འཇམ་དབྱངས་མཁྱེན་བརྩེའི་དབང་པོའི་བཀའ་འབུམ།

འཇམ་དབྱངས་མཁྱེན་བརྩེའི་དབང་པོའི་བཀའ་འབུམ།

གླེགས་བམ་ཉེར་གཅིག་པ། ཞ༽

འཇམ་མགོན་ཀོང་སྤྲུལ་བློ་གྲོས་མཐའ་ཡས།

Nitartha International

Images scanned by BDRC

གངས་ལྗོངས་རྒྱལ་བསྟན་རིས་མེད་ཀྱི་མངའ་བདག་ངོ་མཚར་བཀའ་བབས་བདུན་ལྡན་ཀུན་གཟིགས་འཇམ་དབྱངས་མཁྱེན་བརྩེའི་དབང་པོ་ཀུན་དགའ་བསྟན་པའི་རྒྱལ་མཚན་དཔལ་བཟང་པོའི་བཀའ་འབུམ་འདི་ནི་ OCR བྱེད་སའི་གཞི་དེ་བོད་རྫོང་སར་བཀྲ་ཤིས་ལྷ་རྩེར་རྫོང་སར་བ་ཁྲ་འབུ་བློ་གྲོས་ཕུན་ཚོགས་མཆོག་གིས་དཔེ་གཟུགས་པོད་ཉེར་ལྔ་ཅན་ཞིག་པར་དུ་བསྐྲུན་གནང་བ་དེ་ཡིན་པས་ཁོང་གི་རྨད་དུ་བྱུང་བའི་མཛད་རྒྱས་ལ་ཡི་རུང་དང་བསྔགས་བརྗོད་ཞུ།

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

སྔ་འགྱུར་རྡོ་རྗེ་ཐེག་པའི་ལྷག་པའི་ལྷ་སྤྱི་ལ་འཇུག་པའི་ཕྲིན་ལས་ཀྱི་ཆོ་ག་རིག་པ་འཛིན་པ་ཀུན་ཏུ་དགའ་བའི་ཟློས་གར།

― JKT021_Page_0001 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །སྔ་འགྱུར་རྡོ་རྗེ་ཐེག་པའི་ལྷག་པའི་ལྷ་སྤྱི་ལ་འཇུག་པའི་ཕྲིན་ལས་ཀྱི་ཆོ་ག་རིག་པ་འཛིན་པ་ཀུན་ཏུ་དགའ་བའི་ཟློས་གར་ཅེས་བྱ་བ་བཞུགས་སོ།

― JKT021_Page_0002 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །ན་མོ་གུ་རུ་བྷྱ༔ འདི་ལ་གསུམ། སྦྱོར་བ། དངོས་གཞི། རྗེས་སོ། །དང་པོ་ལའང་ཡོ་བྱད་འདུ་བྱ་བ་དང་། ཆོ་གའི་སྦྱོར་བའོ། །གཉིས་པ་ལ་བདུན་གྱི་དང་པོ་སྐྱབས་སུ་འགྲོ་བ་ནི། སྐྱབས་ཡུལ་ཡང་ནས་མཱ་ཛཿ རྩ་གསུམ་དུ་འདུས་པའི་མོས་པ་བརྟན་པོས། ཧཱུཾ། བརྒྱུད་པའི་རྩ་བ༔ ༴༴༴ གཉིས་པ་སེམས་བསྐྱེད་པ་ནི། །བདག་གཞན་གཉིས་མེད་དོན་སྒྲུབ་ཕྱིར༔ ༴༴ གསུམ་པ་ཚོགས་བསགས་པ་ནི། བླ་མ་ཡི་དམ་མཁའ་འགྲོ་གཤེགས༔ ༴༴ བཞི་པ་བགེགས་བསྐྲད་པ་ནི། ཧཱུཾ་བླ་མ་རྣམས༴༴༴ ལྔ་པ་མཚམས་བཅད་པ་ནི། ཧཱུཾ་ང་ནི༴༴༴ དྲུག་པ་བྱིན་དབབས་པ་ནི། ཨོཾ་ཧཱུྃ་ཨ་ལ་ལ༴༴༴ བདུན་པ་མཆོད་རྫས་བྱིན་གྱིས་རླབས་པ་ནི། རཾ་ཡཾ་ཁཾ། ཧཱུཾ་

― JKT021_Page_0003 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་དག༴༴༴ གཉིས་པ་དངོས་གཞི་ལ་བདུན་གྱི་དང་པོ་དམ་ཚིག་པ་བསྐྱེད་པ་ནི་རང་རང་གི་གཞུང་ལྟར། གཉིས་པ་ཡེ་ཤེས་པ་སྤྱན་འདྲེན་པ་ནི། ཧཱུྃ། དམིགས་མེད༴༴༴ གསུམ་པ་བསྟིམ་ཞིང་བཞུགས་སུ་གསོལ་བ་ནི། ཨོཾ་ཡེ་ཤེས་སྐུ་མཆོག༴༴༴ བཞི་པ་ཕྱག་འཚལ་བ་ནི། བརྗོད་མེད་ཤེས་རབ༴༴༴ ལྔ་པ་མཆོད་པ་འབུལ་བ་ནི། ཨོཾ་ཨཱཿཧཱུྃ་དངོས་སུ་ཕྱི་ཡི་མཆོད་པ། འབྱོར་དང་༴ དྲུག་པ་བསྟོད་པ་བྱ་བ་ནི། ཧཱུཾ་ཆོས་སྐུ་ནམ་མཁའ་མཉམ་ཉིད་དག་པ།༴༴༴ རྒྱས་པར་སྤྲོ་ན་བཀའ་གཏེར་སྤྱི་ལྟར་རོ། །བདུན་པ་ཛབ་བསྙེན་སྒྲུབ་ལས་གསུམ། བཟླ་བ་ལ་ཛཔྲ་བསྐུལ་དང་། བཟླས་དམིགས་སྤྱི་ཁྱབ། ཛབ་ཁང་དབྱེ་བ། སྟོང་ཚིག་གི་མཆོད་བསྟོད་བུམ་བཟླས།

― JKT021_Page_0004 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་བུམ་སྒྲུབ་པ་བཅས། གཏོར་བསྔོ། རིགས་མེ། ཡན་ལག་ཏུ་ཚོགས་ཀྱི་མཆོད་པ་ལ། བྱིན་རླབས་དྲག་དམར་ལྟར། སྤྱན་འདྲེན། ཨོྃ། བསོད་ནམས་ཡེ་ཤེས༴ ཚོགས་ཕུད། ཐ་མ་བསྒྲལ་སྟབས་བཅས་རྡོར་སེམས་ལྟར། དགོངས་འདུས་བསྐང་བསྡུས། ཚོགས་ལ་རོལ་པ་སྤྱི་ལྟར། ལྷག་མ་རྡོར་སེམས་ལྟར། རྩ་བ་གསུམ་གྱི་སོགས་བསྐུལ་བ། གཏོར་འབུལ། ཆད་ཐོ་དང་བརྟན་མ། །གཏོར་མནན་བཅས་དྲག་དམར་ལྟར་རོ། །གསུམ་པ་རྗེས་ཀྱི་ཆོ་ག་ལ། དང་པོ་གཏང་རག་གི་མཆོད་བསྟོད། ཕྱི་ཡི་མཆོད་པས་དང་བར་སྣང་ཁེངས། །ནང་གི་མཆོད་པ་ཟག་མེད་བདུད་རྩིའི་མཆོག །གསང་བ་བདེ་ཆེན་སྨྲ་བསམ་བརྗོད་ལས་འདས། །འགྲོ་བའི་དོན་དུ་དགྱེས་ཤིང་བཞེས་སུ་གསོལ། གཉིས་པ་དངོས་གྲུབ་བླངས་པ་ནི། བདེ་གཤེགས་ཀུན་འདུས་ཡི་དམ་དཀྱིལ་འཁོར་ལྷ་། གློག་ལྟར་མྱུར་བའི་སོགས། གསུམ་པ་བཟོད་པར་གསོལ་བ་ནི། མ་རྙེད་ཡོངས་སུ་སོགས། བཞི་པ་མདུན་བསྐྱེད་ཀྱི་རྟེན་ཡོད་ན་བརྟན་བཞུགས་དང་། མེད་ན་གཤེགས་གསོལ། ལྔ་པ་རྟག་ཆད་ཀྱི་མཐའ་བསལ་བ། སྣོད་བཅུད་འོད་ཞུ་སོགས། དྲུག་པ་བསྔོ་སྨོན་ནི། དགེ་བ་འདི་ཡིས་སོགས། བདུན་པ་ཤིས་པ་བརྗོད་པ་ནི། ཨོཾ་བྱིན་རླབས་སོགས་སོ། ཧཱུྃ། གདོད་ནས་གཉིས་མེད་

― JKT021_Page_0005 ―

^{[མ་དཔེ་གཟིགས་ན་འདིར་གནོན།]}

[Full Size]

མཉམ་པའི་ངང་ཉིད་ལས། བློ་སྦྱོང་ཕྱིར་དུ་དམ་ཚིག་ཡེ་ཤེས་སེམས། ཆུ་ལ་ཆུ་བཞག་སྒྱུ་མ་ཇི་བཞིན་དུ། དུ་མར་སྣང་ཡང་རོ་གཅིག་བརྟན་པར་བཞུགས། ཀཱ་ཡ་ཝ་ཀྲ་ཙིཏྟ་ཏིཥྛ་བཛྲ་ལྷན། ཧཱུྃ༔ བླ་མ་ཡི་དམ་ཀུན་འདུས་ཐུགས་རྗེ་ཆེན་པོའི་ལྷ་ཡི་ཚོགས། ཞི་ཁྲོ་ཌཱ་ཀིའི་ཚོགས། རང་ཤེས་འཁྲུལ་བྲལ་བརྡ་དང་གར་གྱིས་ཕྱག །རྣམ་དག་ཡེ་ཤེས་ཆེན་པོ་རྟོགས་བྱའི་ཕྱིར། སྲི་ཞུ་གུས་པས་འཕྲུལ་དགའི་ཚུལ་ཕྱག་འཚལ། ན་མོ་པུ་རུ་ཤ་ཡ་ཧོ། །ཨ་ཏི་པཱུ་ཧོ༔ པྲ་ཏིཙྪ་ཧོ༔ ཧཱུཾ་བྷྱོ། །མཉམ་ཉིད་དག་པ་རྒྱལ་བའི་ཡེ་ཤེས་སྐུ། །རྩོལ་མེད་རང་བྱུང་ཨ་ལི་ཀ་ལིའི་སྒྲ། །རྟོག་མེད་སྤྲོས་བྲལ་འོད་གསལ་ཐིག་ལེའི་ཐུགས། །རྩོལ་བ་བྲལ་བ་ལྷུན་གྲུབ་ཡོན་ཏན་གཏེར། ༈ །རང་བཞིན་མ་ངེས་ཕྲིན་ལས་ལྷུན་གྱིས་གྲུབ། །བླ་མ་ཡི་དམ་མཁའ་འགྲོའི་ཚོགས་ལ་བསྟོད། ༈ བསྐྱེད་བསྙེན་རྫོགས། སྒྲུབ། ལས། ཕྱི་མར། རྩ་བ་དང་། ཡན་ལག །དང་པོ་ལ་རྒྱུན། དུས། ཁྱད་པར། ཕྱི་མ་ལ། ཐུགས་སངས་གྲོལ་ཏིང་འཛིན། གསུང་ཉེར་གཅིག་རིག་པ། སྐུ་འཁོར་ཉེར་གཅིག་ལོ། ཟ་རྡོར། ཡིག །སྔགས་ཁྲུས་གྲོལ། རྟེན་འབྲེལ། ཨོ་རྒྱན། རྫས། མ་ཤ། བཅུད་ཆོས། ལེན་རྣམས་སོ། ༈ དེ་བཞིན་གཤེགས་པའི་ཡི་གེ་བརྒྱ་བ་ལ་བརྟེན་ནས་སྡིག་པ་བཤགས་པའི་ཆོ་ག་ལ་གསུམ། སྦྱོར་

― JKT021_Page_0006 ―

^{[མ་དཔེ་གཟིགས་ན་འདིར་གནོན།]}

[Full Size]

བ། དངོས་གཞི། རྗེས་སོ། དང་པོ་ནི། དཔྱིད་ཟླ་ར་བ་ལ་སོགས་པ་ཁྱད་པར་ཅན་གྱི་ཟླ་བ་གང་ཡང་རུང་བའི་ཚེས་གཅིག་གི་སྔ་མའི་ཉིན་ཁྲུས་དང་གཙང་སྦྲ་ལ་གནས་པས། དེ་བཞིན་གཤེགས་པའི་རིང་བསྲེལ་བཞུགས་ངེས་པའི་མཆོད་རྟེན་ནམ་སྐུ་གཟུགས་ཀྱི་ཉེ་འཁོར་ཐམས་ཅད་དུ་ཕྱག་དར་ལེགས་པར་བྱས་ལ་དྲི་ཞིམ་པོའི་ཆུས་ཆག་ཆག་གདབ། མདུན་དུ་མེ་ཏོག་ལ་སོགས་པའི་མཆོད་པ་རྒྱ་ཆེར་བཤམ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་རྟེན་དེ་དང་དབྱེར་མེད་དུ་བཞུགས་པར་མོས་ལ་སྙན་གསན་དབབ་པའི་ཚུལ་དུ་ཡན་ལག་བདུན་པ་རྒྱས་པར་བྱས་ལ་དགེ་བའི་སེམས་ཀྱིས་ཉལ་ལོ། །གཉིས་པ་ནི། སང་ཚེས་གཅིག་གི་ནངས་པར་སྔ་བར་ལྡང་སྟེ་མཆོད་པ་བཤམ། ཁྲུས་དང་གཙང་སྦྲ་ལ་གནས་པས་རྟེན་གྱི་སྤྱན་སྔར་འཁོད་དེ། སངས་རྒྱས་ཆོས་ཚོགས་སོགས་སྐྱབས་སེམས་རྒྱས་བསྡུས་ཇི་ལྟར་རིགས་པར་བྱ། ཐེག་པ་ཆེན་པོའི་གསོ་སྦྱང་བླངས། བདེན་པའི་སྟོབས་བརྗོད་པས་གནས་དང་མཆོད་པའི་ཡོ་བྱད་རྣམས་བྱིན་གྱིས་བརླབ། བདག་ཉིད་ལྷའི་རྣལ་འབྱོར་ལ་གནས་པའམ་ཐ་མལ་གྱི་རྣམ་པས་ཀྱང་རུང་སྟེ། སྟོང་པ་ཉིད་དང་སྙིང་རྗེ་ཆེན་པོའི་སེམས་མངོན་དུ་བྱས་ཏེ། འདུན་པ་རྩེ་གཅིག་པས། སྤོས་བཏུལ་ལ་སྙན་པའི་དབྱངས་དང་བཅས། མ་ལུས་སེམས་

― JKT021_Page_0007 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་ཀུན་གྱི་མགོན་གྱུར་ཅིང་། ཞེས་སོགས་ཀྱིས་སྤྱན་དྲངས་བས། སྨོན་ལམ་དང་ཐུགས་རྗེའི་མཐུ་ཐོགས་པ་མེད་པས་བཅོམ་ལྡན་འདས་དཔལ་རྒྱལ་བ་ཤཱཀྱ་ཐུབ་པ་སངས་རྒྱས་དང་བྱང་ཆུབ་སེམས་དཔའ་འཇིག་རྟེན་སྐྱོང་པའི་ཚོགས་དང་བཅས་པ་སྐད་ཅིག་གིས་མངོན་སུམ་དུ་གཤེགས་ཏེ་བདུན་གྱི་རྟེན་དང་དབྱེར་མེད་དུ་བཞུགས་པར་མོས་ལ། བཅོམ་ལྡན་འདིར་ནི་བྱོན་པ་ལེགས། སོགས་འབྱོན་ལེགས་གདན་ཕུལ། ཁྲུས་གསོལ་རྣམས་ཚིགས་བཅད་རྐྱང་པ་སྤྱི་ལྟར་བྱ། ཐལ་མོ་སྤྱི་བོར་སྦྱར་བས་བཏུད་དེ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། བདག་མིང་འདི་ཞེས་བགྱི་བ་ཆོས་ཀྱི་དབྱིངས་སུ་གཏོགས་པའི་སངས་རྒྱས་དང་བྱང་ཆུབ་སེམས་དཔའ་འཁོར་དང་བཅས་པ་ཐམས་ཅད་ལ་བདག་དབུལ་བར་བགྱིའོ། །ཐུགས་རྗེ་ཆེན་པོ་དང་ལྡན་པ་དེ་རྣམས་ཀྱིས་ཀྱང་བདག་ལ་རྣམ་པ་ཐམས་ཅད་དང་དུས་ཐམས་ཅད་དུ་བྱིན་གྱིས་བརླབ་པ་དང་ཡོངས་སུ་བཟུང་བར་གྱུར་ཅིག །བདག་ལ་གྲུབ་པ་དང་མཆོག་སྩོལ་ཅིག །ཅེས་ལན་གསུམ་གྱིས་བདག་དབུལ། དེ་ནས་སྡིག་པ་བཤགས་པ་སོགས་དམ་ཚིག་གསུམ་བཀོད་པའི་རྟོགས་པ་ལས་འབྱུང་བ་ལྟར་རམ། སྤྱི་ཙམ་དུ། ཇི་སྙེད་སུ་དག་སོགས་ཡན་ལག་བདུན་པ་ལན་གསུམ་བྱ། སངས་

― JKT021_Page_0008 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས་བྱང་ཆུབ་སེམས་དཔའི་བྱིན་རླབས་དང་། སྨོན་ལམ་གྱི་སྟོབས་དང་། གཟུངས་སྔགས་ཀྱི་མཐུ་ལ་ལྷག་པར་དད་པའི་དྲན་པ་མངོན་ཏུ་བཞག་སྟེ། ཕྱོགས་བཅུའི་དེ་བཞིན་གཤེགས་པའི་བྱིན་གྱིས་བརླབས་དང་། སྨོན་ལམ་གྱི་སྟོབས་དང་། བསོད་ནམས་དང་ཡེ་ཤེས་ཀྱི་སྟོབས་ཀྱིས་བདག་གིས་དེ་བཞིན་གཤེགས་པའི་སྙིང་པོ་འདི་བཟླས་པས་འཁོར་བར་གྱུར་བའི་ཉོན་མོངས་དང་སྡུག་བསྔལ་བ་ཨིལ་སོགས་པ་རབ་ཏུ་སྤང་བ་དང་བྱང་ཆུབ་སེམས་དཔའི་ཚོགས་ཡོངས་སུ་རྫོགས་པར་གྱུར་ཅིག །ཅེས་སྨོན་པའི་སེམས་རྩེ་གཅིག་པས། ན་མ་སྦེ་ཡ་དྷཱི་ཀ་ནཱཾ། ཏ་ཐཱ་ག་ཏཱ་ནཱཾ། སརྦ་ཏྲ་ཨ་པྲ་ཏི་ཧ་ཏ་བཱ་སྟི་དྷརྨ་ཏཱ་བ་ལི་ནཱཾ། ཨོཾ་ཨ། ས་མ་ས་མ་ས་མནྟ་ཏོ། ཨ་ནནྟ་བཱ་སྟི། ཤཱ་ས་ནི་ཧ་ར་ཧ་ར། སྨ་ར་སྨ་ར་ཎི་བི་ག་ཏ་རཱ་ག །བུདྡྷ་དྷརྨ་ཏ། ས་ར་ས་ར། ས་མ་བ་ལ། ཧ་ས་ཧ་ས། ཏྲ་ཡ་ཏྲ་ཡ། ག་ག་ན་མ་ཧཱ་བ་ར་ཎ་ལཀྵ་ཎེ། ཛྭ་ལ་ཛྭ་ལ་ན་སཱ་ག་ར་སྭཱ་ཧཱ། ཞེས་པ་རྒྱ་རྩ་བརྒྱད་དག་པར་བཟླས་ཏེ་ལངས་ལ། བསྐོར་བའི་སྔགས་སྔོན་ཏུ་འགྲོ་བས་གཟུངས་འདི་ཉིད་བཟླ་བཞིན་ཏུ་རྟེན་ལ་བསྐོར་བ་བྱའོ། །དེའི་ཚེ་མདུན་གྱི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་གཙུག་ཏོར་དང་སྨིན་མཚམས་ནས་འོད་ཟེར་མཐའ་ཡས་པ་འཕྲོས། སངས་རྒྱས་ཀྱི་ཞིང་ཐམས་ཅད་སྣང་བར་བྱས། །

― JKT021_Page_0009 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས། སླར་འདུས་རང་ལ་ཐིམ་པས་སྡིག་སྒྲིབ་བག་ཆགས་དང་བཅས་པ་ཐམས་ཅད་སྦྱངས་ཏེ་རྒྱུད་བྱིན་གྱིས་བརླབ་པར་བསམ་ལ། ཇི་སྲིད་ངལ་བར་མ་གྱུར་གྱི་བར་དུ་བཟླས་བརྗོད་དང་བསྐོར་བ་བྱའོ། །ངལ་ན་ཐུན་མཚམས་ཀྱི་བྱ་བ་ལ་འཇུག་སྟེ། རྟེན་གྱི་དྲུང་དུ་འཁོད་ལ་བུམ་པའི་ཕྱག་རྒྱ་བཅས། བདག་གི་བཟླས་བརྗོད་ཀྱི་དགེ་བའི་རྩ་བ་འདི་སྡིག་སྒྲིབ་ཐམས་ཅད་ཡོངས་སུ་ཞི་བའི་དངོས་གྲུབ་ཀྱི་དོན་ཏུ་བཅོམ་ལྡན་འདས་ལ་འབུལ་ལོ། །འཕགས་པ་ཁྱེད་ཀྱིས་བདག་ལ་སྡིག་སྒྲིབ་ཐམས་ཅད་ཞི་བའི་དངོས་གྲུབ་སྩལ་དུ་གསོལ༔ ཅེས་གསོལ་བས་གནང་བ་བྱིན་པར་བསམ། བུམ་པའི་ཕྱག་རྒྱུ་ནི་སྲིན་ལག་སོ་སོའི་རྒྱབ་ཏུ་གུང་མོ་སྦྱར། དེ་གཉིས་གཡས་པའི་རྒྱབ་གཡོན་པའི་མདུན་དུ་སྦྱར་ཏེ་བསྣོལ། གཡས་གཡོན་གྱི་འཛུབ་མོས་སོ་སོའི་གུང་སྲིན་ལ་འཁྱུད། མཐེ་བོང་གཉིས་འཛུབ་མོའི་ཚིགས་དབུས་མ་ལ་བཞག །མཐེའུ་ཆུང་གཉིས་གཤིབ་སྟེ་བསྒྲེང་བའོ། །དེ་ནས་ཡན་ལག་བདུན་པ་བྱ། མདུན་གྱི་ལྷ་རང་བཞིན་གྱི་གནས་སུ་གཤེགས་པའམ། མི་དམིགས་པར་བློ་བཞག་སྟེ། གོང་གི་སྨོན་ལམ་དང་། གཞན་ཡང་བཟང་པོ་སྤྱོད་པ་ལ་སོགས་པའི་སྨོན་ལམ་རྒྱ་ཆེར་གདབ་བོ། །དེ་ལྟ་བུའི་རིམ་པས་ཐུན་གསུམ་མམ་བཞི་

― JKT021_Page_0010 ―

^{[མ་དཔེ་གཟིགས་ན་འདིར་གནོན།]}

[Full Size]

ཉམས་སུ་བླངས། ཐུན་མཚམས་སུ་མཎྜལ་སོགས་དགེ་བའི་ལས་ཅི་འགྲུབ་དང་། ཁྱད་པར་སྡོང་པོ་བཀོད་པ་སོགས་ཐེག་པ་ཆེན་པོའི་མདོ་སྡེ་ཀློག །ཉལ་བའི་ཚེ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་བྱས་ཏེ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་བདག་ལ་བྱིན་གྱིས་རློབ་པ་དང་། བླ་ན་མེད་པའི་དངོས་གྲུབ་ཀྱི་མཆོག་སྩོལ་ཅིག །རྣམ་པར་འཚེ་བ་ཐམས་ཅད་རབ་ཏུ་ཞི་བར་མཛད་དུ་གསོལ། ཅེས་གསོལ་བ་བཏབ་ལ་ཆོས་ཀྱི་འདུ་ཤེས་ཀྱིས་ཉལ། ལྡང་བ་ན་སྙིང་རྗེ་ཆེན་པོའི་འདུ་ཤེས་ཀྱིས་ལངས་ཏེ་སྔ་མ་ལྟར་བྱའོ། །དེ་ལྟར་ཚེས་གཅིག་ནས་བཅུའི་བར་ཉིན་དང་མཚན་ཏུ་འབད་པ་ཆེན་པོས་གཟུངས་སྔགས་འབུམ་ཕྲག་གཅིག་བཟླ་བ་ནི་བསྙེན་པའོ། །བསྙེན་པའི་སྐབས་འདིར་རྟེན་ལ་བསྐོར་བ་མ་གྲུབ་ཀྱང་འགལ་བ་མེད་དོ། །དེ་ནས་ཚེས་བཅོ་ལྔའི་ཉིན་མོ་བསྐོར་བ་དང་བཅས་པས་སྔགས་སྟོང་ཕྲག་བརྒྱད་བཟླ་བ་ནི་བསྒྲུབ་པའོ། །དེའི་མཚན་ཐོག་ཐག་ཏུ་བཟླ་བ་ནི་ལས་སྦྱོར་ཏེ། ཐོ་རངས་ཀྱི་དུས་སུ་དངོས་སམ་རྨི་ལམ་དུ་སྡིག་པ་དག་པའི་རྟགས་མཐོང་བ་ནི་ངེས་པའོ། །དེ་དག་གི་སྐབས་ཅི་རིགས་པར་མདུན་གྱི་རྟེན་ལ་ཁྲུས་གསོལ་བའི་ཁྲུས་ཆུས་བདག་གཞན་ལ་ཁྲུས་བགྱིས་པས་སྡིག་པ་བྱང་བར་འགྱུར་རོ། །གསུམ་པ་རྗེས་ནི།

― JKT021_Page_0011 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེས་བཅུ་དྲུག་གི་ཉིན་མོ་ཡན་ལག་བདུན་པ་སོགས་གཏང་རག་གི་མཆོད་པ་རྒྱ་ཆེར་བྱ་ཞིང་སྨོན་ལམ་རྒྱས་པར་གདབ། རྟེན་གྱི་དྲུང་དུ་དྲི་ཞིམ་པོའི་ཤིང་ལ་མེ་སྦར་ཏེ། ཀུ་ཤའི་ཆུས་བསང་ཞིང་ཨ་མྲྀ་ཏེ་བརྗོད། མ་ལུས་སེམས་ཅན་སོགས་ཀྱིས་རྟེན་གྱི་ལྷ་ཐབ་ཏུ་སྤྱན་དྲངས་ལ། ཡམ་ཤིང་དང་། མར་དང་། ཏིལ་རྣམས་གཟུངས་སྔགས་ཁོ་ནས་བརྒྱ་རྩ་བརྒྱད་ཕུལ་ལ་སྡིག་སྒྲིབ་ལྷག་མེད་དུ་བྱང་བར་གསོལ་བ་གདབ། སླར་རྟེན་དང་དབྱེར་མེད་དུ་བཞུགས་པར་བསམས་ལ་མཆོད་ཅིང་ཕྱག་འཚལ། མེ་ཏོག་ལ་སོགས་པའི་མཆོད་རྫས་དམན་པ་རྣམས་ཀྱང་མེར་བསྲེགས་ཏེ་ཐལ་བ་ཆུ་ཀླུང་ཆེན་པོར་དོར། ལས་ཀྱི་རྗེས་མི་མངོན་པར་བྱ། སྤྱིར་རྟེན་ལ་ཕུལ་བའི་མེ་ཏོག་རྙིང་པ་གཙང་སྦྲ་དང་བཅས་ཏེ་བཅང་ལ། ཆར་མི་འབབས་པའི་དུས་སུ་དྲི་ཞིམ་པོའི་མེ་ཏོག་དཀར་པོ་གཞན་དང་བཅས་ཆུ་ཀླུང་ཆེན་པོར་དོར་ཞིང་སྨོན་ལམ་གདབ་པས་ཆར་འབབ་པ་དང་། ཆར་ཧ་ཅང་ཆེ་ན་བ་ལང་གི་ལྕི་བའི་མེ་ལ་བསྲེག་པས་ནམ་མཁའ་དྭངས་པ་དང་། འབྱུང་པོས་ཟིན་པ་ལ་གུ་གུལ་དང་བཅས་ཏེ་བདུག་པས་བྱེར་བ་དང་། དུད་འགྲོ་སོགས་དམན་པའི་སེམས་ཅན་འཆི་བའི་ཚེ་དུད་པས་བདུག་ན་མཐོ་རིས་སུ་སྐྱེ་བ་སོགས་ལས་ཀྱི་རིམ་པ་ཅི་ཡང་འགྲུབ་པར་འགྱུར་རོ། །སྦྱིན་སྲེག་གི་ཚེ་ནའང་།

― JKT021_Page_0012 ―

^{[མ་དཔེ་གཟིགས་ན་འདིར་གནོན།]}

[Full Size]

ནད་ཞི་བར་འདོད་ན། གང་ན་བའི་གཉེན་པོའི་སྨན་ནམ་སྨན་དེས་བསྒོས་པའི་མེ་ཏོག་གི་སྦྱིན་སྲེག་བརྒྱ་རྩ་ལ་སོགས་པ་ཕུལ་ན་ནད་ཞི་བས་མཚོན་རྒྱ་ཆེར་རིག་པར་བྱའོ། །འདིའི་གཟུངས་ལས་ཚེས་ལྷགཅིག་ནས་བརྩམས་ཟླ་བ་གཅིག་ཏུ་གསུངས་པ་ནི་ཇི་སྲིད་ཟླ་བ་ཉ་གང་བའི་བར་དུ་སྟེ་དཀར་པོའི་ཕྱོགས་གཅིག་ཞེས་པའི་ཐ་ཚིག་གོ །ཡང་གཞན་ཏུ་ན་ཐུབ་པ་ཆེན་པོའི་སྙིང་པོའི་སྔགས་ལ་བསྙེན་པ་འབུམ་ཕྲག་བཞི་སྔོན་ཏུ་སོང་ནས། རྒྱུད་ལས། དེ་བཞིན་དུ་མཆོད་རྟེན་ལ་བསྐོར་བ་བྱེད་ཅིང་སྟོང་ཕྲག་བརྒྱད་བཟླས་ན་སྡིག་པ་ལས་གྲོལ་བར་འགྱུར་རོ། །ཞེས་གསུངས་པ་ལྟར་ཟླ་བའི་དུས་སུ་ཇི་སྐད་བཤད་པའི་སྦྱོར་བ་དང་བཅས་ཉམས་སུ་བླང་བས་སྡིག་པ་ལས་གྲོལ་བ་ནི་མན་ངག་གི་ངེས་པའོ།། ༈ །།སྔགས་སྡོམ་ཕྱིར་བཅོས་ནི། བཀའ་དྲིན་སུམ་ལྡན་གྱི་བླ་མ་སོགས་ཡུལ་གཉན་པ་བཞུགས་ན། བླ་མ་རྡོ་རྗེ་འཛིན་པ་ཆེན་པོ་དང་། ཞེས་སྦྱར་བ་འོག་མ་ལའང་འགྲེ། སྤྱི་ལ། རིག་པ་འཛིན་པའི་དགེ་འདུན་པ་རྣམས་སྔགས་ཀྱི་ལྟུང་བ་ཕྱིར་བཅོས་ཀྱི་ཆོ་ག་ལ་ཐུགས་གཏད་པར་ཞུ། ཞེས་སྙན་གསན་དབབ། གཡོན་གྲལ་རྒན་པས། རྡོ་རྗེ་ཐེག་པའི་འདུལ་བ་བཞིན་མཛད་པར་ཞུ། ཞེས་གནང་བ་སྦྱིན། པུས་བཙུགས་ཐལ་སྦྱར་གྱིས་འཁོད་ལ། བླ་མ་རྡོ་རྗེ་འཛིན་པ་ཆེན་པོ་དང་།

― JKT021_Page_0013 ―

^{[མ་དཔེ་གཟིགས་ན་འདིར་གནོན།]}

[Full Size]

རིག་པ་འཛིན་པའི་དགེ་འདུན་པ་རྣམས་དགོངས་སུ་གསོལ། བདག་རིག་པ་འཛིན་པ་མི་བསྐྱོད་རྡོ་རྗེ་ཞེས་བགྱི་བ་ལྟ་བུ་སོ་སོའི་གསང་མཚན་སྦྱར། བྱིས་པ་ཉིད་དང་། མི་ཤེས་པ་དང་། མ་གུས་པ་དང་། བག་མ་མཆིས་པ་དང་། ཉོན་མོངས་མང་བའི་དབང་གིས་རྡོ་རྗེ་ཐེག་པའི་འདུལ་བ་དང་འགལ་བའི་ནོངས་པ་བླ་མ་ལ་སྨོད་པ་ལ་སོགས་པ་རྩ་བའི་ལྟུང་བ་དང་། སྦོམ་པོའི་རྣམ་གྲངས་བརྒྱད་ལ་སོགས་པ་ཡན་ལག་གི་ལྟུང་བ་ལས་གང་དང་གང་བྱུང་བ་དེ་དག །བླ་མ་རྡོ་རྗེ་འཛིན་པ་ཆེན་པོ་དང་། རིག་པ་འཛིན་པའི་དགེ་འདུན་པ་རྣམས་ཀྱི་མདུན་དུ་མཐོལ་ཞིང་འཆགས་སོ། །མཐོལ་ཞིང་འཆགས་ན་བདག་བདེ་བ་ལ་རེག་པར་གནས་པར་འགྱུར་གྱིས། མ་མཐོལ་མ་བཤགས་ན་ནི་མི་འགྱུར་རོ། །ཞེས་ལན་གསུམ་བརྗོད། རྒན་གྲལ་གྱི་ཐོག་མས། ཉེས་ལྟུང་དེ་དག་ལ་ཉེས་ལྟུང་དེ་དག་ཏུ་གཟིགས་ལགས་སམ། གཞོན་པ་རྣམས་ཀྱིས། མཐོང་ལགས། ཡང་རྒན་པས། ཕྱིན་ཆད་ལེགས་པར་བསྡམ་ལགས་སམ། གཞོན་པས། བསྡམ་ལགས། ཞེས་དྲི་བ་དང་ལན་བཏབ་པ་ལན་གསུམ་མཐར། · བཤགས་ཡུལ་གྱིས། ཐབས་ཡིན་ནོ། །འབུལ་བ་པོས། ལེགས་སོ། །ཞེས་བརྗོད། ཕྱག་གསུམ་བྱས་ལ། བླ་མ་རྡོ་རྗེ་འཛིན་པ་ཆེན་པོ་དང་། རིག་པ་འཛིན་པའི་དགེ་

― JKT021_Page_0014 ―

^{[མ་དཔེ་གཟིགས་ན་འདིར་གནོན།]}

[Full Size]

འདུན་པ་རྣམས་སྔགས་ཀྱི་ལྟུང་བ་ཕྱིར་བཅོས་ཀྱི་ཆོ་ག་ལ་ཐུགས་གཏད་པ་བཀའ་དྲིན་ཆེ་ལགས། བཤགས་ཡུལ་གྱིས། རྡོ་རྗེ་ཐེག་པའི་འདུལ་བ་བཞིན་མཛད་པ་རྗེས་སུ་ཡི་རངས། ཞེས་ལན་བྱས་ལ་རང་གྲལ་དུ་འཁོད། དེ་ནས་གཡོན་གྱི་རྒན་གྲལ་བ་རྣམས་ལངས་ལ་ཚུལ་ཕྱག་གམ་ཕྱག་དབབ་གསུམ་བྱས་ལ། སྙན་གསན་དབབ་པ་ནས། རྗེས་སུ་ཡི་རང་གི་བར་བཤད་མ་ཐག་མ་ལྟར་བྱའོ། ༧ འདི་ནི་སོ་ཐར་ལྟུང་བ་ཕྱིར་བཅོས་ཀྱི་ཚིག་ཁ་བསྒྱུར་བ་སྟེ། རྒྱུད་ཚིག་དངོས་ཀྱིས་བཤགས་པ་བྱ་བ་སྤྲོ་ན། ཕྱག་དང་སྙན་གསན་དབབ། དགོངས་གསོལ་སྔར་བཞིན་བྱས་ལ། མགོན་པོ་བདག་ནི་མི་ཤེས་རྨོངས་པ་སྟེ། །དམ་ཚིག་ལས་ནི་འགལ་ཞིང་ཉམས། །བླ་མ་མགོན་པོས་སྐྱབས་མཛོད་ཅིག །གཙོ་བོ་རྡོ་རྗེ་འཛིན་པ་ཀྱཻ། །ཐུགས་རྗེ་ཆེན་པོའི་བདག་ཉིད་ཅན། །འགྲོ་བའི་གཙོ་ལ་བདག་སྐྱབས་མཆི། །སྐུ་གསུང་ཐུགས་རྩ་བ་དང་ཡན་ལག་གི་དམ་ཚིག་ཉམས་ཆགས་ཐམས་ཅད་མཐོལ་ལོ་བཤགས་སོ་སྡིག་པ་དང་སྒྲིབ་པ་ཉེས་ལྟུང་དྲི་མའི་ཚོགས་ཐམས་ཅད་བྱང་ཞིང་དག་པར་བྱིན་གྱིས་བརླབ་ཏུ་གསོལ། ཅེས་ལན་གསུམ་བརྗོད་ཅིང་། མཐོང་སྡོམ་དང་ཐབས་ལེགས་སོགས་སྔར་བཞིན་བྱ་བ་ཡིན་ནོ། གསུམ་པ་ནི། ཐམས་ཅད་ཀྱི་འདུན་པ་རྩེ་གཅིག་པས། རྒྱས་པར་སྤྲོ་ན། བླ་མ་

― JKT021_Page_0015 ―

^{[མ་དཔེ་གཟིགས་ན་འདིར་གནོན།]}

[Full Size]

ཡི་དམ་ལྷ་ཚོགས་དགོངས་སུ་གསོལ། སོགས་ཚང་བར་བརྗོད་པས་མཚོན་ཐུན་མོང་མ་ཡིན་པའི་བསྔོ་སྨོན་རྣམ་དག་གི་རྒྱས་གདབ་ཅིང་། བསྡུ་ན། དེང་ནས་བྱང་ཆུབ་སྙིང་པོར་མཆིས་ཀྱི་བར། །རིག་བཟང་བློ་གསལ་ང་རྒྱལ་མེད་པ་དང་། །སྙིང་རྗེ་ཆེ་ཞིང་བླ་མ་ལ་གུས་ལྡན། །དཔལ་ལྡན་རྡོ་རྗེ་ཐེག་ལ་ངེས་གནས་ཤོག །དབང་གིས་སྨིན་ཅིང་དམ་ཚིག་སྡོམ་པ་ལྡན། །རིམ་གཉིས་ལམ་ལ་བསྙེན་སྒྲུབ་མཐར་ཕྱིན་ཅིང་། །དཀའ་བ་མེད་པ་རིག་འཛིན་གོ་འཕང་བགྲོད། །དངོས་གྲུབ་རྣམ་གཉིས་བདེ་བླག་འགྲུབ་པར་ཤོག །ཉམས་ཆགས་རྟོག་སྒྲིབ་མ་སྤངས་གནས་སུ་དག །ཕྱི་ནང་གསང་བ་དབྱེར་མེད་རྟོག་པས་བསྐང་། གང་ཤར་རང་གྲོལ་ཀུན་བཟང་ཀློང་ཡངས་སུ། །ངན་སོང་དོང་སྤྲུགས་སྲིད་ཞི་མཉམ་གྱུར་ཅིག །ཐིག་ལེ་ཆེན་པོ་སྐུ་དང་ཞིང་ཁམས་རྫོགས། །དམ་ཚིག་ཆེན་པོ་སྤང་བླང་མཚན་མ་དག །ཁྱབ་བརྡལ་ཆེན་པོ་རེ་དོགས་མདུད་པ་གྲོལ། །རྫོགས་པ་ཆེན་པོ་ཆོས་སྐུ་མངོན་གྱུར་ཤོག །རྒྱལ་བའི་བསྟན་པ་དར་ཞིང་རྒྱས་པ་དང་། །བསྟན་འཛིན་རྣམས་ཀྱིས་བཞེད་པའི་དོན་ཀུན་འགྲུབ། །མ་ལུས་སྐྱེ་དགུའི་འགལ་རྐྱེན་ཀུན་ཞི་ཞིང་། ཕུན་ཚོགས་མཐའ་དག་ཡིད་བཞིན་འབྱོར་གྱུར་ཅིག །ཅེས་བརྗོད་པས་འགྲུབ་བོ། ༈ །སྒྲུབ་ཐབས་འདོད་འཇོ་དང་རྗེས་

― JKT021_Page_0016 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲེལ་འཇམ་དབྱངས་སྨྲ་སེང་དཔའ་བོ་བཅུ་གཉིས་ཀྱི་རིལ་བུ་སྒྲུབ་པའི་ངག་འདོན་ནི། གྲུབ་ན་རིལ་བུ་ལ་དམིགས་ཏེ་སྦྱོང་ཁྲུས་སྤྱི་ལྟར་བྱ། གང་ལྟར་ཡང་། འགྲོ་རྣམས་བསྒྲལ་འདོད་བསམ་པ་ཡིས། །སངས་རྒྱས་ཆོས་དང་དགེ་འདུན་ལ། །བྱང་ཆུབ་སྙིང་པོར་མཆིས་ཀྱི་བར། །རྟག་པར་བདག་ནི་སྐྱབས་སུ་མཆི། ལན་ཇི་ལྟར་རིགས་པས་སྐྱབས་སུ་འགྲོ། །ཤེས་རབ་སྙིང་བརྩེ་དང་བཅས་༧ པའི་། །བརྩོན་པས་སེམས་ཅན་དོན་དུ་བདག །སངས་རྒྱས་མདུན་དུ་གནས་བཅས་ཏེ། རྫོགས་པའི་བྱང་ཆུབ་སེམས་བསྐྱེད་བགྱི། ལན་གསུམ་གྱིས་སེམས་བསྐྱེད། སེམས་ཅན་ཐམས་ཅད་བདེ་བ་དང་སོགས་ཚད་མེད་བཞི་བསྒོམ་པ་སྔོན་དུ་འགྲོ་བས། སྭ་བྷཱ་བས་སྟོང་པར་སྦྱང་། སྟོང་པའི་ངང་ལས་པཾ་ལས་པདྨ་དང་ཨ་ལས་ཟླ་བའི་དཀྱིལ་འཁོར་གྱི་སྟེང་དུ་སཾ་ལས་སེང་གེ་སྔོན་པོ་མགོ་བོ་གཡས་སུ་བསྟན་ཅིང་གདོང་གྱེན་དུ་ཕྱོགས་པ། རལ་པ་དམར་སེར་གྲོལ་བ་ཉལ་སྟབས་སུ་གནས་པའི་སྟེང་དུ་པད་ཉི་ལ་གནས་པའི་དྷིཡིག་གུར་གུམ་གཞོན་ནུའི་མདོག་ཅན། དེ་ཡོངས་སུ་གྱུར་པ་ལས། བདག་ཉིད་རྗེ་བཙུན་འཇམ་དབྱངས་སྐུ་མདོག་དམར་སེར་ཕྱག་གཉིས་ཆོས་འཆད་ཀྱི་ཕྱག་རྒྱ་མཛད་པའི་མཐེབ་མཛུབ་ཀྱི་བར་ནས་བྱུང་བའི་ཨུཏྤ་ལའི་སྡོང་བུ་སྙན་གཡས་གཡོན་གྱི་ཐད་ཀར་ཁ་བྱེ་བའི་

― JKT021_Page_0017 ―

^{[མ་དཔེ་གཟིགས་ན་འདིར་གནོན།]}

[Full Size]

གཡས་ན་རལ་གྲི་དང་གཡོན་ན་གླེགས་བམ་ཅན། བཅུ་དྲུག་ལོན་པའི་ལང་ཚོ་དང་ལྡན་པ་དབུ་སྐྲ་ཟུར་ཕུད་ལྔ་པའི་རྩེ་མོར་ནོར་བུས་སྤྲས་ཤིང་། ཞབས་གཉིས་རྒྱལ་པོ་རོལ་པའི་སྟབས་ཀྱིས་སེང་གེ་ལ་བཞུགས་པ། དར་དང་རིན་པོ་ཆེའི་རྒྱན་ཐམས་ཅད་ཀྱིས་བརྒྱན་པ། ཞི་འཛུམ་སྒེག་པའི་ཆ་ལུགས་ཅན་འོད་ཟེར་དམར་པོ་འཕྲོ་བ། དེ་ལས་འོད་ཟེར་འཕྲོས་པས་བསྒོམས་པ་དང་འདྲ་བའི་ཡེ་ཤེས་སེམས་དཔའ་བཛྲ་ས་མཱ་ཛས་མདུན་གྱི་ནམ་མཁའ་སྤྱན་དྲངས། ཨོཾ་བཛྲ་ཨརྒྷཾ་ལ་སོགས་པས་མཆོད། ཛཿཧཱུྃ་བཾ་ཧོ༔གཉིས་སུ་མེད་པར་གྱུར། སླར་ཡང་རང་གི་ཐུགས་ཀ་ནས་འོད་ཟེར་འཕྲོས་པས་དབང་གི་ལྷ་རིགས་ལྔ་འཁོར་དང་བཅས་པ་བཛྲ་ས་མ་ཛཿ ཨོཾ་བཛྲ་ཨརྒྷཾ་སོགས། དེ་བཞིན་གཤེགས་པ་ཐམས་ཅད་ཀྱིས་བདག་ལ་མངོན་པར་དབང་བསྐུར་བ་སྩལ་དུ་གསོལ། ཨོཾ་བཛཱི་བྷ་བ་ཨ་བྷི་ཥིཉྩ་ཧཱུྃ། ཞེས་གསུང་ཞིང་དབང་གི་ལྷ་རྣམས་ཀྱིས་བུམ་པའི་ཆུས་སྤྱི་བོ་ནས་དབང་བསྐུར། སྐུ་གང་། དྲི་མ་དག །ཆུའི་ལྷག་མ་ཡར་ལུད་པ་ལས་མི་བསྐྱོད་པས་དབུ་བརྒྱན་པར་གྱུར། མདུན་གྱི་རིལ་བུ་གདན་འཁོར་དང་བཅས་པ་བསང་སྦྱང་། སྟོང་པའི་ངང་ལས་མདུན་གྱི་གདན་བྲིས་པ་ཇི་ལྟ་བའི་དབུས་སུ་ཤེས་རབ་ཀྱི་འཁོར་ལོ་རྩིབས་བཞི་པའི་ལྟེ་བར་པདྨ་དང་ཟླ་བའི་གདན་གྱི་སྟེང་དུ་རིལ་

― JKT021_Page_0018 ―

^{[མ་དཔེ་གཟིགས་ན་འདིར་གནོན།]}

[Full Size]

བུ་རྣམས་ཧྲཱིཿཡིག་མཐིང་ཞུན་གྱི་མདོག་ལྟ་བུ་ཡོངས་སུ་གྱུར་པ་ལས་ལྷ་མོ་དབྱངས་ཅན་མ་སྐུ་མདོག་སྔོན་མོ་ལྷ་མོའི་ཆ་ལུགས་ཡོངས་སུ་རྫོགས་ཤིང་། ཞབས་ཙོག་པུའི་ཕྱེད་ཀྲུང་གིས་བཞུགས་པ། བུད་མེད་སྒྱུ་མའི་ང་རྒྱལ་གྱིས་འགྱིང་ཞིང་ཕྱག་གཉིས་ཆོས་འཆད་ཀྱི་ཕྱག་རྒྱ་མཛད་པའི་མཐེབ་མཛུབ་ཀྱི་བར་ནས་བྱུང་བའི་ཨུཏྤ་ལའི་སྡོང་བུ་སྙན་གཡས་གཡོན་གྱི་ཐད་ཀར་ཁ་བྱེ་བའི་གཡས་ན་རལ་གྲི་དང་གཡོན་ན་གླེགས་བམ་ཅན་བཅུ་དྲུག་ལོན་པའི་ལང་ཚོ་དང་ལྡན་པ་དབུ་སྐྲ་ཟུར་ཕུད་ལྔ་པའི་རྩེ་མོར་ནོར་བུས་སྤྲས་པ། དར་དང་རིན་པོ་ཆེའི་རྒྱན་ཐམས་ཅད་ཀྱིས་བརྒྱན་པ། ཞི་འཛུམ་སྒེག་པའི་ཉམས་ཅན། འོད་ཟེར་སྔོན་པོ་འཕྲོ་བ། རྩིབས་བཞི་ལ། ཤར་དུ་ཧཱུྃ་ལས་ཡུལ་འཁོར་སྲུང་དཀར་པོ་པི་ཝང་འཛིན་པ། ལྷོར་བི་ལས་འཕགས་སྐྱེས་པོ་སྔོན་པོ་རལ་གྲི་འཛིན་པ། ནུབ་ཏུ་བི་ལས་མིག་མི་བཟང་དམར་པོ་སྦྲུལ་ཞགས་འཛིན་པ། བྱང་དུ་བེ་ལས་རྣམ་ཐོས་སྲས་སེར་པོ་རྒྱལ་མཚན་འཛིན་པ། ཐམས་ཅད་ཀྱང་ལྷའི་གོས་དང་ཡ་ལད་མནབས་པ། ཞི་ཞིང་བརྗིད་པའི་ཉམས་དང་ལྡན་པའོ། །དེ་ཐམས་ཅད་ཀྱི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུཾ་སྔོན་པོ། ཐུགས་ཀའི་དབུས་སུ་རང་རང་གི་ས་བོན་གྱིས་མཚན་པ། དེ་ལས་འོད་ཟེར་འཕྲོས་པས་ཕྱོགས་བཅུའི་

― JKT021_Page_0019 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་རྒྱས་དང་བྱང་ཆུབ་སེམས་དཔའ་ཐམས་ཅད་འཕགས་མ་སྒྲ་དབྱངས་ལྷ་མོ་འཁོར་དང་བཅས་པའི་རྣམ་པར་བཛྲ་ས་མཱ་ཛཿ ཨོཾ་བཛྲ་ཨརྒྷཾ་སོགས་ཀྱིས་མཆོད། ཛཿཧཱུྃ་བཾ་ཧོ༔ མདུན་བསྐྱེད་ལ་གཉིས་སུ་མེད་པར་ཐིམ། སླར་ཡང་རང་གི་ཐུགས་ཀ་ནས་འོད་ཟེར་འཕྲོས་པས་དབང་གི་ལྷ་རིགས་ལྔ་འཁོར་དང་བཅས་པ་བཛྲ་ས་མཱ་ཛཿ ཨོཾ་བཛྲ་ཨརྒྷཾ་སོགས་ཀྱིས་མཆོད། དེ་བཞིན་གཤེགས་པ་ཐམས་ཅད་ཀྱིས་འདི་རྣམས་ལ་མངོན་པར་དབང་བསྐུར་བ་སྩལ་དུ་གསོལ། ཨོཾ་བཛཱི་བྷ་ཝ་ཨ་བྷི་ཥིཉྩ་ཧཱུྃ། ཞེས་གསུངས་ཤིང་བུམ་པའི་ཆུས་སྤྱི་བོ་ནས་དབང་བསྐུར། སྐུ་གང་། དྲི་མ་དག །ཆུའི་ལྷག་མ་ཡར་ལུད་པ་ལས་གཙོ་འཁོར་ཐམས་ཅད་ལ་རྗེ་བཙུན་འཇམ་པའི་དབྱངས་ཀྱིས་དབུར་བརྒྱན། དེ་རྣམས་ཀྱི་རྒྱབ་ཏུ་སངས་རྒྱས་དང་བྱང་ཆུབ་སེམས་དཔའི་ཚོགས་ཐམས་ཅད་མགྲོན་ཐབས་ཀྱི་ཚུལ་དུ་བཞུགས་པར་གྱུར། མཆོད་པ་བསང་སྦྱང་། སྟོང་པའི་ངང་ལས་ལྷ་རྫས་དང་ཏིང་ངེ་འཛིན་ལས་གྲུབ་པའི་མཆོད་པའི་སྤྲིན་ཕུང་ཡེ་ཤེས་ཀྱི་རྣམ་རོལ་མཁའ་ཁྱབ་ཏུ་འཆར་བར་གྱུར། ཨོཾ་བཛྲ་ཨརྒྷཾ་ཨཱཿཧཱུྃ་ནས། ཤབྡ་ཨཱཿཧཱུྃ་གི་བར་གྱིས་བརླབ། བདག་མདུན་ཐུན་མོང་དུ། རབ་འབྱམས་རྒྱ་མཚོ་དཔག་མེད་ན། མཆོད་ཡོན་ཇི་སྙེད་ཡོད་པ་དང་། བདག་གིས་གུས་པས་

― JKT021_Page_0020 ―

^{[མ་དཔེ་གཟིགས་ན་འདིར་གནོན།]}

[Full Size]

བཤམས་པ་འདི། འཇམ་དབྱངས་སྨྲ་བའི་སེང་གེ་དང་། འཕགས་མ་འཁོར་དང་བཅས་ལ་འབུལ། བློ་དང་ངག་གི་དངོས་གྲུབ་སྩོལ། ཨོཾ་ཨཱརྱ་མཉྫུ་བི་སྭ་ར་སྭ་སྟིས་པ་རི་ཝཱ་ར་ཨརྒྷཾ་པྲ་ཏིཙྪ་སྭཱ་ཧཱ། དེ་བཞིན་དུ་ཞབས་བསིལ་ལ། པཱཏྱཾ། མེ་ཏོག །པུཉྫུ། བདུག་སྤོས། དྷུ་པེ། སྣང་གསལ། ཨཱ་ལོ་ཀེ། དྲི་མཆོག །གནྡྷེ། ཞལ་ཟས། ནི་བིད། རོལ་མོ། ཤབྡ་ཞེས་སྦྱར་བས་མཆོད། །བསྟོད་པ་རྒྱས་བསྡུས་གང་རུང་གིས་བསྟོད། རང་གི་ཐུགས་ཀར་འཁོར་ལོ་དམར་པོ་རྩིབས་བཞི་པ་དང་། མདུན་གྱི་དབྱངས་ཅན་མའི་ཐུགས་ཀར་པདྨ་འདབ་མ་བརྒྱད་པ། དེ་གཉིས་ཀྱི་དབུས་སུ་རལ་གྲི་ལ་སོ་སོའི་ས་བོན་སྔགས་ཀྱིས་བསྐོར་བ། བདག་མདུན་སངས་རྒྱས་དང་བྱང་ཆུབ་སེམས་དཔའི་ཚོགས་དང་བཅས་པའི་ཐུགས་ཀའི་ས་བོན་ལས་འོད་ཟེར་འཕྲོས། སྣོད་གཞལ་ཡས་ཁང་དང་། བཅུད་འཇམ་དཔལ་དང་། དབྱངས་ཅན་མའི་སྐུར་གྱུར། རང་གི་ཐུགས་ཀའི་དྷི༔ལས་འོད་ཟེར་འཕྲོས། ཤངས་བུག་གཡས་ནས་ཐོན། མདུན་གྱི་དབྱངས་ཅན་མའི་ཤངས་བུག་གཡོན་དུ་ཞུགས། ཐུགས་ཀའི་ཧྲཱིཿལ་ཐིམ། དེ་ལས་འོད་ཟེར་འཕྲོས། མདུན་བསྐྱེད་ཀྱི་ཤངས་བུག་གཡས་ནས་བྱུང་། བདག་གི་གཡོན་དུ་ཞུགས་ནས་དྷིལ་ཐིམ་པས་མི་ཤེས་པའི་མུན་པ་བསལ། ཤེས་རབ་ཀྱི་སྣང་བ་

― JKT021_Page_0021 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག་ཏུ་རྒྱས། སླར་ཡང་འོད་ཟེར་འཕྲོས་པས་འཁོར་གྱི་རྒྱལ་ཆེན་བཞི་དང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ཐུགས་རྒྱུད་བསྐུལ། དེ་རྣམས་ཀྱི་ཐུགས་ཀ་ནས་འཕྲོས་པའི་འོད་ཟེར་དང་། རང་དང་མདུན་གྱི་ལྷ་མོའི་བར་དུ་འཁོར་བའི་སྔགས་ཕྲེང་ལས་ཤེས་རབ་ཀྱི་བུང་བའི་ཚོགས་དཔག་ཏུ་མེད་པ་འཕྲོས། འཁོར་འདས་སྣོད་བཅུད་ཀྱི་ཡོན་ཏན་ཐམས་ཅད་བསྡུས་ནས་རིལ་བུ་ལྷར་གསལ་བ་དང་། འཁོར་ལོ་ཁ་སྦྱར་ལ་ཐིམ་པས་བྱིན་རླབས་ཀྱི་གཟི་བྱིན་མཆོག་ཏུ་འབར་བར་གྱུར། ཨོཾ་ཧྲཱིཿདྷིམ་མེ་དཱི་པཾ་སྭ་ར་སྭ་སྟི་མཉྫུཤཱི་ཧཱུཾ་ཧྲཱིཿཔྲཛྙཱ་ཝནྡྷ་ནི་ཧྲཱིཿདྷིསྭཱ་ཧཱ། ཞེས་ཅི་ནུས་སུ་བཟླ། ཐུན་འཇོག་པ་ན། སླར་ཡང་མཆོད་བསྟོད་རྒྱས་བསྡུས་གང་རིགས་བྱ། གཏོར་མ་བསང་སྦྱང་། སྟོང་པའི་ངང་ལས་རིན་པོ་ཆེ་ལས་གྲུབ་པའི་སྣོད་ཡངས་ཤིང་རྒྱ་ཆེ་བའི་ནང་དུ་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པ་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ། ལན་གསུམ། བདག་མདུན་གྱི་ལྷའི་ལྗགས་རྡོ་རྗེའི་སྦུ་གུའི་འོད་ཟེར་གྱིས་གཏོར་མའི་བཅུད་དྲངས་ཏེ་གསོལ་བར་གྱུར། ཨོཾ་ཧྲཱིཿདྡྷིམ་མེ་དཱི་པཾ་སྭ་ར་སྭ་སྟི་མཉྫུཤཱི་ཧཱུཾ་ཧྲཱིཿཔྲཛྷ་ཝནྟ་ནི་ཧྲཱིཿདྷིསྭཱ་ཧཱ། ཨི་དཾ་བ་ལིཾ་ཏཾ་ཁ་ཁ་ཁཱ་ཧི་ཁཱ་ཧི། ལན་བདུན་གྱིས་འབུལ། མཆོད་ཅིང་བསྟོད། རྗེ་བཙུན་འཇམ་པའི་དབྱངས་ཡབ་

― JKT021_Page_0022 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུམ་གྱིས་བདག་དང་སེམས་ཅན་ཐམས་ཅད་ཀྱི་མ་རིག་པའི་མུན་པ་བསལ་ནས་ཤེས་རབ་ཀྱི་སྣང་བ་རྒྱས་པར་མཛད་དུ་གསོལ། ཁྱད་པར་དུ་སྒྲུབ་པའི་རྫས་འདི་རྣམས་མཐོང་ཐོས་མྱང་རེག་ཐམས་ཅད་གཟུངས་དང་། བློ་གྲོས་དང་སྤོབས་པ་ཟད་མི་ཤེས་པ་ལ་དབང་འབྱོར་བར་བྱིན་གྱིས་བརླབ་ཏུ་གསོལ། ཅེས་འདོད་དོན་གསོལ། མ་རྙེད་ཡོངས་སུ་མ་ཚང་དང་། ཞེས་སོགས་དང་ཡི་གེ་བརྒྱ་པས་ནོངས་པ་བཤགས། མདུན་བསྐྱེད་ཀྱི་སངས་རྒྱས་བྱང་སེམས་རྣམས་མཐའ་ནས་རིམ་པར་འོད་དུ་ཞུ་སྟེ་གཙོ་འཁོར་ལྔ་ལ་ཐིམ། དེ་རྣམས་ཀྱང་སྨན་གྱི་རིལ་བུ་འོད་འབར་བའི་རྣམ་པ་མཐོང་ཐོས་མྱང་རེག་ཐམས་ཅད་ལ་བློ་གྲོས་ཀྱི་མཐུ་ཐོགས་པ་མེད་པར་སྩོལ་བའི་ནུས་བྱིན་མཆོག་ཏུ་འབར་བར་གྱུར་པར་བསམས་ལ། བརྟན་བཞུགས་རྒྱས་བསྡུས་གང་རིགས་དང་། ཡེ་དྷརྨཱ་མང་དུ་བརྗོད་ཅིང་མེ་ཏོག་འཐོར་བས་བརྟན་པར་བྱ། བདག་གི་ཐུགས་ཀའི་འོད་ཀྱིས་དག་པའི་སྣོད་བཅུད་ཐམས་ཅད་བསྡུས་ནས་རང་ལ་ཐིམ། རང་ཐུགས་ཀའི་འཁོར་ལོ་ས་བོན་གྱི་བར། དེའང་མི་དམིགས་པ་འོད་གསལ་སྟོང་པ་ཉིད་ཀྱི་ངང་དུ་གྱུར་པར་བསམ། སླར་ཡང་ནམ་མཁའ་ནས་དྷིཡིག་གི་རང་སྒྲ་གྲགས་པའི་རྐྱེན་གྱིས་རང་ཉིད་སྐད་ཅིག་གིས་རྗེ་བཙུན་འཇམ་པའི་དབྱངས་ཀྱི་སྐུར་གྱུར། དགེ་བ་འདི་

― JKT021_Page_0023 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིས་མྱུར་དུ་བདག །འཇམ་དཔལ་ཡབ་ཡུམ་འགྲུབ་གྱུར་ནས། ཞེས་སོགས་བསྔོ་སྨོན་ཇི་ལྟར་རིག་པ་དང་། ཆེ་བའི་ཆེ་མཆོག་ལྟ་བུའི་ཤིས་བརྗོད་གང་རུང་བྱའོ། ༈ །སྒྲུབ་ཐབས་འདོད་འཇོ་དང་འབྲེལ་བར་དབྱངས་ཅན་རིལ་བུ་སྒྲུབ་པའི་ངག་འདོན་ནི། བདག་བསྐྱེད་བཟླས་པ་དང་བཅས་པ་སྔོན་དུ་འགྲོ་བས། སྦྱོང་ཁྲུས་རྒྱས་པར་བྱ་བའམ། ཨ་མྲྀ་ཏས་བསང་། སྭ་བྷཱ་ཝས་སྦྱང་། །སྟོང་པའི་ངང་ལས་མདུན་དུ་ལྷ་དང་དྲང་སྲོང་དྲི་ཟ་གྲུབ་པའི་ཚོགས་ཀྱིས་བསྟེན་པའི་གཞི། རི་བོ་ནགས་ཚལ་སྨན་ལྗོངས་ཉམས་དགའ་བའི་དབུས། འོ་མའི་རྒྱ་མཚོ་དཀར་ལ་དྭངས་བའི་ནང་དུ་པཾ་ལས་པདྨ་དཀར་པོའི་སྡོང་བུ་འདབ་མ་རྒྱས་པ་དང་། ཨ་ལས་ཟླ་བའི་དཀྱིལ་འཁོར་གྱི་སྟེང་དུ་རིལ་བུ་རྣམས་ཧཱུྃ་དཀར་པོ་ལས། ཞེས་པ་ནས། རང་བཞིན་མེད་པའི་སྐུར་གྱུར། རང་གི་ཐུགས་སྲོག་ལས་འོད་ཟེར་དཀར་པོ་འཕྲོས། སྣ་བུག་གཡས་ནས་ཐོན་སོགས་ནས། བི་ལེ་པ་ནི་ཧཱུྃ། ཞེས་པའི་བར་སྒྲུབ་ཐབས་ལྟར། ཛཿཧཱུྃ་བཾ་ཧོ༔ དམ་ཚིག་པ་དང་གཉིས་སུ་མེད་པར་གྱུར། མཆོད་པ་བསང་སྦྱང་། སྟོང་པའི་ངང་ལས་ལྷ་རྫས་དང་ཏིང་ངེ་འཛིན་ལས་གྲུབ་པའི་མཆོད་པའི་སྤྲིན་ཕུང་ཡེ་ཤེས་ཀྱི་རྣམ་རོལ་མཁའ་ཁྱབ་ཏུ་འཆར་བར་གྱུར། ཨོཾ་བཛྲ་ཨརྒྷཾ་ཨཱཿཧཱུྃ་ནས། ཤབྡ་ཨཱཿཧཱུྃ་གི་བར་གྱིས་

― JKT021_Page_0024 ―

^{[མ་དཔེ་གཟིགས་ན་འདིར་གནོན།]}

[Full Size]

བརླབ། རབ་བྱམས་རྒྱ་མཚོ་དཔག་མེད་ན། མཆོད་ཡོན་ཇི་སྙེད་ཡོད་པ་རྣམས། འཕགས་མ་སྒྲ་དབྱངས་ལྷ་མོར་འབུལ། བློ་དང་ངག་གི་དངོས་གྲུབ་སྩོལ། ཨོཾ་སྭ་ར་སྭ་སྟི་དེ་ཝི་ས་པ་རི་ཝཱ་ར་ཨརྒྷཾ་པྲ་ཏཱིཙྪ་སྭཱ་ཧཱ། དེ་བཞིན་དུ། ཞབས་བསིལ། པཱཏུཾ། མེ་ཏོག །པུཝེ། བདུག་སྤོས། དྷཱུ་པེ། སྣང་གསལ། ཨཱ་ལོ་ཀེ །དྲི་མཆོག །གནྡྷེ། ཞལ་ཟས། ནེ་ཝིད། རོལ་མོ། ཤཔྡ་ཞེས་སྦྱར་བས་མཆོད། སྤྲོ་ན། མི་དབང་རིན་ཆེན་སྣ་བདུན་འདི་དག་ནི། འཕགས་མ་འཁོར་དང་བཅས་པ་མ་ལུས་ལ། བཤམས་ཤིང་ཡིད་ཀྱིས་སྤྲུལ་ཏེ་ཕུལ་བ་ཡིས། འགྲོ་བ་མི་ཟད་གཏེར་ལ་སྤྱོད་པར་ཤོག །ཨོཾ་སཔྟ་མ་ཧཱ་རཏྣ་བཛྲ་པཱུ་ཛི་ཏེ་ཨཱཿཧཱུྃ། ཕྱོགས་དུས་ཀུན་ན་གཟུགས་སྒྲ་དྲི་དང་རོ། །རེག་བྱའི་ཁྱད་པར་ཕུན་སུམ་ཚོགས་པ་རྣམས། མོས་བློས་སྒྲ་དབྱངས་ལྷ་མོར་བདག་འབུལ་ན། བཞེས་ཀླུ། ཤིང་བློ་དང་ངག་གི་དངོས་གྲུབ་སྩོལ། ཨོཾ་པཉྩ་ཀཱ་མ་གུ་ཎ་བཛྲ་པཱུ་ཛི་ཏེ་ཨཱཿཧཱུྃ། ལྷ་ཡི་དབང་པོ་ལྷ་མིན་གཡུལ་རྒྱལ་ནས། །བཀྲ་ཤིས་ལྷ་མོ་བརྒྱད་ཀྱིས་མཆོད་པ་ལྟར། རྒྱལ་བའི་ཡུམ་མཆོག་སྒྲ་དབྱངས་ལྷ་མོ་ལ། །བཀྲ་ཤིས་རྫས་བརྒྱད་དག་གིས་མཆོད་པར་བགྱི། ཨོཾ་ཨཥྚ་མངྒ་ལ་བཛྲ་པཱུ་ཛི་ཏེ་ཨཱཿཧཱུྃ། བྲམ་ཟེ་ཕུར་བུས་མཛད་པ་སོགས་བསྟོད་པ་རྒྱས་བསྡུས་ཇི་ལྟར་རིགས་པས་བསྟོད། །

― JKT021_Page_0025 ―

^{[མ་དཔེ་གཟིགས་ན་འདིར་གནོན།]}

[Full Size]

གཟུངས་ཐག་བླངས་ལ། རིལ་བུ་ལྷ་མོར་གསལ་བའི་ཐུགས་ཀར་དབྱངས་ཅན་གྱི་འཁོར་ལོ་པདྨ་འདབ་བརྒྱད་དཀར་ཞིང་འཚེར་བའི་ལྟེ་བར་ཟླ་བ་ལ་ཧཱུཾ། འདབ་མ་བརྒྱད་ལ་མདུན་ནས་གཡས་སྐོར་དུ་དབྱངས་ཀྱི་ཡི་གེ་གཉིས་གཉིས་འཁོད་པ་མར་མེའི་ཕྲེང་བ་ལྟར་འབར་བ། རང་གི་ཐུགས་ཀའི་ས་བོན་ལས་འོད་ཟེར་འཕྲོས། མདུན་གྱི་ལྷ་མོའི་ཐུགས་རྒྱུད་བསྐུལ། དེའི་ཐུགས་ཀ་ནས་འོད་ཟེར་ཕྱོགས་བཅུར་འཕྲོས། འཕགས་པ་མཆོད། སེམས་ཅན་ཐམས་ཅད་ཀྱི་མ་རིག་པའི་མུན་པ་བསལ། ཤེས་རབ་ཀྱི་སྣང་བ་ལ་བཀོད། འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ། མཁྱེན་བརྩེ་ནུས་པའི་ཡེ་ཤེས། བརྟན་གཡོའི་དྭངས་བཅུད་ཐམས་ཅད་བསྡུས་ནས་ཐུགས་ཀའི་ས་བོན་ལ་ཐིམ་པར་གྱུར། ཧྲཱི་ཞེས་ཅི་ནུས་དང་། ཐུན་མཐར་དབྱངས་གསལ་དང་། ཨོཾ་ཧྲཱི་མ་ཧཱ་མཱ་ཡཱངྒེ་མ་ཧཱ་ས་ར་སྭ་སྟྱཻ་ན་མཿ ཞེས་དང་། ཨོཾ་བཱ་གྷ་དི་ནི་བཱ་ཙརྱ་ནི་ཡཙྪ་སྭ་ར་སྭ་སྟི་མ་ཧཱ་ཤྲཱི་ཏེ་སྭཱ་ཧཱ། ཞེས་དང་། ཨོཾ་ཙནྡྲ་གོ་མི་སལ་སལ་ཕྱེ་ཕྱེ་ཧཱུཾ་ཧཱུཾ་སྭཱ་ཧཱ། ཞེས་པ་རྣམས་ཀྱང་བཟླས། རྗེས་གནང་གི་སྐབས་ལྟར་གཏོར་མ་གསུམ་ཕུལ། ལྷག་ཆད་ཁ་སྐོང་། བཟོད་གསོལ། བསྔོ་སྨོན་ཤིས་བརྗོད་བཅས་བྱ། ཐུན་ཕྱི་མ་རྣམས་ལ་མདུན་བསྐྱེད་སྔར་ཡོད་གསལ་གདབ་ཀྱི་ཚུལ་དུ་བསྐྱེད་ལ་ཇི་

― JKT021_Page_0026 ―

^{[མ་དཔེ་གཟིགས་ན་འདིར་གནོན།]}

[Full Size]

སྐད་བཤད་པ་བཞིན་ཉམས་སུ་བླངས་ཏེ། དེ་ལྟར་རྨི་ལམ་སོགས་རྟགས་མཚན་དགེ་བ་མཐོང་བའི་བར་དུ་བསྒྲུབ། ཐུན་ཐ་མར་གཏོར་མ་ཕུལ་བའི་རྗེས་སུ། དབྱངས་ཅན་མ་འོད་དུ་ཞུ་བ་ཡོངས་སུ་གྱུར་པ་ལས་སྨན་གྱི་རིལ་བུ་བློ་གྲོས་ཀྱི་མཐུ་ཐོགས་པ་མེད་པར་སྟེར་བའི་ནུས་བྱིན་དང་ལྡན་པར་གྱུར། རྟེན་འབྲེལ་སྙིང་པོ་མང་དུ་བཟླས་པའི་མེ་ཏོག་གི་ཆར་ཕབ་ལ་ཤིས་པ་བརྗོད། གཏོར་མགྲོན་རྟེན་མེད་ན་གཤེགས་སུ་གསོལ་བ་སོགས་སྐབས་དང་སྦྱར། དགེ་བ་འདི་ཡིས་མྱུར་དུ་བདག །སྒྲ་དབྱངས་ལྷ་མོ་འགྲུབ་གྱུར་ནས། སོགས་དགེ་བ་བསྔོ། ཆེ་བའི་ཆེ་མཆོག་ལྟ་བུའི་ཤིས་བརྗོད་གང་ཟླརིགས་བྱའོ། ༈ །ཐམས་ཅད་མཁྱེན་པ་དཀོན་མཆོག་ལྷུན་གྲུབ་པའི་བཅུ་གཅིག་ཞལ་གྱི་སྒྲུབ་ཐབས་ངག་འདོན་ནི། བདག་དང་འགྲོ་བ་སོགས་སྐྱབས་འགྲོ་ཅི་ནུས། བླ་མ་དང་དཀོན་མཆོག་རིན་པོ་ཆེ། སོགས་ལན་གཅིག །སེམས་ཅན་ཐམས་ཅད་ཀྱི་དོན་དུ་རྫོགས་པའི་སངས་རྒྱས་ཀྱི་གོ་འཕང་ཐོབ་པར་བྱ། དེའི་ཆེད་དུ་འཕགས་པ་ཐུགས་རྗེ་ཆེན་པོའི་བསྒོམ་བཟླས་ཉམས་སུ་བླང་བར་བགྱིའོ། །ལན་གསུམ། རང་སྐད་ཅིག་སོགས་ནས། དབང་ཕྱུག་འཁོར་དང་བཅས་པ་མདུན་གྱི་ནམ་མཁར་ཨོཾ་བཛྲ་ས་མཱ་ཛཿ སངས་རྒྱས་ཐམས་ཅད་སོགས་ནས། དབང་ཕྱུག་ལ་སངས་རྒྱས་དང་

― JKT021_Page_0027 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་ཆུབ་སེམས་དཔའི་ཚོགས་ཀྱིས་བསྐོར་བ་མདུན་གྱི་ནམ་མཁར་ཨོཾ་བཛྲ་ས་མཱ་ཛཿ ཨོཾ་སརྦ་ཏ་ཐཱ་ག་ཏ་སོགས་ནས། ནེ་ཝི་དྱེ་ཨཱཿཧཱུྃ་སྭཱ་ཧཱ། ཞེས་པའི་བར་གོང་ལྟར། ཛཿཧཱུྃ་སོགས་ནས། །རིགས་ལྔ་མདུན་གྱི་ནམ་མཁར་ཨོཾ་བཛྲ་ས་མཱ་ཛཿ ཨོཾ་པཉྩ་ཀུ་ལ་ས་པ་རི་ཝཱ་ར་ཨོཾ་བཛྲ་པུབྦེ་ཨཱཿཧཱུྃ་སྭཱ་ཧཱ་ནས། ནེ་ཝིདྱེ་ཨཱཿཧཱུྃ་སྭཱ་ཧཱ། དེ་བཞིན་གཤེགས་པ་སོགས་ནས། ཚུར་འདུས་ཧྲཱིཿལ་ཐིམ། ཞེས་བརྗོད་ཅིང་བསམས་ལ་སེམས་བཟུང་། དེ་ནས་བཟླས་པ་བྱ་བ་ནི། སླར་ཡང་རང་གི་ཐུགས་ཀའི་ས་བོན་གྱི་མཐར་སྔགས་ཀྱི་ཕྲེང་བ་གཡས་བསྐོར་དུ་འཁོད་པ། དེ་ལས་ཐུགས་རྗེ་སོགས་ནས། །ཧྲཱིཿལ་ཐིམ། ཅེས་དམིགས་ལ་གཟུངས་བཟླ། མཇུག་དུ། བདག་བསྐྱེད་ཀྱི་ཡེ་ཤེས་པ་མདུན་གྱི་ནམ་མཁར་བྱོན་པར་གྱུར། ཨོཾ་སརྦ་ཏ་ཐཱ་ག་ཏ་སོགས་ཀྱིས་མཆོད། བཅོམ་ལྡན་འདས་བདག་དང་སེམས་ཅན་ཐམས་ཅད་ལ་མཆོག་ཐུན་མོང་གིས་དངོས་གྲུབ་མ་ལུས་པ་སྩལ་དུ་གསོལ། ཞེས་གསོལ་བ་གདབ། ཡི་གེ་བརྒྱ་པ་ལན་གསུམ་མཇུག་ཏུ། མ་འབྱོར་པ་དང་སོགས། ཨོཾ། ཁྱེད་ཀྱི་སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་ནས་ཀྱང་། །སླར་ཡང་འབྱོན་པར་མཛད་དུ་གསོལ། ཛ་རི་ཛ་རི་ཛ་རི། མདུན་གྱི་ཡེ་ཤེས་པ་རང་བཞིན་

― JKT021_Page_0028 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་གནས་སུ་གཤེགས། རང་དམ་ཚིག་པའི་ང་རྒྱལ་གྱིས་འཁོད་པའི་དཔྲལ་བ་ཨོཾ་སོགས་ནས། སྔོན་པོ། དགེ་བ་འདི་ཡིས་མྱུར་དུ་བདག །ཐུགས་རྗེ་ཆེན་པོ་འགྲུབ་གྱུར་སོགས་དང་། གཞན་ཡང་བདེ་ལེགས་ཤིས་བརྗོད་ཅི་རིགས་པ་བྱའོ། ༈ །མཚམས་སྡོད་སྐབས་ཟླ་བ་གསུམ་གྱི་དབང་དུ་བྱས་ན་དཀྱིལ་འཁོར་དང་པོ་སྔ་དྲོ་གནས་ཁང་ཕྱག་དར་བྱ། ཐུགས་རྗེ་ཆེན་པོའི་སྐུ་དངོས་པོ་ཡོད་ན་ཡི། དགྲམ། བྱ་རྒྱུད་ལུགས་ཀྱི་ཟླུམ་གཏོར་དཀར་པོ་དང་། མཆོད་པ་བཤམས། ཕྱི་དྲོའི་སྐབས་བདག་མེད་པའི་ངང་ནས་ཆ་གསུམ་གཏོར་མ་བཏང་ལ་མཚམས་བཅད། ཐུན་བཞི་བྱ། སྔ་ཐུན་གྱིས་མཇུག་ཏུ། རང་དམ་ཚིག་པའི་ང་རྒྱལ་གྱིས་འཁོད་པར་གྱུར། ཅེས་བརྗོད་པའི་མཚམས་གཏོར་མ་ལ་ཆབ་བྲན། སྭ་བྷཱ་ཝ་སོགས་ནས། ནམ་མཁའ་དང་མཉམ་པར་གྱུར། རང་ཉིད་དམ་ཚིག་ནས། བདུད་རྩི་བཀུག་ཏེ་གཏོར་མ་ལ་ཐིམ་པར་གྱུར། ཨོཾ་ཨཱཿཧཱུྃ་གསུམ། ན་མ་སརྦ་ཏ་ཐཱ་ག་ཏ་བྷྱོ་བི་ཤྭ་སོགས་གསུམ། རང་གི་སྙིང་གའི་འོད་ཟེར་སོགས་ནས། ཤྲ་མ་ཎཿ ཞེས་བརྗོད་ལ་གཏོར་མགྲོན་རྣམས་མི་དམིགས་པར་བཞག ༈ །རང་གི་དཔྲལ་བ་ཨོཾ་སོགས་དཀྱུས་ལྟར་རོ། །དེའང་ཉི་མ་གསུམ་ཙམ་ལ་སྐྱབས་འགྲོ་བཞི་བསྐོར་གྲངས་གསོག་ནས་ཁྲི་ཙམ་སོགས་གང་འགྲུབ་བྱ། དེ་ནས་དངོས་

― JKT021_Page_0029 ―

^{[མ་དཔེ་གཟིགས་ན་འདིར་གནོན།]}

[Full Size]

གཞི་ཐུན་རེར་གཟུངས་ཐུང་སྟོང་ཕྲག་རེ་དང་སུམ་བརྒྱ་ཙམ་གང་འོས་བཟླས་པས་ཟླ་བ་གཉིས་ཀྱི་འབུམ་ཕྲག་གསུམ་འགྲོ་བ་ཡིན། དེ་མཚམས་ཀྱི་སོང་ཚུལ་བཞིན་ཏུ་ཤེས་ལ་སྨྱུང་གནས་ཆ་བདུན་ལ། ཞག་ཉེར་གཅིག །དེ་ནས་བདག་བསྐྱེད་ཀྱི་བཟླས་པ་ཅུང་ཟད་རྗེས་ཡིད་བཞིན་འཁོར་ལོའི་གཟུངས་རིང་སྟོང་ཕྲག །སྙིང་པོ་དང་། ཉེ་སྙིང་ཅི་ནུས། ཕར་ཕྱིན་དྲུག །ས་བཅུ། སྒོ་མཐའ་ཡས་པའི་གཟུངས་རིང་ཅི་ནུས་བཅས་གང་ལྟར་ཡང་ཞག་གསུམ་ཙམ་དུ་དག་པར་འདོན་ལ་གཟའ་སྐར་ཚེས་གྲངས་ལེགས་པའི་སྐབས་སུ་སྔ་དྲོ་ལ་མཚམས་གྲོལ་ལོ། །མངྒ་ལཾ། ༈ །བཅུ་གཅིག་ཞལ་གྱི་བསྙེན་པའི་སྐབས་སུ་གཟུངས་རིང་ཚར་བདུན་གྱིས་ཐོག་དྲངས། ཏདྱ་ཐཱ། ཨོཾ་དྷ་ར་སོགས་འབུམ་ཕྲག་དྲུག་བསགས་པ་ནི་བསྙེན་པ་དང་། ཐུགས་རྗེ་ཆེན་པོ་ཡིད་བཞིན་འཁོར་ལོའི་གཟུངས་སྟོང་ཕྲག་གྲུབ་ཀྱང་ལེགས་ལ། དེ་བཞིན་དུ་ཐུན་མཚམས་སོགས་སུ་ཕ་རོལ་ཏུ་ཕྱིན་པ་དྲུག་དང་། ས་བཅུ་པ་དང་། སྣང་མཐའི་གཟུངས་སོགས་ཇི་ལྟར་རིགས་པ་བཟླ་བའང་ཕུན་སུམ་ཚོགས་པའི་ཡན་ལག་ཡིན་ལ། དེ་ནས་རྐྱང་ཁུག་སྤེལ་བར་སྨྱུང་གནས་ཞག་ཉེར་གཅིག་ཏུ་བྱེད་པ་ནི་སྒྲུབ་བསྙེན་ནོ། ༈ །གཤིན་པོར་ཆོས་བཤད་སྐབས་སུ། དང་པོ་འོད་གསལ་ངོ་སྤྲད་པ་ནི། འདི་ལྟར་གཉིས་མེད་

― JKT021_Page_0030 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་རྒྱལ་ལས། ལུས་ཅན་རྣམས་ནི་ངེས་པར་འཆི་བའི་ཚེ། ས་ནི་ཆུར་ཐིམ་ཆུ་ནི་མེ་ལ་ཐིམ། མེ་ནི་རླུང་ལ་རླུང་ནི་རྣམ་ཤེས་ཐིམ། རྣམ་ཤེས་གཟུང་བ་འོད་གསལ་འཇུག་པར་འགྱུར། ཞེས་པ་ལྟར་འབྱུང་བཞི་རིམ་པར་ཐིམ་ཞིང་སྣང་མཆེད་ཐོབ་གསུམ་གྱི་མཐར་གཞི་ཡི་འོད་གསལ་ཤར་བ་ངོ་སྤྲོད། དེར་མ་བུ་འདྲེས་པའི་ཚེ་ན་དེ་བཞིན་ཉིད་ཀྱི་འཕོ་བའམ། འཆི་བ་ཆོས་སྐུར་སངས་རྒྱས་པའོ། །རླུང་རྣམ་ཤེས་ལ་ཐིམ་པ་ཚུན་འདས་པའི་གདམས་པ་བཏབ་སྟེ། དེ་ཡང་དབང་ཁྲིད་མ་ཐོབ་པ་སོགས་སྤྱི་ལ། བཟང་སྤྱོད་ཀྱི་དོན་སློབ་དཔོན་ཛེ་ཏ་རི་ལས་བྱུང་བའི་སྣང་བ་མཐའ་ཡས་ཀྱི་སྒོམ་དོན་ལྟར་གདམས་ཏེ། དེ་ཡང་སྔོན་འགྲོ་ནི། བདག་དང་མཁའ་མཉམ་འགྲོ་བ་མ་ལུས་པ། དཔལ་ལྡན་བླ་མ་སྟོན་མཆོག་རྫོགས་སངས་རྒྱས། དམ་ཆོས་འཕགས་པའི་དགེ་འདུན་ཐམས་ཅད་ལ། དེང་ནས་བྱང་ཆུབ་བར་དུ་སྐྱབས་སུ་འགྲོ། ལན་གསུམ། འགྲོ་རྣམས་སྲིད་པའི་རྒྱ་མཚོ་ལས་བསྒྲལ་ཕྱིར། བདག་གིས་རྫོགས་པའི་བྱང་ཆུབ་བསྒྲུབ་པར་བྱ། དེ་མི་ཆེད་དུ་བདེ་ཆེན་བགྲོད་པའི་ལམ། སྣང་བ་མཐའ་ཡས་ཏིང་འཛིན་བསྒོམ་པར་བྱ། ལན་གསུམ། ཁྱེད་རང་གནས་པའི་ས་འདི་དག་པའི་ཞིང་། བདེ་བ་ཅན་གྱི་བཀོད་པ་ཕུན་ཚོགས་བསམ། རང་ཉིད་ཐུགས་རྗེ་ཆེ་སོགས་ལྷར་གསལ་བའི། །

― JKT021_Page_0031 ―

^{[མ་དཔེ་གཟིགས་ན་འདིར་གནོན།]}

[Full Size]

ནམ་མཁར་ཡེ་ཤེས་རང་སྣང་རིན་ཆེན་ཁྲི། །པདྨ་ཟླ་བ་བརྩེགས་པའི་གདན་སྟེངས་སུ། །རྒྱལ་བ་སྣང་བ་མཐའ་ཡས་སྐུ་མདོག་དམར། ཞལ་གཅིག་འཛུམ་ཞལ་ཕྱག་གཉིས་མཉམ་བཞག་སྟེང་༔ ལྷུང་བཟེད་བདུད་རྩིས་བཀང་བ་བསྣམས་པའི་སྐུ། དར་གྱི་ན་བཟའ་རིན་ཆེན་རྒྱན་གྱིས་མཛེས། །ཞབས་གཉིས་རྡོ་རྗེའི་སྐྱིལ་ཀྲུང་བཞུགས་པར་བསྒོམ། དེ་མཐར་བརྒྱུད་པའི་བླ་མ་ཐམས་ཅད་དང་། སངས་རྒྱས་བྱང་ཆུབ་སེམས་དཔས་བསྐོར་བར་གྱུར། ཇི་སྙེད་སུ་དག །སོགས་སམ། ཆོས་སྤྱོད་བཅུ་པ་སོགས་གང་འོས་བྱ། དངོས་གཞི། དེ་ནས་སྡིག་པ་དག་སྙམ་ངེས་ཤེས་བསྐྱེད། ཚེ་འདིའི་ཡུལ་ལ་ཆགས་ཞེན་ཐམས་ཅད་སྤང་། འཆི་ལ་མི་འཇིགས་བདེ་བ་ཅན་གྱི་ཞིང་། ངེས་པར་འགྲོ་སྙམ་གསོལ་བ་འདི་ལྟར་གདབ། བཅོམ་ལྡན་དེ་བཞིན་གཤེགས་པ་དགྲ་བཅོམ་པ། ཡང་དག་རྫོགས་པའི་སངས་རྒྱས་འོད་དཔག་མེད། བདག་གི་སྡིག་སྒྲིབ་སྦྱངས་ནས་ཁྱེད་ཀྱི་ཞིང་། མྱུར་སྐྱེ་བྱང་ཆུབ་ལུང་བསྟན་ཐོབ་པར་མཛོད། ཅེས་པ་དད་འདུན་དྲག་པོས་གསོལ་བཏབ་མཐར། ཁྱེད་རང་རྣམ་ཤེས་འོད་ཟེར་དཀར་པོའི་གཟུགས། །སྣ་སྒོའི་རླུང་དང་མཉམ་དུ་ཕྱིར་ཐོན་ནས། རྒྱལ་བའི་ཤངས་བུག་ཞུགས་ནས་ཐུགས་ཀར་ཐིམ། རང་སེམས་རྒྱལ་བའི་ཐུགས་དང་དབྱེར་མེད་བསྲེས། །

― JKT021_Page_0032 ―

^{[མ་དཔེ་གཟིགས་ན་འདིར་གནོན།]}

[Full Size]

རླུང་ནང་འཇུག་དུས་རྒྱལ་བའི་ཐུགས་ཀ་ནས། །འོད་བྱུང་ཁྱོད་ཀྱི་ཁར་ཞུགས་སྙིང་གར་ཐིམ། རྒྱལ་བའི་ཐུགས་དང་རང་སེམས་འདྲེས་པར་བསམ། དེ་འདྲ་དབུགས་ཀྱི་འགྲོ་འོང་ཅི་ནུས་བསྒོམ། །རྗེས་ནི། མཐའ་བསྐོར་བཞུགས་པའི་བླ་མ་རྒྱལ་བ་སྲས། །ཕྱི་ནས་རིམ་ཞུ་འོད་དཔག་མེད་ལ་ཐིམ། །དེ་ཡང་འོད་ཞུ་རང་ལ་རང་ཉིད་ཀྱང་། །འོད་ཞུ་བླ་མ་སངས་རྒྱས་རང་སེམས་གསུམ། །དབྱེར་མེད་འཁོར་འདས་རོ་གཅིག་ངང་དུ་ཞོག །སླར་ཡང་རང་ཉིད་འོད་དཔག་མེད་སྐུར་ལྡང་། །རྒྱལ་བའི་དཀྱིལ་འཁོར་བཟང་ཞིང་དགའ་བ་དེར། སོགས་བརྗོད་དོ། ༈ །དུས་གསུམ་སངས་རྒྱས་ཐམས་ཅད་འདུས་པའི་བདག སྐྱབས་གནས་བླ་མ་མཆོག་དང་དབྱེར་མེད་པའི། རྡོ་རྗེ་རྣལ་འབྱོར་མ་ལ་གསོལ་བ་འདེབས། །བདག་འཛིན་བློ་ཡིས་ཐོངས་པར་བྱིན་གྱིས་རློབས། །དགོས་མེད་རྒྱུད་ལ་སྐྱེ་བར་བྱིན་གྱིས་རློབས། །ལམ་མཆོག་འཕོ་བ་འབྱོངས་པར །འཁྱུགས་མེད་མཁའ་སྤྱོད་འགྲུབ་པར་བྱིན་གྱིས་རློབས། ༈ །གལ་ཏེ་འཕོ་བ་དང་། འོད་གསལ་གྱི་གདམས་པས་མ་ཟིན་ན། འོད་གསལ་ལས་འཁྲུལ་ཏེ་ལུས་སེམས་བྲལ་ནས་སྲིད་པ་བར་དོར་བརྫུས་ཏེ་སྐྱེས་ན་བར་དོའི་ངོ་སྤྲོད་བྱ་བར་བཤད་དོ། ༈ །རྣམ་སྣང་གི་ཕྱག་རྒྱའི་དགོས་པ་ནི། ལུས་ཀྱི་གཡོན་ན་བྱང་སེམས་འབབ་པའི་རྩ་

― JKT021_Page_0033 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོད་པ། དེ་མཚོན་པས་གཡོན་པའི་འཛུབ་མོ་བསྒྲེང་བ་ཡིན་ལ། བྱང་སེམས་དེ་ཉིད་ཕྱིར་མི་འཕོ་བར་ལུས་ཀྱིས་རྟག་ཏུ་འཆིང་བར་བྱེད་པ་མཚོན་ཕྱིར་གཡས་པའི་ཁུ་ཚུར་གྱིས་དེ་བཅིང་བར་བྱེད་པའི་དོན་ཏོ། །ཞེས་ལམ་འབྲས་བླ་མ་རིགས་ལྔར་སྒོམ་པའི་ཟིན་བྲིས་ལས་བཤད་དོ། །ཀླུ་གཏོར་ལས། ཡུལ་གྱི་དབང་པོ་སྣ་ཚོགས་སུ་སྣང་བ་ཞེས་པ། ཡུལ་གྱི་རྣམ་པ་སྣ་ཚོགས་སུ་སྣང་བ་ཞེས་དཔེར་ན་ཤེལ་གྱི་ལུས་ལྟ་བུའོ། ༈ །དམ་པའི་ཆོས་བསྒྲགས་པ་རྣམས་ཀྱིས། སྦྱོར་བ་སྐྱབས་སེམས་དང་། ཡན་ལག་བདུན་པ་སྔོན་དུ་འགྲོ་བ་དང་ཚད་མེད་བཞིས་བསོད་ནམས་ཀྱི་ཚོགས་བསགས། སྭ་བྷཱ་ཝས་གདོད་མའི་སྟོང་ཆེན་གྱི་དོན་དྲན་པར་བྱས་ལ་ཡེ་ཤེས་ཀྱི་ཚོགས་བསགས། དངོས་གཞི། འཁོར་འདས་ཆོས་རྣམས་ཐམས་ཅད་རང་བཞིན་གྱིས། ཡོད་མེད་མཐའ་བྲལ་སྟོང་པའི་ངང་ཉིད་ལས། །མི་འཇིགས་བཞི་ལྡན་གདོང་ལྔའི་དབང་པོ་བརྒྱད། །ཁེངས་པས་རབ་བཏེག་བཀོད་ལེགས་རིན་ཆེན་ཁྲི། །སྐྱོན་བྲལ་ཆུ་སྐྱེས་འདབ་རྒྱས་ལྟེ་བ་ལ། །དཀར་གསལ་ཀུན་ཕན་རྒྱས་པའི་དཀྱིལ་འཁོར་སྟེང་། བདག་ཉིད་སྐད་ཅིག་གསལ་རྫོགས་བཅོམ་ལྡན་འདས། །ཉི་མའི་རྒྱུད་འཁྲུངས་སྟོན་མཆོག་གསེར་གྱི་མདོག །བཟོད་པ་དམ་པས་རྒྱན་པའི་ཞལ་རས་ལ། །ཉིན་བྱེད་

― JKT021_Page_0034 ―

^{[མ་དཔེ་གཟིགས་ན་འདིར་གནོན།]}

[Full Size]

འཆར་ཀའི་མཛེས་པས་བསྐྲུན་དུ་མེད། །འཇམ་མཉེན་ཕྱག་གཉིས་ཆོས་འཆད་མཉམ་བཞག་དང་། །ཞབས་ཟུང་མི་ཕྱེད་རྡོ་རྗེའི་སྐྱིལ་ཀྲུང་བཞུགས། །ཐུན་མཚམས་དམར་འོད་གསར་བའི་མཛེས་སྡུག་སྟོང་། གཅིག་ཏུ་བསྡུས་འདྲའི་ཆོས་གོས་གསུམ་མཛེས་སྐུ། །མཚན་བཟང་དཔེ་བྱད་སྣང་བས་འཇིག་རྟེན་འགེངས། །ཞལ་འཛུམ་དཀྱུས་རིང་སྤྱན་གྱིས་འགྲོ་ལ་གཟིགས། །འཕགས་དང་སོ་སྐྱེ་སྡེ་༧ བརྒྱད་འདུས་པའི་འཁོར། །ཐམས་ཅད་དགའ་བའི་འཛུམ་བཅས་འདུན་བདར་བ། །སྟོན་ཟླ་རྒྱས་པའི་དཀྱིལ་འཁོར་མི་ལྷུང་ཕྲེང་། །གྲངས་མེད་ཀུན་ནས་བསྐོར་ཞིང་ལྷམ་མེར་བཞུགས། །བདག་གི་སྨིན་མཚམས་ལ་སོགས་སྐུའི་ཆ་ལས། །འོད་ཟེར་འཕྲོས་པས་སྟོང་གསུམ་འཇིག་རྟེན་ཁམས། །ཁྱབ་པར་སྣང་བྱེད་འོད་དེས་རེག་པའི་མོད། །སེམས་ཅན་དམྱལ་བ་བྱོལ་སོང་གཤིན་རྗེ་ཡི། །འཇིག་རྟེན་རྒྱུན་ཆད་མི་ཁོམ་གནས་བརྒྱད་བྲལ། །བདེ་འགྲོ་ལྷ་མི་རྣམས་དང་སྐལ་མཉམ་གྱུར། །ཐམས་ཅད་དམ་ཆོས་མཉན་ཕྱིར་ལྷ་གནས་ནི། །དད་དགའ་རྒྱས་པའི་སེམས་ཀྱིས་འཁོད་པར་གྱུར། །བདག་ཉིད་སྟོན་མཆོག་དགྱེས་པའི་ཞལ་སྒོ་ནས། །འཕྲུལ་གྱི་ལྗགས་བརྐྱངས་འོད་ཟེར་གྲངས་མེད་སྤྲོས། །འོད་ཀྱི་རྩེར་བཞུགས་རྒྱལ་བ་བྱེ་བ་ཕྲག །གྲངས་མེད་འཁོར་དབུས་ཆོས་འཁོར་བསྐོར་བར་

― JKT021_Page_0035 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ། །ཆོས་རྣམས་ཐམས་ཅད་རྨི་ལམ་སྒྱུ་འདྲར་སྣང་། །སྣང་ཙམ་ངོ་བོ་སྐྱེ་འགག་གནས་པ་མེད། །མེད་བཞིན་རང་སྣང་མ་འགགས་ཅིར་ཡང་འཆར། །འཆར་སྒོ་རང་རིག་བརྗོད་བྲལ་ངང་ཉིད་ནས། ལྷ་ཡི་སྐད་དང་། སོགས། བསྟན་ནོ། །ཞེས་བརྗོད་གསལ་དག་སྙན་ལ་མ་ཡེངས་བཟླས། རྗེས་སུ་ཡིག་བརྒྱ་ཚར་གསུམ་གྱིས་ལྷག་ཆད་བསྐང་། དགེ་བ་བསྔོ་ཞིང་སྨོན་ལམ་a གདབ་། ཤིས་པ་བརྗོད་པར་བྱའོ། །ཞེས་པའང་བཀའི་གླེང་གཞི་དང་དགོངས་འགྲེལ་འགའ་ཞིག་གི་དགོངས་པ་དང་མཐུན་པའོ། ཤུ་བྷཾ། ༈ །སྭསྟི་སིདྡྷི། རི་ཁྲུས་སུ་གྲགས་པ་ནི། ཉེ་བར་གནས་པ་དེའི་ཡུལ་ཕྱོགས་སུ་རྟག་ཆགས་ཀྱི་གཞི་བདག་ལ་གྲིབ་འཁོན་ཕོག་པ་སོགས་སྦྱང་བའི་ཐབས་ཚུལ་སྣང་སྟེ། དེ་ལ་སྦྱོར་བ་རྣམ་འཇོམས་སམ་སྨེ་བརྩེགས་གང་རིགས་ཀྱི་ཁྲུས་བུམ་ནུས་ལྡན་དུ་བསྒྲུབས་ནས་སྐུ་གསུང་ཐུགས་རྟེན་བྱིན་རླབས་ཅན་ལ་མཆོག་ཁྲུས་ཞུས་པའི་བུམ་ཆུ་བླུགས་པས། གང་དུ་བཏང་བའི་ས་བླ་གབ་མེད་པར་ཁྱེར་ལ། དངོས་གཞི། སྐྱབས་སངས་རྒྱས་ཆོས་སེམས་སྔོན་དུ་འགྲོ་བས་རང་ཉིད་ཐུན་མཚམས་ལྷར་གསལ་བཞིན་པའི་ངང་། རང་གི་སྙིང་ག་ནས་འོད་ཟེར་འཕྲོས་པས་ལྗོངས་ཀྱི་དཀྱིལ་འཁོར་ཆེན་པོ་འདིར་མངའ་བསྒྱུར་བའི་ས་བདག་ཡུལ་ལྷ་གཞི་བདག གནས་བདག་

― JKT021_Page_0036 ―

^{[མ་དཔེ་གཟིགས་ན་འདིར་གནོན།]}

[Full Size]

གཉུག་མར་གནས་པའི་ཟོ་དོར་གཉེན་པོ་ཆེ་གེ་མོ་ཞེས་བྱ་བ། མཆེད་དང་རིགས་སྲས་བཙུན་མོ་བློན་འབངས་འཁོར་དང་ཡང་འཁོར་དུ་བཅས་པ་ཐམས་ཅད་དང་། གཞན་ཡང་མདོ་སྟོད་མདོ་སྨད་ཀྱི་ལྗོངས་ཁོ་ར་ཁོར་ཡུག་གི་ས་ཆུ་རྡོ་ཤིང་གཉེན་པ་རྣམས་ལ་གནས་པ་རྣམས་དང་། ཁྱད་པར་ཕོག་ཐུག་འཁོན་གྲིབ་སོགས་ཀྱི་ཉེས་པས་ཕོག་པ་ཐམས་ཅད་དག་བྱེད་ཁྲུས་ཀྱི་ཆོ་གའི་མགྲོན་འདིར་སྐད་ཅིག་ཐང་ཅིག་ཡུད་ཙམ་ལ་འདུས་ཤིང་། ཁྲུས་ཀྱི་བྱ་བ་གྲུབ་པའི་བར་དུ་འཁོད་པར་གྱུར་ཅིག །སརྦ་བྷཱུ་མི་པ་ཏི་ལོ་ཀ་པ་ལ་ཨ་ཀརཱ་ཡ་ཛཿ ཞེས་བརྗོད་ཁོར་ཡུག་ཏུ་འཁོད་པར་བསམ། ཇི་ལྟར་བལྟམས་པ་སོགས། འདི་ནི་ཁྲུས་མཆོག་དཔལ་སོགས༴ ཧཱུཾ་ཧཱུཾ། འདི་ནི་སྦྱིན་པའི་རང་བཞིན་སོགས། ཁྲུས་ལེགས་མཛད་ཅིང་སྐུ་ཁྲུས་གསོལ། དེ་བཞིན་འགྲེ། ཆུ་བོ་དྲུག་གིས་ཁྲུས་བགྱིས་པས། སོགས་ནས། བགྱིའོ། །སྔགས་གང་ཡིན་མཐར། གཞི་བདག་གནས་བདག་ཡུལ་བདག་གྲོང་བདག་གཉུག་མར་གནས་པ་ཐམས་ཅད་ཀྱི་ཚེ་ཐོག་མ་མེད་པ་ནས་བསགས་པའི་སྡིག་སྒྲིབ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། ནད་ཐམས་ཅད། སོགས་སམ། ཡང་ན། སརྦ་པ་པཾ་སོགས་བརྗོད། ཡང་། རྨ་བྱའི་མདངས་ཀྱི་དབུས་སུ་ཧཱུཾ་ཡིག་གི་མཐར་སྔགས་ཕྲེང་གིས་བསྐོར་བ་རྡོ་རྗེ་དང་བཅས་པས་

― JKT021_Page_0037 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བསམས་ལ། སྔགས་དང་། འདོད་གསོལ་མཐར། ཨ་བ་ནཱ་ཡ་སྭཱ་ཧཱ། ཡང་དེ་དག་གི་སྒོ་གསུམ་ཕྱིན་ཆད་བར་ཆད་གང་གིས་ཀྱང་མི་ཚུགས་པའི་ཕྱིར། གཞི་བདག་སོགས་ནས། །རཀྟ་རཀྟ༔ དེ་ནས། ཁྱེད་རང་རྣམས་ལ་སངས་རྒྱས་བྱང་སེམས་དཔག་ཏུ་མེད་པས་སློབ་དཔོན་དང་ལྷན་ཅིག་ཤིས་པ་བརྗོད་པའི་མོས་པ་མཛོད། གང་ལ་སེར་སྣ་སོགས། བསྡུ་ན་དེ་ཙམ་དང་། སྤྲོ་ན། སླར་ཡང་བདེ་གཤེགས་ཀུན་གྱི་བགྲོད་པ་གཅིག་པའི་ལམ་སྐྱབས་སེམས་ཀྱི་སྡོམ་པ་འཛིན་སྙམ་པས་དམིགས་པ་འདི་བཞིན་དུ་མཛོད། ཁྱེད་རང་རྣམས་ཀྱི་མདུན་གྱི་ནམ་མཁར་སེང་གེས་བཏེགས་པའི་པདྨ་དང་ཟླ་བའི་སྟེང་དུ་བཅོམ་ལྡན་འདས་ཤཱཀྱ་ཐུབ་པར་ཕྱོགས་བཅུའི་སངས་རྒྱས་ཐམས་ཅད་ཀྱིས་བསྐོར་བར་དམིགས་པ་སངས་རྒྱས་དཀོན་མཆོག །ཐེག་ཆེན་གྱི་དམ་ཆོས་གླེགས་བམ་བྲག་རི་བརྩེགས་པ་ལྟར་བཞུགས་པ་ཆོས་དཀོན་མཆོག །ཐེག་པ་ཆེན་པོའི་བྱང་སེམས་བསམ་གྱིས་མི་ཁྱབ་པས་བསྐོར་བ་དགེ་འདུན་དཀོན་མཆོག་སྟེ། དེ་རྣམས་ལ་འདི་ནས་བྱང་ཆུབ་མ་ཐོབ་བར་དུ་སྐྱབས་སུ་འགྲོ་སྙམ་པོས་འདིའི་རྗེས་ཟློས་མཛོད། ཕྱོགས་བཅུ་ན་གནས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། བདག་ཅག་གཞི་བདག་གནས་བདག་

― JKT021_Page_0038 ―

^{[མ་དཔེ་གཟིགས་ན་འདིར་གནོན།]}

[Full Size]

ས་བདག་གི་རིགས་སུ་གཏོགས་པ་ཐམས་ཅད་དུས་འདི་ནས་བཟུང་སྟེ། བྱང་ཆུབ་སྙིང་པོར༴ ལན་གསུམ་བརྗོད་པས་དེ་རྣམས་ཀྱི་རྒྱུད་ལ་སྐྱབས་འགྲོའི་སྡོམ་པ་སྐྱེས་པར་བསམ། སླར་ཡང་བླ་ན་མེད་པའི་བྱང་ཆུབ་མཆོག་ཏུ་སེམས་བསྐྱེད་སྙམ་པས་འདིའི་རྗེས་ཟློས་མཛོད། ཕྱོགས་བཅུ་ན། སོགས་ནས། བཟུང་སྟེ་བྱང་ཆུབ་སྙིང་པོར་མཆིས་ཀྱི་བར་དུ། ཇི་ལྟར་སོགས། ཞེས་ལན་གསུམ་བརྗོད་པས་བྱང་སེམས་ཀྱི་སྡོམ་པ་ཐོབ་བྱུང་སྙམ་དུ་མོས་པ་མཛོད། དེ་ནས་རང་དགའ་བ་བསྒོམ་པ་དང་། གཞན་དགའ་བ་སྒོམ་དུ་བཅུག་པ། སྨོན་ལམ་གདབ་པ་རྣམས་དང་། ཁྲུས་གཙང་མགྲོན་དུ་གང་ལྷག་པའི། འབྱུང་པོ་ས་འོག་རྒྱུ་བ་དང་། སོགས་ཀྱིས། སརྦ་བྷུ་ཏ་གཙྪ། བསོད་ནམས་འདི་ཡིས་སོགས་དང་། སྨོན་ལམ་གང་ཤེས་གདབ་བོ། །ལྷ་ཡང་དུས་སུ། འཇིག་རྟེན། དེ་ཡང་། དབུ་མ་ལུགས་ཀྱི་སེམས་བསྐྱེད་འདི། སེམས་ཅན་ཀུན་གྱིས་ལེགས་ཐོབ་ན། །རྫོགས་པའི་སངས་རྒྱས་རྒྱུར་འགྱུར་ཞེས། མདོ་དང་བསྟན་བཅོས་རྣམས་ལས་གསུངས། ཞེས་སོ། ༈ །བསྙེན་མཚམས་སོགས་ཀྱི་སྐབས་ཆ་གསུམ་རྒྱས་པར་མི་ཤེས་པས། གཏོར་མ་གསུམ་བྲན་ལ། ཨོཾ་ཨཱཿཧཱུཾ། གསུམ་གྱིས་བརླབ། རང་ལྷའི་ང་རྒྱལ་དང་ལྡན་པས། ཨོཾ་དཱ་ཤ་དིཀ་ལོ་ཀ་པཱ་ལ་ས་པ་རི་ཝཱ་ར་ཨཱ་ཀརྵ་ཡ་

― JKT021_Page_0039 ―

^{[མ་དཔེ་གཟིགས་ན་འདིར་གནོན།]}

[Full Size]

ཛཿ སྔགས་དེ་མཐར། ཝཱ་ར་ན་མསྶརྦ༴ སོགས་གསུམ། ཕྱོགས་སྐྱོང་འཁོར་དང་བཅས་པ་རྣམས། མཆོད་སྦྱིན༴ སྔགས་སྔ་མའི་མཐར། ཝཱ་ར་གཙྪ། འབྱུང་གཏོར་འབྲུ་གསུམ་གྱིས་བརླབ༔ ཨོཾ་མ་ཧཱ་བྷཱུ་ཏ་ལོ་ཀ་པཱ་ལ་ས་པ་རི་ཝཱ་ར་ཨཱ་ཀར་ཡ་ཛཿ ཨོཾ་མ་ཧཱ༔ ན་མ་སྶརྦ༴ འཇིག་རྟེན་པ་ཡི་འབྱུང་པོ་རྣམས། །མཆོད་སྦྱིན་གཏོར་མ་འདི་བསྣམས་ལ། །ཆོས་དོན་ལྡན་པ་ལ་གནས་ནས། །ཞི་ཞིང་དུལ་བའི་སེམས་སུ་མཛོད། །བདག་ཅག་བྱང་ཆུབ་མ་ཐོབ་པར། །གེགས་མེད་བར་ཆད་མེད་པ་དང་། །དམ་ཚིག་གནས་ལ་གནས་མཛོད་ལ། །བྱང་ཆུབ་སྙིང་པོའི་སྟོང་གྲོགས་མཛོད༔ མ་ཧཱ་བྷྲཱུ་ཏ༴ ར་གཙྪ། བགེགས་གཏོར་ནི། ཨོཾ་སརྦ་བིགྷཾཎ་ཊཱཀྐི་ཧཱུྃ་ཛཿ ཨོཾ་སརྦ་བིགྷཎ་ན་ན་མསྶརྦ༴ ༣ བགེགས་དང་ལོག་པར་འདྲེན་པ་ཐམས་ཅད་མཆོད་སྦྱིན་གཏོར་མ་འདིས་ཚིམས་པར་གྱིས་ལ་འདིར་མ་གནས་པར་གཞན་དུ་སོངས་ཤིག །སརྦ་བིགྷཱན྄་གཙྪ། ཞེས་དང་། དྲག་སྔགས་གང་རུང་གིས་བསྐྲད་དོ། །སུ་ཤུ་བྷ་བཛྲ་མཱུ། ༈ །གོང་མ་ཀུན་བློས་མཛད་པའི་ལན་གཏོར་བཏང་ཚུལ་དང་། འབྱུང་བཞི་དང་སྦྲེལ་ཚུལ་གྱི་ཟིན་བྲིས་དགེ - །ལན་གཏོར་རྐྱང་པའི་ཚེ། སྐྱབས་སེམས་དང་ཚད་མེད་བཞི་སྤྱི་ལྟར་དང་། ཨོཾ་སྭ་བྷཱ་ཝ་སོགས་ནས། མྱུར་དུ་མངོན་པར་རྫོགས་པར་

― JKT021_Page_0040 ―

^{[མ་དཔེ་གཟིགས་ན་འདིར་གནོན།]}

[Full Size]

འཚང་རྒྱ་བར་གྱུར་ཅིག་པར་གཏོར་མ་བརྒྱ་རྩ་བཞིན། དེ་ནས་མགྲོན་དགུག་པ་ནི། །བདག་ཉིད་སྤྱན་རས་གཟིགས་དབང་གི། །ཐུགས་ཀའི་ཧཱུྃལས་འོད་འཕྲོས་པས། །གཏོར་མགྲོན་ལན་ཆགས་འགུགས་པ་ནི། །བདག་དང་སྦྱིན་བདག་འཁོར་བཅས་ནས། །མི་དང་མི་མིན་ཐམས་ཅད་ཀུན། །མཆོད་སྦྱིན་གནས་འདིར་འཁོད་པར་གྱུར། །དེ་ནས་ཨ་མྲྀ་ཏས་བསང་བ་སོགས་སྦྲེལ། མཐར། ཨོཾ་ཧི་ཏ་སུ་ཁ་བྷ་ཝནྟ་སྭཱ་ཧཱ། ཡེ་དྷརྨཱ་སོགས་དང་། སྡིག་པ་ཅི་ཡང་མི་བྱ་ཞིང་སོགས། མཆོད་སྦྱིན་གནས་འདིར་ནས་པྲ་ཏ་གཙྪ། རང་གི་དཔྲལ་བ་སོགས། སྔོན་པོ། དགེ་བ་འདི་ཡིས་སོགས། བཀྲ་ཤིས་སྨོན་ལམ་གང་ཤེས་བྱའོ། །འབྱུང་བཞི་དང་སྦྲེལ་ཚེ། འགལ་རྐྱེན་བར་ཆད་ཞི་བར་མཛོད། ཅེས་པའི་མཚམས། བདག་ཉིད་དམ་པ་སངས་རྒྱས་ཀྱཻ། །ཐུགས་སྲོག་ཧཱུྃ་ལས་འོད་འཕྲོས་པས། །གཏོར་མགྲོན་ལན་ཆགས་སོགས་གོང་བཞིན་ལ། ཧི་ཏཱ་གུ་ཁ་བྷ་ཝནྟ་སྭཱ་ཧཱ། བར། དེ་ནས། ཆོས་རྣམས་ཐམས་ཅད་རྒྱུ་ལས་བྱུང་། སོགས་ལན་འབྱུང་བཞི་ལྟར། གཏོར་མ་གཉིས་མཉམ་དུ་བསྐྱལ་ལོ། །བརྒྱ་རྩ་དང་སྦྲེལ་བ། གཏོར་མ་བརྒྱ་རྩ་ལྷག་མའི་བར་བྱས་ལ། དེ་ནས། བདག་ཉིད་སྤྱན་རས་གཟིགས་དབང་གི་སོགས་གོང་བཞིན་བྷ་ཝནྟ་སྭཱ་ཧཱ་བར། དེ་ནས་ཡེ་དྷརྨ་

― JKT021_Page_0041 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་བརྒྱ་རྩའི་མཇུག་ཆོ་ག་དུས་རྒྱུན་ལྟར་བྱ་སྟེ་ཕྱག་ལེན་བདེའོ། །ཞེས་པའང་མཁྱེན་བརྩེའི་དབང་པོས་སོ། ༈ །ན་མོ་གུ་རུ་པདྨ་ཧེ་རུ་ཀཱ་ཡ། གངས་ཆེན་ཉི་ཤུ་རྩ་གཅིག་གི་ཡུལ་སྐྱོང་མཆོད་པ་ནི། གཏོར་མ་དཀར་དམར་སྐྱེམས་ཕུད་བསང་སོགས་མཆོད་རྫས་རྣམས་སྔགས་དྲུག་ཕྱག་དྲུག་གིས་བྱིན་གྱིས་བརླབས་ལ། རང་ཉིད་པདྨ་དྲག་པོའི་ང་རྒྱལ་དང་བཅས་འདི་ལྟར་གྱེར་རོ། །ཧཱུྃ༔ རང་ཉིད་ལྷར་གསལ་ཐུགས་ཀའི་ས་བོན་ལས། འོད་ཟེར་ལྕགས་ཀྱུས་གངས་ཆེན་ཉེར་གཅིག་གི །ཡུལ་སྐྱོང་འཁོར་བཅས་སྐད་ཅིག་སྤྱན་དྲངས་ནས། མདུན་དུ་དགྱེས་ཤིང་དུལ་བས་འཁོད་པར་གྱུར། ཧཱུཾ་བྷྱོ། ཐང་ལྷའི་གངས་གནས་རྡོ་རྗེ་འབར་བ་རྩལ། དཀར་སྨུག་ཁ་ཊཾ་མདུང་ཞགས་དགྲ་སྟ་ཐོགས། །རྟ་དཀར་ཆིབས་ནས་བསྟན་པའི་བྱ་ར་མཛད། །ལྷ་ཀླུ་གནོད་སྦྱིན་དྲི་ཟའི་ཚོགས་དང་བཅས། །འདིར་གཤེགས་འདོད་ཡོན་རྒྱ་མཚོའི་མཆོད་པ་བཞེས། །སངས་རྒྱས་བསྟན་སྲུང་བསྟན་དགྲ་ཆོམས་ལ་ཕོབས། །གངས་ཅན་མཐའ་དབུས་ཀུན་ཏུ་བདེ་བ་དང་། །བཤད་སྒྲུབ་བསྟན་པ་རྒྱས་པའི་ཕྲིན་ལས་མཛོད། ཧཱུཾ་བྷྱོ། ཏི་སེའི་གངས་གནས་རྡོ་རྗེ་གཟི་འབར་རྩལ། །དཀར་སྨུག་བ་དན་རྩེ་གསུམ་གསེར་འཁོར་ཐོགས། །གླང་ཆེན་ཞོན་ནས་བསྟན་པའི་བྱ་ར་མཛད། །ལྷ་ཀླུ་རྒྱུ་སྐར་

― JKT021_Page_0042 ―

^{[མ་དཔེ་གཟིགས་ན་འདིར་གནོན།]}

[Full Size]

ཤུགས་འགྲོའི་འཁོར་དང་བཅས། །འདིར་གཤེགས་འདོད་ཡོན་རྒྱ་མཚོའི་མཆོད་པ་བཞེས། །སངས་རྒྱས་བསྟན་བསྲུང་བསྟན་དགྲ་ཆོམས་ལ་ཕོབས། །གངས་ཅན་མཐའ་དབུས་ཀུན་ཏུ་བདེ་བ་དང་། །བཤད་སྒྲུབ་བསྟན་པ་རྒྱས་པའི་ཕྲིན་ལས་མཛོད། ཧཱུཾ་བྷྱོ། མང་མཁར་གངས་གནས་ཆེ་བཙན་བདུད་འཇོམས་རྩལ། །དམར་སེར་བདུད་ཆས་འོད་མའི་མདའ་གཞུ་འགེངས། །ཅང་ཤེས་ཞོན་ནས་བསྟན་པའི་བྱ་ར་མཛད། །ཀླུ་བཙན་བྱེ་བ་མང་པོའི་འཁོར་དང་བཅས། །འདིར་གཤེགས་སོགས། །སངས་རྒྱས་བསྟན་སྲུང་༴ །གངས་ཅན༴ །བཤད་སྒྲུབ༴ ཧཱུཾ་བྷྱོ། བུ་ལེ་གངས་གནས་རྡོ་རྗེ་དཔལ་འབར་རྩལ། །ནག་མོ་མདུང་རྣོན་ཐོགས་ཤིང་ཉི་ཞགས་འཕེན། རྟ་ནག་ཞོན་ནསཟ དྲག་མོ་སྤུན་དགུ་སྡེ་བརྒྱད་ཚོགས་དང་བཅས། །འདིར་གཤེགས༴ །སངས་རྒྱས་བསྟན༴ །གངས་ཅན༴ །བཤད་སྒྲུབ༴ ཧཱུཾ་བྷྱོ། སྟར་སྒོ་གངས་གནས་དཔལ་གྱི་རྡོ་རྗེ་རྩལ། །དམར་ནག་བདུད་ཆས་མདུང་རྣོན་ལྕགས་གཞུ་འགེངས། །རྟ་ནག་ཞོན་ནས༴ །གཟའ་བརྒྱད་བདུད་སྲིན་མང་པོའི་འཁོར་དང་བཅས། །འདིར་གཤེགས= །སངས་རྒྱས་བསྟན་སྲུང་ཟ །གངས་ཅན༴ །བཤད་སྒྲུབ༔ ཧཱུཾ་བྷྱོ། ཕོ་མ་གངས་གནས་ངམ་ལྡན་རྒྱལ་མོ་རྩལ། །དཀར་སྔོན་རྡོ་རྗེའི་དབྱུག་པ་པད་ཕྲེང་

― JKT021_Page_0043 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོགས། །འབྲུག་ལ༴ །ལྷ་ཀླུའི་སྨན་མོ་འབུམ་སྡེའི་འཁོར་དང་བཅས། །འདིར་གཤེགས༴ །སངས་རྒྱས་བསྟན༴ །གངས་ཅན༴ །བཤད་སྒྲུབ༴ ཧཱུཾ་བྷྱོ། མཁའ་རི་གངས་གནས་མཁའ་སྤྱོད་དཔལ་མོ་རྩལ། དཀར་གསལ་མངའ་དང་དུང་སྐྱོགས་གསེར་བུམ་ཐོགས། རྐྱང་རྒོད་ཞོན་ནས༴ གངས་སྨན་བདུད་བཙན་གཉན་གྱི་འཁོར་དང་བཅས། །འདིར་གཤེགས༔ །སངས་རྒྱས་།བསྟན༴ །གངས་ཅན༴ །བཤད་སྒྲུབ༴ ཧཱུཾ་བྷྱོ། ཁ་རག་གངས་གནས་རྡོ་རྗེ་ཁྱུང་བཙུན་མ། །སྔོན་མོ་མདའ་དར་འཕྲུལ་གྱི་མེ་ལོང་ཐོགས། །མཁའ་ལྡིང་ཞོན་ནས༴ །གཉན་རྗེ་སྲིན་མོ་ཤ་ཟའི་བློན་འཁོར་དང་བཅས། །འདིར་གཤེགས༴ །སངས་རྒྱས་བསྟན༴ །གངས་ཅན༴ བཤད་སྒྲུབ༴ ཧཱུཾ་བྷྱོ། རྩེ་དྷུམ་གངས་གནས་རྡོ་རྗེ་བཟང་པོ་རྩལ། །གནོད་སྦྱིན་མཐིང་ནག་བེ་ཅོན་ཞགས་པ་ཐོགས་། །རྒྱ་སྟག་ཞོན་ནས༴ །གདུག་ཅན་དྲེགས་པ་མང་པོའི་འཁོར་དང་བཅས། །འདིར་གཤེགས༔ སངས་རྒྱས་བསྟན༴ །གངས་ཅན༴ །བཤད་སྒྲུབ༔ ཧཱུཾ་བྷྱོ། ལ་ཕྱི་གངས་གནས་དགེ་བསྙེན་དགྱེས་པ་རྩལ། །དཀར་གསལ་འཛུམ་མདངས་རྩེ་གསུམ་བ་དན་ཐོགས། སེང་གེ་ཞོན༔ །དགེ་བསྙེན་མཁའ་འགྲོ་ཤུགས་འགྲོའི་ཚོགས་དང་བཅས། འདིར་གཤེགས༴ །སངས་རྒྱས་

― JKT021_Page_0044 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན༔ །གངས་ཅན༴ །བཤད་སྒྲུབ༴ ཧཱུཾ་བྷྱོ། ཚེ་རིང་གངས་གནས་རྡོ་རྗེ་དཔལ་གྱི་རྩལ། །དཀར་དམར་མཛེས་འཛུམ་མདའ་དར་མེ་ལོང་ཐོགས། གངས་སེང་ཞོན༴ །སྨན་མོ་བརྟན་སྐྱོང་ཡ་མའི་ཚོགས་དང་བཅས། །འདིར་གཤེགས༴ །སངས་རྒྱས་བསྟན༴ །གངས་ཅན༴ །བཤད་སྒྲུབ༔ ཧཱུཾ་བྷྱོ། སྣ་ནམ་གངས་གནས་རྫོང་བདག་དྲག་པོ་རྩལ། །མཐིང་ནག་གཏུམ་རྔམས་རལ་གྲི་རུ་མཚོན་ཐོགས། །ཅང་ཤེས་ཞོན༔ ཀླུ་གཉན་ས་བདག་གནོད་སྦྱིན་འཁོར་དང་བཅས། །འདིར་གཤེགས༴ །སངས་རྒྱས་བསྟན༴ །གངས་ཅན༴ །བཤད་སྒྲུབ༴ ཧཱུཾ་བྷྱོ། ཏི་སྒྲོ་གངས་གནས་རྡོ་རྗེ་གཡུ་འབར་རྩལ། དམར་སེར་མེ་ཏོག་ཕྲེང་བ་བཙན་ཞགས་བསྣམ། །ཅང་ཤེས་ཞོན༔ ལྷ་ཀླུའི་སྨན་དང་གིང་བཙན་འཁོར་ཚོགས་བཅས། །འདིར་གཤེགས །སངས་རྒྱས་བསྟན༔ །གངས་ཅན༔ །བཤད་སྒྲུབ༔ ཧཱུཾ་བྷྱོ། བདེ་མཆོག་གངས་གནས་དཔའ་བོ་གསང་བ་འཛིན། །དམར་སེར་རྔམས་བརྗིད་རལ་གྲི་བནྡྷེ་ཐོགས། བ་གླང་ཞོན༔ བཀའ་ཉན་མི་སྲུན་རྫུ་འཕྲུལ་འཁོར་དང་བཅས། །འདིར་གཤེགས༴ །སངས་རྒྱས་བསྟན༴ །གངས་ཅན༴ །བཤད་སྒྲུབ༔ ཧཱུཾ་བྷྱོ། འོ་དེ་གངས་གནས་རྡོ་རྗེ་རབ་འཇིགས་རྩལ། །དམར་ནག་བཙན་རས་རྡོ་རྗེ་དགྲ་སྟ་ཐོགས། །སྟག་ལ་

― JKT021_Page_0045 ―

^{[མ་དཔེ་གཟིགས་ན་འདིར་གནོན།]}

[Full Size]

ཞོན༴ །བཀའ་ཉན་ཀླུ་བདུད་དུ་མའི་འཁོར་དང་བཅས། །འདིར་གཤེགས༔ སངས་རྒྱས་བསྟན༴ །གངས་ཅན༴ །བཤད་སྒྲུབ༔ ཧཱུཾ་བྷྱོ། ཤམ་བྷྱོ་གངས་གནས་རྡོ་རྗེ་དཔལ་བརྩེགས་རྩལ། །དཀར་སྨུག་སྲིན་ཆས་རྡོ་རྗེ་མདུང་རྣོན་གསོར། །གཡག་དཀར་ཞོན༔ ལྷ་ཀླུ་མ་མོ་སྨན་ཕྲན་ཚོགས་ཀྱིས་བསྐོར། །འདིར་གཤེགས༴ །སངས་རྒྱས་བསྟན༴ །གངས་ཅན༴ །བཤད་སྒྲུབ་མིཧཱུཾ་ཧཱུཾ། གསལ་རྗེ་གངས་གནས་རྡོ་རྗེ་ལེགས་གྲུབ་རྩལ། །མཐིང་ནག་ཁྲོ་སྒེག་ཙིཏྟ་བེ་ཅོན་ཐོགས། །འབྲོག་གཡག་ཞོན༴ །གནོད་སྦྱིན་མ་མོ་ལྷ་སྲིན་དྲེགས་ཚོགས་བཅས། །འདིར་གཤེགས༴ སངས་རྒྱས་བསྟན །གངས་ཅན༴ །བཤད་སྒྲུབ༴ ཧཱུཾ་ཧཱུཾ། ཧ་པོ་གངས་གནས་རྡོ་རྗེ་མཆོག་རབ་རྩལ། གསེར་མདོག་བརྗིད་ཆགས་རལ་གྲི་བ་དན་འཕྱར། །མ་ཧེ་ཞོན༔ །འདྲེ་མོ་ལྷ་སྲིན་མ་བདུད་ཚོགས་དང་བཅས། །འདིར་གཤེགས༴ །སངས་རྒྱས་བསྟན །གངས་ཅན༴ །བཤད་སྒྲུབ༴ ཧཱུཾ་བྷྱོ། གནོད་སྦྱིན་གངས་གནས་རྡོ་རྗེ་གཏུམ་ཆེན་རྩལ། །མཐིང་ནག་བཙན་ཆས་རྡོ་རྗེ་མདུང་དར་འཕྱར། །ཅེ་སྤྱང་ཞོན༴ །བཙན་བདུད་གནོད་སྦྱིན་མི་སྲུན་འཁོར་དང་བཅས། །འདིར་གཤེགས༴ །སངས་རྒྱས་བསྟན༴ །གངས་ཅན༴ །བཤད་སྒྲུབ༴ ཧཱུཾ་བྷྱོ། ཙ་རིའི་གངས་གནས་རྡོ་རྗེ་

― JKT021_Page_0046 ―

^{[མ་དཔེ་གཟིགས་ན་འདིར་གནོན།]}

[Full Size]

བདེ་མཆོག་རྩལ། །མཐིང་ནག་སྲིན་ཆས་རྩེ་གསུམ་ཐུན་ཁྲག་ཐོགས། །བདུད་རྟ་ཞོན༴ །གནས་ཡུལ་ཞིང་སྐྱོང་མང་པོའི་འཁོར་དང་བཅས། །འདིར་གཤེགས༴ །སངས་རྒྱས་བསྟན༴ །གངས་ཅན༔ །བཤད་སྒྲུབ༔ ཧཱུཾ་བྷྱོ། ང་ལའི་གངས་གནས་རྡོ་རྗེ་དགྲ་འཇོམས་རྩལ། །མཐིང་ནག་ཁྲོ་གཏུམ་རྡོ་རྗེ་སྤྲུལ་ཞགས་ཐོགས། །གཡུ་འབྲུག་ཞོན༴ །ལྷ་གཉན་དྲགས་པོ་མང་བའི་འཁོར་དང་བཅས་། །འདིར་གཤེགས༴ །སངས་རྒྱས་བསྟན་སྲུང་བསྟན་དགྲ་ཆོམ་ལ་ཕོབས། །གངས་ཅན་མཐའ་དབུས་ཀུན་ཏུ་བདེ་བ་དང་། །བཤད་སྒྲུབ་བསྟན་པ་རྒྱས་པའི་ཕྲིན་ལས་མཛོད། ༈ །ཁྱིམ་ལྷ་བསྟོད་པ་བཞུགས་སོ། །བླ་མ་ཡི་དམ་མཁའ་འགྲོའི་ཚོགས་ལ་ཕྱག་འཚལ་ལོ། །ཁྱིམ་ལྷའམ་ཕུག་ལྷ་བསྟོད་པ་ནི། ཁྱིམ་ཕུག་གི་ཀ་བ་ལ་མར་དཀར་ཐིག་ལེ་དང་། ཤིང་རྩི་བཟང་པོ་གསར་པ་སྣ་ཚོགས་བལ་ཚོན་གྱིས་བརྒྱན་པ་བཅིང་། དེའི་མདུན་དུ་བདུད་རྩི་ཅན་གྱི་ཤིང་སྣ་ལས་ག་ར། ཕྱེ་མར་འོ་བསྐོལ་འབྲུ་སྣ་སོགས་བསང་རྫས་སྣ་ཚོགས་སྦྱར་བ་ལ་ཆབ་བྲན། ཐོག་མར་ཁྲུས་གསོལ་བ་ནི། ཆུ་གཙང་ལ་རྣམ་འཇོམས་སྨེ་བརྩེགས་སོགས་ཀྱི་གཟུངས་རིང་ཐུང་གང་ཤེས་བཟླས་པས་བྱིན་གྱིས་བརླབས་པ་ཤུག་གུ་རྟིང་དཀར་གྱིས་འཐོར་ལ། ཀྱཻ། ཤར་ལྷོ་ནུབ་བྱང་ཕྱོགས་བཞི་ནས། །

― JKT021_Page_0047 ―

^{[མ་དཔེ་གཟིགས་ན་འདིར་གནོན།]}

[Full Size]

སྟག་སྐྱ་འབྲུག་སྔོན་བྱ་དམར་པོ། །རུ་སྦལ་རྒྱ་བོའི་ཞལ་གྱི་ཆབ། །ཡེ་ཤེས་བདུད་རྩིར་བྱིན་བརླབས་པས། །ཕུག་གི་ལྷ་ལ་སྐུ་ཁྲུས་གསོལ། །མི་གཙང་དྲི་མ་དག་གྱུར་ཅིག །འགོ་བའི་ལྷ་ལ་སྐུ་ཁྲུས་གསོལ། །མི་གཙང་དྲི་མ་དག་གྱུར་ཅིག །ཕ་ཚན་ལྷ་ལ་སྐུ་ཁྲུས་གསོལ། །མི་གཙང་དྲི་མ་དག །དགྲ་ལྷ་རྣམས་ལ༴ །མི་གཙང་དྲི་མ༴ །ཁྱིམ་ལྷ་རྣམས་ལ༴ །མི་གཙང་དྲི་མ༴ །ཐབ་ལྷ་རྣམས་ལ༴ །མི་གཙང་དྲི་མ= །སྟེང་གི་ལྷ་དང་འོག་གི་ཀླུ། །བར་གྱི་གཉན་ལ་སྐུ་ཁྲུས་གསོལ། །མི་གཙང་དྲི་མ་དག་གྱུར་ཅིག །ཇི་ལྟར་བལྟམས་པ་ཙམ་གྱི་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་ཁྲུས་གསོལ་ལོ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡཱ་ཤྲཱི་ཡེ་ཧཱུྃ། ཞེས་དང་། གཞན་ཡང་རྣམ་འཇོམས་སྨེ་བརྩེགས་སོགས་ཁྲུས་སྔགས་གང་ཤེས་བརྗོད། དེ་ནས་དངོས་གཞི་ནི། རཾ་ཡཾ་ཁཾ། སྟོང་པའི་ངང་ལས་ཧཱུཾ་ཡིག་ལས། །བྱུང་བའི་རིན་ཆེན་སྣོད་ཡངས་སུ། །ཡི་གེ་དྲུག་གིས་བྱིན་བརླབས་པས། །བསང་མཆོད་འདོད་ཡོན་གཏེར་དུ་གྱུར། ཨོཾ་ཨཱཿཧཱུྃ་ཧ་ཧོ་ཧྲཱིཿ ཀྱཻ། བཀྲ་ཤིས་དགེ་བའི་ལྷ་ཁྱིམ་འདིར། །བདུད་རྩི་ཅན་གྱི་ཤིང་སྣ་ལ། །དག་ཅིང་གཙང་བའི་མེ་སྦར་ཏེ། །བཟའ་བཏུང་རིན་ཆེན་འབྲུ་སྨན་བྲན། །ཏིང་འཛིན་

― JKT021_Page_0048 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་ཀྱིས་བྱིན་བརླབས་པའི། །བསང་མཆོད་འདོད་ཡོན་རྒྱ་མཚོ་འདིས། །མཆོད་སྦྱིན་མགྲོན་དུ་གྱུར་པ་ཀུན། །ཐུགས་དམ་བསྐང་ཞིང་ཉམས་ཆགས་བཤགས། །དཀོན་མཆོག་སྲིད་ཞུའི་མགྲོན་རྣམས་ལ། །བདུད་རྩི་བསང་གི་མཆོད་པ་འབུལ། །གུས་པས་བསྟོད་ཅིང་ཕྱག་ཀྱང་འཚལ། །ལྷ་ཁྱིམ་འདི་ལ་བྱིན་གྱིས་རློབས། །དཔལ་མགོན་ཡོན་ཏན་མགྲོན་རྣམས་ལ། །བདུད་རྩི་བསང་གི༴ གུས་པས་བསྟོད་ཅིང་༴ །ལྷ་ཁྱིམ་འདི་ལ་ཁ་འཛིན་མཛོད། །བགེགས་རིགས་ལན་ཆགས་མགྲོན་རྣམས་ལ། །བདུད་རྩི་བསང་གིས་འདོད་ཡོན་སྦྱིན། །ལྷ་ཁྱིམ་འདི་ལ་གནོད་འཚེ་གོངས། །ཞི་དང་བཀྲ་ཤིས་བདེ་ལེགས་མཛོད། །རིགས་དྲུག་སྙིང་རྗེའི་མགྲོན་རྣམས་ལ། །བདུད་རྩི་བསང་གི་དགའ་སྟོན་སྤེལ། །ལྷ་ཁྱིམ་འདི་ལ་དགའ་བར་མཛོད། །ཕན་བདེ་བྱང་ཆུབ་སེམས་མཆོག་བསྐྱེད། །ཀྱཻ། ཁྱད་པར་ལྷ་ཁྱིམ་འདི་ཡི་བདག །ཁྱིམ་ལྷ་གེལ་ཐུང་བྱ་བ་ནི། །སྐུ་མདོག་གསེར་གྱི་མདངས་དང་ལྡན། །གཡུ་ཡི་རྒྱན་ཆ་སི་ལི་ལི། །དར་གྱི་ན་བཟའ་ལྷུབས་སེ་ལྷུབ། །ཕྱག་ན་དུང་གི་ཀ་བ་འཛིན། དེ་རིང་དགྱེས་པས་གནས་འདིར་གཤེགས། །བདུད་རྩི་བསང་གི་མཆོད་པ་བཞེས། །གུས་པས་བསྟོད་དེ་ཕྱག་ཀྱང་འཚལ། །བདག་དང་རྒྱུ་སྦྱོར་ཡོན་བདག་གིས། །ལྷ་ཁྱིམ་འདི་ལ་བསྲུང་

― JKT021_Page_0049 ―

^{[མ་དཔེ་གཟིགས་ན་འདིར་གནོན།]}

[Full Size]

བར་མཛོད། །གསེར་གྱི་ཀ་བ་མ་འགྱེལ་མཛོད། །གཡུ་ཡི་གདུང་མ་མ་ཆག་མཛོད། །གནས་ཁང་མེ་ཡི་གནོད་པ་སྲུངས། །ཡོན་བདག་འདི་ཡི་གྲོགས་མཛོད་ལ། །ཉིན་མོ་ཉིན་གྱི་བྱ་ར་མཛོད། །མཚན་མོ་མཚན་གྱི་མེལ་ཚེ་མཛོད། བསམ་པ་སྒྲུབ་ལ་རེ་བ་སྐོང་། །བར་དུ་གཅོད་པའི་རྐྱེན་རྣམས་ཟློག །བུ་སྡུག་ཚ་བོ་བཞིན་དུ་སྐྱོངས། །བཀྲ་ཤིས་བདེ་ལེགས་ཕུན་ཚོགས་མཛོད། །ཀྱཻ། གཞན་ཡང་ལྷ་ཁྱིམ་འདི་ཉིད་ལ། །རྟག་ཅིང་ཆགས་པའི་ལྷ་དང་ཀླུ། །ས་བདག་རྒྱལ་བཙན་མ་མོ་སོགས། །དགེ་བསྙེན་ཡ་མའི་ཚོགས་རྣམས་ཀུན། །བདུད་རྩི་བསང་གི་དུད་པས་མཆོད། །འདོད་པའི་ཡོན་ཏན་རྒྱ་མཚོ་བསྔོ། །རེ་བ་གང་ཞིང་བསམ་པ་ཚིམ། །གློ་བུར་བགེགས་རིགས་ཚར་ཆོད་ཅིག །རུ་ང་ཕྲག་དོག་མ་མཛད་པར། །ཞི་དང་ཕན་པའི་སེམས་ཀྱིས་སུ། །ཡོན་བདག་འདི་ལ་སྡོང་གྲོགས་མཛོད། །ཁ་འཛིན་མེལ་ཚེ་མ་གཡེལ་ཅིག །ཞི་དང་བཀྲ་ཤིས་མཛད་དུ་གསོལ། ཀྱཻ། །དཀོན་མཆོག་རིན་ཆེན་དཔང་བསྟོད་དོ། །དཔལ་མགོན་ཡོན་ཏན་དཔང་བསྟོད་དོ། །ཁྱིམ་ལྷ་གཉན་པོ་དཔང་བསྟོད་དོ། །འགོ་བའི་ལྷ་རྣམས་དཔང་བསྟོད་དོ། །ཕན་མཛད་ཐམས་ཅད་དཔང་བསྟོད་དོ། །ལྷ་དང་སྲུང་མ་ཡར་ལ་བསྟོད། །བགེགས་དང་འབྱུང་པོ་མརེ་ལ་བསྐྲད། །ལྷ་སྲུང་

― JKT021_Page_0050 ―

^{[མ་དཔེ་གཟིགས་ན་འདིར་གནོན།]}

[Full Size]

དཀར་ཕྱོགས་ཐམས་ཅད་ཀུན། །ཉི་ཟླ་བཞིན་དུ་འོད་རེ་གསལ། །རི་བོ་བཞིན་དུ་བརྗིད་རེ་ཆེ། །ནོར་བུ་བཞིན་དུ་དཔལ་རེ་འདུས། །གཡུ་འབྲུག་བཞིན་དུ་སྐད་རེ་ཆེ། །ཐམས་ཅད་ཐུགས་ཀྱི་དགྱེས་པ་བསྐྱེད། །ཡོན་བདག་ཚེ་རིང་ནད་མེད་ཅིང་། །ཅི་བསམ་འགྲུབ་པའི་བཀྲ་ཤིས་ཤོག །ཀྱཻ། བླ་མ་རྣམས་ཀྱི་བྱིན་གྱིས་རློབས། །ཡི་དམ་ལྷ་ཡིས་དངོས་གྲུབ་སྩོལ། །ཆོས་སྐྱོང་སྲུང་མས་ཕྲིན་ལས་སྒྲུབས། །ཁྱིམ་ལྷ་གཉེན་པོས་རྟག་ཏུ་སྐྱོངས། །འགོ་བའི་ལྷ་ཀླུས་ལེགས་ཚོགས་སྤེལ། །ནག་ཕྱོགས་བགེགས་རིགས་གཡུལ་ལས་རྒྱལ། །དཀར་ཕྱོགས་དགེ་བའི་རུ་མཚོན་སྒྲེངས། འབྱུང་པོ་རྣམས་ཀྱང་བུ་བཞིན་བྱམས། །ཚེ་དང་དབང་ཐང་བསོད་ནམས་སྤེལ། །ཕྱྭ་གཡང་ལོངས་སྤྱོད་སྤྲིན་ལྟར་གཏིབས། །ཉིན་མོ་བཀྲ་ཤིས་མཚན་བཀྲ་ཤིས། །ཉིན་མཚན་ཀུན་ཏུ་བདེ་སྐྱིད་ལྡན། །བཀྲ་ཤིས་བདེ་ལེགས་ཕུན་སུམ་ཚོགས། །ཀི་བསྭ་ཆའོ་ལྷ་རྒྱལ་ལོ། །སྭཱ་སྟི་སྭཱ་སྟི་ཧཱུཾ་ཧཱུཾ་སྭཱ་ཧཱ། ཞེས་དང་། ཁྱིམ་བདག་རྣམས་ཀྱིས་ལྷ་འབོད་ཅིང་འབྲུ་སྣ་འཐོར། །སྔགས་པས་མེ་ཏོག་འཐོར་ཞིང་བཀྲ་ཤིས་གང་ཤེས་བརྗོད། དགའ་སྟོན་བཀྲ་ཤིས་སྐྱིད་པའི་ལྷ་བྲོ་སོགས་རྩེ་བར་བྱའོ། མངྒ་ལཾ། ༈ །ཐབ་ལྷ་བསྟོད་པ་བཞུགས་སོ། །རྩ་བ་གསུམ་ལ་ཕྱག་འཚལ་ལོ། །ཐབ་ལྷ་བསྟོད་

― JKT021_Page_0051 ―

^{[མ་དཔེ་གཟིགས་ན་འདིར་གནོན།]}

[Full Size]

པར་འདོད་པས། ཐབ་དང་ཉེ་སྐོར་ཐམས་ཅད་ཕྱག་དར་ལེགས་པར་བྱ། ཐབ་ལ་སྣུམ་བྱུག་ཅིང་ཟས་དཀར་གསུམ་གཡོ། །ཐབ་ཀྱི་མདོར་བསང་དུད་ཟས་སྣ་དང་སྦྱར། བསང་མཆོད་རྒྱས་པའམ་ཁྱིམ་ལྷ་བསྟོད་པ་དང་འབྲེལ་ན་ལེགས། གང་ལྟར་ཡང་ཁྲུས་བྱ་བ་ནི། ཇི་ལྟར་བདེ་གཤེགས་བལྟམས་པའི་ཚེ། །ཚངས་པ་ལྷ་ཡིས་ཁྲུས་གསོལ་ལྟར། །ཡེ་ཤེས་བདུད་རྩི་དྲི་མེད་ཆུས། །ཐབ་ཀྱི་ལྷ་ལ་ཁྲུས་གསོལ་ལོ། །དམེ་མནོལ་ཐབ་གཞོབ་མི་གཙང་གིས། ཐབ་ལྷ་ཟས་ལྷ་ཐམས་ཅད་ལ། ཉམས་གྲིབ་ཕོག་པ་དག་གྱུར་ཅིག །ཟག་མེད་བདེ་བས་དགྱེས་པར་ཤོག །ཨོཾ་ཤུདྡྷེ་ཤུདྡྷེ་ཤཱ་དྷ་ན་ཡེ་སརྦ་ཤྲིནྟཾ་ཀུ་རུ་སྭཱ་ཧཱ། ཞེས་དང་ཁྲུས་སྔགས་ཇི་ལྟར་རིགས་པ་བཟླ་ཞིང་ཁྲུས་ཆུ་འཐོར། ཐབ་བསང་ལ་ཆབ་བྲན། ཀྱཻ། ཐབ་ལྷ་བསྟོད་པ་གར་སྲིད་ན། །སྔོན་ཚེ་བསྐལ་པ་དང་པོའི་དུས། །རྒྱལ་པོ་གསེར་གྱི་ཤིང་རྟ་ཡིས། །མཐུ་རྩལ་ནུས་ལྡན་རིག་སྔགས་འཆང་། །ཞི་བའི་སྙིང་པོ་སྤྱན་དྲངས་ནས། །ཐབ་ལྷ་སྔགས་དང་ཕྱག་རྒྱལ་བཀུགས། །མཆོད་ཅིང་གསོལ་བས་མཉེས་པར་མཛད། །དམ་ཚིག་གནས་ལ་བཞག་པ་ཡིས། །ཁྱིམ་དེར་བདེ་སྐྱིད་ཕུན་སུམ་ཚོགས། །ཐབ་དང་གཡོ་བསྐོལ་རྒྱུན་མ་ཆད། །ཟས་ནོར་འདོད་ཡོན་རྒྱ་མཚོར་འཁྱིལ། །སྔོན་བྱུང་སྲིད་པ་དེ་བཞིན་དུ། །དེ་རིང་

― JKT021_Page_0052 ―

^{[མ་དཔེ་གཟིགས་ན་འདིར་གནོན།]}

[Full Size]

བཀྲ་ཤིས་དགེ་བའི་དུས། །རིག་འཛིན་སྔགས་འཆང་བདག་ཅག་གིས། །ཐབ་ལྷ་འབོད་དོ་སྙན་མ་སྲ། །ཐབ་ལྷ་གཡབ་པོ་སྤྱན་མ་བཏུལ། །ཐབ་ལྷ་མཆོད་དོ་ངོ་མ་ཆུང་། །ཐབ་ལྷ་བསྟོད་དོ་འཕང་མ་དམའ། །བདུད་རྩི་ཅན་གྱི་ཤིང་སྣ་ལ། །བསོད་ནམས་འབར་བའི་མེ་སྦར་ཏེ། །དཀར་གསུམ་མངར་གསུམ་ཤིང་ཏོག་དང་། །ཕྱེ་མར་འོ་བསྐོལ་འབྲུ་སྣ་སོགས། །ཟས་མཆོག་དྭངས་མའི་བཅུད་ཆེན་སྦྱར། །གཡའ་ཆུ་གངས་ཆུ་གཙང་མ་བྲན། ཨོཾ་ཨཱཿཧཱུཾ་གིས་སྦྱངས་སྤེལ་བསྒྱུར། །ཧ་ཧོ་ཧི་ཡིས་བྱིན་རླབས་པས། །ཁ་དོག་དྲི་རོ་ནུས་ལྡན་པའི། །འདོད་ཡོན་བསང་གི་མཆོད་པ་འདིས། །བླ་མ་ཡི་དམ་དཀོན་མཆོག་མཆོད། །མཁའ་འགྲོ་ཆོས་སྐྱོང་སྲུང་མ་བརྔན། །མེ་ཐབ་འདི་ལ་བྱིན་གྱིས་རློབས། །དངོས་གྲུབ་རྒྱ་མཚོ་ཆར་ལྟར་ཕོབ། །ཟ་འདྲེ་ལྟོག་འགོང་རྡུལ་དུ་རློག །ཕྱྭ་གཡང་དཔལ་བཅུད་འདུ་བར་མཛོད། ཀྱཻ། ཁྱད་པར་ཐབ་ལ་མགོན་མཛད་པའི། །ལྷ་ཆེན་ཚོགས་ཀྱི་བདག་པོ་ནི། །སྐུ་མདོག་དམར་ལ་འོད་ཟེར་འཕྲོ། །ཕྱག་ན་འགུགས་བྱེད་ཕྱག་རྒྱ་འཛིན། །དར་དང་རིན་ཆེན་རྒྱན་གྱིས་བརྒྱན། །ལྷ་ཡི་དགེ་བསྙེན་འབུམ་ཕྲག་བཅས། །འདིར་གཤེགས་བསང་གི་མཆོད་པ་བཞེས། །གུས་པས་བསྟོད་ཅིང་དགྱེས་པ་བསྐྱེད། །བདག་དང་རྒྱུ་སྦྱོར་ཡོན་བདག་གི། །ཐབ་ཁ་

― JKT021_Page_0053 ―

^{[མ་དཔེ་གཟིགས་ན་འདིར་གནོན།]}

[Full Size]

འདི་ཡི་མགོན་མཛོད་ཅིག །མེ་དང་དུ་བ་རྒྱུན་མ་བཅད། །ཟས་དང་གཡོ་བསྐོལ་རྒྱ་མཚོར་བསྐྱིལ། །བཅུད་དང་དམུ་ཡང་རོ་ནུས་བསྐྱེད། །ཟ་འདྲེ་ལྟོག་འགོང་རྡུལ་དུ་རློག །འདོད་དགུའི་ལོངས་སྤྱོད་དངོས་གྲུབ་སྩོལ། །བཀྲ་ཤིས་བདེ་ལེགས་མཛད་དུ་གསོལ། ཀྱཻ། ཁྱད་པར་ཐབ་ལ་མགོན་མཛད་པའི། །གནོད་སྦྱིན་ཐབ་ལྷ་ཡུ་མོ་ནི། །བུད་མེད་ལུས་ལ་གཡུ་ཆས་ཅན། །དར་སྣའི་ན་བཟའ་སྐུ་ལ་གསོལ། །ཕྱག་ན་གསེར་གྱི་གཟར་བུ་འཛིན། །གནོད་སྦྱིན་བུ་མོ་འབུམ་དང་བཅས། །འདིར་གཤེགས་བསང་གི་མཆོད་པ་བཞེས། གུས་པས་བསྟོད་ཅིང་སོགས་འགྲེ། ཀྱཻ། ཁྱད་aཔར་ཐབ་ལ་མགོན་མཛད་པའི། །ཀླུ་རྒྱལ་མི་མགོན་དཀར་པོ་ནི། །སྐུ་མདོག་ཤེལ་གྱི་ཕུང་པོ་འདྲ། །ཕྱག་ན་བསམ་འཕེལ་ནོར་བུ་འཛིན། །སྦྲུལ་མགོའི་གདེངས་ཀ་རྔམས་ཤིང་བརྗིད། །བཻཌུཪྻ་པོའི་དབུ་རྒྱན་འཆང་། །ཀླུ་ཡི་སེམས་དཔའ་འབུམ་ཕྲག་བཅས། །འདིར་གཤེགས་བསང་གི་སོགས་འགྲེ། ཀྱཻ། གཞན་ཡང་ཐབ་ལ་འགོ་བ་ཡི། །ལྷ་ཀླུ་གནོད་སྦྱིན་དྲི་ཟ་སོགས། །དཀར་ཕྱོགས་སྐྱོང་བའི་ཚོགས་རྣམས་ཀུན། །ཞི་དང་ཕན་པའི་སེམས་བསྐྱེད་ལ། །འདིར་གཤེགས་སོགས་འགྲེ། ཀྱཻ། སྲིད་པ་མེ་ཡི་བདག་པོ་ནི། །འོད་དང་གཟི་བརྗིད་དཔལ་དུ་འབར། །ལས་ལ་མྱུར་

― JKT021_Page_0054 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་བྱིན་ཤུག་འཆང་། །དཀྱིལ་འཁོར་ཀུན་གྱི་གསོལ་ཁ་པ། །མེ་ལྷའི་རྒྱལ་པོ་མཐུ་བོ་ཆེ། །སྐུ་མདོག་མེ་ཡི་ཕུང་པོ་འདྲ། །བགྲང་ཕྲེང་རིལ་བ་སྤྱིལ་བླུགས་བསྣམས། །དྲང་སྲོང་ཆ་བྱད་དྭངས་རེ་སྤྲོ། །དེང་གི་བཀྲ་ཤིས་གནས་འདིར་གཤེགས། འབར་བ་མེ་ཡི་ཀློང་དུ་བཞུགས། །འདོད་ཡོན་བདུད་རྩིའི་བསྲེགས་བླུགས་བཞེས། །མཆོད་ཅིང་བསྟོད་དེ་ཕྱག་ཀྱང་འཚལ། །འབར་བ་མེ་ཡི་༧མགོན་མཛོད་ལ། །ཡེ་ཤེས་མེ་རུ་བྱིན་གྱིས་རློབས། །བཟའ་བཏུང་གཡོ་བསྐོལ་ལོངས་སྤྱོད་ཀྱཻ། །ཕུད་ཀྱིས་དཀོན་མཆོག་རྒྱ་མཚོ་མཆོད། །མགོན་པོ་ཡོན་ཏན་ཐུགས་དམ་བསྐང་། །རོ་བཅུད་ཕུན་སུམ་ཚོགས་པ་ཡི། །བདག་དང་རྒྱུ་སྦྱོར་ཡོན་བདག་གི། །ནད་གདོན་རྒུད་པ་ཞི་བ་དང་། ཚེ་བསོད་སྟོབས་རྩལ་རྒྱས་པར་སྤེལ། །བཀྲ་ཤིས་བདེ་ལེགས་མཛད་དུ་གསོལ། ཀྱཻ། དེ་ལྟར་བཀྲ་ཤིས་ཐབ་ཀྱི་ལྷ། །མཆོད་ཅིང་བསྟོད་པས་མངའ་གསོལ་ན། །ཐབ་ཁ་འདི་ལ་དགྱེས་པས་དགོངས། །རྟག་ཏུ་བྱིན་རླབས་དངོས་གྲུབ་སྩོལ། །འགོ་ཞིང་སྡོང་གྲོགས་མཐུ་དཔུང་སྐྱེད། །ལོངས་སྤྱོད་འབྱོར་པ་སྤྲིན་ལྟར་གཏིབས། །རོ་བཅུད་ནུས་པའི་དམུ་ལད་བསྐྱེད། །ཚེ་རིང་ནད་མེད་མཐུ་རྩལ་ཕྱུངས། །ཀོ་ལོང་རུ་ང་ཕྲག་དོག་སྤོངས། བསམ་པ་སྒྲུབ་ལ་རེ་བ་སྐོང་། །བར་དུ་གཅོད་པའི་རྐྱེན་རྣམས་

― JKT021_Page_0055 ―

^{[མ་དཔེ་གཟིགས་ན་འདིར་གནོན།]}

[Full Size]

བཟློག །མཆོད་དོ་མཆོད་དོ་ལྷ་མཆོད་དོ། །རྒྱལ་ལོ་རྒྱལ་ལོ་ལྷ་རྒྱལ་ལོ། །དགེའོ་དགེའོ་བཀྲ་ཤིས་དགེ །བདེ་སྐྱིད་ཕུན་ཚོགས་བཀྲ་ཤིས་ཤོག །ཅེས་བརྗོད། ཐབ་ཀྱི་ནང་དུའང་ཟས་ཕུད་དང་འབྲུ་སྣ་འཐོར། བཀྲ་ཤིས་རྒྱ་ཆེན་བརྗོད། མཆོད་ཡོན་རྣམས་དཀར་གསུམ་སོགས་བཟའ་བཏུང་བཟང་པོས་ཞལ་བསྲོ། བཀྲ་ཤིས་སྐྱིད་པའི་གླུ་བླངས་བ་སོགས་རྟེན་འབྲེལ་ལེགས་ཚོགས་སུ་བསྐྱེད་པར་བྱའོ། མངྒ་ལཾ། ༈ །ཕྱུགས་ལྷ་བསྟོད་པ་བཞུགས་སོ། ན་མོ་གུ་རུ་དེ་བ་དྷཱ་ཀི་ནཱི་ཡེ། རྟ་ཕྱུགས་ཀྱི་བྲེས་ལྷ་བསྟོད་པར་འདོད་ན། སོ་སོའི་ར་བའི་གོང་དུ་གསས་མཁར་བརྩིག །དེ་ལ་ཤིང་རྩི་དང་བལ་ཚོན་སོགས་ཀྱིས་བརྒྱན། ཕྱོགས་བཞིར་བསང་དང་ཕུད་མཆོད་རྒྱ་ཆེར་འདུ་བྱ་བགེགས་སྦྱོང་བསང་ཁྲུས་སོགས་རྒྱས་པར་བྱུང་ན་ལེགས། མ་བྱུང་ཡང་རྣམས་འཇོམས་སྨེ་བརྩེགས་སོགས་ཀྱིས་བསྔགས་པའི་ཁྲུས་ཆབ་འཐོར། ཨོཾ། དག་ཅིང་གཙང་མར་སྦྱར་བ་ཡི། །བདུད་རྩི་ཚན་གྱི་ཁྲུས་ཆབ་ལ། །གཟུངས་སྔགས་ཟབ་མོས་བྱིན་བརླབས་པའི། །སྔགས་ཀྱི་ཆུ་ཡིས་ཁྲུས་བགྱི་བས། །གནས་འདིར་འཚེ་བའི་གདོན་བགེགས་སྦྱང་། །གྲིབ་དང་མི་གཙང་ཕོག་པ་སྦྱང་། །རྟ་དང་ཕྱུགས་ལ་འགོ་བ་ཡི། །ལྷ་སྲུང་རྣམས་ལ་ཁྲུས་གསོལ་བས། །དམེ་མནོལ་གྲིབ་དང་མི་གཙང་

― JKT021_Page_0056 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན། །ཤེལ་དཀར་ཕྱིས་པ་བཞིན་དུ་དག །གངས་ལ་ཉི་འོད་ཕོག་པ་བཞིན། །དག་ཅིང་གསལ་འཚེར་གཟི་བརྗིད་འབར། །བཀྲ་ཤིས་སྣང་བས་ཁྱབ་གྱུར་ཅིག །ཨོཾ་ཤུདྡྷེ་ཤུདྡྷེ་ཤུ་དྷ་ན་ཡེ་སྭཱ་ཧཱ། །ཞེས་བརྗོད་ཅིང་ར་བ་བསྐོར་ལ་འཐོར། དེ་ནས་བསང་ལ་ཆབ་བྲན། ཀྱཻ། བསང་གི་རྒྱུ་བྱུང་གང་ནས་བྱུང་། །གནམ་ལས་སྦྲང་ཆར་ཐིམ་བུར་འབབ། །ས་གཞི་དྲོད་དང་རླན་གྱིས་ཁྱབ། །དྲོད་གཤེར་འཛོམས་པའི་རྟེན་འབྲེལ་ལས། །བར་དུ་རྩི་ཤིང་སྤོས་སྨན་འཁྲུངས། །ཡེ་ཤེས་བདུད་རྩིའི་ཟིལ་པ་ཆགས། །མཐོང་བས་ཡིད་འཕྲོག་བཀྲག་མདངས་ཆེ། །དྲི་ཚོར་ཙམ་གྱིས་ཁམས་དང་ཞིང་། །གྲིབ་དང་མི་གཙང་གདུང་བ་སེལ། །དེ་འདྲའི་ཤིང་མཆོག་ཡ་མཚན་ཅན། །འབར་བ་མེ་ཡི་ཀློང་དུ་བསྲེག །དཀར་མངར་ཟས་སྣའི་ཕུད་དང །རིན་ཆེན་འབྲུ་སྨན་བཅུད་དང་ལྡན། །སྔགས་དང་ཕྱག་རྒྱས་བྱིན་བརླབས་པས། །དུ་བའི་ཕུང་པོ་རེ་རེ་ལས། །འདོད་ཡོན་རྒྱ་མཚོ་འབྱུང་བར་གྱུར། ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་སོགས་ལན་གསུམ་ཕྱག་རྒྱ་དང་བཅས་པ་བྱ། བཛྲ་སྥ་ར་ཎ་ཁཾ༔ ཞེས་རྒྱས་པར་སྤེལ། ཀྱཻ། རང་བཞིན་ཆོས་དབྱིངས་ངང་ཉིད་ལས། །འགགས་མེད་གཟུགས་ཀྱི་སྐུར་བཞེངས་པ། །སངས་རྒྱས་ཆོས་དང་དགེ་འདུན་དང་། །བླ་མ་ཡི་དམ་མཁའ་འགྲོ་

― JKT021_Page_0057 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། །ཆོས་སྐྱོང་སྲུང་མ་ནོར་ལྷའི་ཚོགས། །ཐུགས་རྗེའི་དབང་གིས་གནས་འདིར་གཤེགས། །བསང་དང་ཞི་བའི་མཆོད་པ་བཞེས། །གསེར་སྐྱེམས་བདུད་རྩིའི་ཕུད་ཀྱིས་མཆོད། །རྟ་ཕྱུགས་ལྷས་མལ་འདི་ཉིད་ལ། ཡེ་ཤེས་ཆེན་པོའི་བྱིན་ཆེན་ཕོབ། ༈ །སྦས་གནས་ཨ་ཏ་རོང་གི་གཞི་བདག་རྣམས་ཀྱི་བསང་མཆོད་མདོར་བསྡུས་བཀྲ་ཤིས་དབྱངས་སྙན་ཅེས་བྱ་བ་བཞུགས་སོ། །ཨོཾ་སྭ་སྟི། ཇི་སྐད་དུ། པདྨ་སྤུངས་པ་ལས། སྦྱིན་པའི་གཡབ་མོས་ལེགས་བོས་ཏེ། སྙན་པར་སྨྲ་བས་ཡིད་དྲངས་ནས། དོན་སྤྱོད་པ་ཡིས་བག་ཕབ་སྟེ། དོན་མཐུན་གྲོས་ཆེན་གདབ་པར་བྱ། ཞེས་རྒྱལ་སྲས་བྱང་ཆུབ་སེམས་དཔའ་རྣམས་ཀྱིས་གཞན་སྨིན་པར་བྱེད་པ་བསྡུ་བའི་དངོས་པོ་བཞིའི་སྒོ་ནས་སྣོད་བཅུད་ཀྱི་ཕན་བདེའི་འབྱོར་པ་རྒྱས་པར་སྤེལ་བ་མཆོད་སྦྱིན་སྒོ་དུ་མ་ལས་ཁྱད་པར་དུ་གྱུར་པ་བཀྲ་ཤིས་བསངས་ཀྱི་ཆོ་ག་ལ་བརྟེན་ནས་ཡུལ་ལྷ་གཞི་བདག་རྣམས་དགྱེས་པ་བསྐྱེད་ཅིང་ཐར་བདེའི་ས་བོན་སྤེལ་བ་ལ་བཞི། དང་པོ་སྦྱིན་པའི་སྒོ་འཕར་དབྱེ་བ་ནི། ཇི་ལྟར་འབྱོར་པའི་བསང་རྫས་བཟང་ཤིང་གི་མེ་ལ་བསྲེག་ཅིང་། ཆབ་གཙང་མས་བྲན་ལ། ན་མ་སརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷསརྦ་ཐཱ་ཁཾ་ཨུཏྤ་ཏེ་སྥ་ར་ཎ་ཨི་མཾ་ག་ག་ན་ཁཾ་སྭཱ་ཧཱ། ཞེས་ནམ་མཁའ་མཛོད་ཀྱི་སྔགས་རྒྱ་དང་། །

― JKT021_Page_0058 ―

^{[མ་དཔེ་གཟིགས་ན་འདིར་གནོན།]}

[Full Size]

བཛྲ་སྥ་ར་ཎ་ཁཾ་གིས་འདོད་པའི་ཡོན་ཏན་རྣམ་པ་ཐམས་ཅད་པའི་རང་བཞིན་དུ་རྒྱས་པར་སྤེལ་ལ། བདེན་སྟོབས་ཀྱི་སྒོ་ནས་ཀྱང་བྱིན་གྱིས་བརླབ་ཅིང་འབུལ་བ་ནི། ཨོཾ། སྐྱབས་གནས་རིན་ཆེན་གསུམ་གྱི་བྱིན་རླབས་དང་། །སངས་རྒྱས་བྱང་ཆུབ་སེམས་དཔའི་ཐུགས་བསྐྱེད་མཐུ། བསོད་ནམས་ཡེ་ཤེས་ཚོགས་གཉིས་མངའ་ཐང་དཔལ། །ཆོས་དབྱིངས་རང་བཞིན་དག་པའི་བདེན་སྟོབས་:ཀྱིས༈ སྣོད་བཅུད་རྣམ་པར་དག་པའི་ཞིང་ཆེན་པོ། །ཡིད་འཕྲོག་ངོ་མཚར་བཀོད་པ་ཕུན་ཚོགས་དབུས། །འཆི་མེད་བདུད་རྩིའི་ཟིལ་མངར་ཆགས་པའི་ཤིང་། །འབར་བའི་མེར་བསྲེགས་འདོད་ཡོན་མཁོ་དགུ་དང་། ལེགས་པར་སྦྱར་བའི་དུད་པའི་སྤྲིན་ཕུང་ལས། །ཕྱི་ནང་ཉེར་སྤྱོད་རྣམ་པ་ཐམས་ཅད་པ། །ལེགས་པར་སྦྱར་བའི་དུད་པའི་སྤྲིན་ཕུང་ལས། །ཕྱི་ནང་ཉེར་སྤྱོད་རྣམ་པ་ཐམས་ཅད་པ། །ཡུལ་དང་དུས་དང་གནས་སྐབས་མཐའ་དག་ཏུ། །རྒྱུན་མི་འཆད་པ་ཡོངས་སུ་འཆར་བའི་ཕུལ། །ནམ་མཁའི་ཁམས་ཀུན་རྒྱས་པར་གཏམས་པ་འདིས། །གྲུབ་པའི་སློབ་དཔོན་པདྨ་སཾ་བྷཱ་བས། །ཡེ་ཤེས་གཟིགས་པས་བྱིན་གྱིས་བརླབས་པའི་ཡུལ། །སྦས་པའི་གནས་མཆོག་བཀྲ་ཤིས་ཨ་ཏ་རོང་། །ས་གཞི་དགེ་བཅུའི་མཚན་མ་རྫོགས་པའི་དབུས། །ཀུན་བརྟགས་ལྷུན་སྡུག་མི་འགྱུར་

― JKT021_Page_0059 ―

^{[མ་དཔེ་གཟིགས་ན་འདིར་གནོན།]}

[Full Size]

རི་བོའི་སུལ། །གཞན་དབང་ཡིད་འཕྲོགས་བཀོད་པའི་ཁང་བཟང་ན། །ཡོངས་གྲུབ་གཉིས་སུ་མེད་པའི་ཡེ་ཤེས་ཀྱཻ། །རྣམ་པ་མ་འགག་ཅིར་ཡང་འཆར་བ་ལས། །སྲིད་པའི་ལྷ་རབས་ཡུལ་བདག་ཞལ་ད་གཉན། །རབ་དཀར་ཟླ་ཞུན་གསར་པའི་ལང་ཚོ་ལ། །གསེར་སྦྱངས་ཞུན་མའི་འོད་ཟེར་རྣམ་པར་འཕྲོ། །ཕྱག་གཡས་ཕྱོགས་ལས་རྣམ་རྒྱལ་བ་དན་སྒྲེང་། གཡོན་པས་དགོས་འདོད་མཆོག་སྩོལ་གཏེར་བུམ་བསྣམས། ནོར་བུའི་གོ་ཁྲབ་ལྷ་རྫས་ན་བཟའ་གསོལ། ཅང་ཤེས་སྟེང་ན་རོལ་པའི་བརྗིད་བག་ཅན། འཁོར་དུ་ལྷ་ཀླུ་ཡུལ་སྐྱོང་དུ་མས་བསྐོར། །དེ་དང་རྗེས་འབྲེལ་དཔལ་ཆེན་ཧེ་རུ་ཀའི། །བདེ་ཆེན་དགྱེས་པ་ཐུགས་ཀྱི་གཞལ་མེད་ཁང་། །གཡུ་ལུང་གངས་ཀྱི་ར་བ་གཉིས་པ་ཡི། །སྦས་གནས་སྙིང་པོ་བཀྲ་ཤིས་དཔལ་གྱི་ཕུག །རྩ་གསུམ་ཆོས་སྲུང་ནོར་ལྷ་དགྱེས་བཞིན་ཏུ། །རྣམ་པར་རོལ་པའི་སྒྱུ་འཕྲུལ་དྲྭ་བ་ལས། །གང་འདུལ་སྤྲུལ་པའི་གནས་མཆོག་རྣམ་བཞི་དང་། །ཁྱད་པར་རྡོ་རྗེའི་ཕོ་བྲང་རྨུག་སངས་རི། །རྫོང་ཆེན་ཁམས་ཕུག་འོད་གསལ་གྲུབ་པའི་རྩེ། །།རིན་ཆེན་རྣམ་བཀོད་ནེའུ་གསིང་པོ་སྦྲམ་བྲག །པདྨ་འཁྱིལ་བ་གདོང་ཕྲམ་བདེ་ཆེན་རི། །གནོད་སྦྱིན་ནོར་ལྷ་དགྱེས་པའི་བསྟི་གནས་དང་། །གཞན་ཡང་རེ་ཏི་དགྱེས་པར་རོལ་པའི་མཚོ། །འཛུམ་

― JKT021_Page_0060 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་དགེ་བསྙེན་ཀེ་མྱེ་ཧོ་སེ་གཉན། །ལས་ཀྱི་དྲང་མཁན་བྱ་རྒོད་རྒོད་འབྲང་བྲག །སྒོ་སྲུང་རག་འཛོང་གཉན་པོ་ལ་སོགས་པའི། །རྡོ་རྗེའི་བྲག་རི་མི་འགྱུར་རི་བོའི་སྤོ། །གཡང་ཞག་མཚོ་དང་ལྗོན་ཤིང་སྐྱེད་མོས་ཚལ། །སྤང་ལྗོང་ནེའུ་གསིང་ཀུན་ན་གནས་བཅས་པའི། །ལྷ་ཀླུ་གནོད་སྦྱིན་ཡུལ་བདག་ཕོ་མོ་ནི། །བྲན་དང་བཀའ་ཉན་མངག་གཞུག་བཅས་པ་ཀུན། །དབང་པོའི་ལོངས་སྤྱོད་དགྱེས་དགུར་རོལ་པ་ཡི། །མཛེས་པའི་གཟུགས་དང་དབྱངས་སྙན་འབུམ་སྡེའི་སྒྲ། །ཞིམ་པའི་དྲི་བསུང་ལྷ་ཡི་རོ་བརྒྱའི་ཟས། །འཇམ་འཁྲིལ་རེག་བྱ་བདེ་ཆེན་ཆོས་ཀྱི་སྤྲིན། །མ་ཚང་མེད་པའི་མཐུན་རྫས་རྒྱ་ཆེན་པོས། །བསང་ངོ་མཆོད་དོ་དགྱེས་པའི་ཕུལ་གྱུར་ཏེ། །ཐུགས་དང་འགལ་བའི་ཉམས་ཆགས་སོར་ཆུད་ཅིང་། །གྲིབ་དང་མི་གཙང་མནོལ་བ་ཐམས་ཅད་སངས། །བཀྲ་ཤིས་སྲིད་དང་ཞི་བའི་དགེ་མཚན་གཡང་། །སྣོད་བཅུད་ཀུན་ལ་ཡོངས་སུ་རྫོགས་གྱུར་ཅིག །གཉིས་པ་སྙན་པར་སྨྲ་བའི་བསྟོད་པ་ནི། ཨོཾ། གཟོད་ནས་རྣམ་པར་དག་པའི་ཡེ་ཤེས་ནི། །འཁོར་འདས་ཉམས་བརྒྱར་ཅིར་ཡང་འཆར་བ་ལས། །བརྟན་དང་གཡོ་བའི་ཕུན་སུམ་ཚོགས་པ་ཀུན། །འབད་མེད་ལྷུན་གྱིས་གྲུབ་པའི་ནོར་བུའི་དབང་། །སྲིད་ན་ཆེ་བའི་ལྷ་རབས་ཞལ་ད་གཉན། །བཙུན་མོ་སྲས་དང་བློན་འཁོར་

― JKT021_Page_0061 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས་པ་དང་། །སྦས་པའི་ཡུལ་སྐྱོང་ཆེན་པོ་འཁོར་ཡུག་ན། །དགྱེས་བཞིན་བཞུགས་པའི་དཀར་ཕྱོགས་སྐྱོང་བའི་ཚོགས། །སོ་སོའི་མངའ་ཐང་འབྱོར་པ་དང་འཚམས་པའི། །ཡིད་ཅན་ཀུན་ལ་ཕན་པའི་དགའ་སྟོན་ནི། །རྒྱུན་དང་དུས་སུ་འབད་པ་མེད་པར་ཡང་། །བུམ་བཟང་དཔག་བསམ་ཤིང་དང་ནོར་བུ་ལྟར། །བསམ་པ་བཞིན་དུ་ལྷུག་པར་སྩོལ་མཛད་པའི། །གསང་བ་གསུམ་གྱི་ངོ་མཚར་རྨད་བྱུང་དང་། །ཡོན་ཏན་ཕྲིན་ལས་ཕ་མཐའ་ཡས་པ་ལ། །གུས་ཤིང་དྭངས་བ་ཆེན་པོས་བསྟོད་པར་བགྱི། །གསུམ་པ་དོན་སྤྱོད་པའི་དམ་བཅའ་བསྐུལ་བ་ནི། །སྲིད་པའི་ལྷ་རབས་ཆེན་པོ་ཁྱེད་རྣམས་ཀྱིས། །རྡོ་རྗེའི་སློབ་དཔོན་པདྨ་འབྱུང་གནས་སོགས། །རིག་འཛིན་རྩལ་འཆང་བརྒྱུད་པར་བཅས་པ་ཡི། །སྤྱན་སྔར་ཇི་ལྟར་ཞལ་གྱིས་བཞེས་པ་དང་། བདག་ཅག་རིག་སྔགས་འཆང་བའི་ཚོགས་རྣམས་ཀྱིས། །རྡོ་རྗེའི་བླ་མ་དམ་པའི་མདུན་ས་རུ། །བྱང་ཆུབ་སེམས་བསྐྱེད་སྔོན་དུ་འགྲོ་བ་ཡིས། །གསང་ཆེན་སྨིན་གྲོལ་བདུད་རྩི་ནོས་པའི་ཚེ། །མཐའ་ཀླས་མ་གྱུར་སེམས་ཅན་དོན་སླད་དུ། །བླ་མེད་རྫོགས་པའི་བྱང་ཆུབ་བསྒྲུབ་པའི་ཕྱིར། །འགྲོ་ལ་ཕན་བདེ་བགྱིད་པར་ཁས་བླངས་པའི། གཡར་དམ་ཐ་ཚིག་དུས་ལ་དེང་འདིར་བབ། བཞི་པ་དོན་མཐུན་པའི་ཕྲིན་ལས་གསོལ་བ་

― JKT021_Page_0062 ―

^{[མ་དཔེ་གཟིགས་ན་འདིར་གནོན།]}

[Full Size]

ནི། དེ་ཕྱིར་འགྲོ་ལ་ཕན་བདེ་འབྱུང་བའི་གཞི། །རྒྱལ་བསྟན་དྲི་མེད་ཡུན་རིང་གནས་པ་དང་། །བསྟན་འཛིན་ཞབས་བརྟན་བཤད་སྒྲུབ་བསྟན་པ་དར། །བསྟན་པའི་སྦྱིན་བདག་མངའ་ཐང་ཆོས་སྲིད་རྒྱས། །ཁྱད་པར་ཡུལ་འདིར་རིན་ཆེན་རྣམ་གསུམ་གྱི། །ཐུགས་རྗེའི་གདུགས་དཀར་གྲིབ་མར་ངལ་འཚོ་བའི། །ཕྱི་སྣོད་འཇིག་རྟེན་དགེ་བཅུའི་གཡང་ཞག་འཁྱིལ། །ནང་བཅུད་འགྲོ་ཀུན་ཡང་དག་ལྷ་ལ་དད། །ཆར་ཆུ་དུས་བབས་ལོ་ཏོག་རྩི་སྨན་ལེགས། གཞིས་སུ་འདུག་ན་ཚེ་དཔལ་འབྱོར་པ་སྤེལ། །བྱེས་སུ་བགྲོད་ན་མི་མཐུན་ཕྱོགས་ཀུན་སྲུངས། མདོར་ན་བསམ་དོན་ཡིད་བཞིན་འགྲུབ་པར་མཛོད། བཀྲ་ཤིས་གང་ཞིག་བླ་མ་མཆོག་གསུམ་གྱི། །བྱིན་རླབས་བདུད་རྩིའི་སྣང་བས་འཇིག་རྟེན་ན། རྒུད་ཅིང་ཕོངས་པའི་མུན་པ་ཀུན་ཞི་ནས། ཕན་བདེའི་དཔལ་གྱིས་རྟག་ཏུ་དགེ་གྱུར་ཅིག །ཅེས་དད་ལྡན་ཀརྨ་ཤཱ་ས་ན་དྷ་རས་ཇི་ལྟར་གསོལ་བ་བཏབ་པའི་ངོར་ནེའུ་གསིང་ཀུན་ཏུ་རྒྱས་པའི་སྨན་ལྗོངས་ཀྱི་སྙིང་པོར་བཀྲ་ཤིས་ཁང་གསར་གྱི་ཉི་འོད་འཁྱིལ་པར་འཇིགས་བྲལ་གྱི་སློབ་དཔོན་མཚོ་སྐྱེས་ཀུན་ཏུ་འཆང་བ་དགྱེས་པའི་འབངས་པདྨ་འོད་གསལ་མདོ་སྔགས་གླིང་པའི་སྡེས་ཇི་ལྟར་སྨྲས་རིམ་བཞིན་སྡེ་སྣོད་འཛིན་པ་ཀརྨ་མངྒ་ལས་བྲིས་པ་བྱང་ཆུབ་ཀྱི་སེམས་རིན་པོ་ཆེའི་བྱིན་

― JKT021_Page_0063 ―

^{[མ་དཔེ་གཟིགས་ན་འདིར་གནོན།]}

[Full Size]

རླབས་ལ་བརྟེན་ནས་ཡུལ་ཕྱོགས་ཐམས་ཅད་དུ་དགེ་ཞིང་བཀྲ་ཤིས་པར་གྱུར་ཅིག ༈ །འཛིང་ཕྱོགས་གཞི་བདག་ཡོངས་ཀྱི་བསང་མཆོད་དགེ་ལེགས་ཀུན་འབྱུང་ཞེས་བྱ་བ་བཞུགས་སོ། ཨོཾ་སྭ་སྟི། འཛིང་ཕྱོགས་གཞི་བདག་ཐམས་ཅད་ལ་བསངས་དང་གསེར་སྐྱེམས་འབུལ་བར་འདོད་པས། མཆོད་རྫས་རྣམས་འདུ་བྱས་ལ་ཆབ་གཙང་མས་བྲན། འདི་ཉིད་ཁོ་ན་སྒེར་དུ་བྱེད་ན་སྐྱབས་སེམས་སྔོན་ཏུ་འགྲོ་བས། རང་ཉིད་སྐད་ཅིག་གིས་སྣང་སྲིད་ཟིལ་གནོན་པདྨ་འབྱུང་གནས་ཀྱི་སྐུར་གྱུར་པར་བསམ། གང་ལྟར་ཡང་། རཾ་ཡཾ་ཁཾ་གིས་བསང་། ཨོཾ་ཨཱཿཧཱུྃ་གིས་བརླབ། ཀྱཻ། འོད་གསལ་ཤིན་ཏུ་རྣམ་པར་དག་པའི་དབྱིངས། །ཡེ་ཤེས་རིག་པ་རང་སྣང་རྡོ་རྗེའི་སྤྲིན། །འཁོར་འདས་རྣམ་རོལ་ཅི་ཡང་འཆར་བ་ལས། །འཕགས་མཆོག་ཕྱག་ན་པདྨོས་བྱིན་བརླབས་པ། །བོད་ཡུལ་མདོ་ཁམས་ཟལ་མོ་སྒང་གི་ཆ། །ཡོན་ཏན་ཡོངས་རྫོགས་དཔལ་ཆེན་ཕོ་བྲང་གི། །བྱང་ཤར་ལ་བཞིའི་དབུས་སུ་ཆུད་པའི་ཡུལ། །ས་འཛིན་པདྨ་བཀྲམ་པ་ལྟ་བུའི་གནས། །དགེ་བཅུའི་མཚན་མ་རྒྱས་པའི་སྟོད་སྨད་བར། །རི་བྲག་མཚོ་གསུམ་ཉམས་དགའི་བསྟི་གནས་སུ། །ཡིད་ཀྱི་གཟུགས་ཅན་ཐོགས་མེད་རྫུ་འཕྲུལ་བདག །གནོད་སྦྱིན་གཏེར་འཆང་རྣམ་མང་ཐོས་པའི་དབང་། །ཡབ་ཡུམ་སྲས་

― JKT021_Page_0064 ―

^{[མ་དཔེ་གཟིགས་ན་འདིར་གནོན།]}

[Full Size]

དང་རྟ་བདག་མཛོད་སྐྱོང་བ། །ཁོལ་རི་ཞེས་གྲགས་སྔགས་ཀྱི་ཕོ་བྲང་དང་། །ཁྱུང་ལུང་དངུལ་མཁར་གཡུང་དྲུང་དཔལ་གྱི་རི། །རིགས་གསུམ་ཚེ་དབང་རིག་འཛིན་སྒྲུབ་པའི་གནས། །སྐྱོང་མཛད་ཁྲ་བོའི་གཞི་བདག་མཆེད་གསུམ་དང་། །གཡུ་ལུང་ཤེལ་གྱི་བྲག་ཕུག་སྒོ་སྲུང་བ། །ཝཾ་ར་ཛཱ་ལ་བདེ་ཆེན་པདྨ་བྲག །ཁ་རག་ཕྱུག་མོ་དཔལ་གྱི་རི་བོ་ཆེ། །སྲུང་མཛད་བསྟན་སྐྱོང་དབང་མོ་འཁོར་བཅས་།དང་། །གྲུབ་པའི་སློབ་དཔོན་པདྨ་འབྱུང་གནས་ཀྱིས། །དབང་བསྐུར་དམ་བཞག་གཉན་གྱི་རེ་མ་ཏི། །རྡོ་རྗེ་སྲིན་རྫོང་རྒྱལ་མོ་དཔོན་དང་གཡོག །དཔལ་སྲས་རྔམས་པ་ཁྲོ་བོའི་རྒྱལ་པོའི་གནས། །སྲུང་མཛད་དྲག་ཤུལ་མཐུ་ལྡན་ག་གླང་དམར། །ཕོ་ཉ་སྤྲུལ་པ་ཡང་སྤྲུལ་བཅས་པ་དང་། །གཞན་ཡང་ཨ་མྱེ་ཀ་འབམ་བྲག་རི་དཀར། །སྤེན་ནེ་རི་བཀྲ་དབྱིས་ཆེན་རབ་རྩོལ་དང་། །སྡང་འཛོང་བྲག་ཅོག་རྒྱ་ཞིང་ཕག་རྒོད་ཆེ། །སྐྱེ་ནེ་སྡང་ཕྲམ་ངོ་ཚོ་རྒྱལ་མོ་སོགས། །ས་འདིར་གནས་པའི་ཡུལ་ལྷ་གཞི་བདག་ཀུན། །རྟེན་ཅིང་འབྲེལ་འབྱུང་ཆུ་ཟླའི་གཟུགས་བརྙན་བཞིན། །འགགས་མེད་སྒྱུ་མའི་རོལ་པས་འདིར་གཤེགས་ལ། །འདོད་འབྱུང་ནོར་བུའི་གཞལ་མེད་ཁང་པར་བཞུགས། །དངོས་སུ་འབྱོར་པའི་བསང་དང་གསེར་སྐྱེམས་ནི། །ཡིད་སྤྲུལ་ཏིང་འཛིན་ནམ་མཁའ་མཛོད་ཀྱི་སྤྲིན། །རང་

― JKT021_Page_0065 ―

^{[མ་དཔེ་གཟིགས་ན་འདིར་གནོན།]}

[Full Size]

རང་མཐུན་པའི་དམ་རྫས་དགྱེས་དགུར་རོལ། །གྲིབ་དང་མི་གཙང་མནོལ་བ་ཐམས་ཅད་བསང་། དག་བྱེད་བདུད་རྩི་ཚན་གྱིས་དྲི་མ་བཀྲུ། །ཕྱོགས་ལས་རྣམ་པར་རྒྱལ་བར་མངའ་གསོལ་ཞིང་། །དབུ་འཕང་རི་རྒྱལ་ལྷུན་པོ་ལྟ་བུར་བསྟོད། །དགྱེས་པ་ཆེན་པོའི་མཐུན་རྫས་ཡོངས་འབུལ་ན། །བརྟན་གཡོའི་ཕྱ་གཡང་རྫོགས་ལྡན་སྤྲིན་བཞིན་སྡུསོ། །སྲིད་ཞིའི་ལེགས་ཚོགས་དབྱར་གྱི་མཚོ་ལྟར་སྤེལ། །ཆར་ཆུ་དུས་ཕོབ་ལོ་ཕྱུག་རྟག་ཏུ་ལེགས། །མི་ནད་ཕྱུགས་ནད་དགྲ་རྐུན་གཅན་གཟན་ཞི། །གཞིས་སུ་འདུག་ན་མ་གཡེལ་བུ་བཞིན་སྐྱོངས། །བྱེས་སུ་འགྲོ་ན་བསམ་དོན་མཐའ་དག་སྒྲུབས། །ལས་བཞིའི་ཕྲིན་ལས་འདོད་རྒུའི་དགེ་མཚན་གྱི། །བཀྲ་ཤིས་སྣང་བས་རྟག་ཏུ་ཁྱབ་པར་མཛོད། །གནས་དང་གཞི་ཡི་བདག་པོ་ཆེན་པོ་རྣམས། །རང་རང་རྟེན་ལ་རྟག་པར་བཞུགས་སུ་གསོལ། །ནག་ཕྱོགས་ཟིལ་ནོན་དཀར་ཕྱོགས་གཟི་བྱིན་སྐྱེད། །དགེ་ལེགས་སྣང་བས་ས་གསུམ་ཁྱབ་གྱུར་ཅིག །ཅེས་པའང་ཨ་མཁར་སྔགས་པ་རྟ་མགྲིན་ཚེ་བརྟན་ནས་རྫོང་ཤོད་བདེ་གཤེགས་འདུས་པའི་ཕོ་བྲང་ཆེན་པོར་ཇི་ལྟར་གསོལ་བ་བཏབ་པ་བཞིན། ཨོ་རྒྱན་ཆེན་པོའི་གསུང་འཛིན་མཆོག་གྱུར་བདེ་ཆེན་གླིང་པ་དང་། པདྨ་གར་དབང་བློ་གྲོས་མཐའ་ཡས། འཇམ་དབྱངས་མཁྱེན་

― JKT021_Page_0066 ―

^{[མ་དཔེ་གཟིགས་ན་འདིར་གནོན།]}

[Full Size]

བརྩེའི་དབང་པོ་བཅས་ནས་གང་ཤར་སྤེལ་བ་རྣམ་པ་ཀུན་ཏུ་དགེ་ལེགས་སུ་གྱུར་ཅིག ༈ །ཞི་བརྔན་བསངས་གསུམ་གྱི་དོན་བསྡུས་བདུད་རྩིའི་སྤྲིན་ཕུང་ཞེས་བྱ་བ་བཞུགས་སོ། །རཾ་ཡཾ་ཁཾ། བྷཾ་ལས་རིན་ཆེན་སྣོད་ཡངས་སུ། །འབྲུ་གསུམ་འོད་དུ་ཞུ་བ་ལས། བསང་མཆོད་འདོད་ཡོན་ལྔ་ལྡན་པ། །མི་ཟད་ནམ་མཁའ་མཛོད་དུ་གྱུར། ཨོཾ་ཨཱཿཧཱུྃ། ཀྱཻ། །དཀོན་མཆོག་སྲིད་ཞུའི་མགྲོན་རྣམས་ཀུན། །རང་བཞིན་ཆོས་དབྱིངས་ཀློང་ནས་བཞེངས། །མགོན་པོ་ཡོན་ཏན་མགྲོན་རྣམས་ཀུན། །དམ་ཚིག་ཐུགས་རྗེའི་དབང་གིས་གཤེགས། །བགེགས་རིགས་ལན་ཆགས་མགྲོན་རྣམས་ཀུན། །སོ་སོའི་གནས་ནས་འདིར་འདུས་ཤིག །རིགས་དྲུག་སྙིང་རྗེའི་མགྲོན་རྣམས་ཀུན། །ཁམས་གསུམ་སྲིད་པའི་ཡུལ་ནས་བྱོན། །བཀྲ་ཤིས་ཡིད་འོང་གནས་འདི་རུ། །རང་རང་དགྱེས་པའི་གདན་ལ་བཞུགས། །དངོས་འབྱོར་ཡིད་ལས་བྱུང་བ་ཡི། །ནམ་མཁའ་མཛོད་ཀྱི་ལོངས་སྤྱོད་དང་། །བདུད་རྩི་བསངས་ཀྱི་མཆོད་སྦྱིན་བཞེས། །བདག་ཅག་དཔོན་སློབ་ཡོན་མཆོད་ཀྱཻ། །མི་མཐུན་འགལ་རྐྱེན་བར་ཆད་སོལ། །མཆོག་དང་ཐུན་མོང་དངོས་གྲུབ་སྩོལ། །ཞི་བའི་མཆོད་སྦྱིན་འདི་ཕུལ་བས། །ནད་མུག་འཁྲུགས་རྩོད་ལ་སོགས་པ། །སྣོད་བཅུད་རྒུད་པ་ཞི་བ་དང་། །འབྲུ་ནོར་ལོངས་སྤྱོད་

― JKT021_Page_0067 ―

^{[མ་དཔེ་གཟིགས་ན་འདིར་གནོན།]}

[Full Size]

འཕེལ་མཛད་གསོལ། །མགྲོན་བཞིའི་ཐུགས་དང་མཐུན་པ་ཡི། །འདོད་ཡོན་རྒྱ་མཚོས་བསྐང་ཞིང་བརྔན། །ཟག་མེད་བདེ་བས་རབ་མཉེས་ནས། །ཕྲིན་ལས་རྣམ་བཞི་འགྲུབ་པར་མཛོད། །ཉམས་གྲིབ་མི་གཙང་ཞི་བ་དང་། གཞི་བྱེས་ལམ་གསུམ་ཐམས་ཅད་དུ། །ཁ་འཛིན་རྒྱབ་བརྟེན་སྟོངས་གྲོགས་མཛོད། །འཁོར་འདས་ཕྱྭ་གཡང་ལེགས་ཚོགས་བསྡུས། འགོ་ཞིང་སྐྱོབ་པའི་དགྲ་བླ་རྣམས། བསང་ངོ་མཆོད་དོ་དབུ་འཕངས་བསྟོད། །ཕྱོགས་ལས་རྣམ་པར་རྒྱལ་བ་ཡི། །བཀྲ་ཤིས་བདེ་ལེགས་ཕུན་ཚོགས་ཤོག །ཅེས་པའང་དཔལ་ལྕགས་ཟམ་པའི་གན་མཛོད་འཛིན་པ་གང་། དེའི་ཞལ་ངོར། བོད་ཁམས་བཀྲ་ཤིས་འབྱུང་པའི་གནས་མཆོག་ཆུ་བོ་རིའི་བླ་བྲང་དུ་མཁྱེན་བརྩེའི་དབང་པོས་བྲིས་པ་དགེ། ༈ །གསུར་མཆོད་མདོར་བསྡུས་བདུད་རྩིའི་སྤྲིན་ཕུང་ཞེས་བྱ་བ་བཞུགས་སོ། ཨོཾ་སྭསྟི། འདིར་མཆོད་སྦྱིན་གསུར་གྱི་ཆོ་ག་ཤིན་ཏུ་བསྡུས་ཏེ་བྱ་བའི་ཚུལ་ལ། གསུར་མཆོད་ཕྱག་ལེན་ལྟར་བཤམ། །ཆབ་གཙང་མས་བྲན། ཨོཾ་ཨཱཿཧཱུྃ་གིས་བྱིན་གྱིས་བརླབ། ཨོཾ་ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སཾ་བྷ་ར་སཾ་བྷ་ར་ཧཱུཾ། ཞེས་དང་། གསུར་མཆོད་འདོད་ཡོན་ལྔ་ལྡན་འདིས། །དཀོན་མཆོག་སྲི་ཞུའི་མགྲོན་རྣམས་མཆོད། །བདག་དང་མཁའ་མཉམ་འགྲོ་ཀུན་ལ། །བྱིན་

― JKT021_Page_0068 ―

^{[མ་དཔེ་གཟིགས་ན་འདིར་གནོན།]}

[Full Size]

རློབས་མཆོག་ཐུན་དངོས་གྲུབ་སྩོལ། །མགོན་པོ་ཡོན་ཏན་མགྲོན་ལ་འབུལ། །རྣམ་བཞིའི་ཕྲིན་ལས་ཀུན་འགྲུབ་མཛོད། །བགེགས་རིགས་ལན་ཆགས་མགྲོན་ལ་སྦྱིན། །གནོད་འཚེ་ཞི་ཞིང་བུ་ལོན་བྱང་། །རིགས་དྲུག་སྙིང་རྗེའི་མགྲོན་ལ་བསྔོ། །འདོད་རྒུའི་ལོངས་སྤྱོད་ལྷུན་གྲུབ་ཤོག །ཁྱད་པར་བར་དོའི་འགྲོ་བ་སོགས། །དྲི་ཟ་འབྱུང་པོའི་ཚོགས་ལ་སྦྱིན། །སོ་སོའི་སྡུག་བསྔལ་ཀུན་བྲལ་ནས། །ཟག་མེད་བདེ་བས་ཚིམ་གྱུར་ཅིག །ཀུན་ཀྱང་བྱང་ཆུབ་སེམས་འབྱོངས་ནས། །རྫོགས་པའི་སངས་རྒྱས་མྱུར་ཐོབ་ཤོག །ཅེས་འབུལ་ཞིང་བསྔོས་ལ། །བསྔོ་སྨོན་བཀྲ་ཤིས་ཇི་ལྟར་རིགས་པས་མཐའ་བརྒྱན་པར་བྱའོ། །ཞེས་པའང་རྒྱུད་སྨད་དགེ་བའི་བཤེས་གཉེན་ཛྙཱ་ནའི་མཚན་ཅན་གྱི་གསུང་ངོར། །མཁྱེན་བརྩེའི་དབང་པོས་ལྷ་ལྡན་དགའ་བཞིའི་འཁྲུལ་སྣང་གི་གནྡྷོ་ལའི་ཉེ་འདབས་སུ་ཤར་མར་བྲིས་པ་དགེ། ༈ །།རྡོ་རྗེ་སྲིན་རྫོང་རྒྱལ་མོའི་བསང་མཆོད་འདོད་དགུའི་ཆར་འབེབས་བཞུགས་སོ། ཨོཾ་སྭསྟི་སིདྡྷཾ། དེ་ལ་གཞི་བདག་ཆེན་མོ་རྡོ་རྗེ་སྲིང་རྫོང་རྒྱལ་མོ་ལ་བསང་མཆོད་འབུལ་བར་འདོད་པས། བསང་རྫས། ཨ་མྲྀ་ཏས་བསང་། སྭ་བྷ་ཝས་སྦྱངས། སྟོང་པའི་ངང་ལས་ལྷ་རྫས་དང་། །ཏིང་ངེ་འཛིན་གྱིས་རྣམས་འཕྲུལ་པའི། །བསང་མཆོད་ཟག་མེད་བདུད་རྩིའི་སྤྲིན། །

― JKT021_Page_0069 ―

^{[མ་དཔེ་གཟིགས་ན་འདིར་གནོན།]}

[Full Size]

འདོད་ཡོན་རྒྱ་མཚོའི་གཏེར་དུ་གྱུར། ནམ་མཁའ་མཛོད་ཀྱི་སྔགས་རྒྱས་བརླབ། ཨོཾ་ཨཱཿཧཱུཾ། འཁོར་འདས་ཀུན་ལ་ཁྱབ་པའི་ཡེ་ཤེས་ནི། །སྲིད་ཞིའི་རྣམ་འགྱུར་ཅིར་ཡང་འཆར་བ་ལས། །དེང་འདིར་དཀར་ཕྱོགས་སྐྱོང་བའི་གཞི་བདག་ཚུལ། །སྔགས་སྲུང་ཆེན་མོ་རྡོ་རྗེ་སྲིང་རྫོང་རྒྱལ། ཕྲིན་ལས་རྣམ་བཞིའི་སྒྱུ་འཕྲུལ་དྲ་བའི་སྤྲིན། འཁོར་བཅས་འདིར་གཤེགས་བཤམས་པའི་གདན་ལ་བཞུགས། །སྣོད་བཅུད་དག་པའི་ཞིང་གི་བཀོད་པའི་དབུས། དྲི་ཞིམ་ངད་ལྡན་བདུད་རྩི་བསང་མཆོད་སྤྲིན། །གང་བཞེད་ཡིད་བཞིན་འཆར་བའི་འདོད་ཡོན་གཏེར། །མེ་ཏོག་བདུག་སྤོས་སྣང་གསལ་དྲི་ཆབ་དང་། །ཞལ་ཟས་རོལ་མོ་གཟུགས་སྒྲ་དྲི་རོ་རེག །བཀྲ་ཤིས་རྫས་རྟགས་རྒྱལ་སྲིད་སྣ་བདུན་སོགས། །ཕུན་ཚོགས་འདོད་པའི་ཡོན་ཏན་རྣམ་མང་པོས། །ཐུགས་དམ་བསྐང་ཞིང་ཉམས་ཆག་མཐོལ་བཤགས་ནས། །རྣལ་འབྱོར་བདག་ལ་དགྱེས་པའི་འཛུམ་ཞལ་སྟོན། །རྡོ་རྗེ་འཆང་དབང་པདྨ་ཐོད་ཕྲེང་སོགས། །རྩ་བརྒྱུད་བླ་མའི་དམ་ཚིག་རྗེས་དགོངས་ལ། །བཤད་སྒྲུབ་བསྟན་པ་ཕྱོགས་བཅུར་རྒྱས་པ་དང་། །བསྟན་འཛིན་ཚོགས་རྣམས་བསྐལ་བརྒྱར་ཞབས་པད་བརྟེན། །ཆོས་ལྡན་རྒྱལ་པོའི་མངའ་ཐང་རྒྱས་པ་དང་། །འགྲོ་རྣམས་བདེ་སྐྱིད་ཕུན་སུམ་ཚོགས་པར་

― JKT021_Page_0070 ―

^{[མ་དཔེ་གཟིགས་ན་འདིར་གནོན།]}

[Full Size]

མཛོད། །ཁྱད་པར་བདག་ཅག་དཔོན་སློབ་ཡོན་མཆོད་ལ། །གཞི་བྱེས་ཀུན་ཏུ་སྲུང་ཞིང་སྐྱབས་པ་དང་། གནས་སྐབས་མཐར་ཐུག་ཕུན་སུམ་ཚོགས་པའི་དཔལ། །ཕན་བདེའི་དགའ་སྟོན་རྒྱས་པའི་བཀྲ་ཤིས་སྩོལ། །ཅེས་བརྗོད་ཅིང་བསང་གཞུང་དང་མ་འབྲེལ་ན། ནོང་བཤགས་དང་གཤེགས་གསོལ་བཀྲ་ཤིས་སོགས་བྱའོ། །ཅེས་པའང་སྤམ་འཛོང་དགོན་པའི་བླ་གྲྭ་རྣམས་ཀྱི་ཐུགས་བཞེད་བཞིན་ཤཱཀྱའི་དགེ་སློང་འཇམ་དབྱངས་མཁྱེན་བརྩེའི་དབང་པོས་གང་ཤར་སྤེལ་བ་ཛ་ཡན་ཏུ། དགེའོ།། །།རྩ་གསུམ་ཆོས་སྲུང་རྒྱ་མཚོའི་གཏོར་བསྔོ་དང་སྐོང་བཤགས་ཀྱི་ཆོ་ག་ཉེ་བར་བསྡུས་པ་ཕྲིན་ལས་རོལ་མཚོ་ཞེས་བྱ་བ་བཞུགས་སོ། །ན་མོ་གུ་རུ་དེ་བ་ཌཱ་ཀི་ནཱི་དྷརྨ་པཱ་ལཱ་ཡ། །འདིར་རྩ་གསུམ་ཆོས་སྲུང་རྒྱ་མཚོའི་གཏོར་བསྔོ་དང་སྐོང་བཤགས་མདོར་བསྡུས་ཏེ་བྱ་བར་འདོད་པས། རང་ཉིད་གཉུག་མའི་ལྷར་གསལ་བཞིན་པའི་ངང་། མཆོད་གཏོར་རྣམས། རཾ་ཡཾ་ཁཾ། གིས་བསངས་སྦྱངས། སྟོང་པའི་ངང་ལས་གནས་ཡུལ་ཀུན། །དུར་ཁྲོད་དྲག་པོའི་གཞལ་ཡས་དབུས། །ཕྱི་ནང་གསང་བའི་མཆོད་རྫས་རྣམས། །མི་ཟད་ནམ་མཁའི་མཛོད་དུ་གྱུར། །ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷསརྦ་ཐཱ་ཁཾ་ཨུངྒ་ཏེ་སྥ་ར་ཎ་ཨི་མཾ་ག་ག་ན་ཁཾ་སྭཱ་ཧཱ། ནམ་མཁའ་མཛོད་ཀྱི་སྔགས་རྒྱས་བརླབ། །

― JKT021_Page_0071 ―

^{[མ་དཔེ་གཟིགས་ན་འདིར་གནོན།]}

[Full Size]

རང་གི་སྙིང་ག་ནས་འོད་ཟེར་འཕྲོས་པས་རྩ་གསུམ་ཆོས་སྲུང་རྒྱ་མཚོའི་ཚོགས་བསམ་གྱིས་མི་ཁྱབ་པ་མདུན་གྱི་ནམ་མཁར་བཛྲ་ས་མཱ་ཛཿ ཧཱུྃ་ཧྲཱིཿ ཕྱོགས་དུས་ཞིང་ཁམས་རབ་འབྱམས་ནས། །རྩ་གསུམ་དཀྱིལ་འཁོར་ལྷ་ཚོགས་རྣམས། །མཆོག་ཐུན་དངོས་གྲུབ་སྩོལ་བའི་ཕྱིར། །གནས་འདིར་སྤྱན་འདྲེན་གཤེགས་སུ་གསོལ། །སེམས་དང་སེམས་བྱུང་རྟོག་ཚོགས་ཀུན། །འོད་གསལ་དབུ་མར་ཐིམ་པའི་སྩལ། །དབྱིངས་ལས་ཡེ་ཤེས་རང་ཤར་བའི། །སྔགས་ཀྱི་སྲུང་མ་ཨེ་ཀ་ཛ། །དཔལ་ལྡན་མགོན་པོ་མ་ནིང་ནག །ཁྱབ་འཇུག་ཆེན་པོ་སྒྲ་གཅན་འཛིན། །སྐྱེས་མཆོག་བཛྲ་ཐིག་ལེ་རྩལ། །གནོད་སྦྱིན་ནོར་ལྷ་གཏེར་བདག་སོགས། །རྒྱུད་གསུམ་དྲེགས་པའི་ཚོགས་རྣམས་ཀུན། །སངས་རྒྱས་བསྟན་པ་སྲུང་བའི་ཕྱིར། །དུར་ཁྲོད་དྲག་པོའི་གནས་འདིར་གཤེགས། །ཨོཾ་ཨཱཿཧཱུྃ་གུ་རུ་དེ་བ་ཌཱ་ཀི་ནཱི་ཤྲཱི་བཛྲ་དྷརྨ་པཱ་ལ་བ་སུ་དེ་བ་ས་པ་རི་ཝཱ་ར་བཛྲ་ས་མཱ་ཛཿ དོན་དམ་འགྲོ་འོང་མ་དམིགས་ཀྱང་། །ཀུན་རྫོབ་སྒྱུ་མའི་སྣང་ཆ་རུ། །དམ་ཚིག་ཡེ་ཤེས་དབྱེར་མེད་པར། །དགྱེས་བཞིན་བྱིན་གྱིས་རློབ་ཕྱིར་བཞུགས། །ཛཿཧཱུྃ་བཾ་ཧོ་ས་མ་ཡ་ཏིཥྛན། །བྱིན་རླབས་ཆར་འབེབས་དངོས་གྲུབ་མཛོད། །ཕྲིན་ལས་ཐོགས་མེད་བསྟན་པ་སྲུང་། །རྩ་གསུམ་ཆོས་སྲུང་རྒྱ་མཚོ་ལ། །གུས་པའི་ཡིད་ཀྱི་

― JKT021_Page_0072 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་འཚལ་ལོ། །ཨ་ཏི་པུ་ཧོ། པྲ་ཏིཙྪ་ཧོ། ཨོཾ་ཨཱཿཧཱུཾ། ཉེར་སྤྱོད་འདོད་པའི་ཡོན་ཏན་དང་། །སྨན་རཀ་གཏོར་ཚོགས་གསང་བའི་རྫས། །གུས་པའི་བློ་ཡིས་འབུལ་ལགས་ན། །བཞེས་ནས་མཆོག་ཐུན་དངོས་གྲུབ་སྩོལ། །ཨོཾ་ཨཱཿཧཱུྃ་བཛྲ་གུ་རུ་དེ་ཝ་ཌཱ་ཀི་ནཱི་ཤྲཱི་བཛྲ་དྷརྨ་པཱ་ལ་བ་སུ་དེ་བ་ས་པ་རི་ཝཱ་ར་ཨརྒྷཾ་སོགས་ཀྱིས་ཕྱི་མཆོད་དང་། །གོང་གི་སྔགས་མཐར། ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་སོགས་ལན་གསུམ་གྱིས་གཏོར་མ། མ་ཧཱ་པཉྩ་ཨ་མྲྀ་ཏ་ཁཱ་ཧི། མ་ཧཱ་རཀྟ་ཁཱ་ཧི། ཞེས་པས་སྨན་རག་རྣམས་ཕུལ། སྐོང་བཤགས་ནི། ཧཱུྃ་ཧཱུྃ༔ དངོས་བཤམས་ཡིད་ལས་བྱུང་བ་ཡི། །ཕྱི་ནང་གསང་བའི་མཆོད་རྫས་དང་། །རྟེན་རྫ་ས་སྐོང་རྫས་སྒྲུབ་རྫས་སོགས། །རང་རང་མཐུན་པའི་དམ་རྫས་ཀྱིས། །བྱིན་རླབས་ཆར་འབེབས་དཀྱིལ་འཁོར་གཙོ། །རྩ་བརྒྱུད་བླ་མའི་ཐུགས་དམ་བསྐང་། །དངོས་གྲུབ་ཡིད་བཞིན་སྩོལ་མཛད་པ། །ཡི་དམ་ལྷ་ཚོགས་ཐུགས་དམ་བསྐང་། །རྣམ་བཞིའི་ཕྲིན་ལས་ཐོགས་མེད་པའི། །དཔའ་བོ་མཁའ་འགྲོའི་ཐུགས་དམ་བསྐང་། །རྡོ་རྗེ་བཙུན་མོ་དབྱིངས་ཀྱི་ཡུམ། །ཨེ་ཀ་ཛཱ་ཊིའི་ཐུགས་དམ་བསྐང་། །སྣང་སྲིད་དྲེགས་པའི་འཁོར་ལོས་སྒྱུར། །མ་ནིང་ནག་པོའི་ཐུགས་དམ་བསྐང་། །མཐུ་སྟོབས་དྲག་པོས་བསྟན་པ་སྲུང་། །ཁྱབ་མཇུག་ཆེན་པོའི་ཐུགས་དམ་

― JKT021_Page_0073 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐང་། །སྡེ་བརྒྱད་ཡོངས་ཀྱི་དེད་དཔོན་ཆེ། །རྡོ་རྗེ་ལེགས་པའི་ཐུགས་དམ་བསྐང་། །དགོས་འདོད་ཆར་འབེབས་གཏེར་གྱི་བདག །གནོད་སྦྱིན་ནོར་ལྷའི་ཐུགས་དམ་བསྐང་། །མདོར་ན་ཡེ་ཤེས་འཇིག་རྟེན་གྱི། །རྒྱུད་གསུམ་དྲེགས་པའི་ཐུགས་དམ་བསྐང་། །མི་ཤེས་ཉོན་མོངས་བག་མེད་པས། །མ་གུས་འཁྲུལ་པའི་གཞན་དབང་གིས། །ཐུགས་དང་འགལ་པའི་ནོངས་པ་ཀུན། །སྙིང་ནས་བཤགས་སོ་ཚངས་པར་སྩོལ། །བདག་ཅག་བྱང་ཆུབ་མ་ཐོབ་བར། །བྱིན་རླབས་དངོས་གྲུབ་སྩོལ་བ་དང་། །རྣམ་བཞིའི་ཕྲིན་ལས་རབ་འབྱམས་ཀྱིས། །ཕན་བདེའི་འདོད་རྒུ་རྫོགས་པར་མཛོད། །བསྟོད་ཅིང་ཕྲིན་ལས་བཅོལ་བ་ནི། ཧཱུྃ་ཧཱུྃ༔ རྩ་བརྒྱུད་བླ་མ་ཡི་དམ་ལྷ། །མཁའ་འགྲོ་ཆོས་སྲུང་ནོར་ལྷའི་ཚོགས། །རབ་འབྱམས་མཆོད་འོས་རྒྱ་མཚོ་ལ། །གུས་པའི་བློ་ཡིས་བསྟོད་པར་བགྱི། །བྱིན་རླབས་བདུད་རྩིས་དབང་བསྐུར་ཞིང་། །དངོས་གྲུབ་རྣམ་གཉིས་དགའ་སྟོན་གྱིས། །ཕྲིན་ལས་ཐོག་མེད་འགྲུབ་པ་དང་། །རྣམ་བཞིའི་ལས་ཀྱི་དངོས་གྲུབ་སྩོལ། །ཧཱུྃ་བྷྱོ༔ སྔོན་ཚེ་ཀུན་བཟང་རྡོ་རྗེ་སེམས། །འཆི་མེད་པདྨ་ཐོད་ཕྲེང་སོགས། །བརྒྱུད་གསུམ་རིག་འཛིན་རྒྱ་མཚོ་ཡིས། །དམ་ལ་བཏགས་པའི་ཆོས་སྲུང་ཚོགས། །ཇི་ལྟར་ཞལ་བཞེས་དམ་བཅས་བཞིན། །མཆོད་གཏོར་

― JKT021_Page_0074 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱན་ལྡན་འདི་བཞེས་ལ། །འགྲོ་ལ་ཕན་བདེ་འབྱུང་བའི་གཞི། །བཤད་སྒྲུབ་བསྟན་པ་ཕྱོགས་བཅུར་སྤེལ། །བསྟན་འཛིན་སྐྱེས་བུའི་སྐུ་ཚེ་དང་། །མཛད་ཕྲིན་སྲིད་མཐར་རྒྱས་པར་མཛོད། །སྣོད་བཅུད་རྒུད་པ་ཀུན་ཞི་ཞིང་། །འཇིག་རྟེན་བདེ་བའི་དཔལ་ལ་སྦྱོར། །རྣལ་འབྱོར་བདག་ཅག་འཁོར་བཅས་ཀྱཻ། །ནད་གདོན་འཇིགས་བརྒྱད་ཞི་བ་དང་། །ཚེ་བསོད་དཔལ་འབྱོར་ཡེ་ཤེས་སྤོར། །ཁམས་གསུམ་འགྲོ་ཀུན་དབང་དུ་སྡུས། །མི་མཐུན་དགྲ་བགེགས་རྡུལ་དུ་རློག །མདོར་ན་མཆོག་དང་ཐུན་མོང་གི །ཕྲིན་ལས་རབ་འབྱམས་འགྲུབ་པར་མཛོད། །ཅེས་བརྗོད་ཕུད་དང་གཏོར་མ་གཙང་སར་གཤེགས། ནོངས་པ་བཤགས། རྟེན་ཡོད་ན་བརྟན་བཞུགས་དང་། མེད་ན་གཏོར་མགྲོན་རྣམས་གཤེགས། དགེ་བ་བསྔོ་ཞིང་སྨོན་ལམ་གདབ། ཤིས་པ་བརྗོད་པས་མེ་ཏོག་གི་ཆར་སིལ་མ་དགྲམ་པར་བྱའོ། །ཞེས་པའང་བསམ་འགྲུབ་ཤེལ་གྱི་བྲག་ཕུག་གི་མདུན་རོལ་གྲུབ་པས་བསྟེན་པའི་བྲག་སྐྱིབས་སུ་རྒྱལ་ཁམས་ཉུལ་བའི་དཱ་རི་དྲ་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་པ་དགེ་ལེགས་སུ་གྱུར་ཅིག། །མངྒ་ལཾ། ༈ །ཨ་ཕྱི་མཆེད་ལྔའི་གསོལ་མཆོད་མདོར་བསྡུས་བཞུགས་སོ། །ཨོཾ་ཨཱཿཧཱུཾ། མཆོད་གཏོར་ཡེ་ཤེས་ཀྱི་བདུད་རྩི་འདོད་ཡོན་རྒྱ་མཚོའི་སྤྲིན་

― JKT021_Page_0075 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུང་འཕྲོ་བར་གྱུར། ཀྱཻ། རང་བཞིན་ཆོས་ཀྱི་དབྱིངས་ལས་མ་གཡོས་ཀྱང་། སངས་རྒྱས་བསྟན་སྐྱོང་དངོས་གྲུབ་མཆོག་སྩོལ་ཕྱིར། །དབྱིངས་ཕྱུག་ཡུམ་ལྔའི་སྒྱུ་འཕྲུལ་དྲྭ་བའི་གར། །ཨ་ཕྱི་མཆེད་ལྔ་འཁོར་བཅས་འདིར་གཤེགས་ཤིག །ཕྱི་ནང་གསང་བ་བླ་མེད་མཆོད་སྤྲིན་དང་། །ཡེ་ཤེས་བདུད་རྩིའི་གཏོར་མ་འདི་བཞེས་ལ། །རྩ་བརྒྱུད་བླ་མས་བཀའ་བསྒོས་དམ་བཞག་ལྟར། །སངས་རྒྱས་བསྟན་སྲུངས་བསྟན་འཛིན་སྐུ་ཚེ་སྲིངས། །བསྟན་པའི་སྦྱིན་བདག་མངའ་ཐང་ཕྱོགས་བཅུར་སྤེལ། །ནད་མུག་མཚོན་འཁྲུགས་འབྱུང་བཞིའི་འཇིགས་པ་སོལ། །སྣོད་བཅུད་ཀུན་ཏུ་ཕན་བདེའི་དགེ་མཚན་སྐྱིད། །རྣམ་བཞིའི་ཕྲིན་ལས་ཡིད་བཞིན་འགྲུབ་པར་མཛོད། །ཅེས་པའང་དཔལ་ལྷུན་གྲུབ་སྟེང་གི་ཕྱོགས་ཐམས་ཅད་ལས་རྣམ་པར་རྒྱལ་བའི་སྐུ་བཅར་གྲྭ་ཚང་རྣམས་ཀྱི་ཐུགས་བཞེད་ལྟར་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་བྲིས་པ་དགེ་ཞིང་བཀྲ་ཤིས།། ༈ །།རྩ་གསུམ་གཏོར་བསྔོ་ཉེར་བསྡུས་ཕྲིན་ལས་མཆོག་སྦྱིན་བཞུགས། རང་ཉིད་སྐད་ཅིག་གིས་རྩ་གསུམ་ཀུན་འདུས་འཆི་མེད་པདྨ་ཐོད་ཕྲེང་གི་སྐུར་གསལ་བར་གྱུར། རཾ་ཡཾ་ཁཾ། མཆོད་གཏོར་མི་དམིགས་སྟོང་པའི་ངང་། །ཨ་ལས་ཡེ་ཤེས་ཀ་པཱ་ལར། །འབྲུ་གསུམ་འོད་དུ་ཞུ་བ་ལས། །འདོད་

― JKT021_Page_0076 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོན་ནམ་མཁའི་མཛོད་དུ་གྱུར། །ཨོཾ་ཨཱཿཧཱུྃ་ཧ་ཧོ་ཧྲཱིཿ ཧཱུྃ་ཧྲཱིཿ རྩ་གསུམ་ཆོས་སྲུང་ནོར་ལྷའི་ཚོགས། །ཐུགས་རྗེས་དབང་གིས་འདིར་གཤེགས་ལ། །དམ་ཚིག་ཡེ་ཤེས་དབྱེར་མེད་བཞུགས། །སྒོ་གསུམ་གུས་པས་ཕྱག་འཚལ་བསྟོད། །ཕྱི་ནང་གསང་བ་བླ་མེད་པའི། །མཆོད་རྫས་སྐོང་རྫས་སྒྲུབ་རྫས་དང་། །རྟེན་རྫས་མཐུན་པའི་དམ་རྫས་ཀྱིས། །ཐུགས་དམ་བསྐང་ཞིང་ཉམས་ཆགས་༧ བཤགས། །ཨོཾ་ཨཱཿཧཱུྃ་གུ་རུ་དེ་ཝ་ཌཱ་ཀི་ནི་དྷརྨ་པཱ་ལ་བ་སུ་དེ་ཝ་ས་པ་རི་ཝཱ་ར་ཨརྒྱུ་སོགས་ཀྱིས་ཕྱི་མཆོད་དང་། ཨོཾ་ཨཱཿཧཱུྃ་གུ་རུ་དེ་ཝ་ཌཱ་ཀི་ནཱི་དྷརྨ་པཱ་ལ་བ་སུ་དེ་ཝ་ས་པ་རི་ཝཱ་ར་ན་མཿསརྦ་ཏ་ཐཱ་ག་ཏེ་སོགས་ལན་གསུམ་མམ་བདུན་གྱིས་གཏོར་མ་འབུལ། མ་ཧཱ་པཉྩ་ཨ་མྲྀ་ཏ་ཁཱ་ཧི། མ་ཧཱ་རཀྟ་ཁཱ་ཧི། ཧཱུྃ་ཧཱུྃ༔ བྱིན་རླབས་ཆར་འབེབས་བླ་མ་དང་། །དངོས་གྲུབ་མཆོག་སྩོལ་ཡི་དམ་ལྷ། །ལས་བཞི་ཕྲིན་ལས་ཐོགས་མེད་པའི། །མཁའ་འགྲོ་ཆོས་སྲུང་རྒྱ་མཚོར་བསྟོད། །རྩ་གསུམ་ཆོས་སྲུང་ནོར་ལྷའི་ཚོགས། །མཆོད་སྦྱིན་གཏོར་མ་འདི་བཞེས་ལ། །བསྟན་དང་འགྲོ་བའི་བདེ་སྐྱིད་སྤེལ། །བསྟན་འཛིན་སྐྱེས་བུའི་སྐུ་ཚེ་སྲིངས། །རྣལ་འབྱོར་བདག་ཅག་འཁོར་བཅས་ལ། །གནས་སྐབས་རྣམ་བཞིའི་ཕྲིན་ལས་དང་། །མཐར་ཐུག་མཆོག་གི་དངོས་གྲུབ་སྩོལ། །བསམ་དོན་ཡིད་བཞིན་འགྲུབ་པར་

