བྱེད་དང་འགྲུབ་བྱེད་ཚེ་གཅིག་ལ་རྫོགས་དགོས་ལ། །འཕངས་པ་དེ་ཡང་སྐྱེ་དགོས་པ་དང༌། དེ་ལ་འཆི་བ་ཡོད་པས་འཕང་བ་དང༌། གྲུབ་པ་ལྷན་ཅིག་གོ །འཕེན་ཕྱེད་དང་འཕངས་པ་དེ་གཉིས་ཀྱི་བར་དུ་ནི་ཚེ་དུ་མས་ཆོད་པ་སྲིད་ལ། འགྲུབ་བྱེད་དང་གྲུབ་པ་གཉིས་ཀྱི་བར་དུ་ཚེ་རབས་གཞན་གྱིས་ཆོད་པ་མི་སྲིད་དོ། །དེ་ལྟར་ན་ཚེ་གསུམ་གྱིས་མ་རྫོགས་སོ་ཞེ་ན། འཕེན་བྱེད་དང་འཕངས་པའི་བར་དུ་ཚེ་རབས་དུ་མས་ཆོད་ཀྱང་དེ་དག་རྟེན་འབྲེལ་གཞན་གྱི་ཚེ་ཡིན་པས་སྐྱོན་མེད་དོ། །དེས་ན་ཚེ་གསུམ་དང་གཉིས་ཀྱིས་རྫོགས་པ། གཉིས་ཀ་ཡོད་ལ་དེ་ལས་ལྷག་པ་ནི་མེད་དོ། །དོན་འདི་དག་ལ་ལེགས་པར་དཔྱད་ནས་འཁོར་བར་སྐྱེ་བ་འགྲུབ་བྱེད་ཀྱི་རྩ་བ་སྲེད་ལེན་ཡིན་པ་དང༌། སྲེད་ལེན་གྱི་རྩ་བ་ཆོད་ན་ལས་ཡོད་ཀྱང་སྐྱེ་བ་མི་ལེན་པ་དང༌། དུས་ཐམས་ཅད་དུ་སྡུག་བསྔལ་ཅི་སྐྱེས་སྲེད་ལེན་ཀུན་འབྱུང་གིས་མཚམས་སྦྱར་

― ZP04_Page_127 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་ཉམས་སུ་མྱོང་བ་སོགས་ལ་གོ་བའི་གཏིང་རྙེད་པར་བྱའོ། །སྒོམ་ཚུལ་ནི། ལུགས་འབྱུང་ལུགས་ལྡོག་གི་སྒོ་ནས་སྒོམ་པ་སྟེ། ལུགས་འབྱུང་ལྡོག་འདི་ལ་འཇོག་ཚུལ་གཉིས་ཏེ། འཁོར་བར་སྐྱེ་བའི་རིམ་པ་ལ་ལུགས་འབྱུང་དང༌། འཁོར་བ་འགག་པའི་རིམ་པ་ལ་ལུགས་ལྡོག་ཏུ་བཞག་པ་ཞིག་དང༌། མ་རིག་པ་ནས་རིམ་པས་བགྲང་ན་སྐྱེ་རིམ་དང་འགོག་རིམ་གང་ཡིན་ཀྱང་ལུགས་འབྱུང་དང༌། རྒ་ཤི་ནས་རིམ་མིན་དུ་ཡར་བགྲང་ན་སྐྱེ་རིམ་དང་འགག་རིམ་གང་ཡིན་ཀྱང་ལུགས་ལྡོག་ཏུ་བཞེད་པ་གཉིས་ཡོད། །དང་པོ་ལྟར་ན་མ་རིག་པའི་རྐྱེན་གྱིས་འདུ་བྱེད། །འདུ་བྱེད་ཀྱི་རྐྱེན་གྱིས་རྣམ་ཤེས་ལ་སོགས་པའམ། རྒ་ཤི་ཅི་ལས་བྱུང་ན་སྐྱེ་བ་ལས་བྱུང་སོགས་གང་ཡིན་ཀྱང་ལུགས་འབྱུང་དུ་བཞེད། །མ་རིག་པ་འགག་པས་འདུ་བྱེད་འགག། འདུ་བྱེད་འགག་པས་རྣམ་ཤེས་འགག་སོགས་སམ། རྒ་ཤི་གང་གིས་འགག་ན་སྐྱེ་བ་འགག་པས་འགག་སོགས་གཉིས་ཀ་ལུགས་ལྡོག་ཏུ་བཞེད་ཕྱི་མ་ལྟར་ན་མ་རིག་པའི་རྐྱེན་གྱིས་འདུ་བྱེད་སོགས་སམ་མ་རིག་པ་འགག་པས་འདུ་བྱེད་འགག་པ་སོགས་གང་ཡིན་ཀྱང་ལུགས་འབྱུང་དང༌། རྒ་ཤི་ཅི་ལས་བྱུང་ན་སྐྱེ་བ་ལས་བྱུང་སོགས་སམ། །སྐྱེ་བ་འགགས་པས་རྒ་ཤི་འགག །སྲིད་པ་འགགས་པས་སྐྱེ་བ་འགག་སོགས་གང་ཡིན་ཀྱང་ལུགས་ལྡོག་ཏུ་བཞེད། ལུགས་འབྱུང་ལྡོག་ཕྱི་མ་འདི་ལྟར་ལ་བདེན་བཞི་ཤེས་པའི་གོ་རིམ་དང་སྦྱར་བ་མངོན་པ་ཀུན་བཏུས་

― ZP04_Page_128 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་བྱུང་བ་ལྟར་ན། སྐྱེ་རིམ་ལུགས་འབྱུང་དང་སྦྱར་ན་ཀུན་འབྱུང་གི་བདེན་པ་གཏན་ལ་ཕེབས་ལ། སྐྱེ་རིམ་ལུགས་ལྡོག་དང་སྦྱར་ན་སྡུག་བདེན་གཏན་ལ་ཕེབས། དེ་བཞིན་དུ་འགགས་རིམ་ལུགས་འབྱུང་ལྡོག་གཉིས་ཀྱིས་ལམ་དང༌། འགོག་པ་གཉིས་གཏན་ལ་ཕེབས་ཏེ། དེ་ཡང་ཀུན་འབྱུང་ཉོན་མོངས་པ་ཐམས་ཅད་ཀྱི་རྩ་བ་མ་རིག་པ་ཡིན་ལ། དེ་ལས་འདུ་བྱེད་ཀྱིས་ལས་བསགས་པའི་ཕྱིར། །དང་པོ་ཀུན་འབྱུང་ལས་ཉོན་གཉིས་ནས་བརྩམས་ཏེ་མ་རིག་པའི་རྐྱེན་གྱིས་འདུ་བྱེད་སོགས་ཤེས་རབ་ཀྱིས་གཏན་ལ་འབེབས་པ་ནི། ཀུན་ནས་ཉོན་མོངས་ཕྱོགས་ཀྱི་རྒྱུ་ཀུན་འབྱུང་གཏན་ལ་འབེབས་པ་ཡིན་ལ། ཡང་འཁོར་བའི་སྡུག་བསྔལ་ཐམས་ཅད་ཀྱི་གཙོ་བོ་སྐྱེ་བ་དང་རྒ་ཤི་གཉིས་ཡིན་ལ། དེས་ན་རྒ་ཤི་ཅི་ལས་བྱུང་ན་སྐྱེ་བ་ལས་བྱུང༌། སྐྱེ་བ་ཅི་ལས་བྱུང་ན་སྲིད་པ་ལས་བྱུང༌། སྲིད་པ་ཅི་ལས་བྱུང་ན་ལེན་པ་ལས་བྱུང་བ་སོགས་ལུགས་ལྡོག་དང་སྦྱར་བས་ཀུན་ཉོན་ཕྱོགས་ཀྱི་འབྲས་བུ་སྡུག་བདེན་གཏན་ལ་ཕེབས། ཡང་ཀུན་འབྱུང་མ་རིག་པའི་རྩ་བ་ལམ་བདེན་གྱི་ངོ་བོ་བདག་མེད་རྟོགས་པའི་ཤེས་རབ་ཀྱིས་དཔྱད་པས། མ་རིག་པ་འགགས་པས་འདུ་བྱེད་འགགས་སོགས་འགག་རིམ་ལུགས་འབྱུང་གཏན་ལ་ཕེབས་པས་རྣམ་བྱང་ཕྱོགས་ཀྱི་རྒྱུ་ལམ་བདེན་གཏན་ལ་ཕེབས། ཡང་སྤང་བྱ་འཁོར་བའི་སྡུག་བསྔལ་གྱི་གཙོ་བོ་སྐྱེ་ཤི་གཉིས་འགགས་པ་ནི་འགོག་བདེན་ཡིན་ལ། དེས་

― ZP04_Page_129 ―

^{[མ་དཔེ་གཟིགས་ན་འདིར་གནོན།]}

[Full Size]

ན་སྐྱེ་བ་འགགས་པས་རྒ་ཤི་འགག །སྲིད་པ་འགགས་པས་སྐྱེ་བ་འགག །ལེན་པ་འགགས་པས་སྲིད་པ་འགགས་སོགས་ནས། མ་རིག་པ་འགགས་པས་འདུ་བྱེད་འགག་གི་བར་དུ་བསམ་པས་རྣམ་བྱང་གི་འབྲས་བུ་འགོག་བདེན་གཏན་ལ་ཕེབས་པ་ཡིན་ནོ། །འདི་དག་ལ་ཞིབ་ཏུ་བརྟགས་ནས་འཁོར་བའི་སྡུག་བསྔལ་གྱི་ཕུང་པོ་ཆེན་པོ་འདིའི་རྩ་བ་བདག་འཛིན་མ་རིག་པ་ལས་བྱུང་བ་དང༌། ལམ་ཐམས་ཅད་ཀྱི་རྩ་བ་བདག་མེད་རྟོགས་པའི་ཤེས་རབ་ཡིན་པ་སོགས་ཀྱི་དོན་ཐོས་བྱུང་ལས་འདས་ནས་བསམ་བྱུང་གིས་ངེས་པ་རྙེད་པ་ལ་འབད་དགོས་ཏེ་རྟེན་ཅིང་འབྲེལ་བར་འབྱུང་བ་འདི་ནི་རྒྱལ་བ་བདེན་པར་སྨྲ་བའི་གསུང་གི་མཛོད་ཟབ་མོའི་གཅེས་པ་ཡིན་པའི་ཕྱིར་རོ། །ལེའུ་ལྔ་པ་འཁོར་ལོར་ཆེན་པོ་བཞིའི་སྐབས་སུ་ལོག་འཚོ་ལྔ་ནི། ཐབས་ཀྱིས་བརྐུ་བའམ་གཞོག་སློང་ནི་རང་ལ་ཡོད་པ་སྤངས་ནས་གཞན་གྱིས་ཐོས་པར་མེད་སྐད་འདོན་པ་སོགས་དངོས་སུ་མི་སློང་བར་ཐབས་གྱིས་རྙེད་པ་ཚོལ་བའོ། །རྙེད་པས་རྙེད་འཚོལ་ནི་སྔར་གཞན་གྱིས་རང་ལ་བྱིན་པ་ལ་ཡང་ཡང་བསྔགས་པ་བརྗོད་ཅིང་ཐབས་དེས་རྙེད་པ་འཚོལ་བའོ། །ཁ་བསགས་ནི། ཕ་རོལ་པོ་ལ་བསྔགས་པ་བརྗོད་པ་སོགས་ངོ་དགས་རྙེད་པ་ཚོལ་བའོ། །ཚུལ་འཆོས་ནི། །རང་ལ་ཡོན་ཏན་མེད་ཀྱང་ཡོད་པ་ལྟར་བཅོས་ནས་དད་པས་སྦྱིན་པ་འཚོལ་བའོ། །ཐོབ་འཇལ་ནི། སྦྱིན་བདག༌།།།་མོས་

― ZP04_Page_130 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་རྙེད་པ་འདི་ལྟ་བུ་བྱིན་གྱིས་ཁྱོད་ཀྱིས་ཀྱང་དགོས་སོ་ཞེས་ཟེར་བའམ་ཡང་ན་བདག་ལྟ་བུའི་ཡོན་ཏན་དང་ལྡན་པ་ལ་རྙེད་པ་འདི་ལྟ་བུའི་མི་འོས་སོ་ཞེས་འཁང་པའོ། །མཐོ་རིས་ཡོན་ཏན་བདུན་ནི། །ཚེ་རིང་དེ་བཞིན་ནད་མེད་དང༌། །གཟུགས་དང་སྐལ་བ་བཟང་དང་རིགས། །ནོར་དང་ཤེས་རབ་དག་དང་བདུན། །ལེའུ་དྲུག་པ་སྐྱབས་འགྲོའི་སྐབས་སུ་འཇིགས་པ་གསུམ་ནི་སྤྱིར་འཁོར་བ་སྡུག་བསྔལ་གྱི་འཇིགས་པ། སྒོས་རང་དོན་ཡིད་བྱེད་ཀྱིས་འཇིགས་པ། ཉིང་སྒོས་ཐ་མལ་འཁྲུལ་འཛིན་གྱིས་འཇིགས་པའོ། །ཡང་ཐུབ་པ་རྣམས་ཀྱི་ཡོན་ཏན་མཐའ་ཡས་ཏེ། སོགས་ཀྱི་སྐབས་སུ་སྤངས་པ་གཉིས་ནི་མཐོང་སྤངས་དང་སྒོམ་སྤངས་ཏེ། །དང་པོ་མཐོང་སྤངས་བརྒྱ་དང་བཅུ་གཉིས་ནི། །ཆགས་ཁྲོ་ང་རྒྱལ་རྨོངས་ཐེ་ཚོམ། །འཇིག་མཐར་ལོག་ལྟ་ལྟ་མཆོག་འཛིན། །ཚུལ་ཁྲིམས་བརྟུལ་ཞུགས་མཆོག་འཛིན་པ། །ལྟ་མིན་ལྔ་དང་ལྟ་བ་ལྔ། མཐོང་སྤངས་རྩ་བ་བཅུ་ཡིན་ནོ། །དེ་དག་བདེན་པ་བཞི་པོ་ལ། །འཇིག་མཐར་ལོག་རྨོངས་ཐེ་ཚོམ་དངོས། །ཁོང་ཁྲོ་དབང་གིས་ལོག་པར་འཇུག །ལྷག་མ་རྣམ་ནི་བརྒྱུད་ནས་འཇུག །འདོད་པའི་ཁམས་ན་བཅུ་ག་སྟེ། །གཟུགས་དང་གཟུགས་མེད་ཁོང་ཁྲོ་མིན། །དེ་ལྟར་བརྒྱ་དང་བཅུ་གཉིས་སོ། །ཞེས་པའི་དང་པོ་མཐོང་སྤངས་རྩ་བ་བཅུ་སྟེ། འདོད་ཆགས་ཁོང་ཁྲོ་ང་རྒྱལ་མ་རིག་པ་ཐེ་ཚོམ་སྟེ་ལྟ་

― ZP04_Page_131 ―

^{[མ་དཔེ་གཟིགས་ན་འདིར་གནོན།]}

[Full Size]

མིན་ལྔ། འཇིག་ལྟ་མཐར་ལྟ་ལོག་ལྟ་ལྟ་བ་མཆོག་འཛིན་ཚུལ་ཁྲིམས་བརྟུལ་ཞུགས་མཆོག་འཛིན་ཏེ་ལྟ་བ་ལྔ་དང་བཅུའོ། །དེ་དག་བདེན་པ་བཞི་ལ་ལོག་པར་ཞུགས་ཚུལ་གྱི་སྒོ་ནས་བརྒྱ་དང་བཅུ་གཉིས་ཏེ། འདོད་ཁམས་ན་བདེན་པ་བཞི་པོ་རེ་རེ་ལ་ལོག་པར་བཅུ་རེ་འཇུག་པས་བཞི་བཅུ། ཁམས་གོང་མ་གཉིས་ན་ཁོང་ཁྲོ་མ་གཏོགས་དགུ་རེ་ཞུགས་པས་དགུ་བཞི་སུམ་ཅུ་རྩ་དྲུག་པ་གཉིས་ཏེ་བདུན་ཅུ་རྩ་གཉིས། སྔར་གྱི་བཞི་བཅུ་དང་བསྡོམས་པས་བརྒྱ་དང་བཅུ་གཉིས་སོ། །དེ་དག་ཇི་ལྟར་ལོག་པར་འཇུག་ན། ལྟ་བ་གསུམ་ལྟ་མིན་གཉིས་དང་ལྔ་ནི་དངོས་སུ་ལོག་པར་འཇུག་སྟེ། བདེན་པ་དེ་དག་ལ་དམིགས་ནས་འཇིག་ལྟས་བདག་དང་བདག་གིར་ལྟ། མཐར་ལྟས་རྟག་ཆད་དུ་ལྟ། ལོག་ལྟས་མེད་པར་ལྟ། མ་རིག་པས་བདེན་པ་དེའི་དོན་མི་ཤེས། ཐེ་ཚོམ་གྱིས་བདེན་ནམ་མི་བདེན་སྙམ་དུ་ཐེ་ཚོམ་ཟ་བའོ། །དེ་དག་ལ་བདེན་པ་དང་བར་དུ་གཞན་གྱིས་མཆོད་པར་འཇུག་པས་ན་དངོས་སུ་ལོག་ཞུགས་ཡིན་ནོ། །ལྟ་བ་གཉིས་དང་ལྟ་མིན་གཉིས་ཏེ་བཞི་ནི་བརྒྱུད་ནས་ལོག་པར་འཇུག་སྟེ། །བདེན་པའི་དོན་ལྟ་བས་ཇི་ལྟར་བཟུང་བའི་ལྟ་ངན་དེ་ལ་འདོད་ཆགས་ཀྱིས་ཆགས། ང་རྒྱལ་གྱིས་ལྟ་ངན་དེས་སེམས་ཁེངས། ལྟ་བ་མཆོག་འཛིན་གྱིས་ལྟ་ངན་ལ་མཆོག་ཏུ་འཛིན། ཚུལ་ཁྲིམས་དང་བརྟུལ་

― ZP04_Page_132 ―

^{[མ་དཔེ་གཟིགས་ན་འདིར་གནོན།]}

[Full Size]

ཞུགས་མཆོག་འཛིན་གྱིས་ལྟ་ངན་དེ་དང་འབྲེལ་བའི་སྤྱོད་ངན་ལ་དག་གྲོལ་ངེས་འབྱིན་དུ་ལྟ་བའོ། །འདི་དག་ལྟ་བས་བདེན་པ་ལ་དམིགས་ཤིང་འདི་དག་གིས་ལྟ་བ་ལ་དམིགས་པས་བདེན་པ་དང་བར་དུ་ལྟ་ངན་དེས་ཆོད་པས་བརྒྱུད་ནས་ལོག་པར་ཞུགས་པའོ། །ཁོང་ཁྲོ་ནི། དབང་གིས་ལོག་ཞུགས་ཡིན་ཏེ་ལྟ་ངན་དེ་བརྒྱུད་ན་ཡོད་པའི་དབང་གིས་དེ་དང་མི་མཐུན་པའི་ལྟ་བ་གཞན་ལ་ཁོང་ཁྲོ་བ་སྟེ་འདི་ནི་བདེན་པ་དང་རང་གི་ལྟ་བ་གཉིས་ཀ་ལ་མ་དམིགས་པས་དབང་གིས་ལོག་ཞུགས་ཡིན་ནོ། །འདི་དག་འགོག་ལམ་གཉིས་ལ་འཇུག་ཚུལ་ལ་ཞིབ་ཆ་ཅུང་ཟད་ཡོད་ཀྱང་འདི་ཙམ་གྱིས་ཀྱང་མི་ཆོག་པ་མེད་དོ། །སྒོམ་སྤངས་བཞི་བརྒྱ་བཅུ་བཞི་ནི། འདོད་ཆགས་ཁོང་ཁྲོ་ང་རྒྱལ་རྨོངས། །འཇིག་ལྟ་མཐའ་ལྟ་སྒོམ་སྤངས་དྲུག །འདོད་པར་དྲུག་ཡོད་གཟུགས་གཟུགས་མེད། །ཁོང་ཁྲོ་མ་གཏོགས་ལྔ་རེ་ཡོད། །དེ་ལས་དང་ཆེ་འབྲིང་གིས། །ཕྱེ་བས་བཞི་བརྒྱ་བཅུ་བཞིའོ། །ཞེས་པས་སྒོམ་སྤངས་རྩ་བ་དྲུག་སྟེ། །འདོད་ཆགས་ཁོང་ཁྲོ་ང་རྒྱལ་མ་རིག་པ་འཇིག་ཚོགས་ལ་ལྟ་བ་མཐར་འཛིན་པའི་ལྟ་བ་དང་དྲུག་གོ །དེ་ཡང་འདོད་ཁམས་ན་དྲུག །གཟུགས་གཟུགས་མེད་གཉིས་ན་ལྔ་རེ་སྟེ་ཁམས་ཀྱིས་ཕྱེ་ན་བཅུ་དྲུག་གོ །དེ་ཡང་འདོད་ཁམས་ན་དྲུག །གཟུགས་གཟུགས་མེད་གཉིས་ན་ལྔ་རེ་སྟེ་ཁམས་ཀྱིས་ཕྱེ་ན་བཅུ་དྲུག་གོ །ཡང་འདོད་ཁམས་ན་དྲུག །བསམ་གཏན་བཞི་རེ་རེ་ན་ལྔ་རེ་སྟེ་ལྔ་བཞི་ཉི་ཤུ། གཟུགས་མེད་བཞི་རེ་རེ་ན་ལྔ་རེ་སྟེ་ཉི་ཤུ་

― ZP04_Page_133 ―

^{[མ་དཔེ་གཟིགས་ན་འདིར་གནོན།]}

[Full Size]

བསྡོམས་པས་སའི་སྒོ་ནས་དབྱེ་ན་བཞི་བཅུ་ཞེ་དྲུག་གོ །དེ་དག་ས་དང་ཆེ་འབྲིང་གི་སྒོ་ནས་དབྱེ་ན་བཞི་བརྒྱ་བཅུ་བཞི་སྟེ། སའི་སྒོ་ནས་དབྱེ་བའི་ཞེ་དྲུག་པོ་རེ་རེ་ལའང་དགུ་རེ་ཕྱེ་བས་སམ། ཡང་ན་ཁོང་ཁྲོ་མ་གཏོགས་པའི་ཉོན་མོངས་ལྔ་པོ་ས་དགུ་དང་ཆེ་འབྲིང་དགུས་ཕྱེས་པས་བརྒྱད་ཅུ་རྩ་གཅིག་སྟེ། །བརྒྱད་ཅུ་རྩ་གཅིག་པ་ལྔ་བསྡོམས་པས་བཞི་བརྒྱ་དང་ལྔ་འདོད་ཁམས་ཀྱི་ཁོང་ཁྲོ་དགུ་བསྣན་པས་བཞི་བརྒྱ་དང་བཅུ་བཞིའོ། །ཁམས་ནི་གསུམ་སྟེ། འདོད་ཁམས། གཟུགས་ཁམས། གཟུགས་མེད་ཀྱི་ཁམས་སོ། །ས་ནི་དགུ་སྟེ། འདོད་ཁམས། བསམ་གཏན་དང་པོ། །གཉིས་པ། གསུམ་པ། བཞི་པ། ནམ་མཁའ་མཐའ་ཡས། རྣམ་ཤེས་མཐའ་ཡས། ཅི་ཡང་མེད་པ། །ཡོན་མིན་མེད་མིན་ཏེ་ཁམས་གསུམ་ས་དགུ་པའོ། །ཆེ་འབྲིང་ནི་འདོད་པའི་འདོད་ཆགས་ལྟ་བུ་ལའང༌། ཆེན་པོའི་ཆེན་པོ། ཆེན་པོའི་འབྲིང་པོ། ཆེན་པོའི་ཆུང་ངུ༌། །འབྲིང་པོའི་ཆེན་པོ། འབྲིང་པོའི་འབྲིང་པོ། །འབྲིང་པོའི་ཆུང་ངུ༌། ཆུང་ངུའི་ཆེན་པོ། ཆུང་ངུའི་འབྲིང་པོ། ཆུང་ངུའི་ཆུང་ངུ་དང་དགུའོ། །སྤོང་ཚུལ་ནི་མཐོང་སྤངས་ཀུན་བརྟགས་ཡིན་པས་བདེན་བཞིའི་རང་བཞིན་མཐོང་བ་ཙམ་གྱིས་སྤངས་ལ། སྒོམ་སྤངས་རྣམས་ལྷན་སྐྱེས་ཡིན་པས་བདེན་པ་མཐོང་བ་ཙམ་གྱིས་སྤོང་མི་ནུས་པས་མཐོང་ཟིན་གོམས་

― ZP04_Page_134 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བྱེད་པའི་སྒོ་ནས་རིམ་གྱིས་སྤང་དགོས་སོ། །དེ་ཡང་ཐེག་དམན་རྣམས་མཐོང་སྤངས་ནི་འདས་ལམ་ཁོ་ནས་སྤང་དགོས་ཀྱང༌། སྒོམ་སྤངས་ནི་འཇིག་རྟེན་པའི་ལམ་གྱིས་ཀྱང་སྤང་ནུས་པས་མཐོང་སྤངས་ཀྱི་སྔོན་དུ་ཡང་འདོད་པའི་སྒོམ་སྤངས་སྤོང་བ་སྲིད་པས་དེ་འདྲ་དེ་ལ་ལམ་ཐོད་རྒལ་པ་ཞེས་ཟེར་ཞིང་ཕྱིར་འོང་ཞུགས་པ་དང་ཕྱིར་མི་འོང་ཞུགས་པ་གཉིས་ཀ་ཡོད་པར་བཞེད། ཐེག་ཆེན་ལྟར་ན་སྒོམ་སྤངས་ཡང་འཇིག་རྟེན་པའི་ལམ་གྱིས་སྤང་མི་ནུས་ཏེ། འཇིག་རྟེན་པའི་ལམ་གྱིས་སྤང་བྱའི་མགོ་གནོན་པ་ཙམ་ལས་རྩ་བ་དྲུང་ནས་འབྱིན་མི་ནུས་ཞེས་བཞེད། དེ་ཡང་འཇིག་རྟེན་པའི་ལམ་ཞེས་པ་ནི་ཤེས་རབ་ལྷག་མཐོང་དང་མ་འབྲེལ་བའི་བསམ་གཟུགས་ཀྱི་ཏིང་ངེ་འཛིན་རྐྱང་པ་ཡིན་ལ། འཇིག་རྟེན་ལས་འདས་པའི་ལམ་ནི་བདག་མེད་རྟོགས་པའི་ཤེས་རབ་དང་འབྲེལ་བའི་ཞི་ལྷག་ཟུང་འཇུག་གོ །མཐོང་སྤངས་རྣམས་སྤོང་ཚུལ་ཡང་ཐེག་དམན་ལྟར་ན་མཐོང་ལམ་སྐད་ཅིག་མ་བཅུ་དྲུག་ཡོད་པ་ལས། དཔེར་ན་སྡུག་བདེན་མཐོང་བས་མཐོང་ལམ་སྐད་ཅིག་བཞིའི་དང་པོ་སྡུག་བསྔལ་ཆོས་བཟོད་ཀྱི་སྐབས་སུ་འདོད་ཁམས་ཀྱི་སྡུག་བསྔལ་མཐོང་སྤངས་བཅུ་སྤང༌། ཆོས་ཤེས་ཀྱི་སྐབས་སུ་གཉེན་པོའི་ཡེ་ཤེས་སྐྱེ། རྗེས་བཟོད་ཀྱི་

― ZP04_Page_135 ―

^{[མ་དཔེ་གཟིགས་ན་འདིར་གནོན།]}

[Full Size]

སྐབས་སུ་གཟུགས་དང་གཟུགས་མེད་ཀྱི་སྡུག་བསྔལ་མཐོང་སྤངས་བཅོ་བརྒྱད་སྤང༌། རྗེས་ཤེས་ཀྱི་སྐབས་སུ་གཉེན་པོའི་ཡེ་ཤེས་སྐྱེ། དེ་ལྟར་བདེན་པ་གཞན་གསུམ་ལའང་སྦྱར་བས་ཉི་ཤུ་རྩ་བརྒྱད་པ་ཚན་པ་བཞི་སྤངས་པས་མཐོང་སྤངས་བརྒྱ་དང་བཅུ་གཉིས་སོ། །ཐེག་ཆེན་ལྟར་ན་ཁམས་གསུམ་གའི་མཐོང་སྤངས་རྣམས་ཅིག་ཅར་དྲིལ་ནས་སྤངས་ཏེ། དེ་ཡང་བདེན་པ་རང་རང་གི་ཆོས་ཤེས་ཀྱི་སྐབས་ཁོ་ནར་སྤོང་བར་འདོད་དོ། །དེས་ན་མཐོང་ལམ་སྐད་ཅིག་བཅུ་དྲུག་པོ་འདི་ལ་ཐེག་དམན་ལྟར་ན་ཉན་ཐོས་སྡེ་པ་རྣམས་ཀྱང་བཞེད་པ་མི་འདྲ་བ་དུ་མ་ཡོད་པར་གསུངས་ལ། ཐེག་ཆེན་པའང་སློབ་དཔོན་སངྒཻ་བཟང་པོ་ནི། སྤྱིར་ཁ་ཅིག་སོ་སོར་རྟོག་པའི་སྐད་ཅིག་མ་ལ་ལྟོས་ནས་བཅུ་དྲུག་རིམ་གྱིས་འབྱུང་ཞིང་དེ་ཁོ་ན་ཉིད་ཀྱི་སྐད་ཅིག་ལ་ལྟོས་ན་སྐད་ཅིག་གཅིག་ཏུ་བཞེད་པ་དང༌། ཡང་ཁ་ཅིག་སོ་སོར་རྟེན་པའི་སྐད་ཅིག་དང་དེ་ཁོ་ན་ཉིད་ཀྱི་སྐད་ཅིག་གཉིས་ཀར་སྐད་ཅིག་མ་གཅིག་ཏུ་བཞེད་པའི་ལུགས་གཉིས་ཡོད་པར་བཤད་ཅིང༌། རང་ལུགས་ལ་སྐད་ཅིག་མ་བཅུ་དྲུག་ལ་རིམ་གྱིས་འབྱུང་པར་བཞེད། དེ་ཡང་སོ་སོར་རྟོག་པའི་སྐད་ཅིག་ཅེས་པ་ནི། གཏན་ལ་དབབ་བྱའི་ཡུལ་ལ་ལྟོས་ནས་བདེན་པ་བཞི་གཅིག་ཆར་ལ་སྒྲོ་འདོགས་ཆོད་པ་མི་སྲིད་པས། བདེན་བཞི་སོ་སོར་སྒྲོ་འདོགས་རིམ་གྱིས་གཅོད་པ་ལ་ལྟོས་ནས་སྐད་ཅིག་

― ZP04_Page_136 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུ་དྲུག་ཡིན་ལ། དེ་ཁོ་ན་ཉིད་ཀྱི་སྐད་ཅིག་ཅེས་པ་རྟོགས་བྱ་ཆོས་ཉིད་ལ་དབྱེ་བ་མེད་པས་བདག་མེད་མངོན་སུམ་མཐོང་བའི་སྐད་ཅིག་གཅིག་ཏུ་འདོད་པ་ཡིན་ནོ། །འཕགས་པ་ཐོགས་མེད་ཀྱི་གཞུང་ལས། བདེན་བཞི་སྐད་ཅིག་བཅུ་དྲུག་འདི་ལྟར་བཞེད་དེ། དང་པོ་སྡུག་བསྔལ་ཆོས་བཟོད་པའི་སྐབས་སུ་མཐོང་སྤངས་རྣམས་སྤངས། ཆོས་ཤེས་ཀྱི་སྐབས་སུ་གཉེན་པོའི་ཡེ་ཤེས་སྐྱེ། རྗེས་བཟོད་ཀྱིས་ཆོས་བཟོད་ཆོས་ཤེས་ཀྱི་ཡེ་ཤེས་གཉིས་པོ་དེ་ཡང་འཕགས་པའི་ལམ་གྱི་རྟེན་གཞི་ཡིན་ནོ་སྙམ་དུ་ངེས་པར་བྱེད། རྗེས་ཤེས་ཀྱིས་རྗེས་བཟོད་དེ་ཡང་འཕགས་པའི་ལམ་གྱི་རྟེན་གཞི་ཡིན་ནོ་སྙམ་དུ་ཤེས་པའོ། །དེས་ན་ཆོས་བཟོད་ཆོས་ཤེས་གཉིས་ནི་ཡུལ་བདེན་པ་ལ་དམིགས་པས་གཟུང་པའི་ཡུལ་ཅན་ཡིན་ལ། རྗེས་བཟོད་རྗེས་ཤེས་གཉིས་ནི་ཡུལ་ཅན་ཡེ་ཤེས་ལ་དམིགས་པ་འཛིན་པའི་ཡུལ་ཅན་ཡིན་ནོ་ཞེས་བཞེད། འདིའི་ལུགས་ཀྱིའནག་བཅུ་དྲུག་ཏུ་བཞག་པ་རྗེས་ཐོབ་ལ་ངེས་པ་འདྲེན་ཚུལ་གྱི་དབང་དུ་བྱས་ནས་བསྟན་པ་གནས་པ་སྤྲོས་པ་ལ་དགའ་བའི་ཕྱིར་རྣམ་གྲངས་སུ་བཞག་པ་ཙམ་ཡིན་གྱི། མཉམ་གཞག་རང་ངོ་ལ་ལྟོས་ནས་སྤྲོས་མེད་ཀྱི་དབང་དུ་སྐད་ཅིག་མ་གཅིག་གོ་ཞེས་བཞེད་དོ། །སློབ་དཔོན་ཀླུ་སྒྲུབ་ཀྱི་གཞུང་ལས་ནི། །སྐད་ཅིག་བཅུ་དྲུག་ཏུ་བཞག་པ་བདེན་བཞི་ལ་སྒྲོ་འདོགས་ཆོད་ཚུལ་གྱི་ཆས་དབྱེ་བ་ཙམ་སྟེ། དེ་ཡང་ཆོས་བཟོད་ཀྱིས་བདེན་བཞིའི་ཆོས་ཉིད་ལ་ཡིད་ཆེས་ནས་མི་སྐྲག་པའི་བཟོད་

― ZP04_Page_137 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཐོབ། ཆོས་ཤེས་ཀྱིས་བདེན་བཞིའི་ཆོས་ཉིད་མངོན་གསུམ་དུ་མཐོང༌། རྗེས་བཟོད་ཀྱིས་ལམ་རྗེས་ཐོབ་གྱི་ཚེ་ཡང་ཆོས་ཉིད་ལ་མི་སྐྲག་པའི་ནུས་པ་ཐོབ། །རྗེས་ཤེས་ཀྱིས་ལམ་རྗེས་ཐོབ་ཀྱི་ཚེ་བདེན་བཞིའི་ཆོས་ཉིད་ཇི་ལྟ་བ་བཞིན་ཤེས་པའི་ནུས་པ་ཐོབ་པ་ལ་ལྟོས་ནས་གཞག་པ་ཡིན་ལ། དོན་དུ་ཤེས་བྱའི་ཆོས་ཐམས་ཅད་སྐྱེ་མེད་སྤྲོས་བྲལ་དུ་མཐོང་བའི་སྐད་ཅིག་ལ་དབྱེ་བ་མེད་དེ། མདོ་ལས། སྐྱེ་བ་མེད་པ་བདེན་པ་གཅིག་ཡིན་ཏེ། བྱིས་པ་རྣམས་ནི་བདེན་པ་བཞི་ཞེས་སྨྲ། བྱང་ཆུབ་སྙིང་པོར་ཞུགས་ནས་བདེན་གཅིག་ཀྱང༌། །གྲུབ་པ་མེད་ན་བཞི་ལྟ་ག་ལ་ཡོད། །ཅེས་གསུངས་སོ། །དེས་ན་མཉམ་གཞག་སྐད་ཅིག་གཅིག་ལ་ལྡོག་ཆས་དབྱེ་བ་ཙམ་དུ་བཞེད་དོ། །སྒོམ་སྤངས་རྣམས་ནི་ལམ་སྒོམ་པའི་སྟོབས་ཀྱིས་གཉེན་པོ་སྒོམ་ལམ་ཆུང་ངུའི་ཆུང་ངུ་ནས་རིམ་གྱིས་སྐྱེས་པས་སྤང་བྱ་ཆེན་པོའི་ཆེན་པོ་ནས་རིམ་གྱིས་སྤོང་བར་འདོད་དེ་འོག་ཏུ་འཆད་དོ། །དེ་ཡང་མཐོང་སྤངས་ཀུན་བརྟགས་དང་སྒོམ་སྤངས་ལྷན་སྐྱེས་ཞེས་པའི་ཀུན་བརྟགས་དང་ལྷན་སྐྱེས་ཀྱི་དོན་ཀུན་བཏགས་ནི་བདག་ཏུ་ལྟ་བ་དང༌། རྟག་ཆད་དུ་ལྟ་བ་དང༌། ལོག་པར་ལྟ་བ་ལ་སོགས་གྲུབ་མཐའ་ངན་པས་གསར་དུ་བཏགས་པ་རྣམས་ཡིན་ལ། དེ་ཡང་ལམ་ངན་པ་ལ་ཞུགས་པའི་གང་ཟག་རྣམས་ལ་མངོན་གྱུར་དུ་ཡོད་ལ་གྲུབ་མཐས་བློ་མ་བསྒྱུར་བ་རྣམས་ལའང་ས་བོན་ཡོད་དོ། །ལྷན་སྐྱེས་ནི་ཡེ་ནས་རང་རྒྱུད་ལ་ཡོད་པའི་བདག་ལྟ།

― ZP04_Page_138 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ཆགས་སྡང་སོགས་ཉོན་མོངས་པ་རྣམས་ཡིན་ཏེ། ཡུལ་ལ་དམིགས་པའི་ཆགས་པ་སོགས་སོ། །དེས་ན་མཐོང་སྤངས་ནི་བདེན་པའི་ཆོས་ཉིད་ལ་ལོག་པར་ཞུགས་ལ། སྒོམ་སྤངས་ནི་གཟུགས་སོགས་དབང་པོའི་ཡུལ་ལ་ལོག་པར་ཞུགས་པ་ཡིན་ནོ། །དེས་ན་ཡུལ་ལ་དམིགས་པས་ཞེ་སྡང་དྲག་པོ་ལྟ་བུ་སྒོམ་སྤངས་ཡིན་ཀྱང༌། །མཐོང་ལམ་སྐྱེས་པའི་འཕགས་པ་ལ་མེད་པས་སྒོམ་སྤངས་ཡིན་ཀྱང་འཕགས་ལམ་ཐོབ་ནས་རྒྱུད་ན་མེད་པ་དུ་མ་ཡོད་པར་བཞེད་དོ། །མཐོང་སྤངས་ནི་དེ་ལྟར་གྲུབ་མཐས་གསར་དུ་བཏགས་པའི་སྤང་བྱ་ཡིན་པས་མཐོང་ལམ་སྐྱེས་པའི་གང་ཟག་དེ་ནི་སྐྱེ་བ་ཐམས་ཅད་དུ་གཞན་ཕྱི་རོལ་པ་ལ་སོགས་པས་བློ་གཏན་ནས་བསྒྱུར་མི་ཐུབ་པ་ཞིག་དགོས་པ་ཡིན་ནོ། །སྤྱན་ལྔ་ནི། སྟོང་གསུམ་གྱི་གཟུགས་ཕྲ་རགས་ཐམས་ཅད་མཐོང་བ་ཤའི་སྤྱན། སེམས་ཅན་ཐམས་ཅད་གྱི་སྐྱེ་བ་དང་འཆི་བ་ཤེས་པ་ལྷའི་སྤྱན་ཆོས་ཐམས་ཅད་བདག་མེད་པར་རྟོགས་པ་ཤེས་རབ་ཀྱི་སྤྱན། ཆོས་ཀྱི་སྒོ་མོ་བརྒྱད་ཁྲི་བཞི་སྟོང་ལ་སོགས་མཁྱེན་པ་ཆོས་ཀྱི་སྤྱན། ཤེས་བྱའི་ཆོས་ཐམས་ཅད་མཁྱེན་པ་སངས་རྒྱས་ཀྱི་སྤྱན་ནོ། །མངོན་ཤེས་དྲུག་ནི། གཅིག་ལས་དུ་མ་དང༌། དུ་མ་ལས་མང་པོར་བསྒྱུར་བ་སོགས་རྫུ་འཕྲུལ་དུ་མ་ལ་དབང་བ་རྫུ་འཕྲུལ་གྱི་མངོན་ཤེས། སེམས་ཅན་ཐམས་ཅད་ཀྱི་འཆི་འཕོ་དང་སྐྱེ་བ་ཤེས་པ་ལྷའི་མིག་གི་མངོན་

― ZP04_Page_139 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས། སྟོང་གསུམ་གྱི་སྒྲ་ཆེ་ཆུང་ཐམས་ཅད་གསན་པ་ལྷའི་རྣ་བའི་མངོན་ཤེས། རང་དང་གཞན་གྱི་སྐྱེ་བ་སྔོན་མ་དུ་མ་ཤེས་པ་སྔོན་གནས་རྗེས་དྲན་གྱི་མངོན་ཤེས། སེམས་ཅན་གཞན་གྱི་སེམས་ཀྱི་བསམ་པ་ཐམས་ཅད་ཤེས་པ་གཞན་སེམས་ཤེས་པའི་མངོན་ཤེས། རང་གཞན་གྱི་རྒྱུད་ཀྱི་ལས་ཉོན་ཟད་པར་ཤེས་པ་ཟག་ཟད་ཀྱི་མངོན་ཤེས་དང་དྲུག་གོ །སྤྱན་དང་མངོན་ཤེས་གྱི་ཁྱད་པར་ནི། སྤྱན་ནི་ལས་དགེ་བའི་རྣམ་སྨིན་ལས་བྱུང་བ་ཡིན་ལ། མངོན་ཤེས་ནི་བསམ་གཏན་གྲུབ་པའི་ཏིང་འཛིན་གྱིས་ཐོབ་པ་ཡིན་ནོ། །དབང་བཅུ་ནི། བསྐལ་པའམ་བསྐལ་པ་ལས་ལྷག་པར་བཞུགས་པ་ཚེ་ལ་དབང་བ། ཏིང་ངེ་འཛིན་ལ་འཇུག་ལྡང་དང་སེམས་ཅན་ཐམས་ཅད་ཀྱི་བསམ་པ་དང་མཐུན་པར་འཇུག་པ་སེམས་ལ་དབང་བ། ནམ་མཁའ་མཛོད་ཀྱི་ལོངས་སྤྱོད་ལ་དབང་བསྒྱུར་བ་ཡོ་བྱད་ལ་དབང་བ། བཟོ་དང་ལས་ཀྱི་གནས་ཐམས་ཅད་ཤེས་པ་ལས་ལ་དབང་བ། འགྲོ་དྲུག་གང་དུ་སྐྱེ་བར་འདོད་པ་དེར་སྐྱེ་བའི་སྐྱེ་བ་ལ་དབང་བ། སྟོང་གསུམ་སངས་རྒྱས་ཀྱིས་གང་བར་སྟོན་པ་ལ་སོགས་མོས་པ་ལ་དབང་བ། གནས་ཀྱི་དབང་དུ་བྱས་པའི་སྨོན་ལམ་གང་བཏབ་འགྲུབ་པ་སྨོན་ལམ་ལ་དབང་བ། སྟོང་གསུམ་ཡུངས་འབྲུར་གཞུག་པ་ལ་སོགས་སྟོན་པ་རྫུ་འཕྲུལ་ལ་དབང་བ། ཤེས་བྱ་ཐམས་ཅད་མཁྱེན་པའི་ཡེ་ཤེས་བརྙེས་པ་ཡེ་ཤེས་ལ་

― ZP04_Page_140 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་བ། ཆོས་སྒོ་ཐམས་ཅད་སྟོན་པ་ལ་ཐོགས་པ་མེད་པ་ཆོས་ལ་དབང་བ་དང་བཅུའོ། །གཟུངས་ཀྱི་སྒོ་བཞི་ནི། ཡི་གེ་ཨ་ལྟ་བུ་གཅིག་གི་དོན་ལ་བསམས་ནས་སྐྱེ་མེད་དུ་གཏན་ལ་ཕབས་པས་ཆོས་ཐམས་ཅད་སྐྱེ་མེད་དུ་གཏན་ལ་ཕེབས་པ་བཟོད་པ་ཐོབ་པའི་སྒོའི་གཟུངས། ཕན་གནོད་ཀྱི་ལས་སྒྲུབ་པའི་སྔགས་བརྩམས་ནས་ཏིང་ངེ་འཛིན་དང་ཤེས་རབ་ཀྱི་མཐུས་བྱིན་གྱིས་བརླབས་པས་བསྐལ་བའི་བར་དུ་ནུས་པ་འབྱུང་བ་ནི་སྔགས་ཀྱི་གཟུངས། ཆོས་ཀྱི་ཚིག་ཐམས་ཅད་མི་བརྗེད་པར་འཛིན་པ་ནི་ཚིག་གི་གཟུངས། །ཆོས་ཀྱི་དོན་ཐམས་ཅད་མི་བརྗེད་པར་འཛིན་པ་ནི་དོན་གྱི་གཟུངས་སོ། །སྟོབས་བཅུ་ནི། ལས་དགེ་བ་ལས་འབྲས་བུ་བདེ་བ་འབྱུང་བ་སོགས་གནས་དང༌། ལས་དགེ་བ་ལས་འབྲས་བུ་སྡུག་བསྔལ་འབྱུང་བ་སོགས་གནས་མ་ཡིན་པ་སྟེ། དེ་ལྟ་བུའི་ཚུལ་ཐམས་ཅད་མཁྱེན་པ་གནས་དང་གནས་མ་ཡིན་པ་མཁྱེན་པའི་སྟོབས། ལས་དགེ་བ་དང་མི་དགེ་བ་ལས་འབྲས་བུ་འདི་དང་འདི་ལྟ་བུ་འབྱུང་ངོ་ཞེས་རྒྱུ་འབྲས་ཀྱི་ཕྲ་ཞིབ་ཐམས་ཅད་མཁྱེན་པ་ལས་ཀྱི་རྣམ་པར་སྨིན་པ་མཁྱེན་པའི་སྟོབས་སེམས་ཅན་གྱི་དབང་པོ་རྣོ་རྟུལ་ཐམས་ཅད་མཁྱེན་པ་དབང་པོ་མཆོག་དང་མཆོག་མ་ཡིན་པ་མཁྱེན་པའི་སྟོབས། ཉན་ཐོས་ཀྱི་རིགས་ཅན་ལ་སོགས་པ་སེམས་ཅན་ཐམས་ཅད་གྱི་ཁམས་དང་ས་ཆུ་མེ་རླུང་ལ་སོགས་པ་འབྱུང་བའི་ཁམས་ཐམས་ཅད་མཁྱེན་པ་ཁམས་

― ZP04_Page_141 ―

^{[མ་དཔེ་གཟིགས་ན་འདིར་གནོན།]}

[Full Size]

སྣ་ཚོགས་མཁྱེན་པའི་སྟོབས། ཆོས་རྒྱ་ཆེན་པོ་ལ་མོས་པ་དང༌། ཟབ་མོ་ལ་མོས་པ་ལ་སོགས་པ་མཁྱེན་པ་མོས་པ་སྣ་ཚོགས་མཁྱེན་པའི་སྟོབས། ངན་འགྲོའི་ལམ་དང༌། མཐོ་རིས་ཀྱི་ལམ་དང༌། ཐར་པའི་ལམ་ལ་སོགས་པ་མཁྱེན་པ་ཀུན་ནས་འགྲོ་བའི་ལམ་མཁྱེན་པའི་སྟོབས། །བསམ་གཏན་བཞི་དང་རྣམ་ཐར་བརྒྱད་སོགས་ཏིང་ངེ་འཛིན་གྱི་སྒོ་བསམ་གྱིས་མི་ཁྱབ་པ་མཁྱེན་པ་བསམ་གཏན་རྣམ་པར་ཐར་པ་མཁྱེན་པའི་སྟོབས། རང་གཞན་གྱི་སྔོན་གྱི་སྐྱེ་བ་གྲངས་མེད་པ་མཁྱེན་པ་སྔོན་གནས་རྗེས་དྲན་མཁྱེན་པའི་སྟོབས། སེམས་ཅན་ཐམས་ཅད་འདི་ནས་འཆི་འཕོས་ཏེ་འདིར་སྐྱེ་ཞེས་པ་ལྟ་བུ་ཕྱི་མའི་སྐྱེ་གནས་དུ་མ་མཁྱེན་པ་འཆི་འཕོ་དང་སྐྱེ་བ་མཁྱེན་པའི་སྟོབས། སྒྲིབ་གཉིས་བག་ཆགས་དང་བཅས་པ་མ་ལུས་པ་ཟད་པར་མཁྱེན་པ་ཟག་པ་ཟད་པ་མཁྱེན་པའི་སྟོབས་སོ། །མི་འཇིགས་པ་བཞི་ནི་ངས་སྒྲིབ་གཉིས་བག་ཆགས་དང་བཅས་པ་ཐམས་ཅད་སྤངས་སོ་ཞེས་སྤང་བ་ཕུན་སུམ་ཚོགས་སུ་དམ་བཅས་པ་ལ་ལྔ་དང་བཅས་པའི་འཇིག་རྟེན་ན་ཆོས་བཞིན་དུ་རྒོལ་ནུས་སུ་ཡང་མེད་པས། ཞུན་པ་དང་བག་ཚ་བ་མེད་པ་ཐོབ་ཅིང་ཁྱུ་མཆོག་གི་གནས་རླབས་པོ་ཆེ་ལྟ་བུ་ཞལ་གྱིས་བཞེས་ལ། འཁོར་གྱི་ནང་དུ་མི་འཇིགས་པ་སེངྒེའི་སྒྲ་བསྒྲགས་ཏེ། འཇིག་རྟེན་ན་ཚངས་པའི་འཁོར་ལོ་ལྷ་དང་བདུད་དང་ཚངས་པ་དང་དགེ་སྦྱོང་

― ZP04_Page_142 ―

^{[མ་དཔེ་གཟིགས་ན་འདིར་གནོན།]}

[Full Size]

དང་བྲམ་ཟེར་བཅས་པ་སུས་ཀྱང་བསྐོར་བར་མ་ནུས་པའི་ཆོས་ཀྱི་འཁོར་ལོ་ངོ་མཚར་རྨད་དུ་བྱུང་བ་བསྐོར་ཏོ། །དེ་བཞིན་དུ་ངས་ཤེས་བྱའི་ཆོས་ཐམས་ཅད་མངོན་པར་རྫོགས་པར་སངས་རྒྱས་སོ་ཞེས་རྟོགས་པ་ཕུན་སུམ་ཚོགས་སུ་དམ་བཅས་པ་ལ་ལྷ་དང་སོགས་སྔར་དང་འདྲའོ། །ཡང་འདི་ནི་འཕགས་པ་ངེས་པར་འབྱིན་པའི་ལམ་སྟེ་ལམ་འདི་ལྟ་བུ་ལ་བརྟེན་ན་ངེས་པར་འབྱིན་པར་མི་འགྱུར་བདེན་གནས་མེད་དོ། །ཞེས་གཞན་དོན་ལམ་གྱི་གེགས་དམ་བཅའ་བ་ལ་སོགས་སོ། །ཡང་འདི་ནི་ལམ་ལ་བར་དུ་གཅོད་པའི་ཆོས་ཏེ་གནས་འདི་ལྟ་བུ་ལ་སྤྱོད་ན་ལམ་གྱི་བར་ཆད་དུ་མི་འགྱུར་བ་དེ་ནི་གནས་མེད་དོ། །ཞེས་གཞན་དོན་ལམ་གྱི་གེགས་དམ་བཅའ་བ་ལ་སོགས་པ་བཞིའོ། །དེ་ཡང་སྐུ་མ་ཞུམ་པའི་དབང་གིས་དབུ་འཕང་དམའ་བ་དང༌། སྤྱན་རིག་རིག་ཏུ་གཟིགས་པ་སོགས་མེད་པར་ཁྱུ་མཆོག་རླབས་པོ་ཆེའི་གནས་ཞལ་གྱིས་བཞེས་ཤིང༌། གསུང་བག་ཚ་བ་མེད་པས་གསུང་འདར་བ་དང་ལྡབ་འཆོལ་བ་ལ་སོགས་མེད་པར་རྒོལ་བ་ཐམས་ཅད་ཟིལ་གྱིས་མནན་ཏེ་འཁོར་གྱི་ནང་དུ་སེངྒེའི་སྒྲ་སྒྲོགས་པ་དང༌། ཐུགས་མི་འཇིགས་པ་ཐོབ་པས་འཇིག་རྟེན་དུ་ཚངས་པ་ཆེན་པོ་བཞིན་དུ་ཆོས་ཀྱི་འཁོར་ལོ་བསྐོར་བའོ། །ཡང་ལྷ་ནི་མངོན་ཤེས་དང་རྫུ་འཕྲུལ་སོགས་ཀྱིས་རིགས་དྲུག་ལས་མཆོག་ཏུ་གྱུར་བ་དང༌། བདུད་སྡེ་དང་ཚངས་པ་ནི་འདོད་ཁམས་དང༌། གཟུགས་ཁམས་ན་ང་རྒྱལ་གྱིས་དྲེགས་པ་དང༌། དགེ་སྦྱོང་དང་

― ZP04_Page_143 ―

^{[མ་དཔེ་གཟིགས་ན་འདིར་གནོན།]}

[Full Size]

བྲམ་ཟེ་ནི་མཁས་པར་གྲགས་པའོ། །སོ་སོ་ཡང་དག་པར་རིག་པ་བཞི་ནི། ཆོས་ཀྱི་སྒོ་མོ་བསམ་གྱིས་མི་ཁྱབ་པའི་ཚིག་ཐམས་ཅད་མ་འདྲེས་པར་མཁྱེན་པ་ཆོས་སོ་སོ་ཡང་དག་པར་རིག་པ། ཚིག་དེ་ལ་བརྟེན་པའི་དོན་ཐམས་ཅད་མ་འདྲེས་པར་མཁྱེན་པ་དོན་སོ་སོ་ཡང་དག་པར་རིག་པ། ཆོས་དེ་གཞན་ལ་སྟོན་པ་ན་མིང་ཐམས་ཅད་དང་སྐད་ཐམས་ཅད་མ་འདྲེས་པར་མཁྱེན་པ་ངེས་པའི་ཚིག་སོ་སོ་ཡང་དག་པར་རིག་པ། དེ་ལྟར་འཆད་པའི་ཚེ་ཆོས་ཀྱི་སྒོ་གཅིག་ལས་བརྩམས་ཏེ་བསྐལ་པའམ་བསྐལ་པ་ལས་ལྷག་པའི་བར་དུ་བསྟན་ཀྱང་བློ་གྲོས་ཟད་མི་ཤེས་པས་སྤོབས་པ་སོ་སོ་ཡང་དག་པར་རིག་པའོ། །དེ་ཡང་གཞན་ལ་ཆོས་སྟོན་པའི་ཚེ་རྟེན་ཚིག་དང་བརྟེན་པའི་དོན་གཉིས་པོ་བཤད་བྱ་དང༌། གསུང་གིས་སེམས་ཅན་རང་རང་གི་སྐད་དང་མིང་དང་མིང་དེ་ཅིའི་ཕྱིར་བཏགས་པའི་རྒྱུ་མཚན་ངེས་ཚིག་དང༌། དེ་དག་གི་ཟབ་ཅིང་རྒྱ་ཆེ་བའི་དོན་ཐམས་ཅད་ཐུགས་ཀྱིས་མཁྱེན་པས་ན་སོ་སོ་ཡང་དག་པར་རིག་པ་བཞི་སྟེ། མདོ་སྡེའི་རྒྱན་ལས། །རྟེན་དང་བརྟེན་པ་བཤད་བྱ་དང༌། །གསུང་དང་མཁྱེན་པ་འཆད་བྱེད་ལ། །བློ་གྲོས་རྟག་ཐོགས་མི་མངའ་བའི། །ལེགས་འདོམས་ཁྱོད་ལ་ཕྱག་འཚལ་ལོ། །ཞེས་སོ། །མ་འདྲེས་པ་བཅོ་བརྒྱད་ནི། །སྤྱོད་ལམ་མ་འདྲེས་པ་དྲུག །རྟོག་པ་མ་འདྲེས་པ་དྲུག །ཡེ་ཤེས་མ་འདྲེས་པ་གསུམ། ཕྲིན་ལས་མ་འདྲེས་པ་

― ZP04_Page_144 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་མོ། །དང་པོ་སྤྱོད་ལམ་མ་འདྲེས་པ་དྲུག་ནི། །སྐུ་འཁྲུལ་པ་མེད་པ་ནི་ཉན་རང་དགྲ་བཅོམ་པ་རྣམས་ལ་བག་ཆགས་ཀྱི་སྒྲིབ་པ་མ་སྤངས་པས་ལམ་དུ་སྦྲུལ་ནག་པོ་རྐང་པས་བརྗི་བ་ལ་སོགས་པ་སྤྱོད་ལམ་ཉེས་པའི་ཆ་ཡོད་ལ་སངས་རྒྱས་ལ་དེ་མེད་པས་སྤྱན་གྱིས་འབྱེད་འཛུམ་དང་ཕྱག་གིས་བརྐྱང་བསྐུམ་ཙམ་ལ་ཡང་གཞན་ཕན་འབའ་ཞིག་ཏུ་ངང་གིས་འབྱུང་བའོ། །གསུང་ཅ་ཅོ་མེད་པ་ནི་ཉན་ཐོས་དག་ནགས་ཐིབ་པོར་ལམ་སྟོར་ནས་ཅ་ཅོ་སྒྲོགས་པ་དང༌། གད་མོ་རྟ་གད་དུ་དགོད་པ་སོགས་ངག་མ་བསྡམས་པའི་སྤྱོད་ལམ་ཡོད་ལ་སངས་རྒྱས་ལ་དེ་མེད་པས་གསུང་བསལ་བའི་སྒྲ་ཙམ་ལ་ཡང་ངང་གིས་གཞན་དོན་དུ་འགྱུར་བའོ། །ཐུགས་དྲན་པ་ཉམས་པ་མི་མངའ་བ་ནི་ཉན་རང་ལ་བྱ་བ་འགའ་ཞིག་བརྗེད་པ་དང་མ་བསམ་པར་མངོན་ཤེས་མི་འཇུག་པས་རང་ལ་གནོད་པ་འབྱུང་བ་སོགས་དང་པོར་མི་ཤེས་པ་སྲིད་ལ་སངས་རྒྱས་ཀྱི་མཛད་པ་ཐམས་ཅད་དུས་ལས་མི་ཡོལ་ཞིང༌། མཁྱེན་པ་ལ་རྩོལ་བྱུང་མེད་པས་བསམ་བསམ་མེད་པར་དུས་གསུམ་གྱི་ཤེས་བྱ་ཐམས་ཅད་རྟག་ཏུ་གཟིགས་པའོ། །མཉམ་པར་མ་བཞག་པའི་ཐུགས་མི་མངའ་བ་ནི། །ཉན་རང་རྣམས་ཏིང་ངེ་འཛིན་ལ་མཉམ་པར་བཞག་ནས་ཏིང་ངེ་འཛིན་དེ་ལས་ལངས་ཏེ་སྤྱོད་ལམ་ལ་འཇུག་པ་ལས་མཉམ་པར་བཞག་བཞིན་དུ་སྤྱོད་ལམ་ལ་འཇུག་མི་ནུས་པ་ལས། །སངས་རྒྱས་རྣམས་མཉམ་པར་བཞག་བཞིན་དུ་ཆོས་སྟོན་པ་དང༌།

― ZP04_Page_145 ―

^{[མ་དཔེ་གཟིགས་ན་འདིར་གནོན།]}

[Full Size]

བསོད་སྙོམས་ལེན་པ་སོགས་མཛད་པས་རྟག་ཏུ་མཉམ་པར་མ་བཞག་པ་མེད་པའོ། །ཐ་དད་པའི་འདུ་ཤེས་མི་མངའ་བ་ནི། ཉན་རང་ལ་མྱ་ངན་ལས་འདས་པ་ལ་ཞི་བའི་འདུ་ཤེས་དང་འཁོར་བ་ལས་སྐྱོ་བ་སོགས་བཟང་ངན་གཉིས་བཅས་ཀྱི་འདུ་ཤེས་ཡོད་པ་ལ་སངས་རྒྱས་ལ་འཁོར་འདས་གཉིས་མེད་དུ་གཟིགས་པས་གཉིས་ཆོས་ཐམས་ཅད་གཉིས་མེད་ཀྱི་ཀློང་དུ་དག་པའོ། །སོ་སོར་མ་བརྟགས་པའི་བཏང་སྙོམས་མི་མངའ་བ་ནི། སེམས་ཅན་གང་དང་གང་ཐབས་གང་དང་གང་གིས་དུས་ནམ་དང་ནམ་གྱི་ཚེ་འདུལ་བ་ཐམས་ཅད་དགོངས་ནས་དུས་དེར་ཐབས་དེས་གདུལ་བ་དུས་ལས་མི་ཡོལ་བར་མཛད་ལ། ཉན་རང་རྣམས་ཀྱིས་རང་གི་གདུལ་བྱ་ཡིན་ཀྱང་མ་བརྟགས་པས་དུས་ལས་ཡོལ་བའམ་ཐབས་མི་ཤེས་པས་ཕྱིས་གདུལ་མི་ནུས་པ་ཡོད་པའོ། །རྟོགས་པ་མ་འདྲེས་པ་དྲུག་ནི། རྟག་ཏུ་གཞན་དོན་ལ་དགྱེས་པའི་འདུན་པ། འགྲོ་དོན་ཐུགས་ཀྱིས་མི་འདོར་བའི་དྲན་པ། སེམས་ཅན་གཅིག་གི་ཕྱིར་དུ་བསྐལ་པ་བརྒྱ་ཕྲག་མང་པོར་བཤོས་མི་གསོལ་བར་ཆོས་སྟོན་པ་ཡང་མི་ངལ་བ་བརྩོན་འགྲུས། ཤེས་བྱ་ཐམས་ཅད་མཁྱེན་པའི་ཤེས་རབ། སེམས་རྩེ་གཅིག་ཏུ་གནས་པའི་ཏིང་ངེ་འཛིན། སྒྲིབ་གཉིས་བག་ཆགས་དང་བཅས་པ་ལས་གྲོལ་བའི་རྣམ་གྲོལ་རྣམ་པ་ཐམས་ཅད་མཁྱེན་པའི་ཡེ་ཤེས་ཐོབ་པས་རྣམ་གྲོལ་ཡེ་ཤེས་གཟིགས་པ་ཉམས་པ་མེད་པ་སྟེ་ཉན་རང་དགྲ་བཅོམ་ལ་འདི་དག་

― ZP04_Page_146 ―

^{[མ་དཔེ་གཟིགས་ན་འདིར་གནོན།]}

[Full Size]

ཉམས་པ་ཡོད་དོ། །ཉམས་པ་དེ་ཡང་མ་ཐོབ་པས་ཉམས་པ་དང༌། ཐོབ་ཟིན་ཉམས་པ་གཉིས་ལས། སངས་རྒྱས་གྱི་ཐུགས་རྒྱུད་ན་ཡོད་པའི་ཁྱད་པར་ཅན་རྣམས་མ་ཐོབ་པས་ཉམས་པ་ཡོད་ལ། ཉན་རང་རང་རྒྱུད་ལ་ཡོད་པའི་ཐོབ་ཟིན་རྣམས་ཀྱང་ཉམས་པར་འགྱུར་བ་ཡོད་པར་ཉན་ཐོས་སྡེ་པ་ཁ་ཅིག་འདོད་དོ། །ཡེ་ཤེས་མ་འདྲེས་པ་གསུམ་ནི། འདས་པའི་དུས་ཀྱི་ཤེས་བྱ་ཐམས་ཅད་ལ་མ་ཆགས་མ་ཐོགས་པའི་ཡེ་ཤེས་ཀྱིས་གཟིགས་པ་འཇུག །ད་ལྟའི་དུས་ཀྱི་ཤེས་བྱ་ཐམས་ཅད་ལ་མ་ཆགས་མ་ཐོགས་པའི་ཡེ་ཤེས་ཀྱི་གཟིགས་པ་འཇུག་པའོ། །མ་ཆགས་མ་ཐོགས་པ་ནི་ཉོན་སྒྲིབ་སྤངས་པས་མ་ཆགས་ལ་ཤེས་སྒྲིབ་སྤངས་པས་མ་ཐོགས་པའོ། །འདི་དག་དགྲ་བཅོམ་པ་རྣམས་ལ་ཆགས་ཐོགས་ཡོད་དེ་སྔར་མི་ཤེས་པའི་རྒྱུ་བཞི་བཤད་པ་བཞིན་ནོ། །ཕྲིན་ལས་མ་འདྲེས་པ་གསུམ་ནི། སྐུའི་ཕྲིན་ལས་ཐམས་ཅད་ཡེ་ཤེས་སྔོན་དུ་འགྲོ་ཞིང་ཡེ་ཤེས་ཀྱི་རྗེས་སུ་འབྲང་བའོ། །ཐུགས་ཀྱི་ཕྲིན་ལས་ཐམས་ཅད་ཡེ་ཤེས་སྔོན་དུ་འགྲོ་ཞིང་ཡེ་ཤེས་ཀྱི་རྗེས་སུ་འབྲང་བའོ། །དེ་ཡང་ཡེ་ཤེས་སྔོན་དུ་འགྲོ་ཞིང་ཡེ་ཤེས་རྗེས་སུ་འབྲང་ཞེས་པ་ནི། དང་པོ་ཤེས་བཞིན་དང་བཅས་པའི་ཡེ་ཤེས་སྔོན་དུ་བཏང་ནས་དེ་རྗེས་སུ་སྤྱོད་ལམ་དེ་འབྲང་བ་

― ZP04_Page_147 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟ་བུ་ལ་དགོངས་སོ། །ཉན་ཐོས་དགྲ་བཅོམ་ལ་ཤེས་བཞིན་ཉམས་པ་ཡོད་དེ། སྔར་སྤྱོད་ལམ་གྱི་མ་འདྲེས་པར་བཤད་པ་ལྟ་བུའོ། །འདི་ལྟར་བཤད་པའི་མ་འདྲེས་པ་བཅོ་བརྒྱད་ནི་ཐེག་ཆེན་གྱི་ལུགས་ཡིན་ལ། ཐེག་དམན་པ་རྣམས་ནི་སྟོབས་བཅུ། མི་འཇིགས་པ་བཞི། མ་འདྲེས་པའི་དྲན་པ་ཉེར་གཞག་གསུམ་ཐུགས་རྗེ་ཆེན་པོ་རྣམས་ལ་མ་འདྲེས་པ་བཅོ་བརྒྱད་ཅེས་བཞེད་དོ། །དེས་ནས་སངས་རྒྱས་ཀྱང་རྟག་ཏུ་མཉམ་པ་བཞག་པ་སོགས་མི་བཞེད་དོ། །ཆོས་ཀྱི་ཡོན་ཏན་གྱི་སྐབས་སུ། ལུང་གི་ཆོས་གསུང་རབ་ཡན་ལག་བཅུ་གཉིས་ནི། ཚིག་མདོར་བསྡུས་ཤིང་དོན་སྡེ་ཚན་དུ་བཅད་པས་ན་མདོ་སྡེ། སྔར་ཚིག་ལྷུག་པའི་སྒོ་ནས་རྒྱས་པར་གསུང་བ་དེ་དག་སླར་ཡང་ཚིགས་སུ་བཅད་པའི་དབྱངས་ཀྱིས་བསྙད་པ་ནི་དབྱངས་བསྙད། མ་འོངས་པ་ན་འབྱུང་འགྱུར་གྱི་གནས་ལུང་བསྟན་པ་ནི་ལུང་བསྟན། དང་པོ་ནས་ཚིགས་སུ་བཅད་པ་ཁོ་ནས་གསུངས་པ་ནི་ཚིགས་བཅད། ཞུ་བ་པོ་གཞན་གྱིས་ཞུ་མ་དགོས་པར་བསྟན་པ་གནས་པར་བྱ་བའི་ཕྱིར་རང་གི་ཆེད་དུ་གནང་བ་ཆེད་དུ་བརྗོད་པ། གང་ཟག་འགའ་ཞིག་གིས་ཉེས་པ་བྱས་པ་དེ་ལ་བཅས་པ་མཛད་པ་ལྟ་བུ་གཏམ་གླེང་བའི་གཞི་ལས་རྒྱ་ཆེར་བསྟན་གླེང་གཞི། དེ་ལྟ་བུའི་གང་ཟག་གཞན་འགའ་ཞིག་གི་ལོ་རྒྱུས་གསུངས་པ་ནི་རྟོགས་བརྗོད། སྔ་རབས་སུ་བྱུང་བའི་གཏམ་

― ZP04_Page_148 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུད་ཀྱི་སྦྱོར་བ་ནི་དེ་ལྟ་བུ་བྱུང་བ། བྱང་ཆུབ་སེམས་དཔའི་སྐྱེ་བའི་ཕྲེང་བ་དག་བརྗོད་པ་ནི་སྐྱེས་རབས། ཟབ་པ་དང་རྒྱ་ཆེ་བའི་ཆོས་ཚད་མེད་པ་དག་བསྟན་པ་ནི་ཤིན་ཏུ་རྒྱས་པ། །ངོ་མཚར་རྨད་དུ་བྱུང་བའི་ཆོས་སྔར་མ་གྲགས་པའི་ཟབ་དོན་འགའ་ཞིག་བསྟན་པ་ནི་རྨད་དུ་བྱུང་བ། འཁོར་བའི་ཆོས་ཕུང་པོ་ཁམས་དང་སྐྱེ་མཆེད་ཀྱི་རབ་དབྱེ། ལམ་གྱི་ཆོས་ས་ལམ་ཏིང་ངེ་འཛིན་གྱི་རྣམ་གཞག །འབྲས་བུའི་ཆོས་སྐུ་དང་ཡེ་ཤེས་ཀྱི་རྣམ་གྲངས་ལ་སོགས་པ་འདུལ་བ་དང་མདོ་སྡེའི་དོན་ཐམས་ཅད་ཞིབ་པར་གཏན་ལ་དབབ་པ་གཏན་ཕབ་པོ། །དེ་དག་ཀྱང་སྡེ་སྣོད་གསུམ་དུ་བསྡུ་ན། །མདོ་སྡེ་དབྱངས་བསྙད་ལུང་བསྟན་ཚིགས་བཅད་ཆེད་བརྗོད་དང་ལྔ་ནི་ཐེག་དམན་གྱི་མདོ་སྡེ། གླེང་གཞི་རྟོགས་བརྗོད་དེ་ལྟ་བུ་བྱུང་གསུམ་ཐེག་དམན་གྱི་འདུལ་བ། སྐྱེས་རབས་ནི་ཐེག་ཆེན་གྱི་འདུལ་བ་ཤིན་ཏུ་རྒྱས་པ་དང་རྨད་དུ་བྱུང་བ་གཉིས་ནི་ཐེག་ཆེན་གྱི་མདོ་སྡེ། གཏན་ལ་ཕབ་པ་ནི་ཐེག་པ་ཆེ་ཆུང་གཉིས་ཀའི་མངོན་པའོ། །དེ་ལྟར་རྗོད་བྱེད་སྡེ་སྣོད་གསུམ་གྱི་བརྗོད་བྱ་ནི་ལམ་ལྷག་པའི་བསླབ་པ་གསུམ་སྟེ། འདུལ་བའི་སྡེ་སྣོད་ཀྱི་བརྗོད་བྱ་ལྷག་པ་ཚུལ་ཁྲིམས་ཀྱི་བསླབ་པའོ། །མདོ་སྡེའི་བརྗོད་བྱ་ལྷག་པ་ཏིང་ངེ་འཛིན་གྱི་བསླབ་པའོ། །མངོན་པའི་བརྗོད་བྱ་ལྷག་པ་ཤེས་རབ་ཀྱི་བསླབ་པའོ། །ཆོས་ནི་བསོད་ནམས་ལམ་དང་མྱ་ངན་འདའ། ཞེས་པའི་སྐབས་སུ་སྤྱིར་ཆོས་ཞེས་པ་

― ZP04_Page_149 ―

^{[མ་དཔེ་གཟིགས་ན་འདིར་གནོན།]}

[Full Size]

ནི་སྒྲ་དོན་བཅུ་ལ་འཇུག་སྟེ། །ཆོས་ནི་ཤེས་བྱ་ལམ་དང་ནི། །མྱ་ངན་འདས་དང་ཡིད་ཀྱི་ཡུལ། །བསོད་ནམས་ཚེ་དང་གསུང་རབ་དང༌། །འབྱུང་འགྱུར་ངེས་དང་ཆོས་ལུགས་ལའོ། །ཞེས་བཤད་པའི་ནང་ཚན་ཤེས་པའི་ཡུལ་དུ་གྱུར་ཚད་ཤེས་བྱ་དང༌། ཕྱིའི་སྐྱེ་མཆེད་དྲུག་གི་ནང་ཚན་ཆོས་ནི་ཡིད་ཀྱི་ཡུལ་དང༌། སྲོག་ཅི་ཙམ་འཚོ་བའི་ཡུན་ནི་ཚེ་དང༌། །ད་གདོད་འབྱུང་བར་འགྱུར་བ་ནི་འབྱུང་འགྱུར་དང༌། དོན་གང་ཡང་མ་ནོར་བར་གྱུར་པ་ནི་ངེས་པ་དང༌། རང་རང་གི་ལུགས་སྲོལ་ལྟ་བུ་ནི་ཆོས་ལུགས་ཏེ། དེ་དྲུག་ནི་ཆོས་ཞེས་པའི་སྒྲ་ཙམ་འཇུག་པའོ། །འདིར་དམ་པའི་ཆོས་ཀྱི་སྒྲ་འཇུག་པ། བསོད་ནམས་དང༌། ལམ་དང༌། མྱ་ངན་ལས་འདས་པ་དང༌། གསུང་རབ་བཞི་ཡིན་ལ་དེ་ལས་སྔ་མ་གསུམ་ནི་རྟོགས་པའི་ཆོས་སོ། །ཕྱི་མ་ནི་ལུང་གི་ཆོས་སོ། །རྟོགས་པའི་ཆོས་ནི་དྲན་པ་ཉེར་གཞག་སོགས་རིམ་བཞིན་ལམ་ལྔའི་ཡོན་ཏན་ཅེས་པའི་སྐབས་སུ། བྱང་ཕྱོགས་སོ་བདུན་སྡེ་ཚན་བདུན་ནོ། །དེ་ཡང་དང་པོ་དྲན་པ་ཉེར་གཞག་བཞི་ལ། དམིགས་པ་རྣམ་པ། སྒྲ་དོན་དང་གསུམ་ལས། དམིགས་པ་ནི་ལུས་ལ་སོགས་པ་བཞིའོ། །དེ་ཡང་ལུས་ནི་གཟུགས་ཀྱི་ཕུང་པོ་སྟེ། དེ་ལ་གསུམ་སྟེ། ཕྱིའི་ལུས་ནི་ས་ཆུ་མེ་རླུང་ལ་སོགས་འབྱུང་བཞིས་བསྡུས་པའི་སྣོད་ཀྱི་འཇིག་རྟེན་ནོ། །ནང་གི་ལུས་ནི་རང་གི་ལུས་སོ། །བར་གྱི་ལུས་ནི་སེམས་ཅན་གཞན་གྱི་ལུས་སོ། །ཚོར་

― ZP04_Page_150 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ནི་ཚོར་བའི་ཕུང་པོ་བདེ་སྡུག་སོགས་སོ། །སེམས་ནི་རྣམ་པར་ཤེས་པའི་ཕུང་པོ་ཚོགས་བརྒྱད་དམ་ཚོགས་དྲུག་གོ །ཆོས་ནི་འདུ་ཤེས་དང་འདུ་བྱེད་ཀྱིས་མཚོན་པའི་ཆོས་ཐམས་ཅད་དོ། །རྣམ་པ་ནི། ཐེག་དམན་རྣམས་ལུས་མི་གཙང་བ་དང༌། ཚོར་བ་སྡུག་བསྔལ་བ་དང༌། སེམས་མི་རྟག་པ་དང༌། ཆོས་ཐམས་ཅད་བདག་མེད་པར་བསྒོམས་ལ། ཐེག་ཆེན་པ་རྣམས་བཞི་ག་ཡང་མཉམ་བཞག་ཏུ་སྤྲོས་བྲལ་ནམ་མཁའ་ལྟ་བུ་དང༌། རྗེས་ཐོབ་ཏུ་སྒྱུ་མ་དང་རྨི་ལམ་ལྟར་བསྒོམ་མོ། །གཞན་ཡང་ཐེག་པ་ཆེ་ཆུང་གི་དྲན་པ་ཉེར་གཞག་ལ་ཁྱད་པར་གསུམ་སྟེ། དམིགས་པའི་ཁྱད་པར་ཐེག་དམན་གྱིས་རང་གི་ལུས་སོགས་བཞི་ཙམ་ལ་དམིགས་ལ། །ཐེག་ཆེན་གྱིས་རང་གཞན་ཐམས་ཅད་ཀྱི་ལུས་སོགས་བཞི་ལ་དམིགས་པ་དང༌། རྣམ་པའི་ཁྱད་པར་ཐེག་དམན་གྱིས་མི་གཙང་བ་སོགས་སུ་བསྒོམས་ལ། །ཐེག་ཆེན་གྱིས་སྟོང་ཉིད་དུ་བསྒོམ་པའོ། །དགོས་པའི་ཁྱད་པར་ཐེག་དམན་གྱིས་ཟག་བཅས་ཀྱི་ལུས་སོགས་དང་བྲལ་བའི་ཕྱིར་བསྒོམས་ལ། ཐེག་ཆེན་གྱིས་འབྲལ་མི་འབྲལ་གཉིས་ཀའི་ཕྱིར་མི་བསྒོམ་གྱི་མི་གནས་པའི་མྱ་ངན་ལས་འདས་པ་ཐོབ་པའི་དོན་དུ་བསྒོམ་མོ། །སྒྲ་དོན་ནི་ལུས་ལ་སོགས་པའི་སྤྱི་དང་རང་གི་མཚན་ཉིད་ཤེས་རབ་ཀྱིས་སོ་སོར་ཕྱེས་ནས་དེའི་རྒྱུན་དྲན་པས་སྐྱོང་པས་ན་ཤེས་རབ་ཀྱི་ཡུལ་ལ་དྲན་པ་ཉེ་བར་འཇོག་པའོ། །དམིགས་པའི་ཡུལ་དྲན་པས་མི་བརྗེད་པར་ཤེས་རབ་ཀྱི་མ་དཔྱད་པས་བདག་མེད་དུ་གཏན་ལ་འབེབས་

― ZP04_Page_151 ―

^{[མ་དཔེ་གཟིགས་ན་འདིར་གནོན།]}

[Full Size]

པས་ན་དྲན་པའི་ཡུལ་ལ་ཤེས་རབ་ཉེ་བར་འཇོག་པའོ། །གཉིས་པ་ཡང་དག་པར་སྤོང་བ་བཞི་ནི། སྡིག་པ་མི་དགེ་བའི་ཆོས་མ་སྐྱེས་པ་མི་བསྐྱེད་པའི་ཕྱིར་འདུན་པ་བསྐྱེད་དོ། །འབད་དོ། །བརྩོན་འགྲུས་བརྩམ་མོ། །སེམས་རབ་ཏུ་འཛིན་ནོ། །སེམས་རབ་ཏུ་འཇོག་གོ །དེ་བཞིན་དུ་སྐྱེས་པ་རྒྱུན་གཅོད་པའི་ཕྱིར་འདུན་པ་སོགས་སོ། །ཡང་དགེ་བའི་ཆོས་མ་སྐྱེས་པ་བསྐྱེད་བའི་ཕྱིར་འདུན་པ་སོགས་དང༌། སྐྱེས་པ་གོང་ནས་གོང་དུ་སྤེལ་བའི་ཕྱིར་འདུན་པ་སོགས་སོ། །དེ་ལ་འདུན་པ་བསྐྱེད་པ་ནི། དང་པོར་བླང་དོར་ལ་ཡིད་ཆེས་པའི་ཚུལ་གྱིས་སོ། །འབད་པ་ནི་སེམས་དེ་ལས་གཞན་དུ་མི་ཡེངས་པའི་ཚུལ་གྱིས་སོ། །བརྩོན་འགྲུས་རྩོམ་པ་ནི་བྱིང་རྒོད་ལ་སོགས་པ་ཞི་བར་བྱ་བའི་དོན་དུའོ། །སེམས་རབ་ཏུ་འཛིན་པ་ནི་བྱིང་རྨུགས་སུ་གྱུར་ན་རྒྱལ་བའི་སྐུ་དང་ཡོན་ཏན་ལ་སོགས་སེམས་སྤྲོ་བར་གྱུར་བའི་གནས་ལ་དམིགས་ནས་སེམས་རབ་ཏུ་འཛིན་པའོ། །སེམས་རབ་ཏུ་འཇོག་པ་ནི་འཕྲོ་རྒོད་དུ་གྱུར་ན་འཁོར་བའི་སྡུག་བསྔལ་སོགས་སྐྱོ་བར་འགྱུར་བའི་ཡུལ་ལ་དམིགས་ནས་སེམས་རབ་ཏུ་འཇོག་པའོ། །འདིར་མི་དགེ་བ་སྐྱེས་བ་དང་མ་སྐྱེས་པ་གཉིས། དགེ་བ་སྐྱེས་པ་དང་མ་སྐྱེས་པ་གཉིས་དང་བཞི་ནི་དམིགས་པ་ཡིན་ལ། འདུན་པ་བསྐྱེད་པ་སོགས་ནི་རྣམ་པའོ། །སྒྲ་དོན་ནི་མི་དགེ་བ་སྐྱེས་མ་སྐྱེས་གཉིས་སྤོང་བའི་ཕྱོགས་གཅིག་གིས་མིང་བཏགས་པ་སྟེ། ཕྱུགས་ཀྱི་ངོ་དགར་བ་ལག་པ་ཞེས་མིང་འདོགས་པ་བཞིན་ནོ། །གསུམ་པ་རྫུ་འཕྲུལ་

― ZP04_Page_152 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་རྐང་པ་བཞི་ལ་གསུམ། དང་པོ་དམིགས་པ་ནི་གཅིག་ཏུ་གྱུར་ནས་མང་པོར་འགྱུར་བ་དང༌། མང་པོར་གྱུར་ནས་གཅིག་ཏུ་འགྱུར་པ་ལ་སོགས་པའོ། །རྣམ་པ་ནི་རྫུ་འཕྲུལ་གྱི་རྣམ་གནས་རྣམས་ཏེ་རྫུལ་གྱི་མངོན་ཤེས་ཀྱི་རྣམ་གནས་ནི་ལུས་ཡང་བར་ཡིད་ལ་བྱེད་པའོ། །ལྟ་བའི་མིག་ལ་ཕྱོགས་ཐམས་ཅད་སྣང་བས་ཁྱབ་པར་རོ། །རྣ་བ་ལ་ཕྱོགས་ཐམས་ཅད་སྒྲས་ཁྱབ་པར་རོ། །གཞན་སེམས་ཤེས་པ་ལ་བདག་ལུས་འདི་འདྲ་བ་ལ་ཡིད་འདི་འདྲ་བ་ཡོད་ཀྱི་གཞན་ཡང་ལུས་འདི་འདྲ་བ་ལ་ཡིད་དི་འདྲ་བ་ཡོད་དོ་ཞེས་ཡིད་ལ་བྱེད་པའོ། །སྔོན་གནས་རྗེས་དྲན་ནི་ཡིད་ཤེས་ད་ལྟ་འགགས་མ་ཐག་པ་ནས་མཚམས་བཟུང་ལ་ཕུང་པོ་ཉིང་མཚམས་སྦྱོར་བའི་བར་ལུགས་ལྡོག་ཏུ་ཡིད་ལ་བྱེད་པའོ། །དེ་ལ་དབྱེ་ན་འདུན་པའི་ཏིང་ངེ་འཛིན་སྤང་བའི་འདུ་བྱེད་དང་ལྡན་པའི་རྫུ་འཕྲུལ་གྱི་རྐང་པ། བརྩོན་པའི་སོགས། སེམས་པའི་སོགས་དཔྱོད་པའི་སོགས་བཞི། དང་པོར་བསྒོམ་བྱའི་དོན་ལ་ཡིད་ཆེས་པས་དོན་དུ་གཉེར་བ་ནི་འདུན་པ། སྤྲོ་བཞིན་དུ་འཇུག་པ་ནི་བརྩོན་འགྲུས། ངེས་སེམས་རྩེ་གཅིག་པའི་ཏིང་ངེ་འཛིན་དུ་སོང་བ་ནི་ཏིང་ངེ་འཛིན། དེ་ལ་བྱིང་རྒོད་ལ་སོགས་པའི་སྐྱོན་ཞུགས་མ་ཞུགས་དཔྱོད་པ་ནི་དཔྱོད་པའོ། །སྤོང་བའི་འདུ་བྱེད་དང་ལྡན་པའི༌།རྫུ་འཕྲུལ་གྱི་རྐང་པ་ཞེས་པའི་དོན་མི་ཉེས་པ་ལྔ་སྤང་འདུ་བྱེད་བརྒྱད་བསྟེན་པ་སྟེ། ཉེས་པ་ལྔ་ནི། ལེ་ལོ། །བརྗེད་ངས། བྱིང་རྒོད། འདུ་མི་བྱེད་པ། འདུ་བྱེད་དོ། །འདི་དག་སྐྱོན་དུ་འགྱུར་ཚུལ་ནི། །ལེ་ལོ་ནི་དང་

― ZP04_Page_153 ―

^{[མ་དཔེ་གཟིགས་ན་འདིར་གནོན།]}

[Full Size]

པོར་སྦྱོར་པའི་དུས་ན་སྐྱོན་ཡིན་ཏེ། ཏིང་ངེ་འཛིན་ལ་བརྩོན་པས་མི་སྦྱོར་བའི་ཕྱིར་རོ། །བརྗེད་ངས་ནི་སྦྱོར་བ་བྱེད་བའི་དུས་ན་སྐྱོན་ཡིན་ཏེ་ཏིང་ངེ་འཛིན་སྒོམ་ཚུལ་གདམས་ངག་རྣམས་བརྗེད་པར་འགྱུར་བའི་ཕྱིར་རོ། །བྱིང་རྒོད་ནི་ཏིང་ངེ་འཛིན་རྒྱུད་ལ་སྐྱེས་པའི་དུས་ན་སྐྱོན་ཡིན་ཏེ། དེས་ཏིང་ངེ་འཛིན་སྐྱོན་ཅན་དུ་བྱེད་པའི་ཕྱིར་རོ། །འདུ་མི་བྱེད་པ་ནི། བྱིང་རྒོད་བྱུང་བའི་དུས་ན་སྐྱོན་ཡིན་ཏེ་དེས་བྱིང་རྒོད་ཀྱི་གཉེན་པོ་འདུ་མི་བྱེད་པ་ནི་བྱིང་རྒོད་ཞི་བའི་དུས་ན་སྐྱོན་ཏེ། བྱིང་རྒོད་ཞི་ནས་ཀྱང་ད་དུང་དེའི་གཉེན་པོ་ཚལ་ན་སེམས་སླར་ཡང་གཡེང་བར་འགྱུར་བའི་ཕྱིར་རོ། །དེ་དག་གི་གཉེན་པོ་ནི་སྤོང་བའི་འདུ་བྱེད་བརྒྱད་དེ། འདུན་པ་དང༌། དད་པ་དང༌། བརྩོན་འགྲུས་དང༌། ཤིན་ཏུ་སྦྱང་བ་དང༌། དྲན་པ་དང༌། ཤེས་བཞིན་དང༌། སེམས་པ་དང༌། བཏང་སྙོམས་སོ། །དང་པོ་བཞི་ལེ་ལོའི་གཉེན་པོ་སྟེ། གཉེན་པོ་དངོས་ནི་བརྩོན་འགྲུས་དང༌། གཞན་གསུམ་དེའི་ཡན་ལག་གོ །དེ་ཡང་རྒྱུ་དང་འབྲས་བུ་དང༌། རྟེན་དང་བརྟེན་པ་ཡིན་ཏེ། དོན་གཉེར་གྱི་འདུན་པ་ཡོད་ན་བརྩོན་འགྲུས་འབྱུང་བས་འདུན་པ་ནི་རྒྱུ་ལ། བརྩོན་འགྲུས་ནི་འབྲས་བུའོ། །རྒྱུ་འདུན་བའི་རྟེན་ནི་དད་པ་ཡིན་ཏེ་ཡིད་ཆེས་ཀྱི་དད་པ་ཡོད་ན་དོན་གཉེར་གྱི་འདུན་པ་འབྱུང་བའི་ཕྱིར་རོ། །འབྲས་བུ་བརྩོན་འགྲུས་ལ་བརྟེན་པ་ནི་ཤིན་སྦྱང་ཡིན་ཏེ་བརྩོན་པས་འབད་ན་ལུས་སེམས་ལ་ཤིན་ཏུ་སྦྱངས་པ་སྐྱེ་བའོ། །བརྗེད་ངས་ཀྱི་གཉེན་པོ་ནི་དྲན་པ་ཡིན་ཏེ་དེས་

― ZP04_Page_154 ―

^{[མ་དཔེ་གཟིགས་ན་འདིར་གནོན།]}

[Full Size]

དམིགས་རྣམ་མི་བརྗེད་པའི་ཕྱིར་རོ། །བྱིང་རྒོད་ཀྱི་གཉེན་པོ་ནི་ཤེས་བཞིན་ཡིན་ཏེ་དེས་ཀྱང་བྱིང་རྒོད་བྱུང་མ་བྱུང་རྟོགས་པའི་ཕྱིར་རོ། །འདུ་མི་བྱེད་པའི་གཉེན་པོ་ནི་སེམས་པ་སྟེ་དེས་བྱིང་རྒོད་ཀྱི་གཉེན་པོ་སེམས་པའི་ཕྱིར་རོ། །འདུ་བྱེད་པའི་གཉེན་པོ་ནི་བཏང་སྙོམས་ཏེ་དེས་ཀྱང་བྱིང་རྒོད་ཞི་བའི་ཚེ་རྣལ་དུ་འཇོག་པའོ། །རྫུ་འཕྲུལ་གྱི་རྐང་པའི་སྒྲ་དོན་ནི། །རྫུ་འཕྲུལ་ནི་མངོན་ཤེས་ལྔ་སོགས་ཡིན་ལ། དེ་འགྲུབ་བྱེད་ཀྱི་རྩ་བ་ལྟ་བུ་ཡིན་པས་ན་རྫུ་འཕྲུལ་གྱི་རྐང་པའོ། །བཞི་པ་དབང་པོ་ལྔ་ནི། དམིགས་ཡུལ་ནི་འདི་དག་མཐོང་ལམ་གྱི་སྦྱོར་བ་ཡིན་པས། མཐོང་ལམ་དང་དམིགས་ཡུལ་གཅིག་སྟེ་བདེན་པ་བཞི་ལ་དམིགས་པའོ། །རྣམ་པ་ནི་བདེན་པ་བཞི་སོ་སོའི་མཚན་ཉིད་ལ་དམིགས་ནས་དད་པས་ཡིད་ཆེས་པའི་ཚུལ་གྱིས་འཇུག །བརྩོན་འགྲུས་ཀྱིས་སྤྲོ་བའི་ཚུལ་གྱིས་འཇུག །དྲན་པས་དམིགས་རྣམ་མི་བརྗེད་པའི་ཚུལ་གྱིས་འཇུག །ཏིང་ངེ་འཛིན་གྱིས་སེམས་རྩེ་གཅིག་པའི་ཚུལ་གྱིས་འཇུག །ཤེས་རབ་ཀྱིས་དོན་རྣམ་པར་འབྱེད་པའི་ཚུལ་གྱིས་འཇུག་གོ །སྒྲ་དོན་ནི་རྣམ་བྱང་གི་ཡོན་ཏན་བསྐྱེད་པ་ལ་དབང་བྱེད་པས་ན་དབང་པོ་ལྔའོ། །ལྔ་པ་སྟོབས་ལྔ་ནི། །དམིགས་རྣམ་དབང་པོ་དང་འདྲ་ལ། །སྒྲ་དོན་ནི་དད་སོགས་རང་རང་གི་མི་མཐུན་ཕྱོགས་ཀྱི་དབང་དུ་མི་འགྱུར་བར་སྟོབས་སུ་གྱུར་པས་ན་སྟོབས་སོ། །དྲུག་པ་བྱང་ཆུབ་ཀྱི་ཡན་ལག་བདུན་ལ། དམིགས་པ་ནི་བདེན་པ་བཞིའོ། །རྣམ་པ་

― ZP04_Page_155 ―

^{[མ་དཔེ་གཟིགས་ན་འདིར་གནོན།]}

[Full Size]

ནི་དྲན་པས་བདེན་པས་གཞིའི་དམིགས་རྣམ་མི་བརྗེད་པར་འཛིན། ཆོས་རབ་ཏུ་རྣམ་འབྱེད་ཀྱིས་བདེན་བཞིའི་ཆོས་ཅན་དང་ཆོས་ཉིད་ཀྱི་མཚན་ཉིད་ཇི་བཞིན་པ་གཏན་ལ་འབེབས། །བརྩོན་འགྲུས་ཀྱིས་དེ་ལ་སྤྲོ་བཞིན་དུ་འཇུག །དགའ་བས་བདེན་བཞིའི་ཆོས་ཉིད་གསར་དུ་མཐོང་བ་ལ་དགའ་བ་སྐྱེ། ཤིན་ཏུ་སྦྱངས་པས་ལུས་དང་སེམས་ལས་སུ་རུང་བར་བྱེད། ཏིང་ངེ་འཛིན་གྱིས་སེམས་གཞན་དུ་མི་གཡེང་བར་བྱེད། །བཏང་སྙོམས་ཀྱིས་སེམས་བྱིང་རྒོད་མེད་པར་རྣལ་དུ་འཇུག་པར་བྱེད་དོ། །སྒྲ་དོན་ནི་རྣམ་པར་མི་རྟོག་པའི་ཡེ་ཤེས་ཆོས་རབ་ཏུ་རྣམ་པར་འབྱེད་པ་ནི་བྱང་ཆུབ་ཡིན་ལ། གཞན་རྣམས་དེའི་ཡན་ལག་ཏུ་གྱུར་པས་ན་བྱང་ཆུབ་ཀྱི་ཡན་ལག་བདུན་ནོ། །བདུན་པ་འཕགས་པའི་ལམ་ཡན་ལག་བརྒྱད་ལ། །དམིགས་པ་ནི་མཐོང་ཟིན་གོམས་པ་བྱེད་པ་ཡིན་བས་མཐོང་ལམ་དང་གཅིག་སྟེ་བདེན་པ་བཞིའོ། །རྣམ་པ་ནི་ཡང་དག་པའི་ལྟ་བས་སྔར་མཐོང་ལམ་གྱི་དུས་ན་བདེན་པ་བཞིའི་ཆོས་ཉིད་འདི་ལྟར་དུ་རྟོགས་སོ་ཞེས་ཡོངས་གཅོད་ཀྱི་སྒོ་ནས་ངེས་པར་བྱེད། རྟོག་པས་དེ་ལྟ་བུའི་རྟོགས་པ་དེ་རྟགས་དང་གཏན་ཚིགས་ཀྱི་སྒོ་ནས་རྟོགས་ཤིང་དེ་ཇི་ལྟར་གཞན་ལ་མཚོན་པའི་ཚུལ་གྱིས་གཏན་ལ་འབེབས་ཤིང་གོ་བར་བྱེད། ངག་གིས་ཆོས་ཉིད་སྤྲོས་བྲལ་གྱི་རྟོགས་པ་དེའི་རང་བཞིན་ཐ་སྙད་ཙམ་དུ་ཚིག་གིས་མཚོན་ནས་འཆད་རྩོད་རྩོམ་གསུམ་གྱི་སྒོ་ནས་གཞན་ལ་སྟོན་ཅིང་ལྟ་བ་རྣམ་དག་ཏུ་ཡིད་

― ZP04_Page_156 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེས་པར་བྱེད། ལས་ཀྱི་མཐས་སྤྱོད་ལམ་ཐམས་ཅད་དང་མི་མཐུན་པ་མེད་ཅིང་ཆོས་དང་མཐུན་པའི་ཚུལ་ཁྲིམས་རྣམ་དག་ཏུ་ཡིད་ཆེས་པར་བྱེད། འཚོ་བས་ལོག་འཚོ་སྡིག་པའི་ཟས་དང་མ་འདྲེས་ཤིང་ཡང་དག་པའི་འཚོ་བས་འཚོ་བ་རྣམ་དག་ཏུ་ཡིད་ཆེས་པར་བྱེད། རྩོལ་བས་ནི་མཐོང་ཟིན་ཆོས་ཉིད་ཀྱི་དོན་ལ་ཡང་དང་ཡང་དུ་གོམས་པར་བྱེད་པས་སྒོམ་སྤངས་ཉོན་མོངས་པའི་གཉེན་པོར་བྱེད། དྲན་པས་ཞི་ལྷག་གི་དམིགས་རྣམ་མི་བརྗེད་པར་འཛིན་པས་ཉེ་ཉོན་བརྗེད་ངེས་ཀྱི་གཉེན་པོ་བྱེད། ཏིང་ངེ་འཛིན་གྱིས་བྱིང་རྒོད་ལ་སོགས་པའི་སྐྱོན་མེད་པའི་ཏིང་ངེ་འཛིན་བསྒྲུབས་ཤིང་ལམ་གྱི་ཡོན་ཏན་གོང་ནས་གོང་དུ་འཕེལ་བས་མི་མཐུན་ཕྱོགས་ཀྱི་གཉེན་བོར་བྱེད་དོ། །དེ་ཡང་དབུས་མཐའ་ལས། ཡོངས་སུ་གཅོད་དང་གོ་བྱེད་དང༌། རྣམ་གསུམ་གཞན་ཡིད་ཆེས་པར་བྱེད། །ལྷག་མ་གཉེན་པོའི་ཡན་ལག་གོ །ཞེས་སོ། །དེ་ལྟར་བྱང་ཆོས་སོ་བདུན་ཀྱང་རྫས་སུ་བསྡུ་ན་བཅུའམ་བཅུ་གཅིག་སྟེ། དད་བརྩོན་དྲན་པ་ཏིང་ངེ་འཛིན་ཤེས་རབ་དང་ལྔ། དགའ་བ་ཤིན་སྦྱང་བཏང་སྙོམས་རྟོག་པ་ཚུལ་ཁྲིམས་དང་བཅུའོ། །དེ་ཡང་དྲན་པ་ཉེར་གཞག་བཞི་ནི་ཤེས་རབ་ཏུ་འདུ། ཡང་དག་སྤོང་བ་བཞི་ནི་བརྩོན་འགྲུས་སུ་འདུ། །རྫུ་འཕྲུལ་གྱི་རྐང་པ་བཞི་ནི་ཏིང་ངེ་འཛིན་དུ་འདུའོ། །ཆོས་རབ་ཏུ་རྣམ་འབྱེད་དང་ཡང་དག་པའི་ལྟ་བ་ནི་ཤེས་རབ། །ངག་ལས་མཐའ་འཚོ་བ་དང་གསུམ་

― ZP04_Page_157 ―

^{[མ་དཔེ་གཟིགས་ན་འདིར་གནོན།]}

[Full Size]

ཚུལ་ཁྲིམས་སོ། །ཡང་ན་ངག་སོ་སོར་པ་གྲངས་པས་བཅུ་གཅིག་གོ །བསྐྱེད་དང་རྫོགས་པ་གཟུངས་དང་ཟད་པར་དང༌། ཞེས་བསྐྱེད་རྫོགས་ནི་ལེའུ་བཅུ་པར་འཆད་པ་ལྟར་ཡིན་ལ། གཟུངས་ནི་ཆོས་ཀྱི་ཚིག་དོན་ལ་སོགས་པ་མི་བརྗེད་པར་འཛིན་པའི་དྲན་པ་དང་ཤེས་རབ་བོ། །ཟད་པ་ཡང་འཆད་པར་འགྱུར་རོ། །སློབ་ལམ་བཞིའི་ངོ་བོར་གྱུར་པའི་རྒྱུའི་ས་བཅུའི་དང་པོ་རབ་ཏུ་དགའ་བའི་ས་ལ་བདུན་ཏེ། ངོ་བོ་ཐེག་ཆེན་མཐོང་ལམ་གྱི་སྐབས་ཀྱི་ཡེ་ཤེས་ཁྱད་པར་ཅན་གང་ཞིག །ཡོན་ཏན་གྱི་རྟེན་བྱེད་པ་དང༌། ངེས་ཚིག་ནི། མདོ་སྡེའི་རྒྱན་ལས། བྱང་ཆུབ་ལ་ནི་ཉེ་བ་དང༌། །སེམས་ཅན་དོན་སྒྲུབ་མཐོང་བ་ལས། །རབ་ཏུ་དཀའ་བ་སྐྱེ་འགྱུར་པས། །དེ་ཕྱིར་རབ་དགའ་ཞེས་བརྗོད་དོ། །སྤང་བའི་ཁྱད་པར་མཐོང་སྤངས་བརྒྱ་དང་བཅུ་གཉིས་སྤངས། །རྟོགས་པའི་ཁྱད་པར་ཆོས་ཉིད་ཀུན་ཏུ་འགྲོ་བའི་དོན་རྟོགས། ཀུན་རྫོབ་ཀྱི་ཡོན་ཏན་དུས་སྐད་ཅིག་ལ་ཏིང་ངེ་འཛིན་བརྒྱ་ལ་རྣམ་པར་འཇུག་ཅིང་ལྡང༌། སངས་རྒྱས་བརྒྱའི་ཞལ་བལྟ། སངས་རྒྱས་བརྒྱས་བྱིན་གྱིས་བརླབས་པར་ཤེས། སངས་རྒྱས་ཀྱི་ཞིང་བརྒྱར་འགྲོ། ཞིང་བརྒྱ་གཡོ་བར་བྱེད། ཞིང་བརྒྱ་སྣང་བར་བྱེད། །ཆོས་ཀྱི་སྒོ་བརྒྱ་འགྱེད། སེམས་ཅན་བརྒྱ་སྨིན་པར་བྱེད། དུས་བསྐལ་པ་བརྒྱར་གནས་པ་སྟོན། སྔོན་དང་ཕྱི་མའི་གནས་བརྒྱ་ལ་ཡེ་ཤེས་ཀྱི་གཟིགས་པ་འཇུག །ལུས་བརྒྱ་རོ་སྟོན། ལུས་རེ་རེ་ལ་འཁོར་ཕུན་སུམ་ཚོགས་པ་

― ZP04_Page_158 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱ་རེས་བསྐོར་བར་སྟོན་པ་རྣམས་ཐོབ། ཤས་ཆེ་བའི་ཁྱད་པར་སྦྱིན་པའི་ཕ་རོལ་ཏུ་ཕྱིན་པ་ཤས་ཆེ། སྐྱེ་བ་འཛིན་པའི་ཁྱད་པར་ཛམྦུའི་གླིང་གི་རྒྱལ་པོའི་སྐྱེ་བ་འཛིན་ནུས་པའོ། །ས་གཉིས་པ་དྲི་མ་མེད་པ་ལ། །ངོ་བོ་ཐེག་ཆེན་སྒོམ་ལམ་ཆུང་ངུའི་ཆུང་ངུའི་གནས་སྐབས་ཀྱི་ཡེ་ཤེས་ཁྱད་པར་ཅན་གང་ཞིག །ཡོན་ཏན་གྱི་རྟེན་བྱེད་པ་དང༌། ངེས་ཚིག །འཆལ་ཚུལ་རྩོལ་བའི་དྲི་བྲལ་ཕྱིར། །དྲི་མ་མེད་པའི་ས་ཞེས་བྱ། །ཞེས་སོ། །སྤང་བའི་ཁྱད་པར་ཁམས་གསུམ་གྱི་སྒོམ་སྤངས་ཆེན་པོའི་ཆེན་པོ་ཞེ་དྲུག་སྤང༌། རྟོགས་པའི་ཁྱད་པར་ཆོས་ཉིད་མཆོག་གི་དོན་དུ་རྟོགས། ཀུན་རྫོབ་ཀྱི་ཡོན་ཏན་སྟོང་ཕྲག་བཅུ་གཉིས་ཐོབ། །ཤས་ཆེ་བའི་ཁྱད་པར་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཤས་ཆེ། སྐྱེ་བ་འཛིན་པའི་ཁྱད་པར་གླིང་བཞི་ལ་དབང་བའི་འཁོར་ལོས་སྒྱུར་བའི་རྒྱལ་པོའི་སྐྱེ་བ་འཛིན་ནུས། །ས་གསུམ་པ་འོད་བྱེད་པ་ལ། ངོ་བོ་ཐེག་ཆེན་སྒོམ་ལམ་ཆུང་ངུའི་འབྲིང་པོའི་སྐབས་ཀྱི་ཡེ་ཤེས་ཁྱད་པར་ཅན་གང་ཞིག །ཡོན་ཏན་གྱི་རྟེན་བྱེད་པ་དང༌། ངེས་ཚིག །ཆོས་ཀྱི་སྣང་བ་ཆེན་པོ་ནི། བྱེད་པའི་ཕྱིར་ན་འོད་བྱེད་པ། ཞེས་སོ། །སྤང་བའི་ཁྱད་པར་ཁམས་གསུམ་གྱི་སྒོམ་སྤངས་ཆེན་པོའི་འབྲིང་པོ་ཞེ་དྲུག་སྤང༌། རྟོགས་པའི་ཁྱད་པར་ཆོས་ཉིད་རྒྱུ་མཐུན་པའི་དོན་གྱི་མཆོག་ཏུ་རྟོགས། དེའི་དོན་སྔར་ཐོས་པ་བྱས་པ་དེ་ཆོས་ཉིད་ཀྱིས་རྟོགས་པའི་རྒྱུ་མཐུན་པའི་དོན་དུ་རྟོགས་ནས་སྟོང་གསུམ་མེ་འོབས་ཀྱིས་གང་པའང་འབོགས་ནས་ཆོས་འཚོལ་བའོ། །

― ZP04_Page_159 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་རྫོབ་ཀྱི་ཡོན་ཏན་འབུམ་ཕྲག་བཅུ་གཉིས་ཐོབ། །ཤས་ཆེ་བའི་ཁྱད་པར་བཟོད་པའི་ཕ་རོལ་ཏུ་ཕྱིན་པ་ཤས་ཆེ། སྐྱེ་བ་འཛིན་པའི་ཁྱད་པར་ལྷའི་དབང་པོའི་སྐྱེ་བ་འཛིན་པའོ། །ས་བཞི་པ་འོད་འཕྲོ་བ་ལ། །ངོ་བོ་ཐེག་ཆེན་སྒོ་ལམ་ཆུང་ངུའི་ཆེན་པོའི་སྐབས་ཀྱི་ཡེ་ཤེས་ཁྱད་པར་ཅན་གང་ཞིག །ཡོན་ཏན་གྱི་རྟེན་བྱེད་པ་དང༌། ངེས་ཚིག །འདི་ལྟར་བྱང་ཆུབ་ཕྱོགས་མཐུན་ཆོས། །རབ་ཏུ་སྲེག་བྱེད་འོད་ལྟ་བུ། །དེ་དང་ལྡན་ཕྱིར་ས་དེ་ནི། །གཉིས་པོ་སྲེག་པའི་འོད་འཕྲོ་ཅན། ཅེས་སོ། །སྤང་བའི་ཁྱད་པར་ཁམས་གསུམ་གྱི་སྒོམ་སྤངས་ཆེན་པོའི་ཆུང་ངུ་ཞེ་དྲུག་སྤངས། རྟོགས་པའི་ཁྱད་པར་ཆོས་ཉིད་ཡོངས་སུ་འཛིན་པ་མེད་པའི་དོན་དུ་རྟོགས་པའོ། །དེའི་ཚེ་བདག་ཏུ་འཛིན་པ་མེད་པས་ཆོས་ཀྱི་དབྱིངས་ལ་བདག་གིར་འཛིན་པ་མེད་པར་རྟོགས་པའོ། །ཀུན་རྫོབ་ཀྱི་ཡོན་ཏན་བྱེ་བ་ཕྲག་བཅུ་གཉིས་ཐོབ། ཤས་ཆེ་བའི་ཁྱད་པར་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཤས་ཆེ། སྐྱེ་བ་འཛིན་པའི་ཁྱད་པར་འཐབ་བྲལ་ལྷའི་རྒྱལ་པོའི་སྐྱེ་བ་འཛིན་ནུས་པའོ། །ས་ལྔ་པ་སྦྱང་དཀའ་བ་ནི། ངོ་བོ་ཐེག་ཆེན་སྒོམ་ལམ་འབྲིང་པོའི་ཆུང་ངུའི་སྐབས་ཀྱི་ཡེ་ཤེས་ཁྱད་པར་ཅན་གང་ཞིགྱོན་ཏན་གྱི་རྟེན་བྱེད་པ་དང༌། ངེས་ཚིག །སེམས་ཅན་རྣམས་ཡོངས་སྨིན་བྱེད་ཅིང༌། རང་གི་སེམས་ཀྱང་སྲུང་བའི་ཕྱིར། །བློ་ལྡན་རྣམས་ཀྱི་སྦྱང་དཀའ་བ། །དེ་ཕྱིར་སྦྱང་དཀའ་ཞེས་བརྗོད་དོ། །ཞེས་སོ། །

― ZP04_Page_160 ―

^{[མ་དཔེ་གཟིགས་ན་འདིར་གནོན།]}

[Full Size]

སྤང་བའི་ཁྱད་པར་ཁམས་གསུམ་གྱི་སྒོམ་སྤངས་འབྲིང་པོའི་ཆེན་པོ་ཞེ་དྲུག་སྤངས། རྟོགས་པའི་ཁྱད་པར་ཆོས་ཉིད་གཉིས་སུ་མེད་པའི་དོན་དུ་རྟོགས། ཀུན་རྫོབ་ཀྱི་ཡོན་ཏན་བྱེ་བ་སྟོང་ཕྲག་བཅུ་གཉིས་ཐོབ། ཤས་ཆེ་བའི་ཁྱད་པར་བསམ་གཏན་གྱི་ཕ་རོལ་ཏུ་ཕྱིན་པ་ཤས་ཆེ། སྐྱེ་བ་འཛིན་པའི་ཁྱད་པར་དགའ་ལྡན་ལྷའི་རྒྱལ་པོའི་སྐྱེ་བ་འཛིན་ནོ། །ས་དྲུག་པ་མངོན་དུ་གྱུར་པ་ལ། །ངོ་བོ་ཐེག་ཆེན་སྒོམ་ལམ་འབྲིང་པོའི་འབྲིང་གི་སྐབས་ཀྱི་ཡེ་ཤེས་ཁྱད་པར་ཅན་གང་ཞིག །ཡོན་ཏན་གྱི་རྟེན་བྱེད་པ་དང༌། ངེས་ཚིག །ཤེས་རབ་ཕ་རོལ་ཕྱིན་བརྟེན་ནས། །འཁོར་བ་དང་ནི་མྱ་ངན་འདས། །གཉིས་པོ་མངོན་དུ་གྱུར་པའི་ཕྱིར། །མངོན་དུ་གྱུར་པའི་ས་ཞེས་བྱ། །ཞེས་སོ། །སྤང་བའི་ཁྱད་པར་ཁམས་གསུམ་ཀའི་སྒོམ་སྤངས་འབྲིང་པོ་ཞེ་དྲུག་སྤངས། རྟོགས་པའི་ཁྱད་པར་ཆོས་ཉིད་རྣམ་པར་དག་པའི་དོན་དུ་རྟོགས། ཀུན་རྫོབ་ཀྱི་ཡོན་ཏན་བྱེ་བ་འབུམ་ཕྲག་བཅུ་གཉིས་ཐོབ། ཤས་ཆེ་བའི་ཁྱད་པར་ཤེས་རབ་ཕར་ཕྱིན་ཤས་ཆེ། སྐྱེ་བ་འཛིན་པའི་ཁྱད་པར་འཕྲུལ་དགའི་ལྷའི་རྒྱལ་པོའི་སྐྱེ་བ་འཛིན་ནུས་སོ། །ས་བདུན་པ་རིང་དུ་སོང་བ་ལ། ངོ་བོ་ཐེག་ཆེན་སྒོམ་ལམ་འབྲིང་པོའི་ཆེན་པོའི་སྐབས་ཀྱི་ཡེ་ཤེས་ཁྱད་པར་ཅན་གང་ཞིག །ཡོན་ཏན་གྱི་རྟེན་བྱེད་པ་དང༌། ངེས་ཚིག །བགྲོད་ཅིག་ལམ་དང་འབྲེལ་བའི་ཕྱིར། །རིང་དུ་སོང་བའི་སར་འདོད་དོ། །ཞེས་སོ། །བགྲོད་གཅིག་ལམ་ནི་ལམ་ལ་འབད་རྩོལ་ཞི་བའི་ས་བརྒྱད་པ་ཡིན་ལ་དེ་དང་འབྲེལ་བར་གནས་པས་

― ZP04_Page_161 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་བ་ལས་རིང་དུ་སོང་བའོ། །སྤང་བའི་ཁྱད་པར་ཁམས་གསུམ་གྱི་སྒོམ་སྤངས་འབྲིང་པོའི་ཆུང་ངུ་ཞེ་དྲུག་སྤངས། རྟོགས་པའི་ཁྱད་པར་ཆོས་ཉིད་ཐ་དད་མེད་པའི་དོན་དུ་རྟོགས། སངས་རྒྱས་ཀྱི་ཆོས་མདོ་རྒྱས་པ་དུ་མར་གསུངས་ཀྱང་དོན་ཆོས་ཀྱི་དབྱིངས་ལ་ཐ་དད་མེད་པར་རྟོགས་པའོ། །ཀུན་རྫོབ་ཀྱི་ཡོན་ཏན་བྱེ་བ་ཁྲག་ཁྲིག་འབུམ་ཕྲག་བཅུ་གཉིས་ཐོབ། ཤས་ཆེ་བའི་ཁྱད་པར་ཐབས་ཀྱི་ཕར་ཕྱིན་ཤས་ཆེ། སྐྱེ་བ་འཛིན་པའི་ཁྱད་པར་གཞན་འཕྲུལ་དབང་བྱེད་ཀྱི་རྒྱལ་པོའི་སྐྱེ་བ་འཛིན་པའོ། །ས་བརྒྱད་པ་མི་གཡོ་བ་ནི། ངོ་བོ་ཐེག་ཆེན་སྒོམ་ལམ་ཆེན་པོའི་ཆུང་ངུའི་སྐབས་ཀྱི་ཡེ་ཤེས་ཁྱད་པར་ཅན་གང་ཞིག །ཡོན་ཏན་གྱི་རྟེན་བྱེད་པ་དང༌། ངེས་ཚིག །འདུ་ཤེས་གཉིས་ཀྱིས་མི་གཡོ་བ། །མི་གཡོ་བ་ཡི་སར་འདོད་དོ། །ཞེས་སོ། །འདུ་ཤེས་གཉིས་ནི། མཚན་མའི་འདུ་ཤེས་དང༌། མཚན་མ་མེད་པའི་འདུ་ཤེས་སོ། །སྤང་བའི་ཁྱད་པར་ཁམས་གསུམ་གྱི་སྒོམ་སྤངས་ཆུང་ངུའི་ཆེན་པོ་ཞེ་དྲུག་སྤངས། རྟོགས་པའི་ཁྱད་པར་ཆོས་ཉིད་བྲི་གང་མེད་པ་དང་རྣམ་པར་མི་རྟོག་པ་དང་ཞིང་དག་པ་ལ་དབང་བའི་གནས་སུ་རྟོགས། ཀུན་རྫོབ་ཀྱི་ཡོན་ཏན་སྟོང་ཆེན་འབུམ་ཕྲག་གཅིག་གི་རྡུལ་དང་མཉམ་པ་ཐོབ། ཤས་ཆེ་བའི་ཁྱད་པར་སྟོབས་ཀྱི་ཕ་རོལ་ཏུ་ཕྱིན་པ་ཤས་ཆེ། སྐྱེ་བ་འཛིན་པའི་ཁྱད་པར་སྟོང་གི་བདག་པོ་ཚངས་པའི་སྐྱེ་བ་འཛིན་ནུས་པའོ། །ས་དགུ་པ་ལེགས་པའི་བློ་གྲོས་ནི། ངོ་བོ་ཐེག་ཆེན་སྒོམ་

― ZP04_Page_162 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་ཆེན་པོའི་འབྲིང་པོའི་སྐབས་ཀྱི་ཡེ་ཤེས་ཁྱད་པར་ཅན་གང་ཞིག །ཡོན་ཏན་གྱི་རྟེན་བྱེད་པ་དང༌། ངེས་ཚིག །སོ་སོ་ཡང་དག་རིག་བློ་བཟང༌། །ས་དེ་ལེགས་པའི་བློ་གྲོས་ཡིན། ཞེས་སོ། །སྤང་བའི་ཁྱད་པར་ཁམས་གསུམ་གྱི་སྒོམ་སྤངས་ཆུང་ངུའི་འབྲིང་པོ་ཞེ་དྲུག་སྤངས། རྟོགས་པའི་ཁྱད་པར་ཆོས་ཉིད་ཡེ་ཤེས་ལ་དབང་བའི་གནས་སུ་རྟོགས། ཀུན་རྫོབ་ཀྱི་ཡོན་ཏན་སྟོང་ཆེན་འབུམ་ཕྲག་བཅུའི་རྡུལ་གྱི་གྲངས་དང་མཉམ་པ་ཐོབ། ཤས་ཆེ་བའི་ཁྱད་པར་སྨོན་ལམ་གྱི་ཕར་ཕྱིན་ཤས་ཆེ། སྐྱེ་བ་འཛིན་པའི་ཁྱད་པར་སྟོང་གཉིས་ཀྱི་བདག་པོ་ཚངས་པ་ཆེན་པོའི་སྐྱེ་བ་འཛིན་པའོ། །ས་བཅུ་པ་ཆོས་ཀྱི་སྤྲིན་ནི། ངོ་བོ་ཐེག་ཆེན་སྒོམ་ལམ་ཆེན་པོའི་སྐབས་ཀྱིས་ཡེ་ཤེས་ཁྱད་པར་ཅན་གང་ཞིག །ཡོན་ཏན་གྱི་རྟེན་བྱེད་པ་དང༌། ངེས་ཚིག །སྤྲིན་བཞིན་གཉིས་ཀྱིས་ནམ་མཁའི་ཁམས། །ཁྱབ་པའི་ཕྱིར་ན་ཆོས་ཀྱི་སྤྲིན། །ཞེས་སོ། །གཉིས་ནི། གཟུངས་དང་ཏིང་ངེ་འཛིན་གྱི་སྤྲིན་གཉིས་ཀྱིས་རང་རྒྱུད་ཀྱི་ནམ་མཁའ་ཁྱབ་པའོ། །སྤང་བའི་ཁྱད་པར་ཁམས་གསུམ་གྱི་སྒོམ་སྤངས་ཆུང་ངུའི་ཆུང་ངུ་ཞེ་དྲུག་སྤངས། རྟོགས་པའི་ཁྱད་པར་ཆོས་ཉིད་ཕྲིན་ལས་ལ་དབང་བའི་གནས་སུ་རྟོགས། ཀུན་རྫོབ་ཀྱི་ཡོན་ཏན་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་གྱི་གྲངས་དང་མཉམ་པ་ཐོབ། ཤས་ཆེ་བའི་ཁྱད་པར་ཡེ་ཤེས་ཀྱི་ཕ་རོལ་ཏུ་ཕྱིན་པ་ཤས་ཆེ། སྐྱེ་བ་འཛིན་པའི་ཁྱད་པར་གནས་གཙང་ལྷའི་རྒྱལ་པོའི་སྐྱེ་བ་འཛིན་པར་

― ZP04_Page_163 ―

^{[མ་དཔེ་གཟིགས་ན་འདིར་གནོན།]}

[Full Size]

ནུས་པའོ། །དག་པ་ས་གསུམ་པོ་འདིར་དབང་བཞི་ཐོབ་སྟེ། ས་བརྒྱད་པ་ལ་ཉོན་ཡིད་གནས་འགྱུར་བས། རྣམ་པར་མི་རྟོག་པ་དང༌། སྒོ་ལྔ་གནས་འགྱུར་བས་ཞིང་དག་པ་ལ་དབང༌། ས་དགུ་པར་རྣམ་པར་རྟོག་པ་ཡིད་ཤེས་གནས་འགྱུར་བས་ཡེ་ཤེས་ལ་དབང༌། ས་བཅུ་པར་ཡིད་ཤེས་ཀྱི་འཆར་གཞི་ཀུན་གཞིའི་ཤེས་པ་གནས་འགྱུར་བས་འཕྲིན་ལས་ཕུན་སུམ་ཚོགས་པ་ལ་དབང་འབྱོར་ཏེ་གང་དུ་རྟོགས་པའི་ཁྱད་པར་བཤད་པ་དང་གཅིག་གོ །འབྲས་བུའི་ས་གསུམ་ནི་གསང་སྔགས་རྡོ་རྗེ་ཐེག་པའི་ལུགས་ཏེ། སྔར་གྱི་ས་བཅུ་པོའི་སྟེང་དུ་བཅུ་གཅིག་ཀུན་ཏུ་འོད་སྤྲུལ་སྐུའི་ས་དང༌། བཅུ་གཉིས་མ་ཆགས་པདྨ་ཅན་ལོངས་སྐུའི་ས་དང༌། བཅུ་གསུམ་རྡོ་རྗེ་འཛིན་པའམ་ཡི་གེ་འཁོར་ལོ་ཚོགས་ཆེན་གྱི་ས་དང་བཅུ་གསུམ་མོ། །ཡང་ན་བཅུ་གཅིག་པ་དཔེ་མེད་པ། བཅུ་གཉིས་པ་ཡེ་ཤེས་ལྡན། བཅུ་གསུམ་རྡོ་རྗེ་འཛིན་པའོ། །ཡང་ན། ཀུན་ཏུ་འོད་དང༌། བདུད་རྩི་འོད་དང༌། ནམ་མཁའ་འོད་དང༌། རྡོ་རྗེ་འོད་དང༌། རིན་ཆེན་དང༌། པདྨ་འོད་དང༌། ལས་ཀྱི་འོད་དང༌། དཔེ་མེད་པ་དང༌། དཔེ་དང་བྲལ་བ་དང༌། ཤེས་རབ་འོད་དང༌། ཐམས་ཅད་མཁྱེན་པ་དང༌། སོ་སོའི་བདག་ཉིད་དག་པའི་ས་སྟེ་བཅུ་གཉིས་སོ། །དེ་དག་ཀྱང་སྐུ་ལྔ་ཡེ་ཤེས་ལྔ་དབྱིངས་དང་ཡེ་ཤེས་ཀྱི་ཆ་ལ་བཏགས་པའོ། །དེས་ན་འབྲས་བུའི་སའི་རྣམ་གྲངས་མི་འདྲ་བ་དུ་མ་ཡོད་ཀྱང་སྐུ་གསུམ་མམ། སངས་རྒྱས་ཀྱི་ཡོན་ཏན་ལ་སོགས་པའི་ལྡོག་ཆལ་བཏགས་པ་ལས་རྒྱུའི་

― ZP04_Page_164 ―

^{[མ་དཔེ་གཟིགས་ན་འདིར་གནོན།]}

[Full Size]

ས་ལམ་ལྟར་གོང་ནས་གོང་དུ་བགྲོད་དུ་མེད་དོ། །དགེ་འདུན་གྱི་ཡོན་ཏན་འཆད་པའི་སྐབས་སུ། ཉན་རང་སྐྱེས་བུ་ཟུང་བཞིའམ། གང་ཟག་ཡ་བརྒྱད་ནི། རྒྱུན་དུ་ཞུགས་པ་དང༌། ལན་ཅིག་ཕྱིར་འོང༌། ཕྱིར་མི་འོང༌། དགྲ་བཅོམ་པ་དང་བཞི་ནི་སྐྱེས་བུ་ཟུང་བཞི་ཡིན། དེ་རེ་རེ་ལ་ཞུགས་གནས་གཉིས་རེ་ཕྱེ་བས་ཡ་བརྒྱད་དོ། །དེ་དག་གི་ས་མཚམས་ནི་མངོན་པ་འོག་མ་ལྟར་ན་མཐོང་ལམ་སྐད་ཅིག་བཅོ་ལྔ་ལ་གནས་པ་དང༌། གོང་མ་ལྟར་ན་སྦྱོར་ལམ་པ་དང༌། མཐོང་ལམ་སྐད་ཅིག་བཅོ་ལྔ་ལ་གནས་པ་གཉིས་ཀ་རྒྱུན་དུ་ཞུགས་པ་ཞུགས་པ། མཐོང་ལམ་སྐད་ཅིག་མ་བཅུ་དྲུག་པ་ལམ་རྗེས་སུ་ཤེས་པ་ཐོབ་ནས་རྒྱུན་དུ་ཞུགས་པ་འབྲས་གནས། རྒྱུན་ཞུགས་དེས་འདོད་པའི་སྒོམ་སྤངས་གཅིག་ནས་ལྔའི་བར་སྤངས་པ་ཕྱིར་འོང་ཞུགས་པ། །འདོད་པའི་སྒོམ་སྤངས་དྲུག་པ་སྤངས་ན་ཕྱིར་འོང་འབྲས་གནས། འདོད་པའི་སྒོམས་སྤངས་བདུན་པ་དང་བརྒྱད་པ་གང་རུང་སྤངས་ལ་དགུ་པ་མ་སྤང་ན་ཕྱིར་མི་འོང་ཞུགས་པ། འདོད་པའི་སྒོམ་སྤངས་རིལ་གྱིས་སྤངས་ན་ཕྱིར་མི་འོང་འབྲས་གནས་སོ། །ཕྱིར་མི་འོང་འབྲས་གནས་དེས་ཁམས་གོང་མའི་སྒོམ་སྤངས་སྤོང་བ་ལ་ཞུགས་པ་ནས་བཟུང༌། སྲིད་རྩེའི་སྒོམ་སྤངས་བརྒྱད་པ་སྤངས་པའི་བར་འདི་དགྲ་བཅོམ་ཞུགས་པ། ཁམས་གསུམ་ཀའི་སྒྲིབ་པ་ལྷག་མ་མ་ལུས་པར་སྤངས་པ་ནི་དགྲ་བཅོམ་པ་འབྲས་གནས་སོ། །དགྲ་བཅོམ་དེ་ལ་ཡང་ཤེས་རབ་ཀྱི་ཆ་ལས་རྣམ་པར་གྲོལ་བ་དང༌། གཉིས་ཀའི་ཆ་

― ZP04_Page_165 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་རྣམ་པར་གྲོལ་བ་གཉིས་ཡོད་དེ། བསམ་གཏན་དང་པོའི་ཉེར་བསྡོགས་མི་ལྕོགས་མེད་པ་ལ་བརྟེན་ནས་འཇིག་རྟེན་ལས་འདས་པའི་ལམ་གྱིས་ཁམས་གསུམ་ཀའི་སྒྲིབ་པ་མ་ལུས་པ་སྤངས་ནས་དགྲ་བཅོམ་པའི་གོ་འཕང་ཐོབ་ནས་ཀྱང༌། རྣམ་པར་ཐར་པ་བརྒྱད་ལ་སྙོམས་པར་འཇུག་མི་ནུས་པ་ནི་ཤེས་རབ་ཀྱི་ཆ་ལས་རྣམ་གྲོལ་དང༌། འཇིག་རྟེན་དང་འཇིག་རྟེན་ལས་འདས་པ་གཉིས་ཀའི་སྒོ་ནས་སྒོམ་སྤངས་སྤངས་པ་བསམ་གཟུགས་སོགས་སྙོམས་འཇུག་དགུ་ག་ལ་སྙོམས་པར་འཇུག་ནུས་པ་ནི་གཉིས་ཀའི་ཆ་ལས་རྣམ་གྲོལ་ལོ། །འདས་ལམ་བདག་མེད་རྟོགས་པའི་ཤེས་རབ་ཀྱིས་ཉོན་མོངས་པའི་སྒྲིབ་པ་ཙམ་སྤངས་པས་ཤེས་རབ་ཀྱི་ཆ་ལས་རྣམ་གྲོལ་དང༌། འཇིག་རྟེན་པ་དང་འདས་ལམ་གཉིས་ཀའི་སྒོ་ནས་ཉོན་མོངས་པ་དང་སྙོམས་འཇུག་གི་སྒྲིབ་པ་གཉིས་ཀ་ལས་གྲོལ་བ་ནི་གཉིས་ཀའི་ཆ་ལས་རྣམ་གྲོལ་ལོ། །སྙོམས་འཇུག་གི་སྒྲིབ་པ་ཞེས་པ་ནི་བསམ་གཏན་གྱི་སེམས་ཐོབ་པའི་གེགས་བྱིང་རྒོད་སོགས་སྒྲིབ་པ་རྣམས་ལས་གྲོལ་བའོ། །ཟུང་བཞི་པོ་དེ་དག་གི་ངེས་ཚིག་ནི། འབྲས་བུ་ཐོབ་པའི་ལམ་གྱི་རྒྱུན་ལ་ཞུགས་པས་ན་རྒྱུན་ཞུགས། འདོད་པར་སྐྱེ་བ་ལན་གཅིག་ལེན་པས་ན་ལན་ཅིག་ཕྱིར་འོང༌། ད་ཕྱིན་ཆད་འདོད་པའི་ཁམས་འདིར་མི་སྐྱེ་བས་ན་ཕྱིར་མི་འོང༌། ཉོན་མོངས་པའི་དགྲ་ཐམས་ཅད་ཆོམས་པས་ན་དགྲ་བཅོམ་པའོ། །ཞུགས་པ་བཞིའི་འབྲས་བུ་དེ་དག་ཐོབ་པའི་ཕྱིར་བརྩོན་པ་ལ་ཞུགས་

― ZP04_Page_166 ―

^{[མ་དཔེ་གཟིགས་ན་འདིར་གནོན།]}

[Full Size]

པས་ན་ཞུགས་པའོ། །དེ་དག་ལམ་གང་ལ་གནས་ན་མངོན་པ་འོག་མ་པ་རྣམས་ནི། ལམ་རྗེས་ཤེས་སྒོམ་ལམ་དུ་བཞེད་ཅིང༌། འབྲས་གནས་ཡིན་ན་སྒོམ་ལམ་ཐོབ་པས་ཁྱབ་པར་བཞེད་པས་རྒྱུན་ཞུགས། །ཕྱིར་འོང་ཕྱིར་མི་འོང་གསུམ་སྒོམ་ལམ་དང༌། དགྲ་བཅོམ་པ་མི་སློབ་པའི་ལམ་མོ། །མངོན་པ་གོང་མ་ལྟར་ན་ལམ་རྗེས་ཤེས་མཐོང་ལམ་དུ་བཞེད་པས་རྒྱུན་ཞུགས་མཐོང་ལམ། ཕྱིར་འོང་མི་འོང་གཉིས་སྒོམ་ལམ། དགྲ་བཅོམ་པ་མི་སློབ་པའི་ལམ་མོ། །དེ་དག་དམན་ལམ་ས་བརྒྱད་དང་སྦྱར་ན། སྦྱོར་ལམ་དུ་ཉན་ཐོས་ཀྱི་རིགས་ངེས་པ་ཐོབ་པ་ནི་རིགས་ཀྱི་ས། རྒྱུན་ཞུགས་ཞུགས་པ་ནི་བརྒྱད་པའི་ས་སྟེ། དགྲ་བཅོམ་འབྲས་གནས་ནས་ཡར་ལུགས་ལྡོག་ཏུ་བགྲངས་པས་བརྒྱད་པ་ཡིན་པས་སོ། །རྒྱུན་ཞུགས་འབྲས་གནས་ནི་མཐོང་བའི་ས་སྟེ་བདེན་བཞིའི་དོན་དང་པོར་མཐོང་བའོ། །ཕྱིར་འོང་འབྲས་གནས་ནི་སྲབ་པའི་ས་སྟེ་འདོད་ཉོན་ཆུང་ངུ་གསུམ་མ་གཏོགས་སྤངས་པས་འདོད་པའི་འདོད་ཆགས་སྲབ་པའོ། །ཕྱིར་མི་འོང་འབྲས་གནས་ནི་འདོད་ཆགས་དང་བྲལ་བའི་ས་སྟེ་འདོད་ཉོན་དགུ་ག་སྤངས་པས་འདོད་པའི་འདོད་ཆགས་དང་བྲལ་བའོ། །དགྲ་བཅོམ་པ་ནི་བྱས་པ་རྟོགས་པའི་ས་སྟེ། རང་དོན་གྱི་བྱ་བ་ཐམས་ཅད་བྱས་ཟིན་ནས་ཟད་དང་མི་སྐྱེ་ཤེས་པའི་ཡེ་ཤེས་བརྙེས་པའོ། །ཟད་དང་མི་སྐྱེ་ཤེས་པ་ནི། ཁམས་གསུམ་གྱི་ཉོན་མོངས་སྔར་ཡོད་པ་རྣམས་ཟད་པ་དང༌། ཕྱིན་ཆད་མི་སྐྱེ་བར་ཤེས་པའོ། །ཕྱིར་འོང་ཞུགས་པ། ཕྱིར་མི་འོང་

― ZP04_Page_167 ―

^{[མ་དཔེ་གཟིགས་ན་འདིར་གནོན།]}

[Full Size]

ཞུགས་པ། དགྲ་བཅོམ་པ་ཞུགས་པ་གསུམ་ནི་ཉན་ཐོས་ཀྱི་ས་ཞེས་ཀྱང་བྱ། དེའི་སྟེང་དུ་རང་རྒྱལ་གྱི་ཞུགས་གནས་བརྒྱད་ཀ་གཅིག་ཏུ་བརྩིས་ནས་རང་སངས་རྒྱས་ཀྱི་ས་ཞེས་དམན་ལམ་ས་བརྒྱད་དོ།། ༈ སྐྱབས་འགྲོའི་དབྱེ་བའི་སྐབས་རྒྱུའི་སྐྱབས་འགྲོ་ནི་གཞན་རྒྱུད་ལ་བྱོན་ཟིན་པའི་དཀོན་མཆོག་གསུམ་ལ། སྟོན་པ་དང་ལམ་དང་གྲོགས་ཀྱི་ཚུལ་གྱིས་སྐྱབས་སུ་འགྲོ་བ་ཡིན་ལ། །འབྲས་བུའི་སྐྱབས་འགྲོ་ནི། མ་འོངས་པ་ན་རང་རྒྱུད་ལ་དཀོན་མཆོག་གསུམ་ཐོབ་པར་སྨོན་པའོ། །འདི་དང་སྨོན་སེམས་ཀྱི་ཁྱད་པར་གང་ཡིན་ཅེ་ན། རྗེ་བཙུན་བསོད་ནམས་རྩེ་མོས་ནི། སྨོན་སེམས་ལ་ངེས་པར་དམ་བཅས་པ་ཞིག་དགོས་པས་འདི་གཉིས་ཀྱི་ཁྱད་པར་དམ་བཅས་པའི་ལྕགས་ཀྱུས་རང་དབང་དུ་བྱས་མ་བྱས་ཀྱི་ཁྱད་ཡིན་ནོ་ཞེས་གསུངས། ཀུན་མཁྱེན་ཆོས་ཀྱི་རྒྱལ་པོས་ནི། སྨོན་སེམས་གཞན་དོན་དང༌། འདི་རང་དོན་ལ་དམིགས་པའི་ཁྱད་པར་རོ། །ཞེས་གསུངས་སོ། །འོན་ཀྱང་བསྟན་བཅོས་འདི་ཉིད་ཀྱི་སྐབས་སུ་རྒྱུ་མཚན་ཉིད་ཀྱི་ཐེག་པའི་སྐྱབས་འགྲོ་རྒྱུའི་སྐྱབས་འགྲོ་དང༌། འབྲས་བུ་གསང་སྔགས་ཀྱི་ཐེག་པའི་སྐྱབས་འགྲོ་ལ་འབྲས་བུའི་སྐྱབས་འགྲོ་ཞེས་བཞག་ནས་དེ་གཉིས་ཀ་ལའང་སྔར་ལྟར་རྒྱུ་འབྲས་ཀྱི་སྐྱབས་འགྲོ་གཉིས་རེ་སྟེ། མཚན་ཉིད་ཐེག་ཆེན་པ་ལྟར་ན་སྐུ་བཞི་ཡེ་ཤེས་ལྔ་ལྡན་གྱི་སངས་རྒྱས་ལུང་དང་རྟོགས་པའི་བདག་ཉིད་ཀྱི་དམ་ཆོས། །

― ZP04_Page_168 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་སྲས་སར་གནས་པའི་འཕགས་པའི་དགེ་འདུན་ཏེ་གསུམ་ལ་སྟོན་པའམ་གྲོགས་ཀྱི་ཚུལ་གྱིས་སྐྱབས་སུ་འགྲོ་བ་རྒྱུའི་སྐྱབས་འགྲོ། །ད་ལྟ་ལམ་བསྒྲུབ་པས་མ་འོངས་པ་ན་རང་རྒྱུད་ལ་དཀོན་མཆོག་གསུམ་འབྱོན་པར་སྨོན་པ་ནི་འབྲས་བུའི་སྐྱབས་འགྲོའོ། གསང་སྔགས་ལྟར་ན་སྔར་གྱི་དཀོན་མཆོག་གསུམ་པོ་དེའི་སྟེང་དུ་མེ་ཏོག་གང་ལ་ཕོག་པའི་ལྷ་དེ་གཙོས་ཡི་དམ་དཀྱིལ་འཁོར་གྱི་གཙོ་བོར་སངས་རྒྱས་དང་རྒྱུད་སྡེ་བཞིའམ་དྲུག་བསྐྱེད་རྫོགས་དང་བཅས་པ་ཆོས། །གནས་གསུམ་གྱི་དཔའ་བོ་མཁའ་འགྲོ་དམ་ཅན་ཆོས་སྲུང་དང་བཅས་པ་དགེ་འདུན་ཡིན་ལ། དེ་དག་ཐམས་ཅད་ཀྱང་རྩ་བའི་བླ་མ་སངས་རྒྱས་ཀུན་དངོས་ཡིན་ཏེ་དེའི་སྐུ་དགེ་འདུན་གསུང་དམ་ཆོས། །ཐུགས་སངས་རྒྱས་ཏེ་དཀོན་མཆོག་གསུམ་ཀུན་འདུས་སུ་ཤེས་ཤིང་བསྐྱབ་བྱ་དང་སྐྱོབ་བྱེད་ཀྱང་ཐ་དད་དུ་མི་འཛིན་པར་གཉིས་མེད་ཀྱི་ངང་ནས་སྐྱབས་སུ་འགྲོ་བ་ནི་རྒྱུའི་སྐྱབས་འགྲོ་དང༌། །ཡེ་ཤེས་གྲུབ་པ་ལས། ངག་ཐོབ་བྲལ་བའི་སེམས་སངས་རྒྱས། །མི་འགྱུར་དྲི་མེད་ཆོས་དང་ནི། །ཡོན་ཏན་ལྷུན་རྫོགས་དགེ་འདུན་ཉིད། །ཡིན་ཕྱིར་རང་གི་སེམས་ཉིད་མཆོག །ཅེས་པ་ལྟར་རང་སེམས་འོད་གསལ་བའི་ཡེ་ཤེས་སྐྱོན་ཡེ་ཟད་དུ་གནས་པས་དག་བྱ་དང་བྲལ་ཞིང༌། ཡོན་ཏན་ཡེ་ལྡན་དུ་གནས་པས་གསར་ཐོབ་དང་བྲལ་བ་ནི་སངས་རྒྱས་དང༌། ཡེ་ནས་འགྱུར་བ་མེད་པའི་ཆོས་ཉིད་དྲི་བྲལ་གྱི་ངོ་བོ་ནི་ཆོས། ཡོན་ཏན་དབྱེར་མེད་པར་འདུས་པ་

― ZP04_Page_169 ―

^{[མ་དཔེ་གཟིགས་ན་འདིར་གནོན།]}

[Full Size]

ནི་དགེ་འདུན་ཏེ་ད་ལྟ་ཉིད་ནས་རང་སེམས་དཀོན་མཆོག་གསུམ་གྱི་བདག་ཉིད་དུ་ཤེས་པ་ནི་འབྲས་བུའི་སྐྱབས་འགྲོའོ། །ཞེས་འཆད་དགོས་སོ། །གནས་གསུམ་ནི། གནས་ཉེར་བཞི། ཡུལ་སོ་གཉིས། དུར་ཁྲོད་བརྒྱད་དོ། །ལེའུ་བདུན་པ་ཚད་མེད་བཞིའི་སྐབས་སུ་བདེ་བ་དང་མི་ལྡན་པའི་སེམས་ཅན་ལ་དམིགས་ནས་དེ་བདེ་བ་དང་ལྡན་པར་འདོད་པ་བྱམས་པ་དང༌། སྡུག་བསྔལ་གྱིས་གདུང་བའི་སེམས་ཅན་ཞིག་ལ་དམིགས་ནས་དེ་སྡུག་བསྔལ་དང་བྲལ་བར་འདོད་པ་སྙིང་རྗེ་དང༌། སྡུག་བསྔལ་མེད་པ་བདེ་བ་དང་ལྡན་པའི་སེམས་ཅན་ཞིག་ལ་དམིགས་ནས་དེ་དང་མི་འབྲལ་བར་འདོད་པ་དགའ་བ། ཆགས་སྡང་ཅན་ལ་དམིགས་ནས་བདེ་སྡུག་གི་རྒྱུ་ཉེ་རིང་ཆགས་སྡང་དང་བྲལ་བར་ཤོག་ཅིག་སྙམ་པ་བཏང་སྙོམས་སོ། །དེས་ན་བྱམས་པ་དང་སྙིང་རྗེ་གཉིས་ཀྱི་ཁྱད་པར། ཡུལ་ནད་པ་ལྟ་བུ་ནད་ལས་གྲོལ་འདོད་དུ་འདྲ་ཡང༌། ནད་མེད་པའི་བདེ་བ་དང་མི་ལྡན་པ་ཞིག་དེ་དམིགས་ཡུལ་དུ་བྱས་ནས་དེ་དང་ལྡན་པར་འདོད་ན་བྱམས་པ། ནད་ཀྱི་སྡུག་བསྔལ་ལ་དམིགས་ནས་དེ་དང་འབྲལ་བར་འདོད་ན་སྙིང་རྗེ་ཡིན་ཏེ་དོན་གཞན་ཕན་གྱི་བློར་ཐམས་ཅད་གཅིག་ཀྱང་དམིགས་རྣམ་གྱིས་ཁྱད་པར་འབྱེད་པའོ། །ཡང་བཏང་སྙོམས་ལའང་གཉིས་ཏེ། སེམས་ཅན་ཐམས་ཅད་ཐོག་མ་མེད་པའི་དུས་ནས་སྡུག་བསྔལ་འབའ་ཞིག་ལ་སྤྱོད་པ་འདི་ཆགས་སྡང་གིས་ལན་

― ZP04_Page_170 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཡིན་པས་སེམས་ཅན་ཐམས་ཅད་ཉེ་རིང་ཆགས་སྡང་དང་བྲལ་བར་ཤོག་ཅིག་སྙམ་དུ་སྒོམ་པ་དང༌། ཡང་སེམས་ཅན་ཐམས་ཅད་ཕ་མར་མ་གྱུར་མེད་པ་ལ་ཉེ་རིང་དང་ཆགས་སྡངས་བྱེད་པ་འདི་རེ་ངན་སྙམ་དུ་ཐམས་ཅད་ལ་ཕ་མ་བུ་ཚའི་འདུ་ཤེས་བསྒོམ་པའི་སྒོམ་ཚུལ་ཞིག་དང་གཉིས་ཡོད་པ་ལས་སྔ་མ་ནི་གཞུང་ལུགས་རྣམས་ལས་རྒྱ་ཆེར་འབྱུང་ལ། །ཕྱི་མ་ནི་ཁྲིད་ཡིག་རྣམས་ན་མང་ངོ༌། །འོན་ཀྱང་དེ་གཉིས་མི་འགལ་ཏེ། སེམས་ཅན་ཐམས་ཅད་ཆགས་སྡང་དང་བྲལ་ན་རང་ཡང་དེའི་ཁོངས་སུ་འདུ་ལ། རང་རྒྱུད་ཀྱི་ཆགས་སྡང་ཞི་ན་གཞན་ལའང་དེ་ལྟར་ཞི་འདོད་ཀྱི་བློ་སྐྱེ་བས་སོ། །མདོར་ན་ལྡན་འདོད་བྲལ་འདོད་མི་འབྲལ་ཞི་བར་འདོད་པ་བཞིའི་སྒོ་ནས་ཚད་མེད་བཞི་འབྱེད་པ་ཡིན་ནོ།། །།ལེའུ་བརྒྱད་པ་བྱང་ཆུབ་ཀྱི་སེམས་ཡོངས་སུ་བཟུང་བའི་ལེའུའི་སྐབས་སུ་གང་ལ་རང་དོན་སེམས་པ་ཡོད་མ་ཡིན། ཞེས་པའི་སྐབས་སུ་བྱང་ཆུབ་སེམས་ཀྱི་ངོ་བོ་ནི། མངོན་རྟོགས་རྒྱན་ལས། སེམས་བསྐྱེད་པ་ནི་གཞན་དོན་ཕྱིར། །ཡང་དག་རྫོགས་པའི་བྱང་ཆུབ་འདོད། ཅེས་པ་ལྟར་དོན་གཉིས་སམ་ཟུར་གཉིས་དང་ལྡན་པ་སྟེ། གང་གི་ཆེད་དུ་བྱ་བ་སྙིང་རྗེས་གཞན་དོན་ལ་དམིགས་པ་དང༌། གང་ཆེད་དུ་བྱ་བ་ཤེས་རབ་ཀྱིས་རྫོགས་བྱང་ལ་དམིགས་པ་གཉིས་སོ། །དེ་གཉིས་ཀ་མ་ཚང་ན་གཞན་ལ་ཕན་འདོད་ཙམ་དང་རྫོགས་བྱང་ཐོབ་འདོད་ཙམ་ནི་སེམས་བསྐྱེད་དུ་མི་འགྲོ་སྟེ། མཐར་ཐུག་རྫོགས་བྱང་ཐོབ་པར་མི་འདོད་ན་སེམས་ཅན་གཞན་ལ་

― ZP04_Page_171 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་སྐབས་དང་མཐར་ཐུག་གི་ཕན་བདེ་གཞན་ཇི་ལྟ་བུ་འདོད་ཀྱང་བྱམས་པ་དང་སྙིང་རྗེ་ཙམ་ལས་མི་འདའ་ལ། རང་དོན་དུ་རྫོགས་པའི་སངས་རྒྱས་ཀྱི་གོ་འཕང་ཐོབ་པར་འདོད་པ་ཙམ་ཉན་ཐོས་ཀྱི་གཞུང་ལས་ཀྱང་བཤད་པས་མདོར་ན་སེམས་ཅན་ཐམས་ཅད་ཀྱི་དོན་དུ་སྙམ་པ་དང༌། རྫོགས་པའི་སངས་རྒྱས་ཀྱི་གོ་འཕང་ཐོབ་པར་བྱ་སྙམ་པའི་ཟུར་གཉིས་པོ་འདི་མ་ཚང་ན་བྱང་ཆུབ་ཀྱི་སེམས་སུ་མི་འགྲོ་བས་བྱམས་སྙིང་རྗེ་བྱང་ཆུབ་ཀྱི་སེམས་གསུམ་གྱི་ཁྱད་པར་འདི་ཤིན་ཏུ་ཞིབ་པར་ཤེས་དགོས་ཏེ་ཐེག་ཆེན་གྱི་ལམ་ཐམས་ཅད་ཀྱི་རྩ་བ་ཡིན་པས་ཁ་བཤད་ཙམ་ལ་གདེངས་བཅས་པས་མི་འོང་ངོ། །སེམས་བསྐྱེད་ཀྱི་དབྱེ་བའི་སྐབས་སུ་ལམ་ལྔའི་རྗེས་འགྲོ་སེམས་བསྐྱེད་ལྔ་ནི། ཚོགས་ལམ་ན་ལས་དང་པོ་པའི་སེམས་བསྐྱེད། སྦྱོར་ལམ་ན་ཡོངས་སུ་སྦྱོང་བ་བྱས་པའི་སེམས་བསྐྱེད། མཐོང་ལམ་ན་ཆོས་མཐོང་བའི་སེམས་བསྐྱེད། སྒོམ་ལམ་དུ་རྣམ་པར་གྲོལ་བའི་སེམས་བསྐྱེད། མི་སློབ་པའི་ལམ་དུ་བསམ་གྱིས་མི་ཁྱབ་པའི་སེམས་བསྐྱེད་དོ། །ས་མཚམས་དབྱེ་བ་ཉི་ཤུ་རྩ་གཉིས་ནི། རྒྱན་ལས། །དེ་ཡང་ས་གསེར་ཟླ་བ་མེ། །གཏེར་དང་རིན་ཆེན་འབྱུང་གནས་མཚོ། །རྡོ་རྗེ་རི་སྨན་བཤེས་གཉེན་དང༌། །ཡིད་བཞིན་ནོར་བུ་ཉི་མ་གླུ། །རྒྱལ་པོ་མཛོད་དང་ལམ་པོ་ཆེ། །བཞོན་པ་བཀོད་མའི་ཆུ་དང་ནི། །སྒྲ་བརྙན་ཆུ་བོ་སྤྲིན་རྣམས་ཀྱི། །རྣམ་པ་ཉི་ཤུ་རྩ་

― ZP04_Page_172 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་སོ། །ཞེས་པ་དེ་དག་དཔེ་ཡིན་ལ། དཔེ་དེས་མཚོན་ནས་སེམས་བསྐྱེད་ཀྱི་གྲོགས་ཉེར་གཉིས་དང༌། །དཔེ་དང་དཔེ་ཅན་གཉིས་ཀྱི་ཆོས་མཐུན་པ་ཉི་ཤུ་རྩ་གཉིས་རྣམས་རིམ་བཞིན་སྦྱར་ནས་འཆད་དོ། །གྲོགས་བྱང་ཆུབ་དོན་གཉེར་གྱི་འདུན་པ་དང་མཚུངས་ལྡན་དུ་གྱུར་པའི་སེམས་བསྐྱེད་ཆོས་ཅན། །དཔེ་ས་ལྟ་བུ་ཡིན་ཏེ། ཆོས་དཀར་པོའི་ཡོན་ཏན་ཐམས་ཅད་ཀྱི་རྟེན་བྱེད་པའི་ཕྱིར། དེ་བཞིན་དུ་གཞན་ལའང་སྦྱར་ཏེ། གྲོགས་གཞན་ལ་ཕན་ཕྱིར་ཕྱིན་དྲུག་ལ་སྦྱོར་འདོད་ཀྱི་བསམ་པ་དང་མཚུངས་ལྡན། དཔེ་གསེར་ལྟ་བུ། གནས་སྐབས་ཐམས་ཅད་དུ་འགྱུར་བ་མེད་པའི་ཕྱིར། གྲོགས་བསམ་པ་དེ་ཉིད་ལྷག་པར་གྱུར་པས་ལྷག་པའི་བསམ་པ་དང༌། དཔེ་ཟླ་བ་ཚེས་པ་ལྟ་བུ། དཀར་པོའི་ཡོན་ཏན་གོང་ནས་གོང་དུ་འཕེལ་བའི་ཕྱིར། གྲོགས་ཕར་ཕྱིན་དྲུག་ལ་དངོས་སུ་སྦྱོར་བས་སྦྱོར་བ་དང་མཚུངས། དཔེ་མེ་ལྟ་བུ། ཤིང་གི་བྱེ་བྲག་གི་མེ་བཞིན་གོང་ནས་གོང་དུ་འགྲོ་བའི་ཕྱིར། གྲོགས་སྦྱིན་པའི་ཕ་རོལ་ཏུ་ཕྱིན་པ་དང༌། དཔེ་གཏེར་ལྟ་བུ། མི་ཟད་ཅིང་རེ་བ་སྐོང་བའི་ཕྱིར། གྲོགས་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ། དཔེ་རིན་པོ་ཆེའི་འབྱུང་གནས་དང་འདྲ་སྟེ། ཡོན་ཏན་རིན་པོ་ཆེ་ཐམས་ཅད་ཀྱི་འབྱུང་ཁུངས་ཡིན་པའི་ཕྱིར། གྲོགས་བཟོད་པའི་ཕ་རོལ་ཏུ་ཕྱིན་པ། དཔེ་མཚོ་ལྟ་བུ། མེ་མཚོན་ལ་སོགས་པའི་གནོད་པས་མི་ཚུགས་

― ZP04_Page_173 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཕྱིར། །གྲོགས་བརྩོན་འགྲུས་ཀྱི་ཕ་རོལ་ཏུ་ཕྱིན་པ། །དཔེ་རྡོ་རྗེ་ལྟ་བུ། མི་ཤིགས་ཤིང་སྲ་པ་ཉིད་ཀྱིས་གང་ལའང་ཐོགས་པ་མེད་པའི་ཕྱིར། གྲོགས་བསམ་གཏན་གྱི་ཕ་རོལ་ཏུ་ཕྱིན་པ། དཔེ་རི་ལྟ་བུ། །རྣམ་རྟོག་གི་རླུང་གིས་མི་གཡོ་བའི་ཕྱིར། གྲོགས་ཤེས་རབ་ཀྱི་ཕ་རོལ་ཏུ་ཕྱིན་པ། དཔེ་སྨན་ལྟ་བུ། ཉོན་མོངས་པའི་ནད་སེལ་བའི་ཕྱིར། གྲོགས་ཐབས་ལ་མཁས་པ་དང༌། དཔེ་བཤེས་གཉེན་ལྟ་བུ། དུས་ཐམས་ཅད་དུ་ཕན་པ་འབའ་ཞིག་སྒྲུབ་པའི་ཕྱིར། །གྲོགས་སྨོན་ལམ་གྱི་ཕ་རོལ་ཏུ་ཕྱིན་པ༴་དཔེ་ཡིད་བཞིན་གྱི་ནོར་བུ་ལྟ་བུ། གང་ལྟར་འདོད་པའི་དོན་ཐམས་ཅད་འགྲུབ་པའི་ཕྱིར། གྲོགས་སྟོབས་ཀྱི་ཕ་རོལ་ཏུ་ཕྱིན་པ། དཔེ་ཉི་མ་ལྟ་བུ། གདུལ་བྱའི་རྒྱུད་ཀྱི་ལོ་ཏོག་ཐམས་ཅད་བསྐྱེད་པའི་ཕྱིར། གྲོགས་ཡེ་ཤེས་ཀྱི་ཕ་རོལ་ཏུ་ཕྱིན་པ། དཔེ་གླུ་དབྱངས་ལྟ་བུ། ཀུན་གྱི་ཡིད་དང་མཐུན་པར་ཆོས་སྟོན་པའི་ཕྱིར། གྲོགས་མངོན་པར་ཤེས་པ་དང་མཚུངས། དཔེ་རྒྱལ་པོ་ལྟ་བུ། བྱ་བ་ཐམས་ཅད་ལ་རང་དབང་དང་བཅས་པའི་ཕྱིར། གྲོགས་བསོད་ནམས་དང་ཡེ་ཤེས་ཀྱི་ཚོགས་གཉིས་དང༌། དཔེ་མཛོད་ཁང༌། བསོད་ནམས་དང་ཡེ་ཤེས་ཀྱི་ཚོགས་མང་པོའི་གནས་ཡིན་པའི་ཕྱིར། གྲོགས་བྱང་ཆུབ་ཀྱི་ཕྱོགས་ཀྱི་ཆོས་དང༌། དཔེ་ལམ་་པོ་ཆེ། དུས་གསུམ་གྱི་འཕགས་པ་རྣམས་གཤེགས་ཤིང་རྗེས་སུ་གཤེགས་པའི་ལམ་པོ་ཆེ་ལྟ་བུ་

― ZP04_Page_174 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན་པའི་ཕྱིར། གྲོགས་ཞི་གནས་དང་ལྷག་མཐོང་དང་མཚུངས། དཔེ་བཞོན་པ་བཟང་པོ་ལྟ་བུ། མཐའ་གཉིས་སུ་མི་གོལ་བར་དབུ་མའི་ལམ་དུ་འགྲོ་བའི་ཕྱིར། གྲོགས་གཟུངས་དང་སྤོབས་པ་དང༌། དཔེ་བཀོད་མའི་ཆུ་བོ་ལྟ་བུ། ཆོས་ཀྱི་ཚིག་དོན་མི་ཟད་པར་འཛིན་ཅིང་གཞན་ལ་སྟོན་པའི་ཕྱིར། གྲོགས་ཆོས་ཀྱི་དགའ་སྟོན་དང༌། དཔེ་སྒྲ་བརྙན་ལྟ་བུ། གདུལ་བྱ་འདུན་པར་བྱེད་པའི་ཆོས་སྟོན་པའི་ཕྱིར། གྲོགས་བགྲོད་པ་གཅིག་པའི་ལམ་དང༌། དཔེ་ཆུ་བོ་ལྟ་བུ། རྣམ་པ་ཐམས་ཅད་མཁྱེན་པའི་རྒྱ་མཚོར་ངང་གིས་འབབ་པའི་ཕྱིར། གྲོགས་ཆོས་ཀྱི་སྐུ་དང་མཚུངས་པར་ལྡན་པའི་སེམས། དཔེ་སྤྲིན་ལྟ་བུ་ཡིན་ཏེ། །དགའ་ལྡན་གྱི་གནས་ན་བཞུགས་པ་ལ་སོགས་པ་སྟོན་པའི་ཕྱིར། ཞེས་སོ། དེ་དག་གི་ས་མཚམས་ནི། དང་པོ་གསུམ་ཚོགས་ལམ་གསུམ། སྦྱོར་བ་མེ་ལྟ་བུ་སྦྱོར་ལམ། དེ་ནས་ཕ་རོལ་ཏུ་ཕྱིན་པ་བཅུ་ས་བཅུ་མངོན་ཤེས། ལྔ་སོགས་དག་པ་ས་གསུམ་སྤྱི་ལ་ཡོད། ཆོས་ཀྱི་དགའ་སྟོན་སོགས་གསུམ་ས་བཅུ་པ་ཁོ་ན་ལ་ཡོད་དེ། །ཡང་མི་ཟད་པ་བརྒྱད་ཅུ་དང་སྦྱར་ན་འདུན་པ་ནས་ཤེས་རབ་ཀྱི་བར་སྔར་དང་འདྲ་ལ། དེ་ནས་ཚད་མེད་པ་བཞི་བཤེས་གཉེན་ལྟ་བུ་ཡིན་ཏེ། གནས་སྐབས་ཐམས་ཅད་དུ་ཕན་པར་འདོད་པའི་ཕྱིར། མངོན་པར་ཤེས་པ་ལྔ་ཡིད་བཞིན་གྱི་ནོར་བུ་ལྟ་བུ་ཡིན་ཏེ། གཞན་དོན་སྒྲུབ་པ་ལ་མ་ཐུ་ཐོབ་པའི་ཕྱིར། བསྡུ་དངོས་པ་ནི་ཉི་མ་ལྟ་བུ་ཡིན་ཏེ་གདུལ་

― ZP04_Page_175 ―

^{[མ་དཔེ་གཟིགས་ན་འདིར་གནོན།]}

[Full Size]

བྱའི་རྒྱུད་ཀྱི་ལོ་ཏོག་འཕེལ་བར་བྱེད་པའི་ཕྱིར། །སོ་སོ་ཡང་དག་པར་རིག་པ་བཞི་གླུ་དབྱངས་ལྟ་བུ་ཡིན་ཏེ། གདུལ་བྱ་འདུལ་བའི་ཆོས་སྟོན་པའི་ཕྱིར། རྟོན་པ་བཞི་རྒྱལ་པོ་ལྟ་བུ་ཡིན་ཏེ་ཀུན་གྱི་ཡིད་ཆེས་པའི་གནས་ཡིན་པའི་ཕྱིར། །ཚོགས་གཉིས་བྱང་ཕྱོགས་ཞི་ལྷག་གསུམ་འདྲ་ལ། གཟུངས་དང་སྤོབས་པ་དང་ལྡན་པ་ནི་བཀོད་མ་ལྟ་བུ་སྟེ། ཆུ་འཛིན་ཞིང་མི་ཟད་པར་འབྱིན་པ་དང་ཆོས་མཐུན་པར་ཐོས་པ་དང༌། མ་ཐོས་པའི་ཆོས་ཀྱི་ཚིག་དང་དོན་འཛིན་ཞིང་མི་ཟད་པ་འབྱིན་པའི་ཕྱིར་རོ། །ཆོས་ཀྱི་སྡོམ་བཞི་སྟོན་པ་སྒྲ་བརྙན་ལྟ་བུ་སྟེ། གདུལ་བྱའི་ཡིད་དང་མཐུན་པའི་ཆོས་སྟོན་པའི་ཕྱིར། ལྷག་མ་གཉིས་ཀྱང་འདྲའོ། །འདིར་བཤད་པ་ཀུན་བསྡོམས་ན་བརྒྱད་ཅུ་ཡོད་པ་དེ་དག་བྱང་ཆུབ་སེམས་དཔའ་རྣམས་ལ་ཟད་མི་ཤེས་པ་ཡོད་པས་མི་ཟད་པ་བརྒྱད་ཅུ་ཞེས་བྱ་སྟེ་བློ་གྲོས་མི་ཟད་པའི་མདོ་ལས་བྱུང་བའོ། །དེ་ལས་གཞན་རྣམས་གོ་སླ་ལ། །རྟོན་པ་བཞི་ནི། དྲང་དོན་ལ་མི་རྟོན་ངེས་དོན་ལ་རྟོན། །ཀུན་རྫོབ་ལ་མི་རྟོན་དོན་དམ་ལ་རྟོན། །གང་ཟག་ལ་མི་རྟོན་ཆོས་ལ་རྟོན། །རྣམ་ཤེས་ལ་མི་རྟོན་ཡེ་ཤེས་ལ་རྟོན་པའོ། །རྟོན་ཅེས་པ་ནི་ཡིད་ཆེས་པར་བྱ་བའི་དོན་ཏོ། །ཆོས་ཀྱི་སྡོམ་བཞི་ནི། །འདུས་བྱས་ཐམས་ཅད་མི་རྟག་པ། །ཟག་པ་དང་བཅས་པ་ཐམས་ཅད་སྡུག་བསྔལ་བ། །ཆོས་ཐམས་ཅད་སྟོང་ཞིང་བདག་མེད་པ། །མྱ་ངན་ལས་འདས་པ་ཞི་བའོ། །

― ZP04_Page_176 ―

^{[མ་དཔེ་གཟིགས་ན་འདིར་གནོན།]}

[Full Size]

འདིར་ས་མཚམས་ཀྱིས་དབྱེ་བའི་སེམས་བསྐྱེད་བཤད་ཚུལ་གཉིས་བྱུང་བའི་སྔ་མ་ནི་ཡུམ་གྱི་མདོ་དང་སྦྱར་བ་ཡིན་ལ། ཕྱི་མ་ནི་བློ་གྲོས་མི་ཟད་པའི་མདོ་དང་སྦྱར་བའོ། །གང་ལྟར་ཡང་འདུན་པ་ལ་སོགས་པ་རྣམས་ནི་གྲོགས་ཡིན་པས། སེམས་བསྐྱེད་ནི་གཞན་དོན་དུ་རྫོགས་བྱང་དོན་གཉེར་གྱི་སེམས་བསྐྱེད་ཉིད་ཡིན་ལ་གྲོགས་རྣམས་ནི་སྐབས་དེ་དང་དེར་ལྷག་པར་གྱུར་པ་ཙམ་སྟེ་དཔེར་ན། ས་དང་པོ་ལ་སྦྱིན་པ་ལྷག་པར་གྱུར་པ་ལྟ་བུའོ། །འདི་དག་ལ་དཔལ་ཡེ་ཤེས་གྲགས་པ་ལ་སོགས་པས་དང་པོ་གསུམ་སྨོན་སེམས་དང༌། ལྷག་མ་བཅུ་དགུ་འཇུག་སེམས་སུ་བཞེད་ཀྱང༌། །ཀུན་མཁྱེན་ཆེན་པོས་ནི་ཐམས་ཅད་ལའང་བསམ་པས་སྨོན་པའི་ཆ་དང༌། འཇུག་པས་ལག་ལེན་ལ་ཁྱབ་པར་བྱེད་པའི་ཆ་གཉིས་རེ་ཡོད་དོ་ཞེས་གསུངས་སོ། །དེའང་ཡིན་ཏེ་དཔེར་ན་འདུན་པ་ལྟ་བུ་ལའང་བློས་བྱང་ཆུབ་ལ་འདུན་པ་ཙམ་ནི་སྨོན་པའི་སེམས་ཡིན་ལ། འདུན་པ་དེས་དྲངས་ནས་བྱང་ཆུབ་སེམས་དཔའི་སྤྱོད་པ་གཞན་ལ་སློབ་པའི་ཆ་ནས་འཇུག་སེམས་ཡིན་ནོ། །སྤྱིར་སྨོན་འཇུག་གི་ཁྱད་པར་ལའང་རྒྱ་བོད་ཀྱི་མཁས་པ་རྣམས་བཞེད་པ་མི་འདྲ་བ་མང་དུ་སྣང་སྟེ། སོ་སོའི་སྐྱེ་བོའི་སེམས་བསྐྱེད་སྨོན་པ་དང༌། །འཕགས་ལམ་ཐོབ་ནས་འཇུག་པར་བཞེད་པ་དང༌། །ཆོ་གས་མ་བླང་བ་སྨོན་པ་དང༌། །བླངས་པ་འཇུག་པར་བཞེད་པ་དང༌། །ཉམས་ལེན་གྱི་བྱ་བས་མ་ཟིན་པ་ནི་སྨོན་སེམས་དང༌། ཟིན་ནས་འཇུག་པར་བཞེད་པ་དང༌། །འབྲས་བུར་དམ་བཅའ་བ་

― ZP04_Page_177 ―

^{[མ་དཔེ་གཟིགས་ན་འདིར་གནོན།]}

[Full Size]

སྨོན་སེམས་དང༌། །རྒྱུ་ལ་དམ་བཅའ་པ་འཇུག་སེམས་སུ་འདོད་པ་ལ་སོགས་པ་མང་ཡང་སྐྱེ་འཕགས་ཀྱི་སེམས་བསྐྱེད་ལ་འདོད་པ་ཙམ་མ་གཏོགས་གཞན་རྣམས་ཕལ་ཆེར་རྒྱལ་སྲས་ཞི་བ་ལྷའི་ལུང་གི་རྗེས་སུ་འབྲང་བ་འདྲ་ཡང་ལུང་དོན་དགོངས་པ་ལེན་ཚུལ་མི་འདྲའོ། །ཕྱུགས་དང་གླང་པོ་ཤིང་རྟ་ཉི་ཟླ་སོགས། ཞེས་པའི་སྐབས་སུ། །ཕྱུགས་ཀྱི་ཤིང་རྟ་ལྟ་བུས་འགྲོ་བ་དང༌། །གླང་པོ་ཆེའི་ཤིང་རྟ་ལྟ་བུས་འགྲོ་བ་དང༌། །ཉི་མ་དང་ཟླ་བ་ལྟ་བུས་འགྲོ་བ་དང༌། །ཉན་ཐོས་ཀྱི་རྫུ་འཕྲུལ་ལྟ་བུས་འགྲོ་བ་དང༌། དེ་བཞིན་གཤེགས་པའི་རྫུ་འཕྲུལ་ལྟ་བུས་འགྲོ་བའོ། །དེ་ལས་སྔ་མ་གཉིས་ཕྱིར་ལྡོག་ལ་ཕྱི་མ་གསུམ་ཕྱིར་མི་ལྡོག་པའོ། །དང་པོ་ནི་སྐྱེས་བུ་ལ་ལ་ཞིག་གིས་སངས་རྒྱས་ཀྱི་ཞིང་ལྔའི་རྡུལ་སྙེད་ཀྱི་འཇིག་རྟེན་གྱི་ཁམས་འདའ་བར་འདོད་ནས་ཕྱུགས་ཀྱི་ཤིང་རྟ་ལ་ཞོན་ཏེ་སོང་བས་ཡུན་རིང་མོ་ནས་དཔག་ཚད་བརྒྱར་ཕྱིན་པ་ལས། ཕྱིར་དཔག་ཚད་བརྒྱར་ཚུར་རླུང་གིས་ཕུལ་ནས་སོང་ན་དེས་འཇིག་རྟེན་གྱི་ཁམས་དེ་སྙེད་འདའ་མི་ནུས་པ་ལྟར་ཐེག་ཆེན་གྱི་སྡེ་སྣོད་མི་འཛིན་མི་ཀློག་ཁ་ཏོན་མི་བྱེད་ཚུལ་བཞིན་ཡིད་ལ་མི་བྱེད་པར་ཉན་ཐོས་དག་ལ་བརྟེན་ཅིང་ཉན་ཐོས་ཀྱི་སྡེ་སྣོད་ཀློག་པ་ལ་སོགས་པ་སྟེ། དེ་ནི་བྱང་ཆུབ་ལས་ཕྱིར་ལྡོག་གོ །ཡང་ལ་ལ་ཞིག །འཇིག་རྟེན་གྱི་ཁམས་དེ་སྙེད་འདའ་བར་འདོད་ནས་གླང་པོ་ཆེའི་ཤིང་རྟ་ལ་ཞོན་ཏེ་སོང་ནས་ལོ་བརྒྱས་དཔག་ཚད་ཉིས་སྟོང་དུ་སོང་ནས་སྔར་ལྟར་ཕྱིར་དེད་པ་ལྟར་ཐེག་པ་ཆེ་ཆུང་མཉམ་པར་ཀློག་པ་སོགས་བྱེད་པའང་

― ZP04_Page_178 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་ཆུབ་ལས་ཕྱིར་ལྡོག་གོ །ཡང་སངས་རྒྱས་ཀྱི་ཞིང་དེ་སྙེད་འདའ་བར་འདོད་པས་ཉི་མ་དང་ཟླ་བའི་རླུང་གི་ཤིང་རྟས་སོང་ན་རིང་མོ་ནས་སླེབས་པ་ལྟར། ཉན་ཐོས་ཀྱི་ཐེག་པ་ཚིག་གཅིག་ཙམ་ཡང་ཀློག་པ་སོགས་མི་བྱེད་པ་ནི་རིང་མོ་ཞིག་ནས་རྫོགས་པའི་བྱང་ཆུབ་འགྲུབ་པའོ། །ཞིང་དེ་དག་འདའ་བར་འདོད་ནས་ཉན་ཐོས་ཀྱི་རྫུ་འཕྲུལ་གྱིས་འགྲོ་ན་སྔ་མ་ལས་མྱུར་ཡང་ཧ་ཅང་མྱུར་དུ་འདའ་མི་ནུས་པ་ལྟར་ཐེག་པ་ཆེན་པོ་འབའ་ཞིག་ཀློག་པ་སོགས་བྱེད་ཅིང་བྱང་ཆུབ་སེམས་དཔའ་རྣམས་ལ་གུས་པ་དང་ཞེ་སས་བསྟེན་ཅིང་ཆོས་འཚོལ་ལ་སྲོག་གི་ཕྱིར་ཡང་ཐེག་ཆེན་མི་སྤང་ཞིང་བྱང་ཆུབ་སེམས་དཔའ་མ་ལོབ་པ་རྣམས་ལ་མི་བརྙས་པ་དེ་ནི་སྔ་མ་ལས་ཆེས་མྱུར་བར་རྫོགས་བྱང་འགྲུབ་པའོ། །ཡང་ཞིང་དེ་དག་འདའ་བར་འདོད་ནས་དེ་བཞིན་གཤེགས་པའི་རྫུ་འཕྲུལ་ལྟ་བུས་འགྲོ་ན་སེམས་ཀྱི་སྐད་ཅིག་གིས་ཕྱིན་པ་ལྟར་བྱང་ཆུབ་ཏུ་སེམས་བསྐྱེད་ནས་ཟབ་ཅིང་རྒྱ་ཆེ་བའི་ཆོས་ལ་མོས་ཤིང་གཞན་དོན་འབའ་ཞིག་སེམས་པས་བྱམས་སྙིང་རྗེ་དྲུག་རྟོན་བཞི་སོགས་ལ་རང་གནས་ནས་གཞན་ཡང་འགོད་པ་ནི་ཆེས་མྱུར་བར་རྫོགས་པའི་བྱང་ཆུབ་འགྲུབ་པའོ། །དེ་ཡང་དང་པོ་གཉིས་སོ་སྐྱེས་མི་བརྟེན་པ། གསུམ་པ་སོ་སྐྱེས་བརྟེན་པ། བཞི་པ་མ་དག་ས་བདུན་པ། ལྔ་པ་དག་པ་ས་གསུམ་ལ་གནས་པའོ། །ཞེས་གསུངས་སོ། །རིག་དང་ཞབས་སུ་ལྡན་སོགས། །ཞེས་པའི་དོན། བདུད་བཞི་བཅོམ་ཞིང་སྤངས་རྟོགས་ཀྱི་ཡོན་་ཏན་དང་ལྡན་ལ་སྲིད་ཞི་གཉིས་

― ZP04_Page_179 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་འདས་པས་ན་བཅོམ་ལྡན་འདས་དང༌། འདས་ཞེས་པའི་དོན་ལེགས་སྦྱར་ལ་མེད་ཀྱང༌། བོད་སྐད་དུ་བྱའོ། །ཆོས་ཉིད་དེ་བཞིན་ཉིད་དང་རྗེས་སུ་མཐུན་པར་གཤེགས་པས་ན་དེ་བཞིན་གཤེགས་པ། ལས་ཉོན་གྱི་དགྲ་ཐམས་ཅད་བཅོམ་ཞིང་འཇིག་རྟེན་གསུམ་གྱི་མཆོད་འོས་གྱུར་པས་ན་དགྲ་བཅོམ་པའོ། །དགྲ་བཅོམ་གྱི་དོན་ཨཱརྡ་ཏེ་ཞེས་པའི་སྒྲ་ལས་མཆོད་འོས་ལ་འཇུག་པའོ། །ཤེས་བྱའི་ཆོས་ཐམས་ཅད་ཆགས་ཐོགས་དང་བྲལ་བར་ཡང་དག་པར་མཁྱེན་པས་ན་ཡང་དག་པར་རྫོགས་པའི་སངས་རྒྱས། བུདྡྷ་ཁོང་དུ་ཆུད་པའི་དོན་གྱིས་སངས་རྒྱས་ཞེས་པ་མཁྱེན་པའི་དོན་ནོ། །ཤེས་རབ་ལྷག་མཐོང་གིས་ཆོས་ཐམས་ཅད་ཀྱི་གནས་ལུགས་གཟིགས་པས་ན་སྤྱན་ལྟ་བུ་རིག་པ་དང༌། སྙིང་རྗེས་གཞན་དོན་ལ་གཤེགས་པས་ན་ཞབས་སུ་ལྡན་པ། ལམ་བདེ་བ་བྱང་ཆུབ་སེམས་དཔའི་ཐེག་པ་ནས་འབྲས་བུ་བདེ་བ་སངས་རྒྱས་ཀྱི་སར་གཤེགས་པས་ན་བདེ་བར་གཤེགས་པ། ཕུང་པོ་ལྔའི་འཇིག་རྟེན་གྲངས་མེད་པ་མཁྱེན་པས་ན་འཇིག་རྟེན་མཁྱེན་པ། གདུལ་བར་དཀའ་བའི་སེམས་ཅན་རྣམས་ཀྱང་ཐབས་ཞི་བས་འདུལ་བས་ན་སྐྱེས་བུ་འདུལ་བ། ཁམས་གསུམ་གྱི་སེམས་ཅན་ཐར་པའི་ལམ་དུ་འདྲེན་པས་ན་ཁ་ལོ་བསྒྱུར་བ། སྲིད་ཞི་ཐམས་ཅད་ལས་མཆོག་ཏུ་གྱུར་པས་ན་བླ་ན་མེད་པ། །རིགས་དྲུག་གི་གཙོ་བོ་ལྷ་དང་མི་རྣམས་ཀྱི་ཆོས་སྟོན་པས་ན་ལྷ་དང་མི་རྣམས་ཀྱི་སྟོན་པ་ལ་སོགས་པའོ། །ཆོས་འཁོར་

― ZP04_Page_180 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་སྐབས་སུ། རྩིབས་རྣོན་མུ་ཁྱུད་འཛིན་ཅེས་པའི་དོན། སྤྱིར་ཆོས་ཀྱི་འཁོར་ལོ་ལ་བཞེད་ཚུལ་མི་འདྲ་བ་ཡོད་དེ། སྔར་བཅོམ་ལྡན་འདས་ཀྱིས་བདེན་པ་བཞིའི་ཆོས་གསུངས་པས་ཀུན་ཤེས་ཀཽཎྜི་ནྱའི་རྒྱུད་ལ་མཐོང་ལམ་སྐྱེས་པ་ན་ལྷ་རྣམས་ཀྱིས། ཀྱེ་མ་བཅོམ་ལྡན་འདས་ཀྱིས་ཆོས་ཀྱི་འཁོར་ལོ་བསྐོར་རོ། །ཞེས་སྒྲ་བསྒྲགས་པའི་ཕྱིར། དེ་ཡང་ཡིན་ཏེ། འཁོར་ལོས་སྒྱུར་བའི་འཁོར་ལོ་རིན་པོ་ཆེ་དང་ཆོས་མཐུན་པ་མཐོང་ལམ་ན་ཡོད་དེ། མྱུར་བར་འགྲོ་བ་དང༌། སྔ་མ་འདོར་བ་དང༌། ཕྱི་མར་འཇུག་པ་དང༌། མཐོ་བར་འཕར་བ་དང༌། དམའ་བར་འབབ་པ་དང༌། མ་རྒྱལ་བ་ལས་རྒྱལ་བ་དང༌། རྒྱལ་བ་རྣལ་དུ་འགོད་པའོ། །དེ་བཞིན་དུ་མཐོང་ལམ་གྱིས་དམིགས་ཡུལ་མྱུར་དུ་གཅོད་པ་དང༌། དམིགས་རྣམ་སྔ་མ་འདོར་བ་དང༌། ཕྱི་མར་འཇུག་པ་དང༌། །ཁམས་གོང་མའི་བདེན་པ་ལ་དམིགས་པས་མཐོ་བར་འབར་བ་དང༌། །འོག་མའི་བདེན་པ་ལ་དམིགས་པས་དམའ་བར་འབབ་པ་དང༌། བར་ཆད་མེད་ལམ་གྱིས་སྤང་བྱའི་ཐོབ་པ་གཅོད་པས་མ་རྒྱལ་བ་ལས་རྒྱལ་བ་དང༌། །རྣམ་གྲོལ་ལམ་གྱིས་སྤང་བྱ་སྤངས་པས་བྲལ་ཐོབ་འདྲེན་པས་རྒྱལ་བ་རྣལ་དུ་འགོད་པ་དང་ཆོས་མཐུན་ནོ་ཞེས་བཞེད། ཁ་ཅིག་འཕགས་ལམ་བརྒྱད་ཆོས་འཁོར་ཡིན་ཏེ། ངག་ལས་མཐའ་འཚོ་བ་གསུམ་ཚུལ་ཁྲིམས་ཀྱི་བསླབ་པས་བསྡུས་པས་བརྟན་པའི་ལྟེ་བ་དང༌། ལྟ་བ་རྟོགས་པ་གཉིས་

― ZP04_Page_181 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་རབ་ཀྱི་བསླབ་པས་བསྡུས་པས་གཅོད་པའི་རྩིབས་ལྟ་བུ་དང༌། ལྷག་མ་གསུམ་ཏིང་ངེ་འཛིན་གྱི་བསླབ་པས་བསྡུས་པས་སྡུད་པའི་མུ་ཁྱུད་ལྟ་བུ་ཡིན་ནོ་ཞེས་བཞེད། །འོན་ཀྱང་ཐེག་ཆེན་པ་རྣམས་ནི་ལུང་དང་རྟོགས་པའི་ཆོས་ཐམས་ཅད་ཆོས་འཁོར་དུ་བཞེད་དོ། །དེ་དག་དམ་པའི་ཆོས་ཀྱི་ངོ་བོ་ཡིན་པ་དང༌། རྫོགས་པའི་སངས་རྒྱས་ནས་ད་ལྟའི་གང་ཟག་གི་ཕར་རྒྱུད་གཅིག་ནས་གཅིག་ཏུ་འཁོར་བའི་ཕྱིར་ཞེས་བཞེད་པ་ཡིན་ནོ། །ལེའུ་དགུ་པ་བྱང་སེམས་ཀྱི་བསླབ་བྱའི་སྐབས་སུ། བསླབ་པ་བསྲུང་ཐབས་དྲན་ཤེས་བག་ཡོད་གསུམ་ནི། བསླབ་པའི་གནས་མི་བརྗེད་པ་དྲན་པ། སྒོ་གསུམ་གྱི་སྤྱོད་ལམ་ཐམས་ཅད་ལ་བརྟགས་པ་ཤེས་བཞིན། འཇུག་ལྡོག་གི་གནས་ལ་གཟོབ་པ་ལྷུར་ལེན་པ་བག་ཡོད་དོ། །འདི་དག་ཀྱང་ཤིན་ཏུ་གནད་གལ་པོ་ཆེ་ཡིན་པས་དབྱེ་འབྱེད་སེམས་ཐོག་ནས་ཤེས་པར་བྱའོ། །ཉམས་ལེན་ཐམས་ཅད་ཀྱི་གནད་འདི་གསུམ་ལ་འདུ་བ་ཡིན་ནོ། །ཤིན་ཏུ་གལ་ཆེའོ། །སྨོན་སེམས་ཀྱི་སྐབས་སུ་རྒྱུ་འབྲས་ཡན་ལག་བདུན་ནི། །མར་ཤེས་པ། དྲིན་དྲན་པ། དྲིན་གཟོ་བ། ཡིད་འོང་གི་བྱམས་པ། བརྩེ་བའི་སྙིང་རྗེ། ལྷག་བསམ་རྣམ་དག །རང་འབྲས་བླ་ན་མེད་པའོ། །སྡོམ་པ་གསུམ་ལྡན་གྱི་སྐབས་སུ། །བཞེད་པ་མི་འདྲ་བ་དྲུག་ཡོད་པས། ས་པཎ་སོགས། རིང་ལུགས། མཁས་གྲུབ་དགེ་ལེགས་དཔལ་བཟང་སོགས། །བཀའ་བརྒྱུད་དང་སྒམ་པོ་སོགས། ཨ་བྷྱཱ་ཀཱ་ར། ཤྲཱིའི་སློབ་མ་བི་བྷཱུ་ཏི་

― ZP04_Page_182 ―

^{[མ་དཔེ་གཟིགས་ན་འདིར་གནོན།]}

[Full Size]

ཙནྟ་སོགས་སོ་དེ་ལ་གནས་འགྱུར་ངོ་བོ་གཅིག་པ་ནི། སྡོམ་པའི་ངོ་བོ་དང་ལྡོག་པ་གཉིས་ཀ་གནས་འགྱུར་དུ་འདོད་པས་དབང་བསྐུར་ཐོབ་ནས་སྔགས་སྡོམ་ཁོ་ན་བསྲུང་བས་ཆོག་པར་འདོད་པའོ། །དེ་ནི་མཉམ་པ་ཆེན་པོའི་རྟོགས་པས་རྒྱུད་གྲོལ་བའི་རྣལ་འབྱོར་པ་རྣམས་ལ་ནི་འཐད་པ་ཡིན་ཡང༌། ལས་དང་པོ་པས་དེ་ལྟར་བྱས་ན་འོག་མ་ཁྱད་དུ་བསད་པའི་ལྟུང་བའི་ཆར་པ་འབབ་བོ། །གནས་འགྱུར་ངོ་བོ་གཅིག་ལ་གཞི་མི་མཐུན་དུ་འདོད་པ་ནི། ངོ་བོ་གནས་འགྱུར་ལྡོག་པ་ཐ་དད་དུ་བཞེད་པ་ཡིན་ནོ། །གསུམ་པ་རྫས་འགལ་གོང་འཕེལ་དུ་འདོད་པ་ནི། སྡོམ་གསུམ་རྫོགས་པའི་གང་ཟག་དེ་ལ་སྡོམ་པ་གསུམ་ཀ་ངོ་བོ་གཅིག་ལ་རྫས་ཐ་དད་པའི་ཚུལ་དུ་ཡོད་པའི་ཚེ་ཡོན་ཏན་གྱི་ངོས་ནས་གོང་འཕེལ་གྱི་དབང་གིས་སོ་བྱང་གཉིས་སྔགས་སྡོམ་ཀྱི་ཡན་ལག་ཏུ་ཡོད་པར་འདོད་ཅིང་དེ་ཡང་རྟེན་དང་བརྟེན་པའི་ཚུལ་དུ་ཡོད་པ་འདོད་དེ། །དེ་ཡང་གོང་མའི་ཐབས་ཤེས་ཀྱིས་འོག་མ་ཟིལ་གྱིས་གནོན་པར་མི་ནུས་པའི་བློ་ངོ་ན་ཐ་དད་དུ་ཡོད་པ་མི་འགལ་ཡང༌། རྟེན་དང་བརྟེན་པ་ཐམས་ཅད་ལ་ཁྱབ་མཉམ་དུ་འདོད་ན་རྟེན་སོ་ཐར་འདོད་པའི་ཚེ་བརྟེན་པ་སྔགས་བྱང་གཉིས་ཀྱང་གཏོང་བར་འགྱུར་བས་མི་འཐད་དོ། །གཏོང་ཐོབ་མཚམས་ནས་རྣམ་པར་དབྱེ་བ་ནི། གོང་མ་ཐོབ་པའི་ཚེ་འོག་མ་གཏོང་བར་འདོད་པ་སྟེ། དེ་ཡང་དབང་བསྐུར་ཙམ་ཐོབ་པ་ལ་ཁག་བཞག་ནས། གོང་མའི་ཐབས་ཤེས་ཁྱད་པར་ཅན་གང་ཡང་མེད་པར་རབ་བྱུང་གི་བསླབ་ཁྲིམས་

― ZP04_Page_183 ―

^{[མ་དཔེ་གཟིགས་ན་འདིར་གནོན།]}

[Full Size]

ཡལ་བར་འདོར་བ་ལ་དགོངས་ནས་ལམ་སྒྲོན་དུ། །གསང་བ་ཤེས་རབ་དབང་བསྐུར་ནི། །ཚངས་པར་སྤྱོད་པས་བླང་མི་བྱ། །ཞེས་པ་ལྟ་བུ་གནས་སྐབས་དགོས་དབང་གིས་བཞག་པ་ཡིན་ནི་འཐད་དུ་རུང་ལ། ངེས་པར་དེ་ལྟར་འདོད་ན། སུམ་ལྡན་རྡོ་རྗེ་འཛིན་པ་མི་སྲིད་པར་འགྱུར་པས་མི་འཐད་དོ། །དོང་ཙེ་བརྩེགས་ལྟར་མ་འདྲེས་པར་འདོད་པ་ཡང༌། སྡོམ་གསུམ་མཉམ་བར་རྫས་ཐ་དད་སོ་སོར་འདོད་པ་ཡང༌། སྡོམ་པའི་རང་ལྡོག་མ་འདྲེས་པའི་ངོས་ནས་འཐད་ཀྱང༌། ངོ་བོ་ལ་དེ་ལྟར་འདོད་ན་སྲོག་གཅོད་སྤོང་བའི་སེམས་པ་ལྟ་བུ་སེམས་བྱུང་རིགས་མཐུན་གསུམ་དུས་ཐ་དད་པར་གང་ཟག་གཅིག་གི་རྒྱུད་ན་གནས་པར་འགྱུར་བའི་ཕྱིར་མི་འཐད་དོ། །ཉི་ཟླ་སྐར་གསུམ་རིམ་ཅན་ཚོགས་པ་ལྟར་འདོད་པ་ནི། ཉི་ཟླ་སྐར་གསུམ་འཛོམ་ན་ཟླ་སྐར་གཉིས་ཉི་མའི་འོད་ཀྱིས་ཟིལ་གྱིས་མནན་ནས་མི་མཐོང་བ་ལྟར་སྔགས་སྡོམ་ཐོབ་པའི་ཚེ་འོག་མ་ཟིལ་གྱིས་མནན་ནས་ཡོད་ཀྱང་མི་མངོན་པར་འདོད་དོ། །དེ་ཡང་སྡོམ་གསུམ་མཚན་ཉིད་སོ་སོར་འཛིན་བཞིན་དུ་བག་ལ་ཞ་བ་མི་འཐད་དོ། །བླང་འདས་སོ་སོར་བསྲུང་དགོས་ན་ནི་བག་ལ་མ་ཞ་ལ་མི་དགོས་ན་སོ་སོར་ཡོད་པ་མི་རུང་བས་མི་འཐད་དོ། །ཞེས་བཤད་པ་ཡིན་ནོ། །བསམ་གཏན་གྱི་སྐབས་སུ་བསམ་གཏན་བཞི་དང༌། གཟུགས་མེད་བཞི་ཡིས། དང་པོ་བསམ་གཏན་བཞི་ལ། ཉེར་བ་སྔོགས་དང་དངོས་གཞི་གཉིས་ལས། དང་པོ་ཉེར་བསྡོགས་ལ་སྒོམ་ཚུལ་མང་ཡང་འཇིག་རྟེན་པའི་ལམ་རྐྱང་པ་ལ་

― ZP04_Page_184 ―

^{[མ་དཔེ་གཟིགས་ན་འདིར་གནོན།]}

[Full Size]

ཞི་རགས་ཀྱི་རྣམ་པ་ཅན་དུ་སྒོམ་པ་ཤས་ཆེ་བས་དེ་ལྟར་ན། དང་པོ་འདོད་པའི་སེམས་ནི་རགས་པ་དང༌། མ་ཞི་བ་དང༌། མཚན་མར་དམན་པར་བལྟས་ནས། །བསམ་གཏན་དང་པོ་ནི། དེ་བས་ལྷག་པར་ཡང་ཞི་བ་དང་བདེ་བ་དང་གྱ་ནོམས་པའོ་སྙམ་ནས་ཐོས་བསམ་འདྲེས་པའི་ཚུལ་གྱིས་ཡང་དང་ཡང་དུ་ཡིད་ལ་བྱས་པས་ནམ་ཞིག་ཐོས་བསམ་ལས་འདས་ནས་སྒོམ་བྱུང་དུ་སོང་སྟེ་འདོད་པའི་ཉོན་མོངས་ཆེ་འབྲིང་དྲུག་སྤངས་པའི་བར་ནི་བསམ་གཏན་གྱི་ཉེར་བསྔོག་གོ །དེ་ནས་འདོད་པའི་ཉོན་མོངས་པ་ཆུང་ངུ་གསུམ་སྤངས་པའི་ཚེ་ན་བསམ་གཏན་དངོས་གཞིའི་སེམས་ཐོབ་པའོ། །བསམ་གཏན་དང་པོ་ལ་ཡན་ལག་ལྔ་སྟེ། རྟོག་པ་དང༌། དཔྱོད་པ་དང༌། དགའ་བ་དང༌། བདེ་བ་དང༌། ཏིང་ངེ་འཛིན་དང་ལྔའོ། །རྟོག་དཔྱོད་གཉིས་ནི། མཛོད་ལས། རྟོག་དང་དཔྱོད་བ་རྩིབ་ཞིབ་ཉིད། ཅེས་པ་ལྟར་སེམས་ཏིང་ངེ་འཛིན་སྐྱོན་མེད་དུ་གནས་མི་གནས་རགས་པར་རྟོག་པ་དང༌། ཞིབ་པར་དཔྱོད་པ་དང༌། སེམས་ཏིང་ངེ་འཛིན་ལ་གནས་པས་ཡིད་ཤེས་བདེ་བས་ཁྱབ་པ་དགའ་བ་དང༌། དེའི་སྟོབས་ཀྱིས་ལུས་ལ་ཤིན་སྦྱང་གི་བདེ་བ་སྐྱེས་པ་བདེ་བ། སེམས་རྩེ་གཅིག་པའི་ཏིང་ངེ་འཛིན་ལ་གནས་པ་ཏིང་ངེ་འཛིན་ནོ། །བསམ་གཏན་གཉིས་པ་ལ་ཡན་ལག་བཞི་སྟེ། རབ་དང༌། དགའ་བ་དང༌། བདེ་བ་དང༌། ཏིང་ངེ་འཛིན་ནོ། །དྲན་པ་དང་ཤེས་བཞིན་དང་བཏང་སྙོམས་ཀྱི་ངོ་བོ་ཡིན་ཡང༌། འདིར་དགའ་བའི་གཡོ་བ་དང༌།

― ZP04_Page_185 ―

^{[མ་དཔེ་གཟིགས་ན་འདིར་གནོན།]}

[Full Size]

མ་བྲལ་བའི་ཕྱིར་རབ་དྭང་གི་སྒྲས་བསྟན་ཏོ། །ལྷག་མ་གསུམ་ནི་སྔར་བཞིན་ནོ། །བསམ་གཏན་གསུམ་པ་ལ་ཡན་ལག་ལྔ་སྟེ། བདེ་བ་དང༌། བཏང་སྙོམས་དང༌། དྲན་པ་དང༌། ཤེས་བཞིན་དང༌། ཏིང་ངེ་འཛིན་དང་ལྔའོ། །བདེ་བ་ནི་སྔར་དང་འདྲ་ལ། བཏང་སྙོམས་ནི་སེམས་བྱིང་རྒོད་མེད་པར་གནས་པའི་ཚེ་རང་བབས་སུ་འཇོག་པའོ། །དྲན་པ་ནི། ཏིང་ངེ་འཛིན་མི་བརྗེད་པའོ། །ཤེས་བཞིན་ནི་བྱིང་རྒོད་ལ་སོགས་བྱུང་མ་བྱུང་རྟོགས་པའོ། །ཏིང་ངེ་འཛིན་ནི་སྔར་ལྟར་རོ། །བསམ་གཏན་བཞི་པ་ལ་ཡན་ལག་བཞི་སྟེ་དྲན་པ་དང༌། ཚོར་བ་བཏང་སྙོམས་དང༌། འདུ་བྱེད་བཏང་སྙོམས་དང༌། ཏིང་ངེ་འཛིན་ནོ། །དྲན་པ་དང་ཏིང་ངེ་འཛིན་ནི་སྔར་དང་འདྲ་ལ། ཚོར་བ་བཏང་སྙོམས་ནི་ལུང་མ་བསྟན་དང༌། འདུ་བྱེད་བཏང་སྙོམས་ཀྱང་སྔར་དང་འདྲའོ། །དེ་ཡང་རྟོག་དཔྱོད་ལ་སོགས་ཡན་ལག་ལྔ་དང་ལྡན་པ་ནི་བསམ་གཏན་དང་པོའི་དངོས་གཞི་ཙམ་པོ་བ་ཡིན་ལ། དེ་ལས་རྟོག་པ་མེད་ལ་དཔྱོད་པ་དང་བཅས་པ་ནི་དངོས་གཞི་ཁྱད་པར་ཅན་ནོ། །རྟོག་དཔྱོད་གཉིས་ཀ་སྤང་བ་ནི་བསམ་གཏན་གཉིས་པའོ། །རྟོག་དཔྱོད་དགའ་བ་གསུམ་སྤངས་པ་ནི་བསམ་གཏན་གསུམ་པའོ། །དེ་གསུམ་བདེ་བ་དང་བཞི་སྤངས་པ་ནི་བསམ་གཏན་བཞི་པའོ། །བསམ་གཏན་དངོས་གཞི་མ་ཐོབ་ཀྱང་བསམ་གཏན་དང་པོའི་ཉེར་བསྡོགས་ཡང་དག་པ་དེས་ཀྱང་ལྷག་མཐོང་གི་རྟེན་བྱེད་

― ZP04_Page_186 ―

^{[མ་དཔེ་གཟིགས་ན་འདིར་གནོན།]}

[Full Size]

པས་ན་ཉེར་བསྡོགས་མི་ལྕོགས་མེད་ཅེས་བྱ་ལ། ཉེར་བསྡོགས་དེ་དང་དང་པོའི་དངོས་གཞི་ལ་ཙམ་ཁྱད་གཉིས། ལྷག་མ་གསུམ་དང་དྲུག་ལ་བསམ་གཏན་ས་དྲུག་ཅེས་བྱའོ། །གཉིས་པ་གཟུགས་མེད་རྣམས་ནི་ཡན་ལག་གི་དབྱེ་བ་མེད་པས་དམིགས་རྣམ་གྱིས་འབྱེད་དེ། །བསམ་གཏན་བཞི་པ་ཐོབ་པ་དེས། །གྲུ་བཞི་ཟླུམ་པོ་ལ་སོགས་དབྱིབས་ཀྱི་འདུ་ཤེས། །དཀར་སེར་དམར་ལྗང་ལ་སོགས་ཁ་དོག་གི་འདུ་ཤེས། །རི་དང་ཁང་ཁྱིམ་ལ་སོགས་ཐོགས་རེག་གི་འདུ་ཤེས་གསུམ་ཀ་བཀག་ནས་ཆོས་ཐམས་ཅད་ནམ་མཁའ་ལྟར་བསྒོམས་པས། གཟུགས་ཀྱི་འདུ་ཤེས་ཐམས་ཅད་ལས་འདས་ནས་ནམ་མཁའ་ལྟ་བུའི་ངང་དུ་གནས་པ་ནི་ནམ་མཁའ་མཐའ་ཡས། །ནམ་མཁའ་ཙམ་དུའང་འཛིན་པ་སྤངས་ནས་ནམ་མཁའོ་སྙམ་བྱེད་རྣམ་ཤེས་ཙམ་གྱི་ངང་དུ་གནས་པ་ནི་རྣམ་ཤེས་མཐའ་ཡས། །རྣམ་ཤེས་ཙམ་དུ་འཛིན་པ་ཡང་སྤངས་ནས་ཅི་ཡང་མེད་དོ། །སྙམ་དུ་གནས་པ་ནི་ཅི་ཡང་མེད་པ། ཅི་ཡང་མེད་དོ་སྙམ་དུ་འཛིན་པ་ཡང་སྤངས་ནས་ཅི་ཡང་མེད་དོ་སྙམ་མཁན་གྱི་འདུ་ཤེས་ལ་བརྟགས་ནས་འདུ་ཤེས་ཀྱི་འགྱུ་བ་རགས་པ་ཐམས་ཅད་བཀག་ནས་འདུ་ཤེས་ཕྲ་མོ་ཙམ་ལ་གནས་པ་ནི་འདུ་ཤེས་མེད་འདུ་ཤེས་མེད་མིན་གྱི་སྐྱེ་མཆེད་དོ། །འདི་ལ་ཡོད་མིན་མེད་མིན་ཡང་ཟེར་རོ། །ཡང་མཉམ་གཞག་དང་རྗེས་ཐོབ་ཀྱི་དབྱེ་བ་ལ་གཉིས། །མཉམ་རྗེས་ངོ་བོ་གཅིག་པ་དང༌། །ངོ་བོ་ཐ་དད་པའོ། །དང་

― ZP04_Page_187 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་ངོ་བོ་གཅིག་པ་ནི། སེམས་རྩེ་གཅིག་མཉམ་པར་བཞག་པའི་ཚེ། སེམས་དང་སེམས་བྱུང་གི་འགྱུ་བ་རགས་པ་ཐམས་ཅད་ནུབ་ནས་སེམས་རྟོག་མེད་དུ་གནས་པ་ནི་མཉམ་བཞག་ཡིན་ལ། དེའི་ཚེ་དབང་ཤེས་མ་འགགས་པ་ལ་ཡུལ་སྣང་ཐམས་ཅད་སྣང་ལ་འཛིན་པ་མེད་པར་གསལ་བའི་ཆ་ནི་རྗེས་ཐོབ་པོ། །གཉིས་པ་མཉམ་རྗེས་ཐ་དད་པ་ནི། སེམས་རྩེ་གཅིག་ཏུ་མཉམ་པར་གཞག་པའི་ཚེ་ན་མཉམ་གཞག་ཡིན་ལ། དེ་ལས་ལངས་ནས་ཟ་ཉལ་ལ་སོགས་པའི་སྤྱོད་ལམ་གྱི་ཚེ་སྒྱུ་མ་ལྟ་བུའི་དྲན་རྫི་དང་མ་བྲལ་བ་ནི་རྗེས་ཐོབ་པོ། །རྗེས་ཐོབ་རྒྱ་ཡན་པ་ཞེས་པ་ནི། སེམས་དྲན་ཤེས་དང་བྲལ་ནས་འཁྲུལ་འབྱམས་སུ་སོང་བའོ། །དེས་ན་རྒྱ་ཡན་པ་འདི་ནི་དག་ས་ཐོབ་ནས་མེད་ལ། །མཉམ་རྗེས་ཀྱི་ཁྱད་པར་ཙམ་ནི་སངས་རྒྱས་མ་ཐོབ་བར་དུ་ཡོད་དོ། །མཉམ་པར་བཞག་བཞིན་དུ་སྤྱོད་ལམ་མཛད་པ་སངས་རྒྱས་ཁོ་ནའི་ཁྱད་ཆོས་ཡིན་པའི་ཕྱིར་རོ། །གྲུབ་མཐའི་སྐབས་སུ་གཟུང་བ་རྡུལ་ཕྲན་ཆ་མེད་དང༌། ཤེས་པ་སྐད་གཅིག་ཆ་མེད་དོན་དམ་དུ་འདོད་པ་ནི་བྱེ་བྲག་སྨྲ་བ་ཡིན་ཏེ། མཛོད་ལས། གང་ལ་བཅོམ་དང་བློ་ཡིས་གཞན། བསལ་ན་དེ་བློ་མི་འཇུག་པ། །བུམ་ཆུ་བཞིན་དུ་ཀུན་རྫོབ་ཏུ། །ཡོད་དེ་དོན་དམ་ཡོད་གཞན་ནོ། །ཞེས་སོ། །དེ་ཡང་བཅོམ་ན་དེའི་བློ་མི་འཇུག་པ་བུམ་པ་ལྟ་བུ། བློས་གཞན་བསལ་ན་དེའི་བློ་མི་འཇུག་པ་ཆུ་ལྟ་བུ། རགས་པ་

― ZP04_Page_188 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ནི་ཀུན་རྫོབ་ཏུ་ཡོད་དེ། །ཡོད་དམ་དུ་ཡོད་པ་ལས་གཞན་མེད་པའོ། །བཅོམ་པ་དང་བློས་བསལ་མི་ནུས་པ་ནི་རྡུལ་ཕྲན་དང་སྐད་གཅིག་ཆ་མེད་དེ་དོན་དམ་དུ་ཡོད་པའོ། །མདོ་སྡེ་པ་ནི། དོན་བྱེད་ནུས་པ་དངོས་པོ་ཡིན་པས། དོན་བྱེད་ནུས་པ་དེ་ནི་དོན་དམ་དུ་ཡོད་ལ། དོན་བྱེད་ནུས་པ་ལས་གཞན་དོན་བྱེད་མི་ནུས་པ་དངོས་མེད་ནི་ཀུན་རྫོབ་བདེན་པའོ། །དེ་ཡང་རྣམ་འགྲེལ་ལས། །དོན་བྱེད་ནུས་པ་གང་ཡིན་པ། །དེ་འདིར་དོན་དམ་ཡོད་པ་ཡིན། །གཞན་ནི་ཀུན་རྫོབ་ཡོད་པ་སྟེ། །དེ་དག་རང་སྤྱིའི་མཚན་ཉིད་བཤད། །ཅེས་སོ། །དེ་ཡང་དོན་རང་མཚན་ཐམས་ཅད་དོན་དམ་དང༌། སྤྱི་མཚན་ཐམས་ཅད་ཀུན་རྫོབ་བོ། །དོན་རང་མཚན་དོན་དམ་བདེན་པ། །དངོས་པོ། མི་རྟག་པ་རྣམས་དོན་གཅིག །དོན་སྤྱི་མཚན་ཀུན་རྫོབ་བདེན་པ། དངོས་མེད། རྟག་པ་རྣམས་དོན་གཅིག་གོ །དེ་ཡང་ཆུ་སྐྱོར་བའི་དོན་བྱེད་ནུས་པའི་བུམ་པའི་རང་མཚན་ནི་དངོས་པོ་དང་དོན་དམ་གཉིས་ཀ་ཡིན་ལ། ཡིད་རྟོག་པའི་སྣང་ཡུལ་དོན་སྤྱི་མཚན་དངོས་མེད་ནི་ཀུན་རྫོབ་བདེན་པ་ཡིན་ནོ། །སེམས་ཙམ་གྱི་སྐབས་སུ་ཀུན་བརྟགས་གཞན་དབང་ཡོངས་གྲུབ་གསུམ་ལས། གཟུང་བ་ཕྱིའི་ཡུལ་དང༌། ཡུལ་དེ་འཛིན་པའི་སེམས་དང༌། དེ་གཉིས་ལ་བཏགས་པའི་མིང་ཐམས་ཅད་ནི་ཀུན་བརྟགས་ཡིན་ལ། དེ་ཐམས་ཅད་ཀྱི་ངོ་བོ་ནི་སེམས་དང་སེམས་བྱུང་ཡིན་ཏེ།

― ZP04_Page_189 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ནི་གཞན་དབང་ངོ༌། །གཞན་དབང་དེ་ལ་ཀུན་བརྟགས་མེད་པའི་ཆ་གང་ཡིན་པ་ནི་ཡོངས་གྲུབ་བོ། །དེ་ལ་དཔེར་ན་རྡེའུ་དང་ཤིང་བུ་ལ་རིགས་སྔགས་བཏབ་པས་གླང་དུ་སྣང་དུས་རྡེའུ་དང་ཤིང་བུ་ལྟ་བུ་ནི་གཞན་དབང་བ་དེ་ལ་རྟ་གླང་སྣང་བ་ལྟ་བུ་ནི་ཀུན་བརྟགས། རྟ་གླང་སྣང་ཡང་རྡེའུ་དང༌། ཤིང་བུའི་རང་བཞིན་ལས་རྟ་གླང་གིས་སྟོང་པ་ལྟ་བུ་ནི་ཡོངས་གྲུབ་པོ། །དེ་ལ་ཀུན་བརྟགས་ནི་ཀུན་རྫོབ་དང༌། གཞན་དབང་ཆོས་ཅན་དོན་དམ་དང༌། །ཡོངས་གྲུབ་ཆོས་ཉིད་དོན་དམ་མོ། །དབུ་མ་པ་ནི། །ཆོས་ཐམས་ཅད་ཀུན་རྫོབ་རྟེན་ཅིང་འབྲེལ་འབྱུང་སྒྱུ་མ་ལྟ་བུ་དང༌། དོན་དམ་སྤྲོས་པའི་མཐའ་བརྒྱད་དང་བྲལ་བར་འདོད་པའོ། །གྲུབ་མཐའ་བཞི་པོ་དེ་ཡང༌། དོན་བསྡུ་ན་ཕྱི་དོན་འདོད་རང་རིག་མི་འདོད་པ་བྱེ་བྲག་སྨྲ་བ། ཕྱི་དོན་རང་རིག་གཉིས་ཀ་འདོད་པ་མདོ་སྡེ་བ། ཕྱི་དོན་མི་འདོད་རང་རིག་འདོད་པ་སེམས་ཙམ་པ། ཕྱི་དོན་རང་རིག་གཉིས་ཀ་མི་འདོད་པ་དབུ་མ་པའོ། །ཕྱི་དོན་འདོད་མི་འདོད་ཕྱི་རོལ་གྱི་དོན་དུ་སྣང་བའི་གཟུགས་སྒྲ་སོགས་ཀྱི་དངོས་པོ་དོན་དམ་པར་ཡོད་མེད་ཡིན་ལ། རང་རིག་འདོད་མི་འདོད་ནི་ཐ་སྙད་དུ་ཤེས་པས་རང་རིག་པར་འདོད་པ་དང་མི་རིག་པར་འདོད་པའི་ཁྱད་པར་རོ། །འབྲས་བུའི་སྐབས་སུ། །སྟོབས་བཅུ་དང་ནི་མི་འཇིགས་བཞི། །མཐའ་དག་མངོན་གྱུར་སངས་རྒྱས་ཡིན། ཞེས་པའི་སྐབས་སུ་ལམ་མཐར་ཕྱིན་པའི་འབྲས་བུ་བཤད་པ་ལ་གསུམ། རྟེན་སྐུ། བརྟེན་པ་ཡེ་ཤེས། མཛད་

― ZP04_Page_190 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཕྲིན་ལས་སོ། །དང་པོ་རྟེན་སྐུ་ལ་སངས་རྒྱས་ཐམས་ཅད་ཀྱི་སྐུ་ནི་གཅིག་སྟེ། །སྤངས་རྟོགས་ཀྱི་ཡོན་ཏན་མཐར་ཕྱིན་པའི་རྣམ་པ་ཐམས་ཅད་མཁྱེན་པའི་ཡེ་ཤེས་ཆོས་ཀྱི་སྐུའོ། །ཡང་ན་སྐུ་གཉིས་ཏེ། ཆོས་སྐུ་དང་གཟུགས་སྐུའོ། །ཡང་ན་སྐུ་གསུམ་སྟེ། ཆོས་སྐུ་ལོངས་སྐུ་སྤྲུལ་སྐུའོ། །ཡང་ན་སྐུ་བཞི་སྟེ། ངོ་བོ་ཉིད་སྐུ། ཡེ་ཤེས་ཆོས་སྐུ། ལོངས་སྤྱོད་རྫོགས་སྐུ། སྤྲུལ་སྐུའོ། །དང་པོ་ངོ་བོ་ཉིད་སྐུ་ནི། །མངོན་རྟོགས་བརྒྱན་ལས། ཐུབ་པའི་ངོ་བོ་ཉིད་སྐུ་ནི། །ཟག་པ་མེད་པའི་ཆོས་གང་དག །ཐོབ་གྱུར་རྣམ་ཀུན་རྣམ་དག་པ། །དེ་དག་རང་བཞིན་མཚན་ཉིད་ཅན། །ཞེས་གསུངས་པས་མཐར་ཐུག་སངས་རྒྱས་ཀྱི་སའི་ཟག་པ་མེད་པའི་ཡེ་ཤེས་སྡེ་ཚན་ཉི་ཤུ་རྩ་གཅིག་ལ་སོགས་པ་དེ་དག་གི་རང་བཞིན་ནམ་ཆོས་ཉིད་དེ་བཞིན་ཉིད་དག་པ་གཉིས་དང་ལྡན་པ་གང་ཡིན་པའོ། །གཉིས་པ་ཡེ་ཤེས་ཆོས་སྐུ་ནི། མཁྱེན་ཆ་ཡེ་ཤེས་ཀྱི་རྣམ་གྲངས་སངས་རྒྱས་ཉིད་ཀྱི་ཐུགས་རྒྱུད་ན་བཞུགས་པའི་རྟོགས་པའི་ཆོས་རྣམས་ཏེ་སྔ་མ་ལས། བྱང་ཆུབ་ཕྱོགས་མཐུན་ཚད་མེད་དང༌། །རྣམ་པར་ཐར་དང་མཐར་གྱི་ནི། །སྙོམས་འཇུག་དགུ་ཡི་རང་བཞིན་དང༌། ཟད་པར་བཅུ་ཡི་བདག་ཉིད་དང༌། ཟིལ་གྱིས་གནོན་པའི་སྐྱེ་མཆེད་ནི། །རབ་ཏུ་དབྱེ་བ་རྣམ་བརྒྱད་དང༌། །ཉོན་མོངས་མེད་དང་སྨོན་མཁྱེན་དང༌། །མངོན་ཤེས་སོ་སོ་ཡང་དག་རིག །རྣམ་

― ZP04_Page_191 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཐམས་ཅད་དག་བཞི་དང༌། །དབང་བཅུ་དང་ནི་སྟོབས་བཅུ་དང༌། །མི་འཇིགས་པ་ནི་བཞི་དག་དང༌། །བསྲུང་བ་མེད་པ་རྣམ་གསུམ་དང༌། །དྲན་པ་ཉེར་བཞག་རྣམ་གསུམ་དང༌། །བསྙེལ་བ་མི་མངའི་ཆོས་ཉིད་དང༌། །བག་ཆགས་ཡང་དག་བཅོམ་པ་དང༌། །སྐྱེ་ལ་ཐུགས་རྗེ་ཆེན་པོ་དང༌། །ཐུབ་པ་ཁོ་ནའི་མ་འདྲེས་ཆོས། །བཅོ་བརྒྱད་བཤད་པ་གང་ཡིན་དང༌། །རྣམ་པ་ཐམས་ཅད་མཁྱེན་ཉིད་དང༌། །ཆོས་ཀྱི་སྐུ་ཞེས་བརྗོད་པ་ཡིན། །ཞེས་པ་ལྟར་སྡེ་ཚན་ཉེར་གཅིག་ལས། །དང་པོ་བྱང་ཕྱོགས་སོ་བདུན་ནི། །སྔར་ལམ་གྱི་དུས་ན་ཚོགས་ལམ་ནས་བཟུང་སྟེ་བྱང་ཕྱོགས་རིམ་གྱིས་རྫོགས་པ་རྣམས་ཐོབ་ལ་མ་ཉམས་པའི་ཚུལ་དུ་ཐུགས་བརྒྱུད་ལ་བཞུགས་པ་སྟེ་སྔ་མ་དག་དང་རྣམ་གྲངས་འདྲའོ། །ཚད་མེད་པ་བཞི་ནི་མདོ་སྡེའི་རྒྱན་གྱི་ལུང་དོན་སྔར་བཤད་པ་ལྟར་རོ། །རྣམ་པར་ཐར་པ་བརྒྱད་ནི། དང་པོ་སྤྲུལ་པའི་ལམ་རྣམ་ཐར་གསུམ་དང༌། གཟུགས་མེད་ཀྱི་རྣམ་ཐར་བཞི། འགོག་པའི་རྣམ་པར་ཐར་པ་དང་བརྒྱད་དོ། །དང་པོ་སྤྲུལ་ལམ་ལ་གསུམ་ལས། དང་པོ་གཟུགས་ཅན་གཟུགས་ལ་བལྟ་བའི་རྣམ་པར་ཐར་པ་ནི། ནང་གཟུགས་ཡོད་པར་འདུ་ཤེས་པས་ཕྱི་རོལ་གྱི་གཟུགས་རྣམས་ལ་བལྟས་ནས་སྤྲུལ་པ་དང་བསྒྱུར་བ་ལ་སོགས་པ་བྱེད་པ་གཟུགས་ཅན་གཟུགས་ལ་བལྟ་བའི་རྣམ་ཐར། ནང་གཟུགས་མེད་པར་འདུ་ཤེས་པས་དེ་ལྟར་བྱེད་པར་གཟུགས་མེད་གཟུགས་ལ་བལྟ་བའི་རྣམ་ཐར། དེ་ལྟར་སྤྲུལ་པར་གོམས་ཀྱང་གཟུགས་མཛེས་པ་དང་ཡིད་དུ་འོང་བ་སོགས་སྤྲུལ་འདོད་ཀྱང་མི་མཛེས་པ་དང་ཡིད་དུ་མི་འོང་བ་སོགས་ལ་སྤྲུལ་མི་

― ZP04_Page_192 ―

^{[མ་དཔེ་གཟིགས་ན་འདིར་གནོན།]}

[Full Size]

འདོད་པ་ལྟ་བུ་བྱུང་ན་སྤྲུལ་པ་མི་རྫོགས་པས་དེའི་ཕྱིར་གཟུགས་མཛེས་པ་དང་མི་མཛེས་པ་གཉིས་ཀའང་ཕན་ཚུན་ལྟོས་པ་ཙམ་དང་བློས་བཏགས་པ་ཙམ་ལས་དོན་ལ་མེད་ཅིང་མཉམ་པར་བལྟ་བ་སྡུག་པའི་རྣམ་པར་ཐར་པ་དང་གསུམ། གཉིས་པ་གཟུགས་མེད་ཀྱི་རྣམ་པར་ཐར་པ་བཞི་ནི། ནམ་མཁའ་མཐའ་ཡས་སྐྱེ་མཆེད་ཀྱི་རྣམ་པར་ཐར་པ། རྣམ་ཤེས་མཐའ་ལས་སྐྱེ་མཆེད་ཀྱི་རྣམ་པར་ཐར་པ། ཅི་ཡང་མེད་པའི་སྐྱེ་མཆེད་ཀྱི་རྣམ་པར་ཐར་པ། ཡོད་མིན་མེད་མིན་སྐྱེ་མཆེད་ཀྱི་རྣམ་པར་ཐར་པའོ། །འགོག་པའི་རྣམ་པར་ཐར་པ་ནི། བསམ་གཟུགས་བརྒྱད་ཀ་ཐོབ་པའི་འཕགས་པས་ཚོགས་བདུན་འཁོར་དང་བཅས་པ་བཀག་ནས་ཀུན་གཞི་མ་གཏོགས་པའི་སེམས་མེད་པའི་འདུ་ཤེས་དང་ཚོར་བ་འགོགས་པའི་སྙོམས་འཇུག་ལ་སྙོམས་པར་ཞུགས་པའོ། །འདི་ལ་ཉན་ཐོས་རྣམས་རྣམ་པར་ཤེས་པ་ཚོགས་དྲུག་ལས་མི་བཞེད་པས་ཚོགས་དྲུག་བཀག་པའི་ལུས་ཙམ་མ་གཏོགས་སེམས་ཀྱི་རྒྱུན་མེད་ཀྱང་ཕྱིས་སེམས་འབྱུང་བ་ན་སྔར་འགགས་པའི་སེམས་ཀྱི་ས་བོན་ལས་སྐྱེ་བར་འདོད་པ་དང༌། ཁ་ཅིག་ལུས་ལ་སེམས་ཀྱི་ས་བོན་ཡོད་པ་ལས་སྐྱེ་བར་འདོད་པ་དང༌། ཡང་འགའ་ཞིག་ཡིད་ཤེས་ཕྲ་བ་མི་འགག་པར་འདོད་པ་སོགས་ཡོད་ཀྱང་ཐེག་ཆེན་པ་རྣམས་ཀུན་གཞི་ལས་སྐྱེ་བར་འདོད་དོ། །འདི་ལ་འཇུག་ནུས་པ་ནི་ཐེག་དམན་ལྟར་ན་གཉིས་ཏེ།

― ZP04_Page_193 ―

^{[མ་དཔེ་གཟིགས་ན་འདིར་གནོན།]}

[Full Size]

དགྲ་བཅོམ་པ་གཉིས་ཀའི་ཆ་ལས་རྣམ་གྲོལ་དང༌། ཕྱིར་མི་འོང་བསམ་གཟུགས་བརྒྱད་ཐོབ་པ་ཞིག་སྙོམས་པར་འཇུག་ནུས་སོ། །དེ་ལས་གཞན་གྱིས་མི་ནུས་ཏེ། སོ་སྐྱེ་ཐམས་ཅད་ནི་དུས་དང་རྣམ་པ་ཐམས་ཅད་དུ་ངར་འཛིན་དང་འབྲལ་མི་ཤེས་པས་ཉོན་ཡིད་དགག་མི་ནུས་ལ། །རྒྱུན་ཞུགས་དང་ཕྱིར་འོང་ལ་སྲིད་རྩེའི་སེམས་ཐོབ་པ་མི་སྲིད་པས་དེ་ཤིན་ཏུ་ཕྲ་བའི་འགོག་པ་ལ་སྙོམས་པར་འཇུག་མི་ནུས་སོ། །དགྲ་བཅོམ་ཤེས་རབ་ཀྱི་ཆ་ལས་རྣམ་པར་གྲོལ་བ་ཡང་སྲིད་རྩེའི་སེམས་མི་ཐོབ་པས་སྙོམས་པར་འཇུག་མི་ནུས་སོ། །དེས་ན་འགོག་པར་སྙོམས་པར་འཇུག་པ་ལ་ཕྱིས་གོམས་པའི་སྐབས་སུ་བསམ་གཟུགས་གང་རུང་ངམ། །འདོད་པའི་སེམས་ལས་ཀྱང་འགོག་སྙོམས་ལ་འཇུག་ནུས་ཀྱང་དང་པོ་གསར་དུ་ཐོབ་པའི་ཚེ་ན། ཕྲ་བ་ཕྲ་བའི་མཇུག་ཐོག་ཏུ། ཞེས་གསུངས་པས་སྲིད་རྩེའི་སེམས་དེ་འགྱུ་བ་ཕྲ་བས། དེ་ལ་བརྟེན་པའི་འདུ་ཤེས་དང་ཚོར་བའི་འགྱུ་བ་ཕྲ་རགས་འགོག་སླ་བས། །དེ་ལ་བརྟེན་ནས་འཇིག་རྟེན་ལས་འདས་པའི་ལམ་གྱིས་ཉོན་མོངས་པ་ཅན་གྱི་ཡིད་བཀག་ནས་འགོག་སྙོམས་མངོན་དུ་བྱེད་དོ། །མཐར་གྱིས་གནས་པའི་སྙོམས་འཇུག་དགུ་ནི། །བསམ་གཏན་བཞི། གཟུགས་མེད་བཞི། འགོག་པའི་སྙོམས་འཇུག་དང་དགུའོ། །རྣམ་ཐར་དང་སྙོམས་འཇུག་གི་ཁྱད་པར་ནི། རང་

― ZP04_Page_194 ―

^{[མ་དཔེ་གཟིགས་ན་འདིར་གནོན།]}

[Full Size]

སའི་སྒྲིབ་པ་ལས་རྣམ་པར་ཐར་པས་ན་རྣམ་པར་ཐར་པ་དང༌། ལུས་ཀྱི་འབྱུང་བ་ཆེན་པོ་རྣམས་དང༌། སེམས་དང་སེམས་བྱུང་ཆ་སྙོམས་པར་བྱེད་པས་ན་སྙོམས་འཇུག་གོ །མཐར་གྱིས་གནས་པ་ཞེས་པ་ནི་སྙོམས་འཇུག་དགུ་པོ་འདི་དང་པོ་མངོན་དུ་བྱེད་པའི་ཚེ་མཐར་ཆགས་སུ་རིམ་གྱིས་རྒྱུད་ལ་སྐྱེ་བའི་བསམ་གཏན་དང་པོ་མ་ཐོབ་གོང་དུ་གཉིས་པ་ཐོབ་པ་ལྟ་བུ་མི་སྲིད་པའི་ཕྱིར་རོ། །ཟད་པར་གྱི་སྐྱེ་མཆེད་བཅུ་ནི། །འབྱུང་བའི་ཟད་པ་བཞི། ཁ་དོག་གི་ཟད་པར་བཞི། ནམ་མཁའ་རྣམ་ཤེས་གཉིས་དང་བཅུའོ། །དེ་དག་གི་སྒོམ་ཚུལ་ནི། དང་པོ་ཟད་པར་རང་རང་གི་དམིགས་རྟེན་ལ་བརྟེན་ནས་ས་ས་ཞེས་པ་ལ་སོགས་པ་ལས་སེམས་གཞན་དུ་མི་ཡེངས་པར་རྩེ་གཅིག་ཏུ་ཡིད་ལ་བྱེད་ཅིང་སེམས་ཟིན་པ་ན་ས་ལ་སོགས་པ་རྒྱ་ཆེན་པོར་སྤྲོས་ཏེ་བསྒོམས་པས་འགྲུབ་པའོ། །དམིགས་རྟེན་ནི་ས་ལ་ཆུའི་སྟེང་ན་གནས་པའི་སའི་ཟམ་པ་ལ་སོགས་པ་དང༌། ཆུ་ལ་ནམ་མཁའ་ནས་ཆུ་དྲི་མ་མེད་པ་འབབ་པ། མེ་ལ་འོག་ཏུ་བུད་ཤིང༌། བར་དུ་མེ། སྟེང་དུ་དུ་བ་དང་བཅས་པའི་མེ། རླུང་ལ་སྐར་ཁུང་ལ་སོགས་པ་ནས་རླུང་འོང་བས་ལུས་ལ་རེག་པ། ཁ་དོག་བཞི་པོ་མཐིང་ག་ལ་སོགས་པའི་ཚོན་གྱིས་དཀྱིལ་འཁོར་ཟླུམ་པོ་ཁ་དོག་གཞན་གྱིས་མཐའ་ཆོད་དང་བཅས་བྲིས་པ་དང༌། ནམ་མཁའ་ལ་རྩིག་པ་ལ་སོགས་པའི་བུག་པའི་ནང་གི་ནམ་མཁའ། རྣམ་ཤེས་ལ་རྩིག་ཁུང་

― ZP04_Page_195 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་ནས་ཉི་ཟླ་དང་སྒྲོན་མེའི་འོད་ཤར་བའི་འོད་ཀྱི་ཐིག་ལེ་རྣམས་སོ། །དེ་ལྟར་བསྒོམས་པས་གྲུབ་པ་ན། ས་གྲུབ་པས་ཆུ་ལས་བཞིན་དུ་བྱེད་པ་དང༌། ནམ་མཁའ་སར་བསྒྱུར་བ་དང༌། ལུས་སར་བསྒྱུར་བ་སོགས་དང༌། ཆུ་གྲུབ་པས་ཆུའི་ཆར་འབེབས་པ་དང༌། ས་ལ་ཡང་ཆུ་ལྟར་བྱེའུ་འཛུལ་གྱིས་འགྲོ་བ་དང༌། ལུས་ཆུར་བསྒྱུར་བ་སོགས་བྱེད། །མེ་གྲུབ་པས་ལུས་མེ་དཔུང་དུ་བསྒྱུར་བ་དང༌། དངོས་པོ་གཞན་དང་ཐ་མལ་གྱི་མེ་ལ་སོགས་པའང་སྲེག་པ་དང༌། རླུང་གྲུབ་པས་རླུང་ལྟར་ཐོགས་པ་མེད་པར་འགྲོ་བ་དང༌། ལུས་རླུང་དུ་བསྒྱུར་བ་དང༌། ཁ་དོག་རྣམས་གྲུབ་པས་ལུས་དང་སྣང་བ་ཐམས་ཅད་སྔོན་པོ་སེར་པོ་དཀར་པོ་དམར་པོ་རྩ་བའི་ཁ་དོག་རང་རང་དུ་བསྒྱུར་བ་དང༌། ནམ་མཁའ་དང་རྣམ་ཤེས་གྲུབ་པས་ལུས་དང་དངོས་པོ་མི་སྣང་བ་དང༌། ལྷའི་མིག་གིས་ཡུལ་སྣང་བར་བྱེད་པ་ལ་སོགས་པའོ། །ཟིལ་གནོན་གྱི་སྐྱེ་མཆེད་བརྒྱད་ནི། ནང་གཟུགས་སུ་འདུ་ཤེས་པས་ཕྱི་རོལ་གྱི་གཟུགས་ཆེན་པོ་རྣམས་ཟིལ་གྱིས་མནན་ནས་ཤེས། ཟིལ་གྱིས་མནན་ནས་མཐོང་བ་དང༌། ནང་གཟུགས་སུ་འདུ་ཤེས་པས་ཕྱི་རོལ་གྱི་གཟུགས་ཆུང་ངུ་ཐམས་ཅད་ཟིལ་གྱིས་མནན་སོགས་སྔར་ལྟར། ནང་གཟུགས་མེད་པར་འདུ་ཤེས་པས་ཕྱི་རོལ་གྱི་གཟུགས་ཆེན་པོ་ཐམས་ཅད་སོགས་སྔར་ལྟར། ནང་གཟུགས་མེད་པར་འདུ་ཤེས་པས་ཕྱི་རོལ་གྱི་གཟུགས་ཆུང་ངུ་ཐམས་ཅད་སོགས་སྔར་ལྟར་ཏེ་དབྱིབས་

― ZP04_Page_196 ―

^{[མ་དཔེ་གཟིགས་ན་འདིར་གནོན།]}

[Full Size]

ཟིལ་གྱིས་གནོན་པ་བཞི། ནང་གཟུགས་མེད་པར་འདུ་ཤེས་པས་ཕྱི་རོལ་གྱི་ཁ་དོག་སྔོན་པོ། སེར་པོ་དང༌། དཀར་པོ་དང༌། དམར་པོ་ཐམས་ཅད་ཟིལ་གྱིས་མནན་ནས་ཤེས། ཟིལ་གྱིས་མནན་ནས་མཐོང་བ་སྟེ་ཁ་དོག་ཟིལ་གྱིས་གནོན་པ་བཞི་དང་བརྒྱད་དོ། །དེ་དག་གི་དོན་རང་གི་ལུས་ལ་གཟུགས་མེད་པའི་འདུ་ཤེས་བཞག་པ་དང༌། ཡང་རང་གི་ལུས་ལ་གཟུགས་ཀྱི་འདུ་ཤེས་མི་བཤིག་པ་གཉིས་ཀྱི་སྒོ་ནས་ཕྱི་རོལ་གྱི་གཟུགས་མཛེས་པ་དང་མི་མཛེས་པ་བཟང་པོ་དང་ངན་པ་སོགས་ལ་མཐའ་གཅིག་ཏུ་མི་ཞེན་པར་བལྟས་ནས་དེ་ལས་ཆེ་དང་ཆུང་བ་སོགས་གཞན་དུ་བསྒྱུར་བས་སྤྲུལ་བསྒྱུར་བྱེད་པ་སྟེ། དེ་ཡང་ཞི་གནས་ཀྱི་སྒོ་ནས་ཟིལ་གྱིས་མནན་ནས་ཤེས། ལྷག་མཐོང་གི་སྒོ་ནས་ཟིལ་གྱིས་མནན་ནས་མཐོང་བའོ། །ནང་གཟུགས་ཡོད་པ་དང་མེད་པར་འདུ་ཤེས་པའི་དོན་ནི་སྤྲུལ་པ་བྱེད་པའི་ཚེ་སྤྲུལ་པ་བྱེད་པ་པོ་རང་གཞན་ལ་སྣང་བ་དང་མི་སྣང་བའི་ཁྱད་པར་རོ། །ཡང་ན་གཟུགས་མེད་པར་འདུ་ཤེས་པ་ནི་གཟུགས་མེད་ཀྱི་སེམས་ཐོབ་པ་ཡིན་ན་ནི་སླ་ལ་མིན་ཀྱང་གཟུགས་མེད་པའི་འདུ་ཤེས་ཙམ་བཞག་དགོས་སོ། །ནང་གཟུགས་སུ་འདུ་ཤེས་པ་ནི་གཟུགས་མེད་པ་མ་ཐོབ་པ་ཡིན་ན་སླ་ལ་མིན་ཀྱང་གཟུགས་མངོན་དུ་མི་བྱེད་པར་གཟུགས་ཀྱི་འདུ་ཤེས་ཙམ་བཞག་པའོ། །དེས་ན་གཟུགས་མེད་ཀྱི་སེམས་ཐོབ་པ་ཡིན་ན་བསམ་གཟུགས་གང་རུང་ལ་བརྟེན་པ་དང༌། གཟུགས་མེད་པ་མ་ཐོབ་པ་ཡིན་ན་བསམ་གཏན་

― ZP04_Page_197 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི་པ་ལ་བརྟེན་ནས་ཟིལ་གནོན་རྣམས་བསྒོམ་པར་བཞེད་དོ། །ཉོན་མོངས་མེད་པ་ནི། ཉན་ཐོས་ཉོན་མོངས་མེད་པའི་ལྟ། མི་ཡི་ཉོན་མོངས་ཡོངས་སྤང་ཉིད། །གྲོང་སོགས་སུ་དེའི་ཉོན་མོངས་རྣམས། །རྒྱུན་གཅོད་རྒྱལ་བའི་ཉོན་མོངས་མེད། །ཅེས་གསུངས་པ་ལྟར། ཉན་ཐོས་རྣམས་ཀྱིས་གྲོང་སོགས་སུ་འགྲོ་བའི་ཚེ་རང་ལ་བརྟེན་ནས་གཞན་ཆགས་སྡང་སོགས་སྐྱེ་བར་འགྱུར་མི་འགྱུར་མངོན་ཤེས་ཀྱིས་བརྟགས་ནས་སྐྱེ་བར་འདུག་ན་དེར་མི་འགྲོ་བ་དང༌། རྫོགས་པའི་སངས་རྒྱས་ཀྱིས་ནི་དེ་ལྟར་དགོངས་ཚེ་དེར་ཆེད་དུ་གཏད་ནས་ཕེབས་ཏེ་ཆོས་སྟོན་པ་དང་རྫུ་འཕྲུལ་སོགས་ཀྱིས་བཏུལ་ནས་དེའི་རྒྱུད་ལ་ཕྱིན་ཆད་ཉོན་མོངས་པ་རྒྱུན་གཅོད་པའི་ཐབས་མཛད་པའོ། །སྨོན་གནས་མཁྱེན་པ་ནི། ཉན་ཐོས་ཀྱིས་ཡིད་ཀྱིས་འདོད་པའི་དོན་གང་ཤེས་པར་འདོད་ཀྱང་དང་པོ་དོན་འདི་དང་འདི་ཤེས་པར་བྱའོ་སྙམ་ནས་རབ་མཐའི་བསམ་གཏན་ལ་སྙོམས་པར་ཞུགས་ནས་བརྟགས་པས་ཤེས་སོ། །སངས་རྒྱས་ཀྱིས་ནི། །སངས་རྒྱས་སྨོན་གནས་མཁྱེན་པ་ནི། །ལྷུན་གྱིས་གྲུབ་དང་ཆགས་སྤང་དང༌། །ཐོགས་པ་མེད་དང་རྟག་གནས་དང་དྲི་བ་ཀུན་ལན་འདེབས་པར་བཞེད། །ཅེས་གསུངས་པ་ལྟར་འབད་རྩོལ་ལམ་ལྟོས་པར་ལྷུན་གྱིས་གྲུབ་པ་དང༌། །ཉོན་སྒྲིབ་སྤངས་བས་མ་ཆགས་པ་དང༌། ཤེས་སྒྲིབ་སྤངས་པས་མ་ཐོགས་པ་དང༌། རྒྱུན་ཆད་མེད་

― ZP04_Page_198 ―

^{[མ་དཔེ་གཟིགས་ན་འདིར་གནོན།]}

[Full Size]

པས་རྟག་ཏུ་གནས་པ་དང༌། ཁམས་གསུམ་གྱི་སེམས་ཅན་ཐམས་ཅད་ཀྱིས་དུས་གཅིག་ཏུ་སྐད་མི་འདྲ་བ་དུ་མའི་སྒོ་ནས་སོ་སོར་དྲིས་ཀྱང་རང་རང་གི་སྐད་དང་བསམ་པ་བཞིན་ལན་མཉམ་དུ་འདེབས་པ་དང༌། ཁྱད་ཆོས་ལྔ་ལྡན་ནོ། །མངོན་ཤེས་ལྔ་དང་སོ་སོ་ཡང་དག་པར་རིག་པ་བཞི་ནི་སྔར་བཤད་པ་དང་འདྲའོ། །རྣམ་པ་ཐམས་ཅད་དག་པ་བཞི་ནི། ལུས་ལེན་པ་དང༌། གནས་པ་དང༌། གཏོང་བ་ལ་མངའ་བརྙེས་པ་རྟེན་ལུས་དག་པ་དང་གཟུགས་དང་སྒྲ་དང་དྲི་དང་རོ་དང་རེག་བྱ་སོགས་སྤྲུལ་པ་དང་བསྒྱུར་བ་ལ་མངའ་བརྙེས་པས་ལོངས་སྤྱོད་དག་པ་དམིགས་པ་དག་པ་དང༌། ཏིང་ངེ་འཛིན་ལ་མངའ་བརྙེས་པས་དག་པ་ཐུགས་དག་པ་དང༌། ཤེས་རབ་ལ་མངའ་བརྙེས་པས་ཡེ་ཤེས་ཡོངས་སུ་དག་པ་ཞེས་བྱའོ། །དབང་བཅུ་སྟོབས་བཅུ་མི་འཇིགས་པ་བཞི་རྣམས་སྔར་དང་འདྲ། བསྲུང་བ་མེད་པ་རྣམ་པ་གསུམ་ནི་སྐུ་གསུང་ཐུགས་ཀྱི་མཛད་སྤྱོད་ཐམས་ཅད་ངང་གིས་དགེ་བས་སྤྱོད་ལམ་ཐམས་ཅད་ལ་གཞན་གྱིས་ཤེས་ཀྱིས་དོགས་ནས་བཅབ་དགོས་པའི་འཁྲུལ་པ་མི་མངའ་བའོ། །དྲན་པ་ཉེར་གཞག་རྣམ་གསུམ་ནི། སངས་རྒྱས་རྣམས་ཆོས་འཆད་པའི་ཚེ་ཁ་ཅིག་གུས་པ་དང་བཅས་ཞེ་ས་དང་བཅས་རྣ་བ་བླགས་ཏེ་ཆོས་ཉན་པར་བྱེད་ཀྱང་དེ་ལ་རྗེས་སུ་ཆགས་པ་མེད། ཡང་ཁ་ཅིག་མ་གུས་པ་དང༌། ཞེ་ས་མེད་པ་དང༌། རྣ་བ་གཏད་དེ་ཆོས་ཉན་པར་མི་བྱེད་ཀྱང༌། དེ་ལ་ཐུགས་ཁྲོ་བ་མེད་པ་དང༌། ཡང་

― ZP04_Page_199 ―

^{[མ་དཔེ་གཟིགས་ན་འདིར་གནོན།]}

[Full Size]