― JKT021_Page_0077 ―

^{[མ་དཔེ་གཟིགས་ན་འདིར་གནོན།]}

[Full Size]

མཛོད། །ཡི་གེ་བརྒྱ་པས་ལྷག་ཆད་ཁ་བསྐང་ཞིང་ནོངས་པ་བཤགས། །རྟེན་ཡོད་ན་བརྟན་བཞུགས་དང་། མེད་ན། བཛྲ་མུས་གཤེགས་སུ་གསོལ། ཤིས་པ་བརྗོད་པས་མཐའ་བརྒྱན་པར་བྱའོ། །ཞེས་པའང་མཚོ་སྐྱེས་བླ་མ་དགྱེས་པའི་འབངས་ཀྱིས་སྦྱར་བའོ། །ཤུ་བྷཾ།། ༈ །།དམ་ཅན་སྐྱེས་བུ་ཆེན་པོ་ལ་མཆོད་གཏོར་འབུལ་ཚུལ་མདོར་བསྡུས་ཕྲིན་ལས་མྱུར་འགྲུབ་བཞུགས། ན་མོ་བཛྲ་དྷ་ར་ཡ། །ཅི་འབྱོར་པའི་ཕུད་དང་གཏོར་མ་བཤམས་ལ། །རཾ་ཡཾ་ཁཾ། ཨོཾ་ཨཱཿཧཱུཾ། རང་ཡི་དམ་དུ་གསལ་བའི་ཐུགས་ཀ་ནས་འོད་ཟེར་འཕྲོས་པས་དམ་ཅན་སྐྱེས་བུ་རྡོ་རྗེ་ལེགས་པ་མཆེད་འཁོར་སྡེ་བརྒྱད་དྲེགས་པའི་ཚོགས་དང་བཅས་པ་སྤྱན་དྲངས་པར་གྱུར། ཏྲི་བཛྲ་སཱདྷུ་ས་མ་ཡ་ཛ་ཛ་ཛཿཧཱུྃ་བཾ་ཧོ༔ ཧཱུྃ། །འོད་གསལ་སྟོང་ཉིད་ཀློང་ལས་རང་ཤར་བའི། །ཟུང་འཇུག་རྡོ་རྗེ་སྲིན་པོ་ཐིག་ལེ་སྩལ། །སྡེ་བརྒྱད་དྲེགས་ཚོགས་ཡོངས་ཀྱི་འཁོར་ལོས་སྒྱུར། །མཆེད་འཁོར་སྤྲུལ་པར་བཅས་པ་ད་ཚུར་བྱོན། །གསེར་སྐྱེམ་གཙང་མ་ཕུད་ཀྱི་རྒྱ་མཚོ་དང་། །དངོས་བཤམས་ཡིད་སྤྲུལ་མཆོད་གཏོར་འདི་བཞེས་ལ། །སྔོན་ཚེ་པདྨ་ཁྲག་འཐུང་སྤྱན་སྔ་རུ། །ཇི་ལྟར་ཁས་བླངས་གཡར་དམ་བཅས་པ་བཞིན། །སངས་རྒྱས་བསྟན་སྲུང་བསྟན་འཛིན་འདུས་པ་སྤེལ། །མི་མཐུན་ཀུན་ཞི་མཐུན་རྐྱེན་

― JKT021_Page_0078 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་འབྲེལ་སྒྲིགས། །ཁམས་གསུམ་དབང་བསྡུས་གནོད་བྱེད་དགྲ་བགེགས་སྒྲོལ། །གཞི་བྱེས་ཀུན་ཏུ་བཀྲ་ཤིས་བདེ་ལེགས་མཛོད། །ཚར་གྲངས་གསོག་ན་འདི་ཡན་ཆད་ཇི་ལྟར་རིགས་པའི་མཐར། །སེམས་ཉིད་འོད་གསལ་སྟོང་པའི་མཁའ་དབྱིངས་ལས། །སེམས་བྱུང་སྒྱུ་མའི་རྣམ་པར་ཤར་བའི་མགྲོན། །སྐྱེ་འགགས་གནས་གསུམ་མཐའ་བྲལ་གཉུག་མའི་བཤིས། །བློ་འདས་རིག་སྟོང་རྗེན་པའི་ངང་དུ་ཨཱཿ ཞེས་པའང་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོའི་བློ་མཚོ་ལས་བྱུང་བའོ། །མངྒ་ལཾ། ༈ །གཉན་ཆེན་ཐང་ལྷའི་གསོལ་མཆོད་ཀུན་ཕན་ལྷའི་རོལ་མོ་ཞེས་བྱ་བ་བཞུགས་སོ། །ན་མོ་གུ་རུ་པདྨ་ཀཱ་རཱ་ཡ། །འདིར་བོད་ཁམས་རུ་བཞིའི་ཡུལ་ལྷའི་གཙོ་བོ་དྲི་ཟའི་རྒྱལ་པོ་ཟུར་ཕུད་ལྔ་པའི་ཐུགས་དམ་དགྱེས་རྒུར་བསྐང་བར་འདོད་པས། བསང་བསུར་དང་མཆོད་གཏོར་སྐྱེམས་ཕུད་སོགས་ཇི་ལྟར་འབྱོར་པའི་ཚོགས་གཙང་ཞིང་བཀོད་པས་མཛེས་པ་བཤམས་ལ་ཆབ་ཀྱིས་བྲན། ཨོཾ་བཛྲ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུྃ་ཕཊ་ཀྱིས་བསང་། སྭ་བྷཱ་བས་སྦྱང་། སྟོང་པའི་ངང་ལས་ལྷ་རྫས་དང་ཏིང་ངེ་འཛིན་ལས་གྲུབ་པའི་འདོད་ཡོན་རྒྱ་མཚོའི་མཆོད་སྤྲིན་ནམ་མཁའ་གང་བར་གྱུར། །ཨོཾ་ཨཱཿཧཱུྃ་ལན་གསུམ་གྱིས་བརླབ་ལ། སྲིད་པའི་ལྷ་རབས་འཁོར་དང་བཅས་

― JKT021_Page_0079 ―

^{[མ་དཔེ་གཟིགས་ན་འདིར་གནོན།]}

[Full Size]

པ་སྤྱན་དྲངས་ཤིང་མཆོད་བསྟོད་ཕྲིན་ལས་བཅོལ་བ་ནི། ཧྲཱིཿ །རྩ་གསུམ་ཀུན་འདུས་མཚོ་སྐྱེས་བླ་མ་ཡི། །སྤྱན་སྔར་རྡོ་རྗེའི་ཐ་ཚིག་གཉེར་བླངས་པ། །ཟུར་ཕུད་དཔལ་ལྡན་དྲི་ཟའི་རྒྱལ་པོ་ཆེ། །བཙུན་མོ་སྲས་འཁོར་བཅས་པ་ད་ཚུར་བྱོན། །ཀི་ལའི་སྒྲ་སྒྲོགས་དམ་སྲི་འབྱུང་པོའི་དཔུང་། །ཁུ་འཕང་སེར་བས་ལོ་ཏོག་ལྟར་འཇོམས་པ། །གེ་སར་ལས་འཁྲུངས་པདྨའི་བཀའ་སྡོད་མཆོག །ངོ་མཚར་ལྷ་ཆེན་རྡོ་རྗེ་འབར་བ་རྩལ། །ཅི་སྙེད་སྤྲུལ་དང་ཡང་སྤྲུལ་བཀའ་ཉན་བཅས། །ཆུ་ལས་ཆུ་བུར་བརྡོལ་ལྟར་འདིར་གཤེགས་ལ། །ཇེ་ཞིག་མ་ཡིན་རྟག་པར་རབ་དགྱེས་ཞལ། །ཉོ་ཚོང་ལེགས་པའི་འཛུམ་དཀར་བཞིན་དུ་སྟོན། །ཏི་རིའི་ཕྱུགས་བདག་སྟེ་དབང་ཕྱུག་ཆེན་པོ། བདག་པོའི་བཀོད་པ་འཕྲོག་བྱེད་པའི། །ཐུ་བོ་རྒྱལ་སྲས་འཕགས་པའི་ཞིང་ཁམས་མཆོག །དེ་དེར་འཁྲུལ་པ་བསྐྱེད་པའི་གནས་མཆོག་འདིར། །ནོ་པི་ཀ་ཡི་མཆོག་ཏུ་རྟག་བཞུགས་གསོལ། །པི་ཝཾ་སྙན་པའི་རོལ་མོས་མངའ་གསོལ་ཞིང་། །ཕུ་ཆུ་ལྟར་འབབས་མཆོད་ཅིང་རྒྱ་མཚོས་མཆོད། །བེ་ཤྲ་མ་ཎའི་མཛོད་པའི་ཕུན་ཚོགས་ཀྱང་། །མོ་ཧར་བྱེད་པའི་འདོད་ཡོན་རྒྱ་མཚོས་བསྐང་། །ཙཱི་ནའི་ལྗོངས་ཀྱི་རི་བོ་རྩེ་ལྔ་བཞིན། །ཚུ་རོལ་བོད་ཡུལ་རུ་བཞིའི་ས་འཛིན་ཆེ། །ཛེ་ཏའི་ཚལ་མཚུངས་འདམ་ཤོད་སྣར་མོའི་

― JKT021_Page_0080 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུལ། །ཝོ་ཛི་ཧྭས་ཀྱང་བསྔགས་པ་བརྗོད་དཀའ་དེར། །ཞི་རྒྱས་དབང་དྲག་ལས་བཞིའི་འཁོར་ལོས་སྒྱུར། །ཟུ་ལེ་སྨན་སོགས་དཀར་ཕྱོགས་ཡོངས་ཀྱི་གཡོ། །འེ་ཞེས་བོས་པས་ཡིད་སྲུབས་ཚར་གཅོད་པའི། །ཡོ་གའི་དགྲ་ལྷ་ཆེན་པོར་བདག་བསྟོད་དོ། །རི་མོར་གྱིས་ཤིག་བསྟན་དང་དེར་འཛིན་ལ། །ལུ་མའི་ཆུ་རྒྱུན་བཞིན་དུ་བསྙེན་བསྐུར་སྤེལ། །ཤེ་མུན་ཉམས་ངར་འཁྱམས་པའི་བོད་ཁམས་འགྲོ། །སོ་སོར་ཕན་བདེའི་གནས་སུ་དབུགས་འཛིན་མཛོད། །ཧི་ཧྲཱིཿའི་བཞད་སྒྲས་ཁམས་གསུམ་དབང་དུ་སྡུས། །ཨུ་ད་དྷི་ལྟར་ཚེ་བསོད་དཔལ་འབྱོར་སྐྱེད། །ཧེ་རུ་ཀ་བཞིན་ལོག་འདྲེན་སྙིང་ཁྲག་འཐུངས། །ཨོ་རྒྱན་བླ་མའི་ཐ་ཚིག་མ་གཡེལ་སྒྲུབས། །སྨྱོ་བའི་འདྲེ་ཐུལ་སྡང་བའི་དགྲ་སྲོག་ཆོད། །སངས་རྒྱས་བསྟན་སྲུངས་འགྲོ་བའི་བདེ་སྐྱིད་སྤེལ། །ཁྱད་པར་བདག་ཅག་དཔོན་སློབ་འཁོར་དང་བཅས། །གཞི་བྱེས་ཀུན་ཏུ་བསྲུང་སྐྱོབ་ཕྲིན་ལས་མཛོད། །ཅེས་པའང་ལྷ་ཆེན་པོ་ཉིད་ཀྱིས་གནང་བའི་མཚན་མ་ཐོབ་པ་དང་། དགོས་པ་འགའ་ཞིག་གི་སླད་དུ་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་གང་ཤར་སྤེལ་བ་སུ་ཤེ་ཡནྟ། ༈ །རྨ་རྒྱལ་སྤོམ་རའི་གསོལ་མཆོད་འདོད་འབྱུང་དཔྱིད་ཀྱི་རོལ་མོ་ཞེས་བྱ་བ་བཞུགས་སོ། །ན་མོ་གུ་རུ་པདྨ་ཀཱ་རཱ་ཡཱ། །འདིར་མདོ་

― JKT021_Page_0081 ―

^{[མ་དཔེ་གཟིགས་ན་འདིར་གནོན།]}

[Full Size]

ཁམས་སྒང་དྲུག་གཙོ་བོར་གྱུར་པའི་བོད་ཡུལ་གཏེར་བདག་ཀུན་གྱི་ནང་ནས་རྒྱལ་མཚན་གྱི་ཏོག་ལྟར་མངོན་པར་མཐོ་བ། རྨ་རྒྱལ་ཡིད་བཞིན་ནོར་བུ་འཁོར་དང་བཅས་པ་ལ་མཆོད་གསོལ་ཕྲིན་ལས་བཅོལ་བར་འདོད་པས་བསང་མཆོད་ཕྱེ་མར་གཏོར་མ་སྐྱེམས་ཕུད་སོགས་ཇི་ལྟར་འབྱོར་པའི་མཆོད་པ་རྣམས་ལ་དམིགས་ཏེ། །ཨོཾ་སརྦ་བིཏཱར་བུར་བུར་སུར་སུར་ཨཱ་བརྟ་ཡ་ཨཱ་བརྟ་ཡ་ཧོ༔ བཛྲ་སྥ་ར་ཎ་ཁཾ། །རྨ་གཡང་ལོངས་སྤྱོད་ཀྱི་སྤྲིན་ཕུང་འདོད་རྒུའི་འབྱོར་པ་རྒྱ་མཚོ་ཟད་མི་ཤེས་པ་ས་དང་བར་སྣང་ནམ་མཁའི་ཁྱོན་ཐམས་ཅད་ཡོངས་སུ་གང་བར་གྱུར། །ཅེས་བརྗོད་ཅིང་བསམ་ལ་སྙན་པའི་དབྱངས་དང་རོལ་མོ་དང་བཅས་ཏེ་འདི་སྐད་ཅེས་བསྐུལ་བར་བྱའོ། །ཧྲཱིཿ །རྩ་གསུམ་འདུས་ཞལ་བླ་མའི་བཀའ་སྡོད་ཆེ། །རྣམ་མང་ཐོས་སྲས་སྒྱུ་འཕྲུལ་དྲྭ་བའི་གར། །དབུལ་བའི་གདུང་སེལ་འདོད་འབྱུང་གཏེར་གྱི་བདག །རྨ་གཉན་སྲིད་པའི་ལྷ་ཆེན་དེང་འདིར་དགོངས། །ཀི་ཀིའི་སྒྲ་དང་ལྷ་རྒྱལ་སྙན་པའི་དབྱངས། །ཁུ་བྱུག་འགྲིན་པའི་གླུ་དབྱངས་ལས་ལྷག་པས། །གེ་སར་སྐྱེས་བུའི་སྐུ་ལྷ་དེང་བསྐུལ་ན། །ངོ་མཚར་སྤྲུལ་པའི་གནས་འདིར་གཤེགས་ཤིང་བཞུགས། །ཅི་སྙེད་མཆོད་ཡོན་མེ་ཏོག་བདུག་སྤོས་སྤྲིན། །ཆུ་འཛིན་དང་བྲལ་ཉི་ཟླ་སྒྲོན་མེའི་འོད། །ཇེ་ཞིག་མ་ཡིན་ཉོན་

― JKT021_Page_0082 ―

^{[མ་དཔེ་གཟིགས་ན་འདིར་གནོན།]}

[Full Size]

མོངས་གདུང་སེལ་ཆབ། །ཉོ་ཚོང་བཟའ་བཏུང་འབྱོར་པའི་ཕུད་ཀྱི་མཆོད། །ཏི་རའི་ཁྱུ་དང་ཅང་ཤེས་རིན་ཆེན་མཛོད། །ཐུ་བོ་སྲིད་ན་ཆེ་རྒུའི་དཀོར་ཆའི་ཚོགས། །དེ་བཞིན་ཏིང་འཛིན་རོལ་མོས་ཉེར་སྤྲུལ་པའི། །ནོ་བི་ཀ་ཡི་འབྱོར་པས་ཐུགས་དམ་བསྐང་། །པི་ཝཾ་སྙན་པའི་རོལ་མོ་དང་སྦྱར་ཏེ། །ཕུ་ཆུ་ལྟར་འཁྱིལ་ཡོན་ཏན་རྒྱ་མཚོའི་གཏེར། །བེ་ཏ་ལིས་མཚོན་ལོག་འདྲེན་བྱེ་བའི་དཔུང་། །མོ་ཡི། ཧར་ཕམ་མཛད་ལྷ་ཁྱོད་དྭངས་བས་བསྔགས། །ཙཱི་ནའི་ལྗོངས་སོགས་འཛམ་གླིང་གཞི་བདག་དང་། །ཚུ་རོལ་བོད་སྐྱོང་ཡོངས་ཀྱི་གཙོ་བོ་ཆེར། །ཛེ་ཏ་སྲས་དང་བཅས་པས་མངའ་གསོལ་ལྟར། །ལོ་ཛི་ཧྭ་དང་མགྲིན་གཅིག་དབུ་འཕང་བསྟོད། །ཞི་བའི་ཕྲིན་ལས་ནད་མུག་མཚོན་འཁྲུགས་སོལ། །ཟུར་བདུད་སྐྱེས་སོགས་འབྱུང་པོ་ཟིལ་གྱིས་ནོན། །འོ་ཞེས་བསྐུལ་ཚེ་དགྲ་སྡེ་ཆོམས་ལ་ཕོབས། །ཡོ་གའི་འདོད་པའི་རེ་བ་ཡིད་བཞིན་སྒྲུབས། །རི་ཀླུང་རྟ་ཕྱུགས་འབྲུ་ནོར་འབྱོར་པས་བཀང་། །ལུ་མའི་རྫིང་བཞིན་རྨ་གཡང་རྒྱ་མཚོར་བསྐྱིལ། །ཤེ་མུན་ལྟ་བུའི་བརྒྱད་གཉིས་འཇིགས་ལས་སྲུངས། །སོ་སོར་ཕན་བདེའི་དགའ་སྟོན་ཆར་དུ་བསྙིལ། །ཧི་མའི་ཕུང་པོ་ལྟར་དཀར་འཛུམ་ཞལ་ལས། །ཨུ་མའི་བདག་པོའི་རླུང་ཞགས་བཞིན་གཡོ་བའི། །ཧེ་ཞེས་བཞད་སྨྲས་སྲིད་ཞིའི་ཕྱྭ་དང་གཡང་། །ཨོ་

― JKT021_Page_0083 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱན་བླ་མའི་བཀའ་བཞིན་གནས་འདིར་ཁུག །འདོད་རྒུའི་དཔལ་སྐྱེད་ཆོས་ནོར་ཕུན་ཚོགས་སྤེལ། །ཐར་ལམ་བྱང་ཆུབ་སྒྲུབ་པའི་བར་ཆད་ཐུལ། །བོད་ཁམས་དུས་ཀྱི་རྒུད་པ་ཞི་བ་དང་། །བསྟན་འགྲོའི་དགེ་མཚན་རྒྱས་པའི་ཕྲིན་ལས་མཛོད། །ཅེས་པའང་གཞན་ལ་ཕན་པའི་རྟེན་འབྲེལ་གྱིས་སྒོ་འཕར་འདོད་རྒུར་དབྱེ་བའི་སླད་དུ། རྩ་གསུམ་ཀུན་འདུས་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་གང་ཤར་སྤེལ་བ་དགེ་ལེགས་སུ་གྱུར་ཅིག ༈ །གེ་སར་སྐྱེས་བུ་ཆེན་པོའི་གསོལ་མཆོད་རྫོགས་ལྡན་སྤྲིན་གྱི་རོལ་མོ་ཞེས་བྱ་བ་བཞུགས་སོ། །ན་མོ་གུ་རུ་པདྨ་ཀཱ་རཱ་ཡ། །འདིར་ཨོ་རྒྱན་ཆེན་པོའི་བཀའ་ཉན། །བོད་ཡུལ་ཡོངས་ཀྱི་དགྲ་བླ་གེ་སར་སྐྱེས་བུ་ཆེན་པོ་ལ་གསོལ་མཆོད་བྱ་བར་འདོད་ན། གཏོར་མ་སྐྱེམས་ཕུད་བསང་གསུར་སོགས་ཇི་ལྟར་འབྱོར་པའི་ཡོ་བྱད་རྣམས་ལ་དམིགས་ཏེ། །ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷྱཿསརྦ་ཏཏྟཾ་ཨུཏྤ་ཏེ་སྥ་ར་ཎ་ཧི་མཾ་ག་ག་ན་ཁཾ་སྭཱ་ཧཱ། །ཞེས་ནམ་མཁའ་མཛོད་ཀྱི་སྔགས་དང་ཕྱག་རྒྱས་སྤེལ་བས། དངོས་སུ་བཤམས་པ་དང་ཡིད་ཀྱིས་སྤྲུལ་པའི་མཆོད་པ་ནམ་མཁའ་མཛོད་ཀྱི་འཁོར་ལོའི་སྤྲིན་ཆེན་པོ་ལས་འདོད་རྒུའི་ལོངས་སྤྱོད་ཆར་བཞིན་དུ་འབབ་བར་གྱུར་པའི་མོས་པ་དང་བཅས་སྙན་པའི་དབྱངས་དང་རོལ་མོའི་བྱེ་

― JKT021_Page_0084 ―

^{[མ་དཔེ་གཟིགས་ན་འདིར་གནོན།]}

[Full Size]

བྲག་དང་ལྷན་ཅིག་ཏུ་འདི་སྐད་ཅེས། ཧྲཱིཿ །རྩ་གསུམ་ཀུན་འདུས་པདྨ་ཐོད་ཕྲེང་གིས། སྤྱན་སྔར་རྡོ་རྗེའི་ཐ་ཚིག་ཞལ་བཞེས་པའི། །འཛམ་གླིང་ནོར་བུ་སེང་ཆེན་དགྲ་འདུལ་རྩལ། །འཁོར་བཅས་ཐུགས་དམ་མ་གཡེལ་དབྱིངས་ནས་དགོངས། །ཀི་ཀི་བསྭོ་བསྭོའི་སྒྲ་ཡིས་དེང་འབོད་ན། །ཁྱུ་བྱུག་དཔྱིད་ཀྱི་དཔལ་མོས་བསུས་པ་བཞིན། །གེ་སར་སྐྱེས་བུ་ཆེན་པོ་འཁོར་དང་བཅས། །ངོ་མཚར་ལྷ་ཡི་ཁང་བཟང་འདིར་གཤེགས་ཤིག །ཅི་ནས་རྫུ་འཕྲུལ་བྱེ་བའི་བདག་པོ་ཁྱོད། །ཆུ་འཛིན་ངོས་ལས་གློག་ཕྲེང་གཡོ་བ་ལྟར། ཇེ་ཞིག་མ་ཡིན་ད་ལྟ་འདིར་སྤྱོན་ལ། །ཉོ་ཚོང་ལ་སོགས་དོན་གཉེར་བསམ་པ་སྒྲུབས། །ཏི་མའི་གྲོང་རྒྱ་མཚོ། ཁྱེར་ལྟ་བུར་མཐའ་ཡས་པའི། །ཐུ་བོ་འཕགས་པའི་ཚོགས་ཀྱི་རྣལ་འབྱོར་དང་། །དེ་བཞིན་གཤེགས་པའི་སྦྱིན་སྟོབས་ལས་བྱུང་བའི། །ནོ་བི་ཀ་ཡི་མཆོད་སྤྲིན་དགྱེས་རྒུར་བཞེས། །པི་ཝཾ་སྙན་པས་དྲངས་བའི་རོལ་མོ་དང་། །ཕུ་ཆུ་ལྟར་འཁྱིལ་ཇ་ཆང་སྐྱེམས་ཀྱི་མཚོ། །བེ་ཏའི་ལྗོན་སོགས་ལེགས་བྲིས་དགའ་ཚལ་ཡང་། །མོ་རྨོངས་པ། ཧར་བྱེད་པའི་དཀོར་ཆས་ཐུགས་དམ་བསྐང་། །ཙཱི་ནའི་ལྗོངས་དང་འཕགས་བལ་བོད་ཡུལ་གྱི། །ཚུ་རོལ་མཐོང་བའི་རིགས་ལྡན་བྱེ་སྙེད་ཀུན། །ཛེ་ཏཱའི་ཚལ་བཞིན་འདིར་འདུས་སྙན་གྲགས་གཏམས། ལོ་ཛི་ཆུ་ལྷ།

― JKT021_Page_0085 ―

^{[མ་དཔེ་གཟིགས་ན་འདིར་གནོན།]}

[Full Size]

ཧཱས་ཀྱང་སྨྲ་བ་མི་ནུས་མཛོད། །ཞི་དང་སྲིད་པའི་ཕུན་ཚོགས་དབང་དུ་སྡུས། །ཟུ་བརྟན་མའི་གཙོ་བོ། ལེ་སྨན་སོགས་དཀར་ཕྱོགས་དབུ་འཕང་བསྟོད། །འེ་ཞེས་བསྐུལ་བའི་མོད་ནས་ཡིད་སྲུབས་དཔུང་། །ཡོ་གའི་འགལ་རྣལ་འབྱོར། བྱེད་ཐམས་ཅད་ཆོམས་ལ་ཕོབ། །རི་ཀླུངས་ཀུན་ཏུ་སྣོད་བཅུད་འབྱོར་པ་སྤེལ། །ལུ་གུ་རྒྱུད་བཞིན་རྟག་པར་བདག་ཅག་སྐྱངས། །ཤེ་མུན་ལྟ་བུའི་འཇིགས་པའི་གཡང་ལས་བསྲུང་། །སོ་སོར་འདོད་པའི་རེ་བ་ཡིད་བཞིན་སྒྲུབས། །ཧི་ཧིའི་བཞད་སྒྲ་གཡོ་བའི་ཕུ་ནུའི་སྡེ། །ཨུ་ད་དྷི་ལྟར་འཁྲིག་པ་འཁོར་དང་བཅས། །ཧེ་ཞེས་དགྱེས་པ་ཆེན་པོའི་ངང་ཚུལ་གྱིས། །ཨོ་རྒྱན་བླ་མའི་བཀའ་སྩལ་དེང་དགོངས་ལ། །བོད་ཁམས་མཐའ་དམག་གདུག་པའི་རྒྱུ་འཕྲུལ་ཆོད། །དུས་འཁྲུགས་ལོ་ཉེས་སད་སེར་བཙའ་ཐན་བསྲུང་། །རིགས་བརྒྱུད་འབྲུ་ནོར་ལོངས་སྤྱོད་ཕྲུ་གཡང་ཁུག །བསྟན་འགྲོའི་བདེ་སྐྱིད་འཕེལ་བའི་ཕྲིན་ལས་མཛོད། །ཅེས་པའང་གཞན་ལ་ཕན་པའི་སྒོ་ཅུང་ཟད་མཐོང་ལྟར་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་གང་ཤར་བྲིས་པ་དགེ་ལེགས་ཀྱི་དོན་ཀུན་ལྷུན་གྱིས་གྲུབ་པའི་རྒྱུར་གྱུར་ཅིག ༈ །སྐུ་ལྷ་གེ་སར་རྒྱལ་པོའི་གསོལ་མཆོད་ཤིན་ཏུ་བསྡུས་པ་བཀྲ་ཤིས་ཀྱི་སྒྲ་དབྱངས་བཞུགས་སོ། །ན་མོ་གུ་རུ་པདྨ་ཀཱ་རཱ་ཡ། །མཆོད་གཏོར་གསེར་སྐྱེམས་བསང་སོགས་ཇི་ལྟར་འབྱོར་པའི་མཆོད་རྫས་རཾ་ཡཾ་ཁཾ་གིས་བསང་སྦྱང་། ༀ་ཨཱཿཧཱུྃ་གིས་བརླབ། ཧཱུྃ༔ ཏིང་འཛིན་ནམ་མཁའ་མཛོད་ཀྱི་རོལ་མོ་ལས། །བྱུང་བའི་འདོད་ཡོན་རྒྱ་མཚོའི་དཀྱིལ་འཁོར་གཡོས། །བླ་མ་ཡི་དམ་མཁའ་འགྲོ་ཆོས་སྐྱོང་སོགས། །སྐྱབས་གནས་མཆོད་འོས་རྒྱ་མཚོའི་ཚོགས་རྣམས་དང་། །ཁྱད་པར་ལྷ་གཅིག་ཁྲི་སྲོང་ལྡེའུ་བཙན་གྱིས། །བོད་

― JKT021_Page_0086 ―

^{[མ་དཔེ་གཟིགས་ན་འདིར་གནོན།]}

[Full Size]

ཁམས་བདེ་ལ་འགོད་པའི་ཕྲིན་ལས་ཀྱཻ། །སྐུ་ལྷ་གེ་སར་སྐྱེས་བུ་དོན་གྲུབ་སོགས། །མཆེད་འཁོར་སྤྲུལ་དང་ཡང་སྤྲུལ་བཅས་པ་ཀུན། །ཟག་མེད་ཡེ་ཤེས་འདོད་རྒུའི་གཏེར་གྱིས་འབོད། །ཐུགས་དམ་གཉེན་པོ་ཆོས་ཀྱི་དབྱིངས་སུ་བསྐང་། །ཉམས་ཆག་འགལ་འཁྲུལ་ཐམས་ཅད་བཟོད་པར་བཞེས། །སྲིད་ཞིའི་དཔལ་གྱི་འབྱོར་པས་མངའ་གསོལ་ན། །དགྱེས་པའི་འཛུམ་ཞལ་བདག་ཅག་རྣམས་༧ ལ་སྟོན། །རྔམས་པའི་བརྟུལ་ཞུགས་དགྲ་དང་བགེགས་ལ་བསྐྱེད། །འཁོར་སྲུང་རྐྱེན་ཟློག་མི་མཐུན་བར་ཆད་བསྒྱུར། །གཞི་བྱེས་ཀུན་ཏུ་ཁ་འཛིན་སྟོང་གྲོགས་མཛོད། །ནད་མུག་མཚོན་འཁྲུགས་འཇིགས་པ་ཞི་བར་མཛོད། །ཚེ་བསོད་དཔལ་འབྱོར་སྙན་གྲགས་སྟོབས་འབྱོར་སྤེལ། །སངས་རྒྱས་བསྟན་དར་བསྟན་འཛིན་སྐུ་ཚེ་བསྲིངས། །ཆར་ཆུ་དུས་འབེབས་བཙའ་སད་སེར་བསྲུངས། །རྟ་

― JKT021_Page_0087 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱུགས་འབྲུ་ནོར་ཕྱུ་གཡང་ལོངས་སྤྱོད་ཕོབས། །མདོར་ན་ཡིད་ལ་སྨོན་ཅིང་དགེ་བའི་དོན། །འབད་མེད་མྱུར་བ་ཉིད་དུ་འགྲུབ་པ་དང་། །མཐར་ཐུག་བདེ་བ་མཆོག་གི་དངོས་གྲུབ་སྩོལ། །བཀྲ་ཤིས་དཔལ་གྱིས་རྟག་ཏུ་ཁྱབ་གྱུར་ཅིག །ཅེས་པའང་གླིང་རྗེ་རིན་པོ་ཆེའི་བཀའི་ཕྲིན་ལས་པ་དད་དམ་ལུགས་གཉིས་དཔལ་གྱིས་སྐྱོང་བའི་བཟང་པོ་དཔལ་ལྡན་བཀྲ་ཤིས་པའི་ལྷ་རྫས་དང་བཅས་གསུང་ངོར། །འཇམ་དབྱངས་མཁྱེན་བརྩེའི་དབང་པོས་དུས་ཚེས་དགེ་བར་འཕྲལ་དུ་བྲིས་པ་མངྒ་ལཾ། ༈ །ཆོས་སྐྱོང་ཆེན་པོ་བཀྲ་ཤིས་འོད་འབར་གྱི་གསོལ་མཆོད་མདོར་བསྡུས་ཕྲིན་ལས་མྱུར་འགྲུབ་ཅེས་བྱ་བ་བཞུགས་སོ། །ཨོཾ་སྭ་སྟི་སིདྡྷི་རསྟུ། །དེ་ལ་འདིར་ཆོས་སྐྱོང་ཆེན་པོ་བཀྲ་ཤིས་འོད་འབར་ལ་དམིགས་ཀྱིས་བསལ་བའི་འདོད་དོན་ཞུ་བའི་སླད་གསོལ་མཆོད་ཕྲིན་ལས་བཅོལ་བར་འདོད་ན། སྐོང་རྫས་བྱིན་རླབས་མདོར་བསྡུས་པ་སྔོན་དུ་འགྲོ་བས། ཟུང་འཇུག་བདེ་བ་ཆེན་པོའི་ཡེ་ཤེས་འདི། །སྲིད་ཞིའི་རྣམ་རོལ་ཅིར་ཡང་འཆར་བ་ལས། །དེང་འདིར་ཕན་བདེའི་བཀྲ་ཤིས་འོད་འབར་བའི། །ཆོས་སྐྱོང་ཆེན་པོ་འཁོར་བཅས་ད་ཚུར་བྱོན། །ཏིང་འཛིན་རོལ་མོས་བཀོད་པའི་ཁང་བཟང་དུ། །དངོས་འབྱོར་ཡིད་སྤྲུལ་སྤྱན་གཟིགས་མཐའ་ཡས་པའི། །མངའ་ཐང་འབྱོར་པ་ཆེན་པོའི་

― JKT021_Page_0088 ―

^{[མ་དཔེ་གཟིགས་ན་འདིར་གནོན།]}

[Full Size]

འདུན་ས་འདིར། །དགྱེས་བཞིན་ཕྲིན་ལས་མཛད་ཕྱིར་རྟག་ཏུ་བཞུགས། །མགོན་ཁྱོད་གཟོད་ནས་སྲས་བཅས་རྒྱལ་ཀུན་གྱི། །རིག་དང་བརྩེ་བའི་ངོ་བོར་བྱང་ཆུབ་ཀྱང་། །ཐུགས་རྗེའི་དབང་གིས་བསྟན་པ་སྲུང་མཛད་པར། །མི་ཕྱེད་གུས་པའི་ཡིད་ཀྱིས་ཕྱག་འཚལ་ལོ། །ཕྱི་མཆོད་རྣམ་མང་འདོད་ཡོན་སྤྲིན་ཕུང་འཕྲོ། །ནང་མཆོད་ཟག་མེད་བདུད་རྩིའི་རྒྱ་མཚོར་བསྐྱིལ། །གསང་བ་བདེ་སྟོང་ཟུང་འཇུག་ཡེ་ཤེས་ཀྱིས། །རྡོ་རྗེའི་ཆོས་སྲུང་འཁོར་བཅས་ཐུགས་དམ་བསྐང་། །བདག་ཅག་མ་རིག་འཁྲུལ་པའི་གཞན་དབང་གིས། །རྩ་བ་ཡན་ལག་དམ་ཚིག་ཉམས་ཆགས་སོགས། །ཐུགས་དང་འགལ་བའི་ལས་ཀུན་མཐོལ་བཤགས་ན། །སྒྲིབ་མེད་ཚངས་པ་མཆོག་གིས་དངོས་གྲུབ་སྩོལ། །ཞི་རྒྱས་དབང་དང་མངོན་སྤྱོད་ལ་སོགས་པའི། །བསམ་པའི་དོན་ཀུན་ཆོས་བཞིན་འགྲུབ་པ་དང་། རྒྱལ་བསྟན་སྤྱི་དང་འཇིགས་བྲལ་ཆེན་པོ་ཡི། །རིང་ལུགས་ཕྱོགས་བརྒྱས་འཕེལ་བ་མཛད་དུ་གསོལ། །ཁྱད་པར་རྡོ་རྗེ་བཙུན་མོའི་ཡེ་ཤེས་སྐུ། །དག་པའི་ཞིང་ཁམས་གང་དུ་བཞུགསཾ་བ་དེར། །གློག་ལྟར་མྱུར་བའི་ཤུགས་ཀྱིས་རབ་བསྐྱོད་ལ། །ཐུགས་དམ་དབྱིངས་ནས་བསྐུལ་བར་མཛད་དུ་གསོལ། །བདག་ཅག་སྙིང་ནས་གདུང་བས་གསོལ་འདེབས་པའི། །སྨྲེ་སྔགས་རྡོ་རྗེའི་སྙན་ཏུ་གསོལ་

― JKT021_Page_0089 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་ཀྱང་། །ངོ་མཚར་མཆོག་གི་སྤྲུལ་སྐུའི་ཉིན་མོར་བྱེད། །འཁྲུལ་མེད་མྱུར་དུ་འཆར་བར་མཛད་དུ་གསོལ། །བསྟན་པའི་གཙུག་རྒྱན་མཆོག་སྤྲུལ་ཞབས་བརྟན་ཅིང་། །བསྟན་འཛིན་མཁས་གྲུབ་འཇིག་རྟེན་ཁམས་ཀུན་ཁྱབ། །བསྟན་པའི་སྦྱིན་བདག་ཆོས་ལྡན་འབྱོར་པ་རྒྱས། །བསྟན་འགྲོའི་ཕན་བདེ་འཕེལ་བའི་ཕྲིན་ལས་མཛད། །ཅེས་པའང་སྐྱབས་མགོན་ཐམས་ཅད་མཁྱེན་པ་ཆེན་པོའི་ཞལ་སྔ་ནས་ཀྱིས་བཀའི་ཅོད་པན་སྤྱི་བོའི་རྒྱན་ཏུ་ཕེབས་པ་ལྟར། །ཤཱཀྱའི་དགེ་སློང་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་བསམ་གཏན་གྱི་ཁང་བུར་ཤར་མར་སྤེལ་བའི་ཡི་གེ་པ་ནི་གནས་ལྔ་རིག་པ་འཇམ་དབྱངས་དགའ་བའི་བློ་གྲོས་ཀྱིས་བགྱིས་པ་དགེ་ལེགས་མཆོག་ཏུ་གྱུར་ཅིག། །སརྦ་དཱ་མངྒ་ལཾ་བྷ་བ་ཏུ། ༈ །ཨོཾ་ཨཱཿཧཱུཾ། །རྩ་གསུམ་ཆོས་སྲུང་ནོར་ལྷ་གཞི་བདག་ལ། །གསེར་སྐྱེམས་བདུད་རྩི་ཕུད་ཀྱི་མཆོད་པ་འབུལ། །བཞེས་ནས་བདག་ཅག་དཔོན་སློབ་ཡོན་མཆོད་ཀྱཻ། །འགལ་རྐྱེན་ཀུན་སེལ་བསམ་དོན་ལྷུན་གྲུབ་མཛོད། །ཅེས་པའང་ཆོས་ལྡན་གྱི་ངོར་མཁྱེན་བརྩེའི་དབང་པོས་བྲིས་པ་དགེ། ༈ །རྩ་གསུམ་ཚོགས་བསྡུས་གྲངས་གསོག་བྱ་ཚུལ་བཞུགས་སོ། །ན་མསྶཱི་མཱུ་ཡཱ་ཡ། །བླ་མ་གསང་འདུས་ཚོགས་ཁྲི་འབུམ་གྲངས་གསོགས་སྐབས། །ཚོགས་རྫས་བདུད་རྩིས་བྲན། རཾ་ཡཾ་ཁཾ་གིས་བསང་། ཨོཾ་ཨཱཿཧཱུྃ་ཧྲཱིཿས་

― JKT021_Page_0090 ―

^{[མ་དཔེ་གཟིགས་ན་འདིར་གནོན།]}

[Full Size]

བརླབ། ཧཱུྃ། བླ་མ་ཡི་དམ་མཁའ་འགྲོ་ལ༔ ཞལ་ཟས་ཚོགས་ཀྱི་མཆོད་པ་འབུལ༔ དམ་ཚིག་ཉམས་ཆག་ཉེས་ལྟུང་བཤགསཿ དགྲ་བགེགས་བཀུག་བསྒྲལ་ཞལ་དུ་བསྟབཿ གུ་རུ་དེ་བ་ཌཱ་ཀི་ནཱི་ག་ཎ་ཙཀྲ་པཱུ་ཛ་ཁཱ་ཧྲཱིཿ བཛྲ་ས་མ་ཡ་ཨཱ༔ གུ་རུ་དེ་བ་ཌཱ་ཀི་ནཱི་དགྲ་བགེགས་ཀྱི་ཤ་ཁྲག་རུས་པ་ལ་ཁ་རཾ་ཁཱ་ཧྲཱིཿ བྷིནྡྷ་ཡ་བྷིནྡྷ་ཡ་ཧཱུྃ་ཕཊ༔ ཅེས་མཆེད་བཤགས་བསྒྲལ་གསུམ་དུས་གཅིག་ཏུ་ཕུལ། ལྷག་མ་པཉྩ་ཨ་མྲྀ་ཏ་ཧཱུྃ་ཧ་ཧོ༔ཧྲཱིཿས་བརླབ། ཧཱུྃ། བཅོམ་ལྡན་པདྨ་ཧེ་རུ་ཀའི༔ བཀའ་ཡི་ལྷག་སྡུད་ཚོགས་རྣམས་ཀུན༔ འདིར་བྱོན་བཀའ་ཡི་ལྷག་གཏོར་བཞེསཿ བཅོལ་པའི་ཕྲིན་ལས་སྒྲུབ་པར་མཛོད༔ ཅེས་སམ། ཨུཊ་བ་ལིཾ་ཏ་ཁཱ་ཧིས་བསྔོས་ལ་སྨོན་ལམ་ཡང་གདབ་བོ།། ༈ །།ཡི་དམ་བཀའ་བརྒྱད་བདེ་གཤེགས་འདུས་པའི་ཚོགས། རཾ་ཡཾ་ཁཾ་གིས་བསང་སྦྱང་། ༀ་ཨཱཿཧཱུྃ་ཧ་ཧོ་ཧྲཱིཿས་བརླབ། ཧཱུྃ། ཞི་ཁྲོ་བཀའ་བརྒྱད་ལྷ་ཚོགས་སྤྱན་འདྲེན་གཤེགས། །འདོད་ཡོན་མཆོད་འབུལ་དམ་བསྐང་དངོས་གྲུབ་སྩོལ། །དགྲ་བགེགས་འགུག་བསྒྲལ་ཤ་ཁྲག་རུས་པའི་ཚོགས། །ཟག་མེད་བདུད་རྩི་དགྱེས་པ་ཆེན་པོར་བཞེས། །ཨོཾ་ག་ཎ་ཙཀྲ་པཉྩ་ཀཱ་མ་གུ་ཎ་པྲ་ཏིཙྪ་སྭཱ་ཧཱ། །བཛྲ་ས་མ་ཡ་ཨཱ༔ སརྦ་ཤ་དྲུན་བིགྷན་ཛཿཧཱུྃ་བཾ་ཧོམཱ་ར་ཡ་རྦད༔ ཁ་ཁ་ཁཱ་ཧི་ཁཱ་ཧྲཱིཿ ཞེས་མཆོད་ཅིང་བསྒྲལ་བསྟབ་བྱ།

― JKT021_Page_0091 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷག་མ་པཉྩ་ཨ་མྲྀ་ཏ་ཧཱུཾ་ཧོ་ཧཱུྃ༔ ཨེ་ཨཱ་རལླི་ཧཱུཾཿཛས་ལྷག་སྡུད་སྤྱན་དྲངས་ལ། ཧཱུྃ། མཁའ་འགྲོ་གིང་ལང་དབང་ཕྱུག་མ། །མ་སྲིང་འབར་མ་ཕོ་ཉའི་ཚོགས། །དཔལ་གྱི་ཕམ་ཕབ་འདི་ལོང་ལ། །བཅོལ་པའི་ཕྲིན་ལས་འགྲུབ་པར་མཛོད། །ཨོཾ་ཨུཙྪིཥྚ་བ་ལི་ཏ་བྷཀྵ་སྭ་སྭཱ་ཧཱ། །ཞེས་བསྔོ། སྨོན་ལམ་ཡང་གདབ་བོ། ༈ །ཉང་གཏེར་མཁའ་འགྲོ་ཁྲོས་ནག་གི་ཚོགས་གྲངས་གསོག་སྐབས། ཚོགས་རྫས། རཾ་ཡཾ་ཁཾ་གིས་བསང་སྦྱང་། ༀ་ཨཱཿཧཱུཾ་ག་ཎ་ཙཀྲ་པཱུ་ཛ་ཧཱུྃ་གིས་བརླབ། ཧཱུཾ། རྡོ་རྗེ་མཁའ་འགྲོ་ཕག་མོ་ཡུམ༔ མཁའ་འགྲོ་མ་ཡི་ཚོགས་ཀྱིས་བསྐོར༔ འདིར་གཤེགས་ཚོགས་ཀྱི་མཆོད་པ་བཞེས༔ རྣལ་འབྱོར་བདག་ལ་དངོས་གྲུབ་སྩོལ༔ ཕོ་ཕོ་ཝེ། ཨོཾ་ཤྲཱི་བཛྲ་བྷེ་ར་ཧེ་ཀྲོ་དྷཱི་ཀཱ་ལཱི་ཧ་རི་ནི་ས་ག་ཎ་ཙཀྲ་པཱུ་ཛ་ཧཱུྃ་གིས་ཕུད་དང་། ཧཱུྃ། མཁའ་འགྲོ་གིང་ལང་དབང་ཕྱུག་མ༔ ཕོ་ཉ་ལ་སོགས་ལྷག་སྡུད་ཚོགས༔ མཆོད་སྦྱིན་བཟང་པོ་འདི་བཞེས་ལཿ རྣལ་འབྱོར་བཅོལ་པའི་ཕྲིན་ལས་མཛོད༔ ཨོཾ་ཨུ་ཙྪིཥྛ་སརྦ་ཌཱ་ཀི་ནཱི་པྲ་ཏཱི་ཙྪ་བ་ལིཾ་ཏ་ཁ་ཁ་ཁཱ་ཧི་ཁཱ་ཧྲཱིཿ ཞེས་ལྷག་མ་ཕུལ། སྨོན་ལམ་ཡང་གདབ་བོ། ༈ །ལྷག་པའི་ལྷ་སྤྱི་ལ་འཇུག་པའི་བསྐང་བཤགས་བསྡུས་པ་རྩ་གསུམ་དགྱེས་པའི་རོལ་མོ་ཞེས་བྱ་བ་བཞུགས་སོ། །ད་ན་མ་ཤྲཱི་གུ་རུ་བེ། །དེ་ལ་འདིར་རྩ་བ་གསུམ་གྱི་ལྷ་ཚོགས་

― JKT021_Page_0092 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ཐུགས་དམ་བསྐང་བར་འདོད་པས། ཐོག་མར་སྐོང་རྫས་རྣམས། ཨ་མྲྀ་ཏས་བསང་སྭཱ་བྷ་ཝས་སྦྱང་། སྟོང་པའི་ངང་ལས་གནས་ཁང་ཧཱུྃ་ལས་ཐར་པ་ཆེན་པོའི་གཞལ་ཡས་ཁང་གི་ནང་དུ་བསྐང་རྫས་རྣམས་འདོད་པའི་ཡོན་ཏན་བསམ་གྱིས་མི་ཁྱབ་པ་ནམ་མཁའ་མཛོད་ཀྱི་འཁོར་ལོའི་སྤྲིན་ཆེན་པོར་གྱུར། །ནམ་མཁའ་མཛོད་ཀྱི་སྔགས་རྒྱས་བརླབ། །དེ་ནས་བསྐང་བ་དངོས་ལ་འཇུག་པ་ནི། ཧཱུྃ་ཧྲཱིཿ །འོག་མིན་ཆོས་དབྱིངས་ཕོ་བྲང་ནས། །ཐོག་མའི་མགོན་པོ་འོད་མཐའ་ཡས། །ཡེ་ཤེས་རང་སྣང་འཁོར་གྱིས་བསྐོར། །ཆོས་སྐུའི་ལྷ་ཚོགས་ཐུགས་དམ་བསྐང་། །ངེས་པ་ལྔ་ལྡན་ཕོ་བྲང་ནས། །བདེ་སྟོང་ཁ་སྦྱོར་རིགས་མཆོག་ལྔ། །ས་བཅུའི་བྱང་སེམས་འཁོར་གྱིས་བསྐོར། ལོངས་སྐུའི་ལྷ་ཚོགས །པདྨ་འོད་ཀྱི་ཕོ་བྲང་ནས། །འཆི་མེད་པདྨ་ཐོད་ཕྲེང་རྩལ། །རྩ་གསུམ་རྒྱ་མཚོའི་འཁོར་གྱིས་བསྐོར། །སྤྲུལ་སྐུའི་ལྷ་ཚོགས །བྱིན་རླབས་རྨད་བྱུང་ཕོ་བྲང་ནས། །རྣམ་བཞིའི་རིག་འཛིན་གྲུབ་པའི་དཔྱིད། །དགོངས་བརྡ་སྙན་ནས་བརྒྱུད་པ་ཡི། །རྩ་བརྒྱུད་བླ་མའི༴ །དངོས་གྲུབ་ཆར་འབེབས་ཕོ་བྲང་ནས། །ཞི་ཆགས་ཁྲོ་བོའི་རྣམ་རོལ་ཅན། །ཕྱི་ནང་རྒྱུད་སྡེ་རྒྱ་མཚོ་ཡི། །ཡི་དམ་ལྷ་ཚོགས༴ །གནས་ཡུལ་དུར་ཁྲོད་ཞིང་རྣམས་ནས། །རྣམ་ཀུན་མཆོག་ལྡན་སྒྱུ་མའི་

― JKT021_Page_0093 ―

^{[མ་དཔེ་གཟིགས་ན་འདིར་གནོན།]}

[Full Size]

གར། །ཞིང་སྔགས་ལྷན་ཅིག་སྐྱེས་པ་ཡི། །དཔའ་བོ་མཁའ་འགྲོའི༴ །སྒྱུ་འཕྲུལ་རྡོ་རྗེའི་ཕོ་བྲང་ནས། །སངས་རྒྱས་བསྟན་པ་སྲུང་བ་དང་། །རྣམ་བཞིའི་ཕྲིན་ལས་སྒྲུབ་མཛད་པ། །ཆོས་སྲུང་ནོར་ལྷའི་ཐུགས་དམ་བསྐང་། །ཧཱུྃ་ཧྲཱིཿ །ཐུགས་དམ་བསྐང་བའི་དམ་རྫས་ནི། །མེ་ཏོག་བདུག་སྤོས་མར་མེ་དང་། །དྲི་ཆབ་ཞལ་ཟས་རོལ་མོ་སོགས། །ལྷ་རྫས་ཕྱི་ཡི་མཆོད་པས་བསྐང་། །ཚོགས་དྲུག་དབུ་མར་ཐིམ་པ་ལས། །བྱུང་བའི་ཡེ་ཤེས་བླ་མེད་པ། །གཟུགས་སྒྲ་དྲི་རོ་རེག་བྱ་སོགས། །རང་བྱུང་ནང་གི་མཆོད་པས་བསྐང་། །བདུད་རྩི་སྨན་དང་བ་ལི་ཏ། །དམར་ཆེན་རཀྟ་ལ་སོགས་པ། །སྦྱོར་སྒྲོལ་བརྟུལ་ཞུགས་གྲུབ་པའི་དཔྱིད། །ལྷན་སྐྱེས་གསང་བའི་མཆོད་པས་བསྐང་། །ཀ་དག་རིག་སྟོང་གཉུག་མའི་ཀློང་། །ལྷུན་གྲུབ་འོད་གསལ་སྣང་བཞིའི་སྤྲིན། །ཟུང་འཇུག་འཁོར་གསུམ་ལས་འདས་པའི། །བླ་མེད་མཆོག་གི་མཆོད་པས་བསྐང་། །སོ་ཐར་བྱང་སེམས་གསང་སྔགས་ཀྱཻ། །སྡོམ་དང་དམ་ཚིག་ཉམས་པ་སོགས། །རང་བཞིན་བཅས་པའི་ཉེས་ལྟུང་ཀུན། །རྩ་གསུམ་ལྷ་ཚོགས་སྤྱན་སྔར་བཤགས། །དེ་ལྟར་བསྐང་ཞིང་བཤགས་པའི་མཐུས། །གནས་སྐབས་རྣམ་བཞིའི་ཕྲིན་ལས་དང་། །གྲུབ་ཆེན་བརྒྱད་དང་དབང་བཅུ་སོགས། །ཕན་བདེའི་འདོད་དགུ་

― JKT021_Page_0094 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷུན་གྲུབ་མཛོད། །མཐར་ཐུག་བདག་གཞན་འགྲོ་བ་ཀུན། །སྐུ་དང་ཡེ་ཤེས་དབྱེར་མེད་པའི། །རྩ་གསུམ་དཀྱིལ་འཁོར་མངོན་གྱུར་ནས། །ཕྲིན་ལས་རྒྱུན་མི་འཆད་པར་ཤོག །ཞེས་པའང་རིག་པ་འཛིན་པ་འཇིགས་པ་མེད་པའི་སྡེས་སྦྱར་བའོ། ༈ །རྩ་གསུམ་སྐོང་བཤགས་ཉེར་བསྡུས་ཀུན་བཟང་མཆོད་སྤྲིན་བཞུགས། །སྐོང་རྫས་རྣམས་ནམ་མཁའ་མཛོད་ཀྱི་སྔགས་རྒྱས་བརླབས་ལ། ཧཱུཾ་ཧྲཱིཿ སྣོད་བཅུད་རྣམ་དག་རྡོ་རྗེའི་འོག་མིན་ཆེར། །དངོས་སུ་བཤམས་དང་ཡིད་ལས་བྱུང་བ་ཡི། །ཕྱི་ནང་གསང་བ་བླ་མེད་དེ་ཁོ་ནའི། །ཀུན་བཟང་རྣམ་འཕྲུལ་མཆོད་སྤྲིན་རྒྱ་མཚོ་འདིས། །རིག་འཛིན་རྩ་བརྒྱུད་བླ་མའི་ཐུགས་དམ་བསྐང་། །ཡི་དམ་ཞི་ཁྲོའི་ལྷ་ཚོགས་ཐུགས་དམ་བསྐང་། །གནས་གསུམ་དཔའ་བོ་མཁའ་འགྲོའི་ཐུགས་བསྐང་། །ཆོས་སྲུང་ནོར་ལྷ་རྒྱ་མཚོའི་ཐུགས་དམ་བསྐང་། །སྣང་སྲིད་དག་པ་རབ་འབྱམས་ཆེན་པོར་བསྐང་། །ཐུགས་དམ་བསྐང་ཞིང་ཉམས་ཆགས་མཐོལ་བཤགས་ནི། །སྒྲིབ་མེད་ཚངས་པའི་དངོས་གྲུབ་སྩལ་ནས་ཀྱང་། །མཆོག་ཐུན་ཕྲིན་ལས་ཡིད་བཞིན་འགྲུབ་པར་མཛོད། །ཅེས་པའང་མཚོ་སྐྱེས་བླ་མ་དགྱེས་པའི་འབངས་ཀྱི་བློ་མཚོ་ལས་ཕྱུང་བའོ། ༈ །རྡོ་རྗེའི་ཆོས་སྐྱོང་རྣམས་ཀྱི་སྐོང་གསོ་ཉུང་ངུར་བསྡུས་པ་འདོད་རྒུའི་ཆར་འབེབས་ཞེས་བྱ་བ་བཞུགས་

― JKT021_Page_0095 ―

^{[མ་དཔེ་གཟིགས་ན་འདིར་གནོན།]}

[Full Size]

སོ། །ཨོཾ་སྭ་སྟི་སིདྡྷཾ། །བསྟན་པ་སྲུང་བའི་རྡོ་རྗེའི་ཆོས་སྐྱོང་རྣམས་ལ་སྐོང་བཤགས་ཀྱི་ཆོ་ག་མདོར་བསྡུས་སུ་བྱ་བའི་ཚུལ་ནི། ཡིད་དང་མཐུན་པའི་གནས་སུ་མཆོད་གཏོར་དང་། སྐོང་གཏོར་སོགས་རྒྱས་པར་འདུ་བྱ་བའམ། དེ་ཙམ་མ་ལྕོགས་ན་མཆོད་གཏོར་དམ་ཅན་སྤྱིའི་གཏོར་ཆོག་གི་སྐབས་ལྟར་དང་། དེའི་མདུན་དུ་སྐོང་གཏོར་རིན་ཆེན་འབར་བ་སྨན་རཀ་འབུལ་གཏོར་བཅས་ཕྱག་ལེན་བཞིན་བཤམ། བདག་གི་རྣལ་འབྱོར་གང་རིགས་སྔོན་དུ་འགྲོ་བས་གཏོར་མ་བྱིན་རླབས་ནས་བཟུང་བསྟོད་པའི་བར་དམ་ཅན་སྤྱི་གཏོར་གྱི་ཆོ་ག་ཇི་ལྟ་བ་བཞིན་ལ། རྗེས་འབྲང་བྱེ་བྲག་པ་གཏོང་ན་སྐབས་འདིར་བྱ། དེ་ནས་གཏོར་བདག་དང་། གཞི་བདག་ལ་གཏོར་མ་ཕུལ། བཟླས་པ་བྱེད་ན། མགོན་པོ་ལྕམ་དྲལ་འཁོར་བཅས་ཀྱི་ཐུགས་ཀར་ཉི་མ་ལ་གནས་པའི་ཧཱུཾ་ཡིག་ལ་སོགས་པའི་མཐར་རང་རང་གི་སྲོག་སྔགས་རིགས་ཀྱི་ཁ་དོག་ཅན་གྱིས་བསྐོར་བ་ལ་བདག་བསྐྱེད་ཀྱི་ཐུགས་ཀའི་ས་བོན་ལས་བྱུང་བའི་འོད་ཟེར་འཕོག་པས་ཐུགས་ཀྱི་རྒྱུད་རབ་ཏུ་བསྐུལ་བས་ཅི་འདོད་པའི་ཕྲིན་ལས་རབ་འབྱམས་ཐོགས་མེད་དུ་སྒྲུབ་པར་མོས་ལ། ཨོཾ་བཛྲ་ཧེ་རུ་ཀ་ས་མ་ཡ། མ་ནུ་པཱ་ལ་ཡ། བཛྲ་ཧེ་རུ་ཀ་ཏཱ་ནོ་པ་སོགས་ནས། ཧེ་རུ་ཀ་མཱ་མེ་མུཉྩ། ཧེ་རུ་ཀོ་བྷ་ཝ་མ་ཧཱ་ས་མ་ཡ་སཏྭ་ཨཱཿཧཱུྃ་

― JKT021_Page_0096 ―

^{[མ་དཔེ་གཟིགས་ན་འདིར་གནོན།]}

[Full Size]

ཕཊ། །ཅེས་ཧེ་རུ་ཀའི་ཡིག་བརྒྱ་དང་། བདག་བསྐྱེད་ཀྱི་བསྙེན་པ་ཅི་རིགས་གོང་གནོན་གྱི་ཚུལ་དུ་བཟླས་པ་སྔོན་དུ་འགྲོ་བས། ཨོཾ་བྷ་རུ་ཀུ་རུ་ཨི་ཙི་ཀི་བི་ཨུ་ཙུཥྛ་ཀྲོ་དྷ་ཧཱུྃ་ཕཊ། །ཅེས་སོགས་སོ་སོའི་སྔགས་གཏོར་གྱི་སྐབས་ནས་འབྱུང་བ་བཞིན་དང་ཐུན་མོང་དུ་ཤཱ་ས་ན་ཅི་ནུས་བཟླ། སྤྲོ་ན་མཆོད་བསྟོད་ཀྱང་བྱ། ཚོགས་ཡོད་ན་སྐབས་འདིར་ཡི་དམ་གྱི་ལས་གཞུང་ལྟར་བྱིན་རླབས་ནས་བསྒྲལ་བསྟབ་བར་དང་རྩ་གསུམ་སྐོང་གསོ་སོགས་ཀྱང་གཏོང་ན་འདིར་བྱ། དེ་ནས་སྐོང་རྫས་རྣམས་ཨ་མྲྀ་ཏས་བསང་། སྭ་བྷཱ་ཝས་སྦྱང་། སྟོང་པའི་ངང་ལས་ཧཱུཾ་ལས་གནས་ཁང་དུར་ཁྲོད་དྲག་པོའི་ཞིང་ཁམས་བསམ་གྱིས་མི་ཁྱབ་པར་ཕྱི་ནང་གསང་བའི་མཆོད་པ་སྤྱན་གཟིགས་མཐུན་རྫས་རྟེན་རྫས་སྐོང་རྫས་ལ་སོགས་པ་ཐམས་ཅད་སྲིད་ཞིའི་འདོད་ཡོན་གྱི་རྣམ་པ་མཁོ་རྒུ་ཚང་བ། བཟང་རྒུས་འབྱོར་པ། མཛེས་རྒུས་བརྒྱན་པ། ངོ་བོ་ཡེ་ཤེས་སྒྱུ་མའི་རང་བཞིན་བདེ་བའི་རྣམ་པ་ཐམས་ཅད་པར་འཆར་བས་ནམ་མཁའི་ཁམས་གང་བར་གྱུར། །ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱཿསརྦ་ཐཱ་ཁཾ་ཨུཏྤ་ཏེ་སྤོ་ར་ཎ་ཧི་མཾ་ག་ག་ན་ཁཾ་སྭཱ་ཧཱ། ལན་གསུམ་དང་། བཛྲ་སྥ་ར་ཎ་ཁཾ་ཞེས་པས་བྱིན་གྱིས་བརླབས་ཤིང་ཟད་མི་ཤེས་པར་སྤེལ་ལ། ཧཱུྃ། རྒྱལ་བ་ཡོངས་ཀྱི་བཀའ་སྡོད་དཔའ་བོ་ཆེ། །མ་ལུས་བདུད་སྡེའི་ངོ་

― JKT021_Page_0097 ―

^{[མ་དཔེ་གཟིགས་ན་འདིར་གནོན།]}

[Full Size]

ན་རབ་ཁྲོས་པ། །རྒྱུད་གསུམ་དམ་ཅན་རྒྱ་མཚོའི་ཚོགས་རྣམས་ཀུན། །ཐུགས་དམ་གཉེན་པོ་བསྐང་ཕྱིར་འདིར་གཤེགས་ཤིག །རབ་འབྱམས་ནམ་མཁའི་ཁྱོན་རྣམས་ཡོངས་གང་བའི། །རྣམ་རོལ་འགག་མེད་ཕྱི་ནང་མཆོད་པའི་སྤྲིན། །དངོས་སུ་འབྱོར་དང་ཡིད་ཀྱིས་རྣམ་སྤྲུལ་པའི། །བཞེད་རྒུའི་འབྱོར་པ་རྒྱ་མཚོས་ཐུགས་དམ་བསྐང་། ཁྲག་ཞག་ཨགྷི་དབང་པོའི་མེ་ཏོག་བཞད། །གསུར་ཆེན་བདུག་སྤོས་ཞུན་ཆེན་སྣང་གསལ་སྦར། །མཁྲིས་པའི་དྲི་ཆབ་ཤ་སྣའི་ཞལ་ཟས་མཛེས། །སྙན་བརྗིད་རོལ་མོའི་སྒྲ་ཡིས་ཐུགས་དམ་བསྐང་། །རྩ་བརྒྱད་སྟོང་ལ་སྦྱར་བའི་ཨ་མྲྀ་ཏ། །དགྲ་བགེགས་སྙིང་ཁྲག་ལྷུ་ཕྲེང་རཀྟའི་མཚོ། །འདོད་ཡོན་བཟའ་བཅའ་གཏོར་མ་དམ་རྫས་ཚོགས། །དཔག་ཡས་ནམ་མཁའ་གང་བས་ཐུགས་དམ་བསྐང་། །མིག་སྨན་མདངས་ལྡན་རྟ་མཆོག་སྒ་སྲབ་ཅན། །བརྗིད་པའི་གཡག་རྒོད་ལུག་ནག་རོག་པོའི་ར། །དཔའ་གཏུམ་ཁྱི་སོགས་ཕྱི་ཡི་རྟེན་རྣམས་ཀུན། །སྣ་ཚོགས་རྒྱན་གྱིས་སྤྲས་པས་ཐུགས་དམ་བསྐང་། །རྔམས་བརྗིད་ཐོད་མཁར་དྲག་པོའི་གཞལ་མེད་ཁང་། །འབོད་པའི་གཡབ་དར་དུར་ཁྲོད་དྲག་པོའི་ཆས། །རྣམ་བཀྲའི་དར་སྣས་མཚོན་པའི་བྱ་རྒོད་མདའ། །མཐུན་པའི་དམ་རྫས་ཚོགས་ཀྱིས་ཐུགས་དམ་བསྐང་། །སྐུ་གཟུགས་གླེགས་

― JKT021_Page_0098 ―

^{[མ་དཔེ་གཟིགས་ན་འདིར་གནོན།]}

[Full Size]

བམ་བེང་སོགས་ཕྱག་མཚན་དང་། །སྣ་ཚོགས་དཀོར་ནོར་གཟུགས་རྟེན་བླ་རྡོའི་ཆས། །རི་རབ་གླིང་བཞི་གླིང་ཕྲན་རྟགས་རྫས་བདུན། །སྲ་བརྟན་དཔའ་བོའི་ཆས་ཀྱིས་ཐུགས་དམ་བསྐང་། སྐུ་ཡི་ཕྱག་རྒྱ་གཡོ་མེད་གསལ་ཞིང་བརྟན། །རླུང་སྔགས་བཟླས་པས་ཐུགས་དམ་རྒྱུད་བསྐུལ་ཞིང་། །སེམས་ཉིད་རང་ངོ་ཤེས་པའི་རྣལ་འབྱོར་སོགས། །བསྐྱེད་དང་རྫོགས་པའི་ལམ་གྱིས་ཐུགས་དམ་བསྐང་། །དེ་ལྟར་ཐུགས་དམ་གཉེན་པོ་བསྐངས་བའི་མཐུས། །མཆོག་ཐུན་དངོས་གྲུབ་མ་ལུས་སྩོལ་བ་དང་། །ཐུབ་བསྟན་སྤྱི་དང་བྱེ་བྲག་གསང་ཆེན་གྱི། །རིངས་ལུགས་འཕེལ་ཞིང་རྒྱས་པའི་ཕྲིན་ལས་མཛོད། །ཅེས་ཐུགས་དམ་བསྐང་། བཤགས་པ་ནི་ཐལ་མོ་སྦྱར་ཏེ། ཧོ རང་བཞིན་ཆོས་ཀྱི་དབྱིངས་ལས་མ་གཡོས་ཀྱང་། །ཐུགས་རྗེའི་དབང་གིས་འབར་བའི་སྐུར་བཞེངས་པ། །རྒྱལ་བའི་བསྟན་སྲུང་དམ་ཅན་རྒྱ་མཚོའི་ཚོགས། །འཁོར་བཅས་བདག་ལ་གསན་ཅིང་དགོངས་སུ་གསོལ། །བདག་ཅག་བླུན་རྨོངས་མ་རིག་འཁྲུལ་པའི་ཡིད། །ལས་དང་ཉོན་མོངས་བག་ཆགས་ཀྱིས་དཀྲུགས་པས། །ལྷ་ཁྱོད་བསྙེན་ཅིང་བསྒྲུབ་པར་དམ་བཅས་ཀྱང་། །སྐུ་ཡི་ཕྱག་རྒྱ་མ་གསལ་དོན་མ་རྟོགས། །སྔགས་ཀྱི་བཟླས་བརྗོད་མ་དག་ལྷག་ཆད་འཁྲུགས། །ཐུགས་ཀྱི་ཏིང་འཛིན་བྱིང་རྒོད་རྟོགས་པས་

― JKT021_Page_0099 ―

^{[མ་དཔེ་གཟིགས་ན་འདིར་གནོན།]}

[Full Size]

བསླད། །དམ་རྫས་མ་ཚང་རྟེན་རྫས་མ་ཚོགས་དང་། །རྒྱུ་ཆུང་ཕུད་ཉམས་འབགས་བཙོག་དྲི་མས་གོས། །དུས་ཀྱི་མཆོད་གཏོར་འགྱངས་ཤིང་ཆགས་པ་དང་། །བསྙེན་སྒྲུབ་གཡེལ་ཞིང་ལས་སྦྱོར་ལོག་པ་སོགས། །རྩ་བ་ཡན་ལག་དམ་ཚིག་ཉམས་པ་ཀུན། །རབ་གནོང་འགྱོད་པའི་སེམས་ཀྱིས་མཐོལ་ལོ་བཤགས། །མཐོལ་བཤགས་བཟོད་པ་དང་དུ་བཞེས་ནས་ཀྱང་། །ཉམས་ཆག་སྒྲིབ་པའི་ཚོགས་རྣམས་ཀུན་བྱང་སྟེ། །འགྱུར་མེད་ཚངས་པ་མཆོག་གི་དངོས་གྲུབ་སྩོལ། །ཞེས་དང་། ཡི་གེ་བརྒྱ་པ་ལན་གསུམ་སོགས་ཀྱིས་ཐུགས་དམ་མ་བསྐང་པ་རྣམས་བཤགས་པར་བྱའོ། །སྐབས་འདིར་གཞན་ལས་འདོད་པའི་དོན་ལ་ཕྲིན་ལས་གསོལ་བ་གསུངས་ནའང་གོང་དུ་སྐོང་བའི་སྐབས་དོན་གྱིས་ཚང་ཞིང་། གཏོར་མ་སྟོབ་པའང་ཚང་བས། ཚོགས་ཡོད་ན་རོལ་ཞིང་སྨོན་ལམ་གདབ། ལྷག་མ་བཏང་། ཡི་དམ་གྱི་སྐུལ་པ་ཡོད་ནའང་བྱས་ནས་གཏོར་འབུལ་མན་དམ་ཅན་སྤྱི་གཏོར་བཞིན་བགྱིས་པས་དོན་གྲུབ་པ་ཡིན་ནོ། །ཞེས་པ་འདིའང་དད་ལྡན་དཀོན་མཆོག་རྒྱ་མཚོས་བསྐུལ་ངོར་འགྱུར་མེད་རིན་ཆེན་རྣམ་རྒྱལ་གྱིས་བྲིས་པའོ། །སླར་ཡང་གོང་འོག་གི་མཛེས་རྒྱན་དང་བཅས་བཀླགས་པས་གྲུབ་པར་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་

― JKT021_Page_0100 ―

^{[མ་དཔེ་གཟིགས་ན་འདིར་གནོན།]}

[Full Size]

བསྡེབས་པ་དགེ་ལེགས་འཕེལ། ༈ །བཟའ་བཏུང་ནང་གི་ཚོགས་མཆོད་བཞུགས་སོ། །ན་མོ་གུ་རུ་དེ་བ་ཌཱ་ཀི་ནཱི་བྷྱཿ བཟའ་བཏུང་ནང་གི་ཚོགས་མཆོད་ནི། ལོངས་སྤྱོད་ཀྱི་དངོས་པོ་རྣམས་མདུན་དུ་གཙང་ཞིང་མཛེས་པར་བཤམ། སྐྱབས་སེམས་སྔོན་དུ་འགྲོ་བས། ཨོཾ་ཨཱཿཧཱུྃ། རིག་ཀུན་སྐྱོང་གླིང་པའི་རྡོར་སེམས་སྙིང་ཐིག་ལས་སོ། །པ་སྟོང་གསལ་འོད་ཀྱི་གཞལ་ཡས་སུ༔ ཧཱུྃ་ལས་རྡོར་སེམས་སྐུ་མདོག་ཡིག དཀར་ལ་འཚེར༔ ཞལ་གཅིག་འཛུམ་མདངས་རིན་ཆེན་རྒྱན་གྱིས་མཛེས༔ ལྟ་བས་མི་ངོམས་རྡོ་རྗེ་དྲིལ་བུ་བསྣམས༔ ཉི་ཟླ་པད་སྟེང་ཕྱེད་སྐྱིལ་འགྱིང་ཚུལ་བཞུགས༔ སྙིང་ནང་སངས་རྒྱས་སུམ་ཅུ་རྩ་དྲུག་དང་༔ དུང་ཁང་ཁྲག་འཐུང་ལྔ་བཅུ་རྩ་བརྒྱད་དང་༔ རྩ་ནང་ཐུབ་དྲུག་དཔའ་བོ་མཁའ་འགྲོས་གང་༔ གསལ་འཚེར་ལྷུན་སྡུག་གཟི་བརྗིད་མཉེན་ལྕུག་འཁྲིལ༔ གནས་གསུམ་ཐིག་ལེ་འབྲུ་གསུམ་དཀར་དམར་མཐིང་༔ སྤྱི་གཙུག་ཨུ་རྒྱན་བེ་རོ་བི་མ་ལར༔ རྩ་བརྒྱུད་རིག་འཛིན་བླ་མའི་ཚོགས་ཀྱིས་བསྐོར༔ སྣང་སྟོང་ཆུ་ཟླ་འཇའ་ཚོན་ལྟ་བུར་བསྐྱེད༔ གྲོལ་ཐིག་དགོངས་པ་རང་གྲོལ་ལས་སོ། །ཡ་རྐན་རིགས་ལྔ་མ་རྐན་གཤེགས་མ་ལྔ༔ ལག་གཡས་དཔའ་བོ་ལག་གཡོན་དཔའ་མོ་ལྔ༔ ཟས་སྐོམ་ལག་པ་གཡས་པས་བཀབ་པ་ཡིས༔ སྙོམས་འཇུག་ཚུལ་བསམ་སྦྱོར་མཚམས་བྱང་སེམས་བབས་

― JKT021_Page_0101 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲུ་གསུམ་བྱིན་རླབས་བདེ་སྟོང་བདུད་རྩིར་གྱུར༔ ཨོཾ་ཨཱཿཧཱུྃ༔ ལན་གསུམ། ལག་གཉིས་སྦྱར་བས་ཚིམ་ཞིང་རབ་ཏུ་མཉེས༔ མགྲིན་པའི་པདྨར་བླ་མ་ཡབ་ཡུམ་ཚོགས༔ ཆོས་འཁོར་དབུས་སུ་ཡི་དམ་ལྷ་ཚོགས་དང་། ལྟེ་བར་གྲུ་གསུམ་དམ་ཅན་སྲུང་མའི་ཚོགས༔ ཚིགས་ཆེན་རྣམས་སུ་ཁྲོ་ཆེན་འབར་བ་དང་༔ མདོར་ན་རྩ་ཁམས་ཞི་ཁྲོའི་དཀྱིལ་འཁོར་དུ༔ གནས་གྱུར་ལག་གཡས་འདོད་ཡོན་ལྷ་མོ་ལྔསཿ ཟག་མེད་བདུད་རྩིའི་མཆོད་པ་ཕུལ་བར་གྱུར༔ ཅེས་བརྗོད་ཅིང་བསམས་ལ། ཧཱུྃ། བཟའ་བཏུང་ཚོགས་ཀྱི་ལོངས་སྤྱོད་ནི༔ འོད་ཟེར་སྤྲོ་བསྡུའི་སྦྱོར་བ་ཡིས༔ འདོད་ཡོན་ལྷ་མོ་ནམ་མཁའ་གང་༔ ཡེ་ཤེས་ལྷ་ཚོགས་མཆོད་པར་བཞེས༔ ཨོཾ་ཨཱཿཧཱུྃ་གུ་རུ་དེ་བ་ཌཱ་ཀི་ནཱི་ག་ཎ་ཙ་ཀྲ་པཱུ་ཛ་ས་མ་ཡེ་ཧཱུྃ༔ མཉམ་པའི་སྒྲུབ་རྫས་ཆེན་པོ་འདི། །བདག་དང་མཉམ་པའི་ཚོགས་ལ་འབུལ། །བཟའ་དང་བཅའ་དང་བཏུང་དང་བགོ །ལོངས་སྤྱོད་ལྔ་ལྡན་ཐམས་ཅད་ནི། །དཀྱིལ་འཁོར་ལ་ཡང་དཀྱིལ་འཁོར་ཐིམ། །ཆོས་ཉིད་ལ་ཡང་ཆོས་ཉིད་རོལ། །ཅེས་དང་། ཧོ༔ བདག་ལུས་ཕུང་ཁམས་སྐྱེ་མཆེད་ནི། །གདན་གསུམ་ཚང་བའི་ངོ་བོ་སྟེ། །དམ་པ་རིགས་བརྒྱའི་དཀྱིལ་འཁོར་ལྷ། །འགུལ་བསྐྱོད་ཐམས་ཅད་བདེ་བ་ཆེ། །རྡོ་རྗེའི་དམ་ཚིག་བླ་ན་མེད། །བྱང་ཆུབ་སེམས་

― JKT021_Page_0102 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་སྤྲིན་ཆེན་པོར། །གཉིས་མེད་མཉམ་པའི་ངང་དུ་རོལ། །རྣལ་འབྱོར་ལམ་གྱི་ཚོགས་རྫོགས་ནས། །ཟས་ཀྱི་སྒྲིབ་པར་མི་འགྱུར་ཞིང་། །གཏན་པ་མེད་པའི་སྦྱིན་བདག་ཀྱང་། །ཐེག་ཆེན་འབྲས་བུར་སྤྱོད་པར་ཤོག །ཅེས་བརྗོད་ཅིང་ཐ་མལ་རྟོག་པ་སྤངས་ལ་རང་ལུས་ཕུང་ཁམས་སྐྱེ་མཆེད་གདན་གསུམ་ཚང་བའི་དཀྱིལ་འཁོར་གྱི་བདག་ཉིད་དུ་མོས་པ་ལ་མཆོད་པའི་ཚུལ་གྱིས་ཚིམ་པར་རོལ་༧ རྗེས། །རྡོ་རྗེ་ཕུང་པོའི་གྲོང་ཁྱེར་དུ། །ཚོགས་ཀྱི་འཁོར་ལོས་མཆོད་པ་ཡིས། །བདག་གཞན་འགྲོ་བ་མ་ལུས་པ། །དཀྱིལ་འཁོར་གཅིག་ཏུ་འགྲུབ་པར་ཤོག །ཅེས་སོགས་བསྔོ་སྨོན་ཇི་ལྟར་རིགས་པ་བྱའོ། དེའི་ཕན་ཡོན་ཀྱང་ཐུགས་གཏེར་ཆེན་པོ་གྲོལ་བའི་ཐིག་ལེ་ལས། རང་ལུས་ཨ་ནུ་ཡོ་གའི་བསྐྱེད་རིམ་ལས༔ མ་གཡོས་བཞིན་དུ་ཟས་ལ་སྤྱོད་གྱུར་ན༔ དཀོན་མཆོག་གླུད་དང་དགེ་འདུན་དཀོར་ལ་སོགས༔ ལོག་པའི་ཟས་ཀྱི་འཇིགས་པ་ཀུན་ལས་གྲོལ༔ ཅེས་དང་གཞུང་གཞན་ལས་ཀྱང་རྒྱ་ཆེར་འབྱུང་བ་ལྟར་རོ། །ཞེས་པའང་རིག་འཛིན་གོང་མ་རྣམས་ཀྱི་ཕྱག་གཞེས་ལྟར་མཉྫུགྷོ་ཥས་བྲིས་པ་དགེ། , ༈ །གཏོར་མ་ཆ་གསུམ་གྱི་ཆོ་ག་ཤིན་ཏུ་བསྡུས་པ་ཕན་བདེའི་དཔལ་སྟེར་ཞེས་བྱ་བ་བཞུགས་སོ། །ན་མོ་གུ་རུ་ལོ་ཀེ་ཤྭ་རཱ་ཡ། །འདིར་གཏོར་མ་ཆ་གསུམ་གྱི་ཆོ་ག་ཤིན་ཏུ་མདོར་

― JKT021_Page_0103 ―

^{[མ་དཔེ་གཟིགས་ན་འདིར་གནོན།]}

[Full Size]

བསྡུས་པ་བཏང་བར་སྤྲོ་ན། །དཀྱིལ་འཁོར་དང་འབྲེལ་བའི་ཚེ་སྒོ་ཁང་གི་ནང་ངམ། ཡོལ་བས་ཆོད་པའི་སར་བྱ་བའམ། རྒྱུན་གྱི་ཉམས་ལེན་ལྟ་བུར་གནས་གང་ཡང་རུང་བར་སྟེགས་ཀྱི་ཁར་ཕྱོགས་སྐྱོང་དང་། འབྱུང་པོ་ལ་ལྕོག་ཟླུམ་དཀར་པོ་རེ་རེ། བགེགས་ལ་ཆང་བུའི་གཏོར་མ། ཐུན་མོང་དུ་ཉེར་སྤྱོད་བཅས་ཕྱག་ལེན་བཞིན་ཏུ་བཤམས་ལ། དཀྱིལ་འཁོར་དང་འབྲེལ་བའི་ཚེ་ལྷ་གང་ཡིན་གྱི་ང་རྒྱལ་དང་། རྒྱུན་གྱི་རྣལ་འབྱོར་ལྟ་བུ་ལ་སྐྱབས་སེམས་སྔོན་དུ་འགྲོ་བས། རང་ཉིད་སྐད་ཅིག་གིས་ཐུགས་རྗེ་ཆེན་པོའི་སྐུར་གྱུར་པར་བསམ། གང་ལྟར་ཡང་གཏོར་མ་ཆ་དང་པོ་ཕྱོགས་སྐྱོང་ལ་འབུལ་བའི་ཕྱིར། ཨོཾ་སྭ་བྷཱ་བ་ཤུདྡྷསརྦ་དྷརྨཱསྭ་བྷཱ་བ་ཤུདྡྷོ་ཉཧཾ་ཞེས་ཆོས་ཉིད་རྣམ་དག་གི་སྔགས་དང་ཕྱག་རྒྱ་ལན་གསུམ་གྱི་སྟོང་པར་སྦྱངས། སྟོང་པའི་ངང་ལས་ཧཱུཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པ་བདུད་རྩིའི་རྒྱ་མཚོ་ཆེན་པོར་གྱུར། ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷཿསརྦ་ཐཱ་ཁཾ་ཨུངྒ་ཏེ་སྤ་རཾ་ཎ་ཧི་མཾ་ག་ག་ན་ཁཾ་སྭཱ་ཧཱ། །ཞེས་ནམ་མཁའ་མཛོད་ཀྱི་སྔགས་རྒྱ་ལན་གསུམ་གྱིས་བྱིན་བརླབས་ཏེ་རྒྱས་པར་སྤེལ། རང་གི་སྙིང་གའི་ས་བོན་ལས་བྱུང་བའི་འོད་ཟེར་གྱིས་ཕྱོགས་སྐྱོང་འཁོར་དང་བཅས་པ་སྤྱན་དྲངས་པར་

― JKT021_Page_0104 ―

^{[མ་དཔེ་གཟིགས་ན་འདིར་གནོན།]}

[Full Size]

གྱུར་པར་བསམས་ལ། ཨོཾ་ཨིནྡྲ་ཡ། ཨག་ཡེ༔ ཡ་མཱ་ཡ༔ ནིརྟ་ཡེ༔ བ་རུ་ཎ་ཡེ༔ ཝཱ་ཡ་བེ༔ ཀུ་བེ་རཱ་ཡ༔ ཨི་ཤྭ་ནཱ་པ་ཨཱ་དི་ཡཏ་ཡེ༔ སཱརྱ་ཙན་ས་པ་རི་ཝཱ་ར་བཛྲ་ས་མཱ་ཛཞེས་པས་སྤྱན་དྲངས། པདྨ་ཀ་མ་ལཱ་ཡ་ཧཱུཾ་གྱིས་གདན་འབུལ། ཨོཾ་ཨིནྡྲ་ཡ༔ ཨག་ཡེ༔ ཡ་མཱ་ཡ༔ ནིརྟ་ཡེ༔ བ་རུ་ཎ་ཡེ༔ ཝཱ་ཡ་ཝེ༔ ཀུ་བེ་རཱ་ཡ༔ ཨི་ཤཱ་ནཱ་ཡ་ཨཱ་དི་པ་ཏ་ཡེ༔ སཱརྱ་ཙནྡ་ས་པ་རི་ཝཱ་ར་ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཾ་ཨདྱ་ནུ་ཏྲ་ཉཏཱཏ་ཨོཾ་ཨཱཿཧཱུྃ་ཕཊ་སྭཱ་ཧཱཿལན་གསུམ་གྱིས་གཏོར་མ་འབུལ། ཨོཾ་ད་ཤ་དི་ཀྲ་ལོ་ཀ་པཱ་ལ་ས་པ་རི་ཝཱ་ར་ཨརྒྱུ་ནས་ཤཔྟ་པྲ་ཏཱི་ཙྪ་སྭཱ་ཧཱས་མཆོད། དྷཱི༔ དབང་པོ་དྲང་སྲོང་གཤིན་རྗེ་སྲིན་པོ་སཿ ཆུ་ལྷ་རླུང་བདག་གནོད་སྦྱིན་དབང་ལྡན་དང་༔ ཉི་ཟླ་དབང་ཆེན་བདག་པོ་འཁོར་བཅས་ལ༔ རང་རང་མཐུན་རྫས་གཏོར་མ་འདི་འབུལ་གྱི༔ འདོད་པའི་དངོས་གྲུབ་འགྲུབ་པའི་ཕྲིན་ལས་མཛོད༔ ཅེས་ཕྲིན་ལས་གསོལ་ལ། ཨོཾ་ད་ཤ་དི་ཀྲ་ལོ་ཀ་པཱ་ལ་ས་པ་རི་ཝཱ་ར་གཙྪས་གཤེགས་སུ་གསོལ། ཆ་གཉིས་པ་གཞི་བདག་དང་འབྱུང་པོ་ལ་སྦྱིན་ཏེ། སྭ་བྷ་ཝས་སྦྱང་། ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷསརྦ་ཐཱ་ཁཾ་ཨུཏྤ་ཏེ་སྥ་ར་ཎ་ཧི་མཾ་ག་ག་ན་ཁཾ་སྭཱ་ཧཱ། ལན་གསུམ་གྱིས་བྱིན་གྱིས་བརླབས་ཏེ་རྒྱས་པོར་སྤེལ། རང་གི་སྙིང་གའི་ས་བོན་ལས་བྱུང་བའི་འོད་ཟེར་གྱིས་

― JKT021_Page_0105 ―

^{[མ་དཔེ་གཟིགས་ན་འདིར་གནོན།]}

[Full Size]

གཞི་བདག་འབྱུང་པོའི་ཚོགས་རྣམས་སྤྱན་དྲངས་པར་གྱུར། ཨོཾ་ལོ་ཀ་པ་ལ་བྷུ་མི་པ་ཏི་ས་པ་རི་ཝཱ་ར་བཛྲ་ས་མཱ་ཛས་སྤྱན་དྲངས། པདྨ་ཀ་མ་ལཱ་ཡ་ཧཱུཾ་གྱིས་གདན་ཕུལ། ཨོཾ་ལོ་ཀ་པཱ་ལ་བྷུ་མི་པ་ཏི་ས་པ་རི་ཝཱ་ར་ཨོཾ་ཨ་ཀཱ་རོ་སོགས་ལན་གསུམ་གྱིས་གཏོར་མ་ཕུལ། ཨོཾ་ལོ་ཀ་པཱ་ལོ་བྷུ་མི་པ་ཏི་ས་པ་རི་ཝཱ་ར་ཨབྷཾ་ནས་ཤཔྟ་པྲ་ཏཱི་ཙྪ་སྭཱ་ཧཱས་མཆོད། ཧྲཱིཿ བཞི་བདག་གནས་བདག་འབྱུང་པོའི་ཚོགས༔ མཆོད་གཏོར་དམ་པ་འདི་བཞེས་ལཿ མི་དགེ་ཕྲག་དོག་མེད་པར་མཛོད༔ ཞི་བདེའི་མཐུན་རྐྱེན་སྒྲུབ་ཏུ་གསོལ༔ ཅེས་ཕྲིན་ལས་གསོལ། ཨོཾ་ལོ་ཀ་པཱ་ལ་བྷཱུ་མི་པ་ཏི་ས་པ་རི་ཝཱ་ར་གཙྪས་གཤེགས། ཆ་གསུམ་པ་བགེགས་ལ་བསྔོ་སྟེ། ཨོཾ་ཧ་ཡ་གྲྭ་བ་ཧཱུྃ་ཕཊ༔ རང་ཉིད་སྐད་ཅིག་གིས་ཁྲོ་བོ་རྟ་མགྲིན་འཇིགས་སུ་རུང་བའི་སྐུར་གྱུར། སྭ་བྷཱ་ཝས་སྦྱར། ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་སརྦ་ཐཱ་ཁཾ་ཨུཏྤ་ཏེ་སྥ་ར་ཎ་ཧི་མཾ་ག་ག་ན་ཁཾ་སྭཱ་ཧཱས་སྤེལ། རང་གི་སྙིང་ག་ནས་འོད་ཟེར་ལྕགས་ཀྱུ་ལྟ་བུ་འཕྲོས་པས་བགེགས་ཀྱི་རིགས་རྣམས་མདུན་ཏུ་བཀུག་སྟེ་ཞི་ཞིང་དུལ་བའི་ཚུལ་གྱིས་འཁོད་པར་གྱུར། ལྕགས་ཀྱུའི་ཕྱག་རྒྱ་དང་བཅས། ཨོཾ་བི་ནཱ་ཡ་ཀེ་ཤྭ་ར་སརྦ་བིགྷཱ་ན་ཨདྨ་ཤ་ཛ་ཛས་མགྲོན་དགུག །དེ་བཞིན་གཤེགས་པ་རིན་ཆེན་མང་ལ་ཕྱག་འཚལ་ལོ། །དེ་བཞིན་གཤེགས་པ་

― JKT021_Page_0106 ―

^{[མ་དཔེ་གཟིགས་ན་འདིར་གནོན།]}

[Full Size]

གཟུགས་མཛེས་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་འབྱམས་ཀླས་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་ཐམས་ཅད་དང་ཡོངས་སུ་བྲལ་བ་ལ་ཕྱག་འཚལ་ལོ། །ཞེས་བདེ་གཤེགས་བཞིའི་མཚན་བརྗོད་པ་སྔོན་ཏུ་འགྲོ་བས། ན་མཿསརྦ་ཏ་ཐཱ་ག་ཏ་ཨ་བ་ལོ་ཀི་ཏེ་ཨོཾ་སཾ་བྷ་ར་སཾ་བྷ་ར་ཧཱུྃ༔ ཞེས་ལན་གསུམ་གྱིས་གཏོར་མ་བསྔོ། ཧྲཱིཿ གང་དག་སྒྲུབ་ལ་མི་དགའ་བ བི་ནཱ་ཡ་ཀ་དགའ་རབ་དབང་༔ བདུད་ཀྱི་ཚོགས་རྣམས་གཏོར་མ་ལོངས༔ ཞི་དང་ཕན་སེམས་ལྡན་པར་མཛོད༔ ཨོཾ་བི་ནཱ་ཡ་ཀེ་ཤྭ་ར་སརྦ་བིགྷཱན་གཙྪས་མགྲོན་རྣམས་རང་གནས་གཤེགས་པར་བསམས་ལ། གང་དག་གདུག་པའི་སེམས་འཆང་བ་དེ་དག་འདིར་མ་གནས་པར་གཞན་ཏུ་དེངས་ཤིག །གལ་ཏེ་མི་འགྲོ་ན་ཁྲོ་བོའི་ཡེ་ཤེས་རྡོ་རྗེ་མེ་རབ་ཏུ་འབར་བ་འདིས་ཁྱེད་རྣམས་ཀྱི་མགོ་བོ་ཚལ་པ་བརྒྱར་འགས་པར་འགྱུར་ཏ་རེ། ཞེས་དང་། ཨོཾ་ཧ་ཡ་གཱི་བ་ཧཱུྃ་ཕཊ༔ དང་སུམྦྷ་སོགས་བརྗོད་པས་བསྐྲད། འབྱུང་པོ་གང་དག་འདིར་ནི་ལྷག་གྱུར་ཏམ་ཞེས་སོགས་ཀྱིས་སྨོན་ལམ་གདབ་བོ། །ཞེས་པའང་ཆོས་ཀྱི་རྒྱལ་པོ་འགྲོ་འདུལ་མཆོག་གྱུར་བདེ་ཆེན་གླིང་པའི་ཟབ་གཏེར་ཐུགས་རྗེ་ཆེན་པོ་པདྨ་གཙུག་ཏོར་གྱི་ཆོ་ག་ལས་ཇི་ལྟར་འབྱུང་བ་བཞིན་ངག་འདོན་བཀླག་པས་གྲུབ་པར་མཁྱེན་བརྩེའི་དབང་པོས་

― JKT021_Page_0107 ―

^{[མ་དཔེ་གཟིགས་ན་འདིར་གནོན།]}

[Full Size]

བྲིས་པ་དགེ་ལེགས་སུ་གྱུར་ཅིག ༈ །གཏོར་མ་ཆ་ལྔ་ཤིན་ཏུ་བསྡུས་པ་བཞུགས་སོ། །ཨོཾ་སྭསྟི། །ཕྱོགས་སྐྱོང་། རྒྱལ་ཆེན། འབྱུང་པོ། གཞི་བདག །བགེགས་ཀྱི་གཏོར་མ་རྣམས་རྒྱུད་སྡེ་འོག་མའི་ཆོ་གའི་ཡན་ལག་ལས་འབྱུང་བ་ལྟར་ཤིན་ཏུ་བསྡུས་ཏེ་བྱ་བའི་ཚུལ་ནི། རང་ཉིད་གཉུག་མའི་ལྷ་གང་ཡང་རུང་བའི་ང་རྒྱལ་ལ་གནས་པའམ། བདག་མེད་པ་གཉིས་ཀྱི་དོན་ལ་བློ་བཞག་སྟེ། །མཆོད་གཏོར་ཨ་མྲྀ་ཏས་བསང་། སྭ་བྷ་ཝས་སྦྱང་། ཨ་ཀཱ་རོས་བརླབ་པ་སྔོན་དུ་འགྲོ་བས། དང་པོ་ནི། ཨོཾ་ད་ཤ་དི་ཀྲ་ལོ་ཀ་པཱ་ལ་ས་པ་རི་ཝཱ་ར་ཨེ་ཧེ་ཧིས་མགྲོན་དགུག །པདྨ་ཀ་མ་ལཱ་ཡ་སྭཱ་གྱིས་གདན་འབུལ། ཨོཾ་ད་ཤ་དི་ཀྲ་ལོ་ཀ་པཱ་ལ་ས་པ་རི་ཝཱ་ར་གྲིཉྩེ་དཾ་ཨརྒྷཾ་སོགས་ནས། ཤབྡ་པྲ་ཏཱི་ཙྪ་སྭཱ་ཧཱས་མཆོད། ཨོཾ་ད་ཤ་དི་ཀྲ་ལོ་ཀ་པཱ་ལ་ས་པ་རི་ཝཱ་ར་གྲིཉྩེ་དཾ་ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་སོགས་ལན་གསུམ་གྱིས་གཏོར་མ་འབུལ། འཇིག་རྟེན་སྐྱོང་བ་འཁོར་བཅས་རྣམས། །མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་སོགས་སྤྱི་ལྟར་བརྗོད་པས་ཕྲིན་ལས་གསོལ་བར་བྱའོ། །དེས་མཚོན་ཏེ། གཉིས་པ་ནི། ཨོཾ་ཙ་ཏུ་རྨ་ཧཱ་རཱ་ཛ་སེ་ན་ས་པ་རི་ཝཱ་ར་ཨེ་ཧྥེ་ཧི། །པདྨ་ཀ་མ་ལཱ་ཡ་སིཾ། །སྔགས་མཐར་གྲིཉྩེ་དཾ་ཨརྒྷཾ་སོགས་དང་། །གྲིཥེ་དཾ་ན་མཿསརྦ་སོགས་བཏགས་

― JKT021_Page_0108 ―

^{[མ་དཔེ་གཟིགས་ན་འདིར་གནོན།]}

[Full Size]

པས་མཆོད་གཏོར་འབུལ། མཐུ་ཆེན་རྒྱལ་པོ་སྡེ་བཞི་རྣམས། །མཆོད་སྦྱིན་གཏོར་མ་སོགས་བརྗོད། གསུམ་པ་ནི། ཨོཾ་སརྦ་ལོ་ཀ་ཀཱ་ར་ས་པ་རི་ཝཱ་ར་ཨེ་ཧྱ་ཧི། པདྨ་ཀ་མ་ལ་ཡ་ཧཱུཾ། སྔགས་མཐར་ཨརྒྷཾ་སོགས་དང་། ན་མཿསརྦ་སོགས་བཏགས་པས་མཆོད་གཏོར་འབུལ། །འཇིག་རྟེན་པ་ཡི་འབྱུང་པོ་རྣམས། །མཆོད་སྦྱིན་གཏོར་མ་འདི་སྣོམས་ལ། །ཆོས་དོན་བདེན་པ་ལ་གནས་ནས། །ཞི་ཞིང་༧དུལ་བའི་སེམས་སུ་མཛོད། །བདག་ཅག་བྱང་ཆུབ་མ་ཐོབ་བར། །གེགས་མེད་བར་ཆད་མེད་པ་དང་། །དམ་ཚིག་གནས་ལ་གནས་མཛོད་ལ། །བྱང་ཆུབ་ཐོབ་པའི་གྲོགས་ཀྱང་མཛོད། །བཞི་པ་ནི། ཨོཾ་བྷ་མི་པ་ཏི་ས་པ་རི་ཝཱ་ར་ཨ་ཀཅུ་ཡ་ཛཿ སྔགས་མཐར་ཨརྒྷཾ་སོགས་དང་། །ན་མཿསརྦ་བཏགས་པས་མཆོད་གཏོར་སྦྱིན། གཞི་བདག་གནས་བདག་འཁོར་བཅས་རྣམས། །མཆོད་སྦྱིན་གཏོར་མ་འདི་བཞེས་སོགས་བརྗོད། །ལྔ་པ་ནི། རང་ཉིད་རིགས་ཀྱི་ཁྲོ་བོའི་ང་རྒྱལ་དང་བཅས། བླ་མ་མཆོག་གསུམ་བདེན་པ་དང་། །གསང་སྔགས་རིག་སྔགས་བྱིན་རླབས་ཀྱིས། །བགེགས་ཀྱི་རིགས་རྣམས་གང་ཡིན་ཀུན། །སྐད་ཅིག་གནས་འདིར་མཆིས་གྱུར་ཅིག །ཊཱཀྐི་ཧཱུྃ་ཛཿ ཨོཾ་གུང་ཀ་རི་གུང་ཀ་རི་སྭཱ་ཧཱ། །ཨོཾ་པི་ཙི་པི་ཙི་སྭཱ་ཧཱ། །ཨོཾ་གུང་གུང་སྭཱ་ཧཱ་སརྦ་བིགྷན་གྲོསྐྱེ་དཾ་ཨརྒྷཾ་སོགས་དང་།

― JKT021_Page_0109 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་དེ་མཐར་སརྦ་བིགྷཱན་ན་མཿསརྦ་སོགས་བཏགས་པས་མཆོད་གཏོར་བསྔོ་གང་ཞིག་མཚན་མོར་རྒྱུ་བ་ཡི། །འབྱུང་པོ་རྣམས་དང་ཤ་ཟ་དང་། །སྲིན་པོ་ཤ་རྗེན་ཟ་བ་དང་། །སེམས་ཅན་རྣམ་པ་སྣ་ཚོགས་པ། །ལྗོན་ཤིང་གེལ་པ་སོགས་གནས་པ། །དེ་དང་དེ་ལ་གཏོར་མ་ནི། །བཟའ་བ་ཤ་ཆང་ལ་ཕུག་བཅས། །འབྲས་ཆན་འབྲས་བུ་མང་པོ་ཡི། །མཆོད་སྦྱིན་འདི་ཡིས་མགུ་བྱོས་ལ། །གནོད་པའི་བསམ་པ་ཞི་བ་དང་། །བདག་ཅག་རྣམས་ལ་ཕན་པའི་ཡིད། །དེ་རིང་ཕྱིན་ཆད་བསྐྱེད་པར་གྱིས། །ཞེས་བསྒོ། ཐུན་མོང་དུ། ཡེ་དྷརྨ་སོགས་དང་། སྡིག་པ་ཅི་ཡང་མི་བྱ་སོགས་ཆོས་སྦྱིན་བྱ། གཙྪ་གཙྪ་སྭ་བྷ་ཝ་ནཾ་ཞེས་རང་རང་གི་གནས་སུ་གཤེགས། ནག་ཕྱོགས་པ་སྡོད་སྲིད་པས་ཨ་མྲྀ་ཏ་སོགས་དྲག་སྔགས་ཀྱིས་མཚམས་བཅད། ཤིས་པ་བརྗོད་པས་མཐའ་བརྒྱན་པར་བྱའོ། །ཞེས་པའང་མཉྫུགྷོ་ཥས་བྲིས། ༈ །ཨོཾ་སྭ་སྟི། །འདིར་རྡོ་རྗེ་མཁའ་འགྲོའི་སྦྱིན་སྲེག་གི་ཆོ་ག་སྒྲུབ་པར་འདོད་པས། མདུན་དུ་སྤོས་ཕོར་སོགས་སུ་མེ་ཆུ་ཏིལ་དང་བཅས་པ་བཤམས་ལ། །བདག་གི་ཚེ་འཁོར་བ་ཐོག་མ་མེད་པ་ནས་བསགས་པའི་སྡིག་སྒྲིབ་ཐམས་ཅད་ཡི་གེ་པོ་ནག་པོའི་རྣམ་པར་གནས་པ་ལྟེ་བའི་གཏུམ་མོ་ཡེ་ཤེས་ཀྱི་མེས་དེད། སྣ་སྒོར་སྡིག་པ་རྭ་ཅན་གྱི་རྣམ་པས་ཐོན་ནས་

― JKT021_Page_0110 ―

^{[མ་དཔེ་གཟིགས་ན་འདིར་གནོན།]}

[Full Size]

མདུན་གྱི་ཏིལ་ལ་ཐིམ་པར་བསམས་ལ། མེ་བསང་སྦྱང་། སྟོང་པའི་ངང་ལས་ཧཱུྃ་ལས་ཞི་བའི་ཐབ་ཁུང་མཚན་ཉིད་དང་ལྡན་པའི་ནང་དུ་རཾ་ལས་མེའི་དཀྱིལ་འཁོར་འབར་བའི་དབུས་སུ་སྣ་ཚོགས་པདྨ་དང་ཉི་མ་ལ་གནས་པའི་རྡོ་རྗེ་མཁའ་འགྲོ་སྐུ་མདོག་ནག་པོ་ཞལ་གཅིག་ཕྱག་གཉིས་ཐུགས་ཀར་ཧཱུྃ་མཛད་ཀྱི་ཕྱག་རྒྱས་རྡོར་དྲིལ་བསྣམས་པ། ཞལ་གདངས་ཤིང་མཆེ་བ་གཙིགས་པ་ཁྲོ་བོའི་མཚན་ཉིད་ཐམས་ཅད་རྫོགས་པ་དེའི་སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། །ཧཱུྃ་ལས་འོད་ཟེར་འཕྲོས་པས་ཡེ་ཤེས་པ་བཛྲ་ས་མཱ་ཛཿ ཛཿཧཱུྃ་བཾ་ཧོ༔ ཞེས་སྤྱན་དྲངས་ཤིང་བསྟིམ། །སླར་ཡང་ཐུགས་ཀ་ནས་འོད་ཟེར་འཕྲོས་པས་དབང་གི་ལྷ་རིགས་ལྔ་སྤྱན་དྲངས། ཨརྒྷཾ་སོགས་ཀྱིས་མཆོད། དེ་བཞིན་གཤེགས་པ་ཐམས་ཅད་ཀྱིས་བདག་ལ་མངོན་པར་དབང་བསྐུར་དུ་གསོལ། །ཞེས་གསོལ་བ་བཏབ་པས་དབང་གི་ལྷས་ཨོཾ་བཛྲ་བྷ་ཝ་ཨ་བྷི་ཥིཉྩ་ཧཱུཾ། ཞེས་དབང་བསྐུར་བས་སྐུ་གང་དྲི་མ་དག །ཆུ་ལྷག་མ་ཡར་ལུད་པ་ལས་མི་བསྐྱོད་པས་དབུ་བརྒྱན། སླར་ཡང་། ཨོཾ་བཛྲ་ཌཱ་ཀ་ཌཱ་ཀི་ནི་ས་པ་རི་ཝཱ་ར་ཨརྒྷཾ་སོགས་ཆུ་གཉིས་ཉེར་སྤྱོད་རོལ་མོ་དང་བཅས་པས་མཆོད་ལ། མི་བསྐྱོད་རྡོ་རྗེ་ཡེ་ཤེས་ཆེ། །རྡོ་རྗེ་དབྱིངས་ཀྱི་མཁའ་ཆེན་པོ། རྡོ་རྗེ་གསུམ་མཆོག་དཀྱིལ་འཁོར་གཙོ། །རྡོ་རྗེ་མཁའ་འགྲོ་ཕྱག་

― JKT021_Page_0111 ―

^{[མ་དཔེ་གཟིགས་ན་འདིར་གནོན།]}

[Full Size]

འཚལ་ལོ། །ཞེས་པས་བསྟོད་ནས། ཁྲོ་བོ་ཞལ་རབ་ཏུ་གདངས་ནས་བསྲེག་བྱ་ཟ་བའི་ལས་མཛད་པར་བསམ་ལ་ཏིལ་མཐེབ་སྲིན་གྱིས་བཟུང་བ་འབུལ་ཞིང་། ཨོཾ་བཛྲ་ཊཱ་ཀ་ཁ་ཁ་ཁཱ་ཧི་ཁཱ་ཧི་སརྦ་པཱ་པཾ་ད་ཧ་ན་བྷསྨི་ཀུ་རུ་སྭཱ་ཧཱ། །ཞེས་ལན་བདུན་ནམ་གསུམ་དུ་ཕུལ་ལ་མཐར་གཡོན་པའི་ཏིལ་ཆུ་ནང་དུ་དོར། ཁྲོ་བོ་རླུང་རྔུབས་པའི་སྦྱོར་བས་ནང་དུ་བསྡུ་ཞིང་དགེ་བ་བསྔོའོ། །ཚུལ་འདི་ནི་རྡོ་རྗེ་མཁའ་འགྲོ་མས། པཾ་གྱུར་སྡིག་པ་མི་ཟད་པ། །སྣ་ཡི་སྒོ་ནས་ཕྱུངས་ནས་ནི། །མེ་དང་ཆུ་ལ་བླུག་པར་བྱ། །ཞེས་གསུངས་པ་བཞིན་ནོ། །ཅེས་པའང་འགྱུར་མེད་རྡོ་རྗེས་སྤེལ་བའོ། ༈ །རྡོ་རྗེ་ལ། །མཁའ་འགྲོའི་སྦྱིན་སྲེག་ལ་བརྟེན་ནས་གཞན་དོན་བྱ་བའི་ཚུལ་བཞུགས་སོ། །ཨོཾ་སྭསྟི། །འདིར་རྡོ་རྗེ་མཁའ་འགྲོའི་སྦྱིན་སྲེག་གི་སྒོ་ནས་གཞན་དོན་བྱ་བའི་ཚུལ་ལ་གཉིས། གསོན་པོའི་སྡིག་སྦྱོང་དང་། གཤིན་པོ་ལ་ཕན་གདགས་པའོ། །དང་པོ་ནི། བསྒྲུབ་བྱ་མདུན་དུ་འཁོད་པའི་མདུན་མེ་ཆུ་ཏིལ་བཅས་བཤམ། སངས་རྒྱས་ཆོས་དང་སོགས་སྐྱབས་སེམས་དང་། སྤྲོ་ན་བདག་བསྐྱེད་རྒྱས་པའམ། བསྡུ་ན། རང་སྐད་ཅིག་གིས་དཔལ་རྡོ་རྗེ་སེམས་དཔའི་སྐུར་གྱུར་པར་བསམས་ལ་ཡི་གེ་བརྒྱ་པ་བཟླ། དེ་ནས། བསྒྲུབ་བྱའི་ཚེ་འཁོར་བ་སོགས་ནས། ཁྲོ་བོ་རླུང་རྡུབས་པའི་སྦྱོར་བས་རང་

― JKT021_Page_0112 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཐིམ་པར་བསམ་པའི་བར་དཀྱུས་ལྟར་ལ། དགེ་བ་འདི་ཡིས་སྐྱེ་བོ་ཀུན། །བསོད་ནམས་ཡེ་ཤེས་ཚོགས་རྫོགས་ཤིང་། །བསོད་ནམས་ཡེ་ཤེས་ལས་བྱུང་བའི། །དམ་པ་གཉིས་པོ་ཐོབ་པར་ཤོག །ཅེས་སོགས་བསྔོ་སྨོན་དང་། མདོ་རྒྱུད་ལས་བྱུང་བའི་བཀྲ་ཤིས་རྒྱས་པར་བརྗོད་ཅིང་མེ་ཏོག་གི་ཆར་དབབ། བསྒྲུབ་བྱ་རང་གནས་སུ་བཏང་ངོ་། །གཉིས་པ་ནི། རང་གི་མདུན་དུ་ཚེ་འདས་ཀྱི་བྱང་བུ་དང་མེ་ཆུ་ཏིལ་བཅས་བཤམ། སྐྱབས་སེམས་བདག་བསྐྱེད་རྒྱས་བསྡུས་གང་རིགས་སྔོན་དུ་འགྲོ་བས། བྱང་བུ། ཨོཾ་སུམྦྷས་བསང་། སྭ་བྷཱ་ཝས་སྦྱངས། སྟོང་པའི་ངང་ལས་པདྨ་དང་ཟླ་བའི་གདན་ལ་མིང་བྱང་ནྲྀ་ལས་ཚེ་འདས་ཀྱི་གཟུགས་ཀྱི་རྣམ་པ་ཇི་ལྟ་བར་གྱུར་པར་བསམས། ལྕགས་ཀྱུའི་ཕྱག་རྒྱ་དང་སྙིང་གའི་ཧཱུྃ་གིས་འོད་ཀྱི་རྣམ་ཤེས་བཀུག་པར་བསམ་ཞིང་། ན་མོ། རྩ་བརྒྱུད་ཀྱི་བླ་མ་མཆོག་གསུམ་རྒྱལ་བ་རྒྱ་མཚོའི་ཚོགས་དང་བཅས་པ་རྣམས་ཀྱིས་བདེན་པ་དང་། ཡི་དམ་དཀྱིལ་འཁོར་གྱི་ལྷ་ཚོགས་རྣམས་ཀྱི་བདེན་པ་དང་། གསང་སྔགས་རིག་སྔགས་གཟུངས་སྔགས་སྙིང་པོ་ཕྱག་རྒྱ་ཏིང་ངེ་འཛིན་གྱི་བདེན་པ་དང་། བདེན་པ་ཆེན་པོའི་བྱིན་གྱིས་བརླབས་ཀྱིས་ཚེ་ལས་འདས་པ་ཆེ་གེ་མོའི་རྣམ་པར་ཤེས་པ་ཁམས་གསུམ་རིགས་དྲུག་གི་གནས་གང་ན་གནས་ཀྱང་སྐད་ཅིག་གིས་འདིར་

― JKT021_Page_0113 ―

^{[མ་དཔེ་གཟིགས་ན་འདིར་གནོན།]}

[Full Size]

མཆིས་པར་གྱུར་ཅིག །ཨོཾ་བཛྲ་ཨཱ་ཀར་ཡ་ཛཿ ཞེས་པས་རྣམ་ཤེས་དང་། སརྦ་པ་པོ་ཨཱ་ན་ཡ་ཧཱུྃ། ཞེས་པས་སྡིག་པ་བཀུག་ནས། ཛཿཧཱུྃ་བཾ་ཧོ༔ རྣམ་ཤེས་ཨ་དཀར་པོའི་རྣམ་པས་རྟེན་ལ་ཐིམ་པར་བསམ། རང་གི་ཐུགས་ཀ་ནས་ཁྲོ་བོ་བགེགས་མཐར་བྱེད་ཀྱི་ཚོགས་དཔག་ཏུ་མེད་པ་སྤྲོས་ཏེ་ཚེ་འདས་ཀྱི་སྡིག་པ་སྦྱོང་བ་ལ་བར་དུ་གཅོད་པའི་བགེགས་རྣམས་རྒྱངས་རིང་དུ་བསྐྲད་པར་བསམས་ལ། །སུམྦྷ་སོགས་དྲག་སྔགས་བརྗོད། དེ་ནས། ཚེ་ལས་འདས་པའི་ཚེ་འཁོར་བ་སོགས་ནས། ཁྲོ་བོ་རླུང་རྔུབས་པའི་སྦྱོར་བས་རང་ལ་ཐིམ་པར་བསམ་པའི་བར་དཀྱུས་ལྟར་བྱས་མཐར། ཚེ་འདས་ཉིད་སྐྱབས་གནས་དཀོན་མཆོག་རྒྱ་མཚོའི་སྤྱན་སྔར་ཕྱག་འཚལ་ཞིང་སྐྱབས་སུ་འགྲོ་བར་བསམས་ལ། །ཕྱོགས་བཅུར་བཞུགས་པའི་བླ་མ་དང་། །མཆོག་གསུམ་ཞི་ཁྲོ་རབ་འབྱམས་ཀྱཻ། དཀྱིལ་འཁོར་ལྷ་ཚོགས་ཐམས་ཅད་ལ། །དེ་རིང་ཉིད་ནས་བདག་སྐྱབས་མཆི། །མགོན་པོ་ཐུགས་རྗེ་ཅན་རྣམས་ཀྱིས། །འཁོར་བའི་སེམས་ཅན་བདག་ལྟ་བུ། །བར་དོའི་གནས་ན་མགོན་མེད་ཅིང་། །འཇིགས་པས་མནར་བ་བདག་ལ་དགོངས། །ཐོགས་མེད་དུས་ནས་སྤྱད་པ་ཡི། །ལས་ངན་སྒྲིབ་པས་བཅིང་བ་བདག །མཐའ་མེད་འཁོར་བའི་སྡུག་བསྔལ་ལས། །བདེ་ཆེན་གནས་སུ་དྲང་

― JKT021_Page_0114 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་གསོལ། །བར་དོའི་འཇིགས་པ་གཤིན་རྗེའི་འཕྲང་། །ཉམ་ངའི་གནས་སུ་འཁྱམས་པའི་འགྲོ། །ཉོན་མོངས་གདུང་བས་གཟིར་བ་རྣམས། །བྱམས་པའི་ཐུགས་རྗེས་བསྐྱབ་ཏུ་གསོལ། །ཅེས་བརྗོད་། ཚེ་ལས་འདས་པ་སྐད་ཅིག་གིས་དཔལ་རྡོ་རྗེ་སེམས་དཔའི་སྐུར་གྱུར་བར་བསམ། འདོད་ཡོན་གྱི་དངོས་པོ་བསང་སྦྱང་། འདོད་ཡོན་གྱི་ཕུང་པོ་ཟད་མི་ཤེས་པས་ནམ་མཁའ་གང་བར་བསམས་ལ་ནམ་མཁའ་མཛོད་ཀྱི་སྔགས་རྒྱས་བྱིན་གྱིས་བརླབས་ལ། ཕྱོགས་དུས་ཀུན་ན་གཟུགས་སྒྲ་དྲི་དང་རོ། །རེག་བྱའི་ཁྱད་པར་དབང་པོ་ཚིམ་བྱེད་རྣམས། །རྡོ་རྗེ་སེམས་དཔའི་གནས་ཐོབ་ཁྱེད་ལ་འབུལ། །ཟག་མེད་དགའ་བདེས་རྟག་ཏུ་ཚིམ་པར་ཤོག །ཨོཾ་བཛྲ་ས་ཏཱ་པཉྩ་ཀཱ་མ་གུ་ཎ་པྲ་ཏཱིཙྪ་ཧཱུྃ་སྭཱ་ཧཱ། ཞེས་བསྔོ། འཁོར་བ་ལ་མི་ཆགས་པར་གདམས་པ་ནི། ཉོན་ཅིག་ཚེ་འདས་རིགས་ཀྱི་བུ། །རིགས་དྲུག་གནས་ན་བདེ་བ་མེད། །སྡུག་བསྔལ་ལས་ལ་མ་ཆགས་པར། །མ་ཡེངས་རྩེ་གཅིག་དྲན་པས་ཟུངས། །ལམ་བསྟན་པ་ནི། འོག་མིན་ཆོས་དབྱིངས་ཞིང་ཁམས་ན། །བཅོམ་ལྡན་རྡོ་རྗེ་སེམས་དཔའ་བཞུགས། །གཉིས་མེད་སྦྱོར་བའི་མཁའ་དབྱིངས་སུ། །རང་རིག་རྩལ་གྱིས་འགྲོ་བར་གྱིས། །ལམ་སྦྱོང་བ་ནི། །དཀོན་མཆོག་བདེན་པའི་བྱིན་བརླབ་དང་། །ལྷ་དང་སྙིང་པོ་ཕྱག་

― JKT021_Page_0115 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱའི་མཐུས། །ལམ་ལྔ་ས་བཅུ་སྐད་ཅིག་ལ། །ཐོགས་པ་མེད་པར་བགྲོད་གྱུར་ཅིག །པདྨ་འདམ་གྱིས་མ་གོས་ལྟར། །སྲིད་གསུམ་དྲི་མས་མ་གོས་པའི། །སྲིད་པའི་པདྨོ་ལས་བྱུང་བ། །བདེ་བ་ཅན་དུ་སྐྱེ་བར་ཤོག །ཅེས་པས། །རྣམ་ཤེས་ཨ་ཐུང་གི་རྣམ་པས་སྤྱི་བོ་ནས་ཐོན་འོག་མིན་གྱི་ཞིང་དུ་སོང་ནས་རྡོ་རྗེ་སེམས་དཔའི་ཐུགས་ཀར་ཐིམ་པར་བསམ། སྙིགས་མའི་ཕུང་ཁམས་ཡེ་ཤེས་ཀྱི་མེས་བསྲེག་པའི་མོས་པས། ཆོས་ཀྱི་དབྱིངས་ཀྱི་ཐབ་ཁུང་དུ། །བདག་འཛིན་ཕུང་པོའི་བུད་ཤིང་ལ། །ཤེས་རབ་ཡེ་ཤེས་མེ་སྦར་ཏེ། །ཚེ་འདས་ཉོན་མོངས་བག་ཆགས་བསྲེག །ཅེས་དང་། ཡི་གེ་བརྒྱ་པའི་མཐར། ཨགེ་ཛྭ་ལ་རཾ་གྱིས་ཟག་བཅས་ཀྱི་ཕུང་པོ་ཟག་མེད་དུ་བསྒྱུར། ཐལ་བ་སཱཙྪ་གདབ། ཚེ་འདས་ཀྱི་ཆེད་དུ་བཟང་པོ་སྤྱོད་པ་སོགས་པའི་བསྔོ་སྨོན་རྒྱས་བསྡུས་གང་རིགས་བྱའོ། །ཞེས་པའང་རིག་འཛིན་འགྱུར་མེད་རྡོ་རྗེས་མཛད་པའི་རྡོ་རྗེ་མཁའ་འགྲོའི་སྦྱིན་སྲེག་ལྷན་ཐབས་སུ་བླ་མའི་ཕྱག་བཞེས་ལྟར་མཉྫུགྷོ་ཥས་བྲིས་པ་དགེ་ལེགས་སུ་གྱུར་ཅིག ༈ །རྡོ་རྗེ་མཁའ་འགྲོའི་སྦྱིན་སྲེག་ཤིན་ཏུ་བསྡུས་པ་བཞུགས་སོ། །ཨོཾ་སྭསྟི། སྡིག་ལྟུང་སྦྱོང་བ་ལ་མཆོག་ཏུ་བསྔགས་པ་ཟ་བྱེད་རྡོ་རྗེ་མཁའ་འགྲོའི་སྦྱིན་སྲེག་ཤིན་ཏུ་བསྡུས་པ་ནི། མེ་ཐབ་དངོས་སམ་མ་འབྱོར་ན་

― JKT021_Page_0116 ―

^{[མ་དཔེ་གཟིགས་ན་འདིར་གནོན།]}

[Full Size]

སོལ་མས་ཀྱང་རུང་ཞིང་། དེའི་མདུན་དུ་ཏིལ་ཇི་ལྟར་རིགས་པ་བཅས་འདུ་བྱ། སྐྱབས་སེམས་སྔོན་དུ་འགྲོ་བས། སྭ་བྷ་ཝས་སྦྱངས། སྟོང་པའི་ངང་ལས་ཞི་བའི་ཐབ། །མཚན་རྫོགས་མེ་ཕུང་འབར་བའི་དབུས། །པད་ཉིའི་སྟེང་དུ་ཧཱུཾ་སྔོན་པོ། །ཡོངས་གྱུར་རྡོ་རྗེ་མཁའ་འགྲོ་མཐིང་། །ཕྱག་གཉིས་མཐེའུ་ཆུང་འཁྱུད་པའི་རྒྱས། །རྡོ་རྗེ་དྲིལ་བུ་ཐུགས་ཀར་བསྣོལ། །སྤྱན་གསུམ་ཞལ་གདངས་མཆེ་བ་༧གཙིགས། །ཐོད་སྐམ་ལྔ་ཡིས་དབུ་ལ་བརྒྱན། །རློན་པ་ལྔ་བཅུའི་དོ་ཤལ་དང་། །སྟག་གི་པགས་པའི་ཤམ་ཐབས་འཕྱང་། །ཞབས་གཉིས་གཡོན་བརྐྱང་སྟབས་ཀྱིས་འགྱིང་། །མི་བསྐྱོད་རིགས་ཀྱི་ཅོད་པན་ཅན། །དམ་ཚིག་ཡེ་ཤེས་དབྱེར་མེད་གྱུར། །རང་གི་རྐང་མཐིལ་ཡཾ་ལས་རླུང་། །ལྟེ་བར་གཏུམ་མོའི་ཡེ་ཤེས་མེ། །སྙིང་གར་སྡིག་པའི་ས་བོན་བོ། །དེ་ལ་ཚེ་རབས་སྡིག་ལྟུང་འདུས། རླུང་གིས་མེ་བསྐྱོད་སྙིང་གའི་ཐཾ། །སྡིག་པའི་རྣམ་པས་སྣ་ནས་ཐོན། །ཏིལ་ལ་ཐིམ་པས་ཁྲོ་བོའི་ཞལ། །ཕུལ་བས་སྡིག་ལྟུང་ཀུན་སྦྱངས་གྱུར། །ཅེས་གསལ་བཏབ་ལ། ཨོཾ་བཛྲ་ཊཱ་ཀ་ཁ་ཁ་ཁཱ་ཧི་ཁཱ་ཧི་སརྦ་པ་པོ་ད་ཧ་ན་བྷསྨི་ཀུ་རུ་སྭཱ་ཧཱ། །ཞེས་ཏིལ་རྫོགས་པའི་བར་དུ་ཕུལ་མཐར། །བཅོམ་ལྡན་རྡོ་རྗེ་མཁའ་འགྲོ་ཡིས། །བདག་དང་མཐའ་ཡས་སེམས་ཅན་གྱི། །སྡིག་སྒྲིབ་ཉེས་ལྟུང་ཚོགས་རྣམས་

― JKT021_Page_0117 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན། །ཡོངས་སུ་བྱང་ཞིང་དག་མཛད་གསོལ། །ཅེས་གསོལ་ཞིང་སྣ་བུག་གཡོན་ནས་རླུང་ནང་དུ་རྔུབས་པ་དང་ལྷན་ཅིག་ཁྲོ་བོ་རང་ལ་ཐིམ་པར་བསམས་ལ་བསྔོ་སྨོན་བྱ། ཐལ་བ་གཙང་སར་དོར་རོ། ༈ །འདིའི་སྒོ་ནས་གཞན་དོན་བྱེད་ན། ཚེ་ལྡན་སྡིག་པ་སྦྱོང་བ་ནི། བསྒྲུབ་བྱ་མདུན་དུ་འཁོད་པའི་མདུན་མེ་དང་། ཏིལ་བཤམ། སྐྱབས་སེམས་སྔོན་དུ་འགྲོ་བས། རྣལ་འབྱོར་བླ་མེད་ཀྱི་ལྷ་གང་ཡང་རུང་བའི་བདག་བསྐྱེད་མདོར་བསྡུས་སུ་བྱ་བའམ། རང་ཉིད་སྐད་ཅིག་གིས་དཔལ་རྡོ་རྗེ་སེམས་པའི་སྐུར་གྱུར་པར་བསམ། མེ་ཐབ་སྭ་བྷཱ་བས་སྟོང་པར་སྦྱངས། སྟོང་པའི་ངང་ལས་སོགས་ནས། ཁྲོ་བོ་རང་ལ་ཐིམ་པར་བསམ་པའི་བར་གོང་ལྟར་ལ། རང་གི་རྐང་མཐིལ་ཞེས་པར། བསྒྲུབ་བྱའི་ཞེས་བསྒྱུར་བ་མ་གཏོགས་འདྲ། མཇུག་ཏུ་བསྔོ་སྨོན་དང་མདོ་རྒྱུད་ལས་བྱུང་བའི་བཀྲ་ཤིས་ཀྱི་ཚིགས་སུ་བཅད་པ་བརྗོད་ཅིང་མེ་ཏོག་གི་ཆར་དབབ། བསྒྲུབ་བྱ་རང་གནས་སུ་བཏང་ངོ་། །ཚེ་འདས་རྗེས་སུ་འཛིན་ན། བྱང་བུའི་མདུན་དུ་མེ་དང་། ཏིལ་འདུ་བྱ། སྐྱབས་སེམས་དང་། བདག་གི་རྣལ་འབྱོར་རྒྱས་བསྡུས་གང་རིགས་སྔོན་དུ་འགྲོ་བས། དམིགས་བྱ་བསྐྱེད་བསྟིམ་བྱ། སྦྱོང་བ་རྒྱས་པའམ། རང་གི་ཐུགས་ཀ་ནས་སྤྲོས་པའི་ཁྲོ་བོའི་ཚོགས་ཀྱིས་བགེགས་རྣམས་

― JKT021_Page_0118 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱངས་རིང་དུ་བསྐྲད་པར་བསམ་ལ་དྲག་སྔགས་བཟླ། གུ་གུལ་གྱིས་བདུག །ཡུངས་ཀར་གྱིས་བྲབ། དེ་ནས་མེ་ཐབ་བསྐྱེད་པ་ནས་བཟུང་། ཁྲོ་བོ་རང་ལ་ཐིམ་པའི་བར་གོང་ལྟར། རང་ཉིད་ཅེས་པར་ཚེ་འདས་ཞེས་བསྒྱུར། གང་སེར་མ་ལྟ་བུའི་ཤིས་བརྗོད་དང་། ཕྱག་འཚལ་སྐྱབས་འགྲོ། ཚེ་འདས་སྐད་ཅིག་གིས་དཔལ་རྡོ་རྗེ་སེམས་དཔའི་སྐུར་གྱུར་པར་བསམས་ལ་འདོད་ཡོན་བསྔོ། བྱང་བུ་བསྲེག་པ་ལམ་སྦྱང་བསྟན་སོགས་སྤྱི་ལྟར་སྦྱར་བས་རུང་ངོ་། །ཞེས་པའང་མཉྫུགྷོ་ཥས་བྲིས་པ་དགེ །སརྦ་མངྒ་ལཾ། དགེའོ། དགེའོ། དགེའོ།། །།

དྲི་མེད་རྣམ་གཉིས་ཀྱི་མཆོད་རྟེན་བཞེངས་སྐབས་ཉེར་མཁོའི་ཟིན་བྲིས་གཞན་ཕན་ཟླ་སྣང་།

― JKT021_Page_0119 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །དྲི་མེད་རྣམ་གཉིས་ཀྱི་མཆོད་རྟེན་བཞེངས་སྐབས་ཉེར་མཁོའི་ཟིན་བྲིས་གཞན་ཕན་ཟླ་སྣང་ཞེས་བྱ་བ་བཞུགས་སོ།། །།

― JKT021_Page_0120 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །ཨོཾ་སྭསྟི། ཐུགས་རྗེའི་ཟླ་ཟེར་གང་དུ་སྣང་ཙམ་གྱིས། །སྙིགས་དུས་རྒུད་པའི་མུན་པ་རབ་བསལ་ནས། །ཕན་བདེའི་དབུགས་འབྱིན་སྩོལ་མཛད་བཅོམ་ལྡན་འདས་། །བླ་མ་ཐུབ་པའི་དབང་པོས་དགེ་ལེགས་སྩོལ། །སྟོན་པ་ཐུགས་རྗེ་ཅན་གྱིས་གྲོལ་བ་བཞི་ལྡན་གྱི་ཕྲིན་ལས་མངོན་སུམ་གཟུགས་སུ་སྣང་བ་དྲི་མེད་རྣམ་གཉིས་ཀྱི་མཆོད་རྟེན་བཞེངས་པར་འདོད་པའི་ལྷག་བསམ་ཅན་དག་གིས་འདི་ལྟར་ངེས་པར་བྱ་སྟེ། ལོ་ཆེན་རིན་པོ་ཆེའི་ཆོག་བསྒྲིགས་བཀླག་པས་གྲུབ་པ་ལྟར། ༈ །ཐོག་མར་སློབ་དཔོན་གྱིས་བསྙེན་པ་བྱ་དགོས་པས་བསྙེན་ཚད་རབ་གཟུངས་རིང་ཁྲི་བཞི་སྙིང་པོ་འབུམ་ཕྲག་བཞི། དེ་ལྟར་མ་གྲུབ་ན་གཟུངས་རིང་ཁྲི་དང་སྙིང་པོ་འབུམ་

― JKT021_Page_0121 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྲག་བཟླ། བཟླས་པའི་སྐབས་སུ་ཁྲུས་དང་གཙང་སྦྲ་དཀར་སྤྱད་སོགས་ཀུན་སྤྱོད་ཤིན་ཏུ་ཞིབ་པ་དང་། ཐུན་མཚམས་སུ་མདོ་སྡུད་དང་ཤེར་སྙིང་སོགས་ཤེར་མདོ་གང་རུང་བཀླག ༈ །བསྙེན་པ་གྲུབ་ནས་སཱཙྪ་སྒྲུབ། ༈ །དེ་ནས་ས་ཆོག་ལ་མཆོད་རྟེན་དངོས་སམ་ཁང་བུ་བརྩེགས་པ་གང་རུང་བཞེངས་པའི་ས་གཞིར་ཕྱིན་ལ་ཆོ་ག་གཞུང་གསལ་ལྟར་དང་། སེང་ལྡེང་ཕུར་བུ་བརྒྱད་དངོས་སུ་འབྱོར་དགོས། རིན་པོ་ཆེའི་གཏེར་བཅུག་པའི་སྐབས་དབུས་དང་ཕྱོགས་མཚམས་གང་འཛོམས་སུ་ཀླུ་བུམ་དགུའམ་ལྔ། ཐ་ནའང་དབུས་སུ་གཅིག །དབུས་མའི་མདུན་དུ་ས་བདག་བུམ་པ་རྡོ་སྒྲོམ་སོགས་ལག་ཚག་དམ་པར་བྱ། འདི་རྣམས་མ་སའི་ནང་

― JKT021_Page_0122 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་སྦ། དེའི་སྟེང་དུ་སྔར་གྱི་ཕུར་པ་བཏབ་སྐབས་ཕྱོགས་མཚམས་རྡོ་སྒྲོམ་ལྟ་བུའི་མི་རུལ་པའི་ཐབས་དང་བཅས་ཏེ་གཞུག །འདི་སྐབས་གྲུབ་ནའང་རང་ངམ་གྲོགས་ཀྱིས་བསང་དང་གསེར་སྐྱེམས་ས་བདག་འཁྲུག་བཅོས་སོགས་ཀྱང་བགྱིས་ན་ལེགས། ༈ །དེ་ནས་ཁང་བརྩེགས་ཡིན་ན་རྨང་གི་བང་རིམ་གཉིས་བརྩིགས་ནས་དབུས་དཀྱིལ་འཁོར་གྱི་འགོ་ཐད་དུ་ནོར་བུམ་དང་གནོད་སྦྱིན་འཁོར་ལོ་སོགས་ཡོད་ན་རང་རང་གི་ཆོ་ག་ལྟར་སྤ། ཁང་པའི་སྟེང་ཐོག་བར་ལེགས་པར་བརྩིགས་ཏེ་བཏབ། མཆོད་རྟེན་ཡིན་ན་བུམ་རྟེན་བར་བརྩེགས་ལ་གནོད་སྦྱིན་བང་མཛོད་ཀྱི་བཅའ་གསོགས་སྤྱི་ལྟར་བྱ། །གང་ལྟར་ཡང་འོག་གཞི་ཞལ་བ་ལེགས་པར་བྱས་པའི་དབུས་སུ་ཁྲུ་དོ་ལས་མི་ཆུང་བའི་སྟེགས་བུ་གྲུ་བཞི་བྱ། དེ་ནས་གཙུག་ཏོར་དྲི་མེད་ཀྱི་དཀྱིལ་འཁོར་རྡུལ་ཚོན་གྱིས་བྲིས་ན་ལེགས་ཀྱང་ཟུབ་པ་སོགས་ཀྱི་ཉེས་པ་མི་འབྱུང་བ་དང་། སྟབས་བདེར་རྡོ་ལེབ་ལ་བརྐོས་ནས་ཚོན་ལེགས་པར་བྱུགས་པ་བྲ་རྩི་བཏང་བ་བཤམས། དཀྱིལ་འཁོར་གྱི་རྒྱན་སྟེང་དུ་བླ་བྲེ་སྔོན་པོ་ཕུབ། མཐར་བྱང་ཤར་ནས་བརྩམས་མཚམས་འཛིན་གྱི་མེ་ཏོག་དང་ཆུ་གཉིས་སྔོན་འགྲོའི་ཉེར་སྤྱོད་དེ་སྤྱི་མཆོད་དང་། དེའི་ཕྱི་རོལ་དུ་སྒོས་མཆོད་རྣམ་ལྔ་ཤར་དུ་ལྷག་གཅིག་དང་བཅས་པའི་ཕྱོགས་རེ་རེ་དྲུག་རེ་བཤམས། ཅིས་

― JKT021_Page_0123 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་མ་འབྱོར་ན་ཤར་དུ་ལྷག་གཅིག་དང་བཅས་པའི་རེ་རེ་མེད་ཐབས་མེད། དེ་རྣམས་ཀྱང་གཏན་དུ་བཞག་དགོས་པས། སྣོད་ཀྱི་རིགས་འབྱོར་ན་ལི་སོགས་དང་། མ་འབྱོར་ན་རྫ་ལ་བྱ། །མཆོད་ཡོན་གྱི་སྣོད་དུ་ལེན་ཚྭ་བཟང་པོ་བླུགས། དེ་སྟེང་རྫས་བདུན་གྱིས་བཀང་། རྫས་བདུན་ནི། ཙམ་པ་ཀ་དང་། བ་ལུའི་མེ་ཏོག་ལྟ་བུའི་མེ་ཏོག་དཀར་པོ་གང་༡འབྱོར། ཏིལ་དཀར༢། ནས་དཀར ༣། འབྲས་ཡོས༤། ཀུ་ཤ༥། །དྲི་བཟང་༦། འོ་མ་སྐབས་༧འདིར་རུལ་ཉེན་གྱིས་འཕྱུར་བ་བླུགས། ཞབས་བསིལ་ལ་ལན་ཚྭའི་སྟེང་། ཤུན་པ་ལྔ་དང་འདག་རྫས་རིགས་ཀྱི་ཕྱེ་མས་བཀང་། ཤུན་པ་ལྔ་དངོས་བོད་དུ་མི་འབྱོར་ཡང་། སྔོན་གྱི་བླ་མ་རྣམས་ཀྱི་ཕྱག་བཞེས་སུ། བལ་བུ། ལྕང་དཀར། ཁམ་བུ། འོམ་བུ་རྣམས་ཀྱི་བར་ཤུན་དང་། ཙནྡན་དཀར་པོ་བཅས་ཀྱིས་ཚབ་རུང་མཛད་ཚུལ་ཡོད། འདག་རྫས་ནི། སྲན་དཀར། ཉེ་ཤིང་། འབྲས་སྤུ་བཅས་པའི་ཤུན་པའི་ཕྱེ་མ་སོགས་སྦྱར། མེ་ཏོག་ནི་འབྱོར་ན་གོས་ཆེན་སོགས་ཀྱི་བཅོས་པ་དང་མ་འབྱོར་ན་འབྲུ་དཀར། བདུག་སྤོས་སྤོས་རིང་སྤོས་གཏའ་ལ་བཙུག །མར་མེ་རྫ་ཀོང་ལྟ་བུ་གཏན་དུ་བཞག་ལོ་བ་དགོས། དྲི་ཆབ་ལན་ཚྭའི་སྟེང་། གུར་གུམ། ག་བུར། ལི་ཤི །ཛཱ་ཏི། ཙནྡན་དཀར་པོ་སྟེ་དྲི་ལྔའི་ཕྱེ་མས་

― JKT021_Page_0124 ―

^{[མ་དཔེ་གཟིགས་ན་འདིར་གནོན།]}

[Full Size]

བཀང་། ཞལ་ཟས་མར་ཟན་ལྟ་བུ་ལས་བཞེངས། དེའི་ཕྱི་རོལ་དུ་ཅོད་པན་ནམ་དར་དཔྱང་། བ་དན། རྒྱལ་མཚན། གདུགས་རྣམས་གོས་དར་སོགས་ལས་བཅོས་པ་ཕྱོགས་རེར་བརྒྱད་རེའམ་མ་མཐའ་རེ་རེ་རྫ་ཡི་སྤོས་འཛིན་ལྟ་བུ་ལ་འཛུག །དེའི་ཕྱི་རོལ་དུ་ཡོལ་བ་དམར་པོས་ཟླུམ་སྐོར་བྱ། དེའི་ཕྱི་རོལ་དུ། བང་སྒྲོམ་དང་རྡོ་རྩིགས་སྟབས་གང་བདེ་ཁྲུ་གང་ལས་མི་དམའ་བས་བསྐོར། སློབ་དཔོན་གྱི་མདུན་དུ་བདག་བསྐྱེད་མཆོད་པ་དང་། གཞན་ཡང་རོལ་མོའི་བྱེ་བྲག་སོགས་འོག་ཏུ་དགོས་པའི་ཡོ་བྱད་རྣམས་འདུ་བྱ། དངོས་གཞི་བདག་མདུན་གྱི་ཆོ་ག་གཞུང་གསལ་ལྟར། ཆ་གསུམ་སློབ་དཔོན་གྱི་མདུན་དུ་བཤམས་ནས་རེ་རེ་བཞིན་འབུལ་བ་ལས་རྒྱུན་བཞག་རྒྱུ་མི་དགོས། བཀྲ་ཤིས་སྐབས་ཆོ་ག་རྒྱས་པ་གཞན་ནས་འབྱུང་བའི་ཚིགས་བཅད་ཚང་མ་བརྗོད་ན་ལེགས། ༈ །འོད་ཟེར་དྲི་མེད་སྐབས་གོང་གི་བང་སྒྲོམ་ལ་ཁ་ཆོད་སྲ་བརླིང་ཅན་རྒྱབ། མཆོད་རྟེན་ཡིན་ན་བུམ་པ་ཅུང་ཟད་བརྩིགས་གང་ལྟར་ཡང་། ལྷ་སྟ་གོན་གཞུང་བཞིན་ལེགས་པར་བྱ། དེ་ཡི་ཕྱི་ཉིན། རྡོ་ལེབ་ལ་བརྐོས་པའི་དཀྱིལ་འཁོར་བཤམས། དེ་ནས་སྲོག་ཤིང་ཚད་ལྡན་སྦྱངས་ཁྲུས་བྱས་པ་རྡོ་རྗེའི་རྭ་རྩེ་དབུས་ཀྱི་གདན་གྲུ་བཞི་ལ་ཁེལ་ངེས་ཀྱིས་བཙུག །སྲོག་ཤིང་ལྗི་ན་རྡོ་ལེབ་ཀྱིས་ཐེག་དཀའ་བས་ཕྱི་

― JKT021_Page_0125 ―

^{[མ་དཔེ་གཟིགས་ན་འདིར་གནོན།]}

[Full Size]

རོལ་གྱི་ཁང་སྒྲོམ་དང་བསྟུན་རྡོ་རྗེའི་རྭ་ནས་གདུང་མས་འདེགས་པ་སོགས་དཀྱིལ་འཁོར་ལ་ཆག་གྲུམ་མི་འབྱུང་བའི་ཐབས་བྱ། དཀྱིལ་འཁོར་གྱི་སྣམ་བུའི་གྲྭ་བཞིར་དུང་ཆོས་དངོས་འབྱོར་ན་རབ། མ་འབྱོར་ན་རྡོའམ་རྫ་ལས་བཅོས་པ་དཀར་དང་པྲ་རྩི་བཏང་བའི་ནང་དུ་ལན་ཚྭ་དང་དྲི་ལྔའི་ཕྱེ་མས་བཀང་བ། ཤར་གྱི་སྣམ་བུའི་ཁར་རྫ་ཕོར་ལྟ་བུའི་ནང་དུ་ཙནྡན་ཨ་གར་ཤུག་པ་སོགས་ཀྱིས་བཀང་བའི་སྤོས་སྣོད་གསུམ། ལྷོ་ཡི་སྣམ་བུར་དྲི་ཡི་དུང་ཞལ་གོང་སྨོས་ལྟ་བུ་དང་། རྫ་ཕོར་ལྟ་བུར་མེ་ཏོག་དཀར་པོ་དང་། འབྲས་ཀྱིས་བཀང་བ་རེ། ནུབ་ཀྱི་སྣམ་བུར་ཚོན་རྩི་ཅན་གྱི་ནང་དུ་ཏིལ་ནག །སྲན་མ་མ་ཤ་འབྲས་རྣམས་བསྲེས་ནས་བཙོས་པའི་ཐུག་པ་ཀྲི་སཱ་ར་ཞེས་པས་བཀང་བ་དང་། ཟས་དཀར་གསུམ་གྱིས་གང་བའི་བུམ་པ། རྫ་ལྡེར་ལྟ་བུར་ཁམ་བུ་སྟར་ག་རྒུན་འབྲུམ་སོགས་ཤིང་ཏོག་སྣ་ཚོགས་ཀྱི་འབྲས་བུ་དགུ་བཅུ་རྩ་དགུས་བཀང་བ་རྣམས་བཀོད། གོང་གི་སྲན་མ་མ་ཤ་མ་རྙེད་ན་སྲན་དཀར་གྱིས་ཆོག །བྱང་གི་སྣམ་བུར་རྫ་ལྡེར་ལྟ་བུར་སྣུམ་ཟན་གྱི་གཏོར་མ་དཀར་ཟླུམ་མཐར་། མར་ཐུད། ཁུར་བ་སོགས་ཁ་ཟས་སྣ་ཚོགས་ཀྱིས་བསྐོར་བ་དང་། དྲི་ལྔས་བཀང་བའི་རྫ་བུམ་ཁ་རྒྱན་མགུལ་ཆིངས་ཅན། རྫ་ལྡེར་ལྟ་བུར་སྤོས་དང་མེ་ཏོག་རྣམས་བཞག །ནུབ་བྱང་གི་

― JKT021_Page_0126 ―

^{[མ་དཔེ་གཟིགས་ན་འདིར་གནོན།]}

[Full Size]

གྲར། དྲི་ཡི་དུང་ཆོས་ཀྱི་རྒྱབ་ཏུ་རྡོའམ་ཤིང་ཟླ་གམ་ལ་ཚོགས་བདག་ཀྱི་སྐུ་གླང་གདོང་སྔོན་པོ་དགྲ་སྟ་དང་ལ་ཕུག་འཛིན་པ་ཚོན་རྩི་ཅན་གྱི་སྤྱི་བོའི་སྟེང་དུ་དངུལ་ལམ། མ་འབྱོར་ན་ཟངས་ལྟ་བུའི་རིན་པོ་ཆེ་མར་མེ་བཞག་ཅིང་གཟེར་བཏབ་ནས་མི་འགུལ་བར་བྱ། དེའི་ཕྱི་རོལ་དུ་ཕྱོགས་རེར་མཆོད་པ་ཚར་རེ་དང་ནུབ་ཏུ་ལྷག་གསུམ་མམ་གཅིག །མ་འབྱོར་ན་ལྷོ་ནུབ་ནས་བརྩམས་ཏེ་རྫ་ཕོར་ལྟ་བུར་༧ མཆོད་ཡོན། དྲི་ཆབ། མེ་ཏོག །སྤོས་ཞལ་ཟས་རྣམས་སྔར་སྨོས་པ་ལྟ་བུ་དང་། རྫ་ལྡེར་སོགས་སུ་ཁུར་བ་སྣ་ཚོགས། ཤིང་ཏོག་སྣ་ཚོགས་སྲན་དཀར་གྱི་ཆན། འོ་ཐུག་བསྐོལ་བའམ་འཕྱུར་བས་བཀང་བ་དང་། མར་མེ་བཅས་ཟླུམ་སྐོར་དུ་བཤམས། དེའི་ཕྱི་རོལ་དུ་ཕྱོགས་བཞིར་སྟེགས་བུའི་ཁར་མཆོད་ཡོན་གྱི་དུང་ཆོས་བཟེད་ཞལ་བཅས། དེ་རྣམས་ཀྱི་བར་མཚམས་སུ་སྤོས་མར་མེ་ཞལ་ཟས་རྣམས་ཚར་རེ། དེ་ཡི་ཕྱི་རོལ་ཕྱོགས་མཚམས་བརྒྱད་དུ། ཏོག་ལེབ་མོའི་ངོས་སུ་རྨ་བྱའི་མདོངས་སྦྱར་བའམ། མ་འབྱོར་ན་བྲིས་པས་ཀྱང་རུང་བས་རྒྱལ་མཚན་ཤར་དཀར། ཤར་ལྷོར་ལེ་བརྒན། །ལྷོར་ནག །ལྷོ་ནུབ་དུད་ཁ། ནུབ་དམར། ནུབ་བྱང་ཁྲ་བོ། བྱང་སེར། བྱང་ཤར་ལྗང་སེར་རྣམས་དང་། བཀྲ་ཤིས་རྫས་བརྒྱད་དངོས་རྫས་འབྱོར་ན་ལེགས། །མ་འབྱོར་ན་རྡོ་ལེབ་ཟླུམ་པོ་ཆུང་

― JKT021_Page_0127 ―

^{[མ་དཔེ་གཟིགས་ན་འདིར་གནོན།]}

[Full Size]

ངུའམ། གྲོ་ག་ལྟ་བུ་ལ་བྲིས་ནས་རྒྱལ་མཚན་སོ་སོའི་མགུལ་དུ་བཏགས། དེའི་ཕྱི་རོལ་ནས་རས་དམར་པོས་ཟླུམ་པོར་བསྐོར། སྟེང་དུ་སྲོག་ཤིང་ལས་བང་སྒྲོམ་གྱི་ཕྱོགས་བཞིར་རས་སྐུད་བསྒྲིལ་མ་ལྟ་བུ་བརྐྱང་བ་ལ་དར་གྱི་ལྡ་ལྡི་སྟེ་དར་དཔྱང་དང་། བ་དན། རྒྱལ་མཚན། མེ་ཏོག་གི་ཆུན་པོ་རྣམས་གོས་དར་ལས་བྱས་པ་དཔྱངས། དེ་ནས་ཆོ་ག་གཞུང་གསལ་ལྟར་བཏང་། སྐབས་འདིར་གླེགས་བམ་བཀླགས་ཞེས་པ་འོད་ཟེར་དྲི་མེད་ཀྱི་གཟུངས་དཔོན་སློབ་ཐམས་ཅད་ཀྱིས་གྲུབ་ན་ཚར་གསུམ་སོགས་དང་། མ་མཐའ་ཡང་ཚར་རེ་བཀླགས་དགོས། སྤྱིར་གཟུངས་མདོ་བཀླགས་མཁན་ཟུར་དུ་བཞག་རྒྱུ་བྱུང་ན་ཡང་ལེགས། དེ་ནས་སྲོག་ཤིང་གི་ཆོ་གའི་སྐབས་ཕྱོགས་རེ་རེ་བཞིན་མགོར་མཆོད་པ་བྱིན་རླབས་ངེས་པར་དགོས། སྤྲོ་ན་མཆོད་པའི་སྐབས་རབ་འབྱམས་རྒྱ་མཚོ་སོགས་ཚིགས་བཅད་སྤེལ། གང་ལྟར་ཡང་མཆོད་པའི་སྔགས། ཨོཾ་སརྦ་ཏ་ཐཱ་ག་ཏ་ས་པ་རི་ཝཱ་ར་ཨབྷཾ་པྲ་ཏིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཨཱཿཧཱུྃ། དེ་བཞིན་ཏུ་པཱ་ཏྱཾ་སོགས་སྦྱར་བའི་མཐར། རོལ་མོ་དང་བཅས་མཆོད་པའི་སྤྲིན་གྱི་སྔགས་བརྗོད། གཏོར་མ་བྱིན་རླབས་ཆ་གསུམ་ལྟར་བྱ། སོ་སོའི་མཇུག་ཏུ་ཕུན་སུམ་ཚོགས་པ་དང་། ཆེ་བའི་ཆེ་མཆོག་སོགས་མདོ་རྒྱུད་ནས་བྱུང་བའི་བཀྲ་ཤིས་

― JKT021_Page_0128 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོ་ལོ་ཀ་གསུམ་ལྔ་སོགས་གང་འོས་བརྗོད། མཇུག་ཏུ་ཤར་སྒོ་ནས་བཀྲ་ཤིས་སྐབས་གཙུག་ཏོར་དྲི་མེད་ཀྱི་ཆོ་ག་ལས་འབྱུང་བའི་བྱ་རྒྱུད་ཀྱི་བཀྲ་ཤིས་རིང་མོ་དང་། བཟང་སྤྱོད་ལྟ་བུའི་སྨོན་ལམ་རྒྱས་པར་བྱའོ། ༈ །དེ་ནས་བང་བའི་ཁར་ཤིང་ལེབ་སོགས་ཀྱི་ཁ་ཆོད་དམ་པར་བརྒྱབ། སྲོག་ཤིང་དང་ཁ་ཆོད་ཀྱི་མཚམས་སོགས་བྱེ་སྦྱིན་ལྟ་བུས་ཞལ་བ་བྱས་ནས་ནང་དུ་རྡུལ་སོགས་མི་འགྲོ་བར་བྱ། སཱཙྪ་རང་རང་གི་དཀྱིལ་འཁོར་སྟེང་དུ་བཞག་དགོས་ཀྱང་ཤོང་དཀའ་བ་དང་། བར་མཚམས་བྱེ་མ་སོགས་ཀྱིས་སག་དགོས་སྟབས་དཀྱིལ་འཁོར་དང་ཡོ་བྱད་ཆུད་ཟོས་སུ་འགྲོ་དོག་ན་སྟེང་དུ་བཞག་ཀྱང་མི་རུང་བ་མེད་པས་གོང་གི་ཁ་ཆོད་སྟེང་དུ་བང་སྒྲོམ་ལྟ་བུ་རིམ་གྱིས་བསྒྲིགས་པ་དང་བསྟུན་ཐོག་མར་གཙུག་ཏོར་དྲི་མེད་སཱཙྪ་ཁྲི་ཕྲག་སོགས་གང་འགྲུབ་དང་། མ་མཐའང་བརྒྱ་རྩ་བརྒྱད། དེ་སྟེང་འོད་ཟླཟེར་དྲི་མེད་ཀྱི་སཱ་ཙྪ་གང་འགྲུབ་དང་། མ་མཐའང་དགུ་བཅུ་རྩ་དགུ་ལས་མི་ཉུང་བ་བཞག །བར་མཚམས་བྱེ་མ་སྐམ་པོས་སག་པ་སོགས་ལག་ཚག་ཤིན་ཏུ་དམ་པར་བྱ་དགོས། གཞན་སཱཙྪ་འབུམ་ཐེར་སོགས་མང་པོ་ཡོད་ན་ཁང་བརྩེགས་སྐབས་དབུས་ཀྱི་བང་སྒོམ་དང་ཁང་པའི་བར་དུ་གྲུ་ཆོད་བྱས་ནས་ལེགས་པར་བཞག །ཁང་བརྩེགས་སྟེང་མ་ཡང་སཱཙྪས་ཁེངས་པར་བྱ། རིང་བསྲེལ་རྣམ་

― JKT021_Page_0129 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིས་མཚོན་གཟུངས་གཞུག་རིགས་ཕལ་ཆེར་ཀྱང་རྡོ་སྒྲོམ་མམ་རྫ་སྣོད་ལྟ་བུའི་ནང་དུ་གཞུག་ལ་བར་མཚམས་ལ་ཆ་སོགས་ཀྱིས་སྦྱར་ནས་ཆུ་མི་འགྲོ་བར་བྱས་ཏེ་ཁང་བརྩེགས་སྟེང་མའི་དབུས་སུ་བཞག །མཆོད་རྟེན་ཡིན་ན་སཱ་ཙྪ་ལྷག་མ་རྣམས་བུམ་པའི་ནང་དུ་གང་ཤོང་བྱ། གཞན་གཟུངས་འཇུག་བཞག་ཚུལ་སོགས་ལག་ལེན་སྤྱི་ཁྱབ་ལྟར་ཤེས་དགོས། ཁང་བརྩེགས་ལ་ཁང་བུ་བརྩེགས་པ་སྟེང་མ་བཀབ་ནས་དེ་སྟེང་ཏོག་མཚོན་བྱེད་ཙམ་མམ་རྒྱལ་མཚན་ལྟ་བུ་བཙུགས་ཀྱང་ཆོག །གྲུབ་ན་ཆོས་འཁོར་རིམ་པ་བཅུ་གསུམ་གདུགས་ཏོག་དང་བཅས་པ་བྱས་ཀྱང་ལེགས། ༈ །གོང་གི་ཡོ་བྱད་ཉེར་མཁོ་སྔ་ཚགས་དགོས་པ་ལ། སེང་ལྡེང་གི་ཕུར་བུ་བརྒྱད་དམ། མ་འབྱོར་ན་ཤུག་པ་ཚེར་མ་ཅན་གྱིས་ཀྱང་རུང་། ཀླུ་བུམ་དགུ །ལྔ་གཅིག་སོགས་གང་འབྱོར། ས་བདག་བུམ་པ། ནོར་བུམ། །གནོད་སྦྱིན་འཁོར་ལོ། ཤུག་པ་རྩ་རྩེ་དང་ཤར་རྟགས་མ་ནོར་བའི་སྲོག་ཤིང་། དེ་ལ་བྱུགས་རྒྱུའི་དྲི་བཟང་དང་། དཀྲི་དཔྱད་རས་སེར་སོགས་དགོས་འདངས། སྲོག་ཤིང་གི་གཟུངས་ཀྱིས་མཚོན་གཟུངས་གཞུག་རིང་བསྲེལ་བཞིའམ་ལྔའི་རིགས་གང་འབྱོར། འོད་ཟེར་དྲི་མེད་ཀྱི་གཟུངས་ཚང་མ། དྲི་མེད་གཉིས་ཀྱི་དཀྱིལ་འཁོར། ༈ །གཙུག་ཏོར་དྲི་མེད་ལ་བླ་བྲེ་སྔོན་པོ། མཆོད་པའི་སྣོད་རྫ་

― JKT021_Page_0130 ―

^{[མ་དཔེ་གཟིགས་ན་འདིར་གནོན།]}

[Full Size]

ས་སོགས་ཀྱི་ཏིང་ཕོར་རྒྱས་པར་ང་ལྔ་བསྡུ་ན་བཅོ་ལྔ། སྤོས་འཛིན་རྒྱས་པར་ཉེར་དྲུག །བསྡུ་ན་དྲུག །མར་མེ་དེ་མཚུངས། ལན་ཚྭ། མཆོད་ཡོན། ཞབས་བསིལ། དྲི་ཆབ་རྣམས་ཀྱི་རྫས། ཅོད་པན་། བ་དན། རྒྱལ་མཚན། གདུགས་རྣམས་རྒྱས་པར་རེ་རེ་ནས་སོ་གཉིས་རེ། བསྡུ་ན་བཞི་རེ། དེ་རྣམས་འཛུག་པ་རྫ་ཡི་སྤོས་འཛིན་ལྟ་བུ་གྲངས་མཉམ་དང་། སྒབ་དཀྲིས་དམར་པོ། ༈ །འོད་ཟེར་དྲི་མེད་ལ། དུང་ཆོས་དགུ། སྤོས་ཕོར་གསུམ། བུམ་པ་གཉིས། ཏིང་ཕོར་རྒྱས་པར་ཉེར་གསུམ། བསྡུ་ན་ལྔ། རྫ་ལྡེར་རྒྱས་པར་སོ་གཅིག །བསྡུ་ན་བདུན། སྤོས་འཛིན་རྒྱས་པར་བཅུ་གཅིག །བསྡུ་ན་ལྔ། མར་མེ་དེ་མཚུངས། ཚོགས་བདག་གི་སྐུ། རིན་པོ་ཆེའི་ཀོང་བུ། བཟེད་ཞལ་བཞི། རྒྱལ་མཚན་བརྒྱད། འཛུག་གདན་བརྒྱད། བཀྲ་ཤིས་རྫས་བརྒྱད། སྒབ་དཀྲིས་དམར་པོ། ༈ །སྲོག་ཤིང་གི་ཕྱོགས་བཞིར་བརྐྱང་རྒྱུའི་རས་སྐུད། དར་དཔྱང་བ་དན། རྒྱལ་མཚན། མེ་ཏོག་ཆུན་བོ་རྣམས་བཞི་རེ། ༈ །རྫས་ཆ་ཙནྡན་དཀར་པོ། ཨ་གར། མེ་ཏོག་དཀར་པོ། །དྲི་བཟང་། འབྲས། ཏིལ་ནག །སྲན་མ་མ་ཤའམ་སྲན་དཀར། ཁམ་བུ་སྟར་ག་དང་། རྒུན་འབྲུམ་སོགས་ཤིང་ཏོག་སྣ་ཚོགས། མར་ཐུད། ཁུར་བ། འོ་སྐོམ་མམ་འཕྱུར་བ། རྨ་བྱའི་མདོངས་

― JKT021_Page_0131 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱུད་བཅས་དགོས། ༈ །དེའང་ཐོག་མར་སཱཙྪརབ་འབུམ། འབྲིང་ཁྲི། ཐ་མ་སྟོང་ཕྲག་སོགས་ཆོ་གའི་སྒོ་ནས་ལེགས་པར་བསྒྲུབས། དེ་ནས་སློབ་དཔོན་བསྙེན་པ་སོང་བས་སྒྲུབ་གྲོགས་དང་བཅས་༼༡༽ས་ཆོག་བྱ། དེ་རྗེས་ཁང་བརྩེགས་ཐོག་བཀབ་པའི་བར་ཚར་ནས་སྔ་དྲོ་གཙུག་ཏོར་༼༢༽དྲི་མེད་ཀྱི་ཆོ་ག་བཏང་། དེའི་ཕྱི་དྲོ་འོད་ཟེར་དྲི་མེད་ཀྱི་སྟ་གོན། དེའི་ཕྱི་ཉིན་སྲོག་ཤིང་བཙུགས་ལ་འོད་ཟེར་དྲི་མེད་ཀྱི་དངོས་གཞི་སྲོག་ཤིང་༼༣༽འཛུག་ཆོག་བྱ། ཆོ་གའི་སྐབས་ཁྲུས་དང་། གཙང་སྦྲ་དཀར་སྤྱད། གུང་ཚིགས། དགོང་བཅད་སོགས་གལ་ཆེ། གཞན་ཡང་བསྟན་པའི་སྤྱི་རིམ་ལྟ་བུ་གལ་ཆེན་ཡིན་ན་ས་ཆོག་ཚར་མ་ཐག་མཆོད་རྟེན་གྱི་འོག་ཏུ་དམ་སྲི་མནན་པ་སོགས་ཚད་ལྡན་བྱ། ཆོས་འཁོར་རམ། ཏོག་གི་ནང་དུ་གདུགས་དཀར་འཁོར་ལོ་བཅའ་སྒྲུབ་ཚད་ལྡན་བྱས་པ་ཡོད་ན་རྫ་ཡི་གའུ་ལྟ་བུར་བཞག་ཅིང་གདུགས་དཀར་གྱི་རྒྱལ་མཚན་འཛུག་ཆོག་དང་། དེས་མཚོན་རྒྱལ་མཚན་རྩེ་མོའི་གཟུངས་གླེགས་བམ་གྱི་ཚུལ་དུ་བྲིས་པ་བཞག་ཅིང་དེའི་ཆོ་གའང་གྲུབ་ན་ལེགས།སྲོག་ཤིང་གི་ནང་དུ་ཤོང་ན་འོད་ཟེར་དྲི་མེད་ཀྱི་གཟུངས་ཚང་མ་གསེར་རམ་མཚལ་གྱིས་བྲི། དྲི་བཟང་དང་། བྱིན་རྟེན་བྱུགས། དྲིལ་ཚས་དང་བཅས་གཞུག་པ་ཤིན་ཏུ་གལ་ཆེ། མ་ཤོང་ན་རྫ་ཡི་གའུ་

― JKT021_Page_0132 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟ་བུར་བཅུག་ནས་སྲོག་ཤིང་ལ་བཅིངས་ཀྱང་རུང་། དེ་ལྟ་བུའི་རྟེན་གྱི་བྱ་བ་མཐར་ཕྱིན་ནས་རབ་གནས་རྒྱས་བསྡུས་གང་རུང་གིས་མངའ་གསོལ། རྒྱུན་དང་དུས་སུ་ཕྱག་བསྐོར་མཆོད་པ་སོགས་བགྱིས་པས་དྲི་མེད་རྣམ་གཉིས་ཀྱི་གཟུངས་ནས་གསུངས་པས་མཚོན། ཕན་ཡོན་བསམ་མི་ཁྱབ་པ་འཐོབ་ཅིང་འཕྲལ་དང་ཡུན་གྱི་ཕན་བདེའི་དགེ་མཚན་འགྲུབ་པ་ནི་ངེས་པའོ། །གཟུངས་སྔགས་ཡིད་བཞིན་ནོར་བུའི་ཆོ་གའི་ཚུལ། །ཉེར་མཁོའི་གསལ་བྱེད་ཆུ་གོས་རྩེར་བཀོད་པའི། །ལེགས་བྱས་འདིས་ཀྱང་མཐའ་ཡས་ཡིད་ཅན་ཀུན། །ཐར་བདེའི་དགའ་སྟོན་རྟག་ཏུ་རྒྱས་གྱུར་ཅིག །སརྦ་དཱ་ཀ་ལྱཱ་ཎཾ་བྷ་བ་ཏུ། ༈ །དྲི་མེད་རྣམ་གཉིས་མཆོད་རྟེན་གྱི་ཐོ་ཆུང་བཞུགས། ཨོཾ་སྭསྟི་སིདྡྷཾ། དེ་ལ་མཆོད་རྟེན་ཆེན་པོ་ཡིན་ན་འོག་ཏུ་དམ་སྲི་མནན་པ། ས་བདག་དང་། ཀླུ་བུམ་སྦ་བ་སོགས་ཞིབ་ཆ་མང་པོ་ཡོད་ཀྱང་། ཆུང་ངུ་ལ་དེ་རིགས་ཅི་བྱར་མེད་པས། ཐོག་མར། འོག་ཏུ་མཚོན་འཁྲུགས་མནན་པའི་རྟེན་འབྲེལ་ལྟ་བུར། གྲི་ཆུང་། ཁྲབ་བྱང་སོགས་མཚོན་ཆའི་རིགས་དང་། ཁྲབ་རྨོག་མདའ་མདུང་སོགས་རི་མོ་བྲིས་པའང་མནན་སྲོལ་མཆིས། གང་ལྟར་ཡང་དེ་སྟེང་ས་སྣ་དང་ཆུ་སྣ། རིན་ཆེན་ཕྱེ་མ། འབྲུ་སྣ་བཅས་བཀྲམ་པ་དབང་ཆེན་གསེར་གྱི་ས་གཞིའི་མཚོན་བྱེད་དང་། དེ་སྟེང་གནོད་སྦྱིན་

― JKT021_Page_0133 ―

^{[མ་དཔེ་གཟིགས་ན་འདིར་གནོན།]}

[Full Size]

ནོར་ལྷའི་ཕོ་བྲང་མཚོན་བྱེད། བྱུང་ན་ཕྱོགས་བཞི་དབུས་དང་ལྔར་ནོར་བུམ་རེ་རེ། དེ་མིན་གང་འཛོམ། མི་ཕལ་པའི་ཐོད་པ་མཚན་ལྡན་ཡོད་ནའང་གང་ལྟར་བཀྲུ་བཤལ་ལེགས་པར་བྱ། །ཕྱི་ནང་ཐམས་ཅད་ལ་ག་བུར་སོགས་སྨན་སྣ་དྲི་བཟང་བྱུགས། ནང་དུ་ཐོད་སྒྲུབ་ཀྱི་འཁོར་ལོ་བྲི་བའམ། ཡང་ན་རྒྱ་ཤོག་ལ་བྲིས་པའི་འཁོར་ལོ་བཅུག །རིན་ཆེན་འབྲུ་སྨན་སོགས་ཀྱིས་གཏམ་སྟེ་དར་གོས་དམར་སེར་གྱི་གཡོག་དང་བཅས་ཐོད་སྒྲུབ་ཚད་ལྡན་བྱ་ལ་བཅུག །ཁྱད་པར་དབུས་སུ་གནོད་སྦྱིན་འཁོར་ལོ་རྣམས་དཀར་ཡོལ་ལམ། ཕོར་བ་ལྟ་བུ་གང་ཡོད་ཚོན་གྱིས་མདོག་དམར་སེར་དུ་བསྒྱུར་བའི་ནང་དུ་ཞུན་མར་དང་། སྦྲང་རྩི་བསྲེས་པའི་དང་མ་སུམ་ཆ་གཅིག་ཙམ་མ་གང་བར་བླུགས། དེ་སྟེང་འཁོར་ལོ་དབུ་ཞབས་མ་འཁྲུལ་བར་ལེབ་མོར་བཞག །དེ་སྟེང་མར་དང་སྦྲང་རྩིས་ཁ་བཀང་ནས་དར་དམར་སེར་གྱིས་དྲིལ། སྐུད་པ་སེར་པོས་དཀྲིས་ལ་བཞག་ན་རྒྱུད་སྡེའི་དགོངས་པ་འཁྲུལ་མེད་ཡིན། དེའི་ཐོགས་མཚམས་སུ། ཆོས་སྲུང་ནོར་ལྷ་བཀྲ་ཤིས་འདོད་གསོལ་སོགས་ཀྱི་ཤོག་དྲིལ་རྣམས་བཞག །ཕྱོགས་མཚམས་ཐམས་ཅད་དུ་འབྲུ་ནག་མ་ཡིན་པའི་འབྲུ་སྣ་ཚོགས། ཤ་མ་གཏོགས་པའི། ཇ་མར་ཚྭ་སོགས་དང་། རིན་པོ་ཆེའི་རིགས། དུག་རིགས་མ་ཡིན་པའི་སྨན་དང་། མེ་

― JKT021_Page_0134 ―

^{[མ་དཔེ་གཟིགས་ན་འདིར་གནོན།]}

[Full Size]

ཏོག་སྣ་ཚོགས། མགོ་སྣམས་དང་ཕུགས་ལྟ་བུ་འབུ་ཆགས་འོང་བའི་རིགས་མ་ཡིན་པའི། དར་རས་གོས་ཆེན་སོགས་གང་ཡོད་བཞག །འབྲུ་སྣ་སོགས་རས་སེར་པོའི་ཁུག་མར་བླུགས་ནས་བཞག་སྲོལ་དང་། རས་སེར་པོ་མེད་ན་དཀར་པོ་གུར་གུམ་དང་། སིནྡྷ་ར་ལྟ་བུས་ཁ་དོག་སེར་པོ་བྱེད་པ་མ་གཏོགས། རྒྱས་པའི་ལས་ཡིན་པས་སྣོད་དཀར་པོ་འདྲ་ལ་བླུགས་སྲོལ་མེད། འབྲུ་སྣ་སོགས་བཞག་རྒྱུ་རིགས་དམ་སེལ་ཅན་དང་། ཆོས་རྒྱུད་མི་གཅིག་པའི་མཐུ་ཁོ་ཡོད་པ་སོགས་ཀྱི་ལག་ནས་བྱུང་བ་བཞག་སྲོལ་མེད། འབྲུ་རྣམས་ཀྱང་རྡོ་རྡུལ་སོགས་ལྷད་མེད་པ་དང་། ཆུ་གཙང་མས་བཀྲུ་ནས་སྐམ་བཅོལ་བ་བཞག་པ་སོགས་གཙང་སྦྲ་གལ་ཆེ། གཞན་ཤོག་དྲིལ་བཞག་ཚུལ་སོགས་རྒྱུད་སྡེའི་གོ་རིམ་ལྟར་ལ། བུམ་པའི་ནང་དུ་དྲི་མེད་རྣམ་གཉིས་དཀྱིལ་འཁོར་བཞག་ན། ཐོག་མར་གཙུག་ཏོར་དྲི་མེད་དཀྱིལ་ཐང་ཤིང་ལ་སྦྱར་བ་བཅུག་ནས་ཞལ་ཁེབས་རྒྱོབ། དེའི་སྟེང་དུ་འོད་ཟེར་དྲི་མེད་དཀྱིལ་ཐང་ཞལ་ཁེབས་བཅས་བཞག །དེའི་སྟེང་དུ་རྡོ་ལེབ་བམ་སྲ་ཤིང་གི་ཤིང་ལེབ་སྲབ་མོ་ཞིག་གིས་མ་བཀབ་ན་སྲོག་ཤིང་གི་རྩེས་དཀྱིལ་ཐང་རལ་བའི་ཉེན་ཡོད། དེ་སྟེང་དབུས་སུ་སྲོག་ཤིང་བརྟན་པོར་བཙུག །ཕྱི་རོལ་དུ་མཆོད་རྫས་དངོས་བཤམ་ན་མི་ཤོང་གང་བས་རས་བྲིས་ཀྱི་ཕྱི་ལ་གཙུག་ཏོར་དྲི་

― JKT021_Page_0135 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་དང་། ནང་དུ་འོད་ཟེར་དྲི་མེད་སྒབ་དཀྲིས་བསྐོར། དེའི་ནང་དུ་ཤོང་ན་ཏིང་ཕོར་ཆུང་ངུའམ། རྫ་ས་ལས་ཏིང་ཕོར་ཆུང་ངུ་བཟོས་པར་ཚོན་བྱུགས་ཏེ། མཆོད་ཡོན། ཞབས་བསིལ་དྲི་ཆབ་གསུམ་སོ་སོའི་རྫས་དང་ཚྭ་བསྲེས་པས་བཀང་། མཚམས་འཛིན་མེ་ཏོག་དང་། མེ་ཏོག་གི་སྣོད་དུ་འབྲུ་དཀར་བླུགས། བདུག་སྤོས་རེང་བུ་དང་། མར་མེ་ཀོང་ཆུང་དངོས་དང་། ཞལ་ཟས་མར་ཟན་གྱིས་བཟོས་པ་བཅས། གཡས་བསྐོར་སྤྱི་ལྟར་བཤམ། སྲོག་ཤིང་གི་ཕྱོགས་བཞིར་ཅོད་པན་བཏགས་ནས་བུམ་པའི་ངོས་སུ་འཐེན། སྲོག་ཤིང་ལ་དཀྲི་རྒྱུའི་གཟུངས་སོགས་ངག་བཀོད་ལྟར་བྱ། །སཱཙྪ་མང་ནས་མ་ཤོང་ན་བྲེ་མན། ཚད་མེད་བཞི་ཡན་གང་ཤོང་དུ་བཞག །འཕེལ་གདུང་རིགས་ཏོག །ཆོས་འཁོར། བྲེ་ཡན་ཆད་དུ་བཞག །དབུ་སྐྲ་ན་བཟའ་ཁྱད་འཕགས་རིགས་ཀྱང་བྲེ་ཡན་ཆད་དུ་བཞག །བདུད་རྩི་རིལ་བུ་དང་། སྨན་སྒྲུབ་སོགས་བྱིན་རྟེན་རིགས་ཕལ་ཆེར་བྲེ་ནང་བཞག །གནམ་ལྕགས་རྡོ་རྗེ་ཕུར་པ་ལྟ་བུ་གཏེ ་བྱོན་སོགས་བྱིན་ལྡན་རིགས་ཡོད་ན་བུམ་པའི་ནང་དུ་བཞག །རྡོ་རྗེ་དྲིལ་བུ། ཌཱ་མ་རུ་སོགས་བྱིན་ཅན་རིགས་ཀྱང་ཚད་མེད་བཞི་ཡན་གང་ཤོང་དུ་བཞག །ཡིག་བརྒྱ་ནི་བུམ་པའི་ནང་ཡན་ཆོད་དང་ཚེ་གཟུངས་ཚད་མེད་

― JKT021_Page_0136 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི་ཡན་ཆོད་གར་ལོ་སར་བཞག་ཆོག །དབྱངས་གསལ་དང་རྟེན་སྙིང་སོགས་གནོད་སྦྱིན་བང་མཛོད་ཡན་གར་ལོ་སར་བཞག་ཆོག་རྒྱུ་རེད། བར་མཚམས་ཐམས་ཅད་ཤུག་ཕྱེ་སོགས་ཀྱིས་བསྡམས་ནས་ལག་ཚག་ཤིན་ཏུ་དམ་པ་དང་། ཐོག་མཐའ་བར་གསུམ་ཐམས་ཅད་དུ་ལས་བྱེད་རྣམས་ཀྱང་ཟས་དཀར་གསུམ་ལ་བརྟེན་པའི་གཙང་སྦྲ་བཅས་གལ་ཆེ་བ་ལགས། མངྒ་ལཾ། ༈ །གནས་བརྟན་ཆོ་ག་ལ། སྐུ་བརྙན་མདུན་སྟེགས་དང་པོར་གཏོར་མ་དཀར་ཟླུམ་ཆ་བཞི། དེ་འོག་དང་ཉེ་ལོགས་གང་བདེར་མཎྜལ་ཚོམ་བུ་བདུན་མ་དང་། མཆོད་པ་རྣམ་བདུན་ཆ་ཉེར་གཉིས། དེ་སྟེང་སྤོས་དང་། མར་མེ་དང་། ཞལ་ཟས་གསུམ་ལྷག་གང་འབྱོར་བཅས་གཙང་ཞིང་བཀོད་པས་མཛེས་པར་བཤམ། ཚོགས་པ་རྣམས་ཀྱི་མདུན་དུ་མཎྜལ། ཁྲུས་ཆས། འཐོར་ནས། ཏིང་ཤག །སིལ་སྙན། རྡོ་རྒྱ་གླིང་། དུང་དཀར་བཅས་འདུ་བྱ། །ཐོག་མར་འདུས་པ་ན་སྒོ་དྲུང་དུ་ཆབ་བླང་། ལྷམ་ཕུད། ནང་དུ་ཞུགས་ནས་རྟེན་ལ་ཕྱག་བྱས་ཏེ་རང་རང་གི་གྲལ་དུ་འཁོད། དཀོན་མཆོག་རྗེས་དྲན་ནས་ལོ་པཎ་སྤྱི་བསྟོད་པར་ཆོས་སྤྱོད་དཀྱུས་ལྟར་བཏང་། དེ་ནས་རྣམ་རྒྱལ་སྟོང་མཆོད་ལྟར་གསོ་སྦྱོང་བླང་། འདི་སྐབས་ཕྱག་འཚལ་དུས་བློ་ལ་ཡོད་ན་ལངས་ཏེ་དངོས་སུ་ཕྱག་བྱ། སྡོམ་བཟུང་ལ་ཙོག་པུར་ཐལ་

― JKT021_Page_0137 ―

^{[མ་དཔེ་གཟིགས་ན་འདིར་གནོན།]}

[Full Size]

མོ་སྦྱར། དེ་རྗེས་སྐྱབས་འགྲོ་ནས་བཟུང་ཆོ་ག་གཞུང་ལྟར་བསྒྲིགས་འདོན་དལ་བུས་བྱ། སྤྱན་འདྲེན་སྐབས་བཞེངས་ནས་བླ་མ་སོགས་ཀྱིས་སྤོས་རིང་དང་། མཆོད་དཔོན་གྱིས་དུང་ཆུ་ཐོགས་ལ་རོལ་མོའི་སྐབས་བཟེད་ཞལ་དུ་དུང་ཆུ་སྦེང་། ཁྲུས་ཀྱི་སྐབས་མཆོད་དཔོན་གྱིས་དངོས་སུ་ཁྲུས་གསོལ་སོགས་བྱ། ཡན་ལག་བདུན་པའི་རྗེས་མཎྜལ་ས་གཞི་སྤོས་བྱགས་བརྒྱ་རྩ་སོགས་ནི་ཚོད་དང་བསྟུན་ནས་གང་གྲུབ་དང་། ཕྱག་མཆོད་ཚིགས་བཅད་མ་ཚར་༡༢སོགས་གང་གྲུབ་གསོག །ཞྭ་ཡོད་ན་སྤྱན་འདྲེན། ཁྲུས་གསོལ། བཀྲ་ཤིས་རྣམས་ཀྱི་སྐབས་སུ་གྱོན། རྗེས་སུ་བརྟན་བཞུགས་མ་གཏོགས་གཤེགས་གསོལ་མི་དགོས། བཀྲ་ཤིས་རྗེས་སྨོན་ལམ་རྣམ་ལྔའམ། བཟང་སྤྱོད་སྨོན་ལམ་ཙམ་ཉི་ཚོད་དང་བསྟུན་ནས་གང་ཚར་འདོན་ལ་གྲོལ། འདི་ཉིན་གསོ་སྦྱོང་བླངས་པ་ཡིན་པས་གུང་ཚིགས་དགོངས་བཅད་སོགས་ཞིབ་ཆ་དགོས་སོ། །འདི་འཇམ་མགོན་ངག་དབང་ལེགས་གྲུབ་ཀྱི་ལྗགས་བསྒྲིགས་དྲྭ་སྒང་སྤར་མ་དེའི་ཕྱག་ལེན་ཐོ་གནང་བ་ལགས། ༈ །སྨྱུང་གནས་བཏང་ཚུལ་ཟིན་བྲིས་དགེ །ཨོཾ་སྭ་སྟི། སྨྱུང་གནས་དཀར་པོ་ཕྱོགས་བརྒྱད་སྦྲེལ་ཏེ་བཞུགས་པའི་སྐབས་སྔོན་གྱི་ཕྱག་བཞེས་རྙིང་པ་ཚད་ཐུབ་ཀྱི་དགོངས་པ་ལྟར་བྱེད་ན། ས་ག་ཟླ་བ་ལྟ་བུ་ལ་བཞུགས་

― JKT021_Page_0138 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཚེ་ཟླ་བ་གསུམ་པའི་གནམ་སྟོང་ཉིན་གནས་ཁང་ཕྱག་དར་བྱ་ཞིང་སྐུ་གསུང་ཐུགས་ཀྱི་རྟེན་དགྲམ། དཀྱིལ་འཁོར་དང་མཆོད་པ་བཤམ། གཎྜིས་བསྐུལ་ཏེ་དགེ་འདུན་རྣམས་འདུས་ནས་གསོ་སྦྱོང་བྱ། མི་ཤེས་ན་ཆོས་སྤྱོད་གང་འོས་འདོན། འདོན་པ་བསྒྲིགས། སྨོན་ལམ་བཏོན་ལ་གྲོལ་བ་ནི་སྦྱོང་བའོ། །འདི་ཉིན་གསོ་སྦྱོང་གཞུང་ལ་ཇ་གཅིག །འདོན་བསྒྲིགས་སྐབས་ཇ་གཅིག་བཅས་གཉིས་བཏང་། ༈ །ཟླ་བ་༤པའི་ཚེས་༡ལ་ནམ་ལངས་ལག་ཡིག་མཐོང་དུས་གཎྜིས་བསྐུལ་ཏེ་འདུས་ནས་སྒོའི་ཕྱི་རོལ་དུ་ལྷམ་ཕུད། ཡན་ལག་ལྔ་ཁྲུས་ལེགས་པར་བྱ། ནང་དུ་འོངས་ནས་རྟེན་གྱི་དྲུང་དུ་ཕྱག་འཚལ་རྗེས་ཙོག་པུར་འདུག་ནས་སྡོམ་པ་ལེན། དེ་ནས་བསླབ་གྲལ་ལྟར་གྲལ་ལ་འཁོད་ནས་སྔ་དྲོ་ཆོས་སྤྱོད་རིགས་རྒྱས་པ་དང་། ཆོ་གའང་དལ་འདོན་རྒྱས་པའི་མཇུག་ཏུ་སྨོན་ལམ་རྣམ་གསུམ་ལས་གང་འོས་འདོན། ཉིན་གུང་ཁྲིགས་ཁྲིགས་ལ་གུང་ཚིགས་སྐབས་དཀོན་མཆོག་རྗེས་དྲན། ཁུ་ཕུད། ཇ་མཆོད་རྒྱས་པ། ཟས་དཀར་གསུམ་ལ་བརྟེན་པའི་གུང་ཚིགས་ཚར་ནས་ལྷག་མ་བསྔོ། །ཟབ་མདོ་དང་བསྔོ་སྨོན་གང་རིགས་བྱ། ཕྱི་དྲོ་ཚར་གཉིས་ཀྱི་དང་པོ་འབྲིང་པོ་དང་། གཉིས་པ་བསྡུས་ཙམ་རྗེས། སྨོན་ལམ་རྣམ་གསུམ་སོགས་ཉི་ཚོད་དང་བསྟུན་པའི་རྒྱས་རྒྱས་བྱ། སྔ་དྲོ་ཆོས་སྤྱོད་

― JKT021_Page_0139 ―

^{[མ་དཔེ་གཟིགས་ན་འདིར་གནོན།]}

[Full Size]

སྐབས་ཇ་གཅིག །ཆོ་ག་ལ་ཇ་བཞི། ཕྱི་དྲོ་ཆོ་ག་ཚར་གཉིས་ལ་ཇ་ལྔ། སྨོན་ལམ་ལ་ཇ་གཅིག་བཅས་ཁྱོན་ཉིན་རེར་ཇ་བཅུ་གཉིས་རེ་བཏང་། ཇ་དང་གུང་ཚིགས་རྗེས་ཐམས་ཅད་དུ་ཆབ་ལེན། དེའང་ལས་རྡོར་གྱི་ཆུ་བུམ་དང་བཟེད་ཞལ་བཅས་ཆབ་བཀྱེ་ལ་ཞལ་བཤལ་བ་ལས་སྟངས་ཀ་ཙམ་གྱིས་མི་འཐུས། ཆབ་བསང་ཡར་འོང་དུས་སྒོ་དྲུང་དུ་ཆབ་བཀྱཻ། གུང་ཚིགས་གདན་གཅིག་ཁོ་ན་ལས་སྔ་དྲོ་ཟ་བ་སོགས་མི་ཉན། ཕྱི་དྲོའི་ཇ་རྗེས་མའི་ཆབ་བླངས་ཚར་ནས་ཟས་སྐོམ་རྒྱུན་བཅད་པ་ནི་རྐྱང་པའོ། ༈ །ཚེས་༢ལ་ནམ་ལངས་འདུས་ནས་སྡོམ་པ་ལེན་པ་སོགས་འདོན་རྒྱུ་ཐམས་ཅད་འདྲ། འདི་ཉིན་ངག་བཅད་ཤིན་ཏུ་དམ་པར་བྱེད། མཆིལ་མ་ཕྱིར་འདོར་བའམ། ཟས་ཀྱི་འདུ་ཤེས་མ་སྐྱེས་ན་ཁོང་དུ་སོང་ཡང་ཉེས་པ་མེད། བུམ་ཆུ་བཀྱེ་དུས་སྤྱི་བོར་བླུགས་ཤིང་ལྷག་མ་ཁྲུས་གཞོང་དུ་ཁ་བཤལ་བ་ཙམ་ལས་ཁོང་དུ་མི་འཐུང་། འོན་ཀྱང་སྐོམ་པ་སེལ་བའི་སྲེད་པ་མེད་ན་འཐུངས་ཀྱང་ཉེས་པ་མེད། གལ་སྲིད་ངག་ཤོར་ན་དེ་མ་ཐག་ཕྱི་རོལ་དུ་སོང་ལ་ཡན་ལག་ལྔ་ཁྲུས་བྱ། འདོན་བཟླས་རིགས་ལ་གཉིད་དང་གླལ་བ་སོགས་ཀྱིས་བར་དུ་མ་ཆོད་པ་སོགས་ཤིན་ཏུ་བསྒྲིམ་པ་ནི་ཁུགས་པའོ། ༈ །ཚེས་༣ལ་སྐྱ་རེངས་ཤར་ཡག་རྗེས་ཐུག་པ་ཤིན་ཏུ་སླ་མོ་བཞིན་སྣང་བ་དྲོ་འཇམ་

― JKT021_Page_0140 ―

^{[མ་དཔེ་གཟིགས་ན་འདིར་གནོན།]}

[Full Size]

ཕོར་པ་རེ་བཏང་ནས་ངག་གྲོལ་སྡོམ་པ་བླངས་ལ་ཆོས་སྤྱོད་ནས་བཟུང་རྐྱང་པ་ལྟར། བྱ། ༈ །དེ་ལྟར་རྐྱང་ཁུགས་སྤེལ་ནས་ཆ་དྲུག་སོང་མཚམས། ཚེས་༡༥དངོས་གཞི་ཁེལ་དགོས་པས། ཆ་བདུན་པ་ལ་ཚེས་༡༣གཉིས་ཀ་ལ་རྐྱང་བ། ཚེས་༡༥ཁུགས་པ་བྱ། ༈ །ཚེས་༡༨ལ་སྡོམ་པ་ལེན་མི་དགོས། ངག་གྲོལ་ནས་རྗེས་ཆོག་གཏོང་རག་གི་སླད་དུ་ཆོ་ག་ཚར་གཅིག་དང་། སྨོན་ལམ་རྒྱས་པར་བྱ། ཨཱཇ་གསུམ་བཏང་། ༈ །ཚེས་༡༩ཉིན་རྟེན་དྲུང་དུ་མཆོད་པ་ཅི་འབྱོར་བཤམ། དགེ་འདུན་རྣམས་ཚོགས་ནས་ཆོས་སྤྱོད་ཅི་རིགས་གསུང་སྐབས་ཇ་བཏང་། ཞལ་ཏ་བས་རྟེན་ལ་སྙན་ཤལ་དང་། སྒྲུབ་པ་པོ་རྣམས་ལ་ཡོན་འབུལ་མདུན་དུ་བཞག །འབྲས་སིལ་ལམ་གྲོ་མ་ལྟ་བུའི་ཞལ་ཟས་བཟང་པོའི་དགའ་སྟོན་བྱ། བསྔོ་སྨོན་དང་བཀྲ་ཤིས་རྒྱས་པར་བརྗོད་ལ་དཀྱིལ་འཁོར་བསྡུས་ཏེ་གྲོལ་བ་ནི་འཕགས་པ་བྱོན་པའི་དགའ་སྟོན་ལ་ལོངས་སྤྱོད་པའོ། །དེས་མཚོན་ཏེ་སྨྱུང་གནས་ཆ་གཅིག་ལྟ་བུ་ལའང་། ཉིན་དང་པོ་སྦྱོར་བ། གཉིས་པ་རྐྱང་། གསུམ་པ་ཁུགས། བཞི་པ་རྗེས་ཆོག །ལྔ་པ་ལ་འཕགས་པ་བྱོན་པའི་དགའ་སྟོན་བྱ་བ་སྟེ་ཉི་མ་ལྔ་རེ་དང་། རྐྱང་ཁུགས་གཉིས་ལ་ཆོ་ག་གསུམ་རེ། རྗེས་ལ་གཅིག་བཅས་ཆོ་ག་ཚར་བདུན་འགྲོ་དགོས། འདི་ནི་ཇོ་གདན་མཁན་ཆེན་བསོད་ནམས་བཟང་པོ་

― JKT021_Page_0141 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། མུས་ཆེན་སེམས་དཔའ་ཆེན་པོ་སོགས་མཁས་གྲུབ་ཚད་ལྡན་གྱི་གསུང་ལྟར་བྲིས་པའོ། །མངྒ་ལཾ། ༈ །མཆོད་བཤམ་ནི། བཅུ་གཅིག་ཞལ་ཕྱག་སྟོང་སྤྱན་སྟོང་རིགས་བཞིས་བསྐོར་བའི་བྲིས་སྐུ་གཙོ་བོར་གྱུར་བའི་སྐུ་གསུང་ཐུགས་རྟེན་གྱི་མདུན་སྟེགས་བུའི་དབུས་སུ་མཎྜ་ལར་རྡུལ་ཚོན་གྱི་པདྨ་འདབ་མ་བརྒྱད་པ། ལྟེ་བ་དཀར། ཤར་སྔོ། ལྷོ་སེར། ནུབ་དམར། བྱང་ལྗང་། །མཚམས་བཞི་མཛེས་ཚོན། ཟླ་གདན་རེའི་སྟེང་དུ་དབུས་སུ་ཚོན་ཕུང་དཀར། ཤར་སྔོ། ལྷོ་སེར། ནུབ་དཀར། བྱང་ལྗང་གུ་བཀོད་པ་མཉྫིའི་ཁར་བཞག །དེའི་མདུན་དུ་གཏོར་མ་དཀར་ཟླུམ་རྒྱུན་བཞག་གཉིས་བྲེང་ཚར་དུ་བཤམས་པའི་བྱང་ཤར་དུ་མཚམས་འཛིན་མེ་ཏོག །ཤར་དུ་མཆོད་ཡོན་ནས་བརྩམས་ཏེ་ཆུ་གཉིས་སྔོན་འགྲོའི་ཉེར་སྤྱོད་ལ། མར་མེ་དང་། ཞལ་ཟས་གསུམ་རེ་བཤམ། དེའི་ཕྱི་རོལ་དུ་སྒོས་མཆོད་མཆོད་པ་རྣམ་ལྔའམ། སྤོས། མར་མེ། ཞལ་ཟས་རྣམས་ཤར་དུ་ཆ་གཉིས། ཕྱོགས་གཞན་རྣམས་སུ་ཆ་རེ་སྟེ་ཆ་ལྔ་བཤམ། ཆོ་ག་ཚར་རེ་བཞིན་སྒོས་མཆོད་ཀྱང་བརྗེ་། གྲུབ་ན་ལེགས། མ་གྲུབ་ན་སྤྱི་མཆོད་ནི་ངེས་པར་བརྗེ་དགོས། སྤྱི་མཆོད་ཀྱི་མར་མེ་དབུས་མ་དེ་ཚེ་འབར་བྱུང་ན་ལེགས། བུམ་པ་ནི་མགུལ་ཆིངས་དཀར་པོ་ཅན་སྲད་བུ་དམར་པོ་ལ་གཟུངས་རིང་

― JKT021_Page_0142 ―

^{[མ་དཔེ་གཟིགས་ན་འདིར་གནོན།]}

[Full Size]

བཟླ་བཞིན་པས་རྡོ་རྗེའི་མདུད་པ་གསུམ་གདབ་པ་གདགས། ནང་དུ་དྲི་བཟང་གི་ཆུ་དང་བྱ་རྒྱུད་ལུགས་ཀྱི་བུམ་རྫས་ཉེར་ལྔ་བཏབ་པས་སུམ་གཉིས་དགང་བ་དཀྱིལ་འཁོར་གྱི་མདུན་ནམ། སློབ་དཔོན་གྱི་མདུན་གང་བདེར་བཤམས་པ་ལས་ལྷ་བསྐྱེད་སོགས་མེད་པས་མཆོད་པའི་དབུས་སུ་བཞག་མི་དགོས། འདས་གཏོར་དང་། ཆོས་སྲུང་གཏོར་མ་རྗེས་མ་རྣམས་ལ་མཐེབ་སྐྱུ་ཞལ་གསོ་བས་ཆོག་པས་རྒྱུན་བཞག་སྣུམ་ཟན་ལེགས་པར་བཞེངས། དཀར་རྩི་བྱུགས། དཀར་རྒྱན་ལས་ཚོན་ཁྲ་མི་བྱེད། གཞི་བདག་གཏོར་མ་ནི་དཀྱིལ་འཁོར་མདུན་དུ་སྟེགས་དམའ་བར་བཤམས་ལ་ཚར་རེ་བཞིན་འདོར་རྒྱུ་ཅན་བྱེད་དགོས། ཚེས་༡༥རྗེས་ཆོག་སྐབས་གཏོང་རག་གི་མཆོད་པ་སྒོས་མཆོད་ཆ་བཅོ་ལྔ་སོགས་གང་འབྱོར་རྒྱས་རྒྱས་དགོས། སྒྲུབ་པ་པོ་མང་དུ་ཡོད་ན་རོལ་མོ་དྲིལ་བུ། དུང་དཀར། རྒྱ་གླིང་། རྔ་སིལ་སོགས་ལས། དུང་དམར། རྐང་གླིང་། ཌ་མ་རུ་སོགས་མི་བྱ། མཎྜལ་སྒྲུབ་པ་པོ་རེ་རེ་བཞིན་ཡོད་ན་ལེགས། མེད་ཚེ་སློབ་དཔོན་གྱིས་ཕུལ། མཎྜལ་ཕུལ་ཚེ་དྲི་བཟང་གི་རླན་དང་བཅས་པ་བྱའོ། །ཤུདྡྷཾ། ༈ །མཆོད་ཡོན་ལ་ཞི་བའི་སྐབས་སུ་རྫས་བདུན་ཅེས་འབྱུང་བ་ནི། བ་དམར་སེར་གྱི་འོ་མ། ཏིལ་དཀར་པོ། འབྲས། བ་ལུའམ་སེ་བ་ལྟ་བུ་སྨན་ཤིང་བཟང་པོའི་མེ་ཏོག་དཀར་

― JKT021_Page_0143 ―

^{[མ་དཔེ་གཟིགས་ན་འདིར་གནོན།]}

[Full Size]

པོ། ནས་དཀར་པོ། རྩྭ་ཀུ་ཤ །གུར་གུམ་རྣམས་ལེགས་པར་སྦྱར་ཏེ་བླུགས། ཞབས་བསིལ་ལ་ཤུན་པ་ལྔ་ཞེས་འབྱུང་བ། རྒྱ་གར་དུ་གྲགས་པའི་འོ་མ་ཅན་གྱི་ཤིང་། ནྱ་གྲོདྷ། ཨུ་དུམྦ་ར། བླ་ཥཱ། པིལླ་མྱ། གནྡཱ་མུན་རྣམས་ཀྱི་བར་ཤུན་ཡིན་ཀྱང་བོད་འདིར་མི་འབྱོར་བས། བལ་བུ། འོམ་བུ། ཁམ་བུ། ལྕང་དཀར། ཤུག་པ་ལྔའི་བར་ཤུན་གྱི་སྟེང་། འདག་རྫས་ཉེ་ཤིང་དང་། སྲིན་དཀར་གྱི་ཕྱེ་མ་བཅས་སྦྱར་ལ་བཏབ། མེ་ཏོག་ནི། ངོར་ལུགས་ཀྱི་ཕྱག་ལེན་ལ་སྟེགས་བུའི་སྟེང་དུ་ཏིང་ཕོར་ནང་འབྲུ་དཀར་བླུགས་པ་ཁོ་ན་ལས་བཅོས་མའི་མེ་ཏོག་སོགས་འཛུགས་སྲོལ་མེད། སྤྱིར་དངོས་དང་བཅོས་མའི་མེ་ཏོག་སོགས་ཇི་ཙམ་འབྱོར་ན་བཟང་བས་རྟེན་གྱི་དྲུང་དུ་བཀོད་པས་མཛེས་པར་བཤམས། བདུག་སྤོས་ནི་རྒྱུད་སྡེ་འོག་མའི་སྐབས་འདིར་གླ་རྩི་སོགས་མ་འདྲེས་པའི་སྤོས་རེང་ཏིང་ཕོར་ནང་བཙུག །སྦར་རྒྱུ་ཟུར་དུ་སྤོས་གཞོང་ལྟ་བུར་བཞག །གཞན་སྤོས་སྣོད་དུ་མེ་ཐལ་འཇམ་པོར། སྤོས་དཀར། ཙནྡན་དཀར་པོ། ཨ་ག་རུ་སོགས་བདུགས་པའི་དུ་བ་འཐུལ་བར་བྱའོ། །མར་མེ་ནི་རྩི་མར་བཟང་པོའི་ཁུ་བ་བཙག་བཅད་དྲུངས་ཐོན་པ་ཤིན་ཏུ་གསལ་བར་བྱ། དྲི་ཆབ་ལ་དྲི་ལྔ་བཏབ་ཅེས་འབྱུང་བས། ཁ་ཆེའམ་བལ་པོ་གུར་གུམ་ལ་གཞི་བྱས་ཏེ། ག་བུར། །

― JKT021_Page_0144 ―

^{[མ་དཔེ་གཟིགས་ན་འདིར་གནོན།]}

[Full Size]

ཙནྡན་དཀར་པོ། ཛཱ་ཏི། ཨ་ག་རུ་ནག་པོའམ། འགའ་ཞིག་ཛཱ་ཏིའི་ཚབ་ཏུ་ཙནྡན་དམར་པོ་འབྱུང་སྟེ་དེ་རྣམས་ཀྱི་གྲུངས་ཆུ་ཀུ་ཤའི་འཐོར་གཡབ་བཅས་བཞག །ཞལ་ཟས་ཀྱི་རྒྱུར་དཀར་གསུམ་མངར་གསུམ་གཙང་མ་འབྱོར་ན་བསྲེས་ཀྱང་ལེགས། རོལ་མོ་འབུད་དཀྲོལ་བརྡུང་གསུམ་གྱི་ཟླས་ཕྱེ་བའི། དུང་དཀར། དྲིལ་བུ། སིལ་སྙན། རྔ། གཞན་ཏིང་ཤག་སོགས་བརྡུང་ན་ཆོག །རྒྱ་གླིང་ནི་གྲྭ་ས་ཆེ་བ་རྣམས་སུ་དེ་ཙམ་དག་འདོད་མི་མཛད་ཀྱང་ལྷ་མཆོད་པའི་བསམ་པས་འབུད་ཀྱང་འགལ་བ་ནི་མེད་དོ། །ཞེས་པའང་ཉེར་མཁོའི་ཟིན་ཆུང་དུ་བྲིས་པ་དགེ །ཞུ་ཆེན་རིན་པོ་ཆེའི་སྨྱུང་ཆོག་གཏོང་ཚུལ་ཏེ་གཞན་སྤྱི་ལའང་འགྲེ། ༈ །ཀུན་རིག་སྒྲུབ་མཆོད་རྡུལ་ཚོན་ལ་བརྟེན་པའི་སྤྲོས་བཅས་སྐབས་སུ་ཡོ་བྱད་ཇི་ལྟར་དགོས་པའི་ཐོ་རགས་རིམ་བཞུགས་སོ། །ཨོཾ་སྭསྟི་སིདྡྷཾ། ངོར་༧ ལུགས་ཀུན་རིག་རྡུལ་ཚོན་ལ་བརྟེན་པའི་སྒྲུབ་མཆོད་རྒྱས་པའི་སྐབས། ཐོག་མར་དཀྱིལ་འཁོར་འབྲི་བའི་གཞི་ས་སྟེགས་ཤར་ནུབ་བར་ཁྲུ་དྲུག་ཡོད་པའི་ཟླུམ་སྐོར། དེའི་ཕྱིར་ཤིང་གི་སྒབ་སྐོར་རྩ་བ་མཐོ་རེ་ལས་མི་ཆུང་བ། དཔངས་མཐོ་མཁྱིད་དོ། །རྩེའི་ཁ་རྒྱ་སོར་ལྔ་དྲུག་གང་བདེ་རྒྱབ་རྩ་རྩེའི་བར་ཐགས་ཀྱིས་གཞོལ་བ་ལ་མེ་རི་པ་ཏྲ་བརྐོ། ནང་དུ་དྲང་ཐ་ལེར་སོང་བ་ལ་ཕྱོགས་མཚམས་བརྒྱད་

― JKT021_Page_0145 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་སྒེག་སོགས་བརྒྱད། དེ་དག་གི་བར་དུ་ཁྱད་པར་གྱི་མཆོད་པ་ཉེར་བཞི་ཚང་མ། རྒྱལ་སྲིད་བདུན། འདོད་ཡོན་ལྔ་བཅས་རབ་བརྐོས་ལ། དེ་མིན་སྐྱོ་འབུར་བཅས་བྲིས་པ། སྟེང་དུ་ཕྱོགས་བཞིར་རྒྱལ་མཚན་ཕྱར་ཁྲུའམ་བསྐུམ་ཁྲུ་གང་། མཚམས་བཞིར་བ་དན་རྩེ་གསུམ་པ་དེ་མཚུངས། རྒྱལ་མཚན་གྱི་ཡུ་བ་དངོས་གཞི་ལས་མཐོ་ཕྱེད་དོ་ཙམ་རིང་བ་དང་། བ་དན་གྱི་ཡུ་བ་ཟངས་ཀྱིས་བརྡུངས་པའི་རྔ་ཡོག་ལྟ་བུ་དེ་མཚུངས། སྟེང་གི་བར་སྣང་མཐོ་དམའ་མཚམས་བར་ཀ་བ་ལ་བཞི་སྐོར་གྱི་ཐག་པ་དང་། དེ་ལ་རྒྱ་གྲམ་བྲན་པའི་དབུས་སུ་གདུགས་དཀར་པོ་ཆེ་ཆུང་དཀྱིལ་འཁོར་དང་འཚམས་པ་ཏོག་བཅས། ཕྱོགས་བཞིའི་ཐག་པ་ལ་ལྡ་ལྡི་དབྱིབས་མིག་རས་དྲུབ་པ་ལྟ་བུ་ཞིང་མཐོ་གང་ཙམ་ཕྱོགས་ཤར་སྔོ། ལྷོ་སེར། ནུབ་དམར། བྱང་ལྗང་། ཕྱོགས་རེར་ཧ་ལམ་འདོམ་གསུམ་རེ་ཙམ། དེ་ལ་ཕྱོགས་བཞིར་རྔ་ཡབ་ཤར་དཀར་མཇུག་ཏུ་འདབ་བརྒྱད་རྩེར་ནོར་བུས་མཚན་པ་ལ་ཨ་ལོང་ཅན་བཏགས་པ་གཉིས། དེ་བཞིན་ཕྱོགས་མདོག་གཉིས་རེ། གདུགས་ཀྱི་སྟེང་གི་ཐད་གནམ་རྒྱན་ངོས་ལ་བླ་རེ་ལེགས་པ་གཅིག །མཆོད་པའི་བུམ་པ་གྲ་འགྲིགས་དཔངས་སོར་བཅུ་གཉིས་ཀྱིས་མཚོན་གང་འོས་དང་། ཞབས་ར་ཅུང་ཆེ་ཞིང་བརྟན་པ། ཁར་བཀྲ་ཤིས་རྫས་རྟགས་

― JKT021_Page_0146 ―

^{[མ་དཔེ་གཟིགས་ན་འདིར་གནོན།]}

[Full Size]

སྤེལ་མ་བརྒྱད་བུམ་གོས་ཕྱོགས་མདོག །ཁ་རྒྱན་ཀུ་ཤ་ཧྲཱིཿལ་བུ་ཟངས་སྦུབས་སྟོད་གསེར་སྐུད་ཀྱིས་དཀྲིས་པ་ཅུང་སྦོམ་ཞད་བུམ་པའི་ཁ་དང་ཧ་ལམ་འགྲིགས་པ། བུམ་གདན། ༨ བདུན་ཚར་དཔེ་ལྟར་ཞབས་ར་ཆ་གཅིག །དངོས་གཞི་ཆ་གཉིས་ཀྱི་ཁར་འབུ་དཀྲིས་ཀྱིས་བརྒྱན་པ། དངོས་གཞིར་པདྨ་འདབ་བརྒྱད་ཕྱི་ནས་འབུར་ཞིང་ནང་ནས་ཀྱང་བ། ཐིལ་ཅུང་ཟད་མ་ཐོབ་ལ་ནོར་བུ་དགའ་འཁྱིལ་གྱིས་མཚན་པ་དཀར་ཡོལ་དག་བན་འབྲིང་ཚད་ཙམ་པ། སྤྱི་མཆོད་གཅིག །སྒོས་མཆོད་ཞེ་དྲུག་བཅས་ཁྱོན་སྤོས་གཏལ། ༤༧ མར་མེ། ༤༧ ཞལ་ཟས་སྣོད་ཤོང་ན་པད་ཀ ༤༧ །མར་མེ་ཆེ་ཆུང་མཚན་ཐུབ་ཙམ་ཡུ་བ་པད་འདབ་ཅན་སྔར་གྱི་བཟོ་རྒྱུན་ལྟར། ཆ་གསུམ་ལ་གཏོར་སྣོད་ཐེབས་ཆེ་བ་ལྔ་ཚར། བདུན་ཚར་གཅིག །རྐང་བཞི་འབོར་ནར་མོ་གཅིག །སློབ་དཔོན་གྱི་མདུན་དུ་རྣམ་བུམ་ཆེ་བ་གཅིག །ཆུང་བ་གྲ་འགྲིག་བཞི། དེ་ལ་བུམ་མཚན་འཁོར་ལོ། རྡོ་རྗེ། རིན་ཆེན། པདྨ། སྣ་ཚོགས་རྡོ་རྗེ། བུམ་གོས་མདོག་ཅི་མཛེས། བྲོག་ཁ་དོག་ལྔ་གོས་ཆེན་རྒྱུ་བཟང་སྲབ་མོའམ། གོས་ལིང་རྒྱུ་བཟང་ལྟ་བུ་ལས་མིག་རས་ལྟར་དྲུབ་པ་ཞིང་སོར་དོ་ཙམ། རིང་ཐུང་འདམ་གང་ཙམ། སོ་སོར་ཁ་རྒྱན་དབུས་མ་སྤྱི་ཁྱབ་དང་། ཕྱོགས་བཞི་ཧྲཱིཿལ་བུ། དུང་ཆོས་གཅིག །

― JKT021_Page_0147 ―

^{[མ་དཔེ་གཟིགས་ན་འདིར་གནོན།]}

[Full Size]

གཟུངས་རྡོར་གཅིག །པད་གདན་ལྔ། དེའི་སྟེགས་གཅིག ༈ །ཚོགས་པའི་གྲངས་མཉམ་རིགས་ལྔ། དར་དཔྱངས། རྩ་ཆིངས། པང་ཁེབ་བཅས་འགྲིགས་ན་ལེགས། ༈ །སྦྱིན་སྲེག་ལ། དབུ་རྒྱན་ནོར་༡བུའི་རྩེ་བྲན་དཔེ་ལྟར་ཁ་དོག་དཀར། སེར་དམར་སྔོ་སོ་སོར་དབུས་ཀྱི་མཚན་མ་འཁོར་ལོ། རིན་ཆེན། པདྨ། རྡོ་རྗེ་རྭ་གདེངས་ཀྱིས་མཚན་པ། ཐོར་ཚུགས་རྩེ་མོར་ལས་བཞིའམ་ནོར་བུའི་ཏོག་གིས་མཚན་པ། དབུ་རྒྱན་གྱི་འོག་ཏུ་རིགས་སོ་སོའི་རྩ་ཆིངས་འཁོར་ལོ་ལ་སོགས་ཀྱིས་མཚན་པའི་གཡས་གཡོན་འཕན་ཐུང་། གར་གོས་དཀར། སེར། དམར། སྔོ། སྟོད་གཡོགས་དང་། སྨད་གཡོགས་ཀྱང་ཁ་དོག་དེ་མཚུངས། སྒོ་ཁང་སོགས་གང་བདེར་ལས་བཞིའི་ཐབ་སྟེགས་ཁྲུ་དོ་རེ་ལས་མི་ཆུང་བ་བཞི། དགང་གཟར་བླུགས་དཀར། དངུལ། སེར། ཚ་གསེར། དམར། ཟངས། ནག་བཞི། ལྕགས། བསྲེག་རྫས་སྣོད་པད་ཀ་ཆེ་བ་ཁ་རྒྱ་མཐོ་ཆུང་བཞི་ལྔ་ཙམ་ཡོད་པ་ལས་བཞིའི་མདོག་ཅན་བཞི། དེ་ལས་ཆུང་བ་པད་ཀ་མཐོ་ཆུང་བའི་ཕྱེད་གསུམ་ཙམ་གསུམ། བདུན་ཚར་ཆ་བཞི། བསྲེག་རྫས་ཀྱི་གཞི་ཁེབས་ལས་མདོག་བརྒྱད་སོ་སོའི་སྟེགས་བཅས། སློབ་དཔོན་བཞུགས་གདན་ལས་མདོག་བཞི་དང་། དེའང་རྒྱས་པ་ལ་ཁྲིའུ་ཤིང་། མེ་ཡོལ་རྡོ་ལ་གངས་

― JKT021_Page_0148 ―

^{[མ་དཔེ་གཟིགས་ན་འདིར་གནོན།]}

[Full Size]

རིའི་གཟུགས་བརྐོས་པ། ཝཾ། གིས་མཚན་པ་བཞི། བསང་ཆུ་སྣོད་དུང་ཕོར་དངོས་འབྱོར་ན་དང་། དེ་མིན་འཁར་བ་ལས་བླུགས་པ་བཞི། བསྲེག་རྫས་བཤམ་སྣོད་རྒྱ་འབོ་ཆེ་བ་བཞི། མར་ཁུ་a: སྣོད་ཟངས་སྐྱོགས་ཆེ་བ་བཞི། ཡམས་ཤིང་བསྐྱལ་སྣོད་རྒྱ་འབོ་ཆུང་བ་བཞི། མར་ཁུ་ཁུར་སྣོད་སྐྱོགས་ཆུང་བཞི། རྫས་ལྡེར་བཞི། ས་བཀྲའི་སྤར་གཞི་དཔེའུ་རིས་ལྟར། གཞི་བདག་གཏོར་མའི་སྣོད་ཐེབ་བཞི། ཚོམ་བུ་སྤྱན་འདྲེན་མེ་ཏོག་པད་ཕོར་བཞི། དེ་བཙུགས་མཉྫི་བཞི། སྟེགས་ཁེབས་བཞི། སྤོས་ཕོར་ཆ། སྤོས་དབྱུག་ཆ། གདུགས་གཅིག །རྒྱལ་མཚན་ཆ། བ་དན་ཆ། སྤོས་ཁུག་ཆ། རྡུལ་ཚོན་ཆུར་གཤེགས་ལ། གླང་པོ་ཆེ་ལ་རྡུལ་ཚོན་སྣོད་གོས་ཆེན་གལ་ཏ་བསྐལ་བ། ༈ །སིལ་སྙན་གཅིག །རྔ་ཁང་ཅན་གཅིག །དུང་དཀར་ཆ་བཅས་སོ། ༈ །བི་ཛ་ཡནྟུ། རི་ཁྲོད་དུ་འབྱོར་བསྟུན་ཚེས་༢༤ལ་རྩེ་ཟུལ་མདོར་སླེབས་རྩིས་ཀྱིས་མཆོད་རྟེན་བཞེངས་རྒྱུ། ཚེས་༢༥ལ་བཅའ་སྒྲུབ་གྲུ་ངེས་ཀྱིས་ཤར་དུ་རིན་ཆེན་ནས་ཀིང་ཀང་སྒོ་ནས་དགྲ་སྲི་མནན་པ། ལྷོར་རྡོར་བྲག་སྤྲུལ་སྐུས་ཚེ་བདག་སྒོ་ནས་དུར་སྲི་མནན་པ། ནུབ་ཏུ་ཉག་ཤིས་སྔགས་པས་གུར་བྲག་སྒོ་ནས་ཕུང་སྲི་མནན་པ། བྱང་དུ་བོན་གཏེར་གྱིས་ཡི་དམ་སྒོ་ནས་འཁྲུགས་སྲི་མནན་པ་བཅས་བསྒྲུབས་ནས་ཚེས་

― JKT021_Page_0149 ―

^{[མ་དཔེ་གཟིགས་ན་འདིར་གནོན།]}

[Full Size]

༢༦ལ་མནན་པ་རྒྱབ། ཚེས་༢༧སྔ་ཆར་གྱུར་བསྟུན། ས་དམིག་བཙལ་རྒྱུ་དང་བསང་གསེར་སྐྱེམས་བཏང་། ས་ཕུར་གཉིས་སམ་གང་རིགས་སློབ་དཔོན་དུ་དགོས་བླ་མ་རྣམས་ནས་ཐུགས་དཔྱད་ཀྱིས་བྱུང་ན་ས་བཅག་འདུར་འཆམས་ཚང་མ། མ་བྱུང་རུང་ཕུར་བའི་ས་ཆོག་ཕུར་གདབ་སྟ་གོན་སྐོར་ཚང་མ། ཚེས་༢༨ལ་རས་བྲིས་ལ་བསྟེན་པའི་སྒྲུབ་མཆོད། ཚེས་༢༩ཉིན་དགྲ་དུར་ཕུར་གསུམ་གྱི་མནན་པ་རྨང་ས་དབུས་སུ་རྒྱབ། དེ་མཉམ་བོན་གཏེར་ནས་དམ་སྲི་མནན་པ་དམིགས་བསལ་གང་ཡོད་མཛད། ཚེས་༣༠ཉིན་ཕུར་པའི་ཞི་བའི་སྦྱིན་སྲེག་དང་རྗེས་ཆོག་མཛད། ཚེས་༡ལ་སེང་གེ་སྒྲའི་ཀླུ་ཆེན་དགུའི་བུམ་པ་སྦ་དགོས་པས་དེའང་སྔ་ཚུད་བསྒྲུབས་ཚར་བར་མཛད་དགོས། སྦ་མཁན་ས་ཕུར་གང་རུང་གིས་མཛད་དགོས། གོང་གསལ་རྣམས་སྒྲུབ་མཁན་དཔོན་སློབ་བདུན་རེའམ་ལྔ་རེ་ལས་མི་ཉུང་བ་དགོས། དེ་ཐམས་ཅད་ཚེས་༢༣སྐོར་འདུ་ནས་བཅའ་གཞི་བསྒྲིག །ཕུར་པའི་ས་ཆོག་དང་འཆམས་ཚེས་༢༧ཉི་དྲོས་ཙམ་གྲུབ་དགོས་འདུག་པས་དེ་ལུགས་སྔ་བཞེངས་མཛད་རྒྱུ་དང་འཆམས་ལྷུ་བསྙུང་རྒྱུ་སོགས་གང་འོས་མཛད། གནམ་གང་ལ་རྡོར་སྤྲུལ་སོགས་ལྕང་རར་བྱོན། ཚེས་༡ནས་སྟོབས་ཆེན་མཆོད་རྟེན་བཅའ་གཞི་བསྒྲིག །དེའང་འཁོར་ལོ་བྲི་མཁན་གསུམ་

― JKT021_Page_0150 ―

^{[མ་དཔེ་གཟིགས་ན་འདིར་གནོན།]}

[Full Size]

དགོས་པས་རྟ་མགྲིན། ཤཱཀྱ་རྒྱལ་མཚན། བསོད་སྤྲུལ་དང་ལྷ་བསམ་གང་འོས། ལྷ་བཟོ་གསུམ་དགོས་རྒྱུའི་སྲེ་ཝར་ལྷ་དབང་དོན་ལྡན། གཞན་ཐང་ཀ་བྲི་ཤེས་མཁན་གང་རུང་གཅིག །འདགས་བཟོ་བློ་ལྡན་ཉི་མ་བཅས་འདི་རྣམས་ཉིན་བདུན་བརྒྱད་མ་གཏོགས་ཡུན་རིང་མི་འགོར། ཚེས་༣ལ་རྩེ་མདོར་སྐོར་ཙམ་སྐྱོད་ནས་ཕྱིའི་མཆོད་རྟེན་རྩིགས་རྨིངས་བཀོད་པ་དང་ཐིག་གདབ། ལྕང་ར་ནས་༧ འཁོར་ལོ་བྲི་སྒྲུབ་ཉིན་བདུན་བརྒྱད་འགོར་འདྲ་བས་དེ་བར་བུམ་གཏེར་བསྒྲུབ་རྒྱུ། འཛོམ་ན་བཀྲ་ཤིས་གཏེར་བུམ་གཏེར་གསར་ལུགས་བུམ་པ་ཆེ་དགུ། ཆུང་བཞི། ཐུགས་རྡོར་རྩ་གསུམ་གཏེར་བུམ། སྟག་ཤམས་ལྷའི་གཏེར་བུམ་ཆེ་གཅིག །ཆུང་བཞི་ཆ་ལྔ་ཙམ། གཏེར་གསར་ཡིད་བཞིན་འཁོར་ལོའི་གཏེར་བུམ་ལྔ། ཀློང་གསལ་གཏེར་བུམ་ལྔ། རཏྣའི་གླང་ཆེན་བཅས་ཆོག །ས་བདག་སྙིང་གཏེར་བུམ་པ་ཁ་ཤས། དགོན་ཆེན་ནས་བསྒྲུབས་ཟིན་ཡོད་ན་དང་མེད་ན་གསར་སྒྲུབ་མགོན་དཀར་བུམ་གཏེར་དགུ། ཀླུ་དབང་རྒྱལ་པོའི་བུམ་གཏེར་དགུ། བྱུང་ན་ཛཾ་དཀར་གའུ་ལྔ་བཅས། ཐོད་པ་འཛོམ་ན་གྲ་མངོན་ཛ་དམར་ཐོད་སྒྲུབ། གཞན་ལོངས་སྐབས་དང་བཅལ་ཁ་འཛོམ་ན་དམར་པོ་སྐོར་གསུམ། རྣམ་སྲས་རིགས། ཛཾ་ལྷ་རིགས་ལྔ། ནོར་རྒྱུན་མ། དཔལ་ཆེན་མ། ཨ་པ་རཱ་ཛི་

― JKT021_Page_0151 ―

^{[མ་དཔེ་གཟིགས་ན་འདིར་གནོན།]}

[Full Size]

ཏཱ། ཚོགས་བདག་དཀར་པོའི་འབྲུ་སྤེལ། དབྱུ་གུ་སྤུན་གསུམ་གྱི་རྟེན་སོགས་སྒྲུབ་ཐབས་རིན་འབྱུང་ནས་འབྱུང་བ་རྣམས་བཅའ་སྒྲུབ་བྱ། གནོད་སྦྱིན་འཁོར་ལོ་ཕོ་མོ་གཉིས་རྡོ་བརྐོས་གསེར་འདུར་བྱུགས་པ། དྲི་མེད་རྣམ་གཉིས་དཀྱིལ་འཁོར་རྡོ་བརྐོས་གསེར་འདུར་བྱུགས་ཤིང་པྲ་རྩིས་མནན་པ་ཚོན་བཏང་། སམྦུ་ཊིའི་ས་གཡོ་དང་ཐོག་སྲུང་འཁོར་ལོ་ཆེན་མོའང་བྱུང་ན་རྡོ་བརྐོས་གལ་ཆེ་བས་རྡོ་རྐོས་ཀྱང་གསུམ་ཙམ་གཟུགས་བརྐོས་ཐོན་མཁན་དགོས། ཕྱིའི་མཆོད་རྟེན་སྲོག་ཤིང་ཤུག་པ་ཤར་རྟགས་ཅན་རྩ་རྩེ་མ་ནོར། བྱུང་ན་གནས་ཆེན་ཏུ་སྐྱེས་པ་ཐོག་སོ་གསུམ་ཙམ་གས་ཆག་མེད་པ། སྐམ་པོ་འཛོམ་ན་རབ། ཅིས་ཀྱང་མ་རྙེད་ན་ཀཱ་ཤི་བཟང་པོས་གཡོགས་ནས་རས་གཞི་བཟོ། བྲི་རྫས་གསེར་འདུར་འཛོམ་ན་དང་མ་འཛོམ་ན་བ་བླ་གསེར་འདུར་བསྲེ། ཡིག་འབྲུ་ཆེན་པོ་བྱ། །ཡང་ན་ཁ་ཆེ་དྲི་བཟང་འཐུག་བོ་བྱུགས་པའི་སྟེང་མཚལ་གྱིས་བྲི། འོད་ཟེར་དྲི་མེད་གཟུངས་མདོ་གླེགས་བམ་སོར་བཞི་གསེར་བྲིས། ཆོས་དབང་སྲོག་ཤིང་བརྟན་པའི་ཙཀྲ་བྱུང་ན་བཟང་། གང་ལྟར་ཡི་གེ་བྲི་རྒྱུ་མང་བས་གཟབ་བྲིས་བཟང་བ་གསུམ་ལས་མི་ཉུང་བ་དགོས། བྲི་གཞི་བྱུང་ན་གོས་ཆེན་ལ་ཤི་དཔུང་མ་ཡུག་གཅིག །མ་འཛོམ་ན་ཟི་ཏྲི་ན་སེར་པོ་བུབ་ཆེ་གཅིག །བྲི་རྫས་ཀྱང་གསེར་དངུལ་

― JKT021_Page_0152 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་མཚལ་སོགས་དགོས་འདོང་། གཞན་གཟུངས་གཞུག །ཤོག་དྲིལ། གླེགས་བམ། འཁོར་ལོ། སྐུ་གསུང་ཐུགས་རྟེན། དྲི་མེད་རྣམ་གཉིས་ཆས། ཤོག་བུ་སྲབ་མཐུག་དགོས་འདོང་སོགས་ཟུར་ཐོ་ལྟར། ཚེས་༡༤ལ་གཙུག་ཏོར་དྲི་མེད། ཚེས་༡༥ལ་འོད་ཟེར་དྲི་མེད་སྲོག་ཤིང་འཛུག་ཆོག །དེའང་སཱཙྪ་སྒྲུབ་པ་སྔོན་དུ་འགྲོ་བས་གྲུབ་རྩིས། ཟླ་༥པའི་མགོ་མཇུག་ཏུ་བོན་གཏེར་ནས་ལུང་དོན་བསྒྲུབ་དགོས་གང་ཡོད། རང་ལུགས་ཞིབ་ཆ་དང་མནན་སྲེག་འཕང་གསུམ་ཚད་ལྡན་རིན་ཆེན་ནས་རྒྱབ་རིམ་ཞི་བརྔན་བསང་གསུམ། འཁོར་འདས་མཆོད་པ། ས་བདག་དབང་ཆེན། འཁྲུགས་བཅོས་ཚར་གྲངས། སྡེ་བརྒྱད་ཁེངས་མདོས། དམ་སྲི་གླུད་མདོས། མ་མོ་དང་བརྟན་མའི་མདོས་ཆེ་ཆུང་གང་བྱུང་། རྒྱལ་མདོས། གླིང་བཞི་སྤྱི་མདོས། དགོན་ཆེན་ལྕགས་ར་དཔལ་འབྱོར་སྐོར་གྱི་དགེ་སློང་ཆ་ཤས་ཀྱིས་བཀའ་འགྱུར་ཞལ་ཕྱེ། འབུམ་རྒྱས་འབྲིང་བསྡུས་གསུམ། བཀའ་ཐང་སྡེ་ལྔ། བཀའ་འདུས། གཟུངས་འདུས་སོགས་ཆོས་ཀློག་ཆབ་གཏོར་བརྒྱ་རྩ་གླུ་གཏོར། ཆ་གསུམ་ཅི་མང་། ཆོས་སྲུང་སྐོང་གསོལ། སཱཙྪ་གདབ་པ་སོགས་དགེ་བའི་དཔུང་བསྐྱེད། གཞན་ཡང་སྲོག་བསླུ། གཡང་སྐྱབས། མ་མོ་འཁྲུགས་སྐོང་སོགས་དམིགས་སུ་ཁེལ་བ་བྱེད། དབང་ཆེན་དང་

― JKT021_Page_0153 ―

^{[མ་དཔེ་གཟིགས་ན་འདིར་གནོན།]}

[Full Size]

གཡང་སྐྱབས་ཀྱི་རྟེན་སོགས་གྲོང་ཆོག་ཕལ་པ་ལྟ་བུ་མ་ཡིན་པ་བཅའ་གཞི་སྐྱོན་མེད་བསྒྲུབ་ཐུབ་པ་བྱུང་ན་གནོད་སྦྱིན་བང་མཛོད་སྐོར་དུ་བཞག་པ་ལེགས། ཟླ་༥ཚེས་༡ནས་སྟོབས་ཆེན་མཆོད་རྟེན་བཅའ་གཞིའི་དབུ་བཟུང་ནས་ཚེས་༡༠སྐོར་མཆོད་རྟེན་རབ་གནས་ཡན་ཚར་རྩིས། དེ་མཚམས་བསྙེན་སྒྲུབ་ལས་གསུམ་དབུ་བཟུང་ནས་བདུན་གསུམ་ཙམ་ལོང་སྐབས་གང་ཡོད། ཉིན་ཐུན་བཞི། མཚན་ཐུན་གསུམ་སྔགས་རྒྱུན་མ་ཆད་པ་དགོས་པས་སློབ་དཔོན་གྱི་གཙོ་བོ་རྡོར་སྤྲུལ་དང་། མགོ་ཚོ་བླ་མ་གཙོས་ཚེ་བདག་བསྙེན་སོང་བཅུ་མན་ཆད། ཆོག་རོགས་དང་ཛབ་རྒྱུན་པ་སོགས་ཚེ་བདག་གི་བསྙེན་ཆུང་ཙམ་མམ་དེ་མིན་ཐུགས་ཕུར་བསྙེན་པ་སོང་བ་ཙམ་ཡོད་ན་རབ། དེ་མིན་ཚེ་བདག་དབང་ལུང་ཐོབ་པ་བཅུ་སྐོར་ངེས་པར་དགོས། ཟླ་ཚེས་༢ྋསྐོར་མཆོད་རྟེན་རྩེ་མདོར་གདན་འདྲེན་གྲུབ་ངེས། ཚེས་༡སྔ་ཆར་མཆོད་རྟེན་བཞུགས་རྒྱུ་དང་གནོད་སྦྱིན་བང་མཛོད་བཅའ་ཁ་བྱས་ནས་སྒོ་ལེགས་པར་བཅད། སྐུ་དཀར་སྔོན་དུ་མ་ཐོན་ན་འདི་ཉིན་ཐོན་ངེས་བྱ། ཚེས་༣དཀྱིལ་འཁོར་སྟ་གོན། ཚེས་༣རབ་གནས་སྟ་གོན། ཚེས་༤ རབ་གནས་དངོས་གཞི་འཐོར་ནས་བཅས་སྔ་ཚེ་གྲུབ་པར་བྱ། ཚེས་༥སྔ་ཆར་གཏོང་རག་ཚོགས་མཆོད། བསང་བརྔན། སྦྱིན་གཏོང་སོགས་མཐར་རྒྱས་བྱ། རབ་

― JKT021_Page_0154 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་ཀྱང་ཕྱོགས་བཞི་ནས་ཁག་བཞི་ཙམ་ཐུང་ན་ལེགས་པས་དཔོན་སློབ་ཞབས་དྲུང་འདྲ་དབུ་བཞུགས་ཀྱིས་ས་ལུགས་ཀྱེ་རྡོར་རབ་གནས་དང་རྒྱས་པའི་སྦྱིན་སྲེག །སྤྲུལ་སྐུ་ཐོས་དགའ་འདྲ་དབུ་བཞུགས་ཀྱིས་ཀར་ལུགས་བདེ་མཆོག་རབ་གནས་དང་དབང་གི་སྦྱིན་སྲེག །བུམ་སྒྲུབ་ཕེབས་ཞོར་རེད་འོང་ན་ཀཿཐོག་ཞིང་སྐྱོང་ཨི་ལེགས་གང་ལྟར་རྙིང་མའི་རྡོར་སློབ་ཚད་ལྡན་ཞིག་གིས་བཀའ་བརྒྱད་སྒོ་ནས་སྨིན་ལུགས་དགེ་ལེགས་འདོད་འཇོའི་རབ་གནས་དང་ཞི་བའི་སྦྱིན་སྲེག །ཚེ་བདག་མཁན་པོ་རྣམས་ནས་ཉིན་གསུམ་ཚེ་ཚེ་བདག་གི་སྒྲུབ་པ་ཡང་བསྐྱར་དང་དྲག་པོའི་སྦྱིན་སྲེག་རབ་གནས་མདོར་བསྡུས་བཅས། དེའང་རབ་གནས་སྟ་གོན་དྲག་པོའི་སྦྱོང་བའི་རྗེས་དྲག་སྦྱིན། སྦྱོང་བ་གསུམ་གྱི་རྗེས་ཞི་སྦྱིན། ཡེ་ཤེས་དབབ་པའི་སྐབས་དབང་སྦྱིན། མངའ་དབུལ་སྐབས་རྒྱས་སྦྱིན་དགོས། ཆོས་སྐྱོང་དང་ཡོན་བདག་བསྒོ་བ་ཀྱེ་རྡོར་ཚང་ཁོ་ནས་ཆོག །ཆོས་སྐྱོང་རྟེན་མདོ་ཚང་ཞིག་དགོས་པ་རྒྱལ་མཚན་བླ་མ་ལ་བསྒྲུབ་བཅོལ་ན་ཆོག་སྙམ། མཆོད་རྟེན་ཐིག་ཚད་དཔེ་ན་ནིང་དགོན་ཆེན་གསེར་གདུང་སྐབས་ཤིང་གི་མཆོད་རྟེན་ཆུང་ངུ་ཡོད་པ་དེ་དང་། ཐིག་ཚད་ལྟ་མཁན་ཕན་བདེ། འཇམ་དབྱངས་ཡོན་ཏན། རྔོ་ཁང་ལྷ་གཉེར་གསུམ་གང་རུང་འོས། སྲོག་ཤིང་འཛུག་སྐོར་སོགས་སེམས་

― JKT021_Page_0155 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐྱེད་མཆོད་པ་གང་རྒྱས་དང་། བཀྲ་ཤིས་གསོ་སྦྱོང་མཛད་ན་ཤིན་ཏུ་ལེགས་པར་འབྱུང་བས་སིདྡྷིབྷ་བནྟུ། དགེ་ལེགས་འཕེལ། ༈ །ཚོགས་ཀྱི་འཁོར་ལོའི་ལག་ལེན་བསྐྱུད་བྱང་ཟིན་བྲིས་སུ་བཏབ་པ་ཚོགས་གཉིས་དགའ་བའི་ཆུ་གཏེར་ཞེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །མི་ཕྱེད་གྲུབ་པའི་ཐིག་ལེ་ནི། །ཟུང་འཇུག་སྒྱུ་མར་རོལ་པའི་གར། །ཧེ་རུ་ཀ་དཔལ་བླ་མ་ལ། བཏུད་ནས་བསྐྱུད་བྱང་ཟིན་བྲིས་སྤེལ། དེ་ལ་རྣལ་འབྱོར་པ་གང་ཞིག་གནས་སྐབས་སུ་ཚོགས་གཉིས་རྫོགས་ཤིང་། འགལ་རྐྱེན་ཞི་བ་དང་། དམ་ཚིག་ཉམས་ཆག་བཤགས་པ་སོགས་དགོས་པར་ཁྱད་པར་ཅན་དང་། མཐར་ཐུག་ཚོགས་སྤྱོད་ཀྱི་ཉེ་རྒྱུ་ལ་བརྟེན་ནས་ཟུང་འཇུག་གི་གོ་འཕང་འགྲུབ་པར་འདོད་པ་དག་གིས་གང་བརྩམས་པར་བྱ་བའི་ཡན་ལག་ནི་ཚོགས་ཀྱི་འཁོར་ལོ་སྟེ། དེ་ཡི་ངོ་བོ་དང་། ངེས་ཚིག་དང་། རྣམ་དབྱེ། ཕན་ཡོན་སོགས་ལ་རྒྱས་པ་ནི་གཞན་དུ་ཤེས་པར་བྱ་ལ། འདིར་ལག་ལེན་ཉེར་མཁོ་འཆད་ན། དཀྱིལ་འཁོར་གང་རུང་གི་ལས་གཞུང་བསྲངས་ཞིང་། དེ་ཡི་ཡོ་བྱད་སོགས་ནི་གཞུང་དེར་གསལ་བ་ལས་སྨོས་མ་དགོས་ཤིང་། བྱེ་བྲག་ཚོགས་འཁོར་གྱི་ཡོ་བྱད་ལ། དཀྱིལ་འཁོར་མདུན་སྟེགས་ཅུང་ཟད་དམའ་བར། གཅན་གཟན་གྱི་པགས་པ་སྡེར་བཞི་མ་

― JKT021_Page_0156 ―

^{[མ་དཔེ་གཟིགས་ན་འདིར་གནོན།]}

[Full Size]

ཉམས་པ་བཀོད་པའི་སྟེང་དུ། གཡས་སུ་ཤ་དང་། སྒོག་བཙོང་། ཤིང་ཐོག ཁུར་བ་སོགས་ཐབས་ཀྱི་རྫས་དང་། གཡོན་དུ་ཆང་དང་། རཀྟ་སོགས་ཤེས་རབ་ཀྱི་རྫས་དང་། དབུས་སུ་ཚོགས་གཏོར་བཤམས། དེ་ལ་མཆོད་པ་དང་། བཤགས་པ་དང་། བསྒྲལ་བ་དང་། ལྷག་མ་སྟེ་ཆ་བཞིར་བཤམས་པའི། བསྒྲལ་བ་མ་གཏོགས་པ་ལ་ཐོག་མར་བསང་ཆུ་དང་། དེ་རྗེས་སྦྲེང་ཐུར་གྱིས་སྨན་རག་སོ་སོར་བྲན། བསྒྲལ་བ་ལ་སྨན་རག་བྲན་ན་དམེར་འགྲོ་བར་མ་ཟད། བྱིན་རླབས་ཀྱང་མི་རུང་བས་ལོག་ཤིག་ཏུ་བཤམས། ཟན་ལིང་ཡོད་ན་བསྒྲལ་བ་ལོགས་སུ་མི་དགོས་ཏེ་དེས་མཐུས། དེ་ནས་རྣལ་འབྱོར་པ་རྣམས་གྲལ་དུ་ཞུགས་པའི་ཐོག་མར་བརྗོད་མེད་དོན་བཤགས་སྔོན་དུ་འགྲོ་བས། བྱིན་རླབས་དང་སྤྱན་འདྲེན་གྱི་རྗེས། མཆོད་པའི་སྐབས་ལས་རྡོར་ལངས་ནས་ཕུད་ལ་ཚོགས་ཆང་བྲན་ཞིང་། འབུལ་སྔགས་བརྗོད་པ་དང་ལྷན་ཅིག་ཏུ་འབུལ། དེ་ནས་བཤགས་པ་ལའང་དེ་བཞིན་དང་། བསྒྲལ་བའི་སྐབས་ཚོགས་ཟན་ནམ། ཟན་ལིང་རྡོ་རྗེ་སློབ་དཔོན་མདུན་དུ་བཀྲམ། བཀུག་བསྟིམས་དང་། བསྒྲལ་བ་དངོས་ཚར་ནས། ཞལ་སྟབས་སྐབས་སུ་སྨན་རག་བྲན་ཏེ། དེ་ནས་བསྐང་བ་རང་གཞུང་བཞིན་གྱི་རྗེས། གཏོར་བསྔོས་བསྡུས་པ་ཙམ་དང་། དེ་ནས་བསམ་ལྷུན་ནམ།

― JKT021_Page_0157 ―

^{[མ་དཔེ་གཟིགས་ན་འདིར་གནོན།]}

[Full Size]

མྱུར་འགྲུབ་གང་ལྕོགས་འདོན། དེ་ནས་ལས་རྡོར་ལངས་ཏེ། གཙོ་ཕྱག་དང་གྲལ་ཕྱག་སྔོན་དུ་འགྲོ་བས། ལག་གཉིས་ཀྱིས་ཐབས་ཤེས་ཀྱི་རྫས་སྟེང་འོག་བསྣོལ་མར་ཁྱེར་ལ། ཧོ༔ བླ་མ་དཔའ་བོ་ཆེན་པོ་དགོངས་སུ་གསོལ། སོགས་གདངས་དང་བཅས་འདོན་མཐར། རྡོ་རྗེ་སློབ་དཔོན་གྱིས། ཧོ༔ རིན་ཐང་མེད་ལ་ལེགས་འོང་ཆོས། སོགས་གདངས་བཅས་འདོན་མཐར། རོལ་སྔགས་བརྗོད་པ་ལྷན་གཅིག་པད་སྐོར་དང་བཅས་བསྣོལ་རྒྱས་བླངས། དེ་ནས་ཚོགས་པ་རྣམས་ལ་རིམ་བཞིན་དྲངས་ཟིན་པ་དང་བླ་མས་བསྐུལ་ནས། ཧོ༔ བདག་ལུས་ཕུང་ཁམས་སོགས་བརྗོད་ལ་ཚིམ་པ་རོལ་མཐར། ཧེ་རུ་ཀདཔལ་གྲོང་ཁྱེར་དུ། སོགས་སྨོན་ལམ་ཅི་ནུས་གདབ། དེ་ནས་བར་འདིར་དབང་བསྐུར་དང་། གནས་ལུང་སོགས་བྱ་ཞིང་། ལྷག་མ་ལ་བབ་པ་ན། རྣལ་འབྱོར་བའི་ཕུད་ཞེས་སྔར་བཤམས་པའི་ཚོགས་ལྷག་དེ་ལ། དཔལ་ཆེན་པོའི་ཕ་འབབས་ཞེས་རྣལ་འབྱོར་པས་རོལ་པའི་ལྷག་མ་བསྣན་ཅིང་། དེ་ཉིད་ཞི་རྒྱས་དབང་གསུམ་ལ་ཧེ་རུ་ཀའི་བཞེས་ལྷག་ཞེས་ཚོགས་ཕུད་ནས་ཆ་ཤས་སྔོན་ནས་བཞག་པའམ། མིན་ཀྱང་དཀྱིལ་འཁོར་དུ་མཆོད་ཚར་བ་ནས་བླངས་ཏེ་བསྣན། དྲག་ཤུལ་གྱི་ལས་ལ་ལྷག་མ་ཉིད་ཧེ་རུ་ཀའི་བཞེས་ལྷག་ཡར་བསྣན་པ་སྟེ། འོན་ཀྱང་དེངས་

― JKT021_Page_0158 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུན་དུ་ཕྱག་ལེན་སྔ་མ་ལྟར་ཤས་ཆེ། དེ་ནས་འདོན་ཚིག་དང་བསྟུན་ཏེ་སྒྲུབ་ཁང་གི་ཕྱི་རོལ་གོམས་པ་བདུན་ཅུའི་མཚམས་སུ་བསྐྱལ། གལ་ཏེ་བསྒྲུབ་པ་ཞག་བདུན་ཕྲག་སོགས་སུ་བྱེད་ཚེ་དཀྱིལ་འཁོར་གྱི་ལྷོ་ཕྱོགས་སུ་བསགས། དེ་ནས་ཆད་ཐོའི་གཏོར་མ་ལ་ཉིན་མོ་ཡིན་ན་སྤོས་ཐུར་དང་། མཚན་མོ་ཡིན་ན་དཔལ་འབར་བཙུགས་པ་བཏེགས་ཏེ་སྨན་རག་བྲན་ལ་འབུལ་ཚིག་དང་བསྟུན་ཕྱི་རོལ་ཏུ་ཡིག བསྐྱལ། དེའི་གཏོར་སྣོད་བཤལ་བའི་ཆུ་བརྟན་མའི་གཏོར་མ་ལ་བྲན་ནས་གཤེགས། གཏོར་གཞོང་ཁ་སྦུབས་ལ་ལས་མཇུག་བྲོ་ཡིས་བསྡུ་བ་རྣམས། ཆོས་སྲུང་གཏོར་མ་ཡོད་ན་དེའི་བསྐུལ་པ་ཆད་ཐོའི་གོང་དུ་བཏང་བ་དང་། ལྷག་མ་བཅས་ལ་ཉིན་མོ་སྤོས་ཐུར་དང་མཚན་མོ་དཔལ་འབར་འཛུག་སྲོལ་སྣང་ངོ་། །ཞེས་པའང་ཉེ་མཁོའི་བསྐྱུད་བྱང་འཕྲལ་མར་སྤེལ་བ་ཤུ་བྷཾ། ༈ །གཞི་བདག་རྟེན་བཀོལ་སྐབས། ཐོག་མར་ཐུགས་སྒྲུབ་ལས་བྱང་ཚོགས་སྐོང་བཅས་དང་། བསང་། གསེར་སྐྱེམས་རྣམས་གྲུབ་ནས། གསས་མཁར་བརྩིགས་པའི་འོག་གི་རི་ཞབས་ཐག་ཉེ་རིང་གང་བདེར་ཡུལ་འདྲེ་མནན་པ་གཞུང་ལྟར། དེ་ནས་གསས་མཁར་བརྩིགས་པ་དངོས་དེར་གསེར་སྐྱེམས་དང་། དཀར་གཏོར། བགེགས་གཏོར་བཤམས་ལ་ས་སློང་དང་། ས་སྲིན་བསྐྲད། ས་རྒོད་ཡིན་ན་ལྟོ་འཕྱེ་བརྟག་

― JKT021_Page_0159 ―

^{[མ་དཔེ་གཟིགས་ན་འདིར་གནོན།]}

[Full Size]

པ་གྲུབ་ན་ལེགས། དེ་མིན་གསས་མཁར་བརྩེགས་པའི་འོག་གཞིར་གཞལ་ཡས་ཁང་པར་ཚོན་བྱེད་པདྨ་འདབ་བརྒྱད་བཏང་། དེ་སྟེང་བུམ་པ་བཞག །ཚས་དང་ཁ་ཆོད་ལེགས་པར་བརྒྱབ་པའི་རྩེར་རྒྱབ་ཏུ་དར་ལྕོག །མགུལ་དུ་འཁོར་ལོ། མདུན་དུ་ཤིང་བྱང་། གཞན་ཡང་ཤིང་རྩི་བལ་ཚོན་སོགས་བཙུག །དམུ་ཐག་འཐེན་ཞེས་པ་ཤིང་བྱང་རྩེ་ནས་ཚོན་སྐུད་གསས་མཁར་ཕྱོགས་བཞིར་འཐེན་། དཀར་གཏོར་དང་ཉེར་སྤྱོད། བསང་དང་གསེར་སྐྱེམས་སོགས་བཤམས། སྦྱོང་བ་དང་། རི་ཁྲུས་སྤྱི་ལྟར་བྱ། དེ་ནས་སྔགས་དྲུག་ཕྱག་དྲུག་ནས་བཟུང་གཞུང་ལྟར་ཚང་བར་བཏང་ལ་མཐར། ཕྱོགས་བཅུ་དུས་བཞི་སོགས་གཏེར་གསར་བསྔོ་སྨོན་དང་། ཕུན་སུམ་ཚོགས་འཛིན་ལྟ་བུའི་བཀྲ་ཤིས་རྒྱས་པར་བརྗོད། དེ་ནས་བསང་གི་མཇུག་དང་། ཚོགས་ལ་རོལ་པ། ལྷག་མ་སོགས་ལས་བྱང་མཐའ་བསྡུའོ། །མངྒ་ལཾ། ༈ །འཕགས་མ་སོ་སོར་འབྲང་མའི་འཁོར་ལོའི་མན་ངག་དོན་ཐམས་ཅད་ཡོངས་སུ་གྲུབ་པ་མཁས་པའི་རྣ་རྒྱན་ཅེས་བྱ་བ་བཞུགས་སོ། །ན་མོ་གུ་ར་བེ། བྱ་རྒྱུད་དེ་བཞིན་གཤེགས་པའི་རིགས་ཀྱི་ཡུམ་འཕགས་མ་རིག་པའི་རྒྱལ་མོ་ལྔ་ལས། གསུམ་པ་རིག་པའི་རྒྱལ་མོ་སོ་སོར་འབྲང་མ་ཆེན་མོའི་གཟུངས་ནི། སྟོན་པ་རྡོ་རྗེ་ལྷུན་པོ་ཆེན་པོའི་ཟོམ་ཁང་བརྩེགས་རྡོ་

― JKT021_Page_0160 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་ཆེན་པོའི་ས་གཞིར་རྡོ་རྗེའི་སེང་ཁྲི་ལ་བཞུགས་ཏེ་འཁོར་སྐྱེ་བ་གཅིག་གིས་ཐོགས་པའི་བྱང་སེམས་དང་། ཉན་ཐོས་དང་། འཇིག་རྟེན་པའི་འཁོར་དཔག་ཏུ་མེད་པ་དང་ཐབས་གཅིག་ཏུ་བཞུགས་པ་ན་སྨིན་མཚམས་ནས་འོད་བཀྱེ་སྟེ། ཞིང་ཐམས་ཅད་སྣང་བར་བྱས་ནས་འཁོར་ལ་རིག་སྔགས་ཀྱི་ཕན་ཡོན་གསུངས་ཏེ་རིག་སྔགས་རྒྱས་པར་བཀའ་སྩལ་ཏེ། དེ་ནས་རིག་སྔགས་ཀྱི་ཕན་ཡོན་སྒྲ་གཅན་ཚཟིན་བཟང་པོས་རིག་པ་འདི་ཡིད་ལ་བྱས་པས་མེས་མ་ཚུགས་པ་དང་། ཚོང་དཔོན་མཛོད་སྟོབས་ཅན་གྱི་བུ་ཀླུ་འཇོག་པོའི་དུག་གིས་ཟིན་པ་དགེ་བསྙེན་དྲི་མ་མེད་པར་གྲགས་པས་རིག་པ་འདི་བརྗོད་པས་ཉེ་བར་ཞི་བ་དང་། རྒྱལ་པོ་ཚངས་པས་བྱིན་གྱིས་རིག་པའི་རྒྱལ་མོ་འདི་སྤྱི་བོར་བཏགས་པས་ཕ་རོལ་གྱི་དམག་ཚོགས་ལས་རྒྱལ་བ་དང་། དགེ་སློང་བསླབ་པ་དྲལ་ཞིང་མི་དགེ་བ་མང་དུ་སྤྱད་པ་དགེ་བསྙེན་ཞིག་གིས་རིག་པའི་རྒྱལ་མོ་འདི་བྲིས་ཏེ་དེའི་མདུན་དུ་བཏགས་པས། ནད་ལས་གྲོལ་ཞིང་མནར་མེད་པའི་སེམས་ཅན་དམྱལ་བ་ལས་གྲོལ་ཏེ་སུམ་ཅུ་རྩ་གསུམ་པའི་ལྷའི་ནང་དུ་སྐྱེས་པ་དང་། ཚོང་དཔོན་དྲི་མེད་དུང་གིས་རྒྱ་མཚན་རྩེ་མོར་བཏགས་པས། རྒྱ་མཚོ་འཁྲུགས་པའི་འཇིགས་པ་ལས་ཐར་བ་དང་། རྒྱལ་པོ་ལག་བརྐྱང་གིས་བཙུན་མོ་དམ་པའི་མགུལ་དུ་བཏགས་པས་བུ་མེད་

― JKT021_Page_0161 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་སྡུག་བསྔལ་ལས་གྲོལ་བ་དང་། ལྷའི་དབང་པོ་བརྒྱ་བྱིན་གྱིས་སྤྱི་བོར་བཏགས་པས་ལྷ་མ་ཡིན་གྱི་ཕྱོགས་ལས་རྣམ་པར་རྒྱལ་བའི་གཏམ་རྒྱུད་ངོ་མཚར་བ་བཅས་གསུངས་ནས། སྙིང་པོ། ཉེ་སྙིང་། རབ་ཏུ་གསང་བའི་སྙིང་པོ་ཕན་ཡོན་དང་བཅས་པ་གསུངས་ཏེ། འདིས་སྟོན་པ་རྒྱ་ཆེར་རབ་ཏུ་བཞད་པའི་ཞལ་གྱིས་ཡིད་ཀྱིས་ལན་བདུན་བརྗོད་པས་བདུད་ཐམས་ཅད་བཅོམ་པ་དང་། རྒྱལ་པོ་ཚངས་པས་བྱིན་གྱིས་ཆད་པས་བཅད་པའི་འཕགས་རྒྱལ་བའི་མི་ཞིག་གིས་ཡིད་ལ་དྲན་པས་གཤེད་མ་དང་། གནོད་སྦྱིན་དང་། ཆུའི་འཇིགས་པས་མ་ཚུགས་ཤིང་རྒྱལ་པོའི་ཆད་པ་ལས་གྲོལ་བའི་གཏམ་རྒྱུད་གསུངས་ནས་འཁོར་ལོ་བྲི་བའི་ཆོ་ག་ཕན་ཡོན་དང་བཅས་པ་དང་། བསྲུང་བའི་ཆོ་ག་རིག་སྔགས་ཕན་ཡོན་དང་བཅས་པ་དང་། ནད་གསོ་བའི་ཆོ་ག་ཕན་ཡོན་དང་བཅས་པ་གསུངས་སོ། །དེ་ལྟར་རིག་སྔགས་སྡེ་ཚན་གསུམ་གྱི་དང་པོའི་སྐབས། བྲམ་ཟེ་ཆེན་པོ་གང་ལ་ལ་ཞིག་རིག་པའི་རྒྱལ་མོ་སོ་སོར་འབྲང་མ་ཆེན་མོ་འདི་ཆོ་ག་བཞིན་དུ་བྲིས་ཏེ་ལག་པའམ། མགུལ་དུ་བཏགས་ན་དེ་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་པར་རིག་པར་བྱའོ། །དེ་དེ་བཞིན་གཤེགས་པ་ཐམས་ཅད་ཀྱི་སྐུར་རིག་པར་བྱའོ། །རྡོ་རྗེའི་ལུས་ཡིན་པར་རིག་པར་བྱའོ། །དེ་དེ་བཞིན་གཤེགས་

― JKT021_Page_0162 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཐམས་ཅད་ཀྱི་རིང་བསྲེལ་གྱི་སྙིང་པོ་ཅན་ཡིན་པར་རིག་པར་བྱའོ། །དེ་དེ་བཞིན་གཤེགས་པ་ཐམས་ཅད་ཀྱི་སྤྱན་ཡིན་པར་རིག་པར་བྱའོ། །དེ་རྡོ་རྗེ་ཆེན་པོའི་ལུས་སུ་རིག་པར་བྱའོ། །དེ་འབར་བ་འོད་འཕྲོ་པའི་ལུས་དང་ལྡན་པར་རིག་པར་བྱའོ། །དེ་མི་ཤིག་པའི་ཆོ་ག་ཅན་དུ་རིག་པར་བྱའོ། །དེ་དགྲ་ཐམས་ཅད་རབ་ཏུ་འཇོམས་པར་རིག་པར་བྱའོ། །དེ་སྒྲིབ་པ་དང་སྡིག་པ་ཐམས་ཅད་འཇོམ་༧ པར་རིག་པར་བྱའོ། །དེ་སེམས་ཅན་དམྱལ་བའི་འགྲོ་བ་རྣམས་སྦྱོང་བར་རིག་པར་བྱའོ། །ཞེས་མཚམས་སྦྱར་ཏེ་དགེ་སློང་ངན་འགྲོ་ལས་གྲོལ་བའི་ཚུལ་རྒྱས་པར་གསུངས་པའི་འཇུག་ཏུ། དེ་ཚེ་དེར་ནི་དེ་དག་གིས། །རྒྱལ་པོའི་ཕོ་བྲང་ཉེ་བ་ན། །སྒང་བུ་དེ་ཡི་འཁོར་ཡུག་ན། །འབར་བ་གཅིག་གིས་གང་བར་མཐོང་། །མི་རོ་ཞིག་གི་མགུལ་བ་ན། །སོ་སོར་འབྲང་བ་བཏགས་པའང་མཐོང་། །ལྷ་དང་ཀླུ་དང་དྲི་ཟ་དང་། །གནོད་སྦྱིན་སྲིན་པོ་མིའམ་ཅིས། །ཀུན་ནས་འཁོར་བར་བསྐོར་ནས་ནི། །བླ་ན་མེད་པའི་མཆོད་པ་བྱེད། །དེ་ལ་གནོད་སྦྱིན་དེ་དག་གིས། །སོ་སོར་འབྲང་བའི་སྒང་ཞེས་བཏགས། །ཞེས་གསུངས། དེའང་དགེ་སློང་སྡིག་པ་སྣ་ཚོགས་བྱེད་པ་དེ་འཆི་ནད་ཚབས་ཆེན་པོས་བཏབ་པ་ན། དགེ་བསྙེན་ཞིག་གིས་སོ་སོར་འབྲང་མ་འདི་བྲིས་ཏེ་མགུལ་དུ་བཏགས་པས་ནད་

― JKT021_Page_0163 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྲལ་དུ་ཞི། དྲན་པ་ཤིན་ཏུ་ཉེ་བར་བཞག་སྟེ། འཆི་བའི་དུས་བྱས་པ་ན་དེ་མ་ཐག་ཏུ་སྡིག་པའི་མཐུས་མནར་མེད་པའི་དམྱལ་བར་སྐྱེས། རོ་དེ་སྒང་བུ་ཞིག་ལ་བཞག་ནས་སོ་སོར་འབྲང་མའང་མགུལ་དུ་བཏགས་བཞིན་པའི་བྱིན་རླབས་ཀྱིས། མནར་མེད་ཀྱི་མེ་རང་ཞི་ནས། སེམས་ཅན་དམྱལ་བ་ཀུན་ཀྱང་བདེ་བ་དང་ལྡན་པར་གྱུར། དེ་གཤིན་རྗེའི་མི་རྣམས་ཀྱིས་ཆོས་ཀྱི་རྒྱལ་པོ་ལ་བརྗོད་པས། གཤིན་རྗེའི་རྒྱལ་པོས་སོ་སོར་འབྲང་བ་བཏགས་པའི་མཐུ་ཡིན་པའི་ཚུལ་རྒྱས་པར་བསྙད་ཅིང་། གང་གིས་ཚིག་རྣམས་ཡོངས་དྲན་པས། །དེ་ནི་ངན་འགྲོར་འགྲོ་མི་འགྱུར། །སོ་སོར་འབྲང་བ་བསྒོམ་པ་ཡི། །ཤེས་རབ་ཅན་དེ་བདེ་འགྲོར་འགྲོ། །སེམས་ཅན་དམྱལ་བའི་སྲུང་མ་ཁྱེད། །རབ་ཏུ་རྒྱལ་དང་ལྡན་པར་དོང་། །དེར་ནི་སྒང་བུ་མཐོན་པོ་ན། །ལྷ་རྣམས་ཀྱིས་ནི་བསྐོར་བ་ལྟོས། །སོགས་བསྐུལ་པས་དེ་རྣམས་སོང་བ་ན་གོང་དུ་སྨོས་པ་བཞིན་མཐོང་བས་ངོ་མཚར་ཞིང་། དགེ་སློང་དེ་སུམ་ཅུ་རྩ་གསུམ་པའི་ལྷར་སྐྱེས་ཚུལ་ཤིན་ཏུ་རྒྱས་པར་གསུངས་སོ། །ཡང་། རྒྱལ་པོ་ཚངས་བས་བྱིན་གྱི་ལོ་རྒྱུས་སྐབས། རྒྱལ་པོ་ཚངས་པས་བྱིན་སྤོས་ཆུ་སྣ་ཚོགས་ཀྱིས་མགོ་བཀྲུས་ཏེ། གོས་གཙང་མ་བགོས་ནས་རིག་པའི་རྒྱལ་མོ་འདི་ཆོ་ག་བཞིན་དུ་བྲིས་ཏེ། མགོའི་གཙུག་གི་སྐྲའི་

― JKT021_Page_0164 ―

^{[མ་དཔེ་གཟིགས་ན་འདིར་གནོན།]}

[Full Size]

ནང་དུ་བཞག་སྟེ་རིག་པའི་རྒྱལ་མོ་འདི་ཉིད་ཀྱི་གོ་ཆ་བྱས་ཏེ་གཡུལ་གྱི་ནང་དུ་ཞུགས་པ་དང་། ཅེས་སོགས་ཀྱིས་གཡུལ་ལས་རྒྱལ་བའི་ཚུལ་དང་། ཚོང་དཔོན་དྲི་མེད་དུང་གི་ལོ་རྒྱུས་ལས་འཕྲོས་ནས། །འདི་ཉིད་རྒྱལ་མཚན་གྱི་རྩེ་མོར་བཏགས་ན། རླུང་དང་། གྲང་བ་དང་། དུས་མ་ཡིན་པའི་སྤྲིན་དང་། གློག་དང་། ལྕེ་འབབས་པ་ཐམས་ཅད་ཞི་བ་དང་། འཐབ་རྩོད་ཐམས་ཅད་ལས་ཐར་པ་དང་། ལོ་ཏོག་ལ་འཚེ་བའི་སྲོག་ཆགས་ཐམས་ཅད་ཞི་བ་དང་། གཅན་གཟན་སོགས་ཀྱི་འཇིགས་པ་དང་བྲལ་བ་དང་། མེ་ཏོག་དང་། ལོ་མ་དང་། སྨན་དང་། འབྲས་བུ་རྣམ་པར་འཕེལ་བ་དང་། ཆར་ཆུ་དུས་སུ་འབེབས་པ་སོགས་ཡོན་ཏན་མཐའ་ཡས་པར་གསུངས་ཤིང་། ཡང་འདི་སྐད་དུ། ཡུལ་གང་ན་རིག་པའི་རྒྱལ་མོ་སོ་སོར་འབྲང་མ་ཆེན་མོ་ཞེས་བྱ་བ་འདི་སྤྱོད་པའི་ཡུལ་དེར་སེམས་ཅན་དེ་དག་གིས་ཤེས་པར་བྱ་སྟེ། སྤོས་སྣ་ཚོགས་དང་། བདུག་པ་སྣ་ཚོགས་དང་། མེ་ཏོག་སྣ་ཚོགས་ཀྱིས་མཆོད་ཅིང་བསྟི་སྟང་བྱས་ལ། ཚོན་སྣ་ཚོགས་ཀྱིས་དཀྲིས་ཏེ་རྒྱལ་མཚན་གྱི་རྩེ་མོར་བཏགས་ནས་གླུ་དབྱངས་དང་། རོལ་མོ་སིལ་སྙན་བྱས་ཏེ། བསྐོར་བ་བྱས་ན་ལྷ་རྣམས་དང་། བརྒྱ་བྱིན་དང་། ཚངས་པ་ལ་སོགས་པའི་སེམས་ཅན་ཆེན་པོ་དེ་དག་གིས་བསམ་པ་ཇི་ལྟ་བ་བཞིན་དུ་རེ་བ་ཡོངས་སུ་

― JKT021_Page_0165 ―

^{[མ་དཔེ་གཟིགས་ན་འདིར་གནོན།]}

[Full Size]

རྫོགས་པར་བྱེད་པར་འགྱུར་རོ། །ཞེས་དང་། བུ་ཕོ་འདོད་ནའང་ཁྱེའུར་འགྲུབ། །མངལ་ན་འཛིན་པ་དམ་པར་འགྱུར། །མངལ་ན་བདེ་བར་སྐྱེ་བ་དང་། །མངལ་ནས་བདེ་བར་བཙས་པར་འགྱུར། །མངལ་ན་དུས་བཞིན་སྐྱེ་བ་དང་། །དུས་བཞིན་རབ་ཏུ་བཙས་པར་འགྱུར། །ཅེས་པས་མཚམས་སྦྱར་ཏེ་རྒྱལ་པོ་ལག་བརྐྱང་གི་ལོ་རྒྱུས་དང་། རྒྱུ་སྐར་གྱི་རྒྱལ་པོ་རྒྱལ་གྱི་ཉིན་པར་བཙུན་མོ་དམ་པ་ལུས་ཤིན་ཏུ་ལེགས་པར་བཀྲུས་ཏེ། སྨྱུང་བ་བྱས་ནས་རིག་པའི་རྒྱལ་མོ་ཆེན་མོ་སོ་སོར་འབྲང་མ་འདི་ཡང་ཆོ་ག་བཞིན་དུ་བྲིས་ཏེ་བཙུན་མོ་དམ་པ་དེའི་མགུལ་དུ་བཏགས་སོ། །སངས་རྒྱས་ཀྱི་མཆོད་རྟེན་རྣམས་ལའང་མཆོད་པ་ཆེན་པོ་བྱས་སོ། །རིན་པོ་ཆེ་ཁྱད་པར་ཅན་དུ་མ་ཡང་སེམས་ཅན་རྣམས་ལ་སྦྱིན་པ་བྱིན་ནོ། །ཞེས་འབྱུང་ངོ་། །རིག་སྔགས་སྡེ་ཚན་གཉིས་པའི་མཇུག་ཏུ་དེ་ལྟར་ན་རིག་པའི་རྒྱལ་མོ་ཆེན་མོ་འདི་ཡོངས་སུ་ཤེས་ཏེ། གང་དུ་ཡང་ཐོགས་པ་མེད་དོ། །དེ་ལྟ་བས་ན་གདོན་མི་ཟ་བར་རྟག་ཏུ་ལུས་ལ་གདགས་ཤིང་བཅང་བར་བྱའོ། །བྲམ་ཟེ་ཆེན་པོ་སྐར་མ་བཟང་པོ་ལ་ཆོ་ག་ལེགས་པར་བྱས་ཏེ། རིག་པའི་རྒྱལ་མོ་འདི་བྲི་བར་བྱའོ། །དེ་ནས་བྲམ་ཟེ་ཆེན་པོ་དེ་ཡིད་རབ་ཏུ་དགའ་ནས་བཅོམ་ལྡན་འདས་ལ་ཡན་ལག་ལྔས་ཕྱག་འཚལ་ཏེ་ཞུས་པ། བཙུན་པ་བཅོམ་ལྡན་

― JKT021_Page_0166 ―

^{[མ་དཔེ་གཟིགས་ན་འདིར་གནོན།]}

[Full Size]

འདས་རིག་པའི་རྒྱལ་མོ་ཆེན་མོ་འདིའི་ཆོ་ག་ཇི་ལྟར་བགྱིས་ཏེ་བྲི་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། བྲམ་ཟེ་ཆེན་པོ་ཁྱོད་ཉོན་ཅིག །སེམས་ཅན་ཀུན་ལ་སྙིང་བརྩེའི་ཕྱིར། །ངས་ནི་ཁྱོད་ལ་བཤད་པར་བྱ། །གང་གིས་སེམས་ཅན་བདེ་བྱེད་ཅིང་། - །ཉམས་ང་བ་ཡི་ལས་ལས་འགྲོལ། །ནད་རྣམས་ལས་ཀྱང་ཐར་བྱ་དང་། །བུད་མེད་སྦྲུམ་མར་འགྱུར་བ་དང་། །སེམས་ཅན་རྣམས་ཀྱི་དབུལ་བ་ཡི། །རྨ་རྣམས་གསོ་བར་བྱ་ཕྱིར་རོ། །ཞེས་དགོས་པ་དང་། བསྙེན་གནས་དག་ལ་གནས་གྱུར་པས། ཞེས་གང་ཟག་དང་། རྒྱུ་སྐར་རྒྱལ་དུ་ཤེས་པ་ལ། ཞེས་དུས་དང་། སངས་རྒྱས་མཆོད་ལ་བརྩོན་བྱས་ཏེ། །བྱང་ཆུབ་ཕྱིར་ནི་སེམས་ཀྱང་བསྐྱེད། །སྙིང་རྗེས་ཀུན་ཏུ་བརྟན་སེམས་དང་། །བྱམས་པ་དང་ཡང་ལྡན་གྱུར་ནས། །རྟག་ཏུ་སེམས་ཅན་ཐམས་ཅད་ལ། །ཕན་པ་བསྐྱེད་པ་བརྩོན་པར་བྱ། །ཞེས་བསམ་པ་དང་། ཙནྡན་དང་ནི་གུར་གུམ་དང་། །གླ་རྩིར་བསྲེས་པའི་ཆུས་བཀྲུས་ཏེ། །བདུག་པ་རྣམས་ཀྱིས་བདུག་པ་ཡི། །གོས་གཙང་རྣམས་ནི་བགོ་བར་བྱ། །ཞེས་སྔོན་དུ་བྱ་བ་དང་། ས་ལ་ལྕི་བ་བསྲེས་པ་ཡིས། དེ་ཡི་འོག་ཏུ་དཀྱིལ་འཁོར་བྱ། ཞེས་སོགས་དཀྱིལ་འཁོར་བྱ་བའི་ཚུལ་རྒྱས་པར་གསུངས་ནའང་། ད་ལྟ་སྒྲུབ་མཆོད་དང་འབྲེལ་པར་བྱས་ན་དེས་ཁྱབ་

― JKT021_Page_0167 ―

^{[མ་དཔེ་གཟིགས་ན་འདིར་གནོན།]}

[Full Size]

པར་སྣང་། །ཁ་ཟས་དཀར་པོ་ཟོས་ནས་སུ། །ཕན་པར་འདོད་པས་བྲི་བར་བྱ། །ཞེས་ཀུན་སྤྱོད་དང་། དར་རམ་རས་སམ་གྲོ་གའམ། །ཅི་ཡང་རུང་བ་གཞན་ལ་བྲི། །ཞེས་བྲི་གཞི་དང་། །བུད་མེད་དག་ལ་བུ་འདོད་ན། །གི་འུ་ཝང་གིས་ལེགས་པར་བྲི། །དབུས་སུ་ཁྱེ་འུ་ཞིག་བྲིས་ནས། །རྒྱན་རྣམས་ཀུན་གྱིས་རྣམ་པར་བརྒྱན། །དེ་བཞིན་རིན་ཆེན་གང་བའི་སྣོད། །ལག་པ་གཡོན་ན་ཐོགས་པར་བྱ། །པདྨ་རབ་ཏུ་རྒྱས་གྱུར་ཅིག །བརྒྱན་པ་ལ་ནི་དེ་འདུག་བྱ། །ནོར་བུ་དོ་ཤལ་གསེར་དག་དང་། །རིན་ཆེན་སྣ་ཚོགས་རྣམས་ཀྱིས་བརྒྱན། །འདུལ་བར་ཤིན་ཏུ་དཀའ་བ་བྲི། །གྲ་བཞི་དག་ཏུ་རི་བོ་བྲི། །གལ་ཏེ་བདེ་བར་འཚོ་འདོད་ན། །རབ་ཏུ་བསྒྲིམས་ཏེ་དེ་ལྟར་བྲི། །བྱེ་བྲག་ཏུ་ནི་སྐྱེས་པ་རྣམས། །གུར་གུམ་གྱིས་ནི་བྲི་བར་བྱ། །དེ་ཡི་དགོས་པ་འདོད་པ་རྣམས། །འགྲུབ་འགྱུར་འདི་ལ་ཐེ་ཚོམ་མེད། །པདྨ་གཉིས་སམ་ཡང་ན་གསུམ། །བཞིའམ་ཡང་ན་ལྔ་བྲིས་ཏེ། །པདྨ་ལ་ནི་ཕྱག་རྒྱའི་མཚན། །རྣམ་པ་སྣ་ཚོགས་གཟུགས་སུ་བྲི། །ཞེས་སོགས་ཇི་ལྟར་འབྲི་བའི་ཚུལ་ཀླུ་སྤྱི་དང་། །དགེ་སློང་ཕྱིར་ནི་རྡོ་རྗེ་འཆང་། །གནོད་སྦྱིན་བསྡིགས་པར་བརྩོན་པ་བྲི། །རྒྱལ་པོ་ཆེན་པོ་བཞི་རྣམས་ཀྱང་། །ངོས་བཞི་རྣམས་སུ་བྲི་བར་བྱ། །ཞེས་སོགས་བྱེ་བྲག་གི་འབྲི་ཚུལ་རྒྱས་པར་

― JKT021_Page_0168 ―

^{[མ་དཔེ་གཟིགས་ན་འདིར་གནོན།]}

[Full Size]

གསུངས། འདི་ལ་རྒྱལ་རིགས་ལ་དབང་ཕྱུག །དམངས་རིགས་ལ་རྟག་ཞི་བ་དང་། ཁྱབ་འཇུག །རྗེའུ་རིགས་ཕྱིར་རྣམ་ཐོས་ཀྱི་བུ་དང་། ལྷའི་དབང་ཕྱུག་དབང་པོ་སོགས་བྲི་བར་གསུངས། ཆོ་ག་བཞིན་དུ་ངེས་བྲིས་ལ། །བློ་གྲོས་ལྡན་པའི་མིས་བསྲེལ་ན། །ཟ་མ་དང་ནི་མ་ནིང་ཡང་། །བུ་ཕོ་རྙེད་པར་འགྱུར་བ་ཡིན། །འདིས་ནི་ཐམས་ཅད་འགྲུབ་པར་བྱེད། །ཤིས་ཤིང་སྡིག་པ་ཞི་བར་བྱེད། །རང་བྱུང་གི་ནི་བཀའ་བཞིན་དུ། །གནས་ཀྱི་དམ་པ་ཐོབ་པར་འགྱུར། །འཇིག་རྟེན་འདི་ན་མཆོག་ཏུ་བདེ། །འཇིག་རྟེན་ཕ་རོལ་ཤིན་ཏུ་བདེ། །སུམ་ཅུ་རྩ་གསུམ་གནས་ལ་སོགས། །ལྷ་གནས་དེའི་གནས་སུ་འགྱུར། །འཛམ་གླིང་བཟང་ཞིང་ཉམས་དགའ་བར། །ཁྱད་པར་ཅན་རིགས་གྲགས་པ་དང་། །རྒྱལ་རིགས་ཁྱད་པར་འཕགས་པ་དང་། །བྲམ་ཟེ་ཁྱད་པར་འཕགས་རྣམས་སུ། །བདག་ཉིད་ཆེན་པོ་དེ་སྐྱེས་ཏེ། །རྟག་ཏུ་རིག་དང་བདེ་བར་འགྱུར། །སོ་སོར་འབྲང་བ་འཆང་བའི་མིས། །བསོད་ནམས་ཐོབ་པ་གང་ཡིན་པ། །སངས་རྒྱས་དག་ནི་ཐམས་ཅད་ཀྱིས། །བསོད་ནམས་ཕུང་པོ་བརྗོད་མི་ནུས། །སེམས་ཅན་དམྱལ་བའི་སྒོ་རྣམས་བཅད། །མཐོ་རིས་སྒོ་རྣམས་རབ་ཏུ་ཕྱེ། །བདེ་བ་ཕུན་སུམ་ཚོགས་པ་དང་། །བློ་གྲོས་ཆེན་པོར་འགྱུར་བ་ཡིན། །སངས་རྒྱས་བྱང་ཆུབ་སེམས་

― JKT021_Page_0169 ―

^{[མ་དཔེ་གཟིགས་ན་འདིར་གནོན།]}

[Full Size]

དཔས་ཀྱང་། །རྟག་ཏུ་དབུགས་ནི་འབྱིན་པར་འགྱུར། །ལུས་ཀྱི་བདེ་བ་ཕུན་སུམ་ཚོགས། །སྟོབས་ཀྱང་ཆེ་བར་འགྱུར་པ་ཡིན། །རྒྱལ་བས་ཇི་སྐད་གསུངས་པ་ལྟར། །འཁོར་ལོས་སྒྱུར་བར་འགྱུར་བ་ཡིན། །མི་དང་ལྷ་རྣམས་དབུགས་འབྱིན་ཏེ། གནོད་པར་སེམས་པ་སྐྲག་པར་བྱེད། །གང་ཕྱིར་རིག་པ་ལེགས་བཤད་པ། །དེ་ནི་རིང་པོར་མི་ཐོགས་སོ། །དེ་ནི་མཚོན་གྱིས་མི་ཚུགས་ཏེ། །དུག་དང་མེས་ཀྱང་ཚུགས་མི་འགྱུར། །དུས་མིན་འཆི་བའི་སྡིག་པ་ཡང་། དེ་ལས་ཐག་ནི་རིང་དུ་འགྲོ། །རྣམ་པ་ཀུན་ཏུ་ཉན་པའམ། །མཐོང་བ་དང་ནི་རིག་པའང་རུང་། །འབྱུང་པོ་གདོན་དང་རྩོད་པ་དང་། །ཆུ་དང་མེ་ཡིས་འཇིགས་པ་དང་། །གཅན་གཟན་སྦྲུལ་དང་སེངྒེ་དང་། །ཀླུ་དང་ནད་ནི་མི་བཟད་རྣམས། །གང་ལ་རིག་པ་ལེགས་བཤད་པ། །དེ་ལ་དེ་དག་ཀུན་མི་འབྱུང་། །དེ་དག་སེམས་ཅན་ཀུན་མཆོག་འགྱུར། །བདུད་རྣམས་ཀུན་གྱིས་ཐམས་ཅད་དུ། །མཆོད་པར་འགྱུར་བའི་འོས་ཡིན་ཏེ། །ཡང་དག་བཤད་ཀྱིས་མཉན་པར་བྱོས། །ཞེས་ཕན་ཡོན་རྒྱ་ཆེར་བསྔགས་སོ། །རིག་སྔགས་སྡེ་ཚན་གསུམ་པ་རྫོགས་པའི་མཇུག་ཏུ། ནད་པ་རྣམས་ནི་གསོ་བྱ་བ། །ད་ནི་རབ་ཏུ་བཤད་པར་བྱ། །ཞེས་མཚམས་སྦྱར་ནས། ས་དང་ལྕི་བ་བསྲེས་པ་ཡིས། །དཀྱིལ་འཁོར་གྲུ་བཞི་

― JKT021_Page_0170 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་པ་བྱ། །སོགས་དཀྱིལ་འཁོར་བྱ་བའི་ཚུལ་དང་། །དེ་ཡི་འོག་ཏུ་ནད་པ་ཡང་། །དྲི་ཞིམ་སྤོས་ཀྱིས་ལུས་བསྐུས་ཏེ། །གཙང་མའི་གོས་རྣམས་བཀོན་ནས་ནི། །དཀྱིལ་འཁོར་དབུས་སུ་བཞག་པར་བྱ། །དེ་ནས་ཤར་ཕྱོགས་ཁ་བསྟན་ཏེ། །རིག་པ་འདི་ནི་བརྗོད་པར་བྱ། །ལན་བདུན་བཟླས་བརྗོད་བྱས་ནས་སུ། །མཁས་པས་དེ་ལ་བསྲུང་བར་བྱ། །དེ་ནས་ནད་པའི་དོན་གྱི་ཕྱིར། །ལན་གྲངས་ཉི་ཤུ་རྩ་གཅིག་ཏུ། །རིག་པ་འདི་ནི་བརྗོད་བྱས་ན། །དེས་ནི་ནད་ཀུན་ཞི་བར་འགྱུར། །ཞེས་ནད་པ་གསོ་བའི་ཆོ་གའི་དངོས་གཞི་དང་། འཇུག་ཏུ་གཏོར་མ་ལྷོ། ནུབ། བྱང་། འོག །སྟེང་རྣམས་སུ་བཏང་བར་གསུངས་སོ། ༈ །སོ་འབྲང་འཁོར་ལོ་བཅུ་གསུམ་མའི་རབ་གནས་དང་འདོག་ཚུལ་ཐུན་མོང་མ་ཡིན་པའི་གསལ་བྱེད་འདོད་དགུའི་རེ་སྐོང་བཞུགས་སོ། ༈ །ན་མོ་གུ་རུ་མ་ཧ་པྲ་ཏི་ས་རེ་ཡ། འདིར་འཕགས་མ་སོ་སོར་འབྲང་མའི་སྲུང་འཁོར་རྒྱས་པ་ཕན་ཡོན་ཅན་འཁོར་ལོ་བཅུ་གསུམ་མའི་བྲི་ཡིག །འཕགས་པ་རིན་པོ་ཆེའི་གསུང་རབ་ནས་ཇི་ལྟར་འབྱུང་བ་བཞིན་འདྲི་བ་འམ་པར་དུ་བཏབ་ལ། ཕོ་མོའི་ཁྱད་པར་གྱི་རྫས་དང་དྲི་བཟང་གིས་བྱུགས། དེ་ནས་རབ་གནས་ཐུན་མོང་པ་དོན་གསལ་སོགས་ནས་འབྱུང་བ་བཞིན་དང་། ཐུན་མོང་མ་ཡིན་པ་འདོག་ཚུལ་བཅས་འདིར་

― JKT021_Page_0171 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲི་ན། བསྲུང་བ་ལྟེ་བའི་སྔགས་ཕྲེང་གི་ཞལ་རང་ཉིད་དངོས་ལ་བསྟན་པ་བཞག །དེའི་མཐར། མཆོད་པའི་ཚོགས་ཅི་འབྱོར་པ་བཤམ། དེ་ནས་སྟན་ལ་འཁོད་དེ། སྔོན་འགྲོ་གཏོར་མ་ནས་བརྩམས་ཏེ། ལྷའི་རྣལ་འབྱོར་བཟླས་པ་ལ་ཐུག་གི་བར་ཁོ་བོས་བརྩམས་པའི་སྒྲུབ་དཀྱིལ་ནས་འབྱུང་བ་བཞིན། རབ་ཏུ་དང་བའི་སེམས་ཀྱིས་བདག་ལ་བསྲུང་དུ་གསོལ་གྱི་བར་བྱ། དེ་ནས་། ཁྲུས་སྣ་ཀུན་འདུས་ཀྱི་བུམ་པ་ཡོད་ན་བུམ་བསྐྱེད་མི་དགོས། མེད་ན་ཚེ་དཔག་མེད་སོགས་ནས་འབྱུང་བ་བཞིན་ལས་བུམ་སྒྲུབ། ཞི་བ་དང་ཞི་དྲག་ཕྱེད་མ་དང་། དྲག་པོའི་སྦྱང་བ་རྣམས་རབ་གནས་ཀྱི་གཞུངས་གཞན་ནས་འབྱུང་བ་བཞིན་ལ། འདིར་འཕགས་མ་སོ་སོར་འབྲང་མའི་བསྲུང་བའི་འཁོར་ལོར་རབ་གནས་བགྱིད་པ་ལ་ཞེས་དང་། བདེན་བདར་གྱི་ཚེ། ཁྱད་པར་བཅོམ་ལྡན་འདས་མ་བསྲུང་བ་ལྔའི་དཀྱིལ་འཁོར་གྱི་ལྷ་ཚོགས་རྣམས་ཀྱི་བཀའ་བདེན་པ་དང་། ཞེས་སྦྱར། སྡིག་པ་སྦྱང་བ་དང་དྲི་མ་སྦྱོང་བ་རབ་གནས་བཞིན་རྒྱས་པའམ། ཁྲུས་གསོལ་མདོར་བསྡུས་ཀྱིས་རུང་། དེ་ནས་འཁོར་ལོ་ཨ་མྲྀ་ཏས་བསངས། སྭ་བྷ་ཝས་སྦྱངས། སྟོང་པའི་ངང་ལས་པཾ་ལས་པདྨ་དང་། ཨ་ལས་ཟླ་བའི་དཀྱིལ་འཁོར་གྱི་སྟེང་དུ་འཁོར་ལོའི་ལྟེ་བར་པདྨ་འདབ་བརྒྱད། དེའི་ཕྱིར་མུ་ཁྱུད། །

― JKT021_Page_0172 ―

^{[མ་དཔེ་གཟིགས་ན་འདིར་གནོན།]}

[Full Size]

དེའི་ཕྱིར་པདྨ་འདབ་མ་བཞི་པའི་མཚམས་བཞི་ལ་རྡོ་རྗེ་རྒྱ་གྲམ་གྱི་ཕྱོགས་བཞིའི་རྭ། དེའི་ཕྱིར་པད་འདབ་ཉེར་ལྔ། དེ་ཕྱིར་མུ་ཁྱུད་གསུམ། དེའི་ཕྱིར་པད་འདབ་ལྔ་བཅུ་རྩ་དྲུག །དེའི་ཕྱིར་མུ་ཁྱུད་ཀྱིས་བསྐོར་བ་དང་། འཁོར་ལོའི་ཕྱི་རོལ་ཤར་ལྷོའི་ཟུར་གྱི་དབུས་སུ་པདྨ་འདབ་བརྒྱད་མུ་ཁྱུད་གཉིས་པ། དེའི་གཡས་སུ་པདྨ་འདབ་བཞི། གཡོན་དུ་པདྨ་འདབ་བརྒྱད། ལྷོ་ནུབ་ཀྱི་དབུས་སུ་འཁོར་ཨཱལོ་རྩིབས་བཞི་མུ་ཁྱུད་གཉིས་པ། གཡས་སུ་པདྨ་འདབ་བཞི། གཡོན་དུ་པདྨ་དྲུག །ནུབ་བྱང་གི་དབུས་སུ་འཁོར་ལོ་རྩིབས་བརྒྱད་མུ་ཁྱུད་གཉིས་པ། གཡས་སུ་པདྨ་འདབ་བཞི། གཡོན་དུ་འཁོར་ལོ་རྩིབས་ལྔ། བྱང་ཤར་གྱི་དབུས་སུ་འཁོར་ལོ་རྩིབས་བརྒྱད་མུ་ཁྱུད་གཉིས་པ། གཡས་སུ་པདྨ་འདབ་བཞི། གཡོན་དུ་འཁོར་ལོ་རྩིབས་བརྒྱད། དེ་རྣམས་ཀྱི་ཕྱིར་མུ་ཁྱུད་གཅིག་གིས་བསྐོར་བ་དང་བཅས་པའི་འཁོར་ལོ་དབུས་མའི་མུ་ཁྱུད་བཅུ་པའི་ནང་དུ། པདྨའི་ནང་དུ། ཕྱག་མཚན། རིན་ཆེན། འཁོར་ལོ། རྒྱལ་མཚན། མདའ། གཞུ། ཕུར་པ། དུང་། མི་མགོ རྡོ་རྗེ། གདུགས། དཔལ་བེའུ། ཐོ་བ། རྩེ་གསུམ། སྟ་གྲི། གྲི་གུག །རལ་གྲི། རྒྱ་གྲམ། རྡོ་རྗེ། ཞགས་པ། ལྕགས་ཀྱུ། མདའ། ཉ། བུམ་པ། པདྨ། དབྱུག་ཐོ། མདུང་། འཁོར་ལོ་རྩིབས་བཞི།

― JKT021_Page_0173 ―

^{[མ་དཔེ་གཟིགས་ན་འདིར་གནོན།]}

[Full Size]

ལྔ། དྲུག །བརྒྱད། བྲག་རི། གཏུན་ཤིང་། །རྣམས་ལ་དར་གྱི་ལྡ་ལྡིས་བརྒྱན་པ། བཅུ་གཉིས་པ་ལ་རྡོ་རྗེའི་ཕྲེང་བས་བསྐོར་བ། འཁོར་ལོ་བཅུ་གསུམ་པོ་ཐམས་ཅད་ཀྱི་ཕྱིར་ཡེ་ཤེས་ཀྱི་མེ་རི་འབར་བ་དང་བཅས་པའི་འཁོར་ལོའི་སྟེང་གི་ཡིག་འབྲུ་རྣམས་བྲམ་ལས་འཁོར་ལོ་བྲམ་གྱིས་མཚན་པ་ཡོངས་སུ་གྱུར་པ་ལས་བཅོམ་ལྡན་འདས་མ་སོ་སོར་འབྲང་མ་ཆེན་མོ་ནས། བྱང་ཆུབ་ཀྱི་ཤིང་དྲུང་ན་བཞུགས་པའོ། །ཡི་བར་བདག་བསྐྱེད་བཞིན། གནས་གསུམ་བྱིན་གྱིས་བརླབ། དེའི་ཐུགས་ཀའི་བྲམ་ལས་འོད་ཟེར་འཕྲོས་པས་ཡེ་ཤེས་པ་སྤྱན་དྲངས། སྤྲོ་ན། མ་ལུས་སེམས་ཅན་སོགས་ཡེ་ཤེས་པ་སྤྱན་འདྲེན་གྱི་ཚིག་རྒྱས་པ་རྣམས་དང་བྱོན་ལེགས་སོགས་དཀྱིལ་ཆོག་བཞིན་བྱ། ཛཿཧཱུྃ་བཾ་ཧོ༔ མང་དུ་བརྗོད་པས་བསྟིམ། སླར་ཡང་ཐུགས་ཀའི་བྲམ་ལས་འོད་ཟེར་འཕྲོས་པས་སངས་རྒྱས་བྱང་སེམས་རྣམས་ཀྱང་རབ་གནས་བཞིན་སྤྱན་དྲངས་ལ་བསྟིམ། དེའི་དཔྲལ་བར་ཨོཾ་དཀར་པོ་སོགས་དང་། དབང་ལྷ་སྤྱན་དྲངས། དབང་བསྐུར་རྒྱས་བཏབ། ཨོཾ་མ་ཧཱ་པྲ་ཏི་ས་རེ་སྔོན་དུ་འགྲོ་བས་མཆོད། རང་བཞིན་དག་པ་ཉིད་ལས་བྱུང་སོགས་ཀྱིས་བསྟོད། རབ་གནས་བཞིན་སྤྱན་དབྱེ་བྱས་ལ། དེ་ནས་མིང་སྤེལ་བསྲུང་བྱ་གང་ཡིན་དུ་བསྐྱེད་ལ། ཨོཾ་བཛྲ་ས་ཏྭ་ཧཱུྃ་ཛཿ རྡོ་རྗེ་ནང་

― JKT021_Page_0174 ―

^{[མ་དཔེ་གཟིགས་ན་འདིར་གནོན།]}

[Full Size]

བསྡམས་ལས་མཛུབ་མོ་གཉིས་ལྕགས་ཀྱུ་ལྟར་བཀུག །མཐེ་ཆུང་གཉིས་གཤིབས་ཏེ་བརྐྱངས། མཐེ་བོང་གཤིབས་ཏེ་བརྐྱངས་བས་གུང་མོ་མནན་པའི་ཕྱག་རྒྱ། ཞེས་པ། ཕྱག་རྒྱ་དང་བཅས་པས་རང་ངམ་བསྒྲུབ་བྱའམ། ཡུལ། གྲོགས་ལ་སོགས་པ་ལ་བཀུག་ནས། སྔར་བསྐྱེད་པ་རྣམས་ལ་ཐིམ་པར་བསྒོམ། ཨོཾ་མ་ཎི་དྷ་རི་བདྲི་ཎཱི་མ་ཧཱ་པྲ་ཏི་ས་རེ་ཧཱུྃ་ཧཱུྃ་ཕཊ་ཕཊ། འཆང་བ་པོ་ལ་རཀྵརཀྵཀུ་རུ་སྭཱ་ཧཱ། ཨོཾ་ཡེ་དྷརྨཱ་ཧེ་ཏུ་པྲ་བྷཱ་ཝ་ཧེ་ཏུནྟེ་ཥཱནྟ་ཐཱ་ག་ཏོརྒྱ་བ་དཏ། ཏེ་ཥཱཉྩ་ཡོ་ནི་རོ་དྷ་ཨེ་ཝཾ་བཱ་དཱི་མ་ཧཱ་ཤྲ་མ་ཎཿསྭཱ་ཧཱ། ཨོཾ་ཨ་མྲྀ་ཏ་པ་རེ་ཝ་ར་ཝ་ར་པྲ་ཝ་ར་བི་ཤུདྡྷེ་ཛེ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཨོཾ་ཨ་མྲྀ་ཏ་བི་ལོ་ཀི་ནི་གནྡྷེ་སཾ་རཀྵ་ཎི་ཨཱ་ཀར་ནི་ཧཱུཾ་ཧཱུཾ་ཕཊ་ཕཊ༔སྭཱ་ཧཱ། ཨོཾ་བི་མ་ལེ་བི་བུ་ལེ་ཛ་ལ་ཝ་རེ་ཨ་མྲྀ་ཏེ་བི་རཱ་ཛ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཨོཾ་བྷ་ར་བྷ་ར་སཾ་བྷ་ར་སཾ་བྷ་ར་ཨི་ན་དྲ་ཡ་བ་ལ་བི་ཤོ་དྷ་ནི་ཧཱུཾ་ཧཱུཾ་ཕཊ་ཕཊ་རུ་རུ་ཙ་ལེ་སྭཱ་ཧཱ། འཆང་བ་པོ་ལ་ནད་གདོན་ཤནྟི་ཀུ་རུ་སྭཱ་ཧཱ། ཚེ་དང་བསོད་ནམས་པུཏྟིཾ་ཀུ་རུ་སྭཱ་ཧཱ། ཨོཾ་ཨ་མྲྀ་ཏ་དྷ་ར་ཧཱུྃ་ཧཱུྃ་ཕཊ་ཕཊ་སྭཱ་ཧཱ། འཆང་བ་པོ་ལ་རཀྵ༔ ཨོཾ་བྷི་པོ་ཏུ་ཡ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཨོཾ་བྷི་མ་ལེ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཨོཾ་ཛ་ཡ་ཝ་རེ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། འཆང་བ་པོ་ཞེས་སོ། །ཨོཾ་ནི་སུམྦྷ་བཛྲ་ནི་དྷ་ར་ཀས་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཨོཾ་ཨ་བྷ་ཝ་ཛ་ཧཾ་ཧེ་ཏོ་ཕི་ཏ། ཨོཾ་ཀ་ལ་ཀ་ར་ནི་ཧྲཱིཿང་། ཨོཾ་པདྨ་ཀུན་དྷ་ལི་བི། ཨོཾ་སུད་

― JKT021_Page_0175 ―

^{[མ་དཔེ་གཟིགས་ན་འདིར་གནོན།]}

[Full Size]

ཏ་དན་ཏི་ནི་ཧཱུཾ། ཨོཾ་ན་མ་ཀུ་ཤ་ཧཱུཾ། ཨོཾ་ན་མ་ཤི་ཀ་ལེ་ཧཾ། ཨོཾ་མ་ཧཱ་ཤཱ་ན་ཏེ་ཧཱུྃ། ཨོཾ་མ་ཧཱ་ཀ་ལ་ཧྲཱིཿ། ༀ་དུ་པེ་དུ་ཏ། ཨོཾ་བཛྲ་ཀོ་ལེ་ཧཱུྃ། ཨོཾ་བཛྲ་ནི་ཏྲི་ཏ་ཧཱུཾ། ཨོཾ་པ་ནི་བྷི་ཏ་ཡ་ཨོཾ་བཛྲ་པ་ནི་མ་ཧཱ་བྷ་ལ་དྷི། ཨོཾ་བཛྲ་མ་ལེ་མ་ཨོཾ་ཨ་མྲྀ་ཏ་ཀུཎྜ་མེ་སྭཱ་ཧཱ། ཨོཾ་ཛ་ལ་ཛ་ལ་ཧཱུྃ་ཕཊ་སྭཱ་ཧཱ། ཨོཾ་ཊཀྐི་རཱ་ཛ་ཧཱུྃ་ཛ་སྭཱ་ཧཱ། ཨོཾ་ཨཱཿཧཱུྃ། དེའི་ཕྱི་བདུན་པ་ལ། ཨོཾ་བཛྲ་ཧཱུྃ༔ ཨོཾ་སུམ་བྷ་ནི་ཀེ་ཧྲཱིཿ་ཏྲི་ཧཱ། ལམ། ཨོཾ་བྷ་ཏུ་མེ་ཛ་ཧཱུྃ། ཨོཾ་ཤནྟི་ཧཱུྃ། ཨོཾ་པ་ཏི་པ་ལ་བར་དྷ་ནི་ཏ། ཨོཾ་བྷ་ར་ཀེ་ཧཱུྃ། ཨོཾ་མ་ཎི་དྷ་རི་ཧཱུྃ། ཨོཾ་རན་མ་ཡ་དྷ་རི་ཧཱུྃ། ཨོཾ་མ་ཧཱ་བ་ཏི་མ་ར་པཾ། ཨོཾ་དྷུ་རུ། བྷུ་རུ། མུ་རུ་མུ་རུ། ཀུ་རུ་ཀུ་རུ་ཧཱུཾ་ཧཱུཾ། ཨོཾ་བ་ར་བ་ར་དྷ་ནི་མོ་ཧཱ། ཨོཾ་རུ་རུ་ཙ་ལེ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཨོཾ་མ་ཎི་དྷཱ་རི་བཛི་ཎཱི་མ། ཧཱ་བྲ་ཏི་པ་རོ། འཆང་བ་པོ་ལ་སརྦ་རཀྵ ཨོཾ་ཏ་རེ་ཏྭཾ། ཨོཾ་ཨ་ཨ་རཀྵསྱ་ཀ་ཛ་ཏ་ཉ་དྷ་ཀ་རི་ཏེ་ཧོ་ཧཱུྃ༔ ཨོཾ་ཀ་པ་ལི་ནི། ༀ་ལཾ་ཀེ་ཤ་རེ་ཁཾ་ཨཾ། དྷརྨ་ལཾ་ཀ་ཤ་ཏྲེ་ཧཱུྃ། ཨོཾ་ཧཱ་རི་ཏེ་ཧཾ་ཀྵ༔ ཨོཾ་སན་ཙི་ཀ་ཏྲ། ཨོཾ་ལ་ཁཾ་པ་དུ། ཨོཾ་དྷ་ན་དྷི་ནི་ཀུ་ཏ། ཨོཾ་ཤ་ཀ་མ་དྷེ་དྷེ་ཀྵ། ཨོཾ་ས་ར་ས་རཋ་ཐཾ། །རཀྟརཀྵ འཆང་བ་པོ་ལ་སརྦ་རཀྵ༔ སརྦ་ཙ་མ་གྷ་པཾ། ཨོཾ་དྷེ་བྷི་པདྨ་མཾ། ཨོཾ་མ་ཎི་དྷ་རི་བཛཱི་མ་མ་ཀི་མཾ་ཨོཾ་བྲི་བྷཾ་བྲུམ། ཨོཾ་ཨཱཿཧཱུྃ་ཨོཾ་བ་སུ་ཤ་པ་ལཾ་ཀཱ་ཀཱ་དྷ་ཨེ་ཏ་ཧཱུཾ། ཀ་ཁ་ཧ་པཾ་ཧྲཱིཿ་ཛ་ཧཱུྃ་ཧྲཱིཿར་ཧཱུཾ་ལཾ་

― JKT021_Page_0176 ―

^{[མ་དཔེ་གཟིགས་ན་འདིར་གནོན།]}

[Full Size]

ཧྲཱིཿ་སུ་ལ་ཧཱུྃ་ཛ་བོ་སུ་ཧཱུྃ་ཨོཾ་ཕཊ་ཛ་སཾ་ཨཾ་ཀ་ཐཾ། ཨོཾ་སུ་བྷ་བི་ཨོཾ་ཏྲི་ཀ་ཧ་དྷི་ཤི་ཛ་རུ་རུ་ཨོཾ་ཨཱཿཧཱུྃ་ཧོ་ཨོཾ་ཨ་ཨཱ། ཨི་ཨཱི། ཨུ་ཨཱུ། རི་རཱི། ལི་ལཱི། ཨེ་ཨེ། ཨོཾ་ཨཽ། ཨཾ་ཨ༔ ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧཀྵ ཡ་ར་ལ་ཝ་ཌ་དྷ། རྟེན་འབྲེལ་སྙིང་པོ། ཏཾ། ཨོཾ་ཀ་བྱ་རཀྵ་སྭཱ་ཧཱ། རཀྟ་དྷ་ར་འཆང་བ། ཏ། རེ། ཏུད། ཊྛིཏཱརེ། ཏུ་རེ། སྭཱ་ཧཱ། ཧཱུྃ་སཾ་གཾ་བྷཾ་མཾ། དེ་ལྟ་བུས་སྔགས་རྣམས་ཇི་ལྟར་རིགས་པ་བཟླས་ལ་རྡོར་ཐལ་སྦྱར་ནས། བཅོམ་ལྡན་འདས་མ་སོ་སོ་འབྲང་མས་བདག་དང་སྦྱིན་པའི་བདག་པོའི་བར་ཆད་ཐམས་ཅད་བསྲུང་ཞིང་བྱིན་གྱིས་བརླབས་པར་གྱུར། བཅོམ་ལྡན་འདས་མ་གཙུག་ཏོར་ནས་བྱུང་བའི་གདུགས་དཀར་མོ་ཅན་གྱི་སྐུ་དེ་ཉིད་ཞུ་ནས། བསྲུང་བའི་འཁོར་ལོར་བྲིས་པའི་རྣམ་པར་གྱུར། དེའི་མཚན་དང་དཔེ་བྱད་རྣམས་ཞུ་ནས་དབྱངས་དང་གསལ་བྱེད་ཀྱི་ཡི་གེར་གྱུར། བྲིས་པའི་འཁོར་ལོ་རྣམས་ཀྱི་ལྟེ་བ་དང་འདབ་མ་རྩིབས་མུ་ཁྱུད་སོགས་ལ་གནས་པར་གྱུར། ཅེས་བརྗོད་ལ་མཆོད། མཉམ་མེད་མས་བསྟོད། བརྟན་བཞུགས་ཀྱི་ཚིག་བརྗོད། ཡེ་དྷརྨ་དང་བཀྲ་ཤིས་བརྗོད་ལ། སྲུང་བ་ལ་མེ་ཏོག་གཏོར། དེ་ལྟར་རབ་གནས་ལེགས་པར་བྱས་པའི་སྲུང་པ་དེ་ཉིད་གཡོན་གཡས་འོག་

― JKT021_Page_0177 ―

^{[མ་དཔེ་གཟིགས་ན་འདིར་གནོན།]}

[Full Size]

སྟེང་རྣམས་ནས་ལྟེ་བ་མ་ཆགས་པར་བལྟབ་པ་ལ་རྒྱས་པར་ན་དཀར། སྔོ། སེར། དམར། ལྗང་གུའི་ཆིངས་དང་། བསྡུ་ན་དར་རས་དཀར་པོ་གང་རུང་གི་སྐུད་པས་རྒྱ་གྲམ་དུ་བཅིང་། །དྲི་བཟང་ཐོར་བུ་དང་བཅས་པའི་ན་བཟའ་ལྔ་བརྩེགས་སམ་དཀར་པོས་སྒྲིལ། འཁོར་ལོ་དབུས་མའི་ལྟེ་བའི་ཡིག་མགོ་མ་ནོར་བར་བྱས་ལ་སླར་ཡང་རབ་གནས་མདོར་བསྡུས་བྱ། གཟུངས་གྲ་ལྔའི་དབང་བྱེད་ན། བསྲུང་བ་ལྔའི་གྲས་སུ་འཁོར་ལོ་སྟེར་རན་པ་དང་དེ་སྦྱིན། དུས་གཞན་དུ་གང་ལ་སྟེར་བ་དེ་མདུན་དུ་བོས་ལ་སྐྱབས་འགྲོའི་སྡོམ་པ་ཕོག་ལ། སྤྱི་བོར་རྡོ་རྗེ་བཞག་སྟེ། བྱ་བ་བསྲུང་ལས་བྱུང་བ་ལྟར། སྲུང་ཤིག་ཅེས་པའི་ཚིག་རྣམས་བརྗོད། སྔར་བཤད་པ་ལྟར་གྱི་སྲུང་བ་དེ་ལྟ་བུ་སྦྱིན་བདག་གི་མགུལ་དུ་བཏགས། དེ་ནས་སློབ་དཔོན་གྱིས་མེ་ཏོག་དང་བཅས་པས་འདི་སྐད་ཅེས་བརྗོད་པར་བྱ་སྟེ། ༈ །འཕགས་མ་སོ་སོར་འབྲང་མ་དཀར་མོའི་མན་ངག་ཉེར་མཁོའི་ཡི་གེ་བདུད་རྩིའི་ཆུ་སྐྱེས་ཞེས་བྱ་བ་བཞུགས་སོ། །ཨོཾ་སྭསྟི་སིདྡྷཾ། རིག་སྔགས་སྤྲིན་ལས་བདུད་རྩིའི་ཆར། །འབེབས་མཛད་སོ་སོར་འབྲང་མ་ལ། །བཏུད་ནས་དེ་ཡི་མན་ངག་གི །ཡི་གེའི་ཆུ་སྐྱེས་འཛུམ་དཀར་བཞད། །འདི་ལ་གསུམ། བསྙེན་པ། སྒྲུབ་པ། ལས་ལ་སྦྱར་བའོ། །དང་པོ་ནི། གནས་

― JKT021_Page_0178 ―

^{[མ་དཔེ་གཟིགས་ན་འདིར་གནོན།]}

[Full Size]

གཙང་ཞིང་དབེན་པར་གུང་དུ་འདིའི་ཕྲིས་སྐུ་ཡོད་ན་དགྲམ། གང་ལྟར་ཡང་འབུལ་གཏོར་དཀར་ཟླུམ་ཆུ་གཉིས་སྔོན་འགྲོའི་ཉེར་སྤྱོད་བཅས་བཤམ། བླ་མེད་ཡིན་པས་དཀར་སྤྱོད་དམིགས་བསལ་མི་དགོས། མཚམས་དམ་པར་བཅད་ལ་ཐུན་གསུམ་མམ་བཞིའི་རིམ་པས་ངོར་ཆེན་རྡོ་རྗེ་འཆང་ངམ་རྗེ་དཀོན་མཆོག་ལྷུན་གྲུབ་ཀྱི་གསུང་རབ་ལྟར་བདག་བསྐྱེད་བསྒོམ། ལྷའི་རྣལ་འབྱོར་ལ་སེམས་གཟུང་། གསལ་སྣང་བརྟན་པ་ན་དམིགས་པའི་འཕྲོ་འདུ་དང་བཅས་སྔགས་ཡི་གེ་བཅུ་དགུ་པ་འབུམ་ཕྲག་བཅུ་དགུའམ། དེ་བཞི་འགྱུར་རམ། བརྒྱད་འགྱུར་དུ་བཟླས་ན་ངེས་པར་འགྲུབ་ཅིང་དངོས་གྲུབ་ཀྱི་མཚན་མ་རྙེད་པར་འགྱུར་ལ། སྔ་ཐུན་ལྟ་བུའི་མཇུག་ཏུ་གཏོར་མ་མ་ཆག་པར་དབུལ། དེའང་གཏོར་མགྲོན་མདུན་གྱི་ནམ་མཁར་ཡན་ལག་བཞི་རྫོགས་སུ་བསྐྱེད་པའམ། སྐད་ཅིག་གིས་སྤྱན་དྲངས་པ་ལ་ཕུལ་ཀྱང་རུང་། གཞན་མཚམས་ཀྱི་སྤང་བླང་དང་སྦྱོར་དངོས་མཇུག་གི་བྱ་བ་རྣམས་བསྙེན་ཡིག་སྤྱི་འགྲོ་ལྟར་ཤེས་པར་བྱའོ། །གཉིས་པ་ནི། བསྙེན་བ་སྔོན་དུ་སོང་བས་དེའི་བོགས་དབྱུང་བའི་སླད། མདུན་དུ་སྟེགས་བུའི་དབུས་སུ་མཉྫིའི་ཁར་མཎྜ་ལར་དྲིའི་ཐིག་ལེ་དང་བཅས་པའི་མེ་ཏོག་གི་ཚོམ་བུ་གཅིག །མདུན་དུ་འབུལ་གཏོར་དཀར་ཟླུམ། བྱང་ཤར་ནས་བརྩམས་ཏེ་ཆུ་གཉིས་སྔོན་

― JKT021_Page_0179 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོའི་ཉེར་སྤྱོད་གཡས་སྐོར་དུ་བཤམ། མཆོད་པ་བྱིན་རླབས་ནས་བདག་བསྐྱེད་བཟླས་པའི་བར་བྱ། མཐར་བཅོམ་ལྡན་འདས་མས་བདག་དང་སེམས་ཅན་ཐམས་ཅད་ལ་མཆོག་དང་ཐུན་མོང་གི་དངོས་གྲུབ་མ་ལུས་པ་སྩལ་དུ་གསོལ། །ཞེས་འདོད་དོན་གསོལ། རང་གི་སྙིང་ག་ནས་འོད་ཟེར་འཕྲོས་པས་གདན་འོད་ཟེར་གྱི་རྣམ་པར་གྱུར་ཏེ་རང་ལ་ཐིམ་པར་བསམ། མདུན་གྱི་ཚོམ་བུ་བསང་སྦྱངས། སྟོང་པའི་ངང་ལས་པཾ་ལས་སོགས་ནས། རྣམ་པར་སྣང་མཛད་ཀྱིས་དབུར་བརྒྱན་ཞེས་པའི་བར་བདག་བསྐྱེད་ལྟར་ལ། བདག་ཉིད་ཅེས་བའི་ཚིག་དོར། བདག་ལ་ཞེས་པར་འདི་ལ་ཞེས་བསྒྱུར། མཆོད་ཕྲེང་རྒྱས་པར། རབ་འབྱམས་རྒྱ་མཚོ་དཔག་མེད་ན། །མཆོད་ཡོན་ཇི་སྙེད་ཡོད་པ་རྣམས། །འཕགས་མ་འཁོར་དང་བཅས་ལ་འབུལ། །འདོད་དགུའི་དངོས་གྲུབ་སྩལ་དུ་གསོལ། །ཨོཾ་སརྦ་ཏ་ཐཱ་ག་ཏ་མ་ཧཱ་པྲ་ཏི་ས་རཱ་ས་པ་རི་ཝཱ་ར་ཨབྷཾ་པྲ་ཏིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། དེ་བཞིན་དུ་ཞབས་བསིལ་དང་། པཱ་ཏྱཾ་སོགས་འདོན་པ་བསྒྱུར་བས་ཆུ་གཉིས་སྔོན་འགྲོའི་ཉེར་སྤྱོད་རོལ་མོ་དང་བཅས་པ་དབུལ་ཞིང་དྷརྨཱ་ར་ཎི་ཏ་བརྗོད། རིན་ཆེན་བདུན་མཚན་སྔགས་བསྒྱུར་བས་སྐྱི་ལྟར་དབུལ། འདོད་ཡོན་ལྔ་སྤྱི་ལྟར་ལ། མོས་བློས་འཕགས་མ་མཆོག་ལ་ཞེས་

― JKT021_Page_0180 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། བཞེས་ཤིག་འདོད་རྒུའི་དངོས་གྲུབ་སྩལ་དུ་གསོལ། །ཞེས་དང་མཚན་སྔགས་བསྒྱུར། མཎྜལ་ཚོམ་བུ་སོ་བདུན་མའམ་བདུན་མ་ཅི་ནུས་དབུལ། དེ་ཙམ་མི་ནུས་ན་མཚན་སྔགས་སྔོན་འགྲོའི་ཆུ་གཉིས་ཉེར་སྤྱོད་རོལ་མོ་དང་བཅས་པས་མཆོད། བསྟོད་པ་ནི་རྡོ་རྗེ་དྲིལ་བུ་འཛིན་པས། སྲས་བཅས་རྒྱལ་བ་ཐམས་ཅད་ཀུན། །སྐྱེད་དང་རོལ་པའི་ཡུམ་གཅིག་པུ། །བཅོམ་ལྡན་སོ་སོར་འབྲང་མ་ལ། །དད་པའི་ཡིད་ཀྱིས་བསྟོད་པར་བགྱི། །ཕྲོ་གི་ཡི་གེ་ལས་སྐྱེས་པ། །ཀུནྡ་ལྟར་དཀར་ཡིད་འཕྲོག་སྐུ། །ཞལ་གཅིག་ཕྱག་གཉིས་མཚན་དཔེས་མཛེས། །འཕགས་མ་མཆོག་ལ་ཕྱག་འཚལ་ལོ། །ཕྱག་གཡས་ཡེ་ཤེས་རལ་གྲི་འཕྱར། །འཇིགས་དང་སྡུག་བསྔལ་དྲྭ་བ་གཅོད། །གཡོན་པས་ཡིད་བཞིན་འཁོར་ལོ་ཡིས། །འདོད་པ་འཇོ་ལ་ཕྱག་འཚལ་ལོ། །སྣ་ཚོགས་དར་གྱི་ན་བཟའ་དར། །རིན་ཆེན་མེ་ཏོག་གསར་བས་བརྒྱན། །གནག་སྣུམ་དབུ་སྐྲའི་ཟུར་ཕུད་ནི། །སྤྱི་བོར་བཅིངས་ལ་ཕྱག་འཚལ་ལོ། །ལང་ཚོ་དར་ཞིང་ནུ་འབུར་མཛེས། །ཞབས་ཟུང་ཙོག་བུའི་འཁྲུལ་འཁོར་གྱིས། །རིགས་བརྒྱུད་ཕུན་སུམ་ཚོགས་པ་ཡི། །སྐལ་བཟང་སྦྱིན་ལ་ཕྱག་འཚལ་ལོ། །སྤྱི་བོར་རྣམ་སྣང་ཅོད་པན་ཅན། །པདྨ་ཟླ་བའི་གདན་ལ་བཞུགས། །འོད་དང་འོད་ཟེར་ཕྲེང་བ་ཡིས། །ཡོངས་སུ་བསྐོར་ལ་

― JKT021_Page_0181 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་འཚལ་ལོ། །གང་གསུང་རྡོ་རྗེའི་གསང་སྔགས་ཀྱིས། །དུས་མིན་འཆི་བ་ཞི་མཛད་ཅིང་། །སྡེ་བཞིའི་འབྱོར་པ་རབ་རྒྱས་པའི། །དངོས་གྲུབ་སྩོལ་ལ་ཕྱག་འཚལ་ལོ། །ཁྱོད་ཐུགས་ཟབ་མོ་སྟོང་པ་ཉིད། །རིག་དང་བརྩེ་བ་མི་ཕྱེད་པས། །སྐུ་གསུམ་རྣམ་ཐར་རྒྱ་མཚོའི་སྤྲིན། །མཐའ་ཡས་སྤྲོ་ལ་ཕྱག་འཚལ་ལོ། །ཡོན་ཏན་ནོར་བུའི་ཆུ་གཏེར་ལས། །ཕྲིན་ལས་འདོད་རྒུར་འཆར་བ་ཡིས། །ས་གསུམ་འགྲོ་བའི་གདུང་སེལ་ཞིང་། །ཕན་བདེ་སྟེར་ལ་ཕྱག་འཚལ་ལོ། །དེ་ལྟར་རིག་པའི་རྒྱལ་མོ་ཆེ། །འཕགས་མ་སོ་སོར་འབྲང་མ་ལ། །དད་པས་བསྟོད་ཅིང་གསོལ་འདེབས་ན། །བྱིན་རླབས་ཆར་ཆེན་དབབ་པར་མཛོད། །བདག་དང་མཐའ་ཡས་སེམས་ཅན་གྱི། །སྔོན་ལས་འཕྲལ་རྐྱེན་ལས་གྱུར་བའི། །སྣོད་བཅུད་མི་མཐུན་རྒུད་པ་ཀུན། །ཞི་ཞིང་སྲུང་བར་མཛད་དུ་གསོལ། ཆོས་དང་རིགས་ཀྱི་བརྒྱུད་འཛིན་དང་། །ཚེ་བསོད་དཔལ་འབྱོར་ཡེ་ཤེས་སོགས། །དབང་བཅུའི་དགེ་མཚན་རབ་རྒྱས་པའི། བཀྲ་ཤིས་རྟག་ཏུ་སྣང་བར་མཛོད། །མདོར་ན་ཕྱི་ནང་ཉེར་འཚེ་དང་།བར་ཆད་ཀུན་ཞི་ལེགས་ཚོགས་འཕེལ། །མཐར་ཐུག་བཅོམ་ལྡན་འདས་མ་ཡི། །གོ་འཕང་ཐོབ་པར་མཛད་དུ་གསོལ། །ཞེས་བསྟོད་ཅིང་འདོད་པའི་དོན་ལ་གསོལ་བ་གདབ། །མདུན་བསྐྱེད་ཀྱི་

― JKT021_Page_0182 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་ཀར་ཟླ་བའི་སྟེང་དུ་བྲོ་དཀར་པོ། དེའི་མཐར་སྔགས་ཀྱི་ཕྲེང་བ་གཡས་སྐོར་དུ་འཁོད་པ། རང་གི་ཐུགས་ཀ་ནས་འོད་ཟེར་འཕྲོས། མདུན་བསྐྱེད་ཀྱི་ཐུགས་ཀར་ཕོག་པས་ཐུགས་རྒྱུད་བསྐུལ། །ཐུགས་ཀའི་ས་བོན་སྔགས་ཕྲེང་དང་བཅས་པ་ལས་འོད་ཟེར་འཕྲོས། སངས་རྒྱས་ཐམས་ཅད་ཀྱི་ཐུགས་ཀ་ནས་ཚེ་དང་དབང་ཕྱུག་ཐམས་ཅད་འོད་དཀར་པོའི་རྣམ་པས་རང་དང་བསྒྲུབ་བྱའི་སྙིང་གར་ཐིམ་པས་འདོད་པའི་དངོས་གྲུབ་ཐོབ་པར་བསམས་ལ་སྔགས་རྩེ་གཅིག་ཏུ་བཟླས་རྗེས། མདུན་བསྐྱེད་ཀྱི་མངལ་ནས་རྗེ་བཙུན་འཇམ་པའི་དབྱངས་ཀྱི་སྐུ་དཔག་ཏུ་མེད་པ་སྤྲོས། སེམས་ཅན་ཐམས་ཅད་ཀྱི་རྒུད་ཅིང་ཕོངས་བའི་འཇིགས་པ་ཐམས་ཅད་བསལ། འདོད་པའི་དོན་ཡིད་བཞིན་དུ་མཛད་བར་བསམས་ལ་སེམས་ཡུན་རིང་དུ་གཟུང་ཞིང་སྔགས་བཟླ། ཐུན་མཐར་གཏོར་མ་བསང་སྦྱངས། །སྟོང་པའི་ངང་ལས་རིན་པོ་ཆེ་ལས་གྲུབ་པའི་སྣོད་ཡངས་ཤིང་རྒྱ་ཆེ་བའི་ནང་དུ་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པ་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ་ལན་གསུམ་གྱིས་བྱིན་གྱིས་བརླབ། ནམ་མཁའ་མཛོད་ཀྱི་ཕྱག་རྒྱ་དང་། མཚན་སྔགས་ཀྱི་མཐར་ཨོཾ་ཨ་ཀཱ་རོ་སོགས་བཏགས་པ་ལན་གསུམ་གྱིས་དབུལ། མཆོད་བསྟོད་འདོད་དོན་གསོལ། ནོངས་པ་བཤགས།

― JKT021_Page_0183 ―

^{[མ་དཔེ་གཟིགས་ན་འདིར་གནོན།]}

[Full Size]

མདུན་བསྐྱེད་རྟེན་ཡོད་ན་དེ་ལ་བརྟན་བཞུགས་དང་། མེད་ན་ཐུན་སྔ་མ་རྣམས་སུ་ཚོམ་བུ་བརྟན་བཞུགས་དང་། ཐུན་རྗེས་མར་གཤེགས་སུ་གསོལ་བས་ཁྱབ། གནས་གསུམ་བསྲུང་། བསྔོ་སྨོན་བཀྲ་ཤིས་ཅི་རིགས་པར་བྱ། དེ་ལྟ་བུས་ཞག་བདུན་ནམ་ཉེར་གཅིག་སོགས་སུ་བརྩོན་བས་ལས་བསྒྲུབ་པ་ལ་ཐོགས་པ་མེད་པར་འགྱུར་རོ། །གསུམ་པ་ལ་གསུམ། ནད་ཞི་བ། ཚེ་བསྲིང་བ། །སྲིད་སྤེལ་བའོ། །དང་པོ་ནི། རང་གི་མདུན་དུ་སྟེགས་བུའི་དབུས་སུ་བུམ་པ་རྫས་ཉེར་ལྔའི་བཅུད་ལྡན་ཁ་རྒྱན་མགུལ་ཆིངས་དང་བཅས་པ་དང་། གཏོར་མ་དང་མཆོད་པ་བཤམ། བདག་བསྐྱེད་སྔོན་དུ་འགྲོ་བས་བུམ་བསྐྱེད་བཟླས་པ། མཇུག་གཏོར་འབུལ། ལྷ་འོད་ཞུ་སོགས་སྤྱི་ལྟར་སྦྱར་ནས་ཟུར་དུ་བཅད་ལ་བསྒྲུབས་པའི་བུམ་ཆུས་རང་གཞན་ལ་སྦྱང་བ་གསུམ་སྔོན་དུ་འགྲོ་བས་བཀྲུ་བྱབ་སྲུང་གསུམ་གྱི་ཆོ་ག་སྤྱི་འགྲོ་ལྟར་བགྱིས་པས་ནད་དང་གནོད་པ་ཐམས་ཅད་ཞི་བར་འགྱུར་རོ། །གཉིས་པ་ནི། སྤྱིར་བསྒོམ་བཟླས་ཙམ་ལ་བརྟེན་ནས་ཀྱང་ཚེ་འཕེལ་བར་འགྱུར་ཞིང་། ཁྱད་པར་ཚེ་རྒྱས་པའི་བསམ་བས་དུརླའི་མྱུ་གུ་མར་དང་སྦྲང་རྩིས་སྦགས་པའི་བསྲེག་རྫས་གཙོ་བོར་གྱུར་པའི་རྒྱས་པའི་སྦྱིན་སྲེག་སྤྱི་ལྟར་བགྱིས་པས་འཆི་བ་སླུ་བ་དང་ཚེ་རྒྱས་པའི་མཆོག་ཏུ་འགྱུར་རོ། །གསུམ་པ་ནི།

― JKT021_Page_0184 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱིར་འཕགས་མ་འདི་ཉིད་ཀྱི་སྒོ་ནས་སྲིད་སྤེལ་བའི་ལས་ཚོགས་དང་། འཁོར་ལོའི་བྱེ་བྲག་མང་དུ་འབྱུང་བ་ལས། འདིར་དཔལ་སམྦྷཊའི་བརྟག་པ་བདུན་པའི་རབ་བྱེད་གསུམ་པ་ལས་ཇི་སྐད་གསུངས་པའི་འཁོར་ལོ་འབྲི་བའི་ཚུལ་ནི། རྒྱུ་སྐར་རྒྱལ་དང་བཅས་པའི་གཟའ་སྐར་སྦྱོར་བྱེད་བཟང་པོ་འཛོམས་པའི་ཉི་ཤར་གྱི་དུས་སུ་བདག་གི་རྣལ་འབྱོར་སྔོན་དུ་འགྲོ་བས། རྒྱས་པའི་སེམས་ཀྱིས་ཁ་བྱང་དུ་ཕྱོགས་ལ། བྲི་གཞི་གྲོ་གའམ་ཤོག་བུ་སོགས་བུག་རྡོལ་གྱི་སྐྱོན་མེད་པ། ཁ་དོག་སྤྱིར་རྒྱས་པའི་ལས་ཡིན་པས་སེར་པོ་འོས་ཀྱང་། ཤེར་ཕྱིན་དཀར་མོའི་སྐབས་སུ་ལྷའི་སྐུ་མདོག་དང་མཐུན་པར་དཀར་པོ་བྱ་བར་དམིགས་ཀྱིས་བསལ་བས། འདིར་ཡང་དཀར་པོ་ལ་བྲིས་པས་རུང་། དེ་ལྟ་བུའི་གཞིར་གུར་གུམ་དང་གི་ཝཾ་གིས་ཟླ་བའི་དཀྱིལ་འཁོར་ལ་གནས་པའི་འཁོར་ལོ་རྩིབས་བརྒྱད་པ་ལྟེ་བ་མུ་ཁྱུད་ཕྱི་ནང་དང་བཅས་པ། ལྟེ་བར་ཟླ་བའི་དཀྱིལ་འཁོར་གྱི་དབུས་སུ་བྲི། དེའི་མཐར་མདུན་ནས་བརྩམས་ཏེ་གཡས་སྐོར་གྱིས། སྐྱེས་པ་དང་བུད་མེད་མིང་འདི་ཞེས་བྱ་བས་བུ་རྙེད་པར་གྱུར་ཅིག་པུ་ཏྲ་ལ་བྷུ་ཏི། དེའི་ཕྱི་རོལ་ཏུ་མདུན་ནས་གཡས་སྐོར་གྱིས། ཨོཾ་ཨ་མྲྀ་ཏ་བི་ལོ་ཀི་ནི་གནྡྷ་སཾ་རཀྟ་ཎི་ཨཱ་ཀར་ཎི་ཧཱུཾ་ཧཱུཾ་ཕྲཊ་ཕྲཊ་སྭཱ་ཧཱ། ལྟེ་བའི་ཕྱི་རོལ་འཁོར་ལོའི་བར་དུ་མུ་ཁྱུད་ཆུང་ངུ་ལ། ཏདྱ་ཐཱ།

― JKT021_Page_0185 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་མ་ཎི་དྷཱ་རི་བཛི་ཎཱི་མ་ཧཱ་པྲ་ཏི་ས་རེ་ཧཱུྃ་ཧཱུྃ་ཕཊ་ཕྲཊ་སྭཱ་ཧཱ། ཞེས་ཚར་དུ་ཤོང་བྲི། དེའི་ཕྱི་རོལ་འཁོར་ལོ་རྩིབས་བརྒྱད་ལ་ཤར་ནས་གཡས་སྐོར་གྱིས་གྱེན་དུ་ལངས་པའི་རྡོ་རྗེ༡། རྒྱལ་མཚན༢༈ དགྲ་སྟ ༣། རྩེ་གསུམ། ཞགས་པ། །སྣ་ཚོགས་རྡོ་རྗེ༦། ཁཊཾ་བ༧། ལྕགས་ཀྱུ་རྣམས་བྲི། སླར་ཡང་དེའི་ཕྱི་རོལ་གྱི་འཁོར་ལོའི་གོང་རས་ཀྱི་མུ་ཁྱུད་ཀྱི་ཟླ་བའི་དཀྱིལ་འཁོར་ལ་ཨོཾ་ཨ་མྲྀ་ཏ་སོགས་ཀྱི་སྔགས་གང་ཤོང་གིས་བསྐོར། །གཞུང་ནས་མ་གསུངས་ཀྱང་དེའི་ཕྱི་རོལ་ཏུ་མུ་ཁྱུད་ལ་དབྱངས་གསལ་རྟེན་འབྲེལ་སྙིང་པོ་བཅས་དང་། རྡོ་རྭ། མེ་རི་རྣམས་སྤྱི་ལྟར་བྲིས་སྣང་། དེ་ལྟར་བྲིས་ཟིན་པ་ན་གུར་གུམ་དང་གི་ཝཾ་གིས་ཁྱབ་པར་བྱུག །སྟེགས་བུའི་དབུས་སུ་མེ་ཏོག་སིལ་མ་བཀྲམ་པའི་ཁར་དགྲམ། གཏོར་མ་དང་མཆོད་པ་བཤམ། བདག་བསྐྱེད་སྔོན་དུ་འགྲོ་བས་འཁོར་ལོ་བསང་སྦྱངས། སྟོང་པའི་ངང་ལས་མུ་ཁྱུད་གདན་དང་། སྔགས་ཀྱི་ཡིག་འབྲུ་རྣམས་སོ་སོར་འབྲང་མ་ཡན་ལག་བཞི་རྫོགས་སུ་བསྐྱེད། མཆོད་བསྟོད་དང་སྤྱན་དབྱེ་བྱ། སླར་ཡང་མཆོད་ཅིང་བསྟོད་ལ། མིང་སྤེལ་ཉིད་བསྒྲུབ་བྱར་བསྐྱེད་བསྟིམ་རྗེས། འོད་ཟེར་སྤྲོ་བསྡུ་དང་བཅས་མདུན་བསྐྱེད་ལ་དམིགས་ཏེ་གོང་དུ་འཁོར་ལོར་བཀོད་པའི་སྔགས་རྣམས་མང་དུ་བཟླས་རྗེས་གཏོར་མ་བསང་

― JKT021_Page_0186 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱངས་བྱིན་གྱིས་བརླབས་ལ་དབུལ། མཆོད་བསྟོད་འདོད་དོན་གསོལ་བས། ལྷ་མོ་གདན་དང་བཅས་པ་འོད་དུ་ཞུ་བ་ལས་བྲིས་པའི་འཁོར་ལོའི་རྣམ་པ་དང་། བསྒྲུབ་བྱ་མིང་སྤེལ་དུ་གྱུར་པར་བསམ། སླར་ཡང་བརྟན་བཞུགས་ཤིས་བརྗོད་རྒྱ་ཆེར་བྱ། ལྟེ་བ་མ་ཉམས་པར་བལྟབས་ལ་ཚོན་སྐུད་མཐུན་བསྡེབས་ཀྱིས་དཀྲི། དར་སྣའི་གཡོགས་དང་བཅས་ཏེ་བསྒྲུབ་བྱའི་སྤྱི་བོའམ་མགུལ་དུ་གདགས། དེའང་སྤྲོ་ན་སྦྱང་བ་གསུམ་སྔོན་དུ་འགྲོ་བས་ཁྲུས་ཀྱི་ཆོ་ག་དང་འབྲེལ་བར་གདགས་པའི་ཕྱག་ལེན་ཡོད། གཞན་ཡང་སོ་སོར་འབྲང་མའི་སྔགས་མར་ལ་བཏབ་སྟེ་ཁོང་དུ་གཏོང་བ་དང་། །ཙན་དན་ལ་བཏབ་སྟེ་བདུག་པ་དང་། སྐུད་པ་ལ་བཏབ་སྟེ་འཆིང་བ་དང་། རྗེས་སུ་གནང་བ་དང་ཁྲུས་ཀྱི་ཆོ་ག་དང་། ཞི་རྒྱས་ཀྱི་སྦྱིན་སྲེག་དང་། རྒྱབ་ཆོས་སུ་མདོ་དང་གཟུངས་བཀླག །སཱཙྪ་གདབ། དགེ་འདུན་ལ་བསྙེན་བཀུར་དང་། དབུལ་ཕོངས་ལ་སྦྱིན་གཏོང་སོགས་དགེ་བའི་དཔུང་བསྐྱེད་པས་རིགས་བརྒྱུད་ཁྱད་པར་ཅན་འབྱུང་བར་གདོན་མི་ཟ་ཞིང་། ལེགས་པའི་ཡོན་ཏན་གཞན་ཡང་དབྱར་མཚོ་ལྟར་འཕེལ་པར་འགྱུར་རོ། །འཕགས་མ་སོ་སོར་འབྲང་མ་ཡི། །ཡེ་ཤེས་བདུད་རྩིས་འགྲོ་བ་ཀུན། །སྡེ་བཞིའི་དཔལ་ཡོན་ཕུན་ཚོགས་པའི། །ཕན་བདེའི་ཆུ་སྐྱེས་རྒྱས་གྱུར་ཅིག །

― JKT021_Page_0187 ―

^{[མ་དཔེ་གཟིགས་ན་འདིར་གནོན།]}

[Full Size]

ཅེས་པའང་རྒྱུད་ཀྱི་རྒྱལ་པོ་རྣམ་པ་གཉིས་རྗེ་བཙུན་གོང་མའི་གསུང་མཆན་འགྲེལ་པ་དང་བཅས་པ་དང་། བུ་སྟོན་རིན་པོ་ཆེའི་སམྦུ་ཊིའི་འགྲེལ་ཆེན། གཞན་ཡང་མན་ངག་གི་ཟིན་བྲིས་ཕྱག་ལེན་སོགས་ཀྱི་ཁུངས་ལ་གཏུགས་ཏེ་གཞན་ཕན་གྱི་བློས་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་མདོ་ཙམ་བྲིས་པ་སརྦ་དཱ་ཧི་ཏ་སུ་ཁཱ་ནཱཾ་སུ་ཤེ་ཡ་ཊཾ་བྷ་ཡཱ་ཏྲ།། ༈ །།རྡོ་རྗེ་རྣམ་པར་འཇོམས་པའི་འཁོར་ལོའི་བྲི་ཡིག་བཞུགས་སོ། །ཨོཾ་སྭསྟི། རིགས་སྔགས་ཀྱི་ལས་ཐམས་ཅད་གྲུབ་པ་དང་། བརྟན་པ་དང་། ནུས་རྩལ་ཐོགས་པ་མེད་པའི་རྡོ་རྗེའི་གཟུངས། རྡོ་རྗེ་འཛིན་པའི་ཐུགས་ཀྱི་སྙིང་པོ། བཅོམ་ལྡན་འདས་རྡོ་རྗེ་རྣམ་པར་འཇོམས་པའི་རིག་པ་ཆེན་པོའི་ཙཀྲ་ཡིད་བཞིན་གྱི་ནོར་བུ་ཇི་ལྟར་འབྲི་བའི་ཚུལ་ལ་ལྔ། འབྲི་བའི་གཞི། འབྲི་བྱེད་ཀྱི་རྫས། ཇི་ལྟར་འབྲི་བའི་ཚུལ། བྲིས་ནས་སྒྲུབ་པའི་ཐབས། དེ་ལྟ་བུ་འཆང་བའི་ཕན་ཡོན་ནོ། །དང་པོ་ནི། གྲོ་གའམ། རས་སམ། ཤོག་བུ་གཙང་མ་ཆེ་ཆུང་ཁྲུ་གང་ལས་མི་ཆུང་བའོ། །གཉིས་པ་ནི། སྐྱེས་པ་སྲུང་བ་ལ་གུར་གུམ། བུད་མེད་ལ་གི་ཝཾ། གང་ལའང་རྒྱ་སྣག་བཟང་པོ་བརྡར་བའི་ཁུ་བ་དང་སྦྱར་ནས་འབྲིའོ། །གསུམ་པ་ནི། འཁོར་ལོ་མུ་ཁྱུད་དྲུག་པའི་ལྟེ་བར་ཧཱུྃ་གི་མཐར། མདུན་ནས་བརྩམས་ཏེ་ཡིག་མགོ་

― JKT021_Page_0188 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱིར་བསྟན། ཡིག་མཇུག་ནང་དུ་ཁྲིད་དེ། བཅོམ་ལྡན་འདས་རྡོ་རྗེ་རྣམ་པར་འཇོམས་པའི་ལྷ་ཚོགས་རྣམས་ཀྱིས་འཆང་བ་པོ་ལ་གཟའ་ཀླུ་རྒྱལ་བཙན་ཀེག་ཆག་སྲི་ངན་བྱད་ཕུར་ནད་འདྲེ་རྦོད་གཏོང་ནད་མཚོན་མུ་གེ་དགྲ་གྱོད་རྐྱེན་བྱུར་སོགས་གཟུགས་ཅན་གཟུགས་མེད་ཀྱི་གནོད་པ་ཐམས་ཅད་ལས་སྲུངས་ཤིག་སྒྲིབས་ཤིག་རཀྵ་རཀྵ ཅེས་བྲི། མུ་ཁྱུད་དང་པོ་ལ། མདུན་ནས་བརྩམས་ཏེ། ན་མཉྩནྡྲ་སོགས་ཡང་སྙིང་གི་མཐར། འཆང་བ་པོ་ལ་གཟུགས་ཅན་གཟུགས་མེད་ཀྱི་གནོད་པ་ཐམས་ཅད་སྲུངས་ཤིག་རཀྵ་རཀྵ༔ ཅེས་ཕྲེང་གཅིག་ཏུ་ཤོང་བར་བྲི། མུ་ཁྱུད་གཉིས་པ་ལ་འཁོར་ལོ་རྩིབས་བཅུར་ཧཱུྃ་ཡིག་མགོ་ཕྱིར་བསྟན་པའི་མཐར། མདུན་ནས་བརྩམས་ཏེ་རིམ་པར་ཡིག་མགོ་ཕྱིར་བསྟན་གྱིས། ཨོཾ་ཧ་ར་ཧ་ར་བཛྲ་འཆང་བ་པོ་ལ་ཨུ་པ་ཀ་རི་བྷྱོ་རཀྵ ༡ མ་ཐ་མ་ཐ་བཛྲ་འཆང་བ་པོ་ལ་ཨུ་པ་ཀ་རི་བྷྱོ་རཀྵ ༢ དྷུ་ན་དྷུ་ན་བཛྲ་འཆང་བ་པོ་ལ་ཨུ་པ་ཀ་རི་བྷྱོ་རཀྵ ད་ཧ་ད་ཧ་བཛྲ་འཆང་བ་པོ་ལ་ཨུ་པ་ཀ་རི་བློ་རཀྵ ༤ པ་ཙ་པ་ཙ་བཛྲ་འཆང་བ་པོ་ལ་ཨུ་པ་ཀ་རི་བྷྱོ་རཀྵ ༥ དྷ་ར་དྷ་ར་བཛྲ་འཆང་བ་པོ་ལ་ཨུ་པ་ཀ་རི་བྷྱོ་རཀྵ ༦ དྷ་ར་ཡ་དྷ་ར་ཡ་བཛྲ་འཆང་བ་པོ་ལ་ཨུ་པ་ཀ་རི་བྷྱོ་རཀྵ ༧ དཱ་རུ་ཎ་དཱ་རུ་ཎ་བཛྲ་འཆང་བ་པོ་ལ་ཨུ་པ་ཀ་རི་བྷྱོ་རཀྵ༔ ༨ ཙྪིནྡ་ཙྪིནྡ་བཛྲ་འཆང་བ་པོ་ལ་ཨུ་པ་ཀ་

― JKT021_Page_0189 ―

^{[མ་དཔེ་གཟིགས་ན་འདིར་གནོན།]}

[Full Size]

རི་བྷྱོ་རཀྵ ༩ བྷིནྡྷ་བྷིནྡྷ་བཛྲ་འཆང་བ་པོ་ལ་ཨུ་པ་ཀ་རི་བྷྱོ་རཀྵ ༡༠ ཅེས་བྲི། མུ་ཁྱུད་གསུམ་པ་ཆ་ཆེ་བར་བསྐོར་བའི་མདུན་ནས་བརྩམས་ཏེ། ན་མོ་རཏྣ་སོགས་གཟུངས་རིང་། སྙིང་པོ། ཡང་སྙིང་རྫོགས་པའི་མཐར། བཅོམ་ལྡན་འདས་རྡོ་རྗེ་རྣམ་པར་འཇོམས་པའི་ལྷ་ཚོགས་རྣམས་ཀྱིས་འཆང་བ་པོ་ལ་སྟེང་གདོན་གཟའ་དང་རྒྱུ་སྐར་འོག་གདོན་ཀླུ་དང་ས་བདག་བར་གདོན་བཙན་དང་མ་མོ་ཐེ་བྲང་རྒྱལ་པོ་དམ་སྲི་ལོ་ཟླ་ཞག་དུས་ཕ་མེས་ཀྱི་ཀེག་སྲི་བྱད་ཕུར་རྦད་འདྲེ་རྒོད་གཏོང་དབྱེ་དཀྲུགས་སྡེབ་གཤོར་ཕུང་སེལ་ནད་མཚོན་མུ་གེ་དགྲ་གྱོད་རྐྱེན་བྱུར་གཟུགས་ཅན་གཟུགས་མེད་ཀྱི་ལ། འཚེ་བ་ལས་སྲུངས་ཤིག་རཀྵ ཅེས་ཡིག་མཇུག་ནང་དུ་ཁྲིད་ལ་བྲི། མུ་ཁྱུད་བཞི་པ་ལ། དབྱངས། གསལ། རྟེན་འབྲེལ་སྙིང་པོ་རྣམས་ཀྱི་མཐར། བཅོམ་ལྡན་འདས་རྡོ་རྗེ་རྣམ་པར་འཇོམས་པའི་ལྷ་ཚོགས་རྣམས་ཀྱིས་འཆང་བ་པོ་ལ་སྟེང་གདོན་གཟའ་དང་རྒྱུ་སྐར་འོག་གདོན་ཀླུ་དང་ས་བདག་བར་གདོན་བཙན་དང་མ་མོ་ཐེ་བྲང་རྒྱལ་པོ་དམ་སྲི་ལོ་ཟླ་ཞག་དུས་ཕ་མེས་ཀྱི་ཀེག་སྲི་བྱད་ཕུར་རྦོད་གཏོང་དབྱེ་དཀྲུགས་ཕུང་སེལ་ནད་མཚོན་མུ་གེ་རྐྱེན་བྱུར་སོགས་ཉེར་འཚེ་ཐམས་ཅད་ལས་སྲུངས་ཤིག་རཀྵ་རཀྵ ཅེས་ཕྲིང་གཅིག་ཏུ་ཤོང་བར་བྲི། མུ་ཁྱུད་ལྔ་པ་ལ་རྡོ་ར། མུ་ཁྱུད་དྲུག་པ་ལ་མེ་རི་རྣམས་

― JKT021_Page_0190 ―

^{[མ་དཔེ་གཟིགས་ན་འདིར་གནོན།]}

[Full Size]

བྲིའོ། །བཞི་པ་ནི། བདག་གི་རྣལ་འབྱོར་སྔོན་ཏུ་འགྲོ་བས། འཁོར་ལོ་བསང་སྦྱངས། སྟོང་པའི་ངང་ལས་མུ་ཁྱུད་གཞལ་ཡས་ཁང་གི་དབུས་སུ་སྔགས་ཀྱི་ཡི་གེ་རྣམས་རྡོ་རྗེ་རྣམ་པར་འཇོམས་པ་དང་། མིང་སྤེལ་བསྒྲུབ་བྱ་དངོས་སུ་གསལ་ཞིང་། བསྐྱེད་པའི་ལྷའི་གནས་གསུམ་བྱིན་བརླབས་ཡེ་ཤེས་པ་བསྟིམ། དབང་བསྐུར་ཞིང་རིགས་བདག་གིས་རྒྱས་གདབ། མཆོད་བསྟོད་སྤྱན་དབྱེ་བྱ། སྔགས་སྤེལ་ཚིག་དང་བཅས་བཟླས་པས་གསོལ་བ་གདབ་མཐར། གཞལ་ཡས་ཁང་ལྷ་དང་བཅས་པ་འོད་དུ་ཞུ་བ་ལས་བྲིས་པའི་འཁོར་ལོ་དང་། བསྒྲུབ་བྱ་མིང་སྤེལ་གྱི་རྣམ་པར་བསམས་ལ། གཟུངས་རིང་ཐུང་སྤེལ་ཚིག་དང་བཅས་པའི་མཇུག་ཏུ་རྟེན་འབྲེལ་སྙིང་པོ་གདགས་པ་བཟླས་པའི་མེ་ཏོག་འཐོར་ཞིང་བརྟན་བཞུགས་དང་། ཤིས་བརྗོད་བྱ། ལེགས་པ་རང་ལྟབས་ནས་ཚོན་སྐུད་སྣ་༣ལྔས་བཅིངས་ཤིང་བསྒྲུབ་བྱའི་མགུལ་ལམ་དཔུང་པར་གདགས་སོ། །ལྔ་པ་ནི། མི་མཐུན་པའི་ཕྱོགས་ཐམས་ཅད་སྲུང་ཞིང་ཞི་བ་དང་། མཐུན་རྐྱེན་ལེགས་ཚོགས་མཐའ་དག་འཕེལ་ཞིང་རྒྱས་པ་དང་། འདོད་པའི་དངོས་གྲུབ་དབང་དུ་འགྱུར་པ་སོགས་གཟུངས་སྔགས་ཀྱི་རྒྱལ་པོའི་ཕན་ཡོན་ཇི་སྐད་གསུངས་པ་ཐམས་ཅད་ཐོབ་པར་འགྱུར་བ་ནི་ངེས་པའོ། །ཞེས་པའང་ཐམས་ཅད་མཁྱེན་པ་

― JKT021_Page_0191 ―

^{[མ་དཔེ་གཟིགས་ན་འདིར་གནོན།]}

[Full Size]

དཀོན་མཆོག་ཡན་ལག་གི་ཞལ་སྔ་ནས་ཀྱི་ཕྱག་གཞེས་ཀྱི་རྒྱུན་ལས་བྱུང་བ་ལྟར་གསལ་བར་བཀོད་པ་སིདྡྷི་རསྟུ། ༈ །བཀྲ་ཤིས་གཏེར་བུམ་གྱི་འཁོར་ལོའི་བྲི་ཡིག་དག་ཅིང་གསལ་བ་བཞུགས་སོ། །ཨོཾསྭ་སྟི་སིདྡྷཾ། ཐུགས་སྒྲུབ་བར་ཆད་ཀུན་སེལ་གྱི་ཞལ་གདམས་སྙིང་བྱང་ཡིད་བཞིན་ནོར་བུ་ལས་གསུངས་པའི་བཀྲ་ཤིས་གཏེར་གྱི་བུམ་པ་བརྒྱད་ལས། དང་པོ་སྲུང་ཞིང་སྐྱོབ་པ་བཀྲ་ཤིས་གདུགས་ཀྱི་ཙ་ཀྲ་ནི། བྲི་གཞི་དཀར་པོར་འཁོར་ལོ་རྩིབས་བཞི་མུ་ཁྱུད་ལྔ་དང་ལྡན་པའི་ལྟེ་བར་གདུགས་དཀར་པོའི་ལོགས་སུ་ཕྲེང་བྲིས་ཀྱིས། ཨོཾ་མངྒ་ལཾ་ཙྪ་ཀྲྀ་ག་ཨཱཿཧཱུཾ། གཙུག་ལག་ཁང་ངམ་གནས་ཁང་འདི་ཞེས་བྱ་བས་ཐོག་དྲངས་ཡུལ་ཕྱོགས་འདི་ཐམས་ཅད་ལ་སྲུང་ཞིང་སྐྱོབ་པར་མཛད་དུ་གསོལ་རཀྵ་རཀྵ༔ ཞེས་བྲི། དེའི་ཕྱི་རོལ་གྱི་རྩིབས་བཞི་ལ། ཧཱུྃ་ཡིག་དབུ་ཕྱིར་བསྟན་བཞིའི་མཐར་ཀླད་ཀོར་ནས་བརྩམས་གོང་གི་སྔགས་འདོད་གསོལ་དང་བཅས་པ་གཡས་བསྐོར་དུ་ཕྲེང་གཅིག་གམ། མ་ཤོང་ན་སྦྲུལ་འཁྱིལ་བ་ལྟར་བྲིས་ཀྱང་འགལ་བ་མེད། རྩིབས་མཆན་གདུགས་ཏོག་ཕྱིར་བསྟན། མུ་ཁྱུད་དང་པོ་ལ། ཨོཾ་སརྦ་ཏ་ཐཱ་ག་ཏ་ཨུཥཱི་ཥ་ཧཱུཾ་ཕཊ་སྭཱ་ཧཱ། ཏདྱ་ཐཱ། ཨོཾ་ཨ་ན་ལེ་ཨ་ན་ལེ། ཁ་ས་མེ་ཁ་ས་མེ། བཻ་རེ་བེ་རེ། སོ་མེ་སོ་མེ། སརྦ་བུདྡྷ་ཨདྷིཥྛ་ན་ཨིདྷིཊྛི་ཏེ། སརྦ་ཏ་ཐཱ་ག་

― JKT021_Page_0192 ―

^{[མ་དཔེ་གཟིགས་ན་འདིར་གནོན།]}

[Full Size]

ཏ་ཨུཏྟཱི་ཥ་སི་ཏཱ་ཏ་པ་ཏྲེ་ཧཱུཾ་ཕཊ། ཧཱུཾ་མ་མ་ཧཱུཾ་ནི་སྭཱ་ཧཱ། ཞེས་པ་མཐར་འདོད་གསོལ་གོང་ལྟར་བྲི། མུ་ཁྱུད་གཉིས་པ་ལ་དབྱངས་གསལ་བྱེད། རྟེན་སྙིང་། གསུམ་པར། ཨོཾ་སྭསྟི། བཀྲ་ཤིས་གང་ཞིག་མཆོད་པའི་ལྷ་མོ་ནི། །ཕྱག་ན་གདུགས་བཟང་གསེར་གྱི་ཡུ་བ་ཅན། །བསྣམས་ནས་རྒྱལ་བའི་དབུ་ལ་མཆོད་འབུལ་ལྟར། །དབུ་ལ་གདུགས་ཀྱི་བཀྲ་ཤིས་བདེ་ལེགས་ཤོག །ཡུངས་ཀར་རྡོ་རྗེའི་རིགས་ཏེ་ཐམས་ཅད་དུ། །བགེགས་རྣམས་མ་ལུས་འཇོམས་པར་བྱེད་པ་སྟེ། །མཐུ་སྟོབས་ཡོན་ཏན་ཕུན་སུམ་ཚོགས་གྱུར་པའི། །བཀྲ་ཤིས་དེས་ཀྱང་བགེགས་ཀུན་ཞི་བྱེད་ཤོག །གནས་འདིར་ཉིན་མོ་བདེ་ལེགས་མཚན་བདེ་ལེགས། །ཉིན་མའི་གུང་ཡང་བདེ་ལེགས་ཤིང་། །ཉིན་མཚན་རྟག་ཏུ་བདེ་ལེགས་པ། །དཀོན་མཆོག་གསུམ་གྱི་བཀྲ་ཤིས་ཤོག །ཨོཾ་སུ་པྲ་ཏིཥྛ་བཛྲ་ཡ་སྭཱ་ཧཱ། །བཞི་པར་།རྡོ་རྗེའི་ར་བ་སྔོན་པོ། ལྔ་པར་འོད་ཟེར་པ་ཏྲ་ཁ་དོག་སྣ་ལྔ་རྩེ་གཡས་བསྐོར། དེའི་ཕྱི་རིམ་གྲ་བཞིར་གདུགས་དཀར་པོ་རེ་རེ་རྣམས་བྲིའོ། ༈ །གཉིས་པ་ཤེས་རབ་རྒྱས་པར་བྱེད་པ་བཀྲ་ཤིས་གསེར་ཉའི་འཁོར་ལོ་ནི། བྲི་གཞི་སེར་པོར་རྩིབས་དང་མུ་ཁྱུད་འདྲ། ལྟེ་བར་གསེར་ཉ་མགོ་ནང་བསྟན་སྟེང་དུ་བལྟས་ནས་འཁྱིལ་པའི་མགོ་ནས་བརྩམས་ཏེ་མཇུག་མའི་བར། ཨོཾ་མངྒ་ལཾ་ཉ་ཚ་ཨཱ་ཧཱུཾ། བཀྲ་

― JKT021_Page_0193 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིས་གཏེར་གྱི་བུམ་པ་བཟང་པོ་བཞུགས་པའི་ས་ཕྱོགས་འདིར་གནས་པ་ཐམས་ཅད་ཀྱི་བློ་དང་ཤེས་རབ་སྟོབས་རྩལ་ཕུན་སུམ་ཚོགས་པ་ཐམས་ཅད་པུཊྚི་ཀུ་རུ་ཨོཾ། རྩིབས་བཞིར་དྷིཡིག་རེ་རེ་ལ་སྔགས་སྤེལ་ཚིག་དང་བཅས་པས་བསྐོར། མུ་ཁྱུད་དང་པོ་ལ་ཤེས་རབ་བློ་འཕེལ་གྱི་གཟུངས། ན་མོ་མཉྫུཤྲི་ཡེ་ཀུ་མཱ་ར་བྷུ་ཏཱ་ཡ། བོ་དྷི་ས་ཏྭཱ་ཡ། །མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་ཨ་ར་ཛེ། བི་ར་ཛེ། ཤུདྡྷེ་བི་ཤུདྡྷེ། ཤོདྷ་ཡ་བི་ཤོདྷ་ཡ། ཨ་མ་ལེ་བི་མ་ལེ། ནིརྨ་ལེ། ཛ་ཡེ་བ་ཏི། རུ་རུ་ཙ་ལེ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་སྭཱ་ཧཱ། ཞེས་པའི་མཐར་སྤེལ་ཚིག་གོང་ལྟར། གཉིས་པར་དབྱངས་གསལ་རྟེན་སྙིང་། གསུམ་པར། ཨོཾ་སྭསྟི། བཀྲ་ཤིས་གང་ཞིག་མཆོད་པའི་ལྷ་མོ་ནི། །ཕྱག་ན་གསེར་གྱི་ཉ་མོ་འོད་འབར་བ། །བསྣམས་ནས་རྒྱལ་བའི་སྤྱན་ལ་མཆོད་འབུལ་ལྟར། །སྤྱན་ལ་གསེར་ཉའི་བཀྲ་ཤིས་བདེ་ལེགས་ཤོག །ཞོ་ནི་ཀུན་གྱི་སྙིང་པོར་གྱུར་བ་སྟེ། །སྙིང་པོ་རྣམ་དག་ཡེ་ཤེས་རྣམས་རྟོགས་ནས། །ཡེ་ཤེས་ཀུན་གྱི་དབྱིངས་སུ་གྱུར་པ་ཡི། །བཀྲ་ཤིས་དེས་ཀྱང་ནད་ཀུན་ཞི་གྱུར་ཅིག །ཟབ་ཅིང་རྒྱ་ཆེའི་བློ་གྲོས་དང་། །གསལ་བརྟན་མྱུར་བའི་ཤེས་རབ་ཀྱཻ། །སྤོབས་པ་ཆུ་བོའི་རྒྱུན་ལྟ་བུ། །ཕུན་སུམ་ཚོགས་པའི་བཀྲ་ཤིས་ཤོག །བཞི་པར་རྡོ་ར། ལྔ་པར་པ་ཏྲ། །

― JKT021_Page_0194 ―

^{[མ་དཔེ་གཟིགས་ན་འདིར་གནོན།]}

[Full Size]

ནང་གི་རྩིབས་མཆན་དང་། ཕྱིའི་གྲྭ་བཞིར་གསེར་ཉ་འཁྱིལ་པ་རེ་རེ་བྲིའོ། ༈ །གསུམ་པ་འདོད་རྒུའི་འབྱོར་བ་ཡིད་བཞིན་ཏུ་རྩོལ་བའི་བཀྲ་ཤིས་བུམ་པའི་ཙ་ཀྲ་ནི། བྲི་གཞི་ལྗང་གུར་རྩིབས་དང་མུ་ཁྱུད་འདྲ། དབུས་སུ་ནོར་བུས་ཁ་བརྒྱན་པའི་བུམ་པ་བཟང་པོའི་ལྟེ་བར་ཕྲེང་བྲིས་ཀྱིས། ཨོཾ་མངྒ་ལཾ་ཀ་ལ་ཤ་ཨཱཿཧཱུྃ། བཀྲ་ཤིས་གཏེར་གྱི་བུམ་པ་བཞུགས་པའི་ས་ཕྱོགས་འདིར་འཁོད་པ་ཐམས་ཅད་ལ་འདོད་རྒུའི་གཏེར་གྱིས་དངོས་གྲུབ་ཐམས་ཅད་པུཊྚི་ཀུ་རུ་ཨོཾ། རྩིབས་བཞིར་པཾ་ཡིག་རེ་རེའི་མཐར་གོང་སྔགས་སྤེལ་ཚིག་བཅས་པས་བསྐོར། མུ་ཁྱུད་དང་པོ་ལ། ཨོཾ་བཾ་བཱ་སུ་དྷཱ་རི་ཎཱི་སརྦ་སིདྡྷི་ཧཱུྃ། །ཞེས་ཚར་གསུམ་ལྔ་སོགས་གང་ཤོང་མཐར་སྤེལ་ཚིག །གཉིས་པར་དབྱངས་གསལ་རྟེན་སྙིང་གསུམ་པར། ཨོཾ་སྭསྟི། བཀྲ་ཤིས་གང་ཞིག །ཕྱག་ན་རིན་ཆེན་བུམ་པ་རབ་མཛེས་པ། །བསྣམས་༧ ནས་རྒྱལ་བའི་མགུལ་ལ༴ །མགུལ་ལ་བུམ་པའི༴ །བིཝ་རྒྱུ་རྐྱེན་འབྲས་བུར་བཅས་པའི་ཆོས། །འཇིག་རྟེན་འཇིག་རྟེན་འདས་པའི་སྤྱོད་པ་ཀུན། །བྱང་ཆུབ་སྙིང་པོ་མཆོག་ཏུ་གྱུར་པ་ཡི། །བཀྲ་ཤིས་དེས་ཀྱང་དོན་ཀུན་འགྲུབ་གྱུར་ཅིག །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་ཕྱུགས་འཕེལ་བ། །དགེ་ལེགས་ཐམས་ཅད་འབྱུང་བའི་གནས། །ཡིད་ལ་འདོད་པ་ཀུན་འགྲུབ་

― JKT021_Page_0195 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག །ཨོཾ་སུ་པྲ་ཏིཥྛ་བཛྲ་ཡ་སྭཱ་ཧཱ། བཞི་པར་རྡོ་ར། ལྔ་པར་འོད་ཕྲེང་། ནང་གི་རྩིབས་མཆན་དང་། ཕྱིའི་གྲྭ་བཞིར་བུམ་པ་རེ་རེ་བྲིའོ། ༈ །བཞི་པ་འཁོར་འདས་ཀྱི་ལེགས་ཚོགས་ཐམས་ཅད་དབང་དུ་སྡུད་པ་བཀྲ་ཤིས་པདྨའི་ཙཀྲ་ནི། བྲི་གཞི་དམར་པོ་རྩིབས་དང་མུ་ཁྱུད་འདྲ། ལྟེ་བར་ཆུ་སྐྱེས་པདྨ་དམར་པོ་འདབ་མ་བརྒྱད་པའི་ཟེའུ་འབྲུར། ཨོཾ་མངྒ་ལ་པདྨ་ཨཱཿཧཱུཾ། བཀྲ་ཤིས་གཏེར་གྱི་བུམ་པ་བཟང་པོ་འདི་ཉིད་བཞུགས་པའི་ས་ཕྱོགས་འདི་རྣམས་སུ་ཁམས་གསུམ་བརྟན་གཡོའི་ཕུན་ཚོགས་ཐམས་ཅད་ཝཱ་ཤཾ་ཀུ་རུ་ཧོ༔ ཞེས་ཕྲེང་དུ་བྲི། རྩིབས་བཞིར། ཧྲཱིཿཡིག་གི་མཐར་གོང་ཟླ་ལྟར་སྤེལ་ཚིག་བཅས། མུ་ཁྱུད་དང་པོ་ལ། ཨོཾ་ཀུ་རུ་ཀུལླེ་སརྦ་ལོ་ཀཱ་ཤྲཱི་ཝཱ་ཤཾ་ཀུ་རུ་ཧོ༔ སརྦ་སིདྡྷི་ས་མ་ཡ་ཧཱུྃསྭཱ་ཧཱ། ཞེས་གསུམ་ལྔ་སོགས་གང་ཤོང་མཐར་སྤེལ་ཚིག་སྦྱར། གཉིས་པར་དབྱངས་གསལ་རྟེན་སྙིང་། གསུམ་པར། ཨོཾ་སྭསྟི། བཀྲ་ཤིས་གང་ཞིག་མཆོད་པའི་ལྷ་མོ་ནི། །ཕྱག་ན་པདྨ་དམར་པོ་འདབ་བརྒྱད་པ། །བསྣམས་ནས་རྒྱལ་བའི་ལྗགས་ལ་མཆོད་པ་ལྟར། །ལྗགས་ལ་པདྨའི་བཀྲ་ཤིས་བདེ་ལེགས་ཤོག །ལི་ཁྲི་དམར་པོ་དབང་གི་རང་བཞིན་ཏེ། །ཆོས་རྣམས་མ་ནོར་དབང་དུ་བསྡུས་ནས་ཀྱང་། །ཆོས་ཀྱི་རྒྱལ་སྲིད་རབ་ཏུ་བརྟན་གྱུར་པའི། །བཀྲ་ཤིས་དེས་ཀྱང་ཆོས་

― JKT021_Page_0196 ―

^{[མ་དཔེ་གཟིགས་ན་འདིར་གནོན།]}

[Full Size]

སྲིད་བརྟན་གྱུར་ཅིག །ཚེ་རིང་ནད་མེད་འབྱོར་ལྡན་ཞིང་། །འགྲོ་ཀུན་རྟག་ཏུ་འདུན་པ་དང་། །ཇི་ལྟར་བསམ་པའི་དོན་རྣམས་ཀུན། །ཆོས་བཞིན་འགྲུབ་པའི་བཀྲ་ཤིས་ཤོག །ཨོཾ་སུ་པྲ་ཏིཥྛ་སོགས་བྲི། བཞི་པར་རྡོ་ར། ལྔ་པར་འོད་ཕྲེང་། ཕྱི་ནང་གི་གྲྭར་པདྨ་དམར་པོ་འདབ་མ་བརྒྱད་པ་ལྡོང་བུ་ནང་དུ་བསྟན་པ་རེ་རེ་བྲིའོ། ༈ །ལྔ་པ་སྙན་གྲགས་སྲིད་གསུམ་དུ་ཁྱབ་པར་བྱེད་པ་བཀྲ་ཤིས་དུང་གི་༧ འཁོར་ལོ་ནི། བྲི་གཞི་སེར་པོ་ལ་རྩིབས་དང་མུ་ཁྱུད་འདྲ། ལྟེ་བར་དུང་དཀར་གཡས་སུ་འཁྱིལ་བའི་ཁོངས་པའི་ངོས་སུ། ཨོཾ་མངྒ་ལ་ཤདྨ་ཨཱཿཧཱུྃ། བཀྲ་ཤིས་གཏེར་གྱི་བུམ་པ་བཟང་པོ་འདི་ཉིད་བཞུགས་པའི་ས་ཕྱོགས་འདི་རྣམས་ཀྱི་གནས་འདིའི་བདག་པོ་འཁོར་དང་བཅས་པ་ཐམས་ཅད་སྙན་གྲགས་མངའ་ཐང་སྲིད་པ་གསུམ་དུ་པུཊྚི་ཀུ་རུ་ཨོཾ། ཞེས་ཕྲེང་དུ་བྲི། རྩིབས་བཞིར་ཏཱཾ་ཡིག་རེ་རེའི་མཐར་གོང་གི་སྔགས་སྤེལ་ཚིག་བཅས། མུ་ཁྱུད་དང་པོ་ལ། ༀ་ཏཱ་རེ་ཏུཏྟཱ་རེ་ཏུ་རེ་མ་ཧཱ་གཱིརྟི་པུཊྚི་ཀུ་རུ་ཨོཾ། གསུམ་ལྔ་བདུན་སོགས་གང་ཤེས་མཐར་སྤེལ་ཚིག་སྦྱར། གཉིས་པར་དབྱངས་གསལ་རྟེན་སྙིང་། གསུམ་པར། ཨོཾ་སྭསྟི། བཀྲ་ཤིས་གང་ཞིག །ཕྱག་ན་ཆོས་ཀྱི་དུང་སྒྲ་སྒྲོགས་མཛད་པ། །བསྣམས་ནས་རྒྱལ་བའི་གསུང་ལ༴ །གསུང་ལ་དུང་གི༴ དུང་ནི་ཆོས་ཀྱི་སྒྲ་རྣམས་སྒྲོགས་པའི་

― JKT021_Page_0197 ―

^{[མ་དཔེ་གཟིགས་ན་འདིར་གནོན།]}

[Full Size]

ཚུལ། །ཡེ་ཤེས་རྒྱ་མཚོ་ཉིད་དུ་དག་གྱུར་ཏེ། །ཆོས་རྣམས་མ་ནོར་ཡོངས་སུ་སྟོན་པ་ཡི། །བཀྲ་ཤིས་དེས་ཀྱང་ཚིག་ལ་དབང་ཐོབ་ཤོག །ཆོས་དང་སྲིད་ཀྱི་དགེ་མཚན་དང་། །སྙན་པས་ནམ་མཁའི་མཐར་ཁྱབ་ཅིང་། །ལྷ་དང་བཅས་པའི་འཇིག་རྟེན་ན། །ཡོངས་སུ་གྲགས་པའི་བཀྲ་ཤིས་ཤོག །ཨོཾ་སུ་པྲ༴ བཞི་པར་རྡོ་ར། ལྔ་པར་འོད་ཕྲེང་ཕྱི་ནང་གི་གྲྭར་དུང་གཡས་འཁྱིལ་མཇུག་ནང་དུ་བསྟན་པ་དར་དཔྱངས་དང་བཅས་པ་རེ་རེ་བྲིའོ། ༈ །དྲུག་པ་ཚེ་དང་བསོད་ནམས་ཡེ་ཤེས་འཕེལ་བར་བྱེད་པ་བཀྲ་ཤིས་དཔལ་བེའུའི་ཙཀྲ་ནི། བྲི་གཞི་དམར་སེར་ལ། རྩིབས་དང་མུ་ཁྱུད་འདྲ་། ལྟེ་བར་དཔལ་བེའུ་ཟུར་བརྒྱད་པ་དར་དཔྱང་གིས་མཛེས་པའི་ཕྱི་ནང་གི་ཁོང་སེང་བཅུ་བདུན་ལ། སྟེང་གི་གྲྭ་ནས་བརྩམས་ཏེ་རིམ་པར། ཨོཾ་༡༽མངྒ་ལ། ༢༽ཤྲཱི་ཛདྨ་ཛ། ༣༽ ཨཱཿཧཱུྃ། ༤༽ བཀྲ་ཤིས། ༥༽ གཏེར་གྱི་༦༽ བུམ་པ་༧༽ བཟང་པོ་༨༽ འདི་ཉིད་༩༽ བཞུགས་པའི་༡༠༽ ས་ཕྱོགས་འདིར་༡༡༽ གནས་པའི་༡༢༽ སྐྱེ་རྒུ་རྣམས་༡༣༽ ཚེ་དང་བསོད་ནམས། ༡༤༽ཡེ་ཤེས་ཐམས་ཅད་༡༥༽ པུཎྚི་ཀུ་རུ་༡༦༽ ཨོ།༡༧༽ ཞེས་བྲི། རྩིབས་བཞིར། ཧྲཱིཿཡིག་རེ་རེའི་མཐར་གོང་གི་སྔགས་སྤེལ་ཚིག་བཅས། མུ་ཁྱུད་དང་པོ་ལ། ཨོཾ་ན་མོ་བྷ་ག་ཝ་ཏེ་སོགས་ཚེ་གཟུངས་ཀྱི་མཐར་སྤེལ་

― JKT021_Page_0198 ―

^{[མ་དཔེ་གཟིགས་ན་འདིར་གནོན།]}

[Full Size]

ཚིག་སྦྱར་བ། གཉིས་པ་དབྱངས་གསལ་རྟེན་སྙིང་། གསུམ་པར། ཨོཾ་སྭསྟི། བཀྲ་ཤིས་གང་ཞིག་མཆོད་པའི་ལྷ་མོ་ནི། །ཕྱག་ན་དཔལ་གྱི་བེའུ་རབ་འབར་པ། །བསྣམས་ནས་རྒྱལ་བའི་ཐུགས་ལ༴ །ཐུགས་ལ་དཔལ་བེའུ༴ །དཱརླས་ཚེ་ནི་འཕེལ་བར་བྱེད་པ་སྟེ། །རྡོ་རྗེ་སེམས་དཔའི་ཚེ་ནི་རབ་གྲུབ་སྟེ། །ཉོན་མོངས་སྐྱེ་ཤི་རྒྱུན་ཆད་གྱུར་པ་ཡི། །བཀྲ་ཤིས་དེས་ཀྱང་ཚེ་གཡང་འཕེལ་གྱུར་ཅིག །དཔོན་སློབ་མི་འབྲལ་ལྷན་ཅིག་འགྲོགས། །སྐུ་ཚེ་མི་འབྲལ་སྲ་ཞིང་བརྟན། །ཇ་བཟང་བཞེས་སྤྲོ་རྒྱུན་མི་འཆད། །སྐྱིད་ལ་ཆོས་འཕེལ་བཀྲ་ཤིས་ཤོག །ཨོཾ་སུ་པྲ་ཏིཥྛ༔ བཞི་པར་རྡོ་ར། ལྔ་པར་འོད་ཕྲེང་། ཕྱི་ནང་གི་གྲྭར་དཔལ་བེའུ་དར་དཔྱང་གིས་མཛེས་པ་བྲིའོ། ༈ །བདུན་པ་ཕས་རྒོལ་གྱི་ཕྱོགས་ཐམས་ཅད་ལས་རྣམ་པར་རྒྱལ་བ་བཀྲ་ཤིས་རྒྱལ་མཚན་གྱི་ཙཀྲ་ནི། བྲི་གཞི་སྔོན་པོ་ལ་༧ རྩིབས་དང་མུ་ཁྱུད་འདྲ། ལྟེ་བར་རྒྱལ་མཚན་ནོར་བུའི་དྲྭ་ཕྱེད་ཀྱིས་བརྒྱན་པའི་ཤམ་བུ་རྣམས་ནས་ཕྲེང་བསྒྲིགས་སུ། ཨོཾ་མངྒ་ལངྒ་ཛ་ཨཱཿཧཱུྃ། བཀྲ་ཤིས་གཏེར་གྱི་བུམ་པ་བཟང་པོ་བཞུགས་པའི་གནས་འདི་རྟེན་དང་བརྟེན་པར་བཅས་པ་དང་སྐྱེ་དགུ་མཐའ་དག་མི་མཐུན་པའི་རྒོལ་བ་ཐམས་ཅད་ལས་རྒྱལ་བར་གྱུར་ཅིག །ཅེས་བྲི། རྩིབས་བཞིར། ངྷི་རེ་རེའི་མཐར་གོང་གི་སྔགས་སྤེལ་ཚིག་བཅས།

― JKT021_Page_0199 ―

^{[མ་དཔེ་གཟིགས་ན་འདིར་གནོན།]}

[Full Size]

མུ་ཁྱུད་དང་པོ་ལ། ཨོཾ་ཧཱུྃ་དྷ་ཛ་ཨ་གྲ་ཀེ་ཡུ་རེ་མཱ་ར་སེ་ན་པྲ་མནྡྷ་ན་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཞེས་ཚར་གསུམ་ལྔ་གང་ཤོང་གི་མཐར་སྤེལ་ཚིག་སྦྱར། གཉིས་པ་ལ་དབྱངས་གསལ་རྟེན་སྙིང་། །གསུམ་པར། ཨོཾ་སྭསྟི། བཀྲ་ཤིས་གང་ཞིག༴ ཕྱག་ན་རིན་ཆེན་རྒྱལ་མཚན་རབ་མཛེས་པ། །བསྣམས་ནས་རྒྱལ་བའི་སྐུ་ལ་མཆོད༔ །སྐུ་ལ་རྒྱལ་མཚན༴ །གི་ཝཾ་དུག་གསུམ་འཇོམས་པ་ནད་ཀྱི་སྨན། །སྨན་མཆོག་ཆོས་ཉིད་རབ་ཏུ་རྟོགས་གྱུར་ནས། །ཉོན་མོངས་ཟུག་རྔུ་མེད་པར་གྱུར་པ་ཡི། །བཀྲ་ཤིས་དེས་ཀྱང་དུག་གསུམ་ཞི་གྱུར་ཅིག །ཕྱི་ནང་འགལ་རྐྱེན་བར་གཅོད་དང་། །འཇིགས་པ་བརྒྱད་དང་བཅུ་དྲུག་སོགས། །ཕས་རྒོལ་མི་མཐུན་ཕྱོགས་ཀུན་ལ། །རྣམ་པར་རྒྱལ་བའི་བཀྲ་ཤིས་ཤོག །ཨོཾ་སུ་པྲ་ཏིཥྛ བཞི་པར་རྡོ་ར། ལྔ་པར་འོད་ཕྲེང་ཕྱི་ནང་གི་གྲྭར་ནོར་བུའི་རྒྱལ་མཚན་ཡུ་བ་ནང་དུ་བསྟན་པ་རེ་རེ་བྲིའོ། ༈ །བརྒྱད་པ་ཆོས་དང་སྲིད་ཀྱི་འཁོར་ལོས་བསྒྱུར་བར་བྱེད་པ་བཀྲ་ཤིས་འཁོར་ལོའི་ཙཀྲ་ནི་བྲི་གཞི་སེར་པོ་རྩིབས་དང་མུ་ཁྱུད་འདྲ། དབུས་སུ་གསེར་གྱི་ཆོས་lའཁོར་རྩིབས་བརྒྱད་པའི་ལྟེ་བར། ཨོཾ་མདྨ་ལ་ཙཀྲ་ཨཱཿཧཱུྃ། རྩིབས་བརྒྱད་ལ་རྒྱབ་ནས་བརྩམས་ཏེ་གཡས་བསྐོར་དུ་རིམ་པར། བཀྲ་ཤིས་གཏེར་གྱི་༡༽ བུམ་པ་བཟང་པོ་༢༽ འདི་ཉིད་བཞུགས་པའི་

― JKT021_Page_0200 ―

^{[མ་དཔེ་གཟིགས་ན་འདིར་གནོན།]}

[Full Size]

༣༽ གནས་འདི་རྣམས་སུ་ང་༽ དམ་པའི་ཆོས་དང་། ༥༽ སྲིད་ཀྱི་མངའ་ཐང་༦༽ ཕུན་སུམ་ཚོགས་པ་ཐམས་ཅད ༧༽ པུཎྚི་ཀུ་རུ་ཨོཾ། ༨༽ རྩིབས་བཞིར། ཧྲཱིཿཡིག་རེ་རེའི་མཐར་གོང་གི་སྔགས་སྤེལ་ཚིག་བཅས། མུ་ཁྱུད་དང་པོར། ཨོཾ་པདྨ་ཙིཏྟ་མ་ཎི་ཛྭ་ལ་སརྦ་ལོ་ཀ་བི་སིདྡྷི་སིདྡྷི་ཀུ་རུ་ཨོཾ། ཞེས་ཚར་གསུམ་ལྔ་སོགས་གང་ཤོང་མཐར་སྤེལ་ཚིག་སྦྱར། གཉིས་པར་དབྱངས་གསལ་རྟེན་སྙིང་། གསུམ་པར། ཨོཾ་སྭསྟི། བཀྲ་ཤིས་གང་ཞིག །ཕྱག་ན་གསེར་གྱི་འཁོར་ལོ་རྩིབས་བརྒྱད་པ། །བསྣམས་ནས་རྒྱལ་བའི་ཞབས་ལ༴ །ཞབས་ལ་འཁོར་ལོའི༴ །མེ་ལོང་ཡེ་ཤེས་རྒྱ་མཚོ་ཆེན་པོ་ཡི། །ཡེ་ཤེས་རྒྱ་མཚོ་མཆོག་ཏུ་དག་གྱུར་ཏེ། །རྣམ་དག་ཆོས་ལ་ཐོགས་མེད་ལོངས་སྤྱོད་པའི། །བཀྲ་ཤིས་དེས་ཀྱང་སྒྲིབ་བ་དག་གྱུར་ཅིག །འབད་དང་རྩོལ་བས་མ་གོས་པ། །ཡིད་བཞིན་ནོར་བུ་དཔག་བསམ་ཤིང་། །སེམས་ཅན་རེ་བ་སྐོང་མཛད་པ། །བསམ་པ་འགྲུབ་པའི་བཀྲ་ཤིས་ཤོག །ཨོཾ་སུ་པྲ༔ བཞི་པར་རྡོ་ར། ལྔ་པར་འོད་ཕྲེང་། ཕྱི་ནང་གི་གྲྭར་གསེར་འཁོར་རྩིབས་བརྒྱད་པ་རེ་རེ་བྲིའོ། །ཐུན་མོང་དུ་སྣོད་བཅུད་ཀྱི་དཔལ་དང་ལེགས་ཚོགས་ཐམས་ཅད་སྐྱོད་པར་བྱེད་པའི་བརྟེན་འབྲེལ་འབྱུང་ལྔའི་ཙཀྲ་ནི། བྲི་གཞི་ལྗང་གུ་རྩིབས་བཞི་མུ་ཁྱུད་རིམ་པ་དགུའི་བསྐོར་བའི་ལྟེ་བར།

― JKT021_Page_0201 ―

^{[མ་དཔེ་གཟིགས་ན་འདིར་གནོན།]}

[Full Size]

ཨཾ་ཡིག་གི་མཐར། ཀླད་ཀོར་ནས་བརྩམས་གཡས་བསྐོར་དུ། མཱུ་ཨེ་མ་མ་སལ་སལ་ཁཾ་ཁཾ་ཡེ་སྭཱ་ཧཱ། གནས་འདིར་འབྱུང་བ་ནམ་མཁའི་གནོད་པ་ཐམས་ཅད་ཞི་བ་དང་བདེ་ལེགས་དང་བཀྲ་ཤིས་སུ་གྱུར་ཅིག །རྩིབས་བཞིར་མདུན་ནས་བརྩམས་ཏེ་གཡས་བསྐོར་གྱིས། ཤར་དུ། ལོ་ཡིག་གི་མཐར། ལོ་ལཾ་མ་མ་སུ་སུ་ཏང་ཏང་ཀུང་ཡེ་སྭཱ་ཧཱ། གནས་འདིར་འབྱུང་བ་སའི་གནོད་པ་ཐམས་ཅད་ཞི་བ་དང་བདེ་ལེགས་དང་བཀྲ་ཤིས་སུ་གྱུར་ཅིག །ལྷོར། ཚྭ་ཡིག་གི་མཐར། མཱི་པཾ་མ་མ་སོ་སོ་ཏ་ཏ་ཀ་ཡེ་བ་ར་ཡེ་སྭཱ་ཧཱ། གནས་འདིར་འབྱུང་བ་ཆུའི་སོགས་གོང་ལྟར། ནུབ་ཏུ་ཏཱཾ་ཡིག་གི་མཐར། པཱ་རཾ་མ་མ་ཛ་ཛཱ་རཾ་རཾ་ཡེ་སྭཱ་ཧཱ། གནས་འདིར་འབྱུང་བ་མེའི་སོགས། བྱང་དུ། ཏཱཾ་ཡིག་གི་མཐར། ཏཱཾ་ཡཾ་མ་མ་ཀང་ཀང་ཕེཊ་ཡེ་སྭཱ་ཧཱ། གནས་འདིར་འབྱུང་བ་རླུང་གི་སོགས་མུ་ཁྱུད་དང་པོ་ལ། ༢ཨཤསམཧམ་མ་ཀོ་ལིང་ས་མནྟ་ཨ། ཏདྱ་ཐཱ། ཨོཾ་ཙི་རི་ཙི་རི། ཙུ་རུ་ཙུ་རུ། ཀུ་རུ་ཀུ་རུ། དོ་ཙུ་དོ་ཅུ། བ་ཧ་བ་ཧ་སྭཱ་ཧཱ། ཨོཾ་སརྦ་ནཱ་ག་རུ་ཛ་ཕུཧཱུྃ་ཕཊ་སྭཱ་ཧཱ། ཨོཾ་ཨག་ཡེ་དེ་བ་རཱ་ཛ་ས་མ་ཡ་ཧཱུྃ་སྭཱ་ཧཱ། ༀ་བཱ་ཡུ་རཱཛ་ཀློ་དྷ་ཀློ་དྷ་ས་ཙ་ན་ཏ་ཡ་སྭཱ་ཧཱ། གཏེར་ཆེན་པོའི་བུམ་པ་བཟང་པོ་འདི་ཉིད་བཞུགས་པའི་གཙུག་ལག་ཁང་དང་ཡུལ་ཕྱོགས་འདི་ཐམས་ཅད་དུ་འབྱུང་བ་བཞིའི་གནོད་

― JKT021_Page_0202 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཐམས་ཅད་ཤཱནྟཾ་ཀུ་རུ་སྭཱ་ཧཱ། འབྱུང་བ་བཞིའི་ཕུན་སུམ་ཚོགས་པ་ཐམས་ཅད་པུཏྟིཾ་ཀུ་རུ་ཨོཾ། འབྱུང་བ་བཞིའི་དྭང་མ་ཐམས་ཅད་པ་ཤཾ་ཀུ་རུ་ཧོ༔ འབྱུང་བཞི་འཁྲུགས་པའི་ནད་གདོན་བགེགས་རིགས་ཐམས་ཅད་མཱ་ར་ཡ་ཕཊ། ཅེས་བྲི། གཉིས་པ་ལ། ༀ་མངྒ་ལཙྪ་ཀྲྀ་ག་ཨཱཿཧཱུཾ། ཨོཾ་མངྒ་ལ་ཉ་ཚ་ཨཱཿཧཱུཾ། ཨོཾ་མངྒ་ལ་ཀ་ལ་ཤ་ཨཱཿཧཱུཾ། ཨོཾ་མངྒ་ལ་པདྨ་ཨཱཿཧཱུཾ། ཨོཾ་མངྒ་ལ་ཤཾ་ཁ་ཨཱཿཧཱུཾ། ཨོཾ་མངྒ་ལ་ཤཱི་ཛདྨ་ཛ་ཨཱཿཧཱུཾ། ཨོཾ་མངྒ་ལ་དྷ་ཛ་ཨཱཿཧཱུཾ། ཨོཾ་མངྒ་ལ་ཙཀྲ་ཨཱཿཧཱུཾ། ཆེ་བའི་ཆེ་མཆོག་སྟོན་མཆོག་བླ་ན་ཞེས་སོགས་གློ་ཀ་བཞིའི་མཐར། གནས་འདིར་ཉིན་མོ་བདེ་ལེགས་སོགས་བྲི། གསུམ་པ་ལ། ཨོཾ་ཨཱ་ཨཱ་སོགས་དབྱངས་དང་། ཀ་ཁ་ག་གྷ་ང་སོགས་ནས། ཧཀྵ་སྭཱ་ཧཱའི་བར་གསལ་བྱེད་བཅས་ཚར་རེ་དང་། ན་མོ་བུདྡྷ་ཡ། ན་མོ་དྷརྨཱ་ཡ། ན་མསྶཾ་གྷཱ་ཡ། ན་མོ་གུ་རུ་བྷྱ༔ ན་མོ་དེ་བཱ་ཡ། ན་མོ་དྷ་ཀི་ནཱི་ཡེ། ཏདྱ་ཐཱ། ན་མོ་མཉྫུ་ཤྲཱི་ཀུ་མཱ་ར་བྷུ་ཏཱ་ཡ། ཨོཾ་ཝཱ་གི་ཤྭ་རཱི་ཧྲཱིཿནཱཾ་སྭཱ་ཧཱ། ཨོཾ་པདྨ་ཙིཏྟ་མ་ཎི་ཛཱ་ལ་ཧཱུྃ་ཕཊ། ཨོཾ་བཛྲ་ཙཎྜ་སརྦ་དུཥཱན་ཏ་ཀ་ཧ་ན་ད་ཧ་པ་ཙ་ཧཱུྃ་ཕཊ། སརྦ་གྲོ་ཧ་ན་ཀྵ་ཏྲ་མ་ཧཱ་བྷ་ཏ་ཨ་པ་ཀ་ར་ཤ་མ་ཤ་མ་པྲ་མ་ཤ་མནྟ་སྭཱ་ཧཱ། ཨོཾ་ཨ་མ་ལེ་བི་མ་ལེ་ནིརྨ་ལེ་སྭཱ་ཧཱ། ཏདྱ་ཐཱ། ཨོཾ་ཨ་ཀ་ནི་ནི་ཀ་ནི་ཨ་བྷི་ལ་མཎྜལ་མ་ཡེ་སྭཱ་ཧཱ། ཞེས་ཚར་གཉིས་གསུམ་གང་ཤོང་། ཨོཾ་ཡེ་དྷརྨཱ་ནས། ཤ་

― JKT021_Page_0203 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཎ་སྭཱ་ཧཱ། དང་སུ་པྲ་ཏིཥྛ་སོགས་བྲིའོ། །བཞི་པར་རྡོ་ར། ལྔ་པར་འོད་ཕྲེང་། དྲུག་པར་ས་དཀྱིལ་སེར། བདུན་པར་ཆུ་དཀར། བརྒྱད་པར་མེ་དམར། དགུ་པར་རླུང་ལྗང་། འདི་རྣམས་ཁ་དོག་སོ་སོའི་གཞི་ལ་སོ་སོའི་རི་མོ་མཚོན་པ་དང་བཅས་འབྲི་བར་བྱའོ། །མངྒ་ལཾ་བྷ་བ་ཏུ། ༈ །སྭ་སྟི། གཏེར་གསར་རྣམ་སྲས་སེར་ཆེན་སྲོག་འཁོར་ལ། བྲི་གཞི་སེར་པོ་ལ་འཁོར་ལོ་མུ་ཁྱུད་གསུམ་ལྡན། ལྟེ་བ་ལ། བེ་མུ་ཁྱུད་དང་པོ་ལ། བེའི་ཡིག་མགོ་ནས་བརྩམས་ཏེ། ཨོཾ་བེ་ཤྲ་བ་ཎཱ་ཡ་སྭཱ་ཧཱ། ༀ་ཤྲཱི་དེ་ཝཱི་སྭཱ་ཧཱ། མུ་ཁྱུད་གཉིས་པ་ལ། པདྨ་འདབ་བཞིའི་ཤར་གྱི་འདབ་མར་ནང་དུ་འཁོར་ལོ། ཕྱི་རོལ་དུ་ལྕགས་ཀྱུ། དེ་བཞིན་དུ། ལྷོའི་ནང་དང་ཕྱི་རོལ་ལ་དུང་དང་། ཞགས་པ། ནུབ་ཀྱི་ནང་དང་ཕྱི་ལ་ལྕགས་ཀྱུ་དང་། ལྕགས་སྒྲོག །བྱང་གི་ནང་དང་ཕྱི་ལ་ཟས་གཞོང་དང་། དྲིལ་བུ། ཡང་ན། ས་བོན་བྲི་ཚེ་ཕྱོགས་བཞིའི་ནང་དུ། བོ་ཨི་ཛཾ་གཾ །ཕྱི་རོལ་དུ་ཛཿཧཱུྃ་བཾ་ཧོ༔ མུ་ཁྱུད་གསུམ་པ་ལ། ཨ་ཨཱ། ནས་ཨཾ་ཨ༔ ཀ་ཁ་ག་གྷ་ང་། ནས་ཧཀྵ ཡེ་དྷརྨཱ་ནས་ཤ་རྒྱུ་མཎཿ ཨོྃ༔ རྒྱལ་ཆེན་འཁོར་དང་བཅས་པ་རྣམསཿ སྔོན་གྱི་ཁས་བླངས་དམ་ཚིག་བཞིན རྟེན་འདིར་བརྟན་པར་བཞུགས་ནས་སུ༔ དགྲ་བགེགས་བར་ཆད་གཞོམ་པ་དང་༔ མངའ་རིས་འབྱོར་པ་

― JKT021_Page_0204 ―

^{[མ་དཔེ་གཟིགས་ན་འདིར་གནོན།]}

[Full Size]

སྤེལ་དུ་གསོལ༔ ཤོང་ན་འབད་དང་རྩོལ་བས་མ་གོས་པ༔ ཡིད་བཞིན་ནོར་བུ་དཔག་བསམ་བཞིན༔ སེམས་ཅན་རེ་བ་སྐོང་མཛད་པ༔ བསམ་པ་འགྲུབ་པའི་བཀྲ་ཤིས་ཤོག །ཅེས་བྲི། མ་ཤོང་ན་སརྦ་དཱ་མངྒ་ལཾ་བྷ་བ་ཏུ། གང་ལྟར་ཡང་། ཨོཾ་སུ་པྲ་ཏིཥྛ་བཛྲ་ཡ་སྭཱ་ཧཱ། ཞེས་བྲི། དེ་རྒྱབ་རྡོ་ར་དང་། ནོར་འཛིན་པ་ཏྲའོ། ༈ །མདུང་དམར་ཅན་ལ། འཁོར་ལོ་མུ་ཁྱུད་གསུམ་པ། ལྟེ་བར་བེ་དམར་པོ། མུ་ཁྱུད་དང་པོ་ལ། ༀ་མ་ཧཱ་རཱ་ཛ་ཡཀྵ་ས་མ་ཡ་བེ་ཤྲ་བ་ཎ་ཙིཏྟ་ཧཱུྃ་ཧཱུྃ་ཛ་ཛཿ གཉིས་པ་ལ། པད་འདབ་བརྒྱད་ཀྱི་ཤར་གྱི་ནང་དུ་མདའ་གཞུ། ཕྱིར་ལྕགས་ཀྱུ། དེ་བཞིན་དུ། ལྷོའི་ནང་དང་ཕྱིར་གྲི་ཐོད་དང་ཞགས་པ། ནུབ་ཀྱི་ནང་དང་ཕྱིར་ཟངས་གྲི་དང་ལྕགས་སྒྲོག །བྱང་གི་ནང་དང་ཕྱིར་རལ་གྲི་དང་དྲིལ་བུ། ཤར་ལྷོར་རལ་གྲི། ལྷོ་ནུབ་ཏུ་བེ་ཅོན། ནུབ་བྱང་ཟངས་གྲི། བྱང་ཚེ ཤར་ནོར་བུ། མུ་ཁྱུད་གསུམ་པ་གོང་དང་འདྲ། དེ་རྒྱབ་རྡོ་རྭ་དང་། ཞི་མེའོ། ༈ །རྟ་སྔོན་ཅན་ལ་ལྟེ་བར། བེ་མཐིང་ག་མུ་ཁྱུད་དང་པོ་ལ། ཨོཾ་བེ་ཏྲཀ་རཀྵ་ཧཱུཾ་ཧཱུཾ་ཕཊ༔ གཉིས་པར་འདབ་མ་བརྒྱད་ལ་ཤར་དུ་གྲི་ཐོད། ལྷོར་རལ་གྲི་དང་ཞགས་པ། ནུབ་ཏུ་ལྕགས་ཀྱུ་དང་སྙིང་། བྱང་དུ་སྤུ་གྲི་དང་སྙིང་། ཤར་ལྷོར་པི་ཝང་། ལྷོ་ནུབ་ཏུ་རལ་གྲི། ནུབ་བྱང་དུ་སྦྲུལ་ཞགས། བྱང་ཤར་དུ་བེ་

― JKT021_Page_0205 ―

^{[མ་དཔེ་གཟིགས་ན་འདིར་གནོན།]}

[Full Size]

ཅོན། མུ་ཁྱུད་གསུམ་པར་གོང་དང་འདྲ། དེ་རྒྱབ་རྡོ་ར། དྲག་མེའོ། ༈ །དཔའ་བོ་གཅིག་གྲུབ་ནས་གསུངས་པའི་ཀུ་རུ་ཀུལླེའི་འཁོར་ལོ་ལ། མུ་ཁྱུད་བཞི་པའི་ལྟེ་བར། དྭི དེའི་མདུན་ནས་བརྩམས་ཏེ། ཨོཾ་ཀུ་རུ་ཀུལླེདྷརཀེཎསརྦཤཱནྟ9བྷབལཀྵིཝཤཾཀུརུསྭཱཧཱ། མུ་ཁྱུད་དང་པོ་ལ་པད་འདབ་བཅུ་དྲུག །པད་འདབ་རེ་རེའི་ཕྱོགས་བཞིར་ཀུ་རུ་ཀུལླེ། འབྲུ་རེ། དབུས་སུ། སརྦ་ཤཱན་ཉྩབྷཝལཀྵི། དེའི་ཕྱི་རིམ་གྱི་མུ་ཁྱུད་གསུམ་ག་ལ། ཨོཾ་མགོ་བོ་ཕྱིར་བསྟན་པ་ཁོ་ན་བྲི། དེ་རྒྱབ་རྡོ་ར་མེ་རི་མཛེས་མཚོན་ཙམ་བྲི། ༈ །གུ་རུ་རྒྱལ་བའི་གདུང་འཛིན་གྱི་ཐོད་སྒྲུབ་འཁོར་ལོ་ལ། བྲི་གཞི་དམར་པོ། འཁོར་ལོ་རྩིབས་བཞི་མུ་ཁྱུད་དང་བཅས་པ། ལྟེ་བར་ཧྲཱིཿའི་གི་གུ་ནས་བརྩམས་ཏེ། ཨོཾ་ཨཱཿཧཱུྃ་བཛྲ་གུརུཔདྨརཱཛཨནཾཏྲིཛཛསརྦསིདྡྷིཕལཧཱུྃ༔ རཏྣཀཔཱལསརྦསིདྡྷི་ཧཱུྃ༔ རྩིབས་བཞི་ལ་ཤར་དུ། ཧཱབཛ྄དྷཱཀིནཱིསརྦདེཝཔཱཧཱུྃཀུརུཔཿ རནྟཀཔཱ་སོགས། ལྷོར་རི་རཏྟཱདྷཱཀིནཱིསརྦབཱསུཔཱཧཱུྃཀུརུཧཱུྃ༔ རཏྣ་ཀཔཱལ་སོགས། ནུབ་ཏུ་ནཱིཔདྨདྷཱཀིནཱིསརྦནཱགཔཱཤཾཀུརུཔཾ༔ རཏྣཀཔཱལསརྦ་སོགས།བྱང་དུ། སཀརྨདྷཱཀིནཱིསརྦཛྲཔཱཧཱུྃཀུརུཧོ༔ རཏྟཀཔཱལ་སོགས། དེའི་ཕྱི་རོལ་གྱི་མུ་ཁྱུད་ལ། ཨོཾ་དྷིཥྛ་རཏྟཡསྭཱཧཱ། ༀབརུཏྟཀཱཡསྭཱཧཱ། ཨོབིརཱུཔཀྵཡསྭཱཧཱ༔ ཨོབེཤམཎཡསཱཧཱ༔ རཏྟཀཔཱལ་སོགས། །

― JKT021_Page_0206 ―

^{[མ་དཔེ་གཟིགས་ན་འདིར་གནོན།]}

[Full Size]

རང་བྱུང་དབང་གི་ནོར་བུ་ནི༔ རིན་ཆེན་བྷནྡའི་གཞལ་ཡས་སུ༔ དཀྱིལ་འཁོར་ལྷ་ཚོགས་རྟག་བཞུགས་ནས༔ འདོད་དགུ་དབང་སྡུད་དངོས་གྲུབ་སྩོལ༔ ཤོང་ན་འབད་དང་རྩོལ་བས་མ་གོས་ཤིང་། །སོགས། གང་ལྟར་ཡང་། སརྦ་དཱ་མངྒ་ལཾ་བྷ་བ་ཏུ། ཨོཾ་སུ་པྲ་ཏིཥྛ་སོགས། དེ་རྒྱབ་ནོར་ཕྲེང་དང་། ནོར་འཛིན་པ་ཏྲ་མཛེས་ཚོན་ཙམ་བྲི། ༈ །ཚེ་བུམ་གཟུངས་གཞུག་ལ། རྒྱ་ཤོག་དམར་པོར་གསེར་གྱིས། ཨོཾ་ཨ་མཱ་ར་ཎི་ཛཱི་བནྟི་ཡེ་སྭཱ་ཧཱ། ཨོཾ་གུ་རུ་ཨཱ་ཡུ༔སིདྡྷི་ཧཱུྃ་ཧྲཱིཿཨ་མཱ་ར་ཎི་ཛཱི་བ་ནྟི་ཡེ་སྭཱ་ཧཱ། ཚེ་བྷྱོཿ གཡུ་བྷྱོཿ གཡུ་ཚེ་བྷྱོཿ ཨཱ་ཡུཛྙཱ་ན་གཡུ་ཚེ་ཧཱུཾ། ཨོཾ་ཨཱཿཧཱུྃ་ཧཱུྃ༔བཛྲ་གུ་རུ་པདྨ་སིདྡྷི་པུཎེཛྷཱན་ཨཱཡུར་སིདྡྷིཧཱུྃ་ཛཿ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཨཱཡུཏྟེཧཱུྃནཱི ཨོཾ་ཨ་མཱརཎིཛིབནྟིགུརུཔདྨཀོདྷཔུཎེཛཱནཨཱཡུརཾསིདྡྷི་ཧྲཱིཿཧྲཱིཿཙིཧྲཱིཿ ཨོཾ་བུདྡྷ་ཨཱཡུནྣཱནཚབྷཱཨོཾ༔ ཨོཾ་པིདྨ་ཨཱ་ཡུཛྙཱན་ཚེ་ཧཱུཾ་ཧྲཱིཿ ཨོཾ་བཛྲ་ཨཱ་ཡུཛྙཱ་ན་ཚེ་བྷཾ་ཧཱུྃ༔ ཨོཾ་རཏྣ་ཏྭཾ༔ ཨོཀརྨ་ཨཱ༔ ཡེདྷམ་ནས་ཨོཾ་སུ་པྲ་ཏི་ཥྛ་བཛྲཡ་སྭཱཧཱ། སརྦ་དཱ་མངྒ་ལཾ་བྷ་བ་ཏུ། དཔོན་སློབ་མི་འབྲལ་ལྷན་ཅིག་འགྲོགས། །སྐུ་ཚེ་མི་འགྱུར་སྲ་ཞིང་བརྟན། །ཇ་བཟང་བཞེས་སྤོ་རྒྱུན་མི་འཆད། །སྐྱིད་ལ་ཆོས་འཕེལ་བཀྲ་ཤིས་ཤོག ༈ །མཁའ་འགྲོ་སྤྱིའི་སྲོག་འཁོར་གྱི་བྲི་ཡིག་བཞུགས་སོ། །སྭ་སྟི། མཁའ་འགྲོ་སྤྱིའི་སྲོག་འཁོར་དབུས་སུ། ཨ་དེའི་དབུ་ནས་བརྩམས་ཏེ་

― JKT021_Page_0207 ―

^{[མ་དཔེ་གཟིགས་ན་འདིར་གནོན།]}

[Full Size]

གཡས་བསྐོར་གྱིས། ཨོཾ་བཛྲ་བྷ་ར་ཧི་ཀྲོ་དྷི་ཀཱ་ལི་ཧ་རི་ནི་ས་ཨཱ་བེ་ཤ་ཡ་སརྦ་སིདྡྷི་ཕ་ལ་ཧཱུྃ༔ ཞེས་བྲི། དེའི་ཕྱི་རོལ་དུ་འཁོར་ལོ་རྩིབས་བཞི་ལ། ཤར་དུ་ཧ་ཡིག་གི་མགོ་ཕྱིར་བསྟན། དེའི་དབུ་ནས་བརྩམས་ཏེ་གཡས་བསྐོར་དུ། ཨོཾ་ཧ་བཛྲ་ཌཱ་ཀི་ནཱི་སརྦ་སིདྡྷི་ཕ་ལ་ཧཱུྃ༔ དེས་མཚོན་ཏེ། ལྷོར། རིའི་མཐར། ཨོཾ་རི་རཏྣ་ཊཱ་ཀི་ནཱི་སོགས། ནུབ་ཏུ། ནིའི་མཐར། ཨོཾ་ནི་པདྨ་སོགས། བྱང་དུ། སའི་མཐར། ཨོཾ་ས་ཀརྨ་སོགས། མཚམས་བཞིར་ཕྲེང་བྲིས་ཀྱིས། ཤར་ལྷོར། ཨོཾ་ས་མ་ཡ་ཌཱ་ཀི་ནཱི་སོགས། ལྷོ་ནུབ་ཏུ། ཨོཾ་བི་ཤྭ་སོགས། ནུབ་བྱང་དུ། ཨོཾ་སརྦ་སོགས། བྱང་ཤར་དུ། ཨོཾ་ལོ་ཀ་སོགས་བྲི་སྟེ་དེ་ནི་ཕག་མོ་ཁྲོས་མ་རྩ་བའི་འཁོར་ལོའོ། །སྤྲོ་ན། དེའི་ཕྱིར་མུ་ཁྱུད་ལ་མགྲོན་ཐབས་ཀྱི་ཚུལ་དུ་མཁའ་འགྲོ་འདུས་པའི་སྔགས་བྱང་བྲི་བ་ནི། སྒྲོལ་མ། ཨོཾ་ཏཱ་རེ་ཏཏྟཱ་རེ་ཏུ་རེ་སྭཱ་ཧཱ། ཉང་གཏེར་ཕག་མོ་ཞལ་གཉིས་མ། ཨོཾ་སརྦ་བུདྡྷ་ཌཱ་ཀི་ནཱི་ཡེ་ཧཱུྃ་ཕཊ་སྭཱ་ཧཱ། ཨོཾ་བཛྲ་ཝརྞ་ནཱིཡེ་ཧཱུྃ་ཕཊ་སྭཱཧཱ། །ཨོཾ་བཛྲ་བཻ་རོ་ཙ་ནཱི་ཡེ་ཧཱུྃ་ཕཊ་སྭཱ་ཧཱ། དོན་གྲུབ་མ། ཨོཾ་བཛྲ་ཝ་ར་ཧི་ཨཱ་བེ་ཤ་ཡ་སརྦ་དུཥཱན་ཧཱུྃསྭཱ་ཧཱ། དབུ་བཅད་མ། ཨོཾ་སརྦ་བུདྡྷ་ཌཱ་ཀི་ནཱི་ཡེ་ཧཱུྃ་ཕཊ། ཨོཾ་བཛྲ་ཝརྞ་ནཱི་ཡེ་ཧཱུྃ་ཕཊ། ༀ་བཛྲ་བེ་རོ་ཙ་ནཱི་ཡེ་ཧཱུཾ་ཕཊ། གསང་ཡེ། ཨོཾ་དྷ་མ་གྷ་ཡེ་ན་མ་སྭཱ་ཧཱ། སེང་གདོང་།

― JKT021_Page_0208 ―

^{[མ་དཔེ་གཟིགས་ན་འདིར་གནོན།]}

[Full Size]

ཨཀཿསཿམཿརཿཙཤདརཿསཿམཿརཿཡཿཕཊ མནྡཱ་ར། ཨོཾ་ཨཱཿཧཱུྃ་བཛྲ་གུ་རུ་པདྨ་མནྡྷ་ར་སརྦ་སིདྡྷི་ཧཱུྃ༔ མཚོ་རྒྱལ་རྩ་སྔགས། ཨོཾ་ཛྙཱ་ན་བུདྡྷ་ཌཱ་ཀྐི་ནཱི་སརྦ་སིདྡྷི་ཧཱུྃ། མཚོ་རྒྱལ་མཚན་སྔགས། ཨོཾ་ཨཱཌཱ་ཀི་ནཱི་ཛྙཱ་ན་སཱ་ག་ར་ཛི་ཏཱ་སརྦ་སིདྡྷི་ཧཱུཾ། འདོད་གསོལ། སརྦ་ཏྲི་བི་ཥ་ཡཱ་ཏཱཾ་ཌཱ་ཀི་ནཱི་སཱ་ག་ར་ས་པ་རི་ཝཱ་རཱ་ཎི་ཤ་ཡ་ཏྲེ་དཾ་སྦི་རཾ་ཏིཥྛན་ཨ་ཧཉྩ་སརྦ་ཏེ་ཥ་བ་རཉྩ་སྭཱ་མཱནྟཱནཾ་སརྦ་སིདྡྷི་པྲ་ཡཙྪནྟུ། ཞེས་བྲི། དེའི་ཕྱི་རོལ་གྱི་མུ་ཁྱུད་ལ། དབྱངས། གསལ་བྱེད། རྟེན་འབྲེལ་སྙིང་པོ་རྣམས་ཀྱི་མཐར། གོང་གི་སརྦ་ཏྲི་བི་ཥ་ཡཱ་ཎཱ་སོགས་ནས། པྲ་ཡཙྪནྟུ། ཞེས་པའི་བར་གོང་ལྟར་དང་། ༀ་སུ་པྲ་ཏིཥྛ་བཛྲ་ཡ་སྭཱ་ཧཱ། གང་ཤོང་། དེ་རྒྱབ་མུ་ཁྱུད་ལ་རྡོ་ར་དང་། འོད་ཟེར་པ་ཏྲ་སྤྱི་ལྟར་བྲི། གནས་ཆེན་ནས་བྱུང་བའི་སིནྡྷུ་ར། ག་བུར། བྱང་སེམས་དཀར་དམར་དངོས་སམ། སེལ་མེད་ཀྱི་བདུད་རྩི་ཆོས་སྨན་བྱུགས། གནས་གསུམ་མཁའ་འགྲོ་རྒྱ་མཚོ་བསྐྱེད་ཅིང་བསྟིམ་ལ་ཡེ་ཤེས་མཚོ་རྒྱལ་སོགས་ཀྱི་དབུ་སྐྲ་གཏེར་བྱོན་ལྟ་བུ་རྙེད་ན་དང་། མ་རྙེད་ན་མཁའ་འགྲོའི་རིགས་ངེས་པ་ཅན་གྱི་སྐུ་དང་། མགྲོན་བུ་ལ། བོ་བྲིས་པ་བཅས་ལྷན་ཅིག་ཏུ་དྲིལ་ནས་ལུས་ལ་འཆང་བའམ། གཏོར་མ་སོགས་ཀྱི་ནང་དུ་གཞུག་པས་ཡེ་ཤེས་དང་ལས་ལས་གྲུབ་པའི་ཌཱ་ཀིའི་ཚོགས་སྤྲིན་བཞིན་དུ་འདུ་བར་འགྱུར་རོ། །མངྒ་ལཾ། ༈ །ཆོས་

― JKT021_Page_0209 ―

^{[མ་དཔེ་གཟིགས་ན་འདིར་གནོན།]}

[Full Size]

སྲུང་སྤྱིའི་སྲོག་འཁོར་བྲི་ཡིག་བཞུགས་སོ། །ཨོཾ་སྭསྟི། ཆོས་སྲུང་སྤྱིའི་སྲོག་འཁོར་ལ། ཐོག་མར་མགོན་པོ་ཕོ་རྒྱུད་ཀྱི་སྲོག་འཁོར། དབུས་སུ། ཧཱུྃ་གི་ནཱ་ད་ནས་བརྩམས་ཏེ། ཨོཾ་བཛྲ་མ་ཧཱ་ཀྲོ་དྷ་པདྨ་ཀྲོ་དྷཱི་ཤྭ་རཱི་བཛྲ་ཀཱི་ལི་ཀཱི་ལཱ་ཡ་མ་ཧཱ་ཡཀཱ་ཀཱ་ལ་རཱུ་པ་ཀརྨ་རཾ་རཾ་ཛྭ་ལ་རཾ་ཧཱུྃ་ཕཊ༔ ལེགས་ལྡན། ཨོཾ་བྷུ་རུ་ཀུ་རུ་ཨི་ཙི་ཀི་བྱི་ཨུ་ཙུཥྛ་ཀྲོ་དྷ་ཧཱུྃ་ཕཊ། དེའི་ཕྱི་རོལ་དུ་འཁོར་ལོ་རྩིབས་བརྒྱད་ལ། ཤར་ལྷོ་ནུབ་གསུམ་དུ་ཧཱུྃ་མགོ་ཕྱིར་བསྟན་པའི་དབུ་ནས་བརྩམས་ཏེ། ཤར་དུ། ཕྱག་བཞི ཨོཾ་མ་ཧཱ་ཀཱ་ལ་ཨེ་ཀ་ཛཱ་ཊི་གུ་ཎ་ཧྲཱིཿ་ད་ཧཱུྃ་ཕཊ། ལྷོར། མ་ནིང་། ཨོཾ་ཤྲཱི་མ་ཧཱ་ཀཱ་ལ་ག་ཎ་གུ་ཧྱ་རཾ་སིདྡྷི་ཧཱུྃ་ཕཊ། ནུབ་ཏུ། སྟག་ཞོན། ཨོཾ་ཤྲཱི་མ་ཧཱ་ཀཱ་ལ་ཏྲི་ཡཾ་ཛ་ཛདགྲ་བོ་མཱ་ར་ཡ་ཧཱུྃ་ཕཊ། བྱང་དུ། བེང་། ཀ་ཡིག་གི་མཐར། ཨོཾ་མ་ཧཱ་ཀཱ་ལ་རཀ་དུ་བེང་ཎི་ཛཿ ཤར་ལྷོར་ཧཱུཾ་མཐར། ཞལ་བཞི། ཨོཾ་མ་ཧཱ་ཀཱ་ལ་བི་ཀཱ་ལ་ཏྲི་ཡཾ་ཛཿ ལྷོ་ནུབ་ཏུ་ཨོཾ་གི་མཐར། ལྷ་ཆེན་ཨོཾ་མ་ཧཱ་དེ་ཝ་ཛ་ཨུ་མ་དེ་ཝཱི་ཧཱུཾ་ཧ་རི་ནི་ས་པཱ་ཤཾ་ཀུ་རུ་ཧོ༔ ནུབ་བྱང་དུ། རཱ་ཡིག་གི་མཐར། གཟའ། ཧྲཱིཿ་ཤག་རུ་རཀ་རཾ་ནཱ་ག་ཙིཏྟ་ཏྲཾ་མ་མ་ཡོ་ཟ་འགྲམ་ཧ་ཧ་ག་ཤ་ལ་ཛ་ཛཿ བྱང་ཤར་དུ། བེ་ཡིག་གི་མཐར། རྣམ་སྲས་ཨོཾ་མ་ཧཱ་རཱ་ཛ་ས་མ་ཡ་བེ་ཤྲ་མ་ཎ་ཡེ་སརྦ་ཙིཏྟ་རཏྟ་ཧཱུྃ་ཛཿ ཅེས་བྲི། དེའི་ཕྱི་རོལ་གྱི་མུ་ཁྱུད་ལ། ཨོཾ་མ་ཧཱ་ཀཱ་ལཱ་ཡ། ཤཱ་ས་ན་ཨུ་པ་ཧཱ་རི་ཎི།

― JKT021_Page_0210 ―

^{[མ་དཔེ་གཟིགས་ན་འདིར་གནོན།]}

[Full Size]

ཨི་ཥ་ཨ་པརྩི་མ་ཀ་ལོ་ཨ་ཡཾ། ཨི་དཾ་རཏྣ་ཏྲ་ཡཱ་ཡ་ཨ་པ་ཀཱ་རི་ཎ་ཡ་དི་པྲ་ཏཱི་ཛཱ་སྨ་ར་སི་ཏ་དཱ་ཨི་དཾ་དུཥྛན་ཁ་ཁ་ཁཱ་ཧི་ཁཱ་ཧི། མཱ་ར་མཱ་ར། གྲཧྨ་སཾཧཱ། བནྡྷ་བནྡྷ། ཧ་ན་ཧ་ན། ད་ཧ་ད་ཧ། པ་ཙ་པ་ཙ་དི་ན་མེ་ཀེ་ན་ཧཱུྃ་ཕཊ་ཧཱུྃ། ཞེས་དམ་ཅན་སྤྱིའི་སྔགས་དང་། མགྲོན་ཐབས་ཀྱི་ཚུལ་དུ་སྤྲོ་ན། ཕྱག་དྲུག ༀ་བཛྲ་མ་ཧཱ་ཀཱ་ལ་ཀྵི་ཀྵ་ཏྲ་བིབྷཱན་བི་ན་ཡ་ཀ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཏྲཀྐད། ཨོཾ་མ་ཧཱ་ཀཱ་ལ་ཏྲཀྐད་མ་ཧཱ་ཀཱ་ལ་སིདྡྷི་ཏྲི་ཡཾ་དུ་ཛ་ཛཿ ཞང་བློན། ཨོཾ་བཛྲ་རཏྣ་ཙིཏྟ་རཱ་ག་ར་གི་ཧཱུྃ་ཕཊ། ཛ་དམར། ཨོཾ་ཛམྦྷ་ལ་ཛ་ལེནྡྲ་ཡ་དྷ་ན་མེ་དྷི་ཧཱུཾ་སྭཱ་ཧཱ། ལས་གཤིན་ཨོཾ་ཡ་མ་རཱ་ཛ་ས་མ་ཡ་ཧཱུྃ་ཕཊ༔ ཤན་དམར། ཨེ་ཧེ་མ་རུ་ཙེ་གུ་ཎ་ཧྲཱིཿ་ཧྲཱིཿ་གྷཾ་བྷྱོ་ཤ་རཾབྷྱོ་པུ་རུ་ཛ་བྷཾ་ག་ཧ་ལ་གྲྭ་ནཏ་ཡ་ཛ་ཛཿ དམ་ཅན། ཨོཾ་བཛྲ་སཱ་དྷུ་ས་མ་ཡེ་བྷག་ཏྲ་ཤེ་ནི་ཀྲ་མ་ནི་ས་མ་ཡ་སཱ་དྷུ་ཏྲི་ཛཿཛཿཧཱུྃ་བཾ་ཧོ༔ ཞིང་སྐྱོང་། ༀ་མ་ཧཱ་ཀཱ་ལ་སིདྡྷི་མུ་ཁ་ཧཱུྃ་ཕཊ་ཏྲི་ཧཱུྃ་ཛཿསིདྷ་ནར་མ་ཧཱུཾ་ཕཊ་ཏྲི་ཧཱུྃ་ཛ་ཡ་མ་རཱ་ཛ་དུ་ཏྲི་ཕུ་ཏྲི་ཧཱུྃ་ཕཊ། སྐུ་ལྔ། ཨོཾ་རཱ་ཛ་ཨ་ཧོ་ཧཱུཾ་རྦདཾ་ཙིཏྟ་ཐིབས་ཐིབས་ཛཿ ཤ་མ་རུ་ཏྲི་མ་ཧོ་ཛཿ སརྦ་རཱ་ཛ་ས་མ་ཡ་ཐིབས་ཐིབས་ཛཿ ཀླུ་བཙན། ཨོཾ་ནཱ་ག་ཙནི་ཙ་ར་ར་ཏྲི་ཀིངྐ་ར་ཡཀཱ་ཡཀྵ་ས་མ་ཡ་ཙིཏྟ་ཧཱུྃ་ཧཱུྃ་ཛ་ཛཿ ཞེས་པ་རྣམས་ཀྱི་མཐར། སརྦ་བཛྲ་སྱ་དྷརྨ་པཱ་ལ་སྱ་རཀྵི་ཏ་སཱ་ག་ར་ས་པ་རི་ཝཱ་རཱ་ཎི་ཤ་ཡ་ཏྲེ་དཾ་ཤྲཱི་རཾ་ཏིཥྛནྟ། ཨ་ཧཉྩ་སརྦ་ས་ཏྲེ་ཥཱ་ཙ་ཏུརྱ་ཀརྨ་ཎཾ་སརྦ་སིདྡྷི་

― JKT021_Page_0211 ―

^{[མ་དཔེ་གཟིགས་ན་འདིར་གནོན།]}

[Full Size]

པྲ་ཡཙྪནྟུ། ཞེས་བྲི་དེའི་ཕྱི་རོལ་གྱི་མུ་ཁྱུད་ལ། དབྱངས་གསལ། རྟེན་སྙིང་རྣམས་ཀྱི་མཐར། སརྦ་བཛྲ་སྱ་སོགས་འདོད་གསོལ་གོང་ལྟར། པྲ་ཡཙྪནྟུའི་བར་དང་། ཨོཾ་སུ་པྲ་ཏིཥྛ་བཛཱ་ཡ་སྭཱ་ཧཱ། གང་ཤོང་། དེ་རྒྱབ་རྡོ་ར་མེ་རི་སོགས་སྤྱི་ལྟར་བྲི། ཆོས་སྲུང་ཆགས་ངེས་པའི་རྟེན་གཏོར་དང་། མེ་ཏོག་གི་ཕྱེ་མ། བདུད་རྩི་ཆོས་སྨན། གྲི་ཤ་སོགས་ཤ་སྣ་ཁྲག་སྣ། གུ་གུལ། ཡུངས་ཀར། ས་སྣ་ཆུ་སྣ། དྲི་བཟང་། རིན་ཆེན་འབྲུ་སྨན་སོགས་ཀྱིས་བྱུགས། དམ་ཅན་རྒྱ་མཚོར་བསྐྱེད་བསྟིམ་བརྟན་བཞུགས་བྱ། སྐུ་དང་གཏོར་མའི་ནང་གཞུག་དང་། ལུས་ལ་འཆང་བས་ཀྱང་རུང་སྟེ་བསྟན་སྲུང་དབང་པོ་རྣམས་འབྲལ་མེད་དུ་འགྲོགས་ནས་ཕྲིན་ལས་རྣམ་བཞི་ཡིད་བཞིན་ཏུ་བསྒྲུབ་པར་འགྱུར་རོ། ༈ །ལྷ་མོ་མོ་རྒྱུད་གྱི་སྲོག་འཁོར་ལ། དབུས་སུ། ཏྲཀྲ་ཡིག་གི་དབུ་ནས་བརྩམས་ཏེ། ཨོཾ་གུ་ཧྱ་ཛྙཱ་ན་ཤྲཱི་ཧེ་རུ་ཀ་གུཧྱ་ཛྙཱ་ན་ཀྲོ་དྷི་ཤྭ་རི་ཧཱུཾ། མ་མ་ཡོ་གི་ནཱི་རུ་ལུ་རུ་ཧཱུྃ་བྷྱོ་ཧཱུྃ་ཕཊ། ཞེས་པའི་མཐར། སྔགས་སྲུང་མ་ༀ་རོ་རུ་ཨེ་ཀ་ཛ་ཊི་སྙིང་ཁར་ཀློ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཛ་ཛཿ ཞེས་བྲི། དེའི་ཕྱི་རོལ་དུ་འཁོར་ལོ་རྩིབས་བཞི་པའི་ཤར་དུ། མ་ཡིག་གི་དབུ་ནས་བརྩམས་ཏེ་གཡས་བསྐོར་དུ། རེ་མ་ཏི། ཨོཾ་ཏྲཀ་རཀཱ་མ་ཧི་དུན་བློ་མ་ཧཱ་ཡཀྵ་ཏིཀཱ་ཀཱ་ལི་དུན་བྷྱོ༔ ལྷོར། ཀཾ་ཡིག་གི་མཐར།

― JKT021_Page_0212 ―

^{[མ་དཔེ་གཟིགས་ན་འདིར་གནོན།]}

[Full Size]

གཤོག་རྒོད་མ། ཏདྱ་ཐཱ་རུ་རུ་བིདྷི་ཟླ་བད་དྷོ་མ་མོ་རཀྵེ་ཙིཏྟ་ཁ་རཀྵ་བྷྱོ་བྷྱོ་སྭཱ་ཧཱ། ནུབ་ཏུ། བྷྱོཿའི་མཐར། སྲོག་སྒྲུབ་མ། ཨོཾ་ཁྱི་ཁ་ལེ་ནག་མོ་ཧཱུྃ་ཕཊ། བྱང་དུ། བྷྱོཿའི་མཐར། དུར་ཁྲོད་མ་མོ། ཨོཾ་མ་མ་ར་ལི་བྲ་མ་ཡ་ཀཱ་ལི་ཡེ་ཛཛ༤རྩིབས་མཚན་རྣམས་ལ། བྷུདྡྷོ༔བྷྱོ༔ དེའི་ཕྱི་རོལ་གྱི་མུ་ཁྱུད་ལ། ཚེ་རིང་མཆེད་ལྔ་ཨོཾ་བཛྲ་དྷཱ་ཀི་ནཱི་ཨཱ་ཡུ་ཥེ་ཤྭ་རཱི་ས་མ་ཡ་ཛཿ ཨཱ་ཡུར་པུཎེ་པུཏྟིཾ་ཀུ་རུ་སྭཱ་ཧཱ༔ ཨོཾ་ཛྙཱ་ན་དྷཱ་ཀི་ནཱི་མཾ་ལཾ་ཨོཾ་ཏཾ་སརྦ་སིདྡྷི་ཧཱུྃ་ཧཱུྃ༔ གཡུ་སྒྲོན་མ་ཨོཾ་བཛྲ་པྲ་མོ་ཧ་ཧཱུྃ་ཧཱུྃ་སྭཱ་ཧཱ། བརྟན་མ་བཛྲ་ཨཱ་རལླི་ཛཿ བཛྲ་ཨཱ་རལླི་ཧཱུྃ། བཛྲ་ཏི་ཏི་དྷེ། བཛྲ་བྷ་ར་དྷ། བཛྲ་ས་བྱཱ་ཧཱུཾ། བཛྲ་ཏི། ཏི་ཧཱུྃ། བཛྲ་མ་ཏི་ཧཱུྃ། བཛྲ་ཏིད་ས་ཧཱུཾ། བཛྲ་ཁ་ར་ལི་ཧཱུྃ། བཛྲ་སིང་སོ་ཧཱུྃ། བཛྲ་ཡཀྵ་ཕྱིར། བཛྲ་དུ་ཕྱིར་སར་ན་ཕཊ། མ་དུང་བྷྱོ་མ་དུང་ཧཱུཾ། ཧཱུཾ་ཧཱུཾ་ཛ་ཛཿ ཞེས་པའི་མཐར། ཤྲཱི་མནྡྷ་དྷི་པ་ཏཱི་ཨེ་ཀ་ཛ་རྩྭ་དི་བཛྲ་སྱ་དྷརྨ་པཱི་ལཱི་རཀཱི་ཏཱ་སཱ་ག་ར་ས་པ་རི་ཝཱ་ར་སོགས་གོང་ལྟར་པྲ་ཡཙྪནྟུ། བར་བྲི། དེའི་ཕྱི་རོལ་གྱི་མུ་ཁྱུད་ལ་དབྱངས་གསལ་རྟེན་སྙིང་རྣམས་ཀྱི་མཐར། ཤྲཱི་མན་སོགས་འདོད་གསོལ་དང་། སུ་པྲ་ཏིཥྛགང་ཤོང་བྲི། དེའི་ཕྱི་རོལ་དུ་རྡོ་ར་མེ་རི་སྤྱི་ལྟར། ཆོས་སྲུང་ཆགས་པའི་རྟེན་གཏོར་གྱི་ཕྱེ་མ་སོགས་རྫས་གོང་ལྟར་དང་། རཀྟ། གི་ཝཾ། གུར་གུམ་སོགས་བྱུགས་ནས་རབ་ཏུ་གནས། རྟེན་གཏོར་དང་སྐུ་

― JKT021_Page_0213 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་ཀྱི་ནང་དུ་གཞུག་པས་སྲིད་པ་མ་མོ་རབ་འབྱམས་དབང་དུ་འདུས་ཤིང་བཀའ་ཉན་པར་འགྱུར་རོ། ༈ །སྔགས་སྲུང་མའི་སྲོག་འཁོར་བྲི་ཡིག་བཞུགས་སོ། །ཨོཾ་སྭསྟི། རིག་འཛིན་གཏེར་བདག་གླིང་པའི་གཏེར་བྱོན་ཨ་ཏི་ཟབ་དོན་སྙིང་པོའི་བཀའ་སྲུང་ཨེ་ཀ་ཛ་ཊིའི་སྲོག་འཁོར་བྲི་ཐབས་ནི། དབང་ཐོབ་ཅིང་དམ་ཚིག་ལ་གནས་པའི་སྔགས་པས། དཔྱིད་ར་བའི་ཚེས་བཞིའི་ཉིན་གུང་ལ་ཤར་ནས་ནུབ་ཏུ་ཁ་བ་ལྟ། དེ་བཞིན་དུ་དབྱར་རའི་བཅུ་བདུན་གྱིས་སྲོད་ལ་བྱང་ནས་ལྷོ། སྟོན་རའི་བཅུ་དྲུག་གི་ནམ་ལངས་ལ་ལྷོ་ནས་བྱང་། དགུན་རའི་བཅོ་ལྔའི་ས་སྲོས་ལ་ནུབ་ནས་ཤར་དུ་བལྟས་ལ་གྲོ་ག་འམ། ཤིང་ཤུན་ནམ། དུར་ཁྲོད་ཀྱི་རས་ལ་འཁོར་ལོ་མུ་ཁྱུད་རིམ་པ་བཞིར་བསྐོར་བའི་དབུས་སུ། ཏྲཀྲ། དེའི་མགོ་ནས་བརྩམས་ཏེ་གཡས་བསྐོར་དུ། ཨོཾ་བཛྲ་མ་ཧཱ་ཀྲོ་དྷ་པདྨ་ཀྲོ་དྷི་ཤྭ་རཱི་བཛྲ་ཀཱི་ལི་ཀཱི་ལ་ཡ་མ་ཧཱ་ཡ་ཀཱ་ཀཱ་ལ་རཱུ་པ་ཀརྨ་རཾ་རཾ་ཛྭ་ལ་རཾ་ཧཱུྃ་ཕཊ༔ མ་མ་ཏྲག་རཀྵ་ཁ་མུ་ཏྲཿ མུ་རུ་མུ་རུ་ཧཱུཾ་བྷྱོ་ཧཱུྃ༔ རཀྵ་ཏེ་ཀེ་ཡ་ཙ་ཛལ་བྷྱོཿརུ་ལུ་རུ་ལུ་མ་ཏི་བྷྱོཿ སརྦ་སིདྡྷི་མྨེ་པྲ་ཡ་ཙྪནཱ་སརྦ་ཤཱ་ཏཱན་བིགྷཱ་ན་མཱ་ར་ཡ་ཕཊ། ཅེས་བྲི། དེ་རྒྱབ་མུ་ཁྱུད་ལ། ༀ་རོ་རུ་ཨེ་ཀ་ཛ་ཊི་སྙིང་ཁ་རཀྵ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཛཛཿ ཞེས་ཚར་དུ་ཤོང་བྲི། དེ་རྒྱབ་མུ་ཁྱུད་ལ་འཁོར་ལོ་རྩིབས་བཞི་ལ་ས་བོན་གྱི་

― JKT021_Page_0214 ―

^{[མ་དཔེ་གཟིགས་ན་འདིར་གནོན།]}

[Full Size]

མགོ་ནས་བརྩམས་ཏེ་གཡས་བསྐོར་དུ། སྟེང་གི་རྩིབས་ལ་མ་མ་ཏྲཀྲ་རཀྵ་ཁ་མུ་ཏྲ་སརྦ་སིདྡྷི་མྨེ་པྲ་ཡཙྪནྟུ་སརྦ་ཤཱ་ཏཱན་བིགྷཱན་མཱ་ར་ཡ་ཕཊ། དེ་བཞིན་དུ་གཡོན་རྩིབས་ལ། མུ་རུ་མུ་རུ་ཧཱུཾ་བྷྱོ་ཧཱུྃ་སརྦ་སིདྡྷི་མྨེ་པྲ་སོགས་གོང་ལྟར། མདུན་རྩིབས་ལ་རཀྴི་ཏེ་ཀེ་ཡ་ཙ་ཛལ་བྷྱོ་སརྦ་སིདྡྷི་སོགས། གཡས་རྩིབས་ལ་རུ་ལུ་རུ་ལུ་མ་ཏི་བྷྱོ་སརྦ་སིདྡྷི་སོགས། དེ་རྒྱབ་ཀྱི་མུ་ཁྱུད་ལ་མ་མ་ཏྲཀྲ་རཀྵ་སྙིང་ཐུམ་ཟད་མྱོག༔ ཐུམ་ཆད་སྙིང་གཟེར་སྲོག་འདར་ཡེང་ཐུམ༔ སྲོག་ཏྲིག་ཀྲིག་ཤམ་ཁྱེར་བྷྱོ༔ ཨོཾ་མ་མ་སྲོག་གཏུབ་ལེ་སོད༔ རཀྵ་སྙིང་ཁྲགས་མ་ཡ་བྷྱོ༔ ཨོཾ་མ་མ་ཏྲག་རཀྵ་སྙིང་ཐུམ་སོགས་ནས་ཤམ་ཁྱེར་བྷྱོ༔ ཞེས་ཟད་སྔགས་གོང་ལྟར་མཐར། ཙ་ཙ་ཤི་ཤི་ལི། སྙིང་ཁྲག་འདྲེད་ཤལ་པུ་ཙ་ཙ་ཡ་མར་སྙིང་སྙིང་དུ་སྙིང་ཐུམ་ཤག མ་མ་ཨེ་ཀ་ཛ་ཊི་དུ། ཨོཾ་མ་མ་ཏྲཀྲ་སོགས། སྙིང་ཀུ་རུ་ཛཛསྙིང་སྲོག་ཁོས༔ ཨོཾ་མ་མ་ཏྲཀྲ་སོགས། མ་མ་ཨེ་ཀ་ཛ་ཊི་སྙིང་ཐུམ་ཛཞེས་བྲི། རཀྟ། གི་ཝཾ། གུར་གུམ། བདུད་རྩི་རྣམས་ཀྱིས་བྱུག །ནལ་བུའི་སྙིང་དངོས་སམ་སྙིང་གི་ཕྱེ་མ་ས་སྦྱིན་དང་སྦྱར་ནས་སྙིང་གཟུགས་བཅོས་པའི་རྩ་སྦུགས་སུ་གཞུག །རབ་གནས་གྲུབ་ནས་རྟེན་གཏོར་དང་ཉེ་བར་བཞག་གོ། །མངྒ་ལཾ། ༈ །རྡོ་རྗེ་གཡུ་སྒྲོན་མའི་སྲོག་འཁོར་བྲི་ཡིག་བཞུགས་སོ།

― JKT021_Page_0215 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་སྭ་སྟི། །རྡོ་རྗེ་གཡུ་སྒྲོན་མ་ཕྱི་ནང་གསང་བའི་སྲོག་འཁོར་གཅིག་ཏུ་འདུས་པ་མཁས་གྲུབ་ཆེན་པོའི་ཕྱག་ལེན་མ་ནི། གཞི་དཀར་པོའི་དབུས་སུ་ལྟེ་བ་མཐིང་གར། བོ་དེའི་མཐར་པད་འདབ་བཞི་ཕྱོགས་མདོག་ལ། ཤར་ནས་གཡས་བསྐོར་དུ། ཧ་རི་ནི་ས། དེའི་ཕྱི་རོལ་དུ་མུ་ཁྱུད་དང་པོ་དམར་སྨུག་ལ། ཨོཾ་ཧྲཱིཿཧ་རི་ནི་ས་ལོ་ཀ་སིདྡྷི་ཨ་ཀར་ཡ་ཁུག་ཁུག་སྡུས་སྡུས་ཛ་ཛཙིཏྟ་ཧཱུྃ་ཧཱུྃ༔ པཉྩ་ཊཱ་ཀི་ནཱི་ས་པ་རི་ཝ་རཱ་ཎི་ཧྲ་ཡ་ཏྲེ་དཾ་སྦི་རཾ་ཏིཥྛནྟ། ཨ་ཧཉྩ་ས་ཏྲེའུ་ཙ་ཏུཀམཚྭ་སིདྡྷི་དེ་ཧི། མུ་ཁྱུད་གཉིས་པ་དམར་ཆེན་ལ། ཨོཾ་ཧྲཱིཿབཛྲ་པྲ་མོ་ཧ་ཧྲཱིཿང་ཧྲཱིཿང་སྡུས་སྡུས་ཨཱ་ཀར་ཡ་ཁུག་ཛཿ པཉྩ་ཊཱ་ཀི་ནཱི་སོགས་གོང་ལྟར། གསུམ་པ་དཀར་པོ་ལ། ཨོཾ་བཛྲ་པྲ་མོ་ཧ་ཧྲཱིཿང་ཧྲཱིཿང་སྭཱ་ཧཱ། ཞེས་དང་། དབྱངས་གསལ་བྱེད་རྟེན་སྙིང་བཅས་པའི་མཐར། པཉྩ་ཊཱ་ཀི་ནཱི་སོགས་སྤེལ་ཚིག་དང་། བཀྲ་ཤིས་པའི་ཚིགས་བཅད། སུ་པྲ་ཏིཥྛ་བཅས་བྲི། དེ་རྒྱབ་རྡོ་རྭ་དང་། ནོར་འཛིན་པ་ཏྲས་བསྐོར། བདུད་རྩི་དང་། དྲི་བཟང་། འབྲུ་སྨན་སོགས་ཀྱིས་བྱུགས། རབ་གནས་བྱས་ལ་དར་དམར་པོས་དྲིལ། །ཤེལ་དང་། བྱེ་རུ། གཡུ་བཅས་ཟ་འོག་དམར་པོའི་ཁུག་མར་གཞུག །དེ་ཉིད་མཎྜལ་པདྨ་འདབ་མ་བཞི་པའི་སྟེང་དུ་ཐོད་པ་བདུད་རྩིས་བཀང་བའི་ཁར་མེ་ལོང་ཆོས་འབྱུང་སུམ་བརྩེགས་བྲིས་བའི་

― JKT021_Page_0216 ―

^{[མ་དཔེ་གཟིགས་ན་འདིར་གནོན།]}

[Full Size]

ནང་དུ། ཧྲཱིཿ་ཧ་རི་ནི་ས་ལོ་ཀ་སརྦ་སིདྡྷི་ཕ་ལ་ཁུག་ཛཿ ཏྲི་ལོ་ཀ་སརྦ་བྷ་བ་པཱ་ཤཾ་ཀུ་རུ་ཧོ༔ ཞེས་བྲིས་པ་སྟེང་དུ་བཞག །དེའི་རྒྱབ་ཏུ་ཕྱི་སྒྲུབ་གཙོ་མོ་སྐུ་མདོག་དཀར། དར་དཀར་འདུང་མ་དང་། །གསེར་གཡུས་བརྒྱན་པ། གཡས་ནོར་བུ། གཡོན་མེ་ལོང་། དར་ཐོད་དང་མེ་ཏོག་ཕྲེང་བས་མཛེས་པ། ཞི་འཛུམ་སྐྱིལ་ཀྲུང་ཕྱེད་པས་རིན་ཆེན་ཁྲི་དང་པད་ཟླ་ལ་བཞེངས་པ། འཁོར་རང་འདྲ་བཞི་དང་བཅས་པའི་བྲིས་སྐུ་དང་། གཡས་སུ་དར་སྣ་ལྔ་དང་མེ་ལོང་གིས་བརྒྱན་པའི་མདའ་དར། གཡོན་དུ་དཀར་མངར་གྱི་གཏོར་མ། མདུན་དུ་ཉེར་སྤྱོད་བཅས་བཤམ་མོ། མངྒ་ལཾ། ༈ །སློབ་དཔོན་སཱ་པ་རི་པའི་ལུགས་ཀྱི་རྡོ་རྗེ་རྣམ་པར་འཇོམས་པའི་སྲུང་འཁོར་འབྲི་བའི་ཚུལ་ནི། དར་རམ། རས་སམ། ཤོག་བུ་ལ་འཁོར་ལོ་རྩིབས་དྲུག་པ་ལྟེ་བ་མུ་ཁྱུད་དང་བཅས་པ་དང་། དེའི་ཕྱི་རོལ་ཏུ་འཁོར་ལོ་རྩིབས་བརྒྱད་མུ་ཁྱུད་དང་བཅས་པ་བྲི། ལྟེ་བར། ཨོཾ་སརྦ་བཛྲ་ཀུ་ལཾ་ཨཱ་བར་ཏ་ཡ་སྭཱ་ཧཱ། ཞེས་དང་། རྩིབས་དྲུག་ལ་མདུན་ནས་བརྩམས་ཏེ་གཡས་བསྐོར་དུ། དྷ་ར༡། དྷ་ར༢། དྷི་རི ༣། དྷི་རི༤། དྷ་རུ། །དྷ་རུ༦། ཞེས་པ་རྣམས་དང་། མུ་ཁྱུད་ལ། ཀ་ཁ་ག་གྷ་ང་སོགས་གསལ་བྱེད། དེའི་ཕྱི་རོལ་གྱི་རྩིབས་བརྒྱད་ལ། ཨོཾ་མ་ཏཾ་སྦི་ར་༡བཛྲ་དྷ་ར་ཡ་སྭཱ་ཧཱ། ཨོཾ་སུ་ཏི་སྦི་ར་

― JKT021_Page_0217 ―

^{[མ་དཔེ་གཟིགས་ན་འདིར་གནོན།]}

[Full Size]

བཛྲ་༢དྷཱ་ར་ཡ་སྭཱ་ཧཱ། ཨོཾ་པྲ་༣ཏི་སྦེ་ར་བཛྲ་དྷ་ར་ཡ་སྭཱ་ཧཱ། ཨོཾ་མ་ཧཱ་བཛྲ་༤དྷ་ར་ཡ་སྭཱ་ཧཱ། ཨོཾ་ཨ་༥པྲ་ཏི་ཧ་ཏ་བཛྲ་དྷཱ་ར་ཡ་སྭཱ་ཧཱ། ཨོཾ་ཨ་༦མོ་གྷ་བཛྲ་དྷ་ར་ཡ་སྭཱ་ཧཱ། ཨོཾ་ཨེ་ཧེ་ཧི་བཛྲ་དྷ་ར་ཡ་སྭཱ་ཧཱ། ཨོཾ་ཤྲཱི་ཧཱུྃ་བཛྲ་དྷཱ་ར་ཡ་སྭཱ་ཧཱ། དེའི་ཕྱིའི་མུ་ཁྱུད་ལ་དབྱངས་བཅུ་དྲུག་དང་། ཡེ་དྷརྨཱ་གང་བསྲུང་བའི་སྤེལ་ཚིག་དང་བཅས་པ་བྲི། གུར་གུམ་དང་། གི་ཝཾ། ཤུ་དག་རྣམས་ཀྱིས་བྱུགས། འཁོར་ལོའི་མུ་ཁྱུད་རྣམས་གཞལ་ཡས་ཁང་དང་། ཡིག་འབྲུ་རྣམས་རྣམ་འཇོམས་གཙོ་འཁོར་དུ་བསྐྱེད་བསྟིམ་མཆོད་བསྟོད་བྱ། འདོད་དོན་གསོལ། སྔགས་རྣམས་བཟླས་པའི་མེ་ཏོག་འཐོར་ཞིང་བརྟན་བཞུགས་བྱས་རྗེས་རྟེན་དང་བརྟེན་པར་བཅས་པ་ཡོངས་སུ་གྱུར་པ་ལས་བྲིས་པའི་འཁོར་ལོའི་རྣམ་པ་ཇི་ལྟ་བར་བསམས་ཤིས་བརྗོད་རྒྱས་པར་བྱ། གྲུ་བཞིར་ལྟེབས་ལ་ཚོན་སྐུད་སྣ་ལྔས་དཀྲིས་ཏེ་གང་བསྲུང་པའི་མགུལ་དུ་བཏགས་པས་གནོད་པ་སྤྱི་དང་། ཁྱད་པར་སྟེང་གདོན་གཟའི་གནོད་པ་ཐམས་ཅད་ལས་སྲུང་བར་འགྱུར་རོ། ༈ །དཔལ་དུར་ཁྲོད་བདག་པོའི་རྟེན་བཅའ་ཚུལ་ནི། མཎྜལ་རེ་ཁཱ་ཟླུམ་སྐོར་གྱི་དབུས་སུ་དུང་མགྲོན་ཁ་སྤྲོད་དུ་བྲིས་པའི་སྟེང་དུ་ཚོམ་བུ་ཆེ་བ་གཅིག །ཕྱི་རོལ་གྱི་ཕྱོགས་མཚམས་སུ་བརྒྱད། དེའི་དབུས་སུ་མི་རྐང་གི་ཁྲིའུའི་ཁར་ཐོད་པ་དུམ་གཅིག་ནང་མར་གྱིས་

― JKT021_Page_0218 ―

^{[མ་དཔེ་གཟིགས་ན་འདིར་གནོན།]}

[Full Size]

བྱུགས་པའི་དབུས་སུ་ཆང་བུའི་གཏོར་མའམ་ཟླུམ་གཏོར་དཀར་པོ་རྒྱན་ལྡན་ལ་མཛོ་དྲིལ་གྱི་ཤ་མ་གཏོགས་པའི། རི་བོང་གི་ཤ་གཙོར་གྱུར། གཡག་རྒོད་སོགས་ཀྱི་ཤ་སྣ་གཙང་མ། དཀར་གསུམ། །མངར་གསུམ། ཤིང་ཏོག་འབྲུ་སྨན་རིན་པོ་ཆེ་དར་ཟབ་སོགས་ཀྱིས་གཏམས། དེའི་སྟེང་དུ་དུང་དང་། མགྲོན་བུ། རིན་ཆེན་ལྔ་དངོས་སམ། དེ་བསྲེས་པའི་ས་སྤྲིན་ལས་དུར་ཁྲོད་བདག་པོ་ཡབ་ཡུམ་གྱི་སྐུ་མངོན་རྟོགས་ལྟར་བཞེངས་པའི་ཐུགས་ཀར་དར་དམར་ལ་གསེར་གྱིས། ཨོཾ་གྷི་རཱ་ཛ་གྷི་རཱ་ཛ་ཀུ་མ་ཀུ་མ་ཁུ་ཐིས་སྭཱ་ཧཱ། བྲིས་པ་བུད་མེད་ཀྱིས་མ་རེག་པའི་གསེར་ཐིག་པོ་དང་མཉམ་དུ་དར་སེར་གྱིས་བསྒྲིལ་ལ་གཞུག །ལྟོ་བར་དར་རམ་རས་དཀར་པོ་ལ་དྲི་བཟང་གིས་སྦྱངས་པའི་མཚལ་གྱིས་འཁོར་ལོ་རྩིབས་བརྒྱད་མུ་ཁྱུད་དང་བཅས་པ། དབུས་སུ། ཨོཾ། རྩིབས་བརྒྱད་ལ་རིན་པོ་ཆེ་བརྒྱད། མུ་ཁྱུད་ལ། ཨོཾ་ཤྲཱི་རཱ་ཛ་གྷི་རཱ་ཛ་ཀུ་མ་ཀུ་མ་ཁུམ་ཐིས་རཏ་གྷི་རྩི་མོ་མི་སེམས་སྒུལ་སྒུལ་སྭཱ་ཧཱ། ཞེས་གཡས་བསྐོར་དུ་བཀོད། དྲི་བཟང་གིས་བྱུགས་པ་གཞུག །དེའི་གཡས་སུ་ནང་གི་རྟེན་འབྲུ་སྣ་ཚོགས་ལ་རིན་པོ་ཆེ་བརྡར་བས་བཞེངས་པའི་སྐུ་དང་། གཡོན་དུ་དུར་ཁྲོད་ཀྱི་རས་ལ་བྲིས་པའི་སྐུ་རེའང་བཞག །སྟེང་དུ་དར་དཀར་པོའི་གུར་ཕུབ་བོ། ༈ །ནོར་ལྷ་དབྱུ་གུ་མཆེད་གསུམ་གྱི་