ཁ་ཅིག་གུས་པས་ཉན་པར་བྱེད། ཁ་ཅིག་མ་གུས་པས་ཉན་པར་མི་བྱེད་ཀྱང་དེ་ལ་ཆགས་སྡང་མི་མངའ་བའོ། །བསྙེལ་བ་མི་མངའ་བའི་ཆོས་ཉིད་ནི། །སྔོན་བསྐལ་པ་དཔག་ཏུ་མེད་པའི་གོང་དུ་བྱུང་བ་རྣམས་ཀྱང་ཐུགས་ཀྱིས་མི་བརྗེད་པར་ད་ལྟ་བཞིན་དུ་མཁྱེན་པའོ། །བག་ཆགས་ཡང་དག་པར་བཅོམ་པ་ནི། ཉན་རང་དགྲ་བཅོམ་པ་རྣམས་ནི་ཉོན་མོངས་ཐམས་ཅད་སྤངས་ཀྱང་ཉོན་མོངས་པའི་བག་ཆགས་མ་བཅོམ་པའི་དབང་གིས་ལུས་ངག་གི་འཁྲུལ་པ་ཅུང་ཟད་མངའ་ལ། སངས་རྒྱས་རྣམས་ཀྱིས་བག་ཆགས་ཐམས་ཅད་ཟད་པར་བཅོམ་པས་ཉེས་སྤྱོད་འཁྲུལ་བའི་ཆ་ཙམ་ཡང་མི་འབྱུང་བའོ། །སྐྱེ་ལ་ཐུགས་རྗེ་ཆེན་པོ་ནི། སངས་རྒྱས་རྣམས་ནི་ཐུགས་རྗེ་ཆེན་པོས་སེམས་ཅན་ཐམས་ཅད་ལ་དུས་དང་རྣམ་པ་ཐམས་ཅད་དུ་གཟིགས་ནས། སུ་ནི་དར། སུ་ནི་རྒུད། སུ་ནི་ངན་སོང་གི་སྡུག་བསྔལ་ལས་དྲངས་ནས་མཐོ་རིས་དང་ཐར་པའི་ལམ་བདེ་བ་ལ་འགོད། སུ་ནི་ཉོན་མོངས་པའི་འཆིང་བ་ཐམས་ཅད་ལས་དགྲོལ་བར་བྱ་སྙམ་པ་སོགས་ཉིན་ལན་གསུམ་མཚན་ལན་གསུམ་དུ་དགོངས་པའོ། །མ་འདྲེས་པ་བཅོ་བརྒྱད་ནི་སྔར་བཤད་པ་དང་འདྲའོ། །རྣམ་པ་ཐམས་ཅད་མཁྱེན་ཉིད་དང༌། ཞེས་པས་དང་སྒྲས་བསྡུས་པ་གཉིས་དང༌། མཁྱེན་པ་གསུམ་སྟེ། །རྣམ་པ་ཐམས་ཅད་མཁྱེན་པ་ཉིད་དང༌། །ལམ་ཐམས་ཅད་མཁྱེན་པ་ཉིད་དང༌། གཞི་ཐམས་ཅད་མཁྱེན་པའོ། །

― ZP04_Page_200 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ལ་དང་པོ་ཤེས་བྱའི་ཆོས་ཐམས་ཅད་ཀྱི་རྣམ་པ་ཐ་དད་པ་མ་འདྲེས་པར་མཁྱེན་པའོ། །གཉིས་པ་ནི་ཉན་ཐོས་རང་རྒྱལ་བྱང་ཆུབ་སེམས་དཔའི་ལམ་གསུམ་ཀ་དོན་དམ་པར་སྐྱེ་བ་མེད་པ་དང་ཀུན་རྫོབ་ཏུ་རྒྱུ་ངོ་བོ་འབྲས་བུ་དང་བཅས་པ་མཁྱེན་པའོ། །གསུམ་པ་ནི་གཞི་ཕུང་པོ་ཁམས་དང་སྐྱེ་མཆེད་ཐམས་ཅད་གང་ཟག་གི་བདག་གིས་སྟོང་པར་ཤེས་པའོ། །དེ་ལྟར་མཁྱེན་པའི་ཡེ་ཤེས་སྡེ་ཚན་ཉི་ཤུ་རྩ་གཅིག་པོ་དེ་དག་ལས་སྟོབས་བཅུ། །མི་འཇིགས་བཞི། །མ་འདྲེས་བཅོ་བརྒྱད། དྲན་པ་ཉེར་གཞག་གསུམ། སྲུང་བ་མེད་པ་གསུམ། བག་ཆགས་ཡང་དག་བཅོམ་པ་ཐུགས་རྗེ་ཆེན་པོ་རྣམས་སངས་རྒྱས་ཁོ་ནའི་ཡོན་ཏན་ཡིན་ལ། །དབང་བཅུ་སོ་སོ་ཡང་དག་པར་རིག་པ་བཞི་རྣམས་བྱང་སེམས་རྣམས་དང་ཐུན་མོང་དང༌། བྱང་ཕྱོགས་སྙོམས་འཇུག་རྣམ་ཐར་སོགས་ཉན་རང་བྱང་སེམས་སངས་རྒྱས་ཐམས་ཅད་ཀྱི་ཐུན་མོང་པའི་ཡོན་ཏན་ནོ། །དེ་དག་ཉན་རང་དང་བྱང་སེམས་ཀྱི་ཐུགས་རྒྱུད་ན་བྱང་ཕྱོགས་སོགས་མཚན་ཉིད་པ་ཡོད་པ་ཙམ་ལ་ལྟོས་ནས་ཆོས་དབང་བཙན་དུ་བྱས་ཏེ་ཐུན་མོང་པའི་ཡོན་ཏན་ཞེས་བཞག་གིས། སངས་རྒྱས་ཀྱི་ཐུགས་རྒྱུད་ལ་བཞུགས་པའི་ཁྱད་པར་ཅན་ལ་ལྟོས་ནས་རྒྱུད་དབང་བཙན་དུ་བྱས་ན་ནི་སྡེ་ཚན་ཉེར་གཅིག་པོ་ཐམས་ཅད་ཀྱང་སངས་རྒྱས་ཀྱི་ཐུན་མོང་མ་ཡིན་པའི་ཡོན་ཏན་ནོ། །འདི་ལ་ཟིལ་གནོན་དང་རྣམ་ཐར་ལ་སོགས་པ་དང་པོ་སྒོམ་ཚུལ་དང༌།

― ZP04_Page_201 ―

^{[མ་དཔེ་གཟིགས་ན་འདིར་གནོན།]}

[Full Size]

མཐར་ཡང་ཏིང་ངེ་འཛིན་ལ་བརྟེན་ནས་མངོན་དུ་བྱེད་ཚུལ་སོགས་བཤད་པ་རྣམས་ནི་སྤྱིའི་དབང་དུ་བྱས་ཀྱི། སངས་རྒྱས་ཀྱིས་ནི་སྤྲུལ་པ་ལ་སོགས་དེ་དག་བཞེད་པ་ཙམ་གྱིས་ལྷུན་གྱིས་གྲུབ་པས་རྩོལ་བྱུང་གི་དགེ་བ་ཅུང་ཟད་ཀྱང་མི་མངའ་ལ་འགོག་པའི་སྙོམས་འཇུག་གསུངས་པའང་འགོག་པ་ལ་སྙོམས་པར་འཇུག་ནུས་པ་ཙམ་ལ་དགོངས་ཀྱི། དངོས་སུ་རྫོགས་པའི་སངས་རྒྱས་འགོགས་པ་ལ་སྙོམ་པར་འཇུག་པ་མི་སྲིད་ཅེས་གསུངས་སོ། །དེ་ལྟ་བུའི་ཡོན་ཏན་གྱི་རྣམ་གྲངས་བསམ་གྱིས་མི་ཁྱབ་པ་རྣམས་སངས་རྒྱས་ཀྱི་ཐུགས་རྒྱུད་ཀྱི་རྟོགས་པའི་ཆོས་ཡིན་པས་རྟོགས་པ་ཡེ་ཤེས་ཀྱི་ཆོས་སྐུའོ། །གསུམ་པ་ལོངས་སྐུ་ནི་མཚན་ནི་སུམ་ཅུ་རྩ་གཉིས་དང༌། །དཔེ་བྱད་བརྒྱད་ཅུའི་བདག་ཉིད་ནི། །ཐེག་ཆེན་ཉེ་བར་ལོངས་སྤྱོད་ཕྱིར། །ཐུབ་པའི་ལོངས་སྤྱོད་རྫོགས་སྐུར་བཞེད། །ཅེས་གསུངས་པས། འོག་མིན་གྱི་གནས་སུ་བྱང་སེམས་བཅུ་པ་རྣམས་ལ་སྣང་བའི་སངས་རྒྱས་ཀྱི་གཟུགས་སྐུ་མཚན་དང་དཔེ་བྱད་ཀྱི་བདག་ཉིད་ཅན་དེ་ནི་དུས་རྟག་པ་རྒྱུན་གྱི་འཁོར་ལོ་ཆོས་ཐེག་པ་ཆེན་པོ་ཁོ་ན་ལ་ལོངས་སྤྱོད་པའི་ཕྱིར་ན་ལོངས་སྤྱོད་རྫོགས་སྐུའོ། །མཚན་བཟང་པོ་སོ་གཉིས་ལ་བཅུ་ཚན་གསུམ་དང་གཉིས་ལས། དང་པོ་ནི། །ཕྱག་ཞབས་འཁོར་ལོའི་མཚན་དང་རུས་སྦལ་ཞབས། །ཕྱག་དང་ཞབས་སོར་དྲ་བས་འབྲེལ་བ་དང༌། །ཕྱག་ནི་ཞབས་བཅས་འཇམ་ཞིང་གཞོན་ཤ་ཆགས། །

― ZP04_Page_202 ―

^{[མ་དཔེ་གཟིགས་ན་འདིར་གནོན།]}

[Full Size]

འདི་ཡི་སྐུ་ནི་བདུན་དག་མཐོ་བ་དང༌། །སོར་མོ་རིང་དང་རྟིང་ཡངས་སྐུ་ཆེ་དྲང༌། །ཞབས་འབུར་མི་མངོན་སྤུ་ནི་གྱེན་དུ་ཕྱོགས། །ཞེས་པས་རུས་སྦལ་ཞབས་ནི་རུས་སྦལ་གྱི་ལྟོ་བ་ལྟར་ཞབས་ཀྱི་མཐིལ་ཐམས་ཅད་མཉམ་པར་ས་ལ་འཇོག་པས་ཞབས་མཐིལ་གྱི་གཤོང་བུ་མེད་པ་དང༌། བདུན་མཐོ་བ་ནི། ཕྱག་ཞབས་ཀྱི་རྒྱ་བཞི། ཕྲག་གོང་གཉིས། །ལྟག་པ་སྟེ་བདུན་པོར་གཤོང་བུ་མེད་པར་ཤས་གང་བས་མཐོ་པའོ། །ཞབས་འབུར་མི་མངོན་པ་ནི་ཞབས་ལོང་བུའི་འབུར་མི་མངོན་པའོ། །སྤུ་གྱེན་དུ་ཕྱོགས་པ་ནི། བ་སྤུ་ཐམས་ཅད་གཡས་སུ་འཁྱིལ་པའི་རྩེ་མོ་གྱེན་དུ་ཕྱོགས་པའོ། །གཞན་ནི་གོ་སླའོ། །བཅུ་ཚན་གཉིས་པ་ནི། བྱིན་པ་ཨེ་ན་ཡ་འདྲ་ཕྱག་རིང་མཛེས། །འདོམས་གྱི་སྦ་པ་སྦུབས་སུ་ནུབ་པའི་མཆོག །པགས་པ་གསེར་མདོག་པགས་པ་སྲབ་པ་དང༌། །སྤུ་ནི་རེ་རེ་ནས་གཡས་ལེགས་འཁྲུངས་དང༌། །ཞལ་མཛོད་སྤུས་བརྒྱན་རོ་སྟོང་སེངྒེ་འདྲ། །འདི་ཡི་དཔུང་པའི་མགོ་ཟླུམ་ཐལ་གོང་རྒྱས། ཞེས་པ་རྣམས་སོ། །བྱིན་པ་ཨེ་ན་ཡ་འདྲ་ཞེས་པས་ཨེ་ན་ཡ་ནི། སེངྒེ་ཤ་ར་བྷའམ་རྐང་པ་བརྒྱད་པའམ། བསེ་ཁ་སྒྲོ་ཞེས་པ་ཡིན་ཅེས་གཞུང་འགའ་ཞིག་ལས་བཤད། གང་ཡིན་ཀྱང་ཞབས་ཀྱི་བྱིན་པ་བྱིན་གྱིས་ཕྲ་ཞིང་སྙོམས་པའོ། །པགས་པ་གསེར་མདོག་ནི་གསེར་དྲི་མ་མེད་པ་ལྟར་དག་ཅིང་གསལ་བའི་དོན་ཡིན་གྱི་སེར་པོ་ཡིན་པའི་དོན་མིན་ཅེས་གསུངས་སོ། །

― ZP04_Page_203 ―

^{[མ་དཔེ་གཟིགས་ན་འདིར་གནོན།]}

[Full Size]

རོ་སྟོད་སེངྒེ་འདྲ་བ་ནི་རོ་སྟོད་འཕེལ་ཀ་ཆེ་བའོ། །ཐལ་གོང་ཞེས་པ་ནི་ཕྲག་པ་གཡས་གཡོན་གྱི་བར་ཏེ། །དེ་ན་སྒྲོག་རུས་ཀྱི་གཤོང་མེད་པར་ཤས་གང་བའོ། །བཅུ་ཚན་གསུམ་པ་ནི། །འདི་ལ་རོ་མི་ཞིམ་པ་རོ་མཆོག་སྣང༌། །སྐུ་ནི་ནྱ་གྲོ་དྷ་ལྟར་ཆུ་ཞིང་གབ། །གཙུར་ཏོར་དབུར་ལྡན་ལྗགས་རིང་མཛེས་པ་དང༌། །ཚངས་དབྱངས་འགྲམ་པ་སེངྒེ་འདྲ་དང་ཚེམས། །ཤིན་ཏུ་དཀར་དང་ཚད་མཉམ་ཐགས་བཟང་དང༌། གྲངས་ནི་བཞི་བཅུ་ཐམ་པ་ཚང་བ་དང༌། །ཞེས་སོ། །རོ་མཆོག་སྣང་བ་ནི། རྟ་ཆས་ཀྱི་ནས་རུལ་པ་གསོལ་ཀྱང་ཚེམས་པར་དུ་སླེབས་ནས་ལྷའི་ཞལ་ཟས་རོ་བརྒྱ་བ་ལྟར་བསོད་པའོ། །ནྱ་གྲོ་དྷ་ལྟར་ཆུ་ཞིང་གབ་པ་ནི་ཤིང་གི་རྒྱལ་པོ་ནྱ་གྲོ་དྷ་ལྟར་ཆུ་དབུའི་སྤྱི་བོ་ནས་ཞབས་མཐིལ་གྱི་བར་དང༌། །ཞེང་དུ་ཕྱག་སོར་གྱི་རྩེ་ནས་ཕྱག་སོར་གྱི་རྩེའི་བར་འདོམས་གང་ཚད་ཤིན་ཏུ་མཉམ་ཞིང་རིང་ཐུང་མེད་པའོ། །ལྗགས་རིང་ཞིང་མཛེས་པ་ནི། །རྫུ་འཕྲུལ་གྱི་རྣམ་རོལ་མ་མཛད་ཀྱང་ལྗགས་བརྐྱངས་པས་ཞལ་གྱི་དཀྱིལ་འཁོར་སྐྲ་མཚམས་ཀྱི་བར་ཁེབས་པའོ། །རྫུ་འཕྲུལ་གྱི་སྤྲུལ་པའི་དབང་དུ་བྱས་ན་ནི་སྟོང་གསུམ་ལ་སོགས་པ་ཁེབས་པའོ། །ཚངས་དབྱངས་ནི་གསུང་ཚངས་པའི་སྐད་ལྟར་སྙན་ཞིང་ཡིད་དུ་འོང་བ་དང༌། དྲུང་ནས་ཉན་ཡང་གསུང་ཆེ་བར་མི་མངོན་ལ། རྒྱང་རིང་པོ་ནས་ཉན་ཡང་ཆུང་བར་མི་འགྱུར་བའོ། །འགྲམ་པ་སེངྒེ་འདྲ་བ་ནི། འགྲམ་པ་

― ZP04_Page_204 ―

^{[མ་དཔེ་གཟིགས་ན་འདིར་གནོན།]}

[Full Size]

འཁྱིལ་ཆེ་ཞིང་ཟླུམ་པོར་འདུག་པའོ། །ཚད་མཉམ་པ་ནི་ཚེམས་ཐམས་ཅད་ཆེ་ཆུང་དང་རིང་ཐུང་མེད་པའོ། །ཐགས་བཟང་བ་ནི་ཚེམས་ཀྱི་བར་ན་བར་སྟོང་མེད་པའོ། །ལྷག་མ་གཉིས་ནི། སྤྱན་ནི་མཐོན་མཐིང་སྤྱན་རྫི་བ་མཆོག་གི །འདྲ་བ་འདི་དག་སུམ་ཅུ་རྩ་གཉིས་མཚན། ཞེས་པ་ལྟར། སྤྱན་རིན་པོ་ཆེ་མཐོན་ཀ་ཆེན་པོ་ལྟར་མཐིང་གར་འདུག་པ་དང༌། སྤྱན་གྱི་རྫི་མ་བ་མཆོག་གི་རྫི་མ་ལྟར་འཇིང་ཞིང་དྲི་མ་མེད་པའོ། །དཔེ་བྱད་བརྒྱད་ཅུ་ནི་བཅུ་ཚན་བརྒྱད་དེ། བཅུ་ཚན་དང་པོ་ནི། །ཐུབ་པའི་སེན་མོ་ཟངས་མདོག་དང༌། །མདོག་སྣུམ་མཐོ་དང་སོ་སོར་རྣམས། །ཟླུམ་རྒྱས་བྱིན་གྱིས་ཕྲ་བ་དང༌། །རྩ་མི་མངོན་དང་མདུད་པ་མེད། །ལོང་བུ་མི་མངོན་ཞབས་མཉམ་དང༌། །ཞེས་པས་སོར་མོ་རྣམས་བྱིན་གྱིས་ཕྲ་བ་ནི་ཕྱག་སོར་རྣམས་ཚིགས་མདུད་མེད་པར་རྩ་བ་ནས་རིམ་གྱིས་ཕྲ་བའོ། །མདུད་པ་མེད་པ་ནི་རྩ་མདུད་མེད་པའོ། །ལོང་བུ་མི་མངོན་ཞེས་པའི་སྐབས་མཚན་བཟང་དུ་གཏོགས་པ་ནི་ལོང་བུ་ཆེན་པོ་ཡིན་ལ། དཔེ་བྱད་དུ་གཏོགས་པ་ནི་ལོང་བུ་ཆུང་ངུ་ཡིན་ཞེས་གསུངས་སོ། །ཞབས་མཉམ་པ་ནི། ཞབས་གཡས་གཡོན་གཉིས་རིང་ཐུང་མེད་པར་མཉམ་པའོ། །བཅུ་ཚན་གཉིས་པ་ནི། སེངྒེ་གླང་ཆེན་བྱ་དང་ནི། །ཁྱུ་མཆོག་སྟབས་གཤེགས་གཡས་ཕྱོགས་དང༌། །མཛེས་གཤེགས་དྲང་དང་འཁྲིལ་བག་ཆགས།

― ZP04_Page_205 ―

^{[མ་དཔེ་གཟིགས་ན་འདིར་གནོན།]}

[Full Size]

བྱི་དོར་བྱས་འདྲ་རིམ་པར་འཚམས། ཞེས་པས་མི་ཟིལ་གྱིས་གནོན་པ་ལ་མཁས་པས་སེངྒེ་ལྟར་གཤེགས་པ་དང༌། ཀླུ་ཟིལ་གྱིས་གནོན་པ་ལ་མཁས་པས་གླང་ཆེན་ལྟར་གཤེགས་པ་དང༌། ནམ་མཁའ་ལ་འགྲོ་བ་བྱའི་རྒྱལ་པོའི་སྟབས་སུ་གཤེགས་པ་དང༌། ཚོགས་ཀྱི་སྣ་འདྲེན་པ་ལ་མཁས་པ་བ་གླང་དང༌། །གླང་པོ་ཁྱུ་མཆོག་ལྟར་གཤེགས་པ་དང་སྟབས་གཤེགས་བཞི། གཡས་ཕྱོགས་ནི། ཞལ་བསྐོར་ནས་གཤེགས་པའི་ཚེ་དུས་ནམ་ཡང་གཡས་ཕྱོགས་སུ་བསྐོར་ནས་གཤེགས་པ་དང༌། མཛེས་གཤེགས་དང་དྲང་པོར་གཤེགས་པ་ཡན་གཤེགས་སྟབས་སོ། །འཁྲིལ་བག་ཆགས་པ་ནི། སྐུ་ཤ་མི་ལྷོད་པའོ་རིམ་པར་འཚམས་པ་ནི། ཆེ་ཆུང་དང་སྦོམ་ཕྲ་རིམ་པར་འཚམས་པའོ། །བཅུ་ཚན་གསུམ་པ་ནི། །གཙང་དང་འཇམ་དང་དག་བའི་སྐུ། །མཚན་ནི་ཡོངས་སུ་རྫོགས་པ་དང༌། །སྐུ་ཡི་ཁོ་ལག་ཡངས་ཤིང་བཟང༌། གོམས་སྙོམས་པ་དང་སྤྱན་གཉིས་ནི། དག་དང་གཞོན་ཤ་ཅན་ཉིད་དང༌། སྐུ་ཞུམ་མེད་དང་རྒྱས་པ་དང༌། ཞེས་པས། །སྐུ་དྲི་མ་མེད་པས་གཙང་བ་དང༌། །པགས་པ་འཇམ་པ་དང༌། །སྐུ་གནག་བག་མེད་པར་འཇམ་པ་དང༌། སྐུའི་ཁྱོན་ཆེ་བས་ཁོ་ལག་ཡངས་པ་དང༌། གཤེགས་པའི་ཚེ་གོམ་པ་ཆེ་ཆུང་མེད་པར་གོམ་པ་སྙོམས་པ་དང༌། །སྤྱན་གྱི་དྲི་མ་མེད་པས་དག་པ་དང༌། །སྐུ་ཤ་མི་སྐེམ་པས་

― ZP04_Page_206 ―

^{[མ་དཔེ་གཟིགས་ན་འདིར་གནོན།]}

[Full Size]

ཞུམ་པ་མེད་པ་སོགས་སོ། །བཅུ་ཚན་བཞི་པ་ནི། །ཤིན་ཏུ་གྲིམ་པའི་སྐུ་ཉིད་དང༌། །ཡན་ལག་ཤིན་ཏུ་རྣམ་འབྱེས་དང༌། །གཟིགས་པ་སྒྲིབ་མེད་དག་པ་དང༌། །དཀུ་ཟླུམ་སྐབས་ཕྱིན་མ་རྙོང་དང༌། །ཕྱང་ངེ་བ་དང་ལྟེ་བ་ནི། །ཟབ་དང་གཡས་ཕྱོགས་འཁྱིལ་བ་དང༌། །ཀུན་ནས་ལྟ་ན་སྡུག་པ་དང༌། །ཞེས་པས་ཡན་ལག་འབྱེས་པ་ནི། །ཡན་ལག་གི་སྐབས་ཕྱེད་པ་དང༌། །གཟིགས་པ་སྒྲིབ་མེད་ནི། །སྤྱན་རབ་རིབ་ལ་སོགས་མེད་པ་དང༌། །དཀུ་ཟླུམ་ནི་ལྟེ་བའི་ཐད་ཀྱི་སྐེད་པ་ཟླུམ་པོར་ཡོད་པ་དང༌། །སྐེད་པ་ཕྲ་སྦོམ་མཚམས་ལེགས་པར་དོད་པའི་སྐབས་ཕྱིན་པ་དང༌། །མ་རྙོང་བ་ནི་མི་རིང་པས་དཀུ་མ་རྙོང་བ་རྣམས་སོ། །ཕྱང་ངེ་བ་ནི་ཕྱལ་ཕྱང་ངེ་ཞེས་ལྟོ་བའི་ངོས་ཁོད་མི་མཉམ་པ་མེད་པ་དང༌། ཀུན་ནས་ལྟ་ན་སྡུག་པ་ནི་སྐུ་ཐམས་ཅད་དོ། །བཅུ་ཚན་ལྔ་པ་ནི། །ཀུན་སྤྱོད་གཙང་དང་སྐུ་ལ་ནི། །སྨེ་བ་གནག་བག་མེད་པ་དང༌། །ཕྱག་ནི་ཤིང་བལ་ལྟར་འཇམ་དང༌། །ཕྱག་རིས་མདངས་ཡོད་ཟབ་རིང་དང༌། །ཞལ་ནི་ཧ་ཅང་མི་རིང་དང༌། །མཆུ་ནི་བིམྤ་ལྟར་དམར་དང༌། །ལྗགས་མཉེན་པ་དང་སྲབ་པ་དང༌། །ཞེས་པས་ཕྱག་རིས་མདྭངས་ཡོད་པ་དང༌། །ཕྱག་རིས་ཟབ་པ་དང༌། ཕྱག་གི་རི་མོ་རིང་བ་དང༌། མཆུ་བིམྤ་ལྟར་དམར་བ་སོགས་སོ། །བཅུ་ཚན་དྲུག་པ་ནི། དམར་དང་འབྲུག་གི་སྒྲ་ཉིད་དང༌། །

― ZP04_Page_207 ―

^{[མ་དཔེ་གཟིགས་ན་འདིར་གནོན།]}

[Full Size]

གསུང་གཉེན་མཇམ་དང་མཆེ་བ་ཟླུམ། །རྣོ་དང་དཀར་དང་མཉམ་པ་དང༌། །བྱིན་གྱིས་ཕྲ་དང་ཤངས་མཐོ་དང༌། །མཆོག་ཏུ་དག་པ་དག་དང་ནི། །ཞེས་པས། ལྗགས་དམར་བ་དང༌། མཆེ་བ་ཟླུམ་པ་ནས་བྱིན་གྱིས་ཕྲ་བའི་བར་དང༌། ཤངས་གཟེངས་མཐོ་བ་དང༌། །ཤངས་སྣབས་ལུད་མེད་པ་སོགས་མཆོག་ཏུ་དག་པ་སོགས་སོ། །བཅུ་ཚན་བདུན་པ་ནི། །སྤྱན་ཡངས་པ་དང་རྫི་མ་སྟུག །པདྨའི་འདབ་མ་འདྲ་བ་དང༌། །སྨིན་ཚུགས་རིང་དང་འཇམ་པ་དང༌། །སྣུམ་དང་སྤུ་ནི་མཉམ་པ་དང༌། །ཕྱག་རིང་རྒྱས་དང་སྙན་མཉམ་དང༌། །ཉམས་པར་རྣམ་པར་སྤངས་པ་དང༌། ཞེས་པས། དེ་ཡང་མིག་གི་སྟེང་ན་སྐྱེ་བའི་སྤུ་ནི་སྨིན་མ་ཡིན་ལ། །མིག་སྒོར་སྐྱེ་བ་ནི་རྫི་མའོ། །པདྨའི་འདབ་མ་འདྲ་བ་ནི། ཞེས་པདྨ་འདབ་མ་དང་ཟེའུ་འབྲུར་བཅས་ཁ་ཚང་བར་ཡོད་པ་ལྟར་དཀར་ནག་གི་མཚམས་ཕྱེད་ཅིང་མཛེས་པའོ། །སྙན་མཉམ་ནི་སྙན་གཡས་གཡོན་མཉམ་པ་དང༌། ཉམས་པ་རྣམ་པར་སྤངས་པས་དྲི་མ་མེད་པའོ། །བཅུ་ཚན་བརྒྱད་པ་ནི། །དཔྲལ་བ་ལེགས་པར་འབྱེས་པ་དང༌། །དབྱེས་ཆེ་བ་དང་དབུ་རྒྱས་དང༌། །དབུ་སྐྲ་བུང་བ་ལྟར་གནག་དང༌། །སྟུག་དང་འཇམ་དང་མ་འཛིང་དང༌། །མི་གཤོར་དྲི་ཞིམ་སྐྱེས་བུ་ཡི། །ཡིད་ནི་འཕྲོག་པར་བྱེད་པ་དང༌། །དཔལ་གྱི་བེའུ་དང་བཀྲ་ཤིས་ནི། །གཡུང་དྲུང་འཁྱིལ་པས་མཚན་པ་སྟེ།

― ZP04_Page_208 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་རྒྱས་དཔེ་བྱད་བཟང་པོར་བཞེད། ཅེས་པས། དཔྲལ་བ་ལེགས་པར་འབྱེས་པ་ནི་དཔྲལ་བའི་སྐྲ་མཚམས་ལེགས་པར་དོད་པ་དང༌། དབྱེས་ཆེ་བ་ནི་དཔྲལ་བའི་ཁྱོན་ཆེ་བ་དང༌། དབུ་སྐྲ་མ་འཛིང་པ་ནི་དབུ་སྐྲ་ཉག་མ་ཕན་ཚུན་མ་འདྲེས་པ་དང༌། །ནག་ནོག་ཏུ་གྱུར་པ་མེད་པ་དང༌། །མི་གཤོར་བ་ནི། དབུ་སྐྲ་གྱེན་དུ་མ་བརྫེས་པ་དང༌། དབུ་སྐྲ་ལ་དྲི་ཞིམ་པོར་བྲོ་བས་སྐྱེས་བུའི་ཡིད་འཕྲོག་པར་བྱེད་པ་དང༌། ཐུགས་ཀ་ན་དཔལ་གྱི་བེའུ་དང་ཕྱག་དང་ཞབས་ཀྱི་མཐིལ་ན་རི་མོ་གྲུ་བཞི་པ་བཀྲ་ཤིས་པ་དང༌། །གཡུང་དྲུང་འཁྱིལ་བ་ལ་སོགས་པས་བརྒྱན་པའོ། །མཚན་དང་དཔེ་བྱད་འདི་དག་ཉིད་སངས་རྒྱས་ཀྱི་གཟུགས་སྐུའི་ཡོན་ཏན་ཡིན་ལ། སངས་རྒྱས་ཀྱི་གཟུགས་ཀྱི་སྐུ་དངོས་ནི་ལོངས་སྤྱོད་རྫོགས་སྐུ་ཡིན་པས། །འདི་དག་ལོངས་སྐུ་ལ་བཞག་པ་ཡིན་ལ། སྤྲུལ་སྐུ་ལའང་མཆོག་གི་སྤྲུལ་སྐུ་ལ་མཚན་དཔེ་འདི་དག་ཡོད་མོད་ཀྱང༌། སྤྲུལ་སྐུ་གཞན་དོན་གདུལ་བྱར་སྣང་བ་ཙམ་ཡིན་པས་མཚན་དཔེ་དངོས་མ་བཞག་གོ །མཚན་བཟང་རྣམས་ལས་དབུ་གཙུག་ཏོར་དང༌། མཛོད་སྤུ་གཉིས་མ་གཏོགས་གཞན་རྣམས་འཁོར་ལོས་བསྒྱུར་བ་ལའང་ཆ་འདྲ་ཙམ་ཡོད་ཀྱང༌། སངས་རྒྱས་ཀྱི་མཚན་བཟང་གསལ་བ་དང་མཛེས་པ་སོགས་ཁྱད་པར་ཆེའོ། །མཚན་དང་དཔེ་བྱད་ཀྱི་སྒྲ་དོན་ནི། །སྐྱེས་བུ་ཆེན་པོར་མཚོན་པར་བྱེད་པས་ན་མཚན་དང༌། །ནང་གི་ཡོན་ཏན་གྱི་དཔེ་ལྟ་བུ་ཕྱི་རོལ་ན་སྣང་བས་ན་དཔེ་བྱད་དོ། །སྤྲུལ་

― ZP04_Page_209 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་ནི། གང་གིས་སྲིད་པ་ཇི་སྲིད་དུ། འགྲོ་ལ་་ཕན་པ་སྣ་ཚོགས་དག །མཉམ་དུ་མཛད་པའི་སྐུ་དེ་ནི། །ཐུབ་པའི་སྤྲུལ་སྐུ་རྒྱུན་མི་འཆད། །ཅེས་གསུངས་པས། སྲིད་པ་འཁོར་བའི་འཇིག་རྟེན་མ་སྟོངས་ཀྱི་བར་དུ་ཕན་པ་དེ་བསམ་གྱིས་མི་ཁྱབ་པར་མཛད་པའི་སྤྲུལ་སྐུ་གྲངས་མེད་པ་དུས་མཉམ་དུ་སྣང་ཞིང༌། །དེ་ཡང་འཁོར་བ་མ་སྟོངས་བར་དུ་རྒྱུན་མི་འཆད་པའོ། །གཉིས་པ་བརྟེན་པ་ཡེ་ཤེས་ནི། ལེའུ་བཅུ་གསུམ་པར་བཤད་པ་ལྟར་མེ་ལོང་ལྟ་བུ་ལ་སོགས་པ་དང༌། དེ་དག་ཀྱང་བསྡུ་ན་ཇི་ལྟ་ཇི་སྙེད་མཁྱེན་པའི་ཡེ་ཤེས་གཉིས་དང༌། དེ་ཡང་བསྡུ་ན་རྣམ་པ་ཐམས་ཅད་མཁྱེན་པའི་ཡེ་ཤེས་གཅིག་གོ །གསུམ་པ་མཛད་པ་ཕྲིན་ལས་ནི། གདུལ་བྱ་རྣམས་ལམ་གྱི་རྟེན་ལ་འགོད་པ་དང༌། ལམ་ལ་འགོད་པ་དང༌། འབྲས་བུ་ལ་འགོད་པའོ། །དང་པོ་ལམ་གྱི་རྟེན་ལ་འགོད་པ་ནི། ངན་སོང་གི་སེམས་ཅན་རྣམས་ཐུགས་རྗེའི་འོད་ཟེར་ལྔ་ཕོགས་པས་རྒྱུད་སྦྱངས་ནས་མངོན་མཐོ་ལྷ་མིའི་ལུས་རྟེན་ཁྱད་པར་ཅན་ཡང་དག་པའི་ཆོས་ཀྱི་སྣོད་དུ་རུང་བ་ལ་འགོད་པའོ། །གཉིས་པ་ནི་རིགས་ཅན་གསུམ་གྱི་གདུལ་བྱ་རང་རང་གི་སྐལ་པ་དང་མཐུན་པར་ཐེག་པ་གསུམ་གྱི་ལམ་ལ་འགོད་པའོ། །གསུམ་པ་ནི་ལམ་དེ་དག་གི་འབྲས་བུ་མྱ་ངན་ལས་འདས་པ་ལ་འགོད་པའོ། །ཕྲིན་ལས་དེ་དག་ཀྱང་བྱ་བ་ཡུལ་ལ་ཡོད་པའི་ཕྲིན་ལས་དང༌། བྱེད་པོ་ཡུལ་ཅན་ལ་ཡོད་པའི་ཕྲིན་ལས་སོ། །དང་པོ་ནི། །

― ZP04_Page_210 ―

^{[མ་དཔེ་གཟིགས་ན་འདིར་གནོན།]}

[Full Size]

གདུལ་བྱ་རྣམས་མཐོ་རིས་ཐོབ་པ་དང་ལམ་རྒྱུད་ལ་སྐྱེ་བ་སོགས་གདུལ་བྱའི་རྒྱུད་ཀྱིས་བསྡུས་ལ། གཉིས་པ་ནི། དེ་ལྟར་མཛད་པའི་ཐབས་སམ་ནུས་པ་སྟེ་སངས་རྒྱས་ཉིད་ཀྱི་ཐུགས་རྒྱུད་ཀྱིས་བསྡུས་པའོ། །ལམ་གྱི་སྦས་དོན་གསང་སྔགས་རྡོ་རྗེ་ཐེག་པ་ལྟར་བཤད་པའི་སྐབས་སུ། །སྔགས་ཀྱི་ཐེག་པ་ཞེས་པའི་དོན་ནི། །མན་ཡིད་དང་ཏྲ་ཡ་སྐྱོབ་པའི་སྒྲས་བསྡུས་པས་མནྟྲ་ཞེས་བྱ་སྟེ། ཡིད་ཤེས་བདེ་མྱུར་གྱིས་སྐྱོབ་པས་ན་གསང་སྔགས་སོ། །འབྲས་བུའི་ཐེག་པ་ཞེས་པའི་དོན་ནི་གཞི་གཏན་ལ་དབབ་པའི་དུས་སུ་མཐར་ཐུག་གི་སངས་རྒྱས་ཀྱི་སྐུ་དང༌། ཡེ་ཤེས་ཀྱི་ཆོས་ཁམས་རྒྱ་མཚོ་ལྟ་བུ་སེམས་ཉིད་བདེ་གཤེགས་སྙིང་པོའི་རང་རྩལ་དུ་རྫོགས་པས་འབྲས་བུ་གཞི་ལ་གནས་པར་འདོད་པ་དང༌། ལམ་ཉམས་སུ་ལེན་པའི་དུས་སུ་འབྲས་བུ་སྐུ་དང་ཡེ་ཤེས་ཀྱི་བཞུགས་ཚུལ་དང་མཐུན་པའི་ལམ་སྒོམ་པས་འབྲས་བུ་ལམ་དུ་བྱེད་པ་དང༌། །འབྲས་བུ་མངོན་དུ་བྱེད་པའི་དུས་སུ་མི་ལུས་གཅིག་གིས་འབྲས་བུ་མངོན་དུ་བྱེད་པས་འབྲས་བུའི་ཐུས་ཀ་ཡིན་པའི་ཕྱིར་ན་འབྲས་བུའི་ཐེག་པ་ཞེས་བྱའོ། །རྡོ་རྗེའི་ཐེག་པ་ཞེས་པའི་དོན་ནི། །མཚོན་བྱེད་དཔེའི་རྡོ་རྗེ་དང་རྗེས་སུ་མཐུན་པའི་ཆོས་ཉིད་དོན་དམ་པའི་རྡོ་རྗེ་བདེ་གཤེགས་སྙིང་པོའི་ཡིན་ལུགས་བླ་མས་ངོ་སྤྲད་པ་དེ་ཉིད་ཕར་མཚན་མའི་རྣམ་རྟོག་ཐམས་ཅད་ཀྱིས་གླགས་མི་རྙེད་པས་ན་རྡོ་རྗེ་ཡིན་ལ། དོན་དམ་ཉམས་ལེན་གྱི་གཙོ་བོར་བརྟེན་པས་ན་རྡོ་རྗེ་ཐེག་པ་ཞེས་བྱའོ། །ཐབས་

― ZP04_Page_211 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་ཐེག་པ་ཞེས་པའི་དོན་ནི། །སྦྱིན་པ་ལྟ་བུ་སྤྱོད་པའི་སྒོ་རེ་རེ་ཡང་ཐབས་དུ་མའི་སྒོ་ནས་སྒྲུབ་པས་ཐབས་མང་བ་དང༌། ཉོན་མོངས་པ་ལྔ་ཡང་ལམ་དུ་བྱེད་པས་ཐབས་མཁས་པ་དང༌། འདོད་ཡོན་མ་སྤངས་པས་ཐབས་བདེ་བ་དང༌། ཚེ་ལུས་གཅིག་གིས་འགྲུབ་པས་ཐབས་མྱུར་བའོ། །རིག་པ་འཛིན་པའི་སྡེ་སྣོད་ཅེས་པའི་དོན་ནི། རིག་པ་བདེ་གཤེགས་སྙིང་པོའི་ཆོས་ཉིད་བླ་མས་ངོ་སྤྲད་པ་དེ་ཉིད་མི་འབྲལ་བར་འཛིན་པའི་རིག་འཛིན་ནི་གསང་སྔགས་ཉམས་སུ་ལེན་པའི་གང་ཟག་རྣམས་ཡིན་ལ། དེ་དག་གིས་ཉམས་སུ་བླང་བྱའི་སྡེ་སྣོད་ཡིན་པས་ན་རིག་པ་འཛིན་པའི་སྡེ་སྣོད་དོ། །སྡེ་སྣོད་ཅེས་པའི་དོན་ནི། ཚིག་དོན་གྱི་སྡེ་ཚན་དུ་མའི་སྣོད་ཡིན་པས་ན་སྡེ་སྣོད་དོ། །ལམ་སྨིན་བྱེད་ཀྱི་དབང་བཤད་པའི་སྐབས་སུ་ཕྱི་ནང་གསང་བའི་དེ་ཉིད་བཅུ་ནི། རྡོ་རྗེ་སྙིང་པོ་རྒྱན་གྱི་རྒྱུད་ལས། ཕྱིར་བཟློག་གཉིས་ཀྱི་ཆོ་ག་དང༌། གསང་དང་ཤེས་རབ་ཡེ་ཤེས་དང༌། །ཁ་སྦྱོར་འབྱེད་པའི་ཆོ་ག་དང༌། །གཏོར་མ་རྡོ་རྗེའི་བཟླས་པ་དང༌། །དྲག་ཤུལ་སྒྲུབ་པའི་ཆོ་ག་དང༌། །རབ་ཏུ་གནས་དང་དཀྱིལ་འཁོར་སྒྲུབ། །གསང་བའི་དེ་ཉིད་བཅུ་ཡིན་ནོ། །དཀྱིལ་འཁོར་ཏིང་འཛིན་ཕྱག་རྒྱ་དང༌། །སྟངས་སྟབས་འདུག་སྟངས་བཟླས་བརྗོད་དང༌། །སྦྱིན་སྲེག་མཆོད་པ་ལས་སྦྱོར་དང༌། །སླར་སྡུད་པ་ཡི་རྣམ་པ་ནི། །ཕྱི་ཡི་དེ་ཉིད་བཅུ་ཡིན་ནོ། །ཞེས་སོ། །ཕྱིར་བཟློག་

― ZP04_Page_212 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་ནི་ཁྲོ་བཅུ་ལ་སོགས་པའི་སྲུང་འཁོར་བསྒོམས་ནས་བར་ཆད་ཐམས་ཅད་ཕྱིར་བཟློག་པ་དང༌། བྲིས་པའི་སྲུང་འཁོར་གྱི་སྒོ་ནས་བཟློག་པ་ཡིན་ནོ། །ཕྱིའི་དེ་ཉིད་བཅུ་པོ་གསང་སྔགས་ནང་རྒྱུད་དང་བསྟུན་པའི་དཀྱིལ་འཁོར་བྲི་བ་དང་ཏིང་ངེ་འཛིན་སྒོམ་པ་སོགས་ནང་གི་དེ་ཉིད་བཅུ་དང་ཕྱི་རྒྱུད་སྡེ་གསུམ་དང་བསྟུན་ན་ཕྱིའི་དེ་ཉིད་བཅུའོ། །ཆོ་གའི་ཡན་ལག་བཅུ་དྲུག་བཤད་པའི་སྐབས་སུ། བསྙེན་པ་ལ་གཞི་བསྙེན་དང་ལས་བསྙེན་གཉིས་ལས། གཞི་བསྙེན་ལ་གྲངས་དུས་མཚན་མའི་བསྙེན་པ་དང་གསུམ། ལས་བསྙེན་སློབ་མ་ལ་དབང་བསྐུར་བའི་དུས་སུ་བསྙེན་པ་ཁ་གསོ་བ་སྟེ། དེ་གཉིས་ཀ་ལ་བསྙེན་སྒྲུབ་ཡན་ལག་བཞི་ཀ་ཚངས་པར་བསྒོམ་དགོས་ཏེ། དེ་ཡང་ཆོ་གའི་ཐུན་གཅིག་དང་སྦྱར་ན་ཏིང་ངེ་འཛིན་གསུམ་སྒོམ་པ་ཡན་ཆད་བསྟེན་པ། རང་ལྷ་གཙོ་བོར་སྒོམ་པ་ཉེ་བསྙེན། །འཁོར་གྱི་ལྷ་ཚོགས་ཚང་བར་སྒོམ་པ་སྒྲུབ་པ་དབང་བསྐུར་རྒྱས་གདབ་སྤྱན་འདྲེན་སོགས་ནས་བཟླས་པ་མཆོད་བསྟོད་སོགས་སྒྲུབ་པ་ཆེན་པོའོ། །ཡང་ན་བསྙེན་པ་ཇི་ཙམ་བྱེད་པའི་ཞག་གྲངས་ཀྱིས་བསྙེན་སྒྲུབ་ཡན་ལག་བཞི་ཚང་བ་ཡིན་ཏེ། ཞག་དང་པོ་སྒྲུབ་རྫས་དང་ཡོ་བྱད་སྟ་གོན་བྱས་ནས་ཆོ་ག་ཚར་གཅིག་གཏོང་བ་བསྟེན་པ། དེ་ནས་སྒྲུབ་པ་ཇི་ཙམ་བྱེད་པའི་ཞག་གྲངས་གྱི་ཕྱེད་ཚུན་ཆད་འོད་ཟེར་དཀར་པོའི་སྤྲོ་བསྡུས་སྡིག་སྒྲིབ་སྦྱངས་པའི་དམིགས་པ་གཙོ་བོར་བྱེད་པ་ཉེ་

― ZP04_Page_213 ―

^{[མ་དཔེ་གཟིགས་ན་འདིར་གནོན།]}

[Full Size]

བསྙེན། དེ་ཕྱིན་ཆད་ཕྱེད་ཕྱི་ལ་འོད་ཟེར་དམར་པོའི་སྤྲོ་བསྡུས་མཆོག་ཐུན་མོང་གི་དངོས་གྲུབ་རང་ལ་བསྡུ་བའི་དམིགས་པ་གཙོ་བོ་བྱེད་པ་སྒྲུབ་པ། །ཞག་ཐ་མ་ལ་དངོས་གྲུབ་ལེན་པ་སྒྲུབ་པ་ཆེན་པོའོ། །དེ་ནས་ས་ཆོག་ལ་ཡན་ལག་བཞི་སྟེ། དང་པོ་ས་བསླང་བ་ལ་སྣང་བ་མི་ལས་བསླང་བ་རྒྱལ་པོ་ལ་སོགས་ལ་རིན་གྱིས་གཞལ་བའམ་ཚིག་གིས་བཀྲོལ་ནས་ས་གཞི་རང་དབང་ཐོབ་པར་བྱ། མི་སྣང་བ་སའི་ལྷ་མོ་ལས་བསླང་བ་སའི་ལྷ་མོ་ས་བདག་གཞི་བདག་གི་འཁོར་དང་བཅས་པ་ལ་གཏོར་མ་ཕུལ་ནས་གནང་བ་ཞུ་བ་དང་གཉིས་སོ། །གཉིས་པ་ས་སྦྱང་བ་ལ་བཞི། །དང་པོ་ལྟོ་འཕྱེ་བརྟགས་ནས་སྦྱང་བ་ནི། ས་བདག་ལྟོ་འཕྱེའི་ཐིག་ལེགས་པར་བཏབ་སྟེ་དེའི་ལྟོ་བའི་ཐད་ནས་བརྐོའོ། །གཉིས་པ་སའི་ཟུག་རྔུ་དབྱུང་བ་ནི། །དཀྱིལ་འཁོར་གཞིར་ལུས་ཕྱེད་ནུབ་པ་ལ་སོགས་པའི་ས་བརྐོས་ནས་རུས་པ་གྱོ་མོ་རྡོ་སྐྲ་སོགས་སའི་ཟུག་རྔུ་རྣམས་དབྱུང་བའོ། །གསུམ་པ་རྫས་སྔགས་ཏིང་ངེ་འཛིན་གྱིས་སྦྱང་བ་ནི། བ་བྱུང་དྲི་བཟང་གི་ཆུ་ལ་སོགས་པའི་རྫས། །ཨོཾ་ཧ་ན་ཧ་ན་ཧཱུྃ་ཕཊ། ཅེས་སྔགས་དང༌། ལག་པ་རྡོ་རྗེའི་རང་བཞིན་ལས་འཕྲོས་པའི་འོད་ཀྱིས་ས་གཞི་རྡོ་རྗེར་བྱིན་གྱིས་བརླབས་པའི་ཏིང་ངེ་འཛིན་རྣམས་ཀྱིས་སྦྱང་བའོ། །བཞི་པ་ཆོས་ཉིད་བསམ་གྱིས་མི་ཁྱབ་པས་སྦྱང་བ་ནི། སྦྱང་བྱ་སྦྱང་བྱེད་ཀྱི་སྤྲོས་པ་ཞི་བའི་ཆོས་ཉིད་ལ་

― ZP04_Page_214 ―

^{[མ་དཔེ་གཟིགས་ན་འདིར་གནོན།]}

[Full Size]

མཉམ་པར་འཇོག་པའོ། །གསུམ་པས་གཟུང་བ་ནི། རྐང་པ་བྱིན་གྱིས་བརླབས་ཏེ་རྡོ་རྗེའི་འགྲོས་དང་གར་གྱིས་ས་བཅག་པའོ། །བཞི་པས་སྲུང་བ་ནི། བགེགས་ཀྱི་གཙོ་བོ་རྣམས་ལ་ཕུར་བུས་བཏབ་སྟེ་སྲུང་བའོ། །གསུམ་པ་སྟ་གོན་ལ་ཡན་ལག་བཞི་སྟེ། ས་ཡི་ལྷ་མོ་སྟ་གོན་དང༌། དཀྱིལ་འཁོར་གྱི་ལྷ་སྟ་གོན་དང༌། བུམ་པ་སྟ་གོན་དང༌། སློབ་མ་སྟ་གོན་ནོ། །དང་པོ་ནི། ས་ལྷ་སྤྱན་དྲངས་ཏེ་གཏོར་མ་ཕུལ་ནས་ཕྲིན་ལས་བཅོལ་བ་སྔར་ལྟར་རོ། །གཉིས་པ་ནི། དཀྱིལ་འཁོར་གྱི་གཞིར་ཚོམ་བུ་བཀོད་པ་ལ་ལྷ་བསྐྱེད་བསྟིམ་སོགས་བྱས་ནས་གནང་བ་ཞུ་བའོ། །གསུམ་པ་ལྷ་གྲངས་སམ། རྣམ་རྒྱལ་དང་ལས་བུམ་ཙམ་སྒྲུབ་པའོ། །བཞི་པ་ནི་སློབ་མ་ལ་ཆོས་བཤད་ནས་སོ་ཤིང་ཁྱོར་ཆུ་སྲུང་སྐུད་ཀུ་ཤ་རྣམས་བྱིན་ཏེ་དངོས་གྲུབ་ཀྱི་ལྟས་བརྟགས་པའོ། །བཞི་པ་སློབ་མ་འཇུག་ཅིང་སྨིན་པ་ལ་ཡན་ལག་བཞི་སྟེ། །སློབ་དཔོན་རང་ཉིད་འཇུག་པ་དང༌། །སློབ་མ་འཇུག་པར་གནང་བ་ཞུ་བ་དང༌། །སློབ་མ་དཀྱིལ་འཁོར་དུ་གཞུག་པ་དང༌། ཞུགས་པ་ལ་དབང་བསྐུར་བའོ། །དང་པོ་ནི། །རྒྱས་པར་བདག་ཉིད་འཇུག་པ་དང༌། །བསྡུ་ན་རིག་པའི་མེ་ཏོག་དོར་བ་ཙམ་གྱིས་འཇུག་གོ །གཉིས་པ་ནི། སློབ་མ་གཞུག་པར་གནང་བ་ཞུས་པས། གནང་བ་བྱིན་པར་བསམ་མོ། །གསུམ་པ་ནི། སྡོམ་པ་རྣམས་ཕོག་པ་ནས་བཟུང་དཀྱིལ་འཁོར་བསྟན་པའི་བར་ཕྱི་འཇུག་དང༌། ཡེ་ཤེས་ཕེབས་པ་ནང་འཇུག་གོ །བཞི་པ་ནི། །

― ZP04_Page_215 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་བཞི་རྒྱས་པར་བསྐུར་བའོ། །དབང་བཞི་རྒྱས་པར་བཤད་པའི་སྐབས་སུ། །དབང་རེ་རེ་ལའང་འདོད་ཆགས་ཀྱི་འཇུག་ཚུལ་བཞི་ལས། གང་གི་གཉེན་པོར་ཆ་བ། དཀྱིལ་འཁོར་གང་ལ་བརྟེན་པ། དབང་གང་བསྐུར་བ། སྒྲིབ་པ་གང་འདག །ལྟ་བ་གང་རྟོགས། ལམ་གང་སྒོམ་པ་ལ་དབང༌། །གྲུབ་མཐའ་གང་སྙོགས། འདའ་ཀ་མའི་མན་ངག་གང་ཡིན། འབྲས་བུ་གང་ཐོབ་པ་དང་དགུ་རེ་ཡོད་པ་ལས། །དང་པོ་བུམ་དབང་གི་སྐབས་སུ། །བལྟས་པས་ཚིམ་པའི་འདོད་ཆགས་ཀྱི་གཉེན་པོར་བྱེད། །དཀྱིལ་འཁོར་ཕྱི་རྡུལ་ཚོན་གྱི་དཀྱིལ་འཁོར་ལ་བརྟེན། དབང་བུམ་དབང་བསྐུར། །ལུས་ཀྱི་སྒྲིབ་པ་དག །ལྟ་བ་ངོ་བོ་ཉིད་གསུམ་རྟོགས། དེ་ཡང་སྣང་བ་ལྷ་ཡི་དཀྱིལ་འཁོར་དུ་གསལ་བ་སྣང་ཕྱོགས་ཀྱི་ངོ་བོ་ཉིད་དང༌། དེའི་རང་བཞིན་སྟོང་ཉིད་དུ་ཤེས་པ་སྟོང་ཕྱོགས་ཀྱི་ངོ་བོ་ཉིད་དང༌། དེ་གཉིས་ཟུང་དུ་འཇུག་པ་ཟུང་འཇུག་གི་ངོ་བོ་ཉིད་དོ། །དང་པོ་གཉིས་རྒྱུ་དུས་ཀྱི་ལྟ་བ་དུག་ཅན་དང༌། ཕྱི་མ་འབྲས་དུས་ཀྱི་ལྟ་བ་དུག་མེད་དོ། །ལམ་བསྐྱེད་རིམ་དབྱིབས་ཀྱི་ལམ་བསྐྱེད་པའི་རིམ་པ་སྒོམ་པ་ལ་དབང༌། གྲུབ་མཐའ་གང་རྟོགས་ན་འཁོར་འདས་དབྱེར་མེད་རྟོགས། དེ་ཡང་འདི་མན་ཆད་གྱི་གྲུབ་མཐའ་སྙོགས་པ་ཐམས་ཅད་རང་རང་གིས་ལྟ་བ་མངོན་སུམ་དུ་རྟོགས་པ་ཡིན་པ་ལས། ཐོབ་པའམ་རིག་འཛིན་གྲུབ་པ་ཡིན་ནོ། །འཁོར་འདས་དབྱེར་མེད་ནི། །འཁོར་བ་དང་མྱ་ངན་ལས་

― ZP04_Page_216 ―

^{[མ་དཔེ་གཟིགས་ན་འདིར་གནོན།]}

[Full Size]

འདས་པ་གཉིས་ཀ་མཉམ་པ་ཉིད་དུ་རྟོགས་པའོ། །འདའ་ཀ་མའི་མན་ངག་ནི། ཚེ་འདིར་གྲུབ་མཐའ་མ་སྙོགས་ན་འོད་ཀྱི་གོང་བུས་འཕོ་བ་དང༌། སྒྲ་ཡི་གོང་བུས་འཕོ་བ་ལ་བརྟེན་ནས་དག་པའི་ཞིང་ངམ་སྔགས་ལ་སྤྱོད་པའི་རྟེན་ཅན་དུ་སྐྱེས་ཏེ་ལམ་གྱི་འཕྲོ་མཐུད་པའོ། །དེ་ཡང་འོད་ཀྱི་གོང་བུ་ནི་རྣམ་ཤེས་འོད་ཀྱི་ཐིག་ལེར་བསྒོམ་ནས་འཕོ་བ་དང༌། སྒྲའི་འཕོ་བ་ནི་ཧི་ཀ་ལ་སོགས་པའི་སྒྲས་འཕོ་བའོ། །ཚེ་འདིར་གྲུབ་མཐའ་སྙོགས་ན་འདའ་ཀ་མའི་མན་ངག་མི་དགོས་སོ། །འབྲས་བུ་ནི་རྩའི་འགྲོས་ཐིམ་ནས་སྤྲུལ་སྐུ་འགྲུབ་པའོ། །གཉིས་པ་གསང་དབང་ལའང་དགུ་སྟེ། དང་པོ་དགོད་པས་ཚིམ་པའི་འདོད་ཆགས་ཀྱི་གཉེན་པོར་བྱེད། །དཀྱིལ་འཁོར་རྩ་ཡི་གེ་བྷ་གའི་དཀྱིལ་འཁོར་ལ་བརྟེན། དབང་གསང་དབང་བསྐུར། །ངག་གི་སྒྲིབ་པ་དག་ལྟ་བ་རང་བྱུང་གི་ཡེ་ཤེས་རྟོགས། ལྟ་བ་འདི་ལ་བཞི་སྟེ། དང་པོ་སྙིང་གའི་ཉོན་མོངས་པའི་རྩ་འཁོར་དུ་རླུང་སེམས་འདུས་པས་ཉོན་མོངས་པ་སྔར་བས་རགས་པ་ལྟར་གྱུར་པས་ཉོན་མོངས་རང་བྱུང་ཡེ་ཤེས། དེ་ནས་རོ་རྐྱང་རྣམ་རྟོག་གི་རྩ་ལ་རླུང་སེམས་འདུས་པས་རྣམ་རྟོག་སྔར་བས་རགས་པ་ལྟར་གྱུར་པ་རྣམ་རྟོག་རང་བྱུང་ཡེ་ཤེས། དེ་ནས་དབུ་མའི་རྩ་འཕྲེད་བསྟན་འགའ་ཞིག་ཏུ་རླུང་སེམས་འདུས་པས་ཤེས་པ་སྔར་བས་རྨོངས་པ་ལྟར་གྱུར་པ་སྣེལ་ཞི་རང་བྱུང་ཡེ་ཤེས། དེ་ནས་དབུ་མར་རླུང་སེམས་འདུས་ནས་རིག་པ་

― ZP04_Page_217 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ་དྭངས་སྔར་བས་ཁྱད་པར་དུ་འཕགས་པ་རྒྱུད་ལ་སྐྱེས་པ་གསལ་ཞིང་ཡངས་པ་རང་བྱུང་ཡེ་ཤེས་སོ། །སྔ་མ་གསུམ་ལྟ་བུ་དུག་ཅན་དང༌། ཕྱི་མ་དུག་མེད་དོ། །ལམ་བདག་བྱིན་གྱིས་རློབ་པའི་ལམ་གཏུམ་མོ་བསྒོམ་པ་ལ་དབང༌། གྲུབ་མཐའ་གང་སྙོགས་ན་མ་འདྲེས་ལ་ཡོངས་སུ་རྫོགས་པའི་གྲུབ་མཐའ་སྙོགས་ཏེ། འགྲོ་དྲུག་གི་སྒྲ་སྐད་ཆེ་ཆུང་ཐམས་ཅད་སངས་རྒྱས་ཀྱི་གསུང་དུ་རྟོགས་པའོ། །ཚེ་འདིར་གྲུབ་མཐའ་མ་སྙོགས་ན་འདའ་ཀ་མའི་མན་ངག་དཔེའི་འོད་གསལ་ཏེ་སྔར་གྱི་ལྟ་བ་དེའི་ངང་ནས་འཕོ་བའོ། །འབྲས་བུ་གང་ཐོབ་ན་ཡི་གེའི་འགྲོས་ཐིམ་ནས་ལོངས་སྐུ་འགྲུབ་པའོ། །གསུམ་པ་ཤེས་རབ་ཡེ་ཤེས་ཀྱི་དབང་ལའང་དགུ་སྟེ། དང་པོ་འདོད་ཆགས་བཞི་ལས་ལག་བཅང་གི་འདོད་ཆགས་ཀྱི་གཉེན་པོར་བྱེད། དཀྱིལ་འཁོར་ཀུན་རྫོབ་བྱང་ཆུབ་སེམས་ཀྱི་དཀྱིལ་འཁོར་ལ་བརྟེན། དབང་ཤེར་དབང་བསྐུར་ཡིད་ཀྱི་སྒྲིབ་པ་དག །ལྟ་བ་གང་རྟོགས་ན་བདེ་སྟོང་དགའ་བཞིའི་ལྟ་བ་རྟོགས། དེ་ཡང་དགའ་བ་དང་པོ་གསུམ་ལྟ་བ་དུག་ཅན། ཕྱི་མ་དུག་མེད་དོ། །ལམ་གང་སྒོམ་པ་ལ་དབང་ན་ཁམས་ཀྱི་ཞུ་བདེ་ལ་བརྟེན་ནས་སྣང་མཆེད་ཐོབ་གསུམ་གཞན་ལུས་ཕྱག་རྒྱའི་ལམ་སྒོམ་པ་ལ་དབང༌། གྲུབ་མཐའ་གང་རྟོགས་ན་བདེ་སྟོང་དབྱེར་མེད་ཀྱི་གྲུབ་མཐའ་རྟོགས། ཚེ་འདིར་གྲུབ་མཐའ་མ་སྙོགས་ན། འདའ་ཀ་མའི་མན་ངག་རྡོ་རྗེ་སེམས་

― ZP04_Page_218 ―

^{[མ་དཔེ་གཟིགས་ན་འདིར་གནོན།]}

[Full Size]

དཔའ་འབྱོན་པ་སྟེ། རྡོ་རྗེ་སྟོང་པ་ཉིད་དང༌། བདེ་བ་ཆེན་པོ་སེམས་ཏེ་བདེ་སྟོང་རྡོ་རྗེ་སེམས་དཔའི་རང་བཞིན་གཞི་དུས་ཀྱི་འོད་གསལ་ངོ་འཕྲོད་ནས་གྲོལ་བའོ། །འབྲས་བུ་གང་ཐོབ་ན་ཐིག་ལེའི་འགྲོས་ཐིམ་ནས་ཐུགས་རྡོ་རྗེ་ཆོས་སྐུ་འགྲུབ་པའོ། །བཞི་པ་ཚིག་དབང་རིན་པོ་ཆེ་ལ་ཡང་སྔར་ལྟར་དགུ་ལས། འདོད་ཆགས་བཞི་ལས་གཉིས་སྦྱོར་གྱི་འདོད་ཆགས་ཀྱི་གཉེན་པོར་བྱེད། དཀྱིལ་འཁོར་དོན་དམ་བྱང་ཆུབ་སེམས་ཀྱི་དཀྱིལ་འཁོར་ལ་བརྟེན་ནས། དབང་ཚིག་དབང་བསྐུར། སྒྲིབ་པ་གང་དག་ན་སྒོ་གསུམ་ཆ་མཉམ་གྱི་སྒྲིབ་པ་དག །ལྟ་བ་གང་རྟོགས་ན་རིག་སྟོང་བསམ་གྱིས་མི་ཁྱབ་པའི་ལྟ་བ་རྟོགས། ལམ་གང་སྒོམས་པ་ལ་དབང་ན་འོད་གསལ་ཕྱག་རྒྱ་ཆེན་པོའམ་རིག་སྟོང་རྫོགས་པ་ཆེན་པོ་སྒོམ་པ་ལ་དབང༌། གྲུབ་མཐའ་གང་རྟོགས་ན་བསམ་གྱིས་མི་ཁྱབ་པའི་ཡེ་ཤེས་བདེ་སྟོང་ཕྱག་རྒྱ་ཆེན་པོ་རྟོགས། ཚེ་འདིར་གྲུབ་མཐའ་མ་སྙོགས་ན་འདའ་ཀ་མ་གསང་ཆེན་ཕྱག་རྒྱ་ཆེན་པོ་རྟོགས། ཚེ་འདིར་གྲུབ་མཐའ་མ་སྙོགས་ན་འདའ་ཀ་མ་གསང་ཆེན་ཕྱག་རྒྱ་ཆེན་པོའི་ངང་དུ་འཕོ་བའོ། །འབྲས་བུ་གང་ཐོབ་ན་སྙིང་པོ་ཡེ་ཤེས་རླུང་གི་འགྲོས་ཐིམ་ནས་ཡེ་ཤེས་རྡོ་རྗེའི་ངོ་བོ་ཉིད་སྐུའི་གོ་འཕང་ཐོབ་པའོ། །སྐབས་འདིར་དག་པའི་ལྟ་བ་རྣམས་ནི་ཉམས་མྱོང་ཏིང་ངེ་འཛིན་གྱི་ལྟ་བ་ཞེས་བྱ་སྟེ། མཚན་ཉིད་ཐེག་པར་ཐོས་བསམ་གྱིས་གཏན་ལ་དབབ་པའི་ལྟ་བ་བཤད་པ་དང་མི་འདྲའོ། །རྩའི་འགྲོས་ཐིམ་བསམ་གྱིས་གཏན་ལ་དབབ་པའི་ལྟ་བ་བཤད་པ་དང་མི་འདྲའོ། །རྩའི་འགྲོས་ཐིམ་སོགས་ནི་མ་དག་པའི་རྩ་རླུང་ཐིག་ལེ་རྣམས་དག་པ་ཡེ་ཤེས་ཀྱི་ངང་དུ་ཐིམ་པའོ། །

― ZP04_Page_219 ―

^{[མ་དཔེ་གཟིགས་ན་འདིར་གནོན།]}

[Full Size]

མཐར་ཐུག་གི་འབྲས་བུ་རྣམས་ཐོབ་རུང་གི་ས་བོན་རྒྱུད་ལ་བཞག་པ་ཙམ་ཡིན་གྱི། དབང་དེ་དག་ཐོབ་པ་ཙམ་གྱིས་དངོས་སུ་ཐོབ་པ་ནི་མ་ཡིན་ནོ། །གྲུབ་མཐའ་ཡང་ལམ་དེ་བསྒོམས་པས་ད་གཟོད་གྲུབ་པའོ། །རྫོགས་རིམ་གྱི་སྐབས་སུ་ཚེས་དྲུག་ནི། ལམ་གྱི་རྩ་བ་གཏུམ་མོ། །ལམ་གྱི་གཞི་མ་སྒྱུ་ལུས། །ལམ་གྱི་དྲོད་ཚད་རྨི་ལམ། ལམ་གྱི་སྙིང་པོ་འོད་གསལ། ལམ་གྱི་སུན་མ་བར་དོ། །ལམ་གྱི་བློ་ཆོད་འཕོ་བ་དང་དྲུག་གོ །དང་པོ་ལམ་གྱི་རྩ་བ་གཏུམ་མོ་ལ། ལས་ཀྱི་གཏུམ་མོ། ཉམས་ཀྱི་གཏུམ་མོ། །མཆོག་གི་གཏུམ་མོའོ། །ལས་ཀྱི་གཏུམ་མོ་ནི། ལུས་ཀྱི་བྱེད་པ་བཅིངས་ཏེ་ཆོས་བདུན་གཡོ་མེད་དུ་བྱེད་པ། ངག་གི་བྱེད་པ་བཅིངས་ཏེ་རླུང་ཁ་སྦྱོར་དུ་འཆིང་བ་དང༌། སེམས་ཀྱི་བྱེད་པ་བཅིངས་ཏེ་གཏུམ་མོ་འབར་འཇག་སྒོམ་པ་སོགས་སོ། །ཉམས་ཀྱི་གཏུམ་མོ་ནི་དེ་ལྟར་བསྒོམས་པས་རླུང་སེམས་དབུ་མར་འདུས་པའི་རྟགས་སུ་དུ་བ་སྨིག་སྒྱུ་མེ་ཁྱེར་ལ་སོགས་པ་སྣང་ཞིང་སེམས་བདེ་སྟོང་གི་ཉམས་སྐྱེ་བའོ། །མཆོག་གི་གཏུམ་མོ་ནི། རླུང་སེམས་འདུ་ཚུལ་ལས་སྣང་བ་གསུམ་གྱིས་དྲངས་པའི་འོད་གསལ་མངོན་དུ་གྱུར་ནས་རྣམ་པར་མི་རྟོག་པ་མཆོག་གི་གཏུམ་མོ་རྒྱུད་ལ་སྐྱེ་བའོ། །གཉིས་པ་ལམ་གྱི་གཞི་མ་སྒྱུ་ལུས་ལའང༌། མ་དག་པའི་སྒྱུ་ལུས། དག་པའི་སྒྱུ་ལུས། སྦས་དོན་རླུང་སེམས་ཀྱི་སྒྱུ་ལུས་སོ། །དང་པོ་མ་དག་སྒྱུ་ལུས་ནི། ཕྱི་ནང་གི་སྣང་བ་

― ZP04_Page_220 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་སྒྱུ་མ་དང་རྨི་ལམ་ལྟར་སྒོམ་པའོ། །དག་པའི་སྒྱུ་ལུས་ནི་སྣང་བ་ཐམས་ཅད་ལྷ་སྐུ་སྒྱུ་མ་ལྟར་སྒོམ་པའོ། །སྦས་དོན་རླུང་སེམས་ཀྱི་སྒྱུ་ལུས་ནི། །དེ་ལྟར་སྣང་བ་ལྷ་གོམས་པ་དང༌། དེ་ཉིད་འོད་གསལ་དུ་འཇུག་པའི་བསྡུ་རིམ་གཉིས་ཀ་སྤེལ་ནས་གོམས་པས་བསྡུ་རིམ་ཚེ་ཐ་མལ་གྱི་ལུས་རགས་པའི་འཛིན་པ་དང་བྲལ་ནས། །རླུང་སེམས་ཙམ་ལས་གྲུབ་པའི་སྒྱུ་མ་ལྟ་བུའི་ལྷ་སྐུར་ལངས་པ་དེ་ཉིད་རང་ངོ་ལ་རྟག་པར་སྣང་ཞིང་གཞན་སྣང་དུ་སྔར་གྱི་ལུས་རགས་པ་དེ་ཉིད་མི་སྣང་བ་སྟེ་དེའི་ཚེ་སྒྱུ་ལུས་གྲུབ་པ་ཞེས་བྱའོ། །གསུམ་པ་ལམ་གྱི་དྲོད་ཚད་རྨི་ལམ་ནི། སྒྱུ་ལུས་ཀྱི་ཡན་ལག་སྟེ། དང་པོ་འདུན་སྟོབས་དང་རླུང་སྟོབས་གང་རུང་གིས་རྨི་ལམ་བཟུང་ནས་རྨི་ལམ་ལ་རྨི་ལམ་དུ་ངོ་ཤེས་པ་ལ་སྦྱངས། དེ་ནས་རྨི་ལམ་གྱི་སྣང་བ་སྤྲུལ་སྒྱུར་བྱེད་པ་དང་རྨི་ལམ་བཟུང་ནས་སངས་རྒྱས་ཀྱི་ཞིང་དང་སེམས་ཅན་གྱི་གནས་ལ་སོགས་པ་ཉུལ་བ་དང༌། འཇིགས་སྐྲག་གི་གནས་མེ་དང་ཆུ་དང་གཡང་ས་སོགས་ལ་ཐོག་བརྫིས་བྱ་བ་དང༌། མཐར་རྨི་ལམ་གྱི་སྣང་བ་ཐམས་ཅད་ལྷ་དང་གཞལ་ཡས་ཁང་གི་རང་བཞིན་དུ་བལྟས་ནས་སྒྱུ་མར་སྦྱོང་བ་དང༌། མཐར་སྒྱུ་མའི་ལྷ་སྐུ་ཡང་བསྡུ་རིམ་གྱིས་བསྡུས་ནས་འོད་གསལ་དུ་འཇུག་པ་སྟེ་མཐར་རྨི་ལམ་དབྱིངས་སུ་ནུབ་པའི་ཐབས་ལ་སློབ་པའོ། །བཞི་པ་ལམ་གྱི་སྙིང་པོ་འོད་གསལ་ནི། སྔར་སྒྱུ་ལུས་ཀྱི་སྐབས་ཀྱི་སྒྱུ་མ་ལྟ་བུའི་ལྷ་སྐུ་དེ་ཡང་བསྡུ་རིམ་གྱིས་འོད་གསལ་དུ་བསྡུས་ནས་གཏུམ་

― ZP04_Page_221 ―

^{[མ་དཔེ་གཟིགས་ན་འདིར་གནོན།]}

[Full Size]

མོ་རང་ལུས་དང་གཞན་ལུས་ཕྱག་རྒྱའི་ལམ་གང་རུང་ལ་བརྟེན་ནས་དགའ་བཞི་ལྷན་ཅིག་སྐྱེས་པའི་ཡེ་ཤེས་སོགས་ལ་གོམས་པ་ལས། སྟོང་པ་བཞིའམ་དགའ་བ་བཞིས་དྲང་བའི་འོད་གསལ་རྒྱུད་ལ་སྐྱེ་བའོ། །དེ་ཡང་སྟོང་པ་བཞི་ནི། དང་པོ་རྣམ་ཤེས་སྣང་བ་ལ་ཐིམ་པའི་སྐབས་སུ་ཞེ་སྡང་གི་རྟོག་པ་སོགས་གསུམ་འགག །ཕྱི་རྟགས་སུ་སྟོན་གནམ་ཟླ་འོད་ཀྱིས་བསླད་པ་ལྟར་དཀར་ལམ་ལམ་པའི་སྣང་བ་དང་ནང་རྟགས་སུ་གསལ་བའི་ཉམས་མཐའ་དབུས་མེད་པར་འཆར་ཏེ་སྟོང་པ་ཞེས་བྱ། དེ་ནས་སྣང་བ་མཆེད་པ་ལ་ཐིམ་པས་འདོད་ཆགས་ཀྱི་རྟོག་པ་བཞི་བཅུ་འགག །ཕྱི་རྟགས་སུ་སྟོན་གནམ་ཉི་འོད་ཀྱིས་བསླད་པ་ལྟ་བུའི་དམར་ལམ་པ་དང༌། །ནང་རྟགས་སུ་བདེ་བ་མུ་མཐའ་མེད་པར་འཆར་ཏེ་སྟོང་པ་ཆེན་པོ་ཞེས་བྱ། །དེ་ནས་མཆེད་པ་ཉེར་ཐོབ་ལ་ཐིམ་པས་གཏི་མུག་གི་རྟོག་པ་བདུན་འགག་ཕྱི་རྟགས་སུ་སྟོན་གནམ་སྨག་གིས་བསླད་པ་ལྟ་བུའི་ནག་ལམ་པ་དང་ནང་རྟགས་སུ་རྣམ་པར་མི་རྟོག་པའི་ཉམས་མཐའ་དབུས་མེད་པར་འཆར་ཏེ་ཤིན་ཏུ་སྟོང་པ་ཞེས་བྱ། །དེ་ནས་ཉེར་ཐོབ་འོད་གསལ་ལ་ཐིམ་པ་ཞེས་ཟེར་ཡང༌། དོན་དུ་སྔར་ཉེར་ཐོབ་ཀྱི་སྐབས་ཀྱི་མི་རྟོག་པ་དེ་ཉིད་ཅུང་ཟད་སངས་ནས་རང་བཞིན་གཞིར་གནས་ཀྱི་འོད་གསལ་དོན་དམ་ལྷན་ཅིག་སྐྱེས་པའི་ཡེ་ཤེས་པ་ཅེས་མིན་དུ་ཤར་བ་ནི་སྟོན་གྱི་དུས་སུ་ཐོ་རངས་ཀྱི་ནམ་མཁའ་བསླད་བྱེད་ཀྱི་སྐྱོན་གསུམ།

― ZP04_Page_222 ―

^{[མ་དཔེ་གཟིགས་ན་འདིར་གནོན།]}

[Full Size]

རང་བྲལ་བ་ལྟ་བུ་སྟེ་ཐམས་ཅད་སྟོང་པའི་འོད་གསལ་ཞེས་བྱའོ། །དེ་དག་གི་སྐབས་སུ་བཤད་པའི་ཞེ་སྡང་གི་རྟོག་པ་སོ་གསུམ་ནི། འདོད་ཆགས་དང་བྲལ་བ་དང༌། འདོད་ཆགས་དང་བྲལ་བ་བར་མ་དང༌། ཤིན་ཏུ་འདོད་ཆགས་དང་བྲལ་བ་དང༌། གང་ཡིད་ཀྱི་འོང་དག་དང༌། ཡིད་ཀྱིས་འགྲོ་བ་དང༌། སོང་བ་དང༌། མྱ་ངན་དང༌། མྱ་ངན་བར་མ་དང༌། ཤིན་ཏུ་མྱ་ངན་དང༌། ཞི་བ་དང༌། རྣམ་པར་རྟོག་པ་དང༌། འཇིགས་པ་དང༌། འཇིགས་པ་བར་མ་དང༌། ཤིན་ཏུ་འཇིགས་པ་དང༌། སྲིད་པ་དང༌། སྲེད་པ་བར་མ་དང༌། ཤིན་ཏུ་སྲེད་པ་དང༌། ཉེ་བར་ལེན་པ་དང༌། མི་དགེ་བ་དང༌། བཀྲེས་སྐོམ་པ་དང༌། ཚོར་བ་དང༌། ཚོར་བ་བར་མ་དང༌། ཤིན་ཏུ་ཚོར་བ་དང༌། རིག་པ་དང༌། རིག་པ་འཛིན་པའི་གཞི་དང༌། སོ་སོར་རྟོག་པ་དང༌། ངོ་ཚ་ཤེས་པ་དང༌། སྙིང་རྗེ་བ་དང༌། བརྩེ་བ་དང༌། བརྩེ་བ་བར་མ་དང༌། ཤིན་ཏུ་བརྩེ་བ་དང༌། དོགས་པ་དང་བཅས་པ་དང༌། སྡུད་པ་དང༌། སེར་སྣ་རྣམས་སོ། །འདོད་ཆགས་ཀྱི་རྟོག་པ་བཞི་བཅུ་ནི། འདོད་ཆགས་པ་དང༌། ཆགས་པ་དང༌། དགའ་བ་དང༌། དགའ་བ་བར་མ་དང༌། ཤིན་ཏུ་དགའ་བ་དང༌། རངས་པ་དང༌། རབ་ཏུ་མགུ་བ་དང༌། དོན་མཚར་བ་དང༌། དགོད་པ་དང༌། ཚིམ་པ་དང༌། འཁྱུད་པ་དང༌། འོ་བྱེད་པ་དང༌། འཇིབ་པ་དང༌། བརྟན་པ་དང༌། བརྩོན་པ་དང༌། ཁེངས་པ་དང༌། བྱེད་པ་དང༌། འཕྲོག་པ་དང༌། སྟོབས་དང༌།

― ZP04_Page_223 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲོ་བ་དང༌། ཚོམ་ཚོམ་མེད་པ་དང༌། ཚོམ་ཚོམ་མེད་པ་བར་མ་དང༌། ཤིན་ཏུ་ཚོམ་ཚོམ་མེད་པ་དང༌། དྲེགས་པ་དང༌། རྣམ་པར་སྒེག་པ་དང༌། འགྲས་པ་དང༌། དགེ་བ་དང༌། ཚིག་གསལ་བ་དང༌། བདེན་པ་དང༌། མི་བདེན་པ་དང༌། ངེས་པ་དང༌། ཉེ་བར་ལེན་པ་དང༌། སྦྱིན་པ་པོ་ཉིད་དང༌། བརྟུལ་བ་དང༌། དཔའ་བ་དང༌། ངོ་ཚ་མེད་པ་དང༌། གཡོ་ཅན་དང༌། གདུག་པ་ཅན་དང༌། མི་སྲུན་པ་དང༌། གྱ་གྱུ་ཆེ་བ་རྣམས་སོ། །གཏི་མུག་གི་རྟོག་པ་བདུན་ནི། འདོད་ཆགས་བར་མ་དང༌། བརྗེད་ངེས་དང༌། འཁྲུལ་པ་དང༌། མི་སྨྲ་བ་དང༌། སྐྱོ་བ་དང༌། ལེ་ལོ་དང༌། ཐེ་ཚོམ་རྣམས་སོ། །དེ་ལྟ་བུའི་སྣང་གསུམ་མམ། ཡང་ན་དགའ་བ་བཞིས་དྲངས་པའི་འོད་གསལ་གང་ཡིན་ཀྱང་འདྲ་སྟེ་དེ་ལ་འོད་གསལ་ཙམ་དུ་འདྲ་ཡང༌། དེའང་དཔེ་དོན་གྱི་འོད་གསལ་དུ་མ་དང༌། དཔེའི་འོད་གསལ་ལ་ཡང་མཆོག་དམན་གྱི་རིམ་པ་དུ་མ་ཡོད་ཀྱང༌། དེས་ན་མཐོང་ལམ་མ་སྐྱེས་ཚུན་ཆད་དུ་དཔེའི་འོད་གསལ་ཡིན་ལ། མཐོང་ལམ་གྱི་བདེན་པ་མཐོང་བ་ནི་དོན་གྱི་འོད་གསལ་ཡིན་ཏེ། དེ་ཡན་ཆད་དོན་གྱི་འོད་གསལ་ལ་འགྱུར་བ་མེད་དོ། །འཆི་དུས་ཀྱི་ཐིམ་རིམ་རྫོགས་པའི་མཐའ་དང་གཉིད་དུས་སོགས་སུ་འོད་གསལ་ཤར་བ་ནི་གཞིའི་འོད་གསལ་ཡིན་ལ། རྣལ་འབྱོར་པས་ལམ་གོམས་པའི་སྟོབས་ཀྱིས་དེ་ཉིད་ངོ་ཤེས་པར་བྱས་ནས་དཔེ་དོན་གྱི་འོད་གསལ་གང་

― ZP04_Page_224 ―

^{[མ་དཔེ་གཟིགས་ན་འདིར་གནོན།]}

[Full Size]

རུང་ལ་སྦྱར་རོ། །ལྔ་པ་ལམ་གྱི་སུན་མ་བར་དོ་ནི། རབ་འབྱུང་འཁྲུགས་འཆི་ཀའི་བར་དོ་ལ་སྣང་གསུམ་གྱིས་དྲངས་པའི་གཞིའི་འོད་གསལ་འཆར་བའི་ཚེ་སྔར་འདྲིས་ཀྱི་གདིང་ལ་བརྟེན་ནས་ངོས་བཟུང་སྟེ་འོད་གསལ་ཆོས་སྐུའི་ངང་དུ་གྲོལ་ལོ། །འབྲིང་སྣང་མུན་སྲིད་པའི་བར་དོར་སྒྱུ་ལུས་ལ་བརྟེན་ནས་སྒྱུ་མ་ལྟ་བུའི་ལྷ་སྐུར་ལྡང༌། ཐ་མ་སྲེད་ལེན་སྐྱེ་གནས་ཀྱི་བར་དོར་མངལ་སྒོ་བཟང་པོ་འདམ་པ་དང༌། མངལ་སྒོ་ངན་པ་འགེགས་པ་དང༌། དག་པའི་ཞིང་ཁམས་སུ་འཕེན་པ་གཏོད་པ་སོགས་ཀྱིས་གསང་སྔགས་ཀྱི་ཆོས་ལ་སྤྱོད་པའི་སྣོད་རུང་དུ་སྐྱེས་ནས་ལམ་གྱི་འཕྲོ་མཐུད་པའོ། །དྲུག་པ་ལམ་གྱི་བློ་ཆོད་འཕོ་བ་ནི། གང་ཟག་རབ་ཚེ་འདིར་ལྟ་བ་རྟོགས་པ་དང༌། གྲུབ་མཐའ་སྙོགས་པ་ཡིན་ན་འཕོ་བ་མི་དགོས་ཀྱང༌། ཇི་སྐད་དུ། ལམ་སྦྱང་པ་དམན་ན་འཕོ་བས་བསུ། །ཞེས་གསུངས་པ་ལྟར་ལམ་གྱི་སྦྱང་བགྲོད་དམན་བ་དག་གིས་འཆི་ལྟས་བརྟགས་པས་འཆི་བར་ངེས་ཤིང་མི་བསྐུ་བར་ཤེས་ནས། ཐིམ་རིམ་མ་བྱུང་གོང་དུ་སྔར་བཤད་པའི་འོད་ཀྱི་གོང་བུའི་འཕོ་བ་དང༌། སྐུ་ཡི་འཕོ་བ་སོགས་ཀྱིས་རྣམ་ཤེས་དག་པའི་ཞིང་དུ་འཕོ་བའོ། །དམ་ཚིག་གི་སྐབས་སུ་ཁྱད་པར་རིགས་ལྔའི་སྡོམ་པ་ལ། རྡོ་རྗེའི་རིགས་ལ་སྲོག་གཅོད་པ་ནི། ཕྱི་ལྟར་ན་ཞིང་བཅུ་ཚངས་པའི་དགྲ་བོ་དྲག་པོ་མངོན་སྤྱོད་ཀྱི་ལས་ཀྱིས་སྒྲོལ་བ་སྟེ་ཞིང་བཅུ་ནི་་

― ZP04_Page_225 ―

^{[མ་དཔེ་གཟིགས་ན་འདིར་གནོན།]}

[Full Size]

དཀོན་མཆོག་སློབ་དཔོན་སྐུ་དགྲ་གཉིས། །དམ་ཉམས་ལོག་པར་འཁུ་བ་དང༌། །དམ་དགྲ་ངན་པའི་ངང་ཚུལ་ཅན། །འདུ་བར་འོང་དང་ཡོངས་ལ་གནོད། །ངན་སོང་གསུམ་དང་བཅུ་པོ་ནི། །རྣལ་འབྱོར་ཀུན་གྱིས་དང་དུ་བླང༌། ཞེས་སོ། །ནང་ལྟར་གཟུང་འཛིན་ལས་རླུང་གི་སྲོག་དབུ་མ་སྒྲ་གཅན་གྱི་སྤུབས་སུ་གཅོད་པའོ། །གསང་བ་ལྟར་ན་རྣམ་རྟོག་གི་སྲོག་སྐྱེ་མེད་དུ་གཅོད་པའོ། །རིན་ཆེན་རིག་ལ་མ་བྱིན་ལེན་དུ་གསུངས་པ་ནི། ཕྱི་ལྟར་ན་སྦྱིན་གཏོང་སོགས་བསོད་ནམས་ཀྱི་ཆོ་གས་བསགས་པའི་སྐལ་བ་མེད་པའི་སེར་སྣ་ཅན་གྱི་ནོར་དང༌། གཞན་གསང་སྔགས་ཀྱི་དམ་རྫས་ཁྱད་པར་ཅན་སྐལ་པ་མེད་པར་འཁྱམས་པ་རྣམས་འཕྲོག་པ་དང༌། ནང་ལྟར་ན་མཚན་ལྡན་གྱི་གཟུངས་མ་ཐབས་ཀྱིས་དབང་དུ་བྱ་བ་དང༌། །དེའི་ཁམས་དམར་ཆ་རླུང་གི་སྟོབས་ཀྱིས་མ་བྱིན་པར་ལེན་པ་དང༌། གསང་བ་ལྟར་ན་ཆོས་ཉིད་སྟོང་པ་ཉིད་ཀྱི་དོན་གཞན་གྱིས་མ་བྱིན་པར་རང་གི་སྟོབས་ཀྱིས་ལེན་པའོ། །པདྨའི་རིགས་ལ་བུད་མེད་བསྟེན་པར་གསུངས་པ་ནི། ཕྱི་ལྟར་ན་དངོས་རིག་ལས་ཀྱི་ཕྱག་རྒྱ་དང་སྙོམས་པར་འཇུག་པ་དང༌། ནང་ལྟར་ན་ཡིད་རིག་ཆོས་ཀྱི་ཕྱག་རྒྱ་དང༌། གཏུམ་མོ་དམ་ཚིག་གི་ཕྱག་རྒྱ་སྒོམ་པ་དང༌། གསང་བ་ལྟར་ན་སྟོང་ཉིད་ཕྱག་རྒྱ་ཆེན་པོའི་དོན་སྒོམ་པའོ། །ལས་ཀྱི་རིགས་ལ་བརྫུན་དུ་སྨྲ་བར་གསུངས་པ་ནི། ཕྱི་ལྟར་ན་བླ་

― ZP04_Page_226 ―

^{[མ་དཔེ་གཟིགས་ན་འདིར་གནོན།]}

[Full Size]

མའི་ནོར་རྫས་དང༌། སེམས་ཅན་ཀྱི་སྲོག་རང་གི་དམ་ཚིག་སྲུང་བའི་ཕྱིར་བརྫུན་དུ་སྨྲ་བ་དང༌། ནང་ལྟར་ན་སྲོག་རླུང་སྙིང་གར་ཐིམ་པས་རང་ངོར་ཆོས་ཀྱི་རྣམ་གྲངས་གྲངས་མེད་པར་འཆར་བ་དང༌། །གསང་བ་ལྟར་ན་མེད་སྣང་འཁོར་བ་ལས་སྒྲོལ་བའི་རྫུན་ཚིག་སྨྲ་བའོ། །འཁོར་ལོའི་རིགས་ལ་ཤ་ཆེན་ལྔ་དང་ཆང་བསྟེན་པར་གསུངས་པ་ནི། ཕྱི་ལྟར་དམ་ཚིག་གི་རྫས་སུ་འོས་པ་དང༌། ཁམས་བྱང་ཆུབ་སེམས་འཕེལ་བའི་ཕྱིར་མི་ཤ་ཁྱི་ཤ་རྟ་ཤ་བ་གླང་གི་ཤ་གླང་པོ་ཆེའི་ཤ་སྟེ་ཁ་ཟས་ཀྱི་དོན་དུ་བསད་པར་མ་གྱུར་བའི་ཤ་ལྔ་བསྟེན་པ་དང༌། དེ་བཞིན་དུ་བདུད་རྩི་ལྔ་དང་ཆང་བསྟེན་པའོ། །ནང་ལྟར་ན་དབང་པོ་ལྔའི་དྭངས་མ་འཆིང་བ་དང༌། །རྣམ་པར་རྟོག་པ་ཐམས་ཅད་མི་རྟོག་པའི་ངང་དུ་བཟའ་བ་དང་ཡེ་ཤེས་ཡས་བབས་ཀྱི་བདུད་རྩིའི་ཞུ་བདེ་སྒོམ་པ་རྣམས་སོ། །གསང་བ་ལྟར་ན་སྣང་སེམས་ཐམས་ཅད་ཆོས་ཉིད་མཉམ་པ་ཆེན་པོར་བླང་དོར་དང་རྩོལ་སྒྲུབ་མེད་པའི་ངང་དུ་དག་པར་བྱེད་པའོ། །མི་སྤངས་པའི་དམ་ཚིག་གི་སྐབས་སུ་དངོས་བསྟན་ལྟར་ན། རང་བཞིན་ཤེས་ན་སྤང་བྱའི་གཞི་མ་གྲུབ་པས་མི་སྤངས་པ་སྨིག་སྒྱུ་ལ་ཆུ་རགས་མི་དགོས་པ་ལྟ་བུ་དང༌། ཐབས་ཀྱི་ཟིན་ན་གྲོལ་བའི་ལམ་ཡིན་པས་མི་སྤངས་པ་རྣ་བར་ཆུ་ཞུགས་པ་ཆུས་འགུགས་པ་ལྟ་བུ་དང༌། དོན་དམ་པར་རིགས་ལྔ་ཡེ་ཤེས་ལྔའི་རང་བཞིན་ཡིན་པས་མི་སྤངས་པ་སྣུམ་འདོད་པས་ཏིལ་འབྲུ་སྒྲུབ་པ་ལྟ་བུ་དང་གསུམ་ནི། གཞུང་

― ZP04_Page_227 ―

^{[མ་དཔེ་གཟིགས་ན་འདིར་གནོན།]}

[Full Size]

རྩ་བས་དངོས་བསྟན་ལྟར་ཡིན་ནོ། །མི་དོར་བ་ལྔ་ནི་བདུད་རྩི་ལྔའོ། །ཡན་ལག་གི་དམ་ཚིག་ཉིས་བརྒྱའི་དབྱེ་བ་ནི། །མི་སྤངས་པ་ལྔ་དང་མི་འདོར་བ་ལྔ་ཚན་རེ་ལ། ཐབས་ཀྱིས་ཟིན་པའི་ཆ་དང་ཤེས་རབ་དང་མ་བྲལ་བའི་ཆ་གཉིས་རེ་དབྱེ་བས་བཅུ། བཅུ་པོ་དེ་ལ་སྐུ་གསུང་ཐུགས་ཡོན་ཏན་ཕྲིན་ལས་ལྔས་དབྱེ་བས་ལྔ་བཅུ་རེ་སྟེ་བརྒྱའོ། །དེ་རེ་རེ་ལའང་ཤེས་རབ་ཐབས་སུ་ལྡན་པ་དང༌། ཐབས་ཉིད་ཤེས་རབ་དང་ལྡན་པའི་ཆས་དབྱེ་བས་ཉིས་བརྒྱའོ། །སྒྱུ་འཕྲུལ་ལས་བཤད་པའི་རྩ་བའི་དམ་ཚིག་ལྔ་ནི། །བླ་མེད་མི་སྤང་བླ་མ་བཀུར། །སྔགས་དང་ཕྱག་རྒྱ་རྒྱུན་མི་བཅད། །ཡང་དག་ལམ་དུ་ཞུགས་ལ་བྱམས། །གསང་བའི་དོན་ཕྱིར་སྨྲ་མི་བྱ། །ཞེས་པ་ལྟར་ལྔའོ། །གསང་བཅུ་མི་སྨྲ་བའི་སྐབས་སུ། སྤྱིར་གསང་བཞི་ནི། །ལྟ་ཟབ་སྤྱོད་པ་བརླབ་པོ་དང༌། ལྷའི་མིང་གཟུངས་དང་གྲུབ་རྟགས་རྣམས། སྤྱིར་གསང་རྣམ་པ་བཞི་ཡིན་ནོ། །ཞེས་དང༌། བར་གསང་བཞི་ནི། །སྒྲུབ་པའི་གནས་དུས་གྲོགས་དང་རྫས། །བར་དུ་གསང་ལ་བསྒྲུབ་པར་བྱ། །ཞེས་པ་ལྟར་བརྒྱད་དང༌། གསང་བར་འོས་པ་དང༌། གཉེར་གཏད་པ་གཉིས་དང་བཅུའོ། །ཡན་ལག་དམ་ཚིག་ཉེར་ལྔའི་སྐབས་སུ། སྤྱད་བྱ་ལྔ་ནི་ཕྱི་ནང་གི་བཤད་པ་བྱེད་ཚུལ་རིགས་ལྔའི་དམ་ཚིག་གི་སྐབས་བཤད་པ་ལྟར་ཡིན། མི་སྤོང་

― ZP04_Page_228 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་སྐབས་སུ། སྦས་དོན་ཡང་དག་པའི་དུག་ལྔ་ནི། འཁོར་འདས་མཉམ་པ་ཉིད་དུ་རྟོགས་ནས་ལྟ་བ་ལ་ཕྱོགས་རིས་དང་སྤྱོད་པ་ལ་བླང་དོར་གྱིས་འབྱེད་པ་མེད་པ་གཏི་མུག །དེ་ལྟར་མ་རྟོགས་པའི་སེམས་ཅན་ཐམས་ཅད་ལ་ཐུགས་རྗེས་ཆགས་པ་འདོད་ཆགས། ལོག་པར་རྟོག་པ་རྣམས་སྒྲོལ་བ་ཞེ་སྡང༌། མཉམ་ཉིད་རྟོགས་པའི་ལྟ་བ་གཤོངས་སུ་མི་འབེབས་པ་ང་རྒྱལ། གཉིས་འཛིན་གྱི་ལྟ་སྤྱོད་ཆོས་ཉིད་ཀྱི་ཀློང་དུ་མི་ཤོང་བ་ཕྲག་དོག་གོ། དང་དུ་བླང་བའི་དམ་ཚིག་ལྔ་ནི། བདུད་རྩི་ལྔ་ཡེ་ནས་རྣམ་པར་དག་པ་གཙང་སྨེའི་རྟོག་པ་མེད་པའི་ཕྱིར་དང་དུ་བླང་པའོ། །དེ་ལ་ཡིན་པ་གསུམ་དང་གྲུབ་པ་བཞི་དང་ལྡན་པའི་ཕྱིར་དང་དུ་བླང་སྟེ། གྲུབ་པ་བཞི་ནི། ཆོས་ཉིད་ངོ་བོས་གྲུབ་པ། ཆོས་ཅན་རང་བཞིན་གྱིས་གྲུབ་པ། ནུས་པའི་མཐུས་གྲུབ་པ། བྱིན་གྱིས་བརླབས་པས་གྲུབ་པ་དང་བཞིའོ། །ཡིན་པ་གསུམ་ནི། ནད་ལྔ་སེལ་བའི་སྨན་ཡིན་པ། ཐུན་མོང་གི་དངོས་གྲུབ་ལྔ་སྒྲུབ་པའི་རྫས་ཡིན་པ། རིགས་ལྔ་ཡེ་ཤེས་ལྔའི་རང་བཞིན་ཡིན་པ་ལས། ནད་ལྔ་སེལ་བ་ནི། དྲི་ཆེན་གྱིས་དུག་ནད་སེལ། །དྲི་ཆུས་གག་པ། མཱཾ་སས་མཛེ། རྐྟས་གྲང་བ། བྱང་སེམས་དཀར་པོས་ཚ་བའི་ནད་སེལ་བའོ། །ཐུན་མོང་གི་དངོས་གྲུབ་ལྔ་སྒྲུབ་པ་ནི། དྲི་ཆེན་གྱིས་མཐུ་ཆེ། དྲི་ཆུས་སྐད་སྙན། མཱཾ་སས་ཚེ་རིང༌། རྐྟས་བཀྲག་

― ZP04_Page_229 ―

^{[མ་དཔེ་གཟིགས་ན་འདིར་གནོན།]}

[Full Size]

མདངས་གསལ། བྱང་སེམས་དཀར་པོས་མི་བརྗེད་པའི་གཟུངས་ཐོབ་པའོ། །རིགས་ལྔ་ཡེ་ཤེས་ལྔའི་རང་བཞིན་ཡིན་པ་ནི། དྲི་ཆེན་བུདྡྷའི་རིགས་ཆོས་ཀྱི་དབྱིངས་ཀྱི་ཡེ་ཤེས། །དྲི་ཆུ་ལས་རིགས་བྱ་གྲུབ། །མཱཾ་ས་རིན་པོ་ཆེའི་རིགས་མཉམ་ཉིད། །རྐྟ་པདྨའི་རིགས་སོར་རྟོགས། བྱང་སེམས་དཀར་པོ་རྡོ་རྗེའི་རིགས་མེ་ལོང་ཡེ་ཤེས་སོ། །དེ་ཡན་ཆད་བཅོ་ལྔ་ནི་སྤྱད་བྱ་སྤྱོད་པའི་དམ་ཚིག་བཅོ་ལྔའོ། །ཤེས་བྱ་ལྟ་བའི་དམ་ཚིག་ལྔ་ནི། །ཕུང་པོ་འབྱུང་ཡུལ་དབང་པོ་ཁ་དོག་ལྷར། །ཤེས་བྱ་ལྔ་ནི་ཤེས་རབ་སྟོབས་ཀྱིས་སྤྱོད། །ཅེས་པའི་སྐབས་སུ་གཟུགས་ཕུང་རྣམ་སྣང༌། །རྣམ་ཤེས་རྡོར་སེམས། ཚོར་བ་རིན་འབྱུང༌། འདུ་ཤེས་སྣང་མཐའ། འདུ་བྱེད་དོན་གྲུབ་སྟེ་རྒྱལ་བ་རིགས་ལྔ། ས་ཁམས་སངས་རྒྱས་སྤྱན། ཆུ་ཁམས་མཱ་མ་ཀཱི། མེ་གོས་དཀར་མོ། །རླུང་དམ་ཚིག་སྒྲོལ་མ། ནམ་མཁའ་དབྱིངས་ཕྱུག་མ་སྟེ། ཁམས་ལྔ་ཡུམ་ལྔ། ཡུལ་ལྔ་ནི། མཆོད་པའི་ལྷ་མོ་ལྔ། དབང་པོ་ལྔ་སེམས་དཔའ་ལྔ། ཁ་དོག་ལྔའི་དཀར་པོ་ཐམས་ཅད་མེ་ལོང་ཡེ་ཤེས། སེར་པོ་ཐམས་ཅད་མཉམ་ཉིད་ཡེ་ཤེས། དམར་པོ་ཐམས་ཅད་སོར་རྟོག །ལྗང་གུ་ཐམས་ཅད་བྱ་གྲུབ། མཐིང་ག་ཐམས་ཅད་ཆོས་དབྱིངས་ཡེ་ཤེས་ཀྱི་རང་གདངས་སུ་ཤེས་པར་བྱའོ། །གྲུབ་པ་བརྒྱད་ནི། མཁའ་སྤྱོད་

― ZP04_Page_230 ―

^{[མ་དཔེ་གཟིགས་ན་འདིར་གནོན།]}

[Full Size]

རལ་གྲི་རིལ་བུ་དང༌། རྐང་མགྱོགས་བུམ་པ་གནོད་སྦྱིན་ཁོལ། །བཅུད་ཀྱིས་ལེན་དང་མིག་སྨེན་དང༌། །ཞེས་སོ། །དབང་ཕྱུག་བརྒྱད་ནི། །ཕྲ་ཞིང་ཡང་ལ་ཕྲ་བར་ནུས་པ་དང༌། །སྤྱོད་པར་ནུས་དང་བདག་ཉིད་ཆེན་པོ་དང༌། །དགའ་མགུ་བྱེད་དང་ཐམས་ཅད་དབང་དུ་འགྱུར། །ཅི་འདོད་བྱེད་དང་དབང་ཕྱུག་རྣམ་བརྒྱད་དོ། །ཞེས་སོ། །ཁ་སྦྱོར་ཡན་ལག་བདུན་ནི། སློབ་དཔོན་ངག་གི་དབང་ཕྱུག་གྲགས་པའི་ཞལ་སྔ་ནས། །ལོངས་སྤྱོད་རྫོགས་དང་ཁ་སྦྱོར་བདེ་ཆེན་རང་བཞིན་མེད། །སྙིང་རྗེས་ཡོངས་གང་རྒྱུན་མི་ཆད་དང་འགོག་པ་མེད། །ཅེས་སོ། །རིག་འཛིན་བཞི་ནི་སེམས་ཉིད་ལྷའི་སྐུར་སྨིན་ཡང༌། །རྣམ་སྨིན་ལུས་རྒྱ་ལས་མགྲོལ་བ་རྣམ་སྨིན་རིག་འཛིན། །སྐྱེ་འཆི་མེད་པ་ཚེ་དབང་རིག་འཛིན། །ཕྱག་རྒྱ་ཆེན་པོའི་ལྷའི་སྐུར་གྱུར་པ་ཕྱག་ཆེན་རིག་འཛིན། །དྲུག་པ་རྡོ་རྗེ་འཆང་གི་རྒྱལ་ཚབ་མཛད་པ་ལྷུན་གྲུབ་རིག་འཛིན་ནོ། །རྫོགས་ཆེན་གྱི་སྐབས་སུ། །ཀུན་ཏུ་བཟང་པོའི་ཁྱད་ཆོས་དྲུག་ནི། །གཞི་ལས་འཕགས་པ། རང་ངོར་སྣང་བ། བྱེ་བྲག་ཕྱེད་པ། ཕྱེད་ཐོག་ཏུ་གྲོལ་བ། གཞན་ལས་མ་བྱུང་བ། །རང་སར་གནས་པའོ། །ཡིད་དྲུག་ནི། །མ་རིག་པ་དང་མཚུངས་པར་ལྡན་པའི་ཡིད་དང༌། ཡིད་ཀྱི་རྣམ་པར་ཤེས་པའི་ཡིད་དང༌། གཏན་ལ་འབེབས་

― ZP04_Page_231 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཡིད་དང༌། །ཀུན་ཏུ་ཚོལ་བའི་ཡིད་དང༌། །རྣམ་པར་རེག་པའི་ཡིད་དང༌། ངེས་པར་འཇོག་པའི་ཡིད་དོ། །འདུལ་བ་བཞི་ནི། །སྐུ་བསོད་ནམས་ཆེན་པོས་འདུལ་བ། གསུང་ཐེག་པ་སྣ་ཚོགས་པས་འདུལ་བ། །ཐུགས་མངོན་པར་ཤེས་པས་འདུལ་བ། །ཕྲིན་ལས་བསམ་གྱིས་མི་ཁྱབ་པས་འདུལ་བས་འཁོར་བ་མ་སྟོངས་ཀྱི་བར་དུ་དོན་གཉིས་ལྷུན་གྱིས་གྲུབ་པའོ། །འདིར་སྨྲས་པ། །གང་ཞིག་ལེགས་བཤད་བདུད་རྩི་དངར་པོའི་སྐྱེས། །དོན་གཉེར་སྙིམས་པས་འཐུང་བའི་སྐལ་བཟང་གི །ཐོས་བསམ་སྒོམ་པའི་ཡི་ག་ཕྱེ་སྲིད་ན། །ཕུལ་བྱུང་གཏམ་འདི་རོ་བརྒྱའི་བཅུད་དུ་དངར། །ཐོས་པའི་མཐའ་རྒྱ་གཅོད་པའི་བློ་གསལ་དང༌། །བསམ་པའི་དོན་བཅུད་མྱོང་བའི་སྙིང་སྟོབས་དཔལ། །གུས་དང་རྟག་པའི་བརྩོན་འགྲུས་མི་དམན་པའི། །རྣམ་དཔྱོད་ལྡན་པའི་ཡུལ་ལ་དཔྱིད་དཔལ་བཞིན། །བློ་གྲོས་གཡེང་བའི་ཁོལ་དུ་རྒྱུག་དགའ་བའི། །རྣམ་རིག་ཡལ་གའི་རི་དྭགས་བཞིན་རྩེན་ལ། །དོན་བཟང་རི་མོ་བཀྲ་བའི་ཟ་འོག་བཀྲག །བཀྲམ་པའི་ལྟས་མོ་ངོམ་དུ་སུ་ཞིག་སྤྲོ། །དོན་གཉེར་དུལ་བའི་ངང་ཚུལ་ལས་རིངས་པའི། །སེམས་རྟ་ན་ཚོད་གསར་བའི་ཙབ་ཙུབ་ལ། །ཐོས་བསམ་ཁལ་ཆེན་འགེལ་བའི་ཤོ་མར་འདི། །

― ZP04_Page_232 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲས་མེད་ངལ་ཁུར་རང་གིས་ལེན་པར་ཟད། །མཚན་དཔེའི་བྱད་ལས་ལེགས་འཕོས་རི་མོའི་ལྷ། །རེ་ཆེན་རྒྱལ་བར་རེ་བའི་གདུང་ཡུས་ཀྱིས། །ལེགས་བཤད་ངག་གི་མཎྜལ་ཕུལ་ཕུལ་ཡང༌། །ཐུགས་བརྩེས་བདག་གིར་བཞེས་སམ་སུ་ཡིས་ཤེས། །རང་དོན་སྙིང་པོའི་སྒྲུབ་པ་བློས་བཏང་ནས། །དོན་མེད་འཆད་དང་རྩོམ་པའི་གཟུགས་བརྙན་གྱི། །རྣམ་གཡེང་སྙིང་པོར་རེ་བའི་ཅོལ་ཆུང་འདི། །ཤེས་མེད་ཤྲཱི་ཧྲལ་པོའི་རང་གཤིས་ལགས། །ཆོས་དོན་ཟབ་པར་བཤད་ཀྱང་ངག་གི་ཁུར། །སྣ་ཚོགས་ཡི་གེར་བྲིས་ཀྱང་ཤོག་བུའི་གྲོན། །བདག་དང་བདག་འདྲ་བྱིས་པའི་བྱེད་སྤྱོད་འདི། །རང་དང་གཞན་བཅས་སུ་ཡི་དོན་དུ་འགྱུར། །ད་ནི་མི་ཚེའི་ལྷག་མ་ཅུང་ཟད་འདི། །དབེན་པའི་རི་ཁྲོད་མི་མེད་ལུང་སྟོང་དུ། །རྣམ་གཡེངས་སྤངས་པའི་རྩེ་གཅིག་ཉམས་ལེན་གྱིས། །ཚེ་འདིར་སྙིང་པོའི་དོན་ལ་འདྲིལ་བར་ཤོག །ཐུགས་རྗེས་གཟིགས་ཤིག་དྲིན་ཆེན་བླ་མ་རྗེ། །བྱིན་གྱིས་རློབས་ཤིག་ཡི་དམ་སྤྱན་རས་གཟིགས། །ལས་ངན་བདག་གི་བློ་སྣ་ལ་འུར་བསྟུང༌། །གོང་མའི་རྗེས་སུ་སྙེགས་པར་བྱིན་གྱིས་རློབས། །རྒྱལ་བ་ཀུན་ལས་རྒྱལ་བའི་མཛད་པ་ཅན། །སངས་རྒྱས་ཀུན་ལས་བཀའ་དྲིན་ཆེས་ལྷག་པ། །མགོན་མེད་བདག་གི་མགོན་གཅིག་རིན་པོ་ཆེ། །ཡང་

― ZP04_Page_233 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ཡང་དུ་ཐུགས་རྗེའི་སྤྱན་གྱིས་གཟིགས། །ཡོན་ཏན་རིན་པོ་ཆེའི་མཛོད་འཆད་པའི་དཀའ་གནས་ཁ་ཤས་བརྗེད་ཐོར་བྱས་པའི་ཟིན་བྲིས་འདི་ཉིད་གྲུབ་དབང་བླ་མ་དམ་པའི་སྐུ་གསུང་ཐུགས་གྱི་སྲས་མཆོག་བདེ་ཆེན་རིག་པའི་རལ་གྲི་དཔོན་སློབ་ཀྱི་ཐུགས་གསོས་སུ་མདོ་མེད་དཔལ་དགེ་ཧྲལ་པོས་བློ་ཐོག་ནས་བྲིས་པའོ།། །།དགེའོ། །དགེའོ། །དགེའོ།། །།

རྒྱལ་སྲས་བྱང་ཆུབ་སེམས་དཔའི་ས་དང་ལམ་གྱི་རྣམ་གྲངས་མདོར་བསྡུས།

― ZP04_Page_235 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་སྲས་བྱང་ཆུབ་སེམས་དཔའི་ས་དང་ལམ་གྱི་རྣམ་གྲངས་མདོར་བསྡུས་བཞུགས། །

― ZP04_Page_236 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་དང་མགོན་པོ་འཇམ་དཔལ་དབྱེར་མེད་པ་ལ་ཕྱག་འཚལ་ལོ། །འདིར་བྱང་ཆུབ་སེམས་དཔའི་ས་ལམ་གྱི་རྣམ་གྲངས་མདོར་བསྡུས་གོ་བདེར་བཀྲལ་ན། ལམ་ལྔ་དང༌། ས་བཅུ་སྟེ། དེ་ལ་ལམ་ལྔ་ནི། ཚོགས་ལམ་དང༌། སྦྱོར་ལམ་དང༌། མཐོང་ལམ་དང༌། སྒོམ་ལམ་དང༌། མི་སློབ་པའི་ལམ་དང་ལྔའོ། །ས་བཅུ་ནི་བསྒོམ་ལམ་གྱི་སྐབས་འོག་ནས་འཆད་དོ། །དང་པོ་ཚོགས་ལམ་ནི། བྱང་ཆུབ་སེམས་དཔའ་རྒྱལ་བའི་སྲས་པོ་གང་ཞིག་བསམ་པ་བཟང་པོ་བྱང་ཆུབ་ཀྱི་སེམས་སྨོན་འཇུག་གཉིས་ཏེ། དེ་ལ་ཀུན་རྫོབ་བྱང་ཆུབ་ཀྱི་སེམས་ཡང་དག་པ་བསྐྱེད་ནས། དོན་དམ་བྱང་ཆུབ་ཀྱི་སེམས་མཐོང་ལམ་རྣམ་པར་མི་རྟོག་པའི་ཡེ་ཤེས་ལ་མོས་པ་ལམ་དུ་བྱེད་པས་ན་མོས་སྤྱོད་ཀྱི་ས་སྟེ། དབྱེ་ན་ཚོགས་ལམ་ཆེ་འབྲིང་ཆུང་གསུམ། བསོད་ནམས་ཀྱི་ཚོགས་ལ་ལྷག་པར་བརྩོན་པའི་སྐབས་ཡིན་ཞིང༌། འདིར་བསྐལ་པ་གྲངས་མེད་མང་པོར་ཚོགས་བསགས་པའི་འགོ་ཡིན་པས་ཚོགས་ལམ་ཞེས་བྱའོ། །དེ་ཡང་སྦྱོར་ལམ་རང་རྒྱུད་ལ་སྐྱེ་བའི་དུས་མ་ངེས་པ་ཚོགས་ལམ་ཆུང་ངུ༌། སྐྱེ་བ་ཕྱི་མར་སྦྱོར་ལམ་སྐྱེ་ངེས་པས་ཚོགས་ལམ་འབྲིང༌། ཚེ་འདིར་སྦྱོར་ལམ་སྐྱེ་ངེས་པས་ཚོགས་ལམ་ཆེན་པོ་ཡིན་ནོ། །རྩ་བ་ལས། དེ་ཡང་དྲན་པ་ཉེར་སོགས་ནས་འཇུག་པར་

― ZP04_Page_237 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག་ཅེས་པའི་དོན་ནི་འདིར་ཚོགས་ལམ་ཆུང་ངུའི་སྐབས་སུ་དྲན་པ་ཉེ་བར་བཞག་པ་བཞི་གཙོ་བོར་སྒོམ་སྟེ། དེ་ལ་དང་པོ་ལུས་དྲན་པ་ཉེ་བར་བཞག་པ་ནི། ཕྱིའི་ལུས་སྣོད་ཀྱི་འཇིག་རྟེན་དང༌། ནང་རང་ལུས་དང༌། །བར་སེམས་ཅན་གཞན་གྱི་ལུས་དང་གསུམ་པོ་ཤེས་རབ་ཀྱིས་བརྟགས་ཏེ་ཏིང་ངེ་འཛིན་གྱིས་མ་གྲུབ་པ་ནམ་མཁའ་ལྟ་བུའི་སྟོང་པ་ཉིད་ཀྱི་ངང་ལ་མཉམ་པར་བཞག་ཅིང༌། རྗེས་ཐོབ་ཀྱི་སྐབས་སུ་སྒྱུ་མ་དང་རྨི་ལམ་ལྟ་བུར་སྒོམས་ཤིང༌། ཁྱད་པར་འདོད་ཆགས་ཀྱི་གཉེན་པོ། །ལུས་འདི་མི་གཙང་བ་ཁྲག་ཆུ་སེར་གྱི་སྣོད་ནད་རིགས་བཞི་བརྒྱ་རྩ་བཞི་གདོན་སྟོང་ཕྲག་དྲུག་ཅུའི་འབྱུང་ཁུངས་སྲིན་བུའི་རིགས་ཀྱི་རྟེན་དང༌། ནམ་ཞིག་ཚེ་འཕོས་པའི་རྗེས་སུ་རུལ་བ་དང་ཀེང་རུས་འཐོར་བ་སོགས་རྣམས་བསྒོམ། ཚོར་བ་དྲན་པ་ཉེར་བཞག་ནི། ཚོར་བ་བདེ་བ་དང༌། སྡུག་བསྔལ་བ་དང༌། བཏང་སྙོམས་པ་དང་གསུམ་པོ་ཤེས་རབ་ཀྱིས་བརྟག་སྟེ་མ་སྐྱེས་པ་དང་སྐྱེ་བ་མེད་པའི་ངང་དུ་མཉམ་པར་འཇོག་ཅིང༌། རྗེས་ཐོབ་ཏུ་ཚོར་བ་ཐམས་ཅད་ཆུ་ཤིང་ལྟར་སྙིང་པོ་མེད་པ་དང༌། སྡུག་བསྔལ་གྱི་རང་བཞིན་དུ་བསྒོམ་པའོ། །སེམས་དྲན་པ་ཉེ་བར་བཞག་པ་ནི། འདུ་ཤེས་རྒྱ་ཆེན་པོ་ཆུང་བ་བར་མ་གསུམ་པོ་ཤེས་རབ་ཀྱིས་དཔྱད་ནས་རང་བཞིན་སྟོང་པ་ཉིད་ཀྱི་ངང་དུ་་

― ZP04_Page_238 ―

^{[མ་དཔེ་གཟིགས་ན་འདིར་གནོན།]}

[Full Size]

མཉམ་པར་འཇོག་ཅིང༌། རྗེས་ཐོབ་ཏུ་སེམས་ཀྱི་རང་བཞིན་མི་འགོགས་ལ་མི་གནས་པའི་ཚུལ་ཤེས་པར་བྱའོ། །ཆོས་དྲན་པ་ཉེ་བར་བཞག་པ་ནི། འདུ་བྱེད་རྣམས་ཀྱིས་བསྡུས་པའི་ཆོས་ཐམས་ཅད་སོ་སོར་རྟོགས་པའི་ཤེས་རབ་ཀྱིས་དཔྱད་ནས་རང་བཞིན་མཉམ་པ་ཉིད་དུ་འཇོག་ཅིང༌། རྗེས་ཐོབ་ཏུ་ཆོས་ཐམས་ཅད་རྨི་ལམ་དང་སྒྱུ་མ་སྨིག་རྒྱུ་མིག་ཡོར། ཆུ་ཟླ་དང་བྲག་ཆ་དང་དྲི་ཟའི་གྲོང་ཁྱེར་དང་སྤྲུལ་པ་ལྟར་སྒྱུ་མའི་དཔེ་བརྒྱད་དུ་བལྟ་བར་བྱ་སྟེ། དེ་ཡང་ཤེས་རབ་ཀྱིས་དཔྱོད་པའི་ཡུལ་ལུས་ཡིན་པས་ལུས་ཞེས་བྱ་ལ་ལུས་སོ་སོར་རྟོགས་པས་དཔྱད་པ་བྱས་པས་ལུས་ཀྱི་རང་བཞིན་བདེན་པར་གྲུབ་པ་བཤིག །དེའི་རྗེས་སུ་ནམ་མཁའ་ལྟ་བུའི་སྟོང་ཉིད་དེ་ལ་དྲན་པ་ཉེ་བར་བཞག་པ་ཞེས་བྱ་སྟེ། གཞན་མ་གསུམ་ནི་དེའི་རིགས་འདྲེ་ཞིང༌། འདིར་དྲན་པ་ཉེར་བཞག་བཞིའི་རང་གི་དམིགས་ཡུལ་ཐ་དད་པའི་ཉམས་ལེན་གྱི་ངོ་བོ་མཉམ་གཞག་ནམ་མཁའ་ལྟ་བུ། རྗེས་ཐོབ་སྒྱུ་མ་ལྟ་བུ་གཉིས་ལ་མ་འདུས་པ་མེད་དོ། །ཚོགས་ལམ་འབྲིང་པོའི་སྐབས་སུ་ཡང་དག་པར་སྤོང་བ་བཞི་གཙོ་བོ་བསྒོམ་སྟེ། དེ་ལ་དང་པོ་མི་དགེ་བའི་ཆོས་མ་སྐྱེས་པ་མི་བསྐྱེད་པ་དང༌། །གཉིས་པ་ནི་མི་དགེ་བའི་ཆོས་ཞིག་རྒྱུད་ལ་སྐྱེས་ན་སྐྱེས་པ་དེ་མྱུར་དུ་གཅོད་པ་དང༌། གསུམ་པ་ནི། དགེ་བའི་ཆོས་རྣམས་རྒྱུད་ལ་མ་སྐྱེས་པ་བསྐྱེད་པར་བྱེད་པ་དང༌།

― ZP04_Page_239 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི་པ་ནི། སྐྱེས་པ་རྣམས་གོང་དུ་འཕེལ་བར་བྱེད་པ་ལ་བརྩོན་འགྲུས་བརྩམས་པ་སྟེ་བཞིའོ། །དེ་ཡང་མི་དགེ་བའི་ཆོས་ཀྱི་དངོས་པོ་ཐམས་ཅད་སྤོང་བ་དང༌། དགེ་བ་ལ་བར་དུ་གཅོད་པའི་ཆ་སྤོང་བས་སྤོང་བ་བཞི་ཞེས་བྱ། གཙོ་བོ་སྒོ་གསུམ་གྱི་སྤྱོད་པ་ཤུགས་ཆེའོ། །ཚོགས་ལམ་ཆེན་པོ་ནི། རྫུ་འཕྲུལ་གྱི་རྐང་པ་བཞི་སྒོམ་སྟེ། དེ་ལ་དང་པོ་ནི་འདུན་པའི་རྫུ་འཕྲུལ་གྱི་རྐང་པས། མ་དད་པ་དང་ལོག་པར་ལྟ་བ་སོགས་པས་སེམས་མི་གཡོ་བར་ཏིང་ངེ་འཛིན་ལ་མོས་ཤིང་དགའ་བས་འཇུག་ཅིང་བསྒོམ་པའོ། །གཉིས་པ་ནི་བརྩོན་པའི་རྫུ་འཕྲུལ་གྱི་རྐང་པས་ཏིང་ངེ་འཛིན་གྱི་སྒོ་ལ་མཉམ་པར་འཇོག་པ་ལ་རབ་ཏུ་བརྩོན་པས་དེ་དག་གི་སྐྱོན་དང་གེགས་སེལ་བ་དང༌། ཡོན་ཏན་སྒྲུབ་པ་ལ་རབ་ཏུ་བརྩོན་ཞིང་རྐྱེན་དབང་དུ་མི་གཏོང་བའོ། །གསུམ་པ་ནི་སེམས་པའི་རྫུ་འཕྲུལ་གྱི་རྐང་པས་སེམས་རྩེ་གཅིག་ཏུ་གནས་ཤིང་རྣམ་རྟོག་དང་གཞན་དབང་སོགས་ཀྱི་ཆ་གཉིས་སུ་མ་གྱུར་ཅིང་བསམ་གཏན་ཏིང་ངེ་འཛིན་མངོན་དུ་བྱེད་པའོ། །བཞི་པ་ནི་དཔྱོད་པའི་རྫུ་འཕྲུལ་གྱི་རྐང་པས་སྤྱོད་ལམ་ཐམས་ཅད་དུ་ཏིང་ངེ་འཛིན་དེའི་རྒྱུན་སྐྱོང་སྟེ། དེ་ཡང་མངོན་པར་ཤེས་པ་ལ་སོགས་པ་ནི་རྫུ་འཕྲུལ་ཡིན་དེ་རང་རྒྱུད་ལ་ཐོབ་པར་བྱེད་པའི་ཐབས་ཡིན་ནོ། །འདིར་ཏིང་ངེ་འཛིན་གྱི་རྩལ་དུ་རྣམ་པ་མང་པོར་

― ZP04_Page_240 ―

^{[མ་དཔེ་གཟིགས་ན་འདིར་གནོན།]}

[Full Size]

བརྫུ་ཞིང་འཕྲུལ་པ་ནི་ཏིང་ངེ་འཛིན་ཏེ། །དེའི་ཕྱིར་ན་རྐང་པ་ཞེས་བྱའོ། །དེ་ལྟ་བུའི་ཚོགས་ལམ་ཆེན་པོ་རྫུ་འཕྲུལ་དུ་མ་མངོན་དུ་གྱུར་ནས་སངས་རྒྱས་དངོས་སུ་བཞུགས་པའི་ཞིང་རྣམས་སུ་རྫུ་འཕྲུལ་གྱིས་བྱིན་ནས་ཆོས་ཀྱི་སྒོ་བརྒྱ་སྟོང་གྲངས་མེད་ཉན་པ་ལ་དབང་ཞིང་དེ་དག་ཤེས་རབ་ཀྱི་རྩལ་གྱིས་འཛིན་ནུས་པའི་ཆུ་བོའི་རྒྱུན་གྱི་ཏིང་ངེ་འཛིན་ཐོབ་པའོ། །འདིར་གོང་དུ་བཤད་པ་ལྟར་ཚོགས་གསོགས་པ་གཙོ་བོར་སྟོན་པས་ན་ཚོགས་ལམ་ལམ་ལྔའི་ནང་ནས་དང་པོ་ཡིན་ནོ། །གཉིས་པ་སྦྱོར་ལམ་ནི། མཐོང་ལམ་རྣམ་པར་མི་རྟོག་པའི་ཡེ་ཤེས་དངོས་སུ་མཐོང་བ་ལ་སྦྱོར་བས་སྦྱོར་ལམ་དེ་ཡང་མཐོང་ལམ་དེ་ཡང་མཐོང་ལམ་སྐྱེ་བའི་དུས་མ་ངེས་པ་ནི་དྲོད་དང་རྩེ་མོ། །སྐྱེ་བ་འདིར་མཐོང་ལམ་སྐྱེ་ངེས་པ་བཟོད་པ་ཆོས་མཆོག་གོ །རྩ་བ་ལས། དྲོད་དང་རྩེ་མོ་སོགས་ནས་འཇུག་པར་ཤོག །ཅེས་པའི་དོན་ནི། མཐོང་ལམ་རྣམ་པར་མི་རྟོག་པའི་ཡེ་ཤེས་ཀྱིས་ཉོན་མོངས་པའི་སྒྲིབ་པ་བསྲེག་པའི་མེ་ལྟ་བུ་དེ་རང་རྒྱུད་ལ་སྐྱེ་བའི་སྔ་ལྟས་སུ། དཔེར་ན་གཙུབ་ཤིང་དང་གཙུབ་བསྟན་བརྡར་བའི་ཚེ་མེ་འབྱུང་བའི་སྔོན་དུ་ཤིང་ལ་དྲོད་འབྱུང་བ་དང་འདྲ་བར་རང་རྒྱུད་ལ་སྔར་དང་མི་འདྲ་བའི་དྲོད་རྟགས་འབྱུང་ཞིང༌། ཉོན་མོངས་པ་རགས་པ་མགོ་ནོན་པས་ན་སྦྱོར་ལམ་དྲོད། འཇིག་རྟེན་པའི་དགེ་

― ZP04_Page_241 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་རྩ་བ་རྣམས་ཀྱི་རྩེ་མོ་ཡིན་པས་རྩེ་མོ། །གནས་ལུགས་སྟོང་པ་ཉིད་ཀྱི་དོན་ལ་མི་སྐྲག་པའི་བཟོད་པ་ཐོབ་པས་ན་བཟོད་པ། འཇིག་རྟེན་པའི་སྒོམ་བྱུང་གི་ཆོས་ཐམས་ཅད་ཀྱི་མཆོག་ཡིན་པས་ན་ཆོས་མཆོག །འདི་ལ་སྦྱོར་ལམ་ངེས་འབྱེད་ཆ་བཞིའོ། །དེ་ནས་དྲོད་རྩེ་གཉིས་ལ་དབང་པོ་ལྔ་བསྒོམ་པ་ནི། དང་པོར་དད་པའི་དབང་པོས་མཐོང་ལམ་གྱི་ཡེ་ཤེས་ལ་ལྷག་པར་མོས་ཤིང༌། བརྩོན་འགྲུས་ཀྱི་དབང་པོས་གཡེལ་བ་མེད་པར་མཐོང་ལམ་གྱི་ཡེ་ཤེས་རང་རྒྱུད་ལ་བསྐྱེད་པའི་ཐབས་ལ་འབད་པར་བྱེད་དོ། །དྲན་པའི་དབང་པོས་ལྷག་པ་ཚུལ་ཁྲིམས་ཀྱི་བསླབ་པ་མི་ཉམས་པར་བསྲུང་བ་དང༌། ཏིང་ངེ་འཛིན་གྱི་དབང་པོས་ལྷག་པ་ཏིང་ངེ་འཛིན་གྱི་བསླབ་པ་ལ་མཉམ་པར་འཇོག །ཤེས་རབ་ཀྱི་དབང་པོས་ལྷག་པ་ཤེས་རབ་ཀྱི་བསླབ་པས་གནས་ལུགས་ཀྱི་ལྟ་བ་རང་རྒྱུད་ལ་བསྐྱེད་དེ་ཉམས་སུ་ལེན་ནོ། །བཟོད་པ་དང་ཆོས་མཆོག་གཉིས་ཀྱི་སྐབས་སུ་གོང་གི་དབང་པོ་ལྔ་པོ་དེ་ཉིད་རང་རང་གི་སྒྲིབ་པ་དང་བྲལ་བར་ཉམས་སུ་ལེན་ཏེ། དེ་ཡང་མ་དད་པ་དང༌། ལེ་ལོ་དང༌། བརྗེད་ངེས་དང༌། རྣམ་གཡེངས་དང༌། ཤེས་བཞིན་མ་ཡིན་པའི་བར་ཆད་ཀྱིས་གཏན་ནས་བརྫི་མི་ནུས་པའི་དད་བརྩོན་དྲན་པ་ཏིང་ངེ་འཛིན་ཤེས་རབ་

― ZP04_Page_242 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ལྔ་པོ་དེ་དག་སྟོབས་སུ་གྱུར་པའོ། །གསུམ་པ་མཐོང་ལམ་ནི་འཇིག་རྟེན་ལས་འདས་པའི་འཕགས་པའི་ཡེ་ཤེས་དང་པོར་མཐོང་བས་མཐོང་ལམ་ཞེས་བྱའོ། །རྩ་བ་ལས། དྲན་དང་ཆོས་རབ་སོགས་ས་ཐོབ་ཤོག །བར་གྱི་དོན་ཆོས་རབ་རྣམ་འབྱེད་ཡང་དག་བྱང་ཆུབ་ཀྱི་ཡན་ལག་ནི། སྤྱིར་ཆོས་ཐམས་ཅད་རང་རང་གི་རྣམ་པ་རབ་ཏུ་འབྱེད་པ་ནི་ཤེས་རབ་སྟེ། དེ་ཡང་འདིར་བདེན་པ་བཞི་ལ་སོགས་པ་རྣམས་ཀྱི་རང་རང་གི་ཆོས་ཤེས་དང་ཆོས་བཟོད། རྗེས་ཤེས་དང་རྗེས་བཟོད་དེ་ཆོས་ཐམས་ཅད་ཀྱི་རང་རང་གི་མཚན་ཉིད་ཐམས་ཅད་ཆོས་ཉིད་གནས་ལུགས་ཀྱི་གཤིས་སྤྲོས་པ་ཐམས་ཅད་དང་བྲལ་བར་བསྟན་པ་ལ་མི་སྐྲག་ཅིང་བཟོད་པ་ལ་བཟོད་ཤེས་སྐད་ཅིག་མ་བཅུ་དྲུག་གོ །དེ་བཞིན་དུ་དྲན་པ་ཡང་དག་བྱང་ཆུབ་ཀྱི་ཡན་ལག །བརྩོན་འགྲུས། དགའ་བ། ལུས་སེམས་ཤིན་ཏུ་སྦྱངས་པ། ཏིང་ངེ་འཛིན། བཏང་སྙོམས་ཡང་དག་བྱང་ཆུབ་ཡན་ལག་དང་བདུན་ནོ། །འདིར་བཏང་སྙོམས་ཞེས་པ་ནི། དེ་ལྟར་བྱང་ཆུབ་སེམས་དཔའ་གང་ཞིག་རྣམས་ལ་གཡས་ནས་ཙནྡན་གྱི་སྡེ་གུ་བྱུག་པ་དང་གཡོན་ནས་སྟེ་འུས་ཤ་བཅད་པ་གཉིས་ལ་ཆགས་སྡང་མེད་ཅིང་མཉམ་པའོ། །དེ་ལྟ་བུའི་མཐོང་ལམ་གྱི་ཡེ་ཤེས་ལྟ་བ་ཡང་དག་པར་ངོ་སྤྲོད་ཅིང་མཐར་ཕྱིན་ནས། སོ་སོའི་

― ZP04_Page_243 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱེ་པོ་ལས་ཁྱད་པར་དུ་འཕགས་པའོ། །འདིའི་སྐབས་སུ་སེར་སྣའི་སྒྲིབ་པ་བག་ཆགས་དག་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་ནས་དུས་སྐད་ཅིག་གཅིག་ལ་ཏིང་ངེ་འཛིན་བརྒྱ་ལ་སྙོམས་པར་འཇུག་ཅིང་ལྡང་བ་དང་སངས་རྒྱས་བརྒྱའི་ཞལ་བལྟ་བ་དང༌། སངས་རྒྱས་བརྒྱའི་བྱིན་གྱིས་བརླབས་པར་ཤེས་པ། །སངས་རྒྱས་ཀྱི་ཞིང་བརྒྱར་འགྲོ་བ་དང༌། ཞིང་ཁམས་བརྒྱ་གཡོ་བར་བྱེད་པ། ཞིང་ཁམས་བརྒྱར་འོད་ཀྱིས་འགེངས་བ། སེམས་ཅན་བརྒྱ་སྨིན་པར་བྱེད་པ། དུས་སྐད་ཅིག་གཅིག་ལ་བསྐལ་པ་བརྒྱར་སྟོན་པ་དང༌། སྔོན་དང་ཕྱི་མའི་མཐའ་བརྒྱ་ལ་ཡེ་ཤེས་ཀྱིས་གཟིགས་པ་འཇུག་པ། ཆོས་ཀྱི་སྒོ་བརྒྱ་འབྱེད་པ། རང་གི་ལུས་བརྒྱར་སྟོན་པ། ལུས་རེ་རེ་ལ་འཁོར་ཕུན་སུམ་ཚོགས་པ་བརྒྱ་རེ་སྟོན་པ་སྟེ་བཅུ་གཉིས་སོ། །འདི་སྐབས་འཛམ་བུའི་གླིང་གི་རྒྱལ་པོར་སྐྱེ་བ་འཛིན་ནུས་སོ། །དེ་ལྟ་བུའི་འཕགས་པའི་ས་བཅུའི་ནང་ནས་ས་དང་པོ་ཆོས་ཉིད་ཀྱི་བདེན་པ་མཐོང་བས་ན་མཐོང་ལམ། སྔར་དང་མི་འདྲ་བའི་དགའ་བ་དུ་མ་དང་ལྡན་པས་ན་རབ་ཏུ་དགའ་བའོ། །བཞི་པ་བསྒོམ་ལམ་ནི། འདིར་མཐོང་ལམ་གྱི་ཡེ་ཤེས་ཐོང་ཟིན་གོམས་པར་བྱེད་པས་ན་སྒོམ་ལམ་སྟེ། འདིའི་སྐབས་སུ་འཕགས་ལམ་ཡན་ལག་བརྒྱད།

― ZP04_Page_244 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒོམ་པ་ནི། རྩ་བ་ལས། ལྟ་དང་རྟོགས་དང་ངག་དང་སོགས་ནས། བགྲོད་པར་ཤོག །ཅེས་པའི་བར་གྱི་དོན་ནི། མཐོང་ལམ་རྣམ་པར་མི་རྟོག་པའི་ཡེ་ཤེས་མངོན་དུ་མཐོང་བས་ན་གནས་ལུགས་ཀྱི་ལྟ་བ་ཡང་དག་པར་རྟོགས་པ་ནི་ཡང་དག་པའི་ལྟ་བ། །དེའི་མཐུས་ཉོན་མོངས་པ་ཐམས་ཅད་རྒྱུད་ལ་མི་སྐྱེ་ཞིང་རྟོག་པ་ཐམས་ཅད་ཤུགས་ཀྱིས་དགེ་བ་ནི་ཡང་དག་པའི་རྟོགས། སེམས་དགེ་བ་ལས་ངག་དང་ལུས་ཀྱི་མི་དགེ་བ་མི་འབྱུང་ཞིང་སྨྲས་ཚད་འགྲོ་ལ་ཕན་པ་ནི་ཡང་དག་པའི་ངག །བྱ་བ་བྱེད་པ་གང་བྱས་ཀྱང་གཞན་དོན་དུ་འགྱུར་བ་ཡང་དག་པའི་ལས་ཀྱི་མཐའ་དང་ལོག་པའི་འཚོ་བ་ལྔས་མ་བསླད་པ་རྟག་པར་ཆོག་ཤེས་པ་ནི་ཡང་དག་པའི་འཚོ་བ་དང༌། ལོག་འཚོ་ལྔ་ནི། ཁ་བསགས། ཚུལ་འཆོས། གཞོག་སློང༌། རྙེད་ཚོལ། ཐོབ་འཇལ་ཏེ་ལྔ་པོ་སྤོངས་བར་བྱས་སོ། །གཞན་དོན་དུ་སྐྱོ་ངལ་མེད་པ་གཡེལ་བ་སྤངས་ནས་བརྩོན་པ་ནི་ཡང་དག་པའི་བརྩོན་འགྲུས། རྟག་ཏུ་དྲན་པའི་རྒྱུན་སྐྱོང་བ་ནི་ཡང་དག་པའི་དྲན་པ། །བསམ་གཏན་བཞི་ལ་སོགས་པར་མཉམ་པར་འཇོག་ཅིང་ཏིང་ངེ་འཛིན་དུ་མ་ལ་འཇུག་པ་ནི་ཡང་དག་པའི་ཏིང་ངེ་འཛིན་ཏེ་འཕགས་པའི་ལམ་ཡན་ལག་བརྒྱད་བསྒོམ་མོ། །བསྒོམ་ལམ་ས་དགུ་རིམ་གྱིས་བགྲོད་པ་ནི།

― ZP04_Page_245 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒོམ་ལམ་ཆུང་ངུའི་ཆུང་ངུའི་དུས་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས། །ཚུལ་ཁྲིམས་འཆལ་བའི་སྒྲིབ་པ་ཡོངས་སུ་དག །དུས་སྐད་ཅིག་མ་རེ་རེ་ལའང་ཏིང་ངེ་འཛིན་སྟོང་ཕྲག་རེ་ལ་འཇུག་ལྡང་སོགས་སྔར་གྱི་མཐོང་ལམ་དུས་སུ་བཤད་ཟིན་ཏེ། ཁྱད་པར་ནི་འདིར་ཡོན་ཏན་གྱི་རྣམ་པ་སྟོང་ཕྲག་བཅུ་གཉིས་ཡིན་ནོ། །གླིང་བཞིར་དབང་བའི་རྒྱལ་པོར་སྐྱེ་བ་འཛིན་ནུས། ཚུལ་འཆལ་གྱི་དྲི་མ་དང་བྲལ་བས་ན་ས་གཉིས་པ་དྲི་མ་མེད་པ་ཞེས་བྱའོ། །བསྒོམ་ལམ་ཆུང་ངུའི་འབྲིང་པོའི་དུས་བཟོད་པའི་ཕ་རོལ་ཏུ་ཕྱིན་པ་ཡོངས་སུ་རྫོགས། ཁོང་ཁྲོའི་སྒྲིབ་པ་ཡོངས་སུ་དག །སྐད་ཅིག་རེ་རེ་ལ་ཏིང་ངེ་འཛིན་འབུམ་ཕྲག་རེ་ལ་འཇུག་ལྡང་སོགས་སྔར་ལྟར་ཡོན་ཏན་རྣམ་པ་བཅུ་གཉིས་པོ་འདིར་འབུམ་ཕྲག་རེ་གོང་དུ་འཕེལ་བའོ། །སུམ་ཅུ་རྩ་གསུམ་གྱི་བདག་པོ་བརྒྱ་བྱིན་ལྟ་བུའི་སྐྱེ་བ་འཛིན་ནུས། སེམས་ཅན་བག་ཆགས་ངན་པའི་མུན་པ་འཐིབ་པ་རྣམས་ལ་དམ་པའི་ཆོས་ཀྱིས་འོད་སྣང་བར་བྱེད་པས་ན་ས་གསུམ་པ་འོད་བྱེད་པ་ཞེས་བྱའོ། །བསྒོམ་ལམ་ཆུང་ངུའི་ཆེན་པོའི་དུས་སུ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས། །ལེ་ལོའི་སྒྲིབ་པ་ཡོངས་སུ་དག །དུས་སྐད་ཅིག་རེ་རེ་ལ་ཏིང་ངེ་འཛིན་བྱེ་བ་ཕྲག་རེ་ལ་འཇུག་ལྡང་སོགས་གོང་ལྟར་དང༌། །

― ZP04_Page_246 ―

^{[མ་དཔེ་གཟིགས་ན་འདིར་གནོན།]}

[Full Size]

འདིར་བྱེ་བ་ཕྲག་རེ་གོང་དུ་འཕེལ་ལོ། །མཚེ་མའི་རྒྱལ་པོར་སྐྱེ་བ་འཛིན་ནུས། དེ་ཡང་ཉོན་མོངས་པ་དང་ཤེས་བྱའི་སྒྲིབ་པ་རབ་ཏུ་བསྲེགས་པར་བྱེད་པའི་ཡེ་ཤེས་ཀྱི་མེ་ལྟ་བུར་འཕྲོ་བས་ན་ས་བཞི་པ་འོད་འཕྲོ་བའོ། །བསྒོམ་ལམ་འབྲིང་པོའི་ཆུང་ངུའི་དུས་སུ་བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས། །གཡེངས་པའི་སྒྲིབ་པ་ཡོངས་སུ་དག །དུས་སྐད་ཅིག་རེ་རེ་ལ་ཏིང་ངེ་འཛིན་བྱེ་བ་ཕྲག་སོགས་བཅུ་གཉིས་གོང་ལྟར་ལ་འདིར་བྱེ་བ་བརྒྱ་ཕྲག་རེས་གོང་དུ་འཕེལ་བའོ། །འཕྲུལ་དགའི་རྒྱལ་པོར་སྐྱེ་བ་འཛིན་ནུས། །འདིའི་སྐབས་སུ་རང་དོན་དུ་ཏིང་ངེ་འཛིན་ལ་གནས་པ་དང་གཞན་དོན་བརྩོན་པ་གཉིས་ཀ་མཉམ་དུ་མཛད་པས་ནས་ལྔ་པ་སྦྱངས་དཀའ་བ་ཞེས་བྱའོ། །བསྒོམ་ལམ་འབྲིང་པོའི་འབྲིང་པོའི་དུས་སུ་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས། མི་ཤེས་པ་དང་གཏི་མུག་གི་སྒྲིབ་པ་དག །དུས་སྐད་ཅིག་རེ་རེ་ལ་ཏིང་ངེ་འཛིན་བྱེ་བ་སྟོང་ཕྲག་ལ་འཇུག་ཅིང་ལྡང་བ་སོགས་གོང་ལྟར་འགྲེས་སོ། །དགའ་ལྡན་ལྷའི་རྒྱལ་པོར་སྐྱེ་བ་འཛིན་ནུས། །འདིའི་སྐབས་སུ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་མངོན་དུ་གྱུར་བས་ན་ས་དྲུག་པ་མངོན་དུ་གྱུར་པ་ཞེས་བྱའོ། །བསྒོམ་ལམ་འབྲིང་

― ZP04_Page_247 ―

^{[མ་དཔེ་གཟིགས་ན་འདིར་གནོན།]}

[Full Size]

པོའི་ཆེན་པོའི་དུས་སུ་ཐབས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས། ཐབས་མི་མཁས་པའི་སྒྲིབ་པ་ཡོངས་སུ་བྱང་ཞིང་དག །དུས་སྐད་ཅིག་རེ་རེ་ལ་ཏིང་ངེ་འཛིན་བྱེ་བ་ཕྲག་ཁྲིག་འབུམ་ཕྲག་གཅིག་ལ་འཇུག་ལྡང་སོགས་གོང་ལྟར་གཞན་འཕྲུལ་དབང་བྱེད་ཀྱི་རྒྱལ་པོར་སྐྱེ་བ་འཛིན་ནུས། འདིར་འཁོར་བ་ལས་རིང་དུ་སོང་བས་ན་ས་བདུན་པ་རིང་དུ་སོང་བ་ཞེས་བྱའོ། །འདི་མན་ཆད་མ་དག་པའི་སྣང་བ་དངོས་སུ་སྣང་བས་ན་མ་དག་ས་བདུན་ནོ། །བསྒོམ་ལམ་ཆེན་པོའི་ཆུང་ངུའི་དུས་སུ་སྟོབས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས། སྟོབས་ཞན་པའི་སྒྲིབ་པ་དག །དུས་སྐད་ཅིག་ལ་སྟོང་ཆེན་པོ་འབུམ་ཕྲག་གཅིག་གི་རྡུལ་གྱི་གྲངས་དང་མཉམ་པའི་ཏིང་ངེ་འཛིན་ལ་འཇུག་ཅིང་ལྡང་པ་སོགས་གོང་ལྟར་བཅུ་གཉིས་སོ། །མཚན་བཅས་དང་མཚན་མ་མེད་པའི་འདུ་ཤེས་ཀྱིས་མི་གཡོ་བས་ན་ས་བརྒྱད་པ་མི་གཡོ་བ་ཞེས་བྱའོ། །འདིའི་སྐབས་སུ་སྒོ་ལྔ་དང་ཉོན་ཡིད་གནས་འགྱུར། ཞིང་དག་པ་ལ་དབང་ཞིང་བྱ་བ་གྲུབ་པ་དང་སོ་སོར་རྟོགས་པའི་ཡེ་ཤེས་མངོན་དུ་བྱེད། སྟོང་དང་པོའི་རྒྱལ་པོའི་སྐྱེ་བ་འཛིན་ནུས། བསྒོམ་ལམ་ཆེན་པོའི་འབྲིང་པོའི་སྐབས་སུ་སྨོན་ལམ་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས།

― ZP04_Page_248 ―

^{[མ་དཔེ་གཟིགས་ན་འདིར་གནོན།]}

[Full Size]

སྨོན་པའི་དོན་མི་འགྲུབ་པའི་སྒྲིབ་པ་དག །འདིའི་དུས་སུ་སྟོང་ཆེན་གྲངས་མེད་འབུམ་ཕྲག་བཅུའི་རྡུལ་དང་མཉམ་པའི་ཏིང་ངེ་འཛིན་སོགས། ཡོན་ཏན་བཅུ་གཉིས་གོང་ལྟར་འགྲེས་སོ། །སྟོང་གཉིས་པའི་བདག་པོ་ཚངས་པའི་སྐྱེ་བ་འཛིན་ནུས། སོ་སོར་ཡང་དག་པར་རིག་པ་ལ་སོགས་པ་མངའ་བས་ན་ས་དགུ་པ་ལེགས་པའི་བློ་གྲོས་ཞེས་བྱའོ། །བསྒོམ་ལམ་ཆེན་པོའི་ཆེན་པོའི་སྐབས་སུ་ཡེ་ཤེས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས། །ཤེས་བྱའི་སྒྲིབ་པ་དང་བྲལ། དུས་སྐད་ཅིག་གཅིག་ལ་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་ཞིང་གི་རྡུལ་གྱི་གྲངས་དང་མཉམ་པའི་ཏིང་ངེ་འཛིན་ལ་འཇུག་ཅིང་ལྡང་བའོ། །སོགས་ནས་འཁོར་ཕུན་སུམ་ཚོགས་པ་བརྗོད་དུ་མེད་པའི་ཡང་བརྗོད་དུ་མེད་པའི་ཞིང་དག་གི་རྡུལ་གྱི་གྲངས་དང་མཉམ་པས་བསྐོར་བའོ། །འདིར་གཟུང་དང་ཏིང་ངེ་འཛིན་གྱི་སྤྲིན་ལྟ་བུའི་གདུལ་བྱའི་སེམས་ཅན་གྱི་ཞིང་ལ་ཆར་འབེབ་པས་ན་ས་བཅུ་པ་ཆོས་ཀྱི་སྤྲིན་ཞེས་བྱའོ། །གནས་གཙང་མའི་ལྷའི་རྒྱལ་པོའི་སྐྱེ་བ་འཛིན་ནུས། སངས་རྒྱས་ཀྱི་རྒྱལ་ཚབ་བྱེད། གཞན་དོན་རྒྱ་ཆེན་པོ་མཛད་དོ། །ལྔ་པ་མི་སློབ་པ་ནི། རང་གི་སྐུ་ལས་འོད་ཟེར་དཔག་ཏུ་མེད་པ་འཕྲོས་པས་དུས་གསུམ་སངས་རྒྱས་

― ZP04_Page_249 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་ལ་མཆོད་པས། དེ་རྣམས་ཀྱི་འོད་ཟེར་ཆེན་པོའི་དབང་བསྐུར། ཤེས་སྒྲིབ་ཕྲ་མོ་བག་ལ་ཉལ་བ་དེ་དག་གཉེན་པོའི་ཡེ་ཤེས་ཆེན་པོ་རྡོ་རྗེ་ལྟ་བུའི་ཏིང་ངེ་འཛིན་གྱིས་བཅོམ་ནས་མངོན་པར་རྫོགས་པར་སངས་རྒྱས་སོ། །འདི་ལམ་ལྔའི་ནང་ནས་མི་སློབ་པ་སྟེ་སླར་ལམ་གང་ལ་མི་སློབ་པས་ན་མི་སློབ་པའི་ལམ་མངོན་པར་རྫོགས་པར་སངས་རྒྱས་པས་ཀུན་ཏུ་འོད་ཀྱི་ས་སྟེ་བཅུ་གཅིག་གོ །ཞེས་པའང་མཁས་དབང་མང་པོའི་ངོར་དང༌། ཁྱད་པར་འཇིགས་དར་གྱིས་ཞུས་ངོར་བྱ་བྲལ་ཤྲི་ནིརྨ་ཀས་སྦྱར་བས་སྔ་འགྱུར་རྡོ་རྗེ་ཐེག་པའི་རིང་ལུགས་ཕྱོགས་དུས་ཐམས་ཅད་དུ་འཕེལ་ཞིང་རྒྱས་པར་གྱུར་ཅིག །དགེའོ།། །།མངྒ་ལམ།།

ལམ་ལྔ་རིམ་གྱིས་བགྲོད་ཚུལ་དང་ས་བཅུའི་ཡོན་ཏན་ཐོབ་ཚུལ་བྱེ་བྲག་ཏུ་བཤད་པ།

― ZP04_Page_251 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་ལྔ་རིམ་གྱིས་བགྲོད་ཚུལ་དང་ས་བཅུའི་ཡོན་ཏན་ཐོབ་ཚུལ་བྱེ་བྲག་ཏུ་བཤད་པ་བཞུགས་སོ།། །།

― ZP04_Page_252 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ལ་འདིར་ལམ་ལྔ་རིམ་གྱིས་བགྲོད་ཚུལ་དང༌། ས་བཅུའི་ཡོན་ཏན་ཐོབ་ཚུལ་བྱེ་བྲག་ཏུ་བཤད་པ་གཉིས་ལས། དང་པོ་ལ་ཚོགས་ལམ་སྦྱོར་ལམ། མཐོང་ལམ། བསྒོམ་ལམ། མི་སློབ་པའི་ལམ་དང་ལྔའི། ཚོགས་ལམ་ལ། རྟེན་་ངོ་བོ་་དབྱེ་བ་་སྒྲ་དོན་་ས་དང་ལྔ་ལས། དང་པོ་ལ་ལུས་རྟེན་དང༌། སེམས་རྟེན་གཉིས་ལས། ལུས་རྟེན་ལ་འདོད་གཟུགས་ཀྱིས་བསྡུས་པ་གང་རུང༌། སེམས་རྟེན་ནི་འདོད་སེམས་རྩེ་གཅིག་པའམ། བསམ་གཏན་ས་དྲུག་གིས་བསྡུས་པའོ། །བྱང་སེམས་ཀྱི་རྟེན་དང་ལུས་འདྲ། །ཐེག་དམན་གླིང་གསུམ་གྱི་སྐྱེས་པ་བུད་མེད་ཀྱི་ལུས། གཉིས་པ་ཚོགས་ལམ་་མངོན་པ་ཀུན་བཏུས་ཀྱི་དགོངས་པ། གྱི་རྣལ་འབྱོར་བདུན་ཏེ། སོ་སོའི་སྐྱེ་བོའི་ཚུལ་ཁྲིམས་དང༌།

― ZP04_Page_253 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་པོའི་སྒོ་བསྡམ་པ་དང༌། ཟས་ཀྱི་ཚོད་རིག་པ། ནམ་གྱི་ཆ་སྟོད་དང་ཆ་སྨད་ལ་མི་ཉལ་བར་རྣལ་འབྱོར་ལ་བརྩོན་པ་དང༌། བླང་དོར་གྱི་གནས། ཤེས་བཞིན་དུ་གནས་པ་ལ་མངོན་པར་དགའ་བ་དང༌། །དགེ་བ་ལ་མི་འགྱོད་པ་དང༌། སྤྲོ་བ་དང༌། དད་པ། མོས་པ་ལ་སོགས་པ་ཐར་བའི། རྒྱུར་གྱུར་བའི་དགེ་བ་གཞན་ལ་འབད་པ། ཐོས་བསམ་སྒོམ་གསུམ་ལ་བརྩོན་པ་བསྐྱེད་པའོ། །གསུམ་པ་ལ་གསུམ་སྟེ། དེ་ཡང་སྦྱོར་ལམ་ནམ་སྐྱེ་མ་ངེས་པ་ཚོགས་ལམ་ཆུང་ངུ༌། །ཕྱི་མར་སྐྱེ་ངེས་པ་འབྲིང་པོ། །ཚེ་འདིར་སྐྱེ་ངེས་པ་ཚོགས་ལམ་ཆེན་པོའོ། །དེ་ལ་ཚོགས་ལམ་ཆུང་ངུ་དྲན་པ་ཏེ་བར་བཞག་པ་བཞི། །འབྲིང་པོ་ཡང་དག་པའི་སྤོང་

― ZP04_Page_254 ―

^{[མ་དཔེ་གཟིགས་ན་འདིར་གནོན།]}

[Full Size]

བ་བཞི། ཆེན་པོ་རྫུ་འཕྲུལ་གྱི་རྐང་པ་བཞིས་བགྲོད་པའོ། །དང་པོ་དངོས་པོ་ལ་ཡོངས་སུ་རྟོག་པའི་ལམ་དྲན་པ་ཉེ་བར་བཞག་པ་བཞི་བསྒོམ་པ་སྟེ། དེ་ཡང༌། ཡུལ་གང་དུ། ཚུལ་ཇི་ལྟར། ངོ་བོ་གང༌། དགོས་ཆེད་ཅི། སྒྲ་དོན་དང་ལྔ། དང་པོ་ལུས་ཚོར་སེམས་ཆོས་བཞི། དེའང་ལུས་ལ་ཕྱི་དང༌། ནང་དང༌། །ཕྱི་ནང་གི་ལུས་དང་གསུམ། ཚོར་བ་ལ་བདེ་སྡུག་བར་མ་གསུམ། སེམས་ལའང་ཚོགས་བརྒྱད་དམ་དྲུག་གོ །གཙོ་སེམས་ཡིད་ཀྱི་རྣམ་ཤེས། །ཆོས་ལ་ཚོར་བ་མ་གཏོགས་པའི། འདུ་བྱེད་ལྷག་མ་རྣམས་དང་པོ་སེམས་ཅན་གྱི་དབང་པོ་གཏོགས་པ་ལུས་དང་ཡུལ་ལྔ། གཉིས་པ་རང་གི་དབང་པོ། །གསུམ་པ་སེམས་ཅན་གྱི་དབང་པོ་དང་རང་གི་དབང་རྟེན་ནོ། །དང་ལྡན་མིན་འདུ་བྱེད་བཅུ་བཞི་འདུས་མ་བྱས་གསུམ་དང་བཅས་པའོ། །དེ་ཡང་རིམ་པ་ལྟར་བྱིས་པ་རྣམས་ལུས་ནི་བདག་གི་རྟེན། ཚོར་བ་ནི་བདག་གི་ལོངས་སྤྱོད་ཀྱི་གཞི། སེམས་ནི་བདག་གི་ངོ་བོ། །ཆོས་ནི་བདག་ཀུན་བྱང་དུ་འགྱུར་བའི་གཞིར་རྟོག་པའོ། །ཀུན་ནས་ཉོན་མོངས་པས་ངན་སོང་དང་རྣམ་པར་བྱང་བའི་ཐར་པའི་འཕེན་པ་ཆོས་སོ་ཞེས་སོ་སོའི་སྐྱེ་བོས་དེ་ལྟར་ལོག་ཤེས་སུ་འཛིན། གཉིས་པ་ལ། ཐུན་མོང་ཐུན་མིན་གཉིས། དང་པོ་ལ་སྤྱི་མཚན་མི་རྟག་པ་སྡུག་བསྔལ་བ་སྟོང་པ་བདག་མེད་པ་དང་བཞི། དེ་ཡང་ལུས་ལ་ལུས་ཀྱི་རྗེས་སུ་བལྟ་བ་སོགས་ནས་ཆོས་ལ་ཆོས་ཀྱི་རྗེས་སུ་བལྟ་བའི་བར་རོ། །དང་པོ་ལུས་ནི། རོ་རུལ་བ། འབུས་གཡེང་

― ZP04_Page_255 ―

^{[མ་དཔེ་གཟིགས་ན་འདིར་གནོན།]}

[Full Size]

བ། དེ་ལྟ་བུའི་ཆོས་ཅན། དེ་ལྟ་བུའི་རང་བཞིན་ཅན། དེ་ལྟ་བུའི་ཆོས་ཉིད་ལས་མ་འདས་པ་ཤེས་པར་བྱའོ། །ཚོར་བ་ཐམས་ཅད་སྡུག་བསྔལ་བའོ། །ཚོར་བ་སྡུག་བསྔལ་ལ་མི་དགའ་ཞིང་བདེ་བར་སྲེད་ནའང་དོན་ལ་སྡུག་བསྔལ་ཡིན་པ་ཁྱབ་མཉམ་མོ། །དེ་ལས་བཟློག་ན་ཅི་ཙམ་སྤྱད་ཀྱང་དེ་ཙམ་བདེ་བ་ཡིན་དགོས་སོ། །སྔ་མའི་ཕྱིར་ན་གང་ཅི་ཚོང་པ་ཐམས་ཅད་སྡུག་བསྔལ་བའོ། །སེམས་ནི་ཡུལ་རྟེན་སོགས་ཐ་དད་ལས་གཞན་དང་གཞན་ཏུ་སྐྱེ་བས་མི་རྟག་པ། ཡུལ་ལྔ། རྟེན་དབང་པོ། །རྟེན་པའི་ཤེས་པ་ཡང་གཞན་དུ་འགྱུར་བའི་སྐད་ཅིག་མར་མི་རྟག་གོ །ཆོས་ཐམས་ཅད་བདག་མེད་པ་སྟེ། གང་ཟག་གི་བདག་མེད་པས་སོ། །རང་མཚན་ས་སོགས་འབྱུང་བ་དང༌། མིག་སོགས་འབྱུང་འགྱུར་གྱི་མཚན་ཉིད་ཅན་ལུས། ཉམས་སུ་མྱོང་བ་ཚོར་བའི་མཚན་ཉིད། ཡུལ་གྱི་རྣམ་པར་རིག་པ་སེམས་ཀྱི་མཚན་ཉིད། རང་རང་གི་མཚན་ཉིད་སོ་སོར་འཛིན་པ་ནི་ཆོས་སོ། །ཐུན་མིན་ལ། དམིགས་པའི་ཁྱད་པར་ཐེག་དམན་པས་རང་གི་ལུས་སོགས་ཁོ་ན་དང༌། ཐེག་ཆེན་པས་རང་གཞན་གཉིས་ཀའི་ལུས་སོགས་དང༌། ཡིད་བྱེད་རྣམས་ཀྱི་ཁྱད་པར་ཐེག་དམན་གྱིས་མི་གཙང་བ་སོགས་དང༌། ཐེག་ཆེན་པས་ཆོས་ཐམས་ཅད་སྟོང་ཉིད་དུ་གཏན་ལ་ཕབ་པ་དང༌། འཐོབ་པའི་ཁྱད་པར་ཐེག་དམན་གྱིས་སྤང་བློ་དང་ཐེག་ཆེན་པས་མཚན་ཉིད་རྟོགས་ནས་སྤང་བླང་མེད་པར་མི་གནས་པའི་མྱང་འདས་སྒྲུབ་པ་ཐོབ་པའོ། །གསུམ་པ་ནི། ཤེས་རབ་དང་དྲན་པའོ། །བཞི་པ་ཚུལ་མིན་ཡིད་བྱེད་ཀྱི་

― ZP04_Page_256 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱིན་ཅི་ལོག་བཞིར་ཞེན་པའི་གཉེན་པོར་འགྲོ་བ་དང༌། འོ་ན་སྤྱིར་འགྲོ་དྲུག་ལས་ལ་བརྟེན། ལས་ཉོན་མོངས་པ་ལ། དེ་ཚུལ་མིན་ཡིད་བྱེད་ཀྱི་ཕྱིན་ཅི་ལོག་བཞི་ལ། དེ་སེམས་ཉིད་དམ་པ་འོད་གསལ་ལ་བརྟེན། དེ་བརྟན་པ་མེད་པ་དཔེ་འབྱུང་བཞི་ནམ་མཁའ་ལ་བརྟེན་པ་ལྟ་བུའོ། །བདེན་བཞི་ལ་འཇུག་པའི་རྒྱུ་ཡང་ཡིན་ཏེ། དབུས་མཐའ་ལས། །གནས་ངན་ལེན་ཕྱིར་སྲིད་རྒྱུའི་ཕྱིར། །གཞི་ཡི་ཕྱིར་དང་མ་རྨོངས་ཕྱིར། །བདེན་པ་བཞི་ལ་འཇུག་བྱ་བས། །དྲན་པ་ཉེར་བར་བཞག་པ་བསྒོམ། ལྔ་པ་ནི། ཐེག་དམན་གྱིས་དྲན་པའི་ཡུལ་དུ་ཤེས་རེག་འཇོག་པ། ཐེག་ཆེན་གྱིས་ཤེས་རབ་ཀྱི་ཡུལ་དུ་དྲན་པ་འཇོག་པའོ། །སྤྱི་མཚན་ལུས་ལ་སོགས་པའི་སྤྱི་དང་རང་གི་མཚན་ཉིད་ཤེས་རབ་ཀྱིས་སོ་སོར་ཕྱེས་ནས་དེའི་རྒྱུན་དྲན་པས་སྐྱོང་བས་ན་ཤེས་རབ་ཀྱི་ཡུལ་ལ་དྲན་པ་ཉེ་བར་འཇོག་པ། དམིགས་པའི་ཡུལ་དྲན་པས་མི་བརྗེད་པར་ཤེས་རབ་ཀྱི་དཔྱད་པས་བདག་མེད་དུ་གཏན་ལ་འབེབས་པས་ན་དྲན་པའི་ཡུལ་ལ་ཤེས་རབ་ཉེ་བར་འཇོག་པའོ། །གཉིས་པ་རྩོལ་བ་ལས་བྱུང་བའི་ལམ་ཡང་དག་སྤོང་བ་བཞི་བསྒོམ་པ་སྟེ། དེ་ལ་ཡུལ་གང་ལ། ཚུལ་ཇི་ལྟར། ངོ་བོ་གང་གིས། དགོས་ཆེད་ཅི། སྒྲ་དོན་དང་ལྔ་ལས། དང་པོ་ནི་དགེ་བ་རྣམ་བྱང་དང་མི་དགེ་བ་ཀུན་ཉོན་གཉིས་སྐྱེས་པ་དང༌། མ་སྐྱེས་པའི་དབྱེ་བས་བཞིའོ། །གཉིས་པ་ནི། མི་དགེ་བའི་ཆོས་མ་སྐྱེས་པ་མི་བསྐྱེད་པའི་ཕྱིར། འདུན་པ་བསྐྱེད་དོ། །གནས་ཏེ་བརྩོན་འགྲུས་ཀྱི་སྔོན་ཏུ་འགྲོ་བའི་དོན་གཉེར། འབད་དོ། ཞི་ལྷག་བཏང་སྙོམས་གསུམ་ཡིད་ལ་བྱེད་པའོ། །བརྩོན་འགྲུས་རྩོམ་མོ། །བྱིང་རྒོད་ཀྱི་གཉེན་པོའོ། །སེམས་རབ་ཏུ་འཛིན།

― ZP04_Page_257 ―

^{[མ་དཔེ་གཟིགས་ན་འདིར་གནོན།]}

[Full Size]

བྱིང་ན་སྐུ་གཟུགས་སོགས་ཡིད་བྱེད་ཀྱིས་སེམས་གཟེང་བསྟོད་དོ། །སེམས་རབ་ཏུ་འཇོག །རྒོད་ན་འཁོར་བ་ལ་ཡིད་འབྱུང་ཏེ་སྐྱོ་བས་སེམས་ནང་དུ་འདུའོ། །གསུམ་པ་ནི་བརྩོན་འགྲུས་སོ། །བཞི་པ་ནི། །མི་དགེ་བ་ཉམས་ཤིང་དགེ་བའི་ཕྱོགས་འཕེལ་བའི་ཕྱིར་རོ། །ལྔ་པ་ནི་མི་དགེ་སྤོང་བའི་ཕྱོགས་གཅིག་གི་མིང་ངོ༌། །ཡང་ན་སྒོ་གསུམ་ཡང་དག་པར་འཇོག་པའི་དོན་ཡིན། གསུམ་པ། ཏིང་ངེ་འཛིན་ཡོངས་སུ་སྦྱོང་བར་བྱེད་པའི་ལམ་རྫུ་འཕྲུལ་གྱི་རྐང་པ་བཞི་བསྒོམ་པ་སྟེ། དེ་ཡང་ཡུལ་གང༌། ཚུལ་ཇི་ལྟར། ངོ་བོ། དགོས་ཆེད། སྒྲ་དོན་དང་ལྔ་ལས། དང་པོ་ནི་རྫུ་འཕྲུལ་ལ་སོགས་པ་དགེ་བའི་ལམ་ལ་དམིགས་པའོ། །གཉིས་པ་ནི། ཉེས་པ་ལྔ་སྤང་ཞིང་འདུ་བྱེད་བརྒྱད་བརྟེན་པ་སྟེ། དང་པོ་ནི། སྦྱོར་བ་བརྩམ་པའི་དུས་སུ་ལེ་ལོ་གེགས་ཆེ་སྟེ་དེའི་གཉེན་པོ་འདུན་པ་བརྩོན་འགྲུས། དད་པ། ཤིན་སྦྱང་བཞི་པོ་བརྟེན། འཇུག་པའི་ཚེ་གདམ་ངག་བརྗེད་བ་གེགས་ཆེ་སྟེ་དེའི་གཉེན་པོར་དམིགས་རྣམ་མི་བརྗེད་པའི་དྲན་པ་བརྟེན། བསྒོམ་པའི་ཚེ་བྱིང་རྒོད་གཉིས་གེགས་ཆེ་བས་དེའི་གཉེན་པོར་ཤེས་བཞིན་བརྟེན། དང་པོ་གཉིས་རྒྱུ་འབྲས་དང་པོའི་རྟེན་གསུམ་གསུམ་པར་བརྟེན་པ་བཞི་པའོ། །བྱིང་རྒོད་སེལ་ཐབས་གཉེན་པོ་འདུ་མི་བྱེད་པའི་གཉེན་པོར་འཛིན་པ་རབ་འཇོག་གི་སེམས་པ་སྟེ། འདུ་བྱེད་ཀྱི་གཉེན་པོར་བཏང་སྙོམས་བསྒོམ་པའོ། །གསུམ་པ་ལ་སྤྱིར་ཏིང་ངེ་འཛིན་ནོ། །བྱེ་བྲག་ཏུ་འདུན་པ་བརྩོན་པ། སེམས་པ། དཔྱོད་པ་བཞིའི་ཏིང་ངེ་འཛིན་སྤོང་བའི་འདུ་བྱེད་དང་ལྡན་པའི་རྫུ་འཕྲུལ་གྱི་རྐང་པ་ཞེས་སོ་སོར་སྦྱར་བའོ། །བསྒོམ་བྱའི་དོན་ལ་ཡིད་ཆེས་པས་དོན་དུ་གཉེར་བའི་འདུན་

― ZP04_Page_258 ―

^{[མ་དཔེ་གཟིགས་ན་འདིར་གནོན།]}

[Full Size]

པ། སྤྲོ་བཞིན་འཇུག་པའི་བརྩོན་འགྲུས། དེའི་སེམས་རྩེ་གཅིག་པའི་ཏིང་ངེ་འཛིན་དུ་སོང་བ་ཏིང་ངེ་འཛིན། དེ་ལ་བྱིང་རྒོད་ལ་སོགས་པའི་སྐྱོན་ཞུགས་མ་ཞུགས་དཔྱོད་པ་ནི་དཔྱོད་པའོ། །བཞི་པ་ནི་རྫུ་འཕྲུལ་ལ་སོགས་གང་མངོན་དུ་བྱེད་པར་འདོད་པའི་འབྲས་བུ་ཐམས་ཅད་གྲུབ་པའོ། །ལྔ་པ་ནི། རྫུ་འཕྲུལ་ཞེས་པ་མངོན་ཤེས་ལྔ་སོགས་ཡོན་ཏན་ཐམས་ཅད་ཡིན་ལ། དེ་གྲུབ་བྱེད་ཀྱི་རྩ་བའམ་རྐང་པ་ལྟ་བུ་ཡིན་པས་དེ་ལྟར་དུ་བཏགས་པའོ། །བཞི་པ་སྒྲ་དོན་ནི་བྱང་ཆུབ་ཆེན་པོའི་རྒྱུ་ཚོགས་བསགས་པའི་ཕྱིར་དེ་སྐད་དུ་བརྗོད་པའོ། །ལྔ་པ་ས་ནི་ཆོས་ཉིད་དོན་དམ་པར་ཡིད་ཆེས་འཇུག་པས་དད་པའི་སའོ། །འདིའི་སྐབས་གཉེན་པོ་ནི་ཉེས་དམིགས་སུ་བལྟ་བས་སུན་འབྱིན་ནོ། །གཉིས་པ་སྦྱོར་ལམ་ལ་རྟེན། ངོ་བོ་དབྱེ་བ། སྒྲ་དོན་ས་དང་ལྔའོ། །དང་པོ་ལ་ལུས་དང་སེམས་གྱིས་རྟེན་གཉིས་ལས། སྔ་མ་ནི་ཚོགས་ལམ་དང་འདྲ་ལ། ཕྱི་མ་ནི་བསམ་གཏན་ས་དྲུག་གང་རུང་ངོ༌། །གཉིས་པ་ནི། རྣལ་འབྱོར་བདུན་གཞིར་བཞག་གི་སྟེང་དུ་བསྒོམ་བྱུང་གི་ཤེས་རབ་སྟེ་སྟོང་ཉིད་དོན་སྤྱིའི་ཚུལ་དུ་རྟོགས་པའོ། །འདི་ལོ་ཆེན་གྱིས་སྟོང་ཉིད་དོན་སྤྱིའི་ཚུལ་དུ་རྟོགས་པ་དང༌། ས་པཎ་གྱིས་རང་རིག་མངོན་སུམ་དུ་བཞེད་དོ། །གསུམ་པ་ལ་བཞི་སྟེ། དྲོད་སྣང་བ་ཐོབ་པའི་ཏིང་ངེ་འཛིན་དེའང་མཐོང་ལམ་མེ་ལྟ་བུ་དེ་དག་སྐྱེ་བའི་རྟགས་དྲོད་དེ་འཁོར་བའི་རྒྱུ་འབྲས་ཀྱི་གཟུང་རྟོག་མ་གྲུབ་པའི་གསལ། རང་རིག་ཞེས་པ་བེམ་པོ་ལས་ལོག་ཙམ་ཡིན། དེ་ཚེ་ཤེས་པ་རང་རིག་ཞེས་ཟེར་རོ། །གསུངས། སྣང་གསར་དུ་ཐོབ་པའོ། །རྩེ་མོ་སྣང་བ་མཆེད་པའི་ཏིང་ངེ་འཛིན།

― ZP04_Page_259 ―

^{[མ་དཔེ་གཟིགས་ན་འདིར་གནོན།]}

[Full Size]

རྩེ་མོ་ཐོབ་པ་རྩེ་མོ་འཆར། ཅེས་སོ། །དགེ་རྩ་གཡོ་བ་ཐམས་ཅད་ཀྱི་རྩེ་མོ་སྟེ་སྔ་མར་ངེས་པ་ཆེར་སོན་ནས་རྒྱུ་འབྲས་ཀྱི་གཟུང་རྟོག་ཀྱང་རང་བཞིན་མ་གྲུབ་པའོ། །བཟོད་པ་དེ་ཁོ་ན་ཉིད་ཕྱོགས་གཅིག་ལ་ཞུས་པའི་ཏིང་ངེ་འཛིན་ནོ། །བཟོད་ཐོབ་ངན་སོང་ལྷུང་མི་སྲིད། ཅེས་སོ། །ཟབ་མོའི་དོན་ལ་མི་སྐྲགས་པའི་བཟོད་པ་ཐོབ་པ་སྟེ། ཐམས་ཅད་སེམས་ཀྱི་སྣང་བ་ཙམ་ལས་གཞི་བདག་རྫས་སུ་གྲུབ་པའི་རང་བཞིན་མ་གྲུབ་པའོ། །ཆོས་མཆོག་དེ་མ་ཐག་པའི་ཏིང་ངེ་འཛིན་ཏེ་སྦྱོར་ལམ་ངེས་འབྱེད་བཞིའོ། །འཇིག་རྟེན་པའི་ལམ་གྱི་ཆོས་ཐམས་ཅད་ཀྱི་རྩེ་མོ་ཡིན་ཏེ། གང་ཟག་གི་བདག་བཏགས་པའི་འཛིན་རྟོག་ཀྱང་མ་གྲུབ་པའི་གཟུང་འཛིན་གཉིས་མེད་ཀྱི་ཤེས་རབ་སྟེ། དེ་རྣམས་ཀྱང་སྒྲ་དོན་འབྲེལ་བ་དོན་སྤྱིའི་ཚུལ་དུ་རྟོགས་པའོ། །དེ་དང་མེད་པ་གསལ་སྣང་དོན་གཅིག་ཅིང༌། དཔེར་ན་ཟླ་བ་གཉིས་པ་དང་བསྐྱེད་རིམ་ལྟ་བུའོ། །སྒྲ་་རྟོག་ཀྱང་ངོ༌། །དེ་ཡང་དང་པོ་མངོན་པར་རྟོགས་པ་དང་སྦྱོར་བའི་ལམ་དྲོད་རྩེ་གཉིས་སུ་དབང་པོ་ལྔ་བསྒོམ་པ་དེ་ལ་ལྔ་སྟེ། དེ་ཡང་ཡུལ་གང་ལ། ཚུལ་ཇི་ལྟར། ངོ་བོ་གང༌། དགོས་ཆེད་ཅིའི་ཕྱིར། སྒྲ་དོན་ནོ། །དང་པོ་ནི་བདེན་པ་བཞི་ལ་སྟེ། དེ་ལའང་སྒྲ་དོན། མཚན་གཞི། མཐོང་ལམ་ནམ་སྐྱེ་མ་ངེས་པ་་མཚན་ཉིད། གཅིག་ཐ་དད། གྲངས་ངེས། གོ་རིམ་དང་དྲུག་ལས། དང་པོ་ནི་བསྟན་པ་མི་མཐུན་པ་མེད་པ་ནི་རྒྱལ་བལ་ཇི་ལྟར་བསྟན་པ་བཞིན་ངེས་པ་དང༌། དེ་མཐོང་ན་རྣམ་པར་དག་པའི་རྒྱུར་གྱུར་པས་བློ་ཕྱིན་ཅི་མ་ལོག་པར་སྐྱེ་བ་སྟེ་ཡུལ་དང་ཡུལ་ཅན་གཉིས་ཀྱི་ངོས་ནས་བདེན་པའོ། །དེ་ཡང་འཕགས་པའི་གཟིགས་དོར་བདེན་པས་ན་བདེན་པའོ། །གཉིས་

― ZP04_Page_260 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལ་སྡུག་བདེན་གྱི་མཚན་གཞི་ནི། མ་དག་པའི་སྣོད་བཅུད་གཉིས་ཏེ། ཀུན་བཏུས་སུ། སྡུག་བསྔལ་གྱི་བདེན་པ་གང་ཞེ་ན། དེ་ནི་སེམས་ཅན་སྐྱེ་བ་དང༌། སྐྱེ་བའི་གནས་ཀྱང་རིག་པར་བྱའོ། །ཞེས་སོ། །ཀུན་འབྱུང་ནི། ཉོན་མོངས་དང༌། ཉོན་མོངས་པའི་དབང་གིས་བྱུང་བའི་ལས་སོ། །འགོགས་པ་ནི། བརྡ་དང་འཇིག་རྟེན་པའི་ལམ་གྱིས་ས་བོན་ཉམས་སྨད་པའོ། །ཉོན་མོངས་པ་མངོན་གྱུར་མགོ་གནོན་པ་དང༌། དོན་དམ་པ་འཕགས་པས་ས་བོན་དྲུང་ནས་ཕྱུང་བའོ། །ཡོངས་སུ་མ་རྫོགས་པ་དང་ཡོངས་སུ་རྫོགས་པའི་འགོགས་པའོ། །བཞི་པ་སངས་རྒྱས་ཀྱི་སའོ། །ཇི་ལྟ་བུ་ཞེ་ན། དེ་བཞིན་ཉིད་དང༌། ལམ་དང༌། ཉོན་མོངས་པ་སྟེ། གང་ཞིག །གང་གིས། གང་དུ་འགོགས་པའོ། །ལམ་ནི། ཤེས། སྤོངས། མངོན་བྱེད། བསྒོམ་པ་སྟེ་ལམ་གྱི་མཚན་ཉིད་མདོར་བསྡུས་པའོ། །ཡང་ན་ལམ་ལྔ་ཀ་ལམ་བདེན་དུ་འདོད་པ་ཡིན་ནོ། །དེ་དག་ནི་མཚན་གཞི་ཡིན་ནོ། །གསུམ་པ་བདེན་པ་རེ་རེ་བཞི་བཞི་སྟེ་བཅུ་དྲུག་གོ །དེ་ཡང་དང་པོ་མི་རྟག་པ་སྐད་ཅིག་གིས་སྐྱེ་འགགས་བྱེད་པས། གང་ཅི་ཚོར་བ་ཐམས་ཅད་སྡུག་བསྔལ་ལས་མ་འདས་པས། སྡུག་བསྔལ་བ། ངར་འཛིན་གྱི་དངོས་པོ་རྣམས་ལ་བདག་པོ་མེད་པས་སྟོང་པ། གང་ཟག་གི་བདག་གཞི་མེད་པས་བདག་མེད་པའོ། །གཉིས་པ་ཀུན་འབྱུང་ལ་སྡུག་བསྔལ་ཐམས་ཅད་ཀྱི་རྩ་བར་གྱུར་པས་རྒྱུ། སྡུག་བསྔལ་ཐམས་ཅད་འབྱུང་བས་ཀུན་འབྱུང་བ། སྡུག་བསྔལ་དྲག་པོ་ཕྲལ་ཏུ་སྐྱེ་བས་རབ་སྐྱེ། སྡུག་བསྔལ་ཉམས་སུ་མྱོང་བའི་འཚམ་སྦྱོར་བས་རྐྱེན་ནོ། །གསུམ་པ་འགོགས་པ་ལ་མ་འོང་པའི་སྡུག་བསྔལ་དང་ཀུན་འབྱུང་གི་རྒྱུ་འགོགས་པས། འཁྲུལ་པའི་ཉོན་མོངས་པ་ཐམས་

― ZP04_Page_261 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་ཞི་བས་ཞི་བ། ཕུན་སུམ་ཚོགས་པ་མཆོག་གི་ཆོས་ཡིན་པས་གྱ་ནོམ་པ། སླར་མི་ཟློག་པར་འཁོར་བ་ལས་ངེས་པར་ཐར་བས་ངེས་པར་བྱུང་པའོ། །ཉོན་མོངས་པ་བྲལ་བའི་ཕྱིར། སྡུག་བསྔལ་དང་བྲལ་བའི་ཕྱིར། མི་གཙང་བ་མེད་པའི་དངོས་པོ་ཡིན་པའི་ཕྱིར། རྟག་ཕན་གྱི་གཞིའོ། །བཞི་པ་ལམ་ལ། གོང་ནས་གོང་དུ་བགྲོད་པར་བྱ་བའི་ལམ། ཉོན་མོངས་པའི་གཉེན་པོ་བྱེད་པས་རིག་པ། སེམས་ཕྱིན་ཅི་མ་ལོག་པར་བསྒྲུབ་པས་སྒྲུབ་པ། གཏན་དུ་ཐར་བ་མྱང་འདས་ཀྱི་གནས་སུ་ཁྲིད་པས་ངེས་པར་འབྱིན་པའོ། །བཞི་པ་ནི། འགོགས་པ་དང་གཞན་གསུམ་པོ་གཅིག་བཀགས་པའི་ཐ་དད་དོ། །འཕགས་པའི་མཉམ་བཞག་གི་སྐབས་སུ་ལམ་བདེན་དང་སྡུག་བདེན་གཉིས་ཐ་དད་ཀྱང་རྗེས་ཐོབ་དུ་མི་འགལ་ལོ། །ལམ་ཀུན་གཉིས་ནི་རྫས་ཐ་དད་པའོ། །སྡུག་ཀུན་གཉིས་གཞི་གཅིག་ཀྱང་ཀུན་འབྱུང་ལ་སྡུག་བསྔལ་གྱིས་ཁྱབ་ཀྱང་སྡུག་བསྔལ་ལ་ཀུན་འབྱུང་གིས་མ་ཁྱབ་བོ། །ལྔ་པ་ནི་རྟོག་ལྡན་གྱི་བླང་དོར་བྱ་བའི་གནས་ཀུན་བྱང་གི་རྒྱུ་འབྲས་གཉིས་རེར་ངེས་པའི་ཕྱིར་རོ། །དྲུག་པ་ནི། དང་པོ་བསྒོམ་པ་པོས་རིམ་པ་དང་བསྟུན་ཏེ། རྒྱུད་བླ་མ་ལས། ནད་ནི་ཤེས་བྱ་ནད་ཀྱི་རྒྱུ་ནི་སྤངས་བྱ་ལ། བདེར་གནས་ཐོབ་ཕྱིར་སྨན་ནི་བསྟེན་པར་བྱ་བ་ལྟར། སྡུག་བསྔལ་རྒྱུ་དང་འགོག་པ་དེ་དང་དེ་བཞིན་ལམ། ཤེས་བྱ་སྤངས་བྱ་རིག་པར་བྱ་ཞིང་བསྟེན་པར་བྱ། ཞེས་སོ། །གཉིས་པ་ནི། སྔ་མ་སྔ་མ་རྒྱུ་ཡོད་པ་ལ་བསྙེན་ནས་ཕྱི་མ་ཕྱི་མ་རྣམས་ལ་འཇུག་སྟེ། དེ་ཡང་རིམ་པ་ལྟར་བདེན་བཞི་ལ། ཡིད་ཆེས་པའི་དང༌། སྤྲོ་བའི་དང༌། དམིགས་རྣམ་མི་བརྗེད་

― ZP04_Page_262 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་དང༌། སེམས་རྩེ་གཅིག་པའི་དང༌། དེ་དག་སོ་སོར་རབ་ཏུ་རྣམ་པར་འབྱེད་པའི་སྒོ་ནས་བསྒོམ་པར་བྱའོ། །གསུམ་པ་ནི་རང་རང་གི་མཚན་ཉིད་དོ། །བཞི་པ་ནི། སྦྱོར་ལམ་བཞི་གྲུབ་པ་དང༌། མཐོང་ལམ་ཐོབ་པར་བྱེད་དོ། །ལྔ་པ་ནི། རྣམ་བྱང་ཆོས་ལ་དབང་བསྒྱུར་བ་ལས་བདག་པོར་གྱུར་པའོ། །གཉིས་པ་མངོན་པར་རྟོགས་པ་དང་འབྲེལ་པའི་ལམ། བཟོད་ཆོས་གཉིས་སུ་སྟོབས་ལྔ་བསྒོམ་པ་དེ་ལ་ལྔ་སྟེ། མཐོང་ལམ་ཕྱི་མར་སྐྱེ་ངེས་དང་པོ། །ཚེ་འདིར་སྐྱེ་ངེས་གཉིས་པ། །ཡུལ་དང་ཚུལ་དང་ངོ་བོ་གསུམ་ནི་སྔ་མ་ལྟར་རོ། །དགོས་པ་ནི། སྦྱོར་ལམ་གཉིས་གྲུབ་པ་དང༌། མཐོང་ལམ་མ་ཐོབ་པར་བྱེད་དོ། །སྒྲ་དོན་ནི། མི་མཐུན་པའི་ཕྱོགས་ཀྱིས་མ་འདྲེས་པར་གཉེན་པོ་འབའ་ཞིག་འབྱུང་བས་ན་སྟོབས་ཞེས་བྱའོ། །བཞི་པ་སྦྱོར་ལམ་སྤྱིའི་སྒྲ་དོན་ནི། མཐོང་ལམ་གྱི་བདེན་པ་ལ་སྦྱོར་བས་སོ། །ལྔ་པས་ནི། བསྒོམ་བྱུང་གིས་ངེས་ཤེས་འགྲོང་བ་མོས་པའི་སྤྱོད་པའི་སའོ། །གསུམ་པ་མཐོང་ལམ་ལ། རྟེན་ངོ་བོ་དབྱེ་བ། སྒྲ་དོན་ནི། མི་མཐུན་པའི་ཕྱོགས་ཀྱིས་མ་འདྲེས་པར་གཉེན་པོ་འབའ་ཞིག་འབྱུང་བས་ན་སྟོབས་ཞེས་བྱའོ། །བཞི་པ་སྦྱོར་ལམ་སྤྱིའི་སྒྲ་དོན་ནི། མཐོང་ལམ་གྱི་བདེན་པ་ལ་སྦྱོར་བས་སོ། །ལྔ་པ་ས་ནི། བསྒོམ་བྱུང་གིས་ངེས་ཤེས་འགྲོང་བ་མོས་པའི་སྤྱོད་པའི་སའོ། །གསུམ་པ་མཐོང་ལམ་ལ། རྟེན་་ངོ་བོ་དབྱེ་བ། སྒྲ་དོན། །སའོ། །དང་པོ་ལུས་རྟེན་ནི། སྒྲ་མི་སྙན་མ་གཏོགས་པའི་མི་དད་འདོད་པའི་ལྷ་དྲུག་གོ །ངན་སོང་གསུམ་དང་སྒྲ་མི་སྙན་པ་རྣམ་སྤྲིན་གྱི་སྒྲིབ་པ་ཅན་དང༌། །ཁམ་གོང་མར་སྐྱོ་ཤས་མེད་པས་དེ་དག་གིས་བདེན་པ་མི་རྟོགས་སོ། །སེམས་རྟེན་བསམ་གཏན་ས་དྲུག་གང་རུང་ངམ་བཞི་པའི་དངོས་གཞིར་བརྟེན་ཞེས་པ་ཐེག་པ་ཆེན་པོ་པས་སོ། །གཉིས་པ་ནི་ཆོས་ཉིད་རང་མཚན་མ་གྲུབ་པའི་དོན་རྣལ་འབྱོར་མངོན་སུམ་དུ་རྟོགས་པའོ། །ཡུལ་ཡུལ་ཅན་རྣམ་པར་མི་རྟོག་པའི་ཤེས་རབ་ཀྱིས་

― ZP04_Page_263 ―

^{[མ་དཔེ་གཟིགས་ན་འདིར་གནོན།]}

[Full Size]

ཁམས་གསུམ་གྱི་རྟོག་པ་ལས་གྲོལ་བའི་ཡིད་ཤེས་ཉམས་མེད་དུ་སྐྱེ་བ་གྲོགས་དང་བཅས་པ་སྒྲ་རྟོག་གི་ཡུལ་ལས་འདས་པའོ། །གསུམ་པ་སྐད་ཅིག་བཅུ་དྲུག་སྟེ། དེ་ལ་མཐོང་ལམ་དེར་སྐད་ཅིག་མ་དུ་ཡོད་པ་དང༌། །མཐོང་སྤོང་སྤོངས་ཚུལ་དང༌། སྐད་ཅིག་མ་ཅི་ཙམ་གྱིས་ཡུན་དུ་སྐྱེ་བ་དང་གསུམ་ལས། དང་པོ་ནི། ཐེག་དམན་གྱི་མཛོད་ལྟར་སྐད་ཅིག་བཅོ་ལྔ་དང༌། ཐེག་ཆེན་པས་ཡུམ་རྒྱན་དང་ཀུན་བཏུས་ལ་སོགས་པར་སྐད་ཅིག་བཅུ་དྲུག་དུ་འདོད་དོ། །གཉིས་པ་ནི་མངོན་མཛོད་དུ་ཆོས་བཟོད་བཞིས་འདོད་པའི་མཐོང་སྤང་སྤང་བའི་བར་ཆད་མེད་ལམ་དང༌། ཆོས་ཤེས་བཞིས་རྣམ་གྲོལ་ལམ་མངོན་དུ་བྱེད་དོ། །རྗེས་བཟོད་བཞིས་སྔ་མ་གཉིས་ལ་དམིགས་ནས་འདི་ནི་འཕགས་པའི་ཆོས་རྣམས་ཀྱི་རྒྱུའོ། །ཞེས་འཛིན་ལ། རྗེས་ཤེས་བཞིས་དེའི་རྣམ་གྲོལ་རྗེས་བཟོད་ལ་དམིགས་ནས་སྔར་ལྟར་འཛིན། གསུམ་པ་ལ་ལུགས་དང་པོ་ལྟར་ན། སློབ་དཔོན་སེང་གེ་བཟང་པོའི་འགྲེལ་དོན་གསལ་ལོ། །འབྲས་བུ་མངོན་རྟོགས་ལ་ལྟོས་ནས་སྐད་ཅིག་མ་གཅིག་ཡིན་ལ། སོ་སོར་རྟོགས་པའི་མངོན་རྟོགས་ལ་ལྟོས་ན་སྐད་ཅིག་བཅུ་དྲུག་གོ །ཞེས་ཟེར་རོ། །བྱ་བ་བྱེད་ཚུལ་ལ་ལྟོས་ནས་སྐད་ཅིག་མ་གཅིག་ཡིན་ཀྱང༌། བདེན་པ་ལུགས་གཉིས་པ་ལྟར་ན། རེ་རེ་སྒྲོ་འདོགས་གྱི་རྣམ་པ་མི་འདྲ་བ་བཅད་ནས་རྗེས་སུ་ངེས་པ་སྐྱེ་བའི་རིམ་པ་ལ་ལྟོས་ནས་བཅུ་དྲུག །འདི་ལྟར་ན་ཞུགས་གནས་ཀྱི་རྣམ་བཞག་ཀྱང་རུང་ངོ༌། །སོ་སོར་རྟོགས་པའི་མངོན་རྟོགས་ཀྱང་སྐད་ཅིག་གཅིག་ཡིན་ནོ། །བདེན་བཞིའི་དེ་ཁོ་ན་ཉིད་ཡུལ་ཅན་ཡིད་ཤེས་ཟག་མེད་དུ་སྐྱེ་བས་སླར་མ་མཐོང་བ་མཐོང་རྒྱུ་དང་བདེན་ཞེན་གྱི་རྩ་བ་ཆད་པས་སྒྲོ་འདོགས་ཀྱང་གཅོད་རྒྱུ་མེད་དོ། །ཡང་དབུ་

― ZP04_Page_264 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ནས་བཤད་པའི་རིག་པ་དྲུག་ཅུ་པར་གསུངས་པ་ལྟར་རྟེན་འབྲེལ་གྱི་ཆོས་ལ་སྐྱེ་འགགས་མེད་པར་ཤེས་པས་སྡུག་ཀུན་ལམ་གསུམ་གྱི་རང་བཞིན་ཡང་དེར་རྟོགས་ལ། དེ་ཉིད་འགོགས་པའི་རང་བཞིན་ཡིན་པས་ན་སྐད་གཅིག་ལས་རིམ་ཅན་དུ་རྟོགས་པ་མེད་དོ། །འོན་ཀྱང་སྐད་ཅིག་བཅོ་ལྔ་དང་བཅུ་དྲུག་དུ་བཞག་པ་ནི་སྤྲོས་པ་ལ་དགའ་བ་རྣམས་ལ་ཕན་པའི་ཕྱིར་ཤེས་པའི་ངོ་བོ་གཅིག་ཆར་བྱས་ནས་སོ། །གཏན་ལ་ཕབ་པ་བསྡུ་བར། བསྟན་པ་གནས་པ་རྒྱས་པ་རྣམ་པར་བཞག་པ་སྤྲོས་པ་དང་བཅས་པ་དང༌། བདེན་གཞིའི་རང་བཞིན་ལ་མི་སྐྲག་པའི་ཆོས་བཟོད་བཞིའི་ཚུལ་བཞིན་དུ་རིག་པས་ཆོས་ཤེས། རྗེས་ཤེས་ཀྱི་ཆ་ཡང་དེ་ལྟར་མི་སྐྲག་ཅིང་རིག་པའི་ནུས་པ་དང་ལྡན་པས་རྗེས་བཟོད་རྗེས་ཤེས་སོ་ཞེས་བཞེད་དོ། །དོན་དམ་པར་རྣམ་པར་བཞག་པ་སོ་སོ་རང་གི་སྤྲོས་པ་མེད་པའོ། །དེ་ལྟ་བུའི་མཐོང་ལམ་དེར་མངོན་པར་རྟོགས་པའི་ལམ་བྱང་ཆུབ་ཀྱི་ཡན་ལག་བདུན་བསྒོམ་པ་དེ་ལ་ལྔ་སྟེ། ཡུལ་གང་དུ། ཚུལ་ཇི་ལྟར། །ངོ་བོ་དགོས་ཆེད་སྒྲ་དོན། དང་པོ་ནི་བདེན་པ་བཞིའོ། །གཉིས་པ་ནི། དྲན་པ་ཡང་དག་བྱང་ཆུབ་ཀྱི་ཡན་ལག་གིས་དྲན་པས་བདེན་བཞིའི་དམིགས་རྣམ་མི་བརྗེད་པར་འཛིན། ཆོས་རབ་རྣམ་འབྱེད་ཀྱིས་བདེན་བཞིའི་ཆོས་ཉིད་ཀྱི་མཚན་ཉིད་ཇི་བཞིན་གཏན་ལ་ཕབ། བརྩོན་འགྲུས་ཀྱིས་དེ་ལ་སྤྲོ་བཞིན་དུ་འཇུག །དགང་བས་བདེན་བཞིའི་ཆོས་ཉིད་གསར་དུ་མཐོང་བ་ལ་དགའ་བ་སྐྱེ། ཤིན་ཏུ་སྦྱང་བས་ལུས་དང་སེམས་ལས་སུ་རུང་བར་བྱེད། །ཏིང་ངེ་འཛིན་གྱིས་སེམས་གཞན་དུ་མི་གཡེངས་བར་བྱེད། བཏང་སྙོམས་ཀྱིས་སེམས་བྱིང་རྒོད་མེད་པར་རྣལ་དུ་བདུག་པ་བྱེད་དོ། །སྡུག་བསྔལ་ལ་དམིགས་ནས་དེའི་དབེན་པ་ཚོལ་ཞིང་གནས། །

― ZP04_Page_265 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་འབྱུང་ལ་དམིགས་ནས་དེའི་འདོད་ཆགས་དང་བྲལ་བ་ཚོལ་ཞིང་གནས། སྡུག་བསྔལ་འགགས་པར་དམིགས་ནས་དེ་མངོན་དུ་བྱེད་པ་ཚོལ་ཞིང་གནས། སྡུག་བསྔལ་འགོགས་པར་འགྱུར་བ་ལ་དམིགས་ནས་དེའི་བསྒོམ་པ་ཚོལ་བ་སྟེ་ལྷག་མ་དྲུག་ལའང་དེ་ལྟར་རོ། །གསུམ་པ་ནི། དྲན་པ་སོགས་བདུན་པོ་དེའང་བསྡུ་ན་ཡན་ལག་ལྔ་སྟེ། དབུས་མཐའ་ལས། རང་བཞིན་ཡན་ལག་ནས་ཡན་ལག །གསུམ་པ་ངེས་འབྱུང་ཡན་ལག་སྟེ། བཞི་པ་ཕན་ཡོན་ཡན་ལག་ཡིན། རྣམ་གསུམ་ཉོན་མོངས་མེད་ཡན་ལག །འདི་ལ་གཞི་དང་གནས་དང་ནི། ངོ་བོ། བཏང་སྙོམས་ཉིད་་ཆོས་རབ་རྣམ་འབྱེད་ངོ་བོ་ཡན་ལག་གཞན་རྣམས་ལས་མི་གཡེང་བར། སོ་སྐྱེའི་ས་ལས་རིང་དུ་འདའ་བར་བྱེད་པའི་བརྩོན་འགྲུས། ལུས་སེམས་ལ་ཕན་པ་དང་དགའ་པའོ། །དུ་བསྟན་པ་ཡིན། ཞེས་སོ། །ཤིན་སྦྱང་བཞི་ཏིང་ངེ་འཛིན་པ་ནི། མཐོང་སྤངས་རྣམས་སྤོང་བར་བྱེད་དོ། །ལྔ་པ་ནི། མཐོང་ལམ་རྣམ་པར་མི་རྟོག་པའི་ཡེ་ཤེས་ནི་བྱང་ཆུབ་ཡིན་ལ་གཞན་རྣམས་དེའི་ཡན་ལག་དུ་འགྱུར་བས་ན་བྱང་ཆུབ་ཀྱི་ཡན་ལག་གོ །བཞི་པ་སྒྲ་དོན་ནི། སྔར་མ་མཐོང་བའི་ཡེ་ཤེས་གསར་དུ་མཐོང་བས་མཐོང་ལམ་མོ། །གསར་མཐོང་ཞེས་པའང་ཐ་སྙད་ཙ་ལས་དོན་ལ་མཐོང་བ་མེད་བ་སྟེ་ནམ་མཁའ་མཐོང་ཞེས་པ་ལྟ་བུའོ། །སྐྱེ་བ་ཡོད་ན་འཇིག་པའང་ཡོད་པས་སོ། །ལྔ་པས་ནི། ས་དང་པོ་རབ་ཏུ་དགའ་བའོ། །བཞི་པ་བསྒོམ་ལམ་ལ། རྟེན་ངོ་བོ་་དབྱེ་བ་་སྒྲ་དོན་་ས་དང་ལྔའོ། །དང་པོ་ལ་ལུས་རྟེན་ནི།

― ZP04_Page_266 ―

^{[མ་དཔེ་གཟིགས་ན་འདིར་གནོན།]}

[Full Size]

གླིང་གསུམ་གྱི་མི་དང་འདོད་ལྷ་རིགས་དྲུག་དང༌། གཟུགས་ཁམས་ལས་ཚངས་ཆེན་དང་འདུ་ཤེས་མེད་པ་མ་གཏོགས་སོ། །སྲིད་རྩེ་མ་གཏོགས་པའི་གཟུགས་མེད་ལྷག་མ་གསུམ་དང་བཅས་པའོ། །སེམས་རྟེན་ནི། བསམ་གཏན་ས་དྲུག་དང་གཟུགས་མེད་གསུམ་སྟེ་ས་དགུའོ། །ཟག་མེད་ཀྱི་རྟེན་དུ་འདི་ཁོ་ན་ལོག་ལྟའི་རང་བཞིན་ཅན་ནོ། ༈ སྔར་མཐོང་ལམ་གྱི་ཡེ་ཤེས་དེ་ཀ་འཇིག་རྟེན་པའི་བསམ་རུང་བས་ས་དགུའོ། །གཟུགས་ལ་བརྟེན་ནས་སྐྱེ་བ་སྒོམ་པ་ནི་བསྒོམ་ལམ་གྱི་ངོ་བོ་རེད་གསུངས། གཉིས་པ་ནི། བདེན་བཞིའི་དོན་མངོན་སུམ་དུ་རྟོགས་པའི་མཁྱེན་པའོ། །གསུམ་པ་ལས་དགུ་སྟེ། འཇིག་རྟེན་པ་དང༌། འདས་པ་དང༌། ཆུང་འབྲིང་ཆེ་གསུམ། སྦྱོར་བ། བར་ཆད་མེད། རྣམ་གྲོལ་གྱི་ལམ། ཁྱད་པར་གྱི་ལམ་མོ། །དང་པོ་གཉིས་ལ། གང་གིས་ཐོབ་བྱེད་ཀྱི་རྒྱུ། གང་གིས་ཐོབ་བྱའི་ངོ་བོ། །དེ་ལྟར་ཐོབ་པའི་རྟགས། །ཐོབ་པ་པོའི་གང་ཟག་དང་བཞི་ལས། །དང་པོ་ལ་སྤོང་བའི་ཡིད་བྱེད་བདུན་བསྒོམ་པ་སྟེ། དེའི་གྲངས་ངེས་ནི། མཚན་ཉིད་མཱོས་པ་དཔྱོད་པ་གསུམ་རྒྱུ། དབེན་པ་དགའ་བ་སྦྱོར་མཐའ་གསུམ་ངོ་བོ། །སྦྱོར་བའི་འབྲས་བུ་ཡིད་བྱེད་འབྲས་བུའོ། །དེ་ཡང་དང་པོ་གཉིས་མ་སྐྱེས་པ་སྐྱེ་བར་བྱེད་པ་དང་ལྔ་པ་སྐྱེས་ཟིན་ཁྱད་པར་དུ་བྱེད་པའི་རྒྱུའོ། །སོ་སོའི་ངོས་འཛིན་ནི། དེ་ཡང་ཁམས་གོང་འོག་གི་སྤོང་ཐོབ་ཀྱི་ཞི་རགས་ཐོས་བསམ་འདྲེས་མའི་སྒོ་ནས་དེ་དག་གི་མཚན་ཉིད་རབ་ཏུ་རིག་པ་ནི་ཡིད་བྱེད་དང་པོ་དང༌། །དེ་ལྟའི་ཞི་རགས་ལ་ཡུན་རིང་དུ་བརྩོན་ཏེ་མོས་པར་བྱ་ཏེ་ཐོས་བསམ་

― ZP04_Page_267 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་འདས་པའི་ཞི་ལྷག་དུ་སོན་པ་ནི་གཉིས་པ་དང༌། དེ་ཡུན་དུ་བསྒོམ་པས་འདོད་ཉོན་ཆེན་པོ་གསུམ་སྤངས་པའི་ལམ་གསུམ་པ་དང༌། དགའ་བ་སྡུད་པས་ནི་འདོད་ཉོན་འབྲིང་གསུམ་སྤོང་བ་བཞི་པ་དང༌། སླར་སྡུག་མཚན་ཡིད་ལ་བྱས་པས་འདོད་འདུན་འབྱུང་ན་སྤང་བྱའི་ལྷག་མ་ཞི་རགས་བསྒོམ་པ་ལྔ་པ་དང༌། དེ་ལྟར་བསྒོམ་པས་འདོད་ཉོན་ཆུང་གསུམ་སྤོང་བ་དྲུག་པ་དང༌། དེས་མཐུས་བསམ་གཏན་དང་པོའི་དངོས་གཞི་དང་ལྡན་པས་ཡིད་བྱེད་སྐྱེས་པ་ནི་ཡིད་བྱེད་བདུན་པའོ། །གཉིས་པ་ལ་འཇིག་རྟེན་པ་དང་སྤྱིར་འཇིག་འདས་ལ། ས་འཚམས་ཀྱི་དང༌། མཉམ་རྗེས་ཀྱི་ས་དང༌། བསམ་གཟུགས་བརྒྱད་པོར་ཤེས་རབ་ཀྱིས་ཟིན་མ་ཟིན་ཏེ་གསུམ་ལས་འདིར་ཕྱི་མ་ལྟར་རོ། །དག་པའི་འཇིག་རྟེན་པ་ཟེར་མཆན། །འཇིག་རྟེན་ལས་འདས་པ་དང༌། དེ་དག་གི་རྣམ་བཞག་བཤད་པ་དང་གསུམ་མོ། །དང་པོ་ལ་ཉོན་མོངས་ཅན་དང་དག་པ་གཉིས་ཀྱིས་དང་པོ་ནི། གང་ཉོན་མོངས་པར་བྱ་བའི་གཞི་ནི་བསམ་གཟུགས་ཀྱི་དངོས་གཞི་དག་པའོ། །གང་གིས་ཉོན་མོངས་པར་བྱེད་པའི་ཆོས་བསྒྲིབ་ལུང་མ་བསྟན། སྲེད་ལྟ་ང་རྒྱལ་མ་རིག་པ་བཞིའོ། །ཇི་ལྟར་ཉོན་མོངས་པར་བྱེད་ཚུལ་དེ་དང་དེར་མཚུངས་ལྡན་དུ་སོང་བའོ། །གཉིས་པ་ནི་རང་སའི་ཀུན་དཀྲིས་དང་བྲལ་བའི་བསམ་གཏན་སྐྱོན་མེད་དོ། །དེ་ལ་ཉམས་པ། གནས་པ། ཁྱད་པར། དེས་འབྱེད་ཆ་མཐུན་དང་བཞི་ཡོད་དོ། །གཉིས་པ་ནི་བསམ་གཟུགས་དགུ་པོ་བདག་མེད་རྟོགས་པའི་ཤེས་རབ་ཀྱིས་ཟིན་པའོ། །གསུམ་པ་ལ་གཉིས་སྟེ། བསམ་གཏན་ཡན་ལག་བཤད་པ་

― ZP04_Page_268 ―

^{[མ་དཔེ་གཟིགས་ན་འདིར་གནོན།]}

[Full Size]

དང༌། གཟུགས་མེད་དམིགས་རྣམ་བཤད་པའོ། །དང་པོ་ལ་བཞི་སྟེ། དེ་ཡང་བསམ་གཏན་དང་པོར་དེ་ཡང་བསམ་གཏན་རྟོག་དཔྱོད་གཉིས་ཡོད་པ་དངོས་གཞི་ཙམ་པོ་བ་དང༌། རྟོག་མེད་དཔྱོད་བཅས་ཁྱད་པར་པའོ། །རྟོག་དཔྱོད་དགའ་བདེ་ཏིང་ངེ་འཛིན་དང་ལྔའོ། །གཉིས་པར་རབ་དང༌། དགའ་བདེ། ཏིང་ངེ་འཛིན་དང་བཞིའོ། །གསུམ་པར་བཏང་སྙོམས་དྲན་ཤེས་བདེ་བ་ཏིང་ངེ་འཛིན་ལྔའོ། །བཞི་པར་བཏང་སྙོམས་དྲན་པ་ཚོར་བ་བཏང་སྙོམས་ཏིང་ངེ་འཛིན་བཞིའོ། །དེ་དག་གི་ཁྱད་པར་ནི། རྟོག་དཔྱོད་སྤངས་པ་གཉིས་པ། དང་པོ་གཉིས་པ་ལ་ཁྱད་པར་ཅི་ཡོད་ན་ཏིང་ངེ་འཛིན་ཡོངས་སུ་རྫོགས་པའི་ཁྱད་པར་ཡོད་དོ། །དགའ་བ་སྤང་བ་གསུམ་པ་གཉིས་པ་གསུམ་པ་ལ་ཕན་འདོགས་ཡོངས་སུ་རྫོགས་པའི་ཁྱད་པར་རོ། །བདེ་བ་སྤངས་པ་བཞི་པ། གསུམ་པ་བཞི་པར་ཡོངས་སུ་དག་པ་རྫོགས་པའི་ཁྱད་པར་རོ། །བསམ་གཏན་བཞི་པའི་ཡན་ལག་ནི། རྟོག་དཔྱོད་གཉིས། དགའ་བདེ་གཉིས། སྡུག་བསྔལ་ཡིད་མི་བདེ་བ། །འབྱུང་རྔུབ་གཉིས་ཏེ་སྐྱོན་བརྒྱད་དང་བྲལ་བའོ། །དེ་ལྟར་ཡན་ལག་བཞི་དང༌། ལྔར་གྲངས་ངེས་པ་ཡང༌། གཉེན་པོ་དང༌། ཕན་ཡོན་དང༌། གནས་ཀྱི་ཡན་ལག་གསུམ་གྱི་དབང་དུ་བྱས་ནས་སོ། །གཉིས་པ་གཟུགས་མེད་ཀྱི་དམིགས་རྣམ་བཞི་ལས་དང་པོ་ནི། །བསམ་གཏན་བཞི་པ་ཐོབ་པ་དེའི་གཟུགས་ལ་སྐྱོན་དང་གཟུགས་མེད་པར་ཡོན་ཏན་དུ་མཐོང་ནས་གཟུགས་ཀྱི་འདུ་ཤེས་བཟློག་ཕྱིར་ཁ་དོག་དང་དབྱིབ་རེག་བྱ་སོགས་ཀྱི་མཚན་མ་བྲལ་བའི་ནམ་མཁའི་འདུ་ཤེས་ཁོ་ན་བསྒོམ་པས། རགས་པ་དེ་དག་གི་སྣང་བ་ནུབ་སྟེ་

― ZP04_Page_269 ―

^{[མ་དཔེ་གཟིགས་ན་འདིར་གནོན།]}

[Full Size]

ནམ་མཁའི་འདུ་ཤེས་ཁོ་ན་འབྱུང་བ་དང་པོ། །རྣམ་ཤེས་མཐའ་ཡས། ཅི་ཡང་མེད་པ། འདུ་ཤེས་མེད་འདུ་ཤེས་མེད་མིན་རྣམས་སྐྱེ་མཆེད་སྔ་མ་སྔ་མ་རགས་པར་མཐོང་ནས་དེ་དག་བཟློག་ཕྱི་མ་ཕྱི་མའི་སེམས་ལ་མོས་པའོ། །གསུམ་པ་ནི། བསམ་གཏན་ཐོབ་རྟགས་ལུས་ས་འོག་ཏུ་བྱིང་བ་ལྟ་བུའི་སྣང་བ་དང༌། གཟུགས་མེད་ཐོབ་རྟགས་ནམ་མཁར་འཕྱོ་བ་ལྟ་བུའི་རྟགས་འབྱུང་ངོ༌། །བཞི་པ་ནི། མཛོད་ལས། བསམ་གཏན་གཟུགས་མེད་རང་ས་དང༌། འོག་སའི་རྟེན་ཅན་འོག་དགོས་མེད། ཅེས་སྤྱིར་བཏང་དང༌། །སྲིད་རྩེའི་འཕགས་པ་ཅི་ཡང་མེད། །མངོན་སུམ་བྱས་ནས་ཟག་པ་ཟད། ཅེས་དམིགས་གསལ་ལོ། །དེ་ཡང་བསྒོམ་ལམ་ཆེ་འབྲིང་ཆུང་གསུམ་དུ་ཕྱེ་བས་དགུ་དང༌། དེ་དག་རེ་རེ་ལའང༌། སྦྱོར་བ། བར་ཆད་མེད་པ། རྣམ་གྲོལ་དང༌། ཁྱད་པར་གྱི་ལམ་སྟེ་སོ་དྲུག་གོ །དེ་ལྟ་བུའི་ལམ་དེ་བསྒོམ་པར་བྱེད་པ་ལ་རྣམ་དག་ངེས་འབྱིན་འཕགས་ལམ་ཡན་ལག་བརྒྱད་བསྒོམ་པ་སྟེ། ཡུལ་གང་ལ། ཚུལ་ཇི་ལྟར། ངོ་བོ་གང༌། དགོས་ཆེད། སྒྲ་དོན་དང་ལྔ། དང་པོ་བདེན་པ་བཞི་ལའོ། །གཉིས་པ་ཚུལ་ཇི་ལྟར། ཡང་དག་པའི་ལྟ་བ་སྡང་མཐོང་ལམ་གྱི་དུས་ན་བདེན་བཞིའི་ཆོས་ཉིད་འདི་ལྟར་རྟོགས་ཞེས་ཡོངས་གཅོད་ཀྱི་སྒོ་ནས་ངེས་པར་བྱེད། རྟོག་པས་དེ་ལྟ་བུའི་རྟོགས་པ་དེ་རྟགས་དང་གཏན་ཚིག་གི་སྒོ་ནས་རྟོག་ཤིང་དེ་ཇི་ལྟར་གཞན་ལ་མཚོན་པའི་ཚུལ་གང་ལ་འབེབས་ཤིང་གོ་བར་བྱེད། ངག་གིས་ཆོས་ཉིད་སྤྲོས་

― ZP04_Page_270 ―

^{[མ་དཔེ་གཟིགས་ན་འདིར་གནོན།]}

[Full Size]

བྲལ་གྱི་རྟོགས་པ་དེའི་རང་བཞིན་ཐ་སྙད་ཙམ་དུ་ཚིག་གིས་མཚོན་པས་འཆད་རྩོད་རྩོམ་གསུམ་གྱི་སྒོ་ནས་གཞན་ལ་སྟོན་ཞིང་ལྟ་བ་རྣམ་དག་ཏུ་ཡིད་ཆེས་པར་བྱེད། ལས་ཀྱི་མཐས་སྤྱོད་ལམ་ཐམས་ཅད་ཆོས་དང་མི་མཐུན་པ་མེད་ཅིང་ཆོས་དང་མཐུན་པས་ཚུལ་ཁྲིམས་རྣམ་དག་ཏུ་ཡིད་ཆེས་པར་བྱེད། འཚོ་བས་ལོག་འཚོ་སྡིག་པའི་ཟས་དང་མ་འདྲེས་ཤིང་ཡང་དག་པའི་འཚོ་བ་རྣམ་དག་དུ་ཡིད་ཆེས་པར་བྱེད། རྩོལ་བས་ནི་མཐོང་ཟིན་ཆོས་ཉིད་ཀྱི་དོན་ལ་ཡང་དང་ཡང་དུ་གོམས་པར་བྱེད་པས་ཉོན་མོངས་པའི་གཉེན་པོ་བྱེད། དྲན་པས་ནི་ཞི་ལྷག་གི་དམིགས་རྣམ་མི་བརྗེད་པར་འཛིན་པས་ཉེ་ཉོན་བརྗེད་ངེས་ཀྱི་གཉེན་པོར་བྱེད། །ཏིང་ངེ་འཛིན་གྱིས་བྱིང་རྒོད་ལ་སོགས་པའི་སྐྱོན་མེད་པའི་ཏིང་ངེ་འཛིན་བསྒྲུབ་ཅིང་ལམ་གྱི་ཡོན་ཏན་གོང་ནས་གོང་དུ་འཕེལ་ནས་མི་མཐུན་པའི་ཕྱོགས་ཀྱི་གཉེན་པོ་བྱེད་དོ། །གསུམ་པ་ངོ་བོ་ནི། ཡང་དག་པའི་ལྟ་བ་སོགས་འཕགས་ལམ་ཡན་ལག་བརྒྱད་པོ་དེ་དག་ཀྱང་ཡན་ལག་བཞིར་འགྱུར་ཏེ། དབུས་མཐའ་ལས། ཡོངས་སུ་གཅོད་དང་གོ་བྱེད་དང༌། རྣམ་གསུམ་གཞན་ཡིད་ཆེས་པར་བྱེད། ལྷག་མ་གཉེན་པོའི་ཡན་ལག་གོ །ཞེས་སོ། །བཞི་པ་དགོས་ཆེད་ནི། བསྒོམ་སྤང་རྣམ་སྤོང་བར་བྱེད་དོ། །ལྔ་པ་སྒྲ་དོན་ནི། ཆོས་ཉིད་ཀྱི་དོན་རྟོགས་པ་ནི་འཕགས་པའི་ལམ་སྟེ་དེའི་ཡན་ལག་གོ །བཞི་པ་སྒོམ་ལམ་སྤྱིའི་སྒྲ་དོན་ནི་མཐོང་ཟིན་གོམས་པར་བྱེད་པའོ། །ལྔ་པ་ས་ནི། ལམ་དགུ་པོ་དང་སྦྱར་ཏེ་དྲི་མ་མེད་པ་ནས་ཆོས་ཀྱི་སྤྲིན་གྱི་བར་དུའོ། །དེ་ལྟར་ཕྱོགས་ཆོས་སོ་བདུན་རྣམས་ཀྱང་རྫས་སུ་བསྡུ་

― ZP04_Page_271 ―

^{[མ་དཔེ་གཟིགས་ན་འདིར་གནོན།]}

[Full Size]

ན་བཅུའམ་བཅུ་གཅིག་སྟེ། དད་བརྩོན་དྲན་པ་ཏིང་ངེ་འཛིན་ཤེས་རབ་ལྔ། །དགའ་བ་ཤིན་ཏུ་སྦྱང་བ་བཏང་སྙོམས་རྟོགས་པ་ཚུལ་ཁྲིམས་དང་བཅུའོ། །དེ་ཡང་དྲན་པ་ཉེ་བར་བཞག་བཞི་ནི་ཤེས་རབ་ཏུ་འདུ། ཡང་དག་སྤོང་བཞི་ནི་བརྩོན་འགྲུས། རྫུ་འཕྲུལ་རྐང་བཞི་ནི་ཏིང་ངེ་འཛིན་དུ་འདུས་སོ། །ཆོས་རབ་རྣམ་འབྱེད་དང་ཡང་དག་པའི་ལྟ་བ་ནི་ཤེས་རབ། ངག་ལས་མཐའ་འཚོ་བ་གསུམ་ནི་ཚུལ་ཁྲིམས་སོ། །ཡང་ན་ངག་སོ་སོར་བསྒྲང་བས་བཅུ་གཅིག་གོ །ལྔ་པ་མི་སློབ་པའི་ལམ་ལ། རྟེན་ངོ་བོ་དབྱེ་བ་སྒྲ་དོན་ས་དང་ལྔའོ། །དང་པོ་ལུས་རྟེན་ནི། ཉན་ཐོས་ལྟར་འཛམ་བུའི་གླིང་གི་རྒྱལ་རིགས་སམ་བྲམ་ཟེ་གང་རུང༌། ཐེག་ཆེན་པས་གཙང་གནས་ཀྱི་འོག་མིན་དུ་སངས་རྒྱས་པར་འདོད་པའི་ཕྱིར་གཟུགས་ཁམས་ཀྱི་རྟེན་ཅན་དུ་འདོད་དོ། །སེམས་རྟེན་ནི་བསམ་གཏན་བཞི་པར་ཐེག་ཆེན་པས་འདོད་དོ། །སྟོན་དང་བསེ་རུ་བྱང་ཆུབ་པ། །བསམ་གཏན་མཐའ་རྟེན་གཅིག་ལ་ཀུན། ཅེས་པ་ལྟར། ཐེག་དམན་པས་རྡོ་རྗེ་གདན་དུ་བྱང་ཆུབ་ཤིང་དྲུང་དུ་བཞུགས་པའང་སོ་སྐྱེའི་དབང་རྣོན་ཞིག་སྟེ། དེས་བསམ་གཏན་བཞི་པར་བརྟེན་ནས་ལམ་ལྔ་ས་བཅུ་སྟན་ཐོག་དེར་མངོན་དུ་མཛད་ཟེར། གཉིས་པ་ནི། སྤང་རྟོགས་མཐར་ཕྱིན་པའི་ཇི་ལྟ་བ་དང་ཇི་སྙེད་མཁྱེན་པའི་ཡེ་ཤེས་མངོན་དུ་བརྙེས་པའོ། །གསུམ་པ་ལ་བཞི་སྟེ། དེ་ཡང་རྟེན་སྐུ། བརྟེན་པ་ཡེ་ཤེས། །ཆེ་བའི་ཡོན་ཏན། མཛད་པའི་ཕྲིན་ལས་རྣམས་སོ། །བཞི་པ་ནི། བསླབ་བྱ་ཐམས་ཅད་

― ZP04_Page_272 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲུབ་ནས་སློབ་རྒྱུ་མེད་པས་ན་མི་སློབ་པའི་ལམ་མོ། །ལྔ་པ་ནི། བཅུ་གཅིག་ཀུན་ཏུ་འོད་ཀྱི་ས་སྟེ། སྟོང་གསུམ་གྲངས་མེད་པ་ཅིག་ཆར་སྣང་བར་བྱེད་པའི་སྐུའི་འོད་ཟེར་འཕྲོ་བ་དང༌། ནམ་མཁའ་གར་ཁྱབ་དམ་པའི་ཆོས་ཀྱི་སྣང་བ་ཆེན་པོ་འཁོར་བ་མ་སྟོང་བར་དུ་བྱེད་དོ། །གཉིས་པ་ས་བཅུའི་ཡོན་ཏན་བྱེ་བྲག་ཏུ་བཤད་པ་ལ། ཁྱད་གཞི་སའི་ངོ་བོ་དང༌། རྣམ་བཞག་དང༌། ངེས་ཚིག་དང་གསུམ་ལ། དང་པོ་ཡོན་ཏན་ཐམས་ཅད་ཀྱི་གཞི་རྟེན་བྱེད་པ་ཡེ་ཤེས་དང་སྙིང་རྗེ་ཆེན་པོ་དབྱེར་མེད་པ་སྐབས་འདིའི་སའི་ངོ་བོ། །གཉིས་པ་ལ་ཤས་ཆེ་བའི་ཁྱད་པར་དང༌། ཀུན་རྫོབ་པའི་ཡོན་ཏན་དང༌། སྐྱེ་བ་འཛིན་ཚུལ། གཉེན་པོའི་རྟོགས་པ། སྤང་བྱ་མི་མཐུན་པའི་ཕྱོགས། །ས་ཐོབ་རྟགས། འབྲས་བུའི་ཁྱད་པར་དང་བདུན་ལས། དང་པོ་ཤེས་ཆེ་བ་ནི། ཕར་ཕྱིན་བཅུ་ལ་ལྟོས་པ་དང༌། །བསླབ་པ་གསུམ་ལ་ལྟོས་པ་ནི། །བསླབ་གསུམ་འབྲས་བུ། མཚན་མེད་འབད་རྩོལ་དང་བཅས་པ་ས་བདུན་པ། ས་བརྒྱད་པར་མཚན་མེད་འབད་རྩོལ་དང་བྲལ། དགུ་པ་སེམས་ཅན་སྨིན་པར་བྱེད་པ། བཅུ་པ་གཟུང་དང་ཏིང་ངེ་འཛིན་ལ་དབང་འབྱོར་པའོ། །མདོ་སྡེ་རྒྱན་ལས། །ཆོས་ཉིད་རབ་ཏུ་རྟོགས་ནས་འདི་ན། བསླབ་པ་གསུམ་ཀྱི་རྟེན་ཆོས་ཉིད། ལྷག་པའི་ཚུལ་ཁྲིམས་ལྷག་སེམས་དང༌། །ལྷག་པའི་ཤེས་རབ་ལ་རྗེས་སློབ། །ཤེས་རབ་སྤྱོད་ཡུལ་གཉིས་ཡིན་ཏེ། །ཆོས་ཀྱི་དེ་ཉིད་དང་དེ་ནི། །མི་ཤེས་ཤེས་སོགས་འཇུག་པ་ཉིད། །ཤེས་རབ་སྤྱོད་ཡུལ་དེ་ལྟ་བས། །དེས་གཉིས་ལ་རྣམ་པར་གནས། །བསླབ་པ་རྣམས་དང་བསྒོམ་པ་ཡིས། །

― ZP04_Page_273 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲས་བུ་གཞན་ནི་རྣམ་པ་བཞི། །མཚན་མེད་འདུ་བྱེད་དང་བཅས་པར། །གནས་པ་འབྲས་བུ་དང་པོ་ཡིན། །དེ་ཉིད་མངོན་འདུ་བྱེད་མེད་དང༌། །ཞིང་ནི་རྣམ་པར་དག་པ་དག །འབྲས་བུ་གཉིས་བར་འདོད་པ་ཡིན། །སེམས་ཅན་སྨིན་་སོ་སོ་ཡང་དག པར་འགྲུབ་ཉིད་དང༌། །ཏིང་ངེ་འཛིན་དང་གཟུངས་རྣམས་ནི། །འགྲུབ་པ་འབྲས་བུ་དམ་པ་ཡིན། །འབྲས་བུ་རྣམ་པ་འདི་བཞི་ནི། །ས་བཞི་པོ་ལ་ཡང་དག་བརྟེན། གེགས་བཞི་སྤང་རྣམ་པར་གྲོལ་བ་དང་རྣམ་གྲོལ་ཡེ་ཤེས་གཟིགས་པ་ཐོགས་སྒྲིབ་ལས་གྲོལ་བའོ། །ཟག་མེད་ཀྱི་ཕུང་པོ་ལྔ་ལ་ལྟོས་པ་ནི། རྒྱན་ལས། །ཆོས་ཉིད་རབ་ཏུ་རྟོགས་ནས་འདིར། ཟག་མེད་ཀྱི་ཕུང་པོ་ལྔའི་རྟེན་ཆོས་ཉིད། །ཚུལ་ཁྲིམས་ཀྱི་ནི་ཕུང་པོ་སྦྱང༌། །དེ་ཡི་འོག་ཏུ་ཏིང་འཛིན་དང༌། །ཤེས་རབ་ཕུང་པོ་རྣམ་པར་སྦྱོངས། །དེ་ལས་གཞན་པ་དག་ལ་ནི། །སྒྲིབ་རྣམ་བཞི་དང་ཐོགས་པ་ཡི། །སྒྲིབ་པ་ལས་ནི་རྣམ་གྲོལ་དང༌། །གྲོལ་པའི་ཡེ་ཤེས་རྣམ་པར་སྦྱོང༌། །བྱང་ཕྱོགས་རྟོགས་པའི་ཤེས་རབ། །བདེན་བཞི་ཤེས་པའི་ཤེས་རབ། །རྟེན་འབྲེལ་ཤེས་པའི་ཤེས་རབ་པོ། །ཀུན་རྫོབ་པའི་ཡོན་ཏན་ནི། །ས་དང་པོ་ཡོན་ཏན་བརྒྱ་ཕྲག་བཅུ་གཉིས་ཐོབ་སྟེ། ཏིང་ངེ་འཛིན་བརྒྱ་ཐོབ་ཅིང་དེ་དག་ལ་འཇུག་པ་དང༌། སངས་རྒྱས་བརྒྱའི་ཞལ་མཐོང་དེ་རྣམས་ཀྱི་བྱིན་གྱིས་བརླབ་པར་ཤེས། འཇིག་རྟེན་གྱི་ཁམས་བརྒྱ་གཡོ་བར་བྱེད་པ་དང༌། །གདུལ་བྱ་འདུན་པར་བྱེད། ཞིང་ཁམས་བརྒྱར་འགྲོ་བ། འདི་གཉིས་ནི་དེར་སོང་སྟེ་མཐོང་ནས་སྨིན་པར་བྱེད། དེ་དག་དུ་འོད་ཟེར་གྱི་སྣང་བར་བྱེད་པ། སེམས་ཅན་བརྒྱ་སྨིན་པར་བྱེད་པ། བསྐལ་པ་བརྒྱར་གནས་

― ZP04_Page_274 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བྱེད་པ། བསྐལ་པ་བརྒྱའི་སྔོན་དང་ཕྱི་མའི་མཐའ་གཟིགས་པ་ཆོས་སྒོ་བརྒྱ་འབྱིད་པར་བྱེད། ལུས་བརྒྱ་སྟོན་པ་དང་ལུས་རེ་རེ་ལའང་འཁོར་ཕུན་སུམ་ཚོགས་པ་བརྒྱ་རེས་བསྐོར་བར་སྟོན་པའོ། །ས་གཉིས་པ་ལ་སྟོང་སེམས་ཅན་གྱི་སྡིག་པ་བྲལ་བའི་ཚད་དུས་ཀྱིས་འཁོར་བར་འགྲོ་བའི་ཚུལ་སྟོན་ནོ། །རང་གི་བློ་གྲོས་སྨིན་པའི་ཆེད་དུ་ཆོས་ཀྱི་རྣམ་གྲངས་རྣམས་ལ་བསམ་པའོ། །འགྱུར་དང༌། གསུམ་པ་ལ་འབུམ། བཞི་པ་ལ་བྱེ་བ་ཕྲག་བརྒྱ་དང༌། ལྔ་པ་ལ་བྱེ་བ་འབུམ་ཕྲག་སྟོང༌། དྲུག་པ་ལ་བྱེ་བ་བརྒྱ་ཕྲག་སྟོང༌། བདུན་པར་བྱེ་བ་ཁྲག་ཁྲིག་འབུམ་དང༌། བརྒྱད་པར་སྟོང་ཆེན་འབུམ་ཕྲག་གཅིག་གི་རྡུལ་གྱི་གྲངས་དང་མཉམ་པ་དང༌། ས་དགུ་པ་ལ་སྟོང་ཆེན་གྲངས་མེད་འབུམ་ཕྲག་བཅུའི་རྡུལ་གྱི་གྲངས་དང་མཉམ་པ་དང༌། ས་བཅུ་པ་ལ་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཕྲ་རབ་ཀྱི་གྲངས་དང་མཉམ་པའི་ཡོན་ཏན་རྣམས་འཐོབ་བོ། །གསུམ་པ་སྐྱེ་བ་འཛིན་ཚུལ་ནི། དབང་རྣམ་སྨིན་གཉིས་ལས། དང་པོ་ནི། །རྒྱན་ལས། བློ་ལྡན་རྣམས་ཀྱི་ལས་དང་ནི། །གཞན་ཡང་སྨོན་ལམ་དག་དང་ནི། །ཏིང་ངེ་འཛིན་དང་དབང་འབྱོར་བའི། །དབང་གིས་སྐྱེ་བར་འདོད་པ་ཡིན། ཞེས་པ་ལྟར་བཞི། གཉིས་པ་ནི། འཁོར་ལོས་སྒྱུར་བ་སོགས༴༌།བཞི་པ་གཉེན་པོ་་མོས་སྤྱོད་རྣམས་འདོད་པར་སྐྱེ་བ་ལས་སོ། །རྟོགས་པ་ནི། དབུས་མཐའ་ལས། །ཀུན་ཏུ་འགྲོ་དོན་མཆོག་གི་དོན། །རྒྱུ་མཐུན་དོན་གྱི་མཆོག་ཉིད་དང༌། །ཡོངས་སུ་འཛིན་པ་མེད་དོན་དང༌། །རྒྱུད་རྣམས་

― ZP04_Page_275 ―

^{[མ་དཔེ་གཟིགས་ན་འདིར་གནོན།]}

[Full Size]

ཐ་དད་མེད་དོན་དང༌། །ཉོན་མོངས་རྣམ་དག་མིན་དོན་དང༌། འཁོར་འདས་ལ་བླང་དོར་འཛིན་པ་བཟློག་གོ །ཐ་དད་མེད་པའི་དོན་ཉིད་དང༌། །འབྲི་མེད་འཕེལ་བ་མེད་དོན་དང༌། །དབང་ནི་རྣམ་པ་བཞི་ཡི་གནས། །ཞེས་སོ། །དེ་ཡང་མཚན་འཛིན་བཟློག་གོ །སར་རྟོགས་པས་སངས་རྒྱས་ཐམས་ཅད་མཉམ་པ་ཉིད་བཅུའི་མཉམ་པར་རྟོགས་སོ། །ས་བརྒྱད་པར་འབྲི་མེད་འཕེལ་བ་མེད་པའི་དོན་དུ་རྟོགས་པ་དང༌། རྣམ་པར་མི་རྟོགས་པ་ལ་དབང་བའི་གནས་སུ་དེའང་ཉོན་མོངས་པ་ཅན་གྱི་ཡིད་གནས་འགྱུར་བས་རྣམ་པར་མི་རྟོག་པ་ལ་དབང་ཐོབ་པ་དང༌། ཞིང་དག་པ་ལ་དབང་བའི་གནས་སུ་འཛིན་པ་སྒོ་ལྔའི་རྣམ་ཤེས་གནས་འགྱུར་བས་ཞིང་དག་པ་ལ་དབང་ཐོབ་པའོ། །དགུ་པ་སོ་སོ་ཡང་དག་རིགས་བཞིའི་ཡེ་ཤེས་ལ་དབང༌། ཡིད་ཀྱི་རྣམ་ཤེས་གནས་འགྱུར་བ་སོ་སོ་ཡང་དག་རིགས་བཞི་ལ་མངའ་བརྙེས་ཤིང་ཕྲིན་ལས་ཕུན་སུམ་ཚོགས་པ་ལ་དབང་ཐོབ་པས་སེམས་ཅན་སྨིན་པར་བྱེད་པའོ། །བཅུ་པར་ཕྲིན་ལས་ལ་དབང་བའི་གནས་སུ་རྟོགས། །རྟོགས་པ་སྟེ་ཡིད་ཤེས་ཀྱི་འཆར་གཞི་ཀུན་གཞིའི་རྣམ་ཤེས་གནས་འགྱུར་བས་ཡེ་ཤེས་མེ་ལོང་ལྟ་བུ་ལ་དབང་ཐོབ་སྟེ་ཕྲིན་ལས་ཆེན་པོ་སངས་རྒྱས་དང་བྱ་བ་ཡུལ་ལ་ཡོད་པའི་ཕྲིན་ལས་འདྲ་རུང་དུ་བྱེད། དེའང་ས་བརྒྱད་པར་མཉམ་ཉིད་དང་སོ་སོར་རྟོགས་པ། དབུ་བར་བྱ་བ་གྲུབ་པ། བཅུ་པར་མེ་ལོང་ལྟ་བུའི་ཡེ་ཤེས་བཞི་ལ་དབང་ཐོབ་ནས་རྒྱུན་མཐར་བག་ཆགས་སྣ་ཚོགས་པའི་ཀུན་གཞི་གནས་འགྱུར་མ་ཐག་ཆོས་ཀྱི་དབྱིངས་ཀྱི་ཡེ་ཤེས་ལ་དབང་ཐོབ་སྟེ་འཚང་རྒྱ་བ་ཡིན་ནོ། །རྒྱུན་མཐར་འོད་ཟེར་ཆེན་པོའི་དབང་བསྐུར་པ་ཡིན་ནོ། །ལྔ་པ་སྤང་བྱའི་སྒྲིབ་པ་

― ZP04_Page_276 ―

^{[མ་དཔེ་གཟིགས་ན་འདིར་གནོན།]}

[Full Size]

བཤད་པ་ལ། །སྒྲིབ་གཉིས་སྤྱིའི་ངོས་འཛིན་དང༌། བྱེ་བྲག་གི་མཚན་ཉིད་དོ། །དང་པོ་ལ་རྒྱུ་ཉོན་མོངས་ཅན་མ་ཡིན་པས་འཁོར་བར་འཕེན་བྱེད་ཀྱི་ལས་མི་གསོག་ཀྱང༌། ཤེས་བྱ་ཆུང་ངུ་ནས་ཐམས་ཅད་མཁྱེན་པའི་ཡེ་ཤེས་ཐོབ་པའི་བར་སྒྲིབ་བྱེད་དུ་འགྱུར་བ་ནི་ཤེས་སྒྲིབ་དང༌། འདི་ལ་ཉན་ཐོས་ཀྱི་མི་ཤེས་པའི་རྒྱུ་བཞི་སོགས་དང༌། ཤེས་སྒྲིབ་ནི་ཆོས་བདག་ཉོན་སྒྲིབ་དུ་མི་འདོད་ཚད་ཀྱི་ཐེག་ཆེན་པའི་འཁོར་གསུམ་བདེན་ཞེན་ཏུ་འདོད་གསུངས། དེ་ཡང་ཆོས་བདག་དང་གཅིག་ཡིན། །དེ་ཡང་ཤེས་སྒྲིབ་ཀྱི་མཚན་ཉིད་ཡིན། ཡང་རྒྱུ་ཉོན་མོངས་པས་བསྐྱེད་ཅིང་འཁོར་བར་འཕེན་པའི་ལས་གསོག་པའི་ནུས་ལྡན་ཐར་ལམ་ལ་སྒྲིབ་བྱེད་དུ་འགྱུར་བ་ཉོན་སྒྲིབ་བོ། །དེ་དག་ལ་ལྷན་སྐྱེས་དང་ཀུན་བརྟག་གཉིས་རེ་སྟེ། །ལྷན་སྐྱེས་ནི་ཡེ་ནས་སེམས་དང་ལྷན་ཅིག་ཏུ་སྐྱེས་པའི་སྒྲིབ་པ་དཔེར་ན་ལྕགས་ལ་བཙའ་ཞུགས་པ་ལྟ་བུ་བསྒོམ་ལམ་རྣམས་མ་གཏོགས་སྤང་མི་ནུས་པའི་ཕྲ་བའི་ཆའོ། །ལྷན་ཅིག་སྐྱེས་ཞེས་པ་འདི་སེམས་དང་སྒྲིབ་པ་ན་ཚོད་མཉམ་པ་ལྟ་བུ་ལས་མེ་དང་ཚ་བའི་རང་བཞིན་ཏུ་འདོད་པ་ནི་མེད་མོད། ཡོད་ན་སྤོང་མི་རུང་ངོ༌། །དཔེར་ན་དྲི་མ་རྣམས་ནི་གློ་བུར་བ་འཕྲལ་དུ་སྤང་རུང་འདོད་པ་ལ་ཟེར་གྱིས། བྲལ་མི་ཤེས་པར་འདོད་པ་ནི་ནང་པའི་གྲུབ་མཐའ་གང་དུའང་མེད་མོད། །འོན་ཀྱང་ཕྱི་རོལ་པ་བདེན་པར་རྨོངས་པས་ལམ་ཕྱིན་ཅི་ལོག་གིས་དོན་མེད་པར་འགྱུར་བ་དང༌། ནང་པའི་ཐེག་དམན་གྱིས་ཀྱང་ཟད་དང་མི་སྐྱེ་ཞེས་བདེན་གྲུབ་ཀྱི་སྒྲིབ་པ་སྤང་རུང་དུ་འདོད། ཐེག་ཆེན་པས་ནི་ཐ་སྙད་འཁྲུལ་ཤེས་ཀྱི་ངོར་དེ་བཞིན་ཏུ་སྣང་བ་ནམ་མཁའི་སྐྲ་ཤད་ལྟར་དོན་ལ་ཡོད་མ་མྱོང་པས་སྤངས་བྱའི་གཞི་མ་ཐུབ་པའི་ཟད་མེད་སྐྱེ་མེད་དུ་

― ZP04_Page_277 ―

^{[མ་དཔེ་གཟིགས་ན་འདིར་གནོན།]}

[Full Size]