― JKT021_Page_0219 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་བཅའ་བ་ནི། རོ་རས་སམ་ཤིང་ཤུན་ལ། པད་རཱཀ །སིནྡྷ་ར། ཙནྡན་དམར་པོ། གུར་གུམ་རྣམས་བསྲེས་པས་ལྷ་མོ་མཆེད་གསུམ་ཀ་མཛེས་འཛུམ་སྐུ་ཤ་རྒྱས་ཤིང་སྒེག་པ། དར་དང་རིན་པོ་ཆེ་དང་རུས་པའི་རྒྱན་ཅན། གཡས་པས་གཏེར་བུམ་འདེགས་པའི་ཚུལ་དང་། གཡོན་ཐུགས་ཀར་ནོར་བུ་འཛིན་པ། ཞབས་གཡས་བསྐུམ། གཡོན་བརྐྱང་གར་སྟབས་གདན་མེ་ཏོག་དམར་སེར་རབ་ཏུ་རྒྱས་པ་ཅན་བྲི། སྐྱ་བྲིས་ཟིན་ནས་སོ་སོའི་ཐུགས་ཀར་སྔགས་རྣམས་གོང་གི་ཚོན་གྱིས་བྲི་ཏེ། དེའང་ལྷ་མོ་དབུས་མའི་ཐུགས་ཀར། ཨོཾ་ན་མ་ཤུཀྟ་ཎ་བཱ་སུ་མུ་ཁཾ་མ་ཧཱ་པི་ཤཱ་ཙི་ན་ཡེ་སྭཱ་ཧཱ། གཡས་མའི་ཐུགས་ཀར་ཨོཾ་ཨ་ན་ལེ་ཀུཎྜ་ལི་གྲི༔་པི་ཤཱ་ཙི་ན་ཡེ་སྭཱ་ཧཱ། གཡོན་མའི་ཐུགས་ཀར། ཨོཾ་ཨི་ལི་ཀི་ལི་སི་ལི་ཀི་ཀི་ལི་སྭཱ་ཧཱ། ཞེས་བྲིས་པ། དབུས་ཀྱི་ལྷ་མོ་སྐུ་མདོག་མཐིང་། གཡས་ལྗང་། གཡོན་དམར་པོར་བྱ། རྒྱབ་ཏུའང་གོང་གི་སོ་སོའི་སྙིང་པོའི་མཐར། སྒྲུབ་པ་པོ་རང་གི་མིང་ངམ། སྤྱིར་བཏང་། བདག་ཅག་དཔོན་སློབ་ཡོན་མཆོད་འཁོར་དང་བཅས་པ་ལོག་པའི་འཚོ་བ་མ་ཡིན་པའི་ཆོས་དང་མཐུན་པའི་ཟས་གོས་ནོར་གསུམ་གྱི་འབྱོར་པ་ཕུན་སུམ་ཚོགས་པའི་དངོས་གྲུབ་མ་ལུས་པ་སྩལ་དུ་གསོལ། ཞེས་དང་། སུ་པྲ་ཏིཥྛབྲི། མགྲོན་བུ་བུ་མ་གསུམ་གྱི་ནང་དུ་གོང་གི་

― JKT021_Page_0220 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་གསུམ་སོ་སོར་མཐིང་ཤོག་ལ་གསེར་གྱིས་བྲིས་པ་བཅུག་པ་དང་། བྱི་རུ་གསུམ། མུ་ཏིག་གསུམ་བཅས་དར་དམར་པོས་དྲིལ་བ་ནི་བླ་རྡོ་སྟེ། སྒྲུབ་པའི་དུས་སུ་མེ་ཏོག་གི་ཚོམ་བུ་ལྔའི་དབུས་སུ་ལྷ་མོའི་སྐུ་རྣམས་དང་། སོ་སོའི་མདུན་དུ་བླ་རྡོ་རྣམས་བཞག །ལས་སྦྱོར། རི་དྭགས་རྒྱའི་ལྤགས་པ་གད་བརྡར་བྱས་པ་ལ། བྱི་བ་ཁ་སྤྲོད་རིན་པོ་ཆེ་སྐྱུགས་པའི་སྦོ་འོག་ཏུ་ནོར་བུ་མང་དུ་འཁྱིལ་བ་གསེར་གྱིས་བྲི། ཁ་དོག་ལས་སོ་སོར་བཤད་ཀྱང་། སྤྱིར་བཏང་ལྗང་སེར་བྱ། རྒྱབ་ཏུ་བྱི་བ་གཡོན་མའི་མགོ་ནས་བརྩམས་ཏེ་སྔགས་མགོ་ཕྱིར་བསྟན་དབུ་ཅན་ཚེག་ཡོད་ཀྱིས། ཨོཾ་སྭསྟི་སྒོ་རུ་སྲུངས། །སྒོ་རུ་སྐྱོབས། ཨོཾ་མ་མ་ཏི་སྒོ་རུ་སྲུངས་སྒོ་རུ་སྐྱོབས། ནོར་བདག་གསེར་གྱི་བྱི་བ་ཕོ་མོས་བདག་ལ་གསེར་དངུལ་འབྲུ་ནོར་དར་གོས་བཟའ་བཏུང་སོགས་ཆོས་མཐུན་གྱི་འབྱོར་པ་ཡིད་ལ་གང་འདོད་པ་ཐམས་ཅད་སྩལ་དུ་གསོལ། ཞེས་བྲི། དེའི་ཕྱིར་མགོ་འཛུག་ལུགས་སོགས་གོང་ལྟར་ལ། མཁའ་འགྲོ་མ་གསུམ་གྱི་སྔགས་དང་། ཨོཾ་ཨོཾ་པ་ཀཾ་པ་ཞི་བ་ལ། ཨོཾ་མ་སེ་ལ་དུམ་བུ་ཞི་སྭཱ་ཧཱ། ཞེས་དང་། ཤོང་ན་དེའི་མཇུག་ཏུ་ཡེ་དྷརྨ་བྲི། མ་ཤོང་ན་དབུས་ཀྱི་ཆར་བྲི། སྟོང་པར་ལུས་ན་ཡེ་དྷརྨའི་མཇུག་ཏུ་གོང་གི་འདོད་གསོལ་བྲི་སྟེ། གང་ལྟར་ཡང་ཕྲེང་གཅིག་གིས་འགྲིག་པར་བསྐོར། དེ་ལྷ་

― JKT021_Page_0221 ―

^{[མ་དཔེ་གཟིགས་ན་འདིར་གནོན།]}

[Full Size]

མོ་གསུམ་དུ་བསྐྱེད་བསྟིམ་རབ་གནས་བྱ། བསྙེན་སྒྲུབ་ཟིན་ནས། རྫ་འམ་ཤིང་སྒྲོམ་ལྟ་བུའི་ནང་དུ་བུམ་རྫས་ཉེར་ལྔ་ཁྲོལ་བུ་དང་། གཡང་ཅན་གྱི་རྫས། ཟས་གོས་ནོར་སྣའི་བུང་ཀྱིས་བཀང་བའི་དབུས་སུ། རྒྱབ་ཀྱི་ཆར་ལྷ་མོ་གསུམ་གྱི་སྐུ་ཙཀ །སོ་སོའི་མདུན་དུ་བླ་རྡོ་དར་ཐུམ། མདུན་དུ་ལྷ་མོའི་སྐུ་ལ་ཞལ་ཕྱོགས་པའི་ཚུལ་གྱིས་ལས་སྦྱོར་བྱི་བའི་གཟུགས་བཞག་པའི་བར་ཐམས་ཅད་ཀྱང་རིན་ཆེན་འབྲུ་སྨན་གྱིས་ལེགས་པར་གཏམས་ལ་ཁ་ཆོད་རྒྱབ་ཕྱི་ལའང་རྩི་ཚོན་དང་བཀྲ་ཤིས་པའི་རྟགས་སམ་ནོར་བུ་འབར་བ་སོགས་བྲིའོ། ༈ །རཏྣའི་གཏེར་བྱོན་ཐུགས་སྒྲུབ་ཡང་སྙིང་འདུས་པའི་ཐོད་སྒྲུབ་ཀྱི་འཁོར་ལོ་ནི། བྲི་གཞི་བཟང་པོར་གསེར་རམ་མཚལ་གྱིས་ཙཀྲ་མུ་ཁྱུད་གསུམ་པའི་ལྟེ་བར། ཡིད་བཞིན་འདོད་པ་ཀུན་འབྱུང་བའི༔ ཐོད་པ་ནོར་བུ་རིན་པོ་ཆེས༔ བདག་ལ་མི་ནོར་ཟས་གསུམ་གྱི༔ དངོས་གྲུབ་མ་ལུས་སྩལ་དུ་གསོལ༔ ཞེས་བྲི༔ དེའི་ཕྱི་མུ་ཁྱུད་དང་པོ་ལ། རྩིབས་བཞིར་བཅད་པའི་རྩིབས་རྣམས་སུ། ཨོཾ་རཏྣ་མ་ཧཱ་ཀཱ་པ་ལ་སརྦ་སིདྡྷི་ཕ་ལ་ཧཱུྃ་ཧཱུྃ༔ ཞེས་དང་། རྩིབས་མཆན་བཞིར། རཏྣ་པུཎ་བྱེ་སིདྡྷི་ཧཱུཾ་དྷ་ནཾ་མེ་དྷི་སིདྡྷི་ཧཱུྃ། ཞེས་བྲི། དེའི་ཕྱི་རིམ་ལ། ན་ན་ཎི་དྷེ་སིདྡྷི་ཧཱུྃ། དྷ་ལ་སཾ་བྷྱོ་སིདྡྷི་སིདྡྷི་ཧཱུྃ་ཛཿ ཞེས་ཚར་གང་ཤོང་བྲི། དེའི་ཕྱི་རིམ་ལ།

― JKT021_Page_0222 ―

^{[མ་དཔེ་གཟིགས་ན་འདིར་གནོན།]}

[Full Size]

ཡེ་དྷརྨའི་མཐར། ཡིད་བཞིན་འདོད་པ་སོགས་གོང་གི་ཚིགས་བཅད་དང་། སུ་པྲ་ཏིཥྛ་སྦྲེལ་བ་བྲིའོ། །འཇའ་ཚོན་མ་ནིང་ལས་མཐའ་སེར་པོ་སྐོར་གསུམ་ཐོད་སྒྲུབ་འཁོར་ལོའང་སྔགས་ཀྱི་ཁྱད་པར་ཅུང་ཟད་མ་གཏོགས་འདི་དང་འདྲ་བར་སྣང་ངོ་། ༈ །ཨོཾ་སྭ་སྟི། ཛམྦྷ་ལ་དམར་པོ་གྲྭ་པ་མངོན་ཤེས་ཀྱི་ལུགས་ལྟར་གཏེར་བུམ་བཅའ་ཚུལ་ནི། རིན་པོ་ཆེའམ་རྫའི་གྲྭའུ་ཟླ་གམ་དམར་པོ་བྱ་བའམ། གཏེར་བུམ་ཟླུམ་པོ་ཁ་དོག་དམར་པོ་མདུན་རྟགས་ནོར་བུ་དང་ལྕགས་ཀྱུས་མཚན་པའི་མཐིལ་དུ། ཕྱུགས་པོ་ཆེན་པོ་དགུ་དང་གཡང་ཅན་གྱི་ནས་སྣ། ནོར་སྣ། རྟ་ཕྱུགས་སྤུ་སྣ། རིན་པོ་ཆེ་སྣ་ཚོགས། ཞིང་བཟང་པོ་དང་། ཁང་པ་བཀྲ་ཤིས་ཅན་དང་། གནས་གཞི་ཆེན་པོའི་རྒྱ་ཐབས་ཀྱི་ས། དགེ་བཤེས་ཆེན་པོའི་གདན་ས། མི་བསོད་ནམས་ཅན་གྱི་གོས་སྣ། སྨན་སྣ། ཚོང་དུས་ཆེན་པོའི་ས་སྣ། རྐུན་ཆེན་གྱི་ལག་པ། ཟས་སྣའི་རིགས། ན་ཆུང་འཕྱོན་མའི་ཀ་ཅ། བྱིས་པ་གཞོན་ནུའི་ནོར་སྣ། དགེ་བཤེས་དང་། ཡོན་བདག་ཕྱུགས་པོའི་སེམས་ཆགས་པའི་རྫས། ལོ་ལེགས་པའི་སྙེ་མ། ཚོང་ལེགས་པའི་ནོར་ཕུད། འབྲོག་ལེགས་པའི་མར་ཕུད། འབུལ་བ་མང་པོ་བྱུང་བའི་ནོར་སྣ་རྣམས་གང་རྙེད་ཀྱིས་གཏམས་པའི་སྟེང་གི་འཁོར་ལོའི་མདུན་ཐད་ཀྱི་འོག་ཏུ། འཕགས་པ་

― JKT021_Page_0223 ―

^{[མ་དཔེ་གཟིགས་ན་འདིར་གནོན།]}

[Full Size]

ཛམྦྷ་ལ་ཡབ་ཡུམ་འཁོར་དང་བཅས་པས་ཁམས་གསུམ་གྱི་རིན་ཆེན་འབྲུ་རིགས་རྟ་ཕྱུགས་གོ་ཁྲབ་དར་ཟབ་བཟའ་བཏུང་ཡུལ་མཁར་ས་ཞིང་སོགས་ཡིད་ལ་གང་བསམ་པའི་འདོད་རྒུའི་དཔལ་འབྱོར་ལོངས་སྤྱོད་ཐམས་ཅད་གནས་འདིར་དུས་རྟག་ཏུ་འདུ་བར་མཛད་དུ་གསོལ། སརྦ་ཏྲི་ལོ་ཀ་ཤཱནྟཾ་བྷ་བ་མཱ་བི་བྷུ་ཏི་བྷྱོ་ག་ཝཱ་ཤཾ་ཀུ་རུ་ཧོ༔ ཞེས་གསེར་གྱིས་བྲིས་པ་བཙུག །དེའི་སྟེང་དུ་མཚམས་དར་བཏང་བའི་ཁར་ཙནྡན་དམར་པོ་དང་། མེ་ཏོག་དམར་པོ་དྲི་བཟང་གི་ཕྱེ་མ་བཅས་བཀྲམ་པའི་ཁར་འདིའི་འཁོར་ལོ་ལྟེ་བའི་ས་བོན་གྱི་དབུ་རྒྱབ་དང་། ཞལ་ནང་དུ་ཕྱོགས་པས་གཞུག །དེའི་ཡར་མཚམས་དར་བཏང་བའི་སྟེང་དུ་བྱ་རྒྱུད་ལུགས་ཀྱི་བུམ་རྫས་ཉེར་ལྔ། སྨན་སྣ། ཕུད་མ་ཉམས་པའི་ཟས་གོས་འབྲུ་དང་ཤིང་ཏོག་སྣ་ཚོགས། ཙནྡན་དམར་པོ་དང་། མེ་ཏོག་དམར་པོའི་རིགས་སོགས་ཀྱིས་བཀང་། ཁ་དར་དམར་པོ་ལ་གསེར་གྱི་འཁོར་ལོ་རྩིབས་བརྒྱད་བྲིས་པས་བཅད། བུམ་པའི་འོག་གི་མཐིལ་དུ་པདྨ་འདབ་བརྒྱད་ཀྱང་བྲིའོ། ༈ །ཛམ་དམར་ཐོད་སྒྲུབ་ཀྱི་བཅའ་གཞི་ནི། ཐོད་པ་མཚན་ལྡན་ནང་དུ་དྲི་བཟང་དང་སྨན་སྣས་བྱུགས། བུམ་རྫ་ས་ཉེར་ལྔ་དང་། གཞན་ཡང་རིན་ཆེན་འབྲུ་སྨན་དར་ཟབ་ཟས་སྣ་སོགས་ཀྱིས་གཏམས་པའི་རྒྱབ་ཏུ་འདི་ཉིད་ཀྱི་སྐུ་བྲིས་འབུར་གང་རིགས་

― JKT021_Page_0224 ―

^{[མ་དཔེ་གཟིགས་ན་འདིར་གནོན།]}

[Full Size]

ཞལ་དཔྲལ་བ་ལ་བསྟན། དེའི་མདུན་དུ་འབྱོར་ན་འདིའི་སྲོག་འཁོར་དང་། ཐོད་སྒྲུབ་ཀྱི་འཁོར་ལོ་གཞན་ནས་འབྱུང་བ་དགྲམ། གང་ལྟར་ཡང་རྒྱ་ཤོག་དམར་པོ་ལ་གསེར་གྱིས། ཨོཾ་ཛམྦྷ་ལ་ཛ་ལེནྡྲ་ཡ་དྷ་ན་མེ་དྷི་ཧཱུྃསྭཱ་ཧཱ། ཨོཾ་ཛམྦྷ་ལ་ཛ་ལེནྡྲ་ཡ་ཀུ་རུ་ཀུལླེ་ཧྲཱིཿ་སརྦ་ལོ་ཀ་ཝ་ཤཾ་ཀུ་རུ་ཧཱུྃསྭཱ་ཧཱ། སརྦ་བྷ་ཀཱ་བཱ་སུ་བྷྱོ་གཱ་ནཾ་སིདྡྷི་མྨེ་པྲ་ཡཙྪནྟུ། ཅེས་བྲིས་པའི་ཤོག་དྲིལ་གཞུག །དེའི་འོག་ཏུ་གོང་གི་འདོད་གསོལ་གྱི་ཤོག་དྲིལ་ཀྱང་གཞུག་གོ །དེ་རྣམས་ཀྱི་ཁར་རིན་ཆེན་འབྲུ་སྨན་སོགས་ཀྱི་དཀོར་ཆས་གཏམ་ཞིང་དར་དམར་པོས་དྲིལ་བའི་ཁར་གསེར་འཁོར་རྩིབས་བརྒྱད་པ་བྲི། དེའང་མཛོད་ཀྱི་ཕུག་སོགས་སུ་བཞག་རྒྱུ་ཡིན་ན་ཉུང་འབྲུ་ལྟ་བུས་མཚོན་རིང་བསྲེལ་བཞི་ཀའང་བཞག་ན་ལེགས་མོད། མཆོད་རྟེན་གྱི་སེང་ཁྲི་སོགས་སུ་བཞག་པའི་ཚེ་འདི་ཙམ་གྱིས་འཐུས་སོ། ༈ །ཁ་ཆེ་པཎ་ཆེན་ལུགས་གྱི་ཛམྦྷ་ལ་ནག་པོའི་གཏེར་བུམ་མཐིང་ཀ་མདུན་རྟགས་ཐོད་ཁྲག་དང་། ནོར་སྐྱུགས་ཀྱིས་མཚན་པའི་ནང་དུ་བུམ་རྫས་ཉེར་ལྔ་དང་རིན་ཆེན་འབྲུ་སྨན་སོགས་ཀྱིས་བཀང་བའི་དབུས། འདི་ཉིད་ཀྱི་སྐུ་མཚན་ཉིད་དང་ལྡན་པ་ལ། ན་མོ་རཏྣ་ཏྲ་ཡཱ་ཡ། ན་མོ་མ་ཎི་བྷ་དྲྭ་ཡ། མ་ཧཱ་ཡཀྵ་སེ་ནཱ་པ་ཏ་ཡེ། ཨོཾ་ཛམྦྷ་ལ་ཛ་ལེནྡྲ་ཡ་སྭཱ་ཧཱ། ཨོཾ་ཛམྦྷ་ལ་ཛ་ལེནྡྲ་ཡ་སརྦ་བྷཀྵ་དྷ་ན་བྷ་དྲྭ་རྦ་ཝཱ་ཤཾ་ཀུ་རུ་སྭཱ་ཧཱ། ཞེས་

― JKT021_Page_0225 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། དབྱངས་གསལ་རྟེན་སྙིང་། འབད་དང་རྩོལ་བས་མ་གོས་པའི། ཞེས་སོགས་བཀྲ་ཤིས་དང་། སུ་པྲ་ཏིཥྛ་བཅས་མཐིང་ཤོག་ལ་གསེར་གྱིས་བྲིས། དཔལ་ཅན་གྱི་རྫས་དང་དྲི་བཟང་པོས་བྱུགས་པའི་ཤོག་དྲིལ་བཅུག་པ་གཞུག །དེའི་མདུན་དུ་རང་གང་འདོད་པའི་རིན་ཆེན་ཟས་ནོར་སོགས་དངོས་སམ་རི་མོར་བྲིས་པ་དང་། ཨ་ག་རུ་ནག་པོ། མེ་ཏོག་སྔོན་པོ་སོགས་དཀོར་ཆས་ཕྱུར་བུར་གཏམས་པའི་ཁར་རིན་པོ་ཆེའི་ལྗོན་ཤིང་གིས་བརྒྱན། མུ་ཏིག་གི་ཕྲེང་བ་དང་། དར་དམར་པོས་མགུལ་ཆིངས་བྱའོ། །དེའི་མདུན་དུ་རྟ་མཆོག་སྔོན་པོ་རྒྱན་ལྡན་སྒ་སྲབ་ཀྱིས་སྤྲས་པ་ལ། རང་གང་འདོད་ཀྱི་ཟས་ནོར་ས་སྤྱིན་ལྟ་བུ་ལས་བཅོས་ཏེ་ཁལ་དུ་བཀལ། སྲབ་ནས་ལྕགས་ཀྱུས་བཏབ་ཅིང་། སྒོའི་ཕྱི་རུ་ལ་རྟ་ལྕགས་སེར་པོ་ལྕགས་འབྲས་སྔོན་པོས་བྱས་པ་གདགས་ལ་བཞག་གོ ༈ །གསང་འདུས་ལུགས་ཀྱི་ཛམྦྷ་ལ་སེར་པོའི་གཏེར་བུམ་སེར་པོ་བཱི་ཛ་པཱུ་ར་ཀ་དང་ནེའུ་ལེས་མཚན་པའི་ནང་དུ། གསེར་ལ་སོགས་པའི་རིན་པོ་ཆེ་དང་། འབྲུ་སྨན་དར་ཟབ་ཟས་ནོར་གང་འབྱོར་གྱི་ཕུད་ཀྱིས་བཀང་བའི་དབུས། བྲིས་འབུར་གང་རིགས་ཀྱི་ཛམྦྷ་ལ་སེར་པོ་ཞལ་གསུམ་ཕྱག་དྲུག །གཡས་ནག །གཡོན་དཀར། ཕྱག་གཡས་གསུམ་གྱི་བཱི་ཛ་པཱུ་ར་ཀ །ལྕགས་ཀྱུ། མདའ། གཡོན་

― JKT021_Page_0226 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་གྱིས་དང་པོས་རང་འདྲའི་ཡུམ་ལ་འཁྱུད་པ། ལྷག་མ་གཉིས་ནེའུ་ལེ་དང་། གཞུ་འཛིན་པ། གསུས་ཁྱིམ་ཆེ་བ། མིའུ་ཐུང་གི་གཟུགས་ཅན་དབུ་སྐྲ་རལ་པའི་ཐོར་ཚུག་དང་། རིན་པོ་ཆེའི་རྒྱན་དང་དར་སྣས་མཛེས་པ། གདན་པད་ཟླ་ལ་ཞབས་ཕྱེད་སྐྱིལ་ཅན། བཞེངས་པ་ལ། ཨོཾ་ཛམྦྷ་ལ་ཛ་ལེནྡྲ་ཡ་སྭཱ་ཧཱ། ཞེས་ཚར་གང་འོས་དང་། དབྱངས་གསལ་རྟེན་སྙིང་། བཅོམ་ལྡན་འདས་མགོན་པོ་ཛམྦྷ་ལ་ཡབ་ཡུམ་རྟེན་འདི་ལ་བརྟན་པར་བཞུགས་སུ་གསོལ། བརྟན་པར་བཞུགས་ནས་བདག་དང་སེམས་ཅན་ཐམས་ཅད་དབུལ་ཕོངས་དང་བྲལ་ནས་ཆོས་དང་མཐུན་པའི་འབྱོར་པ་ཕུན་སུམ་ཚོགས་པ་དང་ལྡན་པར་མཛད་དུ་གསོལ། ཞེས་དང་། འབད་དང་རྩོལ་བས་མ་གོས་པ། ཞེས་སོགས་དང་། སུ་པྲ་ཏིཥྛ་བྲིས་ལ། རིན་ཆེན་འབྲུ་སྨན་དྲི་བཟང་པོས་བྱུགས་པ་གཞུག །བྲིས་སྐུ་ཡིན་ན་མདུན་རྒྱབ་གང་རིགས་སུ་བཅིང་། ཁ་དར་རས་སེར་པོས་དགབ་བོ། ༈ །དཔལ་དུས་ཀྱི་འཁོར་ལོའི་ལུགས་ཀྱི་ཛམྦྷ་ལ་ལྗང་བུའི་གཏེར་བུམ་ལྗང་སེར་བཱི་ཛ་པཱུ་ར་ཀ་དང་། ནོར་སྐྱུགས་ཀྱིས་མཚན་པའི་ནང་རིན་ཆེན་འབྲུ་སྨན་སོགས་ཀྱིས་བཀང་བའི་དབུས་སུ། ཛམྦྷ་ལ་ལྗང་སེར་གཡས་མཆོག་སྦྱིན་གྱི་མཐིལ་ན་བཱི་ཛ་པཱུ་ར་ཀ་དང་། གཡོན་ནེའུ་ལེ་དཀུར་བརྟེན་པས་འཛིན་པ། ཡུམ་སྔོན་མོ་གཡས་

― JKT021_Page_0227 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག་སྦྱིན་གྱི་ཕྱག་རྒྱས་ཡབ་ལ་འཁྱུད་པ། གཡོན་པདྨ་སྔོན་པོ་འཛིན་པ། རྒྱན་ཆ་ལུགས་སོགས་ཛམ་སེར་སྤྱི་དང་འདྲ། ཞབས་རོལ་སྟབས། གདན་པད་ཟླར་བཞུགས་པའི་བྲིས་འབུར་གྱི་སྐུ་གང་རུང་དང་། ཨོཾ་ཛམྦྷ་ལ་ཛ་ལེནྡྲ་ཡ་སྭཱ་ཧཱ། ཨོཾ་ཨཱཿཧཱུྃ་ཧོ་ཧཾ་ཀྵ་ཨཱརྨ་ཛམྦྷ་ལ་སིདྡྷི་མེ་པྲ་ཡཙྪནྟུ། མ་མ་དྷཱ་ནཾ། ད་ད་རུ། བཛྲ་དྷཱ་ར་ཨཱ་ཛྷཱ་པ་ཡ་ཏི་སྭཱ་ཧཱ། ཞེས་བྲི། དབྱངས་གསལ་རྟེན་སྙིང་རྣམས་ཀྱི་མཐར། འབད་དང་རྩོལ་བས་མ་གོས་པའི། ཞེས་སོགས་བཀྲ་ཤིས་དང་། སུ་པྲ་ཏིཥྛ་བཅས་བྲིས་པའི་སྔགས་བྱང་རིན་ཆེན་འབྲུ་སྨན་དྲི་བཟང་གིས་བྱུགས་པ་གཞུག །ཁ་དར་ལྗང་སེར་གྱིས་བཅད། ༈ །འཇམ་དཔལ་དཔའ་བོ་གྲུབ་པའི་རྒྱུད་ལས་གསུངས་པའི་གནོད་སྦྱིན་ཕོ་དགུ་མོ་དགུའི་གཏེར་བུམ་གསེར་མདོག་བཱི་ཛ་པཱུ་ར་ཀ་དང་། ནོར་སྐྱུགས། འབྲས་སྙེས་མཚན་པའི་ནང་དུ། ཞུན་མར། སྦྲང་རྩི། ཀ་ར་རྣམས་ཀྱིས་ཕྱེད་ཙམ་གང་བའི་སྟེང་དུ་འདིའི་འཁོར་ལོ་ཚད་ལྡན་ཆིངས་སེར་པོ་ཅན་དར་གོས་སེར་པོའི་ན་བཟའ་དང་བཅས་ཏེ་གཞུག །དེའི་སྟེང་དུའང་གོང་གི་རྫས་དང་། །ཁར་རིན་ཆེན་འབྲུ་སྨན་ཟས་གོས་སོགས་གཙང་མའི་ཕུད་ཀྱིས་དགང་། ཁ་དར་སེར་པོས་བཅད་དོ། ༈ །རཏྣའི་ཕུར་པའི་ས་དཔྱད་ལས་གསུངས་པའི་ས་བཅོས་རྟེན་འབྲེལ་གྱི་བུམ་པ་དཀར་པོ། ནཱ་

― JKT021_Page_0228 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་མཚན་པ་དགའ་འཁྱིལ་གྱི་རི་མོས་བཀྲ་བའི་ནང་དུ། ཀླུ་ནོར་རྒྱས་དམར་སེར། སྦྲུལ་མགོའི་གདེངས་ཀ་བདུན་དང་ལྡན་པ། གཡས་ནོར་བུ། གཡོན་ཨུཏྤལ། དེའི་མདུན་དུ་ཀླུ་མོ་དམར་སེར། །སྦྲུལ་མགོའི་གདེངས་ཀ་ལྔ་ཡོད་པ། ཕྱག་ཐལ་སྦྱར་ཡབ་ལ་གཟིགས་པ། གཉིས་ཀའང་དར་དང་རིན་པོ་ཆེའི་རྒྱན་ཅན། སྨད་སྦྲུལ་འཁྱིལ། ཡབ་སོར་བརྒྱད་དང་། ཡུམ་སོར་བདུན་པ་བྱ། ཡབ་ཡ ལ་གི་ཝཾ་གིས་བྱུགས། ཨོཾ་ཝཱ་རུ་ཎ་ཡེ་ཧཱུཾ་སྭ་ཧཱ། ཕུཨོཾ་བཱ་སུ་ཀི་མཾ་སྭཱ་ཧཱ། ཨོཾ་ཝཱ་རུ་ཎ་ཡེ་སྭཱ་ཧཱ། ཨོཾ་ནཱ་ག་རཱ་ཛ་བཱ་སུ་པུཏྟཾ་སརྦ་མངྒ་ལཾ་སིདྡྷི་སྭཱ་ཧཱ། ཞེས་རྒྱ་ཤོག་གཙང་མར་རྒྱ་སྣག་གིས་བྲིས་པ་སྐུད་པ་སེར་པོས་དཀྲིས་ཏེ་གཞུག །ཡུམ་གྱི་ནང་དུ། ཨོཾ་ནཱ་གི་མཎ་མུ་ཀུ་ཊཾ་སརྦ་མངྒ་ལཾ་སྭཱ་ཧཱ་ཡཿ ཞེས་བྲིས་པ་གཞུག་ནས་ཡབ་ཡུམ་ཞལ་སྦྱོར་གྱི་ཚུལ་དུ་བཞུགས་སུ་གསོལ། དམར་སྒྱུར་གླ་རྩི་སོགས་ཀྱི་དྲིས་མ་ཕོག་པའི་ཕྱུགས་པོ་གཡང་ཅན་གྱི་འབྲུ་སྣ། དར་སྣ། ཀླུ་སྨན། བུད་མེད་སྔར་ཡུག་སས་མ་ཕོག་པར་ཕ་མ་ཁུ་ཁྱོ་འཛོམས་པའི་བུས་འཐུང་བའི་ནུ་ཞོ། བ་དཀར་སེར་དང་། ར་དཀར་མོའི་འོ་མ་བཅས་པས་ཕྱེ་གཙང་མས་སྦྲུས་པའི་རིལ་བུ་དང་། དཀར་གསུམ། མངར་གསུམ་གྱིས་བཀང་། ཀློང་གསལ་གཏེར་བྱོན་གུ་རུ་དྲག་པོ་ཡེ་ཤེས་རབ་འབར་གྱི་ནཱ་ག་སྤྱི་བཅོས་དང་འབྲེལ་ན། དེའི་

― JKT021_Page_0229 ―

^{[མ་དཔེ་གཟིགས་ན་འདིར་གནོན།]}

[Full Size]

གཞུང་ནས་འབྱུང་བ་ལྟར་བསྡུ་བསྒྲུབ་ཚད་ལྡན་བགྱིས་པའི་ཀླུ་ནོར་རིལ་བུ་ཉེར་གཅིག་སོགས་གང་འབྱོར་ཀྱང་མདུན་དུ་གཞུག །ཁ་དར་དཀར་པོ་གཙང་མས་བཅད་དོ། ༈ །སྟག་ཤམས་གཏེར་བྱོན་སེང་གདོང་མའི་ལས་ཚོགས་ལྷ་མོ་བརྟན་མའི་བུམ་གཏེར་སེར་པོ་ཧཱུྃ་གྱིས་མཚན་པར། རིན་ཆེན་འབྲུ་སྨན་ས་སྣ་ཆུ་སྣ་སོགས་གཙང་མས་གཏམས་པའི་དབུས་སུ་ས་སྣ་ཆུ་ཤིང་སྣ་རིན་ཆེན་ཀླུ་སྨན་གི་ཝཾ་དཀར་གསུམ་མངར་གསུམ་འབྲུ་སྣ་དར་སྣ་བཅས་ས་སྦྱིན་དང་སྦྱར་བས་སའི་ལྷ་མོའི་སྐུ་སོར་བཞིའམ་བརྒྱད་པ། སྐྱིལ་ཀྲུང་མཉམ་གཞག་རིན་པོ་ཆེའི་བུམ་པ་བསྣམས་པ། སྐུ་མདོག་སེར་པོ་དང་རིན་པོ་ཆེས་བརྒྱན་པ་བཞེངས། དབུ་གཙུག་ཏུ་ཡུངས་འབྲུ་ལྟ་བུའི་རིང་བསྲེལ་སོགས་ཡོད་ན་གཞུག །ཐུགས་ཀར་མཐིང་ཤོག་ལ་གསེར་གྱིས། ཨོཾ་ཙི་རི་ཙི་རི། ཙུ་རུ་ཙུ་རུ། ཀུ་རུ་ཀུ་རུ། དོ་ཙུ་དོ་ཙུ། སྭ་ཧཱ་སྭཱ་ཧཱ། བྷ་ཤ་བྷ་ཤ་སྭཱ་ཧཱ། ཞེས་བྲིས་པ་དང་། ལྟོ་བའི་ནང་དུ། ཤོག་བུ་ལ་དངུལ་གྱིས། ཨོ༔ ལྷ་མི་ཕན་བདེའི་ལོངས་སྤྱོད་རྒྱས༔ ནོར་ཟས་སྟེར་དང་བདུད་རྩི་འབྱུང་༔ ཚེ་རིང་ནད་མེད་དགྲ་རྒོལ་གཞོམཿ ཐམས་ཅད་ཡིད་བཞིན་འགྲུབ་པར་འགྱུར༔ གནས་གཙང་དཀྱིལ་འཁོར་བྱ་བ་དང་༔ ཁྲུས་གཙང་གོས་གསར་གྱོན་བྱས་ནས༔ སྐུ་གསུང་རྣམ་དག་རྟེན་དྲུང་འདུག༔

― JKT021_Page_0230 ―

^{[མ་དཔེ་གཟིགས་ན་འདིར་གནོན།]}

[Full Size]

སྤོས་དང་མེ་ཏོག་ཁ་ཟས་མཆོད༔ རྣལ་འབྱོར་དམ་ཚིག་གཙང་ན་འགྲུབ༔ ཅེས་དང་། དབྱངས་གསལ་རྟེན་སྙིང་། འབད་དང་རྩོལ་བས་མ་གོས་པའི། སོགས་ཤིས་བརྗོད་དང་། སུ་པྲ་ཏིཥྛ་སྦྲེལ་བ་བྲིས་ནས་བཅུག །འབུར་སྐུ་མ་གྲུབ་ན་བྲིས་སྐུ་ལ་གོང་གི་རྫས་བྱུགས། ཤོག་དྲིལ་བཅིངས། ཕྱོགས་མཚམས་སུ་ཀླུ་ཆེན་བརྒྱད་ཀྱི་སྔགས་བྱང་ཤོག་དྲིལ་བཅུག །གཞན་ཡང་བྱ་རྒྱུད་ལུགས་ཀྱི་བུམ་རྫས་ཉེར་ལྔ། ས་སྣ་ཆུ་སྣ། འབྲུ་སྣ། ཀླུ་སྨན་སོགས་ཀླུ་ལ་མི་གནོད་པའི་རིགས་ཀྱིས་གཏམ། ཁ་དར་རས་དཀར་པོས་བཅད་དོ། ༈ །རྣམ་སྲས་སེར་ཆེན་གྱི་གཏེར་བུམ་སེར་པོ་རྒྱལ་མཚན་དང་ནེའུ་ལེས་མཚན་པར། བུམ་རྫས་ཉེར་ལྔ་དང་རིན་ཆེན་འབྲུ་སྨན་དར་གོས་ཟས་སྣའི་ཕུད་སོགས་གཙང་མས་གཏམ་པའི་དབུས་སུ། བྲིས་འབུར་གང་རིགས་ཀྱི་རྣམ་སྲས་སྐུ་མདོག་སེར་པོ། གཡས་།ནོར་བུའི་རྒྱལ་མཚན། གཡོན་ནེའུ་ལེ། དར་དང་རིན་པོ་ཆེའི་རྒྱན། གདན་པད་ཟླ། སེང་གེ་དཀར་མོ་ཉལ་སྟབས་ཀྱི་སྟེང་ན་ཞབས་རོལ་སྟབས་ཀྱིས་བཞུགས་པ་སོགས་སྤྱི་ལྟར་དང་། རྒྱ་ཤོག་དམར་པོ་ལ་གསེར་གྱིས། ཨོཾ་བེ་ཤྲ་མ་ཎཱ་ཡ་སྭཱ་ཧཱ། ཨོཾ་ཁཾ་སྭཱ་ཧཱ། ཨོཾ་ཛམྦྷ་མཱ་ལ་སྭཱ་ཧཱ། ཨོཾ་པུརྞ་བྷ་དྲ་ཡ= ཨོཾ་མ་ཎི་བྷ་དྲུ༴ ཨོཾ་ཀུ་བེ་རཱ༔ ཨོཾ་སཾ་པྲ་ཛ་ནཱ༔ ཨོཾ་གུ་རྒྱ་སྦྲ་ནཱ༔ ཨོཾ་པཉྩི་ཀཱ༔ ཨོཾ་པི་ཙི་

― JKT021_Page_0231 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུཎྜ་ལི་ཡེ་སྭཱ་ཧཱ། ཏདྱ་ཐཱ། ཨོཾ་ཧི་ལི་མ་ཎི་བྷ་དྲ། ཧི་ལི་ཧི་ལི་མ་ཎི་བྷ་དྲ། ཀི་ལི་མ་ཎི ཀི་ལི་ཀི་ལི= ཀུ་རུ༴ ཀུ་རུ ཏུ་རུ༔ ཏུ་རུ༴ སུ་རུ སུ་རུ༔ ཙུ་རུ༔ ཙུ་རུ་ཙུ་རུ་མ་ཎི་བྷ་དྲ། ཨོཾ་ཨེ་ཀྱེ་ཧི། ཏིཥྛ་ཏིཥྛསརྦ་ཨཱརྦ་མེ་སཱ་དྷ་ནི། ཏདྱ་ཐཱ། སུ་དྷ་ནི། སུ་ར་སྱ། སུ་མ་ཏི། སུ་པུ་ཎི། ཧི་ལི་མི་ལི་སྭཱ་ཧཱ། ཞེས་དང་། རྒྱལ་ཆེན་རྣམ་སྲས་འཁོར་དང་བཅས། །རྟེན་འདིར་བརྟན་པར་བཞུགས་ནས་ཀྱང་། །བར་ཆད་ཀུན་སེལ་མཐུན་རྐྱེན་སྒྲུབས། །འདོད་རྒུའི་དཔལ་འབྱོར་རྒྱས་པར་མཛོད། །དབྱངས་གསལ་རྟེན་སྙིང་། འབད་དང་རྩོལ་བས་མ་གོས་པ། སོགས་དང་སུ་པྲ་ཏིཥྛ་སྦྲེལ་བ་དྲིས་པ་གཞུག་གོ ༈ །རྒྱུད་སྡེ་སྤྱིའི་ལུགས་ཀྱི་ལྷ་མོ་བརྟན་མའི་གཏེར་བུམ་སེར་པོའི་མདུན་རྟགས། ཁཾ་གྱིས་མཚན་པ་ལ། ས་སྣ་ཆུ་སྣ་བུམ་རྫས་ཉེར་ལྔ་རིན་ཆེན་འབྲུ་སྨན་དང་ཀླུ་སྨན་རིགས་གཙང་མས་གཏམས་པའི་ནང་དུ། སའི་ལྷ་མོ་སེར་མོ་ཕྱག་གཉིས་ཀྱིས་རིན་པོ་ཆེའི་བུམ་པ་ཐུགས་ཀར་ཐལ་མོ་སྦྱར་ཏེ་འཛིན་པ། དར་དང་རིན་པོ་ཆེའི་རྒྱན་ཅན། གདན་པད་ཟླ། ཞབས་ཕྱེད་སྐྱིལ་དུ་བཞུགས་པ་ས་སྣ་ཆུ་སྣ་ལས་འབུར་སྐུར་བཞེངས་པའམ། ཤུག་པའི་བྱང་བུ་ལ་གསེར་གྱིས་བྲིས་པ་དང་། ༀ་པྲ་བྷཾ་དེ་བཱི་སྭཱ་ཧཱ། ཏདྱ་ཐཱ། ཙི་རི་ཙི་རི། ཙུ་རུ་ཙུ་རུ། ཀུ་རུ་ཀུ་རུ། ཏོ་ཅུ་

― JKT021_Page_0232 ―

^{[མ་དཔེ་གཟིགས་ན་འདིར་གནོན།]}

[Full Size]

ཏོ་ཙུ། བྷ་དྷ་བྷ་དྷ། པ་ཤ་པ་ཤ་སྭཱ་ཧཱ། ཏདྱ་ཐཱ། ཨཉྩནི་ཀླུ་ནི། ཤི་ཤི་དྷ་རི། ཧ་ཧ་ཧི་ཧི། ཀུ་རུ་ཝཱ་རེ་སྭཱ་ཧཱ། ཞེས་དང་། དབྱངས་གསལ་རྟེན་སྙིང་། ས་ཡི་ལྷ་མོ་འཁོར་དང་བཅས། །རྟེན་འདིར་བརྟན་པར་བཞུགས་ནས་ཀྱང་། །ཆར་ཆུ་དུས་བབས་ལོ་ཕྱུགས་ལེགས། །ས་བཅུད་འཕེལ་བའི་བཀྲ་ཤིས་སྩོལ། །སུ་པྲ་ཏིཥྛ་སོགས་སྦྲེལ་བ་བཅས་གཞུག །ཁ་དར་རས་དཀར་པོའམ་སེར་པོས་བཅད་དོ། ༈ །དཔལ་ཆེན་མོའི་གཏེར་བུམ་སེར་པོ་ནོར་བུས་མཚན་པའི་པདྨ་དང་འབྲས་སྙེ་དང་གཏེར་བུམ་གྱིས་མཚན་པའི་ནང་དུ། དཔལ་ཅན་གྱི་རྫས་རིན་ཆེན་འབྲུ་སྨན་དར་གོས་ཟས་ནོར་གྱི་ཕུད་འབྱོར་ཚད་གཙང་མས་གཏམས་པའི་དབུས་སུ། བྲིས་འབུར་གང་རིགས་ཀྱིས་དཔལ་ཆེན་མོ་ལྗང་གུ་སྒེག་བཞད་ཀྱི་ཉམས། གཡས་མཆོག་སྦྱིན་གྱིས་ནོར་བུས་མཚན་པའི་པདྨ། གཡོན་སྐྱབས་སྦྱིན། གདན་པད་ཟླ་སེང་གེ །ཞབས་བཙུན་མོ་རོལ་སྟབས་སམ། ཡང་ན་གསེར་མདོག །གཡས་འབྲས་སྙེ། གཡོན་གཏེར་བུམ། གདན་པདྨ་དང་གཏེར་བུམ་སྟེང་དུ་ཞབས་གར་སྟབས་ཀྱིས་བཞེངས་པ། གཉིས་ཀའང་དར་དང་རིན་པོ་ཆེའི་རྒྱན་ཅན་དང་། རྒྱ་ཤོག་ལ་གསེར་གྱིས། ཨོཾ་ཀ་མ་ལ་བཱ་སི་ནི། ཀ་མ་ལེ། མ་ཧཱ་ལ་ཀྐི་རཱ་ཛྷི་མེ། བ་སུ་ནཱ་ནཱ་ཁ་དྷེ་སརྦ་སིདྡྷི། དེ་ཧི་དེ་ཧི་བ་ར་དེ་སྭཱ་

― JKT021_Page_0233 ―

^{[མ་དཔེ་གཟིགས་ན་འདིར་གནོན།]}

[Full Size]

ཧཱ། ཏདྱ་ཐཱ། ཛི་ནི་གྲི། སརྦ་ཨ་ཀརླུ་སིདྡྷ་ནི། སི་སི་མི། སི་ལི་སི། ནི་མི་ནི་མི། ཨཱ་ལཀྵ་ཡཱ་མེ། ན་ཤ་ཡེ་སྭཱ་ཧཱ། དབྱངས་གསལ་རྟེན་སྙིང་། འདོད་རྒུའི་ཆར་འབེབས་དཔལ་ལྷ་མོ་། །འཁོར་བཅས་རྟེན་འདིར་རྟག་བཞུགས་ནས། །སྲིད་ཞིའི་ཕྱུ་གཡང་འདུ་བ་དང་། །དགེ་ལེགས་འཕེལ་བའི་བཀྲ་ཤིས་སྩོལ། །སུ་པྲ་ཏིཥྛ་སོགས་སྦྲེལ་བ་བྲིས་པའི་ཤོག་དྲིལ་གཞུག །ཁ་དར་རས་སེར་པོས་བཅད་དོ། ༈ །ཚོགས་བདག་དམར་ཆེན་གྱི་གཏེར་བུམ་དམར་པོ་ནོར་བུ་གཾ་གིས་མཚན་པའི་ནང་དུ། བུམ་རྫས་ཉེར་ལྔ་དང་། ཟས་སྣ། དར་ཟབ་སོགས་ཀྱིས་བཀང་བའི་དབུས་སུ། འཁོར་ལོ་རྒྱ་ཤོག་ལ་གསེར་རམ་མཚལ་གྱིས་རྩིབས་བརྒྱད་ལྟེ་བ་མུ་ཁྱུད་དང་བཅས་པའི་དབུས་སུ། ག དེའི་མདུན་ནས་བརྩམས་ཏེ་གཡས་བསྐོར་དུ། ཨོཾ་མ་མ་ས་པ་རི་ཝཱ་རཱ་ཎཱ་སརྦ་ཨཱ་ཡུར་པུཎྱ་ཤྲཱི་བྷ་ཏི་དྷ་ན་པུཊྚི་ཀུ་རུ་ཨོཾ། སརྦ་ཏྲི་ལོ་ཀཱ་ནཱི་སུ་ཐེ་ཡོཤྲཱི་བྷ་ཏི་ཝཱ་ཤཾ་ཀུ་རུ་ཧོ། ཞེས་བྲི། རྩིབས་བརྒྱད་ལ། ག རེ་རེ་རྩིབས་མཆན་བརྒྱད་ལ་ཕྲེང་བྲིས་ཀྱིས། ཨོཾ་གགསིདྡྷི་སརྦ་ཨརྦ་མེ་པྲ་སཱདྷ་ཡ་བྷིཀྵ་བཱ་སུ་བྷྱོ་ག་སརྦ་ཝཱ་ཤཾ་ཀུ་རུ་ཧཱུྃ་ཧཱུྃ་ཛཛསྭཱ་ཧཱ། ཞེས་བྲི། དེའི་ཕྱི་རོལ་གྱི་མུ་ཁྱུད་ལ། ཡེ་དྷརྨའི་མཐར། མ་མ་ས་པ་རི་ཝཱ་ར་སོགས་གོང་ལྟར་བྲི། དེའི་རྒྱབ་ཏུ་ནོར་འཛིན་པ་ལྔས་བསྐོར། དེ་ལྟ་

― JKT021_Page_0234 ―

^{[མ་དཔེ་གཟིགས་ན་འདིར་གནོན།]}

[Full Size]

བུའི་འཁོར་ལོ་གཉིས་ལ་དྲི་བཟང་གིས་བྱུགས། སྦྲང་རྩིས་ཞལ་སྦྱར། ན་བཟའ་སེར་པོས་དྲིལ་ཏེ་གཞུག །སྐུ་ཡོད་ནའང་འཁོར་ལོའི་རྒྱབ་ཏུ་ཞལ་འཁོར་ལོ་ལ་ཕྱོགས་པས་བཞག །ཁ་གཏེར་བུམ་: སྒྲུབ་པར་རྐུན་ཆེན་གྱི་ལག་པས་བཅད་པར་གསུངས་པ་ལྟར་རམ། ཐུན་མོང་དུ་དར་རས་དམར་སེར་གྱིས་བཅད་ཀྱང་རུང་ངོ་། ༈ །སྭསྟི། སེང་ཁྲིའི་དབུས་སུ་ཛམ་དཀར་འབྲུག་ཞོན་ལྷ་ལྔའི་གའུ། ༡༽ དེའི་གཡས་སུ་མགོན་དཀར་གཏེར་བུམ་དམར་པོ་ཤིང་འབྲས་ཀྱི་དབྱིབས་མདུན་རྟགས་ལྕགས་ཀྱུ་དང་ནོར་སྐྱུགས་ཅན། ༢༽ གཡོན་དུ་གྲྭ་པའི་ཛ་དམར་གྱི་གཏེར་བུམ་དམར་པོ་མདུན་རྟགས་ནོར་བུ་དང་ལྕགས་ཀྱུ་ཡོད་པ་འདིའི་སྟེང་དུ་ཐོད་པ་བཞག ༣༽ །མཐའ་སྐོར་ཤར་དུ་ཁ་ཆེ་པཎ་ཆེན་ལུགས་ཀྱི་ཛཾ་ནག་གི་གཏེར་བུམ་མཐིང་ག་ཐོད་ཁྲག་དང་། ནོར་སྐྱུགས་ཀྱིས་མཚན་པ། ༤༽ དེའི་སྟེང་དུ་ཛཾ་དཀར་གཏེར་བུམ་དངུལ་ཤོག་རྩི་ཅན། ༥༽ གཡས་སུ་ཇོ་སེར་གྱི་གཏེར་བུམ་སེར་པོ་བཱི་ཛ་པཱུ་ར་ཀ་དང་། ནོར་སྐྱུགས་ཀྱིས་མཚན་པ། ༦༽ གཡོན་དུ་དུས་འཁོར་ལུགས་ཀྱི་ཛམྦྷ་ལ་ལྗང་གུའི་གཏེར་བུམ་ལྗང་སེར་བཱི་ཛ་པཱུ་ར་ཀ་དང་། ནོར་སྐྱུགས་ཀྱིས་མཚན་པ། ༧༽ ལྷོར་ནོར་རྒྱུན་མ་དང་ཛམྦྷ་ལ་དགུའི་གཏེར་བུམ་སེར་པོ་བཱི་ཛ་པུ་ར་ཀ་དང་ནོར་སྐྱུགས་ཀྱིས་མཚན་པ། ༨༽ ནུབ་ཏུ་སེངྒེ་

― JKT021_Page_0235 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲའི་སྒོ་ནས་བསྒྲུབས་པའི་ཀླུ་བུམ་དཀར་པོ་ཚྭ་ཀྱིས་མཚན་པ། ༩༽ དེའི་གཡས་སུ་ཕུར་པ་ཡང་གསང་བླ་མེད་ཀྱི་ས་དཔྱད་ལས་བྱུང་བའི་ཀླུ་ནོར་རྒྱས་ཀྱི་རྟེན་དང་། ནཱ་ག་སྤྱི་བཅོས་ཀྱི་བཅའ་གཞི་ཟུང་འབྲེལ་གྱི་གཏེར་བུམ་དཀར་པོ་ཧཱུྃ་གྱིས་མཚན་པ། ༡༠༽ གཡོན་དུ་སྟག་ཤམ་སེང་གདོང་ལས་ཚོགས་བརྟན་མའི་གཏེར་བུམ་དང་། རི་དབང་སྤྱི་བཅོས་ཟུང་འབྲེལ་སེར་པོ་ཧཱུྃ་གྱིས་མཚན་པའི་བུམ་པ་ཅན་གཉིས་ཀ་དགའ་འཁྱིལ་གྱི་རི་མོ་བཀྲ་བ། ༡༡༽ བྱང་དུ་རྣམ་སྲས་སེར་ཆེན་གཏེར་བུམ་རྒྱལ་མཚན་དང་། ནེའུ་ལེས་མཚན་པ། ༡༢༽ ཤར་ལྷོར་ས་སྙིང་བུམ་གཏེར་དཀར་པོ་བུམ་པ་1 མདུན་དུ་ཀྱི་ཡོད་པའི་རྟགས་བརྒྱད་ཀྱིས་མཚན་པ། ༡༣༽ ལྷོ་ནུབ་ཏུ་རྒྱུད་སྡེ་སྤྱིའི་ལུགས་ཀྱི་བརྟན་མའི་བུམ་གཏེར་སེར་པོ་བུམ་པ་སོགས་རྟགས་བརྒྱད་ཀྱིས་མཚན་པ་མདུན་རྟགས་བི་ཡོད་པ། ༡༤༽ བྱང་ཤར་དུ་དཔལ་ཆེན་མོའི་བུམ་པ་སེར་པོ་འབྲས་སྙེ་ནེའུ་ལེས་མཚན་པ། ༡༥༽ ནུབ་བྱང་དུ་ཚོགས་བདག་གི་གཏེར་བུམ་དམར་པོ་ནོར་བུ་དང་གཾ་གིས་མཚན་པ་བཅས་སོ། ༡༦༽ མངྒ་ལཾ། ༈ །ཨོཾ་སཱསྟི་ས་བཅུད་གསོ་བའི་བུམ་གཏེར་ཆེན་མོར། ཐོག་མར་མཐིལ་དུ་བཀྲ་ཤིས་པའི་ས་ཆུ་ཤིང་སྣ་དེ་རྣམས་ཀྱི་རིལ་བུ། ཞིང་ས་ཆེན་པོ་དགུའི་ས་སྣ། ཕྱུགས་པོ་ཆེན་པོ་དགུའི་ཁང་ས། ཁྲབ་བྱང་།

― JKT021_Page_0236 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས་པའི་སྦྱིན་བསྲེག་གི་ཐལ་བ། དཀྱིལ་འཁོར་མང་པོའི་རྡུལ་ཚོན་རྣམས་བཀྲམ། དེའི་སྟེང་དུ་གནོད་སྦྱིན་འཁོར་ལོ་ཆེ་ཆུང་། དབུས་སུ་སྲོག་ཤིང་། ཕྱོགས་མཚམས་སུ་གཟུང་གཞུག་བསྡུས་པ་འདྲ་མིན། གཟུངས་ཆེན་སྡེ་ལྔ། རྒྱབ་ཏུ་མགོན་དཀར། རྩེར་ཐུབ་སྐུ། དེ་འོག་ཀླུ་དབང་སྐུ། དེའི་མདུན་ཐད་ཙམ་དུ་རབ་འབར་བརྒྱུད། ཐིག་ལེ་བརྒྱ་པ། གྲོང་ཁྱེར་སྤྲོལ་འཁོར། ཡུལ་འཁོར་སྲུང་བ། སོར་འབྲང་མ། ནོར་རྒྱུན་མ། གླང་པོ་ཆེ་སྟོབས་བསྐྱེད་རྣམས་རིམ་པར། བརྟན་མའི་སྐུ། ཕྱོགས་བཞིར་ནོར་བུམ་གྱི་གཟུངས་རེ་རེ། མདུན་དུ་སྙིང་གཏེར་གྱི་གཟུངས། དེ་མདུན་སྙིང་ཞོ་སོགས་སྙིང་གཏེར་གྱི་རྫས། གཡང་རྫས་རིགས་དར་སེར་ཐུམ་རེ། ཕྱོགས་མཚམས་ཀུན་ཏུ་དཀར་གསུམ། མངར་གསུམ། རིན་པོ་ཆེ་ཕྱོགས་བསྡུས་དང་། སོ་སོ་ལེ་ཚན། དར་ཟབ་སྣེ་ཚང་། ཨ་རུ་གསེར་མདོག་རེ་རེ། སྨན་སྣ། ཤིང་ཏོག །འབྲུ་སྣ། བུམ་རྫས་ཉེར་ལྔ། །བར་ཨཊྛི་ཥའི་བདུག་རྫས་ཤིང་ཏོག །ཤིང་ཏོག་སྣ་ཚོགས་སོགས་ཀྱིས་གཏམས་ཤིང་། ཁ་གཅོད་སོགས་ནོར་བུམ་ལྟར་བགྱིས་པའོ། ༈ །སྲོག་ཤིང་རྩེར། ཧཱུྃ། དེ་འོག་ཤར་ནས། ཨོཾ་ཧཱུྃ་ཧཱུྃ་ཨཱ རྩ་བར། ཨེ་དེ་འོག་ཤར་ནས། ལཾ་ཁཾ་རཾ་ཡཾ་རིགས་ལྔའི་བུམ་པའི་གཟུངས། གཞི་དཀར་པོ་ལ། ཨོཾ་ཨཱཛི་ན་ཛིཀྲ་

― JKT021_Page_0237 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་ཧཱུཾ། བཅོམ་ལྡན་འདས་རྣམ་པར་སྣང་མཛད་འཁོར་དབུས་ཕྱོགས་ཀྱི་ཞིང་རབ་འབྱམས་རྒྱ་མཚོའི་རྡུལ་གྱི་གྲངས་དང་མཉམ་པའི་སངས་རྒྱས་དང་བྱང་ཆུབ་སེམས་དཔའ་སྲས་དང་སློབ་མར་བཅས་པ་ཁྱེད་རྣམས་ཀྱིས་ཡུལ་ཕྱོགས་འདི་རྣམས་དང་། སྦྱིན་པའི་བདག་པོ་འཁོར་དང་བཅས་པ་རྣམས་ཀྱི་ནད་གདོན་སྡིག་སྒྲིབ་བར་ཆད་མི་མཐུན་པའི་ཕྱོགས་ཐམས་ཅད་ཞི་བར་མཛད་དུ་གསོལ། ཚེ་དང་བསོད་ནམས་དཔལ་དང་འབྱོར་པ་ཕུན་སུམ་ཚོགས་པ་ཐམས་ཅད་རྒྱས་པར་མཛད་དུ་གསོལ། འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་མ་ལུས་པ་སྩལ་ཞིང་བརྟན་པར་མཛད་དུ་གསོལ། ཁྱད་པར་རྡོ་རྗེ་སྐུའི་དངོས་གྲུབ་ཐོབ་ཅིང་ཚེ་དབང་ཕུན་སུམ་ཚོགས་པའི་སྐལ་བ་དང་ལྡན་པར་མཛད་དུ་གསོལ། །ལས་བཞི་ལྷུན་གྱིས་གྲུབ་པའི་ཕྲིན་ལས་རབ་འབྱམས་ཐམས་ཅད་བདེ་བླག་ཏུ་འགྲུབ་པར་མཛད་དུ་གསོལ། རྣམ་པར་སྣང་མཛད་ཡེ་ཤེས་དམ་པ་སོགས་དང་། ༀ་སུ་པྲ་ཏིཥྛ་བཛྲ་ཡ་སྭཱ་ཧཱ། ༈ །མཐིང་ཀ་ལ། ཨོཾ་ཨཱབཛྲ་དྷི་ཀྲ་ཧཱུཾ་བྷྱོ། བཅོམ་ལྡན་འདས་རྡོ་རྗེ་སེམས་དཔའ་འཁོར་ཤར་ཕྱོགས་ཀྱི་སོགས། ཁྱད་པར་ཐུགས་ཡེ་ཤེས་ཀྱི་དངོས་གྲུབ་ཐོབ་ཅིང་ཚེ་དབང་སོགས། ཞི་བའི་ལས་རབ་འབྱམས་སོགས། མི་འཁྲུགས་རྒྱལ་པོ་སོགས་བྲི། ༈ །སེར་པོ་ལ། ཨོཾ་ཨཱརནྟ་

― JKT021_Page_0238 ―

^{[མ་དཔེ་གཟིགས་ན་འདིར་གནོན།]}

[Full Size]

ཧྥ་ཀྲ་སྭཱ་ཧཱུཾ། བཅོམ་ལྡན་འདས་རིན་ཆེན་འབྱུང་ལྡན་འཁོར་ལྷོ་ཕྱོགས་ཀྱི་སོགས། ཁྱད་པར་ཡོན་ཏན་མཐར་ཕྱིན་པའི་དངོས་གྲུབ༔ རྒྱས་པའི་ལས༴ སངས་རྒྱས་ཡོན་ཏན་སོགས། ༈ །དམར་པོ་ལ། ཨོཾ་ཨཱཨ་རོ་ལིཀྲ་ཨཱཿཧཱུཾ། བཅོམ་ལྡན་འདས་སྣང་བ་མཐའ་ཡས་འཁོར་ནུབ་ཕྱོགས་ཀྱཻ། ཁྱད་པར་རྡོ་རྗེ་གསུང་གི་དངོས་གྲུབ༔ དབང་གི་ལས༴ བསམ་གཏན་ཏིང་འཛིན་སོགས། ༈ །ལྗང་གུ་ལ། ཨ་ཨཱཎཔྲཛྙཱ་དྷཱིཀ་ཧཱ་ཧཱུྃ། བཅོམ་ལྡན་འདས་དོན་ཡོད་གྲུབ་པ་འཁོར་བྱང་ཕྱོགས་ཀྱཻ། ཁྱད་པར་ཕྲིན་ལས་མཐར་ཕྱིན་པའི་དངོས་གྲུབ༔ དྲག་པོའི་ལས༔ སེམས་ཅན་དོན་གྱི་ལས་ལ་སོགས་བྲིའོ། ༈ །དཔའ་བོ་གཅིག་གྲུབ་ལས་གསུངས་པའི་ཀུ་རུ་ཀུལླེའི་འཁོར་ལོ་ལ། མུ་ཁྱུད་བཞི་པའི་ལྟེ་བར་ཧི དེའི་མདུན་ནས་བརྩམས་ཏེ། ཨོཾ་ཀུ་རུ་ཀུལླེ་དྷ་ར་ཀོ་ཎ་སརྦ་ཤཱན་ཧྥ་བྷ་ཝ་ལགྷོ་ཝ་ཤཾ་ཀུ་རུ་སྭཱ་ཧཱ། མུ་ཁྱུད་དང་པོ་ལ་པད་འདབ་བཅུ་དྲུག །པད་འདབ་རེ་རེའི་ཕྱོགས་བཞིར་ཀུ་རུ་ཀུལླེ། འབྲུ་རེ། དབུས་སུ། སརྦ་ཤཱན་ཧྥ་བྷ་ཝ་ལཀྵ། དེའི་ཕྱི་རིམ་གྱི་མུ་ཁྱུད་གསུམ་ག་ལ། ཨོཾ་མགོ་བོ་ཕྱིར་བསྟན་པ་ཁོ་ན་བྲི། དེ་རྒྱབ་རྡོ་ར་མེ་རི་མཛེས་ཚོན་ཙམ་བྲི། ཀུ རུ ལྕེ ཀུ སརྦ་ལཀྵི། ༈ །གུ་རུ་རྒྱལ་བའི་གདུང་འཛིན་གྱི་ཐོད་སྒྲུབ་འཁོར་ལོ་ལ། བྲི་གཞི་དམར་པོ། འཁོར་ལོ་རྩིབས་བཞི་མུ་ཁྱུད་

― JKT021_Page_0239 ―

^{[མ་དཔེ་གཟིགས་ན་འདིར་གནོན།]}

[Full Size]

དང་བཅས་པ་ལྟེ་བར། ཧྲཱིཿའི་གི་གུ་ནས་བརྩམས་ཏེ། ཨོཾ་ཨཱཿཧཱུྃ་བཛྲ་གུ་རུ་པདྨ་རཱ་ཛ་ཨ་ཀྲྀ་ཏྲི་ཛཛསརྦ་སིདྡྷི་ཕ་ལ་ཧཱུྃ༔ རཏྣ་ཀ་པཱ་ལ་སརྦ་སིདྡྷི་ཧཱུྃ༔ རྩིབས་བཞི་ལ་ཤར་དུ། ཧཱ་བཛྲ་དྷཱ་ཀི་ནཱི་སརྦ་དེ་ཝ་བཱ་ཤཾ་ཀུ་རུ་ཛཿ རཏྣ་ཀ་པཱ་སོགས། ལྷོར། རི་རཏྣ་དྷཱ་ཀི་ནཱི་སརྦ་བཱ་སུ་པཱ་ཤཾ་ཀུ་རུ་ཧཱུྃ༔ རན་ཀཱ་སོགས། ནུབ་ཏུ། ནཱི་པདྨ་དྷཱ་ཀི་ནཱི་སརྦ་ནཱ་ག་པཱ་ཤཾ་ཀུ་རུ་པཾ༔ རཏྣ་ཀ་པཱ་སོགས། བྱང་དུ། ས་ཀརྨ་དྷཱ་ཀི་ནཱི་སརྦ་ཧྲ་པཱ་ཤཾ་ཀུ་རུ་ཧོ༔ རཏྣ་ཀ་པཱ་སོགས། དེའི་ཕྱི་རོལ་གྱི་མུ་ཁྱུད་ལ། ཨོཾ་དྷིཥཱ་རབྷཱ་ཡ་སྭཱ་ཧཱ༔ ཨོཾ་བེ་རུ་ཌྷ་ཀཱ་ཡ་སྭཱ་ཧཱ༔ ཨོཾ་བི་རཱུ་པཀཱ་ཡ་སྭཱ་ཧཱ། ཨོཾ་བཻ་ཤྲ་མ་ཎཱ་ཡ་སྭཱ་ཧཱ༔ རཀྟ་ཀ་པཱ་ཡསོགས། རང་བྱུང་དབང་གི་ནོར་བུ་ནི༔ རིན་ཆེན་བྷནྡྷའི་གཞལ་ཡས་སུ༔ དཀྱིལ་འཁོར་ལྷ་ཚོགས་རྟག་བཞུགས་ནས༔ འདོད་དགུ་དབང་སྡུད་དངོས་གྲུབ་སྩོལ༔ ཤོང་ན། འབད་དང་རྩོལ་བས་མ་གོས་སོགས། གང་ལྟར་ཡང་། སརྦ་དཱ་མངྒ་ལཾ་བྷ་བ་ཏུ། ༀ་སུ་པྲ་ཏིཥྛསོགས། དེ་རྒྱབ་ནོར་ཕྲེང་དང་། ནོར་འཛིན་པ་ཏྲ་མཛེས་ཚོན་བྲི། ༈ །ཚེ་བུམ་གཟུངས་གཞུག་ལ། རྒྱ་ཤོག་དམར་པོར་གསེར་གྱིས། ཨོཾ་ཨ་མཱ་ར་ཎི་ཛཱི་བནྟི་ཡེ་སྭཱ་ཧཱ། ཨོཾ་གུ་རུ་ཨཱ་ཡུ༔སིདྡྷི་ཧཱུྃ་ཧྲཱིཿ་ཨ་མཱ་ར་ཎི་ཛི་བནྟི་ཡེ་སྭཱ་ཧཱ། ཚེ་ཧཱུཾ། གཡུ་བྷྱོཿ གཡུ་ཚེ་ཧཱུཾ། ཨ་ཡུཛྙཱ་ན་གཡུ་ཚེ་ཧཱུཾ། ཨོཾ་ཨཱཿཧཱུྃ་ཧཱུྃ་ཧཱུྃ་བཛྲ་གུ་རུ་པདྨ་སིདྡྷི་པུཎྱ་ཛྙཱ་

― JKT021_Page_0240 ―

^{[མ་དཔེ་གཟིགས་ན་འདིར་གནོན།]}

[Full Size]

ན་ཨཱ་ཡུར་སིདྡྷི་ཧཱུྃ་ཛཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཨཱ་ཡུཥ་ཧཱུྃ་ཧཱུྃ་ཛཿ ཨོཾ་ཨ་མཱ་ར་ཎི་ཛཱི་བནྟི་གུ་རུ་པདྨ་ཀྲོ་དྷ་པུཎྱ་ཛྙཱ་ན་ཨཱ་ཡུར་སིདྡྷི་ཧཱུྃཧྲཱིཿཧྲཱིཿ ཨོཾ་བུདྡྷ་ཨཱ་ཡུཛྙཱ་ན་ཚེ་བྷཱ་ཨོ༔ ཨོཾ་པདྨ་ཨཱ་ཡུཛྙཱ་ན་ཚེ་ཧཱུཾ་ཧྲཱིཿ ཨོཾ་བཛྲ༔ ཧཱུྃ༔ ཨོཾ་རཏྣ༔ ཏྭཾ༔ ཨོཾ་ཀརྨ༔ ཨཱ དཔོན་སློབ་མི་འབྲལ་ལྷན་ཅིག་འགྲོགས། །སྐུ་ཚེ་མི་འགྱུར་སྲ་ཞིང་བརྟན། །ཇ་བཟང་བཞེས་སྤྲོ་རྒྱུན་མི་འཆད། །སྐྱིད་ལ་ཆོས་འཕེལ་བཀྲ་ཤིས་ཤོག །ཡེ་དྷ་རྨ་དང་ཨོཾ་སུ་པྲ་ཏིཥྛ་བཛྲ་ཡ་སྭཱ་ཧཱ། སརྦ་དཱ་མངྒ་ལཾ་བྷ་བ་ཏུ། ༈ །བྲིས་སྐུའི་རིགས་ལ། ཐོག་མར་སྐྱ་རིས་བཏབ། དེ་ནས་གནས་ཡིག་དང་། སྔགས་ཕྲེང་རྒྱས་པར་བྲི། དེ་སྟེང་ཚོན་གྱིས་མནན་དགོས་པར་གསུངས་ཀྱང་། དེང་སང་དེ་ལྟར་ལག་ལེན་བྱེད་པ་ཉུང་བས་རྗེས་མཐུན་རྒྱབ་གཟུངས་འབྲི་བའི་ཚུལ་ནི། །བྲིས་སྐུའི་རྒྱབ་ལོག་སྤྱི་བོའི་སྨིན་མཚམས་ཀྱི་ཐད་དུ། ཨོཾ་མགྲིན་པའི་ཐད་དུ། ཨཱཿ ཐུགས་ཀའི་ཐད་དུ། ཧཱུྃ། དེའི་འོག་ནས་རང་རང་གི་གཟུངས་དང་སྙིང་པོ་སོགས་བྲི་སྟེ། ཐུབ་སྐུ་ལྟ་བུ་ལ། ཨོཾ་ན་མོ་བྷ་ག་ཝ་ཏེ་ཤཱཀྱ་མུ་ན་ཡེ་ཏ་ཐཱ་ག་ཏཱ་ཡ། ཨདྷ་ཏེ་སམྱཀཾ་བུདྡྷཱ་ཡ། _ཏདྱ་ཐཱ། ཨོཾ་མུ་ནི་མུ་ནི་མ་ཧཱ་མུ་ན་ཡེ་སྭཱ་ཧཱ། ཞེས་ཚང་བའམ། ཏདྱ་ཐཱ། མན་ཆད་བྲིས་ཀྱང་རུང་ལ། སྤྲོ་ན་དེ་བཞིན་གཤེགས་པའི་ཡི་གེ་བརྒྱ་པ་འབྲི་བར་བྱ་སྟེ། དེ་ཡང་། ན་མ་སྦེ་ཡ་དྷཱི་ཀཱ་ནཱཾ།

― JKT021_Page_0241 ―

^{[མ་དཔེ་གཟིགས་ན་འདིར་གནོན།]}

[Full Size]

སརྦ་ཏ་ཐཱ་ག་ཏཱ་ནཱཾ། སརྦ་ཏྲ་ཨ་པྲ་ཏི་ཧ་ཏ་བསྟི་དྷརྨ་ཏཱ་བཱ་ལི་ནཱཾ། ཨོཾ་ཨ་ས་མ་ས་མས་མནོ་ཨཱ་ནནྡ་བསྟི་ཤཱ་ས་ནཾ་ཧ་ར་ཧ་ར། སྨར་སྨར་ཎ་བི་ག་ཏ་རཱ་ག་བུདྡྷ་དྷརྨ་ཏེ་སཱ་ར་སཱ་ར། ས་མ་པཱ་ལ། །ཧ་ས་ཧ་ས། ཏཱ་ཡ་ཏཱ་ཡ། ག་ག་ན། མ་ཧཱ་པ་ར་ལཀྵ་ཎ། ཛཱ་ལ་ཛཱ་ལ་ན་སཱ་ག་རེ་སྭཱ་ཧཱ། ཞེས་སོ། དེ་བཞིན་གཤེགས་པ་སྤྱིའི་སྙིང་པོ། ན་མཿསརྦ་ཏ་ཐཱ་ག་ཏ་ཧྲཱིཿ་ད་ཡ། ཨ་ནུ་ག་ཏེ་ༀ་ཀུ་རུཾ་གི་ནི་སྭཱ་ཧཱ། ཞེས་པའང་བྲི། དེའི་མཐར་ཡེ་དྷརྨ་དང་། ཨོཾ་སརྦ་བིདྱ་སྭཱ་ཧཱ། ཨོཾ་བཛྲ་ཨཱ་ཡུ་ཥེ་སྭཱ་ཧཱ། ཨོཾ་སུ་པྲ་ཏིཥྛ་བཛྲ་ཡ་སྭཱ་ཧཱ། ཞེས་བྲིའོ། །འབྲི་རྫས་ནི་གསེར། མཚལ། གུར་གུམ་རྣམས་གང་འབྱོར་ལ་བྱིན་རྟེན་སེལ་མེད་ཀྱི་རིགས་དང་། ཁྱད་པར་བླ་མ་གོང་མའི་གདུང་རུས་དང་། ཤངས་མཚལ་སོགས་ཅུང་ཟད་བསྲེས་པས་བྲིས་ན་མཆོག་ཏུ་འགྱུར་རོ། ༈ །ཨོཾ་སྭསྟི། གུ་རུ་རིན་པོ་ཆེ་ཆོས་ཀྱི་དབང་ཕྱུག་གི་གཏེར་བྱོན་སྲོག་ཤིང་བརྟན་པའི་འཁོར་ལོ་བྲི་ཚུལ། བྲི་གཞི་ཁྲུ་གང་གསུངས་པ་ཕྱར་ཁྲུ་གང་ལས་མི་ཆུང་བ་ལ་སྔགས་ཤོང་ན་དང་། དེ་མིན་ཆེ་ནའང་འགལ་བ་མེད་པས་སྐབས་བསྟུན། གང་ལྟར་ཡང་ལྟེ་བ་དང་བཅས་པའི་མུ་ཁྱུད་བཅུ་གསུམ་པར་དབུས་སུ་ལྔ་གླིང་ཞེས་ལྟེ་བ་ཟླུམ་པོར་བསྐོར་བའི་དབུས་སུ་ཟླུམ་པོ་ལ། མཚམས་བཞིར་ཐིག་གིས་བཅད་པའི་དབུས་སུ། ཧཱུྃ་བཛྲ་དྷཱི་ཀ །

― JKT021_Page_0242 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུཾ་དྷཱ་ཏཱི་ཤྭ་རི། ཤར་དུ། ཨོཾ་ཛི་ན་ཛིཀ །ལྭ་དེ་ཥ་ར་ཏི། ལྷོར། སཱ་རཏཱ་དྷཱིཀྲ ཚྭ་མོ་ཧ་ར་ཏཱི། ནུབ་ཏུ། ཨོཾ་ཨ་རོ་ལིཀྲ །རྀ་རཱ་ག་རཱ་ཏཱི། བྱང་དུ། ཧཱ་པྲ་ཛྙཱ་དྷིཀྲ །ཏྭཾ་བཛྲ་རཱ་ཏི། དེའི་གོང་རས་ཀྱི་མུ་ཁྱུད་ཆུང་ངུ་ལ། ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་རྩ་གསུམ་རྒྱལ་བ་རབ་འབྱམས་ཀྱིས་བཀྲ་ཤིས་པའི་གཙུག་ལག་ཁང་རྟེན་དང་བརྟེན་པར་བཅས་པ་དང་། བདག་ཅག་༧དཔོན་སློབ་ཡོན་མཆོད་འཁོར་དང་བཅས་པ་ལ་རཀྵ་རཀྵ༔ མུ་ཁྱུད་དང་པོ་ལ། ཕྱོགས་མཚམས་བརྒྱད་དུ་རྡོ་རྗེ་རྩེ་ལྔ་པ་ཆུར་རྒྱུགས་ཀྱི་ལྟེ་བར་ཧཱུྃ། མུ་ཁྱུད་གཉིས་པ་ལ། འཁོར་ལོ་རྩིབས་བརྒྱད། །རྩིབས་རེ་རེ་བཞིན་ཕྲེང་བྲིས་ཀྱིས། ཨོཾ་ཨ་མཱ་ར་ཎི་ཛཱི་བནྟི་ཡེ་སྭཱ་ཧཱ། ཨོཾ་བཛྲ་ཨཱ་ཡུ་ཥེ་སྭཱ་ཧཱ། དེའི་གོང་རས་མུ་ཁྱུད་ཆུང་ངུ་ལ་རྟ་མགྲིན་གྱི་ཟིལ་གནོན་ཁྲོ་ཆེན་བརྒྱད་ཡབ་ཡུམ་གྱི་སྔགས། ཨོཾ་པདྨ་ཀྲོ་དྷ་ཧ་ན་ཧ་ན་ཧཱུྃ་ཕཊ། ཨོཾ་གུ་ཧྱ་ཀྲོངྷི་ཧཱུཾ། ཨོཾ་པདྨ་ཀྲོ་དྷ་ད་ཧ་ད་ཧ་ཧཱུྃ་ཕཊ། ༀ་ཛྷཱ་ན་ཀྲོ་དྷི་ཧཱུྃ། ཨོཾ་པདྨ་ཀྲོ་དྷ་པ་ཙ་པ་ཙ་ཧཱུྃ་ཕཊ། ཨོཾ་རཱ་ག་ཀྲོ་དྷི་ཧཱུྃ། ཨོཾ་པདྨ་ཀྲོ་དྷ་བྷིནྡྷ་བྷིནྡྷ་ཧཱུྃ་ཕཊ༔ ཨོཾ་ཙིཏྟ་ཀྲོ་དྷི་ཧཱུཾ། ཨོཾ་པདྨ་ཀྲོ་དྷ་བྷནྡྷ་བྷནྡྷ་ཧཱུྃ་ཕཊ། ཨོཾ་བཛྲ་ཀྲོ་དྷི་ཧཱུྃ། ཨོཾ་པདྨ་ཀྲོ་དྷ་ཚིནྡྷ་ཚིནྡྷ་ཧཱུྃ་ཕཊ། ཨོཾ་ཡ་མ་ཀྲོ་དྷི་ཧཱུཾ། ཨོཾ་པདྨ་ཀྲོ་དྷཱ་གརྫ་གརྫ་ཧཱུྃ་ཕཊ། ཨོཾ་ནཱ་ག་ཀྲོ་དྷི་ཧཱུྃ། ཨོཾ་པདྨ་ཀྲོ་དྷ་སྤོ་ཊ་སྤོ་ཊ་ཧཱུྃ་ཕཊ། ཨོཾ་ཡགློ་

― JKT021_Page_0243 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྲོ་དྷི་ཧཱུཾ། མུ་ཁྱུད་གསུམ་པ་ལ། རྟེན་འབྲེལ་སྙིང་པོ་དང་། ཨོཾ་བོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷཱ་ཏུ་ཨཱ༔ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུཾ། ཡི་དམ་ཞི་ཁྲོ་རབ་འབྱམས་ཀྱིས་བཀྲ་ཤིས་བའི་གཙུག་ལག་ཁང་སོགས་གོང་ལྟར། མུ་ཁྱུད་བཞི་པ་ལ། རིན་ཆེན་ཟུར་བརྒྱད། རེ་རེ་བཞིན་ཕྲེང་བྲིས་ཀྱིས། ཨོཾ་ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷཿསརྦ་ཐཱ་ཁཾ་ཨུངྒ་ཏེ་སྥ་ར་ཎ་ཨི་མཾ་ག་ག་ན་ཁཾ་སྭཱ་ཧཱ། ཞེས་ནམ་མཁའ་མཛོད་ཀྱི་སྔགས་ཚར་རེ་རེའམ། ཚར་གསུམ་རེ་བཀོད་ཀྱང་རུང་། དེའི་གོང་རས་ཆེ་བར་བསྐོར་བ་ལ། ཏདྱ་ཐཱ། སྡེ་སྤར་བཀའ་འདུས་རྒྱུད་ལྡེབ། ཨོཾ་ཛ་ཡ་ཛ་ཡ་སོགས། རྒྱལ་མཚན་རྩེ་མོའི་གཟུངས་ཚང་བ། མུ་ཁྱུད་ལྔ་པ་ལ། དབྱངས་གསལ་ཚར་དུ་ཤོང་། མུ་ཁྱུད་དྲུག་པ་ལ། བྱང་ཆུབ་རྒྱན་འབུམ་གཟུངས་རིང་ངམ་གཟུངས་ཐུང་། ཨོཾ་སརྦ་ཏ་ཐཱ་ག་ཏ་བྱ་བ་ལོ་ཀི་ཏེ་སྭཱ་ཧཱ། ༤༢༽ ཛ་ཡ་ཛ་ཡ་སྭཱ་ཧཱ། ཨོཾ་ཧུ་རུ་ཧུ་རུ་ཛ་ཡ་མུ་ཁེ་སྭཱ་ཧཱ། མུ་ཁྱུད་བདུན་པ་པད་འདབ་བཅུ་དྲུག །རེ་རེའི་ནང་དུ་དབྱངས་གསལ་ཚར་རེ། མུ་ཁྱུད་བརྒྱད་པ་ལ་ཡངས་པ་ཅན་གྱི་གྲོང་ཁྱེར་དུ་འཇུག་པའི་གཟུངས་བཀའ་འདུས་མདོ་ལྡེབ། བི་སར་ཏ་སོགས་ནས། ཉིན་དང་མཚན་དུ་ཆོས་ཀྱང་སྤྱོད་གྱུར་ཅིག །ཞེས་པའི་བར་གཟུངས་དང་བཀྲ་ཤིས་ཚིགས་བཅད་ཚང་བའམ། དེ་ཙམ་མི་ཤོང་ན་གཟུངས་ཀྱི་མཐར། བྱང་ཆུབ་སྙིང་

― JKT021_Page_0244 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་སོགས་ཤློ་ཀ་བཞི་ཙམ་དང་། ༡༡༧༽ གཙུག་ཏོར་དྲི་མེད་ཀྱི་གཟུངས་ཐུང་། ཨོཾ་ན་མ་སྦེ་ཡ་དྷཱི་ཀཱ་ནཱཾ། སརྦ་ཏ་ཐཱ་ག་ཏ་ཧྲཱིཿ་ད་ཡ་གནྡྷེ་ཛྭ་ལ་ཛྭ་ལ་དྷརྨ་དྷཱ་ཏུ་གནྡྷེ་སཾ་བྷ་ར་མ་མ་ཨཱ་ཡུསཾ་ཤོ་དྷ་ཡ་མ་མ་སརྦ་པཱ་པཾ་སརྦ་ཏ་ཐཱ་ག་ཏ་ས་མནྟོཊྛིཥ་བིམ་ལེ་བི་ཤུདྡྷ་ཧཱུྃ་ཧཱུྃ་ཧཱུཾ་བྷྱོ། ཨོཾ་བཾ་སཾ་ཛཾ་སྭཱ་ཧཱ། པདྨ་གཙུག་ཏོར་གྱི་སྔགས། ཨོཾ་པདྨོ་ཊཱི་ཥ་བི་མ་ལེ་ཧཱུཾ་ཕཊ། མུ་ཁྱུད་དགུ་པ་ལ། རྣམ་འཇོམས་གཟུངས་དང་། ཨོཾ་ཝཱ་གཱི་ཤྭ་རི་ཧཱུཾ། ཨོཾ་མ་ཎི་པདྨེ་ཧཱུྃ། ཨོཾ་བཛྲ་པ་ཎི་ཧཱུྃ། མུ་ཁྱུད་བཅུ་པ་ལ། བྱ་རྒྱུད་དེ་བཞིན་གཤེགས་པའི་རིགས་ཀྱི་གཙོ་བོ། །དེ་བཞིན་གཤེགས་པའི་ཡི་གེ་བརྒྱ་པ། ཨོཾ་ན་མ་སྦེ་ཡ་དྷཱི་ཀཱ་ནཱཾ། སརྦ་ཏ་ཐཱ་ག་ཏཱ་ནཾ། སརྦ་ཏྲ་ཨ་པྲ་ཏི་ཧ་ཏ་བསྟི་དྷརྨ་ཏ་བ་ལཱི་ནཱཾ། ཨོཾ་ཨ་ས་མ་ས་མནྟ་ཏོ་ཨ་ནན། བཱསྟི་ཤཱ་ས་ནི་ཧ་ར་ཧ་ར་སྨར་སྨར་ཎ་བི་ག་ཏ་རཱ་ག །བུདྡྷ་དྷརྨ་ཏེ་ས་ར་ས་ར། ས་མ་བ་ལ། ཧ་ས་ཧ་ས། ཏྲ་ཡ་ཏྲ་ཡ། ག་ག་ན་མ་ཧཱ་བ་ར་ལཀྵ་ནེ་ཛཱ་ལ་ཛཱ་ལ་ས་ག་རེ་སྭཱ་ཧཱ། ཞེས་དང་། ཏདྱ་ཐཱ། ཨོཾ་མུ་ནི་མུ་ནི་མ་ཧཱ་མུ་ན་ཡེ་སྭཱ་ཧཱ། ཞེས་དང་། སྨན་བླའི་གཟུངས། གསང་བ་རིང་བསྲེལ་གྱི་གཟུངས་ཐུང་། ཨོཾ་སརྦ་ཏ་ཐཱ་ག་ཏོཊྛི་ཥ་དྷ་ཏུ་མུ་དྲྭ་ཎི། སརྦ་ཏ་ཐཱ་ག་ཏ་དྷརྨ་དྷཱ་ཏུ་བི་བྷུ་ཥི་ཏེ་ཨ་དྷིཊྛི་ཏེ་ཧུ་རུ་ཧུ་རུ་ཧཱུྃ་ཧཱུྃ་སྭཱ་ཧཱ། རིགས་ཀྱི་བདག་པོ་འཇམ་དཔལ་དབྱངས་ཀྱི་སྙིང་པོ། །ཨོཾ་བཱ་ཀྱེ་དཾ་ན་མཿ

― JKT021_Page_0245 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་ཨཱ་ར་པ་ཙ་ན་དྷཱི༔ སྤྲོ་ན་ཤེས་རབ་བློ་འཕེལ་གྱི་གཟུངས་བཅས། པདྨའི་རིགས་ཀྱི་གཙོ་བོ་ཚེ་གཟུངས། རིགས་ཀྱི་བདག་པོ་སྤྱན་རས་གཟིགས་བཅུ་གཅིག་ཞལ་གྱི་གཟུངས། སྤྲོ་ན་དོན་ཞགས་གཟུངས་ཐུང་དང་། འཁོར་བ་དོངས་སྤྲུགས་གཟུངས། རྡོ་རྗེའི་རིགས་ཀྱི་བདག་པོ་མི་འཁྲུགས་པའི་གཟུངས། རིགས་ཀྱི་གཙོ་བོ་ཕྱག་རྡོར་གོས་སྔོན་ཅན་གྱི་གཟུངས། ཏདྱ་ཐཱ། བྷྱོ་བྷྱོ་བཀའ་འདུས་རྒྱུད་ལྡེབ། སོགས། སྤྱོད་རྒྱུད་རྣམ་སྣང་མངོན་བྱང་གི་སྔགས། ན་མས་མནྟ་བུདྡྷ་ནཱཾ། ཨ་ས་མ་པ་ཏ་དྷརྨ་དྷཱ་ཏུ་ཀཱརླ་ག་ཏི་ག་ཏཱ་ན། སརྦ་ཐཱ་ཨོཾ་ཁཾ་ཨཾ་ཨ༔ སཾ་ས་ཧཾ་ཧ་རཾ་ར་བཻ་བ་ཧཾ་ཧ་སྭཱ་ཧཱ། རྣལ་འབྱོར་རྒྱུད་རྡོ་རྗེ་དབྱིངས་ཀྱི་སྔགས། ༡༥༤༽ ཨོཾ་བཛྲ་ས་ཏྭ་ཧཱུཾ། ཨོཾ་སརྦ་ཏ་ཐཱ་ག་ཏ་མ་ཧཱ་ཡོ་གི་ཤྭ་ར་ཧཱུཾ། ཞེས་པ་ཙམ་དང་། ཨོཾ་ན་མོ་བྷ་ག་ཝ་ཏེ་སོགས་རྩ་རིག །བླ་མེད་ཕ་རྒྱུད་གསང་འདུས་ཀྱི་རིགས་ལྔ་ཡབ་ཡུམ་གྱི་སྙིང་པོ་གོང་དུ་སོང་བས། ཨོཾ་ཨཱཿཧཱུཾ། ཚར་གྲངས་གང་རིགས། ཕ་རྒྱུད་བདེ་མཆོག་གི །ཨོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧུཾ་ཧཱུྃ་ཕཊ། ཌཱ་ཀི་ནཱི་ཛཱ་ལ་སམྦ་རཾ་སྭཱ་ཧཱ། ཨོཾ་ཧྲཱིཿཧ་ཧ་ཧུཾ་ཧཱུྃ་ཕཊ། ཀྱེ་རྡོ་རྗེའི་སྔགས། ཨོཾ་དེ་ཝ། པི་ཙུ་བཛྲ་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། དུས་ཀྱི་འཁོར་ལོའི་སྔགས། ཨོྃཨཱཿཧཱུྃ་ཧོ སྒྱུ མདོ་དང་སྒྱུ་འཕྲུལ་གཉིས་ཀའི་སྙིང་པོ་བསྡུས་པ། ཨོཾ་ཨཿཧཱུྃ་བོ་དྷི་ཙིཏྟ་མ་ཧཱ་སུ་ཁ་

― JKT021_Page_0246 ―

^{[མ་དཔེ་གཟིགས་ན་འདིར་གནོན།]}

[Full Size]

ཛྷཱ་ན་དྷཱ་ཏུ་ཨཱ༔ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུཾ། བཀའ་བརྒྱད་སྤྱི་བྱེ་བྲག་གི་སྔགས་གང་རིགས། ཡི་གེ་བརྒྱ་པ་རྫོགས་ཆེན་སྙིང་ཏིག་གི་བཏགས་གྲོལ་ལས་འབྱུང་བའི་ཀུན་བཟང་ཡབ་ཡུམ་གྱི་དགོངས་པ་དང་། ཞེན་ཟློག་ཉེར་ལྔ་ཚང་བའམ། དེ་ཙམ་མི་ནུས་ན། ཨོཾ་བཛྲ་ས་ཏཱ་ཨཱཿ ༢ཨཤསམསཿ མ་མ་ཀོ་ལིང་ས་མནྟ། ཞེས་པ་ཙམ་བྲི། མུ་ཁྱུད་བཅུ་གཅིག་པ་ལ། ༡གཙུག་ཏོར་གདུགས་དཀར་གྱི་ཉེ་སྙིང་། ཏདྱ་ཐཱ། ཨོཾ་ཨ་ན་ལེ་ཨ་ན་ལེ། ཁ་ས་མེ་ཁ་ས་མེ། བཻ་རེ་བེ་རེ། སོ་མེ་སོ་མེ། ཤཱ་ཤཱནྟེ། དནྟེ་དནྟེ། བི་ཥ་དེ་བི་ཥ་དེ། བཱི་རི་བི་རི། དེ་བི་བཛྲ་དྷ་རི། བནྡྷ་བནྡྷ་ནི། བཛྲ་པཱ་ནི་ཕཊ། ཨོཾ་ཧཱུྃ་ཧཱུྃ་ཧཱུྃ་བྷྱོ་ཕཊ་སྭཱ་ཧཱ། ཧཱུྃ་ཧཱུྃ་ཧཱུཾ་བནྡྷ་ཕཊ༔ བདག་ལ་སྲུངས་ཤིག་སྭཱ་ཧཱ། ཨོཾ་བཛྲ་པཱ་ཎི་བནྡྷ་བནྡྷ་བཛྲ་པཱ་ཤེ་ན་མ་མ་སརྦ་དུཏྟཾ་བི་ནཱ་ཡ་ཀཾ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། གཙུག་༢ཏོར་རྣམ་རྒྱལ་གཟུངས་ཚང་བའམ། ཨོཾ་ཧཱུཾ་སྭཱ་ཧཱ། ཨོཾ་ཨ་མྲྀ་ཏ་ཨཱ་ཡུརྡ་དེ་སྭཱ་ཧཱ། གཙུག་ཏོར་འབར་བའི་གཟུངས་ན་མསྶ་མནྟ་བུད་དྷ་ནཱཾ། ཨ་པྲ་ཏི་ཧ་ཏ་ཤཱ་ས་ནཱ་ནཱཾ། ཨོཾ་ཁ་ཁ་ཁཱ་ཧི་ཁཱ་ཧི། ཧཱུཾ་ཧཱུཾ་ཛྭ་ལ་ཛྭ་ལ་པྲ་ཛྭ་ལ་པྲ་ཛྭ་ལ། ཏིཥྛ་ཏིཥྛ་བྷི་སརྦ་དུར་ནི་མིཏྟི་དུསྲ་བ་ན་ཏཱནྟིཾ་ཀུ་རུ་སྭཱ་ཧཱ། གཙུག་ཏོར་དྲི་མེད་གཟུངས་ཐུང་དང་། པདྨ་གཙུག་ཏོར་གོང་ལྟར་རྣམས་ཚར་ཅི་རིགས། དེའི་ཕྱི་རོལ་དུ་མུ་ཁྱུད་བཅུ་གཉིས་པར་

― JKT021_Page_0247 ―

^{[མ་དཔེ་གཟིགས་ན་འདིར་གནོན།]}

[Full Size]

མེ་རིའི་ནང་དུ་ཕྱག་མཚན་རྣམས་ལྔ་རྩེ་ཕྱིར་བསྟན་པས་བསྐོར་པ། དེའི་ཕྱིར་གྲྭ་བཞིར་སྣ་ཚོགས་རྡོ་རྗེ་ཕྱེད་པས་མཚན་པ། འཁོར་ལོའི་རྒྱབ་ཏུ་དབུས་སུ། ཧཱུཾ་ཧྲཱིཿཀྐཁ་ཎི། དེའི་ཕྱི་རོལ་དུ། །ཏདྱ་ཐཱ། ཨོཾ་ཨ་ཀ་ནི་ནི་ཀ་ནི་ཨ་བི་ལ་མཎྜ་ལ་མ་ཡེ་སྭཱ་ཧཱ། ཞེས་པ་ཚར་གང་ཐོན་བྲི། འཁོར་ལོ་ལ་དྲི་རྫས་ལྔ་གཞུང་གསལ་ལྟར་བྱུགས། སྦྱོང་ཁྲུས་དང་རབ་གནས་སྤྱི་མཐུན་གྲུབ་ནས་བལྟེབ་ལུགས་སྤྱི་འགྲེ་བྱ། དར་ཚོན་གྱི་ན་བཟའ་གསོལ་ནས་སྐུ་གཟུགས་མཆོད་རྟེན་གཉྫིར་སོགས་གང་འདོད་པའི་གནས་སུ་བཞུགས་པས་ཕན་ཡོན་མཐའ་ཡས་པ་འབྱུང་བར་གསུངས་སོ། ༈ །སྙིང་གཏེར། ནོར་བུམ། ཀླུ་བུམ་རྣམས་ཀྱི་རྫས་ཐོ་མཐོང་བས་དོན་གསལ་དབྱེ། སྭསྟི། ས་བདག་སྙིང་གཏེར་དུ་གྲགས་པའི་གཏེར་བུམ་ལ། བུམ་པ་ཡུལ་དེའི་བྲེ་གང་ཤོང་བ་ལས་མི་ཆུང་བ་དཀར་རྩིས་ལེགས་པར་བྱུགས༈ རྟེན་འབྲེལ་གྱི་རི་མོ་གཞན་བྲིས་ཀྱང་ལེགས་མོད། མདུན་དུ་ས་སྙིང་གི་སྙིང་པོ། །ཀྵ། ཙམ་བྲིས་ཀྱང་རུང་། རྫས་ལ། མཐིལ་དུ་ཞིང་ས་ཆེན་པོ་དགུའི་ས། ས་དཔལ་ཅན་དང་། གནས་ཆེན་མང་པོའི་ས་སྣ་ཆུ་སྣ། རིན་ཆེན་ཕྱེ་མ་དཀྱིལ་འཁོར་ཆེན་པོའི་རྡུལ་ཚོན། རྒྱས་པའི་སྦྱིན་སྲེག་གི་ཐལ་བ། རབ་གནས་ཀྱི་མེ་ཏོག་སོགས་དཀྲམ། དེ་ནས་འབྲུ་ནག་མ་ཡིན་པའི་འབྲུ་སྣ་

― JKT021_Page_0248 ―

^{[མ་དཔེ་གཟིགས་ན་འདིར་གནོན།]}

[Full Size]

གཙང་མ་བླུགས། དབུས་སུ་སྲོག་ཤིང་མཚོན་བྱེད་ཤུག་པ་རྩ་རྩེ་མ་ལོག་པར་གཞུང་ནས་འབྱུང་བའི་གཟུངས་ཀྱི་ཤོག་དྲིལ་ལ་དྲི་བཟང་དང་། བྱིན་རྟེན་རིགས་བྱུགས་པ་དྲིལ། འདིའི་ཡི་གེ་ཤར་རྟགས་མ་ནོར་བ་བྱུང་ན་ལེགས། ན་བཟའ་མེད་ཀྱང་ཆོག །དེའི་དབུས་དྲང་པོར་མ་ཎི་རིལ་བུ་ཤོག་རྒྱ་དང་། སྒྲུབ་ཆེན་བྱས་པའི་གཏོར་སྒྲུབ་ཀྱི་དུམ་བུ་ངེས་པར་དགོས་གསུངས། སྙིང་ཞོ་ཤ་རེ་བཅུག ། བུམ་རྫས་ཉེར་ལྔའི་རིལ་བུ་ཡོད་ཀྱང་བཞག །དར་སྣས་རྒྱབ་ནས་དྲིལ་བར་གསུངས་ཀྱང་སྟབས་མི་བདེ་བས། ངེས་པར་བཅུག་དགོས་ཚེ་དར་སྣ་རས་སྣ་དྲིལ་ལ་ཤོག་རྒྱ་བྱས་ཏེ་བཞག །དེ་ནས་འབྲུ་སྣ། ཀླུ་དང་ས་བདག་ལ་མི་གནོད་པའི་སྨན་སྣ། ཀླུ་སྨན། བུམ་རྫས་ཉེར་ལྔ། ཟངས་ལྕགས་སོགས་མ་ཡིན་པའི་རིན་ཆེན་སྣ་ཚོགས། ཤིང་རྟོག་སྣ་ཚོགས། གནས་ཆེན་གྱི་བཟང་ཤིང་སྣ་ཚོགས། གླ་རྩི་སོགས་མ་འདྲེས་པའི་སྤོས་སྣ། དུག་རིགས་མ་ཡིན་པའི་མེ་ཏོག་སྣ་ཚོགས་བླུགས། ཁ་ཆོད་ཤིང་ལེབ་བག་ཕྱེ་ལྟ་བུས་དམ་པར་སྦྱར་བའི་སྟེང་མི་འཁྲུལ་པའི་ཕྱིར་རས་སམ་ཤོག་བུ་ལྟ་བུ་སྦྱར། །རས་དཀར་པོ་ལ་རིགས་ལྔའི་ཕྱག་མཚན་གྱིས་མཚན་པས་ཁ་བཀབ། རས་དཀར་གྱིས་མགུལ་བ་བཅིངས་པའི་མདུད་པ་རྒྱབ་ཏུ་འོང་བར་བྱས་ལ་རྒྱས་བཏབ་བོ། །མངྒ་ལཾ། ༈ །མགོན་དཀར་ཡིད་

― JKT021_Page_0249 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་ནོར་བུའི་བུམ་གཏེར་ལ། །བུམ་པ་ཆེ་ཆུང་སོགས་སྙིང་གཏེར་དང་འདྲ་རི་མོ་བཀྲ་ཤིས་རྟགས་བརྒྱད་སོགས་བྲིས་ཀྱང་ལེགས་མོད། མདུན་དུ་གཏེར་བུམ་གྱི་ཁར་ནོར་བུ་མིག་གསུམ་གྱིས་མཚན་པ་ཙམ་བྲིས་པས་ཀྱང་རུང་། རྫས་ལ། ཐོག་མར་ཐིལ་དུ་སྙིང་གཏེར་ལྟར་ས་སྣ་སོགས་དགྲམ། དེ་ནས་ནས་དཀར་འབྱོར་ན་རབ། དེ་མིན་ནས་དཔུས་ལེགས་གཙང་མ་ལ་ཕྱུགས་པོ་ཆེན་པོ་དགུའི་ལག་ནས་བྱུང་བ་ལྟ་བུའི་འབྲུ་དཀར་སྣ་ཚོགས་བསྲེས་པ་བླུགས། དབུས་སུ་སྐུ་གཟུགས་བཞག་དགོས་ཤིང་། དེ་ཡང་སྤར་སྐུ་བྱུང་ན་ལེགས་པས། སྨན་སྣ། འབྲུ་སྣ། རིན་པོ་ཆེ་སྣ་ཚོགས་སོགས་གཡང་རྫས་གང་འབྱོར་དང་དཔལ་ཅན་གྱི་ས་ལས་སྐུ་ཚོན་གང་བ་ལས་མི་ཆུང་བར་ནང་དུ་གཟུངས་གཞུག་ཤོག་དྲིལ་རེ་བཞག །ཚོན་གྱིས་ཕྱེ་བའམ། དངུལ་འདུར་རམ། དཀར་རྩི་ལྟ་བུས་ལེགས་པར་བྱུགས། དེ་ལྟར་མ་འབྱོར་ན་ཤོག་བུ་ལ་སྤར་བཏབ། གང་ལྟར་ཡང་མགོ་གཞུག་མི་ལྡོག་པའི་ཕྱིར་ཤིང་ལེབ་ལ་སྦྱར། རབ་གནས་མདོར་བསྡུས་བྱས་ལ་སྐུ་དངོས་བུམ་པའི་སྟོད་ཀྱི་ཆར་ཁེལ་བ་བྱས་ལ་བཙུགས། དེའི་ཕྱོགས་བཞིའམ། མ་འབྱོར་ན་མདུན་རྒྱབ་གང་བདེར་གཟུངས་གཞུང་གསལ་གྱི་ཤོག་དྲིལ་ལ། ག་བུར། གུར་གུམ། ཙནྡན་དམར་པོ། སིནྡྷ་ར། གི་ཝཾ་རྣམས་

― JKT021_Page_0250 ―

^{[མ་དཔེ་གཟིགས་ན་འདིར་གནོན།]}

[Full Size]

བྱུགས་པ་བཞག །འདི་ལའང་སྲོག་ཤིང་བྱུང་ན་ལེགས། སྐུ་དང་གཟུངས་ལ་ན་བཟའ་གསོལ་ན་དར་རས་སེར་པོས་བྱ། སྐུའི་མདུན་ཐད་ཀྱི་འོག་ཙམ་དུ་རིན་པོ་ཆེ་སྣ་ཚོགས། ཨ་རུ་གསེར་མདོག །བཟང་སྨན་སྣ་ཚོགས་བུམ་རྫས་ཉེར་ལྔ། གོས་དར་རས་སོགས་སྣ་ཚོགས། རྟ་ཕྱུགས་གཡང་ཅན་གྱི་སྤུ་སྣ་རྣམས་བཅུག །གཡང་རྫས་སྣ་ཚོགས་བསྡུས་པའི་རིགས་ཡོད་ན་ཤོག་རྒྱ་བྱ་བའམ། རིལ་བུར་བྱས་ཏེ་བཞག །དེ་ནས་འབྲུ་སྣ། རྒྱ་ཇའི་རིགས། ཤ་སར། མངར་གསུམ། མེ་ཏོག །ཤིང་ཏོག །སྤོས་སྣ་སོགས་ཀྱིས་འཐས་པར་བཀང་། ལུག་དར་མའི་སོགས་པ་གཡས་པའི་བལ་རྩི་མེད་པས་ཁ་བཀག །རས་དཀར་གྱི་ངོས་རྡོ་རྗེ་རྒྱ་གྲམ་གྱི་སྤར་བཏབ་པའི་ཁ་འགེབ་དང་། ཚོན་སྣ་ལྔའི་སྐུད་པས་མགྲིན་པ་བཅིངས་པའི་ལྷག་མ་ཁ་འགེབ་ཀྱི་སྟེང་ནས་རྒྱ་གྲམ་དུ་སྡོམས་ལ་རྒྱབ་ཏུ་རྒྱབ་བཏབ་བོ། །དབང་གི་འཁོར་ལོ་ཡོད་ན། དམིགས་བསལ་དགེ་འདུན་འདུ་བ་སོགས་དབང་སྡུད་ཀྱི་སླད་དུ་བྱེད་ན། བུམ་པ་མདོག་དམར་རྒྱ་སྐྱེགས་ལྟ་བུ་དང་། མདུན་དུ་ལྕགས་ཀྱུ་བྲིས་ན་ལེགས། རབ་གནས་བྱས་ཏེ་སྐུད་པ་དམར་པོས་དཀྲིས་པ་བུམ་པའི་མགུལ་དུ་གདགས་པའམ། བུམ་པ་དང་མཉམ་དུ་བཞག་ཚེ་བུམ་པའི་ནང་ན་བཟའ་དམར་པོ་དང་བཅས། སྐུ་གཟུགས་ཀྱི་མདུན་དུ་བཞག་པ་ལེགས་སོ། །ཤུབྷཾ། ༈ །ཀླུ་བུམ་ལ། །

― JKT021_Page_0251 ―

^{[མ་དཔེ་གཟིགས་ན་འདིར་གནོན།]}

[Full Size]

བུམ་པར་དཀར་རྩི་བྱུགས་རྒྱུར་སྦྱིན་མ་འདྲེས་པ་བྱུང་ན་ལེགས་པས། དབང་ལག་དང་བག་ཕྱེ་སོགས་ཀྱི་དམ་རྩི་སྦྱར་བར་གསུང་ནའང་། བག་ཕྱེ་རང་ལེགས་པར་མངོན་མདུན་རྟགས་ཕལ་ཆེར་གྱིས། ནཱཾ། བྲི་སྲོལ་ཡང་། དུང་དང་པདྨ་གང་རིགས་བྲིས་ན་ལེགས། མཐིལ་དུ་གནས་ཆེན་དང་བཀྲ་ཤིས་པའི་ས་ཆུ་ཤིང་སྣ་སོགས་གཙང་མ་དཀྲམ། དེ་ནས་འབྲུ་དཀར་ཆུ་གཙང་གིས་བཀྲུས་པ་ལ། གཙོ་བོར་ཀླུ་སྨན་ཚད་ལྡན་དང་། འུ་སུའི་མེ་ཏོག །འོམ་བུའི་མེ་ཏོག །ཤང་དྲིལ་གྱི་མེ་ཏོག །འབྲུག་ཤིང་གི་འབྲས་བུ། གསོ་མའི་འབྲུ། སྤང་སྤོས་སོགས་ཀྱིས་བུངས་བསྐྱེད་པས་བཀང་། དབུས་སུ་སྲོག་ཤིང་ཡུ་བ་ལ་ཤིང་ལེབ་སྒོར་མོ་སྦྱར་བར་ཀླུ་ཆེན་དགུའི་གཟུགས་ཡུམ་དང་བཅས་པ། བྲི་བ་བྱུང་ན་ཤིན་ཏུ་ལེགས་ཀྱང་གྲུབ་དཀའ་བས། སྲོག་ཤིང་ཟུར་བརྒྱད་པའི་རྩ་བའི་1.སྟོད་ཙམ་དུ། ཧཱུཾ། བརྒྱད་ཤོག་བུ་ལ་བྲིས་ཏེ་ཞལ་ནང་དུ་ཕྱོགས་པར་སྦྱར། ཤར་གྱི་སྟེང་དུ། ནཱཾ། གཅིག་ཞལ་ཕྱིར་བསྟན་ལ་བྲི། དེའི་རྒྱབ་ཐོད་ནས་ཀླུ་དགུའི་སྔགས་འདོད་གསོལ་དང་བཅས་པ་ཤོག་དྲིལ་གྱིས་དྲིལ་ཏེ། སེང་གེ་སྒྲ་སོགས་ཀྱི་སྒོ་ནས་བསྒྲུབ་རྒྱུའི་དུས་རྒྱུན་གྱི་ཀླུ་བུམ་དཀྱུས་མ་ལ་འདི་ཙམ་གྱིས་ཆོག ༈ །ཁྱད་པར་ཀླུ་དབང་རྒྱལ་པོའི་སྒོ་ནས་བསྒྲུབ་ན། ནཱི་སྟེང་མའི་སྟེང་དུ། ཀླུ་

― JKT021_Page_0252 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་རྒྱལ་པོའི་སྐུ་ཁམས་ས་གཙང་མ་ལ་རིན་པོ་ཆེ་དང་ཀླུ་སྨན་བསྲེས་པས་སྤར་བཏབ་པའི་ནང་དུ་གཟུངས་སྔགས་འདོད་གསོལ་དང་བཅས་པའི་ཤོག་དྲིལ་རེ་བཅུག །ཕྱོགས་བཞིར་འཁོར་བཞི་འབྱོར་ན་སྐུ་བརྙན་དང་། མ་འབྱོར་ན་ཤར་ནས་གཡས་བསྐོར་གྱིས། སྒོ་མེ་དྷི་ཧྲཱིཿ བྲིས་པ་ཞལ་ནང་བསྟན་དུ་དྲིལ་ལོ། །དེ་ཙམ་སྟབས་བདེའི་དབང་དུ་བྱས་ཀྱཻ། གཞུང་གི་དངོས་བསྟན་ལྟར་ན་བུམ་པ་གཉིས་སོ་སོར་བྱས་ཏེ། འོག་ཏུ་ཀླུ་བུམ་དང་སྟེང་དུ་ཀླུ་དབང་རྒྱལ་པོའི་བུམ་པ་བཞག་པར་གསུངས་ཤིང་། རྒྱས་པར་ན་ཀླུ་ཆེན་དགུ་ལ་བུམ་པ་སོ་སོར་བྱ་བར་བཤད་དོ། །གང་ལྟར་ཡང་ཀླུའི་སྲོག་ཡིག་གི་མདུན་ཐད་ཙམ་དུ་ཁམས་གཙང་མ་ཀླུ་སྨན་དང་སྦྱར་བ་བ་དམར་མོའི་འོ་མས་རིལ་བུ་སྟར་ག་ཙམ་བྱས་ཏེ་མན་ངག་ལས་འབྱུང་བ་ལྟར་ཀླུའི་ནོར་བུར་བྱིན་གྱིས་བརླབས་པ་ཡོད་ན་བཞག །གཞན་ཡང་ཀླུ་སྨན་གྱི་རིལ་བུ་དང་ཕྱེ་མ། དར་སྣ། རས་སྣ། ཀླུ་ལ་མི་གནོད་པའི་རིན་པོ་ཆེ་སྣ་ཚོགས། ག་བུར་དང་། སྤོས་དཀར་སོགས་ཀླུའི་སྤོས་སྣ་ཚོགས། བ་གསར་དམར་ཟལ་ལས་བྱུང་བའི་ཞོ། འོ་མ། མར་ཏེ་དཀར་གསུམ་ལ། བལ་པོའི་ཤེལ་ཀར། བུ་རམ་མར་གྱིས་བཞུས་པ། སྦྲང་སྦྲང་རོ་སོགས་ཀྱི་སླད་མེད་པའི་དྭངས་མ་བཅས་མངར་གསུམ་སྦྱར་བའི་རིལ་བུ་རྣམས་བཅུག །ཁར་ཀླུ་

― JKT021_Page_0253 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་མི་གནོད་པའི་སྨན་དང་། མེ་ཏོག་དང་། སྤོས་དང་། འབྲས་བུ་སོགས་ཀྱིས་བཀང་ནས་འཇིམ་པས་བཅད། རས་དཀར་གྱི་ཁ་གཅོད་དང་མགུལ་ཆིངས་དཀར་པོ་བྱའོ། །གོང་གི་གཟུངས་སོགས་འཕྲི་རྫ་ས་མཚལ་དཀར་དང་། རྒྱ་སྣག་ལ་བལ་པོའི་ཤེལ་དཀར་གྱི་དམ་རྩི་སྦྱར་བ་ལས་སྤྲིན་སོགས་མ་འདྲེས་པའི་ཤིན་ཏུ་གཙང་སྦྲ་ཐོན་ངེས་གལ་ཆེ། དེ་བཞིན་དུ་ཀླུ་མཆོད་པའི་ཡོ་བྱད་ཀྱི་སྣོད་ཀྱང་། དངུལ་དང་ཟངས་དང་རྫ་མ་སོགས་ལས། ལྕགས་མཁར་བ་ར་གན་གཤའ་སོགས་མ་འདྲེས་པར་བྱ། ལས་བྱེད་པ་དང་། དེའི་ཉེ་འཁོར་ཐམས་ཅད་དུ་ཤ་ཆང་སྒོག་བཙོང་གླ་རྩི་སོགས་ཀྱི་དྲི་ཙམ་ཡང་མི་བྲོ་བར་ལག་ལེན་མཁན་རྣམས་ཀྱིས་ངེས་པར་བྱའོ། །མངྒ་ལཾ་བྷ་བ་ཏུ། ༈ །དུག་ཁྲག་བུམ་ཐང་མའི་ལག་ལེན་སྤར་བཅང་དུ་བསྟན་པ་བཞུགས་སོ། ༈ །ན་མཔདྨ་ཀཱ་རཱ་ཡ། དུག་ཁྲག་བུམ་ཐང་མའི་ལག་ལེན་སྤར་བཅང་དུ་བསྟན་པ་ལ། བཙན་དུག །ཁོང་དུག །རེ་ལྕགས། ཐར་ནུ། ཐང་ཕྲོམ། ཀ་ཤོ་ཀན། ཀྱི་ཀྱཻ། ར་དུག་སྦྱང་ཚེར་བ་སྟེ་དུག་སྣ་བཅུ་དང་། གཞན་ཡང་སྦྱར་དུག་དང་། དབྱིག་དུག་མ་གཏོགས་པའི་དུག་སྣ་གང་འཛོམས་དང་། ཁྱད་པར་བོང་ང་། བོང་དུག །ར་དུག་གསུམ་ནི་མེད་དུ་མི་རུང་ངོ་། །ཀྱི་སྐྱེ་བ་ཁྱད་པར་གྱི་རྫས་སོ། །མི་ཁྱི་ར་

― JKT021_Page_0254 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ཕག་པ་གཅན་གཟན་རྣམས་ཀྱི་ཁྲག་དང་། ཡུག་སའི་མངལ་ཁྲག །དཔའ་བོ་གྲིར་ཤི་བའི་ཁྲག །བྱ་ཤ་ཟན་གྱི་ཁྲག་སོགས། མདོར་ན་ཕུག་རོན། འཕྱི་བ་དང་། མཛེ་ཅན་གྱི་ཁྲག་གསུམ་མ་གཏོགས་པའི་ཁྲག་སྣ་གང་འཛོམས་དང་། གཞན་ཡང་། གླ་རྩི། ཚིལ་ཆེན། མུ་ཟི་ནག་པོ་ལ་སོགས་པ་དྲི་མི་ཞིམ་པའི་རྫས་ཐམས་ཅད་བསགས་ཏེ་གླང་རུའི་ནང་དུ་བླུགས་ལ་རུལ་དུ་བཅུག་ལེགས་པར་བསྲེས། ལན་ཚྭ་དང་མུ་ཟི་སེར་པོས་དུག་ཁྲག་གི་ནུས་པ་བསད་པས་གཞུག་ཏུ་མི་རུང་། དེ་ནས་ཐོག་མར་ཆོས་ཐམས་ཅད་ཀྱི་རང་བཞིན་སྟོང་པ་ཉིད་དུ་བསྒོམ་པ་ནི་ལྟ་བ་གྱད་ཀྱི་ལྷ་ཞེས་བྱའོ། །དེའི་ངང་ནས་ཐུན་སྣོད་བསྐལ་པའི་མེ་དཔུང་དུ་བསྒོམས་ཤིང་། མེ་ཡི་ཚྭ་ཚྭས་གནོད་བྱེད་ཐམས་ཅད་བསྲེག་པར་བསམ། རང་ཡི་དམ་གྱི་ང་རྒྱལ་བསྐྱེད་ལ་སྔགས་འདི་བཟླའོ། །ཨོཾ་ན་མོ་བུདྡྷ་ཡ། བཛྲ་ཀཱི་ལི་ཀཱི་ལ་ཡ། ནཱ་ག་དུ། ཙནྡྷེ་ཙནྡྷེ། མི་ལི་མི་ལི། བནྡྷ་བནྡྷ། ནཱ་ག་ནི་སྭཱ་ཧཱ། ཞེས་བཟླས་ཤིང་ངར་བཏགས་པས་མེ་ས་ལ་སྤྱད་པ་བཏང་པ་ལྟར་ཆེར་འབར་ནས་གནོད་བྱེད་ཐམས་ཅད་བསྲེགས་ཤིང་། རང་ཉིད་སྲིད་པ་གསུམ་ན་ཆེ་བཙན་འགྲན་ཟླ་དང་བྲལ་བའི་སྙེམས་པ་བཟུང་ངོ་། །དེ་ནི་རྩ་བའི་སྒྲུབ་པའི་ཐབས་སོ། །དེ་ནས་ལས་སོ་སོའི་ཁ་བསྒྱུར་བ་ནི། ཕོ་གདོན་ལ་

― JKT021_Page_0255 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་ཀྱི་ཤམ་བུར། རཱ་ཙ་མཱ་ར་ཡ་ནི་ཆཔཿ རཱ་ཙ་ཙིཏྟ་མཱ་ར་ཡ་གཏུང་༔ རཱ་ཙ་ཙིཏྟ་མཱ་ར་ཡ་ཛཿ ཞེས་བཏགས། དེ་བཞིན་དུ་མོ་གདོན་ལ། མ་མ་ཞུ་ཏྲི་མཱ་ར་ཡ་ཛཿ མ་མ་ཏྲི་ཛ་མཱ་ར་ཡ་ཛཿ མ་མ་རུ་ཏྲི་མཱ་ར་མ་ཆད༔ འགོང་པོ་ལ། ཏྲིའུ་ཏྲིའུ་མཱ་ར་ཡ་ཛཿ ཏྲི་ཤོ་མཱ་ར་ཡ་ཛཿ ཏྲིའུ་མཱ་ར་ཡ་ཛཿརྦད༔ ཞོ་ཆང་བསྲུངས་ན། ཨོཾ་མ་ར་ས་ར་བྱི་སར་སར་ཧཱུྃ་ཕཊ༔ རྦོད་གཏོང་བཟློག་ན། ཧཱུཾ་- ༈ བྷ་ཡ། ཧཱུཾ་བྷ་ཡེ། ལོ་ཀ་བྷ་ཏ་ཡ། ཧ་ཧཱུྃ་བཟློག༔ སེར་བ་བཟློག་ན། ཨོཾ་ཏདྱ་ཐཱ། ཏི་གི་ཏི་གུ་ལི། ཨུ་མི་ཤུ་ཤུ་གླུ་གླུ་ཏི་ཏི་བྷི་རི། ཧུ་ཡ་ཧུ་ཡ། ཧི་རི་ཧི་རི་སྭཱ་ཧཱ༔ ཁྱད་པར་གྱི་རྫས་ཐལ་ཆེན་ཉུངས་ཀར་ལ་བསྔགས། །ནད་རིམས་བསྲུངས་ན། ཨོཾ་ཀ་ཤ་ཕྲལ་ཤག །ནད་ཀྱི་སྙིང་གོང་དཀར་པོ་ཆོད་སྭཱ་ཧཱ། ཞེས་པ་རྣམས་གདགས། ལས་ཀྱི་མཐའ་སྡུད་པ་ནི། ཕོ་གདོན་གནོད་ན་ཁྱི་དཀར་པོའི་ཐོད་པར་གང་གནོད་པའི་ལིངྒ་བཅུག་སྟེ། ཉུངས་དཀར་ནག་གུ་གུལ་གྱི་ཐུན་གྱིས་བྲབ་སྟེ་ལམ་རྒྱ་གྲམ་དུ་མནན། མོ་གདོན་ལ། ཁྱི་ནག་པོའི་ཐོད་པར་ལིངྒ་བཅུག་སྟེ་ཡུགས་མོའི་དོར་རྟས་དྲིལ་ཏེ་ཉུངས་དཀར་ནག་ཏིལ་ནག་ཟི་ར་ནག་པོའི་ཐུན་རྣམས་ཀྱིས་བྲབ་ལ་ཐེམ་པའི་འོག་ཏུ་མནན་འགོང་པོ་ལ། རི་བོང་ཐོད་པར་ལིངྒ་བཅུག་སྟེ་ཉུངས་དཀར་ནག་སྐྱེ་ཚེར་བའི་ཐུན་གྱིས་བྲབ། རང་གི་མལ་

― JKT021_Page_0256 ―

^{[མ་དཔེ་གཟིགས་ན་འདིར་གནོན།]}

[Full Size]

འོག་ཏུ་མནན། དེ་དག་ཐམས་ཅད་ཀྱང་སྔགས་བཟླས་པའི་ཐུན་གྱིས་ཞག་གསུམ་དུ་བྲབ་ཅིང་མཐར་མནན་པར་བྱའོ། །ཞོ་ཆང་བསྲུངས་ན་སྔགས་རྫས་ཀྱིས་སྣོད་ལ་བྱུགས། རྦོད་གཏོང་བཟློག་ན་གཏོར་ཟོར་ལ་བསྔགས་ཏེ་གང་འདོད་པའི་ཕྱོགས་སུ་འཕང་། སེར་བ་བསྲུངས་ན། སེང་ལྡེང་གི་ཕུར་བུ་བཅུར་བསྔགས་ལ་དབུས་ཕྱོགས་མཚམས་སུ་བཙུག །ཉུངས་དཀར་ནག་ཐལ་ཆེན་ལ་བཟླས་ཏེ་བྱུང་བའི་གདོངས་སུ་བརྡེག །སེང་ལྡེང་ཕུར་པ་སོར་བཞི་པ་དྲིལ་ཞིང་གཞན་དུ་བསྒྱུར་བའི་དམིགས་པ་བྱ། ནད་རིམས་བསྲུངས་ན། ཚོན་སྐུད་སྣ་ལྔ་ལ་སྔགས་བཏབ་ཅིང་དུག་ཁྲག་དང་། གླ་རྩི། ཤུ་དག་བཅས་ཀྱི་ཐུམ་བུ་དང་སྦྲུགས་ཏེ་གང་བསྲུང་བ་ལ་གདགས་སོ། །གལ་ཏེ་དེ་ལྟ་བུའི་དྲག་པོའི་རྫས་སྦྱོར་འདོགས་པ་དང་བདུག་པ་སོགས་ཀྱིས་འགོ་བའི་ལྷ་སྲུང་བྱེར་བར་དོགས་ན། བྱ་རྒོད་དང་གཡག་གི་ཚིལ་བུ། གླ་རྩི། རིན་ཆེན་སྣ་ལྔ་རྣམས་སྤྲ་ཚིལ་གྱིས་བསྟུམས་ལ་ཐུན་དོང་དུ་གཞུག །ཕྱི་རུ་རྟེན་འབྲེལ་སྙིང་པོ་བྲིས་པས་ཐུབ་བོ། །འདིའི་འཁོར་ལོ་བྲི་བར་འདོད་ན། ཙཀྲ་རིམ་པ་ལྟར་བསྐོར་བའི་དབུས་སུ་ཡི་དམ་གྱི་སྙིང་པོ་དང་། དེའི་ཕྱི་རིམ་ལ་རྩིབས་དྲུག་ཏུ་སྔགས་ཀྱི་གྲོང་ཁྱེར་རེ་རེ་བཀོད། དེའི་ཕྱིར་རིམ་ལ་ལས་ཀྱི་བསྒྱུར་བའི་སྔགས་སོ་སོ་དང་། དེའི་ཕྱི་རིམ་ལ་རྡོ་རྭ་དང་།

― JKT021_Page_0257 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་རྒྱབ་མེ་རིས་བསྐོར། ཕོ་འཁོར་ཡིག་མགོ་ནང་དུ་བསྟན་ཞིང་མདོག་སེར་པོ་བྱ། མོ་འཁོར་ཕྱིར་བསྟན་ནས་མདོག་དམར་པོར་བསྒྱུར། དེ་གཉིས་ལག་པ་གཡས་གཡོན་དུ་ཐོགས་ནས་བདག་ལ་བསྐོར་ཞིང་བར་དུ་གནོད་བྱེད་ཀྱི་ལིངྒ་བཅུག་སྟེ་རྡུལ་དུ་བརླག་བར་བསམ། དེ་ནས་བསྲུང་བྱའི་མིང་སྤེལ་དང་འདོད་གསོལ་བཅུག་ལ་རྟེན་སྙིང་གིས་རབ་གནས་བྱས་ནས་དཔུང་པ་གཡས་གཡོན་དུ་བཏགས་ན་རྡོ་རྗེའི་གོ་ཁྲབ་ཏུ་འགྱུར་རོ། །ཐུན་གྱི་རྫས་དེ་ཉིད་འཆང་བའི་སྣོད་ནི། རང་གནས་སུ་སྡོད་ན་པར་བུ་དང་། འགྲོ་ན་རྐང་གི་དོང་པར་བླུགས། དྲག་ལས་བྱེད་ན་གཡག་རུར་བཅང་། རྭ་ལ་བྱ་ཤ་ཟན་གྱི་སྒོ་ང་དང་སྤྲ་ཚིལ་བྱུགས་ན་མཁྲེག་ཅིང་ནུས་པ་ཆེའོ། །དེ་ལྟར་ལེགས་པར་སྦྱར་བའི་རྫས་འདི་ནི་བསྲུང་བ་ལ་རྡོ་རྗེའི་མཁར་རྫོང་ལྟ་བུ། བཟློག་པ་ལ་མཚོན་ཆའི་འཁོར་ལོ་ལྟ་བུ། མནན་པ་ལ་རི་རབ་ནག་པོ་ལྟ་བུ་ཡིན་པས་སྙིང་ལས་གཅེས་པའི་གདམས་པ་ཤིན་ཏུ་ཟབ་མོའོ། །དུས་གསུམ་མཁྱེན་པ་ཨོ་རྒྱན་ཆེན་པོས་མ་འོངས་པའི་འགྲོ་བ་ལ་ཐུགས་བརྩེ་བས་དགོངས་ཏེ་གནམ་ལྕགས་ཀླུ་འདུལ་གྱི་རྒྱུད་གཏུམ་པོ་ཐུགས་ཀྱི་རྒྱུད་ནས་ཕྱུངས་ཏེ་མངའ་བདག་ཚངས་པ་ལྷའི་མེ་ཏོག་ལ་གནང་ཞིང་ལྷོ་མོན་ཤིང་ལོའི་ཚལ་གྱི་གནས་མཆོག་བུམ་ཐང་བྲག་ཏུ་སྦས་པའི་དུག་ཁྲག་གི་

― JKT021_Page_0258 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱོར་བ་སྦར་བཅང་དུ་བསྟན་པ་སྣོད་མིན་རྣམས་ལ་ཤིན་ཏུ་གསང་བའི་རྒྱས་གདབ་བོ། ས་མ་ཡ། རྒྱ་རྒྱ་རྒྱ། །སྤྱི། རྟག་ཏུ་ལུས་ལ་བཅངས་པའམ་སྔས་དང་མ་བྲལ་བར་བྱ། སྐབས་སུ་སྔགས་བརྒྱ་རྩ་བཟླས་པས་ནུས་པ་གསོ། རང་ཉིད་ཀྱི་འཁོར་གཡོག་རྣམས་ལ་བསྲུང་བའི་ཐུམ་བུ་གདགས་སོ། །མངྒ་ལཾ། ༈ །དུག་ཁྲག་སྐབས། མིའི་གྲི་ཁྲག་གཙོ་བོ་ཡིན། གཞན་མི་རྟ་ཁྱི་གསུམ་གྱི་གྲི་ཁྲག་གཙོར་གྱུར་ཁྲག་སྣ་རྣམས་རྭ་ནང་བླུགས། མཐིལ་པྲ་ཚིལ་གྱིས་བཅད། ལུད་ཚན་ནང་དུ་རུལ་བཅུག །རྫས་ཀྱི་སྦྱོར་བ་ནི། བུམ་ཐང་རྩ་བར། བཙན་དུག་བོང་དུག་བོང་ང་རེ་ལྕགས་པ། སོགས་རྫ་ས་དེ་རྣམས་དངོས་བསྟན་རྣམས་དང་། གཞན་ཡང་དུག་དང་། ཕུག་རོན་ཁྲག་སོགས་དམིགས་བསལ་མ་གཏོགས་གཞན་རྣམས་བཏང་། དེ་ཡང་བདག་བསྐྱེད་ཕྱག་རྡོར་གཏུམ་པོ་ལྟ་བུ་དང་། རྭ་སྲུང་ནང་དུ་བླུགས། དུག་གི་ནུས་པ་སོ་མ་ཆེ་བ་ཡིན་པས་སོ་མའི་ཕྱི་མ་བླུགས། ཞོ་ཙམ་བྱ། སྔགས་ཕུས་བཏབ། ཞག་བདུན་ཙམ་བསྒྲུབ། དེ་ནས་གཅེས་སྤྲས་ཆེ་བས་དྲོད་དང་མ་བྲལ་བར་བཅང་། སྐབས་སུ་སྐོམ་གྲབ་བྱས་ནས་ཆང་རྒོད་རྩྭ་དང་དཀར་ཡོལ་སོགས་ལས་རིན་པོ་ཆེའི་སྣོད་དུ་གཏན་ནས་མ་རེག་པས་ཁ་ས་བཅིང་དུག་ཁྲག་སྐམ་པོའང་ཅི་རིགས་འདེབས། འདི་འཆང་བས་

― JKT021_Page_0259 ―

^{[མ་དཔེ་གཟིགས་ན་འདིར་གནོན།]}

[Full Size]

བསྲུངས་བའི་ཕན་ཡོན་བསམ་གྱིས་མི་ཁྱབ་བོ། ༈ །ཐོག་སྲུང་ཟབ་མོ་མྱོང་གྲུབ་ནི། རང་ཐུབ་བ་རི་རབ་ལྟ་བུའི་སྟེང་དུ། ཐོག་རིས་འདི་འདྲ་ཞིག་གི་དབུས་སུ། ཨ་མདུན་ནས་བརྩམས་ཏེ། ༼ནི་༼གྷ ཛ་༼མུནིཏ༽ ཞེས་རྩིབས་ལྔར་འཁོད་པ་གསལ་བཏབ། རང་གི་ཞལ་ནས་རྟེན་འབྲེལ་སྙིང་པོའི་ཆོས་གསུང་བར་བསམས་ལ། གལ་ཏེ་བཟླས་པས་སྔགས་ཀྱི་འོད་ཟེར་རྡོ་རྗེར་འཕྲོས་ནས་ཕྱོགས་མཚམས་ཐམས་ཅད་གཏམས་པར་བསམ། ན་གྷ་ཛ་མུནྡྲི་ཏ་ཨ། དུག་སྔགས་རྡོ་རྗེ་ཕ་ལམ། ཏ་ས་ཧ་ས་ཀི་ལི་ཧ་ས། ཤོ་ཏྲི་ཕོ་ཕེར། ཙིཅུ་ད་ཧ་ས་ཧ་ས་ཧཱུྃ་ཕཊ། ༈ །རྫས་སྲུང་རྡོ་རྗེ་ཕ་ལམ་ནི། ཀུན་ཐུབ་རྩ་བའི་རྫས། ཨ་རུ་བ་རུ་སྐྱུ་རུ་བཙན་དུག་རྣམས་གཞི་བྱས་ལ། དེ་སྟེང་འབྲུ་ལྔ། རིན་པོ་ཆེ་ལྔ། ས་སྣ། ཆུ་སྣ། དམ་རྫས་ཀྱི་རིགས། དགེ་སློང་སྡོམ་ལྡན་དང་། སྔགས་པ་ནུས་ལྡན་གྱི་རྣམ་སྣང་ནུས་བསྲེགས་བཅས་ཁ་ཚར་དུ་གདབ་བོ། །དེ་ནས་གཉེན་པོ་སོ་སོར་སྤྲད་པ་ནི། སྲིན་པོའི་གཉེན་པོར་ཤིང་ཀུན། ཀླུ་དང་ཀླུ་བདུད་ལ་གླ་རྩི་མུ་ཟི་སེར་པོ་བ་བླ་ལྡོང་རོས། རྒྱལ་པོ་ལ་གུ་གུལ། དམུ་ལུ་ཤུ་དག་ནག་པོ། དཀོར་བདག་ལ་ཉུང་དཀར། ཐེའུ་རང་ལ་ར་ཚིལ། ས་བདག་ལ་རི་ཤོའི་རྩ་བ་དང་སྦྱང་ཚེར། བཙན་ལ་གཡེར་མ་རྟ་བོན་མ་མོ་ལ་རྒྱ་ཚོས།

― JKT021_Page_0260 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ་ཡི་གདོན་ལ་མཁན་པ། མོན་པ་ལ་ཐང་ཕྲོམ། ཡུལ་ལྷ་ལ་ཀྱི་ལྕེ་དཀར་པོ། བདུད་ལ་རེ་ལྕགས། ཀླུ་སྲིན་ལ། ཐར་ནུ། དམ་སྲི་ལ་ར་དུག །ཕུང་སྲི་ལ་རྔ་མོང་སྤུ་རུས། གྲི་བོ་ལ་གྲི་ཤ །ས་སྲིན་ལ་དབྱི་མོང་ནག་པོ། ཟ་འདྲེ་ལ་ཝ་བྲུན། གཟའ་ལ་གཟའ་དུག་པ། ལན་ཚ། ཆགས་འདྲེ་ལ་མཛེ་ཁྲག །འགོང་པོ་ལ་སྤྱང་བྲུན་དང་དུད་པ་བྱ་བལ་མ། གནོད་སྦྱིན་ལ་སྔོ་སྟག་ཤ །རིམ་འདྲེ་ལ་སྤུ་ནག་དང་བྱ་རྒོད་སྤོས། གདོལ་བ་ནག་པོར་ཕག་སྣ། གཉན་ལ་བསེ་སྤུར་ཤ །བདུད་བཙན་ལ་སྒོ་གཅིག་མ། འབྱུང་པོ་སྤྱི་ལ་སྐེ་ཤངས་ཚེ། ཕོ་འདྲེ་ལ་ཉ་མཁྲིས། མོ་འདྲེ་ལ་རྒྱ་ཚྭ། གཞན་ཡང་ས་གསུམ་གྱི་གདོན་བགེགས་སྤྱི་ལ། གླང་རུ། ལུག་རྨིག །བོང་རྨིག །རྭ་གཞོབ། དྲི་ཆེན། དྲི་ཆུ། རྨ་བྱའི་མདངས། སྦལ་སྦྲུལ་གྱི་ཤ །ཕག་ཐུན། ཏེ་ལོའི་ཤ །སེང་སྡེང་། སྦྲང་རྩི། བུ་རམ། རི་བོང་བྲུན། ཁྱི་བྲུན། སྲམ་ཤ་རམ་གཞན་ཡང་བྲུན་གྱི་རིགས་གང་རྙེད་ཐམས་ཅད་ནུས་ལྡན་དུ་བསྲེག་ནས་ཆུ་སྣ་དགུས་རིལ་བུར་དྲིལ་ལ་བསྒྲུབ་པ་ཚུལ་བཞིན་དུ་བྱས། བྱུག་བདུག་བཅང་པས་ནད་གདོན་བགེགས་ཀྱི་རིགས་ཐམས་ཅད་སེལ་བ་མྱོང་བས་གྲུབ་པའོ། ༈ །རྫས་སྲུང་རྡོ་རྗེ་ཕ་ལམ། ནག་པོ་དགུ་ནི། ཨ་རུ་གཅིག་ནག་ཆུང་། གུ་གུལ་ནག་པོ། མུ་ཟི་དྲི་རྡོ་ནག་པོ། རྩི། །

― JKT021_Page_0261 ―

^{[མ་དཔེ་གཟིགས་ན་འདིར་གནོན།]}

[Full Size]

ཤུ་དག་ནག་པོ། ཤིང་། ཨ་གར་ནག་པོ། མིང་ཅན་སྔོ། ནག་པོ། ག་བུར་ཐུན། ནག་པོ། ཟི་ར་འབྲུ། ནག་པོ་སྟེ་དགུའོ། །རྩ་བ་བརྒྱད་ནི། སྤུ་ནག་རྩ་བ། གངས་ཐང་ཕྲོམ་རྩ་བ། ར་མེའི་རྩ་བ་སྨན། ཆུ་རྩ། ལྕུམ་རྩ། ཤོ་རྩ། ཐར་ནུའི་རྩ་བ། རུ་རྟའི་རྩ་བའོ། །ལོ་མ་བདུན་ནི། ཁུར་མོང་ལོ་མ། རེ་ལྕག་ལོ་མ། མཁན་དམར་ལོ་མ། སྟག་ཤའི་ལོ་མ། སྤང་རྩིའི་ལོ་མ། །གཟའ་དུག་སྤུ་བའི་ལོ་མ། པྲི་ཡང་ཀུའི་ལོ་མ། འཛིམ་པའི་ལོ་མའོ། མེ་ཏོག་དྲུག་ནི། ར་དུག་མེ་ཏོག །རྒོད་སྤོས་མེ་ཏོག །མིང་ཅན་སེར་པོའི་མེ་ཏོག །ཚ་བ་གསུམ་གྱི་མེ་ཏོག །འབྲས་བུ་ལྔ་ནི། ཨ་རུ་གསེར་མདོག །བ་རུ་ར། སྐྱུ་རུ་ར། ཡུངས་ཀར། སེ་འབྲུའོ། དྲི་བཞི་ནི། སྤོས་དཀར། ཏོང་ཀུ། མུ་ཟི་སེར་པོ། སྤང་སྤོས། རྡོ་རྗེ་གསུམ་ནི། གཟའ་བདུད་རྡོ་རྗེ། ཀླུ་བདུད་རྡོ་རྗེ། ཐལ་ཀར་རྡོ་རྗེ། རྩི་གཉིས་ནི། གླ་རྩི། ཤིང་ཀུན། བཅུད་གཅིག་ནི། དངུལ་གི་ཝཾ་ཡང་། ཆུ་ཚྭ་འདུར་རོ། །དེ་ལྟར་རྫས་སྣ་ཞེ་ལྔ། ལོ་བརྒྱད་དྲི་ཆུ། ག་བུར། གི་ཝཾ། གུར་གུམ། རྒྱུ་སྣག །རྒྱ་མཚལ་བཅས་ལྔ་ཡི་ཆུས་འདམ་བཏགས་རིལ་བུ་སྲན་མ་ཙམ་དྲིལ་བས་ནད། གདོན། བགེགས་རིགས་ཐམས་ཅད་དྲི་བསྣོམས་པས་ཐུབ་བོ། མངྒ་ལཾ།། ༈ །།བུམ་རྫས་ཉེར་ལྔ་སྤྱི་

― JKT021_Page_0262 ―

^{[མ་དཔེ་གཟིགས་ན་འདིར་གནོན།]}

[Full Size]

བཤད་དང་། ལུགས་སོ་སོ་གསུམ། དུག་འདོན་བྱེད་མིན་དང་། སྦྱར་ཐབས་ཕྱག་ལེན་བཅས། དུས་འཁོར་བུམ་རྫ་ས། ཚེ་རྫས། བྱད་ཁྲོལ་བུམ་རྫས། ཕྱི་འདི་རྣམས་འདི་ནང་ཡོད། མཆོད། ནང་མཆོད་བདུད་རྩི་རིལ་བུ། སྨན་ལམ་རིམ། རཀྟ། གཏོར་མ། ཆོས་སྐྱོང་སྤྱན་འདྲེན་གྱི་སྤོས། ཆུ་གཏོར་རྫས། བསང་རྫས། གླུད་རྫས། བླ་བསླུའི་རྫས། ཀླུ་སྨན་ལུགས་གསུམ་ཕྱག་ལེན་བཅས་། མཎྜལ་འབུམ་ཐེར། ཆུ་གཏོར་འབུམ་ཐེར། བསང་འབུམ། ཚོགས་འབུམ། སྦྱིན་བསྲེགས་འབུམ། ཁང་བུ་བརྩེགས་པ་རྣམས་ཀྱི་ཕྱག་ལེན། ནག་པོ་དགུ་སྦྱོར། སྲུང་འཁོར། སྡེ་བརྒྱད་ཀྱི་རྫས་བཅས་སོ། ༈ །བླ་མ་རྣམས་དང་དཀྱིལ་འཁོར་འཁོར་ལོ་ལ། བཏུད་ནས་མཆོད་པའི་རྫས་ཀྱི་ཁྱད་པར་སོགས། ཉེར་མཁོའི་ཟིན་ཐུན་འགའ་ཙམ་འཆད་པ་ལ། བློ་གསལ་རྣམས་ཀྱིས་རྩེ་གཅིག་ཡིད་ཀྱིས་ཉོན། དེ་ལ་ཞབས་བསིལ་ནི་འོ་མ་དང་ཆུ་གཙང་མ་བསྲེས་པ་ལ་འབྱོར་ན་ཤུན་པ་ལྔ་རབ་གནས་ཀྱི་ཚབ་ཙནྡན་དཀར་དམར་ཨ་གར་འོམ་བུ་ཤུག་པ། གཞུང་༡ནས་བཤད་པ་བཞིན་བཏབ། །ཞབས་བསིལ་ནི་མངར་གསུམ་སྦྱར་བའི་ཆུ། མཆོད་ཡོན་ནི། འབྱོར་ན་འོ་མ་ཏིལ་དཀར་འབྲས་དང་ནི། མེ་ཏོག་དཀར་སེ་བ། པོ་ནས་དང་ནི། ཀུ་ཤ་གུར་གུམ་རྣམ་པ་བདུན། ཞེས་པ་བཏབ། མ་

― JKT021_Page_0263 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱོར་ན་པུཎྜ་རཱི་ཀའི་སེ་བའི། མེ་ཏོག །འཐོར་འཐུང་ནི་ཆུ་གཙང་མ་ཀུ་ཤའི་འཐོར་ཡབ་དང་བཅས་པ། མེ་ཏོག་ནི་དངོས་སེ་བ། སམ་བཅོས་མའམ་འབྲུ་དཀར་གྱི་ཚོམ་བུ་ལྷ་སོ་སོའི་ཁ་དོག །བདུག་སྤོས་ནི་སྦྱར་བའི་རེང་བུ་དང་། ཨ་ག་རུ་ནག་པོ་སོགས་ལྷན་སྐྱེས། མར་མེ་ནི་རྩི་མར་གྱི་སྒྲོན་མེ། དྲི་ཆབ་ནི། ཙནྡན་དཀར་དམར་གུར་གུམ་སོགས། བསིལ་ཞིང་དྲི་ཞིམ་པའི་ཆུ་གཙང་དུང་ཆོས་སུ་བླུགས་པའམ་དྲི་གུར་གུམ་ཨ་གར་ཙནྡན་གཉིས་ག་བུར། ལྔ། ཞལ་ཟས་ནི་དཀར་གསུམ་མངར་གསུམ་གྱིས་སྦགས་པའི་ལྷ་བཤོས། བླ་མེད་རིགས་ལ་བདུད་རྩི་རིལ་བུའང་བཏབ། རོལ་མོ་ནི། ཏིང་ཤག་དང་། དྲིལ་བུ། ཌ་མ་རུ་སོགས་རྒྱུད་སྡེ་སོ་སོར་བསྔགས་པ་བཅས་སོ། །དེ་དག་ནི་ཕྱིའི་མཆོད་པའོ། ༈ །རབ་གནས་རྣམ་བཤད་ཆེན་མོར། བལ་བུ། འོམ་བུ། ཁམ་བུ། ལྕང་སྐྱ། ཤུག་པ་ལྔ་ཡི་བར་ཤུན། དེ་སྟེང་སུག་དཀར། . ཉེ་ཤིང་། སྲན་དཀར་གྱི་ཕྱེ་མ་རྣམས་བསྣན་གསུང་། ༈ །སེང་གེ་སྒྲའི་ལུགས་ཀྱི་ཀླུ་སྨན། བཟང་དྲུག །མངར་གསུམ་འབྲས་བུ་གསུམ། རྒྱ་མཚོའི་སྦུ་བ། ཀཽཎཱ་ཀ་རཱི། ཆུ་སྲིན་སྡེར་མོ། དབང་ལག །ནཱ་ག་གེ་སར། པདྨ་གེ་སར། སྙི་བའི་མེ་ཏོག སྙི་བ་ཡིན་དང་། ཨུཏྤལ་སྔོན་པོ། མཚལ་དཀར། ཤག་ཚལ་སོགས། བུ་ཤེལ་རྩེ། །

― JKT021_Page_0264 ―

^{[མ་དཔེ་གཟིགས་ན་འདིར་གནོན།]}

[Full Size]

སྙིང་པོ། གླ་དགོར་ཞོ་ཤ །མཁལ་མ་ཞོ་ཤ། །རྨ་བྱའི་མདངས། རྩ་ཁུ་བྱུག ཕྲུ་ཚང་ཀུ་བ། ནོར་བུ་མྱུ་གུ་འཕེལ་གདུང་། །ལེ་བལ་གུར། བརྒན། ལྷང་ཚེར་དཀར་པོ། མཁལ་སྲན་དཀར་པོ། གསེར་མེ། པྲི་ཡངྐུ། སྤང་རྒྱན་དཀར་པོ། ཆུ་དག་པ་སེར་ལྗང་རྩ་བ། སླེ་ཏྲེས། གྲྭ་མ། མོན་བུ། གླ་སྒང་། རྒུན་འབྲུམ། ནཱ་ག་པུབྦེ་རྣམས་སྦྱར་ཞེས་སྣང་། ༈ །རྗེ་བཙུན་སྒྲ་ལོའི་ཀླུ་གཏོར་ལས། སྐྲ་ཉམས་པ་སོས་བྱེད་རྨ་བྱའི་མདངས། མགོ་བོ་སོས་བྱེད་ཕྱྭ་ཚང་། ཀླད་པ་གསོ་བྱེད་མུ་ཏིག །ཀླད་རྒྱས་གསོ་བྱེད་ལྷང་ཚེར། རྣ་བ་གསོ་བྱེད་པུ་ཤེལ་ཙེ། མིག་གསོ་བྱེད་ཨུཏྤལ་སྔོན་པོ། སྣ་གསོ་བྱེད་སྤོས་དཀར། ཚེམས་གསོ་བྱེད་མགྲོན་བུ། ལྕེ་གསོ་བྱེད་ཤུ་དག་དཀར་པོ། ལྐོག་མ་གསོ་བྱེད་མ་ནུ་འུ་སུ། སྙིང་གསོ་བྱེད་སྙིང་ཞོ། མཆིན་པ་གསོ་བྱེད་གླ་གོར་ཞོ་ཤ །མཁལ་མ་གསོ་བྱེད་མཁལ་ཞོ། གློ་བ་གསོ་བྱེད་རྒྱ་མཚོ་ལྷུ་པ། རྒྱུས་པ་གསོ་བྱེད་རྡོ་རྒྱུས་བྱ་བལ་མ། ལྤགས་པ་གསོ་བྱེད་ཐང་དཀར་ཤུན་པ་ཚེ་ཉམས་པ་གསོ་བྱེད་རས་སྐུད་འབྲི་རྟ་ས་འཛིན། དམར་པོ། ༈ །འདི་སྐབས་རྨ་བྱའི་མདངས། བལ་ཡུལ་དང་། ཞྭ་ལུ་རི་ཕུག་སོགས་སུ་སྐྱེ་བའི་རྩ་རྨ་བྱའི་མདངས་ཟེར་བ་དེ་ཡིན། སྦྲུལ་ཤུན་ནི་འབྲུག་ཤིང་ཤུན་པ། ཐང་ལོ་དང་སྨྱུག་ལོ་སྔ་དང་སྨྱུག་གི་ལོ་མ། ཆུ་སྲིན་སྡེར་མོ་

― JKT021_Page_0265 ―

^{[མ་དཔེ་གཟིགས་ན་འདིར་གནོན།]}

[Full Size]

སྔོ་ལ་བྱེད། བྲག་ཝ། ནཱ་གི་མི་གཏོང་། རྒྱ་མཚོ་སྦུ་བ་དཀར་སོབ་འདི་འབུ་ཁོག་རེད། ཆུ་བལ་སྔོན་པོ་གཏོང་སྲོལ་ཡོད། ཀླུ་སྨན་སོགས་ལ་དུག་ཕྱུངས་རྡོ་དྲེགས་དམར་པོ་བཏབ་པས་ཕན། །སྨན་སྣ། དུག་སྣ་ནག་པོ༧། སྡེ་བརྒྱད་སྤྱིར་རྫས། མངར་གསུམ་དང་། དཀར་གསུམ་རིལ་བུ། རིན་ཆེན་ཕྱེ་མ། བསང་རྫས་བརྒྱ་རྩ། བུམ་རྫས་ཉེར་ལྔ་རྒྱས་སྤྲོས་ཅན། སྨན། རཀྟ། གཏོར་མའི་རྫས། ཉེར་སྤྱོད་ཀྱི་རྫས། ཀླུ་སྨན། བཟང་དྲུག་ཕྱེ་མ་བཅས་སོ། ༈ །ཇོ་ནང་ལུགས་ལ་རྗེ་བཙུན་གྱི་དཀྱིལ་ཆོག་ལས་རྫས་འདམ་གར་གསུངས་པའི་ནང་ཚན་རྙེད་སླ་བ། རྒྱལ་བའི་བུམ་རྫས། གཡུ་རམ་མེ་ཏོག་ལྗང་གུ། ཁབ་ལེན། ག་བུར། ཀཎྜ་ཀ་རི། གྲོ། རྣམ་རྒྱལ་ལ། གཡུའི་མལ་དུ་ཨུཏྤལ་སྔོན་པོ་མ་གཏོགས་གཞན་འདྲ། ཤར་དང་ཤར་ལྷོའི་བུམ་རྫས། མུ་མེན་ནམ་མེ་ཏོག་སྔོན་པོ། ལྕགས། ཀ་ཀོ་ལའམ་སུག་སྨེལ། རྟག་ཏུ་ངུ་། འབྲས་སོ་བ། ལྷོ་དང་ལྷོ་ནུབ་བུམ་རྗེས། བྱེ་རུ་འམ་མེ་ཏོག་དམར་པོ་ཉ་ལོའམ་གླང་སྣ་སོགས། ཟངས། གུར་གུམ། . སྤང་སྤོས།ནས། བྱང་དང་བྱང་ཤར་བུམ་རྫས། དུང་ངམ་མེ་ཏོག་དཀར་པོ། དངུལ། ཙནྡན་དཀར་པོ། དབང་ལག །ཟར་མའམ་ཁྲེ། ནུབ་དང་ནུབ་བྱང་བུམ་རྫས། སྤོས་ཤེལ་ལམ་མེ་ཏོག་སེར་ཆེན་

― JKT021_Page_0266 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་སེར་པོ། གསེར། རུ་རྟ། སླེ་ཏྲེས། སྲན་མའོ། །རྣམ་རྒྱལ་ཆེན་པོ་དེ་ཐམས་ཅད་གཞུག་གོ ༈ །རྣལ་འབྱོར་གྱི་རྒྱུད་ལས་གསུངས་པའི་བུམ་རྫས་ནི། བྱེ་རུ། གསེར། དངུལ། མུ་ཏིག །པདྨ་རཱ་ག་སྟེ་རིན་པོ་ཆེ་ལྔ། བྲྀ་ཧ་སྟེ་སྟག་སླེ་ཏྲེས། ཚེར་རམ། ཀཎྜ་རི། ཧ་ས་དེ་བ་སྟེ་དབང་ལག །དཊོཏྲ་ལ་སྟེ་དབྱུག་པའི་ཨུཏྤལ་ཞེས་པདྨ་གེ་སར། ཤྭ་ཏ་ཨ་པ་ར་ཛི་ཏ་སྟེ་གཞན་གྱིས་མི་ཐུབ་པ་དཀར་པོ་ཤུ་དག་དཀར་པོ་སྟེ་སྨན་ལྔ། འབྲས་དཀར། ནས་དཀར། གྲོ། ཏིལ་དཀར། སྲན་མ་མ་ཤ་སྟེ་འབྲུ་ལྔ། གུར་གུམ། ཨ་གར། ཙནྡན་དཀར་དམར་ག་བུར་སྟེ་དྲི་ལྔ། ལན་ཚྭ་རྟ་སོ་མ། སྦྲང་དཀར། ཤེལ་དཀར། བ་དམར་གྱི་མར། ཏིལ་མར་སྟེ་སྙིང་པོ་ལྔ། དེ་རྣམས་ལས་རིན་པོ་ཆེའི་དུག་འདོན། ཤིང་སྨན་རྣམས་ཀྱི་རྐང་དང་ཕྱིའི་ལྐོག་པ་བཤུས་ཏེ་བཏང་། བ་གསར་དམར་ཟལ་གྱི་འོ་མས་རིལ་བུར་བསྒྲིལ། བླ་མེད་སྤྱི་ལ་དེ་སྟེང་བདུད་རྩི་རིལ་བུ་བཏབ། ཁྱད་པར་དུས་འཁོར་ལ། བུམ་སྨན་རབ་རིན་པོ་ཆེ་རབ་རྡོ་རྗེ་རིན་ཆེན་ཁ་དོག་ལྔ། འབྲིང་ཨིནྡྲ་ནཱི་ལ་སོགས་ལྔར་བཤད་ཀྱང་དེང་སང་མི་རྙེད། དྲི་དང་སྨན་རྣམས་ལའང་དེ་མིན་ཉེར་ལྔ་སོ་སོའི་ནང་ནས་ལྔ་ཚན་ཇི་ལྟར་རྙེད་པ་རེ་བཏུས་ནས་བྱ་བར་གསུངས་མོད་ཀྱཻ། འདིར་བླ་མ་རྣམས་ཀྱིས་ཕྱག་ལེན་མཛད་

― JKT021_Page_0267 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་བུམ་སྨན་ཉི་ཤུ་རྩ་ལྔ་སྟེ། དེ་ལ་དང་པོ་སྨན་ལྔ་ནི། ཀཎྜ་ཀ་རཱི་ཆ༡། ཤིང་མངར་ཆ༢། རྨ་བྱའི་གཙུག་ཕུད་སྟེ་བལ་ཡུལ་ནས་ཁྱེར་འོང་བའི་རྩ་རྨ་བྱའི་མདངས་ཆ༣། པྲ་ཧ་ཏི་སྟག་ཚེར་ཆ༤། བློ་གི་རཱ་ཛ་སྟེ་ར་མོ་འདི་ལ་དཀར་ནག་གི་ཆ་འབྱེད་རྒྱུ་ཡོད་དམ་སྙམ། ཤག་ཆ་ལྔ་སྡོམ་ལ་སྨན་ལྔའོ། །གཉིས་པ་དྲི་ལྔ་ལ། གླ་རྩི་ཆ༡། ཛཱ་ཏི་ཆ༢། གུར་གུམ་ཆ༣། མུར་སྟེ་ས་ལུ་ལྗངས་བའི་རྩྭ་བ། ཤུ་དག་དཀར་པོ་ཆ༤། རུ་རྟ་ཆ་ལྔ་སྟེ་དྲི་ལྔ། འབྲུ་ལྔ་ནི། གྲོ་ཆ༡། འབྲུའི་ཆ་འབྲུ་འདོགས་པ་འདོད། ཏིལ་དཀར་པོ་ཆ༢། ཁྲེ་ཆ ༣། མ་ཤ་སྟེ་རྒྱ་སྲན་དཀར་པོ་ཆ། སྲན་མ་བོད་དུ་སྐྱེས་པ་ཆ་ལྔའོ། །རིན་པོ་ཆེ་ཐ་མ་ལྔ་ལ། ཤེ་ལ་སྔོ་རྩི་གཏོང་། ཆ༡། དཀར་གཟི་དང་མ་ན་ཧོ་གང་བྱུང་། ཁྲ་མེན་ཆ༢། བྱུ་རུ་ཆ ༣། མུ་ཏིག་ཆ༤། ཤུ་ལ་མ་ཎི་འདི་ལ་གཡུ་གཏོང་། སྟེ་ནོར་བུ་ལྗང་ཀུ་ཆ་ལྔའོ། །ལྔ་པ་ལྕགས་ལྔ་ལ། རྡོ་ཁབ་ལེན་༡། ལྕགས་ཁབ་ལེན་ཆུ༢། དངུལ་ཆ༣། གསེར་ཆ། རང་བྱུང་ཟངས་ཆ་ལྔའོ། །བུམ་སྨན་འདི་དག་ནི་རིལ་བུ་བསྒྲིལ་བ་མི་མཛད་ཅིང་ལྔ་ཚན་སོ་སོར་ཕྱེ་ནས་བུམ་པར་གཞག་ཚུལ་གསུངས་ཀྱང་བླ་མ་རྣམས་ཀྱི་ཕྱག་ལེན་དུ་རས་ཀྱི་ཐུམ་དུ་བྱས་པ་དུང་ཆོས་ཀྱི་ནང་དུ་འཇུག་གིན་འདུག་གོ །བུམ་པའི་ཆུ་ནི་འབབ་ཆུ་ལ་རྐང་པ་གཡོན་སྔོན་འགྲོས་གོམ་པ་གང་ཕྱིན་པས་ཆུའི་དཀྱིལ་ནས་

― JKT021_Page_0268 ―

^{[མ་དཔེ་གཟིགས་ན་འདིར་གནོན།]}

[Full Size]

ལག་པ་གཡོན་གྱིས་བུམ་པ་ཆུར་བཅུག་ནས་གཅུས་པའི་ཆུ་ལ་བྱ་དགོས་ཞེས་རྗེ་ཡང་དགོན་པ་གསུངས་སོ། །ཤིང་ཤུན་ལྔ་ནི། ནྱ་གྲོ་དྷ། ཨུ་དུམ་ཝཱ་ར། བ་ཝ་ཀཱ། བི་སྤུ་མྱ། གནྡྷ་མུནྟ་སྟེ་འོ་མ་ཅན་གྱི་ཤིང་ཤུན་ལྔ་ཞེས་གསུང་། དེའི་ཚབ་ཏུ། ཙནྡན་གཉིས། ཨ་གར། འོམ་བུ། ཤུག་པ་རྣམས་གཏོང་ཟེར་ཡང་དཔྱད། ཏམུ་ལའམ་སོ་རྩི་ནི། གོ་ལ་ཞེས་པ་གོ་བྱེའི་ལོ་མ་ལས་བཅོས་པ་མུར་སྤྱད་ཞིག་ཡོད། དེའི་ཚབ་ཏུ་མཁལ་མ་གོ་ཡུ་དང་། སྟོད་ཇ་དཀར་པོ་གཉིས་མར་སོགས་དང་སྦྱར་རོ། ༈ །ཆོས་སྐྱོང་སྤྱན་འདྲེན་གྱི་སྤོས་ནི། རྟ་ནག་མཆིན་པ། གུལ་ནག །མི་སྨེ་ཅན་གྱི་ཁྲག་གམ་མ་འབྱོར་ན་གྲི་ཁྲག །ཡུངས་ཀར་གྱི་འབྲུ། སྒོག་གཅིག །བཙན་དུག་རྣམས་ཕྱེ་མར་སྦྱར་ནས་ཆང་གར་མས་རིལ་བུ་བྱ། རྣམ་སྲས་སྤྱན་འདྲེན་མན་ངག་ལས་བྱུང་བའི་སྤོས་ནི། སྤོས་དཀར། ཙནྡན་དཀར་པོ། ག་བུར། དུ་རུ་ཀ་སྟེ་ཨར་ནག །ཨར་སྐྱ་རྣམས་འབྲས་ཐལ་སིལ་སྦྱར་བས་རིལ་བུ་བྱེད། འདི་དག་དམིགས་གསལ་མ་གཏོགས་གར་ཐོད་ཐོད་དུ་མི་བསྲེགས། ༈ །ཀླུ་སྨན་སྐབས། བལ་པོའི་སེའུ་ཞེས་པ། དེ་ཆང་ཚབ་བམ། རབ་ཏུ་བྱུང་བའི་ཆང་ཞེས་ཁུ་བ་གཞུར་ནས་སྐོམ་བྱེད་པའི་ཤིང་ཏོག་གཅིག་ལ་བྱེད། སི་ལ་སོགས་ལ་བྱེད་པ་ནི་ནོར། སྦྲུལ་ལྤགས་འབྲུག་ཤིང་གི་ལྤགས་

― JKT021_Page_0269 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དང་། ཆུ་སྲིན་སྡེར་མོ་སྔོ་ལ་བྱེད་དོ། ༈ །ཐུགས་རྗེ་ཆེན་པོའི་རྣམ་བཤད་ལས་བྱུང་བའི་བུམ་སྨན་ནི། རིན་ཆེན། མུ་ཏིག །གསེར། དངུལ། བྱེ་རུ མུ་མེན་ལྔ། འབྲུ། ཏིལ་དཀར་པོ། ནས། གྲོ། མོན་སྲན་མ་ཤ་ཀ འབྲས་མ་གྲུག་པ་ལྔ། སྨན། དྲྀ་ཧ་སྟི་སྟག་ཚེར་ཏེ་སེ་འབྲུའི་མེ་ཏོག་གམ་སླེ་ཏྲེས། ཀཎྜ་ཀ་རི། ཚེར་མ་བྱེད་པ། དཎོཏྲ་ལ་དབྱུག་པའི་ཨུཏྤལ་སྟེ་ཨུཏྤལ་སྔོན་པོ། ཤྭ་ཏཱ་པ་ར་ཛི་ཏ་ནི་གཞན་གྱིས་མི་ཐུབ་པ་དཀར་པོ་སྟེ་ཤུ་དག་དཀར་པོ། ཧ་ས་དེ་བ་ལྷ་དགོད་དེ་ཅོག་མགོ་སྨན་ནམ་དབང་ལག །སྙིང་པོ། ཆུ་སྙིང་ལན་ཚྭ། མེ་ཏོག་གི་སྦྲང་། ཤིང་གི་བུ་རམ། རྩི་ཐོག་གི་མར་རམ་འོ་མ། སྨན་གྱི་ཨ་རུ་རའམ། བླ་མེད་ཀྱི་སྐབས་འབྲུ་བཅུད་ཀྱི་སྙིང་པོ་ཆང་སྟེ་ལྔ། དྲི་ག་བུར། གུར་གུམ། ཙནྡན་དཀར་པོ། ཛཱ་ཏིའམ་གླ་རྩི། ལི་ཤི་རྣམས་སོ། །ཤ་ལྔ་ནི། གླང་ཆེན། བ་ལང་། ཁྱི་དང་རྟ་ཁ་དོག་དཀར་པོ་རྣམས་ནད་ངན་པས་ཞི་བ་མ་ཡིན་པ་དང་། སྐྱེ་བ་བདུན་པའམ་སྐྱེས་ཕོ་མོ་གཡུལ་དུ་བསད་པའི་ཤ །བདུད་རྩི་ལྔ་ནི། དམ་ཚིག་ཅན་གྱི་དྲི་ཆེན་དྲི་ཆུ། ཁྱེའུ་གཙང་མའི་ཁུ་བ། ན་ཆུང་རྡོ་རྗེའི་མདའ་མ་ཕོག་པའི་པདྨ་རཀྟ། ཤ་ཆེན་གྱི་དྭངས་མ་ཀླད་པ་རྣམས་སོ། ༈ །ཀུན་རིག་རྣམ་བཤད་དཔག་བསམ་ལྗོན་པར། འབྲུ་ལྔ།

― JKT021_Page_0270 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་གྲོ་སྲན་མ་འབྲས་སོ་བ་ཏིལ་དཀར། རིན་པོ་ཆེ། གསེར་དངུལ་བྱེ་རུ་མུ་མན་མུ་ཏིག །སྨན་འདི་ལ་ཆུ་སྲིན་སྡེར་མོ་དང་ཨུཏྤལ། སླེ་ཏྲེས་ཤུ་དག་དཀར་རྒྱ་མཚོ་སྦུ་བ་དབང་ལག་ཀཎྜ་ཀ་རི་སྔོ། སྙིང་པོ། ལན་ཚྭ། བུ་རམ། མར་དཀར། འོ་མ་སྦྱང་ཞེས་གཙུག་དགུའི་དཀྱིལ་ཆོག་ལས་བཤད། རྣམ་འཇོམས་འགྲེལ་པར། ས་སྙིང་ཏིལ། ཆུ་སྙིང་ཚྭ། རྩི་ཐོག་སྙིང་པོ་མར། ཤིང་ཏོག་སྙིང་པོ་བུ་རམ། མེ་ཏོག་སྙིང་པོ་སྦྲང་རྩི། དྲི་ལྔ་ནི། ཙནྡན་གཉིས། གུར་གུམ། ག་བུར། ཛཱ་ཏི་ལྔ། ༈ །ས་སྐྱའི་དམ་རྫས་ཀྱི་རྩི། ཁ་ཆེ། གི་ཝཾ། ཙནྡན་དམར་པོ། ཤེལ་དཀར་རྟ་སོ་མ་རྣམས་ཡིན། དེ་དང་ཁ་ཆེ་མང་ན་སེར་ཤས་ཆེ། ཙནྡན་མང་ན་སྨུག་ཤས་ཆེ་བར་འོང་ངོ་། ༈ །བསངས་འབུམ་བྱ་ཚུལ་ནི། ས་གཙང་ཞིག་ཏུ་བྱར་བའི་སྣོད་ལྟ་བུར་ཤིང་སྣ་བསང་རྫས་སོགས་འདུ་བྱས་ལ། མི་བཅུས་ཤིང་སྣ་བསང་རྫས་ཀྱིས་བྲན་པ་ལག་གཉིས་ཀས་འཛིན། ངག་ཏུ་སྐད་ཆེན་པོས། གཅིག །བཅུ་ཉི་ཤུ་སུམ་ཅུ་ནས་བརྒྱ་འབུལ་ལོ་ཞེས་འབུལ་ཚུལ་དང་། དེ་མཚམས་གསར་པ་རེ་བསགས། གྲངས་འཛིན་ཞིག་གིས་དེ་ལྟ་བུ་འབུམ་ཕྲག་རེ་འགྲོ་ངེས་བྱེད། བླ་མས་སྔགས་ཕྱག་རྒྱ་ཏིང་ངེ་འཛིན་གྱིས་མང་པོར་སྤེལ། ཚར་བ་དང་བསང་ཁང་དུ་འབུལ་ཞིང་། ཆབ་ཀྱིས་བྲན་པ། བསང་གཞུང་སྤྱི་དང་། །

― JKT021_Page_0271 ―

^{[མ་དཔེ་གཟིགས་ན་འདིར་གནོན།]}

[Full Size]

རི་བོ་བསང་མཆོད་གྱི་འབྲུ་གསུམ་འབུམ་ཐེར་བྱ། ལོང་མ་བྱུང་ཡང་བསངས་གཞུང་རྒྱས་པ་ཚར་གཅིག་གིས་སྤེལ་ལོ། །བསངས་ཀྱི་མཆོད་སྤོས་རྒྱས་པ་ནི། རིན་ཆེན་ཕྱེ་མ། བཟང་དྲུག །ཙནྡན་གཉིས། ག་བུར། ནཱ་གི །ཨ་གར་རིགས་གསུམ། འབྲས་བུ་གསུམ། གེ་སར་གསུམ། གུ་གུལ་གཉིས། རྩྭ་འབའ་ལ། རུ་རྟ། །མ་ནུ། ག་དུར། ས་སི་ལ། སྤང་སྤོས། རྒྱ་སྤོས། །བྲག་སྤོས། མཁན་པ་གསེར་མགོ། པྲི་ཡངྐུ། གནྟ་བྷ་དྲ། གླང་སྣ། ལུག་རུ་སེར། ཏོང་ཀུན། འུ་སུ། ཞོ་ཤ སེ་འབྲུ། ཨུཏྤལ། རྡོ་རྒྱུས། སྟར་ག་དང་རྒུན་འབྲུམ་སོགས། ༈ །ཚེ་རྫས་བསྡུ་ཐབས་ལ། བུམ་རྫས་ཉེར་ལྔའི་སྟེང་། རུས་ཉམས་གསོ་བྱེད་ཅོང་ཞི་རིགས་ལྔ། སྟོབས་ཀྱི་གསོས་བུ་རམ། མདངས་ཀྱི་གསོས་སྦྲང་རྩི། བཅུད་ཀྱི་གསོས་མར་དཀར། ཤ་ཡི་གསོས་བྲག་ཞུན། རྩའི་གསོས་ཨ་ཝ། ཚེའི་གསོས་ཤུག་འབྲས། བ་ལུ་མཁན་པ། མཚེ་དང་བཞི། བུང་བསྐྱེད་ཨ་རུ༣༠། བ་རུ༢༠། སྐྱུ་རུ། བཟང་པོ་དྲུག་དང་། མ་ནུ། རུ་རྟ། གི་ཝཾ། ནཱ་གི ། །ཙནྡན་དཀར་དམར་རྣམས་སོ་སོར་ཞོ་རེ་ཙམ། འབྲས་ཕྱེ་བྲེ་དོ། ན་བཟའ་མཚལ་བཏུལ་མའམ། ལི་ཁྲི་ཞོ་དོ། དམ་རྩི་མདོངས་འདོན་ཤེལ་དཀར་ཕུལ་ཕྱེད། དབང་ལག་ཕྲན་བུ་བཅས་སྟེ། དེ་

― JKT021_Page_0272 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟར་སྒྲུབ་པས་རིལ་བུ་ཐོད་པ་གང་ཙམ་འབྱུང་། གཞན་ཡང་ཕབ་གཏའ་ལ་གོང་མའི་ཚེ་རིལ་བྱིན་ཅན་དང་། ཆོས་སྨན་སོགས་སེལ་མེད་ཀྱི་རིགས། གཡའ་མ་ལུང་སོགས་ཀྱི་ཚེ་ཆུ་དང་། ས་སྣ་ཆུ་སྣ་སོགས་བཅས་བསྲེ་བ་སྟེ། རཏྣའི་གསང་འདུས་ལྟར་རོ། །འདི་ལ་རྩ་བ་ལྔ་སོགས་ཚེ་བསྲིངས་པའི་རྫས་གང་འཛོམ་ཕྲན་བུ་རེ་བཏབ་ཀྱང་འགལ་བ་མེད་སྙམས། དེ་ནས། ས་སློང་བ། སྦྱོང་བ། གཟུང་བ། སྲུང་བ། ཐིག་གདབ། དཀྱིལ་འཁོར་བྲི་ཞིང་རྒྱན་བཀྲམ་ནས་དངོས་གཞི་སྒྲུབ་མཆོད་ལ་འཇུག་གོ །ཤིང་ཏོག་སྣ་ཚོགས། ཀ་པེད། ཤིང་མངར། སེ་མེ། མཚལ། ལི་ཁྲི། སླེ་ཏྲེས། ཀཎྜ་ཀ་རི། དབང་ལག །ཆུ་དག་དཀར་པོ། རྒྱ་མཚོ་ལྦུ་བ། ཆུ་སྲིན་སྡེར་མོ། རྡོ་དྲེགས་དམར་པོ། འབྲས། སོ་བ། ཏི་ལི། ཁྲེ། ཟར་མ། ནས། གྲོ། སྲན་མ། ལན་ཚྭ། ཀ་ར། བུ་རམ། སྦྲང་། མར། འོ་མ། ཞོ། ཇ་ཆང་། ཐུད། ཕུམ་ཕུམ། དར་ཚོན་སྣ་ཚོགས། སྟག་རས། གཟིག་རས་སོགས་རྫས་རྣམས་ཞིབ་ཏུ་བརྡུངས་ལ། སྤོས་དང་། ཕྱེ་མར། །གསེར་སྐྱེམས་སོགས་ལ་བསྲེ་བར་བྱའོ། ༈ །ཆུ་གཏོར་འབུམ་ཐེར་བསགས་ཚུལ་ནི། ཆུ་གཏོར་རྒྱས་པ་ཚར་གཅིག་གི་མཚམས། ཐེབ་ལྔར་རིལ་བུ་ཉི་ཤུ་རེ་བླགས། སཾ་བྷ་ར་བརྒྱ་རྩ་རེའི་མཚམས།

― JKT021_Page_0273 ―

^{[མ་དཔེ་གཟིགས་ན་འདིར་གནོན།]}

[Full Size]

ཉེར་སྤྱོད་དང་། མཚན་བཞི་བརྗོད་ལ་གཤེགས། དོ་ནུབ་ཡང་ཆུ་སྦྱིན་བཅས་མཐའ་སྡུད་བྱ། འདི་ནི་ཆགས་མེད་དང་། མཁྱེན་བརྩེ་སོགས་ཁ་འབར་མའི་མདོ་ལས་ལུང་དྲངས་ཏེ་གསུངས་པས་ཕྱག་ལེན་བདེ། དེ་ལྟ་བུའི་ཚུལ་གྱིས་སྔགས་བྱེ་བས་བསྔོ་བ་ལ་གཏོར་མ་བྱེ་བ་ཚར་ཟེར་གི་འདུག །གཞན་ཡང་ལོངས་སྤྱོད་སྤེལ་བ་ལ་ཛམྦྷ་ལ། ཡི་དྭགས་དང་བར་དོ་ལ་རེ་རེ་འདོད་དོན་སྒྲུབ་པ་ལ་དཀར་ཆ་བཞི། འབྱུང་བཞིའི་གནོད་པ་དང་ནད་སོགས་ལ་འབྱུང་བཞིའི་གཏོར་མ། དཀོར་སྦྱང་ལ་བུམ་གཏོར། ལན་ཆགས་རྐྱང་པ་ལ་གླུད་གཏོར། སྐེགས་རྩུབ་ལ་དབྱུ་གུ་དྲུག་ཅུ་རྩ་བཞིའི་གཏོར་མ། ཀླུ་གདོན་ལ་ཀླུ་གཏོར་སོགས་སོ། །ཆབ་གཏོར་འཇམ་དཔལ་མའི་རྫས། བསད་པས་ཚེ་ཐུང་བ་སྦྱོང་བྱེད། ལན་ཚྭ། བུ་རམ། སྦྲང་རྩི། མར། ཨ་འབྲས་སྟེ་སྙིང་པོ་ལྔ། བརྡུང་པས་ནད་སེལ་བྱེད། ཀཎྜ་ཀ་རི། སླེ་ཏྲེ། རྒྱ་མཚོ་སྦུ་བ། དབང་ལག །མ་ནུ། སྨན་ལྔ། འཕྲོག་པས་དབུལ་བ་སེལ་བྱེད། བྱེ་རུ། མུ་ཏིག །གསེར། དངུལ། མན་ཤེལ་སྟེ་རིན་པོ་ཆེ་ལྔ། ཁྲོས་པས་སྡང་བ་སེལ་བྱེད། གུར་གུམ། ནཱ་གི །ཙནྡན་གཉིས། ག་བུར་ཏེ་སྤོས་ལྔ། སེར་སྣས་བཀྲེས་པ་སེལ་བྱེད། ནས། གྲོ། འབྲས། སྲན་མ། ཏིལ་དཀར་སྟེ་འབྲུ་ལྔ། དཀོར་ཆ་ལྔ་ནི། ཆུ་

― JKT021_Page_0274 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ཕྱེ། དཀར་གསུམ་མངར་གསུམ། དར་རས་སྣ་ཚོགས། དུག་རིགས་མིན་པའི་མེ་ཏོག་སྣ་ཚོགས་སོ། །སྦྲང་རྩི་ཟུར་དུ་བྱ། ཟན་རིལ་ཡང་བྱུང་ན་འོ་ཞོ་མར་སྦྲང་སོགས་ཀྱིས་སྦྲུ་བར་བྱེད་པ་ལས་ཆུས་མ་རེག་པ་དགོས་གསུངས། འཇིགས་མེད་གླིང་པས་ཆུ་དང་། །བླ་མ་གོང་མ་དག་མེ་ཏོག་གི་ཁྲོལ་མཆོད་བྱ་བར་གསུངས་ཤིང་འབྱོར་པས་དབེན་པ་ལ་ཐབས་དམ་པ་ཡིན། ཆུ་ཁར་ཏིང་ཕོར་བརྒྱའམ་བཅུ། མི་གཉིས་སམ་བཞིས་བསྔོ་བས་གཞི་བྱིན་རླབས་ནས་ཡན་ལག་བདུན་པའི་བར་དང་། ནམ་མཁའ་མཛོད། མཆོད་པའི་སྤྲིན་གྱི་གཟུངས། ཡེ་ཤེས་སྐར་མདའི་གཟུངས་རྣམས་སྔགས་རྒྱ་རོལ་མོ་དང་བཅས་པས་བྱ། ༈ །བརྒྱ་མཆོད་ནི་མར་མེ་མ་གཏོགས་གཞན་གཅིག་ལ་ཁ་གསོས་ཀྱང་རུང་། ༈ །མཎྜལ་འབུམ་ཐེར་ལ་འབྱོར་ལྡན་གྱིས་ཚོམ་བུ་རེ་རེ་བཞིན་བརྗེ། འབྲིང་གིས་བརྒྱ་ཚར་ཙམ་གྱིས་མཚམས་དང་། ཐ་མས་ཀྱང་ཉིན་ཞག་རེར་བརྗེ་དགོས་རབ་སོ་བདུན། ༈ །འབྲིང་ས་གཞི་སྤོས་བྱུགས། ཐ་མ་སྔགས་བསགས། ༈ །ཚོགས་བརྒྱ་ལ། ཚོགས་ཆེ་བ་གཅིག་གི་མཐའ་སྐོར་དུ་ཚོགས་འབི་འམ། རིལ་བུས་བསྐོར། སྔར་གྱི་ཕྱག་ལེན་རབ་ཆོ་ག་བཟླས་པ་ཚོགས་བསྐང་ལྷག་མ་ནས་བཀྲ་ཤིས་བར་སྔར་ལྟར་བྱེད་པ་དང་། འབྲིང་ལྷག་མ། ཀཿཐོག །ཡན་དང་། བཟོད་

― JKT021_Page_0275 ―

^{[མ་དཔེ་གཟིགས་ན་འདིར་གནོན།]}

[Full Size]

གསོལ་རེ་བྱེད་པ་དང་། ཐ་མ་ལས་བྱང་བསྡུས་པ་རེ་དང་ཚོགས་བསྐང་ལྷག་མ་ཡན་བྱ་བ་དང་། ཕྱག་ལེན་ཡངས་པའི་ཕྱོགས་ལ་ལས་བྱང་རྒྱས་པ་ཚར་གཅིག་གི་མཚམས། ཚོགས་ལྷག་མ་ཡན་ཁོ་ན་བསགས་པ་རྣམས་སོ། །ཚོགས་རྫས་ལ། ཟླ་རྒྱས་ནི། ཞོ་དང་། ཁུར་བ། ཟླ་ཕྲམ་ཐུད། ཕྲུ་མ། ཛཀྟི་ཤའམ། སྦང་གྲུམ་ཆང་། ཤེལ་གོང་སྒོང་། ཐར་པ་ཚོད་མ། ཚམ་ལོ་ཁུར་བ། ཙི་ཏེ་པྲི་ཡངྐུ། ཚོ་ཤ་བཅོས་པ། གལ་ནི་ཕྱི་ཤ་བསྲེགས་པ། ཀུན་ཏུ་རྒྱུ་ཚྭ་སྤང་ན་སྐྱེ་བའི་ཤྭ་མོང་སྣ་ཚོགས། རྩི་ཐོག་མར། ཟླ་ཕྲམ་བཟོ་རྒྱུན་ལྟར་རོ། ༈ །སཱ་ཙྪ་འབུམ་ཐེར་སོགས་ལ། ས་2ལ་རིན་པོ་ཆེ། འབྲུ་སྣ། ས་སྣ། ཆུ་སྣ། བྱིན་རྟེན་སོགས་བསྲེ། རྟེན་སྙིང་དང་། གཙུག་གཏོར་དྲི་མེད། རྣམ་རྒྱལ་མའི་གཟུངས་ཐུང་བཅས་སམ། མ་གྲུབ་ན་རྟེན་སྙིང་གཅིག་པུ་སྲོག་ཤིང་རྩ་རྩེ་མ་ལོག་ཕྲ་མོར་མགོ་ནས་མར་དྲིལ་ལ་གཟུངས་གཞུག་ཕུལ། བཞུགས་ཁང་ས་བཀྲ་པདྨ་འདབ་མ་བརྒྱད་པའི་དབུས་ཁང་པའི་བད་ནང་དང་མཉམ་པའི་རྩ་རྩེ་མ་ལོག་པའི། ཤར་དུ་གཙུག་ཏོར་དྲི་མེད།ལྷོར་རྣམ་རྒྱལ། ནུབ་ཏུ་གསང་བ་རིང་བསྲེལ། བྱང་དུ་བྱང་ཆུབ་རྒྱན་འབུམ། རྩེ་མོར་མཆོད་རྟེན། རྩ་བར་རྡོ་རྗེ་ཕྱེད་པ་རྣམས་བྲི་བརྐོས་གང་རུང་བྱ། གཞན་ཡང་གཟུངས་གཞུག་གང་འབྱོར་གོ་མ་

― JKT021_Page_0276 ―

^{[མ་དཔེ་གཟིགས་ན་འདིར་གནོན།]}

[Full Size]

ལོག་པར་བྲིས། དར་རས་སེར་པོས་ལྕིབས། རྒྱབ་ནས་གྲོ་གའམ་ཤུག་ཤུན་སོགས་ཀྱིས་ལྕིབ་ནས་བརླན་མི་ཕོག་པར་དྲང་པོར་བཙུགས། དེའི་ཕྱི་ནས་བར་སེང་མེད་པར་སཱཙྪ་རྣམས་བསྒྲིགས་ལ་ས་སྐམ་པོས་བར་མཚམས་མེད་པར་སག་དེ་སྟེང་ཡང་དེ་ལྟར་སོགས་ལག་ཚག་ཤིན་ཏུ་དམ་པར་བྱ། སཱཙྪ་རྣམས་སྐམ་པ་གལ་ཆེ། ཤར་དུ་སྒོ་ཆུང་ཞིག་བཏོད། སྟེང་དུ་རྒྱལ་མཚན་ཉི་ཟླ་ནོར་བུའི་ཏོག་ཅན་སོགས་བྱ། དེ་ནས་མཆོད་རྟེན་ལྟར་རབ་གནས་རྒྱས་བསྡུས་གང་རིགས་ཀྱིས་མངའ་གསོལ་བ་ཕྱག་ལེན་ནོ། །རྒྱུ་མཆོད་རྟེན་ཁང་བུ་བརྩེགས་པའི་ལུགས་ཀྱི་ཐིག་གདབ་པར་བྱའོ། ༈ །སྦྱིན་སྲེག་རྒྱུན་འདོན་དང་འབུམ་ཐེར་སྐབས། ཡམ་ཤིང་དང་། མར་ཁུ་མ་གཏོགས་པ་རྣམས་ཕྱོགས་གཅིག་ཏུ་ཁྲོལ་བུའམ་རིལ་བུ་བྱ། གྲངས་བསག་སྐབས་ལས་སྤྱིར། གོང་གི་སྤྱི་སྡོམ་གྱི་རྫས། ལྷ་སྔགས་བརྒྱ་རྩ་རེའི་མཚམས་སུ་འདོད་གསོལ་བཅས་འབུལ། །ལས་ཁྱད་པར་བ་ལ། ཚེ་རྒྱས་པར་རྫས། དུཌྷ་དང་ལྷ་སྔགས་ལ། བཛྲ་ཨ་ཡུ་ཥེ་སྭཱ་ཧཱ། ཞེས་དང་། སྤེལ་ཚིགས། ཚེ་རྒྱས་པར་གྱུར་ཅིག །པུཏྟིཾ་ཀུ་རུ་སྭཱ་ཧཱ། ཞེས་པ་ལྟ་བུར་སྦྱར། ཟས་མཆོག་ནི་མངར་གསུམ་ཕྱེ་དང་བསྲེས་པ་ཞེས་སྦྲུས་པའོ། ༈ །གླུད་རྫས་ནི། ལྕགས། ཟངས། མུ་ཏིག །གསེར། གཡུ་དུང་། ལུང་ཏང་། ཟང་

― JKT021_Page_0277 ―

^{[མ་དཔེ་གཟིགས་ན་འདིར་གནོན།]}

[Full Size]

ཁབ། མགྲོན་བུ། དར་ལེབ་བརྒན། ཟེར་མོའི་སྒྲོ། དབང་ལག །སྙིང་ཞོ། བསེ་ཁྲབ་བྱུང་། མཚལ་སོགས་སོ་སོའི་གནས་སུ་གཞུག་པའམ། གཅིག་ཏུ་བསྡུས་ནས་གླུད་ཟན་ལ་བསྲེ། ༈ །ལིང་ག་བྲི་རྫས་དུག་ཁྲག་ནི། མི་རྟ་ཁྱི་བྱ་གཅན་ཤ་ཟན་གདུག་པ་ཅན་རྣམས་ཀྱི་སྙིང་ཁྲག །གྲི་ཁྲག་བཅས། བོང་ང་། ཐང་ཕྲོམ། རུ་དུག །རེ་ལྕགས། སྤྱང་དུག་སོགས་དུག་སྣ། ཟར་མ། རོ་བསྲེགས་པའི་རུས་པ། ཏིལ་ནག །བ་བླ་ལ། ལྡོང་རོས། ཚྭ། ཀེ་ཚེ། ཤངས་ཚེ། ཡུངས་དཀར། སྒོག་སྐྱ། གཡེར་མ། རོ་སོལ་རྣམས་ལྕགས་སྣོད་དུ་སྣག་ཚ་དང་སྦྱར་རོ། ༈ །གཏོར་མ་མགྲོན་ཚན་བཅུ་གཉིས་མི་གྲངས་རེའི་ཉིན་རེར་ཚར་ཉི་ཤུ་རྩ་ལྔ་འགྲོ་རྩིས་བྱས་ན་ཚར་རེ་ལ། ༡༤༠ གྲྭ་པ་རེས་ཉིན་རེར་གཏོར་སྔགས་སུམ་སྟོང་ལྔ་བརྒྱ་འགྲོ་བས། གྲྭ་པ་བཅུས། སུམ་ཁྲི་ལྔ་སྟོང་ལགས། གྲྭ་པ་བཅུས་ཉིན་གསུམ་ལ་འབུམ་ཕྲག་གཅིག་དང་ལྔ་སྟོང་འགྲོ །དེ་སྟེང་གྲྭ་པ་གཉིས་ཉིན་གཅིག །བསྣན་ན། འབུམ་གཅིག །ཁྲི་གཅིག །སྟོང་གཉིས་འཕྲོ་བས་ཁ་སྐོང་དང་བཅས་པ་ལེགས་པར་གྲུབ་པ་ཡིན། དེས་གྲྭ་པ་བཅུ་གཅིག་གིས་ཉིན་གསུམ་བྱས་ན་ལེགས་པར་མངོན་ནོ། །མདོར་ན་གྲྭ་པ་བཅུ་གཅིག་གིས་ཉིན་གསུམ་ལ། ཆིག་འབུམ། ཆིག་ཁྲི། ལྔ་སྟོང་།

― JKT021_Page_0278 ―

^{[མ་དཔེ་གཟིགས་ན་འདིར་གནོན།]}

[Full Size]

ལྔ་བརྒྱ་འགྲོ། ༈ །རྗེ་བཙུན་སྒ་ལོའི་ལུགས་ཀྱི་ཀླུ་གཏོར་ལས་བྱུང་བའི་རྫ་ས་ནི། དབུགས་ཉམས་གསོ་བྱེད་ག་བུར་ཛ་ཏི། དྲི་ངད་བཟང་བྱེད་གུར་གུམ་ཙནྡན། ཡན་ལག་སོས་བྱེད་དབང་ལག །སེན་མོ་སོས་བྱེད་ཆུ་སྲིན་སྡེར་མོ། །ཁྲག་ཉམས་སོས་བྱེད་མཚལ་དཀར་དམར། རུས་ཉམས་སོས་བྱེད་དུང་། མིག་འབྲས་ཉམས་པ་སོས་བྱེད་གཟི། ལྕེ་ཉམས་སོས་བྱེད་རྒྱ་དར་དམར་པོ། རྩ་ཉམས་སོས་བྱེད་ཟི་ཧུན་རས་སྐུད། དོན་སྙིང་སོས་བྱེད་སྙིང་ཞོ། ཤ་ཉམས་སོས་བྱེད་གླ་གོར་ཞོ་ཤ །མཁལ་ཉམས་སོས་བྱེད་མཁལ་ཞོ། རྩ་ཉམས་སོས་བྱེད་པུ་ཤེལ་ཙེ། མདངས་ཉམས་སོས་བྱེད་རྨ་བྱའི་མདངས། པགས་ཉམས་སོས་བྱེད་སྦྲུལ་ཤུན། སྐྲ་ཉམས་སོས་བྱེད་ཐང་ལོ་སྨུག་ལོ། རྒྱུས་འཁུམས་སོས་བྱེད་རྡོ་རྒྱུས། ཚིལ་ཉམས་སོས་བྱེད་དངུལ་དཀར་པོ། །རོ་མཆོག་མྱོང་བྱེད་དུ་ཧཾ་ཀར། ལུས་ཀུན་མཛེས་བྱེད་མེ་ཏོག་ཤིང་ཏོག །ཚེ་དཔལ་རྒྱས་བྱེད་རིན་པོ་ཆེ། རྐང་མར་སོས་བྱེད་རྒྱ་མཚོ་ལྦུ་བ། རྣ་དབང་སོས་བྱེད་ནཱ་ག་གེ་སར། པདྨ་གེ་སར། ༈ །གཞན་ཡང་། སླེ་ཏྲེས། ལི་ཤི །སུག་སྨེལ། ཟི་ར་དཀར་ནག །ཨུཏྤལ་སྔོན་པོ། ཨ་རུ། སྤང་སྤོས། ཏིལ་དཀར་ནག །ཐལ་དཀར་རྡོ་རྗེ། སོ་མ་ར་ཛ། རྒུན་འབྲུམ། ཤིང་དངར། སྦྲང་རྩི། དར་ཟབ། དཀར་

― JKT021_Page_0279 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ། མངར་གསུམ་བཅས། འདི་ལྔ་པ་རིན་པོ་ཆེའི་ལུགས་ལྟར་ཡིན། ཡང་ལུགས་གཅིག་ལ། ཛཱ་ཏི། མགོ །གཟི། མིག །རྒྱ་མཚོ་ལྷུ་བ། ཀླད་པ། ཨུཏྤལ། སྣ། ཉ་ལྕིབས། འགྲམ་པ། ལི་ཁྲི། ཤ །མཚལ། ཁྲག ལེབ་བརྒན། ལྗགས། མགྲོན་སོ། བུ། དུང་། རུས། གུར་གུམ། དྲི། ཙནྡན་དཀར་པོ། ཚད་ནད། རྨ་བྱའི་མདངས། མདངས། དར་ཚོན་སྣ་ལྔ། ལྤགས་པ། སྙིང་། སྙིང་ཞོ་ཤ །མཁལ་ཞོ། མཁལ། གླ་གོར་ཞོ་ཤ །སློག །ཆུ་སྲིན་སྡེར་མོ། སྡེར་མོ། དབང་ལག །ལག་པ། ཕྱ་ཚང་ཀུ་བ། གྲོད་པ། ཚུལ་ཁྲིམས། སྤོང་སྤོས། སྤུ་ཤེལ་ཙེ། རྩ་རྒྱུས། རྡོ་རྒྱུས། ཆུ་རྒྱུས། སླེ་ཏྲེས། རྒྱུ་མ། བྱི་ཏང་ཀ །རེག་བྱ། ཨ་རུ་ར། ནང་ཁྲོལ། འདམ་བུ་ཀར། གནས་ཁང་། རིན་ཆེན་སྣ་ལྔ། བང་མཛོད། དཀར་མངར་ཁ་ཟས་ཉམས་པ་རྣམས་སོས་བྱེད། ཀར་ལུགས་སོ། ༈ བླ་བསླུའི་གླུད་རྫས་ལ། ཟེར་མོའི་སྒྲོ། མུ་ཏིག ཀུ་བ། ལུང་ཐང་། དར་ལེབ་བརྒན། མགྲོན་བུ། དུང་། མཚལ། བསེ། རྡོ་རྒྱུས། སྙིང་ཞོ། མཁལ་ཞོ། དབང་ལག །ཆུ་སྲིན་སྡེར་མོ། ཟངས་ལྕགས། ཆོ་ག་ལ། འབྱུང་བ་དང་སྦྱར་ཏེ་སྤྱིར་བསྔོ་བ། སྤར་ཁའི་ཐོག་གི་གདོན་བྱེ་བྲག་པར་བསྔོ་བ། ཕྱོགས་བཅུའི་གདོན་ལ་བསྔོ་བ། ཁྱད་པར་ཟླ་གཤེད་ཀྱི་བདུད་རེ་སྡེ་མགོ་ཉག་དང་། བྱང་ཤར་གྱི་སྲོག་

― JKT021_Page_0280 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་རྒྱལ་པོ་གཉིས་ལ་བསྔོ་བ། བླ་འགུགས་པའི་སྔགས་བཟླ་བའོ། །སྔགས་ནི། ཨ་ཧ་རི་ནི་ས་རྫབ་རྫབ་རྫུབ་རྫུབ་བྷ་ཏྲ་སློང་སློང་ནི་ཁུག་ཛ་ཛཿ ཤིན་ཏུ་དག་པའོ། ༈ །དུས་འཁོར་བུམ་རྫས་སྨན། ཀཎྜ་ཀ་རི། ཤིང་མངར། རྩྭ་རྨ་བྱའི་གཙུག་ཕུད། སླེ་ཏྲེས། ར་མོ་ཤག་སྟེ་ལྔ། ༈ །དྲི། གླ་རྩི། ཛཱ་ཏི། གུར་གུམ། ཤུ་དག་དཀར་པོ། རུ་རྟ་སྟེ་ལྔ། ༈ །འབྲུ། གྲོ། ཏིལ་དཀར་པོ། ཁྲེ། སྲན་མ་མ་ཥཱ། བོད་སྲན་ཏེ་ལྔ། ༈ །རིན་པོ་ཆེ། ཤེལ། དཀར་ཕྲ་མེན། བྱེ་རུ། མུ་ཏིག །ཤུ་ལ་མ་ཎི་ཞེས་གཡུ་སྟེ་ལྔ། ༈ །ལྕགས། རྡོ་ཁབ་ལེན། ལྕགས་ཁབ་ལེན། དངུལ། གསེར་། རང་བྱུང་ཟངས་ཏེ་ལྔ། ལྔ་ཚན་རེ་རེ་བཞིན་སྔ་མ་སྔ་མ་ལས་ཕྱི་མ་ཕྱི་མ་ཆ་རེ་བསྐྱེད་པར་གསུངས་པ་ལྟར་སྦྱར་བ་སྟེ། དེའང་དྲི་ལྔའི་གྲས་སུ་གླ་རྩི་ཞོ་གང་། རིན་པོ་ཆེའི་གྲས་སུ་ཕྲ་མེན་ཞེས་གཟིའམ་མ་ན་ཧོ་གང་རིགས་ཞོ་བཞི། ལྕགས་ལྔའི་གྲས་སུ། དངུལ་རྡོ་སྲང་དོ། གསེར་རྡོ་སྲང་གསུམ་དྲགས། །རང་བྱུང་ཟངས་དང་ཟངས་རྡོ་སྲང་དོ་རྣམས་བསྲེ། རིན་པོ་ཆེ་དང་ལྕགས་ལྔ་དུག་འདོན་ལེགས་པོ་བྱེད། སླར་སོ་སོར་ཐང་ལྟར་ཁྲོལ་ཙམ་བརྡུང་ནས་སྒྲུབ་མཆོད་སོགས་ཀྱི་སྐབས་རས་ཀྱི་ནང་དུ་ཐུམ་པོ་བྱས་ཏེ་དུང་ཆོས་ཀྱི་ནང་དུ་བཅུག་པར་གསུངས་པ་ལས་རིལ་བུར་དྲིལ་བ་སོགས་

― JKT021_Page_0281 ―

^{[མ་དཔེ་གཟིགས་ན་འདིར་གནོན།]}

[Full Size]

མི་མཛད་དོ། ༈ །ཨོཾ་སྭ་སྟི། བུམ་རྫས་སྐབས་སུ་ཉེར་མཁོའི་དྲིའི་ཆུ་ནི། རྡོ་རྗེ་སྙིང་རྒྱན་ལས། ཙནྡན་༡དང་ནི་རྒྱ་སྤོས་༢དང་། ག་བུར་༣དེ་བཞིན་གུར་གུམ་༤དང་། ཨ་ག་༥རུ་དང་ལྷ་ཡི་ཤིང་༦། ཙནྡན་༧དམར་པོ་ཉིད་དང་ནི། ཞེས་རྫས་བདུན་སྦྱར་བའོ། །ཞི་པའི་མཆོད་ཡོན་ལ། ནས་དཀར། འོ་མ། མེ་ཏོག་དཀར་པོ། ཀུ་ཤ །ཏིལ་དཀར། འབྲས་ཡོས། བདུད་རྩིར་བཅས་པའི་དྲི་དཀར་པོའི་ཆུ་སྟེ་རྫས་བདུན་ནོ། །རྒྱས་པར། ཏིལ། ཀུ་ཤ །མེ་ཏོག་སེར་པོ། དྲི་སེར་པོའི་ཆུ་སྟེ་བཞིའོ། །ཞབས་བསིལ་ལ་འདག་ཆལ་ལྔའོ། །སྤོས་སྦྱོར། ཤིང་ཚྭ་ཆུ། སྤོས་དཀར་ཐལ། ལི་ཤི་རྡོར། སྤང་སྤོས་ཚྭའི་ཚུལ་ཏེ་བཞི་སྦྱོར་རོ། །དྲི་ཆབ་ལ། སུག་སྨེལ། ཤིང་ཚྭ། སྤང་སྤོས། བཱ་ལེ་ཀ །ཙནྡན་རྣམས་ཞོ་གཉིས་རེ་ཐུམ་བུར་བཅིངས། ཆུ་གཙང་བྲེ་བརྒྱད་ལ་བཅུག་སྟེ་བཞི་གསུམ་གྱི་བར་དུ་བསྐོལ་བའི་ལྷག་མ་དྲིའི་ཆུར་འགྱུར་པར་དུས་འཁོར་ལས་གསུངས་པ་ལྟར་རམ། ཐུན་མོང་དུ་དྲི་ལྔ་སྦྱར་བའོ། །རབ་གནས་སྐབས་བཀྲུ་བའི་རྫས་འདག་ཆལ་ལ། དཀྱིལ་ཆོག་རྡོར་ཕྲེང་ལས། ཞོ། འོ་མ། མར། སྦྲང་། བྱེ་མ་ཀ་ར་སྟེ། ཕྱིའི་བདུད་རྩི་ལྔ། འོ་མ། ཞོ། མར། ལྕི་བ། ཆུ་སྟེ་བ་ལས་བྱུང་བ་ལྔ། ནྱ་གྲོ་དྷ། ཨུ་དུམྦྷ་ར། བླཀྵ། བི་སྦ་མྱ།

― JKT021_Page_0282 ―

^{[མ་དཔེ་གཟིགས་ན་འདིར་གནོན།]}

[Full Size]

གནྟཱ་མུཎྜ་སྟེ་འོ་མ་ཅན་གྱི་ཤིང་ཤུན་ལྔ། དྲི་ལྔ། སྐྱུ་རུ་ར། ཡུང་བ་རྣམས་ཀྱི་ཕྱེ་མས་རིམ་པར་བྱུགས་ཤིང་བཀྲུ་བར་གསུང་ལ། དེ་ཙམ་མ་ལྕོགས་ན། སློབ་དཔོན་ཀུན་དགའ་སྙིང་པོས། སུག་པ་དང་ནི་སྲན་ཕྱེ་དང་། །ཀུ་ཤ་བ་ཡི་རྣམ་ལྔ་དང་། །དེ་ལྟར་སོ་བག་ལ་སོགས་པས། །ཁྲུས་ནི་བྱ་བར་གསུངས་པ་སྟེ། །ཞེས་སོ། །བྱུགས་པའི་རྫས་དྲི་བཟང་ལ། ཙནྡན་དཀར་དམར། གུར་གུམ། །གཎྜི་ཀ ཨ་ག་རུ་རྣམས་སམ། གུར་གུམ། ཨ་ག་རུ། གླ་རྩི། ག་བུར་སོགས་དྲིའི་རྫས་ཇི་ལྟར་རྙེད་པ་སྦར་བར་གསུངས་སོ། ༈ །དུས་འཁོར་བུམ་རྫས་ཟུང་དུ་སྦར། རྣམ་འཇོམས་བུམ་རྫས་ཀྱང་ངོ་། ༈ །དྲིའི་ཆུ་ཞེས་པ་རྡོ་རྗེ་སྙིང་རྒྱན་ལས། ཙནྡན་དཀར༡། དམར༢། རྒྱ་སྤོས ༣། ག་བུར། གུར་གུམ། །ཨ་གར༦། ལྷ་ཤིང་༧། བདུན་དུ་བཤད། ཁྲུས་ཆུར་འབྲས་བཅས་རཏྣ་མ་ལར་སིནྡྷ་ར། ལྡོང་རོསར། ཀ་ཀོ་ལ༩། ལྷ་ཤིང་། གུར་གུམ། ཨ་ཤིང་རྩྭ་འབའ་ལ། ༡༠། ཤིང་མངར༡༡། སྦྲང་བད༡༢། བུམ་ཏིག ཟངས་༡༣ཀྱི་མེ་ཏོག་ཅེས་བརྒྱད་དུ་བཤད། ༈ །ཚན་དགུ་ར། ས་༡ས་གི་ཝཾ་དུ་གྲགས་པ་བྱུང་ན་ལེགས། ཚན་ཁམ་གཡག་ཤམ། རྡོ་ཞི་རྟ་སོ་མ། ཆུ་ཚན ༣། གཡའ་ཚན་། གྲོ་ལོ་དཀར་པོ་ལ་ངོས་འཛིན་པར་སྣང་། བྲག་ཚན་༥ཞེས་པ་ངོ་བོ་གཅིག་ཙམ་ལ་

― JKT021_Page_0283 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་སོ། །སོར་དབྱེ་བ་དང་། གངས་ཚན༦། དགུན་གངས་ཆགས་པར་དཔྱིད་ཀ་ཡོད་པའི་ཚན། སྔོ་ཚན་༧ནམ་སྤོས་ཚན་རྒྱ་སྤོས། སྤང་ཚནར་སྦུ་རུ་དཀར་དམར། ཤིང་ཚན་༩སྤྱིར་ཤུག་པ་དང་། སྤྱིར་བཞུར་ལ་བཞེད་པའང་ཡོད། དེ་ནང་ནས་ཐང་ལ་ཤུག་སྐྱེས་ལ་ངོས་བཟུང་། འདི་རྣམས་འབྱུང་བ་སོ་སོའི་ཁྲུས་རྫས་གྲིབ་སེལ་དག་བྱེད་ཀྱི་མཆོག་ཏུ་བཤད་དོ། ༈ །ཡང་ས་ཚན་དཀར་དམར་ཞེས་ཅུ་གང་སིནྡྷུ་ར། རྡོ་ཚན་ཤེལ་རྡོ་དང་། ཅོང་ཞི། ཆུ་ཚན་སྔོ་དང་རྒྱ་མཚོ་ལྦུ་བ། གཡའ་ཚན་དངོས་དང་སྲོ་ལོ་དཀར་པོ། བྲག་ཚན་དངོས་དང་རྡོ་དྲེག །གངས་ཚན་དངོས་དང་གངས་ཏིག །སྔོ་ཚན་རྒྱ་སྤོས་སྤང་སྤོས། ཤིང་ཚན་ཤུག་པ་དང་སྤྱི་བཞུར་ཏེ་བཅོ་བརྒྱད་དུའང་བཤད། ༈ །ས་ཟླའི་ཉེར་གསུམ་ནས་ཉེར་དགུའི་བར་རོ། །བདུད་རྩི་རིལ་བུའི་སྨན་གྱི་གོ་རིམ་འདི་ལྟར་ངེས་པར་བྱ་སྟེ། དབུས་སུ། དྲི་ཆུ། གླ་རྩི། ཨ་གར་ནག་པོ། སྒ་སྐྱ། སྒ་དམར། པི་ལིང་། ཕོ་རིས། ཀ་ཀོ་ལ། ཡུང་བ། ཤིང་ཀུན། བ་ཤ་ཀ །ནིམ་པ། རུ་རྟ། གི་ཝཾ། ཏིག། ཧོང་ལེན། རེ་རལ། ཀོ་བྱིལ། བྲག་ཞུན། སྤོས་དཀར། གུ་གུལ། ཁྱུང་སྡེར་དཀར་སྨུག །གཞན་ཡང་བོང་དཀཾར། གསེརཾ་མེ། དུག་རྩུང་། ཀྱི་ཀྱཻ། རེ་སྐོན་པ་སོགས་ཁ་བའི་སྡེ་ཚན་དང་། ཚ་བའི་སྡེ་

― JKT021_Page_0284 ―

^{[མ་དཔེ་གཟིགས་ན་འདིར་གནོན།]}

[Full Size]

ཚན་ཇི་རིགས་པའོ། ༈ །ཤར་དྲི་ཆེན། དུ། ཨ་རུ་གསེར་མདོག །ཙནྡན་དཀར་པོ། རྒུན་འབྲུམ། ཤིང་མངར། བུ་རམ། སྦྲང་། ཤེལ་དཀར། བྱེ་ཀར། གུར་གུམ། ཅུ་གང་། གཞན་ཡང་། རཾ་མྱེ། ཉེ་ཤིཡཾ་། ལྕ་བཻ། བ་སྤྲོ། གཟེ་མཾ་སོགས་མངར་བའི་སྡེ་ཚན་རྣམས་སོ། ༈ །ལྷོར། རཀྟ། དུ་རུ་ཀ །ཁ་ཆེ། འདི་རོའི་དབང་དུ་བྱས་ན་ཤར་དང་། གུར་གྱི། སྐྱུ་རུ་ར། སེ་འབྲུ། བསེ་༧ ཡབ། སྟར་བུ། གཞན་ཡང་རྒྱ་ཤུག་སོགས་སྒྱུར་བའི་སྡེ་ཚན་རྣམས་སོ། ༈ །ནུབ་བྱང་སེམས། ཏུ། ག་བུར། ཙནྡན་དམར་པོ། རྒྱ་ཚྭ། རྒྱམ་ཚྭ། རྭ་ཚྭ། ཁ་རུ་ཚྭ། གཞན་ཡང་། རིགས་ཀྱི་དབང་དུ་བྱས་ན་ལྷོར་འོས། ལྕེ་མྱོང་ཚྭ། རྩཁཾ་རུ་ཚྭ། སྦོ་ཚྭ། ཤིཛཾ་ཚྭ། ཡ་ཐཾཀ་ར། བུལཾ་ཏོག་སོགས་ལན་ཚའི་རིགས་ཐམས་ཅད་དོ། ༈ །བྱང་དུ། ཀླད་པ། ཙནྡན་དམར་པོ། ཨར་ནག །ཁ་ཆེ། །ཙནྡན་དཀར་པོ། བ་རུ་ར། གླ་སྒང་། ལི་ག་དུར། རྒྱ་མཚོ་སྦུ་བ། ལི་ཤི། སུག་སྨེལ། ཀཎྜ་ཀ་རི། སླེ་ཏྲེས། དབང་ལག །ཛཱ་ཏི། བསེ་རུ། མ་ཧཱུྃ། ལོ་མ་བཅས། ཁྱི་ལཾ་བ་རི། ཨ་འབྲོས། སྲ་འབྲོས། འཛམ་འབྲས། སྙིང་ཞོ། མཁལ་ཞོ། གླ་གོར་ཞོ་ཤ །ནཱ་ག་གེ་སར། བྱི་ཏརཾ་ཀ །མ་རུ་རྩེ། གོ་ཡུཾ། གོ་ཡུ་དམཾར་པོ། བ་ལེ་ཀ །ཨུཏྤལ། ཅོང་ཞི། ཚྭ་གི། འབའི་

― JKT021_Page_0285 ―

^{[མ་དཔེ་གཟིགས་ན་འདིར་གནོན།]}

[Full Size]

ལ། པུ་ཤེལཾ་རྩེ། ཐལཾ་རྡོར། སོ་ར། གཞན་ཡང་འོམཾ་བུ་ལ་སོགས་པ་བསྐ་བའི་སྡེ་སྟེ་ད་དུང་འདི་ལ་རྟགས་ཅན་རྣམས་ལེགས་པར་དཔྱད་ལ་སྦྱར་རོ། །འདི་ལ་རྩ་བ། ༧༦ ཁ་ཚར་བཅས། ༩༤ཡོད། ༈ །བདུད་རྩི་རིལ་བུ་སོགས་ལ་སྨན་སྣ། རིན་པོ་ཆེ་གསེར། དངུལ། ཟངས། ལྕགས། ཤེལ། དུང་། སྤོས་ཤེལ། བྱེ་རུ། པདྨ་རཱ་ག །གཡུ། མུ་མེན། གཟི། ཁྱུང་: སྐྱུགས། མུ་ཏིག ༈ །རྡོ་སྨན། ཁབ་ལེན། ལྕགས་རྡོ། མཚལ་དཀར། སྦལ་རྒྱབ༢། མདུང་རྩེ༣། གངས་ཐིག །ཅོང་ཞི། རྡོ་རྒྱུས། དངུལ་ཆུ་དུལ་མ། ༈ །ས་སྨན། གསེར་བྱེ། །སིནྡྷ་ར། རྒྱ་མཚོ་ལྷུ་བ། ༈ །རྩི་སྨན། ག་བུར། ཛཱ་ཏི། ལི་ཤི། སུག་སྨེལ། ཀ་ཀོ་ལ། ཅུ་གང་། ཁ་ཆེ། གུར་གུམ། གི་ཝཾ་རིགས་གསུམ། གླ་རྩི། བྲག་ཞུན། ༈ །ཤིང་སྨན། འབྲས་1.བུ་གསུམ། སྙིང་ཞོ། མཆིན་ཞོ། མཚེར་ཞོ། མཁལ་ཞོ། འབྲས་སྣ༣། ན་ལེ་ཤམ། པི་ལིང་། བྱི་ཏང་ཀ །མ་རུ་རྩེ། སོ་རྭ། ཐལ་རྡོར། བསེ་ཡབ། སེ་འབྲུ། སྟར་བུ། རྒུན་འབྲུམ། ཤུག་འབྲུམ། གོ་ཡུ། ཁམ་བུ། སྟར་ག །གེ་སར་གསུམ། ད་ལིས། སེ་མེ། ཞུ་མཁན། ཤུག་ཚེར། འོམ་བུ། ཙནྡན༢། ཨ་གར༢། དུ་རུ་ཀ །སེང་ལྡེང་། སྒྲོན་ཤིང་། ཙི་ཏྲ་ཀ །བ་

― JKT021_Page_0286 ―

^{[མ་དཔེ་གཟིགས་ན་འདིར་གནོན།]}

[Full Size]

ལེ་ཀ །ནིམ་པ། སླེ་ཏྲེས། ཀཎྜ་ཀ་རི། ག་བྲ། ཤིང་ཚྭ། སྟབས་སེང་། ཤིང་ཀུན། སྤོས་དཀར། གུ་གུལ། རྒྱ་སྐྱེགས། ༈ །ཐང་སྨན། རྒྱ་ཏིག །སུམ་ཏིག །བ་ཤ་ཀ །མ་ནུ་པ་ཏྲ། རུ་ཏ། སྒ། ཡུང་བ། ཤུ་དག་དཀར་པོ། ནག་པོ། དབང་ལག །རྩ་བ་ལྔ། ལྕམ་པ། རེ་རལ། བྲག་སྤོས། ཧ་བོ། ཁྱུང་སྡེར་རིགས་གཉིས། སྐག །ཀོ་བྱི་ལ། ལུག་མུར། ཤིང་མངར། ༧ ལྕམ་དཀར་རྩ་བ། ཆུ་རྩ། ཆུ་མ་རྩི། མཚེ་སྡུམ། འཁན་པ་དཀར་པོ། ཨ་ཀྲོང་དཀར་པོ། ༈ །སྔོ་སྨན། ཧོང་ལེན། བོང་ང་དཀར། དམར། སེར། དཔའ་བོ་དཀར་སེར། སྲོ་ལོ་དཀར། དམར། འབྲི་མོག །ག་དུར། གླ་སྒང་། དུརླའི། པུ་ཤེལ་ཙེ་རིགས། གྲོ་མ། སྟོང་ཟིལ། གཡའ་ཀྱཻ། ཨ་ཝ། པརྱ་ཏ། འདམ་བུ་ཀཾ་ར། ཨུཏྤལ་དཀར་སྔོ། དམར། ལུག་མིག །ཨ་བྱག །ཚེར་སྔོན། ཨུག་ཆོས། གངྒཱ་ཆུ་བསྒྱུར། ཀྱི་ཀྱེ་དཀར་པོ། སྤང་རྒྱན་དཀར་པོ། སྔོ་དེ་བ། ལུག་རུ་རིགས་གསུམ། གླང་སྣ། ཧ་ལོ། གསེར་མེ། དུག་ཉུང་། འུ་སུ། ཟི་ར་དཀར་པོ། གོ་སྙོད། སྒང་ཐོག །བྲེ་ག །ཏིལ་དཀར་པོ། མདའ་རྒྱུས། ཤྭ་མང་། པྲི་ཡངྐ་། འབུ་སུ་ཧང་། སྙི་བ་འོད་ལྡན། སྤང་རྩི། འབྲི་རྟ། སྤང་སྤོས། འོལ་མོ་སེ། བྱིའུ་ལ་ཕུག །ཁུར་

― JKT021_Page_0287 ―

^{[མ་དཔེ་གཟིགས་ན་འདིར་གནོན།]}

[Full Size]

མང་། མྱང་རྩི་སྤྲས། སྲད་དཀར། སྲད་ནག ༈ །ཚྭ་སྣ་ལ། ལན་ཚྭ། རྒྱ། རྒྱམ། ཁ་རུ་ཚྭ། རྩབ་རུ་ཚྭ། ལྕེ་མྱང་ཚྭ། སྦ་ཚྭ། ཚ་ལ། མཛེ་ཚྭ། བུལ་ཏོག །རྭ་ཚྭ། ༈ །བསེ་རུ་དཀར་པོ། ནཱ་གི ༈ །འབྲུ་རིགས་ལ། གྲོ། འབྲས། ཁྲེ། སོ་བ། ཏིལ་དཀར་པོ། སྲན་མ་ཥ། སྲན་དཀར། ཡུངས་དཀར། ༈ །སྦྲང་རྩི། བུ་རམ། ཀ་ར། བ་དམར་མོའི་འོ་མ། ཞོ། །མར། ར་དཀར་མོའི་འོ་མ་བཅས་སོ། ༈ །ཨོཾ་སྭསྟི། བླ་མ་དགོངས་པ་འདུས་པའི་སྨན་སྒྲུབ་ཀྱི་རྫས་ཐོ་ལ། གཞི་ཨ་རུ་ར་རབ་སྟོང་རྩ་བརྒྱད། འབྲིང་བརྒྱ། ཐ་མ་ཉེར་གཅིག །དབུས་སུ་བྷནྡྷར། དྲི་ཆེན། ཕྱིའི་རྫས། ཛ་༡ཏི། ཨ་མང་། རུ་ར། ཨ་ག་རུ། ཏུ་རུཥ། ཀ་ཀོ་སྐྱོབས། ལི། ཨ་འབྲས། ཤ་འབྲས། ཙནྡན་ཡན་ལག །སྨུག་པོ། ལི་ཤི། ཤིང་ཚྭ། གྷནྡྷ་བྷ་དྲ། གུར་གུམ། ག་བུར། ཅུ་གང་། འདམ་བུའི་རྩ་བ། གི་ཝཾ་སོགས། དབྱེ་བ་མེད་པར་བསག་གོ །ཤར་དུ། བྱང་སེམས་དཀར་པོ། སྐྱོབ། ག་བུར། ཅུ་ཅུང་མང་། གང་། ཐལ་རྡོར། ཡན་ལག ལུག་མིག ཆེ་I ཆུང་། རྒྱ་ཚྭ། རྒྱམ་ཚྭ། རྭ་ཚ། ལྕེ་མྱང་ཚྭ། ཁ་རུ་ཚྭ། ནགས་ཚྭ། བྲག་ཚྭ། ཤིང་ཚྭ་སྟེ་ཚྭ་སྣ་བརྒྱད། ཕྲན་བུ། ལྷོར་ཤ་ཆེན། སྐྱོབས། སྙིང་། ཞོ། མཁལ་ཞོ། གླ་གོར་ཞོ་ཤ །ཙི་ཏྲ་ཀ །ཀ་

― JKT021_Page_0288 ―

^{[མ་དཔེ་གཟིགས་ན་འདིར་གནོན།]}

[Full Size]

མང་། ཀོ་ལ། ནུབ་ཏུ་རཀྟ། མཚལ། ཕྱི། བཙག །རྒྱ་སྐྱེགས། བཙོང་། བྲག་ཞུན། ཙནྡན། སྨུག་སྐྱོབས། པོ། ལི་ཤི །སྐྱུ་རུ་ར། མང་། སྟར་བུ། རྒུན་འབྲུམ། ཡན་ལག །རཀྟ་ཉེར་ལྔ་སོགས་ཀྱི་རྫས། བྱང་དུ། དྲི་ཆུ། ཅོང་ཞི། བྲག་ཞུན། ག་དུར། མང་། ལི་ཤི། སྤོས་དཀར། གཞན་ཡང་ཨ་འབྲས། ནཱ་ག་གེ་སར། གསུམ། ཤིང་ཚྭ། སུག་སྨེལ། དབུས། གྷནྡྷ་བྷ་ཙནྡན་གྱི་ལོ་མ། དྲ། རྒྱ་སྤོས། སྦྲང་རྩི། ཡུ་གུ་ཤིང་། ཀུ་ཤུ་དང་། ཁམ་བུའི་ཤིང་། བ་སྤྲུ། ཨ་རུ་ར། ནུབ། སྟར་བུ། ར་མྱེ། ཉེ་ཤིང་། མིག་ཆེ་ཆུང་། རུ་རྟ། ཤུ་དག །ཨུག་ཆོས་རྩ་བ། ནུབ། །ལ་ཕུག་དམར་ནུབ། པོ། ཐལ་རྡོར། དབང་ལག །བྲེ་ག །ལྷོ། །གླ་གོར་ཞོ་ཤ །ལྷོ། །དུང་། ཤར། མགྲོན་བུ། ཤར། འབྲུག་རུས། ཤར། སེམས་ཅན་སྣ་ཚོགས་པའི་རུས་པ། ཤར། རྒྱ་མཚོ་ལྦུ་བ་སོགས་ཁྲོལ་བུ་རྣམས་དབྱེ་བ་མེད་པར་བསག་གོ །གཞན་ཡང་སྤོས་ལྔ། འབྲུ་ལྔ། སྙིང་པོ་ལྔ། རིན་པོ་ཆེ་ལྔ། སྨན་ལྔ་སོགས་བསགས། དེའང་ཨ་རུ་རའི་ཤས་བུངས་བསྐྱེད། ནཱ་གིའི་དྲི་དང་། ཁ་ཆེས་མདོག་བསྒྱུར། ལན་ཚྭའི་རིགས་ཆེར་མི་གཏོང་། ཁ་དོག་དམར་པོའི་རིགས་ཀྱང་མང་པོ་མི་བཏང་བ་ལེགས། ག་དུར་ཕྱེ་མ་ལེགས་པའང་འོས་མཚམས་བསྲེ། རིང་བསྲེལ་བཞིའི་

― JKT021_Page_0289 ―

^{[མ་དཔེ་གཟིགས་ན་འདིར་གནོན།]}

[Full Size]

རིལ་བུ་བསྒྲུབ་ན། ཉུང་འབྲུ་ལྟ་བུ་དང་། སྐུ་གདུང་རིང་བསྲེལ་ཤར། སྐུ་བལ་ལྷོ། ཆོས་ཀྱི་རིང་བསྲེལ་གྱི་རིལ་བུ་ནུབ་ཏུ་འགོད་ན་ལེགས་པར་རྟོག །བུངས་སྐྱེད། ཨ་རུ། བ་རུ། སྒྱུ་རུ། ཙནྡན༢། ག་དུར། ཡུང་བ། དབང་ལག །ཤིང་མངར། གཞན། ཛཱ་ཏི། ལི་ཤི། ཁ་ཆེ། ནཱ་གི།རུ་རྟ། །སྭསྟི། འཇམ་མགོན་ཀུན་དགའ་བཀྲ་ཤིས་བསྟན་འཛིན་གྱིས་མཛད་པའི་བདུད་རྩི་རིལ་བུའི་སྨན་གྱི་ཐོ་ཡིག་ལས། དུ་རུ་ཀ་ཞེས་གསུངས་པ་དངོས་ནི་ཙནྡན་སྦྲུལ་སྙིངས་འོག་ཏུ་ལོ་སྟོང་ལོན་པ་ལ་བཤད་པ་སོགས་རྙེད་དཀའང་། ཚབ་རུང་ཙམ་དུ་ཙནྡན་སྨུག་པོ་ཞེས་དམར་པོ་ལས་ཁ་དོག་སེར་ཙམ་ཞིག་འབྱུང་བ་དེའམ། རུ་རྟའི་རྩ་ལོའི་མཚམས་སུ་ཡོད་པའི་སིཧྥ་ཞེས་པ་དེས་བྱེད་ཅེས་གསུངས། ཚ་བ་གསུམ་དང་། ཚྭ་སྣ་གསུམ་སོགས་རོ་ཚ་བ་དང་། ལན་ཚྭའི་རིགས་རྣམས་རྫས་འཛོམས་ཙམ་ལས་མི་གཏོང་། ཏིག་སོགས་རོ་ཤིན་ཏུ་ཁ་བ་དང་། སྔོ་སྨན་གྱི་རིགས་ཀྱང་མང་ན་མི་ལེགས། བསེ་རུའི་རྭ་དཀར་པོ་ཐལ་ཚན་གྱི་ནང་དུ་སེར་རྡོག་ཙམ་བསྲེགས་ནས་དུག་འདོན། ཀཎྜ་ཀ་རིའི་བར་ཤུན་ཁོ་ན་གཏོང་། སླེ་ཏྲེས་ལྐོག་པ་ཕྲལ། ཁྱི་ལ་ཝ་རི་ཞེས་པ་སྟོད་ཇ་ཡིན་ཅིང་དཀར་པོ་གཏོང་ན་ལེགས། རྒྱ་མཚོ་ལྦུ་བ་དཀར་སོབ་འདི་འབུ་ཁོག་ཡིན། ཚབ་རུང་ཙམ་ཡང་མིན་

― JKT021_Page_0290 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་གསུངས་པས། ཆུ་མགོ་རྣམས་ཕུགས་སུ་ཆགས་པའི་ཆུ་བལ་ལྗང་གུ་སྲོག་ཆགས་མེད་པའམ། སྔོ་ཆུ་སྲིན་སྡེར་མོ་གཏོང་། འཇམ་འབྲས་ཐལ་ཚན་དུ་བསྲོ་ནས་ཀོག་པ་ཕྲལ། ཤིང་ཀུན་སོགས་དྲི་ང་བ་འདི་རིགས་དྲིའི་སྤྱང་ཀི་ཞེས་གྲགས་པས་རྫས་འཛོམས་ཙམ་ལས་མི་གཏོང་། ཅོང་ཞི་སོགས་རྡོ་སྨན་རིགས་ཁྲོལ་ཙམ་བརྡུང་ཆུ་ཚ་གྲང་གིས་ཡང་ཡང་བཤལ་བས། ཆུ་སྔོ་ཁྲལ་གྱིས་བྱུང་བ་ན་དུག་ཐོན་པ་ཡིན། ལྡུམ་རེ་རལ་དུག་བཏོན་ཞེས་གསུངས་ནའང་ཡི་གེ་ཉམས་པ་ཡིན་པ་ལས། རེ་རལ་དུག་སྨན་གྱི་གཙོ་བོ་ཡིན་ཅིང་དུག་བཏོན་དགོས་པའི་བཤད་པ་མ་མཐོང་། ཀོ་བྱི་ལ་དུག་འདོན་ནི་སྒྱུ་བཞར་ནས་ཐལ་ཚན་དུ་སེར་རྡོག་ཙམ་བསྲེག བཅུད་དགུག་པའི་སླད་མཛོ་མོ་ཡར་མའི་འོ་མ་རང་ནུབ་ཙམ་དུ་ཁུ་བ་ཐིམ་པར་བཙོ་ཞེས་འབྱུང་། ནཱ་གི་ཤ་ཕྲལ་བ་སེར་བྲོག་ཙམ་བསྲེགས་ནས་ཆང་ལ་གླ་རྩི་བཏབ་པར་བཙོ། མ་ནུ་པ་ཊ་ཞེས་པ་མ་ནུའི་ལོ་མ་ལ་ངོས་འཛིན་ཀྱང་རྩ་བ་བྱུང་ན་ཆོག །གོ་ཆེ་ཞེས་པ་གོ་ཡུ་དམར་པོ་ཡིན། གཞན་ངོས་ཟིན་སླ་ཞིང་དུག་འདོན་ཀྱང་དེ་ཙམ་གྱིས་ཆོག །སུག་སྨེལ་དང་། ཀ་ཀོ་ལ་འབྱོར་བ་ཆེ་ན་ཀོག་པ་ཕྲལ་ནས་ནང་སྙིང་གཏོང་བར་མཛད་དོ། །མངྒ་ལཾ། ༈ །བུམ་རྫས་ཉེར་ལྔ་སྦྱར་བའི་ཐོ་ཡིག་དགེ །ཨོཾ་སྭསྟི་སིདྡྷི། བུམ་རྫས་ཉེར་ལྔ་བསྡུ་དཔྱད་ལ། །

― JKT021_Page_0291 ―

^{[མ་དཔེ་གཟིགས་ན་འདིར་གནོན།]}

[Full Size]

༼དཀར༽ ཐོག་མར་འབྲུ་ལྔ་ལས་ནས་དཀར། ༥༠༠ གྲོ ༥་༠༠ སྲན་དཀར། ༥༠༠ འབྲས། ༥་༠༠ ཕལ་ཆེར་དུ་ཏིལ་དཀར་པོ་དང་འགའ་ཞིག་ཏུ་སོ་བའང་བཤད་པས་གཉིས་འཐུས་ཀྱིས། ༥་༠༠ ཁྱོན་སྲང་ཉེར་ལྔ། ༼སེར༽ རིན་ཆེན་ལྔ་ལས། གསེར། ༡་༠༠ དངུལ། ༢་༠༠ བྱེ་རུ། ༢་༠༠ རིན་ཆེན་འབར་བ་དང་དབང་ཆུ་མཛེས་རྒྱན་ལས་མུ་མེན་ཅེས་འབྱུང་བས། ༈ ཨ་བྷ་ཡས་པདྨ་རཱ་གའི་ཚབ་ཏུ་དུང་དང་རྩེ་མོའི་དབང་ཆུར་མུ་མན་གྱི་མལ་དུ་དུང་ཞེས་གསུངས་པས་གཞི་བྱ་བའི་ཕྱིར། ༡༥་༠༠ རྡོ་པདྨ་རཱ་ག ༣་༡༠ མུ་ཏིག་ཕྲན་བུ་དང་བཅས་པའི་ཉ་ཕྱིས། །༢་༠༠ ཁྱོན་སྲང་ཉེར་ལྔ། དུག་འདོན་མཚོན་ཙམ་སྦྱར་གྲུབ་ན་ལེགས་པས། ཚྭ་ལ། ཟེ་ཚྭ། བེ་ལྗང་རེ་རལ། སྡུམ་བུ་རེ་རལ། གངྒ་ཆུང་། སྟར་བུའི་ཁཎྜ། ཨ་རུ་ར། མགྲོན་བུ་བུ་ཅན་གྱི་ཐལ་བ་བཅས་ལོ་བརྒྱད་དྲི་ཆུར་བཏབ་ལ་བྱེ་རུའི་མདོག་འགྱུར་བའི་བར་བཙོ། དེ་རྗེས་གར་ཆང་བསྣན་ལ་བཙོ། དེ་རྗེས་ཆུ་གྲང་གིས་དག་པར་བཀྲུ། སླར་ཡང་ཆུ་གཙང་ནང་དུ་ལན་གསུམ་བཙོ་བཤལ་བྱའོ། ༼སྔོ༽ སྨན་ལྔ་ལ་ངོས་འཛིན་མི་མཐུན་པ་མང་ནའང་། འདིར་དུ་གྲྭ་ཞེས་སྟག་ཚེར་སླེ་ཏྲེས་དང་། ཀཎྜ་ཀ་རིར་ངོས་འཛིན་པས་གཉིས་འཐུས་ཀྱིས། ༥་༠༠ ༈ སེང་ཚེར་ཀཎྜ་ཀ་རི་དང་། ག་

― JKT021_Page_0292 ―

^{[མ་དཔེ་གཟིགས་ན་འདིར་གནོན།]}

[Full Size]

པྲ་ལ་བཞེད་པ་གཉིས་འཐུས། ༦་༠༠ ཤུ་དག་དཀར་པོ། ༡་༠༠ ཧ་ས་དེ་བ། དབང་ལག་དང་། ཅོ་ག་ཀླད་སྨན་ལའང་བཞེད་པས་ཕྱོགས་འཐུས། ༦་༠༠ ཡང་འགའ་ཞིག་གིས་ཧ་ས་ཞེས་པ་རྒྱ་མཚོ་ལྷུ་བར་བཞེད་པ་དང་། དེའི་ཚབ་ཏུ་ཆུ་བལ་གཙང་མ་དང་། སྔོ་ཆུ་སྲིན་སྡེར་མོའང་གཏོང་བར་སྣང་བས། ༡་༠༠ ཨུཏྤལ་དཀར་དམར་ཞེས་པ་ཨུཏྤལ་དཀར་པོའི་ཚབ་སྔོན་འགལ་ཞིག་གིས་སེ་བའི་མེ་ཏོག་གིས་མཛད་པའང་སྣང་། པོས་མཛད་པས་རྒྱ་བོད་ཀྱི་ཨུཏྤལ་སྔོན་པོ་དང་། དམར་པོ་ཕྱོགས་འཐུས། ༦་༠༠ ཁྱོན་སྲུང་ཉེར་ལྔ། ༼དམར། དྲི་ལྔ་ལ། ཙནྡན་དཀར་པོ། དེ་དམར་པོ། ༥་༠༠ གུར་གུ ༡༠་༠༠ ག་བུར། ༡་༠༠ འདི་རིལ་བུ་བསྒྲིལ་ཁར་བསྲེ་འདུར་བྱེད་ནས་གཏོང་། ཛཱ་ཏི། ༤་༠༠ བཅས་ཁྱོན་སྲང་ཉེར་ལྔ། ༼ལྗང་༽ སྙིང་པོ་ལྔ་ལ། ལན་ཚྭ་མང་ན་རོ་བསྒྱུར་བས་འདིར། ༡་༠༠ བུ་རམ་དང་ཀ་ར་གང་རུང་བཤད་པས་བུར་དཀར་དང་། ༡་༠༠ ཕག་ཚིལ་གྱིས་མ་བཞུས་པའི་བལ་པོའི་ཀ་ར་གཙང་མ། ར་༠༠ བ་གསར་དམར་མོའི་འོ་མ་སྦྲུ་རྫས་ལ་སྦྱར་བ་སྟེ། དེའང་སྲང་གཅིག་སྤར་གང་སོགས་བཤད་པའི་རྗེས་སུ་འབྲང་སྟེ་སྲང་། ར་བ༠ དེ་སྙིམ་པ་དོ། བ་གསར་དམར་ཟལ་གྱི་མར་གཙང་མ། ༡་༠༠ སྦྲང་རྩི་ལྷད་མེད་པ། ༣་༢༠ འགའ་ཞིག་གིས་སྨན་གྱི་སྙིང་པོ་ཨ་

― JKT021_Page_0293 ―

^{[མ་དཔེ་གཟིགས་ན་འདིར་གནོན།]}

[Full Size]

རུ་ར་ཞེས་གསུངས་པས། ༣་༡༠ བཅས་ཁྱོན་སྲང་ཉེར་ལྔ། དེ་སྟེང་སྔ་འགྱུར་བཀའ་གཏེར་གྱི་གཞུང་སོགས་ལས། སྨན་ལྔའི་གྲས་སྟག་ཚེར་སེ་འབྲུའི་མེ་ཏོག་ལ་ངོས་བཟུང་བ་དང་། རིན་པོ་ཆེ་ལྔའི་གྲས་སུ་གཡུ་དང་། དྲི་ལྔའི་གྲས་སུ་ལི་ཤི་དང་། སྤང་སྤོས་དང་། ཨར་སྐྱ་ཞེས་གསུངས་པ་དང་། འབྲུ་ལྔའི་གྲས་སུ་ཨ་འབྲས་ཞེས་སྣང་བའང་ཅུང་ཟད་རེ་སྦྱར་བ་དང་། བུངས་བསྐྱེད་པའི་ཕྱིར་གུར་གྱི། ༡༢་༠༠ ཡིག་ཆ་འགའ་ཞིག་ལས་སྨན་གྱི་སྙིང་པོ་ཨ་རུ་རས་བུངས་བསྐྱེད་པར་ཡང་གསུངས་པས། ༧༠༠ བཅས་སྲང་ཉེར་ལྔ་རྣམས་ལེགས་པར་སྦྱར་བ་སྟེ། དེའང་ཐོག་མར་རྫས་རྣམས་ངོས་འཛིན་མ་འཁྲུལ་པར་ལྔ་ཚན་ལྔ་དང་། བུངས་བསྐྱེད་བཅས་སོ་སོར་སྦྱར། རིན་པོ་ཆེ་ཁྲོལ་ཙམ་བརྡུང་ལ་དུག་བཏོན། དེ་ནས་སོ་སོར་ཞིབ་པར་བཏགས། སླར་ཕྱོགས་གཅིག་ཏུ་གཤེར་རྫས་རྣམས་དང་མདངས་ཐོན་པའི་ཕྱིར་ཁ་ཆེ་གུར་གུམ་བཟང་པོའི་གར་ཁྲུས་སྦོལ་ཏེ་ཕབས་གཏའ་བྲན་ལ་འདྲེས་པར་ཕུར། སུམ་ཆ་གཅིག་རིལ་བུ་དང་། ཆ་གཉིས་ཕྱེ་མ་སྨན་སྒྲུབ་ལྟ་བུར་བྱས་ཏེ་རིལ་ཆགས་སོགས་ཐེམས་པར་བྱ། རིན་པོ་ཆེའི་བུམ་པའི་སྣོད་དུ་བླུགས། བདག་གི་རྣལ་འབྱོར་སྔོན་དུ་འགྲོ་བས་སྦྱོང་ཁྲུས་དང་། རིགས་ལྔར་བསྐྱེད་ཅིང་སོ་སོའི་སྔགས་དང་། ལྔ་ཚན་ལྔའི་མིང་སྔགས།

― JKT021_Page_0294 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲུས་སྔགས་སོགས་བཟླས་ཏེ་ལྷ་འོད་དུ་ཞུ་བའི་རྫས་སུ་བསམ་ལ་རྟེན་འབྲེལ་སྙིང་པོ་དང་ཤིས་པ་བརྗོད་པས་བརྟན་པར་བྱའོ། །དེའང་དྲི་ལྔའི་གནས་སུ་གླ་རྩི་ཞེས་གསུངས་པ་མང་ནའང་། འདིར་རྒྱུད་སྡེ་བཞི་ཀ་སྤྱི་ཁྱབ་ཀྱི་དབང་དུ་བྱས་ཏེ་གླ་རྩི་མི་གཏོང་ཞིང་། བླ་མེད་ཀྱི་བཅུད་སོ་ལྔ་བྱེད་ན་གོང་གི་སྟེང་དུ་གསར་མ་ལྟར་ན་བདུད་རྩི་རིལ་བུ། རྙིང་མ་ལྟར་ན་བདུད་རྩི་ཆོས་སྨན་ཚད་ལྡན་བསྣན་པས་འཐུས་པ་དང་། གླ་རྩིའང་དེ་དག་གི་རྫས་སུ་འདྲེས་པ་ཡིན་ནོ། ༈ །རཀྟ་སོ་ལྔ་ལ། བདུད་འདུལ་གཏེར་བྱོན་མཚོ་རྒྱལ་རཀྟ་གཏའ་སྤེལ་རིལ་བུ་དང་། སངས་གླིང་ལྕམ་གྱི་པདྨ་རཀྟ་འཁྲུལ་མེད་ཀྱི་ཕབས་རྒྱུན་སྦྱར་ཏེ། བྲག་ཞུན་དང་། ཙཱ་རི་དང་པདྨ་བཀོད་སོགས་ཀྱི་སིན་ར་ལ་གཞི་བླངས། རྩ་བ་ཙནྡན་དམར་པོ། གུར་གུམ། ལི་ཤི། ཛཱ་ཏི། སེ་འབྲུ། སྲི་ཤིང་སྣ་མ། སྟར་བུ། སེ་ལོ་དམར་པོ། རྡོ་དྲེགས་དམར་པོ། བྱི་རུག་དམར་པོ། ཡན་ལག །རང་བྱུང་གི་རཀྟ་ནི། སའི་བཙག་ཞུན། རྡོའི་བྲག་ཞུན། ཆུའི་སིནྡྷ་ར། ཤིང་གི་ཐང་ཁྲག །འབྲས་བུའི་གོ་བྱེ། འདིའི་ཚབ་སྤམ་འབྲས། རྡོའི་རཀྟ་ལྔ་ནི། མཚལ། ལྡོང་རོས། བཙག །མདུང་རྩེ་སྨུག་པོ། སྨུག་པོ་སྦལ་རྒྱབ། ཤིང་གི་རཀྟ་ལྔ་ནི། རྒྱ་སྐྱེགས། བཙོད། སེང་སྡེང་དམར་པོ། བཙན་དུག །ཐར་ནུ།

― JKT021_Page_0295 ―

^{[མ་དཔེ་གཟིགས་ན་འདིར་གནོན།]}

[Full Size]

རྩིའི་རཀྟ་ལྔ་ནི། གོ་ཕྱེ། བུ་རམ། གླ་རྩི། འབྲི་སྨུག །སྦྲང་རྩི་དམར་པོ། འབྲུའི་རཀྟ་ལྔ་ནི། རྒུན་འབྲུམ། སྐྱེར་འབྲུ། སྐྱུ་རུ་ར། ར་ཤག་དམར་པོ། ནས་ནག །མེ་ཏོག་གི་རཀྟ་ལྔ་ནི། ཨུག་ཆོས། ལུག་རུ་སྨུག་པོ། སྲན་མའི་མེ་ཏོག །ཧ་ལོ། རམ་བུ་བཅས། སྲོག་ཆགས་ལས་བྱུང་བའི་ཁྲག་སྣ་གཙང་མས་རིལ་བུ་ཟུར་གསུམ་དུ་བཅོས་པའོ། ༈ །གཏོར་མའི་སྤྱོད་སྨན་ནི། ཨོ་རྒྱན་ཆེན་པོས་རྡོ་རིགས་རིན་པོ་ཆེ་ལ་ཕྱག་བཟོ་མཛད་པའི་མཐེབ་ཀྱུ་མཚོན་ཐུབ་ངོ་མཚར་ཅན། སྐྱིད་ཀྱི་གྲོ་མ་ལུང་ནས་བྱུང་བར་ཕབས་གཏར་སྦྱར་ཏེ། བདུད་རྩི་སྨན་གྱི་ཕབས་གཏའ་ཟླ་བ་བདུད་རྩིའི་ཐིག་ལེས་གཞི་བཟུང་། སྲོག་ཆགས་གཙང་མ་ལས་བྱུང་བའི། མཁལ་མ། སྙིང་། གློ་བ། མཚེར་པ། བ་སུ་ཏ་སྟེ་ནང་ཁྲོལ་ལྔ། ཚིལ། རྐང་མར། ཞག །རུས་པ། གོ་རོ་ཙ་ན་ལྔ། མིག །ན། སྣ། ལྕེ། སྙིང་སྟེ་དབང་པོ་ལྔ། སྟར་ག །ཁམ་བུ། ཀུ་ཤུ། རྒུན་འབྲུམ། བསེ་ཡབ། ཨ་མྲ་སོགས་ཤིང་ཏོག་སྣ་ཚོགས། དུག་རིགས་མིན་པའི་མེ་ཏོག་སྣ་ཚོགས། བཟང་དྲུག །འབྲས་གསུམ། ག་བུར་སོགས་སྨན་སྣ། ནས། འབྲས། གྲོ། སྲན། ཁྲེ། ཏིལ། སོ་བ། ཡུངས་ཀར། ཙི་ཙི་སོགས་འབྲུ་རིགས། ཞོ། མཐུད། མར། ཕྱུ་ར། ང་། བུ་

― JKT021_Page_0296 ―

^{[མ་དཔེ་གཟིགས་ན་འདིར་གནོན།]}

[Full Size]

རམ། ཀ་ར། གྲོ་མ་སོགས་དཀར་མངར་རིགས། ཤིང་ཀུན། སྒ་སྐྱ། པི་ལིང་། ཕོ་རིས། འུ་སུ། གོ་སྙོད། ཏང་ཀུན། ལན་ཚྭ། གཡེར་མ་སོགས་སྤྱོད་རིགས། རི་ཀླུང་གི་ཤྭ་མང་དང་། །སྒོག་བཙོང་སོགས་གཙང་ཞིང་དག་པར་སྦྱར་བའོ། །དགེའོ། ༈ །ཀླུ་སྨན་གྱི་སྐོར་ལ་སྣ་མ་འཛོམ་ཀྱང་། དྲག་པ་དང་ཉམས་པ་ཅན་སོགས་ཀྱི་ལག་འགྲིམ་མ་སོང་བ་ཞིག་གལ་ཆེ་སྟེ། སྔོན་གྲུབ་དབང་ཡ, བདུད་རྩིས་ཆར་འབེབས་གནང་བས་གནམ་ཤིན་ཏུ་གཡེར་བས། སླར་ཆུ་མིག་དེར་དྲག་འབོད་ཞིག་མཛད་སྐབས་ཀླུ་རྒྱལ་དགའ་བོ་འོང་སྟེ་ཀླུ་སྨན་བཙོག་པ་དེས་ཀླུ་རྣམས་མ་བདེ་བས། དེའི་སླད་ཀྱིས་ནམ་མཁའ་ཡེར་ཞིང་མི་ཕྱུགས་ཀྱང་མི་བདེ་བ་ཡོང་། ད་ཕྱིན་སྨན་གཙང་མའི་རིགས་བྱུང་ན་མཆོག་ཏུ་སྤྲོ་ཞིང་། དེ་མིན་རྒྱ་བོད་གང་རིགས་ཀྱི་སྲོ་མ་ར་ཙའི་འབྲུ་འདིས་ཆོག་ཟེར་བ་ལྟར། བླ་མས་ཁྲུས་གསོལ་དང་སྲོ་མ་ར་ཙའི་འབྲུ། དཀར་གསུམ་མངར་གསུམ་སོགས་གཙང་སྦྲ་གང་ཆེའི་ངང་ནས་ཆར་འབེབས་བྱས་པས་ཆར་རྒྱུན་མི་ཟད་པ་བབས་བྱུང་བས་བླ་མའི་མཚན་ལ་ཕན་བདེའི་འབྱུང་གནས་ཞེས་གྲགས་སོ། ༈ །རྣམ་འཇོམས་ཀྱི་རྫས་སྦྱོར་བཞུགས་སོ། །ན་མོ་གུ་རུ་བཛྲ་བི་དཱ་ར་ཎཱ་ཡ། རྡོ་རྗེ་རྣམ་པར་འཇོམས་པ་དང་། །རྗེས་འབྲེལ་རྫས་ཀྱི་སྲུང་བ་ནི། །གུ་གུལ་ནག་པོ། རྡོ་རྗེ་གཏུམ་པོ་

― JKT021_Page_0297 ―

^{[མ་དཔེ་གཟིགས་ན་འདིར་གནོན།]}

[Full Size]

སྟེ། །འཛིན་དཀར་པོ། པ་ཁྲོ་རྒྱལ་ཧཱུྃ་ཀཱ་ར། །གླ་རྩི་ཁམས་གསུམ་རྣམ་པར་རྒྱལ། །ཤིང་ཀུན་བཅོམ་ལྡན་གཤིན་རྗེ་གཤེད། །རྟ་བོན་རྟ་མགྲིན་རྒྱལ་པོ་སྟེ། །དྲི་ཆེན་ནུས་ལྡན། ཁྲོ་རྒྱལ་བདུད་རྩི་འཁྱིལ། །ཤུ་དག་ནག་པོ་དབྱུག་སྔོན་ཅན། །ཕག་རི་ཕག །རིལ་ཨཱརྱ་ཨ་ཙ་ལ། །སྒོག་སྐྱ་འདོད་པའི་རྒྱལ་པོ་དང་། །ཤ་ཆེན་གྲི་ཤ །མ་ཧཱ་བཱ་ལའོ། །མུ་ཟི་ནག་པོ། གནོད་མཛེས་རྒྱལ་པོ་སྟེ། །ཁྱད་འཕགས་རྫས་ཀྱི་སྦྱོར་བ་འདི། །ཚུལ་བཞིན་སྦྱར་ལ་རྩི་བཞིན་བཏག །ནུས་ལྡན་ཆུ་ཡིས་རིལ་བུར་དྲིལ། །ལྷར་བསྐྱེད་སྔགས་བཟླས་ནུས་པ་བསྟིམ། །འོད་ཞུ་རྡོ་རྗེའི་ནུས་ལྡན་བསམ། །འཆང་དང་བཟའ་དང་བྱུགས་པ་དང་། །དུད་པ་གཏོང་བ་ཙམ་གྱིས་ཀྱང་། །སྟོང་ཕྲག་བརྒྱད་བཅུའི་བགེགས་ཀུན་འཇོམ། །བཞི་བརྒྱ་རྩ་བཞིའི་ནད་རྣམས་སེལ། །རིམས་ནད་འགོས་པའི་ནད་རྣམས་ཐུབ། །དྲི་ཚོར་ཙམ་གྱིས་ལྷ་འདྲེ་འབྲོས། །ཞོ་ཉེས་ཆང་ཉེས་ཐམས་ཅད་ཐུབ། །སྐབས་སུ་རྫས་ལ་སྔགས་ཀྱི་ངར། །བཏབ་ནས་ཚུལ་བཞིན་སྤྱད་གྱུར་ན། །འདི་ཡིས་མི་ཐུབ་གང་ཡང་མེད། །ཤིན་ཏུ་ཟབ་པའི་མན་ངག་སྟེ། །སྙིང་གི་དབུས་སུ་དམ་པར་ཆོངས། །ས་མ་ཡ། འདི་ལ་གུ་གུལ། ཤིང་ཀུན། ཤུ་དག་ནག་པོ་གསུམ་གཙོ་བོ་དང་། གཞན་རྣམས་ཆ་མཉམ། གླ་རྩི་དྲི་ཐོན་ཙམ། སྤང་སྤོས་བཟང་

― JKT021_Page_0298 ―

^{[མ་དཔེ་གཟིགས་ན་འདིར་གནོན།]}

[Full Size]

པོས་བུངས་བསྐྱེད་ལ་གཞི་བྱས་ཏེ། དགེ་སློང་རྣམ་དག་གམ། སྔགས་པ་ནུས་ལྡན་ནམ། ལོ་བརྒྱད་ཆུ་ལ་གླ་རྩི་དང་། མུ་ཟི་ནག་པོ་བཏབ་པས་རིལ་བུར་དྲིལ་གསུངས། ༈ །སྤྱོད་སྨན་གྱི་ཐོ་དགེའོ། །སྭསྟི། སྤྱོད་སྨན་གྱི་སྦྱོར་སྡེ་རྒྱ་གར་མཁས་པའི་གཞུང་ལས། བསེ་ཡབ། པོ་རིལ། ཟི་ར་དཀར་པོ། ཟི་ར་ནག་པོ། སྒེ་གཤེར། འུ་སུ། སྒ་སྐྱ། ཤིང་ཏོག་སྐྱུར་མོ། ཤིང་ཀུན། ༧ ཤིང་ཀུན་གྱི་ལོ་མ། ཡུང་བ། རྒྱ་མཚོའི་ཚྭ། སིནྡྷའི་ཚ། རྒྱ་ཚྭ། ཁ་རུ་ཚྭ། ཚྭ་ལ་རྣམས་ཆ་བསྐྱེད་ལུགས་ཁམས་དང་བསྟུན་ཏེ་སྦྱར་བར་བཞེད། ༈ །གཞན་དུ། སྒ། པི་ལིང་། ཕོ་རིལ། སུ་རུ་པཉྩ། འུ་སུ། ཡུང་བ། འཁོར་ལོ་མ། པྲི་ཡཧཱུྃ། གོ་སྙོད། ཤུ་མོ་ཟ། གཡེར་མ། ཤིང་ཚྭ། ལི་ཤི །ཤིང་ཀུན། འཛིམ་བུ་སོགས་སྒོག་པའི་རིགས། ལན་ཚྭ། གཞན་ཡང་ཤྭ་མོ། རིན་ཆེན་སྙག །ཚྭ་ལ་ཆུ་བཅད། བུལ་ཏོག །རྒྱམ་ཚྭ་སོགས་ཀྱང་ཅུང་ཟད་གཏོང་བར་གསུངས། ཁྱད་པར་ཏོང་ཀུན་རྩ་བ་ལྷོ་རོང་ནས་འབྱུང་བ་དེ་རྙེད་ན་དྲི་ཤིན་ཏུ་བཟང་བར་སྣང་ངོ་། །མངྒ་ལཾ། ༈ ། ཆང་སྣ་བརྒྱད་ནི། འབྲུ་ནས། འབྲས། གྲོ། ཆང་། སྦྲང་རྩིའི་ཆང་། མེ་ཏོག་གི་ཆང་། བུ་རམ། ཀ་རའི་ཆང་། རྒུན་ཆང་། སྐྱུ་རུ་རའི་ཆང་། ཤི་གྲུའི་ཆང་ཞེས་སོ། །ཡང་བ་སྤུ་དང་། སེ་འབྲུ་

― JKT021_Page_0299 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་ཀྱི་ཆང་སྦྱར་ཚུལ་ཀྱང་བཤད་དོ། ༈ །ཤ་ལྔ་གཏའ་སྤེལ་བྱ་ཚུལ་ཐོ་དགེ །མི་ཤ་ནི། སྐྱེ་བ་བདུན་པའམ་སྐྱེས་དར་མ་མཚོན་གྱིས་ཤི་བའི་ཤ་སྣ། བཟང་དྲུག །ཨ་རུ་ར། ར་མྱེ། །ཤིང་ཀུན་དང་གླ་རྩི་དྲི་ཐོན་ཙམ། ཙནྡན་དཀར་པོ། ཅོང་ཞི། ༡༽ བ་གླང་དམར་པོ་བསད་པའི་ཤ་སྣ། ཛཱ་ཏི། ལྕ་བ། བ་རུ་ར་ཙན་དམར། གོ་སྙོད། ༢༽ ཁྱི་དཀར་པོ་ནག་ཐིག་མེད་པའམ་དོམ་ནག་སྙིང་དཀར་གྱི་ཤ་སྣ། སུག་སྨེལ། གཟེ་མ། སྐྱུ་རུ་ར། ཏོང་ཀུན་དཀར་པོ། བྲག་ཞུན། ཅུ་གང་། ༣༽ རྟ་དམར་པོ་གསར་བ་གྲིར་ཤི་བའི་ཤ་སྣ། ཀ་ཀོ་ལ། བ་སྤུ། མིང་ཅན། །། ཤིང་ཀུན་དྲི་ཙམ། ཡུང་བ། ༤༽ གླང་པོ་ཆེའི་ཤ །ཛཱ་ཏི། ཉེ་ཤིང་། གི་ཝཾ་རིགས་ལྔ། ཀླུ་བདུད་དཀར་ནག་དང་གླང་སྣ། ལི་ཤི །ཁ་ཆེ་དྲི་བཟང་བཅས་སོ། ༥༽།ཐམས་ཅད་ལ་དབང་པོ་ལག་པའི་དམ་རྩི་སྦྱར་ནས་གར་ཆང་གིས་སྦོལ། འདི་རྣམས་གསར་རྙིང་ཡོངས་གྲགས་ཡིན། གཞན་དུ་ཁྱིའི་མལ་དུ་སེང་གེའི་ཤ །གླང་པོ་ཆེའི་མལ་དུ་མཁའ་ལྡིང་ངམ་ཁྱུང་དང་། ཡང་རྨ་བྱ་བཤད་པ་སོགས་སྣང་བ། སེང་གེའི་ཤའི་ཚབ་ཏུ་མིའམ་ཁྱི་ཤ་དང་། ཁྱུང་ཤའི་ཚབ་འོལ་བས་བྱེད་པར་སྣང་། ༈ །བདུད་རྩི་ཆོས་སྨན་ལ། །སྙིང་པོ་ཤ་ལྔ་བདུད་རྩི་ལྔ། །སྐྱོབས་དང་འཕྲོད་དུ་རྩ་བ་

― JKT021_Page_0300 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱད། །ཡན་ལག་སྟོང་སྙེད་ཅི་རིགས་སྦྱར། །ཞེས་གསུངས་པའི་ཤ་ལྔ་བདུད་རྩི་ལྔ་ནི་སྒྲུབ་པ་པོ་རྣམ་སྨིན་རིག་འཛིན་གྱི་ས་ལ་གནས་པ་ཡན་ཆད་ཀྱི་དབང་དུ་བྱས་ན་དག་མ་དག་གི་རྩིས་གདབ་མེད་ཀྱང་། ཐུན་མོང་དུ་ཡུལ་དག་པའི་ཤ་སོགས་ལ་བརྟེན་པ་གཅེས་པས་གཏེར་བྱོན་དང་ཕབས་གཏའ་ཙམ་ལ་ཆ་བཞག །དེ་ལ་བརྡའི་སྨན་ནམ་སྐྱོབས་སུ། བཀའ་བརྒྱད་གསང་རྫོགས་ཀྱི་རྒྱུད་ལས་བཟང་པོ་དྲུག་ཁོ་ནར་བཤད། གཞན་དུ་ཤ་ལྔ་ལ། ར་མྱེ། གླང་། མོན་དམར། རྟ། མཁྲོ་མ། གྲོ་མ་ཡིན་ནམ་དཔྱད་མཆན། རྨ་བྱ། རུ་རྟ། མཁའ་ལྡིང་། རེ་རལ། སེང་ཤ །བདུད་རྩི་ལྔ་ལ། སྤང་སྤོས། དྲི་ཆེན། གསེར་ཤ་གོ་སྙོད་ཀྱང་བཤད། ཤ་ཆེན། །བྲག་ཞུན། རཀྟ། པྲི་ཡངྐ་དྲི་ཆུ། ཅོང་བྱང་སེམས། ཞིའམ། བྲག་ཞུན་དང་ཅོང་ཞིའི་མལ་དུ་སིནྡྷར། ཅུ་གང་ཡང་བཤད། རྩ་བ་བརྒྱད་ལ་བཤད་ཚུལ་མང་། གསང་སྨན་གྱི་རྩ་བ་བརྒྱད་ཅེས་རྩ་བ་ཨ་གར་ནག་པོ། སྡོང་པོ་ཙནྡན་དཀར་པོ། ཡལ་ག་བ་ལེ་ཀ །ལོ་མ་རྒྱ་ཤུག །མེ་ཏོག་གུར་གུམ། འབྲས་བུ་ཨ་རུ་ར། ཤུན་པ་ཤིང་ཚྭ། ཚི་བ་ག་བུར་ཏེ་བརྒྱད་དོ། །ཡན་ལག་སྟོང་ལ། རྡོ་རྗེ་ཕ་ལམ་དང་གསེར་དང་དངུལ་ཆུ་སོགས་རིན་པོ་ཆེའི་རིགས་བརྒྱ༡༠༠། གསེར་དངུལ་ཟངས་ལྕགས་ཀྱི་རྡོ་དང་ཅོང་ཞི་བྲག་ཞུན་རིགས་ལྔ་སོགས་རྡོའི་སྨན་

― JKT021_Page_0301 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱ༢༠༠། མུ་ཏིག་གསེར་གྱི་བྱེ་མ་སོགས་པའི་སྨན་བརྒྱ༣༠༠། གླ་རྩི་དང་ག་བུར་ཤིང་ཀུན་སོགས་རྩི་སྨན་རིགས་བརྒྱ༤༠༠། ཙནྡན་སོགས་ཤིང་གི་སྨན་རྩ་ལོ་མེ་འབྲས་སྡོང་པོ་ཡལ་ག་ཤུན་པ་དང་ཆུ་བ་སོགས་བརྒྱ༥༠༠། བ་ཤ་ཀ་དང་། ཏིག་རིགས་སུམ་བཅུར་གྲགས་པ་སོགས་ཤིང་མ་ལྡུམ་ཐང་སྨན་ཆུ་ལོ་མེ་འབྲས་བརྒྱ༦༠༠། བོང་ང་དཀར་སེར་དམར་གསུམ་སོགས་སྔོ་སྨན་རྩ་ལོ་མེ་འབྲས་ཡོངས་རྫོགས་བརྒྱ༧༠༠། འབྲས་དང་གྲོ་སྲན་ཏིལ་སོགས་འབྲུ་རིགས་བརྒྱར༠༠། རྒྱམ་ཚྭ་དང་ལྕེ་མྱང་ཚྭ་སོགས་ལན་ཚྭའི་རིགས་བརྒྱ༩༠༠། དབང་པོ་རིལ་བུ་དང་བསེ་རུ་རིགས་གསུམ་སོགས་སྲོག་ཆགས་ལས་བྱུང་བའི་སྨན་གྱི་རིགས་བརྒྱ༡༠༠༠། ཞར་བྱུང་སྨན་ཆུ་དང་ཆུ་ཚ་ཆང་སྣ་འོ་མ་སོགས་བརླན་གཤེར་གྱི་རིགས་རྣམས་ཏེ། དེའང་རྩི་སྨན་སོགས་ལ་ཧ་ཅང་མང་བ་རྙེད་དཀའང་ནང་གསེས་ཀྱི་དབྱེ་བ་ཅི་རིགས་པ་དང་། ཐང་དང་སྔོ་སྨན་སོགས་ཕོ་མོ་མ་ནིང་གི་དབྱེ་བས་བརྒྱ་རྩ་ལས་ཀྱང་ལྷག་རྙེད་པར་སྣང་། ཤིང་ཏོག་དང་། སྤྱོད་དང་། སྤོས་ཀྱི་རིགས་ཀྱང་ཇི་ཙམ་རྙེད་པ་སྟེ།མདོར་ན་སྟོང་ཕྲག་ཀྱང་མང་ཚིག་ཙམ་ལས་རེ་རེ་ནས་བགྲང་བའི་ངེས་པ་མི་སྣང་། གང་ལྟར་ཡང་ཁ་དོག་དང་། དྲི་དང་། རོ་དང་། ནུས་པའི་སྤྱང་ཀིར་གྱུར་པ་སྤངས། ལན་ཚྭ་སོགས་ཀྱང་ཅུང་ཟད་།

― JKT021_Page_0302 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་མང་ན་མི་ལེགས་པ་སོགས་ཞིབ་མོར་དཔྱད་དེ་སྦྱར་བར་བྱའོ། ༈ །སྨན་རྩ་བ་བརྒྱད་དམ་ཕྱི་ཡི་རྩ་བརྒྱད་ཙནྡན་སྦྲུལ་གྱི་སྙིང་པོ་ལ་ཚང་སྟེ། རྩ་བ་མུ་ལ་བྷ་དྲ། སྡོང་པོ་ཙནྡན་སྨུག་པོ། ཤུན་པ་ཤིང་ཚྭ། ལོ་མ་གན་པ་ཊ་སྟེ་རྒྱ་ཤུག་ལོ། ཡུ་བ་ལི་ཤི །མེ་ཏོག །གུར་གུམ། འབྲས་བུ་ཛཱ་ཏི། ཐང་ཆུ་ག་བུར་ཞེས་བཤད། ༈ །བོང་དམར་འབྲི་མོག་མོན་བུ་དམར། །གྲོ་མ་ཉུང་དམར་རྩ་བ་སེམས་དབང་བྱེད། ལྔ། །ཙནྡན་སེང་ལྡེང་མཛོ་མོ་ཤིང་། །འོ་སེ་རྩོད་བཅས་སྣང་བ་དབང་བྱེད། སྡོང་བུ་ལྔ། །ཧ་ལོ་ཨུག་ཆོས་གླང་སྣ་དང་། །ལུག་རུ་ཨུཏྤལ་སྐྱེས་པ། མེ་ཏོག་ལྔ། །སྐྱུ་རུ་སེ་འབྲུ་འོལ་མོ་སེ། །རམ་བུ་སེ་ལྟར་བུ་དང་རྒུན་འབྲུམ། རྒོད་འབྲས་བུ་བུད་མེད། ལྔ། །གུར་གུམ་རྒྱ་སྐྱེགས་སིནྡྷ་ར་ལི་ཁྲི། །སྦྲང་རྩི་བྲག་ཞུན་རྩི་བན་བཙུན། ལྔའོ། །ར་ག་བྱེ་རུ་ཟངས་དང་མཆོང་། །རང་བྱུང་ཤེལ་དམར་རིན་ཆེན་ལྔ། ཡེ་ཤེས། །མཚལ་ཙག་མདུང་རྩེ་ཅོང་ཞི་དམར། །ལྡོང་རོས་བཅས་ཏེ་རྡོ་ལྔའོ།” །ཞེས་སོ། ༈ །རཀྟ་སོ་ལྔ་ལ་བཤད་ཚུལ་མང་། ཉེར་ལྔ་དགོངས་འདུས་རྣམ་ངེས་ལས། རྡོའི་རཀྟ།༽ མཚལ། ལྡོང་རོས། ཙག །མདུང་རྩེ། སྦལ་རྒྱབ་ལྔ། ཤིང་།༽ སྐག །ཚོས། སེང་འཇིག་རྟེན་དབང་བྱེད། ལྡེང་། བཙན་དུག །ཐར་ནུ། ཙི།༽ གླ་རྩི། གོ་ཆེ། བུ་རམ། འབྲི་སྨུག །

― JKT021_Page_0303 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྲང་། འབྲུ།༽ རྒུན་འབྲུམ། སྐྱུ་རུ། སྐྱེར་འབྲུ། ར་ག་དམར་པོ། ནས་ནག །མེ་ཏོག༽ །ཨུག་ཆོས། ལུག་རུ་དམར་པོ། སྲན་མ། རྒྱ་ལྕམ། རམ་བུ་ཞེས་བཤད། ༈ །རཀྟའི་རྒྱུད་སོགས་ཀྱི་དགོངས་དོན་རྣམ་གྲངས་རྒྱ་མཚོར། ཡབ་ཀྱི་སྣ་གཡས། ཡུམ་གྱི་པདྨ། སྲིད་པ་ལྟེ་བ། དཔའ་བོ་གྲིར་བསད་པའི་སྙིང་ཁྲག་སྟེ་ནང་གི་རྩ་བ་བཞི། སྟག་གཟིག་སོགས་གཅན་གཟན། རྒོད་སོགས་འདབ་ཆགས། རྟ་བོང་སོགས་རྨིག་ཟླུམ། གཡག་སོགས་རྨིག་དཔྲག་གི་ཁྲག་སྟེ་ཕྱིའི་རྩ་བ་བཞི་བསྡམས་པས་རྩ་བ་བརྒྱད། ཡན་ལག །མཚལ་ལི་ཁྲི། བཙག །ལྡོང་རོས། རྡོ་དྲེགས་དམར་པོ་སྟེ་སའི་རཀྟ་ལྔ། ཙན་དམར། སེང་ལྡེང་། མཛོ་མོ་ཤིང་། གོམིཥ ཤེར་ཤིང་དམར་པོ་སྟེ་ཤིང་གི་རཀྟ། རྗེས་མ་གཉིས་སྟར་བུ་དང་། ཀཎྜ་ཀ་རིས་བྱེད། པདྨ་རཱ་ག །བྱེ་རུ། མཆོང་དམར་པོ། མེ་ཤེལ། རྡོ་རྒྱུས་དམར་པོ་སྟེ་སྦལ་རྒྱབ་གང་རུང་སྟེ་རྡོའི་རཀྟ། ཧ་ལོ། ཨུག་ཆོས། གླང་སྣ། སེ་རྒོད། ལུག་རུ་དམར་པོ་སྟེ་མེ་ཏོག་གི་ལྔ། ར་མོ་ཤག །ཉེ་ཤིང་། སྙ་ལོ། གྲོ་མ། སྙུག་མ་དམར་པོ་སྟེ་རྩའི་རཀྟ་ལྔ། ཕྱི་མ་འདི་རྣམས་ཁམས་གླང་ཐང་སོགས་སྐྱེ་བའི་ཁྲག་སྨྱུག་ཞེས་པ་དེའོ་ཞེས་བཤད་རུང་། དོན་ཉུང་མ་དམར་པོ་ཟེར་བ་དེ་ཡིན་འདྲ། རྒུན་འབྲུམ། རམ་

― JKT021_Page_0304 ―

^{[མ་དཔེ་གཟིགས་ན་འདིར་གནོན།]}

[Full Size]

བུ། གུལ་སྲན་བྲེའོ། །བ་མཁལ་སྨུག་པོ། སྐྱུ་རུ་ར་སྟེ་འབྲུའི་རཀྟ། རྒྱ་སྐྱེགས། སིནྡྷ་ར། འབྲི་མོག །བུ་རམ་བྲག་ཞུན་སྟེ་རྩིའི་རཀྟ་ལྔ་སྟེ་སོ་ལྔ། དེའི་ཡན་ལག་ཏུ། ཟངས་དང་རྡོ་རིགས། །:བཙོད་འོམ་བུ་སོགས་ཤིང་རིགས། ཨུཏྤལ་དམར་པོ་དང་ཤངས་དྲིལ་སོགས་མེ་ཏོག་དམར་པོ། བཙག་སྣ་མའི་འབྲས་བུ། འོལ་སེ་སོགས། མདོར་ན་ཁ་དོག་དམར་པོའི་རིགས་ཐམས་ཅད། སྲོག་ཆགས་ལས་བྱུང་བའི་ཁྲག་སྣ་ཚོགས་ཡོད་དོ། ༈ །འདག་ཆལ་རྫས་རྒྱ་གཞུང་ལས། འདག་ཆལ་དུ་འོས་པའི་སྤྲོ་བའི་འདབ་མ་དང་། ཉེ་ཤིང་དང་། བག་ཕྱེའི་ཆལ་དང་། བ་བྱུང་རྣམ་ལྔ་དང་། །ཡུངས་བ་དང་། འབྲས་ཡོས་དང་། ཏིལ་མར་དང་། སྦྲང་རྩི་དང་། འོ་མ་དང་། གན་པ་ཏྲ་དང་བཅས་མེ་ལོང་གི་སྟེང་དུ་བཏབ་ལ། ཙནྡན་ག་བུར་གྱི་དྲིས་ཐིག་ལེ་བྱས་ལ་མེ་ཏོག་དང་བཅས་པའི་༧ཀུ་ཤའི་པིར་གྱིས་བཀྲུ་བར་བྱའོ། །སུག་པ་དང་། བུལ་ཏོག་དང་། སྤངས་མས་ཀྱང་བཀྲུའོ། །ཞེས་སོ། ༈ །སྨིན་གླིང་ནས་ཐུན་རྫས་ལ། ཀེ་ཚེ༡། ཤང་ཚེ༢། ལྕགས་ཕྱེ༡། ཟངས་ཕྱེ༢། །།མཁར་གོང་གི་རྡོ་ཕྱེ་༣རྣམས་ཡུངས་ཀར་གྱི་ཕྲ་ཞིབ་ཙམ་དུ་བཏགས་པ་དང་། ཡུངས་ཀར་བཅས་ཁྲག་གཙང་གིས་སྦྲུས་པ་ཡིན། ཁྲག་དེ་རླངས་པ་བྱུང་ཙམ་བྱེད་པར་གསུངས། ༈ །ལྷ་དབྱེའི་རྫས་དུད་

― JKT021_Page_0305 ―

^{[མ་དཔེ་གཟིགས་ན་འདིར་གནོན།]}

[Full Size]

མི་བཏང་ན་ཐུམ་བུ་ནི་ཏྲིའི་འོག་ཏུ་བཞག །ལྷ་ལྔ་གཤེད་འབེབས་ཀྱང་ཟུང་འབྲེལ་དུ་བྱ། ལྷ་ཡིན་ནམ། ཕོ་ཉ་གཤེད་འབེབས་ཡུངས་ནག་ཟི་ར་ནག་པོ། སྲོག་ལྷ་གཤེད་འབེབས་ཀེ་ཚེ། མོ་ལྷ་གཤེད་འབེབས་ར་རོག་དང་ཁྱི་ནག་གི་ཁྲག །དགྲ་ལྷ་གཤེད་འབེབས་ཕག་ནག་ཁྲག །ཞང་ལྷ་གཤེད་འབེབས་ལྕགས་ཕྱེ་ཟངས་ཕྱེ། ཡུལ་ལྷ་གཤེད་འབེབས་སྒོག་པ་བཅས་སོ། ༈ །མནན་པའི་སྐབས་དོང་གི་ཚད་ལ། དང་པོ་ཁྲུ་གང་ཡན་ཆོད་ས་རོ་ཡིན་པས་ཕན་གནོད་མེད། དེ་ནས་སོར་དགུ་སྲིན་མོའི་གནས་ཡིན་པས་འགོང་ཆོག་མནན། དེ་ནས་སོར་བཅུ་བརྟན་མའི་གནས་དགྲ་བགེགས་མནན། དེ་ནས་སོར་བཅུ་གཅིག་ཀླུ་བདུད་ཀྱི་གནས་ཡིན། གཏད་དེ་རུ་མནན། དེ་བས་རིང་ན་རང་ལ་ལྡོག །ཐུང་ན་དགྲ་མི་འཆི། ཨུ་པ་དེ་ཤ་ས་མ་ཡ༔ ༈ །གླུད་རྫས་ནི། གླུད་ཀྱི་རྒྱུ་འབྲུ་སྣ་བདུན་ཞེས། ལྷའི་འབྲུ་ནས། ཀླུའི་འབྲུ་གྲོ། གཉན་གྱི་འབྲུ་སོ་བ། བདུད་ཀྱི་འབྲུ་བྲ་བོ། ཐེའུ་རང་གི་འབྲུ་སྲན་མ། ས་བདག་གི་འབྲུ་འབྲས། གནོད་སྦྱིན་གྱི་འབྲུ་ཏིལ་བཅས་ཀྱི་དར་ཕྱེ་ཞེས་རྗེན་ཕྱེ་ལས་བྱ། བྱེ་བྲག་གི་རྫས་ལ། ཟེར་མོའི་སྒྲོའམ་མཐིང་གི་སྐུ། ཕྱག་ཚང་ཀུ་བའི་ཐོད་པ། མུ་ཏིག་གམ་ཤེལ་གྱི་ཀླད་པ། ལུང་ཏང་གི་མིག །གྲོ་གའམ། ཨ་འབྲས་སམ། དུང་གི་རྣ་བ།

― JKT021_Page_0306 ―

^{[མ་དཔེ་གཟིགས་ན་འདིར་གནོན།]}

[Full Size]

ཟངས་ཁབ་ཀྱི་སྣ། མགྲོན་བུའི་སོ། །བྱེ་རུའམ་དར་ལེ་བརྒན་གྱི་ལྕེ། བསེའམ་ཨ་རུ་རུའི་ཤ །མཚལ་ལམ་ལན་ཚྭའི་ཁྲག །མེ་ཤེལ་གྱི་དྲོད། དར་སྣ་ལྔའི་དབུགས། ཆུ་ཤེལ་ལམ་འཇའ་ཤེལ་གྱི་སེམས། དུང་གི་རུས་ལ། རྡོ་རྒྱུས་བྱ་བལ་མའམ། ཤིང་གསམ་པ་བྱ་བལ་མའི་རྒྱུས་པ། སྤུ་ཤེལ་རྩེའི་རྩ། གྲོ་གའམ་བྲམ་ཤིང་གི་ཤུན་པས་ལྤགས་པ། མུ་ལེ་བྲམ་ཤིང་དངོས་སམ། མ་རྙེད་ན་འབྲུག་ཤིང་དུ་གྲགས་པའི་ཤུན་པས་ཀྱང་ཚབ་རུང་། དབང་ལག་གི་ལག་པ། ཆུ་སྲིན་སྡེར་མོ་སྟེ་ནཱ་གིའི་སེན་མོ། སྙིང་ཞོ་ཤའི་སྙིང་། གློ་བ་ཞོ་ཤའི་གློ་བ། ཤ་འབྲས། མཆིན་པ་ཞོ་བ་མཁལ་བླུག་པོའམ་གླང་མིག་ཏུ་གྲགས་པའི་དམར་སྨུག་ལེབ་མོ་ཆེབ་དེའོ། །ཤའི་མཆིན་པ། མཚེར་པ་ཞོ་ཤའི་གླ་གོར་ཞོ་ཤའང་ཟེར། མཚེར་པ། མཁལ་ཞོ་དཀར་ནག་གི་མཁལ་མའམ། ཡང་རིན་པོ་ཆེ་སྣ་ལྔའམ། ཡང་ན་ཛཱ་ཏི། ཅུ་གང་། གུར་གུམ། ཀ་ཀོ་ལ། སུག་སྨེལ་རྣམས་ཀྱི་དོན་ལྔ། ཚ་བ་གསུམ་གྱི་སྣོད་དམ། ཡང་ན་བཟང་པོ་དྲུག་གི་སྣོད་ཅེས། ཕོ་བའི་བཟང་པོ་སེ་འབྲུ། རྒྱུ་མའི་བཟང་པོ་དུག་མོ་ཉུང་ངམ་རྒྱམ་ཚྭ། མཁྲིས་པའི་བཟང་པོ་དོམ་མཁྲིས། ལོང་གི་བཟང་པོ་པི་ལིང་། སྒང་པའི་བཟང་པོ་རྒྱ་ཚྭ། བསམ་སེའི་བཟང་པོ་ལུང་ཏང་ངམ་བ་སྤུའོ། །ཐལ་ཀ་རྡོ་རྗེའི་ཕོ་མཚན། ལག་པ་གཡས་པ་གསེར། །

― JKT021_Page_0307 ―

^{[མ་དཔེ་གཟིགས་ན་འདིར་གནོན།]}

[Full Size]

གཡོན་པ་དངུལ་ལམ་གཡུ། རྐང་པ་གཡས་པ་ལྕགས། གཡོན་པ་ཟངས་ལས་བྱ་བར་བཤད། སྤྱིར་བཏང་དུ་མཐུན་རྫས། དར་སྣ། རས་སྣ། གོས་སྣ། ཟས་སྣ། སྤོས་སྣ། གསེར། །དངུལ། ཟངས། ལྕགས། གཡུ། བྱེ་རུ། སྤོས་ཤེལ་སོགས་རིན་པོ་ཆེ། ལྷོ་རྫས་ཞེས་ཚོས། བཙོད། ཞུ་མཁན། སྦ་སྨྱུག་སོགས་ལྷོ་རོང་ནས་འབྱུང་བ། བྱང་རྫས། ཞེས་ལན་ཚྭ་དང་། བུལ་ཏོག་སོགས་བྱང་ཁའི་རྫས། ལ་རྫས་ཞེས་ལ་སྨན་རིགས་ཏེ། འབྲས་བུ་གསུམ་དང་། ཙནྡན་དཀར་དམར་འབྲས་སྣ་གསུམ་སོགས་བཟང་སྨན། ཀླུདས་རྫས་ཞེས་གོང་དུ་སྨོས་པའི་འབྲུ་སྣ་བདུན་དང་། ཁྲེ། ཙི་ཙི། ཟར་མ། གཡེར་མ། ཉུང་མ། སྒོག་པ། རམ་པ་སོགས། ཁམ་བུ། སྟར་ག །ཀུ་ཤུ། རྒུན་འབྲུམ་སོགས་ཤིང་ཏོག་སྣ་ཚོགས། གཞན་ཡང་། དཀར་འོ་མ། ཞོ། མར། མཆན། གསུམ། མངར་ཀ་ར་བུ་རམ་སྦྲང་རྩི། གསུམ། དམར་གསུམ། ཤ་ཁྲག་རུས་པའོ། །ཇ་ཕུད། ཆང་ཕུད་སོགས་འདོད་ཡོན་ཅི་འབྱོར་པའོ། །དེའང་ཀླུད་ཕྲན་ཆུང་ངུ་སྤར་དུ་བཏབ་པ་སོགས་ལ་ང་གི་རྫ་ས་ཕལ་ཆེར་ཕྱོགས་གཅིག་ཏུ་བསྡུས་ནས་ཕྱེ་མ་ཞོ། མར། མཆན། བྱས་ཏེ་བསྲེ་བའི་ཕྱག་སྲོལ་ཡང་ཡོད་པར་སྣང་། དེ་ལྟར་ན་ཁྲོལ་བུའམ། ཕྱེ་མའམ། ཡང་ན་དཀར་མངར་སོགས་ཀྱིས་

― JKT021_Page_0308 ―

^{[མ་དཔེ་གཟིགས་ན་འདིར་གནོན།]}

[Full Size]

སྤོལ་བའི་ཕུར་མའམ། རིལ་བུར་བྱས་ཏེ། སྔགས་དྲུག་ཕྱག་དྲུག་གམ་ནམ་མཁའ་མཛོད་ཀྱི་སྔགས་རྒྱས་རྫས་རྣམས་འདོད་རྒུ་ཐམས་ཅད་འབྱུང་བའི་རང་བཞིན་དུ་བྱིན་གྱིས་བརླབས། བདག་གི་བསམ་པའི་སྟོབས་དང་ནི་སོགས་བདེན་སྟོབས་བརྗོད། ཡེདྷརྨས་བརྟན་པར་བྱ་ཞིང་། འབད་དང་རྩོལ་བས་མ་གོས་པའི་སོགས་ཤིས་པ་བརྗོད་པ་བཅས་བགྱིས་ན་སྐབས་སུ་བབས་པར་འགྱུར་ཞིང་། སྤར་བུ་ལྟ་བུའི་སྣོད་བཟང་པོར་ཚགས་ནས་དགོས་པའི་དུས་སུ་ངར་ཟན་སོགས་ལ་བསྲེ་བར་བྱའོ། །མངྒ་ལཾ།། །།

སྒྲོལ་མ་མཎྜལ་བཞི་པའི་ཆོ་ག་ཤིན་ཏུ་བསྡུས་པ་བྱ་ཚུལ་ཕན་བདེའི་ཨུཏྤལ།

― JKT021_Page_0309 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །སྒྲོལ་མ་མཎྜལ་བཞི་པའི་ཆོ་ག་ཤིན་ཏུ་བསྡུས་པ་བྱ་ཚུལ་ཕན་བདེའི་ཨུཏྤལ་བཞུགས་སོ།། །།

― JKT021_Page_0310 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །ན་མོ་གུ་རུ་བྷྱ༔ གང་མཚན་དྲན་པའི་མོད་ཉིད་ནས། །འཇིགས་པ་ཀུན་ལས་དབུགས་དབྱུང་བའི། །མྱུར་མ་དཔའ་མོར་གུས་བཏུད་ནས། །དེ་མཉེས་བྱེད་པའི་ཆོ་ག་བཤད། །འདི་ལ་གསུམ། སྦྱོར་བ། དངོས་གཞི། རྗེས་སོ། །དེ་ལ་དང་པོ་སྦྱོར་བ་ནི། རྣལ་འབྱོར་པ་གང་ཞིག་རྗེ་བཙུན་མའི་རྗེས་སུ་གནང་བ་ཐོབ་ཅིང་། དམ་ཚིག་དང་སྡོམ་པ་ཡང་དག་པ་དང་ལྡན་པས་མཎྜལ་གྱི་ཆོ་ག་བགྱིད་པར་སྤྲོ་ན། གནས་གཙང་ཤིང་ཡིད་དུ་འོང་བར། ཉ་སྟོང་བརྒྱད་ལ་སོགས་པའི་དུས་བཟང་ངམ། སྐབས་སུ་བབས་པའི་ཚེ། ཡོ་བྱད་ཉེ་བར་བསགས་པ་ནི། འཕགས་མའི་སྐུ་རབ་གནས་དང་ལྡན་པ་བྲིས་འབུར་གང་རིག་གི་མདུན། བ་བྱུང་ལྔ་དང་དྲི་

― JKT021_Page_0311 ―

^{[མ་དཔེ་གཟིགས་ན་འདིར་གནོན།]}

[Full Size]

བཟང་པོས་བྱུག་པའི་མཎྜལ་ལ། གུར་གུམ་གྱིས་ཆུས་བརླན་པའི་འབྲུ་ཚོམ་བཞི་བཀོད་པ་དང་། སྟེགས་ཀྱི་ཁར་དཀར་གཏོར་བཞི། ཆུ་གཉིས་སྔོན་འགྲོའི་ཉེར་སྤྱོད་ཚན་བཞི་བཅས་བཀོད་པས་མཛེས་པར་བཤམས་པ་སོགས་འོག་ནས་འབྱུང་བའི་ཡོ་བྱད་རྣམས་འདུ་བྱའོ། །གཉིས་པ་དངོས་གཞི་ལ་དོན་ཚན་གསུམ་ལས། །དང་པོ་ཚོགས་ཞིང་སྤྱན་དྲངས་ཏེ་ཡན་ལག་བདུན་པ་དང་མཎྜལ་བཅས་པས་མཆོད་དེ་གསོལ་བ་གདབས་པ་ལ། ཐོག་མར་སྐྱབས་སེམས་སྔོན་དུ་འགྲོ་བས། ཐམས་ཅད་དུ་ཡང་ས་གཞི་དག །གསེགས་མ་ལ་སོགས་མེད་པ་དང་། །ལག་མཐིལ་ལྟར་མཉམ་བཻཌཱུརྱའི། །རང་བཞིན་འཇམ་པོར་གནས་གྱུར་ཅིག །ཕུན་སུམ་ཚོགས་

― JKT021_Page_0312 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཞིང་དེ་དག་ཏུ་ལྷ་དང་མི་ཡི་ཡོ་བྱད་དམ་པ་གཟུགས་དང་སྒྲ་དང་དྲི་དང་རོ་དང་རེག་བྱ་ལ་སོགས་པ་རྣམ་པར་དག་ཅིང་ཡིད་དུ་འོང་བ་མཆོད་པའི་སྤྲིན་རྒྱ་མཚོ་བསམ་གྱིས་མི་ཁྱབ་པར་གྱུར། ན་མཿསརྦ་ཏ་ཐཱ་སོགས་ལན་གསུམ་དང་། སྤྲོ་ན་མཆོད་པའི་སྤྲིན་གྱི་གཟུངས་ཀྱང་འདོན། རང་གི་སྙིང་ཁ་ནས་འོད་ཟེར་འཕྲོས་པས་རྗེ་བཙུན་སེང་ལྡེང་ནགས་ཀྱི་སྒྲོལ་མ་ལ་སངས་རྒྱས་དང་བྱང་ཆུབ་སེམས་དཔའི་ཚོགས་ཀྱིས་བསྐོར་བ་མདུན་གྱི་ནམ་མཁར་ཨོཾ་བཛྲ་ས་མཱ་ཛཿ ཞེས་པས་སྤྱན་དྲངས། པདྨ་ཀ་མ་ལ་ཡེ་ཧཱུྃ། ཅེས་པས་གདན་དབུལ། དེ་ནས་ཁྲུས་ཁང་བསྐྱེད་པ། ཁྲུས་གསོལ། གོས་ཟུངས་དང་། རྒྱན་འབུལ་བ་རྣམས་གཞན་ནས་འབྱུང་བ་ལྟར་གྲུབ་རྗེས། སྟན་ལས་ལངས་ཏེ་ཕྱག་འཚལ་བཞིན་པར། ཇི་སྙེད་སུ་དག་སོགས་ཡན་ལག་བདུན་པ་རྒྱས་བསྡུས་གང་རིགས་དང་། མཎྜལ་ཅི་ནུས་འབུལ་མཐར། སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། ཅེས་སོགས་ལན་གསུམ་གྱིས་སྐྱབས་སེམས་ནན་ཏན་དུ་བྱ། རྟེན་ལ་མེ་ཏོག་གཏོར་ཏེ། རྗེ་བཙུན་བཅོམ་ལྡན་འདས་མ་ཐུགས་རྗེ་ཅན། ནས། ཡར་ངོའི་ཟླ་ལྟར་འཕེལ་ཞིང་རྒྱས་པར་མཛོད། །ཞེས་པའི་པར་གྱིས་འདོད་པའི་དོན་ལ་གསོལ་བ་གདབ་པར་བྱའོ། །གཉིས་པ་རང་ཉིད་སྒྲོལ་མར་བསྐྱེད་ནས་ཐུགས་

― JKT021_Page_0313 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱུད་བསྐུལ་བའི་བཟླས་པ་བྱ་བ་ལ། ཨོཾ་སྭ་བྷཱ་བ་ཤུདྡྷ་སརྦ་དྷརྨ་སྭ་བྷཱ་བ་ཤུདྡྷོ་ཉཧཾ། ཆོས་ཀུན་གཟོད་ནས་འོད་གསལ་སྟོང་པའི་ངང་། །པཾ་ལས་པདྨ་ཨ་ལས་ཟླ་བའི་སྟེང་། །ཏཱཾ་ལས་ཨུཏྤལ་ཏྭཾ་གྱིས་མཚན་པ་ལས། །འོད་འཕྲོས་དོན་གཉིས་བྱས་ནས་ཚུར་འདུས་པས། །རང་ཉིད་རྗེ་བཙུན་སྒྲོལ་མ་མར་གད་མདོག །ཞི་མཛུམ་ཞལ་ཅན་བརྒྱད་གཉིས་ལང་ཚོས་སྒེག །ཕྱག་གཡས་མཆོག་སྦྱིན་ཕྱག་རྒྱའི་གན་མཛོད་ནས། །སྒྲུབ་པ་པོ་ལ་དངོས་གྲུབ་མཆོག་སྟེར་ཞིང་། །གཡོན་པས་དཀོན་མཆོག་གསུམ་མཚོན་སྐྱབས་སྦྱིན་རྒྱས། །འཇིགས་པས་ཉེན་པའི་འགྲོ་ལ་དབུགས་འབྱིན་སྦྱིན། །གཉིས་ཀས་ཨུཏྤལ་སྔོན་པོའི་སྡོང་བུ་ནི། །མེ་ཏོག་སྙན་གྱི་ཐད་སོར་བྱེ་བ་འཛིན། །སྣ་ཚོགས་དར་དང་རིན་ཆེན་རྒྱན་གྱིས་མཛེས། །གཡས་བརྐྱངས་གཡོན་བསྐུམ་སྟབས་ཀྱིས་རོལ་པ་ཡིས། །གནས་Jགསུམ་འབྲུ་གསུམ་འོད་ཀྱིས་ཡེ་ཤེས་ལྷ། །སྤྱན་དྲངས་རང་དང་གཉིས་སུ་མེད་པར་གྱུར། །སླར་ཡང་ཐུགས་སྲོག་ལས་བྱུང་འཛུམ་ཟེར་གྱིས། །དབང་ལྷ་སྤྱན་དྲངས་བདུད་རྩིས་དབང་བསྐུར་ཤིང་། །སྐུ་གང་སྒྲིབ་དག་སྤྱི་བོར་བརྟན་པ་ལས། །རིགས་བདག་འོད་སྣང་མཐའ་ཡས་དབུར་རྒྱན་གྱུར། །ཞེས་གསལ་བཏབ། ཨོཾ་ཨཱརྱ་ཏཱ་རེ་ས་པ་རི་ཝཱ་ར་ཨརྒྷཾ་སོགས་ཀྱིས་མཆོད། ལྷ་དང་ལྷ་མིན་ཅོད་པཎ་

― JKT021_Page_0314 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས། སོགས་ཀྱིས་བསྟོད། དེ་ནས་སྣང་གྲགས་རིག་པའི་ཆོས་ཀུན་རྗེ་བཙུན་མའི་གསང་བ་གསུམ་གྱི་རོལ་པར་བལྟ་བའི་ལམ་ཁྱེར་ལས་མ་གཡོས་བཞིན་དུ། ཨོཾ་ཏཱ་རེ་ཏུཏྟཱ་ཏ་རེ་ཏུ་རེ་སྭཱ་ཧཱ། ཞེས་ཅི་a ནུས་བཟླ། ཡིག་བརྒྱས་ལྷག་ཆད་ཁ་བསྐངས་སྟེ་བྱིན་རླབས་བརྟན་པར་བྱའོ། །གསུམ་པ་མདུན་དུ་རྗེ་བཙུན་མ་གསལ་བཏབ་ནས་ཡན་ལག་བདུན་པ་མཎྜལ་དང་བཅས་པས་མཆོད་ཅིང་འདོད་དོན་ །གསོལ་བ་གདབ་པ་ལ་སྡེ་ཚན་གསུམ་ལས། དང་པོ་ནི། མདུན་གྱི་རྟེན་དེ་ཉིད་རྗེ་བཙུན་བཅོམ་ལྡན་འདས་མ་སེང་ལྡེང་ནགས་ཀྱི་སྒྲོལ་མ་ལ་འཁོར་སྒྲོལ་མ་ཉེར་གཅིག་གིས་བསྐོར་བ་དངོས་སུ་མོས་པས། ལྷ་དང་ལྷ་མིན་ཅོད་པན་གྱིས། སོགས་ལན་བདུན་བརྗོད་ལ་ཕྱག་དེ་སྙེད་དུ་འཚལ། དེ་ནས་མེ་ཏོག་གཏོར་ཏེ་སྟན་ལ་འཁོད་བཞིན་བར། རབ་འབྱམས་རྒྱ་མཚོའི་ཞིང་ཁམས་དཔག་མེད་ན། །མཆོད་པའི་ཁྱད་པར་ཇི་སྙེད་ཡོད་པ་དང་། །དེ་སྙེད་བདག་གིས་གུས་པས་བཤམས་པ་འདི། །རྗེ་བཙུན་འཕགས་མ་འཁོར་དང་བཅས་ལ་འབུལ། །ཨོཾ་ཨཱརཱ་ཏཱ་རེ་ས་པ་རི་ཝཱ་ར་ཨརྒྷཾ་པྲ་ཏིཙྪ་པཱུ་ཛ་མེ་གྷ་ས་མུ་ཏྲ་སྥ་ར་ཎ་ས་མ་ཡེ་ཨཱཿཧཱུྃ། དེ་བཞིན་དུ། པཏུཾ། པུཥྤེ། དྷཱུ་པེ། ཨཱ་ལོ་ཀེ །གྷནྡྷེ། ནེ་བིདྱ། ཤབྡ་རྣམས་སྦྱར་བས་ཉེར་སྤྱོད་དང་། ཕྱོགས་དུས་ཀུན་ན་གཟུགས་སྒྲ་དྲི་རོ་དང་། །རེག་

― JKT021_Page_0315 ―

^{[མ་དཔེ་གཟིགས་ན་འདིར་གནོན།]}

[Full Size]

བྱའི་ཁྱད་པར་དབང་པོ་ཚིམ་བྱེད་པ། །མོས་བློས་དཀྱིལ་འཁོར་ལྷ་ལ་བདག་འབུལ་གྱིས། །བཞེས་ཤིག་བླ་མེད་གྲུབ་མཆོག་སྩལ་དུ་གསོལ། །ཨོཾ་ཨཱརྱ་ཏཱ་རེ་ས་པ་རི་ཝཱ་ར་རཱུ་པ་ཀཱ་མ་གུ་ཎ་པཱུ་ཛི་ཏེ་ཨཱཿཧཱུྃ། དེ་བཞིན་དུ། ཤརྡ། གྷནྡེ རྭ་ས་སྤུནེ་རྣམས་སྦྱར་བས་འདོད་ཡོན། འཁོར་ལོས་བསྒྱུར་བ་མཆོག་གི་བསོད་ནམས་ལས། །ལེགས་པར་བྱུང་བའི་རིན་ཆེན་རྣམ་པ་བདུན། །རྗེ་བཙུན་འཕགས་མ་འཁོར་དང་བཅས་ལ་འབུལ། །བཞེས་ནས་དོན་གཉིས་དངོས་གྲུབ་སྩལ་དུ་གསོལ། ཨོཾ་ཨཱརྱ་ཏཱ་རེ་ས་པ་རི་ཝཱ་ར་མ་ཧཱ་ས་སྟ་རཏྣ་པཱུ་ཛི་ཏེ་ཨཱཿཧཱུྃ། ཞེས་པས་རྒྱལ་སྲིད་བདུན་རྣམས་འབུལ། རྗེ་བཙུན་འཕགས་མ་སྒྲོལ་མ་དང་། སོགས་ནས། འདྲེན་པའི་དཔལ་དུ་བདག་གྱུར་ཅིག །ཅེས་ཡན་ལག་བདུན་པ་དང་མཎྜལ་རྒྱས་བསྡུས་ཅི་རིགས་དབུལ། སངས་རྒྱས་ཆོས་དང་ཚོགས་སོགས་སྐྱབས་སེམས་ལན་གསུམ་གྱི་རྗེས། རང་དང་དམིགས་ཡུལ་རྣམས་རྗེ་བཙུན་སྒྲོལ་མའི་ཞབས་གཡས་བརྐྱངས་པའི་འོག་ཏུ་ཚུད་ཅིང་། གདུང་ཤུགས་དྲག་པོས་གསོལ་བ་གདབ་པས་ཐུགས་རྗེ་ལྷག་པར་གསོལ་བར་བསམས་ལ། ཨོཾ་རྗེ་བཙུན་མ་འཕགས་མ་སྒྲོལ་མ་ལ་ཕྱག་འཚལ་ལོ། །ཕྱག་འཚལ་སྒྲོལ་མ་མྱུར་མ་དཔའ་མོ། སོགས་ཕྱག་འཚལ་ཉེར་གཅིག་ཚར་གཉིས་དང་། ལྷ་མོ་ལ་གུས་ནས། སོ་

― JKT021_Page_0316 ―

^{[མ་དཔེ་གཟིགས་ན་འདིར་གནོན།]}

[Full Size]

སོར་འཇོམས་འགྱུར་བར་ཚར་གཅིག །རྗེ་བཙུན་བཅོམ་ལྡན་འདས་མ་ཐུགས་རྗེ་ཅན། སོགས་ནས། ཆོས་དང་བཀྲ་ཤིས་འཕེལ་བར་མཛད་དུ་གསོལ། ལན་གསུམ་གྱིས་འདོད་དོན་གསོལ། །གཉིས་པ་ལ་ཡང་། བསྟོད་པ་ཕྱག་འཚལ་ཉེར་གཅིག་ཚར་གསུམ་དང་། གསུམ་པ་ལ་བདུན་སྦར་བའི་དམིགས་གསལ་མ་གཏོགས་གཞན་སྔ་མ་ལྟར་བྱའོ། །གསུམ་པ་རྗེས་ཀྱི་བྱ་བ་ལ་གཏོར་མ་གཏོང་བ་ནི། གཏོར་མ་ཆ་བཞིའི་དང་པོ་ཆབ་ཀྱིས་བྲན་ལ། ཨ་མྲྀ་ཏས་བསང་། སྭ་བྷ་ཝས་སྦྱང་། སྟོང་པའི་ངང་ལས་ཧཱུཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པ་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ༔ ལན་གསུམ། རྗེ་བཙུན་སྒྲོལ་མའི་ལྷ་ཚོགས་འཁོར་དང་བཅས་པ་རྣམས་ཀྱི་ལྗགས་འོད་ཟེར་གྱི་སྦུ་གུ་ཅན་གྱིས་གཏོར་མའི་བཅུད་དྲངས་ཏེ་གསོལ་བར་གྱུར་བར་བསམས་ལ། ཨོཾ་ཨཱརྱ་ཏཱ་རེ་ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁ་ཧི་ཁཱ་ཧི། ལན་གསུམ་མམ་བདུན་དང་། ཨབྷཾ་སོགས། གཏོར་མ་འདོད་ཡོན་བདུད་རྩིའི་རྒྱ་མཚོ་འདི། རྗེ་བཙུན་སྒྲོལ་མ་འཁོར་དང་བཅས་ལ་འབུལ། །བཞེས་ནས་རྣལ་འབྱོར་བདག་ཅག་འཁོར་བཅས་ལ། །མཆོག་དང་ཐུན་མོང་དངོས་གྲུབ་སྩལ་དུ་གསོལ། །གཏོར་མ་གཉིས་པ་སོགས་

― JKT021_Page_0317 ―

^{[མ་དཔེ་གཟིགས་ན་འདིར་གནོན།]}

[Full Size]

འོག་མ་རྣམས་ལའང་བྱིན་རླབས་སྔར་ལྟར་དང་། དམིགས་གསལ། ཨརྒྷཾ་སོགས། གཏོར་མ་འདོད་ཡོན་བདུད་རྩིའི་རྒྱ་མཚོ་འདི། །ཆོས་སྐྱོང་སྲུང་མ་འཁོར་དང་བཅས་ལ་འབུལ། །བཞེས་ནས་རྣམས་བཞིའི་ཕྲིན་ལས་མ་ལུས་ཀུན། །ཐོགས་མེད་མྱུར་བ་ཉིད་དུ་འགྲུབ་པར་མཛོད། །གསུམ་པར། སཾ་བྷ་ར་བདུན་ནམ། གསུམ་དང་། མཚན་བཞི། གཏོར་མ་འདོད་ཡོན་བདུད་རྩིའི་རྒྱ་མཚོ་འདི། །སྙིང་རྗེའི་ཡུལ་གྱུར་རིགས་དྲུག་འགྲོ་ཀུན་ལ། །བསྔོའོ་སོ་སོའི་སྡུག་བསྔལ་ཀུན་བྲལ་ནས། ཕན་དང་བདེ་བའི་དཔལ་གྱིས་འཚོ་བར་ཤོག །བཞི་པར་སཾ་བྷ་ར་དང་། མཚན་བཞི། གཏོར་མ་འདོད་ཡོན་བདུད་རྩིའི་རྒྱ་མཚོ་འདི། །ཡུལ་ལྷ་གཞི་བདག་གཉུག་གནས་ཚོགས་ལ་འབུལ། །བཞེས་ནས་རུ་ང་ཕྲག་དོག་ཀུན་སྤངས་ཏེ། །ཕན་པའི་སྟོང་གྲོགས་རྒྱ་ཆེན་སྒྲུབས་མཛད་གསོལ། །ཞེས་པས་སོ་སོར་འབུལ། གཏོང་རག་གི་མཆོད་བསྟོད་རྒྱས་བསྡུས་ཅི་རིགས་དང་། རྗེ་བཙུན་བཅོམ་ལྡན་འདས་མ་ཐུགས་རྗེ་ཅན། སོགས་ཀྱིས་དངོས་གྲུབ་གསོལ། མ་འབྱོར་པ་དང་ཉམས་པ་དང་། སོགས་ཀྱི་མཐར་ཡི་གེ་བརྒྱ་པ་ལན་གསུམ་གྱིས་ནོངས་པ་བཤགས། རྟེན་ཡོད་ན། འདིར་ནི་གཟུགས་དང་ལྷན་ཅིག་ཏུ། སོགས་ནས། སུ་པྲ་ཏིཥྛ་བཛྲ་ཡེ་སྭཱ་ཧཱ། ཞེས་པས་བརྟན་

― JKT021_Page_0318 ―

^{[མ་དཔེ་གཟིགས་ན་འདིར་གནོན།]}

[Full Size]

བཞུགས་དང་། མེད་ན། ཨོཾ་ཁྱེད་ཀྱིས་སེམས་ཅན་སོགས་ནས། བཛྲ་མུས་ཡེ་ཤེས་པ་གཤེགས། འཇམ་དཔལ་དཔའ་བོས་ཇི་ལྟར་མཁྱེན་པ་དང་། སོགས་ཤློ་ཀ་གཉིས་ཀྱིས་དགེ་བ་བསྔོ་ཞིང་། །རྒྱལ་ཡུམ་སྒྲོལ་མ་ཁྱེད་སྐུ་ཅི་འདྲ་དང་། སོགས་ཀྱི་སྨོན་ལམ་གདབ། ཕུན་སུམ་ཚོགས་པ་མངའ་བ་སོགས་དང་། བདག་གིས་ཚེ་རབ་ཀུན་ཏུ་བསྒྲུབས་པའི་ལྷ། དུས་གསུམ་སངས་རྒྱས་ཀུན་གྱི་ཕྲིན་ལས་མ། །སྔོ་ལྗང་ཞལ་གཅིག་ཕྱག་གཉིས་མྱུར་ཞིང་དཔའ། །ཡུམ་གྱུར་ཨཏྤལ་བསྣམས་པའི་བཀྲ་ཤིས་ཤོག །ཅེས་སོགས་ཤིས་པ་བརྗོད་པས་མཐའ་བརྒྱན་པར་བྱའོ། །དེ་ལྟར་སྤྱིར་རྗེ་བཙུན་སྒྲོལ་མ་ནི་རྒྱལ་བ་ཀུན་གྱི་ཕྲིན་ལས་ཀྱི་བདག་ཉིད་དུ་གྲུབ་པའི་ཕྱིར་བྱིན་རླབས་མྱུར་ལ། ཁྱད་པར་མཎྜལ་ལ་བརྟེན་ནས་མཆོད་པའི་ཚུལ་གྱི་ཆོ་ག་འདི་ནི་གཞུང་རྩ་བར་དངོས་སུ་བསྟན་པར་མ་ཟད། ལ་འཕགས་བོད་ཀྱི་མཁས་གྲུབ་དུ་མས་མགྲིན་གཅིག་ཏུ་བསྔགས་པའི་ཡུལ་ཡིན་པའི་ཕྱིར། གནས་སྐབས་དང་མཐར་ཐུག་གི་དོན་གཉིས་བདེ་བླག་ཏུ་འགྲུབ་པར་འདོད་པ་དག་གིས་ནན་ཏན་བྱ་བར་གཅེས་སོ། །རྗེ་བཙུན་འཕགས་མའི་དཀྱིལ་འཁོར་ལྷ། །མཆོད་པའི་ཐབས་ཚུལ་ཉི་གཞོན་གྱིས། །ཕན་བདེའི་ཨུཏྤལ་རྒྱས་པའི་རླབས། །སྲིད་པའི་རྩེ་མོར་འབར་གྱུར་ཅིག །ཅེས་སྒྲོལ་མ་མཎྜལ་བཞི་པའི་

― JKT021_Page_0319 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོ་ག་ཤིན་ཏུ་བསྡུས་པ་བྱ་བའི་ཚུལ་འདི་ནི། ལྷ་གཅིག་དཱི་པཾ་ཀཱ་ར་ཡབ་སྲས་ཀྱིས་ཇི་ལྟར་བཀྲལ་བ་དང་རྗེས་སུ་མཐུན་པར་རྒྱལ་ཁམས་ཀྱི་དཱ་རི་དྲ་གཙུག་ལག་སྨྲ་བའི་ཉི་མ་ཞེས་བགྱི་བས་རང་གཞན་གྱི་དོན་དུ་ཉེ་བར་དམིགས་ཏེ་ལྷ་ལྡན་སྤྲུལ་པའི་གཙུག་ལག་ཁང་ཆེན་པོའི་ཉེ་འདབས་སུ་ས་ཟླའི་དཀར་ཕྱོགས་ཀྱི་རྒྱལ་བ་གཉིས་པའི་གྲལ་ཚེས་དགེ་བར་ཤིན་ཏུ་མྱུར་བར་སྦྱར་བ་ཛ་ཡནྟ། ཤུ་བྷཾ།། ༈ །།འོད་དཔག་མེད་ལ་བརྟེན་པའི་བླ་མའི་རྣལ་འབྱོར་ཤིན་ཏུ་བསྡུས་པ་བཞུགས་སོ། །བླ་མ་དང་དཀོན་མཆོག་གསུམ་ལ་ཕྱག་འཚལ་ལོ། །སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །བྱང་ཆུབ་བར་དུ་བདག་ནི་སྐྱབས་སུ་མཆི། །བདག་གིས་སྦྱིན་སོགས་བགྱིས་པའི་བསོད་ནམས་ཀྱིས། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ལན་གསུམ། རང་གི་སྤྱི་བོའི་སྟེང་དུ་པདྨ་དང་ཟླ་བའི་གདན་ལ། བླ་མ་སངས་རྒྱས་འོད་དཔག་མེད་སྐུ་མདོག་དམར་པོ་ཞལ་གཅིག་ཕྱག་གཉིས་མཉམ་བཞག་གི་ཕྱག་རྒྱ་ཅན། ཞབས་རྡོ་རྗེའི་སྐྱིལ་ཀྲུང་མཛད་པ། ན་བཟའ་ཆོས་གོས་བསྣམས་པ། ཚངས་པར་སྤྱོད་པའི་ཆ་ལུགས་ཅན་གྱི་ཐུགས་ཀ་ནས་འོད་འཕྲོས་པས། བླ་མ་དང་སངས་རྒྱས་བྱང་ཆུབ་སེམས་དཔའ་ཐམས་ཅད་འོད་དཔག་མེད་ཀྱི་རྣམ་པར་སྤྱན་དྲངས་ནས་བླ་མ་ལ་ཐིམ་པས་བླ་མ་

― JKT021_Page_0320 ―

^{[མ་དཔེ་གཟིགས་ན་འདིར་གནོན།]}

[Full Size]

དང་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ངོ་བོར་གྱུར། ཅེས་བརྗོད་ཅིང་བསྒོམས་ནས། བདག་དང་སེམས་ཅན་ཐམས་ཅད་སྡུག་བསྔལ་དང་བྲལ། བདེ་བ་དང་ལྡན། མྱུར་དུ་སངས་རྒྱས་ཐོབ་པར་བླ་མ་མཁྱེན་སྙམ་པའི་མོས་གུས་རྩེ་གཅིག་ཏུ་བྱས་ལ། སྤྲོ་ན། ཇི་སྙེད་སུ་དག་སོགས་བཟང་སྤྱོད་ལས་འབྱུང་བའི་ཡན་ལག་བདུན་པ་ཅི་ནུས་དང་། གང་ལྟར་ཡང་། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བླ་མ་འོད་དཔག་ཏུ་མེད་པ་ལ་ཕྱག་འཚལ་ལོ། །མཆོད་དོ། །སྐྱབས་སུ་མཆིའོ། །བདག་དང་སེམས་ཅན་ཐམས་ཅད་སྡུག་བསྔལ་དང་བྲལ། བདེ་བ་དང་ལྡན། མྱུར་དུ་སངས་རྒྱས་ཐོབ་པར་བྱིན་གྱིས་བརླབ་ཏུ་གསོལ། ཞེས་གསོལ་བ་སྙིང་གི་དཀྱིལ་རུས་པའི་གཏིང་ནས་གདབ་བོ། །སྤྲོ་ན། ཏདྱ་ཐཱ། ཨོཾ་ཨ་མི་ཏེ། ཨ་མི་ཏོཏྟཱ་བེ། ཨ་མི་ཏ་སཾ་བྷ་བེ། ཨ་མི་ཏ་བི་ཀཱནྟེ་གཱ་མི་ནི། ག་ག་ན་ཀཱི་རྟི་ཀ་རི། སརྦ་གླེ་ཤ་ཀྵ་ཡཾ་ཀ་རི་སྭཱ་ཧཱ། ཞེས་སྣང་བ་མཐའ་ཡས་རྗེས་སུ་དྲན་པའི་གཟུངས་ཀྱང་ཅི་ནུས་བཟླ། རྗེས་ལ། བླ་མ་འོད་དུ་ཞུ་ནས་རང་གི་སྤྱི་བོར་ཐིམ་པས་བླ་མའི་སྐུ་གསུང་ཐུགས་དང་། རང་གི་ལུས་ངག་ཡིད་གསུམ་དབྱེར་མེད་དུ་གྱུར་པར་བསྒོམས་ནས་དེའི་ངང་ལ་ཅི་ནུས་སུ་བཞག་ལ། འདས་པའི་སངས་རྒྱས་རྣམས་

― JKT021_Page_0321 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ཕྱོགས་བཅུ་ཡི། །ཞེས་སོགས་བཟང་སྤྱོད་སྨོན་ལམ་ཚང་བའམ། དེ་ལས་གསུངས་པའི། རྒྱལ་བའི་དཀྱིལ་འཁོར་བཟང་ཞིང་དགའ་བ་དེར། །པདྨོ་དམ་པ་ཤིན་ཏུ་མཛེས་ལས་སྐྱེས། །སྣང་བ་མཐའ་ཡས་རྒྱལ་བས་མངོན་སུམ་དུ། །ལུང་བསྟན་པ་ཡང་བདག་གཞན་དེར་ཐོབ་ཤོག །དེར་ནི་བདག་གཞན་ལུང་བསྟན་རབ་ཐོབ་ནས། །སྤྲུལ་པ་མང་པོ་བྱེ་བ་ཕྲག་བརྒྱ་ཡིས། །བློ་ཡི་སྟོབས་ཀྱིས་ཕྱོགས་བཅུ་རྣམས་སུ་ཡང་། །སེམས་ཅན་རྣམས་ལ་ཕན་པ་མང་བགྱིད་ཤོག །སངས་རྒྱས་སྐུ་གསུམ་བརྙེས་པའི་བྱིན་རླབས་དང་། །ཆོས་ཉིད་མི་འགྱུར་བདེན་པའི་བྱིན་རླབས་དང་། །དགེ་འདུན་མི་ཕྱེད་འདུན་པའི་བྱིན་རླབས་ཀྱིས། །ཇི་ལྟར་བསྔོས་བཞིན་སྨོན་ལམ་འགྲུབ་པར་ཤོག །ཅེས་སོགས་ཀྱི་ས་དགེ་བ་བསྔོའོ། །བླ་མའི་རྣལ་འབྱོར་འདི་བྱ་བྲལ་བ་དཔལ་འབྱོར་བཟང་པོས་ཞུས་པའི་དོན་དུ། བཙུན་པ་ཐོགས་མེད་ཀྱིས་དངུལ་ཆུའི་ཆོས་རྫོང་དུ་བཀོད་པའོ། །སླར་ཡང་ངག་འདོན་བཀླགས་ཆོག་ཏུ་མཁྱེན་བརྩེའི་དབང་པོས་བྲིས་པ་དགེ། ༈ །།འཕགས་པ་ཐུགས་རྗེ་ཆེན་པོའི་བསྒོམ་བཟླས་བདེ་ཆེན་ཞིང་དུ་བགྲོད་པའི་ལམ་བཟང་ཞེས་བྱ་བ་བཞུགས་སོ། །བླ་མ་དཀོན་མཆོག་གསུམ་ལ་སྐྱབས་སུ་མཆི། །གཞན་དོན་བྱང་ཆུབ་བསྒྲུབ་པར་སེམས་བསྐྱེད་དོ། །འགྲོ་ཀུན་བདེ་ལྡན་སྡུག་བསྔལ་ཀུན་དང་

― JKT021_Page_0322 ―

^{[མ་དཔེ་གཟིགས་ན་འདིར་གནོན།]}

[Full Size]

བྲལ། །བདེ་ལས་ཉམས་མེད་བཏང་སྙོམས་ལ་གནས་ཤོག །ཨཱ ཆོས་ཀུན་གདོད་ནས་འོད་གསལ་སྟོང་ཉིད་ངང་། །རྟེན་ཅིང་འབྲེལ་འབྱུང་སྒྱུ་མའི་རྣམ་རོལ་ལས། །ཕྱི་སྣོད་ཐམས་ཅད་པོ་ཏཱ་ལ་ཡི་ཞིང་། །བཀོད་པ་རབ་རྫོགས་གཞལ་མེད་ཁང་ཆེན་དབུས། །པད་ཟླའི་སྟེང་དུ་ཧྲཱིཿཡིག་དཀར་གསལ་ལས། །བདག་ཉིད་ཐུགས་རྗེ་ཆེན་པོ་སྤྱན་རས་གཟིགས། །སྟོན་ཟླའི་མདོག་ཅན་ཞལ་གཅིག་ ཕྱག་བཞི་པ། །ཞི་ཞིང་འཛུམ་ལ་མཚན་དཔེའི་ཉམས་འགྱུར་རྫོགས། །རྩ་བའི་ཕྱག་གཉིས་ཐུགས་ཀར་ཐལ་མོ་སྦྱར། །གཡས་གཡོན་འོག་མ་ཤེལ་ཕྲེང་པད་དཀར་བསྣམས། །དར་དང་རིན་ཆེན་སྣ་ཚོགས་རྒྱན་གྱིས་སྤྲས། །ཀྲྀཥཱ་ས་རའི་པགས་པས་ནུ་གཡོན་བཀབ། །སྣང་སྟོང་ཟུང་འཇུག་འོད་ཀྱི་དཀྱིལ་འཁོར་དབུས། །ཞབས་ཟུང་རྡོ་རྗེའི་སྐྱིལ་ཀྲུང་དྲང་པོར་བཞུགས། །རྩ་གསུམ་རབ་འབྱམས་འདུས་པའི་ངོ་བོར་རྫོགས། །སྤྱི་གཙུག་ཆུ་སྐྱེས་ཟླ་བའི་གདན་གྱི་སྟེང་། །རིགས་བདག་བླ་མ་མགོན་པོ་འོད་དཔག་མེད། །དམར་གསལ་མཉམ་བཞག་བདུད་རྩིའི་ལྷུང་བཟེད་བསྣམས། །ཆོས་གོས་གསུམ་གསོལ་མཚན་དཔེའི་དཔལ་དུ་འབར། །དམ་ཚིག་ཡེ་ཤེས་དབྱེར་མེད་ཆེན་པོར་གྱུར། །བདག་དང་མཐའ་ཡས་སེམས་ཅན་མ་ལུས་ཀུན། །བླ་མ་འོད་དཔག་མེད་ལ་གསོལ་བ་འདེབས། །

― JKT021_Page_0323 ―

^{[མ་དཔེ་གཟིགས་ན་འདིར་གནོན།]}

[Full Size]

འགལ་རྐྱེན་ཀུན་ཞི་ཚེ་བསོད་དཔལ་འབྱོར་འཕེལ། །བདེ་བ་ཅན་དུ་སྐྱེ་བར་བྱིན་གྱིས་རློབས། །ཨོཾ་ཨ་མཱ་ར་ཎི་ཛཱི་བནྟི་ཡེ་སྭཱ་ཧཱ། ཞེས་ཅི་རིགས་བཟླ། རང་གི་ཐུགས་ཀར་ཟླ་སྟེང་ཧཱུྃཡིག་མཐར། །ཡི་གེ་དྲུག་པའི་སྔགས་ཀྱི་འོད་ཟེར་གྱིས། །འཕགས་མཆོད་འགྲོ་ཀུན་སྒྲིབ་སྦྱངས་བདག་བྱིན་བརླབ། །སྣང་གྲགས་ལྷ་སྔགས་ཡེ་ཤེས་འཁོར་ལོར་གྱུར། །ཨོཾ་མ་ཎི་པདྨེ་ཧཱུྃ་ཧཱུྃ༔ ཞེས་ཅི་ནུས་བཟླས་མཐར། དགེ་བ་འདི་ཡིས་མཐའ་ཡས་སེམས་ཅན་ཀུན། །ཚེ་རིང་ནད་མེད་བསམ་དོན་ཆོས་བཞིན་འགྲུབ། །ཕྱི་མ་བདེ་བ་ཅན་གྱི་ཞིང་སྐྱེས་ནས། །མྱུར་དུ་བྱང་ཆུབ་གོ་འཕང་ཐོབ་པར་ཤོག །ཅེས་དང་། སྤྲོ་ཞིང་ནུས་ན་བཟང་པོ་སྤྱོད་པ་ལ་སོགས་པའི་སྨོན་ལམ་རྒྱ་ཆེར་གདབ་པར་བྱའོ། །ཞེས་པའང་ཆེན་པོའི་རིགས་ལས་སོན་པའི་དད་པ་དང་ལྡན་པས་གསོལ་བ་བཏབ་པའི་ངོར་འཇམ་དབྱངས་མཁྱེན་བརྩེའི་དབང་པོས་བྲིས་པ་འབྲེལ་ཚད་བདེ་བ་ཅན་དུ་སྐྱེ་བའི་རྒྱུར་གྱུར་ཅིག། ༈ །།ཨོ་རྒྱན་སྣང་བ་མཐའ་ཡས་ལ་བརྟེན་པའི་ཉལ་སྒོམ་བདེ་ཆེན་ཞིང་དུ་བགྲོད་པའི་མྱུར་ལམ་ཞེས་བྱ་བ་བཞུགས་སོ། །ན་མོ་གུ་རུ་པདྨ་ཀ་རཱ་ཡ། དེ་ལ་འདིར་གསོལ་འདེབས་བསམ་པ་ལྷུན་གྲུབ་མའི་ཡིད་བཞིན་ནོར་བུ་ལྟ་བུའི་མན་ངག་གི་བྱེ་བྲག །སྣང་མཐའི་ཉལ་སྒོམ་ཉམས་སུ་བླང་བར་འདོད་ན། དགོངས་

― JKT021_Page_0324 ―

^{[མ་དཔེ་གཟིགས་ན་འདིར་གནོན།]}

[Full Size]

མོ་ཉལ་བའི་ཚེ་ཙོག་བུའམ་སེང་གེ་ཉལ་སྟབས་གང་རུང་གིས་འཁོད་ལ། སྐྱབས་ཡུལ་གསལ་བཏབ་ནས། བདག་སོགས་འགྲོ་ཀུན་དེང་ནས་བྱང་ཆུབ་བར། ཨོ་རྒྱན་སྣང་མཐའ་ཡས་ལ་སྐྱབས་སུ་མཆི། །བདེ་ཆེན་པདྨོ་བཀོད་པའི་ཞིང་ཁམས་སུ། །ཁམས་གསུམ་འགྲོ་ཀུན་སྒྲོལ་བར་སེམས་བསྐྱེད་དོ། །ཞེས་སྐྱབས་སེམས་ལན་གསུམ་དང་། སེམས་ཅན་ཐམས་ཅད་གནས་སྐབས་མཐར་ཐུག་གི །བདེ་དང་ལྡན་ཞིང་སྡུག་བསྔལ་རྒྱུར་བཅས་བྲལ། །བདེ་ལས་ཉམས་མེད་ཉེ་རིང་ཆགས་སྡང་དང་། བྲལ་བའི་བཏང་སྙོམས་ངང་ལ་གནས་གྱུར་ཅིག །ཅེས་ཚད་མེད་བཞི་བསྒོམས། ཨོཾ་ཤཱུ་ཉ་ཏཱ་ཛྙཱ་ན་བཛྲ་སྭ་བྷཱ་བ་ཨདྨ་ཀོཉཧཾ། སྣང་སྲིད་ཐམས་ཅད་མི་དམིགས་སྟོང་པའི་ངང་། །སྣོད་བཅུད་རྣམ་དག་པདྨོ་བཀོད་པའི་ཞིང་། །མནན་ནེམ་བཏེགས་འཕར་གསེར་གྱི་ས་གཞི་ལ། །རིན་ཆེན་སྣ་ཚོགས་ལྗོན་པའི་དགའ་ཚལ་དང་། །ཡན་ལག་བརྒྱད་ལྡན་བདུད་རྩིའི་རྫིང་བུ་སོགས། །ཡིད་འཕྲོག་ངོ་མཚར་བཀོད་པས་མཛེས་པའི་དབུས། །རང་མདུན་རྨ་བྱས་བཏེགས་པའི་རིན་ཆེན་ཁྲི། །སྣ་ཚོགས་པདྨ་ཟླ་བའི་དཀྱིལ་འཁོར་དབུས། །རྩ་བའི་བླ་མ་ཨོ་རྒྱན་སྣང་མཐའ་ཡས། དམར་པོ་མཉམ་བཞག་བདུད་རྩིའི་ལྷུང་བཟེད་བསྣམ། །མཚན་དཔེའི་དཔལ་འབར་ཆོས་གོས་རྣམ་གསུམ་

― JKT021_Page_0325 ―

^{[མ་དཔེ་གཟིགས་ན་འདིར་གནོན།]}

[Full Size]

གསོལ། །ལོ་འདབ་མེ་ཏོག་འབྲས་བུ་ཕུན་ཚོགས་པའི། །བྱང་ཆུབ་ཤིང་ལ་སྐུ་རྒྱབ་བརྟེན་མཛད་ནས། །བདག་ལ་དགྱེས་ཤིང་འཛུམ་པས་བཞུགས་པ་ཡི། །འཁོར་དུ་སངས་རྒྱས་བྱང་ཆུབ་སེམས་དཔའ་དང་། །ཉན་རང་དགྲ་བཅོམ་དཔག་ཏུ་མེད་པས་བསྐོར། །ཀུན་ཀྱང་སྣང་སྟོང་ཟུང་འཇུག་འཇའ་ཚོན་ལྟར། །རང་བཞིན་ཡོངས་གྲུབ་ཆེན་པོར་གསལ་བར་གྱུར། །སྤྲོ་ན་བཟང་སྤྱོད་ལས་འབྱུང་བའི་ཡན་ལག་བདུན་པ་དང་། དེ་ཙམ་མི་ནུས་ན། སྐྱབས་གནས་དཀོན་མཆོག་རྒྱ་མཚོའི་ཚོགས་རྣམས་ལ། །ལུས་ངག་ཡིད་གསུམ་གུས་པས་ཕྱག་འཚལ་ལོ། །དངོས་འབྱོར་ཡིད་སྤྲུལ་ཀུན་བཟང་མཆོད་སྤྲིན་འབུལ། །ཐོག་མེད་ནས་བསགས་སྡིག་སྒྲིབ་ཉེས་ལྟུང་བཤགས། །གཞན་དོན་ཆོས་ཀྱི་འཁོར་ལོ་བསྐོར་དུ་གསོལ། །མྱ་ངན་མི་འདའ་རྟགས་པར་བཞུགས་གསོལ་འདེབས། །འདིས་མཚོན་དུས་གསུམ་བསགས་པའི་དགེ་རྩ་ཀུན། །བདག་དང་མཁའ་མཐས་གཏུགས་པའི་འགྲོ་བ་ཀུན། །བདེ་བ་ཅན་དུ་སྐྱེ་བའི་རྒྱུར་བསྔོ་ན། །ནམ་ཞིག་ཚེ་འདིའི་སྣང་བ་ནུབ་མ་ཐག །མགོན་པོ་དགྱེས་པའི་ཕྱག་གིས་མདུན་བདར་ནས། །དག་པའི་ཞིང་དེར་བརྫུས་ཏེ་སྐྱེས་ནས་ཀྱང་། །མྱུར་དུ་བྱང་ཆུབ་ལུང་བསྟན་ཐོབ་པར་ཤོག །དེ་ནས་མོས་གུས་གདུང་ཤུགས་དྲག་པོས། །ནམ་ཞིག་ཚེ་

― JKT021_Page_0326 ―

^{[མ་དཔེ་གཟིགས་ན་འདིར་གནོན།]}

[Full Size]

ཟད་འཆི་བའི་དུས་བྱུང་ཚེ། ཞེས་སོགས་ལན་ཇི་ལྟར་རིགས་པས་གསོལ་བ་བཏབ་ལ། དབུགས་ཕྱིར་འགྲོ་བ་ན་རང་གི་རྣམ་པར་ཤེས་པ་ཧྲཱིཿཡིག་གི་རྣམ་པ་སྣ་བུག་གཡས་ནས་ཐོན། མདུན་གྱི་ཨོ་རྒྱན་སྣང་བ་མཐའ་ཡས། ཤངས་བུག་གཡོན་དུ་ཞུགས། ཐུགས་ཀར་ཧྲཱིཿལ་གྱིས་གནས་པར་བསམས་ལ་སེམས་བཟུང་། རླུང་ནང་དུ་རྔུབ་པ་ན་ཧྲཱིཿཡིག་སླར་བྱུང་ཤངས་བུག་གཡས་ནས་ཐོན། རང་གི་༧ སྣ་བུག་གཡོན་དུ་ཞུགས། སྙིང་གར་གནས་པར་བསམས་ལ་སེམས་བཟུང་། དེ་འདྲ་བ་ལན་ཇི་ལྟར་རིགས་པའི་མཐར། མདུན་བསྐྱེད་ཞིང་ཁམས་དང་བཅས་པ་འོད་དུ་ཞུ་ནས་རང་ལ་ཐིམ། རང་སྐད་ཅིག་གིས་ཨོ་རྒྱན་སྣང་བ་མཐའ་ཡས་འཁོར་ཞིང་གི་བཀོད་པ་དང་བཅས་པར་གསལ་ལ། ཨོཾ་ཨ་མི་ཏཱ་བྷ་ཧཱུྃ༔ ཞེས་བཟླས་པ་དང་། འོད་ཟེར་གྱི་སྤྲོ་བསྡུས་སངས་རྒྱས་ཀྱི་མཛད་པ་བསྒྲུབས་མཐར། བདག་གཞན་འཆི་བའི་དུས་བྱེད་གྱུར་པ་ན། སོགས་དང་། རྒྱལ་བའི་དཀྱིལ་འཁོར་བཟང་ཞིང་དགའ་བ་དེར། སོགས་སྨོན་ལམ་གྱིས་རྒྱས་གདབ་བོ།། ༈ །།སྣང་བ་མཐའ་ཡས་ཀྱི་ཉལ་སྒོམ་ཤིན་ཏུ་བསྡུས་པ་བཞུགས་སོ།། །།ཨོཾ་སྭསྟི། འཕགས་པ་བཟང་པོ་སྤྱོད་པའི་སྨོན་ལམ་གྱི་དགོངས་པ། གྲུབ་ཆེན་ཛེ་ཏཱ་རིའི་མན་ངག་སྣང་བ་མཐའ་ཡས་ཀྱི་ཉལ་སྒོམ་ཉམས་སུ་ལེན་པར་འདོད་ན་

― JKT021_Page_0327 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱབས་སེམས་ཇི་ལྟར་རིགས་པ་དང་། ས་ཕྱོགས་ཐམས་ཅད་བདེ་ཅན་ཞིང་། །བཀོད་པ་ཕུན་སུམ་ཚོགས་པའི་དབུས། །རང་ཉིད་འཕགས་པ་སྤྱན་རས་གཟིགས། །མདུན་དུ་པདྨ་ཟླ་བའི་སྟེང་། །སྣང་བ་མཐའ་ཡས་སྐུ་མདོག་དམར། །མཉམ་གཞག་བདུད་རྩིའི་ལྷུང་བཟེད་བསྣམས། །ཞབས་གཉིས་རྡོ་རྗེའི་སྐྱིལ་ཀྲུང་བཞུགས། །དར་དང་རིན་ཆེན་རྒྱན་གྱིས་བརྒྱན། །དེ་མཐར་རྩ་བརྒྱུད་བླ་མ་དང་། །སངས་རྒྱས་བྱང་སེམས་ཚོགས་ཀྱིས་བསྐོར། །མངོན་སུམ་བཞིན་དུ་བཞུགས་པར་གྱུར། །ཅེས་གསལ་ལ་ཡིད་ཀྱིས་ཕྱག་གསུམ་བཙལ་ལ་བཟང་སྤྱོད་ལས་འབྱུང་བ་སོགས་ཡན་ལག་བདུན་པ་རྒྱས་བསྡུས་གང་རིགས་ཚར་གསུམ་བྱ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མགོན་པོ་འོད་དཔག་མེད་ལ་ཕྱག་འཚལ་ལོ། མཆོད་དོ། །སྐྱབས་སུ་མཆིའོ། །བདག་སྡིག་པ་དང་སྒྲིབ་པ་ཐམས་ཅད་བྱང་ཞིང་བདེ་བ་ཅན་གྱི་འཇིག་རྟེན་གྱི་ཁམས་སུ་སྐྱེས་ནས་མྱུར་དུ་བྱང་ཆུབ་ཏུ་ལུང་བསྟན་པ་ཐོབ་པར་མཛད་དུ་གསོལ། །ལན་གསུམ་གྱིས་གསོལ་བ་བཏབ་པས་སྡིག་སྒྲིབ་ཐམས་ཅད་དག་པའི་ངེས་ཤེས་བསྐྱེད། ལུས་ལོངས་སྤྱོད་ཉེ་དུ་སོགས་ལ་ཆགས་ཞེན་སྤང་། ཤི་ནས་བདེ་བ་ཅན་དུ་འགྲོ་བའི་འདུན་པ་དང་སྤྲོ་བ་ཤུགས་དྲག་

― JKT021_Page_0328 ―

^{[མ་དཔེ་གཟིགས་ན་འདིར་གནོན།]}

[Full Size]

ཏུ་བསྐྱེད་ལ་འཆི་བས་མི་འཇིགས་པའི་གདེང་བསྐྱེད། དེ་ནས། དབུགས་ཕྱིར་རྒྱུ་དང་ལྷན་ཅིག་ཏུ། རང་སེམས་རྒྱལ་བའི་ཐུགས་ཀར་ཐིམ། །ནང་དུ་འཇུག་པའི་དུས་ཀྱི་ཚེ། །རྒྱལ་བའི་ཐུགས་ནས་རང་གི་སེམས། །འོད་ཀྱི་རྣམས་པ་སྙིང་གར་ཐིམ། །རྒྱལ་བའི་ཐུགས་དང་རང་གི་སེམས། །དབྱེར་མེད་རོ་གཅིག་ངང་དུ་བཞག །ཅེས་བརྗོད་པའི་དོན་བསམས་ལ་དམིགས་པ་གསལ་ངེས་པ་ལན་གསུམ་སོགས་བྱ། མདུན་གྱི་ཚོགས་ཞིང་འོད་དུ་ཞུ། །སྣང་བ་མཐའ་ཡས་ཉིད་ལ་ཐིམ། །དེ་ཡང་རང་ཐིམ་བདག་ཉིད་ཀྱང་། །འོད་ཞུ་སྤྲོས་བྲལ་དབྱིངས་སུ་ཐིམ། ཞེས་བརྗོད་ཅིང་། སངས་རྒྱས་ཡི་དམ་རང་སེམས་གསུམ་དབྱེར་མེད་དུ་འདྲེས་པའི་ངང་ལ་བཞག །སླར་ཡང་རང་ཉིད་སྐད་ཅིག་གིས། སྣང་བ་མཐའ་ཡས་སྐུ་རུ་གྱུར། ཞེས་དང་། རྒྱས་པར་བཟང་སྤྱོད་སྨོན་ལམ་ཚང་བའམ། མི་ནུས་ན། རྒྱལ་བའི་དཀྱིལ་འཁོར་བཟང་ཞིང་སོགས་སྨོན་ལམ་གདབ་ནས། བདེ་བ་ཅན་གྱི་ཞིང་ཁམས་ཡིད་ལ་བྱེད་པ་དང་མི་འབྲལ་བའི་ངང་ནས་གཉིད་ལོག་པར་བྱའོ། །དེ་ལྟར་མ་ཆགས་པར་བསྒོམས་པའི་ཕན་ཡོན་ནི། དེ་ལ་ནད་དང་གདོན་མི་འབྱུང་། །འཆི་བའི་དུས་ན་སྡུག་བསྔལ་མེད། །བར་དོར་ཐུབ་པས་རྗེས་སུ་འཛིན། །ཕྱི་མའི་དུས་ན་ཐར་པ་ཐོབ། །ཅེས་གསུངས་སོ། །ཞེས་

― JKT021_Page_0329 ―

^{[མ་དཔེ་གཟིགས་ན་འདིར་གནོན།]}

[Full Size]

པའང་མཉྫུགྷོ་ཥཱས་སོ། །ཤུབྷཾ།། ༈ །།སྒྲོལ་མ་དཀར་མོའི་རྒྱུན་གྱི་རྣལ་འབྱོར་ཤིན་ཏུ་བསྡུས་པ་བཞུགས་སོ།། །།དཀོན་མཆོག་གསུམ་ལ་སྐྱབས་སུ་མཆི། །འགྲོ་ལ་ཕན་ཕྱིར་འཕགས་མ་བསྒྲུབ། །ཨོཾ་སྭ་བྷ་ཝ་ཤུདྡྷསརྦ་དྷརྨ་སྭ་བྷ་ཝ་ཤུདྡྷོཉཧཾ། སྟོང་པའི་ངང་ལས་པད་ཟླའི་སྟེང་། །རང་སེམས་ཧཱུྃཡིག་ཡོངས་གྱུར་ལས། །འཕགས་མ་སྒྲོལ་མ་སྐུ་མདོག་དཀར། །ཕྱག་གཡས་མཆོག་སྦྱིན་གཡོན་ཨུཏྤལ། །ཞི་འཛུམ་ཡེ་ཤེས་སྤྱན་བདུན་མཛེས། །དར་དང་རིན་ཆེན་རྒྱན་གྱིས་སྤྲས། །ཟླ་བའི་རྒྱབ་ཡོལ་ལ་བརྟེན་ནས། །ཞབས་ཟུང་རྡོ་རྗེའི་སྐྱིལ་ཀྲུང་བཞུགས། །སྣང་སྟོང་ཟུང་དུ་འཇུག་པ་ཡི། །ཐུགས་ཀར་འཁོར་ལོ་རྩིབ་བརྒྱད་དཀར། །མུ་ཁྱུད་ལྔ་ལྡན་སྟེ་བར་ཏཱཾ༔ །མཐའ་སྐོར་སྤེལ་ཚིག་མདུན་དུ་ཨོཾ། །རྒྱབ་ཏུ་ཧཱ་ཡིག་རྩིབས་བརྒྱད་ལ། །ཏཱ་རེ་ལ་སོགས་ཡིག་འབྲུ་བརྒྱད། མུ་ཁྱུད་དབྱངས་གསལ་རྟེན་སྙིང་དང་། །རྡོ་ར་འོད་ལྔའི་ཕྲེང་བས་བསྐོར། །འོད་ཟེར་འཕྲོས་པས་འཁོར་འདས་ཀྱཻ། །དྭངས་བཅུད་བསྡུས་ནས་རང་ལ་ཐིམ། ཚེ་དང་བསོད་ནམས་ཡེ་ཤེས་ཀྱཻ། དངོས་གྲུབ་མཆོག་ཏུ་རྒྱས་པར་གྱུར། །ཨོཾ་ཏཱ་རེ་ཏུཏྟཱ་རེ་ཏུ་རེ་མ་མ་ཨཱ་ཡུར་པུཎྱེ་ཛྙཱ་ན་པུཎྚི་ཀུ་རུ་སྭཱ་ཧཱ། ཅི་ནུས་བཟླས་མཐར། དགེ་བ༔ ཡིད་བཞིན་འཁོར་ལོ་འགྲུབ་གྱུར་ནས། །འགྲོ་བ༴ །དེ་

― JKT021_Page_0330 ―

^{[མ་དཔེ་གཟིགས་ན་འདིར་གནོན།]}

[Full Size]

ཡི༴ །ལོ་བརྒྱ་ཐུབ་ཅིང་སོགས་བརྗོད། ཅེས་པའང་མཁྱེན་བརྩེའི་དབང་པོས་བྲིས་པ་དགེ་ཞིང་བཀྲ་ཤིས་པར་གྱུར་ཅིག། ༈ །།བཅོམ་ལྡན་འདས་རྡོ་རྗེ་མི་འཁྲུགས་པའི་སྒྲུབ་ཐབས་ཉུང་གསལ་སྙིང་པོར་དྲིལ་བ་སྒྲིབ་གཉིས་མུན་སེལ་ཅེས་བྱ་བ་བཞུགས་སོ། །བླ་མ་རྡོ་རྗེ་མི་འཁྲུགས་པའི། །ཞབས་ཀྱི་པདྨོར་ཕྱག་བྱས་ནས། །གང་དེའི་སྒྲུབ་ཐབས་སྒྲིབ་གཉིས་ཀྱཻ། །མུན་སེལ་ཟླ་བའི་སྣང་བ་སྦྱིན། །དེ་ལ་སྐྱབས་སེམས་དང་ཚད་མེད་བཞི་བསྒོམས་པས་བསོད་ནམས་ཀྱི་ཚོགས་བསགས་ནས། ཨོཾ་ཤུནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོཉཧཾ། ཞེས་པས་ཆོས་ཐམས་ཅད་སྤྲོས་བྲལ་དུ་ཤེས་པས་ཡེ་ཤེས་ཀྱི་ཚོགས་བསགས་ཏེ་ཚོགས་གཉིས་ཀྱི་རང་འབྲས་མཚན་བཅས་ལྷའི་རྣལ་འབྱོར་བསྒོམ་ཞིང་བཟླས་པ་བྱ་བ་ནི། སྟོང་པའི་ངང་ལས་པཾ་ལས་པདྨ་དང་། །ཨ་ལས་ཟླ་སྟེང་རང་སེམས་ཧཱུྃ་མཐིང་ལས། །རྡོ་རྗེ་རྩེ་ལྔའི་ལྟེ་བར་ཧཱུྃ་གིས་མཚན། །འོད་འཕྲོས་འཕགས་མཆོད་འགྲོ་ཀུན་སྒྲིབ་གཉིས་སྦྱངས། །ཚུར་འདུས་བདག་ཉིད་རྡོ་རྗེ་མི་འཁྲུགས་པ། །དབང་སྔོན་མདོག་ཅན་དྭངས་གསལ་འོད་ཟེར་འཕྲོ། །ཕྱག་གཡས་ས་གནོན་གཡོན་པས་མཉམ་བཞག་སྟེང་། །རྡོ་རྗེ་ལེགས་འཛིན་ཞི་འཛུམ་མཚན་དཔེས་མཛེས། །ལྷ་རྫས་ན་བཟའ་རིན་ཆེན་རྒྱན་གྱིས་སྤྲས། །ཞབས་གཉིས་རྡོ་རྗེའི་སྐྱིལ་མོ་

― JKT021_Page_0331 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྲུང་གིས་བཞུགས། །གནས་གསུམ་ཨོཾ་དཀར་ཨཱདམར་ཧཱུྃ་མཐིང་གིས། །རྡོ་རྗེ་གསུམ་གྱི་ངོ་བོར་བྱིན་གྱིས་བརླབས། །ཅེས་བརྗོད་ཅིང་བསམས་ལ། ལག་གཉིས་ཐལ་མོ་སྦྱར་བའི་སྲིན་ལག་བསྣོལ། མཛུབ་མོ་གུང་མོའི་རྒྱབ་ཏུ་སྦྱར་བའི་དམ་ཚིག་གི་ཕྱག་རྒྱ་གནས་གསུམ་དུ་རེག་ཅིང་། གཟུངས་སྔགས་ཚར་རེ་བརྗོད་པས་བྱིན་བརླབ། སླར་ཡང་སྙིང་གའི་ཧཱུྃ་ལས་འོད་འཕྲོས་པས། །ཡེ་ཤེས་སེམས་དཔའ་བཛྲ་ས་མཱ་ཛཿ ཨོཾ་ཨནྡྷཾ་སྭཱ་ཧཱ། ཛ་ཧཱུཾ་བཾ་ཧོས་རང་ཐིམ་འོད་ཞུ་བས། །སྙིང་དབུས་པདྨ་ཟླ་བའི་དཀྱིལ་འཁོར་སྟེང་། །ཧཱུྃ་ཨོཾ་ཧཱུྃ་ཧཱུྃཨཱལས་རིགས་མཆོག་ལྔ། །མཚན་དཔེའི་དཔལ་འབར་དར་དང་རིན་ཆེན་བརྒྱན། །འོད་ཟེར་སྣ་ཚོགས་འཕྲོ་བཞིན་བཞུགས་པར་གྱུར། །ཨོཾ་སརྦ་ཏ་ཐཱ་ག་ཏ་བཛྲ་ཨཀྵ་བྷུ་མཎྜལ་ས་པ་རི་ཝཱ་ར་ཨཧཾ། སོགས་ཀྱིས་མཆོད། །བཅོམ་ལྡན་རྒྱལ་བ་སྲས་དང་བཅས་རྣམས་ལ། །གུས་པས་ཕྱག་འཚལ་མཆོད་ཅིང་གསོལ་འདེབས་ན། །བདག་གཞན་སྡིག་སྒྲིབ་བྱང་ཞིང་དག་པ་དང་། །མཆོག་ཐུན་དངོས་གྲུབ་ཐོབ་པར་བྱིན་གྱིས་རློབས། །སྙིང་གའི་གཙོ་བོའི་ཐུགས་ཀར་ཟླ་དཀྱིལ་སྟེང་། །དཀར་གསལ་གཟུངས་སྔགས་ཕྲེང་བའི་སྣང་བ་ཡིས། །འཕགས་པ་མཆོད་ཅིང་འགྲོ་ཀུན་སྡིག་སྒྲིབ་སྦྱངས། །ཚུར་འདུས་བྱིན་རླབས་གཟི་བྱིན་མཆོག་ཏུ་

― JKT021_Page_0332 ―

^{[མ་དཔེ་གཟིགས་ན་འདིར་གནོན།]}

[Full Size]

འབར། །ཅེས་གསལ་བཏབ་ལ་གཟུངས་སྔགས་ཇི་ཙམ་ནུས་པ་བཟླ། ཐུན་མཐར་མཚན་མེད་ཀྱི་རྣལ་འབྱོར་ནི། ཀུན་རྫོབ་རང་སྣང་ལྷ་ཡི་སྐུར། །མེད་བཞིན་སྣང་བ་སྒྱུ་མའི་གཟུགས། །དོན་དམ་རང་བཞིན་ལས་འདས་པའི། །སྤྲོས་པ་བྲལ་བའི་ཡེ་ཤེས་སོ། །ཞེས་པའི་དོན་ལ་སོ་སོར་རྟོགས་པའི་ཤེས་རབ་ཀྱིས་དཔྱད་དེ་མཉམ་པར་བཞག །དེ་ལས་ལྡང་བ་ན། རང་གི་སྙིང་དབུས་ཡེ་ཤེས་པ། །མདུན་གྱི་ནམ་མཁར་བྱོན་པ་ལ། །ཏིང་ངེ་འཛིན་གྱིས་རྣམ་སྤྲུལ་པའི། །མཆོད་པའི་སྤྲིན་ཕུང་རྒྱ་མཚོས་མཆོད། །གོང་བཞིན་མཆོད་ཅིང་བསྟོད་ལ་གསོལ་བ་གདབ། ཡི་གེ་བརྒྱ་པ་ལན་གསུམ་གྱི་མཐར། ནོངས་པ་གང་མཆིས་མཐོལ་བཤགས་ཤིང་། །ཡེ་ཤེས་པ་རྣམས་ཆོས་དབྱིངས་གཤེགས། །རང་ཉིད་དམ་ཚིག་སེམས་དཔའ་ཡི། །གནས་གསུམ་འབྲུ་གསུམ་ཡི་གེས་མཚན། །དགེ་བ་འདི་ཡིས་མྱུར་དུ་བདག །ཅེས་སོགས་བསྔོ་སྨོན་བྱ་ཞིང་ཐུན་མཚམས་ཀྱི་བྱ་བ་ལ་འཇུག །བསྙེན་པ་བྱེད་ན་ཐུན་གསུམ་གྱི་རིམ་པས་གཟུངས་རིང་འབུམ་ཕྲག་བཞིའམ། གཅིག་བཟླ། ཐུན་གཉིས་ཀྱི་མཐར་གཏོར་མ་ཆ་གསུམ་ཡང་བཏང་ངོ་། །བཅོམ་ལྡན་རྡོ་རྗེ་མི་འཁྲུགས་པའི། །མཚན་བཅས་མཚན་མེད་རྣལ་འབྱོར་གྱི། །སྣང་བས་སྒྲིབ་པའི་མུན་སེལ་བ། །ཐམས་ཅད་མཁྱེན་པ་ཉིད་གྱུར་ཅིག །

― JKT021_Page_0333 ―

^{[མ་དཔེ་གཟིགས་ན་འདིར་གནོན།]}

[Full Size]

ཅེས་གྲུབ་པའི་སློབ་དཔོན་ཛེ་ཏཱ་རིས་ལེགས་པར་བཀྲལ་པའི་རྗེས་སུ་འབྲངས་ཏེ་ཉུང་གསལ་སྙིང་པོར་དྲིལ་བའི་ཚུལ་གྱིས་ཤཱཀྱའི་དགེ་སློང་མཉྫུགྷོ་ཥས་སྦྱར་བའོ།། ༈ །།བཅོམ་ལྡན་འདས་རྡོ་རྗེ་མི་འཁྲུགས་པའི་བླ་མ་བརྒྱུད་པའི་གསོལ་འདེབས་བྱིན་རླབས་སྣང་བ་ཞེས་བྱ་བ་བཞུགས་སོ། །ཐུབ་པའི་དབང་པོ་རྗེ་བཙུན་འཇམ་པའི་དབྱངས། །ཡེ་ཤེས་སྙིང་པོ་ཡེ་ཤེས་ཞི་བའི་ཞབས། །སངས་རྒྱས་ཞི་བ་སངས་རྒྱས་གསང་བ་དང་། །ཀུ་སཱ་ལི་པ་རྣམས་ལ་གསོལ་བ་འདེབས། །ཀུ་སཱ་ལི་བ་ཆུང་བ་གསེར་གླིང་པ། །དཱི་པཾ་ཀཱ་ར་གོ་མི་སྒོམ་ཆེན་དང་། །ཛྙཱ་ན་ཤྲཱི་གཉགས་སྟོན་གྲགས་པའི་མཚན། །ཆོས་ཀྱི་རྒྱལ་མཚན་རྣམས་ལ༔ རིན་ཆེན་འོད་ཟེར་བློ་ཆེན་སངས་རྒྱས་སྲས། །ཡེ་ཤེས་མགོན་པོ་སེང་གེ་རྒྱལ་མཚན་དང་། །ཤེས་རབ་རྡོ་རྗེ་ལོ་ཆེན་མ་ཎི་ཤཱི། །ས་བཟང་འཕགས་པ་རྣམས་ལ༴ །ངོར་ཆེན་རྡོ་རྗེ་འཆང་དང་མུས་པ་རྗེ། །རྒྱལ་ཚབ་དམ་པ་ཡོངས་འཛིན་དཀོན་མཆོག་འཕེལ། །ས་སྐྱ་ལོ་ཙཱ་དཀོན་མཆོག་ལྷུན་གྲུབ་ཞབས། །ཤེས་རབ་རྒྱལ་མཚན་རྣམས་ལ །ནམ་མཁའ་དཔལ་བཟང་རིནྡྷརྦ་སིདྡྷ། །ཤེས་རབ་འབྱུང་གནས་ཡེ་ཤེས་བཟང་པོ་དཔལ། །སངས་རྒྱས་ཕུན་ཚོགས་བསོད་ནམས་དཔལ་ལྡན་དང་། །ནམ་མཁའ་བསམ་འགྲུབ་རྣམས་ལ །ཀུན་དགའ་

― JKT021_Page_0334 ―

^{[མ་དཔེ་གཟིགས་ན་འདིར་གནོན།]}

[Full Size]

བློ་གྲོས་ནམ་མཁའ་འཆི་མེད་དང་། །རིགས་ཀུན་ཁྱབ་བདག་ཀུན་དགའ་བསྟན་འཛིན་སོགས། །དངོས་དང་བརྒྱུད་པའི་བླ་མ་མཆོག་རྣམས་ལ། །མི་ཕྱེད་སྙིང་ནས་གུས་པས་གསོལ་བ་འདེབས། །ངེས་འབྱུང་བྱང་ཆུབ་སེམས་ཀྱིས་རྒྱུད་སྦྱངས་ཏེ། །ཚོགས་གཉིས་ལས་འཁྲུངས་བཅོམ་ལྡན་མི་འཁྲུགས་པའི། །མཚན་བཅས་མཚན་མེད་ཏིང་འཛིན་མཐར་ཕྱིན་ནས། །ཐམས་ཅད་གཟིགས་པའི་ཡེ་ཤེས་མྱུར་ཐོབ་ཤོག །ཅེས་པའང་འཇམ་དབྱངས་མཁྱེན་བརྩེའི་དབང་པོས་གསོལ་བ་བཏབ་པའོ། ༈ །དཔལ་རྡོ་རྗེ་སེམས་དཔའ་ཕྱག་རྒྱ་གཅིག་པའི་སྒྲུབ་ཐབས་སྙིང་པོ་ངེས་གསལ་བཞུགས་སོ། །བླ་མ་དང་དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །རིགས་ཐམས་ཅད་ཀྱི་ཁྱབ་བདག་དཔལ་རྡོ་རྗེ་སེམས་དཔའ་ཕྱག་རྒྱ་གཅིག་པའི་རྒྱུན་གྱི་རྣལ་འབྱོར་ནི། སྐྱབས་སེམས་སོགས་སྔོན་འགྲོ་རྒྱས་བསྡུས་ཇི་ལྟར་རིགས་པས་རྒྱུད་སྦྱངས་ནས། སྭ་བྷཱ་བ་སོགས། སྟོང་པའི་ངང་ལས་དག་པའི་སྣོད་བཅུད་དབུས། །པད་ཟླའི་གདན་ལ་ཧཱུྃ་ལས་རྡོ་རྗེ་སེམས། །དཀར་གསལ་ཞལ་གཅིག་ཕྱག་གཉིས་ཞི་ཞིང་འཛུམ། །ཕྱག་གཡས་རྡོ་རྗེ་རྩེ་ལྔ་ཐུགས་ཀར་གཏོད། །གཡོན་པས་དྲིལ་བུ་དཀུར་བརྟེན་འགྱིངས་པས་བཞུགས། །རལ་པའི་ཟུར་ཕུད་ཡིད་བཞིན་ནོར་བུ་དང་། །སྣ་ཚོགས་རྡོ་རྗེ་ཟླ་བ་ཕྱེད་པས་

― JKT021_Page_0335 ―

^{[མ་དཔེ་གཟིགས་ན་འདིར་གནོན།]}

[Full Size]

མཚན། །དར་དང་རིན་ཆེན་རྒྱན་སོགས་རྡོར་སྐྱིལ་གྱིས། །འཇའ་ཟེར་འོད་ཕུང་འཁྱིལ་པའི་དབུས་ན་རོལ། །གནས་གསུམ་འབྲུ་གསུམ་ཐུགས་ཀའི་ཧཱུཾ་འོད་ཀྱིས། །ཡེ་ཤེས་སེམས་དཔའ་བཛྲ་ས་མཱ་ཛཿ ཛཿཧཱུྃ་བཾ་ཧོ༔གཉིས་སུ་མེད་པར་ཐིམ། །སླར་ཡང་འོད་འཕྲོས་དབང་ལྷ་སྤྱན་དྲངས་ནས། །དབང་བསྐུར་སྒྲིབ་དག་མི་བསྐྱོད་དབུ་བརྒྱན་གྱུར། །ཐུགས་ཀར་ཟླ་སྟེང་ཧཱུཾ་མཐར་སྔགས་ཕྲེང་དཀར། །གཡས་སུ་འཁོར་ལས་འོད་འཕྲོས་འཕགས་པ་མཆོད། །སེམས་ཅན་སྒྲིབ་སྦྱངས་རྡོར་སེམས་གོ་འཕང་བཀོད། །ཚུར་འདུས་སྒྲིབ་དག་བྱིན་གྱིས་བརླབས་པར་གྱུར། །རྡོ་རྗེ་སེམས་དཔའི་ཡི་གེ་བརྒྱ་པ་ཅི་ནུས་བཟླ། གྲངས་བསྙེན་ལས་རུང་གི་ཚད་ནི་འབུམ་ཕྲག་གཅིག་གོ། །ཐུན་བསྡུ་བ་ན། བཅོམ་ལྡན་ཁྱབ་བདག་རྡོ་རྗེ་སེམས་དཔའ་ཡིས། །བདག་དང་འགྲོ་ཀུན་སྡིག་ལྟུང་བག་ཆགས་ཞི། །ཉོན་མོངས་ཤེས་བྱའི་སྒྲིབ་གཉིས་ཡོངས་སུ་བྱང་། །མྱུར་དུ་རྣམ་མཁྱེན་ཐོབ་པར་མཛད་དུ་གསོལ། །སྣང་ཆའི་ལྷ་སྐུ་འོད་གསལ་དབྱིངས་སུ་ཐིམ། །སླར་ཡང་རྡོ་རྗེ་སེམས་དཔའི་སྐུ་རུ་གྱུར། དགེ་བ་འདི་ཡིས་མཐའ་ཡས་སེམས་ཅན་ཀུན། །སྡིག་སྒྲིབ་བག་ཆགས་བཅས་པ་ཡོངས་སྦྱངས་ཏེ། །སྐུ་དང་ཡེ་ཤེས་དབྱེར་མེད་བཅོམ་ལྡན་འདས། །རྡོ་རྗེ་སེམས་དཔའི་གོ་འཕང་མྱུར་ཐོབ་ཤོག །

― JKT021_Page_0336 ―

^{[མ་དཔེ་གཟིགས་ན་འདིར་གནོན།]}

[Full Size]

ཅེས་གསོལ་འདེབས་བསྡུ་ལྡང་བསྔོ་སྨོན་རྣམས་བྱའོ། །ཞེས་པ་འདི་འབྲུག་པའི་འཕྲལ་དགོས་ཀྱི་ཆོས་བཞིའི་རྡོར་སེམས་རྒྱལ་པོ་ཛའི་ལུགས་ཀྱི་སྒོམ་བཟླས་རྒྱུན་ཁྱེར་དུ་རྗེ་བླ་མ་འཇམ་པའི་དབྱངས་ཉིད་ཀྱིས་མཛད་པ་ཞིག་གོ །མངྒ་ལཾ།། ༈ །།འབྲུམ་པའི་ནད་ཞི་བར་བྱེད་པ་སྣ་ཚོགས་ཡུམ་གྱི་སྔགས་བཟླ་ཐབས་བཞུགས། །སངས་རྒྱས་ཆོས་ཚོགས་སོགས་དང་། སངས་རྒྱས་ཐམས་ཅད་སྐྱེད་མཛད་མ། །སྐྱེ་བ་དང་ནི་འཇིགས་པ་སྤངས། །ཀུན་ཏུ་བཟང་པོའི་སྤྱོད་པ་ཅན། །སྣ་ཚོགས་ཡུམ་དེ་ལ་ཕྱག་འཚལ། །ཨོཾ་ཕྲོ་བི་ཤྭ་མ་ཏཱབཛྲ་ཀཱཎྜ་ཀ་ན་ནཱ་ཤ་ཡ་ནཱ་ཤ་ཡ་མ་མ་ཤཱནྟིཾ་ཀུ་རུ་ཀུ་རུ་སྭཱ་ཧཱ། །སྟོང་ཕྲག་སོགས་བཟླས་མཐར། བཅོམ་ལྡན་འདས་མས་བདག་དང་སེམས་ཅན་ཐམས་ཅད་ལ་ནད་དང་རིམས་དང་། ཁྱད་པར་དུ་རྡོ་རྗེ་ཚེར་མ་ལ་སོགས་པས་མི་ཚུགས་པར་བྱིན་གྱིས་བརླབ་ཏུ་གསོལ། བསོད་ནམས་འདི་ཡིས་རྣམ་གསུམ་སྲིད་པ་ལ་གནས་སེམས་ཅན་རྣམས་ནི་བླ་མེད་བྱང་ཆུབ་ཐོབ་པར་ཤོག །སེམས་ཅན་ནད་པ་ཇི་སྙེད་པ། །མྱུར་དུ་ནད་ལས་ཐར་བར་ཤོག །འགྲོ་བའི་ནད་རྣམས་མ་ལུས་པ། །རྟག་ཏུ་འབྱུང་བ་མེད་པར་ཤོག །སྨན་རྣམས་མཐུ་དང་ལྡན་པ་དང་། །གསང་སྔགས་བཟླས་བརྗོད་འགྲུབ་པར་ཤོག །མཁའ་འགྲོ་སྲིན་པོ་ལ་སོགས་པ། །སྙིང་རྗེའི་སེམས་

― JKT021_Page_0337 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ལྡན་གྱུར་ཅིག །བགེགས་རིགས་སྟོང་ཕྲག་བརྒྱད་ཅུ་ཞི་བ་དང་། སོགས་བརྗོད། ཅེས་པའང་མཉྫུགྷོ་ཥས་སོ།། ༈ །།སྲོག་སླུ་བྱ་ཚུལ་ཚེ་དཔལ་རྒྱས་བྱེད་ཅེས་བྱ་བ་བཞུགས་སོ། །བླ་མ་དང་བཅོམ་ལྡན་འདས་མགོན་པོ་ཚེ་དཔག་ཏུ་མེད་པ་ལ་ཕྱག་འཚལ་ལོ། །གྲུབ་པའི་སློབ་དཔོན་ཆེན་པོ་ངག་གི་དབང་ཕྱུག་གྲགས་པའི་ཞལ་ནས། བྱ་ཉ་རི་དྭགས་རྐུན་མ་དང་། །སྦྲུལ་སོགས་གསད་བྱའི་ཕྱོགས་གྱུར་རྣམས། །སྲོག་བསྐྱབས་པ་ཡིས་འཕྲལ་དུ་ནི། །ཚེ་ཐུང་ཕ་ཡང་ཚེ་རིང་འགྱུར། །ཞེས་གསུངས་པས་མཚོན་གསོད་པར་ངེས་པའི་སེམས་ཅན་གྱི་སྲོག་བསླུ་བ་ནི་ཚེ་སྒྲུབ་ཐམས་ཅད་ཀྱི་མཆོག་ཏུ་མདོ་རྒྱུད་བསྟན་བཅོས་མཐའ་ཡས་པ་ནས་གསུངས་ཤིང་རིགས་པས་ཀྱང་གྲུབ་པའི་ཕྱིར་དང་། གཞན་ཡང་ཕན་ཡོན་བསམ་གྱིས་མི་ཁྱབ་པའི་ཕྱིར་བློ་གྲོས་དང་ལྡན་པ་རྣམས་ཀྱིས་སྲོག་བསླུ་ལ་བཙོན་པ་ཆེས་ཆེར་བསྐྱེད་པར་བྱའོ། །དེ་ལ་སྤྱིར་སེམས་བསྐྱེད་བཟང་པོ་དང་ལྡན་པས་བདག་ཏུ་བཟུང་བའི་དུད་འགྲོ་གཙོ་བོར་གྱུར་པ་རྣམས་ཀྱི་སྲོག་བསླུ་ཞིང་། རང་གིས་བསད་པ་དང་། གཞན་ལ་འཚོང་བ་སོགས་མི་བྱ་བར་རང་རང་གི་སྤྱོད་ཡུལ་དུ་བདེ་བར་འཚོ་བ་དང་། དེ་ལྟར་བགྱིས་པའི་དགེ་བའི་རྩ་བ་བསྔོ་སྨོན་གྱིས་རྒྱས་གདབ་པ་ཙམ་བགྱིས་པས་སྐབས་ཀྱི་དོན་འགྲུབ་པའི་ཕྱིར་ཆོ་ག་

― JKT021_Page_0338 ―

^{[མ་དཔེ་གཟིགས་ན་འདིར་གནོན།]}

[Full Size]

དམིགས་བསལ་མ་བྱས་ཀྱང་རུང་མོད། ཡུལ་དུས་ཀྱི་སྤྲོས་པ་དང་བསྟུན་ནས་ཅུང་ཟད་རྒྱས་པར་སྤྲོ་ན། སྔ་འགྱུར་གྱི་མན་ངག་འགའ་ཞིག་ལས་སྲུང་བའི་རྟེན་དུ་འཛུགས་པ་སོགས་གཞན་ནས་འབྱུང་བ་ལྟར་བྱ་བའམ། ཐུན་མོང་དུ་ཤིས་བརྗོད་བསྔོ་སྨོན་ཙམ་སྤྲོས་ཏེ་བྱ་བར་འདོད་ན། ཆོ་འཕྲུལ་ཟླ་བ་དང་། ཟླ་བ་གང་ཡང་རུང་བའི་ཚེས་བརྒྱད་ཉ་སྟོང་སོགས་དུས་ཀྱི་འགྱུར་བ་ཁྱད་པར་ཅན་འབྱུང་བ་དང་སྟབས་འགྲིགས་ན་བཟང་ཞིང་། ཚེ་རིང་བའི་དོན་དུ་གཙོ་བོར་བྱེད་ན་བསྒྲུབ་བྱའི་སྲོག་གཟའ་དར་བ་དང་འཕྲོད་སྦྱོར་བཟང་པོ་འཛོམས་པའི་ཉི་ཤར་ལ་བྱ། གང་ལྟར་ཡང་སྲོག་བས་བྱ་རྒྱ་རྣམས་མདུན་དུ་འཁོད་པ་ན། སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །སོགས་སྐྱབས་སེམས་ལན་གསུམ། སེམས་ཅན་ཐམས་ཅད་བདེ་བ་དང་སོགས་ཚད་མེད་བཞི་བསྒོམ། སྤྲོ་ན་སངས་རྒྱས་༧ ཀྱི་མཚན་དང་། གཟུངས་སྔགས་ཁྱད་པར་ཅན་མང་དུ་བརྗོད་ན་དུད་འགྲོ་རྣམས་ཀྱི་རྒྱུད་ལ་ཐར་པའི་ས་བོན་ཐེབས་པ་སོགས་ཕན་ཡོན་ཆེ། དེ་ཙམ་མི་ནུས་ཀྱང་། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མགོན་པོ་འོད་དཔག་ཏུ་མེད་པ་ལ་ཕྱག་འཚལ་ལོ། །བཅོམ་ལྡན་འདས་སོགས་སོ་སོའི་མགོར་སྦྱར་བས། མགོན་པོ་མི་འཁྲུགས་པ་ལ་

― JKT021_Page_0339 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་འཚལ་ལོ། །རིན་ཆེན་གཙུག་ཏོར་ཅན་ལ་ཕྱག་འཚལ་ལོ། །བདེ་བར་གཤེགས་པ་བདུན་ལ་ཕྱག་འཚལ་ལོ། །ཤཱཀྱ་ཐུབ་པ་ལ་ཕྱག་འཚལ་ལོ། །ཞེས་དང་། ཡི་གེ་དྲུག་པ། མི་འཁྲུགས་པའི་གཟུངས། བཅུ་གཅིག་ཞལ་གྱི་གཟུངས་སོགས་སྐད་གསང་མཐོ་བས་བརྗོད། དེ་ནས་ལག་ཏུ་མེ་ཏོག་ཐོགས་ལ། མདུན་གྱི་ནམ་མཁར་བླ་མ་དང་གཉིས་སུ་མེད་པའི་བཅོམ་ལྡན་འདས་མགོན་པོ་ཚེ་དཔག་ཏུ་མེད་པ་ལ་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ལྷ་དང་དྲང་སྲོང་བདེན་ཚིག་གྲུབ་པ་སོགས་སྐྱབས་གནས་དཀོན་མཆོག་རྒྱ་མཚོའི་ཚོགས་ཀྱིས་བསྐོར་བ་མངོན་སུམ་དུ་བཞུགས་པའི་ཞལ་ནས་ཤིས་པ་བརྗོད་པའི་དབྱངས་སྙན་སྒྲོགས་ཤིང་མེ་ཏོག་གི་ཆར་ཆེན་པོ་ཕབ་པས་བདག་དང་སྦྱིན་པའི་བདག་པོས་གཙོ་བྱས་སེམས་ཅན་ཐམས་ཅད་ཀྱི་ཚེ་བསོད་དཔལ་འབྱོར་ཡེ་ཤེས་ཡོན་ཏན་ཐམས་ཅད་གོང་ནས་གོང་དུ་འཕེལ་ཞིང་རྒྱས་པ་དང་། དུད་འགྲོའི་སྐྱེ་གནས་སུ་གྱུར་པ་རྣམས་ཀྱང་གནས་སྐབས་དུས་མ་ཡིན་པར་འཆི་བའི་འཇིགས་པ་ལས་ཐར་ཞིང་དཀོན་མཆོག་གསུམ་གྱི་སྐྱབས་འོག་ཏུ་བདེ་བར་འཚོ་བ་དང་། མཐར་ཐུག་ཐར་པའི་ས་བོན་རྒྱུད་ལ་སྨིན་ནས་མྱུར་དུ་བྱང་ཆུབ་ཐོབ་པའི་སྐལ་བ་ཅན་ཏུ་གྱུར་པར་བསམས་ལ། རྒྱལ་མཚན་རྩེ་མོ་སོགས་དང་། སྟོན་

― JKT021_Page_0340 ―

^{[མ་དཔེ་གཟིགས་ན་འདིར་གནོན།]}

[Full Size]

པ་བླ་མེད་སོགས་དང་། འཇིག་རྟེན་འདྲེན་པའི་གཙོ་བོ་སོགས་བཀྲ་ཤིས་གང་ཤེས་ཀྱི་མཐར། སྦྱིན་པའི་སྟོབས་ཀྱིས་སངས་རྒྱས་ཡང་དག་འཕགས་སོགས་དང་། ཚེ་གཟུངས་ཅི་ནུས་བཟླ་ཞིང་མེ་ཏོག་འཐོར། དེ་ལྟར་བགྱིས་པའི་དགེ་བའི་རྩ་བས་མཚོན་དུས་གསུམ་དུ་བསགས་པའི་དགེ་བའི་རྩ་བས་སངས་རྒྱས་ཀྱི་བསྟན་པ་དར་ཞིང་འཇིག་རྟེན་ཏུ་དགེ་ལེགས་རྒྱ་ཆེན་པོ་འབྱུང་བ་དང་། བསྟན་འཛིན་གྱི་སྐྱེས་བུ་དམ་པ་རྣམས་ཞབས་པད་བརྟན་ཅིང་ཕྲིན་ལས་རྒྱས་པ་དང་། རང་དང་སྦྱིན་བདག་གིས་གཙོ་བྱས་པའི་སེམས་ཅན་ཐམས་ཅད་ཚེ་བསོད་དཔལ་འབྱོར་ཡེ་ཤེས་འཕེལ་བ་དང་། དུད་འགྲོ་རྣམས་ཀྱང་འཁོར་བ་དང་ན་སོང་གི་འཇིགས་པ་ལས་གྲོལ་ནས་བྱང་ཆུབ་རིན་པོ་ཆེ་མྱུར་དུ་ཐོབ་པར་ཤོག་ཅིག་སྙམ་དུ་འདུན་པ་རྩེ་གཅིག་པས། དགེ་བ་འདི་ཡིས་སྐྱེ་བོ་ཀུན། །སོགས་དང་། བསོད་ནམས་འདི་ཡིས་སོགས། གང་དུ་སྐྱེས་པའི་ཚེ་རབས་ཐམས་ཅད་དུ། །དཀོན་མཆོག་གསུམ་དང་ནམ་ཡང་མི་འབྲལ་ཞིང་། །དཀོན་མཆོག་གསུམ་པོ་རྒྱུན་དུ་མཆོད་པ་དང་། །དཀོན་མཆོག་གསུམ་གྱི་བྱིན་རླབས་འཇུག་པར་ཤོག །བྱང་ཆུབ་སེམས་ནི་སོགས། ཕན་བདེ་འབྱུང་བའི་སོགས། འཇིག་རྟེན་བདེ་ཞིང་སོགས། གཞན་ཡང་སྐྱེ་བ་འདི་ཉིད་དུ་སོགས། བསོད་ནམས་སྟོབས་ཆེན་འདི་ཡི་

― JKT021_Page_0341 ―

^{[མ་དཔེ་གཟིགས་ན་འདིར་གནོན།]}

[Full Size]

མཐུས། །སྦྱིན་བདག་འཁོར་དང་བཅས་རྣམས་ཀྱཻ། །ཚེ་འདིར་བསམ་པའི་དོན་འགྲུབ་ཅིང་། །བར་ཆད་ཞི་ནས་བཀྲ་ཤིས་པར། །བསམ་པ་ཆོས་བཞིན་འགྲུབ་པར་ཤོག །ཅེས་སོགས་བསྔོ་སྨོན་གང་ཤེས་དང་། ཆེ་བའི་ཆེ་མཆོག་སོགས་བཀྲ་ཤིས་ཀྱི་ཚིགས་བཅད་གང་ཡང་རུང་བའི་མཐར། འཆི་མེད་ཚེ་ཡི་དཔལ་ལ་ལོངས་སྤྱོད་ཅིང་། །རིག་པའི་བློ་དང་རྣམ་དཔྱོད་ཤེས་རབ་དང་། །སྲིད་དང་ཞི་བའི་དཔལ་འབྱོར་གང་ལགས་པ། །དེ་ཀུན་ལྷུན་གྱིས་གྲུབ་པའི་བཀྲ་ཤིས་ཤོག །བསོད་ནམས་དར་རྒྱས་རི་རྒྱལ་ལྷུན་པོ་བཞིན། །སྙན་གྲགས་ཆེན་པོ་ནམ་མཁའ་བཞིན་དུ་ཁྱབ། །ཚེ་རིང་ནད་མེད་གཞན་དོན་ལྷུན་གྲུབ་པའི། །ཡོན་ཏན་རྒྱ་མཚོ་མཆོག་གི་བཀྲ་ཤིས་ཤོག །གནས་འདིར་ཉིན་མོ་སོགས་དང་། ཡེ་དྷརྨ་བརྗོད་ལ་མེ་ཏོག་འཐོར་བས་བདེ་ལེགས་སུ་བྱ། སྤྲོ་ན་ཚེ་སྒྲུབ་ཀྱི་གཞུང་གཞན་ལས། ཅི་འབྱོར་སྲོག་བསླུ་བགྱིས་པའི་དཔྲལ་བ་རུ། །ཉི་ཟླའི་རྟགས་གདབ་དེ་ཕྱིན་སྲོག་མི་གཅོད། །ཅེས་འབྱུང་བ་ལྟར་ཚེ་ཐར་བགྱིས་པ་རྣམས་ཀྱི་དཔྲལ་བར་མར་གྱིས་ཉི་ཟླའི་གཟུགས་འདྲི་བ་ཚེ་ཉི་ཟླ་དང་མཉམ་པའི་རྟེན་འབྲེལ་དུ་བཤད་ལ། ནོར་ཕྱུགས་དཀར་མཚན་ཅན་ལྟ་བུའི་ཁྱུ་ཕུད་འགའ་རེ་ལ་མིང་བཀྲ་ལེགས་པ་བཏགས་པའང་བཀྲ་ཤིས་པའི་རྟེན་འབྲེལ་དུ་བཤད་

― JKT021_Page_0342 ―

^{[མ་དཔེ་གཟིགས་ན་འདིར་གནོན།]}

[Full Size]

པས་དེ་ལྟར་བྱའོ། །གཞན་ཡང་བྱ་དང་རི་དྭགས་དང་ཉ་སོགས་ཀྱི་སྲོག་བསྐྱབ་པའི་སླད་དུ་རི་རྒྱ་ཀླུང་རྒྱ་བསྡམ་པ་ན། གང་དུ་བཤད་པ་ལྟར་སེམས་བསྐྱེད་དང་བསྔོ་སྨོན་གྱི་རྩིས་ཟིན་པ་དང་། །ལྷ་བསང་སོགས་དང་འབྲེལ་བར་བྱས་པས་སྤྱིར་འཆི་བ་བསླུ་བས་མཚོན་ཕན་ཡོན་བསམ་གྱིས་མི་ཁྱབ། ཁྱད་པར་དུ་ཡུལ་ཕྱོགས་དེར་ཆར་ཆུ་འབེབས་ཤིང་ལོ་ཕྱུགས་ལེགས་པ་སོགས་བཀྲ་ཤིས་པའི་དགེ་མཚན་དུ་མ་འབྱུང་བ་དང་། འཕགས་པ་ཀླུ་སྒྲུབ་ཀྱིས་རིན་ཆེན་ཕྲེང་བ་ལས། གྲོག་སྤར་ཚང་གི་སྒོ་དག་ཏུ། །ཟན་དང་ཆུ་དང་འབྲུ་མར་དང་། །འབྲུ་ཡི་ཕུང་པོ་རྟག་པར་ནི། །ཐུགས་བརྟན་མི་རྣམས་བགྱིད་དུ་གསོལ། །ཞེས་སོགས་གསུངས་པ་ལྟར་སྲོག་ཆགས་གྲོག་མ་ལ་ཟས་སྦྱིན་པ་དང་། ཉ་ལ་ཟན་གཙང་མ་སྦྱིན་པ་དང་། ནད་པ་ལ་སྨན་དང་། བྱིས་པ་ལ་སྟོན་མོ་དང་། འདབ་ཆགས་དང་དབུལ་ཕོངས་ལ་ཟས་སྐོམ་སྦྱིན་པ་སོགས་ཀྱང་བྱང་ཆུབ་ཀྱི་སེམས་དང་། བསྔོ་སྨོན་དག་པའི་ཐབས་ཀྱིས་ཟིན་ན་འཆི་བ་བསླུ་བ་དང་། འབྱོར་བ་སྤེལ་བ་དང་། མཐར་ཐུག་བྱང་ཆུབ་ཆེན་པོའི་རྒྱུར་འགྱུར་བ་སོགས་བྱ་སླ་ཚེགས་ཆུང་ཕན་ཡོན་ཆེན་པོ་དང་ལྡན་པ་ཡིན་པས་བློ་ལྡན་རྣམས་ཀྱིས་སྒོ་དུ་མ་ནས་ཚོགས་གསོག་པའི་ཐབས་མཁས་ལ་བརྩོན་པར་བྱའོ། །ཞེས་པའང་རང་གཞན་རྣམས་

― JKT021_Page_0343 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཕན་པའི་དོན་དུ་བྱང་ཆུབ་སེམས་དཔའི་སྡེ་སྣོད་ལ་གུས་པ་འཇམ་དབྱངས་མཁྱེན་བརྩེའི་དབང་པོས་ལྷག་པའི་བསམ་པ་རྣམ་པར་དག་པས་ཀུན་ནས་བསླངས་ཏེ་བྲིས་པ་འདིས་ཀྱང་བསྟན་འཛིན་མཆོག་རྣམས་ཞབས་པད་བསྐལ་བརྒྱར་བརྟན་ཅིང་། སེམས་ཅན་ཐམས་ཅད་དུས་མིན་འཆི་བའི་འཇིགས་པ་ལས་ཐར་ནས་མགོན་པོ་ཚེ་དཔག་ཏུ་མེད་པའི་གོ་འཕང་མྱུར་དུ་ཐོབ་པའི་རྒྱུར་གྱུར་།ཅིག ༈ །དད་ལྡན་ཀརྨས་ཡོན་སྦྱར་ནས། །སྤར་འདི་བཞེངས་པའི་དགེ་ཚོགས་མཐུས། །ཆོས་མཐུན་བསམ་རྒུ་འགྲུབ་པ་དང་། །བླ་མེད་བྱང་ཆུབ་ཐོབ་པར་ཤོག །སརྦ་དཱ་མངྒ་ལཾ། །

གནམ་ཆོས་བདེ་ཆེན་ཞིང་སྒྲུབ་ཀྱི་ཚོགས་མཆོད་སྙིང་པོར་དྲིལ་བ་བསོད་ནམས་ཆར་འབེབས།

― JKT021_Page_0345 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །གནམ་ཆོས་བདེ་ཆེན་ཞིང་སྒྲུབ་ཀྱི་ཚོགས་མཆོད་སྙིང་པོར་དྲིལ་བ་བསོད་ནམས་ཆར་འབེབས་ཞེས་བྱ་བ་བཞུགས་སོ། །

― JKT021_Page_0346 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །ན་མོ་གུ་རུ་ཨ་མི་ཏ་བྷ་ཡ། འདིར་མཚན་གྱི་གླིང་བུ་རྣ་བའི་བཅུད་དུ་སོང་བ་ན། མི་ཕྱེད་པའི་དད་པས་གསོལ་བ་ལན་གཅིག་ཙམ་བཏབ་པས་ཀྱང་དག་པའི་ཞིང་ཁམས་བདེ་བ་ཅན་དུ་དབུགས་འབྱིན་པར་མཛད་པའི་བཅོམ་ལྡན་འདས་མགོན་པོ་འོད་དཔག་ཏུ་མེད་པའི་སྒྲུབ་ཐབས་སྤྲུལ་སྐུ་མི་འགྱུར་རྡོ་རྗེ་བདུད་འདུལ་རོལ་པ་རྩལ་ལ་དག་པའི་སྣང་བར་མགོན་པོ་ཉིད་ཀྱིས་མངོན་སུམ་གནང་བའི་ཚིགས་རྒྱུད་སྡེ་འོག་མ་ལྟར་གནས་པ་ཉིད། གྲུབ་བརྙེས་བྱེ་བའི་ཁྱུ་མཆོག་ཀརྨ་ཨ་རཱ་གས་ཆོ་གའི་ཡན་ལག་འགའ་ཞིག་བླ་མེད་ལྟར་བཀྲལ་བ་དང་རྗེས་སུ་འབྲེལ་བར་ཚོགས་མཆོད་མདོར་བསྡུས་བྱ་བའི་ཚུལ་ལ། དཀྱིལ་འཁོར་གྱི་མདུན་དུ་དམ་རྫས་སུ་འོས་པའི་ཡོ་ཁྱད་རྣམས་གཙང་ཞིང་བཀོད་པ་མཛེས་པར་བསྟར་བ་ལ་བསང་སྦྱང་ཆུས་བྲན་ནས་ཐོག་མར་བྱིན་གྱིས་བརླབ་པ་ནི། ཧཱུྃ༔ རང་ཉིད་ལྷ་ཡི་ཐུགས་ཀ་ནས༔ རཾ་ལས་མེ་འཕྲོས་དངོས་

― JKT021_Page_0347 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན་བསྲེགས༔ ཡཾ་ལས་རླུང་བྱུང་བག་ཆགས་གཏོརཿ ཁཾ་ལས་ཆུ་བྱུང་གཉིས་འཛིན་བཀྲུས༔ རཾ་ཡཾ་ཁཾ་ཨོཾ་ཨཱཿཧཱུྃཨོཾ་ཨཱཿཧཱུྃ་གསུམ་འོད་དུ་ཞུ༔ བདུད་རྩི་དཀར་དམར་མཐིང་གར་གྱུར༔ ཨོཾ་ཨཱཿཧཱུྃ༔ ལན་མང་དུ་བརྗོད། ཚོགས་ཞིང་སྤྱན་འདྲེན་པ་ནི། ཧཱུྃ༔ སྐུ་གསུམ་རྩ་བརྒྱུད་བླ་མ་རྣམས༔ ཚོགས་ལ་སྤྱན་འདྲེན་གཤེགས་སུ་གསོལ༔ ཁ་སྐོང་འོད་དཔག་མེད་མགོན་ལྷ་ཚོགས་རྣམསཿ ཚོགས་ལ་སྤྱན་འདྲེན་གཤེགས་སུ་གསོལ༔ ཡི་དམ་ལྷ་ཚོགས་མ་ལུས་པ༔ ཚོགས་ལ་སྤྱན་འདྲེན་གཤེགས་སུ་གསོལ༔ མཁའ་འགྲོའི་ལྷ་ཚོགས་ཐམས་ཅད་ཀུན༔ ཚོགས་ལ་སྤྱན་འདྲེན་གཤེགས་སུ་གསོལ༔ ཆོས་སྐྱོང་སྲུང་མ་མ་ལུས་པ༔ ཚོགས་ལ་སྤྱན་འདྲེན་གཤེགས་སུ་

― JKT021_Page_0348 ―

^{[མ་དཔེ་གཟིགས་ན་འདིར་གནོན།]}

[Full Size]

གསོལ། ནོར་ལྷ་དམ་ཅན་རྒྱ་མཚོ་རྣམས༔ ཚོགས་ལ་སྤྱན་འདྲེན་གཤེགས་སུ་གསོལ༔ ཚོགས་གཏོར་འདི་ལ་བྱིན་གྱིས་རླབསཿ རྣལ་འབྱོར་བསམ་པ་བསྒྲུབ་ཏུ་གསོལཿ ཨོཾ་ཨཱཿཧཱུྃ་གུ་རུ་ཨ་མི་ཏ་བྷ་དྷེ་ཝ་དྷཱ་ཀི་ནཱི་བྷི་དྷརྨ་པ་ལ་བ་སུ་དེ་ཝ་ས་པ་རི་ཝཱ་ར་བཛྲ་ས་མཱ་ཛཿ ཚོགས་ཕུད་འབུལ་བ་ནི། ཨོཾ་ཨཱཿཧཱུྃ༔ ཚིགས་རྐང་གཉིས་ཁ་སྐོང་༔ བཅོམ་ལྡན་མགོན་པོ་འོད་དཔག་མེད༔ ཕྱོགས་བཅུའི་རྒྱལ་བ་སྲས་༧ བཅས་དང་༔ རྩ་བ་གསུམ་གྱི་ལྷ་ཚོགས་ལ༔ ཞལ་ཟས་ཚོགས་ཀྱི་མཆོད་པ་འབུལ༔ དགྱེས་པའི་ཚུལ་གྱིས་བཞེས་སུ་གསོལ༔ བཞེས་ནས་དབང་དང་དངོས་གྲུབ་སྩོལ༔ ཐུགས་དང་འགལ་བར་གྱུར་པ་བཤགས༔ དམ་སྲི་གནོད་བྱེད་ཞལ་དུ་བསྟབ༔ ཨོཾ་ཨཱཿཧཱུྃ་གུ་རུ་ཨ་མི་ཏ་བྷ་དྷེ་ཝ་དྷཱ་ཀི་ནི་གྷ་ན་ཙཀྲ་པཱུ་ཛ་ཁཱ་ཧི བསྐང་བཤགས་བྱ་བར་སྤྲོ་ན་སྐོང་རྫས་རྣམས། ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱཿསརྦ་ཐཱ་ཁཾ་ཨུཏྤ་ཏེ་སྥ་ར་ཎ་ཨི་མཾ་ག་ག་ན་ཁཾ་སྭཱ་ཧཱ༔ ནམ་མཁའ་མཛོད་ཀྱི་སྔགས་རྒྱས་ལན་གསུམ་གྱིས་འདོད་ཡོན་རྒྱ་མཚོའི་སྤྲིན་ཆེན་པོར་སྤེལ་ལ། ཧཱུྃ༔ ཐུགས་དམ་སྐོང་བའི་དམ་རྫས་ནི༔ གཟུགས་སྒྲ་དྲི་རོ་རེག་བྱ་ཆོས༔ མཆོད་ཡོན་ཞབས་བསིལ་མེ་ཏོག་དང་བདུག་སྤོས་མར་མེ་དྲི་ཆབ་དང་༔ ཞལ་ཟས་རོལ་མོ་སྙན་པའི་དབྱངས༔ སྨན་གཏོར་རཀྟ་གླུ་གར་མས༔ བླ་མ་སྐུ་གསུམ་ཐུགས་དམ་བསྐང་༔ སྐུ་ལྔ་མཚན་

― JKT021_Page_0349 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱད་ཐུགས་དམ་བསྐང་༔ བླ་མ་རྣམས་ཀྱི་ཐུགས་དམ་བསྐང་༔ བཅོམ་ལྡན་འོད་དཔག་མེད་མགོན་སོགསཿ ཚིག་རྐང་དྲུག་ཁ་སྐོང་། །སངས་རྒྱས་རྣམས་ཀྱི་ཐུགས་དམ་བསྐང་༔ སྤྱན་རས་གཟིགས་དབང་ཕྱག་རྡོར་སོགས༔ སེམས་དཔའ་རྣམས་ཀྱི་ཐུགས་དམ་བསྐང་༔ བྱང་སེམས་ཁྱུ་མཆོག་དགྲ་བཅོམ་ཚུལ༔ ཉན་རང་རྣམས་ཀྱི་ཐུགས་དམ་བསྐང་༔ གུར་དྲག་བཀའ་དགོངས་ཕུར་གསུམ་སོགས༔ ཡི་དམ་རྣམས་ཀྱི་ཐུགས་དམ་བསྐང་༔ ཕག་ཁྲོས་སེང་གསུམ་མཚོ་རྒྱལ་སོགས༔ མཁའ་འགྲོ་རྣམས་ཀྱི་ཐུགས་དམ་བསྐང་༔ རྒྱལ་པོ་ཁྲི་སྲོང་ལྡེའུ་བཙན་སོགས༔ རྗེ་འབངས་རྣམས་ཀྱི་ཐུགས་དམ་བསྐང་༔ མ་ནིང་ཤན་པ་གཟའ་བདུད་སོགསཿ ཆོས་སྐྱོང་བཀའ་སྲུང་ཐུགས་དམ་བསྐང་༔ བདུད་མགོན་ལ་སོགས་བདེ་ཆེན་ཞིང་༔ ཁ་སྐོང་སྐྱོང་མཛད་རྣམས་ཀྱི་ཐུགས་དམ་བསྐང་༔ རྣམ་སྲས་འཛམ་ལྷ་ལ་སོགས་པ། ནོར་ལྷ་ཀུན་གྱི་ཐུགས་དམ་བསྐང་༔ དེ་ལྟར་ཐུགས་དམ་བསྐངས་ནས་ཀྱང་༔ བདག་གི་བསམ་པ་འགྲུབ་པ་དང་༔ ཞི་རྒྱས་དབང་དྲག་འགྲུབ་པར་མཛོད༔ ཧཱུྃ༔ བཅོམ་ལྡན་མགོན་པོ་འོད་དཔག་མེད༔ ཚིག་སྐོང་གཉིས་ཁ་སྐོང་། ཕྱོགས་བཅུའི་རྒྱལ་བ་སྲས་བཅས་དང་༔ རྩ་བ་གསུམ་གྱི་ལྷ་ཚོགས་ལ༔ བདག་ཅག་འཁོར་དང་བཅས་པ་ཡི༔ འཁོར་བའི་ཉོན་མོངས་

― JKT021_Page_0350 ―

^{[མ་དཔེ་གཟིགས་ན་འདིར་གནོན།]}

[Full Size]

༒དབང་གྱུར་ཏེ༔ མི་ཤེས་ཐུགས་དང་འགལ་གྱུར་ཀུན༔ མཐོལ་ལོ་བཤགས་སོ་བཟོད་པར་མཛོད༔ ཅེས་དང་། ཡི་གེ་བརྒྱ་པ་ལན་གསུམ་བཟླས་པས་རང་གཞན་དང་བཅས་པའི་སྡིག་ལྟུང་ཐམས་ཅད་བྱང་ཞིང་དག་པར་བསམ། དེ་ནས་ཚོགས་ལ་རོལ་ཞིང་། ལྷག་མ་རྣམས་བསྡུས་ཏེ། ཨོཾ་ཨཱཿཧཱུྃ་གིས་བྱིན་གྱིས་བརླབ། ཕོ་ཕོ་ཞེས་པས་ལྷག་མའི་མགྲོན་སྤྲིན་ལྟར་གཏིབ་པར་བསམ། མ་མོ་མཁའ་འགྲོ་ཤ་ཟ་དུར་བདག་མོ༔ ལྷག་ལ་དབང་བ་འབྱུང་པོ་གཏོར་ལེན་རྣམསཿ ལྷག་མ་འདི་བཞེས་གནོད་བྱེད་དགྲ་བགེགས་རྣམས༔ ཐམས་ཅད་རྡུལ་དུ་བརླག་པའི་ཕྲིན་ལས་མཛོད༔ ཨུཊྛི་ཊ་བ་ལིཾ་ཏ་ཁ་ཁ་ཁཱ་ཧི་ཁཱ་ཧྲཱིཿ ཅེས་ལྷག་གཏོར་བཏང་། འོད་དཔག་མེད་མགོན་དཀྱིལ་འཁོར་དུ༔ ཚོགས་ཀྱི་མཆོད་པ་ཕུལ་བ་ཡིས༔ བདག་གཞན་འགྲོ་བ་མ་ལུས་ཀུན༔ བདེ་ཆེན་ཞིང་དུ་སྐྱེ་བར་ཤོག༔ ཅེས་སྨོན་ལམ་བཏབ། ཚོགས་མཆོད་རྐྱང་པ་ལ་མ་གྲུབ་ཀྱང་རུང་མོད། སྤྲོ་ན་ཆད་ཐོ་བསྒྲགས་པ་ནི། གཏོར་མ་ཨོཾ་ཨཱཿཧཱུྃ་གིས་བྱིན་གྱིས་བརླབ། ཧཱུྃ༔ སྔོན་ཚེ་སློབ་དཔོན་པདྨ་ཡི༔ ལྷ་སྲིན་དམ་ལ་བཏགས་པ་རྣམསཿ སྔོན་གྱི་ཐུགས་དམ་མ་གཡེལ་བར༔ བརྒྱན་པའི་གཏོར་མ་འདི་བཞེས་ལཿ རྣལ་འབྱོར་བཅོལ་པའི་ཕྲིན་ལས་མཛོད༔ བཤལ་ཆུས་བརྟན་མ་སྐྱོང་བ་ནི། ཧཱུྃ༔ སློབ་དཔོན་པདྨ་འབྱུང་གནས་ཀྱིས༔ བརྟན་མ་བཅུ་གཉིས་དམ་ལ་བཏགས༔ བཀའ་དང་དམ་ལས་མ་འདའ་

― JKT021_Page_0351 ―

^{[མ་དཔེ་གཟིགས་ན་འདིར་གནོན།]}

[Full Size]

བར༔ བརྒྱན་པའི་གཏོར་མ་འདི་བཞེས་ལ༔ བཅོལ་བའི་ཕྲིན་ལས་འགྲུབ་པར་མཛོདཿ མ་མ་ཧྲཱིཿ་ཧྲཱིཿ་བ་ལིནྟ་ཁཱ་ཧི་ཁཱ་ཧྲཱིཿ རྗེས་ཆོག་ནི། ཨོཾ་གུ་རུ་ཨ་མི་ཏ་བྷ་ས་པ་རི་ཝཱ་ར་ཨརྒྱུ་པ་ཏྱཾ་སོགས་ནས། །ཤབྡ་སརྦ་པཱུ་ཛ་པྲ་ཏིཙྪ་སྭཱ་ཧཱ༔ ཧཱུྃ་བདེ་ཆེན་ཞིང་དུ་ཆོས་ཀྱི་འཁོར་ལོ་བསྐོར༔ སོགས་ཀྱིས་བསྟོད། མ་རྙེད་ཡོངས་སུ་མ་ཚང་དང་༔ གཙོ་བོར་ནུས་པ་མ་མཆིས་པས༔ འདིར་ནི་བགྱི་བ་གང་ནོངས་པ༔ དེ་ཀུན་ཁྱོད་ཀྱིས་བཟོད་པར་རིགས༔ ཅེས་དང་། ཡི་གེ་བརྒྱ་པས་ནོངས་པ་བཤགས། མདུན་བསྐྱེད་ཀྱི་རྟེན་ཡོད་ན། ཨོཾ་འདིར་ནི་རྟེན་དང་ལྷན་ཅིག་ཏུ། །འཁོར་བ་སྲིད་དུ་བཞུགས་ནས་ཀྱང་༔ ནད་མེད་ཚེ་དང་དབང་ཕྱུག་དང་། །མཆོག་རྣམས་ལེགས་པར་སྩལ་དུ་གསོལ༔ ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ༔ ཞེས་བརྗོད་ཅིང་མེ་ཏོག་འཐོར་ལ་བརྟན་བཞུགས་བྱ། བུམ་པ་དང་གཏོར་མ་ལྷ་བསྐྱེད་པས་མཚོན་པ་རྣམས་ལ་དམིགས་ནས། །དེ་ནས་མདུན་གྱི་བཅོམ་ལྡན་འདས། །སོགས་བསྡུ་རིམ་དང་། ཨེ་མ་ཧོ༔ ངོ་མཚར་སངས་རྒྱས་སོགས་བསྔོ་སྨོན་གྱིས་མཚམས་སྦྱར། ཤིས་པ་བརྗོད་པ་ནི། ཧཱུྃ༔ སྐུ་གསུམ་བླ་མ་རྣམས་ཀྱིས་བཀྲ་ཤིས་ཤོག༔ ཡི་དམ་ལྷ་ཚོགས་རྣམས་ཀྱིས་བཀྲ་ཤིས་ཤོག །མཁའ་འགྲོ་ཆོས་སྐྱོང་ནོར་ལྷའི་བཀྲ་ཤིས་ཤོག༔ གཏེར་སྲུང་དམ་ཅན་རྒྱ་མཚོའི་བཀྲ་ཤིས་ཤོག༔ ཅེས་སོགས་བཀྲ་ཤིས་ཀྱི་ཚིགས་སུ་བཅད་པ་ཅི་རིགས་དང་བཅས་མེ་ཏོག་གི་ཆར་སིལ་མར་བསྙིལ་བས་བདེ་

― JKT021_Page_0352 ―

^{[མ་དཔེ་གཟིགས་ན་འདིར་གནོན།]}

[Full Size]

ལེགས་སུ་བྱའོ། །དེའང་གོང་དུ་སྨོས་པ་ལྟར། གཏེར་གཞུང་རྩ་བ་ལྟར་ན་རྒྱུད་སྡེ་འོག་མའི་ཆོ་གར་གནས་ཀྱང་། གྲུབ་བརྙེས་ཆགས་མེད་རིན་པོ་ཆེའི་མཆོད་པའི་སྐབས་སྨན་གཏོར་རཀྟའི་མཆོད་པ་སོགས་ཆོ་གའི་ཡན་ལག་ཞིག་བླ་མེད་དང་མཐུན་པར་བཀྲལ་བས། །སྤྲོ་ཞིང་ནུས་ན་ཚོགས་ཀྱི་མཆོད་པ་སོགས་ཀྱང་ཤིན་ཏུ་སྐབས་སུ་བབས་ཤིང་། དེ་ལ་ཆགས་མེད་རིན་པོ་ཆེ་ནས་མཛད་པར་བྱས་པའི་ཚོགས་མཆོད་ཞིག་མཆིས་ཀྱང་། མཛད་མིན་སོམ་ཉིའི་གནས་སུ་གྲགས་པས་འདིར་གནམ་ཆོས་རང་གི་རྩ་གསུམ་སྤྱིའི་ལས་བྱང་གི་ཚཚོགས་སྐོང་སོགས་ལྷག་པའི་ལྷ་གང་ལའང་སྦྱོར་བ་ཕྱག་བཞེས་སུ་མཛད་པའི་རྗེས་སུ་འབྲང་སྟེ། སྐབས་སུ་བབས་པའི་མཚམས་སྦྱོར་ཅུང་ཟད་བཅས་ཉུང་གསལ་སྙིང་པོར་དྲིལ་བའི་ཚུལ་གྱིས་སྦྱར་བའོ། །ཞེས་པའང་རྟོགས་ལྡན་དཀོན་མཆོག་བསྟན་འཛིན་ཆོས་ཀྱི་རྒྱལ་མཚན་གྱིས་ཚུལ་འདི་ལྟ་བུ་ཞིག་གྱིས་ཤིག་ཅེས་བསྐུལ་བ་ལྟར། མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་སྦྱར་བའི་ཡི་གེ་པ་ནི་འཇམ་དབྱངས་ཡེ་ཤེས་མཐའ་ཡས་ཀྱིས་བགྱིས་པའི་དགེ་བས། འབྲེལ་ཚད་ཡིད་ཅན་རྒྱ་མཚོའི་རྡུལ་སྙེད་བདེ་ཅན་དག་པའི་ཞིང་དུ་དབུགས་དབྱུངས་སྟེ་བླ་ན་མེད་པའི་བྱང་ཆུབ་རིན་པོ་ཆེ་མྱུར་དུ་ཐོབ་པའི་རྒྱུར་གྱུར་ཅིག། །།སརྦ་དཱ་ཀ་ལྱཱ་ཎཾ་བྷ་ཝ་ཏུ། །།དགེའོ།། །།

ལྷག་པའི་ལྷ་ཀུན་ལ་འཇུག་པའི་བསྲེག་བླུགས་ཀྱི་ཆོ་ག་ཕྲིན་ལས་དཔལ་སྟེར།

― JKT021_Page_0353 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །ལྷག་པའི་ལྷ་ཀུན་ལ་འཇུག་པའི་བསྲེག་བླུགས་ཀྱི་ཆོ་ག་ཕྲིན་ལས་དཔལ་སྟེར་ཞེས་བྱ་བ་བཞུགས་སོ།། །།

― JKT021_Page_0354 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །གདོད་ནས་འགྱུར་མེད་རྣམ་ཀུན་མཆོག་ལྡན་དབྱིངས། །ཟུང་འཇུག་སྒྱུ་འཕྲུལ་དྲྭ་བའི་ཕྱག་རྒྱ་ཅན། །ལྷག་པའི་ལྷ་དང་དབྱེར་མེད་བླ་མ་ལ། །བཏུད་ནས་ཕྲིན་ལས་དཔལ་སྟེར་ཆོ་ག་བཤད། །དེ་ལ་འདིར་བླ་མེད་ཀྱི་དཀྱིལ་འཁོར་ཟབ་མོའི་བསྙེན་པར་ཞུགས་པའི་ཁ་སྐོང་ངམ། །གཞན་དུ་དམ་ཚིག་ཉམས་ཆག་ཞི་བ་སོགས་ཕྲིན་ལས་མྱུར་དུ་འགྲུབ་པར་འདོད་པས་རྩོམ་པར་བྱ་བའི་ཡན་ལག་སྟེ། དཔལ་གསང་བ་སྙིང་པོར། །དབྱིབ་དང་ཁ་དོག་ཚད་ལྡན་པར། །ཞལ་དུ་གྱུར་པའི་མེ་བུས་ལ། །བཟའ་བཏུང་བྲོ་བའི་ཚོགས་རྣམས་ཀྱིས། །ལས་བཞིའི་མཆོད་པ་རབ་ཏུ་སྦྱིན། །ཞེས་པ་ལྟར་གྱི་དགོངས་དོན་དང་འབྲེལ་བར་བསྲེག་བླུག་གི་ཆོ་གའི་རིམ་པ་ཟབ་ཅིང་རྒྱ་ཆེ་བའི་ཚོགས་རྣམས་གཞན་དུ་ཤེས་ལ། འདིར་སྤྲོས་པ་ཉེ་བར་བསྡུས་པའི་ཚུལ་ལ་སྦྱོར་དངོས་རྗེས་གསུམ་ལས། དང་པོ་ནི། གཞི་མ་དུལ་

― JKT021_Page_0355 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ཡིན་ན་ཨ་ཀཱ་རོས་བཞི་བདག་ལ་གཏོར་མ་བསྔོ་ཞིང་ཕྲིན་ལས་བཅོལ། ཧེ་རུ་ཀའི་སྔགས་ཀྱིས་ཀུན་རྫོབ་ཙམ་དུ་སྦྱངས་རྗེས་རང་བཞིན་མེད་པའི་ཆོས་ཉིད་དྲན་པར་བྱ་བ་ནི་དོན་དམ་པའི་སྦྱང་བ་ཏེ་ཤུ་རྩྭ་ཏའི་སྔགས་དང་བཅས་པ་བརྗོད། ཁྱད་པར་རྫས་གསོགས་ནི། དམིགས་བསལ་རྒྱུད་ལུང་མན་ངག་རང་རང་གི་གཞུང་ལས་བྱུང་བའི་རྗེས་སུ་མཐུན་པར་བྱ་ལ། སྤྱི་ཙམ་དུ་ཞི་བ་ལ་བཀྲ་ཤིས་པའི་ས་ལ་ཐབ་ཁུང་ཟླུམ་པོ་རྡོ་རྗེས་མཚན་པ། རྒྱས་པ་ལ་རྒྱལ་པོའི་བང་མཛོད་ཀྱིས་ལ་ཐབ་ཁུང་གྲུ་བཞི་རིན་པོ་ཆེས་མཚན་པ། དབང་ལ་ཚོང་དུས་དང་སྨད་འཚོང་མ་གནས་པའི་ས་ལ་ཟླ་གམ་པདྨ་ལྕགས་ཀྱུས་མཚན་པ། དྲག་པོ་ལ་ཕུང་ཤུལ་དང་དུར་ཁྲོད་ཀྱི་ས་ལ་གྲུ་གསུམ་རྡོ་རྗེ་སྔོན་པོ་རྭ་གདེང་པས་མཚན་པ་སྟེ། མཆོག་གི་ལས་ལ་ཞི་བ་ལྟར་རོ། །དེ་ཡང་ཤུལ་ས་དེ་རྣམས་ཀྱིས་སྟེགས་དང་། །དེ་སྟེང་རྡུལ་ཚོན་གྱིས་དབྱིབས་དང་མཚན་མ་བྲི་བ་སྟེ། །ཕྱི་རོལ་གྱི་ཟུང་བཞི་

― JKT021_Page_0356 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ནང་གི་ལྟེ་བར་ཡང་སོ་སོའི་མཚན་མ་དང་ཐུགས་སྲོག་སོགས་བྲི་བར་བྱ་ཞིང་ཁ་དོག་ཀྱང་སོ་སོར་བསྒྱུར། །རྩིག་པའི་ཤིང་ནི། །ཞི་བ་ལ་པལ་བུ་དང་ལྟུང་མ་སོགས་འོ་མ་ཅན་དང་རུང་མཐུན། །རྒྱས་པ་ལ་འབྲས་བུ་ཅན། དབང་ལ་ཙནྡ་དམར་པོ་དང་མཛོ་མོ་ཤིང་སོགས་རོ་སྐྱུར་ལ་མདོག་དམར་བ། །དྲག་པོ་ལ་ཚེར་མ་ཅན་གྱི་དུག་ཤིང་དུག་ཁྲག་གིས་སྦགས་པ་དང་། །གཞན་རྣམས་མར་ཁུས་ཉུག་པར་བྱ་ལ་དབྱིབས་ཀྱང་སོ་སོར་བརྩིག །དེ་བཞིན་ཡམ་ཤིང་ཀྱང་རྒྱུ་བུད་ཤིང་དང་འདྲ་བ་ལ་ཚད་མཐོ་གང་པ་རེ་བྱ་ཞིང་། །ཁྱད་པར་བསྲེག་རྫས་གཡས་དང་། །མཆོད་རྫས་གཡོན་དུ་བཤམ་པའི་དང་པོ་ནི། །ཞི་བ་ལ། །ཏིལ་དཀར། འབྲས་སོགས་ཁ་ཟས་དཀར་པོ་དང་། །ཙནྡ་དཀར་པོ་སོགས་དྲི་དཀར་པོའི་རིགས། །ཙམ་པ་ཀ་སོགས་མེ་ཏོག་དཀར་པོ་རྣམས་གཙོ་བོར་གྱུར་པ་དང་། །རྒྱས་པ་ལ་སྟར་ག་སོགས་འབྲུ། །གུར་གུམ་སོགས་མེ་ཏོག །དུརྦ་དང་རིན་པོ་ཆེ་དར་ཟབ་སོགས་འདུ་བྱ། །དབང་ལ་ཙནྡ་དམར་པོ། །གླང་སྣ་སོགས་ཁ་དོག་དམར་ཞིང་།. །རོ་སྐྱུར་བ་དང་སྣུམ་པའི་བཟའ་བཅའ། །དྲག་པོ་ལ་ཡུངས་དཀར། །གུ་གུལ། །ལྕགས་ཕྱེ་ཤ་ཆེན་དུག་སྣའི་རིགས་རྣམས་འདུ་བྱ་ལ་གཙོ་བོར་མན་ངག་གི་རྫས་གཅིག་པུ་བརྟེན་ཀྱང་རུང་ངོ་། སྤྱིར་ཡང་དཀར་གསུམ་མངར་གསུམ་དྲི་བཟང་གིས་སྦག་པའི་ཞོ་ཟན་དང་། །འབྲུ་དང་རིན་པོ་ཆེ་དར་ཟབ་སྣ་ཚོགས་པ། །མར་ཁུ། གོས་ཟུང་། སོ་རྩེ་སོགས་དང་། ལས་མཐུན་གྱི་མེ་དར་རྣམས་འདུ་བྱ་ལ། དེ་ཡང་བསྲེག་རྫས་སྔ་མ་རྣམས་འཇིག་འདས་ཀྱི་ཕྱིར་དུ་ཚར་གཉིས་སུ་བཤམ་མོ། །མཆོད་རྫས་ལ། །འཇིག་རྟེན་འདས་མ་འདས་ཀྱི་གཏོར་མ་དབྱིབས་དང་ཁ་དོག་སོགས་སོ་སོར་བྱ་ལ། །དེ་བཞིན་ལས་བུམ།

― JKT021_Page_0357 ―

^{[མ་དཔེ་གཟིགས་ན་འདིར་གནོན།]}

[Full Size]

ཉེར་སྤྱོད། །སྤྲོ་ན་ཚོགས་ཀྱི་ཡོ་བྱད་ཀྱང་འདུ་བྱ་ལ། །འདུག་སྟངས་དང་ཆོས་གོས་དུས་སོགས་ཀྱང་སོ་སོར་ངེས་པའོ། །གཉིས་པ་དངོས་གཞི་ལ་གསུམ། །འཇིག་རྟེན་པའི་མེ་ལྷ་མཆོད་པ། དཀྱིལ་འཁོར་གྱི་འཁོར་ལོ་མཆོད་པ། །མེ་ལྷར་གཏོང་རག་གོ ། དང་པོ་སྤྱིར་དཀྱིལ་འཁོར་གྱི་བདག་བསྐྱེད་སྔོན་དུ་འགྲོ་བས་བྱ་བ་རྫོགས་རྗེས་སམ། །རབ་གནས་དང་སྒྲུབ་མཆོད་སོགས་ལ་བདག་བསྐྱེད་ལོགས་སུ་འགྲོ་མི་དགོས་ཤིང་། །རང་བྱུང་དུ་བདུད་རྩི་འཁྱིལ་བའི་སྔགས་ཀྱིས་ལས་བུམ་སྒྲུབ། ཁྱད་པར་ཉེར་སྤྱད་བྱིན་གྱིས་བརླབ་པ་ནི་རྡོར་དྲིལ་ཨ་མྲ་ས་ཏས་བསང་། སྭ་བྷ་ཝས་སྦྱངས། ཧཱུྃ། ཐབ་ཤེས་ཟུང་འཇུག་ཆོས་ཉིད་མཚོན། །འདས་དུས་འགྲོ་རྣམས་སད་པ་དང་། །འགྲོ་རྣམས་སྨིན་པར་བྱ་བའི་ཕྱིར། །རྡོ་རྗེ་གསོར་ཞིང་དྲིལ་བུ་དཀྲོལ། །ཨོཾ་བཛྲ་གྷ་ནེ་ཧཱུྃ་ཨཱཿ ཞེས་བརྗོད་ཅིང་འཁྱུད་རྒྱ་བྱ། ཡོ་བྱད་ཐམས་ཅད་ལ་དམིགས་ནས་བསང་སྦྱངས། སྟོང་པའི་ངང་ལས་མཆོད་རྫས་དང་བསྲེག་རྫས་ཐམས་ཅད་རང་རང་གི་མིང་ཡིག་དང་པོ་ཐིག་ལེས་བརྒྱན་པ་འོད་དུ་ཞུ་བ་ལས་བྱུང་བའི་རྫས་སོ་སོའི་དངོས་པོ་བདུད་རྩིའི་རང་བཞིན་ཅན་ཟད་མི་ཤེས་པར་གྱུར། ཨོཾ་བཛྲ་ཨརྒྷཾ་སོགས་དང་། ཨོཾ་ཧཱུྃཧཱུྃ་ཧཱུྃ་ཨཱ༔ མྱི་ལཾ་མཾ་པཾ་ཏཾ༔ སརྦ་ཛྙཱ་ན་པཉྩ་ཨ་མྲྀ་ཏེ་རཀྟ་བྷ་ལིཏྟ་ག་ཎ་ཙ་ཀྲ་བྷྱོ་དྷི་ཙིཏྟ་ཨཱཿཧཱུྃ༔ ཞེས་བརྗོད། དེ་ནས་ཐབ་ཁུང་བསང་སྦྱང་། །ཆོས་རྣམས་སྐྱེ་མེད་རྣམ་ཀུན་མཆོག་ལྡན་དབྱིངས། །སྣ་ཚོགས་སྒྱུ་འཕྲུལ་འགགས་མེད་རྡོ་རྗེའི་སྤྲིན། །ལས་བཞི་རྫོགས་བྱེད་

― JKT021_Page_0358 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷུན་གྲུབ་ཐབ་ཀྱི་དབུས། །གོས་དཀར་ཌཀྐིའི་ངོ་བོར་རོ་གཅིག་པའི། །ཆགས་བྲལ་བདེ་བ་ཆེན་པོའི་མེ་དཔུང་འབར། །ཨོཾ་སརྦ་ཛྙཱ་ན་ཛྭ་ལ་རཾ། །ཞེས་ལས་མཐུན་གྱི་མེ་སྦར། ལས་བུམ་གྱི་ཆུས་བསང་ལ། ཨོཾ་ཀུ་ཤ་འདི་ནི་གཙང་ཞིང་དགེ །ས་ལ་སྐྱེས་པའི་སྙིང་པོ་མཆོག །དཀོན་མཆོག་གསུམ་གྱི་དག་བྱེད་ཡིན། །ཚངས་པའི་ཡང་དག་བྱེད་པ་སྟེ། །དེ་ཡིས་བདག་ཅག་ཐམས་ཅད་ལ། །བགེགས་རྣམས་ཐམས་ཅད་ཞི་བར་མཛོད། །ཅེས་བཀྲམ། དེ་དབུས་རཾ་ལས་ཡོངས་གྱུར་མེ་ལྷ་ནི། །ལས་མཐུན་རྒྱན་རྫོགས་འོད་ཟེར་ཕྲེང་བས་དཀྲིགས། །ཞལ་གཅིག་ཕྱག་གཉིས་བགྲང་ཕྲེང་གུནེ་བསྣམ། །སྐུ་གསུང་ཐུགས་ལས་རྡོ་རྗེ་འབྲུ་གསུམ་མཚན། །དེ་ལས་འོད་འཕྲོས་དམ་ཚིག་སྤྱན་དྲངས་བསྟིམ། །སྤྱན་འདྲེན་པ་ནི། །ཧཱུྃ་དད་པ་དང་ནི་དམ་ཚིག་གིས། །ཚུར་གཤེགས་ཚུར་གཤེགས་འབྱུང་པོ་ཆེ། །མེ་ལྷ་དྲང་སྲོང་བྲམ་ཟེ་མཆོག །འདི་ཉིད་དུ་ནི་གཤེགས་སུ་གསོལ། །ཨགི་རཱ་ཛ་རི་ཏི་བཛྲ་ས་མ་ཡ་ཛཿ ཛཿཧཱུྃ་བཾ་ཧོ༔ ཨརྒྷཾ་སོགས་ཀྱིས་ཉེར་སྤྱོད་ཕུལ། བསྟོད་པ་ནི། ཧཱུྃ། འཇིག་རྟེན་དབང་ཕྱུག་ཚངས་དབང་མགོན་གྱི་སྲས། །མེ་ལྷའི་རྒྱ་པོ་ཌཱཀྐིས་དབང་བསྐུར་བ། །ཤེས་རབ་མཆོག་གིས་ཉོན་མོངས་ཐམས་ཅད་སྲེག །འཛིན་བྱེད་མེ་ལྷ་ཉིད་ལ་རྣམ་པར་འདུད། །མེ་ལྷ་གདངས་པའི་ལྗགས་རྡོ་རྗེའི་སྦུ་གུས་སྲེག་བླུག་གི་

― JKT021_Page_0359 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུན་དྲངས་ཏེ་གསོལ་བར་བསམས་ལ། ཨོཾ་བི་མ་ལེ་ཨཀྵེ་ཡེ་སྭཱ་ཧཱ། །ཞེས་མར་ཁུ་བླུག་གཟར་བདུན་གྱིས་བཀང་བའི་དགང་བླུག་ལ་སྦྱར་ལ་ཕུལ། །ཨོཾ་ཨགེ་ཡེ་བདག་དང་སེམས་ཅན་ཐམས་ཅད་ཀྱི་སྡིག་སྒྲིབ་ཉེས་ལྟུང་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ༔ དེ་བཞིན། ཚེ་བསོད་དཔལ་འབྱོར་ཐམས་ཅད་པུཊྚི་ཀུ་རུ་ཡེ་སྭཱ་ཧཱ། །བདག་སྒྲུབ་པ་པོའི་ཁམས་གསུམ་སྣོད་བཅུད་ཐམས་ཅད་ཝ་ཤཾ་ཀུ་རུ་ཡེ་སྭ་ཧཱ། །གནོད་བྱེད་དགྲ་བགེགས་ཐམས་ཅད་མཱ་ར་ཡ་ཕཊ༔ ཞེས་འདོད་གསོལ་སྦྱར་བ་ལན་གསུམ་གྱིས་བྱོན་སྐྱེམ་ཕུལ་རྗེས། ལག་གིས་བཟུང་དུ་བཏུབ་པ་རྣམས་མཐེབ་སྲིན་གྱིས་དབུལ། །དེ་ལས་གཞན་རྣམས་བླུགས་གཟར་གྱིས་སོ་སོར་དབུལ་སྔགས་ནི། །ཡམ་ཤིང་ལ། ཨོཾ་སེ་ཤེ་ཧ་ས་བཛྲ་སྭཱ་ཧཱ། དེ་བཞིན་མར་ཁུ་ལ། ཨོཾ་བི་མ་ཡེ་ཨཀྵེ། ཏིལ། སརྦ་པ་པཾ་ད་ཧ་ན་བཛྲ། ཟས་མཆོག །སརྦ་སཾ་བྷ་དེ། འབྲས་བཛྲ་པུཥྛ་ཡེ། སྲན་མ། མ་ཧཱ་བཱ་ལ་ཡ། གྲོ། བཛྲ་གྷ་སྨ་རི། དུ། བཛྲ་ཨཱ་ཡུ་ཥེ། ཀུ་ཤ །ཨ་པྲ་ཏི་ཧ་ཏ་བཛྲ་ཡེ། །རྫས་གཞན་རྣམས། །ཨ་ཧ་ར་ཨ་ཧ་ར་བུ་ལེ་མ་ཧཱ་ད་ར་ཝེ་ཤ་ཤཱནི་ཀུ་རུ་ཡེ། ཞེས་སོ་སོའི་ཐོག་མ་ལ་ཨོཾ་དང་མཐར་སྭཱ་ཧཱ་སྦྱར་རོ། །བསྡུ་ན་ཐམས་ཅད་བདུད་རྩིའི་།རང་བཞིན་དུ་ཤེས་པས་སྔགས་སྔ་མ་དག་གིས་དབུལ་བས་ཀྱང་འཐུས་ལ། ༈ །དེ་ལྟར་བདུན་ལ་སོགས་པའི་རྗེས་འདོད་གསོལ་སོ་སོར་སྦྱར་བ་ཉེར་གཅིག་ལ་སོགས་ཅི་རིགས་པར་ཕུལ་ནས་ཨ་ཀཱ་རོའི་སྔགས་ཀྱིས་གཏོར་མ་ཕུལ་ཞིང་བསྟོད་པར་བྱ། །ཡིག་བརྒྱས་

― JKT021_Page_0360 ―

^{[མ་དཔེ་གཟིགས་ན་འདིར་གནོན།]}

[Full Size]

ནོངས་པ་བཤགས། ན་མོ་རིག་པའི་རྒྱལ་པོ་ཁྱོད་ཀྱིས་བསྲེག་བླུག་གི་རྫས་རྣམས་ལྷའི་ཞལ་དུ་དབུལ་བ་དང་། །ཡེ་ཤེས་ཀྱི་མེར་བྱིན་གྱིས་བརླབས་ནས་ཕྲིན་ལས་ཐམས་ཅད་ཡོངས་སུ་འགྲུབ་པར་མཛད་དུ་གསོལ། །བཛྲ་མུ། །ཡེ་ཤེས་པ་ཐབ་ཀྱི་ཤར་ལྷོར་གཤེགས། །དམ་ཚིག་པ་མེ་འབར་བའི་རྣམ་པར་གྱུར་བར་བསྒོམ། །གཉིས་པ་ནི། །ཨ་མྲྀ་ཏས་བསང་། །སྭཱ་བྷ་ཝས་སྦྱང་། མེ་ལྷའི་ལྟོ་བ་ཡངས་ཤིང་རྒྱ་ཆེ་བ་དག་ཆེན་ཡེ་ཤེས་ཀྱི་རོལ་པ་འོག་མིན་ལྷུན་གྱིས་གྲུབ་པའི་དཀྱིལ་འཁོར་ཆེན་པོའི་དབུས་སུ་ཡེ་ཤེས་པའི་ལྷ་ཚོགས་ཐམས་ཅད་སྐད་ཅིག་གིས་གསལ་ལ་མ་འདྲེས་པར་རྫོགས་པའི་གནས་གསུམ་ལས་འོད་ཟེར་འཕྲོས་པས་རབ་འབྱམས་རྒྱལ་བའི་དཀྱིལ་འཁོར་ཐམས་ཅད་ཡི་དམ་ལྷའི་རྣམ་པར་བཛྲ་ས་མཱ་ཛ། །ཞེས་པའམ། །དམིགས་གསལ་སོ་སོའི་སྒྲུབ་དཀྱིལ་མདུན་བསྐྱེད་ལྟར་རམ་བདག་བསྐྱེད་ཉིད་ཁ་བསྒྱུར་བས་འགྲུབ་ལ། །སྤྱན་འདྲེན་ནི། ཧཱུཾ། །དམིགས་མེད་མཁའ་ལྟར་ཁྱབ་ཅིང་དག་པ་ལ། །སྤྱན་འདྲེན་གཤེགས་སུ་གསོལ་བར་མི་དམིགས་ཀྱང་། །ཐུགས་རྗེའི་ངང་ཉིད་ཆོས་སྐུར་རོལ་པ་ལས། །ཡེ་ཤེས་སྒྱུ་མར་རོལ་ཅིང་གཤེགས་སུ་གསོལ། །བཛྲ་ས་མཱ་ཡ་ཛཿ བཞུགས་སུ་གསོལ་བ་ནི། །ཀུན་ཏུ་བཟང་མོ་གསང་བའི་བྷ་ག་ལ། །རྒྱལ་བའི་དཀྱིལ་འཁོར་རབ་འབྱམས་མ་ལུས་ཀུན། །འདུ་འབྲལ་མེད་པའི་ངང་དུ་རོ་གཅིག་

― JKT021_Page_0361 ―

^{[མ་དཔེ་གཟིགས་ན་འདིར་གནོན།]}

[Full Size]

པའི། །གཉིས་མེད་བྱང་ཆུབ་སེམས་ཀྱིས་མཉེས་གྱུར་ཅིག །ཛཿཧཱུྃ་བཾ་ཧོ༔ མ་ཧཱ་སུ་ཁ་ཧོ༔ མཆོད་པ་ནི། ཧཱུྃ །བླ་མེད་མཆོག་གི་མཆོད་པ་ཆེན་པོ་ནི། །ཡེ་ཤེས་ལྔ་ཡི་འོད་ཟེར་རྣམ་པར་འཕྲོ་། །འདོད་པའི་ཡོན་ཏན་ལྔ་ཡིས་རབ་བརྒྱན་ཏེ། །དམ་ཚིག་བཞིན་ལས་ཅི་བདེར་བཞེས་སུ་གསོལ། །ཨོཾ་སརྦ་ཏ་ཐཱ་ག་ཏ་རཱུ་པ་སོགས་ནས་སྤརེའི་བར་དང་། སརྦ་པཉྩ་རཀྟ་བ་ལིཾ་ཏ་བྷྱོ་དྷི་ཙིཏྟ་ཧོ༔ བསྟོད་པ་ནི། ཧཱུྃ། །རྡོ་རྗེ་གླུ་མ་ལས་ཀྱི་ཕྱག་རྒྱ་ཡིས། །དབྱངས་ཀྱི་ཡན་ལག་ཆོས་ཀྱི་ཕྱག་རྒྱའི་སྤྲིན། །རིགས་ལྔའི་དམ་ཚིག་ཕྱག་རྒྱ་ལ་སྦྱར་ནས། །ལྷར་སྣང་ཕྱག་རྒྱ་ཆེན་པོར་བསྟོད་པར་བགྱི། །དགང་བླུག་ཁ་སྦྱར་ལ། དཀྱིལ་འཁོར་ལྷ་ཚོགས་རྣམས་ཀྱི་ལྗགས་རྡོ་རྗེའི་སྤུ་གུ་ཅན་གྱིས་བསྲེག་བླུགས་ཀྱི་བདུད་རྩིས་རྒྱུན་དྲངས་ནས་གསོལ་བར་བསམས་ལ། །སོ་སོའི་རྩ་སྔགས་ལན་བདུན་དང་བཅས་མར་ཁུ་བླུག་གཟར་བདུན་གྱིས་བཀང་བ་ཕུལ་རྗེས། རྣལ་འབྱོར་པ་བདག་དང་ཡོན་གྱི་བདག་པོའི་དམ་ཚིག་ཉམས་ཆག་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། ཞེས་འདོད་གསོལ་སྦྱར་བ་ལན་གསུམ་གྱིས་བྱོན་སྐྱེམས་ཕུལ། །བསྙེན་སྒྲུབ་ཀྱི་ཁ་སྐོང་ལ་རྩ་སྔགས་འབའ་ཞིག་གིས་དབུལ་བ་དང་། །གཞན་དུ་སྔ་མ་ལྟར་རྫས་སྔགས་སྦྲེལ་པ་ཅི་ནུས་དང་། །གྲང་གསོག་ལ། །རྩ་སྔགས་ཀྱི་རྗེས་སུ། ཤིནཾ་ཀུ་རུ་ཡེ་སྭཱ་ཧཱ༔ སོགས་སྔགས་ཀྱི་འདོད་གསོལ་སྦྱར་བ་ཁོ་ནས་དབུལ་བ་རྒྱུད་སྡེ་ཆེན་པོའི་དགོངས་པ་ཡིན་

― JKT021_Page_0362 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་། །རྫས་ཀྱང་ཞི་བ་ལ་ཏིལ། །རྒྱས་པ་ལ་རིན་པོ་ཆེ་དང་དར་ཟབ། །དབང་ལ་མེ་ཏོག་གམ་འབྲུ་དམར་པོ་ཆང་གིས་སྦག་པ། །དྲག་པོ་ལ་ཡུངས་དཀར་དུག་ཁྲག་གིས་སྦག་པ་བུངས་བསྐྱེད་ནས་དབུལ་ལ། །ཁྱད་པར་ཏིང་ངེ་འཛིན་ཁོ་ན་གཙོ་ཆེ་བའི་ཕྱིར་དཀྱིལ་འཁོར་གྱི་ལྷ་ཚོགས་ཐམས་ཅད་ལ་བསྲེག་བླུག་གི་མཆོད་པ་ཕུལ་བས་ཐུགས་དགྱེས་པ་ཆེན་པོའི་རང་བཞིན་ལས་བྱུང་བའི་འོད་ཟེར་དཀར་པོས་འཇིག་རྟེན་གྱི་ཁམས་ཐམས་ཅད་ཁྱབ། །སངས་རྒྱས་ཐམས་ཅད་ལ་མཉེས་པའི་མཆོད་པ་ཕུལ། །སེམས་ཅན་མ་ལུས་པ་སྒྲིབ་གཉིས་རྒྱུ་དང་བཅས་པ་ཞི་བར་བྱས་པར་བསམ། །དེ་བཞིན་གཞན་བཞི་པོ་ལ་ཡང་དམིགས་པའི་མདེ་ཁ་བསྒྱུར། །ཁྱད་པར་མཆོག་གི་ཕྲིན་ལས་ལ་ཞི་རྒྱས་གཉིས་ཀའི་རྫས་འབུལ་ཞིང་། །ཆང་གི་སྙིང་ཁུ་ལྷག་པར་དབུལ་ལ་འདོད་གསོལ་ནི། སརྦ་ཏ་ཐཱ་ག་ཏ་མ་ཧཱ་མུ་ཏྲ་པུ་ཛ་ཧོ༔ ཞེས་བཏགས། །དེ་ལྟར་ལས་བཞི་གང་ཡང་རུང་བ་ལ་རྫས་རྫོགས་ནས། ཡེ་ཤེས་མེ་དང་གཉིས་མེད་འབར་བ་ཡི། །ཕྱག་རྒྱ་ཆེན་པོ་བསྲེག་བྱ་ཟ་བའི་ཞལ། །སྲེག་རྫས་བདུད་རྩིའི་མཆོད་པས་མཉེས་གྱུར་ནས། །ཞི་བའི་ཕྲིན་ལས་ལྷུན་གྱིས་གྲུབ་པར་མཛོད། །ཞེས་སོགས་སོ་སོར་ཁ་བསྒྱུར་བཅས་ལན་གསུམ་དབུལ། གོས་ཟུང་། གང་ལ་རེག་ན་འཇམ་པའི་ལྷ་རྫས་ཀྱང་། །དབང་པོའི་ཚོན་གྱིས་བསྒྱུར་བའི་སྨིག་རྒྱུ་ཡི། །བར་སྣང་ཟ་འོག་བཅལ་དུ་བཀྲམ་པ་ལྟར། །འབར་བས་འགྲོ་ཀུན་བཟོད་པའི་གོས་ཐོབ་ཤོག །ཨོཾ་

― JKT021_Page_0363 ―

^{[མ་དཔེ་གཟིགས་ན་འདིར་གནོན།]}

[Full Size]

བཛྲ་ཝནྟ་ཡེ་སྭཱ་ཧཱ། །ཞེས་དང་། །ཨོཾ་བཛྲ་ཏཾ་བུ་ལ་ཡེ་སྭཱ་ཧཱ། ཞེས་པས་རྡོ་ཐལ་མེད་པའི་སོ་རྩི་འཇམ་པོ་དབུལ། རྡོ་རྗེ་ལྷ་མོ་བཅུ་དྲུག་གིས་མཆོད། བསྟོད་པ་གང་འོས་མཐར། སྤྲོས་པ་ལ་དགའ་བས་བཟླས་པ་བྱ་བར་འདོད་ན། ལྷ་ཚོགས་རྣམས་ཐུགས་ཀར་པད་ཉིའི་སྟེང་རང་རང་གི་ས་བོན་སྔགས་ཕྲེང་དང་བཅས་པ་ལས་འོད་ཟེར་དཀར་པོས་སྣོད་བཅུད་ཐམས་ཅད་ཁྱབ་པར་འཕྲོས། །རྒྱལ་བ་ཐམས་ཅད་ལ་མཉེས་པའི་མཆོད་པ་ཕུལ། །བདག་གཞན་ཐམས་ཅད་ཀྱི་སྒྲིབ་པ་གཉིས་རྒྱུ་དང་བཅས་བཅོམ་པར་བསམས་ལ། །རྩ་སྔགས་མཐར། སརྦ་ཤཱནཾ་ཀུ་རུ་ཡེ་སྭཱ་ཧཱ༔ ཞེས་བཏགས་པ་ཅུང་ཟད་བཟླ། དེ་བཞིན་ལས་བཞི་གཞན་བཞི་པོ་ལའང་འབྱིན་འཇུག་བྱ། །ཚོགས་ཀྱི་འཁོར་ལོ་ཚིམ་པ་དྲུག་དང་ལྡན་པས་མཆོད། འཇིགས་པ་བརྒྱད་སྐྱོབས་ཞི་བའི་དངོས་གྲུབ་སྩོལ། སོགས་ཀྱིས་བསྐུལ་ལ། རྩ་སྔགས་མཐར། ཀཱ་ཡ་ཝཱཀྐ་ཙིཏྟ་སརྦ་སིདྡྷི་ཕ་ལ་ཧོ༔ ཞེས་པས་དངོས་གྲུབ་བླང་རྗེས་བྱོན་སྐྱེམས་དགང་བླུག་གསུམ་ཕུལ། མ་འབྱོར་པ་དང་ཉམས་པ་དང་སོགས་ཀྱི་མཐར་ཡིག་བརྒྱ་དང་བཅས་ནོངས་པ་འཆགས། ཨོཾ་ཁྱེད་ཀྱི་སེམས་ཅན་དོན་ཀུན་མཛད་སོགས་མཐར། བཛྲ་མུས་ཡེ་ཤེས་པ་གཤེགས་སུ་གསོལ། །གསུམ་པ་ནི། ཨ་མྲྀ་ཏས་བསང་། སྭ་བྷ་ཝས་སྦྱང་། དམ་ཚིག་མེ་ལྷ་རང་བཞིན་ཡོངས་སུ་རྫོགས་པར་གསལ་བའི་གནས་གསུམ་ལས་འོད་ཟེར་འཕྲོས་པས་ཡེ་ཤེས་པ་སྤྱན་དྲངས། །བཛྲ་ས་མཱ་ཡ་ཛཿ ཛཿཧཱུྃ་

― JKT021_Page_0364 ―

^{[མ་དཔེ་གཟིགས་ན་འདིར་གནོན།]}

[Full Size]

ཐཾ་ཧོ བྱོན་སྐྱེམ་དགང་བླུག་གསུམ་ཕུལ་ཞིང་། ཨོཾ་བི་མ་ལེ་ཨགྷ་ཡེ་སྭཱ་ཧཱ། ལན་གསུམ། གོས་ཟུང་དང་སོ་རྩི་དབུལ། །མེ་བསོས་ཏེ་གཏོང་རག་གི་ཚུལ་དུ་རྫས་ལྷག་མ་རྣམས་སོ་སོའི་སྔགས་མཐར། ཨོཾ་ཨག་ཡེ་རི་ཌི་རཱ་ཛཱ་ཡ། །བདག་ཅག་དཔོན་སློབ་ཡོན་མཆོད་ཐམས་ཅད་ཀྱི་ཆོ་ག་ལྷག་ཆད་འགལ་འཁྲུལ་ཉམ་ཆག་ཉེས་ལྟུང་ཐམས་ཅད་ཤཱནྟཾ་ཀུ་རུ་ཡེ་སྭཱ་ཧཱ། ཞེས་པས་ཕུལ། སྔ་མ་ལྟར་མཆོད་ཅིང་བསྟོད། ཨ་ཀཱ་རོས་གཏོར་མ་བསྔོ་ལ་ཕྲིན་ལས་བཅོལ། །༧ ནོངས་པ་བཤགས། །གཤེགས་སུ་གསོལ་བ་ནི། དོན་གཉིས་བསྒྲུབས་པའི་མེ་ཡི་ལྷ། །རང་རང་ཡུལ་དུ་གཤེགས་ནས་ཀྱང་། །སླར་ཡང་ཕྲིན་ལས་སྒྲུབ་པའི་ཕྱིར། །དུས་སུ་འབྱོན་པར་མཛད་དུ་གསོལ། །བཛྲ་མུ། །ཡེ་ཤེས་པ་གཤེགས། །དམ་ཚིག་པ་ལྟེ་བའི་ཨ་ཐུང་ལ་བསྡུ། རྗེས་ཀྱི་བྱ་བ་ནི། །དགེ་བ་བསྔོ་ཞིང་སྨོན་ལམ་གདབ། །ཤིས་པ་བརྗོད་པས་མཐའ་བརྒྱན་པར་བྱ་ཤིང་། །དྲག་པོའི་སྦྱིན་བསྲེག་དུག་ཁྲག་གི་ཆུས་གཞིལ་ལ་གཞན་བཞི་པོ་མེ་རང་ཞིར་འཇོག །ལོང་ཁྱབ་ཀྱིས་མ་ཁོམ་ན། །ཞི་བ་ལ་འོ་མ། །རྒྱས་པ་ལ་དྲི་སེར་པོ། །དབང་ལ་ཙནྡ་དམར་པོའི་ཁུ་བའམ་ཆང་དང་བསྲེས་པའི་ཆུས་བསད། །ཞི་བ་དང་མཆོག་དབང་གི་ལས་གསུམ་པོའི་ཐལ་བ་རི་རྩེ་མཐོན་པོའི་རླུང་ལ་བསྐྱལ། །རྒྱས་པ་མཛོད་དུ་བུམ་གཏེར་རྩལ། །དྲག་པོའི་ཐལ་བ་གཞི་མདོར་མནན། །ལས་རྗེས་མི་མངོན་པར་བསྡུའོ། །དེ་ལྟར་ཕྱི་དོན་དུ་གཙོ་བོར་སྨོས་པའི་སྦྱིན་བསྲེགས་ཀྱི་ཆོ་ག་སྤྲོས་པ་ཉུང་ངུར་བསྡུས་པ་སྟེ། །གཞན་དུ་ན་ཚིམ་པ་དྲུག་ལྡན་པའི་ཚོགས་ཀྱི་འཁོར་ལོའི་མཉེས་པར་

― JKT021_Page_0365 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ་བ་དང་། །རྡོ་རྗེའི་ལུས་ལ་གདོད་ནས་གྲུབ་པའི་ཉེ་བའི་འདུ་བ་ལྷན་སྐྱེས་བདེ་སྟོང་བདུད་རྩིའི་མཆོད་པར་བྱ་བ་དག་ནི་ནང་དང་གསང་བའི་བསྲེག་བླུག་སྟེ་སྐབས་འདིར་སྨོས་པར་བྱ་བའི་ཡུལ་མ་ཡིན་ནོ། །གོས་དཀར་ཌཀྐིས་འཁྱུད་པའི་ལྷའི་ཕྱག་རྒྱར། །མཆོད་པའི་སྤྲིན་གྱིས་མཉེས་པའི་བསོད་ནམས་ཚོགས། །བཟོད་ནས་དག་པའི་ཡེ་ཤེས་ཆེན་པོའི་ངང་། །མཉམ་སྦྱོར་མཆོག་ཐུན་ཕྲིན་ལས་སྦྱིན་གྱུར་ཅིག །ཞེས་ལྷག་པའི་ལྷ་ཀུན་ལ་ཉེ་བར་འཇུག་པའི་བསྲེག་བླུག་གི་ཆོ་ག་འདི་ནི་ཀུན་མཁྱེན་ཆེན་པོའི་མན་ངག་གཙོ་བོར་བཟུང་སྟེ་ཉུང་ངུར་བཀོད་པ་ཀུན་ཏུ་དགེ་བར་གྱུར་ཅིག། །མངྒ་ལཾ། །དགེའོ། །

ལྷག་པའི་ལྷ་སྤྱི་ལ་འཇུག་པའི་སྐུ་གསུང་ཐུགས་ཀྱི་དབང་བསྐུར་བ་རྡོ་རྗེ་གསུམ་གྱི་རྒྱན།

― JKT021_Page_0367 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །ལྷག་པའི་ལྷ་སྤྱི་ལ་འཇུག་པའི་སྐུ་གསུང་ཐུགས་ཀྱི་དབང་བསྐུར་བ་རྡོ་རྗེ་གསུམ་གྱི་རྒྱན་ཅེས་བྱ་བ་བཞུགས་སོ།། །།

― JKT021_Page_0368 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །རྡོ་རྗེ་སེམས་དཔའི་ཡེ་ཤེས་སྐུ། །རྡོ་རྗེ་སློབ་དཔོན་ལ་བཏུད་ནས། །རྡོ་རྗེ་ཐེག་པའི་སྨིན་བྱེད་བཅུད། །རྡོ་རྗེ་གསུམ་གྱི་དབང་བསྐུར་འབྲི། །འདི་ལྟར་ཐེག་པ་ཆེན་པོ་གསང་སྔགས་ཀྱི་ལམ་ལ་མོས་པ་ཅུང་ཟད་བརྟན་ཀྱང་ཟབ་མོའི་དོན་ཇི་བཞིན་དུ་འཛིན་པའི་སྐལ་བ་མི་ལྡན་པ་དང་། དེ་ལས་གཞན་པའང་རུང་སྟེ་ཐུན་མོང་གི་གདུལ་བྱར་གྱུར་པ་རྣམས་ལ་དཀྱིལ་འཁོར་དུ་འཇུག་པའམ། བུམ་དབང་ཙམ་ལས་དབང་གོང་མ་རྣམས་མི་སྦྱིན་པར་འཕགས་ཡུལ་དང་། གངས་ཅན་གྱི་ལྗོངས་འདིར་སྔར་བྱོན་པའི་རྡོ་རྗེ་འཛིན་པ་ཆེན་པོ་རྣམས་ཀྱིས་བཞེད་ཅིང་ཕྱག་ལེན་དུའང་མཛད་པ་ལས། འདིར་སྐུ་གསུང་ཐུགས་ཀྱི་དབང་བསྐུར་ཇི་ལྟར་བགྱི་བའི་ཚུལ་སྙིང་པོར་དྲིལ་བ་ནི། བུམ་དབང་དང་ལྷ་དབང་ཡན་སོ་སོའི་གཞུང་ལྟར་གྲུབ་རྗེས། དེས་བཅོམ་ལྡན་འདས་འདི་ཞེས་བྱ་བའི་སྐུའི་དབང་བསྐུར་བ་ཐོབ།

― JKT021_Page_0369 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱེད་རང་རྣམས་ཀྱི་ལུས་ཀྱི་སྒོ་ནས་བསགས་པའི་སྡིག་པ་དང་སྒྲིབ་པ་སྦྱངས། གནས་སྐབས་སུ་ལུས་ལྷར་བསྒོམ་པ་ལ་དབང་། མཐར་ཐུག་སྣོད་བཅུད་ཀྱི་ཆོས་ཐམས་ཅད་སྣང་སྟོང་སྒྱུ་འཕྲུལ་དྲྭ་བའི་བདག་ཉིད་བཅོམ་ལྡན་འདས་ཀྱི་སྐུ་མི་ཟད་པ་རྒྱན་གྱི་འཁོར་ལོར་བྱིན་གྱིས་བརླབས་པ་ཡིན་སྙམ་དུ་མོས་པ་མཛོད། སྤྲོ་ན་ཤིས་པ་བརྗོད། དེ་ནས་གསུང་གི་དབང་བསྐུར་བའི་སླད་དུ། སློབ་དཔོན་གྱི་ཐུགས་ཀ་ནས་སྔགས་ཀྱི་ཕྲེང་བ་མར་མེ་གཅིག་ལས་གཉིས་མཆེད་ཀྱི་ཚུལ་དུ་བྱུང་བ་ཞལ་ནས་ཐོན། ཁྱེད་རང་རྣམས་ལྷག་པའི་ལྷར་གསལ་བའི་ཞལ་དུ་ཞུགས། ཐུགས་ཀའི་ས་བོན་གྱི་མཐར་གཡས་སྐོར་དུ་འཁོད་པས་བརྟན་གཡོའི་སྒྲ་སྐད་ཐམས་ཅད་

― JKT021_Page_0370 ―

^{[མ་དཔེ་གཟིགས་ན་འདིར་གནོན།]}

[Full Size]