འདོད་མཆན། བདེན་པ་མཐོང་བ་ཙམ་གྱིས་བྲལ་འགྲོ་བ་རགས་པའི་ཆ་ཡིན་ནོ། །ཀུན་བཏགས་ནི་གྲུབ་མཐས་གསར་དུ་བསྒྱུར་བའི་བློ་དཔེར་ན་མིན་ན་ཡིན་རློམ་རྫུན་གྱི་མ་གོ་བ་ལྟ་བུའོ། །སྤྱིར་ཉོན་སྒྲིབ་ཡིན་ན་ཤེས་སྒྲིབ་ཡིན་པས་ཁྱབ་ལ། ཤེས་སྒྲིབ་ནི་ཉོན་སྒྲིབ་ཡིན་པས་མ་ཁྱབ་བོ། །གཉིས་པ་ལ་གཉིས་རྡུལ་ཕྲན་དང་ཤེས་པ་སྐད་ཅིག་དང་གཉེན་པོའི་མཆོག་འཛིན་ལྟ་བུ་ནང་པའི་གྲུབ་མཐས་སོ། །ཕྱི་རོལ་པའི་གྲུབ་མཐའ་བློ་ཕྱིན་ཅི་ལོག་གི་ལམ་ལ་གསར་དུ་བསྒྱུར་བའོ། །ཏེ། ཤེས་ཉོན་དག་གི་བྱེ་བྲག་གི་དབྱེ་བས་གཉིས་སོ། །དང་པོ་ཤེས་སྒྲིབ་ལ་ཐུན་མོང་ཐུན་མིན་གཉིས་ཀྱི། དང་པོ་ནི། འཁོར་བའི་རྒྱུ་འབྲས་གཉིས་པོ་རང་བཞིན་མེད་དོ་བ་ཀུན་ཉོན་ཕྱོགས་ཀྱི་དང༌། མྱང་འདས་ཀྱི་རྒྱུ་འབྲས་གཉིས་རང་བཞིན་མེད་དོ་བ་རྣམ་བྱང་ཕྱོགས་ཀྱི་གཟུང་རྟོག །བདག་གང་ཟག་རྫས་སུ་གྲུབ་པ་མེད་དོ་བ་རྫས་འཛིན་དང༌། བཏགས་པས་གྲུབ་པ་མེད་དོ་བ་བཏགས་འཛིན་གྱི་སྟེ་གཟུང་འཛིན་གྱི་རྟོག་པ་བཞིའོ། །དོན་སྤྱིའི་ཚུལ་དུ་རྟོགས་པའི་དགགས་རྟོག་བཞིའི་ངོ་བོ་རྣལ་མ་ཡིན་གསུངས་མཆན། ཡང་ན་སྒྲུབ་རྟོག་བཞི་པོ་ཤེས་སྒྲིབ་ཏུ་འདོད་པའང་ཡོད་དེ། དེ་ལྟར་ན་རྫས་འཛིན་གྱི་སྒྲུབ་རྟོག་ནི་གང་ཟག་གི་གདག་གཞིའི་ཕུང་ལྔའི་ཆོས་རྫས་སུ་གྲུབ་པར་ཡོད་པའོ། །མདོར་ན་གཟུང་འཛིན་གྱི་རྟོག་པ་ཐམས་ཅད་ཤེས་སྒྲིབ་ཡིན་གསུངས། གཉིས་པ་ཐུན་མིན། ས་བཅུ་པོའི་རེ་རེར་ཞིང་རྨོངས་གཉིས་དང་གནས་ངན་ལེན་གཅིག་བཅས་གསུམ་རེ་ཡོད། །གཉིས་པ་ཉོན་སྒྲིབ་ལ་མཐོང་སྤངས་ལོག་

― ZP04_Page_278 ―

^{[མ་དཔེ་གཟིགས་ན་འདིར་གནོན།]}

[Full Size]

ཞུགས་དང༌། བསྒོམ་སྤང་བའི་སྒོ་ནས་སོ། །དང་པོ་ལ་གཉིས་ཏེ། ལོག་པར་ཞུགས་ཚུལ་དང༌། རྣམ་གྲངས་གི་འདོད་ཚུལ་དགོད་པའོ། །དང་པོ་གང་འཇུག་ན། གཙོ་བོ་སྲིད་པའི་ཕྲ་རྒྱས་བཅུ་སྟེ། འཇིག་མཐར་ལོག་གསུམ་དང༌། ལྟ་བ་དང༌། ཚུལ་ཁྲིམས་བརྟུལ་ཞུགས་མཆོག་འཛིན་ཏེ་ལྟ་བ་ལྔ་དང༌། འདོད་ཆགས་ཁོང་ཁྲོ་ང་རྒྱལ་མ་རིག་ཐེ་ཚོམ་སྟེ་ལྟ་མིན་ལྔའོ། །གང་ལ་ན་བདེན་བཞིའོ། །ཚུལ་ཇི་ལྟར་ཞུགས་ན་དངོས་བརྒྱུད་དབང་གིས་ལོག་ཞུགས་གསུམ་སྟེ། དང་པོ་ནི། འཇིག་མཐར་ལོག་གསུམ་དང་ལྟ་མིན་མ་རིག་པ་ཐེ་ཚོམ་གཉིས་དང་ལྔ་པོ་བདེན་པ་ལ་དངོས་སུ་ལོག་པར་ཞུགས་པའོ། །གཉིས་པ་ནི་ལྟ་བ་མཆོག་འཛིན་ལྟར་ན་དེ་ལ་མཆོག་ཏུ་རློམ་པས་སོ། །ཚུལ་ཁྲིམས་དང་བརྟུལ་ཞུགས་མཆོག་འཛིན་་ལྟ་ངན་དེ་དང་འབྲེལ་བའི་སྤྱོད་ངན་ལ་དག་གྲོལ་ངེས་འབྱིན་ཏུ་ལྟ་བས་སོ། །འདོད་ཆགས་ལྟ་ངན་ལ་སྲེད་པའོ། །ང་རྒྱལ་ཏེ་བཞི་པོ་དངོས་སུ་ལོག་ཞུགས་ཀྱི་ལྟ་ངན་ལ་དམིགས་ནས་འཇུག་པས་བརྒྱུད་དེ་ལོག་པར་ཞུགས་པའོ། །གསུམ་པ་ནི་ཁོང་ཁྲོ་སྟེ་རང་གི་ལྟ་ངན་དང་མི་མཐུན་པའི་ལྟ་བར་མི་བཟོད་པར་དབང་གིས་ལོག་པར་ཞུགས་པའོ། །ལྟ་ངན་དང་ལྡན་པའི་གང་ཟག་བདག་མཆོག་གོ་སྙམས་ནས་སེམས་ཁེང་པས་སོ། །གཉིས་པ་རྣམ་གྲངས་གི་འདོད་ཚུལ་ལ་གསུམ་སྟེ། དང་པོ་ནི། ཀུན་བཏུས་ལས་གསུངས་པ་ལྟར་སྡུག་བདེན་གྱི་མཐོང་སྤང་ལའང་འདོད་ཁམས་ལ་ཕྲ་རྒྱས་བཅུ། ཁམས་གོང་མ་གཉིས་སུ་ཁོང་ཁྲོ་དོར་བས་ལྷག་མ་དགུ་སྟེ་ཁྱོན་ཉེར་བརྒྱད་བདེན་པ་གཞན་གསུམ་ལའང་ཉེར་བརྒྱད་

― ZP04_Page_279 ―

^{[མ་དཔེ་གཟིགས་ན་འདིར་གནོན།]}

[Full Size]

རེ་དྲིལ་བའི་བརྒྱ་དང་བཅུ་གཉིས་སོ། །གཉིས་པ། གཏན་ལ་དབབ་པ་བསྡུ་བ་ལྟར་ན། སྡུག་བདེན་སྔར་ལྟར་ཉེར་བརྒྱད་དང༌། ཀུན་འགོགས་གཉིས་པོར་འཇིག་མཐར་དང་ཁམས་གོང་མ་གཉིས་ལ་ཁོང་ཁྲོ་བཅས་དོར་པས་ལྷག་མ་དྲིལ་བས་གོ་བཞིར་བཤད་དོ། །གསུམ་པ་མངོན་མཛོད་ལྟར་ན། སྡུག་བདེན་སྔར་ལྟར་ཉེར་བརྒྱད་དང༌། ཀུན་འགོགས་གཉིས་པོར་འཇིག་མཐར་གཉིས་མཆོག་འཛིན་ཐ་མ་གསུམ་དང༌། ལམ་ལ་འཇིག་མཐར་གཉིས། ཁམས་གོང་མ་གཉིས་སུ་ཁོང་ཁྲོ་བཅས་དོར་བས་ལྷག་མ་གྱ་བརྒྱད་དོ། །དེ་དག་ཀྱང་བསྡུ་ན་ཀུན་ཏུ་སྦྱོར་བ་གསུམ་ལ་འདུའོ། །འཇིག་མཐར་ལོག་གསུམ་མོ། །མདོར་ན་མཐོང་ལམ་ཐོབ་ཕྱིན་ཆད་སྐྱབས་དཀོན་མཆོག་གསུམ་དང་ཆོས་བདེན་པ་བཞི་ལ་ངེས་ཤེས་གཏིང་ནས་རྙེད་པས་གང་དང་གང་དུ་སྐྱེས་ཀྱང་བློ་ལྟ་ལོག་གིས་བསྒྱུར་མི་བཏུབ་སྟེ་ལོག་ཞེན་གྱི་རྩ་བ་ཆད་པས་སོ། །གཉིས་པ་བསྒོམ་སྤང་ལ། སྤང་བྱའི་དབྱེ་བ་དང༌། ཇི་ལྟར་སྤོང་ཚུལ་ལོ། །དང་པོ་ལ་དབྱེ་གཞི་ནི། མ་རིག་པ། འདོད་ཆགས། ང་རྒྱལ། ཁོང་ཁྲོ། །འཇིག་ལྟ། མཐར་འཛིན་གྱི་ལྟ་བ་དང་དྲུག་གོ །ཇི་ལྟར་ན་ལམ་གྱི་དབྱེ་བའི་སྒོ་ནས་དབྱེ་ན་བཅུ་དྲུག་དང༌། འདོད་ཁམས་སུ་དེ་དྲུག་པོ་དང་ཁམས་གོང་མ་གཉིས་སུ་ཁོང་ཁྲོ་དོར་ལྷག་ལྔ་རེ་སྟེ་བསྡོམ་པས་བཅུ་དྲུག་གོ་མཆན་སའི་སྒོ་ནས་སྤང་བྱའི་རྟེན་གྱིས་དགུའོ། །དབྱེ་ན་ཞེ་དྲུག་པ་དང་ཆེ་འབྲིང་གི་དབྱེ་ན་བཞི་བརྒྱ་དང་བཅུ་བཞིའོ། །གཉིས་པ་ལ། སྤང་བྱ། སྤོང་བྱེད། སྤོང་ཚུལ་གསུམ་ལ་ཐེག་པ་ཆེ་ཆུང་གི་བཞེད་ཚུལ་གཉིས་སོ། །དེ་ལ་དང་པོ་ལ་སྤང་བྱ་བ་གཉིས། དེ་ཡང་མངོན་གྱུར་ནི་འདི་ཡི་སྦྱོར་ལམ་སྤངས་ནས་མགོ་ནོན་ཀྱི་གཉེན་པོས་སྤང་ཀྱང་སླར་སྐྱེ་བས་

― ZP04_Page_280 ―

^{[མ་དཔེ་གཟིགས་ན་འདིར་གནོན།]}

[Full Size]

ན་སྤོང་བའི་གོ་མི་ཆོད། །ས་བོན་གནས་ངན་ལེན་གསུམ་དོན་གཅིག་མིང་གི་རྣམ་གྲངས་ཏེ་དེ་ཉིད་དྲུང་ནས་བྱུང་ངོ༌། །གཉིས་པ་ནི། ཞི་ལྷག་ཟུང་དུ་འབྲེལ་བའི་བདག་མེད་རྟོགས་པའི་ཤེས་རབ་ཀྱིས་སོ། །གསུམ་པ་ནི། ཅིག་ཆར་སྟེ་ཁམས་གསུམ་གྱི་སྒྲིབ་པ་ཆེ་ཆུང་རྣམས་དྲིལ་ནས་སྤངས་བར་འདོད་དེ། ཇི་ལྟར་ན་ཁམས་གསུམ་གྱི་ཉོན་སྒྲིབ་ཆེན་པོའི་ཆེན་པོ་ཞེ་དྲུག་པོ་བསྒོམ་ལམ་ཆུང་ངུའི་ཆུང་ངུས་སྤོང་ཞིང༌། ས་གཉིས་པ་དྲི་མ་མེད་ཀྱི་སའོ། །དེ་བཞིན་དུ་རིམ་པ་ལྟར་སྦྱར་ནས་སྒྲིབ་པ་ཆུང་ངུའི་ཆུང་ངུ་བསྒོམ་ལམ་ཆེན་པོའི་ཆེན་པོས་སྤོང་བའི་བར་རིགས་འགྲེས་སོ། །བཅུ་པ་ཆོས་ཀྱི་སྤྲིན་ནོ། །དེ་དག་དེ་རེ་རེ་ནས་སྦྱོར་ལམ། མཐོང་ཟིན་གོམ་པའི་ས་རྗེས་མར་བརྩོན་ཏེ་དེའི་སྒྲིབ་པ་ཉམས་སྨད་པས་མགོ་ནོན་གྱི་གཉེན་པོའོ། །དེ་བར་ཆད་མེད་པའི་ལམ། སྤང་གཉེན་འཐབ་སྟེར་བའི་སྒྲིབ་པ་དང་ཚན་པའི་པད་ཆད་དེ་ལ་སྤྲོས་པའི་གཉེན་པོའོ། །རྣམ་གྲོལ་ལམ། རིགས་པའི་སྒྲིབ་པ་བྲལ་ནས་གཉེན་པོའི་ཡེ་ཤེས་རྫོགས་པ་རྟེན་གཉེན་པོའོ། །ཁྱད་པར་ལམ་རིགས་པའི་ཡེ་ཤེས་ཁྱད་པར་གྱུར་ནས་ལམ་གོང་མར་སྦྱོར་བའི་ཐག་བསྲིང་གི་གཉེན་པོའོ། །སྟེ་བཞི་རེས་བགྲོད་པར་བྱེད་དོ། །དེ་ཡང་བྱང་སེམས་ཀྱི་ཡེ་ཤེས་སྟོབས་དང་ལྡན་པས་ཉོན་སྒྲིབ་ཟིལ་གྱིས་མནན་ནས་སྤང་བྱའི་གཙོ་བོ་ཤེས་སྒྲིབ་དང༌། ཉན་ཐོས་རྣམས་ཀྱི་ཉོན་སྒྲིབ་སྤང་བྱའི་གཙོ་བོ་བྱེད་དོ། །དེ་གཉེན་པོ་ཆུང་རིམ་ནས་སྐྱེ་ཚུལ་དང་བསྟུན་སྤང་བྱ་ཆེ་རིམ་ནས་བྲལ་རྒྱུ་ཡིན་པས་དཔེར་ན་སྲང་མདའི་མཐོ་དམན་ལྟར་རོ། །གཉིས་པ་ཐེག་དམན་གྱི་བཞེད་པ་ལྟར་ན་དང་པོ་ནི་མྱོང་བྱར་གྱུར་རམ་ཀུན་དཀྲིས་སོ། །གཉིས་པ་ནི་བསམ་གཏན་ས་དྲུག་དང་གཟུགས་མེད་སྔ་མ་གསུམ་གྱིས་སྤང་བར་འདོད། །གསུམ་པ་ནི། རིམ་གྱིས་ཏེ་ཁམས་གོང་འོག་གི་

― ZP04_Page_281 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲིབ་པ་སོ་སོར་ཕྱེ་ནས་སོ། །དེ་བསམ་གཏན་དང་པོའི་བསྡོས་མི་ལྕོགས་པ་མེད་ལས་རབ་ཏུ་དབེན་པའི་ཡིད་བྱེད་སྐྱེས་པས། འདོད་ཁམས་ཀྱི་ཉོན་མོངས་ཆེན་པོ་གསུམ་དང༌། ཡང་དགའ་བ་སྡུད་པས་འདོད་ཉོན་འབྲིང་གསུམ་དང༌། སྦྱོར་བ་མཐར་ཐུག་པས་འདོད་ཉོན་ཆུང་ངུ་གསུམ་དང་དགུ་པོ་སྤང་ངོ༌། །དེ་བཞིན་རིམ་པ་ལྟར་བསམ་གཏན་རང་རང་ཐོབ་བྱེད་ཀྱི་ཉེར་བཟློག་གི་ངོ་བོ་གསུམ་པོས་ས་འོག་མ་འོག་མའི་སྒྲིབ་པ་ཆེ་འབྲིང་ཆུང་གསུམ་སྤང་བར་བྱེད་དོ། །འཇིག་རྟེན་པའི་ལམ་ལའང་སྦྱོར་ལམ་སོགས་བཞི་པོའི་རྣམ་བཞག་འདོད་ཚུལ་ཡོད་པར་གསུངས། །མཆན། ཡང་སྲིད་རྩེའི་སྒྲིབ་པ་ཁོ་ན་གཅོད་བྱེད་ཀྱི་ཤེས་རབ་དེ་ཀ་ནང་པའི་ཁྱད་ཆོས་ལས་གཞན་བརྒྱད་པོའི་སྒྲིབ་པ་ཟག་མེད་ཀྱི་ལམ་མིན་ཀྱང་གཏན་སྤོང་ནུས་ཟེར་བ་ཐེག་དམན་ནོ། །དྲུག་པ་ས་ཐོབ་པའི་རྟགས་ནི། ས་དང་པོ་ལ་སྟོང་གསུམ་གཏེར་གྱིས་གང་བ། གཉིས་པ་ལ་འཇིག་རྟེན་ཐམས་ཅད་དུ་རིན་པོ་ཆེ་དུ་མས་བརྒྱན་པ། གསུམ་པ་ལ་གོ་ཆ་ཐོགས་ནས་ཕས་རྒོལ་འཇོམ་པ། བཞི་པ་ལ་ཕྱོགས་བཞིར་རླུང་གིས་མེ་ཏོག་སྣ་ཚོགས་འཐོར་བ། ལྔ་པར་རྒྱན་གྱིས་བརྒྱན་པའི་བུད་མེད་ཀྱི་མགོ་ལ་མེ་ཏོག་གི་འཕྲེང་བ་འདོགས་པ། དྲུག་པར་ཐེམ་སྐས་བཞི་རྫིང་བུ་གསེར་གྱི་བྱེ་མ་བརྡལ་བ་དངས་ཞིང་རྙོགས་མེད་ཆུ་བོ་ཡན་ལག་བརྒྱད་ལྡན། ཨུཏྤལ་དང༌། ཀུ་མུད་ཏ་དང༌། པདྨ་དཀར་པོས་བརྒྱན་པ། བདུན་པར་རང་གི་གཡས་གཡོན་ན་དམྱལ་བའི་གཡང་སར་མ་སྨས་མ་ཉམས་པར་སླར་ལྡོག་པ། བརྒྱད་པར་འཕྲག་

― ZP04_Page_282 ―

^{[མ་དཔེ་གཟིགས་ན་འདིར་གནོན།]}

[Full Size]

པ་གཉིས་སུ་སེང་གེ་རལ་པ་ཅན་གཉིས་ཀྱིས་སྲོག་ཆགས་ཕྲ་མོ་ཟིལ་གྱིས་གནོན་པ། །དགུ་པ་འཁོར་ལོས་བསྒྱུར་བའི་རྒྱལ་པོ་ལ་སྐྱེ་བོའི་ཚོགས་ཀྱིས་བསྐོར་བ། བཅུ་པ་ལ་དེ་བཞིན་གཤེགས་པའི་སྐུ་མཐོང་བའོ། །བདུན་པ་སའི་འབྲས་བུ་ནི་གནས་སྐབས་ཀྱི་འབྲས་བུས་ས་ཕྱི་མའི་ཡོན་ཏན་དང་མཐར་ཐུག་གི་འབྲས་བུ་སངས་རྒྱས་འགྲུབ་པའོ། །གསུམ་པ་ཁྱད་པར་དེ་ལྡན་གྱི་ངེས་ཚིག་ནི། མདོ་སྡེ་རྒྱན་ལས། །བྱང་ཆུབ་ལ་ནི་ཉེ་བ་དང༌། །སེམས་ཅན་དོན་བསྒྲུབ་མཐོང་པ་ལ། །རབ་ཏུ་དགའ་བ་སྐྱེ་འགྱུར་ཏེ། །དེ་ཕྱིར་རབ་དགའ་ཞེས་བརྗོད་དོ། །འཆལ་ཚུལ་རྩོལ་བའི་དྲི་བྲལ་ཕྱིར། །དྲི་མ་མེད་པའི་ས་ཞེས་བརྗོད། །ཆོས་ཀྱི་སྣང་བ་ཆེན་པོ་ནི། །བྱེད་པའི་ཕྱིར་ན་འོད་བྱེད་པའོ། །འདི་ལྟར་བྱང་ཆུབ་ཕྱོགས་མཐུན་ཆོས། །རབ་ཏུ་སྲེག་བྱེད་འོད་ལྟ་བུ། །དེ་དང་ལྡན་ཕྱིར་ས་དེ་ནི། །གཉིས་པོ་སྲེགས་པའི་འོད་འཕྲོ་ཅན། །སེམས་ཅན་རྣམས་ཡོངས་སྨིན་བྱེད་ཅིང༌། །རང་གི་སེམས་ཀྱང་བསྲུང་བའི་ཕྱིར། །བློ་ལྡན་རྣམས་ཀྱིས་སྦྱང་དཀའ་བ། །དེ་ཕྱིར་སྦྱང་དཀའ་ཞེས་བྱའོ། །ཤེས་རབ་ཕ་རོལ་ཕྱིན་བརྟེན་ནས། །འཁོར་བ་དང་ནི་མྱ་ངན་འདས། །གཉིས་འདིར་མངོན་དུ་གྱུར་པའི་ཕྱིར། །མངོན་ཏུ་གྱུར་པའི་ས་ཞེས་བཤད། །བགྲོད་གཅིག་ལམ་དང་འབྲེལ་བའི་ཕྱིར། །རིང་དུ་སོང་བའི་སར་འདོད་དོ། །འདུ་ཤེས་གཉིས་ཀྱིས་མི་གཡོའི་ཕྱིར། །མི་གཡོ་བ་ཡི་ས་ཞེས་བརྗོད། །སོ་སོ་ཡང་དག་རིག་བློ་བཟང༌། །ས་དེ་ལེགས་པའི་བློ་གྲོས་ཡིན། །སྤྲིན་བཞིན་གཉིས་ཀྱི་ནམ་

― ZP04_Page_283 ―

^{[མ་དཔེ་གཟིགས་ན་འདིར་གནོན།]}

[Full Size]

མཁའི་ཆོས། །ཁྱབ་པའི་ཕྱིར་ན་ཆོས་ཀྱི་སྤྲིན། ཞེས་བྱེ་བྲག་གི་ངེས་ཚིག་དང༌། །སྤྱིའི་ངེས་ཚིག་ནི། །འབྱུང་པོ་དཔག་མེད་འཇིགས་མེད་ཕྱིར། །དཔག་ཏུ་མེད་པ་དེ་དག་ལ། །ཕྱི་ཕྱིར་གོང་དུ་འགྲོ་ལྡན་ཕྱིར། །དེ་དག་ཉིད་ནི་སར་འདོད་དོ། །ཞེས་སོ། ༈ །མངོན་རྟོགས་རྒྱན་ལས། །ཐུབ་པའི་ངོ་བོ་མཐོང་སྤང་དང་བསྒོམ་སྤང་ཉོན་མོངས་པའི་འབྱུང་པོ་དཔག་ཏུ་མེད་པའི་འཇིགས་པ་ལས་སྐྱོབ་པ། ཉིད་སྐུ་ནི། །ཟག་པ་མེད་པའི་ཆོས་གང་དག །ཐོབ་གྱུར་རྣམ་ཀུན་རྣམ་དག་པ། །དེ་དག་རང་བཞིན་ཉིད་མཚན་ཅན། །ཞེས་དང༌། བྱང་ཆུབ་ཕྱོགས་མཐུན་ཚད་མེད་དང༌། །རྣམ་པར་ཐར་དང་མཐར་གྱིས་ནི། །སྙོམ་འཇུག་དགུ་ཡི་བདག་ཉིད་དང༌། །ཟད་པར་བཅུ་ཡི་བདག་ཉིད་དང༌། །ཟིལ་གྱིས་གནོན་པའི་སྐྱེ་མཆེད་ནི། །རབ་ཏུ་དབྱེ་བས་རྣམ་བརྒྱད་དང༌། ཉོན་མོངས་མེད་དང་སྨོན་མཁྱེན་དང༌། །མངོན་ཤེས་སོ་སོ་ཡང་དག་རིགས། །རྣམ་པ་ཐམས་ཅད་དག་བཞི་དང༌། །དབང་བཅུ་དང་ནི་སྟོབས་བཅུ་དང༌། །མི་འཇིགས་པ་ནི་བཞི་དག་དང༌། །བསྲུང་བ་མེད་པ་རྣམ་གསུམ་དང༌། །དྲན་པ་ཉེ་བཞག་རྣམ་གསུམ་དང༌། །བསྙེལ་བ་མི་མངའི་ཆོས་ཉིད་དང༌། །བག་ཆགས་ཡང་དག་བཅོམ་པ་དང༌། །སྐྱེ་ལ་ཐུགས་རྗེ་ཆེན་པོ་དང༌། །ཐུབ་པ་ཁོ་ནའི་མ་འདྲེས་ཆོས། །བཅོ་བརྒྱད་བཤད་པ་གང་ཡིན་དང༌། །རྣམ་པ་ཐམས་ཅད་མཁྱེན་ཉིད་དང༌། །ཆོས་ཀྱི་སྐུ་ཞེས་བརྗོད་པ་ཡིན། །ཞེས་སོ། །མ་འདྲེས་པ་བཅོ་བརྒྱད་ནི། རྒྱུད་བླ་མ་ལས། འཁྲུལ་དང་ཅ་ཅོ་བསྙེལ་དང་ཐུགས་གཡོ་ཐ་དད་ཀྱི་ནི་འདུ་ཤེས་དང༌། ངང་གི་བཏང་སྙོམས་

― ZP04_Page_284 ―

^{[མ་དཔེ་གཟིགས་ན་འདིར་གནོན།]}

[Full Size]

དྲང་སྲོང་ལ་མེད་འདུན་པ་དང་ནི་བརྩོན་འགྲུས་དང༌། དྲན་པ་རྣམ་དག་དྲི་མེད་ཤེས་རབ་རྟག་ཏུ་རྣམ་པར་གྲོལ་པ་དང༌། ཤེས་བྱའི་དོན་ཀུན་གཟིགས་པ་གྲོལ་བའི་ཡེ་ཤེས་ལས་ནི་ཉམས་མི་མངའ། གང་གི་ལས་གསུམ་ཐམས་ཅད་ཡེ་ཤེས་སྔོན་འགྲོ་རྗེས་སུ་འཇུག་པ་དང༌། །དུས་གསུམ་རྟག་ཏུ་ཐོགས་པ་མེད་པ་མཁྱེན་པ་རྒྱ་ཆེན་འདུག་པ་སྟེ། །ཞེས་སོ། །སངས་རྒྱས་ཀྱི་ཡོན་ཏན་སྡེ་ཚན་ཉེར་གཅིག་སྟེ། སྟོབས་བཅུ་དང༌། མི་འཇིགས་པ་བཞི་དང༌། མ་འདྲེས་བཅོ་བརྒྱད་དང༌། སྤྱན་ལྔའོ། །དེ་ལ་ཤའི་སྤྱན་ནི། གཟུགས་མཐོང་བྱེད་ཀྱི་དབང་པོའི་ཡོན་ཏན་ཁྱད་པར་ཅན་དང༌། ལྷའི་སྤྱན་གྱིས་འཆི་འཕོ་བ་དང་སྐྱེ་བ་གཟིགས་པའི་མིག་ཤེས་ཀྱི་ཡོན་ཏན་ཏེ་འདི་གཉིས་པོ་སྔོན་གྱི་ལས་ལས་འབྱུང་བར་བཞེད་དོ། །ཤེས་རབ་ཀྱི་སྤྱན་ནི། མཐོང་ལམ་རྣམ་པར་མི་རྟོག་པའི་ཡེ་ཤེས། ཆོས་ཀྱི་སྤྱན་གསུང་རབ་ཡན་ལག་བཅུ་གཉིས་ལ་ཐོགས་མེད་དུ་འཇུག་པ་དང༌། འཕགས་པའི་གང་ཟག་དབང་པོ་རྣོ་རྡུལ་ཐམས་ཅད་མཁྱེན་པ། སངས་རྒྱས་ཀྱི་སྤྱན་ནི་ཇི་ལྟ་བ་དང་ཇི་སྙེད་པ་ཐམས་ཅད་ཆགས་ཐོགས་མེད་པར་མངོན་སུམ་དུ་གཟིགས་པའོ། །བཞི་པ་མངོན་ཤེས་དྲུག་ནི། རྫུ་འཕྲུལ་གྱི་མངོན་པར་ཤེས་པ་དང༌། ལྷའི་མིག་གི་མངོན༴་ལྷའི་རྣ་བའི༴་གཞན་སེམས་འགྱུ་བ་མཐའ་དག༴་སྔོན་གནས་རྗེས་སུ་དྲན་པའི༴་ཟག་པ་ཟད༴་དེ་དག་ཀྱང་ཉན་རང་གིས་རང་འདྲ་ལ་གཟིགས་པ་དང༌། །བྱང་སེམས་ལྷག་པ་དང༌།

― ZP04_Page_285 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་རྒྱས་ཀྱི་ཐམས་ཅད་གཟིགས་པའོ། །ལྔ་པ་ནི། རྟེན་དང་བརྟེན་པ་བཤད་བྱ་དང༌། ཞེས་པས། རྟེན་ཆོས་གསུང་རབ་ཀྱི་སྡེ་སྣོད་ཐམས་ཅད་དང༌། བརྟེན་པ་དེའི་དོན་ཐམས་ཅད་སོ་སོར་རིག་པའི་བཤད་བྱ་དང༌། གསུང་དང་མཁྱེན་པ་འཆད་བྱེད་པ། ཞེས་པས། གསུང་ཚུལ་ཚིག་གི་ངེས་པ་སྟེ་སྐད་རིགས་སོགས་མིང་གི་ཐ་སྙད་དུ་གདགས་པའི་ཚུལ་ཐམས་ཅད་དང་ཐུགས་མཁྱེན་པའི་སྤོབ་པ་གང་ཟད་མི་ཤེས་པས་འཆད་པར་བྱེད་པའོ། །དྲུག་པ་ནི། གཟུངས་ཀྱི་སྒོ་བཞི་སྟེ། བཟོད་པ་ཐོབ་པའི་སྒོའི་གཟུངས་ནི། །དཔེར་ན་ཡི་གེ་ཨ་ལྟ་བུ་ཞིག་གིས་མཚོན་ནས་འཁོར་འདས་ཀྱི་ཆོས་ཐམས་ཅད་ཀྱི་རྟེན་འབྲེལ་འགགས་མེད་དུ་ཤེས་ནས་བརྗོད་མེད་ཀྱི་དོན་རྟོགས་ནུས་པ་དང༌། སྔགས་ཀྱི་གཟུངས་ནི་དཔེར་ན་ཕན་གནོད་ཐམས་ཅད་སྒྲུབ་བྱེད་ཀྱི་སྔགས་བརྩམ་པ་ཏིང་ངེ་འཛིན་གྱིས་བྱིན་གྱིས་བརླབ་པ་དེའི་ནུས་པ་བསམ་གྱིས་མི་ཁྱབ་པ་འབྱུང་བའོ། །ཚིག་དོན་གྱི་གཟུང་གཉིས་ནི་ནོར་འཁྲུལ་མེད་པར་བློ་ལ་འཛིན་ནུས་པ་སྟེ། དེ་དག་གི་ངོ་བོ་ནི་དྲན་པ་དང་ཤེས་རབ་དང་ཏིང་ངེ་འཛིན་གསུམ་མོ། བདུན་པ་ཟད་པ་ནི། ངོ་བོ་ཏིང་ངེ་འཛིན་དང་ཤེས་རབ་ཁྱད་པར་ཅན་ཡིན་ལ། །དབྱེ་ན་ས་ཆུ་མེ་རླུང་བཞི་དང་ཁ་དོག་སྔོ་སེར་དཀར་དམར་བཞི་ཟད་པར་ཏིང་ངེ་འཛིན་མངོན་དུ་བྱེད་པ་དང༌། དེ་བཞིན་དུ་ནམ་མཁའ་

― ZP04_Page_286 ―

^{[མ་དཔེ་གཟིགས་ན་འདིར་གནོན།]}

[Full Size]

དང་རྣམ་ཤེས་མཐའ་ཡས་ཀྱི་ཏིང་ངེ་འཛིན་མངོན་དུ་བྱེད་པའོ། །དེ་དག་བསྒོམ་ཚུལ་ཀྱང་ཆུའི་སྟེང་གི་ས་ཟམ་པ་ལྟ་བུ་དང༌། ནམ་མཁའ་ནས་ཆུ་འབེབ་པ་དང༌། ཤིང་གི་མེ་སྦར་བ་དང༌། རླུང་གི་རེག་བྱ་ལ་བསྒོམ་པ་དང༌། ཁ་དོག་བཞི་པའི་ཟླུམ་གོར་ལྟ་བུ་ཅན་ལ་བརྟེན་པ་དང༌། བུག་པའི་ནམ་མཁའ་དང༌། ཉི་ཟེར་གྱི་ཐིག་ལེ་གཞན་ཏུ་ཤར་བ་སོགས་ལ་བརྟེན་ནས་བསྒོམ་པའོ། །འགྲུབ་རྟགས་ནི་དེ་དག་གྱེན་དུ་འཕགས་པ་སོགས་འབྱུང་ངོ༌། །བརྒྱད་པ་ཟིལ་གནོན་ནི། དབྱིབས་དང་ཁ་དོག་གིས་དབྱེ་བས་བརྒྱད་དོ། །དང་པོ་དབྱིབས་ནི། ནང་གཟུགས་སུ་འདུ་ཤེས་ནས་ཕྱི་རོལ་གྱི་གཟུགས་ཆེན་པོ་ཐམས་ཅད་ཟིལ་གྱིས་མནན་ཏེ་ཤེས། ཞི་གནས། ཟིལ་གྱིས་མནན་ཏེ་མཐོང་དེ་ལྟར་འདུ་ཤེས་པའོ། །མངོན་པའི་ང་རྒྱལ། །ཡང་ཕྱི་རོལ་གྱི་གཟུགས་ཆུང་ངུ་ལ་ཡང་དེ་བཞིན་དུ་བསྒོམ་པ་དང༌། ནང་གཟུགས་མེད་པར་འདུ་ཤེས་ཏེ་ཕྱི་རོལ་གྱི་གཟུགས་ཆེ་ཆུང་གཉིས་སྔ་མ་ལྟར་བསྒོམ་་ལྷག་མཐོང་པ་དང་བཞི་ཡང་ནང་གཟུགས་མེད་པར་འདུ་ཤེས་ནས་ཕྱི་རོལ་གྱི་ཁ་དོག་སྔོ་སེར་དཀར་དམར་བཞི་ཟིལ་གྱིས་མནོན་ཏེ་ཤེས་པ་སོགས་སྔར་ལྟར་རོ། །དགུ་པ་ཐུགས་རྗེ་ཆེན་པོ་ནི། །ཐུགས་རྗེ་ཆེན་པོས་སེམས་ཅན་ཐམས་ཅད་ལ་ཉིན་ལན་གསུམ་མཚན་ལན་གསུམ་དུ་གཟིགས་ནས། སུ་ནི་རྒུད་སུ་ནི་དར་བ་སོགས་ལེགས་པར་མ་བྱིན་པའོ། །

― ZP04_Page_287 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུ་པ་ཉོན་མོངས་མེད་པ་ནི། །ཉོན་མོངས་མེད་པའི་ཏིང་ངེ་འཛིན་ཏེ། དེ་ལ་ཉན་རང་རྣམས་ཀྱིས་བསོད་སྙོམས་སོགས་ལ་རྒྱུ་བའི་ཐོག་མར་བརྟགས་ཏེ། །གལ་ཏེ་བདག་ལ་བརྟེན་ནས་དེ་དག་ཉོན་མོངས་པར་གྱུར་ན་བྱོལ། །སངས་རྒྱས་ནི་དཔེར་ན་གླང་པོ་ནོར་སྐྱོང་བཏུལ་བ་ལྟ་བུའོ། །ཉོན་མོངས་པ་བསྐྱེད་པའི་སེམས་ཅན་གྱི་གནས་དེ་མི་འདོར་བར་དེར་ངེས་པར་བྱོན་ནས། དེའི་རྒྱུད་ཀྱི་ཉོན་མོངས་པ་ཐམས་ཅད་འཇོམས་དེ་ཕྱོགས་སུ་མི་འགྲོ། །བར་མཛད་པའོ། །བཅུ་གཅིག་པ་སྨོན་མཁྱེན་ནི། །ཉན་ཐོས་རྣམས་ཀྱི་སྨོན་གནས་མཁྱེན་པ་སྟེ། །གནས་འདི་ཤེས་པར་བྱ་སྙམ་ནས། རབ་མཐའི་ཏིང་ངེ་འཛིན་ལ་སྙོམ་པར་ཞུགས་ནས་ཤེས་པ་ལྟ་བུ་སྟེ། དཔེར་ན་མོའུ་འགལ་གྱི་བུས་་རྒྱལ་རྒྱུད་བརྗོད་པ་ལྟ་བུའོ། །རྫོགས་པའི་སངས་རྒྱས་ཀྱི་ནི་འབད་རྩོལ་མི་དགོས་པར་ལྷུན་གྱིས་གྲུབ་པ་དང༌། ཆགས་པ་མེད་པ་དང༌། ཐོགས་པ་མེད་པ་དང༌། དུས་འཁོར་བ་མ་སྟོང་བར་དུ་རྟག་པ། མཉམ་བར་མ་བཞག་པ་མེད་བཞིན་དུ་སེམས་ཅན་རྣམས་ཀྱིས་དྲི་བ་མི་འདྲ་བ་བསམ་གྱིས་མི་ཁྱབ་པ་དུས་གཅིག་ལ་དྲིས་པའི་ལན་ཀུན་དུས་གཅིག་ལ་ལྡོན་ཏེ། ཁྱད་ཆོས་ལྔ་དང་ལྡན་པ་ནི་སྨོན་གནས་མཁྱེན་པའོ། །བཅུ་གཉིས་པ་དབང་བཅུ་ནི། ཚེ་སེམས་ཡོ་བྱད་ལ་དབང་བ་གསུམ་ནི་སྦྱིན་པའི་འབྲས་བུ་དང༌། ལས་དང་སྐྱེ་བ་ལ་དབང་བ་ནི་ཚུལ་ཁྲིམས་ཀྱི་འབྲས་བུ། མོས་པ་ལ་དབང་བ་ནི་བཟོད་པའི་

― ZP04_Page_288 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲས་བུ་དང༌། སྨོན་ལམ་ལ་དབང་བ་ནི་གནས་ཀྱི་དབང་དུ་བྱས་ནས་སྨོན་ལམ་ཐམས་ཅད་འགྲུབ་པ་སྟེ་བརྩོན་འགྲུས་ཀྱི་འབྲས་བུ་དང༌། རྫུ་འཕྲུལ་ལ་དབང་བ་ནི་བསམ་གཏན་གྱི་འབྲས་བུ་དང༌། ཡེ་ཤེས་དང་ཆོས་ལ་དབང་བ་ནི་ཤེས་རབ་ཀྱི་འབྲས་བུའོ། །བཅུ་གསུམ་པ་གོང་གི་ཕྱོགས་ཆོས་དང༌། བཅུ་བཞི་པ་ཚད་མེད་བཞི་དང༌། གཞུང་འདིར་མི་གསལ་བ། བཅོ་ལྔ་པ་རྣམ་ཐར་བརྒྱད་ནི། གཟུགས་ལ་རྣམ་ཐར་ནི་ནང་གཟུགས་སུ་འདུ་ཤེས་ནས། གཟུགས་ཅན་མ་ཡིན་པ་ནི་ནང་གཟུགས་མེད་པར་འདུ་ཤེས་ནས། སྡུག་པའི་རྣམ་པ་ཅན་བསྒོམ་པ་དང་གསུམ་མོ། །མངོན་མཛོད་ལྟར་ན་མི་སྡུག་པ་བསྒོམ་པར་ཡང་འདོད། དེ་ཡང་རྣམ་ཐར་ནི། གཟུགས་མེད་དང་འགོགས་པ་རྣམས་རང་སའི་སྒྲིབ་པ་ལས་གྲོལ་བའོ། །བཅུ་དྲུག་པ་མཐར་གནས་དགུ་ནི་རིམ་གྱིས་གནས་པའོ། །སྙོམས་འཇུག་དགུ་ཞེས་པ་ནི་ལུས་ཀྱི་འབྱུང་བ་སྙོམས་པ་དང་སེམས་དང་སེམས་བྱུང་ཐམས་ཅད་སྙོམས་པའོ། །དེ་ཡང་བསམ་གཟུགས་བརྒྱད་པོ་མ་གཏོགས་འགོགས་པ་ལ་ཚུལ་ཙམ་ལས་དངོས་སུ་མི་འཇུག་པའོ། །འགོགས་པ་ནི་འདུ་ཤེས་དང་ཚོར་བ་འགོག་པ་སྟེ་ཀུན་གཞི་མ་གཏོགས་པའི་རྣམ་ཤེས་བདུན་པོ་བཀག་པའོ། །བཅུ་བདུན་པ་ནི་སྐུ་གསུང་ཐུགས་ཀྱི་མཛད་པ་ལ་གསང་བྱ་ཅི་ཡང་མེད་པས་ཡེ་བསྲུང་ཏེ་བསྲུང་བ་མེད་པ་གསུམ། བཅོ་བརྒྱད་པ་དྲན་པ་ཉེ་བར་བཞག་པ་གསུམ་ནི། འཁོར་གྱིས་གུས་པར་ཉན་པ་དང༌། མ་དད་པར་ཉན་པ་གཉིས་མཉམ་པར་ཆགས་པ་དང་སྡང་བ་མེད་པ་དང་ཆགས་སྡང་

― ZP04_Page_289 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་མེད་པ་དང་གསུམ་མོ། །བཅུ་དགུ་པ་བསྙེལ་བ་མི་མངའ་བའི་ཆོས་ཉིད་བརྗེད་པ་མེད་པའོ། ཉི་ཤུ་པ་ཡོངས་དག་བཞི་ནི། རྟེན་ཡོངས་སུ་དག་པ་ནི་ལུས་གཏོང་ལེན་སོགས་ཡོངས་སུ་དག་པ་དང༌། །དམིགས་པ་ཡོངས་སུ་དག་པ་ནི་སྤྲུལ་པ་དང་བསྒྱུར་བ་ཡོངས་སུ་དག་པ་དང༌། ཐུགས་ཡོངས་སུ་དག་པ་ནི་ཏིང་ངེ་འཛིན་བསམ་གྱིས་མི་ཁྱབ་པ་དང༌། ཡེ་ཤེས་ཡོངས་སུ་དག་པ་ནི་ཤེས་བྱ་ཐམས་ཅད་དག་པར་མཁྱེན་པའོ། །ཉེར་གཅིག་པ་ནི། ཉོན་མོངས་པའི་བག་ཆགས་ཡང་དག་པར་བཅོམ་པ་དང༌། མཁྱེན་གསུམ་ནི། གཞི་ཤེས་ནི། ཕུང་པོ་ཁམས་སྐྱེ་མཆེད་ལ་སོགས་པ་ཐམས་ཅད་ཤེས་པ་དང༌། ལམ་ཤེས་ནི་ཉན་རང་བྱང་སེམས་ཀྱི་ལམ་ཐམས་ཅད་ཤེས་པ་དང༌། ཐམས་ཅད་མཁྱེན་པ་ནི་རྣམ་པ་ཐམས་ཅད་ཀུན་ནས་རྟོགས་པར་མཁྱེན་པའོ། །དེ་ལྟ་བུའི་ཡོན་ཏན་དེ་དག་ལས་དྲུག་ཅུ་རྩ་བཞི་ནི་ཐུན་མིན་ཡིན་ལ། ལྷག་མ་རྣམས་ཐུན་མོང་ངོ༌། །དེ་ལྟར་ཡོན་ཏན་སྡེ་ཚན་ཉེར་གཅིག་ཏུ་བཅད་པ་དེ་དག་དབྱེ་ན་བརྒྱ་ཞེ་བཞི་དང་གཞུང་འདི་ནས་བཤད་པའི་སྤྱན་ལྔ་དང་བཅས་བརྒྱ་དང་ཞེ་དགུར་བསྡུས་སོ། །དགེའོ། །ས་ལམ་དང་འབྲས་བུའི་རྣམ་བཞག་འདི་ཉིད་ཆོས་རྗེ་དཔལ་སྤྲུལ་རིན་པོ་ཆེའི་ཡོན་ཏན་མཛོད་འཆད་སྐབས་གཤི་ཆེན་སྤྲུལ་སྐུའི་ཟིན་བྲིས་སུ་གནང་བའོ།། །།

རྒལ་བའི་ལན་ལོག་རྟོགས་སྨྲ་ངན་ཞི་བྱེད་དང་དྲི་བ་ལེ་ཚན་བརྒྱད་ཀྱི་བདག་ཉིད་ཅན།

― ZP04_Page_291 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒལ་བའི་ལན་ལོག་རྟོག་སྨྲ་ངན་ཞི་བྱེད་དང་དྲི་བ་ལེ་ཚན་བརྒྱད་ཀྱི་བདག་ཉིད་ཅན་བཞུགས། །།

― ZP04_Page_292 ―

^{[མ་དཔེ་གཟིགས་ན་འདིར་གནོན།]}

[Full Size]

བདེ་སྟོང་རྒྱལ་བ་ཀུན་གྱི་ཐུགས། །ཟབ་གསལ་གཉིས་མེད་ཡེ་ཤེས་མཆོག །གཉུག་མ་སེམས་ཀྱི་རྡོ་རྗེ་དེས། །རྣམ་པ་ཀུན་ཏུ་བརྩེ་བས་སྐྱོངས། །བདེ་སྟོང་རོལ་མོས་དུས་འདའ་བའི། །བླ་མའི་ཞབས་པད་ལ་བསྙེན་ཅིང༌། །སྡུག་བསྔལ་ཁུར་དང་མ་བྲལ་བའི། །ལས་ངན་སྡུག་བསྔལ་སྒོམ་བཞིན་དུ། །གཟིམ་ཁང་ཉིད་དུ་ཉལ་བའི་ཚེ། །དྲི་བ་ཚངས་པའི་འཁོར་ལོ་ཞེས། །དོན་མེད་ཤོག་བུའི་གྲོན་ཞིག་མཐོང༌། །ཅ་ཅོ་དེ་ལས་འདི་སྐད་དུ། །སྦྱངས་དང་མ་སྦྱངས་མཁས་བླུན་གྱི། །གང་ཟག་མཆོག་དམན་ཐམས་ཅད་ལ། །རྣམ་རྟོག་གཟེབ་ནས་ཤུགས་འབྱུང་དུ། །སྤྲོས་བྲལ་འོད་གསལ་དོན་དམ་གཤིས། །འཆར་བར་རྒྱལ་བས་མ་གསུངས་ལོ། །གསེར་ནས་ཞེས་པ་ཐ་སྙད་ཙམ། ཕལ་པའི་སྐད་དང་བསྟུན་ནས་སུ། །གོ་བར་བྱ་ཕྱིར་བརྗོད་པའམ། །སྨད་པར་འདོད་ནས་ཚིག་གི་སྒྲོས། །ངན་དུ་འཇུག་ཕྱིར་ཁོ་རང་གིས། །རང་བཟོ་བྱས་པར་ཆ་མི་འཚལ། །དོན་དུ་རྣམ་རྟོག་ཐམས་ཅད་ཀྱི། །རང་བཞིན་སྤྲོས་བྲལ་དོན་དམ་པ། །འོད་གསལ་ཡིན་ཞེས་རྒྱལ་བ་དང༌། །དེ་སྲས་ཀུན་གྱིས་ལན་བརྒྱར་གསུངས། །རྟེན་འབྲེལ་སྒྱུ་མའི་སྣང་བ་ཞེས། །མདོ་རྒྱུད་ཀུན་ནས་

― ZP04_Page_293 ―

^{[མ་དཔེ་གཟིགས་ན་འདིར་གནོན།]}

[Full Size]

གང་བཤད་པ། །རྣམ་དག་སྒྱུ་མ་འདི་ཁོ་ན། །འདི་ཡི་རང་བཞིན་སྐྱེ་འགགས་སོགས། །སྤྲོས་པ་ཀུན་དང་བྲལ་བ་སྟེ། །དྲི་མ་གཤིས་ལ་མ་ཞུགས་པར། །དག་ཕྱིར་འོད་གསལ་བ་ཞེས་བརྗོད། །རྟེན་འབྲེལ་སྒྱུ་མ་ཙམ་འདི་ལས། །ལོག་ན་དོན་དམ་འོད་གསལ་བ། །ཡོད་པར་འདོད་ན་ཐེག་ཆེན་གྱི། །ལམ་བཟང་ཀུན་དང་འགལ་འགྱུར་ཞིང༌། །ཁྱད་པར་རྒྱལ་བ་ཙོང་ཁ་བའི། །རིང་ལུགས་མཆོག་དང་རྒྱབ་འགལ་འགྱུར། །རྣམ་རྟོག་འོད་གསལ་མ་ཡིན་ཀྱང༌། །འོད་གསལ་མིན་པའི་རྣམ་རྟོག་མེད། །ཆབ་རོམ་ཆུ་དངོས་མ་ཡིན་ཀྱང༌། །ཆུ་ལས་གཞན་པའི་ཆབ་རོམ་མེད། །གནད་འདི་རྟོགས་ན་ལོས་རེ་སླ། །ཡང་ཅིག་དེ་ལས་འདི་སྐད་དུ། །ལས་རླུང་དྷུ་ཏིར་ཞུགས་གནས་ཐིམ་གསུམ་མཐུས། །ངེས་དོན་ཙཎྜ་ལི་ཡི་རྡུལ་གྱི་མེ། །སྦར་བའི་ཞུ་བདེའི་སྟོབས་ཀྱིས་དྲངས་པ་ཡི། །དགའ་བཞིའི་ལྷན་ཅིག་སྐྱེས་པའི་ཡུལ་ཅན་དེ། །མཐའ་བྲལ་སྟོང་ཉིད་ཟབ་མོ་ཡུལ་མཆོག་དང༌། །དབྱེ་བ་མེད་པར་རྩེ་གཅིག་སྦྱོར་བ་དེ། །དོན་དམ་འོད་གསལ་ཡེ་ཤེས་དངོས་ཡིན་ལོ། །ཐབས་དང་ཐབས་བྱུང་ཁྱད་པར་མ་ཕྱེད་ཅིང༌། །གཉུག་མ་གློ་བུར་ཁྱད་པར་མ་ཕྱེད་པས། །རང་བཟོ་ཁོ་ནས་བརྟགས་པའི་ཆོས་སྐད་འདི། །ཚད་ལྡན་མཁས་

― ZP04_Page_294 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ་སུས་ཀྱང་བཞེད་པ་མིན། །དོན་དམ་འོད་གསལ་གཉུག་མ་སེམས་ཀྱི་གཤིས། །སྨྲ་བསམ་བརྗོད་བྲལ་ནམ་མཁའ་ལྟ་བུའི་དོན། །ཚིག་གིས་མཚོན་པའི་སྤྱོད་ཡུལ་མ་ཡིན་ཏེ། །ལམ་བཟང་ཐབས་ལ་བརྟེན་ནས་མངོན་དུ་འགྱུར། །དེ་ཕྱིར་ཐབས་ཀྱིས་བསྐྱེད་པའི་དགའ་བདེ་དང༌། །རིགས་པས་དཔྱད་པའི་སྟོང་ཉིད་བསྒོམ་པ་སོགས། །ཐབས་ཙམ་ཡིན་གྱིས་ཐབས་བྱུང་འོད་གསལ་མིན། །འོད་གསལ་བ་འདི་དུས་རྣམས་ཐམས་ཅད་དུ། །འགྲོ་བ་ཀུན་ལ་རང་བཞིན་གནས་མོད་ཀྱི། །ཀུན་རྟོག་རླུང་གིས་སྒྲིབ་ཕྱིར་སྣང་མ་ནུས། །རྟོག་ཚོགས་གཡོ་བ་གཅོད་ཕྱིར་ཐབས་ལམ་གསུངས། །དེ་ཕྱིར་གཞི་ལམ་འབྲས་བུའི་འོད་གསལ་དོན། །དབྱེར་མེད་སེམས་ཀྱི་རྡོ་རྗེ་གཉུག་མའི་གཤིས། །རང་གནས་རང་བྱུང་ཡེ་ཤེས་དེ་ཁོ་ན། །དུས་གསུམ་རྒྱལ་བ་ཀུན་གྱི་དགོངས་པ་ཡིན། །གནད་འདི་མངོན་དུ་བྱེད་ཕྱིར་མདོ་སྔགས་ཀྱི། །ལམ་ཟབ་བགྲང་ལས་འདས་པ་གསུངས་པ་ཀུན། །གདུལ་བྱའི་བློ་དང་སྐལ་པའི་ཁྱད་པར་བཞིན། །རྒྱལ་བའི་ཐུགས་རྗེ་བྱིན་བརླབས་སྟོབས་ཀྱིས་སྣང༌། །དེ་ཕྱིར་འདྲ་དང་མི་འདྲའི་ལམ་མང་པོ། །གཅིག་ལ་ཀུན་དགོས་པ་ཡང་མ་ཡིན་ལ། །གཅིག་དང་ཀུན་བསྟུན་དགོས་པ་དེ་ཡང་མིན། །ཀུན་

― ZP04_Page_295 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་གདུལ་བྱའི་བློ་དང་བསྟུན་པའི་ཕྱིར། །ཀུན་ལ་གཅིག་གིས་ཆོག་པ་དེ་ཡང་མིན། །དེ་ཕྱིར་བསྟན་པ་ཐམས་ཅད་རང་ས་ནས། །བདེན་གྱིས་འགལ་འདུ་བསྒྲིགས་པའི་ཁུར་བོར་ནས། །རང་ཡིད་ཆེས་པའི་ལམ་དེར་འབད་ན་ལེགས། །སེམས་ཀྱི་རང་བཞིན་འོད་གསལ་བ། །གཉུག་མ་དེ་མངོན་བྱེད་པའི་ཕྱིར། །ཐམས་ཅད་མཁྱེན་པས་ཐབས་མང་པོ། །ཇི་སྙེད་བསྟན་པ་ཐམས་ཅད་ཀྱང༌། འབད་བཅས་འབད་མེད་གཉིས་སུ་འདུ། །བཅོས་ནས་བསྒོམ་པ་འབད་བཅས་ཏེ། །མ་བཅོས་འཇོག་པ་འབད་མེད་ཡིན། །བསྐྱེད་རྫོགས་ཞེས་ཀྱང་འདི་ལ་ཟེར། །དེ་ཕྱིར་རྩ་རླུང་ཐིག་ལེ་སོགས། །སྣ་ཚོགས་ཐབས་ལ་འབད་བྱེད་པ། །བཅོས་པའི་བསྒོམ་པ་ཇི་སྙེད་ཀུན། །བཏགས་པ་ཙམ་ཞིག་མ་གཏོགས་པ། །རྫོགས་པའི་རིམ་པ་དངོས་ཉིད་མིན། །མ་བཅོས་གཉུག་མ་ཕྱག་རྒྱ་ཆེ། རྩོལ་མེད་ཨ་ཏི་ཡོ་གའི་ལམ། །རྒྱལ་བ་ཀུན་གྱི་དགོངས་པ་སྟེ། །གྲུབ་ཐོབ་ཀུན་གྱི་ཞེ་ཕུག་ཡིན། །ཆོས་འདིར་འཕྲད་པའི་སྐལ་ལྡན་ལས། །རྟོག་གེ་གཞན་གྱིས་ཤེས་མི་ནུས། །རང་ལུགས་འཛིན་དང་གཞན་ལུགས་སྐྱོངས། །ཕལ་ཆེར་གནས་འདིས་མགོ་འཁོར་ནས། །དོན་མེད་ཁྱི་རྒན་གཞོང་སྟོང་སྟེང༌། །རྩོད་པ་བྱེད་པ་ཨ་

― ZP04_Page_296 ―

^{[མ་དཔེ་གཟིགས་ན་འདིར་གནོན།]}

[Full Size]

ཐང་ཆད། །འཁྲུལ་རྟོག་གཞི་མེད་རྩ་བྲལ་དུ། །གཏན་ལ་ཕབ་པ་དེའི་ཆོས་ཉིད། །འོད་གསལ་ཡེ་ཤེས་ངོ་སྤྲད་དེ། །རྟོག་པ་ཤར་གྲོལ་ཁྱད་མེད་དུ། །སྐྱོབ་པའི་ལམ་གནད་མ་གོ་བར། །སེམས་ཀྱི་གསལ་རིགས་ངོ་སྤྲད་ནས། །དེ་སྟེང་མི་རྟོག་པར་འཇོག་པ། །ཕྱག་རྫོགས་དགོངས་པ་ཡིན་སྙམ་ནས། །གྲུབ་མཐའ་འཛིན་དང་དེ་གཞུང་འགོགས། །གཉིས་ཀ་སྨྱོན་པའི་ཅ་ཅོར་ཟད། །ལས་རླུང་དབུ་མར་འགོག་པ་ལ། །སྙིང་གའི་ཐིག་ལེ་སེམས་འཛིན་དང༌། །ཁ་སྦྱོར་བུམ་ཅན་སྒོམ་པ་སོགས། །རང་གཞུང་གཅིག་ལས་གང་བཤད་པ། །དེ་ལས་ཐབས་གཞན་མེད་སྙམས་དང༌། །དེ་ཀ་ཀུན་ལ་དགོས་སྙམ་སོགས། །ཤིན་ཏུ་བླུན་པའི་རང་རྟགས་ཡིན། །རླུང་ལ་འབྱུང་ཆེན་འབྱུང་ཆུང་གཉིས། །འབྱུང་ཆེན་སྣ་སྒོ་ནས་རྒྱུ་བ། །འདི་ཉིད་ཤིན་ཏུ་རགས་པ་སྟེ། །ཕྲ་བ་ཀུན་རྟོག་ཇི་སྙེད་ཅིག །གཡོ་བའི་བཞོན་པ་དེ་ཉིད་ཡིན། །དེ་ཕྱིར་སེམས་དང་རླུང་གཉིས་པོ། །འདྲེས་པར་གྱུར་པ་རྣམ་རྟོག་སྟེ། །གཡོ་བའི་ཆ་ནི་རླུང་ཡིན་ལ། །ཤེས་རིག་ཆ་ནི་སེམས་ཡིན་ནོ། །རྣམ་པར་རྟོག་པ་འདི་ཁོ་ན། །འཁོར་བ་ཞེས་སུ་མིང་གདགས་ཏེ། །བདག་ལྟའནག་འདི་ཡི་བྱེ་བྲག་ཡིན། །འོན་ཀྱང་གཡོ་བྱེད་རླུང་བྲལ་ན། །འོད་

― ZP04_Page_297 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ་སེམས་ཀྱི་ཆོས་ཉིད་ཕྱིར། །མྱ་ངན་འདས་པ་ཞེས་བྱ་སྟེ། །དེ་ཕྱིར་འཁོར་འདས་དབྱེར་མེད་ཡིན། །འཁྲུལ་པའི་ཀུན་རྟོགས་ཇི་སྙེད་ཀུན། །གཉུག་མ་སེམས་ཀྱི་ཆོས་ཉིད་ཀློང༌། །མ་བཅོས་རང་དག་སྐྱོང་ཤེས་ན། །ལས་རླུང་དབུ་མར་འདིས་འཇུག་སྟེ། །དབུ་མ་ཞེས་པའང་མཐའ་བྲལ་བའི། །སེམས་ཉིད་གཉུག་མ་འདི་ལས་གཞན། །རགས་པའི་རྩ་ལ་སོགས་བཤད་པ། །དྲང་དོན་ཡིན་གྱིས་ངེས་དོན་མིན། །འོད་གསལ་དོན་དམ་བདེན་པ་དང༌། །དེ་ཉིད་རྒྱལ་བའི་ཐུགས་ཡིན་སོགས། །གཞུང་ནས་བཤད་བཞིན་འདོད་དགོས་ན། །ཡེ་ནས་སེམས་ཀྱི་ཆོས་ཉིད་དུ། །བཞུགས་པའི་གཉུག་མར་ཁས་བླང་གིས། །གསར་དུ་བཟོས་པའི་དོན་དམ་ཞིག །འདོད་ན་དེ་ལས་ཐ་ཆད་ཅི། །མི་ཕྱེད་ཕྱིར་ན་དོན་དམ་པ། །ཡིན་ཕྱིར་ཡུལ་དང་ཡུལ་ཅན་དང༌། །བདེ་སྟོང་གཉིས་སུ་འབྱེད་པ་སོགས། །གོ་བར་སླ་ཕྱིར་འཆད་དུས་ཀྱི། །ཐ་སྙད་ཙམ་ཞིག་མ་གཏོགས་པ། །དོན་དུ་འདོད་ན་འགལ་འདུ་མང༌། །དེ་ཕྱིར་གསལ་ལེ་ཧྲིག་གེ་སོགས། །སྒོམ་ཆེན་རྣམས་ཀྱི་ཆོས་སྐད་ཀྱང༌། །གོ་བར་སླ་ཕྱིར་འཆད་དུས་ཀྱི། །ཐ་སྙད་ཙམ་ཞིག་མ་གཏོགས་པ། །དོན་དུ་དེ་ལྟར་འདོད་པ་མིན། །རྟོག་པས་བཟོས་པའི་

― ZP04_Page_298 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐྱེད་རིམ་དང༌། །ཐིག་ལེ་ཞུ་བའི་བདེ་བ་གཉིས། །བཅོས་མ་ཡིན་མིན་ཁྱད་མེད་པས། །རྫོགས་རིམ་དངོས་ཉིད་མིན་པ་འདྲ། །སྟོང་བཞིའམ་ནི་དགའ་བཞི་ཡིས། །དྲངས་པའི་འོད་གསལ་སྐྱེས་ནས་ཀྱང༌། །སྟོང་ཉིད་ལོགས་སུ་ཚོལ་དགོས་ན། །དེ་ཉིད་ཇི་ལྟར་ཚོལ་བ་སྨོས། །སྔ་མ་ཐོས་བསམ་དུས་དཔྱད་པའི། །སྟོང་འཛིན་དེ་ཀ་ཡིན་ཟེར་ན། །སྔར་ནི་ཀ་བ་བུམ་པ་སོགས། །གཅིག་དང་དུ་བྲལ་ལ་སོགས་པའི། །རིགས་པ་དུ་མས་བརྟགས་བརྟགས་ནས། །རང་བཞིན་ཞེས་དང་བདེན་པ་ཞེས། །ཐ་སྙད་ཙམ་གྱི་སྦྱོར་ཚུལ་ལའང༌། །ཀོ་ལོང་ཆེན་པོ་སྡོམ་བྱེད་པའི། །ལྟ་དེ་དུས་འདིར་ཇི་ལྟར་དྲན། །འོན་ཏེ་འོད་གསལ་དེ་ཁོ་ན། །སྟོང་པར་རིགས་པས་བརྟགས་དགོས་ན། །སུ་ལ་སུ་ཡིས་ཇི་ལྟར་དུ། །བརྟགས་པར་བྱ་བ་སྨྲ་དགོས་སོ། །དེ་ཕྱིར་ཁམས་ཀྱི་ཞུ་བདེ་དང༌། །རིགས་པས་དཔྱད་པའི་སྟོང་ཉིད་གཉིས། །སྦྱར་ན་འོད་གསལ་ཡིན་པ་དང༌། །དེ་ཉིད་རྒྱལ་བའི་ཐུགས་ཡིན་སོགས། །བསྟན་པ་དཀྲུགས་པའི་ཟོལ་གཏམ་ཡིན། །གཉུག་སེམས་མངོན་དུ་གྱུར་ན་ཡང༌། །དེ་ཉིད་བདེ་བར་བསྐྱེད་དགོས་དང༌། །འོད་གསལ་མངོན་དུ་བྱས་ནས་ཀྱང༌། །སྟོང་ཉིད་ཕྱི་ནས་བཙལ་དགོས་པ། །མེ་ཉིད་ལགས་

― ZP04_Page_299 ―

^{[མ་དཔེ་གཟིགས་ན་འདིར་གནོན།]}

[Full Size]

ཏུ་ཐོག་ནས་ཀྱང༌། །ཚྭ་བ་གཞན་ནས་ཚོལ་དང་མཚུངས། །དེ་སོགས་རང་བཟོས་ཆོས་སྐད་ཀྱིས། །མྱོས་པའི་རྟོག་གེ་འཆལ་བ་དག །རྒྱལ་བའི་བཀའ་ཡང་ལྷམ་ནང་གི །རྩྭ་ལྟར་འདོར་ན་གཞན་གྱིས་ཅི། །གྲུབ་པའི་ཉམས་མྱོང་ལག་རྗེས་དང༌། །མཁས་པའི་ལུང་རིགས་རྣམ་དག་གིས། །ཕྲག་དོག་ཅན་གདུལ་མི་ནུས་ཏེ། །ཐུབ་པ་མཆོག་དང་ལྷས་སྦྱིན་བཞིན། །དེ་སླད་དོན་འདིར་རྣལ་མའི་ལན། །དུ་མ་སྨྲ་རྒྱུ་ཡོད་མོད་ཀྱིས། །མི་སྤྲོ་ཅུང་ཟད་བཤད་པ་འདིས། །ལོག་རྟོག་སྨྲ་ངན་ཞི་གྱུར་ཅིག །དང་པོ་སྤྱིར་ལྟ་བ་ལྟ་བ་ཞེས་ཐམས་ཅད་ཀྱིས་སྒྲོགས་པའི་ལྟ་བ་དེའི་མཚན་གཞིའི་ངོས་འཛིན་དེ་གང་ཡིན། ལྟ་བ་དེ་འཁོར་འདས་ཀྱི་གཏན་ལ་དབབ་བྱའི་ཡུལ་དེ་ཡིན་ནམ། འོན་ཏེ་གཏན་ལ་འབེབ་བྱེད་ཀྱི་ཐབས་ལུང་རིགས་མན་ངག་དེ་ཡིན་ནམ་ཡང་ན་དེ་རྟོགས་པའི་རྟོགས་པ་དེ་ཡིན་ནམ་ཅི། སྤྱིར་མདོ་སྔགས་གང་གི་ལུགས་ལ་ཡང་ལྟ་བ་དང་སྒོམ་པ་དེ་མཐུན་དགོས་སམ་མི་དགོས། ལྟ་བསྒོམ་གཉིས་ཐ་དད་དུ་འབྱེད་པའི་ཁྱད་པར་དེ་གང་ཡིན། ཡང་གསང་སྔགས་གསར་མའི་རྒྱུད་སྡེ་རྣམས་ནས་ཕུང་ཁམས་ལྷར་གསུངས་པ་དེ་ཡིན་ལུགས་དེ་ལྟར་དུ་ཤེས་རབ་ཀྱིས་ཐག་གཅོད་པ་ཡིན་ནམ། དོན་ལ་དེ་ལྟར་

― ZP04_Page_300 ―

^{[མ་དཔེ་གཟིགས་ན་འདིར་གནོན།]}

[Full Size]

མིན་པ་ཞིག་གནས་སྐབས་བསྒོམ་པས་གསལ་འདེབས་པ་ཡིན་ནམ། གཞི་འབྲས་ཀྱི་ལྟ་བ་སྦྱར་ནས་དག་བྱ་དག་བྱེད་ཀྱིས་བཤད་པ་བྱ་བ་ཙམ་ཡིན་ནམ། འདི་གསུམ་གང་ཡིན། འཇམ་དབྱངས་ས་སྐྱ་པ་རྗེས་འབྲངས་དང་བཅས་པ་རྣམས་ཀྱི་གསུང་ངག་རིན་པོ་འཆད་པའི་སྐབས་སུ་བུམ་དབང་གི་གྲུབ་མཐའ་འཁོར་འདས་དབྱེར་མེད་དུ་བཤད་པ་དེ་རྒྱུ་མཚན་ཉིད་ཀྱི་ཐེག་པའི་སྐབས་སུ་འཁོར་འདས་གཉིས་ཀ་སྟོང་ཉིད་སྤྲོས་བྲལ་དུ་མཉམ་པར་གསུང་བ་དེ་དང་གཅིག་ཡིན་ནམ། དེ་ལས་ཐ་དད་པའི་དབྱེར་མེད་ལུགས་གཞན་ཞིག་བཤད་རྒྱུ་ཡོད་དམ་གང་ཅི་ཡིན། ཡང་ལྟ་བ་ངོ་བོ་ཉིད་གསུམ་གསུངས་པའི་སྣང་ཕྱོགས་ཀྱི་ངོ་བོ་ཉིད་དེའི་མཚན་གཞི་གང་ལ་ངོས་འཛིན་པ་ཡིན། ཡང་དཔལ་མགོན་འཕགས་པ་ཀླུ་སྒྲུབ་ཞབས་ཀྱིས། དབུ་མ་རིག་པའི་ཚོགས་དྲུག་གསུངས་པའི་དོན། བསྒྲུབ་བྱ་བདེན་དངོས་དང༌། བསྒྲུབ་བྱེད་རྟོག་གེའི་ཚིག་དོན་བཅུ་དྲུག་འགོགས་པ་གཉིས་ཀྱི་དབང་དུ་མཛད་ཅེས་ཡོངས་ལ་གྲགས་ན་གཙོ་བོར་དབུ་མ་ཞིབ་མོ་རྣམ་འཐག་གི་དགག་བྱར་གྱུར་པའི་རྟོག་གེའི་ཚིག་དོན་བཅུ་དྲུག་པོ་དེ་གཞུང་གང་གི་ཆོས་སྐད་ཡིན། ཡང་སྤྱིར་ནང་པ་སངས་རྒྱས་པ་ལ་ཐེག་པ་གསུམ་དུ་ངེས་པའི་ཐེག་པ་གསུམ་པོ་དེ་སོ་སོར་ཐེག་པ་གསུམ་དུ་འཇོག་པའི་གནད་ཐུན་མོངས་

― ZP04_Page_301 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཡིན་པ་དེ་གང་ཅི་ཞིག་ཡིན། ཡང་སྤྱིར་ནང་པ་སངས་རྒྱས་པ་ཐམས་ཅད་རྒྱུ་འབྲས་ལ་བླང་དོར་བྱེད་པའི་སྤྱོད་པ་དེའི་སྔོན་དུ་རྒྱུ་འབྲས་བསླུ་མེད་ལ་ཡིད་ཆེས་པའི་ཡང་དག་པའི་ལྟ་བ་སྔོན་དུ་འགྲོ་དགོས་སམ་མི་དགོས། ཡང་རྒྱལ་སྲས་བྱང་ཆུབ་སེམས་དཔའ་རྣམས་ཀྱིས། ཇི་ལྟར་པདྨོ་ཆུས་མི་ཆགས་པ་བཞིན། །ཉི་ཟླ་ནམ་མཁར་ཐོག་པ་མེད་ལྟར་སྤྱད། །ཅེས་གསུངས་པ་ལྟར་འཁོར་བ་ན་གནས་ཀྱང་འཁོར་བའི་སྐྱོན་གྱིས་མ་གོས་པར་སྤྱོད་པ་དེ་ལྟར་སྤྱད་ནུས་པའི་གནད་ཐུན་མོངས་མ་ཡིན་པ་དེ་གང་ཅི་ཞིག་ཡིན། དེ་ལྟར་དྲི་བ་ལེའུ་ཚན་བརྒྱད་ཀྱི་བདག་ཉིད་ཅན་འདི་ཕུལ་བ་བརྩེ་བས་བཞེས་ཏེ་ལུང་རིགས་ཚད་མ་ཡིད་རྟོན་པའི་བདག་ཉིད་ཅན་གྱིས་དོགས་གནས་ཀྱི་ཐེ་ཚོམ་བསལ་དུ་གསོལ། །དགེའོ། །

སྨོན་ལམ་ཕན་བདེའི་ལྗོན་པའི་མཚམས་སྦྱོར་གྱི་ངག་བཀོལ།

― ZP04_Page_303 ―

^{[མ་དཔེ་གཟིགས་ན་འདིར་གནོན།]}

[Full Size]

སྨོན་ལམ་ཕན་བདེའི་ལྗོན་པའི་མཚམས་སྦྱོར་གྱི་ངག་བཀོལ་བཞུགས་སོ།། །།

― ZP04_Page_304 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་ཆུབ་སྤྱོད་པའི་སྨོན་ལམ་ཕན་བདེའི་ལྗོན་པ་འདིའི་ས་བཅད་ཀྱི་འབྲེལ་བ་ཅུང་ཟད་བརྗོད་ན། དང་པོ་སྨོན་ལམ་འགྲུབ་པའི་རྒྱུ་ཡན་ལག་བདུན་པ་ལ། །དང་པོ་ཕྱག་འཚལ་བའི་ཡན་ལག །གཉིས་པ་མཆོད་པ་འབུལ་བའི་ཡན་ལག །གསུམ་པ་སྡིག་པ་བཤགས་པའི་ཡན་ལག །བཞི་པ་བསོད་ནམས་ལ་རྗེས་སུ་ཡི་རང་བའི་ཡན་ལག །ལྔ་པ་ཆོས་ཀྱི་འཁོར་ལོ་བསྐོར་བར་བསྐུལ་བའི་ཡན་ལག །དྲུག་པ་མྱ་ངན་ལས་མི་འདའ་བར་གསོལ་བ་འདེབས་པའི་ཡན་ལག །བདུན་པ་བསྔོ་བའི་ཡན་ལག་གོ །དེ་དག་ཀྱང་སྨོན་ལམ་འགྲུབ་པའི་རྒྱུ་ཡིན་ཏེ། རྒྱུ་བསོད་ནམས་ཀྱི་ཚོགས་ལ་མ་བརྟེན་པའི་འབྲས་བུ་ཡིད་འོང་གི་དངོས་པོ་ཐོབ་པ་ནི་ནམ་ཡང་མི་སྲིད་པས། དཔེར་ན་ལོ་

― ZP04_Page_305 ―

^{[མ་དཔེ་གཟིགས་ན་འདིར་གནོན།]}

[Full Size]

ཏོག་འདོད་པས་ས་བོན་བཞིན་དུ་འབྲས་བུ་འདོད་པས་རྒྱུ་ལ་ནན་ཏན་ཏུ་བྱ་བ་ནི་རིགས་པ་ཡིན་ནོ། །རྒྱུ་ཚོགས་བསགས་པ་དང་ཡུལ་ཁྱད་པར་ཅན་ལ་བརྟེན་པ་མེད་པར་སོ་སོའི་སྐྱེ་བོས་གྱུར་ཤོག་གི་སྨོན་ལམ་ལ་རེ་བ་བྱེད་པ་ནི་ནམ་མཁའ་ལ་སོ་ནམ་འདོད་པ་དང་འདྲ་སྟེ་ངལ་བ་ཙམ་ཁོ་ན་འབྲས་བུར་ཟད་དོ། །དེ་ཡང་ཡུལ་ཁྱད་པར་ཅན་རྒྱལ་བ་སྲས་བཅས་ལ་བརྟེན་པ་དེ་ཡང་ང་རྒྱལ་གྱི་འགྱིང་བག་བཅོམ་ནས། བདག་ཏུ་འཛིན་པའི་གཞི་ལུས་ངག་ཡིད་གསུམ་བྲན་དུ་ཕུལ་ཏེ་ཞེས་དང་གུས་པར་བཅས་པ་དགོས་པས་དང་པོ་ཕྱག་འཚལ་བའི་ཡན་ལག་གོ །དེ་ནས་བདག་གིར་འཛིན་པའི་ལོངས་སྤྱོད་ལ་ཞེན་པ་སྤངས་ནས་ཅི་ཡོད་མཆོད་པར་མ་ཕུལ་ན།

― ZP04_Page_306 ―

^{[མ་དཔེ་གཟིགས་ན་འདིར་གནོན།]}

[Full Size]

འཇིག་རྟེན་པ་རྣམས་ནོར་འདོད་པས་རྗེ་དཔོན་བརྟེན་པ་ལྟར། དམ་པའི་སྐྱབས་འོག་ཏུ་ཆུད་པ་ཡང་ཆོས་བརྒྱད་ཚེ་འདིར་འཚོར་བས་དེའི་གཉེན་པོར་གཉིས་པ་མཆོད་པ་འབུལ་བའི་ཡན་ལག །དེ་ནས་རང་རྒྱུད་ཀྱི་སྡིག་ལྟུང་ལ་བཤགས་སྦྱང་མ་བྱས་ན་གཡའ་དང་བཅས་པའི་མེ་ལོང་ལ་གཟུགས་བརྙན་མི་འཆར་བ་དང༌། གདོལ་པ་མ་རབས་རྒྱལ་པོའི་བློན་པོར་མི་འོས་པ་ལྟར། རང་རྒྱུད་ལ་ཡོན་ཏན་གྱི་གཟུགས་བརྙན་མི་འཆར་ཞིང་རྒྱལ་བ་སྲས་བཅས་ཀྱི་བྲན་དུ་མི་འོས་པས། །དེའི་གཉེན་པོར་གསུམ་པ་སྡིག་པ་བཤགས་པའི་ཡན་ལག །དེ་ནས་གཞན་གྱི་ཡོན་ཏན་དང་བསོད་ནམས་ལ་རྗེས་སུ་ཡི་རང་བ་མེད་ན་རྒྱུད་ཕྲག་དོག་གིས་བསླད་ནས་དམ་པའི་ཡོན་ཏན་མི་མཐོང་བས་དེའི་གཉེན་པོར། བཞི་པ་རྗེས་སུ་ཡི་རང༌། དེ་ནས་ཆོས་ཀྱི་བགོ་སྐལ་མ་ལོན་ན་རྒྱ་མཚོའི་གླིང་ནས་སྟོང་ལོག་བྱས་པ་དང་འདྲ་བས། ལྔ་པ་ཆོས་ཀྱི་འཁོར་ལོ་བསྐོར་བར་བསྐུལ་བ། དེ་ཡང་ཡུན་ཐུང་དུས་འགྲོ་བ་མང་པོའི་དོན་དུ་མི་འགྱུར་བས་རྒྱལ་བ་སྲས་བཅས་མྱ་ངན་ལས་མི་འདའ་བར་གསོལ་བ་འདེབས་པ་རྣམས་ཀྱིས་རང་རྒྱུད་རྣམ་པར་དག་ནས་ཚོགས་རྒྱ་ཆེན་པོ་རྫོགས་པའོ། །དེ་ལྟར་བསོད་ནམས་བསགས་པ་དེ་ཡང་ཐབས་དང་ཤེས་རབ་ཁྱད་པར་ཅན་གྱིས་རང་གཞན་སེམས་ཅན་

― ZP04_Page_307 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་རྣམ་མཁྱེན་སངས་རྒྱས་ཐོབ་པའི་རྒྱུར་མ་བསྔོས་ན་གནས་སྐབས་བདེ་འབྲས་ཕྲ་མོ་མྱོང་ནས་མཛད་པར་འགྱུར་བས་ཀུན་མཁྱེན་རྒྱལ་བའི་གོ་འཕང་མཆོག་གི་རྒྱུར་བསྔོ་བའོ། །གཉིས་པ་སྨོན་ལམ་དངོས་ལ། དེ་ལྟར་དོན་དུ་གཉེར་བྱའི་གཙོ་བོ་རྣམ་མཁྱེན་སངས་རྒྱས་ཀྱི་གོ་འཕང་དེ་ཡང༌། ལམ་སྒྲུབ་པ་སྔོན་དུ་སོང་བ་མེད་པར་འབྱུང་བ་ནི་མི་སྲིད་པས། ལམ་སྒྲུབ་པ་དེ་ཡང༌། ལམ་གྱི་རྟེན་མཆོག་དལ་འབྱོར་གྱི་མི་ལུས་ཁོ་ན་ལ་རགས་ལས་པས་དང་པོ་དལ་འབྱོར་ཐོབ་ནས་དོན་ཡོད་བྱེད་པར་སྨོན་པ། དལ་འབྱོར་དོན་ཡོད་པ་དེའང་གང་ཡིན་ན། དང་པོ་ཡང་དག་པའི་བཤེས་གཉེན་བརྟེན་པ། བར་དུ་ཐོས་བསམ་བསྒོམ་ལ་བརྩོན་ཏེ། དེའི་འབྲས་བུ་རྒྱལ་བའི་བསྟན་པ་ལུང་དང་རྟོགས་པ་ལ་བཤད་སྒྲུབ་འཁོར་ལོ་གཉིས་ཀྱིས་བྱ་བ་བྱེད་ནུས་པ་ཞིག་དགོས་པས། དེའང་བརྩོན་འགྲུས་དྲག་པོ་རྒྱུན་ཆད་མེད་པས་མ་འབད་ནའང་མི་འབྱུང་བ་ལ། བརྩོན་འགྲུས་དེ་ཡང་མི་རྟག་འཆི་བ་དྲན་པའི་ལྕགས་ཀྱིས་བསྐུལ་ནས་བར་མེད་ཆོས་ལ་བསྐུལ་བ་ཞིག་དགོས་པས། གཉིས་པ་མི་རྟག་པ་འཆི་བ་དྲན་པར་སྨོན་པ། དེ་ལྟར་འཆི་བ་དྲན་ཡང་འཆི་སྙམས་ཀྱི་ཡི་མུག་སྒོམ་པ་ཁོ་ནས་ཕན་པ་མེད་ཅིང༌། འཆི་ཚེ་རང་བྱས་ཀྱི་ལས་འབྲས་

― ZP04_Page_308 ―

^{[མ་དཔེ་གཟིགས་ན་འདིར་གནོན།]}

[Full Size]

མ་གཏོགས་ཕན་གནོད་ཀྱི་བྱེད་པོ་སུ་ཡང་མེད་པས། གསུམ་པ་སྐྱེས་བུ་ཆུང་ངུ་དང་ཐུན་མོང་བའི་ལམ་དུ་རྒྱུ་འབྲས་ལ་ཡིད་ཆེས་སྐྱེ་བར་སྨོན་པ། དེ་ལྟར་རྒྱུ་འབྲས་ལ་ངེས་པ་ཅུང་ཟད་རྙེད་ནས་སྤང་བླང་བྱེད་ཁུལ་བྱས་ཀྱང༌། འཁོར་བ་མཐའ་དག་སྡུག་བསྔལ་དུ་ཤེས་ནས་བློ་ལྡོག་པ་ཞིག་མེད་ན་དགེ་བ་བསྒྲུབ་ཀྱང་འཁོར་བའི་རྒྱུ་ལས་མ་འདས་ཤིང་འཁོར་བའི་བདེ་བ་ཕྲ་མོ་ལ་སྙིང་པོ་མེད་པས། །བཞི་པ་སྐྱེས་བུ་འབྲིང་དང་ཐུན་མོང་གི་ལམ་དུ་འཁོར་བའི་གནས་ལ་ཡིད་འབྱུང་སྐྱེ་བར་སྨོན་པ། དེ་ལྟར་འཁོར་བ་མཐའ་དག་སྡུག་བསྔལ་དུ་ཤཻས་པས་རང་ཉིད་གཅིག་པུ་དེ་ལས་ཐར་འདོད་ཀྱི་བློ་ཙམ་སྐྱེས་ཀྱང་ཐོག་མེད་དུས་ནས་དྲིན་གྱིས་སྐྱངས་པའི་མ་རྒན་སེམས་ཅན་ཐམས་ཅད་སྡུག་བསྔལ་སྣ་ཚོགས་ཀྱིས་མནར་བ་ཡལ་བར་བོར་ན་དེ་ལས་ཁྲེལ་བ་མེད་པས་གཞན་ཕན་བྱང་ཆུབ་ཀྱི་སེམས་དང་འབྲེལ་བ་སྐྱེས་བུ་ཆེན་པོའི་ལམ་ལ་འཇུག་དགོས་ཤིང༌། དེའང་ལམ་གྱི་འགལ་རྐྱེན་སྤངས་ཤིང་མཐུན་རྐྱེན་ཚང་བ་མེད་ན་མི་འབྱུང་བས། ལྔ་པ་ལམ་གྱི་མཐུན་རྐྱེན་ཡིད་བཞིན་དུ་འབྱུང་བར་སྨོན་པ། མཐུན་རྐྱེན་ཚངས་ནས་ལམ་ལ་འཇུག་པ་ལ་དང་པོ་ལམ་ཐམས་ཅད་ཀྱི་རྟེན་གཞི་དཀོན་མཆོག་གསུམ་ལ་སྐྱབས་སུ་འགྲོ་ཞིང་དེའི་བསླབ་བྱ་སློབ་པ་གལ་ཆེ་བས།

― ZP04_Page_309 ―

^{[མ་དཔེ་གཟིགས་ན་འདིར་གནོན།]}

[Full Size]

དྲུག་པ་དཀོན་མཆོག་གསུམ་ལ་སྐྱབས་སུ་འགྲོ་བར་སྨོན་པ། དེ་ལྟར་སྐྱབས་སུ་སོང་ནས་ལམ་ལ་སློབ་པ་དེ་ཡང་དང་པོ་བསམ་པ་བྱང་ཆུབ་ཀྱི་སེམས་རྒྱུད་ལམ་སྐྱེས་ན་སྦྱོར་བ་རྒྱལ་སྲས་ཀྱི་སྤྱོད་པ་མི་འབྱུང་ལ་བསམ་པ་བྱང་ཆུབ་སེམས་དེ་ཡང་རྩ་བ་སྙིང་རྗེ་སྐྱེས་པ་ལ་རགས་ལས་པས། བདུན་པ་སྙིང་རྗེའི་རྩ་བ་ཅན་གྱི་སྨོན་སེམས་བསྐྱེད་པར་སྨོན་པ། དེ་ལྟར་བཅོས་མིན་གྱི་སྨོན་སེམས་རྒྱུད་ལ་སྐྱེས་ན་དེ་ཉིད་དངོས་སུ་སྒྲུབ་འདོད་ཀྱི་འཇུག་སེམས་སྐྱེ་བས། བརྒྱད་པ་འཇུག་པ་བྱང་ཆུབ་མཆོག་ཏུ་སེམས་བསྐྱེད་པར་སྨོན་པ། དེ་ལྟར་སེམས་བསྐྱེད་པ་དེ་མི་ཉམས་ཤིང་གོང་དུ་འཕེལ་བའི་ཕྱིར་དུ་གཞན་ཕན་གྱི་ཐབས་ལ་སློབ་དགོས་པས། དགུ་པ་བསམ་སྦྱོར་ཁྱད་པར་ཅན་ལ་སྨོན་པ། །དེ་ལྟར་སེམས་བསྐྱེད་ནས་ཐེག་ཆེན་གྱི་ལམ་ལ་སློབ་པ་ལ་ཉམས་ལེན་ཕ་རོལ་ཏུ་ཕྱིན་པ་དྲུག་གི་དང་པོ་ལུས་དང་ལོངས་སྤྱོད་ལ་ལོངས་སུ་འཛིན་པའི་ཆགས་པ་མ་སྤངས་ན་གཞན་ཕན་སྒྲུབ་པ་ལྟ་ཅི་གཞན་གནོད་སྤངས་པ་ཙམ་ཡང་མི་ནུས་པས། །བཅུ་པ་སྦྱིན་པ་རྣམ་གསུམ་གཏོང་བར་སྨོན་པ་དང༌། སྦྱིན་པས་ལོངས་སྤྱོད་ལ་མ་ཆགས་པ་དེས་གཞན་གནོད་ཀྱི་ཉེས་སྤྱོད་སྡོམ་ཞིང་རྣམ་གཡེང་མེད་པར་དགེ་བ་སྡུད་པའི་ཚུལ་ཁྲིམས་ཡང་དག་པ་སྲུང་ནུས་པས་ན། བཅུ་གཅིག་པ་ཚུལ་ཁྲིམས་རྣམ་པར་དག་བསྲུང་བར་སྨོན་པ།

― ZP04_Page_310 ―

^{[མ་དཔེ་གཟིགས་ན་འདིར་གནོན།]}

[Full Size]

ཚུལ་ཁྲིམས་ལྡན་པ་དེས་གཞན་གནོད་དང་སྡུག་བསྔལ་སོགས་བཟོད་ནུས་ཤིང་གནོད་ལན་ལ་གནོད་པ་བྱེད་པ་སོགས་སྤངས་པའི་བཟོད་པ་སྐྱེ་སླ་བས། བཅུ་གཉིས་པ་རླབས་ཆེན་བཟོད་པ་སྒོམ་པར་སྨོན་པ། བཟོད་པ་དང་ལྡན་པ་དེ་ལ་ཚ་གྲང་ངལ་དུབ་སོགས་ཀྱི་མི་སྐྱོ་བར་བརྩོན་འགྲུས་རྩོམ་པ་འབྱུང་བས་ན། བཅུ་གསུམ་པ་ཉིན་མཚན་དགེ་བའི་བརྩོན་འགྲུས་རྩོམ་པར་སྨོན་པ། བརྩོན་འགྲུས་དང་ལྡན་པ་དེས་འབད་པ་དྲག་པོས་ཡེངས་མེད་དུ་བསྒོམ་ན་བསམ་གཏན་གྱི་སེམས་ཁྱད་པར་ཅན་ཐོབ་པར་ནུས་པས། བཅུ་བཞི་པ་བསམ་གཏན་དོན་ལ་མཉམ་པར་འཇོག་པར་སྨོན་པ། བསམ་གཏན་གྱིས་སེམས་གཞན་དུ་མི་གཡེངས་པའི་རྟེན་ལ་ཡང་དག་པའི་ཤེས་རབ་དྲི་མ་མེད་པ་སྐྱེ་སླ་བས། བཅོ་ལྔ་པ་ཐོས་བསམ་བསྒོམ་པའི་ཤེས་རབ་ལྡན་པར་སྨོན་པ། དེ་ལྟར་རྒྱལ་སྲས་བྱང་ཆུབ་སེམས་དཔའི་སྤྱོད་པ་ལ་ཚུལ་བཞིན་དུ་སློབ་པ་དེ་ལ་ལམ་དང་འབྲས་བུའི་ཡོན་ཏན་ཐམས་ཅད་ངེས་པར་འབྱུང་བས། །བཅུ་དྲུག་པ་ལམ་ལྔ་ས་བཅུ་སྤྱིར་སྨོན་པ། །དེ་ཡང་བྱང་ཆུབ་ཆེན་པོའི་རྒྱུ་ཚོགས་ལ་དང་པོར་སློབ་ཅིང་ཕྱི་ནང་གི་དངོས་པོ་ལ་རྟོག་པའི་ཤེས་རབ། །དགེ་སྡིག་གི་སྤང་བླང་ལ་འཇུག་པའི་བརྩོན་འགྲུས། ཡང་དག་པའི་བསམ་གཏན་སྦྱོང་བའི་ཏིང་ངེ་འཛིན་གསུམ་གྱིས་བདེན་པ་བཞིའི་

― ZP04_Page_311 ―

^{[མ་དཔེ་གཟིགས་ན་འདིར་གནོན།]}

[Full Size]

འཇུག་ལྡོག་གི་ལམ་ལ་འཇུག་པ་ཚོགས་ཀྱི་ལམ་དང་པོར་སྐྱེ་བས། བཅུ་བདུན་པ་ཚོགས་ལམ་གསུམ་ལ་འཇུག་པར་སྨོན་པ། དེའི་རྗེས་སུ་བདེན་པ་བཞིའི་འཇུག་ལྡོག་ལ་ཉེ་བར་སྦྱོར་བའི་ཕྱིར་དུ་དད་སོགས་དབང་པོ་ལྔ་དང་སྟོབས་ལྔ་སྒོམ་པའི་ལམ་འབྱུང་བས། བཅོ་བརྒྱད་པ་སྦྱོར་བའི་ལམ་ལ་གནས་པར་སྨོན་པ། དེ་ནས་སྦྱོར་ལམ་ཆོས་མཆོག་ཆེན་པོའི་རྗེས་སུ་སྡུག་བསྔལ་སྟོང་ཉིད་དུ་ཤེས། ཀུན་འབྱུང་མཐོང་སྤང་སྤངས། དེ་སྤང་བའི་འགོགས་པ་མངོན་དུ་བྱས། རྣམ་པར་མི་རྟོག་པའི་མཐོང་ལམ་རྒྱུད་ལ་བརྟེན་པའི་མངོན་པར་རྟོགས་པ་འབྱུང་བས་ན། བཅུ་དགུ་པ་མཐོང་ལམ་རྒྱུད་ལ་སྐྱེ་བར་སྨོན་པ། དེ་ནས་རྣམ་པར་དག་པ་མཐར་ཐུག་གི་འབྲས་བུར་ངེས་པར་འབྱིན་པའི་ཕྱིར་དུ་མཐོང་བའི་དོན་ལ་ཡང་དང་ཡང་དུ་གོམས་འདྲིས་བྱེད་པས། ཉི་ཤུ་པ་སྒོམ་པའི་ལམ་དུ་ས་བཅུ་བགྲོད་པར་སྨོན་པ། དེ་ལྟར་ས་བཅུ་རིམ་གྱིས་བགྲོད་པའི་མཐར་བཅུ་གཅིག་པ་འབྲས་བུ་སངས་རྒྱས་ཀྱི་ས་མངོན་དུ་བྱེད་པས། ཉེར་གཅིག་པ་ས་བཅུ་མཐར་ཕྱིན་ནས་ཀུན་ཏུ་འོད་ལ་གནས་པར་སྨོན་པ། དེ་ལྟ་བུའི་ས་བཅུ་གཅིག་པ་དེ་ལ་འབྲས་བུའི་ཆོས་རྒྱ་མཚོ་ལྟ་བུ་འབད་མེད་ལྷུན་གྲུབ་ཏུ་འབྱུང་བས། ཉེར་གཉིས་པ་སངས་རྒྱས་ཀྱི་སའི་ཡོན་ཏན་སྤྱི་ལ་སྨོན་པ། དེ་ཡང་

― ZP04_Page_312 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་རྒྱས་ཐམས་ཅད་ཆོས་སྐུའི་ངོས་ནས་སྤངས་རྟོགས་ལ་ཁྱད་པར་མེད་ཀྱང༌། སྔོན་སློབ་པ་ལམ་གྱི་གནས་སྐབས་ན་སྨོན་ལམ་རྒྱ་ཆེ་ཆུང་གི་དབང་གིས་གཟུགས་སྐུའི་འགྲོ་དོན་མཛད་པ་ལ་ཁྱད་པར་ཡོད་པས། ཉེར་གསུམ་པ་དུས་གསུམ་གྱི་རྒྱལ་བ་ཀུན་དང་མཛད་པ་མཉམ་པར་སྨོན་པ། དེ་ཡང་གཞི་བདེ་གཤེགས་སྙིང་པོའི་ཆོས་ཉིད་སྒྲིབ་བྲལ་དུ་གྱུར་བའི་ཆོས་ཉིད་ཀྱི་སྐུའམ་ཡོན་ཏན་གྱི་རྟེན་དུ་གྱུར་པའི་ཆོས་སྐུ་སངས་རྒྱས་རང་ངོའི་དགོངས་པ་མངོན་དུ་བྱེད་པས། ཉེར་བཞི་པ་དག་པ་གཉིས་ལྡན་ཆོས་སྐུ་ཐོབ་པར་སྨོན་པ། དེའི་ངང་ལས་རྣམ་པར་སྨིན་པའི་སྐུ་མཚན་དཔེ་ཡོན་ཏན་རྒྱ་མཚོའི་བདག་ཉིད་སངས་རྒྱས་ཀྱི་གཟུགས་སྐུ་ཁྱད་པར་ཅན་ས་བཅུའི་སེམས་དཔའ་ལ་སྣང་བས། ཉེར་ལྔ་པ་ལོངས་སྤྱོད་རྫོགས་སྐུ་མངོན་དུ་འགྱུར་བར་སྨོན་པ། དེ་ལས་དག་དང་མ་དག་གི་གདུལ་བྱ་ཐུན་མོང་དུ་མཁའ་ཟླ་ལས་ཆུ་ཟླ་བཞིན་སྤྲུལ་པའི་སྐུ་བསམ་གྱིས་མི་ཁྱབ་པ་འཁོར་བ་མ་སྟོང་པར་འཆར་བས་ན། ཉེར་དྲུག་པ་སྤྲུལ་སྐུས་གཞན་དོན་མཛད་པར་སྨོན་པ། དེ་ལྟར་སྐུ་གསུམ་པོ་དེ་ཡང་ཡེ་ཤེས་ཀྱིས་རབ་ཏུ་ཕྱེ་བ་ཡིན་པས་དེ་ལ་བརྟེན་པ། ཉེར་བདུན་པ་ཡེ་ཤེས་རྣམ་པ་ལྔ་ཐོབ་པར་སྨོན་པ། ཡེ་ཤེས་དེ་ཡང་རང་དོན་གྱི་མཁྱེན་པ་ཡོངས་སུ་རྫོགས་པ་ཡིན་པས། །ཉེར་བརྒྱད་པ་མཁྱེན་པའི་སྟོབས་བཅུ་

― ZP04_Page_313 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོབ་པར་སྨོན་པ། དེ་ལྟ་བུའི་རྣམ་པ་ཐམས་ཅད་མཁྱེན་པ་དེ་གཞན་དོན་བླ་ན་མེད་པའི་སྟོན་པ་ཡིན་པས། ཉེར་དགུ་པ་སྤོབས་པ་མི་འཇིགས་བཞི་ཐོབ་པར་སྨོན་པ། དེ་ལྟར་དོན་གཉིས་མཐར་ཕྱིན་པ་དེ་སྲིད་ཞིའི་ཡུལ་ལས་འདས་ཤིང་སུས་ཀྱང་འགྲན་ཟླ་མེད་པ་ཡིན་པས། སུམ་ཅུ་པ་ཁྱད་ཆོས་མ་འདྲེས་པ་བཅོ་བརྒྱད་ལ་སྨོན་པ། ཐུགས་ཆོས་སྐུའི་ཡོན་ཏན་ཡོངས་སུ་རྫོགས་པ་དེ་གཞན་སྣང་དུ་གཟུགས་སྐུའི་བཀོད་པ་རྒྱ་མཚོ་སྟོན་པར་ནུས་པས་ན། སོ་གཅིག་པ་མཚན་དཔེས་བརྒྱན་པའི་སྐུ་མཆོག་ཐོབ་པར་སྨོན་པ། སྐུ་གཉིས་དབྱེར་མེད་པའི་སྟོན་པ་དེ་ལ་ཉན་རང་བྱང་སེམས་རྣམས་ལ་མངའ་བའི་ཐུན་མོང་གི་ཡོན་ཏན་ཇི་སྙེད་པ་རྣམས་ཀྱང་ཡར་ལྡན་གྱི་ཚུལ་དུ་མངའ་བས་ན། སོ་གཉིས་པ་ཡོན་ཏན་ལྷག་མ་ཐམས་ཅད་རྫོགས་པར་སྨོན་པ། ཡོན་ཏན་རྒྱ་མཚོའི་བདག་ཉིད་སྟོན་པ་མཆོག་དེས་སྨོན་ལམ་དང་ཐུགས་རྗེའི་དབང་གིས་རྟག་ཁྱབ་ལྷུན་གྱིས་གྲུབ་པའི་འགྲོ་དོན་འཁོར་བ་མ་སྟོངས་བར་དུ་འབྱུང་བས་ན། སོ་གསུམ་པ་འཕྲིན་ལས་རྒྱུན་མི་འཆད་པར་སྨོན་པ། དེ་ལྟར་མཛད་པ་མཐར་ཕྱིན་པའི་སངས་རྒྱས་རྣམས་ཀྱང་གཞན་དོན་གདུལ་བྱའི་དབང་གིས་བྱང་ཆུབ་སེམས་དཔའ་ལ་སོགས་པའི་ཚུལ་བཟུང་ནས་འཁོར་བ་ཇི་སྲིད་གནས་ཀྱི་བར་དུ་གཞན་དོན་མཛད་པ་

― ZP04_Page_314 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོད་པས་ན། སོ་བཞི་པ་རྒྱལ་སྲས་རིགས་གསུམ་གྱི་མགོན་པོ་དང་འགྲོ་དོན་མཉམ་པར་སྨོན་པ། དེ་ལྟར་ལམ་དང་འབྲས་བུའི་གནས་སྐབས་ཀུན་ཏུ་དཔེར་ན་བྲམ་ཟེའི་མཆོད་སྡོང་བསྒྲུབ་པའམ། བཅུད་ལེན་གྲུབ་པའི་སྨན་མཆོག་བཞིན་དུ་རང་གཞན་གྱི་སྒོ་གསུམ་སྨོན་ལམ་གྱི་བདེན་པས་བྱིན་གྱིས་བརླབས་ཏེ་རང་གི་ལུས་ངག་ཡིད་གསུམ་བྱ་བ་དང་བཅས་པས་སེམས་ཅན་ཐམས་ཅད་ཀྱི་ཉེར་འཚོ་བླ་ན་མེད་པར་གྱུར་ནས་མཐོང་ཐོས་དྲན་རེག །དོན་དང་ལྡན་པའི་རྟེན་འབྲེལ་གྱི་གནད་གཙོ་ཆེ་བས་ན། སོ་ལྔ་པ་འགྲོ་བའི་ཉེར་འཚོ་བླ་ན་མེད་པར་སྨོན་པ་ཤོ་ལོ་ཀ་ལྔས་སྨོན་ལམ་གྱི་མཇུག་བསྡུ་བ། དེ་ལྟ་བུའི་སྨོན་ལམ་དེ་དག་ཀྱང་སྐྱབས་བླ་ན་མེད་པ་དཀོན་མཆོག་གསུམ་གྱི་བདེན་གསུང་བསླུ་བ་མེད་པའི་རྒྱབ་བརྟེན་བཟང་ཞིང༌། ཆོས་ཉིད་གང་དུའང་གྲུབ་པའི་ངོ་བོ་མེད་པའི་རང་བཞིན་རྣམ་པར་དག་པའི་ས་གཞི་ཡངས་པ་ལ། ལྷག་པའི་བསམ་པ་གཡོ་སྒྱུ་མེད་ཅིང་ཡིད་ཆེས་འགྱུར་བ་མེད་པའི་ཁ་ལོ་བས་བསྒྱུར་ན་སྨོན་པའི་ཤིང་རྟ་གང་ལྟར་འདོད་པ་དེ་ལྟར་དྲང་དུ་བཏུབ་པ་ནི་ཆོས་ཉིད་ཡིན་པས། སོ་དྲུག་པ་སྨོན་ལམ་འགྲུབ་པའི་བདེན་དཔང་གསོལ་བ། དེ་ལྟར་སྨོན་པའི་མཐུ་ལས་ཕྱོགས་དུས་གནས་སྐབས་ཀུན་ཏུ་ལེགས་ཚོགས་ཀྱི་ཡོན་ཏན་ཐམས་ཅད་ཟླ་བ་ཡར་ངོ་ལྟར་གོང་ནས་གོང་དུ་འཕེལ་བའི་གཞིའམ་རྩ་བ་དཀོན་མཆོག་རིན་པོ་ཆེ་རྣམ་པ་གསུམ་འཇིག་རྟེན་ན་མངོན་པར་གསལ་ཞིང་གྲགས་པའི་མཐུ་ལས་སྣོད་དང་

― ZP04_Page_315 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུད་དུ་བཅས་པའི་འཇིག་རྟེན་ཐམས་ཅད་རྟེན་འབྲེལ་གྱི་བཀྲ་རྟགས་ལེགས་ཤིང་ཤིས་པས་ཁྱབ་སྟེ་བདེ་སྐྱིད་ཀྱི་དཔལ་ལ་སྤྱོད་པའི་ཕྱིར། སོ་བདུན་པ་དཀོན་མཆོག་གསུམ་གྱི་བཀྲ་ཤིས་བརྗོད་པས་མཇུག་རྒྱས་པར་བྱ་བ་སྟེ་གང་ཞིག་སློབ་པ་ལམ་གྱི་གནས་སྐབས་ན་བྱང་ཆུབ་ཕྱོགས་ཀྱི་ཆོས་སུམ་ཅུ་རྩ་བདུན་ཡོངས་སུ་རྫོགས་པ་ན་འཇིག་རྟེན་གྱི་ཉི་མ་རྫོགས་པའི་སངས་རྒྱས་ཀྱི་གོ་འཕང་མངོན་དུ་བྱས་ཏེ་སྲིད་པ་ནམ་མཁས་གར་ཁྱབ་ཏུ་ཅིག་ཅར་གསལ་བར་བྱེད་པ་ལྟར་འདིར་ཡང༌། དང་པོ་དལ་འབྱོར་རྙེད་པར་དཀའ་བ་ནས་བཟུངས་མཇུག་བཀྲ་ཤིས་ལ་ཐུག་གི་བར་དུ་ས་བཅད་སུམ་ཅུ་རྩ་བདུན་གྱིས་རང་གཞན་གྱི་དོན་གཉིས་ཡོངས་སུ་རྫོགས་ཏེ་ཕྱོགས་དུས་ནམ་མཁས་གར་ཁྱབ་ཏུ་དགེ་ལེགས་ཀྱི་སྣང་བ་ཆེན་པོས་ཡོངས་སུ་འབར་བར་བྱེད་པའོ།། །།བཀྲ་ཤིས་སོ།། །།གསང་བ་སྔགས་ཀྱི་སྨོན་ལམ་འདོད་འཇོའི་དགའ་སྟོན་ལས། དང་པོ་རྒྱུ་མཚན་ཉིད་ཀྱི་ཐེག་པས་རྒྱུད་སྦྱངས་པ་སྔོན་དུ་སོང་ནས། དང་པོ་ཕྱི་རྒྱུད་སྡེ་གསུམ་ལ་སྨོན་པ་ནི། ཆུ་དབང་སོགས་ཀྱིས་ཞེས་གསུངས་ཏེ། ཆུ་ཡི་དབང་བསྐུར་དབུ་རྒྱན་དག །བྱ་བའི་རྒྱུད་ལ་རབ་ཏུ་གྲགས། །ཞེས་པ་ལྟར། མི་བསྐྱོད་པ་ལ་ཆུ་ཡི་དབང༌། རིན་ཆེན་འབྱུང་

― ZP04_Page_316 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་དབུ་རྒྱན་གྱི་དབང་གཉིས་དང༌། མཐའ་རྟེན་རྗེས་གནང་བཟླས་ལུང་ལ་སོགས་པས་རང་རྒྱུད་སྨིན་པ་སྔོན་དུ་སོང་ནས་ཡི་དམ་གྱི་ལྷ་གང་ཡིན་པ་རང་གི་མདུན་དུ་བསྐྱེད་པ་ལ་ཡེ་ཤེས་པ་སྤྱན་དྲངས་ནས་བསྟིམ་པ་དང༌། མཆོད་པ་དང༌། བསྟོད་པ་སོགས་བྱས་ནས། མདུན་བསྐྱེད་ཀྱི་ལྷ་དེའི་ཐུགས་ཀར་ཟླ་དཀྱིལ་སོགས་ལ་ཐུགས་སྲོག་གི་ཡིག་འབྲུ་དང་བཟླ་བྱའི་བསྔགས་ཕྲེང་བཀོད་ནས་བཟླས་པ་བྱ་བ་དང༌། ཕྱི་ལུས་ངག་གི་སྤྱོད་ལམ་དྲང་སྲོང་གྲུབ་པ་རྣམས་དང་མཐུན་པར་ཁྲུས་དང་གཙང་སྦྲ་སྤྱོད་པ་དང༌། དཀའ་ཐུབ་དང་སྨྱུང་གནས་བྱེད་པ་སོགས་གཙོ་བོར་བྱེད་ཅིང༌། ནང་ལྷ་དང་སྟོང་ཉིད་ཀྱི་རྣལ་འབྱོར་ཟབ་མོ་སྒྲིབ་གཉིས་ཀྱི་མུན་པ་འཇོམས་པའི་ཉི་མ་ལྟ་བུ་སྒོམ་པ་དང༌། བསྒོམ་བྱའི་ལྷ་དེ་དག་ཀྱང་རང་རང་གི་ཡུམ་ལྷ་མོ་རྣམས་དང་ཕན་ཚུན་བལྟས་པའི་བདེ་བ་ལ་རོལ་པའི་ཚུལ་དུ་བཞུགས་ཤིང༌། ཐབས་དེས་དྲངས་བའི་ཞུ་བདེ་དང་དབྱེར་མེད་ཀྱི་ལྷ་སྐུ་སྒོམ་ཞིང༌། ལྷ་དང་རང་ཉིད་རྗེ་འབངས་ཀྱི་ཚུལ་དུ་བལྟས་ནས་མཆོག་དང་ཐུན་མོང་གི་དངོས་གྲུབ་ཞུ་བའི་སྒོ་ནས་རིགས་གསུམ་རྡོ་རྗེ་འཛིན་པའི་གོ་འཕང་མི་ཚེ་བཅུ་དྲུག་ན་ཐོབ་པར་འདོད་པ་ནི་བྱ་བའི་རྒྱུད་དོ། །ཆུ་དང་ཅོད་པཎ་གྱི་དབང་གཉིས་ཀྱི་སྟེང་དུ་སྣང་བ་མཐའ་ཡས་རྡོ་རྗེའི་དབང་དང༌། དོན་ཡོད་གྲུབ་པ་དྲིལ་བུའི་དབང་དང༌།

― ZP04_Page_317 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་པར་སྣང་མཛད་མིང་གི་དབང་དང་ལྔས་སྨིན་བར་བྱས་ནས། བདག་ལྷར་བསྐྱེད་བའི་མདུན་དུ་རང་དང་འདྲ་བའི་ལྷ་བསྐྱེད་པ་ལ་ཡེ་ཤེས་པ་སྤྱན་དྲང་ནས་བསྟིམ་པ་སོགས། ཐུགས་ཀར་ཡིག་འབྲུ་དང་སྔགས་ཕྲེང་སོགས་བཀོད་ནས་བཟླས་པ་བྱ་བ་དང༌། ཕྱི་ལུས་ངག་གི་བྱ་བ་དང༌། ནང་ཟབ་མོ་ལྷ་ཡི་རྣལ་འབྱོར་ཆ་མཉམ་པར་སྤྱོད་ཅིང༌། ལྷ་ཡབ་ཡུམ་རྣམས་ཀྱང་ཕན་ཚུན་ཞལ་འཛུམ་པ་དང་དགོད་པའི་ཚུལ་གྱིས་དགྱེས་ཤིང༌། ཐབས་དེས་དྲང་བའི་ཞུ་བདེ་དང་དབྱེར་མེད་ཀྱི་ལྷ་སྐུ་སྣང་སྟོང་སྒོམ་པ་དང༌། ལྷ་དང་རང་ཉིད་སྤུན་ནམ་གྲོགས་པོ་ལྟ་བུའི་ཚུལ་གྱིས་དངོས་གྲུབ་ཞུ་ཞིང༌། བཟླས་བརྗོད་ཀྱི་ཡན་ལག་བཞི་ལ་གཞོལ་བའི་སྒོ་ནས་རིགས་བཞི་རྡོ་རྗེ་འཛིན་པའི་ས་ལ་མི་ཚེ་ལྔས་བགྲོད་པར་བྱེད་བ་ནི་སྤྱོད་པའི་རྒྱུད་དོ། །སྔར་གྱི་སློབ་མའི་དབང་ལྔ་དང༌། རྡོ་རྗེ་སློབ་དཔོན་གྱི་དབང་དང་དྲུག་གི་རང་རྒྱུད་སྨིན་པར་བྱས་ནས། བདག་བསྐྱེད་མདུན་བསྐྱེད་གཉིས་ཀ་ལ་ཡེ་ཤེས་པ་སྤྱན་དྲང་བསྟིམ་པ་སོགས་བྱེད་ཅིང་ཇི་སྲིད་ལྷ་གཤེགས་གསོལ་མ་བྱས་ཀྱི་བར་དུ་ལྷ་དང་རང་ཉིད་གཉིས་མེད་དུ་བལྟས་ནས་ཕྱག་རྒྱ་བཞི་དང་ཏིང་ངེ་འཛིན་གསུམ་གྱི་སྒོ་ནས་ཉམས་སུ་ལེན་པ་དང༌། ལྷ་རྣམས་ཀྱང་ཡབ་ཡུམ་ལག་བཅང་གི་ཚུལ་གྱིས་རོལ་ཞིང་ཐབས་དེས་དྲང་བའི་ཞུ་

― ZP04_Page_318 ―

^{[མ་དཔེ་གཟིགས་ན་འདིར་གནོན།]}

[Full Size]

བདེ་དང་དབྱེར་མེད་ཀྱི་ལྷ་སྐུ་སྒོམ་པར་བྱེད་ལ། ཕྱི་ལུས་ངག་གི་བྱ་བ་གྲོགས་ཙམ་དུ་འདོད་པ་ལས་གཙོ་བོར་ནང་གི་རྣལ་འབྱོར་ཉམས་སུ་ལེན་པའི་སྒོ་ནས་རིགས་ལྔ་རྡོ་རྗེ་འཆང་གི་གོ་འཕང་མི་ཚེ་གསུམ་གྱིས་མངོན་དུ་བྱེད་པ་ནི་རྣལ་འབྱོར་རྒྱུད་དོ། །གཉིས་པ་གསང་སྔགས་བླ་ན་མེད་པའི་རྒྱུད་སྡེ་ལ་གསུམ། དང་པོ་ཕ་རྒྱུད་མ་ཧཱ་ཡོ་ག་ལ་སློབ་པར་སྨོན་པ་ནི་རྒྱུ་དབང་བསྐུར་ནས་རགས་པའི་ཕུང་སོགས་རྣམས། ཞེས་པ་སོགས་ཀྱིས་བསྟན་ཏེ། དབང་གོང་མ་གསུམ་གྱི་རྒྱུ་ལྟ་བུར་གྱུར་ཞིང་བསྐྱེད་རིམ་གྱི་སྣོད་རུང་དུ་བྱེད་པ་རྡུལ་མཚོན་གྱི་དཀྱིལ་འཁོར་ལ་བརྟེན་ནས་བུམ་པའི་དབང་བསྐུར་བས་ཕུང་པོ་ཁམས་དང་སྐྱེ་མཆེད་ཐ་མལ་གྱི་སྣང་བ་རགས་པ་ཐམས་ཅད་རྒྱལ་བའི་དཀྱིལ་འཁོར་དུ་རྟོགས་ཤིང༌། ཕྱི་སྣོད་གཞལ་ཡས་ཁང་དང་ནང་བཅུད་ལྷ་རུ་དག་པའི་སྐུ་རྡོ་རྗེའི་གོ་འཕང་གི་ས་བོན་བཞག །གསང་དབང་ཤེར་དབང་ཚིག་དབང་རིན་པོ་ཆེ་སྟེ་མཆོག་དབང་གོང་མ་གསུམ་བསྐུར་བས་རྫོགས་རིམ་གྱི་ཡེ་ཤེས་སྐྱེ་བའི་སྣོད་རུང་དུ་བྱས་ནས། ལམ་ཉམས་སུ་ལེན་པ་ལ་བསྐྱེད་རྫོགས་རིམ་པ་གཉིས་ལས་དང་པོ་བསྐྱེད་རིམ་ནི། ཚོགས་ཞིང་གི་ལྷ་ཚོགས་མདུན་མཁར་སྤྱན་དྲངས་པ་ལ་རྒྱུན་བཤགས་ཡན་ལག་བདུན་པ་སོགས་བྱ་བ་དང༌། བསྲུང་བའི་འཁོར་ལོ་སྒོམ་པ་

― ZP04_Page_319 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་སྔོན་དུ་སོང་ནས་རྫོགས་རིམ་གྱི་སྐབས་སུ་རིམ་པ་ལྔ་སྒོམ་པ་ལ་དེའི་སྨིན་བྱེད་དུ་འགྲོ་བའི་བསྐྱེད་རིམ་གྱི་ལམ་ཡང་དེ་དང་རྗེས་སུ་མཐུན་པར་སྒོམ་པ་ལས། །དང་པོ་འཆི་སྲིད་ཆོས་སྐུའི་རྣལ་འབྱོར་དོན་དམ་བདེན་པ་འོད་གསལ་དང་རྗེས་སུ་མཐུན་པའི་ལམ་ནི། མར་མ་དག་འཁོར་བའི་སྐབས་སུ་ས་ཆུ་མེ་རླུང་ནམ་མཁའི་ཁམས་ལྔ་དྲི་བཅས་ཡིད་ཤེས་ཀྱི་ཁམས་ཏེ་ཁམས་དྲུག་དང་ལྡན་པའི་མི་རྣམས་འཆི་བའི་ཚེ་རགས་པ་ཕུང་པོ་ལྔ་དང་ཁམས་ལྔ་ལ་སོགས་པ་རྣམས་རིམ་གྱིས་ཐིམ་ནས་ཕྲ་བ་སྣང་མཆེད་ཐོབ་གསུམ་ཀྱང་ཡོངས་སུ་རྫོགས་པ་ཐིམ་པའི་རྗེས་སུ་གཞི་དུས་ཀྱི་འོད་གསལ་སྤྲོས་པ་ཐམས་ཅད་དང་བྲལ་བ་ནམ་མཁའ་གཡའ་དག་པ་ལྟ་བུ་ཤར་བ་དང༌། དེའི་འདྲ་འབགས་ལྟ་བུ་མཚན་མོ་གཉིད་དུ་འགྲོ་བའི་ཚེ་ཡུལ་ལྔ་འཛིན་པའི་སྒོ་ལྔའི་རྣམ་ཤེས་ལྔ་པོ་ཡིད་ཤེས་ལ་ཐིམ། ཡིད་ཤེས་རྟོག་པ་དང་བཅས་པ་དེ་ཉིད་ཀུན་གཞིའི་བདག་ཉིད་གཉིད་འཐུག་སངས་ཏེ་ཆོས་ཀྱི་དབྱིངས་སུ་ཐིམ་པའི་ཚེ་འོད་གསལ་སྤྲོས་བྲལ་གྱི་ཡེ་ཤེས་འཆར་བ་གཉིས་དང་ཆ་མཐུན་པར་སྦྱོང་བྱེད་ཀྱི་ལམ། ལྷག་པར་མོས་པ་ཙམ་ལས་བྱུང་བའི་དཀྱིལ་འཁོར་གྱི་འཁོར་ལོ་ཡོངས་སུ་རྫོགས་པ་བསྒོམ་ནས་དེ་ཉིད་འཆི་བའི་སྡུད་རིམ་དང་མཐུན་པའི་ཚུལ་གྱིས་འོད་གསལ་

― ZP04_Page_320 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་བསྡུས་ནས་སྟོང་ཉིད་སྤྲོས་བྲལ་གྱི་ངང་ལ་མཉམ་པར་འཇོག་པ་སྟེ། འདིས་མར་མ་དག་འཁོར་བའི་དུས་ཀྱི་འཆི་སྲིད་དང་གཉིད་འཐུག་གི་བག་ཆགས་དག་པར་བྱེད། ཡང་སངས་རྒྱས་ཐམས་ཅད་ཀྱི་ཐུགས་ཆོས་སྐུ་སྤྲོས་པ་དང་བྲལ་བའི་ཡེ་ཤེས་ཀྱི་འབྲས་བུ་གཞི་ལ་རྫོགས་པར་བྱེད། བར་རྫོགས་རིམ་གྱི་དུས་སུ་དོན་དམ་བདེན་པ་འོད་གསལ་སྒོམ་པའི་སྨིན་བྱེད་དུ་འགྲོ་བ་ཡིན་ནོ། །གཉིས་པ་ཀུན་རྫོབ་བདེན་པ་སྒྱུ་ལུས་དང་རྗེས་སུ་མཐུན་པའི་ལམ་བར་དོ་ལོངས་སྐུའི་རྣལ་འབྱོར་ལ་བསླབ་པ་ནི། སྔར་བཤད་པའི་འཆི་སྲིད་ཀྱི་འོད་གསལ་དེ་ལས་སྣང་གསུམ་ལུགས་ལྡོག་ཏུ་ལང་སྟེ་རང་བཞིན་བརྒྱད་ཅུའི་རྟོག་ཚོགས་རིམ་གྱིས་མཆེད་ནས་བར་དོའི་ཡིད་ལུས་གྲུབ་པ་དང༌། གཉིད་ཀྱི་སྐབས་སུ་ཀུན་གཞི་རྟོག་མེད་ཀྱི་ངང་ནས་ཡིད་ཀྱི་ཤེས་པ་རྟོག་བཅས་ལང་ནས་རྨི་ལམ་གྱི་ཡིད་ལུས་བླངས་ཏེ་འཁྲུལ་སྣང་ལ་སྤྱོད་པ་དེ་དང་ཆ་མཐུན་པར། སྦྱོང་བྱེད་ཀྱི་ལམ་མེ་ལོང་ཡེ་ཤེས་ཀྱི་རང་བཞིན་ཟླ་བའི་དཀྱིལ་འཁོར། མཉམ་ཉིད་ཡེ་ཤེས་ཀྱི་རང་བཞིན་ཉི་མའི་དཀྱིལ་འཁོར་སོར་རྟོགས་ཡེ་ཤེས་ཀྱི་རང་བཞིན་ཕྱག་མཚན་ས་བོན་དང་བཅས་པ། བྱ་གྲུབ་ཡེ་ཤེས་ཀྱི་རང་བཞིན་རྣམ་གསུམ་གཅིག་ཏུ་འདྲེས་པའི་འོད་ཀྱི་གོང་བུ། ཆོས་དབྱིངས་ཡེ་ཤེས་ཀྱི་རང་བཞིན་སྐུ་

― ZP04_Page_321 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོངས་སུ་རྫོགས་པ་སྟེ་མངོན་པར་བྱང་ཆུབ་པ་ལྔའི་སྒོ་ནས་ལོངས་སྐུ་དང་པོའི་མགོན་པོ་རྣམ་པར་སྣང་མཛད་ཀྱི་སྐུ་བསྒོམ་པ་སྟེ་དེས་མར་མ་དག་འཁོར་བའི་དུས་སུ་བར་སྲིད་དང་རྨི་ལམ་གྱི་བག་ཆགས་དག་པར་བྱེད། །ཡང་དག་པ་སངས་རྒྱས་ཀྱི་སྐབས་སུ་སངས་རྒྱས་ལོངས་སྤྱོད་རྫོགས་སྐུའི་གོ་འཕང་གི་འབྲས་བུ་གཞི་ལ་རྫོགས་པར་བྱེད། བར་རྫོགས་རིམ་གྱི་དུས་སུ་ཀུན་རྫོབ་བདེན་པ་སྒྱུ་ལུས་ཀྱི་ལམ་བསྒོམ་པའི་སྨིན་བྱེད་དུ་འགྲོ་བ་ཡིན་ནོ། །གསུམ་པ་དབེན་པ་གསུམ་གྱི་རྫོགས་རིམ་དང་རྗེས་སུ་མཐུན་པའི་ལམ་སྐྱེ་བ་སྤྲུལ་སྐུའི་རྣལ་འབྱོར་ལ་བསླབ་པ་ནི། གཉིད་ཀྱི་སྐབས་སུ་རྨི་ལམ་འཁྲུལ་སྣང་གི་སྐབས་དེ་ལས་སླར་ཡང་སྒོ་ལྔའི་རྩ་སྦུབ་ཏུ་རླུང་རྒྱུ་བས་སད་དེ་ཉིན་སྣང་གི་འཁྲུལ་པ་ལ་སྤྱོད་པ་དང༌། འཆི་བའི་ཚེ་བར་དོའི་ཡིད་ལུས་དེ་ཉིད་མའི་མངལ་དུ་ཞུགས་ནས་རིམ་གྱིས་ཡན་ལག་དང་ཉིང་ལག་རྫོགས་ནས་བཙས་ཤིང་སྒོ་གསུམ་གྱི་ནུས་པ་རྩལ་རྫོགས་ཏེ་ཆུང་མ་ལེན་པ་སོགས་བྱ་བ་སྒྲུབ་པའི་གནས་སྐབས་རྣམས་དང་ཆ་མཐུན་པར། སྦྱོང་བྱེད་ཀྱི་ལམ་ཕུང་ཁམས་གཤེགས་པ་གཤེགས་མ་དབང་ཡུལ་སེམས་དཔའ་སེམས་མ། སྐྱེ་མཆེད་ཁྲོ་བོ་ཁྲོ་མོ་སྟེ་གདན་གསུམ་ལྷ་ཡི་དཀྱིལ་འཁོར་དུ་

― ZP04_Page_322 ―

^{[མ་དཔེ་གཟིགས་ན་འདིར་གནོན།]}

[Full Size]

སྒོམ་པར་བྱ་བ་ལས། དང་པོ་སྔར་བསྒོམ་པའི་ལོངས་སྐུ་རྣམ་པར་སྣང་མཛད་ཀྱི་ཐུགས་ཀ་ནས་སྤྲུལ་སྐུ་རྡོ་རྗེ་མི་བསྐྱོད་པ་སྤྲོས་ཏེ་འཁོར་འདས་ཀྱི་ཁམས་ཐམས་ཅད་ཁྱབ་ནས་དོན་གཉིས་མཛད་སླར་བྱོན་པ་དེའི་སྐུ་ལ་དང་པོའི་མགོན་པོ་དེ་ཉིད་ཞུགས་ནས་དབྱེར་མེད་དུ་འདྲེས་པ་ལས་སྤྲུལ་སྐུ་རྡོ་རྗེ་སེམས་དཔའ་བསྒོམ་སྟེ་དེའི་སྐུ་ལ་དཀྱིལ་འཁོར་བཀོད་པ་དང་གནས་གསུམ་བྱིན་གྱིས་རླབས་ནས་ལྷ་དམ་ཚིག་སེམས་དཔའ་དེའི། ཐུགས་ཀར་རང་འདྲ་བའི་ཡེ་ཤེས་སེམས་དཔའ་དང༌། དེའི་ཐུགས་ཀར་ཏིང་ངེ་འཛིན་སེམས་དཔའ་ཐུགས་སྲོག་གི་ཡིག་འབྲུ་ཤིན་ཏུ་ཕྲ་བ་བསྒོམ་ནས་སེམས་དཔའ་སུམ་བརྩེགས་སུ་བྱས་ཏེ། ལྷ་མོ་རིག་བྱ་རྡོ་རྗེ་མ་གཟུགས་དང་ལང་ཚོ་རྫོགས་པ་སྤྲུལ་ནས་དེ་དང་སྙོམས་པར་འཇུག་པའི་རྗེས་ཆགས་ཀྱི་སྒོ་ནས་རིག་མའི་འདོད་ཡོན་ལ་རོལ་པ་སོགས་ཀྱིས་མར་མ་དག་འཁོར་བའི་དུས་སུ་སྐྱེ་སྲིད་དང་སད་པའི་གནས་སྐབས་ཀྱི་བག་ཆགས་དག་པར་བྱེད། ཡར་སངས་རྒྱས་སྤྲུལ་པའི་སྐུ་གང་འདུལ་དུ་སྣང་བའི་འབྲས་བུ་གཞི་ལ་རྫོགས་པར་བྱེད། བར་རྫོགས་རིམ་གྱི་དུས་སུ་ལུས་དབེན་སྐུ་རྡོ་རྗེ། ངག་དབེན་གསུང་རྡོ་རྗེ། །སེམས་དབེན་ཐུགས་རྡོ་རྗེ་སྟེ་དབེན་པ་གསུམ་གྱི་རྫོགས་རིམ་གྱི་སྨིན་བྱེད་དུ་འགྲོ་བ་ཡིན་ནོ། །གཉིས་པ་རྫོགས་རིམ་ལ་གཉིས།

― ZP04_Page_323 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྲ་ཐིག་ལ་བརྟེན་ནས་བདེ་སྟོང་གི་ལྷ་སྐུ་ལ་བསླབ་པ་དང༌། རྫོགས་རིམ་རིམ་པ་ལྔའི་དོན་ལ་སྨོན་པ་དང་གཉིས་ལས། །དང་པོ་ནི། རང་གཙོ་བོ་ཡབ་ཡུམ་མཉམ་པར་སྦྱར་བའི་ཡབ་ཀྱི་གསང་བ་རྡོ་རྗེའི་སྣ་རྩེ་རྩ་ཨ་བ་དྷུ་ཏིའི་ནང་དུ་རླུང་སེམས་དྭངས་མའི་ཐིག་ལེ་ཡུང་དཀར་གྱི་འབྲུ་ཙམ་གྱི་དབུས་སུ་རྟེན་དང་བརྟེན་པའི་དཀྱིལ་འཁོར་རྫོགས་པར་བསྒོམ་སྟེ་དེ་ལ་སེམས་རྩེ་གཅིག་ཏུ་བཟུང་བས་རླུང་སེམས་ཀྱི་འདུ་བ་དབུ་མར་ཞུགས་ཏེ་གཏུམ་མོ་སྦར་བའི་དྲོད་ཀྱིས་ཁམས་བཞུ་བ་ལས་དགའ་བ། མཆོག་དགའ། དགའ་བྲལ། ལྷན་ཅིག་སྐྱེས་པའི་དགའ་བ་དང་བཞི་རིམ་ཅན་དུ་སྐྱེས་པའི་སྟོབས་ཀྱིས་རང་བཞིན་བརྒྱད་ཅུའི་རྟོགས་ཚོགས་ཐམས་ཅད་བཅོམ་སྟེ་རྟོག་བྲལ་ལྷན་སྐྱེས་ཀྱི་ཡེ་ཤེས་ཤར་བ་དེ་ཉིད་ཀྱི་ངང་དུ་མཉམ་པར་འཇོག་ཅིང༌། མཉམ་གཞག་དེ་ལས་ལངས་པའི་རྗེས་ཐོབ་རིགས་བརྒྱ་རིགས་ལྔ་རིགས་གསུམ་ལ་སོགས་པའི་བདེ་སྟོང་གི་ལྷ་སྐུ་ལ་བསྲབ་པའོ། །གཉིས་པ་རྫོགས་རིམ་རིམ་པ་ལྔའམ་དྲུག་ནི། དབེན་པ་གསུམ་གྱི་རྫོགས་རིམ། བདེན་པ་གཉིས་ཀྱི་རྫོགས་རིམ། བདེན་གཉིས་ཟུང་འཇུག་གི་རིམ་པ་དང་དྲུག་ལས། དང་པོ་ལུས་དབེན་བསྐྱེད་རིམ་དུ་བསྡུས་ནས་ལྷག་མ་ལྔ་ལ་རིམ་ལྔ་བྱེད་པའམ། ཡང་ན་ཟུང་འཇུག་འབྲས་བུར་བཞག་ནས་དབེན་གསུམ་དང་

― ZP04_Page_324 ―

^{[མ་དཔེ་གཟིགས་ན་འདིར་གནོན།]}

[Full Size]

བདེན་གཉིས་ལ་རིམ་ལྔར་བྱས་ཀྱང་རུང་ལ། གང་ལྟར་ཡང༌། ལུས་དབེན་ནི་སྔར་བསྐྱེད་རིམ་ཕྲ་རགས་བསྒོམ་པ་དེར་འདུ་ལ། ངག་དབེན་རྡོ་རྗེའི་བཟླས་པས་རླུང་འབྱིན་འཇུག་གནས་གསུམ་སྔགས་སུ་སྦྱངས་ཤིང་དབུ་མའི་གནད་རྣམས་སུ་རྡོར་བཟླས་བྱས་པས་དེར་རླུང་སེམས་ཀྱི་འཇུག་པ་བྱང་ནས་རབ་ལ་ངག་དབེན་སྐབས་ཀྱི་སྣང་གསུམ་སྐྱེ། མིན་ཀྱང་སེམས་དབེན་སྒོམ་རུང་དུ་བྱེད། དེ་ནས་སྙིང་ཀའི་རྩ་འཁོར་གྱི་དབུས་སུ་སེམས་བཟུང་ནས་རླུང་གི་རྣལ་འབྱོར་ལ་སྦྱང་བས་སེམས་དབེན་སྣང་གསུམ་གྱིས་དྲང་པའི་འོད་གསལ་ངོས་ཟིན། དེ་ནས་སེམས་དབེན་གྱི་འོད་གསལ་དེ་ལས་ལངས་པའི་རྗེས་ཐོབ་ཏུ་སྣོད་བཅུད་ལྷ་དང་གཞལ་ཡས་སུ་གསལ་བའི་རྫོགས་རིམ་གྱི་ལྷ་སྐུ་ཅིག་ཆར་བ་ལ་སྦྱང་པས་གོམས་ནས་ཐ་མལ་གྱི་ལུས་རྟེན་རག་པ་འདི་ལས་གོ་ས་གཞན་པའི་སྒྱུ་ལུས་རླུང་སེམས་ལྷ་སྐུ་བཞིན་ལག་གི་རྣམ་པ་ཅན་གྲུབ་པ་ན་སྒྱུ་ལུས་མཐར་ཕྱིན། དེ་ནས་རིལ་འཛིན་དང་རྗེས་གཞིག་གང་རུང་ལ་བརྟེན་ནས་སྒྱུ་ལུས་ཀྱི་ལྷ་སྐུ་དེ་ཉིད་འོད་གསལ་དུ་བསྡུ་བ་ལ་ཡང་ནས་ཡང་དུ་གོམས་པས། མཐར་སྒྱུ་ལུས་རླུང་སེམས་ཀྱི་ལྷ་སྐུ་དེ་ཡང་མཐོང་ལམ་གྱི་མངོན་བྱང་ལྔས་འོད་གསལ་དུ་བཅུག་ནས་སྤྲོས་པ་ཐམས་ཅད་དང་བྲལ་བའི་ཡེ་ཤེས་རྣམ་པར་མི་རྟོག་

― ZP04_Page_325 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཆོས་ཉིད་ཀྱི་བདེན་པ་མངོན་སུམ་དུ་མཐོང་བ་ནི་མཐོང་ལམ། །མཐོང་ལམ་འོད་གསལ་དེ་ལས་ལངས་པའི་རྗེས་ཐོབ་ཏུ་སྒྱུ་མ་ལྟ་བུའི་ལྷ་སྐུར་བཞེངས་པ་ནི་སྒོམ་ལམ་ཟུང་འཇུག་གི་ལྷ་སྐུ་སྟེ་སློབ་པའི་ཟུང་འཇུག །མཐར་ཐུག་ས་བཅུ་རྒྱུན་གྱི་ཐ་མར་སངས་རྒྱས་ལོངས་སྤྱོད་རྫོགས་པའི་སྐུ་ལས་འདོད་ཆགས་ཆེན་པོའི་དབང་བསྐུར་ནོད་ནས་དཀར་ཆ་དག་པ་སྐུ་རྡོ་རྗེ། དམར་ཆ་དག་པ་གསུང་རྡོ་རྗེ། ཤེས་རིག་དག་པ་ཐུགས་རྡོ་རྗེར་གྱུར་ནས། ཐུགས་ཆོས་སྐུ་སྤྲོས་པ་ཐམས་ཅད་དང་བྲལ་བའི་འོད་གསལ་དང༌། སྐུ་ལོངས་སྐུ་མཚན་དཔེས་བརྒྱན་པའི་སྒྱུ་ལུས་གཉིས་ཟུང་དུ་འཇུག་པ་ནི་འབྲས་བུ་མི་སློབ་པའི་ཟུང་འཇུག་ཡིན་ཏེ་བརྒྱུད་དང་བསྟུན་པའི་རྫོགས་རིམ་རིམ་པ་ལྔའོ། །གཉིས་པ་མ་རྒྱུད་ཨ་ནུ་ཡོ་གའི་ལམ་བསྐྱེད་རྫོགས་གཉིས་ལ་སྨོན་པ་ནི། མཚན་ཉིད་ཀུན་ལྡན་སོགས་ཀྱིས་བསྟན། གསང་སྔགས་རྡོ་རྗེ་ཐེག་པ་སྤྱི་དང་བྱེ་བྲག་གི་རྒྱུད་སྡེ་རྣམས་ནས་ཇི་ལྟར་བསྟན་པའི་མཚན་ཉིད་ཐམས་ཅད་ཡོངས་སུ་རྫོགས་པའི་བླ་མ་རྡོ་རྗེ་སློབ་དཔོན་ཡབ་ཡུམ་ཟུང་འབྲེལ་དུ་བཞུགས་པ་ལས་ལམ་དབང་གསང་བ་ཟབ་མོའི་དབང་གསུམ་གྱིས་རང་རྒྱུད་ལེགས་པར་སྨིན་པར་བྱེད་པ་ལས། གསང་དབང་དང་ཤེར་དབང་གི་སྐབས་སུ་ཁམས་བྱང་ཆུབ་

― ZP04_Page_326 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་སེམས་ཞུ་བདེའི་ཡེ་ཤེས་དགའ་བ་བཞིའི་འགྲོས་ཅན་དུ་སྐྱེས་པ་ལས་རིམ་པ་བཞིན་བུམ་དབང༌། གསང་དབང༌། ཤེས་རབ་ཡེ་ཤེས་ཀྱི་དབང༌། ཚིག་དབང་རིན་པོ་ཆེ་དང་བཞི་ཐོབ། དགའ་བ་བཞི་པའི་རང་བཞིན་ལྷན་སྐྱེས་ཀྱི་དགའ་བའི་མཐར་རང་བཞིན་བརྒྱད་ཅུའི་རྟོག་ཚོགས་རང་སར་འགག་སྟེ་སྤྲོས་བྲལ་གྱི་ཡེ་ཤེས་རྗེན་པར་ཤར་བས་རིག་པ་རྩལ་གྱི་དབང་ཐོབ་སྟེ། ཉོན་མོངས་པ་དང་ཤེས་བྱའི་སྒྲིབ་པའི་དྲི་མ་གཉིས་བཀྲུས། སངས་རྒྱས་སྐུ་བཞིའི་གོ་འཕང་ཐོབ་རུང་གི་ས་བོན་རྒྱུད་ལ་བཞག་པས་ལམ་ཉམས་སུ་ལེན་པའི་སྣོད་རུང་དུ་བྱས་ནས། ལམ་གྱི་རྟེན་དམ་ཚིག་དང་སྡོམ་པ་མཐའ་དག་སྲོག་ལྟར་དུ་བསྲུང་བས་ཟབ་ལམ་གྱི་རྟོགས་པ་སྐྱེ་བའི་སྣོད་དུ་གྱུར་པ་དང་ལམ་གྱི་དངོས་གཞི་བསྐྱེད་རྫོགས་རིམ་པ་གཉིས་ལས། །དང་པོ་ནི་མར་མ་དག་པའི་གནས་སྐབས་ཀྱི་སྐྱེ་ཤི་བར་དོ་གསུམ་སྦྱོང་བྱེད་སྟོང་ཉིད་དེ་བཞིན་ཉིད་ཀྱི་རྣལ་འབྱོར་སྒོམ་པ་འཆི་བ་ཆོས་སྐུའི་ལམ་ཁྱེར། སྙིང་རྗེ་སྒྱུ་མ་ལྟ་བུའི་རྣལ་འབྱོར་བསྒོམ་པ་དེ་བར་དོ་ལོངས་སྐུའི་ལམ་ཁྱེར། སྣོད་བཅུད་ལྷ་དང་གཞལ་ཡས་སུ་གསལ་བ་སྐྱེ་བ་སྤྲུལ་སྐུའི་ལམ་ཁྱེར་དང་གསུམ་ལ་བརྟེན་ནས་རིམ་པ་དང་པོ་བསྐྱེད་རིམ་མཐར་ཕྱིན་པར་སྨོན་པའོ། །གཉིས་པ་རྫོགས་རིམ་ནི། བདེ་སྟོང་གཉིས་སུ་མེད་

― ZP04_Page_327 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཡེ་ཤེས་ཀྱི་རྩལ་ལས་ཕྱི་སྣོད་ལྟར་སྣང་བ་གཞལ་ཡས་ཁང་དང༌། ནང་བཅུད་ཀྱི་འགྲོ་བ་ལྷ་ཡི་དཀྱིལ་འཁོར་དུ་གསལ་ཞིང་རང་ལུས་དཀྱིལ་འཁོར་དུ་ཤེས་པས་ལུས་དཀྱིལ་གྱི་ལྷ་ཚོགས་བསྒོམ་ཤིང༌། རྩ་ཡི་གེའི་དཀྱིལ་འཁོར་དང་ཁམས་བདུད་རྩིའི་དཀྱིལ་འཁོར་གཉིས་ཀ་དཔའ་བོ་དང་རྣལ་འབྱོར་མའི་ཚུལ་དུ་ཤེས་པས། །དང་པོ་རླུང་གི་རྣལ་འབྱོར་ལ་བརྟེན་ནས་སྣང་བ་བཞི་རིམ་གྱིས་ཐིམ་ནས་སྟོང་པ་བཞིའི་འོད་གསལ་སྐྱེ་བའི་ཐབས་ཀྱིས་རྫོགས་རིམ་བདེ་སྟོང་གི་ཡེ་ཤེས་སྐྱེ་བའི་སྣོད་རུང་དུ་བྱས་ནས། དངོས་གཞིའི་སྐབས་སུ་རོ་རྐྱང་ཉི་ཟླའི་ལམ་ནས། སྲོག་འཛིན། མེ་མཉམ་ཁྱབ་བྱེད་གྱེན་རྒྱུ། ཐུར་སེལ་སྟེ་རྩ་བའི་རླུང་ལྔ། ས་ཆུ་མེ་རླུང་ནམ་མཁའི་རླུང་སྟེ་དཀྱིལ་འཁོར་བཅུའི་རླུང་ཐམས་ཅད་དབུ་མ་སྒྲ་གཅན་གྱི་ལམ་དུ་འགོགས་པར་བྱེད་པའི་ཐབས་ཀྱིས་མུན་ཅན་སྒྲ་གཅན་གྱི་ལམ་ནས་གཏུམ་མོའི་མེ་འབར་བས་དཀར་ཆ་བྱང་ཆུབ་ཀྱི་སེམས་ཧཾ་ཡིག་གི་གཟུགས་ཅན་དེ་ཉིད་ཞུ་བ་ལས་དགའ་བ་བཞིའི་ཡེ་ཤེས་རིམ་ཅན་དུ་སྐྱེས་པ་ལས་རང་བཞིན་ལྷན་སྐྱེས་ཀྱི་བདེ་བས་མཉམ་གཞག་རྣམ་པར་མི་རྟོག་པའི་ཡེ་ཤེས་དྲངས་པ་དེ་ཉིད་འཁོར་འདས་ཆོས་རྣམས་ཀུན་གྱི་གནས་ལུགས་སྤྲོས་བྲལ་ཕྱག་རྒྱ་ཆེན་པོ་དོན་གྱི་ཡེ་ཤེས་དང་ངོ་བོ་དབྱེར་མེད་དུ་གྱུར་བའི་བདེ་སྟོང་དཔེ་ཡི་ཡེ་ཤེས་ཀྱི་ངང་དུ་མཉམ་

― ZP04_Page_328 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བཞག་ཅིང༌། དེ་ལས་ལངས་པའི་རྗེས་ཐོབ་ཏུ་ཅིར་སྣང་སྒྱུ་འཕྲུལ་དྲྭ་བའི་དཀྱིལ་འཁོར་དུ་རྫོགས་པའི་བདེ་སྟོང་དབྱེར་མེད་པའི་ལྷའི་རྣལ་འབྱོར་ལ་བསླབ་པས་མ་དག་པའི་སྐྱེ་ཤི་བར་དོ་གསུམ་གྱི་འཕྲང་ལས་ཐར་བར་བྱེད་དོ། །གསུམ་པ་རྫོགས་པ་ཆེན་པོ་ཨ་ཏི་ཡོ་ག་ལ་ཕྱི་སེམས་སྡེ། ནང་ཀློང་སྡེ། གསང་བ་མན་ངག་གི་སྡེ་དང་གསུམ་ལས་དང་པོ་ཕྱི་སེམས་སྡེ་ནི། དོན་གྱི་ལྷན་ཅིག་སྐྱེས་པའི་ཡེ་ཤེས་ནི་སོགས་ཀྱིས་བསྟན་ཏེ། སྔར་མ་ཧཱ་ཨ་ནུའི་སྐབས་ཀྱི་བདེ་གསལ་དཔེའི་ཡེ་ཤེས་དེ་ཉིད་ཉམས་ཞེན་གྱི་ཤུབ་དང་བྲལ་ནས་མཚན་ལྡན་གྱི་བླ་མ་དམ་པས་ངོ་སྤྲད་དེ་དོན་གྱི་ལྷན་ཅིག་སྐྱེས་པའི་ཡེ་ཤེས་ཨ་ཏི་ཡེ་དག་རོ་མཉམ་ཆེན་པོའི་དགོངས་པ་དེ་ཉིད་མངོན་དུ་གྱུར་པའི་སྐབས་སུ། སེམས་ཀྱི་ཆོས་ཉིད་སྤྲོས་བྲལ་གྱི་ཡེ་ཤེས་དེ་ཉིད། དངོས་པོ་དང་མཚན་མའི་ཆོས་སུ་ཡོད་པ་མ་ཡིན། རང་བཞིན་གཉུག་མའི་ངོས་ནས་མེད་པ་མ་ཡིན། སངས་རྒྱས་ཀྱི་ཆོས་སྐུ་དང་ཡེ་ཤེས་རྒྱ་མཚོས་སྟོང་པ་མ་ཡིན། བདེན་ཞེན་ཨ་འཐས་ཀྱི་སྣང་བས་མི་སྟོང་པ་མ་ཡིན། རང་བཞིན་དོན་དམ་པའི་གཤིས་ལ་གཞལ་ན་སྐྱེ་བ་དང་འགགས་པ། གནས་པ་དང་དམིགས་པ། འགྲོ་འོང་ལ་སོགས་པ་གང་གིའང་རང་བཞིན་མ་གྲུབ་པས་ཐམས་ཅད་མིན། ཅང་མེད་ཆད་པའི་རང་བཞིན་ཡང་མ་ཡིན་ཏེ་ཡེ་ནས་

― ZP04_Page_329 ―

^{[མ་དཔེ་གཟིགས་ན་འདིར་གནོན།]}

[Full Size]

སྣང་སྟོང་བདེ་སྟོང་གསལ་སྟོང་རིག་སྟོང་སོགས་གཉིས་སུ་མེད་པའི་ཟུང་འཇུག་གི་ཡེ་ཤེས། དངོས་པོ་དང་ཐེར་ཟུག་གི་ཆོས་སུ་མེད་པས་རྟག་པ་མ་ཡིན། འཁོར་བ་དང་མྱ་ངན་འདས་ཀྱི་བར་དུ་ཁྱད་པར་མེད་པས་ཆད་པ་མ་ཡིན། འཁོར་བ་དང་མྱ་ངན་འདས་ཀྱི་བར་དུ་ཁྱད་པར་མེད་པས་ཆད་པ་མ་ཡིན། རང་གི་ངོ་བོ་འདི་ལྟ་བུ་ཡིན་ནོ་ཞེས་ངག་ཏུ་སྨྲ་རུ་མེད། ཡིད་ཀྱིས་བསམ་དུ་མེད། གཞན་ལ་བརྗོད་པར་དཀའ་བའི་བདག་ཉིད་རང་སེམས་ལྷན་སྐྱེས་ཀྱི་ཡེ་ཤེས་དང་དབྱེར་མེད་པས་རང་གནས་ཡེ་ཐོག་མ་མེད་པའི་དུས་ནས་རང་ལ་གནས་པས་ཡེ་གནས། སྣང་སྲིད་འཁོར་འདས་ཀྱི་ཆོས་ཐམས་ཅད་རིག་པ་བྱང་ཆུབ་སེམས་ཀྱི་རྩལ་དུ་རྫོགས་པས་རྫོགས་པ་ཆེན་པོ། དོན་དམ་པར་དངོས་དང་དངོས་མེད་གང་དུའང་མ་གྲུབ་པས་གྲུབ་མཐའི་བློས་བཞག་གི་ལྟ་བ་ཀུན་ཀྱང་མིན། སྣང་བ་སྟོང་པ་ལ་སོགས་ཕྱོགས་རེ་ནས་གཞལ་ན་གང་ལྟར་ཡང་མི་འགལ་བས་ཐམས་ཅད་ཡིན། བློ་ཡིས་བཀོད་པའི་དུས་ན་དྲན་བསམ་བརྗོད་པའི་སྒྲོ་འདོག་ཐམས་ཅད་ལས་འདས་ཤིང༌། གཤིས་རྣལ་མའི་ངོས་ནས་སྣང་སྲིད་འཁོར་འདས་ཀྱི་ཆོས་ཐམས་ཅད་མིང་ཙམ་བཏགས་པ་ཙམ་དོན་རང་སྟེང་ན་གྲུབ་པའི་ངོ་བོ་རྡུལ་ཕྲ་རབ་ཙམ་ཡང་མེད་པས། ཇི་ལྟར་སྣང་བཞིན་པའི་དུས་སུའང་སྒྱུ་མའི་དམག་ལ་འཐབ་མོ་དང༌། སྨིག་རྒྱུའི་ཆུ་ལ་ཆུ་རག་མི་དགོས་པ་བཞིན་དུ་

― ZP04_Page_330 ―

^{[མ་དཔེ་གཟིགས་ན་འདིར་གནོན།]}

[Full Size]

སྣང་ཙམ་ལ་དགག་སྒྲུབ་གང་ཡང་མེད་པར་ཝལ་ལེ་ཤིག་གེ་ཉམས་སུ་ལེན་པ་དང༌། ཚིག་གིས་གསལ་འདེབས་པ་དང་སྤྲོས་པའི་བློས་བཅོས་པ་སོགས་གང་ཡང་མི་དགོས་པར་བསྐྱེད་རྫོགས་དབྱེར་མེད་པ་ལྷ་སྔགས་ལྷུན་གྲུབ་ཆེན་པོའི་རང་བཞིན་དུ་ཉམས་སུ་ལེན་ཞིང༌། གང་ལྟར་ཡང་དེར་འཛིན་གྱི་གཏད་སོ་ཐམས་ཅད་དང་བྲལ་བ་བསམ་བརྗོད་ཀྱི་ཡུལ་ལས་འདས་པ་ནི་ཨ་ཏི་རྡོ་རྗེ་སྙིང་པོའི་ལྟ་བའོ། །གཉིས་པ་ནང་ཀློང་སྡེ་ནི། ཁྱད་པར་འོད་གསལ་རྡོ་རྗེ་སྙིང་པོའི་དོན་སོགས་ཀྱི་སྐབས་སུ། ཁྱད་པར་འོད་གསལ་རྡོ་རྗེ་སྙིང་པོའི་གནས་ལུགས་ཡིད་དཔྱོད་དང་བྲལ་བའི་སྒོམ་པ་ནི། རང་བབས་རང་བཞག་གི་སྒོམ་པ་ཡིན་པས་ཕུང་པོ་རྣམ་དཔྱད་ཀྱི་སྟོང་པས་ཕན་མ་བཏགས། རང་གི་རང་བཞིན་རང་སོར་བཞག་པས་སོ་མ། གཉུག་མ་རང་བབས་སུ་བཞག་པས་རང་བཞག །ཆེད་དུ་བློས་བཅོས་པ་མེད་པས་མ་བཅོས། བྱ་རྩོལ་དང་སྤྲོས་པ་མེད་པས་རང་གམ། རང་བཞིན་ཐ་མལ་དུ་གནས་པས་ཐ་མལ་ཤེས་པ། རང་གི་ངོ་བོ་རྣམ་པར་གྲོལ་བའི་བདག་ཉིད་དུ་གནས་པས་རང་གྲོལ། རྟོག་པ་གང་སྐྱེས་ཤར་གྲོལ་དུ་འགྱུར་བས་གཉེན་པོས་བཅོས་མི་དགོས། ཆོས་ཐམས་ཅད་རང་བཞིན་གྱིས་བདེན་པ་མེད་པ་ཡེ་གྲོལ་དུ་གནས་པས་བསྐྱར་ནས་གྲོལ་བར་བྱ་བའི་གཞི་མེད་དེ་གདོད་མའི་

― ZP04_Page_331 ―

^{[མ་དཔེ་གཟིགས་ན་འདིར་གནོན།]}

[Full Size]

ངང་དུ་གནས། རྣམ་རྟོག་གང་སྐྱེས་ཀྱི་ངོ་བོ་ལ་གཅེར་གྱིས་བལྟས་པས་ངོ་བོ་མེད་པར་ཐུག་ཕྲད་དུ་གྲོལ་བས་བདེན་པའི་ཆོས་ཀྱི་སྟོང༌། གཉེན་པོ་གཞན་ལ་མ་ལྟོས་པར་ངང་གིས་རང་གྲོལ་པས་སྙིང་པོ་མེད་དེ་རང་བཞག་གི་ངང་ལས་མི་འདའ་འགྱུ་བ་གང་སྐྱེས་སྐྱེས་གྲོལ་དུ་དག་པས་རང་སར་དག་སྟེ་སྐད་ཅིག་མའི་རྒྱུན་མི་འཐུད། ཤར་བ་དང་གྲོལ་བ་དུས་མཉམ་པས་སྤངས་གཉེན་སྔ་ཕྱི་མེད། དེས་ན་ད་ལྟའི་ཤེས་པ་སྐད་ཅིག་མ་ངོ་ཤེས་པའི་ངང་ལ་བཟོ་བཅོས་གང་ཡང་མི་བྱེད་པར་ཆམ་གྱིས་འཇོག་པས་རང་བཞག་བདེ་ཆེན་གྱི་ཡེ་ཤེས་རང་བབས་ཀ་དག་གི་དགོངས་པ་ཀློང་དུ་གྱུར་པ་ནི། དེས་ན་ད་ལྟའི་ཤེས་པ་སྐད་ཅིག་མ་ངོ་ཤེས་པའི་ངང་ལ་བཟོ་བཅོས་གང་ཡང་མི་བྱེད་པར་ཆམ་གྱིས་འཇོག་པས་རང་བཞག་བདེ་ཆེན་གྱི་ཡེ་ཤེས་རང་བབས་ཀ་དག་གི་དགོངས་པ་ཀློང་དུ་གྱུར་པ་ནི། ངོ་བོ་སྟོང་པ་ཆོས་སྐུ། རང་བཞིན་གསལ་བ་ལོངས་སྐུ། ཐུགས་རྗེ་རིག་པའི་ཡེ་ཤེས་སྤྲུལ་པའི་སྐུ་སྟེ་སྐུ་གསུམ་དབྱེར་མེད་ཀྱི་ཡེ་ཤེས་བསལ་བཞག་བྲལ་བ་རྟོགས་པར་སྨོན་པའོ། །གསུམ་པ་མན་ངག་གི་སྡེ་ནི། ཤེས་རབ་རང་བྱུང་གི་སྒྲོན་མ་སྤྲོས་བྲལ་གཉུག་མའི་ཡེ་ཤེས་ཀ་དག་ཁྲེག་ཆོད་ཀྱི་དགོངས་པ་རིག་པ་ཟང་ཐར་དུ་རྟོགས་པ་དེའི་དབྱིངས་ནས་འོད་གསལ་གྱི་སྣང་བ་དཔག་ཏུ་མེད་པ་འཆར་བའི་སྐབས་སུ་རྒྱང་ཞགས་ཆུའི་སྒྲོན་མ་འོད་རྩ་དར་དཀར་གྱི་སྐུད་པ་ལྟ་བུའི་རིག་གདང་འཆར་བའི་སྒོ་ཕྱེ་ནས། དག་པ་དབྱིངས་ཀྱི་སྒྲོན་མ་འོད་

― ZP04_Page_332 ―

^{[མ་དཔེ་གཟིགས་ན་འདིར་གནོན།]}

[Full Size]

ལྔ་འཇའ་ཚོན་གྱི་སྣང་བས་ཞིང་ཁམས་དང་གཞལ་ཡས་ཀྱི་རྒྱན་འགྲམ། ཐིག་ལེ་སྟོང་པའི་སྒྲོན་མ་འོད་ཁྱིམ་ཟླུམ་པོའི་རྣམ་པ་ལས་ཞི་ཁྲོའི་དཀྱིལ་འཁོར་བུ་འཆར་བ་སྟེ། དེ་ཡང་དང་པོ་ཆོས་ཉིད་མངོན་སུམ་གྱི་སྐབས་སུ་རྒྱུ་ཡིས་མ་བསྐྱེད་པའི་འོད་ལྔ་འཇའ་ཚོན་གྱི་སྣང་བ་དབྱིངས་སུ་ཤར། །བར་དུ་སྣང་ཉམས་གོང་འཕེལ་གྱི་སྐབས་སུ་དེ་ཉིད་ཆེར་མཆེད་ནས་རིག་པ་ཚད་ལ་ཕེབས་པའི་ཚེ་རྐྱེན་གྱིས་མ་བསྐྱེད་པའི་སྣང་ཉམས་རིགས་ལྔ་ཡབ་ཡུམ་ཟུང་དུ་འབྲེལ་བའི་ཚོམ་བུའི་དཀྱིལ་འཁོར་དུ་གྲུབ། ཐ་མར་ཆོས་ཉིད་ཟད་པའི་སྐབས་སུ་ལྟ་བའི་གནས་དག་སྟེ་རིག་པ་ཚད་ཕེབས་ཀྱི་སྣང་ཆ་དབྱིངས་སུ་བསྡུས་ནས་དབྱིངས་རིག་དབྱེར་མེད་དུ་འདྲེས། ཤེས་ཉམས་ཡིད་དཔྱོད་དང་བྲལ་བའི་ཆོས་ཉིད་སྣང་ཉམས་དབང་པོའི་མངོན་སུམ་མཐོང་བ་འོད་གསལ་ཐོད་རྒལ་གྱི་ཉམས་ལེན་མཐར་ཕྱིན་པར་སྨོན་པའོ། །རྗེས་དེ་དག་གི་དོན་བསྡུ་བ་ནི། ཁྲེག་ཆོད་སོགས་་ཀ་དག་ཁྲེག་གཅོད་ཀྱི་ལྟ་བས་སྲིད་པའི་ཁུང་བདག་འཛིན་གྱི་རྩ་བ་བཅད་དེ་རང་གནས་ཆོས་ཉིད་ཀྱི་གདར་ཤ་བཅད། ལྷུན་གྲུབ་ཐོད་རྒལ་སྒོམ་པས་སྐུ་གསུམ་ལམ་སྣང་དུ་རྩལ་རྫོགས་ནས། འབྲས་བུ་གྲོལ་བའི་ཀ་དག་གདོད་མའི་གཞི་རྣམ་པར་དག་པའི་ཆོས་ཉིད་དང་ངོ་བོ་དབྱེར་མེད་པ། གདོད་མའི་སངས་རྒྱས་

― ZP04_Page_333 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་ཏུ་བཟང་པོའི་དགོངས་པ། འཁོར་འདས་དབྱེར་མེད་ཐིག་ལེ་ཉག་གཅིག་ཏུ་སྣང་བ་དེ་ལས་སྤྲོས་པའི་ཚེ་ན་སྐུ་གསུམ་དག་པའི་ཞིང་ཁམས་སྣོད་བཅུད་དང་བཅས་པ་མ་འདྲེས་པར་སྣང་ཞིང་བསྡུས་ཚེ་སྟོང་ཉིད་སྙིང་རྗེ་དབྱེར་མེད་པའི་རང་བཞིན་ཡེ་ཤེས་ཆོས་སྐུའི་བདག་ཉིད་སྤྲོས་བྲལ་ཐིག་ལེ་ཉག་གཅིག་གི་ཡུལ་ལ་གཡོ་བ་མེད་པར་སྨོན་པའོ།། །སརྦ་མངྒ་ལཾ། །

དབང་བཞིའི་རྣམ་བཤད་རིན་ཆེན་ཕུང་པོ།

― ZP04_Page_335 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱབས་རྗེ་རིན་པོ་ཆེའི་གསུང་ལས་འཕྲོག་པའི་དབང་བཞིའི་རྣམ་བཤད་རིན་ཆེན་ཕུང་པོ་བཞུགས། །

― ZP04_Page_336 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་མ་ཎི་པདྨེ་ཧཱུྃ་ཧྲཱིཿ སངས་རྒྱས་ཀུན་འདུས་མགོན་པོ་སྤྱན་རས་གཟིགས། གང་དང་དབྱེར་མེད་དྲིན་ཅན་ཆོས་ཀྱི་རྗེ། །རྩ་བའི་བླ་མའི་ཞབས་ལ་ཕྱག་འཚལ་ནས། །དབང་བཞིའི་གོ་དོན་ཉུང་གསལ་བྲི་བར་འདོད། དེ་ལ་སྤྱིར་སྐལ་པ་མཆོག་དང་ལྡན་པའི་གང་ཟག་ཚེ་གཅིག་གིས་མགོན་པོ་རྡོ་རྗེ་འཆང་གི་གོ་འཕང་ཐོབ་པར་འདོད་པའི་བློ་རབ་གསང་སྔགས་རྡོ་རྗེ་ཐེག་པའི་ལམ་ལ་སློབ་པར་འདོད་པ་དག་གི་དང་པོའི་འཇུག་སྒོ་མ་ནོར་བ་ནི་སྨིན་བྱེད་དབང་བསྐུར་བ་ཉིད་ཡིན་ཏེ། ཇི་སྐད་དུ། དོ་ཧ་ལས། ཨེ་མ་རིན་ཆེན་དབང་དང་བྲལ་བའི་སྐྱེས་བུ་ནི། གདོལ་བ་དམན་པ་ཞིག་གིས་རྒྱལ་པོར་རེ་སྨོན་བཞིན། ཞེས་དང༌། རྒྱུད་ལས། དབང་མ་བསྐུར་བར་དངོས་གྲུབ་མེད། བྱེ་མ་བཙིར་ལས་ཞུན་མར་བཞིན། ཞེས་

― ZP04_Page_337 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་གསུང་པ་དང༌། དབང་བསྐུར་མཐོང་པར་གསང་སྔགས་རྡོ་རྗེ་ཐེག་པའི་ལམ་བསྐྱེད་རྫོགས་དང༌། གྲོགས་བསྙེན་བསྒྲུབ་སོགས་གང་ལ་བསླབ་ཀྱང་གསང་སྔགས་རང་ཉིད་ལེན་པའི་ཉེས་པ་འབྱུང་ཞིང་མཁའ་འགྲོ་དང་གྲུབ་པ་ཅན་དག་གིས་བསད་ནས་སེམས་ཅན་དམྱལ་བར་འགྲོ་བར་འགྱུར་ལ། བླ་མ་མཚན་ཉིད་དང་ལྡན་པ་ལས་དབང་བཞི་ཚུལ་དང་མཐུན་པ་ཞིག་ཐོབ་ཕན་ཚད་རབ་དབང་བསྐུར་གྱི་དུས་དེ་ཉིད་དུ་སྨིན་གྲོལ་ཅིག་ཆོད་དུ་གྱུར་ནས་མཆོག་གི་དངོས་གྲུབ་ཐོབ་པའང་ཡོད། འབྲིང་ཉམས་ལེན་བསྐྱེད་རྫོགས་ལ་འབད་པས་ཚེ་འདིར་མཆོག་གྲུབ་པ་དང༌། ཐ་མ་ཡང་དམ་ཚིག་མ་ཉམས་ན་ཚེ་རབས་གཞན་དུ་རྡོ་རྗེ་ཐེག་པའི་ཆོས་དང་བླ་མ་ཡང་དག་པ་འཇལ་ཞིང་རྗེས་སུ་བཟུང་ནས་གྲོལ་བར་འགྱུར་ཏེ། ཇི་སྐད་དུ། དབང་

― ZP04_Page_338 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐུར་ཡང་དག་སྦྱིན་ལྡན་ན། སྐྱེ་ཞིང་སྐྱེ་བར་དབང་བསྐུར་འགྱུར། དེ་ཡི་སྐྱེ་བ་བདུན་ན་ནི། མ་བསྒོམ་པར་ཡང་དངོས་གྲུབ་འཐོབ། ཅེས་སོ། །དབང་བསྐུར་བའི་དེ་ཡང་སྤྱིར་རྒྱུད་སྡེའི་རྣམ་གྲངས་དང་བསྟུན་པའི་གྲངས་དང་དབྱེ་སྒོ་མི་འདྲ་བ་དུ་མ་ཡོད་ཀྱང་ཐམས་ཅད་མདོར་བསྡུ་ན་གསང་སྔག་ཕྱི་ནང་ཐུན་མོང་དུ་གྱུར་བ་ཐུན་མོང་རིག་པའི་དབང་ལྔ་དང༌། ནང་རྒྱུད་བླ་ན་མེད་པའི་ཐུན་མོང་མ་ཡིན་པ་གསང་བ་ཟབ་མོའི་དབང་གསུམ་སྟེ་བརྒྱད་པོ་འདིར་མ་འདུས་པ་མེད་མོད། འོན་ཀྱང་བླ་མེད་ཀྱི་བུམ་དབང་ནི་སྤྱིར་ཡི་དམ་གྱི་ལྷའི་བསྐྱེད་རིམ་སྒོམ་བཟླས་ཕྱིའི་རྣལ་འབྱོར་ལ་དབང་བར་བྱེད་པ་ཡིན་པས་ཐུན་མོང་རིག་པའི་དབང་ལྔ་དང་རྣམ་པ་མཚུངས་པ་ཙམ་ཡིན་མོད་ཀྱང་དོན་དུ་འཆད་འགྱུར་ལྟར་གང་དུ་བསྐུར་བའི་དཀྱིལ་འཁོར། ཇི་ལྟར་བསྐུར་བའི་ཐབས། གང་ལ་བསྐུར་བའི་གནས། ཅིའི་ཕྱིར་བསྐུར་བའི་དགོས་པ་རྣམས་མི་འདྲ་བས་ཕྱི་རྒྱུད་ཀྱི་ཐུན་མོང་རིག་པའི་དབང་ལྔ་ཙམ་གྱིས་བླ་མེད་ཀྱིས་བུམ་དབང་ཐུན་མོང་མ་ཡིན་པ་འདིའི་དོད་མི་ཐུབ་ཅིང༌། གནས་སྐབས་ཡི་དམ་གྱི་ལྷ་ངོ་བསྟན་ནས་སྒོམ་བཟླས་ལ་དབང་བར་བྱེད་པ་ཙམ་བུམ་དབང་གི་ཞོར་ལ་འདུ་བས་ཐུན་མོང་རིག་པའི་དབང་ལྔ་ཡང་བུམ་དབང་གི་ཡན་ལག་ལྟ་བུར་འགྱུར་ཞིང་དེར་འདུ་བས། མདོར་ན་གསང་སྔགས་རྡོ་རྗེ་ཐེག་པའི་དབང་བསྐུར་ཐམས་ཅད་དབང་བཞིར་འདུས་པ་ཡིན་ནོ། །དབང་བཞི་པོ་དེ་ཡང་གང་དུ་བསྐུར་བའི་དབང་རང་རང་ལ་ལྟོས་པའི་དཀྱིལ་འཁོར་སྔོན་དུ་འགྲོ་བ་ཅན་ཡིན་གྱིས་དཀྱིལ་

― ZP04_Page_339 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་ལ་མ་བརྟེན་པར་དབང་བསྐུར་བ་ནི་མི་སྲིད་དེ། སློབ་དཔོན་དྲིལ་བུ་བས། །དབང་བསྐུར་དཀྱིལ་འཁོར་སྔོན་འགྲོ་བ། རྡོ་རྗེ་འཆང་གིས་བཤད་པ་སྟེ། ཞེས་གསུངས་པ་ལྟར་རོ། །དེ་ནས་དང་པོ་བུམ་པའི་དབང་གང་དུ་བསྐུར་བའི་དཀྱིལ་འཁོར་ནི་གསུམ་ཏེ་སྤྲོས་པ་ལ་དགའ་བས་རྒྱས་པར་རྡུལ་མཚོན་གྱི་དཀྱིལ་འཁོར་ལ་བརྟེན་པ་དང༌། སྤྲོས་པ་འབྲིང་གི་དབང་དུ་བྱས་ན་རས་བྲིས་ཀྱི་དཀྱིལ་འཁོར་ལ་བསྟེན་པ་དང༌། བློ་རབ་སྤྲོས་དང་བྲལ་བའི་དབང་དུ་སློབ་དཔོན་ལུས་ཀྱི་དཀྱིལ་འཁོར་དུ་འཇུག་པའང་ཡོད་དེ། དྲིལ་བུ་པས། བཅོས་མ་གཉིས་ཀྱི་ངོ་བོ་གང༌། དེ་ནི་གདུལ་བྱའི་དབང་ལས་འདོད། མཁས་པས་བསྒྲུབ་བྱ་དེ་མ་ཡིན། ཅེས་པ་རྡུལ་མཚོན་དང་རས་བྲིས་གཉིས་གདུལ་བྱ་བློ་དམན་པའི་དབང་དུ་བྱས་ཀྱི་མཁས་པས་དོན་དུ་གཉེར་བྱ་མ་ཡིན་པར་བསྟན་ནས། །བློ་རབ་ཀྱི་ངོར་འགྲོ་བ་འདི་ཀུན་རང་བཞིན་གྱི། གྲུབ་པའི་དཀྱིལ་འཁོར་གཉིས་མེད་པའོ། །ཞེས་གསུང་ཞིང་རྡོ་རྗེ་ལུས་ཀྱི་དཀྱིལ་འཁོར་ལ་བརྟེན་ནས་འཇུག་པར་བཤད་པའང་ཡོད་མོད། བློ་འབྲིང་མན་ཆད་ལས་དང་པོ་རྣམས་ནི་དང་པོ་དཀྱིལ་འཁོར་དུ་མ་ཞུགས་པར་དབང་བསྐུར་དུ་མི་རུང་བས་དང་པོ་དཀྱིལ་འཁོར་དུ་འཇུག་པ་གལ་ཆེ་ཞིང་དེ་ལ་དང་པོ་དཀྱིལ་འཁོར་མེད་པར་འཇུག་དུ་མི་རུང་པས་དཀྱིལ་འཁོར་

― ZP04_Page_340 ―

^{[མ་དཔེ་གཟིགས་ན་འདིར་གནོན།]}

[Full Size]

བཞེངས་པ་དང༌། སྒྲུབ་ཅིང་མཆོད་པ་གལ་ཆེའོ། །དཀྱིལ་འཁོར་བཞེངས་པ་དེ་ལའང་རྒྱས་པར་རྡུལ་ཚོན་གྱི་དཀྱིལ་འཁོར་གྱི་དབང་དུ་བྱས་ན་ས་ཆོག་དང་སྟ་གོན་དཀྱིལ་འཁོར་སྒྲུབ་པ་སོགས་ཡན་ལག་ཚང་བར་བྱ་དགོས་ཤིང༌། རས་བྲིས་ལ་ས་ཆོག་གི་ཡན་ལག་འགའ་ཞིག་མེད་ཀྱང་ཆོག་པའང་ཡོད་མོད་ཀྱི་གཞན་ཕལ་ཆེར་ངེས་པར་དགོས་ཤིང་གང་ལྟར་ཡང་ཆོ་གའི་ཡན་ལག་མ་ཚང་ན་སློབ་མའི་རྒྱུད་སྨིན་པར་མི་ནུས་ཤིང་སློབ་དཔོན་ལའང་ཉེས་པ་དང་བཅས་པར་འགྱུར་པས་ཆོ་གའི་ཡན་ལག་རྣམས་ཚང་པར་བྱེད་པ་ནི་ཅིས་ཀྱང་གལ་ཆེ་བ་ཡིན་ནོ། །དབང་བསྐུར་བ་དངོས་ལ་དང་པོ་དཀྱིལ་འཁོར་དུ་འཇུག་པ་དང༌། ཞུགས་པ་ལ་དབང་བསྐུར་བ་གཉིས། དང་པོ་དཀྱིལ་འཁོར་དུ་འཇུག་པ་ལ་ཡང་སློབ་དཔོན་རང་ཉིད་འཇུག་པ་དང༌། སློབ་མ་དཀྱིལ་འཁོར་དུ་འཇུག་པ་གཉིས། དང་པོ། སློབ་དཔོན་རང་ཉིད་འཇུག་པ་ནི་རྒྱས་པར་སློབ་མ་ལ་དབང་ཇི་ལྟར་བསྐུར་བའི་ཚུལ་དུ་བདག་འཇུག་བླང་བ་དང༌། བསྡུ་ན་རིག་པའི་མེ་ཏོག་དོར་བ་ཙམ་གྱིས་ཀྱང་ཆོག་སྟེ། སྒྱུ་འཕྲུལ་ལས། ཀུན་བྱས་དབང་ཕྱུག་རིག་པས་འཇུག །དེ་ནས་སློབ་མ་གཞུག་པར་བྱ། ཞེས་པ་ལྟར་རོ། །གཉིས་པ་སློབ་མ་དཀྱིལ་འཁོར་དུ་ཞུགས་པ་ལ་ཕྱི་འཇུག་དང་ནང་འཇུག་གཉིས། དང་པོ་ཕྱི་འཇུག་གི་སྔོན་དུ་འགྲོ་བ་ནི་སྡིག་སྒྲིབ་སྦྱངས་བའི་ཕྱིར་ཡི་གེ་བརྒྱ་བའི་ཁྲུས་ནས་འདོན། བར་ཆད་བསལ་བའི་ཕྱིར་འགེགས་བསྐྲད་ཅིང་མཚམས་བཅད་པ། ཆོས་ལ་ཡིད་ཆེས་བསྐྱེད་པའི་ཕྱིར་ལོ་རྒྱུས་ཀྱི་སྤྲོ་བ་བསྐྱེད་པ། བསོད་ནམས་ཀྱི་ཚོགས་

― ZP04_Page_341 ―

^{[མ་དཔེ་གཟིགས་ན་འདིར་གནོན།]}

[Full Size]

རྫོགས་པའི་ཕྱིར་མཎྜལ་དབུལ་བ། བསླབ་པ་ཀུན་གྱི་གཞི་འཛིན་པའི་ཕྱིར་སྐྱབས་འགྲོ་འབོག་པ། ཐེག་ཆེན་གྱི་ལམ་དུ་ཚུད་པའི་ཕྱིར་བྱང་ཆུབ་མཆོག་ཏུ་སེམས་བསྐྱེད་པ། དབང་གི་སྣོད་རུང་དུ་གྱུར་བའི་ཕྱིར་དམ་ཚིག་རྣམས་བསྲུང་བར་ཁས་ལེན་པ། ཆོས་ལ་དོན་གཉེར་གྱི་འདུན་པ་གསལ་བའི་ཕྱིར་དབང་དོན་དུ་གསོལ་བ་འདེབས་པ་རྣམས་མེད་དུ་མི་རུང་བའི་ཡན་ལག་ཡིན་པས་ཚིག་དོན་མ་འཛོལ་བ་གནད་དུ་འགྲོ་བར་བྱས་ནས། ཕྱི་འཇུག་དངོས་ལ་དཀྱིལ་འཁོར་དུ་གཞུགས་པར་གསོལ་བ་འདེབས་པ། མིག་དབྱེ་བ། མེ་ཏོག་འཐོར་བ། ལྷ་ངོ་བསྟན་པ་རྣམས་ཏེ། འདིའི་དོན་ནི་ཚེ་རབས་སྔོན་ནས་རང་དང་འབྲེལ་ཆེ་བའི་ཡི་དམ་གྱི་ལྷ་གང་ཡིན་པ་དེ་ངོས་བཟུང་ནས་ལྷ་དེ་ཉིད་ཀྱི་བསྒོམ་བྱའི་དཀྱིལ་འཁོར་དང་སྐུ་མདོག་ཕྱག་མཚན་ལ་སོགས་པ་བརྡའ་དོན་རྟགས་གསུམ་དང་བཅས་པ་ངོ་སྤྲོད་པའོ། །གཞན་ཡང་མེ་ཏོག་དབུས་སུ་བབས་ན་རྡོ་རྗེའི་རིགས། ཤར་དུ་སངས་རྒྱས་རིགས་སོགས་རང་གི་མེ་ཏོག་གསལ་བབས་པའི་རིགས་དེ་ཉིད་གཙོ་བོར་བྱས་ནས་བསྒྲུབ་ན་ཉེ་བའི་དཀྱིལ་འཁོར་ཞེས་བྱ་བ་ཚེ་རབས་ཀྱི་ལྷ་སྐལ་ཡིན་པས་འགྲུབ་ཐག་ཉེ་བ་དང༌། །དམ་ཚིག་བསྲུང་མཚམས་ཀྱི་སྐབས་སུའང་རང་རིག་གི་དམ་ཚིག་གཙོ་བོར་བསྲུང་ཤིང་གཞན་རྣམས་ཞར་བྱུང་ཙམ་དུ་ཅི་ནུས་སུ་འབད་པའོ། ལྷ་དང་དཀྱིལ་འཁོར་གྱི་རྣམ་དག་སམ་བརྡའ་དོན་བཤད་པ་ནི། ཡི་དམ་གྱི་ལྷ་གཙོ་འཁོར་དང་གཞལ་ཡས་ཁང་གི་རྣམ་པར་སྣང་བ་དེ་

― ZP04_Page_342 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་མཚན་མ་ཞལ་ཕྱག་དང་བཅས་པའི་ལྷ་རང་རྒྱུད་པ་དེ་ལྟ་བུ་ཞིག་གཤེད་ན་ཡོད་ལ་མ་ཡིན་གྱི། རང་རྒྱུད་ཀྱི་ཕུང་པོ་ལྔ་པོ་འདིའི་རང་བཞིན་ཡེ་ནས་རྒྱལ་བ་རིག་ལྔར་གནས་པ་སོགས་གཞི་རང་བཞིན་ལྷུན་གྲུབ་གྱི་ལྷ་ངོ་སྤྲོད་པ་དང༌། ལམ་ཐབས་དང་ཤེས་རབ་ཕ་རོལ་ཕྱིན་དྲུག་བྱང་ཕྱོགས་སོ་བདུན་ལ་སོགས་དེ་དག་གི་དག་པ་དང་སྦྱར་ནས་ལམ་མཚོན་པ་རྟགས་ཀྱི་ལྷ་ངོ་སྤྲད་པ་དང༌། མཐར་ཐུག་ཡེ་ཤེས་ལྔ་དང༌། སྣང་སྟོང་དབྱེར་མེད་སྐུ་གསུམ་སྐུ་ལྔ་ལ་སོགས་དག་པ་དང་སྤྱད་ནས་བཤད་པས་འབྲས་བུ་ཡེ་ཤེས་ཕྱག་རྒྱའི་ལྷ་ངོ་སྤྲད་པ་སྟེ། གང་ལྟར་ཡང་ལྷ་དང་དཀྱིལ་འཁོར་དུ་སྣང་བ་དེ་ཡང་གཞི་ལམ་འབྲས་བུའི་ཆོས་དེ་དང་དེ་དག་གི་དབྱིབས་དང་ཁ་དོག་དང་གྲངས་ཀྱི་རྣམ་གྲངས་དེ་དང་དེ་ལྟ་བུས་མཚོན་པར་བྱས་ནས་གསང་སྔགས་རྡོ་རྗེ་ཐེག་པའི་ཐབས་མཁས་ཀྱི་སྒོ་ནས་ལྷའི་རྣམ་པ་ཙམ་ལམ་དུ་བྱས་ནས་བསྒོམ་པ་ཡིན་གྱིས་རང་ལས་རྒྱུད་ཐ་དད་པའི་ལྷ་དེ་དང་དེ་ལྟ་བུ་མཆོད་ན་མཉེས་ཤིང་དངོས་གྲུབ་སྦྱིན་པའི་ལྷ་ཕྱི་རོལ་པའི་དབང་ཕྱུག་དང་ཁྱབ་འཇུག་ལ་སོགས་པ་ལྟ་བུ་ཞིག་གཞན་ན་མེད་པ་ངོ་སྤྲོད་པ་ཡིན་ནོ། །གཉིས་པ་ནང་འཇུག་ནི། ཡེ་ཤེས་འབེབས་པ་སྟེ། སློབ་དཔོན་གྱི་བསྐྱེད་རྫོགས་དང་སློབ་མའི་མོས་པ་ལ་བརྟེན་ནས་རྟོགས་པའི་ཡེ་ཤེས་བཙན་ཐབས་སུ་བསྐྱེད་ཅིང་ཡི་དམ་གྱི་ལྷས་བྱིན་གྱིས་བརློབས་པའི་རྟེན་འབྲེལ་སྒྲིག་པ་སྟེ་གཞུང་རང་རང་ནས་འབྱུང་བ་ལྟར་བྱིན་ཕེབས་པའི་རྟགས་མ་བྱུང་བར་བྱ་ཞིང༌། རྟགས་ཇི་བཞིན་མ་བྱུང་ན་སྤོག་ཆོག་བྱ་བ་སོགས་ཀྱིས་རྟགས་ཐོན་དུ་བྱ་བའོ། །གཉིས་པ་དབང་དངོས་གཞི་ལ། རྒྱུད་སྡེ་འོག་མ་དང་ཐུན་

― ZP04_Page_343 ―

^{[མ་དཔེ་གཟིགས་ན་འདིར་གནོན།]}

[Full Size]

མོང་པ་དང༌། བླ་མེད་ཀྱི་རྒྱུད་ཀྱི་ཐུན་མོང་མ་ཡིན་པའོ། །དང་པོ་ཐུན་མོང་པ་ལ་སྤྱིར་དབྱེ་བསྡུ་མང་དུ་ཡོད་ཀྱང༌། ད་ལྟའི་ཡོངས་གྲགས་ཀྱི་དབང་དུ་བྱས་ན། སློབ་མའི་དབང་དྲུག །རྡོ་རྗེ་སློབ་དཔོན་གྱི་དབང་དང་བདུན་ནོ། །སློབ་མའི་དབང་དྲུག་གི་དང་པོ་མི་བསྐྱོད་པ་ཆུའི་དབང་ནི། ལྷ་ཞུ་བའི་རང་བཞིན་རྣམ་རྒྱལ་བུམ་པའི་ཆུ་སྤྱི་བོ་ནས་བླུགས་ཤིང་ཁྲུས་བྱས་པས་ལས་ཉོན་བག་ཆགས་སྡིག་སྒྲིབ་དང་བཅས་པ་ཐམས་ཅད་བྱང་ཞིང་དག་ནས་ཆུའི་ལྷག་མ་སྤྱི་བོར་འཁྱིལ་བ་ལས་སྤྱི་གཙུག་ཏུ་རིགས་ཀྱི་བདག་པོ་རྡོ་རྗེ་མི་བསྐྱོད་པས་དབུ་བརྒྱན་པར་བསམ་པས། ཉོན་མོངས་པ་ཞེ་སྡང་དག །རྣམ་ཤེས་ཀྱི་ཕུང་པོ་རྡོ་རྗེ་མི་བསྐྱོད་པ་དང་ནམ་མཁའི་ཁམས་རྡོ་རྗེ་དབྱིངས་ཀྱི་དབང་ཕྱུག་མའི་རང་བཞིན་དུ་སངས་རྒྱས། མེ་ལོང་ལྟ་བུའི་ཡེ་ཤེས་མངོན་དུ་བྱས་པར་མོས་པའོ། །གཉིས་པ་རིན་ཆེན་འབྱུང་ལྡན་དབུ་རྒྱན་གྱི་དབང་ནི། རིན་འབྱུང་གི་རང་བཞིན་ཅན་གྱི་དབུ་བརྒྱན་མགོ་ལ་བཅིང་པས་ཉོན་མོངས་པ་ང་རྒྱལ་དག །ཚོར་བའི་ཕུང་པོ་རིན་ཆེན་འབྱུང་ལྡན་དང་ཆུ་ཁམས་མ་མ་ཀིའི་རང་བཞིན་དུ་སངས་རྒྱས། མཉམ་པ་ཉིད་ཀྱི་ཡེ་ཤེས་མངོན་དུ་བྱས་པར་མོས་པའོ། །གསུམ་པ་སྣང་བ་མཐའ་ཡས་རྡོ་རྗེའི་དབང་ནི། སྣང་མཐའི་རང་བཞིན་རྡོ་རྗེ་ལག་གཡས་སུ་གཏད་པས། ཉོན་མོངས་པ་འདོད་ཆགས་དག །འདུ་ཤེས་ཀྱི་ཕུང་པོ་དང་མེ་ཁམས་གོས་དཀར་མོའི་རང་བཞིན་དུ་སངས་རྒྱས། སོ་སོར་རྟོགས་པའི་ཡེ་ཤེས་མངོན་དུ་བྱས་པར་སྣང་བ་མཐའ་ཡས་

― ZP04_Page_344 ―

^{[མ་དཔེ་གཟིགས་ན་འདིར་གནོན།]}

[Full Size]

མོས་པའོ། །བཞི་པ་དོན་ཡོད་གྲུབ་པ་དྲིལ་བུའི་དབང་ནི། དོན་གྲུབ་ཀྱི་རང་བཞིན་དྲིལ་བུ་ལག་གཡོན་དུ་གཏད་པས་ཉོན་མོངས་ཕྲག་དོག་དག །འདུ་བྱེད་ཀྱི་ཕུང་པོ་དོན་ཡོད་གྲུབ་པ་དང་རླུང་ཁམས་དམ་ཚིག་སྒྲོལ་མའི་རང་བཞིན་དུ་སངས་རྒྱས། བྱ་བ་གྲུབ་པའི་ཡེ་ཤེས་མངོན་དུ་བྱས་པར་མོས་པའོ། །ལྔ་པ་རྣམ་པར་སྣང་མཛད་མིང་གི་དབང་ནི། རང་གི་མེ་ཏོག་གང་ལ་ཕོག་པའི་རིགས་དང་མཐུན་པའི་མིང་བཏགས་ནས་བརྗོད་པས་ཉོན་མོངས་པ་གཏི་མུག་དག །གཟུགས་ཀྱི་ཕུང་པོ་རྣམ་པར་སྣང་མཛད་དང༌། ས་ཁམས་སངས་རྒྱས་སྤྱན་མའི་རང་བཞིན་དུ་སངས་རྒྱས། ཆོས་ཀྱི་དབྱིངས་ཀྱི་ཡེ་ཤེས་མངོན་དུ་བྱས་པར་མོས་པའོ། །དྲུག་པ་རྡོ་རྗེ་བརྟུལ་ཞུགས་ཀྱི་དབང་ནི། གསང་སྔགས་རྡོ་རྗེ་ཐེག་པའི་ལམ་ཉམས་སུ་ལེན་པ་ལ་རྡོ་རྗེ་སེམས་དཔའི་བརྟུལ་ཞུགས་དང་མཐུན་པར་ཉམས་སུ་ལེན་དགོས་པས་ཐབས་དང་ཤེས་རབ་གཉིས་སུ་མེད་པའི་རང་བཞིན་རྡོར་དྲིལ་ལག་ཏུ་གཏད་ནས་ཐབས་ཤེས་ཟུང་འཇུག་གི་ལམ་ཉམས་སུ་ལེན་པར་རྗེས་སུ་གདམས་པས་ཕྱི་གཟུང་བ་ཡུལ་དང་ནང་འཛིན་པ་སེམས་ཀྱི་རྣམ་པར་རྟོག་པ་ཐམས་ཅད་གནས་དག་ཐབས་རྡོ་རྗེ་སེམས་དཔའ་སྣང་སྟོང་དབྱིངས་དང་ཡེ་ཤེས་གཉིས་སུ་མེད་པའི་ཉམས་ལེན་ལ་དབང་བར་བྱས་པ་སྟེ་སློབ་མའི་དབང་དྲུག་གོ །སློབ་དཔོན་གྱི་དབང་ནི། །སློབ་མ་གཞན་དོན་ནུས་པ་ལ་དམིགས་བསལ་དུ་བསྐུར་བ་སྟེ། སློབ་མ་སེང་གེའི་ཁྲི་ལ་བཀོད་ནས་དམ་ཚིག་གསུམ་སྦྱིན་པ་ནི། ཕྱག་རྒྱ་སྐུའི་དམ་ཚིག་ཡི་དམ་གྱི་ལྷ་ཡབ་ཡུམ་གྱི་སྐུར་

― ZP04_Page_345 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒོམ་དུ་བཅུག་ནས། དྲིལ་བུ་གསུང་གི་དམ་ཚིག་ལག་གཡོན་དུ་གཏད་ཅིང༌། རྡོ་རྗེ་ཐུགས་ཀྱི་དམ་ཚིག་ལག་གཡས་སུ་སྦྱིན་པས་ཕྱི་མཚན་མ་རྫས་ཀྱི་རྡོར་དྲིལ་དམ་ཚིག་གི་རྫས་སུ་གཏད་པ་རྡོ་རྗེ་གསོར་ཞིང་དྲིལ་བུ་དཀུར་བརྟེན་པ་དང༌། ནང་མཚོན་བྱེད་རྟགས་ཀྱི་རྡོར་དྲིལ་ཡབ་ཡུམ་གྱི་གསང་པ་མཉམ་པར་སྦོར་བས་ཁམས་དཀར་དམར་ཞལ་མཇལ་བའི་བདེ་བ་རྒྱུད་ལ་སྐྱེས་པ་དང༌། གསང་བ་མཚོན་བྱ་དོན་གྱི་རྡོར་དྲིལ་བདེ་སྟོང་གཉིས་སུ་མེད་པའི་ཡེ་ཤེས་གནས་ལུགས་ཕྱག་རྒྱ་ཆེན་པོའི་ངང་དུ་མ་བཅོས་པར་མཉམ་པར་བཞག་པས་སྟོང་ཉིད་ཀྱི་ཡེ་ཤེས་བསྐྱེད་ཅིང་རྡོ་རྗེ་རྒྱལ་པོའི་གོ་ས་ཐོབ་པ་སྟེ། དེའི་ཡན་ལག་ཏུ་དུས་དེ་རིང་ནས་བཟུང་སྟེ་གསང་སྔགས་རྡོ་རྗེ་ཐེག་པའི་སྨིན་གྲོལ་ཕྲིན་ལས་དང་བཅས་པས་རང་གཞན་གྱི་དོན་རྒྱ་ཆེན་པོ་སྒྲུབ་པར་མཛོད་ཅིག་ཅེས་སུ་གནང་བ་དང༌། ཉམས་ལེན་བརྩོན་འགྲུས་ཀྱི་དབང་གིས་འདི་དང་བར་དོ་གང་རུང་དུ་མེ་ཏོག་ཕོག་པའི་རིགས་དེ་དང་མཐུན་པའི་སངས་རྒྱས་སུ་འགྱུར་རོ། །ཞེས་ལུང་སྟོན་པ་དང༌། འཁོར་བའི་སྡུག་བསྔལ་རྒྱུན་རིང་པོ་ལས་གྲོལ་ཞིང་དམ་ཚིག་མ་ཉམས་ན་ངན་སོང་གསུམ་རྒྱུན་ཆད་པ་ཡིན་ནོ་ཞེས་དབུགས་དབྱུང་བ་དང་སངས་རྒྱས་ཐམས་ཅད་ཀྱི་སྲས་དང་བྱང་སེམས་རིགས་འཛིན་པ་ཐམས་ཅད་ཀྱི་སྤུན་དུ་འགྱུར་ཞིང་འཁོར་བའི་སེམས་ཅན་ཐམས་ཅད་ཀྱི་མགོན་བྱེད་པ་ཡིན་པས་དགའ་བར་གྱིས་ཤིག་ཅེས་གཟང་བསྟོད་པ་དང་སློབ་མ་རྡོ་རྗེ་སེམས་དཔའི་རང་བཞིན་དུ་གྱུར་པ་ལ། མཆོད་པ་དང་བསྟོད་པས་

― ZP04_Page_346 ―

^{[མ་དཔེ་གཟིགས་ན་འདིར་གནོན།]}

[Full Size]

མངའ་གསོལ་བ་ལ་སོགས་པའོ། །དེས་ནི་ལུས་ངག་ཡིད་གསུམ་དུ་འཛིན་པའི་གཟུང་འཛིན་གྱི་རྣམ་པར་རྟོག་པ་གནས་འགྱུར། གསང་སྔགས་རྡོ་རྗེ་ཐེག་པའི་ཐབས་ལམ་ཉམས་སུ་བླང་བ་ལས་བྱུང་བའི་འབྲས་བུ་ཐབས་བྱུང་རྡོ་རྗེ་འཆང་རིག་བདག་དྲུག་པ་དཀྱིལ་འཁོར་ཐམས་ཅད་ཀྱི་མངའ་བདག་དམ་པའི་གོ་འཕང་ཐོབ་པའི་རྟེན་འབྲེལ་གྱི་ནུས་པ་བཞག་པའོ། །དེ་དག་གིས་ནི་དབང་བཞི་ལས་བུམ་དབང་གི་དངོས་གཞི་སྟེ་རྒྱུད་སྡེ་འོག་མ་དང་ཐུན་མོངས་ཞེས་བཤད་ཀྱང༌། དག་བྱ་དག་འབྲས་དབང་དོན་གྱི་ཡེ་ཤེས་ངོ་སྤྲོད་པ་སོགས་ཕལ་མོ་ཆེ་རྒྱུད་སྡེ་འོག་མ་ལས་ཁྱད་པར་དུ་འཕགས་པས་ན་བླ་མེད་ཀྱི་ཁྱད་ཆོས་རྣམས་ནི་ཐུན་མོང་མ་ཡིན་པའང་ཡིན་ནོ། །ད་ལྟའི་ཡོངས་གྲགས་ཀྱི་དབང་ཆོག་རྣམས་ལས་རིག་དབང་ལྔ་ལ་སོགས་པའི་རྗེས་སུ་བུམ་ཆུའི་དབང་ཟུང་དུ་འབྱུང་བ་ནི་སྤྱིར་རིག་དབང་ལྔ་སོགས་བུམ་དབང་གི་དངོས་གཞི་ཡིན་པས་རེ་རེ་བཞིན་ཡང་བུམ་པའི་ཆུ་རྗེས་སུ་འགྲོ་བ་ཅན་ཡིན་ཡང་འདིར་བུམ་པ་གཅིག་ཏུ་བསྡུས་ཏེ་ཐམས་ཅད་ཀྱི་རྗེས་སུ་བུམ་པའི་ཆུ་དབང་གཅིག་བསྐུར་བའོ། །དེའི་ཡན་ལག་ཏུ་ལྷ་སྐུ་ཕྱག་རྒྱའི་དབང་ལྷ་གྲངས་དང་མཐུན་པར་དབང་བསྐུར་བ་དང༌། སྙིང་པོ་སྔགས་ཀྱི་བཟླས་ལུང་སྦྱིན་པ་དང༌། ཡོ་བྱད་ལོངས་སྤྱོད་རྫས་ཀྱི་དབང་བསྐུར་བ་དང༌། ཕྲིན་ལས་དྲག་པོ་སྒྲོལ་བའི་དབང་ལ་སོགས་པ་ནི་ཆོ་ག་རང་རང་གི་གཞུང་དང་བསྟུན་ནས་ཤེས་བར་བྱ་བ་ལས་འདིར་བརྗོད་ཀྱི་མི་ལང་ངོ༌། །དེ་ལྟ་བུའི་བུམ་པའི་དབང་དེ་གང་དུ་བསྐུར་བའི་དཀྱིལ་འཁོར་ནི་

― ZP04_Page_347 ―

^{[མ་དཔེ་གཟིགས་ན་འདིར་གནོན།]}

[Full Size]

རྡུལ་མཚོན་སོགས་ཀྱི་བྲིས་པ་རྟགས་ཀྱི་དཀྱིལ་འཁོར་ཡིན་ལ། གང་གིས་བསྐུར་བ་པོ་ནི་སློབ་དཔོན་དང་དགོངས་པ་དབྱེར་མེད་པའི་མདུན་རྟེན་དཀྱིལ་འཁོར་ན་བཞུགས་པའི་ལྷ་དང༌། དེ་ལས་ལོགས་སུ་ཕྱེ་སྟེ་སློབ་དཔོན་དཀྱིལ་འཁོར་གྱི་གཙོ་བོ་གཉིས་པའི་རྣམ་པས་ཤར་སྒོ་ན་བཞུགས་པར་མོས་པ་སློབ་དཔོན་དངོས་དང༌། སློབ་དཔོན་དང་དཀྱིལ་འཁོར་གྱི་ལྷའི་དགོངས་པ་གཏད་དེ་དབྱིངས་ནས་སྤྱན་དྲངས་པའི་ལྷ་དེ་བཞིན་གཤེགས་པ་དང་གཤེགས་མ། སེམས་དཔའ་དང་སེམས་མ། ཁྲོ་བོ་དང་ཁྲོ་མོ་སྟེ་གདན་གསུམ་ཚང་བའི་ལྷ་དང་བཅས་པ་གསུམ་ཀ་ལས་ཐོབ་དགོས་ཀྱང༌། དབང་གི་ལག་ལེན་བྱེད་པ་པོ་དངོས་ནི་དབང་ལྷ་སྤྱན་དྲངས་པ་རྣམས་ལས། གཤེགས་པ་རྣམས་ཀྱིས་དགོངས་པ་མཛད། གཤེགས་མ་རྣམས་ཀྱིས་བུམ་པ་དང་དབུ་རྒྱན་སོགས་དབང་རྫས་ཐོགས་ཏེ་དབང་བསྐུར། སེམས་དཔའ་རྣམས་ཀྱིས་བཀྲ་ཤིས་བརྗོད། །སེམས་མ་རྣམས་ཀྱིས་གླུ་གར་བསྒྱུར། ཁྲོ་བོ་རྣམས་ཀྱིས་བགེགས་བསྐྲད་དེ་དབང་བསྐུར་བར་མོས་པའོ། །དེ་ལྟར་བུམ་པའི་དབང་བསྐུར་བའི་དབང་དོན་གྱི་ཡེ་ཤེས་ནི་ཕྱི་སྣོད་ནང་བཅུད་ཕུང་པོ་ཁམས་དང་སྐྱེ་མཆེད་དང་བཅས་པ་ཡེ་ནས་དཀྱིལ་འཁོར་གྱི་རང་བཞིན་དུ་གནས་པ་ངོ་འཕྲོད་དེ་འཁོར་བ་དང་མྱ་ངན་ལས་འདས་པ་དབྱེར་མེད་གཅིག་ཏུ་རྟོགས་པས་ཐག་གཅོད་པ་སྟེ། བློ་རབ་འབྲིང་ལ་ལྟོས་པའི་སྣང་སྲིད་ལྷ་རུ་ལྟ་བའི་ངེས་ཤེས་ནི་དབང་དོན་གྱི་ཡེ་ཤེས་ཡིན་ལ། དེ་ལྟ་བུའི་

― ZP04_Page_348 ―

^{[མ་དཔེ་གཟིགས་ན་འདིར་གནོན།]}

[Full Size]

ཡེ་ཤེས་རྒྱུད་ལ་སྐྱེས་ན་དབང་ཐོབ་པ་ཡིན་ནོ། །དབང་དེ་ཉིད་ཐོབ་པས་ལུས་དང་རྩའི་སྒྲིབ་པ་དག །ལམ་བསྐྱེད་པའི་རིམ་པ་བསྒོམ་པ་ལ་དབང༌། འབྲས་བུ་སྤྲུལ་པའི་སྐུ་འགྲུབ་པའི་སྐལ་པ་རྒྱུད་ལ་བཞག་པའོ། །གཉིས་པ་གསང་བསྔགས་བླ་ན་མེད་པའི་ཐུན་མོང་མ་ཡིན་པའི་དབང་ནི་གསུམ་སྟེ། གསང་དབང༌། ཤེར་དབང༌། ཚིག་དབང་ངོ༌། །དང་པོ་གསང་དབང་གང་དུ་བསྐུར་བའི་དཀྱིལ་འཁོར་ནི། རྩ་ཡི་གེ་བྷ་གའི་དཀྱིལ་འཁོར་ཞེས་བྱ་སྟེ། བླ་མ་ཡབ་ཡུམ་གྱི་ལུས་རྩའི་དཀྱིལ་འཁོར་དུ་གནས་ཤིང་རྩ་མདུད་ཡི་གེའི་རྣམ་པ་ལྟར་དུ་གནས་པས་ན་རྩ་ཡི་གེའི་དཀྱིལ་འཁོར་ཞེས་བྱ། ཡི་གེའི་རྣམ་པ་ཅན་གྱི་རྩ་མདུད་དེ་དག་དུ་རླུང་དང་ཁམས་ཀྱི་དངས་མ་འདུས་པས་མཚན་མའི་རྣམ་པར་རྟོག་པ་འཇོམས་པར་བྱེད་པ་དང༌། ཁྱད་པར་ཡབ་ཀྱི་རྡོ་རྗེ་ནོར་བུ་ཐབས་བདེ་བ་ཆེན་པོ་ཝཾ་ཡིག་གི་རྣམ་པར་གནས་ཤིང༌། །ཡུམ་གྱི་མཁའ་གསང་ཤེས་རབ་སྟོང་པ་ཉིད་ཨེ་ཡིག་གི་རྣམ་པར་གནས་པ་ནི་གསང་དབང་གང་ལས་ལེན་པའི་དཀྱིལ་འཁོར་དངོས་སོ། །དཀྱིལ་འཁོར་འདི་གཉིས་སུ་ཡབ་ཡུམ་གྱི་རླུང་སེམས་དངས་མའི་ཐིག་ལེ་ཞལ་མཇལ་བའི་སྐབས་སུ་རང་བཞིན་བརྒྱད་བཅུའི་རྟོག་ཚོགས་ཐམས་ཅད་བཅོམ་ནས་རྟོག་བྲལ་བདེ་སྟོང་གི་ཡེ་ཤེས་བསྐྱེད་པས་ན་ཡི་གེ་བྷ་གའི་དཀྱིལ་འཁོར་ཞེས་བྱ་སྟེ། བྷ་ག་ནི་བཅོམ་པའི་དོན་ནོ། །དབང་ཇི་ལྟར་བསྐུར་བའི་ཚུལ་ནི། ནམ་གྲོད་ཀྱི་དུས་སུ་དཀྱིལ་འཁོར་གྱི་ལྷོ་ཕྱོགས་སུ་བླ་མ་གསུང་རྡོ་རྗེ་ལོངས་སྤྱོད་རྫོགས་སྐུའི་རྣམ་པར་བཞུགས་པ་ལ་གཟུངས་མ་མཚན་ལྡན་དང་མཎྜལ་

― ZP04_Page_349 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུལ་ནས་གསོལ་བ་གདབ། སློབ་དཔོན་གྱིས་རྗེས་སུ་གནང་བ་བྱིན་ནས་མིག་དར་བཅིང་སྟེ་ཡོལ་བའི་ཕྱི་རོལ་དུ་བཞག་བླ་མ་ཡབ་ཡུམ་ལྷར་གསལ་བའི་མཁའ་གསང་བྱིན་གྱིས་བརླབས་ནས་སྙོམ་པར་ཞུགས་པའི་བདེ་བའི་རོལ་མོས་ཕྱོགས་བཅུ་དུས་བཞིའི་རྒྱལ་བ་སྲས་དང་བཅས་པ་ཐམས་ཅད་བཀུག་སྟེ་བླ་མ་ཡབ་ཡུམ་གྱི་སྐུ་ལ་བསྟིམ་པ་བདེ་ཆེན་བྱང་ཆུབ་སེམས་ཀྱི་རང་བཞིན་དུ་ཞུ་བ་ཉིད་མཁའ་གསང་དུ་ཕབས་ཏེ་སློབ་བུའི་ལུས་ངག་ཡིད་གསུམ་གྱི་སྒྲིབ་པ་དག་པར་བྱ་བའི་ཕྱིར་རླུང་གི་སྟོབས་ཀྱིས་ལན་གསུམ་གྱེན་དུ་ལྡོག་སྟེ་སླར་ཡུམ་མཁར་ཕབས་པའི་དཀར་དམར་འདྲེས་པའི་བདུད་རྩི་དེ་ཉིད་སློབ་བུའི་ལྕེ་ཐོག་དུ་བཞག་པས་མགྲིན་པ་ལོངས་སྤྱོད་ཀ?ི་འཁོར་ལོ་ནས་བཟུང་སྟེ་རྩ་འཁོར་ལོ་བཞིའི་གནས་ཐམས་ཅད་རིམ་པ་བཞིན་དུ་གང༌། མ་དག་པའི་རྩ་ཁམས་ཀྱི་ཡི་གེ་ལས་རླུང་གིས་བསྐྱོད་པའི་གཟུང་འཛིན་འཁྲུལ་པའི་རྣམ་རྟོག་ཆ་དང་བཅས་པ་རང་བཞིན་གྱིས་འགགས། སེམས་གསལ་སྟོང་གཉིས་སུ་མེད་པའི་རང་བཞིན་ཐབས་དང་བྱིན་བརླབས་ལ་བསྟེན་པའི་ཡེ་ཤེས་བརྗོད་པ་དང་བྲལ་བ་དེ་ཉིད་ངོ་སྤྲོད་པའོ། །དེའི་དབང་དོན་གྱི་ཡེ་ཤེས་ནི་རླུང་དབུ་མར་ཞུགས་པའི་ཐབས་ཀྱི་དྲངས་པའི་གསལ་སྟོང་དྭངས་སར་ཕྱེད་པའི་སེམས་བཟོ་བཅོས་དང་བྲལ་བའི་ཡེ་ཤེས་ཕྱག་རྒྱ་ཆེན་པོའི་རང་བཞིན་གང་ཡིན་པའོ། །དེ་ལྟ་བུའི་ཡེ་ཤེས་དེ་སློབ་མ་མོས་གུས་ཀྱིས་སྣོད་དང་ལྡན་པ་དང་བླ་མ་ཐུགས་རྗེ་ཅན་གྱི་བྱིན་བརླབས་གུང་འཛོམ་པ་ལས་དཀར་དམར་བྱང་ཆུབ་ཀྱི་སེམས་རྟེན་འབྲེལ་རྫས་ཀྱི་ནུས་པ་ལ་བརྟེན་ཏེ་

― ZP04_Page_350 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུད་ལ་ངེས་པར་སྐྱེས་ན་དབང་ཐོབ་པ་ཡིན་ནོ། །དབང་དེ་ཐོབ་པས་ངག་དང་རླུང་གི་སྒྲིབ་པ་དག །ལམ་གཏུམ་མོ་དང་སྒྱུ་ལུས་ལ་སོགས་བདག་བྱིན་གྱི་བརློབས་པའི་རྫོགས་རིམ་ཐམས་ཅད་སྒོམ་པ་ལ་དབང༌། འབྲས་བུ་ལོངས་སྤྱོད་རྫོགས་པའི་སྐུ་མངོན་དུ་བྱེད་པའི་སྐལ་བ་རྒྱུད་ལ་བཞག་པ་ཡིན་ནོ། །གཉིས་པ་ཤེས་རབ་ཡེ་ཤེས་ཀྱི་དབང་ནི། གང་དུ་བསྐུར་བའི་དཀྱིལ་འཁོར་ནི་ཀུན་རྫོབ་བྱང་ཆུབ་སེམས་ཀྱི་དཀྱིལ་འཁོར་ཞེས་བྱ་སྟེ། སློབ་བུ་རང་ཉིད་ཀྱི་ལུས་རྡོ་རྗེ་ཕུང་པོའི་གྲོང་ཁྱེར་དཀྱིལ་འཁོར་འཁོར་ལོའི་རང་བཞིན་དུ་གནས་པའི་ཁམས་བདེ་ཆེན་བྱང་ཆུབ་ཀྱི་སེམས་དཀར་དམར་ནི་དཔའ་བོ་མཁའ་འགྲོའི་གྲོང་ཁྱེར་གྱི་ཚུལ་དུ་གནས་ཤིང་བདེ་སྟོང་ཡེ་ཤེས་ཀྱི་སྙིང་པོ་ལེན་པས་ན་དཀྱིལ་འཁོར་སྟེ། དཀྱིལ་འཁོར་ནི་མཎྜལ་ཞེས་པའི་སྒྲ་ལས་དྲངས་ན་སྙིང་པོ་ལེན་པ་ཞེས་བྱའོ། །དཀྱིལ་འཁོར་དེ་ཉིད་དུ་དབང་ཇི་ལྟར་བསྐུར་བའི་ཚུལ་ནི། ནམ་གུང་གི་དུས་སུ་དཀྱིལ་འཁོར་གྱི་ནུབ་ཕྱོགས་སུ་བླ་མ་ཐུགས་རྡོ་རྗེ་ཆོས་སྐུའི་རྣམ་རོལ་དུ་བཞུགས་པ་ལ་སློབ་བུས་མཎྜལ་ཕུལ་ནས་གསོལ་བ་གདབ། བླ་མས་ན་ཚོད་གཞོན་ཤིང་མཚན་ཉིད་དང་ལྡན་པའི་ཕྱག་རྒྱ་ཐེག་པ་ཐུན་མོང་པའི་ཆོས་ཀྱིས་རྒྱུད་སྣོད་རུང་དུ་བྱས་ཤིང་རྡོ་རྗེ་ཐེག་པའི་ཐབས་ལམ་ལ་ཐེ་ཚོམ་མེད་པ་ཉིད་སློབ་མ་ལ་གཏད་དེ་རྗེས་སུ་གནང་བ་སྦྱིན། །དེས་ཀྱང་སྤྲོ་བ་དྲིས་ནས་སློབ་བུའི་པང་དུ་བྱོན་པས་སློབ་བུ་ཡབ་ཡུམ་གཉིས་ཡི་དམ་གྱི་ལྷར་བསྒོམས་ནས་མཁའ་གསང་བྱིན་གྱིས་བརླབས་ཏེ་སྙོམ་

― ZP04_Page_351 ―

^{[མ་དཔེ་གཟིགས་ན་འདིར་གནོན།]}

[Full Size]

བར་ཞུགས་པས་བདེ་བའི་འོད་ཟེར་དང་སློབ་དཔོན་ཡབ་ཡུམ་གྱི་བྱིན་བརླབས་འོད་ཟེར་གྱིས་ཕྱོགས་བཅུ་དུས་བཞིའི་རྒྱལ་བ་ཐམས་ཅད་བསྐུལ་ཏེ་བྱོན་ནས་སློབ་བུ་ལ་ཐིམ། དེ་ཉིད་ཕྱག་རྒྱ་དང་མཉམ་པར་སྦྱོར་བའི་རྐྱེན་གྱིས་ཁམས་བྱང་ཆུབ་ཀྱི་སེམས་བདེ་བའི་ངོ་བོར་ཞུ་སྟེ་སྤྱི་བོ་ནས་མགྲིན་པར་བབས་པ་དགའ་བ། མགྲིན་པ་ནས་སྙིང་གར་བབས་པས་མཆོག་དགའ། སྙིང་གནས་ལྟེ་བར་བབས་པས་ཁྱད་པར་དགའ་བ། ལྟེ་བ་ནས་གསང་བར་བབས་པས་ལྷན་ཅིག་སྐྱེས་པའི་དགའ་བ་ཉམས་སུ་མྱོང་ཞིང༌། དཀར་ཆ་རྡོ་རྗེ་ནོར་བུའི་རྩེར་བྱོན་པས་བདེ་བ་ཆེན་པོའི་ཡེ་ཤེས་ཀྱི་ངང་དུ་རང་བཞིན་བརྒྱད་ཅུའི་རྟོགས་ཚོགས་ཐམས་ཅད་འགགས། བདེ་བས་ཐབས་བྱས་པའི་ཤེས་རབ་སྟོང་པ་ཉིད་ཀྱི་གནས་ལུགས་བཟོ་བཅོས་དང་བྲལ་བ་ཕྱག་རྒྱ་ཆེན་པོ་ལྷན་ཅིག་སྐྱེས་པའི་ཡེ་ཤེས་ཤར་བ་ཉིད་ངོ་སྤྲོད་པའོ། །དབང་འདིའི་སྐབས་སུ་དབང་དོན་གྱི་ཡེ་ཤེས་ནི་དགའ་བཞིའི་དྲངས་པའི་བདེ་སྟོང་གཉིས་སུ་མེད་པའི་ཡེ་ཤེས་སེམས་བཅོས་མ་དང་བྲལ་བ་དེ་ཉིད། དེ་ལྟ་བུའི་ཡེ་ཤེས་ངོ་འཕྲོད་ན་དབང་ཐོབ་པའོ། །དེ་ལྟར་ཤེས་རབ་ཡེ་ཤེས་ཀྱི་དབང་བསྐུར་བས་ཡིད་དང་ཐིག་ལེའི་སྒྲིབ་པ་དག །ལམ་གཞན་ལུས་ཕྱག་རྒྱའི་ལམ་ལ་བརྟེན་པའི་རྫོགས་རིམ་ཐམས་ཅད་བསྒོམ་པ་ལ་དབང༌། འབྲས་བུ་ཆོས་སྐུ་འགྲུབ་པའི་སྐལ་བ་རྒྱུད་ལ་བཞག་པའོ། །གསུམ་པ་ཚིག་གི་དབང་ནི། །དབང་འདི་གང་དུ་བསྐུར་བའི་དཀྱིལ་འཁོར་ནི་དོན་དམ་བྱང་ཆུབ་སེམས་ཀྱི་དཀྱིལ་འཁོར་ཞེས་བྱ་སྟེ་སློབ་བུའི་

― ZP04_Page_352 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་རྣམ་པར་ཤེས་པ་ཚོགས་བརྒྱད་རྣམ་པར་ཤེས་པའི་རང་བཞིན་རིག་པ་ཡེ་ཤེས་ཀྱི་ཐིག་ལེ་གཉུག་མ་དོན་གྱི་ཆོས་ཉིད་འཁོར་འདས་ཀྱི་དཀྱིལ་འཁོར་མ་ལུས་པའི་སྤྲོ་གཞི་ཆོས་ཉིད་བདེ་གཤེགས་སྙིང་པོ་སེམས་ཉིད་ཡེ་སངས་རྒྱས་པའི་དཀྱིལ་འཁོར་དུ་བཞུགས་པ་ཉིད་དོ། །དཀྱིལ་འཁོར་དེ་ཉིད་དུ་དབང་ཇི་ལྟར་བསྐུར་ན་ནམ་ཐོ་རང་གི་དུས་སུ་དཀྱིལ་འཁོར་གྱི་བྱང་ཕྱོགས་སུ་བླ་མ་ཡེ་ཤེས་རྡོ་རྗེ་ངོ་བོ་ཉིད་སྐུའི་རྣམ་པར་བཞུགས་པ་ལ་སློབ་བུས་མཎྜལ་ཕུལ་ཏེ་གསོལ་བ་བཏབ། བླ་མས་སློབ་མ་ལ་སྔར་ཤེས་རབ་ཡེ་ཤེས་ཀྱི་དུས་སུ་ཐིག་ལེའི་བདེ་བ་ལ་བརྟེན་ཏེ་ངོ་སྤྲད་པའི་ཡེ་ཤེས་དེ་ཉིད་ཐབས་ལས་བྱུང་བའི་དཔེའི་ཡེ་ཤེས་ད་དུང་ཉམས་ཞེན་གྱི་སྤོབས་དང་མ་བྲལ་བ་ཉིད་ཡིན་པས། སེམས་རང་བབ་བཟོ་བཅོས་དང་བྲལ་བའི་གནས་ལུགས་བདེ་གསལ་མི་རྟོག་པའི་ཉམས་ཀྱི་ཞེན་པ་དང་བྲལ་བའི་གཉུག་མ་གཤིས་ཀྱི་ཆོས་སྐུ་རང་རིག་ཟང་ཐལ་རྗེན་པའི་ཡེ་ཤེས་དེ་ཉིད་དུས་དང་རྣམ་པ་ཐམས་ཅད་དུ་བྲལ་མ་མྱོང་ཀྱང་རང་ངོ་མ་ཤེས་པར་ཡོད་པ་དེ་ཉིད་མཚོན་པའི་བརྡའ་དང༌། མཚོན་བྱེད་ཀྱི་ཚིག་གིས་ངོ་སྤྲོད་པ་སྟེ། དབང་བཞི་པ་འདི་ལ་རྣམ་གྲངས་ཙམ་དུ་དབྱེ་ན་ལྔ་སྟེ། སྔར་ཤེས་རབ་ཡེ་ཤེས་ཀྱི་དབང་གི་སྐབས་སུ་དགའ་བཞི་ལུགས་འབྱུང་གི་མཐར་ཁམས་བྱང་སེམས་རླུང་གི་སྟོབས་ཀྱིས་གྱེན་དུ་ལྡོག་པས་ལུགས་ལྡོག་གི་དགའ་བ་བཞི་ཉམས་སུ་མྱོང་ཏེ་ཐིག་ལེ་སྤྱི་བོར་ཐིམ་པས་དགའ་བའི་ཉམས་ཞེན་དང་བྲལ་བའི་གཉུག་མ་ལྷན་ཅིག་སྐྱེས་པའི་ཡེ་ཤེས་དེ་ཉིད་བླ་མས་ཚིག་ཙམ་གྱིས་ངོ་སྤྲད་པ་ཚིག་གི་

― ZP04_Page_353 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི་པ། གལ་ཏེ་དེས་ཡེ་ཤེས་མ་སྐྱེས་ན་སླར་ཡང་ཕྱག་རྒྱ་དང་སྙོམ་པར་ཞུགས་སྟེ་དགའ་བཞི་ལུགས་འབྱུང་དང་ལུགས་ལྡོག་གི་ཐབས་ལ་བརྟེན་ནས་ངོ་སྤྲོད་པ་རྟེན་ཅན་གྱི་བཞི་པ་བློ་རབ་དབང་དུས་སམ་འབྲིང་མན་ཆད་ལ་ལམ་གོམས་པའི་མཐུ་ལ་བརྟེན་ནས་མཐོང་ལམ་རྣམ་པར་མི་རྟོག་པའི་ཡེ་ཤེས་རྒྱུད་ལ་སྐྱེས་ཏེ་ཕྱག་རྒྱ་ཆེན་པོ་མཆོག་གི་དངོས་གྲུབ་མངོན་དུ་བྱས་ནས་སེམས་བདེ་གཤེགས་སྙིང་པོའི་ཆོས་ཉིད་མངོན་སུམ་པར་རྟོགས་པ་ནི་དོན་གྱི་བཞི་པ། དེ་ལྟར་རྟོགས་པའི་ཡེ་ཤེས་དེ་ཉིད་ད་དུང་ཤེས་སྒྲིབ་ལྷག་མ་སྦྱང་བའི་དོན་དུ་སྒོམ་ལམ་ས་དགུར་ཡང་དང་ཡང་དུ་གོམས་འདྲིས་སུ་བྱེད་པ་ནི་ལམ་གྱི་བཞི་པ། དེ་ལྟར་གོམས་པར་བྱས་པས་ལམ་མཐར་ཕྱིན་པའི་ཚེ་ས་བཅུ་རྒྱུན་གྱི་ཐ་མ་ལ་སངས་རྒྱས་ལོངས་སྤྱོད་རྫོགས་སྐུ་ལས་འོད་ཟེར་ཆེན་པོའི་དབང་བསྐུར་བ་ནོད་པས་དཀར་དམར་རླུང་གསུམ་དེ་ཉིད་ཀྱི་འགྱུར་བ་དེ་མྱོང་བའི་ཤེས་རིག་དང་བཅས་པ་རྒྱུན་ཆད་དེ་དཀར་ཆ་དག་པ་སྐུ་རྡོ་རྗེ། དམར་ཆ་དག་པ་གསུང་རྡོ་རྗེ། ཤེས་རིག་དག་པ་ཐུགས་རྡོ་རྗེ་སྟེ་སངས་རྒྱས་ཐམས་ཅད་ཀྱི་རྡོ་རྗེ་གསུམ་གྱི་གོ་འཕང་གང་ཡིན་པ་མངོན་དུ་གྱུར་ཅིང་ཆོས་ཀྱི་སྐུའི་དགོངས་པ་བསལ་བཞག་དང་བྲལ་བ་མངོན་དུ་བྱས་པ་ནི་མཐར་ཐུག་འབྲས་བུའི་བཞི་པའོ། །འདིའི་སྐབས་སུ་དབང་དོན་གྱི་ཡེ་ཤེས་ནི་ད་ལྟ་རང་གི་སེམས་འཁྲུལ་རྟོག་འདི་ཉིད་ཀྱི་ཆོས་ཉིད་དམ་རང་བཞིན་གྱི་གནས་ལུགས་བཟོ་བཅོས་དང་བྲལ་བའི་གཤིས་འདི་ཉིད། རང་གནས་ཀྱི་ཡེ་ཤེས་རང་བཞག་གི་ཆོས་སྐུ། གཉུག་མའི་གནས་ལུགས་དོན་དམ་པའི་ཆོས་ཉིད་

― ZP04_Page_354 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིད་དུ་གནས་པ་དེ་ཉིད་རང་ངོ་འཕྲོད་ན་དབང་ཐོབ་པའོ། །དེ་ལྟར་དབང་བཞི་པ་བསྐུར་བས་སྒོ་གསུམ་ཆ་མཉམ་པའི་སྒྲིབ་པ་ཞེས་ཐོག་མ་མེད་པའི་དུས་ནས་རང་རྒྱུད་ལ་གནས་པའི་ལུས་ངག་ཡིད་གསུམ་གྱི་ས་བོན་ཕྲ་བ་དཀར་དམར་རླུང་གསུམ་ལ་བརྟེན་པའི་སྣང་གསུམ་ཕྲ་བའི་སྒྲིབ་པ་དེ་ཉིད་དག །ལམ་གནས་ལུགས་ཕྱག་རྒྱ་ཆེན་པོའམ་འོད་གསལ་རྫོགས་པ་ཆེན་པོ་བསྒོམ་པ་ལ་དབང༌། འབྲས་བུ་ངོ་བོ་ཉིད་སྐུ་ཐོབ་པའི་སྐལ་པ་རྒྱུད་ལ་བཞག་པའོ། །དེ་ལྟར་དབང་བཞི་པོ་དེ་དག་གི་དོན་པོ་ནི་དབང་དོན་གྱི་ཡེ་ཤེས་དེ་ཉིད་ངོ་སྤྲོད་པ་ཡིན་པས། གསང་སྔགས་ཀྱི་གཞུང་དང་མཐུན་པར་བླ་མ་དང་སློབ་མའི་མཚན་ཉིད་ཚང་ཞིང་དབང་ཇི་ལྟ་བ་བཞིན་བསྐུར་ན་བྱིན་བརླབས་འཕོ་བའི་སྟོབས་ཀྱིས་སློབ་བུ་ལ་དབང་དོན་གྱི་ཡེ་ཤེས་སྐྱེ་བ་ཡིན་མོད། འོན་ཀྱང་ད་ལྟའི་དུས་སུ་དེ་འདྲ་བ་མི་འོང་བས་མོས་པས་སྤྱོད་པའི་བླ་སློབ་གྱིས་ནི་དབང་གི་ཆོ་ག་དང་ཆོ་གའི་ཡན་ལག་རྣམས་སླ་ཆོས་དང་རྩིང་སྤྱོད་དུ་མ་སོང་བར་ཕྱག་ལེན་ལ་ཐེབ་པར་བྱ་ཞིང་གསང་དབང་ཤེར་དབང་གཉིས་ཀྱང་བདུད་རྩི་དང་རིག་ཙཀ་ལ་བརྟེན་ནས་བསྐུར་ན་དམིགས་པ་ལ་དོ་གལ་དུ་བྱ་ཉམས་མྱོང་དང་ཡེ་ཤེས་ཚིག་གིས་ངོ་སྤྲོད་ཅིང་ཉམས་མྱོང་རྒྱུད་ལ་ཅི་སྐྱེས་བྱས་པས་རྒྱུད་སྣོད་རུང་དུ་གྱུར་ཏེ་དམ་ཚིག་མ་ཉམས་ཤིང་བསྐྱེད་རྫོགས་ཀྱི་ལམ་ཉམས་སུ་བླང་བས་དབང་དོན་གྱི་ཡེ་ཤེས་རང་རྒྱུད་ལ་སྐྱེ་རུང་གི་ནུས་ལྡན་དུ་གྱུར་ན་ཡང་དབང་ཐོབ་པར་བྱ་དགོས་སོ། །དེས་ན་དབང་ཐོབ་པའི་ཚད་ནི་དབང་དོན་གྱི་ཡེ་ཤེས་དེ་དང་དེ་རྒྱུད་ལ་སྐྱེས་པའམ་སྐྱེ་ངེས་ཀྱི་ནུས་ལྡན་དུ་བྱས་པས་ན་དབང་ཐོབ་པ་

― ZP04_Page_355 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན་ནོ། །དེའི་ཕྱིར་དབང་དོན་གྱི་ཡེ་ཤེས་ལ་ངེས་ཤེས་ཅུང་ཟད་ཀྱང་མ་སྐྱེས་པར་དབང་བསྐུར་གྱི་གཟུགས་བརྙན་ཙམ་བྱེད་པ་ནི་སྙིང་པོས་དབེན་པ་ཉིད་དོ། །དེ་དག་གི་མཇུག་དུ་དམ་ཚིག་དང་སྡོམ་པའི་གནས་ཐམས་ཅད་བསྒྲགས་ནས་ཁས་བླང་དུ་གཞུག་ཅིང་ཡོན་འབུལ་ཞིང་གཏང་རག་ཏུ་ཚོགས་ཀྱི་འཁོར་ལོ་བྱ། ཤིས་པ་བརྗོད་ཅིང་དགེ་བ་བསྔོ་བ་སོགས་བྱ་བ་ནི་མཇུག་གི་ཆོ་གའོ།། །གྲངས་མེད་བསྐལ་པའི་ཡུན་ལ་མ་ལྟོས་པར། །ཚེ་གཅིག་སངས་རྒྱས་མངོན་བྱེད་རྡོ་རྗེའི་ཐེག །འདོད་ཡོན་རྒྱན་དུ་ཤར་བའི་ཁྱད་པར་ལམ། །ལམ་མཆོག་འདི་འདྲ་མཇལ་རྣམས་སྐལ་བ་བཟང༌། །འོན་ཀྱང་སྙིགས་མར་སྤྱོད་པའི་གཞན་དབང་གིས། །སྨིན་གྲོལ་ལམ་གྱི་ཟབ་གནད་ཀུན་ནུབ་ཅིང༌། །ཚིག་ཙམ་བོན་དུ་གྱེར་བའི་འཆོལ་སྤྱོད་ཀྱིས། །བསྟན་པའི་གཟུགས་བརྙན་ལུས་ལ་སེམས་འདི་སྐྱོ། །དེ་ལྟ་ན་ཡང་དམ་པའི་བླ་མ་ལ། །བསྟེན་ནས་མན་ངག་གནད་ཀྱི་བཅུད་བླང་སྟེ། །ཚུལ་བཞིན་ཉམས་སུ་ལེན་པའི་མོས་ལྡན་འགའ། །ཡོད་པར་གྱུར་ན་ཚུལ་འདིར་སྤྲོ་བར་འགྱུར། །དེ་ཕྱིར་དམ་པའི་གྲོགས་ཀྱི་བཀས་བསྐུལ་ནས། །བརྗོད་བྱའི་སྙིང་པོ་ཉུང་ངུའི་ངག་གིས་བཀོད། །ལོག་པར་བཤད་དང་སྦས་དོན་བཤད་ཆེས་པའི། །ནོར་པ་གང་མཆིས་ལྷ་དང་བླ་མར་བཤགས། །དགེ་ཚོགས་གང་ཞིག་མཆིས་པས་འགྲོ་བ་ཀུན། །འཁྲུལ་མེད་རྡོ་རྗེ་ཐེག་པའི་ལམ་བཟང་དང༌། །མཇལ་ནས་སྨིན་བྱེད་དབང་བཞིའི་རྒྱུད་སྨིན་ཏེ། །གྲོལ་བྱེད་ལམ་གྱིས་མངོན་སངས་རྒྱ་བར་ཤོག །དེ་ལྟར་དབང་བཞིའི་གོ་དོན་ཅུང་ཟད་བཀྲལ་བ་འདི་ཉིད་རྡོ་རྗེའི་མཆེད་དམ་པ་ཚེ་དབང་བཟང་པོའི་བསྐུལ་བའི་ནན་ངོར་མ་ལྡོག་པར་དུག་ལྔ་མེ་འབར་དཔལ་དགེ་ཧྲལ་ཁོས་

― ZP04_Page_356 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་འཕགས་རི་ཁྲོད་དུ་བློ་ཐོག་ནས་ཤར་མར་བྲིས་པ་དགེའོ། །དགེའོ། །དགེའོ། །

ཞི་ཁྲོའི་དབང་སོགས་ཀྱི་མཚམས་སྦྱོར།

― ZP04_Page_357 ―

^{[མ་དཔེ་གཟིགས་ན་འདིར་གནོན།]}

[Full Size]

ཞི་ཁྲོའི་དབང་སོགས་ཀྱི་མཚམས་སྤྱོད་པུཎྜ་རི་ཀའི་དོ་ཤལ་བཞུགས་སོ། །

― ZP04_Page_358 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་བཛྲ་ས་ཏྭ་ཧཱུྃ། ཨོཾ་སྭ་བྷ་ཝས་སྦྱངས། །སྟོང་པའི་ངང་ལས་བྷྲཱུཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཁཾ་ལས་གཤིས་བདུད་ལན་ཆགས་ཀྱི་གཏོར་མ་དངས་ཤིང་ཐོག་པ་མེད་པ་ཟག་པ་མེད་པའི་བདུད་རྩིའི་རང་བཞིན་དུ་གྱུར། ཨོཾ་ཨཱཿཧཱུྃ་ཧོ། ལན་གསུམ། ཨོཾ་སརྦ་བྷུ་ཏ་ཨ་ཀརྵ་ཡ་ཛ། ལན་གསུམ། ཞི་དྲག་སྤེལ་མར་བཅས་བསྔོ་བས་བཏང༌། ན་མོ་རྗེ་བཙུན་རྩ་བ་དང་སོགས། །ཁྱད་པར་སྒྱུ་འཕྲུལ་ཞི་ཁྲོའི་དཀྱིལ་འཁོར་གྱི་ལྷ་ཚོགས་སྤྲུལ་པ་ཡང་སྤྲུལ་བཀའ་སྡོད་དམ་ཅན་རྒྱ་མཚོའི་ཚོགས་དང་བཅས་པ་རྣམས་ཀྱི་བདེན་པ་དང༌། བདེན་པ་ཆེན་པོའི་མཐུ་སྟོབས་ནུས་པ་ལ་བསྟེན་ནས། དེང་འདིར་རྡོ་རྗེ་སློབ་མ་འདི་རྣམས་ལ་རིག་དྲུག་གནས་འདྲེན་གྱི་དབང་དང་ཡོན་ཏན་ཡར་ལྡན་གྱི་དབང་བསྐུར་ཟབ་མོ་བསྐུར་བར་

― ZP04_Page_359 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་པ་ལ་བར་དུ་གཅོད་པའི་གདོན་བགེགས་འབྱུང་པོ་དམ་སྲི་གནོད་བྱེད་ཀྱི་རིགས་སུ་གྱུར་པ་ཐམས་ཅད། དེང་འདིར་དམིགས་ཡུལ་ཚེ་དུས་ལས་འདས་པ་འདི་གསོན་གྱི་དུས་ན་གནས་བྱེད་ཀྱི་ཚེ་སྲོག་ལ་བར་དུ་གཅོད་ཅིང་གཤིན་གྱི་དུས་ན་སྡིག་པ་སྦྱངས་པ་དང་ས་ལམ་ལ་བར་དུ་གཅོད་པའི་སྲོག་གཅོད་ཀྱི་གཤེད་མ་འཆི་ཁར་དབུག་སྡུད་ཅིང་ཕུང་པོ་ལ་བདག་ཏུ་འཛིན་པ་གཤིན་པོ་གནས་མི་བདེ་ཞིང་གསོན་པོ་བཀྲ་མི་ཤིས་པར་བྱེད་པ་ཡར་མཐོ་རིས་དང་ཐར་པའི་གེགས་བྱེད་ཅིང༌། མར་འཁོར་བ་དང་ངན་སོང་གི་སྣ་འདྲེན་པ། བར་རིག་དྲུག་གི་གཡང་ས་ཉམས་ང་བར་སྐྱུར་བའི་གཏིང་རྡོ་བྱེད་པའི་ཟ་འདྲེ་ཤི་གཤེད་སྲོག་གཅོད་དབུག་ལེན་ཤི་མིག་གསོན་ལ་ལྟ་བར་བྱེད་པ་ཁྱོད་རྣམས་འདིར་མ་གནས་པར་རྒྱ་མཚོ་ཆེན་པོའི་ཕ་མཐར་དེངས་ཤིག །གལ་ཏེ་མི་

― ZP04_Page_360 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོ་ན་བདག་ཉིད་འཁོར་བཅས་ཀུན་གྱི་སྤྱི་དཔལ་ཆེན་པོའི་ཐུགས་ཀ་ནས་ཡེ་ཤེས་ཀྱི་ཁྲོ་མཚོན་འཇིགས་རུང་བཟོད་པར་དཀའ་བའི་ཚོགས་ཆེན་པོ་འཕྲོས་པས་ཁྱོད་རང་གི་ལྔ་ཕུང་ཉམ་ཉེས་སུ་གྱུར་ཏ་རེ། དྲག་སྔགས་གུ་གུལ་བདུག་ཅིང་ཐུན་གྱིས་གཟིར་ལ། ཧཱུྃ་ཧཱུྃ་ཧཱུྃ་བི་ཤྭ་བཛྲ་ཙཀྲ་ཛྭ་ལ་མཎྜ་ལ་ཕཊཿཧ་ལ་ཧ་ལ་ཧཱུྃ། ཨོཾ་སུམ་བྷ་ནི་སོགས་ཀྱི་རྗེས་སུ། སྲོག་གཅོད་གཤེད་མའི་རིགས་སུ་གྱུར་པ་ཐམས་ཅད་ཕྱིར་བསྐྲད། །འོད་ཟེར་དང་ཁྲོ་ཚོགས་རྣམས་ཚུར་འདུས། སྟེང་འོག་ཕྱོགས་མཚམས་ཐམས་ཅད་གུར་ཐབས་སུ་འཁྲིགས་པའི་མི་ཕྱེད་རྡོ་རྗེ་བསྲུང་བའི་འཁོར་ལོ་ཡངས་ཤིང་རྒྱ་ཆེ་བ་དེའི་ནང་དུ་ཚེ་དུས་ལས་འདས་པ་མིང་གཟུགས་དྲི་མའི་རྟེན་ལ་རྣམ་པར་ཤེས་པ་བག་ཕེབ་སྟེ་ཆོས་ཉན་པར་གྱུར། ༈ །འོ་འཇིག་རྟེན་འདི་ནས་ཕ་རོལ་དུ་ཚེ་དུས་ལས་འདས་པ་ཁྱོད་ཤི་བ་ཡིན་ནོ། །དེ་ཡང་ཁྱོད་གཅིག་པུ་ཤིའམ་སྙམ་ན་མ་ཡིན་ཏེ། །ཕྱི་སྣོད་ཀྱི་འཇིག་རྟེན་གླིང་བཞི་གླིང་ཕྲན་བརྒྱད། །ལྷུན་པོ་ཉི་ཟླ་དང་བཅས་པའང་མི་རྟག་ཤིང་འཇིག་དགོས་པ་དང༌། ནང་བཅུད་ཀྱི་སེམས་ཅན་སྲིད་པའི་རྩེ་མོ་ནས་མནར་མེད་པའི་བར་རྒྱུ་བ་འདི་ཐམས་ཅད་མི་རྟག་ཅིང་འཆི་དགོས་པ་ནི། མདོ་རྒྱ་ཆེ་རོལ་པ་ལས། །སྲིད་གསུམ་མི་རྟག་སྟོན་ཀའི་སྤྲིན་དང་འདྲ། །འགྲོ་བའི་སྐྱེ་འཆི་གང་ལ་ལྟ་དང་མཚུངས། །འགྲོ་བའ་ཚེ་འགྲོ་ནམ་མཁའི་གློག་འདྲ་སྟེ། །རིག་ཟར་འབབ་ཆུ་བཞིན་དུ་མྱུར་མགྱོག་འགྲོ། །ཞེས་གསུངས་ཞིང་སྤྱིར་འདུས་བྱས་ཐམས་ཅད་མི་རྟག་པ་དང༌། །བྱེ་བྲག་བསོད་ནམས་