གྲགས་སྟོང་གཞོམ་མེད་གསུང་གི་ངོ་བོར་དག་པར་གྱུར་པའི་མོས་པ་དང་བཅས་ཏེ་སྔགས་འདིའི་རྗེས་ཟློས་ལན་གསུམ་མཛོད། ཅེས་རྗེས་ཟློས་བྱར་གཞུག །སྤྲོ་ན། དེ་ནས་ཁྱེད་རང་རྣམས་ཀྱིས་སློབ་དཔོན་ལ་དྲིན་ལན་གྱི་ཚུལ་དུ་མེ་ཏོག་འཐོར་བཞིན་པ་དང་བཅས་པས་འདིའི་རྗེས་ཟློས་མཛོད། བཅོམ་ལྡན་བདག་གིས་གཟུང་ལགས་ཀྱཻ། །བཅོམ་ལྡན་བདག་ལ་བྱིན་གྱིས་རློབས། །ལན་གསུམ། སློབ་དཔོན་གྱིས་ཀྱང་ཁྱེད་རང་རྣམས་ཀྱིས་ཕུལ་བའི་མེ་ཏོག་གི་ཕྲེང་བ་དེ་ཉིད་སྔགས་ཀྱི་ཕྲེང་བར་བྱིན་གྱིས་བརླབས་ཏེ་སྤྱི་བོར་བཞག་པས་སྙིང་གའི་སྔགས་ཕྲེང་བྱང་ཆུབ་མ་ཐོབ་ཀྱི་བར་དུ་བརྟན་ཅིང་ནུས་ལྡན་དུ་བྱས་པའི་མོས་པ་མཛོད། བཅོམ་ལྡན་འདི་ལ་སྩལ་ལགས་ཀྱཻ། །བཅོམ་ལྡན་འདི་ལ་བྱིན་གྱིས་རློབས། །འདི་ལ་འགོ་བར་མཛད་དུ་གསོལ། །སྔགས་ཀྱི་དངོས་གྲུབ་སྩལ་དུ་གསོལ། །བརྟུལ་ཞུགས་བརྟན་པར་མཛད་དུ་གསོལ། །རྡོ་རྗེ་སློབ་མ་འདི་རྣམས་ཀྱི་རྒྱུད་ལ་བཅོམ་ལྡན་འདས་ཀྱི་གསུང་གསང་སྔགས་ཀྱི་བྱིན་རླབས་མ་ལུས་པ་འཇུག་ཅིང་བརྟན་པར་གྱུར་ཅིག །ཅེས་སམ། ཡང་ན། དེ་བརྟན་པར་བྱ་བའི་སླད་དུ་སྔགས་ཀྱི་ཕྲེང་བས་ཀྱང་དབང་བསྐུར་བའི་མོས་པ་མཛོད། ཨ སངས་རྒྱས་ཀུན་གྱི་གསུང་གི་མཛོད༔ རང་བྱུང་གསང་སྔགས་རྡོ་རྗེའི་སྒྲ༔ གསུང་དབྱངས་ཡན་ལག་དྲུག་ཅུའི་

― JKT021_Page_0371 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་༔ བརྒྱད་ཁྲི་བཞི་སྟོང་ཆོས་ཀྱི་སྒོ༔ བསམ་ཡས་གདུལ་བྱའི་བསམ་པ་བཞིན༔ ཡོངས་སུ་སྒྲོགས་པའི་དབང་བསྐུར་རོ༔ རྩ་སྔགས་མཐར། ཝཱ་ཀ་ཨ་བྷི་ཥིཉྩ་ཨཱཞེས་པ་གཉིས་གང་རུང་བྱ། དེས་བཅོམ་ལྡན་འདས་ཀྱི་གསུང་གི་དབང་བསྐུར་བ་ཐོབ། ཁྱེད་རང་རྣམས་ཀྱི་ངག་གི་སྒོ་ནས་བསགས་པའི་སྡིག་པ་དང་སྒྲིབ་པ་སྦྱངས། གནས་སྐབས་སུ་ངག་སྔགས་ཀྱི་འཁོར་ལོར་བསྒོམ་པ་དང་། །མཐར་ཐུག་འཁོར་འདས་ཀྱི་སྒྲ་སྐད་ཐམས་ཅད་གྲགས་སྟོང་གཞོམ་མེད་བཅོམ་ལྡན་འདས་ཀྱི་གསུང་མི་ཟད་པ་རྒྱན་གྱི་འཁོར་ལོའི་ངོ་བོར་བྱིན་གྱིས་བརླབས་པ་ཡིན་སྙམ་དུ་མོས་པ་མཛོད། སྤྲོ་ན་ཤིས་པ་བརྗོད། དེ་ནས་ཐུགས་ཀྱི་དབང་བསྐུར་བའི་སླད་དུ། ལྷ་སྔགས་ཀྱི་སྣང་ཆ་ཐམས་ཅད་འཛིན་མེད་ཁྱབ་བརྡལ་སྤྲོས་པ་དང་བྲལ་བའི་ངང་དུ་ཐིམ་པས། འོད་གསལ་སྟོང་ཉིད་ནམ་མཁའི་དབྱིངས་ལྟ་བུ་རྒྱུད་ལ་སྐྱེས་པའི་མོས་པ་དང་བཅས་ཏེ་དེའི་ངང་དུ་ཅུང་ཟད་རེ་མཉམ་པར་འཇོག་མཛོད། དེའི་དོན་མེ་ལོང་གི་གཟུགས་བརྙན་སྣང་ལ་རང་བཞིན་མ་གྲུབ་པ་འདི་ཉིད་ཀྱིས་མཚོན་པ་ཡིན་ཏེ། ཧཱུྃ། །ཆོས་ཀུན་མེ་ལོང་གཟུགས་བརྙན་བཞིན༔ སྤྲོས་མེད་སྟོང་གསལ་མཐའ་བྲལ་དབྱིངས༔ རང་བྱུང་ཡེ་ཤེས་རོལ་པའི་རྩལ༔ འགག་མེད་སྒྱུ་མའི་ལྟད་མོ་ལ༔ སྒྱུ་མ་མཁན་གྱིས་རོལ་པ་བཞིན༔ སྤྲོས་

― JKT021_Page_0372 ―

^{[མ་དཔེ་གཟིགས་ན་འདིར་གནོན།]}

[Full Size]

བྲལ་ཀ་དག་ངང་དུ་ཞོག །རྩ་སྔགས་མཐར། ཙིཏྟ་ཨ་བྷི་ཥིཉྩ་ཧཱུྃ༔ དེས་བཅོམ་ལྡན་འདས་ཀྱི་ཐུགས་ཀྱི་དབང་བསྐུར་བ་ཐོབ། ཁྱེད་རང་རྣམས་ཀྱི་ཡིད་ཀྱི་སྒོ་ནས་བསགས་པའི་སྡིག་པ་དང་སྒྲིབ་པ་སྦྱངས། གནས་སྐབས་སུ་ཡིད་འོད་གསལ་ཀྱི་ཏིང་ངེ་འཛིན་བསྒོམ་པ་ལ་དབང་། མཐར་ཐུག་འཁོར་འདས་ཀྱི་རྟོག་ཚོགས་ཐམས་ཅད་རིག་སྟོང་སྤྲོས་བྲལ་བདེ་བ་ཆེན་པོ་བཅོམ་ལྡན་འདས་ཀྱི་ཐུགས་མི་ཟད་པ་རྒྱན་གྱི་འཁོར་ལོར་བྱིན་གྱིས་བརླབས་པ་ཡིན་སྙམ་དུ་མོས་པ་མཛོད། ཤིས་པ་བརྗོད། རྗེས་སྤྱི་དང་འདྲའོ། །རྡོ་རྗེ་གསུམ་གྱི་བྱིན་རླབས་ཀྱིས། །རྡོ་རྗེའི་ཡེ་ཤེས་མངོན་བྱེད་པ། །རྡོ་རྗེ་ཐེག་པའི་ལམ་བཟང་གིས། །རྡོ་རྗེའི་རིག་འཛིན་གྲུབ་གྱུར་ཅིག། །།ཅེས་པའང་ལྷག་པའི་ལྷ་སྤྱི་ལ་འཇུག་པའི་སྐུ་གསུང་ཐུགས་ཀྱི་དབང་བསྐུར་བ་ཇི་ལྟར་བྱ་བའི་ཚུལ་སྙིང་པོར་དྲིལ་བའི་ལེའུ་ཚན་ནོ།། །།ཞེས་པའང་མཁྱེན་བརྩེའི་དབང་པོས་སོ།། །།

གཤིན་པོ་རྗེས་སུ་འཛིན་པའི་ཆོ་ག་ཤིན་ཏུ་བསྡུས་པ་ཐར་པའི་ཐེམ་སྐས།

― JKT021_Page_0373 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །གཤིན་པོ་རྗེས་སུ་འཛིན་པའི་ཆོ་ག་ཤིན་ཏུ་བསྡུས་པ་ཐར་པའི་ཐེམ་སྐས་ཅེས་བྱ་བ་བཞུགས་སོ། །

― JKT021_Page_0374 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །བླ་མ་དང་གཉིས་སུ་མེད་པའི་བཅོམ་ལྡན་འདས་དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འདིར་ནང་གི་རྣལ་འབྱོར་ཁོ་ན་ལ་མཆོག་ཏུ་གཞོལ་བས་སྤྲོས་པ་མདོར་བསྡུས་པའི་སྒོ་ནས་ཚེ་འདས་རྗེས་སུ་བཟུང་བའི་ཚུལ་ནི། །ཞི་ཁྲོ་དང་ཐུགས་རྗེ་ཆེན་པོ་སོགས་ཇི་ལྟར་འོས་པའི་བསྐྱེད་བཟླས་སྔོན་དུ་སོང་ནས། ལས་བུམ་དུ་སྐད་ཅིག་གིས་དཔལ་རྡོ་རྗེ་སེམས་དཔའ་གསལ་བའི་སྐུ་ལས་དག་བྱེད་བདུད་རྩིའི་རྒྱུན་བབས་པས་བུམ་པ་གང་བར་བསམས་ལ། ཡི་གེ་བརྒྱ་པ་ཅི་ནུས་བཟླ། ཧཱུཾ་ཞེས་བརྗོད་པས་བསྐྱེད་པའི་ལྷ་འོད་དུ་ཞུ་ནས་བུམ་ཆུ་དང་དབྱེར་མེད་དུ་གྱུར་པར་བསམ། དེ་ནས་མདུན་དུ་མིང་བྱང་སོགས་འདུ་བགྱིས་ལ། །ཤུནྱ་ཏཱས་སྦྱང་། སྟོང་པའི་ངང་ལས་

― JKT021_Page_0375 ―

^{[མ་དཔེ་གཟིགས་ན་འདིར་གནོན།]}

[Full Size]

པདྨ་དང་ཟླ་བའི་གདན་ལ་མིང་བྱང་ནྲྀ༔ལས་ཚེ་འདས་ཀྱི་གཟུགས་ཀྱི་རྣམ་པ་ཇི་ལྟ་བར་གྱུར། ན་མོ། རྩ་བརྒྱུད་ཀྱི་བླ་མ་མཆོག་གསུམ་རྒྱལ་བ་རྒྱ་མཚོའི་ཚོགས་དང་བཅས་པ་རྣམས་ཀྱི་བདེན་པ་དང་། ཆོས་ཉིད་རྣམ་པར་དག་ཅིང་། ཆོས་ཅན་རྒྱུ་འབྲས་བསླུ་བ་མེད་པའི་བདེན་པ་དང་། ཁྱད་པར་དུའང་བཅོམ་ལྡན་འདས་བདེར་གཤེགས་ཞི་ཁྲོ་རབ་འབྱམས་ཀྱི་ལྷ་ཚོགས་འཁོར་དང་བཅས་པ་རྣམས་ཀྱི་བདེན་པ་དང་། བདེན་པ་ཆེན་པོའི་བྱིན་རླབས་ཀྱིས་དམིགས་ཡུལ་ཚེ་ལས་འདས་པའི་རྣམ་པར་ཤེས་པ་ཁམས་གསུམ་རིགས་དྲུག་གང་ན་གནས་ཀྱང་སྐད་ཅིག་གིས་འདིར་མཆིས་པར་གྱུར་ཅིག །ཨོཾ་བཛྲ་ཨ་ཀར་ཡ་ཛས་རྣམ་ཤེས་དང་། ཨོཾ་

― JKT021_Page_0376 ―

^{[མ་དཔེ་གཟིགས་ན་འདིར་གནོན།]}

[Full Size]

སརྦ་པཱ་པཾ་ཨཱ་ན་ཡ་ཧཱུྃ༔ གིས་སྡིག་པ་བཀུག་ནས། ཛཿཧཱུྃ་བཾ་ཧོས། རྣམ་ཤེས་ཨ་དཀར་པོའི་རྣམ་པས་རྟེན་ལ་ཐིམ་པར་བསམ། གཏོར་མ་གསུམ་རྟེན་ལ་བསྐོར་ཞིང་། ཨོཾ་སརྦ་བིགྷཱན་ན་མཿསརྦ་སོགས་ལན་གསུམ་གྱིས་ཞི་བ། ཏིང་ལོ་དང་ཆང་བུས་བསྐོར་ཞིང་། སུམ་བྷ་ནི་གསུམ་གྱིས་ཕྱེད་མ། རང་ཉིད་རིགས་ཀྱི་ཁྲོ་བོ་གང་ཡང་རུང་བའི་ང་རྒྱལ་དང་བཅས། བདེན་སྟོབས་བརྗོད་པ་སྔོན་དུ་འགྲོ་བས། ཚེ་ཚེ།ལས་འདས་པ་གསོན་གྱི་དུས་སུ་ཚེ་གནས་པ་དང་། གཤིན་གྱི་དུས་སུ་སྡིག་པ་སྦྱོང་བ་ལ་བར་དུ་གཅོད་པའི་བགེགས་ཐམས་ཅད་གཏོར་མ་འདིས་ཚིམས་པར་དིར་མ་གནས་པར་གཞན་དུ་དེངས་ཤིག །གལ་ལྟེ་མི་འགྲོ་ན་ཁྲོ་བོའི་ཡེ་ཤེས་ཀྱི་རྡོ་རྗེ་མེ་རབ་ཏུ་འབར་བ་འདིས་ཁྱེད་རྣམས་ཀྱི་མགོ་བོ་ཚལ་པ་བརྒྱར་འགས་པར་འགྱུར་ཏ་རེ། །དྲག་སྔགས་དང་བཅས་གཏོར་མ་ཕྱི་རོལ་དུ་དོར་བ་ནི་དྲག་པོའི་སྦྱང་པའོ། །དེ་ནས་སྤྲོ་ན་གཡས་གཡོན་དུ་མེ། ཆུ་མདུན་དུ་ཏིལ་ཅུང་ཟད་བཅས་འདུ་བགྱིས་ལ། ཚེ་ལས་འདས་པའི་སྡིག་སྒྲིབ་ཐམས་ཅད་སྙིང་ཁར་ཡི་གེ་ཀཾ་ནག་པོའི་རྣམ་པར་གནས་པ་ལྟེ་བའི་གཏུམ་མོའི་མེས་དེད་སྣ་སྒོ་ནས་སྡིག་པ་རྭ་ཅན་གྱི་རྣམ་ཐས་མདུན་གྱི་ཏིལ་ལ་ཐིམ་པ་དེ་ཉིད་ཡེ་ཤེས་ཀྱི་མེ་དང་ཆུས་བསྲེགས་ཅིང་སྦྱངས་པར་བསམ་ལ། །ཨོཾ་སརྦ་པ་པཾ་ད་ཧ་ན་བྷ་སྨིཾ་ཀུ་རུ་ཡེ་སྭཱ་

― JKT021_Page_0377 ―

^{[མ་དཔེ་གཟིགས་ན་འདིར་གནོན།]}

[Full Size]

ཧཱ། །ཚེ་ལས་འདས་པས་འཁོར་བ་ཐོག་མེད་ནས་བསགས་པའི་སྡིག་སྒྲིབ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། །ཞེས་བརྗོད་ཅིང་ཕྱིར་དོར། རྩ་སྔགས་དང་ངན་སོང་སྦྱོང་བའི་སྔགས་བཟླས་པའི་བྱེ་མས་བྲབས། རྟེན་གྱི་གཟུགས་བརྙན་མེ་ལོང་གི་ངོས་སུ་ཤར་བ་ལས་བུམ་གྱི་ཆུས་བཀྲུ་ཞིང་། ཇི་ལྟར་བལྟམས་པ་སོགས་དང་། འདི་ནི་ཕྱིན་དྲུག་རང་བཞིན་ཆུ། །ཉོན་དྲུག་དྲི་མ་སྦྱོང་མཛད་ཅིང་། །ཕྱིན་དྲུག་དྲི་ཡིས་ལེགས་བགོས་ཆུས། །ཁྲུས་ལེགས་མཛད་ཀྱིས་ཁྲུས་བགྱིའོ། །རྩ་སྔགས་དང་ཡི་གེ་བརྒྱ་པའི་མཐར། ཚེ་ལས་འདས་པའི་དུག་ལྔ་སེར་སྣ་དང་དྲུག་གནས་སུ་དག་ནས་ཕ་རོལ་ཏུ་ཕྱིན་པ་དྲུག་རིམ་གྱིས་རྫོགས་ཏེ་བླ་ན་མེད་པའི་བྱང་ཆུབ་རིན་པོ་ཆེ་མྱུར་དུ་ཐོབ་པའི་སྐལ་བ་དང་ལྡན་པར་གྱུར་ཅིག །འདོད་ཆགས་ཞེ་སྡང་གཏི་མུག་གསུམ། །འདི་དག་ཚེ་འདས་དུག་གསུམ་སྟེ། །དཀོན་མཆོག་གསུམ་པོ་དུག་མི་མངའ། །མཆོག་གསུམ་བདེན་པས་དགུ་བཅོམ་མོ། །རྩ་སྔགས་མཐར། །ཚེ་ལས་འདས་པའི་དུག་གསུམ་རྒྱུ་འབྲས་དང་བཅས་པ་ཐམས་ཅད་དཀོན་མཆོག་གསུམ་གྱི་བདེན་པས་ཤིནྟཾ་ཀུ་རུ་ཡེ་སྭཱ་ཧཱ། །འབྱུང་བཞི་དུག་གི་ཕ་ཡིན་ཏེ། །འབྱུང་བཞི་དུག་གི་མ་ཡང་ཡིན། །ཡུམ་ཆེན་བཞི་ཡི་བྱིན་རླབས་ཀྱིས། །ཚེ་འདས་ཁྱོད་ལ་དུག་མེད་ཤོག །རྩ་སྔགས་མཐར། ཚེ་ལས་

― JKT021_Page_0378 ―

^{[མ་དཔེ་གཟིགས་ན་འདིར་གནོན།]}

[Full Size]

འདས་པའི་འབྱུང་དང་འབྱུང་བ་ལས་གྱུར་པའི་དུག་ཐམས་ཅད་རིགས་ཀྱི་ཡུམ་བཞིའི་བདེན་པས་ཤིནྟཾ་ཀུ་རུ་ཡེ་སྭཱ་ཧཱ། །བྱང་ཆུབ་སྙིང་པོར་གཤེགས་པ་ན། །སོགས་ཀྱི་མཐར། ཚེ་ལས་འདས་པས་གཙོར་བྱས་པའི་སེམས་ཅན་ཐམས་ཅད་སྤང་བྱ་མི་མཐུན་པའི་ཕྱོགས་ཐམས་ཅད་ལས་རྣམ་པར་རྒྱལ་ཏེ་ཤིན་ཏུ་བཀྲ་ཤིས་པར་གྱུར་ཅིག །ཅེས་བརྗོད་ཅིང་མེ་ཏོག་འཐོར། ཚེ་འདས་ཉིད་དཀོན་མཆོག་རྩ་གསུམ་རྒྱ་༧ མཚོར་ཕྱག་འཚལ་ཞིང་སྐྱབས་སུ་འགྲོ་བར་བསམས་ལ། གང་གི་དྲིན་གྱིས་སོགས་དང་། མགོན་པོ་ཐུགས་རྗེ་ཆེ་ལྡན་པ་སོགས་དང་། དཀྱིལ་འཁོར་གྱི་ལྷ་ལ་ཕྱག་འཚལ་བ་གང་རུང་གི་རྗེས་སུ། སྤྲོ་ན། གཙོ་བོ་རྒྱལ་བ་འགྲོ་བའི་མགོན་སོགས་བརྗོད། དབང་བསྐུར་ན་སྐབས་འདིར་བྱ། གང་ལྟར་ཡང་། ཚེ་ལས་འདས་པ་སྐད་ཅིག་གིས་བཅོམ་ལྡན་འདས་དཔལ་རྡོ་རྗེ་སེམས་དཔར་བསྐྱེད། འདོད་ཡོན་གྱི་དངོས་པོ་རྣམས།རཾ་ཡཾ་ཁཾ། གིས་༢བསང་སྦྱང་། སྟོང་པའི་ངང་ལས་འདོད་ཡོན་གྱི་དངོས་པོ་ཟད་མི་ཤེས་པ་ནམ་མཁའ་གང་བར་བསམས་ལ། ནམ་མཁའ་མཛོད་ཀྱི་སྔགས་རྒྱས་བརླབ། །ཕྱོགས་དུས་ཀུན་ན་གཟུགས་སྒྲ་དྲི་དང་རོ། །རེག་བྱའི་ཁྱད་པར་ལུས་སེམས་ཚིམས་བྱེད་རྣམས། །རྡོ་རྗེ་སེམས་དཔའི་གནས་ཐོབ་ཁྱོད་ལ་འབུལ། །ཟག་མེད་དགའ་བདེས་རྟག་ཏུ་ཚིམས་པར་ཤོག །ཨོཾ་བཛྲ་ས་ཏཱ་པཉྩ་

― JKT021_Page_0379 ―

^{[མ་དཔེ་གཟིགས་ན་འདིར་གནོན།]}

[Full Size]

ཀཱ་མ་གུ་ཎ་པཱུ་ཛི་ཏེ་ཨཱཿཧཱུྃ། ཞེས་པས་བསྔོ། ལམ་བསྟན་སྦྱང་ནི། ཉོན་ཅིག་ཚེ་འདས་རིགས་ཀྱི་བུ། །རིགས་དྲུག་གནས་ན་བདེ་བ་མེད། །སྡུག་བསྔལ་ལས་ལ་མ་ཆགས་པར། །མ་ཡེངས་རྩེ་གཅིག་དྲན་པས་ཟུངས། །འོག་མིན་བདེ་ཆེན་ཞིང་ཁམས་སུ། །བཅོམ་ལྡན་སྣང་བ་མཐའ་ཡས་བཞུགས། །གཉིས་མེད་སྦྱོར་བའི་མཁའ་དབྱིངས་སུ། །རང་རིག་རྩལ་གྱིས་འགྲོ་བར་གྱིས། །དཀོན་མཆོག་བདེན་པའི་བྱིན་རླབས་དང་། །ལྷ་དང་སྙིང་པོ་ཕྱག་རྒྱའི་མཐུས། །ལམ་སྔ་ས་བཅུ་སྐད་ཅིག་ལ། །ཐོགས་པ་མེད་པར་བགྲོད་གྱུར་ཅིག །པདྨོ་འདམ་གྱིས་མ་གོས་ལྟར། སོགས་ཀྱིས་མཐར། ཕྲཊ། །ཚེ་ལས་འདས་པའི་རྣམ་ཤེས་ཨ་ཐུང་གི་རྣམ་པས་སྤྱི་བོ་ནས་ཐོན། འོག་མིན་གྱི་ཞིང་དུ་སོང་། བཅོམ་ལྡན་འདས་སྣང་བ་མཐའ་ཡས་ཀྱི་ཐུགས་ཀར་ཐིམ་པས་རྒྱལ་བའི་སྲས་སུ་གྱུར་ཏེ་སངས་རྒྱས་པར་བསམ། སླར་ཡང་རྣམ་ཤེས་གཤེག་པའི་བྱང་བུ་སྡིག་སྒྲིབ་དང་མཉམ་དུ་ཡེ་ཤེས་ཀྱི་མེས་བསྲེགས་ཤིང་སྦྱངས་པར་མོས་ཏེ། ཆོས་ཀྱི་དབྱིངས་ཀྱི་ཐབ་ཁུང་དུ། །བདག་འཛིན་ཕུང་པོའི་བུད་ཤིང་ལ། །ཤེས་རབ་ཡེ་ཤེས་མེ་སྦར་བས། །ཚེ་འདས་ཉོན་མོངས་བག་ཆགས་བསྲེག །རྩ་སྔགས་དང་ཡི་གེ་བརྒྱ་པའི་མཐར། ཨོཾ་ཨཀྵེ་ཡེ་ཛྭ་ལ་རཾ། ཞེས་བརྗོད་ཅིང་བྱང་བུ་བསྲེག །རྒྱལ་བའི་དཀྱིལ་འཁོར་བཟང་

― JKT021_Page_0380 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་དགའ་བ་དེར། །སོགས་སྨོན་ལམ་ཇི་ལྟར་རིགས་པ་གདབ། བྱང་རོའི་སྟེང་དུ་ཟླ་བའི་དཀྱིལ་འཁོར་ལ་གནས་པའི་སཿ དཀར་པོ་འོད་ཟེར་འཕྲོ་བ། དེ་ལས་ཡེ་ཤེས་ཀྱི་བདུད་རྩིའི་རྒྱུན་བབས་པས་ཚེ་འདས་ཀྱི་སྡིག་སྒྲིབ་ཐམས་ཅད་སྦྱངས་པར་བསམ་ལ། ཡིག་བརྒྱ་དང་ངན་སོང་སྦྱོང་བའི་སྔགས་བཟླས་པའི་དྲི་བཟང་གི་ཆུས་བཀྲུ། རྩ་སྔགས་དང་ཡིག་བརྒྱ་སྤེལ་ཚིག་ཅན་བཟླ་བཞིན་པར་སཱཙྪགདབ། སུ་པྲ་ཏིཥྛས་མེ་ཏོག་འཐོར་ཞིང་རབ་ཏུ་གནས། དབེན་གནས་སམ་ཆུ་ཀླུང་ཆེན་པོར་སྤྱན་འདྲེན་པར་བྱའོ། །ཞེས་པའང་ཚད་མར་གྱུར་པའི་གཞུང་རྣམས་ལས་ཤིན་ཏུ་བསྡུས་པའི་ཚུལ་གྱིས་སྦྱར་བ་ཤུ་བྷཾ།། །།

རྩ་གསུམ་རྒྱ་མཚོར་སྨན་མཆོད་འབུལ་བའི་ཚུལ་བདུད་རྩིའི་སྤྲིན་ཕུང་།

― JKT021_Page_0381 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །རྩ་གསུམ་རྒྱ་མཚོར་སྨན་མཆོད་འབུལ་བའི་ཚུལ་བདུད་རྩིའི་སྤྲིན་ཕུང་ཞེས་བྱ་བ་བཞུགས་སོ། །

― JKT021_Page_0382 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །ན་མོ་གུ་རུ་དེ་བ་ཌཱ་ཀི་ནཱི་ག་ཎེ་བྷྱཿ འདིར་རྩ་གསུམ་ཆོས་སྲུང་རྒྱ་མཚོའི་ཚོགས་ལ་བདུད་རྩི་སྨན་མཆོད་ཀྱི་རྗེས་སུ་འདི་ལྟར་སྦྱར་རོ། །ཀུན་བཟང་རྡོར་འཆང་རིགས་ལྔ་གངས་ཆེན་མཚོ། །གྲགས་ཆེན་གསལ་བའི་སྟོན་པ་བཅུ་གཉིས་སོགས། །མཁའ་ཁྱབ་རྒྱལ་བ་དགོངས་པའི་བརྒྱུད་པ་ལ། །སྨན་མཆོད་འབུལ་ལོ་བྱིན་རླབས་དངོས་གྲུབ་སྩོལ། །ཨོཾ་སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི། གསང་བདག་དགའ་རབ་འཇམ་དཔལ་ཤྲཱི་སི། །ཛྙཱ་ན་སཱུ་ཏྲ་མཁས་པ་ཉེར་གཅིག་སོགས། །སེམས་ཀློང་མན་ངག་བརྡ་བརྒྱུད་བླ་མ་ལ། །སྨན་མཆོད་འབུལ་ལོ༔ ཨོཾ་སརྦ་པཉྩ༴ རིགས་གསུམ་སེམས་དཔའ་རིགས་ཅན་དྲ་མ་ལྔ། །རྒྱལ་པོ་ཛ་དང་བདེ་བ་གསལ་

― JKT021_Page_0383 ―

^{[མ་དཔེ་གཟིགས་ན་འདིར་གནོན།]}

[Full Size]

མཛད་སོགས། །རྗེས་སུ་རྣལ་འབྱོར་ཚོམ་བུ་འབུམ་ཕྲག་ལ། །སྨན་མཆོད་འབུལ་ལོ༔ ཨོཾ་སརྦ་པཉྩ༔ སྒེག་པ་རྡོ་རྗེ་སངས་རྒྱས་གསང་བ་དང་། །ལས་ཀྱི་དབང་མོ་རིག་འཛིན་རྣམ་བརྒྱད་སོགས། །རྒྱུད་དང་སྒྲུབ་སྡེའི་ཤིང་རྟ་ཆེ་རྣམས་ལ། །སྨན་མཆོད་འབུལ་ལོ༔ ཨོཾ་སརྦ་པཉྩ༔ བྱ་སྤྱོད་རྣལ་འབྱོར་རིག་སྔགས་གྲུབ་པ་དང་། །ཛམ་གླིང་རྒྱན་མཆོག་རྨད་བྱུང་སློབ་མར་བཅས། །ཐུབ་བསྟན་གསལ་བའི་སྒྲོན་མེ་མཆོག་རྣམས་ལ། །སྨན་མཆོད་འབུལ་ལོ༔ ཨོཾ་སརྦ་པ༔ རྩ་གསུམ་རྒྱ་མཚོའི་ཁྱབ་བདག་ཐོད་ཕྲེང་རྩལ། །མཚན་མཆོག་བརྒྱད་དང་རྣམ་འཕྲུལ་བཅུ་གཉིས་སོགས། །བསམ་ཡས་སྒྱུ་འཕྲུལ་དྲྭ་བའི་འཁོར་ལོ་ལ། །སྨན་མཆོད་འབུལ་

― JKT021_Page_0384 ―

^{[མ་དཔེ་གཟིགས་ན་འདིར་གནོན།]}

[Full Size]

ལོ༴ ཨོཾ་སརྦ་པཉྩ༴ དྲི་མེད་བཤེས་གཉེན་མཁན་ཆེན་བྱང་ཆུབ་སེམས། །ཆོས་རྒྱལ་ཡབ་སྲས་བཻ་རོ་མཚོ་རྒྱལ་སོགས། །སྤྲུལ་པའི་རྗེ་འབངས་ལོ་པཎ་ཚོགས་རྣམས་ལ། །སྨན་མཆོད་འབུལ་ལོ་ཨོཾ་སརྦ་པཉྩ༴ སོ་ཟུར་གནུབས་ཉང་གཏེར་སྟོན་རྒྱ་མཚོར་བཅས། །བཀའ་གཏེར་དག་སྣང་ཆོས་ཀྱི་འཁོར་ལོས་སྒྱུར། །དུས་གསུམ་མཁས་གྲུབ་རིམ་པར་བྱོན་རྣམས་ལ། །སྨན་མཆོད་འབུལ་ལོ༔ ༧ ཨོཾ་སརྦ་པཉྩ༔ ཁྱད་པར་སྐྱབས་ཀུན་འདུས་ཞལ་ཡེ་ཤེས་སྐུ། །གདུལ་བྱའི་སྣང་ངོར་བཤེས་གཉེན་མཆོག་གི་ཚུལ། །བཀའ་དྲིན་མཉམ་མེད་རྩ་བའི་བླ་མ་ལ། །སྨན་མཆོད་འབུལ་ལོ༔ ཨོཾ་སརྦ་པཉྩ༔ རྡོ་རྗེ་སེམས་དཔའ་འདུས་པ་སྒྱུ་འཕྲུལ་ལྷ། །ཁྲག་འཐུང་དཔལ་དགུ་རིགས་ལྔ་རིགས་གསུམ་སོགས། །རྒྱུད་སྡེ་དྲུག་གི་ཡི་དམ་ལྷ་ཚོགས་ལ། །སྨན་མཆོད་འབུལ་ལོ༔ ཨོཾ་སརྦ་པཉྩ༴ ལུང་རྟོགས་དམ་པའི་ཆོས་ཀྱི་ངོ་བོ་ཉིད། །ཕྱོགས་དུས་རྒྱལ་དང་དེ་སྲས་སློབ་མར་བཅས། །སྐྱབས་གནས་དཀོན་མཆོག་རྒྱ་མཚོའི་སྤྲིན་ཆེན་པོར། །སྨན་མཆོད་འབུལ་ལོ༔ ཨོཾ་སརྦ་པཉྩ༴ གནས་གསུམ་དཔའ་བོ་དང་ནི་རྣལ་འབྱོར་མ། །རྡོ་རྗེའི་ཆོས་སྲུང་ནོར་ལྷ་གཏེར་གྱི་བདག །འཁོར་འདས་དབྱེར་མེད་རྒྱལ་བའི་དཀྱིལ་འཁོར་ལ། །སྨན་མཆོད་འབུལ་ལོ་བྱིན་རླབས་དངོས་གྲུབ་སྩོལ། །ཨོཾ་སརྦ་

― JKT021_Page_0385 ―

^{[མ་དཔེ་གཟིགས་ན་འདིར་གནོན།]}

[Full Size]

པཉྩ་ཨ་མྲྀ་ཏ་ཁ་རཾ་ཁཱ་ཧི། ཞེས་འབུལ། དངོས་གྲུབ་བླང་བ་ནི། ཨོཾ་ཨཱཿཧཱུྃ། མཐེབ་སྲིན་ཉི་ཟླའི་གའུ་སྦྱར་བ་ཡིས། །ལྷ་ཚོགས་དངོས་གྲུབ་བདུད་རྩིའི་འབྲུ་གསུམ་པོ། །བླངས་ཏེ་རྡོ་རྗེ་ལྕེ་ཡི་ཧཱུྃ་ལས་བརྒྱུད། །ལུས་ཀུན་གང་བས་ཡེ་ཤེས་རྒྱས་པར་གྱུར། །ཀཱ་ཡ་སིདྡྷི་ཨོཾ། ཝཱ་ཀ་སིདྡྷི་ཨཱ ཙིཏྟ་སིདྡྷི་ཧཱུྃ། ཞེས་བརྗོད་ཅིང་བདུད་རྩིའི་ཐིག་ལེ་གནས་གསུམ་དུ་རེག་པའི་མཐར་རྡོ་རྗེའི་ལྕེས་མྱངས་པས་དབང་དང་བྱིན་རླབས་དངོས་གྲུབ་ཐམས་ཅད་ཐོབ་ཅིང་བརྟན་པར་བསམ་མོ། །ཞེས་པའང་བཀའ་གཏེར་གྱི་ཕྲིན་ལས་སྤྱི་ལ་སྦྱར་ཆོག་པའི་དབང་དུ་བྱས་ཏེ། མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་པ་སརྦ་སིདྡྷི་པུཏྟཾ་བྷ་བ་ཏུ། །

དྲི་མེད་རྣམ་གཉིས་སཱཙྪ་བདེབས་སྐབས།

― JKT021_Page_0387 ―

^{[མ་དཔེ་གཟིགས་ན་འདིར་གནོན།]}

[Full Size]

དྲི་མེད་རྣམ་གཉིས་སཱཙྪ་བདེབས་སྐབས། །བདག་བསྐྱེད་སོ་སོ་རྒྱས་པ་བྱ་བའམ། མ་ནུས་ན། སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །བྱང་ཆུབ་བར་དུ་བདག་ནི་སྐྱབས་སུ་མཆི། །བདག་གིས་སྦྱིན་སོགས་བགྱིས་པའི་བསོད་ནམས་ཀྱིས། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ལན་གསུམ། །རང་སྐད་ཅིག་གིས་ཐུབ་པའི་དབང་པོའི་སྐུར་གྱུར། །ཏདྱ་ཐཱ། །ཨོཾ་མུ་ནེ་མུ་ནེ་མ་ཧཱ་མུ་ན་ཡ་སྭཱ་ཧཱ། །ཅི་ནུས་བཟླས་ནས། འདེབས་ཚུལ་དངོས་ལ་གསུམ། འཇིམ་པ་བརྫི་བ་ནི། དྲི་བཟང་སྦྱར་བའི་ཆུ་ལ། ༀ་ཨ་མྲྀ་ཏ་ཧཱུཾ་ཕཊ་ཉེར་གཅིག་བཟླས་པ་བླུགས་ཏེ། སྤོས་ཆུ་ཨ་ལས་ཟླ་བའི་དཀྱིལ་འཁོར་དེའི་འོད་ཟེར་གྱིས་སྤོས་ཆུ་ཁྱབ་པར་འཁྱིལ་ནས་བདུད་རྩིའི་རང་བཞིན་དུ་གྱུར། ཅེས་བརྗོད་ཅིང་བསམས་ལ་འཇིམ་པ་སྒྱུ། །གཉིས་པ་འཇིམ་པ་བྱིན་རླབས་ནི་འཇིམ་པའི་གོང་བུ་དེའི་སྟེང་དུ་ལག་པ་གཡོན་པ་གན་རྐྱལ་དུ་བྱས་པའི་མཐེའུ་ཆུང་མཐེ་བོས་མནན་ཏེ་སོར་མོ་གསུམ་ནས་རེ་ཙམ་བར་བྱེ་བའི་སྟེང་དུ་གཡས་པའང་དེ་བཞིན་དུ་བྱས་པ་ཁ་སླབ་པས་རེག་ལ། རང་ལྷར་གསལ་བའི་ཐུགས་ཀ་ནས་འོད་ཟེར་བྱུང་སྟེ། འོག་མིན་དུ་བཅོམ་ལྡན་འདས་རྣམ་པར་སྣང་མཛད་འོད་ཀྱི་རྒྱལ་པོ་ལ་ཕོག་ནས། གསོལ་བ་བཏབ་པས་དེའི་ཐུགས་ཀ་ནས་འོད་ཟེར་བྱུང་བས་སེམས་ཅན་ཐམས་ཅད་ཀྱི་རྒྱུད་སྦྱངས། འཇིམ་པ་ལ་ཕོག་པས་འཇིམ་པ་དེ་བཞིན་གཤེགས་པའི་ཡེ་ཤེས་ཀྱི་རང་བཞིན་དུ་བྱིན་གྱིས་

― JKT021_Page_0388 ―

^{[མ་དཔེ་གཟིགས་ན་འདིར་གནོན།]}

[Full Size]

བརླབས་པར་གྱུར། ཨོཾ་ན་མོ་བྷ་ག་ཝ་ཏེ་བེ་རོ་ཙ་ནཱ་ཡ་པྲ་བྷ་རཱ་ཛཱ་ཡ། ཏ་ཐཱ་ག་ཏཱ་ཡ། ཨདྷ་ཏེ། སམྱ་ཀཾ་བུདྡྷཱ་ཡ། ཏདྱ་ཐཱ། ཨོཾ་སུམྦྷེ་སུམྦྷེ། ས་མེ་ས་མ་ཡེ། ཤཱནྟེ། དནྟེ། ཨ་ས་མཱ་རོ་བེ། ཨ་ན་ལནྡྷེ། ཏ་རནྡྷེ། ཡ་ཤོ་ཝ་ཏི། མ་ཧཱ་ཏེ་ཛ ནི་ར་ཀུ་ལེ། ནི་ར་ཝ་ཎི། སརྦ་བུདྡྷ་ཨ་དྷིཥྛ་ན་ཨ་དྷིཊྛི་ཏེ་སྭཱ་ཧཱ། ཉི་ཤུ་རྩ་གཅིག་བཟླ། འཇིམ་གོང་ལས་འོད་འཕྲོས་སེམས་ཅན་ཐམས་ཅད་ཀྱི་དོན་༧ བྱས། སླར་འདུས་པས་རིན་པོ་ཆེ་ལྔའི་གོང་བུར་གྱུར། ཅེས་བརྗོད་ཅིང་བསམ་མོ། །གསུམ་པ་སཱཙྪབྱ་བ་ལ་དོན་བདུན་ཏེ། འཇིམ་པ་བླང་བ་དང་། འབི་འབི་བྱ་བ་དང་། གཟུངས་གཞུག་པ་དང་། སྣུམ་བྱུགས་པ་དང་། བརྐོས་ཕོར་དུ་འཇུག་པ་དང་། དེ་ཉིད་དུ་བརྡུང་བ་དང་། ཕྱིར་དབྱུང་བའོ། །དང་པོ་ནི། ཨོཾ་བ་སུ་དྷེ་སྭཱ་ཧཱ། ཞེས་པས་འཇིམ་པ་བླང་ངོ་། །གཉིས་པ་ནི། ཨོཾ་བཛྲདྡྷཱ་ཝཱ་ཡ་སྭཱ་ཧཱ། ཞེས་བཟླས་ཞིང་འབི་འབི་བྱ། ཡེ་ཤེས་ལྔའི་འོད་ཟེར་གྱིས་ཕྱོགས་བཅུ་བཀང་སྟེ་འགྲོ་བ་མང་པོའི་དོན་བྱས། སླར་འདུས་ཏེ་འབི་འབི་ལ་ཐིམ་པས་ཡེ་ཤེས་ལྔ་རྒྱས་ཏེ་ཤེལ་གོང་དག་པ་ལྟར་གྱུར། ཅེས་བརྗོད་ཅིང་དོན་བསམ་མོ། །གསུམ་པ་ནི། དྲི་མེད་རྣམ་གཉིས་ཀྱི་གཟུངས་གུར་གུམ་གྱིས་བྱུགས་ཤིང་བསྒྲིལ་བ་ལ་རབ་གནས་བསྡུས་པ་བྱས་པ་སྔར་གྲབས་སུ་བཅུག་པ་ལས། རེ་རེ་འབི་འབིའི་ནང་དུ་གཞུག་ཅིང་། ཨོཾ་བཛྲ་དྷརྨ་དྷཱ་ཏུ་གནྡྷེ་ཛྭ་ལ་སྭཱ་ཧཱ། སངས་རྒྱས་ཐམས་ཅད་ཀྱི་ཡེ་ཤེས་ནང་དུ་ཞུགས་པར་གྱུར། ཅེས་

― JKT021_Page_0389 ―

^{[མ་དཔེ་གཟིགས་ན་འདིར་གནོན།]}

[Full Size]

བརྗོད་ཅིང་བསམ་མོ། །བཞི་པ་ནི། འབི་འབི་དེ་ལ་སྣུམ་བསྐུ་ཞིང་། ཨོཾ་ཨ་ར་ཛེ་བི་ར་ཛེ་སྭཱ་ཧཱ། བྱང་ཆུབ་ཀྱི་སེམས་ཀྱིས་བགོས་པར་གྱུར། ཅེས་བསམ་མོ། །ལྔ་པ་ནི་བརྐོས་ཕོར་གྱི་རྐྱལ་བཅུག་ཅིང་། ཨོཾ་བཛྲ་དྷ་ཏུ་གནྡྷེ་སྭཱ་ཧཱ། ཡེ་ཤེས་ཆེན་པོའི་ངོ་བོར་རོ་གཅིག་ཏུ་གྱུར། ཅེས་བརྗོད་ཅིང་བསམ་མོ། །དྲུག་པ་ནི། ཨོཾ་དྷརྨ་དྷཱ་ཏུ་གནྡྷེ་སྭཱ་ཧཱ། ཨོཾ་བཛྲ་མུངྒ་ར་ཨཱ་ཀོ་ཊ་ཡ་ཨཱ་ཀོ་ཊ་ཡ་ཧཱུྃ་ཕཊ་སྭཱ་ཧཱ། རྒྱུ་དང་འབྲས་བུའི་ཆོས་ཐམས་ཅད་རྫོགས་པར་གྱུར་ཅིག །ཅེས་བརྗོད་ལ་བརྡུང་ངོ་། །བདུན་པ་ནི། ཨོཾ་དྷམཱ་ར་ཏེ་སྭཱ་ཧཱ། ཞེས་པས་དབྱུང་། བྱུང་མ་ཐག་ཐབས་ཤེས་ཟུང་འབྲེལ་ལས་ཆོས་སྐུ་གྲུབ་པར་གྱུར། ཨོཾ་སརྦ་ཏ་ཐཱ་ག་ཏ་དྷརྨ་ཀཱ་ཡ་མ་ཧཱ་སུ་ཁ་ར་ཏ་ས་མ་ཡ་ཧཱུཾ། དེ་ལས་གཟུགས་སྐུ་རྣམ་གཉིས་བྱུང་བས་འགྲོ་དོན་བསམ་གྱིས་མི་ཁྱབ་པ་མཛད་པར་གྱུར། ཨོཾ་སརྦ་ཏ་ཐཱ་ག་ཏ་སམྦྷ་ག་ཀཱ་ཡ་ས་མ་ཡ་ཧཱུཾ། ཨོཾ་སརྦ་ཏ་ཐཱ་ག་ཏ་ནི་རྨ་ཎ་ཀཱ་ཡ་ས་མ་ཡ་ཧཱུྃ། ཞེས་སཱཙྪལག་ཏུ་ཐོགས་ཏེ་བརྗོད་ཅིང་དོན་བསམ། དེ་ནས་མདུན་དུ་མེ་ཏོག་གི་གདན་ལ་བཞུགས་སུ་གསོལ་ཏེ། ཨོཾ་སུ་པྲ་ཏིཥྛ་བཛྲ་ཡ་སྭཱ་ཧཱ། སྟོང་པའི་ངང་དུ་བརྟན་པར་བཞུགས་པར་གྱུར་ཅིག །ཅེས་བརྗོད། གསུམ་པ་རྗེས་རབ་ཏུ་གནས་པ་ལ། ཨོཾ་ཨ་ར་ཛེ་བི་ར་ཛེ་སྭཱ་ཧ། ཚོན་རྩི་དཀར་པོ་གསོལ་བར་གྱུར། ཅེས་སྐུ་དཀར་གསོལ་བའི་མོས་པ་བྱས་ལ་ཆོ་ག་དང་འབྲེལ་ཚེ་དཀྱིལ་འཁོར་གྱི་མཐའ་སྐོར་དུ་བསྒྲིག །འཁོར་བ་ཇི་སྲིད་

― JKT021_Page_0390 ―

^{[མ་དཔེ་གཟིགས་ན་འདིར་གནོན།]}

[Full Size]

བར་སེམས་ཅན་གྱི་དོན་ལ་བཞུགས་སུ་གསོལ་བར་གྱུར། རྟེན་འབྲེལ་སྙིང་པོ་དང་། ཨོཾ་སཎྜ་ཏ་ཐཱ་ག་ཏ་ན ་ཛཱ་ལ་ཛཱ་ལ་དྷརྨ་དྷ་ཏུ་གནྡྷེ་སྭཱ་ཧཱ། ཞེས་པས་རབ་གནས་བྱའོ། །ཆོ་གའི་རིམ་པ་འདིས་སཱཙྪ་གཅིག་བཏབ་པས་ཀྱང་བྱེ་བ་ཇི་རྙེད་བཏབ་པར་འགྱུར་ཞིང་། འཆི་བ་སླུ་བ་དང་སྡིག་པ་སྦྱོང་བའི་ཕན་ཡོན་བསམ་གྱིས་མི་ཁྱབ་པ་དང་ལྡན་པས་ནན་ཏན་དུ་ཉམས་སུ་བླང་ངོ་། །རྗེས་སུ། དགེ་བ་འདི་ཡིས་སྐྱེ་བོ་ཀུན། །ཞེས་སོགས་བསྔོ་སྨོན་གང་ཤེས་དང་། ༧ གནས་འདིར་ཉིན་མོ་བདེ་ལེགས་སོགས་བཀྲ་ཤིས་བརྗོད་དོ། །མངྒ་ལཾ། དགེའོ།། །།

ཚེ་གཡང་འགུགས་པའི་ཕྲིན་ལས་ཁྲིགས་སུ་བསྡེབས་པ་ཚེ་བསོད་འདོད་རྒུའི་དཔལ་སྟེར།

― JKT021_Page_0391 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །ཚེ་གཡང་འགུགས་པའི་ཕྲིན་ལས་ཁྲིགས་སུ་བསྡེབས་པ་ཚེ་བསོད་འདོད་རྒུའི་དཔལ་སྟེར་ཞེས་བྱ་བ་བཞུགས་སོ། །

― JKT021_Page_0392 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །བླ་མ་རྩ་བ་གསུམ་ལ་ཕྱག་འཚལ་ལོ། །གུ་རུ་ཡིད་བཞིན་ནོར་བུ་རྒྱས་པའི་ལས་མཛད་རན་ཐོད་ཕྲེང་རྩལ་ལ་བརྟེན་ནས་ཚེ་དང་གཡང་གི་དངོས་གྲུབ་ལྷན་ཅིག་ཏུ་བསྒྲུབ་པར་འདོད་པས་གནས་གཙང་ཞིང་དབེན་པར། གོང་དུ་བདག་བསྐྱེད་གང་ལ་བརྟེན་པའི་མཆོད་གཏོར་དང་། དེའི་འོག་ཏུ་འབྲུ་དཀར་གྱི་གཡུང་དྲུང་བྲིས་པའི་ཁར་འབྱོར་ན་གཏེར་བུམ་ཚད་ལྡན་དང་། ཉིན་ཆོག་ལྟ་བུ་འཇུག་བདེར་གཏོར་མ་རིན་ཆེན་འབར་བའམ། གཡང་བཤོས་ནོར་བུའི་དབྱིབས་ཅན་ཁ་ཟས་བཟང་རྒྱས་བསྐོར་བ་བཀོད་པའི་གཡས་སུ་ཕྱེ་མར། གཡོན་དུ་གཡང་ཆང་། ཚེ་སྒྲུབ་གཙོ་བོར་བྱེད་ན་ཚེ་འབྲང་། ཚེ་ཆང་། ཚེ་རིལ། གཞན་ཡང་མཆོད་ཚོགས་དང་གཏོར་མ་སོགས་བག་གྲོ་བྱིན་ཆགས་བཀོད་མཛེས་སུ་བཤམ། རང་གི་མདུན་དུ་མདའ་དར་དང་། རོལ་མོའི་བྱེ་བྲག་སོགས་དགོས་པའི་ཡོ་བྱད་ཐམས་ཅད་འདུ་བྱ། བདག་བསྐྱེད་གུ་རུ་ཞི་བའི་ལས་གཞུང་ལྟ་བུ་རྒྱས་

― JKT021_Page_0393 ―

^{[མ་དཔེ་གཟིགས་ན་འདིར་གནོན།]}

[Full Size]

བསྡུས་གང་རུང་བསྲངས་ནས་བཟླས་པ་དང་སྟོང་ཚིག་གི་མཆོད་བསྟོད་བཅས་གྲུབ་རྗེས། མཆོད་རྫས་བརླབ་པ་ནི། རཾ་ཡཾ་ཁཾ། བདག་ཉིད་ལྷར་གསལ་ཐུགས་ཀ་ནས། །འོད་འཕྲོས་མཆོད་རྫས་བཟུང་འཛིན་སྦྱངས། །དངོས་འབྱོར་ཡིད་སྤྲུལ་ལོངས་སྤྱོད་ཚོགས། །མཆོད་པའི་ཕྱག་རྒྱ་ཆེན་པོར་གྱུར། །ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁ་བྷསརྦ་ཐཱ་ཁཾ་ཨངྒ་ཏེ་སྥ་ར་ཎ་ཧི་མཾ་ག་ག་ན་ཁཾ་སྭཱ་ཧཱ། བཛྲ་སྥ་ར་ཎ་ཁཾ། མདུན་རྟེན་རྣམས་ལ་ཆབ་བྲན་ཏེ། ཨོཾ་བཛྲ་ཨ་མྲྀ་ཏ་ཀཎྜ་ལི་ཧ་ན་ཧ་ན་ཧཱུྃ་ཕཊ་ཀྱིས་བསང་། ཨོཾ་མ་ཧཱ་ཤཱནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོཉ་ཧཾ་གིས་སྦྱང་། སྟོང་གསལ་རང་རིག་འདུས་མ་བྱས་པའི་དབྱིངས། །འགག་མེད་ཅིར་ཡང་འཆར་བའི་རོལ་མོ་ལས། །ངོ་མཚར་འཇའ་ཚོན་རྣམ་

― JKT021_Page_0394 ―

^{[མ་དཔེ་གཟིགས་ན་འདིར་གནོན།]}

[Full Size]

བཀྲ་དག་པའི་ཞིང་། །ཡེ་ཤེས་འོད་ལྔར་འབར་བའི་ཀློང་ཆེན་པོར། །ནོར་བུའི་བ་གམ་བརྩེགས་པའི་གཞལ་མེད་ཁང་། །བཀོད་པ་རབ་རྫོགས་འདོད་རྒུའི་སྤྲིན་ཕུང་འཁྲིགས། །དེ་དབུས་རིན་ཆེན་པདྨ་ཉི་ཟླའི་ཁྲིར། །རྩ་བའི་བླ་མ་ཨོ་རྒྱན་ཚེ་དཔག་མེད། །རྒྱས་པའི་ལས་མཛད་རཏྣ་ཐོད་ཕྲེང་རྩལ། །རབ་འབྱམས་ནོར་ལྷ་འདུས་པའི་ངོ་བོ་ཉིད། །གསེར་མདོག་བརྗིད་ཆགས་སྒེག་འཛུམ་ཁྲོ་བོའི་༧ ཉམས། །དར་དང་རིན་ཆེན་རུས་པའི་རྒྱན་གྱིས་མཛེས། །ཕྱག་གཡས་མདའ་དར་སྲིད་ཞིའི་ཚེ་བསོད་འགུགས། །གཡོན་པས་མཉམ་བཞག་འཆི་མེད་ཚེ་བུམ་ནི། །བདུད་རྩིས་གང་བ་ནོར་བུས་མཚན་པ་ཡིས། །འཁོར་འདས་ཀུན་གྱི་ཚེ་དཔལ་དངོས་གྲུབ་སྩོལ། །རང་འོད་བདེ་སྟེར་རིན་ཆེན་མཁའ་འགྲོ་མ། །སེར་མོ་མདའ་དར་བུམ་འཛིན་ཡབ་ལ་འཁྲིལ། །བདེ་སྟོང་ཟག་མེད་རྡོ་རྗེའི་སྐྱིལ་ཀྲུང་གིས། །སྣང་སྲིད་ཀུན་ཁྱབ་འཇའ་ཟེར་ཀློང་ན་བཞུགས། །སྤྱི་བོར་ཆུ་སྐྱེས་ཉི་ཟླའི་གདན་གྱི་སྟེང་། །རིགས་ཀྱི་བདག་པོ་འཆི་མེད་ཚེ་མཐའ་ཡས། །དམར་གསལ་མཉམ་བཞག་བདུད་རྩིའི་ཚེ་བུམ་བསྣམས། །ལོངས་སྐུའི་རྒྱན་རྫོགས་རང་འོད་ཡུམ་དང་སྦྱོར། །ཕྱོགས་མཚམས་དགོངས་བརྡ་སྙན་བརྒྱུད་བླ་མ་དང་། །རྒྱུད་སྡེ་བཞི་དྲུག་ཐེག་རིམ་དགུ་རྣམས་ཀྱཻ། །ཡི་དམ་ཞི་ཁྲོ་དཔའ་བོ་རྣལ་

― JKT021_Page_0395 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱོར་མ། །ཚེ་ལ་དབང་བའི་རིག་འཛིན་དྲང་སྲོང་ཚོགས། །གྲངས་མེད་སྣང་སྟོང་ཉི་ཟེར་རྡུལ་ལྟར་འཁྲིགས། །དེ་འོག་སྲིད་ཞིའི་འབྱོར་པས་མངོན་མཐོ་བའི། །དབུས་སུ་གནོད་སྦྱིན་སྡེ་དཔོན་རྣམ་ཐོས་སྲས། །སེར་གསལ་རིན་ཆེན་རྒྱལ་མཚན་ནེའུ་ལེ་བསྣམས། །སེང་གེ་ལ་ཆིབས་ལྷ་ཡི་གོ་ཁྲབ་བརྗིད། །གཡས་སུ་ནོར་གྱི་བདག་པོ་ཛམྦྷ་ལ། །གསེར་མདོག་བགྲང་ཕྲེང་དང་ནི་ནེའུ་ལེ་འཛིན། །གཡོན་དུ་འཕགས་མ་ནོར་རྒྱུན་ལྷ་མོ་སེར། །ཕྱག་གཡས་མཆོག་སྦྱིན་གཡོན་པས་འབྲས་སྙེ་བསྣམས། །ཀུན་ཀྱང་དར་དང་རིན་ཆེན་རྒྱན་གྱིས་སྤྲས། །པད་ཟླའི་སྟེང་ན་ཕྱེད་སྐྱིལ་རོལ་པས་འགྱིང་། །མཐའ་སྐོར་གནོད་སྦྱིན་ནོར་ལྷ་གཏེར་བདག་དང་། །རྡོ་རྗེའི་ཆོས་སྲུང་དཀར་ཕྱོགས་སྐྱོང་བའི་ཚོགས། །མ་ལུས་ལུས་པ་མེད་པས་ཡོངས་བསྐོར་བའི། །གནས་གསུམ་འབྲུ་གསུམ་མཚན་པའི་འོད་ཟེར་གྱིས། །དབྱིངས་ནས་ཡེ་ཤེས་སྤྱན་དྲངས་དབྱེར་མེད་གྱུར། །ཧཱུྃ་ཧཱུྃ༔ བསྟན་པ་འདི་ལ་ངོ་མཚར་རྨད་བྱུང་བ། །འཇིག་རྟེན་མངའ་བསྒྱུར་པདྨ་རྒྱལ་པོ་ནི། །རིགས་ནི་ཨོ་རྒྱན་རྒྱལ་པོའི་སྲས་སུ་འཁྲུངས། །ཟ་ཧོར་ཡུལ་དུ་སྒྲོ་འདོགས་མ་ལུས་བཅད། །བསིལ་བ་ཚལ་དུ་དངོས་གྲུབ་རྣམ་གཉིས་བརྙེས། །ཁ་བ་ཅན་འདིར་བསྟན་པ་རྒྱས་པར་མཛད། །ལྷོ་ནུབ་རྔ་ཡབ་སྲིན་པོའི་

― JKT021_Page_0396 ―

^{[མ་དཔེ་གཟིགས་ན་འདིར་གནོན།]}

[Full Size]

ཁ་གནོན་མཛད། །མྱ་ངན་མི་འདའ་འགྲོ་བའི་གཉེན་གཅིག་པུ། །སྐུ་གསུམ་དབྱེར་མེད་ཆེ་མཆོག་ཧེ་རུ་ཀ །མཉམ་མེད་བླ་མ་མཆོག་ཁྱོད་དུས་འདིར་དྲན། །རྒྱལ་བའི་ཞིང་ཁམས་དག་པ་ཆེན་པོ་ནས། །བདེ་གཤེགས་རྩ་གསུམ་ཆོས་སྲུང་རྒྱ་མཚོ་དང་། །གནོད་སྦྱིན་ནོར་ལྷ་གཏེར་བདག་ཚོགས་དང་བཅས། །ཐོགས་མེད་ཐུགས་རྗེའི་དབང་གིས་འདིར་གཤེགས་ལ། །བཀྲ་ཤིས་གཞལ་ཡས་ཡི། འདི་ལ་བྱིན་ཆེན་ཕོབ། །ཚེ་དང་ལོངས་སྤྱོད་འདོད་རྒུའི་དངོས་གྲུབ་སྩོལ། །ཨོཾ་ཨཱཿཧཱུྃ་བཛྲ་གུ་རུ་རཏྣ་ཐོད་ཕྲེང་རྩལ་བཛྲ་ས་མ་ཡ་ཛསིདྡྷི་ཕ་ལ་ཧཱུྃ་ཨཱཿ ཧཱུྃ་ཧྲཱིཿ ཡིད་འཕྲོག་ནོར་བུ་བརྩེགས་པའི་གཞལ་མེད་ཁང་། །བཀོད་པ་ཁྱད་འཕགས་རིན་ཆེན་མཛེས་པའི་ཁྲིར། །འཆི་མེད་རྩ་གསུམ་ནོར་ལྷ་རབ་འབྱམས་ཚོགས། །དགྱེས་ཤིང་མི་གཡོ་བརྟན་པར་བཞུགས་སུ་གསོལ། །བཛྲ་ས་མ་ཡ་ཏིཥྛནྟ། ན མོ། སྐྱེ་འགག་འགྱུར་མེད་ཕྲིན་ལས་ཐམས་ཅད་རྫོགས། །རང་བྱུང་ཐུགས་རྗེས་འགྲོ་བ་མ་ལུས་སྒྲོལ། །ཡིད་བཞིན་ནོར་ལྟར་དངོས་གྲུབ་ཆར་འབེབས་པའི། །རྩ་གསུམ་ནོར་ལྷའི་ཚོགས་ལ་ཕྱག་འཚལ་ལོ། །ཨ་ཏི་པུ་ཧོ༔ པྲ་ཏིཙྪ་ཧོ༔ ཨོཾ་ཨཱཿཧཱུྃ། དངོས་འབྱོར་ཡིད་སྤྲུལ་སྣོད་བཅུད་དཔལ་འབྱོར་དང་། །ཉེར་སྤྱོད་འདོད་ཡོན་བཀྲ་ཤིས་རྫས་རྟགས་བརྒྱད། །རིན་ཆེན་སྣ་བདུན་ཀུན་བཟང་

― JKT021_Page_0397 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོད་པའི་སྤྲིན། །འབུལ་ལོ་བཞེས་ནས་མཆོག་ཐུན་དངོས་གྲུབ་སྩོལ། །ཨོཾ་བཛྲ་ཨརྒྷཾ་པཱཏྱཾ་པུཔྤེ་དྷཱུ་པེ་ཨཱ་ལོ་ཀེ་གནྡྷེ་ན་བི་དྷུ་ཤབྡ་སརྦ་པཱུ་ཛ་ཨཱཿཧཱུྃ། ཧཱུྃ་ཧཱུྃ༔ བདེ་གཤེགས་ཀུན་འདུས་འཆི་མེད་པདྨ་འབྱུང་། །དགོས་འདོད་ཆར་འབེབས་རཏྣ་ཐོད་ཕྲེང་རྩལ། །རྩ་གསུམ་ནོར་ལྷ་འདུས་པའི་དཀྱིལ་འཁོར་ལ། །གུས་པས་བསྟོད་དོ་འདོད་རྒུའི་དངོས་གྲུབ་སྩོལ། །མདུན་བསྐྱེད་ཀྱི་གཙོ་བོ་རྣམས་ཀྱི་ཐུགས་ཀར་པད་ཟླའི་གདན་ལ་ཐུགས་སྲོག་རཏྣ་ཐོད་ཕྲེང་ཐུགས་ཀར་ཧྲཱིཿ ས་བོན་གྱི་མཐར་སྔགས་ཀྱི་ཕྲེང་བས་བསྐོར་བ་ལས་འོད་ཟེར་ཉི་མ་བྱེ་བའི་གཟི་བརྗིད་ཅན་འཕྲོས། ཕྱོགས་བཅུའི་ཞིང་ཁམས་རབ་འབྱམས་རྣམས་སུ་ཁྱབ། འཁོར་འདས་ལམ་གསུམ་གྱི་རྣམ་སྲས་ཀྱི་ཐུགས་ཀར་བེ། ཛམྦྷ་ལའི་ཐུགས་ཀར་ཛཾ། ནོར་རྒྱུན་མའི་ཐུགས་ཀར་བོ་རྣམས་ཁ་དོག་སེར་པོའོ། །ཚེ་བསོད་དཔལ་འབྱོར་ཕུ་གཡང་ལོངས་སྤྱོད་ཐམས་ཅད་བཀྲ་ཤིས་རྫས་རྟགས་འཇའ་ཟེར་ཐིག་ལེ་ལ་སོགས་པའི་རྣམ་པར་སྤྱན་དྲངས། བདག་མདུན་རྟེན་རྫས་རྣམས་ལ་ཐིམ་པས་འདོད་རྒུའི་དངོས་གྲུབ་ཡིད་བཞིན་དུ་འགྲུབ་པར་གྱུར། ཨོཾ་ཨཱཿཧཱུྃ་བཛྲ་གུ་རུ་རཏྣ་ཐོད་ཕྲེང་རྩལ་སརྦ་སིདྡྷི་ཕ་ལ་ཧཱུྃ། ཞེས་རྩ་སྔགས་དང་། ཚེ་སྒྲུབ་གཙོ་བོར་བྱེད་ན་ཚེ་དཔག་མེད་ཀྱི་གཟུངས་རིང་ཡང་བཟླ། ནོར་ལྷའི་སྔགས། ཨོཾ་བཻ་ཤྲ་མ་ཎཱ་ཡ་སྭཱ་ཧཱ། ཨོཾ་ཛམྦྷ་ལ་ཛ་ལེནྡྲ་ཡ་སྭཱ་ཧཱ། ཨོཾ་བ་སུ་དྷ་

― JKT021_Page_0398 ―

^{[མ་དཔེ་གཟིགས་ན་འདིར་གནོན།]}

[Full Size]

རི་ཎི་སྭཱ་ཧཱ། ཞེས་དང་། སྤྲོ་ན། ཏདྱ་ཐཱ། ཧི་ལི་མ་ཎི་བྷ་དྲ། ཧི་ལི་ཧི་ལི་མ་ཎི་བྷ་དྲ། ཀི་ལི་མ་ཎི་བྷ་དྲ། ཀི་ལི་ཀི་ལི་མ་ཎི་བྷ་དྲ། ཀུ་རུ་མ་ཎི་བྷ་དྲ། ཀུ་རུ་ཀུ་རུ་མ་ཎི་བྷ་དྲ། ཏུ་རུ་མ་ཎི་བྷ་དྲ། ཏུ་རུ་ཏུ་རུ་མ་ཎི་བྷ་དྲ། སུ་རུ་མ་ཎི་བྷ་དྲ། སུ་རུ་སུ་རུ་མ་ཎི་བྷ་དྲ། ཙུ་རུ་མ་ཎི་བྷ་དྲ། ཙུ་རུ་ཙུ་རུ་མ་ཎི་བྷ་དྲ། ཨོཾ་ཨེ་ཧེ་ཧི། ཏིཥྛ་ཏིཥྛ། སརྦ་ཨརྦ་མེ་སཱ་དྷ་ནི། ཏདྱ་ཐཱ། སུ་དྷ་ནི། སུ་ར་སྱ། སུ་མ་ཏི། སུ་པུ་ཏི། ཧི་ལི་མི་ལི་སྭཱ་ཧཱ། ཞེས་ནོར་ལྷ་སྤྱིའི་གཟུངས་ཀྱང་ཅི་རིགས་པ་བཟླ། ཐུན་མཐར་དབྱངས་གསལ་ཡིག་བརྒྱ་རྟེན་སྙིང་རྣམས་ཀྱིས་ལྷག་ཆད་ཁ་བསྐང་ཞིང་བརྟན་པར་བྱ། ཐུན་མཚམས་སུ་གཏོར་མ་རཾ་ཡཾ་ཁཾ་གིས་བསང་སྦྱང་། སྟོང་པའི་ངང་ལས་ཨོཾ་ཡིག་ལས། །བྱུང་བའི་རིན་ཆེན་སྣོད་ཡངས་སུ། །ཁཾ་ལས་གཏོར་མ་བདུད་རྩིའི་བཅུད། །འདོད་ཡོན་སྤྲིན་ཕུང་འཕྲོ་བར་གྱུར། །ཨོཾ་ཨཱཿཧཱུྃ་གིས་བརླབ། མདུན་བསྐྱེད་ཀྱི་ལྷ་རྣམས་ཀྱི་ལྗགས་འོད་ཟེར་གྱི་སྦུ་གུས་གཏོར་མའི་བཅུད་དྲངས་ཏེ་གསོལ་བར་གྱུར། ཨོཾ་ཨཱཿཧཱུྃ་བཛྲ་གུ་རུ་རཏྣ་ཐོད་ཕྲེང་རྩལ་དེ་བ་ཌཱ་ཀི་ནཱི་བྷི་དྷརྨ་པཱ་ལ་ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་བེ་ཤྲ་མ་ཎཱ་ཡ་སྭཱ་ཧཱ་ས་པ་རི་སོགས། ཨོཾ་ཛམྦྷ་ལ་ཛ་ལེནྡྲ་ཡ་སྭཱ་ཧཱ༔ ཨོཾ་བ་སུ་དྷ་རི་ཎི་སྭཱ་ཧཱ། ཨོཾ་སརྦ་བ་སུ་དེ་བ་ས་པ་རི་ཝཱ་ར༔ སོགས་ཀྱིས་ཕུལ། གོང་བཞིན་མཆོད་ཅིང་བསྟོད། བླ་མ་རྩ་གསུམ་ནོར་ལྷའི་ཚོགས། །མཆོད་

― JKT021_Page_0399 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱིན་གཏོར་མ་འདི་བཞེས་ལ། །སོགས་ཀྱིས་ཕྲིན་ལས་གསོལ། དེ་ནས་སྤྲོ་ན་ལས་གཞུང་གང་ལ་བརྟེན་པ་ལྟར་ཚོགས་སྐོང་རྒྱས་པར་གཏང་། གང་ལྟར་ཡང་ཚེ་གཡང་འགུགས་པའི་ཕྲིན་ལས་དངོས་ལ་གཉིས་ལས། དང་པོ་ཚེ་འགུགས་པ་ནི། བདག་མདུན་ལྷ་ཚོགས་རྣམས་ཀྱི་ཐུགས་ཀ་ནས་འོད་ཟེར་བསམ་གྱིས་མི་ཁྱབ་པ་དང་ལྷ་མོ་མགྱོགས་མའི་ཚོགས་ཉི་ཟེར་གྱི་རྡུལ་ལྟར་འཕྲོས། སྣོད་བཅུད་ཐམས་ཅད་ལ་ཁྱབ་པས་བྱིན་རླབས་ཀྱི་གཟི་བྱིན་འབར། རང་དང་བསྒྲུབ་བྱའི་བླ་ཚེ་ཆད་ཉམས་ཡར་བ་དང་། བརྟན་གཡོ་འཁོར་འདས་ཀྱི་ཚེ་བཅུད་མ་ལུས་པ་འཆི་མེད་བདུད་རྩིའི་རྣམ་པར་སྤྱན་དྲངས། བདག་དང་བསྒྲུབ་བྱ་རྟེན་རྫས་རྣམས་ལ་ཐིམ་པས་རྡོ་རྗེ་ཚེའི་དངོས་གྲུབ་ཐོབ་ཅིང་ནུས་པ་དང་ལྡན་པར་གྱུར། ཅེས་དམིགས་ཤིང་མདའ་དར་གཡོབ་ལ། ཧཱུྃ་ཧཱུྃ༔ སྣང་སྲིད་གདོད་ནས་ཆོས་སྐུ་སྐྱེ་མེད་གཤིས། །ལྷུན་གྲུབ་སྣང་སྟོང་བདེ་བ་ཅན་གྱི་ཞིང་། །འཇའ་འོད་རྡོ་རྗེ་འབར་བའི་གཞལ་ཡས་ནས། །ཆོས་སྐུ་སྣང་བ་མཐའ་ཡས་བྱིན་ཕོབ་ཅིག །སྐྱོན་གྱིས་མ་གོས་མདངས་ལྡན་པདྨའི་རྩེར། །སྐྱེ་འཆི་རང་དག་དུས་གསུམ་རྒྱལ་བའི་སྐུ། །དཔལ་རི་པདྨ་འོད་ཀྱི་གཞལ་ཡས་ནས། །རིག་འཛིན་པདྨ་འབྱུང་གནས་བྱིན་ཕོབ་ཅིག །སྟོང་ཉིད་ཡེ་ཤེས་དུས་གསུམ་རྒྱལ་བའི་ཡུམ། །བདེ་སྟོང་ཟག་མེད་འཇའ་ལུས་རྡོ་རྗེའི་ངང་། །ངོ་མཚར་

― JKT021_Page_0400 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་ཡུལ་དུར་ཁྲོད་རྣམ་བརྒྱད་ནས། །འཚོ་རྒྱལ་པདྨ་གསལ་གྱིས་བྱིན་ཕོབ་ཅིག །རྒྱ་གར་རྒྱ་ནག་བོད་ཡུལ་གངས་ཅན་གྱི། །ངོ་མཚར་གནས་ཆེན་གཙུག་ལག་མ་ལུས་དང་། །ཁྱད་པར་ཟབ་ཡངས་དཔལ་གྱི་བསམ་ཡས་ནས། །པཎ་གྲུབ་རྗེ་འབངས་ཡོངས་ཀྱིས་བྱིན་ཕོབ་ཅིག །ཆོས་ཀྱི་དབྱིངས་དང་ལོངས་སྤྱོད་སྤྲུལ་པའི་ཞིང་། །ཁམས་གསུམ་འགྲོ་བ་འདུལ་བའི་ཞིང་ཁམས་ནས། དཀྱིལ་འཁོར་གཙོ་བོ་ཐོད་ཕྲེང་སྡེ་ལྔ་དང་། །རིག་འཛིན་རྩ་བརྒྱུད་བླ་མས་བྱིན་ཕོབ་ཅིག །ཕུང་ཁམས་རྣམ་དག་རིག་འཛིན་འདུས་པའི་ལྷ། །འབྱུང་ལྔ་རྣམ་དག་མཁའ་འགྲོའི་སྤྲིན་ཕུང་འཐིབས། སྣང་སྲིད་རྣམ་དག་འོག་མིན་གཞལ་ཡས་འདིར། །རྩ་གསུམ་འདུས་པའི་ཐུགས་རྗེས་བྱིན་ཕོབ་ཅིག །འབྱུང་ལྔ་ཁམས་གསུམ་སྲིད་གསུམ་མཁའ་སྤྱོད་ཀྱཻ། །འོག་མིན་རྒྱལ་བ་ཡོངས་ཀྱི་བྱིན་རླབས་བཅུད། །སྐུ་དང་ཡིག་འབྲུ་ཕྱག་མཚན་རྣམ་པ་རུ། །ངོ་མཚར་འཇའ་འོད་ཐིག་ལེར་བྱིན་ཕོབ་ཅིག །སྲིད་ཞིའི་ཁམས་ཀྱི་ཕུན་ཚོགས་སྣང་བའི་བཅུད། །ཉི་མ་ཟླ་བ་ཡིད་བཞིན་ནོར་བུ་དང་། །བཀྲ་།ཤིས་རྫས་རྟགས་རྒྱལ་སྲིད་རིན་ཆེན་བདུན། །རྡོ་རྗེ་ལྷུན་པོའི་བཅུད་རྣམས་འདིར་ཁུག་ཅིག །དབང་ཐང་བཀྲག་མདངས་བུ་འཁོར་ལོངས་སྤྱོད་དང་། །སྟོབས་དཔལ་གཟི་བརྗིད་མཁས་གྲུབ་ཀུན་

― JKT021_Page_0401 ―

^{[མ་དཔེ་གཟིགས་ན་འདིར་གནོན།]}

[Full Size]

མཁྱེན་གྱི། །ཚོགས་དང་གྲུབ་མཆོག་དབང་པོ་རྟོགས་པར་ལྡན། །ཀུན་གྱི་ཐུགས་རྗེ་འདུས་པའི་ཚེ་ཁུག་ཅིག །བདག་ཚེ་གས་ཡོ་ཉམས་འཁྱར་ཆད་པ་དང་། །ལོ་ཟླ་ཞག་དུས་ཕྱི་ནང་སྡེ་བརྒྱད་ཀྱིས། །བརྐུས་དང་མི་གཙང་གྲིབ་ཀྱིས་ནོན་པ་སོགས། །ཚེ་སྲོག་དབང་ཐང་ཉམས་རྣམས་འདིར་གསོས་ཤིག །གདོན་བགེགས་ལྟས་ངན་ནད་རིགས་མི་མཐུན་བདུད། །ཕ་རོལ་བྱད་ཀྱིས་གནོད་དང་སྡང་དགྲས་འཚེ། །འཆི་བདག་ཕོ་ཉའི་ལག་ཏུ་ཚུད་པ་དང་། །གློ་བུར་འཆི་བའི་ཉེས་པ་ཀུན་ཟློག་ཅིག །མི་འགྱུར་རྡོ་རྗེ་རི་རབ་ལྟ་བུའི་ཚེ། །གཏིང་མཐའ་མེད་པ་རྒྱ་མཚོའི་ཀློང་ལྟ་བུ། །མི་ནུབ་གསལ་བ་ཉི་ཟླ་ལྟ་བུ་ཡི། །སྙིང་པོའི་ཚེ་མཆོག་བདག་ལ་སྩལ་དུ་གསོལ། །གཟི་བརྗིད་བཀྲག་མདངས་མི་ནུབ་མཚན་དཔེར་གསལ། །ངོ་མཚར་སྙན་དང་གྲགས་པའི་དཔལ་འཁྱིལ་ཞིང་། བྱིན་འོད་འཇའ་གུར་འཁྲུགས་པའི་གཡང་ར་འདིར། །མཆོག་ཐུན་ཚེ་ཡི་དངོས་གྲུབ་མ་ལུས་ཁུག །སྟོང་གསལ་སྙིང་པོ་རང་བྱུང་འགྱུར་མེད་དོན། །གདོད་ནས་དག་པའི་ཆོས་སྐུ་འོད་མི་འགྱུར། །རང་རིག་རང་གསལ་ངང་དུ་འདིར་མཇལ་བས། །སྐྱེ་འཆི་གཞི་ལ་དག་པའི་ཚེ་ཁུག་ཅིག །བགྲེས་རྒུད་འཕོ་འགྱུར་བྲལ་བའི་པདྨ་འོད། །བདེ་ཆེན་འཇའ་འོད་འཁྲུགས་པ་ཌཱ་ཀིའི་ཞིང་། །རྒྱལ་བ་འདུས་

― JKT021_Page_0402 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་རིག་འཛིན་གཞལ་ཡས་ནས། །འཆི་བདག་བདུད་དཔུང་འཇོམས་པའི་ཚེ་ཁུག་ཅིག །བཛྲ་གུ་རུ་པདྨ་ཐོད་ཕྲེང་རྩལ་ཤཱི་མ་ཧཱ་རི་ནི་ས་ཨཱ་ཡུར་སིདྡྷི་ཕ་ལ་ཧཱུྃ། ཞེས་པས་ཚེ་བཀུག་པའི་མཐར་ཚེ་གཏའ་སྡོམ་པ་ནི། །ཧཱུཾ་ཧྲཱིཿ ཆོས་སྐུ་མི་འགྱུར་ཡེ་ཤེས་འོད་ཀྱི་ཀློང་། །སྲིད་ཞིའི་ཉེས་བག་སྐྱེ་འཆི་བྲལ་བའི་སྐུ། །གཞོན་ནུ་བུམ་སྐུ་ཐིག་ལེ་ཉག་གཅིག་རྩེ། །གཏིང་གསལ་ཡེ་ཤེས་འཁོར་ལོར་ཚེ་སྦའོ། །ཞེས་པས་སྦས་༧ ཤིང་། ཡེ་དྷརྨ་བརྗོད་པས་རྒྱས་གདབ་པར་བྱའོ།། །།གཉིས་པ་ཕྱྭ་གཡང་འཁུགས་པ་ནི། སླར་ཡང་བདག་མདུན་རྣམས་ཀྱི་ཐུགས་ཀ་ནས་འོད་ཟེར་ཉི་མ་བྱེ་བའི་གཟི་བརྗིད་ཅན་འཕྲོས། ཕྱོགས་བཅུའི་ཞིང་ཁམས་རབ་འབྱམས་རྣམས་སུ་ཁྱབ། འཁོར་འདས་ལམ་གསུམ་གྱི་ཚེ་བསོད་དཔལ་འབྱོར་ཕྱུ་གཡང་ལོངས་སྤྱོད་ཐམས་ཅད་བཀྲ་ཤིས་རྫས་རྟགས་འཇའ་ཟེར་ཐིག་ལེ་ལ་སོགས་པའི་རྣམ་པར་སྤྱན་དྲངས། བདག་མདུན་རྟེན་རྫས་རྣམས་ལ་ཐིམ་པས་འདོད་རྒུའི་དངོས་གྲུབ་ཡིད་བཞིན་དུ་འགྲུབ་པར་གྱུར་པའི་མོས་པས་མདའ་དང་གཡོབ་ཅིང་། དྷཱི༔ ཆོས་དབྱིངས་ཁྱབ་བརྡལ་ཡངས་པ་རྒྱལ་བའི་ཞིང་། །ཕྱོགས་དུས་རྒྱལ་བ་རྩ་གསུམ་རིག་པ་འཛིན། །མཁའ་སྤྱོད་འཇའ་འོད་འཁྲུགས་པའི་གུར་ཁང་ནས། །རིག་འཛིན་བླ་མས་བྱིན་རླབས་གཡང་ཁུག་ཅིག །འོག་མིན་རྡོ་རྗེ་དབྱིངས་ཀྱི་གཞལ་ཡས་ནས། །ལོངས་སྤྱོད་

― JKT021_Page_0403 ―

^{[མ་དཔེ་གཟིགས་ན་འདིར་གནོན།]}

[Full Size]

རྫོགས་སྐུ་རྒྱལ་བ་རིགས་ལྔ་ལ། །ཐེག་དགུའི་ཡི་དམ་ལྷ་ཡིས་བསྐོར་རྣམས་ཀྱིས། །མཆོག་དང་ཐུན་མོང་དངོས་གྲུབ་གཡང་ཁུག་ཅིག །ཉི་ཤུ་རྩ་བཞིའི་གནས་ཡུལ་དུར་ཁྲོད་ནས། །དཔའ་བོ་མཁའ་འགྲོ་ཆོས་སྲུང་རྒྱ་མཚོ་ལ། །ལས་བྱེད་ཕོ་ཉའི་ཚོགས་ཀྱིས་བསྐོར་བ་ཡིས། །ཕྲིན་ལས་རྣམ་བཞི་འགྲུབ་པའི་གཡང་ཁུག་ཅིག །སྟོང་གསུམ་མི་མཇེད་འཇིག་རྟེན་ཞིང་ཁམས་ནས། །བསྟན་པའི་བདག་པོ་དུས་གསུམ་རྒྱལ་བ་དང་། །བསྟན་འཛིན་སྐྱེས་བུ་འགྲོ་བའི་དཔལ་མགོན་གྱིས། །སངས་རྒྱས་བསྟན་པ་རྒྱས་པའི་གཡང་ཁུག་ཅིག །སྲིད་པའི་ལྷ་རབས་དགེ་བསྙེན་གཞི་བདག་དང་། །སྤར་སྨེ་ལོ་འགྲོས་བདག་པོ་འབྱུང་བ་འདིའི། །ཕྱི་དང་ནང་དང་གསང་བའི་ལྷ་རྣམས་ཀྱིས། །རང་རང་ལས་ལ་དབང་བའི་གཡང་ཁུག་ཅིག །ཕྱོགས་སྐྱོང་བཅུ་དང་འཇིགས་བྱེད་ཆེན་པོ་དགུ། །ལྷ་ཀླུ་གཟའ་དང་རྒྱུ་སྐར་ཉེར་བརྒྱད་ལྷ། །གཙང་རིས་དཔལ་མགོན་ཆེན་པོ་བདུན་ཅུ་ཡིས། །སྟོབས་དང་གཟི་བརྗིད་རྒྱས་པའི་གཡང་ཁུག་ཅིག །ལོ་དང་ཟླ་བ་ཞག་དང་དུས་ཚོད་དང་། །རྟེན་འབྲེལ་ཚེས་ལ་དབང་བའི་ལྷ་རྣམས་དང་། །མཁར་གྱི་རྩེ་ལྷ་ཞིང་གི་ཚངས་པ་ཡིས། །འབྲུ་ནོར་ལོངས་སྤྱོད་དཔལ་ཕུན་གཡང་ཁུག་ཅིག །གཡང་གི་བདག་པོ་ཨཱརྱ་ཛམྦྷ་ལ། །རྒྱལ་ཆེན་རྣམ་ཐོས་སྲས་དང་གནོད་

― JKT021_Page_0404 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱིན་རིགས། །ཁམས་གསུམ་དབང་སྡུད་དབང་ཕྱུག་ཆེན་པོ་ཡིས། །མཆོག་དང་ཐུན་མོང་དངོས་གྲུབ་གཡང་ཁུག་ཅིག །གཡང་གི་ལྷ་མོ་ནོར་རྒྱུན་དཔལ་ལྷ་མོ། །གཡང་ཅན་ཚེ་རིང་མ་དང་བརྟན་མའི་ཚོགས། །ཁམས་གསུམ་དབང་དུ་སྡུད་པའི་ཌཱ་ཀི་མས། །བུ་ནོར་ལོངས་སྤྱོད་རྒྱས་པའི་གཡང་ཁུག་ཅིག །ངོ་མཚར་ལྷ་ཡི་མེ་ཏོག་སྤོས་སྤྲིན་དང་། །བཀྲ་ཤིས་རྫས་རྟགས་སྣང་སྲིད་རོལ་མའི་༧ སྒྲ། །བུམ་པ་བཟང་དང་དཔག་བསམ་ཡིད་བཞིན་ནོར། །སྲིད་པའི་ངོ་མཚར་དཔལ་གྱི་གཡང་ཁུག་ཅིག །ཕུན་ཚོགས་གཡང་རའི་དབུས་ན་འོད་འབར་ཞིང་། །གཡང་ཆང་ཚེ་རིལ་བདུད་རྩི་དཔལ་གྱི་བཤོས། །རབ་འབྱམས་འཇའ་གུར་འཁྱིལ་བའི་ཟེར་ཕྲེང་སྦྲེལ། །སྟོབས་ཕུན་མངའ་ཐང་རྒྱས་པའི་གཡང་ཁུག་ཅིག །གཡང་འདིས་སྒྲུབ་གནས་ཀུན་གྱི་བྱིན་འོད་ཕོབ། །གཡང་འདིས་ཚེ་དཔལ་ཉམས་པ་ཡར་ལ་གསོས། །གཡང་འདིས་རྒས་ཤིང་རྒུད་པ་མལ་ནས་སློངས། །གཡང་འདིས་དབུལ་པོ་ཐམས་ཅད་ནོར་དང་སྤྲོད། །གཡང་འདིས་འོན་ལོང་ཞ་བོའི་དབང་པོ་སྟོན། །གཡང་འདིས་ཆག་ཆེ་ཉམ་ང་ཕྱིར་ལ་སྒྱུར། །གཡང་འདིས་ཕོ་བྲང་དབུས་སུ་བྱིན་འོད་ཕོབ། །གཡང་འདིས་ཁམས་གསུམ་སྲིད་གསུམ་དབང་དུ་སྡུས། །གཡང་འདིས་འཁོར་ལོས་སྒྱུར་བའི་རྒྱལ་སྲིད་སྤྲོད། །གཡང་།

― JKT021_Page_0405 ―

^{[མ་དཔེ་གཟིགས་ན་འདིར་གནོན།]}

[Full Size]

འདིས་མཐུ་རྩལ་ནུས་པ་མེ་ལྟར་སྦྱོར། །གཡང་འདིས་འཁོར་དང་ལོངས་སྤྱོད་དབུས་སུ་ཆུག །གཡང་འདིས་ཕ་རོལ་རྩོད་ལས་རྒྱལ་བར་མཛོད། །གཡང་འདིས་བདག་ཅག་དཔོན་སློབ་མཐུན་ཞིང་འགྲོགས། །གཡང་འདིས་ཉམས་ཆག་འགལ་འཁྲུལ་ཞིག་པ་གསོས། །གཡང་འདིས་གྲིབ་དང་མི་གཙང་གཡེངས་ལས་སྐྱོབས། །གཡང་འདིས་སྡེ་བརྒྱད་འབྱུང་པོའི་སྲུང་འཁོར་མཛོད། །གཡང་འདིས་དངོས་གྲུབ་ཡར་བ་ཐམས་ཅད་ཁུག །གཡང་འདིས་སྙན་དང་གྲགས་པས་ས་སྟེང་ཁོངས། །གཡང་འདིས་ངོ་མཚར་འབྲུག་སྒྲ་རྟག་ཏུ་སྒྲོགས། །གཡང་འདིས་བྱས་ཚད་ཆོས་སུ་འགྲོ་བར་མཛོད། །གཡང་འདིས་རིགས་དང་ཆོས་ཀྱི་བརྒྱུད་པ་སྤེལ། །གཡང་འདིས་སྡེ་འདི་མི་གཡོ་བརྟན་པར་མཛོད། །གཡང་འདིས་རང་བྱུང་རིག་པ་མ་དང་སྤྱོད། །གཡང་འདིས་འཁོར་འདས་གཞི་ཟད་ས་ལ་སྐྱོལ། །གཡང་འདིས་ཚེ་གཅིག་རྫོགས་སངས་རྒྱས་པར་མཛོད། །གཡང་འདིས་ཁམས་གསུམ་འཁོར་བ་དོང་ནས་སྤྲུགས། །གཡང་འདིས་འགྲོ་ཀུན་ཕྱིར་མི་ལྡོག་པར་མཛོད། །གཡང་འདིས་འབྲེལ་ཚད་པདྨ་འོད་དུ་སྐྱོལ། །ཨོཾ་ཨཱཿཧཱུྃ་བཛྲ་གུ་རུ་རཏྣ་ཐོད་ཕྲེང་རྩལ་སརྦ་སིདྡྷི་ཕ་ལ་ཧཱུྃ། །ཞེས་བརྗོད་ཅིང་དངོས་གྲུབ་རྟེན་རྫས་ལ་བསྟིམས་པ་མེ་ཏོག་འཐོར་བཞིན་ཡེ་དྷརྨཱའི་སྔགས་ཀྱིས་བརྟན་པར་བྱའོ། །ཚར་གྲངས་གསོག་ན་རྒྱས་

― JKT021_Page_0406 ―

^{[མ་དཔེ་གཟིགས་ན་འདིར་གནོན།]}

[Full Size]

པར་མདུན་བསྐྱེད་མཆོད་པ་བྱིན་རླབས་ནས་བཟུང་འདི་ཡན་ཆད་དང་། འབྲིང་དུ་ཚོགས་སྐོར། བཟླས་པ་བཅས་ཚེ་གཡང་འགུགས། བསྡུ་ན་བཟླས་པ་ཅུང་ཟད་རེ་བཅས་ཚེ་གཡང་འགུགས་པ་ཁོ་ན་ལ་གྲངས་བཟུང་། གྲངས་རྫོགས་པ་ན་ལས་གཞུང་གི་ལྷག་མ་སོགས་བཏང་། རྗེས་སུ་གཏང་རག་གི་མཆོད་བསྟོད་དང་། ཐུན་ཐ་མར་དངོས་གྲུབ་ལེན་པ་ནི། ཧཱུཾ། བདེ་མཆོག་བདེ་སྤྱོད་ནམ་མཁའི་དཀྱིལ་ཡངས་ནས། །རྒྱལ་བའི་དཀྱིལ་འཁོར་སྲས་བཅས་ཐུགས་དམ་ཅན། །འཆི་མེད་རྩ་གསུམ་ནོར་ལྷ་རབ་འབྱམས་ཀྱཻ། །སྐུ་གསུང་ཐུགས་དང་མཉམ་སྦྱོར་དངོས་གྲུབ་ནི། །ཕྲིན་ལས་ཡིད་བཞིན་ལྷུན་གྱིས་གྲུབ་པའི་དཔལ། །བུམ་པ་བཟང་དང་དཔག་བསམ་ནོར་བུའི་ཚུལ། །ད་ལྟ་ཉིད་དུ་སྩལ་ཞིང་བརྟན་པར་མཛོད། །འགྱུར་མེད་སྐུ་ཡི་དངོས་གྲུབ་སྩལ་དུ་གསོལ། །འགག་མེད་གསུང་གི་དངོས་གྲུབ་སྩལ་དུ་གསོལ། །འཁྲུལ་མེད་ཐུགས་ཀྱི་དངོས་གྲུབ་སྩལ་དུ་གསོལ། །ཡོན་ཏན་རེ་སྐོང་དངོས་གྲུབ་སྩལ་དུ་གསོལ། །ཕྲིན་ལས་འགྲོ་འདུལ་དངོས་གྲུབ་སྩལ་དུ་གསོལ། །འཆི་མེད་ཚེ་ཡི་དངོས་གྲུབ་སྩལ་དུ་གསོལ། །འཛད་མེད་ནོར་གྱི་དངོས་གྲུབ་སྩལ་དུ་གསོལ། །ཐུན་མོང་ཡིད་བཞིན་དངོས་གྲུབ་སྩལ་དུ་གསོལ། །བླ་མེད་མཆོག་གི་དངོས་གྲུབ་སྩལ་དུ་གསོལ། །ཨོཾ་ཨཱཿཧཱུྃ་བཛྲ་གུ་རུ་རཏྣ་ཐོད་ཕྲེང་རྩལ་སརྦ་སིདྡྷི་ཕ་ལ་ཧཱུྃ། ཀཱ་ཡ་ཝཱ་ཀ་ཙིཏྟ་སིདྡྷི་ཧཱུྃ་ཧཱུྃ་ཧཱུྃ་ཞེས་བརྗོད། གཏེར་བུམ་

― JKT021_Page_0407 ―

^{[མ་དཔེ་གཟིགས་ན་འདིར་གནོན།]}

[Full Size]

མམ་གཏོར་མ་གནས་གསུམ་དུ་བཞག །ཕྱེ་མར་སོགས་ཅུང་ཟད་མྱང་། མ་རྙེད་ཡོངས་སུ་མ་ཚང་དང་། །གང་ཡང་ནུས་པ་མ་མཆིས་པ། །འདིར་ནི་བགྱི་བ་གང་ནོངས་པ། །དེ་ཀུན་ཁྱོད་ཀྱིས་བཟོད་མཛད་རིགས། །ཞེས་དང་ཡི་གེ་བརྒྱ་བས་ནོངས་པ་བཤགས། ཨོཾ། འདིར་ནི་རྟེན་དང་ལྷན་ཅིག་ཏུ། །འཁོར་བ་སྲིད་དུ་བཞུགས་ནས་ཀྱང་། །ནད་མེད་ཚེ་དང་དབང་ཕྱུག་དང་། །མཆོག་རྣམས་ལེགས་པར་སྩལ་དུ་གསོལ། །ཨོཾ་སུ་པྲ་ཏིཥྛ་བཛྲ་ཡ་སྭཱ་ཧཱ། ཞེས་དང་། ཡེ་དྷརྨ་བརྗོད་ཅིང་མེ་ཏོག་འཐོར་བས་བརྟན་བཞུགས་བྱ། བདག་བསྐྱེད་ཀྱི་ཉེར་བསྡུ་དང་བསྔོ་སྨོན་ཤིས་བརྗོད་སོགས་ལས་གཞུང་ལྟར་བྱའོ།། ༈ །།སྦྱིན་བདག་ལ་གཡང་རྫས་གཏད་ན། གོང་གི་བརྟན་བཞུགས་གྲུབ་མ་ཐག་སྦྱིན་བདག་ཁྲུས་བྱ། རྒྱན་གྱིས་བརྒྱན་པ་སྟན་དཀར་ལ་འཁོད་པར་བགེགས་བསྐྲད། སྲུང་འཁོར་བསྒོམ། དམིགས་པ་དང་བཅས་གཡང་འགུགས་ཚར་གཅིག་བཏང་། དེ་ནས་རྟེན་རྫས་རྣམས་ཐོགས་ལ་དངོས་གྲུབ་སྐུལ་བའི་ཚིག་དང་བཅས་གནས་གསུམ་དུ་རེག་ཅིང་ལག་ཏུ་གཏད། ལས་གཞུང་གང་ལ་བརྟེན་པའི་བཀྲ་ཤིས་ཀྱིས་མཚོན་བཀྲ་ཤིས་རྒྱས་པར་བརྗོད་པའི་མཐར། འབད་དང་རྩོལ་བས་མ་གོས་སོགས་དང་། གནས་འདིར་ཉིན་མོ་བདེ་ལེགས་སོགས་བརྗོད་ཅིང་མེ་ཏོག་འཐོར་བས་དགེ་ལེགས་སུ་བྱ་ཞིང་རང་གནས་སུ་བཏང་ངོ་།། ༈ །།ཡང་ཚེའི་དངོས་གྲུབ་བདག་འཇུག་གི་ཚུལ་དུ་ལེན་ན། གོང་གི་དངོས་གྲུབ་བླང་བ་གྲུབ་རྗེས། ཚེ་འབྲང་སྤྱི་བོར་བླངས་ལ། ཨ། སྐྱེ་འཆི་མེད་པ་རྡོ་རྗེའི་ཚེ། །འོད་སྣང་དཔག་

― JKT021_Page_0408 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་སྣང་སྲིད་ཁམས། །ཨཱ་ཡུར་ཚེ་ཡི་དཀྱིལ་འཁོར་དུ། །བདུད་རྩི་བུམ་པས་དབང་བསྐུར་རོ། །འཆི་མེད་ལུས་མཆོག་དེང་འདིར་སྩོལ། །ཨོཾ་ཨཱཿཧཱུྃ་བཛྲ་གུ་རུ་རཏྣ་ཐོད་ཕྲེང་རྩལ་སརྦ་སིདྡྷི་ཕ་ལ་ཧཱུྃ། །ཞེས་དང་ཚེ་གཟུངས་མཐར། ཀཱ་ཡ་སིདྡྷི་ཨོཾ། ཞེས་བརྗོད། བདུད་རྩི་མྱངས་ལ། ཨཱཿ སྟོང་པའི་དབྱིངས་ལས་ལྷུན་གྲུབ་པའི། །སྣང་བ་ལྷུན་གྲུབ་འཇའ་སྐུར་འབར། །ཟག་མེད་བདུད་རྩི་གྲགས་སྟོང་རྫས། །འགག་མེད་ནུས་པའི་དབང་བསྐུར་བས། །སྙིང་པོ་གསུང་དབང་ཐོབ་པར་ཤོག །ཝཱ་ཀ་སིདྡྷི་ཚེ་རིལ་མྱངས་ལ། ཨཱ མི་ཤིགས་ཐུགས་ཀྱི་ཐིག་ལེ་ནི། །བདེ་སྟོང་དབྱེར་མེད་བྱང་སེམས་བཅུད། །ཕྱག་རྒྱ་ཆེན་པོར་ལྷུན་གྲུབ་པའི། །ཟག་མེད་སྐྱེ་འཆི་སྤངས་པའི་སྐུ། །ཤེས་རབ་ཡེ་ཤེས་དབང་ཐོབ་ཤོག །ཙིཏྟ་སིདྡྷི་ཧཱུྃ། གཏོར་མ་སྤྱི་བོར་བླངས་ལ། ཨཱ བདེ་ཆེན་རྣམ་ཀུན་མཆོག་ལྡན་པའི། །ཐོག་མའི་སངས་རྒྱས་ཀུན་ཏུ་བཟང་། །འཇའ་ཟེར་འོད་མི་འགྱུར་བའི་སྐུ། །ཀ་དག་ལྷུན་གྲུབ་དབྱེར་མེད་པའི། །རྡོ་རྗེའི་ཚིག་དབང་ཐོབ་པར་ཤོག །སརྦ་སིདྡྷི་ཧཱུྃ༔ ཞེས་བརྗོད་རྗེས། ཧཱུྃ་ཧཱུྃ༔ ཆོས་སྐུ་མི་འགྱུར་སོགས་ཀྱིས་ཚེ་སྦ་ཞིང་རྒྱས་གདབ། དེ་ནས་ནོངས་བཤགས་སོགས་གོང་ལྟར་རོ། ༈ །སྦྱིན་བདག་ལ་ཚེའི་དངོས་གྲུབ་སྦྱིན་ན། སྲུང་འཁོར་ཡན་གོང་གི་གཡང་གཏད་སྐབས་ལྟར་བྱས་ནས། དམིགས་པ་དང་བཅས་ཚེ་འགུགས་བསྐུལ་རྗེས་ཚེའི་འབྲང་རྒྱས་

― JKT021_Page_0409 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་གོང་ལྟར་བརྗོད་ཚིག་གི་སྒོ་ནས་དངོས་གྲུབ་སྦྱིན་ཅིང་རྒྱས་གདབ། དེ་ནས་དམིགས་པ་དང་བཅས་གཡང་འགུགས་བསྐུལ་བ་སོགས་གཡང་གཏད་ལྟར་བྱའོ།། ༈ །།འདིའི་རྟེན་རྫས་གཏེར་བུམ་བཅའ་ཚུལ་ནི། རིན་པོ་ཆེའམ་རྫའི་བུམ་པ་སྐྱོན་དང་བྲལ་བ་ཁ་དོག་དཀར་པོའམ་སེར་པོར་བསྒྱུར། བཀྲ་ཤིས་པའི་རྟགས་སམ་ནོར་བུ་འབར་བ་བྲིས་པའི་ནང་དུ་བུམ་རྫས་ཉེར་ལྔ་གཙོ་བོར་གྱུར་པའི་རིན་ཆེན་འབྲུ་སྨན་དང་གོས་ཟས་སྣ་སོགས་གཡང་ཅན་གྱི་རྫས་དང་། ཅོང་ཞི། བྲག་ཞུན། རྩ་བ་ལྔ་སོགས་ཚེའི་རྫས་ཀྱིས་ཕྱུར་བུར་གཏམས་པའི་དབུས་སུ། འབྱོར་ན་རཏྣ་ཐོད་ཕྲེང་རྩལ་ཡབ་ཡུམ་གྱི་སྐུ་བྲིས་འབུར་གང་རིགས་ན་བཟའ་སེར་པོ་དང་བཅས་བརྟེན་པར་བཞུགས། གང་ལྟར་ཡང་རྒྱ་ཤོག་ལ་གསེར་རམ་མཚལ་གྱིས་གོང་གི་བཟླས་སྔགས་རྒྱས་བསྡུས་གང་རིགས་ཀྱི་མཐར།བླ་མ་རྩ་གསུམ་ནོར་ལྷ་རབ་འབྱམས་ཀྱི་ཚོགས་འཁོར་དང་བཅས་པ་རྣམས་བཀྲ་ཤིས་པའི་རྟེན་རྫས་འདི་རྣམས་ལ་ཇི་སྲིད་འབྱུང་བ་བཞིའི་གནོད་པས་མ་ཞིག་གི་བར་དུ་བརྟན་པར་བཞུགས་སུ་གསོལ། བརྟན་པར་བཞུགས་ནས་ཀྱང་བདག་དང་སྦྱིན་པའི་བདག་པོས་ཐོག་དྲངས་མཐའ་ཡས་པའི་སེམས་ཅན་ཐམས་ཅད་ལ་ཚེ་བསོད་དཔལ་འབྱོར་ཕྱུ་གཡང་ལོངས་སྤྱོད་མཆོག་དང་ཐུན་མོང་གི་དངོས་གྲུབ་མ་ལུས་པ་སྩལ་དུ་གསོལ། །ཞེས་པ་ལྟ་བུའི་འདོད་གསོལ་དང་། འབད་དང་སྩོལ་བས་མ་གོས་སོགས་ཤིས་བརྗོད། སུ་པྲ་ཏིཥྛ་དང་། ཡེ་དྷརྨཱ་བཅས་སྦྲེལ་ལ་བྲིས་པར་དྲི་བཟང་གིས་བྱུགས་པའི་ཤོག་དྲིལ་ན་བཟའ་སེར་པོ་དང་བཅས་པ་བཅུག །ཁས་སྦྱིན་ལྟ་བུས་དམ་པར་བཅད་ཅིང་རས་དཀར་རམ་སེར་པོས་གཡོགས། ཚོན་སྐུད་ཀྱིས་བཅིངས་བར་རང་ངམ་སྦྱིན་བདག་གི་རྟགས་ཀྱིས་རྒྱས་གདབ།

― JKT021_Page_0410 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱོང་ཁྲུས་རྒྱས་བསྡུས་གང་རིགས་བྱའོ། །དངོས་གཞིའི་སྐབས་ཕྱི་གཏེར་ཆེན་པོའི་བུམ་པ་ལ་ནང་རིན་པོ་ཆེའི་གཞལ་ཡས་ཁང་གི་དབུས་སུ་ལྷ་རྣམས་གསལ་གདབ་པ་ཡིན་ནོ། །ལེགས་པར་བསྒྲུབས་པའི་བུམ་པ་ཉིད་སླར་གནས་ཁང་སོགས་ཀྱི་ཕུགས་སུ་སྦས་པའི་ཚེའང་ཆོ་ག་ཚར་གཅིག་བསྐྱར་ན་ལེགས་ཤིང་། མ་གྲུབ་ན་བརྟན་བཞུགས་དང་ཤིས་བརྗོད་ཙམ་བྱས་པས་ཀྱང་རུང་ངོ་། །ཞེས་པཎ་གྲུབ་ལྔ་བརྒྱའི་གཙུག་རྒྱན་བིམ་ལ་མི་ཏྲའི་རྣམ་པར་འཕྲུལ་པ། ཕྱི་མའི་དུས་འདིར་འགྲན་ཟླ་དང་བྲལ་བའི་གྲུབ་ཐོབ་ཆེན་པོ་ལྷ་བཙུན་ནམ་མཁའ་འཇིགས་མེད་ཀྱི་དག་སྣང་བླ་མ་རིག་འཛིན་སྲོག་སྒྲུབ་ཀྱི་ཚེ་འགུགས་དང་། གཡང་འགུགས་མེ་ཏོག་ཆར་སིལ་གཞིར་བཞག །ཟིན་བྲིས་སོགས་ཀྱི་དགོངས་བའི་དམིགས་རིམ་རྣམས་ཚིགས་བཅད་དུ་བསྡེབས་ཏེ་ངག་འདོན་བཀླགས་ཆོག་སྙིང་པོར་དྲིལ་བ་འདིའང་། མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་པའི་དགེ་བས་འགྲོ་ཀུན་ཚེ་དཔལ་འབྱོར་བའི་འདོད་རྒུའི་དངོས་གྲུབ་རྒྱ་མཚོར་ལོངས་སུ་སྤྱོད་པའི་རྒྱུར་གྱུར་ཅིག། །།མངྒ་ལཾ།། །།

གྲུབ་ཆེན་ཐང་སྟོང་རྒྱལ་པོའི་རྡོ་རྗེའི་གསུང་གཡང་འགུགས་བྱིན་རླབས་ཅན།

― JKT021_Page_0411 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །གྲུབ་ཆེན་ཐང་སྟོང་རྒྱལ་པོའི་རྡོ་རྗེའི་གསུང་གཡང་འགུགས་བྱིན་རླབས་ཅན་བཞུགས་སོ།། །།

― JKT021_Page_0412 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །ཨོཾ་སྭ་སྟི་པྲ་ཛེ་བྷ༔ འཆི་མེད་གྲུབ་པའི་དབང་ཕྱུག་ཐང་སྟོང་རྒྱལ་པོའི་རྡོ་རྗེའི་གསུང་གཡང་འགུགས་བྱིན་རླབས་ཅན་གཏོང་བར་འདོད་པས། ནོར་ལྷ་གཞན་གྱི་ཕྲིན་ལས་དང་འབྲེལ་ན་བཟླས་པའི་མཇུག་སོགས་སྐབས་སུ་བབ་བའི་ཚེ་བྱ། འདི་ཉིད་ཁོ་ན་གློ་བུར་དུ་གཏོང་བའི་ཚེ། འཕྱིང་པ་སོགས་གཞི་གདན་དཀར་པོའི་སྟེང་འབྲུ་དཀར་གྱི་གཡུང་དྲུང་རིས་བྲིས་པར་གཡང་གི་རྟེན་ཡོད་ན་དགྲམ། དམིགས་བསལ་མེད་ཚེ་སྣོད་བཟང་པོར་གཡང་བཤོས་རིན་ཆེན་འབར་བའི་དབྱིབས་ལ་དར་རས་འབྲུ་སྨན་རིན་ཆེན་ཟས་ཕུད་གཙང་མ་ཅི་འབྱོར་པས་ཕྱུར་བུར་གཏམས་པའི་གཡས་སུ་ཕྱེ་མར་དང་། གཡོན་དུ་གཡང་ཆང་མར་གྱི་ཟེ་སྲོག་ཅན། མདུན་དུ་མཆོད་པ་ཇི་ལྟར་རིགས་པས་མཛེས་པར་བསྟར། རང་གི་མདུན་དུ་མདའ་དར་དང་རོལ་མོའི་བྱེ་བྲག་སོགས་ཉེ་བར་མཁོ་བ་རྣམས་བཤམ། བདག་བསྐྱེད་རྒྱས་པར་བྱ་བའམ། བསྡུ་ན། མ་ནམ་མཁའ་དང་མཉམ་

― JKT021_Page_0413 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་སེམས་ཅན་ཐམས་ཅད་བླ་མ་སངས་རྒྱས་རིན་པོ་ཆེ་ལ་སྐྱབས་སུ་མཆིའོ། །སངས་རྒྱས་ཆོས་དང་དགེ་འདུན་རྣམས་ལ་སྐྱབས་སུ་མཆིའོ། །བླ་མ་ཡི་དམ་མཁའ་འགྲོའི་ཚོགས་ལ་སྐྱབས་སུ་མཆིའོ། །རང་སེམས་སྟོང་གསལ་ཆོས་ཀྱི་སྐུ་ལ་སྐྱབས་སུ་མཆིའོ། །ཞེས་ཅི་ནུས་དང་། སངས་རྒྱས་ཆོས་ཚོགས་སོགས་ལན་གསུམ་གྱིས་སྐྱབས་སེམས་དང་། །སེམས་ཅན་ཐམས་ཅད་བདེ་བ་དང་སོགས་ཚད་མེད་བཞི་བསྒོམ། ཨོཾ་སྭ་བྷཱ་བ་ཤུདྡྷསརྦ་དྷརཿསྭ་བྷཱ་བ་ཤུདྡྷོཉ་ཧཾ། སྟོང་པའི་ངང་ལས་རང་ཉིད་སྐད་ཅིག་གིས་འཕགས་པ་ཐུགས་རྗེ་ཆེན་པོ་འགྲོ་འདུལ་ཡིད་བཞིན་ནོར་བུ་སྐུ་མདོག་དཀར་གསལ་ཞལ་གཅིག་ཕྱག་བཞི་པ། ཕྱག་དང་པོ་གཉིས་ཐུགས་ཀར་ཐལ་མོ་སྦྱར་བའི་བར་དུ་

― JKT021_Page_0414 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིད་བཞིན་ནོ་བུ་དང་། གཡས་འོག་མས་ཤེལ་ཕྲེང་དང་གཡོན་འོག་མས་མེ་ཏོག་པདྨ་དཀར་པོ་བསྣམས་པ། རི་དྭགས་ཀྲྀཥཱ་སཱ་རིའི་ལྤགས་པས་ནུ་མ་གཡོན་པ་བཀབ་ཅིང་དར་དང་རིན་པོ་ཆེའི་རྒྱན་ཐམས་ཅད་ཀྱིས་བརྒྱན་པ། པདྨ་དང་ཟླ་བའི་གདན་ལ་ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་པའི་སྐུར་གྱུར་པར་བསམ་ལ། ཨོཾ་མ་ཎི་པདྨེ་ཧཱུྃ། །ཞེས་ཅི་ནུས་བཟླས་མཐར། འཕགས་པ་ཐུགས་རྗེ་ཆེན་པོས་བདག་དང་སེམས་ཅན་ཐམས་ཅད་ལ་འདོད་རྒུའི་འབྱོར་པ་ཟད་མི་ཤེས་པའི་དངོས་གྲུབ་མ་ལུས་པ་སྩལ་དུ་གསོལ། །ཞེས་གསོལ་བ་གདབ། མདུན་གྱི་ནམ་མཁར་ལྷ་དང་མིའི་མཆོད་པའི་ཚོགས་དང་། འདོད་རྒུའི་དཔལ་འབྱོར་རྫོགས་ལྡན་དུས་ཀྱི་སྤྲིན་ཕུང་ལྟར་འཁྲིགས་པའི་དབུས་སུ་པད་ཟླའི་གདན་ལ་བླ་མ་དང་གཉིས་སུ་མེད་པའི་བྱང་ཆུབ་སེམས་དཔའ་རིན་ཆེན་མང་སྐུ་མདོག་གསེར་བཙོ་མ་ལྟར་འབར་བ་ཞལ་གཅིག་ཕྱག་གཉིས་པ། ཕྱག་གཡས་མཆོག་སྦྱིན་གྱི་ཕྱག་རྒྱ་ལས་ལོངས་སྤྱོད་ནམ་མཁའ་མཛོད་ཀྱི་ཆར་འབེབས་ཤིང་། གཡོན་མཉམ་བཞག་གི་སྟེང་ན་དགོས་འདོད་ཐམས་ཅད་འབྱུང་བའི་ནོར་བུ་རིན་པོ་ཆེ་དབང་གི་རྒྱལ་པོ་བསྣམས་པ། ཞི་ཞིང་འཛུམ་ལ་སྒེག་པའི་ཉམས་ཅན། དར་དང་རིན་པོ་ཆེའི་རྒྱན་ཐམས་ཅད་ཀྱིས་བརྒྱན་ཅིང་ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་

― JKT021_Page_0415 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་མཐའ་སྐོར་ཀུན་ཏུ་བླ་མ་ཡི་དམ་སངས་རྒྱས་བྱང་སེམས་དཔའ་བོ་མཁའ་འགྲོ་དམ་ཅན་སྲུང་མའི་ཚོགས་རྣམས་དང་། ཁྱད་པར་དུ་རྒྱལ་པོ་ཆེན་པོ་རྣམ་མང་ཐོས་སྲས། འཕགས་པ་ཛམྦྷ་ལ། ལྷ་མོ་ནོར་རྒྱུན་མ། གཡང་གི་ལྷ་མོ་དཔལ་ཆེན་མོ། །གནོད་སྦྱིན་ཨ་པ་ར་ཛི་ཏ། ལྷ་ཆེན་ཚོགས་ཀྱི་བདག་པོ། ཨཱརླ་རེ་མན་སོགས་གནོད་སྦྱིན་ནོར་ལྷ་གཏེར་བདག་དཀར་ཕྱོགས་སྐྱོང་བའི་ཚོགས་བསམ་གྱིས་མི་ཁྱབ་པས་བསྐོར་བ་མངོན་སུམ་བཞིན་ཏུ་བཞུགས་པར་གྱུར། ཅེས་བརྗོད་ཅིང་བསམ་ལ། སྤོས་རོལ་དང་དབྱངས་ཀྱི་འགྱུར་སྙན་པོས། ཀྱཻ། དང་པོ་གཡང་ལེན་གར་སྲིད་ན། །སྔོན་གྱི་བསྐལ་པའི་དང་པོ་ལ། །ཁ་བ་ཅན་གྱི་རྒྱལ་ཁམས་སུ། །སྤྱན་རས་གཟིགས་ཀྱི་སྤྲུལ་པ་ལས། །སྤྲེའུ་བྱང་ཆུབ་སེམས་དཔའ་བྱུང་། །ཇོ་མོ་སྒྲོལ་མའི་སྤྲུལ་པ་ལས། །བྲག་སྲིན་ནག་མོ་བྱ་བ་བྱུང་། །དེ་ཕྱིགཉིས་ཐབས་ཤེས་འཕྲད་པ་ལས། །གདོང་དམར་མི་རྣམས་ཐམས་ཅད་བྱུང་། །མི་རྣམས་ཕོངས་པས་མནར་བ་ལས། །སྤྲེའུའི་རྒྱལ་པོ་ཡར་གཤེགས་ཏེ། །པོ་ཏཱ་ལ་ཡི་རྩེ་མོ་ན། །སྤྱན་རས་གཟིགས་དབང་བཞུགས་པ་ལ། །སྤྲེའུའི་རྒྱལ་པོས་འདི་སྐད་ཞུས། །ཀྱེ་མ་ལས་ཀྱི་འབྲས་བུ་སྨིན། །དབོན་སྲས་མང་པོ་འཕེལ་བ་ལ། །དྲན་པ་གསལ་བ་ལྷ་དང་འདྲ། །གདུག་རྩུབ་ཆེ་བ་ལྷ་མིན་འདྲ། །

― JKT021_Page_0416 ―

^{[མ་དཔེ་གཟིགས་ན་འདིར་གནོན།]}

[Full Size]

གོས་མེད་གཅེར་བུ་དུད་འགྲོ་འདྲ། །བཀྲེས་སྐོམ་སྡུག་བསྔལ་ཡི་དྭགས་འདྲ། །ཤིན་ཏུ་སྡུག་བསྔལ་དམྱལ་བ་འདྲ། །རིགས་དྲུག་སྡུག་བསྔལ་ངད་པ་ཚ། །འདི་ལ་ལས་ཐབས་ཅི་ཞིག་བྱ། །དེ་སྐད་ཞུས་པས་བཀའ་སྩལ་པ། །སྤྲེའུའི་རྒྱལ་པོ་ལེགས་པར་ཉོན། །ཁྱེད་ཀྱི་བུ་དང་ཚ་བོ་རྣམས། །གདོང་དམར་སྲིན་པོ་ཡིན་ཟེར་ཏེ། །ཁ་བ་ཅན་གྱི་ཞིང་ཁམས་སུ། །བྱིན་གྱིས་རླབས་པའི་སྤྲུལ་པ་ཡིན། །ཟས་ལ་འབྲས་བུ་སྣ་ཚོགས་ཟོ། །སྐོམ་དུ་འབྱུང་བ་ཆུ་ལ་འཐུང་། །གོས་སུ་ལྷ་ཡི་ན་བཟའ་གཏོད། །སྐབས་སུ་གཡང་འགུགས་གཡང་ལེན་བྱ། །སྤྱན་རས་གཟིགས་ཀྱིས་དེ་སྐད་གསུངས། །དེ་ནས་སྤྲེའུའི་རྒྱལ་པོ་དེས། །སྔགས་འཆང་རྒྱལ་པོ་སྤྱན་དྲངས་ནས། །ལྷ་གཞི་དཀར་པོའི་གདན་སྟེང་དུ། །དཀོན་མཆོག་མཆོད་པ་རྒྱ་ཆེར་བཤམས། །རྒོད་སྒྲོ་མདའ་དར་དཀར་པོ་ལ། །དངུལ་དཀར་མེ་ལོང་བཏགས་པས་གཡབ། །ཁུ་ཡེ་བརྗོད་ཅིང་འོ་དོད་པོས། །སྔགས་འཆང་ངག་གི་སྨྲ་འབོད་དང་། །དབུ་ནག་བོད་ཀྱི་བསོད་ནམས་ལས། །འོད་ཟེར་སྣ་ལྔ་སྟེང་དུ་འཕྲོས། །ཚངས་པ་དུང་མདོག་ཐོད་དཀར་པོར། །ལྷ་ཡི་ལོངས་སྤྱོད་ལྡན་པ་ལས། །འོད་རླང་དཀར་པོ་གཅིག་ཏུ་སྤྲུལ། །ལྷ་ཡི་ལོངས་སྤྱོད་བོད་དུ་འོང་། །བོད་ལྷ་ཁམས་འདྲ་བ་དེ་ནས་སྲིད། །འོད་ཟེར་འོག་ཏུ་འཕྲོས་པ་

― JKT021_Page_0417 ―

^{[མ་དཔེ་གཟིགས་ན་འདིར་གནོན།]}

[Full Size]

ལས། །ཀླུ་རྒྱལ་གཙུག་ན་རིན་ཆེན་ཕོག །ཀླུ་ཡི་ལོངས་སྤྱོད་འཕེན་པོ་ལས། །ཀླུ་ཡི་ལོངས་སྤྱོད་བོད་དུ་འོང་། །བོད་ཀླུ་ལས་གྲོལ་བ་དེ་ལས་སྲིད། །འོད་ཟེར་བར་སྣང་ཁམས་སུ་འཕྲོས། །གཉེན་གྱི་རྒྱལ་པོ་ཆེན་པོར་ཕོག །གཉེན་གྱི་ལོངས་སྤྱོད་བོད་དུ་འོང་། །བོད་འགྲོལ་ཐབས་གཉན་པ་དེ་ནས་སྲིད། །འོད་ཟེར་ཤར་ཕྱོགས་གླིང་དུ་འཕྲོས། །ཡུལ་འཁོར་སྲུང་གི་རྒྱལ་པོ་ལ། །ལོངས་སྤྱོད་ལྡན་ཞིང་སྐྱེ་བ་བཟང་། །ཤར་ཕྱོགས་གཡང་རྣམས་བོད་དུ་འོང་། །བོད་སྐྱེ་བ་བཟང་བ་དེ་ནས་སྲིད། །འོད་ཟེར་ལྷོ་ཕྱོགས་གླིང་དུ་འཕྲོས། །འཕགས་སྐྱེས་པོ་ཡི་རྒྱལ་པོ་ལ། །ལོངས་སྤྱོད་ལྡན་ཞིང་དཀོར་ནོར་ཕྱུག །ལྷོ་ཕྱོགས་གཡང་རྣམས་བོད་དུ་འོང་། །བོད་དཀོར་ནོར་ཕྱུག་པ་དེ་ནས་སྲིད། །འོད་ཟེར་ནུབ་ཕྱོགས་གླིང་དུ་འཕྲོས། །སྤྱན་མི་བཟང་གི་རྒྱལ་པོ་ལ། །ལོངས་སྤྱོད་ལྡན་ཞིང་མི་འཕེལ་ཆེ། །ནུབ་ཕྱོགས་གཡང་རྣམས་བོད་དུ་འོང་། །བོད་མི་འཕེལ་ཆེ་བ་དེ་ནས་སྲིད། །འོད་ཟེར་བྱང་གི་ཕྱོགས་སུ་འཕྲོས། །རྣམ་ཐོས་སྲས་ཀྱི་རྒྱལ་པོ་ལ། །ལོངས་སྤྱོད་ལྡན་ཞིང་སྐུ་ཚེ་རིང་། །བྱང་ཕྱོགས་གཡང་རྣམས་བོད་དུ་འོང་། །བོད་སྐུ་ཚེ་རིང་བ་དེ་ནས་སྲིད། །འོད་ཟེར་ཕྱོགས་བཅུ་ཀུན་ཏུ་འཕྲོས། །ཕྱོགས་བཅུའི་ནོར་ལྷ་ཀུན་ལ་ཕོག །དེ་རྣམས་ལོངས་སྤྱོད་བོད་དུ་

― JKT021_Page_0418 ―

^{[མ་དཔེ་གཟིགས་ན་འདིར་གནོན།]}

[Full Size]

འོང་། །བོད་གཡང་ནོར་འཕེལ་བ་དེ་ནས་སྲིད། །འོད་ཟེར་རྒྱ་གར་ཡུལ་དུ་འཕྲོས། །རྒྱ་གར་ཆོས་རྣམས་བོད་དུ་འོང་། །བོད་ཆོས་ལ་དགའ་བ་དེ་ནས་སྲིད། །འོད་ཟེར་ཏ་ཟིག་ཡུལ་དུ་འཕྲོས། །ཏ་ཟིག་ནོར་རྣམས་བོད་དུ་འོང་། །བོད་དཀོར་ནོར་ཕྱུག་པ་དེ་ནས་སྲིད། །འོད་ཟེར་རྒྱ་ནག་ཡུལ་དུ་འཕྲོས། །རྒྱ་ཡི་ཇ་དར་བོད་དུ་འོང་། །བོད་ཇ་དར་འཕེལ་བ་དེ་ནས་སྲིད། །འོད་ཟེར་ཧོར་གྱི་ཡུལ་དུ་འཕྲོས། །ཧོར་གྱི་རྟ་གཡང་བོད་དུ་འོང་། །བོད་རྟ་དྲེལ་འཕེལ་བ་དེ་ནས་སྲིད། །འོད་ཟེར་བོད་ཀྱི་ཡུལ་དུ་འཕྲོས། །མི་དང་གཡང་གཉིས་ཀྱི་ལི་ལི། །ཕྱྭ་དང་གཡང་གཉིས་སྒ་ར་ར། །ལོངས་སྤྱོད་སྣ་ཚོགས་དེ་ལས་འཚོགས། །སྔོན་གྱི་བཟང་འཕྲོ་དཔལ་བཞིན་དུ། །དར་དཀར་གཡབ་ཅིང་འདིར་འབོད་ནས། །དེ་རིང་ཁུ་ཡེ་ཕྱྭ་གཡང་ལེན། །ཅེས་སྔོན་བྱུང་གི་གླེང་གཞིས་མཚམས་སྦྱར་ནས་གཡང་འགུགས་དངོས་ནི། བསང་ཤིང་གི་དུད་པ་དང་དཀར་མངར་རིན་ཆེན་འབྲུ་སྨན་ཇ་ཆང་ཟས་སྣའི་ཕུད་སོགས་ཀྱིས་མཆོད་ཅིང་། ཨོཾ་ཨཱཿཧཱུྃ། །ཕྱོགས་བཅུའི་འཇིག་རྟེན་ཁམས་བཞུགས་པའི། །དཀོན་མཆོག་རྣམ་གསུམ་ཐུགས་རྗེའི་གཏེར། །རྩ་བརྒྱུད་བླ་མ་བྱིན་རླབས་ཅན། །ཡི་དམ་ཞི་ཁྲོ་དངོས་གྲུབ་མཛོད། །མཁའ་འགྲོ་ཆོས་སྐྱོང་ཕྲིན་ལས་བདག །ཁྱད་པར་མཚན་ཙམ་འཛིན་པས་ཀྱང་། །རྒུད་ཅིང་ཕོངས་པ་ཀུན་བསལ་ནས། །འདོད་

― JKT021_Page_0419 ―

^{[མ་དཔེ་གཟིགས་ན་འདིར་གནོན།]}

[Full Size]

རྒུའི་ལོངས་སྤྱོད་སྩོལ་མཛད་པའི། །བྱང་ཆུབ་སེམས་དཔའ་རིན་ཆེན་མང་། །རྣམ་མང་ཐོས་སྲས་རྟ་བདག་བརྒྱད། །རྨུགས་འཛིན་དབང་པོ་ནོར་རྒྱུན་མ། །ཡབ་ཡུམ་འཁོར་དང་བཅས་པ་དང་། །ཨ་པ་ར་ཛི་ཏ་ཚོགས་ཀྱི་བདག །རེ་མན་སོགས་གནོད་སྦྱིན་དང་། །ནོར་ལྷ་གཏེར་བདག་བྱེ་བའི་ཚོགས། །གཙང་རིས་དཔལ་མགོན་དམ་ཚིག་ཅན། །ལྷན་ཅིག་སྐྱེས་དང་འགོ་བའི་ལྷ། །མདོར་ན་དཀར་ཕྱོགས་སྐྱོང་བའི་སྡེ། །སྤྲུལ་དང་ཡང་སྤྲུལ་བཅས་པ་ལ། །ཕྱག་འཚལ་བསྟོད་ཅིང་གསོལ་བ་འདེབས། །དངོས་འབྱོར་ཡིད་སྤྲུལ་མཆོད་པར་འབུལ། །སྨན་ཤིང་སྤོས་ཀྱི་དུད་པས་མཆོད་། །ཟས་མཆོག་ཕྱེ་མར་འབྲུ་སྣས་མཆོད། །རིན་ཆེན་དར་ཟབ་རྒྱས་མཚོ་མཆོད། །དཀར་གསུམ་གཙང་མའི་ཕུད་ཀྱིས་མཆོད། །མངར་གསུམ་དྭང་མའི་བཅུད་ཀྱིས་མཆོད། །ཇ་ཆང་འདོད་ཡོན་སྐྱེམས་ཀྱིས་མཆོད། །བདག་ཅག་སྙིགས་མ་ལྔ་ཡི་འགྲོ། །དབུལ་ཞིང་ཕོངས་པས་ཉམས་ཐག་ཚེ། །མོས་གུས་གདུང་བས་གསོལ་འདེབས་ན། །སྔོན་གྱི་དམ་བཅའ་མ་གཡེལ་བར། །ཐུགས་རྗེ་ཐུགས་དམ་ཤུགས་བསྐྱེད་ལ། །ཕྱྭ་གཡང་འགུགས་པའི་ཕྲིན་ལས་མཛོད། །མདའ་དར་གཡབ་ཅིང་། ཀྱེ་།སྟེང་ཕྱོགས་ལྷ་ཁམས་རྣམས་ཀྱི་གཡང་། །དེ་རིང་ཁུ་ཡེ་ཕྱྭ་གཡང་ཁུག །བར་སྣང་གཉན་གྱི་རྒྱལ་

― JKT021_Page_0420 ―

^{[མ་དཔེ་གཟིགས་ན་འདིར་གནོན།]}

[Full Size]

པོའི་གཡང་། །དེ་རིང་ཁུ་ཡེ་ཕྱྭ་གཡང་ཁུག །ས་འོག་ཀླུ་ཡི་རྒྱལ་པོའི་གཡང་། །དེ་རིང་ཁུ་ཡེ་ཕྱྭ་གཡང་ཁུག །ཤར་ཕྱོགས་ཡུལ་འཁོར་སྲུང་གི་གཡང་། །དེ་རིང་ཁུ་ཡེ་ཕྱྭ་གཡང་༴ །ལྷོ་ཕྱོགས་འཕགས་སྐྱེས་པོ་ཡི་གཡང་། །དེ་རིང་ཁུ་ཡེ༴ །ནུབ་ཕྱོགས་སྤྱན་མི་བཟང་གི་གཡང་། །དེ་རིང་ཁུ་ཡེ= །བྱང་ཕྱོགས་རྣམ་ཐོས་སྲས་ཀྱི་གཡང་། །དེ་རིང་ཁུ་ཡེ= །ཕྱོགས་སྐྱོང་ནོར་ལྷ་རྣམས་ཀྱི་གཡང་། །དེ་རིང་ཁུ་ཡེ= །ལྷ་འདྲེ་མཐུ་རྩལ་ཅན་གྱི་གཡང་། །དེ་རིང་ཁུ་ཡེ༴ །གེ་སར་རྒྱལ་པོའི་དམག་གཡང་དེ། །དེ་རིང་ཁུ་ཡེ༴ །བལ་པོའི་སྐྱེ་བཞིན་ལེགས་གཡང་དེ། །དེ་རིང་ཁུ་ཡེ༴ ། སོག་པོའི་མདའ་རྩལ་ཆེ་བའི་གཡང་། །དེ་རིང་ཁུ་ཡེ༴ །དགུང་སྔོན་མཐོན་པོའི་ཕ་གཡང་དེ། །དེ་རིང་ཁུ་ཡེ༴ །དོག་མོ་ས་ཡི་མ་གཡང་དེ། །དེ་རིང་ཁུ་ཡེ༴ །ཉི་ཟླ་སྐར་གསུམ་བཀྲ་གཡང་དེ། །དེ་རིང་ཁུ་ཡེ= །འཇའ་ཚོན་སྣ་ལྔའི་བཀྲག་གཡང་དེ། །དེ་རིང་ཁུ་ཡེ༴ །ལྷོ་སྤྲིན་སྨུག་པོའི་ཕྱུག་གཡང་དེ། །དེ་རིང་ཁུ་ཡེཋ །རི་རབ་ལྷུན་པོའི་བརྟན་གཡང་དེ། །དེ་རིང་ཁུ་ཡེ༴ །གླིང་ཆེན་བཞི་ཡི་བཀོད་གཡང་དེ། །དེ་རིང་ཁུ་ཡེ །གླིང་ཕྲན་བརྒྱད་ཀྱི་འཁོར་གཡང་དེ། །དེ་རིང་ཁུ་ཡེ༴ །རི་ཕྲན་རྣམས་ཀྱི་བཙུན་གཡང་དེ། །དེ་རིང་ཁུ་ཡེ༴ །རྒྱ་མཚོ་ཆེན་པོའི་ཟབ་གཡང་དེ། །དེ་རིང་ཁུ་

― JKT021_Page_0421 ―

^{[མ་དཔེ་གཟིགས་ན་འདིར་གནོན།]}

[Full Size]

ཡེ །དཔག་བསམ་ཤིང་གི་ལོ་གཡང་དེ། །དེ་རིང་ཁུ་ཡེ= །རྩི་ཤིང་ནགས་ཚལ་འཕན་གཡང་དེ། །དེ་རིང་ཁུ་ཡེ= །ཕྱུག་པོ་རྣམས་ཀྱི་ཕྱུག་གཡང་དེ། །དེ་རིང་ཁུ་ཡེ༴ །འཕན་པོ་རྣམས་ཀྱི་འཕན་གཡང་དེ། །དེ་རིང་ཁུ་ཡེ= །བཙན་པོ་རྣམས་ཀྱི་བཙན་གཡང་དེ། །དེ་རིང་ཁུ་ཡེ= །གཉན་པོ་རྣམས་ཀྱི་གཉན་གཡང་དེ། །དེ་རིང་ཁུ་ཡེ= །འཆི་མེད་རྡོ་རྗེའི་ཚེ་གཡང་དེ། །དེ་རིང་ཁུ་ཡེ༴ །རྒྱལ་བ་རྣམས་ཀྱི་ཐུགས་རྗེའི་གཡང་། །དེ་རིང་ཁུ་ཡེ་ཕྲུ་གཡང་ཁུག །ཁུ་ཡེ་ཕྱྭ་ཁུག་གཡང་ཁུག་ལ། །གཡང་ལེན་ཕུད་ཀྱིས་ནོར་ལྷ་མཆོད། །གཡང་ལེན་ཕུད་ཀྱིས་ཕྱུག་ལྷ་མཆོད། །གཡང་ལེན་ཕུད་ཀྱིས་ཁྱིམ་ལྷ་མཆོད། །གཡང་ལེན་ཕུད་ཀྱིས་ཚེ་ལྷ་མཆོད། །འཆི་མེད་ཚེ་དང་འཛད་མེད་ནོར། །དཔལ་འབྱོར་ལོངས་སྤྱོད་ཕྱུ་གཡང་ཀུན། །རི་ལྟར་སྤུངས་ཤིང་མཚོ་ལྟར་བསྐྱིལ། །བདེ་སྐྱིད་བཀྲ་ཤིས་དངོས་གྲུབ་སྩོལ། །རང་གི་ཐུགས་ཀ་ནས་འོད་ཟེར་འཕྲོས། མདུན་བསྐྱེད་ཀྱི་ཐུགས་རྒྱུད་བསྐུལ། དེ་རྣམས་ཀྱི་ཐུགས་ཀ་ནས་འོད་ཟེར་ལྕགས་ཀྱུའི་དབྱིབས་ཅན་གྲངས་མེད་པ་འཕྲོས་པས། སྲིད་ཞིའི་ཚེ་བསོད་དཔལ་འབྱོར་ཕྱུ་གཡང་ལོངས་སྤྱོད་བརྟན་གཡོའི་དྭང་བཅུད་ཐམས་ཅད་བཀྲ་ཤིས་རྫས་རྟགས་རྒྱལ་སྲིད་བདུན་དང་འཇའ་ཟེར་ཐིག་ལེའི་རྣམ་པར་སྤྱན་དྲངས། མདུན་གྱི་

― JKT021_Page_0422 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་རྫས་རྣམས་ལ་ཐིམ་པས་འདོད་རྒུ་ཐམས་ཅད་ཡིད་བཞིན་དུ་སྩོལ་བར་གྱུར་པར་བསམ་ལ། སྤྲོ་ན་སྔགས་བཟླ་བ་ནི། ཨོཾ་ཨཱགུ་རུ་རཏྣ་སཾ་བྷ་བ་སརྦ་སིདྡྷི་ཧཱུཾ། ཨོཾ་བཻ་ཤྲ་མ་ཎཱ་ཡ་སྭཱ་ཧཱ། ཨོཾ་ཛམྦྷ་ལ་ཛ་ལེནྡྲ་ཡ་སྭཱ་ཧཱ། ཨོཾ་བ་སུ་དྷཱ་རི་ཎི་སྭཱ་ཧཱ། །ཨོཾ་ཀ་མ་ལ་བཱ་སི་ནི་ཀ་མ་ལེ་མ་ཧཱ་ལཀིར་ཚུ་མེ་དེ་ཧི་བ་ར་དེ་སྭཱ་ཧཱ། །ཨོཾ་ཨ་པ་ར་ཛི་ཏ་རཏྣ་སརྦ་སིདྡྷི་ཧཱུཾ། །ཨོཾ་ཧཱུཾ་ག་ཎ་བ་ཏ་ཡེ་སྭཱ་ཧཱ། །ཨོཾ་ཨཱརླ་རེ་མནྟཱ་ཡ་སྭཱ་ཧཱ། །ཞེས་པ་རྣམས་ཅི་ནུས་བཟླ། ཚར་གྲངས་བྱེད་ན། མཆོད་པ་ཞལ་བསོ། ཨོཾ་ཨཱཿཧཱུྃ། །ཕྱོགས་བཅུའི་འཇིག་རྟེན་སོགས་ནས་འདི་ཡན་བསྦྱར་ཞིང་སྔགས་བཟླ་བ་སྤེལ། དེ་ནས་མཇུག་ཏུ་གཡང་ལེན་པ་ནི། ཀྱཻ། །མཐོ་བ་སྲིད་གསུམ་ཡང་རྩེ་ནས། །རླུང་གི་རྒྱ་གྲམ་ཡན་བར་གྱི། །ཁམས་ལྔའི་ནུས་བཅུད་ཚེ་དཔལ་གཡང་། །དེང་འདིར་ཁུ་ཡེ་ཕྱུ་གཡང་ལེན། །ཕྱོགས་བཅུ་དག་པའི་ཞིང་ཁམས་དང་། །འཛམ་གླིང་རྔ་ཡབ་གཞན་གསུམ་ནས། །དམ་པ་ཆོས་ཀྱི་ཆབ་སྲིད་དེ། །དེང་འདིར་ཁུ་ཡེ་ཕྱྭ་གཡང་ལེན། །ལྷ་གནས་སུ་ཅུ་རྩ་གསུམ་དང་། །ལུས་འཕགས་ལུས་དང་འཕགས་པ་ནས། །མཐོ་རིས་སྙན་གྲགས་རྒྱལ་སྲིད་དེ། །དེང་འདིར་ཁུ་ཡེ༴ །གནོད་སྦྱིན་གྲོང་ཁྱེར་ཁང་བཟང་དང་། །བ་གླང་སྤྱོད་གླིང་གཡོ་ལམ་ནས། །བ་ཕྱུགས་ནོར་མཛོད་རྨ་གཡང་དེ། །དེང་འདིར་ཁུ་ཡེ༴ མཐོ་རིས་ནམ་མཁའི་གནས་རྣམས་དང་། །སྒྲ་

― JKT021_Page_0423 ―

^{[མ་དཔེ་གཟིགས་ན་འདིར་གནོན།]}

[Full Size]

མི་སྙན་གཉིས་དེའི་ཟླ་ནས། །འཆི་མེད་ཚེ་ཡི་སྲོག་གཡང་དེ། །དེང་འདིར་ཁུ་ཡེ༴ །བསམ་གཏན་བཞི་གནས་མན་ཆད་དང་། །ས་འོག་ལྟོ་འཕྱེའི་གནས་ཡན་གྱི། །བདེ་སྐྱིད་མངའ་རིས་ཕུན་ཚོགས་དེ། །དེང་འདིར་ཁུ་ཡེ་ཕྱྭ་གཡང་ལེན། ཀྱཻ། །ཕྱོགས་བཅུ་དུས་གསུམ་བྱོན་པ་ཡི། །དཀོན་མཆོག་རིན་ཆེན་རྣམ་གསུམ་དང་། །རྩ་བརྒྱུད་བླ་མའི་བྱིན་རླབས་དེ། །དེང་འདིར་ཁུ་ཡེ་ཕྲུ་གཡང་ལེན། །ཐེག་པ་རིམ་དགུ་རྒྱུད་སྡེ་བཞི། །ཡི་དམ་དཀྱིལ་འཁོར་ལྷ་ཚོགས་ཀྱཻ། །མཆོག་དང་ཐུན་མོང་དངོས་གྲུབ་དེ། །དེང་འདིར་ཁུ་ཡེ= །གནས་གསུམ་དཔའ་བོ་མཁའ་འགྲོ་དང་། །ཆོས་སྲུང་དམ་ཅན་རྒྱ་མཚོའི་སྡེའི། །གང་བཅོལ་གཡེལ་མེད་ཕྲིན་ལས་དེ། །དེང་འདིར་ཁུ་ཡེ= །གནོད་སྦྱིན་དབུལ་སེལ་ནོར་སྐྱོང་ཚོགས། །མི་ཟད་འདོད་དགུ་དབང་རྣམས་ཀྱཻ། །དགོས་འབྱུང་ལོངས་སྤྱོད་གཏེར་མཛོད་དེ། །དེང་འདིར་ཁུ་ཡེ༔ རིགས་རུས་སྣག་འབྲང་དང་སྐྱེས་ལྷ། །འགོ་བའི་དགྲ་ལྷ་དཔུང་གཉེན་དུ། །མི་འབྲལ་ཟུང་དུ་འགྲོགས་པའི་གཡང་། །དེང་འདིར་ཁུ་ཡེ༴ །དམ་ལྡན་དཀར་པོའི་ཕྱོགས་སྐྱོང་བའི། །ཡུལ་ལྷ་གཞི་བདག་གནས་སྲུང་རྣམས། །རྐྱེན་བསལ་མཐུན་འགྲུབ་མི་འབྲལ་གཡང་། །དེང་འདིར་ཁུ་ཡེ༔ སྣང་སྲིད་སྣོད་བཅུད་དཀྱིལ་འཁོར་ལྷ། །གདོད་ནས་དག་

― JKT021_Page_0424 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལྷུན་འགྲུབ་གཤིས། །གནས་ལུགས་ཕྱག་རྒྱ་ཆེན་པོའི་གཡང་། །དེང་འདིར་ཁུ་ཡེ་ཕྱྭ་གཡང་ལེན། །ཀྱེ །ཚེ་སྣང་མཐའ་ཡས་རྣམ་པར་རྒྱལ། །འཕགས་མ་པད་འབྱུང་གྲུབ་རྒྱལ་སོགས། །འཆི་མེད་བརྙེས་རྣམས་ཚེ་དངོས་དེ། །དེང་འདིར་ཁུ་ཡེ་ཕྲུ་གཡང་ལེན། །བདེ་གཤེགས་མཆེད་ལྔ་སྤྲུལ་པ་ལྔ། །ནང་བ་ལྷ་མི་དྲང་སྲོང་ཕྱིའི། །ན་གསོ་འཆི་སླུ་སྨན་ནུས་དེ། །དེང་འདིར་ཁུ་ཡེ༴ །འཇམ་མགོན་ངག་དབང་དབྱངས་ཅན་སོགས། །ཕྱོགས་དུས་རྒྱལ་བ་སྲས་བཅས་ཀྱཻ། །མཁྱེན་རབ་བློ་གྲོས་སྤོབས་པ་དེ། །དེང་འདིར་ཁུ་ཡེ༴ །སྙིང་རྗེའི་སྤྱན་རས་གཟིགས་འགྲོ་མགོན། །ས་དང་ལམ་གནས་བྱང་སེམས་རྣམས། །ཐུགས་བསྐྱེད་གཞན་དོན་ཕྱོགས་མེད་དེ། །དེང་འདིར་ཁུ་ཡེ༴ །གསང་བདག་རྡོར་འཛིན་རྟ་མགྲིན་སོགས། །གསང་སྔགས་རིག་གཟུངས་གྲུབ་བརྙེས་པས། །ལོག་འདྲེན་གཞོམ་པའི་མཐུ་སྟོབས་དེ། །དེང་འདིར་ཁུ་ཡེ༴ །འདུལ་བ་མདོ་སྡེ་མ་མོ་སྔགས། །གསར་རྙིང་བསྟན་འཛིན་བརྒྱུད་བཅས་ཀྱཻ། །སྤངས་རྟོགས་བརྟུལ་ཞུགས་སྒྲུབ་འབྲས་དེ། །དེང་འདིར་ཁུ་ཡེ༴ །རྒྱ་བོད་མཁན་སློབ་པཎ་གྲུབ་ལོང་། །འཆད་ཉན་རྩོམ་སྒྱུར་བསྒོམ་སྒྲུབ་རྒྱུན། །སངས་རྒྱས་བསྟན་པ་དར་བའི་གཡང་། །དེང་འདིར་ཁུ་ཡེ༴ །མོ་རྩིས་རྫས་སྔགས་བསྒོམ་བསྒྲུབ་སོགས། །

― JKT021_Page_0425 ―

^{[མ་དཔེ་གཟིགས་ན་འདིར་གནོན།]}

[Full Size]

ཟག་བཅས་ཟག་མེད་མངོན་མཁྱེན་ལྔས། །དུས་གསུམ་གསལ་སྟོན་པྲ་གཡང་དེ། །དེང་འདིར་ཁུ་ཡེ །སོ་འབྲང་སོགས་ལྔ་པདྨ་འབྱུང་། །ནཱ་གཱ་རྫུ་ནའི་དྲང་སྲོང་སོགས། །སྲི་འདུལ་སྲིད་སྤེལ་སྲུང་སྐྱོབ་གཡང་། །དེང་འདིར་ཁུ་ཡེ༴ །ལྷ་ཀླུ་གནོད་སྦྱིན་གཏེར་གྱི་བདག །བརྒྱད་བརྒྱད་བློན་འཁོར་འབངས་བཅས་ཀྱཻ། །མཛད་མེད་དབྱིག་གི་བང་མཛོད་དེ། །དེང་འདིར་ཁུ་ཡེཌ །ཛམ་ལ་ནོར་བུ་རྣམ་མང་བུ། །གནོད་སྦྱིན་སྡེ་དཔོན་འབྲོག་གནས་སོགས། །རྐང་བཞིའི་ཕྱུགས་གཡང་རླུ་གཡང་དེ། །དེང་འདིར་ཁུ་ཡེ༴ །མཁར་ཁྱིམ་ཐབ་མཛོད་འདོད་འཇོའི་ལྷ། །མ་ཕྱིའི་གྲོགས་རྒྱལ་མཐིང་གེ་སོགས། །བཟའ་བཏུང་ཟས་བཅུད་སྲིད་གཡང་དེ། །དེང་འདིར་ཁུ་ཡེ༴ །མ་དྲོས་ཆུང་ཞི་གངས་ཅན་རི། །འབིགས་བྱེད་ཡུལ་དྲུག་འཛམ་གླིང་སྤྱིའི། །སྐོམ་གཤེར་ཡུལ་གནས་བཞི་བདག་༧ གཡང་། །དེང་འདིར་ཁུ་ཡེ= །ཁྱད་པར་ཏི་སེ་ཐང་ལྷ་རྨ། །མ་ཕམ་གཡུ་མཚོ་ཁྲི་ཤོག་སོགས། །བོད་ཁམས་གནས་བདག་རྨ་གཡང་དེ། །དེང་འདིར་ཁུ་ཡེ༴ །ཆོས་རྒྱལ་རིགས་ལྡན་མང་བཀུར་སོགས། །མི་དབང་གསེར་དངུལ་ཟངས་ལྕགས་ཀྱཻ། །འཁོར་ལོས་བསྒྱུར་རྣམས་ཆབ་སྲིད་བརྟན། །དེང་འདིར་ཁུ་ཡེ= །གཤེན་རབས་ཕྱུ་ལྷ་དགུ་ཁྲི་འབུམ། །ཐུགས་དཀར་སུམ་བརྒྱ་དྲུག་ཅུ་

― JKT021_Page_0426 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས། །གཡུང་དྲུང་བོན་གྱི་ཕྱུ་གཡང་དེ། །དེང་འདིར་ཁུ་ཡེ༴ །འཕགས་བོད་བདེ་འབྱུང་ཨུ་རྒྱན་སོགས། །རྒྱལ་བསྟན་སྤེལ་སྐྱོང་ཆོས་ཀྱི་ཁྲིམས། །བསྟན་འགྲོར་དགེ་བའི་ལེགས་མཛད་དེ། །དེང་འདིར་ཁུ་ཡེ༴ །ཏ་ཟིག་རྒྱ་བོད་ཧོར་ཕྲོམ་སོགས། །ནོར་སྤེལ་དགྲ་འདུལ་གཉེན་སྐྱོང་བའི། །ཆེ་བཙུན་བཙན་ཕྱུག་རྒྱལ་སྲིད་གཡང་། །དེང་འདིར་ཁུ་ཡེ༴ །མཐའ་ཀླུང་དབུས་ལྗོངས་ཙི་ན་སོགས། །མི་རྒྱུད་ལོ་འབྲས་འཕན་དར་འཕེལ། །རིན་ཆེན་ཇ་དར་གོས་ཟས་གཡང་། །དེང་འདིར་ཁུ་ཡེ་ཕྱྭ་གཡང་ལེན། ༈ །ཀྱེ་།སྟོང་ཁམས་གསུམ་ན་ཡུལ་བདེ་ཞིང་། །རྫོང་བཙན་ཁྲིམས་བརྟན་དུས་ཆར་འབེབས། །ལོ་ལེགས་ཆོས་དར་ཕྱི་ཡི་གཡང་། །དེང་འདིར་ཁུ་ཡེ༴ །མི་ཆོས་ཕྱུགས་རྒྱུད་འཕེལ་ནང་གཤིམས། །ཕོ་དཔའ་མོ་འཛངས་འོག་རྟ་མགྱོགས། །གོ་བཙན་མཚོན་རྣོ་ནང་གི་གཡང་། །དེང་འདིར་ཁུ་ཡེ༴ །མཁས་གྲུབ་རྩོད་རྒྱལ་དོན་གཉིས་གྲུབ། །ནད་མེད་ཚེ་རིང་རྒྱགས་སྐྱིད་བདེ། །མཐར་ཐུག་འཚང་རྒྱ་དོན་གྱི་གཡང་། །དེང་འདིར་ཁུ་ཡེ༴ །ཆོས་དབྱིངས་ཆོས་ཅན་བསླུ་མེད་མཐུས། །བདེན་པའི་ཚིག་ལ་དབང་རྣམས་ཀྱིས། །ཅི་བཏབ་སྨོན་ལམ་འགྲུབ་པའི་གཡང་། །དེང་འདིར་ཁུ་ཡེ༴ །ཚོགས་རྫོགས་རྟེན་འབྲེལ་མངའ་ཐང་ལས། །རྫས་རྟགས་རྒྱལ་སྲིད་ཉེར་

― JKT021_Page_0427 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས་ཀྱཻ། །འཇིག་རྟེན་དགེ་མཛད་བཀྲ་ཤིས་གཡང་། །དེང་འདིར་ཁུ་ཡེ་ཕྱྭ་གཡང་ལེན། །ལོངས་སྤྱོད་བཀྲ་ཤིས་ཕུན་ཚོགས་ཀུན། །གནས་འདིར་བརྟན་པའི་དངོས་གྲུབ་སྩོལ། །འདོད་རྒུའི་དཔལ་འབྱོར་རྒྱས་པ་དང་། །བསམ་དོན་ཡིད་བཞིན་འགྲུབ་པར་མཛོད། །ཅེས་གསོལ་བ་གདབ། བསྡུ་ན། ཀྱཻ། །སྟོང་ཁམས་གསུམ་ན་སོགས་མན་གྱིས་ཆོག །ཡི་གེ་བརྒྱ་བ་ལན་གསུམ་དང་། མ་འབྱོར་པ་དང་ཉམས་པ་དང་། །གང་ཡང་བདག་རྨོངས་བློ་ཡིས་ནི། །བགྱིས་པ་དང་ནི་བགྱིད་སྩལ་བ། །དེ་ཀུན་མགོན་པོས་བཟོད་པར་མཛོད། །ཅེས་ནོངས་པ་བཤགས། མདུན་བསྐྱེད་ཀྱི་ལྷ་ཚོགས་རྣམས་རྟེན་རྫས་སམ། རྒྱབ་རི་འཕན་བཟང་ངམ། གནས་ཁང་བང་མཛོད་སོགས་ལ་བརྟན་པར་བཞུགས་ནས་དངོས་གྲུབ་ཐམས་ཅད་སྩལ་བར་བསམ་ལ། ཨོཾ་འདིར་ནི་རྟེན་དང་ལྷན་ཅིག་ཏུ། །འགྲོ་བའི་དོན་དུ་བཞུགས་ནས་ཀྱང་། །ནད་མེད་ཚེ་དང་དབང་ཕྱུག་དང་། །མཆོག་རྣམས་ལེགས་པར་སྩལ་དུ་གསོལ། །ཨོཾ་སུ་པྲ་ཏིཥྛ་བཛྲ་ཡ་སྭཱ་ཧཱ། ཞེས་དང་རྟེན་འབྲེལ་སྙིང་པོ་བརྗོད་ཅིང་མེ་ཏོག་འཐོར་བས་བརྟན་པར་བྱ། དགེ་བ་འདི་ཡིས་སྐྱེ་བོ་ཀུན། །བསོད་ནམས་ཡེ་ཤེས་ཚོགས་རྫོགས་ཤིང་། །བསོད་ནམས་ཡེ་ཤེས་ལས་བྱུང་བའི། །དམ་པ་གཉིས་སྐུ་ཐོབ་པར་ཤོག །ཐམས་ཅད་ནམ་མཁའི་མཛོད་བཞིན་ཏུ། །ལོངས་སྤྱོད་ཟད་པ་མེད་པར་ཤོག །རྩོད་པ་མེད་ཅིང་

― JKT021_Page_0428 ―

^{[མ་དཔེ་གཟིགས་ན་འདིར་གནོན།]}

[Full Size]

འཚེ་མེད་པར། །རང་དབང་དུ་ནི་སྤྱོད་པར་ཤོག །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་ཕྱུགས་འཕེལ་བ། །དགེ་ལེགས་ཐམས་ཅད་འབྱུང་བ་ཡི། །ཡིད་ལ་འདོད་པ་ཀུན་འགྲུབ་ཤོག །ཅེས་སོགས་ཁྱད་པར་གྱི་བསྔོ་སྨོན་དང་། །ཆེ་བའི་ཆེ་མཆོག་སོགས་མདོ་རྒྱུད་ལས་འབྱུང་བ་དང་། །འབད་དང་སྩོལ་བས་མ་གོས་ཀྱང་། །ཡིད་བཞིན་ནོར་བུ་དཔག་བསམ་བཞིན། །སེམས་ཅན་རེ་བ་སྐོང་མཛད་པ། །བསམ་པ་འགྲུབ་པའི་བཀྲ་ཤིས་ཤོག །གནས་འདིར་ཉིན་མོ་བདེ་ལེགས་སོགས་སྐབས་སུ་བབ་པའི་བཀྲ་ཤིས་ཀྱི་ཚིགས་སུ་བཅད་པ་དང་བཅས་མེ་ཏོག་གི་ཆར་སིལ་མར་བསྙིམ་བར་བྱའོ། །ཡོན་བདག་ལ་གཡང་གཏད་བྱེད་ན་བརྟན་བཞུགས་ཚར་བའི་རྗེས། སྟན་བཟང་པོ་ལ་འབྲུ་དཀར་གྱི་གཡུང་དྲུང་བྲིས་པར་ཡོན་བདག་གོས་རྒྱན་དང་བཅས་ཏེ་འཁོད། སྤྲོ་ན་སྦྱོང་བ་གསུམ་གྱིས་བཀྲ་ཤིས་པའི་ཆོ་ག་བསྒྲུབ་པར་བར་དུ་གཅོད་པའི་བགེགས་བསྐྲད། གང་ལྟར་ཡང་། སྦྱིན་པའི་བདག་པོ་ནོར་སྦྱིན་བྱེ་བའི་སྡེ་དཔོན་ཛམྦྷ་ལའི་སྐུར་གྱུར་པ་ལ་ཕུ་གཡང་ལོངས་སྤྱོད་ཀྱི་རྫས་རྣམས་གཏད་པས་འདོད་རྒུའི་འབྱོར་བའི་དངོས་གྲུབ་ཟད་མི་ཤེས་པ་ལ་ལོངས་སྤྱོད་པའི་དགེ་མཚན་རྒྱས་པར་གྱུར་པའི་མོས་པས། སྔགས་རྣམས་ཀྱི་མཐར་རྟེན་འབྲེལ་སྙིང་པོ་སྦྲེལ་བ་བཟླ་ཞིང་མེ་ཏོག་འཐོར་བ་དང་བཅས་རྟེན་རྫས་རྣམས་ལག་ཏུ་གཏད། སྤྲོ་ན་གཡང་འགུགས་ཚར་གཅིག་བསྐྱར། གང་ལྟར་ཡང་སྨོན་ལམ་དང་བཀྲ་ཤིས་གོང་དུ་སྨོས་པ་ལྟར་རྒྱས་བསྡུས་ཅི་

― JKT021_Page_0429 ―

^{[མ་དཔེ་གཟིགས་ན་འདིར་གནོན།]}

[Full Size]

རིགས་པར་བརྗོད་ཅིང་མེ་ཏོག་གི་ཆར་དབབ་རོལ་མོའི་སྒྲ་སྙན་པར་སྦྱར་བས་དགེ་ལེགས་སུ་བྱའོ། །ཞེས་པའང་རྒྱུན་ལྡན་གྱི་བླ་མ་ལས་རྗེ་གྲུབ་ཐོབ་ཆེན་པོའི་གསུང་གི་ལུང་ནོས་ཤིང་། ལག་ལེན་གྱི་ཟིན་བྲིས་རྙིང་པ་མཐོང་བ་ལ་བརྟེན་མདོར་བསྡུས་འཇུག་བདེ་སྙིང་པོར་དྲིལ་བའི་ཚུལ་གྱིས་བྱ་བྲལ་བ་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་པ་ཡིད་ཅན་ཐམས་ཅད་ཆོས་དང་མཐུན་པའི་དཔལ་འབྱོར་ནམ་མཁའི་མཛོད་ལ་དུས་རྟག་ཏུ་ལོངས་སྤྱོད་པའི་རྒྱུར་གྱུར་ཅིག། །།སརྦ་དཱ་མངྒ་ལཾ་དྷ་བ་ཏུ། །

སུན་ཟློག་དང་བརྟན་བཞུགས་ཀྱི་ཆོ་ག་མདོར་བསྡུས་པ་གྲུབ་པའི་ཞལ་ལུང་བདུད་རྩིའི་ཟིལ་དངར།

― JKT021_Page_0431 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །སུན་ཟློག་དང་བརྟན་བཞུགས་ཀྱི་ཆོ་ག་མདོར་བསྡུས་པ་གྲུབ་པའི་ཞལ་ལུང་བདུད་རྩིའི་ཟིལ་དངར་ཅེས་བྱ་བ་བཞུགས་སོ།། །།

― JKT021_Page_0432 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །ན་མོ་གུ་རུ་དེ་བ་ཌཱ་ཀི་ནི་བྷ༔ སུན་ཟློག་ཁྱེར་བདེའི་བཅའ་གཞི་ནི། གོང་དུ་རང་ཉིད་ཀྱིས་ཚེ་དཔག་མེད་སོགས་ཡི་དམ་གང་བྱེད་ཀྱི་མཆོད་གཏོར་དང་། ཉེ་ལོགས་སུ་གཏོར་ཟླུམ་ལྔ་ཚོམ་པད་འདབ་ཅན་མཐེབ་ཀྱུ་དང་རིལ་བུས་བརྒྱན་པ། ལས་བཞིའི་དཔལ་གཏོར་ཟླུམ་པོ། །གྲུ་བཞི། ཟླ་གམ། ཟུར་གསུམ་རྣམས་མཐེབ་ཀྱུ་དང་རིལ་བུས་བརྒྱན་ཅིང་སྤྲོ་ན་ཁ་དོག་སོ་སོར་བསྒྱུར། རིན་པོ་ཆེའི་སྣོད་དུ་གསེར་སྐྱེམས་བཅས་བཤམས། དེ་རྣམས་ཀྱི་མདུན་དུ་སྐུ་གླུད་ཆེ་བ་གླུད་ཕྲན་མང་པོས་བསྐོར་བ་དང་། ཉེར་སྤྱོད་དང་། འདོད་ཡོན་སོགས་སྤྱན་གཟིགས་དཀོར་ཆ་ཅི་འབྱོར་བས་མཛེས་པར་བྱས། དེ་ནས་བདག་བསྐྱེད་བཟླས་པ་དང་བཅས་པ་སྔོན་དུ་འགྲོ་བས། མཆོད་གཏོར་དང་། སྐུ་གླུད་རྣམས། རཾ་ཡཾ་ཁཾ་གིས་བསང་། སྭ་བྷ་ཝས་སྦྱངས། སྟོང་པའི་ངང་ལས་ཧཱུཾ་ཁ་དོག་ལྔ་ལྡན་ལས་འོད་འཕྲོས། འཕགས་པ་

― JKT021_Page_0433 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོད། སེམས་ཅན་ཐམས་ཅད་ཀྱི་དོན་བྱས་ཚུར་འདུས་ཡོངས་སུ་གྱུར་པ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བ་བཅུད་ཟག་པ་མེད་པའི་སྟེང་དུ་ཨོཾ་དཀར་པོ། ཨཱདམར་པོ། ཧཱུྃ་མཐིང་ག་རྣམས་སངས་རྒྱས་ཐམས་ཅད་ཀྱི་སྐུ་གསུང་ཐུགས་ཀྱི་ངོ་བོར་འོད་དུ་ཞུ། ཨོཾ་ཨཱཿཧཱུྃ་ལན་གསུམ། འདོད་ཡོན་ལྔ་ལྡན་གྱི་མཆོད་སྤྲིན་ཟད་མི་ཤེས་པ་ནམ་མཁའ་གང་བར་གྱུར། ཞེས་བརླབས་ཏེ་སྤྱིར་བསྔོ་བ་ནི། ཧཱུྃ༔ ཆོས་དབྱིངས་ལྷ་བཙུན་རིན་པོ་ཆེ་ནམ་མཁའ་འཇིགས་མེད་ཀྱི་དག་སྣང་མ། ལྷུན་གྲུབ་འོད་ཟེར་ཕྱོགས་མཚམས་འཁྲིགས། །རང་གསལ་པད་སྡོང་འོད་ཀྱི་ཕོ་བྲང་དབུས། །ཚེ་ལྷ་ཡབ་ཡུམ་སྣང་སྟོང་འོད་ཟེར་ཀློང་། །ཉི་ཤུ་རྩ་བཞིའི་དཔའ་བོ་མཁའ་འགྲོས་བསྐོར། །

― JKT021_Page_0434 ―

^{[མ་དཔེ་གཟིགས་ན་འདིར་གནོན།]}

[Full Size]

བཀའ་ཉན་དྲེགས་པ་ལས་བྱེད་ཆོས་སྲུང་རྣམས། །འདིར་གཤེགས་མཆོད་གཏོར་སྐུ་གླུད་ཚོགས་མཆོད་དང་། །ནམ་མཁའ་གང་བའི་ཕྱི་ནང་གསང་མཆོད་སྤྲིན། །དགྱེས་པར་བཞེས་ལ་ཕྲིན་ལས་རྣམས་བཞི་སྒྲུབས། ཨོཾ་བཛྲ་ཨནྡྷཾ། པ་ཏྱཾ། པུཝེ། དྷུཔེ། ཨ་ལོ་ཀེ། གྷནྡྷེ། ནེ་ཝི་ཏྱཱ། ཤཔྟ་པྲ་ཏིཙྪ་སྭཱ་ཧཱ། ཞེས་མཆོད། དེ་ནས་རིགས་ལྔའི་ལྷ་ཚོགས་ལ་མཆོད་གཏོར་འབུལ་བ་ནི། ཨོཾ་ཨཱཿཧཱུྃ། ཞེ་སྡང་ཆོས་རྒྱལ་༧ གཏེར་བདག་གླིང་པའི་མནལ་ལམ་མ། རྣམ་དག་རྡོ་རྗེ་རིགས་ཀྱི་ལྷ། །ཞི་བའི་ལས་མཛད་འཁོར་དང་བཅས་རྣམས་ཀྱིས། །འདོད་ཡོན་ལྔ་ལྡན་མཆོད་གཏོར་འདི་བཞེས་ལ། །ཤར་ཕྱོགས་རྡོ་རྗེ་མཁའ་འགྲོའི་སུན་མ་བཟློག །འབྱུང་བ་ཆུ་དང་ཉོན་མོངས་ཞེ་སྡང་ལས། །གྱུར་པའི་འགལ་རྐྱེན་བར་ཆད་ཀུན་སོལ་ལ། །མེ་ལོང་ཡེ་ཤེས་རྡོ་རྗེ་ཚེ་དབང་སྐུར། །མི་འགྱུར་མི་ཤིག་རབ་ཏུ་བརྟན་པར་མཛོད། །ང་རྒྱལ་རྣམ་དག་རིན་ཆེན་རིགས་ཀྱི་ལྷ། །རྒྱས་པའི་ལས་མཛད་འཁོར་དང་བཅས་རྣམས་ཀྱིས། །འདོད་ཡོན་ལྔ་ལྡན་མཆོད་གཏོར་འདི་བཞེས་ལ། །ལྷོ་ཕྱོགས་རིན་ཆེན་མཁའ་འགྲོའི་སུན་མ་བཟློག །འབྱུང་བ་ས་དང་ཉོན་མོངས་ང་རྒྱལ་ལས། །གྱུར་པའི་འགལ་རྐྱེན་བར་ཆད་ཀུན་སོལ་ལ། །མཉམ་ཉིད་ཡེ་ཤེས་རིན་ཆེན་ཚེ་དབང་སྐུར། །མི་འགྱུར་མི་ཤིགས་རབ་ཏུ་བརྟན་པར་མཛོད། །འདོད་

― JKT021_Page_0435 ―

^{[མ་དཔེ་གཟིགས་ན་འདིར་གནོན།]}

[Full Size]

ཆགས་རྣམ་དག་པདྨ་རིགས་ཀྱི་ལྷ། །དབང་གི་ལས་མཛད་འཁོར་དང་བཅས་རྣམས་ཀྱིས། །འདོད་ཡོན་ལྔ་ལྡན་མཆོད་གཏོར་འདི་བཞེས་ལ། །ནུབ་ཕྱོགས་པདྨ་མཁའ་འགྲོའི་སུན་མ་བཟློག །འབྱུང་བ་མེ་དང་ཉོན་མོངས་འདོད་ཆགས་ལས། །གྱུར་པའི་འགལ་རྐྱེན་བར་ཆད་ཀུན་སོལ་ལ། །སོར་རྟོག་ཡེ་ཤེས་པདྨ་ཚེ་དབང་སྐུར། །མི་འགྱུར་མི་ཤིགས་རབ་ཏུ་བརྟན་པར་མཛོད། །ཕྲག་དོག་རྣམ་དག་ལས་ཀྱི་རིགས་ཀྱི་ལྷ། །མངོན་སྤྱོད་ལས་མཛད་འཁོར་དང་བཅས་རྣམས་ཀྱིས། །འདོད་ཡོན་ལྔ་ལྡན་མཆོད་གཏོར་འདི་བཞེས་ལ། །བྱང་ཕྱོགས་ལས་ཀྱི་མཁའ་འགྲོའི་སུན་མ་བཟློག །འབྱུང་བ་རླུང་དང་ཉོན་མོངས་ཕྲག་དོག་ལས། །གྱུར་པའི་འགལ་རྐྱེན་བར་ཆད་ཀུན་སོལ་ལ། །བྱ་གྲུབ་ཡེ་ཤེས་ཕྲིན་ལས་ཚེ་དབང་སྐུར། །མི་འགྱུར་མི་ཤིགས་རབ་ཏུ་བརྟན་པར་མཛོད། གཏི་མུག་རྣམ་དག་སངས་རྒྱས་རིགས་ཀྱི་ལྷ། །ལྷུན་གྲུབ་ལས་མཛད་འཁོར་དང་བཅས་རྣམས་ཀྱིས། །འདོད་ཡོན་ལྔ་ལྡན་མཆོད་གཏོར་འདི་བཞེས་ལ། །དབུས་ཕྱོགས་བུདྡྷ་མཁའ་འགྲོའི་སུན་མ་། །བཟློག །འབྱུང་བ་མཁའ་དང་ཉོན་མོངས་གཏི་མུག་ལས། །གྱུར་པའི་འགལ་རྐྱེན་བར་ཆད་ཀུན་སོལ་ལ། །ཆོས་དབྱིངས་ཡེ་ཤེས་ལྷུན་གྲུབ་ཚེ་དབང་སྐུར། །མི་འགྱུར་མི་ཤིགས་རབ་ཏུ་བརྟན་པར་

― JKT021_Page_0436 ―

^{[མ་དཔེ་གཟིགས་ན་འདིར་གནོན།]}

[Full Size]

མཛོད། །ལས་བཞིའི་གཏོར་མ་འབུལ་བ་ནི། ཨོཾ་ཨཱཿཧཱུཾ། ཤར་ནས་ལྷ་བཙུན་རིན་པོ་ཆེའི་གསུང་། རྡོ་རྗེ་མཁའ་འགྲོ་དཀར་མོ་འབུམ། །ཞེ་སྡང་ལས་ལ་རྔམས་པའི་ལྷ་སྲིན་ཚོགས། །ཞི་བའི་མཆོད་གཏོར་བཞེས་ལ་བར་ཆད་སོལ། །མེ་ལོང་ཡེ་ཤེས་ངང་དུ་དར་ཐག་སྡུས། །ལྷོ་ནས་རིན་ཆེན་མཁའ་འགྲོ་སེར་མོ་འབུམ། །ང་རྒྱལ་ལས་ལ་རྔམས་པའི་ལྷ་སྲིན་ཚོགས། །རྒྱས་པའི་མཆོད་གཏོར་བཞེས་ལ་བར་ཆད་སོལ། །མཉམ་ཉིད་ཡེ་ཤེས་ངང་དུ་དར་ཐག་སྡུས། །ནུབ་ནས་པདྨ་མཁའ་འགྲོ་དམར་མོ་འབུམ། །འདོད་ཆགས་ལས་ལ་རྔམས་པའི་ལྷ་སྲིན་ཚོགས། །དབང་གི་མཆོད་གཏོར་བཞེས་ལ་བར་ཆད་སོལ། །སོར་རྟོག་ཡེ་ཤེས་ངང་དུ་དར་ཐག་སྡུས། །བྱང་ནས་ལས་ཀྱི་མཁའ་འགྲོ་ལྗང་ནག་འབུམ། །ཕྲག་དོག་ལས་ལ་རྔམས་པའི་ལྷ་སྲིན་ཚོགས། །དྲག་པོའི་མཆོད་གཏོར་བཞེས་ལ་བར་ཆད་སོལ། །བྱ་གྲུབ་ཡེ་ཤེས་ངང་དུ་དར་ཐག་སྡུས། །མཚམས་བཞིའི་དཔའ་བོ་ཌཱཀྐི་ཆོས་སྐྱོང་ཡང་། །རང་རང་བྲན་གཡོག་ལྷ་སྲིན་སྡེ་བརྒྱད་བཅས། །ལས་བཞིའི་མཆོད་གཏོར་བཞེས་ལ་བར་ཆད་སོལ། །རང་རང་དར་ཐག་ཆོས་ཀྱི་དབྱིངས་སུ་སྡུས། །སྣང་སྲིད་ཐམས་ཅད་སངས་རྒྱས་མཁའ་འགྲོའི་ཞིང་། །སྐུ་གསུམ་འབྲས་བུ་ཡེ་ནས་ལྷུན་གྲུབ་དང་། །ཆོས་ཀྱི་དབྱིངས་ན་བཟང་ངན་འཕོ་

― JKT021_Page_0437 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར་བྲལ། །མཉམ་ཉིད་ངང་དུ་རྣམ་རྟོག་འཆི་བ་ཟློག །གྲངས་གསོག་བྱེད་ན། མཆོད་གཏོར་སོ་སོར་གསོ་བྲན་བྱས་ལ། ཨོཾ་ཨཱཿཧཱུྃ་གིས་བརླབས། རིགས་ལྔ་དང་ལས་བཞིའི་མཆོད་གཏོར་འབུལ་བ་ལ་གྲངས་བཟུང་། གྲངས་རྫོགས་པ་ན་རིགས་ལྔའི་གཏོར་མ་ཁང་ཐོག་གི་དབུས་དང་། ལས་བཞི་ཕྱོགས་བཞིར་འབུལ། དེ་ནས་གསེར་སྐྱེམས། ཆོས་ཀྱི་དབྱིངས་དང་ནམ་མཁའི་ཁྱོན་གང་བའི། །ལས་བཞིར་དབང་བསྒྱུར་དཔའ་བོ་མཁའ་འགྲོ་དང་། །སྡེ་བརྒྱད་དྲེགས་པའི་སུན་མ་བཟློག་ཏུ་གསོལ། །སྔོན་ལས་འཕྲལ་རྐྱེན་ལྟས་ངན་བར་ཆད་དང་། །ཆགས་ཆེན་ཉམ་ང་རྦོད་གཏོང་བྱད་སྟེམས་རྣམས། །བླ་མ་ཡི་དམ་མཁའ་འགྲོའི་བདེན་པས་ཟློག །ཚེ་རྐུ་སྲོག་འཕྲོག་སྟོབས་དཔལ་དབང་ཐང་དང་། །བཀྲག་མདངས་གཟི་བརྗིད་འགལ་བའི་སུན་མ་བཟློག །བླ་ཚེ་སྲོག་ཚེ་དབུགས་ཚེ་ཡར་བ་དང་། །ཉམས་ཆག་དུས་མིན་འཆི་བའི་ལྟས་མི་བཟད། །ཆོས་སྐྱོང་སྲུང་མའི་དཔུང་གིས་བཟློག་པར་གྱིས། །དཔའ་བོ་ཌཱཀྐིའི་ནུས་པས་མཚམས་ཆོད་ཅིག །བླ་མ་ཡི་དམ་ཐུགས་རྗེས་དེང་སྐྱོབས་ལ། །རྟེན་འདིར་འཆི་མེད་རྡོ་རྗེའི་དངོས་གྲུབ་སྩོལ། སླར་ཡང་སྐུ་གླུད། ཨོཾ་ཨ་ཀ་རོ་མུ་ཁཾ་སརྦ་དྷརྨཱ་ཎཾ་ཨ་དྱ་ནུཏྤ་ན་ན་ཏཱ་ཏྟ་ཨོཾ་ཨཱཿཧཱུྃ་ཕཊ་སྭཱ་ཧཱ། ཞེས་བརླབས་ལ། ཨེ་ཝཾ་མཉམ་སྦྱོར་ཐབས་ཤེས་དབྱིངས་ཆེན་པོ། །ཨེ་ཡཾ་རཾ་སུཾ་ཀེཾ་རཾ་ཧཱུཾ་འོད་དང་། ཨོཾ་ཧཱུཾ་ཏྲཱྃ་

― JKT021_Page_0438 ―

^{[མ་དཔེ་གཟིགས་ན་འདིར་གནོན།]}

[Full Size]

ཧྲཱིཿཨཱཿདང་ཨཱ་ལི་དང་། །ཀཱ་ལི་ཐབས་ཤེས་མཉམ་སྦྱོར་རྟེན་འབྲེལ་བཅུད། །ཏིང་འཛིན་འོད་སྐུར་འདུས་པའི་དགྱེས་མཆོད་སྤྲིན། །ཟབ་གསང་རྡོ་རྗེ་དབྱིངས་ཀྱི་རོལ་རྒྱན་དུ། །རྣམ་རོལ་ཡེ་ཤེས་སྣང་བ་རྒྱན་གྱི་གླུད། །འཕོ་བ་ཆེན་པོ་རྟག་བརྟན་འགྱུར་མེད་དང་། །འོད་གསལ་རྡོ་རྗེའི་སྙིང་པོའི་ཞིང་དུ་དབུལ། །བཞེས་ནས་དངོས་འཛིན་མཚན་མའི་རྣམ་རྟོག་སོལ། །སྐྱེ་འཆིའི་འཛིན་མདངས་འཇའ་༧ སྐུར་ཡལ་གྱུར་ཅིག །གླུད་གྲངས་གསོག་ན་གླུད་ཕྲན་རེ་རེ་ནས་བྱིན་རླབས་དང་འབུལ་བ་གོང་ལྟར་བྱས་པའི་མཐར། སྐུ་གསུམ་ཕྱོགས་དུས་རྒྱལ་བ་རབ་འབྱམས་ཀྱཻ། །དབྱིངས་མཆོག་འོད་གསལ་དྭངས་མ་རྡོ་རྗེའི་ཡུམ། རིགས་འདུས་འབུམ་ཕྲག་ཡེ་ཤེས་ཌཱ་ཀི་མ། །ལྷན་སྐྱེས་སྲིད་ཞིང་རོ་གཅིག་རྡོ་རྗེའི་དབྱིངས། །འབར་བའི་འོད་སྐུར་བརྗིད་པའི་གཏོར་མ་དང་། །སྲིད་ཞིའི་བདེ་ཆེན་ཕུན་ཚོགས་མཆོད་པའི་སྤྲིན། ལྷུན་འབྱམས་ཤར་གྲོལ་དག་པའི་ཀློང་ནས་བཞེས། །མཚན་འཛིན་བར་ཆད་ཐམས་ཅད་ཆོས་སྐུར་ཟློག །མི་ཤིགས་གསང་མཆོག་རྡོ་རྗེའི་མཁའ་དབྱིངས་སུ། །འཁོར་འདས་རྣམ་རོལ་སྒྱུ་མའི་རོལ་རྩེད་བསྡུ། །ཀུན་ཏུ་བཟང་མོའི་དབྱིངས་ཀྱི་འོད་གསལ་ངང་། །སྙིང་གུར་དབུས་སུ་འཆི་མེད་བདུད་རྩིར་ཨཱ༔ ཞེས་གཏོར་མ་སྐུ་གླུད་རྣམས་རོལ་མོའི་སྒྲ་དང་བཅས་ནུབ་ཕྱོགས་སུ་བསྐྱལ། །རིགས་སྔགས་ཀྱིས་མཚམས་བཅད།

― JKT021_Page_0439 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེའི་སྲུང་འཁོར་བསྒོམ། བསྔོ་སྨོན་བཀྲ་ཤིས་རྒྱས་པར་བྱའོ། །བླ་མ་སོགས་ཀྱི་ཆེད་དུ་ཡིན་ན། སྲུང་འཁོར་བསྒོམ་པའི་རྗེས་སོ་སོའི་ཞབས་བརྟན་གསོལ་འདེབས་གྲངས་མང་དུ་འདོན་པའམ། བརྟན་བཞུགས་སྤྱི་འགྲེ། ཨོཾ་ཨཱ་མཱ་ཡེ་སྭཱ་ཧཱ། བླ་མ་མཆོག་གསུམ་ཡི་དམ་དཀྱིལ་འཁོར་ལྷ། །མཁའ་འགྲོ་ཆོས་སྐྱོང་སྲུང་མའི་བདེན་སྟོབས་ཀྱིས། །བསྟན་འགྲོའི་དཔལ་མགོན་རྗེ་བཙུན་བླ་མ་མཆོག །བསྐལ་བརྒྱར་ཞབས་བརྟན་ཕྲིན་ལས་རྒྱས་གྱུར་ཅིག །ཞེས་དང་། སྣང་སྟོང་ཆོས་རྒྱལ་གཏེར་བདག་གླིང་པའི་གསུང་། བདེ་ཆེན་གཞོམ་མེད་རྡོ་རྗེའི་སྐུ། །མཚན་དཔེའི་ལང་ཚོ་རབ་རྒྱས་རྒྱལ་ཀུན་གྱི། །ངོ་མཚར་སྤྱི་གཟུགས་གང་འདུལ་སྤྲུལ་པའི་སྐུ། །འགྱུར་མེད་སྐུ་ཡི་རྡོ་རྗེ་ཞབས་བརྟན་གསོལ། །གྲགས་སྟོང་འགག་པ་མེད་པ་རྡོ་རྗེའི་གསུང་། །ཡན་ལག་དྲུག་ཅུ་ཟབ་གསང་ཆོས་ཀྱི་སྒྲ། །འགྲོ་བློའི་བསམ་པ་བཞིན་སྟོན་ལོངས་སྤྱོད་རྫོགས། །འགག་མེད་གསུང་གི་རྡོ་རྗེ་ཞབས་བརྟན་གསོལ། །རིག་སྟོང་སྐྱེ་འགགས་གནས་བྲལ་རྡོ་རྗེའི་ཐུགས། །ཟབ་གསལ་ཡེ་ཤེས་ཆོས་ཀུན་འབྱུང་བའི་དབྱིངས། །ཁྱབ་བདག་རྒྱལ་བའི་སྙིང་པོ་།ཆོས་ཀྱི་སྐུ། །འཁྲུལ་མེད་ཐུགས་ཀྱི་རྡོ་རྗེ་ཞབས་བརྟན་གསོལ། །ཀུན་ཁྱབ་མཁའ་ལ་ཕྲིན་ལས་ཉིན་མོར་བྱེད། །འཆར་ནུབ་ཡོངས་བྲལ་ཕན་བདེའི་སྣང་བ་ཅན། །བསྟན་འགྲོའི་པད་ཚལ་རྒྱས་པའི་

― JKT021_Page_0440 ―

^{[མ་དཔེ་གཟིགས་ན་འདིར་གནོན།]}

[Full Size]

ཉེར་འཚོ་མཆོག །བསྐལ་པ་རྒྱ་མཚོ་རབ་ཏུ་གསལ་གྱུར་ཅིག །ཕན་བདེ་འབྱུང་བའི་སོགས། སྟོན་པ་འཇིག་རྟེན་ཁམས་སོགས་བརྗོད་ཅིང་གསོལ་བ་རྩེ་གཅིག་ཏུ་གདབ་བོ། །ཡང་རང་ཉིད་ལ་བཀའ་དྲིན་ཆེ་བའི་རྡོ་རྗེ་སློབ་དཔོན་སོགས་ཡུལ་ཁྱད་པ་ཅན་ལ་བརྟན་བཞུགས་དམིགས་གསལ་འབུལ་བའི་ཚུལ་ནི། ཟླ་བ་ཡར་ངོའི་དུས་ཚེས་བཟང་པོར་གནས་ཁང་ཕྱག་དར་བྱ་ཞིང་བཀོད་པས་མཛེས་པར་བརྒྱན་པའི་གུང་དུ་སེང་གེའི་ཁྲི་ཕུན་སུམ་ཚོགས་པ་བརྟན་བཞུགས་ཀྱི་གདིང་བའམ། སྟན་དཀར་རྡོ་རྗེ་དང་གཡུང་དྲུང་གི་རི་མོས་མཚན་པས་བཀབ་པ་དང་། དེའི་མདུན་དུ་མཆོད་པའི་བྱེ་བྲག །ཉེ་ལོག་གང་བདེར་ཚེ་དཔག་མེད་ཀྱི་དཀྱིལ་འཁོར་དང་མཆོད་གཏོར། མཎྜལ་དང་སྐུ་གསུང་ཐུགས་རྟེན། བཀྲ་ཤིས་ཀྱི་ཡོ་བྱད་སོགས་ཉེར་མཁོ་རྣམས་དང་། གོང་དུ་སྨོས་པའི་སུན་བཟློག་གི་བཅའ་གཞི་རྣམས་ཀྱང་བསྒྲིགས། སྤྲོས་ཕན་ཆེ་ན་དར་ལམ་དང་མཁའ་འགྲོའི་ཆས་ཞུགས་སོགས་ཀྱང་ཕྱག་ལེན་ལྟར་ཉེར་བསྔོགས་བྱ། དེ་ནས་སྔ་བར་ལངས་ཏེ་ཚེ་དཔག་མེད་ཀྱི་ཆོ་ག་བཀའ་གཏེར་རྒྱས་བསྡུས་གང་རིགས་དང་། ལས་བུམ་དུ་བདུད་རྩི་འཁྱིལ་བ་བསྐྱེད་བཟླས་བྱ། ཚོགས་མཆོད་བྱེད་ན་ཚོགས་ཐ་མའི་བར་སྔོན་དུ་སོང་ནས། ཉི་མ་འཆར་ཀའི་དུས་དང་འགྲིགས་ན་མཆོག་ཏུ་ལེགས་ཤིང་གང་ལྟར་ཡང་སྔ་དྲོའི་ཆར་བརྟན་བཞུགས་འབུལ་ཡུལ་ཉིད་སྤོས་རོལ་སོགས་བཀུར་སྟི་དང་བཅས་ཏེ་སྤྱན་དྲངས་ནས་མངོན་པར་བཤམས་པའི་ཁྲི་ལ་བཞུགས་སུ་གསོལ་རྗེས། ལས་བུམ་གྱི་ཆུས་གདངས་སྙན་པ་དང་བཅས་ཏེ་མེ་ལོང་གི་ངོགས་སུ་སྐུ་ཁྲུས་གསོལ་བ་ནི། ཨོཾ་ཨཱཿཧཱུྃ། སྣང་སྟོང་དག་པ་ལྷ་ཡི་གཞལ་ཡས་སུ། །ཕ་རོལ་ཕྱིན་དྲུག་ཡེ་

― JKT021_Page_0441 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་ལྔ་ལྡན་དང་། །ས་བཅུ་ལམ་ལྔ་སྐུ་གསུམ་བཅུད་ལྡན་འདིས། །རྡོ་རྗེ་སློབ་དཔོན་སྐུ་ལ་ཁྲུས་གསོལ་བས། །སྒྲིབ་གསུམ་བག་ཆགས་ཉེས་བྱས་ཀུན་བྱང་ཞིང་། །སྐུ་བཞི་ཡེ་ཤེས་ལྔ་ཡི་མཚན་དཔེར་གསལ། །སྣང་སྟོང་འཇའ་ལུས་རྡོ་རྗེ་དྲི་མེད་སྐུ། །སྲིད་ཞིའི་དཔལ་དུ་མི་འགྱུར་བརྟན་པར་མཛོད། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུྃ། སྐུ་ཕྱི་པའི་ཚུལ་དང་བཅས། ཨོཾ་ཧཱུྃ་ཧཱུྃ་ཤཱ་དྷ་ན་ཡེ་སྭཱ་ཧཱ། དེ་ནས་སུན་བཟློག་དངོས་གོང་ལྟར་ལ། ཚར་གཅིག་མ་གཏོགས་གྲངས་གསོག་མི་དགོས་པས། རིགས་ལྔ། ལས་བཞི་གསེར་སྐྱེམས། གླུད་བསྔོས་རྣམས་སོ་སོའི་ཚིག་མཚམས་སུ་འཇམ་རོལ་དང་བཅས་མཆོད་གཏོར་གཤེགས། དར་ལམ་དང་། ཆས་ཞུགས་ཡོད་ན་ལས་བཞིའི་སྐབས་རིམ་པར་བསྡུ་ཞིང་ཆས་ཞུགས་རྣམས་ལ་གཏོར་མ་བསྐུར་ནས་ཕྱིར་བསྐྱལ་ལོ། །དེ་ནས་སློབ་དཔོན་གདན་ཁྲི་དང་བཅས་པ། ཨ་མྲྀ་ཏས་བསང་། སྭ་བྷ་ཝས་སྦྱངས། དམིགས་བསལ་ཚེ་ཆོག་གང་ཡིན་གྱི་གཙོ་བོའི་སྐུར་བསྐྱེད། སྤྱི་ཁྱབ་ཙམ་དུ། སྟོང་པའི་ངང་ལས་སེང་གེས་བཏེགས་པའི་རིན་པོ་ཆེའི་ཁྲི་བཀོད་པ་ཕུལ་དུ་བྱུང་བ་རྡོ་རྗེ་དང་གཡུང་དྲུང་གིས་མཚན་པའི་སྟེང་དུ་པདྨ་དང་ཟླ་བའི་གདན་ལ་ཧྲཱིཿདམར་པོ་ལས་རྡོ་རྗེ་སློབ་དཔོན་ཨུ་རྒྱན་ཚེ་དཔག་མེད་སྐུ་མདོག་བྱེ་རུའི་ལྷུན་པོ་ལ་ཉི་མ་ཤར་བ་ལྟར་རབ་ཏུ་དྭངས་ཤིང་འོད་ཟེར་ཁ་དོག་སྣ་ཚོགས་འཕྲོ་བ། ཞལ་གཅིག་ཕྱག་གཉིས་མཉམ་བཞག་གི་

― JKT021_Page_0442 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་རྒྱས་འཆི་མེད་ཚེའི་བདུད་རྩིས་གང་བའི་བུམ་པ་བསྣམས་པ། དར་དང་རིན་པོ་ཆེས་བརྒྱན་ཅིང་ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་པ། མཚན་དཔེའི་གཟི་བྱིན་མཆོག་ཏུ་འབར་བའི་སྐུར་གྱུར་པའི་གནས་གསུམ་ཡིག་འབྲུ་གསུམ་གྱིས་མཚན་པ་ལས་འོད་ཟེར་འཕྲོས་པས་ཕྱོགས་བཅུ་དུས་བཞིའི་རྒྱལ་བ་སྲས་དང་བཅས་པ་ཐམས་ཅད་ཨོ་རྒྱན་ཚེ་དཔག་ཏུ་མེད་པའི་རྣམ་པར་སྤྱན་དྲངས་ནས་ སིབ་སིབ་ཐིམ་པར་གྱུར། སྤྲོ་ན་ཚིག་བདུན་གསོལ་འདེབས་དང་། ཧཱུྃ། །བཞེངས་ཤིག་པདྨ་འབྱུང་གནས་སོགས། དབྱངས་དང་བཅས་པ་བྱ། གང་ལྟར་ཡང་ཚེ་གཟུངས་བཟླ་ཞིང་རོལ་མོའི་སྒྲ་སྙན་པར་སྦྱར། སྤོས་བཏུལ་བ་དང་བཅས་བྱིན་དབབས་པའི་མཐར། ཛཿཧཱུྃ་ཁཾ་ཧོས། དབྱེར་མེད་དུ་བརྟན་པར་བསམ། མཆོད་ཕྲེང་རྒྱས་པའམ། བསྡུ་ན། ཨོཾ་གུ་རུ་ཨ་པ་ར་མི་ཏ་ཨཱ་ཡུཛྙཱ་ན་ཨདྷཾ་པྲ་ཏིཙྪ་སྭཱ་ཧཱ། དེ་བཞིན་དུ། ཤརྡའི་བར་སྦྱར་བས་མཆོད་ཅིང་རོལ་མོ་བྱ། འཇིག་རྟེན་འདྲེན་པའི་སོགས་ཀྱིས་བསྟོད། ཚེ་འགུགས་ནི་མདའ་དར་གཡབ་ཅིང་། བདག་མདུན་རྡོ་རྗེ་སློབ་དཔོན་དང་བཅས་པའི་ཐུགས་ཀ་ནས་འོད་ཟེར་འཕྲོས། འཁོར་འདས་ཀྱི་ཚེ་བཅུད་དྭངས་མ་ཐམས་ཅད་འོད་ཟེར་ཉི་མ་འཆར་ཀའི་མདངས་ལྟ་བུ་བཀུག་སྟེ་ཐུགས་ཀར་ཐིམ་པས་འཆི་མེད་སྐུ་ཚེའི་དངོས་གྲུབ་ལ་དབང་འབྱོར་བར་བསམ་ལ། དམིགས་བསལ་ལས་གཞུང་གང་ལ་བརྟེན་པ་ལྟར་བྱ། སྤྱི་ཁྱབ་ཙམ་དུ། ཧཱུྃ། བཅོམ་ལྡན་

― JKT021_Page_0443 ―

^{[མ་དཔེ་གཟིགས་ན་འདིར་གནོན།]}

[Full Size]

མགོན་པོ་བྱང་གཏེར་ཡེ་ཤེས་ཚེ་དཔག་མེད༔ འབྱུང་བ་ལྔ་ལ་དབང་སྒྱུར་ལྷ་མོའི་ཚོགས༔ རྡོ་རྗེ་སློབ་དཔོན་སྐུ་ཚེའི་གཡང་སྤེལ་ཅིག༔ སྟེང་འོག་ཕྱོགས་བཅུའི་སྣོད་ཀྱི་འཇིག་རྟེན་ལ༔ འབྲོས་དང་འཁྱམས་དང་ཡར་བའི་ཚེ་ཁུག་ཅིག སྟོང་ཕྲག་བརྒྱད་ཅུའི་བགེགས་ཀྱི་ཚོགས་རྣམས་ཀྱིས༔ བརྐུས་དང་འཕྲོག་དང་གཞོམ་པའི་ཚེ་ཁུག་ཅིག འབྱུང་བ་དགྲ་གཤེད་འཁྲུགས་པའི་ལས་སྦྱོར་གྱིས༔ ཉམས་དང་ཟད་དང་འཐོར་བའི་ཚེ་གསོས་ཤིག༔ ཡིད་ཀྱིས་དངངས་དང་ཧད་ཀྱིས་བརྒྱལ་བ་དང་༔ འུར་གྱིས་འདྲོགས་པའི་ཚེ་དང་གཡང་གསོས་ཤིག༔ ཚེ་ཁུག་གཡང་སྐྱོབ་དངོས་གྲུབ་དེང་འདིར་སྩོལ༔ འབྱུང་ལྔ་འོད་ལྔ་འབར་བའི་ཚེ་བཅུད་བསྟིམས༔ འཆི་མེད་ཚེ་ཡི་དངོས་གྲུབ་དེང་འདིར་སྩོལ༔ ཞེས་ཚེ་འགུགས་ཤིང་རྟེན་འབྲེལ་སྙིང་པོས་བརྟན་པར་བྱ། དེ་ནས་ཚེ་བུམ་སོགས་ཚེའི་རྟེན་རྫས་སོ་སོའི་དབང་གཞུང་ལྟར་ཚིག་ཅུང་ཟད་ཁ་བསྒྱུར་པས་ཕུལ། སྤྱིར་བཏང་དུ། ཚེ་བུམ་ཕུལ་ལ། ཧྲཱིཿ མགོན་པོ་ཚེ་དཔག་མེད་པའི་དགོངས་པ་ཡིས༔ ལྷ་མོ་ཙཎྜ་ལཱི་ལ་ཐུགས་བརྒྱུད་ནས༔ འཆི་མེད་པདྨ་འབྱུང་གནས་བྱིན་རླབས་ཏེ༔ འདས་དང་མ་བྱོན་ད་ལྟ་དུས་གསུམ་གྱི༔ ཚེ་ཡི་རིག་འཛིན་རྣམས་ལ་གསོལ་བ་འདེབས༔ ཨོ་རྒྱན་པདྨ་འབྱུང་གནས་ལ་གསོལ་བ་འདེབས༔ འཆི་མེད་ཚེ་ཡི་དངོས་གྲུབ་སྩལ་དུ་གསོལ། འཇམ་རོལ་

― JKT021_Page_0444 ―

^{[མ་དཔེ་གཟིགས་ན་འདིར་གནོན།]}

[Full Size]

དང་བཅས་མེ་ཏོག་འཐོར་ཞིང་༔ སྐུ་ཚེ་མི་ཤིགས་པའི་རྡོ་རྗེར་གྱུར་ཅིག༔ མི་འགྱུར་བའི་གཡུང་དྲུང་དུ་གྱུར་ཅིག༔ མི་ནུབ་པའི་རྒྱལ་མཚན་དུ་གྱུར་ཅིག༔ འཆི་མེད་ཚེ་ཡི་རིག་འཛིན་བརྙེས་པར་གྱུར་ཅིག ཅེས་བརྗོད། ཚེ་རིལ་ཕུལ་ལ། བཀྲ་ཤིས་ཚེ་བརྟན་དཔལ་གྱི་ཟས། །སྙིང་པོ་འདུས་པའི་བཅུད་འདི་ནི། །དེ་རིང་ཁྱོད་ཀྱིས་གསོལ་བར་གྱིས། །འདི་གསོལ་བཅོམ་ལྡན་ཚེ་དཔག་མེད། །ཞལ་མཐོང་འགྱུར་བ་གདོན་མི་ཟ། ཅེས་དང་། ཐབས་ཀྱི་རྫས་ཚེ་ཡི་རིལ་བུ་ཕུལ་བ་ལ་བརྟེན་ནས་ཐབས་བདེ་བ་ཆེན་པོ་མཆོག་ཏུ་མི་འགྱུར་བར་རྡོ་རྗེ་ཚེ་ཡི་དངོས་གྲུབ་བརྙེས་པར་གྱུར་ཅིག །ཚེ་ཆང་ཕུལ་ལ། འཆི་མེད་ཚེ་ཡི་དཔལ་ལ་ལོངས་སྤྱོད་ཅིང་། །རིག་པའི་བློ་དང་རྣམ་དཔྱོད་ཤེས་རབ་དང་། །སྲིད་དང་ཞི་བའི་དཔལ་འབྱོར་གང་ལགས་པ། །དེ་ཀུན་ལྷུན་གྱི་གྲུབ་པར་མཛད་དུ་གསོལ། །ཅེས་དང་། ཤེས་རབ་ཀྱི་རྫས་ཚེ་ཡི་བདུད་རྩི་ཕུལ་བ་ལ་བརྟེན་ནས་ཤེས་རབ་སྟོང་ཉིད་རྡོ་རྗེ་ཚེ་ཡི་དངོས་གྲུབ་བརྙེས་པར་གྱུར་ཅིག །སྤྲོ་ན་སྐབས་འདིར་བརྗོད་བྱ་ཕུན་སུམ་ཚོགས་ཤིང་། རྗོད་བྱེད་རྒྱས་བསྡུས་འཚམས་པའི་ཞབས་པད་བརྟན་པར་གསོལ་བ་འདེབས་པའི་སྙན་འབུལ་གྱིས་མཚམས་སྦྱར་ཏེ་མཎྜལ་ཕུལ། །གོང་ལྟར་ཡང་མཎྜལ་ཚོམ་བུ་སོ་བདུན་མ་རྒྱས་པར་འབུལ་བ་དཀྱུས་ལྟར་ལ། མ་ཚང་བ་མེད་པ་འདི་ཉིད་དཔལ་ལྡན་བླ་མ་དམ་པ་ཞབས་པད་བསྐལ་པ་རྒྱ་

― JKT021_Page_0445 ―

^{[མ་དཔེ་གཟིགས་ན་འདིར་གནོན།]}

[Full Size]

མཚོར་འཚོ་ཞིང་གཞེས་ལ། ཆོས་ཀྱི་འཁོར་ལོ་བསྐོར་བར་གསོལ་བ་འདེབས་པའི་སླད་དུ་འབུལ་བར་བགྱིའོ་སོགས་སྦྱར། དེ་ནས་སྐུ་གསུང་ཐུགས་རྟེན་སོགས་ཡོད་ན་རིམ་པར་འབུལ་ཞིང་། སྐུ་རྟེན་ལ། བསྟན་འགྲོའི་གཙུག་རྒྱན་རྗེ་བཙུན་བླ་མ་ལ། །ངོ་མཚར་མཚན་དཔེའི་སྣང་བརྙན་འདི་འབུལ་ལ། །གང་སྐུ་བསྐལ་པ་རྒྱ་མཚོར་འཚོ་གཞེས་པའི། །དགེ་མཚན་སྣང་བ་རྟག་ཏུ་འབར་གྱུར་ཅིག །གསུང་རྟེན་ལ། ཆོས་ཀྱི་དབང་ཕྱུག་རྗེ་བཙུན་བླ་མ་ལ། །ཐེག་མཆོག་བདུད་རྩིའི་གླེགས་བམ་འདི་ཕུལ་བས། །གང་གསུང་ཡན་ལག་དྲུག་ཅུའི་སྤྲིན་ཆེན་ལ། །ཟབ་རྒྱས་དམ་ཆོས་ཆར་ཆེན་དབབ་ཏུ་གསོལ། ཐུགས་རྟེན་ལ། ཡེ་ཤེས་མཆོག་བརྙེས་རྗེ་བཙུན་བླ་མ་ལ། །རྒྱལ་བའི་ཆོས་སྐུའི་རྟེན་མཆོག་འདི་ཕུལ་བས། །གང་ཐུགས་སྟོང་དང་སྙིང་རྗེ་ཟུང་འཇུག་པའི། །གཟིགས་པས་བདག་སོགས་འགྲོ་ལ་ལྷག་པར་དགོངས། །ཡོན་ཏན་གྱི་རྟེན་བུམ་པ་བཅུད་ལྡན་ལྟ་བུ་ལ། །ཡོན་ཏན་རྨད་བྱུང་རྗེ་བཙུན་བླ་མ་ལ། །འདོད་དགུ་འཇོ་བའི་བུམ་བཟང་འདི་ཕུལ་བས། །བྲལ་སྨིན་ནོར་བུའི་དགའ་སྟོན་མི་ཟད་པས། །ས་གསུམ་འགྲོ་བའི་རེ་བ་སྐོང་མཛད་གསོལ། །ཕྲིན་ལས་ཀྱི་རྟེན་སྣ་ཚོགས་རྡོ་རྗེ་ལྟ་བུ་ལ། ཕྲིན་ལས་མཐའ་ཡས་རྗེ་བཙུན་བླ་མ་ལ། །སྣ་ཚོགས་རྡོ་རྗེའི་ཕྱག་རྒྱ་འདི་ཕུལ་བས། །གང་འདུལ་ཕན་དང་བདེ་བའི་མཛད་པ་

― JKT021_Page_0446 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག །རྟག་ཅིང་ཁྱབ་དང་ལྷུན་གྱིས་གྲུབ་གྱུར་ཅིག ཅེས་པའམ། ཡང་ན་ཚིག་ལྷུག་པ་ཇི་ལྟར་རིགས་པའི་སྒོ་ནས་ཕུལ། དེ་ནས་གསོལ་བ་འདེབས་རྟེན་སོགས་ཡོད་ནའང་རིམ་པར་ཕུལ། འདུན་པ་རྩེ་གཅིག་པ་བརྟན་བཞུགས་ཀྱི་ཚིགས་བཅད་ཇི་ལྟར་རིགས་པས་གསོལ་བ་གདབ་པའི་མཐར། དེ་ལྟར་ཡོངས་རྫོགས་བསྟན་དང་འགྲོ་བའི་སྐྱབས་གཅིག །མཚུངས་བྲལ་མཆོག་གི་རྡོ་རྗེ་སློབ་དཔོན་ཆེན་པོ་གང་ཉིད། རིས་སུ་མ་ཆད་པའི་བསྟན་པ་དང་། མཐའ་ཡས་པའི་འགྲོ་བའི་མགོན་དུ་ཞབས་པད་བསྐལ་པ་རྒྱ་མཚོར་འཚོ་ཞིང་གཞེས་པར། བདག་ཅག་འདིར་འདུས་ཤིང་ཚོགས་པ་རྣམས་ཀྱིས་དངོས་པོ་ཀུན་གྱིས་བཏུད་དེ་གསོལ་བ་འདེབས་པ་ལགས་ན་དེ་དེ་བཞིན་དུ་ཞལ་གྱིས་བཞེས་པར་ཅི་གནང་ཞེས་པ་ལྟ་བུའི་ཞལ་བཞེས་ཞུ་བའི་རིམ་པ་རྒྱས་བསྡུས་ཇི་ལྟར་རིགས་པས་གསོལ་བ་གདབ་པའི་ལན་དུ། སློབ་དཔོན་གྱིས་དམིགས་བསལ་འདི་ཙམ་བཞུགས་པའི་ཞལ་བཞེས་སམ། སྤྱི་བཏང་ཙམ་དུ། གལ་ཏེ་བསྟན་པ་རྒྱས་པ་དང་། །སེམས་ཅན་ཕན་པའི་རྒྱུར་འགྱུར་ན། །མི་ལོ་བརྒྱ་རྩ་བརྒྱད་ལྷག་སོགས། །གང་འདོད་འཚོ་བར་བླ་མ་དང་། །རྒྱལ་བ་སྲས་དང་བཅས་པས་བདག །དབང་བཅུ་ལྡན་པར་བྱིན་གྱིས་རློབས། ཅེས་པ་ལྟ་བུའི་ཞལ་བཞེས་གནང་བྱུང་བ་དང་། གཏང་རག་གི་མཎྜལ་གྱི་ཚིག་གོང་ལྟར་ལ། ཆོས་ཀྱི་འཁོར་ལོ་བསྐོར་བར་ཞལ་གྱིས་བཞེས་པའི་བཀའ་དྲིན་གཏོང་རག་གི་ཡོན་དུ་འབུལ་བར་

― JKT021_Page_0447 ―

^{[མ་དཔེ་གཟིགས་ན་འདིར་གནོན།]}

[Full Size]

བགྱིའོ། །ཞེས་བསྒྱུར་ལ་ཕུལ། དེ་ནས་ཞལ་བསྲོའི་སླད་དུ་ཚོགས་འཁོར་ཡོད་ན་ཕུལ་ཞིང་བསམ་པ་ལྷུན་གྲུབ་མའི་གསོལ་འདེབས་བྱ། བཀྲ་ཤིས་པའི་རྫས་བརྒྱད་བསང་སྦྱངས་བྱིན་བརླབས་ལ་སྤྱི་ལྟར་འབུལ་ཞིང་། ཚིག་ལྷུག་པའི་སྟོང་ཐུན་སྦྱར་ན། དེང་འདིར་དཔལ་ལྡན་བླ་མ་དམ་པའང་མེ་ལོང་གི་རྫས་ལ་བརྟེན་ནས་ཞབས་པད་བསྐལ་པ་རྒྱ་མཚོར་བརྟན་ཅིང་། ཤིན་ཏུ་བཀྲ་ཤིས་པར་གྱུར་ཅིག ཅེས་སྦྱར། སྤྲོ་ན་རྟགས་བརྒྱད་དང་། སྣ་བདུན་ཀྱང་སྤྱི་ལྟར་ཕུལ། གང་ལྟར་ཡང་མཐར། ཕུན་སུམ་ཚོགས་པ་ལ་སོགས་པའི་བཀྲ་ཤིས་ཀྱི་ཚིགས་སུ་བཅད་བརྒྱ་ཆེར་བརྗོད་ཅིང་མེ་ཏོག་གི་ཆར་དབབས། རོལ་མོ་སྙན་ཅིང་ཡུན་རིང་བས་བདེ་ལེགས་སུ་བྱ། བརྟན་བཞུགས་འབུལ་ཡུལ། སྤོས་རོལ་སོགས་བཀུར་སྟི་དང་བཅས་རང་གནས་སུ་སྤྱན་དྲངས། ཚོགས་མཆོད་ཡོད་པའི་ཚེ་ལྷག་མ་མན་དང་། གཞན་དུ་མཆོད་བསྟོད་སོགས་དཀྱིལ་འཁོར་གྱི་རྗེས་ཆོག་རྣམས་རང་རང་གི་གཞུང་ལྟར་བྱའོ། །ཡང་སུན་བཟློག་གི་བཅའ་འདོན་ཤིན་ཏུ་བསྡུ་ན། ཤོམས་ཀྱི་སྐབས་མཁའ་འགྲོའི་དཔལ་གཏོར་གསེར་སྐྱེམས། སྐུ་གླུད་ཙམ་གྱིས་འཐུས། དངོས་གཞིར་ཁྲུས་གསོལ་གྱི་རྗེས། གླུད་གཏོར་བསང་སྦྱངས། ཆོས་རྒྱལ་གཏེར་བདག་གླིང་པའི་གསུང་། ཨོཾ་ཨཱཿཧཱུཾ། དག་པ་རབ་འབྱམས་ཀྱི་མདངས་ནམ་མཁའི་སྣོད་ཆེན་པོར་འདོད་ཡོན་ཟད་པ་མེད་པའི་ལོངས་སྤྱོད་ཀྱི་གཏེར་དུ་གྱུར་པར་བསམས་ལ་ནམ་མཁའི་མཛོད་ཅི་རིགས་པ་བརྗོད། ཀྱཻ། དཔལ་འཁོར་འདས་ཀུན་ཏུ་འཆར་པའི་མ། །དོན་དུག་ལྔ་དག་པའི་ཡེ་ཤེས་ལྔ། །

― JKT021_Page_0448 ―

^{[མ་དཔེ་གཟིགས་ན་འདིར་གནོན།]}

[Full Size]

རིགས་ལྔའི་སྒྱུ་འཕྲུལ་འགག་མེད་དུ། །ཚུལ་ཅིར་ཡང་སྣང་བའི་མཁའ་འགྲོའི་ཚོགས། །འཁོར་གྲངས་མེད་ཀྱི་ཕོ་ཉར་བཅས་པ་རྣམས། །སྐུ་མཛེས་པའི་རྒྱན་འཆང་བརྡ་ཚིག་གསུང་། །ཐུགས་བདེ་ཆེན་གྱིས་རབ་མྱོས་སྤྲིན་ཕུང་བཞིན། །དེང་འདིར་གཤེགས་བདག་གི་ཚིག་འདིར་དགོངས། །མགོན་རྡོ་རྗེ་སློབ་དཔོན་སྐུ་གཟུགས་ཆབ། །དཔལ་ཀུན་ཏུ་བཟང་པོའི་ལོངས་སྤྱོད་སྤྲིན། །དབྱིངས་སྲིད་ཞི་གང་བའི་ནམ་མཁའི་མཛོད། །དེ་ཟག་མེད་བདུད་རྩིར་སྤར་ཏེ་འབུལ། །ཐུགས་དགྱེས་པ་ཆེན་པོས་བཞེས་ནས་ཀྱང་། །སྤྱིར་དཔལ་ལྡན་བླ་མའི་སྐུ་ཚེ་སྲིངས། །སྒོས་རིགས་ལྔའི་མཁའ་འགྲོའི་སུན་མ་བཟློག །བརྡ་ཐ་སྙད་ཀྱི་དར་ཐག་དབྱིངས་སུ་ཆོད། །མགོན་རིགས་བརྒྱའི་ཁྱབ་བདག་བླ་མ་རྗེ། །དུས་ཇི་སྲིད་དུ་མི་གཡོ་ཞབས་བརྟན་ཅིང་། །ཆོས་ཟབ་དོན་གྱིས་གྲངས་མེད་གདུལ་བྱའི་༧ འགྲོ །རྒྱུད་སྨིན་གྲོལ་དུ་མཛད་ལ་གེགས་མེད་མཛོད། །ཅེས་གཏོར་མ་དང་སྐུ་གླུད་རྣམས་རོལ་མོའི་སྒྲ་དང་བཅས་པས་ནུབ་ཕྱོགས་སུ་ཕུལ་ལ། སློབ་དཔོན་ཚེ་དཔག་མེད་དུ་གསལ་གདབ་བ་སོགས་མན་གོང་ལྟར་བྱའོ། །སྐབས་འགའ་ཞིག་ཏུ་སུན་བཟློག་དང་མ་འབྲེལ་བའི་བརྟན་བཞུགས་རྐྱང་པ་ལ། ཤོམས་ཀྱི་སྐབས་སུན་བཟློག་གི་བཅས་གཞི་རྣམས་མི་དགོས་ཤིང་། དངོས་གཞི་སྦྱོང་བ་གསུམ་དང་། ཁྲུས་གསོལ་སྔོན་དུ་འགྲོ་བས་སློབ་དཔོན་ཚེ་དཔག་མེད་དུ་གསལ་གདབ་པ་སོགས་དཀྱུས་ལྟར་བྱ། དེ་

― JKT021_Page_0449 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་དྲག་པོའི་སྦྱོང་བ་བདེན་བདར་གྱི་སྐབས་སུ། དེང་འདིར་ལ་ལྡན་བླ་མ་དམ་པ་ཞབས་པད་བརྟན་པའི་ཆོ་ག་བསྒྲུབ་པ་ལ་བར་དུ་གཅོད་པའི་སོགས་སྦྱར། ཁྲུས་གསོལ་གོང་དུ་བཀོད་པའམ། ཡང་ན། ཁྲུས་ཀྱི་ཁང་པ་སོགས་ཀྱིས་ཁྲུས་ཁང་བསྐྱེད། ཇི་ལྟར་བལྟམས་པ་སོགས་དང་། འདི་ནི་ཁྲུས་མཆོག་སོགས་སྔགས་དང་བཅས་པས་ཁྲུས་གསོལ། དེ་དག་སྐུ་ལ་སོགས་ཀྱིས་སྐུ་ཕྱི་བ་རྣམས་སྤྱི་ལྟར་བྱས་པས་ཀྱང་རུང་ངོ་། །ཞེས་པའང་ལྷ་བཙུན་ཆེན་པོ་ནམ་མཁའ་འཇིགས་མེད་ཀྱི་ཟབ་མོ་དག་སྣང་མའི་ཆོས་སྡེ་དང་། རིག་འཛིན་གཏེར་བདག་གླིང་པའི་མནལ་ལམ་དུ་ཡེ་ཤེས་ཀྱི་མཁའ་འགྲོ་མཚོ་རྒྱལ་མས་སྩལ་བའི་སུན་ཟློག་དང་བརྟན་བཞུགས་ཀྱི་ཚིགས་སུ་བཅད་པའི་རྡོ་རྗེའི་གསུང་རྩ་བར་བཟུང་། འཐད་འོས་ཀྱི་ཕྱག་བཞེས་ཀྱིས་ཟུར་བརྒྱན་ཏེ། འཇུག་བདེ་དོན་ཚང་སྙིང་པོར་དྲིལ་བ་འདི་ཡང་། རིག་འཛིན་གྱི་བཙུན་པ་མཉྫུགྷོ་ཥས་ཟིན་བྲིས་སུ་བགྱིས་པའི་དགེ་བས་བསྟན་འཛིན་མཆོག་རྣམས་ཞབས་པད་བསྐལ་པ་རྒྱ་མཚོར་བརྟན་ཅིང་ཕྲིན་ལས་རྒྱས་པ་དང་། བསྟན་འགྲོའི་ཕན་བདེ་མཆོག་ཏུ་འཕེལ་བའི་རྒྱུར་གྱུར་ཅིག། །།སརྦ་དཱ་མངྒ་ལཾ་བྷ་བ་ཏུ།། །།

བསུན་ཟློག་ཁྱེར་བདེ་རིག་འཛིན་དགྱེས་པའི་དགའ་སྟོན།

― JKT021_Page_0451 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །བསུན་ཟློག་ཁྱེར་བདེ་རིག་འཛིན་དགྱེས་པའི་དགའ་སྟོན་ཅེས་བྱ་བ་བཞུགས་སོ། །ན་མོ་གུ་རུ་དེ་ཝ་ཌཱ་ཀི་ནི་ཡེ། བསུན་ཟློག་ཁྱེར་བདེ་མདོར་བསྡུས་པ་བྱ་བར་འདོད་ན། མཁའ་འགྲོའི་དཔལ་གཏོར་པད་འདབ་བཞི་པ་ཐེབ་ཀྱུ་ཅི་མང་གིས་བསྐོར་བ་ལ་ཤ་ཁྲག་འབྲུ་སྨན་ཟས་སྣའི་ཕུད་ཀྱིས་བརྒྱན་པ་དང་། གསེར་སྐྱེམས་བཅས་བཤམ། རྩ་གསུམ་གྱི་ལས་གཞུང་གང་རུང་བསྲང་ཞིང་ཚོགས་མཆོད་བཅས་བྱ་བའམ། རང་ཉིད་གཉུག་མའི་ལྷར་གསལ་བའི་ངང་། མཆོད་གཏོར་རྣམས་རཾ་ཡཾ་ཁཾ་གིས་བསང་སྦྱང་། །ཨོཾ་ཨཱཿཧཱུྃ་ཧོས་བརླབ། ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷསརྦ་ཐཱ་ཁཾ་ཨུཏྤ་ཏེ་སྥ་ར་ཎ་ཨི་མཾ་ག་ག་ན་ཁཾ་སྭཱ་ཧཱ། ཞེས་ནམ་མཁའ་མཛོད་ཀྱི་སྔགས་རྒྱས་རྒྱས་པར་སྤེལ་ལ། མགྲོན་སྤྱན་དྲང་བ་ནི། ཧཱུཾ་ཧྲཱིཿ འོད་གསལ་འདུས་མ་བྱས་པའི་དབྱིངས་ཉིད་ལས། །ཁྱབ་བརྡལ་ཡེ་ཤེས་བཀོད་པ་རང་སྣང་བའི། །དཔའ་བོ་མཁའ་འགྲོའི་ཚོགས་ཁང་ཆེན་པོ་འདིར། །རྩ་གསུམ་རྒྱལ་བའི་དཀྱིལ་འཁོར་རབ་འབྱམས་དང་། །ཡེ་ཤེས་ལས་དང་འཇིག་རྟེན་སྐྱོང་བའི་ཚོགས། །གདུང་བས་འབོད་ལ་བརྩེ་བའི་གཡར་དམ་གྱིས། །རྫུ་འཕྲུལ་གློག་ལྟར་མྱུར་བའི་ཤུགས་སྐྱེད་ལ། །ཚུར་གཤེགས་མཆོད་སྤྲིན་རྒྱ་མཚོ་དགྱེས་པར་རོལ། །ཨོཾ་བཛྲ་གུ་རུ་དྷེ་བ་དྷཱ་ཀི་ནི་དྷརྨ་པཱ་ལ་ས་པ་རི་ཝཱ་ར་བཛྲ་ས་མཱ་ཛཿ ཛཿཧཱུྃ་བཾ་ཧོ༔ མཆོད་གཏོར་ཡེ་ཤེས་བདུད་རྩིའི་རང་བཞིན། འདོད་ཡོན་རྒྱ་མཚོའི་སྤྲིན་ཕུང་འཕྲོ་བ་དགྱེས་བཞིན་ཏུ་རོལ་།

― JKT021_Page_0452 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བསམས་ལ། ཨོཾ་ཨཱཿཧཱུྃ་བཛྲ་གུ་རུ་དྷེ་བ་ཛྙཱ་ན་ཀརྨ་ལོ་ཀ་དྷཱ་ཀ་དྷཱ་ཀི་ནཱི་ཤྲཱི་བཛྲ་དྷརྨ་པཱ་ལ་ས་པ་རི་ཝཱ་ར་ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱཿསརྦ་ཐཱ་ཁཾ་ཨུཏྤ་ཏེ་སྥ་ར་ཎ་ཨི་མཾ་ག་ག་ན་ཁཾ་གྲིདྡྷེ་དཾ་བ་ལྕ་དི་སྭཱ་ཧཱ༔ ལན་གསུམ། ཨོཾ་བཛྲ་ཨརྒྷཾ་པཱ་ཏྱཾ་པུཉྫུ་དྷུ་པེ་ཨཱ་ལོ་ཀེ་གནྡྷེ་ནེ་ཝི་ཏྱཱ་ཤབྡ་པྲ་ཏཱི་ཙྪ་སྭཱ་ཧཱ་ས་མཆོད། ཧཱུྃ་ཧཱུྃ༔ བླ་མ་མཆོག་གསུམ་ཡི་དམ་ཞི་ཁྲོའི་ཚོགས། །ཏིང་འཛིན་དགྱེས་རྒུའི་འདོད་ཡོན་འདི་བཞེས་ཨིལ། །བདག་ཅག་དཔོན་སློབ་ཡོན་མཆོད་འཁོར་བཅས་ཀྱཻ། །སྔོན་ལས་འཕྲལ་རྐྱེན་སུན་མ་ཟློག་ཏུ་གསོལ། །དབྱིངས་ཀྱི་ཡུམ་ཆེན་ལྷན་སྐྱེས་དྷ་ཀིའི་ཚོགས། །འོད་གསལ་རྒྱན་གྱི་འདོད་ཡོན་འདི་བཞེས་ལ། །བདག་ཅག་དཔོན་སློབ་ཡོན་མཆོད་འཁོར་བཅས་ཀྱཻ། །ཡེ་ཤེས་མཁའ་འགྲོའི་སུན་མ་ཟློག་ཏུ་གསོལ། །གང་འདུལ་དེར་སྣང་ཞིང་སྐྱེས་ཕོ་ཉའི་ཚོགས། །བདེ་སྟོང་རོལ་པའི་འདོད་ཡོན་འདི་བཞེས་ལ། །བདག་ཅག་དཔོན་སློབ་ཡོན་མཆོད་འཁོར་བཅས་ཀྱཻ། །ལས་ཀྱི་མཁའ་འགྲོའི་སུན་མ་ཟློག་ཏུ་གསོལ། །ལེགས་ཉེས་སྟངས་འཛིན་ཕྲ་མེན་གནས་ལ་ཚོགས། །ལོངས་སྤྱོད་ཆར་འབེབས་འདོད་ཡོན་འདི་བཞེས་ལ། །བདག་ཅག་དཔོན་སློབ་ཡོན་མཆོད་འཁོར་བཅས་ཀྱཻ། །འཇིག་རྟེན་མཁའ་འགྲོའི་སུན་མ་ཟློག་ཏུ་གསོལ། །རྡོ་རྗེའི་ཆོས་སྲུང་སྡེ་བརྒྱད་དྲེགས་པའི་ཚོགས། །

― JKT021_Page_0453 ―

^{[མ་དཔེ་གཟིགས་ན་འདིར་གནོན།]}

[Full Size]

དགྲ་བགེགས་ཤ་ཁྲག་འདོད་ཡོན་འདི་བཞེས་ལ། །བདག་ཅག་དཔོན་སློབ་ཡོན་མཆོད་འཁོར་བཅས་ཀྱཻ། །ས་གསུམ་འབྱུང་པོའི་སུན་མ་ཟློག་ཏུ་གསོལ། །དབྱིངས་ལས་རང་ཤར་ཡེ་ཤེས་འཇིག་རྟེན་མགྲོན། །མཐུན་རྫས་འདོད་ཡོན་རྒྱ་མཚོའི་ཚོགས་ལ་རོལ། །དགྱེས་པའི་དཔལ་སྐྱེད་ཐུགས་རྗེའི་ཤུགས་ཕྱུང་ལ། །ཚེ་བསོད་དཔལ་འབྱོར་རྒྱས་པའི་དངོས་གྲུབ་སྩོལ། །ཅེས་ཕྲིན་ལས་གསོལ། ཚར་གྲངས་བྱེད་ན། མཆོད་གཏོར་ཁ་གསོ་ཞིང་བརླབ། གཏོར་འབུལ་དང་། མཆོད་པ། ཕྲིན་ལས་གསོལ་བ་བཅས་ལ་གྲངས་གཟུང་། མཐར་ཕུད་དང་གཏོར་མ་གཤེགས་ལ། ཧཱུཾ་ཧྲཱིཿ རྩ་གསུམ་ཆོས་སྲུང་རྒྱ་མཚོ་འཁོར་བཅས་ཕྱིན ཀྱིས། །བདག་ཅག་ཡོན་མཆོད་ཕྱི་ནང་གསང་བ་ཡི། །བར་ཆད་ཀུན་སོལ་མཐུན་རྐྱེན་ལེགས་ཚོགས་སྤེལ། །བསམ་དོན་ཡིད་བཞིན་འགྲུབ་པའི་ཕྲིན་ལས་མཛོད། །བཛྲ་མུ༔ སརྦ་ཀརྨ་ལོ་ཀ་དྷ་ཀི་ནི་ས་པ་རི་ཝཱ་ར་གཙྪས་མགྲོན་རྣམས་རང་བཞིན་གྱི་གནས་སུ་གཤེགས་པར་བསམས་ལ་ཤིས་པ་བརྗོད་པས་བདེ་ལེགས་སུ་བྱའོ། །ཞེས་པའང་མཚོ་སྐྱེས་བླ་མ་དགྱེས་པའི་འབངས་ཀྱིས་ཚིག་གི་ཕྲེང་བ་ཉུང་ངུ་ལ། དོན་གྱི་གནད་གསང་གྲུབ་པ་མཆོག་གི་ཞལ་ལུང་ལ་སྦྱར་ཏེ་བྲིས་པ་དགེ་ལེགས་འཕེལ།། །།སརྦ་དཱ་སུ་ཐེ་ཡོ་བི་ཛ་ཡནྟུ།། །།

འཆི་བ་བསླུ་བའི་གདམས་པ་ཆུ་སྦྱིན་སྟོང་ཟློག་གི་མན་ངག་བཀླག་ཆོག་ཏུ་བཀོད་པ།

― JKT021_Page_0455 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །འཆི་བ་བསླུ་བའི་གདམས་པ་ཆུ་སྦྱིན་སྟོང་ཟློག་གི་མན་ངག་བཀླག་ཆོག་ཏུ་བཀོད་པ་བཞུགས་སོ།། །།

― JKT021_Page_0456 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ནད་པ་སོགས་ཀྱི་ལན་ཆགས་བསལ་བའི་ཕྱིར་ཆུ་སྦྱིན་སྟོང་ཟློག་བྱ་བར་འདོད་པས། ཐོ་རངས་མི་ཁྱི་མ་ལངས་བར། བནྡྷེ་གཉིས་ཁ་ལག་བཀྲུས་ལ། ཆུ་མིག་ཏུ་ཕྱིན་ནས་ཆབ་བླངས་ཏེ་མདུན་གྱི་ནམ་མཁར་སྐྱབས་ཡུལ་རྣམས་མངོན་སུམ་ལྟ་བུར་བཞུགས་པའི་མོས་པས། སངས་རྒྱས་ཆོས་དང་ཚོགས་ཀྱི་སོགས་ཀྱི་སྐྱབས་སེམས་ལན་གསུམ་སོགས་ཡན་ལག་བདུན་པ་བྱ། དེ་ནས་གཅིག་གིས་སྣོད་གཙང་མར་ཆུ་བླངས་ལ། རང་ཉིད་སྐད་ཅིག་གིས་འཕགས་པ་སྤྱན་རས་གཟིགས་དབང་ཕྱུག་སྐུ་མདོག་དཀར་གསལ་ཞི་ཞིང་འཛུམ་པའི་ཉམས་ཅན་གཡས་མཆོག་སྦྱིན་གཡོན་པདྨ་དཀར་པོའི་སྡོང་བུ་འཛིན་པ་དར་དང་རིན་པོ་ཆེའི་རྒྱན་ཅན་མཚན་དཔེའི་གཟི་བྱིན་མཆོག་ཏུ་འབར་བའི་སྐུར་གྱུར་པར་བསམས་ལ། ཨོཾ་

― JKT021_Page_0457 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཎི་པདྨེ་ཧཱུཾ། ཞེས་ཅི་ནུས་བཟླས་རྗེས། མདུན་དུ་ཡི་དྭགས་ཀྱི་རྒྱལ་མོ་ཁོ་ཤོག་མ་བྱ་བ། ལུས་ཤིན་ཏུ་ཆེ་ལ་རིད་པ། སྐོམ་ལ་ཡངས་པ། ཤིང་བལ་ལྟར་བསུད་པ། སྐེ་དང་རྐང་ལག་ཕྲ་བ། དེ་ལྟ་བུ་གཅིག་ལ་འཁོར་དེ་འདྲ་བ་མང་པོས་བསྐོར་བར་གྱུར་པར་དམིགས་ཏེ། ཆུའི་དངོས་པོ་ནི་སེར་སྣ་མེད་པར་སྔོ་སྐྱ་ཆིལ་བར་འབབས་པ་དེ་ཉིད་ཁོང་རྣམས་ཀྱིས་འཐུངས་བས། སྔར་བྱས་པའི་ཕྱི་ནང་གི་སྒྲིབ་པ་བྱང་ནས་བདེ་བ་དང་ལྡན་པར་བསམས་ལ། ཨོཾ་ཛ་ལ་མི་དི་སརྦ་པྲ་ཏེ་སྭཱ་ཧཱ། ཞེས་པའི་སྔགས་ཚར་རེ་དང་། ལག་གཡས་ཀྱི་ཆུ་ཐིག་རེ་སྤྲེང་བ། གཡོན་གྱིས་སེ་གོལ་རེ་གདབ་པ་རྣམས་སྤྲུགས་ལ་བྱ། སྔགས་ཚར་བརྒྱ་རྩ་རེའི་མཇུག །འཇུར་གེགས་མ་ལ་སོགས་པ་ཡི། །ཡི་དྭགས་ཚོགས་རྣམས་ཐམས་ཅད་ཀུན། །

― JKT021_Page_0458 ―

^{[མ་དཔེ་གཟིགས་ན་འདིར་གནོན།]}

[Full Size]

བཀྲེས་སྐོམ་སྡུག་བསྔལ་ཀུན་ཞི་ནས། །བདེ་པའི་མཆོག་དང་ལྡན་གྱུར་ཅིག །ཅེས་པ་ལ་སོགས་པའི་སྨོན་ལམ་ལན་རེ་བཏབ། གཅིག་གིས་དེའི་བར་ལ་ཟབ་མདོ་ཚར་གཅིག་དང་། སྙིང་པོ་ཅི་ནུས་སུ་བགྲངས་ལ། ཆུ་སྦྱིན་བརྒྱ་རྩ་རེ་སོང་མཚམས་ཐལ་བརྡབ་རེ་བྱ། ཆུ་སྦྱིན་སྟོང་རྩ་གྲུབ་རྗེས་གཉིས་ཀས་ཟབ་མདོ་ཚར་གསུམ་འདོན་ལ་ཐལ་མོ་བརྡབས། བཀྲ་ཤིས་དང་བསྔོ་སྨོན་རྒྱས་པར་བྱ། ཚུར་ལོག་དུས་སྲུང་འཁོར་བསྒོམ་ཞིང་ཕྱིར་ལམ་བཅད་ནས་ཕྱི་མིག་མི་བལྟ་བ་གལ་ཆེ། ཆོ་ག་བྱ་བའི་བར་ལ་གཞན་དང་ངག་མི་བསྲེ་བར་བྱའོ། །དེ་ལྟར་བགྱིས་པས་ལན་ཆགས་དང་བུ་ལོན་བྱང་ཞིང་། འཆི་བ་བསླུ། ཆགས་ཆེ། ཉམས་ང་། ཆོད་གཏོང་། མཚན་ངན། རྨི་ལམ་ངན་པ་སོགས་བཟློག་པའི་ཐབས་མཆོག་ཏུ་གྱུར་པའོ། །བཀའ་བརྒྱད་གསང་རྫོགས་ཀྱི་ཆ་ལག་ཆུ་སྦྱིན་སྟོང་ཟློག་གི་མན་ངག་སྙིང་པོར་དྲིལ་ནས་བཀླག་ཆོག་ཏུ་བཀོད་པ་སྤྱི། །འཆི་བསླུ་ཤིན་ཏུ་བསྡུས་པ་བཞུགས་སོ། །ན་མོ་གུ་ར་བེ། བསྒྲུབ་བྱའི་ཁ་སྣའི་ཆུ་དག་དང་། །མིག་རྣག་དྲི་ཆེན་དྲི་ཆུ་དང་། །སྐྲ་སེན་ལུས་བཀྲུས་ཁུ་བ་དང་། །འབྲུ་སྣའི་ངར་ཕྱེ་སྦྲུས་པ་ལ། །མི་གཟུགས་དཀར་སེར་དམར་ལྗང་དང་། །ཁྲ་བོ་གཅིག་ཏེ་ལྔ་བཟོས་ལ། །དར་སྣ་བལ་ཚོན་སྒོ་སྣ་གཟུགས། །ཆང་བུ་བསྒྲུབ་བྱའི་ལོ་གྲངས་བཅས། །སྣོད་གཙང་འབྲུ་སྣས་བཀང་ཁར་བཞག །བསྒྲུབ་བྱའི་གོས་དུམ་རེ་རེ་བཀོན། །སྐྱབས་སེམས་ཚད་མེད་སྔོན་སོང་བས། །རང་ཉིད་འོད་ཟེར་ཅན་མ་བསྒོམ། །གཏོར་མ་སྔགས་དྲུག་ཕྱག་དྲུག་གིས། །བྱིན་གྱིས་བརླབས་ནས་

― JKT021_Page_0459 ―

^{[མ་དཔེ་གཟིགས་ན་འདིར་གནོན།]}

[Full Size]

བསྔོ་བ་ནི། །འཆི་བདག་གཤིན་རྗེའི་རྒྱལ་པོ་དང་། །སྟེང་གདོན་འོག་གདོན་བར་གདོན་དང་། །ཕོ་འདྲེ་མོ་འདྲེ་མ་ནིང་གདོན། །དྲེགས་པ་སྡེ་བརྒྱད་འཁོར་དང་བཅས། །བདག་ལས་ལྷག་པའི་གཏོར་གླུད་འདི། །ཁྱེར་ཅིག་ཁྱེར་ཅིག་སྟོབས་ལྡན་རྣམས། །འདོད་སྲེད་ཆགས་དང་ཞེན་པ་ཡིས། །དྲན་དང་མཐོང་རེག་བཟུང་བ་ཀུན། །བསྡུས་ཤིག་ཀློད་ཅིག་ད་ཁྲོལ་ཅིག །སྔོན་གྱི་ལན་ཆགས་ཤ་འཁོན་དང་། །བུ་ལོན་འཕྲལ་གྱི་རྐྱེན་ལ་སོགས། །གང་ཡིན་མ་ལུས་འཁོར་བར་མཛོད། །བདག་གི་བསམ་པའི་སྟོབས་དག་དང་། །དེ་བཞིན་གཤེགས་པའི་སྦྱིན་སྟོབས་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །འབྱུང་པོ་མ་ལུས་ཚིམ་གྱུར་ཅིག །ཅེས་བརྗོད་ཕྱི་མིག་མི་བལྟ་བར། །ཆུ་བོ་ཆེན་པོའི་གཞུང་ལ་བསྐྱལ། །འཆི་ལྟས་བྱུང་ཚེ་ལོ་ཟླ་གཉིས། །ཟད་པའི་མཚམས་སུ་བྱས་པས་བཟློག །སློབ་དཔོན་པདྨས་མཛད་པའི་འཆི་བསླུ་བསྡུས་པའི་རིམ་པ་བྱིན་རླབས་ཅན་ནོ། །ལོ་ཆེན་རཏྣ་བྷ་དྲའི་ཕྱག་ལེན་རྗེ་བཙུན་དམ་པའི་ཕྱག་དཔེ་ལས་བཤུས། ༈ །སློབ་དཔོན་ཆེན་པོ་སྒེག་པའི་རྡོ་རྗེའི་ལུགས་ཀྱི་བླ་བསླུའི་གླུད་བསྔོ་བཞུགས་སོ། །ན་མོ་གུ་རུ། ནད་པའི་བླ་ཚེ་བསླུ་བའི་གླུད་ནི། རིན་པོ་ཆེའི་སྣོད་དུ་བླ་གླུད་ཆེ་བ་དང་དཀོར་ཆས་གཏམས། ལོགས་སུ་གླུད་ཕྲན་ཆང་བུ་སོགས་མང་དུ་བསགས། རྟེན་འབྲེལ་བརྟགས་ན་བླ་རྟེན་མདའ་དར་བླ་གཡུས་བརྒྱན་པ་དང་། ལུང་པ་དགུའི་ཆུ་སྣའི་སྣོད་དུ་རྒྱ་ཕོར་གཙང་མར་བླ་ལུག་སྐྱེ་མཆེད་དོད་པ་བཞག །དེ་ནས་སྔགས་པས་ཡི་དམ་བསྒོམ་

― JKT021_Page_0460 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་འབྱུང་བས། སྐྱབས་སེམས་དང་། སྭ་བྷཱ་ཝ་སོགས། སྟོང་པའི་ངང་ལས་ཕག་བདུན་གྱིས། །དྲངས་པའི་ཤིང་རྟར་པད་ཉིའི་སྟེང་། །མཾ་ལས་རང་ཉིད་འོད་ཟེར་ཅན། །སེར་པོ་ཕྱག་གཡས་མཆོག་སྦྱིན་གཡོན། །མྱ་ངན་མེད་ཤིང་ཡལ་ག་བསྣམས། །དར་དང་རིན་ཆེན་རྒྱན་གྱིས་བརྒྱན། །ཅུང་ཟད་ཁྲོ་ཞིང་འཛུམ་པའི་ཉམས། །ཕྱེད་སྐྱིལ་འོད་ཕུང་ཀློང་ན་བཞུགས། །ཐུགས་ཀར་ཉི་སྟེང་མཾ་ཡིག་མཐར། །སྔགས་ཕྲེང་འཁོར་བའི་འོད་ཟེར་གྱིས། །འཕགས་མཆོད་གདོན་བགེགས་ཚར་བཅད་གྱུར། ཨོཾ་མཱ་རཱི་ཙྪེ་ཚྭ་སྭཱ་ཧཱ། སྟོང་ལས་མི་ཉུང་བར་བཟླས། གླུད་ཡས་རྣམས་སྔགས་དྲུག་ཕྱག་དྲུག་གིས་བྱིན་གྱིས་བརླབས་པའམ། བསྡུ་ན་ནམ་མཁའ་མཛོད་ཀྱིས་སྤེལ་ཏེ་བསྔོ་བ་ནི། ཧཱུྃ། འབྱུང་བ་ཆེན་པོ་རྣམ་ལྔ་ནི། །སྐྱེ་འགྲོ་སེམས་ཅན་ཀུན་གྱི་རྟེན། །དེ་ཉིད་ལ་ནི་བརྟེན་བཅས་པའི། །སྤར་སྨེ་གཟའ་སྐར་ཚེས་གྲངས་ལྷ། །སྡེ་བརྒྱད་བགེགས་རིགས་འབྱུང་པོའི་ཚོགས། །ཁྱད་པར་འཇིག་རྟེན་སྐྱོང་བ་བཅུ། །བཙུན་མོ་སྲས་དང་སྡེ་དཔུང་བཅས། །སྟོབས་ཆེན་གཟི་བརྗིད་ཆེ་བའི་ཚོགས། །རེ་ཏེ་འགོང་ཡག་ཕྱིས་པའི་བདུད། །ལི་བྱིན་ཧ་ར་སྲོག་གི་བདག །འཁོར་དང་བཅས་པ་ཇི་སྙེད་ཀུན། །རྩ་བ་གསུམ་གྱི་བཀའ་བྱུང་གིས། །གླུད་དང་གཏོར་མ་ལེན་པའི་ཕྱིར། །ཞི་ཞིང་ཕན་པའི་སེམས་ཀྱིས་སུ། །ད་ལྟ་ཉིད་དུ་གནས་འདིར་བྱོན། །བཤམས་པའི་གླུད་གཏོར་གསེར་སྐྱེམས་འདི། །མང་

― JKT021_Page_0461 ―

^{[མ་དཔེ་གཟིགས་ན་འདིར་གནོན།]}

[Full Size]

པོར་ཏིང་ངེ་འཛིན་གྱིས་སྤེལ། །སོ་སོར་ཐོབ་པ་སྔགས་ཀྱིས་བྱས། །ཕྱག་རྒྱས་ཕམ་རྒྱལ་འཐབ་རྩོད་མེད། །ཁྱེད་རྣམས་མཉེས་པའི་རྫས་སུ་འབུལ། །བར་སོང་ཁར་གྱི་ཉི་མ་ལ། །རྒྱུ་འབྱོར་མིའུ་ལས་འདི་བཞེས་ལ། །བཟུང་བ་ཐོངས་ལ་བཅིངས་པ་ཁྲོལ། །བསྡོམ་པ་གློད་ལ་མནན་པ་ཐེག །ཞི་བ་ཆེན་པོའི་ངང་དུ་བཞུགས། །བཀྲ་ཤིས་བདེ་ལེགས་མཛད་དུ་གསོལ། །ཞེས་སྤྱིར་བསྔོ། །དེ་ནས་གླུད་ཕྲན་རྣམས་རེ་རེ་ནས། ཨོཾ་ཨཱཿཧཱུྃ་གིས་བརླབས། ན་མཿསརྦ་སོགས་ཀྱི་བསྔོ། །དེ་བཞིན་གཤེགས་པ་བཞིའི་མཚན་བརྗོད། ཁྱེར་ཅིག་ཁྱེར་ཅིག་སྟོབས་ལྡན་རྣམས། །སྲེད་དང་ཆགས་དང་ཞེན་པ་དང་། །དྲན་དང་བཟུང་དང་བསམ་དང་རེག །གློད་དང་གྲོལ་དང་ཞི་བར་མཛོད། །ཅེས་བཀའ་བསྒོ། དེ་འདྲ་ལོ་གྲངས་སོགས་སོང་མཐར། རང་ཡི་དམ་དུ་གསལ་བའི་ཐུགས་ཀ་ནས་འོད་ཟེར་ལྕགས་ཀྱུའི་རྣམ་པ་ལྟ་བུ་གྲངས་མེད་པ་འཕྲོས་པས། འཁོར་འདས་ཀྱི་ཚེ་བསོད་དཔལ་འབྱོར་ཡེ་ཤེས་ཀྱི་དྭངས་བཅུད་ཐམས་ཅད་དང་། ཁྱད་པར་བསྒྲུབ་བྱའི་བླ་ཚེ་ཆད་ཉམས་ཡར་བ་ཐམས་ཅད་འོད་ཟེར་ཐིག་ལེ་ཨནཾ་བྷྱོ་སོགས་ཀྱི་རྣམ་པར་རང་དབང་མེད་པར་བཀུག་སྟེ་བསྒྲུབ་བྱ་ལ་ཐིམ་པས་བླ་ཚེ་སྲོག་དབུགས་ཉམས་པ་སོར་ཆུད། གནས་པ་གོང་དུ་འཕེལ། ཚེ་བསོད་དཔལ་འབྱོར་སྟོབས་རྩལ་ཐམས་ཅད་

― JKT021_Page_0462 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས་པར་གྱུར། ཡི་དམ་གྱི་སྔགས་མཐར། ཨོཾ་རྫ་བ་རྫ་བ། རྩུབ་རྫུབ། བྷ་ཏྲ་སློང་སློང་། ཚྭ་ཁུག་ཛཛ ཞེས་ངག་བཅད་ལ་བཟླས། ཡང་ཐུན་མཚམས་སུ་གླུད་གཏོར་ཅི་ལྟར་རིགས་པས་འབུལ། སྐབས་སུ་དམོད་བ་དང་བཅས་བླ་ལུག་བསྐོར་བས་ལན་གཅིག་མིན་པར་བླ་རྟེན་གྱི་ཕྱོགས་ལ་ཁ་རྒྱུས་ན་ཁུག་པའི་རྟགས་ཡིན། མཐར། ཆོས་རྣམས་གང་དག་སོགས་ཀྱིས་ཆོས་སྦྱིན་བྱ། བྱང་ཆུབ་ཀྱི་སེམས་གཉིས་བསྒོམ་ལ་ཟབ་མདོ་འདོན། མཆོད་སྦྱིན་གནས་འདིར་གང་ལྷགས་པའི། སོགས་ཀྱིས་མགྲོན་རྣམས་གཤེགས། ནག་ཕྱོགས་པ་སྡོད་སྲིད་པས་དྲག་སྔགས་ཀྱིས་མཚམས་བཅད་ལ། གླུད་གཏོར་ཆུ་བོ་ཆེན་པོའི་གཞུང་དུ་བསྐྱལ། །བླ་གཡུ་བསྒྲུབ་བྱའི་མགུལ་དུ་གདགས་ལ་བཀྲ་ཤིས་བྱའོ། །ཞེས་ཡིག་རྙིང་ལས་འདོན་བདེར་བྲིས་པ་དགེ་ལེགས་སུ་གྱུར་ཅིག། ༈ །།ཕན་ཆེའི་འཁོར་ལོ་བརྒྱ་རྩ་བརྒྱད་ཀྱི་ནང་ནས་ལྟས་ངན་ཟློག་པའི་མན་ངག་འདི་སློབ་དཔོན་རིན་པོ་ཆེ་ནས་ཕྱུངས་ཏེ་མངའ་བདག་གི་དོན་དུ་མཛད་པས་ཤིན་ཏུ་ཟབ་བོ། །དེ་ཡང་རང་ལ་ལྟས་ངན་གང་བྱུང་བ་དེའི་གཟུགས་དང་། ཤིང་སྣ་རྙེད་ཚད་ཐམས་ཅད་སྐྱེ་མོ་ནག་པོ་ཞིག་གི་ནང་དུ་བླུགས། ཞགས་པ་ནག་པོས་ཁ་དམ་པར་བསྡོམས། སྔགས་པ་རང་གི་ཡི་དམ་གྱི་གཞུང་བསྲང་། ལྟས་ངན་པ། ཉམ་ང་བ། ཆགས་ཆེ་བ་སོགས་མི་ཤིས་པ་ཐམས་ཅད་སྐྱེ་ནག་གི་རྫས་ལ་དགུག་གཞུག་དྲག་ཏུ་བྱ། རང་ཡི་དམ་དུ་གསལ་བའི་ཞབས་ཀྱིས་བརྫིས་ནས་རྨེགས་མེད་དུ་བཅོམ། ཐལ་བ་བུན་བུན་སོང་བར་བསམས་ལ་སྔགས་བརྒྱ་རྩ་བརྒྱད་བཟླ། སྒོ་དྲུང་གི་བར་རྡོག་པས་བསྒྲིལ་ལ་ཆུ་བོ་ཆེན་པོའི་གཞུང་དུ་བསྐྱལ། ཡང་ན་ལམ་གྲུ་གསུམ་དུ་མནན། ཕྱི་མིག་མི་བལྟ་བར་ལོག་ལ་མཚམས་བཅད་དོ། །སྔགས་ནི་ཡི་དམ་གང་ཡིན་གྱི་དྲག་

― JKT021_Page_0463 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་དང་། ༀ་མ་ཧཱ་ཧུར་ཐུམ་རྦད་རྦད། དགྲ་བོ་ཐུམ་ཐུམས། ཤིག་ཤིག །རྦད་རྦད། བྷྱོ་བྷྱོ་ཟློག་ཟློག །ཅེས་བཟླས་དུས་སྐྱེ་ནག་རྡོག་པས་བརྫིའོ། །ཡི་དམ་གྱི་ང་རྒྱལ་དྲག་པོ་གལ་ཆེ། འདི་ལྟར་བགྱིས་པས་ལྟས་ངན་ཐམས་ཅད་བཟློག་པར་ཐེ་ཚོམ་མེད། ཁྱད་པར་མི་དང་ཕྱུགས་ལ་མི་ཤིས་པའི་རིགས་སྐྱེས་པ་དང་། མེ་ཤོར་བ་དང་། ས་གཡོས་པ་དང་། གྲྭ་བརྡོལ་བ། གཞན་ཡང་ཀེག་སྲི་ལངས་པ། གོད་ཁ་བྱུར་ཁ། མི་ཁ་བྲ་མཆུ་ཐམས་ཅད་ལ་ཕན་ནོ། །མདོར་ན་བཀྲ་མི་ཤིས་པའི་རིགས་ཐམས་ཅད་ཟློག་པའི་གདམས་པ་སྐྱེ་ནག་རྡོག་དྲིལ་མ་ཞེས་ཟབ་པར་གདམས་སོ། །ས་མ་ཡ། ༈ །ཕྱག་རྒྱ་འདི་ཤིང་བྱང་ལ་བྲིས་ཏེ་གནས་ཁང་གི་ཕྱོགས་བཞིར་བཙུགས། ཕྱོགས་བཞིར་ཟབ་མདོ་བདུད་བཟློག་དང་བཅས་པ་ཚར་རེ་དང་བཀྲ་ཤིས་བརྩེགས་པ་སྒྲོགས་པས། བྱ་ཐན། འབུ་ཐན་སོགས་ཐན་དང་ལྟས་ངན་གི་རིགས་ཐམས་ཅད་བཟློག་པར་འགྱུར་རོ། ༈ །ཡང་རྒྱ་ཤོག་ལ་རྒྱ་སྣག་གི་ཡི་གེ་འདི་བླུ་བྲིས་ཏེ་ཡུངས་ཀར་འབྲུ་བདུན་དང་ལྷན་ཅིག་ཏུ་རྟེན་འབྲེལ་སྙིང་པོའི་སྔགས་སྟོང་ཚོ་དང་བཅས་ཟོས་ན་ལྟས་ངན་ཐམས་ཅད་འཕྲལ་དུ་ཟློག་པའི་མན་ངག་ཟབ་ཁྱད་མའོ། །སྤྱི།

རིག་འཛིན་སྲོག་སྒྲུབ་ལས། ལན་ཆགས་ཆུ་བསྐྱུར།

― JKT021_Page_0465 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །རིག་འཛིན་སྲོག་སྒྲུབ་ལས། ལན་ཆགས་ཆུ་བསྐྱུར་ཞེས་བྱ་བ་བཞུགས་སོ།། །།

― JKT021_Page_0466 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །ན་མོ་གུ་རུ ལན་ཆགས་ཆུ་བསྒྱུར་ནི། མཚོ་དང་རྫིང་བུ་ལྟེང་ཀ་ཆུ་མིག་གི་སར་ཕྱིན་པའམ། ཡང་ན་སྣོད་གས་ཆག་མེད་པར་ལུ་མ་ཆུ་དང་། རྒྱུན་ཆུ་གཙང་མ་ལ་བསང་སྦྱངས་བྱས། བཀའ་འགྱུར་བཏགས་གྲོལ་ལ་སོགས་པའི་གཟུངས་སྔགས་ཁྱད་པར་ཅན་བཟླས་པའི། འབྲུ་སྣ། སྨན་སྣ། ཟས་སྣ། དར་སྣ། དམ་རྫས་ཀྱི་རིགས། དཀར་གསུམ། མངར་གསུམ་དང་བཅས་པ་བཤམས་ལ་འདི་སྐད་དོ། །རང་ཉིད་ཆོས་སྐུ་ལོངས་སྐུ་སྤྲུལ་སྐུའི་དངོས། །སྐད་ཅིག་དྲན་རྫོགས་སྤྱན་རས་གཟིགས་སུ་གསལ། །གནས་གསུམ་ཡིག་འབྲུ་གསུམ་ལས་འོད་འཕྲོས་པས། །སྣང་སྲིད་འབྱུང་བའི་ཆུ་ཀུན་བདུད་རྩི་དང་། །འཇིག་རྟེན་དབང་ཕྱུག་ཕྱག་གི་འོ་རྒྱུན་གྱུར། ཨོཾ་ཨཱཿཧཱུཾ། ཨོཾ་མ་ཎི་པདྨེ་ཧཱུཾ། བརྒྱ་རྩ་དང་། ཨོཾ་བཛྲ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུྃ་

― JKT021_Page_0467 ―

^{[མ་དཔེ་གཟིགས་ན་འདིར་གནོན།]}

[Full Size]

ཕཊ། ཟག་མེད་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། ཧཱུྃ། ཞི་དང་རྒྱས་དང་དབང་དང་དྲག་པོ་ལྷ། །སྟེང་འོག་ཕྱོགས་དང་ཕྱོགས་མཚམས་ཁོར་ཡུག་ཀུན། །གྲངས་མེད་ཚད་མེད་ནམ་མཁའ་ས་གཞི་དང་། །བདེ་ཆེན་ཆོས་ཀྱི་དབྱིངས་སུ་གང་བར་གསལ། །དམ་ཚིག་ཡེ་ཤེས་དབྱེར་མེད་གདོད་ནས་དག །ཞི་དང་ཁྲོ་ཚོགས་ཐེག་པ་རིམ་དགུ་ཡི། །གདུལ་བྱའི་བློ་ཡི་མོས་སྣང་ཆ་ལུགས་དང་། །རྒྱན་གྱི་འགྲོ་དོན་རྫོགས་ལ་ཕྱག་འཚལ་བསྟོད། ཅེས་བརྗོད་ནས་དངོས་གཞི་འབུལ་བ་ནི། ནམ་མཁའ་གང་བའི་བླ་མའི་ཚོགས་རྣམས་ལ། །ཐུགས་དགོངས་ཡོངས་སུ་རྫོགས་པའི་མཆོད་པ་འབུལ། །བརྩེ་བས་བདག་གི་ལན་ཆགས་ཞི་བར་མཛོད། །ནམ་

― JKT021_Page_0468 ―

^{[མ་དཔེ་གཟིགས་ན་འདིར་གནོན།]}

[Full Size]

མཁའ་གང་བའི་ཐེག་དགུའི་ཡི་དམ་ལ། །སྲིད་ཞིའི་ཁྱོན་གྱིས་གང་བའི་མཆོད་པ་འབུལ། །བརྩེ་བས་བདག་གི་ལན་ཆགས་བྱང་བར་མཛོད། །ནམ་མཁའ་གང་བའི་འབུམ་ཕྲག་མཁའ་འགྲོ་ལ། །མི་ཟད་ཕྱི་ནང་གསང་བའི་མཆོད་པ་འབུལ། །བརྩེ་བས་བདག་གི་ལན་ཆགས་བྱང་བར་མཛོད། །ནམ་མཁའ་གང་བའི་བཀའ་སྲུང་དམ་ཅན་ལ། །གཏོར་ཚོགས་སྨན་རག་ཕྱི་ནང་གསང་མཆོད་འབུལ། །ཐུགས་རྗེས་བདག་དང་རྒྱུ་འབྱོར་ལན་ཆགས་སྦྱོངས། །ནམ་མཁའ་གང་བའི་ཕྱི་ནང་སྡེ་བརྒྱད་དང་། །བོད་ཡུལ་གཞི་བདག་བསྟན་མ་བཅུ་གཉིས་ལ། །རང་རང་ཡིད་ལ་འདོད་པའི་མཆོད་པ་འབུལ། །བཞེས་ནས་བདག་དང་རྒྱུ་འབྱོར་ལན་ཆགས་སྦྱངས། །ནམ་མཁའ་གང་བའི་གཙང་རིགས་དཔལ་མགོན་པོ། །བདུན་ཅུ་རྩ་ལྔ་ས་བདག་ཀླུ་ཆེན་བརྒྱད། །རང་རང་ཡིད་ལ་ཅི་འདོད་མཆོད་པ་འབུལ། །བདག་དང་རྒྱུ་འབྱོར་ལན་ཆགས་སྦྱང་བར་མཛོད། །ནམ་མཁའ་གང་བའི་རིགས་དྲུག་སེམས་ཅན་དང་། །བགེགས་གདོན་རིགས་གྱུར་ལན་ཆགས་མགྲོན་རྣམས་ལ། །རང་རང་ཡིད་ལ་ཅི་འདོད་མཆོད་པ་འབུལ། །བདག་དང་རྒྱུ་འབྱོར་ལན་ཆགས་བྱང་གྱུར་ཅིག །ནམ་མཁའ་གང་བའི་ས་བདག་ཀླུ་གཉན་དང་། །ལོ་དང་ཞག་དུས་ཚེས་དང་སྤར་སྨེ་དག །རང་རང་ཡིད་ལ་ཅི་འདོད་

― JKT021_Page_0469 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོད་པ་འབུལ། །བདག་དང་རྒྱུ་འབྱོར་ལན་ཆགས་བྲལ་བར་མཛོད། །ནམ་མཁའ་གང་བའི་ལྷག་མའི་མགྲོན་རྣམས་དང་། །བསད་པས་ཚེ་ཐུང་བརྡུང་བས་ནད་མང་ཞིང་། །འཕྲོག་པས་སྡུག་བསྔལ་དབུལ་བའི་ལན་ཆགས་རྣམས། །ཇི་སྲིད་འབྱུང་བའི་ཆུ་རྣམས་མ་སྐེམས་པར། །བདག་གི་ཆུ་སྦྱིན་འབྲས་བུ་ཟད་མ་གྱུར། །ཚེ་རབས་ལན་ཆགས་ཐམས་ཅད་བྱང་གྱུར་ཅིག །མདོར་ན་བླ་མ་ཡི་དམ་མཁའ་འགྲོ་དང་། །ཆོས་སྐྱོང་སྲུང་མ་རྒྱལ་བ་རྒྱ་མཚོར་བཅས། །གནས་གསུམ་མཁའ་འགྲོ་འཇིག་རྟེན་བསྟན་པ་སྐྱོངས། །ཡུལ་རིགས་གཞི་བདག་རིགས་དྲུག་སྙིང་རྗེའི་མགྲོན། །ལན་ཆགས་རིགས་དང་བགེགས་གདོན་ཚོགས་རྣམས་དང་། །གློ་བུར་ལྷག་མའི་མགྲོན་གྱུར་ཡོངས་ལ་བསྔོ། །འདོད་ལྔའི་ལོངས་སྤྱོད་ནམ་མཁའི་ཁྱོན་གང་བ། །རང་རང་ཡིད་ལ་ཇི་སྙེད་མོད་དབང་བའི། །ཏིང་འཛིན་ཡེ་ཤེས་འགྱུར་མེད་རྟེན་འབྲེལ་ངང་། །སྔགས་དང་ཕྱག་རྒྱའི་བདེན་པས་འགྲུབ་གྱུར་ཅིག །ཁམས་གསུམ་རིགས་དྲུག་འཁོར་བ་སྟོངས་གྱུར་ཅིག །འདི་ཕྱིའི་ས་ལམ་བར་ཆད་བྱང་གྱུར་ཅིག །མགྲོན་རྣམས་ཆོས་དབྱིངས་འོད་གསལ་རྩེ་མོ་རུ། །སྲིད་ཞི་རྡོ་རྗེའི་གཞལ་ཡས་འོག་མིན་ཆེ། །བདེ་ཆེན་ཀུན་བཟང་ཐུགས་ཀྱི་ཐིག་ལེའི་དབང་། །ཐོབ་ནས་ངན་སོང་སྐྱེ་བའི་སྒོ་ཆོད་

― JKT021_Page_0470 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིག །དེ་ནས་བཤགས་པ་སྨོན་ལམ་ནི། །སྣོད་བཅུད་གཞལ་ཡས་ལྷ་དང་གསང་བ་སྔགས། །སྐུ་གསུང་ཐུགས་དང་ཡོན་ཏན་ཕྲིན་ལས་ཀྱཻ། །རྩ་བ་ཡན་ལག་དམ་ཉམས་མཐོལ་ལོ་བཤགས། །རྒྱུད་སྡེ་བཞི་དང་ཐེག་རིམ་དགུ་རྫོགས་ཀྱཻ། །སོ་སོའི་ལམ་གྱིས་སྤང་བླང་བཅས་དང་འགལ། །སོ་ཐར་བྱང་སེམས་རིག་འཛིན་སྔགས་སྡོམ་དང་། །བསྟན་པ་རྒྱ་མཚོ་སོ་སོའི་གཞུང་ཆེན་དང་། །སྤྱི་དང་ཁྱད་པར་ལྷག་པའི་དམ་ཚིག་སྡོམ། །ཉེས་བྱས་འགལ་བར་གྱུར་པ་བྱང་གྱུར་ཅིག །ཚ་གྲང་དམྱལ་བའི་བཙོ་བསྲེག་སྡུག་བསྔལ་དང་། །ཡི་དྭགས་བཀྲེས་སྐོམ་དུད་འགྲོ་གླེན་ལྐུགས་དང་། །ལྷ་མིན་འཐབ་ཅིང་རྩོད་པའི་གནས་ལས་ཐར། །མཐོ་རིས་བདེ་བའི་དཔལ་ལ་སྤྱོད་པར་ཤོག །འཁོར་བའི་སྡུག་བསྔལ་མ་ལུས་ཇི་བཞིན་གོ །ལོང་མེད་རྒྱུད་ལ་སྐྱེས་པའི་བརྩོན་འགྲུས་ཀྱིས། །ཚེ་འདིའི་བྱ་བཞག་ཐམས་ཅད་རྒྱངས་ཀྱིས་བོར། །དབེན་པར་སྒྲུབ་པ་སྙིང་པོར་ཆོས་ཉིད་ཟད། །མི་གཡོ་འཇའ་ཟེར་ཐིག་ལེ་བུམ་སྐུར་གཞི། །བླ་མེད་མྱ་ངན་འདའ་བར་བྱིན་གྱིས་རློབས། གནས་སྐབས་འདིར་ཡང་མཆོག་ཐུན་དངོས་གྲུབ་སྐྱིལ། །རབ་འབྱམས་ལས་ཀྱི་འཁོར་ལོ་དབང་བསྒྱུར་ནས། །ཕྲ་ཞིབ་རྣམ་གྲོལ་སྒྱུ་མའི་རྟེན་འབྲེལ་གྱིས། །འགྲོ་བའི་དེད་དཔོན་ཆེན་པོར་བདག་གྱུར་ཅིག །ཨོཾ་ཨཱཿཧཱུཾ། རིན་

― JKT021_Page_0471 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་དྭངས་མའི་སྣོད་ནང་དུ། །ཆུ་སྣ་བརྒྱ་དང་སྨན་སྣ་བརྒྱ། །དྲི་བཟང་གཟུངས་སྔགས་བརྒྱ་རྩ་བརྒྱད། །ཕྱི་མཆོད་བརྒྱ་དང་ནང་མཆོད་བརྒྱ། །གཏོར་ཆེན་བརྒྱ་དང་གཏོར་ཕྲན་བརྒྱ། མཐེབ་ཀྱུ་བརྒྱ་དང་སྨན་རག་བརྒྱ། །སྐུ་གསུང་ཐུགས་རྟེན་བརྒྱ་དང་བརྒྱད། །སྐུ་གླུད་བརྒྱ་དང་དར་སྣ་བརྒྱ། །གཟུགས་འགྲོས་བརྒྱ་དང་རྩ་བརྒྱད་རྣམས། །སྣང་སྲིད་མཆོད་སྦྱིན་མགྲོན་ལ་འབུལ། འོད་སྐུར་ཞུ་བའི་བདུད་རྩི་ཡིས། །གཟུགས་མཛེས་སྒྲ་སྙན་དྲི་ཞིམ་ལ། །རོ་བདའ་རེག་བྱའི་འདོད་ཡོན་ལྔ། །མནར་མེད་སྲིད་རྩེར་འོད་ཕུང་འཁྲུག །བླ་མ་ཡི་དམ་ཐུགས་དམ་བསྐང་། །རྒྱལ་བ་རྒྱ་མཚོར་དགྱེས་མཆོད་འབུལ། །མཁའ་འགྲོ་ཆོས་སྐྱོང་ཕྲིན་ལས་སྒྲུབས། །གཞི་བདག་དཀར་ཕྱོགས་སྡོང་གྲོགས་མཛོད། །རིགས་དྲུག་འབྱུང་པོ་ཚིམ་གྱུར་ཅིག །ཡེ་སྟོང་རིག་པ་ཟང་ཐལ་ངང་། །སྣང་སྲིད་མ་འགགས་ཐུགས་རྗེའི་རྩལ། །གཉིས་མེད་ལྷུན་གྲུབ་དྭངས་མའི་བཅུད། །སྐྱེ་མེད་འཁོར་གསུམ་ཡང་དག་ཨ །ཐོག་མ་མེད་པའི་འོད་གསལ་ཁམས། །རྒྱུ་འབྲས་གཉིས་མེད་རྫོགས་པ་ཆེ། །ཀ་དག་ལྷུན་གྲུབ་སྤང་བླང་བྲལ། །མ་བཅོས་རྒྱལ་བའི་དགོངས་པ་འདི། །བྱ་རྩོལ་བསླད་པ་མཐོལ་ལོ་བཤགས། །སྤྲུལ་དྲུག་རྣམ་ཤེས་ཀུན་གཞི་དང་། །ཉོན་ཡིད་འཁྲུལ་པའི་མཚམས་སྦྱོར་བ། །

― JKT021_Page_0472 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་གསུམ་འབྲས་བུར་སངས་རྒྱ་བའི། །མ་བཅོས་མ་ཡིན་རང་བབས་ངང་། །སྣང་ལ་འཛིན་མེད་ཕྱི་མཆོད་དང་། །སྟོང་ལ་འགགས་མེད་ནང་མཆོད་དང་། །འདུ་འབྲལ་མེད་པའི་སྣང་སྲིད་ཀུན། །གསང་བའི་མཆོད་པར་རྫོགས་སངས་རྒྱས། །འབྲས་བུ་ཡར་གྱི་རེ་བ་རྫོགས། །མར་གྱི་དོགས་པ་མངོན་སངས་རྒྱས། །གཉིས་མེད་ཐ་མལ་ཁྲེས་སེ་བ། །ས་ཟད་ལམ་འདས་ཆོས་ཀུན་ཟིན། །འདི་རུ་མ་ཟིན་ཟིན་རྒྱུ་མེད། །རེ་དོགས་འཁྲུལ་པའི་སྣང་བ་ལ། །བློ་ཆུང་བྱིས་རྣམས་རྟག་མ་འཛིན། ཨ་ཨ་ཨཱ ཝལ་ཝལ། ཆམ་ཆམ། ཟབ་མ་ཟོབ། ར་རི། བན་བུན། ཅེས་མ་མོ་ཨེ་ཀ་ཙ་ཏི་ལས་ཀྱི་དབང་མོ་ཆེས། སྐྱེ་འགྲོ་ལན་ཆགས་དང་འབྲལ་ཞིང་། ཚོགས་རྫོགས་པའི་ཐབས་ཁྱད་པར་ཅན་ཐུན་མོང་མ་ཡིན་པ། གནས་སྐབས་མཐར་ཐུག་གི་བར་ཆད་སེལ་བའི་མན་ངག་རྫོགས་སོ།། ༈ །།འདིའི་ཕྱག་ལེན་ནི། ཆུའི་མཆོད་པ་གཞུང་གསལ་ལྟར་དང་། ཉེ་ལོགས་སུ་སྣོད་ཡངས་པར་གཏོར་མ་རི་རབ་བང་རིམ་བཞི་པའི་ཁར་དབུས་སུ་དཔལ་གཏོར་བརྗིད་ལྡན་དར་གདུགས་ཀྱིས་སྤྲས་པ། དེའི་མཐར་དཔལ་གཏོར་ཆུང་ངུ་བརྒྱ་རྩ་མཐེབ་ཀྱུ་དང་རིལ་བུས་མཚན་པ། གཡས་གཡོན་དུ་ཟན་ལས་བཅོས་པའི་ཐོད་སྣོད་ཆུང་ངུའི་ནང་དུ་སྨན་རག་མཚོན་བྱེད་བཤམས་པའམ། མ་གྲུབ་ན་སྤར་བཏབ་པ་བརྒྱ་རྩ། བང་རིམ་དང་པོར་ནང་མཆོད་འདོད་ཡོན་ལྔ་དང་། གཉིས་པར་ཕྱི་མཆོད་ཉེར་སྤྱོད། གསུམ་པར་སྐུ་གསུང་ཐུགས་རྟེན་མཚོན་བྱེད་སཱཙྪ། བཞི་པར་མདུན་ངོས་སུ་སྐུ་གླུད་ཆེ་བ་གཅིག་

― JKT021_Page_0473 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། གླུད་ཕྲན་སྤར་བཏབ་པ། དེ་རྣམས་སོ་སོར་བརྒྱ་བརྒྱད་རེ་གྲངས་ཚང་བ། མཐའ་སྐོར་དུ་བྱ་གཅན་རི་དྭགས་གཡུང་དྭགས་སྣ་ཚོགས་པའི་གཟུགས་འགྲོས་བརྒྱ་བརྒྱད། དར་སྣ། རས་སྣ། ཟས་སྣ། འབྲུ་སྣ། རིན་ཆེན་སྣ་ཚོགས་དཀོར་ཆ་ཇི་ལྟར་རིགས་པས་ཁེབས་པར་བྱ། དེའི་མདུན་དུ་ཐུན་མོང་དུ་སྨན་རག་གཏོར་མ་དང་། ཉེར་སྤྱོད་ཚར་གཅིག་བཤམས། གྲངས་གསོག་ནའང་སབ་རྒྱུའི་ཆུའི་མཆོད་པའང་ལོགས་སུ་འདུ་བྱ། དེ་ནས་སངས་རྒྱས་ཆོས་ཚོགས་ལྟ་བུའི་སྐྱབས་སེམས་ཚད་མེད་བཞི་བསྒོམ། རང་ཉིད་ཆོས་སྐུ་སོགས་ནས། སྒོ་ཆོད་བར། གྲངས་གསོག་ན། ཨོཾ་ཨཱཿཧཱུཾ། ཨོཾ་མ་ཎི་པདྨེ་ཧཱུཾ། ཉེར་གཅིག་ཆུ་རྒྱུན་སྦྲེང་ཞིང་། ཨ་མྲྀ་ཏ་ལན་གསུམ། ནམ་མཁའ་གང་བའི་སོགས་གྲངས་རྫོགས་པ་ན། སྣོད་བཅུད་གཞལ་ཡས་སོགས་ནས། ཨ་ཨ་ཨཱབར་ཚར་གཅིག །ཡི་གེ་བརྒྱ་པ་ལན་གསུམ་གྱིས་ལྷག་ཆད་ཁ་སྐོང་། ཤེས་རབ་སྙིང་པོ་ལན་གསུམ་འདོན་པས་མཆོད་བྱ་མཆོད་བྱེད་མཆོད་ཡུལ་སོགས་འཁོར་གསུམ་མི་དམིགས་པའི་རྒྱས་འདེབས། མཇུག་ཏུ་བདུད་བཟློག་ཀྱང་བྱ། །བཟང་སྤྱོད་སོགས་བསྔོ་སྨོན་རྒྱས་བསྡུས་གང་རིགས་དང་། བཀྲ་ཤིས་བརྗོད། ཆུ་དང་ཡས་གླུད་རྣམས་རྒྱ་མཚོར་འབབས་པའི་ཆུ་བོ་ཆེན་པོའི་གཞུང་དུ་བསྐྱལ་ཞིང་། ཆུའི་རྒྱུན་དེ་མ་ཟད་པར་མཆོད་སྦྱིན་གྱི་མགྲོན་རྣམས་ཀྱི་སྤྱན་སྔར་མཆོད་སྦྱིན་གྱི་དངོས་པོ་ཟད་མི་ཤེས་པར་འབྱུང་བར་བསམ། ཁྱད་པར་སཱཙྪ་རྣམས་གཤེགས་པའི་ཚེ་རེ་རེ་ནས་དབུ་ཞབས་མ་ལོགས་པར་ཆུའི་སྟེང་དུ་བཞག་ཅིང་། སེམས་ཀྱི་རྣམ་སྣང་གི་རྡུལ་ཕྲ་རབ་ཏུ་གྱུར་ནས་ཀླུ་རྣམས་ཀྱིས་རྒྱ་མཚོ་ཆེན་པོར་མཆོད་པའི་སླད་དུ་བཀུར་སྟི་དང་བཅས་སྟེ་སྤྱན་དྲངས་

― JKT021_Page_0474 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་མོས་པ་བྱའོ།། །།འདི་ཡང་ལྷ་བཙན་རིན་པོ་ཆེའི་ཞལ་སློབ་མེ་རག་ཆོས་རྗེའི་གསུང་རྒྱུན་གྱི་ཆོག་ཁྲིགས་རྒྱས་པ་ཞིག་གི་སྙིང་པོ་བཏུས་པ་མངྒ་ལཾ།། །།

སྲུང་བ་རྡོ་རྗེའི་ཁྲབ་རིང་གི་ཕྱག་ལེན་སྦར་བཅངས་སུ་བསྟན་པ་ཟབ་གསང་སྙིང་ཏིག

― JKT021_Page_0475 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །སྲུང་བ་རྡོ་རྗེའི་ཁྲབ་རིང་གི་ཕྱག་ལེན་སྦར་བཅངས་སུ་བསྟན་པ་ཟབ་གསང་སྙིང་ཏིག་ཅེས་བྱ་བ་བཞུགས་སོ། །

― JKT021_Page_0476 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །ན་མོ་གུ་རུ་པདྨ་ཀ་རཱ་ཡ། འདིར་དུས་གསུམ་མཁྱེན་པ་དཔལ་ཨོ་རྒྱན་ཆོས་ཀྱི་རྒྱལ་པོས་དངོས་ཅག་ཁ་བ་ཅན་པའི། སྙིགས་དུས་ཀྱི་འགྲོ་བ་རྣམས་ལ། །ཐུགས་ལྷག་པར་བརྩེ་བས་ཟབ་གཏེར་གྲངས་མེད་པ་ཞིག་སྤེལ་བར་མཛད་པ་ལས། སྤྲུལ་པའི་གཏེར་སྟོན་རྡོར་འབུམ་ཆོས་ཀྱི་གྲགས་པའི་གཏེར་བྱོན་གསོ་དཔྱད་བདུད་རྩི་བུམ་པའི་ཆོས་སྡེ། ནད་གདོན་བགེགས་དང་དུས་མིན་འཆི་བ་སོགས་མི་མཐུན་པའི་རིགས་སྤྱི་དང་། ཁྱད་པར་དུས་མཐའི་གཉན་ནད་པརྱ་ཏས་མཚོན་ཡམས་ཐབས་སུ་འགོ་བའི་ནད་ཀྱི་རིགས་མཐའ་དག་སྲུང་བར་བྱེད་པ་རྨད་དུ་བྱུང་བའི་སྙིང་པོ་གྱད་བཞི་ཞེས་གྲགས་པའི་ནང་ཚན། འཁོར་ལོའི་གྱད་ནི་ལུས་ལ་

― JKT021_Page_0477 ―

^{[མ་དཔེ་གཟིགས་ན་འདིར་གནོན།]}

[Full Size]

གདགས་ཅེས་གསུངས་བའི་སྲུང་འཁོར་རྡོ་རྗེ་ཁྲབ་རིང་རྒྱས་པའི་ཕྱག་ལེན་སྤར་བཅངས་སུ་བསྟན་པ་ལ་གནད་བཅུ་གསུམ་གྱེས་ཏེ། དང་པོ་འབྲི་ཡུལ་གཞི་ཡི་གནད་ནི། དར་རས་གྲོ་ག་ཤོག་བུ་མཐིང་དཀར་སོགས་གང་ཡང་རུང་བའོ། །གཉིས་པ་འབྲི་བའི་རྒྱུ་སྣག་ཚའི་གནད་ནི། རབ་གསེར། འབྲིང་དངུལ། ཐ་མ་མཚལ་སྣག་སོགས་ཅི་འབྱོར་པའོ། །གསུམ་པ་འབྲི་མཁན་མཆོད་གནས་ཀྱི་གནད་ནི། སྣོད་རུང་གི་དབང་བཞི་རྫོགས་པར་ཐོབ་ཅིང་སྡོམ་གསུམ་དང་ལྡན་པ་དབང་པོ་གསལ་ཞིང་འབྱོར་པ་དང་ལྡན་པས་སོ། །བཞི་པ་འབྲི་བྱ་འཁོར་ལོའི་གནད་ནི། སྤྲུལ་པའི་ཁྱུང་ཞལ་གསུམ་པ་གཡས་གཡོན་དབུས་སུ་བལྟ་ལ། དེའི་ལྟོ་བར་ཡབ་

― JKT021_Page_0478 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་གཡས་དང་། ཡུམ་འཁོར་གཡོན་དུ་མུ་ཁྱུད་དྲུག་ལྟེ་བ་དང་བཅས་པ་བྲི། དེའི་དབུས་སུ་ཡི་དམ་གྱི་སྙིང་པོ། །ཨོཾ་ཐིམ་ཐར་ཏིས་དུན་ཏེ་ཛྭ་ལ་རཾ་པ་ཡེ་སྭཱ་ཧཱ། ཞེས་དང་། ནད་བདག་གི་སྲོག་སྔགས་རྒྱུ་གཟེར་བསྲུངས་ན། ཨོཾ་ཀུན་ཛྷེ་ཀུན་དྷེ་ཀུན་བྷ་ལམ་བྷྱོ་ཤལ་ཤལ་སྭཱ་ཧཱ། འབྲུམ་པ་བསྲུངས་ན། ཧཱ་ར་བ་ལ་མཱ་ར་ཡ་ཙ་ཏུར་ཕཊ་རྦད་རཾ་ཤི་ཁས་བ་ཡ་ཀརྨ་ཛ་ཏི་སུ་ཐ་རྦད་ཕཊ། །མིག་སེར་བསྲུངས་ན། ཨོཾ་ཚལ་དུ་ཚལ་དུ་བ་ཏ་ནཱ་ཤ་ཡ་ནཱ་ཤ་ཡ་ཏྲི་ཛ་དྲི་ཛ་ཝཎ་ཡ་ཕཊ་སྭཱ་ཧཱ། ཚ་རིམས་ཆོམ་པ་བསྲུངས་ན། ཏདྱ་ཐཱ། ཨོཾ་ཨ་ལི་མ་ཏི་ལི་མེ་ཧ་ནི། ཨུ་ཏན་ཧེ་ཨརྨན་ཛྷ་རླན་བྷ་ཏ་མི། ཨོཾ་ཀ་ཧི་. ཀན། ཙ་ཐ་ཀུ་ནི་རཱ་ཛ་ར་ན་ཧཱུྃ་ཕཊ་སྭཱ་ཧཱ། གཉེན་ལྷོག་བསྲུངས་ན། ཨོཾ་ར་ཏ་ཤི་བེ་ཏུ་རུ་ཏྲི་སཾ་རྦད། ཏྲི་ཆད་ནི་ཤེ། དུ་ཡཾ་ཏྲི་ཆད་གག་པ་བསྲུངས་ན། ནཱ་ག་པ་རུ་པ་ཙ་ལ་ཧ་ལེ་ཕིས་སོང་གྷ་ལ་ཧུར་ཁུང་རྦད། ཅེས་ཤམ་བུ་གང་དགོས་སྦྲེལ་ནས་བྲིས་པའི་ཤམ་དུ། འཆང་བ་པོ་ལ་གཉན་ནད་ཐམས་ཅད་སྲུངས་ཤིག་རཀྵ ཅེས་པ་བྲི། དེའི་ཕྱི་རིམ་མུ་ཁྱུད་དང་པོ་ལ་གཟུངས་སྔགས་འདི་བྲིའོ། །ཏདྱ་ཐཱ། ཨ་ལི་མ་ཏ་ལི་ཧ་ལ་ཧ་ལ། འཆང་བ་ཆེ་གེ་མོ་ཛ་རན་ཙན་ལཱི། ཨ་ཀ་ཧ་ནི་ཀན་ཏེ་ཧོ། ཀ་ན་ཙ་ཙ་རུ་ཀ །ཐ་མུ་ནི་ཨཱརྨ་སྭཱ་ཧཱ། དེའི་ཕྱི་རིམ་མུ་ཁྱུད་གཉིས་པ་ལ། །འཁོར་ལོ་

― JKT021_Page_0479 ―

^{[མ་དཔེ་གཟིགས་ན་འདིར་གནོན།]}

[Full Size]

རྩིབས་བརྒྱད་འབར་བ་ཞིག་གི་ཕྱོགས་བཞིར་གསོད་པའི་ཕོ་སྔགས། ཨོཾ་ཧུར་ཁྱུང་ཧུར་ཁྱུང་སོད། ཨོཾ་སྤྲུལ་ཁྱུང་སྤྲུལ་ཁྱུང་སོད། ཨོཾ་ནཱ་ག་ནཱ་ག་སོད། ཨོཾ་དེ་བ་དེ་བ་སོད། མཚམས་བཞིར་སྲུང་བའི་མོ་སྔགས། ཨོཾ་ཧུར་ཁྱུང་ཧུར་ཁྱུང་སྲུང་། ཨོཾ་སྤྲུལ་ཁྱུང་སྤྲུལ་ཁྱུང་སྲུང་། ཨོཾ་ནཱ་གཱ་ནཱ་ག་སྲུང་། ཨོཾ་དེ་བ་དེ་བ་སྲུང་། ཅེས་སྔགས་ཚན་རེ་རེ་དང་། རྩིབས་མཆན་རྣམས་ལ་རྡོ་རྗེའི་རྭ་བ་བྲིའོ། །དེའི་ཕྱི་རིམ་མུ་ཁྱུད་གསུམ་པར་གུ་རུའི་ཐུགས་སྔགས། མ་ཧཱ་གུ་རུ། ཨུ་ཧཱ་གུ་རུ། ཤྲཱི་གུ་རུ། ནི་ནཱ་ག་ཤད། རཾ་རཾ་ཐུལ་རུམ། ནཱ་ག་ཙིཏྟ་ཕོ། ནཱ་ག་རྡུད་ལིང་ཐུམ་མྱོག་སོད། ཅེས་བྲི། །དེའི་ཕྱི་རིམ་མུ་ཁྱུ་བཞི་པར། གཉེན་ནད་ལྷོ་སྦྱོར་སྦྲགས་མ། ཨོཾ་སེ་སུ་རྨ་སེ་སུ་ཎ་བཛྲ་ཙིག་ཙིག་གོ་བྷྱོ་ནན་བྱ་སུ་ར་ནན། ཁྱུང་སུ་ར་ནན། ཨོཾ་ག་རུ་ཌ་ག་རུ་ཌ་སྭཱ་ཧཱ། ཧྲཱིཿ་ཏྲི་བ་ཏི་ནན། ནད་དུ་གྱུར་ཏོ་ཅོག་ལ་སྭཱ་ཧཱ། ནད་ཐམས་ཅད་ལ་བྷྱོཿ གདོན་ཐམས་ཅད་ལ་བྷྱོཿ འཆང་བ་པོ་ལ་རཀྵ་རཀྵ་སྭཱ་ཧཱ། ཅེས་བྲི། དེའི་ཕྱི་རིམ་མུ་ཁྱུད་ལྔ་ལ་འཁོར་ལོ་རྩིབས་བཅུ་པར་ཁྲོ་བོ་བཅུའི་སྙིང་པོ། ཨོཾ་བཛྲ་ཀྲོ་དྷ་ཧཱུྃ་ཀ་ར་ཧཱུྃ་ག་རྫ་ག་རྫ་ཧཱུྃ་ཕཊ། ཁྲོ་བོ་རཱ་ཛས་ནད་ཁ་ཁོག །རིམས་ཁ་ཆིངས་སྭཱ་ཧཱ། དེ་བཞིན་དུ་སྔགས་ཀྱི་ཐོག་མཐའ་འདྲ་བས། ཧཱུྃ་ཀ་རའི་གནས་སུ། བི་ཛ་ཡ། ནི་ལ་དཎྜ། ཡ་མནྟ་ཀ།

― JKT021_Page_0480 ―

^{[མ་དཔེ་གཟིགས་ན་འདིར་གནོན།]}

[Full Size]

ཨཱརྱ་ཨ་ཙ་ལ། ཧ་ཡ་གྲྭ་བ། ཨ་པ་ར་ཙིཏྟ། ཨ་མྲྀ་ཏ་ཀུཎྜ་ལཱི། ཏྲི་ལོ་ཀྱ་བི་ཛ་ཡ། མ་ཧཱ་བཱ་ལ། ཞེས་དང་། གརྫ་གརྫའི་གནས་སུ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། བྷནྡྷ་བྷནྡྷ། ཧུ་ལུ་aཧུ་ལུ། ཏིཥྛ་ཏིཥྛ། ཚིནྡྷ་ཚིནྡ། བྷིནྡྷ་བིན། སྤོ་ཊ་སྤོ་ཊ། ཞེས་བཅུག་པ་བྲི། རྩིབས་མཚམས་རྣམས་སུ་གསང་བདག་གི་ཕྱག་མཚན་རྡོ་རྗེ་རེ་རེ་བཀོད། དེའི་ཕྱི་རིམ་དང་མུ་ཁྱུད་དྲུག་པ་ལ། རྟེན་འབྲེལ་སྙིང་པོ་ཚར་གསུམ་གྱིས་བསྐོར་བ་བྲིའོ། །གཞན་ཡང་ཁྱུང་གི་མཆུ་ལ། ༀ་ཧུར་ཁྱུང་ཧུར་ཁྱུང་ནད་ཐམས་ཅད་ལ་བྷྱོཿ སྤྲུལ་ཁྱུང་སྤྲུལ་ཁྱུང་ནད་ཐམས་ཅད་ལ་བྷྱོཿ ནཱ་ག་ནཱ་ག་ནད་ཐམས་ཅད་ལ་བྷྱོཿ དེ་བ་དེ་བ་ནད་ཐམས་ཅད་ལ་བྷྱོཿ ཞེས་བྲི། མགྲིན་པར་སྐུ་གསུང་ཐུགས་ཀྱི་སྔགས། ཨོཾ་ཨཱཿཧཱུྃ༔ ཞེས་བཀོད། ཕྱག་ལ་གཏུམ་པའི་སྔགས། ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ། ཅེས་པ་བྲི། གཤོག་པ་གཡས་ལ་ཕོ་སྔགས། ཨོཾ་སིས་ཁྲི་ལི་མི་ལི་ཧ་ལ་སྭཱ་ཧཱ། ཅེས་དང་། གཡོན་པར་མོ་སྔགས། ཨོཾ་སིབ་ཁྲི་ལི་མི་ལི་ཧ་ལ་ཡ་ཡ་སྐད་ཅིག ཅེས་པ་བྲི། ཕྱག་གཡས་གསུམ། ཟླ་འཁོར་རྩིབས་བརྒྱད་པའི་ལྟེ་བར་ཨས་མཚན་པ། སྔགས་མགོ་ཕྱིར་བསྟན་ལ། ནི། ལམ། ཛ། རཾ། ཧཱུྃ། ས། ཀྲྀ རྦད་ཅེས་པ་ཚར་གསུམ་དགོད། གཡོན་གསུམ་གྱི་ཕྱག་མཐིལ་དུ་ཉི་མའི་

― JKT021_Page_0481 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་ལོ་པདྨ་འདབ་བརྒྱད་ཀྱི་ལྟེ་བར་མས་མཚན་པ། སྔགས་མགོ་ནང་བསྟན་གོང་བཞིན་བྲི། མཇུག་མ་ལ། ཨོཾ་ཨ་ཀ་སེ་བི་ཀ་སེ། མ་ཧཱ་པ་སེ་ཧུ་ལུ་ཀ་སེ་སྭཱ་ཧཱ། ཅེས་པ་དགོད། རྐང་པ་རྣམས་ལ། ཨོཾ་ཁྲག་ཉག་རཾ་སྭཱ་ཧཱ། ཅེས་བྲི། རྐང་མཐིལ་སྡེར་མོའི་ཁོངས་སུ་ནད་བདག་འདུས་པའི་སྲོག་སྔགས། ཨོཾ་ཚི་བརྟུལ་བརྟུལ། རྨུག་ཤི་ཤི་ཧྲཱིཿ་ཏྲི་ཙ་ཏྲི་སོད་ཆད། ཧ་ལ་བི་སརྦ་མཱ་ར་ཡ་རྦད། ཅེས་བྲི། ཡབ་ཡུམ་འཁོར་ལོ་གཉིས་ཀྱི་རྒྱབ་ཏུ་རྟེན་འབྲེལ་སྙིང་པོ་ཚར་གཅིག་བྲི། ལྔ་པ་བྱུག་པ་རྫས་ཀྱི་གནད་ནི། རྩ་བའི་ཡེ་ཤེས་ཀྱི་ཁྱུང་སྨན་དྲི་བཟང་པོ་རོ་ཞིམ་པ་ནུས་པ་ཆེ་བས་བྱུག །གཤོག་པར་བོང་ང་དཀར་སེར། མགྲིན་པར་གི་ཝང་དང་དཔའ་སེར། རྐང་པར་སེར་པོ་ཁྲག་རྐང་དང་དཔའ་སེར། མཇུག་མར་དཔའ་བོ་དཀར་པོ་བོང་ང་དཀར་སེར། མཆུ་སྔགས་ལ་མུ་ཟི་ཤུ་དག་ཙནྡན། ཡི་དམ་གྱི་སྙིང་པོ། །གུ་རུའི་ཐུགས་སྔགས། ཁྲོ་བཅུ། རྟེན་འབྲེལ་སྙིང་པོ་རྣམས་དྲི་བཟང་། སྔགས་གཞན་རྣམས་གླ་རྩི་ཤུ་དག་ནག་པོ་བོང་ང་ནག་པོ་གསུམ་གྱིས་བྱུག །དབུས་ཀྱི་གཙོ་བོ་ཁྱུང་སྔོན་པོར་བྱ། །གཡས་ཀྱི་ཡབ་འཁོར་གི་ཝང་གིས་དབུ་ཞབས་ཐམས་ཅད་སེར་པོ། །གཡོན་གྱི་ཡུམ་འཁོར་གུར་གུམ་དང་ཚོས་ཁུ་དམར་པོར་བྱུགས་ཏེ་རིགས་གསུམ་མགོན་པོའི་མཚོན་བྱེད་

― JKT021_Page_0482 ―

^{[མ་དཔེ་གཟིགས་ན་འདིར་གནོན།]}

[Full Size]

དོ། །དེ་ཡང་བྱུགས་རྫས་རྣམས་ཞིབ་བཏགས་ལ་ཆུར་སླ་མོ་སྦྱར་ཏེ་ཡིག་འབྲུ་རྣམས་མ་ཟུབ་པར་བྱུགས་པ་གནད་དུ་ཆེའོ། །དྲུག་པ་དུས་ཚོད་གཟའ་སྐར་གྱི་གནད། ཟླ་ནག་དང་ཟླ་ཞབས་མ་ཡིན་པ། །རང་ཉིད་བླ་གཟའ་དང་བླ་སྐར་དར་བའི་སྔ་དྲོའི་དུས་སུའོ། །བདུན་པ་རབ་གནས་བཀྲ་ཤིས་ཀྱི་གནད་ནི། དགེ་སློང་གཙང་མ་ནུས་ལྡན་དང་། འབྲི་མཁན་སྟན་ལས་མ་ལོངས་པར། སྐྱབས་སེམས་སྔོན་དུ་འགྲོ་བས། རང་བཞིན་མི་དམིགས་སྟོང་པའི་ངང་ཉིད་ལས། ཞེས་སོགས་བདག་བསྐྱེད་བཟླས་པ་དང་བཅས་པ་སྔོན་དུ་འགྲོ་བས་རང་ཉིད་ནུས་ལྡན་དུ་བྱས། དེ་ནས་འཁོར་ལོ་མདུན་དུ་བཞག །བགེགས་བསྐྲད། གུ་གུལ་གྱིས་བདུག །སྲུང་བའི་འཁོར་ལོ་བསྒོམས་པའི་རྗེས། སྟེགས་ཀྱི་ཁར་རས་དཀར་རམ་སྣམ་བུ་དཀར་པོ་གཙང་བའི་སྟེང་དུ་སྤྱན་དྲངས་ཏེ་བཞག །མཐའ་མཆོད་པ་རྣམས་ལྔས་བསྐོར། གཞན་ཡང་སྨན་རག་དང་ཚོགས་གཏོར་གྱི་ཡོ་བྱད་ཇི་ལྟར་རིགས་པ་འདུ་བྱས་ལ། ཤུ་ནྱ་ཏས་མཚན་རྟོག་བསལ། འཁོར་ལོ་མི་དམིགས་སྟོང་པའི་ངང་། །གསང་བདག་ཞལ་གཅིག་ཕྱག་གཉིས་པ། །རྡོ་རྗེ་སྡིགས་མཛུབ་རྒྱན་ཆ་ལུགས། །ཡོངས་སུ་རྫོགས་པའི་ལྟེ་བ་རུ། །མུ་ཁྱུད་གཉིས་ལྡན་དེ་ཡི་དབུས། །གུ་རུ་སྨན་བླའི་ཕྱག་མཚན་ཅན། །ལྟེ་བ་དང་བཅས་གསང་བདག་

― JKT021_Page_0483 ―

^{[མ་དཔེ་གཟིགས་ན་འདིར་གནོན།]}

[Full Size]

གི །སྤྱི་བོར་བྱ་ཁྱུང་སྦྲུལ་ཟ་བ། །དཔུང་སྟེང་བྱ་ཁྱུང་བྱ་ནག་ལྡིང་། །གཡས་གཡོན་དུག་སྦྲུལ་སྨན་སྦྲུལ་འཁྱུགས། །ལྕགས་ཀྱི་ཕག་རྒོད་མགོ་དགུ་དང་། །གཡུང་ཕག་ནག་པོ་མདུན་ནས་རོལ། །སྤྱི་བོར་ཁྱུང་དང་རྒོད་གཡུང་ཕག །ལྟོ་བསྡེབས་མུ་ཁྱུད་རེ་རེས་བསྐོར། །ཀུན་ཀྱང་ཡེ་ཤེས་མེ་དཔུང་གི །འབར་བའི་དབུས་ན་བཞུགས་པ་ཡི། །སོ་སོའི་སྤྱི་བོར་ཨོཾ་དཀར་པོ། །མགྲིན་པར་ཨཱདམར་ཐུགས་ཀ་རུ། །ཧཱུཾ་ཡིག་སྔོན་པོས་མཚན་པར་གྱུར། །ཅེས་གསལ་བཏབ། སླར་ཡང་བདག་ཉིད་གསང་བདག་ཡི་དམ་ལྷར། །གསལ་བའི་ཐུགས་ཀ་གུ་རུའི་གནས་གསུམ་ནས། །དཀར་དམར་མཐིང་བའི་ཡི་གེ་འབྲུ་གསུམ་ལས། །འོད་ཟེར་ལྕགས་ཀྱུ་ལྟ་བུ་རབ་འཕྲོས་ནས། །འོག་མིན་ལྷུན་གྱིས་གྲུབ་པའི་གནས་དང་ནི། །མ་ལ་ཡ་དང་པདྨ་འོད་ལ་སོགས། །དག་པའི་ཞིང་ཁམས་རྣམས་ནས་བླ་མ་དང་། །དཀོན་མཆོག་རིན་ཆེན་ཞི་བ་བྱང་སེམས་དང་། །ཁྲག་འཐུང་ཁྲོ་བོ་དཔའ་བོ་མཁའ་འགྲོ་དང་། །ཆོས་སྲུང་རྒྱལ་པོ་སྡེ་བཞི་གཏེར་གྱི་བདག །བོད་སྐྱོང་བརྟན་མ་བཅུ་གཉིས་ལ་སོགས་པ། །ཡེ་ཤེས་ལས་གྲུབ་དཔག་ཏུ་མེད་པའི་ཚོགས། །འཁོར་བཅས་གནས་འདིར་བཛྲ་ས་མཱ་ཛཿ ཞེས་པས་སྤྱན་དྲངས། མདུན་གྱི་ནམ་མཁའི་གནས་སྤྱོན་རྡོ་རྗེའི་གདན། དྲི་མེད་

― JKT021_Page_0484 ―

^{[མ་དཔེ་གཟིགས་ན་འདིར་གནོན།]}

[Full Size]

པདྨ་ཉི་ཟླ་བརྩེགས་པ་ལ། །དམ་ཚིག་ཡེ་ཤེས་དབྱེར་མེད་བརྟན་པར་བཞུགས། །ཕྱག་འཚལ་མཆོད་བཞེས་དབང་དང་དངོས་གྲུབ་སྩོལ། ཞེས་པས་བཞུགས་སུ་གསོལ། བདག་གི་ཐུགས་ཀར་གུ་རུ་ཡེ་ཤེས་སེམས། །སྐུ་གསུང་ཐུགས་ཀྱི་གནས་ནས་ཡིག་འབྲུ་གསུམ། །ཨོྃ་འཕྲོས་གཏོར་མའི་མ་དག་ཉེས་ཀུན་སྦྱངས། །ཨཱའཕྲོས་འདོད་ཡོན་དྲུག་གི་མཆོད་པར་གྱུར། །ཧཱུྃ་འཕྲོས་སྤེལ་བས་ནམ་མཁའི་མཛོད་དུ་གྱུར། །ཨོཾ་ཨཱཿཧཱུཾ། ཞེས་ལན་གསུམ་གྱིས་མཆོད་གཏོར་བརླབས། །གཏོར་མའི་དངོས་པོ་ཀུན་བཟང་མཆོད་པའི་སྤྲིན། །བྱེ་བྲག་ཕྱི་ནང་གསང་བ་དེ་ཁོ་ན། །ཚོགས་ཀྱི་འཁོར་ལོ་འཆི་མེད་བདུད་རྩིའི་སྨན། །ཆགས་མེད་རཀྟའི་ཨགྷོ་རྒྱ་མཚོར་འཁྱིལ། །མཆོད་པའི་ལྷ་མོ་རིག་མ་བཅུ་དྲུག་སོགས། །དཔག་ཏུ་མེད་པའི་མཆོད་པ་དམ་པ་འདི། །རྩ་བརྒྱུད་བླ་མ་སངས་རྒྱས་ཆོས་དགེ་འདུན་། །ཡི་དམ་ལྷ་དང་མཁའ་འགྲོའི་ཚོགས་རྣམས་ལ། །གུས་པས་འབུལ་ལོ་བཞེས་ཤིག་ཐུགས་དམ་བསྐང་། །ཉམས་པ་སོར་ཆུད་དབང་དང་དངོས་གྲུབ་སྩོལ། །ༀ་གུ་རུ་དེ་ཝ་ཌཱ་ཀི་ནི་བུདྡྷ་དྷརྨ་སཾ་གྷ་ས་པ་རི་ཝཱ་ར་ཨབྷཾ་ནས་ཤཔྟའི་བར་དང་། སྔགས་མཐར། མ་ཧཱ་པཉྩ་དང་། རཀྟ་བཏགས་པས་སྤྱིར་མཆོད། གུ་རུ་ཨོཾ་ཨཱཿཧཱུཾ། བ་ལིཾ་ཏ་ཨ་མྲྀ་ཏ་ཁ་ཁ་ཁཱ་ཧི་ཁཱ་ཧི། བུདྡྷ་དྷརྨ་སངྒ་དེ་བ་ཌཱཀྐི་ནཱི་

― JKT021_Page_0485 ―

^{[མ་དཔེ་གཟིགས་ན་འདིར་གནོན།]}

[Full Size]

བྷ་ལིང་ཏ་ཁ་ཁ་ཁཱ་ཧི་ཁཱ་ཧི། ཅེས་པས་བྱེ་བྲག་ཚོགས་གཏོར་འབུལ། ཧཱུྃ༔ མ་བཅོས་སྤྲོས་བྲལ་བླ་མ་ཆོས་ཀྱི་སྐུ། །བདེ་ཆེན་ལོངས་སྤྱོད་བླ་མ་ཆོས་ཀྱི་རྗེ། །པད་སྡོང་ལས་འཁྲུངས་བླ་མ་སྤྲུལ་པའི་སྐུ། །སྐུ་གསུམ་རྡོ་རྗེ་འཆང་ལ་ཕྱག་འཚལ་བསྟོད། །ཕྱག་བྱར་འོས་པ་ཐམས་ཅད་ལ། ཞེས་སོགས་ཀྱིས་བསྟོད། ཀུན་མཁྱེན་ཡེ་ཤེས་སྤྱན་ལྡན་སྐྱོན་བྲལ་ཡང་། །གུས་པས་འཕགས་པའི་སྤྱན་ནི་དབྱེ་བགྱིས་པས། །ནམ་མཁའི་མཐར་ཐུག་མཐའ་ཡས་འགྲོ་བ་ཀུན། །ཀུན་མཁྱེན་ཡེ་ཤེས་སྤྱན་དང་ལྡན་པར་ཤོག །ཨོཾ་ཙཀླུ་ཙཀྵ་ས་མནྟ་ཙཀྵ་བི་ཤོ་དྷ་ན་ཡ་སྭཱ་ཧཱ། །ཞེས་ལན་གསུམ་གྱིས་སྤྱན་དབྱེ། གོང་དུ་བཤད་པའི་འཁོར་ལོའི་སྔགས་རྣམས་ཅི་ནུས་དབྱངས་གསལ་དང་སྦྲེལ་བ་ཉེར་གཅིག་ཙམ་དང་། རྟེན་འབྲེལ་སྙིང་པོ་བརྒྱ་རྩ་བཟླས་ཤིང་མེ་ཏོག་ལ་སྔགས་མཐར་ཐལ་མོ་སྦྱར་ཏེ། ཡི་དམ་རྩ་གསུམ་རྒྱལ་བ་རྒྱ་མཚོའི་ལྷ་ཚོགས་འཁོར་དང་བཅས་པ་ཁྱེད་རྣམས་ཀྱིས་བདག་དང་མཐའ་ཡས་པའི་སེམས་ཅན་ཐམས་ཅད་ལ་ཇི་ལྟར་འདོད་པའི་དངོས་གྲུབ་མ་ལུས་པ་སྩལ་དུ་གསོལ།། །།ཞེས་ལན་གསུམ་གྱིས་གསོལ་བ་གདབ། སྔར་བཞིན་མཆོད་ཅིང་བསྟོད། འདི་ནི་གཟུགས་དང་ལྷན་ཅིག་ཏུ། །ཞེས་སོགས་ཀྱི་མཐར། རྟེན་འབྲེལ་སྙིང་པོ་བཟླ་བཞིན་པས་སྔགས་ཀྱི་མེ་ཏོག་འཐོར་

― JKT021_Page_0486 ―

^{[མ་དཔེ་གཟིགས་ན་འདིར་གནོན།]}

[Full Size]

བས། ལྷ་ཚོགས་རྣམས་འོད་དུ་ཞུ་བ་ལས་བྲིས་པའི་འཁོར་ལོའི་རྣམ་པར་གྱུར་ནས་ནད་གདོན་སོགས་མི་མཐུན་པའི་ཕྱོགས་ཐམས་ཅད་སྲུང་བའི་ནུས་པ་དང་ལྡན་པ་གྱུར་པར་བསམ། ནམ་མཁའ་མེད་པར་གྱུར་ན་ཡང་། །སྔགས་ཀྱི་དངོས་གྲུབ་མེད་མི་འགྱུར། །ལྷ་དང་དྲང་སྲོང་གིས་བྱས་པའི། །རིག་སྔགས་བསླུ་བར་མི་འགྱུར་ན། །འདོད་ཆགས་བྲལ་བས་བྱས་པ་ཡི། །གསང་སྔགས་སྦྱོར་བས་བསླུ་བ་ནི། །མ་བྱུང་འབྱུང་བར་མི་འགྱུར་རོ། །ཞེས་བདེན་པའི་སྟོབས་བརྗོད་པ་དང་། །ཕུན་སུམ་ཚོགས་པ་མངའ་བ་སོགས། ཤིས་བརྗོད་རྒྱས་པར་བྱ་ཞིང་མེ་ཏོག་གི་ཆར་དབབ། དེ་ནས་བདག་བསྐྱེད་འོད་གསལ་དུ་བསྡུ་ཞིང་ཟུང་འཇུག་གི་སྐུར་སྡང་ལ་བསྔོ་སྨོན་གྱིས་རྒྱས་གདབ་པ་སོགས་དཀྱུས་བཞིན་ཏུ་བྱའོ། །བརྒྱད་པ་ལྟེབས་པ་ལྕོག་གི་གནད་ནི། ཡུམ་གྱི་འཁོར་ལོ་དང་། ཕྱག་མཐིལ་གཡས་གཡོན་གྱི་ཉི་ཟླའི་འཁོར་ལོ་རྣམས་ཞལ་སྤྲོད། དབུ་གྱེན་དུ་བསྟན། འཁོར་ལོའི་ལྟེ་བ་མ་ཉམས་པར་བལྟེབས་སོ། །དགུ་པ་ན་བཟའ་དཀྲི་ཤུབས་ཀྱི་གནད་ནི། དར་ཚོན་སྣ་ལྔའི་སྐུད་པས་དཀྲིས་ལ་དར་ཟབ་སྣ་ཚོགས་ཀྱིས་དྲིལ་ལ་གང་སྲུང་པའི་མགུལ་དུ་སྐབས་སུ་བབ་ན་སྣོད་རུང་གི་དབང་བསྐུར་དང་བཅས་པའི་སྒོ་ནས་གདགས་ཤིང་། གལ་ཏེ་དེ་ཙམ་མ་བྱུང་ཡང་གཟའ་སྐར་ཤིས་པ་

― JKT021_Page_0487 ―

^{[མ་དཔེ་གཟིགས་ན་འདིར་གནོན།]}

[Full Size]

དང་བསྟུན་ལ་གཞན་གྱིས་མ་རེག་པར་སྒྲུབ་པ་པོ་རང་ཉིད་ཀྱིས་གདགས་སོ། །བཅུ་པ་ཚོགས་གསོག་མཆོད་སྦྱིན་གནད་ནི། །དེ་ལྟར་གྲུབ་ན་རིགས་གསུམ་གུ་རུ་ཡི་དམ་མཁའ་འགྲོ་ཆོས་སྲུང་གཏེར་བདག་གི་ཚོགས་ལ་གཏོང་རག་གི་མཆོད་གཏོར་འབུལ་ཞིང་ཕྲིན་ལས་བཅོལ། རབ་གནས་མཁན་དང་འབྲི་མཁན་ཡོན་གྱིས་མཉེས་པ་སོགས་མཐའ་རྒྱས་སུ་བྱའོ། །བཅུ་གཅིག་པ་དམ་ཚིག་བསྲུང་བའི་གནད་ནི། སྲུང་བ་ཡོད་ཅེས་མི་ལ་མི་སྨྲ། གཞན་གྱི་ལག་ཏུ་མི་གཏད། འཁོར་ལོ་དེ་ལ་མ་ཕྱི་བྱས་ནས་ཞལ་མི་བཤུ། ཟླ་རེ་སོང་བ་དང་རབ་གནས་རྒྱས་བསྡུས་ཇི་ལྟར་རིགས་པ་རེ་འཁོར་ལོ་ལྐོག་ཅན་དེ་ལ་བསྐྱར། རབ་གནས་ཀྱི་བར་མ་གཏོགས་ལུས་དྲོད་དང་མ་བྲལ་བར་བྱའོ། །བཅུ་གཉིས་པ་རྒྱབ་ཆོས་བསྐྱེད་རིམ་གྱི་གནད་ནི། ཐབས་དང་འདྲ་བའི་འཁོར་ལོ་ལུས་ལ་བཏགས་ནས། ཤེས་རབ་དང་འདྲ་བའི་བསྐྱེད་རིམ་གསལ་ཞིང་སྔགས་བཟླས་པ་རྣམས་རྒྱུན་ཁྱེར་མ་ཆགས་པར་ཉམས་སུ་བླང་ངོ་། །བཅུ་གསུམ་པ་དེ་ལྟ་བུའི་གནད་རྣམས་ལེགས་པར་ཚང་བའི་འཁོར་ལོའི་ཡོན་ཏན་ནི། གཞུང་རྩ་བར། ཉོན་ཅིག་ཇོ་མོ་མཁར་ཆེན་བཟའ༔ སྲུང་བ་རྡོ་རྗེའི་ཁྲབ་རིང་འདི༔ ལུས་ཀྱི་ནང་ནས་མགོ་དང་འདྲ༔ སྐུ་གསུམ་ལྷུན་གྲུབ་སྲུང་བ་འདི༔ མགོ་བོའི་ནང་ནས་མིག་དང་། །

― JKT021_Page_0488 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲ༔ མང་དུ་མ་སྤེལ་སྙིང་ལ་ཆོངས༔ ཡལ་བར་མ་དོར་ཉམས་སུ་ལོངས༔ ཞེས་དང་། འགོ་བའི་ནད་རིགས་གང་བྱུང་ཐུབ༔ ཁྱད་པར་ནག་པོ་རྒྱུག་འགྱེལ་ཐུབ༔ གག་པ་ལྷོག་པ་མཆོག་ཏུ་ཐུབ་མཆོག་ཏུ་རྒྱུ་གཟེར་དམར་བཤལ་ཐུབ༔ མཛེ་དང་སྲིའུ་སྨྱོན་པ་ཐུབ༔ གཟའ་དང་གནམ་ལྕགས་སེར་བ་ཐུབ༔ རྦོད་གཏོང་དམག་དང་ཆུང་སྲི་ཐུབ༔ ལོ་ཀག་ཟླ་ཀག་ཕྱོགས་ངན་ཐུབ༔ འཁོར་ལོ་འདི་བཏགས་ངན་དགུ་ཐུབ༔ ནོར་ལ་བཏགས་བཞག་རེག་མི་ནུསཿ རྟ་ལ་བཏགས་ན་བྱ་དང་མཉམ༔ ཁྱི་ལ་བཏགས་ན་རྡོ་མི་ཕོག༔ ཕོ་ལ་བཏགས་ན་དཔའ་ལ་མཛངསཿ མོ་ལ་བཏགས་ན་གཤིན་ལ་མཛངས༔ དཔལ་དང་བསོད་ནམས་ཕུན་ཚོགས་བསྐྱེད༔ ཅི་བསམ་འགྲུབ་པར་ཐེ་ཚོམ་མེད༔ ཡིད་བཞིན་ནོར་བུ་བསམ་འཕེལ་བཞིན༔ གནམ་ལྕགས་རྡོ་རྗེའི་སྲུང་བ་འདིས༔ འགོས་པའི་ནད་ཀུན་སྨོས་ཅི་དགོས༔ འཆི་བདག་བདུད་ཀྱང་བཟློག་པར་འགྱུར༔ དེ་ཕྱིར་ཀུན་ཐུབ་རྡོ་རྗེ་ཡིན༔ ཞེས་ཕན་ཡོན་བསམ་གྱིས་མི་ཁྱབ་པར་གསུངས་སོ། །དེ་ལྟར་སྲུང་བ་རྡོ་རྗེའི་ཁྲབ་རིང་གི་ཕྱག་ལེན་སྦྱར་བཅངས་སུ་བསྟན་པ་འདི་ཡང་། གཏེར་གཞུང་རྩ་བའི་དགོངས་དོན་དང་། །བྲང་ཏི་མཁས་པའི་ཕྱག་བཞེས་ལྟར་སྙིང་པོར་དྲིལ་ཏེ་དཔལ་ཨེ་ཝཾ་ཐར་པ་རྩེར་ཤཱཀྱའི་དགེ་སློང་མཉྫུགྷོ་ཥས་བྲིས་པའི་དགེ་

― JKT021_Page_0489 ―

^{[མ་དཔེ་གཟིགས་ན་འདིར་གནོན།]}

[Full Size]

བས་འགྲོ་ཀུན་དུས་མིན་འཆི་བའི་འཇིགས་པ་ཐམས་ཅད་ལས་གྲོལ་བའི་རྒྱུར་གྱུར་ཅིག། ༈ །།བླ་མ་དགོངས་པ་འདུས་པའི་སྲུང་འབུམ་རྡོ་རྗེའི་ཕྲེང་བའི་ཙཀྲ་རབ་གནས་བྱ་ཚུལ་ཉུང་གསལ་བཞུགས་སོ། །ན་མོ་གུ་རུ་དེ་ཝ་ཌཱ་ཀི་ནཱི་བྷྱ༔ འདིར་བོད་ཡུལ་ས་འོག་ཀུན་གྱི་གཏེར་གཅིག་བླ་མ་དགོངས་པ་འདུས་པའི་གསེར་ཆོས་ལས་བྱུང་བའི་ལས་ཚོགས་སྲུང་འབུམ་རྡོ་རྗེའི་ཕྲེང་བ་ནས་ཇི་སྐད་གསུངས་པའི་ཙཀྲ་རྣམས་རབ་ཏུ་གནས་པར་བྱ་བའི་ཚུལ་ནི། སྲུང་འཁོར་བྲི་བ་དང་། རྫས་བྱུགས་པ་སོགས་ལེགས་པར་གྲུབ་ནས་སྟེགས་བུ་གཙང་མའི་སྟེང་འབྲུ་དཀར་བཀྲམ་པའི་ཁར་དགྲམ། འབྱོར་ན་མདུན་དུ་སྨན་རག་གཏོར་མ་ཉེར་སྤྱོད་དང་བཅས་པ་བཤམས། ཚོགས་ཞིང་གསལ་བཏབ། ཀྱེ་ཀྱཻ། ཕྱོགས་བཅུའི་སྐྱབས་གནས་དཀོན་མཆོག་བདག་ལ་དགོངས༔ འགྲོ་རྣམས་སྐྱོབ་པའི་མགོན་དང་དཔུང་མཛོད་ཅིག༔ དུས་འདི་ནས་བཟུང་རྫོགས་སངས་མ་རྒྱས་བར༔ མགོན་པོ་མཆོག་གྱུར་རྣམས་ལ་ཕྱག་འཚལ་ལོ༔ བདག་གཞན་ལུས་དང་ལོངས་སྤྱོད་མཆོད་པར་འབུལ། །ཉམས་ཆགས་ཉེས་ལྟུང་བསགས་རྣམས་མཐོལ་ཞིང་བཤགས༔ དུས་གསུམ་དགེ་བར་གྱུར་ལ་རྗེས་ཡི་རངས༔ བླ་མེད་ཐེག་ཆེན་ཆོས་འཁོར་བསྐོར་དུ་གསོལ༔ རྒྱལ་བ་མྱ་ངན་མི་འདའ་བཞུགས་པར་

― JKT021_Page_0490 ―

^{[མ་དཔེ་གཟིགས་ན་འདིར་གནོན།]}

[Full Size]

གསོལ༔ བདག་གཞན་དགེ་ཚོགས་བྱང་ཆུབ་ཆེན་པོར་བསྔོ༔ སྐྱབས་གནས་དཀོན་མཆོག་རྣམས་ལ་སྐྱབས་སུ་མཆི༔ སྔོན་ཆད་རྒྱལ་བའི་མཛད་པ་རྨད་བྱུང་ལྟརཿ དེ་བཞིན་བདག་གིས་དུས་འདི་ནས་བརྩམ་བྱ༔ འགྲོ་བ་ཡོངས་ཀྱི་བླ་མར་བདག་གྱུར་ཅིག ཅེས་པས་རྒྱུད་སྦྱངས་ཏེ་ཚོགས་ཞིང་རྣམས་རང་ལ་བསྟིམ། དངོས་སུ་བཤམས་པའི་མཆོད་པ་ཡོད་ན་བསང་སྦྱངས། ཨོཾ་སྣང་སྲིད་འདོད་ཡོན་ལོངས་སྤྱོད་མཆོད་པའི་རྫས༔ ཨཱརྣམ་དག་ལྷ་ཚོགས་དགྱེས་པ་སྐོང་བར་བྱེད༔ ཧཱུྃ་གཟུགས་སྒྲ་དྲི་རོ་རེག་བྱ་ནུས་བཅུད་ལྡན༔ ཧོ༔ཕྱི་ནང་གསང་བའི་མཆོད་པ་བླ་ན་མེད༔ ཨོཾ་ཨཱཿཧཱུྃ་ཧོ༔ ཞེས་བྱིན་བརླབ། བདག་བསྐྱེད་ནི། ཧཱུྃ་ཧཱུྃ༔ སྟོང་པ་ཉིད་དང་སྙིང་རྗེ་ཆེ་རང་བཞིན༔ ཟུང་འཇུག་ཧྲཱིཿཙྩལས་རྒྱུ་ཡི་ཧེ་རུ་ཀ༔ མ་འགགས་རང་བྱུང་ལྷུན་གྲུབ་གཞལ་ཡས་ཁང་༔ དྭང་གསལ་འོད་དཔུང་འཁྲིགས་ཀྵཔའི་ཀློང་ཡོངས་སུ༔ རིག་འཛིན་པདྨ་བཛྲ་དམར་གསལ་མདངས༔ དམར་མཐིང་དཀར་བའི་ཞལ་གསུམ་ཕྱག་དྲུག་གིས རྡོར་དྲིལ་རལ་གྲི་བྷཉྫུ་བུམ་པ་དང་། །ཁ་ཊཾ་ག་འཛིན་ལྷ་ལྕམ་གསང་བའི་ཡུམ༔ དམར་པོ་ཌཱ་རུ་དུང་དམར་འཛིན་དང་སྦྱོར། །གར་དགུའི་ཉམས་ལྡན་འབར་བའི་ཆས་ཀྱིས་བརྗིད༔ བུདྡྷ་ཐོད་ཕྲེང་མི་བསྐྱོད་རྡོ་རྗེ་རྩལ། པདྨ་དབང་ཆེན་རིག་འཛིན་ཐོད་པ་རྩལ༔ མདོག་

― JKT021_Page_0491 ―

^{[མ་དཔེ་གཟིགས་ན་འདིར་གནོན།]}

[Full Size]

དམར་མེ་ཕྲེང་སངས་རྒྱས་དཔའ་བོ་དང་༔ རྟ་མགྲིན་ཕྱག་ན་རྡོ་རྗེ་ལ་སོགས་པ༔ རང་རང་ཡུམ་འཁོར་བཀའ་ཉན་སྤྲུལ་པར་བཅས༔ རྣམ་རོལ་མ་འགགས་སྒྱུ་འཕྲུལ་རྡོ་རྗེའི་སྤྲིན༔ གང་འདུལ་མོས་པའི་དཔལ་དུ་ལྷམ་མེར་གསལ༔ ཧཱུྃ་ཧཱུྃ༔ རང་བྱུང་ཐུགས་རྗེས་མ་འགགས་རོལ་པའི་སྐུ༔ སྤྱན་འདྲེན་བཞུགས་སུ་གསོལ་བར་མི་དམིགས་ཀྱང་༔ ཐུགས་རྗེའི་ངང་ཉིད་ཆོས་སྐུར་དག་པ་ལས༔ རྩལ་སྣང་དབྱིངས་ནས་རོལ་ཅིང་གཤེགས་སུ་གསོལ༔ ཨོཾ་ཨཱཿཧཱུྃ་བཛྲ་གུ་རུ་དྷེ་ཝ་དྷཱ་ཀི་ནཱི་ཧྲཱིཿ་མ་ཧ་རི་ནི་ས་ར་ཙ་ཧྲཱིཿཡ་ཨེ་ཨ་རལླི་ཧྲཱིཿང་ཧྲཱིཿང་༔ ཕོ་ཕོ། ཛཿཧཱུྃ་བཾ་ཧོ༔ ཙིཏྟ་བཛྲ་ཛཱ་ན་པདྨ་ཀ་མ་ལ་ཡ་ཧཱུཾ། ཨོཾ་ཨཱཿཧཱུྃ་ཧཱུྃསྭཱ་ཧཱ༔ ཨ་བྷི་ཥཱིཉྩ་ཏུ་མཾ། ཨ་ཏི་པཱུ་ཧོ༔ པྲ་ཏཱི་ཙྪ་ཧོ༔ ཧཱུྃ་ཧཱུྃ༔ དངོས་སུ་འབྱོར་དང་ཡིད་ཀྱིས་རྣམ་སྤྲུལ་པའི༔ མེ་ཏོག་བདུག་སྤོས་མར་མེ་ཞལ་ཟས་དྲི༔ སྒྲ་དབྱངས་ཨགྷོ་ལ་སོགས་མཆོད་པའི་སྤྲིན༔ ཕྱི་ནང་གསང་བ་བླ་མེད་དགྱེས་མཆོད་འབུལ༔ ཨོཾ་ཨཱཿཧཱུྃ་བཛྲ་གུ་རུ་དྷེ་ཝ་དྷཱ་ཀི་ནི་ཨརྒྷཾ་པུ་ཐེ་དྷུ་པེ་ཨཱ་ལོ་ཀེ་གྷནྡྷེ་ནེ་ཝིདྱ་ཤད་པཱུ་ཛ་ཧོ༔ རཱུ་བ་ཤབྡ་གྷནྡྷེ་རཱ་ས་མྤནྣེ་པཱུ་ཛ་ཧོ༔ མ་ཧཱམཾ་ས་རཀྟ་ཀེ་ནི་རི་ཏི་བྷ་སུ་ཏ་ཙིཏྟ་པཱུ་ཛ་ཧོ༔ བོ་དྷི་ཙིཏྟ་མ་ཧཱ་སུ་ཁ་ཛ་ཧོ༔ སརྦ་པཉྩ་ཨ་མྲྀ་ཏ་རཀྟ་བྷ་ལིཾ་ཏ་ཁ་ཁ་ཁཱ་ཧི་ཁཱ་ཧྲཱིཿ ཧཱུྃ་ཧྲཱིཿ ཕྱི་ནང་གཞན་གསུམ་ལྷ་དང་ལྷ་མོའི་ཚོགས༔ བྱེད་པ་ཀུན་སྟོན་

― JKT021_Page_0492 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་འཕྲུལ་ཡོངས་ཀྱི་མཛོད༔ འཁོར་འདས་རང་གྲོལ་བདེ་ཆེན་གཡུང་དྲུང་སྐུ༔ དཀྱིལ་འཁོར་རྫོགས་པའི་དཔལ་ལ་ཕྱག་འཚལ་བསྟོད༔ བཟླས་དམིགས་ནི། ལྷ་ཚོགས་ཐུགས་ཀར་པད་ཟླ་ཉི་སྟེང་ཧྲཱིཿ སྔགས་ཕྲེང་བསྐོར་བའི་འོད་ཀྱིས་དོན་གཉིས་བྱས། །སྣོད་བཅུད་རྩ་གསུམ་རྒྱལ་བའི་ཞིང་དུ་གྱུར། །ཚུར་འདུས་མཆོག་དང་ཐུན་མོང་དངོས་གྲུབ་ཐོབ། ཨོཾ་ཨཱཿཧཱུྃ་ཧཱུྃབཛྲ་གུ་རུ་དྷེ་ཝ་དྷ་ཀི་ནི་སརྦ་སིདྡྷི་ཕ་ལ་ཧཱུྃ་ཨཱ ཞེས་རྩ་གསུམ་དྲིལ་སྒྲུབ་ཀྱི་སྙིང་པོ་ཅི་ནུས་བཟླས། བར་འདིར་རྒྱས་པར་སྤྲོ་ན་རྒྱབ་ཆོས་སུ་ལྷ་བསངས་དང་གསེར་སྐྱེམས་ལྟ་བུ་གང་ཡང་རུང་བས་རྣམ་བཞིའི་མགྲོན་ལ་མཆོད་ཅིང་ཕྲིན་ལས་བཅོལ། །དེ་ནས་འཁོར་ལོ་ལ་དམིགས་ཏེ་བགེགས་སྦྱོང་བ་དང་། ཁྲུས་གསོལ་རྒྱས་པར་བྱ་བའམ། མ་གྲུབ་ན། རང་གི་ཐུགས་ཀ་ནས་ལས་ཀྱི་ཁྲོ་བོའི་ཚོགས་དཔག་ཏུ་མེད་པ་འཕྲོས་ཏེ་བགེགས་རྣམས་རྒྱངས་རིང་དུ་བསྐྲད་པར་བསམས་ལ། སུམྦྷ་བཟླ། གུ་གུལ་གྱིས་བདུག །ཡུངས་ཀར་གྱིས་བྲབ། ཨ་མྲྀ་ཏས་བསང་། སྭ་བྷཱ་ཝས་སྦྱངས། སྟོང་པའི་ངང་ལས་སྐད་ཅིག་དྲན་རྫོགས་སུ། །ཙཀྲ་ཧཱུཾ་ལས་མུ་ཁྱུད་གཞལ་ཡས་ཁང་། །རབ་འབྱམས་རྩ་གསུམ་རྒྱལ་བའི་ཕོ་བྲང་ཆེ། །དྭང་གསལ་འོད་ཕུང་འཁྲིགས་པའི་ཀློང་ཡངས་སུ། །རང་བྱུང་སྔགས་ཀྱི་ཡི་གེའི་ཕྲེང་བ་

― JKT021_Page_0493 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས། །ཡོངས་གྱུར་པདྨ་བཛྲ་དམར་གསལ་མདངས། སོགས་ནས། དཀྱིལ་འཁོར་རྫོགས་པའི་དཔལ་ལ་ཕྱག་འཚལ་བསྟོད། ཅེས་པའི་བར་བདག་བསྐྱེད་ལྟར་བྱ། །བསྒྲུབ་བྱའི་མིང་ཡིག་དམིགས་བསལ་བྲིས་ཡོད་ན་དེ་དང་། གཞན་དུ་འཆང་བ་པོ་ཞེས་པའི་ཡི་གེ་ཉིད་བསྒྲུབ་བྱ་དངོས་སུ་གསལ་བ་དཀྱིལ་འཁོར་གྱི་ཁྱམས་ལ་གུས་པའི་ཚུལ་གྱིས་འཁོད་པར་སྡེ་བརྒྱད་སྤྱི་སྲུང་ལ། བླ་མ་རྩ་བ་གསུམ་གྱི་ལྷ་ཚོགས་འཁོར་དང་བཅས་པ་རྣམས་ཀྱིས་བསྒྲུབ་བྱ་འདི་ལ་ལྷ་སྲིན་སྡེ་བརྒྱད་ཀྱི་གནོད་པ་ཐམས་ཅད་ཞི་ཞིང་སྲུང་བ་དང་། མཆོག་དང་ཐུན་མོང་གི་དངོས་གྲུབ་མ་ལུས་པ་སྩལ་དུ་གསོལ། ཞེས་པ་ལྟ་བུས་མཚོན་ཏེ་སོ་སོའི་སྤེལ་ཚིག་ལྟར་འདོད་པའི་དོན་ལ་གསོལ་བ་གདབ། ཐུགས་རྒྱུད་བསྐུལ་བར་དམིགས་ཏེ། ཨོཾ་ཨཱཿཧཱུྃ་ཧཱུྃ༔བཛྲ་གུ་རུ་དྷེ་བ་དྷཱ་ཀི་ནཱི་སརྦ་སིདྡྷི་ཕ་ལ་ཧཱུྃ་ཨཱཿ སྟོང་ཕྲག་སོགས་ཅི་ནུས་དང་། སྲུང་འཁོར་ལ་བཀོད་པའི་སྔགས་གཞན་རྣམས་ཀྱང་བརྒྱ་རྩ་ནས་བདུན་ཡན་ཆད་ཅི་རིགས་པ་བཟླ། སྐབས་སུ། བདག་མདུན་གྱི་ཐུགས་ཀ་ནས་སྔགས་ཀྱི་འོད་ཟེར་འཕྲོས་པས་བསྲུང་བྱ་ལ་གནོད་པའི་གདོན་བགེགས་ཐམས་ཅད་རང་དབང་མེད་པར་བཀུག །བཀའ་བསྒོ་བའི་ཚུལ་གྱིས་སྔགས་བཟླས་པས་བདག་གི་དབང་དུ་འདུས་ཏེ་གང་བཅོལ་བའི་ལས་ཐམས་ཅད་སྒྲུབ་

― JKT021_Page_0494 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བསམས་ལ་བཟླས་པའང་བྱ། མཐར་མཆོད་ཅིང་བསྟོད་ལ། བླ་མ་རྩ་བ་གསུམ་གྱི་ལྷ་ཚོགས་འཁོར་དང་བཅས་པ་རྣམས་བསྐྱེད་གཞིའི་རྟེན་འདི་ལ་ཇི་སྲིད་འབྱུང་བ་བཞིའི་གནོད་པས་མ་ཞིག་གི་བར་དུ་བརྟན་པ་བཞུགས་སུ་གསོལ། བརྟན་པར་བཞུགས་ནས་ཀྱང་འདི་འཆང་བ་པོ་ལ་ལྷ་སྲིན་སྡེ་བརྒྱད་ཀྱི་གནོད་པ་ཐམས་ཅད་ཞི་ཞིང་སྲུང་བ་དང་། མཆོག་དང་ཐུན་མོང་གི་དངོས་གྲུབ་མ་ལུས་པ་སྩལ་དུ་གསོལ། ཞེས་གསོལ་བ་བཏབ་པས། ལྷ་ཚོགས་རྣམས་ཀྱིས་ཀྱང་དེ་དེ་བཞིན་དུ་བགྱིའོ། །ཞེས་དགྱེས་པ་ཆེན་པོས་ཞལ་གྱིས་བཞེས་ཏེ་རྟེན་དང་བརྟེན་པར་བཅས་པ་ཐམས་ཅད་བདེ་སྟོང་གི་ངོ་བོར་འོད་དུ་ཞུ་བ་ཡོངས་སུ་གྱུར་པ་ལས་བྲིས་པའི་འཁོར་ལོའི་རྣམ་པ་ཇི་ལྟ་བ་འདོད་དོན་ཐམས་ཅད་ཐོགས་པ་མེད་པར་བསྒྲུབ་པའི་ནུས་བྱིན་མཆོག་ཏུ་འབར་བ་དང་། བསྒྲུབ་བྱ་ཡང་མིང་ཡིག་སོ་སོའི་རྣམ་པར་གྱུར་བར་བསམ། སླར་ཡང་འཁོར་ལོའི་སྔགས་དང་དབྱངས་གསལ་རྟེན་སྙིང་སྤེལ་ནས་བཟླས་པའི་ནུས་པ་མེ་ཏོག་ལ་བསྟིམས་ཏེ། འདིར་ནི་རྟེན་དང་ལྷན་ཅིག་ཏུ། སོགས་ཀྱི་མཐར། རྟེན་འབྲེལ་སྙིང་པོ་དང་། སུ་པྲ་ཏིཥྛ་མང་དུ་བརྗོད་ཅིང་མེ་ཏོག་འཐོར། བཀྲ་ཤིས་རྒྱས་པར་བརྗོད། བདག་ཉིད་རྟེན་དང་བརྟེན་པར་བཅས་པ་འོད་གསལ་གྱི་དབྱིངས་སུ་ཐིམ། སླར་ཡང་སྣང་སྟོང་

― JKT021_Page_0495 ―

^{[མ་དཔེ་གཟིགས་ན་འདིར་གནོན།]}

[Full Size]

ཟུང་འཇུག་ལྷ་ཡི་སྐུར་གྱུར་པར་བསམས་ལ་བསྔོ་སྨོན་ཤིས་བརྗོད་བྱའོ། །གལ་ཏེ་བདག་བསྐྱེད་གཞན་དང་སྦྱར་ན། རྟ་མགྲིན་ཕྱག་རྡོར་ཕུར་པ་སོགས་རང་གི་རྒྱུན་གྱི་ཡི་དམ་གང་ཡང་རུང་བའི་སྐྱབས་སེམས་ནས་བཟླས་པའི་བར་སྔོན་དུ་འགྲོ་བས། འཁོར་ལོའི་བགེགས་བསལ་བ་ནས། རང་བྱུང་སྔགས་ཀྱི་ཡི་གེའི་ཕྲེང་བ་རྣམས། ཞེས་པའི་བར་གོང་ལྟར་ལ། ལྷག་པའི་ལྷ་མཆོག་གཙོ་བོར་གྱུར་པ་ཡི། །བླ་མ་ཡི་དམ་མཁའ་འགྲོའི་སྤྲིན་ཕུང་འཁྲིགས། །རྣམ་རོལ་མ་འགགས་སྒྱུ་འཕྲུལ་རྡོ་རྗེའི་སྤྲིན། །གང་འདུལ་མོས་པའི་དཔལ་དུ་ལྷམ་མེར་གསལ། ཅེས་སྦྱར། སྤྱན་འདྲེན་ནས་བཟུང་གོང་དུ་བཤད་པ་ལྟར་བྱས་པས་ཀྱང་རུང་ངོ་། །གོང་ལྟར་ཡང་རབ་གནས་ཀྱི་བྱ་བ་ཚར་མ་ཐག་ཙཀྲ་སྒྲུབ་པ་པོ་རང་ཉིད་ཀྱིས་བླངས་ལ་སྲོག་ཡིག་མ་ཉམས་པ་གྲུ་བཞིར་ལྟེབས་བསྒྲུབ་བྱའི་སྲོག་ཁམས་དང་མཐུན་པའི་སྲད་བུས་འབྱུང་བ་མཐུན་བསྡེབས་ཀྱི་མདངས་དང་མཐུན་པར་ལག་ལེན་ལྟར་དཀྲིས། དམིགས་བསལ་བསྒྲིམ་ཚས་བཤད་པ་ཡོད་ན་དེས་ན་པར་ལག་ལེན་ལྟར་དཀྲིས། དམིགས་བསལ་བསྒྲིམ་ཚས་བཤད་པ་ཡོད་ན་དེས་དྲིལ། ཕྱི་ནས་ཀྱང་ཁམས་མཐུན་གྱི་དར་རས་སོགས་ཀྱིས་གཡོག །གཟའ་སྐར་འཕྲོད་སྦྱོར་བཟང་པོའི་ཉིན། གྲུབ་ན་བསྒྲུབ་བྱ་མདུན་དུ་འཁོད་པ་ལ། སྦྱོང་བ་གསུམ་དང་། བཀྲུ་བྱབས་སྔོན་དུ་འགྲོ་བས་ཙཀྲའི་ཡི་གེ་རྣམས་ངོ་བོ་ལྷ་ལ་

― JKT021_Page_0496 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་པ་ཡི་གེའི་གཟུགས་སུ་ཤར་བ། བྱེད་ལས་འཆང་བ་ཙམ་གྱིས་དོན་ཐམས་ཅད་ཐོགས་པ་མེད་པར་བསྒྲུབ་ནུས་པའི་བྱིན་རླབས་དང་དངོས་གྲུབ་ཀྱི་གཏེར་ཆེན་པོར་མོས་སུ་བཅུག་ལ་གནས་གསུམ་དུ་བཞག་སྟེ། རྩ་གསུམ་གྱི་སྙིང་པོ་བཟླ་ཞིང་། ལྷ་ཉིད་སྔགས་ཀྱི་གཟུགས་འཆང་བ། །རྩ་བ་གསུམ་གྱི་བྱིན་རླབས་ཀྱིས། །བསྒྲུབ་བྱའི་སྒོ་གསུམ་སྲུང་བ་དང་། །མཆོག་ཐུན་དངོས་གྲུབ་སྩལ་དུ་ཚ གསོལ། །ཨོཾ་ཨཱཿཧཱུྃ་ཧཱུྃ༔བཛྲ་གུ་རུ་དྷེ་བ་དྷཱ་ཀི་ནཱི་ཀཱ་ཡ་ཝཱ་ཀ་ཙིཏྟ་ཨ་དྷི་ཥཱ་ན་ཨ་བྷི་ཥིཉྩ་མི། ཅེས་བྱིན་བརླབས་ལ་མགུལ་དུ་དྲོད་དང་མ་བྲལ་བར་གདགས་སོ། འདོགས་ལུགས་སྲུང་བ་ལ་སྲོག་ཡིག་ཞལ་རང་དང་། ཟློག་པ་ལ་ཕྱིར་བསྟན་པར་གསུངས། མཆན། སླར་ཡང་བསྲུང་བ་བྱ་ཞིང་སྲུང་འཁོར་བསྒོམ། བདེན་ཚིག་དང་། ཤིས་བརྗོད་རྒྱས་པར་བྱ། མ་གྲུབ་ཀྱང་ཙཀྲ་མི་གཞན་གྱི་ལག་མི་དམིགས་གསལ་མ་གཏོགས། བརྒྱུད་པར་བསྒྲུབ་བྱ་རང་ཉིད་ཀྱིས་གདགས་སོ། །དེ་ལྟ་བུའི་རིམ་པ་རྣམས་ཡི་དམ་ལྷ་ཡི་བསྙེན་པ་ལས་སུ་རུང་ཞིང་། གཞན་ཕན་བྱང་ཆུབ་ཀྱི་སེམས་དང་ལྡན་པའི་རྣལ་འབྱོར་པས་ཚུལ་བཞིན་དུ་བསྒྲུབས་ན་གཞུང་ནས་བཤད་པའི་ཕན་ཡོན་རྣམས་འབྱུང་བ་ནི་ངེས་པའོ། །ཞེས་པའང་གཏེར་གཞུང་རྩ་བའི་དགོངས་པ་དང་། རིག་འཛིན་གཏེར་བདག་གླིང་པས་མཛད་པའི་རྒྱུན་ཁྱེར་དང་། འཁོར་ལོའི་རབ་

― JKT021_Page_0497 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་བྱ་ཚུལ་སོགས་སྦྱར་ཏེ་ཤིན་ཏུ་གསལ་བར་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་པའི་དགེ་བས་མཁའ་ཁྱབ་ཀྱི་འགྲོ་ཀུན་བསམ་པའི་དོན་ཐམས་ཅད་ཆོས་དང་མཐུན་པར་ཡིད་བཞིན་དུ་འགྲུབ་པའི་རྒྱུར་གྱུར་ཅིག། །།སརྦ་དཱ་མངྒ་ལཾ་བྷ་བ་ཏུ།། །།

སྐྲ་སེན་བསྲེག་པའི་ཆོ་ག་སོགས་ཀྱི་སྐབས་སུ་ཉེ་བར་མཁོ་བའི་ཟིན་བྲིས་ཉུང་གསལ་ཕན་བདེའི་ཉེར་འཚོ།

― JKT021_Page_0499 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །སྐྲ་སེན་བསྲེག་པའི་ཆོ་ག་སོགས་ཀྱི་སྐབས་སུ་ཉེ་བར་མཁོ་བའི་ཟིན་བྲིས་ཉུང་གསལ་ཕན་བདེའི་ཉེར་འཚོ་བཞུགས་སོ།། །།

― JKT021_Page_0500 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །ཨོཾ་སྭ་སྟི། སྐྲ་སེན་སྲེག་པའི་ཆོ་ག་ཞུ་ཆེན་པཎྜི་ཏས་མཛད་པ་ལྟར་ལག་ཏུ་བླང་བའི་སྐབས། བདག་བསྐྱེད་མི་ཏྲ་ལུགས་ཀྱི་ཚེ་དཔག་མེད་དཀར་པོ་དང་། །གྲུབ་རྒྱལ་ལུགས་སོགས་གང་ལ་བརྟེན་ཡང་རུང་ཞིང་། དེ་ལྟར་ན་བུམ་བསྐྱེད་སྐབས་རྣམ་བུམ་དུ་བདག་བསྐྱེད་ལྟར་གྱི་གཙོ་རྐྱང་བསྐྱེད་པར་བྱ་སྟེ། བུམ་པ་བསང་སྦྱངས། སྟོང་པའི་ངང་ལས་པཾ་ལས་པདྨ་དང་ཨ་ལས་ཟླ་བའི་དཀྱིལ་འཁོར་གྱི་སྟེང་དུ་ཧཱུཾ་ལས་རིན་པོ་ཆེའི་བུམ་པ་གཉིས་ཡངས་ཤིང་རྒྱ་ཆེ་བ། ལྟོ་བ་ལྡིར་བ། །ཞབས་ཞུམ་པ། མགྲིན་པ་ཕྲ་བ། ཁ་གཡེལ་བ། མཆུ་འཕྱང་བ། ལྷ་རྫས་ཀྱི་གོས་ཀྱིས་མགུལ་བ་དཀྲིས་ཤིང་། དཔག་བསམ་གྱི་ཤིང་གིས་ཁ་བརྒྱན་པ། ནང་ཆུ་

― JKT021_Page_0501 ―

^{[མ་དཔེ་གཟིགས་ན་འདིར་གནོན།]}

[Full Size]

དང་བཅུད་སྣ་ཚོགས་ཀྱིས་ཡོངས་སུ་གང་བའི་རྣམ་རྒྱལ་བུམ་པའི་དབུས་སུ་སྣ་ཚོགས་པདྨ་འདབ་མ་བརྒྱད་པའི་ལྟེ་བར་ས་བོན་ལས་ཚེ་དཔག་མེད་བདག་བསྐྱེད་ལྟར་བསྐྱེད། ལས་ཐམས་ཅད་པའི་བུམ་པར་པདྨ་དང་ཉི་མའི་དཀྱིལ་འཁོར་གྱི་སྟེང་དུ་ཧཱུྃ་ལས་ཁྲོ་བོ་བདུད་རྩི་འཁྱིལ་པ་སྐུ་མདོག་ལྗང་སྔོན་ཞལ་གཅིག་ཕྱག་གཉིས་པ། གཡས་སྣ་ཚོགས་རྡོ་རྗེ་དང་། གཡོན་དེས་ཡུ་བ་བྱས་པའི་དྲིལ་བུ་འཛིན་པ། ཅུང་ཟད་ཁྲོ་བོའི་ཉམས་ཅན་རིན་པོ་ཆེ་དང་སྦྲུལ་གྱིས་བརྒྱན་པ། སྟག་གི་ལྤགས་པའི་ཤམ་ཐབས་ཅན། ཞབས་སེམས་དཔའི་སྐྱིལ་མོ་ཀྲུང་གིས་བཞུགས་པ། གཉིས་ཀའི་སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། རང་གི་ཐུགས་ཀའི་

― JKT021_Page_0502 ―

^{[མ་དཔེ་གཟིགས་ན་འདིར་གནོན།]}

[Full Size]

ས་བོན་ལས་འོད་ཟེར་འཕྲོས་པས་སངས་རྒྱས་དང་བྱང་ཆུབ་སེམས་དཔའ་ཚེ་དཔག་མེད་བདུད་རྩི་འཁྱིལ་པ་དང་བཅས་པའི་རྣམ་པར་ཨོཾ་བཛྲ་ས་མཱ་ཛཿ ཛཿཧཱུྃ་བཾ་ཧོ༔ ཞེས་པས་གཉིས་སུ་མེད་པར་བསྟིམ། སླར་ཡང་ཐུགས་ཀའི་ས་བོན་ལས་འོད་ཟེར་འཕྲོས་པས་དབང་གི་ལྷ་རིགས་ལྔ་འཁོར་དང་བཅས་པ་ཨོཾ་བཛྲ་ས་མཱ་ཛཿ ཨོཾ་སརྦ་ཏ་ཐཱ་ག་ཏ་པཉྩ་ཀུ་ལ་ས་པ་རི་ཝཱ་ར་ཨརྒྱུ་སོགས་ཀྱིས་མཆོད། དེ་བཞིན་གཤེགས་པ་ཐམས་ཅད་ཀྱིས་འདི་ལ་མངོན་པར་དབང་བསྐུར་བསྩལ་དུ་གསོལ། ཞེས་གསོལ་བ་བཏབ་པས། དབང་གི་ལྷ་རྣམས་ཀྱིས། ཇི་ལྟར་བལྟམས་པ་སོགས་དང་། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲི་ཡེ་ཧཱུྃ། ཞེས་གསུངས་ཤིང་བུམ་པའི་ཆུས་སྤྱི་བོ་ནས་དབང་བསྐུར། སྐུ་གང་། དྲི་མ་དག ཆུའི་ལྷག་མ་ཡར་ལུད་པ་ལས་ཚེ་དཔག་ཏུ་མེད་པ་ལ་འོད་དཔག་མེད་པ་དང་། །བདུད་རྩི་འཁྱིལ་པ་ལ་དོན་ཡོད་གྲུབ་པས་དབུར་བརྒྱན་པར་བསམ། ཨོཾ་སརྦ་ཏ་ཐཱ་ག་ཏ་ཨ་པ་རི་མི་ཏཱ་ཨ་ཡུཛྙཱ་ན་ས་པ་རི་ཝཱ་ར་ཨརྒྷཾ་པྲ་ཏཱིཙྪ་སྭཱ་ཧཱ་ནས། ཤབྡའི་བར་སྦྱར་བས་མཆོད། འཇིག་རྟེན་འདྲེན་པའི་སོགས་དང་། འཇིགས་པའི་ཧཱུཾ་སྒྲ་ངེས་སྒྲོགས་ཤིང་། སོགས་ཀྱིས་བསྟོད། བུམ་པའི་ལྷའི་ཐུགས་ཀར་ཟླ་བའི་དཀྱིལ་འཁོར་གྱི་སྟེང་དུ་ས་བོན་གྱི་མཐར་སྔགས་ཀྱི་ཕྲེང་བས་བསྐོར་བ་རང་

― JKT021_Page_0503 ―

^{[མ་དཔེ་གཟིགས་ན་འདིར་གནོན།]}

[Full Size]

གི་སྙིང་གནས་སྔགས་ཀྱི་ཕྲེང་བ་གཟུངས་ཐག་ལ་བརྟེན་ཏེ་སོང་བས་བུམ་ནང་གི་ལྷའི་ཐུགས་ཀའི་སྔགས་ཕྲེང་ལ་ཕོག་པས་སྔགས་ཕྲེང་དང་སྐུའི་ཆ་ཐམས་ཅད་ལས་བདུད་རྩིའི་རྒྱུན་བབས་པས་བུམ་པར་གང་བར་བསམ་ཞིང་། རྣམ་རྒྱལ་ལ་ཚེ་དཔག་མེད་ཀྱི་སྔགས་དང་། ལས་བུམ་ལ། ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ། ཅེས་ཅི་ནུས་བཟླས་མཐར་གོང་ལྟར་མཆོད་ཅིང་བསྟོད། །བཅོམ་ལྡན་འདས་བདག་དང་སེམས་ཅན་ཐམས་ཅད་ཀྱི་སྡིག་པ་དང་སྒྲིབ་པ་ཐམས་ཅད་ཞི་བ་དང་། ཚེ་དང་བསོད་ནམས་ཐམས་ཅད་འཕེལ་ཞིང་རྒྱས་པ་དང་། ལས་ཀྱི་དངོས་གྲུབ་མ་ལུས་པ་སྩལ་དུ་གསོལ། ཡི་གེ་བརྒྱ་བའི་མཐར་ཨོཾ་ཨཱཿཧཱུྃ་ཞེས་དང་དུང་ཆོས་ཀྱི་ཆུ་བུམ་པར་བླུགས་ཏེ། མཆོད་ཡོན་ཕུལ་བའི་རྐྱེན་གྱིས་ཡེ་ཤེས་པ་གཤེགས། དམ་ཚིག་པ་འོད་དུ་ཞུ་བ་ལས་བུམ་པའི་ཆུ་ནུས་པ་དང་ལྡན་པར་བསམ། གལ་ཏེ་བུམ་པ་གཅིག་ལས་མེད་ན་རྣམ་བུམ་གྱི་ལྷའི་གཡོན་དུ་བདུད་རྩི་འཁྱིལ་པ་བསྐྱེད་པས་ཁྱབ། དེ་ནས་སྐྲ་དང་སོ་སེན་གྱི་ཐལ་བའི་ཕུང་པོའི་སྟེང་དུ་ཨ་ལས་ཟླ་བའི་དཀྱིལ་འཁོར་གྱི་སྟེང་དུ་ས་བོན་ལས་བདག་བསྐྱེད་ལྟར་ཚེ་དཔག་མེད་ཡན་ལག་བཞི་རྫོགས་སུ་བསྐྱེད་པ་དང་། མཆོད་བསྟོད་བུམ་ཆུས་བཀྲུ་བ་སོགས་དཀྱུས་ལྟར་བྱ། ཁྲུས་ཚར་མང་དུ་བྱེད་ན། དངོས་སུ་

― JKT021_Page_0504 ―

^{[མ་དཔེ་གཟིགས་ན་འདིར་གནོན།]}

[Full Size]

བཀྲུ་མ་བདེ་ཚེ་མེ་ལོང་ལ་གཟུགས་བརྙན་འཆར་བ་བཀྲུ། མཐར་དངོས་སུ་བཀྲུས་པས་རུང་ངོ་། །དེ་ནས་དཀྱུས་སུ་བཤད་པ་ལྟར་སཱཙྪའི་ཆོ་ག་དང་རབ་གནས་ལེགས་པར་བགྱིས་པའི་རྟེན་ནི་མཆོག་ཕལ་གང་ཡིན་ཀྱང་རུང་སྟེ་མཆོད་རྟེན་སོགས་ཀྱི་ནང་དུ་བཞུགས་ནའང་གཏུབ་མོད། ཕལ་པ་ལ་འཇིག་རྟེན་པས་སྨོད་པ་དང་། མ་དད་པ་སོགས་སྤངས་པའི་ཕྱིར་རྒྱ་མཚོར་འབེབས་པའི་ཆུ་ཀླུང་དུ་སྤྱན་དྲངས་པ་ཉིད་སྐབས་སུ་བབས་པས། དེའི་ཚུལ་མདོར་བསྡུས་དཀྱུས་སུ་གསལ་བ་ལྟར་ལ་ཅུང་ཟད་རྒྱས་པར་བྱེད་ན་ཕན་ཚུན་གྱི་སའི་དཔྱད་དང་ཆུ་བཀྲ་ལེགས་པའི་ཆུ་ཀླུང་ཆེན་པོའི་འགྲམ་ངོགས་སུ་སཱཙྪ་རྣམས་བཀུར་སྟི་དང་བཅས་པས་སྤྱན་དྲངས་ལ། སྟེགས་བུ་ཇི་ལྟར་རིགས་པའི་སྟེང་སྤོས་ཀྱི་ཕྱེ་མ་དང་། མེ་ཏོག་སིལ་མ་བཀྲམ་པའི་ཁར་བཞུགས་སུ་གསོལ་བའི་མཐར་མེ་ཏོག་ལ་སོགས་པའི་མཆོད་པ་ལྔ་ཅི་འབྱོར་བ་དང་། ཁྱད་པར་དར་རས་སོགས་ལས་བཅོས་པའི་གདུགས་དང་། རྒྱལ་མཚན་དང་། བ་དན་གྱི་ཕྲེང་བ་སྤེལ་ལེགས་ཚར་དུ་དངར་བ་བཤམས། མི་འཁྲུགས་པ་སོགས་བདག་གི་རྣལ་འབྱོར་ཇི་ལྟར་རིགས་པའི་བསྒོམ་བཟླས་བྱ། དེ་ནས་བདེན་པའི་སྟོབས་བརྗོད་པའི་སྒོ་ནས་ས་གཞི་དང་མཆོད་པ་བྱིན་གྱིས་བརླབས་པ་ནི། དཀོན་མཆོག་གསུམ་གྱི་བདེན་པ་དང་།

― JKT021_Page_0505 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བྱིན་གྱིས་བརླབས་དང་། ཚོགས་གཉིས་ཡོངས་སུ་རྫོགས་པའི་མངའ་ཐང་ཆེན་པོ་དང་། ཆོས་ཀྱི་དབྱིངས་རང་བཞིན་རྣམ་པར་དག་ཅིང་བསམ་གྱིས་མི་ཁྱབ་པའི་སྟོབས་ཀྱིས། དེང་འདིར་ཁོར་ཡུག་གི་ས་གཞི་འདི་དག་བཅོམ་ལྡན་འདས་འོད་དཔག་མེད་ཀྱི་ཞིང་གི་བཀོད་པའི་ཡོན་ཏན་ལྟ་བུ་དང་ལྡན་པར་གྱུར་པའི་ཕྱོགས་ཀུན་ཏུ་འཕགས་པ་ཀུན་ཏུ་བཟང་པོའི་རྣམ་པར་ཐར་པ་ལས་བྱུང་བའི་མཆོད་པའི་སྤྲིན་གྱི་ཕུང་པོ་བསམ་གྱིས་མི་ཁྱབ་པ་རྒྱུ་འཇིག་རྟེན་དང་འཇིག་རྟེན་ལས་འདས་པའི་དགེ་བ་ལས་གྲུབ་པ། ངོ་བོ་བཟང་ཞིང་གཙང་བ། ཡུལ་ནམ་མཁའི་མཐའ་ཁྱབ་པ། དུས་འཁོར་བ་ཇི་སྲིད་མ་སྟོང་གི་བར་དུ་རྒྱུན་མི་འཆད་པར་འབྱུང་ཞིང་རྒྱས་པར་གྱུར་ཅིག །ཅེས་དང་། ༀ་ན་མོ་བྷ་ག་ཝ་ཏེ། བཛྲ་སཱ་ར་པྲ་མཛྷ་ན། ཏ་ཐཱ་ག་ཏཱ་ཡ། ཨདྷ་ཏེ་སམྱཀཾ་བུདྡྷཱ་ཡ། ཏདྱ་ཐཱ། ཨོཾ་བཛྲ་བཛྲ། མ་ཧཱ་བཛྲ། མ་ཧཱ་ཏེ་ཛོ་བཛྲ། མ་ཧཱ་བིདྱ་བཛྲ། མ་ཧཱ་བོ་དྷི་ཙིཏྟ་བཛྲ། མ་ཧཱ་བོ་དྷི་མཎྜོ་པ་སཾ་ཀྲ་མ་ཎ་བཛེ་སརྦ་ཀརྨ་ཨ་པ་ར་ཎི་བི་ཤོ་དྷ་ན་བཛྲ་སྭཱ་ཧཱ་ཞེས་མཆོད་པའི་སྤྲིན་གྱི་གཟུངས་ལན་གསུམ་བརྗོད། འདུན་པ་རྩེ་གཅིག་པས། སཙྪ་རྣམས་རྣམ་པར་དེ་བཞིན་གཤེགས་པའི་ཆོས་སྐུའི་རྟེན་མཚན་ཉིད་ཐམས་ཅད་ཡོངས་སུ་རྫོགས་པ་རང་

― JKT021_Page_0506 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་རྡུལ་ཕྲ་རབ་རེ་རེ་བཞིན་ཡང་བཅོམ་ལྡན་འདས་རྣམ་པར་སྣང་མཛད་ཆེན་པོའི་སྐུར་བསམས་ལ། ཡན་ལག་བདུན་པའི་ཆོ་ག་རྒྱས་པར་བྱ་བའམ། བསྡུ་ན་བཟང་སྤྱོད་ནས་འབྱུང་བའི་ཡན་ལག་བདུན་པ་ཉིད་ལན་བདུན་སོགས་ཇི་ལྟར་རིགས་པར་བྱ། སྤྲོ་ན་མཆོད་པའི་ཡན་ལག་གི་མཇུག་ཏུ་མཆོད་སྤྲིན་གྱི་གཟུངས་དང་བཅས་ཏེ་རོལ་མོ་ཇི་སྙེད་པ་འབུད་དཀྲོལ་བྱ་ཞིང་མེ་ཏོག་གི་ཆར་དབབས། །སྨོན་ལམ་རྒྱས་པར་གདབ། དེ་ནས་རྣམ་པར་སྣང་མཛད་འོད་ཀྱི་རྒྱལ་པོའི་གཟུངས་དང་། ཀུན་རིག་དང་མི་འཁྲུགས་པའི་གཟུངས་སོགས་བཟླ་བཞིན་པས། རེ་ཞིག་མི་ཁྱིས་མི་འགོངས་པའི་ཆུའི་ཀློང་ལྟ་བུའི་སྟེང་དུ་སཱཙྪརྣམས་རེ་རེ་བཞིན་དུ་བཞུགས་སུ་གསོལ་ཞིང་། དགེ་བའི་རྩ་བ་འདིས་མཚོན་ཏེ་དུས་གསུམ་དུ་བསགས་པའི་དགེ་བའི་རྩ་བ་ཐམས་ཅད་སྦྱིན་པའི་བདག་པོ་འདི་ཞེས་བྱ་བའི་དགེ་བའི་རྩ་བར་གྱུར་ཅིག །འདི་ཁོ་ནས་གནས་སྐབས་སུ་ནད་གདོན་སྡིག་སྒྲིབ་ཚེའི་བར་དུ་གཅོད་པ་ཐམས་ཅད་ཉེ་བར་ཞི་བར་གྱུར་ཅིག །ཚེ་དང་བསོད་ནམས་ཡེ་ཤེས་ཐམས་ཅད་རྒྱས་པར་གྱུར་ཅིག །མཐར་ཐུག་རྣམ་པ་ཐམས་ཅད་མཁྱེན་པ་རྫོགས་པའི་སངས་རྒྱས་ཀྱི་གོ་འཕང་རིན་པོ་ཆེ་མྱུར་དུ་ཐོབ་པར་གྱུར་ཅིག །ཅེས་བརྗོད། གཤིན་པོའི་དོན་དུ་ཡིན་ན། ཚེ་ལས་འདས་པ་འདི་ཞེས་བྱ་བའི་དགེ་

― JKT021_Page_0507 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་རྩ་བར་གྱུར་ཅིག །འདི་ཁོ་ནས་ངན་སོང་གསུམ་གྱི་གནས་ལས་ཐར་ཏེ་བདེ་འགྲོ་མཐོ་རིས་སུ་སྐྱེ་བར་གྱུར་ཅིག །མཐར་ཐུག་རྣམ་པ་ཐམས་ཅད་མཁྱེན་པ་རྫོགས་པའི་སངས་རྒྱས་ཀྱི་གོ་འཕང་རིན་པོ་ཆེ་མྱུར་དུ་ཐོབ་པར་གྱུར་ཅིག །ཅེས་བརྗོད་དོ། །གང་གི་ཚེའང་ཡིད་ཀྱིས་དམིགས་པ་ནི། དེ་ལྟར་གཤེགས་སུ་གསོལ་བ་ནི། རྣམ་པར་སྣང་མཛད་ཀྱི་སྐུ་རྡུལ་ཕྲ་རབ་ཏུ་གྱུར་ཏེ་ཀླུའི་རྒྱལ་པོ་རྣམས་ཀྱིས་རྒྱ་མཚོ་ཆེན་པོར་མཆོད་པའི་ཡོ་བྱད་དུ་མ་དང་བཅས་ཏེ་སྤྱན་དྲངས་པའི་ཚེ། རྒྱ་མཚོའི་འགྲམ་དུ་གནས་པའི་དྲང་སྲོང་བདེན་ཚིག་གྲུབ་པ་རྣམས་ཀྱིས་ཀྱང་མངོན་པར་ཤེས་པས་དགོངས་ཏེ་སྨོན་ལམ་གྱི་མཐུན་འགྱུར་མཛད་པ། ས་བླའི་ལྷས་འོག་མིན་གྱི་བར་དུ་རྗེས་སུ་བསྒྲགས་ཤིང་། དེ་བཞིན་གཤེགས་པ་སྲས་དང་བཅས་པས་ཀྱང་བདེན་ཚིག་གིས་མཚམས་སྦྱར་བར་བསམ། མཐར་༧ གཤིན་དོན་ཡིན་ན། དེ་དག་གི་མཐུ་ལ་བརྟེན་ནས་ཚེ་འདས་ཉིད་ངན་སོང་ལས་གྲོལ་ཏེ་མཐོ་རིས་སུ་སྐྱེས་ཤིང་ལུས་ཀྱང་སྟོན་ནས་སངས་རྒྱས་ཀྱི་ཕྲིན་ལས་ལ་ཆེད་དུ་བརྗོད་པ། ཨེ་མ་སངས་རྒྱས་ཨེ་སངས་རྒྱས། །ཨེ་མ་སངས་རྒྱས་མཛད་པ་ལེགས། །གང་ཕྱིར་ངན་སོང་བདག་ཅག་སྦྱངས། །བྱང་ཆུབ་སྤྱོད་པ་ཉིད་ལ་བཞག །ཅེས་བརྗོད་ནས་མི་སྣང་བར་བསམ། གང་ལྟར་ཡང་བསྔོ་སྨོན་དང་

― JKT021_Page_0508 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིས་པར་བརྗོད་པས་བདེ་ལེགས་སུ་བྱ། མཆོད་པའི་ཡོ་བྱད་དམན་མ་རྣམས་ཆུ་བོར་དོར་ལ་ལས་ཀྱི་རྗེས་མི་མངོན་པར་བྱའོ། །དེ་ལས་ཀྱང་རྒྱས་པར་སྤྲོ་ན་སྦྱོར་བའི་སྐབས་སུ་ཉེ་ལོགས་ཅི་བདེ་བར་ཀླུའི་དཀྱིལ་འཁོར་དང་མཆོད་གཏོར་བཤམས། དངོས་གཞིའི་ཡན་ལག་བདུན་པ་ཡན་གོང་ལྟར་གྲུབ་ནས། རྡུལ་ཚོན་ཆུ་བོར་སྤྱན་འདྲེན་པའི་ཆོ་ག་ཇི་ལྟ་བར་མཆོད་པ་བྱིན་རླབས་དང་། མཎྜལ་བསྐྱེད་པ་ནས་མཆོད་བསྟོད་ནོངས་བཤགས་ཀྱི་བར་བྱ། དེ་ནས་ཀླུའི་རྒྱལ་པོ་ཁྱེད་རྣམས་ཀྱིས་མཆོད་རྟེན་བྱིན་རླབས་ཅན་འདི་རྣམས་རྒྱ་མཚོ་ཆེན་པོར་སྤྱན་དྲངས་ལ་སེམས་ཅན་དཔག་ཏུ་མེད་པ་ལ་ཕན་པ་རྒྱ་ཆེན་པོ་འབྱུང་བ་དང་། འཇིག་རྟེན་གྱི་ཁམས་སུ་ལོ་ཕྱུགས་རྟག་ཏུ་ལེགས་པ་དང་། ཁྱད་པར་བདག་དང་སྦྱིན་པའི་བདག་པོའི་ནད་གདོན་སྡིག་སྒྲིབ་ཚེའི་བར་དུ་གཅོད་པ་ཐམས་ཅད་ཉེ་བར་ཞི་བ་དང་། ཚེ་དང་བསོད་ནམས་ཡེ་ཤེས་ཐམས་ཅད་འཕེལ་ཞིང་རྒྱས་པ་དང་། མཐུན་རྐྱེན་ཐམས་ཅད་ཡིད་བཞིན་དུ་འགྲུབ་པའི་ཕྲིན་ལས་རྒྱ་ཆེན་པོ་མཛད་དུ་གསོལ། ཞེས་དང་། གཤིན་དོན་ཡིན་ན་གཞན་གོང་བཞིན་ལ། ཁྱད་པར་ཚེ་ལས་འདས་པ་འདི་ཞེས་བྱ་བའི་སྡིག་སྒྲིབ་བར་ཆད་ཐམས་ཅད་ཞི་བ་དང་། ཐར་པ་དང་ཐམས་ཅད་མཁྱེན་པའི་གོ་འཕང་བསྒྲུབ་པའི་མཐུན་རྐྱེན་ཐམས་ཅད་ཡིད་

― JKT021_Page_0509 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་དུ་འགྲུབ་པར་མཛད་དུ་གསོལ། ཞེས་འདོད་དོན་གསོལ། རྣམ་སྣང་གི་གཟུངས་བཟླས་ནས། གཤེགས་སུ་གསོལ་སྨོན་ལམ་གདབ་པ་སོགས་གོང་བཞིན་གྱི་མཐར། ཀླུ་རྣམས་གཤེགས་སུ་གསོལ་བ་དང་། བསྔོ་སྨོན་དང་ཤིས་པ་རྒྱས་པར་བརྗོད། ལས་ཀྱི་རྗེས་མི་མངོན་པར་བསྡུའོ། །དེ་ལྟར་ཆོ་ག་རྒྱས་བསྡུས་གང་ཡང་རུང་བ་བགྱིས་པས་ཇི་སྐད་སྨོན་པའི་ཕན་ཡོན་ཐམས་ཅད་འབྱུང་བར་འགྱུར་རོ། །སྤྱིར་སཱཙྪ་བསྒྲུབས་ཟིན་ནས་ཆུ་ཀླུང་དུ་སྤྱན་དྲངས་པ་དང་། ལམ་གྱི་གཞི་མདོར་མཆོད་རྟེན་དུ་བཞུགས་སུ་གསོལ་བའི་ཚུལ་གཉིས་སུ་གསུངས་པ་ལས། གང་ཟག་ཐུན་མོང་བ་ལ་ཆུ་ཀླུང་དུ་སྤྱན་དྲངས་པ་ཉིད་ལེགས་ཤིང་། ཅིས་ཀྱང་མ་གྲུབ་ན་བྲག་ཕུག་སོགས་དབེན་པའི་གནས་སུ་ལེགས་པར་བཞུགས། ཁྱད་པར་ཅན་ལ་མཆོད་རྟེན་དངོས་སམ། གདུགས་དང་རྒྱལ་མཚན་བ་དན་གྱིས་བརྒྱན་པའི་ཁང་བུ་བརྩེགས་པའི་མཆོད་རྟེན་དུ་བཀུར་སྟི་དང་བཅས་ཏེ་བཞུགས་སུ་གསོལ་བར་བྱའོ། །གལ་ཏེ་སྐྲ་སེན་སོགས་བསྲེགས་པ་ཙམ་ལས་སཱཙྪ་མ་གྲུབ་ན། ཐལ་བའམ་རུས་པ་གང་ཡིན་ཀྱང་རུང་སྟེ་ཤིན་ཏུ་ཞིབ་པར་བཏགས་པ་ལ་ཙནྡན་དང་། གུར་གུམ་དང་། སྤོས་ཀྱི་རིགས་དྲི་ཞིམ་པོ་རྣམས་དང་། དཀྱིལ་འཁོར་ཆེན་པོའི་རྡུལ་ཚོན་དང་། བྱེ་མའམ་ཡུངས་དཀར་

― JKT021_Page_0510 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་ལ་ཀུན་རིག་དང་། མི་འཁྲུགས་པའི་གཟུངས། གཞན་ཡང་སྒྲིབ་སྦྱང་གི་གཟུངས་སྔགས་ཁྱད་པར་ཅན་མང་དུ་བཏབ་པ་བཅས་ལྷན་ཅིག་ཏུ་བསྲེས་ལ་རིན་པོ་ཆེའི་སྣོད་དུ་བླུགས། གཟུངས་སྔགས་ཁྱད་པར་ཅན་བཟླ་བཞིན་པས་རྒྱ་མཚོར་འབབས་པའི་ཆུ་ཀླུང་དུ་དོར་ལ་ཀླུ་རྣམས་ཀྱིས་མཆོད་པའི་ཕྱིར་སྤྱན་དྲངས་པ་སོགས་སྔར་བཞིན་དུ་དམིགས་ཏེ་སྨོན་ལམ་གྱིས་རྒྱས་བཏབ་པས་ཀྱང་ཐལ་བ་དེས་གང་ལ་རེག་པའི་སེམས་ཅན་དང་དམིགས་ཡུལ་གཉིས་ཀ་ངན་སོང་ལས་གྲོལ་བར་ཐལ་བ་ཆུ་བོར་འདོར་བ་ནི་སྦྱོང་རྒྱུད་ཀྱི་དངོས་བསྟན་ཡིན་ལ། གསུངས་སོ། །འདི་དག་སྐབས་འདི་ཙམ་དུ་མ་ཟད། ཀུན་རིག་དང་། མི་འཁྲུགས་སོགས་ཀྱི་སྒོ་ནས་རུས་པ་བསྲེག་སྦྱངས་དང་། སཱཙྪའི་ཆོ་ག་ཚུལ་བཞིན་དུ་བྱས་པ་ཆུ་བོར་གཞན་དུ་ལེགས་པར་བསྔགས་པའི་ཐལ་བ་རི་ཆེན་པོའི་རྩེར་རླུང་ལ་བསྐུར་བས་ཀྱང་ཕན་ཡོན་འདྲ་བར་གསུངས་སོ། །སྤྱན་འདྲེན་པའི་སོགས་གང་ལའང་སྦྱར་དུ་རུང་བས་ཅུང་ཟད་སྤྲོས་ཏེ་བྲིས་པ་ཡིན་ལ། ཁུངས་དང་ཕན་ཡོན་སོགས་རྒྱས་པར་ནི་འཕགས་པ་ལས་ཀྱི་སྒྲིབ་པ་རྣམ་པར་སྦྱོང་བའི་གཟུངས་དང་། སྦྱོང་རྒྱུད་སོགས་ལས་ཤེས་པར་བྱས་ནས་ཡིད་ཆེས་ཀྱི་མོས་པ་བརྟན་པོ་བསྒྲུབས་ན་ཇི་སྐད་བཤད་པའི་ཕན་ཡོན་ཐམས་ཅད་འབྱུང་བ་ནི་ངེས་པའོ། །ཞེས་པའང་བྱ་བྲལ་བ་མཉྫུགྷོ་ཥས་གཞན་ཕན་གྱི་

― JKT021_Page_0511 ―

^{[མ་དཔེ་གཟིགས་ན་འདིར་གནོན།]}

[Full Size]

བསམ་པ་བཟང་པོ་ཁོ་ནས་སྣང་གསལ་ཞིག་གི་ངོགས་སུ་ཤར་མར་བྲིས་པའི་དགེ་བས་འགྲོ་ཀུན་གནས་སྐབས་དང་མཐར་ཐུག་གི་སྒྲིབ་གཉིས་བག་ཆགས་དང་བཅས་པ་ཐམས་ཅད་ཉེ་བར་ཞི་བ་དང་། ཕན་པ་དང་བདེ་བའི་ཉེར་འཚོ་བླ་ན་མེད་པར་གྱུར་ཅིག། །།

མཆོད་སྦྱིན་གཏོར་མའི་རྣལ་འབྱོར་ཉུང་གསལ་ཁྱེར་བདེ་ཚོགས་གཉིས་ལམ་བཟང་།

― JKT021_Page_0513 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །མཆོད་སྦྱིན་གཏོར་མའི་རྣལ་འབྱོར་ཉུང་གསལ་ཁྱེར་བདེ་ཚོགས་གཉིས་ལམ་བཟང་ཞེས་བྱ་བ་བཞུགས་སོ།། །།

― JKT021_Page_0514 ―

^{[མ་དཔེ་གཟིགས་ན་འདིར་གནོན།]}

[Full Size]

ཀེ་ཤཱ་རཱ་ཡ། འདིར་ཚེགས་ཆུང་ཞིང་དོན་ཆེ་བ་མཆོད་སྦྱིན་གཏོར་མའི་རྣལ་འབྱོར་ཉམས་སུ་བླང་བར་འདོད་པས་གནས་གཙང་མར་གཏོར་མའི་ཡོ་བྱད་རྣམས་ཕྱག་ལེན་བཞིན་བཤམ། །ཨ་མྲྀ་ཏས་བསང་། སྭ་བྷ་ཝས་སྦྱང་། སྟོང་པའི་ངང་ལས་ཨོཾ་ཡིག་ལས། །བྱུང་བའི་རིན་ཆེན་སྣོད་ཡངས་སུ། །མཆོད་གཏོར་དྭངས་ཤིང་ཐོགས་མེད་པ། །ནམ་མཁའི་ཁམས་ཀུན་ཁྱབ་པར་གྱུར། །ཨོཾ་བཛྲ་ཨརྒྷཾ་ཨཱ༔ཧཱུྃ་ནས། ཤབྡ་ཨཱཿཧཱུྃ་གི་བར་དང་། ཨོཾ་བཛྲ་དྷརྨཱ་ར་ཎི་ཏ་སོགས་ལན་གསུམ་བརྗོད་ཅིང་ཏིང་ཤག་དཀྲོལ། སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །ཞེས་སོགས་ལན་གསུམ་གྱིས་སྐྱབས་སེམས་དང་། སེམས་ཅན་ཐམས་ཅད་བདེ་བ་དང་སོགས་ཀྱིས་ཚད་མེད་བཞི་བསྒོམ། སྭ་བྷ་ཝས་སྟོང་པར་སྦྱངས་པའི་ངང་། ཧྲཱིཿལས་

― JKT021_Page_0515 ―

^{[མ་དཔེ་གཟིགས་ན་འདིར་གནོན།]}

[Full Size]

རང་ཉིད་འཕགས་མཆོག་སྙིང་རྗེའི་གཏེར། །ཟླ་མདོག་ཕྱག་གཡས་མཆོག་སྦྱིན་གཡོན་པད་དཀར། །ཞབས་གཉིས་སེམས་སྐྱིལ་པད་ཟླའི་གདན་ལ་རོལ། །དར་དང་རིན་ཆེན་རྒྱན་མཛེས་གསལ་བར་གྱུར། །ཨོཾ་མ་ཎི་པདྨེ་ཧཱུྃ། ཅི་ནུས་བཟླ། རང་ཉིད་འཕགས་པའི་ཐུགས་ནས་འོད་འཕྲོས་པས། །བླ་མ་མཆོག་གསུམ་ཡི་དམ་ཆོས་སྲུང་དང་། །གདོན་བགེགས་ལན་ཆགས་རིགས་དྲུག་བར་དོ་སོགས། །མཆོད་སྦྱིན་མགྲོན་རྣམས་བཛྲ་ས་མཱ་ཛཿ ཞེས་པས་སྤྱན་དྲང་། པདྨ་ཀ་མ་ལཱ་ཡ་ཧཱུཾ་གྱིས་གདན་འབུལ། ཨོཾ་བཛྲ་ཨརྒྷཾ་སོགས་ཀྱིས་སྤྱིར་མཆོད། ཕྱག་བྱར་འོས་པ་སོགས་ཀྱིས་བསྟོད། དེ་ནས་ཆུ་སྦྱིན་ནི། སྐྱོན་གྱིས་མ་གོས་སོགས་ཀྱི་མཐར། ཨོཾ་ཨཱཿཧཱུཾ། ཨོཾ་ཨཱཧྲཱིཿཧཱུཾ། ཨོཾ་མ་ཎི་པདྨེ་

― JKT021_Page_0516 ―

^{[མ་དཔེ་གཟིགས་ན་འདིར་གནོན།]}

[Full Size]

ཧཱུྃ༔ ཨོཾ་ཛྭ་ལ་མེ་དཾ་སརྦ་པྲ་ཏེ་སྭཱ་ཧཱ། ཞེས་པས་སྦྱིན། འཕགས་པ་སྤྱན་རས་གཟིགས་དབང་གི །ཕྱག་ནས་བབས་པའི་འོ་རྒྱུན་གྱིས། །ཡི་དྭགས་རྣམས་ནི་ཚིམ་བྱས་ནས། །ཁྲུས་བྱས་རྟག་ཏུ་བསིལ་བར་ཤོག །ཅེས་སྨོན་ལམ་གདབ། ཛམྦྷ་ལའི་ཆུ་སྦྱིན་ནི། མདུན་དུ་པད་ཟླའི་གདན་སྟེང་རྨུགས་འཛིན་སེར། །ཕྱག་གཉིས་གང་བའི་འབྲས་བུ་ནེའུ་ལེ་བསྣམས། །རིན་ཆེན་རྒྱན་སྤྲས་དུང་དང་པད་གཏེར་མནན། །གཡོན་དུ་རྨུགས་འཛིན་མཐིང་ནག་ཐོད་པ་དང་། །ནེའུ་ལེ་བསྣམས་ནོར་བདག་གདན་སྟེང་དུ། །གཡོན་བརྐྱང་གིས་བཞུགས་ཀླུ་ཆེན་བརྒྱད་ཀྱིས་བརྒྱན། །བདག་གི་ལག་མཐིལ་རིགས་ལྔའི་ས་བོན་ལས། །བབས་པའི་བདུད་རྩིས་མཆོག་ཏུ་དགེས་པར་གྱུར། །ཨོཾ་ཛམྦྷ་ལ་ཛ་ལེནྡྲ་ཡ་སྭཱ་ཧཱ། བརྒྱ་རྩ། ཨོཾ་ཨིནྡྲ་ནི་མུ་ཁཾ་བྷ་མ་རཱི་སྭཱ་ཧཱ། ལན་གསུམ། ཨོཾ་ཛམཾ་སྭཱ་ཧཱ་བརྒྱ་རྩས་ཆུ་སྦྱིན། གཏོར་མ་ཨོཾ་ཨཱཿཧཱུྃ་ལན་གསུམ་གྱིས་བརླབ། ཨོཾ་ཛམྦྷ་ལ་ཛ་ལེནྡྲ་ཡ་ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། །ཞེས་ལན་གསུམ་དང་། ཨོཾ་ཛམཾ་ས་པ་རི་ཝཱ་ར་ཨི་དཾ་སོགས་ལན་གསུམ་གིས་ཕུལ། ཨརྒྱུ་སོགས་ཀྱིས་མཆོད། ནོར་གྱི་དབང་ཕྱུག་རིན་ཆེན་གཏེར་མངའ་ཞིང་། །གནོད་སྦྱིན་ནོར་འཆང་མང་པོ་ཀུན་གྱི་རྗེ། །བྱང་ཕྱོགས་སྐྱོང་བའི་མགོན་པོ་ཛམྦྷ་ལ། །དངོས་གྲུབ་མཆོག་སྩོལ་མཛད་ལ་ཕྱག་འཚལ་ལོ། །ཨོཾ་ཛམྦྷ་ལ་སིདྡྷི་

― JKT021_Page_0517 ―

^{[མ་དཔེ་གཟིགས་ན་འདིར་གནོན།]}

[Full Size]

ཕ་ལ་ཧོ༔ ཞེས་པས་དངོས་གྲུབ་བླང་། དེ་ནས་བརྒྱ་རྩ་དངོས་ལ་འཇུག་པ་ནི། ཨ་མྲྀ་ཏས་བསང་། སྭ་བྷ་ཝས་སྦྱང་། སྟོང་པའི་ངང་ལས་ཨོཾ་ཡིག་ལས། །བྱུང་བའི་རིན་ཆེན་སྣོད་ཡངས་སུ། །འབྲུ་གསུམ་འོད་དུ་ཞུ་བ་ལས། །གཏོར་མ་བདུད་རྩིའི་རྒྱ་མཚོར་གྱུར། །ཨོཾ་ཨཱཿཧཱུཾ། ལན་གསུམ། ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སཾ་བྷ་ར་སཾ་བྷ་ར་ཧཱུཾ། ཞེས་དང་། ཨནྡྷཾ་སོགས། གཏོར་མ་འདོད་ཡོན་བདུད་རྩིའི་རྒྱ་མཚོ་འདི། །བྱིན་རླབས་འབྱུང་གནས་རྩ་བརྒྱུད་བླ་མ་དང་། །ཡི་དམ་ཞི་ཁྲོ་རྒྱལ་བ་སྲས་བཅས་སོགས། །སྐྱབས་གནས་དཀོན་མཆོག་རིན་ཆེན་རྣམ་པ་གསུམ། །དཔའ་བོ་མཁའ་འགྲོ་དམ་ཅན་སྲུང་མ་དང་། །བདེན་ཚིག་གྲུབ་པའི་ལྷ་མིའི་དྲང་སྲོང་མཆོག །དགོས་འདོད་ཆར་འབེབས་ནོར་ལྷའི་ཚོགས་བཅས་ལ། །འབུལ་ལོ་བཞེས་ནས་མཆོག་ཐུན་དངོས་གྲུབ་སྩོལ། །ཨོཾ་ཨཱཿཧཱུྃ་གསུམ། སམྦྷ་ར་དང་། བདེ་གཤེགས་རིན་ཆེན་མང་དང་གཟུགས་དམ་པ། །འབྱམས་ཀླས་འཇིགས་ཀུན་བྲལ་ལ་ཕྱག་འཚལ་ལོ། །འདོད་ཡོན་ལྔ་ལྡན་མཆོད་སྦྱིན་གཏོར་མ་འདི། །དཀར་ཕྱོགས་སྐྱོང་བའི་གཞི་བདག་གནོད་སྦྱིན་སྡེ། །གདོན་བགེགས་འབྱུང་པོ་རིགས་དྲུག་སྙིང་རྗེའི་ཡུལ། །ཁྱད་པར་ཡི་དྭགས་འགྲོ་དང་ལན་ཆགས་མགྲོན། །ལྷག་མ་བཤལ་ཆུ་རེ་བ་ཀུན་ལ་བསྔོ། །རྟག་ཏུ་ཕན་བདེའི་དགའ་

― JKT021_Page_0518 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོན་རྒྱས་གྱུར་ཅིག །དེ་ནས་དབྱུ་གུ་དྲུག་ཅུ་རྩ་བཞིའི་གཏོར་མ་ནི། ཨོཾ་ཨཱཿཧཱུྃ་གསུམ་གྱིས་བརླབ། ཨ་ཀཱ་རོ་ལན་དྲུག་ཅུ་རྩ་བཞིས་བསྔོས་ལ། གཏོར་མ་འདོད་ཡོན་བདུད་རྩིའི་རྒྱ་མཚོ་འདི། །རྡོ་རྗེ་ལྷ་མོ་དྲུག་ཅུ་རྩ་བཞི་ལ། །འབུལ་ལོ་བཞེས་ནས་དབྱུ་གུ་དྲུག་ཅུ་བཞིས། །དུས་ཀྱི་བར་ཆད་ཐམས་ཅད་སྲུང་བར་མཛོད། །དེ་ནས། ཆོས་རྣམས་ཐམས་ཅད་རྒྱུ་ལས་བྱུང་། །ཞེས་སོགས་ཀྱིས་ཆོས་སྦྱིན་དང་། འཇིག་རྟེན་འདས་དང་མ་འདས་པའི། །མཆོད་སྦྱིན་ཡུལ་གྱུར་མགྲོན་ཀུན་གྱིས། །རྣལ་འབྱོར་བདག་ཅག་འཁོར་བཅས་ཀྱཻ། །ཡིད་ལ་འདོད་པ་ཀུན་འགྲུབ་ཤོག །ཅེས་པས་ཕྲིན་ལས་གཞོལ། ཡི་གེ་བརྒྱ་པས་ལྷག་ཆད་ཁ་བསྐང་། མ་འབྱོར་པ་དང་ཉམས་པ་དང་། །སོགས་ཀྱིས་ནོངས་པ་བཟོད་པར་གསོལ། ཨོཾ་ཁྱེད་ཀྱིས་སེམས་ཅན་དོན་ཀུན་མཛད་སོགས་ནས། བཛྲ་མུ༔ སརྦ་བྷུ་ཏ་གཙྪ༔ སརྦ་པྲ་ཏ་གཙྪ ཞེས་པས་གཏོར་མགྲོན་གཤེགས། རང་གི་གནས་གསུམ་དུ་ཨོཾ་ཨཱཿཧཱུྃ་གིས་མཚན་པར་མོས་ལ། དགེ་བ་འདི་ཡིས་སྐྱེ་བོ་ཀུན། །ཞེས་སོགས་བསྔོ་སྨོན་དང་། སྟོན་མཆོག་དམ་པ་སོགས་ཤིས་པ་བརྗོད་པ་ཇི་ལྟར་རིགས་པས་མཐའ་བརྒྱན་པར་བྱའོ། །ཞེས་པའང་བློ་གྲོས་དམན་ཞིང་རྣམ་པར་གཡེང་བའི་གཞན་དབང་དུ་གྱུར་པ་རྣམས་ཀྱི་དགེ་ཚོགས་རླབས་པོ་ཆེ་མྱུར་དུ་འདུམས་པའི་ཐབས་མཁས་འདིའང་བྱ་བྲལ་བ་མཁྱེན་བརྩེའི་དབང་པོས་ཡོན་ཏན་རིན་པོ་ཆེ་དུ་མའི་འབྱུང་གནས་དཔལ་ཨེ་ཝཾ་ཆོས་ལྡན་གྱི་བླ་བྲང་ཐར་པ་རྩེར་སྦྱར་བའི་དགེ་བས་འགྲོ་ཀུན་འཕགས་

― JKT021_Page_0519 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག་ཕྱག་ན་པདྨོའི་གོ་འཕང་ལ་འགོད་པའི་རྒྱུར་གྱུར་ཅིག །སརྦ་དཱ་ཤྲཱི་ཡོ་བྷ་བ་ཏུ།། །།

བསང་མཆོད་ཉུང་ངུར་བསྡུས་པ་བསོད་ནམས་སྤྲིན་གྱི་རྔ་གསང་།

― JKT021_Page_0521 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །བསང་མཆོད་ཉུང་ངུར་བསྡུས་པ་བསོད་ནམས་སྤྲིན་གྱི་རྔ་གསང་ཞེས་བྱ་བ་བཞུགས་སོ།། །།

― JKT021_Page_0522 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །ན་མོ་གུ་རུ་ལོ་ཀེ་ཤྭ་རཱ་ཡ། འདིར་བསང་མཆོད་མདོར་བསྡུས་བྱ་བའི་ཚུལ་ལ། གནས་གཙང་མར་མཆོད་པའི་ཡོ་བྱད་རྣམས་ཕྱག་ལེན་བཞིན་བཤམ། སྐྱབས་ཡུལ་གསལ་བཏབ་སྟེ། སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །བྱང་ཆུབ་བར་དུ་བདག་ནི་སྐྱབས་སུ་མཆི། །བདག་གིས་མཆོད་སྦྱིན་བགྱིས་པའི་བསོད་ནམས་ཀྱིས། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ལན་གསུམ་གྱིས་སྐྱབས་སེམས་དང་། སེམས་ཅན་ཐམས་ཅད་བདེ་བ་དང་སོགས་ཀྱི་ཚད་མེད་བཞི་བསྒོམས་པས་བསོད་ནམས་ཀྱི་ཚོགས་དང་། སྲ་བྷུ་ཝ་སོགས་བརྗོད་པས་ཡེ་ཤེས་ཀྱི་ཚོགས་བསགས་པ་སྔོན་དུ་འགྲོ་བས་རང་ཉིད་ལྷར་གསལ་བ་ནི། སྟོང་པའི་ངང་ལས་པད་དཀར་ཟླ་བའི་སྟེང་། །ཧཱུྃལས་རང་ཉིད་འཕགས་པ་སྤྱན་རས་

― JKT021_Page_0523 ―

^{[མ་དཔེ་གཟིགས་ན་འདིར་གནོན།]}

[Full Size]

གཟིགས། །ཟླ་མདོག་ཕྱག་གཡས་མཆོག་སྦྱིན་གཡོན་པད་དཀར། །ཞི་འཛུམ་དར་དང་རིན་ཆེན་རྒྱན་གྱིས་མཛེས། །དེ་ལྟར་གསལ་བའི་ཐུགས་ཀའི་ཧྲཱིཿཡིག་ལས། །འཕྲོས་པའི་འོད་ཀྱིས་མགྲོན་རྣམས་སྤྱན་དྲངས་གྱུར། །འོག་མིན་ཞིང་དང་ཉི་ཤུ་རྩ་བཞིའི་ཡུལ། །ཁམས་གསུམ་རིགས་དྲུག་སོ་སོའི་རང་གནས་ནས། །བདུད་རྩི་བསང་གི་དགའ་སྟོན་བཞེས་སླད་དུ། །མཆོད་སྦྱིན་མགྲོན་རྣམས་སྤྱན་འདྲེན་གཤེགས་སུ་གསོལ། །བཛྲ་ས་མཱ་ཛཞེས་བརྗོད་པས། མགྲོན་རྣམས་མདུན་གྱི་ནམ་མཁར་མངོན་སུམ་ལྟ་བུར་གཤེགས་པར་བསམས་ལ། པདྨ་ཀ་མ་ལཱ་ཡ་ཧཱུཾ་གྱིས་གདན་འབུལ། དེ་ནས་བསང་རྫས་རྣམས་ལ་དམིགས་ཏེ། ཨ་མྲྀ་ཏས་བསང་། སྭ་བྷ་

― JKT021_Page_0524 ―

^{[མ་དཔེ་གཟིགས་ན་འདིར་གནོན།]}

[Full Size]

ཝས་སྦྱང་། སྟོང་པའི་ངང་ལས་ཧཱུྃ་ཡིག་ལས་བྱུང་བའི། །རིན་ཆེན་སྣོད་དུ་འབྲུ་གསུམ་ཞུ་བ་ལས། །བསང་རྫས་ཟག་མེད་འདོད་ཡོན་བདུད་རྩིའི་སྤྲིན། །མི་ཟད་ནམ་མཁའི་མཛོད་ཀྱི་འཁོར་ལོར་གྱུར། །ཨོཾ་ཨཱཿཧཱུཾ། ལན་བདུན་གྱིས་བརླབས་ནས། དངོས་གཞི་ནི། གཟོད་ནས་རྣམ་གྲོལ་འོད་གསལ་གཉུག་མའི་གཤིས། །སྐྱེ་འགག་གནས་གསུམ་སྤྲོས་པ་ཀུན་བྲལ་ཡང་། །བདེ་ཆེན་ཉམས་བརྒྱར་འཆར་བའི་རོལ་རྩེད་ལས། །མ་དག་སྣང་བ་དབྱིངས་སུ་ཐིམ་པའི་རྩལ། །ཕྱི་སྣོད་གྲུབ་པའི་ས་འཛིན་ཉམས་དགའ་བ། །ཞིང་ཁམས་རྒྱ་མཚོའི་བཀོད་པས་མཛེས་པའི་གཞིར། །ཕུན་ཚོགས་འདོད་པའི་ཡོན་ཏན་རྣམ་མང་པོ། །འབར་བའི་མེ་དང་མཉམ་པར་སྦྱོར་བ་ལས། །བྱུང་བའི་ལོངས་སྤྱོད་མི་ཟད་ནམ་མཁའི་མཛོད། །ཟག་མེད་བསང་མཆོད་བདུད་རྩིའི་སྤྲིན་ཕུང་འདིས། །རིགས་ཀུན་ཁྱབ་བདག་རྩ་།བའི་བླ་མ་དང་། །རྒྱ་བོད་བརྒྱུད་པའི་བླ་མ་ཐུགས་རྗེ་ཅན། །མཁས་དང་གྲུབ་པའི་འཁོར་ལོས་སྒྱུར་བ་རྣམས། །བསང་ངོ་མཆོད་དོ་བདག་རྒྱུད་བྱིན་གྱིས་རློབས། །བྱ་སྤྱོད་རྣལ་འབྱོར་བླ་མེད་རྒྱུད་སྡེ་1 དང་། །འབྲེལ་བའི་ཡི་དམ་ཞི་ཁྲོའི་དཀྱིལ་འཁོར་ལྷ། །མ་ལུས་ལུས་པ་མེད་པ་ཐམས་ཅད་ཀུན། །བསང་ངོ་མཆོད་དོ་དངོས་གྲུབ་རྣམ་གཉིས་སྩོལ། །གང་ཞིག་སྐད་ཅིག་ཡིད་ལ་དྲན་པས་ཀྱང་། །

― JKT021_Page_0525 ―

^{[མ་དཔེ་གཟིགས་ན་འདིར་གནོན།]}

[Full Size]

སྲིད་དང་ཞི་བའི་འཇིགས་ཀུན་སྐྱོབ་མཛད་པ། །བླ་མེད་དཀོན་མཆོག་རིན་ཆེན་རྣམ་པ་གསུམ། །བསང་ངོ་མཆོད་དོ་ཕན་བདེའི་དགའ་སྟོན་སྤེལ། །ཞིང་སྐྱེས་སྔགས་སྐྱེས་ལྷན་ཅིག་སྐྱེས་པ་ཡི། །གནས་གསུམ་དཔའ་བོ་དང་ནི་རྣལ་འབྱོར་མ། །ཡེ་ཤེས་ལས་གྲུབ་ཌཱ་ཀིའི་ཚོགས་རྣམས་ཀུན། །བསང་ངོ་མཆོད་དོ་བར་ཆད་སེལ་བར་མཛོད། །བདེ་ཆེན་ཐིག་ལེ་གཅིག་གི་རྣམ་རོལ་ལས། །ཞི་ཆགས་ཁྲོ་བོའི་ཉམས་འགྱུར་མཐའ་ཀླས་པའི། །རྡོ་རྗེའི་ཆོས་སྲུང་གནོད་སྦྱིན་ནོར་ལྷའི་ཚོགས། །བསང་ངོ་མཆོད་དོ་ཕྲིན་ལས་རྣམ་བཞི་སྒྲུབས། །ཁྱད་པར་གྲུབ་པའི་སློབ་དཔོན་མཚོ་སྐྱེས་རྗེས། །བོད་ཁམས་སྐྱོང་བའི་རྗེ་མོར་མངའ་གསོལ་བ། །བརྟན་མ་བཅུ་གཉིས་འཁོར་དང་བཅས་པ་ཀུན། །བསང་ངོ་མཆོད་དོ་གངས་ལྗོངས་བདེ་སྐྱིད་སྤེལ། །གཉུག་མར་གནས་དང་གློ་བུར་ལྷགས་པ་ཡི། །ཡུལ་ལྷ་གཞི་བདག་བགེགས་རིགས་ལན་ཆགས་དང་། །སྙིང་རྗེའི་ཡུལ་གྱུར་རིགས་དྲུག་མགྲོན་རྣམས་ཀུན། །བསང་ངོ་མཆོད་དོ་མཐུན་རྐྱེན་ཡིད་བཞིན་སྒྲུབས། །དེ་ལྟར་རྣམ་བཞིའི་མགྲོན་རིགས་ཐམས་ཅད་ལ། །བདུད་རྩི་བསང་གི་མཆོད་པ་ཕུལ་བའི་མཐུས། །ཉམས་གྲིབ་མི་གཙང་གདུང་བ་ཀུན་ཞི་ཞིང་། །དོན་གཉིས་དགའ་སྟོན་མཆོག་ཏུ་རྒྱས་པར་ཤོག །སྣོད་བཅུད་སྲིད་ཞིའི་ཕྱུ་གཡང་

― JKT021_Page_0526 ―

^{[མ་དཔེ་གཟིགས་ན་འདིར་གནོན།]}

[Full Size]

བུང་བའི་ཚོགས། །རྟེན་འབྲེལ་ཨུཏྤལ་གསར་པས་ཡོངས་བསྡུས་ནས། །འཇིག་རྟེན་འཇིག་རྟེན་འདས་པའི་དགེ་ལེགས་ཀྱཻ། །བཀྲ་ཤིས་སྣང་བས་རྟག་ཏུ་ཁྱབ་གྱུར་ཅིག །ཅེས་བརྗོད། ཡི་གེ་བརྒྱ་པས་ལྷག་ཆད་ཁ་བསྐངས་ཤིང་། མ་འབྱོར་པ་དང་སོགས་ཀྱིས་ནོངས་པ་བཟོད་པར་གསོལ། བཛྲ་མུས་མགྲོན་རྣམས་གཤེགས། སྦྱིན་པ་རྒྱ་ཆེན་གྱུར་པ་འདི་ཡིས་ནི། །སོགས་ཀྱིས་བསྔོ་སྨོན་དང་། སྟོན་མཆོག་དམ་པ་སོགས་ཤིས་པ་བརྗོད་པ་ཇི་ལྟར་རིགས་པས་མཐའ་བརྒྱན་པར་བྱའོ། །ཞེས་པའང་དཔལ་ཨེ་ཝཾ་ཆོས་ལྡན་ཐར་པ་ཆེན་པོའི་གྲོང་ཁྱེར་ནས་མདོ་ཁམས་ཤར་གྱི་ཕྱོགས་སུ་བསྐྱོད་པ་ལ་ཉེ་བའི་དུས་ཀྱི་དགེ་མཚན་ཕུན་སུམ་ཚོགས་པའི་ཉིན་རིག་པ་འཛིན་པ་མཁྱེན་བརྩེའི་དབང་པོས་ཤར་མར་སྤེལ་བའོ།། །།སརྦ་དཱ་ཀ་ལྱཱ་ཎཾ་བྷ་བ་ཏུ།། །།

གཏེར་ཆེན་པོའི་བུམ་པ་བཟང་པོ་སྒྲུབ་ཚུལ་སྤྱི་ལ་འཇུག་པ་ཤིན་ཏུ་མདོར་བསྡུས་འདོད་རྒུའི་ཆར་འབེབས།

― JKT021_Page_0527 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །གཏེར་ཆེན་པོའི་བུམ་པ་བཟང་པོ་སྒྲུབ་ཚུལ་སྤྱི་ལ་འཇུག་པ་ཤིན་ཏུ་མདོར་བསྡུས་འདོད་རྒུའི་ཆར་འབེབས་ཞེས་བྱ་བ་བཞུགས་སོ།། །།

― JKT021_Page_0528 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །ཨོཾ་སྭ་སྟི། རྒྱུད་སྡེ་རྣམས་སུ་གཏེར་ཆེན་པོའི་བུམ་པ་སྒྲུབ་ཚུལ་དང་། གཞུག་པའི་ཚུལ་ཇི་སྙེད་ཅིག་གསུངས་ཤིང་། ནོར་ལྷ་རྣམས་ཀྱི་བྲིས་སྐུ་དང་གཟུངས་སྔགས་ཀྱང་རིན་པོ་ཆེ་དང་འབྲུ་སྨན་སོགས་དཔལ་ཅན་གྱི་རྫས་དང་བཅས་ཏེ་བང་མཛོད་དུ་སྦ་བར་རྟོགས་པ་དང་མན་ངག་ལས་གསུངས་པ་དག་ཕན་ཚུན་སྦྱར་ཏེ་ཛམྦྷ་ལ་རིགས་ལྔ་དང་། ལྷ་མོ་བརྟན་མ། ཀླུ་ཆེན་དགུ་སོགས་ཀྱི་གཏེར་བུམ་སྒྲུབ་པའི་ཚུལ་ཇི་སྙེད་པ་ཞིག་བླ་མ་རྣམས་ཀྱིས་ཕྱག་ལེན་དུ་མཛད་པ་དམིགས་བསལ་སོ་སོའི་གཞུང་ནས་འབྱུང་བ་ལྟར་བྱ། རང་གཞུང་བུམ་པ་སྒྲུབ་ཚུལ་ཟུར་དུ་མེད་པའི་སྤྱི་ཁྱབ་ལ། ནོར་བུམ་རིགས་རྣམས་ཆེ་ཆུང་བྲེ་གང་ཤོང་བ་ལས་མི་ཆུང་བའི་རིན་པོ་ཆེའམ་རྫའི་བུམ་པ་གཙང་མ་ལྷ་སོ་སོའི་སྐུ་མདོག་དང་མཐུན་པའམ། དཀར་པོའི་ཚོན་གྱིས་ལེགས་པར་བསྒྱུར་བ་ལ་རྒྱས་པར་ཁོར་ཡུག་ཏུ་བཀྲ་ཤིས་རྟགས་བརྒྱད་སོགས་བྲི། བསྡུ་ན་མདུན་རྟགས་སུ་ནོར་བུ་དང་ས་བོན་

― JKT021_Page_0529 ―

^{[མ་དཔེ་གཟིགས་ན་འདིར་གནོན།]}

[Full Size]

ཙམ་བྲིས་པའི་ནང་དམིགས་བསལ་རང་རང་གི་གཞུང་ནས་འབྱུང་བ་ལྟར་དང་། སྤྱིར་བཏང་ཙམ་ལ་ཐིལ་དུ་ས་སྣ་ཆུ་སྣ་བྱིན་ཅན་བཀྲམ་པའི་སྟེང་། བྱ་རྒྱུད་ལུགས་ཀྱི་བུམ་རྫས་ཉེར་ལྔ་ཁྲོལ་བུའམ་རིལ་བུ། རིན་པོ་ཆེ་སྣ་ཚོགས། དུག་རིགས་མ་གཏོགས་པའི་སྨན་སྣ། འབྲུ་དཀར་རིགས་སྣ་ཚོགས། དར་ཟབ་དང་གོས་ཆེན། དཀར་གསུམ་མངར་གསུམ་སོགས་བཟའ་བཏུང་གི་ཕུད་གཙང་མ། རྟ་ཕྱུགས་ཀྱི་སྤུ་སྣ། བཀྲ་ཤིས་པའི་ཐབ་དང་ཁང་ས། ཞིང་ས་བཟང་པོའི་ས་སོགས་དཔལ་ཅན་གྱི་རྫས་དམ་ཚིག་མི་གཅིག་པས་མཚོན་སེལ་ཅན་གྱི་ལག་ནས་བྱུང་བ་མ་ཡིན་པས་ཕྱུར་བུར་བཀང་བའི་དབུས་སུ་རང་རང་གི་སྐུ་གཟུགས་དང་། སྔགས་བྱང་འདོད་གསོལ་དང་བཅས། སྲོག་འཁོར་རིགས་གང་ཡོད་རྣམས་ལག་ཚགས་དམ་པར་གཞུག །ཁ་འབྲུ་སྨན་བཟང་ཤིང་གི་ཕྱེ་མ་སོགས་ཀྱིས་དཀང་། རས་དཀར་པོས་བཅད། སྤྲོ་ན་འཁོར་ལོ་རྩིབས་བརྒྱད་དམ། རྡོ་རྗེ་རྒྱ་གྲམ་

― JKT021_Page_0530 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་བྲི། ཚོན་སྐུད་ཀྱིས་མགུལ་པ་བཅིངས་ལ་རྒྱབ་ཕྱོགས་སུ་སྒྲུབ་པ་པོའམ་སྦྱིན་བདག་གི་རྟགས་ཀྱིས་རྒྱས་གདབ། ས་བདག་དང་། ཁྱད་པར་ཀླུ་བུམ་རིགས་རྣམས་སྦྱིན་མེད་པའི་བག་ཕྱེ་སོགས་ཀྱི་དམ་དང་བཅས་དཀར་རྩི་བྱུག །མདུན་རྟགས་ནཱཾ་བྲི། ནང་གི་ཐིལ་དུ་ས་སྣ་ཆུ་སྣ་གཙང་མ་དཀྲམ། གླ་རྩི་སོགས་ཀླུ་ལ་གནོད་པའི་དྲིས་མ་ཕོག་པའི་འབྲུ་སྣ་གཙང་མ་སྤང་སྤོས་ཀྱིས་བུངས་བསྐྱེད་པའི་ཀླུ་སྨན་སོགས་ཀྱིས་བཀང་བའི་དབུས་སུ་རང་རང་གི་སྐུ་དང་སྔགས་བྱང་སོགས་གང་རིགས་གཞུག །ཁ་རས་དཀར་གཙང་མས་བཅད་ཅིང་མགུལ་ཆིངས་བྱ། དེ་ནས་གཞི་གཙང་མའི་སྟེང་དུ་བཀོད་ལ། མཐར་རང་རང་གི་གཞུང་ལས་བཤད་པའི་གཏོར་མ་དང་མཆོད་པ་བཤམ། བདག་བསྐྱེད་ནོར་བུམ་རིགས་ཕལ་ཆེར་ལ་རང་རང་གི་བདག་བསྐྱེད་དམ་ཕྱག་རྡོར་དང་། བརྟན་མ་དང་ཀླུ་བུམ་ལ་ཀླུ་དབང་རྒྱལ་པོའམ། སེང་གེ་སྒྲ་སོགས་གང་འོས་བཟླས་པ་དང་བཅས་པ་བྱ། ལས་བུམ་རྒྱས་བསྡུས་གང་རིགས་ཀྱིས་བསྒྲུབ་པའམ། ཨ་མྲྀ་ཏས་བསང་། སྭ་བྷ་བས་སྦྱང་། འཁོར་གྱི་སྟེང་དུ་ཧཱུཾ་ལས་རིན་པོ་ཆེའི་བུམ་པ་ཡངས་ཤིང་རྒྱ་ཆེ་བ། ལྟོ་བ་ལྡིར་བ། ཞབས་ཞུམ་པ། མགྲིན་པ་ཕྲ་བ། ཁ་གཡེལ་བ། མཆུ་འཕྱང་བ། ལྷ་རྫས་ཀྱི་གོས་ཀྱིས་མགུལ་བ་བཅིངས་པ། དཔག་བསམ་གྱི་ཤིང་གིས་ཁ་བརྒྱན་པ། ནང་ཆུ་དང་བཅུད་སྣ་ཚོགས་ཀྱིས་ཡོངས་སུ་གང་བའི་དབུས་སུ་ཟླ་བ་ལ་སྔགས་ཀྱི་ཕྲེང་བས་མཚན་པ། དེ་ལས་འོད་ཟེར་འཕྲོས། འཕགས་པ་མཆོད། །

― JKT021_Page_0531 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་ཅན་གྱི་དོན་བྱས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ཐུགས་རྗེའི་བྱིན་རླབས་ནུས་མཐུ་ཐམས་ཅད་བསྡུས་ནས་སྔགས་ཕྲེང་ལ་ཐིམ། དེ་ལས་བདུད་རྩིའི་རྒྱུན་བབས་པས་བུམ་པ་གང་བར་གྱུར། ཅེས་བརྗོད་ཅིང་། ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ། ཅེས་བཟླས་མཐར། སྔགས་ཕྲེང་གདན་དང་བཅས་པ་འོད་དུ་ཞུ་བ་ལས་བུམ་པའི་ཆུ་ནུས་པ་དང་ལྡན་པར་གྱུར། ཅེས་བརྗོད་ཅིང་བསམ། ཡང་ན་བསང་ཆུ། ཨ་མྲྀ་ཏའི་སྔགས་ཀྱིས་བརླབ། སྤྲོ་ན་སྦྱང་ཁྲུས་རྒྱས་པར་བྱ། དེ་ཙམ་མི་ནུས་ན། རང་གི་ཐུགས་ཀ་ནས་ཁྲོ་བོ་བདུད་རྩི་འཁྱིལ་པའི་ཚོགས་དཔག་ཏུ་མེད་པ་སྤྲོས་ཏེ་བགེགས་རྣམས་རྒྱང་རིང་དུ་བསྐྲད་པར་གྱུར་པའི་མོས་པས་ལས་སྔགས་དང་སུམྦྷ་བརྗོད་ཅིང་། གུ་གུལ་གྱིས་བདུག །ཡུངས་ཀར་གྱིས་བྲབ། ཇི་ལྟར་བལྟམས་པ་སོགས་སྔགས་དང་བཅས་པའི་ཁྲུས་གསོལ་མདོར་བསྡུས་དང་། དེ་དག་སྐུ་ལ་སོགས་སྐུ་ཕྱི་པ་རྣམས་བྱ་ཞིང་། བཀྲ་ཤིས་ཀྱི་ཚིགས་བཅད་དང་བཅས་མེ་ཏོག་འཐོར། དེ་ནས་མདུན་རྟེན། ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུཾ་ཕཊ་ཀྱིས་བསང་། ཨོཾ་སྭ་བྷཱ་བ་ཤུདྡྷསརྦ་དྷརཿསྭ་བྷཱ་བ་ཤུདྡྷོཉཧཾ་གིས་སྦྱང་། སྟོང་པའི་ངང་ལས་བུམ་པའི་བུམ་པ་གཅིག་ལས་མེད་ན། གྲངས་དང་མཉམ་པའི་སྟོང་པའི་ངང་ལས་པཾ་ལས་པདྨ་དང་སོགས་སྦྲེལ་ཞིང་། འོག་གི་ཚིག་ཀྱང་ཡངས་ཤིང་རྒྱ་ཆེ་བའི་ནང་དུ། ཞེས་བསྒྱུར་རོ། །པོ་ལས་པདྨ་དང་། ཨ་ལས་ཟླ་བའི་

― JKT021_Page_0532 ―

^{[མ་དཔེ་གཟིགས་ན་འདིར་གནོན།]}

[Full Size]

དཀྱིལ་འཁོར་གྱི་སྟེང་དུ་ཧཱུཾ་ལས་རིན་པོ་ཆེའི་བུམ་པ་ཡངས་ཤིང་རྒྱ་ཆེ་བ་རྣམས་ཀྱི་ནང་དུ། རིན་པོ་ཆེ་དང་འབྲུ་བཅུད་ཟས་ནོར་ཚོགས་ཀྱིས་ཡོངས་སུ་གང་བར་གྱུར། ཅེས་བརྗོད་ཅིང་བསམས་ལ། ཆོས་ཉིད་རྣམ་པར་དག་པའི་སྔགས་རྒྱས་སྤེལ་བ་ནི། ཐལ་མོ་ཁོང་སྟོང་དུ་སྙིང་གར་བཞག་ལ། ཨོཾ་སྭ་བྷཱ་བ་ཤུདྡྷསརྦ་དྷརྨཱསྭ་བྷཱ་བ་ཤུདྡྷོཉཧཾ། ཡོ་བྱད་མ་དག་པ་རྣམས་སྦྱངས་ཏེ་སྐྱོན་ཐམས་ཅད་དང་བྲལ་བར་གྱུར། ཅེས་བརྗོད་ཅིང་བསམ། ༧ དེ་བཞིན་དུ། ནམ་མཁའ་མཛོད་ཀྱི་སྔགས་རྒྱས་སྤེལ་བ་ནི། ཐལ་མོ་ཁོང་སྟོང་དུ་སྦྱར་བའི་ཚིགས་བར་པ་རྣམས་བཅགས་པ་དཔྲལ་བར་བཞག་ལ། ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷསརྦ་ཐཱ་ཁཾ་ཨུཏྤ་ཏེ་སྥ་ར་ཎ་ཨི་མཾ་ག་ག་ན་ཁཾ་སྭཱ་ཧཱ། མགྲོན་སོ་སོའི་མོས་པ་དང་མཐུན་པའི་ཡོ་བྱད་ཀྱིས་ནམ་མཁའི་ཁམས་ཁྱབ་པར་གྱུར། བདུད་རྩི་འཁྱིལ་བའི་སྔགས་རྒྱས་བསྒྱུར་བ་ནི། ཐལ་མོ་སྦྱར་བའི་ཁ་གྱེན་དུ་ཕྱེ་སྟེ་མཐེ་བོང་བསྣོལ་ལ། ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ། རྫས་རྣམས་མགྲོན་སོ་སོའི་སྡུག་བསྔལ་མཐའ་དག་ཞི་བར་བྱེད་པའི་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། རྒྱ་ཆེན་ཤུགས་ལྡན་འོད་ཀྱི་སྔགས་རྒྱས་སྤྱོད་པར་དབང་བ་ནི། གཡས་ཁུ་ཚུར་བཅངས་པའི་མཛུབ་མོ་བསྒྲེངས། གཡོན་རྡོ་རྗེ་ཁུ་ཚུར་སྙིང་གར་བཞག་ལ། ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུྃ། འཕགས་པ་རྣམས་ཀྱི་སྤྱན་སྔར་མཆོད་པའི་སྤྲིན་མཐའ་ཡས་པ་དང་། སེམས་ཅན་རྣམས་ཀྱི་དབང་

― JKT021_Page_0533 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་ལྔའི་སྤྱོད་ཡུལ་དུ་འདོད་པའི་ལོངས་སྤྱོད་ཟད་མི་ཤེས་པ་འབྱུང་བར་གྱུར། ཡེ་ཤེས་སྐར་མདའི་སྔགས་རྒྱས་ཐོབ་པར་བྱ་བ་ནི། གཡས་ཁུ་ཚུར་བཅངས་བ་སྙིང་གར་བཞག །གཡོན་མཐེ་བོང་ལག་པའི་མཐིལ་དུ་བཞག་པའི་མཆོག་སྦྱིན་གྱི་ཕྱག་རྒྱ་བྱས་ལ། ཨོཾ་ཛྙཱ་ན་ཨ་ཝ་ལོ་ཀི་ཏེ་ན་མསྶ་མནྟ་སྥ་ར་ཎ་རསྨི་བྷ་བ་ས་མ་ཡ་མ་ཧཱ་མ་ཎི་དུ་རུ་དུ་རུ་ཧྲཱིཿ་ད་ཡ་ཛྭ་ལ་ནི་སྭཱ་ཧཱ། ལུས་ཞིང་རྡུལ་གྱི་གྲངས་དང་མཉམ་པས་འཕགས་པ་རྣམས་ལ་ཕུལ་བས་མཉེས་ཤིང་སེམས་ཅན་རྣམས་ཡོ་བྱད་རྒྱལ་ཕམ་དང་རྩོད་པ་མེད་པར་སོ་སོའི་མོས་པ་བཞིན་ཐོབ་པར་གྱུར། དབང་བསྒྱུར་འཁོར་ལོའམ། ལྷ་མགོན་སྤྱིའི་སྔགས་རྒྱས་དབང་དུ་བསྒྱུར་བ་ནི། སོར་མོ་ནང་དུ་བསྣོལ་བའི་རྡོ་རྗེ་བསྡམས། མཐེ་བོང་གཉིས་གཤིབས་སྟེ་བསྒྲེངས་ལ། ན་མསྶ་མནྟ་བུདྡྷཱ་ནཾ་གྲ་ཧེ་ཤཱ་རི་པྲ་པཉྩ་ཏི་མ་ཧཱ་ས་མ་ཡ་སྭཱ་ཧཱ། མགྲོན་ཐམས་ཅད་ཀྱང་དམ་ཚིག་གི་དབང་གིས་བདག་ལ་འགོ་ཞིང་ཕན་པ་དང་བདེ་བའི་ཕྲིན་ལས་འབའ་ཞིག་བསྒྲུབས་པར་གྱུར། ཕྱག་རྒྱ་རྣམས་ཕྱོགས་བཅུར་བསྐོར་ཞིང་སྔགས་རྣམས་ལན་གསུམ་ལ་སོགས་པ་བརྗོད། མགོན་དཀར་སོགས་ཀྱི་སྐབས་སུ་ཚིག་ལྷུག་མེད་པའི་སྔགས་རྐྱང་པ་བརྗོད་པར་གསུངས་པས་དེ་ལྟར་བྱ། གང་ལྟར་ཡང་བུམ་པའི་ནང་གི་འབྲུ་སྨན་རིན་པོ་ཆེ་སོགས་ལྷ་སོ་སོའི་ཐུགས་དང་མཐུན་པའི་ཡོ་བྱད་ཟད་མི་ཤེས་པའི་གཏེར་དང་། ལོངས་སྤྱོད་དང་། བདུད་རྩིའི་རྒྱ་མཚོ་ཆེན་པོར་བྱིན་གྱིས་བརླབས་ནས། བྲིས་སྐུ་དང་སྔགས་བྱང་སོགས་ལྷར་བསྐྱེད་པ་ནི། དེ་ལྟ་བུའི་བུམ་པ་

― JKT021_Page_0534 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ཀྱི་སྟོད་ཀྱི་ཆར་དབུས་སུ་པཾ་ལས་པདྨ་དང་། ཞེས་སོགས་རང་རང་གི་མངོན་རྟོགས་ལྟར་དམ་ཚིག་པ་བསྐྱེད། གནས་གསུམ་བྱིན་གྱིས་བརླབ། ཡེ་ཤེས་པ་གཞུག །དབང་བསྐུར་རྒྱས་གདབ་རྒྱས་བསྡུས་གང་རིགས་དང་། མཆོད་པ་བསང་སྦྱང་། སྟོང་པའི་ངང་ལས་ༀ་ལས་བྱུང་བའི་རིན་པོ་ཆེ་ལས་གྲུབ་པའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཨོཾ་འོད་དུ་ཞུ་བ་ལས་བྱུང་བའི་ལྷ་རྫས་ལས་གྲུབ་པའི་མཆོད་ཡོན། ཞབས་བསིལ། མེ་ཏོག །བདུག་སྤོས། མར་མེ། དྲི་ཆབ། ཞལ་ཟས། རོལ་མོ་རྣམས་དྭངས་ཤིང་ཐོགས་པ་མེད་པ་ནམ་མཁའི་མཐའ་ཀླས་པར་གྱུར། ཨོཾ་བཛྲ་ཨརྒྷཾ་ཨཱཿཧཱུྃ། དེ་བཞིན་དུ། པཱ་ཏྱཾ། པུཎྜེ། དྷུ་པེ། ཨཱ་ལོ་ཀེ། གནྡྷེ། ནེ་བིད། ཤབྡ་ཨཱཿཧཱུྃ་གི་བར་སྦྱར་བས་བརླབ། མཚན་སྔགས་ཀྱི་མཐར། ས་པ་རི་ཝཱ་ར་ཨརྒྱུ་པྲ་ཏིཙྪ་སྭཱ་ཧཱ་ནས། ཤབྡའི་བར་སྦྱར་བས་མཆོད། རང་གཞུང་གི་བསྟོད་པ་རྒྱས་བསྡུས་གང་རིགས་ཀྱིས་བསྟོད། ཐུགས་རྒྱུད་བསྐུལ་བར་དམིགས་ཏེ་བཟླས་པ་གཙོ་བོར་བྱ། འདིའི་སྐབས་བུམ་པ་ལ་གཟུངས་ཐག་བཏགས་ཏེ་བཟུང་ཡང་ལེགས། བཟླས་དམིགས་སོ་སོའི་གཞུང་ནས་འབྱུང་བ་ལྟར་དང་སྤྱིར་བཏང་ནོར་བུམ་ལ། རང་གི་ཐུགས་ཀ་ནས་འོད་ཟེར་འཕྲོས། མདུན་བསྐྱེད་ཀྱི་ཐུགས་རྒྱུད་བསྐུལ། དེའི་ཐུགས་ཀ་ནས་འོད་ཟེར་འཕྲོས། འཕགས་པ་མཆོད། སེམས་ཅན་ཐམས་ཅད་དབུལ་ཕོངས་ཀྱི་སྡུག་བསྔལ་དང་བྲལ་བར་བྱས། སྣོད་བཅུད་སྲིད་ཞིའི་དགེ་མཚན་

― JKT021_Page_0535 ―

^{[མ་དཔེ་གཟིགས་ན་འདིར་གནོན།]}

[Full Size]

ལེགས་ཚོགས་དཔལ་ཡོན་དྭང་བཅུད་མ་ལུས་པ་བསྡུས་ཏེ་མདུན་གྱི་རྟེན་རྫས་རྣམས་ལ་ཐིམ་པས་འདོད་རྒུ་ཐམས་ཅད་ཡིད་བཞིན་དུ་འབྱུང་བའི་གཏེར་ཆེན་པོའི་བུམ་པ་བཟང་པོར་གྱུར་པར་བསམས་ལ་བཟླས་པ་བྱ། བརྟན་མ་ལ། རང་གི་ཐུགས་ཀ་ནས་འོད་ཟེར་འཕྲོས། མདུན་བསྐྱེད་ཀྱི་ཐུགས་རྒྱུད་བསྐུལ། དེའི་ཐུགས་ཀ་ནས་འོད་ཟེར་འཕྲོས། དཔག་ཚད་བརྒྱད་ཁྲི་ཚུན་ཆད་ཀྱི་སྣོད་བཅུད་ཀྱི་རྒུད་པ་ཐམས་ཅད་བསལ། དཔལ་དང་གཟི་བྱིན་བསྐྱེད། བཅུད་དང་དྭང་མ་ཐམས་ཅད་བསྡུས་ཏེ་མདུན་གྱི་རྟེན་རྫས་རྣམས་ལ་ཐིམ་པས་ས་བཅུད་དང་དགེ་མཚན་ཐམས་ཅད་འཕེལ་བའི་ནུས་པ་དང་ལྡན་པར་གྱུར་པའི་མོས་པས་བཟླ། གླུ་བུམ་སྐབས། རང་གི་ཐུགས་ཀ་ནས་འོད་ཟེར་བདུད་རྩིའི་རང་བཞིན་ཅན་འཕྲོས། མདུན་བསྐྱེད་འཁོར་དང་བཅས་པ་ལ་ཕོག་པས་ཟག་པ་མེད་པའི་བདེ་བ་ཁྱད་པར་ཅན་བསྐྱེད། དེའི་ཐུགས་ཀ་ནས་འོད་ཟེར་འཕྲོས། བརྟན་གཡོའི་དྭང་བཅུད་མ་ལུས་པ་བསྡུས་ནས་མདུན་གྱི་རྟེན་རྫས་རྣམས་ལ་ཐིམ་པས་སྣོད་བཅུད་ཀྱི་དཔལ་འབྱོར་ཕུན་སུམ་ཚོགས་པ་ཐམས་ཅད་སྐྱེད་པའི་ནུས་པ་དང་ལྡན་པར་གྱུར་པའི་མོས་པས་བཟླའོ། །ཐུན་མཐར་མཆོད་བསྟོད་རང་རང་གི་གཞུང་ལྟར་དང་། འདོད་གསོལ་སོ་སོའི་གཞུང་ལྟར་རམ། ནོར་བུམ་ལ། མགོན་པོ་ཛམྦྷ་ལས་བདག་དང་སེམས་ཅན་ཐམས་ཅད་ལ་ལོག་

― JKT021_Page_0536 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་འཚོ་བ་མ་ཡིན་པའི་ཆོས་དང་མཐུན་པའི་འབྱོར་བ་ཕུན་སུམ་ཚོགས་པ་སྩལ་དུ་གསོལ། །ཞེས་པ་ལྟ་བུ་དང་། བརྟན་མ་ལ། སའི་ལྷ་མོས་བདག་དང་སྦྱིན་པའི་བདག་པོ་ལ་ལོངས་སྤྱོད་ཕུན་སུམ་ཚོགས་པ་ཐམས་ཅད་སྩལ་ཞིང་། ཡུལ་ཕྱོགས་འདིར་བཀྲ་ཤིས་པ་དང་། བདེ་ལེགས་དཔལ་འབྱོར་གྱི་དངོས་གྲུབ་རྒྱུན་མི་ཆད་པར་འབྱུང་བར་མཛད་དུ་གསོལ། ཞེས་དང་། ཀླུ་ལ། ཀླུའི་རྒྱལ་པོ་འཁོར་དང་བཅས་པས་བདག་དང་སྦྱིན་པའི་བདག་པོ་ལ་སོགས་གོང་ལྟར་བྱ། གཏོར་མ་རང་རང་གི་གཞུང་ལྟར་རམ། སྤྱི་ཁྱབ་ལ་བསང་སྦྱང་། སྟོང་པའི་ངང་ལས་རིན་པོ་ཆེ་ལས་གྲུབ་པའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ༀ་ཞུ་བ་ལས་བྱུང་བའི་གཏོར་མ་ལྷའི་བདུད་རྩི་ཁ་དོག་དྲི་རོ་ནུས་པ་ཕུན་སུམ་ཚོགས་པ་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ་གིས་བརླབ། མཚན་སྔགས་སམ་སྙིང་པོའི་མཐར། ཨ་ཀཱ་རོ་བཏགས་པས་དབུལ། མཆོད་བསྟོད་འདོད་གསོལ་བྱ། ཡི་གེ་བརྒྱ་པ་ལན་གསུམ་དང་། མ་འབྱོར་པ་དང་སོགས་ཀྱིས་ནོངས་པ་བཤགས། རྟེན་འབྲེལ་སྙིང་པོ་བཟླས་པའི་མེ་ཏོག་ཐལ་མོ་སྦྱར་བའི་བར་དུ་ཐོགས་ཏེ། ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། ཇི་སྲིད་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་མི་གནས་པའི་མྱ་ངན་ལས་འདས་པའི་ས་ལ་མ་བཞག་གི་བར་དུ་རྒྱལ་བ་རྣམས་མྱ་

― JKT021_Page_0537 ―

^{[མ་དཔེ་གཟིགས་ན་འདིར་གནོན།]}

[Full Size]

ངན་ལས་མི་འདའ་བར་བརྟན་པར་བཞུགས་སུ་གསོལ། ཁྱད་པར་དུ་གཏེར་ཆེན་པོའི་བུམ་པ་བཟང་པོ་འདི་རྣམས་ལ་བསྐྱེད་ཅིང་སྤྱན་དྲངས་པའི་ལྷ་ཚོགས་རྣམས་ཇི་སྲིད་འབྱུང་བ་བཞིའི་གནོད་པས་མ་ཞིག་གི་བར་དུ་བརྟན་པར་བཞུགས་སུ་གསོལ། །བརྟན་པར་བཞུགས་ནས་ཀྱང་བདག་དང་སེམས་ཅན་ཐམས་ཅད་ལ་ལོག་པའི་འཚོ་བ་མ་ཡིན་པའི་ཆོས་དང་མཐུན་པའི་འབྱོར་བ་ཕུན་སུམ་ཚོགས་པ་སྩལ་དུ་གསོལ། །ཞེས་སམ། བརྟན་པར་བཞུགས་ནས་ཀྱང་བདག་དང་སྦྱིན་པའི་བདག་པོ་ལ་ལོངས་སྤྱོད་ཕུན་སུམ་ཚོགས་པ་ཐམས་ཅད་སྩལ་ཞིང་། ཡུལ་ཕྱོགས་འདིར་བཀྲ་ཤིས་པ་དང་། བདེ་ལེགས་དཔལ་འབྱོར་གྱི་དངོས་གྲུབ་རྒྱུན་མི་ཆད་པར་འབྱུང་བར་མཛད་དུ་གསོལ། ཞེས་དང་། ༀ་སུ་པྲ་ཏིཥྛ་བཛྲ་ཡ་སྭཱ་ཧཱ། མང་ཏུ་བརྗོད་ཅིང་མེ་ཏོག་འཐོར། རང་གི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། སྙིང་གར་ཧཱུཾ་སྔོན་པོ། དགེ་བ་འདི་ཡིས་མྱུར་དུ་བདག །སོགས་བདག་བསྐྱེད་ཀྱི་དགེ་བསྔོ་དང་། ཐམས་ཅད་ནམ་མཁའི་མཛོད་བཞིན་དུ། །ལོངས་སྤྱོད་ཟད་པ་མེད་པར་ཤོག །རྩོད་པ་མེད་ཅིང་འཚེ་མེད་པར། །རང་དབང་དུ་ནི་སྤྱོད་པར་ཤོག །ལྷ་ཡང་དུས་སུ་ཆར་འབེབས་ཤིང་། །ལོ་ཏོག་ཕུན་སུམ་ཚོགས་པར་ཤོག །རྒྱལ་པོ་ཆོས་བཞིན་བྱེད་པ་དང་། །

― JKT021_Page_0538 ―

^{[མ་དཔེ་གཟིགས་ན་འདིར་གནོན།]}

[Full Size]

འཇིག་རྟེན་དག་ཀྱང་དར་བར་ཤོག །འབད་དང་རྩོལ་བས་མ་གོས་པ། །ཡིད་བཞིན་ནོར་བུ་དཔག་བསམ་བཞིན། །སེམས་ཅན་རེ་བ་སྐོང་མཛད་པ། །བསམ་པ་འགྲུབ་པའི་བཀྲ་ཤིས་ཤོག །ཅེས་སོགས་བསྔོ་སྨོན་ཤིས་བརྗོད་ཁྱད་པར་བ་དང་། གཞན་ཡང་། ཆེ་བའི་ཆེ་མཆོག་སྟོན་མཆོག་བླ་ན་མེད། །ཆོས་རྗེ་ཉི་མ་རྒྱལ་བའི་བྱིན་རླབས་ཀྱིས། །བདུད་དང་བགེགས་རིགས་གནོད་པའི་དགྲ་ཞི་སྟེ། །རྟག་ཏུ་ཡིན །དཔལ་གནས་ཉིན་མཚན་བཀྲ་ཤིས་ཤོག །ཆོས་ཉིད་བདེན་པའི་ཆོས་མཆོག་བླ་ན་མེད། །དམ་ཆོས་བདུད་རྩི་བདེན་པའི་བྱིན་རླབས་ཀྱིས། །ཉོན་མོངས་སྡུག་བསྔལ་གདུང་བའི་དགྲ་ཞི་སྟེ། །རྟག་ཏུ་དཔལ་གནས་ཉིན་མཚན་བཀྲ་ཤིས་ཤོག །དགེ་འདུན་ཡོན་ཏན་རིན་ཆེན་དཔལ་འབར་བ། །རྒྱལ་སྲས་ཕན་མཛད་བདེན་པའི་བྱིན་རླབས་ཀྱིས། །ཉེས་པའི་སྐྱོན་བྲལ་དགེ་ཚོགས་རྣམ་པར་འཕེལ། །རྟག་ཏུ་དཔལ་གནས་ཉིན་མཚན་བཀྲ་ཤིས་ཤོག །ཚངས་དང་ལྷ་དབང་སྲུང་མའི་བྱིན་རླབས་ཀྱིས། །ཕན་མཛད་ལྷ་ཡི་བཀྲ་ཤིས་གནས་གྱུར་ནས། །བདེ་ལེགས་བསམ་པ་ཡིད་བཞིན་འགྲུབ་པ་དང་། །ཚེ་རིང་ནད་མེད་བདེ་སྐྱིད་ལྡན་པར་ཤོག །ཅེས་དང་། གནས་འདིར་ཉིན་མོ་བདེ་ལེགས་མཚན་བདེ་ལེགས། །ཉི་མའི་གུང་ཡང་བདེ་ལེགས་ཤིང་། །ཉིན་མཚན་རྟག་ཏུ་བདེ་ལེགས་པ། །

― JKT021_Page_0539 ―

^{[མ་དཔེ་གཟིགས་ན་འདིར་གནོན།]}

[Full Size]

དཀོན་མཆོག་གསུམ་གྱི་བཀྲ་ཤིས་ཤོག །ཅེས་སོགས་མདོ་རྒྱུད་ནས་འབྱུང་བའི་བཀྲ་ཤིས་ཀྱི་ཚིགས་སུ་བཅད་པ་རྒྱ་ཆེར་བརྗོད་པས་དགེ་ལེགས་སུ་བྱ། དེ་ལྟ་བུར་ཐུན་དུ་བཅད་ལ་ལེགས་པར་བསྒྲུབས་པའི་རྗེས། ནོར་ལྷའི་རིགས་ཀྱི་བུམ་གཏེར་མཛོད་དང་། ཁྱིམ་ཕུགས། ཕྱུགས་ལྷས་ཀྱི་གོང་། བརྟན་མའི་བུམ་པ་ཡུལ་གྱི་དབུས། མཁར་གྱི་རྩེ། ཞིང་ས་བཟང་པོའི་དཀྱིལ། ཀླུ་བུམ་ཀླུ་གནས་ངེས་པའི་མཚོ་དང་། ཆུ་མིག །རྫིང་བུ་སོགས་ཀྱི་མགོའམ། མདུན་སོགས་ཀྱིས་མཚོན་ཏེ་གང་དུ་སྦ་བའི་སར་ལག་ཚགས་དམ་པར་བྱས་ལ་གཞུག །འཇུག་པའི་སྐབས་སུའང་ཆོ་ག་ཚར་རེ་བསྐྱར་ན་ལེགས། མ་གྲུབ་ན་བརྟན་བཞུགས་དང་བསྔོ་སྨོན་བཀྲ་ཤིས་རྒྱས་པར་བརྗོད། །དེ་ལྟར་བགྱིས་པས་སྣོད་བཅུད་ཀྱི་རྒུད་པ་ཞི་ཞིང་། དཔལ་འབྱོར་ལེགས་ཚོགས་ཐམས་ཅད་རྒྱས་པར་འགྱུར་བས་མཚོན་ཕན་ཡོན་བསམ་གྱིས་མི་ཁྱབ་པ་ནི་སོ་སོའི་གཞུང་ལས་ཤེས་པར་བྱའོ། །ཞེས་པའང་ཉེར་མཁོའི་ཆེད་དུ་མཉྫུགྷོ་ཥས་ལྷག་པའི་བསམ་པས་བྲིས་པ་སྲིད་ཞིའི་དགེ་མཚན་དུས་རྟག་ཏུ་རྒྱས་པར་གྱུར་ཅིག། །།སརྦ་དཱ་མངྒ་ལཾ་བྷ་བ་ཏུ།། །།

― JKT021_Page_0541 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །ས་སྙིང་དང་བརྟན་མ་སྦྲགས་སྒྲུབ་ཀྱི་བུམ་གཏེར་སྒྲུབ་ཚུལ་ཤིན་ཏུ་བསྡུས་པ་ཕན་བདེའི་ཡང་སྙིང་ཞེས་བྱ་བ་བཞུགས་སོ།། །།

― JKT021_Page_0542 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །ཨོཾ་སྭསྟི་སིདྡྷཾ། །བྱང་ཆུབ་སེམས་ཀྱི་ནོར་བུ་ཡིས། །ཕན་བདེའི་འདོད་རྒུ་སྩོལ་མཛད་པའི། བླ་མ་མཆོག་དང་ལྷག་པའི་ལྷར། །བཏུད་ནས་གཏེར་བུམ་སྒྲུབ་ཐབས་བཤད། །འདི་ལ་གསུམ། སྦྱོར་བ། དངོས་གཞི། རྗེས་སོ། །དང་པོ་ནི། བུམ་པ་ཡུལ་གྱི་བྲེ་གང་ཤོང་བ་ལས་མི་ཆུང་བའི་ནང་། དབུས་སུ་སྲོག་ཤིང་བརྟན་པར་བཙུགས་པ་ལ་གཟུངས་ཀྱི་ཤོག་དྲིལ་དཀྲི་ཞིང་ན་བཟའ་གསོལ།, སྒྲུབ་ཆེན་བྱས་པའི་སྒྲུབ་གཏོར། །མ་ཎི་རིལ་བུ། བྱ་རྒྱུད་ལུགས་ཀྱི་བུམ་རྫས་ཉེར་ལྔ། སྙིང་ཞོ་ཤ་མཁལ་མ་ཞོ་ཤ་སོགས་ཞོ་ཤའི་རིགས་དང་། དུག་རིགས་མ་འདྲེས་པའི་སྨན་སྣ། གནས་རྟེན་བྱིན་ཅན་དང་ས་དཔལ་ཅན་གྱི་ས་སྣ་ཆུ་སྣ། ལྕགས་དང་ར་གན་མུ་ཟི་ལ་སོགས་མ་འདྲེས་པའི་རིན་པོ་ཆེའི་རིགས། འབྲུ་ནག་མ་གཏོགས་པའི་འབྲུ་སྣ། ཤིང་ཏོག། ཤ་ཆང་མ་གཏོགས་པའི་དཀར་མངར་དང་ཁུར་བ་སོགས་ཟས་སྣ་གཙང་མ། ཤུག་པ་སོགས་བཟང་ཤིང་གི་ཕྱེ་མ་

― JKT021_Page_0543 ―

^{[མ་དཔེ་གཟིགས་ན་འདིར་གནོན།]}

[Full Size]

དང་བཅས་པས་ཕྱུར་བུར་བཀང་། ཁ་འཇིམ་པས་བཅད་ཅིང་རས་དཀར་པོ་ལ་རིགས་ལྔའི་ཕྱག་མཚན་བྲིས་པས་གཡོགས། མགྲིན་པ་དམ་པར་བཅིང་། གཟུངས་གཞུག་ཤོག་དྲིལ་ལ་བྲི་རྒྱུ། གཞུང་གི་བཟླས་སྔགས་རྣམས་དང་། ནཱ་ག་ཕུཏ་ལ་མ་ཐ་སྙན་ལ་ཐ། མི་འཛད་ཡུན་གྱི་གཏེར་མཛོད་ཅིག །ཅེས་དང་། དབྱངས་གསལ་རྟེན་སྙིང་། འབད་དང་སྩོལ་བས་མ་གོས་པ། ཞེས་སོགས་བཀྲ་ཤིས་དང་། སུ་པྲ་ཏིཥྛས་མཐའ་བརྒྱན་པ་བྲིའོ། །ས་སྙིང་དང་ནོར་རྒྱུན་མ་སྦྲགས་སྒྲུབ་ཀྱི་སྙིང་གཏེར་དང་ནོར་བུམ་གཞི་མཐུན་དུ་བྱེད་ན། བཅས་ཀྱི་སྐབས། གཟུངས་གཞུག་ལ་ནོར་རྒྱུན་མའི་སྙིང་པོ་དང་། སྤྲོ་ན་གཟུངས་རིང་ཡང་བྲི། ཤ་ཆང་སྒོག་བཙོང་གླ་རྩི་སོགས་མ་འདྲེས་པའི་གཡང་རྫས་ཀྱི་རིགས་ཐུམ་བོར་བྱས་པའང་གཞུག །ངག་འདོན་སྐབས་ནོར་རྒྱུན་མ་བསྐྱེད་ཆོག་སོགས་མཆན་གསལ་ལྟར་སྦྱར་བས་ལེགས་པར་གྲུབ་བོ། །གང་ལྟར་ཡང་བཅའ་གྲུབ་ནས་

― JKT021_Page_0544 ―

^{[མ་དཔེ་གཟིགས་ན་འདིར་གནོན།]}

[Full Size]

གཞི་གཙང་མའི་དབུས་སུ་འབྲུ་དཀར་ཅུང་ཟད་བཀྲམ་པར་བུམ་པ་བཞག དེའི་མདུན་དུ་གཏོར་མ་ལྕོག་ཟླུམ་དཀར་པོ་དང་། མཆོད་པ་བཤམ། སློབ་དཔོན་གྱི་མདུན་དུ་རྡོར་དྲིལ། འཐོར་ནས། གྲོགས་གཞན་ཡོད་ན་རྔ་རོལ་དུང་དཀར་སོགས་བཤམ། གཉིས་པ་ནི། བདག་བསྐྱེད་ཐུགས་རྗེ་ཆེན་པོའི་སྒོམ་བཟླས་རྒྱས་བསྡུས་གང་རིགས་རྗེས། སྤྲོ་ན་བུམ་པ་རྣམས་ལ་སྦྱོང་ཁྲུས་ཚུལ་བཞིན་བྱ། གང་ལྟར་ཡང་བུམ་པ། ཨ་མྲྀ་ཏས་བསང་། སྭ་བྷཱ་ཝས་སྦྱང་། སྟོང་པའི་ངང་ལས་འབྱུང་བ་རིམ་བརྩེགས་སྟེང་། །ཧཱུཾ་ལས་རིན་ཆེན་སྣ་ཚོགས་ལས་གྲུབ་པའི། །ཕྱི་ནི་བུམ་པ་ནང་ནི་གཞལ་ཡས་ཁང་། །ཤིན་ཏུ་ཉམས་དགའ་ལོངས་སྤྱོད་དུ་མས་གང་། །དེ་དབུས་སྣ་ཚོགས་པདྨ་ཟླ་བའི་སྟེང་། །ཀྵ་ལས་སེམས་དཔའི་ས་ཡི་སྙིང་པོ་དཀར། །མྱུ་གུ་དྲིལ་བུ་འཛིན་ཅིང་ཕྱེད་སྐྱིལ་བཞུགས། །ནོར་རྒྱུན་མ་དང་སྦྲགས་སྒྲུབ་སྐབས། མདུན་དུ་འཕགས་མ་ནོར་རྒྱུན་ལྷ་མོ་སེར། །ཕྱག་གཉིས་མཆོག་སྦྱིན་རིན་ཆེན་འབྲས་སྙེ་བསྣམས། །ཞེས་སྦྱར། དེ་མདུན་ས་ཡི་ལྷ་མོ་གསེར་གྱི་མདོག །ནོར་བུ་བུམ་འཛིན་སྐུ་སྟོད་ས་ནས་ཐོན། །རྒྱབ་ཏུ་ས་བདག་དབང་ཆེན་སྐུ་མདོག་སེར། །ཞལ་གཅིག་ར་བ་བཞི་ཡི་གདེངས་ཀ་ཅན་། །ཕྱག་བཞི་ཐལ་སྦྱར་ལྗོན་ཤིང་རི་རབ་འཛིན། །སྐུ་སྨད་སྦྲུལ་འཁྱིལ་རུ་སྦལ་སྟེང་དུ་བཞུགས། །གཡས་གཡོན་ལྷ་ཀླུ་གཞི་བདག་ཕོ་མོ་དང་། །སྒོ་བཞིར་སྲུང་བཞི་ཕྱི་ནང་བར་མཚམས་སུ། །

― JKT021_Page_0545 ―

^{[མ་དཔེ་གཟིགས་ན་འདིར་གནོན།]}

[Full Size]

བཀྲ་ཤིས་རྫས་རྟགས་རྒྱལ་སྲིད་འདོད་ཡོན་ཚོགས། །ལྷ་ཀླུ་མི་ཡི་ལོངས་སྤྱོད་ཟད་མི་ཤེས། །རྒྱ་ཆེ་རྒྱུན་མི་འཆད་པའི་གཏེར་དུ་གྱུར། །ན་མ་སཱརྦ་ཏ་ཐཱ་ག་ཏེ་བྷྱོ་བི་ཤྭ་སོགས་དང་། ཨོཾ་བཛྲ་སྥ་ར་ཎ་ཁཾ། །གཙོ་འཁོར་རྣམས་ཀྱི་གནས་གསུམ་འབྲུ་གསུམ་དང་། །ས་བོན་འོད་ཀྱིས་འཁོར་བཅས་སྤྱན་དྲངས་གྱུར། ཅེས་གསལ་བཏབ་ལ། སྤྱན་འདྲེན་པ་ནི། ཧོ༔ གསོན་ཅིག་དགོངས་ཤིག་མངོན་ཤེས་ཅན་། །ཡེ་ཤེས་སྤྱན་དང་ལྡན་པ་པོ། །བྱང་ཆུབ་སེམས་དཔའ་སེམས་དཔའ་ཆེ། །ས་ཡི་སྙིང་པོ་དགོངས་སུ་གསོལ། །ནོར་བུམ་དང་སྦྲགས་སྒྲུབ་སྐབས། འདོད་རྒུའི་དངོས་གྲུབ་ཆར་འབེབས་པའི། །ནོར་རྒྱུན་ལྷ་མོ་དགོངས་སུ་གསོལ། །ཞེས་སྦྱར། བྱང་ཆུབ་སེམས་མ་རྫུ་འཕྲུལ་ཅན། །ལྷ་མོ་བརྟན་མ་དགོངས་སུ་གསོལ། །ལས་ལས་གྲུབ་པའི་སྟོབས་པོ་ཆེ། །ས་བདག་དབང་ཆེན་དགོངས་སུ་གསོལ། །ལྷ་འདྲེ་ཡིད་ཀྱི་མངོན་ཤེས་ཅན། །ཡུལ་ཕྱོགས་འདི་ལ་གནས་པ་ཡི། །ཀླུ་དང་ས་བདག་དགོངས་སུ་གསོལ། །དེ་རིང་བདག་དང་ཡོན་བདག་གི། །འགལ་རྐྱེན་བར་ཆད་ཞི་བ་དང་། །མཐུན་རྐྱེན་ལེགས་ཚོགས་རྒྱས་པའི་ཕྱིར། །གཏེར་བདག་ཁྱེད་རྣམས་སྤྱན་འདྲེན་ན། །ཐུགས་རྗེའི་དབང་གིས་གཤེགས་སུ་གསོལ། །རིན་ཆེན་སྣ་ཚོགས་གཏེར་བུམ་ལ། །སྐུ་ཡི་རྟེན་དང་གནས་མཛོད་ཅིག །