― ZP04_Page_361 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ཡེ་ཤེས་ལས་གྲུབ་པའི་རྡོ་རྗེ་ལྟ་བུའི་སྐུ་བརྙེས་པའི་རྫོགས་པའི་སངས་རྒྱས་ཐམས་ཅད་མཁྱེན་པ་དེ་ཡང་མཐར་མི་རྟག་པའི་ཚུལ་སྟོན་པ་དང༌། ཁམས་གསུམ་གྱི་འཆིང་བའི་དགྲ་ཐམས་ཅད་བཅོམ་པ་ཉན་ཐོས་དང་རང་རྒྱལ་ཆེན་པོ་རྣམས་ཀྱང་མི་རྟག་པ་དང༌། དགེ་བའི་རྩ་བ་ཡོངས་སུ་རྫོགས་པའི་སྟོང་འཁོར་ལོས་བསྒྱུར་བའི་རྒྱལ་པོ་ཡང་མི་རྟག་ན། རང་ཅག་གི་ཆུ་བུར་ལྟ་བུའི་ལུས་འདི་འཇིག་པ་ལ་ལྟ་ཅི་སྨོས། ཇི་ལྟར་མི་རྟག་ན། མཛའ་བའི་བཤེས། རྩིག་པའི་མཁར། འབྲེལ་བའི་གཉེན། བསོག་པའི་ནོར་གང་གིས་ཀྱང་མི་ཕན་པ་འཆི་དགོས། དེ་ལྟ་བུའི་འཆི་བའི་གོ་རིམ་ནི་ཇི་ལྟར་འོང་སྙམ་ན། བདག་ཅག་གི་མི་ཚེའི་ཉི་མ་ནི་ཡུན་ཐུང༌། འཆི་བདག་གི་བདུད་པོ་ནི་བང་མགྱོག །འཆི་བའི་རྐྱེན་ངན་གྲངས་མང༌། མ་ཚོར་ཡེང་མ་ལམ་གྱི་ངང་དུ་འཆི་བ་ཞེས་བྱ་བ་ནམ་མཁའི་ཐོག་མགོ་ལ་བབས་པ་བཞིན་དུ་འགྱུར་ལ། དེ་ཐབས་གང་གིས་ཀྱང་བཟློག་པའི་མཐུ་མེད་དེ། །སྲོག་གཅོད་ཀྱི་ནད་དེ་འཚོ་བྱེད་ཀྱི་སྨན་པས་མི་སོས། །འཆི་བདག་གི་གཤིན་རྗེ་ནི་གཟའ་ཁྱབ་འཇུག་གི་མདུང་ཐུང་གིས་མི་ཟློག །ལས་ཀྱི་རྣམ་པར་སྨིན་པ་ནི་དཔལ་ཕྱག་ན་རྡོ་རྗེའི་ནུས་པས་མི་ཁོག །དེ་ལྟར་འཆི་བའི་དུས་ལ་བབས་པ་ན། ཟས་ཀྱི་ཟ་འཕྲོ། །གོས་ཀྱི་གྱོན་འཕྲོ། ལས་ཀྱི་བྱེད་འཕྲོ། ཉལ་མལ་དུ་གཅེས་པའི་སྒྱུ་ལུས་དང་བཅས་པ་དབང་མེད་དུ་བསྒྱུར། བརྩེ་བའི་

― ZP04_Page_362 ―

^{[མ་དཔེ་གཟིགས་ན་འདིར་གནོན།]}

[Full Size]

ཕ། །བྱམས་པའི་མ། སྙིང་སྡུག་གི་བུ། །ཚེ་རོག་གི་ཆུང་མ། བསགས་པའི་ནོར་ཐམས་ཅད་ལའང་མིག་གི་ལྟ་བའི་དབང་ཙམ་ཡང་མེད་པར་འཆི་དགོས་པ་ཁྱོད་ཀྱི་ཐོག་ཏུ་བབས་པས་གོ་བར་གྱིས་ཤིག །དེ་ཡང་འཆི་བའི་རྟགས་ཀྱི་འཁྲུལ་སྣང་ནི། འདི་ལྟར་འབྱུང་སྟེ། པཎ་ཆེན་ཐམས་ཅད་མཁྱེན་པའི་ཞལ་ནས། འབྱུང་བ་ལོག་པའི་སྒྲ་བཞི་འཇིགས་སྣང་གསུམ། །མ་ངེས་རྟགས་རྣམས་སྣ་ཚོགས་འཆར་བའི་ཚེ། ཞེས་གསུངས་པས་ཕྱི་ལྟར་ས་ཆུ་ལ་ཐིམ་ནས་ནང་གཟུགས་སྒྲ་ལ་ཐིམ་པས་མིག་གིས་གཟུགས་མི་མཐོང༌། ལུས་བསྒུལ་སྤྱོད་མི་ནུས། ཆུ་མེ་ལ་ཐིམ་པས་ཕྱི་ནང་གི་གཤེར་པའི་ཚེ་ཐམས་ཅད་སྐམས། རྣ་བས་སྒྲ་མི་ཐོས། མེ་རླུང་ལ་ཐིམ་པས་ལུས་ཀྱི་དྲོད་ཡལ། སྣས་དྲི་མི་ཚོར། རླུང་རྣམ་ཤེས་ལ་ཐིམ་པས། །སྤྱི་བོ་ནས་ཁམས་དཀར་པོ་ཐུར་དུ་བབས་པས་ཕྱི་རྟགས་སུ་ཟླ་བ་ལྟ་བུའི་དཀར་ལམ་པ་དང༌། ཞེ་སྡང་ལས་གྱུར་བའི་རྟོག་པ་སོ་གསུམ་འགགས། ལྟེ་འོག་ནས་རྐྟ་གྱེན་དུ་ཕྱུར་བས་ཉི་མ་ལྟ་བུའི་དམར་ལམ་པ་དང༌། འདོད་ཆགས་ཀྱི་རྟོག་པ་བཞི་བཅུ་འགགས། དཀར་དམར་སྙིང་ཁར་འདྲེས་པས་མུན་ནག་སྟུག་པོ་ལྟ་བུའི་ནག་ལམ་པ་དང༌། གཏི་མུག་གི་རྟོག་པ་བདུན་འགགས། དེ་ནས་རྣམ་ཤེས་དབུ་མར་ཐིམ་པས་རྟོག་མེད་དུ་ལྷན་གྱིས་འགྲོ་བ་ལ། འཁྲུལ་རྟོག་མ་སྐྱེས་ཀྱི་བར་གོམ་འདྲིས་ཡོད་མེད་གནས་ཆ་རིང་ཐུང་ལ་རག་ལས་སོ། །དེ་ནས་བརྒྱལ་བ་ལས་སངས་པ་ཙམ་ན་འཁྲུལ་

― ZP04_Page_363 ―

^{[མ་དཔེ་གཟིགས་ན་འདིར་གནོན།]}

[Full Size]

སྣང་གི་མགོ་འཛུག་པ་ཡིན་ནོ། །དེ་ཡང་རང་ངོ་མ་ཤེས་པས་སླར་ཡང་བར་དོའི་ལུས་བླང་སྟེ་ཤི་བ་ནི་མི་ཤེས། ཉེ་འབྲེལ་ཤུལ་མི་རྣམས་ཀྱི་མྱ་ངན་དང་ངུ་ཆོམ་བྱས་པས་ནི་མ་བཟོད། །དེ་དག་གི་དྲུང་དུ་ཕྱིན་ནས་གཏམ་སྨྲས་ཀྱང་མི་མཐོང་མི་ཐོས། སླར་ཡང་སྡུག་བསྔལ་གྱིས་ནི་གདུང༌། ཉི་ཟླ་དང་སྐར་མ་ལ་སོགས་པ་རྣམས་ཀྱི་གཟུགས་དང་འོད་མི་མཐོང༌། ཕྱོགས་ཐམས་ཅད་བསྐལ་པའི་མུན་ནག་ལྟ་བུའི་ཁྱབ་པ་མཐོང༌། ལས་ཀྱི་རླུང་དམར་དྲག་པོས་ནི་རྒྱབ་ནས་དེད། གཤིན་རྗེའི་སྐྱེས་བུ་རྣམས་ཀྱིས་མདུན་ནས་བསུ། སོད་ཅིག་རྒྱོབ་ཅིག་གི་སྒྲ་དྲག་པོ་ནི་ཐོས། མཚོན་ཆའི་ཆར་བ་ནི་སྐར་མདའ་འཁྲུགས་པ་ལྟར་བབས། །འཇིགས་སྐྲག་གི་སྡུག་བསྔལ་ཆེན་པོ་ནི་མཐོང༌། མགོན་སྐྱབས་དང་དཔུང་གཉེན་ནི་མེད། རྟེན་མེད་གནས་མེད་དུ་འཁྱམས། ཟས་ནོར་དང་ཉེ་འབྲེལ་རྣམས་ལ་ཆགས། སྔོན་གྱི་ཁང་ཁྱིམ་ལ་སོགས་པ་རྣམས་སུ་རྨི་ལམ་བཞིན་དུ་འཁྱམས། ཟས་ནོར་རྣམས་གཞན་གྱིས་སྤྱོད་པ་མཐོང་ནས་ཞེ་སྡང་དྲག་པོ་མེ་ལྟར་འབར། ཡིད་ཀྱི་ལུས་དང་དྲི་ཙམ་གྱི་ཟས་ལ་བརྟེན་ཅིང་གནས་ངེས་མེད་དུ་འཁྱམས། ཅི་ཞིག་ན་འཇིགས་སྐྲག་གིས་བསྐྱོད་དེ་རང་དབང་མེད་པར་འགྲོ། གཞན་ཡང་རི་རབ་བསྙིལ་བ་དང་རྒྱ་མཚོ་ཆེན་པོ་འཕྱོ་བ་དང༌། བསྐལ་པའི་མེ་དཔུང་འབར་བ་ལྟ་བུའི་འུར་སྒྲ་དང༌། བསྐལ་པའི་འཐོར་རླུང་དྲག་པོ་གཡོ་བ་ལྟ་བུའི་ཉམས་དང༌། བར་བར་དུ་དུག་གསུམ་གྱི་ར་བ་གཟུགས་ལས་གྲུབ་

― ZP04_Page_364 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་འཁྲུལ་སྣང་སྐྱ་ཆད་དེ་བ། དམར་ཟེང་ངེ་བ། ནག་ངམ་མེ་བ་སོགས་འཆར་ཡང༌། དེ་རྣམས་འཁྲུལ་སྣང་ཁོ་ན་མ་གཏོགས་བདེན་པར་གྲུབ་པ་ཅུང་ཟད་ཀྱང་མེད་པ་ནི། རྨི་ལམ་གྱི་སྣང་བ་དང་ཁྱད་པར་མེད་པས་གང་ལའང་མ་འཇིགས་མ་སྐྲགས་པར་ཚེ་འདིའི་ཕ་མ། སྤུན་ཟླ། མཛའ་བཤེས་གཉེན་འདུན། རྒྱུ་ཟས་ལོངས་སྤྱོད་གང་ལའང་ཆགས་ཞེན་གྱི་འཁྲི་བ་རྦད་ཀྱི་ཆོད་ལ། བསླུ་མེད་དཀོན་མཆོག་གསུམ་དང༌། རྩ་བའི་བླ་མ་སོགས་ལ་བློ་རྩེ་གཅིག་ཏུ་གསོལ་བ་ཐོབ་ཅིག་ཁྱོད་རང་གི་མདུན་གྱི་ནམ་མཁར་བླ་མ་དང་གཉིས་སུ་མེད་པའི་རྩ་གསུམ་རྒྱལ་བ་ཞི་ཁྲོ་རབ་འབྱམས་ཀྱི་ལྷ་ཚོགས་ཡེ་ཤེས་རང་སྣང་ལས་གྲུབ་པའི་འཇའ་འོད་ཁ་དོག་ལྔ་ལྡན་གྱི་དབུས་ན་སྐུ་མཚན་དཔེ་གསལ་རྫོགས་ཀྱི་རང་བཞིན་ལྷམ་མེ། གསུང་གྲགས་སྟོང་རྡོ་རྗེའི་ཆོས་སྒྲ་ལྷང་ངེ༌། ཐུགས་གསལ་སྟོང་ཡེ་ཤེས་རྣམ་མཁྱེན་གྱི་རང་བཞིན་ལྷན་ནེར་ཁྱོད་རང་ལ་ཐུགས་བརྩེ་བ་ཆེན་པོས་དགོངས་པར་མོས་ལ་གསོལ་བ་རྩེ་གཅིག་ཏུ་ཐོབ་ལ། ཨེ་མ་མགོན་པོ་ཐུགས་རྗེ་ཅན། སོགས། དེ་ནས། ཨོཾ་བཛྲས་ཏྭ་ཧཱུྃ། སྭ་བྷ་ཝ་སྦྱངས། སྟོང་པའི་ངང་ལས་ཨོཾ་ལས་རིན་པོ་ཆེའི་སྣོད་དུ་ཁཾ་ལས་འདོད་ཡོན་གླུད་ཀྱི་གཏོར་མ་རིག་དྲུག་སོ་སོའི་གང་ལ་གང་འདོད་ཀྱི་ལོངས་སྤྱོད་ཟད་མི་ཤེས་པའི་གཏེར་ཆེན་པོ་གཅིག་ཏུ་གྱུར། ཨོཾ་ཨཱཿཧཱུྃ། ཧཱུྃ་གཏོར་མ་འདོད་ཡོན་ལྔ་དང་སོགས། བླ་མ་དང་གཙོ་བོ་ཐ་མི་དད་པའི་དྲུང་དུ་ཡི་དམ་སྒྱུ་འཕྲུལ་ཞི་

― ZP04_Page_365 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲོའི་དཀྱིལ་འཁོར་དུ་འཇུག་པའི་དོན་དུ་མཎྜལ་འབུལ་བར་ཞུ། ས་གཞི་སྤོས་སོགས། དེ་ནས་དཀྱིལ་འཁོར་དུ་འཇུག་པའི་དོན་དུ་གསོལ་བ་འདེབས་པ་འདིའི་རྗེས་ཟློས་མཛོད། ཨེ་མ་མགོན་པོ་སོགས། ནས། ལེགས་པར་ཉོན། དེ་ཡང་ཆོས་ལ་འཇུག་པའི་རྩ་བ་ནི་སྐྱབས་སུ་འགྲོ་བ་ཡིན་པས་མེད་དུ་མི་རུང་ཞིང་ཐོག་མར་བླ་མ་དང་སྒྱུ་འཕྲུལ་ཞི་ཁྲོའི་དཀྱིལ་འཁོར་གྱི་ལྷ་ཚོགས་སངས་རྒྱས་དང་བྱང་ཆུབ་སེམས་དཔའ་ཆོས་སྐྱོངས་སྲུང་མ་དང་བཅས་པ་ཐམས་ཅད་སྣང་སྟོང་གཉིས་མེད་ཀྱི་རང་བཞིན་དུ་གསལ་ལ་སྐྱིད་སྡུག་ལེགས་ཉེས་མཐོ་དམན་ཅིར་འགྱུར་ཡང་ཡིད་ཁྱེད་ཤེས་ཀྱི་དད་པས་འདི་བཞིན་དུ་རྗེས་ཟློས་མཛོད། ཕྱོགས་བཅུའི་སངས་རྒྱས་བྱང་སེམས་རྣམས། སོགས་ནས། སྐྱབས་སུ་མཆི། ཞེས་པར་དང༌། དེ་ལྟ་བུའི་སྐྱབས་སུ་སོང་བའི་ཕན་ཡོན་ནི། ལུང་ལས། སྐྱབས་སོང་འདི་ལ་གཟུགས་མཆིས་ན། ནམ་མཁའ་འདི་ཡང་སྣོད་དུ་ཆུང༌། །རྒྱ་མཚོ་ཆེན་པོ་ཆུ་ཡི་གཏེར། ཕུལ་དུ་གཞལ་བས་ཟད་མི་ནུས། ཞེས་གསུངས་སོ། །དེ་ནས་རྒྱུད་ཡོངས་སུ་དག་པར་བྱ་བའི་ཕྱིར་ཕྱི་སོ་སོར་ཐར་པའི་སྡོམ་པ་བཟུང་བ་དང༌། ནང་བྱང་ཆུབ་སེམས་དཔའི་བསླབ་པ་སྨོན་པ་དང་འཇུག་པའི་རིམ་པ་རྣམས་ཚུལ་བཞིན་དུ་གཟུང་ངོ་སྙམ་དུ་འདིའི་རྗེས་ཟློས་མཛོད། ཧོ་བླ་མ་ཀུན་བཟང་སྤྱན་སྔ་རུ། སོགས། མྱ་ངན་འདས་ལ་འགོད། བར་དང༌། དེ་ནས་གསང་བ་རིག་འཛིན་སྔགས་ཀྱི་

― ZP04_Page_366 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་ཚིག་ལ་རིག་ལྔ་སྤྱི་དང་སོ་སོའི་དམ་ཚིག་རྣམས་ཚུལ་བཞིན་དུ་བླང་ལ་བསྲུང་སྙམ་པས་འདིའི་རྗེས་ཟློས་མཛོད། །དཀོན་མཆོག་གསུམ་ནི་མི་སྤང་ངོ༌། སོགས། ཡོངས་སུ་བཟུང༌། དེ་ནས། ཨོཾ་བཛྲ་ཤྲཱི་ཧེ་རུ་ཀ༌།སློབ་མའི་ཆས་འཛིན་སོགས་ནས། ས་ཏྭ་ཨཱཿ བྱིན་དབབ་པ་ནི། ཀྱེ་ཧོ་བླ་མ་འགྲོ་བའི་མགོན། སོགས། ཞེས་གསོལ་བ་བཏབ་པས་ཁ་བསྐང་སྟེ་སྐལ་པ་དང་ལྡན་པ་ཁྱོད་ལ་བོད་དེ་གནང་བ་སྦྱིན་པ་ནི། ཚུར་ཤོག་ཚུར་ཤོག །སོགས། འོ་ཁྱོད་རང་ལ་ཡེ་ཤེས་པ་ཕབ་པའི་དོན་ནི། རྩལ་རྫོགས་ཆེན་པོའི་རྒྱུད་ལས། གསང་སྔགས་སེང་གེའི་འོ་མ་འདྲ། །རིན་ཆེན་གསེར་སྣོད་མ་ལགས་པའི། །སྣོད་གཞན་ཕལ་བར་བླུག་གྱུར་ན། སྣོད་ཀྱང་ཆགས་ལ་ཅུད་ཀྱང་ཟག །སྣོད་བཅུད་གཉིས་ཀ་མ་རུང་འགྱུར། ཞེས་གསུངས་པས་རྒྱུད་ཀྱི་ཉོན་མོངས་པ་མ་སྦྱང་བར་གསང་སྔགས་ཟབ་མོའི་དབང་བསྐུར་དུ་མི་རུང་ཞིང་བསྐུར་ཡང་མི་འཆགས་པས། ཡེ་གདོད་མ་ནས་སྣོད་གཞལ་ཡས་ཁང་དང་བཅུད་ཡི་དམ་གྱི་ལྷ་ཚོགས་རྟོག་ཚོགས་ཆོས་ཉིད་ཀྱི་རོལ་པར་གནས་པ་ཡིན་ཏེ། དེ་ལྟར་མ་ཤེས་པའི་གང་ཟག་ལ་ཡིན་ཚུལ་ངོ་སྤྲོད་པའི་ཕྱིར་དམ་ཚིག་ཡེ་ཤེས་གཉིས་མེད་དུ་རྒྱས་གདབ་པ་ནི་ཡེ་ཤེས་པ་དབབས་པ་ཡིན་པས་དམིགས་པ་འདི་བཞིན་དུ་མཛོད། ཆུས་བསང་ལ། སྭ་བྷ་ཝ་སྦྱངས། སློབ་དཔོན་ཀུན་བཟང་རྡོར་སེམས་ཞི་ཁྲོ་རབ་འབྱམས་ཀུན་འདུས་ཀྱི་ཐུགས་ཀའི་འོད་ཀྱིས་སློབ་མའི་ལུས་སོགས་མ་དག་པའི་

― ZP04_Page_367 ―

^{[མ་དཔེ་གཟིགས་ན་འདིར་གནོན།]}

[Full Size]

སྣང་བ་ཐམས་ཅད་མི་དམིགས་པ་སྟོང་པ་ཉིད་དུ་སྦྱངས། སྟོང་པའི་ངང་ལས་རིན་ཆེན་ཁྲི་རྐང་པདྨ་ཉི་ཟླའི་སྟེང་དུ་ཁྱེད་རང་རྣམས་རྡོ་རྗེ་སེམས་དཔའ་དཀར་གསལ་ཞལ་གཅིག་འཛུམ་བཅས་བཞད་པ་ཕྱག་གཉིས་གཡས་རིག་སྟོང་རྡོ་རྗེ་ཐུགས་ཀར་འཛིན་ཞིང་གཡོན་སྣང་སྟོང་དྲིལ་བུ་དཀུར་བརྟེན་པ། རིག་ལྔའི་དབུ་བརྒྱན་སོགས་ལོངས་སྤྱོད་རྫོགས་སྐུ་དར་དང་རིན་པོ་ཆེའི་རྒྱན་གྱིས་བརྒྱན་པ། ཞབས་གཉིས་གཡས་བརྐྱང་གཡོན་བསྐུམ་རོལ་པའི་སྟབས་ཀྱིས་བཞུགས་པའི། ཐུགས་ཆོས་དབྱིངས་ཁྱབ་པ་དལ་གྱི་ཀློང་དུ། རང་སེམས་ཀ་དག་རིག་མདངས་ཞལ་ཕྱག་གི་རྣམ་པ་ཀུན་བཟང་ཡབ་ཡུམ་ལ་འཁོར་ཡེ་ཤེས་ལྔའི་རང་འོད་རིགས་ལྔ་ཡབ་ཡུམ་བཅུ། སེམས་དཔའ་བརྒྱད། སེམས་མ་བརྒྱད། ཐུབ་པ་དྲུག །སྒོ་བ་ཡབ་ཡུམ་བརྒྱད་དང་བཅས་པའི་རྩལ་མདངས་ལས། ཀླད་པ་དུང་ཁང་འབར་བའི་གཞལ་ཡས་ཁང་འཇའ་འོད་མེ་དཔུང་ཐིག་ལེའི་ཀློང་དུ་ཆེ་མཆོག་ཡབ་ཡུམ་ལ་ཁྲག་འཐུང་ཁྲོ་བོ་ཡབ་ཡུམ་བཅུ། ཀོ་རིམ་བརྒྱད། སེང་ཧ་མ་བརྒྱད། སྒོ་མ་བཞི། དབང་ཕྱུག་ཉི་ཤུ་རྩ་བརྒྱད་ལ་སོགས་ཞི་ཁྲོ་དམ་པ་རིགས་བརྒྱ་དང༌། མགྲིན་པར་རིག་འཛིན་དཔའ་བོ་ཡབ་ཡུམ་བཅུ་རྣམས་གསལ་བའི་སྐུའི་གནས་གསུམ་དུ་ཨོཾ་ཨཱཿཧཱུྃ་གསུམ་དང་རང་རང་གི་ཐུགས་སྲོག་ས་བོན་ལས་འོད་ཟེར་ཕྱོགས་བཅུར་འཕྲོས་པས། དུས་གསུམ་གྱི་རྒྱལ་བ་

― ZP04_Page_368 ―

^{[མ་དཔེ་གཟིགས་ན་འདིར་གནོན།]}

[Full Size]

ཞི་ཁྲོ་རབ་འབྱམས་ཐམས་ཅད་ཆར་སྤྲིན་གཏིབས་པ་ལྟར་བྱོན་ནས་ཁྱོད་རང་རྣམས་ལ་སིབ་སིབ་ཏུ་ཐིམ་པའི་མོས་པ་མཛོད། ཨོཾ་ཨཱཿཧཱུྃ། བླ་མ་ཀུན་བཟང་རིག་ལྔའི་སོགས་བརྗོད། བྱིན་ཕབ་པའི་ཡེ་ཤེས་པ་རྣམས་ཇི་སྲིད་བྱང་ཆུབ་མ་ཐོབ་ཀྱི་བར་དུ་གཉིས་མེད་རོ་གཅིག་ཏུ་བརྟན་པར་གྱུར་ཅིག །ཨོཾ་སུ་པྲ་སོགས། དེ་ནས་དཀྱིལ་འཁོར་དུ་འཇུག་པ་ནི། བླ་མ་དང་གཙོ་བོ་ཐ་མི་དད་པའི་ཐུགས་ཀ་ནས་རང་འདྲ་གཉིས་པ་ཞིག་ཆད་དེ་ཁྱོད་རང་གི་ལག་པ་ནས་བཟུང་སྟེ་ཁྲིད་ནས་ཤར་སྒོ་ནས་རིམ་པ་བཞིན་དུ་རིགས་སོ་སོ་ལ་མི་ཕྱེད་པའི་དད་པས་ཕྱག་དང་སྐོར་བ་བྱེད་པའི་མོས་པ་མཛོད་ཅིག །ཧཱུྃ་དཀྱིལ་འཁོར་ཆེན་པོའི་ནས། ཤ་ཡ་ཕཊཿ འོ་འདི་ན་བདེ་གཤེགས་ཞི་ཁྲོའི་དཀྱིལ་འཁོར་གྱི་ལྷ་ཚོགས་ཐམས་ཅད་ཡེ་ཤེས་རང་སྣང་ལས་གྲུབ་པས་བཟང་ངན་བླང་དོར་མ་མཆིས་ཀྱང་རང་གི་རིགས་ཀྱི་ལྷ་ལས་འབྲེལ་གང་ལ་ཕོག་པ་དེ་དག་ལ་ཐོག་མེད་དུ་དབབས་པར་བསམ་མོ་དེའི་དགོས་པ་ནི། སློབ་དཔོན་བི་ཤྭ་མི་ཏྲས། མཉེས་དཀའ་མ་ཡིན་བཀུར་གནས་ཀྱི། འཇིག་རྟེན་མགོན་པོའི་ཆོས་ལུགས་ཕྱིར། ཞེས་གསུང་པས། དེ་ལྟར་ལྷ་ལ་ཕྱག་རྟེན་དུ་རྟེན་འབྲེལ་གྱི་མེ་ཏོག་དོར་ཞིང༌། ཧཱུྃ་བདག་ཅག་རིག་པའི་མེ་ཏོག་ཛ་ཧོཿ འོ་དེ་ལྟར་རིགས་གང་ལ་ཕོག་པའི་ལྷ་ལས་དྲིས་པའི་མིང་བཏགས་ཏེ་མེ་ཏོག་དེ་ཉིད་རྒྱལ་བ་རིགས་ལྔའི་རང་བཞིན་གྱི་ཅོད་པཎ་དུ་གྱུར་ནས་ཁྱོད་ཀྱི་

― ZP04_Page_369 ―

^{[མ་དཔེ་གཟིགས་ན་འདིར་གནོན།]}

[Full Size]

མགོ་ལ་བཅིངས་ཏེ་ཡེ་ཤེས་ལྔས་རྒྱས་བཏབས་ཏེ་རིགས་གང་ཡིན་པ་དེ་དག་གི་ངོ་བོར་སངས་རྒྱ་པའི་རྟེན་འབྲེལ་བསྒྲིགས་པ་ཡིན་ནོ། །འོ་ཁྱོད་རང་དེ་སྔོན་མ་རིག་གཉིས་འཛིན་གྱི་ལྡོང་པ་དེ་དག་མཚོན་བྱེད་ཀྱི་མིག་དར་འདི་ཉིད་བསལ་བ་དང༌། མཉམ་དུ་གཉིས་འཛིན་མ་རིག་པ་སྲོག་ཏུ་གསལ་ནས་རིག་པ་ཡེ་ཤེས་ལྷའི་ངོ་བོ་ཇི་ལྟ་བར་གསལ་པའི་མོས་པ་མཛོད་ཅིག །ཀུན་བཟང་རིག་ལྔ་རྡོ་རྗེ་སེམས། སོགས་བརྗོད་ལ་མིག་དར་བསལ། འོ་འདི་ན་ཡེ་ཤེས་རང་སྣང་ལས་གྲུབ་པའི་འཁོར་ལོ་སྒྱུ་འཕྲུལ་ཞི་ཁྲོ་རོལ་པའི་དཀྱིལ་འཁོར་རྟེན་དང་བརྟེན་པ་དང་བཅས་པ་མེ་ལོང་ནང་གི་གཟུགས་བརྙན་བཞིན་ཤར་བ་ཡིན་ཏེ། དེ་ཡང་ཅུང་ཟད་དབྱེ་ན་རྒྱལ་བ་ཐམས་ཅད་བསྐྱེད་པའི་ཡུམ་མཁའ་ཀློང་རྣམས་པར་དག་པ་འོག་བཞི་འབྱུང་བ་རིམ་བརྩེགས་རི་རབ་དང་བཅས་པའི་སྟེང་དུ་ཐར་པ་ཆེན་པོའི་གཞལ་ཡས་ཁང་རྒྱུ་རིན་པོ་ཆེ་སྣ་ལྔ་ལས་གྲུབ་པ་གྲུ་བཞི་སྒོ་བཞི་ལོག་བརྒྱད་རྩིག་པ་རིམ་པ་ལྔ། འདོད་སྣམ་ཕ་གུ་དྲ་ཕྱེད་ཤར་བུ་མདའ་ཡབ་ཆོས་འཁོར་རི་དྭགས་གདུགས་དང་བཅས་པ་བྱང་ཆུབ་ཕྱོགས་ཀྱི་ཆོས་སུམ་ཅུ་རྩ་བདུན། གཞལ་ཡས་ཁང་གི་རྣམ་པར་ཤར་བ་ནང་དྲག་པོའི་གཞལ་ཡས་ཁང་ལྷ་བརྒྱད་ཀླུ་བརྒྱད་གཟའ་བརྒྱད་ལ་སོགས་པའི་ཀ་གདུང་དྲལ་ཕྱམ་དང་བཅས་པའི་མཚན་ཉིད་ཡོངས་སུ་རྫོགས་པའི་དབུས་སུ་ཡིད་ཆོས་རྣམ་པར་དག་པ་ཀུན་བཟང་ཡབ་ཡུམ་གཉིས། ཤར་དུ་རྡོ་རྗེ་རིགས་ཀྱི་ཚོམ་

― ZP04_Page_370 ―

^{[མ་དཔེ་གཟིགས་ན་འདིར་གནོན།]}

[Full Size]

བུ་དྲུག །ལྷོར་རིན་ཆེན་རིགས་ཀྱི་ཚོམ་བུ། ནུབ་དུ་པདྨ་རིགས་ཀྱི་ཚོམ་བུ། བྱང་དུ་ལས་ཀྱི་རིགས་ཀྱི་ཚོམ་བུ། ཕྱོགས་བཞི་སྟེང་འོག་གཉིས་སུ་འགྲོ་འདུལ་གྱི་ཐུབ་པ་དྲུག་རྣམས་རང་རང་གི་རྟག་དང་མཚན་མས་གཙོ་བོ་ཡབ་ཡུམ་ལ་ཞལ་གཟིགས་ཏེ་བཞུགས་པ། །སྒོ་བཞིར་སྒོ་བ་ཡབ་ཡུམ་བརྒྱད་རྣམས་ཞལ་ཕྱིར་གཟིགས་ཏེ་བར་ཆད་བསྲུང་བའི་ཚུལ་མཛད་པ་སྟེ། དེ་ལྟར་རྡོ་རྗེ་དབྱིངས་ཀྱི་ལྷ་ཞི་བ་བཞི་བཅུ་རྩ་གཉིས་འཇའ་འོད་ཁ་དོག་ལྔ་ལྡན་གྱི་དབུས་ན་བཞུགས་ཤིང༌། སྟེང་གི་ནམ་མཁར་ཆོས་དབྱིངས་མེ་རི་འབར་བའི་དབུས་སུ་དཔལ་ཆེན་པོ་ཆེ་མཆོག་ཧེ་རུ་ཀ་ལ་སོགས་ཏེ་འབར་བ་ཁྲག་འཐུང་ལྔ་བཅུ་རྩ་བརྒྱད་རྣམས་ཁྲོ་གཏུམ་གར་དགུའི་ཉམས་ཐམས་ཅད་ཡོངས་སུ་རྫོགས་པ་འཇའ་འོད་མེ་དཔུང་འདྲེས་མར་མཆེད་པའི་དབུས་ན་བཞུགས་པ་འདི་དག་ཁྱོད་རང་གི་ཚེ་རབ་ལས་ཀྱི་འབྲེལ་བའི་ལྷ་ཡིན་པས་མ་བསྒོམ་ཀྱང་སྐྱེ་བ་བདུན་ཚུན་ཆད་ལ་ཡི་དམ་ལྷའི་ངོ་བོར་འཚང་རྒྱ་བའི་རྒྱུ་ཡིན་པས་སྤྲོ་བར་གྱིས་ལ་དཀྱིལ་འཁོར་ལ་གཟིགས་ཤིག །ཀྱེ་མ་སྐལ་ལྡན་རིགས་ཀྱི་བུ། སོགས། སླར་ཡང་བུམ་དབང་དངོས་ཞུ་བའི་དོན་དུ་གསོལ་འདེབས་རྗེས་ཟློས་མཛོད། ཀྱེ་ཧོ་བླ་མ་སོགས། འོ་དེ་ཡང་སྤྲོས་བཅས་བུམ་པའི་དབང་ཆེན་པོ་བསྐུར་བ་ལ། བུམ་དབང་གི་བརྡའ་དོན་ནི། ལོ་པཎ་བཀའ་ཐང་ལས། །བུམ་ནི་སྙིང་པོ་འོད་ཀྱི་བུམ། །པ་ནི་ཆོས་དབྱིངས་སྐྱེ་བ་མེད། བྱེད་ལས་སེམས་ཅན་དོན་བྱེད་ཅིང༌། །མ་འགགས་སྤྲུལ་སྐུ་རྒྱུན་མི་འཆད། །

― ZP04_Page_371 ―

^{[མ་དཔེ་གཟིགས་ན་འདིར་གནོན།]}

[Full Size]

ཅེས་གསུངས། །སྤྱིར་བུམ་པ་ལ་ཆོས་དབྱིངས་མི་འགྱུར་བའི་བུམ་པ། ཀུན་རྫོབ་མཚན་མའི་བུམ་པ། །འདུས་བྱས་རྟགས་ཀྱི་བུམ་པ། བཏགས་པ་མིང་གི་བུམ་པ་དང་བཞི་ཡོད་པ་ལས། འདིར་འདུས་བྱས་རྟགས་ཀྱི་བུམ་པ་ལ་བརྟེན་ཏེ། དོན་ཆོས་དབྱིངས་མི་འགྱུར་བའི་རྒྱས་འདེབས་པ་ཡིན་པས། དེ་ལྟར་དབུས་ཀྱི་རིན་པོ་ཆེའི་བུམ་པ་བདུད་རྩིས་གང་བ་སྤྱི་བོར་བཞག་ལ། ཧཱུྃ་བུམ་པ་འདི་ནི། འོ་རིགས་ཀྱི་བུ་ཁྱོད་ལ་བུམ་པ་འདིས་སོགས། རིག་པའི་དབང་ལྔ་ནི། དེ་ཡང་ཁམས་གསུམ་གྱི་སེམས་ཅན་ཐམས་ཅད་འཁོར་བར་འཁྱམས་པའི་རྒྱུ་རྐྱེན་ཕུང་པོ་ལ་བདག་ཏུ་བཟུང་ཞིང་དུག་ལྔ་རང་ཁར་ཡན་ཏེ་འཁྲུལ་པ་ལུ་གུ་རྒྱུ་དུ་གྱུར་པ་ལ་བརྟེན་ནས་སྡུག་བསྔལ་གྱི་རྒྱ་མཚོར་འཕྱན་པ་ཡིན་ལ། དེ་དག་པར་བྱེད་པ་རིག་ལྔའི་ཡེ་ཤེས་ཀྱི་ངོ་བོ་རིག་པའི་དབང་ལྔ་ལ་བརྟེན་དགོས་ཏེ། རྒྱུད་ལས། ཞེ་སྡང་མེ་གསོད་ཆུ་ཡི་དབང༌། །ང་རྒྱལ་རི་བསྙིལ་དབུ་རྒྱན་དབང༌། འདོད་ཆགས་དུག་འཇོམས་རྡོ་རྗེའི་དབང༌། །ཕྲག་དོག་ཞགས་བཀྲོལ་དྲིལ་བུའི་དབང༌། །གཏི་མུག་མུན་སེལ་མིང་གི་དབང༌། ཞེས་དང༌། ཆུ་དང་དབུ་བརྒྱན་རྡོ་དྲིལ་མིང༌། །བུ་ཁྱོད་རྣམས་ལ་སྦྱིན་པར་བྱ། ཞེས་པས། དང་པོ་མི་བསྐྱོད་པ་ཆུའི་དབང་ནི། ཧཱུྃ་སྐུ་གསུམ་དམ་ཚིག་སོགས། །ཞེས་མི་བསྐྱོད་པ་ཆུའི་དབང་བསྐུར་བས་ཉོན་མོངས་པ་ཞེ་སྡང་སྦྱངས། རྣམ་ཤེས་ཀྱི་ཕུང་པོ་གནས་སུ་དག །མེ་ལོང་ལྟ་བུའི་ཡེ་ཤེས་མངོན་དུ་བྱས། །

― ZP04_Page_372 ―

^{[མ་དཔེ་གཟིགས་ན་འདིར་གནོན།]}

[Full Size]

།ཐུགས་རྡོ་རྗེ་མི་བསྐྱོད་པའི་སྐུ་ལྷུན་གྱིས་གྲུབ། སངས་རྒྱས་རྡོ་རྗེ་རིགས་ཀྱི་ཞིང་ཁམས་ལ་དབང་བསྒྱུར་ནས་སེམས་ཅན་གྱི་དོན་ཐོགས་པ་མེད་པ་བྱེད་ནུས་པར་གྱུར། ཧཱུྃ་སངས་རྒྱས་ཀུན་གྱི་རྒྱལ་སྲིད་དེ་སོགས། རིན་ཆེན་འབྱུང་ལྡན་དབུ་རྒྱན་གྱི་དབང་བསྐུར་བས་ཉོན་མོངས་པ་ང་རྒྱལ་སྦྱངས། ཚོར་བའི་ཕུང་པོ་གནས་སུ། མཉམ་པ་ཉིད་ཀྱི་ཡེ་ཤེས། ཡོན་ཏན་རིན་ཆེན་འབྱུང་ལྡན་གྱི་སྐུ། ལྷོ་ཕྱོགས་རིན་ཆེན་རིགས་ཀྱི། ཧཱུྃ་སངས་རྒྱས་ཀུན་གྱི་རྡོ་རྗེའི༴་དེས་སྣང་བ་མཐའ་ཡས་རྡོ་རྗེའི་དབང་བསྐུར། ཉོན་མོངས་པ་འདོད་ཆགས༴་འདུ་ཤེས་ཀྱི་ཕུང་པོ༴་སོ་སོར་རྟོགས་པའི༴་གསུང་སྣང་བ་མཐའ་ཡས་ཀྱི་སྐུ༴་སངས་རྒྱས་པདྨའི་རིགས་ཀྱི༴་ཧཱུྃ་ཐབས་དང་ཤེས་རབ་ལྡན་པ་སོགས། དོན་ཡོད་གྲུབ་པ་དྲིལ་བུའི་དབང་བསྐུར་བས་ཉོན་མོངས་པ་ཕྲག་དོག༴་འདུ་བྱེད་ཀྱི་ཕུང་པོ༴་བྱ་བ་གྲུབ༴༌།ཕྲིན་ལས་དོན་ཡོད་གྲུབ་པ། །སངས་རྒྱས་ཕྲིན་ལས་རིགས་ཀྱི་ཞིང་ཁམས། ཧཱུྃ་རྡོ་རྗེ་མིང་གི་དབང་བསྐུར་སོགས། དེ་ལྟར་རྣམ་པར་སྣང་མཛད་མིང་གི་དབང་བསྐུར་བས་ཉོན་མོངས་པ་གཏི་མུག་སྦྱངས། གཟུགས་ཀྱི་ཕུང་པོ༴༌།ཆོས་ཀྱི་དབྱིངས་ཀྱི་ཡེ་ཤེས། རྣམ་པར་སྣང་མཛད་ཀྱི་སྐུ༴་སངས་རྒྱས་བདེ་གཤེགས་རིགས་ཀྱི་ཞིང་ཁམས་ལ། འོ་དེ་ལྟར་ཐུན་མོངས་སོགས་བརྗོད། །འོ་དེ་དག་གི་ཕྱི་མཚན་མའི་བུམ་དབང་ལེ་ལག་དང་བཅས་པ་སོང་ནས། གཉིས་པ་ནང་ཕྱག་རྒྱ་སྐུའི་དབང་ལ་བརྟེན་ནས་མཚན་དཔེའི་དེ་ཁོ་ན་ཉིད་ངོ་སྤྲོད་ཀྱི་དབང་བསྐུར་

― ZP04_Page_373 ―

^{[མ་དཔེ་གཟིགས་ན་འདིར་གནོན།]}

[Full Size]

ཞུ་བའི་དོན་དུ་གསོལ་བ་འདེབས་པ་འདིས་རྗེའི་ཟློས་མཛོད། ཀྱཻ་ཧོ་བླ་མ་རྡོ་རྗེ་སོགས། དེ་ལྟར་གསོལ་བ་བཏབ་པས་ཞི་ཁྲོ་རིགས་བརྒྱའི་ལྷ་དབང་བསྐུར་བ་ལ་བརྟེན་ནས་དཀྱིལ་འཁོར་གྱི་ལྷ་ཚོགས་རྣམས་ལས་ལྷ་གཉིས་པ་རེ་མར་མེ་གཅིག་ལས་གཉིས་ཆད་ཀྱི་ཚུལ་དུ་བྱོན་ནས་སློབ་མའི་ལུས་གནས་སོ་སོ་ལ་ཐིམ་པས་ཕུང་ཁམས་སྐྱེ་མཆེད་ཀྱི་རྟེན་ཐམས་ཅད་སྒྱུ་འཕྲུལ་ཞི་ཁྲོ་རབ་འབྱམས་ཀྱི་འཁོར་ལོར་སྨིན་ཅིང་ལྷ་དེ་དང་དེའི་ཡོན་ཏན་དང་ནུས་པ་ཐམས་ཅད་ཐོབ་པར་མོས་ལ། ཧཱུྃ་སྐལ་ལྡན་རིགས༴་ཀུན་བཟང་ཡབ་ཡུམ་སོགས་ནས། ངོ་ཤེས་པ་དང་གྲོལ་བ་དུས་མཉམ་དུ་འོང་ངོ༌། །དེ་ལྟར་ལྷ་ཚོགས་རྣམས་ཁྱེད་རང་གི་གནས་སོ་སོར་ཐིམ་པས་སྣོད་བཅུད་ཀྱི་བསྡུས་པའི་ཆོས་སོ་ཅོག་ཐམས་ཅད་རིགས་བརྒྱ་ཞི་ཁྲོའི་དཀྱིལ་འཁོར་ཆེན་པོ་ཡོངས་སུ་དག་པར་གྱུར་ནས་ཞི་བ་དང་ཁྲོ་བོའི་སྐུའི་རྣམ་འགྱུར་གང་དང་གང་གིས་འདུལ་པ་དེ་དང་དེའི་རྣམ་རོལ་འགགས་མེད་སྣང་སྟོང་ཆུ་ཟླའི་རོལ་གར་བཞིན་སྤྱོད་པའི་མཐུ་ཐོབ་པར་བྱས་པ་ཡིན་ནོ། །དེ་ལྟར་ཕྱི་མཚན་མའི་དཀྱིལ་འཁོར་དུ་སྤྲོས་བཅས་བུམ་པའི་དབང་ཐོབ། ལུས་ཀྱི་དྲི་མ་དག་ཡུལ་སྣང་སྟོང་དུ་རྟོགས༌།ལམ་བསྐྱེད་རིམ་བསྒོམ་པ་ལ་དབང༌། ཚོགས་ལམ་ནས་ས་བརྒྱད་པ་མན་ཆད་ཀྱི་ནུས་པ་རྒྱུད་ལ་བཞག །འབྲས་བུ་སྐུ་རྡོ་རྗེ་སྤྲུལ་པའི་སྐུ་ཐོབ་པའི་སྐལ་པ་ཅན་དུ་བྱས་པ་ཡིན་ནོ། ། བདུད་རྩི་ཐོགས་ལ། དེ་ནས་གསུང་རྡོ་རྗེའི་ངོ་བོ་ལོངས་

― ZP04_Page_374 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱོད་རྫོགས་སྐུ་བླ་མ་ཀུན་བཟང་ཡབ་ཡུམ་སྙོམ་པར་ཞུགས་པའི་དགའ་བཞིས་དྲངས་པའི་སྒྲ་དང་འོད་ཟེར་གྱིས་དེ་བཞིན་གཤེགས་པ་ཐམས་ཅད་སྤྱན་དྲངས། སྤྱི་བོ་ནས་ཞུགས། འདོད་ཆགས་ཆེན་པོས་མེས་ཞུ་བ་མཁའ་གསང་ནས་བརྒྱུད་དེ་ཐོད་པའི་བདུད་རྩི་དང་ལྷན་ཅིག་ཏུ་ལྕེ་ལ་བཞག་སྟེ་མྱང་བས་ཡེ་ཤེས་ཀྱི་བདུད་རྩི་ཤེལ་ལྟར་དངས་ཤིང་བདེ་བ་ཁྱད་པར་ཅན་བདེ་སྟོང་དབྱེར་མི་ཕྱེད་པས་ལུས་ཐམས་ཅད་གང༌། གསལ་སྟོང་ནམ་མཁའ་དང་མཉམ་པའི་ཏིང་ངེ་འཛིན་རྒྱུད་ལ་སྐྱེས་པར་མོས་ལ། ཧཱུྃ་གསང་བ་ཡེ་ཤེས་སོགས། དེ་ལྟར་བླ་མ་ཡབ་ཡུམ་དང་ཡི་གེ་ཆོས་འབྱུང་གི་དཀྱིལ་འཁོར་དུ་སྤྲོས་མེད་གསང་བའི་དབང་ཐོབ། །ངག་གི་དྲི་མ་དག །སེམས་གསལ་སྟོང་བརྗོད་བྲལ་དུ་རྟོགས། ལམ་རྩ་རླུང་གི་རྣལ་འབྱོར་བསྒོམ་པ་དང་སྔགས་བཟླ་བ་ལ་དབང༌། སྒོམ་ལམ་ས་དགུའི་ནུས་པ་རྒྱུད་ལ་བཞག །འབྲས་བུ་གསུང་རྡོ་རྗེ་ལོངས་སྤྱོད་རྫོགས་པའི་སྐུ་ཐོབ་པའི་སྐལ་པ་ཅན་དུ་བྱས་པ་ཡིན་ནོ། །དེ་ནས་ཐུགས་རྡོ་རྗེ་ཆོས་སྐུའི་ངོ་བོ་བླ་མས་ཤེས་རབ་མཚོན་བྱེད་མེ་ཤེལ་ངོ་བོ་རང་བཞིན་ཐུགས་རྗེ་གསུམ་གྱི་བདག་ཉིད་ཅན་སྙིང་གར་བཞག་པ་ལ་བརྟེན་ནས་སོ་སོ་རང་རིག་ཡེ་ཤེས་བདེ་སྟོང་སྤྲོས་དང་བྲལ་བ་ཉིད་ཅིག་ཆར་རྒྱུད་ལ་སྐྱེ་བར་མོས་ཤིང༌། དེའི་ངང་ལ་མཉམ་པར་ཞོགས་ཤིག །ཧཱུྃ་མེ་ལོང་སྤྲོས་བྲལ་ཆོས་སྐུ། དེ་ལྟར་ཀུན་རྫོབ་བྱང་ཆུབ་ཀྱི་སེམས་མཚོན་བྱེད་མེ་ལོང་གི་དཀྱིལ་འཁོར་དུ་ཤེས་རབ་མཚོན་བྱེད་ཤེས་རབ་ཡེ་ཤེས་ཀྱི་དབང་ཐོབ། ཡིད་ཀྱི་སྒྲིབ་པ་

― ZP04_Page_375 ―

^{[མ་དཔེ་གཟིགས་ན་འདིར་གནོན།]}

[Full Size]

དག །རང་རིག་བདེ་སྟོང་བརྗོད་བྲལ་དུ་རྟོགས། །ལམ་ཐིག་ལེ་དང་ཕྱག་རྒྱ་ཆེན་པོ་བསྒོམ་པ་ལ་དབང༌། མཐར་ལམ་རྒྱུན་མཐའི་ཡེ་ཤེས་ཀྱི་ས་ཐོབ་པའི་ནུས་པ་རྒྱུད་ལ་བཞག །འབྲས་བུ་ཐུགས་རྡོ་རྗེ་ཆོས་ཀྱི་སྐུ་ཐོབ་པའི་སྐལ་པ་ཅན་དུ་བྱས་པ་ཡིན་ནོ། །དེ་ནས་ཡེ་ཤེས་རྡོ་རྗེ་ངོ་བོ་ཉིད་སྐུའི་རང་བཞིན་ཅན་གྱི་བླ་མས་དབང་བཞི་པ་དཔེས་མཚོན་དུ་མེད་པའི་ཡེ་ཤེས་ཉིད་ཚིག་ཙམ་གྱི་བརྡས་ངོ་སྤྲོད་པ་སྟེ། དེ་ཡང་སེམས་ཀྱི་གཤིས་ལུག་གང་དུའང་མ་གྲུབ་པའི་སྟོང་ཉིད་སྤྲོས་བྲལ་ཀ་ནས་དག་པ་དེ་ཉིད་རང་གདངས་འགགས་མེད་བདེ་བ་ཆེན་པོ་རྣམ་རོལ་སྐུ་དང་ཡེ་ཤེས་ཀྱི་ཡོན་ཏན་ཐམས་ཅད་ཡེ་ནས་ལྷུན་གྲུབ་དུ་རྫོགས་པ་སྣང་སྟོང་དབྱེར་མེད་ཟུང་འཇུག་སོ་སོར་རང་རིག་གདོད་མའི་གནས་ལུགས་ནམ་མཁའ་དང་མཉམ་པའི་རང་བཞིན་གྱི་ངང་བསྐྱང་བ་ནི་དེ་ཁོ་ན་ཉིད་ཀྱི་དབང་ཡིན་པས་རང་བབས་སུ་མ་བཅོས་པར་ཞོག་ཅིག་ཧྲཱི་ངོ་བོ་ཉིད་ནི་ཀ་དག༴་དེ་ལྟར་དོན་དམ་བྱང་ཆུབ་ཀྱི་སེམས་བླ་མའི་ཐུགས་ཀྱི་དཀྱིལ་འཁོར་དུ་དབང་བཞི་པ་ཐོབ། སྒོ་གསུམ་གྱི་དྲི་མ་བག་ཆགས་དང་བཅས་པ་དག །བསམ་གྱིས་མི་ཁྱབ་པའི་ཡེ་ཤེས་བརྗོད་བྲལ་དུ་རྟོགས། ལམ་རང་བཞིན་རྫོགས་པ་ཆེན་པོ་བསྒོམ་པ་ལ་དབང༌། བཅུ་གསུམ་ཡེ་ཤེས་བླ་མའི་ས་ཐོབ་པའི་ནུས་པ་རྒྱུད་ལ་བཞག །འབྲས་བུ་ཡེ་ཤེས་རྡོ་རྗེ་ངོ་བོ་ཉིད་སྐུ་ཐོབ་པའི་སྐལ་པ་ཅན་དུ་བྱས་པ་ཡིན་ནོ། །འཁོར་ལོ་རིན་པོ་ཆེའི་དབང་བསྐུར་བས། །

― ZP04_Page_376 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་བ་ལུ་གུ་རྒྱུད་དུ་འཁྲུལ་བའི་རྒྱུ་བདག་འཛིན་གཉིས་སྣང་གི་བག་ཆགས་རྩད་ནས་བཅད་དེ་བདག་དོན་དུ་དག་པ་གཉིས་ལྡན་གྱི་སྐུ་མངོན་དུ་བྱས། གཞན་དོན་དུ་ཆོས་ཀྱི་འཁོར་ལོ་རྒྱ་ཆེན་པོ་བསྐོར་ནས་འགྲོ་བའི་དོན་བླ་ན་མེད་པར་བྱེད་ནུས་པའི་མོས་པ་མཛོད་ཅིག་ཧཱུྃ་འཁོར་ལོ་རིན་ཆེན༴་ནོར་བུ་རིན་པོ་ཆེའི་དབང་བསྐུར་བས། ཀུན་རྫོབ་དུ་ཟང་ཟིང་གི་ངོ་བོ་གྱ་ནོམ་པ་དང༌། དོན་དམ་དུ་ཡང་དག་དང་ལྟར་སྣང་འབྱེད་པའི་བློ་གྲོས་ཀྱི་མཐུ་བཀྲེས་ཤིང་ཕོངས་པ་དག་བསལ་ནས་འཕགས་ནོར་བདུན་ལ་སོགས་པའི་འབྱོར་བས་ཕྱུག་སྟེ། ཕུན་སུམ་ཚོགས་པ་ལྔ་ལྡན་གྱི་སྒོ་ནས་བསྟན་འགྲོའི་དོན་རྒྱ་ཆེན་པོ་འགྲུབ་པའི༴་ཧཱུྃ་ནོར་བུ༴་བཙུན་མོ་རིན་པོ་ཆེའི་དབང་བསྐུར་པས། ཐབས་ལ་རྨོངས་པ་མ་རིག་པའི་རྒྱུན་བཅད་དེ་ཟབ་མོ་སྟོང་པ་ཉིད་ཀྱི་དོན་རྟོགས་པས། ཐབས་སྣང་བའི་ཆ་གང་དུ་ཡང་མ་སྤངས་ཤིང༌། ཅིར་ཡང་མ་བསྒྱུར་བར་ཤེས་རབ་ཡེ་ཤེས་ཀྱི་དེ་ཁོ་ན་ཉིད་ལ་དབང་འབྱོར་ནས། སྣང་སེམས་དབྱེར་མེད་དུ་དག་ཕྱི་ཀུན་རྫོབ་ཐབས་ལ་མཉམ་པར་སྦྱར་བས་དགའ་བཞི་ལུགས་འབྱུང་ལྡོག་གི་རྩལ་སྦྱངས། ཨ་ཝ་རྡུ་ཏིའི་རྩ་མདུད་ཉི་ཤུ་རྩ་གཅིག་གྲོལ་ཏེ། ཁ་སྦྱོར་ཡན་ལག་བདུན་ལྡན་གྱི་སྐུ་མངོན་དུ་གྱུར་པའི་མོས། ཧཱུྃ་བཙུན་མོ༴༌།བློན་པོ་རིན་པོ་ཆེའི་དབང་བསྐུར་བས། །ཕྱི་སྐུ་རྒྱུད་བསྐྱེད་པ་མ་ཧཱ་ཡོ་ག༌།ནང་གསུང་རྒྱུད་ལུང་ཨ་ནུ་ཡོ་ག༌།གསང་བ་ཐུགས་ཀྱི་རྒྱུད་རྫོགས་ཆེན་ཨ་ཏི་

― ZP04_Page_377 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོ་ག་སྟེ། ཐེག་པ་གསུམ་གྱི་དོན་ལ་མ་རྨོངས་ཤིང༌། དེ་ཁོ་ན་ཉིད་བློ་བྲལ་བསམ་ལས་འདས་པས་བསྟན་པ་རིན་པོ་ཆེ་འཛིན་སྐྱོངས་སྤེལ་བར་བྱེད་པའི་ཡོན་ཏན་ཅན་དུ་གྱུར་བའི་མོས། ཧཱུྃ་བློན་པོ་རིན་ཆེན༴་གླང་པོ་རིན་པོ་ཆེའི་དབང་བསྐུར་བས། །མུ་སྟེགས་ཀྱི་རྟག་ཆད་དང༌། །ཉན་ཐོས་ཀྱི་དངོས་ཞེན་ལ་སོགས་ཐེག་དམན་གྱི་ལྟ་ངན་རི་དྭགས་ཕལ་པ་ཟིལ་གྱིས་མནན་ནས་བླ་མེད་རྡོ་རྗེ་ཐེག་པའི་གླང་པོ་ལ་ཞོན་ཏེ། རྣམ་པ་ཐམས་ཅད་མཁྱེན་པའི་གྲོང་དུ་ཐོགས་པ་མེད་པར་བགྲོད་པའི་མོས་པ། ཧཱུྃ་གླང་པོ་རིན་ཆེན། རྟ་མཆོག་རིན་པོ་ཆེའི་དབང་བསྐུར། ཚོགས་ལམ་ཆེན་པོའི་རྫུ་འཕྲུལ་གྱི་རྐང་པ་བཞིའི་ཤུགས་ཐོབ་ཅིང༌། སྦྱོར་ལམ་དང་མཐོང་ལམ་གྱི་རིམ་པ་རྣམ་པར་མི་རྟོག་པའི་གོམ་སྟབས་ཆེན་པོས་སྐད་ཅིག་ལ་བརྒལ་ནས་བསྒོམ་ལམ་དང་མི་སློབ་པའི་ལམ་མངོན་དུ་གྱུར་ཏེ། མྱུར་དུ་སངས་རྒྱས་ཀྱི་ཞིང་ཁམས་བགྲོད་པའི་མོས༴་ཧཱུྃ་དམག་དཔོན་རིན་པོ་ཆེའི་དབང་བསྐུར་བས། རྣམ་རྟོག་ཕལ་བས་ཡེ་ཤེས་ལ་རྒོལ་བའི་དགྲ་བོ་རྩད་ནས་བཅད། བདག་འཛིན་ཉོན་མོངས་པའི་གཡུལ་ལས་རྒྱལ་ཏེ། གང་ལའང་བསྙིངས་འཁྲིགས་དང་བྲལ་བ་ཕྱོགས་ལས་རྣམ་རྒྱལ་གྱི་སྤྱོད་པས་སྟག་མོ་རི་སུ་ལ་འགྲིམ་པ་ལྟ་བུའི་འགྲོ་དོན་ཕྱོགས་མེད་དུ་སྤྱོད་པའི་མོས་པ་མཛོད། ཧཱུྃ་དམག་དཔོན༴་སོགས། འོ་རིགས་ཀྱི་བུ་དངོས་སུ་གཟུགས་བརྙན་ལས་གྲུབ་པའམ། ཡེ་ཤེས་

― ZP04_Page_378 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་རྩལ་མདངས་ལས་སྤྲུལ་པའི་གདུགས་དཀར་པོ་གསེར་གྱི་ཡུ་བ་ཅན་འཕུར་ལྡེང་གཡོ་བ་རིན་པོ་ཆེ་ཨིནྟྲ་ནོ་ལའི་ཏོག་གིས་མཛེས་པ་དབུའི་སྟེང་དང༌། གསེར་ཉ་གཡུའི་གཤོགས་པ་ཅན་མཉེན་ཞིང་ལྕུག་པ་སྤྱན་གྱི་ཡུལ། འདབ་སྟོང་རྣམ་པར་གཡོ་ཞིང་དྲི་ངད་དང་ལྡན་པའི་ཆུ་སྐྱེས་ཀྱི་པདྨ་ལྗགས་ལ། བྱང་ཆུབ་སེམས་དཔའ་་བའི་དོན་དུ་སྲིད་པ་བཟུང་པའི་བཀྲ་ཤིས་ཀྱི་ཆོས་དུང་དཀར་པོ་གཡས་འཁྱིལ་ཚེམས་ལ། འཆི་མེད་ཡེ་ཤེས་ཀྱི་བདུད་རྩིའི་བུམ་པ་དཔག་བསམ་ཤིང་གི་ཁ་རྒྱན་ཅན་མགུལ་ལ། ཡིད་བཞིན་རིན་པོ་ཆེའི་འབྱུང་ཁུངས་རིན་པོ་ཆེའི་དཔལ་བེའུ་ཐུགས་ལ། བསྟན་པ་མི་ནུབ་པའི་ཆོས་ཀྱི་རྒྱལ་མཚན་མཆོག་རིན་ཐང་དང་བྲལ་བ་སྐུ་ལ། སྲིད་པའི་དྲྭ་བ་ཉོན་མོངས་པའི་རང་བཞིན་ཅན་རྩད་ནས་གཅོད་པའི་འཁོར་ལོ་ཞབས་རྣམས་ལ་དབུལ་ཞིང་དབང་བསྐུར་བས་བཀྲ་ཤིས་རྒྱ་མཚོའི་དཔལ་ལ་སྤྱོད་པར་གྱུར་པའི་མོས་པ་མཛོད་ཅིག་ཧཱུྃ་ཇི་ལྟར་སྔོན་སོགས། སྐྱོབས་པ་གསེར་གདུགས། སོགས་རྣམས་བརྗོད། དེ་ནས། ཨོཾ་བཛྲ་སྟྭ་ཧཱུྃ། སྭ་བྷ་ཝཱ་སྦྱངས། སྟོང་པའི་ངང་ལས་བྷྲུཾཿལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཨོཾ་ཨཱཿཧཱུྃ་ལས་བྱུང་བའི་འདོད་ཡོན་གྱི་ངོ་བོ་གཟུགས་སྡུག་པ། དབྱངས་སྙན་པ། དྲི་བཟང་བ། རོ་མངར་བ། རེག་བྱ་ཕུན་སུམ་ཚོགས་པ་མི་ཟད་པ་ནམ་མཁའ་མཛོད་ཀྱི་ལོངས་སྤྱོད་ཆེན་པོར་གྱུར། ཨོཾ་

― ZP04_Page_379 ―

^{[མ་དཔེ་གཟིགས་ན་འདིར་གནོན།]}

[Full Size]

ཨཱཿཧཱུྃ། མཁའ་མཉམ་ཞིང་ན་སོགས་བརྗོད། དགེའོ། དགེའོ། དགེའོ། དགེའོ།

ཟབ་ཆོས་ཞི་ཁྲོ་དགོངས་པ་རང་གྲོལ་གྱི་བསྙེན་མཚམས།

― ZP04_Page_381 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་ལ་ཕྱག་འཚལ་ལོ། །ཟབ་ཆོས་ཞི་ཁྲོ་དགོངས་པ་རང་གྲོལ་གྱི་བསྙེན་མཚམས་བྱེད་པ་ལ། སྤྱིར་ཞི་བར་བསྙེན་ཅིང་ཁྲོ་བོར་སྒྲུབ་པ་ཡོངས་ལ་གྲགས་ཆེ་ཞིང༌། དོང་སྤྲུགས་དང་སྒྱུ་འཕྲུལ་སོགས་བསྙེན་པ་ཡང་དེ་ལྟར་བྱེད་པ་བརྒྱུད་པ་གོང་མའི་ཕྱག་བཞེས་ལ་ཡོད་འདུག་པ་ལྟར་འདིར་ཡང་ཞི་ཁྲོ་ཐ་དད་དུ་བསྙེན་པ་དོན་ལ་གནས་རྒྱུ་ཡིན་འདུག་རུང༌། ལས་བྱང་ཆེ་ཆུང་དང་ད་ལྟ་རང་རེའི་ཚོགས་འདོན་གྱི་ཕྱག་ལེན་བཞིན། ཞི་ཁྲོ་ཟུང་འཇུག་ཏུ་བསྒྲུབ་ཀྱང་འགལ་བ་མེད་པར་མ་ཟད་ཡོ་ག་གོང་མའི་དགོངས་པ་དང་འབྱོར་ཆེ་བས་དེ་ལྟར་བསྙེན་པ་བྱེད་རྒྱུའི་གོ་དོན་ཅུང་ཟད་བཤད་ན། སྤྱིར་བསྙེན་བསྒྲུབ་སོགས་ཉམས་ལེན་གང་བྱེད་ཐུན་དུ་གཅོད་པ་ནི་དགེ་སྦྱོར་གནད་དུ་འགྲོ་བའི་ཐབས་ཁྱད་པར་ཅན་ཡིན་ཞིང༌། དེ་ཡང་ཐུན་བཞིར་བྱེད་པ་ཕྱག་ལེན་ལ་བདེ་བས་ཐོར་ཐུན་དང་སྔ་ཐུན། ཕྱི་ཐུན་དང་སྲོད་ཐུན་བཞི་ལས། ཐོ་རེང་གི་དུས་གཏི་མུག་གཉིད་སྐྲོག་ནས་སྔོན་འགྲོ་རང་རྒྱུད་སྦྱོང་བའི་སྐོར་རྒྱས་པར་གཏོང་ཞིང༌། སྔོན་གཏོར་གཉིས་ཡོད་དམ་མེད་ཀྱང་རུང་སྟེ་མཚམས་བཅོད་ནས་བཟུང་ལས་བྱང་ཆེ་ཆུང་གང་བྱེད་གཞུང་ལྟར་ལ། བསྐྱེད་རིམ་གྱི་སྐབས་ཚོགས་གྲལ་གྱི་འདོན་པ་ལྟར་ཧྲུག་འདོན་ཁོ་ན་བྱས་པ་གནད་དུ་མི་འགྲོ་བས། །མཆོད་པ་བྱིན་རླབས་ཚར་འཕྲལ། རང་སེམས་ཁོང་གློད་དེ་ཆགས་སྡང་རྨོང་གསུམ་ལ་སོགས་པའི་རྟོག་པའི་རྗེས་ཕྱིར་མི་འབྲང་བར་རང་གི་ཉམས་ལེན་གང་ཤེས་དེ་གའི་རང་དུ་ཡུན་རིང་ཙམ་མཉམ་པར་བཞག །འདི་སྐབས་རྣམ་

― ZP04_Page_382 ―

^{[མ་དཔེ་གཟིགས་ན་འདིར་གནོན།]}

[Full Size]

རྟོག་འོག་འགྱུའི་འགྲེལ་ཆོད་ངེས་ཤིག་མ་བྱས་ན་ཆོ་གའི་དངོས་གཞི་ཚངས་མ་འཁྲུལ་འབྱམས་ཀྱི་དབང་དུ་འགྲོ་བས་རིག་པ་ཧུར་བསྐྱེད། འཁྲུལ་རྟོག་ཟད་ཆོད་དུ་བཏང༌། སེམས་བཟོ་མེད་ཀྱི་ངང་དུ་མཉམ་པར་བཞག་པ་དེ་ཁོ་ན་ཉིད་ཀྱི་ཏིང་ངེ་འཛིན་ཡིན། དེའི་ངང་ལ་དེ་ལྟར་མ་རྟོགས་པའི་སེམས་ཅན་རྣམས་ལ་དམིགས་མེད་སྒྱུ་མ་ལྟ་བུའི་སྙིང་རྗེ་ཅུང་ཟད་ཅིག་བསྒོམ་པ་ཀུན་སྣང་གི་ཏིང་ངེ་འཛིན་ཡིན། རྟོག་མེད་ཀྱི་ངང་ལས་སྙིང་རྗེ་དེས་འཕེན་བྱེད་བྱས་ནས། རང་གི་སེམས་ཀྱི་ངོ་བོ་ཡི་གེ་ཨཱཿམཐིང་ག་གསལ་འཚེར་འོད་དུ་འབར་བ། རྟེན་མེད་པའི་ནམ་མཁའ་སྟོང་པའི་དབྱིངས་ན་ལིང་ངེར་གནས་པ་ལ་སེམས་བཟུང་བ་རྒྱུའི་ཏིང་ངེ་འཛིན་ཡིན། ཏིང་ངེ་འཛིན་རྣམ་པ་གསུམ་འདི་བསྐྱེད་རིམ་ཐམས་ཅད་ཀྱི་གཞི་མ་གནད་ཆེ་ཤོས་ཤིག་ཡིན་པས་འདོན་ཞོར་ལ་གཤར་སྒོམ་ཙམ་བྱས་པས་མི་འཐུས་པས་དང་པོའི་རིང་ཡུན་རིང་རེར་མཉམ་པར་བཞག་ནས་བསྒོམ་པ་གལ་ཆེའོ། །སྒོམ་ནུས་ན་ཡི་གེ་ཨའི་ཏིང་ངེ་འཛིན་འདི་ཁོ་ནས་ཀྱང་ཐུན་མོང་གི་གྲུབ་པ་བརྒྱད་སྒྲུབ་ནུས་པ་ཡིན་པས། ཕྲ་བ་ཡིག་འབྲུ་ལ་བསླབ་པ་འདི་གནད་ཆེའོ། །དེ་ལྟར་ཏིང་ངེ་འཛིན་གསུམ་པོ་འདིའི་དང་པོ་དེ་བཞིན་ཉིད་ཀྱི་ཏིང་ངེ་འཛིན་འཆི་བའི་བག་ཆགས་སྦྱོང་བྱེད་ཡིན། སངས་རྒྱས་ཆོས་སྐུའི་གོ་འཕང་ཐོབ་པའི་རྟེན་འབྲེལ་སྒྲིགས་པ་ཡིན། གཉིས་པ་ཀུན་སྣང་འདི་བར་དོའི་སྲིད་པ་སྦྱོང་བྱེད་ཡིན། ལོངས་སྐུའི་རྟེན་འབྲེལ་སྒྲིགས། གསུམ་པ་ཨའི་ཏིང་ངེ་འཛིན་འདི་སྐྱེ་བ་ལེན་པའི་སྲིད་པ་སྦྱོང་བྱེད་ཡིན། སྤྲུལ་སྐུའི་རྟེན་

― ZP04_Page_383 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲེལ་སྒྲིགས་པ་ཡིན། བསྐྱེད་རིམ་དངོས་བཞི་བསྒོམ་སྐབས་ཀྱང༌། དེ་བཞིན་ཉིད་ཏིང་ངེ་འཛིན་ཉམས་ལེན་གྱི་ངང་དང་ཀུན་སྣང་སྙིང་རྗེའི་འཕེན་པ་གཉིས་པོ་མ་བྲལ་བའི་ངང་ནས་བསྐྱེད་རིམ་ལྷའི་གསལ་སྣང་ཅི་ཐོན་དགོས་རྒྱུ་ལས། དེ་ཏིང་ངང་ཀུན་སྣང་སྔ་སོར་བསྒོམ་ཙམ་བྱས་ནས་བསྐྱུར་བས་ནི་མི་ཆོག་གི་དེའི་རིང་ལ་གསལ་སྣང་མ་བྲལ་བ་དེ་གསལ་སྟོང་ཟུང་འཇུག་གམ་ཟབ་གསལ་དབྱེར་མེད་དམ། བསྐྱེད་རྫོགས་ཟུང་འཇུག་ཡིན། དེའི་སྙིང་རྗེའི་འཕེན་བྱེད་དང་མ་བྲལ་བ་དེ་ཐེག་ཆེན་གྱི་ལམ་གྱི་དངོས་གཞི་སྟོང་ཉིད་སྙིང་རྗེའི་སྙིང་པོ་ཅན་ཟེར་བ་དེ་ཡིན་པས་དེ་ཏིང་ཀུན་སྣང་གཉིས་པོ་འདི་ལས་གལ་ཆེ་བ་མེད་ངེས་ཡིན་པས་བརྗེད་མི་ཉན། དེ་ནས་རྟོག་བྲལ་བསྒོམ་མེད་དེ་བཞིན་ཉིད་སོགས་བསྐྱེད་རིམ་གསལ་འདེབས་ཀྱི་ཚིག་རྣམས་རིམ་པར་འདོན། སྐབས་སུ་དལ་བུས་འདོན་སྒོམ་སྒྲགས་ཤིང་གཙོ་བོར་སེམས་ཀྱི་དམིགས་པ་ལ་སེམས་གཏོད་པ་ལས། འདོན་ལྟ་སོགས་ལ་བསམ་བློ་མི་གཏོང་བར། བསྐྱེད་རིམ་གསལ་འདེབས་བརྗོད་པའི་ཚིག་གི་སྒོ་ཟེར་བ་དེ་ཡིན་པས། བྲེལ་འདོན་མི་བྱེད་པར་སེམས་ལྷོད་བབ་ནས་ཚིག་རེ་རེ་བཞིན་དམིགས་འདོན་ཡ་མ་བྲལ་བར་བྱ། སྐབས་སུ་ཡེངས་ཤོར་ན་ཡང་བསྐྱར་མགོ་ནས་བཟུང་ཕྱིར་ལོག་དགོས། དེ་ལྟར་བྱས་ན་ཕྱིན་ཆད་ཡེངས་མི་འཆོར་བ་ལའང་ཕན་ནོ། །ལྷ་བསྒོམ་དངོས་གཞི་ལས་བྱང་ཆེ་བ་ལྟར་ན་ཡི་གེ་སྤྲོས་ཏེ་བསྐྱེད་པ་འབྲུ་བསྐྱེད། ཆུང་བ་ལྟར་ན་ས་བོན་མེད་པ་ཐོལ་བསྐྱེད་དེ་གང་ལྟར་

― ZP04_Page_384 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་འདྲ་བར་འབྱུང་བ་བཞི་རིམ་བརྩེགས་དང་གཞལ་ཡས་ཁང་བསྐྱེད་པ། གཞུང་ལྟར་ལ། གདན་རྣམས་ཀྱང་གཞལ་ཡས་ཁང་དང་མཉམ་དུ་བསྐྱེད། དེ་འཕྲལ་རང་སེམས་ཨཱཿཡིག་ཕོ་བྲང་དབུས་ཀྱི་གདན་སྟེང་དུ་བབ་པ་སྐད་ཅིག་གིས་ཀུན་བཟང་ཡབ་ཡུམ་དུ་བསྐྱེད། དེ་ནས་རིམ་བཞིན་རིགས་ལྔ། སེམས་དཔའ། ཐུབ་དྲུག །སྒོམ་པ་རྣམས་གསལ་གདབ། རྣམ་སྣང་ཀུན་བཟང་ཡབ་ཡུམ་ཐོ་བརྩེགས་སུ་བསྒོམ་པ་མཆན་བུ་ལ་ཡོད་པ་ལྟར་རམ། ཡང་ན་རྣམ་སྣང་ཐུགས་ཀར་ཡེ་ཤེས་སེམས་དཔའི་ཚུལ་དུ་བཞུགས་པ་གང་ལྟར་བྱས་ཀྱང་མི་འགལ་ལ། བདག་པོ་ཀུན་བཟང་འཁོར་ལོས་བསྒྱུར། བཀའ་སྡོད་སྐྱེས་བུ་མདུན་ན་གནས། ཞེས་པ་ལྟར། ཀུན་བཟང་གི་མདུན་དུ་རྣམ་སྣང་བསྒོམ་ཀྱང་ཆོག་པར་སེམས། གང་ལྟར་ཡང༌། རིགས་ལྔ་རྣམས་དང༌། སེམས་དཔའ་ཡབ་ཡུམ་བཅས་ཚོམ་བུ་སོ་སོའི་ལྷ་རྣམས་ཕྱོགས་ཕྱོགས་ནས་གཙོ་བོ་ལ་ཞལ་ཕྱོགས་པ་དང༌། སྒོ་བ་རྣམས་སྒོ་ནང་ནས་ཞལ་ཕྱིར་ཕྱོགས་པ་ལྟར་བཞུགས་པར་བསྒོམ། ཁྲོ་བོའི་ལྷ་ཚོགས་རྣམས་སྟེང་ཁང་ན་བཞུགས་པ་དག་ཞི་ཁྲོ་བསྲེས་ནས་བསྒོམ་པ་སོགས་སྣ་ཚོགས་མཛད་འདུག་པ་གང་ལྟར་བྱས་པས་ཀྱང་ཆོག་མོད་ཀྱི། གཞལ་ཡས་ཁང་གཅིག་པ་དེར་སྟེང་འོག་བྱས་ནས་བསྒོམ་པ་རང་ལུགས་ངན་སོང་སྦྱོང་བ་སོགས་དང་མཚུངས་ཤིང༌། རྫོགས་ཆེན་སྐབས་གཞི་གནས་ཀྱི་དཀྱིལ་འཁོར་བཤད་པ་དང་མཚུངས་པས། དེ་ལྟར་བྱེད་ཚེ། ཞི་བའི་ལྷ་ཚོགས་ཀྱི་དབུའི་སྟེང༌། གཞལ་ཡས་ཁང་གི་ནང་གི་བར་སྣང་ལ། རང་བྱུང་རང་ཤར་གྱི་

― ZP04_Page_385 ―

^{[མ་དཔེ་གཟིགས་ན་འདིར་གནོན།]}

[Full Size]

དཀྱིལ་འཁོར་སྒྲས་བསྟན་པ་ལྟར་གྱི་དབུས་དང་ཕྱོགས་སོ་སོར་ཁྲོ་བོར་བསྐྱེད་པ་ཡིན་ལ། དེ་ཡང་ལས་བྱང་ཆེ་བ་ལྟར་ན་དབུས་སུ་ཆེ་མཆོག་དང་བུདྡྷ་ཧེ་རུ་ཀ་གཉིས་ཀ་དང༌། ཆུང་བ་ལྟར་ན་བུདྡྷ་ཧེ་རུ་ཀ་ཁོ་ན་དང༌། རྒྱལ་བ་རིགས་བཞིའི་དབུའི་སྟེང་གི་བར་སྣང་ལ་ཁྲག་འཐུང་ལྔ་དང༌། དེའི་ཕྱི་རིམ་ཀཻ་སེང་སྒོ་བ་སོགས་བསྐྱེད། དེའི་ཕྱིར་དབང་ཕྱུག་རྣམས་ཀྱང་ཕྱོགས་བཞིར་བདུན་རེ་བསྐྱེད་དེ་འདི་ཞི་བ་རྣམས་དང་ཐོག་རྩེགས་མར་བྱས་ནས་མི་བསྒོམ་པར། སྟེང་གི་བར་སྣང་ལ་ཡར་བགྱེད་ནས་མེ་རི་དང་མེ་དཔུང་གི་ཀློང་ན་བཞུགས་པར་བསྒོམ་པ་ཡིན། མདུན་བསྐྱེད་བུམ་བསྐྱེད་གཉིས་པོ་བསྙེན་པའི་ཚེ་མི་དགོས་པས། བདག་བསྐྱེད་ཁོ་ན་དང༌། དེ་ལས་ཀྱང་དང་པོར་གཙོ་བོ་ཡབ་ཡུམ་ལ་སེམས་འཛིན་པ་གལ་ཆེ། བསྐྱེད་རིམ་གྱི་དོན་པོ་ལྷ་ལ་སེམས་འཛིན་པའི་ཞི་གནས་སྒྲུབ་པའི་ཐབས་ཁྱད་པར་ཅན་ཡིན་པས། རྟོགས་པ་ཀློང་དུ་གྱུར་པའི་ཆོས་སྐད་ཀྱིས་མཐོ་གཏམ་མི་བྱེད་པར་རྣམ་པ་གསལ་བ་ལ་རིག་པ་གཅུན་ནས་སྒོམ་པ་གལ་ཆེ། ཚོགས་བསགས་སྐོང་ཆོག་དང་འབྲེལ་སྐབས་དང༌། སྒྲུབ་པ་དང་སྒྲུབ་ཆེན་གྱི་ཚེ་མདུན་བསྐྱེད་དགོས་ཀྱང༌། ཆོ་ག་གཅིག་པོ་དེའི་ཁོང་ནས་བདག་མདུན་མཉམ་བསྐྱེད་བྱེད་པ་ཡིན། གཞན་དོན་དབང་སྐུར་གནས་འདྲེན་སོགས་དང༌། བདག་འཇུག་སོགས་ཀྱི་ཚེ་བུམ་བསྐྱེད་ཀྱང་དགོས་པས་གསུམ་པོ་ཆོ་ག་གཅིག་པོ་དེའི་ཁོང་ནས་བསྐྱེད་པ་ཡིན་ཏེ། བསྐྱེད་ཚུལ་ཁྱད་པར་མེད་པས། བདག་བསྐྱེད་མདུན་བསྐྱེད་ཐོལ་བསྐྱེད་དང༌། འབྲུ་བསྐྱེད་བུམ་བསྐྱེད་གང་བྱེད་ཀྱང༌། བསྒོམ་ཁོག་བློ་ལ་བྱང་བ་

― ZP04_Page_386 ―

^{[མ་དཔེ་གཟིགས་ན་འདིར་གནོན།]}

[Full Size]

གཅེས། གསུངས་པ་ཡིན། དེ་ནས་སྤྱན་འདྲེན། བཞུགས་གསོལ། ཕྱག་འཚལ་སོགས་འདོན་སྒོམ་བསྒྲགས་ནས་བྱེད། ཕྱག་དང་མཆོད་པ་སོགས་ཀྱི་སྐབས་ཀྱང་འཕྲུལ་དགའི་ལྷ་རྣམས་རང་གི་སྤྲུལ་པའི་ལོངས་སྤྱོད་ལ་ལོངས་སྤྱོད་པ་ལྟར་ལས། ཕྱག་འཚལ་མཁན་དང་འཚལ་ཡུལ་ཐ་དད་དུ་མི་དགོས། ཕྱག་ཞེས་པའང་ལུས་ངག་ཡིད་གསུམ་གུས་པ་འདུད་པའི་དོན་ཡིན་པས་འཚལ་མཁན་དམིགས་བསལ་མ་དགོས། མཆོད་པ་རྣམས་ཀྱང་དཀྱིལ་འཁོར་གྱི་འདོད་སྣམ་ལ་འཁོད་པའི་མཆོད་པའི་ལྷ་མོ་རྣམས་ཀྱིས་མཆོད་པར་མོས་པ་ཡིན། བསྟོད་པ་འདི་རྣམས་རྣམ་དག་དྲན་པའི་དོན་པོ་ཡིན་པས་ཚིག་དོན་ལ་སེམས་གཞོལ་ནས་ལྷར་སྣང་གི་རྣམ་པ་དེ་དག་ཀྱང་དོན་ལ་ཡེ་ཤེས་ལྔ་ལ་སོགས་པའི་རྣམ་རོལ་ལམ། མཚོན་པའི་བརྡར་ཤར་བ་ཙམ་ལས། འཇིག་རྟེན་གྱི་སྣོད་བཅུད་རང་མཚན་པ་ལྟ་བུ་མེད་པའི་དོན་ལ་ངེས་ཤེས་འདྲོང་བར་བྱ། བཟླས་པའི་ཚེ་ལྷ་ཚོགས་ཞི་བ་རྣམས་ཀྱིས་ཐུགས་ཀར་ཟླ་བ་དང༌། ཁྲོ་བོ་རྣམས་ཀྱི་ཐུགས་ཀར་ཉི་མའི་གདན་སྲན་མ་བཀས་པ་ཙམ་གྱི་ཆུང་ངུ་དེའི་སྟེང་དུ་རང་སྲོག་ས་བོན་སྤུས་བྲིས་པ་ལྟ་བུ་ཕྲ་མོ་རེ་སྔགས་ཕྲེང་གིས་བསྐོར་བར་སྒོམ་པ་ཡིན། འདི་རྣམས་ཅི་ཙམ་ཕྲ་ན་སེམས་ཟིན་པ་ལ་ཕན་པ་ཡིན། བདག་བསྐྱེད་ཁོ་ན་ལས་མེད་ཚེ་མདུན་བསྐྱེད་ཀྱི་ལྷ་ལ་ཕོག་ཅེས་པའི་ཚིག་བསྒྱུར་ནས་བདག་བསྐྱེད་ཀྱི་ཐུགས་ཀའི་སྔགས་ཕྲེང་ལས་སྤྲོ་བསྡུ་བྱེད་པ་ཡིན་ཀྱང༌། དང་པོའི་རིང་སྔགས་ཕྲེང་རང་ལ་སེམས་མ་འཛིན་པ་ལས་སྤྲོ་བསྡུ་སོགས་མང་པོ་མ་བྱས་ཀྱང་ཆོག་སྔགས་བཟླས་པའི་ཚེ་སྔགས་འབྲུ་རྣམས་

― ZP04_Page_387 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་རང་སྒྲ་ཏི་རི་རི་སྒྲོགས་པ་དང༌། ལྷ་ཚོགས་ཐམས་ཅད་ཀྱང་ཞལ་ནས་སྔགས་ཀྱི་སྒྲ་འུར་དིར་གསུངས་ཤིང༌། སྣོད་བཅུད་སྐྱེ་འགྲོ་རྩི་ཤིང་ལ་སོགས་པ་ཐམས་ཅད་ཀྱང་ལྷའི་རང་བཞིན་གྱུར་ནས་སྔགས་ཀྱི་སྒྲ་འུར་དིར་རེ་སྒྲོགས་པར་བསམ་པ་ཕན་ཡོན་དང་ནུས་པ་ཆེ་བ་ཡིན། དེ་དག་ཐམས་ཅད་ཀྱི་སྐབས་སུ་བསྐྱེད་རིམ་ལ་བརྟེན་ནས་ཐ་མལ་གྱི་སྣང་ཞེན་སྦྱོང་བ་ལན་བསྒོམ་པའི་དོན་འབྲས་ཡིན་པས། དེ་ལ་རྣམ་པ་གསལ་བ། རྣམ་དག་དྲན་པ། ང་རྒྱལ་བརྟན་པ་དང་གསུམ་ཡོད། དེ་ཡང་དང་པོ་སྣང་ཞེན་ཞེས་པ་དེ་ལ་སྣང་བ་དང་ཞེན་པ་གཉིས་ཡོད་པའི་དང་པོ་སྣང་བ་ནི། རང་གི་དབང་པོ་ལྔའི་ཡུལ་དུ། གཟུགས་སྒྲ་དྲི་རོ་རེག་བྱ་ལྔ་དང༌། ཡིད་ཡུལ་དུ་ཆོས་ཁམས་ཀྱི་རྣམ་རྟོག་སྣང་བ་དེ་ཡིན་པས། དེ་སྦྱོང་བྱེད་དུ་རྣམ་པ་གསལ་བ་གསུང་སྟེ། སྣོད་བཅུད་ལྷ་དང་གཞལ་ཡས། སྒྲ་གྲགས་སྔགས་ཀྱི་རང་བཞིན་དུ་གསལ་ནས། སེམས་ཡུལ་ལ་མི་འཕྲོ་བ་དེ་ཡིན། ཞེན་པ་ཞེས་པ་ལ། བདག་ཏུ་ཞེན་པ་དང༌། དངོས་པོར་ཞེན་པ་གཉིས་ཡོད་པའི་དང་པོ་བདག་ཏུ་ཞེན་པ་ནི། ཐོག་མ་མེད་པའི་དུས་ནས་ངའོ་སྙམས་པའི་ངར་འཛིན་འདི་ཡིན་པས། དེའི་གཉེན་པོར་ང་རྒྱལ་བརྟེན་པ་གསུངས་ཏེ་ངའམ་བདག་ཐ་མལ་དུ་འཛིན་པ་དོར་ནས་ཡི་དམ་གྱི་ལྷ་ཡིན་ནོ་སྙམ་པའི་ངེས་ཤེས་བརྟན་པོ་བྱེད་པ་དེ་ཡིན། རྣམ་པ་གསལ་བ་དང༌། ང་རྒྱལ་བརྟན་པ་འདི་གལ་ཆེ་སྟེ། རང་ལྷ་ཡིན་པའི་ངེས་ཤེས་མེད་ན་རྣམ་པ་གསལ་བ་ཡང་རྒྱུད་ཐ་མལ་པ་ཡིན་པས་དོན་མེད། རང་

― ZP04_Page_388 ―

^{[མ་དཔེ་གཟིགས་ན་འདིར་གནོན།]}

[Full Size]

ངེས་པར་ལྷ་ཡིན་པའི་ང་རྒྱལ་ཡོད་ན་བདག་འཛིན་འཇིག་ཅིང་རྣམ་པའང་ཤུགས་ཀྱིས་གསལ་འོང་བ་ཡིན། དངོས་པོར་ཞེན་པ་ཞེས་པ་དེ་སྣོད་བཅུད་དུ་སྣང་བའི་བདེན་བདེན་རྟག་རྟག་ཏུ་ཡོད་པར་ཞེན་པའི་ཨ་འཐས་ཆོས་ཀྱི་བདག་ཟེར་བ་དེ་ཡིན་པས་དེའི་གཉེན་པོར་རྣམ་དག་དྲན་པ་གསུངས་ཏེ། སྣོད་བཅུད་ལྷ་དང་གཞལ་ཡས་སུ་སྣང་བ་དེ་ཡང་དོན་ལ་དེ་ལྟ་བུའི་ལྷ་དང་གཞལ་ཡས་ཁང་དུ་གྲུབ་པ་མེད་དེ། སངས་རྒྱས་ཀྱི་ཐུགས་རྒྱུད་ལ་ཡོད་པའི་ཡོན་ཏན་བྱང་ཆུབ་ཕྱོགས་ཀྱི་ཆོས་སུམ་ཅུ་རྩ་བདུན་ལ་སོགས་པའི་རང་བཞིན་གཞལ་ཡས་ཁང་དང༌། ཡེ་ཤེས་ལྔ་མཚོན་པའི་རིགས་ལྔ་དེ་ཡང་ཆོས་སྐུ་སྐྱེ་བ་མེད་པ་མཚོན་ཕྱིར་ཞལ་གཅིགཏཧབས་ཤེས་མཚོན་པའི་ཕྱག་གཉིས་ལ་སོགས་པའི་བརྡའ་ཙམ་མམ་རྣམ་པ་ཙམ་ཡིན་པས། དོན་ལ་ལྷ་དང་ཞལ་ཕྱག །སྐུ་མདོག་ཕྱག་མཚན་སོགས་བདེན་གྲུབ་ཏུ་འཛིན་པའི་ཞེན་པ་སྤྱོད་པ་ཡིན་པས་འདི་གསུམ་གལ་ཆེ་བས་རེས་མོས་ཀྱིས་བློ་སྦྱངས། འདི་རྣམས་མཚན་ཉིད་ཀྱི་ཐེག་པ་ལྟར་སྣང་བའི་གཉེན་པོ་རྡུལ་ཕྲན་དུ་བསིལ་བ་སོགས་དང༌། བདག་གི་གཉེན་པོར་བདག་མེད་བསྒོམ་པ་སོགས་སྤངས་གཉེན་འགལ་བར་སྤྱོད་པ་མ་ཡིན་ཏེ། གསང་སྔགས་ཐབས་ལ་མཁས་པའི་ཁྱད་པར་གྱིས། དཔེར་ན་རྣ་བར་ཆུ་སོང་བ་ཆུ་བླུགས་ནས་འདོན་པ་དང༌། མེའི་ཚིག་པའི་ཟུག་རྔུ་སླར་མེ་ལ་བསྲོ་བ་ལྟར། འཁྲུལ་སྣང་གི་གཉེན་པོ་ལྷ་སྣང་དང༌། བདག་ཏུ་ང་རྒྱལ་བའི་གཉེན་པོར་ལྷའི་ང་རྒྱལ་བསྐྱེད་པ་སོགས། རྣམ་རྟོག་གི་གཉེན་པོར་

― ZP04_Page_389 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་རྟོག་བསྒོམ་པས་མ་དག་པའི་རྣམ་རྟོག་མེད་པར་བྱེད་པ་སྔགས་ཀྱི་ཐབས་མཁས་ཡིན་པས་ཐབས་བསྐྱེད་པའི་རིམ་པ་ཟེར་དོན་ཡང་དེ་ཡིན་ནོ། །རྣམ་རྟོག་དང་ཉོན་མོངས་པ་མི་སྤོང་ཟེར་བ་འདི་ལྟ་བུ་ལ་ཟེར་བ་ཡིན་གྱི་ཐ་མལ་གྱི་རྣམ་རྟོག་དང་ཉོན་མོངས་མི་སྤོང་པ་མིན་པ་ཤེས་དགོས། དེ་ལྟར་བསྒོམ་པའི་ཚེ་ཤེས་པ་མི་གསལ་བ་དང༌། བྱིང་ཞིང་འཐིབ་པ་དང་བསྒོམ་སྙིང་མི་འདོད་པ་སོགས་བྱུང་ན་ཤེས་པ་ཧུར་བཏོན། བློའི་ཤོངས་ཡང་བསྐྱེད། ལྷ་རི་རྣམ་པ་སྐུ་མདོག་ཕྱག་མཚན་ལྟ་བུའི་ཕྱོགས་སུ་ཤེས་པ་གུད་དུ་མི་གཅོད་པར། སྣོད་བཅུད་ལྷ་དང་གཞལ་ཡས། འོད་དང་འོད་ཟེར་གྱིས་རང་བཞིན་དུ་བཀྲ་ལམ་ལམ་གཡོ་འགུལ་ཤིག་ཤིག་སྒྲ་གྲགས་སྔགས་ཀྱི་རང་བཞིན་དུ་འུར་དི་རི་རི། དྲན་རྟོག་ཆོས་ཉིད་ཀྱི་རང་བཞིན་དུ་ཕྱལ་ལ་བཏང་སྟེ་ཧཱུྃ་གླུ་ལེན་ཞིང་ཤེས་པ་རྒྱ་བསྐྱེད། དབང་བསྟོད། རྟོག་ཚོགས་དུམ་བུར་རྦུད་རྦུད་བཅད། ཧ་ཀྱང་གནས་ན་མི་གནས་ན། གསལ་ན་མི་གསལ་ན་སྙམ་པའི་གུ་དོགས་སྤངས་ཏེ་ཁྲོ་ལེར་བསྒོམ། ཡང་ཤེས་པ་ཧ་ཀྱང་རྒོད་པ་དང༌། འཕྲོ་བརྒྱ་འབྱམས་ན་བསྙན་པ་སོགས་བཟླ་བ་ཅུང་ཟད་མཚམས་བཅད། རླུང་རོ་བུས། ཤེས་པ་ལྷོད་ཀྱིས་གློད་ནས་རང་ངོ་ཅེར་གྱིས་བལྟས། དེའི་ངང་ནས་ཐུགས་སྲོག་ས་བོན་ལ་དམིགས་པ་གཅུར་དེ་སེམས་གཏད་ནས་སྒོམ། ཧ་ཀྱང་དམིགས་པ་སོགས་ཨེ་གསལ་རེ་དོགས་ཆེ་བའི་གུ་དོགས་དང་གསལ་མི་གསལ་མེད་པར་ཁ་ཁྲལ་འཇལ་བ་ལྟ་བུའི་གུ་ཡངས་གཉིས་ཀ་མི་བྱ་བར་གུ་ཡང་དོགས་ཚོད་

― ZP04_Page_390 ―

^{[མ་དཔེ་གཟིགས་ན་འདིར་གནོན།]}

[Full Size]

ཟིན་པར་བྱ། སྐབས་སྐབས་སུ་དེ་ལྟར་ལྷ་བསྒོམ་པ་དང༌། རྣམ་པ་གསལ་མི་གསལ་སོགས་ཀྱི་བྱེད་པོ་ཁོ་རང་གི་ངོ་ལ་ཁ་ཚུར་ལོག་ནས་བལྟ། དེ་ཡང་བལྟ་བྱ་དང་བལྟ་མཁན་ལ་སོགས་པའི་རྟོག་པ་ཕྲ་མོ་རྒྱ་ཁྲོ་ལེ་བཏང་ནས། གང་ཡིན་དང་འདི་ཡིན་མེད་པའི་ཤེས་པ་ཧ་ཆད་དེ་བདེའི་ངང་བསྐྱངས། དེ་ལྟར་དགོངས་པ་མི་འགྱུར་བ་ཆོས་ཉིད་ཀྱི་གཟེར་དང༌། ཏིང་ངེ་འཛིན་ལྷའི་གཟེར་གཉིས། རེས་མོས་ཟུང་འཇུག་བློས་གང་འཆུན་བྱེད་ཅིང་དེ་དག་ཀུན་གྱི་དུས་སུ་བཟླས་པ་སྔགས་ཀྱི་གཟེར། རྩ་བསྙེན་རྒྱུན་ཆད་མེད་པར་བཟླ། ཐུན་འཇོག་ཀ་དང༌། བསྙེན་འཚམས་གྲོལ་ཀ་རྣམས་སུ་འཕྲོ་འདུ་ཕྲིན་ལས་ཀྱི་གཟེར་འོད་ཟེར་སྤྲོ་བསྡུ་སོགས་བསྙེན་ཡིག་རྣམས་ནས་བཤད་པ་ལྟར་བྱེད་པ་ནི་སྲོག་སྡོམ་གཟེར་བཞི་ཞེས་སྔ་འགྱུར་རྙིང་མའི་ཆོས་སྐད་ཨོ་རྒྱན་སངས་རྒྱས་གཉིས་པའི་མན་ངག་ཐུན་མོང་མ་ཡིན་པས་ཅིས་ཀྱང་གལ་ཆེ། ལྷ་བསྒོམ་པའི་དུས་སུ་བརྗེད་རྐྱེན་པ། རྟོག་པ་སྔར་ལས་མང་བ་ལྟ་བུ་དང༌། སྤྱིར་བསྙེན་མཚམས་སོགས་ལ་བསྡད་ནས་ལུས་ངག་ཡིད་ལ་མི་བདེ་བ་མང་པོ་ཚུ་བཟང་ངེ་ལང་འོང་བ་ལྟ་བུ་དེ། གཡོ་བའི་ཉམས་རིག་ཟར་གྱི་འབབ་ཆུ་ལྟ་བུ་ཟེར་བ་ཡོན་ཏན་འགོ་མ་སྐྱེ་བ་ཡིན་པས་སྐྱོན་དུ་མི་བལྟ། ཐུན་མཚམས་རྣམས་སུ་ཐུན་འཇོག་ཀ་ལྷར་སྣང་རྣམས་མཐའ་ནས་རིམ་པར་བསྡུ་བ་རིམ་བསྡུ་དང༌། འཇའ་ཚོན་ནམ་མཁའ་རུ་ཡལ་བ་ལྟ་བུར་བསྡུ་བ་འཇའ་ཡལ་ལམ། ཡང་ན་སྔ་མ་རྗེས་གཞིག་དང༌། ཕྱི་མ་རིལ་འཛིན་ཟེར་བ་ཡིན་པས་གང་ལྟར་བསྡུས་ཀྱང་འདྲ་ཡང་ལས་དང་པོའི་ཚེ་རྗེས་

― ZP04_Page_391 ―

^{[མ་དཔེ་གཟིགས་ན་འདིར་གནོན།]}

[Full Size]

གཞིག་བྱེད་པ་གལ་ཆེ་བས། ཕྱི་སྣོད་གཞལ་ཡས། གཞལ་ཡས་འཁོར། འཁོར་རྣམས་གཙོ་བོ། གཙོ་བོ་ཡང་རིམ་གྱིས་སྔགས་ཕྲེང༌། དེ་ཐུགས་སྲོག་དེ་ཡང་ཇེ་ཕྲར་མི་དམིགས་པའི་རང་ལ་ཅུང་ཟད་མཉམ་པར་བཞག །དེ་ལས་སླར་ཡང་རྒྱུད་སྤྱོད་གྱི་ལྷ་གཙོ་བོ་ཡབ་ཡུམ་གསང་ཆེན་རིགས་གཅིག་ཡིན་ལ། རིགས་བརྒྱ་འདུས་པའི་ངོ་བོར་ངེས་ཤེས་བསྐྱེད། བསྡུ་རིམ་འདི་ཡང་འཆི་ཀའི་ཉམས་ལེན་ཁྱད་པར་ཅན་ཡིན་པས་ཐུན་ཐམས་ཅད་ཀྱི་མཇུག་ཏུ་བྱེད། ལྷའི་གསལ་སྣང་ལ་ཞེན་པ་ཡོད་ན་ཅིས་ཀྱང་བསྡུ་རིམ་བྱེད་དགོས། ཡོ་ག་གོང་མ་བ་རྣམས་གཤེགས་གསོལ་མང་པོ་མི་བྱེད་པ་ལྟར་བསྡུ་རིམ་ཀྱང་མི་བྱེད་པ་ནི་གནད་མ་གོ་བའི་རྟགས་ཡིན། བསྡུ་རིམ་རིམ་བསྡུ་བྱས་ནས། སྙིང་དབུས་ཀྱི་ཐུགས་སྲོག་ལ་སེམས་བཟུང་ནས་དེ་ཡང་མི་དམིགས་པའི་ངང་ལ་འཇོག་པས་འཆི་དུས་ཀྱི་འབྱུང་བ་ཐིམ་རིམ་སོགས་དང་ཆོས་མཐུན་ཞིང༌། གོམས་པ་བརྟན་ན་སྣང་མཆེད་ཐོབ་གསུམ་ཀྱང་ངེས་པར་འདྲེན་ནུས་པ་ཡིན་པས་རྫོགས་རིམ་གྱི་དོན་པོ་ཞིག་འདི་ཡིན་པས་འདི་ཡང་མི་དྲན་པའམ་གལ་ཆུང་ངུ་མི་བསམ། ཐུན་བར་རྣམས་སུ་སྤྱོད་ལམ་ཀྱི་ལྷ་གསང་ཆེན་རིགས་གཅིག་རྡོ་རྗེ་སེམས་དཔའི་ང་རྒྱལ་དང་མ་བྲལ་བའི་ངང་ནས་བཟའ་བཏུང་ཚོགས་འཁོར་དུ་རོལ་པ་དང༌། རྗེས་ཆགས་ཀྱི་དཀྱིལ་འཁོར་མཆོད་པ་དང༌། གཉིད་འོད་གསལ་དུ་སྤ་བ་དང༌། བྱེད་སྤྱོད་ཕྱག་རྒྱར་སྤྱོད་པ་སོགས་ཡིན་ཀྱང༌། གཉིས་པ་དགེ་སློང་རྡོར་འཛིན་ལ་མི་མཁོ་བས་ལྷག་རྣམས་ཉམས་བཞེས་བྱ། དེ་དག་

― ZP04_Page_392 ―

^{[མ་དཔེ་གཟིགས་ན་འདིར་གནོན།]}

[Full Size]

གི་སྐབས་ཐམས་ཅད་དུ་རང་ལ་རང་གིས་བརྙས་ནས། དེ་ལྟ་བུ་ངས་ག་ལ་ནུས་ག་ལ་ཤེས་སྙམ་ནས། བཅོམ་བསྐྱུངས་ཏེ། སྙོམས་ཆུང་བཟང་མདོག་ལྟ་བུ་ཁོ་ན་ལ་སྐྱབས་བཅོལ་བ་ནི། སྒྱིད་ལུག་པ་དང༌། བདག་ཉིད་བརྙས་པའི་ལེ་ལོ་ཟེར་བ་དེ་ཡིན་པས། ཐེག་ཆེན་པ་ཡིན་ན་ཕོ་ཚོད་གནམ་སྔོན་པོ་ཙམ་བསྐྱེད་ནས་སྙིང་རུས་བྱེད་དགོས་པ་ཡིན་པས། དང་པོ་ནས་ཤེས་མཁན་དང་ནུས་མཁན་ཞིག་ཡིན་ན་སློབ་དང་སྒྲུབ་ཀྱང་ཅི་དགོས་པས་ཐུགས་གུ་མི་དོགས་ངོས་ནས། དུས་དང་གནས་སྐབས་ཐམས་ཅད་དུ་ངེས་འབྱུང་སྐྱོ་ཤས། བྱམས་སྙིང་རྗེ་ལ་སོགས་རྩ་བའི་བླ་མའི་ཞལ་གདམས་རྣམས་ལ་ཐུགས་བསམ་གཏང་བ་ནི་གལ་ཆེ་སྟེ། ཐུན་མཚམས་རྣམས་སུ་རྟོག་པ་རྒྱ་འབྱམས་ཤོར་ན་ཐུན་ཡང་ལད་འགྲོ་ཞིང་ཐུན་མཚམས་སུ་ངེས་འབྱུང་སྐྱོ་ཤས་སོགས་བསྐྱེད་ནས་ཐུན་ལ་འཇུག་ཀར་ཤེས་པ་སྐྱོ་ཆད་དེ་ཡོད་ན་ཐུན་དེ་ཡང་གོ་ཆོད་ངེས་ཤིག་འོང་ཞིང༌། དེས་སྤྲོ་བ་བསྐྱེད་ནས་ཐུན་རྗེས་མ་རྣམས་ཀྱང་དེ་ལྷག་ཙམ་རེ་འོང་ཞིང༌། དེའི་མཚོན་བསྒྲུབ་པ་བྱས་ཚད་ཇེ་བཟང་ཇེ་བཟང་ལ་སོང་ནས་མཐར་གྲུབ་པ་ཡང་ཐོབ་འགྲོ་བ་ལགས་ཤིང༌། ཐུན་མཚམས་སུ་རྟོག་པ་ཡུལ་ལ་གཡེང་ནས་འབྱམས་ཤོར་ན་ཐུན་དེའི་མུར་འཁྲུལ་འབྱམས་སུ་འགྲོ། །དེ་ནས་ཐུན་ཕྱི་མ་རྣམས་ཀྱང་བསྡུ་རྒྱུ་བདག་རྒྱུ་མེད་པར་ཇེ་འཁྲུལ་ཇེ་ངན་ལ་སོང་ནས། སྒྲུབ་པ་བྱས་ཚད་ལ་སྙིང་པོ་སྤུ་ཙམ་མེད་པའི་ཆོས་དྲེད་ང་རང་ལྟ་བུ་ཞིག་རེད་འགྲོ་བ་ཡིན་པས། དུས་ཐམས་ཅད་དུ་མི་རྟག་སྐྱོ་ཤས་ཀྱི་ལྕག་བྲབ་སྟེ། བསྐྱེད་

― ZP04_Page_393 ―

^{[མ་དཔེ་གཟིགས་ན་འདིར་གནོན།]}

[Full Size]

རྫོགས་ལ་བརྩོན་འགྲུས་བྱས་ནས་དཔལ་མགོན་རྩ་བའི་བླ་མའི་དགོངས་པ་ཟིན་པ་ཞིག་དགོས་པ་ལགས་སོ། །ཆོས་དང་འཇིག་རྟེན་བྱ་བ་གང་ལ་ཡང༌། །ཉམས་མྱོང་མེད་ཀྱང་ཁ་བཤད་བདེན་བདེན་མོ། །ཉམས་མྱོང་ཡོད་པ་ལྟར་དུ་བཅོས་པ་འདི། །ཨ་བུ་སྨྱོན་པའི་མཚན་ཉིད་མ་ལགས་སམ། །ལས་ངན་རླུང་འཚུབ་ལང་བའི་དབུས་ཤིག་ན། །སྤྱོད་ངན་རྒྱན་དུ་ཐོགས་པའི་རྣམ་འགྱུར་བཅས། །གཤིས་ངན་སྤྲེའུ་སྨྱོན་པའི་གང་བྱེད་པ། །གྲོགས་ངན་བདག་འདྲའི་རྗེས་སུ་མ་འབྲང་བར། །བསོད་ནམས་དཔལ་གྱི་ལྷུན་པོ་རྟག་བཅའ་ཞིང༌། །བག་ཡོད་བསླབ་གསུམ་དགེ་བའི་མཛད་སྤྱོད་ཅན། ཚངས་སྤྱོད་ཚངས་པར་སྤྱོད་པའི་རྗེས་བསླབ་སྟེ། །ཁྱོད་བློ་དམ་པའི་ཆོས་དང་འདྲེས་པར་ཤོག །དགེའོ། །དགེའོ། །དགེའོ། །རྡོར་དྲིལ་རྣམ་བཤད་བཞུགས། །སྐུ་དང་ཡེ་ཤེས་བསམ་མི་ཁྱབ་པའི་མཛོད། །ཐབས་ཀྱི་རང་བཞིན་རྡོ་རྗེས་མཚོན་པར་བྱ། །ཟུང་འཇུག་དབྱིངས་འདི་སངས་རྒྱས་ཐམས་ཅད་ཀྱི། །དགོངས་པའི་ཀློང་དེ་སེམས་ཅན་ཀུན་གྱི་ངང༌། །དོན་གྱི་ཆོས་ཉིད་བྱང་ཆུབ་སེམས་ཀྱང་དེ། །དེ་ཕྱིར་འདིར་ནི་གཞི་ལམ་འབྲས་བུའི་ཆོས། །མ་ལུས་ཀུན་འདུས་རང་བཞིན་མཚོན་པར་བྱེད། །དབྱེ་ན་དྲིལ་བུ་ཤེས་རབ་ཡུམ་གྱི་མཁའ། །ཀུན་ཏུ་བཟང་མོ་རྒྱལ་བ་བསྐྱེད་པའི་ཡུམ། །སྟོང་ཆེན་ཡེ་བརྡལ་ཡེ་ནས་རང་བཞིན་མེད། །སུས་ཀྱང་མ་བྱས་བྱུང་བ་མེད་པའི་ཀློང༌། །ཡེ་ཤེས་རྡོ་རྗེ་ཐབས་ཆེན་ཡབ་ཀྱི་ངང༌། །ཀུན་ཏུ་བཟང་པོ་

― ZP04_Page_394 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་རྒྱས་ཀུན་གྱི་ཡབ། །དབྱིངས་ལ་ཡེ་ཤེས་རང་སྣང་རང་ཤར་བའི། །འདི་ནི་ཆོས་སྐུའི་དཀྱིལ་འཁོར་ཉག་གཅིག་ཡིན། །ཤེས་རབ་རང་བཞིན་རྡོ་རྗེ་བདག་མེད་མ། །དབྱིངས་ཀྱི་དབང་ཕྱུག་སྤྲོས་པ་བྲལ་བའི་ཞལ། །ཁམས་ལྔ་རྣམ་དག་བདེ་ཆེན་ཡུམ་མཆོག་ལྔ། །སྤྱན་དང་མཱ་ཀི་གོས་དཀར་དམ་ཚིག་སྒྲོལ། །དབྱིངས་ཕྱུག་ལྷ་སྟེ་རྩེ་མོ་ཡུམ་ལྔའི་དལ། །སྐྱོན་གྱིས་མ་གོས་འདབ་བརྒྱད་པདྨའི་ཚུལ། །སྲིད་ཞིར་མི་གནས་དག་པའི་སེམས་མ་བརྒྱད། །ཟག་མེད་བཅུད་ལྡན་བུམ་མཆོག་འཕོ་འགྱུར་མེད། །དབྱིངས་ལས་རང་སྣང་དྲྭ་ཕྱེད་འཕྱང་འཕྲུལ་ཅན། །ཡུམ་ལྔ་དཀྱིལ་ཡིན་སེམས་མ་འཁོར་གྱི་ཚུལ། །ཤེས་རབ་དྲིལ་བུ་ཡུམ་གྱི་མཎྜལ་ལ། །ཆོས་དབྱིངས་མེ་ལོང་མཉམ་ཉིད་སོ་སོར་རྟོགས། །བྱ་གྲུབ་ཡེ་ཤེས་རང་སྣང་འགོད་པའི་ཚུལ། །རྣམ་སྣང་མི་བསྐྱོད་རིན་འབྱུང་སྣང་མཐའ་ཡས། །དོན་ཡོད་གྲུབ་སྟེ་རིགས་ལྔ་ཕྱོགས་ཀྱི་རྭ། །སྐྱོན་བྲལ་པདྨ་སེམས་དཔའ་སངས་རྒྱས་སྲས། །གཉིས་མེད་སྤྲོས་བྲལ་ལྟེ་བ་ཀུན་ནས་ཟླུམ། །ཐབས་ཀྱི་རྡོ་རྗེ་ཡབ་ཀྱི་མཎྜ་ལ། །བདེ་ཆེན་ལོངས་སྐུའི་དཀྱིལ་འཁོར་ཉག་གཅིག་ཡིན། །གདུལ་བྱའི་ཡུལ་ལ་སྣང་བ་མི་འགོགས་པའི། །སངས་རྒྱས་ཀུན་གྱི་ཐུགས་ཀྱི་ཡེ་ཤེས་སྩོལ། །དབྱིངས་ལས་རང་སྣང་རྡོ་རྗེ་དྲིལ་བུ་ཤར། །སེམས་ཅན་ཁམས་ལ་སངས་རྒྱས་མཛད་པ་བྱེད༌།སྐལ་བར་ལྡན་ལ་གཞི་དབྱིངས་རང་ངོ་སྤྲོད། །འདི་ནི་སྤྲུལ་སྐུའི་དཀྱིལ་འཁོར་ཉག་གཅིག་ཡིན། །སངས་རྒྱས་རིགས་ལྔ་མཚོན་བྱེད་དཔེ་ཡིན་ཉལ། །

― ZP04_Page_395 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་བ་ཀུན་འདུས་སངས་རྒྱས་ཀུན་གྱི་ངང༌། །ཇི་སྙེད་འཇིག་རྟེན་མགོན་པོ་མ་ལུས་པ། །རིགས་ལྔའི་སངས་རྒྱས་དཀྱིལ་འཁོར་གཅིག་ཏུ་རྫོགས། །བརྗོད་མེད་རང་སྒྲས་སྐྱེ་མེད་ཆོས་མཚོན་ཏེ། །ཐེག་གསུམ་ཆོས་ཕུང་ཇི་སྙེད་བསྟན་པ་དང༌། །སྐྱེ་མེད་ངང་ལས་འགགས་མེད་བབ་ཀྱིས་གྲུབ། །བརྗོད་མེད་ཀློང་འདི་བརྗོད་པ་ཀུན་གྱི་གཞི། །དེ་ཕྱིར་བརྗོད་བྲལ་དམ་པའི་ཆོས་སྐུ་དང༌། །སེམས་དཔའ་སེམས་མ་སངས་རྒྱས་ཀུན་གྱི་སྲས། །གཉིས་མཐར་མི་གནས་དོན་གཉིས་ལྷུན་གྱིས་གྲུབ། །འཕགས་པའི་གང་ཟག་ས་མཐོར་གཤེགས་པའི་ཚུལ། །ས་བོན་གྱིས་མཚོན་དགེ་འདུན་དེ་ཁོ་ན། །སངས་རྒྱས་སྐུ་ལྔ་མི་ཕྱེད་རྡོ་རྗེའི་སྐུ། །སྣང་སྟོང་དབྱེར་མེད་དྲིལ་བུ་སྐུ་ཡི་རྟེན། །བརྗོད་མེད་གསུང་ནི་ཆོས་ཀྱི་ངོ་བོ་སྟེ། །ས་བོན་ཡི་གེ་སངས་རྒྱས་གསུང་གི་རྟེན། །ཡེ་ཤེས་རྡོ་རྗེ་ཐུགས་ལྔའི་དེ་ཁོ་ན། །མཚོན་པའི་རྡོ་རྗེ་རྒྱལ་ཀུན་ཐུགས་ཀྱི་རྟེན། །བླ་མའི་དམ་ཚིག་རྡོ་རྗེ་སློབ་དཔོན་གྱི། །དབང་ལས་རྗེས་གནང་ཐབས་ཤེས་མཚོན་པ་སྟེ། །ཡི་དམ་རིགས་ལྔ་སངས་རྒྱས་རང་བཞིན་ལ། །ཡེ་ཤེས་རང་སྣང་བཀོད་པའི་དཀྱིལ་འཁོར་མཆོག །མ་ཚོགས་མཁའ་འགྲོ་དབྱིངས་ནས་བསྐུལ་བའི་རྫས། །བརྗོད་མེད་རང་སྒྲ་སྟོང་པ་ཡུམ་ཀྱི་ངང༌། །འདི་ནི་རྡོ་རྗེའི་དམ་ཚིག་བླ་ན་མེད། །འདི་མཐོང་རྒྱལ་བའི་དཀྱིལ་འཁོར་ཐམས་ཅད་མཐོང༌། །སྐུ་གསུམ་དབྱིངས་ཀྱི་རང་བཞིན་གཏན་ལ་ཕབ། །བསྐལ་མང་བསགས་པའི་སྡིག་ལྟུང་ཡུད་ཀྱིས་འདགས། བློ་

― ZP04_Page_396 ―

^{[མ་དཔེ་གཟིགས་ན་འདིར་གནོན།]}

[Full Size]

རང་སྐལ་པ་ཆེན་པོ་མ་གཏོགས་པ། །ཀུན་གྱི་ཡུལ་མིན་རྡོ་རྗེ་ཐེག་པའི་རྫས། །འདི་འཆང་རྡོ་རྗེ་སེམས་དཔའ་རྒྱལ་བའི་སྲས། །རྡོ་རྗེའི་རིག་འཛིན་གསང་བའི་གྲལ་ལ་དབང༌། །ལྷ་དང་དྲང་སྲོང་གྲུབ་པའི་རིག་འཛིན་གྱིས། །གུས་པས་བཀུར་འོས་མཆོག་གི་དམ་ཚིག་རྫས། །རྒྱལ་ཀུན་དགྱེས་སྐོང་མཁའ་འགྲོ་དམ་ཅན་འདུ། །འདི་ནི་རྒྱལ་ཀུན་སྐུ་གསུང་ཐུགས་ཀྱི་རྟེན། །བརྙས་དང་མི་གུས་བབ་ཅོལ་སུས་བྱས་པ། །དཀོན་མཆོག་གསུམ་སྤངས་གསང་བའི་དམ་འགལ་བའི། །ཉམས་པ་ཅན་དེ་བསྲུང་བའི་ལྷས་འདོར་ཞིང༌། །མུ་མཐའ་མེད་པའི་རྡོ་རྗེ་དམྱལ་བར་འགྲོ། །ཟུང་འཇུག་ཆེན་པོ་སྣང་སྟོང་རྒྱལ་བའི་དལ། །ཆོས་རྣམས་མ་ལུས་རྡོ་རྗེ་དྲིལ་བུས་མཚོན། །ལམ་གྱི་གང་ཟག་མཉམ་ཉིད་དྲན་པའི་རྟེན། །འདི་འཆང་རྣམ་པ་ཀུན་ཏུ་འབྲལ་མི་བྱ། །སྔགས་དང་ཕྱག་རྒྱ་མི་སྤངས་དམ་ཚིག་ཆིངས། །འདི་འཆང་གང་ཟག་དེ་ལ་བབས་ཀྱིས་གྲུབ། །ཐུན་མོང་ལམ་ཡང་འདི་ཡིས་མཚོན་པ་སྟེ། །སྟོབས་ལྔ་དབང་ལྔ་འཕགས་ལམ་ཡན་ལག་བརྒྱད། །ལམ་ལྔ་ས་བཅུ་མ་ལུས་འདིས་མཚོན་ནུས། །གསང་བ་གསང་ཆེན་རྡོ་རྗེ་ཐེག་པའི་གནད། །ཀུན་ཀྱང་འདིས་མཚོན་རང་བཞིན་མཚུངས་པ་སྟེ། །བུམ་དབང་སྣང་སྟོང་རང་བཞིན་དབྱིབས་ཀྱི་ལྷ། །བསྐྱེད་རིམ་རྒྱལ་བའི་དཀྱིལ་འཁོར་ཀུན་རྫོགས་ཤིང༌། །སྣང་བའི་བརྡའ་ཡི་རང་སྣང་འགགས་པ་མེད། །སྟོང་པ་དབྱིངས་ཡིན་ནམ་མཁའ་གཅིག་གི་ཀློང༌། །སྣང་སྟོང་ཟུང་འཇུག་བུམ་པའི་དབང་གི་དངོས། །ཐབས་ཀྱི་རྡོ་རྗེ་དབང་པོ་ཡབ་ཀྱི་ངང༌། །དྲིལ་བུ་

― ZP04_Page_397 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུམ་ཡིན་ཟུང་འཇུག་མཉམ་པའི་རྫས། །རྩ་བ་རླུང་ལྔ་ཁམས་ལྔ་རྣམ་དག་པའི། །ཡེ་ཤེས་ལྔ་རྫོགས་བླ་མེད་གསང་བའི་དབང༌། །གསལ་སྟོང་ཟུང་འཇུག་རྡོ་རྗེ་དྲིལ་བུས་མཚོན། །ཤེས་རབ་དབྱིངས་ནི་རྡོ་རྗེ་བཙུན་མོའི་མཁའ། །དགའ་བཞིའི་ཡེ་ཤེས་རྐྱེན་བྲལ་འདབ་བཞིའི་དབུས། །གསང་བའི་ཡེ་ཤེས་ཁྭ་ཁྭ་མུ་ཁའི་ཞལ། །ཀུན་རྟོག་ཟད་བྱེད་བདེ་ཆེན་ཐིག་ལེའི་ཀློང༌། །བསྐྱོད་པའི་དགྱེས་བསྐྱེད་དབྱིངས་ཀྱི་རོལ་མོ་སྟེ། །བདེ་སྟོང་ཡེ་ཤེས་ཤེས་རབ་ཟབ་མོའི་དབང༌། །རྣམ་ཀུན་མཆོག་ལྡན་མཆོག་གི་ཡེ་ཤེས་དངོས། །ཟུང་འཇུག་ཆེན་པོ་ཡེ་ནས་མཉམ་པའི་ངང༌། །རིག་སྟོང་ཆོས་སྐུ་རང་ཤར་ལྷུན་གྱིས་གྲུབ། །བཞི་པའི་དབང་ཡིན་རྡོ་རྗེ་གསང་བའི་གནས། །གསང་སྔགས་ཀུན་གྱི་ལམ་ནི་འདི་ཡིན་ཏེ། །དབང་བཞི་རིམ་པ་ཇི་སྙེད་སྐབས་ལའང༌། །འཆང་བའི་དམ་ཚིག་རྡོ་རྗེ་དྲིལ་བུས་མཚོན། །དེ་ཕྱིར་གསང་ཆེན་ངེས་པའི་སྐལ་ལྡན་རྣམས། །འདི་འཆང་ཟུང་འཇུག་ཐེག་པའི་གནད་རྟོགས་པས། །མཁའ་སྤྱོད་རིག་པ་འཛིན་པའི་གསང་ལམ་འདིས། །མཆོག་གི་ས་རྩེར་མངོན་འཚང་རྒྱ་བར་འགྱུར། །དེ་སྐད་དམ་པའི་གྲོགས་དེའི་རགས་བསྐུལ་བཞིན། །བཙུན་འཆལ་དཔལ་སྤྲུལ་ཧྲལ་པོས་གང་དྲན་བྲིས། །དངོས་ལུང་ཚིག་གི་རྒྱབ་སྐྱོར་མ་མཆིས་ཀྱང༌། །དོན་དུ་སངས་རྒྱས་ཀུན་གྱི་དགོངས་པར་འཐད། །དགེ་བ་དེ་ཡིས་སྲིད་པའི་ཁམས་གསུམ་འགྲོ། །ཀུན་ཀྱང་བླ་མེད་ལམ་བཟང་དེར་འཇུག་སྟེ། །ཚོམ་བུ་གཅིག་ཏུ་མངོན་པར་སངས་རྒྱས་ནས། །འོད་གསལ་མཆོག་གི་ཡེ་ཤེས་འགྲུབ་པ་ཤོག །

ཞི་ཁྲོ་དགོངས་པ་རང་གྲོལ་གྱི་ལྶ་འགྲིགས།

― ZP04_Page_399 ―

^{[མ་དཔེ་གཟིགས་ན་འདིར་གནོན།]}

[Full Size]

ཞི་ཁྲོ་དགོངས་པ་རང་གྲོལ་གྱི་ལས་འགྲིགས་བཞུགས་སོ།།

― ZP04_Page_400 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་བཟང་ཧེ་རུ་ཀ་དཔའ་རིག་བརྒྱའི་ལྷ། །དབྱེར་མེད་བླ་མའི་ཞབས་ལ་ཕྱག་འཚལ་ལོ། །དགོངས་པ་རང་གྲོལ་ཆོ་གའི་ལག་ལེན་འགྲིགས། །ལས་ཀྱི་རྡོ་རྗེས་ཅི་ལྟར་བྱ་བ་བྲི། །དེ་ལ་དང་པོ། །སྦྱོར་བ་ཡོ་བྱད་ཀྱི་བཤམ་གནས་ཁང་བྱི་དོར་དང་ཆག་ཆག་ལ་སོགས་པ་ལེགས་པར་བྱ་སྟེ། ས་གཞི་བརྟགས་སྦྱངས་སྔོན་དུ་འགྲོ་བའི་དཀྱིལ་འཁོར་གྱི་ས་མདའ་གང་གྲུ་བཞི་ཡ་ཡོ་དང་འབར་འབུར་མེད་པ་རས་བྲིས་སམ་སྟེགས་ཁེབ་ལ་ཚོམ་བུའི་དཀྱིལ་འཁོར་བཀོད། །དེའི་དབུས་སུ་རྣམ་རྒྱལ་བུམ་པ་ཆས་ལྡན་གྱི་ནང་དུ་སྨན་ལྔ་དང་དྲི་བཟང་གི་ཆུས་གང་ཞིང་ཀུན་བཟང་དང་རྣམ་སྣང་ཡབ་ཡུམ་གྱི་

― ZP04_Page_401 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་ཙཀ་ཁ་རྒྱན་ལ་དགོད། །དེའི་མདུན་དུ་འབྲུ་ལྔའི་བུམ་པ་དང་ཤར་ཕྱོགས་པའི་ལྷ་དྲུག་གི་སྐུ། གཡས་སུ་རིན་འབྱུང་གི་རིན་ཆེན་ལྔའི་བུམ་པ་དང་ལྷོ་ཕྱོགས་གི་ལྷ་དྲུག་གི་སྐུ། །རྒྱབ་ཏུ་སྣང་མཐའི་དྲི་ལྔའི་བུམ་པ་དང་ནུབ་ཀྱི་ལྷ་དྲུག་གི་སྐུ། གཡོན་དུ་དོན་གྲུབ་ཀྱི་སྙིང་པོ་ལྔའི་བུམ་པ་དང་བྱང་གི་ལྷ་དྲུག་གི་སྐུ་ཙཀ་ཁ་རྒྱན་ལ་བཀོད་དོ། །དེ་དག་གི་གཡས་སུ་ཤེལ་རྡོ། །གཡོན་དུ་བྷ་ནྡྷ་ཡོངས་རྫོགས། མདུན་དུ་ཐུབ་དྲུག་ཕྱིན་གྱི་ལྷ་ཙག་ཡོངས་རྫོགས། །རྒྱབ་ཏུ་མཐའ་བརྟེན་དང༌། དེའི་ཕྱིར་ཤར་ཏུ་ཞི་བའི་གཏོར་མ་ཟླུམ་པོ་པད་འདབ་ཅན་འཁོར་བཞི་པ་དང་སྨན་

― ZP04_Page_402 ―

^{[མ་དཔེ་གཟིགས་ན་འདིར་གནོན།]}

[Full Size]

རག་གཏོར་གསུམ་ལྷ་བཤོས་ཚོགས་རིལ་མཐེབ་ཀྱུ་བཅས་ཉེར་ལྔ་རེ་གྲངས་ཚང་ལྷོར་རྒྱས་གཏོར་གྲུ་བཞིར་ད་འདབ་ཙན་འཁོར་བཞི་བ་དང་སྨན་རག་སོགས་གྲངས་ཚང༌། །ནུབ་ཏུ་དབང་གཏོར་ཟླ་གམ་པད་འདབ་ཅན་འཁོར་བཞི་པ་དང་སྨན་རག་སོགས་བྱང་དུ་དྲག་དུ་གཏོར་གྲུ་གསུམ་འཁོར་བཞི་བ་སྨན་རཀ་སོགས། དེ་དག་གྲུབ་བཞི་པ་ལེགས་པར་བཀོད་པའི་མདུན་ཏུ་མཆོད་གཏོར་རིན་ཆེན་འབར་བ་སྤྱི་མཐུན། དེའི་གཡས་སུ་ཞི་བ་ཡོངས་རྫོགས་ཀྱི་བསྐང་གཏོར་ཟླུམ་པོ་འདབ་བཞི་རྒྱན་ལྡན་མཐེབ་ཀྱུ་ཞེ་གཉིས་ཀྱིས་བསྐོར། གཡོན་ཁྲོ་བོའི་བསྐང་གཏོར་རིན་ཆེན་འབར་བ་ཐེབ་ཀྱུ་ལྔ་བཅུ། ཞི་བའི་བསྐང་གཏོར་གྱི་གཡས་སུ་ཆོས་སྐྱོངས་སྤྱི་གཏོར་གྲུ་གསུམ་རང་འདྲ་བ་དགུ་དང་མཐེབ་ཀྱུ་གྲངས་མང༌། ཁྲོ་བོའི་བསྐང་གཏོར་གྱི་གཡོན་ཏུ་སྡེ་བདུན་གྱི་གཏོར་མ་གཙོ་བོ་དཔལ་བཤོས་བརྗིད་ལྡན་གཡས་སུ་མོ་རྒྱུད་སྤྱི་གཏོར་སྙིང་གིས་མཚན་པ། གཡོན་ཏུ་མ་མོར་སྤྱི་གཏོར་ལིང་གས་མཚན། མདུན་དུ་ལས་བྱེད་སྤྱི་གཏོར་གྲུ་གསུམ། དེ་དག་གི་གཡས་སུ་གཟའ་བཤོས་གཡས་གཅུས། གཡོན་ཏུ་དམ་ཅན་མཁར་ཐབས་ར་མགོ །གཙོ་བོས་རྒྱབ་ཏུ་གཞི་བདག་དཀར་གཏོར་དང༌། གནོད་སྦྱིན་སྤྱི་གཏོར་གཉིས་བཅས་མཐར་མཐེབ་ཀྱུའི་བསྐོར་བར་བཀོད། གཏོར་མ་ལྔ་ཀའི་གཡས་སུ་སྨན་གྱི་ཀ་པ་ལི་སྦྲེང་ཐུར་བཅས་དང་གཡོན་རྐྟ། དེ་དག་གི་མདུན་དུ་མཆོད་མགོ་གཡས་ནས་བརྩམ་པའི་ཞི་མཆོད་དང༌། གཡོན་ནས་བརྩམ་པའི་དྲག་མཆོད་བཤམ་ཞིང་ནང་མཆོད་ཀྱི་

― ZP04_Page_403 ―

^{[མ་དཔེ་གཟིགས་ན་འདིར་གནོན།]}

[Full Size]

ཟེག་མ་ཡང་ཕྱི་མཆོད་ལ་མ་འཐོར་བར་བྱའོ། ༈ །གཞན་དུ་ཡར་གཞིའི་ཚུལ་དུ་རྩ་གསུམ་བཤམ་པ་ནི་ཡི་དམ་སྤྱི་འདུས་དང་པོ་འདོན་པའི་ལུགས་སུ་བྱས་ཀྱི་འདིར་མེད་ཀྱང་རུང་ལ་བུམ་པ་གཅིག་ལས་མེད་ན་དཀྱིལ་འཁོར་དབུས་སུ་དགོད་ཅིང་བུམ་རྫས་སོ་ལྔར་བྱས་ཏེ་ལྷ་ཙཀ་རྣམས་སྦོམ་ཏེ་འཇོག་ཅིང་གཞན་འདྲའོ། །ལས་བུམ་ནི་སློབ་དཔོན་གྱི་མདུན་ཏུ་བཤམས་རྒྱུ་ཡིན་ཀྱང་རྣམ་བུམ་གྱི་གཡོན་ཏུ་བཞག་ཀྱང་འགལ་བ་མེད་དམ། དཀྱིལ་འཁོར་གྱི་བྱང་ཤར་དུ་ཆད་ཐོའི་གཏོར་མ་གྲུབ་གསུམ་དང་ཤར་ལྷོར་བརྟན་མའི་གཏོར་མ་དབུས་སུ་ནག་པོ་གཡས་དམར་གཡོན་དཀར་པོ། །མཐེབ་ཀྱུ་གསུམ་རེ་དང་ལྡན་པ་རྒྱན་བཅས་དགོད་ཅིང༌། དཀྱིལ་འཁོར་མདུན་སྟེགས་ལ་དཀར་བགེགས་ཇ་ཕུད་སྤོས་མེ་ཚོགས་ཀྱི་ཡོ་བྱད་ལ་སོགས་ཉེ་བར་མཁོ་བ་ཐམས་ཅད་ཚང་བར་བྱ་ཞིང༌། ཡོལ་བ་བླ་རེ་འཕན་གདུག་རྒྱ་མཚན་དྲྭ་ཕྱེད་མདའ་བཞི་དང་གྲི་བཞི་སོགས་དཀྱིལ་འཁོར་གྱི་རྒྱན་ཐམས་ཅད་མ་ཚང་བ་མེད་པ་བཀོད་ལེགས་ཤིང་དངས་ལ་འདྲེན་པར་བྱའོ། །སློབ་དཔོན་གྱི་མདུན་ཏུ་ནང་མཆོད་རྡོར་དྲིལ་ནས་བཟེད་ཌཱ་མ་རུ་ལ་སོགས་ཉེ་བར་མཁོ་བ་མ་ཚང་བར་མེད་པར་བྱའོ། ༈ །གཉིས་པ་དངོས་གཞི་ཆོ་གའི་བྱ་བ་ནི། སྔོན་འགྲོ་མཐར་ཆགས་སུ་གཏོར་ཞིང་མཎྜལ་ཀྱང་ཕུལ། ལས་བྱང་མགོར་

― ZP04_Page_404 ―

^{[མ་དཔེ་གཟིགས་ན་འདིར་གནོན།]}

[Full Size]

དཀར་གཏོར་ལ་ལས་བུམ་གྱི་ཆུས་བྲན་ཞིང་བྱིན་གྱིས་བརླབས། ཚངས་པ་བརྒྱ་བྱིན་མ་རྫོགས་མཐར་ཐུད་བཅས་མཆོད། བགེགས་གཏོར་བྱིན་གྱིས་བརླབས་ཤིང་སུམ་བྷ་ནིའི་དུས་ཕྱིར་དོར། དེ་ནས་རྡོར་དྲིལ་བྱིན་རླབས་དང་ཡན་ལག་བདུན་པ་སོང་ནས། ལས་བུམ་གྱི་ཆུས་ཕྱི་ནང་གི་མཆོད་རྫས་ཐམས་ཅད་ལ་བྲན་སྨན་རཀ་གི་ཁ་ལེབ་བསལ་ཏེ་བྱིན་རླབས་རྫོགས་མཐར་ཡོན་པོར་དགབ། དེ་ནས་བསྐྱེད་རིམ་རྫོགས་ནས་སྤྱན་འདྲེན་སྐབས་སྤོས་རིང་བསྲེགས་ཤིང་དར་སྣ་ཚོགས་ཀྱི་གཡབ་དར་ཀྱང་ཕྱར། བཞུགས་གསོལ་ཕྱག་འཚལ། ཕྱི་མཆོད་རྣམས་སོང་ནས། རིགས་ལྔ་ཡབ་ཡུམ་ཀྱི་མགོར་སྨན་གྱི་ཀ་པ་ལི་ལག་གཡས་དང་སྦྲེང་ཐུར་གཡོན་གྱིས་འཛིན་པའི་ཁ་ཧཱིས་མཚམས་སུ་ཕྱར། ཧཱུྃ་རིགས་ལྔ་ཡབ་ཡུམ་སྦྱོར་བའི་མགོར་ཀ་བ་ལི་ཕར་བཞག་ཅིང་གཡས་མཐིལ་དུ་བདུད་རྩིའི་ཐིག་པ་བླུག་ལ་གཡོན་པའི་སྲིན་འཛུབ་གྱིས་སྤྱི་མགྲིན་སྙིང་ཀར་རེག་ཅིང་ཀ་ཡ་སིདྡྷི་སོགས་བརྗོད། མ་ཧཱ་རཀྟ་ལ་ཁ་ཧཱིའི་ཚེ་རྐྟ་སྦྲིང་ཐུར་གྱིས་གཏོར་མ་ལ་བྲན། དེ་ནས་གཏོར་མཆོད་བསྟོད་བཤགས་འཛབ་བཟླས་རྣམས་སོང་ནས་བུམ་པ་བསྒྲུབ་པའི་ཚེ་ནས་འཐོར་ཞིང་པད་སྐོར་དང་བཅས་པས་གཟུང་ཐག་སློབ་དཔོན་ལ་ཕུལ། ལས་བུམ་མགོར་གཟུང་རྡོར་ལས་བུམ་ལ་སྤོར། དབྱངས་གསལ་བཟླ་ཚེ་གཟུང་ཐག་བསྡུ། །

― ZP04_Page_405 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོད་བསྟོང་མཐར་དུང་ཆོས་ཀྱི་ཆུ་བུམ་པར་ཕུལ། དངོས་གྲུབ་ལེན་པའི་ཚེ་བུམ་པ་བླ་མའི་ཕྱག་ཏུ་ཕུལ་ཞིང་བདག་འཇུག་ལྟར་བྱའོ། །དེ་ནས་སྡེ་བདུན་རྒྱུན་གཏོར་ལ་ཆབ་བྲན་ཞིང་ཕྲིན་ལས་བཅོལ་ཇ་ཕུད་མཆོད། ༈ །དེ་ནས་ཚོགས་རྫས་བཟའ་བ་གཡས་བཏུང་བ་གཡོན་བསྒྲལ་བའི་ལིང་ཀ་དང་བཅས་ལེགས་པར་བཀོད་དེ་ཚོགས་རྫས་ལ་ཆབ་བྲན། བྱིན་གྱིས་རླབས་ཤིང་ཕྱི་མཆོད་བསྐང་བ་སོང་འཕལ་སྔར་གྱི་སྨན་མཆོད་དུས་ལྟར་སྨན་སྦྲིང་བཞིན། ཀུན་གཞི་ཀློང་ཡང་སོགས་བརྗོད། ལག་གཡོན་རྐྟ་འཛིན་ཅིང་གཡས་པས་ཕྱར་ཏེ་སྤྱི་གཙུག་བདེ་ཆེན། དེ་ནས་གཏོར་མ་དང་མར་མེ་བསྐང་བ་རྫོགས་ནས་མར་མེ་བྲིམ་ཤིང་སྨོན་ལམ་བྱ། སྤོས་རིང་དང་བཅས་ཚོགས་སྤྱན་འདྲེན་ཚོགས་ཆ་ལྔར་བསྒོས་ཏེ་དང་པོའི་ཚོགས་མཆོད་ཞི་ཁྲོའི་སྤྱི་གཏོར་ལ་ཕུལ། །གཉིས་པ་ཆོས་སྐྱོང་སྡེ་བདུན་ལ། གསུམ་པ་བཤགས་པ་སྤྱི་གཏོར། བཞི་བ་སྡེ་བདུན། ལྔ་པ་ཉ་བོ་དང་བཅས་སློབ་དཔོན་གྱི་མདུན་ཏུ་བཞག་སྟེ། བསྒྲལ་ལས་བྱ་ཞིང་བསྟབས་པའི་ཚེ་གཏོར་སྐྱོག་གིས་གཏོར་མ་ཐམས་ཅད་ལ་ཕུལ། དེ་ནས་ལྷ་ཚོགས་ཡོངས་རྫོགས་སྡེ་བདུན་དང་བཅས་པའི་བསྐང་བ་རྫོགས་ནས་དྲངས་པ་བྱ་བའོ། ༈ །གསུམ་པ་དབང་བསྐུར་གནས་འདྲེན་གྱི་བྱ་བ་ནི། དང་པོ་སྟེགས་སུ་རྒྱབ་ཡོལ་

― ZP04_Page_406 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་ལ་མིའི་ཐུབ་པ་སོགས་ཐུབ་དྲུག་གི་སྐུ་རིམ་པར་བཤམ་ལ་དེ་དག་གི་མདུན་རིགས་དྲུག་གི་ས་བོན་དང་བླུད་གཏོར་དྲུག་རྣམས་དང་དམྱལ་བའི་ས་བོན་གྱི་སྟེང་དུ་མཚན་བྱང་དགོད། གཞན་ཡང་མེ་ལོང༌། ཁྲུས་དར་འདོད་ཡོན་ལ་སོགས་ཚང་བར་བྱའོ། །དེ་ནས་རྟེན་བསྐྱེད་དང་འགུགས་པ་སོང་ནས་གཏོར་ཆུང་གསུམ་དར་ཏིང་ལོ་གསུམ་བྱིན་གྱིས་བརླབས་ཤིང་སྔགས་ཚན་དྲུག་གིས་བསྔོས་ཏེ་བཀའ་བསྒོའི་དུས་དོར། མཚམས་བཅད་དང་གཞུག་པ་སོང་ནས་ལག་གཡས་ཁྲུས་བུམ་དང་གཡོན་མེ་ལོང་འཛིན་པས་སྐུ་རྟེན་གྱི་གཟུགས་བརྙན་ཤར་བ་ལ་འཁྲུས་གསོལ་བྱ་ཞིང་ན་བཟའ་ཕུལ། ཁྲུས་ཆུ་བུམ་པར་བླུག །མེ་ལོང་ནས་མཚན་བྱང་ལ་ཁྲུས་སོགས་བྱ་བ་ནས་མེ་ཆུས་དབང་ཡན་སོང་ནས་དབུས་ཀྱི་བུམ་པའི་དབང་བསྐུར། བགེགས་གཏོར་བྱིན་རླབས་བྱ་ཞིང་དོར་བྲབ་པ་དང་ཁྲུས་སོང་ནས་མཚན་བྱང་ཡི་དྭགས་གི་ས་བོན་ལ་སྦར། དམྱལ་བའི་ས་བོན་བསྡུ། རིགས་དྲུག་གཞན་ལ་དེ་འགྲེས་སོ། །མིའི་དུས་སུ་ཕྱོགས་བཞིའི་བུམ་ཆུ་གཙོ་བུམ་དུ་བསྡུས་ལ་བྱའོ། །དེ་ནས་དབང་དང་གནས་སྤར་ལ་སོགས་པ་ནི་སློབ་དཔོན་གྱི་བྱ་བ་ཁོ་ན་ཡིན་ཞིང་ལག་ལེན་ཀྱང་གོ་སླའོ། །བཞི་པ་རྗེས་ཀྱི་རིམ་པ་ནི། ཚོགས་ཀྱི་གཙང་ལྷག་དམེ་ལྷག་གཅིག་ཏུ་བསྲེ་ཞིང་སློབ་དཔོན་གྱི་སྨན་ཕུད་ཀྱི་ཁ་ཕྲུ་གདབ་སྟེ་ཞིང་ལྤགས་ཀྱི་དཀྱིལ་འཁོར་དུ་གྲལ་མཐའ་བཀོད་ནས་མཐར་ལས་རྡོར་གྱི་ཞ་མོ་དང་

― ZP04_Page_407 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས་མཚན་མོ་ཡིན་ན་དཔལ་འབར་དང་བཅས་མཁའ་ལྡིང་གི་ཕྱག་རྒྱས་བཏེག་སྟེ་ཕྱིར་དོར། དཔལ་འབར་ཐོག་སྟེ་ནང་དུ་འོང་ནས་ཆད་ཐོ་འཕེན། བསྟན་མ་སྐྱོང༌། བྲོ་བརྡུང༌། བཀྲ་ཤིས་སོགས་བྱའོ། ༈ བར་དུ་གཉིས་མེད་ལ་གཙང་ལྷག་ད་མེ་ལྷག་གཉིས་བསྲེ་ཁ་ཕྲུ་ཞུ། པཉྩ་ཨ་མྲྀ་ཏ་སོགས། དཔལ་གྱི་བཀའ་ཉན་གྱི་མཇུག་ལྷག་གཏོར་བཞེས་ལ་ཞེས་པའི་སྐབས་ལྷག་མ་མཆོད་ལ། ན་མོ་དཀོན་མཆོག་གསུམ་ཞེས་པའི་སྐབས་སྨན་རཀ་གཉིས་བྲན་ལ་རྣམ་དག་ཆོས་དབྱིངས་སོགས། བཀའ་དང་དམ་ཚིག་སོགས་དང༌། མ་ནིང་ནག་པོ་ལ། སྡེ་བདུན་རྒྱུན་གཏོར་དང་ཇ་ཕུད་མཆོད། དུས་གསུམ་དུས་མེད་སོགས་ནས། ཤར་ཕྱོགས་སྒོ་མའི་མཇུག་ཏུ་ཆད་ཐོ་གཏོང༌། བསྟན་མ་སྐྱོངས་མཛད་མཇུག་ཏུ་བརྟན་མ་མཆོད། ན་མོ་དཀོན་མཆོག་གསུམ་ཞེས་པའི་སྐབས། གཏོར་གཞོང་སྟེང་དུ་རྡོ་རྗེ་རྒྱ་གྲམ་བྱ། གཏོར་གཞོང་བསོད་ནམས་ཞེས་པའི་སྐབས་གཏོར་གཞོང་ཁ་ཕྱེ། བླ་མ་ཀུན་བཟང་ལ་སྨན་རག་དང་མཆོད་པ་ཁ་གསོ། །ཧེ་རུ་ཀ་དཔལ་ལྷག་མ་བསྲེ་ཁ་ཕྲུ་ཞུ། པཉྩ་ཨ་མྲྀ་ཏ། ལྷག་ལ་དབང་བ། ལྷག་མ་མཆོད། ཅེས་པ་འདི་ལངས་པ་བུས་སྨྲས་པའོ།། །།

ནང་སྒྲུབ་རིག་འཛིན་འདུས་པའི་ཕྱག་ལེན་མཐོང་གསལ་མེ་ལོང་།

― ZP04_Page_409 ―

^{[མ་དཔེ་གཟིགས་ན་འདིར་གནོན།]}

[Full Size]

ནང་བསྒྲུབས་རིག་འཛིན་འདུས་པའི་ཕྱགས་ལེན་མཐོང་གསལ་མེ་ལོང་བཞུགས།།

― ZP04_Page_410 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་ལ་ཕྱག་འཚལ་ལོ། །རིག་འཛིན་འདུས་པའི་བསྒྲུབས་མཆོད་ཀྱི་བཤམས་བཀོད་ནི། སྤྱིར་དཀྱིལ་འཁོར་རས་བྲིས་དང་རྡུལ་ཚོན་གང་ཡིན་ཀྱང༌། དེའི་སྟེང་དུ་སྒྲུབ་རྟེན་དབང་རྫས་རྣམས་བཤམས་ནས་མཐར་མཆོད་པ་སྐོར་བཤམས་དང༌། གཏོར་མ་མཆོད་པ་རྣམས་མདུན་དུ་བཤམས་དགོས་རྒྱུ་ཡིན་ཀྱང་དཀྱིལ་འཁོར་ཡོད་མེད་སྣ་ཚོགས་བྱེད་འདུག་ཀྱང་བདག་བསྐྱེད་རྐྱང་བ་ཡིན་ནམ་གཏོགས་ནམ་ཡང་དཀྱིལ་འཁོར་དགོས་པ་ཡིན་མོད། དཀྱིལ་འཁོར་གྱི་མདུན་དུ་བཤམས་རྒྱུ་ལ། དང་པོ་སྟེགས་བུ་བང་རིམ་དང་པོ་ལ་དབུས་སུ་རིག་འཛིན་

― ZP04_Page_411 ―

^{[མ་དཔེ་གཟིགས་ན་འདིར་གནོན།]}

[Full Size]

འདུས་པའི་གཏོར་མ་བང་རིམ་གསུམ་གྱི་འོག་མའི་སྟེང་འཁོར་སྤྱི་བསྡུས་ལ་ཐེབ་ཀྱུ་ཅི་མང༌། བར་མའི་སྟེང་རྗེ་འབངས་ཉེར་ལྔ་མཚོན་པའི་མར་གྱི་ནོར་བུ་ཉེར་ལྔ། དེ་སྟེང་རིག་འཛིན་བརྒྱད་མཚོན་པའི་ནོར་བུ་ཟུར་བརྒྱད། དེ་སྟེང་ཐབས་ཤེས་དབྱེར་མེད་མཚོན་པའི་ཉི་ཟླ། དེ་སྟེང་བླ་གཏོར་ཟླུམ་པོ་བ་དེ་འདབ་བཞི་རྒྱན་གྱིས་མཛེས་པ་དེའི་གཡོན་ཏུ་བསྐང་བཤགས་ཀྱི་གཏོར་མ་དེ་དང་དབྱིབས་མཚུངས་སུ་བཅའ་བའམ། །ཡང་ན་རག་བསྐར་བཤགས་གི་གཏོར་མས་འཐུས་པ་ཡིན་ཏེ། དེ་ནི་ཞི་བའི་བསྐང་གཏོར་དཀར་ཟླུམ་འདབ་བཞི་ཐེབ་ཀྱུ་ཞེ་གཉིས་ཅན་གཡས་དང༌།

― ZP04_Page_412 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲོ་བོའི་བསྐང་གཏོར་དཔལ་གཏོར་དམར་པོ་འདབས་བཞི་ཐེབ་ཀྱུ་ལྔ་བཅུ་ཅན་གཡོན་དུ་བཤམས། གཏོར་མ་གཉིས་ཀའི་གཡས་སུ་སྨན་ཐོད་གཡོན་དུ་རྐྟའི་རང་གི་རྫས་ཆང་ཆུ་ལ་བཏབ་བ་སྦྲེང་ཐུར་དང་བཅས་བཤམས་སྨན་རག་མར་མེ་བརྒྱ་རྩ་སོགས་ཀྱང་འཛོམ་ན་ཞི་ཁྲོའི་དུས་ཁྱོན་ལྟར་བཤམས། གཏོར་སྟེགས་བང་རིམ་གཉིས་པ་ལ་དབུས་སུ་ཆོས་སྐྱོང་མ་མགོན་ལྕམ་དྲལ་གྱི་གཏོར་མ། གཙོ་བོ་ཨེ་ཀ་ཙ་ཊི་དཔལ་གཏོར་དམར། དེའི་གཡས་སུ་མགོན་པོ་ཟུར་གསུམ་གྲི་རིས། གཡོན་དུ་དམ་ཅན་ཟུར་གསུམ་ར་མགོའི་མཚན་པ། རྒྱབ་ཏུ་དྲང་སྲོང་ཟུར་གསུམ་གཡས་གཅུས། མདུན་དུ་དུར་ཁྲོད་ལྷ་མོ་མོ་རྒྱུད་གཏོར་མ་ཟུར་གསུམ་མཐའ་བསྐོར་དཔལ་མགོན་བདུན་ཅུ་རྩ་ལྔ་ལ་ཐེབ་ཀྱུ་གྲངས་མཚུངས། །དེའི་གཡོན་ཏུ་བཟའ་བདུད་ལ་གཏོར་མ་ཟུར་གསུམ་གཡས་གཅུས་གཙོ་འཁོར་དགུ་བརྩེགས་མི་རོ་དང་ཤ་དར་མེ་རི་ཅན། དེའི་གཡས་སུ་བསྟན་མའི་གཏོར་མ་རྒྱུན་འཇོག་ཟུར་གསུམ་གྱི་དབུས་མ་ནག་པོ། གཡས་དམར་པོ། །གཡོན་དཀར་པོ། །སོ་སོའི་མདུན་ཏུ་རང་མདོག་གི་ཐེབ་ཀྱུ་སུམ་བརྩེགས་ཅན་བཤམས། མ་མགོན་གྱི་གཡོན་དུ་ཚེ་རིང་མའི་མཆོད་གཏོར་བུ་མ་སྟོད་ཟླུམ་གཏོར་དཀར་པོ་དང༌། ཕྱོགས་བཞིར་དཀར་ཟླུམ་བཞི་པ། དེའི་གཡོན་དུ་ཆད་ཐོ་རྒྱུན་འཇོགས་ཟུར་གསུམ་དམར་པོ་གྲི་རིས་ཅན་གྱི་ལོག་གསུམ་གར་ཐེབ་ཀྱུ་

― ZP04_Page_413 ―

^{[མ་དཔེ་གཟིགས་ན་འདིར་གནོན།]}

[Full Size]

སུམ་བརྩེགས་རེ་ཡོད་པ་དང༌། ཆོས་སྐྱོང་གི་སྨན་རག་ལོགས་སུ་འཛོམ་ན་སྔར་བཞིན་གཏོར་མའི་གཡས་གཡོན་དུ་བཤམས། ལེགས་ལྡན་རྩི་དམར་སོགས་ཀྱང་འདོན་ན་འདིར་བཤམས་ཁང་རིམ་གསུམ་པའི་མཆོད་སྟེགས་ལ་མར་གཞི་ཞི་མཆོད་མཆོད་ཡོན་ནས་རོལ་མོའི་བར་རྣམས་བདག་མདུན་སྤྱི་ཁྱབ་དང༌། ཆོས་སྐྱོང་གི་མཆོད་པ་དྲག་མཆོད། ཁྲག་གི་ཨཱརྒྷཾ་དབང་ལྔའི་མེ་ཏོག །ཚིལ་ཆེན་གྱི་བདུག་སྤོས། །ཞུན་ཆེན་གྱི་མར་མེ། མཁྲིས་པའི་དྲི་ཆབ། དྲག་པོའི་ཞལ་ཟས་རྣམས་བཤམས། དེ་དག་གི་མདུན་དུ་ཉེར་མཁོ་སྡེ་བརྒྱད་མཆོད་པ་དང༌། ཚོགས། བརྟན་མ། གསོལ་ཀ་རྒྱུན་འབུལ། སྔོན་གཏོར་འདབ་བཞི་ཆང་དཀྲིས་ཐེབ་རིལ་ཅན་སོགས་བཤམས། ལྡེང་ཁྲི་སོགས་ཡོད་ན་སྤྱིར་ལྡེང་ཁྲིའི་ནང་དཀྱིལ་འཁོར་དང་མདུན་དུ་གཏོར་མཆོད་བཤམས་པ་ཕྱག་ལེན་དངོས་ཡིན་ཀྱང་ལྡིང་ཁྲི་བང་རིམ་བཞིར་བྱས་ནས་གོང་མ་དཀྱིལ་འཁོར་ཡིན་ཆགས་བྱས་ན་རས་བྲིས་ས་མཚོམ་བུ་ལ་སློབ་དཔོན་སྐུ་སོགས་བཤམས། འོག་མ་གསུམ་ལ་གཏོར་མ་དང་མཆོད་པ་སྔར་བཞིན་བཞམས་ན་བདེ། ཕུད་ཕོར་ཆོས་སྐྱོང་གི་གཏོར་མ་རྣམས་ལ་དར་མཚོན་དང་ཤ་དར་སོགས་ཀྱིས་ཀྱང་བརྒྱན་ཏེ་མཛེས་པར་བྱ་བ་ནི་བཤམས་བཀོད་ཡིན་ནོ། །གཉིས་པ་དངོས་གཞིའི་འདོན་པ་ནི་སྔོན་

― ZP04_Page_414 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོ་རྒྱས་བསྡུས་ཅི་རིགས་སོང་འཕྲལ་སྡེ་བརྒྱད་མཆོད་པ་དང་ཇ་ཕུད་བཤམས་པ་བྱིན་གྱིས་བརླབས་ཏེ་མཇུག་ཏུ་ཡང་སྟེང་སོགས་སུ་ཕུལ། བགེགས་གཏོར་དམའ་བར་བཤམས་པ་བསང་ཆུས་བྲན་ལ་བཀའ་བསྒོའི་མཇུག་ཏུ་ཕུས་མི་ལས་མོ་ལས་མི་མཐོ་བར་བཟུང་སྟེ་ཕྱི་རོལ་དུ་དོར། བྱིན་འབེབས་སྐབས་སྤོས་བསྲེགས་ཤིང་ཞྭ་སྦོས་འདྲེན་བྱས་ཀྱང་རུར། ལས་བྱང་གི་བྱིན་འབེབས་སྐབས་སྨན་རག་གཉིས་ཀྱི་ཁ་ལེན་དགོས། མཆོད་པ་བྱིན་བརླབས་སྐབས་བླ་མས་ལས་ཆུ་འཐོར་ན་མི་དགོས་ཀྱང་མ་གཏོར་ན་ཕྱི་མཆོད་ལ་ཆུ་གཙང་བྲན། སྨན་རག་གཉིས་བྱར་ཙམ་རེ་དང་གཏོར་མ་ལ་བྲན། སྨན་རག་གི་ཟེག་མ་ཕྱི་མཆོད་ལ་མ་ཕོག་པར་བྱ་དགོས། སྤྱན་འདྲེན་སྐབས་ཀྱང་སྦོས་སོགས་བསྲེགས། དེ་ནས་དཀྱུས་བཞིན་ལས་ཅི་ཡང་མེད་དོ། །བཟླས་པའི་མཇུག་ཏུ་ཟན་ཅུང་ཟད་རེས་གཏོར་ཁ་གསོ། །ཆུ་ནས་སོ་སོའི་མཆོད་ཁ་གསོ་ཞིང་བྱིན་བརླབས་ཀྱང་བྱ། འབུལ་ཚིག་སྐབས་གཏོར་མ་ལ་སྨན་རག་བྲན། སྔ་ཆོག་ཕྱི་ཆོག་གཉིས་བྱས་ན་ཕྱི་ཆོག་ལ་སྔོན་གཏོར་གཉིས་ཀ་མི་དགོས། གཏོར་མ་དང་མཆོད་ཁ་གསོ། །འདོན་ལུགས་སྔ་ཆོག་དང་འདྲ་ཡང་མཆོད་དཔོན་གྱི་ཕྱག་ལེན་ཅང་མེད། སྤྱིར་སྒྲུབ་མཆོད་དང་སྒྲུབ་ཆེན་གང་ཡིན་ཀྱང་ཆོ་ག་གཉིས་རེ་འདོན་སྲོལ་ཡོད། བསྙེན་གྲངས་འགྲོ་ན་ཅི་བྱས་ཀྱང་ཆོག་བསྙམས། ཕྱི་དྲོ་ན་རག་བསྐང་

― ZP04_Page_415 ―

^{[མ་དཔེ་གཟིགས་ན་འདིར་གནོན།]}

[Full Size]

བཤགས་ཀྱི་སྐབས་སྨན་ཐོད་གཡས་གྱི་བཟུང་སྟེ་བསྐངས་ཟེར་བ་དང་བསྟུན་པས་བྲན་ཐུར་ཕྱར་ཙམ་རེ་བྱེད། རྐྟའི་སྐབས་རྐྟ་གཡོན་གྱིས་བཟུང་ནས་སྔར་ལྟར་ཕྱར་ཙམ་རི་དང་གཏོར་མའི་བསྐང་བའི་མཇུག་ཏུ་གཏོར་མ་ལ་སྨན་རག་བྲན། མར་མེའི་བསྐང་བའི་སྐབས་མར་མེ་སྦར་ནས་ཚོགས་པ་ལ་བཀྲམ། ༈ དབུས་གྲལ་མཇུག་ནས་ཕྱག་གསུམ་བཅས་ཚོགས་ཞུས་ཞུ། ༈ ཚོགས་ཀྱི་སྐབས་ཚོགས་སྟེགས་ལ་སྟག་ལྤགས་སོགས་བཀབས་པ་དཀྱིལ་འཁོར་མདུན་དུ་བཤམས་པའི་སྟེང་ན་ཐུད་ཟན་སོགས་གཡས་དང༌། ཐོད་པའི་སྣོད་དུ་ཚོགས་ཆང་གཡོན་དུ་བཤམས། བྱིན་བརླབས་ཀྱི་སྐབས་ནང་མཆོད་དང་ལས་ཆུ་མཆོད་དཔོན་གྱིས་བྲན། ཕུད་ཆ་གསུམ་དུ་བགོས་ཏེ་འབུལ་ཚིག་དང་བསྟུན་འབུལ་བའི་སྟང་ཀ་རེ་དང་མཉམ་དུ་བཏུང་བ་བྲན་ནས་འཇོགས། སྐབས་འདིར་གཙང་ལྷག་ཞིག་ཀྱང་བཅད་ནས་སྣོད་གཅིག་ཏུ་བཞག །དྲངས་བ་དང་པོ་བླ་མ་ལ་ཕུལ་དེ་ནས་བཅའ་བ་གཡས་གྲལ་བཏུང་བ་གཡོན་གྲལ་ནས་ཚེ་མདུད་ཕོག་པར་བྱས་ལ་འགྲིམ་པ་སོགས་མ་གཏོགས་དབང་འགྲིམ་འགྲིམ་མི་བྱ། ཚོགས་ལས་རོལ་ཚར་ནས་ལྷག་གཞོང་ཁྱེར་ཏེ་རྒྱབ་གྲལ་གྱི་མཇུག་ནས་ལྷག་མ་ཡར་བསྡུ་ཞིང་སློབ་དཔོན་གྱི་ལྷག་མ་སྟེང་དུ་འོང་བ་བྱ། །དེ་ནས་དཀྱིལ་འཁོར་གྱི་མདུན་དུ་ཞིང་ལྤགས་སམ་ལྷག་

― ZP04_Page_416 ―

^{[མ་དཔེ་གཟིགས་ན་འདིར་གནོན།]}

[Full Size]

དཀྱིལ་ལ་མཉྫིའི་སྟེང་དུ་སྔར་གྱི་གཙང་ལྷག་དེ་དང་འགྲམ་དུ་རྩོག་ལྷག་བཀྲམ་ནས། བསྲེ་དཔོག་དགོས་རྒྱུ་ཡིན་ཡང་འདིར་དེའི་ཡོད་མེད་ན་དང་པོ་ནས་ལྷག་མ་གཉིས་བསྲེས་ཏེ་ནང་མཆོད་ཀྱིས་ཁ་བྲུ་བླ་མ་ལ་ཞུ། དགེ་མང་སར་ཕྱག་སྲོལ་ཚོགས་ཆང་གི་ཁ་བྲུ་ཞུ། ལྷག་གཏོར་ལྷག་དཀྱིལ་དུ་མཉྫིའི་ཁར་བཀོད་ཉིན་མོ་ཡིན་ན་སྤོས་དང་མཚན་མོ་ཡིན་ན་དཔལ་འབར་བཙུགས་ཏེ་ཧེ་རུ་ཀའི་དམ་རྒྱའི་བཟུང་ནས་སྒྲུབ་ཁང་གི་ཕྱི་རོལ་དུ་གོམ་པ་བདུན་ཅུའི་སར་སྤུངས་ཏེ་བླུགས་སླར་ལོག་གཏོར་བསྔོས་ལ་ཆུ་གཙང་སོགས་བྲན་ནས་བྱིན་བརླབས་མ་མགོན་སྤྱན་འདྲེན་སྐབས་སྤོས་བསྲེག་ཕུད་གསོལ་སྐབས་ཀ་ཊོ་རའི་ནང་དུ་ཕུད་སྐོང་བཞག་སྟེ་གསོལ་ལོ་མཆོད་དོ་འབུལ་ལོ་ཟེར་སྐབས་ཇ་ཕུད་ཕྱར། དེ་ནས་གཟའ་བདུད་ཚེ་རིང་མ་གཡུ་སྒྲོན་མ་སོགས་སོང་ནས་ཐུབ་བསྟན་མའི་སྐབས་ཞྭ་བཅས་ལག་གཡས་གཏོར་མ་དང་གཡོན་ཇ་ཕུད་ཐོག་སྟེ་མཐོ་བར་བཟུང་གྲལ་མཐའ་ནས་ཁ་གྱེན་དུ་ཕྱོགས་སྟེ་ལང་ནས་ཁྱིམ་ན་གནས་ཀྱང་ཡང་དག་ལྟ་ལ་དང༌། སོགས་ཀྱི་སྐབས་གཏོར་མ་ཕྱི་རོལ་དུ་ཁྱེར་ནས་ཡང་སྟེང་དུ་ཕུལ། རོལ་མོ་འུར་ཆེམ་མ་རྫོགས་གོང་ཡར་སླེབ་པར་བྱས་ཏེ། ཆོས་སྐྱོང་གི་མཆོད་པ་ཁ་གསོ། །དེ་ནས་མཆོད་བསྟོད་ཚར་ནས་ཞྭ་གྱོན་ཆད་ཐོལ་ཉིན་མོ་ཡིན་ན་དཔལ་འབར་བཅས་ཕྱི་རོལ་དུ་ཕུལ། དེའི་

― ZP04_Page_417 ―

^{[མ་དཔེ་གཟིགས་ན་འདིར་གནོན།]}

[Full Size]

བཤལ་ཆུ་བརྟན་མལ་བྲན་ནས་ཕྱི་རོལ་དུ་ཕུལ་ཆེ་བརྟན་གཉིས་མཉམ་དུ་ཁྱེར་ནས་ཕུལ་ཀྱང་ཆོག་སྟེ། དེ་བྱས་ན་བཤར་ཆུ་བདེ་མོ་ཞིག་མི་འོང་ཀྱང་གང་བདེ་བྱ། སླར་གཏོར་གཞོང་གྲལ་མཐར་སྒྲུབས་ཞྭ་གྱོན་བཞིན་མདུན་གྲལ་དབུས་གྱེན་དུ་ཕྱིན་ཏེ་བླ་མའི་ཕྱག་གི་རྡོ་རྗེ་བླང་ནས་སོང་སྟེ་གཏོང་གཞོང་གི་རྒྱས་ཁ་གྱེན་དུ་ཕྱོགས་ཏེ་དང་པོ་ཤར་ནུབ་དེ་ནས་ལྷོ་བྱང་སྟེ་རྡོ་རྗེ་རྒྱ་གྲམ་གྱི་གནོན་ཚུལ་བྱས་ཏེ་ཞ་ཕུད་རྡོ་རྗེ་རྒྱབ་གྲལ་ནས་ཁྱེར་ཏེ་བླ་མའི་ཕྱག་ཏུ་ཕུལ། གཏོར་གཞོང་ཁ་བཟེད་དེ་བླང༌། མེ་ཏོག་འཐོར། གཏོར་ཁ་དང་མཆོད་ཁ་གསོ་ཞིང་ཆབ་བྲན་པ་སོགས་མཆོད་བསྟོད་ཀྱི་སྔོན་དུ་འཛོམ་ངེས་བྱ་མཇུག་ཏུ་གཏོར་མ་ལ་སྨན་རག་ཀྱང་བྲན། བཀྲ་ཤིས་སྐབས་མེ་ཏོག་འགྱེད་པ་སོགས་ལས་ཕྱག་ལེན་ཅང་མེད། ལར་གཏོར་མ་ཕྱི་རོལ་དུ་འབུལ་རྒྱུ་རྣམས་འབུལ་དུ་འགྲོ་རུས་གཟན་སྐྱོར་དང་བཅས་ཞྭ་གྱོན་ནས་ཕྱི་ནས་ཞྭ་ཕུད་དེ་ནང་དུ་འོང་བ་ཡིན། བཀྲ་ཤིས་སྐབས་མེ་ཏོག་འགྱེད་པ་སོགས་ལས་ཕྱག་ལེན་ཅང་མེད། ལར་གཏོར་མ་ཕྱི་རོལ་དུ་འབུལ་རྒྱུ་རྣམས་འབུལ་དུ་འགྲོ་རུས་གཟན་སྐྱོར་ངང་བཅས་ཞྭ་གྱོན་ནས་ཕྱི་ནས་ཞྭ་གྱོན་ནས་ཕྱི་ནས་ཞྭ་ཕུད་དེ་ནང་དུ་འོང་བ་ཡིན། གསེར་སྐྱེམས་དང་བགེགས་གཏོར་ལ་ཞྭ་མི་གྱོན། སྒྲུབ་པ་ཟིན་ཉིན་ཆེ་བརྟན་སྔར་གཏོར་གྲལ་ན་བཤམས་ཡོད་པའི་ཆེ་བ་དེ་ཕུལ། དེ་བར་རྒྱུན་གཏོར་འབུལ་དགོས། གསོལ་ཀ་ལ་ནམ་ཡང་རྒྱུན་གཏོར་འབུལ། གསོལ་ཀའི་གཏོར་མ་རྣམས་ཟིན་དགོངས་ཡང་ཐོག་ཏུ་ཕུལ་བའམ། ཕྱི་ཉིན་བསང་ནས་

― ZP04_Page_418 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་ཕུལ་ཀྱང་ལེགས་ཏེ། དེ་བས་ན་རབ་གཏོར་བསྔོས་ཆ་ཚང་མིན་ཀྱང་ཐུབ་བསྟན་མ་ཚར་གཅིག་བསང་གི་མཇུག་ཏུ་བཏོན་ནས་དེ་སྐབས་འབུལ་བ་ཡིན། དེ་ལས་གཞན་ཅི་ཡང་མེད་ཀྱང་འདི་དག་ཀུན་མཁྱེན་ཡབ་སྲས་ཀྱི་ཕྱག་སྲོལ་དང་ཞལ་རྒྱུན་དག་ངེས་རང་བཟོ་མེད་པར་བཀོད་པ་འདི་ནི་ལས་རྡོར་གསར་འཇུག་པ་འགའ་ཞིག་གིས་བསྐུལ་ངོར་དཔལ་སྤྲུལ་རིན་པོ་ཆེའི་གསུངས་བ་ཡིན་ཞེས་སྣང༌། །དགེའོ། དགེའོ། སརྦ་མངྒ་ལཾ།།

འདུས་མདོའི་དབང་གི་གོ་དོན་ཟིན་བྲིས།

― ZP04_Page_419 ―

^{[མ་དཔེ་གཟིགས་ན་འདིར་གནོན།]}

[Full Size]

འདུས་མདོའི་དབང་གི་གོ་དོན་ཟིན་བྲིས་བཞུགས་སོ།། །།

― ZP04_Page_420 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་ལ་ཕྱག་འཚལ་ལོ། །སྒོ་འབྱེད་ཕྱག་རྡོར་གྱི་དབང་གི་དུས་དབང་མི་ཐོབ་པའི་གེགས་བརྒྱད་བཤད་པ་ནི། དབང་གཞུང་ལས། སངས་རྒྱས་ཀུན་གྱི་དངོས་གྲུབ་མཆོག །ཞེས་པ་ལ་སོགས་པས་བསྟན་པ་ལྟར་ཡིན་ཏེ། སློབ་དཔོན་གྱི་བཀའ་བཅག་ཅིང་བརྙས་པ་བྱེད་པ་དང་གཅིག །རྡོ་རྗེའི་སྤུན་ལ་འཁུ་ལྡོག་གིས་གདུང་སེམས་མེད་པ་དང་གཉིས། བྱང་ཆུབ་ཀྱི་སེམས་དང་ཡི་དམ་གྱི་ལྷ་སྤོངས་པ་དང་གསུམ། སེམས་ཅན་སྡུག་བསྔལ་བ་ལ་སྙིང་རྗེའི་ཐག་པ་གཅོད་པ་དང་བཞི། གསང་བ་སྣོད་མིན་ལ་སྦྱིན་པ་དང་ལྔ། བླ་མ་ལ་བཀུར་སྟི་མེད་ཅིང་སེར་སྣས་

― ZP04_Page_421 ―

^{[མ་དཔེ་གཟིགས་ན་འདིར་གནོན།]}

[Full Size]

བཅིང་བ་དང་དྲུག །རང་བཟོ་དང་ཕོ་ཚོད་ཀྱིས་ཆོས་ལ་དབང་ཟ་བ་བདུན། འདོད་པ་དང་ཁེ་དྲག་གི་དབང་གིས་གསང་བའི་དམ་ཚིག་སྤོངས་བ་དང་བརྒྱད་དོ། །ལྷ་མིའི་ཐེག་པའི་དུས། རྐྱེན་གྱུར་ལས་ཀྱི་བག་ཆགས་རགས་པ་ཞེས་ངན་སོང་དུ་ལྟུང་བྱེད་ཀྱི་ལས་མི་དགེ་བ་སོགས་ཡིན། འཇིག་རྟེན་ཕ་རོལ་ལ་ཡིད་ཆེས་པ་ནི་ཚེ་ཕྱི་མ་ཡོད་པ་ལ་ཡིད་ཆེས་པ་ཡིན། ལས་རྒྱུ་འབྲས་ནི་རྒྱུ་དགེ་མི་དགེ་གཉིས་ལས་འབྲས་བུ་བདེ་སྡུག་གཉིས་འབྱུང་བ་ལ་ཡིད་ཆེས་པ་ཡིན། འཇིག་རྟེན་པའི་ཡང་དག་པའི་ལྟ་བ་ཞེས་པ་ལས་རྒྱུ་འབྲས་ལ་ཡིད་ཆེས་

― ZP04_Page_422 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དེ་ཡིན། གཏན་ཁྲིམས་ཞེས་པ། ཤི་མ་སོང་བར་དུ་སྡོམ་པ་ལེན་བ་དེ་ཡིན། དུས་ཁྲིམས་ཡན་ལག་བརྒྱད་པ་ཞེས་པ་སང་ཉི་མ་མ་ཤར་གྱི་བར་དུ་སྡོམ་པ་ལེན་པ་དེ་ཡིན། རང་གི་འབྲས་བུ་འབྱིན་ནུས་ཀྱི་བར་ཞེས་པ་དགེ་བའི་ལས་གང་བྱེད་ཀྱང་ལས་དེ་མཐར་ཕྱིན་པ་ན་འབྲས་བུ་བསྐྱེད་ནུས་པ་ཡིན་པས་དེ་ཙམ་ལ་ཟེར་བ་ཡིན། ཁམས་གོང་མར་སྐྱེ་བ་ལ་ཞི་རགས་ཀྱི་བསམ་གཏན་བསྒོམ་ཚུལ་ནི། དཔེར་ན་དང་པོ་བསམ་གཏན་གཅིག་ཀྱང་མ་ཐོབ་པའི་གོང་དུ་རང་རེ་འདོད་ཁམས་པ་རྣམས་ཀྱི་སེམས་རྣམ་པར་རྟོག་པའི་དབང་དུ་གྱུར་བ་འདི་ནི་ཤིན་ཏུ་རགས་པས། བསམ་གཏན་དང་པོ་པའི་སེམས་ཐོབ་ན་ནི་རྣམ་རྟོག་འདི་དག་ཞི་བས་ཤིན་ཏུ་ཞི་བ་ཡིན་པས་དེ་ཐོབ་པར་བྱའོ་སྙམ་ནས་འདོད་ཁམས་ཀྱི་རྣམ་རྟོག་རྣམས་བཀག་ནས་བསྒོམ་པས་བསམ་གཏན་དང་པོ་ཐོབ། དེ་ནས་བསམ་གཏན་དང་པོ་ནི་ད་རུང་རྟོག་དཔྱོད་ཀྱི་བློ་དང་བཅས་པ་ཡིན་པས་རགས་ལ། གཉིས་པ་ནི་རྟོག་དཔྱོད་དང་བྲལ་བ་ཡིན་པས་ཞི་བས་ན་དེ་ཐོབ་བར་བྱའོ་སྙམ་ནས་རྟོག་དཔྱོད་སྤངས་ནས་བསྒོམ་པས་བསམ་གཏན་གཉིས་པ་ཐོབ་པ་སོགས་འོག་མ་དེ་ལ་སྐྱོན་དུ་ལྟ་བས་དེའི་ཆགས་པ་དང་བྲལ་བར་བྱེད་པ་ཡིན། ཟག་པ་དང་བཅས་པའི་དགེ་བ་ཞེས་པ་འཁོར་བའི་བདེ་འབྲས་བསྐྱེད་ཅིང་ཐར་པའི་རྒྱུ་མ་ཡིན་པ་ལ་ཟེར། གཟུགས་ལ་ཆགས་བྲལ་

― ZP04_Page_423 ―

^{[མ་དཔེ་གཟིགས་ན་འདིར་གནོན།]}

[Full Size]

ནི། བདག་ནི་སོགས། དེ་ནས་དཀྱིལ་འཁོར་སྒྲིབ་ལ་སློབ་བུ་རྣམས་ཕྱིན་བཞག་བཞིན། བགེགས་གཏོར་གཏོང༌། གུ་གུལ་བདུག །སློབ་མ་རྣམ་ནང་དུ་རྫོགས་པ་དང་སྒོ་བཅད། རྡོར་སེམས་སྒོམ་བཟླས་བྱ། བསྲུང་འཁོར། མཎྜལ་འབུལ། གསོལ་གདབ་ནི། ཀྱི་རིག་ལྔའི་སོགས། ཡོལ་བ་བཀྲོལ། གཙོ་བོ་ལ་གསོལ་བ། ཀྱེ་མ་བླ་མ་སོགས། ལན་གསུམ། བླ་མས། ཀྱེ་མ་མ་ཁྱེད་ནི་སོགས། སློབ་མས་བདག་ནི་འབྲས་བུ་སོགས། ལན་གསུམ། བླ་མས། ཨེ་མ་ཨེ་མ་སོགས། བདུད་རྩི་ལྕེ་ལ་བཞག །འདི་ནི་ཁྱོད་ཀྱི་སོགས། བྱིན་འབེབ་ནི་སློབ་བུའི་སྙིང་གི་ནང་སོགས་ཚིག་རིང༌། བྱིན་རྫས་བདུག །སློབ་བུ་རྣམས་ཤར་སྒོ་ནས་ཕྱག་འཚལ་ཏེ། ཀྱེ་ཤར་སྒོ་སོགས། ཕྱོགས་གཞན་དེའི་འགྲེ། མེ་ཏོག་དོར་བ་ནི། ཀྱེ་བདེ་གཤེགས་རིགས་ལྔའི་སོགས། དོར་རོ། །མིག་དར་བཀྲོལ་བ་ནི། སྟོན་པ་རིགས་ལྔའི་སོགས། ཞེས་བཀྲོལ། དེ་ནས་བླ་མས། ཀྱེ་མ་རིགས་ཀྱི་བུ་སོགས། ཀྱིལ་འཁོར་རྣམ་དག་བཤད། དེ་ཡན་ཆད་སྔོན་འགྲོ་རྣམ་པ་བཅུའོ། །དབང་བསྐུར་བ་དངོས་ལ་མཎྜལ་ཕུལ། གསོལ་གདབ། ཀུན་བཟང་སོགས། མཆོད་པ་བཀྱག །མེ་ཏོག་མགོའམ་དཔུང་གཡོན་བཏགས་ལ། མེ་ཏོག་གང་ལ་

― ZP04_Page_424 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས། དེ་ནས་རིགས་དབང་ལྔ་ལས་དང་པོ་མི་བསྐྱོད་པ་ཆུའི་དབང༌། སློབ་མ་རྡོར་སེམས་སོགས་ཚིག་རིང༌། ཧཱུྃ་གཟུགས་ཀྱི་ཕུང་པོ་སོགས། སྣང་མཐའ་རྡོ་རྗེའི་དབང་ལ། སློབ་མ་སྣང་མཐའ་སོགས། ཚིག་རིང༌། ཧཱུྃ་འདུ་ཤེས་སོགས། རིགས་ཀྱི་བུ་སོགས། མིང་དབང་ནི། སློབ་མ་རྣམ་སྣང་སོགས། ཧཱུྃ་རྣམ་ཤེས་སོགས། རིགས་ཀྱི་བུ་སོགས། རིན་འབྱུང་དབུ་རྒྱན་ནི། སློབ་མ་རིན་འབྱུང་སོགས། ཚོར་བའི་སོགས། འོ་རིགས་ཀྱི་བུ་སོགས། དོན་གྲུབ་དྲིལ་བུའི་དབང་ནི། སློབ་མ་དོན་གྲུབ་སོགས། ཨེ་མ་ཧོ་འགྲོ་མཆོག་སོགས། ཧཱུྃ་འདུ་བྱེད་སོགས། འོ་རིགས་ཀྱི་བུ་སོགས། ཀུན་བཟང་རྡོ་དྲིལ་གྱི་དབང་ནི། སློབ་མ་ཀུན་ཏུ་བཟང་པོ་སོགས། ཨོཾ་ཨཱཿཧཱུྃ་ཐབས་དང་ཤེས་རབ་སོགས། འོ་རིགས་ཀྱི་བུ་སོགས། བུམ་དབང་ལ་བུམ་པ་བཅུའི་བདུད་རྩི་གཙོ་བོའི་བུམ་བར་བསྡུས་ཀྱང་རུང༌། རེ་རེ་ནས་བསྐུར་ཡང་རུང་སྟེ། ཤར་བུམ། ནུབ་བུམ། དབུས་བུམ། ལྷོ་བུམ། བྱང་བུམ་རྣམས་རིམ་པར། ལྷ་ཐམས་ཅད་སོགས་ནས། ཧཱུྃ་རྡོ་རྗེ་སེམས་དཔའ་བཅོམ་ལྡན་སོགས། དེའི་རིགས་འགྲེ། སིདྡྷི་ཕ་ལ་ཧཱུྃ་ཨཱཿ །འོ་རིགས་ཀྱི་བུ་སོགས་ཀྱིས་བུ་མ་ཆུ་བླུད། ཁྲུས་བྱ། བརྡའི་དབང་ནི། རིག་ལྔའི་སྐུ་བསྟན་ལ། འོ་རིགས་

― ZP04_Page_425 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་བའི་རྒྱུ་འབྲས་གཉིས་ཡིན། དེ་བཞིན་དུ་ལམ་བདེན་རྒྱུ་འགོག་པ་འབྲས་བུ་ཡིན་པས་དེ་གཉིས་ཐར་བའི་རྒྱུ་འབྲས་གཉིས་ཡིན། །དེ་ལ་སྤང་བླང་བྱེད་པའི་དུས། སྡུག་བསྔལ་ཤེས་པར་བྱ། ཀུན་འབྱུང་སྤང་བར་བྱ། འགོག་པ་ཐོབ་པར་བྱ། ལམ་རང་རྒྱུད་ལ་བརྟེན་དགོས་པ་ཡིན། བདེན་པ་བཞིའི་རྣམ་པ་བཅུ་དྲུག་ནི། མི་རྟག་པ། སྡུག་བསྔལ་བ། སྟོང་པ། བདག་མེད་བཞི་སྡུག་བསྔལ་གྱི་རྣམ་པ་བཞི་ཡིན། རྒྱུ་ཀུན་འབྱུང༌། རྐྱེན། རབ་སྐྱེ་བཞི་ཀུན་འབྱུང་གི་རྣམ་པ། འགོག་པ། ཞི་བ། གྱ་ནོམ་པ། ངེས་པར་འབྱིན་པ་བཞི་ལམ་བདེན་གྱི་རྣམ་པའོ། །ཕྱི་གཟུང་ཡུལ་རགས་སྣང་ཞེས་བ། རི་ར་བ་ཁང་ཁྱིམ་སོགས་དངོས་པོ་རགས་པ་རྣམས་ཡིན། སེམས་ཀྱི་རྒྱུན་ཞེས་པ། སེམས་སྐད་ཅིག་མ་དུ་མ་འབྱུང་བ་བཞི་འགོག་པའི་རྣམ་པ། ལམ་རིག་པ་བསྒྲུབ་པ་ངེས་པར། མཐུད་པའི་ཆགས་སྡང་སོགས་ཀྱི་རྣམ་རྟོག་རགས་པ་རྣམས་ཡིན། རགས་སྣང་རྩོམ་གཞི་ཞེས་པ་ཕྱི་ཡུལ་རགས་པ་རྣམས་རྡུལ་ཕྲན་དུ་མ་འདུས་པ་དང༌། རྣམ་རྟོག་རགས་པ་རྣམས་སྐད་ཅིག་དུ་མ་འདུས་པ་ཡིན་པས་རྡུལ་ཕྲན་དང་སྐད་ཅིག་གཉིས་ལ་རྩོམ་གཞི་ཟེར་བ་ཡིན། །རྡུལ་ཕྲན་དང་སྐད་ཅིག་དེ་གཉིས་དོན་དམ་བདེན་གྲུབ་ཏུ་འདོད་པས་ཆོས་ཀྱི་བདག་མེད་མ་རྟོགས་པ་ཡིན། ང་དང་ང་ཡི་བ་

― ZP04_Page_426 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་ཀ་བདེན་མེད་དུ་རྟོགས་པས་གང་ཟག་གི་བདག་མེད་རྟོགས་པ་ཡིན་ནོ། །སོ་སོར་ཐར་ཞེས་བྱ་རྣམས་བརྒྱད། ཞེས་པ་སྤང་བྱ་ལྔ་སྤོང་བ་དགེ་བསྙེན། །བརྒྱད་སྤོང་བ་བསྙེན་གནས། བཅུ་སྤོང་བ་དགེ་ཚུལ། ཐམས་ཅད་སྤོང་བ་དགེ་སློང་དང་བཞི་བོ་རེ་རེ་ལ་ཕོ་མོ་གཉིས་རེ་ཕྱེ་བས་སོ་ཐར་རིགས་བརྒྱད་ཡིན། དགེ་བསྙེན་གྱི་སྤང་བྱ་ལྔ་ནི་སྲོག་གཅོད། མ་བྱིན་ལེན། མི་ཚངས་སྤྱོད། རྫུན་དང་བཞི་རྩ་བ་བཞི་ཡིན་པས་དེའི་སྟེང་དུ་ཆང་དང་ལྔ་ཡིན། བསྙེན་གནས་ཀྱི་བརྒྱད་ནི་དེའི་སྟེང་དུ་གར་སོགས་ཕྲེང་སོགས། མལ་ཆེ་མཐོ། །ཕྱི་དྲོས་ཁ་ཟས་དང་གསུམ་སྤང་བ་ཡིན། དགེ་ཚུལ་གྱི་བཅུ་ནི་དེ་བརྒྱད་ལས་གར་སོགས་དང་ཕྲེང་སོགས་སོ་སོར་བརྩིས་པས་དགུ། གསེར་དངུལ་ལེན་པ་བསྣན་ནས་བཅུ་ཡིན། དགེ་སློང་ནི་ཉིས་བརྒྱ་ལྔ་བཅུ་རྩ་གསུམ་པོ་ཡིན་ནོ། །ང་རྒྱལ་ཁམས་ཀྱི་རབ་དབྱེ་ཞེས་པ་ནི་ཁམས་བཅོ་བརྒྱད་ཀྱི་དབྱེ་བ་སྒོམ་པ་ཡིན་ནོ། །ཁམས་གསུམ་གྱི་ཉོན་མོངས་མཐོང་བས་སྤང་བར་བྱ་བ་ཞེས་པ་ནི། ཁམས་གསུམ་དུ་སྐྱེ་བར་བྱེད་པའི་ཉོན་མོངས་རྣམས་ལ་མཐོང་ལམ་གྱི་དུས་སྤང་དགོས་པ་ཚོ་གཅིག་ཡོད་པ་ལས་མཐོང་ལམ་གྱི་དུས་སྤང་དགོས་རྒྱུའི་ཉོན་མོངས་རྣམས་ལ་མཐོང་བས་སྤང་བ་ཟེར་བ་ཡིན། དེ་སྤོང་བྱེད་མཐོང་ལམ་གྱི་དུས་ཀྱི་ཡེ་ཤེས་བཅུ་དྲུག་སྐྱེ་

― ZP04_Page_427 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ནི། སྡུག་བསྔལ་ཆོས་ཤེས། སྡུག་བསྔལ་ཆོས་བཟོད། སྡུག་བསྔལ་རྗེས་ཤེས། སྡུག་བསྔལ་རྗེས་བཟོད་བཞི། ཀུན་འབྱུང་ཆོས་ཤེས། ཀུན་འབྱུང་ཆོས་བཟོད། ཀུན་འབྱུང་རྗེས་ཤེས། ཀུན་འབྱུང་རྗེས་བཟོད་དང་བཞི། འགོག་པ་ཆོས་ཤེས། འགོག་པ་ཆོས་བཟོད། འགོག་པ་རྗེས་ཤེས། འགོག་པ་རྗེས་བཟོད་དང་བཞི། ལམ་ཆོས་ཤེས། ལམ་ཆོས་བཟོད། ལམ་རྗེས་ཤེས། ལམ་རྗེས་བཟོད་དང་བཅུ་དྲུག་གོ། ༈ རང་རྒྱལ་གྱི་སྐབས་སུ། མངོན་རྒྱུའི་བག་ཆགས་ཞེས་པ་ཉོན་མོངས་མངོན་གྱུར་ཞེ་སྡང་དྲག་པོ་ལང་བ་ལྟ་བུ་རིག་རྒྱུ་ཡོད་པ་དེ་ཡིན། ཕྱིའི་རྟེན་འབྲེལ་བཅུ་གཉིས་ནི། ས་བོན། མྱུ་གུ། སྡོང་བུ། མྱུ་གུ། སྡོང་བུ། ལོ་མ། མེ་ཏོག །འབྲས་བུ་སྟེ་རྒྱུ་དང་འབྲེལ་པ་དྲུག །ས་ཆུ་མེ་རླུང་ནམ་མཁའ་དུས་སྟེ་རྐྱེན་དང་འབྲེལ་པ་དྲུག་གོ །ནང་གི་རྟེན་འབྲེལ་བཅུ་གཉིས། ང་དང་བདག་ཏུ་འཛིན་པ་མ་རིག་པ། དགེ་སྡིག་གི་ལས་བསགས་པ་འདུ་བྱེད། རྣམ་ཤེས་འདི་ནས་ཕ་རོལ་དུ་འཕོ་བ་རྣམ་ཤེས། ཚོར་བ་སོགས་མིང་བཞི་དང་གཟུགས་ནི་མིང་གཟུགས། མིག་རྣ་བ་སྣ་ལྕེ་ལུས་ཡིད་དྲུག་ནི་སྐྱེ་མཆེད། ཕྱིའི་ཡུལ་ནང་གི་རྣམ་ཤེས་བར་གྱི་དབང་པོ་གསུམ་འདུས་པ་ནི་རེག་པ། དེ་གསུམ་ཕྲད་པས་བདེ་སྡུག་ཚོར་བ་ནི་ཚོར་བ། བདེ་བ་ཐོབ་འདོད་དང་སྡུག་བསྔལ་སྤོང་འདོད་ནི་སྲེད་པ། དེ་དང་དུ་ལེན་པ་ནི་ལེན་པ། དེས་སྐྱེ་བ་

― ZP04_Page_428 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱི་མ་སྐྱེ་བ་ལེན་པ་ནི་སྐྱེ་བ། སྐྱེས་ནས་མ་ཤི་བར་རྒ་བ་དང་ཤི་བ་ཡིན་ནོ། །དེ་ལུགས་འབྱུང་དང་ལུགས་ལྡོག་ནི་མ་རིག་པ་ཡོད་ན་འདུ་བྱེད་ཡོད་པ་སོགས་ལུགས་འབྱུང་དང༌། མ་རིག་འགགས་ན་འདུ་བྱེད་འགགས་པ་སྐྱེ་ངེས་ཀྱི་རྒྱུ་འགྲུབ་པ་ནི་སྲིད་པ། དེས་ཕྱི་མར། སོགས་ལུགས་ལྡོག་ཏུ་གཞུང་འདིར་བཤད་པ་ཡིན་ནོ། །རང་རྒྱལ་རིགས་གསུམ་བཤད་པའི་བསེ་རུ་ལྟ་བུ་ནི་གཅིག་པུར་གནས་པ་ཡིན། ཚོགས་ན་སྤྱོད་པ་ནི་མང་པོ་ལྷན་ཅིག་ཏུ་གནས་པ་ཡིན། བསེ་རུ་ལྟ་བུས་ཚོགས་ལམ་དུ་བསྐལ་ཆེན་བརྒྱ་ཚོགས་བསགས་ནས་སྲིད་པ་ཐ་མའི་ཚེ་ལམ་ལྔ་སྟན་ཐོག་ཅིག་ཏུ་རྫོགས་པ་ཡིན། དེ་བཞིན་དུ་ཚོགས་སྤྱོད་ཆེན་པོའི་ལམ་བཞི་དང༌། ཆུང་ངུས་ལམ་གསུམ་སྟན་ཐོག་ཅིག་ཏུ་རྫོགས་པ་ཡིན་ནོ། །མཁས་པ་དྲུག་གི་ཕུང་པོ་ལ་མཁས་པ་ནི་གཟུགས་ཚོར་བ་འདུས་ཤེས་འདུ་བྱེད་རྣམ་ཤེས་ལྔ་ཡིན། ༈ སྤྱིར་ཉན་ཐོས་ཀྱི་སྡེ་སྣོད་དུ་མ་གཏོགས་པའི་རང་རྒྱལ་གྱི་སྡེ་སྣོད་ཟུར་བཞིག་དེང་སང་མེད་ཀྱང༌། མ་སྐྱེས་དགྲའི་འགྱེད་བ་བསལ་བའི་མདོའི་ནང་ན་རང་རྒྱལ་གྱི་སྡེ་སྣོད་ཟུར་དུ་ཡོད་པར་བཤད་འདུག་གོ། ༈ །མཁས་ལ་མཁས་པ་ནི་མིག་གི་རྣམ་ཤེས་ཀྱི་ཁམས། །རྣ་བའི༴ སྣའི༴ ལྕེའི༴ ལུས་ཀྱི༴ ཡིད་ཀྱི་རྣམ་ཤེས་ཀྱི་ཁམས་ཏེ་ནང་རྣམ་ཤེས་ཀྱི་ཁམས་དྲུག །དེ་བཞིན་དུ་མིག་གི་དབང་པོ། །རྣ་བའི༴ སྣའི༴ ལྕེའི༴ ལུས་ཀྱི༴ ཡིད་ཀྱི་དབང་པོ་སྟེ་བར་དབང་པོ་ལ་ཁམས་དྲུག །ཡང་གཟུགས་ཀྱི་

― ZP04_Page_429 ―

^{[མ་དཔེ་གཟིགས་ན་འདིར་གནོན།]}

[Full Size]

ཁམས། སྒྲའི༴་ དྲིའི༴ རོའི༴ རེག་བྱའི༴ ཆོས་ཀྱི་ཁམས་ཏེ་ཕྱི་ཡུལ་གྱི་ཁམས་དྲུག་དང་བཅོ་བརྒྱད་དོ། །སྐྱེ་མཆེད་ལ་མཁས་པར་བྱ་བ་ནི། མིག་གི་སྐྱེ་མཆེད། རྣ་བའི༴ སྣའི༴ ལྕེའི་སྐྱེ༴ ལུས༴ ཡིད་ཀྱི་སྐྱེ་མཆེད་དང་དྲུག །ཡང་གཟུགས་ཀྱི་སྐྱེ་མཆེད། སྒྲའི༴་དྲིའི༴་རོའི༴་རེག་བྱའི༴་ཆོས་ཀྱི་སྐྱེ་མཆེད་དྲུག་དང་བཅུ་གཉིས་སོ། །གནས་དང་གནས་མ་ཡིན་པ་ལ་མཁས་པ་ནི་ལས་དགེ་བ་བསྒྲུབ་ན་འབྲས་བུ་བདེ་བ་འབྱུང་བ་གནས་ཡིན་པ་དང༌། དགེ་བའི་འབྲས་བུ་སྡུག་བསྔལ་འབྱུང་བ་གནས་མ་ཡིན་པ་སོགས་སོ། །བདེན་པ་ལ་མཁས་པ་ནི། བསྡུ་ན་ཀུན་རྫོབ་དོན་དམ་གཉིས། འབྲིང་དུ་བདེན་པ་བཞི། རྒྱས་པར་བདེན་བཞི་རྣམ་པ་བཅུ་དྲུག་སོགས་སོ། ༈ བྱང་སེམས་ཐེག་པའི་སྐབས་སུ་སྲིད་ཞི་ལས་རྣམ་པར་གྲོལ་ཞེས་པ་ནི། ལས་དབང་གིས་འཁོར་བར་སྐྱེ་བ་སྲིད་པའི་མཐའ། ཉན་རང་ལྟར་རང་ཞི་བདེ་ཕྱོགས་གཅིག་ཏུ་ལྷུང་བ་ཞི་བའི་མཐའ་ཡིན་པས་དེ་གཉིས་ལས་གྲོལ་བ་ཡིན། སྤྲོས་པ་ཞི་བ་ཞེས་པའི་སྐབས་སུ། སྤྲོས་པ་ནི་རྟག །འཆད༴་སྐྱེ༴་འགགས༴་འགྲོ༴་འོང་༴་གཅིག་ཐ་དད་རྣམས་སྤྲོས་པའི་མཐའ་བརྒྱད་ཡིན་པས་དེ་བརྒྱད་དང་བྲལ་བ་ལ་ཞི་བ་ཟེར་བ་ཡིན། སློབ་པའི་ལམ་བཞི་ཞེས་པ། ཚོགས་ལམ། སྦྱོར་ལམ། མཐོང་ལམ། སྒོམ་ལམ་བཞི་ཡིན། མཐར་ལམ་ཞེས་

― ZP04_Page_430 ―

^{[མ་དཔེ་གཟིགས་ན་འདིར་གནོན།]}

[Full Size]

པས་བཅུའི་རྒྱུན་མཐའ་ཡིན། ལམ་དེ་ཐམས་ཅད་ཀྱི་བསྒོམ་བྱ་རྣམས་ཞི་ལྷག་གཉིས་ལ་འདུ་བ་ཡིན་ནོ། །བསྡུ་དངོས་བཞི་ནི། སྦྱིན་དང་སྙན་སྨྲ་དོན་མཐུན་དོན་སྤྱོད་བཞི། །འཕགས་བཞི་ནི་ཉན་ཐོས་འཕགས་པ། རང་རྒྱལ་འཕགས་པ། བྱང་སེམས་འཕགས་པ། སངས་རྒྱས་འཕགས་པ་བཞི། དེ་བཞིའི་ཡུམ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཡིན་ནོ། །བག་ཡོད་ནི་སྡིག་པའི་ལས་ལ་འཛེམ་བག་བྱེད་པ་དེ་ཡིན། དྲན་པ་ནི་སྤང་བླང་གི་གནས་མི་བརྗེད་པར་འཛིན་པ་དེ་ཡིན། ཤེས་བཞིན་ནི་དུས་དང་རྣམ་པ་ཐམས་ཅད་དུ་རང་རྒྱུད་དང་སྤྱོད་ལམ་ལ་བརྟགས་ནས་བྱར་བྱེད་པ་དེ་ཡིན། ༈ བྱ་རྒྱུད་ཀྱི་སྐབས་སུ་དག་པ་གསུམ་ནི། ལྷ་དང་ཆོས་ཉིད་དག་པ། སྔགས་དང་ཏིང་འཛིན་དག་པ། རྫས་དང་ཡོ་བྱད་དག་པའོ། །མཐའ་བཞི་དང་བྲལ་ཞེས་པ་ནི་རྟག་ཆད་ཡོད་མེད་ཀྱི་མཐའ་འོ། །མངོན་རྒྱུ་ཕྲ་མོ། །ལྷན་སྐྱེས་བག་ཆགས་ལྷན་སྐྱེས་གནས་པའི་མ་རིག་པ། ཀུན་འགྲོའི་སྒྲིབ་པ་རྣམ་རྟོག་པ་འབྱུང་བ་ཡིན། ལྷ་དྲུག་ནི་བདག་གི་དེ་ཁོ་ན་ཉིད་སྟོང་པར་བསྒོམ་པ་སྟོང་པའི་ལྷ། དེའི་ངང་ལ་རང་སེམས་ཟླ་དཀྱིལ་དུ་བསྒོམ་པ་ཡི་གེའི་ལྷ། དེའི་ངང་ལ་རང་སེམས་ཟླ་དཀྱིལ་དུ་བསྒོམ་པ་ཡི་གེའི་ལྷ། དེའི་སྟེང་དུ་ལྷ་རང་གི་སྔགས་རང་སྒྲ་སྒྲོག་པར་སྒྲའི་ལྷ། དེ་གཉིས་འདྲེས་པ་ལས་འོད་ཟེར་སྤྲོ་བསྡུ་དང་བཅས་ལྷར་སྒོམ་པ་གཟུགས་ཀྱི་ལྷ། རང་རིགས་ཀྱི་ཕྱག་རྒྱས་བྱིན་གྱིས་བརློབ་པ་ཕྱག་རྒྱའི་

― ZP04_Page_431 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ། གནས་སྐབས་ཐམས་ཅད་དུ་ལྷ་སྣང་དང་མི་འབྲལ་པ་མཚན་མའི་ལྷའོ། །རིག་གསུམ་གྱི་ལྷ་ནི་སྐུའི་རིགས་འཇམ་དཔལ། གསུང་གི་རིགས་སྤྱན་རས་གཟིགས། ཐུགས་ཀྱི་རིགས་ཕྱག་རྡོར་རོ། །དམ་ཚིག་རྣམས་ནི་དབང་གཞུང་ལས་འབྱུང་བ་ལྟར་ཡིན། ཡེ་ཤེས་བཞི་ནི་མེ་ལོང་ཡེ་ཤེས། མཉམ་ཉིད་ཡེ་ཤེས། སོར་རྟོག་ཡེ་ཤེས། བྱ་གྲུབ་ཡེ་ཤེས་བཞི་ཡིན། ཡེ་ཤེས་ལྔ་ནི་དེ་སྟེང་ཆོས་དབྱིངས་ཡེ་ཤེས་དང་ལྔ་ཡིན་ནོ། །ལྟ་སྤྱོད་གོང་འོག་རྗེས་སུ་མཐུན། ཀྲི་ཡོག་གཉིས་ཀ་ལ་བརྟེན་པའི་ཐེག་པ་ཡིན་ཞེས་པ་ནི་ཨུ་པ་ནི་སྤྱོད་པ་ཀྲི་ཡ་དང་མཐུན་ལྟ་སྒོམ་ཡོ་ག་དང་མཐུན་པས་ལོགས་སུ་ཕྱེ་མི་དགོས་པ་ཡིན་ནོ། །ཕྱི་རྒྱུད་ལ་ཀྲི་ཡོག་གཉིས་སུ་འབྱེད་པའི་ལུགས་ཡིན་ཞེས་པ་ནི་ཀྲི་ཡ་ཡོ་ག་གཉིས་ལས་ཨུ་པ་མེད་པའོ། ༈ ཡོ་གའི་སྐབས་སུ་མཚན་བཅས་དང་མཚན་མེད་ཀྱི་ཏིང་ངེ་འཛིན་ཞེས་པ་ནི། མཚན་བཅས་ལྷ་སྒོམ་པ་དང༌། མཚན་མེད་སྟོང་ཉིད་སྒོམ་པ་ཡིན་ནོ། །རིགས་ལྔའི་དམ་ཚིག་ནི་སངས་རྒྱས་རིགས་ཀྱི་དམ་ཚིག་སོགས་དབང་གཞུང་ལས་འབྱུང་བ་རྣམས་ཡིན། མངོན་བྱང་ལྔ་ནི་གདན་པད་ཟླ་ལ་མངོན་པར་བྱང་ཆུབ་པ། གསུང་ཡིག་འབྲུ་ལ་མངོན་པར་བྱང་ཆུབ་པ། ཐུགས་ཕྱག་མཚན་ལ་མངོན་པར་བྱང་ཆུབ་པ། སྐུ་ཡོངས་རྫོགས་ལ་མངོན་པར་བྱང་ཆུབ་པ། ཏིང་ངེ་འཛིན་ཡེ་ཤེས་སེམས་དཔའ་ལ་མངོན་པར་བྱང་ཆུབ་པའོ། །

― ZP04_Page_432 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་རྒྱ་བཞིའི་རྒྱས་འདེབས་ནི་དམ་ཚིག་གི་ཕྱག་རྒྱ། ལས་ཀྱི་ཕྱག་རྒྱ། ཆོས་ཀྱི་ཕྱག་རྒྱ། ཕྱག་རྒྱ་ཆེན་པོ་བཞི་ལས་ལྷ་རང་རང་གི་དམ་རྒྱ་བཅས་ནས་སྔགས་བརྗོད་ཅིང་དམ་ཡེ་དབྱེར་མེད་དུ་བསྟམ་པ་དམ་རྒྱ། །ལྷ་རྣམས་ཀྱི་ལྐོག་མར་པད་ཟླའི་སྟེང་དུ་རྡོ་རྗེའི་ལྟེ་བར་རང་སྔགས་བཀོད་ནས་བརྗོད་པ་ཆོས་རྒྱ། ལྷ་རྣམས་ཀྱི་ཐུགས་ཀར་སྣ་ཚོགས་རྡོ་རྗེ་རེ་བསམ་ནས་ལྷ་རང་རང་གི་ལས་རྒྱ་བཅའ་ཞིང་སྔགས་བརྗོད་པ་ལས་རྒྱ། ལྷ་ཐམས་ཅད་ཀྱི་ཐུགས་ཀར་དང་པོའི་རྡོ་རྗེ་རྩེ་ལྔ་བ་རེ་བསམ་ནས་ལྷ་རང་རང་གི་ལས་རྒྱ་བཅའ་ཞིང་བསྔགས་བརྗོད་པ་ལས་རྒྱ། ལྷ་ཐམས་ཅད་ཀྱི་ཐུགས་ཀར་དང་པོའི་རྡོ་རྗེ་རྩེ་ལྔ་བ་རེ་གསལ་ནས་ལྷ་རང་རང་གི་ཕྱག་ཆེན་བཅའ་ཞིང་སྔགས་བརྗོད་པ་ཕྱག་རྒྱ་ཆེན་པོའོ། །དངས་མ་མི་ཤིག་པ་ལྔ་ཞེས་པ་ནི་ས་ཆུ་མེ་རླུང་ནམ་མཁའི་ཁམས་ཀྱི་དངས་མ་ལྔ་འདུས་འོད་ལྔའི་ཐིག་ལེ་སྲན་མའི་འབྲུ་ཙམ་པ་ཞིག་རིག་པ་བྱང་ཆུབ་སེམས་ཀྱི་རྟེན་སྙིང་དབུས་ན་ཡོད་པ་དེའོ། །རིགས་ལྔ་ནི་རྒྱལ་པ་རིགས་ལྔ། ཡེ་ཤེས་ལྔ་ནི་ཆོས་དབྱིངས་ཡེ་ཤེས་སོགས་སོ། ༈ མ་ཧཱ་ཡོ་གའི་སྐབས་སུ། སྤྱི་དང་ཁྱད་པར་ལྷག་པའི་དམ་ཚིག་ཞེས་པ་ནི། སྤྱིའི་དམ་ཚིག་ཉན་རང་བྱང་སེམས་ཀྲི་ཡོ་ག་རྣམས་ཀྱི་བསླབ་བྱ། ཁྱད་པར་གྱི་དམ་ཚིག་ནི་རྩ་བ་སྐུ་གསུང་ཐུགས་ཀྱི་དམ་ཚིག་གསུམ། ཡན་ལག་གི་དམ་ཚིག་ཉི་ཤུ་རྩ་ལྔའོ། །དང་པོ་སྐུའི་དམ་ཚིག་བླ་མ་དང་རྡོ་རྗེའི་མཆེད་ལྕམ་ལ་གུས་པ། གསུང་གི་དམ་ཚིག་སྔགས་དང་ཕྱག་རྒྱ་རྒྱུན་མི་གཅད་པ། ཐུགས་ཀྱི་དམ་ཚིག་བླ་ན་མེད་པའི་བྱང་ཆུབ་ཀྱི་སེམས་མི་སྤངས་པ་དང༌། གསང་བཅུ་

― ZP04_Page_433 ―

^{[མ་དཔེ་གཟིགས་ན་འདིར་གནོན།]}

[Full Size]

མི་སྨྲ་བ་ཡིན། དང་པོ་བླ་མའི་དུས་བླ་མ་དྲུག་སྟེ་སྤྱིའི་སློབ་དཔོན་ཡུལ་སྤྱིའི་བཀུར་ཞིང་རང་གི་བཀའ་དྲིན་ཐོབ་པ། འདྲེན་པའི་སློབ་དཔོན་དང་པོ་ཆོས་སྒོར་འཇུག་པ་པོ། །ཉམས་ཆགས་སྐོང་བའི་སློབ་དཔོན་དམ་ཚིག་ཉམས་ཆགས་བྱུང་ན་བཤགས་ཡུལ། དམ་ཚིག་དབང་གི་སློབ་དཔོན་དང་པོ་རང་རྒྱུད་མ་སྨིན་པ་སྨིན་པར་བྱེད་པའི་དབང་བསྐུར་བའོ། །ཤེས་རབ་རྒྱུད་ཀྱི་སློབ་དཔོན་གསང་སྔགས་གྱི་རྒྱུད་སྡེའི་ཚིག་དོན་འཆད་པ་པོ། །མན་ངག་ལུང་གི་སློབ་དཔོན་ཉམས་ལེན་གྱི་ཁྲིད་འཆད་པ་པོ་རྣམས་སྟེ་དེ་ཡང་ཕྱི་མ་གསུམ་གཙོ་བོའོ། །མཆེད་ནི་བཞི་སྟེ་སྤྱིའི་མཆེད་སེམས་ཅན་ཐམས་ཅད་བདེ་གཤེགས་སྙིང་པོའི་སྤུན། རིང་བའི་མཆེད་སངས་རྒྱས་ཀྱི་བསྟན་པ་ལ་ཞུགས་ཚད། ཉེ་བའི་མཆེད་གསང་སྔགས་ཀྱི་སྒོར་ཞུགས་ཚད། ནང་འདྲེས་པའི་མཆེད་བླ་མ་དང་དཀྱིལ་འཁོར་གཅིག་གིས་བསྡུས་པ་རྣམས་སོ། །སྔགས་གསུམ་ནི་རྒྱུ་མ་ནོར་པ་རྩ་བའི་སྔགས་ས་བོན་གྱི་ཡི་གེ། བསྐྱེད་པ་རྐྱེན་གྱི་སྔགས་བསྐྱེད་རིམ་གསལ་འདེབས་དུས་བརྗོད་རྒྱུ། བཟླས་པ་ལས་ཀྱི་སྔགས་བཟླ་བྱ་ཡིན། ཕྱག་རྒྱ་བཞི་ནི་རང་ལུས་ལྷར་སྒོམ་པ་ཕྱག་ཆེན། ཐུགས་ཀར་ཡེ་ཤེས་སེམས་དཔའ་དང་ཏིང་འཛིན་སེམས་དཔའ་ཕྱག་མཚན་སྒོམ་པ་ལ་སེམས་གཏད་པ་དམ་རྒྱ། སྔགས་ཕྲེང་བཀོད་པ་སོགས་དང་སྔགས་བཟླ་བ་ཆོས་རྒྱ། མཆོད་བསྟོད་སོགས་

― ZP04_Page_434 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྲིན་ལས་བྱ་བ་ལས་རྒྱའོ། །བླ་མེད་བྱང་ཆུབ་ཀྱི་སེམས་མི་སྤང་བ་ནི་བདེན་གཉིས་ཟུང་དུ་འཇུག་པའི་ཆོས་ཉིད་དོན་དམ་པའི་གནས་ལུགས་དང་གཅིག །དེ་མངོན་དུ་བྱེད་འདོད་ཀྱི་སྨོན་པ་དང་གཉིས། དེ་མངོན་དུ་བྱེད་འདོད་ཀྱི་སྒོ་ནས་བསྐྱེད་རྫོགས་ཉམས་ལེན་པ་དང་གསུམ་མོ། །གསང་བཅུ་མི་སྨྲ་བ་ནི་སྤྱི་གསང་བཞི། བར་གསང་བཞི། གསང་བར་འོས་པ་དང་གཉེར་གཏད་པ་གཉིས་སོ། །སྤྱི་གསང་བཞི་ནི་ལྟ་ཟབ་སྤྱོད་པ་རླང་པོ་དང༌། ལྷའི་མིང་གཟུང་དང་གྲུབ་རྟགས་རྣམས། སྤྱི་གསང་རྣམ་པ་བཞི་ཡིན་ནོ། བར་གསང་བཞི་ནི། སྒྲུབ་པའི་གནས་དུས་གྲོགས་དང་རྫས། བར་དུ་གསང་ལ་བསྒྲུབ་པར་བྱ། ཞེས་སོ་ཡན་ལག་དམ་ཚིག་ཉི་ཤུ་རྩ་ལྔ་ནི། ཤེས་བྱ་ལྟ་བའི་དམ་ཚིག་ལྔ། བསྒྲུབ་བྱ་བསྒོམ་པའི་དམ་ཚིག་ལྔ། སྤྱད་བྱ་སྤྱོད་པའི་དམ་ཚིག་བཅོ་ལྔའོ། །ཤེས་བྱ་ལྔ་ནི། ཕུང་ལྔ། འབྱུང་ལྔ། ཡུལ་ལྔ། ཁ་དོག་ལྔ་ལ་སོགས་པ་རིགས་ལྔའི་རང་བཞིན་དུ་ཤེས་པ་དང༌། བསྒྲུབ་བྱ་བསྒོམ་པའི་དམ་ཚིག་ལྔ་ནི། དེ་བཞིན་གཤེགས་དང་རྡོ་རྗེ་རིན་ཆེན་པདྨ་ལས་རིགས་ལྔ་མེ་ཏོག་གང་ལ་ཕོག་པའི་རིགས་གཙོ་བོར་བྱས་ཏེ་སྒྲུབ་པའོ། །སྤྱོད་པའི་དམ་ཚིག་ལྔ་ཚན་གསུམ་ལས། དྲང་པོ་སྤྱོད་བྱ་ལྔ་ནི་ཏ་ན་ག་ན། མ་བྱིན་ལེན། རྫུན། ངག་འཁྱལ་དང་ལྔ་ཡུལ་དུས་གནས་སྐབས་ཀྱི་དབྱེ་བསལ་ཤེས་པའི་ཉམས་སུ་བླང་ངོ༌། །གཉིས་པ་མི་སྤང་བ་ལྔ་ནི་འདོད་ཆགས།

― ZP04_Page_435 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེ་སྡང༌། གཏི་མུག །ང་རྒྱལ། ཕྲག་དོག་ལྔ་པོ་ཐབས་ཀྱི་ཟིན་པས་དུག་ལྔ་རང་རྒྱུད་དུ་མ་ཤོར་བར་ཉམས་སུ་བླང་ངོ༌། །གསུམ་པ་དང་བླང་ལྔ་ནི་དྲི་ཆེན། དྲི་ཆུ། མཱཾ་ས། རྐྟ། ཟིལ་པ་ལྔ་སྟེ་རྫས་སུ་བརྟེན་དུས་གཙང་སྨེར་མི་བལྟ་ཞིང༌། ཐ་མལ་བའི་སྣང་ངོར་བག་མེད་དུ་མི་སྤྱད་པའོ། །ལྷག་པའི་དམ་ཚིག་ནི་གཅན་གཟན་རྒྱལ་པོའི་ཁྲི་མི་བཤིག །ཟ་མ་ཏོག་ཏུ་དུག་པི་བླུག་པ་སོགས་བརྡའི་ཚིག་གིས་བསྟན་པ་ཉི་ཤུའོ། །ཨ་ནུ་རང་ལུགས་ཀྱི་དཀྱིལ་འཁོར་གསུམ་ནི་དབྱིངས་སྐྱེ་བ་མེད་པ་ཡེ་ཇི་བཞིན་པའི་དཀྱིལ་འཁོར། ཡེ་ཤེས་འགགས་པ་མེད་པ་རང་བཞིན་ལྷུན་འགྲུབ་ཀྱི་དཀྱིལ་འཁོར། སྲས་བདེ་བ་ཆེན་པོ་རྩ་བ་བྱང་ཆུབ་སེམས་ཀྱི་དཀྱིལ་འཁོར་རོ།། །།དགེའོ། །

སྙིང་ཐིག་ཡ་བཞིའི་དབང་གི་ཕྱག་ལེན་ལས་འགྲིག

― ZP04_Page_437 ―

^{[མ་དཔེ་གཟིགས་ན་འདིར་གནོན།]}

[Full Size]

སྙིང་ཐིག་ཡ་བཞིའི་དབང་གི་ཕྱག་ལེན་ལས་འགྲིག་བཞུགས་སོ།། །།

― ZP04_Page_438 ―

^{[མ་དཔེ་གཟིགས་ན་འདིར་གནོན།]}

[Full Size]

མཁའ་འགྲོ་སྙིང་ཐིག་གི་དབང་ལྕེ་བཙུན་གྱིས་མཛད་པ་ལ། དང་པོ་སྟ་གོན་གྱི་རིམ་པ་ལ་གསུམ་ལས། དང་པོ་བུམ་པ་སྟ་གོན་བྱ་བ་ནི། བུམ་ལྔ་རང་མདོག་དང་ལས་བུམ་དཀར་པོ་བྱ། བཀྲུ་ཞིང་སྤོས་བདུག །བུམ་རྫས་ཉེར་ལྔའི་ཆུས་གཏམས། ཁ་རྒྱན་མགུལ་ཆིང་དང་ཕྱག་མཚན་ལྔ་བྲི། བུམ་པ་བཅུའམ་དྲུག་བྱ། གཟུངས་རྡོར་དང་བཅས་ཚོམ་བུ་ཀུ་ཤའི་སྟེང་སྟེགས་མཐོ་བ་ལ་བཞག །དེ་ནས་ལྷ་སྟ་གོན་བྱ་བ་ནི། མཎྜལ་གྱི་སྟེང་དུ་དྲིའི་ཐིག་ལེ་ལྷ་གྲངས་བྱ་དེའི་སྟེང་དུ་ས་བོན་བརྗོད་པ་དང་སྟབས་གཅིག་ཚོམ་བུ་བཀོད། དམ་ཚིག་པ་བསྐྱེད་

― ZP04_Page_439 ―

^{[མ་དཔེ་གཟིགས་ན་འདིར་གནོན།]}

[Full Size]

ཡེ་ཤེས་པ་སྤྱན་དྲངས་ལ་བཞུགས། མཆོད་བསྟོད་ཅི་རིགས་སུ་བྱས་ལ། ཧོ་དགོངས་སུ་གསོལ་སོགས་དང༌། རྒྱལ་བ་རིག་ལྔ་སོགས། ཞི་བའི་སྦྱིན་བསྲེགས་བྱ། དེ་ནས་སློབ་མ་སྟ་གོན་བྱ་བ་ནི། སློབ་མས་ཕྱག་འཚལ་ནས་ཀྱེ་མ་དུས་གསུམ་སོགས། མེ་ཏོག་དོར། སློབ་དཔོན་གྱིས། ཀྱེ་མ་སྣོད་དང་ལྡན་སོགས། ཞེས་གནང་བ་སྦྱིན། ཚོགས་བསགས་པ་དང༌། སྡོམ་པ་བླང་བ་ལ་དང་པོ་སྐྱབས་སུ་འགྲོ་བ་དང༌། ཕྱོགས་བཅུའི་སོགས། ལན་གསུམ། ཀུན་བཟང་སོགས། ལན་གསུམ། དཔའ་བོ་སོགས། ལན་གསུམ། སོ་ཐར་

― ZP04_Page_440 ―

^{[མ་དཔེ་གཟིགས་ན་འདིར་གནོན།]}

[Full Size]

བླང་བ་ནི། བླ་མ་ཀུན་བཟང་སོགས། ལན་གསུམ། སྨོན་སེམས། ཧོ་བླ་མ་ཀུན་བཟང་སོགས། ལན་གསུམ། འཇུག་པ་ནི། སྔོན་གྱི་རྒྱལ་བླ་སོགས། ལན་གསུམ། སྡོམ་བཟུང་ནི། དཀོན་མཆོག་སོགས། དེ་ནས་དམ་ཚིག་སྦྱིན་པ། ཡར་མཆོད་གུས་ཤིང་སྙོགས། རྩ་བའི་ཉེས་པ་བཤད་ལ་སྲུང་དུ་གཞུག་གོ །སློབ་མའི་གནས་གསུམ་དུ་དྲིའི་ཐིག་ལེ་བྱ། ཡེ་ཤེས་པ་འགུགས། དབང་བསྐུར། མཆོད་པ་དང༌། གཏོར་མ་འབུལ། བདུད་རྩི་ལྕེའི་སྟེང་དུ་བཞག་གོ །སོ་ཤིང་ནི་མེ་ཏོག་གི་ཚོམ་བུ་བཀོད་པའི་སྟེང་དུ་སོ་ཤིང་ལག་པས་བཟུང་ལ་མིག་བཙུམ་སྟེ་མཎྜལ་སྟེང་དུ་བསྒྱུར། བླ་མས། ཕྱོགས་བཞི་དབུས་ལྔར་སོགས་ཚིག་རིང༌། ཆོས་བཤད་ནི་ཀྱེ་མ་རིགས་ཀྱི་བུ་སོགས་ཞེས་སྤྲོ་བ་བསྐྱེད། དཔུང་སྐུད་སྐུད་པ་ལྔ་དྲིལ་རྩ་སྔགས་བཟླས་ཏེ་མདུད་པ་ལྔ་རོ་བྱ། །འགྲུ་མོ་གཡོན་དུ་བཅིང༌། ཀུ་ཤ་འབྲུ་གསུམ་གྱིས་བརླབས། གདན་བྱ། ཚོགས་གཏོར་བཏང༌། སློབ་མ་སྟ་གོན་བྱ་བའོ། །དེ་ནས་ཐིག་ཚོན་གྱི་ཆོག་བྱ། ༈ དངོས་གཞིའི་ཉིན། ཁྲུས་མིག་དར་བཅིང༌། སློབ་བུ་རྣམས་ལག་པ་སྦྲེལ་ནས་ལས་སློབ་ཀྱི་ཕྱག་གི་རྡོ་རྗེ་ལ་བཟུང་སྟེ་ཚོགས་ཁང་ལ་བསྐོར་བ་གསུམ་བྱ། སྒོ་ཞུས་ནི། ཀྱེ་ཁྲོ་བོ་སོགས། ལན་གསུམ། སློབ་དཔོན་གྱིས། ཁྱེད་རྣམས་སུ་ཡིན་སོགས། ཡང་ཕྱི་ནས་ལན་ཞུ་བ་

― ZP04_Page_441 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཐོབ་ཞེས་པ་བསམ་གཏན་བཞི་བསྒོམ་པའི་ཚེ་གཟུགས་ལ་སྐྱོན་དུ་ལྟ་བ་མེད་པས་གཟུགས་ཀྱི་འཛིན་པ་མ་སྤངས་པས་ན་སྐྱེ་བ་ཕྱི་མ་དངས་བ་འོད་ཀྱི་ལུས་དང་ལྡན་པའི་གཟུགས་ཁམས་སུ་སྐྱེ་བ་ཡིན། གཟུགས་མེད་རྣམས་སྒོམ་པའི་ཚེ་གཟུགས་ལ་སྐྱོན་དུ་བལྟས་གཟུགས་ཀྱི་འཛིན་པ་སྤང་ཏེ་ནམ་མཁའ་ལྟ་བུ་ལ་སོགས་པ་སྒོམ་པས་གཟུགས་མེད་དུ་སྐྱེས་ཚེ་ཕུང་པོ་ལྔའི་ནང་ནས་གཟུགས་ཀྱི་ཕུང་པོ་མེད་པས་ལྷག་མ་ཚོར་བ་འདུ་ཤེས་འདུ་བྱེད་རྣམ་ཤེས་བཞི་དང་ལྡན་པས་དེ་ལ་མིང་བཞི་དང་ལྡན་པ་ཟེར་བ་ཡིན། ངོ་ཚ་ཁྲེལ་ཡོད་གཉིས་ནི་རང་ལ་ལྟོས་ནས་ངོ་ཚ་བ་དང༌། གཞན་གྱིས་ཁྲེལ་འོང་སྙམ་པ་ཁྲེལ་ཡོད་ཡིན། གཙུག་ལག་བཟང་པོ་ལ་མཁས་པར་སློབ་ཞེས་པ་མི་ལུགས་ཀྱི་བསྟན་བཅོས་སོགས་ལ་སློབ་པ་ཡིན། ལྟོས་པའི་ཞེས་པ་གཡོག་སོགས་རང་ལ་རེ་ལྟོས་བཅའ་མཁན་རྣམས་ཡིན། བུ་སྨད་ཀྱི་ཞེས་པ་ཕ་མ་སོགས་ཁྱིམ་གཟའ་ཚང་ཚང་མ་ལ་ཟེར་བ་ཡིན། རྣམ་གྲོལ་གྱི་ཐེག་པ་ཞེས་པ་འཁོར་བ་ལས་ཐར་བར་བྱེད་པའི་ཐར་ལམ་ལ་ཟེར་བ་ཡིན། ལུས་སེམས་ལ་ཤིན་སྦྱང་སྐྱེས་ཞེས་པ་བསམ་གཏན་བསྒོམས་པས་ལུས་སེམས་བདེ་བའི་ཁྱབ་སྟེ་ནད་མེད་པ་དང༌། མ་དང་བཟང་བ་དང༌། ལྡང་བ་ཡང་བ་སོགས་ཀྱིས་དགེ་བའི་ལས་གང་བསྒོམ་ཀྱང་མི་མོས་པ་དང་མི་ནུས་པ་མེད་པས་ལུས་སེམས་ལས་

― ZP04_Page_442 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་རུང་བ་ཡིན། འདོད་ཁམས་ཀྱིས་གཅིག་ཞེས་པ་བསམ་གཏན་དང་པོ་མ་ཐོབ་གོང་དུ་སེམས་རྟོག་མེད་དུ་གནས་པ་དེ་ཡིན། ༈ ཉན་ཐོས་ཀྱི་སྐབས་སུ། ལས་ཀྱི་བག་ཆགས་ཕྲ་བདག་ཞེས་པ་འཁོར་བར་སྐྱེ་བ་ལེན་བྱེད་ཀྱི་ལས་གསར་དུ་མི་གསོག་པ་ཡིན། རྒྱུན་ཞུགས་ཞེས་པ་འཕགས་ལམ་གྱི་སྣེ་དང་པོ་ཟིན་པ་ཉན་ཐོས་ཀྱི་མཐོང་ལམ་ཐོབ་པ་དེ་ཡིན། དེ་བཞིན་དུ་འདོད་ཁམས་སུ་སྐྱེ་བ་གཅིག་ལེན་དགོས་པ་ཕྱིར་འོང༌། འདོད་ཁམས་སུ་སྐྱེ་མི་དགོས་པ་ཕྱིར་མི་འོང་ཡིན་ཏེ་འདི་གཉིས་སྒོམ་ལམ་པ་ཡིན། ཁམས་གསུམ་དུ་སྐྱེ་བ་ལེན་མི་དགོས་པ་དགྲ་བཅོམ་ཡིན། འདི་རང་ལམ་གྱི་འབྲས་བུ་མཐར་ཐུག་མི་སློབ་ལམ་ཡིན་ནོ། །འཕགས་པའི་བདེན་པ་བཞི་ནི་དབང་གཞུང་ལས་འབྱུང་བ་ལྟར་ཡིན་ཏེ། སྡུག་བསྔལ་གྱི་བདེན་པ་དང་གཅིག །ཀུན་འབྱུང་གི་བདེན་པ་དང་གཉིས། འགོགས་པའི་བདེན་པ་དང་གསུམ། ལམ་གྱི་བདེན་པ་དང་བཞི་ཡིན། སྡུག་བསྔལ་ནི་སྐྱེ་རྒ་ན་འཆི་སོགས་འཁོར་བའི་སྡུག་བསྔལ་རྣམས་ཡིན། ཀུན་འབྱུང་ནི་ལས་དང་ཉོན་མོངས་པ་གཉིས་ཡིན། འགོག་པ་ནི་སྡུག་བསྔལ་རྒྱུན་ཆད་པའི་མྱ་ངན་ལས་འདས་པའི་གོ་འཕང་ཡིན། ལམ་བདེན་ནི་ཐར་པའི་ལམ་ཚོགས་སྦྱོར་མཐོང་སྒོམ་སོགས་ཡིན། ཀུན་འབྱུང་གི་འབྲས་བུ་སྡུག་བསྔལ། སྡུག་བསྔལ་གྱི་རྒྱུ་ཀུན་འབྱུང་ཡིན་པས་དེ་གཉིས་

― ZP04_Page_443 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་བུ་སོགས། དོན་དབང་ནི་ཀློང་ལས། དེ་ལྟར་བརྡའ་ཡི་སོགས། ཞེས་དོན་ངོ་སྤྲད། དེ་ནས་དམ་ཚིག་གི་དབང་ནི། ལྕེ་ལ་བདུད་རྩི་དང་སྤྱི་བོར་རྡོ་རྗེ་བཞགས་ལ། རིགས་ཀྱི་བུ་དག་སོགས། ༈ བི་མ་སྙིང་ཐིག་གི་སྤྲོས་བཅས་དབང་ལ། ཁྲུས་བགེགས་བསྐྲད། མིག དར་མེ་ཏོག །མཎྜལ། དང་པོ་གསོལ་གདབ་ནི། ཨེ་མ་སྐྱེས་ཆེན་སོགས། ལན་གསུམ། རྗེས་གནང་ནི། ཨེ་མ་སྐལ་ལྡན་ཤེས་རབ་བུ། སོགས་ནས་སྤྲོ་ལགས་སམ། སློབ་མས་སྤྲོ་ལགས་ཞེས་དང༌། སྐྱབས་འགྲོ་ནི། རླུང་ལྔ་དག་སོགས། སྨོན་སེམས་ནི། ཨེ་མ་ཧོ། མ་རིག་མུན་པ་སོགས། འཇུག་སེམས་ནི། ཨེ་མ་ཧོ་སངས་རྒྱས་མཐར་ཐུག་སོགས། བསྲུང་སྐུད་ནི་བྱིན་གྱིས་བརླབས་ནས་སྔགས་མདུད་བཅས་བཏགས། ལས་བུམ་གྱི་ཆུ་བླུག །འདི་ནི་དམ་ཚིག་སོགས། ཀྱེ་མ་སྐལ་ལྡན་སོགས། ཡེ་ཤེས་དབབ་པ་ནི། ཨེ་མ་ཧོ་སྐལ་ལྡན་སོགས། དེ་ནས་ཅོད་པཎ་སྣ་ལྔ་གཏད། མིག་དར་བཀབ་ལ། ཨེ་མ་ཐོག་མའི་འོད་གསལ་སོགས། མེ་ཏོག་དཀྱིལ་འཁོར་དུ་དོར་མིང་བཏགས་ལ། སློབ་མས། ཀྱེ་མ་རྡོ་རྗེ་འཛིན་མགོན་ནས་སོགས། བླ་མས་ཨེ་མ་སྐལ་ལྡན་སོགས། མིག་དར་བསལ། མཐོང་བ་བསྟན་པ་ལ་དང་པོ་བླ་མའི་མཐོང་བ་བསྟན་པ་ནི།

― ZP04_Page_444 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟོས་ཤིག་ལྟོས་ཤིག་སོགས། དཀྱིལ་འཁོར་མཐོང་བ། ལྟོས་ཤིག་སོགས། རྫས་ཀྱི་མཐོང་བ། ཨེ་མ་ལྟ་ཤེས་སོགས། མཆེད་ལྕམ་གྱི་མཐོང་བ། ཨེ་མ་ངོ་མཚར་སོགས། དཀྱིལ་འཁོར་གྱི་དེ་ཉིད་བཤད། བུམ་དབང་ལ་དབུས་བུམ་ཕུལ་ལ། ཧཱུྃ་ཆོས་ཉིད་དབྱིངས་སོགས། ཀ་ལི་སོགས་སྔགས་དང༌། བུམ་ཆུ་སྤྱི་གཙུག་ཏུ་བླུགས། ཤར་བུམ། ལྷོ་བུམ། ནུབ་བུམ། བྱང་བུམ་རྣམས་དེའི་རིགས་འགྲེ། གསང་དབང་ནི་ཐོད་ཆང་གནས་བཞིར་བཞག་ལ། ཧཱུྃ་བདེ་ཆེན་བརྡལ་བ་སོགས། ཤེར་དབང་ནི་རིག་ཙཀ་གཏད་ལ། ཧཱུྃ་སྣང་སྲིད་བདེ་ཆེན་སོགས། ཚིག་དབང་ནི་སྐལ་བ་ལྡན་པའི་སློབ་བུ་ཉོན་ཅིག་སོགས། ཚིག་རིང་ཐུང་ཁ་ཤེས་དང༌། ཨེ་མ་ཧོ་མ་ཡེངས་གསོན་ཅིག་སོགས། དེ་ནས་ཚོགས་དང་གཏོར་འབུལ་གཏོང་རྗེས་ཆོག་བྱ། ༈ མཁའ་འགྲོ་ཡང་ཐིག་གི་དབང་ཆེན་ལ་ཐོག་ནང་བུམ་པ་ལྔ། བསྐྲད་བ་དུག་བྲབ་ལ། ཆུ་གཙང་མས་སུམ་ཉིར་བཀང་ལ། བུམ་རྫས་ཉེར་ལྔ་བཏབ། དར་དམར་པོའི་མགུལ་ཆིང༌། ཁ་རྒྱན། གཟུང་རྡོར་བཅས་སྟེགས་མཐོན་པོ་ལ་བཞག །མཐར་ཕྱི་ནང་གི་མཆོད་པས་བསྐོར། གཞན་ཡང་རྡོར་དྲིལ། ཀུ་ཤ༌།བསྲུང་སྐུད། བདུད་རྩི་ལྔའི་རིལ་བུ། སོ་ཤིང་སོགས་ཡོ་བྱད་རྣམས་ཚོགས་པར་བྱ། བུམ་པ་སྟ་གོན་

― ZP04_Page_445 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་བཤད། མཎྜལ་ལྔ་འབུལ། གསོལ་གདབ་ཀྱེ་མ་རིགས་ལྔའི་སོགས། ལན་གསུམ། ཡོལ་བ་ཕྱེས་ལ། དཀྱིལ་འཁོར་ལྷ་ཐམས་ཅད་ཀྱི་གཟིགས་པར་སོགས། ཕྱག་འཚལ་ནས་གཏོར། བླ་མས། ཀྱེ་མ་ཁྱོད་ནི་སོགས། སློབ་མས། བདག་ནི་འབྲས་བུ་སོགས། ལན་གསུམ། བླ་མས། ཨེ་མ་ཨེ་མ་རིགས་ཀྱི་སོགས། བདུད་རྩི་ལྕེ་ལ་བཞག་ནས། འདི་ནི་དམ་ཚིག་སོགས། ཨོཾ་ཨ་མྲྀ་ཏ་སོགས། འོ་ཁྱོད་ཀྱི་སྟོན་པ་སོགས། ཡེ་ཤེས་དབབ་པ་ནི་སློབ་མ་རྣམ་སྣང་གི་ཆོས་བདུན་སོགས་ནས། གཡོན་དུ་འཁོར་བར་དམིགས་བྱི་ལའི་ཐུན། རྐྟ། ཤ་ཆེན། གུ་གུལ། ཀླད་ཆེན། བདུད་རྩི་ལྔ། རའི་རྐང་ལག་བཞིའི་ཉ་ཤ༌།རང་རང་གི་སྐྲ་རྣམས་བསྲེག །རོལ་མོ། །ཐུགས་ཀའི་ས་བོན་སོགས། གར་བྱེད་ཕར་བསམ། དེ་ནས་དཀྱིལ་འཁོར་ཤར་སྒོའི་སློབ་མ་ཁྲིད་དེ་ཕྱག་འཚལ་ལ། ཀྱེ་ཤར་སྒོ་བསྲུང་བའི་སོགས། ལྷ་དང་སྤྲོད། སྒོ་བཞི་བོ་དེའི་རིགས་འགྲེ། དེ་ནས་མེ་ཏོག་ཐོགས་ལ། ཀྱེ་བདེ་གཤེགས་རིགས་ལྔའི་སོགས། མེ་ཏོག་དོར། དེའི་ལྷ་ངོ་སྤྲད། མིག་དར་བཀྲོལ་བ་ནི། སྟོན་པ་རིགས་ལྔ་སོགས། ཨོཾ་ཞེས་དགྲོལ། ཡང་བླ་མས། ཀྱེ་མ་རིགས་ཀྱི་བུ་རྣམས་སོགས། དཀྱིལ་འཁོར་དང་ལྷའི་རྣམ་དག་བཤད། གསེར་ཐུར་གྱིས་ལྷ་ངོ་སྤྲད། དངོས་

― ZP04_Page_446 ―

^{[མ་དཔེ་གཟིགས་ན་འདིར་གནོན།]}

[Full Size]

གཞིའི་སྦྱོར་བའོ། །དངོས་གཞིའི་དབང༌། མཎྜལ་ཕུལ་ནས། ཀུན་བཟང་ཡབ་ཡུམ་སོགས། ལན་གསུམ། འགྲེང་སྟེ་ཐལ་མོ་སྦྱར་ཏེ་ཕྱག་འཚལ། སེང་གེའི་ཁྲི་ལ་སློབ་མ་བཞག་མེ་ཏོག་གང་ལ་ཕོག་པའི་ལྷ་བསྒོམ་དུ་བཅུག་ལ། སླར་ཡང་མེ་ཏོག་སྤྱི་བོའམ་མཐོངས་ལ་གཡོན་ལ་བཏགས། །སློབ་དཔོན་གྱིས་མེ་ཏོག་གང་ལ་སོགས། འོ་ཁྱོད་ཀྱི་ཡི་དམ་ལྷ་འདི་ཡིན་སོགས། རིགས་ལྔའི་སྐུ་གསུང་ཐུགས་ཡོན་ཏན་ཕྲིན་ལས་ལྔའི་དབང་བསྐུར་ཏེ། དང་པོ་སྐུའི་དབང་ནི། སློབ་མ་རྣམས་རྡོ་རྗེ་སེམས་དཔའ་སོགས་ནས། ཧཱུྃ་གཟུགས་ཀྱི་ཕུང་པོ་སོགས། བུམ་ཆུ་འཐུང་དང་ཁྲུས་བྱེད། འོ་རིགས་ཀྱི་བུ་སོགས་བྱེད་པར་འགྱུར་རོ། །གསུང་གི་དབང་དང་ཡོན་ཏན་ཕྲིན་ལས་རྣམས་དེའི་རིགས་འགྲེ། དེ་ནས་ཀུན་ཏུ་བཟང་པོའི་དབང་ནི། སློབ་མས་ཀུན་ཏུ་བཟང་པོ་སོགས། ལག་ཏུ་རྡོ་དྲིལ་གཏད་ལ། ཨོཾ་ཨཱཿཧཱུྃ་ཐབས་དང་ཤེས་རབ་སོགས། རིགས་ཀྱི་བུ་ཁྱོད་ལ་སོགས་ཚིག་རིང༌། བུམ་པ་ལྔའི་དབང་ནི། བུམ་ལྔའི་ཆུ་གཙོ་བུམ་དུ་བསྡུས་པའམ། རེ་རེ་བཞིན་མ་ནོར་བར་བསྐུར། ལྷ་ཐམས་ཅད་སོགས་ཚིག་རིང༌། དབུས་བུམ་ཐོགས་ཏེ། ཧཱུྃ་རྡོ་རྗེ་སེམས་དཔའ་བཅོམ་ལྡན་འདས་སོགས། ནུབ་བུམ་ཐོགས་ཏེ། ཧཱུྃ་སྣང་བ་མཐའ་ཡས་སོགས། ཤར་བུམ་ཐོགས་ཏེ། ཧཱུྃ་རྣམས་པར་སྣང་མཛད་བཅོམ་ལྡན་འདས། ལྷོ་བུམ་ཐོགས་ཏེ།

― ZP04_Page_447 ―

^{[མ་དཔེ་གཟིགས་ན་འདིར་གནོན།]}

[Full Size]