― JKT021_Page_0546 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུལ་ཕྱོགས་འདི་རུ་དུས་རྟག་ཏུ། །ལོ་ལེགས་འབྲུ་དང་རྩྭ་རྣམས་འཕེལ། །ས་བཅུད་དཔལ་གཡང་རྒྱས་པ་དང་། །བདག་ཅག་དཔོན་སློབ་ཡོན་མཆོད་ཀྱཻ། །ཁ་འཛིན་རྒྱབ་བརྟེན་སྟོང་གྲོགས་མཛོད། །བདེ་སྐྱིད་ལྡན་པའི་དངོས་གྲུབ་སྩོལ། ཨོཾ་ཀིཾ་ཧི་རཱ་ཛ། ནོར་བུམ་དང་སྦྲགས་སྒྲུབ་སྐབས། བ་སུ་དྷ་རཱི། ཞེས་སྦྱར། སྲི་ཤྲཱི་དེ་བཱི་སརྦ་བྷུ་མི་པ་ཏི་ས་པཱ་རི་ཝཱ་ར་ཨེ་ཧེ་ཧི། བཛྲ་ས་མཱ་ཛཿ ཛཿཧཱུྃ་བཾ་ཧོ ཏིཥྛ་ལྷན། ས་མ་ཡ་ཧཱུཾ། ས་མ་ཡ་ཧོ༔ ཞེས་སྤྱན་དྲངས་ཤིང་བསྟིམ། ཕྱག་འཚལ་བ་ནི། སེམས་དཔའ་ས་ཡི་སྙིང་པོ་དང་། །ས་ཡི་ནོར་བུམ་དང་སྦྲགས་སྒྲུབ་སྐབས། ནོར་རྒྱུན་ཞེས་བསྒྱུར། ལྷ་མོ་བརྟན་མ་ཆེ། ས་བདག་ཀླུ་གཉན་འཁོར་བཅས་ལ། །མཆོད་ཅིང་བསྟོད་དེ་ཕྱག་ཀྱང་འཚལ། །མཆོད་པ་ནི། ཁྱེད་རྣམས་མཆོད་པའི་དམ་རྫས་ནི། །དངོས་སུ་ཅི་འབྱོར་གཙང་མར་བཤམས། །ཡིད་ཀྱིས་དཔག་ཏུ་མེད་པར་སྤྲུལ། །ཧ་ཧོ་ཧཱུྃཡིས་བྱིན་བརླབས་པ། །ཟག་མེད་བདེ་བ་སྐྱེད་པའི་རྫས། །ཐུགས་ལ་བཞེད་དགུར་འཆར་བ་ཡི། །མཆོད་གཏོར་ལོངས་སྤྱོད་འདི་བཞེས་ལ། །འདོད་རྒུའི་དཔལ་འབྱོར་རྒྱས་པ་དང་། །ས་བཅུད་འཕེལ་བའི་དངོས་གྲུབ་སྩོལ། །ཨོཾ་ཀྱི་ཧི་རཱ་ཛ། ནོར་བུམ་དང་སྦྲགས་སྒྲུབ་སྐབས། བ་སུ་དྷ་རི་ཞེས་སྦྱར། སྲི་ཤྲཱི་དེ་ཝཱི་སརྦ་བྷ་མི་པ་ཏི་ས་པ་རི་ཝཱ་ར་ཨབྷཾ་ནས། ཤཔྟ་སརྦ་པཱུ་ཛ་ཨཱཿཧཱུྃ། ཨོཾ་ཀྵི་ཧི་

― JKT021_Page_0547 ―

^{[མ་དཔེ་གཟིགས་ན་འདིར་གནོན།]}

[Full Size]

རཱ་ཛ། ནོར་བུམ་དང་སྦྲགས་སྒྲུབ་སྐབས། བ་སུ་དྷ་རི་ཞེས་སྦྱར། དྲི་བྷཾ་དེ་བཱི་སརྦ་བྷུ་མི་པ་ཏི་ས་པ་རི་ཝཱ་ར་ཨི་དམ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བསྟོད་པ་ནི། གྲངས་མེད་གོང་ནས་སངས་རྒྱས་ཀྱང་། །འགྲོ་བའི་དོན་ཏུ་སེམས་དཔའི་ཚུལ། །སེམས་དཔའི་ས་ཡི་སྙིང་པོ་ལ། །ཕྱག་འཚལ་མཆོད་བསྟོད་སྐྱབས་སུ་མཆི། །ནོར་བུམ་དང་སྦྲགས་སྒྲུབ་སྐབས། གང་གི་མཚན་ཙམ་དྲན་པས་ཀྱང་། །འཛད་མེད་དབྱིག་གི་ཆར་འབེབས་པ། །འཕགས་པ་ནོར་རྒྱུན་ལྷ་མོ་ལ། །ཕྱག་འཚལ་མཆོད་བསྟོད་སྐྱབས་སུ་མཆི། །ཞེས་སྦྱར། ས་བརྒྱད་ལ་གནས་སེམས་མ་ཆེ། །སྟོང་གསུམ་འཇིག་རྟེན་ས་ཡི་བདག །ས་ཡི་ལྷ་མོ་བརྟན་མ་ལ། །མཆོད་ཅིང་བསྟོད་དེ་ཕྱག་ཀྱང་འཚལ། །བསྟོད་པར་འོས་པ་ཐམས་ཅད་ལ། །ཞིང་རྡུལ་ཀུན་གྱི་གྲངས་སྙེད་ཀྱཻ། །ལུས་བཏུད་པ་ཡིས་རྣམ་ཀུན་ཏུ། །མཆོད་ཅིང་བསྟོད་དེ་ཕྱག་ཀྱང་འཚལ། །བདག་ཅག་ཡོན་མཆོད་འཁོར་བཅས་ཀྱཻ། །ནད་གདོན་གནོད་པ་ཞི་བ་དང་། །ས་བཅུད་དཔལ་གཡང་རྒྱས་པར་མཛོད། །འདོད་རྒུའི་དངོས་གྲུབ་སྩལ་དུ་གསོལ། །བཤགས་པ་ནི། འཁོར་འདས་མགྲོན་རྣམས་ཐམས་ཅད་ལ། །ཚེ་རབས་སྔོན་ནས་ད་ལྟའི་བར། །མི་དགེ་མི་རུང་ལས་བགྱིས་པ། །དེ་དག་ཐམས་ཅད་མཐོལ་ལོ་བཤགས། །ཡི་གེ་བརྒྱ་པ་བརྗོད། བཟླས་པ་ནི། བུམ་ལྷའི་

― JKT021_Page_0548 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་སྲོག་སྔགས་ཕྲེང་ལས། །འོད་འཕྲོས་བརྟན་གཡོའི་རྒུད་པ་ཞི། །ཚེ་བསོད་དཔལ་འབྱོར་ཡེ་ཤེས་རྒྱས། །དཔག་ཚད་བརྒྱད་ཁྲི་བཞི་སྟོང་གི། །ས་བཅུད་བསྡུས་ནས་བུམ་པར་ཐིམ། །དངོས་གྲུབ་ཀུན་གྱི་གཏེར་དུ་གྱུར། །ཅེས་བརྗོད་ཅིང་བསམས་ལ། ཨོཾ་ཀིཾ་ཧི་རཱ་ཛ། ནོར་བུམ་དང་། སྦྲགས་སྒྲུབ་སྐབས། བ་སུ་དྷ་རི་ཞེས་སྦྱར། དྲི་ཤྲཱི་དེ་པཱི་སྭཱ་ཧཱ། ཞེས་བསྙེན་པ་དང་། ཨོཾ་ཀིཾ་ཧི་རཱ་ཛ། ནོར་བུམ་དང་སྦྲགས་སྒྲུབ་སྐབས། བ་སུ་དྷ་རཱི་ཞེས་སྦྱར། དྲི་ཤྲཱི་དེ་པཱི་སརྦ་སིདྡྷི་སྭཱ་ཧཱ། ཞེས་སྒྲུབ་སྔགས་ཅི་ནུས་དང་། སྤྲོ་ན། ཨོཾ་སུམྦྷ་ནི་སུམྦྷ་ཧ་ར་ཙ་ར་མ་ཧཱ་པཱ་ཤ་མཱ་རུ་ཏ་ཨ་མོ་གྷ་བཛྲ་སནྟ་སྭཱ་ཧཱ། ཞེས་སའི་སྙིང་པོའི་གཟུངས་དང་། ནོར་བུམ་དང་སྦྲགས་སྒྲུབ་སྐབས། ཨོཾ་ཤྲཱི་བ་སུ་ནི་དྷ་ན་ཀྱི་ཏྲེ་སྭཱ་ཧཱ། ཞེས་དང་། ཨོཾ་བ་སུ་དྷ་རི་ཎི་སྭཱ་ཧཱ། ཞེས་རྒྱུད་སྡེ་གོང་འོག་ལས་འབྱུང་བའི་ནོར་རྒྱུན་མའི་སྙིང་པོ་དང་། ཏདྱ་ཐཱ། ཨོཾ་ཙི་རི་ཙི་རི། ཙུ་རུ་ཙུ་རུ། ཀུ་རུ་ཀུ་རུ། དོ་ཙུ་དོ་ཙུ། བ་ཧ་བ་ཧ་སྭཱ་ཧཱ། ཞེས་ལྷ་མོ་བརྟན་མའི་རིག་པ་དང་། ཨོཾ་ཨ་ཀ་ནི་ནི་ཀ་ནི་ཨ་བྷི་ལ་མཎྜལ་མ་ཡེ་སྭཱ་ཧཱ། ཞེས་ཉེས་སེལ་གྱི་སྔགས་རྣམས་ཀྱང་ཅི་རིགས་པ་བཟླས་མཐར། རྗེས་ཆོག་ནི། ཨོཾ་ཀྵི་ཧི་རཱ་ཛ། ནོར་བུམ་དང་སྦྲགས་སྒྲུབ་སྐབས། བ་སུ་དྷ་རི་ཞེས་སྦྱར། དྲི་ཤྲཱི་དེ་པཱི་སརྦ་བྷུ་མི་པ་ཏི་ས་པ་རི་ཝཱ་ར་ཨརྒྱུ་ནས། ཤབྡ་སརྦ་པཱུ་

― JKT021_Page_0549 ―

^{[མ་དཔེ་གཟིགས་ན་འདིར་གནོན།]}

[Full Size]

ཛ་ཨཱཿཧཱུཾ། ཞེས་པས་མཆོད། ས་སྙིང་ནོར་བུམ་དང་སྦྲགས་སྒྲུབ་སྐབས། ནོར་རྒྱུན་ཞེས་བསྒྱུར་ལྷ་མོ་བརྟན་མ་དང་། །ས་བདག་ཚོགས་ལ་ཕྱག་འཚལ་བསྟོད། །མཆོད་གཏོར་ཆུང་དང་རྫས་མ་འཛོམས། །ཉེས་འགལ་གང་མཆིས་མཐོལ་ཞིང་བཤགས། །ས་སྙིང་ས་ཡི་ལྷ་མོ་གཉིས། །ནོར་བུམ་དང་སྦྲགས་སྒྲུབ་སྐབས། ས་སྙིང་ནོར་རྒྱུན་བརྟན་མ་རྣམས། །ཞེས་བསྒྱུར། བདག་དང་ཡོན་བདག་བུམ་གཏེར་ལ། །བརྟན་པར་བཞུགས་ལ་ས་བཅུད་སྤེལ། །འདོད་རྒུའི་ལོངས་སྤྱོད་དངོས་གྲུབ་སྩོལ། །ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ། ཞེས་བརྟན་བཞུགས་བྱ། འབད་དང་རྩོལ་བས་མ་གོས་པའི། ཞེས་སོགས་བཀྲ་ཤིས་གང་རིགས་བརྗོད། ཚར་གྲངས་དགོས་ན་དེ་ལྟ་བུའི་སྒོ་ནས་གྲངས་གསོག མཐར་བརྟན་བཞུགས་གྲུབ་རྗེས། མཆོད་སྦྱིན་གནས་འདིར་སོགས་སམ། །འཇིག་རྟེན་པ་ཡི་ས་བདག་རྣམས། །རང་རང་སོ་སོའི་གནས་སུ་གཤེགས། །ལོ་ཀ་བྷུ་མི་པ་ཏི་སརྦ་གཙྪ་ཞེས་དང་། བཀྲ་ཤིས་རྒྱས་པར་བརྗོད་དོ། །གསུམ་པ་ནི། བསྒྲུབས་ཟིན་པའི་བུམ་པས་དཔལ་བཟང་པོར་རླན་གྱིས་མི་འཇིག་པའི་ཆས་དང་བཅས་ཏེ་སྦ། བརྟན་བཞུགས་ཤིས་བརྗོད་ཙམ་གྱིས་ཀྱང་རུང་མོད། ཅུང་ཟད་སྤྲོ་ན་གོང་གི་ཆོ་ག་ཚར་གཅིག་བསྐྱར་ལ། སརྦ་གཙྪའི་རྗེས། ཧཱུྃ། འབྱུང་བ་ལྔ་ནི་སངས་རྒྱས་དངོས། །ས་ཡི་ལྷ་མོ་མཁའ་ཕྱེས་ཤིག །སྐུ་གསུང་ཐུགས་ཡོན་ཕྲིན་ལས་ཀྱཻ། །སྒྲུབ་པ་

― JKT021_Page_0550 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་ཀྱི་གཏེར་སྦེད་དོ། །སྙིང་པོ་རིན་ཆེན་སྣ་ལྔ་འབྲུ། །སྨན་སྣ་དམ་རྫས་གཏོར་མ་ཡི། །ཡིད་བཞིན་གཏེར་མཆོག་འདི་སྦས་པས། །འདིར་འདུས་རྣལ་འབྱོར་བདག་ཅག་རྣམས། །བླ་མེད་བྱང་ཆུབ་མ་ཐོབ་བར། །སྐྱེ་རྒ་ན་འཆིའི་དུས་བྱུང་ཚེ། །གཏེར་མཆོག་འདི་ཡི་བྱིན་རླབས་ཀྱིས། །བདེ་ཐོག་ལོངས་སྤྱོད་ལྡན་པར་ཤོག །ཕྱག་རྒྱ་ལྔ་ཡི་རྒྱས་གདབ་བོ། །ཡོན་ཏན་མཐའ་རྒྱས་བཀྲ་ཤིས་ཤོག །ཨོཾ་བཛྲ་རཏྣ་པདྨ་ཀརྨ་སིདྡྷི་ཧཱུཾ་ཧཱུཾ། རྡོ་ལེབ་ལ་རིགས་ལྔའི་ཕྱག་མཚན་བྲིས་པས་བཀབ་ནས། ཧཱུཾ། རྡོ་རྗེ་འབར་བའི་རྒྱས་བཏབ་པས། །མི་ཤིག་མི་འགྱུར་རབ་ཏུ་བརྟན། །རིན་ཆེན་འབར་བའི་རྒྱས་བཏབ་པས། །ཚེ་དང་བསོད་ནམས་དཔལ་འབྱོར་རྒྱས། །པདྨ་འབར་བའི་རྒྱས་བཏབ་པས། །ཆགས་མེད་སྐྱོན་བྲལ་ཡོན་ཏན་ལྡན། །རལ་གྲི་འབར་བས་རྒྱས་བཏབ་པས། །བདུད་བཞིའི་བར་ཆད་རྩད་ནས་ཆོད། །འཁོར་ལོ་འབར་བས་རྒྱས་བཏབ་པས། །ཉོན་མོངས་འཁོར་བའི་སྡུག་བསྔལ་ཞི། །རྒྱས་ལྔ་བཏབ་པའི་བྱིན་རླབས་ཀྱིས། །སངས་རྒྱས་བསྟན་པ་དར་བ་དང་། །སེམས་ཅན་བདེ་སྐྱིད་ལྡན་པའི་ཕྱིར། །བསྟན་པའི་བཙས་སུ་འདི་གྱུར་ཅིག །གྲོགས་རྣམས་ཀྱིས་ས་རྡོས་འཐས་པར་བཅག རང་ཉིད་ཀྱིས་བཀྲ་ཤིས་གང་ཤེས་དང་། རྟེན་འབྲེལ་སྙིང་པོ་དང་། སུ་པྲ་ཏིཥྛསོགས་བརྗོད་ལ་མ་ཏོག་གི་ཆར་ཕབ། ལས་ཀྱི་རྗེས་མི་

― JKT021_Page_0551 ―

^{[མ་དཔེ་གཟིགས་ན་འདིར་གནོན།]}

[Full Size]

མངོན་པར་བྱའོ། །གནོད་སྦྱིན་གཏེར་འཆང་མཆོག་རྣམས་ཀྱཻ། །འདོད་རྒུའི་བུམ་པ་བཟང་པོ་བཞིན། །གདམས་པའི་སྙིང་པོ་འདི་བརྗོད་དགེས། །ཕན་བདེའི་དཔལ་ཡོན་རྒྱས་གྱུར་ཅིག །ཅེས་པའང་མ་ཧཱ་ཙི་ནའི་གཞུང་གི་གཏོ་བཅོས་རྣམས་དང་བཀའ་གཏེར་སྤྱིའི་མན་ངག་ལ་བརྟེན་ནས་གྲུབ་བརྙེས་ཀརྨ་ཆགས་མེད་ཀྱིས་མཛད་པའི་གཞུང་ལས་མདོར་བསྡུས་སྙིང་པོར་དྲིལ་བའི་ལེའུ་ཚན་ནོ། །སརྦ་མངྒ་ལཾ་བྷ་བ་ཏུ།། །།གནོད་སྦྱིན་འཁོར་ལོའི་ཆོ་ག་ལ་བརྟེན་ནས་གཏེར་བུམ་སྒྲུབ་པའི་མན་ངག་འདོད་རྒུའི་བུམ་བཟང་ཞེས་བྱ་བ་བཞུགས་སོ།། །།ཨོཾ་སྭ་སྟི། གང་ཞིག་བསྙེན་པས་འདོད་རྒུའི་དཔལ། །ཡིད་བཞིན་སྦྱིན་མཛད་བླ་མ་ལྷར། །བཏུད་ནས་ཕུན་ཚོགས་གཏེར་ཆེན་པོའི། །བུམ་བཟང་སྒྲུབ་པའི་མན་ངག་འབྲི། །འདི་ལ་གསུམ། སྦྱོར་བ། དངོས་གཞི། རྗེས་སོ། །དང་པོ་ནི། སྒྲུབ་པ་པོ་རྡོར་ཕྲེང་ནང་གི་ནོར་རྒྱུན་མའི་དཀྱིལ་འཁོར་དུ་དབང་ཐོབ་པའམ། མ་ཐོབ་ཀྱང་རིགས་གསུམ་སྤྱིའམ། ཨ་ར་པ་ཙ་ན་ལྷ་ལྔའི་དཀྱིལ་འཁོར་དུ་དབང་ཐོབ་པ། འདི་ཉིད་ཀྱི་འཁོར་ལོ་ལ་བརྟེན་པའི་རྗེས་གནང་ངམ། སྒྲུབ་ཐབས་རྒྱ་མཚོ་ནས་འབྱུང་བའི་རྗེས་གནང་ལེགས་པར་ཐོབ་ཅིང་། དམ་ཚིག་དང་སྡོམ་པ་རྣམ་པར་དག་པས་སྔོན་དུ་བསྙེན་པ་རྒྱས་བསྡུས་གང་རིགས་དང་། འཁོར་

― JKT021_Page_0552 ―

^{[མ་དཔེ་གཟིགས་ན་འདིར་གནོན།]}

[Full Size]

ལོ་སྒྲུབ་པ་སོགས་ཇི་སྐད་བཤད་པ་བཞིན་ཚགས་སུ་ཚུད་པར་བྱས་ནས་ལག་ལེན་དངོས་ནི། རིན་པོ་ཆེའི་མ་རྫའི་བུམ་པ་གས་ཆག་མེད་པའི་ནང་དུ་ཀེ་ཚེ་དང་བྲ་བོ་མ་གཏོགས་པའི་འབྲུ་སྣ་ཚོགས། ར་གན་ཞ་ཉེ་མཁར་བ་མ་གཏོགས་པའི་རིན་པོ་ཆེ་སྣ་ཚོགས། དུག་རིགས་དང་གླ་རྩི་མ་གཏོགས་པའི་སྨན་སྣ་ཚོགས། ཤ་ཆང་སྒོག་རིགས་མ་གཏོགས་པའི་ཟས་སྣ་ཚོགས། དར་སྣ། གོས་སྣ། སྣམ་རས་རྣམས་རྒྱལ་ཁབ་ཕྱུག་པོའི་ལག་ནས་ཕྱུང་བ་རབ། མིན་ཀྱང་བཀྲ་ཤིས་པའི་གང་ཟག་ལས་རྙེད་པ་དང་། གཞན་ཡང་གནས་དང་གང་ཟག་བྱིན་རླབས་ཅན་དང་། བསོད་ནམས་ཅན་དང་དཔལ་གཡང་ཅན་གྱི་ཁང་པ་ཞིང་ས་རྟ་ཕྱུགས་ཀྱི་སྤུ་སོགས་དགེ་བའི་རྫས་ཅི་འབྱོར་པ་བླུགས། ཁྱད་པར་རྗེ་བཙུན་རིན་པོ་ཆེས་འཁོར་ལོའི་མན་ངག་ལས། ཟ་མ་ཏོག་ཆེན་པོའི་ནང་དུ་བཞག་ལ། མར་དང་སྦྲང་རྩི་དང་ཤ་ཁ་རས་ནུབ་པར་བྱས་ཏེ། དུས་རྒྱུན་དུ་མེ་ཏོག་ལ་སོགས་པས་མཆོད་པ་བྱས་ན་དངོས་གྲུབ་ཐམས་ཅད་འགྲུབ་པར་འགྱུར་རོ། །ཞེས་གསུངས་པ་ལྟར་ཞུན་མར་དང་སྦྲང་རྩི་ཀ་ར་རྣམས་ཀྱིས་གཏམས། བུམ་པའི་སྟོད་ཀྱི་ཆར་འཁོར་ལོ་རབ་གནས་ཅན་སྟེང་འོག་དང་མདུན་རྒྱབ་མ་ནོར་བར་ན་བཟའ་སེར་པོ་དང་བཅས་ཏེ་གཞུག སླར་ཡང་འབྲུ་སྣ་དང་སྨན་སྣ་བསྲེས་པས་འཐས་པར་

― JKT021_Page_0553 ―

^{[མ་དཔེ་གཟིགས་ན་འདིར་གནོན།]}

[Full Size]

དགང་། སྤྲོ་ན་སྐབས་རྣམས་སུ་བཀྲ་ཤིས་རྟགས་བརྒྱད། རྫས་བརྒྱད། རིན་ཆེན་སྣ་བདུན། འདོད་ཡོན་ཉེར་སྤྱོད་བཅས་བྲིས་པའམ་འཇིམ་པ་ལ་སྤར་བཏབ་པའང་གཞུག ཁ་སྤྲ་ཚིལ་ལམ་འཇིམ་པ་གཙང་མས་སྲུབ་མེད་པར་བཀག མགྲིན་པ་ཡན་ཆད་རས་གཙང་མས་དཀྲིས་ལ་མདུན་དུ་བཀྲ་ཤིས་རྟགས་བརྒྱད་དམ་ནོར་བུ་བྲི། དེ་ལྟ་བུའི་བུམ་པ་དུ་ཡོད་གཞི་གཙང་མར་པདྨ་འདབ་བརྒྱད་རེ་བྲིས་པའི་སྟེང་དུ་བཞག མཐར་མཆོད་པ་དང་གཏོར་མ་བཤམ། གཟུངས་ཐག་སེར་པོ་གདགས། གཉིས་པ་ནི། སྐྱབས་འགྲོ་ནས་བཟུང་བདག་བསྐྱེད་བཟླས་པ་དང་དཀྱིལ་འཁོར་བསྡུ་བའི་བར་སྔོན་ཏུ་འགྲོ་བས། བུམ་པ་བསང་སྦྱང་། སྟོང་པའི་ངང་ལས་བུམ་པའི་གྲངས་དང་མཉམ་པའི་པཾ་ལས་པདྨ་དང་ཨ་ལས་ཟླ་བའི་དཀྱིལ་འཁོར་གྱི་སྟེང་དུ་ཧཱུཾ་ལས་རིན་པོ་ཆེའི་བུམ་པ་ཡངས་ཤིང་རྒྱ་ཆེ་བའི་ནང་དུ་རིན་པོ་ཆེ་དང་། འབྲུ་བཅུད་དང་། ཟས་ནོར་ལོངས་སྤྱོད་ལྷ་མིའི་དཔལ་འབྱོར་ཕུན་སུམ་ཚོགས་པས་ཡོངས་སུ་གང་བར་གྱུར། ཅེས་དང་། རྒྱས་པར་སྤྲོ་ན་ཚིག་ལྷུག་རྣམས་མི་དགོས་པར་སྔགས་དྲུག་ཕྱག་དྲུག་ཙམ་སྤྱི་ལྟར་དང་། མི་ནུས་ན་ནམ་མཁའ་མཛོད་ཀྱི་ཕྱག་རྒྱ་དང་བཅས། ན་མཿསརྦ་ཏ་ཐཱ་ག་ཏེ་བྷྱོ་སོགས་ནས། ཨི་མཾ་ག་ག་ན་ཁཾ་སྭཱ་ཧཱ་ཞེས་ལན་གསུམ་གྱིས། ཡོ་

― JKT021_Page_0554 ―

^{[མ་དཔེ་གཟིགས་ན་འདིར་གནོན།]}

[Full Size]

བྱད་ཐམས་ཅད་འདོད་པའི་ཡོན་ཏན་ལྔའི་རང་བཞིན་དགོས་འདོད་ཐམས་ཅད་འབྱུང་བ་ཟད་མི་ཤེས་པའི་གཏེར་དུ་གྱུར་པར་བསམ། དེ་ལྟ་བུའི་བུམ་པའི་སྟོད་ཀྱི་ཆར་པོ་ལས་པདྨ་འདབ་མ་བརྒྱད་པའི་ལྟེ་བ་དང་འདབ་མ་རྣམས་ལ་ཟླ་བའི་དཀྱིལ་འཁོར་རེ་རེ། དབུས་ཀྱི་གདན་གྱི་སྟེང་དུ་བོ་དང་འབྲས་ཀྱི་སྙེ་མ་ལས་ནོར་རྒྱུན་མར་གསལ་བའི་བརླ་གཡོན་པའི་སྟེང་དུ། ཛ་དང་བཱི་ཛ་པཱུ་ར་ཀ་ལས་ཛམྦྷ་ལ་དང་འཁོར་རྣམས་སྐད་ཅིག་གིས་ཤར་དུ་ཟླ་འོད་མ་དང་ནོར་བུ་བཟང་པོ། ལྷོར་སྤྱན་མ་དང་གང་བ་བཟང་པོ། ནུབ་ཏུ་རབ་སྦྱིན་མ་དང་ནོར་སྦྱིན། བྱང་དུ་འཕགས་མ་དང་རྣམ་ཐོས་སྲས། ཤར་ལྷོར་རབ་ཏུ་བཟང་མོ་དང་དོལ་པའི་ཕྲེང་བ། ལྷོ་ནུབ་ཏུ་སྦས་མ་དང་འཇམ་པོ་འཁྱིལ་བ། ནུབ་བྱང་དུ་མཛེས་མ་དང་གདོང་གི་དབང་པོ། བྱང་ཤར་དུ་དབྱངས་ཅན་མ་དང་སྤྱོད་པའི་དབང་པོ། ཐམས་ཅད་ཀྱང་སྐུ་མདོག་སེར་པོ་ཞལ་གཅིག་ཕྱག་གཉིས་པ། རིན་པོ་ཆེའི་རྒྱན་ཐམས་ཅད་ཀྱིས་བརྒྱན་པ། དར་གྱི་ན་བཟའ་ཅན། མོ་རྣམས་ཀྱི་ཕྱག་གཡས་པས་ཤིང་ཐོག་པཱི་ཛ་པཱུ་ར་ཀ་དང་བཅས་པའི་མཆོག་སྦྱིན་གྱི་ཕྱག་རྒྱ་ཅན། གཡོན་པ་རྣམས་ཀྱིས་འབྲས་ཀྱི་སྙེ་མ་ཐུགས་ཀར་འཛིན་པ། བུད་མེད་སྒྱུ་མའི་ང་རྒྱལ་གྱིས་འགྱིངས་པ། རིན་པོ་ཆེ་འབར་བ་སྐྱུགས་པར་གྱུར་པའི་པདྨའི་གཏེར་ལ་སོགས་པའི་

― JKT021_Page_0555 ―

^{[མ་དཔེ་གཟིགས་ན་འདིར་གནོན།]}

[Full Size]

སྟེང་དུ་སྐྱིལ་ཀྲུང་ཕྱེད་པས་བཞུགས་པའི་བརླ་གཡོན་པ་རྣམས་ཀྱི་སྟེང་དུ། ཕོ་རྣམས་རོལ་པའི་སྟབས་ཀྱིས་བཞུགས་པའི་ཕྱག་གཡས་པ་རྣམས་ཤིང་ཏོག་བཱི་ཛ་པཱུ་ར་ཀཱ་འཛིན་བྱས་མོ་རྣམས་ཀྱི་གཡོན་ནས་འགུལ་བར་འཁྱུད་པ། གཡོན་པ་རྣམས་ཀྱིས་ནེའུ་ལེ་འཛིན་པའོ། །ལྷ་ཐམས་ཅད་ཀྱི་དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། རང་གི་སྙིང་གའི་པཾ་ཡིག་ལས་འོད་ཟེར་འཕྲོས་པས། རང་བཞིན་གྱི་གནས་ནས་དཔལ་མོ་ནོར་རྒྱུན་མ་ལ་ནོར་ལྷའི་ཚོགས་ཀྱིས་བསྐོར་བ་ཨོཾ་བཛྲ་ས་མཱ་ཛཿ ཞེས་པས་སྤྱན་དྲངས་པ་ལ། ཨོཾ་ཤྲཱི་བ་སུ་དྷ་རི་ཎཱི་མཎྜ་ལ་ས་པ་རི་ཝཱ་ར་ཨརྒྷཾ་པྲ་ཏཱིཙྪ་སྭཱ་ཧཱ། བཛྲ་པཧཱུྃ་པྲ་ཏིཙྪ་སྭཱ་ཧཱ། ཨོཾ་བཛྲ་པུཧྥེ་ཨཱཿཧཱུཾ་ནས་ཤབྡ་ཨཱཿཧཱུྃ་གི་བར་སྦྱར་བས་མཆོད། ཛཿཧཱུྃ་བཾ་ཧོས་མདུན་བསྐྱེད་ལ་གཉིས་སུ་མེད་པར་ཐིམ། སླར་ཡང་རང་གི་སྙིང་གའི་ས་བོན་ལས་འོད་ཟེར་འཕྲོས་པས་དབང་གི་ལྷ་རིགས་ལྔ་འཁོར་བཅས་ཨོཾ་བཛྲ་ས་མཱ་ཛཿ ཞེས་པས་སྤྱན་དྲངས་ལ། ཨོཾ་སརྦ་ཏ་ཐཱ་ག་ཏ་པཉྩ་ཀུ་ལ་ས་པ་རི་ཝཱ་ར་སྦྱར་བའི་ཨརྒྱུ་སོགས་ཀྱིས་མཆོད། དེ་བཞིན་གཤེགས་པ་ཐམས་ཅད་ཀྱིས་འདི་ལ་མངོན་པར་དབང་བསྐུར་དུ་གསོལ། ཞེས་གསོལ་བ་བཏབ་པས། ཇི་ལྟར་བལྟམས་པ་སོགས་ནས། ཤྲཱི་ཡེ་ཧཱུཾ་ཞེས་གསུང་ཞིང་བུམ་པའི་ཆུས་སྤྱི་བོ་ནས་དབང་བསྐུར། སྐུ་གང་། དྲི་མ་

― JKT021_Page_0556 ―

^{[མ་དཔེ་གཟིགས་ན་འདིར་གནོན།]}

[Full Size]

དག །ཆུའི་ལྷག་མ་ཡར་ལུད་པ་ལས་ཐམས་ཅད་ལ་རིན་ཆེན་འབྱུང་ལྡན་གྱིས་དབུར་བརྒྱན། མཆོད་པ་བསང་སྦྱང་བྱིན་གྱིས་བརླབས་ནས། ཐལ་མོ་སྦྱར་ཏེ། འཇིག་རྟེན་ཁམས་འདི་འམ་དཔག་མེད་ན། །མཆོད་ཡོན་ཇི་སྙེད་ཡོད་པ་རྣམས། །འཕགས་མ་འཁོར་དང་བཅས་ལ་འབུལ། །བཞེས་ནས་དཔལ་འབྱོར་རྒྱས་པར་མཛོད། །ཨོཾ་ཤྲཱི་བ་སུ་དྷ་རི་ཎཱི་མཎཱ་ལ་ས་པ་རི་ཝཱ་ར་བཛྲ་ཨརྒྷཾ་པྲ་ཏིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཨཱཿཧཱུྃ། ཞེས་དང་། དེ་བཞིན་དུ། ཞབས་བསིལ་དང་། མེ་ཏོག་སོགས་ནས། རོལ་མོའི་བར་འདོན་པ་བསྒྱུར་ལ་དབུལ་ཞིང་། དྷརྨཱ་ར་ཎི་ཏ་སོགས་བརྗོད། སྤྲོ་ན། ཟླརྩིབས་སྟོང་ལྡན་པའི་གསེར་གྱི་འཁོར་ལོ་སོགས། །རྒྱ་ཆེན་བསོད་ནམས་དཔལ་ལས་ལེགས་གྲུབ་པ། །མི་ཡི་དབང་པོའི་རིན་ཆེན་སྣ་བདུན་འབུལ། །བཞེས་ནས་དཔལ་འབྱོར་རྒྱས་པའི་དངོས་གྲུབ་སྩོལ། །ཨོཾ་ཤྲཱི་བ་སུ་དྷ་རི་ཎཱི་མཎཱ་ལ་ས་པ་རི་ཝཱ་ར་ས་ལྟ་རཏྣ་པཱུ་ཛི་ཏེ་ཧཱུཾ། །གཡུལ་ལས་རྒྱལ་བར་བྱེད་པའི་རལ་གྲི་སོགས། །བསོད་ནམས་དུ་མའི་མཐུ་ཡིས་ལེགས་བསྐྱེད་པའི། །ས་བདག་ཉེ་བའི་རིན་ཆེན་སྣ་བདུན་འབུལ། །བཞེས་ནས་དཔལ་འབྱོར་རྒྱས་པའི་དངོས་གྲུབ་སྩོལ། །ཨོཾ་ཤྲཱི་བ་སུ་དྷ་རི་ཎཱི་མཎྜ་ལ་ས་པ་རི་ཝཱ་ར་ས་བྷ་ཨུ་པ་རཏྣ་པཱུ་ཛི་ཏེ་ཧཱུཾ། །ཡིད་འོང་གཟུགས་དང་རྣར་སྙན་སྒྲ་ལ་

― JKT021_Page_0557 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས། །བསོད་ནམས་དུ་མའི་མཐུ་ཡིས་ལེགས་བསྐྱེད་པའི། །མཐོ་རིས་འགྲོ་བའི་འདོད་ཡོན་རྣམ་ལྔ་འབུལ། །བཞེས་ནས་དཔལ་འབྱོར་རྒྱས་པའི་དངོས་གྲུབ་སྩོལ། །ཨོཾ་ཤྲཱི་བ་སུ་དྷ་རི་ཎཱི་མཎྜ་ལ་ས་པ་རི་ཝཱ་ར་ས་ལྟ་ཨུ་པ་རཏྣ་པཱུ་ཛི་ཏེ་ཧཱུཾ། །ཡིད་འོང་གཟུགས་དང་རྣར་སྙན་སྒྲ་ལ་སོགས། །བསོད་ནམས་དུ་མའི་མཐུ་ཡིས་ལེགས་བསྐྱེད་པའི། །མཐོ་རིས་འགྲོ་བའི་འདོད་ཡོན་རྣམ་ལྔ་འབུལ། །བཞེས་ནས་དཔལ་འབྱོར་རྒྱས་པའི་དངོས་གྲུབ་སྩོལ། །ཨོཾ་ཤྲཱི་བ་སུ་དྷ་རི་ཎཱི་མཎཱ་ལ་ས་པ་རི་ཝཱ་ར་པཉྩ་ཀཱ་མ་གུ་ཎ་པཱུ་ཛི་ཏེ་ཧཱུཾ། ཐུབ་པས་བྱིན་བརླབས་མེ་ལོང་སོགས་དང་ནི། །སྐུ་ཡི་ཆ་ཤས་དབྱིབས་མཚོན་དཔལ་བེའུ་སོགས། །བཀྲ་ཤིས་སྒྲུབ་པའི་རྫས་དང་རྟགས་བརྒྱད་འབུལ། །བཞེས་ནས་དཔལ་འབྱོར་རྒྱས་པའི་དངོས་གྲུབ་སྩོལ། །ཨོཾ་ཤྲཱི་བ་སུ་དྷ་རི་ཎཱི་མཎྜ་ལ་ས་པ་རི་ཝཱ་ར་མངྒ་ལ་ཨཊྚ་དྲ་བྱ་ཙིཏྣ་པཱུ་ཛི་ཏེ་ཧཱུཾ་ཞེས་པའི་སྔགས་རྣམས་ལ་ནམ་མཁའ་མཛོད་ཀྱི་ཕྱག་རྒྱ་བྱ་ཞིང་མཆོད། རྡོ་རྗེ་དྲིལ་བུ་འཛིན་པས། ཕུན་ཚོགས་དགེ་ལེགས་ཀུན་འབྱུང་བཅོམ་ལྡན་མ། །དཔལ་དང་འབྱོར་པའི་དབང་ཕྱུག་ནོར་རྒྱུན་མ། །ཡིད་ལ་རེ་བའི་བཀྲ་ཤིས་སྩོལ་མཛད་མ། །བསམ་འཕེལ་དཀྱིལ་འཁོར་དབང་ཕྱུག་མ་ལ་འདུད། །གང་སྔོན་སྦྱིན་པ་རྒྱ་མཚོའི་དགེ་བསགས་པས། །ཚེ་དང་ནོར་དང་

― JKT021_Page_0558 ―

^{[མ་དཔེ་གཟིགས་ན་འདིར་གནོན།]}

[Full Size]

མཐུ་ཡི་དཔལ་བརྙེས་ནས། །སྒྲུབ་པ་པོ་ལ་དབྱིག་གི་ཆར་འབེབས་པའི། །ནོར་སྦྱིན་ཡབ་ཡུམ་འཁོར་དང་བཅས་ལ་བསྟོད། །ཅེས་བསྟོད། གཏོར་མ་ཆུ་གཙང་མས་སྦྱང་། ༀ་ཨཱཿཧཱུྃ་ལན་གསུམ་གྱིས་བརླབ། སྔགས་རྣམས་ཀྱི་མཐར། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི་སརྦ་སིདྡྷི་མྨེཔྲ་ཡཙྪ་ཆུ་ཧཱུྃ་ཕཊ་ཅེས་ལན་གསུམ་སོགས་ཀྱིས་ཕུལ། ཨོཾ་ཤྲཱི་བ་སུ་དྷ་རི་ཎཱི་མཎྜ་ལ་ས་པ་རི་ཝཱ་ར་ཨརྒྷཾ་པྲ་ཏཱིཙྪ་སྭཱ་ཧཱ་སོགས་ནས། ཤཔྟའི་བར་སྦྱར་བས་མཆོད། ཕུན་ཚོགས་དགེ་ལེགས་ཀུན་འབྱུང་སོགས་ཀྱིས་བསྟོད། བཅོམ་ལྡན་འདས་མ་འཁོར་དང་བཅས་པས་བདག་དང་སྦྱིན་པའི་བདག་པོས་གཙོར་བྱས་སེམས་ཅན་ཐམས་ཅད་ལ་འདོད་རྒུའི་འབྱོར་པའི་དངོས་གྲུབ་ཟད་མི་ཤེས་པ་སྩལ་དུ་གསོལ་ཞེས་འདོད་དོན་གསོལ། གཟུངས་ཐག་ནས་བཟུང་སྟེ། རང་གི་སྙིང་ག་ནས་འོད་ཟེར་སྔགས་ཕྲེང་གི་རྣམ་པ་ཅན་འཕྲོས་པས་ལྷ་རྣམས་ཀྱི་ཐུགས་རྒྱུད་བསྐུལ། དེ་རྣམས་ཀྱི་སྐུ་ལས་འོད་ཟེར་ཕོ་ཉ་ལྟ་བུ་བསམ་གྱིས་མི་ཁྱབ་པ་འཕྲོས། འཇིག་རྟེན་གྱི་ཁམས་ཐམས་ཅད་ཁྱབ། སངས་རྒྱས་བྱང་སེམས་ཉན་རང་འཕགས་པའི་ཚོགས་ཀྱི་བྱིན་རླབས་ནུས་མཐུ་ཐམས་ཅད་འོད་ཟེར་སེར་པོའི་རྣམ་པར་སྤྱན་དྲངས་ཤིང་། དེ་དང་དུས་མཉམ་དུ་སྲིད་པ་གསུམ་གྱི་དཔལ་འབྱོར་ལོངས་སྤྱོད་བཅུད་གཡང་དང་བཅས་པ་

― JKT021_Page_0559 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་བཀྲག་མདོངས་གཟི་བརྗིད་ཅན་གྱི་རྣམ་པར་བཀུག་སྟེ། བུམ་པའི་ནང་གི་རྫས་རྣམས་ལ་གཉིས་སུ་མེད་པར་ཐིམ་པས་འདོད་རྒུའི་དཔལ་འབྱོར་ཟད་མི་ཤེས་པའི་གཏེར་གྱི་བུམ་པ་བཟང་པོར་གྱུར། བུམ་པའི་ནང་གི་དཔལ་འབྱོར་ཕུན་སུམ་ཚོགས་པ་རབ་ཏུ་འཕེལ་ཞིང་ཁ་ནས་ལྷུད་ཀྱིས་ལུད། ལྷ་རྣམས་ཀྱི་སྐུ་དང་ཕྱག་མཚན་རྣམས་ལས་ཀྱང་རིན་པོ་ཆེ་དང་འབྲས་སོགས་མཁོ་དགུ་ལོངས་སྤྱོད་ཀྱི་ཆར་ཆེན་པོ་ཆིལ་ཆིལ་བབས་པས་གནས་ཁང་དང་། གཙུག་ལག་ཁང་དང་། བང་མཛོད་ལ་སོགས་པ་མར་གྱིས་ཁེངས་པས་བདག་དང་སྦྱིན་བདག་གིས་མཚོན་པའི་སེམས་ཅན་ཐམས་ཅད་བསམ་པ་རྫོགས་པར་གྱུར་ཅེས་བརྗོད་ཅིང་བསམས་ལ། ཨོཾ་བ་སུ་དྷ་རི་ཎྱེ་སྭཱ་ཧཱ་ཞེས་གཙོ་བོར་བཟླ། ཐུན་མཚམས་རྣམས་སུ་འཁོར་རྣམས་ལ། ཨོཾ་ཙནྡྲ་ཀཱནྟེ་སྭཱ་ཧཱ། དེ་བཞིན་དུ། དཙཱ་ཡེ། སུ་ཨུད་ཏྲཱ་ཡེ། ཨཱརཱ་ཡེ། སུ་བྷ་དྭ་ཡེ། གུཔྟ་ཡེ། དེ་བྱེ། ས་ར་སྭཱ་ཏེ་སྭཱ་ཧཱ། ཞེས་པས་ཡུམ་རྣམས་དང་། ཨོཾ་ཛམྦྷ་ལ་ཛ་ལེནྡྲ་ཡེ་སྭཱ་ཧཱ། དེ་བཞིན་དུ། མ་ཎི་བྷ་དྲྭ་ཡ། པུ་ཎ་བྷ་དྭ་ཡ། དྷ་ན་དཱ་ཡ། །བེ་ཤྲ་བ་ཎཱ་ཡ། ཀི་ལི་མཱ་ཡི་ནི། བི་ཙི་ཀུཎྜ་ལི་ནི། མུ་ཁེནྡྲ་ཡ། ཨོཾ་ཙ་རེནྡྲ་ཡ་སྭཱ་ཧཱ། ཞེས་པ་ཡབ་རྣམས་ཏེ་སོ་སོར་གཙོ་མོའི་བཅུ་ཆ་རེ་བཟླ། ཐུན་བསྡུ་བ་ན། མཆོད་པ་བསང་སྦྱང་བྱིན་གྱིས་

― JKT021_Page_0560 ―

^{[མ་དཔེ་གཟིགས་ན་འདིར་གནོན།]}

[Full Size]

བརླབས་ལ། ཨོཾ་ཤྲཱི་བ་སུ་དྷ་རི་ཎཱི་ས་པ་རི་ཝཱ་ར་ཨརྒྷཾ་པྲ་ཏཱི་ཙྪནས། ཤཔྟའི་བར་སྦྱར་བས་མཆོད། ཕུན་ཚོགས་དགེ་ལེགས་སོགས་ཀྱིས་བསྟོད། ཡིག་བརྒྱ་ལན་གསུམ། མ་འབྱོར་པ་དང་སོགས་:ཀྱིས་བཟོད་པར་གསོལ། དེ་ནས་མེ་ཏོག་སེར་པོ་ཐོགས་ལ། བཅོམ་ལྡན་འདས་མ་འཕགས་མ་ནོར་རྒྱུན་མའི་ལྷ་ཚོགས་འཁོར་དང་བཅས་པ་ཁྱེད་རྣམས་རྟེན་འདི་རྣམས་ལ་བརྟན་པར་བཞུགས་སུ་གསོལ། བརྟན་པར་བཞུགས་ནས་རྟེན་འདི་རྣམས་གང་དུ་བཞུགས་པའི་ཡུལ་ཕྱོགས་དང་གནས་ཁང་ཐམས་ཅད་ལོ་ཕྱུགས་ལེགས་ཤིང་། འབྲུ་བཅུད་དར་བ་དང་། སྲིད་ཞིའི་དཔལ་འབྱོར་ཕུན་སུམ་ཚོགས་པ་ཐམས་ཅད་རྒྱ་མཚོ་ཆེན་པོ་ལ་ཆུ་བོའི་རྒྱུན་བཞིན་དུ་འདུ་བར་མཛད་དུ་གསོལ་ཞེས་དང་། སུ་པྲ་ཏིཥྛ་དང་ཡེ་དྷརྨཱ་མང་དུ་བརྗོད་ཅིང་མེ་ཏོག་འཐོར་རོ། །དེ་ལྟ་བུའི་གསོལ་གདབ་བརྟན་བཞུགས་ལན་གསུམ་མམ་བདུན་ལ་སོགས་པ་གང་མང་བྱ། རང་གི་དཔྲལ་བར་ཨོཾ་དཀར་པོ། མགྲིན་པར་ཨཱདམར་པོ། ཐུགས་ཀར་ཧཱུཾ་སྔོན་པོ་ཞེས་གནས་གསུམ་བསྲུང་། དགེ་བ་འདི་ཡིས་མྱུར་དུ་བདག །ནོར་རྒྱུན་དཔལ་མོ་འགྲུབ་གྱུར་ནས། སོགས་དང་། ཐམས་ཅད་ནམ་མཁའི་མཛོད་བཞིན་དུ། །ལོངས་སྤྱོད་ཟད་པ་མེད་པར་ཤོག །རྩོད་པ་མེད་ཅིང་འཚེ་མེད་པ། །རང་དབང་དུ་ནི་སྤྱོད་

― JKT021_Page_0561 ―

^{[མ་དཔེ་གཟིགས་ན་འདིར་གནོན།]}

[Full Size]

པར་ཤོག །ལྷ་ཡང་དུས་སུ་ཆར་འབེབས་ཤིང་། །ལོ་ཏོག་ཕུན་སུམ་ཚོགས་པར་ཤོག །རྒྱལ་པོ་ཆོས་བཞིན་བྱེད་པ་དང་། །འཇིག་རྟེན་དག་ཀྱང་དར་བར་ཤོག །འབད་དང་རྩོལ་བས་མ་གོས་པ། །ཡིད་བཞིན་ནོར་བུ་དཔག་བསམ་བཞིན། །སེམས་ཅན་རེ་བ་སྐོང་མཛད་པ། །བསམ་པ་འགྲུབ་པའི་བཀྲ་ཤིས་ཤོག །ཅེས་སོགས་བསྔོ་སྨོན་ཤིས་བརྗོད་ཁྱད་པར་བ་དང་། གཞན་ཡང་། ཆེ་བའི་ཆེ་མཆོག་སོགས་མདོ་རྒྱུད་ནས་འབྱུང་བའི་བཀྲ་ཤིས་ཀྱི་ཚིགས་སུ་བཅད་པ་རྒྱ་ཆེར་བརྗོད། དེ་ལྟ་བུ་ཐུན་དུ་བཅད་ནས་རང་ངམ་སྦྱིན་བདག་ལ་རྨི་ལྟས་དགེ་བ་ལྟ་བུའི་རྟགས་མ་བྱུང་གི་བར་རམ་ཞག་བདུན་སོགས་བསྒྲུབ་བོ། །གསུམ་པ་ནི་དེ་ལྟར་ལེགས་པར་བསྒྲུབས་པའི་མཐར་བང་མཛོད་གྱི་ཕུག ཕྱུགས་ལྷས་ཀྱི་གོང་ཞིང་ས་བཟང་པོའི་དཀྱིལ་སོགས་གང་དུ་འཇོག་པའི་སར་སྤྱན་དྲངས་ཏེ་སྒྲོམ་བུའི་ནང་དུ་པདྨ་འདབ་བརྒྱད་བྲིས་པའི་སྟེང་དུ་ཞལ་ཕྱི་སྒོ་དང་། ལུང་བའི་མདའ་སོགས་དང་མི་འཕྲོད་པར་བྱས་ཏེ་མཆོད་པའི་བྱེ་བྲག་དང་བཅས་ཏེ་བཞག བརྟན་བཞུགས་དང་ཤིས་བརྗོད་རྒྱས་པར་བྱ། དུས་དང་དུས་སུ་མེ་ཏོག་སོགས་ཉེར་སྤྱོད་དང་། ཟས་སྣའི་ཕུད་སོགས་ཀྱིས་མཆོད་ན་འདོད་རྒུའི་དངོས་གྲུབ་ངེས་པར་སྟེར་བར་འགྱུར་ལ། གལ་ཏེ་སྔགས་བསྒྲུབས་ནས་ཡུན་རིང་སོང་

― JKT021_Page_0562 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ཡིན་ན་བཞག་དུས་ཞལ་གསོ་བའི་དོན་དུ་སྔར་བཤད་པ་ལྟར་གྱི་ཆོ་ག་ཚར་གཅིག་བསྐྱར་ནའང་ལེགས་པར་འགྱུར་རོ། །ཚུལ་འདི་རྗེ་ཨེ་ཝཾ་པ་དཀོན་མཆོག་དཔལ་ལྡན་སོགས་ཀྱིས་གསང་འདུས་ཀྱི་ཕྱོགས་སུ་གཏོགས་པར་མཛད་པའང་། ཆོ་གའི་ཡན་ལག་རྣམས་བླ་མེད་ལྟར་བཀྲལ་བའི་དབང་དུ་བྱས་ན་འགལ་བ་མེད་མོད། འོན་ཀྱང་གཞིའི་རྒྱུད་འཇམ་དཔལ་དཔའ་བོ་གྲུབ་པ་ནི་རྒྱུད་སྡེ་འོག་མ་ཡིན་པས། ཆོ་ག་སྤྱི་ཁྱབ་ཙམ་ལའང་བརྟེན་དུ་རུང་བས། དེ་ལྟར་ན་མཆོད་པ་བསང་སྔགས་སོགས་ཨ་མྲྀ་ཏས་བྱ་བ་དང་། རོལ་མོ་བྱིན་གྱིས་བརླབས་པའི་སྔགས་དྷམ་ར་ཎི་བརྗོད་པ་ཙམ་ཁྱད་པར་རོ། །གང་ལྟར་ཡང་ཁྲུས་དང་གཙང་སྒྲ་སོགས་ཀུན་སྤྱོད་ནི་རྒྱུད་སྡེ་འོག་མ་ལྟར་བྱ་བ་གལ་ཆེའོ། །གནོད་སྦྱིན་འཁོར་ལོ་ལ་བརྟེན་ནས། །འདོད་རྒུའི་མཆོག་སྩོལ་གཏེར་ཆེན་པོའི། །བུམ་བཟང་སྒྲུབ་ཐབས་བགྱིས་པའི་དགེས། །སྲིད་ཞིའི་དགེ་མཚན་རྒྱས་གྱུར་ཅིག །ཅེས་པའང་འཇམ་མགོན་བླ་མ་ངག་གི་དབང་པོས་མཛད་པའི་ཡིག་ཆ་ལུང་རྒྱུན་མ་བཞུགས་པའི་སྟབས་ཀྱིས། གསུང་རབ་དེ་ཉིད་ཀྱི་དགོངས་དོན་ལྟར་བྱ་བྲལ་བ་མཉྫུགྷོ་ཥས་བཀླགས་ཆོག་ཏུ་དག་པར་བྲིས་པ་དགེ་ལེགས་མཆོག་ཏུ་གྱུར་ཅིག། ༈ །སྙིང་གཏེར་སྐབས། བདག་བསྐྱེད། ན་མོ། དཀོན་མཆོག་གསུམ་ནས། ཀུ་རུ་ཡེ་སྭཱ་ཧཱ།

― JKT021_Page_0563 ―

^{[མ་དཔེ་གཟིགས་ན་འདིར་གནོན།]}

[Full Size]

བར་ལྷན་ཐབས་ལྟར། དེ་ནས་གསེར་སྐྱེམས་ལྷན་ཐབས་ལྟར་བཏང་། བུམ་པ། ཨ་མྲྀ་ཏས་བསང་། སྭ་བྷཱ་བས་སྦྱངས། སྟོང་པའི་ངང་ལས་འབྱུང་བ་རིམ་བརྩེགས་སྟེང་། ནས། བཛྲ་སྤུ་ར་ཁཾ། བར་གཞུང་ལྟར། སྔགས་དྲུག་ཕྱག་དྲུག་སྤྱི་ལྟར། གཙོ་བོ་གསུམ་གྱི་ནས། བདེ་སྐྱིད་ལྡན་པའི་དངོས་གྲུབ་སྩོལ། བར་གཞུང་ལྟར། མཆོད་བསྟོད་བཟླས་པ་འདོད་གསོལ་བར་ལྷན་ཐབས་ལྟར། འབྱུང་བ་ལྔ་ནི། ནས། ཀརྨ་སིདྡྷི་ཧཱུཾ། བར་གཞུང་ལྟར། །ཀྱི རིན་ཆེན་གསེར་གྱི་ནས། ལྡན་པར་མཛོད། བར་ལྷན་ཐབས། དེ་ནས། ཡི་གེ་བརྒྱ་པ་གསུམ། མ་འབྱོར་པ་དང་སོགས། འདིར་ནི་རྟེན་དང་སོགས་བརྟན་བཞུགས། སུ་པྲ་ཏིཥྛ་དང་། ཡེ་དྷརྨ་མང་དུ་བརྗོད་ཅིང་མེ་ཏོག་འཐོར། དེ་ནས་ཁ་གཅོད་རྒྱབ་ལ། ཧོ༔ རྡོ་རྗེ་འབར་བའི་སོགས་གཞུང་ལྟར། མཐར། བཀྲ་ཤིས་རྒྱས་པར་བརྗོད། རྟེན་སྙིང་བཟླས་ཤིང་མེ་ཏོག་འཐོར། བསྔོ་སྨོན་སོགས་བྱའོ། མངྒ་ལཾ། ༈ གཟུངས་བུམ་སྒྲུབ་ཚུལ་སྤྱིར་བཏང་ངག་འདོན་ཤིན་ཏུ་བསྡུས་པ་བཞུགས་སོ། །ཨོཾ་སྭ་སྟི། བྱབས་ཁྲུས་སོགས་ཀྱི་སྐབས་བུམ་པ་ཚུལ་བཞིན་ཏུ་སྒྲུབ་མ་ནུས་པའི་ཚེ། གཟུངས་བུམ་སྒྲུབ་ཚུལ་སྤྱིར་བཏང་གི་ངག་འདོན་ནི། སངས་རྒྱས་ཆོས་ཚོགས་སོགས་སྐྱབས་སེམས་ལན་གསུམ་དང་། སེམས་ཅན་ཅད་བདེ་བ་དང་སོགས་ཚད་མེད་བཞི་བསྒོམ། རང་ཉིད་སྐད་ཅིག་གིས་འདིར་སོ་སོའི་མཚན་བརྗོད་ཀྱང་ལེགས། ལྷག་པའི་ལྷའི་སྐུར་གྱུར་པར་བསམ་ལ་སྔགས་ཅི་ནུས་བཟླས་མཐར། བུམ་པ་བསངས་སྦྱངས། སྟོང་པའི་ངང་

― JKT021_Page_0564 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་པཾ་ལས་པདྨ་དང་ཨ་ལས་ཟླ་བའི་དཀྱིལ་འཁོར་གྱི་སྟེང་དུ་ཧཱུཾ་ལས་རིན་པོ་ཆེའི་བུམ་པ་ཡངས་ཤིང་རྒྱ་ཆེ་བ། ལྟོ་བ་ལྡིར། ཞབས་ཞུམ་པ། མགྲིན་པ་ཕྲ་བ། ཁ་གཡེལ་བ། མཆུ་འཕྱང་བ། ལྷ་རྫས་ཀྱི་གོས་ཀྱིས་མགུལ་བ་བཅིངས་པ། དཔག་བསམ་གྱི་ཤིང་གིས་ཁ་བརྒྱན་པ། ནང་ཆུ་དང་བཅུད་སྣ་ཚོགས་ཀྱིས་ཡོངས་སུ་གང་བའི་དབུས་སུ་ཟླ་བ་ཁྲོ་བོ་ཡིན་ན་ཉི་མ་ཞེས་བསྒྱུར་ལ་གཟུངས་སྔགས་ཀྱི་ཕྲེང་བས་མཚན་པ། དེ་ལས་འོད་ཟེར་འཕྲོས། འཕགས་པ་མཆོད། སེམས་ཅན་གྱི་དོན་བྱས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ཐུགས་རྗེའི་བྱིན་རླབས་ནུས་མཐུ་ཐམས་ཅད་བསྡུས་ནས་སྔགས་ཕྲེང་ལ་ཐིམ། དེ་ལས་བདུད་རྩིའི་རྒྱུན་དཔག་ཏུ་མེད་པ་བབ་པས་བུམ་པ་གང་བར་གྱུར། ཅེས་བརྗོད་ཅིང་བསམ་ལ་བཟླ་བྱའི་སྔགས་ཅི་ནུས་བཟླས་མཐར། སྔགས་ཕྲེང་གདན་དང་བཅས་པ་འོད་དུ་ཞུ་བ་ལས་བྱུང་བའི་བུམ་པའི་ཆུ་ནུས་པ་དང་ལྡན་པར་གྱུར། ཅེས་དང་བསྔོ་སྨོན་ཤིས་བརྗོད་ཅི་རིགས་པ་བྱའོ། །ཞེས་པའང་རྒྱ་གཞུང་ཚད་ལྡན་གྱི་དགོངས་པ་ལྟར་མཉྫུ་གྷོ་ཥས་བྲིས་པས་དགེ། ༈ །ཤེ་ཡནྟུ། ཉེས་སེལ་གྱི་བུམ་གཏེར་ལ། དབུས་སུ་དུས་ཀྱི་འཁོར་ལོ་ལྷན་སྐྱེས་སྐུ་མདོག་སྔོན་པོ་རྡོར་དྲིལ་འཛིན་པ། ཞབས་གཡོན་དཀར་པོ་བསྐུམ་པ་དབང་ཕྱུག་དཀར་པོ་དང་། གཡས་དམར་པོ་བརྐྱངས་པས་འདོད་ལྷ་དམར་པོ་མནན་པའི་

― JKT021_Page_0565 ―

^{[མ་དཔེ་གཟིགས་ན་འདིར་གནོན།]}

[Full Size]

དོར་སྟབས། །རལ་པའི་ཐོར་ཚུགས་དང་། ཡིད་བཞིན་གྱི་ནོར་བུ་དང་ཟླ་བ་ཕྱེད་པས་དབུ་ལ་རྒྱན་པ། །རྡོ་རྗེའི་རྒྱན་དང་སྟག་ཤམ་ཅན། ཡུམ་སེར་མོ་གྲི་ཐོད་འཛིན་པས་ཡབ་ལ་འཁྱུད་པ། ཡབ་ཡུམ་གཉིས་ཀ་ཁྲོ་ཆགས་ཀྱི་ཉམས་ཅན། སྤྱན་གསུམ་པ། མེ་རི་ཁ་དོག་སྣ་ལྔའི་དབུས་ན་བཞུགས་པ། གདན། རླུང་མེ་ཆུ་ས་རི་རབ་སྣ་ཚོགས་པདྨ་ཟླ་བ་ཉི་མ་དུས་མེ་རྣམས་བརྩེགས་པའི་སྟེང་དུ་དབང་ཕྱུག་དང་། བདུད་ཀྱི་སྟེང་འགྱིང་བའི་རྒྱབ་ཏུ། ཨོཾ་ཨཱཿཧཱུྃ་ཧོ་ཧཾ་ཀྵ། ཨོཙྪཱསཱ་ཧཱ། ཕྱི་ནང་གཞན་གསུམ་གྱི་གཟའ་དང་རྒྱུ་སྐར་ས་བདག་ལྷ་ཀླུ་རྫུ་འཕྲུལ་ཅན་གྱི་ཚོགས་རྣམས་ཀྱིས་བདག་ཅག་དཔོན་སློབ་ཡོན་མཆོད་འཁོར་དང་བཅས་པ་ལ་གནམ་ས་རི་བྲག་ཆུ་ཤིང་གི་ས་དཔྱད་ཉེས་པའི་རྒུད་པ་ཐམས་ཅད་ཞི་བ་དང་། །སའི་དཔལ་དང་། གཟི་བརྗིད་ཕུན་སུམ་ཚོགས་པར་འཕེལ་བས་བཀྲ་ཤིས་དང་བདེ་ལེགས་སུ་མཛད་དུ་གསོལ། ཨོཾ་ཨ་ནི་ཀ་ནི་ཨ་བྷི་ལ་མཎྜལ་མ་ཡེ་སྭཱ་ཧཱ། ཨོཾ་ཡེ་དྷརྨ་རྨ་ཧེ་ཏུ་པྲ་བྷ་བཱ་ཧེ་ཏུནྟེ་ཥཱནྟ་ཐཱ་ག་ཏོ་ཧྱ་བ་དཏྲ། ཏེ་ཥཉྩཡོ་ནི་རོ་དྷ་ཨེ་ཝཾ་བཱ་དཱི་མ་ཧཱ་ཤྲ་མ་ཎཱ་ཡ་སྭཱ་ཧཱ། འབྱུང་པོ་གང་དག་འདིར་ནི་ལྷག་གྱུར་ཏམ། །སའམ་འོན་ཏེ་བར་སྣང་འཁོད་ཀྱང་རུང་། སྐྱེ་རྒུ་རྣམས་ལ་རྟག་ཏུ་བྱམས་བྱེད་ཅིང་། །ཉིན་དང་མཚན་དུ་ཆོས་ལ་སྤྱོད་པར་ཤོག །སརྦ་དཱ་

― JKT021_Page_0566 ―

^{[མ་དཔེ་གཟིགས་ན་འདིར་གནོན།]}

[Full Size]

ཤུབྷ་ལྕ་ཀ་ལྱཱ་ཎཾ་བྷ་བ་ཏུ། །ཞེས་བྲིས་པ་དང་། སཙྪ་རབ་གནས་ཅན་རྣམས་ལྷན་ཅིག་ཏུ་སྙིང་པོར་བཅུག གཞན་ཡང་མཐིལ་དུ་ས་སྣ་ཆུ་སྣ་དང་། དེ་སྟེང་བུམ་རྫས་ཉེར་ལྔ། རིན་པོ་ཆེ་དང་། འབྲུ་སྨན་སོགས་ཀྱིས་བཀང་། ཁ་གཅོད་སོགས་ལེགས་པར་བརྒྱབ་པའི་རྒྱབ་ཏུ་རྩི་ལྗང་གུ་དང་། མདུན་རྟགས་རྣམ་བཅུ་དབང་ལྡན་བྲིའོ། །མངྒ་ལཾ། ༈ བུམ་གཏེར་སྤྱིའི་ཟིན་བྲིས་ཡིད་བཞིན་ནོར་བུའི་གན་མཛོད་ཅེས་བྱ་བ་བཞུགས་སོ། ཨོཾ་སྭ་སྟི། བུམ་གཏེར་སྤྱིའི་ཡོ་བྱད་ཉེར་མཁོ་ལ། ཐོག་མར་གཟུངས་གཞུག་ནི། ནོར་བུམ་སྤྱི་ཁྱབ་ཏུ། ཨོཾ་ཨཱཙྪཱཧཱུྃ་མ་ཧཱ་གུ་རུ་རན་སམྦྷ་ཧཱུྃ། ཨོཾ་ཛམྦྷ་ལ་ཛ་ལེནྡྲ་ཡེ་ཨ་ཡུར་ཛྙཱ་ན་པུཎྱེ་སིདྡྷི་ཧཱུྃ། དྷ་ན་མེ་དྷི་སྭཱ་ཧཱ། །ཨོཾ་ཛ་བྷ་ལ་ཛ་ལེནྡྲ་ཡེ་སྭཱ་ཧཱ། ཨོཾ་ཁཾམ་བ་སུ་དྷ་རི་ཎཱི་སྭཱ་ཧཱ། །ཨོཾ་བེ་ཤྲ་མ་ཎ་ཡེ་སྭཱ་ཧཱ། །ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷྱཱ་སརྦ་ཐཱ་ཁཾ་ཨུཏྟ་ཏེ་སྥ་ར་ཎ་ཧི་མཾ་ག་ག་ན་ཁཾ་ས་མ་ཡེ་སྭཱ་ཧཱ། ཏྲི་རཏྣ་དྷརྨ་པཱ་ལ་བ་སུ་དེ་བ་ས་རི་ཝཱ་རེ་བྷཾ་སྶརྦ་ཏུ་དིཀྵ་ཀ་ལ་སརྦ་ཡུར་པུ་སྐྱེ་བ་སུ་པུཊཾ་ཀུ་རུ་ཨོཾ། ཞེས་དང་། ལྷ་བུམ་ལ། ཨོཾ་ཀིཾ་ཧི་རཱ་ཛ་ཡེ་པྲ་བྷཾ་དེ་བཱི་སྭཱ་ཧཱ། བྷཾ་རཏྣ་སིདྡྷི་ཨོཾ་པྲི་ཤྲཱི་དེ་བཱི་ན་མ་སྶརྦ་ཏ་ཐཱ་སོགས་ནམ་མཁའ་མཛོད་ཀྱི་སྔགས་དང་། ན་མས་མན་ཙནྡ་བྷ་ཏ་རཱུ་པི་ནཱི་ཨོཾ་ཏཱ་རེ་སྭཱ་ཧཱ། ཨོཾ་ཨ་ཀ་ནི་ནི་ཀ་ནི་ཨ་བྱི་ལ་མཎྜ་ལེ་མ་ཡེ་སྭཱ་ཧཱ། །ཏ་ལ་མ་ཐ་སྙན་ལ་

― JKT021_Page_0567 ―

^{[མ་དཔེ་གཟིགས་ན་འདིར་གནོན།]}

[Full Size]

ཐ། །མི་ཟད་ཡུན་གྱི་གཏེར་མཛོད་ཅིག །བྷུ་མི་པ་ཏི་ས་པ་རི་ཝཱ་རེ་བྷི་སྶརྦ་ཐེ་ཡོ་ཀུ་རུ། །ཞེས་དང་། ཀླུ་བུམ་དུ། ནཱ་ག་པུ། སྔགས་བརྩེགས་ནཱ་ག་རཱ་ཛ་ས་མ་ཡ་ཛ་ཛཨོཾ་ཨི་བྱ་ཨ་མྲ་ཏེ། སནྡྷ་ར་པ་ཡཾ་ཤ། མ་ཏི་མ་ཏི། པྲ་ཏི་པྲ་མ་ཏི། ཚ་པ་ས་མནྟ་མ་སྭཱ་ཧཱ། ནཱ་ག་རཱ་ས་པ་རི་ཝཱ་རེ་བྷི་སྶརྦ་ཐེ་ཡོ་ཀུནྡནྟ། །ཞེས་དང་། སྤྱིར་ཞེས་པའང་བརྡའ་རིས་དང་། ཞེས་སམ། ལཉྩའི་ཨེ་ཝཾ་དང་། སརྦ་དཱཀྵ་ཀ་ལེ་ཊུ་ཐེ་ཡོ་པུཏྟིཾ་ཀུ་རུ་ཨོཾ། ཞེས་བྲིས་ལ། ཤུག་པ་ཤར་རྟགས་མ་ནོར་ཞིང་རྩ་རྩེ་མ་ལོག་པས་སྲོག་ཤིང་བྱས་ཏེ། བུམ་རྫས་ཉེར་ལྔ་དང་། དྲི་བཟང་གིས་བྱུགས་ནས་དྲིལ་ལ་དབུས་སུ་འཇུག རྫས་ནི། ནོར་བུ་ལ། རིན་པོ་ཆེ། སྣ་ཚོགས། འབྲུ་སྣ་ཚོགས། དུག་རིགས་མ་འདྲེས་པའི་སྨན་དང་མེ་ཏོག་སྣ་ཚོགས། དར་སྣ་ཚོགས། རྒྱལ་པོའི་བང་མཛོད་ནས་བྱུང་བའི་ནོར་སྣ་ཚོགས་དང་། ཐབ་ཆེན་མེ་རྒྱུན་མི་ཆད་པའི་ས། ཕྱུགས་སླས་ཆེན་པོ་དང་། ཞིང་ས་བཟང་པོའི་ས་སྣ། ཚོང་དུས་ཆེན་པོའི་ས། རིགས་བཟང་ཚེ་བསོད། འབྱོར་ལྡན་གྱི་ལག་ནས་བྱུང་བའི་།ནོར་འབྲུ་སྣ་ཚོགས། འཕན་པོའི་ལག་ནས་བྱུང་བའི་དར་ཟབ། ཁྱད་པར་དུ་གསེར། སྤུག མེ་ཤེལ། ག་བུར་ཏེ་འབྱུང་བཞིའི་སྙིང་པོ་དང་། གཞན་ཡང་ཁ་ཟས་ཀྱི་རིགས་དང་ཤིང་ཏོག་སྣ་ཚོགས་

― JKT021_Page_0568 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས། ཐམས་ཅད་ཀྱང་དུག་རིགས་དང་ཤ་ཁྲག་མ་འདྲེས་པ་གཙང་ཞིང་དག་པར་བྱ། ལྷ་བུམ་ལ། སྒྲུབ་གཏོར་གྱི་ཆ་ཤས་དང་། ཞོ་ཤ་གསུམ། གནས་ཆེན་དང་ས་དཔལ་བཟང་པོའི་ས་རྡོ། །ཤིང་སྣ་རྣམས་དམིགས་བསལ་རྫས་ཡིན་ལ། གཞན་ནོར་བུམ་གྱི་སྐབས་སུ་བཤད་པའི་ཁྱད་པར་གྱི་རྫས་རྣམས་མ་གཏོགས་ཅི་འབྱོར་བྱ། ཀླུ་བུམ་ལ། ཀླུ་སྨན་ཚད་ལྡན་གཙོ་བོར་བསྐྱེད་ལ། །གཞན་ཡང་། རིན་པོ་ཆེ། སྨན། འབྲུ། ཤིང་ཏོག །དར་ཟབ་སྣ་ཚོགས། ཀླུ་རྒྱལ་ཕྱུག་པོ་གནས་པའི་མཚོ་རྡེལ་གནམ་མ་མཐོང་ཞིང་དྲོད་རླངས་མ་ཕོག་པས་མཚོན་རྒྱ་བོད་གནས་ཆེན་མང་པོའི་ཆུ་སྣ། །གཙང་ཆེན་གྱི་བྱེ་མ་རྣམས་དང་། ས་གནད་ཉམས་པ་གསོ་བ་ལ། གང་དམིགས་དེའི་ས་སྣ་རྡོ་སྣ་རྩྭ་ཤིང་ལྡུམ་འབྲས་སོགས་དང་། དེ་སྟེང་། རྡོ་རྒྱུས་དང་། མདུང་རྩེ། ཁབ་ལེན། སྦལ་རྒྱབ། རིན་པོ་ཆེ་སྣ་ལྔ། དཀྱིལ་འཁོར་གྱི་རྡུལ་ཚོན། གསུང་རབས་ཀྱི་བག་རྡུལ། སྨན་སྣ་སྤྱི་དང་། བཟང་དྲུག ཀླུ་སྨན་ཚད་ལྡན། རུས་སྦལ་ཁོག་པ། ཕག་རྒོད་མཆེ་བ། སྒང་ཐུར་རྨ་བྱའི་མདངས་ཏེ་སྒྲིབ་བྱེད་བཞི། ཐོག་ལྕགས། དར་སྣ་རྣམས་ཞིབ་པར་བཏགས་པ་ཉིད། ས་ཕྱོགས་དེའི་ཕྱོགས་བཞིའི་ཆུ་མིག་གི་ཆུས་སྦྲུས་ལ་རིལ་བུ་དྲིལ་ཏེ་གོང་གི་ལྷ་བུམ་གྱི་ནང་དུ་འཇུག རྣམ་བཅུ་

― JKT021_Page_0569 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་ལྡན། སྣང་བརྒྱད་སྙིང་པོ། སྤར་ཁ་བརྒྱད་ཀྱི་ཕྱག་རྒྱ་སོགས་ཀུན་ཐུབ་བསྡུས་པ་བྲིས་པའང་སྲོག་ཤིང་ལ་སྦྲགས། དེ་ལྟར་བུམ་པ་ཐམས་ཅད་ལ་སྤྱི་ཁྱབ་ཏུ་བུམ་རྫས་ཉེར་ལྔ་ཚད་ལྡན་ནི་མེད་དུ་མི་རུང་བ་ཡིན་ནོ། །དེ་ཡང་ཐོག་མར་བུམ་པའི་མཐིལ་དུ་རྒྱ་བོད་ཀྱི་གནས་ཆེན་ཁྱད་པར་ཅན་རྣམས་དང་། རི་རྒྱུད་མ་ཆད་ཅིང་ས་དཔལ་བཟང་པོ་ནས་བླངས་པའི་ས་རྡོ་ཆུ་ཤིང་། དཀྱིལ་འཁོར་ཆེན་པོའི་རྡུལ་ཚོན་གྱི་བྱེ་མ་རྣམས་བླུགས་ལ་སྲོག་ཤིང་བརྟན་པོར་བཙུག །དེ་སྟེང་སྤྱི་དང་བྱེ་བྲག་གི་རྫས་རྣམས་ལག་ཚག་ཤིན་ཏུ་དམ་པས་གཞུག །ཤིང་ལ་སོགས་པའི་ཁ་གཅོད་ཀྱི་ནང་དུ་པདྨ་འདབས་བཞིའི་དབུས་སུ་ཧཱུཾ། ཤར་དུ་ཏཱཾ་ལྷོར་ཨཾ་ནུབ་ཏུ་རྀ་བྱང་དུ་ཏཱཾ་ཕྱི་རོལ་ཏུ་ནོར་བུའམ་གཡུང་དྲུང་ངམ་དགའ་འཁྱིལ་བྲིས་ལ་བཀབས། བུམ་པའི་ཕྱི་ངོས་སམ། མ་བདེ་ན་ནང་དུ་གྲོ་གའམ་རྒྱ་ཤོག་ལ་བཀྲ་ཤིས་རྟགས་རྫས་རྒྱལ་སྲིད་སྣ་བདུན་སོགས་དགེ་ཞིང་ཤིས་པའི་མཚན་མ་ཅན་བྲིས་པའང་གཞུག །ནོར་བུམ་གྱི་ཕྱི་རོལ་མདུན་ངོས་སུ་ནོར་བུ་མེ་འབར། ལྷ་བུམ་ལ། ཀྟི་དང་། སཾ་གང་རུང་། ཀླུ་བུམ་ལ་ཕུཞེས་བྱ་རྣམས་བྲི་བ་མི་ནོར་བའི་མཚན་མ་སྟེ་ཕྱག་ལེན་ལ་ཡང་མཛད། དེ་ལྟར་མཐོང་རྒྱུད་ལྟར་འདུ་བྱས་པའི་བུམ་གཏེར་རྣམས་སྦྱངས་ཁྲུས་སྔོན་དུ་འགྲོ་བས་སོ་སོའི་གཞུང་ལྟར་

― JKT021_Page_0570 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒྲུབས་ཅིང་སྦ་བ་སོགས་བྱའོ། །ཞེས་པའང་བསྟན་འགྲོ་སྤྱི་ལ་སྨན་འདོད་ཀྱི་ལྷག་བསམ་པུཎྜ་རི་ཀའི་འཁྲི་ཤིང་ལྟར་གཅིག་ཏུ་དཀར་བའི་ཤཱཀྱའི་དགེ་སློང་མཉྫུགྷོ་ཥས་གསར་རྙིང་རྒྱུད་སྡེ་རྒྱ་མཚོའི་རིང་ལུགས་དང་མན་ངག་ཟབ་མོ་རྣམས་སྦྱར་ཏེ་ལག་ལེན་གྱི་ཆེད་ཁོ་ནར་བྲིས་པ་འདིས་ཀྱང་སྣོད་བཅུད་རྫོགས་ལྡན་གསར་པའི་དགའ་སྟོན་ལ་ལོངས་སུ་སྤྱོད་པའི་རྒྱུར་གྱུར་ཅིག ༈ །ཡང་ཕྱུག་ལྷས་སོགས་སུ་སྦས་པའི་ཚེ་ན། ནོར་བུམ་གྱི་གཟུངས་གཞུག་སྔར་སྨོས་པ་ལྟ་བུའི་འདོད་གསོལ་གྱི་གོང་དུ། ཨོཾ་བྷེ་ཏྲེ་བྷེ་ཏྲེ། མ་ཧཱ་བྷེ་ཏྲེ། མ་ཧཱ་བ་སུ་རེ་ཡེ་བྷ་ཏྲེ་སྭཱ་ཧཱ། ཨོཾ་མ་ཧཱ་བ་སུ་དྷ་ར། ནན་ཁ་བྷེ། རཀྵ་རཀྵ་སྭཱ་ཧཱ། །ཨོཾ་ཛཾ་བྷ་ལ་ཛ་ལེནྡྲ་ཡེ་སྭཱ་ཧཱ། བཱ་སུ་པུཊྚི་ཀུ་རུ་ཡེ་སྭཱ་ཧཱ། །ཞེས་དང་། ཨོཾ་ཨརྱ་ཛ་བྷ་ལ་བཱ་སུ་རཏྣ་ཨོཾ་བྷཾ་ཨཱཿ ཧཱུཾ་ཧཱུཾ་ཧཱུཾ་མ་ཎི་དྷ་ར་ཨ་ཧཱུཾ་བྷཾ༔ བིདྱ་ཏན་པུཊྚི་ཀུ་རུ་ཡེ་སྭཱ་ཧཱ། །ཞེས་པ་འདི་གཉིས་ཀའམ་གང་རུང་དང་། ཨོཾ་པཎཱ་ཤ་བ་རི་ཡེ་ནོར་ཕྱུགས་ཀྱི་གོད་ཁ་ཐམས་ཅད་ཤིནྟཾ་ཀུ་རུ་སྭཱ་ཧཱ། སརྦ་བཱ་སུ་པུཊྚི་ཀུ་རུ་ཨོཾ། ཞེས་བྲིས་ལ་རྫས་ཀྱི་ཁྱད་པར་ནི་མུ་ཏིག་གམ་ཉ་ཕྱིས། ཤུ་དག་དཀར་པོ། མོན་ལུག་གླ་སྒང་བཅས་བཅུག སྤྲོ་ན་འཕགས་ཡུལ་གྱི་མན་ངག་ལས་བྱུང་བའི་འཁོར་ལོ་འང་འདུ་བྱ་ཞིང་ཞིང་གི་དཀྱིལ་དུ་སྦ་བའི་ཚེ་འབྲུ་འཕེལ་བའི་གཟུངས་དང་འདོད་གསོལ་བཅས་བྲིའོ། །

― JKT021_Page_0571 ―

^{[མ་དཔེ་གཟིགས་ན་འདིར་གནོན།]}

[Full Size]

ས་སྙིང་གི་གཟུངས། ཨོཾ་སུམྦྷ་ནི་སུམྦྷ། ཧ་ར་ཙ་ར། མ་ཧཱ་པཱ་ཤ་མ་རུ་ཏཱ། ཨ་མོ་གྷ་བཛྲ་སཏཱ་སྭཱ་ཧཱ། །མཚན་བརྒྱ་ལས་སོ། །ཉེས་སེལ་ལ། དམིགས་བསལ་མ་གཏོགས་སྙིང་གཏེར་དང་། ནོར་བུམ་གྱི་རྫས་ཀུན་ཚང་བ། དབུས་སུ་ཡུལ་འཁོར་སྲུང་བའི་ཙཀྲ། དེ་མདུན་ཉེས་སེལ་གྱི་གཟུངས་ཤོག་དྲིལ། ༈ །སྤྱི་ཁྱབ་ལ། སྙིང་གཏེར་དང་། ནོར་བུམ་གྱི་རྫས་ཚང་མ། དབུས་སུ་མགོན་དཀར་གྱི་སྐུ། དེའི་རྒྱབ་ཏུ་ནོར་བུམ་གཟུངས། །གཡས་སུ་སྙིང་གཏེར། གཡོན་དུ་ཉེས་སེལ་མདུན་དུ་ཡུལ་སྲུང་དང་ནོར་རྒྱུན་ཙཀྲ། དེ་མདུན་གཡང་རྫས་དང་། སྙིང་གཏེར་རྫས་དར་ཐུམ་བཅས་བཞག ༈ །ས་བཅུད་སྤེལ་བའི་བུམ་གཏེར་ཆེན་མོའི་ཕྱག་ལེན་བཀྲ་ཤིས་འདོད་འཇོ་དགེ །ཨོཾ་སིདྡྷི་རསྟུ། །ས་བཅུད་གསོ་བའི་བཀྲ་ཤིས་གཏེར་གྱི་བུམ་པ་ལ། ཐོག་མར་ཟངས་སམ་རྫ་ལས་བྱས་པའི་བུམ་པ་བཟོ་ཁྱད་ཐོན་ན་ནོར་བུའི་དབྱིབས་སམ། ཡང་ན་དེང་སང་ཡོངས་གྲགས་ལྟར་ཡང་རུང་ཞིང་། ཆེ་ཆུང་ཡུལ་དེའི་བྲེ་བཅུ་ལ་སོགས་པ་ཤོང་བའི་མཐིལ་དུ། གནས་ཆེན་དང་། །བཀྲ་ཤིས་ས་དང་། དཔལ་ཅན་གྱི་ས་སྣ་ཆུ་སྣ། རིན་པོ་ཆེའི་ཕྱེ་མ། །དཀྱིལ་འཁོར་ཆེན་པོའི་རྡུལ་ཚོན། རྒྱས་པའི་སྦྱིན་སྲེག་གི་ཐལ་བ། རབ་གནས་ཀྱི་མེ་ཏོག་སོགས་དགྲམ་པའི་དབུས་སུ་སྲོག་

― JKT021_Page_0572 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་ཤུག་པ་ལྟ་བུ་ཤར་རྟགས་མ་ནོར་ཞིང་རྩ་རྩེ་མ་ལོག་པ་ལས་རི་རབ་ཀྱི་གཟུགས་སུ་བཟོས་པའི་རྩེར། ཧཱུཾ་དེ་འོག་གི་ཤར་ནས། ཨོཾ་ཏཱཾ་ཧྲཱིཿw རྣམས་གཡས་བསྐོར། སྐེད་པར་འོག་ནས་འབྱུང་བའི་གཟུངས་ཀྱི་ཤོག་དྲིལ། རྩེ་མོར་སངས་རྒྱས་ཀྱི་འཕེལ་གདུང་། བླ་མ་གོང་མའི་དབུ་སྐྲ། ན་བཟའ། གདུང་རུས་སོགས་དང་། བདུད་རྩི་རིལ་བུ་དང་ཕྱེ་མའི་རིགས་རྣམས་དར་ཐུམ་བྱས་ནས་གཞུག་དེ་འོག་ཀྱི་ངོས་སོགས་ཅི་རིགས་པར་བཏགས་གྲོལ་རྒྱུད་དྲུག་ཚང་བའམ། གསང་བ་སྤྱོད་པ་ས་བོན་གྱི་རྒྱུད་དམ། འཁོར་ལོའི་རིགས་བཅས་གང་འབྱོར་བཞག སྲོག་ཤིང་གི་རྩ་བར་འབྱུང་ལྔའི་ཡིག་འབྲུ། ཨེ་དང་དེའི་འོག་ཙམ་ནས། ལཾ་ཁཾ་རཾ་ཡཾ་རྣམས་ཕྱོགས་བཞིར་བྲིའོ། །དེ་ནས་ཁྱད་པར་གྱི་རྫས་འདུ་བྱ་བ་ནི། གནས་ཆེན་དུ་མའི་ས་སྣ། ཤིང་སྣ། ཆུ་མིག་བརྒྱ་རྩའི་ཆུ་སྣ། རྒྱ་མཚོའི་སྤུ་བ། རིན་པོ་ཆེ་ལྔ། ཁྱད་པར་གཡུ་དང་། མུ་ཏིག་མ་ཉམས་པ། -དཀར་གསུམ་མངར་གསུམ། ཕྱུགས་སླས་ཆེན་པོ་གསུམ་གྱི་ས། བཀྲ་ཤིས་པ་དང་དཔལ་ཅན་གྱི་ཁང་ཞིང་དགུ་ཡི་ས་སྣ། ཐབ་མེ་རྒྱུན་མ་ཆད་པའི་ས། གནས་ཆེན་བརྒྱད་ཀྱི་ཡོངས་རྫོང་། སྙིང་ས།: མཆིམ་ཕུ། མཁར་ཆུ། ཤེལ་བྲག། སེང་གེ་རྫོང་། ཡེར་པ། གཡའ་མ་ལུང་། ཆུ་བོའི་རི་ནམ་མཁའ་ལྡིང་ཕུག་རྣམས་སོ། །

― JKT021_Page_0573 ―

^{[མ་དཔེ་གཟིགས་ན་འདིར་གནོན།]}

[Full Size]

གངས་ཆེན་བརྒྱད་འོད་དེ་གུང་རྒྱལ། ཀྱི་རྡོ། སྐུ་ལྷ་མཁའ་རི་གངས་ཏི་སེ། གཉན་ཐང་ལྷ་བཅས་ཕྱོགས་བཞི་དང་། ཡར་ལྷ་ཤམ་པོ། གནོད་སྦྱིན་གང་བཟང་། ཇོ་མོ་གངས་དཀར། ཏི་སྒྲོ་གངས་དཀར་ཏེ་མཚམས་བཞིའོ། །རི་ཆེན་བཞིའི་དམར་པོ་རི། ས་སྣ། ཧས་པོ་རི། གང་པོ་རི། ཆུ་བོ་རི། ཁྲི་ཤོར་རྒྱལ་མོ། མཚོ་ཆེན་བཞིའི་ཆུ་དང་བྱེ་མ། ཆོས་འཁོར་ཆེན་པོ་རྣམ་པ་གསུམ་ལྷ་ས། བསམ་ཡས། ཁྲ་འབྲུག གྱི་ས་སྣ་དང་། ཇོ་བོ་གསུམ་གྱི་ཕྱག་ནས་དང་ཁྲུས་ཆབ། ཀླུ་སྨན་སྣ་ཚོགས། ཙནྡན་ཡར་འབྲོག་གཡུ་མཚོ། མཚོ་མ་ཕམ། བྱང་གནམ་མཚོ་བཞིའོ། །དཀར། དམར། ཤུ་དག་དཀར་པོ། དབང་ལག་སྟེ་སྨན་ལྔས་མཚོན་པའི་ཀླུ་ལ་མི་གནོད་པའི་བཟང་སྨན་སྣ་ཚོགས། ནས་འབྲས། གྲོ། ཏིལ་དཀར། སྲན་དཀར་ཏེ་འབྲུ་ལྔས་གཙོས་པའི་འབྲུ་དཀར་སྣ་ཚོགས། ཛཱ་ཏི། ག་བུར། ལི་ཤི། སྤང་སྤོས། ཨར་སྐྱ་སྟེ་སྤོས་ལྔས་མཚོན་པའི་ཀླུ་ལ་མི་གནོད་པའི་དྲི་ཞིམ་སྣ་ཚོགས། དཀྱིལ་འཁོར་མང་པོའི་རྡུལ་ཚོན་བཅས། འདི་རྣམས་ཐམས་ཅད་འབྱོར་ན་ཁྲོལ་བུ་དང་། མ་འབྱོར་ན་ཞིབ་པར་བཏགས་ལ་བ་། དམར་མོ་དང་། ར་དཀར་མོའི་འོ་མས་རིལ་བུ་དྲིལ་བ་བརྒྱ་རྩ་བརྒྱད་སོགས་གང་འབྱོར་བླུགས། དར་སྣ་ལྔ་དང་། རྡོ་ཕ་བོང་ལོང་བུ་མཚལ་གྱིས་དབུས་སུ་ཏྲེ་བྲིས་པ་དང་། ཆུ་ཤེལ་གཡོན་དང་། མེ་ཤེལ་གཡས་

― JKT021_Page_0574 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཉམས་པ། རྒྱ་ཞབས་སུ་བཅུག་ཁབ་དང་ཁྲབ་བྱང་རྣམས་བཅུག་གོ། གཟུངས་གཞུག་ལ། རིགས་ལྔ་སྤྱི་དྲིལ་གྱི་སྔགས་དང་། ཀུན་རིག། རྡོར་སེམས། མི་འཁྲུགས་པ། ཚེ་དཔག་མེད། སྨན་བླ་སྤྱི། རྣམས་རྩ་གསུམ་སྤྱིའི་སྙིང་པོ། རྣམ་འཇོམ། སྨེ་བརྩེགས། བཏགས་གྲོལ་རྒྱས་བསྡུས། སངས་རྒྱས་རྩེ་མོའི་གཟུངས། ས་སྙིང་། སྤྱན་མ། རྣམ་སྲས་ཀྱི་རིགས་དང་། ཛམྦྷ་ལའི་རིགས། །གནོད་སྦྱིན་ཕོ་དགུ་མོ་དགུ། ནོར་རྒྱུན་མ། དཔལ་ཆེན་མོ། ཀུན་འཁྱིལ་མཆེད་གསུམ། རྒྱལ་ཆེན་བཞི། རེ་མནྟ་རྣམས་ཀྱི་སྔགས། ཕྱུགས་དང་འབྲུ་སྤེལ་བའི་གཟུངས། བརྟན་མའི་རིག་པ་དང་ཚིགས་བཅད། བརྟན་མ་གཙོ་འཁོར་ཡོངས་དྲིལ་སྔགས། ཀླུ་ལ་བདེ་སྦྱིན་གཟུངས། ཀླུ་ཆེན་དགུའི་སྔགས། འབྱུང་བའི་ནུས་སྟོབས་བསྐྱེད་པའི་སྔགས། སྣང་བརྒྱད། ཉེས་སེལ། བཀྲ་ཤིས་བརྩེགས་པ་རྣམས་ཀྱི་མདོ་གཟུངས། དབྱངས་གསལ་རྟེན་སྙིང་འདོད་གསོལ་བཀྲ་ཤིས་བཅས་སོ། །ཕྱོགས་མཚམས་རྣམས་སུ་བཀྲ་ཤིས་པའི་རྫས་བརྒྱད། རྟགས་བརྒྱད། རྒྱལ་སྲིད་སྣ་བདུན། ཉེ་།བའི་རིན་ཆེན་བདུན། སྲུང་བཞི་སོགས་ཀྱི་རི་མོ་བྲིས་འབུར་གང་རིགས་བཀོད། གཞན་ཡང་དམིགས་ཀྱིས་གསལ་བའི་རིགས་ལ། རྣམ་བཅུ་དབང་ལྡན་གསེར་གྱིས་བྲིས་པ་དང་། གདུགས་དཀར་

― JKT021_Page_0575 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་ལོ། སོར་འབྲང་འཁོར་ལོ། གྲོང་ཁྱེར་སྒྲོལ་བའི་འཁོར་ལོ། བཏགས་གྲོལ་གྱི་རིགས། རྒྱུད་སྡེའི་གླེགས་བམ་རིགས། བསོད་ནམས་གླང་པོ་སྟོབས་བསྐྱེད། དགེ་འདུན་འདུ་འཁོར། ཨ་པ་ར་ཛཱི་ཏའི་རྩོད་རྒྱལ། ཐོག་སྲུང་ཆེན་མོ། བྱད་འགྲོལ་གྱི་འཁོར་ལོ་ཆེན་མོ། བྱད་ཁྲོལ་གྱི་བུམ་ཆུ་རིལ་བུ། གནོད་སྦྱིན་འཁོར་ལོ། གཡུལ་ལས་རྒྱལ་བའི་ཙཀྲ་ཆེན་མོ། སྲི་བཟློག་འཁོར་ལོ་འབར་བའི་ཙཀྲ། དུས་འཁོར་དང་། འབྱུང་རྩིས་པའི་ལུགས་ཀྱི་ཀུན་ཐུབ་འཁོར་ལོ་སོགས་མན་ངག་ཁྱད་པར་བ་ལས་བྱུང་བའི་རིགས་དང་། བླ་མ་གསང་འདུས་ཀྱི་ལས་ཚོགས། དོན་ཀུན་གྲུབ་པ། རྩོད་རྒྱལ། དགྲ་སྡང་ཞི་བ། གཟའ་སྐར་དང་ཕྱོགས་ངན་སྲུང་བ། ཚེ་སྤེལ། ནོར་འགུགས་པ་སོགས་དང་། དགོངས་འདུས་ལས་ཚོགས། སྡེ་བརྒྱད་སྲུང་བ། ལྟོག་འདྲེ་སྲུང་བ། སྲིས་རྐུན་སྲུང་བ། ལོ་ཏོག་ལ་འཚེ་བའི་སེམས་ཅན་སྲུང་བ། ཤྭ་འུད་སྲུང་བ། ཐོག་སྲུང་། གོད་འདྲེ་སྲུང་བ། ཕྱུགས་ཀྱི་དགྲ་རྐུན་གཅན་ཟན་སྲུང་བ། ནང་འཐབ་སྲུང་བ། དོན་གྲུབ་པ། ཚོང་རྒྱལ་བ། གཡུལ་ལས་རྒྱལ་བ། ནོར་འཕེལ་བ། བཟའ་བཏུང་འཕེལ་བ། མཛེས་མ་རྒྱན་འཁོར། བསྐྱེད་པ་བཞི་ལྡན། འབྱུང་བཞི་ཀུན་འདུས་སོགས་གང་ལ་གང་དགོས་པའི་ཙཀྲ་རིགས་ཁྱད་

― JKT021_Page_0576 ―

^{[མ་དཔེ་གཟིགས་ན་འདིར་གནོན།]}

[Full Size]

པར་གྱི་རྫས་དང་སྤེལ་ཚིག་སོགས་སྦྱར་བ་བཅུག །དེ་བཞིན་དུ་རྫོགས་པ་ཆེན་པོའི་བསྟན་པའི་བཙས་གསུམ་གྱི་རི་མོ་དང་། མཆོད་རྟེན་སོགས་ལ་ཇི་སྐད་བཤད་པའི་གཟུངས་རྒྱས་པའམ། གཟུངས་ཆེན་སྡེ་ལྔ་ཙམ་གཞུག་ནའང་ཤིན་ཏུ་ལེགས་སོ། །བུམ་པའི་ཕྱིར་དཀར་རྩི་བྱུགས་པ་ལ་བཀྲ་ཤིས་པའི་དགེ་མཚན་ཅན་གྱི་རི་མོ་ཇི་སྙེད་པ་དང་། ཁྱད་པར་ཕྱོགས་བཞིར་སྲུང་བཞིའི་ཤར་ནས་བརྩམས་ཏེ་སྟག་ སྐྱ་བོ། གཟུགས་དང་། གཡུ་འབྲུག་སྔོན་པོ། བྱ་དམར་པོ། རུ་སྦལ་རྒྱ་བོ་རྣམས་སོ། །འོག་ཏུ་པདྨ་འདབ་བརྒྱད། ཁ་གཅོད་ལ་རིགས་ལྔའི་ཕྱག་མཚན་བཅས་བྲིའོ། །དེ་ལྟ་བུའི་བུམ་པའི་ནང་ཐམས་ཅད་སྤྱིར་འབྲུ་དཀར་སྣ་ཚོགས། སྨན་སྣ་ཚོགས། རིན་པོ་ཆེ་སྣ་ཚོགས། དར་སྣ། རས་སྣ་སོགས་ཀྱིས་ཕྱུར་བུར་བཀང་བའི་ཁར། བཟང་ཤིང་སྣ་ཚོགས་དང་། - མེ་ཏོག་དང་འབྲས་བུ་སྣ་ཚོགས་ཀྱིས་བཀང་ཏེ་མགྲིན་པའི་ནང་དུ་འཇིམ་པ་ལ་རིན་ཆེན་བསྲེས་པས་བཅད། དེ་སྟེང་ཁ་གཅོད་ཤིང་ལེབ་དང་། རས་དཀར་རྡོ་རྗེ་རྒྱ་གྲམ་གྱིས་མཚན་པས་གཡོགས། སྲད་བུ་སྣ་ལྔས་མགུལ་བཅིང་རྒྱ་གྲམ་དུ་བསྡམས་ཤིང་རྒྱས་གདབ་པ་སོགས་བྱ། འདི་ལྷ་ཀླུ་སྤྱི་ཁྱབ་གྱི་བུམ་པ་ཡིན། བསང་རྫས་དང་། ལས་བྱེད་དང་། སྒྲུབ་པ་པོ་རྣམས་གཙང་སྦྲ་ཤིན་ཏུ་ཆེ་བར་བྱའོ།། །།སརྦ་དཱ་ཀ་ལྱཱ་ཎཾ་བྷ་ཝ་ཏུ།། །།

གྲུབ་ཆེན་ཐང་སྟོང་རྒྱལ་པོའི་ལུགས་ཀྱི་ནད་བརྒྱ་སྨན་གཅིག་རིལ་བུ་དཀར་དམར་གྱི་གཞུང་གསལ་བྱེད་དང་བཅས་པ།

― JKT021_Page_0577 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །གྲུབ་ཆེན་ཐང་སྟོང་རྒྱལ་པོའི་ལུགས་ཀྱི་ནད་བརྒྱ་སྨན་གཅིག་རིལ་བུ་དཀར་དམར་གྱི་གཞུང་གསལ་བྱེད་དང་བཅས་པ་བཞུགས་སོ།། །།

― JKT021_Page_0578 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་དེ་ཝ་ཌཱ་ཀི་ནི་བྷུ །ཕ་རྒན་ཐང་སྟོང་རྒྱལ་པོ་ངས། །དཔལ་རི་བོ་ཆེ་ཡི་རྩེ་མོ་རུ། །མི་རྟོག་ཏིང་འཛིན་བསྒོམ་པའི་ཚེ། །མཁའ་ལ་འཇའ་དང་སྒྲ་འོད་བྱུང་། །ནམ་མཁའི་མཐོངས་སུ་བལྟས་པའི་ཚེ། །ཨོ་རྒྱན་མཁའ་འགྲོའི་ཡུལ་ནས་ནི། །མཁའ་འགྲོའི་གཙོ་མོ་ལྔ་བྱོན་ནས། །དབུས་ཀྱི་གཙོ་མོའི་ཞལ་ནས་ནི། །སྔར་ཡང་དཔའ་བོ་ཁྱོད་ཉིད་ཀྱིས། །འགྲོ་བ་སེམས་ཅན་ཐམས་ཅད་ཀྱཻ། །སེམས་ཀྱི་སྡུག་བསྔལ་ཞི་བར་བྱས། །དེ་ལ་བདག་ནི་རྗེས་ཡི་རང་། །ད་ནི་ལུས་ཀྱི་ནད་རྣམས་ཀུན། །སེལ་ཕྱིར་སྨན་གཙོ་འདི་རྣམས་ཟུངས། །དབུས་ཀྱི་གཙོ་བོའི་ཕྱག་ན་ནི། །འདུ་བ་སྤྱི་སྙོམས་ཨ་རུ་ར། ཆ་དྲུག་བཟུང་། །ཤར་གྱི་གཙོ་མོའི་ཕྱག་

― JKT021_Page_0579 ―

^{[མ་དཔེ་གཟིགས་ན་འདིར་གནོན།]}

[Full Size]

ན་ནི། །སྲིད་བཅུད་ཅོང་ཞི། འདུས་པ་དེ་ཡི་ཕྱེད། །ལྷོ་ཡི་གཙོ་མོའི་ཕྱག་ན་ནི། །ཀུན་བྱེད་རྒྱལ་པོ་དེ་དང་མཉམ། །ནུབ་ཀྱི་གཙོ་མོའི་ཕྱག་ན་ནི། །རིན་ཆེན་ལྔ་བཅུད་བྲག་ཞུན། དེ་ཡི་ཕྱེད། །བྱང་གི་གཙོ་མོའི་ཕྱག་ན་ནི། །མེ་ཏོག་མནུཔུཥར། བཅུད་དང་གཉེན་པོའི་སྨན། །རྣམ་པ་ལྔ་ཡི་ཚད་དང་སྦྱར། །གཞན་རྣམས་ཐམས་ཅད་ཞིབ་པར་བཏགས། སྔོ་སྨན། །མེ་ཏོག་བཅུད་ཀྱི་སྦྲང་རྩི། ཁུ་བས་སྦྲ། །རིལ་བུ་བྲ་བའི་རིལ་མ་ཙམ། །རིན་ཆེན་སྣོད་དམ་ཐོད་ནང་བླུག །དེ་སྟེང་ཟླ་བའི་དཀྱིལ་འཁོར་སྟེང་། །སྔར་གྱི་མཁའ་འགྲོ་སྡེ་ལྔ་པོ། །ཕྱོགས་མདོག་ཞལ་གཅིག་ཕྱག་གཉིས་མ། །གཡས་པས་རིན་ཆེན་ཌཱ་མ་རུ། །གཡོན་པས་མི་ཡི་ཐོད་པ་

― JKT021_Page_0580 ―

^{[མ་དཔེ་གཟིགས་ན་འདིར་གནོན།]}

[Full Size]

བསྣམས། །བརྐྱང་བསྐུམ་གར་སྟབས་ཁ་ཊཾ་བསྣམས། །དབུས་ཀྱི་གཙོ་མོའི་སྤྱི་གཙུག་ཏུ། །ཡི་དམ་ཐུགས་རྗེ་ཆེན་པོ་ནི། །སྐད་ཅིག་དྲན་པས་བསྒོམ་པར་བྱ། །ཐོག་མར་མ་ཎི་སྟོང་བཟླས་ལ། །ཐུགས་རྗེ་ཆེན་པོ་བདུད་རྩིར་ཞུ། །མཁའ་འགྲོ་ལྔ་ལ་ཐིམ་པར་བསམ། །དེ་ནས་མཁའ་འགྲོའི་སྔགས་འདི་བཟླས། །ཨོཾ་བུདྡྷ་ཌཱ་ཀི་ནཱི། བཛྲ་ཌཱ་ཀི་ནཱི། རན་ཌཱ་ཀི་ནཱི། པདྨ་ཊཱ་ཀི་ནཱི། ཀརྨ་ཊཱ་ཀི་ནཱི། ། ཨོཾ་ཨཱཿཧཱུཾ། ཞེས་པ་ལྔ་བརྒྱ་བཟླས་པ་ཡིས། །མཁའ་འགྲོ་ལྔ་ཡང་བདུད་རྩིར་ཞུ། །སྨན་རྣམས་ཀུན་ལ་ཐིམ་པར་བསམ། །འདུ་བ་གང་ལའང་མི་གནོད་ཅིང་། །རླུང་དང་མཁྲིས་པ་བད་ཀན་སོགས། །བཞི་བརྒྱ་རྩ་བཞིའི་ནད་རྣམས་ལ། །འདི་ཡིས་མི་སེལ་གང་ཡང་མེད། །ནད་རྣམས་སོ་སོར་དབྱེ་མི་དགོས། །འདུ་བ་སྤྱི་སྙོམས་ཞེས་ཀྱང་བྱ། །ནད་བརྒྱ་སྨན་གཅིག་ཞེས་ཀྱང་བྱ། །མགོ་༄༅། དང་རྐང་པའི་བར་དག་གི། །ནད་རྣམས་ཀུན་ལ་ཐེངས་པས་ཆོག །དབུས་གཙང་སྟོད་སྨད་བར་གསུམ་གྱི། །སྨན་པ་ཀུན་ལ་འདི་ཉིད་གདམས། །སྨན་གཞན་ཐམས་ཅད་གཏེར་དུ་སྦོས། །འདི་ཉིད་གཅིག་པུས་འགྲོ་དོན་གྱིས། །འདི་ཡི་མན་ངག་སྦྱིན་པའི་ཚེ། །འབྲུ་བཅུད་བཟང་པོས་སྣོད་བཀང་ལ། །ཐོག་མར་སློབ་དཔོན་ཧུབ་གང་འཐུངས། །གདམས་པ་འདི་ཡི་ལོ་རྒྱུས་བརྗོད། །སློབ་དཔོན་

― JKT021_Page_0581 ―

^{[མ་དཔེ་གཟིགས་ན་འདིར་གནོན།]}

[Full Size]

ཞལ་གྱི་བདུད་རྩིའི་བཅུད། །སློབ་མའི་རྒྱུད་ལ་ཐིམ་པར་བསམ། །སློབ་མས་ལྷག་མ་མེད་པར་འཐུངས། །དུག་ལ་སོགས་པའི་མན་ངག་ཀྱང་། །དུ་མ་གསུངས་ཀྱང་བརྗེད་དེ་ཐལ། །འདི་ལ་ནན་ཏན་བསྐྱེད་པ་ཡིན། །ཁ་བསྒྱུར་སྨན་ནི་འདི་ལྟ་སྟེ། །རླུང་ལ་ཨ་གར་ལི་ཤི་དང་། །མཁྲིས་པར་ཏིག་ཏ་གསེར་མེ་ཏོག །བད་ཀན་སེ་འབྲུ་བསེ་ཡབ་སྟེ། །གཉན་ཚད་བོང་ང་གླ་རྩི་བསྣན། །རིམས་ལ་བོང་དཀར་འཛིམ་པ་བསྣན། །དོན་ལྔ་ལ་ནི་བཟང་དྲུག་སྟེ། །སྙིང་གི་བཟང་པོ་ཛ་ཏི་སྟེ། །སྲོག་རྩའི་བཟང་པོ་ལི་ཤི་ཡིན། །གློ་བའི་བཟང་པོ་ཅུ་གང་ཡིན། མཆིན་པའི་བཟང་པོ་གུར་གུམ་མོ། །མཚེར་པའི་བཟང་པོ་ཀ་ཀོ་ལ། མཁལ་མའི་བཟང་པོ་སུག་སྨེལ་ལོ། །སྣོད་དྲུག་ཕོ་བའི་བཟང་པོ་སེ་འབྲུ་ཡིན། ལ་ཡང་བཟང་པོ་དྲུག །ཆུ་སེར་སེང་ལྡེང་དངུལ་ཆུ་བསྣན། །གཉེན་པོའི་སྨན་ནི་གཞན་མེད་ཀྱང་། །རྩ་བའི་སྨན་ནི་ཀུན་ལ་བསྔགས། །དེ་སྐད་མཁའ་འགྲོའི་ཞལ་གདམས་བཅུད། །མ་བརྗེད་ལྕགས་ཟམ་སྨྱོན་པ་ངས། །མཁྲིས་པའི་བཟང་པོ་གསེར་མེ་ཏོག །རྒྱུ་མའི་བཟང་པོ་དུག་མོ་ཉུང་། །མཚན་མའི་བཟང་པོ་དབང་པོ་ལག །ལྒང་པའི་བཟང་པོ་རྒྱ་ཚྭ་ཡིན། །མངལ་གྱི་བཟང་པོ་བ་སྤུ་པ། །མངལ་དང་བསམ་སེ་གཅིག་ཏུ་འདོད། །ནན་དུ་བགྱིས་ནས་ཡི་གེར་བཏབ། །དགེ་འདིས་ཡུལ་དུས་གནས་སྐབས་ཀྱཻ། །དབང་གྱུར་འགྲོ་བ་མ་ལུས་པ། །ཀུན་ཀྱང་བྲོ་ནད་མ་

― JKT021_Page_0582 ―

^{[མ་དཔེ་གཟིགས་ན་འདིར་གནོན།]}

[Full Size]

མཆིས་པར། །ཕུལ་བྱུང་སྨན་གྱི་བླ་མ་ཡི། །གོ་འཕང་མཆོག་ལ་འགོད་གྱུར་ཅིག ༈ །གྲུབ་ཐོབ་རིལ་དམར་བཞུགས་སོ། ༈ །ལོ་ཀེ་ཤྭ་ར་ལ་ན་མོ། །ཕ་རྒན་ཐང་སྟོང་རྒྱལ་པོ་འགྲོ་བའི་དོན་ལ་lདགོངས་ནས་སྙུང་བའི་ཚུལ་བསྟན་ནས་བཞུགས་པའི་ཚེ། ཐུགས་རྗེ་ཆེན་པོ་འཕགས་པ་སྤྱན་རས་གཟིགས་བྱོན་ནས་གདམས་པ་འདི་གནང་ངོ་། །རབ་དཀར་བོང་ང་འདྲ་བོང་དཀར་གུ་གུལ། འཇིག་ཐུན་ཚད་རེ། །ཀུན་བྱེད་སྤང་རྩི་དོ་བོ། རྒྱལ་པོ་སྟག་ཤ་ཕྱེད་ཕྱེད་ཕྲི། །ཉི་མའི་རྒྱལ་མཚལ། བུ་ནི་དེ་དག་ཀུན་དང་མཉམ། །ཀུན་གྱི་བཅུད་འགྱུར་བདུད་རྩི་འཛིན་པ་ཐུན་གསུམ་རེ་བཏང་བ་ཕྱག་ལེན། ཟླ་བའི་བུ། །གུར་གུམ་ཆུའམ་མེ་ཏོག་སྦྲང་རྩི། བཅུད་ཀྱིས་སྦྲུ། །པདྨ་རཱ་གའི་མདངས་ལྡན་རིལ་བུ་འདི། ཕྱི་ནང་ཕལ་ཆེའི་ནད་ལ་བསྔགས། པ་སྟེ། །ཁྲག་མཁྲིས་གཉན་ཚད་ཀུན་ལ་ཤིས་པ་ཡིན། །ཁྱད་པར་ནག་པོ་སུམ་འགྲིལ་ནད་ལ་བསྔགས། །ཀུན་ལ་དཀོན་པས་ཨུ་དུམ་ཝཱ་ར་འདྲ། །མཐོང་ཐོས་སྤྱོད་པ་སྐལ་ལྡན་རེ་རེ་ཙམ། ཅེས་པ་འདི་ཡང་ཐང་སྟོང་རྒྱལ་པོས་བཀོད། ལྕི། ༈ །གྲུབ་ཐོབ་རིལ་དཀར་གྱི་སྒོམ་ལུང་དང་ཕྱག་ལེན་འཕོགས་ཚུལ་ཐང་སྟོང་དགོངས་རྒྱན་བཞུགས་སོ།། །།ན་མོ་གུ་རུ་དེ་ཝ་ཌཱ་ཀི་ནཱི་བྷྱ འདིར་གྲུབ་ཐོབ་ཡོངས་ཀྱི་གཙུག་རྒྱན་དམ་པ་ལྕགས་ཟམ་པ་ཐང་སྟོང་རྒྱལ་པོའི་

― JKT021_Page_0583 ―

^{[མ་དཔེ་གཟིགས་ན་འདིར་གནོན།]}

[Full Size]

གདམས་པ་རིལ་དཀར་གྱི་སྒོམ་ལུང་དང་ཕྱག་ལེན་བཅས་འབོགས་པར་འདོད་ན། །ཐོད་པ་མཚན་ལྡན་བྱུང་ན་རབ། དེ་མིན་རིན་པོ་ཆེའི་སྣོད་གས་ཆག་མེད་པ་ཅི་རིགས་ཤིག་ཆང་བཟང་པོས་བཀང་བ་དང་། འཐོར་ནས་རྣམས་ཚོགས་པར་བསགས་ལ། དེ་ནས་སློབ་དཔོན་གྱིས་འདི་སྐད་བརྗོད་དོ། །ནམ་མཁའ་དང་མཉམ་པའི་སེམས་ཅན་ཐམས་ཅད་ཀྱི་དོན་དུ་རྫོགས་པའི་སངས་རྒྱས་ཀྱི་གོ་འཕང་ཐོབ་པར་བྱ། དེའི་ཆེད་དུ་གྲུབ་ཐོབ་རིལ་དཀར་གྱི་སྒོམ་ལུང་ཕྱག་ལེན་དང་བཅས་པ་གསན་སྙམ་པའི་འདུན་པ་རྩེ་གཅིག་པ་མཛོད། །དེ་ཡང་གདམས་པ་འདིའི་ལོ་རྒྱུས་ཅུང་ཞིག་གླེང་ན། །གྲུབ་པའི་དབང་ཕྱུག་དམ་པ་ཐང་སྟོང་རྒྱལ་པོ་དེ་ཉིད། དཔའ་ལྕགས་ཟམ་རི་བོ་ཆེའི་རྩེ་ན་ཏིང་ངེ་འཛིན་ལ་བཞུགས་པའི་ཚེ་སྐབས་ཞིག་ན། སྔར་མ་བྱུང་ཞིང་ཕྱིས་འབྱུང་བར་མི་འགྱུར་བའི་ནམ་མཁའ་ལ་འཇའ་དང་འོད་དང་སྒྲ་ལ་སོགས་པ་ལྟས་ཁྱད་པར་ཅན་དུ་མ་བྱུང་བས་གྲུབ་ཐོབ་ཆེན་པོས་འདི་ཅི་ཡིན་སྙམ་དུ་དགོངས་པའི་ཚེ། ཏིང་ངེ་འཛིན་གྱིས་བརྟགས་པས། རིག་འཛིན་ཆེན་པོ་པདྨ་འབྱུང་གནས་ཀྱི་ཐུགས་རྗེའི་འོད་ཟེར་དུ་རིག་སྟེ། ནམ་མཁའི་མཐོངས་ལ་གཟིགས་པས། ཨོ་རྒྱན་གྱིས་ཡུལ་ནས་འོད་སྐྱ་ཐལ་ལེ་བ་དར་ལམ་བརྐྱང་བ་ལྟ་བུའི་སྣ་ལ། མཁའ་འགྲོ་མ་སྐུ་མདོག་དཀར་སེར་

― JKT021_Page_0584 ―

^{[མ་དཔེ་གཟིགས་ན་འདིར་གནོན།]}

[Full Size]

དམར་ལྗང་མཐིང་ག་ཞལ་གཅིག་ཕྱག་གཉིས་མ། གཡས་ཌཱ་མ་རུ་འཁྲོལ་ཞིང་། གཡོན་ཐོད་པ་བདུད་རྩིས་གང་བའི་སྟེང་ན་སྨན་གྱིས་གང་བའི་པར་བུ་བསྣམས་ཤིང་། གྲུ་མོ་ན་ཁ་ཊཾ་ག་བཀལ་བ་བརྐྱང་བསྐུམ་གར་སྟབས་མཛད་ཅིང་བྱོན་ནས། མཁའ་འགྲོ་མ་དེ་རྣམས་ཀྱི་ནང་ནས་དབུས་མའི་ཞལ་ནས་དཔའ་བོ་ཆེན་པོ་ཁྱེད་ཀྱིས་འགྲོ་བ་སེམས་ཅན་ཐམས་ཅད་ཀྱི་སེམས་ཀྱི་སྡུག་བསྔལ་རྣམས་ཞི་བར་མཛད་པ་ལ་བདག་ཀྱང་ཡི་རང་མོད། ད་ནི་ལུས་ཀྱི་ནད་ཐམས་ཅད་སེལ་བའི་གདམས་པ། ཚིགས་ཆུང་ལ་དོན་རྒྱ་ཆེ་བ་ཡུལ་དུས་གནས་སྐབས་དང་མཚུངས་པའི་མན་ངག་ཟབ་མོ་འདི་ཉམས་སུ་ལོངས་ལ་འགྲོ་བའི་དོན་རྒྱ་ཆེན་པོ་གྱིས་ཤིག་གསུངས། དུག་ལ་སོགས་པ་ལ་ཕན་པའི་གདམས་པ་འགའ་ཞིག་གནང་ཡང་གདུལ་བྱའི་དབང་གི་རྩལ་དུ་མ་བཏོན་ལ། འདིར་ནད་བརྒྱ་སྨན་གཅིག་གི་གདམས་པ་རྣམས་རྫོགས་པར་གདུལ་བྱའི་དུས་བབས་ཀྱི་དབང་གིས་རྩལ་དུ་བཏོན་པ་ཡིན། དེ་ལྟ་བུའི་གདམས་པ་ཟབ་མོའི་ཕྱག་ལེན་དང་བཅས་པ་རྩ་བའི་བླ་མའི་བར་དུ་བརྒྱུད་པའི་སྲོལ་མ་ཉམས་པར་བཞུགས་པ་འདི་ཉིད་ཀྱི་སྒོམ་ལུང་ཕྱག་ལེན་དང་བཅས་འབུལ་བ་ཡིན་པས། ཐོག་མར་སྒོམ་ལུང་གི་སླད་དུ་དམིགས་པ་འདི་བཞིན་དུ་མཛོད། བླ་མ་དང་དཔལ་ཐང་སྟོང་རྒྱལ་པོ་དབྱེར་མ་མཆིས་པ་

― JKT021_Page_0585 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་མདོག་སྨུག་ནག་རལ་པའི་ཐོར་ཅོག་ཅན་ཞལ་གཅིག་ཕྱག་གཉིས་པ། ཕྱག་གཡས་མཆོག་སྦྱིན་གྱི་ཕྱག་རྒྱ་དང་། གཡོན་ཚེའི་བུམ་པ་བསྣམས་པ། ཞབས་གཉིས་རྒྱལ་པོ་རོལ་པའི་སྟབས་སུ་བཞུགས་པའི་སྤྱི་བོར་པད་འདབ་བཞི་དབུས་དང་བཅས་པ་ལ་ཡེ་ཤེས་ཀྱི་མཁའ་འགྲོ་སྡེ་ལྔ་དཀར་སེར་དམར་ལྗང་མཐིང་གའི་མདོག་ཅན། ཞལ་གཅིག་ཕྱག་གཉིས་མ་གཡས་ཌཱ་མ་རུ་དང་གཡོན་ཐོད་པ་བསྣམས་པ། གྲུ་མོ་ན་ཁ་ཊཾ་ག་བཀལ་བ་དར་དང་རིན་པོ་ཆེས་བརྒྱན་པ་ལྔ་བཞུགས་པའི་དབུས་ཀྱི་གཙོ་མོའི་སྤྱི་གཙུག་ཏུ་ཡི་དམ་ཐུགས་རྗེ་ཆེན་པོ་འཕགས་པ་སྤྱན་རས་གཟིགས་སྐུ་མདོག་གངས་རི་ལྟར་དཀར་བ་ཞལ་གཅིག་ཕྱག་བཞི་པ། ཕྱག་དང་པོ་གཉིས་ཐུགས་ཀར་ཐལ་མོ་སྦྱར་བ། འོག་མ་གཉིས་ཤེལ་ཕྲེང་དང་པད་དཀར་འཛིན་པ། དར་དང་རིན་པོ་ཆེའི་རྒྱན་གྱིས་སྤུད་པ། རི་དྭགས་ཀྱི་པགས་པས་ནུ་མ་གཡོན་པ་བཀབ་པ། ཞབས་གཉིས་རྡོ་རྗེའི་སྐྱིལ་ཀྲུང་གིས་བཞུགས་པར་གསལ་བཏབ་ནས། གསོལ་བ་དྲག་ཏུ་བཏབ་པས། དེའི་མཐུས་ལྷ་རྣམས་ཡས་ནས་རིམ་གྱིས་རང་བཞིན་འཆི་བ་མེད་པ་བདུད་རྩིའི་རྣམ་པར་ཞུ་ཞིང་གཅིག་ལ་གཅིག་ཐིམ་ནས་མཐར་སློབ་དཔོན་གྱི་སྤྱི་གཙུག་ཏུ་ཐིམ་པས་སློབ་དཔོན་ཉིད་ལྷ་དང་བླ་མ་ཀུན་འདུས་སུ་གྱུར། དེ་སླར་ཡང་འབྲུ་བཅུད་ནས་སློབ་

― JKT021_Page_0586 ―

^{[མ་དཔེ་གཟིགས་ན་འདིར་གནོན།]}

[Full Size]

དཔོན་གྱིས་ཧུབ་གང་གསོལ་བས། ཐུགས་རྗེ་བྱིན་རླབས་ནུས་མཐུ་ཐམས་ཅད་ཞལ་གྱི་སྒོ་ནས་འོད་དང་བཅས་པ་སྐྱ་ཆིལ་སྟེ་ཐོན་འབྲུ་བཅུད་ལ་ཐིམ། དེ་ཉིད་ཁྱེད་རང་གིས་འཐུང་བས་སློབ་དཔོན་གྱི་བདུད་རྩི་ཐམས་ཅད་ཁྱེད་རང་གི་རྒྱུད་ལ་ཐིམ་ནས་རྩ་བརྒྱུད་བླ་མ་ལྷ་དང་བཅས་པའི་ཐུགས་རྗེ་བྱིན་རླབས་ནུས་མཐུ་ཐམས་ཅད་རང་གི་རྒྱུད་ལ་ཞུགས་བྱུང་སྙམ་པའི་འདུན་པ་མཛད་ནས་འབྲུ་བཅུད་ཀྱི་བདུད་རྩི་འདི་ལྷག་མ་མ་ལུས་བར་འཐུང་བར་ཞུ། ཞེས་བརྗོད་ཅིང་བདུད་རྩི་སྦྱིན། དེ་ནས་གཞུང་ཚིགས་བཅད་མའི་ལུང་འབོགས། ལུང་ཚར་བ་དང་། སློབ་དཔོན་གྱིས་མེ་ཏོག་འཐོར་ཞིང་། རྒྱལ་བ་སྨན་གྱི་བླ་མ། སྤྲུལ་སྐུ་པདྨ་འབྱུང་གནས། ཡེ་ཤེས་ཀྱི་མཁའ་འགྲོ་མཆེད་ལྔ། གྲུབ་པའི་དབང་ཕྱུག་ཐང་སྟོང་རྒྱལ་པོ་ལ་སོགས་རྩ་བ་དང་བརྒྱུད་པར་བཅས་པའི་བླ་མ་དམ་པ་རྣམས་ཀྱིས་དད་ལྡན་འདི་རྣམས་རང་རྒྱུད་སྨིན་ཅིང་འགྲོ་དོན་འབྱུང་བར་བྱིན་གྱིས་བརླབ་ཏུ་གསོལ། ཞེས་ལན་གསུམ་བརྗོད། །གཉིས་པ་ཕྱག་ལེན་བསྟན་པ་ལ་གསུམ། སྦྱོར་བ་རིལ་བུ་སྦྱོར་ཐབས། དངོས་གཞི་བྱིན་གྱིས་བརླབས་ཚུལ། རྗེས་བཏང་ཚུལ་ཕན་ཡོན་དང་བཅས་པའོ། །དང་པོ་ནི། འདུ་བ་སྤྱི་སྙོམས་ཨ་རུ་ར་གསེར་མདོག་ཆུ་དྲུག །སྲིད་པའི་བཅུད་བསྡུས་ཅོང་ཞི་སྟེ། དེ་ཡང་ཕོ་ལ་མོ་ཅོང་། མོ་ལ་ཕོ་

― JKT021_Page_0587 ―

^{[མ་དཔེ་གཟིགས་ན་འདིར་གནོན།]}

[Full Size]

ཅོང་། གཉིས་ཀ་ལ་མ་ནིང་ཅོང་ཞི་བསྔགས་པས་དམིགས་ཕྱེ་སྟེ་བཏང་བའམ། སྤྱི་ཁྱབ་ཏུ་ཕོ་ཅོང་རྟ་སོ་བཅག་པ་ལྟ་བུ་ཉིད་བཏང་བ་ཕྱག་ལེན་དུ་མཛད་པས་ཆ་གསུམ། ཀུན་བྱེད་རྒྱལ་པོ་རྩ་བའི་ཡི་གེའི་མཆན་བུར་སྔོ་སྨན་ཞེས་པ་ཙམ་ལས་གསལ་བར་མ་གསུངས་པས། ཟུར་ལུགས་སུ་སྤང་རྩི་དོ་བོ། བྱང་ལུགས་ཧོང་ལེན། གཞན་འགའ་ཞིག་གིས་རེ་སྐོན་ལའང་ངོས་འཛིན་སྲོལ་བཅས་ནད་གཞི་དང་བསྟུན་པའི་བཏང་ལུགས་བྱས་ཀྱང་མི་འགལ་རུང་། བརྒྱུད་པ་འདིའི་ཕྱག་བཞེས་སུ་སྤང་རྩི་དོ་བོ་ལ་བཞེད་པས་ཆ་གསུམ་དང་། རིན་ཆེན་སྙིང་པོ། བྲག་ཞུན་ལྷད་མེད་ཆ་ཕྱེད་གཉིས། ཁོང་ནད་ཀྱི་གཉེན་པོའི་སྨན་བུཥར་མཱུ་ལ་སྟེ་ཁམས་རུས་ཆ་གསུམ། ཁ་བསྒྱུར་རིགས་བཏང་ན་ཆ་རེ་རྣམས་རྩི་བཞིན་དུ་བཏགས། གྲུབ་ཐོབ་ཆེན་པོ་ནས་བརྒྱུད་པ་བར་མ་ཆད་པ་ལས་བྱུང་བའི་ཕབས་གཏའི་རིགས་ཡོད་ན་བསྲེ། མེ་ཏོག་བཅུད་ཆེན་སྦྲང་རྩིས་མགོ་བསྡུས་ལ་རིལ་བུ་ཆུང་ན་བྲ་རིལ་ཙམ་དང་། ཆེན་སྲན་འཕོས་ཙམ་དྲིལ། རིལ་ཆགས་ཐེམ་པར་བྱས་ལ་སྐམ་པ་དང་རིན་པོ་ཆེའི་སྣོད་དམ། ཐོད་པ་མཚན་ལྡན་གྱི་ནང་དུ་བླུགས། སྟེགས་ཀྱི་ཁར་འབྲུ་དཀར་གྱི་གཡུང་དྲུང་རིས་བྲིས་པའི་དབུས་སུ་བཀོད། ཁ་དར་དམར་པོས་བཅད་ལ་བཞག་གོ། །།གཉིས་པ་ནི། བདག་བསྐྱེད་།

― JKT021_Page_0588 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་རྗེ་ཆེན་པོ་ཕྱག་བཞི་ལ་གཙོ་རྐྱང་སོགས་གང་ཡང་རུང་བའི་སྒོམ་བཟླས་སྔོན་དུ་འགྲོ་བས། མདུན་གྱི་རིལ་བུའི་ཞལ་ཁེབས་བསལ། རང་གི་ཐུགས་ཀ་ནས་ཁྲོ་བོ་བདུད་རྩི་འཁྱིལ་བའི་ཚོགས་དཔག་ཏུ་མེད་པ་སྤྲོས་ཏེ་རྫས་ཀྱི་མ་དག་པའི་ཉེས་པ་ཐམས་ཅད་བསངས་ཤིང་བགེགས་རྣམས་རྒྱང་རིང་དུ་བསྐྲད་པར་གྱུར། ཨ་མྲྀ་ཏ་བཟླ་ཞིང་གུ་གུལ་གྱིས་བདུག །ཡུངས་ཀར་གྱིས་བྲབས། སྭ་བྷཱ་ཡེབས་སྦྱངས། འོད་གསལ་སྟོང་ཉིད་སྙིང་རྗེའི་ངང་། །བྷཾ་ལས་རིན་ཆེན་སྣོད་མཆོག་ཏུ། །ཁ་དོག་དྲི་རོ་ནུས་བཅུད་ཀུན། །ཕུན་ཚོགས་སྨན་གྱི་རིལ་བུས་གང་། །དེ་དབུས་ཟླ་བའི་དཀྱིལ་འཁོར་སྟེང་། །དབུས་སུ་རྡོ་རྗེ་མཁའ་འགྲོ་མཐིང་། །ཤར་དུ་སངས་རྒྱས་མཁའ་འགྲོ་དཀར། །ལྷོ་རུ་རིན་ཆེན་མཁའ་འགྲོ་སེར། །ནུབ་ཏུ་པདྨ་མཁའ་འགྲོ་དམར། །བྱང་དུ་ལས་ཀྱི་མཁའ་འགྲོ་ལྗང་། །ཀུན་ཀྱང་ཞལ་གཅིག་ཕྱག་གཉིས་མ། །གཡས་པས་རིན་ཆེན་ཌཱ་མ་རུ། །གཡོན་པས་བདུད་རྩིའི་ཐོད་པ་བསྣམས། །བརྐྱང་བསྐུམ་གར་སྟབས་ཁ་ཊཾ་འཁྱུད། །དར་དང་རིན་ཆེན་རུས་པས་བརྒྱན། །འོད་ཟེར་སྣ་ལྔའི་ཀློང་ན་བཞེངས། ་།དབུས་ཀྱི་གཙོ་མོའི་སྤྱི་གཙུག་ཏུ། །ཡི་དམ་ཐུགས་རྗེ་ཆེན་པོ་ནི། །དཀར་གསལ་ཞལ་གཅིག་ཕྱག་བཞི་པ། །རྩ་ཕྱག་ཐུགས་ཀར་ཐལ་མོ་སྦྱར། །འོག་མ་ཤེལ་

― JKT021_Page_0589 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྲེང་པད་དཀར་བསྣམས། །དར་དང་རིན་ཆེན་རྒྱན་གྱིས་མཛེས། །ཞི་འཛུམ་མཚན་དཔེའི་འོད་ཟེར་འཕྲོ། །སྣང་སྟོང་འཇའ་ཚོན་ལྟ་བུའི་སྐུ། །དམ་ཚིག་ཡེ་ཤེས་དབྱེར་མེད་པར། །སྐད་ཅིག་དྲན་རྫོགས་གསལ་བར་གྱུར། །ཅེས་གསལ་བཏབ་ལ། ཨོཾ་མ་ཎི་པདྨེ་ཧཱུྃ། སྟོང་ཕྲག་གཅིག་བཟླས། མཐར་ཐལ་མོ་སྦྱར་ལ། །ཡི་དམ་ཐུགས་རྗེ་ཆེན་པོ་ཡིས། །རིལ་བུ་མཐོང་ཐོས་དྲན་རེག་ཀུན། །རྒྱུ་འབྲས་ནད་རྣམས་སེལ་བྱེད་པའི། །བདུད་རྩིར་བྱིན་གྱིས་བརླབ་ཏུ་གསོལ། །ཐུགས་རྗེ་ཆེན་པོ་བདུད་རྩིར་ཞུ། །ཡེ་ཤེས་མཁའ་འགྲོ་ལྔ་ལ་ཐིམ། །དེ་རྣམས་ཐུགས་ཀའི་འོད་ཟེར་གྱིས། །ཕྱོགས་བཅུའི་ཞིང་ཁམས་ཁྱབ་པར་འཕྲོས། །བརྟན་གཡོའི་སྨན་བཅུད་དྭངས་མ་དང་། །རྩ་གསུམ་རིག་འཛིན་ཆོས་སྐྱོང་གི། །ཐུགས་རྗེའི་བྱིན་རླབས་ནུས་མཐུ་ཀུན། །སྤྱན་དྲངས་སོ་སོའི་སྐུ་ལ་ཐིམ། །དེ་ལས་བདུད་རྩིའི་རྒྱུན་བབས་པ། །རིལ་བུ་རྣམས་དང་དབྱེར་མེད་འདྲེས། །སྨན་གྱི་བདུད་རྩི་མཆོག་ཏུ་གྱུར། །ཨོཾ་བུདྡྷ་ཌཱ་ཀི་ནཱི། བཛྲ་ཌཱ་ཀི་ནཱི། རཏྣ་ཊཱ་ཀི་ནཱི། པདྨ་ཊཱ་ཀི་ནི། །ཀརྨ་ཊཱ་ཀི་ནཱི། ཨོཾ་ཨཱཿཧཱུཾ། ཞེས་ལྔ་བརྒྱ་བཟླས་མཐར། ཡེ་ཤེས་མཁའ་འགྲོ་རིགས་ལྔ་ཡིས། སོགས་གོང་ལྟར་གསོལ་བ་བཏབ། །མཁའ་འགྲོ་ལྔ་ཡང་བདུད་རྩིར་ཞུ། །སྨན་གྱི་རིལ་བུར་ཐིམ་པ་

― JKT021_Page_0590 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིས། །མཐོང་ཐོས་དྲན་རེག་འགྲོ་བ་ཀུན། །རྒྱུ་འབྲས་ནད་རྣམས་སེལ་བྱེད་པའི། །ཡེ་ཤེས་བདུད་རྩིའི་མཆོག་ཏུ་གྱུར། །དབྱངས་གསལ་དང་རྟེན་འབྲེལ་སྙིང་པོ་ལན་མང་དུ་བཟླས་པའི་མེ་ཏོག་གཏོར་ལ་བྱིན་རླབས་ཀྱི་རྒྱུན་བརྟན་པར་བྱ། རྗེ་གྲུབ་ཐོབ་ཆེན་པོའི་གསུང་། གང་དག་ཕྱོགས་བཅུའི་འཇིག་རྟེན་ན། །སེམས་ཅན་ནད་པ་ཇི་སྙེད་པ། །དེ་དག་བདག་གི་བསོད་ནམས་ཀྱིས། །ནད་མེད་བདེ་དགའ་ཐོབ་པར་ཤོག །བདག་དང་སྨན་འདིའི་མིང་ཙམ་གྱིས། །འགྲོ་བ་ཀུན་གྱི་ལུས་སེམས་ཀྱཻ། །ནད་དང་སྡུག་བསྔལ་རབ་ཞི་ནས། །བདེ་བ་དམ་པ་ཐོབ་པར་ཤོག །བདག་གི་སྨོན་ལམ་སྟོབས་དག་དང་། །རྒྱལ་བ་སྲས་བཅས་སྦྱིན་སྟོབས་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །ཇི་སྲིད་འཁོར་བ་མ་སྟོངས་བར། །འགྲོ་དོན་ཇི་ལྟར་སྨོན་པ་བཞིན། །འབད་མེད་ལྷུན་གྱིས་གྲུབ་པར་ཤོག །ཅེས་སོགས་བསྔོ་སྨོན་དང་། བགེགས་རིགས་སྟོང་ཕྲག་བརྒྱུད་ཅུ་ཞི་བ་དང་། སོགས་ཤིས་བརྗོད་རྒྱས་པར་བྱ་ཞིང་མེ་ཏོག་གི་ཆར་དབབས། སྤར་བུ་ལྟ་བུའི་སྣོད་བཟང་པོར་བླུགས་ལ་རླུང་མི་འཆར་བར་ཚགས་བྱའོ། །གསུམ་པ་ནི། དེ་ལྟར་སྦྱར་ཞིང་བསྒྲུབ་པའི་རིལ་བུ་དེ་ཉིད་ལྔ་བདུན་དགུ་སོགས་ནད་སྟོབས་དང་སྦྱར་ལ་ཚ་བའི་རིགས་ལ་ཆུ་བསིལ། གྲང་པ་ལ་ཆང་། སྤྱིར་བཏབ་ཆུ་

― JKT021_Page_0591 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐོལ་ཚ་མོས་ཕུལ་ལ་བཏང་བས། སྨན་གྱི་ནུས་པ་དང་། སྔགས་ཀྱི་བྱིན་རླབས་གཉིས་ཚོགས་པའི་རྟེན་ཅིང་འབྲེལ་བར་འབྱུང་བའི་མཐུ་བསམ་གྱིས་མི་ཁྱབ་པས། རིལ་བུ་བསྟེན་པ་དང་དྲི་ཚོར་བ་ཚུན་ཆད་ཀྱང་སྤྱིར་ནད་ཐམས་ཅད་ཞི། གདོན་ཀུན་ལས་གྲོལ། ལུས་ཟུངས་དང་ཚེ་དང་བསོད་ནམས་རྒྱས་པ་སོགས་གནས་སྐབས་དང་། མཐར་ཐུག་འཕགས་མཆོག་ཐུགས་རྗེ་ཆེན་པོའི་ཕྲིན་ལས་ཀྱིས་ཁྱབ་པས་འཁོར་བ་དང་ངན་སོང་གི་སྡུག་བསྔལ་ལས་ཐར་བས་མཚོན་ཕན་ཡོན་མཐའ་ཡས། ཁྱད་པར་ཁྲག་མཁྲིས་བད་ཀན་སྐྱ་སྨུག །ཕོ་ནད་གསར་རྙིང་། རིམས་དང་ཚད་གསར་སོགས་ལ་ཤིན་ཏུ་ཕན་ཅིང་། ནད་གཞན་གང་ལའང་མི་གནོད་པ་མྱོང་བས་གྲུབ། འདི་ཁོ་ནས་ནད་ཐམས་ཅད་གསོ་བའི་སྨན་གྱི་གྲུབ་ཐོབ་རིག་པ་འཛིན་པ་ད་ལྟའི་བར་རྒྱུན་མ་ཆད་པར་བྱུང་བས་ཀྱང་ཤིན་ཏུ་ཡིད་ཆེས་བའི་གནས་སུ་བཟུང་ངོ་། །ནད་སོ་སོར་ཁ་བསྒྱུར་སྦྱར་ཚུལ་ནི་གཞུང་དུ་གསལ་ལ་སེ་བའི་མེ་ཏོག་བུངས་ཆེར་བསྣན་པ་རིལ་དཀར་པད་སྡོང་མ་ཞེས་བད་མཁྲིས་ལ་ཤིན་ཏུ་ཕན་ནོ། །དེ་ལྟར་ན་དཔལ་གྲུབ་པའི་དབང་ཕྱུག་ཐང་སྟོང་རྒྱལ་པོ་ལ་ཡེ་ཤེས་ཀྱི་མཁའ་འགྲོ་སྡེ་ལྔས་དངོས་སུ་ཕུལ་བའི་ནད་བརྒྱ་སྨན་གཅིག་རིལ་བུ་དཀར་པོའི་སྒོམ་ལུང་ཕྱག་ལེན་དང་བཅས་པ་ལེགས་པར་ཕུལ་བ་ཡིན་

― JKT021_Page_0592 ―

^{[མ་དཔེ་གཟིགས་ན་འདིར་གནོན།]}

[Full Size]

པས་བྱང་ཆུབ་སེམས་ཀྱི་རྩིས་ཟིན་པའི་སྒོ་ནས་རང་གཞན་གྱི་དོན་རྒྱ་ཆེན་པོ་མཛད་པར་ཞུ། །སློབ་དཔོན་ལྷན་དུ་བསྔོ་སྨོན་ཤིས་བརྗོད་རྒྱས་པར་བྱའོ། །ཞེས་རྗེ་གྲུབ་ཐོབ་ཆེན་པོའི་ལུགས་ཀྱི་རིལ་བུ་དཀར་པོའི་བསྒོམ་ལུང་ཡན་ཆད་ཡིག་ཆ་རྙིང་པ་ལ། ཕྱག་ལེན་གྱི་གསལ་བྱེད་ཁ་འགེངས་པ་དང་བཅས་མང་དུ་ཐོས་པའི་སྤོང་བ་པ་འཇམ་དབྱངས་མཁྱེན་བརྩེའི་དབང་པོས་དག་པར་བྲིས་པའི་དགེ་བས་།མཁའ་ཁྱབ་ཀྱི་འགྲོ་ཀུན་རྒྱུ་དང་འབྲས་བུའི་ནད་ཀྱི་གདུང་བ་མཐའ་དག་ཞི་ཞིང་། སྨན་པ་ཆེ་མཆོག་ཐམས་ཅད་གཟིགས་པའི་གོ་འཕང་མྱུར་དུ་ཐོབ་པའི་རྒྱུར་གྱུར་ཅིག །མངྒ་ལཾ། ༈ །ལས་དང་གློ་བུར་རྐྱེན་ལས་གྱུར་པ་ཡི། །གདོན་དང་ནད་དང་འབྱུང་པོའི་འཚེ་བ་སོགས། །སེམས་ཅན་ཡིད་མི་བདེ་བའི་ནད་རྣམས་ཀུན། །འཇིག་རྟེན་ཁམས་སུ་འབྱུང་བར་མ་གྱུར་ཅིག །ཇི་ལྟར་གཤེད་མས་འཁྲིད་པའི་བསད་བྱ་བཞིན། །སྐད་ཅིག་གཅིག་ལ་ལུས་སེམས་འབྲལ་བྱེད་པའི། །སྲོག་འཕྲོག་ནད་ཀྱི་སྡུག་བསྔལ་ཇི་སྙེད་པ། །འཇིག་རྟེན་ཁམས་སུ་འབྱུང་བར་མ་གྱུར་ཅིག །འཆི་བདག་གཤིན་རྗེའི་ཁ་ནང་ཚུད་པ་ལྟར། །ནད་ཀྱི་མིང་ཙམ་ཐོས་པས་སྐྲག་བྱེད་པའི། །ཉིན་གཅིག་པ་དང་རྟག་པའི་རིམས་སོགས་ཀྱིས། །ལུས་ཅན་ཀུན་ལ་གནོད་པར་མ་གྱུར་ཅིག །གནོད་པའི་བགེགས་རིགས་

― JKT021_Page_0593 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོང་ཕྲག་བརྒྱད་ཅུ་དང་། །གློ་བུར་ཡེ་འདྲོག་སུམ་བརྒྱ་དྲུག་ཅུ་དང་། །བཞི་བརྒྱ་རྩ་བཞིའི་ནད་ལ་སོགས་པ་ཡིས། ལུས་ཅན་ཀུན་ལ་འཚེ་བར་མ་གྱུར་ཅིག །ལུས་སེམས་བདེ་བ་མ་ལུས་འཕྲོག་བྱེད་པའི། །འབྱུང་བཞི་འཁྲུགས་པའི་སྡུག་བསྔལ་ཇི་སྙེད་པ། །མ་ལུས་ཞི་ཞིང་མདངས་སྟོབས་ལྡན་པ་དང་། །ཚེ་རིང་ནད་མེད་བདེ་སྐྱིད་ལྡན་པར་ཤོག །བླ་མ་དཀོན་མཆོག་གསུམ་གྱི་ཐུགས་རྗེ་དང་། །མཁའ་འགྲོ་ཆོས་སྐྱོང་སྲུང་མའི་ནུས་མཐུ་དང་། །ལས་འབྲས་བསླུ་བ་མེད་པའི་བདེན་སྟོབས་ཀྱིས། །བསྔོ་བ་སྨོན་ལམ་བཏབ་ཚད་འགྲུབ་པར་ཤོག །ཅེས་པ་འདི་ནི་གདན་ས་ཆེན་པོ་དཔལ་ལྡན་ས་སྐྱར་ནད་རིམས་མི་གཅིག་པ་སྣ་ཚོགས་བྱུང་བར། སྔགས་བོན་རྣམས་ཀྱིས་མདོས་གཏོར་སྨན་སྔགས་སྲུང་བ་སོགས་གང་བསྒྲུབས་ཀྱང་མ་ཕན་པར་གདན་ས་སྟོངས་ལ་ཐུག་པའི་སྐབས། རྗེ་གྲུབ་ཐོབ་ཆེན་པོས་མ་ནམ་མཁའ་མའི་སྐྱབས་འགྲོ་གྱིས། མ་ཎི་བསྒྲངས། སྨོན་ལམ་འདི་ཐོབ་ཅེས་བཀའ་སྩལ་བ་བཞིན་བགྱིས་པ་ལ་བརྟེན་ནད་ཡམས་ཐམས་ཅད་འཕྲལ་དུ་ཆད་པས། ས་སྐྱ་ནད་གྲོལ་མའི་སྨོན་ལམ་ཞེས་རྡོ་རྗེའི་གསུངས་བྱིན་རླབས་ཀྱི་སྤྲིན་ཕུང་འཕྲོ་བར་གྲགས་སོ། །མངྒ་ལཾ།། །།

རིན་ཆེན་རིལ་བུ་རྣམས་ཀྱི་ཕན་ཡོན་དང་བསྟེན་ཚུལ་སྙིང་པོར་དྲིལ་བ་བདུད་རྩིའི་ཟླ་སྣང་།

― JKT021_Page_0595 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །རིན་ཆེན་རིལ་བུ་རྣམས་ཀྱི་ཕན་ཡོན་དང་བསྟེན་ཚུལ་སྙིང་པོར་དྲིལ་བ་བདུད་རྩིའི་ཟླ་སྣང་ཞེས་བྱ་བ་བཞུགས་སོ།། །།

― JKT021_Page_0596 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །ཨོཾ་ཨ་ཐཱ། གྲུབ་པའི་བདུད་རྩིས་ཡིད་ཅན་གདུང་སེལ་བ། །དབང་བཅུ་མངའ་བའི་ཕྲིན་ལས་གཟུགས་ཅན་བཞིན། །གང་དུ་སྣང་གྱུར་སྨན་གྱི་ནོར་བུ་ལ། །བཏུད་ནས་ཕན་ཡོན་བསྟེན་ཐབས་མདོ་ཙམ་བྲི། དེ་ལ་སློབ་དཔོན་ཆེན་པོ་ངག་གི་དབང་ཕྱུག་གྲགས་པའི་ཞལ་སྔ་ནས། གྲུབ་པའི་སྔགས་དང་སྨན་སོགས་ནི། །འཕྲལ་དུ་ཡིད་ཆེས་བྱེད་པ་ཡིས། །འཆི་བདག་རྣམ་པར་བསལ་བར་བྱ། །ནོར་བུ་སྔགས་དང་སྨན་གྲུབ་དང་། །བཅུད་ལེན་སྟོབས་ཀྱིས་བདག་ཉིད་ནི། །འཆི་བདག་ཕ་རོལ་གནོན་མཐོང་སྟེ། །རིག་འཛིན་གྲུབ་པ་ཇི་བཞིན་ནོ། །ཞེས་དང་། གང་ཕྱིར་ནོར་བུའི་མཐུ་ལ་ནི། །སོམ་ཉི་བྱ་བར་རིགས་མིན་ཏེ། །ནོར་བུ་བསམ་

― JKT021_Page_0597 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་མི་ཁྱབ་པའི། །མཐུ་དང་ལྡན་པར་ཐམས་ཅད་འདོད། །ཅེས་དང་། འཇིག་རྟེན་ན་ནི་དངོས་གཞན་གང་། །སྔགས་ཀྱིས་མི་འགྲུབ་དེ་ཡོད་མིན། །ཡང་དག་དད་དང་མངོན་བརྩོན་ལ། །སྔགས་རྣམས་ཡིད་བཞིན་ནོར་བུ་མཚུངས། །ཞེས་དང་། སྨན་རྣམས་ཀྱི་ནི་མཐུ་ལ་ཡང་། །སོམ་ཉི་བྱ་བར་རིགས་མིན་ཏེ། །གང་ཕྱིར་སྨན་གྱི་ནུས་པ་ནི། །བསམ་མི་ཁྱབ་པར་ཀུན་ཏུ་སྣང་། ཞེས་སོགས་རྒྱ་ཆེར་བསྔགས་པ་ལྟར་ངོ་བོ་ནོར་བུ་རིན་པོ་ཆེ་དང་། བཅུད་ལེན་ཐམས་ཅད་ཀྱི་མཆོག་ཏུ་གྱུར་པ་གྲུབ་པའི་དངུལ་ཆུ་དང་། རོ་ནུས་ཞུ་རྗེས་ཕུན་སུམ་ཚོགས་པར་སྦྱར་བའི་སྨན་གྱི་རིལ་བུ་གང་ཞིག །རང་བཞིན་རྡོ་རྗེའི་སྔགས་ཀྱི་མཐུས་བྱིན་གྱིས་བརླབས་

― JKT021_Page_0598 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ན། །བྱེད་ལས་མཐོང་ཚོར་མྱང་ཞིང་མགུལ་དུ་འཆང་བ་ཙམ་གྱིས་ཀྱང་ནད་གདོན་བར་ཆད་ཐམས་ཅད་སེལ་བ་དང་། བཀྲ་ཤིས་ཤིང་དོན་གྲུབ་པ་དང་། ཚེ་དང་ལུས་ཀྱི་བཅུད་ལེན་དུ་འགྱུར་བ་སོགས་ཡོན་ཏན་བསྔགས་པ་མཐའ་ཡས་པའི་བདུད་རྩི་སྨན་གྱི་ནོར་བུ་རིན་ཆེན་རིལ་བུའི་ཚུལ་ལས་བརྩམས་ཏེ་ཅུང་ཟད་བརྗོད་ན་གཉིས། ཕན་ཡོན་དང་། བསྟེན་ཚུལ་ལོ། །དང་པོ་ལ་གཉིས། སྤྱི་།དང་བྱེ་བྲག་གོ། །དང་པོ་ནི། དཔལ་ལྡན་རྒྱུད་ལས། ཞི་བྱེད་ཀུན་གྱི་ལོག་གནོན་རིན་པོ་ཆེ། །ཁྲག་མཁྲིས་བད་རླུང་བཞི་བརྒྱ་རྩ་བཞིའི་ནད། །མགོ་དང་བྱང་ཁོག་ཡན་ལག་རྨ་རྣམས་དང་། །དམུ་འོར་མཛེ་འབྲས་གག་ལྷོག་གཉན་ནད་དང་། །ཀླུ་གཉན་རྒྱལ་པོ་ལ་སོགས་འབྱུང་པོའི་གདོན། །རིན་པོ་ཆེ་ཡིས་མི་སེལ་གང་ཡང་མེད། །ནད་གཞི་མེད་པའི་མི་ལ་བཅུད་ལེན་འགྱུར། །ཞེས་པས་མཚོན་རྒྱུད་དང་མན་ངག་རྣམས་ལས་རྒྱ་ཆེར་གསུངས་སོ། །གཉིས་པ་ལ་དྲུག་ལས། དང་པོ་གྲུབ་ཆེན་ཨོ་རྒྱན་པའི་དགོངས་པ་གཙོར་གྱུར་རིན་ཆེན་རིལ་ནག་ཆེན་མོའི་ཕན་ཡོན་ནི། དཔལ་ལྡན་ཟུར་མཁར་བ་ཆེན་པོ་དྷརྨ་སྭཱ་མཱིས། སྦྱོར་བ་འདི་ནི་རིལ་ནག་ཆེན་པོ་ཞེས་བྱ་སྟེ། ཡོན་ཏན་བརྗོད་ཀྱིས་མི་ལོང་བ་དང་ལྡན་པས་རྒྱལ་ཁམས་ཡོངས་ལ་གྲགས་པའོ། །དམ་ཚིག་དང་ལྡན་པས་བསྟེན་ན་ནད་

― JKT021_Page_0599 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་པ་ལ་སྲུང་བའི་མཆོག་ཏུ་འགྱུར་ཏེ། མི་ཚེ་འདི་ཡི་དུག་རིགས་ཐུབ། འཁྲུགས་དང་ཚད་རྙིང་སོགས་གཞན་གྱིས་གསོ་བར་དཀའ་བའི་ནད་ཐམས་ཅད་སྦྱོར་བ་འདིས་མི་སེལ་བ་འགའ་ཡང་མེད་དོ། །ཞེས་གསུངས་པ་ལྟར་སྦྱར་དུག་གཙོ་བོར་གྱུར་བའི་ནད་རིགས་ཐམས་ཅད་ལ་བསྔགས་ཤིང་། གདོན་ཐམས་ཅད་འཇོམས། བཅུད་ལེན་གྱི་མཆོག་ཏུ་འགྱུར། ཁྱད་པར་ཁོང་ནད་ཚ་ཤས་ཅན་དང་། སྨན་གཞན་གྱིས་ཕན་པར་དཀའ་བའི་ནད་གདོན་ཤས་ཆེ་བ་སོགས་ལ་མཆོག་ཏུ་བསྔགས། ལུས་ལ་འཆང་བས་སྲུང་བའི་རྒྱལ་པོ་འགྲུབ་བོ། །འོན་ཀྱང་བསིལ་ཁ་ཅུང་མཐོ་བས་གྲང་རླུང་གི་ཁམས་མཐོ་བ་དང་། བྱིས་པ་དང་རྒན་པོ་སོགས་ལ་འཕྲོད་དཀའ་ཙམ་སྣང་ངོ་། །གཉིས་པ་དཔལ་ལྡན་རྒྱུད་ལས་གཙོ་བོར་གསུངས་པའི་རིན་ཆེན་མང་སྦྱོར་ཆེན་མོའི་ཕན་ཡོན་ནི། ཕྲིན་ལས་ཀྱི་རྒྱུད་ལས། དུག་ནད་ཀུན་ལ་མང་སྦྱོར་ཆེན་མོ་མཆོག །ཅེས་སྦྱར་བ་དང་། གྱུར་པ་དང་། དངོས་ཀྱི་དུག་སོགས་དུག་རིགས་ཐམས་ཅད་ལ་མཆོག་ཏུ་ཟབ་པར་མ་ཟད། བསིལ་དྲོད་སྙོམས་པས་ཁོང་ནད་ཀྱི་རིགས་ཕལ་ཆེར་ལ་ཕན་པ་ཤིན་ཏུ་ཆེ་བ་ཡིན་ནོ། །གསུམ་པ་གྲུབ་ཆེན་ཨོ་རྒྱན་པའི་གདམས་ངག །རྗེ་རང་བྱུང་རྡོ་རྗེའི་ཐུགས་བཅུད་ཡང་ཟབ་རིན་ཆེན་རིལ་བུའི་ཕན་ཡོན་ནི། དཔལ་དྷརྨ་སྭཱ་།

― JKT021_Page_0600 ―

^{[མ་དཔེ་གཟིགས་ན་འདིར་གནོན།]}

[Full Size]

མཱིའི་གསུང་ལས་བྱུང་བ་ལྟར་མདོར་བསྡུ་ན་ཐུན་མོང་དུ་ནད་མེད་ཀྱིས་བསྟེན་པའི་ཕན་ཡོན་དང་། ནད་པ་ལ་བཏང་བའི་ཕན་ཡོན་ནོ། །དང་པོ་ནི། རྡོ་རྗེ་མཁའ་འགྲོ་ལ་སོགས་པའི་རྒྱུད་ལས། གླང་པོའི་སྟོབས་དང་ཉི་ཟླའི་ཚེ། །ལྷ་ཡི་ལང་ཚོ་འཛིན་པར་འགྱུར། །ཞེས་གསུངས་པ་ལྟར་ལུས་སྟོབས་རྒྱས། མདངས་གསལ། སྐྲ་དཀར་ཉུང་དུ་འགྲོ། གཉེར་མའང་རང་ཞིར་འགྲོ། སོ་ཚགས་དམ་དུ་འགྲོ། མིག་ལ་སོགས་པའི་དབང་པོ་གསལ་དུ་འགྲོ། ཚ་གྲང་བཀྲེས་སྐོམ་བཟོད་པ་སོགས་ཡོན་ཏན་མང་དུ་འབྱུང་བ་མངོན་དུ་གྲུབ། ནང་དུ་རྩ་ཁ་འཛིན་སྡོམ་བྱེད། སྟེང་གདོན་དང་འོག་གདོན་སོགས་གདོན་གྱི་རིགས་ཐམས་ཅད་སྲུང་བ་དང་། རིམས་སོགས་ནད་རིགས་ཐམས་ཅད་སྲུང་བ་དང་། ཐ་མ་ཆམ་པ་ཡང་མི་འོང་བ་མྱོང་བས་གྲུབ་བོ། །གཉིས་པ་ནི། འདི་ནད་རིགས་གང་ལ་བཏང་ཡང་མཆོག་ཏུ་ཕན་པ་ཞིག་ཡིན་ལ། ཁྱད་པར་ནད་ཇི་ལྟར་ཆེ་བ་དང་། ནད་རྙིང་པར་གཏོགས་པ་དང་། སྨན་གཞན་བཏང་བའི་ནུས་པ་ཟད་ནས་བོར་བ་སོགས་ཉེས་པ་ཆེ་བ་ཙམ་ལ་འདིས་ཕན། དེ་ལས་ཀྱང་བརྟན་གཡོའི་དུག་ཐམས་ཅད་ལ་ཆེས་ཆེར་བསྔགས་སོ། །ཐུན་མོང་མ་ཡིན་པའི་དབང་དུ་བྱས་ན་གཞུང་རྩ་བའི་རྡོ་རྗེའི་ཚིག་ལས། འདི་ཡི་རིམ་པས་ནང་ལ་ཡང་། །སྲོག་རྩོལ་དྷ་ཏིའི་ལམ་

― JKT021_Page_0601 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་འཆིངས། ཞེས་རླུང་སེམས་དབུ་མར་ཐིམ་ནས་ཡང་དག་པའི་ཡེ་ཤེས་མངོན་དུ་བྱེད་པའི་ཆ་རྐྱེན་དུ་བསྔགས་པས་མཚོན་བསམ་གྱིས་མི་ཁྱབ་བོ། །བཞི་པ་དབང་རིལ་ཤེལ་དཀར་མཆོད་རྟེན་དུ་གྲགས་པའི་ཕན་ཡོན་ནི། གཞུང་ལས། ལེགས་པར་བསྟེན་པའི་ཕན་ཡོན་ནི། །དུག་རིགས་ཤ་སྦྱོར་རྩི་སྦྱོར་དང་། །སྔོ་སྦྱོར་སྤུ་སྦྱོར་ས་རྡོའི་སྦྱོར། །ཤིང་སྦྱོར་རིན་པོ་ཆེ་ཡི་སྦྱོར། །ཆུ་སྦྱོར་ཚ་སྦྱོར་གྲང་སྦྱོར་སོགས། །མདོར་ན་དུག་རིགས་གང་ཡིན་ཀྱང་། །མི་ཐུབ་གཅིག་ཀྱང་ཡོད་མ་ཡིན། །གསོ་དང་སྲུང་བ་གཉིས་ཀ་བྱེད། །ཅེས་སོགས་གསུངས་པ་ལྟར་དུག་རིགས་ཐམས་ཅད་ལ་མཆོག་ཏུ་བསྔགས་ཤིང་། ཁོང་ནད་ཀྱི་རིགས་གང་ལའང་ཕན་ནོ། །ལྔ་པ་དབང་རིལ་རིན་ཆེན་རྟ་རི་མའི་ཕན་ཡོན་ནི་སྨན་སོ་སོའི་ཡོན་ཏན་དང་ནུས་པ་སོགས་རྒྱས་པར་དཀར་ཆག་ཏུ་གསལ་བ་ལྟར་ལ། མདོར་བསྡུ་ན། སྦྲུལ་ལ་སོགས་པ་སྲོག་ཆགས་དུག །བོང་ང་ལ་སོགས་བཙན་དུག་དང་། །ཆུ་དུག་རླངས་དུག་ས་ཡི་དུག །རྫི་དུག་ཤ་དུག་གྱུར་པའི་དུག །སྒོང་དུག་མུ་སྟེགས་ངན་སྔགས་དུག སྦྱར་དུག་ལོ་ཟླར་ཞེན་པ་སོགས། །དུག་རིགས་ཐམས་ཅད་འདི་ཡིས་འཇོམས། །ཞེས་གསུངས་པ་ལྟར་དང་། གཞན་ཡང་གསོ་དཀའ་བའི་ཁོང་ནད་རིགས་ཕལ་ཆེར་ལ་བསྔགས་སོ། །དྲུག་པ་

― JKT021_Page_0602 ―

^{[མ་དཔེ་གཟིགས་ན་འདིར་གནོན།]}

[Full Size]

བསམ་འཕེལ་རིན་ཆེན་རིལ་བུའི་ཕན་ཡོན་ནི། ཇི་སྐད་དུ། རིན་ཆེན་སྨན་གྱི་སྦྱོར་བ་ཁྱད་པར་ཅན། །འདི་ཡི་ཕན་ཡོན་བརྗོད་ཀྱིས་མི་ལོང་ཡང་། །མདོར་བསྡུས་ཚ་གྲང་འདུ་བ་འཁྲུགས་པའི་ཊྛནད། །ཡུན་རིང་གསོ་དཀའ་སྨན་པས་བོར་པ་དང་། །ཁྱད་པར་རྩ་དཀར་རིང་འཁུམས་འཁྲུགས་པ་འཇོམས། །བྱེར་བ་བསྡུ་ཞིང་རྙིང་པ་གཏིང་ནས་འདོན། །མཁལ་ཚད་རྩ་འགྲམ་ཁྲག་རླུང་གཟེར་ཡིམདའ་གཅོག །སྟེང་གདོན་གཟའ་དང་བར་གདོན་རྒྱལ་པོ་བཙན། །འོག་གདོན་ཀླུ་ཡི་རིགས་རྣམས་ཐམས་ཅད་སེལ། །རྨ་རྙིང་སུརླ་རྐང་འབམ་ཞ་འཁུམ་སོགས། །ཕྱི་ནང་ཕལ་ཆེའི་ནད་ལ་བསྔགས་པ་སྟེ། །མགུལ་དུ་འཆང་ན་སྲུང་བའི་རྒྱལ་པོར་འགྱུར། །དྲི་ཚོར་ཙམ་གྱིས་གདོན་བགེགས་འབྱུང་པོ་འབྲོས། །དེ་ཕྱིར་བསམ་འཕེལ་ཡིད་བཞིན་རིན་པོ་ཆེ། །སྨན་གྱི་ནོར་བུ་རྒྱུན་ཤེས་སྨན་པའི་ལུགས། །གསོ་རིག་རྒྱ་མཚོ་བསྲུབས་པའི་བདུད་རྩི་སྟེ། །དྲང་སྲོང་འཚོ་ཐབས་ཤེས་པའི་སྙིང་ནོར་ཡིན། །ཞེས་སོགས་བསྔགས་པ་ལྟར་ནད་གདོན་རིགས་སྤྱི་དང་། ཁྱད་པར་རྩ་དཀར་གྲིབ་ཤས་ཅན་གྱི་རིགས་ལ་མཆོག་ཏུ་བསྔགས་ཤིང་། གཟའ་གདོན་སོགས་ལའང་ཆེས་ཆེར་ཕན་པ་མྱང་བས་གྲུབ་བོ། །གཉིས་པ་ཇི་ལྟར་བསྟེན་པའི་ཚུལ་ལ། སྤྱིར་ཆེན་ཆེན་རིལ་བུའི་རིགས་ཕལ་ཆེར་དུག་

― JKT021_Page_0603 ―

^{[མ་དཔེ་གཟིགས་ན་འདིར་གནོན།]}

[Full Size]

ནད་ཁོ་ནའི་གཉེན་པོར་བསྔགས་པས། དེ་ལ་སྲུང་བ་ལྟར་བསྟེན་ཚུལ། གསོ་བ་ལྟར་བསྟེན་ཚུལ་སོགས་མང་དུ་བཤད་ཅིང་། བྱེ་བྲག་གསོ་བ་ལའང་། དང་པོར་ཐང་གིས་བྱེར་བ་བསྡུ། །བར་དུ་རིན་ཆེན་གྱི་སྦྱོར་བས་བསད། ཐ་མ་བཤལ་གྱིས་དག་པར་སྦྱོང་བས་མཚོན་རྒྱ་ཆེར་གསུངས་པ་གཞུང་དང་མན་ངག་ཕྱག་ལེན་གྱིས་གཏན་ལ་ཕབ་པས་ཤེས་པར་འགྱུར་གྱི་ཡི་གེ་ཉུང་ངུས་མཚོན་པར་མི་ནུས་ལ། འདིར་ཐུན་མོང་དུ་བཏང་ཚུལ་རྒྱུན་གྱི་ལག་ལེན་མདོ་ཙམ་བཤད་ན། དུག་སོགས་ལ་མར་ངོའི་ཟླ་ཟད་ལ་བཏང་བའི་གནད་ཡོད་ཀྱང་། སྤྱིར་གཟའ་ཚེས་ཤིན་ཏུ་བཟང་བར་ལེགས་ཤིང་། སྡུད་སྨིན་གྱི་ཐང་སྨན་གང་རིགས་ཞག་བརྒྱད་ཙམ་གོང་ནས་བཏང་ཞིང་། ཁྱད་པར་ཞག་གསུམ་ནས་གཡེར་འབྲུ་བདུན་ཙམ་གྱི་ཐང་རྩ་ཁ་འབྱེད་པ་ལ་བཏང་། གཤོམ་ནི། སྟན་དཀར་དྲི་མེད་སྟེང་དུ་འབྲུ་དཀར་གྱི་གཡུང་དྲུང་གཡོན་འཁྱིལ་བྲི། དེའི་སྟེང་ལྷུང་བཟེད་ནང་དུ་འབྲུ་བཟང་པོ་བླུགས། དེ་ནང་དཀར་ཡོལ་གས་ཆག་མེད་པ་ཞིག་ཏུ་ཚ་ཤས་ཅན་ལ་ཁ་ཆེའི་གྲུང་ཆུ། གྲང་ཤས་ཅན་ལ་སེ་འབྲུའི་ཁུ་བ། སྤྱིར་བཏང་ཆང་བཟང་པོ་ཁྱོར་གང་ཙམ་ནང་རིལ་བུ་བཞག །དེ་སྟེང་དར་དམར་གྱིས་ཁ་བཅད། དེ་སྟེང་ཆོས་གོས་བྱིན་ལྡན་བརྒྱད་ལྟེབ་སྟེང་དུ་སྨན་བླའི་སྐུ་ཞལ་རང་ལ་བསྟན། །

― JKT021_Page_0604 ―

^{[མ་དཔེ་གཟིགས་ན་འདིར་གནོན།]}

[Full Size]

གཞན་ཡང་སྨན་རྒྱུད་ཀྱི་དཔེ་དང་མཆོག་གསུམ་གྱི་རྟེན་གང་འབྱོར་མདུན་དུ་རྣམ་ལྔས་གཙོས་པའི་མཆོད་པ་ཅི་འབྱོར་བཤམ། མདོ་ལུགས་ལྟར་ན་བདེ་གཤེགས་བདུན་གྱི་སྨོན་ལམ་ཆོ་ག་དང་། སྔགས་ལུགས་ལྟར་ན་རྒྱས་པར་སྙིང་ཐིག་སྡུག་བསྔལ་མུན་སེལ་ལྟར་རམ། བསྡུས་པ་སྒྲུབ་ཐབས་དངོས་གྲུབ་བང་མཛོད་ཀྱི་ཆོ་ག་བྱས་ལོ་མ་ཡིན་པར་བཏང་ནས། བྱེ་བྲག་གི་དམིགས་འདུན་དང་སྙིང་རྗེའི་བསམ་སྦྱོར་དང་ལྡན་པས་གཟུངས་སྔགས་ཅི་མང་བཀྲ་ཤིས་བཅས་བྱའོ། །དེ་ནས་གླུད་གཏོར་རམ་སྦྱོང་བ་བགེགས་བསྐྲད་དང་བཅས་མཚམས་ཐོ་ལྡན་པས་འགྲིམ་འགྲུལ་འཛེམ། ནང་པར་བདུད་རྩི་ཐུན་མཚམས་དང་ལྡན་པའི་ཚེ། སྨན་པའི་ལག་གཙང་མར་བྱས་ཏེ། སྲིན་མཛུབ་ཀྱི་རིལ་བུ་བཤིགས་ནས་ནད་པ་ཁ་ཤར་དུ་ཕྱོགས་པའི་སྔས་མགོ་ཁྲིའུའི་ཁར་བཟང་པོའི་འདུག་སྟངས་ཀྱིས་འཁོད་དེ་སྨན་སྣོད་ལག་གཡོན་དུ་ཐོགས་ལ། ༈ སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །ཞེས་སོགས་སྐྱབས་སེམས་ལན་གསུམ་དང་། སེམས་ཅན་ཐམས་ཅད་བདེ་བ་དང་སོགས་ཚད་མེད་བཞི་བསྒོམ༔ ༈ རང་ཉིད་བེཟླུརླ་འོད་སྨན་གྱི་རྒྱལ། །མཚན་བཟང་སོ་གཉིས་དཔེ་བྱད་བརྒྱད་ཅུར་ལྡན། །སྤྲུལ་པའི་སྐུ་མཆོག་ཕྱག་གཡས་ཨ་རུ་ར། །གཡོན་པས་བདུད་རྩིས་གང་བའི་ལྷུང་བཟེད་

― JKT021_Page_0605 ―

^{[མ་དཔེ་གཟིགས་ན་འདིར་གནོན།]}

[Full Size]

བསྣམས། །པད་ཟླའི་གདན་བཞུགས་སངས་རྒྱས་བྱང་ཆུབ་སེམས། །དྲང་སྲོང་བཀའ་སྲུང་རྒྱ་མཚོའི་ཚོགས་ཀྱིས་བསྐོར། །མདུན་གྱི་སྨན་སྣོད་བདུད་རྩིའི་ལྷུང་བཟེད་གསལ། །ཐུགས་ལས་འོད་ཟེར་དཔག་མེད་འཕྲོས་པ་ཡིས། །ཕྱོགས་བཅུའི་སངས་རྒྱས་བྱང་སེམས་ཐམས་ཅད་དང་། །བླ་མ་ཡི་དམ་མཁའ་འགྲོ་ཆོས་སྐྱོང་སོགས། །ལྷ་མིའི་དྲང་སྲོང་འཇིག་རྟེན་སྐྱོང་རྣམས་ཀུན། །སྤྲིན་ལྟར་སྤྱན་དྲངས་མདུན་མཁར་བཞུགས་ནས་ཀྱང་། །བཀྲ་ཤིས་དང་བཅས་སྨན་མཆོག་བྱིན་བརླབས་ནས། །ཚེ་ཡི་བཅུད་བསྡུས་སྨན་མཆོག་ཉིད་ལ་ཐིམ། །འཚོ་མཛད་སྨན་པའི་རྒྱལ་པོ་བཅོམ་ལྡན་འདས། །དུག་གསུམ་ནད་སེལ་སངས་རྒྱས་སྨན་གྱི་བླ། །སྐུ་མདོག་མཐིང་ག་བཻ་ཌཱུརྱ་ཡི་འོད། །སྤྲུལ་པའི་སྐུ་ལ་མཚན་དང་དཔེ་བྱད་ལྡན། །རླུང་མཁྲིས་བད་ཀན་ནད་ཀྱིས་གདུངས་པ་ལ། །ནད་ཀྱི་གཉེན་པོར་ཕྱག་གཡས་ཨ་ར་རུ། །ཕྱག་གཡོན་བདུད་རྩིའི་ལྷུང་བཟེད་པར་བུ་བསྣམས། །བཻ་ཌཱུརྱ་ཡི་འོད་ལ་ཕྱག་འཚལ་ལོ། །རིག་པའི་གནས་མཆོག་བཅོ་བརྒྱད་ཐུགས་སུ་ཆུད། །ཚེ་ལ་དབང་བའི་བཅུད་ལེན་དངོས་གྲུབ་བརྙེས། །མངོན་ཤེས་སྙིང་རྗེས་འགྲོ་མཆོག་འདུ་བ་སྙོམས། །དྲང་སྲོང་རིག་འཛིན་རྣམས་ལ་ཕྱག་འཚལ་ལོ། །ལྷ་རྣམས་ཀྱི་ནི་བདུད་རྩི་ལྟ་བུ་དང་། །ཀླུ་རྣམས་ཀྱི་

― JKT021_Page_0606 ―

^{[མ་དཔེ་གཟིགས་ན་འདིར་གནོན།]}

[Full Size]

ནི་གཙུག་ནོར་ལྟ་བུ་དང་། །དྲང་སྲོང་རྣམས་ཀྱི་བཅུད་ལེན་ལྟ་བུར་ནི། །ཁྱོད་ལ་སྨན་འདི་ཉེ་བར་གནས་གྱུར་ཅིག །རླུང་མཁྲིས་བད་ཀན་བཞི་བརྒྱ་རྩ་བཞིའི་ནད། །ཚེ་ལ་བར་དུ་གཅོད་པ་ཞི་བ་དང་། །གནོད་པའི་བགེགས་རིགས་སྟོང་ཕྲག་བརྒྱད་ཅུ་དང་། །ཡེ་འདྲོགས་སུམ་བརྒྱ་དྲུག་ཅུ་ལ་སོགས་པ། །བསམ་པའི་བར་དུ་གཅོད་པ་ཞི་བར་མཛོད། ཨོཾ་ན་མོ་བྷ་ག་ཝ་ཏེ་བྷེ་ཥ་ཛེ་གུ་རུ་བཻ་ཌཱུརྨ་པྲ་བྷ་རཱ་ཛཱ་ཡ། ཏ་ཐ་ག་ཏཱ་ཡ། ཨདྷ་ཏེ་སམྱཀཾ་བུདྡྷཱ་ཡ། ཏདྱ་ཐཱ། ཨོཾ་བྷེ་ཥ་ཛ་བྷེ་ཥ་ཛུ་མ་ཧཱ་བྷེ་ཥ་ཛྲ་བྷེ་ཥ་ཛུ་རཱ་ཛ་ས་མུངྒ་ཏེ་སྭཱ་ཧཱ། ཞེས་གཟུངས་ལན་བདུན་བཟླས། དེ་ནས་སྨན་བུད་མཐེབ་སྲིན་གྱིས་འཐོར་ཞིང་། ཆོས་དབྱིངས་རྣམ་དག་ལྷུན་གྲུབ་གཞལ་ཡས་ནས། །རྫོགས་པའི་སངས་རྒྱས་སྨན་གྱི་རྒྱལ་པོ་ལ། །སྨན་མཆོག་བདུད་རྩིའི་མཆོད་པ་འདི་ཕུལ་བས། །མཆོག་དང་ཐུན་མོང་དངོས་གྲུབ་སྩལ་དུ་གསོལ། །རྒྱུན་ཤེས་བུ་སོགས་དྲང་སྲོང་མཆོག་རྣམས་དང་། །འཚོ་བྱེད་གཞོན་ནུ་ཀླུ་སྒྲུབ་དཔའ་བོའི་ཞབས། །ཟླ་དགའ་ལ་སོགས་གྲུབ་པ་མཆོག་རྣམས་དང་། །ཁྲི་སྲོང་ལྡེའུ་བཙན་གྲྭ་མངོན་གཡུ་ཐོག་མགོན། །མཁས་པའི་ཁྱུ་མཆོག་བྱང་ཟུར་རྣམ་གཉིས་སོགས། །དངོས་བརྒྱུད་དྲང་སྲོང་སྨན་པའི་ཚོགས་རྣམས་ལ། །སྨན་ཕུད་བདུད་རྩི་མཆོག་གི་མཆོད་པ་འབུལ། །གཞན་ཡང་ཡི་

― JKT021_Page_0607 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་རྒྱལ་བ་རྒྱ་མཚོའི་ཚོགས། །ཞང་བློན་ཆེན་པོ་རྡོ་རྗེ་བདུད་འདུལ་དང་། །སྨན་སྐྱོང་བཀྲ་ཤིས་ཚེ་རིང་མ་ལ་སོགས། །ཆོས་སྐྱོང་དམ་ཅན་རྒྱ་མཚོ་འཁོར་བཅས་ལ། །སྨན་ཕུད་བདུད་རྩིའི་མཆོད་པ་འདི་ཕུལ་བས། །སྨན་རྣམས་བདུད་རྩིར་འགྱུར་བར་མཛད་ནས་ཀྱང་། །དྲི་ཐོས་ཙམ་གྱིས་རྡོ་རྗེའི་ལུས་ཐོབ་ནས། །བདག་སོགས་འགྲོ་ཕན་རླབས་ཆེན་ཡོངས་སྤྱད་ཅིང་། །འགྲོ་ཀུན་སྨན་རྒྱལ་གོ་འཕང་མྱུར་ཐོབ་ཤོག །ཀཱ་ཡ་ཝཱ་ཀྲ་ཙིཏྟ་མ་ཧཱ་སརྦ་སིདྡྷི་ཕ་ལ་ཧོ༔ ཞེས་བརྗོད་ཅིང་དངོས་གྲུབ་བླང་བའི་ཚུལ་དུ་སྨན་ཅུང་ཟད་རང་གི་ལྕེ་ལ་བཞག་རྗེས། བདག་གི་ལེགས་བྱས་དགེ་བ་འདིས་མཚོན་ཏེ། །ནད་རིགས་མི་མཐུན་ཕྱོགས་ཀུན་རབ་ཞི་ཞིང་། །བསམ་པའི་དོན་ཀུན་འབད་མེད་འགྲུབ་པ་དང་། །གཙོ་བོ་ཁྱོད་བཞིན་བྱང་ཆུབ་རེག་གྱུར་ཅིག །ཅེས་སྨོན་ལམ་གདབ། སྤྲོ་ན་སྟོང་ཆེན་རབ་འབྱམས་ལས་གསུངས་པའི་ཚིགས་བཅད་དང་སྔགས་ཀྱང་བརྗོད། སྨན་བླའི་གཟུངས་དང་རྟེན་འབྲེལ་སྙིང་པོ་བཟླ་བཞིན་པས་བཏང་བའི་མཐར། རླུང་ལས་གྱུར་དང་མཁྲིས་ལས་གྱུར། །བད་ཀན་ལས་གྱུར་འདུས་ལས་གྱུར། །ནད་རྣམས་ཐམས་ཅད་རབ་བཅོམ་སྟེ། །ཀུན་ལ་རྟག་ཏུ་དགེ་བར་ཤོག །སེམས་ཅན་ནད་པ་ཇི་སྙེད་པ། །མྱུར་དུ་ནད་ལས་ཐར་གྱུར་ཅིག །འགྲོ་བའི་ནད་

― JKT021_Page_0608 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་མ་ལུས་ནི། །རྟག་ཏུ་འབྱུང་བ་མེད་པར་ཤོག །ཅེས་སོགས་བསྔོ་སྨོན་ཁྱད་པར་བ་དང་། ཆེ་བའི་ཆེ་མཆོག་སོགས་མདོ་རྒྱུད་ནས་བྱུང་བའི་བཀྲ་ཤིས་ཚིགས་བཅད་དང་། འབད་དང་རྩོལ་བས་མ་གོས་པའི། ཞེས་སོགས་བརྗོད་ཅིང་མེ་ཏོག་འཐོར། ཆུ་བསྐོལ་ཧུབ་གང་ཙམ་གྱིས་སྣོད་དེ་ཉིད་བཤལ་ལ་འཐུང་། དེ་ནས་གོས་ཤིན་ཏུ་དྲོ་བར་བགོས་ཏེ་ལུས་རྡུལ་ངེས་བྱས་ནས་ཉལ། རྡུལ་བྱུང་བ་༧ རྣམས་རིམ་བཞིན་བལ་སོགས་ཀྱིས་ལེགས་པར་ཕྱིས། ལུས་མ་རྡུལ་ན་ཆུ་ཚོད་གཉིས་ཙམ་ནས་ཇ་རྒོད་ཚ་མོ་ཅན་ཕོར་ཆུང་གང་བཏུང་བ་གནད། དེ་ནས་མར་ཁུ་བཙག་བཅད་ནང་དོམ་མཁྲིས་ཐུན་ཆུང་བཏབ་ནས་འཐུང་། ཞག་བདུན་ཙམ་ལ་འགྲིམ་འགྲུལ་དང་ཟས་རིགས་ཇི་ལྟར་འཛེམ་ཐུབ་ན་ལེགས། གཞན་ཡང་སྒོག་བཙོང་ལ་ཕུག །ཁ་ཚ་རུལ་སུམ་དང་སྔོ་ངད་ཀྱི་རིགས། ཁྱད་པར་དངུལ་ཆུ་བཤིག་པའི་རྫས་དང་། ཆང་སྐྱུར་ཆགས་སྤྱོད་སོགས་ནི་ཡུན་རིང་དུ་འཛེམ་པ་གལ་ཆེ། གཞན་ཡང་ནད་གཞི་ཆེ་ཆུང་གི་བཏང་ཚུལ་བློ་གྲོས་ཀྱིས་དཔྱད་དགོས་པའོ། །རིལ་བུ་ཉིད་ཀྱིས་ནམ་དུའང་ནམ་མཁའ་མི་མཐོང་བ་དང་། ཁྱི་དང་བུད་མེད་ཀྱི་སྒྲ་ཙམ་ཡང་ཚོར་མི་ཉན་ཅིང་། བུད་མེད་ལ་བླུད་དུས་སྐྱེས་པས་སྟེར་དགོས་པ་ཡིན་ནོ། །གཞན་ཡང་བཅུད་ལན་གྱི་ཚུལ་དུ་བསྟེན་པ་སོགས་རྒྱ་ཆེར་

― JKT021_Page_0609 ―

^{[མ་དཔེ་གཟིགས་ན་འདིར་གནོན།]}

[Full Size]

གཞུང་དང་མན་ངག་རྣམས་ལས་ཤེས་པར་བྱ་ཞིང་། མདོར་ན་རིན་ཆེན་རིན་ཐང་དང་བྲལ་བའི་སྨན་གྱི་ནོར་བུ་མཆོག་ཏུ་གྱུར་པ་སངས་རྒྱས་དང་བྱང་ཆུབ་སེམས་དཔའི་ཐུགས་བསྐྱེད་དང་སྨོན་ལམ་གྱི་མཐུ་ལས་གྲུབ་པར་ཤེས་པས་གཅེས་སྤྲས་སུ་འཆང་ཞིང་། གུས་པས་མཆོད། ཚུལ་བཞིན་དུ་བསྟེན་ན་འཕྲལ་དང་ཡུན་གྱི་རྒུད་པ་ཞི་ཞིང་། ཕན་བདེའི་དགེ་མཚན་རྒྱས་པར་འགྱུར་བ་ནི་ངེས་པའོ། །དེ་ལྟར་རིན་ཆེན་སྦྱོར་བའི་ཕན་ཡོན་དང་། །བསྟེན་ཚུལ་ཅུང་ཟད་བརྗོད་པའི་ལེགས་བྱས་ཀྱིས། །བསྟན་འཛིན་མཆོག་རྣམས་བསྐལ་བརྒྱར་ཞབས་བརྟན་ཅིང་། །འགྲོ་ཀུན་སྲིད་ཞིའི་དགེ་མཚན་འགྲུབ་གྱུར་ཅིག། སརྦ་དཱ་ཐེ་ཡོ་བྷ་བ་ཏུ། འཇམ་དབྱངས་མཁྱེན་བརྩེས། ༈ སྟོང་ཆེན་རབ་འབྱམས་ལས། རྫོགས་སངས་རྣམ་པར་སངས་རྒྱས་ཚེ། །འཇིག་རྟེན་སྐྱོང་བས་ཕྱོགས་བཞི་ནས། །སྣོད་བཞི་དག་ནི་བླངས་ནས་སུ། །བདེ་བར་གཤེགས་ལ་ཕུལ་བ་དང་། །མཐུ་ཡིས་གཅིག་ཏུ་སྤྲུལ་མཛད་པ། །ལྷ་ཡི་སྣོད་མཆོད་དེ་དང་ནི། །བདུད་རྩི་འདྲ་བའི་སྨན་གྱི་རྣམས། །སྟོན་པའི་ཕྱག་ན་བསྣམས་གྱུར་པ། །བདེན་པའི་བདེན་ཚིག་དེ་དག་གིས། །སྨན་རྣམས་བདུད་རྩིར་འགྱུར་བར་ཤོག །དེ་བཞིན་ལྷ་མོ་འཕྲོག་མ་ཡིས། །ལྷ་རྫས་དགེ་བ་ཨ་རུ་ར། །བླངས་ནས་སྟོན་ལ་རབ་ཕུལ་

― JKT021_Page_0610 ―

^{[མ་དཔེ་གཟིགས་ན་འདིར་གནོན།]}

[Full Size]

བ། །བདུད་རྩི་འདྲ་བའི་སྨན་གྱི་རྣམས། །སྟོན་པའི་ཕྱག་ན་བསྣམས་གྱུར་པ། །བདེན་པའི་ཚིག་ནི་དེ་དག་གིས། །ནད་པ་རྣམས་ནི་ནད་སེལ་ཞིང་། །ཉེས་པ་ཐམས་ཅད་འཕྲོག་བྱེད་པ། །སྨན་རྣམས་བདུད་རྩིར་འགྱུར་བར་ཤོག །སངས་རྒྱས་རྣམ་གཟིགས་གཟི་བརྗིད་དང་། །གཙུག་ཏོར་ཅན་གྱི་སྟོབས་རྣམས་དང་། །ཐམས་ཅད་སྐྱོབས་ཀྱི་བདེན་ཚིག་དང་། །ལོག་དད་སེལ་གྱི་ཏིང་འཛིན་༧ དང་། །གསེར་ཞེས་བྱ་བའི་ཡེ་ཤེས་དང་། །འོད་སྲུང་གི་ནི་རྫུ་འཕྲུལ་དང་། །ཤཱཀྱ་སེང་གེའི་མཐུ་རྣམས་ཀྱིས། །སྨན་རྣམས་བདུད་རྩིར་འགྱུར་བར་ཤོག །སྲུད་ཐེ་དན། ཁ་ཊེ་ཁ་ཊེ་ཁ་ཊེ། ཁ་ཊེ་བི་ཁ་ཊེ། བི་མ་ལེ། བི་ལསླེ་བཱ་ལེ། བཱ་ལ་བ་ཏཱི་ཙནྡེ། ཙ་ར་ཎེ། ཨ་མྲྀ་ཏེ་ནིརྒྱུ་ཥེ་སྭཱ་ཧཱ། སྨན་གྱི་དངོས་གྲུབ་བྱས་སྔགས་ནི། ཨོཾ་ཨཱཿཧཱུྃ་སྭཱ་ཧཱ། ཨ་མྲྀ་ཏ་ཛཱི་བནི་བྷེ་ཥ་ཛེ་སརྦ་སིདྡྷི་ཧཱུཾ་ཧོ། ཉེར་གཅིག །ཕུད་མཆོད་ནི། བཅོམ་ལྡན་སྨན་གྱི་བླ་མ་སོགས། སྨོན་ལམ་ནི། རླུང་ལས་གྱུར་དང་མཁྲིས་ལས་གྱུར། །བད་ཀན་ལས་གྱུར་འདུས་ལས་གྱུར། །ནད་རྣམས་ཐམས་ཅད་རབ་བཅོམ་སྟེ། །ཀུན་ལ་རྟག་ཏུ་དགེ་བར་ཤོག །སྨན་རྣམས་མཐུ་དང་ལྡན་པ་དང་། སོགས། ༈ སངས་རྒྱས་སྨན་གྱི་བླ་མ་ཤཱཀྱ་ཐུབ། །རིགས་གསུམ་མགོན་དང་དྲང་སྲོང་ཉི་ཤུ་གཅིག །བེ་རོ་ཙ་ན་མཁས་

― JKT021_Page_0611 ―

^{[མ་དཔེ་གཟིགས་ན་འདིར་གནོན།]}

[Full Size]

པ་མི་དགུ་སོགས། །རྒྱ་བོད་དྲང་སྲོང་བརྒྱུད་པར་བཅས་རྣམས་ལ། །སྨན་མཆོད་འབུལ་ལོ་འཆི་མེད་དངོས་གྲུབ་སྩོལ། ༀ་མ་ཧཱ་ཨ་མྲྀ་ཏ་བྷི་ཥ་ཛེ་པཱུ་ཛ་ཨཱཿཧཱུཾ། ཨོཾ་མ་ཧཱ་ཨ་མྲྀ་ཏ་བྷེ་ཥ་ཛེ་སརྦ་སིདྡྷི་ཕ་ལ་ཧོ།། །།ཨོཾ་སྭ་སྟི། རིན་ཆེན་སྨན་གྱི་གཏོང་ཐབས་སྤར། །པདྨ་ཆོས་འཕེལ་བཟང་པོ་ཡིས། །གཞན་ཕན་བསམ་པས་བསྒྲུབས་པའི་དགེས། །འགྲོ་ཀུན་རྒྱུ་འབྲས་ནད་སེལ་ཤོག སརྦ་མངྒ་ལཾ་བྷ་བ་ཏུ། །

ལྷ་བཙུན་རིན་པོ་ཆེའི་དག་སྣང་བརྟག་རིལ་བསྒྲིལ་བའི་མན་ངག་དུས་གསུམ་མཁྱེན་པའི་ཞལ་ལུང་།

― JKT021_Page_0613 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། ལྷ་བཙུན་རིན་པོ་ཆེའི་དག་སྣང་བརྟག་རིལ་བསྒྲིལ་བའི་མན་ངག་དུས་གསུམ་མཁྱེན་པའི་ཞལ་ལུང་ཞེས་བྱ་བ་བཞུགས་སོ། །

― JKT021_Page_0614 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅། །ན་མོ་གུ་རུ་དེ་ཝ་ཌཱ་ཀི་ནཱི་ཡེ། འདིར་ཨོ་རྒྱན་དུས་གསུམ་མཁྱེན་པའི་ཞལ་ལུང་། ལྷ་བཙུན་རིན་པོ་ཆེ་ནམ་མཁའ་འཇིགས་མེད་རྩལ་གྱི་དག་སྣང་བརྟག་རིལ་བསྒྲིལ་བའི་མན་ངག་འདི་ལ་གསུམ་སྟེ། སྦྱོར་བ། དངོས་གཞི། རྗེས་སོ། །དང་པོ་ནི། གནས་ཁང་གཙང་ཞིང་དབེན་པར་ཕྱག་བདར་ལེགས་པར་བྱ། གུང་དུ་གུ་རུའི་སྐུ་ཚབས་གཏེར་བྱོན་འཁྲུལ་མེད་ཡོད་ན་རབ། དེ་མིན་གུ་རུ་རིན་པོ་ཆེའི་སྐུ་བྲིས་འབུར་གང་རུང་རབ་གནས་དང་ལྡན་པའི་སྤྱན་སྔར་འབྲུ་དཀར་གྱི་མེ་ཏོག་གཅལ་དུ་བཀྲམ་པའི་སྟེགས་བུའི་དབུས་སུ་གཏོར་མ་རིན་ཆེན་འབར་བ་བཟའ་བཏུང་གི་ཕུད་འབྱོར་ཚད་ཀྱིས་བསྐོར་བའི་གཡས་གཡོན་དུ་སྨན་རཀ །མདུན་

― JKT021_Page_0615 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་ཉེར་སྤྱོད་ཉེ་ལོག་ཅི་བདེ་བར་གཞི་བགེགས་ཀྱི་གཏོར་མ་གཉིས། རང་གི་མདུན་དུ་རས་དཀར་པོའི་ཁེབས་དང་ལྡན་པའི་ལྕོག་ཙེའི་ཁར་འབྲས་དཀར་གྱི་གཡུང་དྲུང་ཆོས་འཁོར་དུ་བྲི། དེའི་ཁར་མཉྫིའི་སྟེང་དུ་རིན་པོ་ཆེའི་སྣོད་བཟང་པོ་དྲི་མ་མེད་པར། དཀར་གསུམ་དང་བདུད་རྩི་ཆོས་སྨན་བཅས་སྦྱར་བའི་ཟན་གཙང་མ་ལ་རིལ་བུ་ཆེ་ཆུང་མེད་པ་གསུམ་བཅོས་པའི་ནང་དུ། རྒྱ་ཤོག་ལྟ་བུའི་ཤོག་བུ་གཙང་མ་ལ་མིང་འདི་ཞེས་བྱ་བའི་དོན་འགྲུབ་པར་འགྱུར་རོ། །ཟེར་བ་གཅིག་དང་། དེ་ན་འདི་འགྲུབ་པར་མི་འགྱུར་རོ། །ཟེར་བ་གཅིག་དང་། འགྲུབ་པར་དཀའ་ཡང་རིམ་གྲོ་བསྒྲུབ་ན་འགྲུབ་ཙམ་འགྱུར་རོ། །ཞེས་བྱ་བ་གཅིག་སྟེ་ལེ་ཚན་གསུམ་ཆད་

― JKT021_Page_0616 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷག་བྲིས་སུངས་མེད་པར་བྲིས་ཏེ་དབུ་ནས་དྲིལ་བ་ཟན་རིལ་གྱི་ནང་དུ་བཅུག་པ་འབྲུ་དཀར་ཅུང་ཟད་དང་བཅས་ཏེ་བླུག །ཁ་དར་དཀར་པོས་བཅད། གཞན་ཡང་རྡོར་དྲིལ་དང་གུལ་ཡུངས་སོགས་དགོས་པའི་ཡོ་བྱད་རྣམས་འདུ་བྱའོ། །གཉིས་པ་དངོས་གཞི་ལ། རང་ཉིད་སྟན་བདེ་བར་རྟེན་ལ་ཁ་ཕྱོགས་པས་འཁོད་དེ། མདུན་གྱི་ནམ་མཁར་སྐྱབས་ཡུལ་རྩ་བ་གསུམ་གྱི་ལྷ་ཚོགས་སྤྲིན་ཕུང་འཐིབ་༧ པ་ལྟར་བཞུགས་པའི་སྤྱན་སྔར། ཨོཾ་ཨཱཿཧཱུཾ། རྨད་བྱུང་ཆོས་དབྱིངས་ཡེ་གྲོལ་སྲིད་ཞིའི་ཁམས། །གསང་མཆོག་རྒྱལ་བ་འདུས་པའི་སྐུ་གསུང་ཐུགས། །ཡོན་ཏན་ཕྲིན་ལས་འདུས་པའི་ངོ་བོ་ལ། །སྐྱབས་སུ་མཆིའོ་བྱང་ཆུབ་མཆོག་སེམས་བསྐྱེད། །ལན་གསུམ་གྱིས་སྐྱབས་སེམས་བྱ། གཞི་བགེགས་ཀྱི་གཏོར་མ། རཾ་ཡཾ་ཁཾ་གིས་བསང་། ཨོཾ་ཨཱཿཧཱུྃ་གིས་བྱིན་གྱིས་བརླབ། རང་བཞིན་རྣམ་གྲོལ་ཆོས་དབྱིངས་སྒྱུ་མའི་ཀློང་། །སྣང་གྲགས་མ་ལུས་རྒྱལ་བ་ཞི་དང་ཁྲོ། །དོན་དམ་ཡེ་ཤེས་རང་རིག་ངོ་བོ་ཉིད། །མ་རྟོགས་གློ་བུར་རྣམ་རྟོག་འདྲེ་དང་བགེགས། །ཁྱད་པར་རྨད་བྱུང་དོན་གྱི་འབྲས་བུ་འདི། །རྒྱལ་བས་མ་འཁྲུལ་ཡང་དག་ལུང་སྟོན་ཅིང་། །འདོད་དོན་བསྒྲུབ་ལ་བར་གཅོད་བགེགས་ཚོགས་དང་། ཡུལ་འདིའི་གཞི་བདག་མི་དང་མི་མ་ཡིན། །གློ་བུར་བར་གཅོད་བྱེད་པའི་འབྱུང་པོ་རྣམས། །འདོད་ཡོན་

― JKT021_Page_0617 ―

^{[མ་དཔེ་གཟིགས་ན་འདིར་གནོན།]}

[Full Size]

ལྔ་ལྡན་གཏོར་མས་ཚིམས་གྱིས་ལ། །བདག་གི་བསམ་དོན་འཁྲུལ་མེད་འགྲུབ་པར་མཛོད། །ཨོཾ་ཧྲཱིཿཔདྨནྟ་ཀྲྀ་ཏ་བཛྲ་ཀྲོ་དྷ་རྒྱ་ཤྲཱི་བ་ཧུ་ལུ་ཧུ་ལུ་ཧཱུྃ་ཕཊ། །ཅེས་དང་། སུམྦྷ་སོགས་བརྗོད་ཅིང་གཏོར་མ་ཕྱི་རོལ་དུ་བསྐྱལ། རོལ་མོའི་སྒྲ་དྲག་པོ་དང་བཅས་གུ་གུལ་གྱིས་བདུག །ཡུངས་ཀར་གྱིས་བྲབས་ལ་མཚམས་བཅད། ཨོཾ་ཨཱཿཧཱུྃ། སྐྱེ་འགགས་གནས་གསུམ་མཐའ་བྲལ་དངོས་པོའི་གཤིས། །གསལ་སྟོང་ཟུང་འཇུག་ཡི་གེ་འབྲུ་གསུམ་གྱིས། །དྭངས་མར་སྦྱངས་པའི་འདོད་ཡོན་འོད་ཕུང་བཅུད། །ཀུན་བཟང་མཆོད་སྤྲིན་ཆེན་པོས་ཁྱབ་པར་གྱུར། །མ་ཧཱ་པཉྩ་རཀྟ་པཱུ་ཛ་ཙ་ཀྲ་ཨོཾ་ཨཱཿཧཱུཾ། སརྦ་སིདྡྷི་ཕ་ལ་ཨ་མྲྀ་ཏ་ཧཱུྃ། །ཞེས་མཆོད་གཏོར་རྣམས་བྱིན་གྱིས་བརླབ། བདག་བསྐྱེད་ནི། སྣང་གྲགས་འབྱུང་ལྔ་འཇའ་གུར་མཚོན་ཆ་དང་། །ཡེ་ཤེས་རོལ་པ་ལྷ་ཡི་གུར་ཁང་དབུས། །དབང་ཆེན་ཡབ་ཡུམ་ཐུགས་ཀར་བདག་ཉིད་ནི། །སྐད་ཅིག་དྲན་རྫོགས་པདྨ་ཐོད་ཕྲེང་རྩལ། །འཁོར་དུ་དཔའ་བོ་མཁའ་འགྲོ་སྤྲིན་ཕུང་གཏིབས། །ཕྱི་རོལ་ཐམས་ཅད་མེ་དཔུང་ར་བར་འཁྱིལ། །སྤྱི་བོའི་གཙུག་ན་བརྒྱུད་པའི་བླ་མ་དང་། །རྒྱལ་བ་མ་ལུས་གངས་རིའི་སྤྲིན་གཏིབས་བཞིན། །བཞུགས་པའི་སྐུ་གསུང་ཐུགས་ལས་འོད་འཕྲོས་ནས། །ཡེ་ཤེས་སྤྱན་དྲངས་གཉིས་སུ་མེད་པར་གྱུར། །སྤྱན་འདྲེན་པ་ནི། ཧཱུྃ༔ སྔོན་གྱི་བསྐལ་པ་དང་པོ་ལ༔ ཨོ་རྒྱན་ཡུལ་

― JKT021_Page_0618 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་ནུབ་བྱང་མཚམས༔ པདྨ་གེ་སར་སྡོང་པོ་ལ༔ ཡ་མཚན་མཆོག་གི་དངོས་གྲུབ་བརྙེས༔ པདྨ་འབྱུང་གནས་ཞེས་སུ་གྲགས༔ འཁོར་དུ་མཁའ་འགྲོ་མང་པོས་བསྐོར༔ ཁྱེད་ཀྱི་རྗེས་སུ་བདག་སྒྲུབ་ཀྱི༔ བྱིན་གྱིས་རློབ་ཕྱིར་གཤེགས་སུ་གསོལ༔ གནས་མཆོག་འདི་རུ་བྱིན་ཕོབ་ལ༔ སྒྲུབ་མཆོག་བདག་ལ་དབང་བཞི་སྐུརཿ བགེགས་དང་ལོག་འདྲེན་བར་ཆད་སོལ༔ མཆོག་དང་ཐུན་མོངས་དངོས་གྲུབ་སྩོལཿ ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛསིདྡྷི་ཕ་ལ་ཧཱུྃ་ཨཱཿ ཞེས་མང་དུ་བཟླས་པས་བྱིན་དབབ། ཛཿཧཱུྃ་བཾ་ཧོ༔ གཉིས་སུ་མེད་པར་གྱུར། མཆོད་པ་ནི། ཆོས་དབྱིངས་ཀློང་ན་སྣང་སྲིད་འཁོར་འདས་ཀུན། །འགགས་མེད་གསལ་བ་གཟུང་འཛིན་བྲལ་བའི་ངང་། །འཁོར་བ་དང་ནི་མྱ་ངན་འདས་པ་གཉིས། །ཀུན་མཉམ་འཛིན་མེད་ཀློང་དུ་མཆོད་པར་འབུལ། །ཨོཾ་བཛྲ་ཨརྒྷཾ་ནས་ཤབྡ་མ་ཧཱ་པཉྩ་རཀྟ་བྷ་ལིཾ་ཏ་ཁ་ཁ་ཁཱ་ཧི་ཁཱ་ཧི། །བསྟོད་པ་ནི། ཧཱུྃ༔ མ་བཅོས་སྤྲོས་བྲལ་བླ་མ་ཆོས་ཀྱི་སྐུ༔ བདེ་ཆེན་ལོངས་སྤྱོད་བླ་མ་ཆོས་ཀྱི་རྗེ༔ པད་སྡོང་ལས་འཁྲུངས་བླ་མ་སྤྲུལ་པའི་སྐུ༔ སྐུ་གསུམ་རྡོ་རྗེ་འཆང་ལ་ཕྱག་འཚལ་བསྟོད༔ གསོལ་བ་གདབ་པ་ནི། སྦྱིར་གསོལ་འདེབས་ལེའུ་བདུན་མ་སོགས་ཇི་ལྟར་རིགས་པ་བྱ་ཞིང་། ཁྱད་པར། ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ། །ཨོ་རྒྱན་པདྨ་འབྱུང་གནས་ནི། །ཆོས་ཀྱི་དབྱིངས་

― JKT021_Page_0619 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་ཕོ་བྲང་ནས། །ཀུན་བཟང་ཡབ་ཡུམ་དགོངས་པའི་ཀློང་། །དུས་གསུམ་རྩ་བརྒྱུད་བླ་མ་དང་། །རིག་འཛིན་རྒྱ་མཚོའི་ངོ་བོར་བཞུགས། །ད་ལྟ་ཁྱེད་ཀྱི་ཐུགས་དམ་བསྐུལ། །དུས་གསུམ་མཁྱེན་བརྩེའི་ཐུགས་རྗེ་ཡིས། །བདག་སོགས་འགྲོ་ལ་བརྩེ་བ་ཡིས། །འཁྲུལ་རྟོག་མེད་པར་ལུང་བསྟན་ནས། །དོན་གཉིས་ལྷུན་གྱིས་གྲུབ་པར་མཛོད། །ཨོ་རྒྱན་པདྨ་འབྱུང་གནས་ནི། །རྣམ་གྲོལ་ཞི་བའི་མཁའ་སྤྱོད་ན། །ཀུན་འདུས་རྒྱལ་བའི་གཙུག་རྒྱན་མཆོག །རབས་བདུན་སངས་རྒྱས་སྟོང་ལ་སོགས། །ཐེག་ཆེན་ས་བཅུའི་རྒྱལ་བ་རྣམས། །ད་ལྟ་ཁྱེད་ཀྱི་ཐུགས་དམ་བསྐུལ། །མ་རྨོངས་མཁྱེན་བརྩེ་ཡེ་ཤེས་ཀྱིས། །བདག་སོགས་འགྲོ་བ་སེམས་ཅན་དོན། །འཁྲུལ་པ་མེད་པར་ལུང་བསྟན་ནས། །རང་གཞན་དོན་གཉིས་འགྲུབ་པར་ཤོག །ཨོ་རྒྱན་པདྨ་འབྱུང་གནས་ནི། །དབྱིངས་རིག་ཁྱབ་གདལ་ཆོས་སྐུའི་ཀློང་། །སྐུ་གསུམ་དོན་གྱི་ཞིང་ཁམས་ནས། །ཡི་དམ་རྒྱུད་སྡེ་བཞི་དང་དྲུག །ཐེག་དགུའི་ལྷ་ཡི་ངོ་བོར་བཞུགས། །ད་ལྟ་ཐུགས་དམ་གནད་ནས་བསྐུལ། །མཐུ་སྟོབས་རྫུ་འཕྲུལ་ཐོགས་མེད་ཀྱིས། །བདག་དང་འགྲོ་བའི་དོན་ཕྱིར་དུ། །བསྟན་པར་གང་ཕན་ལུང་བསྟན་ནས། །མཆོག་དང་ཐུན་མོང་དངོས་གྲུབ་སྩོལ། །ཨོ་རྒྱན་པདྨ་འབྱུང་གནས་ནི། །གསང་མཆོག་རྡོ་རྗེ་

― JKT021_Page_0620 ―

^{[མ་དཔེ་གཟིགས་ན་འདིར་གནོན།]}

[Full Size]

བཙུན་མོའི་མཁའ། །འོག་མིན་གནས་སུ་ཉེར་བཞི་ཡི། །དཔའ་བོ་ཌཱ་ཀི་དམ་ཅན་དང་། །ཆོས་སྲུང་རྒྱ་མཚོའི་ངོ་བོར་བཞུགས། །ད་ལྟ་ཐུགས་དམ་དབྱིངས་ནས་བསྐུལ། །མ་རྟོགས་འཁྲུལ་བའི་སེམས་ཅན་ལ། །དོན་དམ་ཆོས་ཉིད་བདེན་པ་ཡིས། །ཡང་དག་དོན་གྱི་ལུང་སྟོན་ཅིང་། །མཆོག་དང་ཐུན་མོང་དངོས་གྲུབ་སྩོལ། །ཨོ་རྒྱན་པདྨ་འབྱུང་གནས་ནི། །འོད་གསལ་རྡོ་རྗེ་སྙིང་པོའི་གཞིར། །རང་ལུས་རྒྱལ་བའི་དཀྱིལ་འཁོར་ནས། །ཕུང་ཁམས་རྒྱལ་བ་ཞི་ཁྲོར་བཞུགས། །ད་ལྟ་ཐུགས་དམ་གནད་ནས་བསྐུལ། །བདག་ལ་ལེགས་ཉེས་ལུང་བསྟན་ནས། །ཐེ་ཚོམ་དྲྭ་བ་གཅོད་པ་དང་། །མཆོག་ཐུན་དངོས་གྲུབ་སྩལ་དུ་གསོལ། །ཨོ་རྒྱན་པདྨ་འབྱུང་གནས་ནི། །རྣམ་བརྒྱད་དུར་ཁྲོད་རོལ་པའི་ཀློང་། །ཤ་ཟ་ཌཱ་ཀི་འདུ་གླིང་ནས། །རྒྱ་བོད་གྲུབ་བརྙེས་མ་ལུས་དང་། །གཙང་རིགས་དཔལ་མགོན་བདུན་ཅུ་བཞུགས། །ད་ལྟ་ཐུགས་དམ་གནད་ནས་བསྐུལ། །སོ་སོའི་བདེན་སྟོབས་ནུས་མཐུ་ཡིས། །བདག་ལ་ཟབ་མོའི་ལུང་བསྟན་སྩོལ། །ཡིད་ལ་བསམ་པའི་དོན་འབྲས་།འདི། །བསྟན་འགྲོའི་དོན་དུ་དངོས་གྲུབ་སྩོལ། །ཨོ་རྒྱན་པདྨ་འབྱུང་གནས་ནི། །སྣང་སྲིད་མཁའ་ཀློང་ཡངས་པའི་ཀློང་། །མི་འགྱུར་བདེ་བ་ཆེན་པོ་ནས། །སྲིད་ཞི་མཉམ་ཉིད་དགོངས་པའི་

― JKT021_Page_0621 ―

^{[མ་དཔེ་གཟིགས་ན་འདིར་གནོན།]}

[Full Size]

ཀློང་། །མི་ཟད་རྒྱན་གྱི་འཁོར་ལོར་བཞུགས། །ད་ལྟ་ཐུགས་དམ་གནད་ནས་བསྐུལ། །ཆོས་དབྱིངས་འགྱུར་མེད་བདེ་ཆེན་གྱིས། །བདག་ལ་འཁྲུལ་མེད་ལུང་བསྟན་ནས། །བདེ་སྐྱིད་དཔལ་དང་ཕུན་ཚོགས་སྟོན། །འབྲས་བུ་ཚེ་འདིར་མཆོག་ཐོབ་ནས། །མཆོག་ཐུན་དངོས་གྲུབ་སྩལ་དུ་གསོལ། །བླ་མ་རྒྱ་མཚོ་འདུས་པའི་སྐུ། །ཡི་དམ་རྒྱ་མཚོ་འདུས་པའི་གསུང་། །མཁའ་འགྲོ་རྒྱ་མཚོ་འདུས་པའི་ཐུགས། །ཡིད་བཞིན་ནོར་བུ་པདྨ་འབྱུང་། །ད་ལྟ་ཐུགས་དམ་གནད་ནས་བསྐུལ། །རྨོངས་པའི་འགྲོ་བ་བདག་འདྲ་ལ། །རེ་ལྟོས་རྗེ་བཙུན་ཁྱེད་ལས་མེད། །རྩེ་གཅིག་གསོལ་བ་བཏབ་པའི་མཐུས། །རིག་འཛིན་ཁྱེད་ཀྱིས་ལུང་སྟོན་ཅིག །རྒྱལ་བའི་དཀྱིལ་འཁོར་རབ་འབྱམས་དང་། །སྐྱབས་ཀུན་འདུས་པའི་སྤྱི་གཟུགས་མཆོག །བདུད་དང་བར་ཆད་འཚེ་དོགས་སོ གསུང་ཐུགས་འདུས་དབང་བཞི་སྐུར། །མ་གང་མ་འཁྲུལ་མ་སྦས་པའི། །ཡང་དག་དོན་གྱི་སྙིང་པོ་འདི། །ཨོ་རྒྱན་ཆེན་པོས་ལུང་སྟོན་ཅིག །མགོན་ཁྱོད་བཏང་སྙོམས་བཞུགས་གྱུར་ན། །བོད་འབངས་འགྲོ་བ་སུ་ལ་རེ། །རྐྱེན་དང་བར་ཆད་སུ་ཡིས་ཟློག །ལེགས་ཉེས་མངོན་ཤེས་སུ་ཡིས་འཆད། །ཕ་མ་ལྟ་བུའི་གུ་རུ་རྗེ། །དགོས་འདོད་དངོས་གྲུབ་སྩལ་དུ་གསོལ། །ཉི་ཟླ་ལྟ་བུའི་གུ་རུ་

― JKT021_Page_0622 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ། །མ་རིག་མུན་པ་བསལ་དུ་གསོལ། །སྨན་པ་ལྟ་བུའི་གུ་རུ་རྗེ། །ཉོན་མོངས་གཅོང་ནད་བསལ་དུ་གསོལ། །དཀོན་མཆོག་སྤྱི་འདུས་གུ་རུ་རྗེ། །ངན་སོང་གཡང་ལས་སྐྱོབ་ཏུ་གསོལ། །ལམ་མཁན་ལྟ་བུའི་གུ་རུ་རྗེ། །བདེ་ཞིང་སྐྱིད་པའི་ལུང་སྟོན་ཅིག །བསྟན་དོན་འགྲུབ་པའི་ལུང་སྟོན་ཅིག །མི་འགྱུར་བརྟན་པའི་ལུང་སྟོན་ཅིག །མ་འཁྲུལ་གསལ་བའི་ལུང་སྟོན་ཅིག །མ་ནོར་བདེན་པའི་ལུང་སྟོན་ཅིག །བཀྲ་ཤིས་དགེ་ལེགས་ལུང་སྟོན་ཅིག །བདེ་སྐྱིད་དཔལ་འབར་ལུང་སྟོན་ཅིག །དོན་གཉིས་ལྷུན་གྲུབ་ལུང་སྟོན་ཅིག །ཚེ་གཅིག་སངས་རྒྱས་ལུང་སྟོན་ཅིག །ཅེས་གསོལ་བ་རྩེ་གཅིག་ཏུ་བཏབ་ལ། གསོལ་འདེབས་ཀྱི་བསྙེན་པའི་ཚུལ་དུ། བཛྲ་གུ་རུ་དང་། ཐོད་ཕྲེང་རྩལ་ཇི་ཙམ་ནུས་པ་བཟླ། མཐར་ཐོད་ཕྲེང་རྩལ་གྱི་འཛབ་དབྱངས་དང་བཅས་བརྟག་བསྒྲིལ་གྱི་སྣོད་ལག་གཉིས་ཀྱིས་བླངས་ཏེ། མདུན་གྱི་སྟེང་མཁར་དཔའ་བོ་ལ་ལུང་བསྟན་ཞུ་བའི་ཆེད་གཡས་སུ་ལན་གསུམ་དང་། དཔའ་མོ་ལ་ལུང་བསྟན་ཞུ་བའི་ཆེད་དུ་གཡོན་དུ་ལན་གསུམ་བསྐོར། དེ་ནས་རང་གི་གནས་ལྔར་གཏུག །སླར་ཡང་བླ་མ་ལ་ལུང་བསྟན་ཞུ་བའི་ཆེད་སྙིང་གའི་ཐད་དུ་ལན་གསུམ་གཡས་སུ་བསྐོར་ཏེ་འདོད་དོན་ལ་རྩེ་གཅིག་ཏུ་གསོལ་བ་བཏབ་པའི་རྗེས་རེ་དོགས་ཀྱི་བློས་མ་བཅིངས་པར། ཐོག་མར་གང་འཐོན་པ་དེ་ཉིད་ལ་ཐེ་ཚོམ་མེད་པར་ངེས་ཤེས་བསྐྱེད་དོ། །གསུམ་པ་རྗེས་ནི། གོང་ལྟར་མཆོད་ཅིང་བསྟོད་ལ། མདུན་གྱི་གཏོར་མ་ལྷར་གསལ་བ་ལ། སྲིད་ཞིའི་ཁམས་ཀྱི་

― JKT021_Page_0623 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་རྗེའི་བྱིན་འོད་དང་། །སྟོབས་དཔལ་གཟི་འོད་འདུས་པའི་གུ་རུ་རྗེ། །ཆོས་ཀྱི་དབྱིངས་དང་ནམ་མཁའི་མཐའ་ཀློང་འདིར། །ཡིད་བཞིན་མཆོག་དང་དཔག་བསམ་བུམ་པ་བཟང་། །འདོད་འཇོའི་བ་ལྟར་ཟག་མེད་དངོས་གྲུབ་ཀྱཻ། །བདུད་རྩིའི་རྒྱ་མཚོར་འཁྱིལ་བའི་བཅུད་དང་ལྡན། །མཆོག་ཐུན་དགེ་ལེགས་ཡིད་ལ་ཅི་འདོད་པ། །སྒྱུ་འཕྲུལ་རྒྱལ་བ་རྒྱ་མཚོས་དབྱིངས་ནས་སྩོལ། །ཅེས་དངོས་གྲུབ་བསྐུལ་བས། གནས་གསུམ་ནས་འོད་ཟེར་དཀར་དམར་མཐིང་གསུམ་བྱུང་། །རང་གི་གནས་གསུམ་དུ་ཐིམ་པས་དབང་དང་བྱིན་རླབས་དངོས་གྲུབ་མ་ལུས་པ་ཐོབ་པར་བསམས་ལ། ཐོད་ཕྲེང་རྩལ་གྱི་མཐར། ཀཱ་ཡ་སིདྡྷི་ཧཱུཾ། ཝཱ་ཀ་སིདྡྷི་ཨཱ ཙིཏྟ་སིདྡྷི་ཧཱུྃ། ཞེས་བརྗོད་ཅིང་གཏོར་མ་གནས་གསུམ་དུ་རེག །མཐར་ལྷ་འོད་དུ་ཞུ་བའི་གཏོར་ཟན་བདུད་རྩིའི་རང་བཞིན་དུ་བསམས་ལ་ཟས་སྣ་རྣམས་དང་། ཟན་རིལ་རྣམས་དངོས་གྲུབ་ཀྱི་ཚུལ་དུ་རོལ། བསྔོ་སྨོན་ཤིས་བརྗོད་ཇི་ལྟར་རིགས་པར་བྱའོ། །དེ་ལྟ་བུའི་སྒོ་ནས་དམ་ཚིག་ལ་སེལ་མེད་ཅིང་། གུ་རུ་རིན་པོ་ཆེ་ལ་མོས་གུས་ལྟེམ་རྐྱང་མེད་པ་དང་གདམས་ངག་ལ་ཐེ་ཚོམ་དང་སོམ་ཉི་མེད་པས་བརྟག་པ་བགྱིད་ན་བསླུ་མེད་ཀྱི་ལུང་སྟོན་པར་འགྱུར་བ་ནི་ངེས་པའོ། །ཞེས་པཎ་གྲུབ་ལྔ་བརྒྱའི་གཙུག་རྒྱན་འཕོ་མེད་འཇའ་ལུས་རྡོ་རྗེའི་སྐུ་བརྙེས་བི་མ་ལ་མི་ཏྲའི་རྣམ་འཕྲུལ་ལྷ་བཙུན་རིན་པོ་ཆེ་ནམ་མཁའ་འཇིགས་མེད་རྩལ་ཀྱི་དག་སྣང་གི་གཞུང་རྩ་བ་ལ། ཅུང་ཟད་ཁ་འགེངས་དགོས་རིགས་བླ་མ་རིག་འཛིན་སྲོག་སྒྲུབ་ནས་

― JKT021_Page_0624 ―

^{[མ་དཔེ་གཟིགས་ན་འདིར་གནོན།]}

[Full Size]

བླངས་ཏེ་བཀླག་པས་གྲུབ་པར་སྡེ་བ་པ་པོ་ནི། བྱ་བྲལ་བ་མཚོ་སྐྱེས་བླ་མ་དགྱེས་པའི་འབངས་མཉྫུགྷོ་ཥ་སྟེ། འདིས་ཀྱང་མཐའ་ཡས་པའི་སེམས་ཅན་ཐམས་ཅད་དོན་གཉིས་ཀྱི་འདོད་པ་ཡིད་བཞིན་དུ་འཇོ་བའི་རྒྱུར་གྱུར་ཅིག། །སརྦ་དཱ་ཐེ་ཡོ་བྷ་བ་ཏུ།། །།