རང་ཉིད་སྐད་ཅིག་གིས་སོགས་དྲིལ་བུ་འཛིན་པར་བསམ་ལ། གུ་ཤས་ཐོད་པ་ནས་བདུད་རྩིའི་བསང་ཆུ་གཏོར་ལ། ཨོཾ་བཛྲ་ཨ་མྲྀ་ཏ་སོགས། ལན་གསུམ། ཨོཾ་སྭཱ་བྷ་ཝ་སོགས། ཕྱི་ནང་གི་ཆོས་ཐམས་ཅད་སོགས། དབང་བསྐུར་བར་གྱུར། རང་གི་སྙིང་ག་ནས་འོད་ཟེར་སོགས། གཟུང་ཐག་གཏོང་ལེན་བྱ། རིགས་ལྔའི་སྔགས་རྣམས་བཟླ། ལས་བུམ་བཛྲ་ས་ཏྭ་ས་བསྒྲུབ། མཆོད་བསྟོད། བུམ་ལྷ་འོད་ཞུ་བྱ། བུམ་པ་སྟ་གོན་ནོ། །ལྷ་སྟ་གོན་བྱ། དེ་ནས་གསུམ་པ་སློབ་མ་སྟ་གོན་ནི། བླ་མས། འདིར་ནི་ཐེག་པ་ཆེན་པོའི་སོགས། མཛོད་ཅིག །ཀྱེ་མ་དུས་གསུམ་རྒྱལ་བ་སོགས། ལན་གསུམ། བླ་མས་ཀྱེ་མ་སྣོད་དང་ལྡན་སོགས། མེ་ཏོག་དོར་བ་ཐལ་མོ་སྦྱར་ལ། ཕྱོགས་བཅུའི་སངས་རྒྱས་སོགས། ལན་གསུམ། ཀུན་བཟང་རིགས་ལྔ་སོགས། ལན་གསུམ། དཔའ་བོ་དཔའ་མོ་སོགས། ལན་གསུམ། བླ་མ་ཀུན་བཟང་སོགས། ལན་གསུམ། ཧོ་བླ་མ་ཀུན་བཟང་དགོངས་སུ་གསོལ་སོགས། ལན་གསུམ། སྔོན་གྱི་རྒྱལ་བ་སོགས། ལན་གསུམ། དཀོན་མཆོག་གསུམ་སོགས། ཀྱིས་སྡོམ་པ་བྱིན་ནས། ཡང༌། ཡར་མཆོད་གུས་སོགས། ལན་གསུམ་གྱིས་དམ་ཚིག་བྱིན་ལ། གནས་གསུམ་དྲིའི་ཐིག་ལེ་བྱས་ལ། འབྲུ་གསུམ་

― ZP04_Page_448 ―

^{[མ་དཔེ་གཟིགས་ན་འདིར་གནོན།]}

[Full Size]

དང་བཛྲ་པྲ་ཝེ་ཤ་ཧོ་མང་དུ་བརྗོད། རོལ་མོ། །རིགས་ལྔའི་སངས་རྒྱས་དང་སོགས་ཚིག་རིང་རོལ་མོ། །བདུད་རྩི་སྦྱིན། སོ་ཤིང༌། དཀྱིལ་འཁོར་ལྷ་ཤར་དུ་རྡོ་རྗེ་རྒྱ་གྲམ་གྱི་ལྟེར་འབྲུ་ཚོམ་བཀོད་ལ། སོ་ཤིང་ལག་པ་གཉིས་ཀྱིས་སྙིམ་པས་ཁས་ཐད་དུ་གཟུང་ལ། སངས་རྒྱས་བྱང་ཆུབ་སེམས་དཔའ་སོགས་དངོས་བསྟན་དུ་གསོལ། ཞེས་མིག་ཙུམ་ནས་ཚོམ་བུའི་སྟེང་དུ་བསྐྱུར་རོ། །བླ་མས། ཕྱོགས་བཞི་དབུས་ལྔ་སོགས། དེ་ལ་ཆོས་བཤད་པ་ནི། ཀྱེ་རིགས་ཀྱི་བུ་སོགས་ཚིག་རིང་ཐུང་མང་ཞིག་གི་མཐར། གོ་འཕང་བླ་མེད་ཐོབ་པར་འགྱུར་རོ། །ཞེས་གསུངས་སོ། །དེ་ནས་གསུང་སྐུད་ལྔ་བསྒྲིལ་རྩ་སྔགས་བཟླས་ཏེ། སྐྱེས་པའི་གཡོན། བུད་མེད་ཀྱི་གཡས་སུ་བཅིང༌། ཀུ་ཤ་ཚན་བྲ་གཉིས། འབྲུ་གསུམ་གྱིས་སྔས་སྟན་དུ་བྱིན། རྨི་ལམ་བརྟག་དུ་བཅུག །དབང་དངོས་ལ། ལས་སློབ་བུམ་པ་ཐོག་ཏེ། སློབ་མ་རྣམས་ལ་ཁྲུས་བྱས་གདོང་གཡོགས། །ཐམས་ཅད་ལག་པ་སྦྲེལ་ནས་ལས་སློབ་ཀྱི་རྡོ་རྗེ་ལ་བཟུང་ནས། ཕྱི་ནས་བསྐོར་བ་གསུམ་བྱས་ཏེ། ཕྱི་སྒོ་བཅད་པའི་དྲུང་ནས་གསོལ་བ་གདབ་པ། ཀྱེ་ཁྲོ་བོ་སོགས། ལན་གསུམ། ནང་ནས་བླ་མས་ཁྱེད་རྣམས་སོགས། ལན་གསུམ་དྲི། ཕྱི་ནས། སྐལ་ལྡན་རིགས་ཀྱི་སོགས། ལན་གསུམ། བགེགས་གཏོར་བཏང་ཞིང་བགེགས་བསྐྲད། གུ་གུལ་བདུག །རོལ་མོ་བཅས་བྱ། །མཚམས་བཅད།

― ZP04_Page_449 ―

^{[མ་དཔེ་གཟིགས་ན་འདིར་གནོན།]}

[Full Size]

ཧཱུྃ་རིན་ཆེན་འབྱུང་ལྡན་སོགས། བྱང་བུམ་ཐོགས་ཏེ། ཧཱུྃ་དོན་ཡོད་གྲུབ་པ་སོགས། སིདྡྷི་ཕ་ལ་ཧཱུྃ་ཨཱ། རིགས་ཀྱི་སོགས། ཚིག་རིང༌། བུམ་ཆུ་ཁོང་དུ་བཏང་ལྷག་མ་ཁྲུས་བྱ། དེ་ནས་བརྡའི་དབང་ནི་རིགས་ལྔའི་སྐུ་བསྟན་ལ། རིགས་ཀྱི་བུ་སོགས་ཚིག་རིང༌། དོན་གྱི་དབང་ནི། རིགས་ཀྱི་བུ་སོགས་ཚིག་རིང༌། དེ་ནས་དམ་ཚིག་གི་དབང་ནི། བདུད་རྩི་ལྕེ་ལ་བཞག་སྟེ། ཀྱེ་རིགས་ཀྱི་བུ་ཉོན་ཅིག་སོགས། སྐུའི་དམ་ཚིག་ཏུ་སོགས། ཚིག་རིང༌། གསུང་སོགས་དེའི་རིགས་འགྲེ། གཉིས་པ་སྤྲོས་མེད་གསང་དབང་བསྐུར་བ་ནི་དཀྱིལ་འཁོར་གཞུང་བཞིན་བྲིས། རིག་ཙཀ་བླ་མ་ལ་ཕུལ་ནས། གསོལ་གདབ་ནི། ཨེ་མ་ཁྱོད་ནི་སོགས། དེང་འདིར་བདག་གི་ཐོབ་མཛོད་ཅིག །ཅེས་ཕུལ། བླ་མ་གཞིའི་ཀུན་བཟང་བསྒོམ་ལ། མཆོད་བསྟོད། མིག་དར། མེ་ཏོག །བསྐོར་བ་གསུམ། ཕྱག་གསུམ། བྱིན་འབེབས། བླ་མས། ཀྱེ་མ་རིགས་ཀྱི་སོགས། ཚིག་རིང་བཅས་མཐར་སྒོམ་ཤིག །འཕགས་མཆོག་སོགས། །མིག་དར་བཀྲོལ། འོ་རིགས་ཀྱི་བུ་སོགས། ཚིག་རིང་མཐར་མཐར་བསམ་ལ། ཐོད་པའི་བདུད་རྩི་ཐོག་ལ། ཀྱེ་མ་ཀྱེ་མ་སོགས། ཨ་བྷི་ཥི་ཉྩ་ཧཱུྃ་ཚིག་རིང༌། ངོ་སྤྲོད་ཨེ་མ་སྐལ་ལྡན་སོགས། ཚིག་རིང་མཐར་ངོ་ཟུངས་ཤིག །དམ་ཚིག་འབོགས་པ་ནི། ཀྱེ་མ་རིགས་ཀྱི་སོགས།

― ZP04_Page_450 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱོད་ཀྱིས་བསྲུང༌། ཚིག་རིང་མང་མཐར་སངས་རྒྱས་པ་ཡིན་ནོ། །ཚོགས། ཤེར་དབང་ལ། མཎྜལ་གསོལ་གདབ་ནི། ཀྱེ་བཅོམ་ལྡན་སོགས། ལན་གསུམ། བླ་མས། ཀྱེ་མ་གསང་བ་སོགས། ལན་གསུམ་སློབ་མས། ཤི་བ་སྲོག་ལ་སོགས། བླ་མ་ལ་བསྐོར་བ་ཞིག་དང༌། བྱིན་འབེབས། དཔོན་སློབ་ཀུན་རྡོ་རྗེ་སོགས། ཐིམ་པར་བསྒོམ་ལ། རྡོ་རྗེ་ཕག་མོ་བདེ་གཤེགས་སོགས། རིགས་ཀྱི་བུ། མིག་དར་བཀྲོལ། བླ་མས། རིག་ཙཀ་གཏད་ལ། འོ་རིགས་ཀྱི་བུ་སོགས་ཚིག་རིང་མང་ཞིག་གི་མཐར། འབྲས་བུ་སྐྱེ་མེད་ཆོས་སྐུ་ཐོབ། ཚོགས། ཚིག་དབང་ལ་དཀྱིལ་འཁོར་གྱི་དབུས་སུ། ཐོད་པ་བདུད་རྩིས་བཀང་བའི་སྟེང་མེ་ལོང་ལ་ཆོས་འབྱུང་ཉིས་བརྩེགས་ཀྱི་དབུས་སུ་མཁའ་འགྲོ་ཡབ་ཡུམ་ཀྱི་རྩ་སྔགས་དང༌། མཐའ་སྐོར་ལ་རིག་འཛིན་མཚན་བྲིས་ལ། ཐོད་པའི་ཁར་དག་པ། ཕྱི་ནང་གི་ཚོགས་མཆོད་བཤམས། མཎྜལ། གསོལ་གདབ། ཀྱེ་དུས་གསུམ་བླ་མ་སོགས། བཞི་པའི་དབང་བསྐུར་བདག་ལ་རྩོལ། ལན་གསུམ། རང་ཉིད་ཡི་དམ་སོགས་ཚིག་རིང༌། རོལ་མོ། །བཀྱག །མཆོད་བསྟོད། ཐུགས་གནས་སོགས་ཚིག་རིང༌། བདུད་རྩིས་མཆོད། རྡོ་རྗེའི་དམ་ཚིག་སོགས། ཚོགས། གསོལ་གདབ། ན་མོ་གུ་རུ་དངོས་མེད་སོགས། དམ་ཚིག་སྦྱིན་པ་ནི། ཨོཾ་སོགས། སློབ་མ་རྣམ་སྣང་སོགས།

― ZP04_Page_451 ―

^{[མ་དཔེ་གཟིགས་ན་འདིར་གནོན།]}

[Full Size]

ཚིག་རིང༌། བྱིན་འབེབས། རོལ་མོ། །དངོས་གཞི་ནི། འོ་རིགས་ཀྱི་བུ་སོགས་ཚིག་རིང་མཐར། སློབ་མས་ཕྱོགས་བཞིར་བལྟར་བཅུག་ལ། ཀྱེ་མ་རིགས་ཀྱི་བུ་སོགས། བརྗོད་ནས། ཡང་ཀྱེ་མ་རིགས་ཀྱི་བུ་སོགས། རིགས་ལྔའི་སྐུ་གཟུགས་སྒོམ་དུ་བཅུག་ལ། བླ་མས། ཀྱེ་མ་རིགས་ཀྱི་སོགས། དབྱུག་པ་རིང་པོ་ལ་དྲིལ་བུས་ཕྲེང་བ་བཏགས་ལ་དབྱུག་པའི་རྩ་བ་ས་ལ་བརྡུང་ཞིང༌། བླ་མས། ཀྱེ་མ་རིགས་ཀྱི་བུ་སོགས། སྤོས་དང་སྨན་ལ་སོགས་པའི་དྲི་སྣོམ་དུ་བཅུག་ལ། ཀྱེ་མ་རིགས་ཀྱི་བུ་སོགས། ཡང་རོ་མངར་སྐྱུར་མྱོང་དུ་བཅུག་ལ། ཀྱེ་མ་རིགས་ཀྱི་སོགས། ཡང་རེག་བྱ་འཇམ་རྩུབ་རེག་ཏུ་བཅུག་ལ། ཀྱེ་མ་རིགས་ཀྱི་སོགས། སྐྱིད་སྡུག་དགའ་མི་དགའ་ཆགས་སྡང་ལ་སོགས་སྒོམ་དུ་བཅུག་ལ། ཀྱེ་མ་རིགས་ཀྱི་སོགས། ཡང་ཚིག་མང་ཞིག་སྣང༌། ཚིག་རིང་མང་ཐུང་མང་ཞིག་སྡེབ་མཐར་ཚོགས་འཁོར་བྱ། ༈ ཀ་དག་རྩལ་དབང་ལ། པད་འདབ་བརྒྱད། འོད་རྭ། རྡོ་རྭ། མེ་རི་བྲིས་ལ་སྟེང་ཐོད་པ་བདུད་རྩིའི་བཀང་བ་བཞག །ཕྱི་ནང་གི་མཆོད་པས་བསྐོར་ལ། དབུས་ཐོད་པའི་དབུས་སུ་སོགས་ཚིག་རིང༌། རོལ་མོ། །མཆོད་པ། བསྟོད་པ། ཕྱག །བསྐང་བ། སེམས་བསྐྱེད་ནས། གསོལ་བ་གདབ་པ་ནི། ཀྱེ་བླ་མ་རྣམས་སོགས། ལན་གསུམ། བླ་མ་རྣམས་བྱོན་ནས་རང་ལ་ཐིམ་པར་བསྒོམ་

― ZP04_Page_452 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་བཅུག་ལ། ཨོཾ་གུ་རུ་ཀུན་བཟང༌། རེ་རེའི་རྗེས་སུ་ཌ་རུ་འཁྲོལ། སློབ་མ་རྣམས་ལངས་ཏེ་ཐལ་མོ་སྤྱི་བོར་སྦྱར་ལ་རླུང་ཁ་སྦྱོར་བཟུང་ཞིང༌། བླ་མས། འོ་ཁྱེད་རྣམས་ཉོན་སོགས་ཚིག་རིང༌། རོལ་མོ། །ཡང་སྙིང་ནང་སོགས་ཚིག་རིང༌། རོལ་མོ། །ཡང་ཚིག་རིང༌། སྤོས་ཚིལ་ཆེན་བདུག །རོལ་མོ་འཁྲོལ། དང་པོ་ནི། སློབ་མ་རྣམས་ལངས་ཏེ་ཐལ་སྦྱར་ཚེ། ཀྱེ་རིགས་ཀྱི་བུ་རྣམས་སོགས་ཚིག་རིང༌། རོལ་མོ། །དེ་བཞིན་དུ་སོགས་ཚིག་རིང༌། རོལ་མོ། །ཨོ་རྒྱན་སོགས་རོལ་མོ། །ལྷོ་ནུབ་རྔ་ཡབ་སོགས། རོལ་མོ། །པདྨ་མཁའ་འགྲོ་སོགས་ཚིག་རིང་མང་ཞིག་མཐར། གུ་གུལ། ཚིལ་ཆེན། སྤོས། རོལ་མོ། །ཐོད་པའི་བདུད་རྩི་ཐོགས་ཏེ། ཨེ་མ་སོགས། སེམས་ཉིད་སྟོང་པ་སོགས། གཟེང་བསྟོད། འོ་རིགས་ཀྱི་བུ་སོགས་ཚིག་རིང་མཐར། ཚོགས་བྱ། སློབ་མ་རྣམས་གྲལ་ལ་འཁོད། སེམས་བསྐྱེད། རང་རང་གི་སྤྱི་བོ་སོགས་ཚིག་རིང་མཐར་སྐུ་ལ་ཨོཾ་བརྒྱ་རྩ་བརྒྱད་བཟླས། གསུང་དང༌། ཐུགས་དང༌། ཡོན་ཏན། ཕྲིན་ལས་རྣམས་དེའི་རིགས་འགྲེ། ཐོད་པ་ནས་བདུད་རྩི་བླུད། རིག་པ་ངོ་སྤྲད། ཚོགས་དང་བཀྲ་ཤིས་བྱའོ། །བརྒྱད་པ་ལ། ཤོ་མར་སྔར་ལྟར་ལ། རཀྟ་སིནྡྷཱུའི་ཐིག་ལེ་སྨིན་མཚམས་སུ་བཀོད་ལ། འོ། །ཚིག་རིང་མང་ཞིག་ལ། ཚིལ་ཆེན་བདུག །རོལ་མོ། །རྫོགས་རིམ་བདུད་རྩི་བྱིན་ནས། རང་རིག་མདང་བྱིན་པར་

― ZP04_Page_453 ―

^{[མ་དཔེ་གཟིགས་ན་འདིར་གནོན།]}

[Full Size]

རློབ་པ་སོགས་ངོ་སྤྲད། ཚོགས་ཀྱི་དགའ་སྟོན་བྱ། གཞན་དོན་བཀའ་རྒྱ་དང་བཅས་པ་ལ་གནང་བ་སྦྱིན་པ་ནི། ཚོགས་མཆོད་བཤམས། བླ་རྒྱུད་རྣམས་ལ་གསོལ་བ་འདེབས། རིག་འཛིན་གཏོར་མ་མགོ་ཐོག་ཏུ་བཞག་ལ། འོ་རིགས་ཀྱི་བུ་སོགས་ཚིག་རིང་ལན་གསུམ། ཚོགས། བདུད་རྩིའི་ཐིག་ལེ་གནས་གསུམ་དུ་བཞག་ལ། འཁོར་ལོ་སྔགས་རིགས་ལྔའི་སོགས་ཚིག་རིང་མཐར། ཨ་བྷི་ཥིཉྩ་མཾ། སྐུ་གསུང་ཐུགས་ཡོན་ཏན་ཕྲིན་ལས་རྣམས་འགྲོ་དོན་མཐའ་རྒྱས་པར་བསམ། སྐུ་རྟེན་ཞི་ཁྲོའི་ཐང་ཀ༌།གསུང་རྟེན་སྙིང་ཐིག་པོད། ཐུགས་རྟེན་མེ་ལོང་རྣམས་གནས་གསུམ་བཞག་ཅིང༌། འོ་རིགས་ཀྱི་བུ་སོགས་ཚིག་རིང༌། མཎྜལ། ཐོད་པའི་བདུད་རྩི་བླུད། མཎྜལ་ཕུལ། ཚོགས། རྗེས་ལ་ཆོས་སྐྱོང་གི་གཏོར་མས་བཀའ་གཏད། རྡོ་རྗེ་སེམས་དཔའི་དཔལ་གཏོར་མགོ་ཐོག་ཏུ་བཞག །ཨོཾ་གུ་རུ་ཌཱ་ཀི་ནི་ཧ་རི་ནི་ས་ར་ཙ་ཧྲི་ཡ་བྷོ་དྷི་ཙིཏྟ་ཨ་མྲྀ་ཏེ་སརྦ་པཉྩ་ཨ་བྷི་ཥིཉྩ་ཧཱུྃ། ཨོཾ་གུ་རུ་ཀུན་བཟང་ཡབ་ཡུམ། །རིགས་ལྔ་ཡབ་ཡུམ། རྡོ་རྗེ་འཆང༌། རྡོ་རྗེ་སེམས་དཔའ། དགའ་རབ་རྡོ་རྗེ། ཤྲི་སེང་ཧ། པདྨ་མཚན་བརྒྱད། ཡེ་ཤེས་མཚོ་རྒྱལ། པདྨ་ལས་འབྲེལ། ༈ སྤྲོས་མེད་ཀྱི་དབང་ལ། ཕྱི་རོལ་ནས། དང་པོ་ཁྲུས་བྱས། གུ་གུལ་བདུག་བགེགས་བསྐྲད། བསྲུང་

― ZP04_Page_454 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་སྒོམ། ཆོས་བཤད། མཎྜལ་ཕུལ་བ་སོང་ནས། གསོལ་གདབ་ནི། བླ་མ་རྡོ་རྗེ་འཛིན་པས་སོགས། ལན་གསུམ། བླ་མ་རྡོ་རྗེ་འཛིན་སོགས་ཚིག་རིང་མང་ཞིག་ལན་གསུམ། སྡོམ་བཟུང་བླ་མ་རྡོ་རྗེ་སོགས་ཚིག་རིང་མང་ཞིག་མཐར་བདག་ནི་ནམ་ཡང་མི་འདའོ། །ལན་གསུམ། དམ་ཆུ་སྦྱིན་པ་ནི། འོ་མ་སྨན་སྤོས་ཀྱི་ཐིག་པ་སྨིན་མར་གཏུག་ལ། ཧཱུྃ་འདི་ནི་དམ་ཚིག་སོགས། རེ་རེ་བརྗོད། དམ་ཚིག་ཁས་བླང་བ་ནི། བདག་ནི་དུས་འདི་སོགས། ལན་གསུམ། དམ་བསྒྲགས། སྡོམ་པ་སྦྱིན། ཀྱེ་སྐལ་ལྡན་གསང་བའི་སོགས། ལེན་གསུམ། མཎྜལ། གསོལ་བ་གདབ་པ་ནི། བླ་མ་རྡོ་རྗེ་འཛིན་པ་སོགས། ལན་གསུམ། གནང་བ་སྦྱིན་པ་ནི། ཨེ་མ་བུ་ཁྱོད་སོགས། མེ་ཏོག་དོར་བ་ནི། ཐུགས་ཀྱི་སོགས་ཚིག་རིང༌། དབང་བསྐུར་བ་དངོས་ལ། དང་པོ་ཆོས་དབྱིངས་ཡི་གེའི་དབང་ནི། ཨ་རིང་པོ་དབྱངས་དང་བཅས་པ་བརྗོད་སོགས་མཚམས་སུ། དྲི་དང་འོ་མའི་ཐིག་ལེ་གནས་གསུམ། སངས་རྒྱས་ཀྱི་སྐུ་གསུང་སོགས། ཨ་ལི་སོགས་རྗེས་ཡིག་དྲུག་ཐིག་ལེ། ཀ་ལི་སོགས་རྗེས་སྣང་གཤོང་བུ་ཐིག་ལེ། སྤྱི་གཙུག་ཏུ་ཨོཾ་ཐིག་ལེ། མགྲིན་པར་ཨ་ཐིག་ལེ། སྙིང་ཁར་ཐིག་ལེ་ཧཱུྃ། སྨིན་མཚམས་སུ་ཐིག་ལེ། ཚིག་ཉུང་ངུ་སོབ་འཕྲལ་བུམ་པ་སྤྱི་པོར་བཞག་ལ། ཆོས་རྣམས་ཐམས་ཅད་སོགས་ཚིག་བཅད་ལྷུག་ཅི་མང་མཐར་ངོ་ཤེས་པར་གྱིས། སྙིང་ཁར་ཆུ་བླུག །ཨ་ཞེས།

― ZP04_Page_455 ―

^{[མ་དཔེ་གཟིགས་ན་འདིར་གནོན།]}

[Full Size]

རོལ་མོ། །རྒྱས་གདབ་ནི། ཨེ་མ་ཧོ་སོགས། ད་ལྟར་གྱི་རིག་པ་སོགས་ཚིག་རིང༌། རིག་པ་རྩལ་དབང་ནི། བླ་མས་དངོས་པོ་གང་ལ་སོགས་ཚིག་རིང་མང་ཞིག །ཀུན་བཟང་དབང་བླ་མས་ཆོས་རྣམས་ཐམས་ཅད་སོགས། ཨེ་མ་སྐལ་ལྡན་སོགས་ཚིག་རིང་མང་ཞིག །གསེར་དབྱུག་རིང་པོ་ལ་རྨ་བྱའི་མདོང་བཏགས་ཏེ་ངོ་སྤྲད། སྡེབ་སོགས། མན་ཤེལ་མིག་ལ་གཏད། གཞི་ལམ་ངོ་སྤྲད་མང་ཞིག་ཡོན་བཀྲ་ཤིས་མཐར། ཚོགས་འཁོར།། །།

བསྐྱེད་རིམ་ལྷའི་ཁྲིད་ཀྱི་དཀའ་གནད་ཅུང་ཟད་བཤད་པ།

― ZP04_Page_457 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐྱེད་རིམ་ལྷའི་ཁྲིད་ཀྱི་དཀའ་གནད་ཅུང་ཟད་བཤད་པ་བཞུགས་སོ།། །།

― ZP04_Page_458 ―

^{[མ་དཔེ་གཟིགས་ན་འདིར་གནོན།]}

[Full Size]

བཅོམ་ལྡན་འདས་དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །བསྐྱེད་རིམ་ལྷའི་ཁྲིད་ཀྱི་རིམ་པ་འོག་མིན་བགྲོད་པའི་ཐེམ་སྐས་འདི་འཆད་པ་ལ་སྤྱི་དོན་གསུམ་སྟེ། རྒྱུ་མ་ནོར་བ་བསྐྱེད་རིམ་ལ་འཇུག་པའི་གཞི། རྐྱེན་མ་འཁྲུལ་པ་ཇི་ལྟར་སྒོམ་པའི་ལམ། འབྲས་བུ་རྣམ་པར་དག་པ་ཟུང་འཇུག་གི་གོ་འཕང་ལ་སྦྱོར་ཚུལ་དང་གསུམ་ལས། དང་པོ་ལ་སྐྱེ་གནས་བཞིའི་བག་ཆགས་སྦྱོང་ཚུལ་གྱི་གོ་བ་བསྟན་པ་དང༌། བསྐྱེད་གཞི་ཏིང་ངེ་འཛིན་གསུམ་བཤད་པ་གཉིས་ཡོད། །དེའི་དང་པོ་ནི། སྤྱིར་འཁོར་བའི་རང་བཞིན་སྡུག་བསྔལ་དང་ཀུན་འབྱུང་གི་བདེན་པ་གཉིས་པོ་འདི་སྦྱངས་ནས། འབྲས་བུ་སངས་རྒྱས་ཀྱི་གོ་འཕང་ལམ་དུ་བྱེད་པ་ནི་ཐེག་པ་ཆེན་པོའི་ལམ་ཐམས་ཅད་ཀྱི་དོན་པོ་ཡིན་པས། འདིར་ཡང་སྡུག་བསྔལ་གྱི་བདེན་པ་ཇི་

― ZP04_Page_459 ―

^{[མ་དཔེ་གཟིགས་ན་འདིར་གནོན།]}

[Full Size]

སྙེད་པ་སྐྱེ་ཤི་གཉིས་སུ་འདུ་ཤིང༌། དེ་ཡང་སྐྱེ་བའི་རྩ་བ་ཅན་ཡིན་པས། སྐྱེ་བའི་རིམ་པ་སྦྱོངས་བྱེད་བསྐྱེད་རིམ་དང༌། འཆི་བའི་རིམ་པ་སྦྱོང་བྱེད་རྫོགས་རིམ་སྟེ་ལམ་རིམ་པ་གཉིས་སུ་གསང་སྔགས་ཀྱི་གཞུང་ཐམས་ཅད་འདུ། སྐྱེ་བ་དེ་ཡང་སྐྱེ་གནས་བཞིར་འདུ་བས། དེ་དང་བསྟུན་པའི་བསྐྱེད་རིམ་བསྡུས་འབྲིང་རྒྱས་པ་དང་རྒྱས་པ་ཆེན་པོའི་བསྐྱེད་རིམ་དང་བཞི་ཡོད་པ་ལས། བསྡུས་འབྲིང་གཉིས་གོ་སླ་ལ་རྒྱས་པ་ཆེན་པོའི་སྐབས་བདག་སྲས་དང་གཞན་སྲས་ཞེས་པའི་དོན་རྒྱུད་སྡེ་དང་བསྟུན་ན། །སྒྱུ་འཕྲུལ་ལས། རང་བྱུང་དངོས་དང་མི་འགལ་ཞིང༌། འབྲས་བུ་ཉིད་ལ་ལམ་ཤེས་པས། མ་ལུས་དཀྱིལ་འཁོར་ཐིག་ལེ་ཀུན། བདག་གི་སྲས་སུ་བསྒོམ་པར་བྱ། ཞེས་བདག་སྲས་དང༌། གང་གིས་གང་ལ་གསོལ་བཏབ་པས། ཐུགས་

― ZP04_Page_460 ―

^{[མ་དཔེ་གཟིགས་ན་འདིར་གནོན།]}

[Full Size]

ཞུགས་འདྲེས་པ་དབྱེར་མེད་ན། སྲས་གྱུར་དགོངས་པ་ཅི་ལ་གནས། ཞེས་གཞན་སྲས་བསྟན་ལ། ཡང་ཞུར་པའི་རྒྱུད་ལས། ཇི་ལྟར་སངས་རྒྱས་མཐུ་ལས་བྱུང༌། ལྷུན་གྱི་གྲུབ་པའི་ཆོ་ག་དང༌། ཆོ་གའི་ཡན་ལག་རྫོགས་པ་ལས། མཁས་པ་སངས་རྒྱས་སྲས་ཡིན་ནོ། །ཞེས་གཞན་སྲས་དང༌། སྲས་དང་བཙུན་མོར་བཅས་པ་ནི། འཁོར་བའི་ཆོས་ལས་སྐྱེས་པ་སྟེ། ཞེས་བདག་སྲས་བསྟན་པར་བཤད་པ་ལྟར་དང༌། སྒྲུབ་སྡེ་བཀའ་བརྒྱད་ལས་བདག་གི་སྲས་སུ་གཞན་བྱ་བ་ལ་ལྔ། ཞེས་སོགས་རང་གཞུང་ན་གསལ་བ་ལྟར་ཡིན་ཀྱང༌། འདི་དག་ལ་བདག་སྲས་དང་གཞན་སྲས་ཞེས་པའི་དོན་འདི་ལྟར་ཡིན་གྱི་བཤད་པ་གསལ་པོ་མ་བྱུང་བས་འཆད་དཀའ་བར་སྣང་ཡང༌། བརྟགས་ན། སྔ་ཕྱི་གཉིས་སུ་བསྐྱེད་གཞི་བདག་གི་ཆོས་ཉིད་བདེ་བར་གཤེགས་པའི་སྙིང་པོ་རྒྱུ་རྡོ་རྗེ་འཛིན་པའི་རྣམ་པར་གསལ་བས། གཞན་འཁོར་འདས་སུ་གཟུང་བའི་སྣང་ཞེན་ཐམས་ཅད། བར་སྲིད་བསྡུ་བ་དང་མངལ་འབྱིན་གྱི་སྒོ་ནས་སེམས་སུ་བསྐྲུན་པ་ལ་བདག་གི་སྲས་སུ་གཞན་བྱ་བ་དང༌། གཞན་འཁོར་འདས་སུ་སྣང་ཞིང་བཟུང་བ་ཐམས་ཅད་དཀྱིལ་འཁོར་གཙོ་བོ་རྡོ་རྗེ་འཛིན་པར་གསལ་བས་བདག་གི་ཕུང་ཁམས་སྐྱེ་མཆེད་དུ་འཛིན་པའི་ཚོགས་ཐམས་ཅད་ཡིག་འབྲུ་དང༌། མངལ་འབྱིན་གྱི་བྱ་བས་བསྐུན་པས་གཞན་གྱི་སྲས་སུ་བདག་བྱ་བ་ཞེས་བསྟན་ཞིང༌། བར་བར་ནི། བདག་འཁོར་བའི་སེམས་ཅན་དེ་ཉིད་གཞན་དུས་གསུམ་གྱི་སངས་རྒྱས་ཐམས་ཅད་མངོན་པར་རྫོགས་པར་བྱང་

― ZP04_Page_461 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུབ་བའི་ཚུལ་ལྷུན་གྱི་གྲུབ་པའི་ཆོ་ག་དང་ཆོ་གའི་ཡན་ལག་ལྔ་ལ་སོགས་བ་རྫོགས་པའི་སྒོ་ནས་དཀྱིལ་འཁོར་གྱི་གཙོ་བོར་བསྐྱེད་པ་སངས་རྒྱས་ཀྱི་སྲས་སུ་བདག་བྱ་བ་དང༌། གཞན་དཀྱིལ་འཁོར་གྱི་འཁོར་ལོའི་ལྷ་ཚོགས་སུ་སྣང་བ་ཐམས་ཅད་བདག་འཁོར་བའི་སེམས་ཅན་གྱི་སྲིད་པ་སྐྱེ་བའི་རིམ་པ་དང་སྒོ་བསྟུན་ནས། ཡབ་ཡུམ་མཉམ་པར་སྦྱོར་བ་དང༌། མངལ་འབྱིན་གྱི་སྒོ་ནས་བསྐྱེད་པ་ལ་བདག་གི་སྲས་སུ་གཞན་ཞེས་བྱ་བ་སྔ་མ་གཉིས་བསྐྱེད་གཞིའི་སྒོ་ནས་དང༌། ཕྱི་མ་འདི་བསྐྱེད་ཚུལ་གྱི་སྒོ་ནས་བདག་སྲས་སུ་བཞག་ཚུལ་དགོངས་པ་ལེན་ཚུལ་ཅུང་ཟད་ཐ་དད་དམ་སྙམ་ཀྱང་རྣམ་མཁྱེན་ཤིང་རྟར་གསུམ་ཀ་ལྟོ་སྦྱར་ནས་བཤད་འདུག་པས། འདི་གའི་བཤད་སྲོལ་ལ་བློ་བྲོས་དང་ལྡན་པ་དག་གིས་ཤིན་ཏུ་བརྟག་ནས་ལེགས་བཤད་ཀྱི་སྒོ་འཕར་དབྱེ་བར་ཅིས་ཀྱང་བསྐུལ་ལོ། །རྒྱས་པའི་བསྐྱེད་ཚུལ་མངོན་བྱང་ལྔ་བསྐྱེད་ཀྱི་སྐབས་འདིར། གཞིའི་མངོན་བྱང༌། ལམ་གྱི་མངོན་བྱང༌། འབྲས་བུའི་མངོན་བྱང་དང་གསུམ་ལས། འདི་དག་ཀྱང་སྦྱང་གཞི་འཁོར་བའི་རང་བཞིན་ངོ་བོར་གནས་པ་དང༌། སྦྱོང་བྱེད་ལམ་གྱི་བྱེད་རྩོལ་ལ་བརྟེན་ནས་རྒྱུད་ལ་བསྐྱེད་པ་དང༌། སྦྱངས་འབྲས་མཐར་ཐུག་གི་འབྲས་བུ་མངོན་ཏུ་གྱུར་པའི་གནས་སྐབས་དང་གསུམ་གྱིས་དབྱེ་བ་ལས་དོན་དུ་སྟོང་བཞིའི་འོད་གསལ་ཟུང་འཇུག་དང་བཅས་པའི་ལྔ་བོ་ཉིད་ཡིན་པས་གསང་སྔགས་ཀྱི་ལམ་ཐམས་ཅད་ཀྱི་དོན་པོ་ཡིན། དེ་ཡང་ལུས་ངག་ཡིད་གསུམ་

― ZP04_Page_462 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་བ་དང་བཅས་བའམ་དཀར་དམར་རླུང་སེམས་ཚོགས་པ་དང་བཅས་པ་ཡེ་ནས་ཡེ་ཤེས་ལྔའི་ངོ་བོར་སངས་རྒྱས་པ་ནི་གཞི་དུས་ཀྱི་མངོན་བྱང༌། ཚོགས་སྦྱོར་དུ་དཔེའི་ཡེ་ཤེས་དང་མཐོང་སྒོམ་དུ་དོན་གྱི་འོད་གསལ་མངོན་དུ་བྱས་པའི་སྟོང་བཞི་ཟུང་འཇུག་དང་བཅས་པ་ནི་ལམ་གྱི་མངོན་བྱང༌། དེ་རྒྱུད་ལ་བསྐྱེད་བྱེད་བསྐྱེད་རིམ་ཏུ་ཟླ་ཉི་སོགས་ལྔ་པོ་བསྒོམ་པ་དང༌། རྫོགས་རིམ་ཏུ་དཀར་དམར་རླུང་སེམས་ཆ་དང་བཅས་པ་ལ་གནད་དུ་བསྣུན་པའི་ཡེ་ཤེས་ལྔ་བོ་དང་བཅས་པ་ལམ་གྱི་མངོན་བྱང༌། མཐར་ཐུག་འབྲས་བུའི་གནས་སྐབས་ན་དཀར་ཆ་སྐུ་རྡོ་རྗེ། དམར་ཆ་གསུང་རྡོ་རྗེ། ཤེས་རིག་ཐུགས་རྡོ་རྗེར་དག་ནས་ཐུགས་ཆོས་སྐུའི་ཡེ་ཤེས་མཐར་ཐུག་འབྲས་བུའི་འོད་གསལ་དང་དབྱེར་མེད་པའི་ལོངས་སྐུ་མཚན་དཔེ་ཡོན་ཏན་རྒྱ་མཚོའི་བདག་ཉིད་དུ་བཞེངས་པ་ནི་མི་སློབ་པའི་ཟུང་འཇུག་སྟེ་མཐར་ཐུག་འབྲས་བུའི་མངོན་བྱང་ཡིན་ལ། འདི་དག་སྦྱངས་གཞི་ཤིན་ཏུ་ཕྲ་བའི་དཀར་དམར་རླུང་སེམས་ཀྱི་ཆ་མ་དག་པའི་དུས་ན་ལུས་ངག་ཡིད་གསུམ་གྱི་རྟེན་བྱེད་པ་དང༌། སྣང་གསུམ་གྱི་སྒྲིབ་བྱེད་ཕྲ་མོ་དོན་གྱི་འོད་གསལ་ཇི་བཞིན་རྫོགས་པའི་གེགས་སུ་གྱུར་པའི་གཉེན་པོ་ནི་རྡོ་རྗེ་ཐེག་པའི་ལམ་ཁོ་ནར་བསྟན་པས་ན་གསང་སྔགས་བགྲོད་པ་གཅིག་པའི་ལམ་དུ་བསྟན་པ་དེའི་རྒྱུ་མཚན་གྱི་ས་ཡིན་པས། འདི་དག་གི་སྦྱོང་གཞི་སྦྱོང་བྱེད་སྦྱངས་འབྲས་བཅས་ལ་ལྟོ་སྦྱར་ནས་ལེགས་པར་ཤེས་ན་རྡོ་རྗེ་ཐེག་པའི་ལམ་གནད་ཐུན་མོང་མ་ཡིན་པ་ཐམས་ཅད་རིག་པར་འགྱུར་རོ། །གཉིས་པ་ཏིང་ངེ་འཛིན་རྣམ་

― ZP04_Page_463 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་ནི་སྔ་འགྱུར་རྙིང་མའི་བཤད་སྲོལ་ཐུན་མོང་མ་ཡིན་པ་ཡིན་ཏེ། གཞན་རྣམས་ཡེ་ཤེས་ཚོགས་བསགས་ཀྱི་རྗེས་སུ་བར་སྲིད་བསྐྱེད་པ་ལས་མི་འབྱུང་ལ། འདིར་ནི་སྟོང་ཉིད་སྙིང་རྗེའི་སྙིང་པོ་ཅན་གྱི་འཕེན་པས་སྤྲུལ་པའི་ལྷ་སྐུ་ཞལ་ཕྱག་གི་རྣམ་པར་བཞེངས་ནས་ཕྲིན་ལས་རྣམ་པ་བཞིའི་གཞན་ཕན་སྒྲུབ་པ་ནི་ཚོགས་གཉིས་ཟུང་དུ་འཇུག་པའི་ཐེག་ཆེན་གྱི་ལམ་མ་ནོར་བ་ཡིན་ཞིང༌། མར་མ་དག་འཁོར་བའི་དུས་ན་ཡང་སྐྱེ་གནས་གང་དུ་འཕེན་བྱེད་ཀྱི་ལས་དེ་སྲེད་ལེན་གྱིས་གསོས་མ་བཏབ་ན་མངལ་དུ་འཇུག་མི་ནུས་པས་སྲེད་ལེན་གྱི་གསོས་བཏབ་ནས། འཇུག་པ་ལྟར། འདིར་ཡང་ཐུགས་རྗེ་ཆེན་པོའི་འཕེན་པས་གསོས་བཏབ་ནས་འོད་གསལ་སྟོང་ཉིད་ཀྱི་ངང་ལས་དཀྱིལ་འཁོར་གྱི་ལྷའི་སྐྱེ་བར་འཛིན་པས་མར་སྦྱང་བྱ་དང་མཐུན། མཐར་ཐུག་འབྲས་བུའི་གནས་སྐབས་ན་ཡང་རྟོག་པ་དང་བྲལ་བའི་ཐུགས་རྗེ་ཆེན་པོ་ཆོས་སྐུའི་ངང་ལས་གཟུགས་སྐུར་བཞེངས་ནས་ནམ་མཁའི་མཐའ་ཁྱབ་ཀྱི་འགྲོ་དོན་མཛད་པ་དང་ཆོས་མཐུན། སྟོང་ཉིད་སྙིང་རྗེའི་རྩི་དང་མ་བྲལ་བས་བསྐྱེད་རིམ་རང་རྒྱུད་དུ་གོལ་མི་སྲིད་ཅིང་ལམ་ངེས་རྫོགས་ལྟར་བསྒོམ་ནས་དེ་ཏིང་ལ་བརྟན་པ་ཐོབ་པ་བྱས་ན་བསྐྱེད་རྫོགས་ཟུང་འཇུག་ཏུ་འགྱུར་ཞིང་སློབ་དཔོན་སངས་རྒྱས་ཡེ་ཤེས་ཀྱི་བཞེད་པའི་ཟབ་གསལ་གཉིས་མེད་ཀྱིས་རྫོགས་རིམ་མཚན་ཉིད་བརྒྱུད་ལ་སྐྱེ། དེས་ན་ཡེ་ཤེས་ཞབས་ཀྱི་བསྐྱེད་རིམ་ལ་རྫོགས་རིམ་གྱིས་རྒྱས་བཏབ་ནས་སྒོམ་པ་བཞེད་པ་ལ་སྔ་མ་དག་དགོངས་པ་མ་ལོན་ཞེས་གསུངས་པ་ཡང་སྔ་

― ZP04_Page_464 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར་བའི་ཆོས་སྐད་ཐུན་མོང་མ་ཡིན་པ་དང་མཐུན། འདི་ལྟ་བུའི་ཏིང་ངེ་འཛིན་གསུམ་པོ་ཡང་ལམ་ངེས་རྫོགས་ལྟར་བསྒོམ་ན་དང་པོ་དབང་དང་དམ་ཚིག་ལ་གནས་པས་ཤེས་བྱ་ལྟ་བའི་དེ་ཉིད་ངོ་སྤྲོད་དང་གཏན་ཚིག་ལ་བསྟེན་ནས་ཡིད་ཆེས་པར་བྱས་ཏེ། མཐོང་བའི་རྗེས་ལ་འཇོག་པ་དང༌། རིག་པ་སྤྱི་བླུགས་སུ་འཇོག་པའི་བཞག་ཐབས་གཉིས་པོ་གང་རུང་གིས་སེམས་མ་བཅོས་སྤྲོས་བྲལ་རང་བབས་སུ་ལྷོད་ཀྱིས་ཀློང་ལ་དྲན་རྟོག་གི་འགྱུ་བའི་སྤུན་ཐག་བཅད་དེ་བྱིང་རྒོད་ཀྱི་སྐྱོན་དང་བྲལ་བར་བཞག་ཅིང༌། དེ་ཉིད་གོམས་པས་རླུང་སེམས་དབུ་མར་འདུས་པ་སྟེ་རྟགས་བཅུའི་མཐོང་སྣང་རྫོགས་ཤིང་རབ་ཀྱི་སྣང་གསུམ་ལ་བརྟེན་པའི་དཔེའི་ཡེ་ཤེས་ཀྱང་སྐྱེད་ནུས། དེ་ལྟར་མིན་ཀྱང་སྟོང་ཉིད་སྤྲོས་པ་དང་བྲལ་བའི་གོ་ཡུལ་དང་མ་བྲལ་བའི་སེམས་གནས་ལ་བརྟན་པ་ཐོབ་ཚེ་མེད་བཞིན་དུ་སྣང་བའི་འཁོར་བ་ལ་བལྟས་ནས་འཛིན་མེད་སྒྱུ་མ་ལྟ་བུའི་སྙིང་རྗེ་མཁའ་ཁྱབ་ཏུ་སྒོམ་ལ་བློ་སྦྱངས། དེ་ཉིད་གོམས་པས་སྟོང་ཉིད་ལ་བློ་བཞག་ཚེ་དེ་ལྟར་མ་རྟོགས་པའི་སེམས་ཅན་མེད་སྣང་འཁྲུལ་པས་བསླུས་པ་ལ་སྙིང་རྗེ་རྩོལ་མེད་དུ་སྐྱེ་ཞིང་སྙིང་རྗེ་བསྒོམ་ཀྱང་བདག་གཞན་ཨ་འཐས་སུ་མི་གོལ་ཞིང་རྟེན་ཅིང་འབྲེལ་འབྱུང་སྒྱུ་མ་ལྟ་བུའི་སྣང་བ་ལས་དོན་ཏུ་རང་བཞིན་མ་གྲུབ་པའི་སྟོང་ཉིད་ཀྱི་ངེས་ཤེས་སྐྱེས་པ་ན་སྟོང་ཉིད་སྙིང་རྗེའི་སྙིང་པོ་ཅན་ལ་གོམས་པར་བྱ་བ་ནི་དེ་ཏིང་དང་ཀུན་སྣང་གཉིས་ཀའི་དོན་ཡིན་པས་ལམ་འདི་གཉིས་རེ་རེ་དང་བྲལ་བས་ཀྱང་རྫོགས་པའི་བྱང་ཆུབ་

― ZP04_Page_465 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒྲུབ་མི་ནུས་ན་གཉིས་ཀ་དང་བྲལ་བས་ལྟ་ཅི་སྨོས་ཏེ། ས་ར་ཧས་སྙིང་རྗེ་དང་བྲལ་སྟོང་པ་ཉིད་ལྟ་བ། དེས་ནི་ལམ་མཆོག་རྙེད་པ་མ་ཡིན་ཏེ། གལ་ཏེ་སྙིང་རྗེ་འབའ་ཞིག་སྒོམ་ན་ཡང༌། འཁོར་བ་འདིར་གནས་ཐར་པ་ཡོད་དམ་ཅི། ཞེས་སོ། །དེས་ན་འདི་གཉིས་ནི་བསྐྱེད་རིམ་ཐེག་ཆེན་གྱི་ལམ་དུ་གྱུར་བའི་བྱེད་པོ་ཡིན་པས་འདི་དང་བྲལ་བའི་བསྐྱེད་རིམ་དག་ནི་མུ་སྟེགས་ཅན་དང་ཐུན་མོང་ཡིན་ནོ། །དེ་ལྟ་བུའི་སྟོང་ཉིད་སྙིང་རྗེའི་སྙིང་པོ་ཅན་གྱི་རྩལ་སྣང་རྒྱུའི་ས་བོན་ཨའམ་ཧཱུྃ་ཡིག་དང་ཧྲཱི་ཡིག་ལ་སོགས་པའི་རྣམ་པར་བསྒོམ་ཞིང༌། དེ་ཉིད་གོམས་ནས་ཇི་ཙམ་འདོད་ཀྱི་བར་དུ་མཉམ་པར་བཞག་ནུས་པའི་སྐབས་སུ་ཡིག་འབྲུ་དེ་ལས་དེ་འདྲ་བ་གྲངས་མེད་པ་སྤྲོས་ཏེ་ནམ་མཁའི་ཁྱོན་གང་བ་དང༌། སླར་ཡང་ཡིག་འབྲུ་དེ་ཉིད་ལ་བསྡུས་ཏེ་མཉམ་པར་འཇོག་པ་སོགས་གསལ་བརྟན་གྱི་ཚད་བརྒྱད་མ་ཐོབ་ཀྱི་བར་དུ་བསླབ་པ་ནི་ཕྲ་བ་ཡིག་འབྲུ་ལ་བསླབ་པ་ཞེས་བྱ་སྟེ་འདི་ཁོ་ན་གོམས་པས་ཀྱང་ཐུན་མོང་གི་དངོས་གྲུབ་དང་གྲུབ་རྟགས་ཐམས་ཅད་སྒྲུབ་ནུས། དེ་ལྟར་ཏིང་ངེ་འཛིན་གསུམ་པོ་ལམ་ངེས་རྫོགས་ལྟར་སྒོམ་མ་ནུས་ཀྱང༌། མོས་སྒོམ་དུ་བྱེད་ཚེ་ཡང་ཐུན་ཐམས་ཅད་ཀྱི་མགོར་ཚིག་ཙམ་གྱི་ཆོག་ཤེས་མི་བྱ་བར་ཆོ་གའི་ཡན་ལག་རྣམས་རྫོགས་པ་དང་བློ་ལྷོད་ཀྱིས་ཀློད་ལ་དེ་ཏིང་དང་ཀུན་སྣང་ལ་སེམས་མ་ཟིན་གྱི་བར་དུ་མཉམ་པར་བཞག །དེ་ནས་རྒྱུ་ཏིང་སོགས་རིམ་པ་ལྟར་བསྒོམ་ཞིང་ཉམས་ལེན་གྱི་གཙོ་བོ་སྟོང་ཉིད་སྙིང་རྗེ་གཉིས་དང་མ་བྲལ་བའི་བསྐྱེད་རིམ་མ་བརྟན་

― ZP04_Page_466 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་བར་དུ་བཟླས་པ་དང་སྤྲོ་བསྡུ་སོགས་དོ་གལ་མི་བྱ། མོས་སྒོམ་དང་ངེས་རྫོགས་གང་ལྟར་བསྒོམས་ཀྱང་བསྐྱེད་རིམ་གྱི་སྐབས་ཐམས་ཅད་དུ་ཏིང་ངེ་འཛིན་གསུམ་ཡ་མ་བྲལ་བར་བསྒོམ་པ་ལས་རེས་འཇོག་ལྟ་བུའི་མི་འཐུས། དེ་ཡང་དཔེར་ན་རྩིག་ངོར་རི་མོ་བྱེད་པའི་ཚེ་རྩིག་པ་ནི་གཞི་ཡིན་པས་དེ་མེད་ན་རི་མོ་གང་ལ་བྱེད། རྩིག་པ་ཡོད་ཀྱང་ཞལ་བ་མེད་ན་རྩིག་ངོར་རི་མོ་འདྲི་མི་ནུས་པས་ཞལ་པ་ནི་རི་མོའི་ལྷན་ཅིག་བྱེད་པའི་རྐྱེན། རི་མོ་བྲིས་ཟིན་པའི་གནས་སྐབས་ན་ཡང་རྩིག་པ་དང་རི་མོ་ཞལ་བ་དང་བཅས་པ་ཕུན་སུམ་ཚོགས་པ་ཡོད་པ་ལྟར་རྒྱུ་ཏིང་ལས་དཀྱིལ་འཁོར་གྱི་འཁོར་ལོ་རྫོགས་པ་བསྒོམ་པའི་གནས་སྐབས་ན་ཡང་སྟོང་ཉིད་སྙིང་རྗེའི་རྩལ་སྣང་ལྷར་ཤར་བས་གསུམ་ཀ་ཡ་མ་བྲལ་བར་ཡོད་དགོས་ཉེ་ཐ་མལ་གྱི་སྣང་བ་སྟོང་ཉིད་དུ་མ་དག་ན་དཀྱིལ་འཁོར་གྱི་འཁོར་ལོ་གང་དུ་བསྒོམ་དེས་ན་ཆོས་ཐམས་ཅད་སྟོང་པ་ཉིད་ཡིན་པ་དང༌། འཁོར་འདས་དབྱེར་མེད་ཡིན་པའི་རྒྱུ་མཚན་གྱིས་དཀྱིལ་འཁོར་གྱི་འཁོར་ལོ་བསྒོམ་ནས་མངོན་དུ་བྱེད་ནུས་པ་ཡིན་ཞིང་སྟོང་ཉིད་ནི་བསྐྱེད་རིམ་ཀྱི་གཞི་ཡིན་ཏེ། གང་ལ་སྟོང་པ་ཉིད་རུང་བ། དེ་ལ་ཐམས་ཅད་རུང་བར་འགྱུར། ཞེས་སོ། །ཆོས་ཐམས་ཅད་སྟོང་པ་ཉིད་མ་ཡིན་ཞིང་ཐ་མལ་གྱི་སྣང་བ་བདེན་པར་གྲུབ་ན་ནི་བསྐྱེད་རིམ་བསྒོམ་མི་ནུས་ཏེ། ཇི་སྐད་དུ། བྲ་སྲན་འབྲས་སུ་དབང་བསྐུར་ཡང༌། །དེ་ལ་འབྲས་ཀྱི་དངོས་སྣང་མེད། ཅེས་པ་ལྟར་རོ། །དེ་ལྟར་ཆོས་ཐམས་ཅད་སྟོང་ཉིད་དུ་ཤེས་ཀྱང་སྙིང་རྗེ་ཆེན་པོའི་འཕེན་

― ZP04_Page_467 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དང་བྲལ་ན་ནི་གཞན་དོན་ཏུ་གཟུགས་ཀྱི་སྐུར་བཞེངས་མི་ནུས་ཏེ་ཉན་རང་འགོགས་པར་ཞུགས་པ་ལ་གཟུགས་སྐུའི་འགྲོ་དོན་མཛད་པ་མི་འབྱུང་བ་བཞིན་དང༌། དེ་ཡི་ཆོས་ཀུན་སྒྱུ་མ་ལྟ་བུ་དང༌། སྐྱེ་བ་སྐྱེད་མོའི་ཚལ་འགྲོ་ལྟར་རྟོགས་ནས། ཞེས་པ་ལྟར། ཤེས་པས་སྲིད་ལ་མི་གནས་ཤིང༌། སྙིང་རྗེའི་ཞི་ལ་མི་གནས་པ་ནི་རྒྱལ་སྲས་སྤྱིའི་ལམ་ཆེན་ཡིན་པས་ནམ་ཡང་ཏིང་ངེ་འཛིན་གསུམ་ཡ་མ་བྲལ་བ་ནི་གནད་ཆེ་སྟེ། དེང་སང་བསྐྱེད་རིམ་ལ་གོམས་ཆ་ཅུང་ཟད་བྱས་པ་ཕལ་ཆེར་འཆི་ཁ་ཞེ་སྡང་དྲག་པོ་རེས་གསོས་བཏབ་ནས་གཤིན་རྗེའི་འཇིག་རྟེན་དུ་སྐྱེས་ཏེ་རུ་དྲར་གོལ་ནས་སེམས་ཅན་ལ་གནོད་པ་སྐྱེལ་བ་སྟོང་ཉིད་སྙིང་རྗེའི་སྙིང་པོ་ཅན་དུ་མ་གོམས་པའི་རྒྱུ་མཚན་གྱིས་ཡིན་ཏེ། སྟོང་ཉིད་ཀྱི་གོ་ཡུལ་ཡོད་པ། བསྐྱེད་རིམ་གྱི་གསལ་སྣང་ཐོན་པ། །བཟླས་པའི་གྲངས་འཁྱོལ་བ་དུ་མ་རྒྱལ་འགོང་དུ་སྐྱེས་པ་ནི་མཐོང་ལ། སྙིང་རྗེ་ཆེན་པོའི་རྩི་དང་མ་བྲལ་བའི་གདུག་འདྲེ་ནི་གང་དུའང་མ་མཐོང་བའོ། །གཉིས་པ་རྐྱེན་མ་འཁྲུལ་བ་ཇི་ལྟར་བསྒོམ་པའི་ལམ་ལ། །དབང་པོའི་རིམ་པ་དང་བསྟུན་ནས་ལམ་མས་སྦྱང་དུ་སློབ་ཚུལ། བསྙེན་བསྒྲུབ་ཡན་ལག་བཞིའི་ཁོངས་སུ་རིག་འཛིན་བཞིའི་གོ་འཕང་ལ་སྦྱོར་ཚུལ་བཤད་པ་གཉིས། དང་པོ་ལ་ས་བཅད་བདུན་ལས་དང་པོ་གོ་སླ། གཉིས་པའི་སྐབས་སུ་འགྱུར་བའི་སྐྱོན་བཅུ་གཉིས་ནི། ལྷའི་སྣང་བ་གསལ་ཙམ་ལ་སྐུ་མདོག་དང་ཞལ་ཕྱག་སོགས་ཇི་བཞིན་མ་ངེས་པའི་རབ་རིབ། དཀར་དམར་མཐིང་ཁ་ལ་སོགས་པའི་ཁ་དོག་

― ZP04_Page_468 ―

^{[མ་དཔེ་གཟིགས་ན་འདིར་གནོན།]}

[Full Size]

གང་ཡིན་ཀྱང་གསལ་འཚེར་བཀྲག་མདངས་དང་ལྡན་པ་ཉི་མ་སྟོང་གི་འོད་བཀྲག་ལྟ་བུའི་གཟི་བྱིན་བཟོད་པར་དཀའ་བ་མ་ཡིན་པར་དཀར་མོག་དམར་མོག་ལྟ་བུར་སྣང་བ་དཀར་དམར་ལ་སོགས་པའི་མི་ཕྱེད་པ་མོག་མོག །ལྷའི་གསལ་སྣང་ལ་བློ་བཞག་ཚེ་ཡིད་ངོར་གྲིབ་མ་ལྟ་བུའི་མུན་པས་འགེབས་པའམ་མིན་ཀྱང་ཕྱག་ཞབས་ཀྱི་ཕྲ་སྦོམ་ཞལ་དང་སྤྱན་གྱི་ཡངས་དོགས་ཀྱི་དབྱིབས་ཕྱེད་པར་མི་འཆར་བ་ཐོ་ཡོར་རམ་གྲིབ་མ་ལྟ་བུའི་ཡོར་ཡོར་སྣང་གྲིབ་མ་ཅན། ནས་འབྲུ་ཙམ་བསྒོམ་ཀྱང་ཚོན་གང་ཙམ་དུ་འཆར་བ་ལྟ་བུ་དང་ཞི་བ་དང་ཁྲོ་བོའི་ལྷ་སྐུ་རང་རང་གི་ཕྱག་ཚད་ཐིག་ཁོང་ནས་འབྱུང་བ་ལྟར་མ་ཡིན་པར་ཆེ་ཆུང་ངུ་འགྱུར་བ་སོགས་ཚད་འགྱུར་བ། གར་གྱི་ཆས་དགུ་དང་ཞི་བའི་རྒྱན་ཆས་སོགས་བསྒོམ་པ་ལྟར་མི་འགྱུར་བར་ཆ་ལུགས་འགྱུར་བ། ཞི་བའི་ཞལ་ཏིལ་དབྱིབས་ལྟ་བུར་བསྒོམ་པ་ན་ལྷ་མོའི་ཞལ་དབང་དབྱིབས་ལྟ་བུར་འཆར་བ་དབྱིབས་འགྱུར་བ། ཞལ་གསུམ་པ་ལ་ཞལ་བཞི་དང༌། གཙོ་བོ་ཉུང་བའི་མང་པོ་འཆར་བ་ལྟ་བུ་གྲངས་འགྱུར་བ། སྐྱིལ་ཀྲུང་དང་ཕྱེད་སྐྱིལ་སོགས་བཞུགས་ཚུལ་འགྱུར་བ། ཁ་དོག་དཀར་དམར་སོགས་ཀྱི་དབྱེ་བ་འབའ་ཞིག་སྣང་གིས་ཕྲ་སྦོམ་སོགས་དབྱིབས་མི་གསལ་བ། དབྱིབས་འབའ་ཞིག་སྣང་ཞིང་ཁ་དོག་མི་སྣང་བ། བསྡུ་རིམ་མ་བྱས་ཀྱང་རིམ་པར་མི་གསལ་དུ་འགྲོ་བ་རིམ་པར་ནུབ་པ། ཞལ་ཕྱག་དང་གཙོ་འཁོར་ལ་སོགས་རེ་རེ་གསལ་ཚེ་རྫོགས་པར་གསལ་མི་ནུས་པ་རྣམ་པ་མ་རྫོགས་པ་རྣམས་སོ། །དེ་དག་གི་གཉེན་པོ་ཞི་བའི་ཚུལ་

― ZP04_Page_469 ―

^{[མ་དཔེ་གཟིགས་ན་འདིར་གནོན།]}

[Full Size]

དགུ་ནི། སྐུ་དང་ཞལ་ཕྱག་སོགས་གྱོང་ཁེངས་རུས་པ་དང་ཤིང་ལྟ་བུ་མ་ཡིན་པར་མཉེན་པ། ཕྲ་སྦོམ་་སོགས་རིམ་པར་སྐབས་ཕྱེད་པས་ལྷུགས་པ། སྐུ་ཤ་ལྷོད་པོར་མགྱུར་བས་འཁྲིལ་བག་ཆགས་པ། ཚིག་འཚམས་སོགས་འཕྲུལ་ལྡེམ་དང་ལྡན་པས་ལྡེམ་བག །སྐུ་ཤ་རྒྱས་ཤིང་ལྤགས་པ་སྲབ་པ་གཞོན་ཚུལ། ཁ་དོག་མ་འདྲེས་པར་གསལ་བས་གསལ་བ། དེ་དག་ཀྱང་མུ་མེད་པའི་འོད་ཟེར་འཕྲོ་འཚེ་རབ། སྐུ་སྐྱེས་སུ་ཆེན་པོའི་མཚན་དང་ལྡན་པའི་བརྗིད་བག་གྱིས་མཛེས་པ་ལྷུན་སྡུག་པ། ཐམས་ཅད་ཟིལ་གྱིས་གནོན་པའི་གཟི་བྱིན་ལྡན་པ་སྟེ་དགུ་དང༌། ཁྲོ་བོ་ལ། ཆགས་ཉམས་ཀྱི་སྒེགས་པ། ཁྲོ་ཉམས་ཀྱི་དཔའ་བ། རྨོང་ཉམས་ཀྱི་མི་སྡུག་པ་སྟེ་སྐུའི་ཉམས་གསུམ། ཧ་ཧ་དང་ཧི་ཧི་ལ་སོགས་བཞད་པའི་གད་མོ་འབྱིན་པ་དགོད་པ། ཟུང་ཤིག་རྒྱོབ་ཤིག་སོགས་གཤེབ། དེ་དག་ཀྱང་འབྲུག་སྟོང་དུས་གཅིག་འདིར་པའམ་ཐོག་སྟོང་དུས་གཅིག་ལྷུང་བ་ལྟ་བུའི་སྒྲ་གདངས་དང་ལྡན་པ་དྲག་ཤུལ་ཏེ་གསུང་གི་ཉམས་གསུམ། རྨོངས་པའི་འགྲོ་ཁམས་རྗེས་སུ་འཛིན་པའི་སྙིང་རྗེ། མ་རུང་བའི་སེམས་ཅན་ཁྲོ་བས་འདུལ་བའི་རྔམ་པ། ཐམས་ཅད་ཆོས་ཉིད་དུ་རོ་མཉམ་པའི་ཞི་བ་སྟེ་གར་དགུའོ། །གསུམ་པ་དང་བཞི་པ་གོ་སླ། ལྔ་པའི་སྐབས་གསལ་བརྟབ་གྱི་ཚད་བརྒྱད་ནི། དེ་ལྟར་ལྟ་གང་སྒོམ་ཡང་སྐུའི་སྣང་ཆ་སྤྱན་གྱི་དཀར་ནག་ཚུན་ཆད་མ་འདྲེས་པར་གསལ་བས་གསལ་ལེ། དེ་ཡང་རིག་པའི་

― ZP04_Page_470 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ་ངར་དང་བྲལ་བའི་བྱིང་ཉམས་ཅན་མ་ཡིན་པ་གསལ་སྟོང་སེང་བག་དང་བཅས་པའི་རིག་པ་ངར་དང་ལྡན་པས་སེང་ངེ། བསྒོམ་པའི་ལྷ་དེ་དག་ཀྱང་སེམས་མེད་བེམ་པོའི་རྣམ་པ་འཇའ་ཚོན་ལྟ་བུ་མ་ཡིན་པར་བ་སྤུའི་ཁོང་བུ་དང་དབུ་སྐྲའི་ཉག་མ་ཚུན་ཆད་རྣམ་པ་ཐམས་ཅད་མཁྱེན་པའི་ཡེ་ཤེས་ཀྱི་ཟིན་པས་དབང་ཤེས་དངས་པའི་ཡོན་ཏན་བརྒྱ་ཕྲག་ཏུ་འཆར་ཞིང་བཀྲ་ཧྲིག་གེ་བཞུགས་པས་ན་ལྷག་གེ། དེ་ལྟ་བུའི་ལྷ་སྐུ་དེ་ཡང་དེ་ལྟར་ཡིན་ནོ་དང་ཡོད་དོ་ཙམ་གྱི་རྗེས་དཔག་གི་བློ་རྟོག་མ་ཡིན་པར་ཡིད་ངོར་ན་མངོན་སུམ་ལྟ་བུ་བཀྲ་ལྷང་ངེ་འཆར་བ་ལྷང་ངེ་བ་སྟེ་གསལ་བའི་ཚད་བཞི། །བརྗེད་ངེས་དང་ལེ་ལོ་ལ་སོགས་ཕྱིའི་སྐྱོན་གྱིས་མི་གཡོ། རབ་རིབ་མོག་མོག་ལ་སོགས་འགྱུར་བའི་སྐྱོན་གྱིས་མི་འགྱུར། དེ་ཡང་ཡུན་ཐུང་ངུ་ཙམ་མ་ཡིན་པར་ཉིན་དང་མཚན་དུ་མཉམ་པར་བཞག་ཀྱང་རྣམ་རྟོག་ཕྲ་མོས་ཀྱང་མི་བརྫི་བར་གསལ་བ་མངོན་པར་མི་འགྱུར། སྐུ་མདོག་དང་ཞལ་ཕྱག་དང་བྱོན་བཞུགས་དང་འོད་ཟེར་སྤྲོ་བསྡུའི་རྣམ་པ་ལ་སོགས་ཇི་ལྟར་བསྒོམ་ཡང་དེ་ལྟར་འབྱུང་བ་ནི་ཅིར་ཡང་བསྒྱུར་དུ་བཏུབ་པ་སྟེ་བརྟན་པའི་ཚད་བཞི་དང་བརྒྱད་དོ། །ལར་ལྷ་བསྒོམས་པའི་དུས་གསལ་ཞིང་བཞག་པས་བཞག་བཏུབ་པ་ནི་ཡོན་ཏན་ཡིན་ཅིང༌། བསྒོམ་པའི་དུས་ཧ་ཅང་མི་གསལ་ཞིང༌། མ་སྒོམ་ཡང་ལྷ་སྐུའི་རྣམ་པ་ཡིད་ངོར་ལམ་ལ་མ་གསལ་བ་དང༌། གསལ་བའི་དེ་ཉིད་ལ་ཞེན་པ་ཡོད་ན་སྐྱོན་ཡིན་པས་གསལ་སྣང་གོམ་ནས་བསྡུ་རིམ་ལ་བྱང་དགོས་ཏེ། དེང་སང་ཕལ་ཆེར་ཐུན་རྗེས་མ་

― ZP04_Page_471 ―

^{[མ་དཔེ་གཟིགས་ན་འདིར་གནོན།]}

[Full Size]

ཙམ་མ་གཏོགས་བསྡུ་རིམ་མི་བྱེད་པ་དང༌། དུས་རྒྱུན་དཀྱིལ་འཁོར་གསུམ་དང་མ་བྲལ་བ་བྱེད་དགོས་པས་བསྡུ་རིམ་མི་བྱེད་ཟེར་བ་སོགས་ནི་བསྐྱེད་རྫོགས་ཀྱི་གནད་ཐུན་མོང་མ་ཡིན་པའི་ཕྱོགས་ཙམ་ཡང་མི་ཤེས་པ་དང༌། གྱ་ནོམ་ལྷར་ཞེན་གྱི་མཚན་འཛིན་ལ་སྐྱོན་དུམ་མཐོང་བའི་རྨོངས་པའི་རང་རྟགས་ཟང་མར་བསྟན་པར་ཟད་དོ། །དེས་ན་བསྡུ་རིམ་ནི། འཆི་བའི་བག་ཆགས་སྦྱོང་ཤིང་ཆོས་སྐུའི་རྟེན་འབྲེལ་སྒྲིག་པ་དང༌། སྒྱུ་ལུས་འོད་གསལ་དུ་བསྡུ་བའི་རྫོགས་རིམ་ལམ་གྱི་སྨིན་བྱེད་ཡིན་པར་མ་ཟད། སྤྱིར་རྡོ་རྗེ་ཐེག་པའི་ལམ་གྱི་ཡོན་ཏན་ཐམས་ཅད་རྡོ་རྗེའི་ལུས་ལ་གནད་དུ་བསྣུན་ནས་རྩ་རླུང་ཐིག་ལེ་དབུ་མར་འདུས་པའི་བྱེད་པ་ལས་སྐྱེ་བ་ཤ་སྟག་ཡིན་ཞིང༌། དཔེ་དོན་གྱི་འོད་གསལ་གང་རྒྱུད་ལ་བསྐྱེད་ཀྱང་འབྱུང་བའི་སྡུད་རིམ་ལས་རྟག་ས་བཅུའི་སྣང་བ་འཆར་ཞིང་རང་བཞིན་གྱི་ཐིམ་རིམ་ལས་སྣང་གསུམ་གྱི་འོད་གསལ་ཤར་བའི་ཀློང་དུ་ཐ་མལ་གྱི་འཁྲུལ་སྣང་ཐམས་ཅད་ནུབ་ནས་སྣང་གསུམ་འོད་གསལ་དུ་ཐིམ་པའི་གནས་སྐབས་ན་ཆོས་ཉིད་སྤྲོས་པ་དང་བྲལ་བའི་ཡེ་ཤེས་འཆར་བ་ཤ་སྟག་ཡིན་པས། མཚན་མོ་གཉིད་འཐུག་དང༌། རྨི་ལམ་གྱི་དགེ་སྦྱོར་ལ་བརྩོན་པར་འདོད་པ་དང༌། ཉིན་མོ་རལླུང་སེམས་དབུ་མར་འདུས་པའི་ཐབས་ལ་སྤྲོ་བ་ཡོད་པ་དང༌། ཐུན་མོང་མ་ཡིན་པའི་རྫོགས་རིམ་སྒྱུ་ལུས་འོད་གསལ་ལ་མངོན་དུ་བྱེད་འདོད་པ་དང༌། དེ་ལས་ཐ་མལ་གྱི་ལུས་རྟེན་དོར་ནས་

― ZP04_Page_472 ―

^{[མ་དཔེ་གཟིགས་ན་འདིར་གནོན།]}

[Full Size]

སློབ་པའི་ཟུང་འཇུག་གི་ལྷ་སྐུར་བཞེངས་འདོད་པ་དང༌། མཐར་ཐུག་མ་རིག་བག་ཆགས་ཀྱི་ས་བའི་ཡིད་ལུས་ཀྱང་འོད་གསལ་དུ་བསྡུས་ནས་མི་སློབ་པའི་ཟུང་འཇུག་གི་གོ་འཕང་མངོན་དུ་བྱེད་པར་འདོད་པ་དང༌། གལ་ཏེ་ཚེ་འདིར་མ་གྲོལ་ཀྱང་བར་དོ་དང་པོའི་འོད་གསལ་ཆོས་སྐུའི་དགོངས་པ་ལ་མཉམ་པར་བཞག་ནས་ཟུང་འཇུག་གི་ལོངས་སྤྱོད་རྫོགས་སྐུར་བཞེངས་པར་འདོད་པ་རྣམས་ཀྱིས་ནི་བསྐྱེད་རིམ་ལས་ཀྱང་བསྡུ་རིམ་ལ་དོ་གལ་དུ་བྱ་དགོས་སོ། །དེ་ལྟར་མ་ཡིན་པ་ཡི་དམ་གྱི་གསལ་སྣང་དང་སྤྲོ་བསྡུའི་དམིགས་པ་ཙམ་ལ་བརྟེན་ནས་འདྲེ་འདུལ་དང་བསྲུང་སྐྱོབས་ཀྱི་ཕྲིན་ལས་ཕྲན་བུར་རེ་སྒྲུབ་པར་འདོད་པ་རྣམས་ལ་ནི་ལས་ངན་གྱི་ལ་ཡོག་མ་ལྟུང་བར་དུ་མུ་སྟེགས་བྱེད་དང་ཐུན་མོང་བའི་གསལ་སྣང་དང་ང་རྒྱལ་དེ་གས་ཆོག་གོ །དེ་ལྟར་ཡིན་ཀྱང་ཁྱོད་ཀྱི་སྒྱུ་ལུས་དང་འོད་གསལ་ལ་སོགས་གསར་མ་དང་འདྲེས་པའི་ཆོས་སྐད་དེས་ཅི་བྱ་ཟེར་ན། གསང་བ་ཡོངས་རྫོགས་དང༌། ཧེ་རུ་ཀ་གལ་པོ་སོགས་རྒྱུད་སྡེ་མ་མཐོང་ཞིང་ནང་རྒྱུད་ཡོ་ག་གསུམ་གྱི་སྤྱི་གཞུང་མི་ཤེས་པའི་རྙིང་མ་པ་དེ་ཡང་ངོ་རེ་ཚའོ། །འོན་ཀྱང་སྔ་འགྱུར་ཐུན་མོང་མ་ཡིན་པའི་ཁྱད་ཆོས་ཐེག་རྩེ་རྡོ་རྗེ་རྩེ་མོའི་དབྱིངས་སུ་དགོངས་པའི་བཙན་ས་འཛིན་པར་འདོད་པ་ཡིན་ཟེར་ན་ནི། བསྐྱེད་རིམ་ལ་སོགས་པ་རང་བཞིན་བཅུའི་བློ་འཚུབས་ཀྱི་ཙབ་ཙུབ་དེ་ཡང་སྤོངས་ལ་རིག་སྟོང་ཟང་ཐལ་རྗེན་པ་ཆོས་དབྱིངས་རིན་པོ་ཆེའི་མཛོད་དུ་

― ZP04_Page_473 ―

^{[མ་དཔེ་གཟིགས་ན་འདིར་གནོན།]}

[Full Size]

ངལ་བསོས་ལ་རྫོགས་པའི་སངས་རྒྱས་དྲི་མེད་འོད་ཟེར་གྱི་རྗེས་སུ་སྤོགས་ཤིག་དང་ཁོ་བོའི་ཡིད་ལྷག་པར་རྗེས་སུ་ཡི་རང་བ་ཡིན་ནོ། །དྲུག་པ་ནི་གཞུང་ན་གསལ་བ་ལྟར་དང༌། བདུན་པ་ལྷ་དོན་ལ་སྦྱར་བ་ནི། བསྐྱེད་རིམ་གྱི་བོག་འདོན་ནམ། ཉེ་རྒྱུའི་སྤྱོད་པས་མཚམས་སྦྱར་བ་ཞེས་བྱ་བ་དེ་ཡིན་ཏེ། དེ་ལྟར་བསྐྱེད་རིམ་སྒོམ་པའི་དོན་པོ་སྤྱོད་པའི་དུས་གྲངས་ངེས་པའི་མཚམས་སྦྱོར་གྱི་རྣལ་འབྱོར་ལ་བསྟེན་ནས་འཇིག་རྟེན་པའི་ལམ་གྱི་ལ་དོར་ནས་འཇིག་རྟེན་ལས་འདས་པ་མཐོང་ལམ་ཕྱག་རྒྱ་ཆེན་པོ་མཆོག་གི་དངོས་གྲུབ་ལ་དངོས་སུ་སྦྱོར་བས་ན་སྤྱོད་པས་ལ་དོར་ཞེས་པའི་དོན་ཡང་འདི་ཡིན། དེས་ན་ཤིང་རྟ་བཟང་པོར་བསྐྱེད་རིམ་ལ་སོགས་པའི་ལམ་རྣམས་ཇི་ལྟར་བཟང་ཡང་རང་རང་གི་ངོ་ག་དེས་མི་གྲོལ་གྱིས་བོག་འདོན་སོགས་ལ་བརྟེན་དགོས་པར་གསུང་བ་ལྟར་བསྐྱེད་རིམ་གྱི་ལམ་དུ་གསལ་བརྟན་གྱི་ཚད་བརྒྱད་གྱད་དུ་གྱུར་པ་ཞིག་ཡིན་ཀྱང་སྲོག་སྡོམ་གཟེར་བཞིའི་མན་ངག་ལ་བསྟེན་ནས་སྤྱོད་པས་འོག་མ་དབྱུང་ན་འབྲས་བུ་རིག་འཛིན་ལ་སྦྱོར་བ་ནི་མི་སྲིད་པ་ཡིན་པས། དེས་ན་ལྷ་དོན་ལ་སྦྱར་བ་ཞེས་བྱ་བ་འདིའི་སྐབས་སུ་ལམ་ངེས་རྫོགས་སུ་བསྒོམ་ནས་དེ་ཏིང་སྟོང་པ་ཆེན་པོ་ནས་དཀྱིལ་འཁོར་གྱི་འཁོར་ལོ་ཡོངས་སུ་རྫོགས་པ་ཕྱག་རྒྱ་སྤྲོས་བཅས་ཀྱི་བར་རིམ་པས་གོམས་པར་བྱས་ཤིང་གསལ་བརྟན་གྱི་ཚད་བརྒྱན་གྱད་དུ་གྱུར་པ་ཞིག་ཡིན་ན་ནི། འདིར་

― ZP04_Page_474 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱོད་པའི་དུས་གྲངས་ངེས་པའི་ལམ་ཞེས་བྱ་སྟེ། ཟླ་དྲུག་བཅུ་བཞི་བཅུ་དྲུག་གིས། དབང་བསྒྱུར་རིགས་ཀྱི་དམ་པ་འགྲུབ། ཅེས་པ་ལྟར་ཟླ་དྲུག་སྤོག་ཆོག་དང་བཅས་པས་རིག་འཛིན་གྱི་གོ་འཕང་ལ་མི་སྦྱོར་མི་སྲིད་པ་ཡིན་ལ། དེ་ལྟར་མིན་ཀྱང་བསྐྱེད་རྫོགས་ཀྱི་ལམ་གནད་མ་འཆུགས་པར་ཤེས་ཤིང༌། སྲོག་སྡོམ་གཟེར་བཞིའི་མན་ངག་ལ་བསྟེན་ནས་དང་པོ་ཉིད་ནས་བསྙེན་བསྒྲུབ་དང་འབྲེལ་པར་ལམ་མོས་བསྒོམ་དུ་བྱེད་པ་རྣམས་ཀྱང་བྱས་པའི་ཆོས་ལ་གྲུབ་པའི་མཐའ་དགོས་ཞེས་པ་ལྟར་བློ་ཚོད་དང་བསྟུན་པའི་ཡོན་ཏན་ཅི་རིགས་པ་རྒྱུད་ལ་སྐྱེ་བ་ཡིན་ལ། དེ་ལས་གཞན་དུ་བསྐྱེད་རྫོགས་ཀྱི་གནད་ལ་རྒྱབ་ཀྱིས་ཕྱོགས་ཏེ་བསྙེན་བསྒྲུབ་ཏུ་མིང་བཏགས་ནས་ལོ་འཚམས་ཀྱི་སྡུག་ཡུས་འདྲེན་པ་དང༌། སྙིང་པོ་དུང་ཕྱུར་སྐྱེལ་བ་སོགས་ལ་ལམ་རྟགས་ཀྱི་ཡོན་ཏན་ཐུན་མོང་གི་དྲོད་ཙམ་ཡང་མེད་པ་ནི་ལམ་གྱི་གནད་དོན་སྟོར་ནས་གཟུགས་བརྙན་ལ་སྙིང་རུས་བསྐྱེད་པའི་ལག་རྗེས་ཡིན་ནོ། །འདིའི་ཏིང་འཛིན་ལྷའི་གཟེར་གྱི་སྐབས་སུ་ཡུལ་གསུམ་གྱད་དུ་གྱུར་པ་ཞེས་པ་ནི། དང་པོ་བསམ་པའི་ཡུལ་དུ་གསལ། གཉིས་པ་མཐོང་བའི་ཡུལ་དུ་གསལ། གསུམ་པ་རེག་པའི་ཡུལ་དུ་གསལ། ཞེས་པའམ། དང་པོ་ཡིད་ཀྱི་ཡུལ་དུ་གསལ་བ། གཉིས་པ་དབང་པོའི་ཡུལ་དུ་གསལ་བ། གསུམ་པ་ལུས་ཀྱི་ཡུལ་དུ་གསལ་ཞེས་པའི་དོན་ནོ། །དང་པོ་ལྷར་སྣང་ལ་གོམས་པ་མ་སྐྱེས་པའི་གནས་སྐབས་ན་བསམ་པའི་བློ་རྟོག་གམ་ངག་

― ZP04_Page_475 ―

^{[མ་དཔེ་གཟིགས་ན་འདིར་གནོན།]}

[Full Size]

གི་བརྗོད་པ་ཙམ་གྱིས་བདག་ལྷ་ཡིན་ནོ། །ལྷ་ཡང་དེ་དང་དེ་ལྟ་བུའི་ཡིན་ནོ་སྙམ་དུ་རྟོག་དཔྱོད་ཀྱི་བློ་ངོར་གསལ་བས་ན་བསམ་པའི་ཡུལ་དུ་གསལ་བའམ་ཡིད་ཀྱི་ཡུལ་དུ་གསལ་བ་ཞེས་བྱ། །དེ་ལྟར་གོམ་པའི་ལྷ་སྣང་ལ་བརྟན་པ་ཐོབ་ནས་འདི་ལྟར་ཡིན་ནོ་པའི་རྟོག་དཔྱོད་རྒྱས་འདེབས་མི་དགོས་པ་མིག་གི་དབང་པོ་སྐྱོན་མེད་ཀྱིས་ཡུལ་ལ་བལྟས་པ་ལྟར། རྟོག་མེད་ཞི་གནས་ཀྱི་རྩི་དང་མ་བྲལ་བའི་ངང་ནས་སྣང་ཆ་སྦྱན་གྱི་དཀར་ནག་ཚུན་ཆད་མ་འདྲེས་པར་གསལ་བ་ནི་མཐོང་བའི་ཡུལ་དུ་གསལ་བའམ་དབང་པོའི་ཡུལ་དུ་གསལ་བ་ཞེས་བྱ། མཐར་བསྐྱེད་རིམ་གྱད་དུ་གྱུར་ཏེ་རྣམ་སྨིན་རིག་འཛིན་ལ་སྦྱོར་བའི་དུས་སུ་སྣང་ཆ་ལྷའི་དཀྱིལ་འཁོར་དང་འདྲེས་ནས་རང་ངོར་ཐ་མལ་མ་དག་པའི་སྣང་བ་གཏན་དུ་མི་འཚང་ཞིང་སྒྱུ་ལུས་སམ་ཟུང་འཇུག་གི་ལྷ་སྐུ་མངོན་དུ་གྱུར་པའི་གནས་སྐབས་ནི། ལུས་ཀྱི་ཡུལ་དུ་གསལ་བའམ་རེག་པའི་ཡུལ་དུ་གསལ་བ་ཞེས་བྱ། འདིར་སྲོག་སྡོམ་གཟེར་བཞིའི་མན་ངག་ནི། འཁོར་འདས་ཀྱི་སྟོང་སྲོག་ལ་དབང་བསྒྱུར་བའི་མན་ངག་གི་གནད་ཡིན་ཏེ་དེ་ཡང་མར་འཁོར་བའི་གནས་སྐབས་ན་ལུས་ངག་ཡིད་གསུམ་བྱ་བ་དང་བཅས་པ་ཡར་སངས་རྒྱས་ཀྱི་གནས་སྐབས་ན་སྐུ་གསུང་ཐུགས་ཕྲིན་ལས་དང་བཅས་པ་དབྱེར་མེད་དུ་ལྟོ་སྦྱར་ནས་སྲོག་གཟེར་བུས་བསྡམས་པ་ལྟ་བུའི་གནད་ལ་འདྲིས་པའི་ཚེ་ན་འཁོར་འདས་ཐམས་ཅད་ལ་རང་དབང་བསྒྱུར་ནས་མ་དག་པའི་སྒོ་གསུམ་སྐུ་གསུང་ཐུགས་སུ་དག་སྟེ་ཞི་རྒྱས་དབང་དྲག་གི་ཕྲིན་ལས་བསམ་

― ZP04_Page_476 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་མི་ཁྱབ་པས་ད་ལྟ་ཉིད་ནས་སངས་རྒྱས་ཀྱི་མཛད་པ་སྒྲུབ་པ་ཡིན་པས་བསྐྱེད་རིམ་ལམ་གྱི་གནད་དོན་ནི། སྲོག་སྡོམ་གཟེར་བཞི་ཡིན་ལ། འདི་དང་བྲལ་བའི་ལམ་གཞན་ནི། ཡུགས་བརྐྱང་བ་ཞེས་བྱ་སྟེ། ཡུག་པ་ནི་རྐང་པའི་མིང་སྟེ། རྐང་པ་བརྐྱང་བའམ་ཐང་ཆད་པ་དོན་གཅིག་ལ། དོན་དུ་ངལ་ཞིང་དུབ་པ་ཙམ་ཁོ་ན་འབྲས་བུར་ཟད་དོ། །དེར་མ་ཟད་པ་སྒོམ་བྱའི་ལྷ་ལ་ཡེ་ཤེས་དང་འཇིག་རྟེན་པར་དབྱེ་བ་ཡང་སྟོང་ཉིད་རྟོགས་མ་རྟོགས་ལས་ཡིན་པས། དགོངས་པ་མི་འགྱུར་བ་ཆོས་ཉིད་ཀྱི་གཟེར་དང་ལྡན་ན་ནི་རྣམ་པ་འཇིག་རྟེན་གྱི་དྲེགས་པ་ལྟར་སྣང་བ་རྣམས་ཀྱང་བདག་བསྐྱེད་དུ་བྱར་ཡང་རུང་ལ། དེས་ཀྱང་མཆོག་གི་དངོས་གྲུབ་ཀྱང་སྟེར་བར་ནུས་སོ། །དགོངས་པ་མི་འགྱུར་བའི་གཟེར་མེད་བར་ལྷ་དང་རང་རྒྱུད་ཐ་དད་དུ་བལྟ་བའི་རིགས་ཅན་གྱིས་ནི་འཇིག་རྟེན་ལས་འདས་པའི་ཡི་དམ་བསྒོམ་ཡང་མཆོག་གི་དངོས་གྲུབ་སྟེར་མི་ནུས་ལ། ཁྲོ་ཆགས་ཀྱི་རྣམ་བར་བློ་འབྱོངས་པས་འཕྲལ་དུ་ཡང་རང་གི་རྒྱུད་མ་རུང་བར་འགྱུར་ཏེ་གདུག་རྩུབ་སོགས་སུ་ལས་ཆེ་ཞིང་སྙིང་རྗེ་མེད་པའི་དམར་ཆོག་སོགས་ཀྱིས་འཇིག་རྟེན་གྱི་འབྱུང་པོ་མཐུ་བོ་ཆེ་རྣམས་འགྲུབ་ཏེ་རང་ཉིད་ཀྱང་དེའི་དབང་དུ་སོང་ནས་གསང་སྔགས་སུ་བཏགས་ཀྱང་དོན་འབྱུང་པོའི་ཆོས་ལུགས་ཞེས་དུས་འཁོར་དུ་སྤངས་པ་བྱར་བསྟན་པ་དེ་ཁོ་ནར་སོང་ནས་བདུད་དང་སྲིན་པོར་གོལ་བ་དེ་འབྱུང་བ་ཡིན་ནོ། །ས་བཅད་བདུན་པ་སྤྱོད་ཡུལ་ལམ་དུ་ཁྱེར་བ་ནི་ཤེས་

― ZP04_Page_477 ―

^{[མ་དཔེ་གཟིགས་ན་འདིར་གནོན།]}

[Full Size]

སླའོ། །གཉིས་པ་བསྙེན་བསྒྲུབ་ཡན་ལག་བཞིའི་ཁོངས་སུ་རིག་འཛིན་བཞིའི་ས་ལམ་བགྲོད་ཚུལ་བསྟན་པ་ནི། སྤྱིར་བསྙེན་བསྒྲུབ་ཡན་ལག་བཞི་པོ་འདི་ཆོ་ག་ཚར་གཅིག་ལ་སྦྱར་བ་དང༌། སྒྲུབ་པའི་དུས་གྲངས་དང་སྦྱར་བ་སོགས་གང་ལྟར་སྦྱར་ཡང་རུང་མོད་ཀྱིས་འདིར་ལམ་གྱི་རིམ་པ་དང་སྦྱར་ནས་སྟོན་པ་སྟེ། དེ་ཡང་ཚོགས་ལམ་དུ་དབང་བསྐུར་གྱི་ལྷ་ངོ་བསྟན་ནས་གཏད་དེ་དབང་སྲོག་དམ་ཚིག་དང་མི་འགལ་བའི་སྒོ་ནས་ཡི་དམ་གྱི་ལྷ་དང་རང་རྒྱུད་དབྱེར་མེད་དུ་བསྙེན་ཏེ་ཚོགས་ལམ་གྱི་རྣལ་འབྱོར་བཞི་རྫོགས་ནས། །སྦྱོར་ལམ་དུ་སྤྱོད་པའི་བོག་འདོན་ལ་བསྟེན་པས་དྲོད་རྩེ་བཟོད་གསུམ་གྱི་ལམ་རྟགས་མངོན་དུ་བྱས་ནས་ཆོས་མཆོག་ཆེན་པོར་རྣམ་སྨིན་རིག་འཛིན་གྱི་གོ་འཕང་མངོན་དུ་བྱས་པ་ནི་བསྙེན་པ། མཐོང་ལམ་དུ་དོན་གྱི་འོད་གསལ་མངོན་སུམ་པ་རྒྱུད་ལ་སྐྱེས་ནས་འབྱུང་བ་སྙིགས་མའི་ལུས་ཡེ་ཤེས་ཀྱི་མེས་སྦྱང་ཏེ་སྐྱེ་འཆི་མེད་པའི་གོ་འཕང་བརྙེས་པ་ཡི་དམ་གྱི་ལྷ་དང་སྔ་རབས་ཀྱང་ཉེ་བས་ན་ཉེ་བསྙེན། བསྒོམ་ལམ་དུ་ཡི་དམ་གྱི་ལྷ་དང་རྣམ་པ་འདྲ་བའི་ཕྱག་རྒྱ་ཆེན་པོའི་རིག་འཛིན་མངོན་དུ་བྱས་ཏེ་རང་གཞན་གྱི་དོན་གཉིས་མཉམ་དུ་བསྒྲུབ་པས་ན་སྒྲུབ་པ། མཐར་ལམ་དུ་རང་དོན་ལམ་གྱི་རྩོལ་བ་ཆད་དེ་རྗེས་ཐོབ་དེ་བཞིན་གཤེགས་པ་དང་མཉམ་པའི་ཕྲིན་ལས་ཀྱི་འགྲོ་དོན་མཛད་པ་ནི་སྒྲུབ་པ་ཆེན་པོ་ཡིན་ནོ། །འདིའི་ཚོགས་ལམ་གྱི་སྐབས་སུ་འབྱུང་ལྔའི་རླུང་

― ZP04_Page_478 ―

^{[མ་དཔེ་གཟིགས་ན་འདིར་གནོན།]}

[Full Size]

དབུ་མར་ཞུགས་པའི་ཐུན་མོང་གི་རྟགས་ལྔ་ནི། ས་རླུང་དབུ་མར་ཞུགས་པས་དུ་བ་ལྟ་བུ། ཆུ་རླུང་དབུ་མར་ཞུགས་པ་སྨིག་སྒྱུ་ལྟ་བུ། མེ་རླུང་དབུ་མར་ཚུད་པས་མེ་ཁྱེར། རླུང་གི་རླུང་དབུ་མར་ཚུད་པས་མར་མེ། ནམ་མཁའི་རླུང་དབུ་མར་ཚུད་པས་ནམ་མཁའ་སྣང་སྟེ་ལྔ་པོ་ནི་སྣང་བའི་ཉམས་ཡིན་པས་དབང་པོའི་མངོན་སུམ་དུ་སྣང་ཞིང༌། མིག་གིས་གར་བལྟས་ཐམས་ཅད་དུ་བ་ལྟ་བུ་སྔོ་ཕྱུ་རུ་རུ་འོང་བ་དང༌། སྨིག་སྒྱུ་ལྟ་བུ་མེ་རེ་རེ་བྱེད་པ་དང༌། མེ་ཁྱེར་ལྟར་དམར་ཙིག་ཙིག་པ་དང༌། མར་མེ་འབར་བ་ལྟར་དམར་སེར་དུ་སྣང་བ་དང༌། སྤྲིན་མེད་པའི་ནམ་མཁའ་ལྟ་བུའི་དུམ་བུ་འཁོལ་བུར་སྣང་བ་སྟེ་དེ་དག་ཀྱང་གཙོ་བོ་མཉམ་བཞག་གི་སྐབས་ཁོ་ནར་སྣང་བ་ཡིན་ནོ། །སྦྱོར་ལམ་དྲོད་རྩེ་བཟོད་གསུམ་ནི་གོ་སླ་ལ། ཆོས་མཆོག་རྣམ་སྨིན་རིག་འཛིན་གྱི་སྐབས་སུ་རྒྱ་མིག་རྒྱ་ས་ཇི་བཞིན་དུ་ཞེས་པའི་རྒྱ་མིག་ནི་ཐེལ་ཚེའི་ངོའི་རི་མོ་དང༌། རྒྱས་ནི་ལ་ཅ་དང་སྦྲ་ཚིལ་སོགས་རྒྱ་འདེབས་ས་དེ་ཡིན་པས་དོན་དུ་ན་སཙྪ་སྐོལ་ཕོར་ནས་བྱུང་བའི་དཔེ་དང་སྦྱར་ཡང་འདྲ་སྟེ་སེམས་ལྷ་སྐུར་སྨིན་ཟིན་ཀྱང་རྣམ་སྨིན་གྱི་ལུས་རྟེན་དང་མ་བྲལ་བའི་དོན་ཡིན་ལ། དབང་བསྒྱུར་རིགས་ཀྱི་དམ་པ་ཞེས་པ་ནི། དབང་ཕྱུགས་ཆེན་པོ་ཞེས་པ་གཙང་རིས་ལྷའི་རྒྱལ་པོ་ཡིན་པས་དེ་དང་ཆ་མཐུན་པས་དྭངས་མ་འོད་ཀྱི་ལུས་རྟེན་འགྲུབ་ནས་གཟུགས་ཁམས་ཀྱི་ལྷ་དང་སྐལ་པ་མཉམ་པས་སམ། ཡང་ན་ཡི་

― ZP04_Page_479 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་གྱི་ལྷ་རྫོགས་པའི་སངས་རྒྱས་ལ་དབང་ཕྱུགས་ཆེན་པོ་ཞེས་བཤད་ཀྱང་ཆོག་གོ །ཚེ་དབང་རིག་འཛིན་གྱི་སྐབས་རྒྱུ་ཤེས་པའི་མཚན་ཉིད་ལྟ་བ་འཁོར་འདས་དབྱེར་མེད་ཀྱི་དོན་མཐོང༌། རྐྱེན་འཇུག་པའི་མཚན་ཉིད་ཏིང་ངེ་འཛིན་ཡིན་པས་ཚོགས་ལམ་གྱི་རྣལ་འབྱོར་བཞི་མཐར་ཕྱིན་པ་ཞིག་གིས། སྦྱོར་ལམ་ཚོམ་བུ་ཚོགས་སྒྲུབ་ལ་བརྟེན་ནས་སྤྱོད་པའི་བོག་འདོན་གྱིས་མཐོང་ལམ་ལ་སྦྱོར་བ་སྟེ་དེའི་ཚེ་ལུས་རང་དབང་མེད་པར་འདོར་བ་དང་ན་ཚ་ལ་སོགས་རང་དབང་མེད་པར་འབྱུང་བ་ལུས་ཀྱི་ཟག་པ། བསམ་གཏན་གྱི་སེམས་གྲུབ་ནས་བསམ་བཞིན་ཏུ་འདོད་ཁམས་སུ་སྐྱེ་བ་འཛིན་མི་ནུས་པ་ཁམས་ཀྱི་ཟག་པ། སྐྱེ་གནས་པ་ཞི་གང་རུང་དུ་རང་དབང་མེད་པར་འཇུག་པ་སྐྱེ་གནས་ཀྱི་ཟག་པ་གསུམ་ཟད་དེ་སྐྱེ་འཆི་མེད་པ་རྡོ་རྗེའི་ལུས་སུ་གྱུར་པ་ཡིན་ནོ། །ཆོ་འཕྲུལ་བཞི་ནི། དགོངས་འདུས་ལས་མི་འདྲ་བ་གཉིས་གསུངས་ཀྱང༌། ཀུན་བརྗོད། རྗེས་བསྟན། རྫུ་འཕྲུལ་གྱི་ཆོ་འཕྲུལ་གསུམ། ཆོས་སྣང་བའི་ཆོ་འཕྲུལ་དང་བཞི་པོ་འདི་འཆད་བདེ་སྟེ། དེ་ལྟར་ན་མངོན་པར་ཤེས་པས་གཞན་རྒྱུད་མཁྱེན་པ་ནི་ཐུགས་ཀུན་བརྗོད་པའི་ཆོ་འཕྲུལ། །རྫུལ་འཕྲུལ་གྱི་མི་དད་པ་དད་པར་བྱེད་པ་སོགས་གདུལ་བྱའི་སྣང་བ་བསྒྱུར་བ་ནི་རྫུ་འཕྲུལ་གྱི་ཆོ་འཕྲུལ། གདུལ་བྱ་གང་ལ་གང་འདུལ་དུ་ཐེག་གསུམ་གྱི་ཆོས་སྟོན་པ་ནི་གསུང་རྗེས་སུ་བསྟན་པའི་ཆོ་འཕྲུལ། །དེ་ལྟར་ཆོས་སྟོན་པའི་ཚེ་ས་ཆེན་པོ་རྣམ་པ་དྲུག་ཏུ་གཡོ་བ་དང༌།

― ZP04_Page_480 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟས་ཆེན་པོ་བཅོ་བརྒྱད་སྣང་བ་ལ་སོགས་པ་ནི་ཆོས་སྣང་བའི་ཆོ་འཕྲུལ་སྟེ་བཞི་ཡིན་ནོ། །བསྒོམ་ལམ་ཕྱག་ཆེན་རིག་འཛིན་གྱི་སྐབས་སུ་ས་དགུའི་དྲི་མ་ཞེས་པ་ནི་ས་གཉིས་པ་ཡན་ཆད་ཀྱི་བསྒོམ་ལམ་ས་དགུ་ཐུན་མོང་པ་ཡིན་ནོ། །མཐར་ལམ་ལྷུན་གྲུབ་རིག་འཛིན་གྱི་སྐབས་སུ་སངས་རྒྱས་ས་ཡི་ཤེས་རབ་གསུམ་ཞེས་པ་ནི་རིག་པ་གསུམ་དང་དོན་གཅིག་སྟེ། རྒྱ་ཆེ་རོལ་པ་ལས་བདག་ཅག་གི་སྟོན་པས་བྱང་ཆུབ་མངོན་དུ་མཛད་པའི་ཚེ་རིག་པ་གསུམ་པ་རྙེས་པར་གསུངས་པ་ལྟར་སྔོན་གྱི་མཐའི་བསྐལ་བ་བསམ་གྱིས་མི་ཁྱབ་པ་མཁྱེན་པ་སྔོན་གནས་རྗེས་དྲན་མཁྱེན་པའི་རིག་པ། སེམས་ཅན་གཞན་མ་ལུས་པ་འདི་ནས་ཤི་འཕོས་ནས་འདིར་སྐྱེ་ཞེས་པ་ལྟ་བུ་འཆི་འཕོ་དང་སྐྱེ་བ་བསམ་གྱིས་མི་ཁྱབ་པ་མཁྱེན་པ་འཆི་འཕོ་དང་སྐྱེ་བ་བསམ་གྱིས་མི་ཁྱབ་པ་མཁྱེན་པ་འཆི་འཕོ་དང་སྐྱེ་བ་མཁྱེན་པའི་རིག་པ། རང་གཞན་གྱི་རྒྱུད་ཀྱི་ཟག་པ་ཟད་མི་ཟད་ཐམས་ཅད་ཇི་བཞིན་དུ་མཁྱེན་པ་ནི་ཟག་པ་ཟད་པའི་རིག་པ་ཡིན་ཏེ། རིག་པ་གསུམ་པོ་འདི་ཉན་རང་དང་བྱང་སེམས་རྣམས་ལ་རྗེས་མཐུན་པ་ཙམ་ཡོད་ཀྱང་རྫོགས་པའི་སངས་རྒྱས་ཀྱི་རིག་པ་གསུམ་ནི་མཐར་ཕྱིན་པའམ་ཡོངས་སུ་རྫོགས་པ་ཡིན་པས་དེ་འདྲ་བ་གཞན་མེད་དོ། །ཐུན་མོང་མ་ཡིན་པའི་མཚན་དཔེ་ནི་རྒྱུད་བཤད་ལས་འབྱུང་བ་ལྟར་ཏེ། རང་སྣང་འོག་མིན་གྱི་ཞིང་དུ་ཡེ་ཤེས་གཅིག་གི་རྣམ་རོལ་ལས་ཞིང་དང་གཞལ་ཡས་གཙོ་འཁོར་ལ་སོགས་པར་སྣང་བའི་སྐབས་སུ་འཁོར་རིགས་ཆུང་གི་སེམས་དཔའ་བཅུ་དྲུག་ཡུམ་དང་བཅས་པ་ནི་མཚན་དང༌། ཡབ་རྣམས་ལ་

― ZP04_Page_481 ―

^{[མ་དཔེ་གཟིགས་ན་འདིར་གནོན།]}

[Full Size]

དབུ་རྒྱན་གྱི་ལྷ་ལྔ་རེ་ཡོད་པ་ནི་དཔེ་བྱད་དེ་ནང་གི་མཚན་དཔེའོ། །ཡབ་ཡུམ་ཀྱི་དགའ་བར་ཞི་རེ་རེ་ལའང་ནང་གསེས་ཀྱི་དགའ་བ་བཞི་བཞི་སྟེ་བཅུ་དྲུག་ཕྲག་གཉིས་ནི་མཚན་དང༌། ཡབ་ཀྱི་དགའ་བ་རེ་རེ་ཡང་ཡེ་ཤེས་ལྔ་ལྔའི་རོ་ཉམས་དང་ལྡན་པས་བཅུ་དྲུག་པ་ཕྲག་ལྔ་དཔེ་བྱད་དེ་གསང་བའི་མཚན་དཔེ་ཡིན་ནོ། །མཛད་པ་བཅུ་གཉིས་འདི་ལ་འདྲ་མིན་འགའ་རེ་སྣང་རུང་རྒྱུད་བླ་མའི་ལུང་གི་རྗེས་སུ་འབྲང་བའམ། ཡོངས་གྲགས་པ་གཉིས་གང་ལྟར་བྱས་ཀྱང་ཆོག་གོ །སྤྱི་དོན་གསུམ་པ་འབྲས་བུའི་རྣམ་པར་བཞག་པ་ཟུང་འཇུག་གི་གོ་འཕང་ལ་འབྲས་བུའི་ངོ་བོ་སྤྱིར་བསྟན་པ་དང༌། སྔགས་ཀྱི་ཁྱད་ཆོས་བྱེ་བྲག་ཏུ་བཤད་པ་གཉིས་ལས། དང་པོའི་དོན་གཞུང་ནས་རྒྱས་པར་བཤད་པས་ཅུང་ཟད་གོ་སླ་ལ། དེ་དག་གི་དོན་ཚིག་འབྲེལ་དུ་བཤད་ན་ཧ་ཅང་མང་བར་འགྱུར་བས་མ་བྲིས་ལ་དཀའ་གནས་ཟུང་པ་ཡང་མེད་དམ་སྙམ་མོ། །གཉིས་པ་སྔགས་ཀྱི་ཁྱད་ཆོས་བཤད་པ་ནི། སྤྱིར་མདོ་སྔགས་གཉིས་པོ་ལམ་ཉེ་རིང་ཙམ་ལས་འབྲས་བུ་སངས་རྒྱས་ཀྱི་གོ་འཕང་ཐོབ་པ་ལ་ཁྱད་མེད་པར་བཞེད་པ་དང༌། གསང་སྔགས་རྡོ་རྗེ་ཐེག་པའི་ལམ་ལ་མ་བསྟེན་པར་མཐར་ཐུག་རྫོགས་པའི་བྱང་ཆུབ་ཀྱི་གོ་འཕང་མངོན་དུ་བྱེད་མི་ནུས་པར་འདོད་པ་དང༌། མདོ་ལམ་ནས་རང་ལམ་གྱི་ས་བཅུ་གཅིག་ཀུན་ཏུ་འོད་ཀྱི་སའི་བར་འགྲོ་ནུས་ཀྱང་མདོ་ལམ་གྱི་སངས་རྒྱས་བཏགས་པ་བདེས་སྔགས་སུ་བསྟན་པའི་སྐུ་དང་ཡེ་ཤེས་རྒྱ་མཚོའི་བདག་

― ZP04_Page_482 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིད་ཟུང་འཇུག་རྡོ་རྗེ་འཆང་གི་གོ་འཕང་མཚན་ཉིད་པ་དེའི་དོད་མི་ཐུབ་པས་མདོ་སྔགས་ཀྱི་སངས་རྒྱས་ལ་ཁྱད་པར་དབྱེ་བའི་ལུགས་དང་གསུམ་ལས། ཕྱི་མ་གཉིས་པོ་འདི་ལེགས་པར་བརྟགས་ན་དགོངས་པའི་གནད་གཅིག་ཏུ་འབབས་པ་ཡིན་ཏེ། བཞེད་པ་སྔ་མས་ཀྱང་མདོ་ལམ་དུ་མི་སློབ་པའི་ལམ་བཅུ་གཅིག་ཀུན་ཏུ་འོད་ཀྱིས་སངས་རྒྱས་ཀྱི་གོ་འཕང་མཐར་ཐུག་གི་བསྒྲུབ་བྱར་བསྟན་པར་ནི་བཞེད་དགོས་ལ། མདོ་རང་ལམ་ནས་བཤད་པའི་འབྲས་བུ་དེ་ལམ་དེའི་ཐོབ་མི་ནུས་ན་ནི་ལམ་དང་འབྲས་བུ་ཡ་བྲལ་བ་མུ་སྟེགས་བྱེད་ཀྱི་ཐར་ལམ་ལྟར་འགྱུར་བས་མཚན་ཉིད་ཐེག་པ་ལ་སྐུར་བ་མི་བཟད་པ་བཏབ་པར་འགྱུར་ལ། ཕྱི་མས་ཀྱང་མདོ་ལམ་ནས་བཤད་པའི་སངས་རྒྱས་ཀྱི་གོ་འཕང་དེ་སྒྲུབ་ཟིན་ནས་སྔགས་ལམ་དུ་ད་བཟོད་ངེས་པ་ཞུགས་ཏེ་ཟུང་འཇུག་རྡོ་རྗེ་འཆང་གི་གོ་འཕང་ཐོབ་པ་ནི་བཞེད་དགོས་ལ། དེ་ལྟར་མ་ཡིན་པ་མདོ་ལམ་གྱི་སངས་རྒྱས་དེ་ཡང་རང་ལམ་གྱི་མཐར་ཐུག་པ་ཡིན་ཞིང༌། དེ་སྔགས་ལམ་དུ་མི་འཇུག་པར་བཞེད་ན་ནི་མཐར་ཐུག་ཐེག་པ་གཉིས་སུ་འགྱུར་ཞིང༌། སྔགས་ཀྱི་ཐེག་པ་ཐེག་པ་གསུམ་དུ་མི་འདུ་བའི་སྐྱོན་དུ་འགྱུར་རོ། །དེས་ན་བཞེད་པ་གཉིས་པོ་མཁས་གྲུབ་དུ་མའི་བཞེད་པ་ཡིན་ཞིང་ཁྱད་པར་མདོ་སྔགས་ཀྱི་སངས་རྒྱས་ལ་ཁྱད་འབྱེད་པ་ནི་སྒྱུ་འཕྲུལ་དང་མཚན་བརྗོད་ཀྱི་ལུང་གིས་ཀྱང་སྒྲུབ་ཏུ་ཡོད་ལ། འཕགས་ཡུལ་གྱི་སློབ་དཔོན་སངས་རྒྱས་ཡེ་ཤེས་ཞབས་ཀྱི་རྩལ་དུ་བཏོན་ནས་བཤད་ཅིང༌། དེ་ལས་གཞན་

― ZP04_Page_483 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ལུང་ཡང་དུ་མ་ཡོད་པས་གནས་སྐབས་ཀྱི་འདོད་པ་གྱི་ན་ཙམ་དུ་བལྟ་བ་ནི་མི་བྱའོ། །དེ་ལྟར་ཀུན་མཁྱེན་བརྒྱུད་པའི་ལེགས་བཤད་གཞུང༌། །ཚིག་གཅིག་ཐོས་པའི་སྐལ་བཟང་བསམ་འདས་ན། །འཆད་རྩོད་རྩོམས་པས་གཏན་ལ་འབེབས་པ་འདི། །བསྐལ་མར་བསོད་ནམས་མཐུ་ལས་ཡིན་ནོ་སྙམ། །དེ་སླད་ཐོས་དང་བསམ་དང་བསྒོམ་པ་ཡིས། །རང་བློ་ངེས་པ་རྙེད་པ་ཅུང་མེད་ཀྱང༌། །སྐལ་བཟང་དོན་མཐུན་འགའ་ལ་ཕན་བློ་དང༌། །རང་ཉིད་གོམས་པ་སྐྱེ་ཕྱིར་སྙམ་ནས་བྲིས། །ཐོས་པའི་མཐའ་རྒྱ་ཆོད་པའི་མཁས་པ་དང༌། །སྒོམ་པའི་ཉམས་མྱོང་ཡོད་པའི་རྣལ་འབྱོར་དང༌། །བརྒྱུད་པའི་མན་ངག་ཡོད་པའི་སྐལ་བཟང་རྣམས། །ཚུལ་འདི་གཟིགས་ནས་ཐུགས་བརྩེས་བྱི་དོར་མཛོད། །མ་རྟོགས་ལོགས་རྟོགས་ཕྱོགས་ཙམ་རྟོགས་པའི་དྲིས། །བསླབ་པའི་སྐྱོན་ཏུ་གྱུར་པ་ཚར་བཅད་ནས། །ཀུན་མཁྱེན་བརྒྱུད་པའི་ལེགས་བཤད་གསལ་ནུས་པའི། །གཞུང་བརྒྱ་འབྱེད་པར་མཁས་རྣམས་ཀུན་ལ་བསྐུལ། །འདི་དུ་ལེགས་པར་བཤད་པའི་ཆ་མཆི་ན། །དགེ་ཚོགས་ཐུབ་བསྟན་སྙིང་པོ་གསལ་བ་དང༌། །དེར་འཛིན་བཤད་སྒྲུབ་འཁོར་ལོས་དུས་འདའ་བའི། །མཆོག་གསུམ་ཡུན་ཏུ་གནས་པའི་རྒྱུ་རུ་བསྔོ། །ཞེས་པའང་སྐྱེས་སྦྱངས་ཀྱི་བློ་གྲོས་རྣམ་པར་གསལ་བ་དཔལ་རི་བ་ལྷུ་འགྲུབ་རྡོ་རྗེའི་བཀས་བསྐུལ་ངོར་བག་མེད་ཨ་བུ་ཧྲལ་པོས་གང་དྲན་དུ་བྲིས་པའོ།། །།དགེའོ།། །།སརྦ་མངྒ་ལཾ།།

སྲོག་སྡོམ་གཟེར་བཞིའི་དམིགས་པའི་གནད་འགགས་ཁམས་གསུམ་རོལ་པའི་ཚངས་པའི་སྒྲ་དབྱངས།

― ZP04_Page_485 ―

^{[མ་དཔེ་གཟིགས་ན་འདིར་གནོན།]}

[Full Size]

སྲོག་སྡོམ་གཟེར་བཞིའི་དམིགས་པའི་གནད་འགགས་ཁམས་གསུམ་རོལ་པའི་ཚངས་པའི་སྒྲ་དབྱངས་ཞེས་བྱ་བ་བཞུགས་སོ།། །།

― ZP04_Page_486 ―

^{[མ་དཔེ་གཟིགས་ན་འདིར་གནོན།]}

[Full Size]

གསང་བ་མཆོག་གི་དགྱེས་པ་ན། །མི་འགྱུར་ཀུན་ཁྱབ་རྟག་ཏུ་བཞུགས། །རྡོ་རྗེ་སེམས་དཔའ་བདེ་བ་ཆེ། །རིགས་ཀྱི་བདག་པོ་ལ་ཕྱག་འཚལ། །གང་ཞིག་གང་གིས་རྣམ་གྲོལ་སར། །མིང་ལ་ལྕགས་ལ་རྩི་བཞིན་དུ། །ཡུད་ཀྱིས་གྲོལ་བའི་ཐབས་རྨད་བྱུང༌། །ཐེག་མཆོག་རྡོ་རྗེ་འདི་ཁོ་ན། །ཟུང་དུ་འཇུག་པ་རྡོ་རྗེའི་ལམ། །ཐབས་དང་ཤེས་རབ་བསྐྱེད་དང་རྫོགས། །རིམ་པ་གཉིས་སུ་གང་སྨོས་པ། །དང་པོའི་སྲོག་ནི་གཟེར་བཞིས་སྡོམ། །དེ་ལ་འདི་སྐད་ཅེས་བྱ་སྟེ། །རྒྱལ་ཀུན་ཐུགས་ཀྱི་གསང་མཆོག་གང་ཡིན་པ། །རྡོ་རྗེའི་རང་བཞིན་བདེ་བ་ཆེན་པོ་དགྱེས། །འཁོར་འདས་ཀུན་ལ་གནས་ཏེ་འཕོ་འགྱུར་མེད། །རྡོ་རྗེ་སེམས་དཔའ་རིགས་བདག་

― ZP04_Page_487 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཕྱག་བྱས། །སྐལ་ལྡན་ལམ་འདིས་རྣམ་གྲོལ་སར་ཡུད་ཀྱིས། །གྲོལ་ནུས་གསང་ཆེན་ཆོ་ག་ཐབས་རྨད་པོ། །བསྐྱེད་དང་རྫོགས་དང་ཟུང་འཇུག་ལམ་གསུམ་ལས། །བསྐྱེད་རིམ་ལམ་ཀུན་སྲོག་སྡོམ་གཟེར་བཞིར་འདུས། །དེ་ཡང་འདི་སྐད་ཅེས་དང་པོ་རྡོ་རྗེ་སེམས་དཔའ་ལ་ཕྱག་བྱས་ནས་དོན་དུ་འདི་སྨོས་ཏེ། གང་ཞིག་སྐལ་པ་དང་ལྡན་པའི་གང་ཟག། གང་གིས་ན་རྡོ་རྗེ་ཐེག་པའི་ལམ་གྱིས། གང་དུ་ན་རྣམ་པར་གྲོལ་པ་སངས་རྒྱས་ཀྱི་སར། ཚུལ་ཇི་ལྟར་དཀའ་ཚེག་མེད་པར་མི་ངལ་བར། དཔེ་ཇི་ལྟར་ན་ལྕགས་ལ་གསེར་འགྱུར་རྩི་བཏབ་པ་བཞིན་དུ། དུས་ནམ་གྲོལ་ན་ཡུན་དུ་མི་འགོར་བར་ཡུད་ཀྱིས་ཚེ་ལུས་གཅིག་གིས་གྲོལ་ནུས་པའི་ཐབས་རྨད་དུ་བྱུང་བ་དེ་ནི་

― ZP04_Page_488 ―

^{[མ་དཔེ་གཟིགས་ན་འདིར་གནོན།]}

[Full Size]

ཐེག་པ་ཀུན་གྱི་མཆོག་རབ་གསང་སྔགས་རྡོ་རྗེ་ཐེག་པ་འདི་ཁོ་ན་ཡིན་ཏེ། འདིའི་ལམ་ཐམས་ཅད་བསྡུས་ན་ཟུང་དུ་འཇུག་པ་རྡོ་རྗེའི་ལམ་དུ་འདུ་སྟེ། གང་ཟུང་དུ་འཇུག་ན་ཐབས་དང་ཤེས་རབ་བསྐྱེད་རིམ་དང་རྫོགས་རིམ་སྟེ་རིམ་པ་གཉིས་སུ་འདུ་བ་ལས་དང་པོ་ཐབས་བསྐྱེད་པའི་རིམ་པ་ཐམས་ཅད་ཀྱི་སྲོག་ནི་སྲོག་གི་གཟེར་བཞིས་སྡོམ་པས་ན་བསྐྱེད་རིམ་གྱི་ལམ་ཐམས་ཅད་འདིར་མ་འདུས་པ་ཅུང་ཟད་ཀྱང་མེད་ལ་འདི་མ་ཤེས་ན་བསྐྱེད་རིམ་མ་ཤེས་པ་ཡིན་པས་དེའི་ཚུལ་གོ་བདེ་མདོར་བསྡུས་སུ་བཤད་ན། ཐ་མལ་ལུས་སེམས་བྱ་བ་དག་ནས་སྐུ་གསུང་ཐུགས་ཕྲིན་ལས། མངོན་དུ་བྱེད་པ་རྡོ་རྗེའི་ལམ་ལ་ལྷ་སྔགས་ཆོས་ཉིད་འཕྲོ་འདུར་འདུས། ལུས་སྦྱོང་རྒྱལ་བའི་སྐུར་སྨིན་ཏིང་ངེ་འཛིན་ནི་རྡོ་རྗེའི་ལམ། ངག་གི་སྒྲིབ་སྦྱོང་བཟླས་པས་རྒྱལ་བའི་གསུང་ཉིད་ཐོབ། སེམས་ཉིད་གྲོལ་བྱེད་དགོངས་པ་མི་འགྱུར་ཐུགས་ཀྱི་སྒྲུབ་བྱེད་གསང་བ་སྟེ། བྱ་བ་གནས་དག་ཕྲིན་ལས་མཆོག་སྒྲུབ་འཕྲོ་འདུའི་གཟེར་བཞིར་འདུས། ཞེས་བྱ་སྟེ། བསྐྱེད་རིམ་གྱི་ལམ་ཐམས་ཅད་མར་འཁོར་བ་དང་གནས་ཚུལ་མཐུན་པས་དེ་དང་དེའི་བག་ཆགས་སྦྱོང་ཤིང་དག །ཡར་མྱང་འདས་དང་བཞུགས་ཚུལ་མཐུན་པས་སངས་རྒྱས་ཀྱི་མཛད་པ་ལམ་དུ་བྱེད་པས་འབྲས་བུ་གཞི་ལ་རྫོགས། བར་དུ་རྫོགས་རིམ་གྱི་གནད་དང་མཐུན་བསལ་མ་རིག་པ་གཉིས་པའི་སྨིན་བྱེད་དུ་འགྲོ་བ་སྟེ་དག་རྫོགས་སྨིན་གསུམ་ཤེས་དགོས་ལ། དེ་ལྟར་ཐབས་བསྐྱེད་རིམ་གྱི་ལམ་ནི་སྲོག་

― ZP04_Page_489 ―

^{[མ་དཔེ་གཟིགས་ན་འདིར་གནོན།]}

[Full Size]

སྡོམ་གཟེར་བཞིར་འདུ་བ་ལས། དང་པོ་ཏིང་ངེ་འཛིན་ལྷ་ཡི་གཟེར། གཉིས་པ་བཟླས་པ་སྔགས་ཀྱི་གཟེར། གསུམ་པ་ཆོས་ཉིད་ཀྱི་གཟེར། བཞི་པ་འཕྲོ་འདུ་ཕྲིན་ལས་ཀྱི་གཟེར་ཏེ་བཞི་ཡིན་ལ། །དང་པོ་ཏིང་ངེ་འཛིན་གྱི་གཟེར་ནི། དབྱིངས་སྟོང་པ་ཆེན་པོའི་ངང་སྤྲོས་བྲལ་དུ་མཉམ་པར་འཇོག་པ་དེ་བཞིན་ཉིད་རྡོ་རྗེ་ལྟ་བུ། དེ་ལྟར་མ་རྟོགས་པའི་འགྲོ་ལ་སྙིང་རྗེ་སྒྱུ་མ་ལྟར་སྒོམ་པ་ཀུན་སྣང་སྒྱུ་མ་ལྟ་བུ། །དེའི་རྩལ་ལྷ་གང་ཡང་རུང་བའི་ཐུགས་སྲོག་གི་ཡི་གེ་ལྟར་སྒོམ་པ་རྒྱུད་པ་འབར་འགྲོ་བའི་ཏིང་ངེ་འཛིན། དེ་གསུམ་ལ་གཞི་བྱས་ནས་སྐྱེ་གནས་བཞི་གང་རུང་གི་བག་ཆགས་སྦྱོང་བ་དང་འབྲེལ་བར་ཕྱི་སྣོད་གཞལ་ཡས་དང་ནང་བཅུད་ལྷ་རུ་གསལ་བའི་རང་ལུས་ལྷ་སྐུ་སྒྱུ་མ་ལྟ་བུ་སྣང་ཆ་ནས་སྤྱན་ཀྱི་དཀར་ནག་ཚུན་མ་འདྲེས་ཡོངས་རྫོགས་སུ་གསལ་ལ་སྟོང་ཆ་ན་རང་བཞིན་དུ་གྲུབ་པ་སྤུ་ཙམ་ཡང་མེད་པར་སྣང་སྟོང་ཟུང་འཇུག་ཆེན་པོ་བཀྲ་ལམ་གྱིས་གསལ་བཏབ་ལ། ཡེ་ཤེས་ལྔའི་དབང་བསྐུར་ཞིང་སྐུ་གསུང་ཐུགས་ཀྱི་རྒྱས་གདབ་སོགས་ཡན་ལག་ཚང་བར་བྱེད་པ་ཡིན་ཏེ། དེས་ནི་མར་འཁོར་པའི་གནས་སྐབས་ན་སྐྱེ་གནས་བཞིར་སྐྱེས་པའི་ལུས་ཀྱི་བག་ཆགས་སྦྱོང་ཞིང་དག་པར་བྱེད། ཡར་སངས་རྒྱས་ཀྱི་གནས་སྐབས་ན་སྐུའི་གསང་བ་བསམ་གྱིས་མི་ཁྱབ་པ་ཞལ་ཕྱག་མཚན་མ་ལས་འདས་པ་དང༌། སྐུ་རྣམ་པ་ཐམས་ཅད་པ་གང་ལ་གང་འདུལ་དུ་སྣང་བའི་

― ZP04_Page_490 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲས་བུ་གཞི་ལ་རྫོགས། བར་ལམ་གྱི་གནས་སྐབས་ན་རྩ་ཡི་དྲྭ་བ་དག་པ་ལྷ་རུ་སྦྱངས་པས་རྡོ་རྗེའི་ལུས་ལ་གནད་དུ་བསྣུན་པའི་རྫོགས་རིམ་ཐམས་ཅད་ཀྱི་སྨིན་བྱེད་དུ་འགྲོ། །གཉིས་པ་སྙིང་པོ་སྔགས་ཀྱི་གཟེར་ནི། དེ་ལྟར་གསལ་བའི་ལྷ་ཚོགས་ཐམས་ཅད་ཀྱི་ཐུགས་ཀར་རང་འདྲའི་ཡེ་ཤེས་སེམས་དཔའ་རྒྱན་དང་ཕྱག་མཚན་སྤང་པ་རེ་རེའི་ཐུགས་ཀར་ཏིང་ངེ་འཛིན་སེམས་དཔའ་ཐུགས་སྲོག་ཡི་གེའི་རྣམ་པར་གནས་པའི་མཐའ་བསྐོར་དུ་མདུན་ནས་བརྩམ་སྟེ་ལྷ་རང་རང་གི་སྙིང་པོ་བཟླས་པ་ལས་ཀྱི་སྔགས་ཕྲེང་གིས་མཐའ་བསྐོར་བ་ལ་སེམས་རྩེ་གཅིག་ཏུ་གཏད་དེ་ངག་བཟླས་འབྲུ་འབུམ་ལྟ་བུ་གྲངས། ཟླ་བ་ལྟ་བུ་དུས། ཞལ་མཐོང་ལ་སོགས་མཚན་མ་དང་སྦྱར་ནས་བཟླས་ཤིང༌། ཁྱད་པར་འབྱིན་འཇུག་གནས་གསུམ་སྔགས་སུ་ཤེས་པས་རྡོ་རྗེའི་བཟླས་པ་ལ་བརྩོན་པར་བྱེད་པ་ཡིན་ཏེ། དེས་ནི་མར་འཁོར་བའི་གནས་སྐབས་ན་བརྗོད་པ་སྒྲའི་རང་བཞིན་འགྲོ་བའི་ངག་གི་བག་ཆགས་དག་པར་བྱེད། ཡར་དག་པ་སངས་རྒྱས་ཀྱི་དུས་ན་གསུང་གི་གསང་བ་བསམ་གྱིས་མི་ཁྱབ་པ་སྒྲ་ཚིག་བརྗོད་པ་ལས་འདས་པ་གསུང་རྣམ་པ་ཐམས་ཅད་པ་ཐེག་པ་བསམ་གྱིས་མི་ཁྱབ་པར་འཆར་བའི་འབྲས་བུ་གཞི་ལ་རྫོགས། བར་ལམ་ཉམས་སུ་ལེན་པའི་དུས་ན་ངག་རླུང་གི་རང་བཞིན་སྙིང་པོ་སྔགས་ཀྱི་རང་བཞིན་དུ་སྦྱངས་པས་ཕ་རྒྱུད་ལྟར་རླུང་ལ་རྟེན་པའི་

― ZP04_Page_491 ―

^{[མ་དཔེ་གཟིགས་ན་འདིར་གནོན།]}

[Full Size]

རྫོགས་རིམ་ཐམས་ཅད་ཀྱི་སྨིན་བྱེད་དུ་འགྲོ། །གསུམ་པ་དགོངས་པ་མི་འགྱུར་བའི་གཟེར་ཆོས་ཉིད་ཀྱི་ལྟ་བས་རྩིས་ཟིན་པ་ལ་བྱ་སྟེ། དེ་ལྟར་སྣང་གྲགས་སྣོད་བཅུད་ཐམས་ཅད་ལྷ་སྔགས་གཞལ་ཡས་སུ་ལྷུན་གྱིས་གྲུབ་པར་གསལ་བ་དེ་ཡང་འདུས་བྱས་བློས་སྤྲུལ་གྱི་བཀོད་པ་མིན་པར་དོན་དམ་པའི་ཆོས་ཉིད་དག་མཉམ་སྟོང་པ་ཆེན་པོའི་རང་རྩལ་སྣང་སྲིད་གཞིར་བཞེངས་ཀྱི་དཀྱིལ་འཁོར་དུ་གནས་པ་ལ་བདག་གཞན་དང༌། དམ་ཡེ་བསྒྲུབ་བྱ་སྒྲུབ་བྱེད། དག་དང་མ་དག་ཐ་དད་གཉིས་ཆོས་སུ་འཛིན་པ་ཅུང་ཟད་ཀྱང་མེད་པར་གཉིས་མེད་མཉམ་པ་ཆེན་པོའི་ཀློང་དུ་འཁོར་འདས་ཡེ་སངས་རྒྱས་པའི་དཀྱིལ་འཁོར་ན་བདག་དང་ལྷ་ཞེས་ཐ་དད་དུ་འཛིན་པ་ཅུང་ཟད་ཀྱང་མེད་དེ། བདག་གི་ཆོས་ཉིད་རྣམ་པར་དག་པ་ལྷ་ཡི་རང་བཞིན་དུ་ལྷའི་ཐུགས་ཡེ་ཤེས་ཆེན་པོ་རང་དང་ཡེ་ནས་དབྱེར་མེད་དུ་གནས་པ་སྟེ་དོན་དུ་ན་མཉམ་ཉིད་རྡོ་རྗེ་དབྱིངས་ཀྱི་དཀྱིལ་འཁོར་ལ་བསླབ་པ་སྟེ། འདིའི་ཚུལ་ཚིགས་སུ་བཅད་པ། །གང་གི་རང་བཞིན་གཉིས་མེད་བདེ་བ་ཆེ། །རྡོ་རྗེ་སེམས་དཔའ་ནམ་མཁའ་ལྟ་བུའི་ཀློང༌། །ནམ་མཁའ་མི་མཚོན་མཚོན་པ་ཐ་སྙད་ཙམ། །དོན་འདི་རྟོགས་ན་འཁོར་འདས་གཉིས་མེད་དེ། །ཡེ་ནས་སངས་རྒྱས་སྲིད་པ་མིང་ཙམ་ལུས། །སྐྱེ་མེད་ཀློང་ན་རྒྱལ་ཀུན་ཐུགས་རྡོ་རྗེ། །འདུ་འབྲལ་མེད་པའི་ཆོས་ཉིད་དབྱིངས་དག་པ། །སྣང་བ་ལྷ་

― ZP04_Page_492 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན་ལྷ་ལས་སྣང་མི་དམིགས། །གྲགས་པ་སྔགས་ཡིན་སྔགས་ལས་སྦྲ་མེད་དོ། །ལྷ་སྔགས་མ་གྲུབ་དག་མཉམ་ཆོས་སྐུའི་ངང༌། །བདག་དང་གཞན་དུ་འཛིན་པ་ཡོད་མིན་ཏེ། །སྟོང་དང་མི་སྟོང་འདི་ལ་ཅི་ཞིག་ཡོད། །བློ་ལས་འདས་སོ་ཐེག་པའི་རྒྱལ་པོའི་ལམ། །འདི་དང་རྣམ་པ་ཀུན་ཏུ་འབྲལ་མི་བྱ། །འདི་བྲལ་བསྐྱེད་པའི་ལྷ་དེ་འཆིང་བའི་རྒྱུ། འདིས་མར་འཁོར་བའི་གནས་སྐབས་ནང་ན་སེམས་བག་ཆགས་རང་རིག་རང་གསལ་དུ་གནས་པའི་ཆ་དག་པར་བྱེད། ཡར་སངས་རྒྱས་ཀྱི་དུས་ན་ཐུགས་ཀྱི་གསང་བ་བསམ་གྱིས་མི་ཁྱབ་པ་དམིགས་བསམ་སྤྲོས་དང་བྲལ་བའི་ཆོས་ཉིད་དང༌། ཐུགས་རྣམ་པ་ཐམས་ཅད་པ་མངོན་ཤེས་བསམ་གྱིས་མི་ཁྱབ་པའི་འབྲས་བུ་གཞི་ལ་རྫོགས། བར་ཉམས་སུ་ལེན་པའི་གནས་སྐབས་ན་སྣང་སྟོང་གཉིས་སུ་མེད་པའི་ཆོས་ཉིད་ལ་གོམས་པའི་ཀུན་རྫོབ་དང་དོན་དམ་བྱང་ཆུབ་ཀྱི་སེམས་ལ་བསྟེན་པའི་བདེ་གསལ་སྟོང་པ་ཉིད་ཀྱི་རྫོགས་རིམ་བསྒོམ་པའི་སྨིན་བྱེད་དུ་འགྲོ། །བཞི་པ་འཕྲོ་འདུ་དམིགས་པའི་གཟེར་ནི། མཆོག་ཐུན་ཕྲིན་ལས་བཞི་སྒྲུབ་པའི་ཐབས་ཀྱི་བྱེ་བྲག་ལ་བྱ་སྟེ་སྣོད་བཅུད་ལྷའི་དཀྱིལ་འཁོར་དུ་གསལ་བ་ཐམས་ཅད་ཐུགས་ཆོས་ཉིད་ཀྱི་དགོངས་པ་ལས་གཡོ་འགུལ་མེད་བ། གསུང་སྙིང་པོ་སྔགས་ཀྱི་སྦྲ་གདྭངས་གཞོམ་མེད་ཡན་ལག་དྲུག་ཅུའི་དབྱངས་སུ་བསྒྱུར་ཤིང་སྐུ་ཞི་བའི་ཚུལ་དགུ་དང་ཁྲོ་བོ་གར་དགུའི་རྣམ་རོལ་དུ་བཞུགས་

― ZP04_Page_493 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་སྐུའི་ཆ་དང༌། ཐུགས་ཀའི་སྔགས་ཕྲེང་ལས་འོད་དང་འོད་ཟེར་གྱི་ཕུང་པོ་དཀར་ལ་འཚེར་བ་སེར་ལ་སྣུམ་པ་དམར་ལ་བཀྲགས་པ་ལྗང་ལ་གནག་པ་དཔག་ཏུ་མེད་པ་འཕྲོས། །དུས་གསུམ་ཕྱོགས་བཅུའི་རྒྱལ་བ་སྲས་དང་བཅས་པ་དཀྱིལ་འཁོར་གྱི་འཁོར་ལོའི་རྣམ་པར་གནས་པ་ལ་མཆོད་བྱ་དང་མཆོད་བྱེད་ཐ་དད་དུ་མེད་པ་འཕྲུལ་དགའ་རྣམ་རོལ་དུ་མཆོད་པས་བདེ་སྟོང་ཡེ་ཤེས་ཆེན་པོའི་རོས་ཚིམས། རང་སྣང་ཡེ་ཤེས་ཀྱི་སྣང་ཆར་འཁོར་བ་མིང་ཙམ་ཡང་མི་དམིགས་ཀྱང༌། གཞན་སྣང་སེམས་ཀྱི་སྣང་བར་ཡུལ་དོན་ལུས་སུ་ཨ་འཐས་པའི་མེད་སྣང་སྒྱུ་མའི་འགྲོ་ཁམས་རིགས་དྲུག་གི་གནས་རིས་བསམ་གྱིས་མི་ཁྱབ་པ་ཇི་སྙེད་ཡོད་པ་ཀུན་ཏུ་ཐབས་ལ་མཁས་པའི་འོད་ཟེར་དེས་རེག་པས་འཁྲུལ་འཛིན་མ་རིག་པའི་ཆ་ཐམས་ཅད་སྐད་ཅིག་ལ་སངས་ཏེ། ལུས་ཐམས་ཅད་ལྷ་སྐུ། ངག་ཐམས་ཅད་སྙིང་པོ། །ཡིད་ཐམས་ཅད་ཆོས་སྐུའི་དགོངས་པ་འཕོ་འགྱུར་མེད་པར་སངས་རྒྱས་པ་སྟེ་སྲིད་པ་ཞེས་བྱ་བའི་མིང་ཡང་མེད་པར་ཤེས་པ་ནི་མཆོག་གི་དངོས་གྲུབ་གཙོ་བོར་བྱེད་པ་དོན་གཉིས་ལྷུན་གྲུབ་ཀྱི་རྣལ་འབྱོར་པ་ཞེས་བྱ། འོད་ཟེར་དེ་དག་གི་བྱེད་པས་གནས་སྐབས་སུ་དཀར་པོ་ཞི་བ། སེར་པོ་རྒྱས་པ། དམར་པོ་དབང༌། ལྗང་གུས་དྲག་པོའི་ཕྲིན་ལས་སྒྲུབ་པ་དང་དམིགས་པའི་སྤྲོ་བསྡུ་དང་ཕྲིན་ལས་ཀྱི་མདེ་ཁ་བསྒྱུར་བ་ཐུན་མོང་གི་གྲུབ་པ་བརྒྱད་ལ་སོགས་བསྒྲུབ་པ་སྟེ་འདིས་མར་

― ZP04_Page_494 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་བའི་གནས་སྐབས་ན་ལུས་ངག་ཡིད་ཀྱི་བྱ་བ་དགྲ་འདུལ་གཉེན་སྐྱོང་ཚོང་སོ་ནམ་ལ་སོགས་པའི་རྣམ་པ་སྦྱོང་ཞིང་དག་པར་བྱེད། ཡར་དག་པ་སངས་རྒྱས་ཀྱི་གནས་སྐབས་ན་སྐུ་གསུང་ཐུགས་རྣམ་པ་ཐམས་ཅད་པའི་ཕྲིན་ལས་བསམ་གྱིས་མི་ཁྱབ་པའི་འབྲས་བུ་གཞི་ལ་རྫོགས། བར་ཉམས་སུ་ལེན་པའི་གནས་སྐབས་ན་དོན་གཉིས་ལྷུན་གྱིས་གྲུབ་པའི་བྱེད་རྩོལ་དག་པའི་ལམ་ལ་བསླབ་པའི་རྫོགས་རིམ་གྱི་གནས་སྐབས་ན་ལུས་ངག་ཡིད་ཀྱི་བྱེད་པས་ལ་ལྟོས་པའི་དམིགས་བཅས་ཐུན་མོང་གི་ལམ་དང་དམིགས་མེད་ཡེ་ཤེས་ཀྱི་དགོངས་པ་མངོན་སུམ་འོད་གསལ་གྱི་རྣལ་འབྱོར་སྣང་སྲིད་འོད་སྐུར་སྦྱོང་བའི་སྨིན་བྱེད་དུ་འགྲོ། །དེ་ཡང་འདི་སྐད་དུ། ཐ་དད་མ་ཡིན་གཞི་ལམ་འབྲས། །ཟུང་དུ་འཇུག་པ་སངས་རྒྱས་ལམ། །དང་པོ་ཉིད་ནས་དུ་མར་མེད། །རོ་གཅིག་ཉིད་དུ་འབྲས་བུ་རྫོགས། འདིས་ཅི་བསྟན་ན། ལྟ་བ་དགོངས་པ་མི་འགྱུར་གཞི་སྟེ་སྒོམ་པ་ལམ། ལྷ་དང་སྔགས་ཡིན་སྤྱོད་ལ་ཤུགས་ཡིན་ཏེ། ཕྲིན་ལས་མཆོག་ཐུན་འབྲས་བུ་གང་གནས་པ། དང་པོ་ཉིད་ནས་ཟུང་འཇུག་ལམ་ཞེས་བྱ། ཞེས་སྨོས་ཏེ། འདི་ལྟར་དགོངས་པ་མི་འགྱུར་བའི་གཟེར་ནི་ལྟ་བ་ཡིན་པས་ན་གཞིར་ཏིང་འཛིན་ལྷའི་གཟེར་ནི་སྒོམ་པ། སྙིང་པོ་སྔགས་ཀྱི་གཟེར་ནི་སྒོམ་པ་ཡང་ཡིན་ལ་ཤུགས་ཀྱི་སྤྱོད་པ་ཡིན་པས་དེ་ཉིད་ལམ། འཕྲོ་འདུ་དམིགས་པའི་གཟེར་ནི་མཆོག་ཐུན་གྱི་དངོས་གྲུབ་སྒྲུབ་ཤིང་སངས་རྒྱས་ཀྱི་ཕྲིན་ལས་ད་ལྟ་

― ZP04_Page_495 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་བྱེད་པའི་འབྲས་བུ་ཡིན་ཏེ། དེ་ལྟར་སྲོག་སྡོམ་གཟེར་བཞིའམ་ལྟ་སྒོམ་སྤྱོད་འབྲས། གཞི་ལམ་འབྲས་བུ་གང་ཡིན་པ་དེ་དག་ཀྱང་ཐ་དད་དམ། ཡ་བྲལ་ལམ། རེས་འཇོག་ཅན་ནམ། རིམ་པ་ཅན་དུ་མི་ལྟ་སྟེ། དང་པོ་ཉིད་ནས་གཅིག་དང་དུ་མ་མེད་པར་དབྱེར་མེད་ཟུང་འཇུག་ཏུ་ཤེས་དགོས་ཏེ། འདི་ལྟར་དགོངས་པ་མི་འགྱུར་བ་ཆོས་ཉིད་དག་མཉམ་ཆེན་པོར་དབྱིངས་ཡེ་སངས་རྒྱས་པའི་རང་རྩལ་ཀུན་རྫོབ་རྡོ་རྗེ་དབྱིངས་ཀྱི་དཀྱིལ་འཁོར་དུ་རང་ཤར་བའི་བསྐྱེད་རྫོགས་ཟུང་དུ་འཇུག་པའི་ངང་ནས་གྲགས་སྟོང་སྔགས་ཀྱི་རང་སྒྲ་ཅིར་ཡང་བསྒྱུར་ཞིང་འཕྲོ་འདུ་ཕྲིན་ལས་ཀྱི་རོལ་པ་ལ་སློབ་སྟེ། སངས་རྒྱས་རྣམས་ཀྱི་སྐུ་གསུང་ཐུགས་ཡེ་ཤེས་ཆེན་པོ་བྱེད་རྩོལ་སྤྲོས་པ་དང་བྲལ་བཞིན་དོན་གཉིས་ལྷུན་གྱིས་གྲུབ་པར་བཞུགས་པའི་འབྲས་བུ་ད་ལྟ་ནས་གསང་སྔགས་རྡོ་རྗེའི་ཐེག་པའམ་འབྲས་བུའི་ཐེག་པ་ཞེས་སྨོས་པ་ཡིན་ལ། དེ་ཡང་གཞི་ལྟ་བ་ཡེ་ཤེས་ཀྱི་འཁོར་ལོ་འཁོར་འདས་མཉམ་ཉིད་དུ་རྟོགས་པས་སྲིད་ཞི་གཉིས་ཀའི་སྲིད་ལ་རང་དབང་བསྒྱུར་ཞིང༌། ལམ་བསྒོམ་པ་ལྷ་སྔགས་ཀྱི་འཁོར་ལོ་བསྐྱེད་རྫོགས་གཉིས་ཀའི་སྲོག་ལ་རང་དབང་ཞིང༌། དོན་གཉིས་ལྷུན་གྲུབ་ཀྱི་སྤྱོད་པས་ཐབས་ཆེན་བསམ་གྱི་མི་ཁྱབ་པའི་སྲོག་ལ་རང་དབང་བ་སྟེ་དཔེར་ན་སྒྲ་གཅན་གྱི་ཁས་ནམ་མཁའི་ཟླ་བ་གཅིག་བཟུང་བས་ཆུ་ནང་གི་ཟླ་བ་ཇི་སྙེད་པ་རང་ཟིན་པ་ལྟར་སྲོག་སྡོམ་གཟེར་བཞིའི་མན་ངག་

― ZP04_Page_496 ―

^{[མ་དཔེ་གཟིགས་ན་འདིར་གནོན།]}

[Full Size]

གཅིག་ཤེས་པས་མདོ་རྒྱུད་བསམ་གྱིས་མི་ཁྱབ་པའི་དགོངས་གནད་དུས་གཅིག་ལ་ཉམས་སུ་ལོང་བས་ན་རོ་རེའང་གནད་ཀྱི་ཁྱད་པར་དུ་མ་དང་བཅས་པ་སྟེ། དང་པོ་དགོངས་པ་མི་འགྱུར་བའི་གཟེར་འཁོར་འདས་མཉམ་ཉིད་དུ་ཤེས་པས་སྤང་བླང་གཞི་ནས་དག་པའི་གནད། རོ་མཉམ་སྟོང་པ་ཉིད་ཤེས་པས་དངོས་འཛིན་བདེན་ཞེན་འཇིག་པའི་གནད། སྣང་སྟོང་ཟུང་འཇུག་དུ་ཤེས་པས་ཚོགས་གཉིས་མཉམ་དུ་རྫོགས་པའི་གནད། ལྟ་བའི་རྩིས་ཟིན་པས་བསྐྱེད་རྫོགས་ཡ་བྲལ་དུ་མི་འགྱུར་བའི་གནད། དགོངས་པའི་ངང་ལས་མི་གཡོ་བས་ལྟ་ཐོག་ཏུ་སྒོམ་པ་འཁྱོལ་བའི་གནད། གྱ་ནོམ་ལྷར་ཞེན་ལས་གྲོལ་བས་བསྐྱེད་རིམ་གྱི་གོལ་ས་སྤོངས་པའི་གནད། སྣང་སྲིད་གཞི་བཞེངས་སུ་རྫོགས་པས་བདག་གཞན་གྱི་གཉིས་འཛིན་མེད་པའི་གནད། ཡེ་གྲོལ་གཞི་རྫོགས་སུ་རྟོགས་པས་དུག་ལྔ་གོལ་ས་མེད་པའི་གནད། ཆོས་སྐུའི་དགོངས་པ་བརྙེས་པས་སྐུ་གསུམ་རང་ལ་རྫོགས་པའི་གནད། གཞི་འབྲས་རོ་གཅིག་དུ་ཤེས་པས་ས་ལམ་གྱི་རྩོལ་བསྒྲུབ་མི་དགོས་པའི་གནད། སྒོམ་པ་འབྲས་བུ་འཁྱོལ་བས་སངས་རྒྱས་གཞན་ནས་མི་ཚོལ་བའི་གནད། འབྲས་བུ་གཞི་ལ་འཁྱོལ་བས་ཐོབ་བྱའི་ཞེན་འཛིན་གྲོལ་བའི་གནད། ཆོས་ཉིད་ཀློང་དུ་གཅིག་པས་དམ་ཡེའི་འཛིན་པ་དག་པའི་གནད། རིགས་བརྒྱའི་ཁྱབ་བདག་རྟོགས་པས་ལྷ་

― ZP04_Page_497 ―

^{[མ་དཔེ་གཟིགས་ན་འདིར་གནོན།]}

[Full Size]

གཅིག་བསྒྲུབ་པས་ཐམས་ཅད་འགྲུབ་པའི་གནད། མཆོག་གི་དངོས་གྲུབ་རྙེས་པས་དོན་གཉིས་ལྷུན་གྱིས་གྲུབ་པའི་གནད། བཟང་ངན་སྤང་བླང་ལས་འདས་པས་གཙང་སྦྲ་ཀུན་སྤྱོད་ལམ་ལྟོས་པའི་གནད། བྱར་མེད་ཡེ་ཟིན་ཏུ་ཤེས་པས་ཆོ་གའི་ཁྲིགས་རིམ་མི་དགོས་པའི་གནད། གྲུབ་མཐའི་འཛིན་པ་དག་པས་ཐེག་པའི་རྩེ་མོར་ཕྱིན་པའི་གནད་དེ་གནད་ཆེན་པོ་བཅོ་བརྒྱད་དང་ད་དུང་ཀྱང་དུ་མ་ལྡན་པས་ན་འདི་ནི་སྲོག་གི་སྲོག་སྟེ་སྲོག་གཞན་གསུམ་གྱི་སྲོག་ཀྱང་འདིའི་སྡོམ་པས་མེད་ཐབས་མེད་པ་ཉིད་དུ་དང་པོར་བཞག་ལ། གཉིས་པ་བསྐྱེད་རིམ་ལྷའི་གཟེར་གྱིས་སྣང་ཆ་ལྷ་རུ་གསལ་བས་སྟོང་པ་ཕྱོགས་གཅིག་དུ་མི་གོལ་པའི་གནད། ཀུན་རྫོབ་ལམ་དུ་བྱེད་པས་བདེན་གཉིས་ཟུང་དུ་འཇུག་པའི་གནད། དངོས་པོའི་ཨ་འཐས་སྦྱོང་བས་ཐ་མལ་གྱི་བདེན་ཞེན་སྤོངས་པའི་གནད། ཆོ་གའི་ཡན་ལག་རྫོགས་པས་བསོད་ནམས་ཀྱི་ཚོགས་ཆེན་རྫོགས་པའི་གནད། སྐུའི་རྣམ་པ་གསལ་བས་གཟུགས་སྐུའི་ཉེ་རྒྱུར་གྱུར་བའི་གནད། འབྲས་བུའི་བཞུགས་ཚུལ་དང་མཐུན་པས་སྐུ་གསུམ་ལྷུན་གྱིས་གྲུབ་པའི་གནད་དེ་དྲུག་དང༌། གསུམ་པ་སྙིང་པོ་སྔགས་ཀྱི་གཟེར་ལའང༌། གསུང་རྡོ་རྗེ་ལམ་དུ་བྱེད་པས་ངག་གི་སྒྲིབ་པ་སྦྱོང་བའི་གནད། སེམས་དཔའ་སུམ་བརྩེགས་སུ་སྒོམ་པས་སྒོ་གསུམ་མཉམ་དུ་གྲོལ་བའི་གནད། དམིགས་པའི་སྔགས་

― ZP04_Page_498 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྲེང་ལ་གཏད་པས་ཐ་མལ་གྱི་རྣམ་རྟོག་སྤོང་བའི་གནད། ཟླ་སྐར་འཕྲེང་བ་ལྟར་བཟླས་པས་རང་བབས་ཀྱི་ཏིང་ངེ་འཛིན་ལ་གནས་པའི་གནད། འགལ་མེའི་འཁོར་ལོ་ལྟར་བཟླས་པས་བདེ་སྟོང་གི་ཡེ་ཤེས་བསྐྱེད་པའི་གནད། བུང་པ་ཚང་ཞིག་ལྟར་བཟླས་བས་སྒྲ་གྲགས་སྔགས་སུ་གྲོལ་བའི་གནད། སྙིང་པོའི་སྲོག་ནས་བགྲངས་པས་ལྷ་ཡི་བྱིན་གྱིས་རློབས་པའི་གནད། ངག་གི་ནུས་པ་འཕེལ་བས་ཅི་སྨྲས་གཞན་དོན་དུ་འགྱུར་བའི་གནད། རིགས་སྔགས་ཀྱི་བདེན་ཚིག་གྲུབ་པས་སྨོན་ལམ་གང་བཏབ་འགྲུབ་པའི་གནད། རྒྱལ་བའི་གསུང་ལ་དབང་བས་སྣང་སྲིད་ལྷ་འདྲེས་བཀའ་བཞིན་སྒྲུབ་པའི་གནད་དེ་བཅུ་དང༌། བཞི་པ་འཕྲོ་འདུ་ཕྲིན་ལས་གྱི་གཟེར་གྱིས་མཆོག་གི་དངོས་གྲུབ་འགྲུབ་པས་ཐུན་མོང་ཤུགས་ཀྱིས་འབྱུང་བའི་གནད། དམིགས་པའི་མདེ་ཁ་བསྒྱུར་བས་ལས་ཚོགས་གཞན་ལ་མི་ལྟོས་པའི་གནད། ཕྲིན་ལས་མཐའ་དུ་ཕྱིན་པས་གཞན་དོན་འབད་མེད་འབྱུང་བའི་གནད། འགྲོ་དོན་ལྷུན་གྱིས་གྲུབ་པས་སངས་རྒྱས་ཀྱི་མཛད་པ་འགྲུབ་པའི་གནད། སེམས་བསྐྱེད་ཀྱི་འཕེན་པས་འཕང་པས་ཐེག་པ་དམན་པར་མི་གོལ་བའི་གནད། གདུལ་བྱ་སྨིན་ཅིང་གྲོལ་བས་གདུང་རྒྱུད་འཛིན་པའི་གནད་དེ་དྲུག་དང་ལྡན་པ་ཡིན་ལ། དེ་ལྟར་རྩ་བ་བཞི་ལས་གནད་ཀྱི་ཁྱད་ཆོས་བཞི་བཅུ་དང་ལྡན་པས་ན་གསང་སྔགས་རྡོ་རྗེ་ཐེག་པའི་ལམ་གནད་མ་ལུས་པ་

― ZP04_Page_499 ―

^{[མ་དཔེ་གཟིགས་ན་འདིར་གནོན།]}

[Full Size]

འདོར་འདུ་ཞིང་འདི་དང་མི་ལྡན་པའི་ལམ་ནི་ཤི་བའི་རོ་དང་འདྲ་བར་ངེས་པས་ན་སྲོག་སྡོམ་གཟེར་ཞེས་བྱ་སྟེ། གཉིས་ཀའི་ཆ་ཐམས་ཅད་གཉིས་མེད་ཡེ་ཤེས་གཅིག་ཏུ་སྡོམ་པའི་གཟེར་བུའང་ཡིན་ལ། འདི་དག་གི་དོན་རྒྱས་སྤྲོས་སུ་བཀྲལ་ན་དུ་མ་ཞིག་མཆིས་ཀྱང་རེ་ཞིག་དེ་ཙམ་མོ། །གསང་སྔགས་ལམ་གནད་འདུས་པ་གསང་བའི་གཏམ། །གསང་བར་མི་འོས་རྡོ་རྗེའི་མཆེད་དེའི་བཀས། །བསྐུལ་ལས་རང་བློང་དེས་བཞིན་འདིར་བཀོད་མོད། །དངོས་ཤུགས་ཚིག་གི་གཞུང་དང་བསྟུན་མོད་ཀྱང༌། །དོན་དུ་རྒྱུད་སྡེ་རྒྱ་མཚོའི་དགོངས་པ་དང༌། །མི་འགལ་ཨ་བུ་ཤྲིའི་གསང་ཚིག་ཡིན། །ཉེས་པ་མཆིས་ན་ལྷ་དང་སྲུང་མར་བཤགས། །དགེ་ཚོགས་རྣམ་མཁྱེན་རྒྱ་མཚོར་རོ་གཅིག་ཤོག།། །།རྫོང་འཕྲང་སྲོག་གསུམ་ཞེས་པའི་དོན། །ལྟ་བའི་རྫོང་ཟིན་ཅིང༌། སྒོམ་པའི་འཕྲང་ལས་གྲོལ་བས། སྦྱོང་བའི་སྲོག་མཁར་བཙུག་པ་ཞིག་ལ་སྔགས་ཀྱི་རྣལ་འབྱོར་སྤྱོད་པ་ཞེས་བྱའོ། །དེ་ཡང་སྤྱི་དང་བྱེ་བྲག་གཉིས་ལས། དང་པོ་ནི་ཐེག་ཆེན་གྱི་མདོ་དང་སྔགས་ཀྱི་རྒྱུད་སྡེ་རབ་འབྱམས་མཐའ་དག་གི་དགོངས་དོན་ལྟ་སྒོམ་སྤྱོད་པའི་ཁོངས་སུ་འདུ་བ་ལ་ངོས་འཛིན་ཇི་ལྟར་གནང་ན། ལྟ་བ་ནི་སྟོང་ཉིད་བཅོ་བརྒྱད་ཡིན། ཐེ་ཚོམ་དང་བྲལ་བའི་རྫོང་ཞིག་དགོས། སྒོམ་པ་ནི་ཕྱོགས་ཆོས་སོ་བདུན་ཡིན། བྱིང་རྒོད་ཀྱི་འཕྲང་ལས་འདའ་བ་དགོས། སྤྱོད་པ་ནི་ཕ་རོལ་ཕྱིན་དྲུག་ཡིན། རང་འདོད་དང་

― ZP04_Page_500 ―

^{[མ་དཔེ་གཟིགས་ན་འདིར་གནོན།]}

[Full Size]

བྲལ་བའི་སྨོག་ཚུགས་དགོས། ཞེས་བླ་མ་གོང་མ་དག་གིས་གསུངས་པ་ལྟར་ལྟ་བ་ལ་ཡིན་པ་མེད་པའི་དོན་ཆོས་ཅན་བློས་བཏགས་ཀྱི་ཚོགས་པ་ཆོས་ཉིད་བསམ་གྱིས་མི་ཁྱབ་པའི་ཀློང་དུ་རང་བཞིན་མེད་པར་སངས་ཚེ་སྟོང་ཉིད་བློ་འདས་ཀྱི་རྫོང་ཆེན་རྙེད་པ་ཞེས་བྱ་བའོ། །དེ་ལྟར་རྟོགས་པའི་ལྟ་བ་དེ་ཉིད་ཀྱི་ངང་ལ་རྒྱུན་དུ་མཉམ་པར་བཞག་པ་ནི་སྒོམ་པ་ཞེས་བྱ་སྟེ། བྱིང་རྒོད་དང་གསལ་འགྲིབ་ཀྱི་འཕྲང་ལྔས་གྲོལ་བས་འབད་རྩོལ་ལ་མ་ལྟོས་པར་བསྒོམ་མེད་རྒྱུན་གྱི་རྣལ་འབྱོར་ཅན་ལ་སྣང་སེམས་གཉིས་སུ་མ་གྲུབ་པ་པས་ཡུལ་སྣང་བསྒོམ་དུ་ཤར་བའམ། སྣང་སྲིད་དཔེ་ཆར་ཤར་བའི་ཚེ་སྒོམ་པ་ལ་མིན་པ་མེད་པའི་ཐ་སྙད་བརྗོད་པའོ། །དེ་ལྟར་ལྟ་སྒོམ་ཀློང་དུ་གྱུར་པའི་གྱུར་པའི་སྐབས་ཙམ་ན་སྤང་བླང་རང་གྲོལ་དུ་སོང་ཡིན་མིན་མེད་པའི་སྤྱོད་པ་ཞེས་མི་བསྲུང་པའི་བསྲུང་བ་ཆེན་པོ་ཆོས་སྐུ་ཐིག་ལེ་ཉག་གཅིག་གི་སྲོག་མཁར་ཚུགས་པ་ནི་སྤང་ཐོབ་ཞིག་པའི་འབྲས་བུ་རེ་དོགས་དང་བྲལ་བའི་བྱང་ཆུབ་སེམས་ཀྱི་ཡིན་ལུགས་གཤིས་ཕྱིན་པ་སྟེ། རྫོང་འཕྲང་སྲོག་གསུམ་འདི་རྣལ་འབྱོར་པ་གཅིག་གིས་སྨིན་གྲོལ་ཐོབ་པ་ནས་ས་ལམ་མཐར་ཕྱིན་པར་གྱིས་ཆིངས་ཡིན་པས་ཤེས་དགོས་སོ། །གཞན་ཡང་བདག་ཉིད་ལྷའི་རྣལ་འབྱོར་དུ་གསལ་ཐེབ་པ་བསྐྱེད་རིམ་གྱི་རྫོང༌། སྣང་སྟོང་ཟུང་དུ་

― ZP04_Page_501 ―

^{[མ་དཔེ་གཟིགས་ན་འདིར་གནོན།]}

[Full Size]

འཇུག་པ་ཆོས་ཉིད་འདུས་མ་བྱས་ཀྱི་གནས་ལུགས་ནི་རྫོགས་རིམ་གྱི་སྲོག །བྱིང་རྒོད་དང་དམན་པའི་སེམས་སོགས་གཉིས་ཀའི་འབྲང་རྣམས་བསལ་བ་ལ་ཀུན་ཏུ་བཟང་པོའི་སྤྱོད་པ་ཞེས་དེ་ལྟར་བཞེད་དོ། །གསལ་བ་གསུམ་ནི། ལས་སྦྱོར་གྱི་སྐབས་སུ་ཡུལ་གསུམ་གསལ་བ་ལ་འདོད་དེ་ཕྱི་ཡུལ་སྣང་ཆའི་མཚན་མ་རུ་ཊ་ར་གསལ། ནང་ཡུལ་རྟགས་ཀྱི་མཚོན་ཆ་སྲས་མཆོག་དུ་གསལ་བ། གསང་ཡུལ་རྟོགས་པའི་འཁྲུལ་འཁོར་ལྷར་སྣང་ཕྱག་རྒྱར་གསལ་བ་དང་གསུམ་སྟེ་བདག་དཔལ་ཆེན་པོར་གསལ་བས་མི་ལྡོག་པའི་དགོས་པ། ཕུར་པ་སྲས་མཆོག་ཏུ་གསལ་བས་མི་སྡུག་པའི་དགོས་པ། ཡུལ་གྱི་མཚན་མང་དགྲ་དངོས་སུ་གསལ་བས་མི་འབྱམས་པའི་དགོས་པ་ཡོད་དོ། །གང་ཡང་བསྒྲུབ་བྱའི་སྙིང་དཀྱིལ་དུ་ཁྲག་གི་དྭངས་མ་བྱེའུ་ལེབ་མའི་མགོ་ཙམ་པའི་དཀྱིལ་ན་ཚེ་བསོད་བཀྲགས་མདངས་ཀྱི་རྟེན་ཨ་དཀར་གསལ་བ་ཕུར་རྩེའི་ཧཱུྃ་གསུམ་ལ་བསྡུས་ཏེ་རང་གི་ཐུགས་སྲོག་ལ་བསྟིམ་པ་ཚེ་ལུང༌། ཨ་དཀར་དང་མཉམ་དུ་ཉོན་ཡིད་རྣམ་ཤེས་ཀྱི་རྟེན་ནྲིའམ་ཏྲི་ར་གསལ་བ་དེ་ལ་ཕུར་པ་གཏད་པས་དྲན་མེད་དུ་བརྒྱལ་ནས་རྟོག་ཚོགས་ཆོས་ཉིད་དུ་ཐིམ་ཞིང་ས་བོན་འོད་ཀྱི་ཐིག་ལེ་རུ་གྱུར་པ་ཁྲུས་ལུང༌། ཐིག་ལེ་དེ་ཉིད་ཕུར་རྩེའི་ཧཱུྃ་གསུམ་ལ་བསྟིམ་ཞིང་ཕཊ་གསུམ་གྱིས་འཕང་པས་ཧེ་རུ་ཀའི་ཐུགས་ཀར་བསྟིམ་པ་སྐུའི་དབྱིབས་བརྒྱུད་ཡུམ་གྱི་མཁར་སྲས་སུ་བསྐྲུན་པ་ནི་གནས་ལུང་ངོ༌། ༈ །བསྐྱེད་རིམ་གྱི་མངོན་བྱང་ལྔ་ནི།

― ZP04_Page_502 ―

^{[མ་དཔེ་གཟིགས་ན་འདིར་གནོན།]}

[Full Size]

གསང་ལུགས་ལྟར་ན་གདན་པད་ཟླ་ལ་བྱང་ཆུབ་པ། །གསུང་ཡིག་འབྲུ་ལ་བྱང་ཆུབ་པ། །ཐུགས་ཕྱག་མཚན་ལ་བྱང་ཆུབ་པ། །སྐུ་ཡོངས་རྫོགས་ལ་བྱང་ཆུབ་པ། །ཡེ་ཤེས་སེམས་དཔའ་ལ་བྱང་ཆུབ་པ་དང་ལྔའོ། །རྙིང་ལུགས་ལ་མངོན་བྱང་དང་པོ་ཟླ་བའི་དཀྱིལ་འཁོར། །གཉིས་པ་ཉི་མའི་དཀྱིལ་འཁོར། །གསུམ་པ་ས་བོན་ཕྱག་མཚན། །བཞི་པ་ས་བོན་ཕྱག་མཚན་བཅས་འོད་ཀྱི་གོང་བུར་གྱུར་པ། །ལྔ་པ་སྐུ་ཡོངས་སུ་རྫོགས་པར་སྣང་བའོ། །ཞེས་ཆོས་ཀྱི་དབང་པོས་སོ།། །།

རྣམ་བཅུའི་ཐིག་བཤད་བཻ་དཀར་ནས་གསུངས་པ་

― ZP04_Page_503 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་བཅུའི་ཐིག་བཤད་བཻ་དཀར་ནས་གསུངས་པ་བཞུགས་སོ།། །།

― ZP04_Page_504 ―

^{[མ་དཔེ་གཟིགས་ན་འདིར་གནོན།]}

[Full Size]

འཇམ་དཔལ་སྒྱུ་དྲྭའི་ཆོས་དབྱིངས་ཡེ་ཤེས་ཀྱི་བསྟོད་པའི་སྟོད་ཆ་ལས། ཕ་རོལ་ཕྱིན་བཅུ་ཐོབ་པ་སྟེ། ཞེས་སོགས་གསུངས་པས། ཕར་ཕྱིན། ས། ཤེས་པ། སྟོབས། དབང་རྣམ་བཅུའི་རང་བཞིན་རྣམ་བཅུ་དབང་ལྡན་དང༌། དེ་ཡང་རྣམ་བཅུ་དབང་ལྡན་ནི་ངེས་དོན་གྱི་འཇིག་རྟེན་ཡིན་ཏེ། ཕྱི་ནང་གི་འཇིག་རྟེན་བཅུ་པོ་གང་ལས་འབྱུང་བ་དང་དག་མ་དག་གི་སྣང་བ་མཐའ་དག་རང་གི་ཤིན་ཏུ་ཕྲ་བའི་རླུང་སེམས་ཆོས་དབྱིངས་བཅས་ལས་འབྱུང་དེར་སྡུད་པ་འདིར་རྣམ་པ་བཅུ་ནི། རླུང་མེ་ཆུ་ས་རི་རབ་སྟེ་བརྟན་པ་རྣམ་པ་ལྔ། འདོད་གཟུགས་གཉིས་གཅིག་ཏུ་བྱས་པ་དང༌། ལྷག་མཐོང་མི་བསྐྱེད།

― ZP04_Page_505 ―

^{[མ་དཔེ་གཟིགས་ན་འདིར་གནོན།]}

[Full Size]

པ་གཟུགས་མེད་དང༌། བར་སྣང་གི་ཟླ་བ་ཉི་མ་གཉིས་ཏེ་གཡོ་བའི་རྣམ་པ་བཞི་ཀུན་ཁྱབ་སྒྲ་གཅན་གྱི་མིང་ཅན་ནམ་མཁའ་སྟེ་བཅུ་དང༌། འདི་རྣམས་གཞན་དཀྱིལ་འཁོར་ལ་བསྒོམ་པ་ནི། བརྟན་པ་ལྔ་མིང་ལྟར་དང༌། གཡོ་བ་རི་རབ་སྟེང་དུ་པདྨ། ཟླ་བ། ཉི་མ་སྒྲ་གཅན་རྣམས་ཡིན་ཞིང༌། ཁྱབ་བྱེད་ནམ་མཁའི་ཆོས་འབྱུང་ངོ༌། །མངལ་སྐྱེས་ཀྱི་མའི་ལུས་དང་སྦྱར་བའི་སྐབས་སུ་མའི་དཔྲལ་བར་རླུང༌། མགྲིན་པར་མེ། སྙིང་ཀ་ཆུ། ལྟེ་བ་ས་སྟེ་རི་རབ། གསང་གནས་པདྨ། མས་སྣའི་རྩ་གསུམ་ཟླ་བ་ཉི་མ་སྒྲ་གཅན། ལུས་རིམ་པ་ཀུན་གྱི་ཁྱབ་བྱེད་འདོད་ལ། ལུས་ཀྱི་སྐབས་སུ། སྐྲ་དང་

― ZP04_Page_506 ―

^{[མ་དཔེ་གཟིགས་ན་འདིར་གནོན།]}

[Full Size]

ཁ་སྤུ་ནམ་མཁའ་འམ། ཤ་ལྤགས་རླུང༌། ཁྲག་དང་དམར་ཆ་མེ། རྡུལ་དང་དྲི་ཆུ་ཆུ། རྐང་དང་རུས་པས། རྩ་དང་རླུང་ཡེ་ཤེས། རོ་རྐྱང་གཉིས། དབུ་མའི་ཡས་སྣ་དང་མས་སྣ་རྣམས། ཉི་མ་ཟླ་བ། སྒྲ་གཅན། དུས་མེ་སྟེ་རྡོ་རྗེ་བཞི་དང་སྦྱར་ནས་བཤད་དེ་རི་རབ་དང་བཅུད་ཀྱི་སེམས་ཅན་ལ་སྦྱར་ཞིང༌། ཕྱི་ནང་གཞན་ཀུན་གྱི་འབྱུང་སྡུད་ཀྱི་གཞི་ནི་ནང་ལུས་ལ་གནས་ལ། དེའི་ཡང་རྩ་བ་མཐར་ཐུག་ནི། ཤིན་ཏུ་ཕྲ་བའི་སེམས་དང་རླུང་དང་ཐིག་ལེ་རྣམས་ངོ་བོ་གཅིག་ཏུ་གྱུར་བ་ལ་གཞོམ་མེད་གཞིའི་དུས་འཁོར། ཆ་མེད་ཀུན་འགྲོའི་ཆོས་དབྱིངས་ཀྱི་རྟེན་དུ་གྱུར་བ་འདི་ཉིད་ཡིན་ལ། འདིའི་སྟེང་ན་ལུས་ཀྱི་རླུང་སོགས་ཁམས་རགས་པ་བཞི་དང༌། དེ་རྣམས་འདུས་པའི་རྩ་རླུང་རགས་པ་དང༌། ནང་གི་རྩ་ཁམས་ཕྲ་བ་དཀར་དམར་རྣམས་ཡེ་ཤེས་བཞི་དང༌། ཀུན་ལ་ཁྱབ་པའི་ནམ་མཁའ་རྣམས་ཀྱིས་ནུས་པ་ཁྱད་པར་བའི་ཆ་བཅུ། རང་གི་ཆོས་དབྱིངས་དང་བཅས་ཡོད་པ་ནི། ངེས་དོན་གཞིའི་རྣམ་བཅུ་དབང་ལྡན་ཡིན་ཞིང༌། དེ་རྣམས་ལས་ཡི་གེ་བཅུ་འགྲུབ་སྟེ། དེ་ཡང་ཕྲ་རིམ་གྱི་འགྲུབ་པས་ན་གཡོན་སྐོར་དུ་བརྩམ་པས་ཐིག་ལེ། ཚེག་དྲག་མ་ཡིག །ཨི་ཡིག །ཏི་ཨུ། ལྀ། མཱ། ཀྵ། ཧཱ་རྣམས་དགོད་བར་བྱ་ཞིང༌། དེ་རྗེས་དབྱངས་ཅན་མ་ལྟར་ན། ཨི་ཡ་ལོ་ཞེས་པའི་ཨི་ཡིག་ཡ་དང༌། ཨུ་ཝའོ་ཞེས་པས་ཨུའི་ཡི་གེ་ཝ། རི་རའོ་ཞེས་

― ZP04_Page_507 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་རའི་ཡི་གེར། ལི་ལའོ་ཞེས་པའི་ལའི་ཡི་གེ་ཕ་རོལ་གྱིས་མཐོང་བའི་ལ་རུ་བསྒྱུར། དེ་བཞིན་དུ་ཨུ་ཝ་དང༌། རི་ར་དང༌། ཨི་ཡ་རྣམས་སུ་བསྒྱུར་ཞིང༌། དེ་རྣམས་དབྱིངས་ཀྱི་དམན་པ་ཕ་རོལ་ཏུ་ཡང་དག་པར་སྦྱོར་རོ། །ཞེས་ཡ་སྲོག་མེད་ཨའི་སྟེང་དང་དེ་ནས་རིམ་པར་ར་བ་ལ་མ་ཧ་ཀྵ་རྣམས་ལ་ཨ་ཡིག་གི་སྟེང་དུ་དྲངས་སྟེང་ཨ་ཡིག་སྲོག་ཏུ་བཅུག་པའི་སྟེང་དུ་ཚེག་དྲག་ཟླ་བྱེད་དུ་བྱས། ཐིག་ལེ་དཱའི་མཚན་པ་བསྣན་པས་རྣམ་བཅུ་དབང་ལྡན་གྱི་ཡི་གེ་འགྲུབ་ཅིང་དེ་ཡང་མས་ནས་ཡ་ར་ཝ་ལ་མ་ཀྵ་ཧ་བདུན་དང་དེའི་སྟེང་ཟླ་ཕྱེད་ཐིག་ལེ་གཉིས་ཏེ་དགུ། ཀུན་གྱི་སྲོག་ལ་ཨ་ཡིག་ཏེ་རྣམ་བཅུའོ། །དེ་བཅུ་ལས་གོང་དུ་བརྗོད་པའི་བརྟན་གཡོ་ཐ་སྙད་ཙམ་དུ་འགྲུབ་ཅིང་དེ་དག་མཐར་ཡི་གེ་བཅུ་དང༌། དེ་ཡང་གཞིའི་ངེས་དོན་གྱི་རྣམ་བཅུ་དབང་ལྡན་དང༌། ཤིན་ཏུ་ཕྲ་བའི་རླུང་སེམས་ཆོས་ཅན་དུ་གྱུར་པ་ལ་བསྡུས་ནས་དེ་ཐ་སྙད་ཐོག་མཐའ་མེད་པར་གནས་པ་དང༌། ལུས་ནུས་སྨིན་རིམ་གྱི་སྔར་བཞིན་འགྲུབ་ཅིང༌། འཕེན་པ་ཚར་གཅིག་གི་ནུས་པ་ཟད་ཚེ་སྡུད་ལ། དོན་དུ་ན་སྤྲོས་བྲལ་ཆོས་དབྱིངས་ཀྱི་རང་བཞིན་ལས་མ་འདས་སོ། ༈ །རྣམ་བཅུ་ནི། སྣ་ཚོགས་པདྨ་ཉི་མ་ཟླ་བ་དང༌། སྒྲ་གཅན་དུས་མེ་སོགས་ཀྱི་གདན་གྱི་སྟེང༌། རླུང་ཁམས་ཡ་ལྗང་ར་དམར་མེ་ཡི་ཁམས། ཝ་དཀར་ལྕགས་ཁམས་ལ་སེར་ས་ཡི་ཁམས། མ་ནི་སྣ་ཚོགས་ཁམས་ལས་གྲུབ་

― ZP04_Page_508 ―

^{[མ་དཔེ་གཟིགས་ན་འདིར་གནོན།]}

[Full Size]

པ་སྟེ། ཀྵ་ནི་ཆོས་ཀྱི་བདག་མེད་རྟོགས་གྱུར་པ། བདེ་སྟོང་ཧི་དཀར་སྐྱེ་མེད་དོན་སྟོན་པ། དེ་སྟེང་ཆུ་ཤེལ་ལས་གྲུབ་ཟླ་བ་དཀར། དེ་སྟེང་མེ་ཤེལ་ལས་གྲུབ་ཉི་མ་དམར། ན་དཱ་སྔོན་པོའམ་དུ་བའི་མདོག་ཅན་ནོ། །སྤྲིན་རི་སྨུག་པོ་པདྨའི་ཚད་དང་མཉམས། ཡིག་རྐང་མང་ཉུང་རྒྱ་གར་ཡུལ་རིག་ཁྱད། ཅེས་སོ། །ཕྱི་ནང་གཞན་གསུམ་དེ་ཉིད་དོན། །ཇི་བཞིན་གཟིགས་ཕྱིར་གུས་བཏུད་ནས། །དུས་གསུམ་རྒྱལ་བ་ཐམས་ཅད་དང༌། །ཁྱད་པར་དུས་ཀྱི་འཁོར་ལོ་ཡི། །སྙིང་པོ་རྣམ་བཅུ་དབང་ལྡན་མཆོག །ལཉྫ་ན་ཡི་ཡིག་གཟུགས་སུ། །བྲི་བའི་ཆ་སྙོམ་ཐིག་དང་ནི། །ཚོན་གྱི་ཁ་དོག་བཤད་པར་བྱ། །དེ་ཡང་ཅི་ཙམ་འདོད་པ་ཡི། །གཞི་དང་འཚམས་པའི་ངོས་འཇམ་ལ། །སྟེང་འོག་ཆ་ཕྲན་ཉི་ཤུ་དང༌། ཕྲེད་ལ་ཆ་ཕྲན་བཅུ་གཅིག་བཏབ། །སྟེང་ནས་རིམ་པ་བཞིན་དུ་ནི། །མགོ་བོར་ཆ་གསུམ་ཧ་ལ་གཉིས། །ཀྵ་དང་མ་ལ་ཆ་གསུམ་ཏེ། །ལ་ཝ་ཆ་ཕྲན་གཉིས་རེ་དང༌། །ར་ལ་གཅིག་དང་འ་ལ་གཉིས། །ཉི་གདན་པ་གཅིག་ཟླ་བ་དང༌། །སྒྲ་གཅན་གཉིས་ཀ་ཆ་གཅིག་སྟེ། །ཆ་ཕྲན་ཉི་ཤུ་དེ་ཡི་ཚང༌། །འཕྲེད་ལ་ཡི་གེའི་ཁོག་པ་རྣམས། །ཆ་ཆུང་གསུམ་དུ་ངེས་ན་ཡང༌། །ཆ་ཕྱེད་ཕྱི་ལ་འགྱེད་ན་མཛེས། །ཡ་ལ་རྐང་པ་གཉིས་ཡིན་ཏེ། །གཞན་རྣམས་རྐང་པ་རེ་རེའོ། །རྐང་པ་བརྒྱད་པོ་ཐམས་ཅད་ལ། །ཆ་ཕྲན་རེ་རེ་ཁོ་ན་བྱ། །ཉི་གདན་ཡིག་འབྲུ་གསུམ་ཙམ་བྱ། །སྟེང་གི་ཟླ་ཚེས་ཐིག་ལེ་དང༌། །འོག་གི་པད་གདན་ལ་སོགས་པ། །ཇི་ལྟར་མཛེས་པར་བྱེད་གསུངས་ཀྱང༌། །

― ZP04_Page_509 ―

^{[མ་དཔེ་གཟིགས་ན་འདིར་གནོན།]}

[Full Size]

ཟླ་ཚེས་ཐིག་ལེ་ན་དཱ་གསུམ། །ཆ་ཕྲན་རེ་རེའི་ཚད་ཙམ་བྱ། །འོག་གི་ཟེའུ་འབྲུ་ཆ་གཅིག་དང༌། །པད་གདན་ཆ་ཕྲན་གསུམ་ཙམ་མོ། །བསྡུས་པ་རྐང་པ་ལྔ་པ་ནི། །སྟེང་འོག་སྔ་མ་ཇི་བཞིན་དང༌། །འཕྲེད་ལ་ཆ་ཕྲན་དགུ་བྱས་པའི། །ཡི་གེའི་ཁོག་པ་ཆ་བཞི་དང༌། །རྐང་པ་ལྔ་པོ་ཆ་རེའོ། །ཟླ་ཉི་ལ་སོགས་གོང་དང་མཚུངས། །དེ་ཡི་རྒྱས་བསྡུས་གཉིས་ཀ་འགྲུབ། །ཧ་དང་ཀྵ་ལ་རྐང་པ་རེ། །ཡ་ལ་རྐང་པ་གཉིས་ཡིན་ཏེ། །གཞན་རྣམས་རྐང་པ་ཐམས་ཅད་གཅིག །རྐང་པ་ལྔ་པོ་དེ་ཡི་འགྲུབ། །

ཐབས་གྲོལ་ལམ་གྱི་ཁྱད་པར།

― ZP04_Page_511 ―

^{[མ་དཔེ་གཟིགས་ན་འདིར་གནོན།]}

[Full Size]

ཐབས་གྲོལ་ལམ་གྱི་ཁྱད་པར་བཞུགས། ད་ནི་ཁོ་བོས། སྐྱབས་མགོན་རིན་པོ་ཆེའི་གསུང་སྒྲོས་ད་ལྟ་གནང་བ་རྣམས་དང༌། གླང་པོ་རབ་འབོག་གི་ལུང་སོགས་ལ་བསྟེན་ནས། འགྲེལ་པ་སྔ་ཕྱི་རྣམས་དང༌། རྒྱུད་ཀྱི་ལུང་སྐྱབས་མགོན་གསུང་སྒྲོས་རྣམས་ཐམས་ཅད་འགལ་མེད་དུ་ཐབས་གྲོལ་ལམ་འདི་ལྟར་བཤད་པར་བྱ་སྟེ། སྤྱིར་ཐབས་ལམ་དང་གྲོལ་ལམ་གཉིས་ནི་རྣམ་པ་ཀུན་ཏུ་གང་རུང་རེ་རེས་ཐར་བའི་ལམ་དུ་བགྲོད་མི་ནུས། མ་གི་ཉན་ཐོས་ཐེག་པ་ནས་ཡ་གི་རྫོགས་པ་ཆེན་པོའི་བར་ཐམས་ཅད་མཚུངས། འོན་ཀྱང་གསང་སྔགས་རྡོ་རྗེ་ཐེག་པའི་ཐབས་གྲོལ་ཁྱད་པར་ཅན་གྱི་དབང་དུ་བྱས་ན། སྤྱིར་གྲོལ་ལམ་གྱི་མཚན་གཞི་ནི་སྲིད་པ་ལས་གྲོལ་བྱེད་ཀྱི་ལམ་དངོས་ལྟ་བ་ཡིན་ལ། ཐབས་ལམ་ནི། དེ་རྟོགས་བྱེད་ཀྱི་ཐབས་ཁྱད་པར་ཅན་དང༌། ཞི་མཐའ་གནོན་བྱེད་ཀྱི་སྙིང་རྗེ་བདེ་བ་ཆེན་པོའོ། །འདི་གཉིས་ལའང་གནས་སྐབས་ལམ་གྱི་དབང་དུ་བྱས་པ་དང༌། ལམ་གྱུར་གྱི་འབྲས་བུའི་དབང་དུ་བྱས་པ་སོགས་ཡོང་ཀྱང་གནས་སྐབས་ལམ་ཉམས་ལེན་གྱི་དབང་དུ་བྱས་ནས་ཐབས་ལམ་དང་གྲོལ་ལམ་གཉིས་སུ་དབྱེ་བ་ནི། གང་ཟག་གི་རྒྱུད་ཚོད་ལ་དགོངས་པ་ཡིན་ཏེ། དེ་ཡང་སྤྱིར་གསང་བ་སྔགས་ཀྱི་གདུལ་བྱ་ཡིན་པར་འདྲ་ཡང༌། དབང་པོ་རྣོན་པོ་དང་བརྟུལ་པོ་གཉིས་ལས་དབང་པོ་རྣོན་པོའི་དབང་དུས་སམ་གཏན་ཚིག་ལ་བརྟེན་ནས་ལྟ་བའི་དོན་ཡུལ་མེད་རང་གསལ་མངོན་སུམ་བར་རྟོགས་པར་ནུས་པ་དང༌། དེ་ལྟར་ངོ་སྤྲད་ཀྱང་དོན་སྤྱི་ཙམ་ལས་མངོན་

― ZP04_Page_512 ―

^{[མ་དཔེ་གཟིགས་ན་འདིར་གནོན།]}

[Full Size]

སུམ་པར་རྟོགས་མི་ནུས་པའི་རིགས་ཅན་གཉིས་ལས། དང་པོ་མངོན་སུམ་དུ་རྟོགས་པར་ནུས་པའི་རིགས་ཅན་ལའང་རྟོགས་པ་རྐྱེན་ཐུབ་དུ་སྐྱེ་ཞིང༌། རྟོགས་གྲོལ་ཆིག་ཆོད་དུ་བྱེད་པ་དང༌། ཐབས་དང་གདམ་ངག་ལ་བརྟེན་ནས་མངོན་སུམ་རང་ངོ་འཕྲོད་ཀྱང༌། །གཉེན་པོ་སྟོབས་ཞན་པས་ཡེངས་འཁྲུལ་རྐྱེན་དབང་དུ་འཆོར་བ་གཉིས་ལས། སྔ་མ་ནི་གྲོལ་ལམ་ཅིག་ཆར་པའི་གདུལ་བྱ་དང༌། ཕྱི་མ་ནི་གྲོལ་ལམ་རིམ་གྱིས་པ་ཡིན། གྲོལ་ལམ་པ་འདིའི་རྟོགས་དོན་ལྟ་བའི་ངང་ལ་མཉམ་པར་བཞག་ནས་སྟོང་པ་ཆེན་པོའི་ཏིང་འཛིན་ལ་རྩེ་གཅིག་ཏུ་མཉམ་པར་བཞག་པས་རྣམ་པར་མི་རྟོག་པ་དཔེའི་ཡེ་ཤེས་སྒྲ་ཇི་བཞིན་པ་རྒྱུད་ལ་སྐྱེས་ཤིང་རླུང་སེམས་དབུ་མར་འདུས་པའི་སྣང་བའི་འོད་གསལ་མངོན་དུ་གྱུར་པའི་ཚེ། ཐབས་བསྐྱེད་རིམ་གྱི་རྣལ་འབྱོར་ལྔས་བོག་བཏོན་ནས་བསྐྱེད་རྫོགས་ཟུང་དུ་འཇུག་པའི་ལམ་གྱི་འབྲས་བུ་རྣམ་སྨིན་རིག་འཛིན་ལ་སྦྱོར། འདིའི་ལམ་ལོ་ཆེན་རིན་པོ་ཆེས་རྫོགས་རིམ་དང་འགྲེལ་བྱེད་གཞན་བསྐྱེད་རིམ་དུ་གསུང་པའི་དོན་ཀྱང་འདིའི་འགལ་མེད་དུ་འཆད་ཐུབ། འདི་ལ་དབང་བཞི་ཅིག་ཆར་དུ་རྫོགས། ཐབས་ལམ་པ་ནི་དབང་དང་གཏན་ཚིག་ལ་བརྟེན་པ་ངོ་སྤྲད་ཀྱང་ལྟ་བ་དོན་སྤྱི་ལས་རྟོགས་པར་མ་ནུས་པ་དེ་ནི་ཅི་ཙམ་འབད་ནས་བསྒོམ་ཀྱང་ཚེ་འདིར་དཔེའི་ཡེ་ཤེས་དངོས་སུ་བསྐྱེད་མི་ནུས་པས་དབང་བཞིས་ཐབས་རིམ་ཅན་དུ་བསྒོམ་ནས་ལྟ་དོན་མངོན་སུམ་དུ་རྟོགས་པར་བྱེད་པའོ། །འདིར་གསང་སྔགས་རྡོ་རྗེ་ཐེག་པའི་ལྟ་བ་རྟོགས་ཚུལ་གྱི་སྒོ་ནས་མདོ་ལས་འཕགས་པའི་ཁྱད་པར་

― ZP04_Page_513 ―

^{[མ་དཔེ་གཟིགས་ན་འདིར་གནོན།]}

[Full Size]

ནི་སྤྱིར་དབང་གི་ཐབས་ཀྱི་ངོ་སྤྲོད་པ་དང༌། གཏན་ཚིག་རྣམས་ལས་ཀྱང༌། །མངོན་སུམ་པའི་གཏན་ཚིག་ཁོ་ན་ཡིན་ཏེ་ཡུལ་སྣང་སྟོང་དུ་གཏན་ལ་འབེབས་པ་ནི་མཚན་ཉིད་ཐེག་པ་ལའང་ཡོད་མོད་ཀྱང་ཡུལ་ཅན་རང་ཐོག་དུ་གྲོལ་བ་ནི་འདིའི་ཁྱད་ཆོས་སོ། དགེའོ།། །དཔལ་སྤྲུལ་རིན་པོ་ཆེའི་ཞལ་གསུངས་སོ། །རྫོགས་རིམ་ཆོས་དྲུག་བསྡུས་དོན་བཞུགས་སོ། །ཆོས་དྲུག་གི་སྐབས་སུ། རྩ་བ་གཏུམ་མོ་ལ། ལས་ཀྱི་ཉམས་ཀྱི་མཆོག་གི་གཏུམ་མོ་དང་གསུམ། དང་པོ་བཅའ་བ་ལུས་ཀྱི་གནད། འཇམ་རྩུབ་རླུང་གི་གནད། དམིགས་པ་སེམས་ཀྱི་གནད་གསུམ་མོ། བར་མ་ལ། །ཐམས་འདུས་དང་པོ་དྲོད་ཀྱིའམ། སྡུག་བསྔལ་གྱི་དུས། གཉིས་པ་བདེ་བའི་དུས། གསུམ་པ་མི་རྟོགས་པའི་དུས་གསུམ། དུ་བ་སྨིག་སྒྱུ་མེ་ཁྱེར་སྒྲོན་མེའམ་སྐྱ་རིངས། སྤྲིན་མེད་པའི་ནམ་མཁའ་ལྟ་བུ་སྟེ་རྟགས་ལྔ་དང༌། འབར་བ། ཟླ་བ། ཉི་མ། སྒྲ་གཅན། གློག་ཅེས་བྱ་བ་འོད། སེར། དཀར། སྔོ། དམར་སྐྱ་སྟེ་རྟགས་ལྔ་དང༌། ཉམས་ཀྱི་རྟགས་བཅུ་རྫོགས་པར་འཆར་རོ།། །མཆོག་གི་གཏུམ་མོ་ནི། །དབུ་མའི་མདུད་པ་གྲོལ་ནས་མཆོག་གི་དངོས་གྲུབ་ཕྱག་རྒྱ་ཆེན་པོ་ཐོབ་པ་ཡིན་ནོ། །གཞི་མ་སྒྱུ་ལུས་ལ་མ་དག་པའི་སྒྱུ་ལུས་དག་པའི་སྒྱུ་ལུས། སྦས་དོན་རླུང་སེམས་ཀྱི་སྒྱུ་ལུས་དང་གསུམ། རང་བཞིན་དབྱིབས་ཀྱི་རྣལ་འབྱོར། སྤྲུལ་པ་དབྱིབས་ཀྱི་རྣལ་འབྱོར་གཉིས་

― ZP04_Page_514 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོད་དོ། །བྲོད་ཚད་རྨི་ལམ་ལ། བཟུང་བ། སྦྱང་བ། སྒྱུ་མ་དང་བསླབས། དེ་ཁོ་ན་ཉིན་ལ་བློ་བཞག་འདང་བཞིའོ། །ལམ་གྱི་སྙིང་པོ་འོད་གསལ་ལ། གཞིའི་འོད་གསལ། ལམ་གྱི་འོད་གསལ། འབྲས་བུའི་འོད་གསལ་གསུམ། དང་པོ་ལ་གཉིད་དང་སྙོམས་འཇུག་འཆི་བའི་དུས་གསུམ། བར་མ་ལ༌།།།མོའི་འོད་གསལ། འཐུག་པོའི་འོད་གསལ། ཐ་མལ། མཆོག་ཏུ་མི་འགྱུར་བའི་འོད་གསལ་གཅིག་གོ །ལམ་གྱི་སུན་མ་བར་དོ་ལ། བར་དོ་དང་པོ་འོད་གསལ་ཆོས་སྐུའི་ལམ་ཁྱེར། གཉིས་པ་ཟུང་འཇུག་ལོངས་སྐུའི་ལམ་ཁྱེར། གསུམ་པ་སྐྱེ་བ་འཛིན་པ་སྤྲུལ་སྐུའི་ལམ་ཁྱེར་རོ། །ལམ་གྱི་བློ་ཆོད་འཕོ་བ་ལ་གསུམ། སྦྱངས་ཏེ་འཕོ་བ། བཙན་ཐབས་སུ་འཕོ་བ། །ལུས་གནད་ཀྱི་འཕོ་བ་དང་གསུམ་མོ། །དགེའོ། དགེའོ། །དགེའོ། དཔལ་སྤྲུལ་རིན་པོ་ཆེས་གསུངས་སོ། །

རྒྱལ་སྲས་གཞན་ཕན་མཐའ་ཡས་ཀྱིས་ཞབས་བརྟན་གྱི་འགྲེལ་པ་རྡོ་རྗེའི་ཚིག་གི་ཁ་འབྱེད།

― ZP04_Page_515 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་སྲས་རིན་པོ་ཆེ་གཞན་ཕན་མཐའ་ཡས་ཀྱིས་ཞབས་བརྟན་ཀྱི་འགྲེལ་པ་རྡོ་རྗེའི་ཚིག་གི་ཁ་འབྱེད་ཅེས་བྱ་བ་བཞུགས་སོ། །

― ZP04_Page_516 ―

^{[མ་དཔེ་གཟིགས་ན་འདིར་གནོན།]}

[Full Size]

བཀའ་དྲིན་སུམ་ལྡན་བླ་མ་དམ་པའི་ཞབས་ལ་ཕྱག་འཚལ་ལོ། །འདིར་སྐྱབས་མགོན་དམ་པའི་ཞབས་བརྟན་ཤླཽ་ཀ་གསུམ་པོ་འདིའི་དོན་ཅུང་ཟད་དཀྲོལ་ན། དང་པོ་ཨོཾ་སྭ་སྟི་ཞེས་བདེ་ལེགས་སུ་བྱེད་པའི་ཚིག་གིས་མདུན་བསུ་བ་སྟེ། དེ་ཡང་ཨོཾ་ནི་ཨ་ཨུ་མ་གསུམ་ཚོགས་པའི་ཡི་གེ་ཡིན་པས། འདིས་ནི་གང་བདེ་ལེགས་སུ་བྱ་བ་སེམས་ཅན་རྣམས་ཀྱི་ལུས་ངག་ཡིད་ཀྱི་ཚོགས་པ་དང༌། གང་གིས་བདེ་ལེགས་སུ་བྱེད་པ་སངས་རྒྱས་རྣམས་ཀྱི་རྡོ་རྗེ་གསུམ་གྱི་རང་བཞིན་མཚོན་པར་བྱས་ནས། གང་ཡང་གནས་སྐབས་སུ་བདེ་བ་དང་མཐར་ཐུག་ལེགས་པའི་དོན་ལ་སྨོན་པས་བཀྲ་ཤིས་པར་བྱེད་དོ། །གཞུང་དངོས་ལ་གཉིས་ཏེ།

― ZP04_Page_517 ―

^{[མ་དཔེ་གཟིགས་ན་འདིར་གནོན།]}

[Full Size]

འཆི་བའི་རྒྱུ་གཉིས་སྤོང་བར་གསོལ་བ་འདེབས་པ་དང༌། འཆི་མེད་རྟག་པའི་ངོ་བོར་བཞུགས་པར་གསོལ་བ་འདེབས་པའོ། །དང་པོ་ནི། སྤྱིར་འཁོར་བའི་སྡུག་བསྔལ་ཐམས་ཅད་ནི་འཁོར་བར་སྐྱེ་བ་བླང་བ་ལས་བྱུང་ལ། མ་ཤི་བར་སྐྱེ་བ་མེད་ཕྱིར་སྐྱེ་བ་དེ་ཡང་འཆི་བ་སྔོན་དུ་འགྲོ་བ་ཅན་ཡིན་པས་འདི་གཉིས་ཀྱི་ཐོག་མ་གང་ཡིན་པ་ནི་ཤེས་པར་མི་ནུས་ཤིང་འཁོར་བ་ཐོག་མ་མེད་པ་ཞེས་བྱའོ། །དབང་ཐོབ་པའི་སེམས་དཔའ་ཆེན་པོ་རྣམས་ནི་སྐྱེ་འཆིའི་སྡུག་བསྔལ་རང་མཚན་པ་སྤང་པ་ཡིན་ཡང་གདུལ་བྱའི་དབང་གིས་སྐྱེ་འཆིར་སྟོན་པ་ནི་ཡོད་དོ། །དེས་ན་འཕགས་པའི་གང་ཟག་ལ་ནི་མོས་པས་གསོལ་བ་བཏབ་ན་ཐུགས་རྗེའི་དབང་གིས་

― ZP04_Page_518 ―

^{[མ་དཔེ་གཟིགས་ན་འདིར་གནོན།]}

[Full Size]

འདོད་དགུར་བཞུགས་ལ། ཕལ་བ་ནི་དད་པ་དང་དམ་ཚིག་རྣམ་པར་དག་པའི་སྨོན་པའི་དབང་གིས་བར་ཆད་ཀྱི་གཡུལ་ལས་རྒྱལ་བར་བྱེད་པ་ཡིན་ཞིང༌། འདིར་ནི་སྨོན་པ་དང་གསོལ་བ་འདེབས་པ་གཉིས་ཀའི་དོན་ཡིན་ནོ། །དེ་ལ་ལུས་ཅན་རྣམས་འཆི་བར་འགྱུར་བ་ནི་རྒྱུ་གཉིས་ཏེ། རྣམ་རྟོག་དང་རླུང་ངོ། དང་པོ་ནི་རྒྱུད་ལས། འཆི་བ་ཞེས་བྱ་རྣམ་རྟོག་སྟེ། མཁའ་སྤྱོད་གནས་སུ་འཁྲིད་པར་བྱེད། ཅེས་པས་འཆི་བ་ནི་རྣམ་པར་རྟོག་པ་བསྐྱེད་སྡུད་ཀྱི་དབང་གིས་བཞག་ལ། རྣམ་པར་རྟོག་པ་ཐམས་ཅད་རྣམ་པར་མི་རྟོག་པའི་འོད་གསལ་གྱི་ངང་དུ་ནུབ་པའི་ཆོས་ཉིད་དོན་དམ་པའི་བདེན་པ་མངོན་དུ་བྱས་ན་ནི་འཆི་བའི་སྡུག་བསྔལ་རང་མཚན་པ་མེད་དོ། །དེ་ལྟ་བུའི་འོད་གསལ་དེ་ཡང་གང་ཞེ་ན། འདའ་ཀ་ཡེ་ཤེས་ལས། སེམས་ལ་སེམས་མ་མཆིས་ཏེ་སེམས་ཀྱི་རང་བཞིན་འོད་གསལ་བའོ། །ཞེས་གསུངས་པས། སེམས་རྣམ་པར་རྟོག་པ་ཐམས་ཅད་དང་བྲལ་ནས་སེམས་རང་གི་རང་བཞིན་ནམ། གནས་ལུགས་ཅི་ཡིན་པ་མངོན་དུ་གྱུར་པ་ནི་འོད་གསལ་བའོ། །རྣམ་པར་རྟོག་པ་རྣམས་ནི་ཡུལ་དང་བཅས་པ་ཡིན་ལ། ཡུལ་མེད་པའི་རྣམ་པར་རྟོག་པ་ནི་མི་སྲིད་པས་ཡུལ་དང་ཡུལ་ཅན་གཉིས་སུ་སྣང་བ་དང༌། དེ་ལ་ཞེན་

― ZP04_Page_519 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་དབང་གིས་མཚན་མར་བཟུང་ནས་སྒྲོ་བཏགས་པའི་ཆ་གཉིས་ཀ་ཡང་རྣམ་པར་རྟོག་པ་ཡིན་ནོ། །རྣམ་པར་རྟོག་པ་དེ་དག་ཀྱང་རང་གི་རང་བཞིན་གྱིས་བདེན་པར་གྲུབ་པ་ནི་མེད་དེ། དེ་ཡང་སེམས་ལ་སེམས་མ་མཆིས་ཞེས་པའི་དོན་སེམས་ཉིད་སྣང་སྟོང་དབྱེར་མེད་འདིའི་རང་བཞིན་ལ་འཁྲུལ་པའི་གཉིས་སྣང་གི་སེམས་འདིས་ཇི་ལྟར་བཟུང་བ་ལྟར་མ་གྲུབ་པ་ནི་ཆོས་ཐམས་ཅད་ཀྱི་ཆོས་ཉིད་དམ་གནས་ལུགས་སམ་སྟོང་པ་ཉིད་ཅེས་བྱའོ། །དེ་ལྟ་བུའི་སྟོང་པ་ཉིད་དེ་གཟུང་འཛིན་གཉིས་སྣང་གིས་བར་མ་ཆོད་པར་རིག་པ་ཡེ་ཤེས་ཀྱིས་མངོན་སུམ་དུ་རྟོགས་པ་ནི་འོད་གསལ་མཆོག་གི་རྡོ་རྗེ་སེམས་དཔའི་རང་བཞིན་ནོ། །དེ་ལྟ་བུའི་བདེན་སྟོང་ཆོས་ཀྱི་དབྱིངས་ཀྱི་རང་བཞིན་གང་ཡིན་པ་དང༌། སེམས་འོད་གསལ་བའི་ཡེ་ཤེས་ཇི་ལྟར་མཉམ་པར་སྦྱོར་ན། ཇི་སྲིད་འཕགས་པའི་ས་མ་ཐོབ་བར་དེ་སྲིད་དུ་ནི་གཉིས་སུ་སྣང་བ་དང་བཅས་པས་ཡུལ་དང་ཡུལ་ཅན་དུ་མཉམ་པར་སྦྱོར་ལ། འཕགས་པའི་མཉམ་བཞག་རྣམ་པར་མི་རྟོག་པའི་དུས་ན་གཉིས་སྣང་གི་རྣམ་པར་རྟོག་པ་ཐམས་ཅད་དང་བྲལ་ཏེ་གཉིས་མེད་ཟུང་འཇུག་བློ་འདས་སྤྲོས་བྲལ་གྱི་ངང་དུ་ལན་ཚྭ་ཆུ་ལ་ཐིམ་པ་ལྟར་དབྱེར་མེད་དམ་རོ་གཅིག་

― ZP04_Page_520 ―

^{[མ་དཔེ་གཟིགས་ན་འདིར་གནོན།]}

[Full Size]

ཏུ་མཉམ་པར་སྦྱོར་རོ། །དེ་ཉིད་རྡོ་རྗེ་སེམས་དཔའི་རང་བཞིན་ཇི་ལྟར་ཡིན་ན། ཇི་སྐད་དུ། རྡོ་རྗེ་སྟོང་པ་ཉིད་ལ་བཤད། །སེམས་དཔའ་ཡེ་ཤེས་ཆེན་པོ་སྟེ། །ཞེས་པས་དབྱིངས་སྟོང་པ་ཉིད་ནི་རྡོ་རྗེ་དང༌། རིག་པ་ཡེ་ཤེས་ནི་སེམས་དཔའ་འོ། །དེ་གཉིས་ཟུང་དུ་འཇུག་པའི་རྡོ་རྗེ་སེམས་དཔའ་འོ། །དེ་ལྟ་བུའི་ཡེ་ཤེས་ནི་ཀུན་ཏུ་བཟང་པོ་ཡང་ཡིན་ཏེ། ཇི་སྐད་དུ། རྟོག་པའི་དྲ་བ་རྣམ་བསལ་ཞིང༌། །ཟབ་དང་རྒྱ་ཆེའི་སྐུ་མངའ་བ། །ཀུན་ཏུ་བཟང་པོའི་འོད་ཟེར་ནི། ཀུན་ནས་འཕྲོ་ལ་ཕྱག་འཚལ་ལོ། །ཞེས་པས་སེམས་རྣམ་པར་རྟོག་པའི་གཡོ་བ་ཐམས་ཅད་དང་བྲལ་བའི་འོད་གསལ་བ་ནི་རྣམ་པ་ཀུན་ཏུ་འགྱུར་བ་མེད་ཅིང་ཕན་བདེའི་འོད་ཟེར་སྤྲོ་བའི་རང་བཞིན་ཡིན་པས་ན་ཀུན་ཏུ་བཟང་པོའོ། །དེ་ཉིད་རང་རིག་དོན་གྱི་བླ་མ་ཡང་ཡིན་ཏེ། ཇི་སྐད་དུ། རང་སེམས་བླ་མར་རྟོགས་ཙ་ན། །དུས་གསུམ་རྒྱལ་བའི་དབང་བསྐུར་རྫོགས། །བརྒྱུད་པ་འཛིན་པ་རྣམ་རྟོག་ཡིན། ཞེས་པས་སེམས་ཉིད་འོད་གསལ་བའི་དགོངས་པ་ནི་རྒྱུ་རང་གི་ཡེ་ཤེས་ཡིན་པས་གཞན་བྱུང་གི་རྐྱེན་ལ་བརྟེན་ན་རྟོགས་མི་ནུས་པས་ན་ནང་རང་རིག་གི་བླ་མས་མཚོན་དུ་མེད་པའི་ཚུལ་གྱིས་བླ་མ་དང་གདམས་ངག་གཉིས་སུ་མེད་པར་མཚོན་

― ZP04_Page_521 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བྱེད་པས་ན་བླ་མ་ཡིན་ནོ། །ཅི་ཀུན་ཏུ་བཟང་པོ་ནི་ཆོས་སྐུ་ཀུན་ཏུ་བཟང་པོ་ཞེས་ཡོངས་ལ་གྲགས་ཤིང་གྲུབ་ལ། རྡོ་རྗེ་སེམས་དཔའ་ནི་མཚན་དཔེ་ཞལ་ཕྱག་གི་རྣམ་པར་སྣང་བའི་ལོངས་སྤྱོད་རྫོགས་པའི་ལྷ་དེ་ཡིན་ཞིང༌། བླ་མ་ནི་མ་དག་གདུལ་བྱའི་ངོར་སྣང་བའི་སྤྲུལ་པའི་སྐུ་ཡིན་ན། དེ་གསུམ་ཀ་རྣལ་འབྱོར་པའི་མཉམ་བཞག་གི་ཡེ་ཤེས་གཅིག་ཇི་ལྟར་ཡིན་ཞེ་ན། དེ་ནི་ངེས་པར་ཡིན་ཏེ། རྣལ་འབྱོར་པའི་མཉམ་བཞག་གི་ཡེ་ཤེས་སྤྲོས་པ་དང་བྲལ་བ་གཅིག་ཉིད་འབྲས་བུའི་ཆོས་རྒྱ་མཚོ་ལྟ་བུའི་རྟེན་དུ་གྱུར་པ་ཉིད་ཀྱིས་ན་ཆོས་ཀྱི་སྐུ་ཞེས་བྱ་ལ། ཡོན་ཏན་ལྷུན་གྱིས་གྲུབ་པའི་ཆ་ནས་ནི་ལོངས་སྤྱོད་རྫོགས་པ། ཐུགས་རྗེ་འགགས་པ་མེད་པའི་རྩལ་ནི་སྤྲུལ་པའི་སྐུ་སྟེ། དེ་གསུམ་ཀྱང་རིག་པ་ཡེ་ཤེས་ཀྱི་ཐིག་ལེ་གཅིག་ཏུ་འདུམ་པས་ན་སྙིང་པོའི་དོན་གྱི་རྣལ་འབྱོར་པ་ལ་ལྷ་དང་བླ་མ་ཕྱི་རོལ་ན་མེད་དོ། །དེའི་ཕྱིར་རྒྱུ་རང་གི་ཡེ་ཤེས་ཞལ་ཕྱག་གི་མཚན་མ་དང་བྲལ་བ་ཉིད་མཚན་དཔེ་ཞལ་ཕྱག་གི་རྣམ་པ་ལྟར་བསྒྱུར་ནས་སྒོམ་པ་ནི་གསང་སྔགས་རྡོ་རྗེ་ཐེག་པའི་ཐབས་མཁས་པ་ཡིན་ཏེ། རྒྱུད་ལས། ཐབས་ནི་བདེ་བའི་སྡོམ་པ་སྟེ། དེ་ཕྱིར་དཀྱིལ་འཁོར་འཁོར་ལོ་ཞེས། རྡོ་རྗེ་འཆང་གིས་

― ZP04_Page_522 ―

^{[མ་དཔེ་གཟིགས་ན་འདིར་གནོན།]}

[Full Size]

བཤད་པ་ཡིན། །ཞེས་སོ། །དོན་དུ་ལྷ་དང་བླ་མ་རང་སེམས་ལས་ལོག་ན་མེད་པར་ཤེས་པ་འདི་ནི་རྟོགས་པའི་དུས་ན་དེ་ལྟར་ཡིན་པ་ཙམ་དུ་མ་ཟད། ལམ་ཉམས་སུ་ལེན་པ་དག་གི་སྔོན་དུའང་ངེས་པར་ཤེས་དགོས་པའི་གནད་གལ་པོ་ཆེ་ཡིན་ཏེ། བླ་མ་ཕྱི་རོལ་ཏུ་བཟུང་ན་ཆགས་སྡང་གི་སྤྲིན་གྱིས་སྒྲིབ། ཡི་དམ་ཕྱི་རོལ་དུ་བཟུང་ན་རེ་དོགས་ཀྱི་བདུད་ཀྱིས་བསླུས་ནས་རྡོ་རྗེ་ཐེག་པའི་ལམ་ཉམས་སུ་བླང་པ་ཐམས་ཅད་ལམ་མ་ཡིན་པར་འགྱུར་རོ། །གང་གི་ཚེ་ལྷ་དང་བླ་མ་དབྱེར་མེད་རིག་པའི་ཐིག་ལེ་གཅིག་ལ་རྫོགས་པའི་ཡེ་ཤེས་འོད་གསལ་གྱི་དགོངས་པའི་ངང་དུ་འཆི་བ་ལ་སོགས་པའི་རྣམ་པར་རྟོག་པ་ཐམས་ཅད་དབྱིངས་སུ་ནུབ་པ་ཉིད་མངོན་དུ་བྱས་པའི་དུས་ན་ནི་འཆི་བའི་རྒྱུ་སྤངས་ཏེ་འཆི་མེད་གཉུག་མའི་རྒྱལ་ས་ལ་དབང་བསྒྱུར་བ་ཡིན་པས་དེ་ལྟ་བུའི་ངང་དུ་བཞུགས་པར་གསོལ་བ་འདེབས་པ་ནི། སྣང་བཏགས་ཆོས་ཀུན་བདེན་པས་སྟོང་པ་དང༌། །མཉམ་སྦྱོར་འོད་གསལ་མཆོག་གི་རྡོ་རྗེ་སེམས། །ཀུན་བཟང་བླ་མའི་ངོ་བོར་རང་རིག་པས། །རྒྱལ་བའི་སྲས་ཁྱོད་ཞབས་པར་བརྟན་གྱུར་ཅིག །ཅེས་སོ། །གཉིས་པ་ནི། ཇི་སྐད་དུ། བླུན་པོ་གང་གིས་འཆི་འགྱུར་བ། །དེ་ཡིས་མཁས་པ་འཆི་མེད་བྱེད། །ཅེས་

― ZP04_Page_523 ―

^{[མ་དཔེ་གཟིགས་ན་འདིར་གནོན།]}

[Full Size]

པས་བླུན་པོ་འཆི་བར་བྱེད་པ་ནི་སྲོག་གི་རླུང་གནས་འཕོ་བ་ཙམ་ཡིན་ལ། དེ་ཉིད་ཐབས་ཀྱིས་བཅིངས་པའི་མཁས་པ་དག་གིས་འཆི་བ་མེད་པའི་དཔལ་ཀྱང་སྒྲུབ་པར་བྱེད་དོ། །སྲོག་གི་རླུང་ཞེས་བྱ་བ་དེ་ཡང་གང་ཞེ་ན། ཐོག་མ་མེད་པའི་དུས་ནས་འཁྲུལ་པའི་སེམས་དང་འབྲལ་མི་ཤེས་པར་གནས་ཤིང་རྣམ་པར་རྟོག་པ་ཇི་སྙེད་པ་ཐམས་ཅད་ཀྱི་གཞོན་པར་གྱུར་པ་མདོར་ན་ལུས་དང་ཡུལ་དུ་སྣང་བ་ཇི་སྙེད་པ་ཉིད་ཀྱི་ས་བོན་ནོ། །དེ་ཡང་རིག་པ་ཡེ་ཤེས་ཀྱི་གདངས་རླུང་གིས་བསྐྱོད་པའི་བྱེད་ལས་ལས། དཔེར་ན་ཆུའི་རང་བཞིན་མཉེན་པར་སྣང་པ་ཉིད་རླུང་གིས་བསྡམ་པས་ཆབ་རོམ་སྲ་བར་སྨིན་པ་ལྟར་སེམས་ལ་བེམ་ཆོས་ལས་འདས་པའི་དཀར་དམར་གྱི་ཆ་ཤིན་ཏུ་ཕྲ་བར་ཡོད་པ་ཉིད་རླུང་གིས་དཀྲུགས་པས་འགྲོ་བ་རྣམས་ཀྱི་ལུས་ངག་ཡིད་ཀྱི་སྨིན་སོ་གསུམ་དུ་ཤར་ཏེ། དེའི་དབང་གིས་ཡུལ་གྱི་སྣང་བ་ཡང་རིགས་དྲུག་རང་རང་གི་རྣམ་པར་རྟོག་པ་དང་མཐུན་པར་སྣང་ནས་བདེ་སྡུག་སོ་སོ་ལ་སྤྱོད་དོ། །དེའི་ཕྱིར་ན་སྐྱེ་བའི་རྩལ་འཆི་བའི་རྒྱུ། འཁོར་བའི་ས་བོན་ནི་སྣང་གསུམ་འཕོ་བའི་བག་ཆགས་ཞེས་བྱ་སྟེ། ཀུན་གཞིའི་སེམས་དང་ལྷན་ཅིག་པའི་དཀར་དམར་གྱི་

― ZP04_Page_524 ―

^{[མ་དཔེ་གཟིགས་ན་འདིར་གནོན།]}

[Full Size]

ཆ་དང་དེ་དག་གཡོ་བར་བྱེད་པའི་རླུང་ངོ༌། །དེ་ངག་ཀྱང་རླུང་གི་རྒྱུ་བ་ཕྲ་རགས་ཀྱི་དབང་གིས་ལུས་ཀྱི་སྣང་བ་ཡང་ཕྲ་རགས་སོ་སོར་སྨིན་ཏེ། རང་རེ་འདོད་ཁམས་པའི་མི་ཁམས་དྲུག་ལྡན་གྱི་ལུས་ལ་བརྟེན་པ་དག་ནི་རྡོ་རྗེ་ཐེག་པའི་ལམ་གྱི་གདུལ་བྱའི་གཙོ་བོ་ཡིན་ལ། ད་ལྟ་རགས་པའི་ལུས་སུ་སྣང་བ་འདི་ཡང་དོན་དུ་དཀར་དམར་རླུང་གསུམ་ལས་གཞན་དུ་མེད་མོད། །དཀར་དམར་རླུང་གསུམ་པོ་དེ་ཡང་དག་པ་ཡེ་ཤེས་ཀྱི་ཆ་དང་མ་དག་པ་འཁོར་བའི་ཆ་གཉིས་ཆུ་དང་ཆབ་རོམ་ལྟར་ངོ་བོ་དབྱེར་མེད་པའི་ཚུལ་དང༌། ཏིལ་དང་ཏིལ་མར་ལྟར་ཁྱབ་བྱ་དང་ཁྱབ་བྱེད་དུ་བཞུགས། མ་དག་པ་འཁོར་བའི་ཆ་ལ་ཡང་དངས་མ་སྙིགས་མ་ཕྲ་རགས་ཀྱི་ཆ་རྟེན་དང་བརྟེན་པའམ་རྒྱུ་དང་འབྲས་བུའི་ཚུལ་ས་བོན་དང་སྦུབས་ཤུན་ལྟར་རིམ་པར་བཞུགས། དེ་ཡང་དངས་མའི་ཆ་ལ་གནད་དུ་བསྣུན་པས་སྙིགས་མའི་ཆ་རང་ཤུགས་ཀྱིས་དག་པར་བྱེད་པ་རྡོ་རྗེ་ཐེག་པའི་ལམ་ཐམས་ཅད་ཀྱི་ཁྱད་ཆོས་ཏེ་རྟེན་འབྲེལ་ལུས་ལ་བསྒྲིགས་པས། རྟོགས་པ་སེམས་ལ་འཆར་བ་ཞེས་བྱ། དོན་དེས་ན་ལམ་ཐབས་ལམ་རང་ལུས་དང་གཞན་ལུས་གང་ལ་བརྟེན་ཡང་འདྲ་སྟེ། མ་དག་པའི་རླུང་སེམས་ཀྱི་ཆ་དག་པ་ཡེ་ཤེས་ཀྱི་དྷཱུ་ཏིར་བཙུད་དེ་

― ZP04_Page_525 ―

^{[མ་དཔེ་གཟིགས་ན་འདིར་གནོན།]}

[Full Size]

རྟོག་བྲལ་དབུ་མའི་གཞན་དབང་དུ་གྱུར་པ་ན་ཆབ་རོམ་ཆུར་ཞུ་བ་ལྟར། སྙིགས་མའི་ཆ་དྭངས་མ་དང༌། མ་དག་པའི་ཆ་དག་པར་གནས་གྱུར་ནས་ནང་གི་ཉི་ཟླ་དཀར་དམར་ཆ་གཉིས་ཀྱང་འཁོར་ལོ་ལྔར་ལུགས་འབྱུང་དུ་འབར་བ་དང་འཛགས་པའི་བྱེད་པས་བདེ་སྟོང་མཆོག་གི་ཡེ་ཤེས་བསྐྱེད་དེ་མཐར་ལུགས་ལྡོག་ཏུ་དག་པས་ས་བཅུ་རིམ་པ་བཞིན་དུ་བགྲོད་ནས་ས་བཅུ་རྒྱུན་གྱི་མཐའ་མར་ཁུ་རྡུལ་སྟེང་འོག་ཏུ་ཐིམ་པའི་སྐད་ཅིག་ལ་དངས་མའི་དངས་མ་མི་ཤིག་པའི་རྡོ་རྗེ་གསུམ་གྱི་རང་བཞིན་མངོན་དུ་བྱས་ནས་རྒྱལ་བའི་དཀྱིལ་འཁོར་གྲངས་མེད་པ་སྤྲོ་བ་དང་བསྡུ་བའི་བྱེད་པོར་གྱུར་པ་དེའི་ཚེ་འཆི་བདུད་རྩ་བ་ནས་སྤངས་ཏེ་བདུད་བཞིའི་གཡུལ་ལས་རྒྱལ་བ་ཡིན་ནོ། །དེ་ཡང་ཞིབ་ཏུ་བཤད་ན་ནང་གི་ཉི་མ་ཞེས་ཁམས་དམར་ཆའམ། །ཐིག་ལེར་གྲགས་པ་ཉིད་ནི་ཤེས་རབ་ཡུམ་གྱི་རང་བཞིན་བྱ་བའི་ཡུལ་དུ་བཞུགས་པ་ཉིད་ལ། ཁམས་དཀར་ཆ་ཆུ་ཁམས་དཔྱིད་ཀྱི་གོང་བུ་ཉིད་ནི་བདེ་ཆེན་ཡབ་ཀྱི་རང་བཞིན་བྱེད་པོ་ཐབས་ཀྱི་ཆར་གནས་ས་ཉིད་ཡིན་པས་དཔྱིད་དང་ཐིག་ལེ་ཟུང་དུ་འཇུག་པའི་བྱེད་ལས་ལས་སྣང་བ་གསུམ་གྱིས་དྲངས་པའི་བདེ་ཆེན་གྱི་ཡེ་ཤེས་ནི་རང་ངོ་མ་ཤེས་པ་དང་ཤེས་པའི་བྱེ་བྲག་གིས་འཁོར་འདས་

― ZP04_Page_526 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་ཀའི་སྣང་བ་སྣ་ཚོགས་འཆར་བའི་ཕྱི་མོ་ཡིན་ནོ། །དེ་ཡང་ཕྱི་ཡུལ་གྱི་རེག་བྱ་དོན་དུ་གཉེར་བའི་བྱེད་པ་དཔྱིད་དང་ཐིག་ལེ་ཕྱི་རོལ་དུ་ཞལ་མཇལ་བ་ནི་འཛགས་པའི་བདེ་བ་དང༌། ནང་རླུང་གི་རེག་བྱ་གནས་སུ་བསྐྱོད་པའི་བྱེད་པས་དཔྱིད་དང་ཐིག་ལེ་ནང་དུ་ཞལ་མཇལ་བ་ནི་འཕོ་བའི་བདེ་བ་དང༌། དྭངས་མ་གཡོ་བྱེད་དང་བྲལ་བ་ཉིད་ཀྱིས་དཀར་དམར་ཡེ་ཤེས་ཀྱི་ཐིག་ལེ་སྙིང་དབུས་མི་ཤིག་པའི་ཐིག་ལེར་འདུས་པ་ནི་མི་འགྱུར་བའི་བདེ་བ་ཆེན་པོ་ཞེས་བྱའོ། །དེས་ན་ཇི་སྲིད་འཛགས་པའི་བདེ་བ་ཉམས་སུ་མྱོང་བ་དེ་སྲིད་དུ་ཤ་ཁྲག་རྡོས་བཅས་ཀྱི་ལུས་རགས་པ་ཡང་ཡོད་ལ་དེའི་དབང་གིས་དུས་མ་ཡིན་པར་འཆི་བའམ་ཕྱི་ནང་འབྱུང་བའི་རྐྱེན་གྱིས་འཆི་བའང་ཡོད་དོ། །ཇི་སྲིད་འཕོ་བའི་བདེ་བ་ཉམས་སུ་མྱོང་བ་དེ་སྲིད་དུ་ཕྲ་བ་ཡིད་ཀྱི་ལུས་དང༌། སྟོང་རིག་ཏིང་འཛིན་གྱི་ལུས་དང་སྒྱུ་མ་རླུང་སེམས་ཀྱི་ལུས་ལ་སོགས་པ་ཡོད་ལ་དེའི་ཕྱིར་ལས་ཀྱི་དབང་གིས་འཆི་བའང་ཡོད་དོ། །མི་འགྱུར་བའི་བདེ་བ་མངོན་དུ་བྱས་ནས་ཀྱང་ཇི་སྲིད་སྣང་བ་གསུམ་ཕྲ་བའི་བག་ཆགས་དབྱིངས་སུ་མ་དག་པ་དེ་སྲིད་དུ་དག་པ་ཡིད་ཀྱི་ལུས་ཡོད་ལ་བསམ་གྱིས་མི་ཁྱབ་པའི་འཆི་འཕོ་བ་ཡོད་པར་བཤད་དོ། །དེས་ན་དྭངས་མ་འཛགས་མེད་དུ་བཅིང་ནས་

― ZP04_Page_527 ―

^{[མ་དཔེ་གཟིགས་ན་འདིར་གནོན།]}

[Full Size]

མི་འགྱུར་མཆོག་གི་བདེ་ཆེན་སྒྲུབ་པ་ཉིད་ཀྱིས་ནི་འབྱུང་བ་སྙིགས་མའི་ལུས་རྡུལ་ཕྲ་རབ་ཀྱི་རང་བཞིན་ཐམས་ཅད་ལྕགས་ལ་གསེར་འགྱུར་གྱི་རྩིས་བཏབ་པ་བཞིན་དུ་དངས་མ་ཡེ་ཤེས་ཀྱི་རང་བཞིན་དུ་གནས་འགྱུར་ཏེ་ཟུང་འཇུག་རྡོ་རྗེ་ལྟ་བུའི་སྐུ་འགྲུབ་ནས་འཆི་བའི་རྒྱུ་སྲོག་རླུང་གི་འཕོ་བ་སྤངས་ཏེ་སྐྱེ་འཆི་བགྲེས་རྒུད་བྲལ་བའི་རང་བཞིན་མངོན་དུ་མཛད་པ་ཡིན་པས་དེ་ལྟར་གསོལ་བ་འདེབས་པ་ནི། མ་དག་རླུང་སེམས་དྷཱུ་ཏིའི་གཞན་དབང་དུ། །གྱུར་ནས་ནང་གི་ཉི་མར་ཕན་བདེའི་དཔྱིད། །སྦྱིན་མཛད་ཟླ་བའི་བཏུང་བ་རྒྱུན་མཐའི་བར། །འཛགས་མེད་བགྲང་ཡས་འཁོར་ལོར་རྟག་བརྟན་ཤོག །ཅེས་སོ། །ད་ནི་དེ་དག་གི་དོན་ཧྲིལ་གྱིས་དྲིལ་ན་འཆི་བའི་རྒྱུ་ནི་རླུང་སེམས་གཉིས་ཡིན་ལ། འཆི་བའི་རྒྱུ་གང་ཡིན་པ་དེ་སྐྱེ་བའི་རྒྱུ་ཡང་ཡིན་པས་སྐྱེ་ཤི་འཁོར་བར་སྣང་བའི་རྩ་བ་ནི་གཉིས་པོ་འདི་ཡིན་ནོ། །དེ་ལའང་ཆས་དབྱེ་ན་འཆི་བ་ནི་སེམས་རྣམ་པར་རྟོག་པ་ནང་དུ་སྡུད་པ་ཡིན་ལ། སྐྱེ་བ་ནི་སེམས་འཁྲུལ་པའི་རྩལ་སྣང་ཕྱིར་རླུང་གིས་བསྐྱོད་དེ་སྣང་བ་རགས་པར་འཆར་བའི་ཆ་ཡིན་ནོ། །དེས་ན་ཇི་སྐད་དུ། འཆི་བ་ཞེས་བྱ་དོན་དམ་བདེན་པ་སྟེ། །སྐྱེ་བ་ཡང་ནི་ཀུན་རྫོབ་བདེན་པ་ཡིན། །རིམ་

― ZP04_Page_528 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་འདི་དག་བླ་མའི་དྲིན་གྱིས་ནི། །རྟོགས་པ་གང་དེ་མ་འོངས་སངས་རྒྱས་ཡིན། །ཞེས་གསུངས་སོ། །གཞན་འཆི་བ་ནི་སེམས་འཕོ་བ་ཡིན་ལ། སྐྱེ་བ་ནི་ལུས་འཛིན་པ་ཡིན་པའང་ལུས་སེམས་གཉིས་སམ་རླུང་སེམས་གཉིས་ཀྱང་འདྲ་ལ་སྐྱེ་ཤི་གཉིས་ཀྱང་འདི་ལ་བརྟེན་ནོ། །དེས་ན་སྦྱང་བྱ་སྐྱེ་ཤི་གཉིས་སམ་ལུས་སེམས་གཉིས་སམ། རླུང་སེམས་གཉིས་སམ་འཆི་བའི་རྒྱུ་གཉིས་པོ་འདི་སྦྱོང་བའི་ཕྱིར་དུ་སྦྱོང་བྱེད་ཐབས་གཉིས་སམ། བསྐྱེད་རྫོགས་གཉིས་སམ། ཐབས་གྲོལ་གཉིས་སམ། སྣང་སྟོང་གཉིས་ལ་སོགས་པར་བཞག་པ་དག་སྦྱང་བྱ་དང་སྦྱོང་བྱེད། ལམ་དང་འབྲས་བུ་ལྟོ་སྦྱར་ནས་དཔྱིས་ཕྱིན་པར་ཤེས་པ་ནི་གནད་དུ་ཆེའོ། །འདིར་ཡང་འཆི་བའི་རྒྱུ་སེམས་དང་ལུས་གཉིས་པོ་དེ་ལས། སེམས་རྣམ་པར་རྟོག་པའི་ཆ་སྟོང་ཆ་ཆོས་སྐུའི་འོད་གསལ་གྱིས་སྦྱོང་ལ། ལུས་རླུང་ཕྲ་རགས་ཀྱི་ཆ་སྣང་ཆ་གཟུགས་སྐུའི་འོད་གསལ་གྱིས་སྤྱོད་པ་ཡིན་ཏེ། གཉིས་པོ་འདི་ནི་ཐབས་དང་ཤེས་རབ་བསོད་ནམས་དང་ཡེ་ཤེས་ཐབས་ལམ་དང་གྲོལ་ལམ་ལ་སོགས་པར་སོ་སོར་འདུའོ། །ད་ནི་དེ་ལྟར་སྦྱང་བའི་འབྲས་བུ་སྐུ་དག་པ་ཡེ་ཤེས་ཀྱི་སྣང་ཆ་དང༌། ཐུགས་རྟོག་བྲལ་ཡེ་ཤེས་གཉིས་ཟུང་དུ་འཇུག་པ་ཡེ་ཤེས་ཀྱི་

― ZP04_Page_529 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་ནི་འཆི་མེད་རྟག་པའི་ངོ་བོ་ཡིན་པས་དེའི་རང་བཞིན་དུ་བཞུགས་སུ་གསོལ་བ་འདེབས་པའི་རྩ་བའི་ས་བཅད་གཉིས་པའི་དོན་ཅུང་ཟད་བཤད་ན། དབྱིངས་སྤྲོས་པ་དང་བྲལ་བ་དོན་དམ་ཀ་ནས་དག་པའི་ཆོས་ཉིད་ནི་གཞི་སྟོང་ཉིད་གཤིས་ཀྱི་གནས་ལུགས་ཡིན་ལ། རྟེན་ཅིང་འབྲེལ་འབྱུང་སྒྱུ་མའི་སྣང་བ་མ་འགགས་ཅིར་ཡང་འཆར་བ་ནི་ཀུན་རྫོབ་གཞི་སྣང་ལྷུན་གྲུབ་ཀྱི་སྣང་བ་ཡིན་ནོ། །དེ་གཉིས་དབྱེར་མེད་པའི་ཆོས་ཉིད་རིག་པ་བདེ་གཤེགས་སྙིང་པོ་ནི་གཞི་ལམ་འབྲས་བུའི་གནས་སྐབས་གསུམ་ཆར་ཡང་རང་ངོ་དབྱེར་མེད་པའི་ཆ་ལ་ལྡོག་པས་ཕྱེ་སྟེ་གཞི་ལམ་འབྲས་བུའི་རྒྱུད་དུ་བཞག་ལ་ཆོས་ཉིད་རང་བཞིན་རྫོགས་པ་ཆེན་པོ་ཞེས་ཀྱང་བྱའོ། །དེ་ཡང་འདི་ཡིན་ཏེ་ད་ལྟ་རང་གི་སེམས་བཟོ་བཅོས་དང་བྲལ་བའི་ཡིན་ལུགས་ངོ་བོ་ཅིར་ཡང་མ་གྲུབ་ཅིང༌། རང་བཞིན་ཅིར་ཡང་འཆར་དུ་རུང་བའི་གནས་ལུགས་བདེན་སྟོང་སྤྲོས་པ་དང་བྲལ་བའི་ཆོས་ཉིད་འདི་ཁོ་ན་ལ་ཀ་དག་ཅེས་བྱ་སྟོང་ཉིད་ཅེས་བྱ་བདེ་གཤེགས་སྙིང་པོ་ཞེས་བྱ། གདོད་མའི་གཞི་ཞེས་བྱ། འཁོར་འདས་ཀྱི་གཞི་ཞེས་བྱ་སྟེ་འདི་ལས་ལོག་ན་རྟོགས་བྱ་མཐར་ཐུག་གི་དོན་དམ་བདེན་པའམ། འཕགས་པའི་

― ZP04_Page_530 ―

^{[མ་དཔེ་གཟིགས་ན་འདིར་གནོན།]}

[Full Size]

ཡེ་ཤེས་སམ། ཆོས་སྐུའི་འོད་གསལ་ཞེས་བྱ་བ་ཅི་ཡང་མེད་ལ། འདི་ལས་ལོགས་སུ་དུས་གསུམ་གྱི་ཟླས་ཕྱེ་སྟེ་འཁོར་འདས་ཀྱི་སྔ་རོལ་ཏུ་གྱུར་པའི་གདོད་མའི་སྤྱི་གཞི་ཞེས་བྱ་བ་ཅུང་ཟད་ཀྱང་མེད་དོ། །འོན་ཀྱང་རླུང་སེམས་འཁྲུལ་པའི་རྣམ་རྟོག་གིས་བསླད་མ་བསླད་ཀྱི་ཆ་དང༌། བསླད་མེད་མངོན་སུམ་རྟོགས་མ་རྟོགས་ཀྱི་གནས་སྐབས་ཀྱི་དབྱེ་བ་ནི་ཡོད་དོ། །དེ་བཞིན་ཏུ་ད་ལྟ་ཕྱི་ནང་སྣོད་བཅུད་རང་ལུས་དང་བཅས་པའི་སྣང་བ་སྣ་ཚོགས་པ་མ་བརྟགས་གཅིག་པུ་ཉམས་དགའ་བ་ལྟར་སྣང་ཞིང་བརྟགས་ན་ཡོད་མེད་ཡིན་མིན་གང་དུའང་མ་གྲུབ་ཅིང་རྟེན་ཅིང་འབྲེལ་འབྱུང་སྒྱུ་མ་ལྟ་བུའི་སྣང་བ་འདི་ལ་ཀུན་རྫོབ་ཀྱི་བདེན་པ་དང༌། རྟེན་ཅིང་འབྲེལ་འབྱུང་དང༌། སྣར་བའི་ཡེ་ཤེས་དང༌། གཞི་སྣང་ལྷུན་གྲུབ་ཀྱི་སྣང་བ་ཞེས་བྱ་བ་སྟེ། ད་ལྟ་རང་རེ་ལ་སྣང་བཞིན་པའི་ཡུལ་སེམས་གཉིས་པོ་འདི་ལས་ལོག་ན་གཞི་སྣང་ལྷུན་གྲུབ་ཀྱི་སྣང་བ་ཞེས་བྱ་བ་ཅི་ཡང་མེད་ལ་འབྲས་བུ་སངས་རྒྱས་ཀྱི་སྐུ་དང་ཡེ་ཤེས་ཞེས་བྱ་བའང་ཅི་ཡང་མེད་དོ། །འོན་ཀྱང་དངོས་འཛིན་བདེན་ཞེན་གྱི་དབང་གིས་སྣང་བ་བརྟན་པར་བྱས་མ་བྱས་དང༌། འཁྲུལ་སྣང་གཉིས་འཛིན་གྱི་ཆ་དབྱིངས་སུ་དག་མ་དག་གི་ཁྱད་པར་ནི་ཡོད་དེ། །དོན་དེའི་ཕྱིར་ཡུལ་སེམས་གཉིས་པོ་འདིའི་སྟེང་

― ZP04_Page_531 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་བདེན་གཉིས་ཐ་དད་དུ་འཛིན་པའི་ཡུལ་དང་ཡུལ་ཅན་གཉིས་འཛིན་གྱི་མཐའ་སྤངས་ཏེ་གཉིས་མེད་ཟུང་འཇུག་རྟོགས་པའི་རང་བཞིན་རྫོགས་པ་ཆེན་པོའི་ཡེ་ཤེས་སྤྲོས་པ་དང་བྲལ་བ་འདིའི་ངང་དུ་རྟག་བརྟན་ལྷུན་གྲུབ་ཆེན་པོར་བཞུགས་པར་གསོལ་བ་འདེབས་པ་ནི། དོན་དམ་ཀ་ནས་དག་པའི་སྟོང་ཉིད་དང༌། །རྟེན་ཅིང་འབྲེལ་བ་ལྷུན་གྱིས་གྲུབ་པའི་ཆོས། །གང་ཞིག་གཉིས་སུ་འཛིན་པའི་མཐའ་སྤངས་པའི། །རང་བཞིན་རྫོགས་པ་ཆེན་པོར་བཞུགས་གྱུར་ཅིག །ཅེས་སོ། །མཇུག་སྦྱར་བྱང་ནི་གོ་སླའོ། །དོན་འདི་དག་ནི་ཤིན་ཏུ་བསྡུས་ཏེ་རྣམ་པར་དཔྱད་པའི་སྒོ་ཙམ་དུ་བྱས་པ་ཉིད་ཡིན་གྱིས་རྒྱས་པར་ནི་ཡི་གེས་ཀྱང་འཇིགས་ལ་སྤྲོས་པའང་བསྒྱུར་རོ། །འོན་ཀྱང་དོན་འདི་དག་འཆད་པ་ལ་འོས་སུ་ཆེ་བའི་སྐྱབས་མགོན་རྗེ་བཙུན་མཆོག་གི་ཞལ་སློབ་གསེར་རིའི་ཕྲེང་བ་ལྟར་ཚར་དུ་དངར་བར་བྱུང་མོད། དེ་ལྟར་ནའང་ཟབ་དོན་རྒྱ་མཚོ་ལྟོ་བར་བསྐྱིལ་ནས་ལེགས་བཤད་ཀྱི་མེ་འོད་གནད་ལ་ཕིག་པར་སྨྲ་ནུས་པ་ནི་བཀའ་འབངས་ཡོངས་ཀྱི་ཐ་ཤལ་འཁོར་ཡུག་གི་ལྕགས་རི་ནག་པོ་ལྟ་བུ་བདག་ཁོ་ན་རབས་པའང་ཤེས་ནས་འབད་དོ། །ཚིག་དོན་གནད་ཀྱི་སྟེང་དུ་ལེགས་འདྲིལ་ཞིང༌། །

― ZP04_Page_532 ―

^{[མ་དཔེ་གཟིགས་ན་འདིར་གནོན།]}

[Full Size]

གང་ཤེས་བཤད་ལམ་སྤྲོས་པ་མ་བྱས་པའི། །ལེགས་བཤད་འདི་ལ་བླུན་པོ་མི་སྤྲོ་ཡང༌། །རྣམ་དཔྱོད་རྣམ་པར་ཡངས་པའི་དགའ་སྟོན་ཡིན། །ཅེས་ཞབས་བརྟན་སྨོན་ཚིག་གི་དོན་འབྲེལ་ཉུང་ངུ་འདི་ཉིད་གདོལ་སྤྱོད་དཔལ་དགེ་ཧྲལ་པོས་རྡོལ་ཐབས་ཁོ་ནར་བྲིས་པ་སྟེ་འདིས་ཀྱང་བཀའ་དྲིན་གཞལ་དུ་མེད་པའི་སྐྱབས་མགོན་རྒྱལ་སྲས་དམ་པ་ཉིད་ཞབས་པད་ཡུན་དུ་བརྟན་པའི་རྒྱུར་གྱུར་ཅིག། །།དགེའོ།། །།

གྲུབ་ཆེན་མར་བའི་ལུགས་ཀྱི་ཕྱག་ཆེན་ཁྲིད་ཀྱི་མན་ངག་གནད་ཀྱི་ལྡེ་མིག

― ZP04_Page_533 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ་ཆེན་མར་བའི་ལུགས་ཀྱི་ཕྱག་ཆེན་ཁྲིད་ཀྱི་མན་ངག་གནད་ཀྱི་ལྡེ་མིག་ཅེས་བྱ་བ་བཞུགས་སོ། །

― ZP04_Page_534 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་རྒྱ་ཆེན་པོ་གཅིག་ཆར་དུ་སྟོན་པ་ལ་དབྱེ་ན་གསུམ་སྟེ། རང་བཞིན་ཕྱག་རྒྱ་ཆེན་པོ་ནི། གཞི་ཇི་ལྟར་གནས་པའི་གནས་ལུགས་འཁོར་འདས་ཀྱི་ཆོས་ཐམས་ཅད་སྐྱེ་བ། གནས་པ། དག་པའི་གཞི་ཆོས་ཀྱི་དབྱིངས་སྤྲོས་བྲལ་གཉུག་མ་ལྷན་ཅིག་སྐྱེས་པ། ཀུན་ཁྱབ་ཀྱི་ཡེ་ཤེས་དུས་གསུམ་དུ་འཕོ་འགྱུར་དང་བྲལ་བ་དེ་ལ་རང་བཞིན་ལྷུན་གྲུབ་ཀྱི་སངས་རྒྱས་ཞེས་བྱའོ། །ལམ་ཕྱག་རྒྱ་ཆེན་པོ་ནི། གནས་ལུགས་དེ་ཉིད་བླ་མ་དམ་པས་ངོ་སྤྲད་པས་སློབ་མས་སེམས་ཀྱི་གཉུག་མའི་ཤེས་པ་ངོས་ཟིན་ཏེ། རང་སེམས་ཆོས་སྐུར་ངེས་པ་རྙེད་ནས་སྣང་གྲགས་ཀྱི་ཆོས་

― ZP04_Page_535 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་རྨི་ལམ་སྒྱུ་མ་ལྟ་བུར་སྣང་སྟོང་གྲགས་སྟོང་དུ་བུན་ལོང་གིས་སོང་སྟེ། སེམས་ཉིད་གཅིག་པུའི་དོན་རྟོགས་པས་འཁོར་འདས་ཀྱི་ཆོས་ཐམས་ཅད་ཀྱི་གནས་ལུགས་རྟོགས་པའི་ཤེས་པ་ཤུགས་ལ་འཆར་བས་རྟོགས་པ་དེ་ལ་གོམས་འདྲིས་བྱེད་པའོ། །འབྲས་བུ་ཕྱག་རྒྱ་ཆེན་པོ་ནི། གཞི་ལ་རྟོགས་པ་མངོན་དུ་གྱུར་པ་སྟེ། རྟོགས་པའི་དོན་ལ་གོམས་པ་རྩེ་གཅིག་ཏུ་བྱས་པས། ང་བདག་ཉོན་མོངས་བག་ཆགས་དང་བཅས་པ་རིམ་གྱིས་གཞི་ལ་དག །དྲན་རིག་གཟུང་འཛིན་བག་ཆགས་དང་བཅས་པ་རིམ་གྱིས་ཆོས་ཉིད་ལ་ཐིམ། རྟོགས་པ་ཉམས་ཀྱི་ཤེས་པ་ཕྲ་མོ་ཡང་དབྱིངས་སུ་ཡལ་ཏེ་ཕྱི་ནང་གི་ཆོས་ཐམས་ཅད།

― ZP04_Page_536 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་ཀྱི་དབྱིངས་བློ་འདས་སྤྲོས་བྲལ་འབའ་ཞིག་ཏུ་སངས་ལ། དེ་ཉིད་ཤེས་བྱ་ཐམས་ཅད་ལ་ཁྱབ་ཅིང་རྒྱས་པའོ། ༈ རང་བཞིན་གཞིའི་གནས་ལུགས་དེ་ལ་ཐ་སྙད་ཙམ་དུ་མིང་གི་རྣམས་གྲངས་དུ་མ་བརྗོད་ཀྱང་། མིང་དེ་ཡང་གདགས་གཞིས་སྟོང་། འདོད་ཆགས་མཁན་གྱིས་སྟོང་བཏགས་པའི་དངོས་པོས་སྟོང་པས་མིང་ཙམ་ཡང་ཤེས་བྱར་མ་གྲུབ་པའི་ཕྱིར་གནས་ལུགས་ཡོད་མེད་ཅིར་ཡང་མ་གྲུབ་པའི་དོན་ལ་ཕྱག་རྒྱ་ཆེན་པོ་དང་སྟོང་ཉིད་སོགས་ཀྱི་ཐ་སྙད་བཏགས་པའོ། །གཤིས་ལུགས་དེ་ཉིད་ནི་རྣམ་ཤེས་དང་ཡེ་ཤེས་ཀྱི་ཡུལ་དུ་བྱར་མེད་ལ་དོན་བློ་ལས་འདས་ཤིང་ཡིད་ལ་བྱར་མེད་པས། དེ་ཉིད་ལུང་རིག་བརྡ་དཔེ་གང་གིས་ཀྱང་མཚོན་དུ་མེད་དེ། ལུང་ནི་བརྗོད་པའི་ཚིག་གི་མཐའ་ཅན་ཡིན། །རིག་པ་ནི་རྟོག་དཔྱོད་རྟོག་པའི་མཐའ། །བརྡའ་ནི་གོ་ཡུལ་དམིགས་པའི་མཐའ་ཅན། །དཔེ་ནི་འདྲ་མཐུན་དམིགས་པའི་མཐའ་ཅན་ཡིན་པས། བློ་འདས་ཕྱག་རྒྱ་ཆེན་པོ་ནི་དཔེ་དོན་གྱི་ལུང་གིས་མཚོན་དུ་མེད། །མངོན་སུམ་རྗེས་དཔག་རིགས་པས༴ །ལུས་ངག་ཡིག་གསུམ་བརྡ་ཡིས༴ །ནམ་མཁའ་ལ་སོགས་དཔེ་ཡི་མཚོན་དུ་མེད། ལུང་རིག་བརྡ་དཔེས་མཚོན་པའི་དོན་དེ་ཉིད་ཕྱག་རྒྱ་ཆེན་པོའི་གཟུགས་བརྙན་ཙམ་

― ZP04_Page_537 ―

^{[མ་དཔེ་གཟིགས་ན་འདིར་གནོན།]}

[Full Size]

ལས། དངོས་མ་ཡིན་པས་དེ་ལ་དོན་དུ་བཟུང་ན་མི་གྲོལ། དེས་ན་ལམ་གྱི་ཆོས་ཐམས་ཅད་དང་ཕྱག་རྒྱ་ཆེན་པོ་ལ་འབྲེལ་བ་མེད་པས་ཕྱག་རྒྱ་ཆེན་པོ་ནི་རྒྱུ་འབྲས་ཀྱི་ལྟོས་ཆོས་དང་བྲལ་བའོ། །དེའི་ཕྱིར་འཁོར་འདས་ལམ་གསུམ་གྱི་ཆོས་ཐམས་ཅད་ཕྱག་རྒྱ་ཆེན་པོའི་བྱར་རེག་མེད་པས་འཁོར་འདས་ལ་སོགས་པར་བརྟགས་པའི་ཆོས་གང་ཡང་ཕྱག་རྒྱ་ཆེན་པོ་མ་ཡིན་ལ། །དེ་ཉིད་ལས་གཞན་དུ་བརྗོད་དུ་མེད་པས་ཐམས་ཅད་ཕྱག་རྒྱ་ཆེན་པོ་ཉིད་ལས་མ་འདས། ཀུན་ཡིན་གང་ཡང་མ་ཡིན་པའི་དོན་བཟའ་གཏད་མེད་པ་ནི་ཕྱག་རྒྱ་ཆེན་པོའི་དེ་ཁོ་ན་ཉིད་དོ། །དེ་ནི་མིང་ཙམ་ལས་དོན་མེད་ལ། དོན་མེད་ལ་མིང་དུ་བཏགས་སུ་མེད་པས་ལྟོས་ཆོས་དང་བྲལ་བའི་སྟོང་པ་ནམ་མཁའི་མེ་ཏོག་གམ་རི་བོང་གི་རྭ་ལྟ་བུ་ཤེས་བྱའི་གཤིས་ལ་དེ་ཉིད་རྟོགས་པ་མངོན་དུ་གྱུར་པའི་སངས་རྒྱས་ཀྱི་དགོངས་པ་ལ་བདག་དང་སེམས་ཅན། སྣང་བ་རྟོག་པ། བདེན་པ། རྫུན་པ། རྟག་ཆད། ཀུན་རྫོབ། དོན་དམ། འདུས་བྱས་འདུས་མ་བྱས། ཟག་བཅས་ཟག་མེད། དགེ་མི་དགེ། བདེ་སྡུག །ཀུན་ནས་ཉོན་མོངས་པ། རྣམ་པར་བྱང་བ། དུས་གསུམ། ཁམས་གསུམ། སྒོ་གསུམ། སྐུ་གསུམ། འཁོར་བ་མྱང་འདས་གང་ཡང་མེད་དོ། །འོན་ཀྱང་གློ་བུར་གྱི་རྐྱེན་དུ་མ་ཚོགས་པའི་རྐྱེན་གྱིས་རང་བཞིན་ཕྱག་རྒྱ་ཆེན་

― ZP04_Page_538 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་དེ་ཁོ་ན་ཉིད་བདག་གཞན་འཁོར་འདས་སྣ་ཚོགས་སུ་མ་འགགས་པར་ཤར། ཤར་ཙམ་ཉིད་ནས་གང་ཡང་ཤར་བ་མེད་དེ་གཞི་ཡིས་སྟོང་། རྒྱུ་ཡིས༴ བྱེད་པོས༴ དངོས་པོས༴ སྐྱེ་བས༴ གནས་པས༴ འགགས་པས༴ དེ་ཐམས་ཅད་ཕྱག་རྒྱ་ཆེན་པོའི་དོན་ལ་འཕོ་འགྱུར་མེད་པ་ནི། རང་བཞིན་ཕྱག་རྒྱ་ཆེན་པོའི་དེ་ཁོ་ན་ཉིད་ལྟོས་ཆོས་དང་བྲལ་བ་ཐམས་ཅད་མཁྱེན་པས་ཀྱང་ཡུལ་དུ་བྱར་མེད་པའོ། །གཤིས་ལུགས་ཀུན་ཁྱབ་ཀྱི་ཡེ་ཤེས་དེ་ཉིད་སེམས་ཅན་ཐམས་ཅད་ཀྱི་རྒྱུད་ལ་རང་ཆས་སུ་ཁྱབ་པར་གནས་པ་ལ་ལྷན་ཅིག་སྐྱེས་པའི་ཡེ་ཤེས་ཞེས་བྱའོ། ལམ་ཕྱག་རྒྱ་ཆེན་པོའི་དེ་ཁོ་ན་ཉིད་སྟོན་པ་ལ་ལྟ་སྒོམ་སྤྱོད་པ་གསུམ་ལས། དང་པོ་ལྟ་བས་ཐག་བཅད་པ་ནི། གོང་གི་རང་བཞིན་ཕྱག་རྒྱ་ཆེན་པོའི་དེ་ཁོ་ན་ཉིད་བསྟན་པ་དེ་ཇི་བཞིན་དུ་རྟོགས་ཤིང་ཐག་ཆོད་པ་ཡིན་ལ། དེ་ཡང་མདོར་བསྡུས་ཏེ་བསྟན་ན། ཆོས་ཐམས་ཅད་ཡེ་ནས་མེད་པའོ། ཡེ་ནས་མེད་པ་ལ་ཡོད་པ་ལྟར་སྣང་བའམ། ཡོད་པ་ལྟར་སྣང་ཡང་ཡེ་ནས་མེད་པའོ། ཅིའི་ཕྱིར་ཞེ་ན་ཆོས་ཐམས་ཅད་རང་གི་སེམས་ཀྱིས་སྣང་བ་ཙམ་མོ། སེམས་ཉིད་ཡེ་ནས་མེད་པའོ། །ཡོད་པ་ལྟར་སྣང་བ་ནི་ཕྱིན་ཅི་ལོག་གོ། །དེའི་ཕྱིར་ཆོས་ཐམས་ཅད་ཡེ་ནས་མེད་པའོ། །ཡེ་ནས་མེད་པ་ལ་ཡོད་མེད་ཀྱི་རྩིས་གདབ་བྱར་མེད་པས་

― ZP04_Page_539 ―

^{[མ་དཔེ་གཟིགས་ན་འདིར་གནོན།]}

[Full Size]

བློ་ལས་འདས་པའོ། །བློ་འདས་ཀྱི་དོན་མཚོན་དུ་མེད་པས་མཚོན་པ་ལས་འདས། རྟོགས་ཏུ་མེད་པས་རྟོག་པ༴ ཤེས་སུ་མེད་པས་ཤེས་པ༴ ཡིད་ལ་བྱར་མེད་པས་སྒོམ་ལས་འདས་པར་ཐག་ཆོད་པ་ནི་ལྟ་བ་ཕྱིན་ཅི་མ་ལོག་པར་རྟོགས་པའོ། །དེ་ཡང་མདོར་བསྡུས་ན་ཇི་ལྟར་དྲན་ཞིང་སྣང་བའི་ཆོས་ཐམས་ཅད་གང་དྲན་ཞིང་སྣང་བའི་དུས་ཉིད་ན། དེ་དག་རང་བཞིན་ནམ་ངོ་བོ་ཉིད་ཀྱིས་དྲན་མེད་སྟོང་པ་འབའ་ཞིག་ཏུ་ཐག་ཆོད། སྟོང་པའི་རང་བཞིན་གང་དུ་ཡང་མ་སྐྱེས་ཤིང་། སྐྱེ་བ་མེད་པས་སྐྱེ་མེད་དུ་ཐག་ཆོད། སྐྱེ་མེད་ཀྱི་ངོ་བོ་བློ་ལས་འདས་ཤིང་ཡིད་ལ་བྱར་མེད་པར་ཐག་ཆོད་དེ། བློ་དབྱིངས་སུ་ཡལ་ངང་དུ་ལུས་པ་ནི། ཕྱིན་ཅི་མ་ལོག་པའི་ལྟ་བ་ཉམས་སུ་མྱོང་བའོ། །གཉིས་པ་སྒོམ་པས་ཉམས་སུ་བླང་བ་ནི་གསུམ་སྟེ། སྤྱིར་ཆོས་འདི་དབང་པོ་ཡང་རབ་ལ་དགོངས་པ་ཡིན་ཡང་། དབང་པོ་རབ་ལའང་རབ་འབྲིང་ཐ་མ་གསུམ་སྟེ། དབང་པོ་རབ་ཀྱིས་ཆོས་ཉིད་ཅིག་ཆར་དུ་གྲོལ་ཞིང་རྟོགས་ཙམ་ན། ལྟ་བ་མུ་མཐའ་ཕྱོགས་རིས་ལས་གྲོལ་ཏེ་ལུང་རིགས་ཀྱི་ཐ་སྙད་སྦུན་ལྐོགས་སུ་སོང་། ཐམས་ཅད་ཆོས་ཉིད་མཉམ་པ་ཉིད་རང་གྲོལ་ཆེན་པོའི་ཀློང་དུ་གྲོལ་བས། ཆོས་ཀྱི་དབྱིངས་སུ་མ་ཕྱིན་པར་བརྡོལ། མཉམ་པ་ཉིད་དུ་མ་བཞག་པར་ལུས། ལམ་ལ་འབད་

― ZP04_Page_540 ―

^{[མ་དཔེ་གཟིགས་ན་འདིར་གནོན།]}

[Full Size]

རྩོལ་མ་བྱས་པར་ཟིན། བདག་གཞན་གྱི་དོན་ཐམས་ཅད་མ་སྒྲུབ་པར་གྲུབ་པས། དེ་ལ་ཆེད་དུ་བསྒོམ་པའི་འབད་རྩོལ་མི་དགོས་ཏེ། ཆོས་ཉིད་ཀྱི་ངང་ལ་གཟུང་འཛིན་གྱི་འཁྲུལ་པ་རང་རྒྱུད་བ་བཙལ་ཡང་མི་རྙེད་དོ། །ཅི་སྣང་ཅི་ཤར་ཅི་བྱས་ཐམས་ཅད་ཕྱག་རྒྱ་ཆེན་པོའི་དེ་ཁོ་ན་ཉིད་ལས་མ་འདས་པའི་ཕྱིར་རོ། །དབང་པོ་འབྲིང་གི་དོན་ཕྱིན་ཅི་མ་ལོག་པར་རྟོགས་ཀྱང་རྟོགས་པའི་ངང་དུ་བློ་མ་གྲོལ་བས་ཉམས་སྤྲིན་བར་གྱི་ཉི་མ་ལྟར་གསལ་འགྲིབ་དང་མཐོ་དམན་སྣ་ཚོགས་འབྱུང་བས་དེ་ལ་དབེན་པར་གོམས་འདྲིས་བྱེད་པ་གནད་དུ་ཆེ་བ་སྟེ། དེ་ཡང་རྟོགས་པའི་དོན་ལ་སྒོམ་རྒྱུ་རྡུལ་ཙམ་ཡང་མེད་ལ་དེ་ལོ་ན་ཉིད་ལས་ཡེངས་སུ་སྐད་ཅིག་ཀྱང་མེད་པར་སྐྱོང་ངོ་། །དེ་ལ་དབང་པོ་འབྲིང་གིས་སེམས་ཀྱི་བཞག་ཐབས་བརྒྱད་ཀྱིས་སྐྱོང་སྟེ། རིག་པ་ཡེ་སྟོང་བདག་མེད་ཁྱབ་བརྡལ་དུ་བཞག་པ་དང་། འདིར་འདོད་ཀྱི་དམིགས་པ་མེད་པ་ཐ་མལ་རང་ལུགས་སུ༴ །རེ་དོགས་བཅོས་བསྒྱུར་མེད་པར་གཉུག་མར༴ །དུས་སྔ་ཕྱིའི་རྟོག་པས་མ་བསླད་པར་རིག་པ་སོ་མར༴ དེ་ལ་བྱིང་རྨུག་མེད་པར་གསལ་རིག་ངར་དང་བཅས་པར༴ །རྣམ་རྟོག་འགྲོ་འོང་ཐམས་ཅད་ཆོས་ཉིད་སྟོང་པ་ཉིད་དུ་ཤེས་པར་བྱ་སྟེ༴ །ཡུལ་ལ་རྗེས་འབྲང་མེད་པར་ཚོགས་དྲུག་ལྷུག་པ་རྒྱ་ཡན༴ །རྟག་དུ་ལྟ་སྒོམ་གྱི་དྲན་པ་བརྗོད་མེད་དུ་ཤེས་

― ZP04_Page_541 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་རྒྱུན་ཆགས་སུ་བརྟེན་ཏེ་བཞག་པའོ། དེ་ལྟར་སྐྱོང་དུས་རྟག་ཏུ་བླ་མ་ལ་མོས་གུས་བྱ་བ་གལ་ཆེ་སྟེ། མོས་གུས་ཡོད་པར་བྱིན་རླབས་ཡོད། བྱིན་རླབས་ཡོད་པར་ཉམས་རྟོགས་ཡོད་དོ། དབང་པོ་ཐ་མས་ལྟ་བའི་དོན་ཕྱིན་ཅི་མ་ལོག་པ་སྒྲ་སྤྱིའི་རྣམ་པ་ཙམ་ལས་དོན་རང་གི་མཚན་ཉིད་ཉམས་སུ་མ་མྱོང་བས། མོས་པ་དང་གོ་ཡུལ་ཙམ་སྟེ། དོན་ལ་ངེས་ཤེས་ལྷག་པ་མེད་པས། དེ་ལ་བསྐྱེད་རྫོགས་ཀྱི་ཐབས་ལམ་གནད་དུ་ཆེ་སྟེ། ཐབས་ལམ་གྱི་རྟ་ལ་ཞོན་ཏེ་རིག་པ་བཅུན་པས་ནང་དུ་ཉམས་བདེ་གསལ་མི་རྟོག་པ་ཤུགས་ལ་སྐྱེ། དེ་ཉིད་ལ་སྦྱངས་པས་རྟོགས་པ་ཁད་ཀྱིས་སྐྱེའོ། །ཚེ་འདིར་རྟོགས་པ་ལྷངས་པ་མ་སྐྱེས་ཀྱང་ཟབ་མོའི་དོན་ལ་མོས་གུས་བྱས་པ་ཙམ་གྱིས་ཀྱང་འདུས་བྱས་ཀྱི་དགེ་བ་ལས་ཁྱད་པར་དུ་འཕགས་པས། སྐྱེ་བ་འགའ་ཞིག་བརྒྱུད་ནས་གྲོལ་བའི་རྒྱུར་འགྱུར་ལ། སེམས་ཉིད་རྩེ་གཅིག་པའི་ཏིང་ངེ་འཛིན་ལ་བརྟེན་པས་ཀྱང་ངན་སོང་གི་སྒོ་ཁེགས་པར་འགྱུར་རོ། དེ་ལྟར་དབང་པོ་ཐ་མས་ཉམས་ལེན་བྱེད་པའི་དུས་ན། ཤིན་ཏུ་དབེན་ཞིང་ཉམས་དགའ་ལ་བཀྲ་ཤིས་པའི་གནས་སུ་བླ་མ་དམ་པའམ་གྲོགས་དམ་ཚིག་ལྡན་པ་བརྟེན་པ་གལ་ཆེའོ། །བླ་མ་དམ་པ་ལ་ཡང་བརྟེན་པ་ཙམ་གྱིས་མི་ཕན་ཏེ། བླ་མ་ལ་སངས་རྒྱས་དངོས་ཀྱི་འདུ་ཤེས་བྱས་ལ་མོས་གུས་བྱ་དགོས། །

― ZP04_Page_542 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱིར་བླ་མ་ལ་སངས་རྒྱས་ཀྱི་རྣམ་འཕྲུལ་དང་། སར་གནས་ཀྱི་བྱང་སེམས་དང་། སྐྱེ་བོ་དམ་པ་རྣམས་གང་དུ་མཐོང་བ་དེའི་བྱིན་རླབས་འཇུག་ཅིང་དེའི་ཡོན་ཏན་སྐྱེའོ། སོ་སོའི་སྐྱེ་བོ་ཐ་མལ་པ་དང་འདྲ་བར་མཐོང་ན་བྱིན་རླབས་ཅི་ཡང་མི་འཇུག །ཡོན་ཏན་ཅི་ཡང་མི་སྐྱེ། བླ་མ་ཟོག་པོ་སྐྱོན་ཅན་དུ་མཐོང་ན་དེ་ལ་བརྟེན་ཅིང་ཆོས་ཞུས་པ་དེས་སླར་ངན་སོང་གི་རྒྱུ་བྱེད་དོ། །བླ་མ་མཚན་ཉིད་དང་ལྡན་པ་མཇལ་ན་སངས་རྒྱས་དངོས་ཀྱི་འདུ་ཤེས་ཀྱིས་མོས་གུས་བྱ་བ་གནད་ཆེ་ཞིང་། ངོ་བོ་ལ་ཡང་བླ་མ་དམ་པ་འདི་སངས་རྒྱས་དངོས་ཡིན་པའི་རྒྱུ་མཚན་མང་པོ་ཡོད། གསུམ་པ་སྤྱོད་པ་ལ་རྩལ་སྦྱོང་པ་ནི། །དབང་པོ་རབ་ཀྱི་སྤྱོད་པ་ལ་ངེས་པ་མེད་དེ། ཅིར་སྣང་ཆོས་ཉིད། གང་ཤར་ཡེ་ཤེས། ཅི་བྱས་རྩལ་སྦྱོང་། ཅི་བྱུང་དངོས་གྲུབ་པོ། དབང་པོ་འབྲིང་ཐ་གཉིས་ཀྱིས་སྤྱོད་པའི་གོ་རིམ་བཞི་ལ་བསླབ་པར་བྱ་སྟེ། དང་པོ་སེམས་ལ་བརྟན་པ་མ་ཐོབ་ཀྱི་བར་དུ་གསང་སྤྱོད་སྦས་པའི་བརྟུལ་ཞུགས་ལ་བསླབ་པ་ནི། ཤིན་ཏུ་དབེན་པའི་གནས་སུ་ལུས་ངག་ཡིད་གསུམ་གསང་སྤྱོད་སྦས་པའི་བརྟུལ་ཞུགས་ལ་གནས་པར་བྱ་སྟེ། ལུས་མི་དང་མི་འཕྲད་པར་མཚམས་དམ་དུ་བཅད་ལ། དེར་ལུས་ཀྱི་ཐ་མལ་གྱི་རྣམ་རྟོག་བརྟུལ་ཞིང་ལུས་དམ་ཚིག་གི་ཕྱག་རྒྱ་ལ་ཞུགས་པའོ། །ངག་ཆོས་

― ZP04_Page_543 ―

^{[མ་དཔེ་གཟིགས་ན་འདིར་གནོན།]}

[Full Size]

གཏམ་དང་ཡི་དམ་ལྷའི་བསྙེན་པ་དང་བློའམ་ཉམས་ཀྱི་གཏམ་ལ་སོགས་པ་ཐམས་ཅད་གསང་ལ། དེར་ངག་ཐ་མལ་ཀྱི་སྨྲ་བ་བརྟུལ་ཞིང་ངག་ཆོས་ཀྱི་ཕྱག་རྒྱ་ལ་ཞུགས་པའོ། །ཡིད་ནང་གི་ཉམས་དང་རྟོགས་པ་ཐམས་ཅད་གསང་ཞིང་སྦས་ལ། ཡིད་ཐ་མལ་གྱི་རྣམ་རྟོག་བརྟུལ་ཞིང་ཡིད་ཕྱག་རྒྱ་ཆེན་པོའི་དེ་ཁོ་ན་ཉིད་ལ་ཞུགས་པའོ། །རྫས་དང་ཡོ་བྱད་གསང་སྤྱོད་སྦས་པའི་བརྟུལ་ཞུགས་ནི། ཤ་ལྔ་བདུད་རྩི་ལྔ་དང་། ཐོད་པ། ཌཱ་མ་རུ། མན་ངག་གི་བེམ་བུམ་ལ་སོགས་པ་མི་ལ་མི་བསྟན་པར་གསང་ཞིང་སྦས་པས་དམ་རྫས་དང་ཡོ་བྱད་ཐ་མལ་དུ་སྤྱོད་པའི་རྣམ་རྟོག་བརྟུལ་ཞིང་། ཡོ་བྱད་ཐམས་ཅད་ལས་ཀྱི་ཕྱག་རྒྱ་ལ་ཞུགས་པའོ། དེ་ལྟར་བསླབས་པས་སེམས་ལ་བརྟན་པ་ཅུང་ཟད་ཐོབ་པ་དང་། རིག་སྤྱོད་ལ་བསླབ་པར་བྱ་སྟེ། རེས་འགའ་འདོད་ཡོན་ལྔ་ལ་ཅི་བདེར་སྦྱོང་པས་རིག་པའི་རྩལ་སྦྱོང་། ཡང་འདོད་ཡོན་སྤངས་ལ་རོ་སྙོམས། རེས་འགའ་མང་པོའི་ཚོགས་སུ་ཕྱིན་ལ་ལྟ། ཡང་གཅིག་པུར་ཕྱིན་ལ་རོ་སྙོམས། རེས་འགའ་འགྲོ་འདུག་དང་བྱ་བྱེད་སྣ་ཚོགས་ལ་རྩལ་སྦྱངས་ཡང་དབེན་པར་བྱར་མེད་ལ་བསྡད་ལ་རོ་མཉམ། རེས་འགའ་ཆོས་ཀྱི་ཉན་བཤད་བྱ། རེས་འགའ་གཏམ་བྱ་ཐ་མལ་གྱི་གླེང་མོ་སྣ་ཚོགས་བྱས་ལ་རྩལ་སྦྱང་། ཡང་སྨྲ་བ་ཐམས་

― ZP04_Page_544 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་རོ་སྙོམས། རེས་འགའ་བདེ་སྐྱིད་ཅན་གྱི་སར་ཕྱིན་ལ་ལྟ། རེས་འགའ་སྡུག་བསྔལ་ཅན་གྱི་སར་ཕྱིན་ལ་ལྟ། ཡང་གཅིག་པུར་བཏང་སྙོམས་སུ་བསྡད་ལ་རོ་སྙོམས། མདོར་ན་རང་གི་སེམས་ལ་ཕན་པའི་ཡུལ་དང་གནོད་པའི་ཡུལ་རྣམས་རེ་མོས་སུ་བརྟེན་ཅིང་རིག་པའི་རྩལ་སྦྱངས་ལ་རོ་སྙོམས་པར་བྱའོ། །དེ་ལྟར་རོ་སྙོམས་པས་བརྟན་པ་ཆེར་ཐོབ་སྟེ། སེམས་ལ་གདེངས་ཆེན་པོ་ཐོབ་པ་དང་སྨྱོན་སྤྱོད་བྱ་སྟེ་ཅི་སྣང་ཐམས་ཅད་ལ་མཉམ་དུ་སྤྱོད་ཅིང་མཉམ་དུ་འདོར་བའི་རྩིས་མེད་ཉམ་ང་མེད་པའི་སྤྱོད་པ་སྨྱོན་པ་ལྟ་བུ་ལོའམ་ཟླ་བ་ཅི་རིགས་པར་སྤྱད་པས་རེ་དོགས་དང་དགག་སྒྲུབ་ཀྱི་རྟོག་པ་རྩད་ནས་ཆོད་པ་དང་། ཆེད་དུ་བྱ་བ་མེད་པའི་སྤྱོད་པ་བུ་ཆུང་ལྟ་བུ་ལ་གནས་པས་ཚེ་འདི་ཉིད་ལ་མཆོག་གི་དངོས་གྲུབ་ཐོབ་པར་ངེས་སོ། །དེ་ལྟར་དབང་པོ་རབ་འབྲིང་ཐ་མ་གསུམ་གྱི་སྤྱོད་པ་སྐྱོང་བའི་ཚེ། བླ་མ་ལ་མོས་གུས་སེམས་ཅན་ལ་སྙིང་རྗེ་རྒྱུན་མི་འཆད་པ་དང་། རྟག་ཏུ་དྲན་ཤེས་བག་ཡོད་གསུམ་བརྟེན་པ་དང་། ཁྱད་པར་དུ་དབང་པོ་ཐ་མས་སྡིག་དང་མ་འདྲེས་པའི་བསོད་ནམས་བསགས་པ་ལ་ནན་ཏན་དུ་བྱ་བ་གནད་དུ་ཆེའོ། །འབྲས་བུ་ཕྱག་རྒྱ་ཆེན་པོའི་དེ་ཁོ་ན་ཉིད་བསྟན་པ་ལ་གཉིས་ཏེ། གནས་སྐབས་དང་མཐར་ཐུག་གི་འབྲས་བུའོ། དང་པོ་ནི་ཆོས་གཞན་གྱི་ལུགས་ཀྱིས་ས་ལམ་གྱི་ཉམས་དང་རྟོགས་པའི་རིམ་

― ZP04_Page_545 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དང་། དེའི་ཡོན་ཏན་གྱི་རྟགས་མངོན་ཤེས་རྫུ་འཕྲུལ། ཕྲིན་ལས་བཞི། གྲུབ་པ་བརྒྱད། འབྱུང་བཞི་ལ་རང་དབང་ཐོབ་པ་ལ་སོགས་པ་ཡིན་ལ། ཕྱག་རྒྱ་ཆེན་པོའི་ལུགས་ཀྱི་ནི། ལམ་ལྔ་ས་བཅུ་རིམ་གྱིས་བགྲོད་དུ་མེད་དེ་ཆིག་ཆོད་ཡིན། ཉམས་དང་རྟོགས་པའི་རིམ་པ་ངོས་བཟུང་དུ་མེད། བློ་ལས་འདས་པ་ཡིན། ཐུན་མོང་གི་རྟགས་དང་དངོས་གྲུབ་ལ་ཡོན་ཏན་དུ་མི་བལྟ་བར། ཕྱག་རྒྱ་ཆེན་པོ་སྐྱོན་ཡོན་ལས་འདས་པ་ཡིན། འོ་ན་ཕྱག་རྒྱ་ཆེན་པོ་ལ་གནས་སྐབས་ཀྱི་འབྲས་བུ་མེད་དམ་ཞེ་ན། ཕྱག་རྒྱ་ཆེན་པོ་ནི་དྲང་དོན་བསླུ་བྲིད་ཀྱི་ཆོས་མ་ཡིན་ཏེ། ངེས་དོན་ཅིག་ཆར་གྱི་ཆོས་ཡིན། གནས་སྐབས་རེ་ཤིག་གི་ལམ་མ་ཡིན་ཏེ་ཤེས་བྱ་མཐར་ཐུག་གི་ལམ་ཡིན་པས། ཐུན་མོང་གི་དངོས་གྲུབ་ཉམས་རྟོགས་རྐྱེན་སྐྱེས་གློ་བུར་བ་མི་རྟག་ཅིང་སླུ་བའི་ཆོས་ཅན་རྣམས་ལ་གནས་སྐབས་ཀྱི་འབྲས་བུའི་ཡོན་ཏན་དུ་མི་འཛིན་ལ། ཕྱག་རྒྱ་ཆེན་པོའི་གནས་སྐབས་ཀྱི་འབྲས་བུའི་ཡོན་ཏན་ནི་ཕྱག་རྒྱ་ཆེན་པོ་ལ་ལྟ་ཡུལ་ལྟ་མཁན་རྟོགས་པ་གསུམ་མེད་པར་ཐག་ཆོད་པས་ཞེ་འདོད་ཀྱི་ཕྱོགས་རིས་དང་བྲལ་བའི་ངང་ན་བློ་བདེ། སྒོམ་ཡུལ་སྒོམ་མཁན་སྒོམ་པ་གསུམ་མེད་པར་ཐག་ཆོད་པས་བློ་བྱས་དམིགས་པ་དང་བྲལ་བའི་ངང་ན་བློ་བདེ། སྤྱོད་བྱ་སྤྱོད་བྱེད་སྤྱོད་པ་

― ZP04_Page_546 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་མེད་པར་ཐག་ཆོད་པས་བྱ་རྩོལ་བླང་དོར་དང་བྲལ་བའི་ངང་ན་བློ་བདེ། ཉམས་རྟོགས་དངོས་གྲུབ་ཐོབ་བྱ་ཐོབ་བྱེད་ཐོབ་པ་གསུམ་མེད་པར་ཐག་ཆོད་པས། རེ་དོགས་ང་རྒྱལ་སྒྱིང་ལུགས་མེད་པའི་ངང་ན་བློ་བདེ། དེ་ཡང་ཆོས་ཐམས་ཅད་ཡེ་མེད་ཡེ་སྟོང་ཡེ་ནས་བདེ་བ་ཆེན་པོའི་དོན་རྟོགས་པས། བློ་བདེ་ཆེན་པོ་རྒྱུད་ལ་ཤར་བ་ནི་ཕྱག་རྒྱ་ཆེན་པོའི་གནས་སྐབས་ཀྱི་འབྲས་བུའོ། །དེ་ལྟ་བུའི་རྣལ་འབྱོར་པ་ལ་ཕྱི་ནང་གསང་བའི་རྟགས་ཐུན་མོང་མ་ཡིན་པ་འབྱུང་སྟེ། ཕྱི་སྣང་བ་ལ་ཆགས་ཞེན་གྱི་རྒྱ་མདུད་གྲོལ་བའི་རྟག་དགྲ་དང་བུ། གསེར་དང་བོང་བ་མཉམ། ནང་བདག་འཛིན་གྱི་རྟོད་ཕུར་ཐོན་པའི་རྟགས་སུ། རྐྱེན་གྱིས་ཉོན་མོངས་པ་མི་སློང་། གསང་བ་དེ་ཁོ་ན་ཉིད་ཀྱི་རྒྱ་ལས་ཐར་པའི་རྟགས་སུ་གྲུབ་པའི་མཐའ་དང་བྲལ་བའོ། །དེ་ལས་གཞན་པའི་ཐུན་མོང་གི་ཡོན་ཏན་གྱི་རྟགས་རྣམས་ནི། བདུད་དང་མུ་སྟེགས་དང་ལྷ་མ་སྲིན་སྡེ་བརྒྱད་དང་། ཡི་དྭགས་དང་བདུད་ཀྱིས་བྱིན་གྱིས་བརླབས་པ་དང་། དུད་འགྲོ་ཁ་ཅིག་ལ་ཡང་ཡོད་དེ། དེ་དག་ལས་ཀྱི་རྐྱེན་ལས་བྱུང་བས། འདུས་བྱས་གློ་བུར་བ་མི་རྟག་བསླུ་བའི་ཆོས་ཅན་ཡིན་ལ། གལ་ཏེ་སྒྲུབ་པ་པོ་ལ་ཐུན་མོང་གི་ཉམས་རྟགས་འགའ་ཞིག་བྱུང་བ་ལ་དགའ་ཞིང་ང་རྒྱལ་སྐྱེས་ན་བདུད་ཀྱི་དབང་དུ་འགྲོ་

― ZP04_Page_547 ―

^{[མ་དཔེ་གཟིགས་ན་འདིར་གནོན།]}

[Full Size]

པས་ཕྱག་རྒྱ་ཆེན་པོའི་རྣལ་འབྱོར་པས་ཉམས་རྟོགས་ལ་རེ་འདོད་མི་བྱེད་ཅིང་ཡོན་ཏན་ཅི་ཤར་ཡང་རྩིས་མེད་བྱུང་རྒྱལ། སྐྱོན་ཅི་བྱུང་ཡང་རྩིས་མེད་བྱུང་རྒྱལ་དུ་བསྐྱངས་བ་ནི་གདམས་ངག་དམ་པ་ཡིན་པས་ཤེས་པར་བྱའོ། །དེ་བས་ན་ཕྱག་རྒྱ་ཆེན་པོའི་ཉམས་རྟོགས་ནི། དངོས་འཛིན་དང་བྲལ་ཞིང་ཉམས་རྟོགས་མེད་པའོ། །ཡོན་ཏན་ནི་སྐྱོན་ཐམས་ཅད་དང་བྲལ་ཞིང་ང་རྒྱལ་མེད་པའོ། །ལམ་རྟགས་ནི་ཉོན་མོངས་པ་ཐམས་ཅད་ཞི་ཞིང་འཛིན་ཆགས་མེད་པའོ། །དངོས་གྲུབ་ནི་ཞེ་འདོད་ཐམས་ཅད་དང་བྲལ་ཞིང་རེ་དོག་མེད་པའོ། །ནུས་པ་ནི་སེམས་ལ་དབང་ཐོབ་ཅིང་སྣང་བ་ཟིལ་གྱིས་གནོན་ནུས་པའོ། །མཐར་ཐུག་གི་འབྲས་བུ་ནི་ཆོས་གཞན་གྱི་ལུགས་ཀྱིས་སངས་རྒྱས་སྐུ་གསུམ་ཡེ་ཤེས་བཞིའམ་སྐུ་ལྔ་ཡེ་ཤེས་ལྔར་འདོད། དེ་ཡང་ཆོས་སྐུ་དང་ཆོས་ཀྱི་དབྱིངས་ཀྱི་ཡེ་ཤེས་ནི་ཡང་དག་པའི་ཡེ་ཤེས་སོ། །སྐུ་དང་ཡེ་ཤེས་གཞན་ཐམས་ཅད་འཆར་བའི་གཞིའམ་རྟེན་ནམ་ལུས་སུ་གྱུར་པས་དོན་དམ་དུ་འདོད་ལ། སྐུ་དང་ཡེ་ཤེས་གཞན་ཐམས་ཅད་ནི་གཞན་སྣང་ཀུན་རྫོབ་བཏགས་པ་ཙམ་དུ་འདོད། ཕྱག་རྒྱ་ཆེན་པོའི་དགོངས་པས་ཆོས་ཀྱི་སྐུ་ཞེས་བྱ་བ་ནི། ཡོད་མེད་ཅིར་ཡང་མ་གྲུབ་པ་མཚོན་པའི་ཚིག་ཡིན་ཏེ་ཆོས་ཀྱི་སྐུ་ཞེས་བྱ་བའི་ཚིག་དེ་ཡང་ལམ་པའི་བློ་བརྟགས་ཀུན་རྫོབ་མིང་ཙམ་ཡིན་ལ། མིང་སྟོང་པ་དེ་ལ་སངས་རྒྱས་ཀྱི་ཆོས་ཐམས་ཅད་འཆར་བའི་གཞིའམ། རྟེན་ནམ། ལུས་སམ་སྐུའི་རྣམ་པ་རྡུལ་ཙམ་ཡང་གྲུབ་པ་མེད་པའི་ཕྱིར། མིང་སྟོང་དེ་ལ་རྒྱུ་འབྲས་

― ZP04_Page_548 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་ཐ་སྙད་མེད་ལ། དེ་ལྟར་རྟོགས་པའི་ཤེས་རབ་དེ་ནི་ལམ་དུས་ཀྱི་ལྟ་བ་ཡིན་པའི་ཕྱིར་མཐར་ཐུག་གི་འབྲས་བུ་མ་ཡིན་ནོ། །ཆོས་ཀྱི་དབྱིངས་ཀྱི་ཡེ་ཤེས་ཀྱང་མིང་ཙམ་སྟེ། མིང་སྟོང་དེ་ལ་ཤེས་བྱ་དང་ཤེས་བྱེད་གཉིས་མེད་པས་ཤེས་མ་ཤེས་གཉིས་ཀྱི་ཐ་སྙད་མེད་པའི་ཕྱིར། ཆོས་ཀྱི་དབྱིངས་ཀྱི་ཡེ་ཤེས་དེ་ཡང་ལམ་པའི་བློ་བརྟགས་ཀུན་རྫོབ་ཡིན་ལ། ཡུལ་ཆོས་ཀྱི་དབྱིངས་ཤེས་ཤིང་རིག་པའི་ཡེ་ཤེས་དེ་ནི་ལམ་དུས་ཀྱི་ལྟ་བ་ཡིན་པའི་ཕྱིར་མཐར་ཐུག་གི་འབྲས་བུ་མ་ཡིན་ནོ། །སྐུ་དང་ཡེ་ཤེས་ཐམས་ཅད་ནི་གཞན་སྣང་ཀུན་རྫོབ་བཏགས་པ་ཙམ་དུ་གཞན་དང་མཐུན་ནོ། །དེས་ན་ཕྱག་རྒྱ་ཆེན་པོ་ལ་སྐུ་ལྔ་ཡེ་ཤེས་ལྔ་ལྡན་གྱི་འབྲས་བུ་བཟང་བཟང་པོ་གཅིག་ལོགས་ནས་ཐོབ་རྒྱུ་མེད་དོ། །དེ་ཅིའི་ཕྱིར་ཞེ་ན། ཕྱག་རྒྱ་ཆེན་པོའི་གཞི་རྟོགས་སུ་མེད་པས་གཞི་བློ་ལས་འདས། ལམ་ཡིད་ལ་བྱར་མེད་པས་ལམ་བློ༴ །འབྲས་བུ་སྤང་ཐོབ་མེད་པས་འབྲས་བུ་བློ༴ །བློ་འདས་ཀྱི་དོན་ཁོང་དུ་ཆུད་པ་ལ་གོམས་འདྲིས་རྩེ་གཅིག་ཏུ་བྱས་པས་གོམས་པ་ཀློང་དུ་གྱུར་ཏེ། དྲན་རིག་གཞི་ལ་དག་པས་འབྲས་བུ་བློ་བུར་གྱི་འཁྲུལ་པ་སངས་པས། ཡེ་ནས་གནས་པའི་ཆོས་ཉིད་བློ་འདས་ཕྱོགས་མེད་དུ་རྒྱས་པ་ནི་མཐར་ཐུག་གི་འབྲས་བུ་རྟོགས་པ་མངོན་དུ་གྱུར་པའི་སངས་རྒྱས་ཞེས་སྒྲོ་བཏགས་པ་ཙམ་མོ། །འོ་ན་

― ZP04_Page_549 ―

^{[མ་དཔེ་གཟིགས་ན་འདིར་གནོན།]}

[Full Size]

གཞན་དོན་གྱི་ཕྲིན་ལས་མི་འབྱུང་ངམ་ཞེ་ན། ཕྱག་རྒྱ་ཆེན་པོའི་གནས་ལུགས་ལ། བདག་མེད། སེམས་ཅན་མེད། གང་ཟག་མེད། ཀུན་ནས་ཉོན་མོངས་པ་མེད། རྣམ་པར་བྱང་བ་མེད། ཕྱག་རྒྱ་ཆེན་པོའི་ངང་དུ་བློ་གྲོལ་ཅན། བདག་དོན་གཞན་དོན་དུས་གཅིག་རྫོགས། འཁོར་བ་དོང་ནས་སྤྲུགས་པས་གཞན་དོན་བྱ་རྒྱུ་དང་བྱེད་མཁན་བློ་ལས་འདས་པའོ། །འོན་ཀྱང་སྔར་གྱི་སྨོན་ལམ་གྱི་སྟོབས་ཀྱིས་སྒྱུ་མ་ཙམ་གྱི་སེམས་ཅན་ཕྱག་རྒྱ་ཆེན་པོའི་དོན་མ་རྟོགས་པ་རྣམས་ལ་གང་ལ་གང་འདུལ་གྱི་སྐུ་དང་། གསུང་དང་། ཐུགས་ཀྱི་ཆོ་འཕྲུལ་བསམ་གྱིས་མི་ཁྱབ་པར་སྣང་བས་འགྲོ་དོན་འབད་མེད་ལྷུན་གྲུབ་ཏུ་མཛད་པ་ནི་ཡིད་བཞིན་གྱི་ནོར་བུ་ལ་སོགས་པ་བཞིན་དུ་ཇི་སྲིད་ནམ་མཁའ་གནས་ཀྱི་བར་དུ་འགྲོ་དོན་འབད་མེད་ལྷུན་གྲུབ་ཏུ་མཛད་པ་ནི་ཡིད་བཞིན་གྱི་ནོར་བུ་ལ་སོགས་པ་བཞིན་དུ་ཇི་སྲིད་ནམ་མཁའ་གནས་ཀྱི་བར་དུ་འགྲོ་དོན་རྒྱུན་ཆད་མེད་པར་འབྱུང་བ་ལྟར་སྣང་སྟེ། དེ་ཡང་འཛིན་པའི་ཐ་སྙད་ཀུན་རྫོབ་ཙམ་ལས་དོན་དམ་པར་ནི་མ་ཡིན་ནོ། སངས་རྒྱས་ཀྱི་སར་རང་རྒྱུད་ཀྱིས་བསྡུས་པའི་ཡེ་ཤེས་ཡོད་པར་འདོད་པ་དང་། ཡེ་ཤེས་རྒྱུན་ཆད་ནས་མེད་པར་འདོད་པ་གཉིས་ཀ་ལོག་རྟོག་ཡིན་ཏེ། གཞི་ཇི་ལྟར་གནས་པའི་གནས་ལུགས་ཀྱི་དུས་ན་ཡོད་མེད་བདེན་རྫུན་རྟག་ཆད་ཀྱི་མུ་མཐའ་དང་ཕྱོགས་རིས་གང་དུ་ཡང་རྒྱ་མ་ཆད་བློ་ལས་འདས་ཤིང་ཡིད་ལ་བྱར་མེད་པ་དང་། དེ་ཉིད་

― ZP04_Page_550 ―

^{[མ་དཔེ་གཟིགས་ན་འདིར་གནོན།]}

[Full Size]

བློ་བུར་གྱི་དྲི་མ་དང་བྲལ་ཏེ་རྟོག་པའི་ཉམས་ཀྱི་དྲི་མ་ཕྲ་མོ་ཐམས་ཅད་གཞི་ལ་དག་ཅིང་། རྣམ་ཤེས་དང་ཡེ་ཤེས་ཐམས་ཅད་ཆོས་ཀྱི་དབྱིངས་སུ་ཡལ། རྐྱེན་གསུམ་དང་བྲལ་བའི་ཆོས་ཉིད་ལ་རང་རྒྱུད་ཀྱི་ཡེ་ཤེས་ཡོད་མེད་དང་མཉམ་རྗེས་ཡོད་མེད་ལ་སོགས་པའི་མུ་མཐའི་ཕྱོགས་རིས་གང་ཡང་སྨྲ་བསམ་བརྗོད་དུ་མེད་པའི་ཕྱིར་རོ། །དེ་ལྟར་ཤེས་བྱའི་གནས་ལུགས་ཕྱག་རྒྱ་ཆེན་པོ་བློ་འདས་དེ་ཉིད་གནས་སྐབས་ཀྱི་རྐྱེན་གྱིས་ལྡོག་པས་གཞི་ལམ་འབྲས་བུ་གསུམ་དུ་བསྟན་པ་དེ་ཡང་གཅིག་གི་སྟེང་དུ་ལ་བཟླ་བ་ནི། གཞི་ལམ་འབྲས་བུའི་ཆོས་ཐམས་ཅད་ནི་གཞིའི་ཆོས་སུ་རོ་གཅིག་གོ། །དེ་ཅིའི་ཕྱིར་ཞེ་ན། གཞི་ཆོས་ཀྱི་དབྱིངས་ལས་མ་གཏོགས་པའི་ཆོས་གཞན་སྐད་ཅིག་རྡུལ་ཙམ་ཡང་གྲུབ་པ་མེད་པས་འཁོར་འདས་ཀྱི་ཆོས་ཐམས་ཅད་ཆོས་ཀྱི་དབྱིངས་ཀྱི་ཆོ་འཕྲུལ་ལས་མ་འདས་པའི་ཕྱིར་རོ། །ལམ་དང་འབྲས་བུ་ཐམས་ཅད་ཀྱང་ཆོས་ཀྱི་དབྱིངས་ཀྱི་རྒྱ་ལས་མ་འདས་ཤིང་ཆོས་ཀྱི་དབྱིངས་ཀྱི་ཆོ་འཕྲུལ་མ་གཏོགས་པ་གཞན་ལོག་ན་རང་རྒྱུད་པ་སྐད་ཅིག་རྡུལ་ཙམ་ཡང་གྲུབ་པ་མེད་དོ། །མདོར་ན་གཞི་ལམ་འབྲས་གསུམ་དུ་འདོགས་མཁན་གྱི་བློའམ་རྣམ་ཤེས་དང་དེ་གསུམ་གྱི་དོན་རྟོགས་པའི་ཡེ་ཤེས་དེ་ཡང་ཆོས་ཀྱི་དབྱིངས་ཀྱི་རྒྱ་ལས་མ་འདས་པའི་ཕྱིར་ན། གཞི་ལམ་

― ZP04_Page_551 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲས་བུའི་བསྡུས་པའི་ཆོས་ཐམས་ཅད་ནི་གཞིའི་ཆོས་ཡིན་པར་ཁོ་ཐག་ཆོད་ཅིག །ཡང་གཞི་ལམ་འབྲས་བུའི་ཆོས་ཐམས་ཅད་ནི་ལམ་གྱི་ཆོས་སུ་རོ་གཅིག་གོ། །དེ་ཅིའི་ཕྱིར་ཞེ་ན། གཞི་ལམ་འབྲས་བུའི་ཆོས་ཐམས་ཅད་གང་ཟག་ལམ་པའི་བློ་ལ་ཤར། བློས་བཏགས་པ་ཡིན་ལ། གཞི་འབྲས་གཉིས་ལ་གཞི་ལམ་འབྲས་བུའི་ཐ་སྙད་བརྗོད་དུ་མེད་ཅིང་བརྗོད་མཁན་མེད་པའི་ཕྱིར། གཞི་ལམ་འབྲས་བུའི་བསྡུས་པའི་ཆོས་ཐམས་ཅད་ནི་ལམ་གྱི་ཆོས་ཡིན་པར་ཁོ་ཐག་ཆོད་ཅིག །ཡང་གཞི་ལམ་འབྲས་བུའི་བསྡུས་པའི་ཆོས་ཐམས་ཅད་འབྲས་བུའི་ཆོས་སུ་རོ་གཅིག་གོ། །དེ་ཅིའི་ཕྱིར༴ འཁོར་བའི་བདེ་སྡུག་དང་མྱ་ངན་ལས་འདས་པའི་ཡོན་ཏན་གྱི་ཆོས་ཐམས་ཅད་ནི་སངས་རྒྱས་ཀྱི་ཐུགས་རྗེ། སངས་རྒྱས་ཀྱི་ཡོན་ཏན་སངས་རྒྱས་ཀྱི་དབྱིངས། །སངས་རྒྱས་ཀྱི་རྣམ་འཕྲུལ། སངས་རྒྱས་ཀྱི་བསྟན་པ། སངས་རྒྱས་ཀྱི་མཛད་པ་ཕྲིན་ལས་ཡིན་པའི་ཕྱིར། གཞི་ལམ་འབྲས་བུའི་ཆོས་ཐམས་ཅད་ནི་འབྲས་བུའི་ཆོས་ཡིན་པར་ཁོ་ཐག་ཆོད་ཅིག་དེ་ལྟ་བུའི་གཞི་ལམ་འབྲས་བུའི་ཆོས་ཐམས་ཅད་ཀྱང་མིང་ཙམ་དུ་ཁོ་ཐག་ཆོད་ཅིགམིང་ཙམ་ལ་དོན་ཡེ་ནས་མེད་པར་ཁོ༴ །ཡེ་ནས་མེད་པ་དེ་ཡོད་མེད་གང་དུའང་མ་གྲུབ་པར་ཁོ༴ །ཡོད་

― ZP04_Page_552 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་གང་དུ་མ་གྲུབ་པ་དེ་མཚོན་དུ་མེད་པར༴ །མཚོན་དུ་མེད་པ་དེ་རྟོགས་སུ་མེད་ཅིང་ཡིད་ལ་བྱར་མེད་པར༴ །ཡིད་ལ་བྱར་མེད་པ་དེ་བློ་ལས་འདས་ཤིང་བློ་རང་ཡང་མེད་པར་ཁོ༴ །ཁོ་ཐག་ཆོད་མཁན་རང་ཡང་ཡེ་ནས་མེད་པར་ཁོ་ཐག་ཆོད་ཅིག །ཕྱག་རྒྱ་ཆེན་པོ་ལམ་གཅིག་ཆར་གྱི་མན་ངག་གོ། །འཁོར་འདས་བདེ་སྡུག་སྣ་ཚོགས་ཉམས་མྱོང་བ། །སྤྲུལ་པའམ་རི་དྭགས་སྨིག་རྒྱུའི་ཆུ་དང་འདྲ། ༈ ལམ་དེའི་གོལ་ས་གཅོད་ཚུལ་མདོར་བསྡུ་ན། དེ་ཡང་ལྟ་སྒོམ་སྤྱོད་པའི་གོལ་ས་གསུམ་མོ། །དང་པོ་ལ་བཞི་སྟེ། མ་རྟོགས་པ་ནི་སེམས་ཅན་སྤྱིའོ། །ལོག་པར་རྟོག་པ་ནི་ཕྱི་རོལ་མུ་སྟེགས་པའོ། །ཕྱོགས་ཙམ་ལས་མ་རྟོགས་པ་ནི་ཉན་རང་ནས་བཟུང་ཐེག་ཆེན་སེམས་ཙམ་པ་མན་ཆད་དོ། །རང་ལྟ་མཆོག་ཏུ་འཛིན་པ་ནི་ཐེག་ཆེན་མཚན་ཉིད་ཕ་རོལ་ཏུ་ཕྱིན་པའི་ལྟ་བ་མཐར་ཐུག་པ་དབུ་མ་པ་དང་། ཐེག་ཆེན་གསང་སྔགས་ཀྱི་ལྟ་བ་གཉིས་སོ། །དབུ་མ་རབ་ཏུ་མི་གནས་པས་ཐོས་བསམ་གྱིས་སྒྲོ་འདོགས་ཆོད་པའི་དོན་སྤྱིའི་རྟོགས་པ་ཙམ་གྱི་ལྟ་བ་དེ་ཡང་རྣལ་འབྱོར་པས་ཉམས་སུ་མྱོང་བའི་ལྟ་བ་དང་གཉིས་ཀ་རྒྱབ་འགལ་དུ་ཡོད་པས་ཤེས་བྱ་གཉིས་ཀྱི་གོལ་ས་ཆེན་པོ་ཡིན་ཅིང་ཁྱད་པར་དུ་དེ་ཙམ་ལ་མཆོག་འཛིན་དང་རློམ་སེམས་སུ་བྱེད་ན་ཤེར་ཕྱིན་གྱི་གཟུགས་

― ZP04_Page_553 ―

^{[མ་དཔེ་གཟིགས་ན་འདིར་གནོན།]}

[Full Size]

བརྙན་ཙམ་མོ། །དེ་དག་ལས་སེམས་ཙམ་ལན་ཆད་ནི་དངོས་སྨྲའི་གྲུབ་མཐའ་ཡིན་ཞིང་དབུ་མ་ཆེན་པོའང་སྟོང་པ་ཕྱོགས་གཅིག་ཏུ་ཞེན་པས་ཕྱག་རྒྱ་ཆེན་པོའི་གོལ་ས་ཡིན། བྱ་སྤྱོད་རྣལ་འབྱོར་གསུམ་གྱི་ལྟ་བ་རེ་དོགས་དགག་སྒྲུབ་གཟུང་འཛིན་གྱི་རྣམ་རྟོག་ལས་མ་འདས་པས་དེ་རྣམས་ལ་མཆོག་ཏུ་ཞེན་ན་གནས་ལུགས་སྤྲོས་བྲལ་ཆེན་པོའི་གོལ་ས་ཡིན། རྣལ་འབྱོར་བླ་མེད་རྒྱུད་ཀྱི་ལྟ་བ་དོན་དམ་ཆོས་དབྱིངས་སྤྲོས་བྲལ་ལ་གཉུག་མ་ལྷན་ཅིག་སྐྱེས་པའི་ཡེ་ཤེས་བདེ་སྟོང་སྤྲོས་བྲལ་དུ་གནས་པ་དེ་ཉིད་ཐབས་ཐུགས་རྗེ་འགགས་པ་མེད་པའི་རྟགས་སུ་རྒྱལ་བ་རིགས་དྲུག་གམ་རིགས་བརྒྱའི་དཀྱིལ་འཁོར་དུ་སྣང་སྟེ། དེ་ཡང་ལྷ་ཡེ་ཤེས་སེམས་དཔའ་དང་བདག་དམ་ཚིག་སེམས་དཔའ་གཉིས་སུ་མེད་པའི་བསྐྱེད་རྫོགས་ཟུང་འཇུག་ཏུ་སྒོམ་པས་མཆོག་ཐུན་གྱི་དངོས་གྲུབ་ཐོབ་པར་འདོད་པ་དེ་ཡང་བློས་བྱས་ཡིད་ལ་བྱེད་པའི་ལྟ་སྒོམ་ལས་མ་འདས་པས་དེ་ཉིད་ལ་མཆོག་ཏུ་འཛིན་ཅིང་དམ་པར་ལྟ་ན། གནས་ལུགས་ཕྱག་རྒྱ་ཆེན་པོ་བློ་འདས་ཡིད་ལ་བྱར་མེད་པའི་གོལ་སའོ། །མདོར་ན་གང་ལའང་མཆོག་ཏུ་འཛིན་ཅིང་ཞེན་པ་གོལ་ས་སྟེ། ཐ་ན་བློ་འདས་ཡིད་ལ་བྱར་མེད་པ་ལ་མཆོག་ཏུ་འཛིན་ནའང་དེ་ཁོ་ན་ཉིད་ལས་གོལ་བ་ཡིན་ཏེ། དོ་ཧ་ལས། །

― ZP04_Page_554 ―

^{[མ་དཔེ་གཟིགས་ན་འདིར་གནོན།]}

[Full Size]

གང་ལ་ཡིད་དུ་འོང་བ་སྙམ་པའི་སེམས། །སྙིང་ལ་གཅེས་པར་འཛིན་པར་བྱས་ན་ནི། །ཏིལ་གྱི་ཤུན་པ་ཙམ་གྱི་ཟུག་རྔུས་ཀྱང་། །ནམ་ཞིག་སྡུག་བསྔལ་འབའ་ཞིག་བསྐྱེད་པར་འགྱུར། །ཞེས་གསུངས་སོ། །དེས་ན་ལྟ་བའི་མཐར་ཐུག་ནི་ལྟ་བྱ་ལྟ་བྱེད་མེད། རྟོགས་བྱ་རྟོགས་བྱེད་མེད་པ་ཐག་ཆོད་ཅིང་དེ་ཁོ་ན་ཉིད་ཀྱི་ཞེ་འདོད་འཛིན་པ་དང་བྲལ་བའོ། །གཉིས་པ་སྒོམ་པའི་གོལ་ས་ལ་བཞི་སྟེ། །མཚན་བཅས་ཀྱི་སྒོམ་པ་ལ་ཞེན་པ་ནི། བདག་མེད་ཀྱི་དོན་མ་རྟོགས་པར་ཕྱི་བསྐྱེད་པའི་རིམ་པ་ལ་ཞེན་ཅིང་སྒོམ་པ་དང་། ནང་རྩ་རླུང་ཐིག་ལེའི་བདེ་བ་བསྒོམ་ཞིང་ཞེན་པ་ནི་འདོད་པའི་ལྷར་གོལ་བའོ། །དེ་ཡང་ཞེ་སྡང་གི་ཀུན་ནས་བསླང་ནས་ཁྲོ་བོ་རང་རྒྱུད་པར་སྒོམ་ན། རུ་ཏྲ་དང་སྲིན་པོར་གོལ། གཏི་མུག་གིས་ཀུན་ནས་སླང་ནས་ཞི་བ་སྒོམས་ན་ཀླུར་གོལ། འདོད་ཆགས་ཀྱིས་ཀུན་ནས་སླངས་ནས་ཞི་ཁྲོ་རང་རྒྱུད་པར་སྒོམ་ནམ་མཁའ་ལ་རྒྱུ་བའི་ཡི་དྭགས་སུ་གོལ་བའོ། །མཚན་མེད་ཀྱི་སྒོམ་པ་ལ་ཞེན་པ་ནི། ཕྱི་ནང་གི་ཆོས་ཐམས་ཅད་སྟོང་ཞིང་ནམ་མཁའ་དང་གཉིས་སུ་མེད་པར་སྒོམས་པ་ལ་ཞེན་པ་ནི། ནམ་མཁའ་མཐའ་ཡས་སྐྱེ་མཆེད་དུ་གོལ། ཆོས་ཐམས་ཅད་རང་གི་རྣམ་པར་ཤེས་པ་ཙམ་དེ་ཡང་ངོས་བཟུང་མེད་པར་སྒོམ་ཞིང་ཞེན་པ་དེ་ནི་རྣམ་ཤེས་མཐའ་ཡས་སྐྱེ་མཆེད་དུ་གོལ། ཆོས་

― ZP04_Page_555 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་ཅི་ཡང་མེད་པར་སྒོམ་ཞིང་ཞེན་པ་ནི་ཅི་ཡང་མེད་པའི་སྐྱེ་མཆེད་དུ་གོལ། །ཆོས་ཐམས་ཅད་སྣང་སྟོང་ཡོད་མེད་གང་དུའང་མ་གྲུབ་པར་སྒོམ་ཞིང་ཞེན་པ་ནི་ཡོད་མིན་མེད་མིན་གྱི་སྐྱེ་མཆེད་དུ་གོལ། བདག་མེད་ཀྱི་དོན་མ་རིག་པར་ཚོགས་དྲུག་གི་འགྱུ་བ་བཀག་ནས་མི་རྟོག་པ་འབའ་ཞིག་སྒོམ་པ་ནི་འདུ་ཤེས་མེད་པའི་ལྷར་གོལ། གང་ཟག་གི་བདག་མེད་ཙམ་ཞིག་རྟོགས་ཤིང་ཚོགས་དྲུག་གི་འགྱུ་བ་བཀག་ནས་རྣམ་པར་མི་རྟོག་པ་སྒོམ་པ་ནི་ཉན་ཐོས་འགོགས་པར་གོལ། ཟུང་འཇུག་སྒོམ་པ་ལ་ཞེན་པ་ནི། ཕྱི་བསྐྱེད་པའི་རིམ་པ་སྣང་སྟོང་སྒྱུ་མ་ལྟ་བུར་སྒོམ་ཞིང་ཞེན་པ་དང་། ནང་གི་གསལ་སྟོང་རིག་པ་སྒྱུ་མ་ལྟ་བུར་བསྒོམ་ཞིང་ཞེན་པ་ནི་གཟུགས་ཁམས་ཀྱི་ལྷར་གོལ་ཏེ། དེ་ཡང་ལུས་སྣང་སྟོང་ཟུང་འཇུག་སྒྱུ་མ་ལྟ་བུ་དང་། སེམས་གསལ་སྟོང་ཟུང་འཇུག་སྒྱུ་མ་ལྟ་བུ་ལ་ཞེན་འཛིན་དེང་བཅས་པས་སྒོམ་ཞིང་དེ་ཡང་རྟོག་དཔྱོད་དགའ་བ་དེ་ཡོད་མེད་ཀྱི་རིམ་པས་འབྲས་བུ་གཟུགས་ཁམས་བསམ་གཏན་བཞིའི་ལྷར་གོལ་བའོ། །བཏང་སྙོམས་གྱི་སྒོམ་ལ་ཞེན་པ་ནི། ཤེས་བྱའི་གནས་ལུགས་ཀྱི་རྟོགས་པ་རྒྱུད་ལ་མ་ཤར་བར། དོན་ལ་སྒོམ་རྒྱུ་རྡུལ་ཙམ་མེད་ཐ་མལ་བཏང་སྙོམས་གྱི་ནར་གནས་པ་འདི་ཀ་ཆོས་སྐུ་ཡིན་ཟེར་ནས། ཚིག་ཙམ་གྱི་ལྟ་བ་ལ་

― ZP04_Page_556 ―

^{[མ་དཔེ་གཟིགས་ན་འདིར་གནོན།]}

[Full Size]

གདེང་དུ་བྱས་ནས་མཚན་བཅས་དང་མཚན་མེད་དང་ཟུང་འཇུག་གི་དམིགས་པ་ཐམས་ཅད་ཁྱད་དུ་བསད་ནས་སྒོམ་མེད་བཏང་སྙོམས་ལ་མཆོག་ཏུ་འཛིན་པ་ནི་ལུང་མ་བསྟན་དུ་གོལ་བའོ། །གལ་ཏེ་དེས་ལས་རྒྱུ་འབྲས་ཁྱད་དུ་བསད་ན་ངན་སོང་དུ་གོལ་ལོ། །དེ་ལས་གཞན་པའི་རྐྱེན་གྱི་དབང་གིས་ཁམས་གསུམ་ངེས་མེད་དུ་གོལ་ལོ། །ཡང་གནས་ལུགས་དེ་ངོ་ཤེས་པས་ཆོག་སྒོམ་མི་དགོས་སྒོམ་རྒྱུ་མེད་སྙམ་ནས་སྒོ་གསུམ་ཐ་མལ་དུ་བཞག་ཅིང་ཡེ་མ་སྒོམ་པས་དངོས་པོའི་ཞེན་པ་མ་ལོག་ཅིང་ཉོན་མོངས་པ་རྒྱས་ན་ངན་སོང་དུ་གོལ་ལོ། །མདོར་ན་ལྟ་བ་ཕྱིན་ཅི་མ་ལོག་པ་ཅིག་མ་རྟོགས་ན་མཚན་བཅས་ཀྱི་དམིགས་པ་དང་། མཚན་མེད་དང་ཟུང་འཇུག་དང་བཏང་སྙོམས་ལ་མཆོག་ཏུ་ཞེན་པས་ཡིད་ལ་བྱེད་པའི་སྒོམ་པས་ནི་འབྲས་བུ་ཁམས་གསུམ་ལས་མི་འདའ་སྟེ། ཡུམ་ལས། །ཡིད་ལ་བྱེད་པ་ནི་འདོད་པའི་ཁམས་དང་། གཟུགས་ཀྱི༴ །གཟུགས་མེད་པའི་ཁམས་སུ་འདྲེ་བར་འགྱུར་རོ། །ཡིད་ལ་མི་བྱེད་པ་ནི་གང་དུ་ཡང་འདྲེ་བར་མི་འགྱུར་རོ། །ཞེས་དང་། ཡང་དེ་ཉིད་ལས། གང་ལ་དམིགས་པ་ནི་འཁོར་བའོ། དམིགས་པ་མེད་པ་ནི་མྱ་ངན་ལས་འདས་པའོ། །ཞེས་སོ། །དོ་ཧ་ལས། གང་ལ་ཞེན་པ་ཡོད་ན་དེ་ཡང་ཐོང་། །རྟོགས་པར་གྱུར་པ་ཐམས་ཅད་དེ་ཡིན་ཏེ། །དེ་

― ZP04_Page_557 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་གཞན་ཞིག་སུས་ཀྱང་རྙེད་མི་འགྱུར། ཅེས་གསུངས་སོ། །དེ་བས་ན་རྟོགས་པའི་རྣལ་འབྱོར་པས་མཚན་བཅས་དང་མཚན་མེད་ཟུང་འཇུག་བཏང་སྙོམས་གང་སྒོམ་ཀྱང་དེ་ཉིད་མཆོག་ཏུ་མི་འཛིན་ཅིང་ཞེན་པ་མེད་ལ་དེ་ཐམས་ཅད་དངོས་འཛིན་གྱི་བག་ཆགས་སྦྱོངས་བའི་ཐབས་ཀྱི་ཡན་ལག་ཏུ་ཆེ་ཞིང་ལམ་བགྲོད་པའི་རྟགས་སུ་བཟུང་ངོ་། །གསུམ་པ་སྤྱོད་པའི་གོལ་ས་བཞི་ལས། བྱར་མེད་ཐ་མལ་དུ་གོལ་བ་ནི། འཁོར་འདས་ཀྱི་ཆོས་ཐམ་ཅད་ཡེ་ནས་སྟོང་པ་ཆོས་སྐུ་ཡིན་པས་དེ་ངོ་ཤེས་པས་ཆོག །ཆེད་དུ་བྱ་རྒྱུ་ཅིའང་མེད་སྙམ་ནས་ཐབས་ཀྱི་ཆོས་སྤྱོད་ཐམས་ཅད་ཁྱད་དུ་བསད་ནས་ཐ་མལ་དུ་སྡོད་པ་ནི་ཚོགས་མ་བསགས་པའི་དབང་གིས་ཇེ་ངན་དུ་མི་ཁོམ་པར་སྐྱེའོ། །ངག་ཐོ་ཅོར་གོལ་བ་ནི། སྟོང་པ་བདག་མེད་ཀྱི་དོན་ཅུང་ཟད་རྟོགས་པས་ཡིན་མིན་ལེགས་ཉེས་དགའ་མི་དགའ་ངོ་ཚ་མི་ཚ་གང་ཡང་མེད་སྙམ་ནས་ལུས་ངག་གི་སྤྱོད་པ་བག་མེད་ཅི་ཐོད་ཐོད་གཞན་མི་དད་པའི་སྤྱོད་པ་སྣ་ཚོགས་བྱེད་པ་སྟེ། དེ་ནི་གཞན་མི་དད་པའི་སྤྱོད་པ་མ་སྤངས་པས་གཅིག་པུར་གནས་པའི་ཀླུར་སྐྱེའོ། །མུ་སྟེགས་ཆད་པར་གོལ་བ་ནི། སྟོང་པ་ཉིད་ཀྱི་དོན་ཕྱོགས་ཙམ་གོ་ནས་ཚེ་སྔ་ཕྱི་དང་ལས་དགེ་སྡིག་གི་རྒྱུ་འབྲས་ཐམས་ཅད་མིང་ཙམ་ཡིན། དོན་ལ་གྲུབ་པ་མེད་

― ZP04_Page_558 ―

^{[མ་དཔེ་གཟིགས་ན་འདིར་གནོན།]}

[Full Size]

སྙམ་ནས་སྡིག་པ་མི་དགེ་བ་དང་ཉེས་ལྟུང་ཐམས་ཅད་ཁྱད་དུ་བསད་ནས་སྤྱོད་པ་ཅི་ཐོད་ཐོད་བྱེད་པ་ནི་ཤི་མ་ཐག་ཏུ་མནར་མེད་དུ་སྐྱེའོ། །ཉན་ཐོས་རང་རྒྱལ་དུ་གོལ་བ་ནི། བདག་མེད་ཀྱི་དོན་ཕྱོགས་ཙམ་རྟོགས་པས། །བདག་ཀྱང་མེད་ལ་སེམས་ཅན་ཡང་མེད་པས་སེམས་ཅན་གྱི་དོན་བྱ་རྒྱུ་མེད་སྙམ་ནས་ཁྱད་དུ་གསོད་པ་དང་། དངོས་སམ་བརྒྱུད་ནས་སྒྱུ་མ་ཙམ་གྱི་གཞན་ཕན་བྱང་ཆུབ་ཀྱི་སེམས་ཁྱད་དུ་གསོད་པ་དང་། སངས་རྒྱས་རང་སེམས་སུ་འདུག་པས་བླ་མ་ལ་རག་ལས་པ་ཅི་ཡང་མི་འདུག་སྙམ་ནས་བླ་མའི་མོས་གུས་གཡེལ་དུ་སོང་བ་ཡིན་ནོ། །དེས་ཆོས་ཐམས་ཅད་དོན་དམ་པར་སྟོང་པ་བདག་མེད་པ་ཡིན་ཡང་བློ་དབྱིངས་སུ་མ་ཡལ་བར་དུ་ཀུན་རྫོབ་སྒྱུ་མ་ཙམ་གྱི་ཆོས་ཐམས་ཅད་ཁྱད་དུ་བསད་མི་རུང་སྟེ་འཁོར་འདས་ཀྱི་ཆོས་ཐམས་ཅད་རྒྱུ་རྐྱེན་རྟེན་འབྲེལ་ཚོགས་པ་བཟང་ངན་ལས་འབྲས་བུ་བདེ་སྡུག་སྣ་ཚོགས་འབྱུང་བ་ཡིན་པས་སངས་རྒྱས་ཀྱི་རྒྱུའམ་ངོ་བོ་ཉིད་ནི་ཆོས་ཉིད་སྟོང་པ་ཉིད་ཡིན་ཀྱང་། དེ་ཉིད་མ་རྟོགས་པ་རྟོགས་པར་བྱེད་པ་དང་རྟོགས་པ་རྒྱུད་ལ་བརྟན་པར་བྱེད་པ་དང་། བརྟན་པ་གོང་དུ་བོགས་འདོན་པར་བྱེད་པའི་རྐྱེན་ནི་ཐབས་སྙིང་རྗེའི་ཚོགས་བསགས་དང་བླ་མའི་མོས་གུས་ཁོ་ན་ཡིན། དེས་ན་སངས་རྒྱས་ཀྱི་ངོ་བོ་རྒྱུ་རང་ལ་རང་ཆས་སུ་ཡོད་པ་དེ་ཉིད་རྐྱེན་

― ZP04_Page_559 ―

^{[མ་དཔེ་གཟིགས་ན་འདིར་གནོན།]}

[Full Size]

སྙིང་རྗེ་དང་མོས་གུས་ཀྱི་ཚོགས་བསགས་པའི་སྟོབས་ཀྱིས་རྒྱུའི་ནུས་པ་དངོས་སུ་འབྱིན་པའོ། །སྡུད་པ་ལས། །ཇི་སྲིད་དགེ་བའི་རྩ་བ་ཡོངས་སུ་མ་རྫོགས་བར། །དེ་སྲིད་སྟོང་ཉིད་དམ་པ་དེ་ནི་ཐོབ་མི་བྱེད། །རིམ་གྱིས་དཀར་པོའི་ཡོན་ཏན་རྫོགས་པས་སངས་རྒྱས་འགྱུར། ཅེས་དང་། དོ་ཧ་ལས། དངོས་གྲུབ་ཀུན་གྱི་རྩ་བ་རྡོ་རྗེ་སློབ་དཔོན་ཏེ། །ཞེས་སོ། །མདོར་ན་ཕྱིའི་སྤྱོད་པ་གྲོགས་དང་མི་མཐུན་ན་གོལ་བ་ཡིན། །ནང་གི་སྤྱོད་པ་དུས་དང་མི་མཐུན་ན་གོལ་བ་ཡིན། །གསང་བའི་སྤྱོད་པ་ཉམས་དང་མི་མཐུན་ན་གོལ་བ་ཡིན་ལ། དེ་ལས་བཟློག་པ་ནི་ཡང་དག་པའོ། །ཀྱེ་དགོངས་ཤིག་གྲོགས་པོ་དམ་པ་ཀུན། །བློ་ཡིས་བྱས་པའི་གོ་བ་ལ། །མཐར་ཐུག་ཡིན་ནོ་སྙམ་ན་གོལ། །དོན་དམ་ཆོས་ཉིད་བློ་འདས་ལ། །ཆད་ལྟ་ཡིན་ནོ་སྙམ་ན༴ །བདེ་གསལ་མི་རྟོགས་ཉམས་མྱོང་ལ། །ཆོས་སྐུ་ཡིན་ནོ༴ །ཡིད་ལ་བྱས་པའི་དམིགས་པ་ལ། །འོད་གསལ་ཡིན་ནོ༴ །མ་བཞག་རང་གནས་ཡེ་ཤེས་ལ། །ཡེངས་པ་ཡིན་ནོ༴ །ཁྱད་གསོད་བཅོས་མའི་སྤྱོད་པ་ལ། །འཁྲུལ་ཞིག་ཡིན་ནོ་སྙམ་ན། ཆགས་མེད་སྤྱོད་པ་རྩིས་མེད་ལ། །ཉེས་ལྟུང་ཕོག་གོ་སྙམ་ན༴ །སྙིང་རྗེའི་ཐབས་ཀྱི་སྤྱོད་པ་ལ། །དམན་པ་ཡིན་ནོ་སྙམ༴ །གདེང་

― ZP04_Page_560 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་རོ་སྙོམས་སྤྱོད་པ་ལ། །ལོགས་སྤྱོད་ཡིན་ནོ༴ །གདེང་མེད་ཐོ་ཅོ་བྱེད་པ་ལ། །བརྟུལ་ཞུགས་ཡིན་ནོ༴ །འདོད་ལྡན་གཞན་དོན་སྤྱོད་པ་ལ། །བྱང་སེམས་ཡིན་ནོ༴ །དབྱེ་ན་བསམ་གྱིས་མི་ཁྱབ་སྟེ། །བསྡུ་ན་འདོད་འཛིན་གཉིས་སུ་འདུས། །འདོད་འཛིན་བདག་པོ་དངོས་མེད་རྟོགས། །འདོད་འཛིན་ཀུན་དང་བྲལ་གྱུར་ན། །གོལ་ས་བྱ་བའི་མིང་ཡང་མེད། །སྣ་ཚོགས་སེམས་ལས་ཁུ་འཁྲིག་སྐྱེས་གྱུར་ཀྱང་། །ཁུ་འཁྲིག་རང་ལ་བལྟས་པས་དངོས་མེད་རང་སར་གྲོལ། །སྔགས་ཀྱི་ཉེས་སྤྱོད་དག་ལ་འགྱོད་པའི་སེམས་བྱུང་ན། །འགྱོད་སེམས་རང་ལ་བལྟས་པས་དངོས་མེད་རང་སར་གྲོལ། །ད་ལྟའི་ཤེས་པ་ཏོལ་སྐྱེས་ཏོལ་འགགས་ལ། །དངོས་མེད་རྟོགས་པས་དུས་གསུམ་མཉམ་ཉིད་གྲོལ། །སྣ་ཚོགས་སྣང་བ་འཇིགས་དོགས་སྐྱེ་གྱུར་ཀྱང་། །སྣང་མཁན་རང་ལ་བལྟས་པས་དངོས་མེད་རང་སར་གྲོལ། བྱ་ནི་ནམ་མཁའ་དག་ལ་འགྲོ་བཞིན་དུ། །ནམ་མཁའ་དག་ལ་ཆགས་ཞེན་མེད་པར་འཕྱོ། །བུང་བས་མེ་ཏོག་བཅུད་ཀྱིས་ཚིམ་བྱེད་ཀྱང་། །མེ་ཏོག་དག་ལ་ཆགས་མེད་བཅུད་རྣམས་ལེན། །དེ་བཞིན་སྐལ་ལྡན་རྣལ་འབྱོར་སྟོང་ཉིད་ལ། །རྒྱུན་དུ་ལྷ་སྒོམ་དག་ལ་བློ་སྦྱང་ཡང་། །སྟོང་པ་ཉིད་ལ་འདོད་འཛིན་ཆགས་ཞེན་མེད། །ཡེ་ནས་

― ZP04_Page_561 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་པའི་ཆོས་ཉིད་ཡིན་ཕྱིར་རོ། །ཇི་ལྟར་སྒྱུ་མ་སྤྲུལ་པའི་གཟུགས་མཛེས་ཀྱང་། །སྒྱུ་མ་མཁན་པོ་ཉིད་ལ་ཆགས་ཞེན་མེད། །དེ་བཞིན་འདོད་ལྔ་དབང་པོས་མངོན་གྱུར་ཀྱང་། །རྟོགས་པའི་རྣལ་འབྱོར་པ་ལ་ཆགས་ཞེན་མེད། །ཨེ་མ་སྐལ་ལྡན་གྲོགས་པོ་ཀུན། །རྒྱུ་འབྲས་ལས་ལ་འཛེམས་པ་ཡིས། །ངན་འགྲོའི་གནས་ངན་སྤོང་བར་འགྱུར། །སྨོན་འཇུག་བྱང་ཆུབ་སེམས་སྦྱངས་པས། །ཐེག་པ་དམན་པའི་ས་གཉིས་སྤོང་། །བདག་མེད་རྣམ་གཉིས་སྒོམ་པ་ཡིས། །དངོས་པོ་མཚན་མའི་ཞེན་པ་ལྡོག །ཀུན་རྫོབ་ཐབས་ཀྱི་སྐས་བརྟེན་ནས། །དོན་དམ་ཆོས་ཀྱི་ཕོ་བྲང་རྟོལ། །བསྐྱེད་རྫོགས་ཐབས་ཀྱི་ལམ་བསྒོམ་པས། །གྲངས་མེད་ལམ་རིང་མྱུར་དུ་བསྒྲོལ། །ཕྱག་རྒྱ་ཆེན་པོའི་དོན་རྟོགས་པས། །ཐམས་ཅད་མཉམ་ཉིད་ཆེན་པོར་གྲོལ། །རྐྱེན་ངན་ལམ་གྱི་གྲོགས་ཁྱེར་བས། །བར་ཆད་ཐམས་ཅད་དངོས་གྲུབ་འགྱུར། །སྣ་ཚོགས་ལམ་གྱི་གྲོགས་གྱུར་པས། །མི་མཐུན་སྤང་བྱ་གང་ཡང་མེད། །ཞེ་འདོད་རེ་དོགས་ཀུན་བྲལ་བས། །མཐུན་པའི་བསྒྲུབ་བྱ་ཅི་ཡང་མེད། །ང་བདག་རྩད་ནས་ཐོན་པ་ཡིས། །བདུད་དང་གོལ་སའི་མིང་ཡང་མེད། །ཅེས་སོ། །བླ་མ་དམ་པ་རྣམས་ཀྱི་ཞབས་པད་ལ་སྒོ་གསུམ་གུས་པས་ཕྱག་འཚལ་ལོ། །

― ZP04_Page_562 ―

^{[མ་དཔེ་གཟིགས་ན་འདིར་གནོན།]}

[Full Size]

གང་ཞིག་བརྩོན་འགྲུས་ཆེན་པོས་ལྟ་སྒོམ་ཉམས་སུ་ལེན་པའི་གང་ཟག་ལ། ཏིང་ངེ་འཛིན་གྱི་མི་མཐུན་པའི་གནས་དུ་མ་འབྱུང་ལ། །དེ་དག་སེལ་མ་ཤེས་ན་འབད་པ་དོན་མེད་པར་འགྱུར་བས། །ཏིང་ངེ་འཛིན་གྱི་གེགས་བསལ་བའི་ཐབས་གྲུབ་ཐོབ་རྣམས་ཀྱི་མན་ངག་ཐམས་ཅད་ཀྱི་ནང་ནས་བཏུས་ཏེ་བསྟན་པ་ལ་སྤྱི་དོན་བཅུ་གཅིག་སྟེ། དེ་ལ་དང་པོ་བྱིང་བ་གསད་པ་ནི། བྱིང་བ་གསུམ་སྟེ། འབྱུང་བ་དང་ནད་གཞིའི་སྟོབས་ཀྱིས་བྱིང་བ་དང་། །བར་གཅོད་བགེགས་ཀྱི་སྟོབས་ཀྱིས་བྱིང་བ་དང་། ཏིང་འཛིན་རང་གི་ངོ་བོས་བྱིང་བའོ། །དེ་དག་བསལ་ཚུལ་ལ་གསུམ་སྟེ། ཤེས་རབ་ཀྱི་ལྟ་བས་བསལ་བ་དང་། ཐབས་ཀྱི་དམིགས་པས༴ །ཁ་ཟས་དང་སྤྱོད་ལམ་གྱིས་བསལ་བའོ། །དང་པོ་ནི་རྐྱེན་གང་གིས་ཤེས་པ་བྱིང་བར་གྱུར་ཀྱང་། །དེ་ཉིད་རང་སེམས་སུ་ཤེས་པར་བྱ། སྟོང་པ་ལ་བྱིང་མ་བྱིང་གཉིས་སུ་མེད་པར་ཤེས་པར་བྱ། དེ་ལྟར་ཤེས་པས་བྱིང་རྨུགས་ཆོས་གྱི་དབྱིངས་ཡིན་པས་ཐབས་གྱིས་བཅོས་མི་དགོས། དེ་ལྟར་ཤེས་ཀྱང་ཧ་ཀྱང་བྱིང་ཚབ་ཆེ་བས་རིག་པའི་གསལ་ཆ་སྟོང་ནས་ཡེ་ཤེས་འཕེལ་དུ་མི་སྟེར་ན། ཐབས་ཀྱིས་དམིགས་པས་བཅོས་པ་ནི། དང་པོ་བླ་མ་བརྒྱུད་པ་དང་བཅས་པ་རང་གི་སྤྱི་བོར་སྒོམ་ལ་དེ་ལ་གུས་པ་ཆེན་པོས་ཕྱི་ནང་གསང་བའི་མཆོད་པ་

― ZP04_Page_563 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུལ། །གསོལ་བ་བཏབ། དེ་ནས་རང་གི་ཤེས་པ་དེ་འོད་ཀྱི་རྣམ་པ་ཡི་གེ་ཨར་གསལ་བ་སྤྱི་བོ་ནས་ཐོན་ཏེ། ཡར་ཇེ་མཐོ་ཇེ་མཐོར་བཏང་ནས་ཤེས་པ་ཧུར་འདོན། ཡང་ན་རང་གི་མདུན་དུ་མདུང་ཤིང་རིང་མོ་གཅིག་བསམ་ལ། དེའི་རྩེ་མོར་སྐྱིལ་ཀྲུང་བཅས་ཏེ་ནམ་མཁར་ལིང་ངེ་ཡོད་པར་བསམ་པས་བྱིང་བ་སེལ། དེས་ཀྱང་མ་སེལ་བར་བྱིང་རྨུགས་ཤིན་ཏུ་ཆེ་ན། ལུས་མི་སྡོད་པར་བསྒུལ་བསྐྱོད་བྱ། ངག་མི་སྡོད་པར་ཡི་དམ་ལྷའི་སྙིང་པོའམ་ཧཱུྃ་ཕཊ་ལ་སོགས་བྱ། ཡིད་མི་སྡོད་པར་ཤེས་པ་ཧུར་ཧུར་ཧྲིག་ཧྲིག་ས་ལ་ས་ལ་ཐོར་ཐོར་ཡེར་ཡེར་བྱས་ལ་ཤེས་པ་ཧུར་འདོན། ཡང་ན་དྲག་རླུང་བུམ་པ་ཅན་སྒོམ་པས་ངེས་པར་སེལ་ལོ། །ཁྱད་པར་བར་གཅོད་བགེགས་ཀྱིས་བྱིང་བ་ལ་དེ་ཉིད་ཤེས་པར་བྱས་ལ། ལུས་སྲོག་ཁོ་ལ་བྱིན་ལ། རིག་པ་ངར་བསྐྱེད་དཔའ་བསྐྱེད་གདེང་བསྐྱེད་ལ་རྐུན་མ་ངོས་ཟིན་པ་དང་འདྲ་སྟེ་རང་ཞིར་འགྲོའོ། །གལ་ཏེ་དེས་ཀྱང་མ་ཞི་ན་གཏོར་མ་བྱིན་ཏེ་བདེན་པ་བདར་ཆོས་བཤད་བྱས་ལ། བླ་མའི་རྣལ་འབྱོར་དང་ཡི་དམ་ལྷའི་བསྙེན་པ་ཡང་ཡང་སྒོམས་པས་ངེས་པར་སེལ་ལོ། །ཁ་ཟས་དང་སྤྱོད་ལམ་གྱིས་བཅོས་པ་ནི། ཁ་ཟས་བཅུད་ཅན་སྤངས་ལ་བའི་ཞོ་དར་དང་ཆབ་ཚ་བརྟེན། ས་བསིལ་སར་འདུག །གོས་སྲབ་མོ་གྱོན། ས་

― ZP04_Page_564 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་དབེན་སར་བསྐོར་བ་བྱ། སྒོམ་ཐུན་ཐུང་ལ་གྲངས་མང་དུ་བྱ། འདུག་ས་སྤོས་ཤིང་སྒོམས་པས་སེལ་ལོ། །ནད་གཞི་ལ་ཕན་པའི་སྨན་དང་ཁ་ཟས་བརྟེན་ནོ། །གཉིས་པ་རྒོད་པ་འདུལ་བ་ལ་གསུམ་སྟེ། འབྱུང་བ་དང་ནད་གཞིའི་སྟོབས་ཀྱིས་རྒོད་པ་དང་། བར་གཅོད་བགེགས་ཀྱི་སྟོབས་ཀྱིས་རྒོད་པ་དང་། ཏིང་འཛིན་རང་གི་རོ་བོས་རྒོད་པའོ། །དེ་དག་བཅོས་པ་ལ་གསུམ་ལས། ཤེས་རབ་ཀྱི་ལྟ་བས་བཅོས་པ་ནི། རྒོད་འཕྲོའི་རྣམ་རྟོག་ཕྲ་རགས་ཐམས་ཅད་རང་སེམས་སུ་ཤེས་པས་སེམས་ཉིད་ཡེ་སྟོང་རྩ་བྲལ་དུ་ཤེས། ཡེ་སྟོང་རྩ་བྲལ་གྱི་དོན་ལ་རྒོད་མི་རྒོད་དང་འཕྲོ་མི་འཕྲོ་གཉིས་སུ་མེད་པར་ཤེས་པས་དངོས་མེད་ཀྱི་རྒོད་འཕྲོ་འམ་རྣམ་རྟོག་ཐམས་ཅད་རང་བྱུང་གི་ཡེ་ཤེས་ཡིན་པས་ཐབས་ཀྱིས་བཅོས་མི་དགོས། རྣམ་རྟོག་གང་ཤར་ལ་བལྟས་ཤིང་གློད་ནས་བཞག་པས་ཆོག །གལ་ཏེ་དེ་ལྟར་ཤེས་ཀྱང་རྒོད་ཚབས་ཆེ་བས་གནས་སུ་མ་འདོད་ན། ཐབས་ཀྱི་དམིགས་པས་བཅོས་པ་ནི། དང་པོ་བླ་མ་བརྒྱུད་པ་ལ་གསོལ་བ་གོང་ལྟར་གདབ། དེ་ནས་འཕྲོ་རྒོད་ཀྱི་རྣམ་རྟོག་གང་བྱུང་བ་དེ་ཉིད་ལ་ཤེས་པ་རྩེ་གཅིག་ཏུ་གཏད་པས་འཕྲལ་དུ་སེལ་ལོ། །ཡང་ན་རང་གི་མདུན་དུ་རྒྱ་མཚོ་འཇམ་ལ་འབོལ་བ་གཅིག་བསམ་ལ་དེའི་སྟེང་དུ་སྐྱིལ་ཀྲུང་བཅས་པས་

― ZP04_Page_565 ―

^{[མ་དཔེ་གཟིགས་ན་འདིར་གནོན།]}

[Full Size]

ལུས་མཚོ་ལ་རེག་པ་རྣམས་ཞུ་ནས་མཐར་སྐྲའི་རྩེ་མོ་ཚུན་ཆད་ཞུ་ནས་སོང་བར་སྒོམ་པའི་ངང་ལ་གློད་བཞག །ཡང་ན་རང་སེམས་ཐིག་ལེ་ནག་པོ་གཅིག་ཏུ་བསམ་ལ་བཤང་ལམ་ནས་ཐོན་ཏེ་ས་འོག་འདོམས་བཞི་ལྔ་ཙམ་དུ་བཞག །དེ་ནས་ཅུང་ཞིག་ནས་ཡར་ལ་འདོན། །དེ་ལྟར་ཡང་ཡང་བྱས་པས་སེལ་ལོ། །ཡང་སྣོད་བཅུད་འདི་དག་སྟོང་པར་བསམས་ལ། སྟེང་འོག་བར་གསུམ་གྱི་ནམ་མཁའ་གསུམ་གཅིག་ཏུ་འདྲེས་པའི་ངང་ལ་བཞག་པས་མི་རྟོག་པ་ངང་གིས་སྐྱེའོ། །ཡང་ན་སྟེང་རླུང་མནན་ལ་ཤེས་པ་སྣ་རྩེ་ནས་ཁྲུ་གང་ཙམ་གྱི་བར་སྣང་ལ་གཏད་པས་ཏིང་ངེ་འཛིན་སྐྱེའོ། །ཡང་ན་མིག་བཙུམ་ལ་རང་གི་ཤེས་པ་བཞི་ཆར་བགོས་ལ་དུས་གཅིག་ཏུ་ཕྱོགས་བཞིར་ཡུལ་གང་རུང་རེ་འཛིན་དུ་བཅུག་སྟེ། ཤེས་པ་ཕུར་བཞི་ལ་བརྒྱངས་པས་ཐང་ཆད་པ་དང་། །དེ་ནས་འཛིན་མེད་དུ་གློད་ནས་བཞག་པས་མི་རྟོག་པ་སྐྱེའོ། །ཁྱད་པར་བར་གཅོད་བགེགས་ཀྱིས་རྒོད་པ་ལ། དེ་ཉིད་བགེགས་སུ་ངོ་ཤེས་པར་བྱས་ཏེ། ལུས་སྲོག་བྱིན་ལ། ཕྱམས་ཀྱིས་ཉལ་བསྡད་པས་རང་ཞིར་འགྲོའོ། དེས་མ་ཞི་ན་བླ་མ་ཡི་དམ་ལྷའི་རྣལ་འབྱོར་ཡང་ཡང་སྒོམ། ཆོས་སྐྱོང་དང་འབྱུང་པོ་ལ་གཏོར་མ་བྱིན་ལ་གསོལ་བ་བཏབ། དེ་ནས་གལ་མེད་དུ་ཉལ་ནས་བསྡད་

― ZP04_Page_566 ―

^{[མ་དཔེ་གཟིགས་ན་འདིར་གནོན།]}

[Full Size]

པས་སེལ་ལོ། །དེས་མ་སེལ་ན། བགེགས་དེའི་དོན་དུ་ཡི་དམ་ལྷའི་ཟླས་སྒོམ་བྱས་པས་ངེས་པ་སེལ་ལོ། །འཕྲོ་རྒོད་ཆུང་བ་ལ་ཐབས་དང་གཉེན་པོ་དེ་དག་དྲན་པས་ཆོག་གོ། །འབྲིང་ལ་ཐུན་གཉིས་གསུམ་སྒོམ་པས་སེལ་ལོ། །རབ་ཏུ་ཆེ་བ་ཐབས་ཤེས་ཀྱི་གཉེན་པོ་དེ་དག་རེ་མོས་ཀྱིས་སྒོམ་པས་སེལ་ལོ། །ཁ་ཟས་དང་སྤྱོད་ལམ་གྱིས་སེལ་བ་ནི། ཁ་ཟས་བཅུད་ཅན་བརྟེན། མར་ཁུ་རྙིང་པས་བཀུ་མཉེ་བྱ་གོས་དྲོ་བར་བྱ། གནས་མལ་དྲོ་ས་དང་མུན་པ་གནག་སར་བསྡད། རྒྱང་མིག་མི་ལྟ། མི་གསེབ་ཏུ་མི་འགྲོའོ། །གསུམ་པ་འཐོར་བ་སྡུད་པ་ལ་གསུམ་ལས། ལུས་འཐོར་བ་བསྡུ་བ་ནི། རླུང་གི་སྟོབས་ཀྱིས་རང་ཉམས་ལ་ལུས་མང་པོར་སོང་ནས་ལུས་གང་ཡིན་ཆ་མེད་པ་བྱུང་ན། དང་པོ་ཤེས་རབ་ཀྱི་ལྟ་བས་བྱུང་རྒྱལ་དུ་བསྐྱངས་པས་སེལ་ལོ། གལ་ཏེ་དེས་མ་སེལ་ཏེ་ཏིང་ངེ་འཛིན་ལ་གནོད་པ་བྱུང་ན། །ལུས་གང་རུང་གཅིག་གི་སྨིན་མཚམས་སུ་དམིགས་པ་གཏད་པས་སེལ་ལོ། །གཞན་ཡང་རླུང་གི་རྟེན་འབྲེལ་གྱིས་རང་ལུས་ནམ་མཁའ་ཡེ་རེ་རེ་སོང་བའི་ཉམས་དང་། ལུས་ཞིག་པའི་ཉམས་བྱུང་ན། ལྟ་བས་བྱུང་རྒྱལ་དུ་བསྐྱངས་བས་སེལ། དེས་མ་སེལ་བར་ཉམས་ལ་གནོད་ན། རང་གི་ལུས་ཀྱི་རོས་བསྟན་གྱི་ཐོག་ཏུ་ཐིག་ལེ་

― ZP04_Page_567 ―

^{[མ་དཔེ་གཟིགས་ན་འདིར་གནོན།]}

[Full Size]

དཀར་པོ་སྲན་མ་ཙམ་གཅིག་བསམ་ལ། དེ་ལ་ཤེས་པ་གཏད་པས་སེམས་ཐིག་ལེ་དེ་དང་འབྱར་ནས་མི་ཁོགས་པར་བསམས་པས་སེལ་ལོ། །རང་གི་མདུན་ན་སའི་དོང་འདོམ་གང་གྲུ་བཞི་པ་གཅིག་བསམས་ལ། དེའི་གཏིང་གསེར་གྱི་ས་གཞི་ལ་ཐུག་པ་ལ་ཤེས་པ་གཏད་པས་སེལ་ལོ། །སེམས་འཐོར་བ་ནི། རླུང་རྩ་དབུ་མར་མ་ཆུད་པར་ནང་གི་རྩ་བྲན་རྣམས་སུ་བྱེར་བས་སེམས་དངུལ་ཆུ་བོ་བ་ལྟར་ཤེས་པ་པྲ་ཡས་སུ་འཐོར་ནས། སེམས་སྐད་ཅིག་ཀྱང་མི་གནས་པ་བྱུང་ན། དང་པོ་བླ་མ་ལ་གསོལ་བ་བཏབ་ཅིང་ཤེས་རབ་ཀྱིས་བྱུང་རྒྱལ་དུ་བསྐྱངས། དེས་མ་སེལ་ན་ཁ་ཟས་བཅུད་ཅན་བཏང་། ལུས་ལ་སྐུ་མཉེ་བྱ། དེ་ནས་རྣམ་རྟོག་གསལ་བ་གཅིག་ལ་ཤེས་པ་མདུང་ཚུགས་སུ་གཏད་དོ། །དེ་བཞིན་དུ་རྣམ་རྟོག་བྱུང་ཚད་ཟུངས་སུ་བཟུང་ནས་དེ་ཉིད་ལ་བཙིར་གནོན་བྱས་ལ་བསྒོམ་མོ། །སྐབས་སུ་ཕྱིའི་སྣོད་བཅུད་ཐམས་ཅད་རང་གི་ལུས་ལ་བསྡུ། ལུས་སྙིང་གར་སེམས་ལ་བསྡུ། སེམས་ཉིད་ནམ་མཁར་ཐིམ་པའི་ངང་ལ་གློད་ལ་ཞོག །དེས་ཀྱང་མ་སེལ་ན་དངོས་སམ་ཡིད་ཀྱི་རིག་མ་ལ་བརྟེན་ནས་བདེ་བ་བསྒོམ་པས་ངེས་པར་སེལ་སྟེ་ལག་ལེན་གཞན་དུ་བལྟའོ། རླུང་འཐོར་བ་ནི། སྔར་རླུང་ཡུན་རིང་དུ་ནོན་པ་ལ་སླར་ཡུན་ཐུང་སྟེ་དར་

― ZP04_Page_568 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིག་ཀྱང་མི་ནོན་བ་བྱུང་ན། རླུང་དྷུ་ཏིར་མ་ཆུད་པར་ལུས་ཁེངས་པས་འཐོར་བ་ཡིན་པས། དང་པོ་བླ་མ་ལ་གསོལ་བ་གདབ། དེ་ནས་ལུས་ཙོག་བུར་འདུག་སྟེ། །བརླ་གཉིས་སྒྲིལ་ལ་གསང་རྡོར་བརླའི་བར་ནས་བཏོན་ཏེ་ལག་པ་གཡས་པ་ས་ལ་བཙུགས། ལག་གཡོན་གྱིས་སྣ་བུག་གཡོན་པ་བཀག་སྟེ། སྣ་གཡས་ནས་རླུང་རྔུབ་ཨ། དེ་ནས་ལག་གཡོན་གྱིས་ལོངས་སྤྱོད་ཀྱི་རྦ་རླབས་མནན་ནས། རླུང་ཐུབ་ཚད་མནན་པ་ཡང་ཡང་བྱས་པས་སེལ་ལོ། དེས་མ་སེལ་ན་ཞག་འགའ་ལ་གློད་ལ་ཁ་ཟས་བཅུད་ཅན་བརྟེན་བཀུ་མཉེ་བྱ་ཞིང་གྱེན་ཐུར་ལ་འགྲོ་འདུག་ལ་སོགས་པའི་ལུས་སྦྱངས་བྱས་བས་སོར་ཚུད་དོ། བཞི་པ་འཕར་བ་མནན་པ་ནི། སྤྱིར་བླ་མ་ལ་མོས་གུས་བཅོས་མ་མ་ཡིན་པ་སྐྱེས་པའི་ཆོས་སྒོམ་པའི་སྟོབས་ཀྱིས་ལས་ཀྱི་རླུང་ནང་དུ་འཇུག་སྟེ། དེ་ཡང་རླུང་འཇུག་པའི་རིགས་བཞི་སྟེ། ཕོ་རླུང་། མོ་རླུང་། མ་ནིང་གི་རླུང་། ཐོད་རྒལ་བ་ཡེ་ཤེས་མེ་འབར་བའི་རླུང་ངོ་། །ཕོ་རླུང་ཞུགས་པའི་རྟགས་ལུས་འཕར་བ་དང་གཡོ་བ་འབྱུང་། ལུས་ལ་བདེ་དྲོང་སྐྱེས་དེས་ཏིང་ངེ་འཛིན་སྐྱེའོ། །མོ་རླུང་ཞུགས་རྟགས་ལུས་འདར་ཞིང་དྲོད་སྐྱེ། དེས་ཏིང་ངེ་འཛིན་སྐྱེའོ། །མ་ནིང་གི་རླུང་ཞུགས་པའི་རྟགས་སུ་ནི་ལུས་འཕར་བ་དང་འདར་བ་མེད་པ་བདེ་དྲོད་

― ZP04_Page_569 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱེ་ཞིང་རྗེས་ལ་ཏིང་ངེ་འཛིན་སྐྱེའོ། །དེ་ལྟར་གསུམ་པོ་དེ་ལ་བཅོས་མི་དགོས། ཐོད་རྒལ་གྱི་རླུང་ཁུགས་རྟགས་ནི། མཆོང་རྒྱུག་ལ་སོགས་པ་སྣ་ཚོགས་པ་ཡོད་པས། འདི་ལ་འདྲ་མིན་གཉིས་སུ་འོང་སྟེ། མཆོང་རྒྱུག་ལ་སོགས་པ་བྱེད་ཅིང་དྲོད་དང་ཏིང་ངེ་འཛིན་མེད་ལ་རྗེས་ལ་སྙིང་མི་དགའ་བློ་བཀོལ་དུ་མི་འདོད་ན་ཕྱི་རོལ་གདོན་གྱི་འཕར་པ་ཡིན་པས། དེ་ཞི་བར་བྱེད་པའི་ཐབས་ནི། དཔའ་བོ་གཡུལ་དུ་བསད་པའི་རོ་བསྲེགས་པའི་རུས་པ་ཆུ་ལ་བརྡར་ཏེ་ལྟེ་བར་བྱུགས་ན་དེས་ཞི་བར་འགྱུར་རོ། །ཡང་ན་གཞོན་ནུ་མ་སྐྱེས་པ་དང་མ་འཕྲད་པའི་རང་བྱུང་དང་བྱང་སེམས་བསྲེས་ཏེ་གནས་གསུམ་དུ་ཐིག་ལེ་བྱས་ན་ཞི་བར་འགྱུར་རོ། །མཆོང་རྒྱུག་ལ་སོགས་པ་དུ་མ་འབྱུང་ཞིང་བདེ་དྲོད་ཀྱང་ཆེར་སྐྱེ་ལ་རྗེས་ལ་ཏིང་ངེ་འཛིན་ཁྱད་པར་ཅན་སྐྱེ་ན། གནས་དབེན་ཞིང་ཡངས་ལ་བདེ་བའི་སར་ཞག་བདུན་ལ་སོགས་པར་བྱུང་རྒྱལ་དུ་བསྐྱངས་པས་ཞི་བར་འགྱུར་སྟེ། ཧ་ཆང་འཕར་ཆེ་ན་ཡན་ལག་འཆག་པ་ལ་སོགས་པས་ལུས་སྲོག་གི་བར་ཆད་དུ་འགྲོ་ཉན་ཡོད་པས། དེ་ལ་མནན་པའི་ཐབས་ནི། དང་པོ་ཤེས་རབ་ཀྱིས་མནན་པ་ནི། འཁོར་འདས་ཀྱི་ཆོས་ཐམས་ཅད་རང་གི་སེམས་སུ་ཤེས་པས། འཕར་གཡོ་ལ་སོགས་པ་ཡང་རང་གི་སེམས་ཡིན། སེམས་ཉིད་

― ZP04_Page_570 ―

^{[མ་དཔེ་གཟིགས་ན་འདིར་གནོན།]}

[Full Size]

དངོས་མེད་སྒྱུར་མར་ཤེས། སྒྱུ་མ་ལ་རང་བཞིན་མེད་པས་འཕར་གཡོ་ལ་སོགས་རང་བཞིན་མེད་པར་ཤེས་པས་ཞི་བར་འགྱུར་རོ། །དེས་མ་ཞི་ན་རང་གི་སྤྱི་བོ་ལས་སོར་བཞི་ཙམ་གྱི་མཐོ་བའི་སྟེང་དུ། སའི་དཀྱིལ་འཁོར་འདོམ་གང་གྲུ་བཞི་སེར་པོ་གྲྭ་བཞི་ན་རྡོ་རྗེ་སེར་པོ་རྩེ་གསུམ་པ་བཞི་མར་འཕྱང་བ་དེས་མནན་པར་བསམས་པས་ཞི་བར་འགྱུར་རོ། །དེས་མ་ཞི་ན་སྤྱི་བོར་རིའི་རྒྱལ་པོ་རི་རབ། ཤར་དཀར་ལྷོ་སྔོ་ནུབ་དམར་བྱང་སེར་པོ་སྟེ་སྟེང་ན་ལྕོག་བརྒྱད་དང་བཅས་པ་གཅིག་གིས་མནན་པར་བསམས་ཤིང་། དངོས་སུ་ཡང་མགོ་བོ་ནས་བག་རེ་མནན་པས་ཀྱང་ཞིའོ། །དེས་ཀྱང་མ་ཞི་ན་སྔར་གྱི་རི་རབ་ཀྱི་སྟེང་ན་སྣ་ཚོགས་རྡོ་རྗེའི་སྟེང་དུ་རང་གི་བླ་མ་སྐྱིལ་ཀྲུང་གིས་བདག་ལ་བརྩེ་བའི་ཚུལ་གྱིས་བཞུགས་པར་བསམ་པས་ཞི་བར་འགྱུར་རོ། །ཡང་རྡོ་རྗེ་རྒྱ་གྲམ་གྱི་སྟེང་དུ་གསེར་གྱི་མཆོད་རྟེན་ཁྲུ་གང་བ་གཅིག་གིས་མནན་པར་བསམས་པས་ཞི་བར་འགྱུར་རོ། །དེས་ཀྱང་མ་ཞི་ན་ཨོལ་ཀོས་བྲང་ནོན་པར་བྱས་ཏེ། རང་གི་ལུས་ས་གཏིང་ན་མར་སོང་བར་བསམས་ཤིང་དེ་ནས་ཤེས་པ་སྙིང་གའམ་སྨིན་མཚམས་སུ་གཏད་པས་སེལ་ལོ། །འདིས་མགོན་པ་ལ་ཡང་ཕན་

― ZP04_Page_571 ―

^{[མ་དཔེ་གཟིགས་ན་འདིར་གནོན།]}

[Full Size]

པར་འགྱུར་རོ། །ཡང་ཡང་བྱས་ན་ཁམས་ལ་བག་ཙམ་གནོད་གསུངས་སོ། །དེས་ཀྱང་ཞི་བར་མ་ནུས་ན། བླ་མའམ་གྲོགས་གཅིག་གིས་སྤྱི་བོ་ནས་མནན་གྲོགས་ཀྱི་ལག་པ་གང་ས་ཆུར་བཅུག་སྟེ་སྙིང་འཕར་བའི་གནས་སུ་རེག་ཅིང་། འཕར་གཡོ་ལ་སོགས་པ་ཐམས་ཅད་ཁྱོད་རང་གི་སེམས་ཡིན་པ་ཤེས་པར་གྱིས་ཤིག །ཅེས་ཡང་ཡང་བསྟན་པས་ཞི་བར་འགྱུར་རོ། །ལྔ་པ་བརྒྱལ་བ་སློང་བ་ནི། འགོག་པའི་རྩར་རླུང་སེམས་ཐིམ་པས་ཚོགས་དྲུག་གི་འགྱུ་བ་འགག་སྟེ་དྲན་རིག་རྒྱུན་ཆད་ནས་བརྒྱལ་བ་ལྟ་བུ་འབྱུང་ངོ་། དེ་ཡང་རྩ་ལ་ལ་བྱང་སེམས། ལ་ལ་རྣག་ཁྲག །ལ་ལ་ཆུ། ལ་ལ་ཆུ་སེར། ལ་ལ་རླུང་གིས་གང་ནས་ཡོད། འགོག་པའི་རྩ་དེ་སྟོང་པར་ཡོད་པས་དེར་རླུང་སེམས་འདུས་སྟོབས་ཀྱིས་བརྒྱལ་བའོ། །འདི་ནི་བྱིང་བ་ཆེན་པོ་ཡིན་པས་ཞི་ལྷག་གི་ཏིང་ངེ་འཛིན་ཀུན་ལ་སྒྲིབ་པས། དེ་བསལ་བ་ནི། བླ་མའམ་གྲོགས་ཀྱིས། པི་ཝཾ། གླིང་བུ། ཏིང་ཤག །དྲིལ་བུ། ཌཱ་མ་རུ། དུང་དཀར། རྔ་ལ་སོགས་པ་དེ་རྣམས་དུས་གཅིག་མི་བྱ་བར་རིམ་བཞིན་སྒྲ་ཇེ་ཆེ་ཇེ་ཆེ་བྱ་ཡང་ཇེ་ཆུང་ཇེ་ཆུང་བྱ། དེ་ལྟར་ཡང་ཡང་བྱས་པས་སད་ནས་ཏིང་ངེ་འཛིན་མཆོག་ཏུ་རྙེད་པར་འགྱུར། གལ་ཏེ་བརྒྱལ་བ་སད་ཀྱང་ཏིང་ངེ་འཛིན་མཆོག་མ་རྙེད་ན་སེམས་

― ZP04_Page_572 ―

^{[མ་དཔེ་གཟིགས་ན་འདིར་གནོན།]}

[Full Size]

རང་སོར་བཞག་ལ་དམིགས་པ་ནམ་མཁར་ཧད་དེ་བཞག་བས་གསལ་སྟོང་གི་ཏིང་ངེ་འཛིན་ཁྱད་པར་ཅན་སྐྱེའོ། །སྐྱོན་དེ་ཕྱིས་མི་འབྱུང་བར་བྱ་བའི་ཕྱིར། སྣའི་རྩེ་མོ་ནས་ཁྲག་ཕྱུང་སྟེ། སྣུམ་གང་རུང་དང་བསྲེས་ཏེ་དེ་ཉིད་བྱུག་པས་ཐུབ་བོ། །དྲུག་པ་རེངས་པ་གཞིལ་བ་ལ། སྤྱིར་རྩ་ཟུག་རླུང་ཟུག་གི་ན་ཚ་དུས་སུ་མ་ཞི་བར་ནད་ཚབས་ཆེར་སོང་བ་ནི་རེངས་པ་ཡིན། དེ་ལ་རྩ་བ་དང་ཡན་ལག་གི་རླུང་བཅུའི་རེངས་པ་གཞི་ལ་ཚུལ་ལས་འདིར་གནད་ཆེ་ཤོས་ཙམ་བྲི་བ་ལ། སྲོག་འཛིན་གྱི་རླུང་སྙིང་གར་རེངས་ན། སྙིང་རླུང་ལ་སོགས་པར་འགྱུར་བས། དེ་བཅོས་ཐབས་ནི། རང་གི་སྙིང་སྒོ་ང་སྟོང་པའམ་རྐྱལ་བ། སྟོང་བར་བསམས་ལ། དེའི་ནང་ཐམས་ཅད་ཁང་སྟོང་ཟླ་འོད་ཀྱིས་གང་བ་ལྟར་འོད་ཁ་དོག་དཀར་པོས་གང་བར་བསམས། ཡང་འཕྲོ་བཅད། ཡང་སྔར་བཞིན་བསམས་ན་མྱུར་དུ་ཞི་བར་འགྱུར་རོ། །དེས་ཀྱང་མ་ཞི་ན་རོ་སྟོད་ཀྱི་ནང་ཐམས་ཅད་ཡང་ཡང་གང་བར་བསམས། དེས་ཀྱང་མ་ཞི་ན་ལྐོག་མ་ཡར་འབུར་འབུར་ལ་སོགས་པ་བྱུང་ན་སྤྱིར་རེངས་པའི་སྐྱོན་གསུམ་སྟེ། གང་ཞིང་སྟོང་པ་ནི་རེས་འགའ་རོ་སྟོད་ཐམས་ཅད་དབུགས་ཀྱིས་གང་སྙམ་བྱེད། རེས་འགའ་སྟོང་སྙམ་བྱེད་འབྱུང་ན། དེས་དང་ཁ་ཡང་འགགས་པ་ཡིན་པས། དེ་ཞི་བར་བྱེད་པ་ནི། རང་གི་སྙིང་རྩེ་མོ་གྱེན་བསྟན་པདྨ་

― ZP04_Page_573 ―

^{[མ་དཔེ་གཟིགས་ན་འདིར་གནོན།]}

[Full Size]

འདབ་བརྒྱད་ལྟར་ཁ་བྱེ་བའི་ནང་ཐམས་ཅད་འོད་དཀར་པོས་གང་བར་བསམས་ན་ཞིའོ། །དེས་མ་ཞི་ན་རང་གི་སྣ་རྩེ་ནས་ཁྲག་ཕྱུང་ནས་དེ་ཉིད་མཉེས་ན་ངེས་པར་ཞིའོ། །གཟེར་ཞིང་ཟུག་པ་ནི། རོ་སྟོད་སྙིང་གཟེར་ཞིང་ཟུག་ནས་ནན། སྣ་གཡས་པ་བཀག་སྟེ་གཡན་པ་དྲག་ཏུ་འབུད། དེ་ནས་སྒྲེགས་པ་ཡང་ཡང་བཏང་བས་ཞིའོ། །རྟག་ཏུ་འཕྱོ་ཞིང་སྙིང་མི་དགའ་ན། དེ་བསལ་ཐབས་བཞི་སྟེ། དང་པོ་བསྲེགས་པ་ནི་ལྟེ་བའི་ཨ་ལས་མེ་འབར་ཏེ་སྙིང་ཐུལ་ཐུལ་བསྲེགས་པར་ཡང་ཡང་བསམ་པས་ཞིའོ། །གཉིས་པ་འོག་ཏུ་དབྱུང་བ་ནི། སྙིང་ལྟེ་བའི་འོག་ནས་མར་བྱུང་བར་བསམས་ཤིང་དམིགས་པ་ཡང་ཡང་གཏད་པས་སེལ་ལོ། །གསུམ་པ་གཏིང་དུ་སྦ་བ་ནི། སྙིང་རྒྱ་མཚོའི་གཏིང་ན་མར་ཡང་དང་ཡང་དུ་སོང་བར་བསམས་པས་ཞིའོ། །བཞི་བ་བདུད་རྩི་བཞོ་བ་ནི། རང་གི་སྤྱི་བོའི་སྟེང་དུ་ཐོད་པ་མར་ཁུས་གང་བ་གཅིག་བསམས་ལ། དེ་ལས་མར་ཁུ་བྱུང་བས་སྤྱི་བོ་ནས་སྙིང་གའི་བར་དུ་གང་བར་བསམས་པས་སྙིང་རླུང་ཐམས་ཅད་ཞི་བར་འགྱུར་རོ། །མིག་མི་གསལ་ན་ལྟག་ཁུང་དུ་སྣུམ་བྱུགས་པས་ཕན། ༈ ཡང་ཁྱད་པར་གྱི་རླུང་རེངས་པ་ལྔ་གཞི་ལ་ཐབས་ལས། གསུམ་པ་གསང་རླུང་སེམས་ལ་རེངས་པ་ནི། རླུང་སྲོག་རྩ་ལ་ཁྱབ་པས་སེམས་

― ZP04_Page_574 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྱོ་ཞིང་སྙིང་མི་དགའ་བ་སྨྱོ་འབོག་ལ་སོགས་པར་འགྱུར་བ་ཡིན་པས། འདི་ནི་ཆོས་ལ་ཡིད་མ་ཆེས་པ་དང་། མྱ་ངན་ལ་སོགས་པ་ལས་ཀྱང་འབྱུང་བ་ཡིན་ལ། དེ་སེམས་ཉིད་ལ་ཞི་བར་བྱ་བ་ལ་གསུམ་ལས། དང་པོ་བདག་ཉིད་ཀྱི་གཟུགས་བརྙན་གྱི་སྦྱོར་བས་ཞི་བར་བྱ་བ་ནི། རང་གི་གདོང་པའི་ཐད་ཀར་མེ་ལོང་གཡའ་དག་པ་གཅིག་བཞག་ལ། ལག་གཉིས་ཁུ་ཚུར་བཅངས་པའི་འཁྲིག་མ་གཉིས་སྙིང་གར་བསྣོལ་ཏེ། རླུང་མི་བསྡམ་པར་མེ་ལོང་གི་ནང་དུ་རང་གི་གཟུགས་བརྙན་ཤར་བ་དེའི་སྨིན་མཚམས་སུ་ཤེས་པ་དྲག་ཏུ་གཏད་ཅིང་ལྟ་བ་ཉི་མ་གསུམ་ཙམ་དུ་བྱས་པས་ཕན་ནོ། །དེས་ཀྱང་མ་ཞི་ན་ལྷག་པའི་ལྷའི་སྦྱོར་བ་ནི། མེ་ལོང་དེ་སྔར་བས་ཅུང་ཟད་མཐོ་བཅུག་ཏེ། རང་གི་སྤྱི་བོའི་ཐད་ཀའི་རྒྱབ་ངོས་སུ། ཡི་དམ་དཔའ་བོ་གཅིག་པ་རས་བྲིས་སམ། ལུགས་མ་ལྟ་བུ་གཅིག་བཞག་ལ། དེའི་གཟུགས་བརྙན་མེ་ལོང་དུ་ཤར་བའི་སྨིན་མཚམས་སུ་མིག་དབང་བསྟོད་ཅིང་ལྟ། དེ་ལ་ཤེས་པ་དྲག་ཏུ་གཏད་པ་ཉི་མ་གསུམ་ཙམ་གྱི་བར་དུ་བྱས་པས་སེལ་ཞིང་འདི་ནི་སེམས་ཟིན་པའི་ཐབས་སུའང་འགྲོ་བ་ཡིན། དེས་ཀྱང་མ་ཞི་ན། རླུང་ཐོད་རྒལ་གྱི་སྦྱོར་བས་བཅོས་པ་ནི། རང་གི་མདུན་གཡས་གཡོན་གྱི་གྲུ་གང་ཙམ་གྱི་བར་མཆོད་པར་ཤིང་གྲུ་གང་པ་རེ་རེ་བཙུགས་

― ZP04_Page_575 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་རང་ལ་ལྟ་བའི་ངོས་ཀྱི་རྩེ་མོར་རམ་གྱིས་ཐིག་ལེ་བྱས་ཏེ། དང་པོ་གཡོན་ངོས་ཀྱི་ཐིག་ལེ་ལ་དམིགས་པ་གཏད་ལ་སེ་གོལ་ཉི་ཤུ་རྩ་གཅིག་ཏོག་ཅིང་དེའི་བར་དུ་རླུང་ནང་དུ་བཟུང་། ཡང་གཡས་སུ་དེ་ལྟར་བྱ་ཞིང་ཡང་ཡང་བསྐྱང་པས་ཤེས་པ་ཅི་ཡང་མི་དྲན་པ་ཐོམས་གྱིས་འགྲོ། དེ་ནས་སྐྱོན་སེལ་ལོ། །ཡང་སྐབས་སུ་འཕྲོ་བཅང་ཅིང་ཤེས་པ་མདུན་གྱིས་གཞིའམ་རྐང་མཐིལ་དུ་གཏད་པར་བྱའོ། ༈ ཡང་སྟེང་རླུང་ཐུར་དུ་ལོག་པས་རྩ་ཆུའི་ལམ་འགགས་པ་དང་། འོག་རླུང་གྱེན་ལ་ལོག་པས་མགྲིན་པ་འགགས་པ་གཉིས་ཀ་རླུང་སྐྱོན་གྱིས་འབྱུང་ཚུལ་དང་བཅོས་ཚུལ་འདུག་ཀྱང་མ་བྲིས། བདུན་པ་ཉམ་ང་བ་བསལ་བ་ནི། སྒོམས་པའི་སྟོབས་ཀྱིས་ཉམས་ང་བའི་རྩར་རླུང་སེམས་འདུས་ན། སེམས་ཉམས་དང་རྨི་ལམ་ཉམས་སུ་རྟག་པར་འཇིགས་ཤིང་ཉམ་ང་བ་འབྱུང་ངོ་། །ཡང་འདྲེའི་རྩར་རླུང་སེམས་འདུས་ན་རྟག་པར་འདྲེས་གནོད་པ་དང་འདྲེའི་སྣང་བ་འབྱུང་། གཞན་ཡང་མྱ་ངན་གྱི་རྩར་རླུང་སེམས་འདུས་ན་རྐྱེན་མེད་པར་མྱ་ངན་དང་སྡུག་བསྔལ་དྲག་པོ་སྐྱེ་བའམ། གླལ་བ་དང་། མཆི་མ་རྒྱུན་མི་འཆད་པར་བྱུང་ན། དང་པོ་ཤེས་རབ་ཀྱི་ལྟ་བས་གང་བྱུང་དེ་བྱུང་རྒྱལ་དུ་བསྐྱངས། དེས་མ་ཞི་ན། དང་པོ་ཉི་མ་གསུམ་

― ZP04_Page_576 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི་ཙམ་ལ་བཀུ་མཉེ་བྱ། དེ་ནས་ཕྱར་བའི་སྟེང་དུ་བཞག་ལ་གྲྭ་བཞི་ནས་མི་བཞིས་བཀྱག་སྟེ་ཡང་ཡང་འཕང་། དེས་མ་ཞི་ན་རྡོ་རྗེ་སྐྱིལ་ཀྲུང་བཅས་ཏེ་ཕྱི་བརྒན་དུ་བསྒྱིལ། དེ་ནས་མིག་ནམ་མཁའ་ལ་ཧད་དེ་གཏད་པས་སྐྱོན་དེ་ཀུན་ངེས་པར་སེལ་ལོ། །བརྒྱད་པ་རེ་དོགས་བསལ་བ་ནི། རེ་བ་ནི་རླུང་གི་རྟེན་འབྲེལ་ཀྱིས་སེམས་ཉམས་དང་རྨི་ལམ་དུ་ལྷ་མོ་སྣ་ཚོགས་གླུ་གར་བྱེད་པ་དང་། མེ་ཏོག་ལ་སོགས་འབུལ་བ་དང་། བདུད་རྩི་ལྔ་ཆ་མཉམ་བསྡུད་ཅིང་། དེར་སེམས་ཟིན་པས་དེ་བཞིན་གཤེགས་པ་ལྔའི་སྣང་བའམ། །བྱང་ཆུབ་སེམས་དཔའ་ལྔའམ་འོད་ཁ་དོག་ལྔ་མཐོང་བའམ། །རྩའི་རྟེན་འབྲེལ་གྱིས་རང་ཉིད་གང་འདོད་ད་རྣ་བར་ལུང་སྟོན་པ་ལ་སོགས་པ་འབྱུང་ལ། དེ་ལ་བརྟེན་ནས་རེ་བ་སྐྱེ་བ་སྟེ་ངས་གྲུབ་པ་ཐོབ་བོ་སྙམ་དུ་ང་རྒྱལ་དང་རློམ་སེམས་སྐྱེས་ན་བདུད་འཇུག་པར་འགྱུར་བས། དེ་ཐམས་ཅད་རང་གི་སེམས་ཀྱི་རྟེན་འབྲེལ་དུ་ཤེས་པས་ཉམས་ཐམས་ཅད་རྩིས་མེད་བྱུང་རྒྱལ་དུ་སྐྱོང་ངོ་། །དོགས་པ་ནི་ལྟེ་བའི་འོག་ན་རྩ་ཀྵ་ཡིག་གི་རྣམ་པར་ཡོད་པ་དེ་ལ་རླུང་སེམས་འདུས་པས་མཐོང་སྣང་དང་རྨི་ལམ་ཉམས་སུ་སྲིན་པོ་དང་ཤ་ཟ་གནོད་སྦྱིན་གཤིན་རྗེ་ལ་སོགས་གཟུགས་མི་སྡུག་པ་དུ་མ་མཐོང་ཞིང་དེ་དག་གིས་བསྡིགས་ཤིང་བརྡེག་པ་དང་མཚོན་ཆའི་ཆར་

― ZP04_Page_577 ―

^{[མ་དཔེ་གཟིགས་ན་འདིར་གནོན།]}

[Full Size]

འབེབས་པ་ལ་སོགས་པ་འབྱུང་བ་དེས་ཉམས་ང་ཞིང་བདུད་ཀྱི་བར་ཆད་ཆེན་པོ་བྱུང་སྙམ་དུ་དོགས་པ་སྐྱེ་བས་དེ་བསལ་བ་ནི། ཀྵཿཡིག་ཏུ་རླུང་སེམས་འདུས་པའི་རྟེན་འབྲེལ་དུ་ངོ་ཤེས་པས་དེ་དག་བྱུང་རྒྱལ་དུ་བསྐྱངས་པས་ཞི་བར་འགྱུར་ལ། དེས་མ་ཞི་ན། དེ་ཉིད་མེད་པར་འདོད་ན་ལྟེ་བར་ཀྵཿཡིག་གི་སྟེང་དུ་ཧཱུྃཿམགོ་ཐུར་བསྟན་གཅིག་བསམས་ལ། ལུས་གཡས་དང་གཡོན་དུ་གཡོམ་ཞིང་ངག་སྟོབས་ཀྱིས་ཧཱུྃ་ཉི་ཤུ་རྩ་བརྒྱད་བརྗོད་ཅིང་ཧཱུྃཿགིས་ཀྵཿཡིག་གྱེན་ལ་དྲང་པར་ཡང་ན་ཤེས་པ་ལྟེ་བའི་ཀྵཿཡིག་ལ་གཏད་ངག་ཏུ་ཧཱུྃ་དྲག་ལ་རིང་བ་ཉི་ཤུ་རྩ་གཅིག་ལ་སོགས་པ་བརྗོད་པས་ཞིའོ། །དེས་མ་ཞི་ན་སྟེང་དུ་འཕར་བ་དང་རྡོ་རྗེ་སྐྱིལ་ཀྲུང་གི་སྦྱོར་བ་གོང་ལྟར་བྱས་པས་སེལ་ལོ། །དགུ་པ་སྟོར་བ་བཙལ་བ་ནི། སྤྱིར་ལྟ་སྒོམ་སྟོར་བ་ལ་ལྔ་ལས། བརྒྱལ་བས་སྟོར་བ་དང་། རླུང་འཐོར་བས་སྟོར་བ་གཉིས་ནི་སྔར་བསྟན་པ་ལྟར་ཏེ། ཕྱི་མ་གསུམ་གྱི་དང་པོ་ཤེས་པ་ཡུལ་གྱིས་སྟོངས་ནས་ལྟ་སྒོམས་སྟོར་བ་ནི། སྒོམས་པའི་སྟོབས་ཀྱིས་ལྟེ་བའི་རྩ་ཨའི་རྣམ་པ་ལྟ་བུར་རླུང་སེམས་འདུས་པས་ཤེས་པའི་ཡུལ་ཐམས་ཅད་འགགས་ཏེ། སྐྱོན་དངོས་པོའི་མཚན་མས་སྟོང་། ཡོན་ཏན་དང་ཏིང་ངེ་འཛིན་དང་ཞི་ལྷག་གིས་སྟོང་ནས་ཏིང་ངེ་འཛིན་སྟོར་བ་འབྱུང་ངོ་། །དེ་ལ་

― ZP04_Page_578 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་པོ་རབ་ཕྱག་རྒྱ་ཆེན་པོ་ཡིད་ལ་བྱར་མེད་པས་རྟོགས་པ་གཅིག་ལ་དེ་ལྟ་བུ་བྱུང་ཡང་བྱུང་རྒྱལ་དུ་བཏང་བས་ཆོག །དེ་མ་ཡིན་པ་རྣམས་ལ་སྟོང་པ་དགྲར་ལངས་པ་ཡིན་པས་ལྟ་སྒོམ་བཙལ་བ་ནི། ལུས་ལྷའི་བསྐྱེད་རིམ་སྒོམ་ཞིང་ཡེ་ཤེས་པ་དགུག་གཞུག་ཡང་ཡང་བྱ། ངག་ལྷའི་སྙིང་པོ་མང་དུ་བཟླ་མདོར་ན་མཚན་བཅས་ཀྱི་དམིགས་པ་སྣ་ཚོགས་ལ་སྦྱངས་པས། སྣང་སྟོང་ཟུང་འཇུག་ཏུ་ཚུད་ནས་ལྟ་སྒོམ་རྙེད་པར་འགྱུར་རོ། །ཤེས་པ་ལུང་མ་བསྟན་དུ་ཤོར་ནས་ལྟ་སྒོམ་སྟོར་བ་ནི། འདུ་འཛིན་བྱ་བྱེད་གཡེངས་པའི་སྟོབས་ཀྱིས་ལྟ་སྒོམ་གྱི་དྲན་པ་ཉམས་མྱོང་དང་ངེས་ཤེས་སྟོར་ཏེ་ཤེས་པ་ལུང་མ་བསྟན་དུ་ཤོར་ན། དང་པོ་མི་རྟག་པ་དང་འཁོར་བའི་ཉེས་དམིགས་བསམས་ནས་དད་པས་གསོས་གདབ། བརྩོན་འགྲུས་ཀྱི་ལྕག་བརྒྱབ་ལ་དབེན་པར་གདམས་ངག་གི་ལྟ་རྟོག་དང་། ཉན་བཤད་ཞུ་ཐུག་བྱས་པས་སྔར་གྱི་ཉམས་མྱོང་རྙེད་པར་འགྱུར་རོ། །ཤེས་པ་ཐང་ཆད་ནས་ཏིང་ངེ་འཛིན་སྟོར་བ་ནི། དད་བརྩོན་དྲག་པོས་ཉམས་ལེན་ཧ་ཅང་འབད་ཆེ་བས་ཤེས་པ་ཐང་ཆད་ནས་ཏིང་ངེ་འཛིན་ལྟོར་བས་རྒྱུད་སྟོང་པར་སོང་བ་འབྱུང་བས་དེ་ལ་ཞག་ཤས་སུ་ངལ་བསོས་ཏེ་ཁ་ཟས་དང་སྤྱོད་ལམ་གློད་པས་སོར་ཆུད་པར་འགྱུར་རོ། །བཅུ་པ་བརྟུག་པ་བསལ་བ་ནི། ལུས་ཀྱི་ཁམས་ལྔ་གང་རུང་

― ZP04_Page_579 ―

^{[མ་དཔེ་གཟིགས་ན་འདིར་གནོན།]}

[Full Size]

གཅིག་གིས་དབང་བྱས་པས་ཉམས་དང་བོགས་དབྱུང་དུ་མི་བཅུག་པ་ནི་བརྟུགས་པ་སྟེ། དེ་ཡང་འབྱུང་བ་ས་ཤས་ཆེ་བས་ཉམས་ལ་བརྟུགས་པ་ནི། །ལུས་ཉམས་སུ་ལུས་ཐམས་ཅད་ལྕི་ཞིང་། ཡན་ལག་རེ་རེ་ཡང་མི་ཐེག་པའི་ལུས་སྦྲིད་པ་འོང་། སེམས་ཉམས་སུ་འཐིབས་པ་དང་སྒོམ་ཡང་སྐྱེད་མེད་པ་དང་གསལ་ཆ་མེད་པར་མི་རྟོག་པ་ཐོམ་མེ་བ་འབྱུང་ཞིང་བདེ་བ་མེད་པའོ། །སེམས་སྣང་གསེར་གྱི་ས་གཞི་ཆེན་པོ་མཐོང་། རྨི་ལམ་དུ་ཐང་ཆེན་པོ་ལ་འགྲོ་མི་ནུས་པ་དང་། ཁང་པའམ་རི་ཆེན་པོས་གནོན་པ་འབྱུང་། དེ་ཉིད་ཡུན་རིང་སོང་ནས་ཉམས་རྟོགས་ཀྱི་གེགས་སུ་འགྱུར་བས་བཅོས་ཐབས་ནི། ཟས་བཅུད་ཅན་སྤངས་ལ་སྤྱོད་ལམ་འགྲོ་བ་རང་། རྒྱུག་པ་དང་འཕྲབ་པ་སོགས་བྱ། སྐད་སྣ་ཚོགས་འདོན། སྐབས་སུ་ལག་པས་ལྟེ་བ་མཉེ། རིག་པ་གཡེར་སྟན་ནོ། །ཏིང་ངེ་འཛིན་གྱི་ཁྱད་པར་ནི་ལྷའི་རྣལ་འབྱོར་སྐད་ཅིག་མས་སྒོམ་ལ། ལྟེ་བར་ཟླ་བའི་དཀྱིལ་འཁོར་གཅིག་བསམས་ཤིང་སྣ་བུག་གི་རླུང་ནང་དུ་རྔུབས་པ་རྡོ་རྗེ་རྩེ་ལྔར་གྱུར་ཏེ་ལྟེ་བའི་ཟླ་དཀྱིལ་ལ་ཟུག་པ་དེ་ཉིད་དྲག་ཏུ་འཁོར་བར་བསམ་ཞིང་རླུང་ཁ་སྦྱོར་བས་བདེ་བ་རྙེད་ནས་བོགས་ཁྱད་པར་ཅན་འབྱུང་ངོ་། །ཡང་ན་རིག་པ་སེམས་ཀྱི་རྩལ་མདའ་འཕང་བའི་སྦྱོར་བ་ནི། སྙིང་དཀར་ནག་གི་མཚམས་སུ་རླུང་གི་གཞུ་སེར་ཟླ་གམ་

― ZP04_Page_580 ―

^{[མ་དཔེ་གཟིགས་ན་འདིར་གནོན།]}

[Full Size]

གཞུ་རྒྱུད་ལྗང་ཁུ་ཐུར་ལ་བསྟན་པ། དེ་ལ་རླུང་སེམས་ཀྱི་མདའ་སྔོན་པོ་དང་བཅས་པ་དེ་ཉིད་གཡོ་བཞིན་པ་གཅིག་བསམ། དེ་ནས་ལུས་ཅུང་ཟད་གྱེན་ལམ་ཉེ་ཞིང་བཤང་སྒོས་ལ་བགྲད་དེ་འོག་རླུང་ལན་གསུམ་ལ་སོགས་པར་བསྐྱེད་བས། འོག་རླུང་གིས་སྙིང་གའི་མདའ་གཞུ་བསྐྱོད་དེ། རླུང་སེམས་ཀྱི་མདའ་གྱེན་ལ་དྲག་ཏུ་འཕངས་པས། སྤྱི་གཙུག་གི་ཧཾ་ལ་ཕོག་སྟེ། ཧཾ་ལས་ཐིག་ལེ་གསུམ་དུས་གཅིག་བབ་པ་གཅིག་གཞུའི་ཆང་བཟུང་དང་། གཉིས་མཆོག་མ་གཉིས་ལ་ཕོག་པས་གཞུ་དེ་རིམ་གྱིས་གཡོས་ནས་མགྲིན་པར་སོང་། ཡང་སྙིང་གར་བབས། ཡར་འགྲོ་མར་འགྲོ་ཡང་ཡང་བྱས་མཐར་སྙིང་གར་བབ་ལ་ཤེས་པ་ལྟེ་བར་གཏད་པས་བོགས་ཁྱད་པར་ཅན་འབྱུང་ངོ་། །མདོར་ན་ཤེས་པ་དཀྲོག་པའི་མན་ངག་བྱ་སྟེ་ས་རླུང་དུ་རོ་སྙོམས་སོ། །འབྱུང་བ་ཆུ་ཤས་ཆེ་བས་ཆུའི་ཉམས་ལ་བརྟུགས་པ་ནི། ལུས་ཉམས་ཆུང་ཞིང་གྲང་བ་དང་། ལུས་ཁོལ་བུར་གྲང་བ་དང་མཁའ་སྐེ་ངན་པ་དང་། ལོང་འཁྲོག་ཤིང་འཁྲུ་བ་དང་། ཤ་སྦོས་པ། ཟས་མི་ཞུ་བ། བདེ་བ་མེད་པར་བྱང་སེམས་འཛག་པ་རྣམས་དང་། སེམས་ཉམས་ཀྱི་སྣང་བར་རྒྱ་མཚོ་མཐོང་བ་དང་། རྨི་ལམ་དུ་ཆུ་ཆེན་པོ་བརྒལ་བ། ཆུར་ཉལ་བ་ལ་སོགས་པ་འབྱུང་། དེ་ཡུན་རིང་འདས་ན་བསམ་གཏན་འཕྲོག་པས་བཅོས་ཐབས་ལ་ནི། ཁ་

― ZP04_Page_581 ―

^{[མ་དཔེ་གཟིགས་ན་འདིར་གནོན།]}

[Full Size]

ཟས་དྲོད་ཅན་བཅུད་ཅན་བརྟེན། ཚ་བའི་རིལ་བུ་དང་སྨན་མར་ལ་སོགས་པ་གཏོང་། ཏིང་ངེ་འཛིན་གྱི་ཁྱད་པར་ནི་མན་ངག་ལྟར་ཙཎྜ་ལི་བསྒོམ། ཡང་ན་དྲོད་བཙན་ཐབས་སུ་སྤར་བ་ནི་རྐང་པ་གཡས་པའི་མཐིལ་གྱིས་གཡོན་པའི་བོལ་མནན། ལག་པས་པུས་སོར་འཁྱུད་ལ། རྐང་ལག་གི་མཐེབ་ཆེན་བཞི་མར་མེ་འབར་བ་བཞིན་བསམ། ལྟེ་བར་ཨཿདམར་པོ་བྱེ་རུ་ལྟ་བུ་ལ་དམིགས་ཏེ་སྟེང་འོག་གི་རླུང་དྲག་ཏུ་མནན་ཅིང་འཐེན་པས། ཨ་ལས་མེ་འབར་བས་ལུས་ཀྱི་ནང་ཐམས་ཅད་ཁེངས་ཏེ་བ་སྤུའི་བུ་ག་མེ་སྟག་ཏུ་དམར་ཆི་ལི་ལི་སྒོམ། ཁྱད་པར་དུ་ལྟེ་བར་མེ་དམར་ཧྲིལ་ལེ་འབར་བ་སྒོམ། དེ་ནི་ཆུ་མེ་རུ་རོ་མཉམ་པའོ། །འབྱུང་བ་མེ་ཤས་ཆེ་བས་མེའི་ཉམས་ལ་བརྟུགས་པ་ནི། དྲོད་ཆེ་སྤུ་ལུས་ཐམས་ཅད་ཚ་ཞིང་འབྲབ་པ་དང་། སྟོད་གཟེར་བ། སྐོམ་དད་ཆེ། ཁ་ཁ་ཞིང་སྐམ་པོར་འགྲོ། མགོན། མཉམ་པར་བཞག་ན་རྡུལ་འབྱུང་། ལུས་ཉམས་ཆུང་བའོ། སེམས་ཉམས་ལ་ཤེས་པ་བྱིང་ངེ་འཐིབས་སེ་བ། འོག་ཏུ་ལྟུང་སྙམ་བྱེད། སེམས་སྣང་ལ་མེ་ཆེན་པོ་འབར་བ་སྣང་ངོ་། །དེ་བསལ་ཞིང་བོགས་དབྱུང་བ་ནི། དྲོད་དང་བྲལ་བའི་གདམས་ངག་བྱ་སྟེ། ཟས་དྲོད་ཅན་སྤང་ནས་བསིལ་ཟས་ཟ། ཆུ་གྲང་གིས་ལུས་ཡང་ཡང་བཀྲུ། ས་བསིལ་སར་འདུག །ཁྱད་པར་དུ་རྡོ་རྗེ་སེམས་དཔའི་ཆུས་བཀྲུས་ཏེ།

― ZP04_Page_582 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱི་བོར་བླ་མ་བསམ་ལ་གསོལ་བ་བཏབ་པས། བླ་མའི་བྱིན་རླབས་གངས་ཆུའམ་ག་བུར་གྱི་ཆུ་ལྟར་གྲངས་སི་ལི་ལི་བབ། ལུས་ཕྱི་ནང་ཐམས་ཅད་དག་པར་བཀྲུས་པས། ལུས་སེམས་བྲང་སིངས་ཀྱིས་སོང་བར་བསམ་སྟེ། མེ་ཆུ་རུ་རོ་མཉམ་པའོ། །འབྱུང་བ་རླུང་ཤས་ཆེ་བས་རླུང་གི་ཉམས་ལ་བརྟགས་པ་ནི། ལུས་ཉམས་སུ་ལུས་ཡང་ཞིང་རྐང་པ་མགྱོགས་པ་དང་། འགྲོ་སྙིང་འདོད་པ་དང་། ཤ་འཕྲིག་པ་དང་། སྙིང་སྡུག་ཅིང་ཤུགས་འདྲེན་པ་འབྱུང་། སེམས་ཉམས་སུ་སེམས་མི་དགའ་འཕྱོངས་པ་ཁྱེར་བ་དང་། བདེ་བ་མེད་བར་རྣམ་རྟོག་གི་འདུ་འཕྲོ་དུ་མ་བྱེད་པ་འབྱུང་། སེམས་སྣང་ལ་སྐབས་སུ་རླུང་འཚུབ་ཀྱི་སྣང་བ་འོད། རྨི་ལམ་དུ་རང་འཕུར་བ་དང་བྱ་མང་པོ་འཕུར་བ་རྨི། དེ་བསལ་ཞིང་བོགས་དབྱུང་བ་ནི། གནས་དབེན་པར་ཁ་ཟས་བཅུད་ཅན་བརྟེན། ལུས་ལ་བཀུ་མཉེ་བྱ། དེ་ནས་རི་རྩེའམ་ས་མཐོ་སར་ཕྱིན་ལག་ན་རྐྱལ་རུ་ཉལ་སྟེ་ཡན་ལག་ཐམས་ཅད་བརྐྱང་ལ་ལུས་ས་ལ་བོར་ཐབས་སུ་བཞག །སེམས་ནམ་མཁར་ཡལ་ཐབས་སུ་བཞག །དེ་ནས་ཅུང་ཞིག་ནད་ལ་བུས་ལངས་ཏེ་སྐྱིལ་ཀྲུང་བཅས་ཏེ་མིག་བར་སྣང་ལ་ཧད་དེ་བཞག །ཡང་སྔ་མ་དེ་ལྷར་བཞག་སྟེ་དེ་གཉིས་ཡང་ཡང་བྱའོ། །རེས་འགའ་སེམས་ནང་དུ་སྐུམ་ལ་དུས་གསུམ་གྱི་རྟོག་པས་མ་བསྐྱོད་པར་སལ་ལེ་ཧྲིག་གེ་སྟོང་སང་ངེ་བའི་ངང་ལ་བཞག །

― ZP04_Page_583 ―

^{[མ་དཔེ་གཟིགས་ན་འདིར་གནོན།]}

[Full Size]

མདོར་ན་ལུས་སེམས་བརྟན་པའི་མན་ངག་གིས་རླུང་ས་རུ་རོ་མཉམ་མོ། །ནམ་མཁའི་ཁམས་ཤས་ཆེ་བས་ནམ་མཁའི་ཁམས་ལ་འཇུགས་པ་ནི་ལུས་ཉམས་ལུས་ལ་བདེ་བ་མེད། རེས་འགའ་ལུས་མེད་པའམ་སྟོང་སྙམ་བྱེད། །སེམས་ཉམས་སུ་སྟོང་པ་ཧད་པོ་ལ་རྒྱུན་ཆད་མེད། རྨི་ཉམས་སུ་ལུས་དངོས་པོ་གང་ལ་ཡང་ཐོགས་པ་མེད་པར་ཕྱམ་འགྲོ་བ་འབྱུང་། དེ་ཉིད་བོགས་དབྱུང་བ་ནི། དངས་མའི་ཤེས་པ་སལ་ལེ་ཧྲིག་གེ་བ་བསླབ། མདོར་ན་རིག་པ་རྗེན་ནེ་ད་ལམ་དུ་འཁྱེར། མཉམ་བཞག་བོར་ལ་རྗེས་ཐོབ་ཀྱི་རིག་པ་གསལ་ལ་ངར་དང་བཅས་པས་སྤྱོད་ལམ་སྣ་ཚོགས་པ་ལ་བསླབ་བོ། དེ་ནི་སྟོང་པ་སྣང་བ་ལ་རོ་མཉམ་པ་ཞེས་བྱའོ། །བཅུ་གཅིག་པ་འབྱམས་པ་བཅད་པ་ནི། ལམ་སྒོམ་པའི་སྟོབས་ཀྱིས་ལྟེ་བར་རིགས་དྲུག་གི་ས་བོན་གྱི་ཡི་གེར་རླུང་སེམས་མཉམ་པར་འདུས་ན་རིག་དྲུག་གི་ཉམས་སྣང་འཆར་ཏེ། ལྷའི་ས་བོན་ཨ་དཀར་པོར་རླུང་སེམས་འདུས་ནས། ལུས་ཉམས་སུ་རང་ལུས་ལྷའི་ལུས་ཡིན་སྙམ་བྱེད་ཅིང་། མེ་ཏོག་གི་ཕྲེང་བ་འདོགས་པ་སོགས་ལུས་ཀྱི་སྤྱོད་ལམ་འགྱུར་པ་དང་། ངག་སང་ཀྲྀ་ཧའི་སྐད་བརྗོད་པ་ལ་སོགས་འབྱུང་། མཐོང་སྣང་ལྷའི་གནས་དང་ལྷ་རྣམས་མཐོང་། རྨི་ལམ་དུ་ཡང་དེ་རྣམས་འབྱུང་། མིའི་ས་བོན་ཡི་གེ་ཎི་སྔོན་པོར་འདུས་ན་ལུས་ཉམས་སྔར་བས་ཀྱང་འཇིག་རྟེན་

― ZP04_Page_584 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་ཆོས་ལ་ལྷག་པར་དགའ་ཞིང་ཞེན་པ་དང་། མི་ཡུལ་སྣ་ཚོགས་ཀྱི་སྤྱོད་ལམ་དང་ཆ་ལུགས་འགྱུར་བ་འབྱུང་། ངག་ཡུལ་སོ་སོའི་སྐད་དང་གཏམ་རྒྱུད་སྣ་ཚོགས་བརྗོད་པ་འབྱུང་། མཐོང་སྣང་མིའི་ཡུལ་གླིང་བཞི་ལ་སོགས་པ་མཐོང་ཞིང་དེ་རྣམས་རྨི་ལམ་དུའང་འབྱུང་། ལྷ་མ་ཡིན་གྱི་ས་བོན་སུ་ཡིག་སེར་པོར་འདུས་ན་སྔར་བས་ཁྲོ་ཞིང་ཚིག་པ་ཟ་བ་དང་། མཚོན་ཆ་དང་རྡོ་དབྱུག་ལེན་པ་སོགས་ལུས་ཀྱི་སྤྱོད་ལམ་འགྱུར། །ངག་རྒྱོབ་སོད་ལ་སོགས་སྨྲ། མཐོང་སྣང་ལྷ་མིན་གྱི་གནས་དང་འཐབ་རྩོད་བྱེད་པ་སྣང་། རྨི་ལམ་ཡང་དེ་རྣམས་རྨི། ཡི་དྭགས་ཀྱི་ས་བོན་པྲེ་སེར་པོར་རླུང་སེམས་འདུས་ན། ཟོས་ཀྱང་ལྟོག་ཅིང་འཐུང་ཀྱང་སྐོམ་པ་དང་། ཟས་སྐོམ་གྱི་གཏམ་དང་ཟས་སྐོམ་འཚོལ་བའི་སྤྱོད་ལམ་བྱེད་ཡི་དྭགས་ཀྱི་གནས་དང་ཡི་དྭགས་རྣམས་མཐོང་ཞིང་རྨི་ལམ་དུ་དེ་རྣམས་འབྱུང་། དུད་འགྲོའི་ས་བོན་དུ་ཡིག་དུད་ཁར་འདུས་ན་ཤེས་པ་རྨོངས་ཞིང་གཙང་རྩོག་ཆུང་། དུད་འགྲོའི་སྐད་དང་སྤྱོད་ལམ་སྣ་ཚོགས་བྱེད། མཐོང་སྣང་ནི་དུད་འགྲོའི་གནས་རྒྱ་མཚོ་ཆེན་པོ་དང་དུད་འགྲོ་དུ་མ་མཐོང་ཞིང་རྨི་ལམ་དུ་ཡང་དེ་རྣམས་རྨིའོ། དམྱལ་བའི་ས་བོན་ཎི་ཡིག་ནག་པོར་རླུང་སེམས་འདུས་ན་ཚ་གྲང་གི་སྡུག་བསྔལ་དུ་མ་ཉམས་སུ་མྱོང་ཞིང་ལུས་ཀྱི་སྤྱོད་ལམ་ཙབ་ཙོབ་བ་སྣ་ཚོགས་བྱེད། ཀྱེ་ཧུད་ལ་སོགས་པའི་སྡུག་སྐད་འདོན། མཐོང་སྣང་ཡང་

― ZP04_Page_585 ―

^{[མ་དཔེ་གཟིགས་ན་འདིར་གནོན།]}

[Full Size]

དམྱལ་བའི་གནས་དང་སེམས་ཅན་རྣམས་མཐོང་ཞིང་རྨི་ལམ་ཡང་དེ་རྣམས་འབྱུང་། དེ་ལྟར་རིགས་དྲུག་གི་སྣང་བ་དེ་དག་ཡོངས་སུ་རྫོགས་པར་བྱུང་ན་ཕྱིར་མི་ལྡོག་པའི་བྱང་ཆུབ་སེམས་དཔའ་སྟེ། ཕྱིན་ཆད་རིགས་དྲུག་ཏུ་མི་སྐྱེ་བར་ངེས་སོ། །ཉམས་དེ་ཉིད་འབྱམས་ནས་དེ་འཕྲོར་ཤིན་གང་འབྱམས་པ་དེ་ཉིད་དུ་སྐྱེ་བས་འབྱམས་པ་བཅད་དགོས། དེ་ཡང་ཉམས་ཐམས་ཅད་ཞག་བདུན་ཚུན་ཆད་བྱུང་རྒྱལ་དུ་བསྐྱངས། དེར་མ་ཞི་ན་བཅད་ཚུལ་ནི། དང་པོ་དམྱལ་བའི་ཉམས་འབྱམས་པ་ལ། ཏྲི་ནག་པོ་དེ་གཤང་ལམ་དུ་བསམས་ལ། དེ་ཉིད་བརླའི་རྩ་བོ་ཆེ་ནས་མར་ཞུགས་ཏེ་རྐང་མཐིལ་དུ་ཐོན་པར་བསམས་པས་ཉམས་དེ་ཆད་དོ། །ཡང་ན་རྐང་པ་གཉིས་པུས་མོ་མན་ཆད་ཆུ་གྲང་མོར་བཅུག་པས་དེར་ཡིད་འདུས་ནས་ཉམས་འཆད་དོ། །དུད་འགྲོའི་ཉམས་འབྱམས་ན། བཤང་གཅིག་གཉིས་ཀའི་བར་དུ་བསིལ་བའི་དྲི་སྣ་ཚོགས་ཀྱིས་གྲི་གུག་གི་གཟུགས་སམ་གཡུང་དྲུང་འཁྱིལ་པ་ཡང་ཡང་བྲིས་ན་འཆད་དོ། །དེ་བཞིན་དུ་ཡི་དྭགས་ཀྱི་ཉམས་འབྱམས་ན་ལྟེ་བར་པྲེ། མིའི་ཉམས་འབྱམས་ན་སྙིང་འཕར་པའི་གནས་སུ་ནི། ལྷ་དང་ལྷ་མ་ཡིན་གྱི་ཉམས་འབྱམས་ན་མཛོད་སྤུའི་གནས་སུ་ཡང་དང་ཡང་དུ་བྲིས་ན་ཆད་དོ། །འོ་ན་ངན་སོང་གསུམ་དང་ལྷ་མིན་གྱི་ཉམས་གཅོད་པ་འཐད་ཀྱང་། ལྷ་མི་གཉིས་ཀྱི་ཉམས་

― ZP04_Page_586 ―

^{[མ་དཔེ་གཟིགས་ན་འདིར་གནོན།]}

[Full Size]

བཅད་པར་མི་འོས་ཏེ། དེ་གཉིས་གཅོད་དགོས་ན་འཆི་ཁ་མ་བདེ་འགྲོར་སྦྱོར་བ་དོན་མེད་དོ་ཞེ་ན། དེ་ནི་དབང་པོ་ཐ་མས་ངན་འགྲོར་འགྲོ་བ་དེ་ཉིད་བདེ་འགྲོར་སྦྱོར་བ་ཡིན་གྱི། དབང་པོ་དང་སྦྱངས་པ་རབ་རིག་པ་འཛིན་པར་བྱེད་པ་ལ་ལྟོས་ན་ལྷ་དང་མི་ཡང་འཁོར་བ་ཡིན་པས་དེ་གཉིས་ཀྱང་གཅོད་དགོས་སོ། །གལ་ཏེ་གོང་གི་རི་མོས་མ་ཆོད་ན། རྐང་པ་སྐྱིལ་ཀྲུང་བྱས་ལག་གཉིས་ཁུ་ཚུར་སྙིང་གར་བསྣོལ། མིག་ཅུང་ཟད་གྱེན་ལ་བཟློག་སྟེ། སྟོབས་ཀྱིས་ཧཱུྃ་ཉེར་བརྒྱད་དམ་ཞེ་བརྒྱད་ལ་སོགས་པ་བརྗོད་ལ་ལུས་གཡས་གཡོན་དུ་གཡོ་མས་ན་ཉམས་གང་འབྱམས་པ་དེ་འཆད་དོ། །གཞན་ཡང་རྣལ་འབྱོར་པ་ལམ་སྒོམ་སྟོབས་ཀྱིས་སྙིང་ཁ་ན་དུག་ལྔའི་ས་བོན་གྱི་ཡི་གེ་ཡོད་པས་ཧཱུྃ་ལ་རླུང་སེམས་འདུས་ན་རྐྱེན་མེད་པར་ཉམས་གསུམ་ཀ་ལ་ཞེ་སྡང་རང་བྱུང་དུ་སྐྱེའོ། །བྷྲཱུྃཿདུ་རླུང་སེམས་འདུས་ན་གཏི་མུག །ཨོཾ་ལ་འདུས་ན་སེར་སྣ། ཛི་ལ་འདུས་ན་འདོད་ཆགས། ཁྃཿདུ་འདུས་ན་ཕྲག་དོག་སྐྱེའོ། །དེ་དག་གཞན་རྒྱུད་ལ་ཡང་སྐྱེས་པར་སྣང་བ་འབྱུང་ངོ་། །དེ་ཡང་རྩ་རླུང་གི་རྟེན་འབྲེལ་དུ་མ་ཤེས་ན་བདུད་འཇུག་ཅིང་དུག་ལྔ་འབྱམས་ན་ངན་སོང་དུ་འགྲོ་བས། དང་པོ་དེ་ཉིད་རྩ་རླུང་གི་རྟེན་འབྲེལ་དུ་ངོ་ཤེས་པར་བྱས་ན་ཞག་བདུན་ལ་སོགས་པར་བྱུང་རྒྱལ་དུ་བསྐྱངས་པས་རང་ཞིར་འགྲོའོ། །གལ་ཏེ་དེས་མ་ཞི་ན་ཉོན་མོངས་པ་གང་

― ZP04_Page_587 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱེས་པ་དེ་ཉིད་ཀྱི་སྟེང་དུ་རིག་པ་བཙིར་གནོན་བྱས་ཏེ་སྒོམ་པས་སེལ་ལོ། །དེས་མ་ཞི་ན་རླུང་ཁ་སྦྱར་ལ་སྙིང་ཁའི་ཡི་གེ་གང་ཡིན་པ་དེ་ཉིད་ལ་ཤེས་པ་གཏད་པས་ཞི་བར་འགྱུར་རོ། །བཅུ་གཉིས་པ་གྲིབ་མ་བསལ་བ་ནི། རྟག་ཏུ་དབེན་པར་སྒྲུབ་པ་བྱེད་པའི་རྣལ་འབྱོར་པ་ལ་ཕ་རོལ་གྱི་མི་གཙང་བའི་གྲིབ་མ་འབྱུང་སྟེ། དེ་ཡང་གྲིབ་མ་ལ་དྲུག་སྟེ། དམ་ཚིག་ཉམས་པའི་གྲིབ་མ། རང་གི་དམ་ཚིག་ཕྲ་རགས་ཉམས་པ་དང་། ཉམས་པ་གཞན་དང་འཕྲད་པ། གདོན་གྱི་གྲིབ་མ་མི་ནོར་ལ་འཁྲིས་ཏེ་གདོན་གྱི་གྲིབ་མ་ཕོག་པ་འོ། །གྲོགས་ངན་པའི་གྲིབ་མ། དགྲ་ཟླ་དང་སྡིག་ཅན་འགྲོགས་པའི། ཟས་ཀྱི་གྲིབ། མི་གཙང་བའི་ལ་གནས་འོང་བ་སོགས། གནས་ཀྱི་གྲིབ། གནས་མི་གཙང་བའམ་བཀྲ་མི་ཤིས་པའི་གནས། རོ་གྲིབ་བོ། རོ་ཐ་མལ་པ་ལ་འཇུས་ན་འོང་། ཆོས་འབྲེལ་ཡོད་པའི་གྲོགས་སྙིང་དང་འདྲ་བ་ལ་མི་འོང་། དེའི་ནང་ནས་ཆེ་བ་དམ་གྲིབ་ཡིན། བར་གྱི་བཞི་པོ་འབྲིང་། རོ་གྲིབ་ཆུང་བའོ། །གྲིབ་མ་དེ་གསུམ་གང་ཡིན་རྨི་ལམ་གྱིས་ཤེས་ཏེ། ཤིག་དང་འབུ་དང་འདམ་རྫབ་དང་དྲི་ཆེན་ལ་སོགས་པ་ལུས་ལ་འགོས་པ་རྨིས་ན་གྲིབ་མ་ཆེན་པོ། གོས་ལ་འགོས་པ་རྨིས་ན་འབྲིང་། གནས་ཁང་ལ་སྤགས་པ་རྨིས་ན་ཆུང་ངུའོ། གྲིབ་མ་ཆེན་པོ་ཕོག་ན་སྙིང་མི་བདེའོ། །སྲོག་འཕྲོག །འབྲིང་གིས་ལུས་ལྕི་ཚིག་པ་ཟ། ལུས་སེམས་ལ་ན་ཚ་སྡུག་བསྔལ་འོང་། ཆུང་ངུས་ཀྱང་ཏིང་ངེ་འཛིན་

― ZP04_Page_588 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱོང་མི་འདོད་པ་འོང་། གྲིབ་བསལ་ཚུལ་ནི། གྲིབ་མཆེན་པོ་ལ་བླ་མ་བཞུགས་ན་དབང་ཞུ། མི་བཞུགས་ན་བདག་འཇུག་བླང་པས་སེལ་ལོ། །འབྲིང་དམ་ལྡན་གྱི་རྣལ་འབྱོར་ལྷ་གྲངས་དང་མཉམ་པ་ལ་ཚོགས་འཁོར་བྱས་པས་སེལ། ཆུང་ངུ་ཁྲུས་ཀྱིས་སེལ་ལོ། །གཞན་ཡང་སྔགས་དང་རྟེན་འབྲེལ་ཟབ་མོས་བསལ་བ་དང་། ཚ་ཚ་གདབ་པ་སྲོག་བསླུ་ངག་གི་སྨྲེ་བཤགས་རྣམས་ཀྱིས་སེལ་ལོ། །གེགས་དེ་དག་ཐམས་ཅད་ཀྱི་སྤྱིའི་བསལ་ཐབས་ནི། ལུས་ཀྱི་འབྱུང་བ་འཁྲུགས་པ་དང་། ཕྱི་རོལ་གདོན་གྱི་རྐྱེན་དང་། བསྒོམས་སྐྱོན་ལ་སོགས་པའི་རྐྱེན་གྱིས་ལུས་སེམས་ལ་མི་བདེ་བ་ཅི་བྱུང་ཐམས་ཅད་རང་སེམས་ཀྱི་སྣང་བ་ཙམ་དུ་ཤེས་པར་བྱ། སྣང་བ་དེ་ཡང་མེད་སྣང་སྒྱུ་མ་ཙམ་དུ་ཤེས་པར་བྱ། སྒྱུ་མ་ངོ་བོས་སྟོང་ཞིང་བདག་མེད་པར་ཤེས་པར་བྱ། སྟོང་པ་བདག་མེད་པ་ལ་བདེ་སྡུག་མེད་པར་ཤེས་པར་བྱས་ལ་བདེ་སྡུག་ཐམས་ཅད་རྩིས་མེད་བྱུང་རྒྱལ་དུ་བསྐྱངས་པ་ནི་ཐབས་ཀྱི་མཆོག་ཡིན་པས་གེགས་ཐམས་ཅད་རང་གྲོལ་དུ་འགྲོ་བར་ངེས་སོ། །དེ་ལྟར་ཤེས་ཀྱང་རང་གྲོལ་དུ་མ་སོང་ན། ལུས་སེམས་མི་བདེ་བ་སྒྱུ་མ་ཙམ་དེ་ཉིད་ལམ་གྱི་ཆ་རྐྱེན་དུ་ཤེས་པར་བྱས་ལ། སེམས་ཀྱི་ལྟ་ཡུལ། སྒོམ་པའི་སྤྱོད་ཡུལ་དུ་ཤེས་པར་བྱས་ལ་ལམ་དུ་འཁྱེར་རོ། །སེམས་ཅན་ཐམས་ཅད་ལ་བྱམས་སྙིང་རྗེ་བྱང་ཆུབ་ཀྱི་སེམས་

― ZP04_Page_589 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་བདེ་སྡུག་གཏོང་ལེན་གྱི་དམིགས་པ་ལ་རིག་པའི་རྩལ་སྦྱངས་པས་སྐྱོན་ཀུན་ཡོན་ཏན་དུ་འཆར། བར་ཆད་དངོས་གྲུབ་ཏུ་འབྱུང་ངོ་། །གལ་ཏེ་ཤེས་རབ་དང་གཉེན་པོའི་སྟོབས་ཆུང་བས་ན་ཚ་དང་སྡུག་བསྔལ་ལམ་དུ་མ་ལྷོངས་ཞིང་ཟུག་རྔུ་དྲག་པོའི་དབང་དུ་གྱུར་ན། སློབ་དཔོན་བིར་ཝ་པའི་བྱིན་རླབས་རྣམ་པ་དྲུག་བྱ་བ་ནི། བླ་མ་དམ་པས་བྱིན་གྱིས་བརླབས་པ་དང་། བླ་མ་བརྒྱུད་པ་དང་བཅས་སྤྱི་བོར་ཡང་ཡང་བསྟིམ། ཡི་དམ་ལྷ་ཡིས་བྱིན༴ ཡེ་ཤེས་པ་ཡང་ཡང་བསྟིམ། ཕྱི་ནང་མཁའ་འགྲོའི་བྱིན། ཚོགས་དང་གཏོར་མ་ཡང་ཡང་བྱ། མདོ་རྒྱུད་ཟབ་མོས་བྱིན༴ རྣམས་འདོན། སྣང་བ་སྣ་ཚོགས་ཀྱིས༴ འདོད་ཡོན་ལྔ་ཅི་རིགས་རྟེན་པ་དང་། ལུས་སྦྱོང་བ་བྱ་བ་དང་། ན་སར་དམིགས་པ་གཏད་པ་དང་། སྨན་དང་ཁ་ཟས་ཀྱི་རོ་མཉམ་པ་དང་། གཞན་ཡང་དམ་པའི་རྟེན་འབྲེལ་རྣམས་བྱའོ། །རྟེན་འབྲེལ་ཟབ་མོའི་བྱིན་གྱིས་རླབས་པའོ། གཞན་ཡང་སྲོག་བསླུ་དང་། ལམ་འཕྲང་བཅོས་པ། སྐུ་གཟུགས་བཞེངས་པ། ཟང་ཟིང་གི་མཆོད་སྦྱིན་སྤོང་དག་བྱེད་པ། འབྱུང་པོ་ཡེ་དྭགས་ལ་གཏོར་མ་བཏང་བ་སོགས་ལ་བསོད་ནམས་ཀྱི་ལས་བྱས་པས་ནད་དང་སྡུག་བསྔལ་ཐམས་ཅད་རང་ཞིར་འགྲོའོ། །གལ་ཏེ་ཅིས་ཀྱང་མ་སེལ་ན། སྔོན་གྱི་ལས་ངན་ཚབ་པོ་ཆེ་སྨིན་པ་ཡིན་པས་དེ་ཉིད་ཁོ་ན་སྒྲིབ་སྦྱང་དུ་བྱས་ལ་བཟོད་པའི་གོ་ཆ་གོན་ཏེ། །

― ZP04_Page_590 ―

^{[མ་དཔེ་གཟིགས་ན་འདིར་གནོན།]}

[Full Size]

ན་ཚ་སྡུག་བསྔལ་ལ་དགའ་བ་སྒོམས་པས་སྔོན་གྱི་ལས་ངན་རྣམས་སྡུག་བསྔལ་དེ་ཉིད་ཀྱིས་བྱང་ནས་ཕྱིན་ཆད་བདེ་བ་ནས་བདེ་བར་འགྲོ་བར་འགྱུར་རོ། །སྒྲུབ་པ་བྱེད་པའི་གང་ཟག་ལ། །ཉམས་རྟོགས་འཕེལ་དུ་མི་སྟེར་བའི། །གེགས་ཀྱི་རྣམ་པ་མང་ཡོད་ཀྱང་། །དེ་ཉིད་བསལ་དགོས་མི་དགོས་པའི། །གང་ཟག་རྣམ་པ་གཉིས་ཡོད་དེ། །ཉམས་རྟོགས་ཅུང་ཟད་སྐྱེས་གྱུར་ཀྱང་། །ཤེས་རབ་བློ་སྟོབས་ཞན་པ་དག །སོ་མི་ཐུབ་ཅིང་རྐྱེན་གྱིས་འཕྲོག །དེ་ལ་གེགས་སེལ་ཤིན་ཏུ་གཅེས། །གེགས་སེལ་མན་ངག་མང་བཤད་ཀྱང་། །གཅིག་ཏུ་རང་བློ་བརྟེན་པ་གཅེས། །གཉིས་སུ་བླ་མར་མོས་གུས་གཅེས། །གསུམ་དུ་བླ་མའི་མན་ངག་གཅེས། །བཞི་རུ་དམིགས་པ་རྣོ་བ་གཅེས། །ལྔ་རུ་ཀུན་ལ་ཆགས་མེད་གཅེས། །གང་ཞིག་བློ་ལྡན་སྐྱེས་བུ་དག །གནས་ལུགས་རྟོགས་པས་ཐག་ཆོད་ཅིང་། །ཉམས་མྱོང་རིག་པའི་གཞི་ཟིན་པས། །ཅི་སྣང་ཅི་ཤར་ཆོས་ཉིད་གྲོགས། །སྐྱོན་རྣམས་ཡོན་ཏན་བསྒྱུར་ཤེས་ཤིང་། །བར་གཅོད་དངོས་གྲུབ་ལེན་ཤེས་ན། །སྐྱོན་དང་གེགས་ནི་ཅི་བྱུང་ཀུན། །རྣལ་འབྱོར་ལམ་གྱི་གྲོགས་སུ་ཆེ། །སྐྱོན་རྣམས་ཡོན་ཏན་བསྐྱེད་པའི་རྒྱུ། །གེགས་ནི་ཉམས་ཀྱི་བོགས་འབྱིན་རྒྱུ། །བར་གཅོད་དངོས་གྲུབ་ཐོབ་པའི་རྒྱུ། །གལ་ཏེ་སྐྱོན་མེད་ཡོན་ཏན་མེད། །བར་གཅོད་མེད་ན་དངོས་གྲུབ་མེད། །དེ་ཕྱིར་སྐྱོན་དང་གེགས་རྣམས་ནི། །

― ZP04_Page_591 ―

^{[མ་དཔེ་གཟིགས་ན་འདིར་གནོན།]}

[Full Size]

མེ་འབར་བ་ལ་རླུང་བསྐྱོད་བཞིན། །ཉམས་རྟོགས་ལྡན་པའི་རྣལ་འབྱོར་གྱི། །བློ་སྣ་སྤོར་བའི་གྲོགས་སུ་ཆེ། མན་ངག་རིན་པོ་ཆེ་སྤུངས་པ་ལས་ལམ་གྱི་གེགས་བསལ་བའི་སྐབས་ལེའུ་བཅུ་གཉིས་པའི་གནད་བསྡུས་སོ།། ༈ སྔར་གྱི་རླུང་རེངས་པ་བཅོས་ཚུལ་གྱི་སྐོར་ལས། བཞི་པ་སྟེང་རླུང་སྲོག་གི་རླུང་དང་འགྲོགས་སྟེ་འོག་ཏུ་བླུགས་པ་ནི། ལྟེ་བ་ཡན་ཆད་ཀྱི་སྲོག་འཛིན་པའི་རླུང་དང་འགྲོགས་ཏེ་འོག་ཏུ་བླུགས་པ་དེའི་ཚེ། ཐུར་སེལ་གྱི་ལམ་ནས་ཐུར་སེར་གྱི་རླུང་མ་ཤོང་བས་ཐུར་སེལ་གྱི་རླུང་འགག་སྟེ། ཕོ་བ་སྦོས་ཤིང་ཟུག་ཟེར་དྲག་པོ་འབྱུང་། རྩ་ཆུའི་ལམ་སྡོམ་ཞིང་རྩ་རྣམས་རིམ་གྱིས་སྡུད་པར་འགྱུར་ལ་དེས་ཤེས་པ་མི་གསལ་བར་འགྱུར་ཞིང་ཞག་གཅིག་འདས་ན་འཆི་བར་འགྱུར། དེ་ནི་མི་རྟོག་པ་རྒྱུད་ལ་སྐྱེས་པའམ། མཆོད་རྒྱུག་དྲག་ཤུལ་གྱི་ལས་བྱས་པ་ལས་འབྱུང་བ་ཡིན་པས་དེ་ཞི་བར་བྱ་བ་ནི་ལྟེ་བའི་འོག་དར་རམ་རས་སམ་བལ་གྱི་ཕོ་ལྡེ་ཧ་ཅང་དམ་ཆེ་བ་ལྷོད་ཆེ་བ་གཉིས་ཀ་མིན་པར་སྲ་སྙི་རན་པ་གཅིག་བཞག་ལ་དེའི་སྟེང་དུ་སྐེ་རགས་ལྟ་བུས་ཡེ་མི་དམ་ཙམ་དུ་བསྡམ། དེ་ནས་གྲོགས་ཡོད་པའམ། མེད་ན་རང་གིས་རང་ཉིད་མགོ་མཇུག་བཟློག་སྟེ། རོག་ཡོད་ན་སྐེད་པ་ནས་བཟུང་བཅུག །རང་གི་ལག་གཉིས་རྐེད་པའམ་ས་ལ་བཙུགས་ཏེ་མགོ་བོས་ལམ་ཐུག་པར་བྱ། རླུང་ཐུར་དུ་བླུགས་པ་གྱེན་ལ་བཟློག་པ་ནི། །

― ZP04_Page_592 ―

^{[མ་དཔེ་གཟིགས་ན་འདིར་གནོན།]}

[Full Size]

དང་པོ་རང་གི་ལུས་གཡས་སུ་གཅུ་དེ་ནས་གཡོན་དུ་གཅུག །དེ་ནས་གྲོགས་ཀྱིས་རྐང་མཐིལ་གཉིས་ནས་ཁུ་ཚུར་གྱིས་བརྡུང་། གྲོགས་མེད་ན་རང་གི་རྐང་པ་གྱེན་དུ་བསྟན་ལ་བརྐྱང་བསྐུམ་དྲག་ཏུ་བྱ། ཡང་ནས་ཡང་དུ་རྗི་བཅག་བྱ། རྒལ་ཚིག་ཟད་པའི་གཞུ་གུ་ཆུང་ནས་བཟུང་སྟེ་ལྟག་ཁུང་གི་ཨན་ཟོང་རུས་པའི་བར་དུ་ཁུ་ཚུལ་གྱིས་བརྡུང་། འདི་ལན་གཅིག་ཙམ་ལས་མི་བྱ། ཤེས་པ་མི་གསལ་ན་ནམ་མཁའ་སྟོང་པ་དྲན་པར་བྱ། དེས་ཁ་ནས་ཆུ་སྔོན་པོ་སྐྱུགས་པ་འབྱུང་། སྒྲེགས་པ་འོང་སྟེ་དེ་བྱུང་བ་དང་ཆང་མིན་པའི་སིང་པོ་སྐོལ་བ་བཏང་། ཁ་ནས་སྒྲེགས་པ་ལན་མང་འདོན། དེ་ནས་དལ་བུས་ལངས་ཞིང་ས་ལ་ཉལ་ཏེ་རྐང་མཐིལ་དུ་བྱུག་པ་བྱ་ཞིང་ཡང་ཡང་མཉེ། དེ་ནས་ཁ་ཟས་རིམ་གྱིས་བཏང་སྟེ་ཞག་གཅིག་འདས་པ་དང་ཤེས་པ་ཉོགས་སེ་ལྡབས་སེ་བ་གཅིག་འབྱུང་ལ་དེས་སྐྱོན་ལས་གྲོལ་ཏེ་བདེ་སྟོང་ལ་སོགས་པའི་རྟོགས་པ་ངེས་པར་མཆོག་ཏུ་འགྱུར་རོ། །ལྔ་པ་ལྟེ་བ་མན་ཆད་ཀྱི་རླུང་ཐུར་ལ་འགྲོ་བ་དེ་སྙིང་ཁ་སྲོག་གི་རླུང་དང་འགྲོགས་ཏེ་སྟེང་དུ་ཧག་པ་ནི། མགྲིན་པའི་རྩ་མདུད་དམ་པས་རླུང་མ་ཤོང་སྟེ། དེས་རོ་སྟོད་གཟེར་ཞིང་ན་རླུང་མི་ཐོན་ཞིང་ནང་དུ་བསྡུད་མི་ཤེས། རྐང་ལག་ཀྱང་བསྡུད་མི་ཤེས་རྩ་རྣམས་ཀྱང་རིམ་གྱིས་བསྡུད་དེ་ཞག་གཅིག་འདས་ན་འཆི་པར་འགྱུར་བས་དེ་བཅོས་པ་ནི། སྙིང་འཕར་བའི་གནས་ནུམ་གཉིས་ཀྱི་ཐད་ཀ་

― ZP04_Page_593 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་སུ་དར་རས་བལ་ལ་སོགས་པའི་ཕོ་ལྡོ་བཞག་སྐེ་རགས་ལྟ་བུས་རན་པར་བསྡམ་ལ་དེ་ནས་གྲོགས་ཀྱིས་བསླང་སྟི། རླུང་མར་ལ་བཟློག་པ་ནི་རྐང་པ་གཉིས་གཤིབ་ལ་དྲག་ཤུལ་དུ་མཆོང་། ནས་དང་པོ་མགོ་བོ་ནས་ཁུ་ཚུར་གྱིས་བརྡུང་། །དེ་ནས་ལུས་ཐམས་ཅད་ཁྱབ་པར་རིམ་གྱིས་བརྡུང་། དེ་ནས་ཨན་ཐོང་དུས་པ་ནས་རྒལ་ཚིགས་ཟད་པའི་གཞུག་གུ་ཆུང་གི་བར་དུ་ཁུ་ཚུར་གྱིས་རིམ་གྱིས་བརྡུང་། །རྐང་མཐིལ་དང་ལག་མཐིལ་དུ་མཉེ་ཞིང་བྱུགས་པ་བྱ། དེ་ནས་ཉིན་ཞག་གཅིག་འདས་ནས་ལོག་པའི་ཤེས་པ་མྱོགས་སེ་ལྡབས་སེ་བ་བྱུང་ན་སྐྱོན་ལས་གྲོལ་བར་འགྱུར་རོ། །འདི་ཡང་ཡང་འབྱུང་བ་ཡིན་པས་དེ་ལྟར་བཅོས་པར་བྱ། ཕྱིས་མི་འབྱུང་བའི་ཐབས་ནི། སྟེང་རླུང་མནན་ཅིང་ཤེས་པ་ལྟེ་བར་གཏད་དེ། རླུང་བསྡམ་པ་ལན་འགའ་བྱས་པས་ཐུབ་བོ། སྔར་བཤད་པའི་བརྒྱལ་ལ་བསླང་ཚུལ་དེ་ལ། དེ་འདྲ་བྱུང་ན་གྲོགས་ཀྱིས་སྤོས་དུད་དང་ཏིང་ཤག་གི་སྒྲ་སོགས་ཀྱིས་རིམ་གྱིས་དཀྲོག་པ་མ་གཏོགས་ཚབ་ཚུབ་བྱས་ཏེ་དཀྲོག་ན་རྣམ་ཤེས་འཕོ་དོགས་ཡོད་ཅེས་གཞན་ནས་བཤད་དོ། ༈ བླ་མ་དམ་པ་རྣམས་ལ་ཕྱག་འཚལ་ལོ། སྤྱིར་སངས་རྒྱས་ཀྱི་བསྟན་པའི་ལམ་ལ་སྒྲུབ་པ་ཚུལ་བཞིན་ཉམས་སུ་བླངས་པས་ཉམས་རྟོགས་ལ་བརྟན་པ་ཐོབ་པའི་རིམ་པ་དང་། ཕྱིར་མི་ལྡོག་པའི་ས་མཚམས་དང་། །

― ZP04_Page_594 ―

^{[མ་དཔེ་གཟིགས་ན་འདིར་གནོན།]}

[Full Size]

མཐར་ཕྱིན་པ་སྒྲོ་སྐུར་བསལ་བ་བསྟན་པ་ནི། དེ་ལ་ཉམས་སུ་བླངས་པས་བརྟན་པ་ཅུང་ཟད་ཐོབ་པའི་རྟགས་ནི། ནང་རྟགས་སུ་ཐ་མལ་གྱི་རྣམ་པར་རྟོག་པས་དབང་བྱས་ནས་ཡེངས་པ་ལ་ལུས་ཚབས་ཆེ་ཡང་ཉམས་དང་རྟོགས་པ་ནམ་སྐྱེ་དགོས་སུ་སླེབ་པའོ། །དེ་ལ་ནམ་འདོད་ན་སྐྱེ་བ་ནི་ནམ་དྲན་པའི་ཚེ་ཕྱི་ནང་གི་དངོས་འཛིན་ཞིག་སྟེ་གཟུགས་སྣང་སྟོང་། སྒྲ་གྲགས་སྟོང་ལ་སོགས་པར་འཆར་རོ། །དགོས་དུས་ན་སླེབ་པ་ནི། ཉོན་མོངས་པ་དང་འཇིགས་པ་ལ་སོགས་པ་ནམ་བྱུང་ཙ་ན་བདག་མེད་སྟོང་པའི་ཉམས་རྟོགས་ཁྲིལ་གྱིས་སླེབ་པ་སྟེ། རྨི་ལམ་ན་ཡང་འཇིགས་པ་བྱུང་དུས་སུ་ཉམས་རྟོགས་ཀྱི་དྲན་པས་སླེབ་པའོ། །དེའི་ཕྱི་རྟགས་སུ་ཆགས་སྡང་གི་སྤྱོད་པ་ཅུང་ཞིག་ཞི་ཞིང་། དངོས་པོའི་ཆགས་ཞེན་ཅུང་ཟད་ལོག་པ་ཞིག་འབྱུང་ངོ་། །ཕྱི་ནང་ཐུན་མོང་གི་རྟགས་ནི། ལུས་ལོངས་སྤྱོད་དགེ་བ་སེམས་ཅན་གྱི་དོན་དུ་ཅུང་ཟད་གཏོང་ནུས་པའོ། བརྟན་པ་འབྲིང་དུ་ཐོབ་པའི་རྟགས་ནི། ནང་རྟགས་སུ་རྐྱེན་གྱི་ཤེས་པ་བག་རེ་ཡེངས་ཀྱང་། དེ་མ་ཐག་ཏུ་དབང་པོ་རང་ལོག་ཏུ་འོང་ཞིང་། རྣམ་རྟོག་དང་ཉོན་མོངས་ལ་བརྟགས་དཔྱད་མི་དགོས་པར་དྲན་པ་སྐད་ཅིག་མས་སྟོང་སྟེ། རྨི་ལམ་ན་ཡང་ཆོས་ཐམས་ཅད་རྨི་ལམ་སྒྱུ་མ་ལ་སོགས་པར་ཤེས་པ་ཕལ་ཆེར་འབྱུང་། དེའི་ཕྱི་རྟགས་ནི་ཆགས་སྡང་དང་ཡིན་མིན་དང་ལེགས་ཉེས་ཕལ་ཆེར་

― ZP04_Page_595 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་དགའ་མི་དགའ་མི་འབྱུང་ལ། གལ་ཏེ་བྱུང་ཡང་དེ་མ་ཐག་ཏུ་ལྡོག་ཅིང་ཕྱི་ནང་གི་དངོས་པོའི་ཆགས་ཞེན་ཕལ་ཆེར་ལོག་པ་ཞིག་འབྱུང་ངོ་། །དེའི་ཚེ་ན་གཉིས་ཀའི་ཐུན་མོང་གི་རྟགས་སུ་ལུས་ལོངས་སྤྱོད་དགེ་རྩ་ཕར་ཆེར་སེམས་ཅན་ལ་གཏོང་ནུས་པའོ། །བརྟན་པ་ཆེར་ཐོབ་པའི་རྟགས་ནི། ནང་རྟགས་སུ་ཉམས་རྟོགས་ཆུ་བོའི་རྒྱུན་ལྟར་རྒྱུན་ཆད་མེད་ལ། རྣམ་རྟོག་ཐམས་ཅད་ཆུ་ལ་རི་མོ་བྲིས་པ་ལྟར་འགྲོ་ཞིང་རྨི་ལམ་རང་རྒྱུད་པ་མེད་ཅིང་ཉམས་དང་མ་བྲལ་བ་སེམས་ལ་རྟག་ཏུ་རང་དབང་ཐོབ་པའོ། །ཕྱི་རྟགས་སུ་སྤྱོད་པ་འཇིག་རྟེན་པ་དང་མི་མཐུན་ཅིང་ལུས་ལོངས་སྤྱོད་ལ་སོགས་པ་ཕྱི་རོལ་གྱི་དངོས་པོ་ཐམས་ཅད་ལ་ཆགས་ཞེན་གྱི་འཁྲི་བ་སྐད་ཅིག་ཀྱང་མེད་པ་ཉན་ཐོས་དང་རང་སངས་རྒྱས་དང་མ་འདྲེས་ཤིང་འགྲོ་བ་ཀུན་ལ་ཉེ་རིང་དང་བྱམས་སྡང་མེད་པར་རང་སེམས་སྙོམས་པའོ། །ཕྱི་ནང་ཐུན་མོང་པའི་རྟགས་ནི། ལུས་ལོངས་སྤྱོད་དགེ་བ་ཐམས་ཅད་རང་འདོད་ཀྱི་འཁྲིས་མེད་པར་སེམས་ཅན་ལ་ལིངས་ཀྱིས་གཏོང་ཞིང་རེ་དོགས་མེད་པར་དངོས་སམ་བརྒྱུད་ནས་གཞན་དོན་འབའ་ཞིག་བྱེད་པའོ། །དེ་ལྟ་བུ་ནི་ཕུང་པོ་སྤངས་མ་ཐག་མཆོག་གི་དངོས་གྲུབ་ཐོབ་པར་ངེས་སོ། །ཕྱིར་མི་ལྡོག་པའི་ས་འཚམས་ཀྱི་རིམ་པ་ནི། དབང་པོ་རབ་ཚོགས་ལམ་ཆེན་པོ་རང་ནས་ངན་སོང་དང་ཐེག་པ་དམན་པར་མི་ལྡོག་

― ZP04_Page_596 ―

^{[མ་དཔེ་གཟིགས་ན་འདིར་གནོན།]}

[Full Size]

གོ། །རབ་འོག་དྲོད་ཐོབ་ནས་ཕྱི་མི་ལྡོག་འབྲིང་བཟོད་པ་ཐོབ་ནས་ཕྱིར་མི་ལྡོག །ཐ་མ་མཐོང་ལམ་ཐོབ་ནས་མི་ལྡོག །ཐ་མའི་ཐ་མའང་ས་བརྒྱད་པ་ནོན་ནས་ཐེག་པ་དམན་པར་མི་ལྡོག་གོ། །དེ་རྣམས་ཀྱང་སྒོམས་པའི་སྟོབས་ཀྱིས་ལམ་རྒྱུད་ལ་སྐྱེས་པ་ཙམ་དུ་མཉམ་ནའང་། སྔར་ཐོས་བསམ་ལ་སྦྱངས་པ་རྒྱ་ཆེ་ཆུང་དང་སྨོན་འཇུག་གཉིས་ཀྱི་བསམ་སྤྱོད་རྒྱ་ཆེ་ཆུང་དང་སྦྱངས་པ་ཆེ་ཆུང་ཡོད་པའི་སྟོབས་ཀྱིས་དབང་པོ་རབ་འབྲིང་ཐ་མ་འབྱུང་བ་ཡིན། འདི་ལ་ཁ་ཅིག་གིས་རང་བཞིན་གྱིས་དབང་པོ་རྣོ་རྟུལ་ཡོད་ཟེར་བ་ནི་ལུང་རིག་དང་འགལ་བས་མི་འཐད་དོ། །ས་ཐོབ་པའི་བྱང་ཆུབ་སེམས་དཔའ་རྒྱུད་ཚོད་མཉམ་པ་གྲུབ་པ་ཐོབ་པའི་རྣལ་འབྱོར་པ་རྒྱུད་ཚོད་མཉམ་པ་ལ་ཡང་རྗེས་ཐོབ་ཡོན་ཏན་ཡོད་མེད་རྒྱ་ཆེ་ཆུང་དུ་མ་འབྱུང་བའང་སྔར་དེའི་རྒྱུད་ལ་སྦྱངས་མ་སྦྱངས་ཀྱི་ཁྱད་པར་ཡིན་ནོ། །སངས་རྒྱས་པ་མཉམ་པ་ལ་ཡང་སེམས་ཅན་འདུལ་བ་རྒྱ་ཆེ་ཆུང་དག་མ་དག་ལ་སོགས་པ་དུ་མ་འབྱུང་བའང་སྔོན་གྱི་སྦྱངས་པ་ཆེ་ཆུང་གི་ཁྱད་པར་ཡིན་ནོ། དེ་ལྟ་གྲུབ་ཐོབ་ཁ་ཅིག་ལ་ཐུན་མོང་གི་ཡོན་ཏན་ཅི་ཡང་མེད་ཅིང་། ངག་ནས་ཆོས་ཚིག་བཞི་པ་ཙམ་ཡང་མི་འོང་བ་ལྐུགས་པ་ལྟར་འགྲོ་བ་ཡང་ཡོད་དེ། དེ་ལྟ་བུ་ནི་སྔར་ཐོས་བསམ་ལ་མ་སྦྱངས་ཤིང་། །བྱང་ཆུབ་ཀྱི་སྤྱོད་པ་མ་སྦྱངས་པ་ཡིན་པས་མཐར་

― ZP04_Page_597 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་རྒྱས་པའི་དུས་ན་ཡང་ཕུང་པོ་ལྷག་མེད་དུ་དེངས་པའི་ཚེ་གདུལ་བྱའི་སྣང་བ་ལ་སྐུ་དང་གསུང་གཏན་ནས་མི་འབྱུང་བར་སློབ་དཔོན་བཱི་མ་མུ་ཏྲས་སྐུ་གསུང་སྦྲགས་མིའི་རྒྱུད་རྫོགས་པ་ཆེན་པོ་ལས་གསུངས་སོ། །དེས་ན་ཐོས་བསམ་སྒོམ་གསུམ་འབྲེལ་བ་ལ་འབད་ཅིང་ཚོགས་གཉིས་དང་ཐབས་ཤེས་སྟོང་པ་སྙིང་རྗེ་ལྟ་བ་སྤྱོད་པ་རྣམས་ཟུང་འཇུག་ལ་བསླབ་པར་བྱའོ། །མཐར་ཕྱིན་པ་སངས་རྒྱས་ཀྱི་ས་ན་ཡེ་ཤེས་ཡོད་མེད་ཀྱི་སྒྲོ་སྐུར་བསལ་བ་ནི། འདི་ལ་ཁ་ཅིག་གིས་སངས་རྒྱས་ཀྱི་ས་ན་རང་རྒྱུད་ཀྱིས་བསྡུས་པའི་ཡེ་ཤེས་ཡོད་ཟེར་བ་དང་། །ཁ་ཅིག་མེད་པར་འདོད་པ་གཉིས་ཀ་ལོག་རྟོག་ཡིན། །དེ་ཡང་ཁ་ཅིག་སངས་རྒྱས་ཀྱི་ས་ན་འཛིན་ཞེན་མེད་པའི་སྣང་བ་ཙམ་དང་བཅས་པའི་ཡེ་ཤེས་ཡོད་པར་འདོད། དེ་ཆོས་ཅན་སྣང་ཙམ་ལ་བརྟེན་ནས་དེའི་ཆོས་ཉིད་མངོན་སུམ་དུ་མཁྱེན་ནོ་ཞེས་ཟེར་བ་ནི་མི་འཐད་དེ། འོ་ན་སངས་རྒྱས་ཀྱི་སྣང་ཙམ་གྱི་ཡུལ་དེ་ལ་ཡུལ་ཅན་ཤེས་པས་ཁྱབས་སམ་མ་ཁྱབ། ཁྱབ་ན་སངས་རྒྱས་རྣམ་ཤེས་ཅན་དུ་འགྱུར་ལ། མ་ཁྱབ་ན་སྣང་ཙམ་དེ་ཡང་མི་སྲིད་དེ། མར་མེ་མེད་པའི་འོད་མི་སྲིད་པ་བཞིན་ནོ། །ཡང་སངས་རྒྱས་ཀྱི་རྣམ་པ་ཐམས་ཅད་མཁྱེན་པའི་ཡེ་ཤེས་དེ་ལ་མཁྱེན་བྱ་དང་མཁྱེན་མཁན་གཉིས་ཡོད་དམ་མེད། ཡོད་ན་སངས་རྒྱས་གཟུང་འཛིན་ཅན་དུ་འགྱུར་ལ་མེད་ན་ཆོས་

― ZP04_Page_598 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་སྣང་ཙམ་ལ་བརྟེན་ནས་ཆོས་ཉིད་མངོན་གསུམ་དུ་མཁྱེན་པར་འདོད་པ་ཉམས་སོ། །དེས་ན་སངས་རྒྱས་ལ་སྣང་ཙམ་ཡང་མེད་པ་མི་འཐད་དེ། སྣང་ཙམ་གྱི་ཡེ་ཤེས་དེ་ནི་ས་དང་པོ་ཡན་ཆད་ཀྱི་འཕགས་པ་རྣམས་ཀྱི་རྗེས་ཐོབ་ཀྱི་ཤེས་རབ་ཡིན་ལ། ས་དང་པོ་ཡན་ཆད་ཀྱི་མཉམ་བཞག་ལ་སྣང་ཙམ་ཡང་མེད་པས། སངས་རྒྱས་ལ་ལྟ་སྨོས་ཀྱང་ཅི་དགོས་ཏེ། གཙུག་ན་རིན་པོ་ཆེས་ཞུས་པའི་མདོ་ལས། མཐོང་བ་ཅི་ཡང་མེད་པ་ནི་ཡང་དག་པའི་མཐོང་བའོ། །ཡང་དག་པའི་མཐོང་བ་དེ་ལ་ནི་ཆོས་གང་ཡང་སྣང་བར་མི་འགྱུར་སྟེ་ཆོས་ཐམས་ཅད་སྣང་བ་མེད་པར་མཐོང་བ་དེ་ནི་ཡང་དག་པའི་མཐོང་བའོ། །ཞེས་གསུངས་སོ། །ཡང་ཁ་ཅིག་གིས་སངས་རྒྱས་པའི་ཚེ་ན་མཁྱེན་པའི་ཡེ་ཤེས་རྒྱུན་ཆད་ནས་གཏན་ནས་མེད་དུ་འདོད་དེ་སྔར་ས་བཅུའི་རྒྱུན་མཐའ་མན་ཆད་དུ་ཆོས་ཅན་སྣང་བ་ལ་བརྟེན་ནས་དེའི་ཆོས་ཉིད་མངོན་སུམ་དུ་མཁྱེན་པའི་ཡེ་ཤེས་ཡོད་ལ། ས་བཅུ་རྒྱུན་གྱི་ཐ་མ་རྡོ་རྗེ་ལྟ་བུའི་ཏིང་ངེ་འཛིན་གྱིས་གཟུང་འཛིན་ཕྲ་མོ་ཚུན་ཆད་རྩད་ནས་སྤངས་སྟེ་སངས་རྒྱས་པའི་དུས་ན་སྣང་རིག་ཐམས་ཅད་རྒྱུན་ཆད་ནས་སྟོང་པ་འབའ་ཞིག་ཏུ་འདོད་ཀྱང་། དེ་མི་འཐད་དེ། འོ་ན་སངས་རྒྱས་ཀྱི་ཡེ་ཤེས་རྒྱུན་ཆད་ནས་གཏན་མེད་དུ་སོང་བ་དེ་སྔར་ཤེས་བྱ་ལ་ཡོད་པ་གཅིག་རྒྱུན་ཆད་དམ་མེད་པ་གཅིག་རྒྱུན་ཆད། ཤེས་བྱ་ལ་ཡོད་པ་གཅིག་རྒྱུན་ཆད་མི་སྲིད་དེ་ཆུ་ཀླུང་ཆེན་པོ་བཞིན་ནོ། །

― ZP04_Page_599 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་བྱར་མེད་པ་གཅིག་ལ་རྒྱུན་ཆད་མ་ཆད་ཀྱི་སྒྲ་བརྗོད་དུ་མེད་དེ། ལུང་པ་སྐམ་པོའི་ཆུ་མིག་བཞིན་ནོ། །དེས་ན་སྔར་ས་བཅུ་མན་ཆད་ཀྱི་མ་རིག་པ་དང་ཡེ་ཤེས་ཐམས་ཅད་ཀྱང་ཤེས་བྱ་དོན་དམ་ལ་ཡོད་པ་མེད་པའང་མེད་དོ། །ཡོད་མེད་གཉིས་ཀ་མེད་ཙ་ན་གཉིས་མེད་ཀྱང་མེད་པས་དེ་ལ་རྒྱུན་ཆད་མ་ཆད་ཀྱི་རྩིས་གདབ་བྱར་མེད་པའང་མེད་དོ། །སྔར་ཡེ་ཤེས་ཡོད་པ་གཅིག་ཕྱིས་རྒྱུན་ཆད་ནས་མེད་པར་འདོད་ན་ནི་ཆད་ལྟ་ཡིན་ཞེས་གསུངས་སོ། །དེས་ན་སངས་རྒྱས་ཀྱི་ས་ན་ཡེ་ཤེས་ཡོད་མེད་གཉིས་ཀའི་ཕྱོགས་གང་དུ་ཞེན་ཀྱང་ལོག་རྟོག་ཡིན། འོ་ན་ཇི་ལྟར་ཡིན་སྙམ་ན། རྣམ་གཅོད་དགག་བྱ་ལ་སངས་རྒྱས་ཀྱི་ས་ན་ཡེ་ཤེས་ཡོད་མེད་གཉིས་སུ་རེ་ཞིག་བརྗོད་པ་ཙམ་དུ་ཟད་ཀྱི། ཡོངས་གཅོད་བསྒྲུབ་བྱ་ལ་སངས་རྒྱས་ཞེས་བྱ་བ་ནི་དག་པ་གཉིས་དང་ལྡན་པའི་ཆོས་ཀྱི་དབྱིངས་ལ་བྱ་སྟེ། དེ་ལ་ཡེ་ཤེས་ཡོད་མེད་གང་དུ་ཡང་གཞག་ཏུ་མེད་དེ། སངས་རྒྱས་པའི་དུས་ན་སེམས་ཉིད་མ་རིག་པའི་བག་ཆགས་ས་བོན་དང་བཅས་པ་རྩད་ནས་དག་ཅིང་སྤངས་པས་སེམས་ལས་བྱུང་བའི་ཤེས་བྱའི་དཀྱིལ་འཁོར་མ་ལུས་པ་ཐམས་ཅད་བྱང་ཞིང་དག་པ་སངས་ཏེ། ཤེས་བྱ་དང་ཤེས་པ་གཉིས་མེད་ཆོས་ཀྱི་དབྱིངས་སུ་བྱང་ཆུབ་ཅིང་རྫོགས་ལ། མཐའ་དབུས་ཕྱོགས་རིས་མེད་པར་ཀུན་ལ་ཁྱབ་ཅིང་རྒྱས་པ་ལ་བྱང་ཆུབ་བམ་ཡང་དག་པར་རྫོགས་པའི་སངས་རྒྱས་སུ་

― ZP04_Page_600 ―

^{[མ་དཔེ་གཟིགས་ན་འདིར་གནོན།]}

[Full Size]

བརྟགས་པ་ཙམ་སྟེ། དེ་ལ་ཤེས་བྱའི་ཡུལ་དང་། རང་རྒྱུད་ཀྱི་ཤེས་པ་གཉིས་ཀ་ཡོད་མེད་གང་དུ་ཡང་གྲུབ་པ་མེད་པའི་ཕྱིར། །ཐམས་ཅད་མཁྱེན་པའི་ཡེ་ཤེས་ཡོད་མེད་བསམ་བརྗོད་ལས་འདས་སོ། །དེས་ན་སངས་རྒྱས་ཞེས་བྱ་བ་ནི་ཆོས་ཀྱི་དབྱིངས་ཀྱི་ཚིག་བླ་དྭགས་ཏེ། ཆོས་ཀྱི་དབྱིངས་ནི་མིང་ཙམ་བརྡ་ཙམ་བརྟགས་པ་ཙམ་མ་གཏོགས་པ་བསྟན་དུ་མེད་དེ། དཀོན་མཆོག་ཧ་ལའི་མདོ་ལས། སངས་རྒྱས་ཞེས་བྱ་བ་འདི་ནི་ཆོས་ཀྱི་དབྱིངས་ཀྱི་ཚིག་བླ་དྭགས་སོ། །ཆོས་ཀྱི་དབྱིངས་འདི་ལ་གཉིས་སུ་མེད་དེ་གཉིས་སུ་བྱར་མེད་དོ། །འདི་ལྟར་ཆོས་ཀྱི་དབྱིངས་སོ། །ཆོས་ཀྱི་དབྱིངས་འདིའོ། །འདི་ནའོ་ཞེས་བྱ་བ་དེ་དེ་ལྟ་བུར་བསྟན་པའམ་རབ་ཏུ་གཞག་པར་མི་ནུས་སོ། །ཞེས་པ་དང་། ཡབ་སྲས་མཇལ་བ་ལས་ཀྱང་། རྒྱལ་པོ་ཆེན་པོ་སངས་རྒྱས་ཞེས་བྱ་བ་དེ་ནི་དེ་ཁོ་ན་ཉིད་ཀྱི་ཚིག་བླ་དགས་སོ། །དེ་ཁོ་ན་ཉིད་མཐོང་བ་དེ་ནི་ཡང་དག་པའི་མཐའི་ཚིག་བླ་དྭགས་སོ། །ཡང་དག་པའི་མཐའ་ཞེས་བྱ་བ་དེ་ནི་ཆོས་ཀྱི་དབྱིངས་ཀྱི་ཚིག་བླ་དྭགས་སོ། །ཆོས་ཀྱི་དབྱིངས་ཞེས་བྱ་བ་དེ་ནི་མིང་ཙམ་བརྡ་ཙམ་ཐ་སྙད་ཙམ། ཀུན་རྫོབ་ཙམ། བཏགས་པ་ཙམ་མ་གཏོགས་པར་བསྟན་པར་མི་ནུས་སོ། །ཞེས་གསུངས་སོ། ཡུམ་ལས། བྱང་ཆུབ་དམིགས་སུ་མེད་པའི་ཕྱིར། བྱང་ཆུབ་ཅེས་བྱ་བ་འདི་ནི་མིང་ཙམ་དུ་ཟད་དོ། །སངས་རྒྱས་དམིགས་སུ་མེད་བའི་ཕྱིར་སངས་རྒྱས་ཞེས་

― ZP04_Page_601 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ་བ་འདི་ནི་མིང་ཙམ་དུ་ཟད་དོ། །ཞེས་གསུངས་སོ། །འོ་ན་ཐམས་ཅད་མཁྱེན་པ་ཞེས་པའི་རྒྱུ་མཚན་གང་ལ་འཇོག་སྙམ་ན། སངས་རྒྱས་ཀྱི་ཤེས་བྱ་ཇི་ལྟ་བ་དང་ཇི་སྙེད་པ་ཐམས་ཅད་སྔའམ་ལུས་པར་མཁྱེན་ཟིན་ཆུབ་ཟིན་པས་ད་མཁྱེན་པར་བྱ་རྒྱུ་མེད་ཅིང་མཁྱེན་མཁན་མེད་པ་ལ་ཐམས་ཅད་མཁྱེན་པ་ཞེས་བཏགས་པ་ཙམ་སྟེ། ཡུམ་ལས། རྣམ་པ་ཐམས་ཅད་མཁྱེན་པ་ཞེས་བྱ་འདི་ནི་མིང་ཙམ་བརྡའ་ཙམ་དུ་བཏགས་པ་མ་གཏོགས་པ་འདི་ལ་སྐྱེ་བའམ་འགགས་པ་མེད་དེ། མིང་དེ་ནང་ན་ཡང་མེད་ཕྱི་རོལ་ན་ཡང་མེད་གཉིས་ཀ་མེད་པར་ཡང་མི་དམིགས་སོ། །ཞེས་པ་དང་། རྣམ་པ་ཐམས་ཅད་མཁྱེན་པ་ཉིད་ལ་ངོ་བོ་མེད་དེ། གང་ལ་ངོ་བོ་ཉིད་མེད་པ་དེ་ལ་དངོས་པོ་མེད་པའོ། །ཞེས་གསུངས་སོ། །འོ་ན་གཞན་དོན་གྱི་ཕྲིན་ལས་ཅི་ལས་འབྱུང་སྙམ་ན། སྔོན་གྱི་སེམས་བསྐྱེད་དང་སྨོན་ལམ་གྱི་སྟོབས་ཀྱིས་གདུལ་བྱ་གཞན་སྣང་ལ་ཀུན་རྫོབ་སྒྱུ་མ་ཙམ་གྱི་སྐུ་བསམ་གྱིས་མི་ཁྱབ་པ་དང་། གསུང་བསམ༴ ཡེ་ཤེས་བསམ༴ སྟོབས་བསམ༴ ཆོ་འཕྲུལ་བསམ་གྱིས་མི་ཁྱབ་པ་རང་བཞིན་གྱིས་བྱུང་ནས་སེམས་ཅན་གྱི་དོན་བྱེད་པ་ནི་དཔེར་ན་ཡིད་བཞིན་གྱི་ནོར་བུ་དང་། དཔག་བསམ་གྱི་ཤིང་བཞིན་དུ་རྟོག་པ་མེད་བཞིན་དུ་སྒྱུ་མ་ལྟ་བུའི་སེམས་ཅན་རྣམས་ལ་གང་ལ་གང་འདུལ་གྱིས་དོན་འབད་མེད་ལྷུན་གྲུབ་ཏུ་འབྱུང་བར་བཀའ་ལུང་དུ་མ་ནས་

― ZP04_Page_602 ―

^{[མ་དཔེ་གཟིགས་ན་འདིར་གནོན།]}

[Full Size]

གསུངས་སོ། །དེ་ཡང་འཇིག་རྟེན་གྱི་ཐ་སྙད་ཀུན་རྫོབ་ཙམ་ལས་དོན་དམ་པར་བདག་གཞན་གཉིས་སུ་མེད་ཅིང་སེམས་ཅན་གཉིས་སུ་མེད་པས་གཞན་དོན་འབྱུང་མི་འབྱུང་བྱེད་མི་བྱེད་སྨྲ་བསམ་བརྗོད་དུ་མེད་ལ་སྨྲ་བསམ་བརྗོད་མེད་ཅེས་བྱ་བ་ཡང་གདགས་གཞི་དང་འདགས་མཁན་གྲུབ་པ་མེད་པས་འདི་ལྟར་ཆོས་ཐམས་ཅད་ཐ་སྙད་ཀུན་རྫོབ་ཙམ་སྟེ་དེ་ཐམས་ཅད་སྒྲ་ཇི་བཞིན་པ་མ་ཡིན་པར་ཤེས་པར་བྱའོ། །གལ་ཏེ་གཤིས་ལ་སངས་རྒྱས་ཡོད་གྱུར་ན། །དེ་ལ་མཁྱེན་པའི་ཡེ་ཤེས་ཡོད་རིགས་ཏེ། །ཤེས་བྱའི་གཤིས་ལ་སངས་རྒྱས་སེམས་ཅན་མེད། །གལ་ཏེ་མེད་པ་འབའ་ཞིག་ཕྱོགས་ལྟ་ན། །དེ་ནི་མུ་སྟེགས་ཆད་པའི་ལྟ་བ་སྟེ། །ཤིན་ཏུ་གསོར་མི་རུང་བར་རྒྱལ་བས་གསུངས། །དེ་བས་འཁོར་འདས་ཆོས་རྣམས་ཐམས་ཅད་ནི། །དངོས་པོར་རྟོག་པ་ཕྱུག་དང་འདྲ་བ་སྟེ། །དངོས་མེད་རྟོག་པ་དེ་བས་ཤིན་ཏུ་བླུན། །ཡོད་མེད་གཉིས་སུ་མི་རྟོག་མི་གནས་པ། །དེ་ནི་རྒྱལ་བའི་དགོང་པ་དམ་པ་ཡིན། །མན་ངག་རིན་པོ་ཆེ་སྤུངས་པ་ཞེས་བྱ་བ་ལྕེ་སྒོམ་རྫོང་པ་མཁས་པ་ཆེན་པོ་མཁའ་སྐྱོང་གྲགས་པ་ཞེས་བྱ་བས་མཛད་པའི་གདམས་པ་ལས་ཉམས་སུ་ལེན་པ་ལ་མེད་ཐབས་མེད་པའི་ཟིན་ཐུན་ཅུང་ཟད་སྤེལ་བ་སྟེ་དོན་འདུས་པར་ཚིག་སྣ་ཆ་ཤས་ཅུང་ཟད་རེ་སྟུངས་པ་ལགས་སོ། །ཉན་རང་། དམན་ལམ་དང་རིང་ལམ་བྱང་སེམས་དང་བཅོས་མའི་གསང་སྔགས་བླ་མེད་ཀྱི་ལམ་ཡིན། ལམ་གྱིས་ཡིད་མི་

― ZP04_Page_603 ―

^{[མ་དཔེ་གཟིགས་ན་འདིར་གནོན།]}

[Full Size]

ཚིམ་པའི་གང་ཟག་དེ་མྱུར་ལམ་གྱི་མཐར་ཐུག་ཕྱག་རྒྱ་ཆེན་པོའི་སྣོད་དུ་རུང་བའི་རྟགས་ཡིན་ཏེ་གཅིག་ཆར་བའོ། །ཆོས་ཉིད་ཟབ་མོ་ལ་མི་སྐྲག་ཅིང་སྲིད་ཞི་གཉིས་ཀ་ལ་རེ་སྨོན་མེད་ཅིང་བཟོད་མེད་ཀྱི་བྱམས་བརྩེ་དང་ལྡན་པ། མི་རྒྱུད་གར་འཐེན་དུ་འོང་བ་གླ་ལྤགས་དང་མི་འདྲ་བར། ཁ་སླ་ཡང་གཏིང་གྱོང་བ་གཡག་རྒན་གྱི་མཇིང་པ་འདྲ་བ་ཞིག་དགོས་གསུངས། ཟས་གོས་ཡོ་བྱད་སོགས་དགོས་དགོས་མང་པོའི་བློ་སྣ་དུང་པ་རེ་ནམ་བྱུང་དུས་སུ་འཆི་བ་དུང་པ་རེ་བསམ། ཅིས་ཀྱང་དགོས་པ་མེད། གང་ལྟར་ཡང་འགྲོ་བར་སོང་། ཅི་ལྟར་ཡོང་བར་ཤོག་བྱ་བ་འགྲོ་མགོན་གཙང་བ་རྒྱ་རས་ཀྱི་དགོས་མེད་ཀྱི་དྲག་སྔགས་རྣམ་གསུམ་འདི་ཡང་ཡང་བགྲང་ཞིང་སྙིང་ལ་གཟིར་གསུངས། ༈ སྤྱིར་ལུས་སྲོག་ལོངས་སྤྱོད་བློས་ཐོང་བའི་ཞེ་བཅད་མེད་པ་ཐེག་པ་མཐོ་དམན་གང་གི་ཆོས་ཀྱང་རྒྱུད་ལ་མི་སྐྱེ་གསུངས། ༈ སྤྱིར་ལུས་བཟུང་བ་ཙམ་ནས་འདུ་བྱེད་ཀྱི་སྡུག་བསྔལ་ཡིན་ལ་སླར་ནང་གི་སྐྱེ་མཆེད་དྲུག་ལ་བརྟེན་ནས་ཕྱིའི་སྐྱེ་མཆེད་ཡུལ་དྲུག་གཟུང་བའི་ཚོར་བ་ཙམ་ནི་འདུ་བྱེད་ཀྱི་སྡུག་བསྔལ། ཚོར་བ་བདེ་བར་འཛིན་པ་ཐམས་ཅད་འགྱུར་བའི་སྡུག་བསྔལ། སྡུག་བསྔལ་ཉིད་དུ་མྱོང་བ་ཐམས་ཅད་སྡུག་བསྔལ་གྱི་སྡུག་བསྔལ་ཡིན་ནོ། །མདོར་ན་ལུས་བླངས་ཙམ་དང་། གཟུགས་མཐོང་ཙམ་དང་། ཡིད་ཀུན་རྟོག་ཀུན་ལ་

― ZP04_Page_604 ―

^{[མ་དཔེ་གཟིགས་ན་འདིར་གནོན།]}

[Full Size]

གཡོ་བ། །ཡན་ཆད་སྡུག་བསྔལ་ལམ་ཟུག་རྔུ་ཡིན་ནོ། །མིག་སོགས་ནང་གི་སྐྱེ་མཆེད་དྲུག་དང་། །གཟུགས་སོགས་ཕྱིའི་དྲུག་པོ་འདི་ཐམས་ཅད་ཀྱང་གྲོང་ཁྱེར་སྟོང་པ་དང་འདྲ་སྟེ་སུའི་ཡང་མ་ཡིན། གང་དུ་ཡང་རྟོག་པ་མེད་ཀྱང་གློ་བུར་གྱི་རྣམ་པར་རྟོག་པས་བདག་ཏུ་བཟུང་ཞིང་དེ་ལ་བརྟེན་ནས་སྡུག་བསྔལ་སྣ་ཚོགས་མྱོང་ནས། བདག་འཛིན་དེ་ཉིད་ཤི་བའི་ཚེ་སྐྱེ་མཆེད་དེ་རྣམས་སུས་ཀྱང་མ་ཡིན་པ་སྔར་གྱི་སྟོང་པ་དེར་གནས་མེད་ཀྱང་སྐྱེ་མཆེད་དེ་རྣམས་ནི་བདག་གིར་བཟུང་མ་བཟུང་གང་གི་སྐབས་སུ་ཡང་རྟོག་པ་མེད་ཅིང་གཡོ་བ་མེད་ལ་སུས་ཀྱང་མ་ཡིན་པ་ལ་སྔ་ཕྱི་ཁྱད་མེད་དོ། །དེས་ན་རང་གི་ཕུང་པོ་ལྔ་ནི་གཤེད་མ་མཚོན་ཐོགས་པ་ལྟ་བུ་འབྱུང་ཁམས་བཞི་ནི་སྦྲུལ་གདུགས་པ་བཞི་དང་འདྲ། ཕྱི་ནང་གི་སྐྱེ་མཆེད་དྲུག་ནི་གྲོང་སྟོང་པ་ལྟ་བུར་རྟག་ཏུ་ཤེས་ཤིང་བལྟ་དགོས་གསུངས། ཏིང་ངེ་འཛིན་དངོས་ལ་འཇུག་པར་བྱེད་པ་ལ་གང་ཟག་གི་རིགས་ཀྱིས་མོས་གུས་ཅན་གསོལ་འདེབས་དང་བྱིན་རླབས་ཀྱི་སྣ་འཛིན། ཞེན་ལོག་ཅན་སྐྱོ་ཤས་དང་ངེས་འབྱུང་གིས་སྣ་འཛིན། བཏང་སྙོམས་ཅན་བྱམས་པས་སྣ་འཛིན། སྙིང་རྗེ་ཅན་སྙིང་རྗེས༴ ཕན་སེམས་ཅན་སེམས་བསྐྱེད་ཀྱིས། བསྐྱེད་རྫོགས་ཅན་རང་བཞིན་ཤེས་པས་སྣར་འཛིན་ཏེ་རང་ཉིད་ལ་མེད་རྣམས་གང་ལ་མོས་པ་དེ་དུང་གིས་བསྐྱེད། དེ་ཉིད་ལ་སེམས་ཚིར་

― ZP04_Page_605 ―

^{[མ་དཔེ་གཟིགས་ན་འདིར་གནོན།]}

[Full Size]

ཟིན་ནས་ལས་སུ་རུང་བའི་ཚེ་མྱོང་བ་དེ་ཉིད་ལ་མཉམ་པར་འཇོག་པའོ། །འདོད་ཡོན་ལྔ་པོ་ཆུ་ཟླ་བྲག་ཆ་སོགས་དང་མཚུངས་པར་ཤེས་པས་འདོད་ཁམས་ཀྱི་ཞེན་པ་ལྡོག །བདེ་གསལ་མི་རྟོག་པའི་ཉམས་བརྟན་པོ་སྐྱེས་ཀྱང་གནས་སྐབས་ཀྱི་ངལ་བསོ་ཙམ་དུ་ཤེས་ན་གཟུགས་དང་གཟུགས་མེད་ཀྱི་ཞེན་པ་ལྡོག །དེའི་ཚེ་འཁོར་བ་ཐམས་ཅད་ལ་ཞེན་པ་ལོག་པས་ངེས་འབྱུང་གི་བློ་རྣལ་མ་ཡིན་སེམས་ཅན་ཐམས་ཅད་གཏན་གྱི་ཕ་མར་ཤེས། ཕ་མ་འཁོར་བའི་སྡུག་བསྔལ་ལས་ཐར་དུས་མེད་པར་ཤེས་པས་ཅི་དྲག་གང་དྲག་གི་ཚུལ་དུ་སྨོན་འཇུག་གི་སེམས་མི་སྐྱེ་ཀ་མེད་དུ་ཐུག་ནས་ཅི་བྱེད་སེམས་ཅན་སྤྱིའི་གཏན་དོན་དུ་བྱེད་པ་ཞིག་འོང་། དེའི་ཚེ་རང་དོན་ཞི་བདེ་ལ་ཞེན་པ་ལོག་སྟེ་བྱང་ཆུབ་སེམས་དཔའི་མིང་ཐོབ། རྨི་ལམ་སྒྱུ་མ་ཙམ་གྱི་སྣང་གྲགས་ཀྱི་འཆར་སྒོ་འདི་ཐམས་ཅད་ཀྱང་རང་བཞིན་གདོད་ནས་དག་པ་ངོ་བོ་ལྷ་སྔགས་བདེ་བ་ཆེན་པོ། །དེ་ཐམས་ཅད་ཀྱང་བླ་མའི་ངོ་བོར་གཅིག་པར་ཤེས་པས་ཆོས་གང་ལ་ཡང་མ་དག་པ་དང་ཐ་མལ་དུ་ལྟ་བའི་ཡུལ་མ་རྙེད་པ་འདི་ནི་ཐ་མལ་གྱི་སྣང་བ་ལ་ཞེན་པ་ལོག་པ་སྟེ་དེའི་ཚེ་སྔགས་བླ་མེད་ཀྱི་རྣལ་འབྱོར་པའི་མིང་ཐོབ་པ་ཡིན། མདོར་ན་ཕྱོགས་རེའི་ཞེན་ལོག་སྣ་རེ་ཙམ་གྱིས་གང་དུ་ཡང་མི་བྱེད་དེ། རི་དྭགས་རྣམས་ཤ་ཁྲག །གཅན་གཟན་རྣམས་རྩ་དང་ལོ་མ། དུད་འགྲོ་ཕལ་ཆེར་ལ་བསྟོད་སྨད་ཁྱད་མེད་པ་དང་གྲལ་མཐོ་

― ZP04_Page_606 ―

^{[མ་དཔེ་གཟིགས་ན་འདིར་གནོན།]}

[Full Size]

དམན་མི་སེམས་པ་སོགས་ཡོད་ཀྱང་གང་དུ་ཡང་མི་སླེབ་བ་བཞིན། དེ་ལྟར་ཚེ་འདིའི་ཆོས་བརྒྱད་ནས་ཐ་མལ་གྱི་སྣང་བ་ཐམས་ཅད་ལ་ཞེན་པ་ལོག་ཅིང་། དེར་མ་ཟད་ཉམས་མྱོང་ཀྱང་གནས་སྐབས་པའི་ཆོས་སུ་ཤེས་པས་ཉམས་མྱོང་ཅི་བྱུང་ཡང་མ་ཞེན། སྣང་བས་ཕན་གནོད་མེད་པར་གོ་བས་སྐུ་དང་ཞིང་ཁམས་ནས་ཤ་ཟ་སྲིན་པོའི་བར་གྱི་སྣང་བའི་འཆར་སྒོ་ཐམས་ཅད་ལ་མ་ཞེན། ཇི་ཙམ་དུ་རྟོགས་པ་ཐམས་ཅད་བློས་འཆིང་བར་ཤེས་པས་རྟོགས་པ་ལ་ཞེན་པ་མེད། འབྲས་བུ་སངས་རྒྱས་ཀྱང་འཁོར་བ་ལ་ལྟོས་ཏེ་བཞག་པར་གོ་བས་ཐོབ་བྱ་འབྲས་བུ་ལ་མ་ཞེན། མདོར་ན་རྣལ་འབྱོར་པའི་ཤེས་པ་དྲི་མ་མེད་པའི་མདུན་ན་གང་བློས་མ་ཐོངས་པ་དང་གང་ལ་ཞེན་པར་བྱ་བ་རྡུལ་ཙམ་ཡང་མ་ལུས་པར་རང་སར་ཞིག་རང་གྲོལ་དུ་སོང་རང་མལ་དུ་ལུས་པ་ཞིག་ཡིན་ཏེ། དཔལ་ས་ར་ཧས། གང་ལ་ཞེན་པ་ཡོད་ན་དེ་ཡང་ཐོང་། །རྟོགས་པར་གྱུར་པ་ཐམས་ཅད་དེ་ཡིན་ཏེ། །ཞེས་དང་། ཏིལ་གྱི་ཤུན་པ་ལྟ་བུའི་ཟུག་རྔུས་ཀྱང་། །ནམ་ཡང་སྡུག་བསྔལ་འབའ་ཞིག་བསྐྱེད་པར་འགྱུར། །ཅེས་གསུངས་པ་ཡིན་ནོ། ༈ །དེ་ཡང་བཀའ་བརྒྱུད་གོང་མའི་གསུངས་ལས། མོས་གུས་ཀྱིས་མགོ་བཟུང་ཞེན་ལོག་གིས་རྐང་ཚུགས་ནས་ཡེངས་མེད་སྒོམ་གྱི་དངོས་གཞི་འབྱུང་གསུངས་པ་དེ་ཡང་སྐབས་འདིར་དབང་བཞི་པའི་ལམ་ཕྱག་རྒྱ་ཆེན་པོའི་སྙིང་པོ་ལམ་པའི་དབང་དུ་བྱས་

― ZP04_Page_607 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེ་མོས་གུས་ལམ་གྱི་ངོ་བོ་ཞེས་བྱ་བ་ཡིན་པས་བསམ་རྒྱུ་བླ་མ། བློ་སྣ་མོས་གུས་གང་བྱུང་བྱིན་རླབས་སུ་ཤེས་པས་མོས་གུས་ཀྱི་བློ་སྣ་དུང་ངེ་བ་རེ་རང་མ་བརྗེད་མ་ཡེངས་པར་ཉམས་སུ་བླངས་པས་གསོལ་འདེབས་ཤུགས་འབྱུང་དུ་འཆོར་རོ། །བློ་སྣ་ཆིག་ཆོད་དུ་འདྲིལ། གང་བྱུང་དེས་ཆོག་གི་བློ་བཅོས་མིན་དུ་སྐྱེ་བས། སྣང་བ་བླ་མ། གྲགས་པ་གསོལ་འདེབས། དྲན་རྟོག་ཕྲ་རགས་ཐམས་ཅད་མོས་གུས་སུ་འཆར། ཆོས་ཉིད་དུ་གྲོལ་ཏེ་ནམ་མཁའ་ལ་མདུང་བསྐོར་བ་ལྟར་རང་གྲོལ་དུ་འགྲོ་བས་བླ་མ་སྐུ་གསུམ་དབྱེར་མེད་དུ་གྲུབ་པས་བླ་མ་སྒྲུབ་པའི་རབ་ཡིན། བསྐྱེད་རིམ་གྱི་ཆོ་ག་ལམ་ལྟོས་པར་གྲུབ། མུན་ཁང་དང་སྟོང་གཟུགས་དང་རླུང་འཛིན་འཇུག་ལ་མ་ལྟོས་པར་ཉམས་ལེན་འདི་གཅིག་བུས་ཆོས་ཐམས་ཅད་མོས་གུས་ཀྱི་བློ་སྣ་རྩེ་གཅིག་ཏུ་གྱུར་པ་རྒྱལ་བ་རྒོད་ཚངས་པ་སོགས་ཀྱིས་ཉིན་མཚན་དང་ལོ་ཟླ་བཟའ་བཏུང་ལ་སེམས་པའི་རྟོག་པ་ཙམ་ཡང་མ་བྱུང་བར་མོས་གུས་གཅིག་པུས་དུས་འདས་པ་བྱུང་ཞེས་གསུངས་པ་བཞིན་ནོ། །དེ་ནས་ཚེ་འདི་ལ་ཞེན་པ་ལོག་པས་ཚེ་འདི་ལ་མི་ཡེངས། རྒྱུ་འབྲས་ཀྱི་བླང་དོར་ལ་མཁས་པས་མི་དགེ་བ་ལ་མི་ཡེངས། འཁོར་བ་ལ་ཞེན་པ་ལོག་པས་འཁོར་བའི་བློ་སྣས་མི་གཡེངས། རང་དོན་ཞི་བདེ་ལ་ཞེན་པ་ལོག་པས་དམན་པའི་ལམ་གྱིས་མི་གཡེངས། ཆོས་ཐམས་ཅད་ལྷ་སྔགས་བདེ་ཆེན་

― ZP04_Page_608 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་ལྟ་བས་ཐ་མལ་གྱིས་སྣང་བས་མི་གཡེངས། ཐམས་ཅད་བླ་མར་ཤེས་ཏེ་བློ་སྣ་མོས་གུས་སུ་དྲིལ་བས་ལོག་པའི་ལྟ་བས་མི་གཡེངས་པའི་ཕྱིར་སྔགས་ཀྱི་ཞེན་ལོག་དང་ལྡན་པ་ཁོ་ནས་ཡེངས་མེད་ཤུགས་ཀྱིས་ཀྱང་འབྱུང་མོད་ཀྱི་དེ་ཐམས་ཅད་ཀྱང་སྒྲོ་སྐུར་གྱི་མཐའ་བསལ་ནས་སྤངས་བྱ་ལས་ལོག་པ་ཙམ་ཡིན་གྱི་ཆོས་ཉིད་ཀྱི་ཡིན་ལུགས་ཇི་ལྟ་བར་ཁོང་དུ་ཆུད་པར་མ་ངེས་པས་ཆོས་ཉིད་ཇི་ལྟ་བ་སོ་སོ་རང་རིག་ཡེ་ཤེས་ཀྱིས་མཐོང་བ་དེ་ཉིད་ལས་གཞན་དུ་མ་ཡེངས་པར་གནས་པས་མཉམ་རྗེས་དབྱེར་མེད་དུ་བསྲེ་བ་ནི་ཡེངས་མེད་སྒོམ་གྱི་དངོས་གཞི་ཞེས་བྱའོ། །དེ་ཡང་ཞེན་ལོག་གིས་ངན་ལང་དུ་སོང་བའི་ཤེས་པ་རྣམས་ཚར་ཆོད་དེ་བློ་སྣ་གཉེན་པོའི་ཕྱོགས་སུ་གཅིག་ཏུ་དྲིལ་ན། མོས་གུས་ཀྱིས་རྒྱུད་འགྱུར་ཏེ་བདེ་སྟོང་གི་ཏིང་ངེ་འཛིན་ངང་གིས་སྐྱེ། དེའི་ཚེ་དབང་པོ་རབ་བྱིན་རླབས་ཁོ་ནའི་མཐུས་རྟོགས་པ་ནང་ནས་ཆིག་ཆོད་དུ་ཤར་ཏེ་གདམས་ངག་དང་ངོ་སྤྲོད་གཞན་ལ་ལྟོས་མི་དགོས་པར་སྤྲུལ་མདུད་ནམ་མཁར་ཞིག་པ་ལྟར་ཆོས་ཐམས་ཅད་རང་སར་གྲོལ་བ་ཞིག་འོང་། །འབྲིང་མན་ཆད་ལ་བླ་མ་ཉམས་མྱོང་ཅན་གྱིས་ཐབས་ཀྱིས་ཁྲིད་དེ་སྒོམ་ལུགས་སྣ་ཚོགས་ཀྱི་སྒོ་ནས་ཤེས་པའི་ངོ་བོ་དེ་ཚོལ་དུ་བཅུག་པས་གཉུག་མའི་ཤེས་པ་དེ་ཕུ་མདའ་གང་ལའང་མ་གཏད། འཆར་སྒོ་གང་དུ་ཡང་མ་འགགས། །ཐ་སྙད་གང་དུ་ཡང་གདགས་སུ་མི་བཏུབ། དབས་ཅིས་ཀྱང་མཚོན་དུ་མེད་པར་ཤེས་པའི་ཁོང་

― ZP04_Page_609 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་ཡེར་གྱིས་འོང་། སེང་གིས་འོང་། བློས་རེག་ཏུ་མི་བཏུབ་པ་ཆུ་ཐམས་ཅད་གཅིག་ཏུ་བརླན་པར་གཅིག་པ་དང་། མེ་ཐམས་ཅད་ཚ་བ་དང་། བུ་རམ་ཐམས་ཅད་མངར་བ་གཅིག་པ་ལྟར་ཆོས་ཉིད་གཅིག་ཤེས་པས་ཆོས་ཉིད་ཐམས་ཅད་ཤེས་པའི་ཕྱིར་གཅིག་ཤེས་ཀུན་གྲོལ་ལམ། ཆོས་དབྱིངས་ཀུན་ཏུ་འགྲོ་བའི་མཚན་ཉིད་ཅེས་བྱ་སྟེ་སེམས་ཀྱི་ངོ་བོ་བཅོས་མིན་དུ་མཐོང་བ་ཡིན་ལ་དེ་ཕྱིན་ཆད་སྣང་གྲགས་རྟོགས་གསུམ་ཡན་པར་མ་ཤོར་བར་ཐམས་ཅད་ཀྱི་རང་ངོ་ལ་རང་སོར་བཞག་པས་དང་པོར་རྣམ་པའི་འཆར་སྒོ་ཐམས་ཅད་རྦ་རླབས་ཆུར་ཐིམ་པ་ལྟར་ཞི་སྟེ་ངོ་བོ་ཡེར་གྱིས་འཆར་བ་ནི་མ་དག་པ་དྲུག་གི་སྐབས་ཡིན། ཅི་ཞིག་ནས་ངོ་བོ་དང་རྣམ་པ་གཉིས་སུ་མེད་པར་རང་གྲོལ་གྱི་ངེས་ཤེས་ཞིག་སྟེ་གཉུག་མ་རྒྱུན་ཆད་མེད་པར་འཆར་ཞིང་འཁོར་འདས་བདེ་སྡུག་སོགས་གཉིས་ཆོས་ཀྱི་འཛིན་པ་མ་སྤངས་གནས་སུ་གྲོལ་ཏེ་ཅིར་སྣང་འོད་གསལ་ཆེན་པོར་ལ་བཟླས། ཇི་སྙེད་ཀྱི་མཁྱེན་པ་རྟེན་འབྲེལ་གྱི་སྒོ་མཐའ་ཡས་པ་འཆར་བར་བཤད་དོ། །དབང་པོ་ཐ་མས་ནི་ཞེན་ལོག་དང་མོས་གུས་ཀྱི་གནད་གཅུན། ལུས་ངག་གི་དགེ་སྦྱོར་དྲག་པོས་རྒྱུད་སྦྱངས་པ་ཁོ་ན་གནད་དུ་ཆེའོ། །སྔོན་འགྲོའི་གནད་རྣམས་རྒྱུད་ལ་མ་ཐེབས་པ་ལ་ཞི་ལྷག་གི་ཁྲིད་མི་ཐེབས་གསུངས། བཀའ་རྒྱུད་གོང་མ་རྣམས་ཀྱིས་མཉམ་རྗེས་འདྲེས་མ་འདྲེས་དང་མཉམ་རྗེས་ཀྱི་

― ZP04_Page_610 ―

^{[མ་དཔེ་གཟིགས་ན་འདིར་གནོན།]}

[Full Size]

བར་ལག་འགྱེལ་མ་འགྱལ་སོགས་གསུངས་པ་ནི་གཉུག་མའི་ངོ་བོ་ལ་ཆིག་ཆོད་དུ་གནས་པ་དེ་མཉམ་བཞག་དང་། བྱ་བྱེད་སྤྱོད་ལམ་རྣམས་རྗེས་ཐོབ། ཡང་རང་ངོ་གཉུག་མའི་ཤེས་པ་མཉམ་བཞག་དང་། དེའི་རྗེས་སུ་འཇུག་པའི་འཛིན་རྟོག་དེ་རྗེས་ཤེས་སོགས་གསུངས་པ་ཡིན་ལ་དེ་དག་ནི་སྒོམ་པ་གཙོ་བོར་བྱས་པ་ཡིན་ནོ། །སྤྱོད་པའི་སྐབས་སུ་ཐུན་གྱི་ཚེ་རྩེ་གཅིག་ཏུ་སྒོམ་པ་མཉམ་བཞག་དང་དེ་ལས་ལངས་ཏེ་འགྲོ་འཆག་ཟ་ཉལ་གྱི་སྤྱོད་ལམ་བྱེད་པ་རྗེས་ཐོབ་སྟེ་བསྐྱེད་རིམ་པའི་མཉམ་རྗེས་དང་མཚུངས་སོ། །དེ་ཡང་། ཅི་ཡང་བྱར་མེད་ཤེས་ན་ཡང་། སྒོམ་ཐུན་དུ་གཅོད་པ་མན་ངག་ཡིན། ཞེས་པ་ལྟར་ཞག་གཅིག་ལ་ཐུན་བཞིར་བཅད་དོ། །སྲོད་དང་པོ་ནས་ནམ་གུང་གི་བར་དང་། ཐོ་རངས་དང་པོ་ནས་ནམ་ལངས་ཀྱི་བར་སྟེ་མཚན་མོ་ཐུན་གཉིས། ཉི་དྲོས་ནས་གུང་གི་བར་དང་། ཕྱེད་ཡོལ་ནས་ཉི་ནུབ་བར་ཏེ་ཉིན་ཐུན་གཉིས་སོ། །ཐུན་རེ་རེ་བཞིན་སྔོན་འགྲོ་རྣམས་རྒྱུད་ལ་འདྲེས་ངེས་བྱ་ཞིང་། དངོས་གཞི་སྒོ་གསུམ་དབེན་པ་དང་ལྡན་པས་གཉུག་མའི་དོན་ཞི་ལྷག་གཉིས་སུ་མེད་པ་ལ་རྩེ་གཅིག་ཏུ་བྱ་ཞིང་། བྱིང་རྒོད་ཀྱི་གེགས་བྱུང་ན་ཡང་། ཟས་སྐོམ་བཅུད་ཆེས་ཤིང་མང་བ་གོས་དྲོ་ཐལ་བ་གནས་དམའ་བ་དང་མུན་ནག་གྲོགས་བྱིང་བ་ཤས་ཆེ་བ་དང་འགྲོགས་པ། དུས་དབྱར་རམ་སོས་ཀ །ལུས་ཉལ་ལམ་བསྙེམ་བ། གཞན་

― ZP04_Page_611 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་གྲིབ་ཀྱིས་ཕོགས་པ་སོགས་བྱིང་བའི་རྒྱུ་གང་ཡིན་ངོས་བཟུང་སྟེ་སྤོང་ནུས་པ་རྣམས་སྤང་། ས་བསིལ་སར་ལུས་གནད་དྲང་ཞིང་བརྟན་པ་དང་། ལྟ་སྟངས་ནམ་མཁའི་དབྱིངས་སུ་བལྟས་ཏེ་རླུང་རོ་རིང་ལ་དྲག་པ་མང་དུ་བསལ་ནས་ཤེས་པ་ནམ་མཁའི་དབྱིངས་དང་བསྲེས་ཏེ་བཞག །རེས་འགའ་ཚངས་པའི་འཇིག་རྟེན་དུ་འཕངས་ཏེ་བཞག །ཁྱད་པར་ཆུ་རླུང་སོ་བར་ནས་རྔུབ་པའི་སྦྱོར་བས་སེལ་ལོ། །རྒོད་ན་ཟས་བཅུད་མེད་པ་གོས་སྲབ་པ་གནས་བསིལ་ཆེས། གྲོགས་རླུང་ཁམས་པ་སྨྲ་བ་མང་པོ་ཅན་དང་འགྲོགས་པ། དུས་དགུན་ཁ། ལུས་གནད་དགྱེ་བ་གཅུན་དྲག་པ་གྲིབ་ཀྱིས་ཕོགས་པ་སོགས་རྒོད་པའི་རྒྱུ་ངོས་བཟུང་སྟེ་སྤངས། ས་དྲོ་སར་ལུས་གནད་ལྕི་བ་རེ་བྱས་ཏེ་ལྟ་སྟངས་སྨད་པའམ་ཅུང་ཟད་དབུགས་རང་བབས་སུ་གློད་དེ་ཤེས་པ་གཉིད་ཉལ་ཁ་ལྟར་གློད་པའམ། དམིགས་པ་འོག་གསེར་གྱིས་གཞིའི་བར་དུ་ཐིག་ལེ་ནག་པོ་མུན་པ་ལྟ་བུ་འཕངས་ལ་གློད་ཅིང་འོག་སྒོ་གཉིས་རང་སར་གློད་པས་སེལ་ལོ། །སྤྱིར་ནི་སྒོམ་པ་ཡིན་པར་ངེས་ཀྱི་བྱིང་རྒོད་སྐྱོན་མ་སེལ། ཞེས་པ་ལྟར་བྱིང་ན་བྱིང་ཐོག་རྒོད་ན་རྒོད་ཐོག་དེ་ཀར་བཞག་པས་རང་བཞིན་མ་སྤངས་གནས་སུ་དག་སྟེ་གཉུག་མའི་བཀྲག་འདོན་པ་ཡིན་ནོ། །སྒོམ་པའི་བརྩོན་འགྲུས་ཧ་ཅང་འགྱུར་ཆེ་བ་ན་ལུས་ངག་དང་རྣམ་རྟོག་གིས་འབད་པ་ཞིག་ལས་མི་འོང་ཞིང་། དེས་རྩ་རླུང་ཐིག་ལེ་འཁྲུག་

― ZP04_Page_612 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིང་བློས་བྱས་ཀྱི་མཚན་མར་འཆོར་བས་ལྟ་སྒོམ་བློ་དང་མི་ཕྲལ། ཉམས་ལེན་དང་སྣ་འགྲས་སུ་འགྲོ་ཉན་ཡོད། འབད་རྩོལ་མ་བྱས་ན་ཉམས་ལེན་གྱི་གནད་མི་ཟིན། སེམས་རྩེ་གཅིག་ཏུ་མི་གནས་པས་ཉམས་མྱོང་གི་ནུས་པ་མི་ཐོན་པ་རྟོག་པ་འོག་འགྱུས་སུ་ཤོར་བ་མཚོར་བས་སྒོམ་གྱི་ཐལ་བའི་འོག་ནས་སྤང་བྱའི་མེ་འབར་བ་འོང་དོགས་ཡོད། དེས་ན་བར་མའི་བརྩོན་འགྲུས་གཏིང་གྲིམ་ལ་ཕྱི་ལུས་ངག་དལ་ཞིང་ལྷོད་ཆགས་པ་ཤེས་པའི་སྟེང་ནས་རྟོག་པས་འདུ་མ་བྱས་པའི་བརྩོན་འགྲུས། ཅི་ཡང་མི་བྱེད་པའི་ཚུལ་དུ་ནང་གི་བརྩོན་པ་ཆེས་ཆེར་འཕེལ་ཞིང་ཆུ་བོ་ལྟར་རྒྱུན་མ་ཆད་པ་མཉམ་པར་བཞག་ན་སྐད་ཅིག་རེས་ཀྱང་བོགས་ཀྱང་རྒྱང་རྒྱང་ཐོན་པ་འོང་། ཉམས་ལེན་བློ་དང་འབྲེལ་མ་འབྲེལ་དང་ཆོས་ཉིད་དུ་དག་མ་དག་སོགས་ཀྱི་ཁྱད་པར་ཀྱང་དཔག་མེད་ཤེས་པའོ། །རྗེས་ཐོབ་ཀྱི་བྱ་བྱེད་ལ་ལྡང་བའི་ཚེ་དགེ་རྩ་མཁའ་མཉམ་གྱི་སེམས་ཅན་ལ་ཕྱིན་ཏེ་ཐམས་ཅད་བྱང་ཆུབ་འཐོབ་པ་དང་དཀོན་མཆོག་གི་ཐུགས་དགོངས་རྫོགས་པའི་སྨོན་ལམ་སྙིང་ཐག་པ་ནས་རྒྱ་ཆེར་བཏབ་ཅིང་མཉམ་བཞག་གི་ཉམས་དེའི་རྒྱུན་བསྐྱངས་མུས་སུ་ལྡང་། ཐོ་རངས་ལྡང་དུས་སུ་རབ་ཀྱིས་གཉིད་སྡུག་འོད་གསལ་ཆོས་སྐུ་ལས་རྨི་ལམ་ལོངས་སྐུར་ལྡང་། དེ་ལས་སད་པ་སྤྲུལ་སྐུར་ལྡང་། སེམས་དྲན་ཤེས་བཞིན་དང་ལྡན་པ་ཙམ་མམ་ནམ་མཁའ་ནས་ལྷ་དང་བླ་མས་བསྐུལ་བ་སོགས་ཀྱིས་འདུན་པས་ལྡང་། །

― ZP04_Page_613 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱོད་ཡུལ་ཡོངས་སུ་དག་པའི་འདུན་པ་རྣམས་དྲན་པར་བྱ། སེམས་ལ་མི་དགེ་བ་ལུང་མ་བསྟན་གྱི་རྣམ་རྟོག་གིས་མ་གོས་ན་སེམས་དག་པ་ནང་གི་ཁྲུས་སུ་བཤད། སྦྱིན་བདག་གི་ངོ་སྲུང་སོགས་མི་བྱ་སྟེ་ཁོས་བདག་ཉིད་བཟང་པོར་མཐོང་ནས་ཚོགས་གསོག་བྱེད་པ་དཀོན་མཆོག་གི་དྲིན་ཡིན་པས་ཁ་ལེན་བྱེད་ན་དཀོན་མཆོག་མཆོད་དགོས། སེམས་ཅན་ཐམས་ཅད་ལ་ཉེ་རིང་མེད་པའི་ཕན་སེམས་བྱ་བ་ཉིད་ངོ་སྲུང་གི་མཆོག་ཡིན། དེས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་མཉེས་པར་གྱུར་བས་རྒྱལ་བ་སྲས་དང་བཅས་པའི་ངོ་སྲུང་དུ་ཡང་འགྱུར་བ་ཡིན་ནོ། །སྦྱིན་བདག་ཁོ་རང་ལ་དགེ་འབྲས་དེ་ཉིད་ཀྱིས་གནས་སྐབས་དང་མཐར་ཐུག་གི་ཕན་བདེ་འབྱུང་བ་དེ་ཁ་ལན་ཡིན། ༈ བཤང་གཅི་དང་ལུད་པ་སོགས་འདོར་ན་རང་ཁཱ་སརྤ་ཎིར་བསམ། ཨོཾ་ཨཱཿཧྲཱིཿཧཱུྃ་ཞེས་བཟླས་ཏེ་ཡི་དྭགས་ངན་སྐྱུག་ཟ་བ་རྣམས་ལ་བསྔོས། ༈ བཟའ་བཏུང་གཡོ་སྐོལ་གྱི་སྣོད་ཐོད་པ་མཚན་ལྡན་གྱི་ནང་དུ་བཅུད་ཤ་ལྔ་བདུད་རྩི་ལྔར་བསྐྱེད་པ་རླུང་མེ་བུས་སྦར་སོགས་ཀྱིས་བདུད་རྩི་བྱིན་རླབས་ལྟར་བསམ་ཡེ་ཤེས་ཀྱི་བདུད་རྩི་དྲང་བསྟིམ་བྱ། འབྲུ་གསུམ་དང་ཧ་ཧོཿཧྲཱིཿས་བརླབས་ཏེ་མགྲོན་བཞི་པོ་ཐམས་ཅད་རང་ཡི་དམ་དུ་གསལ་པའི་ལུས་གནས་སུ་དག་པ་ཡེ་ཤེས་ཀྱི་འཁོར་ལོར་གནས་པར་བསམ་ལ་ཕུད་དང་ལྷག་

― ZP04_Page_614 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ལ་དབང་བའི་འབྱུང་པོ་རྣམས་ལ་ཕུད་དང་ལྷག་མ་ཅུང་ཟད་རེ་རིགས་སྔགས་ཀྱིས་བྱིན་ནས་མགྲོན་རྣམས་ཐམས་ཅད་མཆོད་པར་བསམ་ལ་ལོངས་སྤྱོད་དོ། །དེ་ལྟར་བྱས་པས་ཟས་སྐོམ་བཅུད་ཆེ། ཐ་མལ་གྱི་འཛིན་སྟངས་སེལ་ཟང་ཟིང་གི་ཚོགས་བསགས་ཀྱི་མཐར་ཐུག་རྡོ་རྗེ་ཐེག་པའི་ཚོགས་ཀྱི་འཁོར་ལོ་མཚན་ཉིད་པར་འགྱུར་རོ། །གཉིད་ཀྱི་རྣལ་འབྱོར་ནི་རབ་འོད་གསལ་སྣང་མེད་དུ་ཉལ། འབྲིང་སྒྱུ་ལུས་རྨི་ལམ་དུ་ཉལ། ཐ་མས་སྣོད་བཅུད་རང་ང་དང་བཅས་པ་ཐུགས་ཀའི་ས་བོན་ལ་བསྡུས་ཏེ། དེ་ཉིད་ཡལ་བའམ་ནཱ་དར་དམིགས་ཏེ་སེང་གེའི་ཉལ་སྟབས་ཀྱིས་ཉལ། དེ་ཡང་མི་ནུས་ན་དྲན་ཤེས་དང་ལྡན་ཞིང་དགེ་བའི་སེམས་ཀྱིས་ཉལ་ལོ། །ཐམས་ཅད་དབྱེར་མེད་དུ་སྤྱོད་པས་མཉམ་བཞག་སྟོང་ཉིད་ཀྱི་ཉམས་མྱོང་རྗེས་ཐོབ་ཏུ་འདྲོངས། རྗེས་ཐོབ་ཀྱི་སྒྱུ་མ་ལྟ་བུའི་སྡང་བ་མཉམ་བཞག་ཏུ་འདྲོངས་པས་མིང་ཐ་དད་ཀྱང་དོན་ལ་དབྱེར་མེད་དུ་འབབ་བོ། །ཏིང་ངེ་འཛིན་ལ་བརྟན་པ་མ་ཐོབ་པར་ཁ་དད་ཆེ་ཞིང་ང་ལོ་ཡང་པ་གར་ཡང་སླེབ་པ་དང་བྱར་སོ་བྱེད་མཇལ་འཕྲད་གཏམ་གླིང་འདོད་ཆགས་ཕྲག་དོག་ཟུར་ཟ་ཟས་ནོར་ལ་སྲེད་པ་ཆེ་བ། ཕྱི་ཚེས་རྟག་འཛིན་གཡོ་རྒྱུ་འཁོན་འཛིན་ཞེ་སྡང་ཁོང་ཁྲོ་ཞེ་གནག་ཆེ་བ་དེ་རྣམས་ལ་ཏིང་ངེ་འཛིན་མི་སྐྱེ་སྟེ་བསམ་གཏན་གྱི་སྐྱོན་ཡིན་ནོ། །མདོར་ན་མཉམ་རྗེས་ཐམས་ཅད་ལུས་གནད་དང་ལྟ་སྟངས་

― ZP04_Page_615 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་གཅུན། སེམས་ཀྱི་འཆར་སྒོ་ཐམས་ཅད་ངོས་ཟིན་པས་གང་གི་ཡང་རྗེས་སུ་མ་ཤོར། ཐམས་ཅད་ཀྱང་ངོ་བོ་གཉུག་མར་དག་པའི་ངེས་ཤེས་རྙེད་པས་ཤར་ཚད་དབང་དུ་འདུས། གེགས་དང་མ་བདེ་བ་ཅི་བྱུང་ཡང་སྐྱོན་དུ་མི་བལྟ། ཞལ་མཇལ་ཆོས་ཐོས་ལུང་བསྟན་མངོན་ཤེས་ཤར་བ་སོགས་ཅི་བྱུང་ཡང་རང་སྣང་དུ་ཤེས་པས་སྐྱོན་དང་ཡོན་ཏན་གང་དུ་ཡང་མི་སྙེམས། བསམ་རྒྱུ་སེམས་ཅན་ཅི་བྱེད་གཞན་དོན་དུ་བསྔོ་ཡང་དུས་མིན་གྱི་སློབ་ཆུང་མི་བྱ། ཆོས་ཞུ་བ་གནས་སྐོར་བྱེད་པ་གཞི་སྤོང་བ་སོགས་ཀྱི་བྲོད་ཁ་འདེབས་པའི་མི་དང་མི་འགྲོགས། རི་དྭགས་བཞིན་དུ་མི་ལ་བཟུར། གཡེང་བ་ལ་འབྱོལ། གཅིག་པུར་སྡོད། བཙན་བཞིན་དུ་སེམས་ཀྱི་དཔའ་བསྐྱེད་དེ་མི་ནུས་པ་ལ་ཐོག་རྫིས་བྱེད། རྐྱེན་ངན་རོ་སྙོམས་ནམ་མཁའ་བཞིན་དུ་གང་ལ་ཡང་གནས་པ་དང་ཆགས་པ་བག་ཆགས་ཀྱི་གཞི་རྟེན་དང་བྲལ་བར་བྱའོ། །ཆོས་རྣལ་མ་ཞིག་བྱེད་ན་མང་པོ་སྤུངས་ནས་བསྡད་པས་ཀྱང་མི་འོང་། རྣལ་འབྱོར་པ་ལྟར་གྲོང་ཡུལ་འགྲིམ་པས་ཀྱང་མི་འོང་། །དབེན་པར་གཅིག་པུར་བསྡད་ནས་གྱོང་ལྟོ་གོས་གཏམ་གསུམ་ལ་བསྐུར་ཏེ་སྡོད་ཚུགས་དགོས། དེས་འོད་གསལ་ཕྱག་རྒྱ་ཆེན་པོའི་བསམ་གཏན་སྐྱེ་བ་ཡིན་ལ། སྤྱིར་ཏིང་ངེ་འཛིན་སེམས་ཀྱི་གེགས་ཐམས་ཅད་ནི་སྡུག་བསྔལ་སྐྱོན་དུ་མི་ལྟ་བར་སོ་མ་རང་

― ZP04_Page_616 ―

^{[མ་དཔེ་གཟིགས་ན་འདིར་གནོན།]}

[Full Size]

བབས་སུ་འཇོག་པའི་གནད་འདི་ཉིད་ཀྱིས་ཞར་ལ་སེལ་ནས་སྐྱོན་ཡོན་ཏན་དུ་བསྒྱུར་གེགས་ཉིད་གཉུག་མ་ཆོས་སྐུར་འཆར་བ་ཡིན་ལ། ཕྱི་རོལ་གདོན་གྱི་གེགས་རྣམས་ནི་བྱམས་སྙིང་རྗེ་བྱང་ཆུབ་ཀྱི་སེམས་སྒོམ་ཞིང་ལུས་སྲོག་བློས་བཏང་སྟེ་གང་འདོད་དུ་བྱིན། འདྲེར་འཛིན་གྱི་རྟོག་པ་ལམ་དུ་ཁྱེར་བས་བར་ཆད་དངོས་གྲུབ་ཏུ་འགྱུར། །ལྷ་འདྲེ་དབང་དུ་འདུ། འདྲེར་འཛིན་རྩད་ནས་ཆོད་པར་འགྱུར་རོ། །འབྱུང་བ་ལུས་འཁྲུགས་ཀྱི་གེགས་ཀྱང་ལྡན་འདུས་ཀྱི་ནད་དུ་སྣང་བ་རྣམས་ནི་རབ་ཆིག་ཆོད་ཀྱི་ལྟ་བ་བསྐྱངས། རོ་སྙོམས་ཀྱི་སྤྱོད་པ་བྱེད། ན་དགའ་ཤི་སྐྱིད་དུ་བཞག་པས་རང་སར་གྲོལ། འབྲིང་རླུང་དང་དམིགས་པ་འཁྲུལ་འཁོར་གྱིས་བསལ་ཏེ་དཀའ་བ་མེད་དོ། །ཐ་མ་སྨན་དཔྱད་ཀྱིས་སྐྱེ་བོ་ཐ་མལ་པ་ལྟར་བཅོས་པ་ཡིན་ནོ། །སྤྱིར་བརྩོན་འགྲུས་དྲག་པོས་ཉམས་ལེན་བྱེད་པའི་ཚེ། ཚེ་སྔོན་བསགས་སྦྱངས་རྒྱ་ཆེར་སོང་ཞིང་ཚེ་འདིར་ལས་ངན་མ་བསགས་པ་རྩ་རླུང་ཐིག་ལེ་བཟང་བའི་རིགས་ལ་ཉམས་རྟོགས་ནམ་ཟླའི་དྲོད་བཞིན་འཕེལ་སླ་ཡང་དེ་ལ་རློམ་སེམས་དང་ང་རྒྱལ་དང་ཆོག་ཤེས་མེད་པ་གལ་ཆེ། གང་ཟག་ཁ་ཅིག་ཚེ་རབས་དུ་མར་ལས་ངན་བསགས་པའི་བག་ཆགས་ཀུན་གཞིའི་སྟེང་ན་ས་བོན་ཀྱི་ཚུལ་དུ་ཡོད་པ་ཐམས་ཅད་བག་ཉལ་དུ་བསྡད་དབང་མེད་པར་ལྷོངས་ནས་ལུས་ལ་མཛེ་ནད་དང་ཤིག་ནད་སོགས་ནད་དྲག་པོ་དང་། །

― ZP04_Page_617 ―

^{[མ་དཔེ་གཟིགས་ན་འདིར་གནོན།]}

[Full Size]

གདོན་གྱི་ཆོ་འཕྲུལ་དང་། མི་ཁ་དང་གཏམ་ངན། གཞན་གྱིས་བརྡུང་བརྡེག །སེམས་མི་བདེ་ཞིང་སྙིང་པ་ཕྱོ་བ། མྱ་ངན་དང་སྨྲེ་སྔགས་འདོན་པ་སོགས་གེགས་ཀྱི་རྣམ་པར་མངོན་སུམ་དུ་ལྟོངས་ནས་འོང་ཏེ། དེའི་ཚེ་ནད་དུ་བཟུང་ནས་བཅོས་པ་དང་། གདོན་དུ་བཟུང་ནས་གསོལ་བ་དང་བརྡུང་པ་སོགས་བྱས་ན་ལམ་ཆོད་ཆུང་ཞིང་ཁ་འགྱང་པར་འགྱུར་བས་མི་བདེ་བ་ཅི་བྱུང་ཡང་། ངའི་སྡིག་སྒྲིབ་ཚོ་འདག་གི་ཡོད་པའི་རྟགས་སུ་འདུག་སྙམ་དུ་དགའ་བ་བསྒོམ། ཟས་གོས་སོགས་མ་འཛོམ་པ་མ་རྙེད་པ་མ་འབྱོར་པ་ཅི་བྱུང་ཡང་ལྷག་པར་དགའ་བ་བསྐྱེད། སྔོན་གྱི་སྡིག་སྒྲིབ་འདག །འཕྲལ་དུ་ང་རྒྱལ་འཇོམས། ལྷའི་བུའི་བདུད་ཀྱིས་མི་འཁྱེར་བས་དཀོན་མཆོག་གི་བཀའ་དྲིན་བླ་མའི་བྱིན་རླབས་སུ་ཤེས་པར་བྱས་ལ་དགའ་སྤྲོ་གོང་འཕེལ་དུ་གཏོང་། །སྒྲུབ་པ་ཉམས་ལེན་གྱི་སྐབས་སུ་རབ་ཀྱིས་ཚེ་འདི་བློས་བཏང་སྟེ་ཟང་ཟིང་གི་ཕྱིར་དུ་གོམ་པ་མི་བསྒྱུར་བར་བཅུད་ལེན་དང་སྔོ་ལྡུམ་སོགས་ལ་བརྟེན། ཐ་མས་བསོད་སྙོམས་སམ་སྦྱིན་བདག་གི་རྫས་ལ་བརྟེན་དགོས་ཀྱང་ཡོགས་ཟས་མི་བྱ། རྩ་རླུང་པ་རྣམས་ཀྱིས་རིགས་དྲུག་གི་གནས་སྦྱོང་བྱུང་ན་ཕྱིས་རིགས་དྲུག་གི་རྒྱུ་མི་སྐྱེ་ཟེར་ཡང་དེར་མ་ངེས་ཏེ། རིགས་དྲུག་དངོས་སུ་སྐྱེས་ཀྱང་སྐྱེ་གནས་མི་ཁེགས་པར་གདའ་ན་སྙམ་སྣང་དུ་སྐྱེས་བས་ཁེགས་མི་ཁེགས་ཅི་ཆ། མངོན་སུམ་དུ་སྡུག་

― ZP04_Page_618 ―

^{[མ་དཔེ་གཟིགས་ན་འདིར་གནོན།]}

[Full Size]

བསྔལ་དྲག་པོས་རྣམ་པར་སྨིན་པ་འདི་ནི་ངན་འགྲོའི་རྒྱུ་དཔག་མེད་འཛད་དེ་མདོ་ལས། ཞིང་འདིའི་བྱང་ཆུབ་སེམས་དཔའ་རྣམས་བསྐལ་པ་དཔག་ཏུ་མེད་པར་དམྱལ་བ་ཆེན་པོ་མྱོང་འགྱུར་གྱི་ལས་ཀྱང་སྔ་གྲོ་གཅིག་ཀླད་པ་ན་བ་ཙམ་གྱིས་མཛད་པར་གསུངས་པ་དང་། རྡོ་རྗེ་གཅོད་པར་ཡང་བསྐལ་པ་དཔག་མེད་དུ་ངན་འགྲོ་མྱོང་འགྱུར་གྱི་ལས་ཚེ་འདིར་དྲངས་ཏེ་མནར་བར་འགྱུར་གསུངས་པ་ལྟར་མི་བདེ་བ་ཅི་བྱུང་ཡང་སྡིག་སྒྲིབ་འདག་པའི་ལྷོངས། དཀོན་མཆོག་གི་བྱིན་རླབས། ས་ལམ་གྱི་དྲོད་རྟགས་སུ་ཤེས་པར་བྱས་ལ་དགའ་བསྒོམ། སེམས་ཅན་ཐམས་ཅད་ཀྱི་སྡུག་བསྔལ་ཀྱང་བདག་གི་མི་བདེ་བ་འདིའི་སྟེང་དུ་བླངས་ལ་བདེ་དགེ་སེམས་ཅན་ལ་སྟེར་མི་བདེ་དེ་ཉིད་བླ་མར་བསྒོམས་ལ་གསོལ་བ་གདབ། ཡི་དམ་དུ་བསྒོམ་ལ་དངོས་གྲུབ་བླངས། ཆོས་སྐྱོང་དུ་བསྒོམས་ནས་བདག་དང་སེམས་ཅན་ཐམས་ཅད་ཀྱི་སྡིག་སྒྲིབ་ཐམས་ཅད་ཐུལ་ཅིག་ཕྲིན་ལས་བཅོལ། མི་བདེ་བ་དེ་ལ་ངོ་བོ་ཅི་འདྲ་ཞིག་འདུག་བལྟས་ལ་རང་ཐོག་ཏུ་བཞག །མི་བདེ་བ་དེ་ཀ་བརྒྱ་འགྱུར་སྟོང་འགྱུར་དུ་བསྐྱེད་དེ་ནམ་མཁའ་ཁྱབ་པར་བྱས་ལ་ཅི་ཙམ་ཆེར་སོང་ལྟ། རང་སེམས་རྡོའམ་ཤིང་ལ་སོགས་ལ་བསྟིམ་སྟེ་ལུས་རོ་བཞིན་དུ་བཞག་དེ་ལྟར་སྣ་ཚོགས་ཀྱིས་ཉམས་སུ་བླངས་པས་སྐྱོན་དུ་བཟུང་བ་ཡོན་ཏན་དུ་འཆར། བར་ཆད་དུ་བཟུང་བ་དངོས་གྲུབ། བགེགས་སུ་བཟུང་བ་དྲོད་རྟགས་སུ་རིག་ཏེ་ལམ་

― ZP04_Page_619 ―

^{[མ་དཔེ་གཟིགས་ན་འདིར་གནོན།]}

[Full Size]

བཙན་ཆོད་དུ་འགྲོ་བ་ཡིན་ནོ། །སྤྱིར་ཡང་བདེ་གསལ་མི་རྟོག་པ་སོགས་ཡོན་ཏན་ལྟར་སྣང་བ་དང་། ནད་གདོན་སོགས་གེགས་ལྟར་སྣང་བ་འདི་གཉིས་པོ་ཉམས་སུ་བླངས་པའི་དྲོད་རྟགས་སུ་ཁྱད་མེད། ཡོན་ཏན་དུ་སྣང་བ་དེ་རློམ་སེམས་སོགས་བསྐྱེད་པས་སྐྱོན་དུ་འགྱུར་ལ་ཉེ་ཞིང་། སྐྱོན་དུ་མ་སོང་ཀྱང་ལམ་ཆོད་ཆེན་པོར་འགྱུར་མི་ཐུབ། སྐྱོན་དུ་སྣང་བ་འདི་རྣམས་ལ་སྐྱོན་དུ་མ་བཟུང་། གྲགས་འདོད་ཀྱི་རེ་དོགས་མ་ཞུགས་པར་ལམ་དུ་ཁྱེར་ན་བསྐལ་པ་མང་པོའི་ལམ་སྐད་ཅིག་རེས་བཟླུམ་པས་ནད་གདོན་སོགས་བྱུང་ན་དྲོད་རྟགས་ཀྱི་མཆོག་ཏུ་ཤེས་པས་གཅེས་འཛིན་བློས་བཏགས་དྲག་ཏུ་རེ་བ་སྤུ་ཙམ་ཡང་མེད་པར་ལིང་བསྐྱུར་གྱིས་ལམ་དུ་ཁྱེར་བ་གནད་དུ་ཆེའོ། །ཞལ་གཟིགས་ལུང་བསྟན་སོགས་བྱུང་བ་ལ་སྐྱོན་ཡོན་བརྟག་པ་བྱེད་ཚུལ་སོགས་ཡོད་ཀྱང་། བརྒྱུད་པ་འདིར་ནི་བཟང་ངན་ཅི་མཐོང་ཡང་བཟང་ངན་དུ་མི་འཛིན། སྐྱོན་ཡོན་དུ་མི་བལྟ། ཆུ་ནང་དུ་ཤར་བའི་ཉི་ཟླའི་གཟུགས་བརྙན་ལ་ཚ་གྲང་ཁྱད་མེད། མེ་ལོང་དུ་རྟ་གླང་དང་གསེར་སྐུའི་གཟུགས་བརྙན་ཤར་བ་ལ་བཟང་ངན་མེད་པ་ལྟར་སྣང་ཙམ། མེད་བཞིན་དུ་སྣང་བ་བདེན་རྫུན་གྱིས་སྟོང་པ། སུས་ཀྱང་མ་བསྟན་པ། ཅི་ཡང་མ་ཡིན་པའི་གནད་ཤེས་པར་བྱས་ཏེ་སྣང་ཐོག་དེ་ཉིད་དུ་གཞི་རྩ་དང་བྲལ་བར་བཞག་པས་སྐྱོན་རང་དག །ཡོན་ཏན་གོང་འཕེལ་

― ZP04_Page_620 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་འགྱུར་ལ་དེ་བཞིན་དུ་ཆོས་གསུང་པ་དང་ལུང་སྟོན་པ་སོགས་བྱུང་རུང་དེ་ལྟར་དུ་རྗེས་སུ་མི་འབྲང་བར་གློད་དེ་བཞག་པས་ཉམས་ཡིན་ན་འཕེལ་འགྲིབ་མེད། བདུད་ཀྱི་བར་ཆད་ཡིན་ན་ཚུགས་མི་ཐུབ་བར་ཡལ་ཞིང་འཇིག །ཡང་དག་པ་ཡིན་ན་གཉུག་མའི་ཤེས་པ་དང་དབྱེར་མེད་གཅིག་ཏུ་སོང་སྟེ་བཞག་བྱ་འཇོག་བྱེད་ཀྱང་ལྷག་པར་མི་ལུས་པར་ཆོས་ཉིད་ཀྱི་རྒྱལ་ཁམས་གཅིག་ཏུ་འགྲོའོ། །ལམ་འཁྱེར་འདི་ཚོ་མེད་ན་རྩ་རླུང་བཟང་བ་གསལ་ཉམས་དང་རྟོག་དཔྱོད་ཤས་ཆེ་བའི་གང་ཟག་ལ་བདུད་ཀྱིས་བསླུས་པ་སྲིད་པས་འདི་ཤིན་ཏུ་གནད་ཆེ་བ་ཡིན་ནོ། །མདོར་ན་རྟེན་གྱི་གང་ཟག་དབང་པོ་རྣོན་པོས་བརྒྱུད་པ་འདིའི་བླ་མ་མཚན་ལྡན་ཚུལ་བཞིན་དུ་བསྟེན། མྱོང་ཁྲིད་ཚུལ་བཞིན་དུ་བྱས། གདམས་ངག་གི་གནད་ཟིན། མྱོང་བ་ལེགས་པར་སྐྱེས་ནས་དབེན་པའི་རི་ཁྲོད་དུ་གྱོང་ལྟོ་གོས་ལ་བསྐུར་ཏེ་རྩེ་གཅིག་ཏུ་བསྒྲུབ། ཅི་བྱེད་ཐམས་ཅད་ལ་སེམས་ཅན་ཐམས་ཅད་ཀྱི་དོན་དུ་ཅི་བྱ་ཚང་རླག་པ་ལྟ་བུའི་སྙིང་རྗེ་ཆེན་པོ་ནས་གཞི་བཟུང་། འོན་ཀྱང་སྲིའུ་གསོ་འབེབས། གཏོར་མ་གྲོང་ཆོག་སོགས་ཀྱིས་དུས་མིན་གྱི་གཞན་དོན་རྣམས་མི་རྩོམ། སྣང་གྲགས་ཐམས་ཅད་ལྷ་སྔགས་བདེ་ཆེན་སྒོ་གསུམ་ཡི་དམ་གྱི་སྐུ་གསུང་ཐུགས་སུ་ཤེས་པ་དང་མ་བྲལ་བར་བྱེད། དེ་ཐམས་ཅད་རང་ངོ་བཅོས་བསླད་དང་བྲལ་བའི་གཉུག་མའི་ཕྱག་རྒྱ་ཆེན་པོ་ཆིག་ཆོད་དུ་བྲི་གང་མེད་པར་

― ZP04_Page_621 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐྱངས། བསམ་ངན་མང་པོ་ཤར་བའི་ཚེ། །སྒོམ་དུ་ཤར་ཡང་ལྷོད་ན་ཞོག །ཅེས་པ་ལྟར་ཚེ་འདིའི་ཆོས་བརྒྱད་དང་ཉོན་མོངས་པ་དང་ལུང་མ་བསྟན་གྱི་ལས་ཀྱི་རྣམ་རྟོག་གང་བྱུང་ཡང་རྡེ་ནག་བཞག་སྟེ་སྐྱེ་མེད་དུ་གཞི་རྩ་བཅད་ནས་ཕྱིས་མི་སྐྱེ་བར་བྱེད། དད་སོགས་དགེ་བའི་རྟོག་པ་སྐྱེ་བ་ཐམས་ཅད་ཀྱང་སོ་སོ་རང་ངོ་ཤེས་པར་བྱས་ཏེ་ཚོགས་གཉིས་དབྱེར་མེད་དུ་གྱུར། སྙིང་རྗེ་དང་སྨོན་ལམ་རྒྱ་ཆེན་པོ་ནས་གཞན་དོན་གྱི་རྟེན་འབྲེལ་སྒྲིག་པར་བྱའོ། །ལམ་འདི་ལ་གནས་ན་ཐེག་པ་མ་ལུས་པའི་དོན་ཉམས་སུ་བླངས་པ་ཡིན་ཏེ། དཀར་ནག་གི་ལས་ལ་བླངས་དོར་སྲོག་བཞིན་བྱེད་པས་མངོན་མཐོའི་ཐེག་པ་དང་སྐྱེས་བུ་ཆུང་ངུའི་ལམ་ཚང་། ཚེ་འདི་བློས་བཏང་འཁོར་བ་ལ་ཞེན་པ་ལོག་བདག་འཛིན་འདུལ་བའི་ཆ་ནས་ཉན་ཐོས་དང་རང་རྒྱལ་གྱི་ལམ་ཚང་། རང་ཉིད་ཀྱི་ཞི་བདེ་བློས་བཏང་བྱམས་སྙིང་རྗེ་ཆེན་པོ་ནས་ཅི་བྱེད་སེམས་ཅན་གྱི་གཏན་དོན་དུ་བྱེད་ཅིང་ཐམས་ཅད་ཀྱི་སྡུག་བསྔལ་བདག་ལ་ལེན། བདེ་དགེ་ཐམས་ཅད་སེམས་ཅན་ལ་སྟེར་བས་ཀུན་རྫོབ་བྱང་སེམས་ཀྱི་བློ་སྦྱོང་ཚང་། ཆོས་ཐམས་ཅད་ཀྱང་བདེན་རྫུན་དང་བྲལ་བ་སྒྱུ་མ་ལྟ་བུའི་རྨི་ལམ་སྟོང་ཉིད་སྤྲོས་བྲལ་དུ་ཤེས་པས་དོན་དམ་བྱང་སེམས་ཀྱི་བློ་སྦྱོང་ཚང་སྟེ་ཕར་ཕྱིན་ཐེག་པའི་ལམ་

― ZP04_Page_622 ―

^{[མ་དཔེ་གཟིགས་ན་འདིར་གནོན།]}

[Full Size]

ཚང་། ལྷ་དང་དཀྱིལ་འཁོར་དང་དཀོན་མཆོག་ཐམས་ཅད་བླ་མ་འབའ་ཞིག་ཏུ་ཤེས། བླ་མ་གཅིག་པོར་བསྡུས་ཏེ་མོས་གུས་གྱི་གསོལ་འདེབས་ལ་རྒྱུན་ཆད་མེད། བྱིན་རླབས་ཀྱི་དབང་བཞི་ལ་རྒྱུན་ཆད་མེད་པས་དབང་གི་ཆུ་བོ་མ་ནུབ་པའི་ཡང་རབ་ཡིན། རྐྱེན་ལ་བཟང་ངན་མེད། བར་ཆད་དངོས་གྲུབ་ཏུ་མི་ཕྱེད་གང་བྱུང་ཆོས་ཉིད་ཀྱི་ལམ་དུ་འཁྱེར་བ་ནགས་ཆེན་པོ་ལ་མེ་མཆེད་ན་བུད་ཤིང་ཡིན་མིན་འབྱེད་དུ་མེད་པ་ལྟར་ཉམས་སུ་ལེན་པས་གདམས་ངག་གི་སར་ག་མ་ལོག་པའི་ནང་ནས་ཡར་རབ་ཡིན། སྣང་ཚད་ལྷ་གྲགས་ཚད་སྔགས་སུའང་བཞིན་གྱིས་ཤེས་པས་བསྐྱེད་རིམ་དབྱིབས་ཀྱི་སྒོམ་པ་ལ་མི་ལྟོས། སྒོ་གསུམ་རྡོ་རྗེ་གསུམ་དུ་རང་ཆས་སུ་ཤེས་པས་བསྐྱེད་རིམ་ལ་རྒྱུན་ཆད་མེད། སེམས་ཉིད་ཀྱི་ཡིན་ལུགས་སྐྱེ་འགགས་མཚན་མ་དང་བྲལ་བ་བཅོས་སླད་དང་བྲལ་བ་ལ་ཡིད་ཆེས་ཐེ་ཚོམ་མི་ཟ་བས་མི་སྐྱེ་བའི་ཆོས་ལ་བཟོད། །ལུས་དང་སེམས་དང་བདག་དང་སྣང་བ་སོགས་ཐ་དད་དུ་དབྱེར་མ་མཐོང་བས་གཉུག་མ་འོད་གསལ་བའི་དབྱིངས་རྡོ་རྗེ་ཉི་ཟླ་ཤར་བ་དང་ནུབ་པ་མེད་པར་རྟག་པ། རྡོ་རྗེའི་སྒྲ་གཅན་མི་ཤིགས་པའི་ངོ་བོར་ཆོས་ཐམས་ཅད་ལ་ཐིམ་པ། ཆོས་ཐམས་ཅད་གཟོད་མ་ནས་ལྡང་འཇུག་དང་བྲི་གང་མེད་པའི་ངོ་བོ་ཉིད་ཤེས་པས་བཅོས་བསླད་བྱར་མ་ཁོམ་ཞིང་། དམིགས་གཏད་ཀྱི་འདུ་བྱེད་ཞིག་སྟེ་རྡོ་རྗེ་ཤེས་རབ་ཀྱི་ཕ་རོལ་ཏུ་ཕྱིན་

― ZP04_Page_623 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ངོ་བོ་ཉིད་ཤུན་དང་བཅས་པ་མ་ཡིན་ཞིང་རྒྱུན་ཆད་པ་མེད་པའི་ཕྱིར་རྡོ་རྗེ་ཐེག་པའི་དབང་བཞིའི་ལམ་ཐམས་ཅད་ཀྱི་ཆུ་བོ་དབྱེར་མེད་དུ་རྫོགས་པ་ཡིན། །རྐྱེན་བཟང་ངན་ཐམས་ཅད་ལམ་དུ་བྱེད་པའི་ཕྱིར་རོ་སྙོམས། རྣམ་རྟོག་གི་འཆིང་བ་གཅོད་པས་གཅོད་ཡུལ། ལམ་དང་འབྲས་བུ་ཅིག་ཆར་དུ་རྫོགས་པའི་ཕྱིར་ལམ་འབྲས། རིག་པ་དྲི་མ་མེད་པར་གནས་པའི་ཕྱིར་ཞི་བྱེད། །མཐའ་དབུས་གང་དུའང་མི་གནས་པའི་ཕྱིར་དབུ་མ། ཆོས་ཐམས་ཅད་གཟོད་མ་ནས་ཆོས་ཉིད་ཡོངས་རྫོགས་སུ་མཐོང་བའི་ཕྱིར་རྫོགས་པ་ཆེན་པོ། སངས་རྒྱས་ཐམས་ཅད་དང་ཆོས་ཐམས་ཅད་ཀྱི་ཕྱག་རྒྱ་གཅིག་པུ་བར་འདུག་པས་ཕྱག་རྒྱ་ཆེན་པོ་སྟེ་ཐེག་པ་ཐམས་ཅད་དང་། ལམ་དང་ཡེ་ཤེས་ཐམས་ཅད་དང་། ཏིང་ངེ་འཛིན་ཐམས་ཅད་དང་། གཟུང་ཐམས་ཅད་དང་། སྤོབས་པ་ཐམས་ཅད་དང་། ཆོས་ཀྱི་སྒོ་ཐམས་ཅད་ཀྱི་ཆུ་བོ་གཅིག་ཏུ་འདུས་ཤིང་ཅིག་ཅར་དུ་ཉམས་སུ་བླངས་པར་འགྱུར་བ་ཡིན་ཏེ་སངས་རྒྱས་ཀྱི་བསྟན་པ་མཐའ་དག་གཅིག་ཏུ་གྱུར་བ་ཡིན་ནོ། །དེ་ལྟར་ཉམས་སུ་བླངས་པས་རང་འདོད་ཀྱི་འཁྲི་བ་ཟད་རྟོགས་པ་མཐར་ཕྱིན་ཇི་ལྟར་ཇི་སྙེད་ཀྱི་མཁྱེན་པ་རྒྱས། ཅི་བྱས་གཞན་དོན་དུ་འགྱུར་ཆོས་དང་ཆོས་མ་ཡིན་

― ZP04_Page_624 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཟད། དམིགས་པ་མེད་པའི་སྙིང་རྗེ་ཆེན་པོ་ཁོང་ནས་རྡོལ་བའི་ཚེ་ནི། རང་དོན་རྩེ་གཅིག་གི་སྒོམ་པ་གྲུབ་ནས། གསུམ་པ་གཞན་དོན་གྱི་དུས་ལ་སླེབ་པ་ཡིན་པས། དབང་པོ་ཡང་རབ་ཆོས་ཉིད་ཀྱི་མཐོང་བ་ལ་འགོད། འབྲིང་ཞི་ལྷག་སྒོམ་པ་ལ་འགོད། ཐ་མ་རྣམས་ཐབས་སྣ་ཚོགས་ཀྱིས་བསགས་སྦྱངས་ལ་འགོད། ཐ་ན་བྱ་དང་རི་དྭགས་ཡན་ཆད་ལ་ཡང་། བསྡུ་བ་བཞི་དང་། ཆོས་སྟོན་པ་དང་། སངས་རྒྱས་ཀྱི་མཚན་སྒྲོག་པ་སོགས་ཀྱི་འབྲེལ་པ་བཞག་སྟེ་འབྲེལ་ཚད་བླ་ན་མེད་པའི་དོན་དང་ལྡན་པར་འགྱུར་རོ། །དབང་པོ་ཐ་མས་ཞེན་ལོག་དང་མོས་གུས་སྐྱོ་ཤས་སྙིང་རྗེ་སོགས་ཀྱི་གནད་གཅུན། ལུས་ངག་གི་དགེ་སྦྱོར་དྲག་པོས་རྒྱུད་སྦྱོང་བ་གནད་ཆེ། སྔོན་འགྲོའི་གནད་གང་ཡང་རྒྱུད་ལ་མ་ཐེབ་པ་ལ་ཞི་ལྷག་གི་ཁྲིད་མི་ཐེབས་ལ། ཅུང་ཟད་རེ་ཡོང་ཡོང་ལྟར་སྣང་ཡང་གནས་པ་ལྟེང་པོ་ཞེས་བྱ་བ་བྱིང་བ་ཆེན་པོ་ལ་གནས་བརྟག་པ་དང་། ལྷག་མཐོང་ཅང་མེད་ཀྱི་ཆད་པའམ་རིག་གེ་བའི་དངོས་འཛིན་རེ་ཙམ་མ་གཏོགས་ངོ་བོ་མཐོང་མི་ཐུབ་བོ། །ནང་འཁོར་ལོ་བཞི་ལ་བརྟེན་ནས་རྫོགས་རིམ་རྩ་བའི་ཆོས་བཞི་གནད་དུ་བསྣུན་པས་གནས་སྐབས་བཞི་དག་སྟེ་སྐུ་བཞིར་འཚང་རྒྱའོ། །མར་པ་ཡབ་སྲས་ཀྱི་ལུགས་ཀྱི་ཕྱག་རྒྱ་ཆེན་པོའི་ཁྲིད་ཀྱི་མན་ངག་

― ZP04_Page_625 ―

^{[མ་དཔེ་གཟིགས་ན་འདིར་གནོན།]}

[Full Size]

དཔའ་བོ་གཙུག་ལག་ཕྲེང་བའི་གསུང་རི་ཆོས་གནད་ཀྱི་ལྡེ་མིག་ལས་ཞལ་བཤུས་ཐོར་བུ་ཙམ་མོ།། །།ཀུན་ལ་ཕན་པ་རྒྱ་ཆེ་བ། །རྒྱལ་དང་རྒྱལ་བའི་སྲས་རྣམས་ཀྱི། །མཛད་པའི་རྣམ་ཐར་ཇི་ལྟ་བར། །ཟིན་ཐུན་འདིས་ཀྱང་འབྱུང་བར་ཤོག །མངྒ་ལཾ།། ཤུ་བྷཾ།། །།

བླ་མ་རྒྱངས་འབོད་རྩ་བ་འགྲེལ་བ་དང་བཅས་པ།

― ZP04_Page_627 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་རྒྱངས་འབོད་རྩ་བ་འགྲེལ་བ་དང་བཅས་པ་བཞུགས་སོ།། །།

― ZP04_Page_628 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ། །གཞི་དབྱིངས་མི་འགྱུར་འཁོར་འདས་དབྱེར་མེད་ཀྱི་ཞིང་ཁམས། །ཆོས་ཟད་མ་བཅོས་རིག་སྟོང་ཐིག་ལེ་ཡི་ཀློང་ན། །གདོད་མའི་སངས་རྒྱས་བདེ་གཤེགས་དཀྱིལ་འཁོར་གྱི་ཁྱབ་བདག །ཆོས་སྐུའི་བླ་མ་དྲི་མེད་འོད་ཟེར་དེ་མཁྱེན་ནོ། །བསྐྱེད་རྫོགས་ཟུང་འཇུག་སྣང་སྟོང་དབྱེར་མེད་ཀྱི་ཞིང་ཁམས། །ཕྱག་རྒྱ་ཆེན་པོས་ལམ་གཞིར་རྫོགས་ཀྱི་ཀློང་ན། །ཡེ་ཤེས་སྒྱུ་མ་ལྷུན་གྲུབ་འོད་གསལ་གྱི་བདག་ཉིད། །ལོངས་སྐུའི་བླ་མ་མཁྱེན་བརྩེའི་འོད་ཟེར་དེ་མཁྱེན་ནོ། །དམིགས་མེད་སྙིང་རྗེའི་བདེ་ཆེན་ཡེ་ཤེས་དང་རོ་གཅིག །ཐབས་མཁས་རྣམ་རོལ་གང་འདུལ་དེར་སྣང་གི་ཀློང་ན། །ཐུགས་རྗེའི་རང་གཟུགས་རྒྱལ་སྲས་ཐམས་ཅད་ཀྱི་མངའ་བདག །སྤྲུལ་སྐུའི་སངས་རྒྱས་རྩ་བའི་བླ་མ་དེ་མཁྱེན་ནོ། །སྐུ་གསུམ་བརྒྱུད་པ་རྒྱལ་བའི་དགོངས་

― ZP04_Page_629 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱུད་དུ་གཅིག་པ། །རིག་སྟོང་ཐིག་ལེ་གཉུག་མའི་ཡེ་ཤེས་ལ་རོལ་པ། །ཟུང་འཇུག་སྣང་ཆ་དཀྱིལ་འཁོར་རྒྱ་མཚོ་ཡི་སྤྲོ་གཞི། །སྐྱབས་གནས་ཀུན་འདུས་བླ་མ་སངས་རྒྱས་དེ་མཁྱེན་ནོ། །དབྱིངས་རིག་དབྱེར་མེད་སངས་རྒྱས་དགོངས་པ་ཡི་མཐར་ཐུག །དག་ཆེན་དབྱིངས་དེ་དམ་ཆོས་རྒྱ་མཚོ་ཡི་བརྗོད་བྱ། །དགོངས་པ་དེ་རྟོགས་འཕགས་པའི་དགེ་འདུན་དུ་བཞུགས་པ། །དཀོན་མཆོག་གསུམ་འདུས་རྩ་བའི་བླ་མ་དེ་མཁྱེན་ནོ། །ཆོས་ཟད་དགོངས་པ་ཆོས་སྐུའི་སངས་རྒྱས་ཀྱི་ངོ་བོ། །ཚད་ཕེབས་རིག་གདངས་ལོངས་སྐུའི་དཀྱིལ་འཁོར་གྱི་འཆར་གཞི། །མངོན་སུམ་གོང་འཕེལ་སྤྲུལ་སྐུའི་སྣང་བ་ལ་རོལ་པའི། །སྐུ་གསུམ་དབྱེར་མེད་རྩ་བའི་བླ་མ་དེ་མཁྱེན་ནོ། །ཐབས་མཁས་རྣམ་རོལ་དུས་གསུམ་བླ་མ་ཀུན་དབྱེར་མེད། །ཟུང་

― ZP04_Page_630 ―

^{[མ་དཔེ་གཟིགས་ན་འདིར་གནོན།]}

[Full Size]

འཇུག་ཀློང་ན་དཀྱིལ་འཁོར་རྒྱ་མཚོ་ཡི་ཁྱབ་བདག །ཆོས་ཉིད་མཁའ་ལ་དགོངས་པའི་རྩལ་ཤུགས་ཀྱིས་འགྲོ་བའི། །རྩ་གསུམ་ཀུན་འདུས་རྩ་བའི་བླ་མ་དེ་མཁྱེན་ནོ། །སྲིད་ན་མི་འཇིགས་འགོགས་མེད་སྙིང་རྗེ་ཡི་ཐུགས་ལྡན། །ཞི་ལ་ཞེན་མེད་དགོངས་ཀློང་རྒྱལ་ཀུན་དང་དབྱེར་མེད། །ལྟ་བའི་ས་བོན་རྟོགས་པའི་མྱུ་གུ་རུ་སྨིན་པའི། །རྩ་བའི་བླ་མ་སངས་རྒྱས་ཀུན་དངོས་དེ་མཁྱེན་ནོ། །ཐབས་ཀྱི་མཛད་སྤྱོད་གདུལ་བྱའི་སྣང་བ་དང་བསྟུན་ཞིང༌། །ཐུགས་རྗེའི་དགོངས་པ་དག་ཆེན་སེམས་དཔའ་ཡི་ཁྱད་ཆོས། །རྒྱལ་བའི་མཛད་བཟང་མཉམ་རྗེས་ཡེ་ཤེས་ལ་རྫོགས་པའི། །འཇིགས་མེད་སེམས་དཔའ་རྒྱལ་བའི་མྱུ་གུ་དེ་མཁྱེན་ནོ། །བདེ་བས་སྤངས་དང་སྡུག་བསྔལ་མངོན་གྱུར་གྱི་སེམས་ཅན། །ཕྲད་དང་བྲལ་བའི་རབ་དགའ་རོ་གཅིག་ཏུ་སྙོམས་པའི། །དམིགས་མེད་ཡེ་ཤེས་རྩིས་ཟིན་ཚད་མེད་བཞིའི་ཐུགས་ལྡན། །འཇིགས་མེད་བྱང་ཆུབ་སེམས་ཀྱི་མྱུ་གུ་དེ་མཁྱེན་ནོ། །སྦྱིན་གསུམ་འབྲས་བཟང་རྫོགས་པའི་ཚུལ་ཁྲིམས་ཀྱི་ལྗོན་ཤིང༌། །མི་མཐུན་རླུང་གིས་མི་གཡོ་ཞི་ལྷག་གི་ཆུ་ལ། །བརྩོན་པའི་རྐང་པས་དགྱེས་རོལ་འདོད་འབྱུང་གི་དཔག་བསམ། །འཇིགས་མེད་བསླབ་གསུམ་རྫོགས་པའི་མྱུ་གུ་དེ་མཁྱེན་ནོ། །རྨོངས་པ་གཏོང་བའི་ཕྱག་གིས་ལེགས་ལམ་དུ་དྲངས་ནས། །ལམ་སྟོན་སྒྲུབ་པ་སྦྱིན་པའི་ཕྱིན་དྲུག་ལ་སྤྱོད་པ། །གཞན་སྣང་གདུལ་བྱ་

― ZP04_Page_631 ―

^{[མ་དཔེ་གཟིགས་ན་འདིར་གནོན།]}

[Full Size]

འདུལ་བའི་བསྡུ་དངོས་བཞིའི་ཐབས་ལྡན། །འཇིགས་མེད་གཞན་ཕན་སྤྱོད་པའི་མྱུ་གུ་དེ་མཁྱེན་ནོ། །བདེན་བཞི་འཁོར་འདས་དབྱེར་མེད་གཞི་གནས་ཀྱི་དཀྱིལ་འཁོར། །གསལ་སྟོང་རིག་པའི་ཀློང་ན་ལྷན་སྐྱེས་སུ་གཅིག་པའི། །དོན་དམ་གཉུག་མའི་ཡེ་ཤེས་དབང་བཞི་ཡི་ངོ་བོ། །སྦྱིན་མཛད་སྨིན་བྱེད་དབང་གི་བླ་མ་དེ་མཁྱེན་ནོ། །ཐབས་ཀྱིས་རྟོག་པ་འདུལ་བྱེད་མཚན་བཅས་ཀྱི་ལྷ་སྐུ། །རང་ཤར་སྒྱུ་མའི་རོལ་པ་གཞི་དབྱིངས་སུ་རྫོགས་པ། །སྣང་ཆ་ཆོས་སྐུའི་ངང་རོལ་རྫོགས་ཆེན་གྱི་སྦྱོར་བའི། །གྲོལ་བྱེད་གདམས་པ་སྦྱིན་པའི་བླ་མ་དེ་མཁྱེན་ནོ། །དག་དབྱིངས་བདེ་གཤེགས་སྙིང་པོ་གཞི་གནས་ཀྱི་ཆོས་སྐུ། །དག་བྱེད་ལམ་གྱི་རྟོགས་པ་མཉམ་གཞག་གི་ཆོས་སྐུ། །དག་འབྲས་དག་པ་གཉིས་ལྡན་མཐར་ཐུག་གི་ཆོས་སྐུ། །རྒྱུད་གསུམ་དབྱེར་མེད་སྟོན་པའི་བླ་མ་དེ་མཁྱེན་ནོ། །ཟང་ཐལ་རིག་སྟོང་ལྟ་བའི་རང་ངོ་ལ་གནས་པས། །བླང་དོར་འཛིན་ཞེན་དག་པའི་གཞི་གྲོལ་གྱི་འབྲས་བུ། །མ་བཅོས་ལྟ་སྒོམ་སྤྱོད་འབྲས་ཡེ་ཤེས་སུ་གཅིག་པའི། །འཁྲུལ་མེད་ལམ་བཟང་སྟོན་པའི་བླ་མ་དེ་མཁྱེན་ནོ། །རྨོངས་པས་འཁྲུལ་པ་བསྐྱེད་པའི་ཉམ་ཐག་གི་སེམས་ཅན། །འཁྲུལ་པས་རྨོངས་པ་བསླུས་ནས་ལོག་ལམ་དུ་འཕྱན་ལ། །འཁྲུལ་མེད་རྨོངས་པ་སེལ་བའི་ལམ་བཟང་དེ་སྟོན་པའི། །ཐར་བའི་ལམ་གྱི་དེད་དཔོན་བླ་མ་དེ་མཁྱེན་ནོ། །ཚོགས་

― ZP04_Page_632 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་རྣམ་གྲངས་རྫོགས་པའི་ཡེ་ཤེས་ལ་སྦྱོར་ཞིང༌། །མཐོང་བའི་བདེན་དོན་བསྒོམས་ནས་མི་སློབ་ལ་རེག་པ། །ལམ་བཟང་རྒྱལ་བའི་སྲས་ཀྱི་སྤྱོད་པ་ལ་འགོད་པའི། །ལམ་སྟོན་བྱང་ཆུབ་སེམས་དཔའི་བླ་མ་དེ་མཁྱེན་ནོ། །རྟོགས་པའི་རབ་དགའ་དྲི་མེད་དམ་ཆོས་ཀྱི་འོད་སྣང༌། །སྦྱངས་དཀའི་ལས་ཉོན་སྤོང་བའི་མངོན་སུམ་གྱི་ཡེ་ཤེས། །འཁོར་སྐྱོན་རིང་དུ་སོང་བའི་དག་པ་ལ་འདྲེན་པའི། །མཚུངས་མེད་ས་བཅུའི་དབང་ཕྱུག་བླ་མ་དེ་མཁྱེན་ནོ། །དབང་ཡུལ་རང་ངོས་སྟོང་པས་ཚོར་བའང་མི་དམིགས། །སེམས་རྟོག་འཁྲུལ་པ་ལགས་ཕྱིར་ཡུལ་དུ་ཡང་བདེན་མེད། །ཡང་དག་དྲན་པ་ཉེར་གཞག་ཤེས་རབ་ཀྱི་ངོ་བོ། །སྤྲོས་བྲལ་རྗེན་པར་སྟོན་པའི་བླ་མ་དེ་མཁྱེན་ནོ། །ངན་རྟོག་རང་ངོར་གྲོལ་བས་རང་མཚན་པ་མི་སྐྱེ། །རྟོགས་པ་རང་ངོ་སྤྲད་པས་རང་ཤུགས་ཀྱིས་འཆར་བ། །སྤང་བླང་ཡང་དག་སྤོང་བའི་སྤྱོད་མཆོག་ལ་སྦྱོར་བ། །ཆོས་སྐུའི་ཡེ་ཤེས་སྦྱིན་པའི་བླ་མ་དེ་མཁྱེན་ནོ། །རྩོལ་མེད་དང་གནས་འདུན་པ་མི་བརྩོན་པའི་བརྩོན་པ། །རྟོག་བྲལ་ཟང་མ་ཐལ་བྱུང་དཔྱོད་བྱེད་ཀྱི་ཡེ་ཤེས། །མི་བསྒོམ་བསྒོམ་པའི་མཉམ་གཞག་རང་རིག་གི་ངོ་བོ། །ལྷན་སྐྱེས་རང་ངོ་སྤྲོད་པའི་བླ་མ་དེ་མཁྱེན་ནོ། །ཆོས་སྐུའི་གཤིས་ལ་མོས་པའི་བརྩོན་ལྡན་གྱི་རྣལ་འབྱོར། །དྲན་སྣང་དགོངས་པ་དབྱེར་མེད་ཡེ་ཤེས་སུ་འཆར་བ། །བསྒོམས་བྱུང་ཤེས་རྩལ་

― ZP04_Page_633 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས་པ་ཐེག་ཀུན་གྱི་རྩེ་མོས། །རྣམ་བྱང་དབང་པོ་བསྐྱེད་པའི་བླ་མ་དེ་མཁྱེན་ནོ། །མོས་བྲལ་ལེ་ལོ་བརྗེད་ངས་ཞི་ལྷག་གི་སྒྲིབ་པ། །ཐུག་ཕྲད་སྐད་ཅིག་ཤེས་པས་གཅིག་གྲོལ་དུ་དག་སྟེ། །ཆོས་སྐུའི་གཤིས་ལ་མི་སྐྲག་ཆོས་ཉིད་ཀྱི་རྟོགས་མཆོག །སྟོབས་ལྔའི་ཕ་ཕོག་སྦྱིན་པའི་བླ་མ་དེ་མཁྱེན་ནོ། །ཡེངས་ཡུལ་ཆོས་ཉིད་གྲོལ་བའི་བསྒོམས་བྱུང་གི་ཤེས་རབ། །ངང་གནས་བརྩོན་པའི་ལག་རྗེས་སེམས་ལུས་ལ་ཤར་བའི། །ཏིང་འཛིན་རོ་གཅིག་དགོངས་པ་ཀུན་ཁྱབ་ཀྱི་ཡེ་ཤེས། །རྟོགས་པས་རང་ངོ་སྤྲོད་པའི་བླ་མ་དེ་མཁྱེན་ནོ། །ལྟ་བས་རྟོག་པ་གྲོལ་བའི་སྨྲ་སྤྱོད་ཀུན་ཡེ་ཤེས། །ཡུལ་སྣང་བདེ་ཆེན་འཆར་བའི་རྩོལ་མེད་ཀྱི་དྲན་པས། །བརྒྱ་ཕྲག་ཏིང་འཛིན་སྒོམ་ལ་སྐད་ཅིག་གིས་འཇུག་པའི། །སྒོམ་ལམ་རྟོགས་པ་བསྐྱེད་པའི་བླ་མ་དེ་མཁྱེན་ནོ། །ཟད་པའི་ཡེ་ཤེས་མཐོང་བའི་མཐར་ཐུག་གི་འབྲས་བུ། །མཁྱེན་པས་ཤེས་བྱ་ཁྱབ་ཅིང་འགྲོ་ཀུན་གྱི་ལམ་སྟོན། །སྲིད་ཞིའི་ཡུལ་ལས་འདས་པའི་གོ་འཕང་དེ་སྦྱིན་པའི། །ཐུགས་རྗེའི་མངའ་བདག་སྐུ་དྲིན་འཁོར་མེད་དེ་མཁྱེན་ནོ། །མཁྱེན་ནོ་བླ་མ་མཁྱེན་ནོ་མོས་གུས་གྱི་གདུང་ཤུགས། །གསོལ་འདེབས་ཚིག་ཏུ་ཤར་བའི་རྒྱང་འབོད་ཀྱི་གདུང་གླུ། །དྲིན་ཆེན་ཡེ་ཤེས་སྙན་གྱི་དབང་པོ་དུ་དེངས་ནས། །རྗེས་འཛིན་ཐུགས་རྗེ་གཡོ་བའི་ཕོ་ཉ་རུ་གྱུར་ཅིག།

― ZP04_Page_634 ―

^{[མ་དཔེ་གཟིགས་ན་འདིར་གནོན།]}

[Full Size]

མོས་ལྡན་མོས་གུས་ལམ་གྱིས་སྐད་ཅིག་ལ་གྲོལ་ཏེ། །རྟོགས་པ་རྗེ་དང་དབྱེར་མེད་ཆོས་སྐུ་ཡི་ངང་ནས། །ཀུན་ཏུ་བཟང་པོའི་སྤྱོད་པས་མ་རྒན་རྣམས་གྲོལ་བའི། །ཕྲིན་ལས་རྩོལ་མེད་འབྱུང་བ་ཞིག་བླ་མ་རྗེ་མཁྱེན་ནོ། །ལྷུན་གྲུབ་རྡོ་རྗེའི་བཀས་བསྐུལ་ནས། །ཨ་བུ་ཧྲལ་པོས་གང་དྲན་གྱིས། །བརྗོད་བྱ་བླ་མའི་ཡོན་ཏན་ཕྱིར། །འདི་ལ་ཕན་ཡོན་ཡོད་ཀྱང་སྲིད། །ཡོད་ན་མཐའ་ཡས་འགྲོ་ལ་བསྔོ། ༈ བླ་མ་རྒྱང་འབོད་ཀྱི་ཚིག་འགྲེལ་བཞུགས་སོ། །གཞི་དབྱིངས་མི་འགྱུར་འཁོར་འདས་དབྱེར་མེད་ཀྱི་ཞིང་ཁམས། སོགས་ནས། མཁྱེན་ནོ། །རང་བཞིན་གདོད་མའི་གཞིའི་ཆོས་ཉིད་སྤྲོས་པ་དང་བྲལ་བའི་ཡེ་ཤེས་བདེ་གཤེགས་སྙིང་པོ་ནི། རྒྱུད་བླ་མ་ལས། ཇི་ལྟར་སྔར་བཞིན་ཕྱིས་དེ་བཞིན། །འགྱུར་བ་མེད་པའི་ཆོས་ཉིད་དོ། །ཞེས་པ་ལྟར་སངས་རྒྱས་ནས་སེམས་ཅན་གྱི་བར་དུ་རང་ངོ་དབྱེར་མེད་པ་ཡིན་ལ། དེ་ནི་ཆོས་ཉིད་འོད་གསལ་གྱི་ཞིང་ཁམས་ཞེས་བྱ་སྟེ་འཁོར་འདས་ཀྱི་སྤྱི་གཞི་ཡིན། དེའི་ངང་ལས་ཆོས་ཅན་འཁྲུལ་པའི་སྣང་བ་ལ་བདག་ཏུ་བཟུང་བས་མ་དག་འཁོར་བའི་སེམས་ཅན་དུ་བྱུང་ཞིང་འཁྲུལ་པ་ཡིན་ལ། ཆོས་ཅན་གྱི་སྣང་བ་དེ་དག་གི་འཆར་གཞི་ལྷུན་གྲུབ་ཀྱི་ཆོས་ཉིད་ཡིན་པས། དེའི་རྩལ་སྣང་ཀ་དག་གི་ཀློང་དུ་ནུབ་པ་ལ་ཆོས་ཉིད་ཟད་པའི་ཡེ་ཤེས་ཞེས་བྱ་སྟེ། དོན་རིག་སྟོང་ཐིག་ལེ་ཉག་གཅིག་རྟོག་བྲལ་གྱི་

― ZP04_Page_635 ―

^{[མ་དཔེ་གཟིགས་ན་འདིར་གནོན།]}

[Full Size]

ཡེ་ཤེས་རང་ངོ་ཤེས་པས། མ་རིག་པ་གཞི་ལ་སངས་ཏེ་ཁྱད་ཆོས་དྲུག་གིས་སངས་རྒྱས་པའི་གདོད་མའི་སངས་རྒྱས་ཀུན་ཏུ་བཟང་པོ་དེ་ནི་སྐུ་གསུམ་གྱི་འཆར་གཞི་ཡིན་པས། བདེ་བར་གཤེགས་པའི་དཀྱིལ་འཁོར་ཐམས་ཅད་ཀྱི་ཁྱབ་བདག་ཏུ་བཞུགས་པ་ནི། མཐར་ཐུག་གྲོལ་སའི་ཀ་དག་གི་དབྱིངས་ངོ་བོ་ཉིད་ཀྱི་ཆོས་སྐུ་ཡིན་ནོ། །དེས་ན་ཀུན་མཁྱེན་ཆོས་ཀྱི་རྒྱལ་པོ་ནི། ད་ལྟ་སྐུ་གསུམ་རྣམ་རོལ་བསམ་གྱིས་མི་ཁྱབ་ཀྱང༌། སྐུ་ཚེ་དེར་སྣང་བཞིའི་རྟོགས་པ་མཐར་ཕྱིན་ནས་ཆོས་ཉིད་ཟད་པའི་ཡེ་ཤེས་མངོན་དུ་མཛད་དེ་རྫོགས་ཆེན་རང་ལམ་ནས་མངོན་པར་རྫོགས་པར་སངས་རྒྱས་པའི་གོ་འཕང་མངོན་དུ་མཛད་པ་ཡིན་པས་ཆོས་སྐུའི་བླ་མ་དྲི་མེད་འོད་ཟེར་ཞེས་བྱའོ། །རྫོགས་ཆེན་རང་ལམ་ནས་རྟོག་པ་གཞི་ཐོག་ཏུ་གྲོལ་ཏེ་སངས་རྒྱས་ཚད་ཁྱད་ཆོས་དྲུག་གིས་སངས་རྒྱས་པའང་ཡིན་ལ། གདོད་མའི་སངས་རྒྱས་ཡིན་པ་དང༌། ཀུན་ཏུ་བཟང་པོ་ཡིན་པ་ལའང་ཚད་མེད་དོ། ༈ །བསྐྱེད་རྫོགས་ཟུང་འཇུག་སོགས། མཁྱེན་ནོ། །བློས་རིམ་གྱིས་བཅོས་ནས་བསྐྱེད་པའི་ཀུན་རྟོག་གི་བསྐྱེད་རིམ་དང་སྒྱུ་ལུས་ཀྱི་ལྷ་སྐུ་ཅིག་ཅར་དུ་རྫོགས་པའི་བསྒྲུབ་གཞི་ཡེ་ཤེས་གྱི་རླུང་འོད་ཟེར་ལྔ་བ་དང་རྫོགས་རིམ་གྱི་མཐར་ཐུག་བདེ་བ་ཆེན་པོའི་ཡེ་ཤེས་དབྱེར་མེད་པ་ནི་ལྷུན་གྲུབ་ཀྱི་སྣང་ཆ་ཞེས་བྱ་སྟེ། དེ་ཡང་རང་གནས་ཀ་དག་གི་སྟོང་དབྱིངས་

― ZP04_Page_636 ―

^{[མ་དཔེ་གཟིགས་ན་འདིར་གནོན།]}

[Full Size]

དང་དབྱེར་མེད་པ་ནི་སྣང་སྟོང་དབྱེར་མེད་ཀྱི་ཞིང་ཁམས་ཞེས་བྱ། དེ་ཉིད་མངོན་དུ་གྱུར་པ་ལས་སྟོང་གཟུགས་ཀྱི་སྣང་བ་དང་དབྱེར་མེད་པའི་བདེ་ཆེན་གྱི་ཡེ་ཤེས་ནི་སྟོང་ཉིད་ཕྱག་རྒྱ་ཆེན་པོ་ཞེས་བྱ་སྟེ། ས་ལམ་གྱི་ཡོན་ཏན་ཐམས་ཅད་ཀྱང་གཞི་ལྷུན་གྲུབ་ཀྱི་སྣང་བ་དེའི་རྩལ་ལས་འཆར་བ་ནི་ས་ལམ་གཞིར་རྫོགས་ཡིན་ལ། །ཡེ་ཤེས་སྒྱུ་མ་ལྟ་བུའི་རང་བཞིན་ལྷུན་གྲུབ་འོད་གསལ་གྱི་ལྷ་སྐུའམ་ཟུང་འཇུག་ལོངས་སྤྱོད་རྫོགས་སྐུ་ཡིན་ནོ། །དེས་ན་སངས་རྒྱས་ཐམས་ཅད་སྐུ་གསུམ་གྱི་བདག་ཉིད་དུ་མཚུངས་ཀྱང༌། རིག་འཛིན་འཇིགས་མེད་གླིང་བ་ནི་སྐུ་ཚེ་འདིར་བསྐྱེད་རྫོགས་ཟུང་འཇུག་གི་ལམ་ཉམས་སུ་བླངས་ནས་རྣམ་སྨིན་རིག་འཛིན་གྱི་གོ་འཕང་མངོན་དུ་མཛད་དེ་བར་དོར་ཟུང་འཇུག་ཕྱག་རྒྱ་ཆེན་པོའི་སྐུ་མངོན་དུ་མཛད་པས་ན་ལོངས་སྐུའི་བླ་མ་མཁྱེན་བརྩེའི་འོད་ཟེར་ཞེས་སྨོས་སོ། །དམིགས་མེད་སྙིང་རྗེ་སོགས། མཁྱེན་ནོ། །འཁོར་གསུམ་བདེན་པར་ཞེན་པའི་བློའི་དམིགས་པ་ཐམས་ཅད་དང་བྲལ་བཞིན་དུ་རྩོལ་མེད་ཐུགས་རྗེ་ཆེན་པོ་ངང་གིས་འབྱུང་བ་ནི་བདེ་བ་ཆེན་པོའི་ཡེ་ཤེས་དེ་ཉིད་ཀྱི་རྩལ་ཡིན་པའི་སྔགས་ལམ་དུ་མི་འགྱུར་བའི་བདེ་ཆེན་ལ་སྙིང་རྗེའི་སྒྲས་བསྟན་པ་ལྟར་དང༌། །གང་དུ་བདེ་ཆེན་ཅེས་བྱ་གཅིག་པུ་ཉིད། །གཅིག་པུའི་ཉིད། །གཅིག་པུའི་ཚུལ་གྱིས་དུ་མའི་གར་མཛད་དོ། །ཞེས་པ་ལྟར། ཐབས་སྙིང་རྗེ་བདེ་བ་ཆེན་པོའི་ཡེ་ཤེས་དེ་སྤྲུལ་པའི་རོལ་

― ZP04_Page_637 ―

^{[མ་དཔེ་གཟིགས་ན་འདིར་གནོན།]}

[Full Size]

གར་མཐའ་ཡས་པའི་བྱེད་པོ་ཉིད་ཡིན་པས་སྤྲུལ་སྐུའི་འཆར་གཞི་ཡིན་ལ་སངས་རྒྱས་ཀྱི་སྤྲུལ་སྐུ་ནི་ཁམས་གསུམ་སེམས་ཅན་ཐམས་ཅད་འཁོར་བ་ལས་སྒྲོལ་བའི་མངའ་བདག་ཡིན་ཀྱང༌། སེམས་ཅན་ཐམས་ཅད་མཐར་ཐུག་ཐེག་པ་ཆེན་པོའི་ལམ་དུ་འགོད་པས་ན་རྒྱལ་སྲས་ཐམས་ཅད་ཀྱི་མངའ་བདག་ཅེས་བྱ་སྟེ་མངའ་དབང་བསྒྱུར་བའི་བདག་པོའོ། །དེ་བས་ན་རྩ་བའི་བླ་མ་སྐུ་གསུམ་གྱི་སངས་རྒྱས་ཐམས་ཅད་དང་ངོ་བོ་དབྱེར་མེད་པར། ད་ལྟ་དངོས་སུ་རང་རེ་སོ་སོའི་སྐྱེ་བོས་མཇལ་དུ་ཡོད་པས་ན་སངས་རྒྱས་སྤྲུལ་སྐུ་ཡིན་ནོ། །དེ་ཡང་ཡིན་ཏེ། སངས་རྒྱས་ནི་གདུལ་བྱ་དུས་ལས་མི་ཡོལ་བར་གང་འདུལ་གྱི་སྤྲུལ་པར་བསྟན་ནས་འདུལ་བ་ཡིན་པ་དང༌། མཆོག་གི་སྤྲུལ་སྐུ་་ཐུབ་པ་ལྟ་བུ་ཡང་དོན་དུ་མྱ་ངན་ལས་མི་འདའ་བར་རྟག་ཏུ་བཞུགས་པར་ཐེག་ཆེན་ཐུན་མོང་མ་ཡིན་པའི་སྡེ་སྣོད་ལས་གསུངས་ཤིང་ལྔ་བརྒྱའི་ཐ་མར་དགེ་བའི་བཤེས་གཉེན་དུ་སྤྲུལ་ནས་སེམས་ཅན་གྱི་དོན་མཛད་པར་སངས་རྒྱས་ཉིད་ཀྱིས་གསུངས་པས་སངས་རྒྱས་དངོས་ཡིན་ནོ། །སྐུ་གསུམ་བརྒྱུད་པ་སོགས། མཁྱེན་ནོ། །བླ་མ་སྐུ་གསུམ་གྱི་བརྒྱུད་པ་ཐམས་ཅད་ཀྱང་རྩ་བའི་བླ་མ་ཁོ་ནར་འདུས་པ་ཡིན་ཏེ། བརྒྱུད་པ་ཐམས་ཅད་ནི་རྒྱལ་བ་དགོངས་བརྒྱུད་དུ་འདུས་པ་ཡིན་ལ། རྒྱལ་བའི་དགོངས་པ་ནི་རིག་སྟོང་ཐིག་ལེ་ཉག་གཅིག་གཉུག་མ་དོན་གྱི་ཡེ་ཤེས་དེ་

― ZP04_Page_638 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན་ཞིང༌། བླ་མ་དམ་པ་ནི་རྟག་ཏུ་དགོངས་པ་དེའི་ངང་ལ་རོལ་ཞིང་བཞུགས་པ་སྟེ། རིག་སྟོང་ཟུང་འཇུག་གི་དགོངས་པ་དེའི་སྣང་ཆ་ནི་དཀྱིལ་འཁོར་རྒྱ་མཚོའི་སྤྲོ་གཞི་ཡིན་པས་ལྷ་དང་བླ་མ་ལ་སོགས་སྐྱབས་གནས་ཐམས་ཅད་ཀྱང་བླ་མའི་དགོངས་ཀློང་དུ་འདུས་པ་ཡིན་ནོ། །དབྱིངས་རིག་སོགས། མཁྱེན་ནོ། །དབྱིངས་སྟོང་པ་ཀ་དག་གི་ངོ་བོ་དང་རིག་པ་ཡེ་ཤེས་ཀྱི་རང་བཞིན་ཡུལ་དང་ཡུལ་ཅན་གཉིས་མེད་ཆུ་ལ་ཆུ་བཞག་པ་ལྟར་འདྲེས་པའི་དབྱེར་མེད་དེ་ནི་སངས་རྒྱས་ཐམས་ཅད་ཀྱི་དགོངས་པ་ཡིན་ཅིང༌། །དག་པ་ཆེན་པོའི་དབྱིངས་དེ་དམ་པའི་ཆོས་སྡེ་སྣོད་གསུམ་དང་རྒྱུད་སྡེ་བཞིའི་བརྗོད་བྱའི་དོན་མཐར་ཐུག་པ་ཡིན་ལ། དབྱིངས་རིག་དབྱེར་མེད་དག་པ་ཆེན་པོའི་དབྱིངས་དེ་ནི་སངས་རྒྱས་དང་ཆོས་གཉིས་ཀ་ཡིན་ལ། དགོངས་པ་དེ་རྟོགས་པ་ནི་འཕགས་པའི་དགེ་འདུན་ཡང་ཡིན་ཏེ། རྒྱུད་བླ་མ་ལས། ཐུབ་པ་ཆོས་ཀྱི་སྐུ་ཅན་ཕྱིར། །ཚོགས་ཀྱང་དེ་ཡི་མཐར་ཐུག་ཕྱིར། །ཞེས་པ་ལྟར་མཆོག་གསུམ་ངོ་བོ་གཅིག་པའི་དགོངས་པ་དང་ལྡན་པས་ན། བླ་མ་ནི་དཀོན་མཆོག་གསུམ་ཀ་འདུས་པའི་བདག་ཉིད་ཡིན་ལ། ཡོན་ཏན་མཛོད་ལས། རྒྱུ་ཡི་ཡུལ་ནི་དཀོན་མཆོག་རྣམ་པ་གསུམ། །སྔགས་སུ་དེ་ཡི་ངོ་བོ་བླ་མར་འདུས། །ཞེས་དང༌། གཞན་ཡང༌། །བླ་མ་སངས་རྒྱས་བླ་མ་ཆོས། །དེ་བཞིན་བླ་མ་དགེ་འདུན་ཏེ། །ཞེས་པ་ལྟར་རོ། །ཆོས་ཟད་དགོངས་པ་སོགས། །མཁྱེན་ནོ། །

― ZP04_Page_639 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱིར་འོད་གསལ་གྱི་སྣང་བཞི་ལ། ཐོད་རྒལ་དུ་ལུགས་འབྱུང་དང༌། ཁྲེགས་ཆོད་དུ་ལུགས་ལྡོག་གཉིས་དང༌། རྫོགས་པ་ཆེན་པོའི་ལུགས་སུ་སྐུ་གསུམ་ལམ་སྣང་དུ་བཞེད་པ་ལའང༌། རང་སྣང་ཡེ་ཤེས་ཀྱི་ལམ་དུ་ལུགས་ལྡོག་དང༌། གཞན་སྣང་ཐུགས་རྗེའི་ངོས་ནས་ལུགས་འབྱུང་གཉིས་ལས། འདིར་ཕྱི་མ་གཉིས་ལྟར་བཤད་ན། སྤྲོས་བྲལ་རིག་པའི་ཡེ་ཤེས་ཆོས་ཉིད་ཟད་པའི་དགོངས་པ་རང་གནས་ཀ་དག་གི་གནས་ལུགས་ཡེ་ཇི་བཞིན་པའི་རྟོགས་པ་ནི་ཆོས་སྐུའི་ཡེ་ཤེས་ཡིན་ལ། དེ་ཉིད་བསྒོམ་མེད་ངང་གནས་ཀྱི་བསྒོམས་པས་ཚད་ལ་ཕེབས་ཏེ་རིག་གདངས་ཡེ་ཤེས་ཀྱི་རྣམ་རོལ་ལྷག་པར་རྒྱས་པ་ནི། མེ་ལོང་ལྟ་བུ་ལ་སོགས་པ་ཡེ་ཤེས་བཞིའི་ངོ་བོ་ཡིན་པས་ལོངས་སྐུའི་དཀྱིལ་འཁོར་ཐམས་ཅད་ཀྱི་འཆར་གཞི་ཡིན། རྟོགས་པ་མངོན་སུམ་གྱི་ཡེ་ཤེས་དེ་ཉིད་ཐུགས་རྗེའི་རྩལ་རྫོགས་ཏེ། ཅིར་སྣང་ཡེ་ཤེས་ཀྱི་ངང་ལས་མི་འདའ་བཞིན་དུ་སངས་རྒྱས་ཀྱི་མཛད་པས་འགྲོ་བ་འདུལ་བ་ཇི་ལྟ་དང་ཇི་སྙེད་མཁྱེན་པའི་ཡེ་ཤེས་ཀྱི་ངོ་བོ་སྤྲུལ་སྐུའི་སྣང་བ་ཡིན་ལ། དེས་ན་བླ་མ་དམ་པ་ནི་ཁྲེགས་ཆོད་ཀྱི་ལམ་ནས་སྣང་བཞི་ལུགས་ལྡོག་ཏུ་རྫོགས་པའང་ཡིན་ལ། གཞན་སྣང་ཐུགས་རྗེའི་ལམ་དུ་སྐུ་གསུམ་ལུགས་འབྱུང་དུ་འཆར་བའི་དགོངས་སྤྱོད་ལ་གནས་པའང་ཡིན་པས་སྐུ་གསུམ་དབྱེར་མེད་པའི་ངོ་བོ་ཡིན་ནོ། །ཐབས་མཁས་

― ZP04_Page_640 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་རོལ་སོགས། མཁྱེན་ནོ། །དུས་གསུམ་དུ་གཤེགས་ཤིང་བྱོན་པའི་བླ་མ། དགེ་བའི་བཤེས་གཉེན་འགྲོ་བའི་ལམ་སྟོན་དུ་བྱོན་པ་ཐམས་ཅད་ཀྱང་གནས་སྐབས་གདུལ་བྱ་འདུལ་ཚུལ་དང་བསྟུན་པ་སྐུའི་རྣམ་རོལ་དུ་མར་བསྟན་པ་ཡང་ངོ་བོ་དབྱེར་མེད་པ་ཡིན་ཏེ། དཔེར་ན་ཟླ་བའི་ངོ་བོ་གཅིག་ཉིད་ཆོས་ཀྱི་དབང་གིས་ཆེ་ཆུང་མི་འདྲ་བ་དུ་མར་ཡང་ཡང་འཆར་བ་བཞིན་ནོ། །ཟུང་འཇུག་གི་ཡེ་ཤེས་ཀྱི་ཀློང་ན་ཁྱབ་བྱ་ཡི་དམ་གྱི་དཀྱིལ་འཁོར་བསམ་གྱིས་མི་ཁྱབ་པའི་ཁྱབ་བྱེད་རིགས་ཀྱི་བདག་པོའང་བླ་མ་ཉིད་ཡིན་ཏེ། གཞིའི་ངོས་ནས་ཀྱང་རང་བཞིན་དབྱེར་མེད་པ་ཡིན་ལ། ལམ་རྣལ་འབྱོར་པས་བསྐྱེད་རྫོགས་ཉམས་སུ་ལེན་པའི་གནས་སྐབས་ན་ཡང༌། ཡི་དམ་དཀྱིལ་འཁོར་གྱི་འཁོར་ལོ་ཇི་སྙེད་པ་ཡང་བླ་མའི་རྣམ་རོལ་དུ་ཤེས་དགོས་པའི་ཕྱིར་རོ། །ཆོས་ཉིད་སྤྲོས་པ་དང་བྲལ་བའི་ཡེ་ཤེས་ནི་ནང་དབྱིངས་དོན་གྱི་ནམ་མཁའ་ཡིན་ལ། དབྱིངས་དེའི་ཆོས་ཉིད་དགོངས་པའི་རྩལ་གྱིས་མངོན་དུ་མཛད་པ་ནི་ཆོས་ཉིད་ཀྱི་མཁའ་ལ་འགྲོ་བའི་དོན་ཏེ། དེས་ན་རྩ་བ་གསུམ་དབྱེར་མེད་པའི་བདག་ཉིད་ཀྱང་བླ་མ་ཉིད་ཡིན་ནོ། །སྲིད་ལ་མི་འཇིགས་སོགས། མཁྱེན་ནོ། །སྲིད་པ་འཁོར་བའི་རང་བཞིན་སྒྱུ་མ་ལྟར་རྟོགས་པས་འཇིགས་པ་མེད་ཅིང་འགོས་པ་མེད་པའི་སྙིང་རྗེ་ཆེན་པོའི་ཐུགས་དང་ལྡན་པས་སྲིད་པ་མི་འདོར་ལ། ཞི་བའི་དབྱིངས་ལ་ཞེན་པ་མེད་ཀྱང་དགོངས་ཀློང་དུས་གསུམ་གྱི་རྒྱལ་བ་ཐམས་ཅད་

― ZP04_Page_641 ―

^{[མ་དཔེ་གཟིགས་ན་འདིར་གནོན།]}

[Full Size]

དང་དབྱེར་མེད་པར་བཞུགས་པས་སྲིད་ཞི་གཉིས་ཀྱི་མཐར་མི་གནས་པའི་གོ་འཕང་བརྙེས་པ་སྟེ། །ལྟ་བ་ཐོས་བསམ་གྱི་ཤེས་རབ་དེ་ཉིད་རྟོགས་པ་མངོན་སུམ་གྱི་ཡེ་ཤེས་སུ་རྒྱས་པའི་རྩ་བའི་བླ་མ་ནི་མི་གནས་མྱང་འདས་སངས་རྒྱས་ཐམས་ཅད་ཀྱི་ངོ་བོ་ཡིན་ནོ། །ཐབས་ཀྱི་མཛད་སྤྱོད་སོགས། མཁྱེན་ནོ། །ཐབས་ལ་མཁས་པའི་མཛད་སྤྱོད་ནི་གདུལ་བྱའི་སྣང་བ་དང་བསྟུན་ནས་གང་ཞིག་གང་གིས་འདུལ་ལ་དེ་ལྟར་སྟོན་ཡང༌། ཐུགས་རྗེ་ཆེན་པོ་བསམ་གྱིས་མི་ཁྱབ་པའི་དགོངས་པ་ནི། དག་པའི་ས་ལ་གནས་པའི་བྱང་ཆུབ་སེམས་དཔའ་ཆེན་པོ་རྣམས་ཀྱི་ཁྱད་ཆོས་གང་ཡིན་པ་ལ་གནས་ཤིང་རྒྱལ་བའི་མཛད་པ་ལྷུན་གྱིས་གྲུབ་པ་ཡིན་ཏེ། ཇི་སྐད་དུ། རྗེས་ཐོབ་དེ་བཞིན་གཤེགས་རྣམས་དང༌། །སེམས་ཅན་ཡང་དག་སྒྲོལ་བ་ལ། །འཇིག་རྟེན་ན་ནི་མཉམ་པ་ཉིད། །ཅེས་སོ། །དེས་ན་སྲིད་ཞི་གཉིས་ཀའི་མཐའ་ལ་འཇིགས་པ་མེད་ཅིང་རྒྱལ་བའི་ལོ་ཏོག་དངོས་སུ་སྐྱེད་པའི་མྱུ་གུ་ལྟ་བུ་ཡིན་ནོ། །བདེ་བས་སྤངས་སོགས། མཁྱེན་ནོ། བདེ་བས་སྤངས་པ་སྟེ་བདེ་བ་དང་མི་ལྡན་པའི་དང༌། སྡུག་བསྔལ་མངོན་དུ་གྱུར་པའི་སེམས་ཅན་གཉིས་ལ་བདེ་བ་དང་ཕྲད་པར་འདོད་པ་དང་སྡུག་བསྔལ་དང་བྲལ་བར་འདོད་པ་ནི་བྱམས་པ་དང་སྙིང་རྗེ། བདེ་བ་དང་ཕྲད་ཅིང་སྡུག་བསྔལ་དང་བྲལ་བའི་སེམས་ཅན་ལ་དམིགས་ནས་དེ་དང་མི་འབྲལ་བར་འདོད་པའི་

― ZP04_Page_642 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་དགའ་ནི་དགའ་བ་ཚད་མེད། །དེ་གསུམ་པོའང་མཐའ་ཡས་པའི་སེམས་ཅན་ལ་རོ་གཅིག་ཏུ་སྙོམས་ཤིང་ཉེ་རིང་དང་བྲལ་བ་ནི་བཏང་སྙོམས་ཚད་མེད། བཞི་ཀའང་དམིགས་པ་མེད་པའི་ཡེ་ཤེས་ཀྱི་རྩིས་ཟིན་པས་ན་དམིགས་པ་མེད་པའི་བྱམས་པ་སོགས་ཚད་མེད་པ་བཞི་པོ་ནི་རང་དོན་ཡིད་བྱེད་ཉན་རང་གི་བློས་འཇིགས་པ་མེད་ཅིང་བདེན་གཉིས་ཟུང་དུ་འཇུག་པའི་བྱང་ཆུབ་ཀྱི་སེམས་བླ་ན་མེད་པའི་མྱུ་གུ་ལྟ་བུ་ཡིན་ནོ། །སྦྱིན་གསུམ་སོགས། མཁྱེན་ནོ། །ཆོས་དང་ཟང་ཟིང་མི་འཇིགས་པའི་སྦྱིན་པ་རྣམ་གསུམ་ནི་སེམས་ཅན་ལ་དངོས་སུ་ཕན་འདོགས་པས་འབྲས་བུ་བཟང་པོ་ལྟ་བུ་དང༌། ཚུལ་ཁྲིམས་ནི་ཡོན་ཏན་ཐམས་ཅད་ཀྱི་རྟེན་ཡིན་པས་ལྗོན་ཤིང་གི་སྡོང་པོ་ལྟ་བུ། ཉེས་སྤྱོད་སྡོམ་པའི་མི་མཐུན་པའི་ཕྱོགས་གཞན་ལ་ཁོང་ཁྲོ་བ་དང༌། དགེ་བ་ཆོས་སྡུད་ཀྱི་མི་མཐུན་ཕྱོགས་ཆོས་ཕྱིར་དཀའ་སྤྱད་མི་ནུས་པ་དང༌། སེམས་ཅན་དོན་བྱེད་ཀྱི་མི་མཐུན་པའི་ཕྱོགས་ཐེག་པ་ཆེན་པོའི་ཆོས་ལ་མི་མོས་པ་དང་གསུམ་པོ་སྤངས་པའི་བཟོད་པ་ནི་མི་མཐུན་རླུང་གིས་མི་གཡོ་བ་ལྟ་བུ་སྟེ་གསུམ་པོ་འདི་ཚུལ་ཁྲིམས་ཀྱི་བསླབ་པ་ཡིན་ལ། གཞུང་གཞན་དུ་ཚུལ་ཁྲིམས་ཀྱི་རྒྱུར་བཤད་པ་ནི། ལོངས་སྤྱོད་ལ་མི་ལྟ་ན་ཚུལ་ཁྲིམས་སྲུང་ངོ༌། །ཞེས་ཉེས་སྤྱོད་སྡོམ་པ་དང༌། ཟང་ཟིང་གི་སྦྱིན་པ་ཙམ་ལ་དགོངས་ལ། འདིར་བྱང་ཆུབ་སེམས་དཔའི་སྦྱིན་པ་གསུམ་པོ་འཇུག་པའི་ཚུལ་

― ZP04_Page_643 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲིམས་རྒྱུད་ལྡན་གྱི་གང་ཟག་ལ་ཡོད་ཀྱི་གཞན་ལ་ཇི་ལྟ་བ་བཞིན་མི་འབྱུང་བས་ཚུལ་ཁྲིམས་ཀྱི་འབྲས་བུར་བཞག་པ་ལ་འགལ་བ་མེད་དོ། །ཞི་གནས་ནི་བསམ་གཏན་གྱི་ངོ་བོ་ཏིང་ངེ་འཛིན་གྱི་བསླབ་པ་དང༌། ལྷག་མཐོང་ནི་ཤེས་རབ་ཀྱི་ངོ་བོ་ཤེས་རབ་ཀྱི་བསླབ་པ་སྟེ། གསུམ་ཀའི་གྲོགས་བརྩོན་འགྲུས་ཀྱི་ཕར་ཕྱིན་ཡིན་པས། ཞི་ལྷག་གི་ཚུལ་བརྩོན་འགྲུས་རྐང་བས་འཐུང་བས་ཡོན་ཏན་གྱི་ཁོ་ལག་རྫོགས་པར་འགྱུར་བ་ཡིན་ཏེ། མདོ་སྡེ་རྒྱན་ལས། བསླབ་གསུམ་དབང་དུ་མཛད་ནས་ནི། །རྒྱལ་བས་ཕ་རོལ་ཕྱིན་པ་དྲུག། ཡང་དག་བཤད་དེ་དང་པོ་གསུམ། །ཐ་མ་གཉིས་ཀྱིས་རྣམ་པ་གཉིས། །གཅིག་ནི་གསུམ་ཆར་ལ་ཡང་གཏོགས། །ཞེས་སོ། །དེ་ལྟ་བུའི་ཕ་རོལ་ཏུ་ཕྱིན་པ་དྲུག་པོ་ནི་རང་རང་གི་མི་མཐུན་ཕྱོགས་ཀྱིས་འཇིགས་པ་མེད་ཅིང་བསླབ་གསུམ་ཡོངས་སུ་རྫོགས་པའི་མྱུ་གུ་ལྟ་བུ་ཡིན་ནོ། །རྨོངས་པ་གཏོང་བའི་སོགས། མཁྱེན་ནོ། །རྨོངས་པའི་གཞན་དབང་དུ་གྱུར་པའི་སེམས་ཅན་རྣམས་ནི་ཆོས་ལས་ཀྱང་ཟང་ཟིང་དོན་དུ་གཉེར་བ་ཡིན་པས། དང་པོར་གཏོང་བའི་ཕྱག་གིས་གདུལ་བྱ་འཁོར་དུ་བསྡུ་བ་ནི་སྦྱིན་པ་འཁོར་དུ་འདུས་པ་ལ་ཐེག་པ་ཆེན་པོའི་ལམ་ཕ་རོལ་ཏུ་ཕྱིན་པ་དྲུག་སྟོན་པ་ནི་སྙན་སྨྲ། ལམ་དེ་ཡང་དངོས་སུ་ཉམས་སུ་བླངས་ནས་སྒྲུབ་ཏུ་འཇུག་པ་ནི་དོན་སྤྱོད་པ། བདག་ཉིད་ཀྱང་ལམ་དེའི་རྗེས་སུ་འཇུག་པས་ཕྱིན་དྲུག་ལ་

― ZP04_Page_644 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱོད་པ་ནི་དོན་མཐུན་ཏེ། མདོ་སྡེ་རྒྱན་ལས། སྦྱིན་མཚུངས་དེ་སྟོན་ལེན་འཇུག་དང༌། །བདག་ཉིད་རྗེས་སུ་འཇུག་རྣམས་ཀྱིས། །སྙན་པར་སྨྲ་དང་དོན་སྤྱོད་དང༌། །དོན་མཐུན་ཉིད་དུ་འདོད་པ་ཡིན། །ཞེས་སོ། །དེས་ན་བསྡུ་བའི་དངོས་པོ་བཞི་ནི་རང་གི་རང་དོན་ཕྱོགས་གཅིག་པའི་གནས་ལ་འཇིགས་པ་མེད་ཅིང་གཞན་ཕན་སྤྱོད་པའི་མྱུ་གུ་ལྟ་བུའོ། །བདེན་བཞི་འཁོར་བའི་སོགས། མཁྱེན་ནོ། །འཁོར་བའི་རྒྱུ་འབྲས་ཀུན་འབྱུང་དང་སྡུག་བསྔལ་གྱི་བདེན་པ་གཉིས་དང༌། མྱང་འདས་ཀྱི་རྒྱུ་འབྲས་འགོག་པ་དང་ལམ་གྱི་བདེན་པ་གཉིས་པོ་དབྱེར་མེད་པ་ནི་ལྟ་བ་འཁོར་འདས་དབྱེར་མེད་ཅེས་བུམ་དབང་གི་ལྟ་བ་དངོས་ཡིན་ཏེ། དེ་ཡང་སྣང་སྲིད་སྣོད་བཅུད་ཐམས་ཅད་གཞི་གནས་ལྷུན་གྱིས་གྲུབ་པའི་དཀྱིལ་འཁོར་དུ་རྟོགས་པས་སྡུག་བདེན་འཁོར་བའི་སྣོད་བཅུད་འགོག་བདེན་སྐུ་དང་ཡེ་ཤེས་སུ་དབྱེར་མེད་ཅིང༌། ཉོན་མོངས་དུག་ལྔ་ཡེ་ཤེས་ལྔའི་རྣམ་རོལ་དུ་འཆར་ཞིང༌། ཐབས་ཀྱིས་ཟིན་པའི་སྦྱོར་སྒྲོལ་གྱི་དགེ་བའི་རྣམ་པ་ཅན་ལ་ལམ་དུ་བྱེད་པས་ཀུན་འབྱུང་ལས་ཉོན་གཉིས་པོ་ལམ་བདེན་དང་དབྱེར་མེད་དུ་ལྟ་བ་ཡིན་ནོ། །དེ་ལྟ་བུའི་ལྟ་བ་དེ་ཡང་གྱ་ནོམས་ལྷར་ཞེན་གྱི་མཚན་རྟོག་དང་བྲལ་ཏེ། གསལ་སྟོང་གཉིས་སུ་མེད་པའི་ཡེ་ཤེས་གསང་དབང་གི་ངོ་བོ་དང༌། བདེ་སྟོང་ལྷན་ཅིག་སྐྱེས་པའི་ཡེ་ཤེས་ཤེར་དབང་གི་ངོ་བོ་སྟེ། དེ་ཐམས་ཅད་ཀྱང་ཟུང་འཇུག་དོན་དམ་པའི་ངོ་བོར་གཉུག་མ་མ་བཅོས་པའི་ཆོས་ཉིད་ཚིག་དབང་

― ZP04_Page_645 ―

^{[མ་དཔེ་གཟིགས་ན་འདིར་གནོན།]}

[Full Size]

གི་ཡེ་ཤེས་ཀྱི་ངོ་བོར་དབྱེར་མེད་པ་ནི་དབང་བཞི་པའི་ཡེ་ཤེས་རོ་གཅིག་པ་སྟེ་དེ་ཉིད་ངོ་སྤྲོད་པ་པོ་ནི་སྨིན་བྱེད་དབང་གི་བླ་མ་ཡིན་ནོ། །ཐབས་ཀྱིས་རྟོག་པ་འདུལ་བྱེད་སོགས། མཁྱེན་ནོ། །ཐབས་བསྐྱེད་རིམ་གྱི་རྣམ་རྟོག་ལ་བརྟེན་ནས་ཐ་མལ་སྣང་ཞེན་གྱི་རྣམ་རྟོག་འདུལ་བྱེད་མཚན་བཅས་ཀྱི་ལྷ་སྐུ་ནི་བསྐྱེད་རིམ། རང་ཤར་སྒྱུ་མ་ལྟ་བུའི་རོལ་པ་བདེ་བ་ཆེན་པོའི་འོད་གསལ་གྱི་རྩལ་ལས་སྣང་སྲིད་ལྷའི་རྣམ་རོལ་གཞིར་བཞེངས་སུ་རྫོགས་པ་ནི་རྫོགས་རིམ་གྱི་ལྷ་སྐུ། །བསྐྱེད་རིམ་མཚན་བཅས་ཀྱི་ལྷ་སྐུའམ། །རྫོགས་རིམ་སྒྱུ་མའི་ལྷ་སྐུ་གང་ཡིན་ཀྱང་སྣང་ཆ་ཞལ་ཕྱག་གི་རྣམ་པ་དོན་དམ་འོད་གསལ་གྱི་ཀློང་དུ་བསྡུས་པའི་རིག་སྟོང་ཐིག་ལེ་ཉག་གཅིག་སྤྲོས་བྲལ་དོན་གྱི་ཡེ་ཤེས་ནི་མཐོང་ལམ་འོད་གསལ་གྱི་ལྷ་སྐུ་ཞེས་རྫོགས་ཆེན་ཁྲེགས་ཆོད་ཀྱི་དགོངས་པ་ཀ་དག་གི་གནས་ལུགས་དང༌། ཡང་ལྷུན་གྲུབ་འོད་གསལ་གྱི་སྣང་ཆ་ཚད་ཕེབས་རིག་གདངས་ཀྱི་དཀྱིལ་འཁོར་དང༌། ཤེས་རབ་རང་བྱུང་གི་སྒྲོན་མའི་ངོ་བོ་ཀ་དག་དོན་གྱི་འོད་གསལ་གཉིས་དབྱེར་མེད་པ་ལ་རོལ་པ་ནི་སྒོམ་ལམ་ཟུང་འཇུག་གི་ལྷ་སྐུ་ཞེས་རྫོགས་པ་ཆེན་པོ་ཐོད་རྒལ་གྱི་དགོངས་པ་ཀ་དག་དང་ལྷུན་གྲུབ་དབྱེར་མེད་པའི་གནས་ལུགས་ཡིན་ཏེ། ཡེ་ཤེས་ཞབས་ཀྱིས། རྫོགས་པ་ཆེན་པོ་ཡེ་ཤེས་སྤྱི་ཡི་གཟུགས། །ཡོངས་སུ་དག་སྐུ་རྡོ་རྗེ་འཅཧ་ང་ཆེན་པོ། །དཔལ་ལྡན་ཀུན་གྱི་ངོ་བོ་རིམ་གཉིས་འདིར། །ཞེས་པའི་འགྲེལ་པར་

― ZP04_Page_646 ―

^{[མ་དཔེ་གཟིགས་ན་འདིར་གནོན།]}

[Full Size]

བི་ད་པ་དས། འདིར་རྫོགས་པ་ཆེན་པོ་ནི་རིམ་པ་གཉིས་པའི་རིམ་པ་གཉིས་པའོ། །ཞེས་པ་ལྟར་སྤྱིར་གསང་སྔགས་ཀྱི་ལམ་ཐམས་ཅད་བསྐྱེད་རྫོགས་རིམ་པ་གཉིས་སུ་འདུས་པའི་རིམ་པ་གཉིས་པ་རྫོགས་རིམ་དེ་ལ་ཡང་རིམ་པ་གཉིས་སུ་ཕྱེ་བའི་སྣང་ཆ་སྒྱུ་མ་ལྟ་བུའི་ལྷ་སྐུ་ནི་རྫོགས་པའི་རིམ་པ་དང༌། ཟབ་གསལ་གཉིས་སུ་མེད་པའི་ཡེ་ཤེས་རྫོགས་པ་ཆེན་པོར་བཞེད་པ་ལྟར། གསང་སྔགས་སྔ་འགྱུར་བའི་ནང་རྒྱུད་ཡོ་ག་གསུམ་གྱི་དགོངས་དོན་བསྐྱེད་རྫོགས་རྫོགས་ཆེན་གསུམ་གྱི་གདམས་པ་སྟོན་པ་ནི་མན་ངག་ལུང་གི་སློབ་དཔོན་ཡིན་ནོ། །དག་དབྱིངས་བདེ་གཤེགས་སྙིང་པོ་སོགས། མཁྱེན་ནོ། །ཡེ་ནས་དག་པ་ཆེན་པོའི་དབྱིངས་བདེ་བར་གཤེགས་པའི་སྙིང་པོ་སྐུ་དང་ཡེ་ཤེས་རྒྱ་མཚོ་སྤྲོ་གཞི་ཉི་མའི་དཀྱིལ་འཁོར་ལྟ་བུ་ནི། །རང་བཞིན་གཞིའི་རྒྱུད་དམ་གཞི་གནས་ཀྱི་ཆོས་སྐུ་སྟེ་རང་ངོ་རྣམ་པར་དག་པ་ཡིན་ཀྱང་སྒྲིབ་བྱེད་ཀྱི་དྲི་མ་གློ་བུར་བའི་སྒྲིབ་པའི་སྦུབས་སུ་ཆུད་པས་ཁམས་སམ་རིགས་ཞེས་བྱ། སྒྲིབ་གཉིས་ཀྱི་དྲི་མ་གློ་བུར་བ་དེ་དག་པར་བྱེད་པ་དང༌། དག་བཞིན་པའི་གནས་སྐབས་ཀྱི་རྟོགས་པ་མཉམ་གཞག་སྤྲོས་བྲལ་གྱི་ཡེ་ཤེས་ལྷག་མཐོང་གི་ངོ་བོ་ནི། ལམ་གྱི་རྒྱུད་དམ་མཉམ་གཞག་གི་ཆོས་སྐུ་ཞེས་བྱ། དག་བྱེད་ལམ་རྒྱུད་ཀྱི་རྩོལ་བ་ལ་བརྟེན་ནས་གཞིའི་དྲི་མ་ཉོན་ཤེས་བག་ཆགས་དང་བཅས་པ་དག་འབྲས་ངོ་བོ་ཡི་དག་དང་རང་བཞིན་འཕྲལ་དག་སྟེ་དག་པ་གཉིས་ལྡན་ནི་འབྲས་རྒྱུད་དམ་མཐར་ཐུག་

― ZP04_Page_647 ―

^{[མ་དཔེ་གཟིགས་ན་འདིར་གནོན།]}

[Full Size]

གི་ཆོས་སྐུ་སྟེ། རྒྱུད་གསུམ་པོ་ནི་ངོ་བོ་དབྱེར་མེད་པ་ཡིན་ལ། དེ་སྟོན་བྱེད་ལམ་རྐྱེན་ཡི་གེའི་རྒྱུད་དུ་སྣང་བ་རྣམས་འཆད་པ་ཡང་ཤེས་རབ་རྒྱུད་ཀྱི་སློབ་དཔོན་ཡིན་ནོ། །ཟང་ཐལ་རིག་སྟོང་ལྟ་བ་སོགས། མཁྱེན་ནོ། །སྤྱིར་ལྟ་བས་གཞི་བཟུང༌། སྒོམ་པས་ཉམས་སུ་བླང༌། སྤྱོད་པས་བོགས་དབྱུང་སྟེ། མཐར་ཐུག་གི་འབྲས་བུ་ལ་སྦྱོར་བརྒྱུད་སྡེ་སྤྱི་སྐད་ལ་གྲགས་ཀྱང༌། །རང་བཞིན་རྫོགས་པ་ཆེན་པོའི་ལམ་དུ། ཟང་ཐལ་རིག་སྟོང་གི་ལྟ་བ་མངོན་སུམ་དུ་མཐོང་བ་དེ་ཉིད་ཀྱི་རང་ངོ་ལ་གནས་པ་ནི་སྒོམ་པ་དང༌། ལྟ་བ་དེས་ཟིན་པས་སྤྱོད་པའི་ཆ་ཐམས་ཅད་ལ་བླང་དོར་འཛིན་ཞེན་དག་པ་ནི་སྤྱོད་པ། གཞི་ལྟ་བའི་ངོ་བོ་དེ་ཉིད་ཡེ་གྲོལ་གྱི་ཆོས་ཉིད་དུ་གནས་པ་ནི་འབྲས་བུ་སྟེ། མ་བཅོས་རང་བཞག་གི་ཆོས་ཉིད་གཅིག་གི་ཀློང་དུ་ལྟ་སྒོམ་སྤྱོད་འབྲས་ཡེ་ཤེས་སུ་རོ་གཅིག་པ་འཁྲུལ་མེད་རྫོགས་ཆེན་གྱི་ལམ་བཟང་ཡིན་ནོ། །རྨོངས་པས་འཁྲུལ་པ་སོགས་མཁྱེན་ནོ། །ཐོག་མར་རང་བཞིན་ལྷན་ཅིག་སྐྱེས་པའི་མ་རིག་པས་རྨོངས་པའི་རྒྱུ་བྱས་ནས་ཀུན་ཏུ་བརྟགས་པའི་འཁྲུལ་པ་བསྐྱེད་པ་ལ་བརྟེན་ནས་འཁོར་བའི་གནས་སུ་ཉམ་ཐག་པའི་སེམས་ཅན་རྣམས། འཁྲུལ་པའི་རང་བཞིན་གནས་སྐབས་ཀྱི་བདེ་བ་དང༌། གྲུབ་མཐའ་ངན་པའི་འདོད་ཞེན་གྱིས་བསླུས་ཏེ་ལོག་པའི་ལམ་དུ་འཕྱན་པ་རྣམས་ལ། གནས་སྐབས་སུ་འཁྲུལ་པ་མེད་པར་རྒྱལ་བའི་བཀའ་ཡང་དག་པའི་ཆོས་བསྟན་ནས། །

― ZP04_Page_648 ―

^{[མ་དཔེ་གཟིགས་ན་འདིར་གནོན།]}

[Full Size]

མཐར་ཐུག་རྨོངས་པ་མེད་པ་རྫོགས་པའི་སངས་རྒྱས་ཀྱི་གོ་འཕང་སྦྱིན་པས་ཐར་པའི་ལམ་གྱི་དེད་དཔོན་ཅེས་བྱའོ། །ཚོགས་གཉིས་རྣམ་གྲངས་སོགས། མཁྱེན་ནོ། །སྤྱིར་རྒྱུ་མཚན་ཉིད་ཀྱི་ཐེག་པའི་ལུགས་སུ་དང་པོར་བྱང་ཆུབ་མཆོག་ཏུ་སེམས་བསྐྱེད་ནས་བསོད་ནམས་དང་ཡེ་ཤེས་ཀྱི་ཚོགས་བསྐལ་པ་གྲངས་མེད་པར་གོམས་པར་བྱེད་པ་ཚོགས་ལམ། བསྒོམས་བྱུང་གི་ཤེས་རབ་རྒྱས་ཏེ་མཐོང་ལམ་གྱི་ཡེ་ཤེས་ལ་སྦྱོར་བས་སྦྱོར་ལམ། བདེན་པ་བཞིའི་ཆོས་ཅན་དང་ཆོས་ཉིད་ཀྱི་གནས་ལུགས་མངོན་སུམ་དུ་རྟོགས་པ་ནི་མཐོང་ལམ། མཐོང་ཟིན་གོམས་པར་བྱེད་པ་སྒོམ་ལམ། བསླབ་བྱ་མཐར་ཐུག་ནས་སློབ་ཏུ་མེད་པ་ནི་མི་སློབ་པའི་ལམ་དུ་བཞེད་ཀྱང༌། རང་བཞིན་རྫོགས་པ་ཆེན་པོའི་ལམ་ལྔ་རིག་པའི་ཐིག་ལེར་ཅིག་ཅར་དུ་རྫོགས་པ་ཡིན་ཏེ། བསོད་ནམས་ཀྱི་ཚོགས་སྦྱིན་པ་ལ་སོགས་པ་ལྔ་པོའང་རྩ་བ་སེམས་ལ་བརྟེན་པ་ཡིན་པས། རང་རང་གི་མི་མཐུན་ཕྱོགས་ཀྱི་བློ་དང་བྲལ་བ་ནི་ཕ་རོལ་ཏུ་ཕྱིན་པ་དེ་དག་གི་མཐར་ཐུག་པ་ཡིན་གྱི། ལག་ལེན་གྱི་ངོས་ནས་ཕ་རོལ་ལ་ཕན་ཐོགས་པ་སོགས་གཙོ་མི་ཆེ་བའི་ཚུལ་སྤྱོད་འཇུག་ལས། གལ་ཏེ་སེམས་ཅན་དབུལ་བོར་བ། །སྦྱིན་པའི་ཕ་རོལ་ཕྱིན་ཡིན་ན། །ད་དུང་འགྲོ་བཀྲེན་ཡོད་ན་སྔོན། །སྐྱོབ་པ་ཇི་ལྟར་ཕ་རོལ་ཕྱིན། །ཞེས་དང༌། ཉ་ལ་སོགས་པ་གང་ཞིག་ཏུ། །དེ་དག་གསོད་མི་འགྱུར་བར་སྒོད། །སྤོང་བའི་སེམས་ནི་ཐོབ་པ་ལས། །ཚུལ་ཁྲིམས་ཕ་རོལ་

― ZP04_Page_649 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱིན་པར་བཤད། །སེམས་ཅན་མི་སྲུན་ནམ་མཁའ་བཞིན། །དེ་དག་གཞོམ་གྱིས་ཡོང་མི་ལང༌། །ཁྲོ་བའི་སེམས་དེ་གཅིག་ཆོམས་ན། །དགྲ་དེ་ཐམས་ཅད་ཆོམས་དང་འདྲ། །ཞེས་དང༌། སེམས་གསལ་གཅིག་བསྐྱེད་འབྲས་བུ་གང༌། །ཚངས་ལ་སོགས་པ་ཡིན་པ་ལྟར། །ལུས་ངག་བཅས་པའི་འབྲས་བུ་ཡང༌། །སྤྱོད་པ་ཞན་པས་དེ་ལྟར་མིན། །ཞེས་པ་དང༌། བཟླས་བརྗོད་དང་ནི་དཀའ་ཐུབ་ཀུན། །ཡུན་རིང་དུས་སུ་སྤྱད་བྱས་ཀྱང༌། །སེམས་གཞན་གཡེང་བས་བྱས་པ་ནི། །དེ་ཉིད་རིག་པས་དོན་མེད་གསུངས། །ཞེས་སོགས་རིམ་པས་གསུངས་པ་ལྟར་ཡིན་ལ། མཉམ་གཞག་གི་ཡེ་ཤེས་སྤྲོས་བྲལ་ཟང་མ་ཐལ་བྱུང་དུ་རྟོགས་པའི་ཉམས་ལེན་གྱི་ངོས་ནས་མ་ཆགས་མི་དམིགས་པའི་སྦྱིན་སོགས་ཐབས་ཀྱི་ཆ་ཡང་རང་ཤུགས་ཀྱིས་ཚད་ཞིང་རྗེས་ཤེས་རྟོགས་པའི་རྩལ་སྣང་ཡང་མཉམ་གཞག་གི་ཡེ་ཤེས་དེའི་རྩལ་ལས་ཤར་བས་བདེན་མེད་སྒྱུ་མ་ལྟ་བུའི་སྙིང་རྗེ་དང་སོ་སོར་རྟོག་པའི་ཤེས་རབ་ཀྱི་རྩལ་སྣང་གོང་འཕེལ་དུ་འགྱུར་བས་བསོད་ནམས་དང་ཡེ་ཤེས་ཀྱི་ཚོགས་གཉིས་རྒྱ་ཆེན་པོ་སྐད་ཅིག་གཅིག་ལ་རྫོགས་པས་ན། རོང་ཟོམ་པ་ཆེན་པོས། །ཚོགས་གཉིས་རྒྱ་ཆེན་པོ་རྫོགས་པ་ཆེན་པོའོ། །ཞེས་སྒྲ་བཤད་བཞག་པ་ཡིན། ཚོགས་ཆེན་ཡེ་རྫོགས་རིག་པའི་ངོ་བོ་མཐོང་བ་ནི་ཚོགས་ལམ་ཡིན་ལ། འདིར་ཁ་ཅིག་རྫོགས་ཆེན་རྟོགས་པའི་རྣལ་

― ZP04_Page_650 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱོར་པ་ལ་རིག་པ་རྐྱང་འདོད་བྱེད་པ་ཉིད་ལམ་ཡིན་གྱི། །དེ་ལས་གཞན་པའི་ཐབས་ཀྱི་ཕྱོགས་ཐམས་ཅད་གོལ་ས་ཡིན་ནོ་ཞེས་ཁྱད་དུ་གསོད་ཅིང༌། ལྟ་བ་མཐོང་བའི་རྣལ་འབྱོར་པ་ལ་སྙིང་རྗེ་དང་ངེས་འབྱུང་སོགས་ལམ་གྱི་ཡོན་ཏན་མེད་པར་འདོད་པ་དང༌། དེ་དག་གི་ཞེ་འདོད་ངན་པ་དེ་ཐོས་ནས་མ་བརྟགས་པར་སྨྲ་བའི་མཁས་རློམ་ཁ་ཅིག་རྫོགས་ཆེན་ནས་སྤྱོད་ཕྱོགས་ཁྱད་དུ་བསད་པས་ཆོས་ཡང་དག་པ་མ་ཡིན་ནོ། །ཞེས་སྐུར་པ་འདེབས་ཤིང་ཆོས་སྤོང་གི་ལས་གསོག་པ་ནི་རྫོགས་པ་ཆེན་པོའི་དགོངས་པའི་ཕྱོགས་ཙམ་ཡང་མ་རྟོགས་ཤིང༌། སྔོན་བྱོན་རྫོགས་ཆེན་གྱི་གྲུབ་བརྙེས་དེ་དག་གི་རྣམ་ཐར་ཙམ་ཡང་མ་མཐོང་བར་ཟད་དེ། རྫོགས་པ་ཆེན་པོའི་གནས་ལུགས་ཀྱི་དགོངས་པ་མངོན་སུམ་དུ་རྟོགས་པ་ན། རྗེས་ཤེས་ཀྱི་ཆ་ཐམས་ཅད་ཞེན་མེད་དང་དམིགས་མེད་འབའ་ཞིག་ཏུ་འཆར་བས་ཡོ་བྱད་ཀྱི་ཆགས་ཞེན་སོགས་དང་ངང་གིས་འབྲལ་ཞིང་ཁོང་ཁྲོ་དང་འཁོན་འཛིན་རང་གཞན་གྱི་ཆགས་སྡང་ཐམས་ཅད་རང་ཤར་རང་གྲོལ་དུ་དག་སྟེ། གཞན་གནོད་གཞི་བཅས་ལས་ལྡོག་ཅིང་དགེ་སྦྱོང་གི་ཆོས་བཞི་ངང་གིས་གནས་པ་དང༌། མི་བརྩོན་པའི་བརྩོན་པ་རང་བབས་ཆུ་བོ་རྒྱུན་གྱི་རྣལ་འབྱོར་ལ་གནས་ཤིང༌། ཤེས་རབ་རང་བྱུང་གི་སྒྲོན་མའི་རྩལ་བསྒོམས་བྱུང་གི་ཤེས་རབ་ཏུ་ཤར་ཏེ། ཚིག་དོན་གྱི་མཁྱེན་པ་སོགས་ཀློང་བརྡོལ་ནས་ཕྱིན་དྲུག་གི་ཡོན་ཏན་ཐམས་ཅད་ཆེད་དུ་འབད་རྩོལ་མེད་པར་ཤུགས་ཀྱིས་འབྱུང་བ་ཞིག་ཡིན་པ་

― ZP04_Page_651 ―

^{[མ་དཔེ་གཟིགས་ན་འདིར་གནོན།]}

[Full Size]

རྫོགས་པ་ཆེན་པོའི་བཀའ་དང་བསྟན་བཅོས་ཐམས་ཅད་ནས་བཤད་ཅིང༌། ཀུན་མཁྱེན་ཆོས་ཀྱི་རྒྱལ་པོ་དང་རིག་འཛིན་འཇིགས་མེད་གླིང་པ་ལ་སོགས་པ་སྔོན་གྱི་གྲུབ་ཐོབ་རྣམས་ཀྱི་རྣམ་ཐར་ལ་བལྟས་པས་ཀྱང་ཤེས་པ་ཡིན་ནོ། །དེ་ལྟར་ནའང་རྫོགས་ཆེན་གྱི་གཞུང་ནས་རང་བཞིན་བཅུས་རྩོལ་སྒྲུབ་མེད་པར་བསྟན་པས་སྤྱོད་ཕྱོགས་ངེས་པར་དོར་རོ་སྙམ་ན། དེ་ལྟ་བུ་ནི་ལུས་ངག་ཡིད་གསུམ་གྱི་བྱ་བ་དགུ་ཕྲུགས་སུ་བཏང་ནས་ཀ་དག་དང་ལྷུན་གྲུབ་ཟུང་འཇུག་གི་ལམ་ནས་ཚེ་གཅིག་གི་འོད་ལུས་སུ་སྒྲུབ་པ་རྣམས་ལ་གཙོ་བོར་དགོངས་ཤིང་ཆོས་ཉིད་ཀྱི་ངོས་ནས་བདེན་ཞེན་གཅོད་པ་ཙམ་དུ་ཟད་དེ། །མདོ་སྡེ་རྣམས་ལས་ཀྱང་རབ་ཏུ་བྱུང་བས་ཟང་ཟིང་གི་སྦྱིན་པ་ལ་ཧ་ཅང་མི་བརྩོན་པར་གསུངས་པ་དང༌། ཤེར་ཕྱིན་ནས་ལམ་དང་ཡེ་ཤེས་ཐམས་ཅད་མེད་པར་བསྟན་པ་ལྟ་བུ་ཡིན་ཏེ་འཁོར་གསུམ་བདེན་ཞེན་དང་བཅས་པ་དང༌། ལེན་དང་རྣམ་སྨིན་ལ་རེ་བའི་ཕ་རོལ་ཕྱིན་དྲུག་ནི། །སངས་རྒྱས་ཀྱི་ལམ་མ་ཡིན་པར་རྒྱལ་བ་སྲས་བཅས་ཀྱི་བཞེད་པ་མཐུན་ཅིང༌། ཡོ་བྱད་ཐམས་ཅད་བཅངས་ནས་སྦྱིན་གཏོང་མི་དགོས་པ་དང༌། ཚུལ་ཁྲིམས་འཆལ་བས་ལམ་གྱི་བར་ཆད་མི་བྱེད་པ་སོགས་རྫོགས་པ་ཆེན་པོའི་གཞུང་ནས་ཚིག་གཅིག་ཀྱང་བཤད་པ་མེད་པས། རང་གིས་མ་རྟོགས་རྟོགས་རློམ་གྱི་མངོན་པའི་ང་རྒྱལ་རྒྱུ་མཚན་དུ་བྱས་ཤིང༌། སྤྱོད་ངན་གྱི་རྒྱབ་བརྟན་ཆོས་ལ་བཅོལ་ནས་བསྟན་པའི་བླ་འཚོང་བ་དང༌། གང་ཟག་གི་བློ་སྐྱོན་ཆོས་ལ་བཀལ་

― ZP04_Page_652 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་ཡང་དག་པའི་གཞུང་ལ་བབ་ཅོལ་དུ་སྐུར་པ་འདེབས་ཀྱང་དྲན་སོང་གི་གཏིང་རྡོར་མཚུངས་པ་ཡིན་ནོ། །དེས་ན་མཉམ་གཞག་གི་རྟོགས་པའི་ཡེ་ཤེས་དེ་ཉིད་ཡང་དག་པ་ཡིན་མིན་རྗེས་ཤེས་རབ་དང་སྙིང་རྗེའི་རྩལ་འབར་མི་འབར་ཁོ་ནས་ཕྱེ་བ་ཡིན་ཏེ། གནས་ལུགས་ཀྱི་དགོངས་པ་ཕྱིན་ཅི་མ་ལོག་པ་རྟོགས་ན་མཉམ་རྗེས་སྟོང་དང་སྙིང་རྗེ་གཉིས་གཅིག་གྲོགས་གཅིག་གིས་བྱས་ཏེ་གོང་ནས་གོང་དུ་འཕེལ་ཞིང་ཚོགས་གཉིས་འབད་མེད་དུ་རྫོགས་པ་ཡིན་ནོ། །དེ་ལྟ་བུའི་རྗེས་ཤེས་ཀྱི་རྩལ་ཚོགས་གཉིས་རྫོགས་པའི་རྒྱུ་ལམ་གྱི་སྒྲིབ་པ་ཇེ་ཕྲ་ཇེ་སྲབ་ཏུ་སོང་ནས་མཉམ་གཞག་གི་ཡེ་ཤེས་ཆོས་ཟད་ཀྱི་དགོངས་པ་མཐོང་བ་ལ་སྦྱོར་བ་ནི་སྦྱོར་ལམ། །དེའི་ཚེ་བདེན་བཞིས་བསྡུས་པའི་ཆོས་ཐམས་ཅད་སྤྲོས་བྲལ་བསམ་གྱིས་མི་ཁྱབ་པའི་ཡེ་ཤེས་ཀྱི་རྣམ་རོལ་དུ་མཐོང་བ་ནི་མཐོང་ལམ། མཐོང་བའི་དོན་དེ་ཉིད་མི་སྒོམ་པ་ཆུ་བོ་རྒྱུན་གྱི་རྣལ་འབྱོར་ལ་སློབ་པ་ནི་སྒོམ་ལམ། རྩོལ་མེད་ཀྱི་ངང་དུ་ས་ལམ་ཆིག་ཆོད་དུ་རྫོགས་ཏེ་ཆེད་དུ་འབད་རྩོལ་གྱི་ལམ་མེད་པ་ནི་མི་སློབ་པའི་ལམ་སྟེ་ལམ་བཟང་རྫོགས་པ་ཆེན་པོའི་ལམ་འདི་ནི་རྒྱལ་བ་སྲས་བཅས་ཀྱི་བགྲོད་པ་གཅིག་པུའི་ལམ་ཡིན་ནོ། །རྟོགས་པའི་རབ་དགའ་སོགས། མཁྱེན་ནོ། །རྟོགས་པའི་ཡེ་ཤེས་སྤྲོས་བྲལ་གྱི་དགོངས་པར་མངོན་སུམ་དུ་མཐོང་བའི་རབ་དགའ་དྲི་མ་མེད་པ་ནི་རང་རྒྱུད་རྟོགས་པའི་ཆོས་ཀྱི་འོད་སྣང་ཅིར་ཡང་འཕྲོ་བས། ཐབས་གཞན་གྱིས་སྦྱང་བར་དཀའ་བའི་ལས་དང་ཉོན་མོངས་པའི་སྒྲིབ་པ་ཐམས་

― ZP04_Page_653 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་སྦྱངས་ཏེ་བྲལ་འབྲས་ཀྱི་ཡེ་ཤེས་མངོན་སུམ་དུ་མཐོང་བ་ནི་དག་པ་ཆེན་པོའི་ས་ལ་སྦྱོར་བར་བྱེད་པ་ཡིན་པས་ན། སྤྲོས་བྲལ་རིག་པའི་ཀློང་དུ་ས་བཅུ་ཡང་ཅིག་ཅར་རྫོགས་པ་ཡིན་ཏེ། རྟོགས་པའི་ཡེ་ཤེས་མངོན་སུམ་དུ་མཐོང་བས་རེ་དོགས་རྩ་བ་སྟོར་བའི་རབ་དགའ་ཚད་མེད་པ་ནི་ས་དང་པོ་རབ་ཏུ་དགའ་བ། དེ་ཉིད་སེར་སྣ་དང་ཁོང་ཁྲོ་ལ་སོགས་པ་འཆལ་ཚུལ་ཀུན་ནས་སློང་བའི་དྲི་མ་དང་བྲལ་བའི་དྲི་མེད་ནི་ས་གཉིས་པ། རྗེས་ཐོབ་ཤེས་རབ་ཀྱི་རྩལ་འབར་ཏེ་གཞན་རྒྱུད་རྗེས་སུ་འཛིན་པའི་དམ་ཆོས་ཀྱི་འོད་དང་ལྡན་པ་ནི་འོད་བྱེད། རང་རྒྱུད་རྟོགས་པའི་དམ་ཆོས་ཀྱི་མེ་འོད་འཕྲོ་བས་སྒྲིབ་གཉིས་སྲེག་པའི་སྣང་བ་ཆེན་པོ་ནི་འོད་འཕྲོ། རང་གཞན་གྱི་བསམ་གཏན་རྟོག་པ་དང་བྲལ་བའི་རྩལ་སྙིང་རྗེ་ཆེན་པོར་འཆར་བ་ནི་ས་ལྔ་པའི་ཡེ་ཤེས་ཀྱི་ངོ་བོ་སྟེ་དེས་སྦྱང་དཀའ་བའི་ལས་ཉོན་སྦྱོང་བ་ནི་སྦྱང་དཀའ། དེ་སྦྱངས་པས་རང་གནས་ཀྱི་ཡེ་ཤེས་ཆོས་ཟད་ཀྱི་དགོངས་པ་མངོན་སུམ་མཐོང་བ་ནི་མངོན་དུ་གྱུར་པ། དེའི་ཚེ་འཁོར་བའི་སྐྱོན་ལས་རིང་དུ་སོང་བའི་གོ་འཕང་ནི་རིང་དུ་སོང་བ། སྤྱོད་ཡུལ་ཐམས་ཅད་ཡེ་ཤེས་སུ་ཤར་བས་འཁྲུལ་སྣང་རང་རྒྱུད་པ་དག་པས་དག་པའི་ཡེ་ཤེས་ནི་དག་པ་ས་གསུམ་སྟེ་མཚན་མའི་རྣམ་རྟོག་གིས་མི་གཡོ་ཞིང་སོ་སོ་ཡང་དག་རིགས་བཞིའི་རྩལ་འབར་ཏེ་གཟུངས་དང་ཏིང་ངེ་འཛིན་གྱི་སྤྲིན་ཆེན་པོ་ཐོབ་པའི་ཕྱིར་རོ། །དབང་ཡུལ་རང་ངོས་སོགས། །མཁྱེན་ནོ། །བྱང་ཆུབ་ཕྱོགས་ཀྱི་ཆོས་སུམ་ཅུ་རྩ་བདུན་པོ་

― ZP04_Page_654 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་རིག་པའི་ཐིག་ལེ་གཅིག་ལ་རྟོགས་པ་ཡིན་ཏེ། རང་རྒྱུད་ཀྱི་དབང་པོ་ལྔ་ནི་ནང་གི་ལུས་དང༌། གཞན་རྒྱུད་ཀྱི་དབང་པོ་ལྔ་ནི་ཕྱི་ནང་གི་ལུས། ཡུལ་ལྔ་ཕྱིའི་ལུས་ཏེ་ལུས་ལ་བདེན་ཞེན་སྤངས་པས་ལུས་རང་ངོས་ནས་མ་གྲུབ་པ་རྟོགས་པ་ནི་ལུས་དྲན་པ་ཉེར་གཞག །ཡུལ་དང་དབང་པོ་བདེན་པར་མ་གྲུབ་ཕྱིན་དབང་ཡུལ་ཕྲད་པའི་རེག་པ་ཡང་བདེན་པར་མེད་ལ། དེ་མེད་པས་ཚོར་བ་ཡང་བདེན་པར་དམིགས་སུ་མེད་པ་ནི་ཚོར་བ་དྲན་པ་ཉེར་གཞག །སེམས་དང་རིག་པའི་ལ་ཤན་དབྱེ་སྟེ་སེམས་རྟོག་འཁྲུལ་པའི་སྣང་བ་རྫུན་པར་ཤེས་པ་ནི་སེམས་དྲན་པ་ཉེར་གཞག །ཡུལ་ཅན་གྱི་བློ་འཁྲུལ་པ་ཡིན་ཕྱིན་དེའི་ཡུལ་བདེན་པར་ཡོད་མི་སྲིད་པས་སེམས་འཁྲུལ་སྣང་གི་ཡུལ་དུ་གྱུར་པའི་ཆོས་ཐམས་ཅད་རང་བཞིན་མེད་པར་ཤེས་པ་ནི་ཆོས་དྲན་པ་ཉེར་གཞག་སྟེ་ལྟ་བ་ཤེས་རབ་ཀྱི་རང་བཞིན་སྤྲོས་བྲལ་རྗེན་པར་མཐོང་བའི་ངོ་བོར་འདུས་པ་ཡིན་ནོ། །ངན་རྟོག་རང་གྲོལ་སོགས་མཁྱེན་ནོ། །ངན་རྟོག་མི་དགེ་བའི་ཀུན་སློང་སྐྱེས་ཙམ་ནས་རང་བབ་དགོངས་པའི་ངོ་བོར་རང་གྲོལ་དུ་དག་པའི་ཕྱོགས་སྐྱེས་པ་རྒྱུན་གཅོད་པ། །རྟོགས་པ་རང་གནས་ཀྱི་ངང་དང་མ་བྲལ་བས། ཆགས་སྡང་རང་མཚན་པ་སྐྱེ་མི་སྲིད་པ་ནི། མི་དགེ་བའི་ཆོས་མ་སྐྱེས་པ་མི་བསྐྱེད་པ། རྟོགས་པ་གནས་ལུགས་ཀྱི་དོན་རང་ངོ་སྤྲད་པས་ཇི་ལྟ་བ་བཞིན་དུ་དགེ་བའི་ཆོས་མ་སྐྱེས་པ་བསྐྱེད་པ། ངོ་འཕྲོད་པའི་རྟོགས་པ་དེ་ཉིད་ཕྱིས་འབད་རྩོལ་ལམ་་

― ZP04_Page_655 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟོས་པར་རང་ཤུགས་ཀྱིས་འཆར་ཞིང་དེའི་རྩལ་ངེས་འབྱུང་དང་སྙིང་རྗེ་ལ་སོགས་ལམ་གྱི་ཡོན་ཏན་ཐམས་ཅད་རང་ཤུགས་ཀྱིས་འཆར་བ་ནི། དགེ་བའི་ཆོས་སྐྱེས་པ་གོང་དུ་སྤེལ་བ་སྟེ། སྤང་བླང་རྟོག་པའི་འདོར་ལེན་རིག་ངོར་སྤངས་པའི་སྤྱོད་པ་ནི་ཡང་དག་སྤོང་བ་བཞིའོ། །རྩོལ་མེད་ངང་གནས་སོགས། མཁྱེན་ནོ། །རྩོལ་མེད་ཀྱི་ངང་ལ་གནས་པ་ནི་ཆོས་ཉིད་ཀྱི་གཤིས་ལ་འདུན་པ་ཡིན་པས་འདུན་པའི་རྫུ་འཕྲུལ་གྱི་རྐང་པ་མི་བརྩོན་པའི་བརྩོན་པ་རང་བཞག་གི་ཡེ་ཤེས་ནི་བརྩོན་པའི་རྫུ་འཕྲུལ་གྱི་རྐང་པ། རྟོག་པ་ཐམས་ཅད་དང་བྲལ་བའི་རང་གནས་ཀྱི་བསམ་གཏན་ནི་སེམས་པའི་རྫུ་འཕྲུལ་གྱི་རྐང་པ། ཟང་མ་ཐལ་བྱུང་གི་ཡེ་ཤེས་རིག་པའི་དྭངས་ཆ་དཔྱོད་བྱེད་ཤེས་རབ་ཀྱི་ངོ་བོ་ནི་དཔྱོད་པའི་རྫུ་འཕྲུལ་གྱི་རྐང་པ་སྟེ། རྫུ་འཕྲུལ་གྱི་རྐང་པ་བཞི་ནི་མི་སྒོམ་པའི་སྒོམ་པ་མཉམ་གཞག་རྟོགས་པའི་ཡེ་ཤེས་ཀྱི་ངོ་བོར་རྫོགས་པ་ཡིན་ནོ། །ཆོས་སྐུའི་གཤིས་ལ་སོགས། མཁྱེན་ནོ། །གཤིས་ལུགས་ཆོས་སྐུའི་དགོངས་པ་གཅིག་ཏུ་མོས་པ་ནི་དད་པའི་དབང་པོ། དེའི་ཕྱིར་བློས་བྱས་བཅོས་མའི་བྱ་རྩོལ་ཐམས་ཅད་དང་བྲལ་བའི་བློ་བྲལ་རྟོགས་པའི་ཁོར་ཡུག་ལ་བརྩོན་པ་དང་ལྡན་པ་ནི་བརྩོན་འགྲུས་ཀྱི་དབང་པོ། །འདིའི་སྐབས་ཀུན་མཁྱེན་ཆེན་པོས། །སྒོམ་པས་དྲན་སྣང་ཡེ་ཤེས་མ་ཡེངས་བྱ། །ཞེས་པ་ལྟར། དྲན་སྣང་ཡེ་ཤེས་སུ་སངས་པས་དྲན་བྱ་དང་དྲན་བྱེད་ཐ་དད་པ་མེད་དེ། དྲན་པ་ཡེ་ཤེས་ཀྱི་ངོ་བོར་མཚན་མའི་རྣམ་རྟོག་རང་གྲོལ་

― ZP04_Page_656 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་དག་ནས་སྤྲོས་བྲལ་རྗེན་པའི་རིག་ངོར་གནས་པ་ནི་དབང་པོ་ཕྱི་མ་གསུམ་སྟེ། རང་བབས་ཀྱི་དྲན་པ་ནི་དྲན་པའི་དབང་པོ། དེ་ཚེ་ཆོས་ཉིད་འོད་གསལ་ལས་མི་གཡོ་བའི་དགོངས་པ་ནི་ཏིང་ངེ་འཛིན་གྱི་དབང་པོ། ཟང་ཐལ་རིག་པའི་ཡེ་ཤེས་རང་ཤར་དགོངས་པའི་རྩལ་སྣང་དང་བཅས་པ་ནི་ཤེས་རབ་ཀྱི་དབང་པོ་སྟེ། ཀུན་མཁྱེན་ཆེན་པོས། །རང་གནས་བསམ་གཏན་བཙུན་མོ་དམ་པ་དང༌། །དགོངས་པ་རང་ཤར་སྲས་དང་བྲན་གཡོག་བཅས་ཞེས་པ་སྟེ། །འདིར་བསྒོམས་བྱུང་ཤེས་རབ་ཀྱི་རྩལ་རྒྱས་པ་ནི་དྲོད་སྣང་བ་ཐོབ་པའི་ཡེ་ཤེས། ཐེག་པ་ཐམས་ཅད་ཀྱི་རྩེ་མོ་ཨ་ཏིའི་དགོངས་དོན་རྟོགས་པ་ནི་རྩེ་མོ་སྣང་བ་མཆེད་པའི་ཡེ་ཤེས་ཏེ་སྦྱོར་ལམ་སྔ་མ་གཉིས་པོའང་རིག་ངོར་ཤུགས་ཀྱིས་རྫོགས་པའོ། །མོས་བྲལ་ལེ་ལོ་བརྗེད་ངས་སོགས། །མཁྱེན་ནོ། །ཡང་དག་པའི་ཆོས་ཉིད་ལ་མོས་པ་དང་བྲལ་བ་ནི་དད་པའི་མི་མཐུན་ཕྱོགས། བྱ་བ་ངན་ཞེན་དང་སྙོམ་ལས་སྒྲིབ་པའི་ལེ་ལོ་ནི་བརྩོན་འགྲུས་ཀྱི་མི་མཐུན་ཕྱོགས། ཉམས་ལེན་བརྗེད་འབྱམས་སུ་ཤོར་བའི་བརྗེད་ངས་ནི་དྲན་པའི་མི་མཐུན་ཕྱོགས། ཞི་གནས་ཀྱི་ཏིང་ངེ་འཛིན་ལ་སྒྲིབ་པའི་གཉིད་རྨུགས་རྒོད་འགྱོད་ལ་སོགས་བྱིང་རྒོད་ཀྱི་ཆ་ནི་ཏིང་ངེ་འཛིན་གྱི་མི་མཐུན་ཕྱོགས། ལྷག་མཐོང་རྟོགས་པའི་ཡེ་ཤེས་ལ་སྒྲིབ་པ་ཡང་དག་པའི་གནས་ལུགས་ལ་ཡིན་ནམ་མ་ཡིན་སྙམ་དུ་ཡིད་མི་ཆེས་པའི་ཐེ་ཚོམ་དང༌། ཕྱིན་ཅི་ལོག་ཏུ་འཛིན་པའི་ལོག་ལྟ་ལ་སོགས་པ་ནི་ཤེས་རབ་ཀྱི་མི་མཐུན་

― ZP04_Page_657 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་ཏེ། མི་མཐུན་ཕྱོགས་ཀྱི་རྟོག་པ་དེ་དག །རིག་པ་མ་བཅོས་པའི་ཆོས་སྐུ་རང་ངོ་ཤེས་པའི་སྐད་ཅིག་ཐུག་ཕྲད་ཅེར་གྲོལ་དུ་དག་པ་ནི། སྔར་གྱི་རྣམ་བྱང་སྐྱེད་པའི་དབང་པོ་ལྔ་པོ་དེ་ཉིད་མི་མཐུན་ཕྱོགས་ཀྱིས་མི་བརྫི་པས་སྟོབས་སུ་གྱུར་པ་ཡིན་པས་སྟོབས་ལྔ་སྟེ། དེ་ཡང་རང་བཞིན་རྫོགས་པ་ཆེན་པོའི་ཀ་དག་ཁྲེགས་ཆོད་ཀྱི་མན་ངག་གི་མཐིལ་ནི། རིག་འཛིན་དགའ་རབ་རྡོ་རྗེའི་ཚིག་གསུམ་གནད་དུ་བརྡེག་པ་ལྟར། །ངོ་རང་ཐོག་ཏུ་སྤྲོད་པ་དང༌། ཐག་ཆིག་ཐོག་ཏུ་བཅད་པ་དང༌། །གདིང་གྲོ་ལ་ཐོག་ཏུ་བཅའ་བ་གསུམ་ལས། ཕྱི་མ་ལ་གྲོལ་ལུགས་རྣམ་པ་བཞི་སོགས་ཡོད་པ་ནི་རྫོགས་ཆེན་གྱི་གནད་ཐུན་མོང་མ་ཡིན་པ་སྟེ། སྒོམ་པ་ཤེས་ཀྱང་གྲོལ་མ་ཤེས། །བསམ་གཏན་ལྷ་དང་ཅི་མ་འདྲ། །ཞེས་པ་ལྟར་གྲོལ་ལུགས་ཀྱི་གདིང་མེད་ན། སྒོམ་པ་ཞི་གནས་ཀྱི་རྟོག་པ་དང༌། །བློས་བྱས་ཀྱི་དཔྱོད་པ་ཇི་ཙམ་བཟང་ཡང་རང་རྒྱུད་ཀྱི་ཉོན་མོངས་པ་དང་རྣམ་རྟོག་ལ་སོགས་པའི་གཉེན་པོར་མི་འགྲོ་བ་ཡིན་ཏེ། །ཞི་གནས་ལ་བརྟེན་ནས་ཉོན་མོངས་དེ་དག་མགོ་མནན་འཕྲལ་དུ་མི་སྐྱེ་བ་ལྟར་སྣང་ཡང་རྐྱེན་དང་འཕྲད་ཚེ་རྟོག་པའི་དུག་རོ་ལྡང་ཞིང༌། དེ་ཚེ་གྲོལ་ལུགས་ཀྱི་གདིང་མེད་པས་ཐ་མལ་པ་དང་ཁྱད་མེད་ལ། རྗེས་དཔག་གི་དཔྱོད་པས་ཉོན་མོངས་པའི་རང་བཞིན་སྟོང་པ་ཉིད་ལ་སོགས་པར་གཏན་ལ་ཕབ་ནས་དཔྱད་ཀྱང་དེས་རྟོག་པ་རང་གྲོལ་དུ་འགྲོ་མི་ནུས་པས་ཉོན་མོངས་པའི་གཉེན་པོ་མི་བྱེད་དེ། །དཀོན་མཆོག་བརྩེགས་པ་ལས། མི་ཞིག་ལ་དུག་མདས་ཕོག་ཚེ་མདའ་དེའི་དུག་སྒྲོ་ལས་

― ZP04_Page_658 ―

^{[མ་དཔེ་གཟིགས་ན་འདིར་གནོན།]}

[Full Size]

བྱུང་ངམ་ཤིང་ལས་བྱུང་ངམ་སོགས་དཔྱད་ཀྱིན་བསྡད་ན་དུག་དེ་རྒྱས་ནས་འཆི་བར་འགྱུར་བའི་དཔེས་གསུངས་པ་ལྟར་ཡིན་ལ། རྟོགས་པ་རང་གྲོལ་གྱི་གནད་ཤེས་ན་མདའ་དེ་མྱུར་དུ་ཕྱུང་ནས་དོར་ན་མི་འཆི་བར་གསུངས་པ་ལྟར་ཡིན་ཞིང་རང་གྲོལ་གྱི་གནད་ཤེས་ན་ཉོན་མོངས་དང་རྣམ་རྟོག་ཅི་ཙམ་སྐྱེས་ཀྱང་རྟོག་པའི་རྩལ་རྩལ་སྦྱང་དུ་འགྲོ་བ་ཡིན་པས་ཉོན་མོངས་པ་ལམ་དུ་བྱེད་པའི་གནད་ཀྱང་འདིར་འདུ་ལ་ལམ་གྱི་ཡོན་ཏན་ཐམས་ཅད་སྟོབས་སུ་འགྱུར་བ་ཡང་རང་གྲོལ་གྱི་གནད་ལ་ཐུག་པ་ཡིན་ནོ། །དེའི་ཚེ་ཆོས་སྐུའི་གཤིས་ལ་མི་སྐྲག་པ་ནི་བཟོད་པ་དང༌། ཆོས་ཉིད་ཀྱི་རྟོགས་པ་མཆོག་དང་ལྡན་པ་ནི་ཆོས་མཆོག་གི་ཡེ་ཤེས་ཏེ། སྦྱོར་ལམ་ཕྱི་མ་གཉིས་ཀྱང་རང་གྲོལ་དགོངས་པའི་སྐད་ཅིག་མ་ལ་འདུ་བ་ཡིན་ནོ། །ཡངས་ཡུལ་ཆོས་ཉིད་གྲོལ་སོགས། མཁྱེན་ནོ། །དེ་ཡང་ཀུན་མཁྱེན་ཆེན་པོས། ཀློང་གྱུར་དུས་ན་ཡེངས་མེད་ཡེངས་མཁན་མེད། །བརྟན་པ་མཐར་ཕྱིན་ཡེངས་ཡུལ་ཆོས་ཉིད་ངེས། །ཞེས་པ་ལྟར་ཡེངས་ཡུལ་ཆོས་ཉིད་དུ་ཤར་ཏེ། ཆོས་ཉིད་ཀུན་ཏུ་འགྲོ་བའི་རང་བཞིན་དུ་རྟོགས་ཚེ་རྩོལ་བྱུང་འདུ་བྱེད་ཀྱི་དྲན་པ་དང་བྲལ་ཏེ་རྩོལ་མེད་རང་ཤར་གྱི་དྲན་པ་ཡང་དག་བྱང་ཆུབ་ཀྱི་ཡན་ལག །མཉམ་གཞག་ཏུ་ཤེས་རབ་རང་བྱུང་གི་སྒྲོན་མ་ཀ་དག་དངོས་མཚན་སྤངས་པའི་མངོན་སུམ་གྱི་དགོངས་པ་ཇི་ལྟ་བའི་རང་ངོ་ལ་གནས་ཤིང༌། རྗེས་ཐོབ་ཏུ་བསྒོམས་བྱུང་རྟོགས་པའི་ཤེས་རབ་རྩལ་འབར་ཏེ། ཆོས་ཅན་ཇི་སྙེད་པའི་རྣམ་གྲངས་མཁྱེན་པའི་

― ZP04_Page_659 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒོམས་བྱུང་གི་ཤེས་རབ་ནི་ཆོས་རབ་རྣམ་འབྱེད་ཡང་དྲག་བྱང་ཆུབ་ཀྱི་ཡན་ལག །ངང་གནས་ཆུ་བོ་རྒྱུན་གྱི་བརྩོན་འགྲུས་ཀྱི་ཆོས་ཉིད་རྟོགས་པ་དང་བརྟན་པར་བྱེད་པ་ནི་བརྩོན་འགྲུས་ཡང་དག་བྱང་ཆུབ་ཀྱི་ཡན་ལག །བརྩོན་འགྲུས་དེའི་ལག་རྗེས་སེམས་ལ་ཤར་ནས་ངན་རྟོག་གི་འཆིང་བ་ལས་གྲོལ་ཏེ། དགའ་བདེ་རྒྱུན་ཆད་མེད་པའི་ཏིང་ངེ་འཛིན་ལ་གནས་པ་ནི་དགའ་བ་ཡང་དག་བྱང་ཆུབ་ཀྱི་ཡན་ལག །ངང་གནས་བསམ་གཏན་གྱི་བརྩོན་པའི་ལག་རྗེས་ལུས་ལ་ཤར་ཏེ་ལུས་རང་དབང་དང་བྲལ་བའི་ལས་ཉོན་ལས་གྲོལ་ནས་ཤིན་སྦྱང་གི་བདེ་བ་ཁྱད་པར་ཅན་སྐྱེས་ཤིང༌། སྐྱེ་ཤིའི་སྡུག་བསྔལ་ལས་གྲོལ་བ་ནི་ཤིན་ཏུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་ཡིན་ཏེ། རྒྱུད་བླ་མ་ལས། འཕགས་པས་སྐྱེ་དང་ན་བ་དང༌། །རྒ་བའི་སྡུག་བསྔལ་རྩད་ནས་སྤངས། །ཞེས་སོ། །དེ་ལྟ་ན་རྟོགས་པ་ཀློང་དུ་གྱུར་པའི་རྣལ་འབྱོར་པ་ལ་སྐྱེ་རྒ་ན་འཆི་ལྟར་སྣང་བ་ཅི་ཡིན་ཞེ་ན། དེ་ནི་གཞན་སྣང་གདུལ་བྱའི་དབང་གིས་དེ་ལྟར་བསྟན་པ་ཡིན་གྱི་རང་ངོར་སྐྱེ་འཆི་རང་མཚན་པ་མེད་དེ། མདོ་སྡེ་རྒྱན་ལས། དེ་ཡིས་ཆོས་ཀུན་སྒྱུ་མ་ལྟ་བུ་དང༌། །སྐྱེ་བ་སྐྱེད་མོས་ཚལ་འགྲོ་ལྟར་རྟོགས་ནས། །ཞེས་སོ། །དགོངས་པ་རང་གནས་ཀྱི་བསམ་གཏན་རྟོགས་བྲལ་ཟང་ཐལ་གྱི་ཡེ་ཤེས་དང་འདུ་འབྲལ་མེད་པ་ནི་ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག །རོ་མཉམ་བླང་དོར་མེད་པའི་དགོངས་པ་མངོན་དུ་གྱུར་

― ZP04_Page_660 ―

^{[མ་དཔེ་གཟིགས་ན་འདིར་གནོན།]}

[Full Size]

པས་ཡིན་མིན་ཡོད་མེད་བཟང་ངན་ལ་སོགས་གཉིས་ཆོས་ཐམས་ཅད་གཉིས་མེད་རིག་པའི་ཀློང་དུ་རོ་གཅིག་པ་ནི་བཏང་སྙོམས་ཡང་དག་བྱང་ཆུབ་ཀྱི་ཡན་ལག་སྟེ་བྱང་ཆུབ་ཀྱི་ཡན་ལག་བདུན་དགོངས་པའི་རྩལ་ལ་རྫོགས་པའི་མཐོང་ལམ་འཕགས་པའི་ཡེ་ཤེས་ནི། །ཆོས་ཉིད་ཀུན་ཏུ་འགྲོ་བའི་རང་བཞིན་རྟོགས་པས་ན་ཀུན་ཁྱབ་ཀྱི་ཡེ་ཤེས་ཡིན་ཏེ། དེ་ཡང་མཚན་ཉིད་ཐེག་པར། རྫོགས་པའི་སངས་རྒྱས་རྣམས་མཉེས་བྱས། བསོད་ནམས་ཡེ་ཤེས་ཚོགས་རབ་བསགས། །ཆོས་ལ་མི་རྟོག་ཡེ་ཤེས་ནི། །སྐྱེས་ཕྱིར་དེ་ནི་དམ་པར་འདོད། །ཅེས་པ་ལྟར་ཡོངས་འཛིན་རྫོགས་པའི་སངས་རྒྱས་མང་པོ་མཉེས་པར་བྱས་ཤིང༌། རྗེས་སྒྲུབ་བསྐལ་པ་གྲངས་མེད་གཉིས་སུ་ཚོགས་གཉིས་རྫོགས་པ་ལ་བརྟེན་ནས་མཐོང་ལམ་རྣམ་པར་མི་རྟོག་པའི་ཡེ་ཤེས་འཕགས་ལམ་གྱི་རྟོགས་པ་སྐྱེ་བར་བཞེད་ཀྱང་འདིར་རང་བཞིན་རྫོགས་པ་ཆེན་པོའི་ལམ་དུ་ཡོངས་འཛིན་དམ་པ་རྟོགས་པས་བདག་རྒྱུད་གྲོལ་བའི་བླ་མ་སངས་རྒྱས་ཀུན་འདུས་ཀྱི་ངོ་བོར་ངེས་ཤེས་ཐོབ་པ་ལ་བརྟེན་ཅིང༌། །རྗེས་སྒྲུབ་དམ་པ་བསྐལ་པའི་ཚོགས་ཀྱང་སྐད་ཅིག་ལ་འདུམ་པའི་གསང་སྔགས་ཀྱི་ཐབས་མཁས་དང་བཅས་པས་སྔོན་འགྲོ་ཚོགས་གཉིས་ཀྱི་བྲེ་ཁ་འགེངས་པས་རྒྱུད་སྦྱོང་བ་སོང་ནས། ཆོས་ཉིད་རྣམ་པར་མི་རྟོག་པའི་ཡེ་ཤེས་ཟང་ཐལ་རིག་པའི་ཆོས་ཉིད་མན་ངག་གི་གནད་ལ་བརྟེན་ནས་ངོ་སྤྲད་པ་ན་རྫོགས་ཆེན་གྱི་གདུལ་བྱ་ཐུན་མོང་མ་ཡིན་པ་རིག་པ་རང་

― ZP04_Page_661 ―

^{[མ་དཔེ་གཟིགས་ན་འདིར་གནོན།]}

[Full Size]

སྣང་གི་བློ་ཅན་དག་རྟོགས་གྲོལ་དུས་མཉམ་སོང་སྟེ། ཁྲེགས་ཆོད་ཆོས་ཟད་ཀྱི་ཡེ་ཤེས་དང༌། ཐོད་རྒལ་མངོན་སུམ་གྱི་འོད་གསལ་མཐོང་བས་ན་འཕགས་ལམ་རྫོགས་པ་ཆེན་པོར་གྲགས་པ་ཡིན་ནོ། །དེ་ལྟ་བུའི་ཡེ་ཤེས་རྒྱུད་ལ་སྐྱེས་པའི་ཚེ་རྫོགས་པ་ཆེན་པོའི་རྟོགས་པ་ངོ་འཕྲོད་ནས་གང་ཟག་རྫོགས་པ་ཆེན་པོར་སོང་བ་ཡིན་གྱི། ཆོས་རྫོགས་ཆེན་གྱི་སྒོར་ཞུགས་པ་ཙམ་དང༌། ངོ་སྤྲོད་ཐོབ་པ་ཙམ་གྱིས་རྫོགས་པ་ཆེན་པོར་མི་འགྲོ་ཞིང༌། རྟོགས་པ་ཙམ་རྒྱུད་ལ་སྐྱེས་བློ་ལའང་དངོས་དང་དངོས་འདྲ་དངོས་མིན་གྱི་དབྱེ་བ་བསམ་གྱིས་མི་ཁྱབ་པ་ཡོད་པས་དབང་པོ་འབྲིང་ཕྱིན་ཆད་སྣང་བ་ཡུལ་གྱི་བློ་ཅན་དག་ཐོས་བསམ་གྱི་ཤེས་རབ་རྒྱ་བསྐྱེད་ནས་ལམ་ཐུན་མོང་བའི་སྦྱངས་པ་རྩལ་དུ་བཏོན་ཏེ་ཞེན་མེད་ཀྱི་ཡེ་ཤེས་ལ་འདྲིས་པར་བྱ་བ་ནི་གནད་དམ་པ་ཡིན་ལ། ཚིག་ཙམ་གྱི་ལྟ་བ་ཁ་ལ་ཁྱེར་ཏེ་མངོན་པའི་ང་རྒྱལ་བསྐྱེད་པ་ནི་ལམ་གོལ་བདུད་ཀྱིས་བསླུས་པ་ཡིན་གྱི་གང་ཟག་རྫོགས་པ་ཆེན་པོ་མིན་ནོ། །ལྟ་བས་རྟོག་པ་སོགས། མཁྱེན་ནོ། །ལྟ་བ་མངོན་སུམ་གྱི་ཡེ་ཤེས་རྟོགས་པས་བཟང་ངན་གྱི་རྟོག་པ་ཐམས་ཅད་ཆོས་ཉིད་དུ་གྲོལ་ཏེ་སྨྲ་སྤྱོད་ཡེ་ཤེས་སུ་འཆར་ཞིང་ཡུལ་སྣང་བདེ་ཆེན་དུ་འཆར་བས་ཡེངས་ཡུལ་ཆོས་ཉིད་དུ་དག་སྟེ་རྩོལ་མེད་ཀྱི་དྲན་པ་ལ་གནས་པ་ནི་ཁྱབ་གདལ་ཆེན་པོའི་ཏིང་འཛིན་ཅེས་བྱ་སྟེ། ཇི་སྐད་དུ། དྲན་པ་རང་གྲོལ་ཐིག་ལེའི་ངང༌། །ཁྱབ་གདལ་ནམ་མཁའི་ཁོར་ཡུག་ལ། །དྲན་པས་བཟུང་དང་མ་བཟུང་མེད། །དྲན་པའི་སྒྲོག་བཅིངས་མཐོལ་ལོ་བཤགས། །ཞེས་སོ། །དེ་ལྟར་འཕགས་པའི་

― ZP04_Page_662 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་ཡན་ལག་བརྒྱད་རྒྱང་རིག་ངོར་རོ་གཅིག་ཏུ་རྫོགས་པ་ཡིན་ཏེ། ལྟ་བ་ཆོས་ཉིད་གྱི་གནས་ལུགས་མཐོང་བ་ནི་ཡང་དག་པའི་ལྟ་བ། ལྟ་བ་དེའི་རྩིས་ཟིན་པས་བཟང་ངན་གྱི་རྟོག་པ་ཐམས་ཅད་རང་ངོར་གྲོལ་བ་ནི་ཡང་དག་པའི་རྟོག་པ། དེས་ན་ངག་གི་སྨྲ་བ་ཐམས་ཅད་ཀྱང་ཡེ་ཤེས་ཀྱི་རོལ་པར་འཆར་བ་ནི་ཡང་དག་པའི་ངག །སྤྱོད་ལམ་ཐམས་ཅད་ཡེ་ཤེས་ཀྱི་རོལ་པར་ཅིང་སྣང་དགག་སྒྲུབ་མེད་པས་ཅི་བྱེད་གཞན་དོན་དུ་འབྱུང་བ་ནི་ཡང་དག་པའི་ལས་མཐའ། གཟུགས་སྒྲ་དྲི་རོ་རེག་བྱ་ལ་སོགས་ཕྱི་ཡུལ་ལྔའི་འདོད་ཡོན་ཐམས་ཅད་བདེ་བ་ཆེན་པོའི་ཡེ་ཤེས་ཀྱི་རྣམ་རོལ་དུ་འཆར་བ་ན་ལོག་པའི་འཚོ་བ་འབྱུང་མི་སྲིད་པ་ནི་ཡང་དག་པའི་འཚོ་བ། ལམ་རང་ཤུགས་ཀྱིས་འབྱུང་བས་རང་དོན་ལམ་གྱི་རྩོལ་བ་ངང་གིས་སྐྱེས་ནས་རྩོལ་མེད་ཀྱི་བརྩོན་པ་ཡང་དག་པའི་བརྩོན་འགྲུས། རྩོལ་བ་མེད་བཞིན་དགོངས་པ་ཆོས་ཉིད་ལས་མི་གཡོ་བའི་དྲན་པ་ནི་ཡང་དག་པའི་དྲན་པ། དེའི་ཚེ་དཔའ་བར་འགྲོ་བ་ལ་སོགས་པའི་ཏིང་ངེ་འཛིན་གྱི་སྒོ་བརྒྱ་ཕྲག་ལ་སྙོམས་པར་འཇུག་ཅིང་ལྡང་བ་ནི་ཡང་དག་པའི་ཏིང་ངེ་འཛིན་ཏེ་སྒོམ་ལམ་དུ་འཕགས་ལམ་བརྒྱད་སྒོམ་པའི་དོན་ནོ། །དེ་ལྟར་ལམ་ལྔ་དང་ས་བཅུ་བྱང་ཕྱོགས་སོ་བདུན་ལ་སོགས་པ་རྣམས་ཀྱང་མཚན་ཉིད་ཐེག་པ་ལྟར་ས་ལམ་རིམ་གྱིས་བགྲོད་པ་དང༌། དགོངས་པ་མཐོ་དམན་ཡོད་པ་ལྟ་བུ་ནི་མ་ཡིན་གྱི་ས་ལམ་དང་བྱང་ཕྱོགས་དེ་དག་གི་མཐར་ཐུག་པ་རིག་སྟོང་རྟོགས་པའི་ཡེ་ཤེས་གཅིག་གི་ངོར་ཚང་བ་བཞིན་

― ZP04_Page_663 ―

^{[མ་དཔེ་གཟིགས་ན་འདིར་གནོན།]}

[Full Size]

བཤད་པ་སྟེ་དེ་དག་ཀྱང་རང་རང་གི་ལྡོག་པས་དབྱེ་བ་ཙམ་ལས་ངོ་བོ་ཐ་དད་པ་ནི་མེད་དོ། །དེས་ན་དྲན་པ་ཉེར་གཞག་གི་སྐབས་སུ། སྤྲོས་བྲལ་རྗེན་པར་སྟོན་པའི་ཞེས་སྤྲོས་བྲལ་མངོན་སུམ་དུ་སྟོན་པའི་ཡེ་ཤེས་བསྟན་པ་དང༌། ཡང་དག་སྤོང་བའི་དང་པོ་གཉིས་ཀྱི་གོ་རིམ་དཀྲུག་པ་དང༌། དེའི་སྐབས་སུ་ཆོས་སྐུའི་ཡེ་ཤེས་སྦྱིན་པ་ཞེས་དང༌། རྫུ་འཕྲུལ་གྱི་རྐང་པའི་སྐབས་སུ་ལྷན་སྐྱེས་ཀྱི་ཡེ་ཤེས་སྨོས་པ་རྣམས་ཀྱང་འགལ་བ་མེད་ཅིང་དགོས་པ་དང་བཅས་པའོ། །ཟད་པའི་ཡེ་ཤེས་སོགས། མཁྱེན་ནོ། །ཟད་པ་མཐར་ཐུག་གི་ཡེ་ཤེས་མངོན་སུམ་མཐོང་ཞིང་ཕྱིན་ཅི་མ་ལོག་པ་མངོན་དུ་གྱུར་པ་ནི། མཐར་ཐུག་གྲོལ་སའི་ཀ་དག་སྟེ་འབྲས་བུའི་གཏུགས་ས་ཡིན་ནོ། །དེའི་ཚེ་རྫོགས་པའི་སངས་རྒྱས་མགོན་པོ་རྡོ་རྗེ་འཆང་གི་གོ་འཕང་བརྙེས་ནས་གཞན་སྣང་ཐུགས་རྗེའི་ལམ་དུ་ཆོས་སྐུ་ལས་ལོངས་སྐུ། ལོངས་སྐུ་ལས་སྤྲུལ་སྐུ་སྟེ། སྐུ་གསུམ་ལུགས་འབྱུང་དུ་འབྱུང་བས་འབྲས་ཆོས་རྒྱ་མཚོ་ལྟ་བུ་ལ་དབང་ཞིང་སངས་རྒྱས་ཀྱི་ཡོན་ཏན་བསམ་གྱིས་མི་ཁྱབ་པ་བརྙེས་པ་སྟེ། ཡོན་ཏན་གྱི་རྣམ་གྲངས་བསྡུ་ན་ཐུན་མོང་དང་ཐུན་མོང་མ་ཡིན་པ་གཉིས་ལས་ཐུན་མོང་པ་ཉན་རང་བྱང་སེམས་སོགས་ཀྱི་ཡོན་ཏན་དང་ཕྱོགས་འདྲ་ལ། ཐུན་མོང་མ་ཡིན་པ་ཆོས་སྐུའི་ཡོན་ཏན་བསྡུ་ན་གསུམ་སྟེ། མཁྱེན་པས་ཤེས་བྱ་ཁྱབ་པ་དང༌། འགྲོ་ཀུན་གྱི་ལམ་སྟོན་མཛད་པ་དང༌། །

― ZP04_Page_664 ―

^{[མ་དཔེ་གཟིགས་ན་འདིར་གནོན།]}

[Full Size]

སྲིད་ཞིའི་ཡུལ་ལས་འདས་པ་དང་གསུམ། དང་པོས་མཁྱེན་པའི་སྟོབས་བཅུ་རྡོ་རྗེ་ལྟ་བུ། གཉིས་པས་མི་འཇིགས་བཞི་སེང་གེ་ལྟ་བུ་དང༌། གསུམ་པས་མ་འདྲེས་པ་བཅོ་བརྒྱད་ནམ་མཁའ་ལྟ་བུ་སྡེ་ཚན་གསུམ་དུ་བསྟན་ཏེ། དང་པོ་ནི། །གནས་དང་གནས་མིན་རྣམ་སྨིན་དབང་པོ་དང༌། །ཁམས་དང་མོས་པ་སྣ་ཚོགས་ཀུན་འགྲོའི་ལམ། །བསམ་གཏན་སྔོན་གནས་རྗེས་དྲན་ལྷ་ཡི་མིག །ཟག་ཟད་མཁྱེན་པའི་སྟོབས་བཅུ་དང་ལྡན་ཤོག །ཅེས་པ་ལྟར་ཤེས་པར་བྱ་བའི་ཡུལ་བཅུ་ལ་ཤེས་བྱེད་ཀྱི་མཁྱེན་པ་ཆགས་ཐོགས་མེད་པར་འཇུག་པ་མཁྱེན་པའི་སྟོབས་བཅུ་ནི་ཐེ་ཚོམ་གྱི་རྩིག་པ་འཇིག་པ་དང༌། གང་ལའང་ཐོགས་པ་མེད་པ་རྡོ་རྗེ་ལྟ་བུའོ། །གཉིས་པ་ནི། །རང་དོན་ཆོས་སྐུ་རྫོགས་པར་བྱང་ཆུབ་ནས། །ཟག་པ་བག་ཆགས་བཅས་པ་ཀུན་སྤངས་ཏེ། །གཞན་གྱི་དོན་དུ་ལམ་དང་འགོག་བདེན་ལ། །མི་འཇིགས་ཡོན་ཏན་བཞི་དང་ལྡན་པར་ཤོག །ཅེས་པ་སྟེ། རང་དོན་སྤང་རྟོགས་མཐར་ཕྱིན་ནས་གཞན་དོན་དུ་ལམ་དང་ལམ་གྱི་གེགས་དམ་བཅའ་བ་ལ་མི་འཇིགས་པ་ནི། གང་ལའང་འཇིགས་པ་མེད་པ་དང༌། ཐམས་ཅད་ཟིལ་གྱིས་གནོན་པས་སེང་གེ་དང་འདྲའོ། །གསུམ་པ་ནི། འཁྲུལ་དང་ཅ་ཅོ་མི་མངའ་སྤྱོད་པ་དང༌། །འདུན་སོགས་ཉམས་པ་མེད་པ་རྟོགས་པ་དང༌། །ཡེ་ཤེས་ཕྲིན་ལས་འགྲན་ཟླ་མེད་པ་ཡི། །མ་འདྲེས་སངས་རྒྱས་ཆོས་རྣམས་ཐོབ་པར་ཤོག །ཅེས་པ་ལྟར་སྲིད་པ་ཁམས་

― ZP04_Page_665 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་གྱི་སེམས་ཅན་དང༌། ཞི་བ་ཉན་རང་གི་འཕགས་པ་ཐམས་ཅད་ཀྱི་ཡུལ་ལས་འདས་པས་ན་དཔེ་ཟླ་མེད་ཅིང་གང་དང་ཡང་མ་འདྲེས་པས་ནམ་མཁའ་ལྟ་བུའོ། །མཁྱེན་ནོ་བླ་མ་མཁྱེན་ནོ་སོགས། །ཕོ་ཉ་རུ་གྱུར་ཅིག །ཇི་སྐད་དུ། །ཤིན་ཏུ་དོན་ཆེན་ལྡན་པ་ལ། །ཚིག་གཅིག་ལན་གཉིས་བརྗོད་པར་བྱ། །ཞེས་པ་ལྟར་མཁྱེན་ནོ་བླ་མ་མཁྱེན་ནོ་ཞེས་ནན་ཏན་དུ་སྨྲས་ནས་མོས་གུས་ཚད་མེད་པའི་གདུང་ཤུགས་གསོལ་འདེབས་ཀྱི་ཚིག་ཕྲེང་དུ་ཤར་བའི་ངག་འདི་སྐུ་དྲིན་ཚད་མེད་པའི་བླ་མ་དམ་པའི་སྙན་དབང་དུ་དེང་ནས། བདག་ཉིད་སྐྱེ་བ་ཀུན་ཏུ་རྗེས་སུ་འཛིན་པའི་ཐུགས་རྗེ་ཚད་མེད་པ་གཡོ་བར་བྱེད་པའི་ཕོ་ཉ་ལྟ་བུར་གྱུར་ཅིག །ཅེས་པའོ། །ཆོས་ལྡན་མོས་གུས་སོགས། མཁྱེན་ནོ། །ཇི་སྐད་དུ། བླ་མའི་མོས་གུས་ལོ་ཟླས་གྲོལ། །ཞེས་པ་ལྟར་མོས་ལྡན་གྱི་གང་ཟག་བདག་བླ་མའི་མོས་གུས་ཁོ་ནའི་ལམ་གྱིས་སྐད་ཅིག་ལ་གྲོལ་ཏེ། ཐུགས་ཡིད་དབྱེར་མེད་དུ་འདྲེས་ནས་རྟོགས་པ་ཆོས་སྐུའི་ངང་དུ་བླ་མའི་དགོངས་པ་དང་དབྱེར་མེད་ཅིང༌། རྗེས་ཐོབ་ཀུན་བཟང་གི་སྤྱོད་པས་མ་རྒན་སེམས་ཅན་ཐམས་ཅད་སྒྲོལ་བའི་ཕྲིན་ལས་རྩོལ་མེད་དུ་འབྱུང་བ་ཞིག་བླ་མ་རྗེ་མཁྱེན་ནོ། །ཞེས་པ་སྟེ་ཀུན་ཏུ་བཟང་པོའི་སྤྱོད་པ་ནི་སྤྱིར་རྒྱལ་བའི་སྲས་པོ་ཀུན་ཏུ་བཟང་པོ་དང་འཇམ་དཔལ་དབྱངས་ཀྱི་མཛད་སྤྱོད་ལྟ་བུ་ཡིན་པས་ཚད་གཟུང་མེད་ཀྱང༌། མདོར་བསྡུ་ན་བྱང་ཆུབ་སེམས་དཔའ་ནོར་བཟང་གིས་སྨོན་ལམ་དུ་བྱས་པ་ལྟར་ཏེ། ཇི་སྐད་

― ZP04_Page_666 ―

^{[མ་དཔེ་གཟིགས་ན་འདིར་གནོན།]}

[Full Size]

དུ། །སྤྱོད་པ་དག་ནི་ཚད་ཡོད་མ་གྱུར་ཅིག །ཡོན་ཏན་རྣམས་ཀྱང་ཚད་གཟུང་མེད་པར་ཤོག །སྤྱོད་པ་ཚད་མེད་པ་ལ་གནས་ནས་ཀྱང༌། །དེ་དག་འཕྲུལ་པ་ཐམས་ཅད་འཚལ་བར་བགྱི། །ནམ་མཁའི་མཐར་ཐུག་གྱུར་པ་ཅི་ཙམ་པ། །སེམས་ཅན་མ་ལུས་མཐའ་ཡང་དེ་བཞིན་ཏེ། །ཇི་ཙམ་ལས་དང་ཉོན་མོངས་མཐར་གྱུར་བར། །བདག་གི་སྨོན་ལམ་མཐའ་ཡང་དེ་ཙམ་མོ། །ཞེས་སོ། །ཆོས་ཀྱི་སྙིང་པོ་དོན་དམ་བྱང་ཆུབ་སེམས། །སྤྲོས་བྲལ་ཡེ་ཤེས་རྒྱལ་བའི་དགོངས་བརྒྱུད་ཆོས། །གང་ལ་བབས་པ་མོས་གུས་སྐལ་པ་ལ། །རག་ལས་ཐེག་ཆེན་ལམ་གྱི་ཁྱད་ཆོས་ཡིན། །རྟོག་བྲལ་རིག་སྟོང་རྗེན་པའི་སྐད་ཅིག་མར། །སྡེ་སྣོད་རྒྱུད་སྡེའི་བརྗོད་བྱ་ཀུན་རྫོགས་པའི། །ཉམས་ལེན་སངས་རྒྱས་ལག་བཅང་དགོངས་པའི་མཐིལ། །སྟོན་ལས་སྐུ་དྲིན་ཆེ་བ་སུ་ཞིག་ཡོད། །ཀུན་མཁྱེན་བླ་མ་རྫོགས་པའི་སངས་རྒྱས་ནས། །རྒྱལ་བའི་དགོངས་བརྒྱུད་ཟམ་མ་ཆད་པ་རུ། །བབ་པའི་མན་ངག་བླ་མ་སངས་རྒྱས་ལས། །དངོས་སུ་རྙེད་ལས་སྐལ་བཟང་གཞན་ཡོད་མིན། །དེ་སླད་མོས་གུས་གདུང་བའི་རྒྱང་འབོད་གླུས། །བརྒྱུད་གསུམ་བླ་མའི་བྱིན་རླབས་རང་རྒྱུད་ལ། །ལེན་འདོད་སྐལ་བཟང་གྲོགས་ཀྱི་བཀའ་ཕེབས་ནས། །བག་ཡངས་ཨ་བུ་ལྷོད་པོས་འདི་བྲིས་སོ། །དོན་བཟང་བླ་མའི་ཡོན་ཏན་དང་འབྲེལ་ཞིང༌། །བརྗོད་བྱ་ཐེག་རྩེའི་དགོངས་དོན་འཁྲུལ་པ་མེད། །ཀུན་སློང་ཆགས་སྡང་དུག་དང་མ་

― ZP04_Page_667 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲེས་པས། །འདི་ལས་རབ་དགེ་དྲི་མེད་དེས་པར་ཐོབ། །དམིགས་མེད་ཡེ་ཤེས་མཁྱེན་པ་འཇམ་དཔལ་དབྱངས། །གང་གི་ཡོངས་བསྔོ་དྲི་མ་མེད་པའི་རྗེས། །དགེ་ཚོགས་མཐའ་ཡས་འགྲོ་བའི་ཉེར་སྤྱད་དུ། །རྒྱལ་བའི་ཡོན་ཏན་རྒྱ་མཚོའི་རྒྱུར་གྱུར་ཅིག །ཡོན་ཏན་ལྷུན་གྱིས་གྲུབ་པའི་རྡོ་རྗེ་ལྟར། །མི་ཕྱེད་འོད་གསལ་ཡེ་ཤེས་རྫོགས་ཆེན་གྱི། །དགོངས་དོན་འཁྲུལ་པ་མེད་པ་རང་རྒྱུད་ལ། །ལེན་པའི་ཕོ་ཉ་ཉིད་དུ་འདི་གྱུར་ཅིག །ཅེས་པའང་ཆོས་དང་འཇིག་རྟེན་གྱི་བྱ་བཞག་མེད་པས་བག་ཡངས་ཤིང༌། རང་རྒྱུད་སྡོམ་པས་མ་བསྡོམས་པས་ལྷོད་པོར་གྱུར་པ་དེས་གྲོགས་མཆོག་ཟུང་གི་བཀའ་མ་ལྡོག་ནས་བྲིས་པའོ། །

རྫོགས་ཆེན་གསང་བ་སྙིང་ཐིག་གི་རྒྱུད་ཀྱི་གནད་དོན་རྣམ་པར་དབྱེ་བའི་འཕྱོང་མུན་ཁང་།

― ZP04_Page_669 ―

^{[མ་དཔེ་གཟིགས་ན་འདིར་གནོན།]}

[Full Size]

རྫོགས་ཆེན་གསང་བ་སྙིང་ཐིག་གི་རྒྱུད་ཀྱི་གནད་དོན་རྣམ་པར་དབྱེ་བའི་འཕྱོང་མུན་ཁང་གི་སྒྲོན་མེ་ཞེས་བྱ་བ་བཞུགས་སོ། །

― ZP04_Page_670 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་མཁྱེན་ཡབ་སྲས་ཆོས་ཀྱི་རྒྱལ་པོ་ལ་སྒོ་གསུམ་གུས་པས་ཕྱག་འཚལ་ཞིང་སྐྱབས་སུ་མཆིའོ། །འདིར་རང་བཞིན་རྫོགས་པ་ཆེན་པོ་གསང་བ་སྙིང་ཐིག་གི་རྒྱུད་ཆེན་པོ་དག་གི་དོན་འཆད་པ་ན་རྟོགས་ཏེ་སངས་རྒྱས་མ་བྱུང༌། མ་རྟོགས་ཏེ་འཁོར་བ་མ་བྱུང་བའི་གནས་སྐབས་ན་གདོད་མ་གཞིའི་གནས་ལུགས་ཇི་ལྟར་ཡིན་ཞེས་པ་ཚིག་གི་དོན་བཅུ་གཅིག་གི་དང་པོར་འཆད་པ་འདི་ལ་ལྟ་བ་བོན་ལུགས་ཀྱི་ཤན་ཤོར་བའི་སྒྲོ་སྐུར་སྣ་ཚོགས་སུ་སྨྲ་བ་དེང་སང་ཆེས་མང་བས་འདི་ལ་གནད་དོན་རྣམ་པར་དབྱེ་བའི་འཕྱོང་མུན་ཁུང་གི་སྒྲོན་མེ་ལྟ་བུ་འདེགས་པ་ལ་དོན་གསུམ་སྟེ། གཞི་ངོས་འཛིན་པ། དེ་མཁས་པའི་བཞེད་པ་སྒྲུབ་པ། དེ་ལ་རྩོད་པ་སྤང་བའོ། །དང་པོ་ནི། སྟོན་པ་བདེ་བར་གཤེགས་པའི་གསུང་གི་གསང་བ་ཟབ་མོ་ཐེག་པ་ཆེན་པོ་ཤིན་ཏུ་རྒྱས་པའི་མདོ་སྡེ་དག་ལས་ཁམས་བདེ་བར་གཤེགས་པའི་སྙིང་པོ་རྒྱ་ཆེར་བཤད་པ་དེ་ཉིད་གསང་སྔགས་རྡོ་རྗེ་ཐེག་པའི་གཞུང་ལ་རང་བཞིན་གཞི་རྒྱུད་ཅེས་བཞག་པ་དེ་ལ་གསང་སྔགས་ཐུན་མོང་མ་ཡིན་པ་འདིར་གདོད་མའི་ཡེ་གཞི་ཞེས་བཞག་པ་ཡིན་ཏེ་མཚན་གཞི་ལ་མི་མཐུན་པ་ཅུང་ཟད་ཀྱང་མེད་དོ། །དེ་སྐད་དུ་ཆོས་མངོན་པའི་མཛོད་ལས། ཐོག་མ་མེད་དུས་ཅན་གྱི་དབྱིངས། །ཆོས་རྣམས་ཀུན་གྱི་གནས་ཡིན་ཏེ། །འདི་ཡོད་པས་ན་འགྲོ་ཀུན་དང༌། །མྱ་ངན་འདས་པ་འབྱུང་བར་འགྱུར། །ཞེས་དང༌། དོ་ཧ་ལས། །

― ZP04_Page_671 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་ཉིད་གཅིག་པུ་ཀུན་གྱི་ས་བོན་ཏེ། །གང་ལ་སྲིད་དང་མྱ་ངན་འདས་འཕྲོ་བ། །འདོད་པའི་འབྲས་བུ་ཐམས་ཅད་རབ་སྟེར་བའི། །ཡིད་བཞིན་ནོར་འདྲའི་སེམས་ལ་ཕྱག་འཚལ་ལོ། །ཞེས་དང༌། གསང་སྙིང་ལས། ཨེ་མ་ཧོ་བདེ་གཤེགས་སྙིང་པོ་ལས། །རང་གི་རྣམ་རྟོག་ལས་ཀྱིས་སྤྲུལ། །སྣ་ཚོགས་ལུས་དང་ལོངས་སྤྱོད་དང༌། །བདག་དང་བདག་གི་སོ་སོར་འཛིན། །ཞེས་དང༌། དགོངས་འདུས་ལས། གདོད་ནས་བདེ་གཤེགས་སྙིང་པོ་ལ། །རྣམ་རྟོག་གློ་བུར་ལས་ཀྱིས་བསྒྲིབ། ཅེས་དང༌། ཡང༌། དཔག་ཏུ་མེད་པའི་རྒྱལ་བ་རྣམས། །འཁོར་བའི་སེམས་ཅན་རྒྱུ་ལས་བྱུང༌། །ཞེས་དང༌། མགོན་པོ་ཀླུས། གང་ཞིག་ཀུན་ཏུ་མ་ཤེས་ན། །སྲིད་པ་གསུམ་དུ་རྣམ་འཁོར་བ། །སེམས་ཅན་ཀུན་ལ་ངེས་གནས་པའི། །ཆོས་ཀྱི་དབྱིངས་ལ་ཕྱག་འཚལ་འདུད། །ཞེས་དང༌། ཡང༌། གང་ཞིག་འཁོར་བའི་རྒྱུར་གྱུར་པ། །དེ་ཉིད་སྦྱང་བ་བྱས་པ་ལས། །དག་པ་ཉིད་དེ་མྱ་ངན་འདས། །ཆོས་ཀྱི་སྐུ་ཡང་དེ་ཉིད་དོ། །ཞེས་དང༌། ཀུན་བྱེད་ལས། ང་ནི་སྟོན་པ་ཀུན་བྱེད་བྱང་ཆུབ་སེམས། །བྱང་ཆུབ་སེམས་ནི་ཀུན་བྱེད་རྒྱལ་པོ་སྟེ། །དུས་གསུམ་སངས་རྒྱས་བྱང་ཆུབ་སེམས་ཀྱིས་བྱས། །ཁམས་གསུམ་སེམས་ཅན་བྱང་ཆུབ་སེམས་ཀྱིས་བྱས། །ཞེས་པ་ལ་སོགས་

― ZP04_Page_672 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱ་ཆེར་བསྟན་པ་ཡིན་ཏེ། མདོ་སྔགས་དགོངས་པ་གཅིག་ཏུ་བབས་པ་ཡིན་ནོ། །འོ་ན་རྣལ་འབྱོར་སྤྱོད་པ་སེམས་ཙམ་པ་ཀུན་གཞིའི་རྣམ་ཤེས་བདེན་པར་གྲུབ་པ། བདེ་གཤེགས་སྙིང་པོར་འདོད་པ་ཡོད་ན་འདི་དེ་དང་གཅིག་གམ་ཞེ་ན། དེ་ནི་མི་གཅིག་མོད་ཀྱི་བདེན་གྲུབ་བདེ་གཤེགས་སྙིང་པོར་འདོད་པ་ནི་གྲུབ་མཐའི་བློ་སྐྱོན་ཡིན་གྱི། དེ་དང་མཚུངས་མི་དགོས་ཀྱང་དབུ་མ་ཡན་ཆད་གཞིའི་འཇོག་ལུགས་མཐུན་པ་ཡིན་ནོ། །འདིར་དེའི་མཚན་ཉིད་རྣམ་པར་བཞག་པའི་སྐབས་སུ་རང་བཞིན་རྫོགས་པ་ཆེན་པོའི་རྒྱུད་སྡེ་དག་ལས། ངོ་བོ་རང་བཞིན་ཐུགས་རྗེ་གསུམ་གྱི་བདག་ཉིད་དུ་བཤད་དེ། ཐལ་འགྱུར་ལས། ཐོག་མའི་ངོ་བོ་རང་བཞིན་དང༌། །ཐུགས་རྗེ་རྣམ་པ་གསུམ་དུ་གནས། །ཞེས་སོ། །དེ་དང་མཐུན་པར་རྒྱུད་བླ་མ་ལས་ཀྱང་གསུམ་དུ་བཞག་སྟེ། ངོ་བོ་དེ་བཞིན་ཉིད་དང༌། རང་བཞིན་ཆོས་སྐུ་དང༌། ཐུགས་རྗེ་ཁམས་དང་རིགས་ཞེས་བཞག་པ་ཡིན་ལ། དང་པོ་ངོ་བོ་སྟོང་པའི་ངོས་ནས་གཞལ་ན་ཡོད་མེད་ཡིན་མིན་སྤྲོས་པའི་མཐའ་ཐམས་ཅད་དང་བྲལ་བ་ནམ་མཁའི་དཀྱིལ་ལྟར་གནས་ཏེ། །རྒྱུད་བླ་མའི་འགྲེལ་པ་ལས། དེ་བཞིན་ཉིད་ནི་གཞན་དུ་འགྱུར་བ་མ་ཡིན་པ་ཉིད་ཀྱིས་རང་གི་ངོ་བོའི་མཚན་ཉིད་ལས་བརྩམས་ནས། ནམ་མཁའ་དང་ཆོས་མཐུན་པ་ཉིད་དུ་རིག་པར་བྱའོ་ཞེས་དང༌། རིན་ཆེན་ཕྲེང་བ་ལས། ངོ་བོ་རབ་ཏུ་མི་གནས་ན། །ཡོད་མིན་མེད་མིན་གཉིས་ཀ་མིན། །

― ZP04_Page_673 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོང་པ་མ་ཡིན་མི་སྟོང་མིན། །རྒྱུ་མེད་མ་ཡིན་ཡང་དག་མིན། །བདེན་པ་མ་ཡིན་རྫུན་པ་མིན། །དག་པ་མ་ཡིན་མ་དག་མིན། །བླང་མེད་དོར་མེད་དེ་ཁོ་ན། །ཞེས་དང༌། སྐྱེ་མེད་རིན་པོ་ཆེའི་མཛོད་ལས། །སྟོང་ཉིད་འཁོར་འདས་སྙིང་པོ་ཅན། །གཞི་ལམ་འབྲས་བུ་སྐྱེ་མེད་ཀྱི། །གཞི་རྩ་དྲན་མེད་བློ་ལས་འདས། །སེམས་མེད་སེམས་ལས་བྱུང་བའང་མེད། །བྱ་བྲལ་རེ་དོགས་རྒྱུན་འཆིང་ཆད། །ཅེས་དང༌། དབུ་མ་སྲིད་པ་འཕོ་བ་ལས། །རང་བཞིན་ཐམས་ཅད་མཁའ་དང་མཉམ། །རྒྱུ་མེད་འབྲས་བུ་མེད་པ་དང༌། །ལས་ཀྱི་དངོས་པོ་མེད་པ་དང༌། །དངོས་པོ་ཐམས་ཅད་འདི་ལྟར་མེད། །འཇིག་རྟེན་འདི་དང་ཕ་རོལ་དང༌། །སྐྱེ་བ་མེད་པའི་ངོ་བོ་ཉིད། །ཅེས་དང༌། མུ་ཏིག་ཕྲེང་བ་ལས། ཐོག་མ་ཉིད་ཀྱི་ཀ་དག་ལ། །འཁྲུལ་ཞེས་ཙམ་དུ་བརྗོད་དུ་མེད། །དེ་བཞིན་མ་འཁྲུལ་པའང་ཅི། །ཞེས་སོགས་རྒྱ་ཆེར་བཤད་ཅིང་རང་བཞིན་ཆོས་སྐུའི་ངས་ནས་ཡོན་ཏན་ལྷུན་གྱིས་གྲུབ་པར་བསྟན་ཏེ། རྒྱུད་བླ་མའི་འགྲེལ་པ་ལས། དེ་ལ་རེ་ཞིག་དེ་བཞིན་གཤེགས་པའི་ཆོས་ཀྱི་སྐུ་ལ་ནི་བསམ་པའི་དོན་འགྲུབ་པ་ལ་སོགས་པའི་མཐར་ཐུག་གི་ངོ་བོ་ཉིད་ཀྱི་མཚན་ཉིད་ལས་བརྩམས་ནས། ཡིད་བཞིན་གྱི་ནོར་བུ་དང་ཆོས་མཐུན་པ་ཉིད་དུ་རིག་པར་བྱའོ་ཞེས་དང༌། དོ་ཧ་ལས། སེམས་ཉིད་གཅིག་པུ་ཀུན་གྱི་ས་བོན་

― ZP04_Page_674 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེ་སོགས་སྔར་དྲངས་པ་ལྟར་དང༌། ཏིང་འཛིན་རྒྱལ་པོའི་མདོ་ལས། དག་པ་དང་བ་འོད་གསལ་བ། །མི་འཁྲུགས་འདུས་མ་བྱས་པ་ཉིད། །བདེ་བར་གཤེགས་པའི་སྙིང་པོ་སྟེ། །ཡེ་ནས་གནས་པའི་ཆོས་ཉིད་དོ། །ཞེས་དང༌། འཇམ་དཔལ་ཞལ་ལུང་ལས། རྫོགས་པ་ཆེན་པོ་ཡེ་ཤེས་སྤྱི་ཡི་གཟུགས། །ཡོངས་སུ་དག་སྐུ་རྡོ་རྗེ་འཆང་ཆེན་པོ། །ཞེས་དང༌། སྒྱུ་འཕྲུལ་ལས། རང་བྱུང་ཡེ་ཤེས་བྱང་ཆུབ་སེམས། །བྱང་ཆུབ་སྙིང་པོ་འདུས་མ་བྱས། །ལྷུན་རྫོགས་ཡོན་ཏན་འབར་བས་བརྒྱན། །ལྷུན་གྲུབ་དཀྱིལ་འཁོར་བླ་མེད་པའོ། །ཞེས་དང༌། ཆོས་དབྱིངས་བསྟོད་པ་ལས། །ཇི་ལྟར་བུམ་ནང་མར་མེ་ཡིས། །ཕྱི་རོལ་ཀུན་ཏུ་མི་སྣང་ལྟར། །དེ་བཞིན་ཆོས་ཀྱི་དབྱིངས་འདི་ཡང༌། །འཁོར་བར་འོད་ནི་གསལ་མ་ཡིན། །བུམ་པ་དེ་ཉིད་བཅག་གྱུར་ན། །ཐམས་ཅད་ཀུན་ཏུ་སྣང་བ་ལྟར། །གང་ཚེ་ཏིང་འཛིན་རྡོ་རྗེ་ཡིས། །སྒྲིབ་པ་ཀུན་ཏུ་བཅོམ་གྱུར་པ། །དེ་ཚེ་ནམ་མཁའི་མཐར་ཐུག་གསལ། །ཞེས་དང༌། ཀུན་བྱེད་ལས། ཀུན་གྱི་སྙིང་པོ་བྱང་ཆུབ་སེམས་འདིར་ནི། །ཡེ་ནས་རང་གི་རང་བཞིན་ལྷུན་གྲུབ་པས། །རང་བཞིན་བཅུ་ཡིས་བཙལ་ཞིང་བསྒྲུབ་མི་དགོས། །ཞེས་སོགས་རྒྱ་ཆེར་བཤད་ཅིང༌། །ཐུགས་རྗེ་རིག་པའི་ཡེ་ཤེས་དེ་བཞིན་གཤེགས་པའི་རིགས་

― ZP04_Page_675 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་བཞག་པ་ཡིན་ཏེ། རྒྱུད་བླའི་འགྲེལ་པ་ལས། དེ་བཞིན་གཤེགས་པའི་རིགས་ལ་ནི་སེམས་ཅན་ལ་སྙིང་བརྩེ་བས་བརླན་པའི་རང་གི་ངོ་བོ་ཉིད་ཀྱི་མཚན་ཉིད་ལས་བརྩམས་ནས་ཆུ་དང་ཆོས་མཐུན་པ་ཉིད་དུ་རིག་པར་བྱའོ། །ཞེས་དང༌། སྡུད་པ་ལས། ཡེ་ཤེས་མེད་ན་ཡོན་ཏན་འཕེལ་མེད་བྱང་ཆུབ་མེད། །རྒྱ་མཚོ་འདྲ་བའི་སངས་རྒྱས་ཆོས་ཀྱང་མེད་པར་འགྱུར། །ཞེས་དང༌། །འཇམ་དཔལ་ཞལ་ལུང་ལས། དངོས་ཀུན་གཙོ་བོ་རང་སེམས་ཀྱི། །ངོ་བོ་ཉིད་དེ་དེ་རྟོགས་ན། །སངས་རྒྱས་བྱང་ཆུབ་དེ་ཉིད་དེ། །འཇིག་རྟེན་གསུམ་ཡང་དེ་ཉིད་དོ། །ཅེས་དང༌། ཡང༌། སངས་རྒྱས་མྱ་ངན་མེད་པའི་ཁམས། །སྐྱེ་མེད་རྡོ་རྗེ་མངོན་བྱང་ཆུབ། །བདེ་གཤེགས་སྙིང་པོ་ཀུན་གྱི་མཆོག །གཉིས་མེད་རྟོག་བྲལ་དོན་ཆེའོ། །ཞེས་དང༌། ཀྱེ་རྡོར་ལས། སེམས་ཅན་རྣམས་ནི་སངས་རྒྱས་ཉིད། །འོན་ཀྱང་གློ་བུར་དྲི་མས་བསྒྲིབ། །དེ་བསལ་ན་ནི་སངས་རྒྱས་ཉིད། །ཅེས་དང༌། ཐལ་འགྱུར་ལས། ཐུགས་རྗེ་ཀུན་ཁྱབ་ཡེ་ཤེས་ལས། །མི་མཛད་སྣ་ཚོགས་འཆར་བའི་སྒོ། །མཛད་པ་ལྟར་སྣང་ངོ་བོར་རྫོགས། །ཆོས་སྐུ་སྟོང་པའི་རང་བཞིན་ལས། །ཡེ་ཤེས་མཁྱེན་པ་རྫོགས་པའི་ཆ། །ཤུགས་ཀྱིས་སེམས་ཅན་རྣམས་ལ་འཆར། །དེ་མེད་འཁོར་འདས་ལྟེ་ཆད་པས། །མཁྱེན་པས་རིག་ཅིང་གསལ་བའོ། །

― ZP04_Page_676 ―

^{[མ་དཔེ་གཟིགས་ན་འདིར་གནོན།]}

[Full Size]

རང་རིག་གསལ་བའི་བདག་ཉིད་ལས། །རང་བཞིན་ཤུགས་ཀྱི་ཐུགས་རྗེ་ཉིད། །མ་འགག་འགག་པ་མེད་པའོ། །ཞེས་སོགས་རྒྱ་ཆེར་བསྟན་ཅིང་དོན་འདི་དག་འཁོར་ལོ་བར་པའི་མདོ་རྣམས་སུ་ནི་ངོ་བོ་སྟོང་པ་ཉིད་དང༌། རང་བཞིན་མཚན་ཉིད་མེད་པ། ཐུགས་རྗེ་སྨོན་པ་མེད་པའི་རང་བཞིན་བདེ་གཤེགས་སྙིང་པོ་རྣམ་ཐར་སྒོ་གསུམ་དུ་བསྟན་པ་ཡིན་ཏེ། ཚངས་པ་ཁྱད་པར་སེམས་ཀྱིས་ཞུས་པའི་མདོ་ལས། ཆོས་ཐམས་ཅད་ཀྱི་རང་བཞིན་དེ་གང་ཞེ་ན་ཆོས་ཐམས་ཅད་ནི་སྟོང་པ་ཉིད་ཀྱི་རང་བཞིན་ཅན་ཏེ་དམིགས་པ་དང་བྲལ་བའོ། །ཆོས་ཐམས་ཅད་ནི་མཚན་མ་མེད་པའི་རང་བཞིན་ཏེ་རྟོག་པ་དང་བྲལ་བའོ། །ཆོས་ཐམས་ཅད་ནི་སྨོན་པ་མེད་པའི་རང་བཞིན་ཅན་ཏེ་བླང་བ་མེད་པ་དོར་བ་མེད་པའི་རང་བཞིན་ཏེ་རྣམ་པར་རྟོག་པ་དང་ནུས་པ་མེད་པ། ཤིན་ཏུ་ངོ་བོ་ཉིད་དང་བྲལ་བ་ཡིན་ཏེ། དེ་ནི་རང་བཞིན་གྱི་འོད་གསལ་པའོ། འཁོར་བའི་རང་བཞིན་གང་ཡིན་པ་དེ་མྱ་ངན་ལས་འདས་པའི་རང་བཞིན་ཡིན་ནོ། །མྱ་ངན་ལས་འདས་པའི་རང་བཞིན་གང་ཡིན་པ་དེ་ཆོས་ཐམས་ཅད་ཀྱི་རང་བཞིན་ཡིན་ཏེ། དེའི་ཕྱིར་སེམས་རང་བཞིན་གྱི་འོད་གསལ་བའོ། །ཞེས་དང༌། ལང་ཀར་གཤེགས་པ་ལས། བློ་གྲོས་ཆེན་པོ་དེ་བཞིན་གཤེགས་པའི་སྙིང་པོ་བསྟན་པ་ནི་མུ་སྟེགས་ཅན་གྱི་བདག་ཏུ་སྨྲ་བ་དང་མཚུངས་པ་མ་ཡིན་ཏེ། བློ་གྲོས་ཆེན་པོ་དེ་བཞིན་གཤེགས་པ་

― ZP04_Page_677 ―

^{[མ་དཔེ་གཟིགས་ན་འདིར་གནོན།]}

[Full Size]

དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་སྟོང་པ་ཉིད་དང༌། ཡང་དག་པའི་མཐའ་དང༌། མྱ་ངན་ལས་འདས་པ་དང༌། མ་སྐྱེས་པ་དང༌། མཚན་མ་མེད་པ་དང༌། སྨོན་པ་མེད་པ་ལ་སོགས་པའི་ཚིག་གི་དོན་རྣམས་ལ་དེ་བཞིན་གཤེགས་པའི་སྙིང་པོར་བསྟན་པར་བྱས་ནས་ཞེས་སོགས་བཤད་པ་ཡིན་ཏེ། ཐེག་ཆེན་མདོ་སྔགས་གཉིས་ཀ་གཞིའི་མཚན་ཉིད་ལའང་མི་མཐུན་པ་ཅུང་ཟད་ཀྱང་མེད་དེ་ངོ་བོ་རང་བཞིན་ཐུགས་རྗེ་གསུམ་དུ་གནད་གཅིག་པ་ཡིན་ནོ། །དོན་གཉིས་པ་དེ་ཉིད་མཁས་པའི་བཞེད་པར་བསྒྲུབ་པ་ནི། དེ་ལ་འདི་སྐད་ཅེས་རྫོགས་པ་ཆེན་པོའི་རྒྱུད་ལས་བཤད་པའི་ཡེ་གཞི་ནི་འཁོར་འདས་སྤྱི་མཚན་ལ་ལྟོས་པའི་སྔོན་རོལ་གྱི་གཞི་ཡིན་གྱི་གཞུང་གཞན་ནས་བཤད་པའི་བདེ་གཤེགས་སྙིང་པོ་དང་གཅིག་པའི་སྐབས་མེད་དེ། འདི་ནི་ཁྱོད་ཀྱི་རང་བཟོ་ཞིག་གོ་ཞེ་ན། དོན་འདི་ཀུན་མཁྱེན་ཆོས་ཀྱི་རྒྱལ་པོའི་བཞེད་པ་མ་ནོར་བ་ཉིད་ཡིན་ཏེ། རེ་ཞིག་དེའི་ཚུལ་ཅུང་ཟད་ཅིག་བརྗོད་ན། ཐོག་མ་ཁོ་ནར་ཡིད་བཞིན་མཛོད་དུ་འདི་སྐད་ཅེས་བཤད་དེ། ཐོག་མའི་འོད་གསལ་བདེ་གཤེགས་སྙིང་པོ་ཉིད། །དོན་གྱི་ཀུན་གཞི་རང་བཞིན་འདུས་མ་བྱས། །ཡེ་ནས་རྣམ་དག་ཉི་མཁའ་ལྟ་བུ་ལ། །མ་རིག་པ་ཡི་བག་ཆགས་གོས་པ་ན། །སེམས་ཅན་རྣམས་ལ་འཁྲུལ་བ་འདི་ཉིད་དོ། །ཞེས་དང༌། གྲུབ་

― ZP04_Page_678 ―

^{[མ་དཔེ་གཟིགས་ན་འདིར་གནོན།]}

[Full Size]

མཐའ་མཛོད་ལས། འོད་གསལ་རྡོ་རྗེ་སྙིང་པོའི་ཐེག་པ་འཆད་པའི་སྐབས་སུ་རང་བཞིན་གཞིའི་གནས་ལུགས་དེ་ལས་སེམས་ཅན་འཁྲུལ་ལུགས་ལ་སོགས་རྩ་བའི་ས་བཅད་ལྔ་བཞག་སྟེ། དང་པོའི་སྐབས་སུ་འདི་སྐད་ཅེས། དང་པོ་ནི་གདོད་མའི་གཞི་རང་བྱུང་གི་ཡེ་ཤེས་རྒྱ་ཆད་དང་ཕྱོགས་ལྷུང་མེད་པ་དེ་ཉིད་ངོ་བོ་སྟོང་པ་ནམ་མཁའ་ལྟ་བུ། རང་བཞིན་གསལ་བ་ཉི་མ་ལྟ་བུ། ཐུགས་རྗེ་ཁྱབ་པ་འོད་ཟེར་ལྟ་བུ་དེ་གསུམ་ངོ་བོ་དབྱེར་མེད་པ་སྐུ་གསུམ་ཡེ་ཤེས་ཀྱི་རང་བཞིན་དུ་ཡེ་ནས་རྟག་པར་འཕོ་བ་དང་འགྱུར་བ་མེད་པའི་དབྱིངས་སུ་གནས་ཏེ། ངོ་བོ་སྟོང་པ་ཆོས་སྐུ། རང་བཞིན་གསལ་བ་ལོངས་སྐུ། ཐུགས་རྗེ་ཁྱབ་པ་སྤྲུལ་པའི་སྐུའི་སྙིང་པོ་ཅན། འཁོར་འདས་གང་ཡང་མ་ཡིན་ལ། གོ་འབྱེད་པའི་ཆ་ནས་དབྱིངས་རང་བཞིན་རྣམ་དག་ཅེས་བཏགས་པའོ། །ཚུལ་འདི་མདོ་སྡེ་ལས་ཀྱང༌། ཐོག་མ་མེད་པའི་དུས་ཀྱི་དབྱིངས། །ཆོས་རྣམས་ཀུན་གྱི་གནས་ཡིན་ཏེ། །འདི་ཡོད་པས་ན་འགྲོ་ཀུན་དང༌། །མྱ་ངན་འདས་པ་ཐོབ་པ་ཡིན། །ཞེས་གསུངས་སོ། །དེའང་འཁོར་འདས་གཉིས་འཕྲོ་གཞིར་བྱུང་སྟེ། དོ་ཧ་ལས་ཀྱང༌། སེམས་ཉིད་གཅིག་པུ་སོགས་དྲངས་ནས་གསལ་བར་བཤད་ལ། ཆོས་དབྱིངས་མཛོད་ཀྱི་འགྲེལ་བར། ཐོག་མའི་དབྱིངས་བདེ་བར་གཤེགས་པའི་སྙིང་པོ་རང་བཞིན་ལྷུན་གྱིས་གྲུབ་པའི་སངས་རྒྱས་སུ་བརྗོད་ཅིང་འདི་ཉིད་རྟོགས་མ་

― ZP04_Page_679 ―

^{[མ་དཔེ་གཟིགས་ན་འདིར་གནོན།]}

[Full Size]

རྟོགས་ལས་གཞན་པའི་འཁོར་འདས་མེད་ལ། འདིའི་སྔོན་རོལ་དུ་སངས་རྒྱས་དང་སེམས་ཅན་ཞེས་ཐ་སྙད་གང་དུའང་གྲུབ་པ་མེད་དེ། རིག་པ་མེད་ན་འཁོར་འདས་སུ་གང་གིས་ངེས་པ་དང༌། གྲོལ་འཁྲུལ་གྱི་སྤྱི་གཞི་གང་ཡང་མེད་པའི་ཕྱིར་རོ། །དེས་ན་རིག་པ་རང་བྱུང་གི་ཡེ་ཤེས་ནི་ཆོས་ཀྱི་དབྱིངས་ཏེ། འཁོར་འདས་ཀྱི་ཆོས་མ་ལུས་པ་དེའི་དབྱིངས་ལས་འབྱུང་བས་ན་མཛོད་ཁང་གི་སྒྲས་ཉེ་བར་བརྗོད་པ་ཉིད་དོ། །ཞེས་རང་ཤར་གྱི་ལུང་དང་བཅས་ཏེ་མཚན་དོན་འཆད་པའི་སྐབས་སུ་བཤད་ཅིང༌། གནས་ལུགས་རིན་པོ་ཆེའི་མཛོད་ལས་ཀྱང༌། ཡེ་ནས་ལྷུན་གྱིས་གྲུབ་པའི་རང་བཞིན་ནི། །སུས་ཀྱང་མ་བྱས་ཡེ་ནས་གནས་པ་སྟེ། །ཀུན་འབྱུང་ནོར་བུ་དང་འདྲ་བྱང་ཆུབ་སེམས། །འཁོར་འདས་ཆོས་ཀུན་འབྱུང་བའི་གཞི་མར་གྲུབ། །ནམ་མཁའི་ངང་ལས་སྣང་སྲིད་སྣང་བ་ལྟར། །བྱང་ཆུབ་སེམས་ལས་འཁོར་འདས་མ་འགགས་ཤར། །སྣ་ཚོགས་རྨི་ལམ་གཉིད་ལས་བྱུང་བ་ལྟར། །འགྲོ་དྲུག་ཁམས་གསུམ་སེམས་ཀྱི་ངང་ལས་ཤར། །ཤར་བའི་དུས་ནས་ཆོས་ཀུན་རིག་པའི་ངང༌། །སྟོང་པ་ལྷུན་གྲུབ་གཞི་སྣང་ཆེན་པོ་ཡིན། །ཞེས་རིག་པ་བྱང་ཆུབ་ཀྱི་སེམས་ཆོས་ཉིད་བདེ་གཤེགས་སྙིང་པོ་གདོད་མའི་ཡེ་གཞིར་ལེགས་པར་བཤད་ཅིང༌། དེར་མ་ཟད་ཐེག་མཆོག་རིན་པོ་ཆེའི་མཛོད་དུ་གཞི་དང༌།

― ZP04_Page_680 ―

^{[མ་དཔེ་གཟིགས་ན་འདིར་གནོན།]}

[Full Size]

གཞི་སྣང་གི་རྣམ་གྲངས་རྒྱ་ཆེར་བཤད་ནས་དེའི་མཇུག་ཏུ། དེས་ན་འཁྲུལ་གཞི་དང༌། གྲོལ་གཞི་གཉིས་ཀ་ལྷུན་གྲུབ་ཀྱི་སྒོ་ལ་ཐུག་པས་ལེགས་པར་རྟོགས་པར་བྱའོ། །ཞེས་དང༌། གསུམ་པ་འཆར་ནུབ་སྣང་ཚུལ་གྱི་འཐད་པ་དགོད་པ་ལ་གཉིས་ཏེ། འདི་དང་བར་དོའམ་ཚེ་འདིར་གང་ཟག་བརྩོན་འགྲུས་ཅན་གྱིས་ཉམས་སུ་བླང་བའི་དུས་ན། གཞི་དེ་སྙིང་ག་ན་གནས་པའི་རང་གདངས་གཞི་སྣང་གི་ཆ་འོད་རྩ་དང་ཕྱིའི་ནམ་མཁའ་ལ་སྣང་སྟེ་ཞེས་སོགས་ལྷུན་གྲུབ་སྒོ་བརྒྱད་ཀྱི་འཆར་ཚུལ་རྒྱས་པར་བཤད་ཅིང༌། ཡང༌། སངས་རྒྱས་དང་སེམས་ཅན་ཡང་སྣང་བ་རང་ངོ་ཤེས་མ་ཤེས་ཙམ་སྟེ། འཁོར་འདས་རིག་པར་རྒྱ་གཅིག་པ་ལག་པའི་ལྟོ་རྒྱབ་བཞིན་ནོ། །ད་ལྟའི་སྣང་བ་འདི་ཡང་མ་དག་པའི་སྒོ་ལ་སྣང་བ་སྒྱུ་མའི་དཔེ་བརྒྱད་ཙམ་ལས། ཕྱི་ནང་ཡུལ་མེད་གཞི་བྲལ་མཉམ་པ་ཕྱལ་ཕྱལ་བ་གཅིག་ལས་སྤངས་མི་དགོས་བླང་མི་དགོས་སྣང་བ་གཞན་ཤར་དུས་གཞི་མེད་རང་ལོག་ཆེན་པོ་གཉིད་ཡལ་ན་རྨི་ལམ་ལོག་པ་ལྟར་གཞི་གྲོལ་ལ་རང་ལོག་སྟེ། ཡེ་སྟོང་ལ་ཡང་སྟོང་གཅིག་ཏུ་གྲོལ་བས་གནད་གཅིག་ལེགས་པར་རྟོགས་ན་ཚེགས་མེད་པར་རྒྱ་གྲོལ་ལ་འགྲོ་བ་ཡིན་ནོ། །ཞེས་རིག་པ་བྱང་ཆུབ་ཀྱི་སེམས་གདོད་མའི་ཡེ་གཞིར་བཤད་ཅིང་ད་ལྟའི་སྣང་བ་འདི་ཡང་གཞི་སྣང་གི་རོལ་པར་བསྟན་པ་ཡིན་ལ། ཚིག་དོན་མཛོད་ཀྱི་ས་བཅད་

― ZP04_Page_681 ―

^{[མ་དཔེ་གཟིགས་ན་འདིར་གནོན།]}

[Full Size]

འཆད་པའི་སྐབས་སུ། རྟོགས་ཏེ་སངས་རྒྱས་མ་བྱུང་མ་རྟོགས་ཏེ་འཁོར་བ་མ་བྱུང་བའི་སྔོན་རོལ་ན་གདོད་མའི་གཞིའི་གནས་ལུགས་བསྟན་པ་དང་གཅིག །དེ་ལས་སེམས་ཅན་འཁྲུལ་ལུགས་དང་གཉིས། འཁྲུལ་དུས་གཞི་དེས་ཁྱབ་ཚུལ་དང་གསུམ་ཞེས་བཤད་པ་འདིས་ཀྱང་གོ་ཞིང༌། ཁྱད་པར་ཡང་ཏིག་ཡིད་བཞིན་ནོར་བུའི་ཐོད་རྒལ་གྱི་རྒྱབ་ཡིག་ཉི་ཟླ་གཟའ་སྐར་ལས། རང་བཞིན་གཞིའི་གནས་ལུགས་དེ་ལས་སེམས་ཅན་གྱི་འཁྲུལ་ལུགས་སེམས་དང་ཡེ་ཤེས་ཀྱི་དབྱེ་བ་སྟེ་ས་བཅད་གསུམ་དུ་བཞག་ནས་དང་པོ་འཆད་པའི་སྐབས་སུ། རང་བཞིན་གདོད་མའི་སྤྱི་གཞིའི་ཁམས་རང་བཞིན་གྱིས་རྣམ་པར་དག་པ་བདེ་བར་གཤེགས་པའི་སྙིང་པོ་འོད་གསལ་བའི་དབྱིངས། ངོ་བོ་རང་བཞིན་ཐུགས་རྗེ་གསུམ་དུ་གནས་སོ་ཞེས་དང༌། །ཡང་ཡིག་ནམ་མཁའ་ཀློང་གསལ་ལས། དང་པོ་གདོད་མའི་སྤྱི་གཞི་ནི། །ངོ་བོར་རང་བཞིན་ཐུག་རྗེ་གསུམ། །སྟོང་གསལ་འཆར་གཞི་མ་འགག་པས། །ནམ་མཁའ་ཉི་ཟླ་མེ་ལོང་བཞིན། །ཡེ་ནས་ལྷུན་གྲུབ་ཆེན་པོར་གནས། །འཁོར་འདས་གཉིས་སུ་མ་ཆད་པའི། །འཆར་གཞི་འཆར་གནས་ལུང་མ་བསྟན། །ཆོས་ཀུན་འབྱུང་བའི་གཞི་ཞེས་བྱ། །རང་རིག་ཉིད་དང་འདུ་འབྲལ་མེད། །ཡོན་ཏན་ལྷུན་གྱིས་གྲུབ་པའི་ཕྱིར། །བདེ་གཤེགས་སྙིང་

― ZP04_Page_682 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་ཞེས་སུ་བཤད། །ངོ་བོ་སྟོང་པས་རྟག་མ་མྱོང༌། །རང་བཞིན་གསལ་བས་ཆད་མ་མྱོང༌། །ཐུགས་རྗེ་རིག་པས་བེམ་སྟོང་མིན། །གཅིག་དང་ཐ་དད་ལས་གྲོལ་བས། །དབྱེར་མེད་སྐུ་གསུམ་འདུ་འབྲལ་མེད། །རང་བཞིན་གཞི་ཡི་སངས་རྒྱས་སོ། །སངས་རྒྱས་མར་མེ་མཛད་པ་དང༌། །གདོད་མའི་མགོན་པོ་འོད་མི་འགྱུར། །འོད་དཔག་མེད་ཅེས་བྱ་བར་བཏགས། །དེ་ནི་གདོད་མའི་གནས་ལུགས་ཆོས། །དེ་ལས་གཞི་སྣང་ཤར་ཚུལ་ནི། །དཔེར་ན་ཤེལ་ལས་འོད་ལྟར་ཤར། །ཞེས་དང༌། ནམ་མཁའ་ཀློང་ཆེན་ལས། གཞི་དབྱིངས་ལམ་དང་རྣམ་གྲོལ་འབྲས་བུ་ལས། །དབྱིངས་ནི་འོད་གསལ་རང་བཞིན་ལྷུན་གྱིས་གྲུབ། །སྟོང་དང་གསལ་དང་རིག་པའི་སྙིང་པོ་ཅན། །རྣམ་པར་དབྱེར་མེད་ཡོན་ཏན་ཚོགས་མང་ལྡན། །ཉི་བཞིན་ལྷུན་གྲུབ་རང་བཞིན་རྣམ་པར་དག །རྣམ་དབྱེར་བཅས་པའི་དྲི་མས་ཡེ་སྟོང་ཞིང༌། །གདོད་ནས་རྣམ་དག་འོད་གསལ་ཆོས་ཉིད་དོན། །འདི་ཡོད་པས་ན་རིག་དང་མ་རིགས་ལས། །མྱ་ངན་འདས་དང་འགྲོ་དྲུག་སྣང་བ་ཤར། །ཤར་ཙམ་ཉིད་ནས་སྙིང་པོའི་དབྱིངས་དེ་ལ། །བཟང་ངན་འཕོ་འགྱུར་དག་དང་མ་དག་མེད། །ཇི་ལྟར་ནམ་མཁའི་དབྱིངས་ནས་འབྱུང་བཞི་ཡི། །འཕོ་འགྱུར་སྣང་བས་གོས་པ་མེད་པ་བཞིན། །ཀུན་གྱི་གོ་འབྱེད་འབྱུང་གནས་དབྱིངས་ཞེས་བྱ། །དྲི་བཅས་སེམས་རྟེན་རང་བཞིན་ལྷུན་གྲུབ་པས། །སེམས་

― ZP04_Page_683 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིད་རང་བཞིན་འོད་གསལ་ཞེས་བྱ་ཞིང༌། །ཉི་དང་སྤྲིན་བཞིན་གློ་བུར་དྲི་མ་ཡིས། །བསྒྲིབ་ཕྱིར་ཁམས་ཞེས་དུས་རིང་ཉིད་གནས་ཕྱིར། །ཐོག་མའི་ཆོས་ཁམས་དགེ་བ་ཞེས་བརྗོད་ཅིང༌། །གནས་ལུགས་ཡིན་ཕྱིར་དོན་དམ་བདེན་པར་བཏགས། །བསམ་ཡུལ་འདས་ཕྱིར་ཤེས་རབ་ཕ་རོལ་ཕྱིན། །འདུས་མ་བྱས་ཕྱིར་ལྷུན་གྲུབ་དཀྱིལ་འཁོར་ཉིད། །སྟོབས་སོགས་ཡོན་ཏན་རྒྱ་མཚོའི་མཛོད་ཉིད་ཕྱིར། །བདེ་གཤེགས་སྙིང་པོས་འགྲོ་ཀུན་ཁྱབ་ཅེས་གསུངས། །རང་ལ་ཡོད་ཀྱང་མི་མཐོང་སྒྲིབ་པའི་དཔེ། །ས་འོག་གཏེར་དང་བུམ་ནང་མར་མེ་དང༌། །སྦུན་པའི་འབྲས་དང་བང་ནང་བདེ་གཤེགས་དང༌། །གོས་རུལ་རིན་ཆེན་འདམ་རྫབ་ནོར་བུ་དང༌། །པད་ནང་སྦྲང་རྩི་རྡོ་ཁམས་རིན་ཆེན་དང༌། །གྱང་ཀྱི་ནོར་བུ་རུལ་འདམ་གསེར་ཉིད་དང༌། །ལྗོན་ཤིང་འབྲས་དང་འོ་མའི་མར་ཉིད་དང༌། །སྟོང་གསུམ་དར་ཡུག་ཆེན་པོ་ལ་སོགས་པས། །ཉེ་བར་མཚོན་ཏེ་ལུང་ལས་གསུངས་དེ་བཞིན། །རིགས་ཁམས་སྙིང་པོས་འགྲོ་ཀུན་ཡོངས་ལ་ཁྱབ། །འདི་ནི་ངེས་དོན་སྙིང་པོའི་གཞི་ཞེས་བྱ། །དེ་ལྟའི་དབྱིངས་ལས་རང་རིག་རྣམ་གྲོལ་ཞིང༌། །སྐད་ཅིག་བྱེ་བྲག་ཕྱེད་པས་སངས་རྒྱས་ཏེ། །གདོད་མའི་མགོན་པོ་ཡོན་ཏན་ཕ་རོལ་ཕྱིན། །ནང་གི་ཇི་བཞིན་གཟིགས་པ་རྣམ་དག་པས། །དང་པོའི་སངས་རྒྱས་ཆོས་ཚོགས་རྣམ་པར་བཞག །དུས་

― ZP04_Page_684 ―

^{[མ་དཔེ་གཟིགས་ན་འདིར་གནོན།]}

[Full Size]

རིང་བརྟག་དཀའ་ཐོག་མ་མེད་དབྱིངས་སུ། །མ་རིག་དབང་གིས་འགྲོ་དྲུག་འཁྲུལ་བ་ནི། །ཞེས་སོགས་ལེགས་པར་བཤད་ཅིང༌། མཁའ་འགྲོ་ཡང་ཐིག་གི་གནད་གསུམ་སྒྲོན་མར་ཡང་འདི་དང་མཐུན་པར་ཞལ་ཤིན་ཏུ་གསལ་བར་བཤད་པས་ཁ་ཚོན་ལེགས་པར་ཆོད་པ་ཡིན་ལ། དེས་ན་ཀུན་ཏུ་བཟང་པོ་གཞི་ཐོག་ནས་གྲོལ་བར་འཆད་པ་ལའང་བརྒལ་རྟགས་བྱེད་པ་དང་གཞུང་གཞན་དང་མི་མཐུན་པར་འཛིན་པའང་གནད་མ་གོ་བའི་རྣམ་འགྱུར་ཡིན་ཏེ། སངས་རྒྱས་ཡིན་ནས་གཞི་ཐོག་མ་གྲོལ་བ་མི་སྲིད་དེ་སྔར་ཐེག་མཆོག་མཛོད་ཀྱི་ལུང་དྲངས་པ་ལྟར། ཚེ་འདིར་འཆར་བའི་སྣང་བཞིའི་འོད་གསལ་དང༌། བར་དོའི་སྣང་ཆ་ཉིད་གཞི་སྣང་དུ་བཤད་ཅིང༌། འདིར་གདོད་མའི་བདེ་གཤེགས་སྙིང་པོར་ཁ་ཚོན་ཆོད་པས་ན་བདེ་གཤེགས་སྙིང་པོའི་རང་བཞིན་རྟོགས་ཏེ་སངས་རྒྱས་པ་མ་ཡིན་པའི་སངས་རྒྱས་ཀྱང་མི་སྲིད་ལ། དེར་མ་ཟད་ཐོད་རྒལ་གྱི་རྒྱབ་ཡིག་ཉི་ཟླ་གཟའ་སྐར་དུ་ཀུན་ཏུ་བཟང་པོའི་གྲོལ་ལུགས་བཤད་པའི་རྗེས་སུ། དབྱིངས་སྣང་ལས་གྲོལ་ཚད་ཐམས་ཅད་ཀྱང་འདི་ཡིན་ལ། ཁྱད་པར་བར་དོའི་གཞི་སྣང་ལས་གྲོལ་ཚད་ལུགས་འདི་ཡིན་ནོ་ཞེས་དང༌། ཐེག་མཆོག་མཛོད་དང༌། ཚིག་དོན་མཛོད་གཉིས་ཀར་གདོད་མའི་མགོན་པོའི་གྲོལ་ཚུལ་བཤད་པའི་རྗེས་སུ་རྒྱུད་བླའི་འགྲེལ་པའི་ལུང་དེ་ལྟར་ཤིན་ཏུ་རྨད་དུ་བྱུང་ཞིང་བསམ་དུ་མེད་པའི་ཡུལ་

― ZP04_Page_685 ―

^{[མ་དཔེ་གཟིགས་ན་འདིར་གནོན།]}

[Full Size]

འཆད་པས་ན་རིག་པའི་རྩལ་འཕྱོ་བ། འདི་ཡིན་གྱི་གཏད་སོ་དང་བྲལ་བའི་རིག་པའི་རྒྱལ་པོ་ཟང་མ་ཐལ་བྱུང་གི་ཀློང་དུ་ཇི་ལྟར་ཤར་ཡང་དེ་ལྟར་མི་འཛིན་ཅིང་འཛིན་མེད་གཉུག་མར་དག་པས་ན། གཏད་མེད་རྒྱལ་པོ་འཛིན་མེད་ཤར་བའི་མི། །དེ་ལྟར་ཡུལ་གཏད་མེད་ལ་བློ་འཛིན་མེད་དུ་ཤར་བས་ཡུལ་གཟུང་བ་དང་ཡུལ་ཅན་འཛིན་པའི་རྣམ་རྟོག་གཟུང་འཛིན་སྲིད་པའི་འཁྲུལ་སྣང་ཐམས་ཅད་ལས་རྣམ་པར་གྲོལ་བས་ན། ཡུལ་དང་ཡུལ་ཅན་སྲིད་ལས་རང་གྲོལ་ནས། །དེ་ལྟར་རང་གྲོལ་གྱི་གནས་ལུགས་མངོན་དུ་གྱུར་པ་དེ་ཉིད་དུས་དང་རྣམ་པ་ཐམས་ཅད་དུ་འབྲལ་མི་ཤེས་ཤིང་གཉུག་མ་རྒྱུན་ཆད་མེད་པར་འཆར་བས་ན། དུས་གསུམ་འདུ་འབྲལ་མེད་པའི་ངང་དུ་གནས། །དེ་ལྟར་གཉུག་མ་མ་བཅོས་པའི་ཆོས་སྐུ་ཟང་ཐལ་རྗེན་པའི་ཀློང་དུ་ངང་གནས་སུ་འཇོག་པ་ནི་སྒོམ་པ་དང༌། རང་གྲོལ་དུ་སྤྱོད་པ་ནི་འབྲས་བུ་ཡིན་པས་དེ་ཡན་གྱིས་ས་བཅད་གཉིས་པ་སོང༌། །གསུམ་པ་ནི། དེ་ལྟར་ཀ་དག་རིག་པའི་ཡེ་ཤེས་སྟོང་གསལ་ཆོས་སྐུའི་དགོངས་པ་མ་བཅོས་པར་གནས་པའི་སྟོང་གདངས་རིག་རྩལ་ཡེ་ཤེས་ཀྱི་རྣམ་རོལ་སྤྲུལ་པའི་སྐུ་རུ་འབར་བས་ན། རིག་པའི་རྒྱལ་པོ་སྟོང་གསལ་ཆོས་སྐུའི་གདངས། །ལྷུན་གྲུབ་སྣང་ཆའི་འཆར་གཞི་མི་འགྱུར་གཞི་རྩ་བྲལ་བས་འོད་གདངས་ལོངས་སྤྱོད་རྫོགས་སྐུའི་སྣང་

― ZP04_Page_686 ―

^{[མ་དཔེ་གཟིགས་ན་འདིར་གནོན།]}

[Full Size]

བ་འཆར་བས་ན། །མི་འགྱུར་ལྷུན་གྲུབ་གཞི་རྩ་བྲལ་བའི་གདང༌། །གདང་ཐམས་ཅད་ཀྱི་འཆར་གཞི་གདོད་མའི་ཆོས་ཉིད་སྤྲོས་བྲལ་བརྗོད་ལས་འདས་པ་ཆོས་སྐུའི་དགོངས་པ་འགྱུར་བ་མེད་པ་སྐྱེ་མེད་གཉུག་མའི་གཏན་སྲིད་ཟིན་པས་ན། གདང་དང་ལྡན་པ་གདོད་མའི་ཀློང་ཨཿ །ཞེས་སོ། །ཆོས་ཟད་ཆོས་སྐུའི་དགོངས་པ་འཕོ་འགྱུར་མེད། །འོད་གསལ་ལོངས་སྐུའི་ཞིང་སྣང་རྟག་པར་གཟིགས། །ཐུགས་རྗེ་སྤྲུལ་པས་སྲིད་ན་འགྲོ་དོན་མཛད། །དྲིན་ཆེན་བླ་མའི་ཞབས་ལ་གུས་ཕྱག་འཚལ། །སྙིང་ནས་གུས་པས་གསོལ་བ་འདེབས་པ་བདག །ཚེ་རབས་ཀུན་ཏུ་མཚུངས་མེད་བླ་མ་དང༌། །མཇའ་ནས་ཅི་གསུང་བསྒྲུབ་ཤེས་གུས་པས་བརྟེན། །ཕྲིན་ལས་འགྲོ་བ་འདྲེན་པའི་ཁོལ་བོར་ཤོག །ཟབ་མོའི་ཚིག་དོན་རྟོགས་པར་དཀའ་བའི་གནས། །བཀྲལ་བར་དབང་བ་ཁོ་བོ་མ་ཡིན་ཡང༌། །ཀུན་མཁྱེན་བརྒྱུད་པའི་གཞུང་ལ་ཐོས་བསམ་གྱིས། །ཅུང་ཟད་འདྲིས་པའི་དབང་བྱས་འདི་བཀོད་དོ། །དགེ་བ་དེ་ཡང་འགྲོ་བ་མ་ལུས་པ། །ཟབ་མོའི་ལམ་འདིར་བརྟེན་ནས་འབད་མེད་དུ། །རྣམ་གྲོལ་རྒྱལ་བའི་འབྱོར་པ་ཐོབ་པ་དང༌། །གནས་སྐབས་ཆགས་སྡང་སྣང་བ་ཞི་ཕྱིར་བསྔོ། །དགེའོ།། །།

མཚམས་པ་འཇིགས་མེད་རྒྱལ་བའི་མྱུ་གུའི་མི་འགྱུར་ནམ་རྡོར་ལ་འདས་རྗེས་སུ་བབས་པ།

― ZP04_Page_687 ―

^{[མ་དཔེ་གཟིགས་ན་འདིར་གནོན།]}

[Full Size]

༄། །རྫོགས་པ་ཆེན་པོའི་ཉམས་ལེན་གྱི་གནད་མཐར་ཐུག་པའི་རྩ་འགྲེལ་འོད་གསལ་གྱི་སྣང་ཆ་ཞེས་བྱ་བ་བཞུགས་སོ། །

― ZP04_Page_688 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་གསུམ་སངས་རྒྱས་ཐམས་ཅད་ཀྱི་ངོ་བོ་རིགས་ཀྱི་བདག་པོ་དྲིན་ཆེན་འཇིགས་མེད་རྒྱབ་བའི་མྱུ་གུའི་ཞབས་ལ་སྒོ་གསུམ་གུས་པ་ཆེན་པོས་ཕྱག་འཚལ་ལོ། །ཆུ་ཡོས་ཟླ་བ་དང་པོའི་ཚེས་ཉེར་ལྔ་ལ། བདག་སྤྲུལ་མིང་ཚོགས་དྲུག་རང་གྲོལ་ས་སྐྱོང་རྒྱལ་པོའི་ཚེ་སྒྲུབ་བསྙེན་སྐབས། །ནངས་པར་ཐོ་རེང་གི་ཆ་ཐུན་གྱི་འོད་གསལ་གྱི་ངང་ནས། བདག་མཆོད་རྟེན་བདེ་བྱེད་བརྩེགས་པར་སླེབས་འདུག །ཁོ་བོ་བུམ་པའི་ནང་དུ་འདུག་སྐབས། མདུན་གྱི་ནམ་མཁའ་ནས་དཔའ་བོ་མཁའ་འགྲོ་རྣམས་ཀྱིས་རོལ་མོའི་སྒྲ་མང་དུ་བསྒྲགས་ཤིང༌། དྲི་བཟང་གི་དུད་པས་ཕྱོགས་ཀུན་ཏུ་ཁྱབ་པར་རྒྱས་ཤིང༌། བདག་ལ་མཁའ་འགྲོ་ཞིག་གིས་ཕ་ཀི་རིག་འཛིན་ཆེན་པོ་

― ZP04_Page_689 ―

^{[མ་དཔེ་གཟིགས་ན་འདིར་གནོན།]}

[Full Size]

འཇིགས་མེད་རྒྱལ་བའི་མྱུ་གུ་འཇིག་རྟེན་མི་ཡུལ་ནས་ཨོ་རྒྱན་མཁའ་འགྲོའི་ཚོགས་དཔོན་ལ་གཤེགས་སོ་ཟེར་བས་དཔའ་བོ་མཁའ་འགྲོའི་ཚོགས་ཀྱི་དབུས་སུ་མཁའ་འགྲོ་མ་བཞིས་དར་དཀར་གྱི་འདོ་ལི་ཕྱོགས་བཞིར་རྡོ་རྗེ་ཕྱེད་པས་མཚན་པས་བཏེགས་པའི་སྟེང་དུ་སེང་གེའི་ཁྲི་པདྨ་ཉི་ཟླའི་གདན་གྱི་སྟེང་དུ་དྲིན་ཆེན་རྩ་བའི་བླ་མ་དེ་ཉིད་རྣལ་འབྱོར་གྱི་ཆ་བྱད་ཅན་གཟི་བརྗིད་སྔོན་ལས་ཆེས་ཆེར་ལྷག་པ། ཕྱག་གཉིས་རྡོ་རྗེ་དང་དྲིལ་བུ་འཛིན་པ་ཐུགས་ཀར་བསྣོལ་ཏེ་བཞུགས་པ། དར་གྱི་གྲ་བཞིར་ཤར་ལྷོ་ནུབ་བྱང་གི་མཁའ་འགྲོ་མ་དཀར་སེར་དམར་ལྗང་བཞིའི་ཕྱག་གཡས་རང་རྟགས་དང་གཡོན་དར་གྱི་གྲ་བཞིའི་རྡོ་རྗེ་བཟུང་ལ་བཏེག་པ། མཁའ་འགྲོ་བཞི་གླང་ཆེན་རྟ་

― ZP04_Page_690 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག་རྨ་བྱ་ཤང་ཤང་རྣམས་ལ་ཞོན་པ་འཇའ་སྤྲིན་འོད་ལྔའི་ཀློང་ན་དཔའ་བོ་མཁའ་འགྲོ་རྣམས་གདུགས་རྒྱལ་མཚན་གླུ་གར་རོལ་མོའི་བྱེ་བྲག་སྣ་ཚོགས་བྱེད་པར་འདུག་པའི་མོད་ལ་ཁོ་བོས་མི་ཡུལ་དུ་འགྲོ་དོན་མཛད་པར་ཞུས་པའི་ལན་དུ། རྗེ་སྲོང་བཙན་ནས་ད་ལྟའི་བར་དག་ཏུ། །འགྲོ་དྲུག་གི་གདུལ་བྱ་བྱས་ཟིན་ཏེ། །ཁྱད་པར་དུ་མི་ཡུལ་འདི་ཉིད་དུ། །ཁམས་གསུམ་གྱི་སེམས་ཅན་ཐམས་ཅད་ལ། །དཀར་ནག་གི་ལས་འབྲས་བླང་དོར་དང༌། །རྫོགས་ཆེན་གྱི་ཁྱད་ཆོས་ཨ་ཏི་ཡིས། །ཐམས་ཅད་ལ་འགྲོ་དོན་བྱས་ཟིན་ཏེ། །རྗེས་འཇུག་གི་བུ་སློབ་ཐམས་ཅད་ཀྱིས། །རང་ལུགས་ལས་གཞན་ན་མེད་པའི་ཆོས། །ཁོ་བོ་ཡི་རིག་འཛིན་ཆེན་པོའི་གསུངས། །དོན་མ་ནོར་བར་ཁྱོད་ལ་གདམས་པར་བྱ། །གདོད་ནས་རྣམ་དག་བསམ་ཡུལ་འདས་པའི་ཀློང༌། །སེམས་ཉིད་རྒྱལ་པོ་རང་བཞིན་རྫོགས་པ་ཆེ། །གང་ཡང་མ་སྤང་ཀུན་ལས་འདས་པའི་དོན། །གང་ཤར་ཞེན་མེད་ལྷུན་འབྱམས་རིག་པའི་ཀློང༌། །ཅོག་བཞག་རང་གྲོལ་གཅེར་མཐོང་བསམ་ཡུལ་མེད། །རང་བཞིན་བབ་ཡིན་བཅོས་བསླད་མ་བྱེད་ཅིག །རྨོངས་པ་གང་གིས་ངོ་བོ་དེ་བོར་ནས། །གཉུག་མའི་སེམས་ལ་སྒྲིན་པོའི་གཟེབ་བསྐུར་ནས། །བཅོས་ཤིང་བཅོས་ཤིང་སྙིང་པོའི་དོན་ལ་སྒྲིབ། །གྲོལ་བ་མེད་པ་དེ་ཡིས་སླར་བཅིང་བྱེད། །གང་ལ་བློ་ཡི་ཁོང་ན་ལྷོད་ཡོད་ན། །

― ZP04_Page_691 ―

^{[མ་དཔེ་གཟིགས་ན་འདིར་གནོན།]}

[Full Size]

རང་བཞིན་ཉིད་དེ་དེ་ལ་བཅོས་མི་དགོས། །འགྱུ་མཐོང་རང་དག་གཉེན་པོས་མ་བསླད་ཅིང༌། །སྤངས་བྱས་མ་བསྒྱུར་གཤིས་དེ་རྫོགས་པ་ཆེ། །ཡོད་ཉིདྨེད་ལ་མེད་པ་ཡོད་པའི་མཐའ། །དངོས་ཀུན་ཞིག་པའི་སྟོང་པ་རྫོགས་པ་ཆེ། །བཅོས་ཤིང་བཅོས་ཤིང་གྲོལ་བར་འདོད་པའི་མི། །རྟག་ཆད་གཉིས་ལས་ཐར་པར་ཡོད་དམ་ཅི། །གཞི་མེད་རྩ་བྲལ་ཡེ་ནས་རྫོགས་པ་ཆེ། །སྟོང་དང་སྣང་དང་ཡོད་དང་མེད་པའི་སྒོམ། །གང་ལ་བསྒོམ་ཡོད་ལྟ་དང་སྤྱོད་པ་ཡོད། །དེ་ལ་སྲིད་ཡོད་འཁོར་བའི་སྡུག་བསྔལ་ཡོད། །གང་ལ་ཆོས་ཡོད་ཐེག་པའི་ཞེན་འདོད་ཡོད། །དེ་ལ་ཉོན་མོངས་གཉེན་ཡོད་འཆིང་བ་ཡོད། །གཞི་བྲལ་ལམ་འགགས་འབྲས་བུ་ཞེན་པ་གང༌། །ཐེག་པའི་འདོད་ཞེན་རྡུལ་ཙམ་མི་གནས་པ། །དེ་ལ་ལས་མེད་རྣམ་སྨིན་གོས་པ་མེད། །སྲིད་ཞིར་མི་གནས་ནམ་མཁའི་ངང་དུ་འགྲོ། །ཡུལ་གྱི་མཁའ་ལ་རིག་པའི་རྩལ་འཕྱོ་བར། །གཏད་མེད་རྒྱལ་པོ་འཛིན་མེད་ཤར་བའི་མི། །ཡུལ་དང་ཡུལ་ཅན་སྲིད་ལས་རང་གྲོལ་ཆོས། །དུས་གསུམ་འཕོ་འགྱུར་མེད་པའི་ངང་དུ་གནས། །རིག་པའི་རྒྱལ་པོ་སྟོང་གསལ་ཆོས་སྐུའི་གདེང༌། །མི་འགྱུར་ལྷུན་གྲུབ་གཞི་རྩ་བྲལ་བའི་གདེང༌། །གདེང་དང་ལྡན་པ་གདོད་མའི་ཀློང་དུ་ཨཿ །ཞེས་གསུངས་ཤིང་སྐད་ཅིག་ཉིད་ལ་རྔ་ཡབ་དཔལ་རིའི་གྲོང་ཆེན་པོའི་དབུས་སུ་རིག་

― ZP04_Page_692 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན་བླ་མ་དེ་གནས་འགྱུར་ནས་ཆེ་མཆོག་ཧེ་རུ་ཀ་སྐུ་མདོག་མཐིང་ནག་ཞལ་གསུམ་ཕྱག་དྲུག་ཞབས་བཞི་བསྒྲད་པ་གར་གྱི་ཉམས་དགུ་དུར་ཁྲོད་ཀྱི་ཆས་བརྒྱད་དང་ལྡན་པ་འཁོར་བདུན་བརྒྱ་ཉེར་ལྔའི་ལྷ་ཚོགས་ཐམས་ཅད་ལམ་གྱིས་ཤར་བྱུང༌། །ཁོ་བོའི་དབང་བསྐུར་བའི་གསོལ་བ་བཏབ་པའི་ཉམས་བྱུང༌། ཡང་བདུན་བརྒྱ་ཉེར་ལྔའི་ལྷ་ཚོགས་ཐམས་ཅད་གཙོ་བོ་ལ་ཐིམ། དཔལ་ཆེན་པོ་ཡང་འོད་སྔོན་པོའི་རྣམ་པར་གྱུར་ཏེ་གུ་རུ་རིན་པོ་ཆེའི་ཐུགས་ཀར་ཐིམ། དེ་མ་ཐག་ཏུ་དཔའ་བོ་མཁའ་འགྲོ་རྣམས་ཀྱིས་བཛྲ་གུ་རུའི་སྒྲ་འབའ་ལྡིར་བཟླས་པའི་རྐྱེན་གྱིས་སད་པས་ཁོ་བོ་རང་མལ་དུ་ཡོད་འདུག །ཉེར་ལྔའི་ཉིན་དེར་རིག་འཛིན་ཆེན་པོ་བླ་མ་དུས་དྲན་གྱི་ཚུལ་དུ་བླ་སྒྲུབ་རིག་འཛིན་འདུས་པའི་ཚོགས་བརྒྱ་ཞིག་ཕུལ་ལོ།། དགེའོ།། །།

འཇིགས་མེད་རྒྱལ་བའི་མྱུ་གུའི་འདས་རྗེས་ཞལ་ཆེམས་ཀྱི་འགྲེལ་བ་སེམས་ཉིད་གཅེར་མཐོང་།

― ZP04_Page_693 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་རྒྱས་ཀུན་འདུས་ཀྱི་ངོ་བོ་དྲིན་ཆེན་རྩ་བའི་བླ་མ་ལ་ཕྱག་འཚལ་ལོ། །འདིར་རང་བཞིན་རྫོགས་པ་ཆེན་པོའི་ལམ་ནས་གྲུབ་པ་བརྙེས་པའི་སྔོན་གྱི་སློབ་དཔོན་ཆེན་པོ་དགའ་རབ་རྡོ་རྗེ་ལ་སོགས་པ་རྣམས་ཀྱིས་རྟོགས་དོན་ཉམས་ལེན་གྱི་གནད་མཐར་ཐུག་པ་སྲས་ཀྱི་ཐུ་བོ་རྣམས་ལ་འདས་རྗེས། ཞལ་ཆེམས་ཀྱི་ཚུལ་དུ་གདམས་པས་རྟོགས་གྲོལ་དུས་མཉམ་ཞིང་སློབ་དཔོན་དང་དགོངས་པ་མཉམ་པར་གྱུར་པ་ཤ་སྟག་ཡིན་ལ། དེ་བཞིན་དུ་དེང་གི་སྐབས་སུ་ཡང་མཚུངས་མེད་ཆོས་ཀྱི་ཁྱབ་
བདག་འཁོར་ལོའི་མགོན་པོ་འཇིགས་མེད་རྒྱལ་བའི་མྱུ་གུ་ཞེས་ཡོངས་སུ་གྲགས་པ་དེ་ཉིད་དགོངས་པ་ཆོས་དབྱིངས་སུ་ཐིམ་པའི་སྐབས་སུ་ཐུགས་ཀྱི་སྲས་མཚུངས་པ་མེད་པ་སྤྲུལ་པའི་སྐུ་རིན་པོ་ཆེ་མི་འགྱུར་ནམ་མཁའི་རྡོ་རྗེ་ལ་འོད་གསལ་གྱི་སྣང་ཆར་རྫོགས་པ་ཆེན་པོའི་ཉམས་ལེན་གྱི་གནད་མཐར་ཐུག་པ། ཞལ་ཆེམས་འདས་རྗེས་ཀྱི་ཚུལ་དུ་གསུངས་པ་འདིའི་དོན་ཅུང་ཟད་བཀྲལ་ནས་འཆད་པ་ལ་གསུམ། །གཞི་མ་འཁྲུལ་པའི་ཆོས་ཉིད་གཉུག་མ་རང་གི་ངོ་བོ་བསྟན་པ། ལམ་མ་བཅོས་པའི་སེམས་ཉིད་རིག་སྟོང་རྗེན་བར་ཉམས་སུ་བླངས་ཚུལ། འབྲས་བུ་བླང་དོར་དང་བྲལ་བའི་ངང་དུ་འཁྲུལ་རྟོག་གི་གྲོལ་ས་བསྟན་པའོ། །དང་པོ་ནི། འདི་ལྟར་གདོད་མ་གཤིས་ཀྱི་གནས་ལུགས་སྤྲོས་པ་ཐམས་ཅད་དང་བྲལ་བའི་ཡེ་ཤེས་བདེ་གཤེགས་སྙིང་པོ་རང་གི་ངོ་བོ་གང་ཡིན་པ་དེ་རྟོགས་ཏེ་སངས་རྒྱས་མ་བྱུང༌། མ་རྟོགས་ཏེ་སེམས་ཅན་མ་བྱུང་གི་དུས་ཙམ་ན་འཁོར་འདས་ཀྱི་སྤྱི་གཞི་སྟེ་ཆོས་ཉིད་རང་གི་ངོ་བོ་སྒྲིབ་གཉིས་ཀྱི་དྲི་མས་བསླད་མ་མྱོང་བའི་གཞི་ཀ་དག་ཆེན་པོ་དེ་ལ་གདོད་ནས་རྣམ་དག་ཅེས་བྱ་ལ། དེ་ལྟ་བུའི་ཆོས་ཉིད་དེ་བློས་རྟོག་དཔྱོད་དང་ཚིག་གིས་བརྗོད་པ་ལ་སོགས་པས་ཤེས་པར་མི་ནུས་ཤིང་བསམ་པའི་ཡུལ་ལས་འདས་པས་ན་ཀློང་དེ་ཡང་དོན་དུ་ན་དབྱིངས་སྟོང་པ་ཉིད་སྤྲོས་པའི་

― ZP04_Page_694 ―

^{[མ་དཔེ་གཟིགས་ན་འདིར་གནོན།]}

[Full Size]

མཐའ་ཐམས་ཅད་དང་བྲལ་བ་དེ་ནི་བསམ་བརྗོད་ཀྱི་ཡུལ་ལས་འདས་པ་ཡིན་ནོ་ཞེས་བསྟན། དེ་ལྟ་བུའི་ཆོས་ཉིད་དེ་ཡང་གཞན་ན་མེད་དེ་རང་གི་སེམས་ཀྱི་རང་བཞིན་འོད་གསལ་བ་དང་གཉིས་སུ་མེད་པས་ན་སེམས་ཉིད། སེམས་ཀྱི་གཉུག་མ་དེ་ནི་འཁོར་འདས་ཀྱི་ཆོས་ཐམས་ཅད་ཀྱི་བྱེད་པོ་ཡིན་ཞིང་ཆོས་ཐམས་ཅད་ལ་དབང་བསྒྱུར་བས་རྒྱལ་པོ། དེ་ཡང་ཆོས་ཐམས་ཅད་ཀྱི་རང་བཞིན་སྟོང་པ་ཉིད་དང་དབྱེར་མེད་པས་ན་རང་བཞིན། ཆོས་ཉིད་དེའི་ཀློང་དབྱིངས་དོན་དམ་པའི་ངང་དུ་སྣང་སྲིད་གཞི་ལས་མ་གཡོས་པར་རྫོགས་པས་ན་རྫོགས་པ་ཆེན་པོ། དཔེར་ན་དངོས་པོ་ཐམས་ཅད་ལ་ནམ་མཁས་ཁྱབ་ཅིང་ནམ་མཁས་དངོས་པོ་ཐམས་ཅད་མ་སྤངས་པ་ལྟར་ཆོས་ཐམས་ཅད་ལ་ཆོས་ཉིད་རྫོགས་པ་ཆེན་པོས་ཆོས་གང་ཡང་མ་སྤང་བས་ན་གང་ཡང་མ་སྤངས། དངོས་པོའི་མཚན་ཉིད་དབྱིབས་དང་ཁ་དོག་ལ་སོགས་པ་ཐམས་ཅད་ནམ་མཁའ་ལ་མེད་ཅིང་ནམ་མཁའ་དེ་དག་གི་ཡུལ་ལས་འདས་པ་ལྟར། ཆོས་ཅན་ཐམས་ཅད་ལ་ཡོད་པའི་དངོས་པོ་དང་མཚན་མ་དང་སྨྲར་བརྗོད་ལ་སོགས་པ་ཐམས་ཅད་ཆོས་ཉིད་རྫོགས་པ་ཆེན་པོ་ལ་མེད་ཅིང་རྫོགས་པ་ཆེན་པོ་དེ་དག་གི་ཡུལ་ལས་འདས་པས་ན་ཀུན་ལས་འདས་པའི་དོན། དེ་ལྟར་དབྱིངས་ཆོས་ཉིད་རྫོགས་པ་ཆེན་པོའི་གཞིའི་གནས་ལུགས་གཉུག་མའི་ཡེ་ཤེས་རང་གི་ངོ་བོ་བསྟན་ནས་དེ་ཉིད་ཤར་གྲོལ་གཉིས་མེད་ཀྱི་ཆོས་

― ZP04_Page_695 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་ཀ་དག་ཁྲེགས་ཆོད་ཀྱི་ལྟ་བར་ཐག་བཅད་པ་ནི། ཐོལ་སྐྱེས་ཀྱི་རྣམ་རྟོག་ཡུལ་ལ་ཤར་བའི་ཚེ། ཤར་བའི་ཡུལ་དང་ཤར་བའི་རྣམ་རྟོག་གཉིས་ཀ་ལ་ཞེན་འཛིན་གྱི་སྤང་བླང་ཅུང་ཟད་ཀྱང་མི་བྱེད་པར་གང་ཤར་གྱི་ངོ་བོ་ལ་བལྟས་པས་རྣམ་རྟོག་རང་དག་སྟེ་རང་རིག་མ་བཅོས་པར་ཤར་བ་དེ་ལྷུན་གྲུབ་སྐུ་གསུམ་གྱི་ངང་དུ་འབྱམས་པའི་རིག་པ་ཡེ་ཤེས་ཀྱི་ཀློང་ཆེན་པོ་ཡིན་པས་ན། གང་ཤར་ཞེན་མེད་ལྷུན་འབྱམས་རིག་པའི་ཀློང༌། །དེ་ལྟར་ལྟ་བའི་རང་ངོ་མཐོང་བ་དེའི་ངང་དུ་སེམས་མ་བཅོས་པར་ཅོག་གེ་བཞག་པས་རྣམ་རྟོག་རང་དག་སྟེ་རང་བཞིན་བབས་ཀྱི་བསམ་གཏན་ལ་གནས་པ་ནི་ཅོག་བཞག །དེའི་ཚེ་སྐྱེ་མེད་ཀྱི་ངང་ནས་འགགས་མེད་རིག་རྩལ་སྣ་ཚོགས་སུ་ཤར་ཡང་ཞེན་མེད་ཀྱི་ངང་དུ་གྲོལ་བས་ན་རང་གྲོལ། རྣམ་རྟོག་གང་སྐྱེས་ཀྱི་ངོ་བོ་ལ་གཅེར་གྱིས་བལྟས་པས་རྣམ་རྟོག་རང་ཡལ་བའི་ཚེ་གཉུག་མའི་ངོ་བོ་ལྷག་གིས་མཐོང་བ་ནི་གཅེར་མཐོང༌། དེ་ལྟ་བུའི་སྒོམ་དེ་ཡང་བདེ་གསལ་མི་རྟོག་ལ་སོགས་པའི་ཉམས་ཀྱི་ཞེན་པ་ཐམས་ཅད་དང་བྲལ་ཏེ་རང་བཞིན་འདི་ལྟ་བུ་ཞིག་གོ་ཞེས་བློས་བསམ་པའི་ཡུལ་ལས་འདས་པས་ན་བསམ་ཡུལ་མེད། སེམས་མ་བཅོས་པ་འདི་རང་ངོ་རང་ཤེས་དྲན་པས་སྐྱོང་བ་ཙམ་ཉམས་ལེན་གྱི་གནད་འགག་ཡིན་པས་ན་རང་བཞིན་རང་བབས་ཡིན་པའི་ཕྱིར་བློས་ནན་གྱིས་བཟུང་ནས་སེམས་ལ་བཟོ་བཅོས་ན་ཅི་

― ZP04_Page_696 ―

^{[མ་དཔེ་གཟིགས་ན་འདིར་གནོན།]}

[Full Size]

ཙམ་བཅོས་པ་དེ་ཙམ་ལམ་གོལ་དུ་འགྲོ་བས་ན་བཅོས་བསླད་མ་བྱེད་ཅིག །དེ་ལྟར་མ་བཅོས་པའི་ཆོས་ཉིད་རང་ངོ་མ་ཤེས་པ་རྣམས་ནི་རང་བཞིན་རྫོགས་པ་ཆེན་པོའི་ལམ་ལ་རྨོངས་པ་ཡིན་པས་ན་རྨོངས་པ་གང་གིས་དེ་ལྟ་བུའི་རྨོངས་པ་རྣམས་ཀྱི་སེམས་ཀྱི་ངོ་བོ་མ་བཅོས་པ་དེ་བོར་ཞིང༌། བཅོས་མ་ལ་ལམ་དུ་བྱེད་པས་ན་ངོ་བོ་དེ་བོར་ཏེ། གཉུག་མའི་སེམས་ཡེ་གྲོལ་དུ་གནས་པ་ཉིད་ལ་རིག་པ་སྒྲིམ་པོའི་རྟོག་དབྱེད་སྣ་ཚོགས་བཏང་ནས་རེ་དོགས་ཀྱི་གཟེབ་ཏུ་ཚུད་པས་ན། གཉུག་མའི་སེམས་ལ་སྒྲིམ་པོའི་གཟེབ་བསྐུར་ནས། །དེ་ལྟར་རེ་དོགས་ཀྱི་གཟེབས་སུ་ཚུད་པ་འདི་ནི་ཡིན་ནོ་འདི་ནི་མིན་ནོ་སྙམ་དུ་བློས་ཡང་དང་ཡང་དུ་བཅོས་ཤིང་བཅོས་ཤིང་ཅི་ཙམ་བཅོས་པ་དེ་ཙམ་དུ་སྙིང་པོའི་དོན་མི་མཐོང་ཞིང་བློས་བྱས་ཀྱི་ལྟ་སྒོན་གྱིས་ས་མི་ཆོད་པས་ན་སྙིང་པའི་དོན་ལ་སྒྲིབ། །ནམ་མཁའ་ལ་ཡེ་ནས་མདུད་པ་བྱར་མེད་པས་ན་བཀྲོལ་རྒྱུ་ཡང་མེད་པ་ལྟར་སེམས་ཉིད་ཡེ་གྲོལ་དུ་གནས་པ་ལ་གཟོད་འབད་པས་གྲོལ་བར་རློམ་པས་མི་གྲོལ་བས་ན་གྲོལ་བ་མེད། དེ་ལྟར་འབད་ནས་བཅོས་པས་གྲོལ་བར་འདོད་པ་རྣམས་ནི་སྲིན་བུའི་ཁ་ཆུས་རང་ཉིད་བཅིང་བ་ལྟར་ཞེ་འདོད་ཀྱི་གྲུབ་མཐས་སླར་བཅིང་བས་ན་དེ་ཡིས་སླར་འཆིང་བྱེད། དེ་དག་གི་གནད་དོན་ཧྲིལ་དྲིལ་ན་ད་ལྟ་ཐ་མལ་གྱི་ཤེས་པ་བློའི་བཟོ་བཅོས་གང་ཡང་མ་སོང་བ་འདི་ཀ་གཞི་གནས་ཀྱི་རིག་པ་ཡང་ཟེར།

― ZP04_Page_697 ―

^{[མ་དཔེ་གཟིགས་ན་འདིར་གནོན།]}

[Full Size]

རྫོགས་པ་ཆེན་པོ་ཡང་ཟེར། དེ་བཞིན་དུ་ཕྱག་རྒྱ་ཆེན་པོ། །དབུ་མ་ཆེན་པོ། །སྤྲོས་པ་དང་བྲལ་བ། སྐྱེ་བ་མེད་པ་ལ་སོགས་མིང་ཅི་བཏགས་ཀྱང་དོན་དུ་ཐ་མལ་གྱི་ཤེས་པ་རང་རིག་རྗེན་པ་འདི་ཀ་ཡིན་པས་དེ་རང་ངོ་ཤེས་པ་ལ་ལྟ་བ་ཟེར་བ་ཡིན་ཏེ་དེ་ཡན་གྱིས་ས་བཅད་དང་པོའོ། །གཉིས་པ་ནི། དེ་ལྟར་རང་ངོ་ཤེས་པའི་ལྟ་བའི་གནས་ཚུལ་མ་བཅོས་པ་དེ་ཀའི་ངང་དུ་སེམས་བཅོས་མ་དང་བྲལ་བར་ལྷོད་དེ་འཇོག་པ་ནི་བསྒོམ་པ་ཡིན་པས་ན། གང་ལ་བློ་ཡི་ཁོངས་ན་ལྷོད་ཡོད་ན། །དེ་ལྟར་རང་བབས་ཀྱི་ངང་དུ་མ་ཡེངས་ཙམ་དུ་བཞག་ན་རིག་པ་ལ་རང་གནས་ཀྱི་བསམ་གཏན་ཡོད་པས་རང་བཞིན་ཉིད་དེ་དེ་ལ་བཅོས་མི་དགོས། དེ་ལྟར་རང་བབས་སུ་བཞག་པས་དེ་རྩལ་གྱི་རྣམ་རྟོག་སྣ་ཚོགས་ཡུལ་ལ་འཕྲོ་ཞིང་འགྱུ་བའི་ཚེ། དང་པོ་རྣམ་རྟོག་འགྱུ་བ་དེ་ངོ་ཤེས། དེ་ནས་རང་ངོ་མཐོང་བའི་ངང་དུ་བཞག་པས་རྣམ་རྟོག་རང་སར་དག་སྟེ་ཤར་གྲོལ་རྗེས་མེད་དུ་འགྲོ་བས་ན་འགྱུ་མཐོང་རང་དག །དེ་ཡང་བཟང་རྟོག་དགེ་བའི་རྣམ་པ་ཅི་ཤར་ཡང་འདི་ནི་བཟང་པོ་ཡིན་ནོ་སྙམ་དུ་དེ་ལ་ཞེན་འཛིན་གྱི་འཁྲི་ས་མི་གདགས་པར་ཞེན་མེད་དུ་བཞག་པས་རང་ཡལ་བས་ན་གཉེན་པོས་མ་བསླད་ཅིང༌། ངན་རྟོག་ཆགས་སྡང་དང་ཆོས་བརྒྱད་ཀྱི་རྟོག་པ་ཤར་ཡང་འདི་ནི་ངན་པ་ཡིན་ནོ་སྙམ་ནས་འགྱོད་པ་དང་དགག་པ་སོགས་མི་བྱ་བར་རང་

― ZP04_Page_698 ―

^{[མ་དཔེ་གཟིགས་ན་འདིར་གནོན།]}

[Full Size]

གྲོལ་གྱི་གཤིས་ལ་བཞག་པས་ན་སྤང་བྱས་མ་བསྒྱུར། དེ་ལྟར་བཟང་རྟོག་དགེ་བའི་རྣམ་པར་ཤར་ཡང་སེམས་ཀྱི་རང་ངོ་ལ་བཟང་པོར་བསྒྱུར་དུ་མེད་ཅིང༌། ངན་རྟོག་མི་དགེ་བའི་རྣམ་པར་ཡང་ངན་པར་བསྒྱུར་དུ་མེད་ལ་སེམས་ཅན་ནས་སངས་རྒྱས་ཀྱི་བར་དུ་སེམས་ཀྱི་གཤིས་ལ་ཁྱད་པར་མེད་པས་གཤིས་དེ་རྫོགས་པ་ཆེ། དེ་ལྟ་བུའི་རང་བཞིན་རྟོགས་ན་གང་སྤང་བླང་མེད་པའི་ངང་དུ་ངོ་མཉམ་སྟེ་ད་ལྟའི་བླང་དོར་དང་རེ་དོགས་དགག་སྒྲུབ་དང་ཆགས་སྡང་འདི་ནི་ཡིན་ནོ། །འདི་ནི་མིན་ནོ་སྙམ་དུ་བདེན་ཞེན་གྱིས་བཅིང་བའི་ཆོས་དང་ཁྲིགས་སྣ་ཚོགས་སུ་ཡོད་པ་དེ་ཐམས་ཅད་མེད་པར་རང་རིག་ཟང་ཐལ་ཡུག་འབྱམས་ཀྱི་ངང་དུ་ཐམས་ཅད་སྤང་བླང་མེད་པར་དག་པས་ན་ཡོད་ནི་མེད་ལ། དེའི་ཚེ་ཉམས་ལེན་རང་རིག་རྗེན་པ་དེ་ཡང་དེའི་རང་བཞིན་འདི་དང་འདི་ལྟ་བུ་ཡིན་ནོ་ཞེས། བདེ་ལྷང་ངེ་བ་དང༌། གསལ་སང་ངེ་བ་དང༌། མི་རྟོག་པའི་ངང་དུ་ཆམས་སེ་བ་ལ་སོགས་གང་ཡང་མིན་པས་ཚིག་གི་བརྗོད་པ་དང་བློས་བསམ་པའི་ཡུལ་དུ་མེད་ལ་རྣལ་འབྱོར་བ་ལ་དུས་ཐམས་ཅད་དུ་རང་རིག་ཟངས་མ་ཐལ་བྱུང་དུ་ལྷག་གེར་ཤར་བ་ཉིད་སོ་སོ་རང་རིག་པའི་ཡེ་ཤེས་ཀྱི་སྤྱོད་ཡུལ་དུ་ཡོད་པས་མེད་ལ་ཡོད་པའི་མཐའ། དེ་ལྟར་སེམས་ཉིད་མ་བཅོས་པའི་ངང་དུ་དངོས་པོ་བདེན་ཞེན་གྱི་ཆ་ཐམས་ཅད་རང་ཞིག་པས་ན་དངོས་ཀུན་བཤིགས་པས།

― ZP04_Page_699 ―

^{[མ་དཔེ་གཟིགས་ན་འདིར་གནོན།]}

[Full Size]

བདེན་ཞེན་གྱི་འཆིང་བ་དང་བྲལ་བའི་རང་བབ་དེ་ཀ་རིག་སྟོང་གཉིས་སུ་མེད་པའི་སྟོང་ཉིད་ཡིན་པས་བློའི་ཡུལ་དུ་བྱས་པའི་སྟོང་ཉིད་ལོག་ནས་ཚོལ་མི་དགོས་པས་ན་སྟོང་པ་རྫོགས་པ་ཆེ། དེ་ལྟར་མ་ཤེས་པར་ཡོད་དཔྱོད་ཀྱི་སྟོང་པ་ལ་རེ་བ་རྣམས་སྣང་ཐོག་ཏུ་སྟོང་པ་ལོག་ནས་བཙལ་ཏེ་སྟོང་འཛིན་གྱི་ཞེན་པས་བཅིངས་ནས་བཅོས་ཤིང་བཅོས་ཤིང་བརྟག་པའི་སྟོང་པ་ཡིན་ནོ་སྙམ་པའི་བློས་གྲོལ་བར་འདོད་པས་ན། བཅོས་ཤིང་བཅོས་ཤིང་གྲོལ་བར་འདོད་པའི་མི། །དེ་ལྟ་བུ་དེ་ནི་སྣང་ཚོད་ལ་སྐུར་པ་བཏབ་ནས་སྟོང་པ་བཤིགས་པས་ཆད་པའི་མཐར་ལྟུང་ལ། སྟོང་པ་ལ་མཆོག་ཏུ་བཟུང་ནས་བདེན་པར་ཞེན་པས་རྟག་པའི་མཐར་ལྟུང་སྟེ། རྟག་ཆད་ཀྱི་གཡངས་ས་ལས་མི་ཐར་བས་ན། རྟག་ཆད་གཉིས་ཐར་པ་ཡོད་དམ་ཅི། །དཔེར་ན། འབྱུང་བཞིས་བསྡུས་པའི་སྣོད་བཅུད་ཐམས་ཅད་ནམ་མཁའ་ལ་བརྟེན་ནས་གནས་ཀྱང་ནམ་མཁའ་གང་ལའང་བརྟེན་ས་མེད་པ་ལྟར་ཆོས་ཐམས་ཅད་ཆོས་ཉིད་རྫོགས་པ་ཆེན་པོ་ལ་བརྟེན་ཀྱང་ཆོས་ཉིད་རྫོགས་པ་ཆེན་པོ་ནི་གང་ལ་ཡང་མི་བརྟེན་ཏེ། བརྟེན་པའི་གཞི་མེད་པས་ན་གཞི་མེད་འཁོར་འདས་ཀྱི་ཆོས་ཐམས་ཅད་རྒྱུ་དང་རྐྱེན་གྱིས་མ་བསྐྱེད་པ་མེད་ཀྱང་ཆོས་ཉིད་རྫོགས་པ་ཆེན་པོ་ནི་གང་གིས་ཀྱང་བསྐྱེད་པའི་རྩ་བ་མེད་པས་ན་རྩ་བྲལ། །གཞི་རྩ་མེད་པའི་ཆོས་

― ZP04_Page_700 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིད་དེ་ནི་དུས་ཐམས་ཅད་དུ་བཅོས་བསླད་མེད་པར་ཡེ་ནས་གནས་པས་ན་ཡེ་གནས་རྫོགས་པ་ཆེ། དེ་ལྟར་ཡེ་གནས་གཉུག་མའི་ཆོས་ཉིད་རང་བབས་སུ་གནས་པ་མི་ཤེས་པ་རྣམས་ཁ་ཅིག་ནི་ཆོས་ཐམས་ཅད་སྟོང་པ་ཉིད་ཡིན་ནོ་སྙམ་དུ་སྟོང་འཛིན་ལ་ཆེད་དུ་གཉེར་ནས་བསྒོམ། ཁ་ཅིག་ནི་སྣང་ཆ་གཟུགས་ཀྱི་རྣམ་པ་ལ་དོན་དུ་འཛིན་ཞིང་ལྷ་དང་ཐིག་ལེ་ལ་སོགས་མཚན་བཅས་ཀྱི་སྒོམ་ལ་རེ། ཁ་ཅིག་ནི་ཆོས་ཉིད་དོན་དམ་པ་དེ་ནི་འདི་དང་འདི་ལྟ་བུ་ཡིན་ནོ་ཞེས། བདེན་བདེན་རྟག་རྟག་ཨ་འཐས་སུ་བཟུང་ནས་བློས་གཏད་སོལ་སྒོམ་དུ་བཟུང་ནས་ཡོད་པར་སྒྲོ་འདོགས། ཁ་ཅིག་ཆོས་ཐམས་ཅད་སྟོང་པ་ཉིད་ཡིན་པས་འཁོར་བ་མེད་མྱང་འདས་མེད། ལས་འབྲས་མེད་ཅང་མེད་ཆད་པར་སྒོམ་ཞིང་མེད་པར་སྐུར་པ་འདེབས་པ། དེ་ལྟར་མ་རྟོགས་པ་རྣམས་རང་རང་གི་ཞེ་འདོད་སྣ་ཚོགས་ལ་དམ་པའི་དོན་དུ་འཛིན་ཞིང་བསྒོམ་པས་ན། སྟོང་དང་སྣང་དང་ཡོད་དང་མེད་པའི་སྒོམ། །དེ་ལྟར་བློས་བྱས་གཉིས་འཛིན་གྱི་སྒོམ་པ་སུ་ལ་ཡོད་པ་དེ་ལ་ཞེ་འདོད་གྲུབ་མཐའི་ལྟ་བའང་ཡོད། བླང་དོར་ཕྱོགས་རིས་ཀྱི་སྤྱོད་པའང་ཡོད་པས་ན། གང་ལ་བསྒོམ་ཡོད་ལྟ་དང་སྤྱོད་པ་ཡོད། །དེ་ལྟར་བློས་བྱས་བཅོས་མའི་ལྟ་སྒོམ་ལ་རེ་བ་རྣམས་ལ་ཡེ་གྲོལ་སྤང་བླང་དང་བྲལ་བའི་གནད་མེད་པས་འཁོར་འདས་ལ་བཟང་

― ZP04_Page_701 ―

^{[མ་དཔེ་གཟིགས་ན་འདིར་གནོན།]}

[Full Size]

ངན་དུ་འཛིན་པས་ན་དེ་ལ་སྲིད་ཡོད། དེ་ལྟར་སྲིད་པ་བདེན་པར་བཟུང་ནས་སྤང་བྱར་བྱེད་པ་དེས་ནི་སྲིད་པ་སྤངས་མི་ནུས་ཏེ་དཔེར་ན་ལུས་མ་སྤང་པར་གྲིབ་མ་སྤང་མི་ནུས་པ་ལྟར། འཁོར་བའི་རྩ་བ་བདེན་ཞེན་མ་སྤང་པར་འཁོར་བའི་སྡུག་བསྔལ་སྤངས་མི་ནུས་པས་ན་འཁོར་བའི་སྡུག་བསྔལ་ཡོད། དེ་བཞིན་དུ་གཉིས་འཛིན་ཕྱོགས་རེ་ལ་ཞེན་པ་རྣམས་ཆོས་དང་ཐེག་པའི་ཞེན་འདོད་སྣ་ཚོགས་ཀྱིས་བཅིངས་ཏེ་འདི་ནི་བཟང་པོའོ། །འདི་ནི་ངན་པའོ། །འདི་ནི་རང་ལུགས་སོ། །འདི་ནི་གཞན་ལུགས་སོ། །ངེད་ནི་མཆོག་གོ །གཞན་ནི་དམན་ནོ་ཞེས་ཆགས་སྡང་དང་རྩོད་པ་མངོན་པར་འཕེལ་བས་ན། གང་ལ་ཆོས་ཡོད་ཐེག་པའི་ཞེ་འདོད་ཡོད། །དེ་ལྟ་བུ་དེ་ནི་རང་གཞན་གཉིས་འཛིན་གྱི་རྗེས་སུ་འབྲང་ནས་ཉོན་མོངས་པའི་གཟེབ་ཏུ་ཆུད་ཅིང་འཁོར་བའི་འཆིང་བ་ཐམས་ཅད་ཀྱིས་བཅིང་བ་ཡིན་པས་ན། དེ་ལ་ཉོན་མོངས་གཟེབ་ཡོད་འཆིང་བ་ཡོད། །འདི་ལྟ་བུ་འདི་ནི་མགོན་པོ་ཀླུ་སྒྲུབ་ཀྱིས་དབུ་མ་རིན་ཆེན་ཕྲེང་བ་ལས་གསུངས་ཏེ། ཇི་སྲིད་ཕུང་པོར་འཛིན་ཡོད་པ། །དེ་སྲིད་དེ་ལ་ངར་འཛིན་ཡོད། །ངར་འཛིན་ཡོད་ན་ཡང་ལས་ཏེ། །ཞེས་སོགས་གསུངས་པ་ལྟར་རོ། །གཤིས་ཀ་དག་གི་ངང་དུ་ཡེ་སྟོང་རྩ་བ་བྲལ་བས་གཞི་འཛིན་པ་དང་བྲལ། རང་རིག་ཟང་ཐལ་རྗེན་པར་སྩོལ་

― ZP04_Page_702 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲུབ་ཀྱི་སྒྲོག་ལས་གྲོལ་བས་ལམ་གྱི་གོ་རིམ་འགག །ཐམས་ཅད་ཡེ་གྲོལ་དུ་ཤེས་པས་བསྒྲུབ་བྱའི་འདོད་པ་མེད་པས་འབྲས་བུ་ཞེ་འདོད་ཟད་པས་ན། གཞི་བྲལ་ལམ་འགག་འབྲས་བུ་ཞེ་འདོད་ཟད། ཆོས་ཟད་ཀྱི་རིག་པ་མཚོན་བརྗོད་ལས་འདས་ཏེ་ཐེག་པའི་ཚིག་གིས་ཇི་བཞིན་པ་མཚོན་མི་ནུས་ཤིང་ཕྱོགས་རེ་ནས་གཞལ་ན་ཐེག་པ་ཐམས་ཅད་ཀྱང་འཐད་པས་ཐེག་པ་དང་གྲུབ་མཐའི་ལྟ་གྲུབ་ལ་མཆོག་དམན་གྱི་འདོད་ཞེན་དང་བྲལ་བས་ན། ཐེག་པར་འདོད་ཞེན་རྡུལ་ཙམ་མི་གནས་པ། །དེ་ལྟ་བུའི་རྣལ་འབྱོར་པ་དེ་རང་རིག་ཟང་ཐལ་དུ་རྟོགས་པས་རྣམ་རྟོགས་ཐམས་ཅད་ཤར་གྲོལ་དུས་མཉམ་དུ་དག་སྟེ་ཆུ་ལ་རི་མོ་བྲིས་པ་ལྟར་སྐད་ཅིག་གིས་ཞིག་པས་ལས་མི་གསོག་པས་ན་དེ་ལ་ལས་མེད། ལས་མི་གསོག་པའི་ལྟ་སྣང་གི་རྟོག་པ་ཆགས་སྡང་ལྟར་སྣང་ཡང་དེའི་ཕན་གནོད་གང་ཡང་མེད་པས་ན་རྣམ་སྨིན་གོས་པ་མེད། འཁོར་བ་མེད་སྣང་དུ་ཤེས་པས་སྲིད་པའི་མཐའ་ལ་མི་གནས་ཤིང་སྐུ་གསུམ་ལམ་སྣང་དུ་རྫོགས་པས་ཞི་བ་ཕྱོགས་གཅིག་ཏུ་མི་ལྟུང་བས་ན་སྲིད་ཞིར་མི་གནས། ཆོས་ཉིད་ནམ་མཁའ་ལྟ་བུའི་ངང་དུ་གཉུག་མ་རྒྱུན་ཆད་མེད་པས་ནམ་མཁའི་ངང་དུ་གྲོལ། ཕྱི་ཡུལ་འབྲུལ་བའི་སྣོད་བཅུད་ལྟར་སྣང་བ་ཐམས་ཅད་ཀྱང་སྟོང་གཟུགས་སྒྱུ་མའི་རྣམ་པར་ཤར་བས་ན་ཡུལ་གྱི་མཁའ་ལ་རིག་རྩལ་སེམས་ཀྱི་རྣམ་རྟོག་ཡད་ཡུད་དུ་འཕྱོ་བ་ཡང་ཤར་གྲོལ་རྒྱུན་མི་

― ZP04_Page_703 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་རྒྱས་ཉིད་དེ་གཞན་ལས་མ་ཐོས་པར་རང་ཉིད་སློབ་དཔོན་མེད་པར་རང་བྱུང་གི་ཡེ་ཤེས་བརྗོད་དུ་མེད་པའི་རང་བཞིན་མངོན་པར་རྫོགས་པར་སངས་རྒྱས་ཏེ་ཞེས་པ་ལ་སོགས་པ་དྲངས་པས་ཀྱང་དེ་གཉིས་དགོངས་པ་གཅིག་པར་གསལ་ཞིང༌། གཞན་ཡང་འཇམ་དཔལ་མཚན་བརྗོད་ལས་ཀྱང༌། དང་པོའི་སངས་རྒྱས་རིས་མེད་པ། །ཞེས་གསུངས་པ་དང༌། དུས་འཁོར་ལས་ཀྱང༌། །མཆོག་གི་དང་པོའི་སངས་རྒྱས་ཞེས་བཤད་པ་དང༌། རྒྱུད་གཞན་ལས་ཀྱང༌། སངས་རྒྱས་སངས་རྒྱས་སྔར་སངས་རྒྱས། །ཞེས་བཤད་པ་དང༌། མདོ་པདྨ་དཀར་པོ་ལས་ཀྱང༌། བསྐལ་པ་བྱེ་སྟོང་བསམ་གྱིས་མི་ཁྱབ་པ། །དེ་ཡི་ཚད་ནི་ནམ་ཡང་མེད་པ་ནས། །བྱང་ཆུབ་མཆོག་རབ་དེ་ནི་ངས་རྙེད་དེ། །ང་ནི་རྟག་ཏུ་ཆོས་ཀྱང་རབ་འཆད་དོ། །ཞེས་པ་འདི་དག་ཀྱང་མི་མཐུན་པ་མེད་པར་གནད་གཅིག་པ་ཡིན་པས་བདེ་བར་གཤེགས་པའི་གསུང་རབ་ལ་འགལ་འདུ་ཁོ་ན་སེམས་པར་མི་བྱའོ། །དེ་ལྟར་ནའང་འོག་མ་འོག་མས་ཕྱོགས་ཙམ་ལས་ཡོངས་སུ་མ་རྫོགས་པས་གོང་མ་གོང་མར་དེ་ལས་ཞལ་གསལ་ཞིང་ཞིབ་པའི་ཁྱད་ཆོས་བཞག་ཏུ་ཡོད་པའང་རྟོགས་དགོས་ཤིང༌། །དེར་མ་ཟད་སྔར་བཤད་པ་ལྟར་འཁོར་འདས་ཀྱི་གཞི་དང༌། བདེ་གཤེགས་སྙིང་པོའི་ཁམས་གཉིས་ཀྱང་ངོ་བོ་ཐ་དད་དུ་ནམ་ཡང་བསམ་པར་མི་བྱ་ཞིང༌། ལྡོག་

― ZP04_Page_704 ―

^{[མ་དཔེ་གཟིགས་ན་འདིར་གནོན།]}

[Full Size]

ཆའི་དབང་གིས་དབྱེ་བ། གཞི་སྣང་མཐར་ཐུག་དང་རིག་པ་འོད་ཀྱི་ཁང་པར་གནས་པ་དང་མི་གནས་པ་ལ་སོགས་པ་ཕྲ་རག་གི་ཁྱད་ཆོས་རྣམས་ཀྱང་ལེགས་པར་ཤེས་པར་བྱ་དགོས་པ་ཡིན་ནོ། །གསུམ་པ་དེ་ལ་རྩོད་པ་སྤང་བ་ནི། དེ་ཡང་ལྟ་བ་ཕྱོགས་རེ་ལ་ཞེན་ཆེ་ཞིང་བཟང་ངན་གཉིས་འཛིན་གྱི་སྒྲོག་གིས་བཅིང་པ་དག་འདི་སྐད་ཅེས་དོན་དམ་པའི་ཆོས་ཉིད་བདེ་གཤེགས་སྙིང་པོ་ནི་སྐྱོན་ཀུན་ཟད་ཡོན་ཏན་ཀུན་རྫོགས་སངས་རྒྱས་ཀྱི་རང་བཞིན་འབའ་ཞིག་པས་གྲོལ་གཞི་ཁོ་ན་ཡིན་གྱི་དེ་འཁོར་འདས་གཉིས་ཀའི་སྤྱི་གཞིར་བཤད་པ་ནི་ནམ་ཡང་མི་འཐད་དོ་ཞེ་ན། དེ་ལ་འདི་སྐད་ཅེས་བཤད་པར་བྱ་སྟེ། དབྱིངས་བདེ་གཤེགས་སྙིང་པོ་རང་ངོས་ནས་འཁོར་བའི་འཁྲུལ་སྣང་ཡེ་ནས་ལྷུན་གྲུབ་ཏུ་ཡོད་པ་མ་ཡིན་ཡང༌། དེ་ལས་ཤར་བ་གཞི་སྣང་གི་དུས་ན་རང་ངོ་ཤེས་མ་ཤེས་ལས་གྲོལ་འཁྲུལ་གཉིས་སུ་འབྱུང་བ་ཡིན་པས་བདེ་གཤེགས་སྙིང་པོ་སྤྱི་གཞིར་བཤད་པ་ལ་འགལ་བ་ཅུང་ཟད་ཀྱང་མེད་དེ། ཡིད་བཞིན་མཛོད་རྩ་འགྲེལ་ལས། གཞི་དེ་ཡང་འཁོར་བ་ལ་ལྟོས་པས་རྟེན་གཞི་ནམ་མཁའ་ལྟར་གདོད་མ་ནས་སྟོང་ཞིང༌། ངོ་བོ་ཉིད་ཀྱིས་བདག་མེད་པ། ཉི་ཟླ་ལྟར་འོད་གསལ་ཞིང་ལྷུན་གྱིས་གྲུབ་པ་སྟེ། ཐོག་མ་མེད་པ་ནས་གནས་པས་འཕོ་འགྱུར་མེད་པ་སྤྲོས་པའི་མཐའ་ལས་འདས་པས་ངང་གིས་འོད་གསལ་བ་སྐུ་དང་ཡེ་ཤེས་འདུ་འབྲལ་

― ZP04_Page_705 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་པའི་དབྱིངས་སུ་གནས་པའི་བདེ་བར་གཤེགས་པའི་སྙིང་པོ་འཁོར་འདས་ཀྱི་ཆོས་རྣམས་བརྟེན་པའི་གནས་ལུགས་དོན་གྱི་ཀུན་གཞི་ཞེས་བྱ་སྟེ་འདུས་མ་བྱས་ཤིང་ཡེ་ནས་རྣམ་དག་ཆེན་པོར་གནས་པའོ། །དེ་ཡང་འཁོར་བའི་ཆོས་ལས་དང་ཉོན་མོངས་པ་རྣམས་རྟེན་པ་མེད་པའི་ཚུལ་གྱིས་བརྟེན་པ་ནི། ཉི་མཁའི་ངོས་ན་སྤྲིན་ཕུང་བརྟེན་པ་ལྟར། གཞི་ལ་མ་རེག་མ་འབྱར་ལ་དེའི་ངང་ན་གནས་པ་སྟེ། དོན་ལ་རང་བཞིན་མེད་པས་རྟེན་དང་བརྟེན་པར་མ་གྲུབ་བཞིན་དུ་བརྟེན་པར་སྣང་བས་བཏགས་པ་སྟེ། མྱ་ངན་ལས་འདས་པའི་ཆོས་རྣམས་ཉི་མ་དང་ཟེར་ལྟར་དབྱེར་མེད་དུ་བརྟེན་ཏེ་ཡེ་ནས་འདུ་འབྲལ་མེད་པར་གནས་པའི་ཕྱིར་རོ། །ཞེས་དང༌། ཁྱད་པར་ཐེག་མཆོག་མཛོད་དུ། ཐོག་མའི་གཞི་ལ་འཁྲུལ་པ་མེད་ཀྱང་གཞི་སྣང་དུ་ཤར་དུས་རང་ངོ་མ་རིག་པའི་ཤེས་པ་ལུང་མ་བསྟན་མ་རིག་པའི་རྩ་བ་ཅན་དེས་གཞི་སྣང་རིས་སུ་བཅད་པས་སེམས་ཅན་དུ་འཁྲུལ་སྟེ། མུ་ཏིག་ཕྲེང་བ་ལས། ཁྱད་པར་ཆེན་པོའི་སྣང་བ་ལས། ཡོད་དང་མེད་པ་གཉིས་འབྱུང་སྟེ། །སྤྱི་ལ་འཁྲུལ་གཞི་ཞེས་བྱ་སྟེ། །མ་རིག་ཉིད་དང་སྦགས་པའི་ཕྱིར། །ཤེས་བྱ་ཉིད་ཀྱང་ཕྲི་བར་སྣང༌། །ཞེས་པ་དང༌། ཆོས་སྐུ་ནམ་མཁའ་ལྟ་བུ་ལ། །གློ་བུར་སེམས་ཅན་སྤྲིན་གྱིས་བསྒྲིབ། །མ་འཁྲུལ་པ་ཡི་ཆོས་ཉིད་ཀྱང༌། །བློ་ལ་འཁྲུལ་བའི་ཚུལ་དུ་སྣང༌། །ཞེས་དང༌། རྡོ་རྗེ་སེམས་དཔའ་

― ZP04_Page_706 ―

^{[མ་དཔེ་གཟིགས་ན་འདིར་གནོན།]}

[Full Size]

སྙིང་གི་མེ་ལོང་ལས། །ཁམས་གསུམ་གྱི་སེམས་ཅན་འདི་དག་ཐམས་ཅད་ནི། །གཞི་ཅི་ཡང་མ་ཡིན་པ་ལས་འཁྲུལ་ལོ། །ཞེས་དང༌། རྡོ་རྗེ་སེམས་དཔའ་འཁྲུལ་པ་མི་མངའ་ཡང༌། །སེམས་ཅན་ལ་འཁྲུལ་པའི་ཚུལ་སྟོན་པའོ། །ཞེས་སོགས་དྲངས་ནས་གསུངས་ཤིང༌། ཁྱད་པར་རྐྱེན་གྱིས་སྐྱོན་ཡོན་ཆར་དབྱེ་བ་འདི་ལྟར་གསུངས་ཏེ། ག་བུར་དེ་ཚད་ནད་དུ་ཡོན་ཏན་སྣང་ལ། གྲང་ནད་ལ་སྐྱོན་དུ་ཤར་ཡང༌། ག་བུར་གྱི་ངོ་བོ་ལ་སྐྱོན་དང་ཡོན་ཏན་མ་གྲུབ་པ་བཞིན་དུ་གཞི་དང་གཞི་སྣང་གི་འཆར་ཚུལ་དེ་ཡང་རང་ངོ་ཤེས་པ་རྣམས་ལ་གྲོལ་རྐྱེན་ལྟར་དུ་སྣང་བས་ཡོན་ཏན་ལྟར་ཤར་ལ། མ་ཤེས་ན་ཆ་དེས་འཁྲུལ་པའི་གཞི་བྱེད་པའི་སྐྱོན་ལྟར་སྣང་ཡང༌། གཞི་དེ་དང་དེས་སྣང་བ་སྐྱོན་ཡོན་ཏུ་གྲུབ་པ་མེད་དོ་ཞེས་སོགས་གསལ་བར་བཤད་པ་ལྟར་ཡིན་ཞིང༌། དེར་མ་ཟད་འཁྲུལ་སྣང་འཁོར་བ་ལྟར་སྣང་བའི་དུས་ནའང༌། རང་ངོ་གདོད་མའི་གཞི་ལས་གཞན་དུ་གཡོ་བ་ཅུང་ཟད་ཀྱང་མེད་ལ་གཞི་སྣང་ཆོས་ཉིད་ཀྱི་རྩལ་ལས་ཤར་བའི་འཁོར་འདས་གཉིས་ཀྱང་བཟང་ངན་སྐྱོན་ཡོན་ཏུ་འབྱེད་པ་ཅུང་ཟད་མེད་དེ། དག་མཉམ་སྤྲོས་པ་དང་བྲལ་བར་གཏན་ལ་འབེབས་པ་ནི་ཐེག་ཆེན་ཐུན་མོང་མ་ཡིན་པ་ཡང་དག་གི་ལྟ་བ་ཡིན་ཏེ། ཆོས་ཐམས་ཅད་འབྱུང་བ་མེད་པར་བསྟན་པའི་མདོ་ལས། ལྟ་དང་ལྟ་མིན་གཉིས་ཀ་ཚུལ་གཅིག་སྟེ། །མཉམ་དང་

― ZP04_Page_707 ―

^{[མ་དཔེ་གཟིགས་ན་འདིར་གནོན།]}

[Full Size]

མི་མཉམ་དེ་བཞིན་མཉམ་པ་ཡིན། །སངས་རྒྱས་མེད་ཅིང་ཆོས་དང་དགེ་འདུན་མེད། །དེ་ལྟར་སུས་ཤེས་དེ་ནི་མཁས་པ་ཡིན། །ཞེས་དང༌། ཀུན་བྱེད་ལས། སངས་རྒྱས་སེམས་ཅན་ལས་དང་བག་ཆགས་དང༌། །བྱང་ཆུབ་སེམས་ལས་མ་གཏོགས་ཆོས་གཞན་མེད། །ཅེས་པ་ལ་སོགས་རྒྱ་ཆེར་བཤད་པ་ཡིན་ནོ། །དེས་ན་གདོད་མའི་གཞི་བདེ་གཤེགས་སྙིང་པོ་གཅིག་གི་རྩལ་དང་རོལ་པ་ལས་ཤར་བའི་འཁོར་འདས་གཉིས་ལ་བཟང་ངན་སྤང་བླང་དུ་འབྱེད་པ་ནི་ཅི་ཡང་མེད་དོ། །དེ་ལྟར་མ་ཡིན་པར་ཆོས་ཉིད་བདེ་གཤེགས་སྙིང་པོ་མ་ཡིན་པའི་འཁོར་འདས་སྤྱི་མཚན་ལ་ལྟོས་པའི་ཡེ་གཞི་ཟུར་པ་ཞིག་འདོད་ན་དེ་ལ་འདི་སྐད་དྲི་སྟེ། དེ་ལྟ་བུའི་གཞི་དེས་སེམས་ཅན་ཐམས་ཅད་ལ་ཁྱབ་བམ་མ་ཁྱབ། ཁྱབ་ན་བདེ་གཤེགས་སྙིང་པོ་ལས་གཞན་པའི་སྤྱི་གཞི་ཞིག་ཁྱབ་བྱེད་དུ་ཡོད་ན་སེམས་ཅན་ཐམས་ཅད་ཀྱང་རྒྱུད་གཅིག་ཏུ་གྱུར་པ་དང༌། །ཡང་སེམས་ཅན་རེ་རེ་ལ་རྒྱུད་གཉིས་གཉིས་ཡོད་པར་འགྱུར་བ་དང་གཅིག་གྲོལ་དུས་ཐམས་ཅད་གྲོལ་བར་འགྱུར་བ་ལ་སོགས་པའི་སྐྱོན་འདུག་ཅིང་མུ་སྟེགས་གསང་བ་པ་རྣམས་འདོད་པའི་མཁའ་ལྟར་ཁྱད་པར་དགུ་ལྡན་དང་དབྱེ་བ་ཅུང་ཟད་མེད་པར་འགྱུར་ལ། །མ་ཁྱབ་ན་ནམ་མཁས་གར་ཁྱབ་སེམས་ཅན་གྱིས་ཁྱབ་པར་གནས་པའི་གོ་སྐབས་

― ZP04_Page_708 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་མི་རྙེད་ལ། འཁྲུལ་ཟིན་ནས་གྲོལ་བའང་མི་རིགས་ཤིང༌། བར་དོ་ལ་སོགས་པར་གཞི་སྣང་འཆར་བར་བཤད་པའང་མི་འཐད་ལ། དེ་ལྟ་བུའི་གཞི་བཤད་པ་ལ་དོན་མ་མཆིས་པར་འགྱུར་བ་ལ་སོགས་འགལ་འདུ་ཆར་ལྟར་འབབ་བར་འགྱུར་རོ། །དེ་ལྟར་གཞིའི་འཆད་ཚུལ་ལ་གཞུང་གཞན་དང་རྫོགས་པ་ཆེན་པོ་གཉིས་ཁྱད་པར་ཅུང་ཟད་ཀྱང་མེད་དམ་ཞེ་ན། གདོད་མའི་ཡེ་གཞི་རང་གི་ངོ་བོ་འཆད་པ་ནི་ཁྱད་པར་ཅུང་ཟད་ཀྱང་མེད་ལ། དེ་ལས་འཁོར་འདས་སུ་སྣང་བའི་དུས་ན་གཞི་སྣང་ལྷུན་གྲུབ་རིན་པོ་ཆེ་སྒོ་བརྒྱད་ཀྱི་འཆར་ཚུལ་ཞིབ་པར་བཤད་པ་ནི་མདོ་རྒྱུད་གཞན་ན་ཤིན་ཏུ་གབ་པ་ཡོད་པ་ཉིད་རྫོགས་པ་ཆེན་པོར་རྩལ་དུ་བཏོན་ནས་བཤད་པའི་ཁྱད་ཡོད་པ་ཡིན་ལ། གནད་དེའི་དབང་ལས་ལམ་ཉམས་སུ་ལེན་པའི་གནས་སྐབས་ན་ཡང་རབ་ཚེ་འདིར་གྲོལ་བ་འོད་གསལ་ཐོད་རྒལ་གྱི་གདམས་པ། འབྲིང་བར་དོར་གྲོལ་བ་ཆོས་ཉིད་རང་སྣང་གི་བར་དོ་གཞི་སྣང་གི་འཆར་ཚུལ་དང༌། ཐ་མ་སྲིད་པའི་བར་དོར་གཞི་སྣང་རང་བཞིན་སྤྲུལ་སྐུའི་ཞིང་དུ་གྲོལ་བ་ལ་སོགས་པའི་ཁྱད་ཆོས་གཞུང་འདིར་ཡོད་པ་གཞན་ལ་མེད་པ་ནི་ཤེས་པར་བྱ་བ་ཡིན་ནོ། །མཁས་པ་ཤྲཱི་རྒྱལ་པོས་གསུངས་སོ། །དགེའོ། །དགེའོ། །དགེའོ།། །།

ཐེག་མཆོག་ཨ་ཏིའི་མན་ངག་གནས་ལུགས་གསལ་སྟོན།

― ZP04_Page_709 ―

^{[མ་དཔེ་གཟིགས་ན་འདིར་གནོན།]}

[Full Size]

ཐེག་མཆོག་ཨ་ཏིའི་མན་ངག་གནས་ལུགས་གསལ་སྟོན་བཞུགས་སོ། །བླ་མ་དམ་པ་རྣམས་ལ་ཕྱག་འཚལ་ལོ། །གང་ཟག་དབང་པོ་རབ་འབྲིང་ཐ་མའི་རིམ་པ་གསུམ་སོ་སོ་པས་རང་བཞིན་རྫོགས་པ་ཆེན་པོའི་གནས་ལུགས་སྐྱོང་ཚུལ་ནི། དང་པོ་སེམས་འཚོལ་གྱི་རིམ་པས་གདར་ཤ་ལེགས་པར་བཅད་ཅིང་བརྗོད་མེད་ཀྱི་དོན་ངོ་ལེགས་པར་འཕྲོད་པ་གཞིར་བཞག་ནས། སྐྱོང་ཚུལ་དངོས་ནི། དབང་པོ་རབ་ཀྱིས་སེམས་ཁོ་རང་གནས་རུང་སེམས་ཡིན། འགྱུ་རུང་སེམས་ཡིན། སེམས་སྟོང་པར་ཐག་ཆོད་ཕྱིན་ཆད་ནས། གནས་འགྱུ་གཉིས་ལ་ཁྱད་པར་ཅི་ཡང་མེད་པས། རྣམ་རྟོག་གང་ཤར་གང་སྣང་ཐམས་ཅད་ཡེ་ཤེས་ཀྱི་རོལ་པ་རྒྱལ་བའི་དགོངས་པ་ཟབ་མོ་སྟོང་པ་ཉིད་ཡིན། དེ་ལ་བཅོས་སླད་གང་ཡང་མ་བྱེད་པར་དེ་ཁའི་ངང་ལ་ཞོག །གནས་སྐབས་སུ་རྣམ་རྟོག་རང་ག་མར་འདུག་ནའང༌། ངང་ངམ་ཤུགས་ཀྱིས་གྲོལ་ཡོད་པས་ཏིང་འཛིན་ཁོ་ན་ཡིན། ཆོས་སྐུ་ཡིན། རང་བྱུང་གི་ཡེ་ཤེས་ཡིན། ཕྱག་རྒྱ་ཆེན་པོ་ཡིན། ཤེས་རབ་ཀྱི་ཕ་རོལ་ཏུ་ཕྱིན་པ་ཡིན། དཔེ་ཐག་པ་མེས་ཚིག་པ་དང་འདྲ། དེས་འཆིང་མི་ནུས། ཁོ་རང་གི་ངོ་བོ་སྟོང་པ་ཡིན། རྣམ་རྟོག་ལྟར་སྣང་བ་དེ་སྟོང་པའི་གདངས་ཤར་བ་ཡིན། རྣམ་རྟོག་དང་སྟོང་པ་ལ་ཁྱད་པར་མི་འདུག་པས། ཨོ་

― ZP04_Page_710 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱན་ཆེན་པོས། རྣམ་རྟོག་ངོ་བོ་སྟོང་པས་ཆོས་སྐུར་གོ །ཞེས་གསུངས། སྒོམ་ན་བློ་ཡིན་པས་བསྒོམ་རྒྱུ་ཅི་ཡང་མེད། རྣམ་རྟོག་རང་ག་མར་ཞོག །དེ་ལ་བཅས་བཅོས་བྱས་ན་རྣམ་རྟོག་རང་རྒྱུད་པ་འཁྲུལ་པ་ལུ་གུ་རྒྱུད་ཡིན་པས་བཅས་བཅོས་གང་ཡང་མི་བྱ། རང་ཐོག་ཏུ་འཇོག་པ་དེ་ལས་ཡེངས་ན་འཁྲུལ་པ་དངོས་ཡིན་པས་མ་ཡེངས་པ་དགོས་ཏེ་དེ་གཅིག་པུས་ཆོག །དམིགས་པ་གང་ལ་ཡང་མ་གཏད་ཅིང་མ་ཡེངས་པ་གཅིག་གོ །རྫོགས་ཆེན་གུ་རུ་ཞི་བ་ལས། སྒོམ་མ་མྱོང་དང་འབྲལ་མ་མྱོང༌། མི་སྒོམ་དོན་དང་མི་འབྲལ་བ། ཞེས་པ་གང་ཤར་སྒོམ་ཡིན་པས་ན་བློས་བཅོས་པའི་སྒོམ་རྒྱུ་མེད་པས་སྒོམ་མ་མྱོང༌། ཡེ་ནས་དོན་མེད་འཆལ་བ་མིན་པས་རང་ཐོག་ཏུ་འཇོག་པ་དེ་དང་འབྲལ་མ་མྱོང༌། མི་སྒོམ་དོན་དེ་ལྟ་བུ་དང་རྒྱུན་དུ་མི་འབྲལ་བར་གྱིས་ཞེས་པའི་དོན་ནོ། །འདི་ལ་དབང་པོའི་ཁྱད་པར་གྱིས་ཞག་བདུན་ནམ་བཅུ་བཞིའམ་ཟླ་བ་གཅིག་ལས་ཆེད་འཛིན་གྱིས་མ་ཡེངས་པ་དེ་ལ་བརྩོན་ནི་དགོས་པར་གང་ཤར་རྩོལ་མེད་དུ་འཇོག་ཐུབ་པ་གཅིག་འོང༌། འདི་ལ་རྫོགས་ཆེན་པ་ཡེ་གྲོལ་ཀློང་ཡངས་ཀྱི་དགོངས་བཟེང༌། ཕྱག་ཆེན་པ་རེང་གསལ་གྱི་དྲན་བཟེ་ཡང་གདའ། དེའི་

― ZP04_Page_711 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུན་མ་ཆད་པར་བསྐྱངས་པས་རྣམ་པ་ཐ་མལ་གྱི་ཤེས་པ་འཇིག་རྟེན་པའི་རྣམ་རྟོག་རང་ག་དང་ཁྱད་པར་སྤུ་ཙམ་ཡང་མེད་ལ། ངོ་བོ་དེར་འཛིན་མེད་པའི་ས་ལེ་ཧྲིག་གེ་བ། མཉམ་བཞག་ཡུལ་ཕུད། རྗེས་ཐོབ་རྐང་སྟོང༌། བག་ཆགས་གཡའ་དག་པའི་ཤེས་པ་ངོས་བཟུང་དང་བྲལ་ཀྱང་རྣམ་རྟོག་ལྟར་སྣང་བ་ཅིག་འོང༌། དེ་ཆོས་སྐུ་དངོས་ཡིན། རྫོགས་ཆེན་སེམས་ཕྱོགས་པས། རྣམ་རྟོག་མི་མངའ་ཅིར་ཡང་སལ་ལེར་མཁྱེན་བྱ་བ་འང་འདི་ལ་ཟེར་ཏེ། གྲུབ་ཆེན་མི་ཏྲ་ཛོ་ཀིས། ཅིར་སྣང་དྲང་པོར་བཞག་ན་བྱ་བྲལ་ལྷུན་གྱིས་གྲུབ། ཅེས་གསུངས། དེ་ལྟར་འཛིན་པའི་རྣམ་རྟོག་རང་གིས་རང་གྲོལ་བ་ན། ཕྱི་གཟུང་བའི་ཡུལ་གཟུགས་སྒྲ་ལ་སོགས་པའང་རང་གྲོལ་དུ་ཤུགས་ཀྱིས་འགྲོ་སྟེ་མིག་གི་ཡུལ་དུ་གཟུགས་བཟང་ངན། རྣ་བར་སྒྲ་སྙན་མི་སྙན་དེ་བཞིན་དུ་དྲི་རོ་རེག་བྱ་རྣམས་ཀྱི་བཟང་ངན་དང༌། སེམས་བདེ་སྡུག་ཆགས་སྡང༌། དགྲ་གཉེན་ས་ཆུ་མེ་རླུང་ལ་སོགས་པ་མདོར་ན་གང་ཤར་གང་སྣང་དེ་ཀ་ལ་བཟོ་བཅོས་མེད་པར་འཇོག་པ་ཡིན་ཏེ། རྫོགས་ཆེན་ལས། སྒོ་ལྔའི་རྣམ་ཤེས་གསལ་བ་ལ། ཡིད་ཀྱི་ཞེན་རྟོག་མ་ཞུགས་ན། རྒྱལ་བའི་དགོངས་

― ZP04_Page_712 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དེ་ཀ་རང༌། ཞེས་དང༌། ཞི་བྱེད་པས། དོན་གོ་རྟོག་པའི་མཚང་རིག་ན། རྣམ་རྟོག་ཤར་ཚེ་གནས་པ་ཆེ། །ཉོན་མོངས་རགས་ཚེ་ཡེ་ཤེས་གསལ། །ཅེས་བཞེད་དོ། །དེ་བས་ན་རྫོགས་པ་ཆེན་པོའི་དགོངས་པ་ནི། གང་ཤར་དེ་སྤོངས་ཡང་མི་སྤོངས། །དེའི་རྗེས་སུ་ཡང་མི་འབྲང༌། །དེ་ཀ་ལ་བཅས་བཅོས་མི་བྱེད་པར་འཇོག་པ་འདི་ཀ་ཡིན་ནོ། །དེ་ཡིན་པས་དེ་ལ་སྤང་བྱ་མེད། གཉེན་པོ་མེད། དགག་སྒྲུབ་བླང་དོར་ལ་སོགས་པ་བློ་བྱས་ཀྱི་ཆོས་གང་ཡང་མེད་པས་ན། བློ་འདས་ཆོས་སྐུ་དེ་བཞིན་ཉིད། །ཅེས་པའང་དེ་ཡིན། དེ་དག་ནི་དབང་པོ་རབ་ཀྱི་དབང་དུ་བྱས་པ་ཡིན་པས། རབ་ཀྱི་རབ་འབྲིང་ཐ་མ་གསུམ་ལ་སོ་སོའི་བློ་ནུས་དང་སྦྱར་ཏེ་འཁྲིད་ཤེས་པར་བྱའོ། །དབང་པོ་འབྲིང་གསུམ་ནི་ཞི་ལྷག་ཟུང་འབྲེལ་གྱི་སྒོ་ནས་འཁྲིད་པར་བྱ་སྟེ། དེ་ཡང་རྒྱལ་བ་ཡང་དགོན་པས། ཡེ་བསྒོམ་ལ་བློ་ཡིས་མ་བསྒོམ་མཛོད། །རང་བབས་ལ་བཟོ་ཡིས་མ་བཅོས་མཛོད། །བློ་རྟོག་ལ་སྐྱོན་དུ་མ་ལྟ་མར། མི་རྟོག་པ་ཆེད་དུ་མ་སྒོམ་པར། སེམས་རང་ལུགས་སུ་ཞོག་ལ་རྒྱངས་སོ་ཚུག །སྒོམ་ཞི་གནས་ཀྱི་མཐིལ་དུ་ཕེབས་པ་གཅིག་འོང་གི །ཞེས་དེ་ཀ་ལྟར་གོམས་འདྲིས་བྱེད་པ་ལ། གཉུགས་བསྲིངས་པས་འགྱུ་བ་ཇེ་ཉུང་ལ་སོང༌། སེམས་ཀྱི་གནས་པ་ཇེ་བརྟན་ལ་

― ZP04_Page_713 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོ། །འདི་ལ་དྲན་པ་སླེབ་ན་ཞི་ལྷག་ཟུང་འབྲེལ་ཡིན། དེའི་རྒྱུན་བསྐྱངས་ནས་སྒོམ་པས་རྣམ་རྟོག་ཕྲ་རག་ཀུན། འགགས་ཏེ་ཏིང་ངེ་འཛིན་གྱི་ངོ་བོ་གང་དུའང་མ་གྲུབ་པའི་སྟོང་པ། གསལ་ལ་རྟོག་པ་མེད་པ་ལུས་སེམས་ཡོད་དུ་མི་ཚོར་ལ། ཏིང་ངེ་འཛིན་དེ་དང་འབྲལ་མི་ཕོད་པའི་བདེ་ཉམས་ཅན་གཅིག་འཆར། དེ་མུ་མཐུད་ནས་བསྒོམ་པས་སྤྱན་ལྔ་དང༌། མངོན་ཤེས་ཀྱི་ཡོན་ཏན་ཀྱང་འབྱུང་སྟེ་བསམ་གཏན་ཟེར། ཞི་གནས་འཐུག་པོ་དེ་བསྒོམ་ནས་བསམ་གཏན་བཞི་དང་སྐྱེ་མཆེད་མུ་བཞིའི་ཏིང་འཛིན་རྩེ་གཅིག་པ་སྟེ། མཐར་གྱིས་གནས་པའི་སྙོམས་པར་འཇུག་པ་དགུ་ཟེར། དགུ་པོ་འདི་མུ་སྟེགས་པ་ལའང་ཡོད་པས་ཕྱི་ནང་ཐུན་མོང་གི་ལམ་ཡིན་ཀྱང༌། རྣམ་རྟོག་འཕྲོ་མང་ནས་ཁ་བྲིམ་ཐུབ་པ་དེ་ལ་ཐོག་མར་ཞི་གནས་བཙལ་དགོས་པ་ཡིན། དེ་ལ་ཡང་ལྷག་མཐོང་མེད་ནས་ལམ་མི་བགྲོད་པས་སེམས་ཀྱི་གནས་ཆ་ཙམ་རྙེད་ནས་རྣམ་རྟོག་འདི་མ་འཕྲོས་ན་དགའ་བ་ལ་སྙམ་པའི་དུས་དེར་རྣམ་རྟོག་དེ་རང་ངོ་ཤེས་ཙམ་བྱས་ལ་ཁོ་རང་གི་ངོ་ལ་བལྟས་པས་ཡལ་ཏེ་གནས་པ་དང་གཅིག་ཏུ་སོང་པ་ནི་ཞི་ལྷག་ཟུང་འཇུག་གམ་ཟུང་འབྲེལ་བྱ་བ་ཡིན། དྭགས་པོ་བཀའ་བརྒྱུད་པས་གནས་འགྱུའི་བར་ལག་འགྱེལ་བ་ཟེར། ངོ་

― ZP04_Page_714 ―

^{[མ་དཔེ་གཟིགས་ན་འདིར་གནོན།]}

[Full Size]

བོ་བློས་བྱས་པའི་བསྒོམ་ཡིན། འདི་ལ་ངོ་ཤེས་ཀྱི་དྲན་པ་དང་མ་བྲལ་བར་དགོས་པས་བཀའ་བརྒྱུད་པས་སྟོང་ཉིད་གཟུང་དྲན་ཟེར། འདི་ཀ་རྒྱུན་བསྐྱངས་ནས་བསྒོམ་པས་གཟུང་དྲན་དེ་རང་གསལ་གྱི་དྲན་པར་འགྲོ། མ་ཡེངས་པ་རང་བྱས་ན་འདི་ཡང་ཁ་གཟོ་མོ་གཅིག་ཡིན་ཏེ། ཟླ་བ་གཅིག་ཙམ་ནས་ཉིན་སྣང་འདྲེས་ཐུབ། རྒྱལ་བ་རྒོད་ཚངས་པས། སྣང་བ་ཐམས་ཅད་སྟོང་པར་མི་བསྒོམ། མི་སྟོང་པར་ཡང་མི་བསྒོམ་གང་ཤར་དེ་ལ་དྲན་པས་བཟུང་ན་ཟླ་བ་གཅིག་རང་གིས་ཆོག་སྟེ། སྤྲོས་བྲལ་དང་པོའི་རང་གནས་འོང༌། ཞེས་གསུངས་པ། ཧྲིལ་གྱིས་དྲིལ་ན། སྔར་གྱི་ཞི་གནས་ཀྱི་ཏིང་ངེ་འཛིན་དེ་རང་ངོ་ཤེས་པས་ཞི་ལྷག་ཟུང་འབྲེལ་ལ། ཕྱག་རྒྱ་ཆེན་པོ་རྫོགས་པ་ཆེན་པོ་ཞེས་ཟེར་ཏེ། ཡང་དགོན་པས། བློ་རྟོག་པ་འགྱུ་བ་གནས་ལུགས་ཀྱི་སྒོ། རང་ངོ་ཤེས་པ་ཉམས་ལེན་གྱི་གནད། །ཅེས་གསུངས་པ་ལ་འདུའོ། །འདི་ལ་འབྲིང་གི་འབྲིང་དང་ཐ་མ་གཉིས་ཀྱིས་རྣམ་རྟོག་རང་ག་མ་དེ་སྒོམ་ཡིན་པར་ཡིད་ལ་མི་བྱེད་ན། རྣམ་རྟོག་གང་ཤར་དེ་ལ་བལྟས་པས་ཐམས་ཅད་སྟོང་པར་ཡལ། ཡལ་བ་དེའི་ངང་ནས་གཅིག་རྟིང་ལ་གཅིག་འཆར། དེ་ལ་ཡང་བལྟས་པས་སྔར་ལྟར་ཡལ་དེ་ཁའི་

― ZP04_Page_715 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུད་སྐྱོང་བ་ཡིན་ཏེ། མགུར་ལས། སེམས་ངོས་བཟུང་མེད་པ་སྟོང་པའི་དབྱིངས། སྣ་ཚོགས་སུ་འཆར་བ་རིག་པའི་སྒོ། །བློ་བྲལ་གྱི་གསལ་སྟོང་རྗེན་པ་འདིའི། །ངང་ལ་བཞག་བཞིན་དབྱིངས་ལ་ལྟོས་དང༌། །བསྒོམ་ལྷག་མཐོང་གི་མཐིལ་དུ་ཕེབས་པ་གཅིག་འོང་གི། ཞེས་གསུངས་པ་བཞིན་ཉམས་སུ་ལེན། འདི་ལ་མི་ཏྲ་ཛོ་ཀིས། གང་ཤར་ངོ་ཡིས་བཟུང་བ་རིག་པ་རང་སར་གྲོལ། ཞེས་པས། ལས་སླ་ལ་ཆུན་ཆེ་བ་གཅིག་ཡིན་ནོ། །རབ་འབྲིང་གསུམ་ཀའི་ཐུན་མོང་དུ་སྒོམ་ལུགས་ནི། མགུར་ལས། མ་ཡེངས་དྲན་པ་སོ་མ་ཤོར། །མ་བསྒོམ་པའི་གནས་ལུགས་བཟོ་མ་བྱས། །བསམ་མེད་ཀྱི་རིག་པ་སྨྲ་མ་འདོད། །རྟག་ཆད་ཀྱི་མ་བསླད་ཡུན་དུ་སྐྱོངས་དང༌། བསྒོམ་ཞི་ལྷག་ཟུང་དུ་ཆུད་པ་གཅིག་འོང་གི །ཞེས་གསུངས་པ་གོ་སླ་ཡང༌། དྲན་པ་མ་ཡེངས་པས་གང་ཤར་ལ་བཟོ་བཅོས་མི་བྱེད། ཤར་ཡང་ཡོད་པར་མི་བལྟ། ཡལ་ཡང་མེད་པར་མི་འཛིན། རྣམ་རྟོག་གི་སྣ་མི་བསྐྱིལ་བར་འགྲོ་བཅུག་ནས་ངོ་ཤེས་ཙམ་བྱེད་པའོ། །རྫོགས་ཆེན་སེམས་སྡེ་ལས། གདོད་ནས་དག་པ་དབྱིངས་ཀྱི་ངང་ཉིད་ནས། རིག་པ་ཐད་སྐྱེས་སྐད་ཅིག་དྲན་པ་དེ། །རྒྱ་མཚོའི་

― ZP04_Page_716 ―

^{[མ་དཔེ་གཟིགས་ན་འདིར་གནོན།]}

[Full Size]

གཏིང་ནས་ནོར་བུ་རྙེད་པ་འདྲ། །སུས་ཀྱང་མ་བཅོས་མ་བྱས་ཆོས་ཀྱི་སྐུ། །ཞེས་གསུངས་པ་ལྟར་ངོ་སྤྲད་དོ། །དབང་པོ་ཐ་མ་གསུམ་ནི། ཕལ་ཆེར་ལྷག་མཐོང་ལ་ཡིད་མི་ཆེས། །ཞི་གནས་གཤའ་མ་ཡང་སྐྱེ་མི་ཐུབ་སྟེ། རེས་བྱིངས། རེས་རྒོད་ནས་སྒོམ་མི་འཆར་བས། སྔོན་འགྲོ་མཐར་ཕྱིན་རྫོགས་པ་དང༌། །སྟན་བདེ་བར་རྐང་པ་སྐྱིལ་ཀྲུང༌། ལག་པ་མཉམ་བཞག་ལྕེ་ཡར་རྐན་ལ་སྦྱར། མིག་སྣ་རྩེར་ཕབ་པ་སོགས་ཆོས་བདུན་ཚང་པར་བྱས་ཤིང༌། རླུང་རོ་དགུ་སྤྲུགས་སུ་བུས་ལ། སྤྱི་བོའམ་སྙིང་ཁར་བླ་མ་བསྒོམ་ཞིང་གསོལ་བ་བཏབ། ལུས་སེམས་ལྷོད་ཀྱིས་སློད་པའི་ངང་ནས་རྣམ་རྟོག་གང་ཤར་དེ་ཀ་ལ་བལྟས་ནས་དེ་རང་གི་ཐོག་ཏུ་ལྷོད་ཀྱིས་སློད། ཡང་ཤར་ན་དེའི་ཐོག་ཏུ་སྔར་ལྟར་སློད། ཡལ་ནས་སྟོང་པར་སོང་བ་དེའི་དགའ་བྲོད་མི་བྱ། རྣམ་རྟོག་མང་པོར་སོང་བ་ལ་སྐྱོན་དུ་མི་བལྟ། སྒོམ་ཡོང་དུ་རེ་བ་དང་མ་བྱུང་བའི་དོགས་པ་གཉིས་ཀ་མི་བྱ། གང་ཤར་གྱི་སྟེང་དུ་ལྷོད་དེ་འཇོག །ལྷོད་ཆེན་རྣམ་རྟོག་མེད་པའི་མི་རྟོག་པ་འདྲེ་མོ་འགྱུ་དྲན་གང་ཡང་མེད་པ་གཅིག་འོང་བས། དེ་དྲན་པས་གྲིམ་གྱིས་སྒྲིམ་ཏེ་ངོ་ཤེས་པ་མ་བྱས་ན་རང་གིས་མི་ཚོར་བར་རྟོག་པ་འོག་འགྱུ་ཕུབ་མའི་འོག་གི་ཆུ་དོང་ལྟ་བུ་གཅིག་

― ZP04_Page_717 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོད། དེས་འཕྲལ་དུ་མི་གནོད་པ་ལྟར་ལ་ཕུགས་སུ་ཁོ་རྒྱལ་ནས་སྒོམ་ཡོངས་སུ་མི་སྟེར་བས་སྒྲིམ་དགོས། རྟོག་པ་ཁ་གྱུ་ནི་ངོས་ཟིན་པའི་འགྱུ་དྲན་ཚོ་ཡིན་པས་དེ་ཐོག་ཏུ་སློད་ནས་འཇོག །ཇེ་ཞིག་ནས་རྣམ་རྟོག་མང་དུ་སོང་ནས་རང་ཚིག་པ་ཟ། །ང་ལ་སྒོམ་མི་ཡོང་བར་འདུག་སྙམ་པ་འོང་སྟེ་སྐྱོན་མེད། ཉམས་དང་པོ་རི་གཟར་གྱི་ཆུ་ལྟ་བུ་བྱ་བ་དེ་བཀའ་བརྒྱུད་པས་རྩེ་གཅིག་རྟོག་པའི་རྦ་ལ་གཡེང་ཟེར་ཏེ་རྩེ་གཅིག་ཆུང་ངུའི་སྐབས་ཡིན། དེ་ཀ་ལ་སྲན་བསྐྱེད་དེ་སྒོམ་པས། སྐབས་དེ་སྡོད། སྐབས་རེ་འཕྲོ་བ་ཆུ་ནང་གི་བྱིའུ་ཆུ་ལ་རེས་འཛུལ་རེས་འཐོན། སྐབས་རེ་རྡོ་སྟེང་དུ་ལག་རེ་སྡོད་པ་དང་འདྲ། ཉམས་གཉིས་པའི་སྐྱེ་ལུགས་ཡིན། ཡང་མུ་མཐུད་དེ་སྒོམ་ན་རེ་ཞིག་ནས་སྐབས་རེ་འཕྲོ་ཡང༌། ཤས་ཆེར་གནས་པ་འདྲ་བ་གཅིག་འོང༌། དཔེ་མི་རྒན་དང་འདྲ་སྟེ་སྡོད་པ་ཤས་ཆེ། ཉམས་གསུམ་པའི་སྐྱེ་ལུགས་ཡིན། ཡང་རྒྱུན་མཐུད་པས་རེ་ཞིག་ན་སྦུབ་ནང་གི་ཡུར་བའི་ཆུ་ལྟར་འཕྲོ་བ་མི་མངོན་པའོ། །འདི་དུས་ཀྱང་དྲན་པ་ཟུང་ཟད་སྒྲིམ་དགོས། ཉམས་བཞི་པའི་སྐྱེ་ལུགས་ཡིན། དེ་རྒྱུན་མཐུད་པས་ཇི་ཞིག་ན་སེམས་གང་དུ་མི་འགྲོ་བར་ཉིན་མཚན་ཀུན་ཏུ་གནས་

― ZP04_Page_718 ―

^{[མ་དཔེ་གཟིགས་ན་འདིར་གནོན།]}

[Full Size]

པས་སྒོམ་དང་གོས་ཀྱི་སྲེད་པ་ཡང་མི་འབྱུང་ཞིང༌། གཡོ་འགུལ་མེད་པ་ཞག་དང་ཟླ་བ་སྒྲོལ་བར་གནས་པས་དཔེ་རི་བོ་ལྟ་བུ་སྟེ། འདི་ཉེས་ན་ཁ་ཐལ་ན་ཉན་ཐོས་འགོག་པར་འགྲོ། །ལེགས་ན་ལུས་ཤིན་སྦྱངས་ཐོབ་ནས་ཞི་གནས་ཕུལ་དུ་ཕྱིན་པ་ཡིན། ཉམས་ལྔ་པའི་སྐྱེ་ལུགས་ཡིན། །འདི་དག་ཀྱང་གཙོ་ཆེ་བའི་དབང་དུ་བྱས་ཀྱི། གང་ཟག་སོ་སོའི་རྩ་ཁམས་དང་དབང་པོའི་རིམ་པ་ལ་གཅིག་ཏུ་མ་ངེས་པ་ཡང་སྲིད་དོ། །དེ་ཚེ་དབང་པོ་ཐ་མའི་རབ་ལ་རིམ་པས་ཡོང་མོད་ཀྱིས་འབྲིང་ཐ་གཉིས་ལ་གནས་པ་སྐྱེ་དཀའ་བས། ལུས་གནད་སྔར་ལྟར་ལ། མདུན་དུ་སྨིན་མཚམས་ཀྱི་ཐད་འདོམས་གང་ཙམ་གྱི་སར་ཤིང་བུ་གཅིག་བཙུགས་ནས། དེ་ལ་ཡིད་དམིགས་རླུང་གསུམ་དྲིལ་ལ་གཏད་དེ། །སེམས་མི་འཕྲོ་བའི་རྟེན་ཙམ་དུ་བྱས་ལ། སྒྲིམ་ཆེ་ན་སུན་སྐྱེན། ལྷོད་ཆེ་ན་སྒོམ་འཆོར་བས་རན་པར་ཐུན་ཆུང་ལ་གྲངས་མང་བར་བྱ། དེ་ནས་རིམ་པར་ཐུན་ཆེ་ལ་གྲངས་ཉུང་དུ་བཏང༌། སེམས་གནས་པར་སོང་ན་ཤིང་བུ་དེའི་རྩེ་མོར་ཨ་དཀར་པོ་གཅིག་བསམ་ལ་སྔར་ལྟར་བསྒོམ། །དེ་ནས་ཐིག་ལེ་དཀར་པོ་དང་སེར་པོ་ལ་སོགས་རིམ་པས་སྤོ་ཞིང་དམིགས་རྟེན་རེ་ལ་ཞག་གཅིག་གམ་གསུམ་ལ་སོགས་པར་མ་སུན་བར་བྱས་ལ་ཅི་

― ZP04_Page_719 ―

^{[མ་དཔེ་གཟིགས་ན་འདིར་གནོན།]}

[Full Size]

རིགས་སུ་བསྒོམ། ཡང་ཤིང་བུའི་ཤུལ་དུ་རྡེའུ་གཅིག་བཞག་ལ་སྔར་ལྟར་རིམ་པས་བསྒོམ། དེ་ནས་རང་ལུས་ཀྱི་གནས་གསུམ་དང༌། ནང་གི་མགྲིན་པ་སྙིང་ཁ་རྣམས་སུ་ཡིག་འབྲུ་དང་ཐིག་ལེ་སོགས་གང་རིགས་ལ་དམིགས་རྟེན་བཅས་ཏེ་བསྒོམས་པས་རིམ་གྱིས་གནས་པ་བརྟན་པར་འགྱུར་རོ། །དེ་ཡང་ངང་ཐུང་མི་བྱ་བར་རིམ་གྱིས་གོམས་བཅུག་ཅིང་མི་སུན་པ་བྱ་བ་གལ་ཆེའོ། །ཞི་གནས་ཀྱི་སྐབས་འདིར་སྡུག་བཙིར་དུ་མ་སོང་བར་སྔར་གྱི་འཇོག་ལུགས་ལ་མ་ཡེངས་པ་རལ་སྐོར་མཁན་གཡུལ་དུ་ཞུགས་པ་ལྟ་བུ་གསུངས། །དེ་ཡང་རལ་བསྐོར་མཁན་སྐད་ཅིག་ཀྱང་མ་ཡེངས་ན་མདའ་མཁན་གྱི་མདའ་འཕང་ཚད་རལ་གྲིས་བླངས་ཏེ་ཁོ་ལ་མི་ཕོག་པ་ལ། བུ་མེད་མཛེས་མའི་སྤྱོད་ལམ་ལ་མིག་སྐད་ཅིག་ཡེངས་བས་ཁོལ་མདའ་ཕོག་ཏེ་འཆི་ཁ། མདའ་ཡིས་མ་ལན་ཡེངས་པས་ལན། ཕྱིན་ཆད་རལ་བསྐོར་མཁན་པོ་ཀུན། སྐད་ཅིག་ཙམ་ཡང་མ་ཡེངས་ཅིག །ཡེངས་ན་ང་བཞིན་སྲོག་དང་བྲལ། ཟེར་ནས་ཤིའོ། །དཔེ་དེ་བཞིན་དུ་མ་ཡེངས་པ་གལ་ཆེའོ། །ད་ནི་ལྷག་མཐོང་སྟོན་ཏེ། ལྷག་མཐོང་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱ་བ་ཡིན་ཏེ། འདི་མེད་ན་ས་ལམ་མི་བགྲོད་པས་ཕར་ཕྱིན་གཞན་

― ZP04_Page_720 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་མིག་མེད་པ་དང་འདྲ་བར་བཤད་ཅིང༌། རྗེ་སྒམ་པོ་པས། མཉམ་བཞག་གཅིག་གིས་ཞག་བདུན་ཐུབ་པ་བྱུང་གསུངས་པ་ལ་རྗེ་མི་ལས་བསམ་གཏན་པ་ཞིའི་ལྷའི་ཏིང་ངེ་འཛིན་དུ་ངོ་སྤྲད་པ་ལྟ་བུའོ། །ལྷག་མཐོང་ལ་གསུམ་སྟེ། ཆོས་རབ་ཏུ་རྣམ་པར་འབྱེད་པའི་ལྷག་མཐོང་ནི། མདོ་སྔགས་ཐམས་ཅད་ཀྱི་དགོངས་དོན་གང་ཡིན་པའི་ལྷག་མཐོང་ཕྱིན་ཅི་མ་ལོག་པ་ཤེས་པ་ལ་ཟེར། སེམས་རང་བཞིན་གྱིས་རྣམ་པར་དག་པའི་གནས་ལུགས་ཇི་ལྟར་ཤེས་པའི་ལྷག་མཐོང་ནི། ད་ལྟ་ངོ་སྤྲད་ཅིང་བསྒོམ་པ་འདི་ཡིན། །འདི་གོམས་པས་གནས་ལུགས་ཕྱིན་ཅི་མ་ལོག་པ་མངོན་དུ་གྱུར་པའི་ལྷག་མཐོང་ནི། འབྲས་བུ་སངས་རྒྱས་ཐོབ་པའི་དུས་དེར་འབྱུང་ངོ༌། །ད་ཞི་གནས་ཀྱི་སྐབས་ལྟར་རྣམ་རྟོག་མཉམ་བཞག་ཏུ་བཤད་འདུག་ཀྱང་དེ་ངོ་ཤེས་ཙམ་ལ་བཞག་པས་ཆོག །རྣམ་རྟོག་སྣ་ཚོགས་སུ་འགྱུ་ན་ཡང་དེ་ངོ་ཤེས་ཙམ་གྱི་ངང་དུ་འཇོག །མདོར་ན་གང་ཤར་གང་བྱུང་ངོ་ཤེས་ཙམ་གྱི་ངང་དུ་འཇོག་པ་འདི་ཀ་ཡིན། བསྒོམ་ནས་བསྒོམ་རྒྱུ་ཅི་ཡང་མེད་དོ། །སྤང་གཉེན་དུ་བལྟས་ནས་རྩོལ་སྒྲུབ་གང་བྱས་འཁོར་བའི་རྒྱུ་འབྲས་ལས་མ་འདས་སོ། །དེ་ཡང་ཏིང་ངེ་འཛིན་གྱི་མི་མཐུན་པའི་ཕྱོགས་ནི་རྣམ་རྟོག་ཡིན་ལ་

― ZP04_Page_721 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་སྤངས་མི་དགོས་ཁོ་བའི་སྟེང་དུ་ཁོ་རང་བཞག་བཞག་པས་རང་དག་ལ་འགྲོ་བ་ཡིན། འཁྲུལ་སྣང་འཛིན་པ་བཟློག་སྤངས་མིན། །མི་མཐུན་པ་ཉིད་གཉེན་པོར་རྫོགས། ཞེས་སོ། །དབང་པོ་ཐ་མའི་ཐམས་དེ་ལྟར་བྱས་ཀྱང་སེམས་ལས་སུ་མ་རུང་ན་རྣམ་རྟོག་གང་སྐྱེས་དེ་ངོས་བཟུང་ནས་དེ་ཇི་ལྟར་འདུག་དང༌། གར་འགྲོ་བལྟས་པས་རང་དག་ཏུ་འགྲོ་ཞིང༌། དེའི་རྒྱུན་བསྐྱངས་པས་ཕྱིས་ཆེད་དུ་རྩད་གཅོད་མི་དགོས་པར་རྣམ་རྟོག་ཁོས་ཁོ་རང་གྲོལ་བར་བྱེད་དེ་རང་བྱུང་གི་ཡེ་ཤེས་ཞེས་བྱའོ། །འགྱུ་བའི་རྩད་གདར་བཅད་ན་དེ་གཅིག་པོས་དྲན་རྟོག་དབྱིངས་སུ་ཡལ། ཞེས་པའི་དོན་ཏོ། །སྤྱིར་ན་ཐ་མལ་གྱི་ཤེས་པ་ཞེས་བྱ་བ་རྣམ་རྟོག་གང་ཤར་ཀྱི་ངོ་བོ་ལ་བཟོ་བཅོས་མི་བྱེད་པ་འདི་ལས་མ་ཡེངས་ན་དེ་གཅིག་པུས་ཆོག་སྟེ། དབང་པོ་ཐ་མས་དེ་ལྟར་མི་འོང་བས་རྩོལ་བཅས་ཀྱི་མཉམ་བཞག་སྐྱོང་བ་ཡིན། རྣམ་རྟོག་གང་ཤར་ལ་བལྟས་ཀྱང་ཞི་མ་ནུས་པར་འཕྲོ་ཆེ་ན། ལུས་གནད་བཤིག །འཕྲོ་མཁན་ཁོ་རང་འཕྲོ་བཅུག་ནས་ཁོའི་ངང་དེ་ལ་བལྟས་པས་ཞི་མལ་གྱིས་འགྲོ། འཕྲོ་བ་དང་གནས་པ་གཉིས་ག་སེམས་ཡིན་པས་རང་མལ་དུ་གཅིག་ཏུ་འགྱུར་ཏེ། སྒོམ་སྲན་བསྐྱེད་པས་གཏིང་ཚུགས་པར་འགྱུར་རོ། །དེ་ཡང༌། ཇི་ལྟར་

― ZP04_Page_722 ―

^{[མ་དཔེ་གཟིགས་ན་འདིར་གནོན།]}

[Full Size]

གཟིང་ལས་འཕུར་བའི་བྱ་རོག་ནི། །བསྐོར་ཞིང་བསྐོར་ཞིང་སླར་ཡང་དེ་རུ་འབབ། །ཅེས་པའི་དཔེས་སྟོན་ཏེ། རྒྱ་མཚོའི་ཟུར་ནས་བྱ་རོག་གི་རྐང་པར་ལྕགས་ཐག་ཕྲ་མོས་བཏོང་དགོས་ལ། མཚོ་དཀྱིལ་དུ་སླེབ་ནས་ཡར་འཕུར་ན་ནམ་མཁའ་སྟོང་པ་ཕར་ཚུར་ནི་བར་སྣང་སྟོང་པ། འོག་ཏུ་ནི་ཆུ་ལས་མ་འདས་པས་ཡར་མར་ཕྱོགས་མཚམས་གང་དུ་འཕུར་ཀྱང་འགྲོ་ས་དང་སླེབ་ས་མ་རྙེད་པས། སྔར་གྱི་ཤུལ་གཟིང་ཐོག་ཏུ་འབབ་པ་བཞིན་དུ། རྣམ་རྟོག་ཁོ་རང་འཕྲོ་རུང་སྟོང་པ། མི་འཕྲོ་རུང་སྟོང་པ། གནས་རུང་འགྱུ་རུང་སྟོང་པ་ལས་མ་འདས་པས། ཁོ་རང་གང་ཤར་དེ་ཁའི་ངང་དུ་བབས་པས་དབང་པོ་ཐ་མས་ཀྱང་རབ་ཀྱིས་སོར་འཇོག་ཏུ་འགྱུར་བས་ནན་ལྟར་གཟབ་པས་དཔྱད་ནས་འདི་ལ་བསླབ་ན་ལེགས་སོ། །དེ་ལྟར་དབང་པོ་རབ་འབྲིང་ཐ་གསུམ་དགུ་ཕྲུགས་སུ་ཕྱེ་ནས་ཉམས་སུ་ལེན་ཚུལ་བསྟན་པ་སྟེ་རྫོགས་ཆེན་སྙན་བརྒྱུད་ལས། དབང་པོ་རབ་ལྟ་ཐོག་ནས་བསྒོམ་ནུས། འབྲིང་བསྒོམ་ཐོག་ནས་བསྒོམ་ནུས་ལ། ཐ་མ་སྤྱོད་ཐོག་ནས་སྒྲུབ་ནུས་པའོ། །ཞེས་གསུངས་པའི་དགོངས་པའོ། །དེ་ཡང་བསྒོམ་ལ་སྙིང་རུས་བསྐྱེད་དགོས་སྟེ། ཆོས་ཟབ་ཀྱང་མ་སྒོམ་ན་གདམས་ངག་ཟབ་མོ་དཔེ་ཆའི་ལོགས་ལ་ལུས་ཟེར་བ་དེ་ཡིན་མོད། ད་རེས་

― ZP04_Page_723 ―

^{[མ་དཔེ་གཟིགས་ན་འདིར་གནོན།]}

[Full Size]

སྒོམ་རྒྱུད་ལ་ཐེབས་ཀྱང༌། དུས་རྒྱུན་དུ་མ་བསྒོམ་ན་བློ་དྲེད་ཆོས་དྲེད་ཉམས་ལེན་དྲེད་ནས་འཆི་དུས་མི་ཕན་པས་གཟབ་དགོས། རྒྱལ་བ་རྒོད་ཚངས་པས། ཕྱི་འཚམས་རི་ཁྲོད་དུ་སྡོད་ཚུགས་པ། ནང་འཚམས་སྤྱིལ་པོར་སྡོད་ཚུགས་པ། གསང་འཚམས་མལ་དུ་སྡོད་ཚུགས་པ། གཉིས་མེད་ལྟ་བའི་སྟེང་དུ་སྡོད་ཚུགས་པ། ཡེངས་མེད་བསྒོམ་པའི་སྟེང་དུ་སྡོད་ཚུགས་པ། ཆགས་མེད་སྤྱོད་པའི་སྟེང་དུ་སྡོད་ཚུགས་པ་དང་དྲུག་ཚང་དགོས་གསུངས། སྤྱིར་སྒོམ་ལ་ཕར་འཇུས་དང་ཚུར་འཇུས་གཉིས་ཡིན། སེམས་ལས་སུ་མ་རུང་བར་ལ་ཕར་འཇུས་བྱེད་དགོས་པས་དྲན་པ་དང་མི་བྲལ། དེ་ནས་རྣམ་རྟོག་ཁོ་རང་གིས་ཚུར་འཇུས་ནས་གང་ཤར་ཐམས་ཅད་སྒོམ་དུ་འགྲོ་བ་ཡིན། དེ་ཡང་ཐ་མལ་གྱི་ཤེས་པ་ཁོ་རང་ལ་འཛིན་པ་མེད་པའི་ངང་དུ་འགྲོ་བ་ཡིན་ནོ། །བསྒོམ་ཆེན་པས་བསྒོམ་བཏང་ཀྱང༌། བསྒོམ་གྱིས་བསྒོམ་ཆེན་པ་མི་གཏོང་བའི་དུས་ཟེར། དེ་འོང་པ་ལ་བར་མ་ཆད་དུ་བསྒོམ་དགོས། མ་བསྒོམ་ན་ད་ལྟ་ཉམས་མྱོང་ཕྲན་བུ་རེ་སྐྱེས་ཀྱང་ཡལ་འགྲོ་བས་བསྒོམ་འཇའ་ཚོན་མ་བྱ་བ་ཡིན། ལྕགས་ཀྱུ་མ་བྱ་བ་དྲན་པས་ཟིན་དུས་ཡོད་ལ། མ་ཟིན་ན་མེད་པ་ཡིན་དེ་ལ་མ་ཡེངས་པ་བྱ་ར་བསྒྲིམ་དགོས། ཡ་བྲལ་

― ZP04_Page_724 ―

^{[མ་དཔེ་གཟིགས་ན་འདིར་གནོན།]}

[Full Size]

མ་བྱ་བ། དྲན་པ་ཡོད་ལ་སྙིང་རྗེ་དང་མ་འབྲེལ་བ་ཡིན། དེ་ལ་ཐུན་འགོར་སེམས་ཅན་ཐམས་ཅད་ཀྱི་དོན་དུ་བསྒོམ་མོ་སྙམ་པ་དང༌། ཐུན་མཐར་་དགེ་བས་སེམས་ཅན་ཐམས་ཅད་སངས་རྒྱས་ཐོབ་པར་གྱུར་ཅིག་པར་བསྔོ། །ཨོ་རྒྱན་ཆེན་པོས། སྙིང་རྗེ་མེད་ན་ཆོས་ཀྱི་རྩ་བ་རུལ། །ཞེས་གསུངས་པས་གལ་ཤིན་ཏུ་ཆེ། བདག་མེད་མ་བྱ་བ་སྒོམ་སྐྱེས་ནས་མ་བསྐྱངས་པར་བོར་བ་ལ་ཟེར། བློ་ནང་དུ་བཀུག་ནས་སྒོམ་དུ་བཅུག །རེས་འཇོག་མ་བྱ་བ་རེས་སྒོམ་འོང༌། རེས་མི་འོང་བ་དེ་ཡིན། དེ་ལ་བྱུང་མ་བྱུང་ཁྱད་མེད་པའི་ཐོག་ཏུ་འཇོག་ཅིང་ཉམས་སུ་བླངས། འཁོར་ཡུག་མ་བྱ་བ་ཉིན་མོའི་དྲན་པ་མཚན་མོ་ཡང་འོང་བ་དེ་ཡིན། འདི་སྒོམ་གྱིས་ཚུར་འཇུས་པའི་དུས་དེ་ཡིན། རྣལ་འབྱོར་མཆོག་ཅེས་པ་རྫོགས་པ་ཆེན་པོ་བྱ་རྩོལ་དང་བྲལ་བའི་དུས་ཞེས་བྱ་བ་དེ་ཡིན། ཕྱག་རྒྱ་ཆེན་པོ་བསྒོམ་མེད་ཟེར་བ་ཡིན་ནོ། །ཡང་གང་ཟག་རིགས་ཆད་ཅེས་པ་ཁྲེགས་ཆོད་ཐོད་རྒལ་གྱི་སྣོད་དུ་མ་གྱུར་པ་དག་ཀྱང་ཡོད་པས། དེ་འདྲའི་རིགས་ལ་དབང་བསྐུར་རྩ་རླུང་སྦྱངས་ནས་ལས་ཀྱི་ཕྱག་རྒྱ་གཏང༌། དབང་པོ་གཉིས་སྦྱོར་གྱིས་དགའ་བཞི་འབྲོས་འདེད་ཀྱིས་བདེ་བའི་ངོ་བོ་སྟོང་པར་ངོ་སྤྲོད་དེ་གོང་བཞིན་སེམས་ཁྲིད་ལ་འཇུག་པར་གསུངས་

― ZP04_Page_725 ―

^{[མ་དཔེ་གཟིགས་ན་འདིར་གནོན།]}

[Full Size]

ལ། དེའང་མི་ནུས་པ་ལ་ནི་བཏག་གྲོལ་མཐོང་གྲོལ་མྱོང་གྲོལ་ལ་སོགས་པའི་ཐབས་ཀྱིས་རིམ་གྱིས་གྲོལ་བར་འགྱུར་བའི་ཚུལ་ལ་འཇུག་པར་བྱའོ། །སྤྱིར་སེམས་ཕྱོགས་དང༌། ཕྱག་རྒྱ་ཆེན་པོ་ནི། ཡེ་ཤེས་སྤྱིར་གསལ་ཞེས་བྱ་སྟེ། བརྟན་པ་མ་ཐོབ་བར་དུ་ཡིད་དཔྱོད་འཛིན་པའི་ལྟ་བ་ཞེས་བཤད། འོན་ཀྱང་རྫོགས་ཆེན་པ་དེ་ངོ་སྤྲོད་ནས་བསྒོམ་ན་ཕྱི་སྣང་བའི་ཡུལ་དང༌། ནང་འཛིན་པའི་སེམས་ཀྱི་འཕྲོ་གནས་ཐམས་ཅད་ཡེ་ཤེས་སུ་འཆར་བས། རྫོགས་ཆེན་རང་སྣང་རིས་མེད་ཀྱི་དགོངས་པ་ཟེར་གཡེར་པོ་ཆེ་བྱེད། གང་ལྟར་རུང་སྟེ། སེམས་ངོ་འཕྲོད་ཕྱིན་ཆད་སྣང་ཐོག་ཏུ་ཉམས་ལེན་སྐྱོང་བ་ལ། ཐོད་རྒལ་ལ་ཞུགས་ཏེ་མུན་ཁྲིད་དམ། སྣང་ཁྲིད་བྱས་ནས་འོད་གསལ་སྟོང་གཟུགས་ཀྱི་ཐོག་ཏུ་ཉམས་ལེན་བསྐྱངས་ན་རང་བྱུང་གི་ཡེ་ཤེས་མངོན་སུམ་དུ་འགྱུར་ཏེ། ཆོས་ཉིད་ཀྱི་བར་དོ་ལ་གྲོལ་བར་ཐེ་ཚོམ་མེད་དོ། །བདག་ལྟ་བུའི་བསྒོམ་པའི་ཉམས་མྱོང་མེད་ཅིང༌། ཐོས་པ་ཕལ་ཆེར་ཀྱང་བརྗེད་པའི་མན་ངག་ལ་མྱོང་བ་མེད་པ་འདི་འདྲ་བ། རྗེ་འབའ་ར་བས། བསྒོམ་པའི་ཉམས་མྱོང་མེད་པའི། ཡིག་ནག་དཔེ་ཆའི་སྟེང་ནས། བསྒོམ་ཁྲིད་འདེབས་བློ་བྱས་ཀྱང༌། ལམ་ལོག་གོམ་པར་སྐྱུར་ཏོ། །ཞེས་གསུངས་

― ZP04_Page_726 ―

^{[མ་དཔེ་གཟིགས་ན་འདིར་གནོན།]}

[Full Size]

གསུངས་པ་བཞིན་དང༌། ཡང་དེ་ལ་ས་ཐོབ་ཡོན་ཏན་མེད་ཀྱང༌། བཟོད་ཐོབ་ལས་བཞི་འགྲུབ་ཅིང༌། །སྙིང་རྗེའི་རྩ་བ་བརྟན་པས། འགྲོ་དོན་བྱས་ཀྱང་ཆོག་གོ །ཞེས་གསུངས་པས། བཟོད་པ་མ་ཐོབ་ཀྱང་རུང་རྒྱུད་ལ་སྙིང་རྗེ་ཅུང་ཟད་ཅིག་ཡོད་པ་དང༌། ཁྱད་པར་དུ་སེམས་དང་ཆོས་སུ་འདྲེས་ཤིང༌། ཏིང་འཛིན་ལས་སུ་རུང་བ་དང༌། སངས་རྒྱས་ལྟ་བུའི་བླ་མ་དམ་པ་རྣམས་ཀྱི་གསུང་རྒྱུན་གང་དྲན་བཀོད་པ་ཡིན་ནོ། །སློབ་དཔོན་ཤྲཱི་སེང་ཧས། དང་པོ་ཐུག་སར་གཏུག །བར་དུ་འཇོག་སར་ཞོག །ཐ་མ་འགྲོ་སར་ཐོང་གསུངས། དེ་ལ་དང་པོ་ནི་ཁྲིད་སྟོན་ཤེས་པའི་བླ་མ་ལ་གཏུགས་ནས་སེམས་ཀྱི་རྩད་གདར་བཅད་དེ་ཞུན་གཏུག་བྱེད་པའོ། །བར་དུ་གང་ཤར་བཟོ་བཅོས་མེད་པར་འཇོག་པའོ། །ཐ་མ་ཉམས་མྱོང་ཏིང་ངེ་འཛིན་གྱི་རོ་ལ་ཞེན་པ་མེད་པར་འཛིན་མེད་དུ་གཏོང་བའོ། །རྫོགས་ཆེན་སེམས་སྡེའི་ཁྲིད་ཡིག་ལས་བཏུས་པའོ། །ཀུན་ལ་ཕན་པར་ཤོག ༈ གཞན་ཡང་ཞལ་ཤེས་འཐོར་བུ་ནི། ཉམས་རྟགས་སྣ་ཚོགས་སུ་ཤར་བ་བསྒོམས་པའི་ལག་རྗེས་བཟང་རྟོག་གི་མཐུ་བརྟས་པ་ཡིན་ཀྱང་རྟག་པ་མེད་པས་བདེན་འཛིན་མ་ཞུགས་པ་གནད་དུ་ཆེ། ད་ལྟ་གཟུང་དྲན་ལ་མ་ལྟོས་པར་གང་ཤར་རང་གྲོལ་རྗེན་པར་འགྲོ་བ་དེ་དག་རྣམ་དག་ལེགས་པའི་ལམ་དུ་གོ །བླ་མའི་སྐུའི་སྣང་བ་དང་ཡི་དམ་གྱི་བསྐྱེད་རིམ་སོགས་ཀྱང་སྣང་མེད་དུ་ཝ་ལེ་རྗེན་ནེ་བའི་ངང་ནས་བཟླས་པ་སོགས་བྱེད་པ་ལས། སྐུའི་སྣང་བ་དེ་དག་སྣང་ལ་རང་བཞིན་མེད་པ་གསལ་ལ་རྟོག་པ་མེད་པ། བདེ་ལ་ཞེན་པ་མེད་པ་སྟེ་མཚན་ཉིད་གསུམ་ལྡན་སྟོང་པ་ཉིད་

― ZP04_Page_727 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་རང་གདངས་སུ་མ་འགགས་པར་ས་ལེར་སྣང་བའི་ངང་ནས་བཟླས་བརྗོད་སོགས་གནང་ན་རྩལ་ཆེ་ཞིང་ཆེད་དུ་བླ་མ་སྤྱི་བོར་བསྒོམ་པ་སོགས་མི་དགོས། ལམ་དུས་ཀྱི་གཞི་ལམ་འབྲས་བུའི་བཞག་མཚམས་ནི། ལམ་གྱི་དུས་སུའང་སེམས་ཉིད་རྩ་བྲལ་རིས་མེད་ཁྱབ་གདལ་དེ་གཞི། དེའི་ངང་ལ་བསལ་བཞག་མེད་པར་ཡུལ་མེད་རང་གསལ་དུ་སྐྱོང་བ་དེ་ལམ། དེས་འབྲས་བུའ་རྫོགས་རིམ་གྱི་ལྷ་སྐུ་ཞུ་བདེ་དང་མཚུངས་ལྡན་དུ་རང་ཤར་བ་ནས་ལམ་གྱི་འབྲས་བུའི་གྲངས་སུ་འགྲོ་བ་ཡིན་ནོ། །དེའང་རྫོགས་ཆེན་གྱི་གཞུང་ནས་ངོ་རང་ཐོག་ཏུ་སྤྲད་པ་ཞེས་པ་ནི། དུས་གསུམ་རྟོག་པ་དང་བྲལ་བའི་ད་ལྟའི་ཤེས་པ་ལ་བཅོས་སླད་མ་བྱས་པར་གཉུག་མའི་ངང་དུ་ཝ་ལེ་སང་ངེ༌། ཆམ་བརྡལ་བ་ཉིད་བཙན་ཐབས་སུ་ངོས་བཟུང་ནས་རང་བྱུང་གི་ཡེ་ཤེས་ངོ་སྤྲོད་པ་དང༌། ཐག་གཅིག་ཐོག་ཏུ་བཅད་པ་ཞེས་པ་ནི་དྲན་བསམ་སྔ་འགགས། ཕྱི་མ་མ་སྐྱེས། ད་ལྟའི་ཤེས་པ་རྟོག་བཅས་དྲན་བསམ་གྱི་བློ་འགགས་ནས་བཞི་ཆ་གསུམ་བྲལ་གྱི་རིག་པ་སོ་མ་རྣམ་པར་མི་རྟོག་པའི་ཡེ་ཤེས་རིག་པ། །སང་ངེ༌། ཡེར་རེ། ཝ་ལེ་བར་གནས་པ་འདི་ཉིད་དོ། །བཞི་ཆ་གསུམ་བྲལ་ཞེས་པ་ནི། འདས་མ་འོངས་ད་ལྟ་བ་སྟེ་རྟོག་བཅས་ཀྱི་དུས་གསུམ་དང༌། རྟོག་མེད་ད་ལྟར་བའི་དུས་གསུམ་དྲན་བསམ་

― ZP04_Page_728 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་བཅོས་སླད་མེད་པའི་སོམ་སྟེ་ཆ་བཞི་ལས་རྟོག་བཅས་ཀྱི་དུས་གསུམ་དང་བྲལ་བའི་རྣམ་པར་མི་རྟོག་པའི་དུས་དེ་བཞི་ཆ་གསུམ་བྲལ་ཆོས་སྐུ་བློ་འདས་ཀྱི་དགོངས་པའོ། །གདེངས་གྲོལ་ཐོག་ཏུ་བཅའ་ཞེས་པ་ནི་གང་ཤར་གྱི་རང་ངོ་ལ་བཅོས་བསླད་མེད་པར་ཅེར་རེ་བལྟས་ཏེ་དེའི་ངང་ལ་གློད་པས། དྲན་རྟོག་རྗེས་མེད་དུ་ཡལ་བས་རྦ་རླབས་ཆུར་ཐིམ་པ་ལྟར་གང་ཤར་རང་གྲོལ་སྤང་གཉེན་དང་བྲལ་བའི་ངང་ལ་གདེངས་འཆོས་པའོ།། ༈ །།རྫོགས་ཆེན་སེམས་ཀློང་གཉིས་ཀྱི་གནད་མན་ངག་གི་སྡེར་འདུས་སྟེ། ཀ་དག་གི་ངང་ལ་མཉམ་པར་བཞག་པས། སྣོད་བཅུད་ཀྱི་སྣང་བ་ཐམས་ཅད་སེམས་ཉིད་རང་བྱུང་གི་ཡེ་ཤེས་བརྗོད་བྲལ་ཆོས་སྐུར་ཐག་ཆོད་པས་སེམས་སྡེའི་གནད་འདུ་ལ། དེ་ཉིད་གང་ལའང་བྱ་རྩོལ་བྲལ་བའི་ཆོས་ཉིད་ཀྱི་ཀློང་དུ་ཐག་ཆོད་པས་ཀློད་སྡེ་འདུ། དེའི་ཕྱིར་སེམས་ཀློང་གཉིས་ཀྱི་ཉམས་ལེན་ཐམས་ཅད་མན་ངག་གི་སྡེའི་ཁྲེགས་གཅོད་ཀྱི་ཉམས་ལེན་གྱི་ཁོངས་སུ་འདུས་པས་རྫོགས་པ་ཆེན་པོའི་ལམ་གྱི་མཆོག་རྩེ་མོ་ནི་མན་ངག་གི་སྡེ་སྟེ། འཁོར་འདས་སྤང་བླང་དང་བྲལ་བའི་ཡིན་ལུགས་གནད་ཐོག་ཏུ་འབེབས་པའི་ཐབས་ཀྱིས་བློ་འདས་རང་བྱུང་གི་ཡེ་ཤེས་སྐད་ཅིག་ལ་འཆར་པར་བྱེད་པ་ལ། དོན་ལ་ཆོས་ཐམས་ཅད་ཀྱི་ཆོས་ཉིད་རང་གསལ་གྱི་གནས་ལུགས་མངོན་སུམ་དུ་གཏན་ལ་ཕབ་ནས་ལེ་

― ZP04_Page_729 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་འོད་གསལ་ལྷུན་གྲུབ་གཞི་གནས་སུ་ངོ་སྤྲོད་པའི་ཐབས་མཆོག་བླ་ན་མེད་པའོ། །ཚོགས་དྲུག་གི་སྣང་བ་གང་ཤར་རང་གྲོལ་དུ་ལམ་དུ་འཁྱེར་བ་དང་ལྷ་སྔགས་སུ་རྒྱས་བཏབ་པ་གཉིས་སྔ་མ་ནུས་པ་ཆེ་མོད། འོན་ཀྱང་རང་གྲོལ་གཉུག་མའི་རྩལ་སྣང་ལྷ་སྔགས་ཀྱི་རང་གདངས་སུ་བྱ་རྩོལ་མེད་པར་ལམ་དུ་ཁྱེར་ཤེས་པ་ཟུང་འབྲེལ་གྱི་ལམ་ཁྱད་པར་ཅན་དུ་འགྲོ་བ་ལགས། ༈ རིག་པ་རྗེན་པར་འཆར་སྒོ་སྣ་ཚོགས་སུ་འཆར་ཡང་གང་ཤར་ཐམས་ཅད་དྲན་པ་ཁོ་རང་ལས་མ་གཡོས་པ་གཟུང་དྲན་ལ་མ་ལྟོས་པར་སྐྱོང་ཐུབ་པ་དེ། རྫོགས་ཆེན་པའི་ལུགས་ལ་ཉམས་ཀྱི་སྐྱེ་རིམ་བཞི་ལས་གནས་པའི་ཉམས་དང༌། ཕྱག་ཆེན་པའི་ལུགས་ཀྱི་རྩེ་གཅིག་ཏུ་གནས་པ་ཕྱོགས་འདྲ་བས་སེམས་ཀྱི་ངོ་བོའི་ཕྱོགས་མཐོང་ཙམ་ལོས་ཡིན། འོན་ཀྱང་བརྟན་པ་ཐོབ་མ་ཐོབ་ཙམ་ལས་འདི་བས་ལྷག་པ་ཞིག་མཐོང་རྒྱུའམ་རྟོགས་རྒྱུ་མེད་དམ་སྙམས་པ་དེ། ཡིན་ལུགས་དང་མཐུན་པའི་གོ་མྱོང་གི་ཆ་ནས་བློ་མ་འཁྲུལ་པའི་ཡེ་ཤེས་འདྲ་ཡང༌། འདི་ལས་ལྷག་པ་མེད་དམ་སྙམ་པའི་ཆོས་ཀྱི་བདག་འཛིན་གྱི་བློ་དང་བཅས་པའི་རྣམ་རྟོག་ཅན་དུ་འགྱུར་བས། རང་གི་རིག་པ་ལ་རྗེན་ཅེར་བལྟས་པའི་དུས་ཀྱི་གཤིས་སྤྲོས་བྲལ་བ་བློས་གང་དུ་ཡང་གཟུང་དུ་མེད་

― ZP04_Page_730 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དེ་དང༌། གོ་བའི་སྟོང་ཉིད་གཉིས་ལ་མྱོང་ལུགས་མི་འདྲ་བ་མཁྱེན་དགོས། འོན་ཀྱང་སེམས་ཀྱི་ངོ་བོ་མཐོང་བ་ཞེས་པ་ཡང་དོན་སྤྱི་ཙམ་མཐོང་བའི་དཔེའི་ཡེ་ཤེས་ལ་རང་ངོ་སྤྲོད་པའི་ཐབས་མཁས་ལས། རང་རིག་པའི་ཡེ་ཤེས་རྣམ་པར་མི་རྟོག་པའི་ངོ་བོ་རང་མཚན་པ་ནི་འཕགས་པའི་ས་ཐོབ་ན་མ་གཏོགས་སྒོམ་བྱུང་ལ་རང་དབང་འབྱོར་བའི་སྦྱོར་ལམ་ངེས་འབྱེད་ཀྱི་དུས་སུའང་མེད་ན་ཚོགས་ལམ་པ་དང་ལམ་མ་ཞུགས་ཀྱི་བསམ་གཏན་པའི་རྒྱུད་ལ་ལྟ་ཅི་སྨོས། དེས་ན་ཤན་ཕྱེད་དགོས། རྨི་ལམ་རང་ངོ་ཤེས་པའི་དྲན་པའི་ངང་ནས་རྩལ་སྦྱོང་དང་རྨི་ལམ་མོ་སྙམ་པའི་དྲན་ཤེས་མེད་པར་རྩལ་སྦྱོང་ཉིན་མོ་ལས་གསལ་དངས་ཆེ་བ་ཡོང་བ་དེ་རྨི་ལམ་ཟིན་སྦྱོང་སྤེལ་སྒྱུར་གྱི་ངོས་ནས་སྔ་མ་མི་འགྱུར་ཞིང་བརྟན་ལ་ཕྱིས་བོགས་ཆེ། ཕྱི་མ་དེ་ཉིན་མོའི་དགེ་སྦྱོར་གྱི་ཤུགས་ཀྱིས་སླེབ་པའི་ཉམས་སྣང་ཙམ་དུ་ཟད་པས་རྨི་ལམ་ཟིན་སྦྱོང་བརྟན་ཆགས་ཀྱི་གནད་དུ་འགྲོ་བ་ཉུང༌། ཕལ་ནས་གཉིད་འཐུག་གི་སྐབས་སུ་གསལ་སྟོང་གི་རིག་པ་རྣམ་རྟོག་གི་གཡའ་དང་བྲལ་ཞིང་རང་ངོ་སྐྱོང་ཐུབ་ལ། དེའི་རྩལ་སྣང་རྨི་ལམ་གྱི་སྤྲུལ་བསྒྱུར་དུ་ལྡང་ཐུབ་པ་ཞིག་ཀྱང་འབྱུང་སྟེ། གཉིད་ཀྱི་འོད་གསལ་ཟིན་པའི་གྲངས་སུ་འགྲོ་ཞིང༌། དེ་འདྲ་དེ་རྨི་ལམ་དུ་ལངས་ནས་ཀྱང་རྨི་ལམ་དུས་

― ZP04_Page_731 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་དྲན་ཤེས་ཀྱིས་མ་ཟིན་ནའང་གནད་དུ་འགྲོ། ཐོད་རྒལ་གྱི་དུས་སྟོང་གཟུགས་ཀྱི་རྟགས་སྣང་ལ་ལྟ་སྣང་ཀྱི་ལམ་ནས་དྲངས་ཏེ་རྣམ་པར་རྟོག་མེད་ཀྱི་ངང་དུ་འཇོག་པ་དེ་ལ་གོམས་པས་ཞི་གནས་ཙམ་ལས་སོ་སོར་རྟོག་པའི་ཤེས་རབ་ཀྱི་དཔྱད་པ་མེད་པས་ལྷག་མཐོང་མི་འགྲོ་བར་སྙམས་མཁན་མང་ནའང༌། རྣམ་པར་མི་རྟོག་པའི་ཏིང་ངེ་འཛིན་འོག་མས་པ་ལས་མི་རྟོག་པའི་ཡེ་ཤེས་སྐྱེས་པར་གྱུར་པ་དེ་ཀ་སོ་སོར་རྟོག་པའི་ཤེས་རབ་ཀྱི་ལྷག་མཐོང་སྐྱེས་པ་ཡིན་པར་དུས་འཁོར་སོགས་ལས་ཀྱང་བཤད་ཅིང༌། ཁྱད་པར་རྫོགས་པ་ཆེན་པོ་རང་གི་ལུགས་ལ། ལུས་བཞུགས་སྟངས། མིག་ལྟ་སྟངས། རླུང་མི་འགུལ་པ་གསུམ་ལ་གཞི་བཅས་པས་རིམ་པར་རྩ་རླུང་ལ་གནད་དུ་བསྣུན་པས་རྣམ་རྟོག་འགགས། མངོན་སུམ་ཡུལ་ལ་གསལ་བས་ཡིད་དཔྱོད་ཚིག་གི་སྒྲོ་འདོགས་དང་བྲལ། ཆོས་ཉིད་རང་ངོར་གནས་པས་མ་བུ་འདྲེས་ཏེ་གདོད་མའི་དབྱིངས་སུ་ལ་ཟློ་བ་ཡིན་པས་ཐིག་ལེ་ལུ་གུ་རྒྱུད་བཅས་པའི་རྟགས་སྣང་ལ་ལྟ་སྟངས་ཀྱིས་ཅེར་རེ་གཏད་དེ། རྟགས་སྣང་དེ་ཁའི་རང་བཞིན་ཧྲིག་གེ་བའི་ངང་ལ་བཟོ་མེད་ཡེངས་མེད་དུ་འཇོག་པ་ཁོ་ནས་གནད་དུ་འགྲོ་བ་ལགས། ཆོས་ཉིད་བར་དོའི་སྐབས་ཀྱི་བསམ་གཏན་གྱི་ཞག་

― ZP04_Page_732 ―

^{[མ་དཔེ་གཟིགས་ན་འདིར་གནོན།]}

[Full Size]

གི་ཚད་མཉམ་རྗེས་འདྲེས་ནས་ཏིང་ངེ་འཛིན་ཐུན་ཚོད་ལས་འདས་པ་ཡེ་ཤེས་ལྷུན་གྲུབ་ཀྱི་ཉམས་སྐྱེས་པ་ལ་མཐའ་འདི་ཙམ་ཞེས་ཚོད་འཛིན་དཀའ་མོད། སྤྱི་ཙམ་དུ་བསམ་གཏན་ལ་མཉམ་པར་བཞག་པས་རྣམ་རྟོག་གིས་བར་མ་ཆོད་པར་ཇི་ཙམ་གནས་པའི་ཡུན་དེ་ཙམ་དུ་འཇོག །ཆོས་ཉིད་བར་དོར་དེ་གྲོལ་ནུས་ཀྱི་ཚད་འོད་གསལ་སྣང་བ་བཞི་ལ་ད་ལྟ་ནས་རང་བྱན་ཆུད་པ་ཞིག་གལ་ཆེ་བས་རྨི་ལམ་གྱི་ཉམས་ལེན་ཚད་དུ་སོང་མ་སོང་གིས་འཛིན་པ་ལགས། མཉམ་བཞག་གི་ངོར་འཕྲོ་བར་སྣང་ཡང་དྲན་པ་ཁོ་རེ་འཁྱོངས་ཙམ་བདེ་གསལ་གྱི་ཉམས་དང་བཅས་ཤར་བ་དེ་ལ་མྱོང་བྱ་མྱོང་འདོད་ཀྱི་འཛིན་པ་མ་ཞུགས་ན་གནད་དུ་འགྲོ། གང་ཤར་རང་སེམས་སུ་ཐག་ཆོད་ཅིང་སེམས་ཉིད་རྩ་བྲལ་གསལ་སྟོང་འཛིན་མེད་དུ་ཤར་བས་མཉམས་བཞག་གི་ངོ་ནས་ལུས་སྣང་སེམས་སོགས་ཐ་དད་དུ་འཛིན་པ་རང་དག་ནས་ཕྱི་ནང་བར་མེད་ཧར་སང་རྗེན་པར་གནས་པས་རྣམ་རྟོག་རང་ག་མ་མི་འཆར་ལ། ཤར་ཡང་ངོ་ཤེས་ཙམ་གྱིས་ཆོག་པར་སྣང་བ་དེ། སྣང་སེམས་འདྲེས་ཏེ་སྣང་བ་སྒོམ་དུ་ཤར་ཤར་འདྲ་ཡང་ད་དུང་སྟོང་ཉིད་གཟུང་དྲན་མ་ལ་ལྟོས་དགོས་མི་དགོས་ཤན་འབྱེད་དགོས་པས། སྣང་རིག་སོ་མ་འདི་རང་རིག་རང་གསལ་ལ་རྩོལ་སྒྲུབ་

― ZP04_Page_733 ―

^{[མ་དཔེ་གཟིགས་ན་འདིར་གནོན།]}

[Full Size]

དང་དགགས་སྒྲུབ་བྲལ་བ་ཞིག་བྱུང་ན་སྣང་བ་སྒོམ་དུ་ཤར་བས་གཟུང་དྲན་ལ་རག་མ་ལུས་ལགས། དེས་བརྩོལ་བཅས་ཀྱང་འཛིན་པ་མ་ཞུགས་གང་ཤར་རང་གྲོལ་དུ་ཡངས་སུ་འཆར་ན་གནད་དུ་འགྲོ་ཞིང༌། ལར་ནི་ཅོག་བཞག་གསུམ་གྱིས་རང་གི་དགེ་སྦྱོར་རྒྱུན་བསྐྱངས་ཏེ་དེ་རྟོགས་པའི་ངོ་བོ་ལ་ཅེར་གྲོལ་གྱིས་བལྟས་ནས། ཕྱི་ཆོས་ཅན་ལ་བལྟས་པས་འཁྲུལ་སྣང་བདེན་མེད་དུ་སྣང་བ་སྒྱུ་མ་ལྟ་བུར་རྟོགས་པའི་ངང་ལ་ཞེན་འཛིན་མེད་པར་སློད། ནང་ཆོས་ཉིད་ལ་བལྟས་པས་ཡུལ་མེད་ནམ་མཁའ་ལྟ་བུར་རྟོགས་པའི་ངང་ལ་འཛིན་མེད་དུ་སློད། གསང་བ་རིག་པའི་ངོ་བོ་ལ་བལྟས་པས་སྟོང་གསལ་འགགས་མེད་དུ་རྟོགས་ནས་དེའི་ངང་རྩོལ་སྒྲུབ་མེད་པར་སློད་དེ་མཉམ་པར་བཞག་པས་གནས་སྐབས་སུ་སྤྱན་དང་མངོན་ཤེས་སོགས་ཡོན་ཏན་དཔག་ཏུ་མེད་པ་ལ་རང་དབང་བསྒྱུར་ནུས་ཤིང་ཉོན་མོངས་པ་རང་སར་གྲོལ་བ་ལ་དཀའ་ཚེགས་མེད། དེའང་ལས་དང་པོ་དང་ཡོངས་སུ་སྦྱང་བ་བྱས་པ་དང༌། གོམས་པ་ཀློང་དུ་གྱུར་པའི་ཡོན་ཏན་རྣམས་སྐྱེ་རིམ་གྱིས་འཕེལ་ནས་སངས་རྒྱས་ཀྱི་ཡེ་ཤེས་འགྲུབ་པའི་ཐབས་ཟབ་མོར་འགྲོ་ཞེས་རྗེ་བླ་མ་དམ་པའི་ཞལ་ནས་མང་དུ་ཐོས་ཤིང་གསུང་དེ་ལ་ཡིད་ཆེས་ཀྱིས་ཚད་མར་བཟུང་ནས་གཞན་ལའང་

― ZP04_Page_734 ―

^{[མ་དཔེ་གཟིགས་ན་འདིར་གནོན།]}

[Full Size]

འདོམས་པ་ལགས་པས་ཐུགས་ལ་བཅག་འཚལ། ལྟ་བའི་ངོ་བོ་གཉིས་ཆོས་སུ་སྣང་བ་ཐམས་ཅད་སོ་སོར་མ་དམིགས་པར་རང་རིག་ཡེ་གྲོལ་ལྷུན་གྲུབ་སྟོང་གསལ་སྤྲོས་བྲལ་རྒྱ་ཆད་ཕྱོགས་ལྷུང་བྲལ་བ་དུ་མ་རོ་གཅིག་ཏུ་རྟོགས་པས་ཅི་ལའང་ཡང་བག་ཚ་མེད་པར་སྣང་ཡང༌། ཡུལ་ལ་བརྟེན་ནས་ཆགས་སྡང་སོགས་འཆར་འཆར་འདྲ་བ་བྱུང་བ་བདག་འཛིན་གྱི་བློ་མ་ནུབ་ཀྱི་བར་ལྟ་བའི་གོ་ཡུལ་བཟང་ཡང་མྱོང་ཐོག་ཏུ་དེ་དང་འགལ་བ་ལྟར་སྣང་བའང་ཆོས་ཉིད་པས། དེ་ཚེ་གང་ཤར་རང་གྲོལ་རྗེན་པར་ལམ་དུ་ཁྱེར་བས་གནད་དུ་འགྲོ། །དེས་ན་གྲུབ་མཐའི་རྟོག་དཔྱོད་དང༌། ཞེན་པའི་སྣང་ཡུལ་དང༌། ཡིད་ཀྱི་སྤྱོད་ཡུལ་ལས་འདས་པའི་རང་བཞིན་མཐའ་གྲོལ་ཀློང་ཡངས་ཆེན་པོར་ཡེ་ནས་གནས་པ་ལྟར་དེའི་ངང་བསྐྱངས་པ་གནད་དུ་ཡིན། གང་ལྟར་ཡང་དབྱར་དུས་ཀྱི་ས་གཞི་ལ་མྱུ་གུ་གང་ཡང་སྐྱེ་བ་ལྟར་རྣལ་འབྱོར་པའི་ཉམས་ལ་མཐོ་དམན་མཐའ་གཅིག་ཏུ་མ་ངེས་པའི་བཟང་རྟོག་ངན་རྟོག་གིས་བསྡུས་པའི་རྟོག་པའི་རི་མོ་ལྟ་ཅི་སྨོས། མི་རྟོག་པའི་རང་གདངས་ཀྱི་རྩལ་ལ་མཐའ་དང་བྲལ་བའི་ལྟ་བ། གཉེན་པོས་མ་བཅིངས་པའི་སྒོམ་པ། གང་ཤར་རང་གྲོལ་དུ་གཏོང་བའི་སྤྱོད་པ། རེ་དོགས་གཉིས་འཛིན་དང་བྲལ་བའི་འབྲས་བུའི་སྣང་བ་གང་ཤར་

― ZP04_Page_735 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་མྱོང་འདོད་ཀྱི་བློ་ཞུགས་ན་སྨན་མ་ཞུ་བ་དུག་དུ་སོང་བ་དང་འདྲ་བས། དེའི་ཚེ་ཐག་ཆོད་པའི་དོན་དེ་ཁོའི་ངང་ལ་འཛིན་ཞེན་གྱིས་མ་བཅིངས་པར་མ་ཡེངས་མི་སྒོམ་པའི་རང་འགྲོས་ཀྱིས་རྟག་ཏུ་འཚོ་བར་མཛད་ན་འཚེངས་པ་ལགས། རྨི་ལམ་རགས་པ་རྟག་ཏུ་ཟིན་པ་འདྲ་བ་དེའང་ཟིན་པ་ཙམ་གྱིས་མི་ཆོག་པས། ད་དུང་ཉིན་སྣང་ཚོགས་དྲུག་གི་སྣང་བ་ལ་འཛིན་པ་མ་ཞུགས་པར་འབད་རྩོལ་གྱིས་འཆུན་པར་མཛད་ནས་གཉིད་དུ་འགྲོ་དུས་ཉིན་པར་གྱི་དྲན་ཤུགས་ཤོར་བར་གཉིད་ལོག་པས་ཉམས་དང་རྟོགས་པ་འོད་གསལ་རྣམས་རིམ་པར་འཆར་བ་ཡིན་ནོ། །ཉམས་གང་ལྟར་སྐྱེས་ཀྱང་དགག་སྒྲུབ་དང་བླང་དོར་གྱི་རྟོག་པས་མ་བསླད་པར་གང་ཤར་གྱི་རང་ངོ་བསྐྱངས་པས་གཟུང་འཛིན་གྱི་རྟོག་ཚོགས་ནམ་མཁའ་ལ་སྤྲིན་དེངས་པ་ལྟར་སངས་ཤིང་འཁོར་བའི་ས་བོན་ཟད་དེ། དབྱིངས་རང་བཞིན་གྱིས་རྣམ་པར་དག་པའི་ཀློང་དུ་རིག་པ་རང་བཞིན་གྱིས་རྣམ་པར་དག་པ་ཐིམ་པས་མ་བུ་འདྲེས་ནས་གཟུང་འཛིན་གཉིས་མེད་ཀྱི་ཡེ་ཤེས་འགྱུར་མེད་ཀྱི་དབྱིངས་སུ་གཏན་ལ་ཕེབས་ཏེ། རྦ་རླབས་ཆུར་ཐིམ་པ་བཞིན་དུ་རྣམ་རྟོག་དབྱིངས་སུ་དག་པས་འཁོར་འདས་ཀྱི་བར་ལག་འགྱེལ། ལམ་ལྔ་ས་བཅུ་རིམ་གྱིས་ལམ་ཅིག་ཅར་དུ་བགྲོད་དེ་གྲོལ་བར་འགྱུར་རོ།། །།

མཁས་པ་ཤྲཱི་རྒྱལ་པོའི་ཁྱད་ཆོས།

― ZP04_Page_737 ―

^{[མ་དཔེ་གཟིགས་ན་འདིར་གནོན།]}

[Full Size]

མཁས་པ་ཤྲཱི་རྒྱལ་པོའི་ཁྱད་ཆོས་བཞུགས་སོ།། །།

― ZP04_Page_738 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་ལ་ཕྱག་འཚལ་ལོ། །ལྟ་བ་ཀློང་ཆེན་རབ་འབྱམས་ཡིན། །སྒོམ་པ་མཁྱེན་བརྩེའི་འོད་ཟེར་ཡིན། །སྤྱོད་པ་རྒྱལ་བའི་མྱུ་གུ་ཡིན། །དེ་ལྟར་ཉམས་སུ་ལེན་པ་ལ། །ཚེ་གཅིག་སངས་རྒྱས་ལ་ཐང་མེད། །མིན་ཀྱང་བློ་བདེ་ཨ་ལ་ལ། །ལྟ་བ་ཀློང་ཆེན་རབ་འབྱམས་ནི། །ཚིག་གསུམ་དོན་གྱི་གནད་དུ་བརྡེག །དང་པོ་རང་སེམས་ལྷོད་དེ་བཞག །མི་སྤྲོ་མི་བསྡུ་རྣམ་རྟོག་མེད། །ངང་ལ་ཕྱམ་གནས་ལྷོད་དེའི་དུས། །ཐོལ་བྱུང་བློ་རྡེག་ཕཊ་ཅིག་རྒྱབ། །དྲག་ལ་ངར་ཐུང་ཨེ་མ་ཧོ། །ཅི་ཡང་མ་ཡིན་ཧད་དེ་བ། །ཧད་དེ་བ་ལ་ཟང་ཐལ་ལེ། །ཟང་མ་ཐལ་བྱུང་བརྗོད་དུ་མེད། །ཆོས་སྐུའི་རིག་པ་ངོས་ཟུངས་ཤིག །ངོ་རང་ཐོག་ཏུ་སྤྲད་པ་སྟེ་གནད་དང་པོའོ།། །།དེ་ནས་འཕྲོའམ་གནས་ཀྱང་རུང༌། །ཁྲོའམ་ཆགས་སམ་སྐྱིད་དམ་སྡུག །དུས་དང་གནས་སྐབས་ཐམས་ཅད་དུ། །ངོ་ཤེས་ཆོས་སྐུ་ངོས་བཟུང་ལ། །སྔར་འདྲིས་འོད་གསལ་མ་བུ་སྤྲད། །བརྗོད་མེད་རིག་ཆའི་ངང་ལ་བཞག །གནས་བདེ་གསལ་འཕྲོ་ཡང་ཡང་བཤིག །ཐབས་ཤེས་ཡི་གེ་གློ་བུར་འབེབས། །མཉམ་གཞག་རྗེས་ཐོབ་ཐ་དད་མེད། །ཐུན་དང་ཐུན་མཚམས་དབྱེ་བ་མེད། །དབྱེར་མེད་ངང་དུ་རྒྱུན་དུ་གནས། །འོན་ཀྱང་བརྟན་པ་མ་ཐོབ་པར། །འདུ་འཛི་སྤངས་ནས་སྒོམ་པ་གཅེས། །མཉམ་གཞག་ཐུན་དུ་བཅད་ལ་བྱ། །དུས་དང་གནས་སྐབས་ཐམས་ཅད་དུ། །ཆོས་སྐུ་གཅིག་པོའི་ཡོ་ལངས་བསྐྱང༌། །དེ་ལས་གཞན་མེད་ཁོ་ཐག་བཅད། །ཐག་གཅིག་ཐོག་ཏུ་བཅད་པ་སྟེ་གནད་གཉིས་པའོ།། །།དེ་ཚེ་ཆགས་སྡང་དགའ་

― ZP04_Page_739 ―

^{[མ་དཔེ་གཟིགས་ན་འདིར་གནོན།]}

[Full Size]

སྡུག་དང༌། །གློ་བུར་རྣམ་རྟོག་མ་ལུས་པ། །ངོ་ཤེས་ངང་ལ་རྗེས་འཐུད་མེད། །གྲོལ་ཆའི་ཆོས་སྐུ་ངོས་བཟུང་བས། །དཔེར་ན་ཆུ་ཡི་རི་མོ་བཞིན། །རང་ཤར་རང་གྲོལ་རྒྱུན་ཆད་མེད། །ཅི་ཤར་རིག་སྟོང་རྗེན་པའི་ཟས། །ཇི་འགྱུ་ཆོས་སྐུ་རྒྱལ་པོའི་རྩལ། །རྗེས་མེད་རང་དག་ཨ་ལ་ལ། །འཆར་ལུགས་སྔར་དང་འདྲ་བ་ལ། །གྲོལ་ལུགས་ཁྱད་པར་གནད་དུ་ཆེ། །འདི་མེད་སྒོམ་པ་འཁྲུལ་པའི་ལམ། །འདི་ལྡན་མ་བསྒོམ་ཆོས་སྐུའི་ངང༌། །གདེངས་གྲོལ་ཐོག་ཏུ་བཅའ་བ་སྟེ་གནད་གསུམ་པའོ།། །།གནད་གསུམ་ལྡན་པའི་ལྟ་བ་ལ། །མཁྱེན་བརྩེ་འབྲེལ་བའི་སྒོམ་པ་དང༌། །རྒྱལ་སྲས་སྤྱི་ཡི་སྤྱོད་པ་གྲོགས། །དུས་གསུམ་རྒྱལ་བའི་ཞལ་བསྡུར་ཀྱང༌། །འདི་ལས་ལྷག་པའི་གདམས་ངག་མེད། །རིག་རྩལ་ཆོས་སྐུའི་གཏེར་སྟོན་གྱིས། །ཤེས་རབ་ཀློང་ནས་གཏེར་སྟོན་གྱིས། །ཤེས་རབ་ཀློང་ནས་གཏེར་དུ་བླངས། །ས་རྡོའི་བཅུད་དང་འདི་མི་འདྲ། །དགའ་རབ་རྡོ་རྗེའི་ཞལ་ཆེམས་ཡིན། །བརྒྱུད་པ་གསུམ་གྱི་ཐུགས་བཅུད་ཡིན། །སྙིང་གི་བུ་ལ་གཏད་དེ་རྒྱ། །ཟབ་དོན་ཡིན་ནོ་སྙིང་གི་གཏམ། །སྙིང་གཏམ་ཡིན་ནོ་དོན་གྱི་གནད། །དོན་གནད་ཡལ་བར་མ་འདོར་ཅིག །གདམས་ངག་ཟགས་སུ་མ་འཇུག་ཅིག །མཁས་པ་ཤྲཱི་རྒྱལ་པོའི་ཁྱད་ཆོས་སོ།། ༈ །།མཚུངས་མེད་ཐུགས་རྗེའི་མངའ་བདག་དྲིན་ཆེན་རྩ་བའི་བླ་མ་ལ་ཕྱག་འཚལ་ལོ། །འདིར་ལྟ་སྒོམ་སྤྱོད་པའི་གནད་ཉུང་ངུ་ཉམས་སུ་ལེན་པའི་ཚུལ་འཆད་པར་འདོད་ནས། དང་པོ་དཀོན་མཆོག་ཀུན་འདུས་ཀྱི་ངོ་བོ་བླ་མ་ཡིན་

― ZP04_Page_740 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཕྱིར་དེ་ལ་ཕྱག་འཚལ་བ་ཁོ་ནས་སྐྱབས་གནས་ཇི་སྙེད་པ་ལ་ཕྱག་འཚལ་བར་འགྱུར་བའི་ཕྱིར། །བླ་མ་ལ་ཕྱག་འཚལ་ལོ་ཞེས་སོ། །དེ་ནས་བཤད་བྱའི་དོན་ཀྱང་རྩ་བརྒྱུད་ཀྱི་བླ་མ་ཐམས་ཅད་རང་སེམས་དང་དབྱེར་མེད་པར་ཤེས་ནས་ཉམས་སུ་བླང་ན་ལྟ་སྒོམ་སྤྱོད་གསུམ་ཀྱང་དེར་འདུ་བ་ཡིན་པས་ན། ལྟ་སྒོམ་སྤྱོད་གསུམ་རྩ་བརྒྱུད་ཀྱི་བླ་མའི་མཚན་དོན་དང་སྦྱར་ནས་འཆད་པའི་དང་པོ་ནི། དབྱིངས་སྤྲོས་པ་དང་བྲལ་བའི་ཆོས་ཉིད་བདེ་གཤེགས་སྙིང་པོའི་ཀློང་ཆེན་པོ་ན་འཁོར་འདས་ཀྱི་སྣང་བ་ཇི་སྙེད་པ་ཐམས་ཅད་ཆོས་ཉིད་མཉམ་པ་ཉིད་དུ་རྫོགས་པའི་དོན་ཤེས་པ་ནི་ལྟ་བ་ཡིན་པས་ན། ལྟ་བ་ཀློང་ཆེན་རབ་འབྱམས་ཡིན། དེ་ལྟ་བུའི་ལྟ་བ་སྤྲོས་བྲལ་གྱི་རང་བཞིན་མཁྱེན་ཆ་ཤེས་རབ་ལྷག་མཐོང་གིས་གཏན་ལ་འབེབས་ཤིང་སྟོང་ཉིད་དེའང་སྙིང་རྗེའི་བརྩེ་བ་ཆེན་པོའི་ཞི་གནས་ཀྱི་ཐབས་དང་མ་བྲལ་བར་རྩེ་གཅིག་ཏུ་མཉམ་པར་འཇོག་པ་སྟེ། སྟོང་ཉིད་སྙིང་རྗེ་དང་འབྲེལ་བ་ནི་བསྒོམ་པ་ཡིན་པས་ན། སྒོམ་པ་མཁྱེན་བརྩེའི་འོད་ཟེར་ཡིན། དེ་ལྟ་བུའི་ལྟ་སྒོམ་དང་ལྡན་པའི་ངང་ནས་རྒྱལ་བའི་མྱུ་གུ་བྱང་ཆུབ་སེམས་དཔའ་རྣམས་ཀྱི་ཚུལ་དང་མཐུན་པའི་གཞན་ཕན་ཕ་རོལ་ཏུ་ཕྱིན་པ་དྲུག་ཉམས་སུ་ལེན་པ་ནི་སྤྱོད་པ་ཡིན་པས་ན། སྤྱོད་པ་རྒྱལ་བའི་མྱུ་གུ་ཡིན། དེ་ལྟ་བུའི་ལྟ་སྒོམ་སྤྱོད་གསུམ་ཉམས་སུ་ལེན་པའི་གང་ཟག་དེ་སྐལ་པ་དང་ལྡན་པར་སྟོན་པའི་ཕྱིར། དེ་ལྟར་ཉམས་སུ་ལེན་པ་ལ། དེའང་གནས་དབེན་པའི་རི་ཁྲོད་བརྟེན་ནས་འཇིག་རྟེན་ཚེ་འདིའི་བྱ་བ་བཏང་སྟེ་རྩེ་གཅིག་ཏུ་ཉམས་སུ་ལེན་ནུས་ན་

― ZP04_Page_741 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་འདིར་ཀ་དག་གི་གཞི་ཐོག་ཏུ་གྲོལ་བར་འགྱུར་བས་ན། །ཚེ་གཅིག་སངས་རྒྱས་ལ་ཐང་མེད། དེ་ལྟར་མིན་ཀྱང་དེ་ལྟ་བུའི་ལྟ་སྒོམ་སྤྱོད་གསུམ་ལ་བློ་ཁ་ཕྱོགས་པ་ཙམ་ཡོད་ཀྱང༌། ཚེ་འདིར་རྐྱེན་ངན་ལམ་དུ་འཁྱེར་ཤེས་པ་དང༌། ཚེ་འདིའི་བྱ་བཞག་ལ་རེ་དོགས་མང་པོ་མི་སྐྱེ་ཞིང་ཕྱི་མ་བདེ་བ་ནས་བདེ་བར་འགྲོ་བར་འགྱུར་བས་ན། མིན་ཀྱང་བློ་བདེ་ཨ་ལ་ལ། དེ་ལྟ་བུའི་ཕན་ཡོན་དང་ལྡན་པའི་ལྟ་སྒོམ་སྤྱོད་གསུམ་རིམ་བཞིན་འཆང་བ་ལས། དང་པོ་ལྟ་བ་ཉམས་སུ་ལེན་ཚུལ་རྒྱས་པར་འཆད་འདོད་ནས། ལྟ་བ་ཀློང་ཆེན་རབ་འབྱམས་ནི། དེ་ཡང་དོན་གདམས་ངག་ཚིག་གསུམ་ཉམས་ལེན་གྱི་གནད་ལ་བརྡེག་པས་འཁྲུལ་པའི་སྲོག་གཅོད་པར་བྱེད་པ་ཡིན་པས་ན། ཚིག་གསུམ་དོན་གྱི་གནད་དུ་བརྡེག །དང་པོ་ལྟ་བ་ངོ་མ་འཕྲོད་པ་ངོ་སྤྲོད་པའི་ཐབས་ལ། སྤྱིར་མཚན་ཉིད་ཐེག་པ་ནས་ལྟ་བ་ལུང་རིག་གིས་གཏན་ལ་འབབས་པ་དང༌། གསང་སྔགས་ཐུན་མོང་བ་རྣམས་ཀྱིས་དབང་གསུམ་པའི་དཔེའི་ཡེ་ཤེས་ལ་བརྟེན་ནས་བཞི་པའི་དོན་གྱི་ཡེ་ཤེས་ངོ་སྤྲོད་པ་སོགས་ལུགས་མང་ཡང༌། འདིར་སྒྲུབ་བརྒྱུད་དམ་པ་རྣམས་ཀྱི་ཕྱག་བཞེས་ལྟར་ན་སེམས་ཀྱི་ཡལ་ས་ངོ་སྤྲོད་པ་སྟེ། དེའང་སེམས་འཁྲུལ་རྟོག་གི་རྦ་རླབས་འཚུབས་པའི་དུས་ན་ཡུལ་གྱི་རྗེས་སུ་འབྲང་བའི་རྣམ་རྟོག་རགས་པ་དག་གིས་སེམས་ཉིད་ཀྱི་རང་ཞལ་བསྒྲིབས་པས་ན་ངོ་སྤྲོད་ཀྱང་མི་འཕྲོད་པ་དེའི་ཕྱིར་རགས་པའི་རྣམ་རྟོག་དངས་སུ་གཞུག་པའི་ཕྱིར། དང་པོ་རང་སེམས་ལྷོད་དེ་བཞག

― ZP04_Page_742 ―

^{[མ་དཔེ་གཟིགས་ན་འདིར་གནོན།]}

[Full Size]

འོན་ཀྱང་རང་སེམས་མ་བཅོས་པར་བཞག་པ་ཉིད་འོད་གསལ་བའི་ཡེ་ཤེས་ཡིན་ལ། བཅོས་མའི་ལམ་གྱིས་གནས་ལུགས་མི་རྟོགས་པས་ན། མ་བཅོས་ལྷན་ཅིག་སྐྱེས་པའི་ཡེ་ཤེས་རང་ལ་མཚོན་པའི་ཕྱིར། མི་སྤྲོ་མི་བསྡུ་རྣམ་རྟོག་མེད། །ལས་དང་པོ་པའི་གནས་སྐབས་ན་སེམས་རང་བཞག་གཉུག་མའི་ངང་བསྐྱངས་ཀྱང༌། གནས་ཆ་བདེ་གསལ་མི་རྟོག་སོགས་ཉམས་ཀྱི་ཞེན་པ་དང་བཅས་པའི་ངང་ལས་འདའ་མི་སྲིད་པས་ན། ངང་ལ་ཕྱམ་གནས་ལྷོད་དེའི་དུས། དེ་ལྟ་བུའི་ཉམས་ཞེན་གྱི་སྦུབས་དང་བྲལ་ནས་རིག་པ་གཅེར་བུ་ཟང་མ་ཐལ་བྱུང་གི་གནས་ལུགས་རྗེན་པར་སྟོན་པའི་ཕྱིར། ཐོལ་བྱུང་བློ་རྡེག་ཕཊ་ཅིག་རྒྱབ། རྣམ་རྟོག་གི་རྒྱུན་ཐག་གཅོད་པ་དང༌། བློས་བྱས་ཀྱི་སྒོམ་པ་འཇིག་པ་ལ་གནད་དུ་ཆེ་བས་ཕཊ་སྒྲ་དེའང་དྲག་ལ་ངར་ཐུང་བ་དགོས་པས། དྲག་ལ་ངར་ཐུང་ཨེ་མ་ཧོ། །དེའི་ཚེ་ན་སེམས་འདི་ཡིན་གྱི་གཟའ་གཏད་ཐམས་ཅད་དང་བྲལ་བ་ནི་གྲོལ་བ་མངོན་དུ་གྱུར་པས་ན། ཅི་ཡང་མ་ཡིན་ཧད་དེ་བ། དེ་ལྟ་བུའི་གཏད་སོ་དང་བྲལ་བའི་ཆོས་སྐུའི་ངང་ན་ཟང་ཐལ་རྗེན་པའི་རིག་ཆ་སེམས་ལས་འདས་པའི་ཡེ་ཤེས་ཇི་བཞིན་པར་བཞུགས་པས་ན། ཧད་དེ་པ་ལ་ཟང་ཐལ་ལེ། དེ་ལྟ་བུའི་ཟང་ཐལ་དེ་ཡང་སྐྱེ་འགག་ཡོད་མེད་ལ་སོགས་པའི་མཐའ་ལས་འདས་ཤིང༌། ངག་དང་ཡིད་ཀྱི་རྩོལ་རྟོག་གི་ཡུལ་ལས་འདས་པའི་རང་གནས་ཡེ་ཤེས་བརྗོད་བྲལ་གྱི་གནད་ཡིན་པས་ན། ཟང་མ་ཐལ་བྱུང་བརྗོད་དུ་མེད། དེ་ལྟ་བུའི་གནད་དོན་དེ་ཆོས་སྐུ་གཞི་གནས་ཀྱི་རིག་པ་རྣལ་འབྱོར་ལམ་གྱི་ཀ་དག་

― ZP04_Page_743 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲོས་བྲལ་དོན་གྱི་ལྟ་བ་ཡིན་པས་འདི་ཁོ་ན་ངོ་མ་ཤེས་ཀྱི་བར་དུ། ཇི་ལྟར་བསྒོམས་ཤིང་ཉམས་སུ་བླངས་ཀྱང་བློས་བྱས་བཅོས་མའི་ལྟ་སྒོམ་ལས་མི་འདའ་བས། །རང་བཞིན་རྫོགས་པ་ཆེན་པོའི་ལམ་དང་གནམ་ས་བས་རིང་ཞིང་བསྒོམ་མེད་འོད་གསལ་གྱི་འཁོར་ལོའི་གནད་མེད་པས་ན། འདི་ཁོ་ན་ངོ་ཤེས་པ་དང་པོ་གལ་ཆེ་བས་ན། ཆོས་སྐུའི་རིག་པ་ངོས་ཟུང་ཤིག །དེ་ལྟ་བུའི་དོན་དེ་ཚིག་གསུམ་གནད་དུ་བརྡེག་པའི་དང་པོ་ཡིན་ཞིང༌། ལྟ་བས་ངོ་མ་འཕྲོད་ན་སྒོམ་པས་ངང་སྐྱོང་རྒྱུ་མི་འོང་བས་དང་པོ་ལྟ་བ་ངོ་འཕྲོད་པ་གལ་ཆེ་ལ། དེ་ཡང་རང་གནས་ཀྱི་ཡེ་ཤེས་རང་ལ་གནས་པ་ཉིད་ངོ་སྤྲོད་པ་ཡིན་གྱིས་གཞན་ནས་བཙལ་དུ་ཡོད་པ་མ་ཡིན། སྔར་མེད་རྒྱུད་ལ་སྐྱེས་པ་མ་ཡིན་པས་ན། ངོ་རང་ཐོག་ཏུ་སྤྲོད་པ་སྟེ་གནད་དང་པོའོ།། །།དེ་ནས་སྒོམ་པ་ཉམས་སུ་ལེན་ཚུལ་རྒྱས་པར་འཆད་པ་ལ་ངང་བཞག་ཆུ་བོའི་རྒྱུན་གྱི་སྒོམ་པ་དུས་དང་གནས་སྐབས་ཐམས་ཅད་དུ་ཡོད་པས་གནས་འཕྲོ་ལ་དགག་སྒྲུབ་མེད་པར་གནས་ན་ཆོས་སྐུ་རང་ངོ༌། །འཕྲོ་ན་ཡེ་ཤེས་ཀྱི་རང་རྩལ་དུ་སྐྱོང་བས་ན། དེ་ནས་འཕྲོའམ་གནས་ཀྱང་རུང༌། སེམས་རྣམ་རྟོག་གི་རྩལ་ལས་ཀུན་འབྱུང་གི་བདེན་པ་ཁྲོ་ཆགས་སོགས་ཉོན་མོངས་པ་དང་སྡུག་བསྔལ་གྱི་བདེན་པ་སྐྱིད་སྡུག་སོགས་ཚོར་བའི་རོ་མྱོང་གང་སྐྱེས་ཀྱང་རྣམ་རྟོག་དེ་དག་གི་རང་བཞིན་ཆོས་ཉིད་དུ་ཤེས་ན་ཆོས་སྐུའི་ཡོ་ལངས་སུ་འགྱུར་བས་ན། ཁྲོའམ་ཆགས་སམ་སྐྱིད་དམ་སྡུག །དེ་ལྟར་མ་ཟད་སྤྱིར་ལྟ་བས་ངོ་འཕྲོད་ཀྱང་སྒོམ་པས་ངང་མ་བསྐྱངས་པར་འཁྲུལ་

― ZP04_Page_744 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱམས་ཐ་མལ་དུ་ཤོར་ན་རྣམ་རྟོག་རང་རྒྱུད་པས་འཁོར་བར་འཆིང་ཞིང༌། ཆོས་དང་རང་རྒྱུད་སོ་སོར་སོང་ནས་ཐ་མལ་པ་དང་ཁྱད་མེད་པར་འགྱུར་བས་མི་བསྒོམ་པ་རང་བཞག་ཆེན་པོ་དང་ནམ་ཡང་མི་འབྲལ་བ་ཞིག་དགོས་པས་ན། །དུས་དང་གནས་སྐབས་ཐམས་ཅད་དུ། དེ་ལྟར་གནས་འཕྲོ་སོགས་གང་གི་ཚེའང་ཉོན་མོངས་པ་དང༌། རྣམ་རྟོག་ཐ་དད་པ་རེ་རེར་གཉེན་པོ་ཐ་དད་པ་རེ་རེས་འདུལ་བ་མ་ཡིན་གྱི་རྣམ་རྟོག་དང་ཉོན་མོངས་གང་སྐྱེས་ཀྱང་གཉེན་པོ་ཆིག་ཆོད་ཀུན་གྲོལ་སྔར་ངོ་སྤྲད་པའི་ལྟ་བ་དེ་གཅིག་པུ་ངོས་འཛིན་པ་ལ་འདུ་བས། ངོ་ཤེས་ཆོས་སྐུའི་ངོས་བཟུང་ལ། དེ་ཡང་རྣམ་རྟོག་དང་ཉོན་མོངས་པ་གང་སྐྱེས་ཀྱང་དེ་ཉིད་ཆོས་སྐུའི་ཡེ་ཤེས་ལས་ལོགས་ཤིག་མ་ཡིན་གྱི་རྣམ་རྟོག་དེ་དག་གི་རང་བཞིན་ཆོས་སྐུའི་ཞིའི་འོད་གསལ་དངོས་ཡིན་པས་དེ་ངོ་ཤེས་ན། གཞི་གནས་མའི་འོད་གསལ་ཞེས་བྱ་ལ། སྔར་བླ་མས་ངོ་སྤྲོད་པའི་རང་རིག་འོད་གསལ་གྱི་ལྟ་བ་རང་ངོ་ཤེས་པ་ནི་ཉམས་ལེན་ལམ་གྱི་འོད་གསལ་ཞེས་བྱ་སྟེ། གཞི་ལམ་གྱི་འོད་གསལ་གཉིས་དབྱེར་མེད་དུ་གྱུར་བའི་རང་ངོ་ལ་གནས་པ་ནི་འོད་གསལ་མ་བུ་འཕྲོད་པ་ཞེས་བྱ་བས་ན། སྔར་འདྲེས་འོད་གསལ་མ་བུ་སྤྲད། དེ་ལྟར་ནམ་ཡང་ལྟ་བ་རང་ངོ་ཤེས་པའི་འོད་གསལ་དེ་དྲན་པར་བྱས་ནས། དེའི་ངང་ལ་བཞག་པ་ལས། རྩལ་གྱི་རྣམ་རྟོག་དང་ཉོན་མོངས་པ་ལ་དགག་སྒྲུབ་སྤང་བླང་གང་ཡང་མི་བྱ་བ་ནི་གནད་ཀྱི་དམ་པ་ཡིན་པས། བརྗོད་མེད་རིག་ཆའི་ངང་ལ་བཞག །དེ་ལྟ་བུའི་ངང་དེ་ཡུན་རིང་དུ་བསྐྱངས་ན་ལས་དང་པོ་པའི་ཚེ་བདེ་གསལ་མི་རྟོག་པའི་ཉམས་ཀྱིས་གཉུག་མའི་རང་ཞལ་འགེབས་པའི་ཉམས་ཀྱི་ཤུན་པ་དང་བྲལ་ནས་

― ZP04_Page_745 ―

^{[མ་དཔེ་གཟིགས་ན་འདིར་གནོན།]}

[Full Size]

རིག་ངོ་རྗེན་ལ་ཕུད་ན་ཡེ་ཤེས་ཁོང་ནས་གསལ་བ་ཡིན་ཏེ། ཇི་སྐད་དུ། རྣལ་འབྱོར་བསྒོམ་པ་བཤིག་གྱིན་བཟང༌། །ཕུ་ཆུ་དྲག་པོ་བརྡབ་གྱིན་བཟང༌། །ཟེར་བ་ལྟར་ཡིན་པས་ན། གནས་བདེ་གསལ་སྤྲོ་ཡང་ཡང་བཤིག །དེ་ཡང་ཇི་ལྟར་བཤིག་ཅེ་ན། གནས་བདེ་གསལ་བའི་ཉམས་སྐྱེ་བ་དོ་བའི་ཚེའམ། དགའ་སྤྲོ་དང་སྐྱིད་སྣང་སོགས་འཆར་བདེ་བ་དེའི་ཚེ་སྡུད་བྱེད་ཐབས་ཀྱི་ཡི་གེ་ཕ་དང༌། གཅོད་བྱེད་ཤེས་རབ་ཡི་གེ་ཊྲ་་གཉིས་འབྲེལ་བའི༌།།།་གཉིས་འབྲེལ་བའི༌།།།་སྒྲ་དྲག་པོ་ཐོག་ལྷུང་བ་ལྟ་བུས་ཉམས་ཞེན་གྱི་ཤུན་པ་ཐལ་གྱིས་གཏོར་དགོས་ཏེ། ཐབས་ཤེས་ཡི་གེ་གློ་བུར་འབེབས། དེ་ལྟར་ཉམས་མྱོང་གི་གནད་དང་མ་བྲལ་བའི་བརྗོད་མེད་ཀྱི་རིག་པ་ཟང་ཐལ་ལེ་བ་དུས་དང་རྣམ་པ་ཐམས་ཅད་དུ་སྐྱོང་བ་ལས་མཉམ་གཞག་རྗེས་ཐོབ་ཀྱི་སྒོམ་པ་ཐ་དད་དུ་མེད་པས། མཉམ་གཞག་རྗེས་ཐོབ་དབྱེ་བ་མེད། དེའི་ཕྱིར་དུ་ཐུན་གྱི་ངོ་བོའི་སྒོམ་དང༌།ཐུན་མཚམས་སྤྱོད་ལམ་གྱི་དུས་ཀྱི་སྒོམ་སོ་སོར་མེད་པས། ཐུན་དང་ཐུན་མཚམས་དབྱེ་བ་མེད། དེ་ལྟར་མི་བསྒོམ་པའི་སྒོམ་པ་ཆེན་པོ། རང་གནས་ཕྱལ་བའི་ཡེ་ཤེས་ཆུ་བོ་རྒྱུན་གྱི་རྣལ་འབྱོར་བསྒོམ་རྒྱུ་སྤུ་ཙམ་མེད་ལ་ཡེངས་སུ་སྐད་ཅིག་ཀྱང་མེད་པ་ནི། ཇི་སྐད་དུ། བསྒོམ་མ་མྱོང་དང་འབྲལ་མ་མྱོང༌། །མི་སྒོམ་དོན་དང་མི་འབྲལ་བ། །ཞེས་པའི་དོན་ཡིན་པས། དབྱེར་མེད་ངང་དུ་རྒྱུན་དུ་གནས། །དེ་ལྟར་རང་བཞིན་རྫོགས་པ་ཆེན་པོའི་རང་ཡ་མ་སྒྲ་ཇི་བཞིན་པའི་སྣོད་དུ་གྱུར་ཅིང༌། ཐོས་གྲོལ་གཅིག་ཆར་བའི་རིགས་ཅན་ཡིན་ན། སྣང་སེམས་གཞི་གྲོལ་ཆེན་པོ། ཅི་ཤར་ཆོས་སྐུའི་ཡོ་ལངས་སུ་གྱུར་ནས་བསྒོམ་བྱ་སྒོམ་བྱེད་མེད་ཀྱང་དེ་ལས་གཞན་པའི་རྣམ་རྟོག་འཁྲུལ་པའི་གཞན་དབང་དུ་གྱུར་པའི་སྐལ་དམན་རིམ་གྱིས་

― ZP04_Page_746 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་གང་ཟག་རྣམས་བརྟན་པ་མ་ཐོབ་ཀྱི་བར་སྒོམ་དགོས་པས་ན། འོན་ཀྱང་བརྟན་པ་མ་ཐོབ་བར། སྒོམ་པ་དེའང་བསམ་གཏན་གྱི་རྒྱུ་ཚོགས་ཆང་བ་ལས། ཉམས་མྱོང་སྐྱེ་བར་འགྱུར་གྱི་འདུ་འཛི་དང་རྣམ་གཡེངས་ཀྱི་ཁྲོད་དུ་རྔ་ཙམ་སྒོམ་ཡུན་བསྲིངས་ཀྱང་ཉམས་མྱོང་མི་སྐྱེ་བས་ན། འདུ་འཛི་སྤང་ནས་བསྒོམ་པ་གཅེས། སྒོམ་པའི་ཚེ་ཡང་མཉམ་རྗེས་ཀྱི་ཉམས་ལེན་ཐ་དད་དུ་མེད་ཀྱང་དང་པོ་མཉམ་གཞག་རང་ས་མ་ཟིན་ན་ཉམས་མྱོང་གི་ཡེ་ཤེས་རྗེས་ཐོབ་དང་བསྲེ་མི་ནུས་པས། སྤྱོད་ལམ་རྒྱུན་གྱི་ལམ་ཁྱེར་ལ་འབད་པར་བྱས་ཀྱང་སྤྱི་འབྱམས་གཤིས་ཤོར་གྱི་གོལ་ས་ལྡང་བ་ཡིན་པས་ན། ཉམས་ལེན་ཐུན་དུ་བཅད་ལ་བྱ། དེ་ལྟར་ཉམས་ལེན་ཐུན་དུ་བཅད་ནས་མཉམ་གཞག་ངོ་བོ་སྐྱོང་བའི་བློ་གཏད་ཁེལ་བ་ལྟ་བུའི་ཉམས་ལེན་ཡོད་ཀྱང༌། དེ་རྗེས་ཐོབ་སྤྱོད་ལམ་དང་བསྲེས་ནས་རྒྱུན་དུ་སྐྱོང་མ་ཤེས་ན། གཉེན་པོས་རྐྱེན་མི་ཐུབ་ཅིང་རྣམ་རྟོག་རྐྱེན་གྱིས་ཁྲིད་ན་ཟ་མལ་པར་ཤོར་བས། རྗེས་ཤེས་ཟང་ཐལ་དུ་སྐྱོང་བ་གལ་ཆེ་བས། དུས་དང་གནས་སྐབས་ཐམས་ཅད་དུ། དེའི་ཚེ་ཡང་སྒོམ་བྱ་གཞན་ཞིག་ཚོལ་མི་དགོས་ཀྱིས། མཉམ་གཞག་ཆོས་སྐུའི་ལྟ་བ་དེ་ཉིད་མ་བྲལ་བའི་ངང་ནས་བྱ་བྱེད་དང་རྣམ་རྟོག་ཐམས་ཅད་རྩིས་མེད་རང་ཡན་དགག་སྒྲུབ་མེད་པར་ཆད་ཆོད་ཡད་ཡུད་དུ་སྐྱོང་བ་ཡིན་པས་ན། ཆོས་སྐུ་གཅིག་པོའི་ཡོ་ལངས་བསྐྱང༌། དེ་ལྟ་བུའི་ཉམས་ལེན་ཞི་ལྷག་དབྱེར་མེད་སྤྲོས་བྲལ་གཉུག་མའི་རྣལ་འབྱོར་མ་བཅོས་ལྷན་ཅིག་སྐྱེས་པ་ཆོས་ཉིད་ཀྱི་རང་ངོ་སྐྱོང་བ་དེ་ནི་གསང་སྔགས་རྡོ་རྗེ་ཐེག་པའི་རྒྱུད་སྡེའི་ཉམས་ལེན་ཐམས་ཅད་ཀྱི་སྙིང་པོ། དབང་བཞི་པའི་དོན་གྱི་ཡེ་ཤེས། སྒྲུབ་བརྒྱུད་ཡིད་བཞིན་ནོར་བུའི་ཁྱད་ཆོས། རྒྱ་བོད་གསར་

― ZP04_Page_747 ―

^{[མ་དཔེ་གཟིགས་ན་འདིར་གནོན།]}

[Full Size]

རྙིང་གི་གྲུབ་བརྙེས་བརྒྱུད་པ་དང་བཅས་པ་ཐམས་ཅད་ཀྱི་དགོངས་པ་སྨ་མེད་པ་ཡིན་པས། ཡིད་ཆེས་ཀྱི་བློ་ཐག་བཅད་ལ། མན་ངག་གཞན་ལ་འགྲམ་ཆུ་མི་ལྡང་བར་མ་བྱས་ན། གླང་པོ་ཁྱིམ་དུ་བཞག་ནས་གླང་རྗེས་ནགས་སུ་ཚོལ་བ་ལྟར་བློས་བྱས་བཅོས་མའི་གཟེབས་སུ་ཆུད་ནས་གྲོལ་བའི་དུས་མེད་པས་རང་གི་ཉམས་ལེན་ལ་བློ་ཐག་ཆོད་དགོས་པས་ན། དེ་ལས་གཞན་མེད་ཁོ་ཐག་བཅད། དེ་ལྟར་ཆོས་སྐུ་རང་གནས་ཀྱི་ཡེ་ཤེས་རྗེན་པ་འཁྲུལ་མ་མྱོང་བའི་སངས་རྒྱས་སུ་བློ་ཐག་བཅད་ནས་དེའི་རྒྱུན་སྐྱོང་བ་ནི་གནད་ཀྱི་གསང་ཚིག་གཉིས་པ་ཡིན་པས་གལ་ཆེ་བས་ན། ཐག་གཅིག་ཐོག་ཏུ་བཅད་པ་སྟེ་གནད་གཉིས་པའོ།། །ད་ནི་དག་གི་ཚེ་གྲོལ་ལུགས་ཀྱི་གདེངས་མེད་ན་སེམས་གནས་ངལ་གསོའི་སྒོམ་ཙམ་ཁམས་གོང་མའི་གོལ་ས་ལས་མི་འདའ་ཞིང༌། དེས་ཆགས་སྡང་གི་རྐྱེན་མི་ཐུབ། འདུ་བྱེད་ཀྱི་ལས་རྒྱུན་མི་ཆོད། ཐག་ཆོད་ཀྱི་བློ་གདེངས་མི་ཐོབ་པས་དེ་གལ་ཆེ་ལ། དེའང་འདོད་པའི་ཡུལ་ལ་ཆགས་པ་དྲག་པོ་སྐྱེས་པའམ། མི་འདོད་པའི་ཡུལ་ལ་ཞེ་སྡང་དྲག་པོ་སྐྱེས་པའམ། མཐུན་རྐྱེན་དང་ལོངས་སྤྱོད་སོགས་འབྱོར་པས་དགའ་བ། མི་མཐུན་པའི་རྐྱེན་དང་ན་ཚ་སོགས་སྡུག་བསྔལ་གྱི་ཚོར་བ་གང་བྱུང་ཡང༌། དེའི་ཚེ་རིག་པའི་རྩལ་ལྷོང་བ་ཡིན་པས། གྲོལ་གཞིའི་ཡེ་ཤེས་ངོས་འཛིན་པ་གལ་ཆེ་བས། དེ་ཚེ་ཆགས་སྡང་དགའ་སྡུག་དང༌། གཞན་ཡང་ཉམས་ལེན་ཤར་གྲོལ་གྱི་གནད་མེད་ན། སེམས་བྱུང་འོག་འགྱུའི་རྣམ་རྟོག་ཅི་སྐྱེས་ཐམས་ཅད་ཀྱིས་འཁོར་བའི་ལས་བསོགས་པ་ཡིན་པས་ཕྲ་རགས་ཀྱི་རྣམ་རྟོག་ཅི་སྐྱེས་ཤར་གྲོལ་རྗེས་མེད་དུ་སྐྱོང་བ་གནད་

― ZP04_Page_748 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན་པས་ན། གློ་བུར་རྣམ་རྟོག་མ་ལུས་པ། དེས་ན་རྣམ་རྟོག་གང་སྐྱེས་པ་ཐམས་ཅད་འོག་འགྱུ་འཁྲུལ་འབྱམས་སུ་མ་སོང་བར་བློས་བྱས་འཇུར་དྲན་མ་ཡིན་པར་རང་བབས་གཉུག་མའི་དྲན་པ་དང་མ་བྲལ་བའི་ངང་ནས། རྣམ་རྟོག་ཅི་ཤར་རང་ངོ་ཤེས་པར་བྱས་ལ། ཤར་གྲོལ་རྗེས་མཐུད་མེད་པའི་ངང་ནས་ཆུ་ལ་རི་མོ་བྲིས་པ་ལྟར་སྐྱོང་དགོས་པས་ན། ངོ་ཤེས་ངང་ལ་རྗེས་མཐུད་མེད། དེའི་ཚེ་རྣམ་རྟོག་རང་གྲོལ་དུ་མ་དག་ན་རྣམ་རྟོག་ངོ་ཤེས་པ་ཙམ་གྱིས་འཁྲུལ་པའི་ལས་རྒྱུན་མི་ཆོད་པས། ངོ་ཤེས་པ་དང་མཉམ་དུ་རང་ངོ་ཅེར་གྱིས་མཐོང་བས་སྔར་འདྲིས་ཀྱི་ཡེ་ཤེས་དེ་ཉིད་ངོས་བཟུང་ནས་ངང་ལ་བཞག་པས་རྣམ་རྟོག་རྗེས་མེད་དུ་དག་པ་ཉིད་གནད་དུ་ཆེ་བས། གྲོལ་བའི་ཆོས་སྐུ་ངོས་བཟུང་བས། དཔེར་ན་ཆུ་ལ་རི་མོ་ད་ལྟར་བྲིས་པ་ད་ལྟར་ཞིག་ནས། འདྲི་བ་དང་ཡལ་བ་དུས་མཉམ་པ་ལྟར། རྣམ་རྟོག་སྐྱེས་པ་དང་གྲོལ་བ་དུས་མཉམ་དུ་སོང་ནས་རང་ཤར་རང་གྲོལ་རྒྱུན་ཆད་མེད་པ་ཡིན་པས། དཔེར་ན་ཆུ་ལ་རི་མོ་བཞིན། དཔེར་ན་ཤར་བ་མི་དགགས་པར་ཇི་ཤར་ཤར་དུ་བཅུག་ལ། གང་ཤར་གཉུག་མའི་ངང་དུ་དག་པའི་ལམ་ཁྱེར་ཉིད་ཉམས་ལེན་གྱི་གནད་དུ་འཛིན་དགོས་པས་ན། རང་ཤར་རང་གྲོལ་རྒྱུན་ཆད་མེད། དེ་ལྟར་རྣམ་རྟོག་ལ་ཆོས་སྐུའི་རྩལ་སྦྱོང་བས་རྟོག་པ་གང་ཤར་རིག་པའི་རྩལ་སྦྱངས་སུ་འཆར་ཞིང༌། དུག་ལྔའི་རྣམ་རྟོག་ཅི་ཙམ་རགས་པར་སྐྱེས་ཀྱང་དེ་ཙམ་གྲོལ་བའི་རིག་པ་གསལ་ངར་དང་ལྡན་པས་ན། ཅི་ཤར་རིག་སྟོང་རྗེན་པའི་ཟས། རྣམ་རྟོག་གང་འགྱུས་ཚད་ཐམས་ཅད་རིག་ངོ་ཟང་ཐལ་གྱི་ངང་ལས་རང་རྩལ་དུ་འཆར་བའི་ཚེ་བླང་དོར་མེད་པར་བསྐྱང་བས། ཤར་དུས་ནས་གྲོལ་བར་སྐྱེས་པས་ཆོས་སྐུའི་

― ZP04_Page_749 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོ་ལངས་ལས་མ་འདས་པས། ཇི་འགྱུ་ཆོས་སྐུ་རྒྱལ་པོའི་རྩལ། སེམས་རྟོག་མ་རིག་འཁྲུལ་གཟུགས་རིག་པ་ཡེ་ཤེས་ཆོས་སྐུའི་ཀློང་དུ་དག་པས་འོད་གསལ་རྒྱུན་ཆད་མེད་པའི་ཀློང་དུ། རྣམ་རྟོག་འགྱུ་བ་གང་སྐྱེས་རང་ངོ་སྟོང་པས་ན། །རྗེས་མེད་རང་དག་ཨ་ལ་ལ། དེ་ལྟ་བུའི་ལམ་ཁྱེར་ལ་རྒྱུན་རིང་བར་སྒོམ་པའི་ཚེ་རྣམ་རྟོག་སྒོམ་དུ་ཤར། གནས་འགྱུའི་བར་ལག་འགྱེལ་ཤར་བས་གནས་པ་ལ་མི་གནོད་པས། འཆར་ལུགས་སྔར་དང་འདྲ་བ་ལས། དེའི་ཚེ་རྩལ་གྱི་རྣམ་རྟོག་དགའ་སྡུག་དང་རེ་དོགས་སུ་འཆར་ཚུལ་ཐ་མལ་པའི་སྐྱེ་བོ་གཞན་དང་འདྲ་ཡང༌། ཐ་མལ་པ་ལ་དགག་སྒྲུབ་ཨ་འཐས་སུ་ཤར་ནས་འདུ་བྱེད་ཀྱི་ལས་གསོགས་ཤིང་ཆགས་སྡང་གི་གཞན་དབང་དུ་འགྱུར་བ་ལྟ་བུ་མ་ཡིན་པར་རྣལ་འབྱོར་པ་ལ་ཤར་དུས་ནས་གྲོལ་བར་སྐྱེས་པས་དང་པོ་རྣམ་རྟོག་ངོ་ཤེས་པས་གྲོལ་བ་སྔར་འདྲིས་ཀྱི་མི་དང་འཕྲད་པ་ལྟ་བུ། བར་དུ་རྣམ་རྟོག་རང་གིས་རང་གྲོལ་བ་སྤྲུལ་གྱི་མདུད་པ་ལྟ་བུ། ཐ་མ་རྣམ་རྟོག་ཕན་མེད་གནོད་མེད་དུ་གྲོལ་བ་ཁང་སྟོང་དུ་རྐུན་མ་ཞུགས་པ་ལྟ་བུ་སོགས་གྲོལ་ལུགས་ཀྱི་གནད་དང་ལྡན་པས་ན། གྲོལ་ལུགས་ཁྱད་པར་གནད་དུ་ཆེ། དེས་ན་ཇི་སྐད་དུ། སྒོམ་པ་ཤེས་ཀྱང་གྲོལ་མ་ཤེས། །བསམ་གཏན་ལྷ་དང་ཅི་མ་འདྲ། །ཞེས་པ་ལྟར། གྲོལ་ལུགས་ཀྱི་གནད་འདི་ལྟ་བུ་དང་མི་ལྡན་པའི་སྒོམ་སེམས་གནས་ཀྱི་བསམ་གཏན་ཙམ་ལ་གདེངས་བཅའ་བ་དག་ཁམས་གོང་མའི་བསམ་གཏན་དུ་གོལ་ལ། གནས་འགྱུ་ངོ་ཤེས་པས་ཆོག་པར་འདོད་པ་རྣམས་ནི་འཁྲུལ་རྟོག་ཐ་མལ་པ་དང་ཁྱད་མེད། སྟོང་ཉིད་དང་ཆོས་སྐུ་ལ་སོགས་བློས་བྱས་ཀྱི་རྒྱས་འདེབས་པ་དག་ཀྱང་རྐྱེན་ངན་དང་འཕྲད་ཚེ་

― ZP04_Page_750 ―

^{[མ་དཔེ་གཟིགས་ན་འདིར་གནོན།]}

[Full Size]

གཉེན་པོའི་རང་མཚང་སྟོན་པས་རང་ཚུགས་མི་ཐུབ་པས་ན། འདི་མེད་སྒོམ་པ་འཁྲུལ་པའི་ལམ། ཤར་གྲོལ་རང་གྲོལ་བརྩེ་གྲོལ་ལ་སོགས་མིང་ཇི་ལྟར་བཏགས་ཀྱང༌། རྣམ་རྟོག་རང་གྲོལ་རྗེས་མེད་དུ་དག་པའི་གྲོལ་ཚུལ་འདི་རང་གྲོལ་མངོན་སུམ་དུ་སྟོན་པའི་གནད་དུ་གཅིག་པ་རང་བཞིན་རྫོགས་པ་ཆེན་པོའི་ཁྱད་ཆོས་ཐུན་མོང་མ་ཡིན་པ་ཡིན་པས་དེ་ལྟ་བུའི་གནད་དང་ལྡན་ན། ཉོན་མོངས་དང་རྣམ་རྟོག་གང་སྐྱེས་ཆོས་སྐུར་ལྷོང་ནས་འཁྲུལ་རྟོག་ཡེ་ཤེས་སུ་དག་རྐྱེན་ངན་གྲོགས་སུ་འཆར། ཉོན་མོངས་ལམ་དུ་བྱེད། །འཁོར་བ་མ་སྤངས་པར་གནས་སུ་དག་ནས། སྲིད་ཞིའི་འཆིང་བ་ལས་གྲོལ་ཏེ། བྱར་མེད་རྩོལ་སྒྲུབ་དང་བྲལ་བའི་ངང་དུ་ལ་ཟླ་བས་ན། འདི་ལྡན་མ་སྒོམ་ཆོས་སྐུའི་ངང༌། དེ་ལྟ་བུའི་གྲོལ་ལུགས་ཀྱི་གདེངས་འདི་མེད་ན། ལྟ་བ་མཐོ་མཐོ་དང༌། སྒོམ་པ་ཟབ་ཟབ་ཇི་ལྟ་བུ་རྒྱུད་ན་ཡོད་པར་རློམས་ཀྱང༌། །སེམས་ལ་མི་ཕན། ཉོན་མོངས་པའི་གཉེན་པོར་མི་འགྲོ་བས་ཡང་དག་པའི་ལམ་མ་ཡིན་ལ། རང་ཤར་རང་གྲོལ་གྱི་གནད་འདི་དང་ལྡན་ན། ལྟ་བ་མཐོ་མཐོའི་འཛིན་སྟངས་དང༌། སྒོམ་པ་ཟབ་ཟབ་ཀྱི་གཏད་སོ་རྡུལ་ཕྲ་རབ་ཙམ་ཡང་མེད་ཀྱང༌། རང་རྒྱུད་གཉིས་འཛིན་གྱི་འཆིང་བ་ལས་གྲོལ་བར་མི་འགྱུར་མི་སྲིད་ཅིང༌། གསེར་གླིང་དུ་ཕྱིན་དུས་ས་རྡོ་ཕལ་པ་བཙལ་ཀྱང་མི་རྙེད་པ་ལྟར་གནས་འགྱུ་དང༌། རྣམ་རྟོག་གང་སྐྱེས་སྒོམ་དུ་ཤར་ནས། འཁྲུལ་བར་རང་མཚན་པ་བཙལ་ཀྱང་མི་རྙེད་པར་འགྱུར་བས་ན། འདི་ཁོ་ན་ཉམས་ལེན་གནད་དུ་འགྲོ་མི་འགྲོའི་ཤན་འབྱེད་པའི་གནམ་ཐིག་ལྟ་བུ་ཡིན་པས། གདེངས་གྲོལ་ཐོག་ཏུ་བཅའ་བ་སྟེ་གནད་གསུམ་པའོ།། །།དེ་ལྟ་

― ZP04_Page_751 ―

^{[མ་དཔེ་གཟིགས་ན་འདིར་གནོན།]}

[Full Size]

བུའི་གནད་གསུམ་པོ་འདི་ནི་རང་བཞིན་རྫོགས་པ་ཆེན་པོའི་ལྟ་སྒོམ་སྤྱོད་འབྲས་བཞི་ཀ་རིག་པ་ཟང་ཐལ་གྱི་ངང་དུ་ཆིག་ཆོད་དུ་ཁྱེར་བའི་གནད་མ་ནོར་བ་དེ་ཡིན་པས་སྒོམ་པ་དང་སྤྱོད་པའི་མན་ངག་ཀྱང་ཡིན་མོད། །འོན་ཀྱང་གཞུང་ལུགས་པ་སྤྱིའི་ཆོས་སྐད་ལྟར་ན་ཤེས་བྱའི་བློ་ཡུལ་ལ་ལུང་རིག་གཏན་ཚིག་གིས་གཞལ་ནས་གཏན་ལ་འབེབས་པ་ལྟར་འདིར་མི་འདོད་པས་མངོན་སུམ་རྗེན་པའི་ཡེ་ཤེས་དེ་ཉིད་ན་མ་རྟོགས་ཀྱང་རིག་པ་ཡེ་ཤེས་ཀྱི་ལྟ་བ་ཡིན་ལ། ལྟ་སྒོམ་དུ་མ་རོ་གཅིག་ཡིན་པས་གནད་གསུམ་ཀ་ལྟ་བའི་ཉམས་ལེན་དུ་བཤད་ཀྱང་མི་འགལ་བས། གནད་གསུམ་ལྡན་པའི་ལྟ་བ་ལ། དེ་ལྟ་བུའི་ཉམས་ལེན་འདི་ནི་རང་བཞིན་རྫོགས་པ་ཆེན་པོའི་ཀ་དག་གི་ལམ་གནད་མ་ནོར་བ་ཐེག་པ་རིམ་དགུའི་རྩེ་མོར་གྱུར་པ་དེ་ཉིད་ཡིན་པས། རྒྱལ་པོ་འབྱོན་པ་ན་འཁོར་དཔུང་མེད་པ་མི་སྲིད་པ་བཞིན་དུ་ཐེག་པ་ཐམས་ཅད་ཀྱི་ལམ་གནད་འདིའི་ལམ་སྟེགས་སམ་གྲོགས་སུ་འགྲོ་བ་དང༌། དེར་མ་ཟད་ཀ་དག་རིག་པ་ཤེས་རབ་རང་བྱུང་གི་སྒྲོན་མེའི་རང་ཞལ་མཇལ་བའི་ཚེ་དེའི་རྩལ་སྒོམ་བྱུང་གི་ཤེས་རབ་ཏུ་འབར་ནས་མཁྱེན་པའི་ཀློང་དབྱར་གྱི་ཆུ་བོ་རྡོལ་བ་ལྟར་དང༌། སྟོང་ཉིད་ཀྱི་གཤིས་སྙིང་རྗེ་ཆེན་པོར་ཤར་ནས་བརྩེ་བའི་ཐུགས་རྗེ་རིས་མེད་པར་འཇུག་པ་ནི་ཆོས་ཉིད་ཡིན་པས་ན། མཁྱེན་བརྩེ་འབྲེལ་བའི་སྒོམ་པ་དང༌། དེ་ལྟར་སྟོང་ཉིད་སྙིང་རྗེ་ཟུང་དུ་འཇུག་པའི་ལམ་གནད་མངོན་དུ་གྱུར་བའི་ཚེ་ལམ་ཕ་རོལ་ཕྱིན་དྲུག་གིས་བསྡུས་པའི་རྒྱལ་བའི་སྲས་ཀྱི་སྤྱོད་པ་རྒྱ་མཚོ་ལྟ་བུ་ཉི་མ་དང་འོད་ཟེར་ལྟར་རང་རྩལ་དུ་འཆར་ལ། དེ་ལྟ་བུའི་སྤྱོད་པ་བསོད་ནམས་ཀྱི་ཚོགས་དང་

― ZP04_Page_752 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲེལ་བས་ཅི་བྱེད་གཞན་དོན་དུ་འགྱུར་ཞིང་ཡང་དག་པའི་ལྟ་བ་ཞི་བདེར་མི་གོལ་བའི་གྲོགས་སུ་འགྱུར་བས་ན། རྒྱལ་སྲས་སྤྱི་ཡི་སྤྱོད་པ་གྲོགས། དེ་ལྟ་བུའི་ལྟ་སྒོམ་སྤྱོད་གསུམ་འདི་བྱོན་བཞུགས་འབྱོན་འགྱུར་གྱི་རྒྱལ་བ་ཀུན་གྱི་དགོངས་པའི་མཐིལ་ཡིན་པས། དུས་གསུམ་རྒྱལ་བའི་ཞལ་བསྡུར་ཀྱང༌། ཐེག་པ་ཐམས་ཅད་ཀྱི་རྩེ་རྒྱལ་སྙིང་ཐིག་རྡོ་རྗེ་སྙིང་པོའི་ལམ་གནད་འབྲས་བུའི་ཐུས་ཀ་འདི་ལས་ལྷག་པ་མེད་པས། འདི་ལས་ལྷག་པའི་གདམས་ངག་མེད། གདམས་ངག་འདིའི་བརྗོད་བྱའི་དོན་ནི་བརྒྱུད་པའི་མན་ངག་གི་སྙིང་ཁུར་ངེས་ཀྱང༌། རྗོད་བྱེད་ཀྱི་ཚིག་ཉུང་ངུ་འདི་ཙམ་གྱི་སྡེབ་སྦྱོར་ཡང་རིག་པའི་རྩལ་ལས་འཆར་དགོས་པས་ན། རིག་རྩལ་ཆོས་སྐུའི་གཏེར་སྟོན་གྱིས། དེ་དག་གི་དོན་རྣམས་སྒོམ་པའི་ཤེས་རབ་ཀྱིས་ཉམས་སུ་མྱོང་བ་ཙམ་མེད་ཀྱང༌། བླ་མ་དམ་པའི་ཞལ་ལུང་ནོར་བ་མེད་པ་ལས། ཐོས་པའི་ཤེས་རབ་ཀྱིས་སྒྲོ་འདོགས་ལེགས་པར་བཅད་དེ། བསམ་པའི་ཤེས་རབ་ཀྱིས་གཏན་ལ་ཕབ་ནས་བཀོད་པ་ཡིན་པས་ན། ཤེས་རབ་ཀློང་ནས་གཏེར་དུ་བླངས། འཇིག་རྟེན་གྱི་གཏེར་ཕལ་པ་འཕྲལ་ཀྱི་དབུལ་བ་སེལ་བ་ཙམ་དང་མི་འདྲ་བས། ས་རྡོའི་བཅུད་དང་འདི་མི་འདྲ། ལྟ་བའི་གནད་གསུམ་པོ་འདི་ཚིག་གསུམ་གནད་དུ་བརྡེག་པ་ཞེས་སྤྲུལ་པའི་སྐུ་དགའ་རབ་རྡོ་རྗེ་མྱ་ངན་ལས་འདའ་བའི་ཚེ་ནམ་མཁའ་འོད་ཕུང་གི་དཀྱིལ་ནས་སློབ་དཔོན་འཇམ་དཔལ་བཤེས་གཉེན་ལ་གནང་སྟེ་དགོངས་པ་དབྱེར་མེད་དུ་གྱུར་བའི་མན་ངག་ཡང་དག་ཡིན་པས་ན། དགའ་རབ་རྡོ་རྗེའི་ཞལ་ཆེམས་ཡིན། དེ་ལྟ་བུའི་གདམས་ངག་གི་དོན་གནད་དུ་འབྱོར་བ་ཀུན་མཁྱེན་ཆོས་ཀྱི་རྒྱལ་པོ་སྐུ་ཚེ་དེ་ཉིད་ལ་ཀ་དག་ཆོས་ཟད་ཀྱི་དགོངས་པ་མངོན་དུ་གྱུར་ནས་མངོན་པར་རྫོགས་པར་སངས་

― ZP04_Page_753 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས་ཏེ། དེས་རིག་འཛིན་འཇིགས་མེད་གླིང་པ་ལ་ཡེ་ཤེས་ཀྱི་སྐུ་མངོན་དུ་བསྟན་ནས་རིག་འཛིན་བརྡའ་བརྒྱུད་ཀྱི་ཚུལ་དུ་བྱིན་གྱིས་བརླབ། དེས་ཁོ་བོ་ཅག་གི་དྲིན་ཆེན་རྩ་བའི་བླ་མ་ལ་ཞལ་ནས་སྙན་དུ་བརྒྱུད་དེ་གདམས་ངག་གི་ངོ་སྤྲོད་བཏབ་ནས་ཆོས་ཉིད་མངོན་སུམ་དུ་མཇལ་ཏེ། འགྲོ་བའི་དཔལ་མགོན་དུ་བཞུགས་པ་ལས་ཐོས་པའི་གདམས་ངག་ཡིན་པས་ན། བརྒྱུད་པ་གསུམ་གྱི་ཐུགས་བཅུད་ཡིན། འདི་ལྟ་བུའི་མན་ངག་གསེར་གྱི་ཡང་ཞུན། སྙིང་གི་ཐིག་ལེ་ལྟ་བུ་འདི་ཉམས་སུ་མི་ལེན་པའི་གང་ཟག་ལ་བསྟན་དུ་འཕང་ཞིང༌། གདམས་ངག་སྲོག་ལྟར་བཙའ་ཞིང༌། གནད་དོན་ཉམས་སུ་བླང་ནས་ཚེ་གཅིག་གིས་སངས་རྒྱས་བསྒྲུབ་པའི་གང་ཟག་ལ་མི་བསྟན་དུ་འཕང་བས་ན། །སྙིང་གི་བུ་ལ་གཏད་དོ་རྒྱ། །ཟབ་དོན་ཡིན་ནོ་སྙིང་གི་གཏམ། །སྙིང་གཏམ་ཡིན་ན་དོན་གྱི་གནད། །དོན་གནད་ཡལ་བར་མ་དོར་ཅིག །གདམས་ངག་ཟགས་སུ་མ་འཇུག་ཅིག །མཁས་པ་ཤྲཱི་རྒྱལ་པོའི་ཁྱད་ཆོས་ཅུང་ཟད་བཀྲལ་བ་རེ་ཞིག་རྫོགས་སོ།། །།དགེའོ། །

གཅོད་ཡུལ་མཁའ་འགྲོའི་གད་རྒྱངས་ཀྱི་མན་ངག་ཟབ་མོ།

― ZP04_Page_755 ―

^{[མ་དཔེ་གཟིགས་ན་འདིར་གནོན།]}

[Full Size]

གཅོད་ཡུལ་མཁའ་འགྲོའི་གད་རྒྱངས་ཀྱི་མན་ངག་ཟབ་མོ་བཞུགས་སོ།། །།

― ZP04_Page_756 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་རྣོན་པོ་རལ་གྲི་ཆེ། །ཡི་གེ་མཆོག་སྟེ་རྣམ་པར་དག །ཐེག་པ་ཆེན་པོ་སྡུག་བསྔལ་གཅོད། །མཚོན་ཆ་ཆེན་པོ་ཕཊཿལ་འདུད། །ཕ་རོལ་ཕྱིན་པ་ཀུན་རྫོགས་པ། །ས་རྣམས་ཀུན་གྱི་རྒྱན་དང་ལྡན། །རྣམ་པར་དག་པ་བདག་མེད་ཆོས། །ཟབ་དོན་གཅོད་ཀྱི་ཉམས་ལེན་བྲི། །དེ་ལ་ཟབ་དོན་གྱི་གདམས་པ་ཉམས་སུ་ལེན་པའི་སྐབས་སུ་སྔོན་འགྲོའི་སྦྱངས་པ་རྣམས་དང་དངོས་གཞི་ཡུམ་དོན་ངོ་སྤྲོད་པ། བདུད་བཞི་དབྱིངས་སུ་གཅོད་པ་སོགས་ཉམས་ལེན་གནད་དུ་ཁྲེལ་ཞིང༌། རྗེས་བོགས་འདོན་སྤྱོད་པས་ལ་ཟླ་བའི་ཆེད་དུ་གཉན་སར་འགྲོ་བའི་ཚེ། ཟིལ་གནོན་དམིགས་པ་སྐོར་གསུམ་དང༌། ཉམས་ལེན་ཕུང་པོ་ཟན་བསྐྱུར་རྣམས་གཅོད་ཡུལ་མཁའ་འགྲོའི་གད་རྒྱངས་ལྟར་བྱ་བ་ལ། དང་པོ་སྔ་གནོན་གྱི་དམིགས་པ་ནི། ཕཊཿཅེས་བརྗོད་པས་རང་གི་ཐུགས་

― ZP04_Page_757 ―

^{[མ་དཔེ་གཟིགས་ན་འདིར་གནོན།]}

[Full Size]

ཀ་ནས་གནམ་ལྕགས་ཀྱི་རྡོ་རྗེ་རྩེ་དགུ་པ་སྲ་ཞིང་བརྟན་པ། ལྕི་ཞིང་འཐས་པ་འོད་ཟེར་དང་མེ་དཔུང་གི་ཚྭ་ཚྭ་འཕྲོ་བ་ཞིག་གང་དམིགས་པའི་གཉན་ས་དེར་དཔག་ཆེན་གྱིས་མདའ་འཕངས་པ་ལྟར་སོང་སྟེ་གནམ་ལྕགས་ཀྱི་ཐོག་ལྷུང་བ་ལྟར་བབས་ནས་འོད་དང་འོད་ཟེར་དུ་འཕྲོ་ཞིང་མེ་དཔུང་གི་ཚྭ་ཚྭ་ཐོ་རོ་རོ་འཕྲོས་པས་ས་དེ་ན་གནས་པའི་ལྷ་འདྲེ་སྡེ་དང་དཔུང་དུ་བཅས་པ་ཐམས་ཅད་འཕྲོས་ཤིང་འཁྱར་པའི་དབང་མེད་པར་དཔའ་ཟིལ་ང་རྒྱལ་ཆག །སྙེམས་པའི་སྟངས་ཤོར་ནས་ཟིལ་ཆུ་མ་གྱིས་གནས་པར་བསམ། དེ་ནས་འགྲོ་བའི་ཚེ། ཕོ་ཚོད་ལྷ་འདྲེར་བརྙས་སེམས་དང༌། ཆོས་བརྒྱད་བསམ་པས་མ་ཡིན་པར། །ཞེས་པ་ལྟར། བདག་མེད་གནས་ལུགས་རྟོགས་པའི་ལྟ་བའི་གདིང་དང༌། འབྲེལ་ཚད་ཐར་ལམ་ལ་འགོད་པའི་ལྷ་འདྲེའི་འགྲོ་དོན་བྱེད་སྙམ་པའི་སྙིང་

― ZP04_Page_758 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་བྱང་ཆུབ་སེམས་ཀྱི་ཤུགས་དང་ལྡན་པས་འགྲོ། །གཉན་སར་ཕྱིན་ནས། །བར་གནོན་གྱི་དམིགས་པ་ནི། ཕཊཿ ཅེས་བརྗོད་པས་རང་ཉིད་སྐད་ཅིག་གིས་གསང་བ་ཡེ་ཤེས་ཀྱི་མཁའ་འགྲོ་བདེ་ཆེན་རྡོ་རྗེ་རྣལ་འབྱོར་མ། ཐུགས་སྙིང་རྗེ་ཆེན་པོས་སེམས་ཅན་ལ་རྗེས་སུ་ཆགས་ཤིང༌། ཁམས་གསུམ་དབང་དུ་སྡུད་པའི་བརྡར་སྐུ་མདོག་དམར་མོ་དུས་མཐའི་མེའི་འོད་ཟེར་ལྟར་འབར་བ། ཐུགས་བདེ་བ་ཆེན་པོའི་ཡེ་ཤེས་ཀྱི་ཀློང་དུ་དུག་གསུམ་དབྱིངས་སུ་དག་ཅིང་སྲིད་གསུམ་ཟིལ་གྱིས་གནོན་པའི་བརྡར་ཉི་མ་འབུམ་ལྟར་གཟི་བརྗིད་འབར་ཞིང་ཁྲོ་བའི་ཉམས་དང་ལྡན་པ། ཆེས་ཕྲ་ཡིད་ཀྱི་བག་ཆགས་དབྱིངས་སུ་དག་ཅིང༌། ཐུགས་མི་ཟད་པ་རྒྱན་གྱི་འཁོར་ལོ་ལ་མངའ་དབང་འབྱོར་པས་སྐུ་སྟོད་གཟུགས་མེད་སྲིད་པའི་རྩེ་ན་བརྗིད་པ། ཕྲ་བ་ངག་གི་བག་ཆགས་དབྱིངས་སུ་དག་ཅིང་གསུང་མི་ཟད་རྒྱན་གྱི་འཁོར་ལོ་ལ་མངའ་དབང་འབྱོར་པས་སྐུ་སྐེད་གཟུགས་ཀྱི་ཁམས་ན་འགྱིང་བ། རགས་པ་ལུས་ཀྱི་བག་ཆགས་དབྱིངས་སུ་དག་ཅིང་སྐུ་མི་ཟད་པ་རྒྱན་གྱི་འཁོར་ལོ་ལ་མངའ་དབང་འབྱོར་པས་སྐུ་སྨད་འདོད་ཁམས་ཀྱི་གནས་སུ་རོལ་པ། བདེ་ཆེན་སྒྱུ་མའི་གར་གྱིས་སྲིད་གསུམ་ཕྱག་རྒྱས་འགེངས་པའི་རྡོ་རྗེའི་གར་སྟབས་བསྒྱུར་བ། འགྱུར་མེད་ཆོས་སྐུའི་ཀློང་དུ་འཁོར་འདས་ཐིག་ལེ་ཉག་གཅིག་ཏུ་རྫོགས་པས་ཞལ་གཅིག་པ། ཤེས་པས་སྲིད་ལ་མི་གནས་ཤིང༌། སྲིད་མཐའི་འཁྲུལ་པ་གཅོད་པའི་

― ZP04_Page_759 ―

^{[མ་དཔེ་གཟིགས་ན་འདིར་གནོན།]}

[Full Size]

བརྡར་གནག་སྣུམ་དབུ་སྐྲའི་ཐོར་ཅོག་བཅིངས་པ། སྙིང་རྗེས་ཞི་མཐར་མི་གནས་ཤིང་ཞི་མཐར་ཞེན་པ་དགག་པའི་བརྡར་རལ་པའི་ཟུར་ཕུད་ཐུར་དུ་འཕྱང་བས་སྐུ་རྒྱབ་ཁེབ་པ། སྐུ་གསུམ་ལྷུན་གྱིས་གྲུབ་ཅིང་ཐུགས་རྗེས་འགྲོ་ལ་གཟིགས་པའི་ཕྱིར་དམར་ལ་ཟླུམ་པའི་སྤྱན་གསུམ་རྒྱས་པ། ཚད་མེད་རྣམ་བཞིས་འགྲོ་དོན་མཛད་ཅིང་རྣམ་པ་བཞིའི་རྣམ་རྒྱུན་འཆས་པའི་ཕྱིར་མཆེ་བ་བཞི་རྣོ་ངར་དུ་གཙིགས་པ། ཚངས་པའི་དབྱངས་ཀྱི་ཡན་ལག་རྫོགས་ཤིང་འཁྲུལ་སྣང་གདོན་གྱི་མགོ་བོ་འགེམ་པས་གློག་དམར་ལྟ་བུའི་ལྗགས་བརྐྱངས་ཤིང་ཕཊ་དང་ཕེཾ་གྱི་སྒྲ་སྒྲོག་པ། ཐབས་དང་ཤེས་རབ་འདུ་འབྲལ་མེད་ཅིང་ཟུང་འཇུག་རྡོ་རྗེའི་ལམ་གྱིས་འཁོར་འདས་དབྱེར་མེད་དུ་སྦྱོར་བའི་ཕྱིར་ཕྱག་གཉིས་པ། སྙིང་རྗེ་ཆེན་པོས་བརླན་ཞིང་བསྡུ་བཞིའི་ཕྲིན་ལས་རྫོགས་པའི་བརྡར་ཕྱག་གཡས་ཁྲག་གིས་གོས་པའི་མི་ལྤགས་ཀྱི་གཡང་གཞི་དམར་ལྷབ་ལྷབ་ཏུ་བརྡེབ་པས་ལྷ་འདྲེ་མི་གསུམ་དབང་དུ་སྡུད་ཅིང་བྲན་དུ་བཀོལ་བར་བྱེད་པ། ཤེས་རབ་སྟོང་ཉིད་ཆོས་ཀྱི་རང་སྒྲས་སྐྱེ་རྒུའི་མ་རིག་གཉིད་ལས་སློང་བའི་བརྡར་ཕྱག་གཡོན་མི་རྐང་གི་གླིང་བུ་དྲག་ཏུ་འབུད་པས་འཇིག་རྟེན་གྱི་དྲེགས་བྱེད་ཟིལ་གྱིས་གནོན་ཅིང་ང་རྒྱལ་འཇོམས་པ། དུག་ལྔ་ལམ་དུ་བྱེད་ཅིང་ཕུང་པོ་ལྔ་དབྱིངས་སུ་དག་སྟེ་སྐུ་ལྔས་འགྲོ་དོན་མཛད་ལ་རིགས་ལྔའི་དབང་བསྐུར་རྫོགས་པས་ཐོད་པ་སྐམ་པོ་ལྔས་དབུ་བརྒྱན་པ། ཤེས་རབ་ཡུམ་གྱི་སྐུ་ལ་ཐབས་ཆེན་སྤྱོད་པའི་ཕྱོགས་ཀྱི་ཕ་རོལ་ཕྱིན་པ་ལྔ་འདུ་འབྲལ་

― ZP04_Page_760 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་པའི་བརྡར་རུས་པའི་ཕྱག་རྒྱ་ལྔས་བརྒྱན་པ། ཀློང་དགུའི་དབྱིངས་ལ་རོལ་ཞིང་ས་དགུའི་བག་ཆགས་དག་ནས་ཀུན་སྦྱོར་འཆིང་བ་གཅོད་པས་གར་དགུའི་ཉམས་ཀྱིས་སྒེག་པ། ཚོགས་གཉིས་ཟུང་དུ་འཇུག་ཅིང་སྲིད་ཞིའི་ཡུལ་ལས་འདས་པ་དོན་གཉིས་ལྷུན་གྱིས་གྲུབ་པའི་ཕྱིར་ཞབས་གཉིས་གར་སྟབས་ཀྱིས་རོལ་པའོ། །དེའི་སྟེང་གི་ནམ་མཁར་གཅོད་ཡུལ་བརྒྱུད་པའི་བླ་མ་ཐམས་ཅད་སྐུ་རྡོ་རྗེའི་གར་སྟབས་བསྒྱུར་བ། གསུང་ཚངས་དབྱངས་ཀྱི་མགུར་གླུ་སྒྲོག་པ། ཐུགས་བདེ་ཆེན་གྱི་ཉམས་སྣང་འུར་བ། འཇའ་དང་འོད་ཕུང་གི་ཀློང་ན་བྱིན་འཐིབས་སེ། འོད་སྤུངས་སེ། བང༌། དྲོ་ཚིལ་ལེར་བཞུགས་པ། བར་གྱི་ནམ་མཁའ་ལ་ཡི་དམ་རྒྱུད་སྡེ་བཞི་དྲུག་གི་ལྷ་ཚོགས་མེ་རི་མེ་དཔུང་འཇའ་དང་འོད་ཕུང་གི་ཀློང་ན་སྐུ་སྣ་ཚོགས་ཀྱི་ཕྱག་རྒྱ་བསྒྱུར་བ། གསུང་དགྱེས་པའི་གད་མོ་སྒྲོག་པ། ཐུགས་སྙིང་རྗེ་ཆེན་པོའི་དགོངས་པ་ལ་རོལ་པ། ཞི་བ་རྣམས་ཚུལ་དགུའི་ཉམས་ཀྱིས་སྒེག་ཅིང༌། ཁྲོ་བོ་རྣམས་གར་དགུའི་སྟབས་ཀྱིས་རོལ་པ། རང་གི་འཁོར་དུ་གནས་ཡུལ་དུར་ཁྲོད་ཀྱི་ཞིང་སྐྱོང་གི་མཁའ་འགྲོ། དཀར་མོ་མཛེས་འཛུམ་སྐུའི་ཌཱ་ཀི་འབུམ་སྡེ། དམར་མོ་རྗེས་ཆགས་གསུང་གི་ཌཱ་ཀི་འབུམ་སྡེ། སྔོན་མོ་གར་བསྒྱུར་ཐུགས་ཀྱི་ཌཱ་ཀི་འབུམ་སྡེ། སེར་མོ་སྒེག་འཚང་ཡོན་ཏན་གྱི་ཌཱ་ཀི་འབུམ་སྡེ། ལྗང་མོ་ཁྲོ་གཏུམ་ཕྱིན་ལས་ཀྱི་ཌཱ་ཀི་འབུམ་སྡེ། ཐམས་ཅད་ཀྱང་ལ་ལ་གཞོན་ཉམས་ལང་ཚོས་སྒེག་ཅིང༌། གནག་སྣུམ་དབུ་སྐྲའི་ཟར་བུ་གཡོ་བ་ཐོར་ཚུགས་རུས་

― ZP04_Page_761 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱན་དྲིལ་གསེལ་འཁྲོལ་ཞིང་སྣ་ཚོགས་དར་གྱི་ཅོད་པན་འཕུར་བ། ལ་ལ་བགྲེས་ཉམས་གཟི་བརྗིད་རྔམས་ཤིང་དབུ་སྐྲ་སེར་པོ་ལྟག་པར་བཅིངས་པ། སྣུམ་དང་ཁྲག་གི་ཐིག་ལེས་བརྒྱན་ཅིང་རོ་ཆས་རྙིང་པའི་ན་བཟའ་གསོལ་བ། ཁ་ན་སོ་མེད་ཧ་ཧ་རྒོད་ཅིང་རྐང་བ་གར་སྟབས་འཁྲོལ་ཞིང་འགྲོ་བ། ལ་ལ་ཞི་བའི་འཛུམ་མདངས་གསལ་བ། ལ་ལ་ཁྲོ་བའི་གར་དགུ་ངོམ་པ། ལ་ལ་ཞི་ཁྲོ་བའི་གར་དགུ་ངོམ་པ། ལ་ལ་ཞི་ཁྲོ་ཕྱེད་པའི་ཉམས་ཅན། རྣམ་རྟོག་དབྱིངས་སུ་གསོད་པས་ལ་ལ་གསོད་བྱེད་ཀྱི་ཤན་པ་ལྟར་སྟོན་པ། བག་ཆགས་ཀྱི་དྲི་མ་འཁྲུད་པས་ལ་ལ་དག་བྱེད་ཀྱི་ཁྲུས་མཁན་ལྟར་སྟོན་པ། ཉོན་མོངས་ཡེ་ཤེས་སུ་བསྒྱུར་བས་ལ་ལ་སྒྱུར་བྱེད་ཚོས་མཁན་ལྟར་སྟོན་པ། ཏིང་འཛིན་ཉམས་ཀྱིས་འཚོ་བས་ལ་ལ་འཚོ་བྱེད་གཡོས་མཁན་ལྟར་སྟོན་པ། འགྲོ་དྲུག་རྗེས་སུ་འཛིན་པས་ལ་ལ་སླུ་བྱེད་དག་ཡེམ་མཁན་ལྟར་སྟོན་པ། དེ་དག་ཐམས་ཅད་ཀྱང་རིག་སྟོང་ལྟ་བའི་ཀློང་དུ་ཆོས་སྐུ་དབྱིངས་ཀྱི་མཁའ་འགྲོ་རྫོགས་པ། འཛིན་མེད་སྒོམ་པའི་ཀློང་དུ་ལོངས་སྐུ་ཡེ་ཤེས་ཀྱི་མཁའ་འགྲོ་བཞུགས་པ། ཞེན་མེད་སྤྱོད་པའི་ཀློང་དུ་སྤྲུལ་སྐུ་ལས་ཀྱི་མཁའ་འགྲོ་ལྟར་སྟོན་པ། ཆགས་མེད་འབྲས་བུ་རྫོགས་པའི་ཤ་ཟ་འཇིག་རྟེན་གྱི་མཁའ་འགྲོ་ཐམས་ཅད་བྲན་དུ་ཁོལ་བ། དེ་དག་གི་མཐའ་བསྐོར་དུ་ཡེ་ཤེས་དང་ལས་ལས་གྲུབ་པའི་ཆོས་སྐྱོང་སྲུང་མ་ཐམས་ཅད་སྐུ་མདོག་དང་ཞལ་ཕྱག་གི་རྣམ་འགྱུར་མ་ངེས་ཤིང༌། ཞི་ཁྲོའི་ཉམས་སྣ་ཚོགས་སུ་གསལ་བ། ཐམས་

― ZP04_Page_762 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་ཀྱང་སྐུ་བྲོ་དང་གར་གྱི་རྣམ་འགྱུར་ངོམས་ཤིང༌། གསུང་ཧཱུྃ་གི་གླུ་དང་ཕཊཿཀྱི་སྒྲ་སྒྲོག་པ། དེ་ལྟར་གཙོ་དང་འཁོར་དུ་བཅས་པ་ཐམས་ཅད་ཀྱང་ཐུགས་བརྟུལ་ཞུགས་སྤྱོད་པའི་ཉམས་དང་ལྡན་པའི་སྒོ་ནས་འཁོར་འདས་དབྱེར་མེད་བརྡལ་ཞིང་གཉིས་འཛིན་འཁོར་བའི་རྣམ་རྟོག་གཞོམ་པའི་ཆེད་དུ། ཤར་ཕྱོགས་བྱམས་པ་ཆེན་པོའི་རང་བཞིན་འཇའ་འོད་དཀར་གསལ་གྱི་བྲོ་ར་ལུས་འཕགས་གླིང་གི་རྣམ་པར་གནས་པའི་དབུས་སུ་ཞེ་སྡང་ཁྲོ་གཏུམ་གྱི་རྟོག་པ་ཐམས་ཅད་ཕོ་གདོན་རྒྱལ་པོའི་རྣམ་པར་ཁ་སྦུབས་སུ་བསྒྱེལ་བའི་སྟེང་དུ་ཞི་བའི་བྲོ་ར་ཟླུམ་འཁྱིལ་དུ་བཅས་ནས་བྲོ་བརྡུངས་པས་ཞེ་སྡང་མེ་ལོང་ཡེ་ཤེས་སུ་དག་སྟེ། རིག་རྩལ་བྱམས་པ་ཆེན་པོའི་ཏིང་འཛིན་དུ་ཤར། ལྷོ་ཕྱོགས་སྙིང་རྗེ་ཆེན་པོའི་རང་བཞིན་འཇའ་འོད་མཐིང་གསལ་གྱི་བྲོ་ར་འཛམ་བུའི་གླིང་གི་རྣམ་པར་གནས་པའི་དབུས་སུ་ང་རྒྱལ་ཁེངས་དྲེགས་ཀྱི་རྟོག་པ་ཐམས་ཅད་གསོད་བྱེད་གཤིན་རྗེའི་གདོན་ཚོགས་ཀྱི་རྣམ་པར་ཁ་སྦུབས་སུ་བསྒྱེལ་བའི་སྟེང་དུ། རྒྱས་པའི་བྲོ་ར་གྲུ་བཞིར་བཅས་ནས་བྲོ་བརྡུངས་པས་ང་རྒྱལ་མཉམ་ཉིད་ཡེ་ཤེས་སུ་དག་སྟེ། རིག་རྩལ་སྙིང་རྗེ་ཆེན་པོའི་རྣམ་པར་ཤར། ནུབ་ཕྱོགས་དགའ་བ་ཆེན་པོའི་རང་བཞིན་འཇའ་འོད་དམར་གསལ་གྱི་བྲོ་ར་བ་ལང་སྤྱོད་ཀྱི་རྣམ་པར་གནས་པའི་དབུས་སུ་འདོད་ཆགས་ཞེན་པའི་རྟོག་པ་ཐམས་ཅད་མོ་གདོན་སྲིན་མོའི་རྣམ་པར་གན་རྐྱལ་དུ་བསྒྱེལ་བའི་སྟེང་དུ་དབང་གི་བྲོ་ར་ཟླ་གམ་དུ་བཅས་ནས་བྲོ་བརྡུངས་པས་འདོད་ཆགས་སོར་རྟོག་ཡེ་ཤེས་སུ་དག་སྟེ།

― ZP04_Page_763 ―

^{[མ་དཔེ་གཟིགས་ན་འདིར་གནོན།]}

[Full Size]

རིག་རྩལ་དགའ་བ་ཆེན་པོའི་ཏིང་འཛིན་དུ་ཤར། བྱང་ཕྱོགས་བཏང་སྙོམས་ཆེན་པོའི་རང་བཞིན་འཇའ་འོད་སེར་གསལ་གྱི་བྲོ་ར་སྒྲ་མི་སྙན་གྱི་རྣམ་པར་གནས་པའི་དབུས་སུ་ཕྲག་དོག་གདུག་པའི་རྟོག་པ་ཐམས་ཅད་སླུ་བྱེད་དམ་སྲིའི་གདོན་གྱི་རྣམ་པར་གན་རྐྱལ་དུ་བསྒྱེལ་བའི་སྟེང་དུ་དྲག་པོའི་བྲོ་ར་གྲུ་གསུམ་དུ་བཅས་ནས་བྲོ་བརྡུངས་པས་ཕྲག་དོག་བྱ་གྲུབ་ཡེ་ཤེས་སུ་དག་སྟེ། རིག་རྩལ་བཏང་སྙོམས་ཆེན་པོའི་ཏིང་འཛིན་དུ་ཤར། དབུས་ཕྱོགས་བྱང་ཆུབ་སེམས་ཀྱི་རང་བཞིན་གྱི་བྲོ་ར་གཞི་ཚད་མེད་བཞིའི་རང་འོད་གསལ་ཞིང་བསྡུ་དངོས་བཞིའི་བང་རིམ་བཀྲ་ལ་ཕར་ཕྱིན་དྲུག་གི་ཁ་ཁྱེར་ཡངས་པའི་རི་རྒྱལ་ལྷུན་པོའི་རྣམ་པར་གནས་པའི་སྟེང་དུ་གཏི་མུག་རྨོངས་པས་བསྐྱེད་པའི་ཀུན་རྟོག་འཁྲུལ་པའི་སྣང་བ་ཅི་སྙེད་ཅིག་ཡོད་པ་ཐམས་ཅད་ཤི་འདྲེ་གསོན་འདྲེ་ཡུལ་འདྲེ་འཁྱམས་པོ་གནས་གདོན་ལུས་གདོན་སོགས་སྣང་སྲིད་ལྷ་འདྲེའི་རྣམ་པར་གཅལ་དུ་བཀྲམ་པའི་སྟེང་དུ་ཆོས་ཀྱི་དབྱིངས་ཀྱི་བྲོ་ར་བྱིན་ཆགས་པ་བཅས་ནས་བྲོ་བརྡུངས་པས་གཏི་མུག་ཆོས་དབྱིངས་ཡེ་ཤེས་སུ་དག་སྟེ། རིག་རྩལ་བྱང་ཆུབ་སེམས་སུ་འབར་བས་སྟོང་ཉིད་སྙིང་རྗེ་ཟུང་དུ་འབྲེལ་ཏེ། འཁོར་བ་མྱང་འདས་སུ་དག་སྟེ་རེ་དོགས་སྤང་བླང་གི་རྣམ་རྟོག་ཐམས་ཅད་དབྱིངས་སུ་དག་པར་བསམ་ཞིང་བྲོ་བརྡུང་བར་བྱའོ། །དེ་ནས་སླར་ཡང་རང་གི་ཐུགས་ཀ་ནས་འཕྲོས་པའི་འོད་ཟེར་དང་ལས་བྱེད་མཁའ་འགྲོ་མ་གྲངས་མེད་པ་རྣམས་ཀྱིས་འཁྲུལ་གཟུགས་གདོན་གྱི་རྣམ་པར་ཤར་བའི་སྣང་

― ZP04_Page_764 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་སྲིད་པའི་ལྷ་འདྲེ་ཐམས་ཅད་དང༌། ཁྱད་པར་ཡུལ་ཕྱོགས་འདི་ན་གནས་པའི་ལྷ་འདྲེ་གདུག་པ་ཅན་གང་ཡིན་པ་དེ་རང་དབང་མེད་པར་བཀུག་ནས་གན་རྐྱལ་དུ་བསྒྱེལ་བའི་ཡན་ལག་ལྔར་ཕུར་པ་འདེབས་པ་སྟེ། དེ་ཡང་རང་རིག་ཆོས་དབྱིངས་ཡེ་ཤེས་ཀྱི་རང་གདངས་རྡོ་རྗེ་རིགས་ཀྱི་མཁའ་འགྲོ་དཀར་མོ་ཞི་འཛུམ་མཛེས་པའི་ཉམས་དང་ལྡན་པས་རིག་རྩལ་བྱམས་པ་ཆེན་པོའི་རང་བཞིན་ཞི་བའི་ཕུར་པ་དཀར་པོ་ཟླུམ་པོའི་རྣམ་པ་ཅན་བདག་འཛིན་ལྷ་འདྲེའི་གཟུགས་ཀྱི་ལག་གཡས་ཞེ་སྡང་གི་རང་བཞིན་ལ་བཏབ་པས་ཞེ་སྡང་གནོད་སེམས་ཀྱི་རྟོག་པ་སྐད་ཅིག་ཀྱང་མི་གཡོ་ཞིང་བྱམས་པ་ཆེན་པོའི་ཏིང་འཛིན་རྒྱུད་ལ་ལྷང་གིས་སྐྱེས་པར་བསམ། མཉམ་ཉིད་ཡེ་ཤེས་ཀྱི་རང་གདངས་རིན་ཆེན་རིགས་ཀྱི་མཁའ་འགྲོ་མ་སེར་མོ་དགའ་སྤྲོ་དགྱེས་པའི་ཉམས་དང་ལྡན་པས་རིག་རྩལ་སྙིང་རྗེ་ཆེན་པོའི་ཕུར་པ་སེར་པོ་གྲུ་བཞིའི་རྣམ་པ་ཅན་ང་རྒྱལ་གྱི་རང་བཞིན་ལག་གཡོན་པར་བཏབ་པས་ང་རྒྱལ་རྒྱགས་པའི་རྟོག་པ་སྐད་ཅིག་ཀྱང་མི་གཡོ་ཞིང་སྙིང་རྗེ་ཆེན་པོའི་ཏིང་འཛིན་རྒྱུད་ལ་སྐྱེས་པར་བསམ། རང་རིག་སོར་རྟོག་ཡེ་ཤེས་ཀྱི་རང་གདངས་པདྨ་རིགས་ཀྱི་མཁའ་འགྲོ་མ་དམར་མོ་འཛུམ་ཆགས་བཞད་པའི་ཉམས་དང་ལྡན་པས་དགའ་བ་ཆེན་པོའི་རང་བཞིན་དབང་གི་ཕུར་པ་ཟླ་གམ་གྱི་རྣམ་པ་ཅན་འདོད་ཆགས་ཀྱི་རང་བཞིན་རྐང་པ་གཡོན་པར་མ་ཏབ་པས་འདོད་ཆགས་ཞེན་པའི་རྟོག་པ་སྐད་ཅིག་ཀྱང་མི་གཡོ་ཞིང་དགའ་བ་ཆེན་པོའི་ཏིང་འཛིན་རྒྱུད་ལ་སྐྱེས་པར་བསམ། རང་རིག་བྱ་གྲུབ་ཡེ་

― ZP04_Page_765 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་ཀྱི་རང་གདངས་ལས་ཀྱི་མཁའ་འགྲོ་མ་ལྡང་མོ་ཁྲོ་གཏུམ་འཁྲུགས་པའི་ཉམས་དང་ལྡན་པས་རིག་རྩལ་བཏང་སྙོམས་ཆེན་པོའི་རང་བཞིན་དྲག་པོའི་ཕུར་པ་ནག་པོ་གྲུ་གསུམ་གྱི་རྣམ་པར་ཕྲག་དོག་གི་རང་བཞིན་རྐང་པ་གཡས་པར་བཏབ་པས་ཕྲག་དོག་འགྲན་སེམས་ཀྱི་རྟོག་པ་སྐད་ཅིག་ཀྱང་མི་གཡོ་ཞིང་བཏང་སྙོམས་ཆེན་པོའི་ཏིང་འཛིན་རྒྱུད་ལ་སྐྱེས་པར་བསམ། །རང་རིག་ཆོས་དབྱིངས་ཡེ་ཤེས་ཀྱི་རང་གདངས་སངས་རྒྱས་རིགས་ཀྱི་མཁའ་འགྲོ་མ་མཐིང་ག་དགའ་ཁྲོ་ཆགས་པའི་ཉམས་འགྱུར་རྫོགས་པའི་རིག་རྩལ་སྨོན་འཇུག་བྱང་ཆུབ་སེམས་ཀྱི་རང་བཞིན་ཕུར་བུ་ཆངས་ཟུང་ཟླུམ་པོ་རྒྱ་མདུད་གྲུ་བཞི་དཔལ་ཁ་ཟླ་གམ་དཔལ་རྩེ་གྲུ་གསུམ་སྟེ་ལས་བཞི་ལྷུན་གྲུབ་ཀྱི་རྣམ་པ་ཅན་གཏི་མུག་མ་རིག་པའི་རང་བཞིན་མགོ་བོར་བཏབ་པས་གཟུང་འཛིན་གྱི་དབང་གིས་ལུས་ངག་ཡིད་གསུམ་སྐད་ཅིག་ཀྱང་མི་གཡོ་ཞིང་བྱང་ཆུབ་སེམས་ཀྱི་ངང་དུ་ལྷན་གྱིས་གནས་པར་བསམས་ནས་ཕུར་གདབ་བྱའོ། །དེ་ལྟར་འཁྲུལ་གཟུགས་ལྷ་འདྲེར་སྣང་བ་གནས་རྟེན་དང་བཅས་པ་ཐམས་ཅད་ཡེ་ཤེས་ལྔའི་ཀློང་དུ་སྦྱངས་ནས། ཡུམ་ལྔའི་མཁའ་ཀློང་གི་རང་བཞིན་དུ་རྣམ་པར་དག་པའི་དབྱིངས་སུ་ཅོག་བུ་མཁའ་འགྲོའི་ཕོ་བྲང་བཅས་འཁོར་བ་མ་སྟོང་གི་བར་དུ་གནས་པར་བྱའོ་སྙམ་དུ་ཡང་ཡང་བསམ་ཞིང་མཐར་བདག་གནས་ལྷ་འདྲེ་དང་བཅས་པ་གང་དུའང་མི་དམིགས་ཤིང༌། རིག་སྟོང་སྤྲོས་པ་དང་བྲལ་བའི་ངང་དུ་ཡུམ་དོན་ཤེས་རབ་ཕར་ཕྱིན་གྱི་ཉམས་ལེན་ལས་སྐད་ཅིག་ཀྱང་མི་གཡེང་

― ZP04_Page_766 ―

^{[མ་དཔེ་གཟིགས་ན་འདིར་གནོན།]}

[Full Size]

བས་བསྐྱང་བར་བྱའོ། །འདི་གཉིས་ཀ་ལ་བདག་གནས་ལྷ་འདྲེ་ཟིལ་གྱིས་གནོན་པ་གསུམ་ཀ་ཚང་ཡང་གཙོ་ཆེ་བའི་དབང་དུ་བྱས་ནས་བྲོ་བརྡུང་གིས་བདག་དང་གནས་ཟིལ་གྱིས་གནོན་པ་དང་ཕུར་གདབ་ཀྱིས་ལྷ་འདྲེ་ཟིལ་གྱིས་གནོད་པ་གཙོ་བོར་སྟོན་པས་ཟིལ་གནོན་སྐོར་གསུམ་ལོགས་ནས་བཙལ་མི་དགོས། དེ་ལྟར་ཟིལ་གནོན་གྱི་དམིགས་པ་ལ་བརྟེན་ནས་ལྷོང་དང་ཆོ་འཕྲུལ་རྣམས་ཁྲིད་གཞུང་ནས་བཤད་པ་ལྟར་བྱུང་བ་དང༌། ཉམས་ལེན་ཕུང་པོ་ཟན་བསྐྱུར་དངོས་ལ་འཇུག་པ་སྟེ། དེ་ལ་ཡང་སྔོན་འགྲོ་དངོས་གཞི་རྗེས་གསུམ་ལས། དང་པོ་སྔོན་འགྲོ་ལ་བཞི་ལས་སྐྱབས་སུ་འགྲོ་བ་ནི། རང་ཉིད་ཐ་མལ་དུ་གནས་པའི་མདུན་གྱི་ནམ་མཁར་རྩ་བའི་བླ་མ་དེ་ཉིད་ཆོས་སྐུ་རྡོ་རྗེ་འཆང་ཆེན་པོའི་རྣམ་པར་བཞུགས་པའི་མཐའ་བསྐོར་དུ་རྒྱལ་བ་དགོངས་པའི་བརྒྱུད་པ། རིག་འཛིན་བརྡའི་བརྒྱུད་པ། གང་ཟག་སྙན་ཁུངས་བརྒྱུད་པའི་བླ་མ་རྣམས་དང་ཡི་དམ་དཀྱིལ་འཁོར་གྱི་ལྷ་ཚོགས་མཁའ་འགྲོ་ཆོས་སྐྱོང་སྲུང་མའི་ཚོགས་དང་བཅས་པ་ཐམས་ཅད་ནམ་མཁའ་ལ་སྤྲིན་ཕུང་འཁྲིགས་པ་ལྟར་བཞུགས་པའི་དྲུང་དུ་རང་གི་འཁོར་དུ་གནས་གདོན་ལུས་གདོན་ལས་གདོན་གསུམ་གྱིས་ཐོག་དྲངས་རིགས་དྲུག་གི་སེམས་ཅན་ཐམས་ཅད་ཁྲོམ་འཚོགས་པ་ལྟར་ཚོགས་ནས་ལུས་ངག་ཡིད་གསུམ་ཆུན་གཅིག་དྲིལ་གྱིས་སྐྱབས་འགྲོ་བྱེད་པར་བསམ་ཞིང་སྐྱབས་འགྲོ་བྱ། གཉིས་པ་སེམས་བསྐྱེད་ནི། སྤྱིར་སྨོན་འཇུག་སོགས་ཀྱི་གོ་བ་ཁྲིད་གཞུང་ལྟར་རེང་པར་བྱ་ཞིང་གསལ་འདེབས་དང༌། ཁྱད་པར་རང་

― ZP04_Page_767 ―

^{[མ་དཔེ་གཟིགས་ན་འདིར་གནོན།]}

[Full Size]

གཞན་སེམས་ཅན་ཐམས་ཅད་ཐོག་མ་མེད་པའི་དུས་ནས་ཕྱི་སྣང་བའི་ཡུལ་ལ་དངོས་པོ་བདེན་གྲུབ་ཏུ་ཞེན་ཏེ། དགག་སྒྲུབ་ཆགས་སྡང་གི་དབང་དུ་གྱུར་པས། དེ་ཉིད་རིག་པ་བརྟུལ་ཞུགས་ཀྱི་སྤྱོད་པས་ཚར་བཅད་ནས་ཡང་དག་པའི་གནས་ལུགས་རྟོགས་པར་བྱའོ་སྙམ་དུ་སེམས་བསྐྱེད། གསུམ་པ་མཎྜལ་ནི། གཞུང་གཞན་ནས་བེམ་རིག་ཕྲལ་ཏེ་པགས་པ་བཤུས་ནས་དབང་ཆེན་གསེར་གྱི་ས་གཞིར་བསྒོམ་པ་སོགས་རིམ་བཞིན་གསལ་འདེབས་པར་གསུངས་ཀྱང༌། འདིར་བེམ་རིག་ཕྲལ་བ་མ་གསུངས་པ་ལུས་གཅེས་པར་འཛིན་མཁན་གྱི་སེམས་དེ་ཉིད་འབུལ་བ་པོར་བྱས་ནས་གཅེས་པར་བཟུང་རྒྱུའི་ལུས་ཡན་ལག་ཉིང་ལག་ལ་སོགས་པ་གླིང་བཞི་རི་རབ་ཉི་ཟླ་སོགས་བློས་བཏགས་ཏེ་གཅེས་འཛིན་དང་བྲལ་བས་ཚོགས་ཞིང་གི་ལྷ་ཚོགས་རྣམས་ལ་འབུལ་ཏེ་རྣམ་པ་གསལ་ཀྱང་ལེགས་ལམ་གསལ་ཀྱང་འདྲ། བཞི་པ་བླ་མའི་རྣལ་འབྱོར་ནི། རང་གཞན་སེམས་ཅན་ཐམས་ཅད་ཀྱི་མདུན་གྱི་ནམ་མཁར་རྩ་བརྒྱུད་བླ་མ་འདུས་པའི་རང་བཞིན་ཨོ་རྒྱན་རྡོ་རྗེ་འཆང་ཧེ་རུ་ཀའི་ཆས་ཅན་དུ་གསལ་བ་ལ་བདག་གཞན་སེམས་ཅན་ཐམས་ཅད་མགྲིན་གཅིག་ཏུ་སྙིང་ཁོང་རུས་པའི་གཏིང་ནས་གསོལ་བ་གདབ། མཐར་རྩ་བའི་བླ་མའི་གསང་གསུམ་དང་རང་གི་སྒོ་གསུམ་དུ་མ་རོ་གཅིག་ཏུ་གྱུར་པར་བསམས་ལ་གནས་ལུགས་ཀྱི་ངང་ལ་མཉམ་པར་གཞག་གོ །དེ་ཡན་ཆད་སྔོན་འགྲོའི་རྣམ་པ་སོང་ནས། གཉིས་པ་དངོས་གཞི་བེམ་རིག་ཕྲལ་ནས་

― ZP04_Page_768 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲོས་མ་བསྐྱེད་པ། མགྲོན་རྣམས་སྤྱན་འདྲེན་པ། འགྱད་ཆེན་གསུམ་མམ་བཞི་བྱ་བའོ། །དང་པོ་རང་གི་ལུས་འདི་ཉིད་ཆེ་ལ་ཚོ་ཞིང་སྣུམ་ལ་གཞོན་ཞིང་ལང་ཚོ་མཛེས་པའི་སྙིང་གའི་དབུས་སུ་རང་སེམས་ཀྱི་ངོ་བོ་མ་ཅིག་ཁྲོས་མ་ནག་མོ་གར་སྟབས་ལིང་ངེ་བར་གསལ་བ་དེ་ཉིད་ཕཊཿ ཅེས་བརྗོད་པས་སྤྱི་བོ་ཚངས་པའི་བུ་ག་ནས་ནམ་མཁར་སྤར། དེའི་ཕྱག་གི་གྲི་གུག་གིས་རང་གི་སྨིན་མཚམས་ནས་བྲེགས་ཏེ་ཕྱག་གཡོན་པས་བླངས་ནས་ཐོད་པའི་སྒྱེད་པུ་རི་རབ་དང་མཉམ་པ་གསུམ་གྱི་སྟེང་དུ་བཀལ་བ་སྟོང་གསུམ་རྒྱ་ཁྱོན་དང་མཉམ་པར་གྱུར་པའི་ནང་དུ་རང་ལུས་རིམ་པ་བཞིན་གྲི་ཁུག་གིས་གཏུབས་ནས་བཅུག་པའི་འོག་ནས་རླུང་གཡོས་མེ་སྦར་ཤ་ཁྲག་རུས་གསུམ་བདུད་རྩིའི་རང་བཞིན་དུ་ཞུ་བར་ཨོཾ་ཨཱཿཧཱུྃ་གི་བྱིན་གྱིས་བརླབ་པ་གཞུང་ལྟར་བྱ། གཉིས་པ་མགྲོན་འབོད་པ་ནི། རང་ཉིད་ཁྲོས་མའི་ཐུགས་ཀའི་འོད་ཟེར་གྱིས་བཀུག་ནས་ཡར་མཆོད་ཡུལ་དུ་གྱུར་པའི་བླ་མ་ཡི་དམ་མཁའ་འགྲོ་སངས་རྒྱས་བྱང་སེམས་ལ་སོགས་པ་ནས་བཟུང་སྟེ་མར་སྦྱིན་ཡུལ་དུ་གྱུར་པའི་ལྷ་འདྲེ་གདོན་བགེགས་ཡན་ཆད་གནམ་ས་བར་སྣང་ཐམས་ཅད་གང་བར་འདུས་པར་བསམ་ཞིང༌། མཆོད་ཡུལ་དམ་ཅན་སོགས་བརྗོད། གསུམ་པ་འགྱེད་ཆེན་གྱི་དམིགས་པ་སྤྱིར་མགྲོན་རིགས་ཐམས་ཅད་ལ་དཀར་འགྱེད་དང༌། ཁྲ་འགྱེད་གཉིས་བྱེད་པ་དང༌། ཁྱད་པར་ཤ་ཁྲག་ཟ་བའི་རིགས་ལ་དམར་འགྱེད། གདོན་བགེགས་ལ་ནག་འགྱེད་བྱེད་པ་སོགས་

― ZP04_Page_769 ―

^{[མ་དཔེ་གཟིགས་ན་འདིར་གནོན།]}

[Full Size]

དམིགས་པའི་རྣམ་གྲངས་རྣམས་ཤེས་པར་བྱ་ཞིང༌། རང་གཞུང་འདོན་ཆ་དང་སྦྲགས་ནས་ཡར་མགྲོན་རྣམས་ལ་དཀར་འགྱེད་བདུད་རྩིའི་རང་བཞིན་དུ་སྟོང་པ་དང༌། མར་མགྲོན་ལྷ་འདྲེ་གདོན་བགེགས་འབྱུང་པོ་ཡི་དྭགས་སྲིན་པོ་སོགས་ལ་དམར་འགྱེད་ཤ་ཁྲག་རུས་གསུམ་སོགས་བསྔོ་བ་དང༌། རིགས་དྲུག་གཞན་དང་བུ་ལོན་ལན་ཆགས་ཀྱི་བདག་པོ་རྣམས་ལ་ཁྲ་འགྱེད་གང་ལ་གང་འདོད་དུ་འདོད་རྒུའི་ཆར་འབེབས་པ་སོགས་ཡིན་ཏེ། དམིགས་པའི་རྣམ་གྲངས་ནི་གཅོད་གཞུང་རྣམས་དང་ཁྲིད་ཡིག་ལས་ཤེས་པར་བྱའོ། །གསུམ་པ་རྗེས་བསྔོ་བ་དང་སྨོན་ལམ་བྱ་བ་ནི། གཏོང་ལེན་གྱིས་བདག་གཞན་བརྗེ་བ་ཆོས་ཀྱི་སྤྱིན་པས་སྦྱིན་གཏོང་དོན་ཆེན་པོར་བྱེད་པ་སོགས་རྒྱལ་སྲས་སྤྱིའི་གཞུང་ལམ་ལྟར་ཉམས་སུ་བླང་བར་བྱའོ། །དེ་ལྟར་ཐུན་དྲུག་གམ་བཞི་ལ་སོགས་པར་ལུས་སྦྱིན་བྱ་ཞིང་གཙོ་བོར་ལུས་ལ་གཅེས་འཛིན་དང༌། སེམས་ལ་བདག་འཛིན་གྱི་བློ་དྲུང་ནས་ཕྱུང་སྟེ་སུས་འདོད་པ་ཁྱེར། ཅི་ཡོང་བ་ཤོག་སྙམ་དུ་སྙེམ་བྱེད་བདག་གི་འཁྲི་བ་ཆོད་པའི་ལྟ་བའི་ངང་སྐྱོང་ཞིང༌། སྟོང་ཉིད་སྙིང་རྗེ་དང་འབྲེལ་པའི་སྒོ་ནས་ཚད་མེད་བཞིའི་ཏིང་ངེ་འཛིན་ལ་གཙོ་བོར་འབད་པར་བྱའོ། །གཅོད་ནི་ཡུམ་དོན་ཤེས་རབ་ཕར་ཕྱིན་གྱི་དགོངས་པ་སྟོང་ཉིད་སྙིང་རྗེའི་སྙིང་པོ་ཅན་ལ་ཉམས་ལེན་གྱི་མཐིལ་དུ་བྱེད་པ་ཡིན་པས་གཙོ་བོར་སྙིང་རྗེ་ཆེན་པོའི་སྒོ་ནས་ཞི་དུལ་བག་ཡོད་དང་ལྡན་པས་ཉམས་སུ་བླང་ཞིང༌། འབྲེལ་ཚད་དགེ་ལ་འགྱུར་ཏེ་ལྷ་འདྲེའི་འགྲོ་དོན་

― ZP04_Page_770 ―

^{[མ་དཔེ་གཟིགས་ན་འདིར་གནོན།]}

[Full Size]

ནུས་པ་ཞིག་དགོས་ཀྱི། ཞེ་སྡང་གི་སྡང་མིག་གཡོ་བས་ལྷ་འདྲེ་བསྐྲད་བརྡུང་བྱེད་པ་ནི་གཅོད་ལོག་བདུད་དུ་སོང་ནས་ངན་སོང་དུ་འགྲོ་བའམ་གཅིག་གི་ལུང་བསྟན་སོགས་ལས་ཤེས་པར་བྱ་ཞིང༌། སྔོན་འགྲོའི་སྦྱངས་པ་རྣམས་མཐར་ཕྱིན་པ་དང༌། དངོས་གཞིའི་ཉམས་ལེན་གཉིས་ལ་ཝ་མྱོང་བ་ཅུང་ཟད་ཀྱང་མ་སྐྱེས་ཤིང་སྙིང་རྗེ་ཆེན་པོའི་རྩིས་མ་ཟིན་པར་གཉན་ས་སོགས་འགྲིམ་སྔ་ན་ལྷ་འདྲེས་རྒྱུད་བརླམས་ནས་ལྟར་སྣང་གི་མངོན་ཤེས་ངག་ནུས་སོགས་འབྱུང་ཡང་ཤེས་རྒྱུད་ཆོས་དང་ཇེ་འགལ་དུ་འགྲོ་ཞིང༌། །འདི་སྣང་གི་གྲུབ་ཐོབ་ཆེན་པོ་དམྱལ་བའི་གྲོང་སྒོར་འོ་བརྒྱལ་ཆེ་བ་ཡང་ཤེས་དགོས་སོ། །དེས་ན་དུས་དང་རྣམ་པ་ཐམས་ཅད་དུ་བླ་མ་དཀོན་མཆོག་ལ་ཁྱེད་ཤེས་ཀྱི་དད་པ། འགྲོ་དྲུག་གི་སེམས་ཅན་ལ་བཅོས་མིན་གྱི་སྙིང་རྗེ། རེ་དོགས་ཀྱི་འཛིན་པ་ལ་རོ་སྙོམས་ཀྱི་གདོང་བརྡེག་བྱེད་པ་དང་མ་བྲལ་བའི་ངང་ནས་ཉམས་ལེན་ཕུང་པོ་གཟན་བསྐྱུར་ལ་འབད་ཅིང༌། རྒྱལ་བའི་བཀའ་དང་འབྲེལ་བའི་ཆོས་སྦྱིན་དང༌། འབྲེལ་ཚད་དགེ་ལ་འགོད་པའི་སྨོན་ལམ་གཉིས་ལ་ནན་ཏན་བྱེད་ཅིང་བདག་ལས་ལྷ་འདྲེ་གཅེས་པར་བཟུང་ནས་རང་གཞན་གཉིས་ཀའི་རྒྱུད་ཀྱི་དུག་ལྔ་ལ་གཅོད་པར་བྱེད་པ་ནི་རྒྱལ་བ་སྲས་བཅས་དགྱེས་པའི་གཅོད་ཡུལ་གྱི་ལམ་བཟང་མ་ནོར་བ་ཡིན་ནོ། །མཚུངས་མེད་དམ་པ་དུ་མའི་བཀའ་དྲིན་ལས། །དབང་ཐོབ་བདུད་རྩི་བཏུང་བས་སྙིང་སིམ་ཡང༌། །ཉམས་མྱོང་ཟུངས་སུ་མ་ལོན་སྐལ་དམན་བདག །ཟབ་དོན་མན་ངག་འཆད་ལ་ཇི་ལྟར་དབང༌། །དེ་ལྟ་ན་ཡང་སྙིགས་མའི་དུས་

― ZP04_Page_771 ―

^{[མ་དཔེ་གཟིགས་ན་འདིར་གནོན།]}

[Full Size]

མཐའ་འདིར། །རྒྱལ་བ་དགྱེས་པའི་ལམ་ལ་རྒྱབ་ཕྱོགས་པའི། །དྲག་ཤུལ་བདུད་ཀྱིས་བརླམས་པའི་གཅོད་རྒན་ལས། །ཉམ་ཆུང་བདག་འདྲ་སྐལ་པ་བཟང་ངམ་སྙམ། །དེ་འདྲ་དེ་ཡང་བླ་མ་རྗེ་ཡི་དྲིན། །དྲིན་ལན་འཁོར་མཐའ་མེད་དོ་ཆོས་ཀྱི་རྗེ། །རྟག་ཏུ་མི་བརྗེད་དད་པའི་གདུང་ཤུགས་ཀྱིས། །ཡང་ཡང་གསོལ་བ་འདེབས་སོ་བྱིན་གྱིས་རློབས། །དེ་ལྟར་གཅོད་ཡུལ་མཁའ་འགྲོའི་གད་རྒྱངས་འདི་ཉིད་རང་གཞུང་ཞལ་གསལ་བ་དང༌། ཁྱད་པར་དཔལ་གྲུབ་པའི་དབང་ཕྱུག་ལག་ན་རྡོ་རྗེ་དང༌། སྲས་ཀྱི་ཐུ་བོ་་དེ་བ་སྟེ་གྲུབ་རྗེ་ཡབ་སྲས་གཉིས་ཀྱི་གཞུང་ཁྲིད་རྣམ་བཤད་སོགས་དང༌། ཁྱད་པར་དབང་སྡུད་ཟིལ་གནོན་སྐོར་རྒྱས་བསྡུས་ཀྱི་ཡི་གེ་གྲངས་མང་བ་བཅས་ན། ཡན་ལག་བརྒྱད་ལྡན་གྱི་མཚོ་འགྲམ་དུ། བ་ཚྭའི་ཁྲོན་བརྐོ་མ་དགོས་ཀྱང་སྐུལ་བ་པོའི་བཀའ་ཕེབས་ལྡོག་ཏུ་མ་ནུས་ནས་ཉམས་སུ་མ་ལོན་པའི་ཆོས་བཤད་འོན་པའི་རོལ་མོ་ལྟ་བུར་བྲིས་པའོ། །དགེའོ། །དགེའོ། དགེའོ།